@#/ /skabs dang po'i mtha' dpyod legs bshad gser gyi phreng ba
mkhas pa'i mgul rgyan zhes bya ba rje btsun chos kyi rgyal mtshan
dpal bzang po'i gsung zin bris su bkod pa bzhugs so/ /

@01a @##/ /'jam pa'i dbyangs dang bla ma dbyer med pa'i/ /zhabs
kyi padmor gus pas phyag byas te/ /de gsung dri med gang gA'i
chu rgyun las/ /mang pos longs sbyod phyir du 'di

bri'o// //shes rab pha rol phyin pa la/ /zhes sogs kyi skabs su/
sbyor ba dang mtha' bcad pa'o/ /dang po ni/ slob dpon gyis 'grel
pa don gsal rtsom pa'i thog mar gzhung lam

'bras bu sher phyin gsum la phyag 'tshal ba la chos can/ dgos pa
yod de/ gnas skabs dang mthar thug gi don du ma 'grub pa'i ched
yin pa'i phyir/ rtsom par dam bca' mdzad pa la chos

can; dgos pa yod de/ brtsams pa mthar phyin pa'i ched yin pa'i
phyir/ gnyis pa la/ rong TIk pa na re/ 'grel pa don gsal mdo
rgyan sbyar ba'i 'grel pa yin te/ kun gyi brgyan du 'gyur bar

@02a @#/ /ni/ /zhes dang/ dgos 'grel gyi thad du/ rgyal ba'i yum
rnam pa gsum char las brjod par bya ba nyid du bstan pa/ zhes
dang/ 'phags bzhi'i mngon rtogs bsdus tshul

gyi thad du/ yum gsum char khungs su mdzad pa dang/ sems bskyed
pa ni gzhan don phyir/ /zhes sogs kyi skabs su/ rgyal ba'i yum
rnam pa gsum char las kyang zhes yum gsum ga 

dang sbyar ba'i phyir/ zhes gsung pa mi 'thad de/ slob dpon rang
nyid kyis/ go bar sla phyir tshig dang ni/ /ngag sogs sbyor ba ma
byas par/ /zhes 'grel pa 'di mdo dang rgyan ma sbyar ba'i 'grel

par bshad pa mi 'thad par thal/ dam bca' 'thad pa'i phyir/ khyed
ltar na 'grel pa 'di dbus mtha' dang rgyan sbyar ba'i 'grel pa
yin par thal/ skabs lnga par/ chos kyi dbyings las ma

@02b gtogs par/ /zhes sogs dbus mtha'i lung shes byed du drangs
pa'i phyir/ khyab pa khas/ khas blangs nang 'gal yang yod de/
'grel bshad tshig gsal mdo rgyan sbyar ba'i 'grel pa yin par
thal/ 'grel pa don gsal mdo rgyan sbyar ba'i 'grel

pa yin pa'i phyir/ rtags gsal khas blangs/ ! 'gro la chags pas
kun chags mdzad/ /ces sogs kyi skabs su/ sbyor ba 'god pa dang/
mtha' bcad pa gnyis/ dang po ni/ 'phags pa thogs med chos can/
yum gyi mdo'i rnam bshad rtsom rigs te/

rje btsun la yum gyi mdo'i tshig don rdzogs par gsan nas thugs su
chud pa'i mkhas pa yin pa'i phyir/ gnyis pa ni/ rong TIk pa na
re/ bstan bcos chen mo'i rnam bshad mdzad/ /ces pa'i bstan bcos
de mngon rtogs rgyan la byed zer na/ thogs med

kyis mdzad pa'i de nyid rnam nges de mdo rgyan sbyar ba'i 'grel
pa yin par thal/ dam bca' 'thad pa'i phyir/ 'dod mi nus te/ mdo
rgyan sbyar ba'i 'grel ba'i thog ma nyi khri snang ba nas 'dzin
par mkhas pa rnams la grags pa ltar khas blang bar bya ba'i
phyir dang/ sher

'byung blo gros kyi 'grel par 'phags pa dang slob dpon gang gis
kyang mngon par rtogs pa dang sbyar ba la ma ltos par bshad pa'i
phyir dang/ shes bya nang gi tshul la brten pa'i phyir zhes
gsungs pa dang 'gal ba'i phyir/ kha cig /de nyid rnam nges

sems tsam pa'i bstan bcos yin par thal/ sher 'byung blo gros kyi
'grel par de ltar bshad pa sgra ji bzhin du khas len rigs pa'i
phyir/ rtags khas/ 'dod na/ 'phags pa thogs med sems tsam pa yin
par thal lo/ zer na ma khyab/ khyed rang tshad mar 'dod

pa'i 'grel bshad tshig gsal las/ bstan bcos te/ de yang khyad par
can rgyal ba'i yum gyi mdo rnams so/ /zhes bshad pa mi 'thad par
thal/ bstan bcos chen mo'i rnam bshad mdzad/ ces pa'i bstan bcos
de bstan bcos mngon rtogs rgyan

@03a @#/ /la byed rigs pa'i phyir/ rtags khas/ gzhan yang/ bstan
bcos mtha' dag ma rnyed par/ /zhes pa'i bstan bcos de bstan bcos
mngon rtogs rgyan la byed rigs par thal/ rtsa ba'i dam bca'
'thad pa'i

phyir/ 'dod na/ bstan bcos mtha' dag ces mang tshig smos pa la
dgos pa med par thal lo/ /rang lugs ni/ rgyas 'bring bsdus gsum
de/ bstan bcos chen mo'i rnam bshad mdzad/ /ces pa'i skabs nas
bstan pa'i bstan bcos

yin te/ tshig gsal las/ nges pa'i tshig gi tshul gyis na bstan bcos
te/ de yang khyad par can rgyal ba'i yum gyi mdo rnams so zhes
bshad pa ltar khas len rigs pa'i phyir/ kha cig /'phags pa thogs
med kyis mdzad

pa'i 'grel pa de nyid rnam nges de/ rgyas 'bring bsdus gsum ga'i
'grel ba yin par thal/ dam bca' 'thad pa'i phyir/ 'dod mi nus
te/ de nyi khri kho na'i 'grel ba yin pa'i phyir te/ dbyig gnyen
gyis mdzad pa'i nyi khri

gzhung 'grel de de ltar yin pa'i phyir zer na/ ma khyab ste/
legs bshad gser phreng las/ 'di la nyi khri de nyid rnam nges
zer ba ni brtags dgos so/ /zhes gsungs pa'i phyir/ kha cig
/'phags pa thogs med sems

tsam pa yin te/ de nyid rnam nges sems tsam pa'i bstan bcos yin
pa'i phyir/ zer na ma khyab/ 'dod na/ de sems tsam pa ma yin par
thal/ mthar thug theg pa gcig tu grub par khas len pa'i phyir/
de der thal/ thogs

med kyis rgyud bla ma'i 'grel bar mthar thug theg pa gcig tu
grub par bshad pa'i phyir/ ! /'phags pa byams pa rang nyid dam
pa'i spyod pa dang mthun par rab tu ston pas/ zhes sogs kyi
skabs su gnyis las/

@03b dang po ni/ rje btsun gyis bstan bcos rtsom pa'i thog mar
yum la bstod phyag mdzad pa la chos can/ dgos pa yod de/ rang
nyid dam pa'i spyod pa dang mthun par ston pa dang/ gdul bya
gzhan dag yum la dang ba skyed pa

sogs kyi dgos pa yod pa'i phyir/ gnyis pa ni/ rnam bshad las/
rje btsun la rang don don gnyer med par 'dod pa sogs ni theg pa
chen po'i gzhung la ngal ba zhib tu ma byas pa yin te/ rje btsun
mngon par rdzogs

par sangs rgyas pa'i dbang du byed na/ thun mong ba dang thun
mong ma yin pa'i skabs ma phyed pa yin la/ zhes sogs kyi don la/
kha cig /'di'i skabs kyi thun mong ba phar phyin theg pa dang
thun mong ma yin pa sngags bla med

kyi theg pa la byed la/ de'i tshul ni/ kho na re/ mchod brjod kyi
ngag rang don gyi dgos pa la sbyor ba mi rigs par thal/ rje
btsun la rang don don gnyer gyi blo med pa'i phyir/ zer ba rtags
ma grub ste/ rgyan rtsom pa po'i rje btsun byams mgon skye ba

gcig thogs kyi byang sems yin pa'i phyir te/ de byang sems yin
pa'am sangs rgyas yin pa gang rung gang zhig /de sangs rgyas ma
yin pa'i phyir/ phyi ma ma grub na/ des mthong lam dang por thob
pa'i tshe de nyid la longs sku mngon du byas

par thal/ mthong lam par gyur pa'i rje btsun byams pa yod pa
gang zhig /rgyan rtsom pa po'i rje btsun byams mgon sangs rgyas
yin pa'i phyir/ rtags phyi ma khas/ dang po grub ste/ byang sems
su gyur pa'i rje btsun byams pa yod pa'i

phyir te/ byang sems nye ba'i sras brgyad yod pa'i phyir/ 'dod
na/ thun mong ba phar phyin theg pa dang thun mong ma yin pa
sngags bla med kyi theg pa'i khyad par bzhag tu med par thal/
mthong lam thob pa'i tshe de la longs sku mngon du byas pa'i gang
zag

@04a @#/ /yod pa'i phyir/ zhes pa'i don yin/ zer ba mi 'thad de/
skabs 'dir phar phyin theg pa las mchog tu gyur pa'i sngags bla
med kyi theg pa zhig yod par thal/ 'di'i skabs kyi thun mong ba
phar phyin theg pa dang thun mong ma

yin pa sngags bla med kyi theg pa la byed rigs pa'i phyir/ rtags
khas/ 'dod na/ 'tshang rgya ba la bskal pa grangs med gsum du
tshogs bsag mi dgos par thal/ tshe gcig lus gcig la sangs rgyas
mngon du byed nus pa'i lam ma zhugs kyi

gang zag yod pa'i phyir/ ma grub na/ 'dod pa de yod pa bud/
gzhan yang mthong lam par gyur pa'i rje btsun byams pa yin na
rgyan rtsom pa po'i rje btsun byams pa dang tshe gcig gis bsdus
pas khyab par thal/ mthong lam par gyur pa'i rje btsun byams pa

yod pa gang zhig rgyan rtsom pa po'i rje btsun byams pa sangs
rgyas yin na/ mthong lam thob pa'i tshe de la longs sku mngon du
byas pa'i gang zag gcig yod dgos pa'i phyir/ rtags khas/ 'dod na
sangs rgyas 'thob pa la bskal ba grangs med gsum

du tshogs bsags mi dgos par thal/ tshe de nyid la sa bcu'i ye shes
'thob par nus pa'i byang sems mthong lam pa yod pa'i phyir/ ma
grub na song/ der thal/ rgyan rtsom pa po'i rje btsun byams pa
de skye ba gcig thogs kyi byang sems gang

zhig /de dang tshe gcig gis bsdus pa'i byang sems mthong lam pa
yod pa'i phyir/ dang po khas blangs/ gnyis pa song/ der thal/
gong gi de'i phyir/ gzhan yang rje btsun byams mgon ma 'ongs pa
na 'dzam bu'i gling du byon pa'i tshe srid pa tha

ma pa'i byang sems yin par thal/ dga' ldan gyi rten can gyi rje
btsun byams pa skye ba gcig thogs kyi byang sems yin pa'i phyir/
ma grub na/ rgyan rtsom pa po'i rje btsun byams pa skye ba gcig
thogs kyi byang sems yin pa bud/ 'dod na rje

@04b btsun byams pa ma 'ongs pa na 'dzam bu'i gling du byon pa'i
tshe rten de la gsar du 'tshang rgya bar thal/ 'dod pa'i phyir/
'dod na/ de 'dod pa'i rten la gsar du 'tshang rgya bar thal/ 'dod
pa'i phyir/ 'dod na/ /'dod pa'i rten la gsar du 'tshang rgya ba
yod

par thal/ 'dod pa'i phyir/ 'dod mi nus te/ gsar du 'tshang rgya
kha ma'i gang zag yin na 'og min gyi rten can yin dgos pa'i
phyir te/ longs sku yin na gnas nges pa 'og min kho nar bzhugs
pas khyab pa'i phyir/ rigs pa 'di la lan mi thebs pa kha cig /

rje btsun 'dzam bu'i gling du 'pho khar dga' ldan du rang gi
sprul pa gcig bzhag/ 'og min du srid pa tha ma pa'i byang sems
su skye ba blangs/ longs sku mngon du byas/ de rjes 'dzam bu'i
gling du mdzad pa bcu gnyis kyi tshul ston pa yin zer ba dang/
kha cig /rje

btsun 'dzam bu'i gling du 'pho khar rnam smin gyi lus dga' ldan
du bzhag /ye shes kyi lus 'og min du phyin nas srid pa tha ma
pa'i byang sems su skye ba blangs/ longs sku mngon du byas/ de
rjes ye shes kyi lus de nyid slar dga' ldan du rnam smin gyi

lus la zhugs te skye ba mngon par skye ba'i mdzad pa ston pa yin
zhes zer ba sogs gsung rab tshad ldan gyi shes byed gang yang med
par byung rgyal du smra ba dag gzhan du dgag par bya'o/ /gzhan
yang rje btsun byams pa sangs rgyas yin par thal/ lha'i

bu dam pa tog dkar po de sangs rgyas yin pa'i phyir te/ de chos
sku mngon du byas pa'i gang zag yin pa'i phyir/ rgyud bla ma
las/ chos kyi sku las ma g.yos par/ /sprul pa'i rang bzhin sna
tshogs kyis/ /skye ba mngon par skye ba dang/ /zhes gsungs pa'i

phyir/ don bsdu na/ rgyan rtsom pa po'i rje btsun byams pa sangs
rgyas yin par thal/ dga' ldan gyi rten can gyi rje btsun byams
pa sangs rgyas yin pa'i phyir/ ma grub na/ de chos can/ der
thal/ chos sku mngon du byas pa'i gang zag yin pa'i phyir te/
skye ba

@05a @#/ /mngon par skye ba'i mdzad pa la gnas pa'i gang zag yin
pa'i phyir/ khyab ste/ sngar gyi rgyud bla ma'i lung don grub
pa'i phyir/ rtsa rtags grub ste/ chos can de'i phyir/ thal 'gyur
snga ma la kho na re/ skye ba gcig thogs kyi byang sems su gyur
pa'i

lha'i bu dam pa tog dkar po yod par thal/ skye ba gcig thogs kyi
byang sems su gyur pa'i rje btsun byams pa yod pa'i phyir/ zhes
zer na/ 'og tu dpyad do/ /kha cig /'di'i skabs kyi thun mong ba
mngon rtogs rgyan dang/ thun mong ma yin pa rgyud bla ma la byed

zer ba mi 'thad de/ rgyud bla ma'i lugs la rje btsun byams pa
sangs rgyas yin na/ rje btsun byams pa sangs rgyas yin dgos la/
de ltar na mngon rtogs rgyan gyi lugs la yang/ de sangs rgyas
yin dgos pa'i phyir/ kha cig /'di'i skabs kyi thun mong

ba nyan thos sde gnyis dang thun mong ma yin pa dbu sems gnyis
kyi lugs la byed rigs te/ gser phreng las/ tshul 'di ltar na bcu
gnyis po thams cad sangs rgyas kyi mdzad pa ste/ thun mong ma
yin pa'i lugs so/ /zhes pa dang/ theg pa thun

mong ba ltar na kun btus las bshad pa ltar dang po dgu byang
sems kyi mdzad pa dang/ tha ma gsum sangs rgyas kyi mdzad pa'o/
/zhes gsungs pa dang/ rnam bshad kyi lung 'di gnyis don gcig
pa'i phyir/ zhes zer ba mi 'thad de/ mchod

brjod kyi gzhung 'di'i ched du bya ba'i gdul byar gyur pa'i nyan
thos sde gnyis yod par thal/ rnam bshad kyi lung don 'chad tshul
'thad pa'i phyir/ 'dod na/ mngon rtogs rgyan theg chen thun mong
ma yin pa'i bstan bcos ma yin par thal/ 'dod pa'i

phyir/ kha cig rje btsun byams pa sangs rgyas ma yin te/ der
gyur pa'i byang chub sems dpa' yod pa'i phyir/ mdo las/ slob pa
dang mi slob pa'i gnas skabs thams cad du byams pa zhes pa'i
mtshan mi 'dor bar gsungs pa'i phyir/ de byang chub sems

@05b dpa' ma yin te/ der gyur pa'i sangs rgyas yod pa'i phyir
te/ slob pa dang mi slob pa'i gnas skabs thams cad du byams pa
zhes pa'i mtshan mi 'dor bar mdo las gsungs pa'i phyir/ zhes zer
zhing/ rgyan rtsom pa po'i rje btsun byams pa sangs rgyas yin

zer ba mi 'thad de/ 'phags pa kun dga' po dgra bcom pa ma yin
par thal/ der gyur pa'i rgyun zhugs yod pa'i phyir/ khyab pa
khas/ rtags grub ste/ rgyun zhugs kyi 'bras bu la gnas pa'i kun
dga' bo de de yin pa'i phyir/ der thal/ de 'dra ba yod pa'i
phyir/ der thal/

rgyun zhugs kyi 'bras bu la gnas pa'i gnas skabs kyi kun dga'
bo'i ming can de de yin pa'i phyir/ rtags 'gro 'tshams 'og tu
dpyad do/ /rtsa bar 'dod na/ 'phags pa kun dga' po de rgyun
zhugs yin par thal/ de 'dra pa yod/ de dgra bcom pa ma yin pa'i
phyir/ 'dod mi

nus te/ der gyur pa'i dgra bcom pa yod pa'i phyir/ khyab pa
khyab thog dang rtags rtags thog tu song ste/ dgra bcom pa'i
'bras bu la gnas pa'i kun dga' bo de de yin pa'i phyir te/ de
yod pa'i phyir/ kun dga' bos tshe de la dgra bcom pa'i 'bras bu

thob pa gang zhig /sa bcu pa la gnas pa'i rje btsun byams pa yod
pa'i phyir/ rtags khas/ gzhan yang/ slob dpon dbyig gnyen sems
tsam pa ma yin par thal/ der gyur pa'i mdo sde pa yod pa'i
phyir/ khyab pa khas/ rtags grub ste/ mdzod 'grel rtsom

pa'i gnas skabs kyi slob dpon dbyig gnyen zhes pa'i ming can gyi
gang zag de slob dpon dbyig gnyen yin pa'i phyir te/ sa bcu pa
la gnas pa'i byams pa zhes pa'i ming can de rje btsun byams pa
yin pa'i phyir/ rtags der thal/ rje btsun byams par

gyur pa'i byang sems yod pa'i phyir/ rtags khas/ rtsa bar 'dod
na/ 'phags pa thogs med dbu ma pa ma yin par thal/ 'dod pa'i
phyir/ gzhan yang/ rgyan rtsom pa po'i rje btsun byams pa yin
na/ sangs rgyas yin dgos par thal/ rje btsun byams pa sangs

@06a @#/ /rgyas ma yin la/ rgyan rtsom pa po'i rje btsun byams pa
sangs rgyas yin pa'i khyad par 'thad pa'i phyir/ 'dod na/ rje
btsun byams pa chos can/ der thal/ de'i phyir/ ma grub na/ de
chos can/ der thal/ bstan bcos mngon rtogs rgyan rtsom

pa po'i rje btsun byams pa yin pa'i phyir/ ma grub na/ de chos
can/ der thal/ rje btsun byams pa gang zhig /bstan bcos mngon
rtogs rgyan khyod kyis brtsams pa'i bstan bcos yin pa'i phyir/
gzhan yang/ rje btsun byams pa sangs rgyas ma yin

la; rgyan rtsom pa po'i rje btsun byams pa sangs rgyas yin pa'i
khyad par mi 'thad par thal/ rje btsun byams pa yin na rgyan
rtsom pa po'i rje btsun byams pa yin dgos pa'i phyir/ der thal/
ston pa shAkya thub pa yin na yum rgyas 'bring bsdus gsum gsung
ba po'i

ston pa shAkya thub pa yin dgos pa'i phyir/ der thal/ de yin na
zas gtsang gi sras su gyur pa'i ston pa shAkya thub pa yin dgos
pa'i phyir te/ de yin na mchog gi sprul sku yin dgos pa'i phyir
te/ de mchog gi sprul sku yin pa'i phyir/ ma khyab na/ de mchog
gi sprul

sku ma yin par thal/ mchog gi sprul sku ma yin par gyur pa'i de
yod pa'i phyir/ /khyab pa dang rtags gnyis ka song bas gsum ga
khas/ gzhan yang/ rje btsun byams mgon yin na rgyan rtsom pa
po'i rje btsun byams mgon yin dgos par thal/ bstan bcos

mngon rtogs rgyan yin na byams chos sde lnga'i nang tshan du gyur
pa'i bstan bcos mngon rtogs rgyan yin dgos pa'i phyir/ de yin na
rje btsun byams mgon gyis brtsams pa'i bstan bcos mngon rtogs
rgyan yin dgos pa'i phyir/ ma grub na/ rje btsun byams

mgon gyis brtsams pa'i bstan bcos mngon rtogs rgyan med par
thal/ bstan bcos mngon rtogs rgyan de de ma yin pa'i phyir/
rtags song/ rje btsun byams pas ma brtsams pa'i de yod pa'i
phyir/ 'khor gsum/ ma grub na/ don gyis dngos 'gal yin te/

@06b bstan bcos mngon rtogs rgyan yin na des brtsams pas ma
khyab pa'i phyir/ gzhan yang/ shes sgrib rgyud ldan gyi rje
btsun byams pa yin na sems can yin dgos par thal/ gang zag gi
bdag med yin pa'i phyir/ 'dod na/ byang chub sems dpa' byams
pa'i

rgyud kyi shes sgrib de rje btsun byams pa'i rgyud kyi shes
sgrib yin par thal/ de rje btsun byams pa yin pa'i phyir/ rtags
khas/ 'dod na/ rje btsun byams pa'i rgyud la shes sgrib yod par
thal/ 'dod pa'i phyir/ 'dod na/ de shes sgrib rgyud ldan gyi
gang zag

yin par thal/ 'dod pa'i phyir/ 'dod na/ de shes sgrib rgyud ldan
gyi rje btsun byams pa yin par thal/ 'dod pa'i phyir/ 'dod na/
de chos can/ sems can yin par thal/ 'dod pa'i phyir/ 'khor gsum/
kha cig /rgyan rtsom pa po'i rje btsun byams pa mchog gi

sprul sku yin/ zhes zer/ de chos can/ de ma yin par thal/ skye
ba sprul sku yin pa'i phyir/ skye ba mngon par skye ba'i mdzad
pa la gnas pa'i gang zag yin pa'i phyir te/ chos can de'i phyir/
gzhan yang/ zhing 'dir ston pa'i 'khor du byon pa'i rje btsun
byams mgon

mchog gi sprul sku yin par thal/ dam bca' 'thad pa'i phyir/ 'dod
na/ zhing gcig tu mchog gi sprul sku rgyud tha dang ba gnyis cig
car du 'byung ba yod par thal/ 'dod pa'i phyir/ 'dod na/ mdzod
las/ lhan cig gnyis min sangs rgyas bzhin/ /zhes bshad

pa mi 'thad par thal/ 'dod pa'i phyir/ kha cig /rje btsun byams
mgon mchog gi sprul sku yin par thal/ skye ba mngon par skye
ba'i mdzad pa la gnas pa'i gang zag de mchog gi sprul sku yin
pa'i phyir te/ de 'dra ba'i mdzad pa de mchog gi sprul sku'i
mdzad pa

yin pa'i phyir na ma khyab/ rtags grub ste/ mdzad pa bcu gnyis
po thams cad mchog gi sprul sku'i mdzad pa yin pa'i phyir/ kun
btus kyi dar TIk las/ 'di rnams gang zag gang yang rung ba'i
dbang du byas pa ma yin gyi/ mchog gi sprul sku'i dbang du byas

@07a @#/ /pa'o/ /zhes gsungs pa'i phyir/ zer na/ dri za'i rgyal
po rab dga' gdul ba'i phyir du/ pi wang mkhan gyi gzugs su sprul
pa'i de bzhin gshegs pa de mchog gi sprul sku yin par thal/ de'i
mdzad pa de mchog gi

sprul sku'i mdzad pa yin pa'i phyir/ khyab pa khas/ ma grub na/
der thal/ de ston pa shAkya thub pa'i mdzad pa yin pa'i phyir/
rtags grub ste/ dri za'i rgyal po rab dga' de ston pa shAkya
thub pa'i sku dang so kyi gdul bya yin pa'i phyir/ 'dod mi nus
te/

bzo bo sprul sku yin pa'i phyir/ de de'i mtshan gzhi yin pa'i
phyir/ de'i mtshan gzhi cig yod pa'i phyir/ kha cig /rje btsun
byams pa sangs rgyas kyang ma yin/ byang chub sems dpa' yang ma
yin/ rgyan rtsom pa po'i rje btsun byams pa de byang

chub sems dpa' yin zhes zer na/ rgyan rtsom pa po'i rje btsun
byams pa yin na byang chub sems dpa' yin dgos par thal/ dam bca'
de 'thad pa'i phyir/ 'dod na/ rje btsun byams pa chos can/ der
thal/ de'i phyir/ rtags sngar bzhin no/ /

rang lugs ni/ skabs 'di'i rnam bshad kyi don 'di ltar yin te/
rong TIk pa na re/ gzhung 'di rang don gyi dgos pa la sbyar ba
mi 'thad de/ byams pa la rang don don gnyer gyi blo med pa'i
phyir dang/ gzhan bstan bcos la 'jug pa'i ched kho

nar snang bas so zhes zer/ de 'gog pa la/ rnam bshad snying po
rgyan las/ rje btsun la rang don don gnyer med par 'dod pa sogs
ni theg pa chen po'i gzhung la ngal ba zhib tu ma byas pa yin
te/ rje btsun mngon par rdzogs par

sangs rgyas pa'i dbang du byed na thun mong ba dang thun mong ma
yin pa'i skabs ma phyed pa yin la/ byang chub sems dpa'i dbang
du byed na ni/ rang don yongs su rdzogs pa la chos sku dgos par
ma mthong na rang don du zhi ba rkyang

@07b pas chog par 'dzin pa bzlog mi nus la/ de ma zlog na/ theg
pa chen po'i sems bskyed kyi mtshan nyid mi rdzogs par 'gyur te/
rang don chos sku la don gnyer sa bcu pa'i gnas skabs su mi dgos
pa'i phyir/ sangs rgyas

kyi sku la rang don gyi sku dang gzhan don gyi sku gnyis su phye
ba yang dgos pa med par 'gyur ro/ /zhes gsungs/ 'di'i don rong
TIk pa'i rtsod pa de mi 'thad de/ rje btsun byams pa sangs
rgyas yin pa'i rgyu mtshan gyis de skad smra ba yin nam/

de byang chub sems dpa' yin pa'i rgyu mtshan gyis de skad smra ba
yin/ dang po ltar na/ rje btsun byams pa sangs rgyas yin pa'i
rgyu mtshan gyis mchod rjod kyi ngag rang don gyi dgos pa la
sbyor pa mi 'thad de/ de la rang don don gnyer

gyi blo med pa'i phyir/ zhes smra ba theg pa chen po'i gzhung la
ngal ba zhib tu ma byas pa yin te/ mchod rjod kyi ngag gdul bya
thun mong ba rjes su bzung pa'i phyir du gsungs pa gang zhig
gdul bya thun mong ba'i ngor rje btsun byams pa

sangs rgyas ma yin pa'i phyir/ de'i ngor de sangs rgyas yin na
gdul bya thun mong pa'i ngor rje btsun byams pa de sangs rgyas
ma yin la/ thun mong ma yin pa dngos po'i gnas tshod la de sangs
rgyas yin pa'i skabs ma phyed pa'i skyon yod

pa'i phyir/ gnyis pa ltar na/ rje btsun byams pas rang don yongs
su rdzogs pa la chos sku dgos pa ma mthong bar thal/ de byang
chub sems dpa' gang zhig /de'i rgyud la rang don don gnyer gyi
blo med pa'i phyir/ 'dod na/ des rang don du

zhi ba rkyang pas chog par 'dzin par thal/ 'dod pa'i phyir/ 'dod
na/ de'i rgyud la theg chen sems bskyed med par thal lo/ /gzhan
yang rje btsun byams mgon gyi rgyud la rang don don gnyer gyi
blo yod par thal/ de sa bcu pa la gnas pa'i

@08a @#/ /byang sems gang zhig /byang sems sa bcu pa ba'i rgyud
la rang don don gnyer gyi blo yod pa'i phyir/ dang po dngos/
phyi ma ma grub na/ der thal/ de'i rgyud la rang don chos sku
don gnyer gyi blo yod pa'i phyir/ khyab ste/ rang don

chos sku de rang don gyi sku yin pa'i phyir/ sangs rgyas kyi sku
la rang don gyi sku dang gzhan don gyi sku gnyis su 'byed rigs
pa'i phyir te/ rgyud bla ma las/ rang don gzhan don don dam sku
dang ni/ /de la brten pa kun rdzob sku nyid de/ /zhes gsungs
pa'i

phyir; des na skabs 'di'i thun mong ba gdul bya thun mong ba
dang/ thun mong ma yin pa dngos po'i gnas tshod la byed rigs te/
rgyud bla ma'i dar TIk las/ gdul bya thun mong ba 'ga' zhig
kyang rjes su bzung ba'i phyir du de ltar gsungs kyi/ nges

pa'i don du ma yin te/ bcom ldan 'das byams pa nyid chos kyi
skur mngon par rdzogs par sangs rgyas zin pa'i phyir ro/ /zhes
gsungs pa'i phyir dang/ sngags rim chen mo las kyang/ de dag
dngos po la sangs rgyas kyang/ sangs

rgyas pa'i mdzad pa/ gdul bya rnams la thun mong du mi ston pa
mi 'gal ba'i phyir te/ zhing 'dir ston pa'i 'khor du byon pa'i
byams pa la sogs pa bzhin no/ /zhes gsungs pa'i phyir/ rtsod pa
spong ba la kho na re/ rje btsun byams

mgon chos can/ khyod kyi rgyud la rang don don gnyer gyi blo med
par thal/ khyod sangs rgyas yin pa'i phyir/ rtags khas/ 'dod na/
rnam bshad las/ rje btsun la rang don don gnyer med par 'dod pa
sogs ni theg pa chen po'i

gzhung la ngal ba zhib tu ma byas pa yin te/ zhes sogs gsungs pa
mi 'thad par thal/ 'dod pa'i phyir/ zer na skyon med de/ lung
de'i don ni/ mchod rjod kyi ngag rang don gyi dgos pa la sbyor
ba mi 'thad pa'i shes byed du/ rje

@08b btsun la rang don don gnyer gyi blo med pa bkod pa theg pa
chen po'i gzhung la ngal ba zhib tu ma byas pa yin te/ mchod
rjod kyi ngag gdul bya thun mong ba rjes su bzung ba'i phyir du
gsungs pa gang zhig /gdul bya thun mong ba'i ngor

rje btsun la rang don don gnyer gyi blo yod pa'i phyir/ zhes
pa'i don yin par gong du bshad zin pa'i phyir/ 'on kyang thal
'gyur de'i rtsa bar ma khyab pa'i lan ni/ ston pa shAkya thub
pa chos can/ khyod kyi rgyud la rang don don gnyer gyi

blo med par thal/ khyod sangs rgyas yin pa'i phyir/ 'dod na/
khyod kyi rgyud la rang don don gnyer gyi blo med par thal/
khyod rang don mthar phyin pa'i gang zag yin pa'i phyir/ zhes
pa'i thal 'gyur la khyab pa yod par thal/ 'dod pa'i phyir/ 'dod

na; ston pa shAkya thub pa chos can/ khyod kyi rgyud la gzhan
don don gnyer gyi blo med par thal/ khyod gzhan don mthar phyin
pa'i gang zag yin pa'i phyir/ khyab pa khas/ rtags grub ste/ don
gnyis mthar phyin pa'i gang zag yin pa'i phyir/ 'dod mi

nus te/ khyod kyi rgyud la theg chen sems bskyed yod pa'i phyir/
gzhan yang/ de chos can/ khyod kyi rgyud la rang don don gnyer
gyi blo yod par thal/ khyod kyi rgyud la rang don chos sku don
gnyer gyi blo yod pa'i phyir/ ma grub na/ rang don chos sku thob
zin pa'i

gang zag yin na/ rang rgyud la rang don chos sku don gnyer gyi
blo med pas khyab par thal/ ma grub pa de'i phyir/ 'dod na/ ston
pa shAkya thub pa chos can/ khyod kyi rgyud la gzhan don du
rdzogs byang don gnyer gyi blo med par thal/ khyod gzhan don du

rdzogs byang thob zin pa'i gang zag yin pa'i phyir/ khyab pa
khas/ 'dod mi nus te/ khyod kyi rgyud la theg chen sems bskyed
yod pa'i phyir/ khyab ste/ rnam bshad las/ gzhan gyi don du bla
na med pa yang dag par rdzogs pa'i byang chub don

@09a @#/ /gnyer gyi 'dun pa dang mtshungs ldan gyi sems khyad par
can theg chen sems bskyed kyi mtshan nyid du bshad pa'i phyir/
TIk chen las kyang/ ched du bya ba sems can thams cad kyi don
du thob bya bla na med pa'i byang chub

thob par 'dod pa sems bskyed kyi mtshan nyid rdzogs par 'dod par
bya ste/ 'grel bshad las kyang/ de ltar 'byung ba legs shing/
mngon rtogs rgyan las gsungs pa dang lugs 'di la mi 'dra ba med
do/ /zhes gsungs pa'i phyir/ gzhan yang/ ston pa

sangs rgyas kyi thugs rgyud la nyon mongs spong 'dod kyi blo med
par thal/ de'i rgyud la rdzogs byang thob 'dod kyi blo med pa'i
phyir/ rtags khas/ 'dod mi nus te/ de'i rgyud la mi dge ba bcu
spong 'dod kyi blo yod pa'i phyir/ der thal/ de'i rgyud la mi
dge bcu spong

gi tshul khrims yod pa'i phyir te/ de'i rgyud la so thar gyi sdom
pa yod pa'i phyir/ gzhan yang/ sangs rgyas 'phags pa'i rgyud la
gzhan don du rdzogs byang thob 'dod kyi blo yod par thal/ de'i
rgyud la sangs rgyas 'phags pas gzhan don du rdzogs byang

thob par 'dod pa'i blo yod pa'i phyir te/ sangs rgyas 'phags pa
de sangs rgyas 'phags pas gzhan don du rdzogs byang thob par
'dod pa'i phyir te/ de des gzhan don du rdzogs byang thob par
khas len pa'i phyir/ kho na re/ rje btsun byams pa mchog gi

sprul sku yin par thal/ de sangs rgyas 'phags pa gang zhig /de
longs spyod rdzogs sku yang ma yin/ de skye ba sprul sku yang ma
yin/ de bzo bo sprul sku yang ma yin pa'i phyir/ zhes zer na/ de
skye ba sprul sku yin par thal/ lha'i bu dam pa tog dkar po

skye ba sprul sku yin pa'i phyir te/ rgyud bla dar TIk las/
'dod pa'i khams su thog mar skye ba'i tshul ston pa dga' ldan du
lha'i bu dam pa tog dkar po lta bur mngon par skye ba dang/ de
nas mdzad pa bcu gnyis kyi dang po dga' ldan gyi gnas

@09b nas ni 'dzam bu'i gling du 'pho ba dang/ zhes gsungs pa'i
phyir/ kha cig rje btsun byams pa skye ba sprul sku ma yin par
thal/ der gyur pa'i mchog gi sprul sku yod pa'i phyir/ der thal/
bskal bzang sangs rgyas stong gi nang tshan du gyur pa'i rje
btsun byams pa

yod pa gang zhig /bskal bzang gi sangs rgyas stong po gang rung
yin na/ mchog gi sprul sku yin dgos pa'i phyir/ dang po grub
ste/ de'i nang tshan du gyur pa'i sangs rgyas byams pa yod pa'i
phyir/ zer na ma khyab/ byas pa la kho na re/ sangs rgyas byams
pa yin na

rje btsun byams pa ma yin dgos par thal/ /de yin na de yin pas
ma khyab pa'i phyir/ zer na 'og tu dpyad do/ yang kho na re/ rje
btsun byams pa yin na sangs rgyas yin dgos par thal/ de sangs
rgyas yin pa'i phyir/ 'dod na/ byang chub sems

dpa' byams pa chos can/ der thal/ de'i phyir/ rtags grub ste/
byang chub sems dpa' byams pa yod pa'i phyir/ zer na/ byang chub
sems dpa' byams pa de byams pa yin par thal/ de yod pa'i phyir/
khyab pa 'grig /'dod na/ de chos can/

shes pa yin par thal/ byams pa yin pa'i phyir/ khyab ste/ snying
rje yin na shes pa yin dgos pa'i phyir/ 'dod na/ gang zag shes
pa yin par thal lo/ kha cig /mdzad pa bcu gnyis po thams cad
sangs rgyas kyi mdzad pa yin kyang skye ba mngon

par skye ba'i mdzad pa de sangs rgyas kyi mdzad pa ma yin/ zer
na/ mi 'thad de/ rgyud bla ma las/ chos kyi sku las ma g.yos
par/ /sprul pa'i rang bzhin sna tshogs kyis/ /skye ba mngon par
skye ba dang/ /zhes sogs gsungs pa'i phyir/ /kho

na re/ skye ba mngon par skye ba'i mdzad pa de mdzad pa bcu
gnyis kyi dang po yin par thal/ de la gnas pa'i gang zag yin na
sangs rgyas yin dgos pa'i phyir/ rtags khas/ 'dod mi nus te/
rgyud bla dar TIk las/ dga' ldan gyi gnas

@10a @#/ /nas 'pho ba'i mdzad pa de/ mdzad pa bcu gnyis kyi dang
por gsungs pa'i phyir/ zer na ma khyab ste/ de gnyis 'dam ga can
du gsungs pa'i phyir/ kha cig mdzad pa bcu gnyis po gang rung du
gyur pa'i byang

sems kyi mdzad pa yod de/ sprin lta bu'i sems bskyed la gnas
pa'i byang sems yod pa'i phyir/ byang sems kyi sems bskyed nyer
gnyis yod pa'i phyir/ zer na/ mdzad pa bcu gnyis kyi dang po dgu
byang sems kyi mdzad pa dang/ tha ma

gsum sangs rgyas kyi mdzad par kun btus las bshad pa de sgra ji
bzhin du khas len rigs par thal/ dam bca' de 'thad pa'i phyir/
'dod na/ srid pa tha ma pa'i byang sems su gyur pa'i 'dod pa'i
rten can gyi gang zag yod par thal lo/ /

yang kho na re/ sangs rgyas 'phags pa'i rgyud la rang don don
gnyer gyi blo med/ gzhan don don gnyer gyi blo yod zer ba nad
'gal te/ de'i rgyud la rang don don gnyer gyi blo yod par thal/
de'i rgyud la rang don chos sku don gnyer gyi blo yod pa'i

phyir te/ de'i rgyud la gzhan don gzugs sku don gnyer gyi blo
yod pa'i phyir te/ de'i rgyud la gzhan don mthar thug don gnyer
gyi blo yod pa'i phyir te/ de'i rgyud la gzhan don don gnyer gyi
blo yod pa'i phyir/ kha cig /sangs rgyas byams pa mchog

gi sprul sku min zer ba mi 'thad de/ de chos can/ mchog gi sprul
sku yin par thal/ bskal bzang gi sangs rgyas stong gi nang tshan
yin pa'i phyir/ rtags grub ste/ byang chub sems dpa' byams pa de
byang sems nye ba'i sras brgyad kyi nang tshan

yin pa'i phyir te/ de yod pa'i phyir/ /rtsa bar khyab ste/ bskal
bzang gi sangs rgyas stong mchog gi sprul sku yin pa'i phyir te/
bskal bzang gi sangs rgyas bzhi ba mchog gi sprul sku yin pa'i
phyir te/ sangs rgyas shAkya thub pa mchog gi sprul

@10b sku yin pa'i phyir/ kho na re/ sangs rgyas byams pa chos
can/ mchog gi sprul sku ma yin par thal/ khyod yin par gyur pa'i
skye ba sprul sku yod pa'i phyir/ der thal/ rje btsun byams pa
de khyod gang zhig /de skye ba sprul sku yin pa'i phyir/ dang po
grub

ste; rje btsun byams pa sangs rgyas yin pa'i phyir na ma khyab
ste/ mgon po byams pa byang chub sems dpa'i tshul bzung pa'i tshe
na byang chub sems pa byams pa zhes brjod cing/ rje btsun byams
pa zhes mi brjod la/ de dga' ldan du bzhugs pa'i

tshe na rje btsun byams mgon zhes brjod cing/ sangs rgyas byams
pa zhes mi brjod la/ ma 'ongs pa na mdzam bu'i gling du sangs
rgyas pa'i tshul bstan pa'i tshe na/ yang dag par rdzogs pa'i
sangs rgyas byams pa zhes brjod cing/ rje btsun byams pa zhes

mi brjod pa'i phyir/ de ltar ma yin na sangs rgyas dang byams
pa'i gzhi mthun yin na/ sangs rgyas byams pa yin dgos par thal/
rje btsun byams pa sangs rgyas yin na/ de sangs rgyas byams pa
yin dgos pa'i phyir/ rtags khas/ 'dod na/

sangs rgyas shAkya thub pa yin na/ gang zag yin mi dgos bar
thal/ sangs rgyas byams pa yin na de yin mi dgos pa'i phyir/ ma
grub na song/ sangs rgyas 'phags pa'i rgyud gyi byams pa chen po
chos can/ khyod sangs rgyas byams pa yin

par thal/ khyod sangs rgyas dang byams pa'i gzhi mthun yin pa'i
phyir/ khyab pa khas/ rtags sla/ 'dod na/ de chos can/ gang zag
yin par thal/ 'dod pa'i phyir/ rtags khyab khas/ 'dod na/ gzhi
grub na gang zag yin dgos par

thal; 'dod pa'i phyir/ kha cig /rje btsun byams pa sangs rgyas
kyang ma yin/ byang chub sems dpa' yang ma yin/ rgyan rtsom pa
po'i rje btsun byams pa byang chub sems dpa' yin zer ba mi 'thad
de/ rgyan rtsom pa po'i rje btsun byams pa chos

@11a @#/ /can; sangs rgyas yin par thal/ ma 'ongs pa'i sangs
rgyas yin pa'i phyir/ ma khyab na/ ma 'ongs pa'i sangs rgyas de
sangs rgyas ma yin par thal/ ma khyab pa de'i phyir/ 'dod na/
dus gsum gyi sangs rgyas de sangs

rgyas ma yin par thal/ 'dod pa'i phyir/ rtsa rtags ma grub na/
de chos can/ ma 'ongs pa'i sangs rgyas yin par thal/ ma 'ongs pa
na bskal ba bzang po 'di la mchog gi sprul sku'i mdzad pa ston
par 'gyur ba'i skye ba mngon par skye ba'i mdzad pa la gnas

pa'i gang zag yin pa'i phyir/ kho na re/ rje btsun byams pa chos
can/ ma 'ongs pa na 'tshang rgya 'gyur yin pas ma 'ongs pa'i
sangs rgyas yin pa'am/ ma 'ongs pa dang sangs rgyas kyi gzhi
mthun yin pas ma 'ongs pa'i sangs rgyas yin pa gang rung yin par

thal; khyod ma 'ongs pa'i sangs rgyas yin pa'i phyir/ rtags
khas/ 'dod mi nus te/ ma 'ongs pa dang sangs rgyas kyi gzhi
mthun yang ma yin/ ma 'ongs pa na 'tshang rgya 'gyur yang ma yin
pa'i phyir/ dang po grub ste/ ma 'ongs pa ma yin pa'i phyir/
gnyis

pa grub ste/ khyod sangs rgyas zin pa'i phyir/ zer na rtsa bar
ma khyab bo/ /kho na re/ rgyan rtsom pa po'i rje btsun byams pa
bskal bzang sangs rgyas stong gi nang tshan yin par thal/ de ma
'ongs pa'i sangs rgyas yin pa'i phyir/ rtags khas/ zer na ma
khyab/

gzhan yang/ rgyan rtsom pa po'i rje btsun byams pa sangs rgyas
yin par thal/ rgyud bla ma rtsom pa po'i rje btsun byams pa
sangs rgyas yin pa'i phyir te/ rgyud bla ma'i dar TIk las/ gdul
bya thun mong ba 'ga' zhig kyang rjes su bzung ba'i phyir du de

ltar gsungs kyi/ nges pa'i don du ma yin te/ bcom ldan 'das
byams pa nyid chos kyi skur mngon par rdzogs par sangs rgyas zin
pa'i phyir ro/ /zhes bshad pa'i phyir/ gzhan yang rgyan rtsom pa
po'i rje btsun byams pa sangs rgyas yin par thal/

@11b de'i thugs rgyud la mchod rjod kyi skabs nas bstan pa'i lam
rim rdzogs par 'khrungs zin pa'i phyir/ rnam bshad las/ de dag
gis ni lam gyi rim pa rje btsun gyi thugs rgyud la 'khrungs pa'i
rjes 'gro dngos su bstan nas ldog pa shugs la 'phen par

byed pa yin no/ /zhes gsungs pa'i phyir/ kho na re/ mdo las skye
ba gcig thogs kyi byams pa dang/ bzang skyong dang/ zhes bshad
pa mi 'thad par thal/ rje btsun byams pa sangs rgyas yin pa'i
phyir/ zer na/ 'grel ba don gsal las/ bcom ldan

'das 'phags pa ma rgyal ba las rgyal bas kyang/ zhes bshad pa mi
'thad par thal/ rje btsun byams pa sangs rgyas ma yin pa'i
phyir/ 'khor gsum/ rgya cher rol pa las/ so so'i skye bo yin
yang nga mi 'chi/ /zhes bshad pa mi 'thad par thal/

rgyal bu gzhon nu don grub so skye ma yin pa'i phyir/ 'khor
gsum/ kho na re/ byang chub sems dpa' byams pa chos can/ khyod
sangs rgyas yin par thal/ khyod ma 'ongs pa'i sangs rgyas yin
pa'i phyir/ ma 'ongs pa na bskal ba bzang po 'di

la mchog gi sprul sku'i mdzad pa ston par 'gyur ba'i gang zag
yin pa'i phyir/ zer na/ ston pa shAkya thub pa dang rgyud gcig
tu gyur pa'i lam ma zhugs kyi gang zag chos can/ der thal/ de'i
phyir/ 'dod na/ sems can yin na ma 'ongs pa'i sangs

rgyas yin dgos par thal lo/ /des na rje btsun byams pa sangs
rgyas yin par thal/ rje btsun byams pas 'jig rten gyi khams
'di'i dga' ldan du skye ba mngon par skye ba'i mdzad pa ston
pa'i tshe zhing gzhan du sku bltams pa dang/ mngon par rdzogs

par sangs rgyas pa dang chos kyi 'khor lo ba skor ba'i mdzad pa
du ma cig car du bstan pa'i phyir/ ston pa shAkya thub pas
zhing 'dir chos kyi 'khor lo bskor ba'i mdzad pa bstan pa'i tshe/
de dang dus mnyam du zhing gzhan du sangs rgyas pa dang/

@12a @#/ /bdud btul ba dang/ rab tu byung ba'i mdzad pa sogs du
ma cig car du bstan pa'i phyir/ ! /nyan thos zhi ba 'tshol rnams
zhes sogs kyi skabs su/ gzhung don dang/ mtha' bcad pa gnyis/
dang po ni/ nyan

thos slob pa 'phags pa chos can/ khyod kyis myang 'das thob pa'i
thabs med pa ma yin te/ thabs gzhi shes la brten nas myang 'das
'thob par byed pa'i phyir/ byang sems 'phags pa chos can/ khyod
kyis gdul bya rigs can gsum gyi

don sgrub pa'i thabs med pa ma yin te/ thabs lam shes la brten
nas de sgrub par byed pa'i phyir/ mchog gi sprul sku chos can/
khyod kyi chos 'khor skor ba'i thabs med pa ma yin te/ thabs
rnam mkhyen la brten nas gdul bya rigs can

gsum la chos 'khor bskor ba'i phyir/ rje btsun byams mgon chos
can/ mkhyen gsum la phyag 'tshal ba yin te/ de la sgo gsum gus
pa'i sgo nas 'dud pa'i phyir/ gnyis pa la/ go rims nges pa/
grangs nges pa/ yum sras kyi don la dpyad

pa; bstod yul gyi mkhyen gsum ngos bzung ba'o/ /dang po ni/ rod
TIk pa na re/ mchod rjod du mkhyen gsum gyi go rims bshad pa
ni/ mdo'i gleng gzhi'i go rims dang mthun par de'i sgo nas dang
por gzhi shes la bstod pa'am/ yang na nyan thos

kyi rigs can theg pa gsum la rims kyis gzhug pa'i ched du dang
por gzhi shes la bstod pa yin/ zer na/ dang po mi 'thad de/
'phags seng gnyis kas mchod rjod gleng gzhi dang sbyar ba'i
bshad pa ma mdzad pa'i phyir dang/ slob dpon gyis gleng

gzhi'i bshad pa dgos 'brel gyi mjug tu mdzad pa'i phyir/ gnyis
pa mi 'thad de/ rgyan gyi ched du bya ba'i gdul bya nyan thos
kyi rigs can med pa'i phyir/ ma grub na/ bstan bcos mngon rtogs
rgyan chos can/ theg pa thun mong pa'i bstan

@12b bcos yin par thal/ bstan bcos gang zhig /khyod kyi ched du
bya ba'i gdul bya theg chen gyi rigs can yang yod/ khyod kyi
ched du bya ba'i gdul bya theg dman gyi rigs can yang yod pa'i
phyir/ 'dod mi nus te/ theg chen thun mong ma yin pa'i bstan

bcos yin pa'i phyir/ yang gdul bya theg pa gsum la rims kyis
'jug pa'i phyir du de ltar bstod pa yin zer ba yang mi 'thad de/
bstan bcos 'di'i ched du bya ba'i gdul bya yang yin/ theg pa
gsum gyi lam la rims kyis 'jug pa'i gang zag

kyang yin pa'i gzhi mthun pa yod par thal/ dam bca' de 'thad
pa'i phyir/ 'dod mi nus te/ de yin na theg pa chen por rigs nges
pa'i gang zag yin dgos pa'i phyir/ skabs 'dir de lta bu'i gdul
bya srid kyang/ zhes pa'i don du bsams nas/ nyan thos

dgra bcom pa rang rgyal lam du 'jug pa yod zer ba mi 'thad de/
skabs gnyis par dgag go /kha cig /lam shes 'thob pa la gzhi shes
thob pa sngon du 'gro dgos pa'i rgyu mtshan gyis dang por gzhi
shes pa bstod pa yin zer ba mi 'thad de/ dman

lam sngon du ma song ba'i byang sems sbyor lam chos mchog chen
po ba'i rgyud la gzhi shes yod par thal/ dam bca' 'thad pa'i
phyir/ kha cig lam shes 'thob pa la skyes bu 'bring dang thun
mong ba'i lam gyis bsdus pa'i mi rtag sogs bcu drug mngon

sum du rtogs pa'i ye shes thob pa sngon du 'gro dgos pa'i rgyu
mtshan gyis yin zer na/ dman lam sngon du ma song ba'i byang sems
sbyor lam pas mi rtag sogs bcu drug mngon sum du rtogs par thal/
dam bca' 'thad pa'i phyir/ ! /rang lugs ni/

mchod brjod kyi skabs su dang por gzhi shes/ de rjes lam shes de
rjes rnam mkhyen la bstod pa de rgyan gyi ched du bya ba'i gdul
byas lam nyams su len pa'i rim pa dang mthun par bstod pa yin
te/ skabs gsum par bstan pa'i skyes bu 'bring dang

@13a @#/ /thun mong ba'i lam gyi rim pa la blo ma sbyangs par
skyes bu chen po'i lam gyi rim pas bsdus pa'i snying rje chen po
rgyud la mi skye/ de ma skyes na theg chen sems bskyed dang/ lam
shes sogs rgyud la mi skye bas skyes bu chen po'i lam

gyi rim pa rgyud la skye ba la skyes bu 'bring dang thun mong
ba'i lam gyi rim pa la bsam pa sbyangs pa sngon du 'gro dgos so/
/zhes shes par bya ba'i ched yin pa'i phyir/ ! /gnyis pa ni/ kha
cig /skabs 'dir dngos su bstan pa'i yum yin

na 'phags rgyud kyi mkhyen pa yin pas khyab ste/ skabs 'dir
dngos su bstan pa'i yum de la mkhyen pa gsum du grangs nges pa'i
phyir/ zer na/ nyan thos mthong lam pa'i yum chos can/ der thal/
de'i phyir/ nyan thos zhi ba 'tshol

rnams zhes sogs kyi tshig rkang dang po'i skabs nas dngos su
bstan pa'i yum yin pa'i phyir te/ des nyan thos mthong lam pa'i
yum gcig dngos su bstan pa'i phyir/ rtsa bar 'dod na/ de chos
can/ 'phags rgyud kyi mkhyen pa ma yin

par thal/ nyan thos kyi sbyor lam chos mchog ye shes de khyod
yin pa'i phyir/ gzhan yang/ gang dang yang dag ldan na zhes sogs
kyi skabs nas dngos su bstan pa'i yum yin na rnam mkhyen yin
dgos par thal/ skabs 'dir dngos

su bstan pa'i yum yin na 'phags rgyud kyi mkhyen pa yin dgos
pa'i phyir/ rtags khas/ 'dod na/ sangs rgyas 'phags pa'i yum
chos can/ der thal/ de'i phyir/ der thal/ des sangs rgyas 'phags
pa'i yum cig dngos su

bstan pa'i phyir te/ de'i bstan don grub pa'i phyir/ rtsa bar
'dod na/ de chos can/ rnam mkhyen ma yin par thal/ rgyun mtha'i
bar chad med lam de khyod yin pa'i phyir/ rtags grub ste/ sangs
rgyas 'phags pa'i yum yod pa'i phyir/

@13b ! rang lugs ni/ skabs 'dir dngos su bstan pa'i yum de la
mkhyen pa gsum du grangs nges te/ de la mkhyen pa gsum du dbyer
yod/ de las grangs mang na mi dgos shing/ nyung na mi 'du ba'i
phyir/ kho na re/ mkhyen gsum gang

rung yin na skabs 'dir dngos su bstan pa'i yum yin dgos par
thal/ dam bca' de 'thad pa'i phyir/ 'dod na/ ye shes chos sku
chos can/ der thal/ de'i phyir/ zer na/ rtsa bar ma khyab bo/
/gsum pa yum sras kyi don la kha cig /

fmkhyen gsum 'phags bzhi'i yum yin/ zhes zer na rnam mkhyen
sangs rgyas 'phags pa'i yum yin par thal/ dam bca' de 'thad pa'i
phyir/ 'dod na/ de chos can/ khyod sangs rgyas 'phags pa bskyed
byed yin par thal/

khyod de'i yum yin pa'i phyir/ khyab pa khas/ 'dod mi nus te/
khyod de dang dus mnyam pa'i phyir/ der thal/ sangs rgyas 'phags
pa'i mkhyen pa sangs rgyas 'phags pa dang dus mnyam yin pa'i
phyir/ ma grub na/

sangs rgyas 'phags pa chos can/ khyod kyi mkhyen pa khyod dang
dus mnyam yin par thal/ khyod lam zhugs kyi gang zag yin pa'i
phyir/ kha cig /rnam mkhyen sangs rgyas 'phags pa'i yum ma yin
kyang rgyal ba'i yum

yin; zhes zer na/ rnam mkhyen chos can/ rgyal ba khyod kyi sras
yin par thal/ khyod rgyal ba'i yum yin pa'i phyir/ 'dod na/ rnam
mkhyen dang rgyal ba gnyis bskyed bya skyed byed yin par thal/
de gnyis yum sras

yin pa'i phyir/ rtags khas/ 'dod mi nus te/ de gnyis dus mnyam
yin pa'i phyir/ ! rang lugs ni/ sangs rgyas 'phags pa'i yum yin
na sangs rgyas 'phags pa skyed byed yin dgos/ rnam mkhyen gyi
sras

@14a @#/ /yin na rnam mkhyen gyi 'bras bu yin dgos te/ 'grel pa
las/ sangs rgyas la sogs pa skrun par mdzad pa ni gdon mi za bar
srid pa nyid do/ /zhes dang/ rnam bshad snying po rgyan las/
mkhyen

pa snga mas 'phags pa phyi ma skyed cing nyer zhi la sogs pa'i
bzhed don sgrub par byed pas yum dang sras ni bskyed bya skyed
byed du shes par bya'o/ /zhes gsungs pa'i phyir/ kho na re/
'phags pa de'i yum yin na 'phags pa de'i

rgyu yin dgos par thal/ dam bca' de 'thad pa'i phyir/ 'dod na/
'phags pa de'i sras yin na 'phags pa de'i 'bras bu yin dgos par
thal/ 'dod pa'i phyir/ 'dod na/ sangs rgyas 'phags pa'i rgyur
gyur ba'i byang sems 'phags

pa chos can/ rgyal pa'i 'bras bu yin par thal/ rgyal ba'i sras
yin pa'i phyir/ khyab pa khas/ ma grub na/ der thal/ rgyal ba'i
sras 'phags pa yin pa'i phyir te/ rgyal sras 'phags pa yin pa'i
phyir/ zer na ma khyab ste/ rgyal sras yin

na; rgyal ba'i sras yin dgos par thal/ ma khyab pa de la khyab
pa yod pa'i phyir/ rtags khas/ 'dod na/ skam las skyes pa'i
padma chos can/ mtsho las skyes par thal/ mtsho skyes yin pa'i
phyir/ khyab pa khas/ ! bzhi ba bstod

yul gyi mkhyen gsum ngos bzung ba la/ kha cig /rang sras 'phags
pa'i bzhed don phun tshogs sgrub nus kyi 'phags rgyud kyi mkhyen
pa de/ rgyan gyi mchod rjod kyi yul du gyur pa'i yum gyi mtshan
nyid zer na/ dman lam sngon du ma song

ba'i theg chen tshogs lam chos can/ 'phags rgyud kyi mkhyen pa
yin par thal/ mtshon bya de'i phyir te/ rnam rdzogs sbyor ba yin
pa'i phyir/ kha cig /mtshan nyid de skabs 'dir dngos su bstan
pa'i yum gyi mtshan nyid/ zer na/ rang

@14b rgyal gyi mthong lam chos can/ mtshon bya der thal/ mtshan
nyid de'i phyir/ der thal/ 'phags rgyud kyi mkhyen pa yin pa'i
phyir/ rtsa bar 'dod mi nus te/ skabs 'dir shugs la bstan pa'i
yum yin pa'i phyir/ der thal/ nyan thos

dang de'i phyogs su bslan pa/ zhes gsungs pa'i phyir/ kha cig
/rang sras 'phags pa skyed pa'i yon tan dang ldan pa'i cha nas
rgyan rtsom pa po'i bstod phyag gi yul du dmigs pa de/ rgyan gyi
mchod rjod kyi yul du gyur pa'i yum gyi mtshan

nyid; de la dbye na gzhung lam 'bras bu sher phyin gsum du yod/
ces zer na/ ston pa shAkya thub pa chos can/ mtshon bya der
thal/ mtshan nyid de'i phyir/ rtags bsal gnyis ka grub ste/ mchog
gi sprul sku yin pa'i phyir/ gzhan yang/ yum

gyi mdo yin na yum yin dgos par thal/ gzhung sher phyin yum yin
pa'i phyir/ 'dod na/ sher phyin gyi mdo yin na sher phyin yin
dgos par thal/ 'dod pa'i phyir/ 'dod na sla/ kha cig /rang sras
'phags bzhi'i bzhed don phun tshogs

sgrub nus kyi mkhyen pa de rgyan gyi mchod rjod kyi yul du gyur
pa'i yum gyi mtshan nyid/ zer na/ de la/ kha cig /rnam mkhyen
chos can/ mtshan nyid der thal/ mtshon bya de'i phyir/ 'dod na/
khyod kyi sras su gyur pa'i nyan thos 'phags pa yod

par thal/ 'dod pa'i phyir/ 'dod na/ rgyal ba'i sras su gyur ba'i
nyan thos 'phags pa yod par thal/ rnam mkhyen gyi sras su gyur
pa'i nyan thos 'phags pa yod pa'i phyir/ rtags khas/ 'dod mi nus
te/ rgyal ba'i sras yin na byang chub

sems dpa' yin dgos pa'i phyir/ zer na mi 'thad de/ rgyal ba'i
sras su gyur pa'i sangs rgyas 'phags pa yod par thal/ rnam
mkhyen gyi sras su gyur pa'i sangs rgyas 'phags pa yod pa'i
phyir/ khyab pa khas/ der thal/ rnam

@15a @#/ /mkhyen de rang sras sangs rgyas 'phags pa'i yum yin
pa'i phyir/ ma grub na/ de chos can/ der thal/ rnam mkhyen yin
pa'i phyir/ rtsa bar 'dod na/ nang 'gal lo/ /yang kho na re/
rnam mkhyen gyi sras su gyur pa'i

nyan rang med par thal/ de 'bras yum yin pa'i phyir/ khyab ste/
tshig gsal las/ rnam par nges pa'i dbang du byas pa'i tshe ni
sangs rgyas rje btsun kho na'i yum yin gyi/ nyan thos dang rang
sangs rgyas g.yung po la sogs pa lta bu ni/ bud med

rin po che lta bu'i yum 'dis ga la skyed/ ces gsungs pa'i phyir/
zer pa ni 'brel med de/ lung de'i don ni/ yum yin na 'bras yum
yin pas khyab par 'dod pa'i slob dpon chos kyi bshes gnyen gyi
lugs yin pas skabs 'dir khas mi

len pa'i phyir/ kha cig/ yul yin na mkhyen pa yin pas khyab zer
na/ snying rje chen po chos can/ der thal/ de'i phyir/ der thal/
tshogs lam skad cig dang po la gnas pa'i sems dpa'i yum yin pa'i
phyir/ rtags grub ste/ de'i yum yod pa'i phyir/ dang/

rgyud bla ma las/ theg mchog la mos sa bon shes rab ni/ sangs
rgyas chos skyed ma dang bsam gtan gyi/ /bde ba'i mngal gnas
snying rje'i ma ma can/ /gang yin de dag thub pa'i rjes skyes
sras/ /zhes gsungs pa'i phyir/ des na yum yin na mkhyen pa

yin pas ma khyab kyang shes pa yin pas khyab byas pa la/ kho na
re/ yum sgyu ma lha mdzes chos can/ der thal/ de'i phyir/ der
thal/ rang sras sangs rgyas 'phags pa'i yum yin pa'i phyir te/
khyod ston pa shAkya thub pa'i yum yin pa'i phyir/ de der thal/
de'i

yum yod pa'i phyir zer na/ sras sgra gcan 'dzin de ston pa
shAkya thub pa'i sras yin par thal/ yum sgru ma lha mdzes de
de'i yum yin pa'i phyir/ rtags khas/ 'dod na/ de chos can/ byang
chub sems dpa' yin par thal/ rang gi yab tu gyur ba'i rgyal

@15b pa'i sras yin pa'i phyir/ rtags khas/ rang res/ snying rje
chen po yum yin byas pa la/ kho na re/ de chos can/ rgyan gyi
mchod brjod kyi yul du gyur pa'i yum yin par thal/ yum yin pa'i
phyir/ khyab ste/ rje btsun gyis bstan bcos rtsom

pa'i thog mar mkhyen gsum gyi yon tan brjod pa'i sgo nas yum la
bstod pa de yum mtha' dag la bstod pa yin pa'i phyir/ zer na/ ma
khyab ste/ lhag med myang 'das la gnas pa'i nyan thos dgra bcom
pa chos can/ sangs rgyas 'phags pa

de khyod sdug bsngal dang bral bar 'dod pa'i gang zag yin par
thal/ khyod sems can yin pa'i phyir/ ma khyab na song/ de la
khyab pa yod par thal/ sangs rgyas 'phags pa de sems can mtha'
dag sdug bsngal dang bral bar 'dod pa'i gang zag

yin pa'i phyir/ khyab pa khas/ rtsa bar 'dod na/ lhag med myang
'das la gnas pa'i nyan thos dgra bcom pa'i rgyud la sdug bsngal
yod par thal lo/ /kha cig /dngos po brgyad/ rgyan gyi mchod rjod
kyi yul du gyur pa'i yum yin/ zhe na/ dngos po

brgyad po gang rung yin na de yin dgos par thal/ dam bca' de
'thad pa'i phyir/ 'dod na/ ngo bo nyid sku chos can/ der thal/
de'i phyir/ 'bras bu chos sku yin pa'i phyir/ 'dod na/ shes pa
yin par thal lo/ /kha cig /nyan thos kyi tshogs

lam rgyan gyi mchod brjod kyi yul du gyur ba'i yum ma yin zer
na/ re shig /der thal/ nyan thos kyi sbyor lam de de yin pa'i
phyir/ nyan thos mthong lam pa'i yum de de yin pa'i phyi te/
nyan thos byang chub sems dpa'i tshogs bcas sangs

rgyas kyi ni yum de la phyag 'tshal/ zhes gsungs pa'i phyir/ !
rang lugs ni/ rang sras 'phags pa'i bzhed don phun tshogs sgrub
nus kyi mkhyen pa de/ rgyan gyi mchod brjed kyi yul du gyur ba'i
yum gyi mtshan nyid yin/ byas pa la/ kho

@16a @#/ /na re/ dman lam sngon du ma song ba'i theg chen gyi
tshogs lam chos can/ mtshan nyid der thal/ mtshon bya de'i phyir/
'dod mi nus te/ khyod kyi sras su gyur pa'i 'phags pa med pa'i
phyir/ der thal/ dman lam sngon

du ma song ba'i theg chen gyi tshogs sbyor gang rung la gnas pa'i
'phags pa med pa'i phyir/ zer na/ rang sras 'phags pa'i bzhed
don phun tshogs sgrub nus kyi mkhyen pa yin na 'phags rgyud kyi
mkhyen pa yin dgos par thal/ dman lam sngon du ma

song ba'i theg chen gyi tshogs lam de de ma yin pa'i phyir/ rtags
khas/ 'dod na dman lam sngon du ma song ba'i theg chen gyi sbyor
lam chos mchog chen po'i ye shes chos can/ der thal/ de'i phyir/
der thal/ byang sems mthong lam pa'i bzhed

don phun tshogs sgrub nus kyi mkhyen pa yin pa'i phyir te/ byang
sems mthong lam pa'i yum yin pa'i phyir/ der thal/ de'i yum yod/
byang sems kyi mthong lam de de'i yum ma yin pa'i phyir/ kha cig
/rnam mkhyen skad cig tha ma chos can/

mtshan nyid der thal/ mtshon bya de'i phyir te/ rnam mkhyen yin
pa'i phyir/ rtsa bar 'dod mi nus te/ khyod kyi sras su gyur pa'i
'phags pa med pa'i phyir/ der thal/ de'i rigs 'dra phyi mar gyur
pa'i mkhyen pa med pa'i phyir te/ chos can de'i phyir/

'di la kha cig /sangs rgyas 'phags pa'i rgyud kyi sems bskyed
skad cig tha ma yod par thal/ rnam mkhyen skad cig tha ma yod
pa'i phyir/ rtags khas/ 'dod mi nus te/ sangs rgyas 'phags pa'i
rgyud kyi sems bskyed yin na chu po'i rgyun lta

bu'i sems bskyed yin dgos pa'i phyir/ zhes zer/ lugs dang po mi
'thad de/ rnam mkhyen skad cig tha ma chos can/ khyod kyi rigs
'dra phyi mar gyur pa'i shes pa yod par thal/ khyod shes pa gang
zhig /rang gi rigs 'dra phyi mar mtshams

@16b sbyor ba'i phyir/ phyi ma der thal/ rig pa yin pa'i phyir/
ma khyab na/ skye ba phyi ma yod par sgrub pa'i sgrub byed rnam
dag med par thal/ ma khyab pa de'i phyir/ rig pa skad cig dang
po chos can/ khyod kyi rigs 'dra snga mar gyur pa'i rig pa med
par thal/ khyod

rig pa skad cig dang po yin pa'i phyir/ ma khyab na song/ de la
khyab pa yod par thal/ rig pa skad cig tha ma yin na rang gi
rigs 'dra phyi mar gyur pa'i rig pa med dgos pa'i phyir/ ma grub
na song/ der thal/ rnam mkhyen skad cig tha ma yin na

rang gi rigs 'dra phyi mar gyur pa'i rnam mkhyen med dgos pa'i
phyir/ rtags khas/ lugs gnyis pa mi 'thad de/ chu bo'i rgyun lta
bu'i sems bskyed ces pa nye ring med par gzhan don byed pa'i dpe
yin pas 'brel med do/ yang kho na re/ rnam

mkhyen chos can/ sangs rgyas 'phags pa'i yum yin par thal/ de'i
bzhed don phun tshogs sgrub nus kyi mkhyen pa yin pa'i phyir/ ma
khyab na/ mtshan nyid de 'thad pa bud/ rtags grub ste/ mchog gi
sprul skus gdul bya la chos 'khor

bskor ba'i bdag rkyen du gyur pa'i mkhyen pa yin pa'i phyir/
rtsa bar 'dod na/ sangs rgyas 'phags pa'i skyed byed yin par
thal lo/ zer na rtsa bar ma khyab bo/ ! /chos kyi rjes su 'brang
ba rnams kyang/ zhes sogs kyi skabs su/ gzhung

don dang/ mtha' bcad pa gnyis/ dang po ni/ rgyan gyi ched du bya
ba'i gdul bya dbang rnon chos can/ yum gyi ngo bo la dang ba
skyed pa'i tshul yod de/ mkhyen gsum yod pa tshad mas grub nas yum
la dang ba skyed pa'i phyir/ de chos can/ yum

gyi nus pa la dang pa skyed tshul yod de/ mkhyen pa gsum po de
rang sras 'phags pa'i bzhed don phun tshogs sgrub nus su tshad mas
grub nas yum la dang ba skyed pa'i phyir/ gzhi lam rnam gsum
chos can/ bden par med de/ bden grub

@17a @#/ /kyi gcig dang/ bdon grub kyi du ma gang rung du med
pa'i phyir/ ! gnyis pa la/ slob dpon nyid kyis bzhed pa'i dgag
bya'i chos ngos bzung ba dang/ de gzhi gzhan gyi steng du 'gog
byed kyi gtan tshigs bshad pa

gnyis; dang po la kha cig /rang gi mtshan nyid kyis sgrub pa de
don dam dpyod byed kyi rtags kyi dgag bya'i chos yin zer na/ mi
'thad de/ rang gi mtshan nyid kyis grub pa yod pa'i phyir te/
rang rgyud kyi gtan tshigs yod pa'i phyir/ slob dpon seng ge
bzang pos

rang rgyud kyi gtan tshigs khas len pa'i phyir/ ma grub na/ de
chos can/ der thal/ dbu ma rang rgyud pa yin pa'i phyir/ gzhan
yang/ rang gi mtshan nyid kyis grub pa yod par thal/ gzhan skye
yod pa'i phyir te/ de yod par dbu ma rang rgyud pas khas len
pa'i

phyir te/ don dam par skye ba med par bden zhen gyis 'dod pa'i
gang zag kyang yin/ tha snyad du gzhan skye khas len pa'i gang
zag kyang yin pa'i gzhi mthun pa yod pa'i phyir/ der thal/ gang
phyir dngos po 'di dag rnam dpyad na/ /zhes pa'i thad kyi 'jug
'grel

las bshad pa'i phyir/ gzhan yang/ rang gi mtshan nyid kyis grub
pa yod par thal/ chos thams cad rang gi mtshan nyid kyis grub
pa'i phyir te/ mtshan nyid gsum ga rang gi mtshan nyid kyis grub
pa'i phyir/ de ltar du/ shes rab sgron me dang dbu ma snang

ba las bshad pa'i phyir/ zhib par drang nges rnam 'byed las shes
par bya'o/ /kho na re/ blo la snang ba'i dbang gis bzhag pa ma
yin par yul rang ngos nas grub pa de/ don dam dpyod byed kyi
rtags kyi dgag bya'i chos ma yin par thal/ rtog pas btags

tsam ma yin par yul rang ngos nas grub pa de rang gi mtshan nyid
kyis grub pa'i grub tshad ma yin pa'i phyir na ma khyab/ ma grub
na/ bum pa'i don spyi chos can/ rtog pas btags tsam ma yin par
yul rang ngos nas grub par thal/ rang gi mtshan nyid kyis

@17b grub pa'i phyir/ rtags khyab khas/ 'dod mi nus te/ rtog pas
btags tsam yin pa'i phyir/ byas pa la kho na re/ rtog pas btags
tsam dang rang gi mtshan nyid kyis grub pa'i gzhi mthun sems tsam
pas 'jog shes par thal/ de rang rgyud

pas 'jog shes pa'i phyir na ma khyab/ 'dod mi nus te/ sems tsam
pas kun btags rang gi mtshan nyid kyis ma grub par 'dod pa'i
phyir/ gzhan yang/ don dam par grub na don dam bden pa yin pas
ma khyab par thal/ rang gi mtshan nyid kyis

grub na rang mtshan yin pas ma khyab pa'i phyir na ma khyab/ ma
grub na/ shes bya chos can/ rang mtshan yin par thal/ rang gi
mtshan nyid kyis grub pa'i phyir/ khyab pa khas/ 'dod mi nus te/
spyi mtshan yin pa'i phyir/ kho na re/ lam rim chung ba dang skal

bzang mig 'byed las/ shes pa yin na rang gi mtshan nyid kyis grub
dgos pas shes pa yin pa'i yul can la/ yang log gnyis su mi 'byed
la/ zhes bshad pa mi 'thad par thal/ kun rdzob la rang gi mtshan
nyid kyis grub pa'i kun rdzob dang/ rang gi

mtshan nyid kyis ma grub pa'i kun rdzob gnyis su 'byed mi rigs
pa'i phyir/ ma grub na song/ der thal/ gzhi grub na rang gi
mtshan nyid kyis grub pas khyab pa'i phyir/ rtags khas/ zhes zer
na/ rtog pas btags tsam dang rang gi mtshan nyid kyis

grub pa'i gzhi mthun rang rgyud pas 'jog shes par thal/ de slob
dpon legs ldan 'byed kyis kyang 'jog shes/ de ka ma la shI las
kyang 'jog shes pa'i phyir/ dang po der thal/ des kun btags rang
gi mtshan nyid kyis grub par 'dod pa'i

phyir; gnyis pa rigs 'gre/ gzhan yang/ don dam par grub na bden
grub yin pas ma khyab par thal/ rdzas su grub na rdzas yod yin
pas ma khyab pa'i phyir/ khyab pa khas/ ma grub na/ gang zag
chos can/ der thal/ de'i phyir/ gzhan yang/

@018a @#/ /lam rim gyi lung des log pa'i kun rdzob yin na rang gi
mtshan nyid kyis ma grub pas khyab par bstan par thal/ des kun
rdzob la rang gi mtshan nyid kyis grub pa'i kun rdzob dang rang
gi mtshan nyid kyi ma grub pa'i kun rdzob

gnyis su yod par bstan pa'i phyir/ rtags khas/ 'dod na/ byad
bzhin gyi gzugs brnyan chos can/ rang gi mtshan nyid kyis ma grub
par thal/ log pa'i kun rdzob yin pa'i phyir/ gnyis pa la/ kha
cig /gzhi lam rnam gsum chos can/ bden par med de/

bden pa'i gcig tu yang med/ bden pa'i du mar yang med pa'i
phyir/ de chos can/ bden pa'i gcig tu med de/ cha bcas yin pa'i
phyir/ khyab ste/ cha bcas yin na snang tshul la rang gi cha shas
rnams dang ngo bo tha dad snang yang gnas tshul la rang gi cha
shas rnams

dang ngo bo gcig yin pas khyab/ de yin na bden par med pas
khyab/ de yin na bden pa'i gcig tu med pas khyab pa'i phyir/ de
chos can/ cha bcas yin te/ yod pa gang zhig cha bcas dang cha
med dngos 'gal yin/ cha med shes bya la mi srid pa'i phyir/ zer

na; bum pa'i chos nyid chos can/ snang tshul la rang gi cha shas
rnams dang ngo bo tha dad du snang yang gnas tshul la rang gi cha
shas rnams dang ngo bo gcig yin par thal/ cha bcas yin pa'i
phyir/ khyab pa khas/ 'dod na/ rdzun pa yin par thal/ 'dod pa'i

phyir; 'dod mi nus te/ bden pa yin pa'i phyir te/ chos nyid yin
pa'i phyir/ gzhan yang/ de chos can/ gnas tshul la grub par thal/
gnas tshul la rang gi cha shas rnams dang ngo bo gcig yin pa'i
phyir/ ma grub na song/ der thal/ cha bcas

yin pa'i phyir/ khyab pa khas/ 'dod na/ gnas lugs la grub par
thal/ 'dod pa'i phyir/ 'dod na/ gnas lugs su grub par thal/ 'dod
pa'i phyir/ 'dod na/ bden par grub par thal lo/ /kha cig /de
chos can/ gnas tshul la grub par

@18b thal/ dngos gnas la grub pa'i phyir na ma khyab/ gzhan
yang/ cha bcas dang cha med chos can/ yod par thal/ dngos 'gal
yin pa'i phyir/ 'dod na/ cha med yod par thal lo/ /kho na re/
bden pa'i gcig dang bden pa'i du ma gang rung dang bral ba de
gzhi

lam rnam gsum bden med du sgrub pa'i rtags yang dag yin no zhes
zer na/ bden pa'i gcig dang bden pa'i du ma gang rung med par
thal/ dam bca' de 'thad pa'i phyir/ 'dod na/ de yod par thal/
bden pa'i gcig kyang yod/ bden pa'i du ma yang

yod pa'i phyir/ dang po der thal/ bum pa'i chos nyid de bden
pa'i gcig yin pa'i phyir/ ma grub na/ de chos can/ der thal/
bden pa gang zhig /gcig yin pa'i phyir/ rtsa rtags gnyis pa grub
ste/ ka pa'i chos nyid dang bum pa'i chos nyid de bden pa'i du

ma yin pa'i phyir/ der thal/ bden pa gang zhig /du ma yin pa'i
phyir/ dang po der thal/ chos nyid yin pa'i phyir/ gnyis pa der
thal/ tha dad yin pa'i phyir/ gzhan yang/ bden pa'i ldog pa med
par thal/ bden pa'i gcig med pa'i phyir/ rtags khas

'dod na/ bden par med par thal lo/ kha gcig bden pa'i gcig tu
grub pa yod par thal/ bden pa'i gcig yod pa'i phyir/ zer na ma
khyab ste/ 'o na bden par grub par yod pa thal/ bden pa yod pa'i
phyir/ khyab pa khas/ rtags sla/ kha cig bden

par grub pa'i gcig dang du ma gang rung du med pa gzhi lam rnam
gsum bden med du sgrub pa'i rtags yang dag yin no/ /zhe na/ gzhi
lam rnam gsum chos can/ bden par grub pa'i gcig dang du ma gang
rung du grub par thal/ du mar grub pa'i phyir te/ du

ma yin pa'i phyir te/ tha dad pa'i phyir/ ! gcig du bral gyi
rtags kyi khyab pa sgrub tshul la/ kha cig /yod na gcig dang du
ma gang rung yin pas khyab pa 'jal ba'i tshad mas/ bden par yod
na bden pa'i gcig dang du ma gang rung gis ma khyab par 'dzin

@19a @#/ /pa'i sgro 'dogs gcod pa yin no zhes zer na/ 'o na/ byas
na mi rtag pas khyab pa 'jal ba'i tshad ma des/ sgra byas na mi
rtag pa yin pas ma khyab par 'dzin pa'i sgro 'dogs gcod par
thal/ dam bca' de 'thad pa'i phyir/

'dod na/ des sgra la rtag 'dzin gi sgro 'dogs gcod par thal/
'dod pa'i phyir/ 'dod na/ byas rtags kyis sgra mi rtag rtogs kyi
rjes dpag des sgra la rtag 'dzin gyi sgro 'dogs gsar du mi gcod
par thal/ 'dod pa'i phyir/ 'dod na/ de sgra rtag pa

ma min pa la gsar du mi slu ba'i rig pa ma yin par thal lo/ /'on
kyang/ TIka'i tshig don la dogs pa 'di ltar bcad dgos pa yod de/
gal te kho na re/ yod na gcig dang du ma gang rung yin pas khyab
pa 'jal ba'i tshad ma des/ bden grub tu yod na bden

pa'i gcig dang bden pa'i du ma gang rung gis ma khyab par 'dzin
pa'i sgro 'dogs gcod pa yin par thal/ yod pa yang yin gcig dang
du ma gang rung ma yin pa yang yin pa'i gzhi mthun pa 'gog byed
kyi tshad ma des/ bden par yod pa yang yin/ bden pa'i

gcig dang bden pa'i du ma gang rung ma yin pa yang yin pa'i gzhi
mthun pa yod par 'dzin pa'i sgro 'dogs gcod pa'i phyir/ der
thal/ gzugs kyi steng du yod pa yang yin/ gcig dang du ma gang
rung ma yin pa yang yin pa'i gzhi mthun pa 'gog byed

kyi tshad ma des/ gzugs kyi steng du bden par yod pa yang yin/
bden grub kyi gcig dang bden grub kyi du ma gang rung ma yin pa
yang yin pa'i gzhi mthun pa yod par 'dzin pa'i sgro 'dogs gcod
pa'i phyir/ ma grub na/ snying po rgyan las/ gzhi gzugs

brnyan gyi steng du gcig dang du ma phan tshun spang 'gal gyi
dngos 'gal du nges pa'i tshad ma des/ gcig dang du ma'i phung sum
mi srid par rtogs pa na/ gzhi gzugs brnyan gyi steng du bden
grub kyi gcig dang du ma'i phung sum mi srid par rtogs par nges
pa

@19b yin no/ /zhes bshad pa dang 'gal lo/ /zhe na skyon med de/
de'i don ni/ gzhi gzugs brnyan gyi steng du gcig dang du ma phan
tshun spang 'gal gyi dngos 'gal du nges pa'i tshad ma de'i byed
las la brten nas/ de'i steng du bden grub kyi gcig dang bden par

kyi du ma'i phung sum mi srid par rtogs nus/ zhes pa'i don yin
no// ! gnyis pa rang lugs la rtags 'god pa dang/ tshul sgrub pa
gnyis las/ dang po ni/ gzhi lam rnam gsum chos can/ bden par med
de/ bden par grub pa'i gcig dang bden par

grub pa'i du ma gang rung du med pa'i phyir/ dper na gzugs
brnyan bzhin no/ /gnyis pa tshul sgrub pa la/ phyogs chos sgrub
pa dang/ khyab pa sgrub pa gnyis/ dang po la/ bden grub kyi gcig
bral du sgrub pa dang/ bden grub kyi du bral du sgrub pa gnyis/
dang po

ni; gzhi lam rnam gsum chos can/ bden grub kyi gcig tu med de/
cha bcas yin pa'i phyir/ khyab ste/ bden grub kyi gcig yin na/
rang gi cha shas la ltos med kyi gcig yin dgos/ de yin na cha
bcas ma yin dgos pa'i phyir/ gzhi lam rnam gsum

chos can/ cha bcas yin te/ yod pa gang zhig cha bcas cha med
dang dngos 'gal yin/ cha med shes bya la mi srid pa'i phyir/
gnyis pa bden grub kyi du bral du sgrub pa ni/ de chos can/ bden
grub kyi du mar med de/ bden grub kyi gcig med pa'i phyir/ khyab
ste/

du ma gcig la ltos te 'jog dgos pa'i phyir/ gnyis pa khyab pa
grub pa ni/ bden grub kyi gcig dang/ bden grub kyi du ma gang
rung du med na bden par med pas khyab ste/ bden par yod na bden
par grub pa'i gcig dang bden par grub pa'i du ma gang rung du
yod dgos

pa'i phyir te/ yod na gcig dang du ma gang rung du yod dgos pa'i
phyir/ rtsod pa spong pa la kho na re/ bden grub kyi gcig dang
bden grub kyi du ma gang rung du med pa de don dam bden pa ma
yin par thal/ de de sgrub kyi rtags yang dag yin pa'i phyir/
'dod mi

@20a @#/ /nus te/ bden grub kyi gcig tu med pa yang don dam bden
pa yin/ bden grub kyi du mar med pa yang don dam bden pa yin
pa'i phyir/ rtags gnyis ka grub ste/ bden pa'i skye ba med pa
don dam bden pa yin pa'i phyir/ ma grub

na; der thal/ myu gu bden pa'i skye med du sgrub pa'i don dam
dpyod byed kyi rtags yang dag yod pa'i phyir/ 'di'i lan la kha
cig na re/ gang zag de rang gi gdags gzhi'i phung po dang/ bden
par grub pa'i gcig ma yin pa de gnas lugs mthar thug yin par

thal; bden grub kyi gcig dang bral ba de gnas lugs mthar thug
yin pa'i phyir/ rtags khas/ 'dod mi nus te/ de dngos smra ba'i
tshad mas nges pa'i phyir/ ma grub na/ dngos smra ba de chos can/
der thal/ gang zag phung po dang gcig ma yin par tshad mas nges
pa'i phyir/

gzhan yang/ bden grub kyi gcig ma yin pa don dam bden pa ma yin
par thal/ bden grub kyi gcig 'dzin stangs kyi yul du byed pa'i
bden 'dzin lhan skyes med pa'i phyir/ sa myug gnyis bden grub
kyi gcig tu 'dzin pa'i bden 'dzin lhan skyes med pa'i phyir/

khyab ste/ bden 'dzin lhan skyes thams cad 'dzin stangs rigs
gcig pa'i phyir/ der thal/ chos dbyings thams cad rigs gcig pa'i
phyir/ des bden grub kyi du ma dang bral ba la yang rigs 'gre
zer na/ longs spyod byed du bden par ma grub pa gnas lugs ma

yin par thal/ gden grub kyi gcig tu med ba de de ma yin pa'i
phyir/ rtags song/ 'dod mi nus te/ longs spyod byed du bden par
'dzin pa'i bden 'dzin lhan skyes yod pa'i phyir/ de ltar rtogs
pa'i skabs kyi TI ka las bshad pa'i phyir/ de la kho na re/
gcig tu

bden par ma grub pa gnas lugs mthar thug yin par thal/ longs
spyod byed du bden par ma grub pa de gnas lugs mthar thug yin
pa'i phyir/ khyab pa khas/ 'dod mi nus te/ gcig tu bden pa 'dzin
pa'i bden 'dzin lhan skyes med pa'i phyir/ zhes

@20b zer; des na bden grub kyi gcig dang bden grub kyi du ma
gang rung du med pa gnas lugs mthar thug yin par thal/ bden grub
kyi gcig dang bden grub kyi du ma gang rung du med pa de gzhi
lam rnam gsum bden med du sgrub pa'i tha snyad 'ba' zhig sgrub
kyi

rtags yang dag yin pa'i phyir/ de ltar du skal bzang mig 'byed
las gsungs pa'i phyir dang/ dbu ma rgyan gyi 'grel pa las kyang/
rmongs pa rnams la dngos po thams cad la ngo bo nyid med pa nyid
kyi tha snyad du rung pa nyid rab tu bsgrub pa'i phyir/ dam bca'
ba'i

don gyi phyogs gcig gi gtan tshigs yin no/ dper na/ dmigs pa'i
mtshan nyid du gyur pa la dmigs pa med do/ /zhes pa lta bu yin
pas brtsad par bya ba lta bu ni ma yin no zhes gsungs pa'i
phyir/ gal te kho na re/ bden grub kyi gcig dang bden grub

kyi du ma gang rung du med pa chos can/ gzhi lam rnam gsum bden
med du sgrub pa'i rang bzhin ma dmigs pa'i rtags yang dag yin
par thal/ de de sgrub kyi 'brel zla ma dmigs pa'i rtags yang dag
gang zhig /de de sgrub kyi tha snyad 'ba' zhig sgrub kyi rtags
yang

dag yin pa'i phyir/ rtags phyi ma dngos/ 'dod na/ de de sgrub
kyi khyab byed ma dmigs pa'i rtags yang dag ma yin par thal/
'dod pa'i phyir/ 'dod mi nus te/ TI ka las/ de de sgrub kyi
khyab byed ma dmigs pa'i rtags su bshad pa'i phyir/ zer na rtsa
bar ma khyab bo/ /

yang kho na re/ gang zag gi steng du bden grub kyi don sgro
'dogs pa'i blo yin na/ de'i steng du bden grub kyi gcig dang
bden grub kyi du ma gang rung du sgro 'dogs pa'i blo yin dgos
par thal/ de de sgrub kyi tha snyad 'ba' zhig sgrub kyi rtags
yang dag yin

pa'i phyir/ 'dod na/ gang zag bden par 'dzin pa'i bden 'dzin
lhan skyes chos can/ der thal/ de'i phyir/ zer na rtsa bar ma
khyab bo/ yang kha cig /bden grub kyi gcig dang bden grub kyi du
ma gang rung du med pa de gzhi lam rnam gsum bden med du

@21a @#/ /sgrub pa'i rtags yang dag ma yin par thal/ gzhi lam
rnam gsum bden grub kyi du mar med par tshad mas nges pa'i gang
zag yin na/ de bden med du tshad mas nges pa'i gang zag yin dgos
pa'i phyir te/ de gsum bden grub tu

bden zhen gyis 'dod pa'i gang zag yin na/ de gsum bden grub kyi
du mar bden zhen gyis 'dod pa'i gang zag yin dgos pa'i phyir/
rtags 'bud ces zer te/ dpyad par bya'o// !//de la thams cad
mkhyen pa nyid gsum gyis don brgyad bsdus la/ zhes

sogs kyi skabs su/ gzhung don dang/ mtha' bcad pa gnyis/ dang po
ni/ rje btsun byams mgon chos can/ mkhyen gsum gyis sgo nas yum
la bstod pa'i rgyu mtshan yod de rgyan gyi ched du bya ba'i gdul
byas mngon par rtogs pa brgyad po thams cad/ mkhyen

gsum gyi bsgom bya'i rnam par bsdus nas nyams su len dgos pa'i
rgyu mtshan gyis de ltar bstod pa'i phyir/ de chos can/ mkhyen
gsum gyi sgo nas bstod par dgos pa yod de/ mkhyen gsum gyis rang
sras 'phags pa'i bzhed don phun tshogs sgrub nu so

zhes shes par bya ba'i ched yin pa'i phyir/ gnyis pa la/ kha cig
/mkhyen gsum mtshon byed kyi chos sum cu/ mngon par rtogs pa
brgyad kyis bsdus pa de/ mkhyen gsum gyis mngon par rtogs pa
brgyad bsdus pa'i don yin/ zhes gsung/ 'o na/ mkhyen gsum

mtshon byed kyi chos sum cu/ sdud byed kyi mkhyen pa yod par
thal/ dam bca' de 'thad pa'i phyir/ 'dod na/ theg chen sgrub
pa'i rten rang bzhin gnas rigs sdud byed kyi mkhyen pa yod par
thal lo/ /kha cig /mngon par rtogs pa brgyad po gang rung yin
na/

mkhyen gsum gang rung yin pas khyab pa de/ mkhyen gsum gyis
mngon par rtogs pa brgyad bsdus pa'i don yin/ zer na/ theg chen
lam du zhugs ma thag pa'i byang sems tshogs lam pa'i rgyud kyi
kun rdzob sems skyed chos can/ mkhyen

@21b gsum gang rung yin par thal/ don mngon par rtogs pa brgyad
po gang rung yin pa'i phyir te/ rnam rdzogs sbyor ba yin pa'i
phyir/ rtsa bar 'dod na/ 'phags rgyud kyi mkhyen pa yin par thal
lo/ /kha cig /'phags rgyud kyi don mngon par rtogs pa

brgyad po gang rung yin na/ mkhyen gsum gang rung yin pas khyab
pa de/ mkhyen gsum gyis don mngon par rtogs pa brgyad bsdus pa'i
don yin gsung/ 'o na/ nyan thos dgra bcom pa'i rtogs pa sngon du
song ba'i byang sems tshogs lam pa'i rgyud kyi kun

rdzob sems bskyed chos can/ mkhyen gsum gang rung yin par thal/
'phags rgyud kyi don mngon par rtogs pa brgyad po gang rung yin
pa'i phyir te/ 'phags rgyud gyi rnam rdzogs sbyor ba yin pa'i
phyir/ rtsa bar 'dod mi nus te/ gzhi shes kyang ma yin/

lam shes kyang ma yin/ rnam mkhyen yang ma yin pa'i phyir/ dang
po der thal/ theg dman gyi rtogs rigs su mi gnas phyir/ /gnyis
pa der thal/ theg chen 'phags pa'i mkhyen pa ma yin pa'i phyir/
gsum pa sla/ rong TIk pa na re/ 'phags bzhi'i

mngon par rtogs pa la mkhyen gsum du bzhag pa ni/ mkhyen gsum
gzhi shes kyis bsdus/ sbyor bzhi lam shes kyis bsdus/ chos sku
rnam mkhyen gyis bsdus pa de mkhyen gsum gyis don mngon par
rtogs pa brgyad bsdus pa'i don yin/ zhes gsungs

pa mi 'thad de/ mkhyen gsum gyis don mngon par rtogs pa brgyad
bsdus pa de/ mkhyen gsum gyis don mngon par rtogs pa brgyad
bsdus pa'i don du mi 'thad pa'i phyir/ gzhan yang/ 'phags pa
bzhi po gang rung gi mngon par rtogs pa yin na/ mkhyen

gsum gang rung yin dgos par thal/ bsdu tshul de 'thad pa'i phyir/
'dod na/ 'og tu 'gog /kha cig /mkhyen gsum gyis mngon par rtogs
pa brgyad ma bsdus/ zer na/ mi 'thad de/ de ltar 'di dang yang
'di dang/ zhes sogs kyi skabs su/ mkhyen

@22a @#/ /gsum la mjug sdud bshad nas/ sbyor bzhi dang chos sku
la mjug sdud ma bshad pa mi 'thad par thal/ mkhyen gsum gyis
mngon par rtogs pa brgyad ma bsdus pa'i phyir/ rtags khas/ byas
pa la kho na re/ mkhyen gsum chos can/

khyod kyi mngon par rtogs pa brgyad ma bsdus par thal/ khyod
rnam mkhyen yin pa'i phyir/ der thal/ khyod yin pa yod/ khyod
yin na rnam mkhyen yin dgos pa'i phyir/ dang po der thal/ sangs
rgyas 'phags pa'i rgyud kyi gang zag gi bdag med mngon sum du
rtogs

pa'i mkhyen pa de mkhyen gsum yin pa'i phyir/ zer na/ mkhyen
gsum gzhi shes yin par thal/ mkhyen gsum yin pa yod/ mkhyen gsum
yin na gzhi shes yin dgos pa'i phyir/ khyab pa khas/ 'dod na/
mkhyen gsum gyi rnam pa bsgom bya'i gtso

bor byas nas sgom pa'i gang zag yin na/ gzhi shes kyi rnam pa
bsgom bya'i gtso bor byas nas sgom pa'i gang zag yin dgos par
thal/ 'dod pa'i phyir/ 'dod na/ byang sems tshogs lam pa chos
can/ der thal/ de'i phyir/ der thal/ mkhyen

gsum gyi rnam pa bsgom bya'i gtso bor byas nas sgom pa'i gang
zag yod pa'i phyir/ 'dod na/ gang zag gi bdag med bsgom bya'i
gtso bor byas nas sgom pa'i gang zag yin par thal/ 'dod pa'i
phyir/ lan med do/ /kha cig /mngon par rtogs pa

brgyad sdud byed kyi mkhyen gsum yod par thal/ mkhyen gsum gyis
mngon par rtogs pa brgyad bsdus pa'i phyir/ rtags khas/ 'dod na/
de brgyad sdud byed kyi rnam mkhyen yod par thal/ 'dod pa'i
phyir/ 'dod na/ sbyor bzhi sdud byed kyi rnam mkhyen yod par

thal; 'dod pa'i phyir/ 'dod na/ sbyor bzhi rnam mkhyen gyis
bsdus par thal lo/ /zer na/ mkhyen gsum sdud byed kyi mngon par
rtogs pa brgyad yod par thal/ mngon par rtogs pa brgyad kyis
mkhyen gsum bsdus pa'i phyir/ khyab pa khas/ der

@22b thal; mkhyen gsum mngon par rtogs pa brgyad kyi nang tshan
yin pa'i phyir/ rtsa bar 'dod na/ rnam mkhyen sdud byed kyi
mngon par rtogs pa brgyad yod par thal/ 'dod pa'i phyir/ 'dod
na/ rnam mkhyen sdud byed kyi sbyor ba bzhi yod par thal lo/
/'dod na/

rnam mkhyen sbyor bzhis bsdus par thal lo/ 'dod na/ lam yin na
sbyor bzhis bsdus pas khyab par thal/ 'dod pa'i phyir/ de bzhin
du/ bum pa sdud byed kyi ka bum gnyis yod par thal/ bum pa ka
bum gnyis kyis bsdus pa'i phyir/ khyab pa khas/ 'dod

na; de sdud byed kyi ka ba yod par thal lo/ kha cig /mkhyen gsum
gyis rnam rdzogs sbyor ba bsdus par thal/ des mngon par rtogs pa
brgyad bsdus pa'i phyir/ rtags khas/ 'dod na/ rnam rdzogs sbyor
ba chos can/ lam bden gyis bsdus par thal/ mkhyen

gsum gyis bsdus pa'i phyir/ 'dod na/ chos dkon mchog yin par
thal/ lam bden gyis bsdus pa'i phyir/ zer na/ shes bya chos can/
rnam rdzogs sbyor ba lam bden gyis bsdus par thal/ theg chen
gyis tshogs lam lam bden gyis bsdus

pa'i phyir te/ de lam bden gyis 'khor yin pa'i phyir/ kun btus
las/ lam gyi bden pa gang zhe na/ lam gang gis sdug bsngal yongs
su shes pa dang/ kun 'byung spang ba dang/ 'gog pa mngon du byed
pa dang/ lam sgom pa ste/ 'di ni lam gyi

bden pa'i mtshan nyid mdor bsdus pa'o/ /de yang lam rnam pa lnga
ste/ tshogs kyi lam dang/ sbyor ba'i lam dang/ mthong ba'i lam
dang/ sgom pa'i lam dang/ mthar phyin pa'i lam mo/ /zhes tshogs
sbyor lam bden gyi dbye bar gsungs pa de/

tshogs sbyor lam bden gyi 'khor yin pa la dgongs nas de ltar
gsungs pa'i phyir te/ de'i thad kyi 'grel pa rgyal sras ma las/
'di yang lam gyi bden pa 'khor dang bcas pa'i skabs las rig par
bya'o/ /zhes gsungs pa'i phyir/

@23a @#/ /byas pa la kho na re/ theg chen gyi tshogs lam du gyur
pa'i sems byung chos can/ lam bden dang mtshungs ldan yin par
thal/ lam bden gyi 'khor du byung ba'i sems byung yin pa'i
phyir/ ma grub na/ der thal/ de lam bden

gyi 'khor gang zhig /sems byung yin pa'i phyir/ zer na ma khyab/
kha cig /rnam mkhyen gyis bsdus pa'i rnam rdzogs sbyor ba yod
par thal/ mkhyen gsum gyis bsdus pa'i sbyor bzhi yod pa'i phyir/
'dod na/ sangs rgyas 'phags pa'i rgyud kyi bsdus pa'i rnam

rdzogs sbyor ba yod par thal/ 'dod pa gang zhig /sangs rgyas
'phags pa'i rgyud kyi shes pa dang rnam mkhyen gnyis yin khyab
mnyam yin pa'i phyir/ 'dod na/ sangs rgyas 'phags pa'i rgyud la
rnam rdzogs sbyor ba yod par thal lo/ /zer na/ rtsa bar

ma khyab/ yang kho na re/ theg chen gyi tshogs lam de lam shes
kyis bsdus par thal/ de lam bden gyis bsdus pa'i phyir/ rtags
khas/ 'dod na/ theg chen 'phags pa'i rgyud kyis bsdus par thal/
lam shes kyis bsdus pa'i phyir/ zer na/ mkhyen gsum

chos can/ khyod kyis bsdus na rnam mkhyen gyis bsdus pas khyab
par thal/ khyod rnam mkhyen yin pa'i phyir/ rtags khas/ 'dod na/
theg chen gyi mthong lam chos can/ der thal/ de'i phyir/ mkhyen
gsum gyi nang tshan yin pa'i phyir te/ lam shes yin pa'i

phyir; rtsa bar 'dod na/ sangs rgyas 'phags pa'i rgyud kyis
bsdus par thal/ 'dod pa'i phyir/ kho na re/ mkhyen gsum rnam
mkhyen yin par thal/ mkhyen gsum yin pa de rnam mkhyen yin pa'i
phyir te/ mkhyen gsum yin pa yod pa'i phyir/

zer na ma khyab/ yang kho na re/ mkhyen gsum chos can/ khyod
kyis mkhyen gsum bsdus par thal/ khyod kyis mngon par rtogs pa
brgyad bsdus pa'i phyir/ rtags khas/ 'dod na/ khyod mkhyen gsum
dang bsdu bya bsdu byed yin par thal/

@23b 'dod pa'i phyir/ 'dod na/ khyod mkhyen gsum dang tha dad
yin par thal/ 'dod pa'i phyir/ zer na/ ma khyab bo/ /phung khams
skye mched gsum chos can/ phung khams skye mched gsum dang tha
dad yin par thal/ de de dang bsdu bya bsdu byed yin pa'i phyir/

khyab pa khas/ der thal/ des de bsdus pa'i phyir/ der thal/ chos
khams kyis phung khams skye mched thams cad bsdus pa'i phyir/
khyab pa song zhing rang lugs la yang grub ste/ mdzod las/ phung
po dang ni skye mched kyis/ /khams gcig gis ni thams

cad bsdus/ /zhes bshad pa'i phyir/ des na/ gzhi shes chos can/
khyod rnam mkhyen gyis bsdus par thal/ khyod sdu byed kyi rnam
mkhyen yod pa'i phyir/ ma grub na song/ der thal/ khyod mkhyen
gsum gyis bsdus pa gang zhig /mkhyen gsum rnam

mkhyen yin pa'i phyir/ phyi ma dngos/ dang po grub ste/ mkhyen
gsum gyi nang tshan yin pa'i phyir/ rtsa par 'dod na/ sangs rgyas
'phags pa'i rgyud kyis bsdus par thal/ 'dod pa'i phyir/ rtags
khas/ 'dod na/ rnam mkhyen yin par thal/ sangs

rgyas 'phags pa'i rgyud kyis bsdus pa'i shes pa yin pa'i phyir/
!rang lugs ni/ mngon par rtogs pa brgyad po gang rung yin na/
mkhyen gsum gang rung gi rnam pa yin pas khyab cing/ tshul de
ltar du nyams su len dgos pa de/ mkhyen gsum gyis

mngon par rtogs pa brgyad bsdus pa'i don yin/ yang na mkhyen
gsum nyams len gyi sbyor bas mngon par rtogs pa brgyad nyams len
gyi sbyor ba bsdus pa de/ mkhyen gsum gyis mngon par rtogs pa
brgyad bsdus pa'i don yin no/ / ! nyan thos dang de'i

phyogs su bslan pa/ zhes sogs kyi skabs su gnyis las/ dang po
ni/ nyan rang slob pa 'phags pa chos can/ khyod kyis myang 'das
'thob pa'i thabs med pa ma yin te/ thabs gzhi shes la brten nas
myang 'das 'thob par byed pa'i phyir/ gnyis

@24a @#/ /pa la/ kha cig /nyon sgrib ma lus par spangs pa'i de
bzhin nyid de myang 'das kyi mtshan nyid/ zer na/ stong nyid ma
rtogs pa'i nyan thos dgra bcom pa'i rgyud kyi chos nyid chos
can/ mtshon bya der thal/ mtshan nyid de'i phyir/ der

thal; dgra bcom pa'i rgyud kyi chos nyid yin pa'i phyir/ 'dod
na/ stong nyid ma rtogs pa'i nyan thos dgra bcom pa'i rgyud kyi
myang 'das yin par thal/ de myang 'das yin pa'i phyir/ rtags
khas/ 'dod na/ de chos can/ stong nyid ma rtogs pa'i nyan

thos dgra bcom pa des khyod kyi mngon sum du rtogs par thal/
khyod de'i rgyud kyi myang 'das yin pa'i phyir/ 'dod na/ stong
nyid ma rtogs pa'i nyan thos dgra bcom pa chos can/ khyod kyis
stong nyid mngon sum du rtogs par thal/ khyod kyis stong nyid

ma rtogs pa'i nyan thos dgra bcom pa'i rgyud kyi chos nyid mngon
sum du rtogs pa'i phyir/ rtags khas/ 'dod na sla/ gzhan yang
nyan thos dgra bcom pa'i rgyud kyi 'gog bden chos can/ mtshan
nyid der thal/ mtshon bya de'i phyir te/ chos

can de'i phyir/ 'dod na/ de chos can/ don dam bden pa yin par
thal/ 'dod pa'i phyir/ 'dod mi nus te/ kun rdzob bden pa yin
pa'i phyir te/ 'gog bden yin pa'i phyir/ gzhan yang/ rang bzhin
rnam dag gi char gyur pa'i ngo bo nyid sku chos

can; mtshon bya der thal/ mtshan nyid de'i phyir te/ chos can de'i
phyir/ 'dod na/ mi gnas pa'i myang 'das yin par thal/ myang 'das
gang zhig /chos can de'i phyir/ 'dod na/ de chos can/ rgyun
mtha' bas khyod mngon sum du ma rtogs par

thal lo/ /'dod pa'i phyir/ 'dod na/ rgyun mtha' bas ye shes chos
sku'i chos nyid mngon sum du ma rtogs par thal/ 'dod pa'i phyir/
'dod na/ des ye shes chos sku bden stong du mngon sum du ma
rtogs par thal lo/ /'on kyang/ lam TIk

@24b las ni/ rgyun mtha' bas rang bzhin rnam dag gi char gyur
pa'i ngo bo nyid sku mngon sum du ma rtogs par gsungs/ kha cig
/kun 'byung ma lus par spangs shing sdug bsngal gyi phung po
lhag ma dang bcas pa'i dman pa'i so sor brtags 'gog /

dman pa'i lhag bcas myang 'das kyi mtshan nyid/ sdug bsngal gyi
phung po ma lus par spangs pa'i dman pa'i so sor brtags 'gog de/
dman pa'i lhag med myang 'das kyi mtshan nyid zer na/ dang po mi
'thad de/ lhag bcas myang 'das la gnas

pa'i nyan thos dgra bcom pa'i rgyud la las kyi kun 'byung yod
pa'i phyir/ der thal/ de las kyi kun 'byung gi dbang gis 'khor
bar gnas pa'i phyir te/ rnam 'grel las/ 'dod chags bral bas gnas
ba ni/ /brtse ba'am yang na las kyis yin/ /zhes

bshad pa'i phyir/ kha cig /myang 'das gang zhig /sdug bsngal gyi
phung po lhag ma dang bcas pa de lhag bcas myang 'das kyi mtshan
nyid/ myang 'das gang zhig sdug kun gnyis ma lus par spangs pa/
lhag med myang 'das kyi mtshan nyid zer na/ lhag bcas

myang 'das la gnas pa'i nyan thos dgra bcom pa tshe de la theg
chen lam du zhugs pa'i byang sems tshogs lam pa'i rgyud kyi myang
'das chos can/ mtshon bya dang po der thal/ mtshan nyid de'i
phyir/ 'dod na/ theg dman gyi myang 'das yin par thal/ 'dod

pa'i phyir/ gzhan yang/ sangs rgyas 'phags pa'i rgyud kyi 'gog
bden chos can/ mtshon bya phyi ma der thal/ mtshan nyid de'i
phyir/ chos can de'i phyir/ 'dod na/ theg dman gyi myang 'das
yin par thal/ 'dod pa'i phyir/ kho na re/ lhag bcas myang 'das
la

gnas pa'i nyan thos dgra bcom pa tshe de la theg chen lam du
zhugs pa'i byang sems tshogs lam pa'i rgyud kyi myang 'das chos
can/ lhag bcas myang 'das yin par thal/ lhag bcas myang 'das
dang por thob pa'i lus rten bar ma dor ba'i gang

@25a @#/ /zag gi rgyud kyi myang 'das yin pa'i phyir/ zer na ma
khyab/ 'o na/ lhag bcas myang 'das dang por thob pa'i lus rten
dor ba'i gang zag gi rgyud kyi myang 'das yin na lhag med myang
'das yin dgos par thal/ thal

'gyur de la khyab pa yod pa'i phyir/ 'dod na/ lhag bcas myang
'das la gnas pa'i theg dman dgra bcom pa'i rtogs pa sngon du
song/ lhag med myang 'das la gnas pa'i nyan thos dgra bcom pa'i
rtogs pa sngon du ma song pa'i byang sems mthong

lam pa'i rgyud kyi myang 'das chos can/ der thal/ de'i phyir te/
chos can de'i phyir/ 'dod na/ de 'dra ba'i byang sems mthong lam
pa chos can/ lhag med myang 'das la gnas pa'i theg dman dgra
bcom pa'i rtogs pa sngon du song ba'i

gang zag yin par thal/ khyod lhag med myang 'das thob pa'i byang
sems yin pa'i phyir/ khyab ste/ lhag bcas myang 'das thob pa'i
byang sems yin na/ lhag bcas myang 'das la gnas pa'i theg dman
dgra bcom pa'i rtogs pa sngon du

song ba'i gang zag yin dgos pa'i phyir/ rtags rang lugs la yang
grub po/ /gzhan yang/ lhag bcas myang 'das la gnas pa'i nyan
thos dgra bcom ba tshe de la theg chen lam du zhugs pa'i byang
sems tshogs lam pa shi 'phos pa'i rgyud kyi

myang 'das chos can/ khyod theg chen gyi myang 'das yin par
thal/ khyod theg chen tshogs lam gyi gnas skabs su gsar du thob
pa'i myang 'das yin pa'i phyir/ 'dod na/ mi gnas pa'i myang 'das
yin par thal/ 'dod pa'i phyir/ gzhan yang/

theg chen gyi lhag bcas myang 'das yod par thal/ lhag bcas myang
'das yin na theg dman gyi lhag bcas myang 'das yin pas ma khyab
pa'i phyir/ rtags khas/ 'dod na/ lhag bcas myang 'das la gnas
pa'i nyan thos dgra bcom pa tshe de la

@25b theg chen lam du zhugs pa'i byang sems tshogs lam pa'i rgyud
kyi myang 'das de theg chen gyi lhag bcas myang 'das yin par
thal/ theg chen gyi lhag bcas myang 'das yod pa'i phyir/ rtags
khas/ 'dod na/ de chos can/ mi gnas pa'i myang 'das

yin par thal lo/ /mtshan gzhi la/ kha cig /theg dman gyi dgra
bcom sku tshe'i 'du byed ma btang pa'i gnas skabs kyi myang 'das
de lhag bcas myang 'das dang/ theg dman dgra bcom sku tshe'i 'du
byed btang ba'i gnas skabs kyi myang 'das de lhag med myang

'das yin zhe na/ theg dman dgra bcom sku tshe'i 'du byed btang
ba'i gnas skabs kyi theg dman gyi myang 'das yod par thal/ dam
bca' phyi ma de 'thad pa'i phyir/ 'dod na/ de'i gnas skabs na
theg dman dgra bcom pa yod par thal/ 'dod pa'i phyir/ 'dod na/

theg dman dgra bcom 'das pa'i dus na theg dman dgra bcom yod par
thal/ 'dod pa'i phyir/ gzhan yang sku tshe'i 'du byed btang pa'i
theg dman dgra bcom yod par thal/ dam bca' phyi ma de 'thad pa'i
phyir/ 'dod na/ srog dbang rgyud la mi ldan pa'i

theg dman dgra bcom yod par thal/ 'dod pa'i phyir/ 'dod mi nus
te gang zag yin na srog dbang rgyud ldan yin dgos pa'i phyir te/
de yin na yid dbang rgyud ldan yin dgos pa'i phyir/ gzhan yang/
shi ba'i gang zag yod par thal/ sku tshe'i 'du byed btang

ba'i theg dman dgra bcom yod pa'i phyir/ rtags khas/ 'dod na/
shi ba'i gang zag gi lus yod par thal/ 'dod pa'i phyir/ 'dod na/
de'i lus de shi lus yin par thal/ de yod pa'i phyir/ 'dod na/ de
chos can/ shi lus ma yin par thal/ gson lus

yin pa'i phyir te/ srog ldan gyi lus yin pa'i phyir/ rtags grub
ste/ shi ba'i gang zag gi rgyud la srog dbang yod pa'i phyir/ ma
grub na/ shi ba'i gang zag chos can/ der thal/ khyod kyi rgyud
la yid dbang yod pa'i phyir/ ma grub na song/ der thal/ khyod
kyang

@26a @#/ /zag yin pa'i phyir/ rtags khas/ kho na re/ shi ba'i
gang zag yod par thal/ 'das pa'i gang zag yod pa'i phyir/ zer na
ma khyab ste/ shi ba'i sangs rgyas yod par thal/ 'das pa'i sangs
rgyas yod pa'i phyir/ khyab pa khas/ 'dod mi

nus te/ sangs rgyas 'phags pa yin na/ 'chi bdag gi bdud bcom pas
khyab pa'i phyir/ kho na re/ shi ba'i gang zag yod par thal/ shi
ba'i sems can yod pa'i phyir te/ sems can shi ba yod pa'i phyir
na ma khyab/ kha cig/ sems can shi ba med zer na mi 'thad

de; so so skye bo tha mal pa shi ba yod pa'i phyir/ ma grub na/
de chos can/ khyod shi pa yod par thal/ khyod 'jig pa yin pa'i
phyir/ khyab ste/ rang nyid 'jig pa yin na/ rang nyid zhig pa
yod dgos pa'i phyir/ rtsa rtags der thal/ khyod las nyon gyi
dbang gis skye 'chi

byed pa'i gang zag yin pa'i phyir/ lan med do/ /kha cig /sems
can gyi srog dbang 'gags pa yod na/ sems can shi ba yod dgos par
thal/ sems can shi ba yod pa'i phyir/ 'dod na/ longs sku shi ba
yod par thal/ longs sku'i srog dbang 'gags pa

yod pa'i phyir/ khyab pa 'grig /zer na mi mtshungs so/ /gzhan
yang/ rgyal po glang dar ma shi ba yin par thal/ shi ba'i gang
zag yod pa'i phyir/ rtags khas/ 'dod na/ de chos can/ 'das pa
yin par thal/ shi ba yin pa'i phyir/ 'dod mi nus te/ da lta ba
yin

pa'i phyir te/ dngos po yin pa'i phyir/ kho na re/ de shi ba yin
par thal/ bskal ba dang po'i mi shi ba yin pa'i phyir te/ bskal
ba dang po'i mi rnams shi ba'i rjes su/ da lta ba'i sems can
skyes zin pa'i phyir/ zer na ma khyab ste/ bud shing 'gags pa
yin

par thal/ bud shing 'gags pa'i rjes su du pa bskyed pa'i phyir/
khyab pa khas/ der thal/ de du ba'i rgyud rgyu yin pa'i phyir/
rtsa ba'i dam bca' la mkhas pa kha cig bar 'da' ba'i phyir mi
'ong gi myang 'das chos can/ lhag bcas myang 'das yin

@26b par thal/ theg dman dgra bcom sku tshe'i 'du byed ma btang
ba'i myang 'das yin pa'i phyir/ der thal/ des myang 'das thob
par dang bar do nas shis 'phos pa dus mnyam pa'i phyir te/ las
nyon gyis 'phangs pa'i bar do'i rten can gyi dgra bcom pa med

pa'i phyir/ des 'phangs ba'i skye srid 'tshol ba'i ngang tshul can
gyi dgra bcom pa med pa'i phyir/ rtsa bar 'dod mi nus te/ lhag
med myang 'das yin pa'i phyir/ rtags grub ste/ phyir mi 'ong gi
bar 'da' ba rnams dang por lhag med du myang ngan las 'da'

pa'i phyir te/ mdzod 'grel las/ skye 'da' ba 'chad pa'i skabs
su/ gzhan dag na re/ de yang phung po'i lhag ma med pas so zhes
zer ro/ de ni ma yin te/ tshe 'dor ba la dbang med pa'i phyir/
zhes dang/ 'grel bshad las/ bar do ba tshe thung zhing lus 'dor
sla bas 'di dag

ni lhag med du myang ngan las 'da'o/ /zhes gsungs pa'i phyir/ re
zhig phyir mi 'ong gi bar 'da' ba med par thal/ bar do'i rten la
mya ngan las 'da' ba'i phyir mi 'ong med pa'i phyir/ rtags zhal
gyis bzhes/ zhib tu dge 'dun nyi shu'i skabs su 'chad do/ /kha

cig; theg dman gyi myang 'das myang 'das min/ zer na/ 'o na/
theg dman dgra bcom dgra bcom ma yin par thal/ dam bca' 'thad
pa'i phyir/ 'dod na/ nyan thos dgra bcom dgra bcom ma yin par
thal lo/ /'dod na/ de chos can/ de yin par thal/

dgra bcom 'bras gnas yin pa'i phyir/ gzhan yang/ theg dman gyi
mi slob lam de mi slob lam ma yin par thal/ rtsa ba'i dam bca'
de 'thad pa'i phyir/ 'dod na/ slob lam yin par thal/ /'dod pa'i
phyir/ 'dod na/ theg dman gyi slob lam yin

par thal lo/ /kha cig /gzugs sku gnyis lhag bcas myang 'das
dang/ chos sku lhag med myang 'das yin te/ sku gsum la 'jug pa'i
sgor/ phung po bcas pa'i myang ngan 'das/ thub sku gnyis la
bzhag pa yin/ phung po kun dang bral ba'i phyir/ chos

@27a @#/ /kyi sku la phung po med/ /ces dang/ gser 'od dam pa
las/ sku de gnyis la dgongs te/ sangs rgyas bcom ldan 'das rnams
phung po lhag ma dang bcas pa'i mya ngan las 'das pa zhes bya'o/
/chos kyi sku la dgongs te phung po lhag ma

med pa'i mya ngan las 'das pa zhes gsungs so/ /zhes gsungs pa'i
phyir/ zhes gsungs/ 'o na/ gzugs sku gnyis chos can/ 'dus ma
byas yin par thal/ myang 'das yin pa'i phyir/ khyab ste/ rtsa
shes las/ mya ngan 'das pa 'dus ma byas/ /zhes bshad pa'i phyir/
! gzhan

yang dgra bcom pa yin na lhag bcas myang 'das pa yin dgos par
thal/ theg chen dgra bcom pa yin na lhag bcas myang 'das pa yin
dgos pa'i phyir/ rtags khas/ 'dod na/ lhag med myang 'das la
gnas pa'i nyan thos dgra bcom pa chos can/ der thal/ de'i phyir

'dod na/ lhag med myang 'das pa'i rgyud la lhag bcas myang 'das
yod par thal lo/ 'dod na/ lung de gnyis kyi don gang zhe na/
gzugs sku gnyis chos can/ khyod la lhag bcas myang 'das zhes
brjod pa'i rgyu mtshan yod de/ sgrib gnyis spangs shing phung po
lnga dang bcas

pa'i rgyu mtshan gyis de ltar brjod pa'i phyir/ ngo bo nyid sku
chos can/ lhag med myang 'das zhes brjod pa'i rgyu mtshan yod de/
sgrib gnyis sprangs shing phung po lnga dang bral ba'i rgyu
mtshan gyis de ltar rjod pa'i phyir/ ! re shig dogs pa la kho na
re/ ngo bo nyid sku de phung

po lnga dang bcas par thal/ de gzugs phung dang bcas pa'i phyir
te/ de rnam shes gyi phung po dang bcas pa'i phyir/ de zag med
kyi ye shes sde tshan nyer gcig dang bcas pa'i phyir te/ thub
pa'i ngo bo nyid sku ni/ /zag pa med pa'i chos gang dag /thob
gyur/ ces pa'i

bstan don grub pa'i phyir/ zer na dpyad par bya'o/ /rang lugs
ni/ myang 'das la mtshan nyid/ dbye ba/ sa 'tshams dang gsum/ dang
po ni/ nyon sgrib ma lus par spangs pa'i so sor brtags 'gog de/
myang 'das kyi mtshan nyid/ myang 'das la sgras brjod rigs kyi

@27b sgo nas dbye na/ rang bzhin gyi myang 'das/ lhag bcas myang
'das/ lhag med myang 'das/ mi gnas pa'i myang 'das dang bzhi/
dang po ni/ chos thams cad bden pas stong pa'i stong nyid lta
bu/ de dang don dam bden pa don gcig/ theg dman gyi myang 'das
gang zhig /

sdug bsngal gyi phung po lhag ma dang bcas pa'i so sor brtags
'gog de/ lhag bcas myang 'das kyi mtshan nyid/ mtshan gzhi ni/
khams gsum gang rung gi rten can gyi nyan thos dgra bcom pa'i
rgyud kyi 'gog bden lta bu/ theg dman gyi myang 'das gang zhig
/snga ma'i

las nyon gyis 'phangs pa'i sdug bsngal gyi phung po ma lus pa
spangs pa'i so sor brtags 'gog de/ lhag med myang 'das kyi mtshan
nyid/ mtshan gzhi ni/ bde ba can gyi rten can gyi nyan thos dgra
bcom pa'i rgyud gyi 'gog bden lta bu/ sgrib gnyis ma lus par
spangs

pa'i theg chen gyi so sor brtags 'gog de/ mi gnas pa'i myang
'das gyi mtshan nyid/ dper na sangs rgyas 'phags pa'i rgyud kyi
'gog bden lta bu/ de dang theg chen gyi myang 'das don gcig
/gsum pa sa 'tshams ni/ dgra bcom pa mtha' dag gi rgyud la yod/ !

rtsod pa spong ba la/ kha cig /gzugs med khams kyi rten can gyi
nyan thos dgra bcom pa'i rgyud kyi 'gog bden chos can/ snga ma'i
las nyon gyis 'phangs pa'i sdug bsngal kyi phung po lhag ma dang
bcas par thal/ lhag bcas myang 'das yin pa'i phyir/ khyab pa
khas/

'dod na/ gzugs med khams na sdug bsngal gyi phung po yod par
thal/ 'dod pa'i phyir/ 'dod na/ de na sdug bsngal yod par thal/
'dod pa'i phyir zer na/ ma khyab/ 'dod mi nus te/ gzugs med
khams pa'i rgyud kyi thag bcas kyi tshor ba yin na/ tshor ba btang
snyoms

yin dgos pa'i phyir/ zer na/ de na ming yod par thal/ de na ming
gi phung po yod pa'i phyir/ khyab pa khas/ rtags grub ste/ de na
phung po phyi ma bzhi yod pa'i phyir/ rtsa bar 'dod na/ de na
sgra yod par thal/ 'dod pa'i phyir/ yang kho na re/ lhag bcas
myang 'das chos

@28a @#/ /can; zag bcas kyi phung po dang bcas par thal/ sdug
bsngal gyi phung po dang bcas pa'i phyir/ rtags khas/ 'dod na/
zag pa dang bcas par thal/ zag bcas kyi phung po dang bcas pa'i
phyir/ zer na ma khyab/ 'dod na/ zag bcas yin par thal/ 'dod

pa'i phyir/ 'dod mi nus te/ zag med yin pa'i phyir te/ 'gog bden
yin pa'i phyir/ khyab ste/ mdzod las/ zag med lam gyi bden pa
dang/ /'dus ma byas rnam gsum yang ste/ /nam mkha' dang ni 'gog
pa gnyis/ /zhes gsungs pa'i phyir/ zer na/ mos pa sgom lam la

gnas pa'i sems dpa'i rgyud kyi 'gog bden chos can/ zag pa dang
bcas par thal/ zag bcas kyi phung po dang bcas pa'i phyir te/
mos pa sgom lam dang bcas pa gang zhig /de zag bcas kyi phung po
yin pa'i phyir/ dang po grub ste/ sangs rgyas 'phags pa'i rgyud
kyi

'gog bden de/ zag med kyi ye shes sde tshan nyer gcig dang bcas
pa'i phyir/ gnyis pa grub ste/ de zag bcas yin pa'i phyir/ de
ltar du skabs gnyis pa'i TIka las gsal par bshad pa'i phyir/
gal te mso pa sgom lam chos can/ zag pa'i sgo drug po gang rung

dang 'brel bar thal/ zag bcas yin pa'i phyir/ 'dod na/ las nyon
gyis 'phangs par thal/ 'dod pa'i phyir/ zer na rtsa bar ma
khyab/ kha cig /gang zag gi bdag 'dzin spangs pa'i gang zag yin
na/ 'khor ba'i rtsa ba spangs pa'i gang zag yin pas ma khyab par

thal; de yin na sdug bsngal gyi rtsa ba spangs pa'i gang zag yin
mi dgos pa'i phyir/ ma grub na/ lhag bcas myang 'das la gnas
pa'i nyan thos dgra bcom pa chos can/ der thal/ de'i phyir/
rtags sla/ 'dod na song/ de chos can/ sdug bsngal spangs pa'i
gang zag yin

par thal/ de'i rtsa ba spangs pa'i gang zag yin pa'i phyir/
rtags khas/ 'dod na/ mtshan nyid la dngos zer na/ chos kyi bdag
'dzin 'khor ba'i rtsa ba yin pa drang nges rnam 'byed las bshad
pa ltar rtsa bar 'dod lan 'debs dgos so/ /yang kha cig/ nyan
thos dgra

@28b bcom pa'i rtogs pa sngon du song ba'i byang sems tshogs lam
pa'i rgyud kyi myang 'das chos can/ sangs rgyas kyi myang 'das
yin par thal/ theg chen gyi myang 'das yin pa'i phyir/ khyab pa
khas/ der thal/ theg chen gang zag gi rgyud kyi myang 'das yin
pa'i phyir/ zer na ma

khyab bo/ /yang kho na re/ gzugs phyi rol don gyis stong pa'i
stong nyid chos can/ don dam bden pa yin par thal/ rang bzhin
gyi myang 'das yin pa'i phyir/ khyab pa khas/ der thal/ skabs
bzhi ba'i 'grel par/ ma skyes pa dang/ ma 'gags pa dang/ gzod ma
nas zhi ba

dang; rang bzhin gyi mya ngan las 'das pa'i mtshan nyid/ ces
bshad pa'i phyir/ zer na ma khyab ste/ rang bzhin gyi myang 'das
zhes pa'i sgras btags pa tsam yin pa'i phyir/ byas pa la kho na
re/ de'i skabs nas bstan pa'i rang bzhin gyi myang 'das yin na/
rang

bzhin gyi myang 'das yin dgos par thal/ lung de'i 'jug gi spyir
shes bya'i sgrib pa'i gnyen por gyur pa dag yin no/ /zhes pa'i
skabs kyi shes sgrib yin na/ shes sgrib yin dgos pa'i phyir/ zer
na ma khyab bo/ yang kho na re/ lhag med myang 'das kyi mtshan

nyi de mi 'thad de/ theg chen gyi lhag med myang 'das yod pa'i
phyir/ theg chen gyi rigs de lhag med myang 'das kyi skabs su mi
zad pa'i rgyu mtshan gyis/ de theg dman gyi rigs las mtshog tu
gyur pa yin pa'i phyir/ mdo sde rgyan las/ mi zad pa yi rgyu
mtshan gyis/ /

rigs mchog nyid ces brjod pa yin/ /zhes gsungs pa'i phyir/ zer
na ma khyab bo//!//rnam pa thams cad skye ba med par thugs su
chud pa/ zhes sogs kyi skabs su/ gzhung don dang/ mtha' bcad pa
gnyis/ dang po ni/ ston pa mchog gi sprul sku chos can/

khyod kyi gdul bya rigs can gsum la chos 'khor skor ba'i thabs
med pa ma yin te/ thabs rnam mkhyen la brten nas gdul bya rigs
can gsum la chos 'khor bskor ba'i phyir/ gnyis pa mtha' bcad pa
la/ kha cig/ ston pas gsungs pa'i dam chos chos

@29a @#/ /'khor gyi mtshan nyid/ zer na/ lam ma zhugs kyi gang zag
gi rgyud kyi bslab pa gsum po chos can/ mtshon bya der thal/
mtshan nyid de'i phyir/ rtogs pa'i bstan pa yin pa'i phyir te/
rtogs pa'i bstan pa'i mtshan gzhi zhig yod pa'i

phyir; rtsa bar 'dod na/ de chos can/ rtogs pa'i chos 'khor yin
par thal/ chos 'khor gang zhig /shes pa yin pa'i phyir/ dang po
dngos/ 'dod na/ thar lam yin par thal/ 'dod pa'i phyir/ 'dod mi
nus so/ /gzhan yang/ bstan bcos 'grel pa don gsal

chos can/ mtshon bya der thal/ mtshan nyid de'i phyir/ ma grub na/
ston pas gsungs pa'i dam chos yin na/ ston pa'i gsungs yin dgos
par thal/ ma grub pa de'i phyir/ 'dod na/ theg chen gyi mthong
lam chos can/ der thal/ de'i phyir/ rtsa bar 'dod na/ de chos
can/

ston pa'i gsung ma yin par thal/ lam yin pa'i phyir te/ chos can
de'i phyir/ rtsa bar 'dod na/ de chos can/ lung gi chos 'khor
yin par thal/ ngag rnam dag gang zhig /chos 'khor yin pa'i
phyir/ rtags phyi ma khas/ 'dod na/ sangs rgyas kyi bka' yin par

thal; lung gi chos 'khor yin pa'i phyir/ rtags khas/ 'dod na/
slob dpon seng ge bzang po sangs rgyas 'phags pa yin par thal/
bstan bcos 'grel ba don gsal sangs rgyas kyi bka' yin pa'i
phyir/ rtags khas/ gzhan yang/ 'grel pa don gsal de

ston pas gsungs pa'i dam chos yin par thal/ bstan bcos mngon
rtogs rgyan ston pas gsungs pa'i dam chos yin pa'i phyir/ ma
grub na/ de chos can/ der thal/ sangs rgyas kyi bka' yin pa'i
phyir/ der thal/ rje btsun byams mgon sangs rgyas yin pa'i
phyir/

gzhan yang/ 'grel ba don gsal chos can/ ston pas gsungs pa'i dam
chos yin par thal/ sher phyin gyi mdo'i dgongs 'grel du gyur
pa'i bstan bcos rnam dag yin pa'i phyir/ kha cig /bka' dang
spangs rtogs gang rung gis bsdus pa'i dam chos chos 'khor

@29b gyi mtshan nyid zer na/ lam ma zhugs kyi gang zag gi rgyud
kyi bslab pa gsum chos can/ mtshon bya der thal/ mtshan nyid de'i
phyir te/ rtogs pas bsdus pa'i dam chos yin pa'i phyir/ der
thal/ de yod pa'i phyir/ rtsa bar 'dod na/ bkags zin/ kha cig
/bka' dang

lam zhugs kyi spangs rtogs gang rung gis bsdus pa'i dam chos
chos 'khor gyi mtshan nyid/ zer na/ 'gog bden chos can/ mtshon bya
der thal/ mtshan nyid de'i phyir/ der thal/ lam zhugs kyi spangs
pas bsdus pa'i dam chos yin pa'i phyir te/ 'gog bden

yin pa'i phyir/ rtsa bar 'dod na/ 'khor lo rin po che dang chos
mtshungs pa'i dam chos yin par thal/ 'dod pa'i phyir/ 'dod na/
rang gi mi mthun phyogs mjoms nus kyis rnam dka' gyi yon tan yin
par thal/ 'dod pa'i phyir/ 'dod na/ dge ba yin par thal lo/ /

'dod na/ 'dus byas yin par thal lo/ /kha cig /'khor lo rin po
che tshad mas ma dmigs pa'i sa phyogs kyi sangs rgyas kyi bka'
chos can/ 'khor lo rin po che dang chos mtshungs pa'i dam chos
yin par thal/ chos 'khor yin pa'i phyir/ khyab pa khas/ 'dod na/
de

chos can/ 'khor lo rin po che yod par thal/ 'dod pa'i phyir na
ma khyab ste/ kho rang la/ me tshad mas ma dmigs pa'i sa phyogs
kyi byang sems sbyor lam pa'i rgyud kyi sems bskyed chos can/ me
yod par thal/ me lta bu'i sems bskyed yin pa'i phyir/ khyab pa
khas/ der thal

sbyor ba dang mtshungs ldan gyi sems bskyed yin pa'i phyir te/
byang sems sbyor lam pa'i kun rdzob sems bskyed yin pa'i phyir/
gzhan yang/ 'gog bden chos can/ rnam dkar gyi yon tan yin par
thal/ chos 'khor yin pa'i phyir/ khyab pa khas/ 'dod na/ dkar

chos yin par thal/ 'dod pa'i phyir/ 'dod na/ dge ba yin par
thal/ 'dod pa'i phyir/ khyab ste/ sbyin sogs dkar chos la sbyad
pas rang 'bras bde ba 'byung bar dam bcas pa'i dam bca' de khas
blangs snga phyi mi 'gal ba'i dam bca' yin pa'i phyir/ gong du

@30a @#/ /'dod na/ 'dus byas yin par thal/ dge ba yin pa'i phyir/
khyab ste/ 'dus ma byas kyi dge ba med pa'i phyir/ ma grub na/
rang bzhin gnas rigs dge ba yin par thal/ ma grub pa de'i phyir/
'dod na/ 'khor ba mi dge ba yin par thal/ 'dod pa'i

phyir; 'dod na/ khams gong ma'i sas bsdus kyi mi dge ba yod par
thal/ 'dod pa'i phyir/ 'dod na/ mdzod las/ de las 'gyod gnyid mi
dge rnams/ bsam gtan dang po dag na med/ /ces gsungs pa dang
'gal lo/ /yang kha cig/ 'gog bden chos can/ rtogs pa'i

chos 'khor yin par thal/ rtogs pa'i chos dkon mchog yin pa'i
phyir na ma khyab/ yang rtsa ba'i mtshan nyid la/ thar lam yin na
lam zhugs kyi mngon rtogs kyis bsdus pas khyab par thal/ bdag
med yin pa'i phyir/ 'dod na/ bka' dang lam zhugs kyi spangs

stogs gang rung gis bsdus pa'i dam chos/ chos 'khor gyi mtshan
nyid zer ba dang/ mkhyen gsum gyis mkhyen gsum ma bsdus zer ba
nad 'gal te/ des de bsdus par thal/ lam zhugs kyi mngon rtogs
lam zhugs kyi mngon rtogs kyis bsdus pa'i phyir/ ma grub na/ de

chos can/ des bsdus par thal/ thar lam yin pa'i phyir/ gsum ga
khas/ kha cig /sangs rgyas kyi bstan par rtogs pa'i dam chos
chos 'khor gyi mtshan nyid/ gdul bya'i rigs la bskyed byar gyur
pa'i rigs su gnas pa'i mkhyen pa rtogs pa'i chos 'khor gyi mtshan

nyid/ sangs rgyas kyi bstan pas bsdus pa'i lung de lung gi chos
'khor gyi mtshan nyid/ zer na/ lam ma zhugs gang zag gi rgyud kyi
bslab pa gsum po chos can/ mkhyen pa yin par thal/ rtogs pa'i
chos 'khor yin pa'i phyir/ khyab pa khas/ der thal/ chos 'khor
yin

zhing lung gi chos 'khor ma yin pa'i phyir/ dang po ma grub na
song/ der thal/ sangs rgyas kyi bstan par gtogs pa'i dam chos
yin pa'i phyir/ khyab pa khas/ rtags ggrub ste/ sangs rgyas ki
bstan pa yin pa'i phyir/ gal te kho na re/ lam ma zhugs kyi gang
zag gi

@30b rgyud kyi bslab pa gsum po dang/ snying rje chen po de chos
'khor yin kyang/ lung gi chos 'khor dang rtogs pa'i chos 'khor
gang yang ma yin/ zer na/ shin tu yang mi rigs te/ mdzod las/
ston pa'i dam chos rnam gnyis te/ lug dang rtogs pa'i bdag nyid
do/ /zhes

gsungs pa mi 'thad par thal/ chos 'khor de la lung gi chos 'khor
dang rtogs pa'i chos 'khor gnyis su grangs ma nges pa'i phyir/
der thal/ lam ma zhugs gang zag gi rgyud kyi bslab pa gsum po
chos 'khor gang zhig/ de gnyis re re nas ma yin pa'i phyir/
rtags

khas; 'dod na sla/ gzhan yang/ rtogs par gyur pa'i chos 'khor
yin na/ rtogs pa'i chos 'khor yin dgos par thal/ lung du gyur
pa'i chos 'khor yin na lung gi chos 'khor yin dgos pa'i phyir/
rtags don gyis song zhing rang lugs la yang grub bo/ /'dod na/

lam ma zhugs gang zag gi rgyud kyi bdag med rtogs pa'i shes rab
chos can/ der thal/ de'i phyir/ rtogs pa gang zhig /chos 'khor
yin pa'i phyir/ phyi ma dngos/ /dang po der thal/ rtogs pa'i
mtshan gzhi zhig yod pa'i phyir/ gzhan yang/ 'grel pa

don gsal chos can/ lung gi chos 'khor yin par thal/ sangs rgyas
kyi bstan pa'i lung yin pa'i phyir/ khyab pa khas/ 'dod na/
sangs rgyas kyi bka' yin par thal/ lung gi chos 'khor yin pa'i
phyir/ khyab ste/ lung gi chos 'khor bskor ba po'i gang zag yin

na sangs rgyas yin dgos pa'i phyir te/ 'grel ba las/ sangs rgyas
yang dag pakr bsdams pa'i sku can rnam 'byor can gyi dbang phyug
gi gtso bo rnams zhes pa'i gzhung 'di lung gi chos 'khor skor ba
po'i rten gyi gang zag ngos 'dzin gyi gzhugn yin pa'i phyir/ de

bzhin du lung rtogs gang rung gis bsdus pa'i dam chos chos 'khor
gyi mtshan nyid zer ba yang mi rigs te/ bshad ma thag pa'i skyon
'jug pa'i phyir/ kha cig/ bshad pas gdul bya'i rgyud la 'pho ba
'am 'pho byed kyi thabs gang rung du gyur ba'i rnam dkar gyi yon

@31a @#/ /tan chos 'khor gyi mtshan nyid zer na/ rnam mkhyen de
bshad pas gdul bya'i rgyud la 'pho bar thal/ mtshan nyid de 'thad
pa'i phyir/ 'dod na/ mdo las/ nyid kyi rtogs pa gzhan la 'pho
min te/ /chos nyid bden pa bstan pas bstan pas grol bar

'gyur; /zhes bshad pa mi 'thad par thal lo/ kha cig /'khor lo
rin po che dang chos mtshungs pa'i dam chos/ chos 'khor gyi mtshan
nyid zer na/ 'grel pa don gsal chos can/ mtshon bya der thal/
mtshan nyid de'i phyir/ sher phyin gyi mdo'i dgongs

'grel du gyur pa'i bstan bcos rnam dag yin pa'i phyir/ rtsa bar
'dod na bkags zin/ /rong TIk pa na re/ ston pas gsungs pa'i dam
chos gang zhig rang gi mi mthun phyogs 'joms nus de/ chos 'khor
gyi mtshan nyid yin zer na/ skyon snga ma yang 'jug

cing; lam ma zhugs kyi gang zag gi rgyud kyi bdag med rtogs pa'i
shes rab chos can/ mtshon bya der thal/ mtshan nyid de'i phyir/
dang po der thal/ rtogs pa'i bstan pa yin pa'i phyir/ gnyis pa
der thal/ bdag 'dzin kun brtags kyi gnyen po yin pa'i phyir/

rtsa bar 'dod mi nus te/ lam ma zhugs kyi shes pa yin pa'i
phyir/ kha cig /bden bzhi dngos kyi brjod bya'i gtso bor byas
nas ston pa'i mdo de/ bka' dang po bden bzhi'i chos 'khor gyi
mtshan nyid/ chos kyi bdag med phra mo dngos kyi brjod bya'i gtso
bor

byas nas ston pa'i mdo de/ bka' par pa mtshan nyid med pa'i chos
'khor gyi mtshan nyid/ chos kyi bdag med rags pa dngos kyi brjod
bya'i gtso bor byas nas ston pa'i mdo de/ bka' tha ma legs par
rnam par phye ba'i chos 'khor gyi mtshan nyid/ zer na/ yum

'bum gyi mdo tshig tu gyur pa'i bden bzhi dngos kyi brjod bya'i
gtso bor byas nas ston pa'i mdo chos can/ dang po la mtshon bya
der thal/ mtshan nyid de'i phyir/ der thal/ de yod pa'i phyir te/
lam shes nyid kyi tshul la ni/ /zhes pa'i bshad bya rtsa pa'i mdo
yod pa'i phyir/ 'dod

@31b na; theg dman thun mong ma yin pa'i mdo yin par thal/ 'dod
pa'i phyir/ gnyis pa la lung phran tshegs kyi nang tshan du gyur
pa'i stong nyid ston pa'i mdo chos can/ mtshon bya der thal/
mtshan nyid de'i phyir/ der thal/ de yod pa'i phyir te/ rtsa she
las/ bcom ldan dngos

dang dngos med pa/ /mkhyen pas ka ta ya na yi/ /gdams ngag las
ni yod pa dang/ /med pa gnyis ka'ang dgag par mdzad/ /ces gsungs
pa'i phyir/ rtsa bar 'dod na/ theg chen thun mong ma yin pa'i
mdo yin par thal lo/ /'dod mi nus te/ theg dman gyi mdo yin pa'i

phyir; 'di la dogs pa 'di yod de/ gal te drang nges rnam 'byed
las/ rnal 'byor spyod pa pa dang dbu ma rang rgyud pa rnams theg
dman gyi sde snod las chos kyi bdag med ma bstan zhing/ zhes
gsungs pa mi 'thad par thal/ theg dman gyi sde snod las chos kyi
bdag med bstan

par rang rgyud pas bzhed pa'i phyir/ zer na skyon med de/ lung
de'i don ni/ theg dman thun mong ma yin pa'i sde snod las chos
kyi bdag med ma bstan zhes pa'i don yin pa'i phyir/ zhes kho bo
smra'o/ gzhan dag ni the tshom yang ma zhugs par snang ngo/ /de
ltar ma yin na lung de'i

don ma grub par thal/ rnal 'byor spyod pa pas theg dman gyi sde
snod las chos kyi bdag med bstan par bzhed pa'i phyir/ khyab pa
khas/ der thal/ rnal 'byor spyod pa bas/ srid pa 'pho ba'i mdo
las/ ming ni gang dang gang gis su/ /zhes sogs kyis chos kyi
bdag

med bstan par bzhed pa'i phyir/ zhib tu ngag las shes par bya'o/
/kha cig /bden bzhi gang rung dngos kyi brjod bya'i gtso bor
byas nas bston pa'i theg dman gyi mdo de/ 'khor lo dang po'i
mtshan nyid/ don dam bden pa dngos kyi brjod bya'i gtso bor byas
nas ston

pa'i theg chen gyi mdo de/ 'khor lo bar pa'i mtshan nyid/ gzung
'dzin gnyis stong dngos kyi brjod bya'i gtso bor byas nas ston
pa'i theg pa thun mong ba'i mdo de/ 'khor lo tha ma'i mtshan
nyid/ 'dul ba lung sde bzhi po 'khor lo dang po'i mtshan gzhi/
mdo sde dgongs

@32a @#/ /'grel 'khor lo tha ma'i mtshan gzhi/ lung phran tshegs
kyi nang tshan du gyur pa'i ka ta ya na la gdams pa'i mdo las
stong nyid bstan/ 'khor lo gsum po gang rung yin na dgongs pa
can gyi mdo ma yin dgos zhes zer na/ stong nyid phra mo

ston pa'i lung phran tshegs kyi mdo chos can/ 'khor lo bar pa yin
par thal/ mtshan nyid de'i phyir/ der thal/ don dam bden pa dngos
kyi brjod bya'i gtso bor byed pa gang zhig /theg chen gyi mdo
yin pa'i phyir/ gnyis pa der thal/ 'dul pa lung sde bzhi po theg
chen gyi

mdo yin pa'i phyir/ de theg chen gyi 'dul ba'i sde snod yin pa'i
phyir te/ theg chen gyi 'dul ba'i sde snod cig yod pa'i phyir/
ma khyab na/ theg chen gyi so thar ston pa'i theg chen gyi 'dul
ba'i sde snod de gang yin smros shig /gal te 'dul ba lung sde
bzhi po chos can/ theg

chen gyi mdo ma yin par thal/ theg dman gyi mdo yin pa'i phyir
na ma khyab ste/ gsung rab yan lag bcu gnyis kyi nang tshan du
gyur pa'i gtan la dpab pa'i sde snod chos can/ der thal/ de'i
phyir/ rtags bsal gnyis ka grub ste/ theg pa che chung gnyis
ka'i mngon pa'i sde

snod yin pa'i phyir te/ kun btus las/ gtan la dbab par bstan
pa'i sde ni gnyis ka'i chos mngon pa'i sde snod do/ /zhes gsungs
pa'i phyir/ rtsa bar 'dod na/ rtags sgrub tshul sngar bzhin/
gzhan yang 'khor lo dang po'i mdo las stong nyid bstan par thal/
'dul ba

lung sde bzhi po 'khor lo dang po gang zhig /de las stong nyid
bstan pa'i phyir/ rtags rnams dngos/ 'dod na/ theg dman thun
mong ma yin pa'i mdo las/ stong nyid bstan par thal lo/ /'dod
na/ drang nges rnam 'byed las/ rnal 'byor spyod pa pa dang dbu
ma rang rgyud pa

rnams theg dman gyi sde snod las chos kyi bdag med ma bstan
zhing/ zhes pa'i don ji ltar yin soms shig /lan med do/ /gzhan
yang/ lnga sde la shams thabs zlum bor bgo ba la bslab par
bya'o/ /zhes pa'i bslab bya'i mdo tshig 'di/ bka' dang po bden
bzhi'i

@32b chos 'khor yin par thal/ 'dul ba lung sde bzhi bo de de yin
pa'i phyir/ rtags khas/ khyab ste/ de gnyis kas bdag med phra
rags gang rung bstan bya'i gtso bor mi byed par yang mtshungs/
lhag pa tshul khrims kyi bslab pa bstan bya'i gtso bor byed pa
yang mtshungs pa'i

phyir; rtsa bar 'dod na/ drang nges rnam 'byed las/ dper na dus
dang bor wa ra Na sir lnga sde la sham thams zlum por bgo bar
bya'o/ /zhes pa la sogs pa'i bslab bya gsungs pa la/ 'dir dogs
pa gcod mi dgos pa bzhin no/ /zhes gsungs pa dang dngos su 'gal
lo/ /

don sdu na/ 'dul ba lung sde bzhi po chos can/ gang zag gi bdag
med brjod bya'i gtso bor byas nas ston pa'i mdo yin par thal/
bka' dang po bden bzhi'i chos 'khor yin pa'i phyir/ rtags khas/
khyab ste/ drang nges rnam 'byed las/ dgongs 'grel las 'khor lo

rim pa gsum gsungs pa ni 'khor gyi 'du thebs dang ston pa'i sku
tshe'i tshigs la sogs pas 'jog pa ma yin gyi/ brjod bya'i ngos nas
yin no/ de yang bdag med pa'i don gtan la 'bebs pa'i dbang du
byas pa ste/ zhes gsungs pa 'di sgra ji bzhin du khas len rigs

pa'i phyir/ rtsa bar 'dod mi nus te/ de spong bdun 'khor bcas
kyi tshul khrims kyi bslab pa brjod bya'i gtso bor byas nas ston
pa'i mdo yin pa'i phyir/ des na 'dul ba lung sde bzhi po de bka'
dang po bden bzhi'i chos 'khor du 'dod pa ni 'khor lo gsum gyi
khyad

par dus tshigs kyi sgo nas 'jog pa dang/ brjod bya'i sgo nas 'jog
pa gang gi dbang du byas kyang mi 'thad de/ drang nges rnam
'byed kyi phyogs snga ma la gnas par shes par gyis la/ 'khrul ba
rgyun mar ma spel cig /'khor lo gsum po gang rung yin na dgongs
pa can

gyi mdo ma yin dgos zer ba yang mi 'thad de/ dgongs 'grel gyi
don dam yang dag 'phags zhus kyi le'u chos can/ der thal/ de'i
phyir/ 'khor lo tha ma'i mtshan gzhi cig yod pa'i phyir/ 'dod mi
nus te/ ldem dgongs kyi mdo yin pa'i phyir te/ mtshan nyid la
ldem

@33a @#/ /dgongs kyi mdo yin pa'i phyir te/ mtshan nyid la ldem
por dgongs pa'i mdo yod pa'i phyir/ TIk las/ mtshan nyid la ldem
por dgongs pa ni/ dgongs 'grel las ngo bo nyid gsum la bden par
grub ma grub kyi khyad par phye nas gsungs

pa lta bu'o/ /zhes bshad pa'i phyir/ de bzhin du/ phyi don yod
par ston pa'i 'khor lo dang po chos can/ dgongs pa can gyi mdo
ma yin par thal/ 'khor lo gsum po gang rung yin pa'i phyir te/
/'khor lo dang po yin pa'i phyir te/ chos can de yin pa'i phyir/
sems tsam pa'i

thad kyi drang nges rnam 'byed las/ 'khor lo dang po las phyi
rol gyi dbang du byas pa'i gzung 'dzin gnyis gsungs pa drang don
du 'grel ba'i dgongs gzhi ni/ zhes gsungs pa yin pa'i phyir/
rtsa bar 'dod na/ dgongs pa can gyi mdo yin par thal/ phyi don
med pa'i phyir dang/

drang nges rnam 'byed drang ma thag pa sgra ji bzhin par khas
len rigs pa'i phyir/ kha cig /bden bzhi brjod bya'i gtso bor
byas nas ston pa'i theg dman gyi mdo de/ bka' dang po bden
bzhi'i chos 'khor gyi mtshan nyid/ chos kyi bdag med phra mo
bstan bya'i

gtso bor byas nas ston pa'i dbu ma pa'i thun mong ma yin pa'i
mdo de 'khor lo bar pa'i mtshan nyid/ chos kyi bdag med rags pa
bstan bya'i gtso bor byas nas ston pa'i sems tsam pa'i thun mong
ma yin pa'i mdo de bka' tha ma legs par rnam par phye ba'i

chos 'khor gyi mtshan nyid/ 'khor lo thog mtha' gnyis drang don
gyi mdo yin/ 'khor lo bar pa nges don gyi mdo yin/ drang nges
kyi khyad par ni/ kun rdzob bden pa dngos kyi brjod bya'i gtso
bor byas nas ston pa'i mdo/ drang don gyi mdo'i mtshan nyid/ don
dam

bden pa dngos kyi brjod bya'i gtso bor byas nas ston pa'i mdo/
nges don gyi mdo'i mtshan nyid zer ba dang/ stong nyid phra mo
brjod bya'i gtso bor byas nas ston pa'i mdo sde dgongs 'grel yod
de/ yum rgyas 'bring bsdus gsum nges don gyi mdor gzhung

@33b btsugs nas bsgrubs pa'i mdo sde dgongs 'grel yod pa'i
phyir/ zhes zer na nang 'gal te/ don dam yang dag 'phags zhus
kyi le'u chos can/ 'khor lo bar pa yin par thal/ chos kyi bdag
med phra mo dngos kyi brjod bya'i gtso bor byas nas

ston pa'i dbu ma pa'i thun mong ma yin pa'i mdo yin pa'i phyir
te/ chos kyi bdag med phra mo bstan bya'i gtso bor byas nas ston
pa gang zhig /dbu ma pa'i thun mong ma yin pa'i mdo yin pa'i
phyir/ dang po der thal/ stong nyid phra mo dngos kyi brjod
bya'i

gtso bor byed pa'i mdo sde dgongs 'grel gyi mdo yod pa'i phyir/
rtags khas/ rtags phyi ma ma grub na song/ der thal/ yum rgyas
'bring bsdus gsum nges don gyi mdor gzhung btsugs nas bsgrubs
pa'i mdo yin pa'i phyir/ rtags khas/ gzhan

yang; don dam yang dag 'phags zhus kyi le'u des stong nyid phra
mo dngos kyi brjod bya'i gtso bor byed par thal/ de dngos kyi
brjod bya'i gtso bor byed pa'i 'khor lo tha ma yod pa'i phyir/
rtags khas/ 'dod na/ de chos can/ drang don gyi mdo ma yin

par thal/ nges don gyi mdo yin pa'i phyir/ ma grub na song/ der
thal/ don dam bden pa dngos kyi brjod bya'i gtso bor byas nas
ston pa'i mdo yin pa'i phyir/ rtsa bar 'dod na/ drang don gyi
mdo yin par thal/ 'khor lo tha ma yin pa'i phyir/

gzhan yang/ don dam yang dag 'phags zhus kyi le'u chos can/ sems
tsam pa'i thun mong ma yin pa'i mdo yin par thal/ 'khor lo tha
ma yin pa'i phyir/ rtags khyab khas/ 'dod na song/ de chos can/
de ma yin par thal/ dbu ma pa'i mdo yin

pa'i phyir/ de der thal/ dbu ma snang ba las/ mdo sde dgongs
'grel gyi don dbu mar bkral ba de skabs 'dir sgra ji bzhin du
khas len rigs pa'i phyir/ ma grub na song/ skabs 'dir mdo sde
dgongs 'grel de yum rgyas 'bring bsdus gsum

@34a @#/ /nges don gyi mdor gzhung btsugs nas bsgrubs pa'i mdor
khas len rigs pa'i phyir/ rtags khas/ gzhan yang/ shes rab
snying po'i mdo chos can/ nges don gyi mdo yin par thal/ don dam
bden pa dngos kyi brjod

bya'i gtso bor byas nas ston pa'i mdo yin pa'i phyir/ khyab pa
khas/ ma grub na/ der thal/ 'khor lo bar pa yin pa'i phyir/
khyab ste/ dgongs 'grel las theg pa chen po la yang dag par
zhugs pa rnams la stong pa nyid las smos pa'i ches ngo

mtshar rmad du byung ba'i chos kyi 'khor lo gnyis pa bskor te/
zhes gsungs pa'i phyir/ mkhas pa kha cig /ched du bya ba'i gdul
bya theg dman gyi rigs can la gtso bor dgongs nas chos thams cad
bden par yod par ston pa'i mdo dngos sam/

de'i sder gtogs gang rung de/ 'khor lo dang po'i mtshan nyid/
ched du bya'i gdul bya theg chen gyi rigs can 'khor lo bar pa'i
dgongs pa 'khor lo tha mas bkral ba la ltos mi dgos par 'khor lo
bar pa'i dgongs pa rdzogs par rtogs

nus pa'i gang zag la gtso bor dngos su dgongs nas chos thams cad
bden med du ston pa'i mdo dngos sam/ de'i sder gtogs gang rung
de/ 'khor lo bar pa'i mtshan nyid/ ched du bya ba'i gdul bya theg
pa che chung gi rigs can la 'khor

lo tha mas bkral ba la ma ltos par 'khor lo bar pa'i dgongs pa
rdzogs par rtogs mi nus pa'i gang zag la gtso bor dgongs nas ngo
bo nyid med tshul so sor phye nas ston pa'i mdo dngos sam/ de'i
sder gtogs gang rung de/ 'khor lo tha ma'i

mtshan nyid du 'jog ces zer na/ yum 'bum gyi mdo tshig tu gyur
pa'i mi rtag sogs bcu drug ston pa'i mdo chos can/ 'khor lo bar
pa yin par thal/ mtshan nyid de'i phyir te/ chos thams cad bden
med du ston pa'i mdo'i sder gtogs

@34b yin pa'i phyir/ der thal/ 'khor lo bar pa'i sder gtogs yin
pa'i phyir te/ 'khor lo bar pa'i mdo tshig yin pa'i phyir/ rtsa
bar 'dod na/ stong nyid dngos kyi brjod bya'i gtso bor byas nas
ston pa'i mdo yin par thal/ 'dod pa'i phyir/ 'dod mi nus

te; chos can de'i phyir/ gzhan yang/ 'khor lo tha ma'i ched du
bya ba'i gdul bya des 'khor lo tha ma la brten nas 'khor lo bar
pa'i dgongs pa rdzogs par rtogs nus par thal/ mtshan nyid phyi ma
de 'thad pa'i phyir/ 'dod na/ 'khor lo bar tha gnyis

dgongs pa gcig yin par thal lo/ /des na mtshan nyid 'di ltar 'jog
pa sems tsam pa'i lugs la snang tsam yin yang/ dbu ma pas khas
mi len no/ /chos 'khor bskor tshul la mkhas pa phal cher chos
'khor gsum rim can du bskor bar gsungs

pa dang mthun la/ 'o na ston pas chos 'khor gsum cig car du
bskor bar thal/ des theg pa che chung gi sde snod cig car du
gsungs pa'i phyir te/ mdo sde rgyan las/ sngar lung ma bstan
lhan cig byung/ /zhes gsungs pa'i phyir/ gzhan yang/ de gsum

cig car du bskor bar thal/ bka' dang po bden bzhi'i chos 'khor
gsungs pa dang dus mnyam du gsungs pa'i bka' tha ma legs par
rnam par phye ba'i chos 'khor gcig yod pa'i phyir/ ma grub na/
bka' tha ma legs par rnam par phye ba'i

chos 'khor yin na/ dus tha mar gsungs pa'i mdo yin dgos par
thal/ ma grub pa de'i phyir/ 'dod na/ 'khor lo gsum po de ston
pa'i sku tshe'i tshigs kyi sgo nas 'jog rigs par thal/ 'dod pa'i
phyir/ 'dod na/ drang nges rnam 'byed las/

dgongs 'grel las/ 'khor lo rim pa gsum gsungs pa ni 'khor gyi
'du thebs dang/ ston pa'i sku tshe'i tshigs la sogs pas 'jog pa ma
yin gyi/ zhes gsungs pa mi 'thad par thal lo/ /rgyan gyi lung
de'i don la/ kha cig /ston pas 'dzam bu gling du/

@35a @#/ /mchog gi sprul sku'i mdzad pa bstan pa'i tshe/ chos
'khor gsum cig car du bskor ba'i don yin gyi/ spyir chos 'khor
gsum cig car du bskor ba ma yin te/ ston pas chos 'khor gsum gyi
nang nas dang por mtshan

nyid med pa'i chos 'khor gsungs pa'i phyir te/ ston pas dang por
longs sku'i go 'phang mngon du mdzad pa gang zhig /longs sku yin
na theg chen gyi chos 'ba' zhig gsung ba po'i gang zag yin dgos
pa'i phyir/ dang po grub ste/ mchog gi sprul sku

yin na rang gi bdag rkyen du gyur pa'i longs skus bdag rkyen
byas pa las byung bas khyab pa'i phyir/ zer na/ ston pas dang
por theg dman gyi sde snod gsungs par thal/ ston pas dang por
sprul sku'i go 'phang mngon du mdzad pa gang zhig sprul sku yin
na theg

dman gyi mdo gsung ba po yin dgos pa'i phyir/ khyab pa khas/
dang po ma grub na/ der thal/ ston pa mngon par rdzogs par sangs
rgyas pa'i tshe sku bzhi cig car du mngon du byas pa'i phyir/ kha
cig /ston pas mdzad pa bcu gnyis po thams cad cig car du

bstan par thal/ des chos 'khor gsum cig car du bskor ba'i phyir/
rtags khas/ 'dod na/ ston pas khyim na bzhugs pa'i mdzad pa dang
rab tu byung ba'i mdzad pa gnyis cig car du bstan par thal/ 'dod
pa'i phyir/ 'dod na/ khyim pa dang rab

byung gi gzhi 'thun yod par thal lo/ /zer na ma khyab/ kha cig
/ston pas rgyas 'bring bsdus gsum cig car du gsungs par thal/
ston pas chos 'khor gsum cig car du bskor ba'i phyir/ rtags
khas/ 'dod na/ ston pas rgyas 'bring bsdus gsum

dang sher phyin bsdus pa cig car du gsungs par thal lo/ /'dod
na/ bcom ldan 'das kyis 'khor bzhi po de dag rab tu dga' bar
mdzad pa'i phyir/ zhes pa'i thad kyi sdud 'grel las/ rgyas par
bstan zin pa'i rjes de ma thag tu/ zhes gsungs pa mi

@35b 'thad par thal/ 'dod pa'i phyir/ zer na rtsa bar ma khyab
bo/ /yang ston pas chos 'khor gsum yul gcig tu gsungs par thal/
des chos 'khor gsum cig car du bskor ba'i phyir/ rtags khas/
'dod mi nus te/ ston pas chos 'khor gsum yul

so sor gsungs pa'i phyir/ zer na ma khyab/ yang/ ston pas chos
phung brgyad khri bzhi stong cig car du gsungs par thal/ des
chos 'khor gsum cig car du bskor ba'i phyir/ 'dod na/ ston pas
chos 'khor thams cad cig car du bskor bar thal/ 'dod

pa'i phyir na ma khyab/ yang kha cig /ston pas chos 'khor gsum
rim can du bskor bar thal/ ston pas yul wa ra Na sir bka' dang
po bden bzhi'i chos 'khor gsungs pa'i phyi de lo bya rgod phung
po'i rir mtshan nyid med pa'i chos 'khor gsungs pa'i phyir na

ma khyab/ der thal/ de ltar du dus 'khor 'grel chen du gsungs
pa'i phyir/ ston pas chos 'khor gsum cig car du bskor bar thal/
ston pas yul wa ra Na sir lnga sde la bden bzhi'i chos 'khor
bskor ba'i tshe/ de dang dus mnyam du gdul bya theg

chen gyi rigs can la/ mtshan nyid med pa'i chos 'khor gsungs pa'i
phyir/ gsang ba bsam gyis mi khyab pa'i mdo las/ zhi ba'i blo
gros/ de la gang gi tshe bcom ldan 'das gsung 'di skad du/ kau
NDi na+ya/ mig mi rtag go /zhes bka'

stsal pa de'i tshe/ sdug bsngal gyis 'dul ba rnams kyi sa ni mig
sdug bsngal lo zhes thos so/ /bdag med pas 'dul ba rnams kyis
ni/ mig bdag med do zhes thos so/ /stong pa nyid kyis 'dul ba
rnams kyis ni/ /mig stong ngo zhes thos so/ /zhi bas 'dul

ba rnams kyis ni/ mig zhi ba'o zhes thos so/ /dben pa 'dul ba
rnams kyis ni/ mig dben pa'o zhes thos so/ /mi rtag pas 'dul ba
rnams kyis ni/ mig mi rtag go zhes thos so/ /zhes gsungs pa'i
phyir/ gzhan yang/ ston pas yul wa ra Na sir

@36a @#/ /gsungs pa'i bden bzhi'i chos 'khor de/ ston pas zhing
'dir chos 'khor bskor ba'i thog ma yin par thal/ ston pas de
gsum rim can du bskor ba'i phyir/ rtags khas/ 'dod na/ zab zhi
spros bral 'od gsal 'dus ma

byas; /zhes pa'i mdo 'di gsungs pa'i tshe/ ston pas lung gi chos
'khor ma bskor bar thal/ 'dod pa'i phyir/ 'dod na/ de lung gi
chos 'khor ma yin par thal/ 'dod pa'i phyir/ 'dod mi nus te/
sangs rgyas kyi bka' yin pa'i phyir/ gzhan yang/

ston pas zhing 'dir mngon par rdzogs par sangs rgyas pa'i tshul
bstan nas zhag zhe dgu'i bar du chos 'khor ma bskor bar bshad pa
de sgra ji bzhin du khas len rigs par thal/ yul wa ra Na sir
gsungs pa'i bden bzhi'i chos 'khor de zhing 'dir

ston pas chos 'khor bskor ba'i thog ma yin pa'i phyir/ rtags
khas/ 'dod na/ rang gi gdul bya la chos mi ston pa'i mchog gi
sprul sku yod par thal/ 'dod pa'i phyir/ 'dod na/ mchog gi sprul
sku de chos nyid la mnyam par bzhag bzhin pa'i

ngang nas gzhan don 'bad med lhun grub tu byed nus pa'i gang zag
ma yin par thal/ 'dod pa'i phyir/ chos 'khor gsum cig car du
bskor zhes pa'i don la kha cig /ston pas yul wa ra Na sir bka'
dang po bden bzhi'i chos 'khor gsungs pa'i mdzad pa

pa dang bya rgod phung po'i rir sher phyin gyi mdo gsungs pa'i
mdzad pa cig car du bstan pa yin te/ ston pas sprul pa mi 'dra
ba du ma cig car du bstan pa'i phyir/ zhes zer na/ mi 'thad de/
ston pas chos 'khor thams cad cig car du bskor bar thal/ ston

pas yul wa ra Na sir gsungs pa'i bden bzhi'i chos 'khor dang bya
rgod phung po'i rir gsungs pa'i sher phyin gyi mdo gnyis cig car
du gsungs pa'i phyir/ 'dod na/ ston pas lung sde bzhi po cig car
du gsungs par thal lo/ /'dod na/ sdon chog dang da

@36b ltar gyi cho ga gnyis cig car du gsungs par thal lo/ /'dod
na/ de gnyis don gcig yin par thal lo/ /gal te kho na re/ 'grel
pa tshig gsal las/ chos kyi 'khor lo ma lus pa rnam pa thams cad
du bskor ba ni/ skad cig gcig kho na la

bskor ba ste/ zhes gsungs pa mi 'thad par thal/ des chos 'khor
thams cad cig car du ma bskor pa'i phyir/ zer na ma khyab/ mkhas
pa kha cig /gzungs kyi dbang phyug rgyal pos zhus pa'i mdo las
gsungs pa'i gdul bya bkri ba'i 'khor lo

rim pa gsum po de la/ chos 'khor gsum gyi tha snyad mi byed de/
drang nges rnam 'byed las/ chos 'khor lan gsum bskor ba dang don
mi gcig ste/ zhes gsungs pa'i phyir/ zer na mi 'thad de/ slar
yang bla ma'i rgyud 'di ni/ /zhes pa'i thad kyi rgyud bla

ma'i dar TIk las/ slar yang bla ma'i rgyud de/ rgyud phyi ma
'khor lo tha ma 'dir ni/ zhes de bzhin gshegs pa'i snying po'i
mdo la 'khor lo tha ma'i tha snyad gsal bar bshad pa'i phyir/
kho na re/ de bzhin gshegs pa'i snying po'i mdo de 'khor lo tha
ma yin par

thal; gzungs rgyal gyi mdo las gsungs pa'i gdul bya bkri ba'i
'khor lo rim pa gsum po la 'khor lo gsum gyi tha snyad 'thad
pa'i phyir/ 'dod na/ de chos can/ 'khor lo tha ma ma yin par
thal/ 'khor lo bar pa yin pa'i phyir/ der thal/ dgongs

'grel las gsungs pa'i 'khor lo bar pa yin pa'i phyir/ zer na
rtsa bar ma khyab ste/ gzungs kyi dbang phyug rgyal pos zhus
pa'i mdo las gsungs pa'i 'khor lo tha ma yin na/ 'khor lo tha ma
ma yin dgos pa'i phyir ste/ 'khor lo tha ma yin na dgongs

'grel las gsungs pa'i 'khor lo tha ma yin dgos pa'i phyir/ byas
pa la/ kho na re/ lnga sde la sham thabs zlum por bgo ba la
bslab par bya'o/ /zhes pa'i bslab bya'i mdo tshig chos can/
dgongs 'grel gyi 'khor lo dang po yin par thal/ de 'khor

@37a @#/ /lo dang po yin pa'i phyir/ khyab pa khas/ ma grub na/
'khor lo dang po yin na bka' dang po bden bzhi'i chos 'khor yin
dgos par thal/ ma grub pa de'i phyir/ 'dod na/ 'khor lo tha ma
yin na bka' tha ma legs par rnam par

phye ba'i chos 'khor yin dgos par thal/ 'dod pa'i phyir/ 'dod
na/ de 'dra'i khyab pa sems tsam pas khas len par thal/ 'dod
pa'i phyir/ 'dod na/ 'khor lo tha ma yin na nges don gyi mdo yin
pas khyab pa des khas len par thal lo/ /'dod na/ sems

tsam pa'i thad kyi drang nges rnam 'byed las/ 'khor lo gsum pa
des don du bshad pa yang sngar bshad pa ltar legs par phye ba
rnams yin gyi thams cad ma yin pa ni/ zhes bshad pa mi 'thad par
thal/ 'dod pa'i phyir/ zer na ma khyab ste/ de

ni dus gsum par gsungs pa'i mdo yin na nges don gyi mdo yin mi
dgos zhes pa'i don no/ /de ltar ma yin na dus dang por gsungs
pa'i mdo yin na 'khor lo dang po yin dgos par thal/ lnga sde la
sham thabs zlum bor bgo ba la bslab par bya'o/ /

zhes pa'i mdo 'di 'khor lo dang po yin pa'i phyir/ 'dod na/
'khor lo gsum ston pa'i sku tshe'i tshigs kyi sgo nas 'jog rigs
par thal lo/ /'di rnams las brtsams pa'i dogs pa phra mo gcod
dgos pa nyung na mtha' mi chod cing/ spros na mang bar

'gyur bas zur du dpyad par bya'o/ /re shig dogs pa la/ gzungs
rgyal gyis zhus pa'i mdo las gsungs pa'i chos 'khor gsum cig car
du bskor bar thal/ dgongs 'grel las gsungs pa'i 'khor lo gsum
cig car du bskor ba'i phyir/ ma grub na/ chos

'khor gsum cig car du bskor ba bud/ rtsa bar 'dod na/ mdo de
las/ rigs kyi bu de bzhin du de bzhin gshegs pa yang yongs su ma
dag pa'i sems can gyi khams mkhyen nas/ mi rtag pa dang/ sdug
bsngal ba dang/ bdag med pa dang/ mi gtsang bas yid

@37b 'byung ba'i gtam gyis 'khor ba la dga' ba'i sems can skyo
ba bskyed pa mdzad de/ 'phags pa'i chos 'dul ba la 'dzud par
mdzad do/ /de tsam gyis de bzhin gshegs pa brtson pa 'dor ba
yang ma yin te/ de'i 'og tu/ stong pa nyid dang mtshan ma med pa/
zhes

gsungs pa mi 'thad par thal/ 'dod pa'i phyir/ rtags khas/ gzhan
yang/ ston pas gdul bya gcig la rgyud smin byed kyi lam gyi rim
pa dang grol byed kyi lam gyi rim pa cig car du gsungs par thal/
gzungs rgyal gyi mdo las gsungs pa'i chos

'khor gsum cig car du gsungs pa'i phyir/ rtags khas/ 'dod na/
ston pas gdul bya rnams lam la rim can du bkri bar mdzad pa ma
yin par thal/ 'dod pa'i phyir/ gzhan yang/ nor bu mkhan gyis nor
bu gcig nyid sbyong tshul mi 'dra ba

gsum gyi sgo nas cig car du sbyong bar thal/ ston pas gzungs
rgyal gyis zhus pa'i mdo las gsungs pa'i chos 'khor gsum cig car
du bskor ba'i phyir/ rtags khas/ 'dod mi nus so/ gzhan yang/
dgongs 'grel las/ dang por bcom ldan

'das kyis yul wa ra Na sir zhes sogs kyi skabs nas bstan pa'i
chos 'khor dang/ yang bcom ldan 'das kyi zhes sogs kyi skabs nas
bstan pa'i chos 'khor gnyis cig car du bskor bar thal/ dgongs
'grel las gsungs pa'i chos 'khor

gsum cig car du bskor ba'i phyir/ rtags khas/ 'dod na/ yul wa ra
Na sir gsungs pa'i bden bzhi'i chos 'khor dang bya rgod phung
po'i rir gsungs pa'i mtshan nyid med pa'i chos 'khor gnyis cig
car du bskor bar thal/ 'dod pa'i phyir/

gzhan yang/ 'khor lo tha ma de 'khor lo dang po gnyis la 'gal
spong gi mdo ma yin par thal/ de 'khor lo dang po gnyis dang cig
car du gsungs pa'i phyir/ rtags khas/ 'dod na/ de yin par thal/
mdo sde dgongs 'grel de 'khor lo dang po

@38a @#/ /gnyis la 'gal spong gi mdo yin pa'i phyir/ zer na/ yang
kha cig /bden bzhi dngos kyi brjod bya'i gtso bor byas nas ston
pa'i mdo/ /'khor lo dang po'i mtshan nyid/ stong nyid dngos kyi
brjod bya'i gtso bor byas nas ston

pa'i mdo/ 'khor lo bar pa'i mtshan nyid/ gzungs 'dzin gnyis stong
dngos kyi brjod bya'i gtso bor byas nas ston pa'i mdo/ 'khor lo
tha ma'i mtshan nyid zer ba dang/ ston pas chos 'khor gsum rim
can du bskor zer ba nang 'gal te/ yul wa

ra Na ser gsungs ba'i bden bzhi'i chos 'khor de ston pas zhing
'dir chos 'khor bskor ba'i thog ma yin par thal/ ston pas 'khor
lo gsum rim can du bskor ba'i phyir/ 'dod na/ de ma yin par
thal/ zab zhi sprol bral 'od gsal 'dus ma byas/ /

zhes pa'i mdo 'di mtshan nyid med pa'i chos 'khor yin pa'i phyir/
ma grub na/ de chos can/ der thal/ stong nyid dngos kyi brjod
bya'i gtso bor byas nas ston pa'i mdo yin pa'i phyir/ 'khor
gsum/ kha cig /dus dang por yul wa ra Na ser ched du bya

ba'i gdul bya nyan thos kyi rigs can la 'phags pa'i bden bzhi
ston pa'i mdo/ 'khor lo dang po'i mtshan nyid/ dus bar par gnas
bya rgod phung po'i rir ched du bya ba'i gdul bya theg chen gyi
rigs can la stong nyid phra mo ston pa'i mdo de/ 'khor lo bar
pa'i

mtshan nyid/ dus tha mar yul yangs pa can la sogs par ched du bya
ba'i gdul bya theg pa che chung sna tshogs pa'i rigs can la ngo
bo nyid yod med kyi don so sor phye nas ston pa'i mdo de/ 'khor
lo tha ma'i mtshan nyid zer ba mi 'thad de/ 'khor lo gsum

po de dus dang rim pa'i sgo nas 'jog rigs par thal lo/ /'dod na/
drang nges rnam 'byed las/ 'khor gyi 'du thebs dang/ zhes sogs
gsungs pa dang 'gal ba'i phyir/ rtags khas/ gzhan yang/ 'khor lo
dang po sku tshe'i stod la gsungs

@38b pa dang/ 'khor lo bar pa sku tshe'i bar la gsungs pa'i khyad
par 'thad par thal/ mtshan nyid de 'thad pa'i phyir/ 'dod mi nus
te/ ston pa mchog gi sprul skur mngon par rdzogs par sangs rgyas
pa'i lo de la bka' dang po bden bzhi'i chos 'khor

gsungs; de'i phyi de lo bya rgod phung po'i rir sher phyin gyi
mdo gsungs pa'i phyir/ der thal/ ston pa mngon par rdzogs par
sangs rgyas pa'i phyi de lo dpal ldan 'bras spungs su dus 'khor
rtsa rgyud gsungs pa dang dus mnyam du bya rgod phung po'i

rir sher phyin gyi mdo gsungs pa'i phyir te/ dus 'khor rtsa
rgyud las/ ston pas bya rgod phung po ru/ /shes rab pha rol
phyin tshul bstan/ /mchod rten dpal ldan 'bras spungs su/ /de
bzhin gsang sngags tshul gsungs pa/ /zhes dang/ de'i 'brel

chen las/ bcom ldan 'das shAkya thub pa mngon par rdzogs par
sangs rgyas te/ de nas chos kyi 'khor lo bskor zhing/ theg pa
gsum ston par mdzad cing/ de nas zla ba bcu gnyis pa nag pa'i
nya la shrI d+hA n+ya ka Ta kar chos kyi dbyings gsung gi dbang

phyug gi dkyil 'khor/ zhes sogs gsungs pa'i phyir/ lugs 'di la
sher phyin gyi mdo'i gleng gzhi'i skor la brten pa'i dogs pa
shin tu che bar yod na yang zur du dgag par bya'o// ! rang lugs
ni/ bka' dang lam zhugs kyi mngon rtogs gang rung

gis bsdus pa'i dam chos/ chos 'khor gyi mtshan nyid/ dbye na/
rtogs pa'i chos 'khor dang lung gi chos 'khor gnyis/ chos 'khor
gang zhig /lam zhugs kyi mngon par rtogs pas bsdus pa de rtogs
pa'i chos 'khor gyi mtshan nyid/

chos 'khor gang zhig /sangs rgyas kyi bkar dmigs pa de lung gi
chos 'khor gyi mtshan nyid/ de la dbye na/ bka' dang po bden
bzhi'i chos 'khor dang/ bar pa mtshan nyid med pa'i chos 'khor
dang/ tha ma legs par rnam par phye ba'i

@39a @#/ /chos 'khor dang gsum/ bden bzhi dngos kyi brjod bya'i
gtso bor byas nas ston pa'i theg dman thun mong ma yin pa'i mdo
de/ bka' dang po bden bzhi'i chos 'khor gyis mtshan nyid/ stong
nyid dngos kyi brjod bya'i

gtso bor byas nas ston pa'i theg chen thun mong ma yin pa'i mdo/
/bka' bar pa mtshan nyid med pa'i chos 'khor gyi mtshan nyid/
mtshan nyid gsum la sems tsam pas 'dod pa ltar gyi bden pa yod
med kyi khyad par phye nas ston pa'i

theg pa thun mong pa'i mdo/ bka' tha ma legs par phye pa'i chos
'khor gyi mtshan nyid/ dang po'i mtshan gzhi ni/ lnga sde la
gsungs pa'i chos kyi 'khor lo'i mdo'am/ mar me'i mdo lta bu la
byed/ 'khor lo bar pa la drang nges kyi cha gnyis yod de/ /

shes rab snying po drang don gyi mdo dang/ rgyas 'bring bsdus
gsum nges don gyi mdo yin pa'i phyir/ 'khor lo tha ma'i mtshan
gzhi ni/ mdo sde dgongs 'grel lta bu la byed/ drang nges kyi
khyad par ni/ drang don gyi mdo dang nges don gyi mdo gang rung
gang zhig /

kun rdzob bden pa dngos kyi brjod bya'i gtso bor byas nas ston
pa'i mdo dang/ sgra ji bzhin du khas blangs du mi rung ba'i mdo
gang rung du dmigs pa de/ drang don gyi mdo'i mtshan nyid/ drang
nges kyi mdo gang rung gang zhig /don dam bden pa dngos kyis
brjod bya'i

gtso bor byas nas ston cing sgra ji bzhin du khas blang du rung
ba'i mdor dmigs pa de/ nges don gyi mdo'i mtshan nyid yin no/ / !
rtsod pa spong pa la/ kha cig /lam ma zhugs kyi gang zag gi
rgyud kyi snying rje chen po chos can/ lam zhugs kyi mngon rtogs
kyis

bsdus par thal/ rtogs pa'i chos 'khor yin pa'i phyir/ der thal/
rtogs pa'i bstan pa yin pa'i phyir na ma khyab/ yang lung gi
chos 'khor bskor ba po'i gang zag yin na sangs rgyas 'phags pa
yin dgos par thal/ lung gi chos 'khor yin na

@39b sangs rgyas kyi bka' yin dgos pa'i phyir/ 'dod byas pa la
kho na re/ byang sems sa brgyad pa ba chos can/ der thal/ de'i
phyir te/ sher phyin gyi mdo gsung pa po yin pa'i phyir/ der
thal/ des gsungs pa'i sher phyin gyi mdo yod pa'i phyir na ma
khyab/ yang 'phags

pa shA ri'i bu chos can/ sangs rgyas yin par thal/ lung gi chos
'khor skor ba po'i gang zag yin pa'i phyir/ der thal/ des
brtsams pa'i lung gi chos 'khor yod pa'i phyir na ma khyab/
rtags grub ste/ gdul byas brtsams pa'i lung gi chos 'khor

yod pa'i phyir te/ 'grel chen las/ rab 'byor gyis bcom ldan 'das
la 'di skad ces gsol to/ /zhes bya ba la sogs pa ni/ bka' bsdu
ba po rnams kyis yang dag par byas pa'i phyir/ sangs rgyas kyi
bka' nyid bka' ma yin pa'i go skabs rgyang ring

du spangs pa yin no/ /zhes gsungs pa'i phyir/ gzhan yang/ rtogs
pa'i chos 'khor yin na sangs rgyas kyi yon tan yin dgos par
thal/ lung gi chos 'khor yin na sangs rgyas kyi bka' yin dgos
pa'i phyir/ zer na ma khyab bo/ /yang kho na re/

lam ma zhugs gang zag gi rgyud kyi snying rje chen po de/ rtogs
pa'i chos 'khor yin par thal/ de'i rgyud kyi bslab pa gsum po de
de yin pa'i phyir/ de'i rgyud la bslab pa gsum gyis bsdus pa'i
rtogs pa'i chos 'khor yod pa'i phyir/ ma grub na/ der

thal; de'i rgyud la sde snod gsum gyis bsdus pa'i lung gi chos
'khor yod pa'i phyir/ zer na ma khyab/ kha cig /lam ma zhugs kyi
gang zag gi rgyud kyi stong nyid rtogs pa'i tshan ma de rtogs
pa'i chos 'khor yin par thal/ de'i rgyud kyi stong nyid rtogs

ba'i lta ba de de yin pa'i phyir/ 'dod na/ de'i rgyud kyi stong
nyid rtogs pa'i tshad ma yin na rtogs pa'i chos 'khor yin dgos
par thal/ 'dod pa'i phyir/ 'dod na/ lam ma zhugs kyi gang zag gi
rgyud kyi tshad ma chos can/ der thal/ de'i phyir/ der thal/

@40a @#/ /khyod tshad ma gang zhig /khyod kyis stong nyid rtogs
pa'i phyir/ phyi ma ma grub na/ lam ma zhugs kyi gang zag chos
can/ khyod kyi rgyud kyi tshad mas stong nyid rtogs par thal/
khyod kyi rgyud la stong nyid rtogs pa'i tshad ma yod pa'i

phyir; gzhan yang/ lam ma zhugs kyi gang zag gi rgyud kyi snying
rje de rtogs pa'i chos 'khor yin par thal/ de'i rgyud kyi snying
rje chen po de de yin pa'i phyir/ 'dod na/ de yin na rtogs pa'i
chos 'khor yin dgos par thal lo/ /'dod na/ phyi rol

pa'i rgyud kyi snying rje tshad med chos can/ der thal/ de'i
phyir/ de yod pa'i phyir te/ kun btus las/ yon tan 'di rnams ji
ltar mngon par 'grub ce na/ phyi rol pa'am/ nyan thos sam/ byang
chub sems dpa' yang rung ste/ zhes gsungs pa'i phyir/

rtsa bar 'dod na/ rtogs pa'i bstan pa yin par thal lo/ /'dod na/
dkon mchog gsum la skyabs su song ba'i phyi rol pa yod par thal
lo/ /yang kho na re/ lung gi chos 'khor dang rtogs pa'i chos
'khor gnyis ka chos can/ chos 'khor gyi mtshan nyid

der thal/ chos 'khor yin pa'i phyir/ 'dod na/ de chos can/ bka'
bsdus pa'i dam chos yin par thal/ 'dod pa gang zhig /mngon par
rtogs pas bsdus pa'i dam chos ma yin pa'i phyir/ zer na ma
khyab/ 'o na de gnyis ka chos can/ bka'i bye

brag yin par thal/ bka' dang mngon par rtogs pa gang rung gi bye
brag gang zhig /gcig shos ma yin pa'i phyir/ khyab pa khas/ kha
cig /rtsa ba shes rab chos can/ 'khor lo bar pa yin par thal/
stong nyid dngos kyi brjod bya'i gtso bor byas nas

ston pa'i theg chen thun mong ma yin pa'i mdo yin pa'i phyir/
der thal/ stong nyid dngos kyi brjod bya'i gtso bor byas nas
ston pa'i theg chen thun mong ma yin pa'i sde snod yin pa'i
phyir/ zer na ma khyab bo/ /rtsa bar 'dod na/ sangs rgyas kyi
bka' yin

@40b par thal lo/ /'dod mi nus ste/ /de bzhin du tshad ma rnam
'grel 'khor lo tha ma yin cing/ mngon pa mdzod 'khor lo dang po
yin zer ba yang mi 'thad do/ /kha cig /sde snod gsum po gang
rung yin na sangs rgyas kyi bka' yin pas khyab ces zer na ches
mi 'thad de/

sde snod gsum rang gis rtsom nus pa'i steng du mang thos tshul
bldan gnyis bsnan pa sde snod rigs pa'i lnga phrugs yin pa'i
phyir te/ de ltar du TIk chen rin chen phreng ba las bshad pa'i
phyir/ kho na re/ kun rdzob bden pa dngos kyi brjod bya'i gtso
bor byas

nas ston pa'i mdo dang/ don dam bden pa dngos kyi brjod bya'i
gtso bor byas nas ston pa'i mdo gnyis 'gal bar thal/ drang nges
kyi mdo 'gal ba'i phyir/ 'dod na/ mdo sde sa bcu pa chos can/
kun rdzob bden pa dngos kyi brjod bya'i gtso bor byas nas ston

pa'i mdo ma yin par thal/ don dam bden pa dngos kyi brjod bya'i
gtso bor byas nas ston pa'i mdo yin pa'i phyir/ khyab pa khas/
ma grub na/ der thal/ des mnyam nyid bcu dngos kyi brjod bya'i
gtso bor byed pa'i phyir/ rtsa bar 'dod mi nus te/ des

byang sems kyi sa bcu dngos kyi brjod bya'i gtso bor byed pa'i
phyir/ gzhan yang/ kun rdzob bden pa dngos kyi brjod bya'i gtso
bor byas nas ston pa'i bstan bcos dang/ don dam bden pa dngos
kyi brjod bya'i gtso bor byas nas ston pa'i bstan bcos

gnyis 'gal bar thal/ dang po de dngos bstan bstan bya'i gtso bor
byed pa'i mdo dang/ phyi ma de dngos bstan bstan bya'i gtso bor
byed pa'i mdo gnyis 'gal ba'i phyir/ 'dod mi nus te/ dbu ma 'jug
pa des kun rdzob bden pa yang dngos bstan bstan

bya'i gtso bor byed/ don dam bden pa yang dngos kyi brjod bya'i
gtso bor byed pa'i phyir/ dang po grub ste/ des rgya che ba'i
lam gyi rim pa dngos kyi bstan bya'i gtso bor byed pa'i phyir/
des rtsa she la rgya che ba'i sgo nas 'jug pa'i phyir/ zer na ma
khyab/

@41a @#/ /yang kha cig /bstan bcos mngon rtogs rgyan chos can/
khyod kun rdzob bden pa dngos bstan bstan bya'i gtso bor byed
pa'i bstan bcos ma yin par thal/ don dam bden pa dngos bstan
bstan bya'i gtso bor byed pa'i bstan

bcos yin pa'i phyir/ der thal/ des theg chen sgrub pa'i rten
rang bzhin gnas rigs bstan bya'i gtso bor byed pa'i phyir/ der
thal/ rnam mkhyen mtshon byed kyi chos bcu dngos kyi bstan bya'i
gtso bor byed pa'i phyir/ zer na ma khyab bo/ kho na re/ byang

chen yod bzhin du byang chen yang dag par mi mthong zhes sogs
kyi mdo chos can/ khyod kun rdzob bden pa dngos kyi brjod bya'i
gtso bor byed pa'i mdo ma yin par thal/ khyod don dam bden pa
dngos kyi bstan bya'i gtso bor byed pa'i mdo yin pa'i phyir/ der
thal

mdo tshig de'i nang tshan gyi byang chen yang dag par rjes su mi
mthong/ zhes pas/ don dam bden pa dngos kyi bstan bya'i gtso bor
byed pa'i phyir/ 'dod mi nus te/ de'i nang tshan gyi byang chen
yod bzhin du zhes pas kun rdzob bden pa dngos kyi bstan bya'i
gtso

bor byed pa'i phyir/ zer na/ 'di rnams kyi lan la kho na re/ dbu
ma 'jug pas don dam bden pa dngos kyi bstan bya'i gtso bor mi
byed zer na/ mi 'thad de/ 'jug 'grel las/ de nyid ma rtogs pas
chos zab mo 'di spangs pas de'i phyir bstan bcos

kyi don gyis de kho na nyid phyin ci ma log par bstan par bya
ba'i phyir/ dbu ma'i bstan bcos la 'jug pa 'di sbyar ba yin no/
/zhes/ dbu ma 'jug pa gtso bor stong nyid gtan la 'bebs pa'i
phyir du brtsams par gsungs pa'i phyir/ des na dbu ma

'jug pa'i rgya che ba'i lam gyi rim pa zhar la bstan bya'i gtso
bor byed pa yin no/ /gzhan yang/ rnam bshad snying po rgyan las/
bstan bcos mngon par rtogs pa'i rgyan 'dir ni stong pa nyid kyi
lta ba mthar thug pa yang dang yang du gsungs mod kyi/ gtan

@41b la dbab bya'i gtso bo ni rigs can gsum gyi mngon par rtogs
pa'i rim pa/ ngo bo nges pa dang/ grangs nges pa dang/ go rims
nges pa gsum gyi sgo nas ji ltar nyams su len pa'i tshul mdo
rgyas 'bring bsdus gsum gyi sbas don khong na gnas pa gsal bar

ston par byed do/ /zhes pas bstan bcos mngon rtogs rgyan gyis
kun rdzob bden pa dngos kyi bstan bya'i gtso bor byed pa yin
gyi/ don dam bden pa dngos kyi bstan bya'i gtso bor mi byed la/
byang chen yod bzhin du zhes sogs kyi mdo 'dis kyang don dam

bden pa dngos bstan bstan bya'i gtso bor byed kyi kun rdzob bden
pa dngos kyi bstan bya'i gtso bor mi byed la/ mdo de rnams kyis
dngos bstan stong nyid kyi rim pa gtan la 'bebs shing/ shugs
bstan la spas don mngon rtogs kyi rim pa 'chad pa'i mdo

yin pa'i phyir/ yang kho na re/ yum rgyas 'bring bsdus gsum chos
can/ drang don gyi mdo yin par thal/ drang don gyi mdo'i mtshan
nyid de 'thad pa'i phyir/ dang po sla/ gnyis pa der thal/ kun
rdzob bden pa dngos kyi bstan bya'i gtso bor byed pa'i mdo

yin pa'i phyir/ der thal/ de'i bstan bya'i gtso bor gyur pa'i
kun rdzob bden pa yod pa'i phyir na ma khyab/ der gyur ba'i lhag
pa shes rab kyi bslab pa yod pa'i phyir/ rtag grub ste/ mngon
pa'i sde snod yin pa'i phyir/ zer na/ khyod kyis kun rdzob bden
pa

dngos kyi bstan bya'i gtso bor byed par thal/ khyod kyi dngos
kyi bstan bya'i gtso bor gyur pa'i kun rdzob bden pa yod pa'i
phyir/ zhes pa'i thal 'gyur la khyab pa yod par thal/ ma khyab
'tshams la khyab pa yod pa'i phyir/ 'dod na/ bstan bcos

mngon rtogs rgyan gyi skabs dang po chos can/ khyod kyis lam
shes dngos kyi bstan bya'i gtso bor byed par thal/ khyod kyi
dngos bstan bstan bya'i gtso bor gyur pa'i lam shes yod pa'i
phyir/ khyab pa khas/ ma grub na/ der thal/ rnam mkhyen de khyod
kyi

@42a @#/ /dngos bstan bstan bya'i gtso bor gyur pa'i lam shes yin
pa'i phyir/ der thal/ de khyod kyi dngos kyi bstan bya'i gtso bo
gang zhig /lam shes yin pa'i phyir/ gzhan yang/ yum rgyas 'bring
bsdus gsum chos can/

khyod kyis byang sems tshogs lam pa'i rgyud kyi go sgrub dngos
bstan bstan bya'i gtso bor byed par thal/ khyod kyi dngos bstan
bstan bya'i gtso bor gyur pa'i byang sems tshogs lam pa'i rgyud
kyi go sgrub yod pa'i phyir/ khyab pa khas/ der thal/ der

gyur pa'i byang sems tshogs lam pa'i rgyud kyi lhag pa shes rab
kyi bslab pa yod pa'i phyir/ rtsa bar 'dod na/ kun rdzob bden pa
dngos kyi bstan bya'i gtso bor byed par thal/ 'dod pa'i phyir/
'dod mi nus te/ don dam bden pa dngos kyi bstan bya'i

gtso bor byed pa'i phyir/ der thal/ 'khor lo bar pa yin pa'i
phyir/ gzhan yang/ khyod kyi dngos bstan bstan bya'i gtso bor
gyur pa'i kun rdzob bden pa yod na/ khyod kyis kun rdzob bden pa
dngos kyis bstan bya'i gtso bor byed pas khyab par

thal; ma khyab 'tshams la de'i phyir/ 'dod na/ yum rgyas 'bring
bsdus gsum chos can/ der thal/ de'i phyir/ der thal/ khyod kyi
dngos kyi bstan bya'i gtso bor gyur pa'i byang sems kyi tshogs
lam yod pa'i phyir/ ma grub na/ der thal/

khyod kyi dngos kyi bstan bya'i gtso bor gyur pa'i byang sems
tshogs lam pa'i rgyud kyi lhag pa shes rab kyi bslab pa yod pa'i
phyir/ rtsa bar 'dod na/ des sbas don mngon rtogs kyi rim pa
dngos kyi bstan bya'i gtso bor byas nas bstan par thal

lo; ;gzhan yang/ nyan thos zhi ba 'tshol rnams/ /zhes sogs kyi
mchod brjod kyi ngag 'dis ye shes chos sku la dngos su bstod par
thal/ 'di'i dngos kyi bstod yul du gyur pa'i ye shes chos sku
yod pa'i phyir/ khyab pa khas/ ma

@42b grub na/ der thal/ rnam mkhyen de de yin pa'i phyir/ de
de'i dngos kyi bstod yul gang zhig /ye shes chos sku yin pa'i
phyir/ rtsa bar 'dod na/ des sbyor ba bzhi la dngos su bstod par
thal lo/ / ! rab 'byor byang chub sems dpa' rnams

kyis ni nyan thos kyi lam gang yin pa dang/ zhes sogs kyi skabs
su/ sbyor ba dang/ mtha' bcad pa gnyis/ dang po ni/ byang 'phags
kyi mngon rtogs chos can/ lam shes kyis bsdus pa yin te/ thabs
shes khyad par can gnyis dang ldan pa'i

byang sems 'phags pa'i mngon rtogs yin pa'i phyir/ byang 'phags
chos can/ thabs khyad par can dang ldan te/ 'dir bstan yang dag
mtha' mngon du byed pa'i dus dang dus pa yin pa la mkhas pa'i
sems dpa' yin pa'i phyir/ de chos can/

shes rab khyad par can dang ldan te/ theg pa gsum gyi spangs
rtogs kyi rigs rang rgyud la bskyed pa la mkhas pa'i sems dpa'
yin pa'i phyir/ kho na re/ theg pa gsum gyi spangs rtogs kyi
rigs bskyed byed yod par thal/ de rang rgyud la bskyed

pa la mkhas pa'i sems dpa' yod pa'i phyir/ 'dod mi nus te/ de
rtag pa yin pa'i phyir/ zer na/ rnam mkhyen gyi rjes su skyes
ba'i byang sems mthong lam pa chos can/ khyod rnam mkhyen gyi
bskyed byed yin par thal/ khyod kyis rnam

mkhyen rang rgyud la bskyed par byed pa'i phyir/ khyab pa khas/
gnyis pa la/ lam gsum la dpyad pa/ rdzogs smin sbyangs gsum byas
pa'i tshad bshad pa/ byang chub sems dpas nyan rang gi spangs
rtogs kyi rigs

rdzogs par gsungs pa'i don bshad pa/ yang dag pa'i mtha' ngos
bzung nas de mngon du byed pa'i tshad bshad pa'o/ /dang po la/
dgag gzhag gnyis las/ dang po la/ rong TIk pa na re/ gang zag
gi bdag med mngon sum du

@43a @#/ /rtogs pa'i ye shes de byang chub sems dpas shes par bya
ba'i nyan thos kyi lam yin kyang nyan thos kyi lam ma yin/ de
bzhin du gnyis stong mngon sum du rtogs pa'i mkhyen pa de byang
chub sems dpas shes par bya ba'i rang rgyal gyi

lam yin kyang/ rang rgyal gyi lam ma yin no zhes zer ba mi 'thad
do/ /byang sems 'phags pa'i rgyud la nyan thos kyi lam med par
thal/ gang zag gi bdag med mngon sum du rtogs pa'i ye shes de
nyan thos kyi lam ma yin pa'i phyir/

rtags khas/ 'dod na/ byang sems 'phags pas nyan thos kyi lam
rang rgyud la bskyed pa mi srid par thal/ 'dod pa'i phyir/ 'dod
na/ lam thams cad bskyed par bya zhing lam thams cad shes par
bya'o/ /zhes gsungs pa mi 'thad par thal

lo; ;kho na re/ de chos can/ nyan thos kyi lam ma yin par thal/
nyan thos kyi bgrod bya'i lam yang ma yin/ de'i bgrod byed kyi
lam yang ma yin pa'i phyir/ dang po ma grub na/ nyan thos kyi mi
slob lam yin par thal/ ma grub pa de'i phyir/

gnyis pa ma grub na/ nyan thos kyi slob lam yin par thal/ ma
grub pa de'i phyir zer na/ de chos can/ byang chub sems dpas
shes par bya ba'i nyan thos kyi lam ma yin par thal/ des shes
par bya ba'i de'i bgrod bya'i lam yang ma yin/

des shes par bya ba'i de'i bgrod byed kyi lam yang ma yin pa'i
phyir/ 'khor gsum/ dang po ma grub na/ de chos can/ byang chub
sems dpas shes par bya ba'i nyan thos kyi mi slob lam yin par
thal/ ma grub pa de'i phyir/ 'khor gsum/

gnyis pa ma grub na yang de chos can/ byang chub sems dpas shes
par bya ba'i nyan thos kyi slob lam yin par thal/ ma grub pa
de'i phyir/ 'khor gsum/ yang rong TIk pa na re/ gang zag gi
bdag med mngon sum du rtogs pa'i rnam mkhyen

@43b de nyan thos kyi lam yin par thal/ gang zag gi bdag med
mngon sum du rtogs pa'i ye shes de nyan thos kyi lam yin pa'i
phyir/ rtags khas/ 'dod na/ de chos can/ khyod nyan thos kyi
theg pa yin par thal/ 'dod pa'i phyir/ 'dod na/ mthar

thug nyan thos kyi theg pa yod par thal/ 'dod pa'i phyir/ 'dod
na/ mthar thug theg pa gsum du grub par thal lo/ /zer na/ gang
zag gi bdag med mngon sum du rtogs pa'i rnam mkhyen de byang
chub sems dpas shes par bya ba'i nyan thos

kyi lam yin par thal/ gang zag gi bdag med mngon sum du rtogs
pa'i ye shes de byang chub sems dpas shes par bya ba'i nyan thos
kyi lam yin pa'i phyir/ rtags khas/ 'dod na/ de chos can/ byang
chub sems dpas shes par bya ba'i nyan

thos kyi theg pa yin par thal/ 'dod pa'i phyir/ rtags khyab
dngos/ 'dod na/ byang chub sems dpas shes par bya ba'i mthar
thug nyan thos kyi theg pa yod par thal/ 'dod pa'i phyir/ 'dod
na/ mthar thug nyan thos kyi theg pa yod par thal

lo; ;'khor gsum/ rnam bshad kyi rjes 'brang kha cig /nyan thos
kyi lam yin na nyan thos rang rgyud kyis bsdus pas khyab/ zer
na/ theg pa gsum gyi lam rdzogs par sgom pa'i lam shes med par
thal/ byang sems 'phags pas nyan

thos kyi lam sgom par mi srid pa'i phyir/ ma grub na/ nyan thos
kyi lam rgyud ldan gyi byang 'phags yod par thal/ ma grub pa
de'i phyir/ rtags khyab song/ rtsa bar 'dod mi nus te/ 'grel ba
don gsal las/ de ltar rten la sogs pa brjod nas lam shes

pa nyid kyi skabs su lam thams cad rdzogs par bya dgos pas/ nyan
thos kyi lam zhes pa dang/ de'i thad kyi snying po rgyan las/
rnam mkhyen 'thob par byed pa la theg pa gsum gyi lam thams cad
rdzogs par bsgom par bya dgos pas so/ /zhes dang

@44a @#/ /rnam pa thams cad mkhyen pa nyid rtogs pa ni/ zhes pa'i
thad kyi rnam bshad las/ rnam mkhyen gyis chos thams cad mngon
sum du gzigs mod kyi/ de 'thob par byed pa la gnas lugs kyi don
gcig pu bsgoms

pas mchog gi/ /theg pa gsum gyi lam rdzogs par sgom pa dgos pa
med do snyam pa'i log par rtog pa dgag pa/ zhes gsungs pa'i
phyir/ gzhan yang/ byang sems 'phags pas rang rgyal gyi lam shes
tshul de mig shes kyis gzugs

la lta ba'i tshul gyis shes par byed pa yin par thal/ des rang
rgyal gyi lam shes tshul yod/ des rang rgyal gyi lam rang rgyud
la bskyed pa'i sgo nas shes par byed pa ma yin pa'i phyir/ gnyis
pa ma grub na/ der thal/ byang 'phags kyi rgyud

la rang rgyal gyi lam med pa'i phyir/ rtsa bar 'dod na TIk las/
rtogs pa 'dis bsdus pa'i gzhi shes kyang rnam gzhag gi rten rang
sangs rgyas la rnam par gzhag kyang byang chub sems dpa'i thugs
rgyud la yang skye bas rang sangs rgyas kyi lam

shes pa'i tshul mig gis gzugs la lta ba ltar du go bar mi bya'o/
zhes gsungs pa mi 'thad par thal lo/ /gzhan yang/ rnam bshad
las/ gzung ba bden med du mngon sum du rtogs pa'i ye shes de
nyid la rang sangs rgyas kyi lam zhes bya

la; de rang sangs rgyas kyi rgyud la yod pa ni/ de'i skye mched
drug gi chos nyid la brten la/ byang chub sems dpa'i rgyud la
yod pa ni de'i rang bzhin gnas rigs la brten pa'o/ /zhes gsungs
pa mi 'thad par thal/ byang chub sems dpa'i

rgyud la rang rgyal gyi lam med pa'i phyir/ rtags khas/ gzhan
yang/ skyes bu 'bring gi lam yin na/ skyes bu 'bring gi rgyud
kyis bsdus pas khyab par thal/ nyan thos kyi lam la des khyab
pa'i phyir/ rtags khas/ 'dod na/ byang chub

@44b sems dpa'i rgyud la skyes bu 'bring gi lam med par thal/
'dod pa'i phyir/ 'dod na/ skyes bu chen po'i lam rgyud la skye
ba la/ skyes bu 'bring gi lam rgyud la skye ba sngon du 'gro mi
dgos par thal lo/ /'dod na/ rnam bshad las/ skyes bu chen

po'i lam gyi rim pa rgyud la skye ba la skyes bu 'bring gi bsam
pa sbyang ba sngon du 'gro dgos par shes pa'i ched du yin no/
/zhes dang/ sbyor lam gyi skabs kyi TIk las/ skabs der nyon
mongs pa'i dpal gzhom pa dang/ 'khor ba'i yid

'byung skyed ba dang/ dman pa'i rigs can rjes su bzung ba'i ched
du skyes bu 'bring gi bsam pa legs par sbyang dgos pa'i phyir
ro/ zhes dang/ lus rnam gzhag gi TIk las/ sems bskyed kyi sngon
du snying rje chen po 'gro dgos shing/ de

la sngon du skabs gsum par gtan la phab pa'i mi rtag sogs bcu
drug gi lam skyes bu 'bring gi bsam pa sbyang ba sngon du 'gro
dgos shing/ zhes dang/ rigs kyi skabs kyi TIk las/ skyes bu
chung du dang 'bring gi bsam pa gting tshugs

pa skyes pa yin na/ thog mar gzhan don don gnyer dang/ bla na
med pa'i byang chub don gnyer gyi bsam pa legs par sbyangs nas
brtan pa na byang chub kyi mchog tu sems bskyed par byed pa yin
la/ zhes dang/ skabs gsum pa'i TIk las

de yang sems bskyed la sngon du snying rje chen po 'gro dgos la/
de yang mi rtag sdug bsngal sogs skyes bu 'bring gi bsam pa legs
par sbyangs pa la rag las pas so/ /zhes sogs rgya cher gsungs pa
mi 'thad par thal/ 'dod pa'i

phyir/ kha cig /gang zag gi bdag med mngon sum du rtogs pa'i
byang sems kyi mthong lam de nyan thos kyi lam yin par thal/
nyan thos kyi lam yin na nyan thos rang rgyud kyis bsdus pas ma
khyab pa'i phyir/ 'dod na/ de chos can/ theg

@45a @#/ /dman gyi lam yin par thal/ nyan thos kyi lam yin pa'i
phyir/ 'dod na/ ma yin par thal/ theg chen gyi lam yin pa'i
phyir na ma khyab/ ma grub na/ der thal/ theg chen gyi mthong
lam yin pa'i phyir/

zer na/ theg dman gyi mdo yin na/ theg chen gyi mdo ma yin dgos
par thal/ theg dman gyi lam yin na theg chen gyi lam ma yin dgos
pa'i phyir/ rtags khas/ 'dod na/ theg pa thun mong ba'i mdo chos
can/ der thal/ de'i phyir/ khyod

yin pa'am khyod kyi nang tshan du gyur pa'i theg dman thun mong
ma yin pa'i mdo med pa gang zhig /khyod rang gi ched du bya ba'i
gdul bya theg dman gyi rigs can la gsungs pa'i mdo yin pa'i
phyir/ dang po chos can gyis 'grub/ gnyis pa der thal/ mdo gang
zhig

khyod kyi ched du bya ba'i gdul bya theg dman gyi rigs can yod
pa'i phyir/ gnyis pa der thal/ khyod theg pa thun mong ba'i mdo
yin pa'i

phyir; rtsa bar 'dod mi nus te/ chos can de yin pa'i phyir/
gzhan yang/ 'dul ba lung sde bzhi po chos can/ theg chen gyi mdo
ma yin par thal/ theg dman gyi mdo yin pa'i phyir/ khyab pa
khas/ rtags grub ste/ theg dman gyi mdo'i mtshan

gzhi zhig yod pa'i phyir/ 'dod na/ de chos can/ de yin par thal/
theg chen gyi 'dul ba'i sde snod yin pa'i phyir te/ de yod pa'i
phyir/ kha cig /gang zag gi bdag med mngon sum du rtogs pa'i
theg chen gyi mthong lam chos can/ theg pa chung

ngu'i lam ma yin par thal/ theg pa chen po'i lam yin pa'i phyir/
zer na ma khyab ste/ rang rgyal gyi lam chos can/ theg pa chung
ngu'i lam ma yin par thal/ theg pa 'bring gi lam yin pa'i phyir/
khyab pa khas/ rtags grub ste/ chos can de'i phyir/

@45b 'dod mi nus te/ theg pa che chung gnyis su phye ba'i theg
pa chung ngu'i lam yin pa'i phyir te/ theg dman gyi lam yin pa'i
phyir/ gzhan yang/ sa gnyis pa'i rgyud kyi sngo ba chos can/
sngo ba chung ngu ma yin par thal/ sngo ba chen po yin pa'i
phyir/ khyab pa

khas; rtags bsal gnyis ka grub ste/ sngo ba gzhan ni rnam gsum
mo/ /bsod nams che 'byung bdag nyid do/ /zhes gsungs pa'i phyir/
yang kha cig nyan thos kyi lam yin na nyan thos rang rgyud kyis
bsdus pas khyab par thal/ sangs rgyas kyi lam

yin na sangs rgyas rang rgyud kyi bsdus pas khyab pa'i phyir/ ma
grub na/ sangs rgyas kyi sar bgrod par byed pa'i lam yin na
sangs rgyas kyi lam yin dgos par thal/ ma grub pa de'i phyir/
'dod na/ sangs rgyas 'phags pa'i sar bgrod par byed pa'i lam

yin na sangs rgyas 'phags pa'i lam yin dgos par thal/ 'dod pa'i
phyir na ma khyab/ 'dod na/ dang po nyid nas theg pa chen por
rigs nges pa'i byang sems kyi tshogs lam chos can/ der thal/ de'i
phyir/ 'dod na/ de chos can/ 'phags

lam yin par thal/ 'dod pa'i phyir/ 'dod mi nus te/ so so skye
bo'i shes pa yin pa'i phyir/ zer na ma khyab 'tshams la/ mthar
thug gi theg par bgrod par byed pa'i lam yin na/ mthar thug gi
thar lam yin dgos par thal/ thar par bgrod

par byed pa'i lam yin na/ thar lam yin dgos pa'i phyir/ ma khyab
'tshams la 'grig nas rtags 'bud/ 'dod na/ byang sems kyi mthong
lam chos can/ der thal/ de'i phyir/ 'dod na/ mthar thug gi lam
yin par thal lo/ /'dod mi nus te/

sems dpa'i rnal 'byor yin pa'i phyir/ kha cig /mi slob pa'i sar
bgrod par byed pa'i lam yin na mi slob pa'i lam yin dgos par
thal/ sangs rgyas kyi sar bgrod par byed pa'i lam yin na sangs
rgyas kyi lam yin dgos pa'i phyir/ 'dod na/

@46a @#/ /nyan thos kyi tshogs lam chos can/ der thal/ de'i phyir/
zer na rtsa bar ma khyab ste/ kho rang gi gsal ba der thal/ thar
bar 'grod par byed pa'i lam yin na thar lam yin dgos pa'i phyir/
khyab pa khas/ kha cig /nyan

thos dgra bcom pa de nyan thos kyi lam mthar phyin pa'i gang zag
ma yin par thal/ sangs rgyas 'phags pa'i rgyud la nyan thos kyi
lam yod pa'i phyir/ rtags khas/ 'dod mi nus te/ nyan thos dgra
bcom pa'i mkhyen pa de nyan thos kyi lam mthar thug yin pa'i
phyir/

de nyan thos kyi mi slob lam yin pa'i phyir/ zer na/ nyan thos
dgra bcom pa'i rgyud kyi chos nyid de gnas lugs mthar thug ma
yin par thal/ byang 'phags kyi rgyud la gnas lugs mthar thug yod
pa'i phyir/ khyab pa khas/ gzhan yang/ rgyun mtha'i bar chad

med lam skad cig dang po de sems dpa'i rnal 'byor mthar thug ma
yin par thal/ rgyun mtha'i bar chad med lam skad cig gnyis pa la
gnas pa'i sems dpa'i rgyud la sems dpa'i rnal 'byor yod pa'i
phyir/ khyab pa khas/ yang kho na re/ gnas

skabs kyi gang zag dang mthar thug gi gang zag gi gzhi mthun yod
par thal/ gnas skabs kyi lam dang mthar thug gi lam gyi gzhi
mthun yod pa'i phyir/ der thal/ sangs rgyas kyi lam dang byang
sems kyi lam gyi gzhi mthun yod pa'i phyir/ zer na/ sangs

rgyas kyi lam yin na mthar thug gi lam yin dgos par thal/ thal
'gyur phyi ma la khyab pa yod pa'i phyir/ 'dod na/ gdul bya'i
rgyud gyis bsdus pa'i sangs rgyas kyis bka' chos can/ mthar thug
gi bka' yin par thal/ sangs rgyas kyi bka' yin

pa'i phyir/ khyab pa khas/ 'dod na/ mthar thug gi yon tan yin
par thal/ 'dod pa'i phyir/ 'dod mi nus te/ gdul bya'i rgyud kyi
yon tan yin pa'i phyir/ gzhan yang/ sangs rgyas 'phags pa'i
rgyud kyi byang sems kyi sdom pa chos can/ gnas skabs

@46b kyi sdom pa yin par thal/ byang sems kyi sdom pa yin pa'i
phyir/ ma khyab na/ byang sems kyi lam yin na gnas skabs kyi lam
yin pas khyab pa yod pa bud/ de bzhin du rgyun mtha'i bar chad
med lam de sangs rgyas 'phags pa'i yum ma yin te/

sangs rgyas 'phags pa'i yun yin na mthar thug gi yum yin dgos
pa'i phyir/ zhes smra ba la yang bshad ma thag pa'i skyon rnams
bzlog tu med do/ kha cig /byang sems kyi tshogs lam chos can/
sangs rgyas kyi slob lam yin par thal/ sangs

rgyas kyi lam gang zhig sangs rgyas kyi mi slob lam ma yin pa'i
phyir/ zer na lan skabs bzhi par 'chad/ kha cig gsung rab las
sangs rgyas kyi sar bshad na sangs rgyas kyi sa yin dgos par
thal/ gsung rab las nyan thos kyi lam du bshad na/ nyan

thos kyi lam yin dgos pa'i phyir te/ byang 'phags kyi rgyud kyi
gang zag gi bdag med mngon sum du rtogs pa'i mkhyen pa de nyan
thos kyi lam yin pa'i phyir/ rtsa bar 'dod na/ sa bcu'i ye shes
chos can/ der thal/ de'i phyir/ de sangs rgyas kyi sar

ston pa'i gsung rab yod pa'i phyir/ zer na rtsa bar ma khyab/
gang zag gi bdag med mngon sum du rtogs pa'i mkhyen pa nyan thos
kyi lam yin pa de gsung rab kyi brjod bya yin par thal/ de gsung
rab las nyan thos kyi lam du bshad pa'i phyir/ rtags khas/

'dod na/ de nyan thos kyi lam yin par thal/ de nyan thos kyi lam
yin pa yod pa'i phyir/ ma grub na/ de nyan thos kyi lam yin pa
chos can/ khyod yod par thal/ khyod gsung rab kyi brjod bya yin
pa'i phyir/ rtags khyab khas/ kha cig /nyan thos kyi lam yin

na byang sems kyi lam gyi ldog bya yin dgos par thal/ nyan thos
kyi lam 'bras la dmigs nas ldog byar bden par zhen pa'i rig pa
de/ shes sgrib ldog pa gzang rtog yin pa'i phyir/ 'dod na/ byang
'phags kyi rgyud kyi gang zag gi bdag med mngon sum du

@47a @#/ /rtogs pa'i mkhyen pa chos can/ der thal/ de'i phyir/
zer na/ rtsa bar ma khyab ste/ nyan thos lam gyi 'bras bu yin na
byang sems lam gyi dor bya yin dgos par thal/ nyan thos kyi lam
'bras la dmigs nas dor byar

bden par zhen pa'i rig pa de shes sgrib ldog pa gzung rtog yin
pa'i phyir/ khyab pa khas/ 'dod na/ nyan thos lam gyi 'bras bur
gyur pa'i rnam mkhyen chos can/ der thal/ de'i phyir/ kha cig/
byang sems 'phags pa'i rgyud kyi gang zag gi bdag med

mngon sum du rtogs pa'i mkhyen pa chos can/ nyan thos kyi lam
las rang bzhin gyis khyad par du 'phags par thal/ lam shes yin
pa'i phyir/ khyab ste/ byang chub tu sems bskyed pa ni/ zhes
gsungs pa'i phyir/ 'dod na/ de ma yin par thal/ nyan

thos kyi lam yin pa'i phyir/ zer na ma khyab ste/ rnam mkhyen
chos can/ lam shes las rang bzhin gyis khyad par du 'phags pa ma
yin par thal/ lam shes yin pa'i phyir/ khyab pa khas/ 'dod mi
nus ste/ rnam mkhyen yin pa'i phyir/ yang kha cig/

dman lam sngon du ma song ba'i byang sems sgom lam pa de nyan
thos kyi lam sngon du song ba'i gang zag yin par thal/ dman lam
sngon du ma song ba'i byang sems mthong lam pa'i rgyud kyi gang
zag gi bdag med mngon sum du rtogs pa'i mkhyen pa de nyan thos

kyi lam yin pa'i phyir/ zer na ma khyab/ 'o na/ kho rang la/
byang sems sbyor lam pa de byang sems kyi sa la gnas par thal/
de'i rgyud kyi chos nyid la rtse gcig tu mnyam par bzhag pa'i
mnyam gzhag ye shes de byang sems kyi sa yin pa'i phyir/ khyab

pa khas/ rtags grub ste/ de byang sems kyi mos spyod kyi sa yin
pa'i phyir/ 'dod na/ de sar gnas kyi byang sems yin par thal lo/
/kha cig /nyan thos 'phags pa'i rgyud kyi stong nyid mngon sum
du rtogs pa'i mkhyen pa de theg chen gyi lam yin par thal/

@47b byang 'phags kyi rgyud kyi gang zag gi bdag med mngon sum
du rtogs pa'i mkhyen pa de nyan thos kyi lam yin pa'i phyir/
'dod na/ thabs shes khyad par can gyi zin par thal lo/ /zer na/
rtsa bar ma khyab ste/ nyan thos 'phags pa'i rgyud kyi stong
nyid mngon

sum du rtogs pa'i mkhyen pa de byang sems kyi lam shes pa'i lam
shes yin par thal/ byang 'phags kyi rgyud kyi gang zag gi bdag
med mngon sum du rtogs pa'i mkhyen pa de nyan thos kyi lam shes
pa'i lam shes yin pa'i phyir/ khyab pa khas/ 'dod mi nus

te; theg dman gyi lam yin pa'i phyir/ kha cig /theg dman gyi lam
yin na/ theg dman gyi rgyud kyis bsdus pas khyab par thal/ theg
chen gyi lam yin na de'i rgyud kyis bsdus pas khyab pa'i phyir/
zer na/ ma khyab ste/ 'o na kho rang la/ dge bsnyen gyi sdom pa
yin

na; dge bsnyen gyi rgyud kyis bsdus pas khyab par thal/ dge
slong gi sdom pa yin na/ dge slong gi rgyud kyis bsdus pas khyab
pa'i phyir/ khyab pa khas/ 'dod na/ sdom gsum rims kyis blangs
ba'i dge slong gi rgyud kyi dge bsnyen gyi sdom pa chos can/

der thal/ de'i phyir/ khyab pa khas/ rtags gsal gnyis ka chos
can gyis 'grub/ kha cig /nyan thos kyi lam gyi grangs nges shig
med par thal/ de la nyan thos kyi slob lam dang/ de'i mi slob
lam gnyis su grangs ma nges pa'i phyir/ der thal/

byang 'phags kyi rgyud kyi gang zag gi bdag med mngon sum du
rtogs pa'i mkhyen pa de/ nyan thos kyi lam gang zhig /de de
gnyis gang yang ma yin pa'i phyir/ zer na kho rang la/ byang
sems kyi sdom pa'i grangs nges shig med par thal/ de la byang
sems

so skye'i sdom pa dang/ byang sems 'phags pa'i sdom pa gnyis su
grangs ma nges pa'i phyir/ der thal/ sangs rgyas 'phags pa'i
rgyud la byang sems kyi sdom pa yod pa gang zhig /de byang sems
so skye'i rgyud kyi sdom pa dang/ byang sems 'phags

@48a @#/ /pa'i rgyud kyi sdom pa gang rung ma yin pa'i phyir/
khyab pa khas/ gzhan yang/ nyan thos kyi sdom pa'i grangs nges
med par thal/ de la nyan thos slob pa'i sdom pa dang/ de'i mi
slob pa'i sdom pa gnyis su grangs ma nges

pa'i phyir/ khyab pa khas/ ma grub na/ der thal/ lam ma zhugs na
nyan thos kyi sdom pa yod pa gang zhig /de'i rgyud kyi sdom pa
de nyan thos slob pa'i rgyud kyi sdom pa yang ma yin/ nyan thos
mi slob pa'i rgyud kyi sdom pa yang ma yin pa'i phyir/ dang po
grub

ste; de'i rgyud la so thar gyi sdom pa yod pa'i phyir/ khyab
ste/ de'i rgyud kyi so thar gyi sdom pa de nyan thos kyi sdom pa
yin pa'i phyir te/ de'i rgyud la so thar gyi sdom pa yod pa'i
phyir/ gnyis pa ni/ gang zag gi bdag med mngon sum du rtogs pa'i
mkhyen pa de/

'dir bstan nyan thos kyi lam yin/ gnyis stong mngon sum du rtogs
pa'i mkhyen pa de/ 'dir bstan rang rgyal gyi lam yin/ bden med
mngon sum du rtogs pa'i mkhyen pa de/ 'dir bstan sangs rgyas kyi
lam yin no/ /! gnyis ba rdzogs smin sbyang gsum

gyi tshad bshad pa la/ dgag gzhag gnyis las/ dang po ni/ kha cig/
chos nyid la mnyam par bzhag bzhin du gzhan don 'bad med lhun
grub tu byed nus pa/ smon lam yongs su rdzogs pa'i tshad yin zer
na/ de 'gog par byed pa la/ rnam bshad

las; smon lam rdzogs pa'i tshad chos nyid la mnyam par bzhag
bzhin du gzhan don 'bad med lhun grub tu byed nus pa la 'chad pa
ni/ chos sku ma thob bar du chos sku mngon du mi bya'o zhes bar
'gyur bas dogs pa'i gnas med la/ zhes gsungs/

de'i don la mkhas pa kha cig/ mchog gi sprul skus dman lam sngon
du ma song ba'i byang 'phags la/ chos sku ma thob bar du chos
sku mngon du mi bya'o/ /zhes gdams rigs par thal/ des de la
rdzogs smin sbyangs gsum ma byas bar du 'dir bstan yang

@48b dag mtha' mngon du mi bya'o/ /zhes gdams rigs pa gang zhig
/rdzogs smin sbyang gsum byas pa'i gang zag yin na sangs rgyas
'phags pa yin dgos/ 'dir bstan yang dag mtha' mngon du byas pa'i
gang zag yin na sangs rgyas yin dgos pa'i

phyir/ gnyis pa ma grub na/ khas blangs/ der thal/ de yin na/
chos nyid la mnyam par bzhag bzhin du gzhan don 'bad med lhun
grub tu byed pa'i gang zag yin dgos pa gang zhig/ de yin na
sangs rgyas 'phags pa yin dgos pa'i phyir/ phyi ma ma grub na

'bud; dang po khas blangs/ der thal/ chos nyid la mnyam par
bzhag bzhin du gzhan don 'bad med lhun grub tu byed nus pa smon
lam yongs su rdzogs pa'i tshad yin pa'i phyir/ zhes gsungs/ dman
lam sngon du ma song ba'i byang 'phags la mchog gi

sprul skus rdzogs smin sbyang gsum ma byas par 'dir bstan yang
dag mtha' mngon du mi bya'o zhes gdams pa de/ rdzogs smin
sbyangs gsum ma byas bar du chos sku mngon du mi bya'o zhes
gdams pa byin pa yin par thal/ 'dir bstan yang dag mtha'

mngon du byas pa'i gang zag yin na/ chos sku mngon du byas pa'i
gang zag yin dgos pa'i phyir/ ma khyab na/ chos nyid la mnyam
par bzhag bzhin du gzhan don 'bad med lhun grub tu byed nus pa
smon lam rdzogs pa'i tshang du khas blangs pa la/ sngar gyi

thal 'gyur de gnod byed du 'jug pa bud/ 'dod na/ 'dir bstan yang
dag mtha' mngon du byas pa'i gang zag yin na chos sku mngon du
byas pa'i gang zag yin dgos par thal/ 'dod pa'i phyir/ 'di'i don
la kha cig /mchog gi sprul skus dman lam sngon

du ma song ba'i byang 'phags la chos sku ma thob bar du chos sku
mngon du mi bya'o zhes gdam rigs par thal/ des de la rdzogs smin
sbyang gsum ma byas bar du 'dir bstan yang dag mtha' mngon du mi
bya'o zhes gdams rigs pa gang zhig /

@49a @#/ /dman lam sngon du ma song ba'i byang sems 'phags pas
'dir bstan yang dag mtha' mngon du byas pa dang des chos sku
mngon du byas pa dus mnyam pa'i phyir/ rtags gnyis pa sngar
bzhin song ngo zer na/ mi 'thad de/

mchog gi sprul skus de la rdzogs smin sbyang gsum ma byas par
'dir bstan yang dag mtha' mngon du mi bya'o zhes gdams pa byin
pa ni/ chos sku ma thob bar du chos sku mngon du mi bya'o zhes
gdams pa byin pa yin par thal/ dman lam sngon du ma song

ba'i byang sems 'phags pas 'dir bstan yang dag mtha' mngon du
byas pa dang/ des chos sku mngon du byas pa dus mnyam pa'i
phyir/ ma khyab na/ sngar gyi dam bca' de la thal 'gyur de gnod
byed du 'jug pa bud/ ! rang lugs ni/ rong Tik sogs

tIka mang por smon lam rdzogs pa'i tshad sngar ltar byas nas
chos nyid de bzhin nyid 'dir bstan yang dag mthar bshad pa nang
'gal 'dzin pa yin te/ de'i tshul ni mchog gi sprul skus rang gi
gdul bya byang sems 'phags pa la rdzogs smin sbyang gsum

ma byas par 'dir bstan yang dag mtha' mngon du mi bya'o/ /zhes
gdams pa byin pa de/ chos sku ma thob bar du chos sku mngon du
mi bya'o/ /zhes gdams pa byin pa yin par thal/ rdzogs smin
sbyang gsum byas pa'i gang zag yin na/ chos sku mngon du byas
pa'i

gang zag yin dgos/ 'dir bstan yang dag mtha' mngon du byas pa'i
gang zag yin na/ chos sku mngon du byas ba'i gang zag yin pas
khyab pa'i phyir/ dang po ma grub na song/ der thal/ de yin na
chos nyid la mnyam par bzhag bzhin du gzhan don 'bad

med lhun grub tu byed pa'i gang zag yin dgos pa gang zhig/ de
yin na chos sku mngon du byas pa'i gang zag yin dgos pa'i phyir/
phyi ma ma grub na 'bud/ dang po ma grub na/ der thal/ sngar gyi
smon lam rdzogs pa'i tshad 'thad pa'i phyir/ gnyis

@49b ba ma grub na song/ der thal/ 'dir bstan yang dag mtha'
mngon du byas pa'i gang zag yin na/ chos nyid de bzhin nyid
mngon du byas pa'i gang zag yin pas khyab/ de yin na chos sku
mngon du byas pa'i gang zag yin pas khyab pa'i phyir/ gnyis pa
'bud/ dang

po ma grub na/ der thal/ chos nyid de bzhin nyid de 'dir bstan
yang dag mtha' yin pa'i phyir/ rtags khas/ gzhan yang/ rnam
bshad snying po rgyan las/ sprul sku'i dbang du byas na rgyal ba
'od dpag med kyis bdag sangs rgyas pa'i zhing der mngon par

shes pa dang mi ldan pa med par ma gyur pa de srid du bdag
'tshang mi rgya'o zhes dam bcas pa lta bu sprul sku'i zhing khyad
par can gyi gdul bya'i ched du dam bcas pa dang/ zhes pa'i don
la kha cig/ rang gi 'khor du mngon par shes pa lnga dang mi ldan
pa'i gdul bya med

par ma gyur pa de srid du bdag 'tshang mi rgya'o zhes pa'i smon
lam gyi nus pa yongs su rdzogs pa de sprul sku'i dbang du byas
pa'i smon lam yongs su rdzogs pa'i tshad yin zer na/ mchog gi
sbrul sku'i 'khor du byung ba'i gdul bya yin na mngon par shes
pa lnga dang ldan

pas khyab par thal/ dam bca' de 'thad pa'i phyir/ rtags khas/
'dod na/ de yin na/ bsam gtan gyi dngos gzhi thob pas khyab par
thal lo/ 'dod mi nus te/ mchog gi sprul sku'i 'khor du byung
ba'i rgyun zhugs yod pa'i phyir/ kha cig /de ston pa 'od

dpag med kyi sprul sku'i smon lam rdzogs pa'i tshad yin zer na/
gang zag gi bdag chos can/ rang gi 'khor du mngon par shes pa
lnga dang min ldan pa'i gdul bya med par ma gyur pa de srid du
bdag 'chad mi rgya'o zhes pa'i smon lam gyi nus pa yongs su
rdzogs

par byas par thal/ ston pa 'od dpag med kyi sprul sku'i smon lam
rdzogs pa'i phyir/ khyab pa khas/ TIka'i rjes su rlom pa kha
cig/ rnam bshad las/ de ltar bshad pa sgra ji bzhin du khas
blang du mi rung ste/ de la rigs pas gnod pa'i phyir/ ji ltar

@50a @#/ /gnod na/ bde ba can gyi rten can gyi gdul bya yin na
mngon par shes pa dang ldan pas khyab par thal/ rgyal ba 'od
dpag med sprul sku'i tshul du sangs rgyas pa'i sangs rgyas kyi
zhing gi gdul bya yin na mngon par shes pa lnga dang ldan

pas khyab pa'i phyir/ ma grub na TI ka'i tshig zin de sgra ji
bzhin du khas blangs du rung ba bud/ 'dod na/ bde ba can gyi
rten can gyi rgyun zhugs chos can/ der thal/ de'i phyir/ zhes
TI ka'i tshig la dgag pa byed pa ni rnam par ma brtags pa yin
te/ bde ba can

gyi rten can gyi phyir 'ong yod par thal/ de'i rgyun zhugs yod
pa'i phyir/ 'dod na/ bde ba can gyi rten can gyi lhag bcas myang
'das la gnas pa'i nyan thos dgra bcom yod par thal lo/ 'dod na/
de'i rgyud kyi lhag bcas myang 'das chos can/ sdug bsngal gyi

phung po lhag ma dang bcas par thal/ lhag bcas myang 'das yin
pa'i phyir/ ma grub na/ de yod par bud/ 'dod na/ bde ba can gyi
rten can gyi lhag bcas myang 'das la gnas pa'i nyan thos dgra
bcom pa'i rgyud kyi gzugs phung de sdug bsngal bden pa yin par

thal; 'dod pa'i phyir/ 'dod na/ kun btus las/ yongs su dag pa'i
'jig rten gyi khams de dag ni sdug bsngal gyi bden pa ma yin par
blta ste/ de dag las dang nyon mongs pas bskyed pa ma yin las
dang nyon mongs pa'i dbang gis byung ba ma yin gyi/ /

smon lam dang dge ba'i rtsa ba'i dbang gi byung ba dag go zhes
gsungs pa mi 'thad par thal/ 'dod pa'i phyir/ gzhan yang/ rnam
bshad las/ de ltar gsungs pa la kha cig /yang kar gshegs pa las/
'dod pa khams dang gzugs med du/ /sangs rgyas n 'grub pa'

rnam par 'tshang mi rgya/ zhes bshad pa de mi 'thad par thal/
'dod khams n gsar du sangs rgyas pa'i sangs rgyas yod pa'i phyir
te/ bde ba can na gsar du sangs rgyas ba'i sangs rgyas yod pa'i
phyir/ rnam bshad las/ de ltar bshad pa sgra ji bzhin du khas

@50b len rigs pa'i phyir zhes zer ba yang mi 'thad de/ de'i don
ni rgyal ba 'od dpag med kyis bdag sprul sku'i tshul gyis sangs
rgyas pa'i sangs rgyas kyi zhing der gdul bya rnams mngon par
shes pa lnga dang mi ldan pa med par ma gyur pa de srid du bdag
mngon par rdzogs

par 'tshang mi rgya'o zhes dam bcas pa'i smon lam gyi nus pa
yongs su rdzogs pa de/ rgyal ba 'od dpag med kyi sprul sku'i
dbang du byas pa'i smon lam yongs su rdzogs pa'i tshad yin pa
lung de'i don yin te/ de nyid las/ sprul sku'i dbang du byas na/
zhes

bshad pa'i phyir/ gzhan yang/ bde ba can 'dod khams yin zer ba
yang mi 'thad de/ de khams gsum gang rung gi nang du ma gtogs
pa'i phyir/ der thal/ de dag pa'i zhing yin pa'i phyir/ yang kha
cig /rgyal ba 'od dpag med lta bus bdag gang du sangs

rgyas pa'i sangs rgyas kyi zhing der 'khor du mngon par shes pa
lnga dang mi ldan pa med par ma gyur pa de srid du bdag mngon
par rdzogs par 'tshang mi rgya'o zhes dam bcas pa'i dam bca'i nus
pa mthu can du song ba de sprul sku'i dbang du byas pa'i smon
lam yongs su rdzogs

pa'i tshad yin/ bdag gang du sangs rgyas pa'i sangs rgyas kyi
zhing der 'khor du byang sems 'phags pa sha stag byung bar ma
gyur pa de srid du bdag mngon par rdzogs par 'tshang mi rgya'o
zhes dam bcas pa'i dam bca'i nus pa mthu can du song bde longs
sku'i dbang du

byas pa'i smon lam yongs su rdzogs pa'i tshad yin/ rang gang du
sangs rgyas pa'i sangs rgyas kyi zhing khyad par can 'grub pa'i
rgyu'i dge rtsa'i nus pa mthu can du song ba de sangs rgyas kyi
zhing sbyangs pa'i tshad yin/ dus gcig tu zhid bye ba phrag
brgyar sku'i bkod pa

grangs de snyid dang/ sku re re'i 'khor du sems can grangs las
'das pa chos tshigs su bcad pa re re bstan pas 'phags pa'i go
'phang la 'god pa la rnag smin pa brtol ran pa lta bur song ba/
sems can smin par byas pa'i tshad yin/ zer na/ rgyal ba shA kya
thub

@51a @#/ /pa de/ bdag gang du sangs rgyas pa'i tshul ston pa'i
sangs rgyas kyi zhing der mkhor du mngon par shes pa lnga dang
mi ldan pa med par ma gyur pa de srid du bdag mngon par rdzogs
bar 'tshang mi 'rgya'o zhes dam bcas pa'i dam bca'i nus pa mthu
can

du song ba yin par thal/ sprul sku'i dbang du byas pa'i smon lam
yongs su rdzogs pa'i tshad de 'thad pa'i phyir/ 'dod na/ de gang
du sangs rgyas pa'i tshul ston pa'i sangs rgyas kyi zhing gi gdul
bya yin na/ mngon par shes pa lnga dang ldan pas khyab par thal/
'dod pa'i phyir/

'dod na sla'o/ /gzhan yang/ byang sems mthong lam pa'i rgyud la/
bdag gang du sangs rgyas ba'i sangs rgyas kyi zhing der 'khor du
byang sems 'phags pa sha stag 'byung bar ma gyur ba de srid du
bdag 'tshang mi rgya'o zhes dam bcas pa'i dam bca'i nus pa mthu
can zhig med

par thal/ de 'dra'i dam bca'i nus pa mthu can du song bde/ longs
sku'i dbang du byas pa'i smon lam yongs su rdzogs pa'i tshad yin
pa'i phyir/ rtags khas/ 'dod na/ byang sems mthong lam pa'i
rgyud la rdzogs pa'i byang chub kyi lam nus pa mthu can zhig med
par

thal; 'dod pa'i phyir/ kha cig rang gang du 'tshang rgya 'gyur
gyi sangs rgyas kyi snod kyi zhing khyad par can 'grub pa'i
rgyu'i dge rtsa tshang bar bsags zin pa de/ sangs rgyas kyi zhing
sbyangs pa'i tshad yin/ rang gang du 'tshad rgya 'gyur gyi sangs
rgyas kyi zhing khyad par can gyi bcud

kyi gdul bya 'grub pa'i rgyu'i dge ba'i rtsa ba tshang bar bsags
zin pa de/ smon lam yongs su rdzogs pa'i tshad yin/ chos tshig
bcad gcig tsam bstan pas sku dngos kyis gdul bya dpag med smin
lam la 'god ba'i nus pa thob pa de/ sems can smin pa'i tshad yin
zer na/

sangs rgyas 'phags pa chos can/ mtshan nyid dang po der thal/
khyod kyis sangs rgyas kyi zhing sbyangs pa'i phyir/ khyab pa
khas/ 'dod na/ khyod 'tshar rgya 'gyur gyi sangs rgyas kyi zhing
yod par thal lo/ /'dod na/ 'tshang rgya 'gyur yin par thal lo/
/'dod mi nus te/ sangs rgyas yin

@51b pa'i phyir/ byas pa la kho na re/ ston pa sangs rgyas dang
rgyud gcig tu gyur pa'i byang sems tshogs lam pa chos can/ sangs
rgyas yin par thal/ khyod sangs rgyas pa'i sangs rgyas kyi zhing
yod pa'i phyir/ ma khyab na/ khyod 'tshang rgya 'gyur gyi zhing
yod na/ khyod 'tshang rgya 'rgyur

yin pas khyab pa yod pa bud/ rtags grub ste/ khyod sangs rgyas
pa'i sangs rgyas yod pa'i phyir te/ ston pa sangs rgyas de khyod
sangs rgyas pa'i sangs rgyas yin pa'i phyir/ ma grub na/ de chos
can/ khyod rang dang rgyud gcig tu gyur pa'i byang sems tshogs
lam pa sangs rgyas pa'i

sangs rgyas yin par thal/ khyod sangs rgyas 'phags pa yin pa'i
phyir/ rtsa bar 'dod mi nus te/ chos can de'i phyir/ zer na/
rtsa bar mi mtshungs te/ kho rang la/ khyod sems can du gyur pa
yod na/ sems can yin dgos par thal/ khyod sems can du 'gyur pa
yod na/ khyod

sems can yin dgos pa'i phyir/ ma khyab na/ 'grig 'tshams la khyab
pa yod pa bud/ rtags grub ste/ ston pa shAkya thub pa de sems
can du 'gyur pa med pa'i phyir/ ma grub na/ sangs rgyas 'phags
pa'i spangs rtogs las nyams pa yod par thal/ ma grub pa de'i
phyir/ rtsa

bar 'dod na/ ston pa shAkya thub pa chos can/ der thal/ de'i
phyir/ khyab pa khas/ rtags grub ste/ mdo las/ nga de'i tshe/
de'i dus na rgyal po nga las nus su gyur to/ /zhes gsungs pa'i
phyir/ 'dod mi nus te/ sangs rgyas 'phags pa yin pa'i phyir/ kho
na re/ ston pa sangs rgyas

chos can/ khyod 'tshang rgya 'gyur gyi sangs rgyas kyi zhing yod
par thal/ khyod sbrul sku'i tshul gyis 'tshang rgya 'gyur gyi
sangs rgyas kyi zhing yod pa'i phyir na ma khyab bo/ /gzhan
yang/ sems can smin pa dang sems can smin par byas pa gnyis don
gcig par thal/ sngar gyi sems can smin pa'i

tshad de 'thad pa'i phyir/ 'dod na/ byang sems mthong lam pa chos
can/ khyod kyis sems can smin par byas par thal/ khyod sems can
smin pa yin pa'i phyir/ khyab pa khas/ rtags grub ste/ khyod
byang 'phags yin pa'i phyir/ 'dod na/ de chos can/ rdzogs smin
sbyang gsum byas pa'i gang zag

@52a @#/ /yin par thal lo/ gzhan yang/ ston pa shAkya thub pa
chos can/ khyod sems can smin pa yin par thal/ khyod kyis sems
can smin par byas pa'i phyir/ khyab pa khas/ 'dod na/ sems can
yin par thal lo/ mkhas

pa kha cig /longs sku rang gi 'khor du theg chen 'phags pa sha
stag 'byung ba'i nus pa yongs su rdzogs pa de/ longs sku'i smon
lam yongs su rdzogs pa'i tshad yin/ zhing bye ba phrag brgyar
sku'i bkod pa de phrag brgya dang/ de re re'i 'khor du sems can

grangs las 'das pa chos tshigs su bcad pa re res smin grol gnyis
kyi nang nas smin lam la 'god nus pa de/ sems can smin par byas
pa'i tshad yin/ longs sku dang sprul sku gang rung gi zhing khyad
par can 'grub pa'i dge rtsa'i nus pa rdzogs pa

de; sangs rgyas kyi zhing sbyangs pa'i tshad yin/ sems can smin
par byas pa dang sems can smin pa don mi gcig gsung/ smon lam
rdzogs par byas pa'i gang zag yin na/ longs sku mngon du byas
pa'i gang zag yin dgos par thal/ dam

bca' dang po 'thad pa'i phyir/ 'dod na/ dman lam sngon ma song
gi byang sems rgyun mtha' ba des rdzogs smin sbyar gsum byas
rjes su 'dir bstan yang dag mtha' mngon du byed pa ma yin par
thal/ 'dod pa'i phyir/ 'dod na/ rnam bshad

las; rdzogs smin sbyangs nas mngon du bya bar don gyis bstan pa
dang 'gal ba'i phyir ro/ /zhes bshad pa mi 'thad par thal lo/
gzhan yang/ mchog gi sprul skus rang gi gdul bya byang 'phags la
rdzogs smin sbyang gsum ma byas bar 'dir

bstan yang dag mtha' mngon du mi bya'o zhes gdams pa byin pa de/
chos sku ma thob bar du chos sku mngon du mi bya'o zhes gdams pa
byin pa yin par thal/ de ltar gdams pa byin pa de/ chos sku ma
thob bar du 'dir bstan yang dag mtha' mngon du

@52b mi bya'o zhes gdams pa byin pa yin pa'i phyir/ rtags khas/
der thal/ rdzogs smin sbyang gsum byas pa'i gang zag yin na/
chos sku mngon du byas pa'i gang zag yin dgos pa'i phyir/ rtags
khas/ kha cig /rdzogs smin sbyang gsum byas

pa'i gang zag yin na chos sku mngon du byas pa'i gang zag yin
dgos par thal/ de yin na ma rig bag chags kyi sa spangs pa'i
gang zag yin dgos pa'i phyir/ der thal/ rnam bshad las/ bar pa
ni zhing bye ba phrag brgyar sku'i bkod pa grangs de snyed

dang; sku'i bkod pa re re'i 'khor du sems can grangs las 'das
pa tshigs su bcad pa re res 'phags pa'i go 'phang la 'god nus pa
ni/ ji srid kun slong gi rtog pa yod pa de srid du mi nus pas de
'dra dus gcig tu lan gcig byed pa yang 'bad

med lhun grub tu 'byung ba la rag las shing/ ma rig bag chags
kyis dang/ zag pa med pa'i las kyang spangs nas slar mi lngang
pa'i tshul gyis zhi ba'i dbyings su snyoms par 'jug pa la ltos pa
yin no/ /zhes gsungs pa'i phyir na ma khyab ste/ de

ltar 'god bzhin pa'i gang zag yin na/ ma rig bag chags kyis
spangs pas khyab pa de/ lung de'i don yin pa'i phyir/ de ltar ma
yin na/ rdzogs smin sbyang gsum byas pa'i gang zag yin na/ sangs
rgyas 'phags pa yin pas ma khyab par thal/

rdzogs smin sbyang gsum byas/ 'dir bstan yang dag mtha' mngon du
ma byas pa'i gang zag yod pa'i phyir te/ rnam bshad las/ de
'dra'i gdul bya de nyid smin grol gnyis kyi nang nas smin lam la
bkod zin nas/ yang dag pa'i mtha'

mngon du bya bar gshugs la bstan pa yin no/ /zhes gsungs pa'i
phyir/ kha cig /nyan rang dgra bcom pa dang/ dag sa la gnas pa'i
byang chub sems dpa'i rgyud kyi ma rig bag chags kyi sas rkyen
byas nas yang srid phyi mar skye pa len 'dod kyi kun

@53a @#/ /slong gi rtsol ba phra mor gyur pa'i sems byung sems pa
de zag pa med pa'i las kyang spangs nas zhes sogs kyi skabs nas
dngos su bstan pa'i zag med kyi las yin zer ba ni ma brtags pa
chen po yin te/ nyan rang dgra bcom pa yang srid phyi

mar skye ba len pa yod par thal/ dam bca' de 'thad pa'i phyir/
'dod na/ sngon med kyi gtam yin no/ /rong TIk pa na re/ gzhan
don du rdzogs pa'i byang chub thob par gyur cig ces smon lam
'grub pa de smon lam rdzogs pa'i tshad dang/ rang gi sku dngos
kyi gdul

bya rnams sgrib pa dngos su spang rung dang gnyen po dngos su
skye rung du byas pa de sems can smin par byas pa'i tshad/ sangs
rgyas rang snang la zhing dag pa rab 'byams 'ba' zhig tu snang
ba de/ sangs rgyas kyi zhing sbyangs pa'i tshad yin zer na/ byang
sems rgyun mtha'

ba chos can/ gzhan don du rdzogs pa'i byang chub thob par gyur
cig ces smon lam 'grub pa'i gang zag yin par thal/ smon lam
rdzogs par byas pa'i gang zag yin pa'i phyir te/ chos can de'i
phyir/ rtsa bar 'dod na/ sangs rgyas 'phags pa yin par thal lo/
/

gzhan yang/ ston pa shAkya thub pa chos can/ sems can smin
pa'i tshad der thal/ sems can smin par byas pa'i gang zag yin
pa'i phyir/ /'dod na/ de'i sku dngos kyi gdul bya yin na/ sgrib
pa dngos su spang rung yin dgos par thal/ 'dod pa'i phyir/

'dod na/ de yin na lam zhugs kyi gang zag yin dgos par thal lo/
/'dod mi nus te/ de'i sku dngos kyi gdul byar gyur pa'i lam ma
zhugs kyi gang zag yod pa'i phyir te/ lam shes kyi mdor/ lta'i
bu gang dag gis bla na med par yang dag par

rdzogs pa'i byang chub tu sems ma bskyed pa de dag gis kyang bla
na med pa yang dag par rdzogs pa'i byang chub tu sems bskyed par
bya'o/ /zhes gsungs pa'i phyir/ gzhan yang/ ma dag pa'i zhing
sangs rgyas la mi snang bar thal/ sangs rgyas rang snang la

@53b zhing dag pa rab 'byams 'ba' zhig tu snang ba'i phyir/
rtags khas/ 'dod na/ de chos can/ thams cad mkhyen pa'i ye shes
kyis mngon sum du ma gzigs par thal lo/ /'dod na/ med par thal
lo/ /khyab ste/ tshad ma rnam nges las/ thams cad mkhyen

pa'i ye shes kyi gzigs pa las lod pa ni rnam pa thams cad du med
par go bar bya'o/ /zhes gsungs pa'i phyir/ ! gnyis pa rang lugs
ni/ sangs rgyas kyi zhing khyad par can gyi gdul bya'i ched du
dam bca' ba'i smon lam gyi dge rtsa'i nus pa yongs su

rdzogs par byas pa de/ smon lam rdzogs pa'i tshad/ sangs rgyas
kyi zhing bye ba phrag brgyar sku'i bkod pa bye ba phrag brgya
dang/ sku'i bkod pa re re'i 'khor du sems can grangs las 'das pa
chos tshigs su bcad pa re res 'phags pa'i go 'phang la 'god bzhin

pa'i rgyu'i dge rtsa'i nus pa yongs su rdzogs pa de/ sems can
smin par byas pa'i tshad dang/ longs sku'i zhing dang sprul sku'i
zhing khyad par can 'grub pa'i rgyu'i dge rtsa'i nus pa yongs su
rdzogs pa de/ /sangs rgyas kyi zhing sbyangs pa'i tshad yin no/
/sa 'tshams

rgyun mtha' nas sangs rgyas kyi sa'i bar na yod/ ! gsum ba byang
chub sems dpa'i nyan rang gi spangs rtogs kyi rigs rdzogs par
gsungs pa'i don bshad pa la/ kha cig /nyan rang gi rtogs pa'i
rigs sa dang po nas rdzogs te/ sa dang po nas

bdag med mtha' dag mngon sum du rtogs pa'i phyir/ nyan rang gi
spangs pa'i rigs sa brgyad pa nas rdzogs te/ sa brgyad pa nas
nyon yid gnas 'gyur ba'i phyir dang/ nyon sgrib ma lus par
spangs pa'i phyir zer ba mi 'thad de/ nyon yid med pa'i phyir/
gzhan

yang; dam bca' de mi 'thad de/ sa bcu pa'i bar chad med lam gyi
ngo skal gyi spang byar gyur pa'i nyon sgrib yod pa'i phyir te/
/'grel chen las/ mthong ba dang sgom pa'i lam la yongs su sbyong
ba'i chos kyi dbye bas rab tu dga' ba la sogs pa'i sa bcur

@54a @#/ /rnam par bzhag go /zhes gsungs pa'i phyir/ rong TIka
pa na re/ sa dang po nas nyan rang gi spangs rtogs gnyis ka
rdzogs la/ de yang nyan rang gi spangs pa sa dang po nas rdzogs
te/ nyon sgrib la 'khor bar 'ching byed kyi nyon sgrib

dang; bag la nyal gyi nyon sgrib gnyis las/ 'khor bar 'chid byed
kyi nyon sgrib sa dang po nas kyang spangs/ bag la nyal gyi nyon
sgrib nyan rang dgra bcom pas kyang ma spangs pa'i phyir/ der
thal/ nyan rang dgra bcom pas ma rig bag chags kyi rgyu

las yid kyi rang bzhin gyi lus len pa'i phyir/ zer na mi 'thad
de/ 'phags pa'i gang zag slob pa rnams dge 'dun dkon mchog tu
bzhag tu mi rung bar thal/ skyabs gnas la the tshom za ba'i the
tshom gyi dngos gnyen rgyud la skye ma myong ba'i 'phags pa yod
pa'i phyir te/ mthong lam bar chad med lam la gnas pa'i nyan
thos 'phags pa'i rgyud la de'i dngos gnyen bar chad med lam skye
ma myong ba'i phyir te/ nyan thos kyi mthong lam bar chad med
lam skad cig dang po de de'i dngos gnyen bar chad med

lam ma yin pa'i phyir te/ nyan thos kyi mthong lam rnam grol
lam la gnas pa'i 'phags pas skyabs gnas la the tshom za ba'i the
tshom gyi sa bon zad par ma spangs pa'i phyir/ ma grub na song/
der thal/ nyan thos kyi mthong lam rjes shes

des nyon sgrib kun brtags kyi sa bon zad par ma spangs pa'i
phyir te/ /nyan thos dgra bcom pas nyon sgrib lhan skyes kyi sa
bon zad par ma spangs pa'i phyir/ ma grub na song/ der thal/ des
bag la nyal gyi nyon sgrib ma spangs pa'i phyir/

rtags khas ? kyis de nyon sgrib ma yin par thal/ nyan thos dgra
bcom pas bag la nyal gyi nyon sgrib ma spangs pa'i sgrub byed du
ma rig bag chags kyi sa la brten nas yin kyi rang bzhin gyi lus
len pa 'god

@54b rigs pa'i phyir/ kho na re/ bag la nyal gyi nyon sgrib de
shes sgrib yin zer na/ nyon sgrib la 'khor bar 'chid byed kyi
nyon sgrib dang/ bag la nyal gyi nyon sgrib gnyis su 'byed mi
rigs par thal/ bag la nyal gyi nyon sgrib shes sgrib yin pa'i
phyir/

rtags khas/ gzhan yang/ byang 'phags yin na/ nyon sgrib spangs
pas khyab par thal/ sa dang po nas nyan rang gi spangs rtogs kyi
rigs rdzogs pa'i phyir/ 'dod na/ theg chen gyi sgom spang nyon
mongs gzhi ma grub par thal/ 'dod pa'i

phyir; 'dod na/ 'grel chen las/ de bas na sa dang po'i skad cig
ma dang po ni mthong ba'i lam yin no/ de las gzhan skad cig
gnyis pa la sogs pa ni rdo rje lta bur brjod pa'i bar chad med
pa'i lam gang las de ma thag tu sangs rgyas kyi sa

kun tu 'od thob pa'i bar 'di dag thams cad ni chos kyi dbyings
mchog gi don la sogs pa so sor rtogs pa'i phyir/ sgom pa'i lam
yin par bshad do/ de yang nyon mongs pa drug ci rigs par spong
ngo/ /'di lta ste/ 'dod chags dang/ zhe

sdang dang/ nga rgyal dang/ ma rig pa dang/ 'jig tshogs la lta ba
dang/ mthar 'dzin par lta ba ste/ 'dod pa na spyod pa drug go
/de dag nyid las zhe sdang bton te/ gzugs dang gzugs med par
spyod pa bcu yin no/ /mthong ba dang sgom

pa'i lam la yongs su sbyong ba'i chos kyi dbye bas rab tu dga'
ba la sogs pa'i sa bcur rnam par bzhag go zhes gsungs pa mi
'thad par thal lo/ /gzhan yang/ byang 'phags yin na/ nyon sgrib
spangs bsam khyab par thal/ dman lam

sngon du ma song ba'i byang sems 'phags pas sgrib gnyis cig car
du spong ba'i phyir te/ kun btus las/ des byang chub thob pa na
nyon mongs pa dang shes bya'i sgrib pa cig car du spong ste/ cig
car dgra bcom pa dang de bzhin gshegs par 'gyur ro/ /

@55a @#/ /des nyon mongs pa ma spangs su zin kyang sman dang
sngags kyis bsad pa'i dug lta bu dang/ dper na/ spangs pa'i dgra
bcom pa ltar sa thams cad du nyon mongs pa'i nyes pa me skyed
do/ /zhes gsungs pa'i phyir/ gzhan

yang/ byang 'phags yin na/ nyon sgrib spangs pas ma khyab par
thal/ kun btus las/ des nyon mongs ma spangs su zin kyang sman
dang sngags kyi bsad pa'i dug lta bu dang zhes bshad pa'i phyir/
kho na re/ de byang 'phags kyi nyon

mongs pa'i bag chags ma spangs zhes pa'i don yin no zhe na/ dper
na spangs pa'i dgra bcom pa ltar zhes pas nyon mongs pa'i bag
chags spangs pa'i nyan thos dgra bcom pa zhig yod par bstan par
thal/ des nyon mongs ma spangs

su zin kyang zhes pas byang 'phags kyi nyon mongs pa'i bag chags
ma spangs par bstan pa tsam yin pa'i phyir/ khas blangs nang
'gal yod de/ byang 'phags yin na nyon yid spangs pas khyab par
thal/ nyon yid yod pa gang

zhig /de yin na nyon sgrib spangs pas khyab pa'i phyir/ rtags
gnyis ka khas/ 'dod mi nus te/ ma dgas bdun gyi gnas skabs na
nyon yid yod pa'i phyir/ ma grub na song/ dngos 'gal yin te/
rong TIk las/ rang

don mos pa ni ma dgas bdun gyi rjes thob kyis bsdus te/ nyon yid
ma spangs pa'i nga rgyal phra mo 'byung ba'i phyir zhes bshad
pa'i phyir/ dman lam sngon ma song gi byang sems 'phags pas nyan
rang gi spangs rtogs kyi rigs

rdzogs pa dang/ des rnam mkhyen thob pa dus mnyam mo zhes na/ de
la skyon 'phen pa la kha cig /dman lam sngon ma song gi sangs
rgyas 'phags pa de/ nyan rang gi spangs rtogs kyi rigs rdzogs
pa'i gang zag yin par thal/

@55b dam bca' de 'thad pa'i phyir/ 'dod na/ dman lam sngon du
rtogs kyi rigs rdzogs pa dang/ rnam mkhyen thob ba dus mnyam zer
na/ khyod kyis nyan rang gi spangs rtogs kyi rigs rdzogs sngon
du ma song pa'i gang zag gang zhig /nyan rang

gi spangs rtogs rdzogs pa'i gang zag yin pa'i phyir/ rtags phyi
ma khas/ zer na ma khyab/ 'dod mi nus te/ nyan rang gi spangs
rtogs gang rung yin na/ nyan rang gi rgyud kyis bsdus pas khyab
pa'i phyir/ kha cig /dman lam

sngon du ma song ba'i byang chub sems dpas nyan rang gi spangs
rtogs kyi rigs rdzogs pa dang/ rnam mkhyen thob ba dus mnyam zer
na/ khyod kyis nyan rang gi spangs rtogs kyi rigs rdzogs pa
dang/ rnam mkhyen thob pa dus mnyam

par thal/ khyod dman lam sngon ma song gi byang chub sems dpa'
yin pa'i phyir zhes pa'i thal 'gyur la khyab pa yod par thal/
dam bca' de 'thad pa'i phyir/ 'dod na/ rang rgyal dgra bcom gyi
'bras bu mngon du byed nges kyi byang sems

tshogs lam pa chos can/ der thal/ de'i phyir te/ de yod pa'i
phyir/ 'dod mi nus te/ chos can de'i phyir/ gnyis pa rang gi
lugs la/ theg chen rigs nges kyi byang sems tshogs lam pas/ nyan
rang gi

spangs rtogs kyi rigs rdzogs pa dang de sangs rgyas pa dus mnyam
ste/ des sgrib gnyis gcig car du spong ba'i phyir/ dman lam
sngon du song ba'i dbang du byas na/ theg chen gyi tshogs lam nas
kyang nyan rang gi spangs rtogs kyi rigs

rdzogs pa yod de/ rang rgyal dgra bcom pa'i rtogs pa sngon du
song ba'i byang sems tshogs lam pas/ nyan rang gi spangs rtogs
kyi rigs rdzogs pa'i phyir/ rang rgyal gyi spangs rtogs kyi rigs
rdzogs na nyan thos kyi spangs rtogs kyi rigs

@56a @#/ /rdzogs pas khyab kyang/ nyan thos kyi spangs rtogs kyi
rigs rdzogs na rang rgyal gyi spangs rtogs kyi rigs rdzogs pas
ma khyab ste/ gzugs phyi rol don 'dzin gyi rtogs pa spangs na/
nyon sgrib spangs pas

khyab kyang/ nyon sgrib spangs na gzugs phyi rol don 'dzin gyi
rtog pa spangs pas ma khyab pa'i phyir/ ! bzhi pa 'dir bstan
yang dag mtha' ngos bzung nas de mngon du byas pa'i tshad bshad
pa la/ kho na re/ chos nyid de bzhin

nyid de 'dir bstan yang dag mtha' dang/ de las slar mi sdang
ba'i tshul gyis mnyam par bzhag pa de 'dir bstan yang dag mtha'
mngon du byas pa'i tshad yin zer ba dang/ kho na re/ blo bur dri
bral gyi 'gog pa 'dir bstan yang dag mtha'

dang; de thob pa 'dir bstan yang dag mtha' mngon du byas pa'i
tshad yin zer/ 'di 'gog pa la/ rnam bshad las/ yang dag pa'i
mtha' de bzhin nyid tsam la byas nas/ de mngon du byas pa'i don
de las slar mi ldang ba'i tshul du

mnyam par bzhag pa la byed pa dang/ chos nyid dri bral gyi 'gog
pa yang dag pa'i mthar byas nas/ de 'thob pa la mngon du byas
par bzhed pa rnams ni/ sangs rgyas ma thob bar du sangs rgyas
mngon du mi bya'o/ /zhes pa'i don du 'gyur

pas 'thad par dka'o/ /zhes gsungs pa'i phyir/ 'di'i phul 'tshams
la mkhas pa kha cig /skabs 'dir/ 'dir bstan yang dag mtha' mngon
du byas pa'i gang zag yin na/ sangs rgyas 'phags pa yin dgos par
thal/

de mngon du byas pa'i sems can med pa'i phyir te/ de mngon du
byas pa'i nyan thos kyang med/ de mngon du byas pa'i byang sems
kyang med pa'i phyir/ dang po ma grub na/ der thal/ de mngon du
byas pa'i gang zag yin na/ chos

@56b nyid de bzhin nyid la slar mi ldang ba'i tshul gyis mnyam
par bzhag pa'i gang zag yin dgos pa gang zhig /de las slar mi
ldang ba'i tshul gyis mnyam par bzhag pa'i nyan thos dgra bcom
med pa'i phyir/ dang po khas/ gnyis pa 'bud/ gong gi rtags

gnyis pa ma grub na/ der thal/ de mngon du byas pa'i nyan thos
dgra bcom gyi rtogs pa sngon du song ba'i byang 'phags kyang
med/ de mngon du byas pa'i dman lam sngon du ma song ba'i byang
'phags kyang med pa'i phyir/ rtags gnyis ka sngar ltar bsgrub/

rtsa bar 'dod na/ mchog gi sprul skus dman lam sngon ma song gi
byang 'phags la sangs rgyas ma thob bar du sangs rgyas mngon du
mi bya'o zhes gdams rigs par thal/ des de la rdzogs smin sbyang
gsum ma byas par sangs rgyas mngon du mi bya'o zhes

gdam rigs pa gang zhig /rgyu mtshan mtshungs pa'i phyir/ dang po
ma grub na song/ der thal/ des de la rdzogs smin sbyang gsum ma
byas bar du/ 'dir bstan yang dag mtha' mngon du mi bya'o zhes
gdam rigs pa gang zhig /'dir bstan yang dag mtha' mngon

du byas pa'i gang zag yin na sangs rgyas yin dgos pa'i phyir/
lugs gnyis pa yang skyon sngar ltar ro/ /zhes gsung/ kha cig
/lung de'i don la/ mchog gi sprul skus dman lam sngon ma song gi
byang 'phags la sangs rgyas ma thob par du sangs

rgyas mngon du mi bya'o zhes gdam rigs par thal/ des de la
rdzogs smin sbyang gsum ma byas bar 'dir bstan yang dag mtha'
mngon du ma byed cig ces gdam rigs pa gang zhig /rdzogs smin
sbyang gsum byas pa'i gang zag yin na/ sangs rgyas

yin pas khyab/ 'dir bstan yang dag mtha' mngon du byas pa'i gang
zag yin na/ sangs rgyas yin dgos pa'i phyir/ rtags dang po rang
lugs la sgrub rgyu yin/ gsum pa ma grub na song/ der thal/ de
yin na/ de bzhin nyid la slar mi ldang ba'i tshul

@57a @#/ /gyis mnyam par bzhag pa'i gang zag yin dgos pa'i phyir/
zhes zer ba mi 'thad de/ rdzogs smin sbyang gsum byas pa'i gang
zag yin na/ sangs rgyas yin dgos pa de/ snga rabs pa kha cig gi
lugs yin gyi/ rang

lugs min no/ /zhes bsgrubs zin pa'i phyir ro/ /phar phyin pa
snga ma kha cig /chos nyid la mnyam par bzhag bzhin pa'i ngang
nas gzhan don 'bad med lhun grub tu byed nus pa de/ smon lam
rdzogs pa'i tshad dang/ chos nyid de bzhin nyid de 'dir bstan

yang dag mtha' dang/ de la slar mi ldang ba'i tshul gyis mnyam
par bzhag pa de/ 'dir bstan yang dag mtha' mngon du byas pa'i
tshad yin zer na mchog gi sprul skus rang gi gdul bya byang
'phags la rdzogs smin sbyang gsum ma byas par 'dir bstan yang

dag mtha' mngon du mi bya'o zhes gdams pa byin pa de/ sangs
rgyas ma thob bar du sangs rgyas mngon du mi bya'o zhes gdams pa
byin pa yin par thal/ rdzogs smin sbyang gsum byas pa'i gang zag
yin na/ sangs rgyas yin pas khyab/ 'dir bstan yang

dag mtha' mngon du byas pa'i gang zag yin na sangs rgyas yin
dgos pa'i phyir/ dang po ma grub na/ der thal/ de yin na chos
nyid la mnyam bar bzhag bzhin pa'i ngang nas gzhan don 'bad med
lhun grub tu byed pa'i gang zag yin pas khyab/ de yin na

sangs rgyas yin pas khyab pa'i phyir/ rtags gnyis pa 'bud/ dang
po ma grub na/ der thal/ khyod kyi rdzogs smin sbyang gsum byas
pa'i tshad 'thad pa'i phyir/ gnyis pa ma grub na song/ der thal/
de yin na chos nyid de bzhin nyid la slar mi ldang ba'i tshul
gyis

mnyam par bzhag pa'i gang zag yin dgos/ de yin na sangs rgyas
yin dgos pa'i phyir/ phyi ma ma grub na 'bud/ dang po der thal/
khyod kyis 'dir bstan yang dag mtha' mngon du byas pa'i tshad
'thad pa'i phyir/ rtags khas/ ! rnam bshad snying po rgyan

@57b gyi don legs par bshad pas rgyal tshab thams cad mkhyen pa
mnyes par gyur cig /kha cig /rgyun mtha'i bar chad med lam la
gnas pa'i sems dpa' chos can/ sangs rgyas yin par thal/ chos
nyid la slar mi ldang ba'i tshul gyis mnyam par bzhag

pa'i gang zag yin pa'i phyir te/ de chos nyid la rtse gcig tu
mnyam par bzhag pa'i gang zag gang zhig /khyod kyis chos nyid la
rtse gcig tu mnyam par bzhag pa'i mnyam bzhag de las ldang mi
srid pa'i phyir/ zer na ma khyab ste/ rgyun mtha'i bar chad med

lam chos can/ stong nyid rang las tha dad pa'i tshul gyis rtogs
par thal/ khyod kyis stong nyid rtogs pa gang zhig /stong nyid
khyod dang tha dad yin pa'i phyir/ khyab pa khas/ gzhan yang/
rgyun mtha'i bar chad med lam pas bden 'dzin rang rgyud la slar
mi skye

pa'i chos can du byas par thal/ de'i rgyud la bden 'dzin skye mi
srid pa'i phyir/ ma khyab na/ gong gi ma khyab 'tshams la khyab
pa yod pa bud/ 'dod na/ des bden 'dzin spangs par thal/ 'dod
pa'i phyir/ gzhan yang/ khyab pa 'du byed kyi sdug bsngal nye
bar

zhi ba'i nyer zhi'i dbyings la rang gi bsam ngo la ltos te slar
mi ldang ba'i tshul gyis mnyam par bzhag pa'i nyan thos dgra bcom
pa chos can/ chos nyid de bzhin nyid la slar mi ldang ba'i tshul
gyis mnyam par bzhag pa yin par thal/ 'dir bstan yang

dag mtha' mngon du byas pa'i phyir/ khyab pa khas/ de der thal/
rdzogs smin sbyang gsum ma byas par 'dir bstan yang dag mtha'
mngon du byas pa'i gang zag yod pa'i phyir/ ma grub na/ mchog gi
sprul skus rang gi gdul bya byang sems tshogs lam pa la rdzogs

smin sbyang gsum ma byas par 'dir bstan yang dag mtha' mngon du
mi bya'o zhes gdams pa byin pa la dgos pa med par thal/ ma grub
pa de'i phyir/ rtsa bar 'dod na/ de 'dra'i nyan thos dgra bcom
pa de mnyam gzhag de las ldang mi srid par thal lo/ /

@58a @#/ /'dod na/ de theg chen lam du 'jug pa mi srid par thal
lo/ 'dod na/ de sangs rgyas pa'i dus mi srid par thal lo/ /rtsa
ba'i dam bca' gnyis pa blo bur dri bral gyi 'gog pa 'dir bstan
yang dag mtha' dang/ de thob pa 'dir

bstan yang dag mtha' mngon du byas pa'i tshad du 'dod pa ar Tika
gi lugs yin cing/ de dang ar TIk tu gzhan don 'bad med lhun
grub tu byed pa de smon lam rdzogs pa'i tshad du bshad pa gnyis
la nang 'gal du bzung nas sangs rgyas ma thob par du sangs rgyas

mngon du mi bya'o zhes gdams pa ster pa rigs par thal pa 'phen
pa yin no/ /gzhan yang/ blo bur dri bral gyi 'gog pa chos can/
rdzogs smin sbyang gsum ma byas par 'dir khyod mngon du byas
pa'i gang zag yod par thal/ khyod 'dir bstan yang dag mtha'

yin pa'i phyir/ rtags khas/ 'dod mi nus te/ khyod mngon du byas
pa'i gang zag yin na sangs rgyas yin dgos pa'i phyir/ rtags
'bud/ de bzhin du/ chos nyid de bzhin nyid 'dir bstan yang dag
mthar 'dod pa la/ de chos can/ rdzogs smin sbyang gsum

ma byas par khyod mngon du byas pa'i gang zag yod par thal/
khyod 'dir bstan yang dag mtha' yin pa'i phyir/ rtags khas/ 'dod
mi nus te/ chos nyid de bzhin nyid mngon du byas pa'i gang zag
yin na chos sku mngon du byas pa'i gang zag yin dgos pa'i

phyir; kha cig /byang sems mthong lam ba chos can/ chos sku
mngon du byas pa'i gang zag yin par thal/ chos nyid mngon du
byas pa'i gang zag yin pa'i phyir/ khyab pa khas/ der thal/ chos
nyid mngon sum du rtogs pa'i gang zag yin pa'i phyir/ zer na/

longs sku'i 'khor du byung ba'i byang sems 'phags pa chos can/
longs sku mngon du byas pa'i gang zag yin par thal/ longs sku
mngon sum du rtogs pa'i gang zag yin pa'i phyir/ khyab pa khas/
'dod mi nus te/ rtags bsal gnyis ka chos can gyis 'grub/ kha

@58b cig ;theg dman gyi myang 'das 'dir bstan yang dag mtha' yin
zer na/ de 'gog pa la/ rnam bshad snying po rgyan las/ chad pa'i
myang 'das la byed pa yang rdzogs smin sbyangs nas mngon du bya
bar don gyis bstan pa dang 'gal ba'i phyir ro/ /zhes gsungs/

de'i don ni/ theg dman gyi myang 'das chos can/ dman lam sngon
du ma song ba'i byang sems 'phags pas rdzogs smin sbyangs gsum
byas rjes su khyod mngon du byed par thal/ khyod 'dir bstan yang
dag mtha' yin pa'i phyir/ rtags khas/ 'dod mi nus te/ chos can

de yin pa'i phyir/ des na rang lugs ni/ 'dir bstan yang dag yin
na/ dman lam sngon du ma song ba'i byang sems 'phags pas rdzogs
smin sbyangs gsum ma byas par khyod mngon du byed nus pas khyab/
de yin na des rdzogs smin sbyang gsum ma byas par khyod

mngon du mi byed pas khyab/ de yin na des rdzogs smin sbyang
gsum byas rjes su khyod mngon du byed pas khyab byas pa la/ kha
cig /sangs rgyas 'phags pas mngon du byas pa'i 'dir bstan yang
dag mtha' chos can/ dman lam sngon ma song gi byang sems 'phags
pas

rdzogs smin sbyang gsum ma byas par khyod mngon du byed nus par
thal/ khyod 'dir bstan yang dag mtha' yin pa'i phyir/ 'dod mi
nus te/ ngo bo nyid sku yin pa'i phyir/ zer na/ sangs rgyas
'phags pas mngon du byas pa'i 'dir bstan yang dag mtha' yin na/

ngo bo nyid sku yin dgos par thal/ de ngo bo nyid sku yin pa'i
phyir/ rtags khas/ 'dod na/ khyab pa 'du byed kyi sdug bsngal
nyer bzhi ba'i nyer bzhi'i dbyings chos can/ der thal/ de'i
phyir/ der thal/ sangs rgyas 'phags pas mngon du byas pa gang
zhig /'dir

bstan yang dag mtha' yin pa'i phyir/ 'dod mi nus te/ chos can
de'i phyir/ yang kha cig /sangs rgyas 'phags pa'i rgyud kyi 'dir
bstan yang dag mtha' chos can/ dman lam sngon ma song gi byang
sems 'phags pas rdzogs smin sbyang gsum ma byas par

@59a @#/ /khyod mngon du byed nus par thal/ khyod 'dir bstan yang
dag mtha' yin pa'i phyir/ khyab pa khas/ de chos can/ der thal/
de yod pa'i phyir te/ de'i rgyud la 'dir bstan yang dag mtha'
yod pa'i phyir na ma khyab bo/ /de bzhin

du lhag med myang 'das la gnas pa'i nyan thos dgra bcom pa'i
rgyud kyi 'dir bstan yang dag mtha' chos can/ dman lam sngon ma
song gi byang sems 'phags pas rdzogs smin sbyang gsum byas rjes
su khyod mngon du byed par thal/ khyod 'dir bstan yang dag

mtha' yin pa'i phyir/ rtags grub ste/ de'i rgyud la 'dir bstan
yang dag mtha' yod pa'i phyir na ma khyab ste/ 'o na/ kho rang
la/ sangs rgyas 'phags pa'i rgyud kyi nyon sgrib spangs pa'i
spangs pa yod par thal/ de'i rgyud la nyon sgrib spangs pa'i
spangs pa yod

pa'i phyir/ khyab pa khas/ 'dod na/ de'i rgyud kyi nyon sgrib
spangs bya yin par thal/ 'dod pa'i phyir/ 'dod na/ de'i rgyud
kyi sgrib pa yod par thal lo/ gzhan yang/ byang sems rgyun mtha'
ba'i rgyud kyi rnam mkhyen skye bzhin pa yod par thal/ de'i
rgyud la rnam mkhyen

skye bzhin pa yod pa'i phyir/ khyab pa khas/ der thal/ de'i
rgyud la rnam mkhyen skye bzhin pa dang/ rgyun mtha'i bar chad
med lam 'gag bzhin pa dus mnyam yin pa'i phyir/ rtsa bar 'dod
na/ de'i rgyud kyi rnam mkhyen yod par thal/ 'dod pa'i phyir/
gzhan yang

sems can gyi rgyud kyi chos skur 'gyur rung gi rigs yod par
thal/ de'i rgyud la der 'gyur rung gi rigs yod pa'i phyir/ khyab
pa khas/ 'dod na/ de'i rgyud kyi chos skur 'gyur rung yod par
thal/ 'dod pa'i phyir/ 'dod na/ de'i rgyud kyi chos skur 'gyur
pa yod par

thal; 'dod pa'i phyir/ 'dod na/ sems can gyi rgyud kyi chos sku
yod par thal lo/ /gzhan yang/ sangs rgyas 'phags pa'i rgyud kyi
rang nyid thob pas 'phags lam thob par 'jog nus/ rang nyid ma
thob pas 'phags lam ma thob par 'jog nus pa'i

@59b lam bden yod par thal/ de'i rgyud la rang nyid thob na
'phags lam thob par 'jog nus/ rang nyid ma thob na 'phags lam ma
thob par 'jog nus pa'i lam bden yod pa'i phyir/ khyab pa khas/
ma grub na/ rang nyid thob na 'phags lam thob par 'jog nus/

rang nyid ma thob na 'phags lam ma thob par 'jog nus pa'i lam
bden yin na/ sangs rgyas 'phags pa'i rgyud la med pas khyab par
thal/ ma grub pa de'i phyir/ 'dod na/ lam bden chos can/ der
thal/ de'i phyir/ der thal/ lam bden gang zhig /khyod thob na
'phags

lam thob pas khyab/ khyod ma thob na 'phags lam ma thob pas
khyab pa'i phyir/ rtsa bar 'dod na/ sangs rgyas 'phags pa'i
rgyud kyi rang nyid thob na 'phags lam thob par 'jog nus/ rang
nyid ma thob na 'phags lam ma thob par 'jog nus pa'i lam bden
de/ rang nyid

thob na 'phags lam thob par 'jog nus/ rang nyid ma thob na
'phags lam ma thob par 'jog nus pa'i lam bden yin par thal/ 'dod
pa'i phyir/ 'dod na/ sangs rgyas 'phags pa'i rgyud kyi rang nyid
thob na 'phags lam thob par 'jog nus/ rang nyid ma thob na

'phags lam ma thob par 'jog nus pa'i lam bden chos can/ khyod ma
thob pa'i gang zag yin na lam bden ma thob pa'i gang zag yin
dgos par thal/ khyod rang nyid thob na 'phags lam thob par 'jog
nus/ rang nyid ma thob na 'phags lam ma thob par 'jog 

nus pa'i lam bden yin pa'i phyir/ rtags khas/ 'dod na/ byang
sems mthong lam pa chos can/ der thal/ de'i phyir/ khyab pa
khas/ rtags gsal gnyis ka chos can gyis 'grub bo/ /kha cig /'dir
bstan yang dag mtha' la gsum yod de/ nyon sgrib spangs

pa'i spangs pa de/ nyan thos kyi lam gang yin pa dang zhes pa'i
skabs nas dngos su bstan pa'i gdam yul du gyur pa'i yang dag
mtha' dang/ gzugs phyi rol don 'dzin gyi rtogs pa spangs pa'i
spangs pa de rang rgyal gyis lam gang yin pa dang zhes pa'i
skabs nas

@60a @#/ /dngos su bstan pa'i gdam yul du gyur pa'i yang dag
mtha' dang/ shes sgrib spangs pa'i spangs pa de/ sangs rgyas kyi
lam gang yin pa dang zhes pa'i skabs nas dngos su bstan pa'i
yang dag mtha' yin kyang 'dir bstan gdam yul du gyur

pa'i yang dag mtha' ma yin/ 'dir bstan yang dag mtha' yin na/
'dir bstan gdam yul du gyur pa'i yang dag mtha' yin pa'i ma
khyab ste/ shes sgrib spangs pa'i spangs pa de 'dir bstan yang
dag mtha' yin kyang/ 'dir bstan gdam yul du gyur pa'i yang dag
mtha'

ma yin pa'i phyir/ dang po ma grub na/ de chos can/ der thal/
sangs rgyas kyi lam gang yin pa dang zhes pa'i skabs nas bstan
pa'i yang dag mtha' yin pa'i phyir/ zhes dang/ lhag med myang
'das la gnas pa'i nyan thos dgra bcom pas khyab pa 'du byed kyi
sdug bsngal

nye bar zhi ba'i nyer bzhi la rang gi bsam ngo la stos te slar
mi ldang ba'i tshul gyis mnyam par bzhag pa de dman pa'i gang zag
gis 'dir bstan yang dag mtha' mngon du byas pa'i tshad yin/ sa
bcu pa pas zhi ba des thugs 'phrogs pa ma yin par sangs rgyas pa
na nyer

zhi de las slar mi ldang ba'i tshul gyis mnyam par bzhag pa de/
byang sems kyis 'dir bstan yang dag mtha' mngon du byas pa'i
tshad yin/ zer na/ rang bzhin rnam dag gi char gyur pa'i ngo bo
nyid sku chos can/ 'dir bstan yang dag mtha' yin par thal/ sangs
rgyas

kyi lam gang yin pa dang zhes pa'i skabs nas bstan pa'i lam
bsgoms stobs kyis thobs pa'i yang dag mtha' yin pa'i phyir/
khyab pa khas/ rtags grub ste/ de'i skabs kyi lam bsgoms stobs
kyis thob pa'i chos nyid yin pa'i phyir te/ chos can de'i

phyir; rtsa bar 'dod na/ de chos can khyod 'gog bden yin par
thal/ 'dod pa'i phyir/ 'dod na/ kun rdzob bden pa yin par thal/
'dod pa'i phyir/ 'dod na/ ma yin par thal/ don dam bden pa yin
pa'i phyir/ gzhan yang/ shes sgrib spangs pa'i

@60b spangs pa chos can/ smon lam yongs su rdzogs par ma byas pa
dang sems can rnams yongs su smin par ma byas pa dang/ sangs
rgyas kyi zhing yongs su ma sbyangs bar de dag gis yang dag pa'i
mtha' mngon sum du ni mi bya'o zhes pa'i skabs nas bstan pa'i
yang

dag mtha' yin par thal/ 'dir bstan yang dag mtha' yin pa'i
phyir/ rtags khas/ 'dod na/ 'dir bstan gdam yul du gyur pa'i
yang dag mtha' yin par thal/ 'dod pa'i phyir/ rtags khas/ ma
khyab na/ 'dir bstan gdam yul du gyur pa'i yang dag

mtha' ci la zer smos shig /gzhan yang/ nyon sgrib spangs pa'i
spangs pa chos can/ khyod mngon du byas pa dang dus mnyam du
'dir bstan yang dag mtha' mngon du byas pa'i theg dman gyi gang
zag yod par thal/ khyod mngon du byas pa'i theg dman gyi gang

zag yod pa gang zhig /khyod 'dir bstan yang dag mtha' yin pa'i
phyir/ rtags khas/ 'dod na/ lhag med myang 'das thob pa'i theg
dman dgra bcom pas khyab pa 'du byed kyi sdug bsngal nye bar zhi
ba'i nyer zhi de la rang gi bsam ngo la ltos te slar mi ldang
ba'i

tshul gyis mnyam par bzhag pa de/ dman pa'i gang zag gis 'dir
bstan yang dag mtha' mngon du byas pa'i tshad ma yin par thal/
'dir bstan yang dag mtha' mngon du byas pa'i lhag bcas myang
'das la gnas pa'i nyan thos dgra bcom pa yod pa'i phyir/

ma grub na song/ der thal/ nyon sgrib spangs pa'i spangs pa
mngon du byas pa dang dus mnyam du 'dir bstan yang dag mtha'
mngon du byas pa'i theg dman gyi gang zag yod pa gang zhig /nyon
sgrib spangs pa'i spangs pa mngon du byas ma thag pa'i theg dman
gyi gang zag

yin na/ lhag bcas myang 'das pa yin dgos pa'i phyir/ dang po
khas/ phyi ma 'bud/ kha cig /bar 'da' ba'i phyir mi 'ong gis
dang por lhag med myang 'das mngon du ma byas par thal/ khyab
bsgrubs kyi rtags de'i phyir/ 'dod mi nus te/ de ltar byas pa

@61a @#/ /mdzod 'grel las bshad pa'i phyir/ zer na/ lan gzhan du
'chad do/ /kha cig /khyab pa 'du byed kyi sdug bsngal nye bar
zhi ba'i nyer zhi chos can/ khyod mngon du byas pa dang dus
mnyam du 'dir bstan yang dag mtha'

mngon du byas pa'i gang zag yod par thal/ khyod 'dir bstan yang
dag mtha' yin pa'i phyir/ khyab pa song/ 'dod mi nus te/ 'dir
bstan yang dag mtha' mngon du byed pa la khyab pa 'du byed kyi
sdug bsngal nye bar zhi ba'i nyer zhi thob pa sngon du 'gro dgos

pa'i phyir/ der thal/ rnam bshad las/ nyan rang dgra bcom pa zhi
ba'i dbyings su snyoms par 'jug pa rnams kyis kyang snyoms par
'jug pa'i snga rol du zhi ba'i bde ba des thugs 'phrogs nas rang
gi bsam ngo la ltos nas slar mi ldang ba'i tshul du bskal

ba'i bar du zhi ba'i dbyings su snyoms par 'jug pa ni/ theg pa
dman pa'i rigs can nyid kyi dbang du byas nas yang dag pa'i
mtha' mngon du byas pa'i don yin no/ /zhes gsungs pa'i phyir na/
skyon med de/ de'i don/ lhag bcas myang 'das la gnas pa'i

nyan thos dgra bcom pa 'chi 'pho khar zag bcas kyi lus bor nas
dag pa'i zhing du pad ma'i sbubs su yid kyi rang bzhin gyi lus
blangs te/ khyab pa 'du byed kyi sdug bsngal nye bar zhi ba'i
nyer zhi'i dbyings de nyid la rtse gcig tu mnyam par bzhag par

bya'o snyam pa'i 'phen pa btang ba la brten nas dag pa'i zhing
du pad ma'i sbubs su skyes pa dang dus mnyam du nyer bzhi de
nyid la rtse gcig tu mnyam par 'jog pa yin pa'i phyir/ khyab pa
'du byed kyi sdug bsngal nye bar zhi ba'i nyer zhi ma thob par

zhi ba'i bde bas thugs 'phrogs pa mi 'gal te/ sangs rgyas ?  kyi
chos sogs kyi yon tan ma thob kyang des thugs phrogs pa mi 'gal
ba bzhin no/ /de 'dra'i zhi ba'i dbyings la rtse gcig tu mnyam
par bzhag pa'i mnyam gzhag ma thob par

@61b skabs 'di'i zhi bde thob pa mi srid de/ zhi ba'i bde bas
thugs phrogs zhes pa'i bde ba de mnyam par bzhag pa'i shin
spyang gi bde ba la byed rigs pa'i phyir/ 'jug pa las/ ji ltar
byin cig ces sgra thos bsam las/ /rgyal sras bde 'byung de ltar

thub rnams la/ /zhi bar zhugs pas bde ba byed min na/ /zhes
gsungs pa'i phyir/ gzhan yang/ sa bcu ma thob bar du/ byang sems
kyis 'dir bstan yang dag mtha' mngon du byas pa med par thal/
khyod kyi byang sems kyis 'dir bstan yang dag mthar

mngon du byas pa'i tshad 'thad pa'i phyir/ 'dod na/ sa bcu ma
thob par byang sems tshogs lam pas 'dir bstan yang dag mtha'
mngon du byas pa med par thal/ 'dod pa'i phyir/ 'dod mi nus te/
des sa bcu ma thob par theg dman gyi 'dir bstan

yang dag mtha' mngon du byas pa yod pa'i phyir/ byang sems tshogs
lam pas sa bcu ma thob bar theg dman gyi myang 'das mngon du
byas ba yod pa'i phyir/ der thal/ des theg dman gyi myang 'das
mngon du byas pa yod pa'i phyir te/ de theg dman lam

du 'jug pa yod pa'i phyir/ mkhas pa kha cig /khyab pa 'du byed
kyi sdug bsngal nye bar zhi ba'i nyer zhi de 'dir bstan yang dag
mtha' yin cing/ de thob pa 'dir bstan yang dag mtha' mngon du
byas pa'i tshad yin zhes gsung zhing/ lhag med myang

'das pa'i rtogs pa sngon du song ba'i byang sems mthong lam pa
des rdzogs smin sbyang gsum ma byas par byang sems mthong lam
gyi gnas skabs su 'dir bstan yang dag mtha' mngon du byas pa yod
de/ rnam bshad las/ nyan rang zhi ba'i dbyings

las langs nas theg pa chen por zhugs pa rnams bar bar du yang
dag pa'i mtha' mngon du byed kyang goms pa'i dbang tsam du zad
kyi 'di la dus yun ring du mnyam par bzhag par bya'o snyam pa'i
'phen pa ni cung zad kyang med do/ zhes gsungs pa'i

@62a @#/ /phyir; zhes gsung/ 'o na/ mchog gi sprul skus lhag med
myang 'das thob pa'i byang sems tshogs lam pa la khyod kyis deng
phyin chad rdzogs smin sbyang gsum ma byas par 'dir bstan yang
dag mtha' mngon du mi bya'o zhes

gdams pa byin pa la dgos pa med par thal/ de 'dra'i byang sems
mthong lam pas rdzogs smin sbyang gsum ma byas par 'dir bstan
yang dag mtha' mngon du byed pa'i phyir/ der thal/ des byas sems
lam gyi gnas skabs su 'dir bstan yang

dag mtha' mngon du byed pa'i phyir/ rtags khas/ gzhan yang/ lhag
med myang 'das thob pa'i theg dman dgra bcom pa'i rtogs pa sngon
du song ba'i byang sems tshogs lam pas rdzogs smin sbyang gsum ma
byas par 'dir bstan yang dag mtha' mngon du byed

par thal/ de 'dra'i byang sems mthong lam pas rdzogs smin sbyang
gsum ma byas par 'dir bstan yang dag mtha' mngon du byed pa'i
phyir/ rtags khas/ gzhan yang/ de 'dra'i byang sems mthong lam
pa chos can/ rdzogs smin sbyang gsum ma byas par

'dir bstan yang dag mtha' mngon du mi byed par thal/ khyod 'dir
bstan yang dag mtha' mngon du byed pa'i dus dang dus ma yin pa
la mkhas pa'i sems dpa' yin pa'i phyir te/ byang 'phags yin pa'i
phyir/ gzhan yang/ lhag bcas myang 'das la gnas

pa'i nyan thos dgra bcom pas dang por lhag med myang 'das mngon
du ma byas par tshe de la theg chen lam du zhugs pa'i byang sems
tshogs lam pa tshe 'phos pa'i byang sems chos can/ khyod kyis 'dir
bstan yang dag mtha' mngon du byas par thal/ khyod kyis

khyab pa 'du byed kyi sdug bsngal nye bar zhi ba'i nyer zhi thob
pa'i phyir/ khyab pa khas/ rtags grub ste/ chos can de'i phyir
te/ de yod pa'i phyir/ 'dod na/ lhag bcas myang 'das la gnas
pa'i nyan thos dgra bcom pa'i rtogs pa sngon du song ba'i byang
sems tshogs

@62b lam pas rdzogs smin sbyang gsum ma byas par 'dir bstan yang
dag mtha' mngon du byed par thal/ 'dod pa'i phyir/ 'dod na/ lhag
med myang 'das la gnas pa'i nyan thos dgra bcom pa'i rtogs pa
sngon du song ba'i byang sems tshogs lam pas rdzogs smin sbyang

gsum ma byas par 'dir bstan yang dag mtha' mngon du byed par
thal/ 'dod pa'i phyir/ 'dod na/ bkag zin/ gzhan yang/ lhag med
myang 'das pa'i rtogs pa sngon du song ba'i byang sems tshogs lam
pa la mchog gi sprul skus deng phyin chad rdzogs smin sbyang
gsum ma byas

par 'dir bstan yang dag mtha' mngon du ma byed cig ces gdams pa
byin pa de/ rdzogs smin sbyang gsum ma byas par/ khyab pa 'du
byed kyi sdug bsngal nye bar zhi ba'i nyer zhi thob par ma byed
cig ces gdam rigs pa yin par thal/ khyab pa 'du byed kyi sdug
bsngal nye bar

zhi ba'i nyer zhi thob pa de 'dir bstan yang dag mtha' mngon du
byas pa'i tshad yin pa'i phyir/ rtags khas/ 'dod na/ de 'dra'i
byang sems tshogs lam pas nyer zhi ma thob par thol lo/ /! rang
lugs ni/ khyab pa 'du byed kyi sdug bsngal nye bar zhi ba'i nyer
zhi'i dbyings de/

'dir bstan yang dag mtha' yin/ khyab pa 'du byed kyi sdug bsngal
nye bar zhi ba'i nyer zhi'i dbyings la rang gi bsam ngo la ltos
te slar mi ldang ba'i tshul gyis mnyam par bzhag pa de/ theg dman
gyi dbang du byas pa'i 'dir bstan yang dag mtha' mngon du byas
pa'i

tshad yin/ rdzogs smin sbyang gsum byas rjes su/ khyab pa 'du
byed kyi sdug bsngal nye bar zhi ba'i nyer zhi'i dbyings la slar
mi ldang ba'i tshul gyis mnyam par bzhag pa de/ rdzogs smin
sbyang gsum byas rjes su 'dir bstan yang dag mtha' mngon du byas
pa'i tshad

yin; ;/rtsod pa spong ba la kha cig lhag med myang 'das thob
pa'i rjes thob ye shes la gnas pa'i nyan thos dgra bcom pa chos
can/ khyab pa 'du byed kyi sdug bsngal nye bar zhi ba'i nyer
zhi'i dbyings la rang gi bsam ngo la ltos te slar mi ldang ba'i
tshul gyis mnyam par bzhag par thal/ 'dir bstan

@63a @#/ /yang dag mtha' mngon du byas pa'i gang zag yin pa'i
phyir/ khyab pa khas/ der thal/ des 'dir bstan yang dag mtha'
mngon du byas pa'i phyir/ der thal/ des theg dman lam du 'dir
bstan yang dag mtha' mngon

du byas pa'i phyir/ ma grub na/ de chos can/ der thal/ khyod
kyis 'dir bstan yang dag mtha' mngon du byed myong ba gang zhig
/theg chen gyi lam du de mngon du ma byas pa'i phyir/ zer na ma
khyab/ rtsa bar 'dod na/ mnyam bzhag ye

shes la gnas pa'i gang zag yin par thal/ 'dod pa'i phyir/ 'dod
mi nus te/ chos can de'i phyir/ kha cig /lhag med myang 'das
thob pa'i rjes thob ye shes la gnas pa'i nyan thos dgra bcom pas
'dir bstan yang dag mtha'

mngon du byas pa dang rnam mkhyen thob pa dus mnyam par thal/
des rdzogs smin sbyang gsum ma byas bar 'dir bstan yang dag
mtha' mngon du mi byed pa'i phyir/ rtags grub ste/ des rdzogs
smin sbyang gsum ma par 'dir bstan yang

dag mtha' mngon du ma byas pa gang zhig /des rdzogs smin sbyang
gsum byas rjes su 'dir bstan yang dag mtha' mngon du byed pa'i
phyir/ dang po ma grub na/ de chos can/ khyod kyis 'dir bstan
yang dag mtha' mngon du byas par thal/ ma

grub pa de'i phyir/ 'dod na dngos/ gnyis pa ma grub na/ der
thal/ khyod sems can yin pa'i phyir/ rtsa bar 'dod na/ de chos
can/ khyod theg dman lam du 'dir bstan yang dag mtha' mngon du
byed myong ba'i gang zag ma yin par thal

lo; ;zer na/ rtsa bar ma khyab/ kha cig /thal 'gyur phyi ma la
ma khyab ste/ phyir mi 'ong chos can/ khyod lam ma zhugs kyi
gnas skabs su bsam gtan gyi dngos gzhi'i snyoms 'jug thob myong
pa'i gang zag ma yin par thal/ khyod

@63b kyis bsam gtan gyi dngos gzhi'i snyom 'jug thob pa dang/
phyir mi 'ong gi 'bras bu thob pa dus mnyam pa'i phyir/ khyab pa
khas/ der thal/ phyir mi 'ong gi 'bras gnas yin pa'i phyir/ zer
na/ ma khyab/ des dman lam du bsam gtan

gyi dngos gzhi'i snyoms 'jug thob pa dang phyir mi 'ong gi 'bras
bu thob pa dus mnyam pa yod kyang/ spyir des phyir mi 'ong gi
'bras bu thob pa dang/ bsam gtan gyi dngos gzhi'i snyoms 'jug
thob pa dus mi mnyam pa'i phyir/ kha cig /

rdzogs smin sbyang gsum ma byas par 'dir bstan yang dag mtha'
mngon du byas pa'i gang zag yin na/ rdzogs smin sbyang gsum byas
rjes su 'dir bstan yang dag mtha' mngon du mi byed pas khyab zer
na/ khyab pa 'du byed kyi sdug bsngal nye

bar zhi ba'i nyer zhi la rang gi bsam ngo la ltos te slar mi
ldang ba'i tshul gyis mnyam par bzhag pa'i nyan thos dgra bcom pa
chos can/ der thal/ de'i phyir te/ 'dir bstan yang dag mtha'
mngon du byas pa'i theg dman gyi gang zag yin pa'i

phyir; rtsa bar 'dod mi nus te/ sems can yin pa'i phyir/ kha cig
/lhag med myang 'das thob pa'i rjes thob ye shes la gnas pa'i
nyan thos dgra bcom pa chos can/ khyod kyis 'dir bstan yang dag
mtha' mngon du byas par thal/ khyod

kyis lhag med myang 'das thob pa gang zhig /khyod kyis lhag med
myang 'das thob pa dang dus mnyam du 'dir bstan yang dag mtha'
mngon du byas pa'i phyir/ rtags phyi ma der thal/ khyod kyis
lhag med myang 'das thob ma thag tu khyab pa 'du

byed kyi sdug bsngal nye bar zhi ba'i nyer zhi la rang gi bsam
ngo la ltos te slar mi ldang ba'i tshul gyis mnyam par bzhag pa'i
phyir/ rtsa bar 'dod na/ mnyam bzhag pa yin par thal lo/ /zer
na/ rtsa bar ma khyab ste/ 'o na/ de chos can/ khyod

@64a @#/ /kyis khyab pa 'du byed kyi sdug bsngal nye bar zhi ba'i
nyer zhi la rang gi bsam ngo la ltos te slar mi ldang ba'i tshul
gyis mnyam par bzhag par thal/ khyod kyis lhag med myang 'das
thob pa gang zhig /khyod kyis lhag

med myang 'das thob pa dang dus mnyam du de 'dra'i nyer zhi la
rang gi bsam ngo la ltos te slar mi ldang ba'i tshul gyis mnyam
par bzhag pa'i phyir/ khyab pa khas/ 'dod na/ mnyam gzhag la
gnas pa'i gang zag yin par thal/ gang zag gang

zhig ;'dod pa'i phyir/ 'dod mi nus so/ /kha cig /khyab pa 'du
byed kyi sdug bsngal nye bar zhi ba'i nyer zhi'i dbyings chos
can/ 'gog bden yin par thal/ 'dir bstan yang dag mtha' yin pa'i
phyir/ rtags khas/ 'dod na/ kun rdzob bden

pa yin par thal/ 'dod pa'i phyir/ 'dod mi nus te/ don dam bden
pa yin pa'i phyir te/ chos kyi dbyings de don dam bden pa yin
pa'i phyir na ma khyab ste/ zhi ba'i dbyings su snyoms par 'jug
pa'i stong nyid ma rtogs pa'i nyan thos dgra bcom pa

med par thal/ zhi ba'i dbyings don dam bden pa yin pa'i phyir/
rtags khas/ 'dod na/ stong nyid ma rtogs par lhag med myang 'das
thob pa'i nyan thos dgra bcom pa med par thal/ 'dod pa'i phyir/
! byang sems rgyun mtha' bas rdzogs

smin sbyang gsum byas par khas blangs pa la/ kha cig /de mi
'thad de/ rdzogs smin sbyang gsum byas pa'i gang zag yin na chos
sku mngon du byas pa'i gang zag yin dgos pa'i phyir/ der thal/
rnam bshad las/ zhing bye ba phrag brgyar sku'i bkod

pa grangs de snyed dang/ sku'i bkod pa re re'i 'khor du sems can
grangs las 'das pa/ tshigs su bcad pa re re'i 'phags pa'i go
'phang la 'god nus pa ni/ ji srid kun slong gi rtog pa yod pa de
srid du mi nus pas de 'dra dus gcig tu

@64b lan cig byed pa yang 'bad med lhun grub du 'byung ba la rag
las shing/ ma rig bag chags kyi sa dang zag pa med pa'i las
kyang spangs nas/ slar mi ldang ba'i tshul gyis zhi ba'i dbyings
su snyoms par 'jug pa la ltos pa yin no/ /zhes gsungs

pa'i phyir na ma khyab ste/ sangs rgyas kyi zhing zhes sogs kyi
don ni/ de ltar 'phags ba'i go 'phang la 'god bzhin pa'i gang
zag yin na/ sangs rgyas yin pas khyab pa lung de'i don yin pa'i
phyir te/ TIk las/ de 'dra dus gcig tu lan gcig

byed pa yang 'bad med lhun grub tu 'byung ba la rag las shing/
zhes gsungs pa'i phyir/ kho na re/ byang sems rgyun mtha' bas
sangs rgyas kyis zhing bye ba phrag ba rgyar sku'i bkod pa
grangs de snyed dang sku'i bkod pa re re'i 'khor du sems can
grangs

las 'das pa la chos tshigs su bcad pa re res 'phags pa'i go
'phang la 'god nus par thal/ des sems can smin par byas pa'i
phyir/ 'dod na/ de chos can/ khyod kyi rgyud la chos ston pa'i
kun slong gi rtog pa med par thal/ 'dod pa'i phyir/ zer na/ rtsa

bar ma khyab ste/ de ltar 'god nus pa'i rgyu'i dge rtsa'i nus pa
yongs su rdzogs pa'i gang zag yin na/ de ltar 'god nus pas ma
khyab pa'i phyir/ gzhan yang/ rdzogs smin sbyang gsum byas pa'i
gang zag yin na/ sangs rgyas yin pas ma khyab par thal

byang sems rgyun mtha' bas rdzogs smin sbyang gsum byas rjes su/
'dir bstan yang dag mtha' mngon du byed pa'i phyir/ der thal/
rnam bshad snying po rgyan las/ de 'dra'i gdul bya de nyid smin
grol gnyis kyi nang nas smin lam la bkod zin nas

yang dag pa'i mtha' mngon du bya bar shugs la bstan pa yin no/
/zhes pa dang/ chad pa'i myang 'das la byed pa yang rdzogs smin
sbyangs nas mngon du bya bar don gyis bstan pa dang 'gal ba'i
phyir ro/ zhes gsungs pa'i phyir/ gzhan yang/ rnams

@65a @#/ /bshad snying po rgyan las/ smon lam rdzogs pa'i tshad
chos nyid la mnyam par bzhag bzhin du gzhan don 'bad med lhun
grub tu byed nus pa la 'chad pa ni/ chos sku ma thob bar du chos
sku mngon du mi bya'o/ /zhes

par 'gyur bas dogs pa'i gnas med la/ zhes gsungs pa mi 'thad par
thal/ rdzogs smin sbyang gsum byas pa'i gang zag yin na/ chos
sku mngon du byas pa'i gang zag yin dgos pa'i phyir/ rtags khas/
zhes yang dag pa'i mtha'

legs par bshad zin to/ ! /rnam pa thams cad mkhyen nyid lam/
/zhes sogs kyi skabs su/ gzhung don dang mtha' bcad pa gnyis/
dang po ni/ bstan bcos mngon rtogs rgyan chos can/ khyod kyi
dgos pa yod de/ mdo don bde blag tu rtogs

pa de khyod kyi dgos pa yin pa'i phyir/ khyod kyi brjod bya yod
de/ mngon par rtogs pa brgyad po de khyod kyi brjod bya yin pa'i
phyir/ khyod kyi nyid dgos yod de/ khyod la brten nas thob pa'i
rnam mkhyen de khyod kyi nyid dgos yin pa'i phyir/ khyod

kyi 'brel ba yod de/ khyod kyi nyid dgos khyod kyi dgos pa la
'brel/ de khyod la 'brel ba'i 'brel ba de khyod kyi 'brel ba yin
pa'i phyir/ byas pa la kha cig /mdo don bde blag tu rtogs pa
chos can/ bstan bcos mngon rtogs rgyan gyi

dgos pa ma yin par thal/ khyod bstan bcos mngon rtogs rgyan la
rag ma las pa'i phyir/ rtags grub ste/ bstan bcos mngon rtogs
rgyan gyi snga rol du mdo don bde blag tu rtogs pa yod pa'i
phyir/ zer na/ rtsa bar ma khyab/ gzhan

yang/ bstan bcos mngon rtogs rgyan gyi nyid dgos dgos ba la
'brel/ dgos pa de'i brjod bya la 'brel pa'i 'brel pa chos can/
khyod de byung gi 'brel pa yin par thal/ bstan bcos mngon rtogs
rgyan gyi dgos sogs tshes

@65b bzhi'i nang tshan gyi 'brel ba yin pa'i phyir/ rtags khas/
'dod na/ de'i dgos pa de/ de'i brjod bya la de byung du 'brel
bar thal/ 'dod pa'i phyir/ 'dod mi nus te/ de'i brjod bya rtag
pa yin pa'i phyir/ zer na/ rtsa bar ma khyab/ gnyis pa la dgag
gzhag spong

gsum las/ dang po ni/ kha cig /dngos kyi bdag rkyen rnam mkhyen
las byung ba'i legs bshad gang zhig /spobs pa bzhi dang ldan pa
de bka'i mtshan nyid zer na/ rnam mkhyen dang dngos rgyu tshogs pa
tshar gcig la rag las pa'i bka' chos can/ mtshan

nyid kyi zur dang po de yin par thal/ bka' yin pa'i phyir/ khyab
pa khas/ rtags grub ste/ de 'dra ba yod pa'i phyir/ 'dod mi nus
te/ rnam mkhyen dang dus mnyam yin pa'i phyir/ kha cig /rtsom pa
po rnam g.yeng med pa'i yid can gyis bka'i

dgongs 'grel du brtsams pa'i ngag rnam dag gang zhig /thar pa
thob pa'i lam dang rjes su mthun pa de/ bstan bcos rnam dag gi
mtshan nyid/ zer na/ sangs rgyas kyi bka' chos can/ mtshan nyid
kyi zur dang po der thal/ mtshon bya de'i phyir/ khyab pa khas

rtags grub ste/ bka' dang bstan bcos mi 'gal pa'i phyir/ rtags
'og tu bsgrub/ rtsa bar 'dod na/ de chos can/ sangs rgyas kyi
bka'i dgongs 'grel yin par thal/ 'dod pa'i phyir/ 'dod na/ sangs
rgyas kyi bka' dang tha dad yin par thal/

'dod pa'i phyir/ byas pa la kha cig /ston pa shAkya thub pa
chos can/ khyod ston pa sh'kya thub pa dang tha dad yin par
thal/ khyod ston pa shAkya thub pa'i dgongs 'grel yin pa'i
phyir/ khyab pa khas/ ma grub na/ de der thal/ des de'i dgongs
pa 'grel

ba'i phyir na ma khyab/ rtags grub ste/ des de'i dgongs pa gzhan
la 'chad pa yod pa'i phyir/ ! rang lugs la/ ston pa shAkya thub
pas/ de'i dgongs pa 'grel yang/ de'i dgongs 'grel ma yin pa'i
phyir/ gzhan yang/ bka'i snga logs su byung

@66a @#/ /ba'i bstan bcos rnam dag chos can/ zur dang po der
thal/ mtshon bya de'i phyir/ rtags grub ste/ de 'dra ba zhig yod
pa'i phyir/ rtsa bar 'dod na/ de chos can/ bka'i rjes su byung
bar thal/ 'dod pa'i phyir/ khyab ste/ bstan bcos

mngon rtogs rgyan gyi dgongs 'grel yin na/ de'i rjes su byung
bas khyab pa'i phyir te/ de'i 'grel pa yin na de'i rjes su byung
bas khyab pa'i phyir/ rtags 'bud/ rtsa bar 'dod na sla/ kha cig
/gdul bya'i nyon mongs spong phyir du ston pas gsungs pa'i

gsung rab mthar thug de bka'i mtshan nyid/ mdo gang yang rung
ba'i dgongs 'grel du gdul byas rang stobs kyis brtsams pa'i
gsung rab de/ sangs rgyas pa'i bstan bcos kyi mtshan nyid zer na/
bka'i ched du bya ba'i gdul bya yin na/ nyon mongs

spong dgos kyi gdul bya yin dgos par thal/ mtshan nyid dang po de
'thad pa'i phyir/ 'dod na/ nyan thos dgra bcom pa chos can/ der
thal/ de'i phyir/ der thal/ mchog gi sprul sku'i ched du bya
ba'i gdul bya yin pa'i phyir/ rtsa bar 'dod na/ de ma yin

par thal/ dgra bcom pa yin pa'i phyir/ mtshan nyid phyi ma la/
bstan bcos mngon rtogs rgyan chos can/ mtshan nyid der thal/
sangs rgyas pa'i bstan bcos yin pa'i phyir/ khyab pa khas/ 'dod
na/ de gdul byas brtsams par thal/ 'dod pa'i phyir/

'dod mi nus te/ bstan bcos mngon rtogs rgyan rtsom pa po'i gang
zag yin na/ sangs rgyas 'phags pa yin dgos pa'i phyir/ der thal/
de rtsom pa po yin na/ rje btsun byams mgon yin dgos pa'i phyir/
ma khyab na nang 'gal lo/ /kha cig /

gsung pa po ston pa gzhan gyi rjes su ma 'brangs bar gdul bya'i
don du rang stobs kyis gsungs pa'i gsung rab de/ bka'i mtshan
nyid zer na/ gdul byas brtsams pa'i bka' med par thal/ mtshan
nyid 'thad pa'i phyir/ 'dod mi nus te/ byin gyis

@66b brlabs ba'i bka' yod pa'i phyir/ kha cig /spobs pa bzhi
dang ldan pa'i sangs rgyas kyi gsung de/ sangs rgyas kyi bka'i
mtshan nyid zer na/ nyan thos kyi dag tu gyur pa'i sangs rgyas
kyi bka' chos can/ sangs rgyas kyi gsung yin par thal/ sangs
rgyas kyi bka' yin

pa'i phyir/ khyab pa khas/ rtags grub ste/ chos can de'i phyir
te/ de yod pa'i phyir te/ byin gyis brlabs pa'i bka' yod pa'i
phyir/ rtsa bar 'dod na/ de chos can/ sangs rgyas kyi gsung ma
yin par thal/ nyan thos kyi gsung yin pa'i phyir te/ nyan thos
kyi ngag yin

pa'i phyir/ gzhan yang/ nyan thos kyi ngag tu gyur pa'i sangs
rgyas kyi bka' chos can/ khyod gsung dbyangs yan lag drug cu'i
yon tan dang ldan par thal/ khyod sangs rgyas kyi gsung yin pa'i
phyir/ khyab ste/ mdo sde rgyan las/ bde gshegs gsung ni mtha'

yas te/ yan lag drug cu bsam mi khyab/ /ces gsungs pa'i phyir/
gzhan yang/ sangs rgyas kyi sku sangs rgyas ma yin par thal/
sangs rgyas kyi gsung sangs rgyas ma yin pa'i phyir/ ma grub na/
der thal/ gdul bya'i rgyud la sangs rgyas kyi gsung yod

pa'i phyir/ ma grub na song/ de'i rgyud la sangs rgyas kyi bka'
yod pa gang zhig /sangs rgyas kyi bka' yin na sangs rgyas kyi
gsung yin dgos pa'i phyir/ rtags khas/ des na gdul bya'i rgyud
la sangs rgyas kyi bka' yod/ de'i rgyud la sangs rgyas kyi gsung
rab yod/ de'i

rgyud la sangs rgyas kyi gsung med par khas blang ngo/ /kha cig
/bstan bcos mngon rtogs rgyan gyi ched du bya ba'i gdul bya'i
rgyud la/ bstan bcos mngon rtogs rgyan yod zer na/ de'i rgyud
kyi bstan bcos mngon rtogs rgyan chos can/ khyod rje btsun byams

mgon gyis brtsams ba'i bstan bcos mngon rtogs rgyan yin par
thal/ khyod bstan bcos mngon rtogs rgyan yin pa'i phyir/ rtags
khas/ 'dod na/ de chos can/ rje btsun byams pa'i rgyud kyis
bsdus par thal/ khyod des brtsams pa'i bstan bcos yin

@67a @#/ /pa'i phyir/ rtags khas/ 'dod mi nus te/ khyod rgyan gyi
ched du bya ba'i gdul bya'i rgyud kyi bstan bcos yin pa'i phyir/
rtags song/ gal te/ gdul bya'i rgyud kyi bsdus pa'i bstan bcos
mngon rtogs rgyan yod par

thal; gdul bya'i rgyud kyis bsdus pa'i bka' yod pa'i phyir/ zer
na/ ma khyab bo/ 'o na/ gdul byas brtsams pa'i bstan bcos mngon
rtogs rgyan yod par thal/ gdul byas brtsams pa'i sangs rgyas kyi
bka' yod pa'i phyir/ khyab pa khas/ rtags

grub ste/ 'grel chen las/ bcom ldan 'das lha'i dbang po rgya
byin gyis 'di skad ces gsol to/ /zhes bya ba la sogs pa ni bcom
ldan 'das nyid kyis rjes su gnang ba'i bka' sdu ba po rnams kyis
yang dag par byas pa'i phyir/ sangs rgyas kyi

bka' nyid bka' ma yin pa'i go skabs rgyang ring du dor bar
bya'o/ /zhes gsungs pa'i phyir/ kha cig /'di skad bdag gis thos
pa dus gcig na zhes pa'i mdo 'di zhal nas gsungs pa'i bka' dang
rjes su gnang ba'i bka' gnyis ka yin zer ba mi 'thad

de; de chos can/ khyod bka' sdu ba po'i rgyud kyis bsdus par
thal/ khyod rang rtsom mkhan bka' sdu ba pos brtsams pa'i dag
yin pa'i phyir te/ khyod rjes su gnang ba'i bka' yin pa'i phyir/
ma khyab na/ drangs ma thag pa'i 'grel chen dang 'gal

lo; ;rtsa bar 'dod na/ de chos can/ khyod de'i rgyud kyis ma
bsdus par thal/ khyod sangs rgyas rang rgyud kyis bsdus pa'i
ngag yin pa'i phyir te/ khyod zhal nas gsungs pa'i bka' yin pa'i
phyir/ rtags khas/ kho na re/ de zhal nas gsungs pa'i bka'

yin par thal/ ston pas mdo rnams kyi thog mar 'di skad bdag gis
thos pa dus gcig na zhes pa'i tshig smos dgos par zhal nas gsungs
pa'i phyir zer na ma khyab ste/ 'brel ci yang med do/ /gzhan
yang/ phyi rol pa'i rgyud kyis bsdus pa'i

@67b bstan bcos mngon rtogs rgyan yod par thal/ rgyan gyi ched
du bya ba'i gdul bya'i rgyud la bstan bcos mngon rtogs rgyan yod
pa gang zhig /rgyu mtshan mtshungs pa'i phyir/ 'dod na/ sangs
rgyas 'phags pa'i rgyud kyis bsdus pa'i phyi rol pa'i bstan bcos

yod par thal/ 'dod pa'i phyir/ 'dod na/ de chos can/ sangs rgyas
pa'i bstan bcos rnam dag yin par thal/ khyod sangs rgyas rang
rgyud kyis bsdus pa'i bstan bcos yin pa'i phyir/ gzhan yang/
bka' dang bstan bcos 'gal zer ba dang/ rgyan gyi

ched du bya ba'i gdul bya'i rgyud la bstan bcos mngon rtogs
rgyan yod zer ba nang 'gal te/ sangs rgyas 'phags pa'i rgyud la
bstan bcos mngon rtogs rgyan yod par thal/ rgyan gyi ched du bya
ba'i gdul bya'i rgyud la de yod pa'i phyir/ rtags khas/ 'dod na/

sangs rgyas 'phags pa'i rgyud kyi bstan bcos mngon rtogs rgyan
chos can/ khyod bka' ma yin par thal/ khyod bstan bcos yin pa'i
phyir/ khyab pa khas/ ma grub na/ de yod par bud/ 'dod na/ de
chos can/ bka' yin par thal/ sangs rgyas

rang rgyud kyis bsdus pa'i ngag yin pa'i phyir/ ma grub na/ de
yod par bud/ kho na re/ sems bskyed pa ni gzhan don phyir/ zhes
pa'i ngag yin na/ rje btsun byams mgon rang rgyud kyis bsdus pas
khyab par thal/ bstan bcos mngon rtogs rgyan

gyis gzhung tshig yin na/ de'i rgyud kyis bsdus pas khyab pa'i
phyir/ rtags song/ 'dod na/ sems bskyed pa ni gzhan don phyir/
zhes pa'i mdun gyi skyes bu lan 'debs pa po'i ngag chos can/ der
thal/ de'i phyir/ ma grub na/ der thal/ sems bskyed pa ni

gzhan don phyir/ zhes pa'i mdun gyi skyes bu lan 'debs pa po'i
ngag yin pa'i phyir na ma khyab/ 'o na/ rje btsun byams mgon gyi
rgyud kyis bsdus pa'i sems bskyed pa ni gzhan don phyir/ zhes
pa'i mdun gyi skyes bu lan 'debs pa po'i ngag chos can/ rje
btsun

@68a @#/ /byams mgon gyi rgyud kyis bsdus pa'i sems bskyed pa ni
gzhan don phyir/ zhes pa'i ngag yin par thal/ rje btsun byams
mgon gyi rgyud kyis bsdus pa'i sems bskyed pa ni gzhan don
phyir/ zhes pa'i mdun gyi skyes bu lan 'debs pa po'i ngag

yin pa'i phyir/ khyab pa khas/ rtags grub ste/ chos can de yod
pa'i phyir/ mdun gyi skyes bu lan 'debs pa pos rje btsun byams
mgon gyi rgyud kyis bsdus pa'i sems bskyed pa ni gzhan don
phyir/ zhes pa'i ngag sma shes pa'i phyir/ kha cig /bka' dang
bstan bcos

'gal zhes zer na/ bka' yin na bka'i dgongs 'grel ma yin dgos par
thal/ bka' yin na bstan bcos ma yin dgos pa'i phyir/ rtags khas/
'dod na/ mdo sde dgongs 'grel chos can/ der thal/ de'i phyir/
'dod mi nus te/ 'khor lo dang po gnyis kyis

dgongs 'grel yin pa'i phyir te/ chos can de'i phyir/ gzhan yang/
bka' dang bstan bcos mi 'gal bar thal/ sangs rgyas kyi bka' de
bstan bcos yin pa'i phyir te/ gtan la dbab pa'i bsdu ba las/
sgrub pa lhur len pa'i bstan bcos gang zhe na sangs rgyas kyi

bka' nyid do/ /zhes gsungs pa'i phyir/ gzhan yang/ bstan bcos
mngon rtogs rgyan chos can/ bka' ma yin par thal/ bstan bcos yin
pa'i phyir/ khyab pa khas/ 'dod mi nus te/ rje btsun byams pa
sangs rgyas 'phags pa yin pa'i phyir/ rtags bsgrubs

zin; gzhan yang/ bstan bcos rnam dag yin na/ bka'i dgongs 'grel
du gyur pa'i ngag rnam dag yin dgos par thal/ bka' dang bstan
bcos gnyis 'gal pa'i phyir/ rtags khas/ 'dod na/ bka'i snga logs
su byung ba'i bstan bcos ranm dag chos can/

der thal/ de'i phyir/ kho na re/ bka' dang bstan bcos 'gal bar
thal/ rje btsun gyis rgyud bla mar bka' dang bstan bcos kyi ngos
'dzin so sor mdzad pa'i phyir zhes zer na/ lam shes dang rnam
mkhyen 'gal bar thal/ rje btsun gyis rgyan du lam shes dang rnam
mkhyen ngos

@68b 'dzin so sor mdzad pa'i phyir/ der thal/ sems bskyed pa
dang gdam ngag dang/ /zhes pas rnam mkhyen bstan/ mog mog por
mdzad la sogs dang/ /zhes pas lam shes bstan pa'i phyir/ gal te/
kho na re/ bka' dang bstan bcos 'gal bar thal/ bka' gsung pa

po dang bstan bcos rtsom pa po 'gal pa'i phyir/ zer na/ shAri'i
bu chos can/ khyod bstan bcos rtsom pa po ma yin par thal/ khyod
bka' gsung pa po yin pa'i phyir/ der thal/ des gsungs pa'i bka'
yod pa'i phyir/ rtsa bar 'dod mi nus te/ des brtsams pa'i chos
kyi phung po

zhes pa'i bstan bcos yod pa'i phyir/ kha cig /bka' de gdul bya'i
rgyud kyi shes pa yin te/ gser phreng las/ bka' bstan bcos sogs
gdul bya'i rgyud kyis bsdus pa'i shes pa yin no/ /zhes dang/
rgyan snang las/ de bas na gdul bya'i shes pa la sgrar snang
ba'i rang

bzhin nyid yin pas bstan pa nyan pa po'i skye bo dang 'brel ba
yin kyang/ shes rab kyi pha rol tu phyin pa'i ye shes kyi bdag
po las skyes ba'i phyir/ sangs rgyas rnams kyi chos bstan pa yin
no zhes byas nas mchod par bya ba de bzhin du zhes bshad pa'i
phyir/ zhes gsungs/

des na bstan bcos kyang shes pa yin no/ /zer na/ 'o na/ sangs
rgyas rang rgyud kyis bsdus ba'i bka' med par thal/ dam bca'
'thad pa'i phyir/ 'dod mi nus te/ sangs rgyas rang rgyud kyis
bsdus pa'i gsung dbyangs yan lag drug cu yod pa'i phyir/ gzhan
yang/

sangs rgyas kyi bka' chos can/ khyod thos pa'i nyan shes med par
thal/ khyod shes pa yin pa'i phyir/ rtags khas/ 'dod na/ thos
byung gi shes rab med par thal lo/ /gzhan yang/ 'grel chen gyi
lung des/ sangs rgyas kyi bka' de gdul bya'i rgyud kyi shes par
bstan pa ma

yin par thal/ 'grel chen las/ gzhung sher phyin ngag tshig gis
bsdus par bshad pa'i phyir te/ 'grel chen las/ tshig dang ngag
gis tshigs kyi gzhung dang zhes bshad pa'i phyir/ de la/ gser
phreng las/ rigs pa 'di gsungs te/ dag ma smras par bstan bcos

@69a @#/ /rtsom pa med par thal/ bstan bcos yin na ngag gi sgra
rang mtshan pa yin dgos pa'i phyir/ rtags khas/ 'dod na/ bse ru
lta bu'i rang rgyal dgra bcom gyis rang gi gdul bya la sgra med
du chos bston pa med par thal/ bstan bcos yin na sgra rang

mtshan pa yin dgos pa'i phyir/ zhes gsungs/ dogs pa shin tu che
bar snang bas lan gar 'debs pa gzigs mo mdzod/ yang bstan bcos
dang shes pa'i gzhi 'thun yod par thal/ bstan bcos mngon rtogs
rgyan la yid spyod byed bzhin pa'i gang zag gi rgyud kyi bstan
bcos mngon rtogs

rgyan de shes pa yin pa'i phyir/ de shes pa dang rjod byed kyi
sgra gang rung gang zhig de rjod byed kyi sgra ma yin pa'i
phyir/ phyi ma ma grub na/ de'i rgyud la rjod byed kyi sgrar
gyur pa'i bstan bcos mngon rtogs rgyan yod par thal/ ma grub pa
de'i phyir/ 'dod na/ de chos can/ khyod bstan bcos mngon rtogs

rgyan la ngag 'don byed bzhin pa'i gang zag gi rgyud kyi bstan
bcos mngon rtogs rgyan yin par thal/ 'dod pa'i phyir/ zer/ !
rang lugs ni/ bstan bcos mngon rtogs rgyan la yid spyod byed
bzhin pa'i gang zag gi rgyud la bstan bcos mngon rtogs rgyan yod
par khas mi

len te/ bstan bcos mngon rtogs rgyan yin na/ rje btsun byams
mgon rang rgyud kyis bsdus pas khyab pa gong du bshad zin pa'i
phyir/ de la slar yang dogs pa bcad na/ kha cig /sems bskyed pa
ni gzhan don phyir/ /zhes pa'i gzhud tshig yin na rje btsun byams

mgon gyi rgyud kyis bsdus pas khyab par thal/ bstan bcos mngon
rtogs rgyan yin na de'i rgyud kyis bsdus pas khyab pa'i phyir/
rtags khas/ 'dod na/ 'grel pa don gsal gyi nang tshan du gyur
pa'i sems bskyed pa ni gzhan don phyir/ zhes pa'i gzhung tshig
chos can/

der thal/ de'i phyir/ der thal/ de'i nang tshan gyi gzhung tshig
yin pa'i phyir/ zer na/ ma khyab/ 'dod mi nus te/ slob dpon seng
ge bzang po'i rgyud kyis bsdus pa'i phyir/ zer na/ 'grel pa don
gsal gyi nang tshan du gyur pa'i rab 'byor byang chub sems dpa'
rnams kyis

@69b ni nyan thos kyi lam gang yin pa dang zhes sogs kyi gzhung
de yum bar ma'i mdo yin par thal/ de'i nang tshan du gyur pa'i
sems bskyed pa ni gzhan don phyir/ zhes pa'i gzhung de/ bstan
bcos mngon rtogs rgyan gyi gzhung yin pa'i phyir/ ma grub na
song/ der thal/ de sems

bskyed pa ni gzhan don phyir/ /zhes pa'i gzhung yin pa'i phyir/
rtags khas/ 'dod na/ de chos can/ khyod zhal nas gsungs pa'i
bka' yin par thal/ khyod rab 'byor byang chub sems dpa' rnams
kyi ni nyan thos kyi lam gang yin pa dang zhes sogs kyi yum bar
ma'i mdo

yin pa'i phyir/ rtags khas/ khyab ste/ de 'dra'i yum bar ma'i
mdo de zhal nas gsungs pa'i bka' yin pa'i phyir/ gong du 'dod
na/ sangs rgyas rang rgyud kyis bsdus pa'i bka' yin par thal/
zhal nas gsungs pa'i bka' yin pa'i phyir/ rtags khas/ 'dod mi

nus te/ slob dpon seng ge bzang po'i rgyud kyis bsdus pa'i
phyir/ gzhan yang/ 'grel pa don gsal gyi nang tshan du gyur pa'i
sems bskyed pa ni gzhan don phyir/ zhes pa'i gzhung tshig de
bstan bcos mngon rtogs rgyan gyi gzhung tshig yin par thal/ slob
dpon seng ge

bzang po'i rgyud la bstan bcos mngon rtogs rgyan yod pa'i phyir/
rtags khas/ 'dod na/ 'grel ba don gsal gyi gzhung tshig tu gyur
pa'i chos kyi dbyings las ma gtogs par/ /'di ltar chos yod ma
yin te/ /zhes pa'i gzhung tshig de dbus mtha'i gzhung tshig yin
par

thal; 'grel ba don gsal gyi gzhung tshig tu gyur pa'i sems bskyed
pa ni gzhan don phyir/ zhes pa'i gzhung tshig de bstan bcos mngon
rtogs rgyan gyis gzhung tshig yin pa'i phyir/ rtags khas/ 'dod
na/ de chos can/ sems tsam pa'i gzhung yin par thal/ dbus

mtha'i gzhung yin pa'i phyir/ rtags khas/ 'dod mi nus te/ dbu ma
pa'i bstan bcos yin pa'i phyir te/ 'grel ba don gsal gyi gzhung
yin pa'i phyir/ de bzhin du 'grel ba don gsal gyi gzhung tshig tu
gyur ba'i/ 'jig rten sna tshogs las las skyes/ /zhes

@70a @#/ /pa'i gzhung chos can/ theg dman thun mong ma yin pa'i
bstan bcos yin par thal/ mdzod kyi gzhung yin pa'i phyir/ rtags
khas/ 'dod mi nus te/ 'grel ba don gsal gyi gzhung yin pa'i
phyir/ kha cig /phyi rol pa'i bstan bcos yin na/ bstan

bcos rnam dag ma yin dgos/ zer na/ nang 'gal te/ byang sems
'phags pa'i rgyud la phyi rol pa'i bstan bcos yod par thal/
byang sems 'phags pa'i rgyud kyi skyes bu rang bzhin ma yin rnam
'gyur min/ zhes pa'i ngag 'di grangs can gyi gzhung yin pa'i
phyir/ ma grub na song/

der thal/ byang sems 'phags pas smras pa'i skyes bu rang bzhin
ma yin rnam 'gyur min/ /zhes pa'i dag yod pa gang zhig /slob
dpon seng ge bzang po'i rgyud kyi 'jig rten sna tshogs las las
skyes/ zhes pa'i gzhung 'di mdzod kyi gzhung yin pa'i phyir/
rtags khas/

rtsa bar 'dod na/ byang sems 'phags pa'i rgyud kyi phyi rol pa'i
bstan bcos de/ phyi rol pa'i bstan bcos yin par thal/ 'dod pa'i
phyir/ 'dod na/ byang sems 'phags pa'i rgyud kyi phyi rol pa'i
bstan bcos chos can/ khyod bstan bcos rnam dag ma yin par thal/
khyod

phyi rol pa'i bstan bcos yin pa'i phyir/ rtags khyab khas/ 'dod
na/ de yin par thal/ byang sems 'phags pa'i rgyud kyi bstan bcos
yin pa'i phyir/ rtags khas/ don bsdu na bcas ldan dge slong gi
rgyud la phyi rol pa'i bstan bcos yod par thal/ bcas ldan dge
slong

gis phyi rol pa'i bstan bcos la thos bsam byed pa yod pa gang
zhig /bstan bcos mngon rtogs rgyan la thos bsam byed bzhin pa'i
gdul bya'i rgyud la bstan bcos mngon rtogs rgyan yod pa'i phyir/
phyi ma khas/ dang po grub ste/ nyi ma'i phyed de ba min pa la
phyi ro pa'i bstan

bcos klog par snang ngo/ /zhes 'dul ba'i sde snod las gsungs
pa'i phyir/ gzhan yang/ sgra'i bstan bcos ka lA pa chos can/
khyod bstan bcos rnam dag ma yin par thal/ khyod phyi rol pa'i
bstan bcos yin pa'i phyir/ rtags grub ste/ gzhon nu ka rti ka de
phyi rol pa yin

@70b pa'i phyir te/ phyi rol pa'i mtshan gzhi zhig yod pa'i
phyir/ 'dod na/ rig gnas thun mong ba'i bstan bcos gzhi ma grub
par thal/ 'dod pa'i phyir/ ! gnyis pa rang gi lugs ni/ khyad
chos bzhi dang ldan pa'i sangs rgyas kyi gsung rab de sangs
rgyas kyi bka'i mtshan nyid/ bka'

brgyad stong pa chos can/ khyad chos bzhi dang ldan pa yin te/
brjod bya thar pa dang mtho ris sogs kyi yon tan dang ldan pa/
rjod byed tshig gi skyon mtha' dag dang bral ba/ byed las khams
gsum gyi nyon mongs sogs spang bya ci rigs pa spong byed du
gsungs pa/ dgos

pa nyon mongs pa dang sdug bsngal zhi ba'i phan yon ston par
mdzad pa yin pa'i phyir/ 'chos skyobs kyi yon tan gnyis dang
ldan pa'i rigs su gnas pa'i ngag rnam dag de/ sangs rgyas pa'i
bstan bcos rnam dag gi mtshan nyid/ rigs gnas smos pa la dgos pa
yod de/ sangs

rgyas pa'i sgra'i bstan bcos sogs bstan bcos rnam dag tu bsdus
ba'i ched yin pa'i phyir/ gsum pa rtsod pa spong ba la kha cig
/sems bskyed pa ni gzhan don phyir/ /zhes pa'i gzhung tshig chos
can/ sangs rgyas pa'i bstan bcos rnam dag yin par thal/ mtshan
nyid

de'i phyir/ 'dod na/ bstan bcos mngon rtogs rgyan yin par thal/
'dod par thal/ 'dod pa'i phyir/ na ma khyab/ 'dod na/ de chos
can/ khyod kyi brjod bya la dngos brgyad don bdun cu tshang bar
bstan par thal/ 'dod pa'i phyir/ zer na/ nyan thos kyi sa la
slob par 'dod pas kyang/ shes rab kyi

pha rol tu phyin pa la bslab par bya'o/ /zhes pa'i brgyad stong
pa'i mdo tshig chos can/ mdo brgyad stong pa yin par thal/ mdo
brgyad stong pa'i gzhung tshig yin pa'i phyir/ khyab pa khas/
'dod na/ khyod la shlau ka stong phrag brgyad yod par thal/ 'dod
pa'i phyir/ gzhan

yang; de 'dra'i gzhung tshig de/ bstan bcos yin par thal/ 'grel
ba las/ sems bskyed pa ni gzhan don phyir/ /zhes bya ba la sogs
pas 'chad par 'gyur bas bstan bcos mtha' dag gi 'chad pas zhes
gsungs pa'i phyir/ gzhan yang/ de chos can/ bstan bcos

@71a @#/ /yin par thal/ sangs rgyas kyi bka' yin pa'i phyir/
rtags grub ste/ rje btsun byams mgon sangs rgyas 'phags pa yin
pa'i phyir/ ! shes rab pha rol phyin pa ni/ /zhes sogs kyi skabs
su/ gzhung don dang mtha' bcad pa gnyis/ dang po ni/ bstan

bcos mngon rtogs rgyan chos can/ mdo rgyas 'bring bsdus gsum
yang dag par bshad pa yin te/ de'i rjod byed skabs brgyad dang/
brjod bya dngos po brgyad du phye ba'i sgo nas phyin ci ma log
par yang dag par bshad pa'i phyir/ kha cig /rje btsun byams mgon
gyi yum rgyas

'bring bsdus gsum yang dag par rtogs par thal/ dam bca' de 'thad
pa'i phyir/ 'dod na/ yum rgyas 'bring bsdus gsum yang dag par
grub par thal/ 'dod pa'i phyir zer na/ ma khyab ste/ dus gsum
cig car du grub par thal/ sangs rgyas 'phags

pas dus gsum cig car du rtogs pa'i phyir/ khyab pa khas/ der
thal/ des shes bya thams cad cig car du mngon sum du rtogs pa'i
phyir/ ma khyab na nang 'gal te/ dus gsum cig car du rnam mkhyen
gyis rtogs par thal/ rnam mkhyen gyis dus

gsum cig car du rtogs pa'i phyir/ 'dod na/ dus gsum cig car du
tshad mas rtogs par thal/ 'dod pa'i phyir/ 'dod na/ dus gsum cig
car du grub par thal/ 'dod pa'i phyir/ gzhan yang/ yang dag par
rdzogs pa'i sangs rgyas med par thal/

rgyas 'bring bsdus gsum yang dag par 'chad byed kyi bstan bcos
med pa'i phyir/ rtags khas/ 'dod na/ de las tha chad pa'i khas
len ci yod/ gzhan yang/ bstan bcos mngon rtogs rgyan las don dam
bden pa don dam bden par bshad par thal/ don dam bden

pa don dam bden pa yin pa'i phyir/ 'dod na song/ rje btsun byams
mgon gyis don dam bden pa don dam bden par rtogs par thal/ 'dod
pa'i phyir/ khyab pa khas/ 'dod na/ don dam bden pa bden par
grub par thal/ 'dod pa'i phyir/ 'khor

@71b gsum; tshig 'khri mkhan rnams mi smra ba'i brtul zhugs la
gnas par gyur cig /gnyis pa mtha' bcad pa la/ dgag gzhag spong
gsum las/ dang po ni/ mkhas pa'i dbang po kha cig /spros bral
mngon sum du rtogs pa'i mkhyen pa gang zhig /mi gnas

pa'i myang 'das su phyin pa dang/ phyin byed gang rung de/ sher
phyin gyi mtshan nyid du gsung zhing slob lam na sher phyin yod
gsung/ 'o na/ sher phyin chos can/ mi gnas pa'i myang 'das su
phyin pa dang phyin byed gang rung yin par thal/ sher phyin yin
pa'i phyir/ 'dod na/

mi gnas pa'i myang 'das su phyin byed yin par thal/ 'dod pa gang
zhig /mi gnas pa'i myang 'das su phyin pa ma yin pa'i phyir/
phyi ma ma grub na/ slob lam na sher phyin med par thal/ ma grub
pa de'i phyir/ rtsa bar 'dod na/ de ma yin par thal/ rnam mkhyen
khyod

yin pa'i phyir/ gzhan yang/ lam sher phyin sher phyin yin par
thal/ slob lam na sher phyin yod pa'i phyir/ rtags khas/ 'dod mi
nus te/ de sher phyin btags pa ba yin pa'i phyir te/ 'grel chen
las/ mthong ba la sogs pa'i mtshan nyid can gyi lam la yang/

shes rab kyi pha rol tu phyin pa zhes bya ba ni btags pa'o/ zhes
gsungs pa'i phyir/ gzhan yang/ slob lam na sher phyin med par
thal/ de yin na sangs rgyas 'phags pa'i thugs rgyud kyi gnyis su
med pa'i ye shes yin dgos pa'i phyir/ 'grel chen las/ sangs

rgyas bcom ldan 'das kyi gnyis su med pa'i ye shes sgyu ma lta
bu ni dngos yin la/ zhes gsungs pa'i phyir/ byas pa la mkhas pa
kha cig /slob lam na bslab ba gsum med par thal/ slob lam na
phar phyin drug med pa'i phyir/ khyab ste/ mdo sde rgyan las/

bslab gsum dbang du mdzad nas ni/ rgyal pas pha rol phyin pa
drug /ces bshad pa'i phyir na ma khyab/ nyan thos dgra bcom pa'i
rgyud la bslab ba gsum med par thal/ de'i rgyud la phar phyin
drug med pa'i phyir/ khyab pa khas/ kha cig /slob lam na

@72a @#/ /sher phyin yod par thal/ slob lam na phar phyin drug
yod pa'i phyir te/ slob lam na phar phyin drug dang mtshungs ldan
gyi sems bskyed yod pa'i phyir te/ gter dang rin chen 'byung
gnas mtsho/ /zhes gsungs pa'i phyir/ 'di'i lan la kha

cig ;rtsa par ma khyab ste/ sangs rgyas kyi sa na rtog pa yod
par thal/ sangs rgyas kyi sa na rtog dpyod gnyis yod pa'i phyir/
khyab pa khas/ ma grub na/ der thal/ de na bsam gtan gyi dngos
gzhi'i snyoms 'jug tsam po ba yod pa'i phyir/ gzhan yang/

'dod khams na gzugs khams yod par thal/ de na khams bco brgyad
yod pa'i phyir/ zer na/ ches mi 'thad de/ sangs rgyas kyi sa na/
rang yul la rtsid ba'i rnam pas 'jug pa'i blo yod par thal/
sangs rgyas kyis na rtog dpyod gnyis su phye ba'i rtog

pa yod pa'i phyir/ 'dod mi nus te/ de'i rgyud kyi shes pa yin
na/ chos thams cad mngon gsum du rtogs pas khyab pa'i phyir/
rang lugs kyi lan ni/ slob lam na chos sku yod par thal/ slob
lam na chos sku dang mtshungs ldan gyi sems bskyed yod

pa'i phyir/ khyab pa khas/ rtags grub ste/ mdo sde rgyan las/
rgyal sras rnams kyi sems bskyed ni/ /sprin dang 'dra ba nyid du
bstan/ /zhes gsungs pa'i phyir/ kha cig /slob lam na phar phyin
drug yod par thal/ slob lam na phar phyin drug gi go

sgrub yod pa'i phyir/ zer na ma khyab ste/ slob lam na rnam
mkhyen yod par thal/ de na rnam mkhyen la 'jug pa'i 'jug sgrub
yod pa'i phyir/ khyab pa khas/ yang kho na re/ phar phyin drug
po de la dman mchog gi rim pa dang/ rgyu 'bras kyi rim pa dang
phra rags kyi

khyad par la sogs pa med par thal/ phar phyin drug po rnam
mkhyen du mtshungs pa'i phyir/ 'dod na/ mdo sde rgyan las/ snga
ma la brten phyi ma skyed/ /dman dang mchog dang gnas phyir
dang/ /rags pa dang ni phra ba'i phyir/ /de dag rim bzhin bstan
pa

@72b yin; ;zhes bshad pa mi 'thad par thal lo/ zhe na/ sbyor ba
bzhi po de la rgyu 'bras kyi rim pa yod par thal/ rnam pa thams
cad mngon par rtogs pa thob pa la shes rab kyi mthar phyin pa'i
rtogs pa 'byung bas zhes bshad pa'i phyir/ khyab pa khas/ 'dod
mi nus te/ rnam rdzogs

sbyor ba thob pa dang mthar gyis sbyor pa thob pa dus mnyam pa'i
phyir/ de la kho na re/ sbyor ba dang po gnyis skye ba'i rim pa
dang 'gal lo/ /zhe na/ de'i don 'og tu 'chad/ 'grel chen las/
sangs rgyas bcom ldan 'das kyi gnyis su med pa'i ye shes sgyu ma
lta bu ni dngos

yin la zhes pa'i don la/ kha cig /lung des theg chen sems bskyed
kyi ched du gnyer bya'i sher phyin yin na sangs rgyas 'phags
pa'i rgyud kyi gnyis su med pa'i ye shes yin pas khyab par bstan
pa yin no/ /zhe na/ 'o na/ mthong ba la sogs pa'i mtshan nyid can

gyi lam la yang shes rab kyi pha rol tu phyin pa ni btags pa'o/
/zhes pa'i gzhung 'dis theg chen sems bskyed kyi ched du gnyer
bya'i lam sher phyin de de'i ched du gnyer bya'i sher phyin
btags pa bar bstan par thal/ sangs rgyas bcom ldan 'das kyi
gnyis su med pa'i zhes sogs kyi gzhung des theg

chen sems bskyed kyi ched du gnyer bya'i sher phyin yin na sangs
rgyas kyi ye shes yin pas khyab par bstan pa'i phyir/ rtags
khas/ 'dod na/ de'i ched du gnyer bya'i lam sher phyin de de'i
ched du gnyer bya'i sher phyin ma yin par thal/ 'dod pa'i phyir/
'dod na/ nang

'gal te/ de chos can/ de'i ched du gnyer bya'i sher phyin yin
par thal/ de'i ched du gnyer bya'i lam sher phyin yin pa'i
phyir/ ma khyab na/ khyab par thal/ lam sher phyin yin na sher
phyin yin pas khyab pa'i phyir/ ma grub na/ slob lam na sher
phyin yod par khas

blangs pa dang 'gal lo/ /rtsa bar 'dod na/ de chos can/ sangs
rgyas kyi gnyis su med pa'i ye shes yin par thal/ 'dod pa'i
phyir/ 'khor gsum/ kha cig /lam sher phyin chos can/ sher phyin
yin par thal/ /sher phyin phal pa yin pa'i phyir

@73a @#/ /khyab ste/ mi phal pa yin na mi yin dgos pa'i phyir/
rtsa rtags ma grub na/ der thal/ brgyad stong don bsdus kyi
'grel par/ shes rab kyi pha rol tu phyin pa'i sgra'i don ni rnam
pa gnyis te/ gtso bo dang

phal ba'o/ gtso bo ni gnyis su med pa'i ye shes so/ /phal pa ni
gzhung lam gyi bdag nyid can no/ /zhes gsungs pa'i phyir/ zer
na/ ma khyab ste/ lung des sher phyin zhes pa'i sgra de 'bras bu
sher phyin la gtso bor dngos ming dang/ gzhung

lam gnyis la phal pa btags ming du 'jug par bstan pa tsam yin
pa'i phyir/ kho na re/ yum yin na/ 'bras yum yin pas khyab par
thal/ sher phyin yin na/ 'bras bu sher phyin yin pas khyab pa'i
phyir/ zer na ma khyab/

'dod na/ theg chen gyi mthong lam chos can/ der thal/ de'i
phyir/ zer na/ kho rang gi bsal ba der thal/ chos sku yin na
'bras bu chos sku yin dgos pa'i phyir/ khyab pa 'grig /des na
slob lam na sher phyin

med par thal/ shes rab kyi pha rol tu phyin pa zhes pa'i pha rol
de sgrib gnyis ma lus par spangs pa'i gnas skabs la byed rigs
pa'i phyir te/ 'jug 'grel las/ de la pha rol ni gang 'khor ba'i
rgya mtsho'i pha rol lam dogs te/ nyon

mongs pa dang/ shes bya'i sgrib pa ma lus pa spangs pa'i rang
bzhin mnga' ba'i sangs rgyas nyid do/ /der son pa ni/ der phyin
pa'o/ /zhes gsungs pa'i phyir/ kha cig /lam sher phyin gyi ma
mtha'i sa 'tshams theg chen gyi mthong lam nas

'jog ste/ 'grel chen las/ mthong ba'i lam la sogs pa'i mtshan
nyid can gyi lam la yang shes rab kyi pha rol tu phyin pa zhes
bya ba ni btags pa'o/ /zhes gsungs pa'i phyir/ 'o na/ go sgrub
kyis 'tshams theg chen

@73b gyi sbyor lam dang/ tshogs sgrub kyis 'tshams theg chen gyi
sgom lam nas 'jog rigs par thal/ 'grel ba don gsal las/ sbyor ba
dang/ mthong ba dang/ sgom pa dang/ khyad par gyi lam gyi ngo bo
nyid kyi sgrub pa'i mtshan nyid/ go cha

dang; 'jug pa dang/ tshogs dang nges par 'byung ba rnams zhes
bshad pa'i phyir/ 'khor gsum/ gzhan yang/ bsdud 'grel rtogs sla
las/ dang po sbyor ba la sogs par mtshan nyid kyi lam ste/ de'i
don du sbyor ba

nyid kyi gtso bo ma yin pa'i shes rab kyi pha rol tu phyin pa'o/
/zhes bshad pa mi 'thad par thal/ theg chen gyi sbyor lam de lam
sher phyin ma yin pa'i phyir/ rtags khas/ TIkar/ lam sher phyin
thabs snying rje chen po dang/ stong

nyid rtogs pa'i shes rab kyis zin pa'i byang chub sems dpa'i
thugs rgyud kyi lam rnams so/ /zhes bshad pa mi 'thad par thal/
thabs shes khyad par can gnyis kyis zin pa'i sems dpa'i rnal
'byor yin na/ lam sher

phyin yin pas ma khyab pa'i phyir/ ma grub na/ de'i sa 'tshams
mthong lam nas 'dzin pa dang 'gal lo/ /gzhan yang/ sa 'tshams de
mi 'thad par thal/ theg chen gyi tshogs lam de lam sher phyin yin
pa'i phyir/

ma grub na/ de chos can/ der thal/ lam sher phyin gyi rnal 'byor
yin pa'i phyir te/ 'bras bu sher phyin 'thob byed kyi thabs su
gyur pa'i sems dpa'i rnal 'byor yin pa'i phyir/ byas pa la kho
na re/ sher

phyin gyi sbyor ba yin na/ lam shes yin dgos par thal/ sher
phyin gyi sbyor ba yin na/ lam sher phyin yin dgos pa'i phyir na
ma khyab/ 'dod na/ theg chen gyi tshogs lam chos can/ der thal/
de'i

@74a @#/ /phyir/ kha cig /'bras bu sher phyin 'thob byed kyi
thabs su gyur pa'i sems dpa'i rnal 'byor de lam sher phyin gyi
mtshan nyid zer na/ de la skyon 'phen pa la kha cig /bum pa'i
chos nyid la rtse gcig tu

mnyam par bzhag pa'i theg chen gyi lam chos can/ mtshan nyid der
thal/ mtshon bya de'i phyir/ 'dod na/ 'bras bu sher phyin gyi
rgyu yin par thal/ 'dod pa'i phyir/ 'dod na/ khyod med na de med

dgos par thal/ 'dod pa'i phyir/ 'dod na/ dgag gzhi gshag go /de
bzhin du 'bras bu sher phyin gyi rjes su skyes pa'i lam sher
phyin chos can/ mtshan nyid der thal/ mtshon bya de'i phyir/ 'dod
na/

'bras bu sher phyin gyi snga logs su byung bar thal/ 'dod pa'i
phyir/ 'dod mi nus so/ /kha cig /sangs rgyas 'phags pa'i mig
shes de sher phyin min ces zer/ de chos can/ sher phyin yin par
thal/ sangs rgyas

kyi gnyis su med pa'i ye shes yin pa'i phyir/ der thal/ stong
nyid la gnyis snang nub pa'i ye shes mthar thug yin pa'i phyir/
der thal/ sangs rgyas kyi ye shes yin pa'i phyir te/ ye shes
chos sku yin pa'i phyir te/ sgrib gnyis

ma lus par spangs pa'i shes pa yin pa'i phyir/ byas pa la kho na
re/ de chos can/ yid kyi shes pa yin par thal/ sher phyin yin
pa'i phyir/ zer na/ ma khyab/ yang de chos can/ rnam mkhyen yin
par thal/ sher phyin yin pa'i

phyir; 'dod na/ yid kyi shes pa yin par thal/ 'dod pa'i phyir na
ma khyab/ rtags grub ste/ rnam mkhyen yin pa'i phyir te/ 'grel
chen las/ sangs rgyas nyid kyi gnas skabs su mi shes pa'i rang
bzhin gyis dbang

@74b po spangs pa yin pas/ yid kyi blo dang 'dra bar dbang po'i
blos yul yongs su gcod pa gang gi phyir bcom ldan 'das rnams kyi
rnam par shes pa thams cad yul thams cad pa yin par 'dod de/
zhes sangs rgyas kyi dbang shes rnams rnam mkhyen

yin par gsal bar bshad pa'i phyir/ ! gnyis pa rang lugs ni/ sher
phyin la mtshan nyid/ dbye ba/ sa 'tshams dang gsum las/ dang po
ni/ khyad chos gsum gyis khyad par du byas pa'i mthar

phyin pa'i ye shes/ sher phyin gyis mtshan nyid/ rnam mkhyen chos
can/ khyad chos gsum dang ldan pa yin te/ rten gyi khyad par
sangs rgyas 'phags pa kho na'i rgyud la yod pa dang/ ngo bo'i
khyad par gnyis su med pa'i ye shes yin pa/

dgag bya dang bral ba'i khyad par bden stong sgyu ma lta bu yin
pa'i phyir/ gnyis pa de la sgras brjod rigs kyi sgo nas dbye na/
rang bzhin gyi sher phyin/ gzhung sher phyin/ lam sher phyin/
'bras bu sher phyin dang bzhi'o/ /dang po gsum po

gang rung yin na/ sher phyin ma yin pas khyab/ phyi ma dang sher
phyin don gcig /dang po'i mtshan gzhi chos thams cad bden pas
stong pa'i stong nyid lta bu/ gnyis pa ni/ theg pa chen po'i lam
'bras bu dang bcas pa brjod bya'i gtso bor

ston pa'i yum rgyas 'bring bsdus gsum lta bu'o/ /gsum pa ni/
thabs snying rje chen po dang stong nyid rtogs pa'i shes rab
kyis zin pa'i byang chub sems dpa'i thugs rgyud kyi lam mtha'
dgo /bzhi pa ni/ khyad chos bzhis khyad par du byas pa'i mthar
phyin

pa'i ye shes/ 'bras bu sher phyin gyi mtshan nyid/ khyad chos
bzhi ni/ rten gyi khyad par sangs rgyas 'phags pa kho na'i rgyud
la yod pa/ ngo bo'i khyad par ye shes yin pa/ rnam pa'i khyad
par gnyis su med pa/ rtogs pa'i khyad par mthar

@75a @#/ /phyin pa'i yon tan dang ldan pa'i phyir/ de la dbye
na/ ji lta ba rtogs pa'i rnam mkhyen dang/ ji snyed pa rtogs
pa'i rnam mkhyen gnyis yod/ sa 'tshams ni/ lam sher phyin gyi sa
'tshams theg chen gyi tshogs

lam nas rgyun mtha'i bar na yod/ rang bzhin gyi sher phyin gzhi
grub tshad la yod/ gzhung sher phyin gyi sa 'tshams lam ma zhugs
nas sangs rgyas kyi sa la thug go /sher phyin dang/ 'bras bu
sher phyin gnyis sangs rgyas kyi sa kho

nar yod/ ! /gsum pa rtsod pa spong ba la/ kha cig /phar phyin
bcu po de yin khyab mnyam yin par thal/ de bcu bo gang rung yin
na/ rnam mkhyen yin pas khyab pa'i phyir/ rtags khas/

'dod na/ sbyin pa'i phar phyin dang/ tshul khrims kyi phar phyin
gyis gzhi 'thun yod par thal/ 'dod pa'i phyir/ 'dod na/ sbyin pa
dang tshul khrims kyi gzhi 'thun yod par thal/ 'dod pa'i phyir/
'dod na/ gtong sems

dang; spong sems kyi gzhi 'thun yod par thal/ 'dod pa'i phyir/
zhe na/ re shig rtsa bar ma khyab po/ yang rnam mkhyen chos can/
sher phyin gyi mtshan nyid de yin par thal/ sher phyin yin pa'i
phyir/ 'dod

na; rten gyi khyad par sangs rgyas 'phags pa kho na'i rgyud la
yod par thal/ 'dod pa'i phyir/ 'dod na/ khyod rgyud ldan gyi
gang zag yin na/ sangs rgyas 'phags pa yin dgos par thal/

'dod pa'i phyir/ 'dod na/ theg chen 'phags pa chos can/ der
thal/ de'i phyir/ rtags grub ste/ rnam mkhyen de theg chen
'phags pa'i mkhyen pa yin pa'i phyir/ zer na/ ma khyab bo/ /yang
kha cig /

@75b chos de sher phyin yin na/ chos de khyad chos gsum gyi
khyad par du byas pa'i mthar phyin pa'i ye shes yin dgos par
thal/ mtshan nyid de 'thad pa'i phyir/ 'dod na/ theg chen gyi
mthong lam chos can/ der thal/ lam

sher phyin yin pa'i phyir/ der thal/ sems dpa'i rnal 'byor yin
pa'i phyir te/ byang 'phags kyi mkhyen pa yin pa'i phyir/ rtsa
bar 'dod mi nus te/ chos can de'i phyir/ /byas pa la kho na re/
theg

chen gyi mthong lam chos can/ lam sems can gyi rgyud la med par
thal/ lam sher phyin yin pa'i phyir/ zer na/ 'gal khyab la 'bud
do/ ! /gzhan yang/ chos de sher phyin yin na/

chos de sangs rgyas kyi ye shes yin pas khyab/ zer ba la yang/
theg chen gyi mthong lam chos can/ /lam sher phyin yin par thal/
sems dpa'i rnal 'byor yin pa'i phyir/ 'dod na/ de chos can/

sems can gyi rgyud la med par thal/ lam sangs rgyas kyi ye shes
yin pa'i phyir/ der thal/ lam sher phyin yin pa'i phyir/ 'khor
gsum/ rnam kun mkhyen nyid lam shes

nyid; ;ces sogs kyi skabs su/ gzhung don dang/ mtha' bcad pa
gnyis las/ dang po ni/ sems bskyed la sogs pa'i chos bcu mngon
sum du rtogs pa mthar phyin pa'i ye shes chos can/ rnam mkhyen

mkhyen gyi mtshan nyid yin te/ de'i 'jog byed yin pa'i phyir/
gnyis pa la/ rong TIk pa na re/ bden pa gnyis kyi rnam pa ma
lus pa mngon sum du rtogs pa'i ye shes de/ rnam mkhyen gyi mtshan

@76a @#/ /nyid du 'jog zer na/ rnal 'byor mngon sum chos can/
mtshon bya der thal/ mtshan nyid de'i phyir/ der thal/ bden gnyis
kyi rnam pa ma lus pa rnal 'byor mngon sum gyi

dngos kyi gzhal bya yin pa'i phyir te/ stong nyid de'i dngos kyi
gzhal bya yin pa'i phyir te/ 'dus byas mi rtag pa de yang de'i
dngos kyi gzhal bya yin pa'i phyir/ 'dod na sla/ kha cig /sems
bskyed sogs chos bcu

mngon sum du rtogs pa'i ye shes de/ rnam mkhyen gyi mtshan nyid/
zer na/ rnal 'byor mngon sum chos can/ mtshon bya der thal/ mtshan
nyid de'i phyir/ der thal/ sems bskyed sogs chos

bcu po de/ rnal 'byor mngon sum gyi gzhal bya yin pa'i phyir te/
gzhi grub pa'i phyir/ ! rang lugs ni/ sems bskyed sogs chos bcu
mngon sum du rtogs pa mthar phyin pa'i ye shes de/

rnam mkhyen gyi mtshan nyid du 'jog /de la dbye na/ shes bya'i
rnam pa ma lus pa mkhyen pa'i rnam mkhyen dang/ rgyu 'bras kyi
gtso bo'i don bdun cu mkhyen pa'i rnam mkhyen dang gnyis yod/ !
sems

bskyed pa ni gzhan don phyir/ zhes sogs kyi skabs su/ sbyor ba
dang/ mtha' bcad pa gnyis las/ dang po ni/ rang gi grogs su gyur
pa'i gzhan don du rdzogs pa'i byang chub la

dmigs pa'i 'dun pa dang mtshungs ldan du byung zhing/ theg chen
lam gyi 'jug sgor gyur pa'i rigs su gnas bas rab tu phye ba'i
theg chen gtso bo'i yid kyi rnam rig chos can/ khyod theg chen
kun rdzob sems bskyed kyi

@76b mtshan nyid yin te/ khyod de'i 'jog byed yin pa'i phyir/
gnyis pa la/ kha cig /theg chen sems bskyed dngos su gsar du
skyed pa'i lus rten gyi gang zag yin na ma yin pas khyab ste/
theg chen gyi tshogs lam dngos su gsar du bskye ba'i rten gyi

gang zag yin na mi yin dgos pa'i phyir/ mdzod 'grel las/ mi
rnams kyi nang kho na dang/ gling gsum na 'phen par byed kyi/
gzhan la ni min te/ ci'i phyir zhe na/ shes rab dang skyo ba med
pa'i phyir/ zhes gsungs pa'i phyir na ma khyab ste/ de bye brag
smra ba'i lugs

yin pas/ rang lugs sgra ji bzhin du khas blangs du mi rung ba
gser 'phreng las bshad pa'i phyir/ gzhan yang/ de mi 'thad de/
lha'i rten la yang theg chen sems bskyed dngos su gsar du skye
ba yod/ dud 'gro'i rten la yang theg chen sems bskyed dngos su
gsar du skye

ba yod/ dmyal ba'i rten la yang theg chen sems bskyed dngos su
gsar du skye ba yod pa'i phyir/ dang po grub ste/ lha'i bu rab
gnas kyis zhus pa'i lam shes kyi mdo las/ lha'i bu gang dag gis
bla na med pa yang dag par rdzogs pa'i byang chub tu sems ma
bskyed

pa de dag gis kyang bla na med pa yang dag par rdzogs pa'i byang
chub tu sems bskyed par bya'o/ /zhes gsungs pa'i phyir/ gnyis pa
grub ste/ klu'i rten la theg chen sems bskyed dngos su gsar du
skye ba yod pa ni gang zhig/ klu yin na dud 'gro yin dgos

pa'i phyir/ dang po grub ste/ klu'i rgyal po rgya mtshos zhus
pa'i mdo las/ klu nyi khri dang chig stong byang chub mchog tu
sems bskyed par gsungs pa'i phyir/ gsum pa grub ste/ drin lan
bsab pa'i mdo las/ bdag cag gi ston pa sngon dmyal ba'i shing
rta 'dren

pa'i gyad du 'khrungs pa'i tshe byang chub mchog tu thugs bskyed
par gsungs pa'i phyir/ kha cig /'jug sems dngos su gsar du skye
ba'i lus rten can gyi gang zag yin na/ so thar gyi sdom ba dang
ldan pas khyab zer na/ lha'i rten las so thar gyi sdom pa dngos
su

@77a @#/ /gsar du skye ba yod par thal/ de'i rten la 'jug sems
dngos su gsar du skye ba yod pa gang zhig/ dam bca' 'thad pa'i
phyir/ dang po grub ste/ de'i rten la smon sems dngos su gsar du
skye ba yod pa'i phyir/ der thal/ de'i rgyud la theg

chen sems bskyed dngos su gsar du skye ba yod pa'i phyir/ rtags
grub zin/ rtsa bar 'dod na/ 'dul ba mdo rtsa ba las/ mi ma yin
pa'i 'gro ba pa dang byang gi sgra mi snyan pa ni sdom pa'i
zhing nyid ma yin no/ /zhes gsungs pa mi 'thad par thal/ 'dod
pa'i phyir/ kha

cig /rtsa ba'i dam bca' de 'thad par thal/ 'jug sdom dngos su
gsar du skye ba'i lus rten can gyi gang zag yin na/ so thar gyi
sdom pa dang ldan pas khyab pa yod pa'i phyir/ der thal/ lam
sgron las/ so so thar pa rigs bdun gyi/ /rtag tu sdom gzhan ldan
pa la/ /

byang chub sems dpa'i sdom pa yi/ /skal ba yod kyi gzhan du min/
/zhes gsungs pa'i phyir na ma khyab ste/ 'jug sdom dngos su gsar
du skye ba'i lus rten khyad par can yin na/ so thar gyi sdom ba
dang ldan pas khyab pa lung de'i don yin pa'i phyir te/ lam

sgron gyi 'grel pa las/ sdom pa'i rten khyad par can gyi dbang
du byas pa'o/ /zhes gsungs pa'i phyir/ dan 'gro'i rten la theg
chen sems bskyed dngos su gsar du skye ba yod byas pa la kho na
re/ ngan 'gro'i rten la byams sogs tshad med bzhi dngos su gsar
du skye ba

yod par thal/ dam bca' 'thad pa'i phyir na ma khyab/ 'dod na/
de'i rten la bsam gtan gyi dngos gzhi'i snyoms 'jug dngos su
gsar du skye ba yod par thal/ 'dod pa'i phyir/ zer na/ 'di'i lan
bsam gzugs kyi skabs su dpyad do/ /sems rten la kha

cig /'dod sems la brten nas theg chen sems bskyed dngos su gsar
du skye ba yod zer na/ bsam gtan dang po'i nyer bsdogs ma thob
par theg chen sems bskyed thob pa'i gang zag yod par thal/ dam
bca' 'thad pa'i phyir/ 'dod mi nus te/

@77b theg chen sems bskyed thob pa la zhi lhag zung 'brel thob
dgos pa'i phyir/ der thal/ rnam rdzogs sbyor ba 'thob pa la zhi
lhag zung 'brel thob dgos pa'i phyir te/ rnam bshad snying po
rgyan las/ sbyor ba zhes pa ni kha cig /zung du 'brel bar ston
pa yin te zhes

bshad pa'i phyir/ gzhan yang/ rnam rdzogs sbyor ba thob pa la
zhi lhag zung 'brel thob dgos par thal/ rnam bshad snying po
rgyan las/ 'bras bu sher phyin 'thob byed kyi thabs su gyur pa'i
zhi lhag zung 'brel gyi sems dpa'i bya ba lam sher phyin kyi
rnal 'byor gyi mtshan nyid du bshad pa'i phyir

dang; mkhyen gsum gyi rnam pa thams cad zung 'brel gyi 'byor
bas rnal 'byor pa'i nyams len du bsdus nas bsgom pa mkhyen gsum
bsdus sgom gyi don du bshad pa'i phyir/ byas pa la kha cig /bsam
gtan dang po'i nyer bsdogs la brten nas byams sogs

tshad med bzhi dngos su gsar du skye ba yod par thal/ de la brten
nas theg chen sems bskyed dngos su gsar du skye ba yod pa'i
phyir/ rtags khas/ 'dod mi nus te/ byams sogs tshad med bzhi po
gang rung yin na/ rang gi bdag rkyen du gyur pa'i bsam

gtan gyi dngos gzhi'i sems la brten nas bskyed pas khyab pa'i
phyir/ zer na rtsa bar ma khyab bo/ /gnyis pa ngo bo la dpyad pa
la/ kha cig /rang gi grogs su gyur pa'i gzhan don du rdzogs pa'i
byang chub don gnyer gyi bdun pa dang mtshungs ldan gyi

sems khyad par can de theg chen kun rdzob sems bskyed kyi mtshan
nyid du 'jog zer na/ lam ma zhugs kyi gang zag gi rgyud la theg
chen kun rdzob sems bskyed yod par thal/ de'i rgyud la mtshan
nyid de yod pa'i phyir/ rtags grub ste/ gzhan don du rdzogs

pa'i byang chub thob par 'dod pa'i lam ma zhugs kyi gang zag
yod pa'i phyir/ 'dod mi nus te/ theg chen kun rdzob sems bskyed
yin na lam zhugs kyi mkhyen pa yin dgos pa'i phyir te/ 'grel ba
las/ de ltar sems bskyed pa'i rab tu dbye ba ni/

@78a @#/ /las dang po pa'i sa nas sangs rgyas kyi sa'i bar gyis
bsdus pa yin no/ /zhes gsungs pa'i phyir/ kho na re/ theg chen
kun rdzob sems bskyed rgyud ldan gyi lam ma zhugs kyi gang zag
yod par thal/ 'jug sems rgyud ldan gyi lam ma

zhugs kyi gang zag yod pa'i phyir/ der thal/ 'jug sdom rgyud
ldan gyi lam ma zhugs kyi gang zag yod pa'i phyir/ zer na ma
khyab ste/ theg chen sems bskyed la rtsol bcas kyi myong ba tsam
rgyud la skyes pa'i gang zag de/ byang sems kyi sdom pa skye
ba'i rten du

rung ba'i phyir/ der thal/ lam rim las/ lha dang klu sogs lus
dang bsam pa'i sgo nas smon sems bskyed par rung ba thams cad
'di'i rten du rung yang/ 'di ni/ lam sgron gyi 'grel pa las/
'khor bas yid 'byung la 'chi ba dran pa shes rab dang snying rje
che ba

sogs 'byung ba ltar sngar bshad pa'i lam rim la blo sbyangs pas
byang chub kyi sems la yid 'gyur ba'i nyams myong cung zad rnyed
pa gcig la byed pa yin no/ /zhes gsungs pa'i phyir/ kho na re/
smon sems rgyud la ldan pa'i lam ma zhugs kyi gang zag yod

par thal/ smon pa byang chub kyi sems dor ba'i rtsa ltung byung
ba'i lam ma zhugs kyi gang zag yod pa'i phyir te/ byang sems kyi
sdom pa rgyud ldan gyi lam ma zhugs kyi gang zag yod pa'i phyir/
zer na/ rtsa bar ma khyab ste/ byang sems kyi sdom pa gyud la
ldan

pa'i lam ma zhugs kyi gang zag des sems can thams cad kyi don du
sangs rgyas thob par bya'o snyam pa'i sems btang ba'i tshe smon
pa byang chub kyi sems dor ba'i rtsa ltung 'byung bar 'jog pa'i
phyir/ kha cig /gzhan don du yang dag par rdzogs pa'i byang chub

don gnyer gyi 'dun pa dang mtshungs ldan gyi theg pa chen po'i
sems khyad par can de/ theg chen kun rdzob sems bskyed kyi mtshan
nyid zer na/ byang sems tshogs lam pa'i rgyud kyi theg chen kun
rdzob sems bskyed chos can/ mtshan nyid der thal/ mtshon bya

@78b de'i phyir/ 'dod na/ de dang mtshungs ldan yin par thal/
'dod pa'i phyir/ 'dod na/ de chos can/ gzhan don du yang dag par
rdzogs pa'i byang chub don gnyer gyi 'dun pa rgyud ldan gyi gang
zag yin na/ khyod rgyud ldan gyi gang zag yin dgos par thal/

'dod pa'i phyir/ 'dod na/ byang sems mthong lam pa chos can/
der thal/ de'i phyir/ kha cig gis/ rang gi grogs su gyur pa'i
gzhan don du rdzogs pa'i byang chub la dmigs pa'i 'dun pa dang
mtshungs ldan du gyur pa'i theg chen gyi gtso bo rnam rig de theg
chen

kun rdzob sems bskyed kyi mtshan nyid zer na/ sangs rgyas 'phags
pa'i rgyud kyi mig gi rnam par shes pa chos can/ mtshon bya der
thal/ mtshan nyid de'i phyir/ rtags grub ste/ sangs rgyas 'phags
pa'i rgyud kyi gtso sems yin pa'i phyir/ 'dod na/ yid kyi

rnam par shes pa yin par thal/ 'dod pa'i phyir/ kha cig/ rang
gi grogs su gyur pa'i gzhan don du rdzogs pa'i byang chub la
dmigs pa'i 'dun pa dang mtshungs ldan du byung ba'i theg chen gyi
gtso bo yid kyi rnam rig de/ theg chen kun rdzob sems bskyed kyi
mtshan

nyid zer na/ sangs rgyas 'phags pa'i rgyud kyi gang zag gi bdag
med mngon sum du rtogs pa'i yid kyi rnam par shes pa chos can/
mtshon bya der thal/ mtshan nyid de'i phyir/ ma grub na/ der thal/
rang gi grogs su gyur pa'i gzhan don du rdzogs pa'i

byang chub la dmigs pa'i 'dun pa dang mtshungs ldan du byung ba
ni gang zhig/ theg chen gyi gtso bo yid kyi rnam rig yin pa'i
phyir/ dang po grub ste/ de'i 'khor du byung ba'i gzhan don du
rdzogs pa'i byang chub la dmigs pa'i 'dun pa yod pa'i phyir te/
de'i 'khor du byung ba'i

yul nges lnga byung ba'i phyir/ ma grub na/ de chos can/ khyod
kyi 'khor du byung ba'i yul nges lnga yod par thal/ khyod sangs
rgyas 'phags pa'i rgyud kyi yid kyi rnam par shes pa yin pa'i
phyir/ rtsa bar 'dod na/ de chos can/ theg chen gyi rtogs rigs
su gnas

@79a @#/ /par thal/ 'dod pa'i phyir/ 'dod mi nus te/ theg dman
gyi rtogs rigs su gnas pa'i phyir te/ chos can de dang gcig yin
pa'i phyir/ kha cig /rang gi grogs su gyur pa'i gzhan don du
rdzogs pa'i byang chub la dmigs pa'i 'dun pa dang mtshungs

ldan du byung ba'i sgo nas thabs khyad par can gyi rtogs rigs su
gnas pa'i theg chen gyi gtso bo'i yid kyi rnam rig de/ theg chen
kun rdzob sems bskyed kyi mtshan nyid zer na/ sangs rgyas 'phags
pa'i rgyud kyi snying rje chen po dang mtshungs ldan gyi yid kyi
rnam par shes pa chos

can; mtshon bya der thal/ mtshan nyid de'i phyir/ ma grub na/ de
chos can/ der thal/ rang gi grogs su gyur pa'i gzhan don du
rdzogs pa'i byang chub la dmigs pa'i 'dun pa dang mtshungs ldan
du byung ba'i theg chen gtso bo'i yid kyi rnam par shes pa gang
zhig /thabs khyad par

can gyi rtogs rigs su gnas pa'i phyir/ dang po grub ste/ sangs
rgyas 'phags pa'i rgyud kyi yid kyi rnam par shes pa yin pa'i
phyir/ gnyis pa der thal/ chos can de dang gcig yin pa'i phyir/
rtsa bar 'dod na/ sangs rgyas 'phags pa'i rgyud kyi yid kyi rnam
par shes pa yin na

theg chen kun rdzob sems bskyed yin dgos par thal/ 'dod pa'i
phyir/ 'dod na/ sngar bkags zin/ kha cig /sangs rgyas 'thob par
'dod pa'i bsam pa'i rigs 'dra phyi mar gyur pa'i theg chen gyi
gtso bo yid kyi rnam rig de theg chen sems bskyed kyi mtshan
nyid/

gzhan don du rdzogs pa'i byang chub la dmigs shing rang gi grogs
'dod pa dang mtshungs ldan du byung ba'i theg chen gtso bo yid
kyi rnam rig de/ spyod pa'i rten du gyur pa'i theg chen kun
rdzob sems bskyed kyi mtshan nyid/ rang gi dmigs yul du gyur pa'i
kun rdzob dang sangs

rgyas kyi gzhi mthun pa yod pa'i theg chen sems bskyed de/ theg
chen kun rdzob sems bskyed kyi mtshan nyid zer na/ theg chen sems
bskyed yin na sangs rgyas thob par 'dod pa'i bsam pa'i rigs 'dra
phyi ma yin dgos par thal/ mtshan nyid dang po de 'thad pa'i
phyir/ 'dod na sangs

@79b rgyas 'thob par 'dod pa'i bsam pa'i rgyur gyur pa'i theg
chen kun rdzob sems bskyed chos can/ der thal/ de'i phyir/ ma
grub na/ der thal de yod pa'i phyir/ gong du 'dod na/ de'i rjes
su byung bar thal lo/ /'dod na sla/ gzhan yang/ sangs rgyas
'phags pa'i rgyud kyi gang

zag gi bdag med mngon sum du rtogs pa'i yid kyi rnam par shes pa
chos can/ mtshon bya gnyis pa der thal/ mtshan nyid de'i phyir/
der tha/ gzhan don du rdzogs pa'i byang chub la dmigs pa gang
zhig/ rang gi grogs 'dod pa dang mtshungs ldan du byung ba'i theg
chen

gtso bo yid kyi rnam rig yin pa'i phyir/ dang po ma grub na/ de
chos can/ gzhan don du rdzogs pa'i byang chub la dmigs par thal/
rnam mkhyen yin pa'i phyir/ gnyis pa ma grub na/ de chos can/
rang gi grogs 'dod pa dang mtshungs ldan du byung ba'i theg chen
gyi gtso bo yid kyi rnam rig

yin par thal/ sangs rgyas 'phags pa'i rgyud kyi yid kyi rnam par
shes pa yin pa'i phyir/ rtsa bar 'dod na/ de chos can/ theg chen
gyi rtogs rigs su gnas par thal/ 'dod pa'i phyir/ mtshan nyid
gsum pa sngar ltar khas blangs nas/ byang sems tshogs lam pa'i
rgyud

kyi rang gi grogs su gyur pa'i gzhan don du rang bzhin rnam dag
gi char gyur pa'i ngo bo nyid sku thob par 'dod pa'i 'dod pa
dang mtshungs ldan du byung ba'i theg chen sems bskyed de theg
chen kun rdzob sems bskyed ma yin zer ba mi 'thad de/ de chos
can/ theg chen kun rdzob

sems bskyed yin par thal/ rang gi dmigs yul du gyur pa'i kun
rdzob dang sangs rgyas kyi gzhi mthun yod pa'i theg chen kun
rdzob sems bskyed yin pa'i phyir/ der thal/ de 'dra ba'i gzhi
'thun yod pa gang zhig /theg chen sems bskyed yin pa'i phyir/

dang po grub ste/ rdzogs pa'i byang chub de khyod kyi dmigs yul
du gyur pa'i kun rdzob dang sangs rgyas kyi gzhi 'thun yin pa'i
phyir/ der thal/ rdzogs pa'i byang chub de khyod kyi dmigs yul
du gyur pa'i kun rdzob yin pa'i phyir/ der thal/ de khyod kyi
dmigs yul

@80a @#/ /gang zhig /kun rdzob yin pa'i phyir/ dang po grub ste/
gzhan don du rdzogs pa'i byang chub la dmigs pa'i phyir/ der
thal/ khyod spyod pa'i rten du gyur pa'i theg chen sems bskyed
yin pa'i phyir/ khyab pa khas/ ma grub na/ spyod pa'i rten du
gyur pa'i

theg chen sems bskyed gzhi ma grub par thal/ ma grub pa de'i
phyir/ kho na re/ rdzogs pa'i byang chub de/ byang sems tshogs
lam pa'i rgyud kyi gzhan don du rang bzhin rnam dag gi char gyur
pa'i ngo bo nyid sku 'thob par 'dod pa'i 'dod pa dang mtshungs
ldan du byung ba'i

theg chen sems bskyed kyi dmigs yul dang 'dzin stang gi yul
gnyis su phye ba'i dmigs yul yin pa thal/ de'i dmigs yul yin
pa'i phyir/ rtags khas/ 'dod na/ rdzogs pa'i byang chub chos
can/ rang bzhin rnam dag gis char gyur pa'i ngo bo nyid sku yin
par

thal; 'dod pa'i phyir/ zer na khyab ste/ gzhan don de yang de'i
dmigs yul yin pa'i phyir/ gzhan yang/ byang sems tshogs lam pa'i
rgyud kyi gzhan don du rang bzhin rnam dag gi char gyur pa'i ngo
bo nyid sku thob par 'dod pa'i 'dod pa dang mtshungs

ldan du byung ba'i theg chen sems bskyed chos can/ khyod kyi
dmigs yul du gyur pa'i kun rdzob dang sangs rgyas kyi gzhi 'thun
yod par thal/ ngo bo nyid sku de de 'dra ba'i gzhi 'thun yin
pa'i phyir te/ de khyod kyi dmigs yul du gyur pa'i kun rdzob
gang zhig/

de sangs rgyas yin pa'i phyir/ dang po grub ste/ de khyod kyi
dmigs yul gang zhig/ kun rdzob yin pa'i phyir/ dang po grub ste/
khyod gzhan don du ngo bo nyid sku thob par 'dod pa'i blo yin
pa'i phyir/ /ma grub na/ gzhan don du ngo bo nyid sku thob par
'dod pa'i blo

zhig gzhi ma grub par thal/ ma grub pa de'i phyir/ kha cig /sa
ma thob pa'i gang zag gi rgyud kyi kun rdzob sems bskyed de smon
pa sems bskyed kyi mtshan nyid/ sa thob pa'i gang zag gi rgyud
kyi sems bskyed 'jug pa sems bskyed kyi mtshan nyid

@80b zer na/ mi 'thad de/ 'jug pa sems bskyed rgyud la ldan pa'i
byang sems so skye yod pa'i phyir te/ 'jug sdom rgyud la ldan
pa'i byang sems so skye yod pa'i phyir/ bslab btus las/ ci sar
ma chud pa rnams la yang byang chub sems dpa'i sdom pa'i dbang
du byas pa

yod dam med ce na yod pa nyid du rig par bya'o/ /zhes gsungs
pa'i phyir/ kha cig/ 'jug sdom ma thob pa'i gang zag gi rgyud
kyi kun rdzob sems bskyed de/ smon pa sems bskyed kyi mtshan
nyid/ 'jug sdom thob pa'i gang zag gi rgyud kyi kun rdzob sems
bskyed

de; 'jug pa sems bskyed kyi mtshan nyid zer na/ 'jug sdom thob la
nyams pa'i byang sems tshogs lam pa'i rgyud kyi kun rdzob sems
bskyed chos can/ mtshon bya gnyis pa der thal/ mtshan nyid de'i
phyir/ rtags grub ste/ chos can de'i phyir/ 'dod na de chos

can; 'jug sdom thob la ma nyams pa'i gang zag gi rgyud kyi kun
rdzob sems bskyed yin par thal/ 'dod pa'i phyir/ kha cig/ theg
chen sems bskyed yin pa gang zhig /spyod pa nyams len gyi bya
bas ma zin pa smon pa sems bskyed kyi mtshan nyid/ de gang zhig

spyod pa nyams len gyi bya bas zin pa de 'jug pa sems bskyed kyi
mtshan nyid zer na/ byang 'phags kyi rgyud kyi smon pa sems
bskyed chos can/ spyod pa nyams len gyi bya bas ma zin par thal/
smon pa sems bskyed yin pa'i phyir/ rtags grub ste/ chos can de
yin

pa'i phyir/ 'dod na/ de chos can/ des zin par thal/ byang 'phags
kyi rgyud kyi sems bskyed yin pa'i phyir/ khyab ste/ TIk chen
dgongs pa rab gsal las/ sa thob nas sems bskyed sbyod pa dang
bral ba mi srid pa'i phyir/ zhes gsungs pa'i phyir/ kha cig/

theg chen kun rdzob sems bskyed gang zhig/ spyod pa nyams len
gyi bya bas dngos su ma zin pa smon pa sems bskyed kyi mtshan
nyid/ de gang zhig/ spyod pa nyams len gyi bya bas dngos su zin
pa 'jug pa sems bskyed kyi mtshan nyid zer na/ smon pa

@81a @#/ /sems bskyed dang 'jug pa sems bskyed gnyis ka chos can/
mtshon bya dang po der thal/ mtshan nyid de'i phyir/ phyi ma ma
grub na/ de gnyis ka chos can/ 'jug pa sems bskyed yin par thal/
mtshan nyid gnyis pa de'i phyir/ khyab pa dang

rtags phyi ma khas/ 'dod na sla'o/ /kha cig /'jug sdom thob la
ma nyams pa'i gang zag gi rgyud kyi kun rdzob sems bskyed de/
'jug pa sems bskyed kyi mtshan nyid/ 'jug sdom rgyud la mi ldan
pa'i gang zag gi rgyud kyi kun rdzob sems bskyed de/ smon pa
sems

bskyed kyi mtshan nyid/ zer na/ byang 'phags kyi rgyud la smon pa
sems bskyed med par thal/ mtshan nyid de 'thad pa'i phyir/ 'dod
mi nus te/ mthong lam bar chad med lam la gnas pa'i sems dpa'i
rgyud kyi kun rdzob sems bskyed de/ smon pa sems bskyed

yin pa'i phyir/ rtags grub ste/ de'i rgyud la kun rdzob sems
bskyed yod pa gang zhig /de'i rgyud kyi kun rdzob sems bskyed de
'jug pa sems bskyed ma yin pa'i phyir/ dang po grub ste/ de'i
rgyud la gzhan don du rdzogs pa'i byang chub thob par 'dod pa'i
blo yod pa'i

phyir; ma grub na/ der thal/ de gzhan don du rdzogs byang thob
phyir du stong nyid la rtse gcig tu mnyam par bzhag pa'i gang
zag yin pa'i phyir te/ chos can de'i phyir/ gong gi rtags gnyis
pa ma grub na/ de'i rgyud kyi kun rdzob sems bskyed chos can/
spyod pa nyams len gyi bya bas

dngos su zin par thal/ 'jug pa sems bskyed yin pa'i phyir/ rtags
khas/ 'dod na/ de'i rgyud la kun rdzob sems bskyed dngos su yod
par thal/ 'dod pa'i phyir/ 'dod na/ de'i rgyud la kun rdzob sems
bskyed mngon gyur du yod par thal/ 'dod pa'i phyir/ 'dod na/
rnam bshad

snying po rgyan las/ stong nyid la mnyam par bzhag bzhin pa'i
dus nyid na gang zag de'i rgyud la theg chen sems bskyed yod mod
kyi sems can thams cad kyi don du sangs rgyas thob par bya'o
snyam pa'i blo mngon gyur du ni ga la dgos zhes bshad pa mi
'thad par thal/

@81b 'dod pa'i phyir/ kho na re/ mthong lam bar chad med lam la
gnas pa'i sems dpa'i rgyud la kun rdzob sems bskyed dngos su yod
par thal/ de'i rgyud kyi kun rdzob sems bskyed dngos su yod pa'i
phyir/ der thal/ de dngos su skyes pa'i phyir/ ma grub na/ de'i
rgyud kyi

kun rdzob sems bskyed chos can/ dngos su skyes par thal/ rang
rgyu las dngos su skyes pa'i phyir na ma khyab/ der thal/ dngos
po yin pa'i phyir/ zer na/ sngon po chos can/ 'byung ba yin par
thal/ rang rgyu las 'byung ba'i phyir/ khyab pa khas/ ma grub
na/ der thal/

dngos po yin pa'i phyir/ 'dod mi nus te/ 'byung 'gyur yin pa'i
phyir/ gzhan yang/ khams gong ma'i rten la 'gog snyoms gsar du
skye ba yod par thal/ de'i rten la 'gog snyoms rang rgyud la
gsar du skye ba yod pa'i phyir/ khyab pa khas/ rtags grub ste/
de'i rten la 'gog

snyoms yod pa gang zhig /'gog snyoms dang 'gog snyoms rang rgyud
la gsar du skye ba gnyis/ yul dus rang bzhin gang la ltos kyang
grub bde rdzas gcig yin pa'i phyir/ 'dod na/ khams gong ma'i
rten la mthong lam gsar du skye ba yod par thal/ 'dod pa'i
phyir/ kho na

re; spyod pa nyams len gyi bya bas dngos su zin na/ des mngon
gyur du zin pas khyab par thal/ mthong lam bar chad med lam la
gnas pa'i sems dpa'i rgyud kyi kun rdzob sems bskyed de spyod pa
nyams len gyi bya bas dngos su ma zin pa'i phyir/ 'dod na/ stong
nyid dngos

su rtogs pa'i gang zag yin na/ stong nyid mngon du gyur pa'i
tshul gyis rtogs pa'i gang zag yin dgos par thal/ 'dod pa'i
phyir/ 'dod na/ dman lam sngon du ma song ba'i byang sems sbyor
lam pa chos can/ der thal/ de'i phyir/ ma grub na/ der thal/
byang sems sbyor

lam pa yin pa'i phyir/ 'dod na/ des stong nyid mngon sum du
rtogs par thal/ 'dod pa'i phyir/ zer na/ spyod pa nyams len gyi
bya bas zin na/ des dngos su zin pas khyab par thal/ mthong lam
bar chad med lam pa'i rgyud kyi kun rdzob sems bskyed de

@82a @#/ /spyod pa nyams len gyi bya bas dngos su zin pa'i phyir/
'dod na/ stong nyid mngon sum du rtogs pa'i shes rab kyis zin
na/ stong nyid mngon sum du rtogs pa'i shes rab kyis dngos su
zin pas khyab par thal/ 'dod pa'i phyir/ 'dod na/ byang 'phags
kyi

rgyud kyi kun rdzob sems bskyed yin na/ stong nyid mngon sum du
rtogs pa'i shes rab kyis dngos su zin pas khyab par thal/ de yin
na stong nyid mngon sum du rtogs pa'i shes rab kyis zin pas
khyab pa gang zhig /'dod pa'i phyir/ rtags dang po 'bud/ 'dod
na/ rnam bshad

snying po rgyan las/ sa thob nas stong pa nyid kyi don mngon sum
du rtogs kyang des dngos su ma zin pa'i sems bskyed skabs du mar
'byung ba'i phyir zhes bshad pa mi 'thad par thal/ 'dod pa'i
phyir/ yang kha cig /mthong lam bar chad med lam la gnas pa'i
sems dpa'i rgyud la kun rdzob

sems bskyed mngon gyur du yod par thal/ de'i rgyud kyi kun rdzob
sems bskyed de/ blo mngon gyur ba yin pa'i phyir te/ de dmigs
rnam 'dzin pa'i shes pa yin pa'i phyir zer na ma khyab/ mthong
lam bar chad med lam la gnas pa'i sems dpa'i rgyud la kun rdzob
sems

bskyed mngon gyur du yod par thal/ de'i rgyud kyi kun rdzob sems
bskyed mngon gyur du yod pa'i phyir/ der thal/ de mngon gyur ba
yin pa'i phyir zer na ma khyab/ yang de chos can/ smon pa sems
bskyed ma yin par thal/ 'jug pa sems bskyed yin pa'i phyir/ der
thal/ de'i

rgyud la 'jug pa sems bskyed yod pa'i phyir/ der thal/ de'i
rgyud la 'jug sdom yod pa'i phyir zer na ma khyab/ yang kho na
re/ mthong lam bar chad med lam la gnas pa'i sems dpa' chos can/
khyod kyi rgyud la 'jug pa sems bskyed yod par thal/ khyod 'jug

pa sems bskyed thob la ma nyams pa'i gang zag yin pa'i phyir zer
na ma khyab/ kho rang la/ sangs rgyas 'phags pa chos can/ khyod
kyi rgyud la smon pa sems bskyed yod par thal/ khyod smon pa
sems bskyed thob la ma nyams pa'i gang zag yin pa'i phyir/ khyab
pa khas/

@82b 'dod mi nus te/ chos can/ de'i phyir/ 'khor gsum/ kha cig
/smon 'jug gang rung yang yin/ 'jug sdom thob pa'i spyod pa
nyams len gyi bya ba mngon gyur bas ma zin pa yang yin pa'i gzhi
mthun pa de/ smon pa sems bskyed kyi mtshan nyid/ de gang rung
yang yin/ 'jug sdom thob pa'i

spyod pa nyams len gyi bya ba mngon gyur bas zin pa yang yin
pa'i gzhi mthun pa de 'jug pa sems bskyed kyi mtshan nyid zer na/
mthong lam bar chad med lam la gnas pa'i sems dpa'i rgyud kyi
kun rdzob sems bskyed chos can/ mtshan nyid dang po'i zur phyi ma
der thal/ mtshon bya dang

po de'i phyir/ rtags bsgrubs zin/ 'dod na/ de'i rgyud kyi kun
rdzob sems bskyed de/ 'jug sdom thob pa'i spyod pa nyams len gyi
bya ba mngon gyur bas zin par thal/ de'i rgyud la 'jug sdom yod
pa gang zhig /de'i rgyud kyi kun rdzob sems bskyed de sher phyin
nyams len gyi bya ba mngon gyur

bas zin pa'i phyir/ dang po sla/ gnyis pa ma grub na/ der thal/
de'i rgyud la sher phyin nyams len gyi bya ba mngon gyur ba yod
pa gang zhig /de'i rgyud kyi kun rdzob sems bskyed de de'i rgyud
kyi sher phyin nyams len gyi bya bas zin pa'i phyir/ dang po
grub ste/ de'i rgyud la sher phyin nyams len gyi

bya ba mngon gyur du yod pa'i phyir/ ma grub na/ de chos can/
khyod kyi rgyud la sher phyin nyams len gyi bya ba mngon gyur du
yod par thal/ khyod chos can de yin pa'i phyir/ gnyis pa ma grub
na/ de'i rgyud kyi kun rdzob sems bskyed chos can/ de'i rgyud
kyi sher phyin nyams len gyi bya bas zin

par thal/ de'i rgyud kyi kun rdzob sems bskyed yin pa'i phyir/
des na/ de'i rgyud kyi kun rdzob sems bskyed de spyod pa nyams
len gyi bya ba mngon gyur pas zin kyang/ des mngon gyur du ma
zin zhes smra'o/ /kha cig /theg chen kun rdzob sems bskyed gang
zhig /cho gas ma blangs pa/

smon pa sems bskyed kyi mtshan nyid/ de gang zhig /cho gas blangs
pa/ 'jug pa sems bskyed kyi mtshan nyid zer ba mi 'thad de/ smon
sems lan pa'i cho ga yod pa'i phyir te/ sangs rgyas chos dang
tshogs kyi mchog rnams la/ zhes sogs smon sems len pa'i cho ga
yin

@83a @#/ /pa'i phyir/ kha cig /theg chen 'phags pa'i rgyud kyi
gtso bo'i rnam rig gang zhig /stong nyid la gnyis snang nub pa
don dam sems bskyed kyi mtshan nyid zer na/ sangs rgyas 'phags
pa'i rgyud kyi mig gi rnam par shes pa chos can/ mtshon bya der
thal/ mtshan nyid de'i

phyir; rtags sla/ 'dod na/ yid kyi rnam par shes pa yin par
thal/ 'dod pa'i phyir/ kha cig /theg chen gtso bo'i yid kyi rnam
rig gang zhig /stong nyid la gnyis snang nub pa de don dam sems
bskyed kyi mtshan nyid zer na/ byang sems tshogs lam pa'i rgyud
kyi stong nyid mngon sum

du rtogs pa'i yid kyi rnam par shes pa chos can/ mtshon bya der
thal/ mtshan nyid de'i phyir/ rtogs chos can gyis 'grub pa/ 'dod
na/ de chos can/ khyod kyi theg chen gyi mthong lam thob par
thal/ 'dod pa'i phyir/ khyab ste/ rnam bshad snying po rgyan
las/ de ni mthong lam thob pa yan chad la yod kyi so

so skye bo la ni med do/ /zhes gsungs pa'i phyir/ mkhas pa kha
cig /theg chen sems bskyed gang zhig /rdzogs pa'i byang chub kyi
don dam pa'i gnas lugs la gnyis snang nub pa de/ don dam sems
bskyed kyi mtshan nyid zer na/ don dam pa'i byang chub sems dpa'
yin na/ byang chub sems dpa'

yin dgos par thal/ don dam pa'i sems bskyed yin na/ theg chen
sems bskyed yin dgos pa'i phyir/ rtags khas/ 'dod na/ byang sems
mthong lam pa'i rgyud kyi 'gog bden chos can/ der thal/ de'i
phyir/ rtags grub ste/ don dam pa'i dge 'dun dkon mchog gang
zhig /rgyu

mtshan mtshungs pa'i phyir/ gzhan yang/ sangs rgyas 'phags pa'i
rgyud kyi kun rdzob sems bskyed chos can/ mtshon bya der thal/
mtshan nyid de'i phyir/ 'dod mi nus te/ chos can de'i phyir/ kha
cig /don dam sems bskyed yin na/ theg chen sems bskyed yin

dgos par thal/ sgom rim las/ byang chub kyi sems de ni rnam pa
gnyis te/ kun rdzob dang don dam pa'i sems so/ zhes gsungs pa'i
phyir zer na ma khyab/ kha cig /theg dman gyi kun rdzob sems
bskyed yod zer na/ theg dman gyi byang chub kyi sems yod par

@83b thal; dam bca' 'thad pa'i phyir/ 'dod na/ theg dman gyi
byang chub sems dpa' yod par thal/ 'dod pa'i phyir/ 'dod mi nus
te/ byang chub sems dpa' yin na theg chen gyi gang zag yin dgos
pa'i phyir/ kho na re/ theg dman gyi kun rdzob sems bskyed yod
par

thal; theg dman gyi sems bskyed yod pa'i phyir/ der thal/ theg
dman gyi byang chub tu sems bskyed pa yod pa'i phyir na ma
khyab/ ma grub na/ der thal/ mdo las/ chos kyi rnam grangs 'di
bshad pa na gang zag kha cig gis ni nyan thos kyi byang chub tu
sems

bskyed; kha cig gis ni rang rgyal gyi byang chub tu sems bskyed
ces bshad pa'i phyir/ kha cig /mthong lam bar chad med lam la
gnas pa'i sems dpa'i rgyud la kun rdzob sems bskyed med zer na/
theg chen kun rdzob sems bskyed yin na rang gi dngos kyi nyer

len snying rje chen po las byung bas khyab par thal/ mdo sde
rgyan las/ de yi rtsa bar snying rjer 'dod/ ces gsungs pa'i
phyir/ 'dod na song/ rnam mkhyen skad cig dang por gyur pa'i kun
rdzob sems bskyed chos can/ der thal/ de'i phyir/ 'dod na/ rgyun
mtha'i bar chad med

lam la gnas pa'i sems dpa'i rgyud la snying rje chen po yod par
thal/ 'dod pa'i phyir/ 'dod na/ de'i rgyud la kun rdzob sems
bskyed yod par thal/ 'dod pa'i phyir/ rtags khas/ gzhan yang/
mthong lam bar chad med lam la gnas pa'i sems dpa'i rgyud la

kun rdzob dngos yul du byed pa'i blo med par thal/ de'i rgyud la
kun rdzob sems bskyed med pa'i phyir/ rtags khas/ 'dod na/ de'i
rgyud la rang rig med par thal/ 'dod pa'i phyir/ 'dod na/ de'i
rgyud la shes pa med par thal/ 'dod pa'i phyir/ kha cig /rtsa
bar ma

khyab zer/ gzhan yang/ de'i rgyud la kun rdzob dngos yul du byed
pa'i mkhyen pa med par thal/ de'i rgyud la kun rdzob sems bskyed
med pa'i phyir/ rtags khas/ 'dod na/ stong nyid la rtse gcig tu
mnyam par bzhag pa'i sems dpa' yin na/ rang rgyud la kun rdzob
dngos yul

@84a @#/ /du byed pa'i mkhyen pa med dgos par thal/ 'dod pa'i
phyir/ 'dod na/ dman lam sngon du ma song pa'i stong nyid la
rtse gcig tu mnyam par bzhag pa'i byang sems sbyor lam pa chos
can/ der thal/ de'i phyir/ 'dod na/ de'i rgyud la kun rdzob
dngos

yul du byed pa'i mkhyen pa yod par thal/ de'i rgyud kyi stong
nyid la rtse gcig tu mnyam par bzhag pa'i ye shes de kun rdzob
dngos yul du byed pa'i blo yin pa'i phyir/ ma grub na/ de chos
can/ der thal/ stong nyid kyi don spyi dngos yul du byed pa'i
blo yin pa'i phyir/ khyod stong

nyid don spyi'i tshul gyi rtogs pa'i blo yin pa'i phyir te/ chos
can de'i phyir/ gzhan yang/ de'i rgyud la kun rdzob dngos yul du
byed pa'i blo yod par thal/ de'i rgyud la gang zag gi bdag med
mngon sum du rtogs pa'i mkhyen pa yod pa'i phyir te/ mthong lam
bar chad med

lam la gnas pa'i rang rgyal 'phags pa'i rgyud la gang zag gi
bdag med mngon sum du rtogs pa'i mkhyen pa yod pa'i phyir te/
rang rgyal gyi mthong lam bar chad med lam de rang rgyud ldan
gyi gang zag gi rgyud kyi gang zag gi bdag med mngon sum du
rtogs pa'i shes rab kyis

zin pa'i phyir/ ma grub na/ de chos can/ des zin par thal/ gzhi
shes yin pa'i phyir/ gzhan yang mthong lam bar chad med lam la
gnas pa'i sems dpa'i rgyud la kun rdzob sems bskyed yod par
thal/ de'i rgyud la kun rdzob dngos yul du byed pa'i mkhyen pa

yod pa'i phyir te/ de'i rgyud la spong sems yod pa'i phyir te/
de'i rgyud la 'jug sdom yod pa'i phyir/ khyab ste/ so thar gyi
sdom pa rgyud ldan gyi gang zag yin na spong sems rgyud ldan gyi
gang zag yin dgos pa'i phyir/ rnam bshad snying po'i rgyan las/
so sor thar pa'i sdom pa la

ni gzhan la gnod pa gzhi bcas spong pa'i sems pa thun mong ma
yin pa'i yan lag go /zhes gsungs pa'i phyir/ kha cig /byang sems
kyi sdom pa dang so thar gyi sdom pa sogs spong ba'i sems pa
dang spong ba'i sems pa'i sa bon gang rung la 'jog pas skyod med
do/

@84b zhes zer na/ lha'i rgyud la dge slong gi sdom pa yod par
thal/ de'i rgyud la dge slong gi sdom pa'i sa bon yod pa'i
phyir/ khyab pa khas/ gzhan yang/ mthong lam bar chad med lam la
gnas pa'i sems dpa'i rgyud la kun rdzob dngos yul du byed pa'i
mkhyen pa yod par

thal; de'i rgyud la 'dus byas dngos yul du byed pa'i mkhyen pa
yod pa'i phyir te/ de'i rgyud la 'dus byas mi rtag par 'dzin
pa'i blo yod pa'i phyir te/ de 'dus byas mi rtag par 'dod pa'i
gang zag yin pa'i phyir/ ma grub na/ de chos can/ der thal/
sangs rgyas pa'i

grub mtha' smra ba'i gang zag yin pa'i phyir te/ chos can de
dang gcig yin pa'i phyir/ gzhan yang/ bdag 'dzin kun btags
spangs pa'i gang zag yin na/ bdag med mngon sum du rtogs myong
pa'i gang zag yin dgos par thal/ gang zag gi bdag 'dzin kun

btags spangs pa'i gang zag yin na/ gang zag gi bdag med mngon
sum du rtogs myong pa'i gang zag yin dgos pa'i phyir/ 'dod na/
mthong lam rnam grol lam la gnas pa'i sems dpa' chos can/ der
thal/ de'i phyir/ 'dod na/ de'i rgyud la bdag med

mngon sum du rtogs pa'i mkhyen pa yod par thal/ 'dod pa gang
zhig /dman lam sngon du ma song pa'i byang sems sbyor lam pas
bdag med mngon sum du ma rtogs pa'i phyir/ der thal/ de so so
skye po yin pa'i phyir/ sgrub byed lhag ma skabs gnyis par 'chad
do/ /rang gi lugs

bshad pa la/ theg chen sems bskyed kyi rten bshad pa dang/ brten
pa theg chen sems bskyed bshad pa gnyis/ dang po la lus rten
dang/ sems rten gnyis/ dang po ni/ theg chen la mos shing sangs
rgyas thob par 'dod pa'i lha dang klu la sogs pa 'gro ba rigs
drug

gi rten la smon sems dngos su gsar du skye ba yod de/ de rnams
kyi rten la smon sems dngos su gsar du skye ba'i mthun rkyen
tshang zhing 'gal rkyen dang bral ba yod pa'i phyir/ 'gro ba rigs
drug ka'i rten la 'jug sems dngos su gsar du skye ba yod de/ de
drug ga'i rten

@85a @#/ /la smon sems dngos su gsar du skye ba yod pa gang zhig
/rgyu mtshan mtshungs pa'i phyir/ de ltar yang lam rim las/ lha
dang klu sogs lus dang bsam pa'i sgo nas smon sems bskyed du
rung ba thams cad 'di'i rten du rung yang/ zhes gsungs pa'i
phyir/

gnyis pa ni theg chen kun rdzob sems bskyed de bsam gtan dang
po'i nyer bsdogs dang/ bsam gtan kyi dngos gzhi'i snyoms 'jug
gang rung la brten nas dngos su gsar du skye ba yin te/ theg
chen kun rdzob sems bskyed rgyud la skye ba la bsam gtan dang
po'i nyer bsdogs

thob dgos pa'i phyir/ gnyis pa la/ mtshan nyid/ dbye ba/ sa
'tshams gsum/ dang po ni/ rang gi grogs su gyur pa'i gzhan don du
rdzogs pa'i byang chub la dmigs pa'i 'dun pa dang mtshungs ldan
du byung ba'i theg chen lam gyi 'jug sgor gyur pa'i rigs su gnas
pas rab tu

phye ba'i theg chen gyi gtso bo'i yid kyi rnam rig khyad par can
de/ theg chen kun rdzob sems bskyed kyi mtshan nyid/ gnyis pa de
la dbye na/ smon pa sems bsked dang/ 'jug pa sems bskyed gnyis/
theg chen kun rdzob sems bskyed gang zhig /spyod pa nyams len
gyi bya

bas dngos su ma zin pas rab tu phye ba dang po'i mtshan nyid/ de
gang zhig /spyod pa nyams len gyi bya bas dngos su zin pas rab
tu phye ba gnyis pa'i mtshan nyid/ gsum pa ni/ smon pa sems
bskyed kyi sa 'tshams theg chen gyi tshogs lam nas rgyun mtha'i
bar du yod/ 'jug pa

sems bskyed ni theg chen gyi tshogs lam nas sangs rgyas kyi sa'i
bar du yod/ gsum pa rtsod pa spong pa la kha cig /sangs rgyas
'phags pa'i rgyud kyi theg chen kun rdzob sems bskyed de theg
chen lam gyi 'jug sgo ma yin par thal/ theg chen kun rdzob sems
bskyed kyi mtshan nyid kyi

zur du theg chen lam gyi 'jug sgor gyur pa'i rigs su gnas pa
zhes smos pa la dgos pa yod pa'i phyir/ 'dod na/ sangs rgyas
'phags pa'i rgyud la theg chen lam gyi 'jug sgo med par thal/
'dod pa'i phyir/ zer na ma khyab ste/ sangs rgyas 'phags pa'i
rgyud

@85b la 'dir bstan yang dag mtha' med med par thal/ sangs rgyas
'phags pa'i rgyud kyi khyab pa 'du byed kyi sdug bsngal nye bar
zhi ba'i nyer zhi de 'dir bstan yang dag mtha' ma yin pa'i
phyir/ khyab pa khas/ rtags gong du bsgrub zin/ 'dod na/ sangs
rgyas

'phags pas 'dir bstan yang dag mtha' mngon du ma byas par thal/
'dod pa'i phyir/ gzhan yang/ sangs rgyas 'phags pa'i rgyud kyi
theg chen kun rdzob sems bskyed chos can/ theg chen lam du zhugs
ma thag tu khyod rgyud la skyes pa'i gang zag yod par

thal; khyod theg chen lam gyi 'jug sgo yin pa'i phyir/ rtags
khas/ 'dod mi nus te/ chos can de'i phyir/ theg chen kun rdzob
sems bskyed yin na/ rang gi grogs su gyur pa'i gzhan don du
rdzogs pa'i byang chub don gnyer gyi 'dun pa dang mtshungs ldan

yin pas khyab byas pa la kha cig /sangs rgyas 'phags pa'i rgyud
kyi theg chen kun rdzob sems bskyed chos can/ der thal/ de'i
phyir/ 'dod na/ sangs rgyas 'phags pa'i rgyud la gzhan don du
rdzogs pa'i byang chub thob bar 'dod pa'i blo yod par thal/

'dod pa'i phyir/ 'dod na/ de chos can/ khyod kyi rgyud la de med
par thal/ khyod gzhan don du rdzogs pa'i byang chub thob zin
pa'i gang zag yin pa'i phyir/ zer na ma khyab/ 'o na/ sangs
rgyas 'phags pa chos can/ khyod kyi rgyud la thar par bgron par
byed pa'i lam

med par thal/ khyod thar pa thob zin pa'i gang zag yin pa'i
phyir/ khyab pa khas/ 'dod na/ de chos can/ khyod kyi rgyud la
thar pa'i lam med par thal/ 'dod pa'i phyir/ gzhan yang/ sangs
rgyas 'phags pa chos can/ khyod kyi rgyud la gzhan don du rdzogs

pa'i byang chub don gnyer gyi blo yod par thal/ khyod kyi rgyud
la gzhan don gzugs sku don gnyer gyi blo yod pa'i phyir/ ma grub
na/ de chos can/ der thal/ khyod kyi rgyud la gzhan don mthar
thug don gnyer gyi blo yod pa'i phyir/ ma grub na/ der thal/
khyod kyi rgyud la

@86a @#/ /gzhan don don gnyer gyi blo yod pa'i phyir/ kho na re/
byang sems tshogs lam pa'i rgyud kyi smon pa sems bskyed chos
can/ spyod pa nyams len gyi bya bas dngos su ma zin par thal/
smon pa sems bskyed yin pa'i phyir/ khyab pa khas/

'dod mi nus te/ phyin drug nyams len gyi bya bas dngos su zin
pa'i phyir/ der thal/ go sgrub yin pa'i phyir/ zer na ma khyab
ste/ bden 'dzin mngon gyur pa rgyud ldan gyi byang 'phags kyi
rgyud kyi kun rdzob sems bskyed chos can/ der thal/ de'i phyir/
'dod

na; shir phyin nyams len gyi bya bas dngos su zin par thal/ 'dod
pa'i phyir/ 'dod na/ de stong nyid rtogs pa'i shes rab kyis
dngos su zin par thal/ 'dod pa'i phyir/ 'dod na/ rnam bshad
snying po rgyan las/ sa thob nas stong pa nyid kyi don dngos sum
du

rtogs kyang des dngos su ma zin pa'i sems bskyed skabs du mar
'gyur pa'i phyir/ zhes bshad pa mi 'thad par thal/ 'dod pa'i
phyir/ kha cig /sbyin pa nyams len gyi bya bas dngos su zin pa'i
smon pa sems bskyed chos can/ spyod pa nyams len

gyi bya bas dngos su ma zin par thal/ smon pa sems bskyed yin
pa'i phyir/ khyab pa khas/ 'dod mi nus te/ sbyin pa nyams len
gyi bya bas dngos su zin pa'i phyir na ma khyab/ 'o na kho rang
la/ sbyin pa nyams len gyi bya bas dngos zin pa'i nyan thos kyi

chogs lam chos can/ der thal/ de'i phyir/ khyab pa khas/ 'dod
na/ nyan thos tshogs lam pa'i rgyud la spyod pa nyams len gyi bya
ba yod par thal/ 'dod pa'i phyir/ 'dod na/ nyan thos tshogs lam
pa chos can/ khyod byang sems kyi spyod pa la slob

bzhin pa'i gang zag yin par thal/ 'dod pa gang zhig /khyod sems
can yin pa'i phyir/ yang kha cig /byang sems sa brgyad pa pa'i
rgyud la spyod pa nyams len gyi bya bas dngos su ma zin pa'i kun
rdzob sems bskyed yod par thal/ de'i rgyud la smon pa sems

@86b bskyed yod pa'i phyir/ rtags khyab khas/ 'dod na/ de'i
rgyud la stong nyid rtogs pa'i shes rab kyis dngos su ma zin
pa'i kun rdzob sems bskyed yod par thal/ 'dod pa'i phyir/ 'dod
na/ sa brgyad pa pa'i rgyud la bden 'dzin mngon gyur du yod par

thal; 'dod pa'i phyir/ zer na ma khyab/ smon sems rgyud la ldan
pa'i byang sems sa brgyad pa ba yod par thal/ theg chen kun
rdzob sems bskyed rgyud la ldan/ de dngos su rgyud la mi ldan
pa'i byang sems sa brgyad pa pa'i rgyud kyi kun rdzob sems
bskyed de smon pa sems

bskyed yin pa'i phyir/ der thal/ de spyod pa nyams len gyi bya
bas dngos su ma zin pa'i kun rdzob sems bskyed yin pa'i phyir/
der thal/ de kun rdzob sems bskyed gang zhig /spyod pa nyams len
gyi bya bas dngos su ma zin pa'i phyir/ dang po grub ste/ de
rgyud

la ldan zhing de dngos su rgyud la mi ldan pa'i byang sems sa
brgyad pa pa yod pa'i phyir/ der thal/ de 'dra'i byang sems sa
dang po ba yod pa'i phyir te/ de 'dra'i byang sems tshogs lam pa
yod pa'i phyir te/ rnam bshad snying po'i rgyan las/ de lta bu
med pa'i dus na

dngos su ma zin pa'o/ /zhes gsungs pa'i phyir/ gnyis pa ma grub
na/ theg chen kun rdzob sems bskyed rgyud la ldan/ de dngos su
rgyud la mi ldan pa'i byang sems sa brgyad pa ba'i rgyud la kun
rdzob sems bskyed dngos su yod par thal/ de spyod pa nyams len
gyi

bya bas dngos su zin pa'i phyir/ rtags khas/ khyab ste/ rnam
bshad snying po rgyan las/ gtod ba'i sems pa spel ba'i rnam pa
shar ba'i dus nyid na rnam mkhyen don gnyer gyi dran bdun du re
ba dngos su yod pa ni spyod pa nyams len gyi bya bas dngos su
zin pa'i don

yin la/ de lta bu med ba'i dus na dngos su ma zin pa'o/ /zhes
gsungs pa'i phyir/ 'dod na/ de'i rgyud la kun rdzob sems bskyed
dngos su yod par thal/ 'dod pa'i phyir des na/ mthong lam bar
chad med lam la gnas pa'i sems dpa'i rgyud kyi kun rdzob

@87a @#/ /sems bskyed de/ smon pa sems bskyed yin byas pa la/ kha
cig /gang zag gcig gi rgyud la yid kyi rnam par shes pa rdzas
tha dad pa du ma cig car du skye ba yod par thal/ de'i rgyud la
kun rdzob sems bskyed yod pa'i phyir/

rtags khas/ 'dod na/ mdo las/ sems can rnams ni rnam par shes
pa'i rgyun re re pa'o zhes gsungs pa mi 'thad par thal/ 'dod
pa'i phyir/ zer na/ 'di'i lan la kha cig /gang zag gcig gi rgyud
la yid kyi rnam par shes pa rdzas tha dad pa du ma mngon

gyur du cig car du skye ba med pa lung de'i don yin/ zhes
gsungs/ lugs dang po mi 'thad de gang zag gcig gi rgyud la yid
kyi rnam par shes pa rdzas tha dad pa du ma cig car du yod pa
srid par thal/ bden 'dzin mngon gyur pa rgyud la ldan pa'i byang
sems sgom

lam pa'i rgyud la bden 'dzin du gyur pa'i yid kyi rnam par shes
pa dang sgom lam du gyur pa'i yid kyi rnam par shes pa gnyis cig
car du yod pa'i phyir/ de'i rgyud la theg chen gyi sgom lam du
gyur pa'i yid kyi rnam par shes pa yod pa'i phyir/ de'i rgyud la
theg chen gyi

sgom lam yod pa'i phyir/ ma grub na/ de 'dra'i byang sems sgom
lam pa chos can/ khyod kyi rgyud la theg chen gyi sgom lam yod
par thal/ khyod byang sems sgom lam pa yin pa'i phyir/ kho na
re/ dngos po ldan dang mi ldan dang/ /zhes gsungs pa mi 'thad
par

thal; bden 'dzin mngon gyur ba rgyud ldan gyi byang sems sgom
laM pa yod pa'i phyir/ zer na ma khyab ste/ bden 'dzin mngon
gyur du rgyud la ldan pa'i byang sems sgom lam pa'i rgyud la
stong nyid mngon sum du rtogs pa'i shes rab kyis dngos su zin
pa'i lam mngon gyur du

med pa lung de'i don yin pa'i phyir/ lung don 'chad tshul phyi ma
yang mi 'thad de/ gang zag gcig gi rgyud la yid kyi rnam par
shes pa rdzas tha dad pa du ma mngon gyur du cig car du skye ba
yod par thal/ byang sems 'phags pa'i rgyud la theg chen sems
bskyed du

@87b gyur pa'i yid kyi rnam par shes pa dang/ gtong ba'i sems
dang mtshungs ldan gyi yid kyi rnam par shes pa gnyis mngon gyur
du cig car du yod pa srid pa'i phyir/ der thal/ byang sems
'phags pa'i rgyud la de gnyis ka dngos su cig car du yod pa srid
pa'i phyir te/ rnam

bshad snying po rgyan las/ gtong ba'i sems pa spel ba'i rnam pa
shar ba'i dus nyid na zhes sogs sngar drangs pa'i lung don grub
pa'i phyir/ ! rang lugs la/ sems can rnams ni rnam par shes pa'i
rgyun re re pa'o/ /zhes pa'i don yod de/ gang zag gcig

gi rgyud la yid kyi rnam par shes pa rigs mthun pa rdzas tha dad
pa du ma mngon gyur du cig car du mi skye ba lung de'i don yin
pa'i phyir/ de ltar yang/ TIk chen dgongs pa rab gsal las/ rnam
par shes pa'i rgyun re re ba'o/ /zhes gsungs pa'i don gtso

po'i yid kyi rnam shes rigs mthun la dgongs so/ /zhes gsungs
pa'i phyir/ 'on kyang phar tshad kyi dar TIk gi dngos bstan la
rtogs pa rdzas tha dad pa du ma cig car du skye ba med par bshad
do/ ! /de la sems bskyed pa dang po gsum ni chung dang 'bring
dang chen

po nyid kyi las dang po'i rims kyi bsdus so/ /zhes sogs kyi
skabs su/ gzhung don dang mtha' bcad pa'o/ /dang po ni/ 'dun pa
dang mtshungs ldan gyi sems bskyed sogs skabs 'dir bstan gyi sems
bskyed dang po gsum chos can/ las dang po ba'i sas bsdus

pa yin te/ theg chen gyi tshogs lam chung 'bring chen po gsum
gyis rim pa bzhin du bsdus pa'i phyir/ gnyis pa ni/ kha cig /
sems bskyed nyer gnyis la grogs kyi sgo nas ming btags pa 'di/
'dun pa dang mtshungs ldan gyi sgo nas 'chad mi rigs te/

'dun pa dang mtshungs ldan gyi sems bskyed dang/ chos sku dang
mtshungs ldan gyi sems bskyed sogs med pa'i phyir/ zer na/ rnam
bshad snying po rgyan las/ 'dun pa dang mtshungs par ldan pa'i
sems bskyed ni chos can/ sa lta bu yin te/ zhes dang/ chos

@88a @#/ /sku dang mtshungs par ldan pa'i sems bskyed ni chos can/
sprin lta bu yin te zhes sems bskyed kyi dang po dang tha ma
gnyis la mtshungs ldan gyi sgra sbyar nas gsungs pa mi 'thad par
thal/ sems bskyed nyer gnyis la grogs kyi sgo nas ming

btags pa 'di 'dun pa dang mtshungs ldan gyi sgo nas 'chad mi rigs
pa'i phyir/ rtags khas/ kho na re/ tshogs lam chung ngu la gnas
pa'i sems dpa'i rgyud kyi kun rdzob sems bskyed de 'dun pa dang
mtshungs ldan gyi sems bskyed yin par thal/ 'dun pa dang mtshungs
ldan

gyi sems bskyed yod pa'i phyir/ rtags khas/ 'dod na/ de chos
can/ 'dun pa dang mtshungs ldan yin par thal/ 'dod pa'i phyir na/
ma khyab/ 'dod na/ de chos can/ 'dun pa rgyud ldan gyi gang zag
yin na/ khyod rgyud ldan gyi gang zag yin dgos par thal/

'dod pa'i phyir/ gzhan yang/ chos sku chos can/ khyod dang
mtshungs ldan gyi sems bskyed med par thal/ khyod 'dus ma byas
yin pa'i phyir na ma khyab/ gzhan yang/ chos sku dang mtshungs
ldan gyi sems bskyed chos can/ chos sku mtshungs ldan gyi

shes pa yin par thal/ de dang mtshungs ldan gyi sems bskyed yin
pa'i phyir na ma khyab/ rtags khas/ 'dod mi nus te/ de dang
mtshungs ldan gyi shes pa med pa'i phyir te/ de rtag pa yin pa'i
phyir/ zhes zer na/ slob pa'i rgyud kyi dmigs med la dmigs pa'i
snying

rje chos can/ dmigs med la dmigs par thal/ dmigs med la dmigs
pa'i snying rje yin pa'i phyir/ ma khyab na/ ma khyab 'tshams
dang po la khyab pa yod pa bud/ 'dod na/ de chos can/ bden med
la dmigs par thal/ 'dod pa'i phyir/ 'dod na/ des

bden med rtogs par thal/ 'dod pa'i phyir/ 'dod mi nus te/ slob
pa'i rgyud kyi snying rje yin pa'i phyir/ gzhan yang/ sangs
rgyas chos can/ khyod kyi mtshan bzang po so gnyis dang dpe byed
bzang po brgyad cu med par thal/ khyod 'dus ma byas yin pa'i
phyir/

@88b khyab pa 'grig /gzhan yang/ don dam sems bskyed chos can/
don dam pa'i shes pa yin par thal/ don dam pa'i sems bskyed yin
pa'i phyir/ khyab pa 'grig /yang nyan thos kyi mthong lam bar
chad med lam chos can/ mi 'thun phyogs kyi shes pa

yin par thal/ mi 'thun phyogs kyi gzhi shes yin pa'i phyir/
khyab pa 'grig /'dod mi nus te/ gnyen phyogs kyi shes rnams yin
pa'i phyir te/ lam yin pa'i phyir/ des na skabs 'dir dngos su
bstan pa'i sems bskyed dang po gsum tshogs lam chung 'bring chen
po gsum

gyis bsdus byas pa la/ kha cig /'dun ldan sems bskyed yin na/
tshogs lam chung du la gnas pa'i sems dpa'i rgyud kyi sems bskyed
yin dgos par thal/ dam bca' 'thad pa'i phyir/ 'dod mi nus te/
byang sems 'phags pa'i rgyud la 'dun ldan sems

bskyed yod pa'i phyir/ zer na/ sprin lta bu'i sems bskyed yin
na/ sangs rgyas kyi sa'i sems bskyed yin dgos par thal/ skabs
'dir dngos su bstan pa'i sprin lta bu'i sems bskyed de sangs
rgyas kyi sas bsdus pa'i phyir/ khyab pa khas/ rtags grub ste/

'grel pa las/ sems bskyed pa tha ma gsum ni sbyor ba dang dngos
dang 'jug gi sgo nas sangs rgyas kyi sas bsdus so/ /zhes gsungs
pa'i phyir/ 'dod mi nus te/ byang sems kyi rgyud la/ sprin lta
bu'i sems bskyed yod pa'i phyir te/ mdo sde rgyan las/ rgyal

sras rnams kyi sems bskyed ni/ /sprin dang 'dra ba nyid du bstan
zhes gsungs pa'i phyir/ sems bskyed legs par bshad zin to/ !
/dbye ba zhar la brjod nas/ zhes sogs kyi skabs su/ sbyor ba
dang/ mtha' dpyad pa gnyis/ dang po ni/ mchog gi sprul skus

rang gi gdul bya byang sems tshogs lam pa la theg chen gyi gdam
ngag gsungs pa la chos can/ dgos pa yod de/ mchog gi sprul sku'i
gdul bya byang sems tshogs lam pa de'i rgyud la sngar ma thob
pa'i yon tan gsar du 'thob pa dang/ thob zin gyi yon tan mi

@89a @#/ /nyams par 'phel ba sogs kyi dgos pa yod pa'i phyir/
gnyis pa la mkhas pa kha cig /theg chen sems bskyed kyi ched du
gnyer bya thob pa'i thabs ma nor bar 'doms par byed pa'i brjod
byed de/ theg chen gyi gdam ngag gi mtshan

nyid; ces gsung na/ gzhan dbang bden grur tu bston pa'i sems
tsam pa'i bstan bcos chos can/ mtshan nyid der thal/ mtshon bya
de'i phyir/ der thal/ theg chen gyi bstan bcos yin pa'i phyir/
rtsa bar 'dod na/ gzhan dbang bden par grub

par thal lo/ /gzhan yang/ theg chen sems bskyed kyi ched du
gnyer bya 'thob pa'i thabs ma nor bar brjod par byed pa'i ngag
yin na/ theg chen gyi gdam ngag yin dgos par thal/ mtshan nyid de
'thad pa'i phyir/ 'dod na/ rjod byed kyi sgra chos can/ der

thal; de'i phyir/ ma grub na/ der thal/ de 'dra'i thabs ma nor
bar rjod par gang zhig /ngag yin pa'i phyir/ dang po der thal/
de 'dra'i thabs ma nor ba de khyod kyi brjod bya yin pa'i phyir/
ma grub na/ de 'dra ba'i thabs ma nor ba chos can/ khyod rjod
byed kyi

sgra'i brjod bya yin par thal/ khyod gzhi grub pa'i phyir/ kha
cig /theg chen sems bskyed kyi ched du gnyer bya 'thob pa'i
thabs ston pa'i sangs rgyas kyi gsung de/ theg chen gyi gdam
ngang gi don yin zhes gsung/ 'grel pa don gsal chos can/ sangs
rgyas kyi

gsung yin par thal/ theg chen gyi gdam ngag yin pa'i phyir te/
theg chen gyi bstan bcos yin pa'i phyir/ 'dod na/ slob dpon seng
ge bzang po sangs rgyas yin par thal/ 'dod pa'i phyir/ kha cig
/ched du bya ba'i gdul bya theg chen gyi rigs can la rdzogs

pa'i byang chub sgrub pa'i thabs ma nor bar 'doms pa'i brjod
byed theg chen gyi gdam ngag gi mtshan nyid zer na/ longs sku'i
gsung chos can/ mtshan nyid der thal/ mtshon bya de'i phyir/ der
thal/ chos can de'i phyir/ 'dod na/ de chos can/ theg chen gyi

@89b rigs can gyi gdul bya de khyod kyi dngos kyi gdul bya yin
par thal/ 'dod pa'i phyir/ 'dod na/ theg chen gyi rigs can gyi
gdul bya chos can/ byang 'phags yin par thal/ longs spyod rdzogs
sku'i gsung gi dngos kyi gdul bya yin pa'i phyir/ 'dod na/ de
bzhin du/

gzhan dbang bden grub tsam du ston pa'i sems tsam pa'i bstan
bcos chos can/ mtshan nyid der thal/ mtshon bya de'i phyir/ rtags
bsgrubs zin/ kha cig /theg chen sems bskyed kyi ched du gnyer
bya 'thob pa'i thabs ston pa'i ngag rnam dag de/ theg chen gyi
gdam ngag gi

mtshan nyid/ zer na/ gzhan dbang bden grub tu ston pa'i sems tsam
pa'i bstan bcos chos can/ mtshan nyid der thal/ mtshon bya de'i
phyir/ 'dod na/ ngag rnam dag yin par thal/ 'dod pa'i phyir/
'dod na/ de chos can/ rang gi bzhed don rang smra ba po'i

gang zag gi tshad mas grub par thal/ 'dod pa'i phyir/ 'dod na/
/gzhan dbang bden par grub par thal/ 'dod pa'i phyir/ 'dod mi
nus te/ bdag med yin pa'i phyir/ kha cig /mchog gi sprul sku la
theg chen gyi gdam ngag dngos su nyan pa la theg

chen gyi tshogs lam chen po thob dgos zer ba mi 'thad de/ mchog
gi sprul sku la/ theg chen gyi gdam ngag dngos su nyan pa'i lam
ma zhugs kyi gang zag yod pa'i phyir/ lam shes kyi mdo las/
lha'i bu gang dag gis bla na med pa yang dag rdzogs pa'i byang

chub tu sems ma bskyed pa de dag gis kyang bla na med pa yang
dag par rdzogs pa'i byang chub tu sems bskyed par bya'o/ /zhes
gsungs pa'i phyir/ kha cig /srid pa tha ma pa'i byang sems yin
na/ theg chen gyi gdam ngag mi nyan pas khyab ste/ mdo las/ nyer

'gro nga ni sangs rgyas te/ nga la slob dpon ci yang med/ /ces
gsungs pa'i phyir zer na/ sangs rgyas kyi zhing brjod du med
pa'i rdul phra rab kyi grangs dang mnyams pa'i sangs rgyas la
theg chen gyi mdo nyan pa'i srid pa tha ma pa'i byang sems med
par thal/ dam bca' de

@90a @#/ /'thad pa'i phyir/ 'dod na/ sangs rgyas kyi zhing brjod
du med pa'i rdul phra rab kyi grangs dang mnyam pa'i yon tan sde
tshan bcu gnyis 'thob pa'i srid pa tha ma pa'i byang sems med par
thal/ 'dod pa'i phyir/ kha cig /theg chen gyi gdam

ngag nyan pa'i sa 'tshams/ lam ma zhugs nas rgyun ma tha'i snga
logs tshun chad na 'jog zer na/ re shig /sangs rgyas kyi sa na
sangs rgyas 'phags pas sangs rgyas gzhan la theg chen gyi bka'
nyan pa med par thal/ des sangs rgyas gzhan la theg chen gyi
gdam

ngag nyan pa med pa'i phyir/ der thal/ sangs rgyas kyi sa na
theg chen gyi gdam ngag nyan pa med pa'i phyir/ rtags khas/ 'dod
na/ sangs rgyas 'phags pas byang sems kyi tshul bzung nas sangs
rgyas gzhan la theg chen gyi mdo nyan pa med par thal/ 'dod pa'i
phyir/ 'dod

na; des byang sems kyi tshul bzung nas gdul bya'i don byed pa med
par thal/ 'dod pa'i phyir/ gzhan yang/ sangs rgyas kyi sa na
theg chen gyi gdam ngag nyan pa'i nyan shes med par thal/ de na
de nyan pa med pa'i phyir te/ sa 'tshams de 'thad pa'i phyir/

'dod na/ sang rgyas kyi sa na theg chen gyi gdam ngag thos pa'i
nyan shes med par thal lo /rang gi lugs la/ theg chen sems
bskyed kyi cher du gnyer bya 'thob pa'i thabs ston pa'i theg
chen gyi ngag de/ theg chen gyi gdam ngag gi mtshan nyid/ dbye na
theg chen

gyi 'doms pa'i gdam ngag dang/ theg chen gyi rjes bstan gyi gdam
ngag gnyis/ thob zin gyi yon tan mi nyams pa'i phyir du 'doms
pa'i theg chen gyi gdam ngag /dang po'i mtshan nyid/ sngar ma
thob pa'i yon tan thob phyir du 'doms pa'i theg chen gyi gdam
ngag de/

gnyis pa'i mtshan nyid/ theg chen gyi gdam ngag ston pa po'i sa
'tshams/ lam ma zhugs kyi gang zag dang/ nyan thos byang sems
sangs rgyas la sogs du ma yod/ nyan pa'i sa 'tshams/ rang gi
byang chub mngon du byed pa gdam ngag la rag las pas gdam 

@90b ngag nyan pa'i sa 'tshams lam ma zhugs nas rgyun mtha'i snga
logs tshun chad na yod/ rtsod pa spong ba la kha cig /nyan thos
kyi ngag tu gyur pa'i theg chen gyi mdo chos can/ theg chen gyi
ngag yin par thal/ theg chen gyi gdam ngag yin pa'i phyir/ khyab
pa khas/

der thal/ theg chen gyi mdo yin pa'i phyir/ rtsa bar 'dod mi nus
te/ theg dman gyi ngag yin pa'i phyir te/ nyan thos kyi ngag yin
pa'i phyir/ zer na ma khyab/ kho na re/ theg dman gyi gdam nga
yin na/ theg dman gyi ngag yin pas khyab par thal/ theg chen

gyi gdam ngag yin na/ theg chen gyi ngag yin pas khyab pa'i
phyir/ rtags khas/ 'dod na/ sangs rgyas kyi ngag tu gyur pa'i
theg chen gyi mdo chos can/ der thal/ de'i phyir te/ theg chen
gyi mdo yin pa'i phyir/ 'dod mi nus te/ theg chen gyi ngag yin
pa'i

phyir; der thal/ sangs rgyas kyi ngag yin pa'i phyir na/ ma
khyab ste/ de gnyis ka la bka' dang po bden bzhi'i chos 'khor
chos can/ theg chen gyi bka' yin par thal/ sangs rgyas kyi bka'
yin pa'i phyir/ ma khyab na/ ma khyab 'tshams gnyis ka la

khyab pa yod pa bud/ kho na re/ sgra med du gdam ngag ston pa
med par thal/ gdam ngag yin na ngag yin pas khyab pa'i phyir/
rtags khas/ 'dod na/ sgra med du chos ston pa med par thal/ 'dod
pa'i phyir/ zer na ma khyab/ sgra med du bstan bcos rtsom pa med

par thal/ sgra med du gdam ngag ston pa med pa'i phyir/ rtags
khas/ 'dod na/ ngag ma smras par bstan bcos rtsom pa med par
thal lo/ /zhes dang/ sangs rgyas kyi thugs rje'i dbang gis ljon
shing rlung gis bskul ba la brten nas byung ba'i 'dus byas mi

rtag ces pa'i sgra chos can/ ngag yin par thal/ gdam ngag yin
pa'i phyir/ khyab pa khas/ ma grub na/ der thal/ sangs rgyas kyi
bka' yin pa'i phyir te/ byin gyis brlabs pa'i bka' yin pa'i
phyir/ 'dod na/ rang rgyud byed pa lce rkan gyi rtsol ba la
brten nas

@91a @#/ /byung bar thal/ 'dod pa'i phyir na ma khyab/ 'dod mi
nus te/ chos can de'i phyir/ de bzhin du/ gsum bcu rtsa gsum gyi
lha'i rnga bo che las byung ba'i chos kyi sdom bzhi ston pa'i
sgra chos can/ ngag yin par thal/ gdam gang yin pa'i phyir te/
sangs rgyas kyi bka' yin pa'i phyir te/ byin gyis

brlabs pa'i bka' yin pa'i phyir/ rtsa bar 'dod na/ sgra yin na
ngag yin pas khyab par thal/ 'dod pa'i phyir na ma khyab/ 'dod
na/ chu sgra chos can/ der thal/ de'i phyir/ de bzhin du/ gtsug
tor gdugs dkar can gyi mdo chos can/ ngag yin par thal/ gdam

ngag yin pa'i phyir te/ bka' yin pa'i phyir/ zhes zer/ ! sgrub
dang bden pa rnams dang ni/ /zhes sogs kyi skabs su/ sbyor ba
ni/ theg chen gyi gdam ngag chos can/ khyod la rnam pa bcu yod
de/ khyod la sgrub pa rang gi ngo bo la 'doms pa'i theg chen gyi
gdam ngag

nas; sgom lam la 'doms pa'i theg chen gyi gdam ngag gi bar bcu
yod pa'i phyir/ mtha' spyod gzhan rnams 'tshams sbyar du bshad pa
las shes par bya'o// ! sangs rgyas la sogs dkon mchog gsum/
/zhes sogs kyi skabs su/ gzhung don dang/

mtha' dpyad pa gnyis/ dang po ni/ byang chen sher phyin la spyod
pa'i tshe gzugs la rnam pa thams cad mkhyen pa nyid sbyor bar mi
byed/ gzugs nyid yang dag par rjes su mi mthong zhes sogs kyi
mdo chos can/ sangs rgyas dkon mchog la 'doms pa yin te/ de la
skyabs

gnas su bden zhen dgag pa'i phyir du 'doms pa yin pa'i phyir/
/gzugs dngos po yod ces bya bar mi sbyor/ dngos po med ces bya
bar mi sbyor zhes sogs kyi mdo chos can/ chos dkon mchog la
'doms pa yin te/ de la mngon du bya bar bden zhen dgag

pa'i phyir du 'doms pa'i phyir/ sher phyin la spyod pa'i tshe
byang chen gang nas shi 'phos nas 'dir skyes pa lags zhes sogs
kyi mdo chos can/ dge 'dun dkon mchog la 'doms pa yin te/ de la
lam sgrub pa'i zla grogs su bden zhen dgag pa'i

@91b phyir du 'doms pa'i phyir/ gnyis pa la kha cig /'dus ma
byas la sogs pa'i yon tan brgyad po gang rung dang ldan pa'i
skyabs gnas mthar thug de sangs rgyas dkon mchog gi mtshan nyid/
/zer na/ sangs rgyas dkon mchog yin na 'dus ma byas sogs yon

tan brgyad dang ldan pas ma khyab par thal/ de'i mtshan nyid kyi
zur du gang rung smos pa la dgos pa yod pa'i phyir/ rtags khas/
'dod na/ de yin na/ de dang ldan pas khyab par thal/ gzugs sku
dang ye shes chos sku 'dus ma byas kyi yon tan dang ldan/ ngo bo

nyid sku de mkhyen brtse nus gsum gyi yon tan dang ldan pa'i
phyir/ dang po grub ste/ de gnyis spangs pa'i yon tan dang ldan
pa'i phyir/ gnyis pa grub ste/ de zag med kyi ye shes sde tshan
nyer gcig dang ldan pa'i phyir te/ zag pa med pa'i chos gang dag
ces pa'i

gzhung 'di ngo bo nyid sku de dang ldan pa'i khyad par 'chad
pa'i gzhung yin pa'i phyir/ der thal/ gzhung de'i don grub pa'i
phyir/ gzhan yang/ ngo bo nyid sku de zag med ye shes sde tshan
nyer gcig dang ldan par thal/ de de dang bcas pa'i phyir/ lhag
bcas myang 'das la

gnas pa'i nyan thos dgra bcom pa'i rgyud kyi 'gog bden de gzugs
phung dang bcas pa'i phyir te/ de sdug bsngal gyi phung po dang
bcas pa'i phyir/ ma grub na/ de chos can/ der thal/ lhag bcas
myang 'das yin pa'i phyir/ kho na re/ ye shes chos sku chos can/

dang po skye ba med pa/ bar du gnas pa med pa/ mthar 'jig pa med
pa'i yon tan dang ldan par thal/ 'dus ma byas kyi yon tan dang
ldan pa'i phyir/ rtags khas/ 'dod na/ mi 'jig pa'i yon tan dang
ldan par thal/ 'dod pa'i phyir/ 'dod na/ mi 'jig

par thal/ 'dod pa'i phyir na ma khyab/ yang kho na re/ ngo bo
nyid sku chos can/ khyod sems dang ldan par thal/ khyod zag med
ye shes sde tshan nyer gcig dang ldan pa'i phyir/ rtags khas/
'dod na/ de chos can/ khyod sems ldan yin par thal/ 'dod pa'i

@92a @#/ /phyir na ma khyab/ 'dod na/ dngos po yin par thal lo/
/zer na/ stong nyid rtogs pa'i rnam mkhyen chos can/ gzhi shes
yin par thal/ gzhi shes pa'i phyir/ khyab pa khas/ gzhan yang/
rgyud bla ma las/ 'dus ma byas shing lhun

gyis grub/ /ces bshad pa mi 'thad par thal/ 'dus ma byas sogs
yon tan rgyad dang ldan pa'i skyabs gnas gzhi ma grub pa'i
phyir/ ma grub na song/ der thal/ gzugs sku dang chos sku 'dus
ma byas kyi yon tan dang mi ldan/ ngo bo nyid sku mkhyen brtse'i

yon tan dang mi ldan pa'i phyir/ rtags khas/ kho na re/ ngo bo
nyid sku de phung po lnga dang bcas par thal/ de zag med ye shes
sde tshan nyer gcig dang bcas pa'i phyir/ rtags khas/ 'dod na/
phung po kun dang bral ba'i phyir/ /chos kyi sku la phung po
med/ /ces

bshad pa mi 'thad par thal/ 'dod pa'i phyir/ zer na/ ma khyab/
kha cig /bsam du med pa la sogs pa'i yon tan brgyad dang ldan
pa'i theg chen gyi rnam byang bden pa de/ theg chen gyi chos
dkon mchog gi mtshan nyid zer na/ dman lam sngon du ma song ba'i
theg chen gyi

mthong lam sdug bsngal chos bzod chos can/ mtshan nyid der thal/
mtshon bya de'i phyir/ der thal/ theg chen 'phags pa'i mkhyen pa
yin pa'i phyir/ rtsa bar 'dod na/ 'gog bden gyi yon tan dang
ldan par thal/ 'dod pa'i phyir/ 'dod na/ 'gog

bden thob par thal/ 'dod pa'i phyir/ 'dod mi nus te/ chos can
de'i phyir/ kha cig /rigs grol gyi yon tan brgyad dang ldan pa'i
rgyal sras 'phags pa de/ theg chen gyi dge 'dun dkon mchog gi
mtshan nyid/ zer na/ sangs rgyas 'phags pa chos

can; rgyal sras 'phags pa yin par thal/ mtshon bya de'i phyir/
der thal/ theg chen 'phags pa yin pa'i phyir/ 'dod na sla/ kha
cig /rigs grol gyi yon tan brgyad dang ldan pa'i theg chen
'phags pa de/ theg chen gyi dge 'dun dkon mchog

@92b gi mtshan nyid/ zer na/ dman lam sngon du ma song ba'i theg
chen gyi mthong lam sdug bsngal chos bzod la gnas pa'i sems dpa'
chos can/ mtshan nyid der thal/ mtshon bya de'i phyir/ rtags grub
ste/ theg chen 'phags pa yin pa'i phyir/ 'dod na/

grol ba'i yon tan dang ldan par thal/ 'dod pa'i phyir/ 'dod na/
'gog bden gyi yon tan dang ldan par thal/ 'dod pa'i phyir/ 'dod
na/ 'gog bden thob par thal/ 'dod pa'i phyir/ kho na re/ de chos
can/ skyabs gnas la the tshom za ba'i the tshom

gyi sa bon zad par spang par thal/ dge 'dun dkon mchog yin pa'i
phyir/ rtags khas/ khyab ste/ rnam bshad snying po rgyan las/
nyan thos mthong lam pa rnams dge 'dun dkon mchog tu bzhag tu mi
rung bar thal/ des skyabs gnas la the tshom za ba'i

the tshom gyi sa bon zad par ma spangs pa'i phyir/ zhes bshad
pa'i phyir/ zhe na 'di'i don bshad zin to/ /kha cig /sangs rgyas
'phags pa dge 'dun dkon mchog ma yin zhes zer na/ 'dul ba lung
las/ sangs rgyas la sogs pa'i dge slong gi dge 'dun

zhes bshad pa mi 'thad par thal/ dam bca' 'di 'thad pa'i phyir/
kho na re/ sangs rgyas 'phags pa chos can/ dge 'dun dkon mchog
ma yin par thal/ theg chen dgra bcom pa yin pa'i phyir/ 'khyab
ste/ 'grel pa las/ dge 'dun la sangs rgyas dkon mchog

mchog gi khongs su gtogs pa nyid kyis dgra bcom pa ma gtogs pa/
zhes bshad pa'i phyir na/ ma khyab ste/ theg chen dgra bcom pa
yin na 'dir bstan gdams yul gyi dge 'dun dkon mchog ma yin pas
khyab pa lung de'i don yin pa'i phyir/ de ltar

ma yin na mthar thug gi dkon mchog gsum med par thal/ theg chen
dgra bcom pa yin na dge 'dun dkon mchog ma yin dgos pa'i phyir/
rtags khas/ 'dod na/ rgyud bla ma las/ dri bcas de bzhin nyid
dang dri ma med/ /dri med sangs rgyas yon tan

@93a @#/ /rgyal ba'i mdzod/ /gang las dkon mchog dge ba gsum
'byung ba/ /don dam gzigs pa rnams kyi yul nyid do/ /zhes gsungs
pa mi 'thad par thal/ 'dod pa'i phyir/ gzhan yang/ de nyid las/
dkon mchog gsum po 'di

yis rigs/ /thams cad gzigs pa rnams kyi yul/ /zhes bshad pa mi
'thad par thal/ 'bras dus kyi dkon mchog gsum med pa'i phyir/
rtags khas/ gzhan yang/ rgyud bla ma'i dar TIk las/ 'dir dngos
su bstan pa'i dkon mchog ni sa dang po yan

chad kyi dbang du byas shing sa dang po nas bcu pa'i bar gyi
dkon mchog ni mthar thug pa'i dkon mchog gsum bsgrub pa'i dbang
du byas pa yin pas theg pa thun mong bar thal ba'i skyon med de/
zhes bshad pa mi 'thad par thal/ mthar thug gi dkon mchog gsum
med

pa'i phyir/ des na rtsa shes TIk chen dang/ rgyud bla ma'i dar
TIk sogs su theg chen dgra bcom dge 'dun dkon mchog tu gsal bar
bshad bzhin du de las bzlog ste khas blang bar mi bya'o/ /gzhan
yang/ mthar thug gi skyabs gsum med par thal/ mthar thug gi

dkon mchog gsum med pa'i phyir/ rtags khas/ 'dod na/ skyabs gsum
po de gnas skabs kyi skyabs yin par thal/ skyabs gsum yod pa
gang zhig /'dod pa'i phyir/ 'dod na/ skyabs gsum rgyud ldan gyi
slob pa yod par thal/ 'dod pa'i phyir/ kho na

re; dge 'dun dkon mchog mthar thug gi skyabs yin par thal/
skyabs gsum po mthar thug gi skyabs yin pa'i phyir/ rtags khas/
'dod na/ de yin na mtha' thug gi skyabs yin dgos par thal/ 'dod
pa'i phyir/ 'dod na/ byang sems mthong lam pa

chos can/ der thal/ de'i phyir/ zer na/ rtsa bar ma khyab bo/
kho na re/ mkhyen gsum rnam mkhyen yin par thal/ skyabs gsum po
de mthar thug gi skyabs yin pa'i phyir zer na/ ma khyab/ dpyad
do/ /gzhan yang/ rtsa ba'i dam bca' la/ sangs rgyas

@93b dkon mchog dang chos dkon mchog 'gal bar thal/ sangs rgyas
dkon mchog dang dge 'dun dkon mchog 'gal ba'i phyir/ rtags khas/
'dod na/ rnam mkhyen chos can/ sangs rgyas dkon mchog ma yin par
thal/ chos dkon mchog yin pa'i

phyir; kha cig /skyabs gsum yin pa med zer na/ de yin pa yod par
thal/ sangs rgyas 'phags pa'i rgyud kyi yid kyi rnam par shes pa
de skyabs gsum ga yin pa'i phyir/ ma grub na/ de chos can/ de
gsum ga yin par thal/ sangs rgyas dkon mchog yin pa

gang zhig /phyi ma gnyis re re nas yin pa'i phyir/ dang po grub
ste/ ye shes chos sku yin pa'i phyir/ gnyis pa grub ste/ lam
bden yin pa'i phyir/ gsum pa grub ste/ sangs rgyas 'phags pa yin
pa'i phyir/ der thal/ gang zag yin pa'i phyir/ der thal/

yid kyi rnam par shes pa gang zag yin pa'i phyir te/ rtog gi
'bar pa las/ kho bo cag tha snyad du yid kyi rnam par shes pa la
bdag gi sgra dngos su 'dogs te yid kyi rnam par shes pa ni yang
srid par skye ba len pa'i phyir/ bdag yin no zhes pa dang/ shes
rab sgron ma

las; rnam par shes pa bdag tu khas blangs nas don dam par bdag
med par khas blangs pa la dam bca' ba'i skyon du mi gyur pa dang
zhes gsungs pa'i phyir/ gzhan yang/ yid kyi rnam par shes pa
bdag yin par thal/ de gang zag yin pa'i phyir te/ de'i

rgyun gang zag yin pa'i phyir/ gang zag gcig ma gtogs pa ni 'di
lta ste/ zhes pa'i skabs kyi 'grel chen las/ nges pa'i tshig gi
tshul gyis na rgyun nyid kyi gang zag gcig gi zhes gsungs pa'i
phyir/ 'di rnams kyi dogs gcod lhag ma skabs brgyad

par 'chad do/ /kha cig /chos dkon mchog la kun rdzob pa'i chos
dkon mchog dang don dam pa'i chos dkon mchog gnyis su yod zer
na/ kun rdzob pa'i chos dkon mchog yin na chos dkon mchog yin
dgos par thal/ dam bca' 'thad pa'i phyir/

@94a @#/ /'dod na/ gsung rab yan lag bcu gnyis chos can/ der
thal/ de'i phyir/ 'dod na/ de chos can/ 'gog bden dang lam bden
gang rung gis bsdus par thal/ 'dod pa'i phyir/ 'dod mi nus te/
brjod byed kyi tshig yin pa'i

phyir; kho na re/ kun rdzob pa'i chos dkon mchog yin na chos
dkon mchog yin dgos par thal/ kun rdzob pa'i sangs rgyas dkon
mchog yin na/ sangs rgyas dkon mchog yin dgos pa'i phyir/ zer
na/ ma khyab/ kha cig /don dam pa'i dge 'dun

dkon mchog dang/ kun rdzob pa'i dge 'dun dkon mchog 'gal zer na/
byang sems mthong lam pa chos can/ kun rdzob pa'i dge 'dun dkon
mchog ma yin par thal/ don dam pa'i dge 'dun dkon mchog yin pa'i
phyir te/ don dam pa'i byang

chub sems dpa' yin pa'i phyir te/ don dam pa'i sems bskyed thob
pa'i byang chub sems dpa' yin pa'i phyir/ khyab ste/ 'jug pa
las/ de nas bzung ste de ni thob par gyur pa yi/ /byang chub
sems dpa' zhes bya'i sgra nyid kyis bsnyad do/ /zhes

gsungs pa'i phyir/ gzhan yang/ byang sems mthong lam pa'i rgyud
kyi yid kyi rnam par shes pa chos can/ kun rdzob pa'i dge 'dun
dkon mchog ma yin par thal/ don dam pa'i dge 'dun dkon mchog yin
pa'i phyir/ khyab pa khas/ ma grub na/

der thal/ lam bden yin pa'i phyir te/ 'phags rgyud kyi mkhyen pa
yin pa'i phyir/ 'dod mi nus te/ 'phags pa yin pa'i phyir/ rtags
grub ste/ de gang zag yin pa'i phyir/ rtags bsgrubs zin/ kho na
re/ kun rdzob pa'i dge 'dun dkon mchog dang

don dam pa'i dge 'dun dkon mchog 'gal bar thal/ kun rdzob pa'i
chos dkon mchog dang don dam pa'i chos dkon mchog 'gal ba'i
phyir/ zer na/ ma khyab/ rgyud bla ma las/ sdud phyir slu ba'i
chos can phyir/ /zhes sogs la/ kha cig /gzhung

@94b 'di rnams kyi gnas skabs kyi skyabs dang mthar thug gi
skyabs kyi khyad par ston pa yin gyi/ kun rdzob pa'i skyabs
dang/ don dam pa'i skyabs kyi khyad par mi ston la/ des na gzugs
sku gnyis kun rdzob pa'i skyabs dang/ theg chen gyi mthong lam

bar chad med lam don dam pa'i skyabs yin/ zhes zer/ gzugs sku
gnyis chos can/ dngos po'i gnas tshod la lam gyi bgrod pa mthar
ma thug pa'i skyabs yin par thal/ kun rdzob pa'i skyabs yin pa'i
phyir/ rtags khas/ gzhan yang/ theg chen gyi

mthong lam chos can/ dngos po'i gnas tshod la lam gyi bgrod pa
mthar thug pa'i skyabs yin par thal/ don dam pa'i skyabs yin
pa'i phyir/ rtags khas/ 'dod mi nus te/ chos can de'i phyir/ kho
na re/ gzugs sku gnyis chos can/ kun rdzob

pa'i skyabs yin par thal/ kun rdzob pa'i sangs rgyas dkon mchog
yin pa'i phyir na/ ma khyab/ kha cig /theg chen gyi mthong lam
chos can/ don dam pa'i skyabs yin par thal/ don dam pa'i chos
dkon mchog yin pa'i phyir na ma khyab ste/

byang sems mthong lam pa chos can/ kun rdzob pa'i skyabs ma yin
par thal/ don dam pa'i skyabs yin pa'i phyir/ ma grub na song/
der thal/ don dam pa'i byang chub sems dpa' yin pa'i phyir/ ma
khyab na/ ma khyab mtshams gnyis pa la khyab

pa yod pa bud/ rtsa bar 'dod na/ de chos can/ kun rdzob pa'i
skyabs yin par thal/ kun rdzob pa'i dge 'dun dkon mchog yin pa'i
phyir/ ma khyab na/ ma khyab 'tshams dang po la khyab pa yod pa
bud/ gzhan yang/ theg chen gyi mthong lam chos

can; sangs rgyas dkon mchog yin par thal/ don dam pa'i skyabs
yin pa'i phyir/ rtags khas/ khyab ste/ rgyud bla ma las/ dam
pa'i don du 'gro ba yi/ /skyabs ni sangs rgyas nyag gcig yin/
/zhes bshad pa'i phyir/ ! rang lugs la/

@95a @#/ /don dam pa'i skyabs dang mthar thug gi skyabs don gcig
kun rdzob pa'i skyabs dang gnas skabs kyi skyabs don gcig byas
pa la kho na re/ longs sku chos can/ don dam pa'i sku yin par
thal/ don dam pa'i skyabs yin

pa'i phyir/ rtags khas/ 'dod na/ rang don don dam pa'i sku yin
par thal/ don dam pa'i sku yin pa'i phyir/ 'dod mi nus te/ gzhan
don kun rdzob pa'i sku yin pa'i phyir/ zer na/ 'di'i lan la
mkhas pa kha cig /thal 'gyur gnyis pa la ma

khyab ste/ longs sku chos can/ rang don chos sku yin par thal/
chos sku yin pa'i phyir/ zhes gsungs/ rang lugs la rtsa bar ma
khyab bo/ /kho na re/ kun rdzob pa'i dge 'dun dkon mchog dang/
don dam pa'i dge 'dun dkon mchog 'gal

par thal/ kun rdzob pa'i skyabs dang don dam pa'i skyabs gnyis
'gal ba'i phyir/ zer na/ ma khyab/ sngar gyi lung don la rong
TIk pa na re/ theg pa chen po'i lung gi chos dkon mchog chos
can/ mthar thug gi skyabs ma yin te/ don mngon

par rtogs pa mthar thug pa'i tshe rdzings ltar spang bar bya ba
yin pa yi phyir/ slob pa'i lam bden chos can/ mthar thug gi
skyabs ma yin te/ rdzun pa slu ba'i chos can yin pa'i phyir/
slob pa'i 'gog bden chos can/ mthar thug gi skyabs ma yin

te/ med dgag yin pa'i phyir/ 'phags pa slob pa rnams chos can/
mthar thug gi skyabs ma yin te/ shes sgrib kyi 'jigs pa dang
bcas pa'i phyir/ zhes rgyud bla ma'i dar TIk las bshad do/
/dang mo mi 'thad de/ lung gi chos dkon mchog

yin na mthar thug gi skyabs ma yin dgos par thal/ theg pa chen
po'i lung gi chos dkon mchog de don mngon par rtogs pa mthar
thug pa'i tshe rdzings ltar du spang par bya ba yin pa'i phyir/
rtags khas/ 'dod na/ sangs rgyas rang rgyud kyis

@95b bsdus pa'i bka' chos can/ der thal/ de'i phyir/ 'dod mi nus
te/ sangs rgyas dkon mchog yin pa'i phyir te/ sangs rgyas yin
pa'i phyir te/ sangs rgyas rang rgyud kyis bsdus pa'i yon tan
yin pa'i phyir/ gzhan yang/ gzugs sku

gnyis chos can/ mthar thug gi skyabs ma yin par thal/ rdzun pa
slu ba'i chos can yin pa'i phyir te/ 'dus byas yin pa'i phyir/
rim bzhin dngos/ gzhan yang/ ye shes chos sku chos sku chos can/
mthar thug gi skyabs ma yin par thal

rdzun pa slu ba'i chos can yin pa'i phyir te/ 'dus byas yin pa'i
phyir/ gzhan yang/ ngo bo nyid sku chos can/ mthar thug gi
skyabs ma yin par thal/ med dgag yin pa'i phyir/ khyab rnams
dngos/ de gsum la 'dod na/ mthar thug gi

skyabs gzhi ma grub par thal/ sku gsum ga mthar thug gi skyabs
ma yin pa'i phyir/ rtags khas/ kha cig /'dus byas yin na slu
pa'i chos can yin pas ma khyab/ zer na/ rtsa ba shes rab las/
'dus byas thams cad bslu ba'i chos/ des na

de dag rdzun pa yin/ zhes bshad pa mi 'thad par thal/ dam bca'
de 'thad pa'i phyir/ kho na re/ las rgyu 'bras chos can/ slu
ba'i chos can yin par thal/ 'dus byas yin pa'i phyir/ 'dod na/
slu ba yin par thal/ 'dod pa'i phyir/

'dod mi nus te/ mi slu ba yin pa'i phyir te/ mi slu ba'i phyir/
zer na/ ma khyab/ yang de chos can/ slu bar thal/ slu ba yin
pa'i phyir na ma khyab/ 'di dag gi lan la/ kha cig /las rgyu
'bras slu zer ba dang/ kha cig /las rgyu 'bras mi

slu ba yin zer ba gnyis kas ma go ba ste/ rang len ni ri bong
rwa chos can/ ma 'ongs pa yin par thal/ ma 'ongs pa'i phyir/ ma
khyab na/ ma khyab na/ ma khyab 'tshams dang po la khyab pa yod
pa bud/ ma grub na/ de chos can/ yod par thal/ 'ongs pa'i

@96a @#/ /phyir; rtags khas/ gzhan yang/ sangs rgyas kyi bka'
chos can/ bden pa yin par thal/ bden pa'i phyir/ khyab pa khas/
ma grub na/ sangs rgyas kyi bden par thal/ rgyu dge ba byas pa
las 'bras bu bde ba 'byung ba'i phyir/

rtsa bar 'dod mi nus te/ rdzun pa yin pa'i phyir te/ kun rdzob
bden pa yin pa'i phyir/ kho na re/ khyod chos der thal/ khyod
chos de yin pa'i phyir/ zhes pa'i thal 'gyur la khyab pa yod par
thal/ de 'dra ba'i thal 'gyur la khyab pa yod pa'i phyir/ ma
grub na/ chos

de yin na chos de ma yin pa bud/ 'dod na/ las rgyu 'bras chos
can/ slu bar thal/ slu ba yin pa'i phyir/ 'khor gsum/ zer na/
khyod chos de yin par thal/ khyod chos de yin pa'i phyir zhes
pa'i thal 'gyur la khyab pa yod par thal/ de 'dra ba'i thal
'gyur

la khyab pa yod pa'i phyir/ ma grub na/ chos de yin na chos de
ma yin pa bud/ 'dod na/ ri bong ra chos can/ ma 'ongs pa yin par
thal/ ma 'ongs pa'i phyir/ 'khor gsum/ kha cig /tshad ma chos
can/ slu ba'i chos can yin par thal/ 'dus byas yin

pa'i phyir/ khyab pa khas/ 'dod mi nus te/ mi slu ba yin pa'i
phyir te/ mi slu ba'i rig pa yin pa'i phyir/ zer na/ bka' brgyad
stong pa chos can/ nges don yin par thal/ nges don gyi mdo yin
pa'i phyir/ khyab pa khas/ gzhan yang/ tshad ma chos can/

bden pa yin par thal/ mi slu ba yin pa'i phyir/ rtags khas/ 'dod
mi nus te/ rdzun pa yin pa'i phyir te/ kun rdzob bden pa yin
pa'i phyir te/ slu ba'i chos can yin pa'i phyir/ zhes pa'i don
la kha cig /byang 'phags kyi rgyud kyi bdag med mngon sum du

rtogs pa'i mkhyen pa chos can/ mthar thug gi skyabs ma yin te/
rang gi gzigs ngor rang nyid dri ma mtha' dag dang bral par
snang yang rang nyid dri ma mtha' dag dang ma bral pa'i rdzun pa
slu ba'i chos can yin pa'i phyir/ zer na/ de chos can/ 'khrul

@96b shes yin par thal/ rtags de'i phyir/ 'dod mi nus te/ mngon
sum yin pa'i phyir/ ! rgyu'i skyabs dang 'bras bu'i skyabs kyi
khyad par la kha cig /byang sems rgyun mtha' pa'i rgyud la
'byung rung gi rnam mkhyen de byang sems rgyun mtha' ba'i

'bras bu'i skyabs yin zer/ 'di la mkhas pa kha cig/ byang sems
rgyun mtha' pa'i rgyud la 'byung rung gi rnam mkhyen chos can/
khyod byang sems rgyun mtha' pa'i dus na med par thal/ khyod
de'i 'bras skyabs yin pa'i phyir/ 'dod na/ byang

sems rgyun mtha' pa la skye bzhin pa'i rnam mkhyen de byang sems
rgyun mtha' pa'i dus na med par thal/ 'dod pa'i phyir/ 'dod na/
sa bon las skye bzhin pa'i myu gu de sa bon gyi dus na med par
thal/ 'dod pa'i phyir/ 'dod mi nus te/ sa bon las skye

bzhin pa'i myu gu yod/ de myu gu'i dus na med pa'i phyir/ dang
po grub ste/ myu gu skye bzhin pa dang sa bon 'gag bzhin pa dus
ma nyam pa'i phyir/ gnyis pa ma grub na/ myu gu de rang dus su
sa bon las skye bzhin pa yin par thal/ ma grub pa de'i phyir/
'dod mi

nus te/ de rang dus su sa bon las rdzogs par grub zin pa'i
phyir/ zhes gsungs/ de la lan 'debs pa kha cig /byang sems rgyun
mtha' ba la skye bzhin pa'i rnam mkhyen yod pa 'os med du byas
nas/ de rgyun mtha'i dus na yod zer/ kha cig

rgyun mtha' ba la skye bzhin pa'i rnam mkhyen de rnam mkhyen
skad cig dang po'i dus na yod/ ces zer/ lan dang po mi 'thad de/
byang sems rgyun mtha' ba la skye bzhin pa'i rnam mkhyen chos
can/ byang sems rgyun mtha'i ba'i dus na med par thal/

de'i 'bras bu yin pa'i phyir te/ de las skye ba yin pa'i phyir
te/ de las skye bzhin pa yin pa'i phyir te/ de las skye bzhin
pa'i rnam mkhyen yin pa'i phyir/ ma grub na song/ der thal/ de
yod pa'i phyir/ rtags khas/ lan gnyis pa yang

@97a @#/ /mi 'thad de/ byang sems rgyun mtha' ba chos can/ rnam
mkhyen skad cig dang po'i dus su khyod 'gag bzhin pa yod par
thal/ de'i dus na khyod la skye bzhin pa yod pa'i phyir/ de'i
dus su khyod la skye bzhin pa'i rnam mkhyen

yod pa'i phyir/ rtags khas/ rtsa bar 'dod na/ de chos can/ de'i
dus su khyod yod par thal/ 'dod pa'i phyir/ rang lan ni/ sa bon
las skye bzhin pa'i myu gu ma grub ste/ gal te grub na/ sa bon
las skye bzhin pa'i myu gu de/ sa bon las skye

bzhin pa yin par thal/ de yod pa'i phyir/ rtags khas/ 'dod na/
de chos can/ de las skye bzhin pa ma yin par thal/ de las skyes
zin pa'i phyir/ ma khyab na/ sa bon gyi 'bras bu yin na sa bon
las skye bzhin pa yin dgos par thal/

ma khyab pa de'i phyir/ 'dod na/ chos de'i 'bras bu yin na chos
de las skye bzhin pa yin dgos par thal/ 'dod pa'i phyir/ 'dod
na/ du ba chos can/ bud shing las skye bzhin pa yin par thal/
bud shing gi 'bras bu yin pa'i phyir/ khyab pa

khas; 'dod na/ bud shing gi dus su du ba skye bzhin pa yin par
thal/ 'dod pa'i phyir/ 'dod na/ bud shing gi dus su me 'gag
bzhin pa yin par thal/ 'dod pa gang zhig /me 'gag bzhin pa dang
du ba skye bzhin pa dus mnyam

pa'i phyir/ kho na re/ byang sems rgyun mtha' ba'i rgyud la skye
bzhin pa'i rnam mkhyen yod par thal/ de'i rgyud la 'byung rung
gi rnam mkhyen yod pa'i phyir na/ ma khyab byas pa la kho na re/
de'i rgyud la 'byung rung gi rnam mkhyen de rnam mkhyen

skad cig dang po'i dus na yod par thal/ de yod/ de rgyun mtha'i
dus na med pa'i phyir/ rtags phyi ma don gyi dngos/ 'dod na/
rnam mkhyen skad cig dang po'i dus su rnam mkhyen byang sems
rgyun mtha' ba'i rgyud la 'byung rung yin

@97b par thal/ 'dod pa'i phyir/ khyab pa yang don gyis dngos/
'dod na/ de'i dus su byang sems rgyun mtha' ba sangs rgyas ma
zin par thal/ 'dod pa'i phyir/ zer na/ mi mtshungs te/ 'o na
byang sems rgyun mtha' ba'i rgyud la 'byung 'gyur gyi

rnam mkhyen dang/ byang sems rgyun mtha' ba la 'byung zin gyi
rnam mkhyen gyi gzhi 'thun yod par thal/ sa bon las skyes zin
gyi myu gu dang/ sa bon las skye bzhin pa'i myu gu'i gzhi 'thun
yod pa'i phyir/ rtags khas so/ /kha cig /

byang sems tshogs lam pa dang rgyud tha dad du gyur pa'i gang zag
gzhan rgyud la grub zin gyi dkon mchog gsum byang sems tshogs lam
pa'i rgyu'i skyabs yin/ byang sems tshogs lam pa'i thob byar gyur
pa'i dkon mchog gsum/ byang

sems tshogs lam pa'i 'bras skyabs yin/ zer na/ mi 'thad de/ byang
sems tshogs lam pa dang rgyud tha dad du gyur pa'i dkon mchog
gsum med pa'i phyir te/ de dang rgyud tha dad du gyur pa'i sangs
rgyas 'phags pa med pa'i phyir/ der

thal; sangs rgyas 'phags pa yin na byang sems tshogs lam pa dang
rgyud gcig yin dgos pa'i phyir/ de yin na byang sems tshogs lam
pa'i rtogs pa sngon song gi gang zag yin dgos pa'i phyir/ gzhan
yang/ sangs rgyas 'phags

pa dang rgyud tha dad du gyur pa'i byang sems tshogs lam pa yod
par thal/ byang sems tshogs lam pa dang rgyud tha dad du gyur
pa'i sangs rgyas 'phags pa yod pa'i phyir/ rtags song/ 'dod mi
nus te/ byang chub sems dpa' yin na sangs rgyas

'phags pa de rang nyid dang rgyud gcig yin dgos pa'i phyir te/
de yin na sangs rgyas 'phags pa de rang nyid kyi thob bya mthar
thug yin dgos pa'i phyir/ kha cig /sems can yin na sangs rgyas
'phags pa dang rgyud gcig yin dgos

@98a @#/ /par thal/ byang chub sems dpa' yin na de dang rgyud
gcig yin dgos pa'i phyir/ rtags khas/ 'dod na/ sangs rgyas
'phags pa chos can/ khyod nyan thos dgra bcom pa'i rtogs pa
sngon du song ba'i sangs rgyas 'phags

pa yin par thal/ de dang rgyud gcig tu gyur pa'i sangs rgyas
'phags pa yin pa'i phyir na/ ma khyab ste/ lha'i dbang po brgya
byin chos can/ khyod ston pa shAkya thub pa'i go 'phang mngon
du byed nges kyi gang zag yin par thal/ khyod de dang rgyud gcig
tu

gyur pa'i sems can yin pa'i phyir/ khyab pa 'grig /ma grub na/
der thal/ khyod sems can gang zhig ston pa shAkya thub pa de
khyod dang rgyud gcig yin pa'i phyir te/ de brgya byin du skye
ba len myong ba'i phyir/ rtsa bar 'dod na/ sems can yin na

ston pa shAkya thub pa'i go 'thang mngon du byed nges kyi gang
zag yin dgos par thal/ 'dod pa'i phyir/ kha cig/ /rdza mkhan gyi
khye'u snang byed dang khye'u bla ma dang/ rgyal po nga las nus
sogs da ltar gyi dus su ston pa shA kyang thub pa yin nam ma
yin/

zhes zer/ de la kha cig /ma yin zer ba mi 'thad de/ rgyal po nga
las nus de da ltar gyi dus su ston pa shAkya thub pa yin par
thal/ de da ltar gyi dus su ston pa shAkya thub par gyur pa yin
pa'i phyir te/ de ston pa shA kyang thub par gyur pa'i dus yong

pa'i phyir/ de ston pa shAkya thub par 'gyur rung gi gang zag
yin pa'i phyir te/ der 'gyur rung gi gang zag gcig yod pa'i
phyir/ der 'gyur rung gi rigs shig yod pa'i phyir/ kho na re/
ston pa shAkya thub pa de rgyal po da las nus kyi dus su gyal
po nga

las nus yin par thal/ rgyal po nga las nus de ston pa shAkya
thub pa'i dus su ston pa shAkya thub pa yin pa'i phyir/ ma grub
na song/ der thal/ de da ltar gyi dus su ston pa shAkya thub pa
yin pa'i phyir/ rtsa bar 'dod na/ ston pa shAkya thub pa chos

@98b can; khyod rgyal po nga las nus kyi dus su ston pa shAkya
thub pa'i rgyu yin par thal/ de'i dus su rgyal po nga las nus
yin pa'i phyir/ rtags khas/ 'dod na/ de chos can/ khyod rgyal po
nga las nus kyi dus su ston pa shAkya thub pa'i rgyu ma yin par
thal/

de'i dus su ston pa shAkya thub de khyod kyi rgyu yin pa'i
phyir na/ rtags ma grub po/ gzhan yang/ bdag skye yod par thal/
rgyal po nga las nus kyi dus su bdag skye yod pa'i phyir/ de'i
dus su ston pa shAkya thub pa de rang dang bdag nyid gcig tu
gyur pa'i rgyu las

skye ba'i phyir te/ de'i dus su ston pa shAkya thub pa de kho
kho rang las skyes pa'i phyir te/ ston pa shAkya thub pa de
de'i dus su ston pa shAkya thub pa'i rgyu yin pa'i phyir na/ ma
grub ste/ 'o na/ ston pa shAkya thub pa de ston pa shAkya thub
pa'i rgyur gyur pa'i dus sred

par thal/ de rgyal po nga las nus kyi dus su ston pa shAkya
thub pa'i rgyu yin pa'i phyir/ rtags 'bud/ 'dod na/ de chos can/
khyod khyod kyi rgyur gyur pa'i dus mi srid par thal/ khyod bdag
med yin pa'i phyir/ kha cig/ mdun gyi skyes bu lan 'debs pa

po dang/ rgyud gcig tu gyur pa'i sangs rgyas 'phags pa chos can/
da lta yod par thal/ da lta mdun gyi skyes bu lan 'debs pa po
yin pa'i phyir/ ma grub na/ rgyal po nga las nus de da ltar gyi
dus su ston pa shAkya thub pa yin pa bud/ 'dod na mdun gyi

skyes bu lan 'debs pa po de da lta sangs rgyas zin par thal/ de
dang rgyud gcig tu gyur pa'i sangs rgyas 'phags pa de da lta
grub zin pa'i phyir/ zer na/ mdun gyi skyes bu lan 'debs pa bo
dang rgyud gcig tu gyur pa'i sangs rgyas 'phags pa yin

na da lta med pas khyab par thal/ de da lta med pa'i phyir/
rtags khas/ 'dod na/ sangs rgyas 'phags pa chos can/ der thal/
de'i phyir/ kho na re/ lam shes rgyud ldan gyi gang zag yin na
theg chen gyi tshogs lam gyi gnas skabs na med

@99a @#/ /pas khyab par thal/ theg chen tshogs lam gyi gnas skabs
na lam shes rgyud ldan gyi gang zag med pa'i phyir/ rtsa khyab
la khas/ kha cig /mdun gyi skyes bu lan 'debs pa po dang rgyud
cig tu gyur pa'i sangs rgyas 'phags pa

de da lta med par thal/ de da lta ma 'ongs pa yin pa'i phyir te/
mdun gyi skyes bu lan 'debs pa po de ma 'ongs pa na 'tshang rgya
'gyur gyi gang zag yin pa'i phyir zer na/ byang sems tshogs lam
pa rgyud gcig tu gyur pa'i sangs rgyas 'phags pa de da lta

med par thal/ de da lta ma 'ongs pa yin pa'i phyir te/ byang
sems tshogs lam pa de ma 'ongs pa na 'tshang rgya 'gyur gyi gang
zag yin pa'i phyir/ khyab pa khas/ rtsa bar 'dod na/ byang sems
tshogs lam pa'i rtogs pa sngon du song ba'i sangs rgyas 'phags

pa de da lta med par thal/ 'dod pa'i phyir/ 'dod na/ sangs rgyas
'phags pa de da lta med par thal/ 'dod pa'i phyir/ 'dod na/ da
lta ba'i gang zag yin na sems can yin dgos par thal/ 'dod pa'i
phyir/ kho na re/ mdun gyi skyes bu lan 'debs

pa po sangs rgyas pa'i sangs rgyas kyi zhing de da lta yod par
thal/ de sangs rgyas pa'i sangs rgyas da lta yod pa'i phyir/ de
dang rgyud gcig tu gyur pa'i sangs rgyas da lta yod pa'i phyir
na ma khyab/ 'dod na/ de sangs rgyas pa'i sangs rgyas kyi zhing
da lta grub

zin par thal/ 'dod pa'i phyir/ 'dod na/ mdun gyi skyes bu lan
'debs pa po da lta sangs rgyas zin par thal/ 'dod pa'i phyir/
kha cig /rgyal po nga las nus chos can/ da lta'i dus su yod par
thal/ da lta'i dus su da lta'i ston pa shAkya thub

pa yin pa'i phyir na ma khyab/ der thal/ de'i dus su ston pa
shAkya thub pa yin pa'i phyir/ yang kho na re/ de chos can/ da
ltar gyi dus su ston pa shAkya thub pa'i rgyud la yod par thal/
de'i dus su ston pa shAkya thub pa yin pa'i phyir/ rtags khas/

@99b 'dod na/ da ltar gyi dus su yod par thal/ 'dod pa'i phyir
na ma khyab ste/ byang sems rgyun mtha' ba chos can/ rgyun mtha'
pa sangs rgyas pa'i tshe na yod par thal/ de'i tshe na da lta ba
yin pa'i phyir/ ma grub na song/ de'i tshe na da lta ba'i sangs
rgyas

'phags pa yin pa'i phyir/ khyab pa khas/ der thal/ de'i tshe na
sangs rgyas 'phags pa yin pa'i phyir/ khyab pa rnams rim pa
bzhin du song/ gzhan yang/ rgyun mtha'i bar chad med lam chos
can/ khyod rgyun mtha' ba sangs rgyas pa'i tshe na yod par thal/

de'i tshe na sangs rgyas 'phags pa'i rgyud la yod pa'i phyir/
khyab pa khas/ der thal/ de'i tshe rnam mkhyen yin pa'i phyir/
rtags grub ste/ de'i tshe byang sems rgyun mtha' ba sangs rgyas
'phags pa yin pa'i phyir/ des na rgyun mtha'i ye shes de byang

sems rgyun mtha' ba sangs rgyas pa'i tshe sangs rgyas 'phags pa'i
rgyud la yod/ de'i tshe sangs rgyas 'phags pa'i rgyud la rgyun
mtha'i ye shes med do/ /kha cig /rgyu'i skyabs dang 'bras bu'i
skyabs gnyis 'gal zer ba mi 'thad de/ ston pa shA

kya thub pa de de gnyis ka yin pa'i phyir te/ de rgyu'i skyabs
yin pa gang zhig/ de 'bras bu'i skyabs yin pa'i phyir/ dang po
grub ste/ sangs rgyas 'phags pa yin pa'i phyir/ gnyis pa der
thal/ rgyal po da las nus kyi 'bras skyabs yin pa'i

phyir te/ de'i thob bya mthar thug yin pa'i phyir/ kho na re/
rgyal po nga las nus chos can/ khyod kyi 'bras skyabs med par
thal/ khyod sangs rgyas yin pa'i phyir/ der thal/ ston pa shA
kya thub par sangs rgyas zin pa'i phyir te/ khyod da lta'i dus
su

ston pa shAkya thub par sangs rgyas zin pa'i phyir/ ma khyab
byas pa la kho na re/ de chos can/ da ltar gyi dus su sems can
yin par thal/ sems can yin pa'i phyir na ma khyab/ kho na re/ de
la khyab pa yod par thal/ sangs rgyas yin na da

@100a @#/ /ltar gyi dus su sangs rgyas yin dgos pa'i phyir/ zer
na/ de la kha cig /khyi rgan rgya bo sangs rgyas pa'i sangs
rgyas chos can/ da ltar gyi dus su sangs rgyas pa'i sangs rgyas
yin par thal/ sangs rgyas yin pa'i

phyir; 'dod na/ khyi rgan rgya bo da lta sangs rgyas zin par
thal/ 'dod pa'i phyir/ zer na/ ma khyab bo/ kho na re/ rgyal po
nga las nus chos can/ ma 'ongs pa na sangs rgya 'gyur gyi gang
zag yin par thal/ sems can yin pa'i phyir/ rtags

khas; 'dod na/ de ma yin par thal/ de da lta sangs rgyas zin
pa'i gang zag yin pa'i phyir na ma khyab bo/ kha cig /gang zag
de'i 'bras skyabs yin na/ gang zag de'i 'bras bu yin pas khyab
zer na/ byang sems tshogs lam pa'i

thob byar gyur pa'i ngo bo nyid sku chos can/ de'i 'bras bu yin
par thal/ de'i 'bras skyabs yin pa'i phyir te/ chos can de'i
phyir/ 'dod mi nus te/ dngos med yin pa'i phyir/ kha cig/ gang
zag de'i 'bras skyabs yin na gang zag de'i dus

na med pas khyab zer na/ sangs rgyas 'phags pa chos can/ sangs
rgyas 'phags pa dang dus mnyam du gyur pa'i sems can gyi dus na
med par thal/ de'i 'bras skyabs yin pa'i phyir te/ de'i thob bya
mthar thug yin pa'i phyir/ ma grub na/

de chos can/ sangs rgyas 'phags pa de khyod kyi thob bya mthar
thug yin par thal/ khyod sems can yin pa'i phyir/ rtsa bar 'dod
na/ de chos can/ de'i dus na yod par thal/ de dang dus mnyam
pa'i phyir/ kha cig /sangs rgyas

'phags pa chos can/ byang sems rgyun mtha' ba'i 'bras skyabs ma
yin par thal/ sems can dmyal ba pa'i 'bras skyabs yin pa'i
phyir/ zer na ma khyab/ kha cig/ byang sems tshogs lam pa'i
rgyu'i skyabs dang 'bras bu'i skyabs gang

@100b rung yin na de'i mthar thug gi skyabs yin pas khyab zer
na/ gang zag gzhan rgyud la grub zin gyi dge 'dun dkon mchog
chos can/ der thal/ de'i phyir/ ma grub na/ der thal/ de'i
rgyu'i skyabs yin pa'i phyir/ 'dod mi nus te/ chos can de

dang gcig yin pa'i phyir/ ! /gnyis pa rang lugs ni/ theg chen
thun mong ma yin pa'i skyabs gsum ngos bzung ba dang/ don dam
pa'i skyabs dang kun rdzob pa'i skyabs kyi khyad par bshad pa
dang/ rgyu'i skyabs dang 'bras bu'i skyabs

ngos bzung ba'o/ /dang po ni/ don gnyis mthar phyin pa'i skyabs
gnas mthar thug de/ sangs rgyas dkon mchog gi mtshan nyid/ dbye
na kun rdzob pa'i sangs rgyas dkon mchog dang/ don dam pa'i
sangs rgyas dkon mchog gnyis/

dang po ni/ gzugs sku gnyis lta bu/ gnyis pa ni/ ngo bo nyid sku
dang/ ye shes chos sku lta bu/ 'gog bden dang lam bden gang rung
gis bsdus pa'i 'phags rgyud kyi rnam byang bden pa de chos dkon
mchog gi mtshan nyid/ 'gog

bden dang lam bden gang rung gis bsdus pa'i theg chen 'phags
pa'i rgyud kyi rnam byang bden pa de/ theg chen gyi chos dkon
mchog gi mtshan nyid/ chos dkon mchog la sgras rjod rigs kyi sgo
nas dbye na/ kun rdzob pa'i chos dkon mchog dang/

don dam pa'i chos dkon mchog gnyis/ dang po ni/ gsung rab yan
lag bcu gnyis lta bu/ gnyis pa ni/ 'gog bden dang lam bden lta
bu/ rigs grol gyi yon tan brgyad po gang rung dang ldan pa'i
'phags pa de/ dge 'dun dkon

mchog gi mtshan nyid/ rigs grol gyi yon tan brgyad po gang rung
dang ldan pa'i theg chen 'phags pa de/ theg chen gyi dge 'dun
adkon mchog gi mtshan nyid/ dge 'dun dkon mchog la sgra brjod
rigs kyi sgo nas dbye na/ kun rdzob

@101a @#/ /pa'i dge 'dun dkon mchog de dang? don dam pa'i dge
'dun dkon mchog gnyis/ 'phags pa'i gang zag thams cad ? bdad
gnyis gnyis pa'i mtshan gzhi/ gnyis pa

ni; dngos po'i gnas tshod la lam gyi bgrod pa mthar ma thug pa'i
skyabs de kun rdzob pa'i skyabs kyi don dang/ dngos po'i gnas
tshod la lam gyi bgrod pa mthar thug pa'i skyabs de/ don dam pa'i
skyabs kyi don yin/ mtshan nyid ni go sla'o/ /

gsum pa ni/ gang zag gzhan rgyud la grub zin gyi dkon mchog gsum
byang sems rgyun mtha' ba'i rgyu'i skyabs dang/ byang sems rgyun
mtha' ba'i thob byang gyur pa'i dkon mchog gsum byang sems rgyun
mtha' ba'i 'bras skyabs yin no/ /rtsod

pa spong ba la kho na re/ sangs rgyas 'phags pa dang/ byang sems
mthong lam pa gnyis ka chos can/ kun rdzob pa'i skyabs yin par
thal/ dngos po'i gnas tshod la lam gyi bgrod pa mthar ma thug
pa'i skyabs yin pa'i phyir/ khyab pa khas/

ma grub na/ der thal/ de dang dngos bo'i gnas tshod la lam gyi
bgrod pa mthar thug pa'i skyabs gang rung gang zhig /phyi ma ma
yin pa'i phyir/ dang po der thal/ skyabs yin pa'i phyir/ phyi ma
ma grub na/ byang sems mthong lam pa dngos po'i gnas

tshod la lam gyi bgrod pa mthar thug pa'i skyabs yin bar thal/ de
gnyis ka de yin pa'i phyir/ zer na/ phyir mi 'ong chos can/ 'dod
par tshe yongs su gyur pa'i phyir mi 'ong dang/ 'dod par cho
yongs su ma gyur pa'i phyir mi 'ong gang rung yin par thal/

phyir mi 'ong yin pa'i phyir/ khya ba khas/ gzhan yang/ de chos
can/ lus mngon byed kyi phyir mi 'ong dang lus mngon byed ma yin
pa'i phyir mi 'ong gang rung yin par thal/ phyir mi 'ong yin
pa'i phyir/ khyab pa khas/ yang na sngar gyi

@101b mtshan nyid kyi zur du khyod yin pa'am/ khyod kyi nang tshan
du gyur pa'i don dam pa'i skyabs med pa gang zhig /dngos po'i
gnas tshod la lam gyi bgrod pa mthar ma thug pa'i skyabs de/ kun
rdzob pa'i skyabs kyi mtshan nyid/ khyod yin pa 'am/

khyod kyi nang tshan du gyur pa'i gnas skabs kyi skyabs med pa
gang zhig /dngos po'i gnas tshod la lam gyi bgrod pa mthar thug
pa'i skyabs de/ gcig shos kyi mtshan nyid/ ces brjod do/ /yang
kha cig /'gog bden dang lam bden

gnyis chos can/ 'gog bden dang lam bden gang rung gis bsdus pa'i
'phags pa'i rgyud kyi rnam byang bden pa yin par thal/ chos dkon
mchog yin pa'i phyir/ khyab pa khas/ 'dod na/ 'gog bden gyis
bsdus par thal/ 'dod pa gang

zhig /lam bden gyis ma bsdus pa'i phyir zer na/ ma khyab ste/
'gog bden chos can/ 'gog bden gyi bye brag yin par thal/ 'gog
bden dang lam bden gang rung gi bye brag gang zhig /lam bden gyi
bye brag ma yin pa'i phyir/ khyab pa

khas; rtags sla'o/ /kho na re/ rang bzhin rnam dag gi char gyur
pa'i ngo bo nyid sku chos can/ 'gog lam gang rung gis bsdus pa'i
'phags rgyud kyi rna byang bden pa yin par thal/ chos dkon mchog
yin pa'i phyir te/ ngo bo nyid sku yin pa'i phyir/ zer na ma
khyab/ 'dod mi

nus te/ don dam bden pa yin pa'i phyir/ zhes zer ro/ /byang chub
kyi sems kyi rab tu dbye ba zhes sogs kyi skabs su sbyor ba
dang/ mtha' bcad pa gnyis/ dang po ni/ byang chen yod bzhin du
byang chen yang dag par rjes su mi mthong ngo

zhes sogs kyi mdo chos can/ sgrub pa rang gi ngo bo la gdams pa
yin te/ yul bden pa gnyis kyi rim pa las mi 'da' bar theg chen
gyi sgrub pa nyams su long zhig ces gdams pa'i mdo yin pa'i
phyir/ 'dzam bu'i gling 'di dge slong shAri'i bu

@102a @#/ /bu dang/ mo'u gal gyi bu sha stag gis gang ba 'di lta
ste/ 'dam bu'i tshal lam zhes sogs kyi mdo chos can/ sgrub pa
rang gi ngo bo thun mong ma yin pa la gdams pa yin te/ rang nyid
'ba' zhig gi don du theg pa dman pa yid

la mi bya bar theg chen gyi sgrub pa nyams su long zhig ces
gdams pa'i mdo yin pa'i phyir/ ! gnyis pa la gsum las/ dang po
ni/ kha cig /mthar thug dpyod pa'i rigs shes kyi rnyed don/ don
dam bden pa'i mtshan nyid/ tha snyad dpyod pa'i tshad

ma'i rnyed don/ kun rdzob bden pa'i mtshan nyid yin zer na/ bum
pa chos can/ mtshon bya dang po der thal/ mtshan nyid de'i phyir/
ma grub na/ der thal/ ji lta ba mkhyen pa'i rnam mkhyen gyi
rnyed don yin pa'i phyir te/ gzhi grub pa'i

phyir; rtsa bar 'dod mi nus te/ dngos po yin pa'i phyir/ gzhan
yang/ bden med chos can/ mtshon bya der thal/ mtshan nyid gnyis pa
de'i phyir/ ma grub na/ der thal/ bden 'dzin log shes su rtogs
pa'i rjes dpag gi rnyed

don yin pa'i phyir te/ bden 'dzin log shes su rtogs pa'i rjes
dpag des khyod rtogs pa'i phyir/ ma grub na/ bden 'dzin log shes
su rtogs pa'i rjes dpag chos can/ khyod kyis bden med rtogs par
thal/ khyod kyis bden 'dzin gyi zhen yul

med par rtogs pa'i phyir te/ khyod kyis bden 'dzin log shes su
rtogs pa'i phyir/ rtsa bar 'dod mi nus te/ don dam bden pa yin
pa'i phyir/ kha cig /mthar thug dpyod pa'i rigs shes kyi dngos
kyi rnyed don/ don dam bden pa'i mtshan nyid/ tha snyad

dpyod pa'i tshad me'i dngos kyi rnyed don/ kun rdzob bden pa'i
mtshan nyid yin zhes zer na/ mthar thug dpyod pa'i rigs shes rjes
dpag gi gzhal bya chos can/ mtshon bya dang po der thal/ mtshan
nyid de'i phyir/ ma grub na/ der thal/

@102b mthar thug dpyod pa'i rigs shes rjes dpag gi dngos kyi
rnyed don yin pa'i phyir/ ma grub na/ der thal/ mthar thug dpyod
pa'i rigs shes rjes dpag des/ khyod dngos su rtogs pa'i phyir/
ma grub na/ mthar thug dpyod pa'i rigs shes rjes dpag

chos can/ khyod kyis rang gi gzhal bya dngos su rtogs par thal/
khyod rto pa tshad ma yin pa'i phyir/ rtsa bar 'dod na/ theg chen
gyi mthong lam bar chad med lam gyi gzhal bya don dam bden pa
yin par thal/ 'dod pa'i phyir/ 'dod na/ de ma yin

par thal/ theg chen gyi mthong lam bar chad med lam de de'i
gzhal bya yin pa'i phyir/ rtags 'og tu bsgrub/ gzhan yang/ bden
med kyi don spyi chos can/ mtshon bya dang po der thal/ mtshan
nyid de'i phyir/ ma grub na der thal/ bden

med rtogs pa'i rigs shes rjes dpag gi dngos kyi rnyed don yin
pa'i phyir te/ de'i dngos kyi yul gang zhig /de'i gzhal bya yin
pa'i phyir/ phyi ma grub ste/ de'i snang yul gyi gzhal bya yin
pa'i phyir te/ de'i snang yul gyi gzhal bya

yod pa'i phyir/ byas pa la kho na re/ theg chen mthong lam bar
chad med lam gyi gzhal bya de de'i dngos kyi gzhal bya yin par
thal/ bden med rtogs pa'i rigs shes rjes dpag gi gzhal bya de
de'i dngos kyi gzhal bya yin pa'i phyir/

rtags khas/ 'dod na/ de'i gzhal bya chos can/ don dam bden pa
yin par thal/ 'dod pa'i phyir/ zer na rtsa bar ma khyab po/ 'o
na kho rang la/ theg chen mthong lam bar chad med lam gyi dngos
kyi gzhal bya de/ de'i dngos kyi

gzhal bya yin par thal/ bden med rtogs pa'i rigs shes rjes dpag
gi dngos kyi gzhal bya de/ de'i dngos kyi gzhal bya yin pa'i
phyir/ khyab pa khas/ 'dod na/ de'i dngos kyi gzhal bya chos
can/ don dam bden pa yin par

@103a @#/ /thal; de'i dngos kyi gzhal bya yin pa'i phyir/ 'dod
na/ med dgag yin par thal/ 'dod pa'i phyir/ 'dod mi nus te/ ma
yin dgag yin pa'i phyir te/ de dgag pa gang zhig /rang zhes rjod
pa'i sgras rang gi dgag bya

bkag shul du rang gi 'phang byar gyur ba'i chos gzhan sgrub pa
'phen pa'i phyir/ rtags phyi ma grub ste/ theg chen gyi mthong
lam bar chad med lam gyi dngos kyi gzhal bya zhes pa'i sgra des
gzhal bya 'phen pa'i phyir te/ des gzhal bya rjod pa'i phyir/
byas

pa la kho na re/ don dam bden pa des/ rang zhes brjod pa'i sgras
rang gi dgag bya bkag bshul du rang gi 'phang byar gyur pa'i
chos gzhan sgrub pa 'phen par thal/ don dam bden pa zhes rjod
pa'i sgras/ rang gi 'phang byar gyur pa'i bden pa 'phen pa'i

phyir/ khyab pa khas/ 'dod na/ don dam bden pa chos can/ de ma
yin par thal/ med dgag yin pa'i phyir/ zer na/ rtsa bar ma khyab
ste/ bden pa de sgrub pa ma yin pa'i phyir/ ma grub na/ bden pa
chos can/ de ma yin par thal/ med

dgag yin pa'i phyir/ der thal/ don dam bden pa yin pa'i phyir/
der thal/ bden pa yin pa'i phyir/ gzhan yang/ theg chen mthong
lam bar chad med lam gyi dngos kyi gzhal byar gyur pa'i gang zag
gi bdag med de/ de'i dngos kyi gzhal

bya yin par thal/ de yod pa gang zhig /de'i dngos kyi gzhal bya
de/ de'i dngos kyi gzhal bya yin pa'i phyir/ phyi ma khas/ 'dod
na/ de chos can/ don dam bden pa yin par thal/ de'i dngos kyi
gzhal bya yin pa'i phyir/ 'dod na/ gang

zag gi bdag med don dam bden pa yin par thal/ 'dod pa'i phyir/
kho na re/ de'i dngos kyi gzhal bya de/ de'i dngos kyi gzhal bya
yin par thal/ de'i dngos kyi gzhal byar gyur pa'i gang zag gi
bdag med de/ de'i dngos kyi gzhal byar gyur pa'i

@103b gang zag gi bdag med yin pa'i phyir/ ma grub na/ de'i
dngos kyi gzhal byar gyur pa'i gang zag gi bdag med chos can/
de'i dngos kyi gzhal byar gyur pa'i gang zag gi bdag med yin par
thal/ gang zag gi bdag med yin pa'i phyir zer na/

rtsa bar ma khyab bo/ /yang kho na re/ theg chen gyi mthong lam
bar chad med lam chos can/ khyod kyis rang gi gzhal bya shugs la
rtogs par thal/ khyod kyis de rtogs pa gang zhig /de dngos su ma
rtogs pa'i phyir/ rtags phyi ma khas/

'dod na/ de'i gzhal bya de/ de'i shugs gzhal yin par thal/ 'dod
pa'i phyir/ 'dod na/ de'i gzhal bya chos can/ de'i shugs gzhal
ma yin par thal/ de'i dngos kyi zhal bya de khyod yin pa'i
phyir/ zhes zer na ma khyab ste/ de'i

dngos kyi gzhal bya de yang de'i shugs kyi gzhal bya yin pa'i
phyir/ kho na re/ theg chen gyi mthong lam bar chad med lam chos
can/ khyod kyis rang gi gzhal bya dngos su rtogs par thal/ khyod
tshad ma yin pa'i phyir/ zer na/ gzugs 'dzin dbang

pa'i mngon sum chos can/ der thal/ de'i phyir/ 'dod na/ gzugs
'dzin dbang po'i mngon sum gyi gzhal bya chos can/ khyod dngos
po yin par thal/ gzugs 'dzin dbang po'i mngon sum des khyod
dngos su rtogs pa'i phyir/

'dod na/ de chos can/ khyod kyi gzhal bya dngos po ma yin par
thal/ bdag med yin pa'i phyir/ yang kha cig /mthar thug dpyod
pa'i rigs shes kyi rnyed don gang zhig /de khyod la ltos te
mthar thug dpyod pa'i rigs shes tshad mar

song ba de/ don dam bden pa'i mtshan nyid/ tha snyad pa'i tshad
ma'i rnyed don gang zhig /de khyod la ltos te tha snyad pa'i
tshad mar song ba de kun rdzob bden pa'i mtshan nyid/ zer na/ bum
pa chos can/ mtshon bya der thal/ mtshan nyid

@104a @#/ /dang po de'i phyir/ rtags dang po grub ste/ ji lta ba
rtogs pa'i rnam mkhen gyi rnyed don yin pa'i phyir/ rtags phyi
ma grub ste/ bum pa la ltos te mthar thug dpyod pa'i rigs shes
tshad ma yod pa'i phyir te/ bum pa la ltos te gnas

lugs mthar thug yod pa'i phyir te/ bum pa'i gnas lugs mthar thug
yod pa'i phyir/ kha cig /mthar thug dpyod pa'i rigs shes kyi
rnyed don gang zhig /mthar thug dpyod pa'i rigs shes de khyod la
mthar thug dpyod pa'i rigs shes su/

song ba de don dam bden pa'i mtshan nyid/ tha snyad dpyod pa'i
tshad ma'i rnyed don gang zhig tha snyam dpyod pa'i tshad ma de
khyod la tha snyad dpyod pa'i tshad mar song ba de/ kun rdzob
bden pa'i mtshan nyid zer na/ mtshan nyid dang po chos can/ don
dam

bden pa yod na khyod yod dgos par thal/ khyod de'i mtshan nyid
yin pa'i phyir/ 'dod na/ gang zag gi bdag chos can/ der thal/
de'i phyir/ gzhan yang/ mtshan nyid dang po chos can/ khyod don
dam bden pa'i mtshan nyid ma yin na/ don dam

bden pa'i mtshan nyid med dgos par thal/ khyod de'i mtshan nyid
yin pa'i phyir/ 'dod na/ don dam bden pa chos can/ don dam bden
pa'i mtshan nyid med par thal/ mthar thug dpyod pa'i rigs shes
kyi rnyed don gang zhig /mthar thug dpyod pa'i

rigs shes de khyod la ltos te mthar thug dpyod pa'i rigs shes su
song ba/ don dam bden pa'i mtshan nyid ma yin pa'i phyir/ khyab
pa khas/ rtags dang po sla/ gnyis pa ma grub na/ gang zag gi
bdag med chos can/ don dam bden pa yin par

thal; mthar thug dpyod pa'i rigs shes de don dam bden pa la ltos
te/ mthar thug dpyod pa'i rigs shes su song ba'i phyir/ khyab pa
khas/ kha cig /rang mngon sum du mthong ba'i mngon sum gyi tshad
mas gnyis snang nub pa'i tshul gyis rtogs

@104b par bya ba gang zhig /sgrub pa'i rnam par rtogs bya ma yin
pa don dam bden pa'i mtshan nyid/ rang mngon sum du rtogs pa'i
mngon sum gyi tshad mas gnyis snang dang bcas pa'i tshul gyis
rtogs par bya ba'i rigs su gnas pa/ kun rdzob bden pa'i mtshan ?

nyid; zer na/ sngor snang dbang shes de rang mngon gsum du rtogs
pa'i mngon sum tshad mas gnyis snang nub ba'i tshul gyis rtog par
bya ba yin par thal/ don dam bden pa'i mtshan nyid dang po'i zur
du sgrub pa'i rnam par rtogs bya ma yin pa zhes smos?

la dgos pa yod pa'i phyir/ 'dod na/ sngor snang dbang shes ma
yin pa las log pa de rang mngon sum du rtogs pa'i mngon sum gyi
tshad mas gnyis snang nub pa'i tshul gyi rtogs par bya ba yin par
thal/ sngor snang dbang shes de de yin pa'i phyir/ 'dod na/

de chos can/ don dam bden pa yin par thal/ mtshan nyid de'i
phyir/ dang po dngos/ phyi ma der thal/ dgag pa yin pa'i phyir/
kho na re/ rnam mkhyen ma yin pa las log pa chos can/ sgrub pa'i
rnam par rtogs par bya ba ma yin par thal/ dgag pa

yin pa'i phyir/ 'dod na/ de yin par thal/ sgrub pa'i rnam par
tshad mas rtogs pa'i phyir/ der thal/ sgrub pa'i rnam pa yin pa'i
phyir/ zer na ma khyab/ kha cig /rang mngon sum du rtogs pa'i
mngon sum tshad mas gnyis snang nub pa'i tshul

gyis rtogs par bya ba/ don dam bden pa'i mtshan nyid/ rang mngon
sum du rtogs pa'i mngon sum tshad mas gnyis snang dang bcas pa'i
tshul gyis rtogs par bya ba/ kun rdzob bden pa'i mtshan nyid/ zer
na/ re shig don dam bden pa mngon

sum du rtogs pa'i mngon sum tshad ma chos can/ khyod tshad mas
gnyis snang nub pa'i tshul gyis rtogs par bya ba ma yin par thal/
khyod tshad ma'i bye brag yin pa'i phyir/ 'dod na song/ don dam
bden pa don dam bden pa yin par thal/ don dam bden pa

@105a @#/ /yod pa'i phyir/ 'dod na song/ don dam bden pa chos
can/ rang mngon sum du rtogs pa'i mngon sum tshad mas gnyis snang
nub pa'i tshul gyis rtogs par bya ba yin par thal/ don dam bden
pa yin pa'i phyir/ 'khor gsum/ kha

cig; ;ji lta ba mkhyen pa'i rnam mkhyen gyis gnyis snang nub
pa'i sgo nas rtogs par bya ba/ don dam bden pa'i mtshan nyid/ ji
snyed pa mkhyen pa'i rnam mkhyen gyis gnyis snang dang bcas pa'i
sgo nas rtogs par bya ba/ kun rdzob bden pa'i mtshan

nyid; mngon sum la snang ba ltar don byed nus pa'i kun rdzob par
dmigs pa de yang dag kun rdzob kyi mtshan nyid/ mngon sum la
snang ba ltar don byed mi nus pa'i kun rdzob par dmigs pa/ log
pa'i kun rdzob kyi mtshan nyid/ zer na/ ji snyed

pa mkhyen pa'i rnam mkhyen chos can/ mtshan nyid gnyis pa der
thal/ mtshon bya de'i phyir/ 'dod na/ de chos can/ khyod kyis ji
snyed pa mkhyen pa'i rnam mkhyen pa'i rnam mkhyen de/ khyod rang
las tha dad pa'i tshul gyis rtogs par thal/ 'dod pa'i phyir/

'dod na/ de chos can/ khyod ji snyed pa mkhyen pa'i rnam mkhyen
dang tha dad yin par thal/ 'dod pa'i phyir/ kho na re/ ji snyed
pa mkhyen pa'i rnam mkhyen chos can/ khyod kyis ji snyed pa
mkhyen pa'i rnam mkhyen de gnyis snang dang bcas pa'i sgo nas
rtogs

par thal/ khyod kyis de kun rdzob par rtogs pa'i phyir/ zer na/
ji snyed pa mkhyen pa'i rnam mkhyen nyams su myong ba'i rang rig
chos can/ der thal/ de'i phyir/ ma grub na/ der thal/ khyod
sangs rgyas 'phags pa'i rgyud kyi shes pa yin pa'i phyir/

te; chos can de'i phyir/ rtsa bar 'dod na/ de chos can/ khyod
nyams su myong ba'i rang rig des/ khyod gnyis snang dang bcas
pa'i tshul gyis ma rtogs par thal/ khyod shes pa yin pa'i phyir/
gzhan yang/ skabs 'di'i gnyis snang

@105b de; kun rdzob kyi snang ba la byed rigs par thal/ mtshan
nyid phyi ma de 'thad pa'i phyir/ 'dod na/ kun rdzob bden par
gyur pa'i shes pa la gnyis snang nub pa'i blo med par thal/ 'dod
pa'i phyir/ 'dod na/ de yod par thal/ de nyams su myong

ba'i rang rig de de la gnyis snang nub pa'i phyir/ ma grub na/
de chos can/ khyod nyams su myong pa'i rang rig de khyod la
gnyis snang nub par thal/ khyod shes pa yin pa'i phyir/ gzhan
yang/ dngos po yin na/ mngon sum la snang ba ltar

don byed nus pa yin dgos par thal/ bum pa de mngon sum la snang
ba ltar don byed nus pa yin pa'i phyir/ ma grub na/ de chos can/
der thal/ yang dag kun rdzob yin pa'i phyir/ khyab pa khas/ ma
grub na/ shes bya chos can/ bum

pa yang dag kun rdzob yin par thal/ shes bya dang gcig gang zhig
chu de yang dag kun rdzob yin pa'i phyir/ ma grub na/ der thal/
chu yod pa gang zhig /bden gnyis rang 'grel las/ shes pa la gsal
ba'i ranm pa can du 'dra yang

chu la sogs pa dang/ smig rgyu la sogs pa/ yang dag pa dang yang
dag pa ma yin par rtogs so/ /zhes gsungs pa'i phyir/ rtsa bar
'dod na/ smig rgyu chos can/ der thal/ de'i phyir/ rtags grub
ste/ 'grel chen las/ smig

rgyu ni nyi ma'i 'od zer khyad par can no/ /zhes gsungs pa'i
phyir/ 'dod na/ smig rgyu chos can/ yang dag kun rdzob yin par
thal/ mngon sum la snang ba ltar don byed nus pa'i kun rdzob yin
pa'i phyir/ rtags khyab khas/ 'dod

mi nus te/ log pa'i kun rdzob yin pa'i phyir te/ bden gnyis rang
'grel gyi lung drangs ma thag pa'i don grub pa'i phyir/ gzhan
yang/ gang zag gi bdag med chos can/ mngon sum la snang ba ltar
don byed nus pa'i kun rdzob

@106a @#/ /yin par thal/ yang dag kun rdzob yin pa'i phyir/ ma
grub na/ der thal/ kun rdzob bden pa gang zhig rang snang yul du
byed pa'i blo la snang ba ltar du ma grub par 'jig rten rang ga
bas rtogs mi nus pa'i phyir/ kha cig /

kun rdzob bden pa gang zhig /rang gi mtshan nyid kyis grub pa de/
yang dag kun rdzob kyi mtshan nyid/ de gang zhig /rang gi mtshan
nyid kyis ma grub pa de/ log pa'i kun rdzob kyi mtshan nyid/ zer
na/ byad bzhin gyi gzugs brnyan chos can/

mtshon bya dang po der thal/ mtshan nyid de'i phyir/ dang po grub
ste/ dngos po yin pa'i phyir/ phyi ma grub ste/ rang mtshan yin
pa'i phyir/ rtsa bar 'dod mi nus te/ log pa'i kun rdzob yin pa'i
phyir/ ma grub na/ byad bzhin gyi gzugs brnyan

log pa'i kun rdzob yin par thal/ smig rgyu'i chu log pa'i kun
rdzob yin pa'i phyir/ rtags bsgrubs zin/ gzhan yang/ gang zag gi
bdag chos can/ kun rdzob bden pa yin par thal/ log pa'i kun
rdzob yin pa'i phyir/ khyab pa khas

ma grub na/ der thal/ gzhi ma grub pa'i phyir/ rtsa bar 'dod na/
gzhi grub par thal/ 'dod pa'i phyir/ yang kha cig /kun rdzob
bden pa yang yin/ bden med ma rtogs pa'i snga rol du rang nyid
la snang ba ltar ma grub par rtogs mi nus

pa yang yin pa'i gzhi mthun pa/ yang dag kun rdzob kyi mtshan
nyid/ kun rdzob bden pa yang yin/ bden med ma rtogs pa'i snga
rol du rang nyid la snang ba ltar du ma grub par rtogs nus pa
yang yin pa'i gzhi mthun pa de log pa'i kun rdzob kyi

mtshan nyid/ zer na/ gzugs chos can/ bden med ma rtogs pa'i snga
rol du khyod snang ba ltar du ma grub pa rtogs mi nus par thal/
yang dag kun rdzob yin pa'i phyir/ khyab pa khas/ 'dod na/ gzugs
snang ba ltar du ma grub par

@106b tshad mas rtogs pa'i gang zag yin na/ bden med tshad mas
rtogs pa'i gang zag yin dgos par thal/ 'dod pa'i phyir/ 'dod na/
stong nyid ma rtogs pa'i rang rgyal dgra bcom pa chos can/ der
thal/ de'i phyir/ ma grub na/ der thal/

tshur mthong gi rgyud kyi gzugs 'dzin dbang po'i mngon sum 'khrul
shes su tshad mas rtogs pa'i gang zag yin pa'i phyir/ der thal/
gnyis stong mngon sum du rtogs pa'i gang zag yin pa'i phyir te/
rang rgyal 'phags pa yin pa'i phyir/

gzhan yang/ gzugs snang ba ltar du ma grub pa gnas lugs mthar
thug yin par thal/ bden med ma rtogs pa'i snga rol du gzugs
snang ba ltar ma grub par rtogs mi nus pa'i phyir/ rtags khas/
'dod na/ de gzugs kyi gnas

lugs yin par thal/ 'dod pa'i phyir/ 'dod na/ byang bzhin gyi
gzugs brnyan snang ba ltar ma grub pa byad bzhin gyi gzugs
brnyan gyi gnas lugs yin par thal/ 'dod pa'i phyir/ 'dod na/
bden med ma rtogs pa'i snga rol du byad

bzhin gyi gzugs brnyan snang ba ltar ma grub par rtogs mi nus
par thal/ 'dod pa'i phyir/ 'dod na/ byad bzhin gyi gzugs brnyan
chos can/ bden med ma rtogs pa'i snga rol du khyod snang ba ltar
ma grub par rtogs nus par thal/ log

pa'i kun rdzob yin pa'i phyir/ khyab pa dngos/ rtags bsgrubs
zin/ kho na re/ gzugs snang ba ltar ma grub pa gzugs kyi gnas
lugs yin par thal/ gzugs snang ba ltar med par tshad mas res nas/
gzugs bden med du tshad mas

ma nges pa'i gang zag med pa'i phyir/ ma grub na/ de 'dra'i gang
zag chos can/ gzugs snang ba ltar bden med du tshad mas nges pa'i
gang zag yin par thal/ gzugs snang ba ltar med par tshad mas nges
pa'i gang zag yin pa'i phyir/

@107a @#/ /'dod na/ gzugs bden med du tshad mas nges pa'i gang zag
yin par thal/ 'dod pa'i phyir/ zer na ma khyab bo/ yang de
'dra'i gang zag chos can/ gzugs bden par snang ba ltar med par
tshad mas nges pa'i gang zag

yin par thal/ gzugs snang ba ltar med par tshad mas nges pa'i
gang zag yin pa'i phyir/ 'dod na/ gzugs bden med du tshad mas
nges pa'i gang zag yin par thal/ 'dod pa'i phyir/ zer na/ kha
cig /kun rdzob bden pa gang zhig snang

ba ltar don byed nus pa yang dag kun rdzob kyi mtshan nyid/ de
gang zhig /snang ba ltar don byed mi nus pa log pa'i kun rdzob
kyi mtshan nyid/ zer na/ gzugs chos can/ mtshan nyid dang po der
thal/ mtshon bya de'i phyir/ rtags grub ste/ yang

dag kun rdzob kyi mtshan gzhi yod pa'i phyir/ 'dod na/ gzugs de
tshur mthong gi rgyud kyi gzugs 'dzin dbang po'i mngon sum la
snang ba ltar du grub par thal/ 'dod pa'i phyir/ 'dod na/ gzugs
phyi rol don yin par thal/ tshur mthong gi

rgyud kyi gzugs 'dzin dbang po'i mngon sum la gzugs phyi rol gyi
don du snang ba gang zhig 'dod pa'i phyir/ 'dod mi nus te/ phyi
rol gyi don med pa'i phyir/ 'grel pa las/ sngon po dang de'i blo
dag lhan cig dmigs pas des pa'i phyir 'di ni

sems tsam kho na yin gyi/ phyi rol gyi don ni med do/ /zhes
gsungs pa'i phyir/ gzhan yang/ 'gog bden chos can/ mtshan nyid
dang po der thal/ mtshon bya de'i phyir/ rtags grub ste/ yang dag
kun rdzob kyi mtshan gzhi yod pa'i phyir/ 'dod na/

dngos po yin par thal/ 'dod pa'i phyir/ kha cig /kun rdzob bden
pa yin na rdzun pa yin pas ma khyab ste/ shes pa de de yin pa'i
phyir/ ma grub na/ shes pa chos can/ bden pa yin par thal/ snang
ba ltar grub pa'i phyir/ rtags grub ste/ khyod

@107b rang nyams su myong ba'i rang rig la snang ba ltar grub
pa'i phyir te/ khyod shes pa yin pa'i phyir/ zer na/ de la kha
cig /rnam mkhyen la snang ba chos can/ bden pa yin par thal/
snang ba ltar grub pa'i phyir/ khyab pa khas/ ma grub na/ rnam
mkhyen

chos can/ khyod la snang ba de/ snang ba ltar grub par thal/
khyod ma 'khrul ba'i shes pa yin pa'i phyir/ rtsa bar 'dod na/
gzhi grub na bden pa yin pas khyab par thal/ 'dod pa'i phyir/
'dod na/ kun rdzob bden pa yin na slu ba'i chos can yin

pas ma khyab par thal/ de yin na rdzun pa yin pas ma khyab pa'i
phyir/ rtags khas/ 'dod mi nus te/ 'dus byas yin na/ rdzun pa
slu ba'i chos can yin dgos pa'i phyir/ der thal/ rtsa ba shes
rab las/ 'dus byas thams cad slu ba'i chos/ des

na de dag rdzun pa yin/ /zhes gsungs pa'i phyir/ gzhan yang/
shes pa chos can/ rdzun pa yin par thal/ kun rdzob bden pa yin
pa'i phyir/ der thal/ yang dag kun rdzob yin pa'i phyir/ der
thal/ yang dag kun rdzob dang log pa'i kun

rdzob gang rung gang zhig /log pa'i kun rdzob ma yin pa'i phyir/
dang po der thal/ khyod kun rdzob bden pa yin pa'i phyir/ phyi
ma der thal/ shes pa yin pa'i phyir/ khyab ste/ lam rim las/
shes pa yin na rang gi mtshan nyid kyis grub dgos

pas shes pa yin pa'i yul can la yang log gnyis su mi byed la/
zhes gsungs pa'i phyir/ gzhan yang/ shes pa chos can/ rdzun pa
yin par thal/ kun rdzob yin pa'i phyir/ der thal/ kun rdzob bden
pa yin pa'i phyir/ khyab ste/

'jug pa'i TIk chen las/ gzhi de kun rdzob kyi bden par grub pa
la/ gzhi de rdzun par grub dgos so/ /zhes gsungs pa'i phyir/ kho
na re/ shes pa chos can/ snang tshul dang gnas tshul mthun par
thal/ snang ba ltar grub pa'i phyir/

@108a @#/ /'dod na/ bden pa yin par thal/ 'dod pa'i phyir/ zer
na/ kha cig /rtsa bar ma khyab ste/ rnam mkhyen la snang ba chos
can/ der thal/ de'i phyir/ 'dod na/ bden pa yin par thal/ 'dod
pa'i phyir/ 'dod na/ gzhi

grub na bden pa yin pas khyab par thal lo zer/ 'dus byas yin na
slu ba'i chos can yin pas khyab byas pa la/ kha cig /las rgyu
'bras chos can/ der thal/ de'i phyir/ 'dod na/ slu ba yin par
thal/ 'dod pa'i phyir/ 'dod mi nus te/ mi slu ba

yin pa'i phyir te/ mi slu ba'i phyir zer na ma khyab/ 'o na/
gang zag gi bdag chos can/ ma 'ongs pa yin par thal/ ma 'ongs
pa'i phyir/ khyab pa khas/ kho na re/ las rgyu 'bras chos can/
slu bar thal/ slu ba yin pa'i phyir/ rtags bsal khas/

zer na ma khyab ste/ las rgyu 'bras mi slu yang mi slu ba ma
yin/ sangs rgyas kyi bka' bden kyang bden pa ma yin par khas len
pa'i phyir/ byas pa la kho na re/ sangs rgyas kyi bka' chos can/
mi bden par thal/ mi bden pa yin pa'i phyir na 'dir

ma khyab/ ma grub na/ der thal/ rdzun pa yin pa'i phyir te/ kun
rdzob yin pa'i phyir/ kun rdzob kyi bden pa yin pa'i phyir/ kha
cig /yang dag kun rdzob dang log pa'i kun rdzob gang rung gang
zhig rang snang yul du byed pa'i blo la snang ba ltar ma grub
par 'jig

rten rang ga bas rtogs mi nus pa/ yang dag kun rdzob kyi mtshan
nyid/ de gang zhig /rang snang yul du byed pa'i blo la snang ba
ltar ma grub par 'jig rten rang ga bas rtogs nus pa de/ log pa'i
kun rdzob kyi mtshan nyid/ zer na/ bden grub chos can/

mtshan nyid gnyis pa'i zur phyi ma der thal/ mtshon bya de'i
phyir/ ma grub na/ der thal/ gzhi ma grub pa'i phyir/ rtsa bar
'dod na/ 'jig rten rang ga bas bden med rtogs nus par thal/ 'dod
pa'i phyir/ gnyis pa rang gi lugs la/

@108b mtshan nyid/ dbye ba/ sgra bshad pa dang gsum/ dang po ni/
rang mngon sum du rtogs pa'i mngon sum gyi tshad mas gnyis snang
nub pa'i tshul gyis rtogs par bya ba de/ don dam bden pa'i mtshan
nyid/ rang mngon sum du rtogs pa'i mngon sum gyi

tshad mas gnyis snang dang bcas pa'i tshul gyis rtogs par bya ba
de/ kun rdzob bden pa'i mtshan nyid/ dbye na/ don dam bden pa la
dgag gzhi'i sgo nas stong nyid nyi shu dang bcu drug la sogs pa
du ma yod/ kun rdzob bden pa la sgras brjod rigs

kyi sgo nas dbye na/ yang dag kun rdzob dang/ log pa'i kun rdzob
gnyis yod/ kun rdzob bden pa yang yin rang snang yul du byed
pa'i blo la snang ba ltar du ma grub par 'jig rten rang ga bas
rtogs mi nus pa yang yin pa'i gzhi mthun pa de/ yang

dag kun rdzob kyi mtshan nyid/ yang dag kun rdzob dang log pa'i
kun rdzob gang rung gang zhig /rang snang yul du byed pa'i blo
la snang ba ltar ma grub par 'jig rten rang ga bas rtogs nus pa
dang/ rang nyid tha snyad du yod pa la tshad mas gnod pa

'bab pa gang rung du dmigs pa de/ log pa'i kun rdzob kyi mtshan
nyid/ gsum pa ni/ bum pa'i chos nyid chos can/ khyod la don dam
bden pa zhes brjod pa'i rgyu mtshan yod de/ yul can phyin ci ma
log pa don dam par ma 'khrul ba'i 'phags

pa'i mnyam gzhag gi gzigs ngor gnas pas de ltar rjod pa'i phyir/
bum pa chos can/ khyod la kun rdzob bden pa zhes rjod pa'i rgyu
mtshan yod de/ yul can phyin ci log tha snyad pa'i bsam mdo bden
gyi/ gnas tshod la rdzun pas na de ltar

rjod pa'i phyir/ ! rtsod pa spong ba la kho na re/ gang zag gi
bdag med chos can/ don dam bden pa yin par thal/ mtshan nyid de'i
phyir/ ma grub na/ der thal/ khyod nyan thos kyi mthong lam bar
chad med lam gyi gnyis snang nub pa'i sgo nas

@109a @#/ /rtogs par bya ba yin pa'i phyir/ ma grub na/ der thal/
de khyod la gnyis snang nub pa'i phyir/ ma grub na/ nyan thos
kyi mthong lam bar chad med lam chos can/ khyod gang zag gi bdag
med la gnyis snang nub par thal/ khyod

chos can de'i phyir/ zer na ma khyab ste/ shes bya chos can/
gang zag rtag gcig rang dbang can gyi bdag gi stong pa la gnyis
snang nub pa'i blo yod par thal/ gang zag gi bdag med la gnyis
snang nub pa'i blo yod pa'i phyir/ rtags khas/ 'dod na/

gang zag rtag pas stong pa la gnyis snang nub pa'i blo yod par
thal/ 'dod pa'i phyir/ 'dod na/ gang zag mi rtag pa la gnyis
snang nub pa'i blo yod par thal/ 'dod pa'i phyir/ byas pa la kho
na re/ kun rdzob bden pa yin na rang nyid la gnyis

snang nub pa'i blo med dgos par thal/ gang zag gi bdag med la
gnyis snang nub pa'i blo med pa'i phyir/ rtags khas/ 'dod na/
theg chen gyi mthong lam bar chad med lam chos can/ der thal/
de'i phyir/ 'dod mi nus te/ khyod nyams

su myong ba'i rang rig de khyod la gnyis snang nub pa'i blo yin
pa'i phyir/ der thal/ khyod shes pa yin pa'i phyir/ zer na/ rtsa
bar ma khyab bo/ /yang kho na re/ sangs rgyas kyi ye shes chos
can/ don dam bden pa yin par thal/ mtshan nyid de'i phyir/

ma grub na/ der thal/ de sangs rgyas kyi ye shes kyis gnyis
snang nub pa'i sgo nas rtogs par bya ba yin pa'i phyir/ der
thal/ sangs rgyas kyi ye shes kyis dngos su rtogs pa gang zhig
/des gnyis snang dang bcas pa'i tshul gyis rtogs par bya ba

ma yin pa'i phyir/ zer na ma khyab/ dang po der thal/ des khyod
rtogs pa gang zhig /des khyod shugs la ma rtogs pa'i phyir/ zer
na/ 'di'i lan la spyod 'jug dar TIk las/ sangs rgyas kyi ye
shes des/ sangs rgyas kyi ye shes de shugs la

@109b rtogs zhes gsungs kyang/ stong 'thun skal bzang mig 'byed
las/ sangs rgyas kyi ye shes des/ sangs rgyas kyi ye shes gnyis
snang nub pa'i sgo nas rtogs par gsungs/ 'jug pa'i TIk chen gyi
tshig zin la/ sangs rgyas kyi ye shes kyis shugs

la rtogs pa'i chos med par gsungs/ /de rnams kyi nang nas sangs
rgyas kyi ye shes kyis sangs rgyas kyi ye shes gnyis snang nub
pa'i sgo nas rtogs pa mi 'thad de/ sangs rgyas kyi ye shes chos
can/ khyod rang rig yin par thal/ khyod sangs rgyas kyi ye shes

la gnyis snang nub pa'i blo yin pa'i phyir/ rtags khas/ 'dod na/
sangs rgyas 'phags pa'i rgyud la gzhan rig gi shes pa med par
thal/ 'dod pa'i phyir/ sangs rgyas kyi ye shes kyis sangs rgyas
kyi ye shes shugs la rtogs zhes gsungs pa la/

re shig sangs rgyas kyi ye shes chos can/ khyod kyis sangs rgyas
kyi ye shes dngos su rtogs par thal/ de mngon sum du rtogs pa'i
phyir/ der thal/ de gzhi grub pa'i phyir/ gzhan yang/ sangs
rgyas kyi ye shes des sangs rgyas kyi ye shes dngos su rtogs

par thal/ des de dngos yul du byed pa'i phyir/ ma grub na/ sangs
rgyas kyi ye shes chos can/ khyod kyis sangs rgyas kyi ye shes
de dngos yul du byed par thal/ khyod sangs rgyas kyi ye shes la
mngon sum yin pa'i phyir/ der thal/ khyod sangs rgyas

kyi ye shes mi rtag pa la mngon sum yin pa gang zhig /sangs
rgyas kyi ye shes dang de mi rtag pa gnyis yul dus rang bzhin
gang la ltos kyang grub bde rdzas gcig yin pa'i phyir/ dang po
ma grub na/ sangs rgyas kyi ye shes mi rtag pa chos can/ sangs
rgyas

kyi ye shes de khyod la mngon sum yin par thal/ khyod sangs
rgyas kyi ye shes dang tha dad yin pa'i phyir/ gnyis pa rang lan
ni/ thal 'gyur gsum pa la khyab med kyi lan 'debs dgos te/ tshad
ma chos can/ khyod tshad mas gnyis snang nub pa'i

@110a @#//sgo nas rtogs par bya ba yin par thal/ khyod tshad mas
dngos su rtogs pa gang zhig /khyod tshad mas gnyis snang dang
bcas pa'i tshul gyis ma rtogs pa'i phyir/ khyab pa khas/ dang po
der thal/ gzhi grub pa'i phyir/ gnyis

pa ma grub na/ tshad ma chos can/ khyod tshad ma dang tha dad yin
par thal/ ma grub pa de'i phyir/ rtsa bar 'dod na/ tshad ma chos
can/ khyod tshad ma nyams su myong ba'i rang rig yin par thal/
khyod tshad ma la gnyis snang nub pa'i blo yin pa'i phyir/

rtags khas/ 'dod na/ khyod rang rig yin par thal/ 'dod pa'i
phyir/ kha cig /sngor snang dbang shes chos can/ khyod don dam
bden pa yin par thal/ mtshan nyid de'i phyir/ ma grub na/ der
thal/ rang nyams su myong ba'i rang rig

mngon sum gyis gnyis snang nub pa'i sgo nas rtogs par bya ba yin
pa'i phyir/ zer na/ ma khyab ste/ sngor snang dbang shes chos
can/ /khyod mngon sum du rtogs pa'i mngon sum yin na/ khyod la
gnyis snang nub pas khyab par thal/ khyod rang

mngon sum du rtogs pa'i mngon sum gyis gnyis snang nub pa'i sgo
nas rtogs par bya ba yin pa'i phyir/ rtags khyab khas/ 'dod na/
rnam mkhyen chos can/ der thal/ de'i phyir/ rtags bsal gnyis ka
grub ste/ rnam mkhyen yin pa'i phyir/

kha cig /stong nyid chos can/ rang mngon sum du rtogs pa'i mngon
sum gyi tshad mas gnyis snang nub pa'i sgo nas rtogs par bya ba
yin par thal/ don dam bden pa yin pa'i phyir/ khyab pa khas/
'dod na/ stong nyid mngon sum du rtogs pa'i

mkhyen pa yin na/ stong nyid la gnyis snang nub pas khyab par
thal/ 'dod pa'i phyir/ 'dod na/ rjes thob ye shes la gnas pa'i
byang sems 'phags pa'i rgyud kyi stong nyid mngon sum du rtogs
pa'i mkhyen pa chos can/ der thal/ de'i phyir/

@110b 'dod na/ rjes thob ye shes la gnas pa'i byang sems 'phags
pa'i rgyud la stong nyid la gnyis snang nub pa'i blo yod par
thal/ 'dod pa'i phyir/ 'dod na/ de'i rgyud la stong nyid la rtse
gcig tu mnyam par bzhag pa'i mnyam bzhag ye shes yod par thal/

'dod pa'i phyir na ma khyab/ 'dod na/ de chos can/ khyod kyi
rgyud la de med par thal/ khyod rjes thob ye shes la gnas pa'i
sems dpa' yin pa'i phyir/ zer na/ 'di'i lan skabs gnyis par shes
par bya'o/ /kha cig /rang mngon sum du rtogs

pa'i mngon sum gyi tshad mas gnyis snang nub pa'i sgo nas rtogs
par bya ba chos can/ khyod don dam bden pa'i mtshan nyid ma yin
na/ don dam bden pa'i mtshan nyid med dgos par thal/ khyod don
dam bden pa'i mtshan nyid yin pa'i phyir/ rtags khas/ 'dod

na; ri bong rwa chos can/ der thal/ de'i phyir/ ma grub na/ der
thal/ rang mngon sum du rtogs pa'i mngon sum med pa'i phyir/ ma
grub na/ de chos can/ khyod mngon sum du rtogs pa'i mngon sum
med par thal/ khyod med pa'i phyir/ 'dod na/

dngos 'gal/ zer na mi 'gro ste rtogs par sla'o/ /sdug bsngal la
gzugs la sogs pa'i 'bras bur gyur pa'i stong pa nyid/ ces sogs
kyi skabs su/ sbyor ba dang/ mtha' bcad pa gnyis/ /dang po ni/
shar ri'i bu/ byang chen gzugs stong

pa nyid la brtson na brtson zhes bya'o/ /zhes sogs kyi mdo chos
can/ sdug bsngal bden pa la gdams pa yin te/ sdug bsngal bden pa
la shes byar bden zhen dgag pa'i ched du gdams pa'i mdo yin pa'i
phyir/ gnyis pa la gsum las/

dang po ni/ /rang rgyu kun 'byung bden pa'i rnam smin gyi 'bras
bur gyur ba'i zag bcas de/ sdug bsngal bden pa'i mtshan nyid/
rang 'bras sdug bsngal bden pa'i rnam smin gyi rgyur gyur pa'i
zag bcas de/ kun 'byung bden pa'i mtshan nyid/

@111a @#/ /zer na/ ma dag pa'i snod kyi 'jig rten chos can/ mtshan
nyid dang po der thal/ mtshon bya de'i phyir/ 'dod na/ de chos
can/ rnam smin gyi 'bras bu yin par thal/ 'dod pa'i phyir/ 'dod
na/ gang zag gi rgyud kyis bsdus

par thal/ 'dod pa'i phyir/ khyab ste/ mdzod las/ sems can brjod/
ces gsungs pa'i phyir/ gzhan yang/ mi dge ba'i las chos can/
mtshan nyid dang po der thal/ mtshon bya de'i phyir/ ma grub na/
de chos can/ sdug bsngal bden pa

yin par thal/ kun 'byung bden pa yin pa'i phyir te/ chos can
de'i phyir/ rtsa bar 'dod na/ de chos can/ rnam smin gyi 'bras
bu yin par thal/ 'dod pa'i phyir/ 'dod na/ de chos can/ lung ma
bstan yin par thal/ 'dod pa'i phyir/ khyab ste/

mdzod las/ rnam smin lung du ma bstan chos/ /zhes gsungs pa'i
phyir/ gzhan yang/ khams gong ma'i skye ba 'grub byed kyi nyon
mongs chos can/ mtshan nyid gnyis pa der thal/ mtshon bya de'i
phyir te/ chos can de'i phyir/ 'dod mi nus te/

lung ma bstan yin pa'i phyir/ khyab ste/ rnam smin gyi rgyu la
mi dge ba dang dge ba zag bcas gnyis su grang des pa'i phyir/
der thal/ mdzod las/ rnam smin rgyu ni mi dge dang/ /dge ba zag
bcas rnams kho na/ /zhes gsungs pa'i phyir/ gong du

ma grub na/ der thal/ khams gong ma'i sas bsdus kyi nyon mongs
yin pa'i phyir/ khyab ste/ mdzod las/ gong ma thams cad lung ma
bstan/ /zhes gsungs pa'i phyir/ kha cig /mi rtag sdug bsngal/
stong pa/ bdag med bzhi'i tshogs don de/

sdug bsngal bden pa'i mtshan nyid/ rgyu kun 'byung/ rab skye/
rkyen bzhi'i tshogs don de/ kun 'byung bden pa'i mtshan nyid/ 'gog
pa/ zhi ba/ gya nom pa/ nges 'byung bzhi'i tshogs don de/ 'gog
bden gyi mtshan nyid/ lam/ rig pa/

@111b sgrub pa/ nges 'byin bzhi'i tshogs don de/ lam bden gyi
mtshan nyid/ zer na/ de la skyon 'phen pa la kha cig /zag bcas
kyi phung po chos can/ mtshan nyid dang po der thal/ mtshon bya
de'i phyir/ 'dod na/ de ma yin par thal/ chos dang chos

can gyi tshogs don ma yin pa'i phyir/ der thal/ chos can yan gar
ba yin pa'i phyir/ rtsa ba'i rtags grub ste/ zag bcas kyi phung
po yin pa'i phyir/ zer na mi 'thad de/ mdun gyi skyes bu lan
'debs pa po chos can/ bem rig gnyis kyi tshogs don gyi

skyes bu ma yin par thal/ chos dang chos can gyi tshogs don ma
yin pa'i phyir/ khyab pa khas/ der thal/ chos can yan gar ba yin
pa'i phyir/ gsum ga khas/ 'dod na/ bem rig gnyis tshogs kyi skyes
bu med par thal/ 'dod pa'i phyir/

'dod na/ bem po med par thal/ 'dod pa'i phyir/ 'dod na/ rdul du
grub pa med par thal/ 'dod pa'i phyir/ rang lugs kyi skyon ni
nyan thos sgom lam pa'i rgyud kyi mi shes pa kun shes pa'i dbang
por gyur pa'i tshor ba sdug bsngal chos can/ sdug

bsngal bden pa yin par thal/ mtshan nyid de'i phyir/ ma grub na/
der thal/ khyod sdug bsngal yin pa'i phyir/ rtags grub ste/ chos
can de'i phyir te/ mi shes pa kun shes pa'i dbang por gyur pa'i
tshor ba sdug bsngal yod pa'i phyir te/ der gyur

pa'i tshor ba yid mi bde yod pa'i phyir/ de ltar kun btus kyi
'grel ba rgyal sras ma las gsungs pa'i phyir/ rtsa bar 'dod na/
de ma yin par thal/ lam bden yin pa'i phyir te/ 'phags rgyud kyi
mkhyen pa yin pa'i phyir/ kha cig /zag

bcas kyi phung po yin na/ sdug bsngal bden pa yin pas khyab zer
na/ ches mi 'thad/ bde ba can gyi rten can gyi so so skye bo
chos can/ der thal/ de'i phyir/ rtags grub ste/ so so skye bo
yin pa'i phyir/ rtsa bar 'dod yi nus te/ bde ba

@112a @#/ /can gyi rten can gyi gang zag yin pa'i phyir/ khyab
ste/ kun btus las/ yongs su dag pa'i 'jig rten gyi khams de dag
ni sdug bsngal gyi bden pa ma yin par lta ste/ /de dag las dang
nyon mongs pas bskyed pa ma yin/ las

dang nyon mongs pa'i dbang gis byung ba ma yin gyi/ smon lam
dang dge ba'i rtsa ba'i dbang gis byung ba dag go /zhes gsungs
pa'i phyir/ kha cig /mi rtag pa dang/ khyab pa 'du byed kyi sdug
bsngal ba dang/ don gzhan gyi bdag gis stong pa dang/

rang gi ngo bor gyur pa'i bdag med pa bzhi'i tshogs don de/ sdug
bsngal bden pa'i mtshan nyid zer na/ 'dod pa'i rten can gyi so so
skye bo tha mal pa chos can/ rang gi ngo bor gyur pa'i bdag med
par thal/ sdug bsngal bden pa yin pa'i phyir te/

chos can de'i phyir/ 'dod na/ de chos can/ khyod kyi ngo bor
gyur ba'i bdag yod par thal/ khyod dang ngo bo gcig tu gyur pa'i
bdag yod pa'i phyir/ der thal/ khyod bdag yin pa'i phyir te/
khyod gang zag yin pa'i phyir/ kha cig /kun nas

nyon mong phyogs kyi bden pa gang zhig /grol ba don gnyer gyi
skyes bus nad ltar du shes par bya ba de/ sdug bsngal bden pa'i
mtshan nyid/ de gang zhig /des nad kyi rgyu lhar spang bar bya ba
de/ kun 'byung bden pa'i mtshan nyid/ rnam byang gi bden pa

gang zhig /des sman ltar du bsten par bya ba de lam bden gyi
mtshan nyid/ de gang zhig /des nad dang bral ba ltar mngon du bya
ba de/ 'gog bden gyi mtshan nyid/ zer na/ khams gong ma'i skye ba
'phen byed kyi las chos can/ mtshan nyid gnyis

pa'i zur phyi ma der thal/ kun 'byung bden pa yin pa'i phyir/
der thal/ chos can de'i phyir/ rtsa bar 'dod na/ de chos can/
spang bya yin par thal/ 'dod pa'i phyir/ 'dod mi nus te/ dge ba
yin pa'i phyir te/ chos can de'i phyir/ gzhan

@112b yang/ rnam mkhyen chos can/ 'gog bden yin par thal/ mtshan
nyid phyi ma de'i phyir/ der thal/ grol ba don gnyer gyi skyes
bu'i thob bya mthar thug yin pa'i phyir/ kha cig /zag bcas 'bras
bsdus kyi char gyur pa/ sdug bsngal bden pa'i

mtshan nyid/ zag bcas rgyu bsdus kyi char gyur pa/ kun 'byung
bden pa'i mtshan nyid/ zag med rgyu bsdus kyi char gyur pa/ lam
bden gyi mtshan nyid/ zag med 'bras bsdus kyi char gyur pa/ 'gog
bden gyi mtshan nyid zer na/ kun 'byung

bden pa chos can/ mtshan nyid dang po der thal/ mtshon bya de'i
phyir te/ chos can de'i phyir/ 'dod na/ sdug bsngal bden pa zag
bcas rgyu bsdus kyi char gyur pa yin par thal/ 'dod pa'i phyir/
'dod na/ sdug bsngal bden pa chos can/

kun 'byung bden pa yin par thal/ zag bcas rgyu bsdus kyi char
gyur pa yin pa'i phyir/ rtags khas/ 'dod mi nus te/ ma dag pa'i
snod kyi 'jig rten de khyod yin pa'i phyir/ gzhan yang/ zag bcas
yin na sdug bsngal bden pa yin dgos

par thal/ mtshan nyid dang po gnyis 'thad pa'i phyir/ 'dod na
bkag zin/ kha cig /sdug bden dang/ lam bden mi 'gal te/ gser
'phreng las/ 'gog bden dang gzhan gsum gcig pa bkags pas tha dad
yin la/ gzhan gsum ni/

'phags pa'i mnyam bzhag gi lam bden dang sdug kun gnyis rdzas
tha dad las/ rjes thob kyi lam bden ni/ sdug bden dang mi 'gal
lo/ sdug kun gnyis kyang kun gnyis kyang kun 'byung la sdug bden
gyis khyab la/ sdug bden la des ma khyab ste/ dper na/

kun gzhi dang snod kyi 'jig rten dang/ dbang po lnga dang/ gzhan
yang ma bsgribs lung ma bstan zag bcas rnams lta bu'o/ /zhes
gsungs pa'i phyir/ zhes gsung/ shes bya chos can/ kun nas nyon
mongs kyi bden pa dang/ rnam

@113a @#/ /byang gi bden pa'i gzhi mthun yod par thal/ sdug bden
dang/ lam bden gyi gzhi mthun yod pa'i phyir/ rtags khas/ 'dod
na/ shes sgrib kun nas nyon mongs gzung rtog dang/ rnam byang
gzung rtog gi gzhi mthun yod

par thal/ 'dod pa'i phyir/ 'dod na/ 'grel chen las/ 'di gnyis
phan tshun rnam par gcod pa'i ngo bo yin pa'i phyir/ zhes gsungs
pa mi 'thad par thal/ 'dod pa'i phyir/ gser 'phreng las/ de ltar
gsungs pa'i don ni/ lam bden dang tshor ba

sdug bsngal gyi gzhi mthun yod pa la dgongs pa 'dra'o/ /mkhas pa
kha cig /sdug bden dang 'phags pa 'gal bar thal/ sdug bden dang
'phags rgyud kyi mkhyen pa 'gal ba'i phyir/ ma grub na song/ der
thal/ sdug bden dang lam bden

'gal ba'i phyir/ rtags khas/ 'dod na/ nges pa'i rgyun zhugs srid
pa lan bdun pa ba chos can/ sdug bden ma yin par thal/ 'phags pa
yin pa'i phyir/ 'dod na/ sdug bsngal bden pa yin par thal/ las
nyon gyi gzhan dbang du gyur pa'i gang

zag yin pa'i phyir/ der thal/ las nyon gyi dbang gis 'khor bar
rigs 'thun gyi skye srid bdun len par nges pa'i gang zag yin
pa'i phyir/ zer na rtsa bar ma khyab bo/ /rang res/ nges pa'i
rgyun zhugs srid pa lan bdun pa ba sdug bsngal bden pa yin/

sdug bsngal bden pa dang/ lam bden 'gal byas pa la/ nges pa'i
rgyun bzhugs srid pa lan bdun pa ba' rgyud kyi yid kyi rnam par
shes pa chos can/ lam bden ma yin par thal/ sdug bsngal bden pa
yin pa'i phyir/ khyab pa khas/ ma grub na/ der thal/

nges pa'i rgyun bzhugs srid pa lan bdun pa ba yin pa'i phyir/ ma
khyab na/ de yin na sdug bsngal bden pa yin dgos par thal/ de
sdug bsngal bden pa yin pa'i phyir na ma khyab/ gong du ma grub
na/ de de yin par thal/ de gang zag yin pa'i phyir/

@113b ma grub na/ der thal/ yid kyi rnam par shes pa gang zag
yin pa'i phyir/ rtags gzhan du bsgrubs zin/ gzhan yang/ nges
pa'i rgyun zhugs srid pa len bdun pa ba sdug bsngal bden pa yin
par thal/ nyan thos kyi sbyor lam pa sdug bsngal bden pa

yin pa'i phyir/ ma grub na/ de chos can/ de yin par thal/ kun
btus las/ sems can gyi 'jig rten gyi khams gang yin pa dang/
zhes pa'i skabs nas bstan pa'i sems can gyi 'jig rten yin pa'i
phyir/ de'i skabs nas bstan pa'i

sems can gyi 'jig rten cig yod pa'i phyir/ nyan thos sbyor lam
pa sdug bsngal bden pa yin byas pa la/ kha cig /de chos can/
spang bya yin par thal/ sdug bsngal bden pa yin pa'i phyir/ 'dod
na/ nyan thos kyi sbyor lam spang bya yin par

thal; 'dod pa'i phyir/ zer na/ rtsa bar ma khyab ste/ khams gong
ma'i skye ba 'phen byed kyi la chos can/ der thal/ de'i phyir/
rtags grub ste/ 'phen byed kyi las yin pa'i phyir/ 'dod mi nus
te/ dge ba yin pa'i phyir te/ mi g.yo

ba'i las yin pa'i phyir/ sdug bden dang lam bden 'gal mi 'gal
dogs pa che bar yod pas dogs gcod lhag ma rnams rtog pa'i skabs
su 'chad do/ /yang kha cig /las dang nyon mongs pa gang rung la
brten pa'i zag bcas kyi phung

por dmigs pa/ sdug bsngal bden pa'i mtshan nyid/ sdug bsngal bden
pa 'bras bu dang po gsum po gang rung gi sgo nas 'byin par byed
pa'i rigs su gnas pa'i zag bcas kyi shes par dmigs pa kun 'byung
bden pa'i mtshan nyid/ lam

bden la brtan pa'i so sor brtags 'gog /'gog bden gyi mtshan nyid/
'gog bden 'thob byed kyi lam gyi rigs su gnas pa'i 'phags rgyud
kyi mkhyen pa/ lam bden gyi mtshan nyid yin zer na/ dman lam
sngon du ma song ba'i

@114a @#/ /byang sems 'phags pa'i rgyud kyi nyon mongs chos can/
sdug bsngal bden pa yin par thal/ mtshan nyid de'i phyir/ ma grub
na/ der thal/ nyon mongs gang zhig zag bcas kyi phung po yin
pa'i phyir/ dang po sla/ gnyis pa

der thal/ de zag bcas yin pa'i phyir te/ nyon mongs pa'i zag
bcas yin pa'i phyir te/ nyon mongs yin pa'i phyir/ rtsa bar 'dod
na/ byang sems 'phags pa'i rgyud la sdug bsngal gyi bden pa yod
par thal/ 'dod pa'i phyir/ 'dod mi nus te/

rgyud bla ma las/ 'phags pas rga dang na pa dang/ /'chi ba'i
sdug bsngal rtsad nas spangs/ /zhes gsungs pa'i phyir/ gzhan
yang/ sngar gyi de chos can/ kun 'byung bden pa yin par thal/
mtshan nyid de'i phyir/ ma grub na/ der thal/

de'i rigs su gnas pa gang zhig /zag bcas kyi shes pa yin pa'i
phyir/ dang po grub ste/ nyon mongs yin pa'i phyir/ kha cig
/rang gi thob byar gyur pa'i 'gog bden thob byed kyi thabs su
gyur pa'i 'phags rgyud kyi mkhyen pa lam bden gyi

mtshan nyid/ rang 'thob byed kyi thabs su gyur pa'i lam bden gyi
stobs kyis thob pa'i bral ba de 'gog bden gyi mtshan nyid/ zer
na/ rnam mkhyen chos can/ mtshan nyid dang po der thal/ mtshon bya
de'i phyir/ 'phags rgyud kyi

mkhyen pa yin pa'i phyir/ 'dod na/ khyod kyi thob byar gyur pa'i
'gog bden yod par thal/ 'dod pa'i phyir/ 'dod na/ khyod kyis
spangs dgos kyi sgrib pa yod par thal/ 'dod pa'i phyir/ kha cig
/sdug bsngal bden pa yin na/ 'khor ba

yin pas khyab zer na/ lhag bcas myang 'das la gnas pa'i nyan
thos dgra bcom pa'i rgyud kyi gzugs kyi phung po chos can/ der
thal/ de'i phyir/ der thal/ de'i rgyud la sdug bsngal bden pa
yod pa'i phyir te/ lhag bcas myang 'das de sdug

@114b bsngal gyi phung po lhag ma dang bcas pa'i phyir/ ma grub
na/ de chos can/ de dang bcas par thal/ lhag bcas myang 'das yin
pa'i phyir/ kho na re/ byang 'phags kyi rgyud la sdug bsngal
bden pa yod par thal/ lhag bcas myang 'das la gnas pa'i

nyan thos dgra bcom pa'i rgyud la sdug bsngal bden pa yod pa'i
phyir/ zer na ma khyab/ kha cig /sdug bsngal yin na/ sdug bsngal
bden pa yin pas khyab zer ba mi 'thad de/ 'grel pa rgyal sras ma
dang 'gal zhing/ las yin na gas kyi

kun 'byung yin dgos par thal/ dam bca' 'thad pa'i phyir/ 'dod
na/ sangs rgyas 'phags pa'i rgyud kyi las chos can/ der thal/
de'i phyir/ der thal/ de'i rgyud la las yod pa'i phyir/ der
thal/ de'i rgyud la sems byung sems pa

yod pa'i phyir/ gzhan yang/ lam yin na lam gyi bden pa yin dgos
par thal/ dam bca' de 'thad pa'i phyir/ 'dod na/ theg chen gyi
tshogs lam chos can/ der thal/ de'i phyir/ kho na re/ sdug bsngal
yin na/ sdug bsngal bden pa

yin dgos par thal/ 'gog pa yin na/ 'gog bden yin dgos pa'i
phyir/ zer na/ ma khyab byas pa la kho na re/ brda'i 'gog pa
chos can/ 'gog bden yin par thal/ 'gog pa yin pa'i phyir/ der
thal/ brda'i 'gog pa yin pa'i

phyir; zer na/ ma khyab bo/ yang kho na re/ sangs rgyas 'phags
pa'i rgyud la zag med kyi las yod par thal/ de'i rgyud la las
yod pa'i phyir/ zer na/ 'di la kha cig /sangs rgyas kyi sa na
zag med kyi las yod zer na/ mi 'thad de/

sangs rgyas 'phags pa des zag med kyi las spangs pa'i phyir/
rtags grub ste/ des ma rig bag chags kyi sa dang zag med kyi las
gnyis ka spangs pa'i phyir te/ TI kar/ de 'dra dus gcig tu lan
cig byed pa yang/ 'bad med lhun grub

@115a @#/ /tu 'byung ba la rag las shing/ ma rig bag chags kyi sa
dang/ zag pa med pa'i las kyang spangs nas slar mi ldang ba'i
tshul gyis zhi ba'i dbyings su snyoms par 'jug pa la ltos pa yin
no/ /zhes gsungs pa'i phyir/ byas pa

la; kha cig /sangs rgyas kyi sa na yod par thal/ de na rtog
dpyod gnyis yod pa'i phyir/ ma khyab na/ ma rig bag chags kyi sa
dang/ zag med kyi las gnyis ka spangs na/ zag med kyi las spangs
pas khyab pa bud/ ma grub na/ der

thal; sangs rgyas 'phags pa'i rgyud kyi mig gi rnam par shes pa
de rtog bcas dpyod bcas gnyis ka yin pa'i phyir/ ma grub na/ de
chos can/ der thal/ dbang po'i rnam par shes pa yin pa'i phyir/
khyab ste/ mdzod las/ rtog dang dpyod

dang bcas pa ni/ /rnam par shes pa'i khams lnga yin/ /zhes
gsungs pa'i phyir/ zhes zer ba ches mi 'thad de/ nyon sgrib dang
shes sgrib gnyis ka spangs nas shes sgrib gnyis spangs pas ma
khyab par thal/ ma rig bag chags kyi sa dang zag med kyi pas

gnyis ka spangs na/ zag med kyi las spangs pas ma khyab pa'i
phyir/ rtags khas/ 'dod na/ nyan thos dgra bcom pas sgrib pa
gnyis ka spangs par thal/ 'dod pa'i phyir/ 'dod na/ nyan thos
dgra bcom pa chos can/ theg chen dgra bcom pa

yin par thal/ sgrub gnyis zad par spangs pa'i gang zag yin pa'i
phyir/ rtags khas/ kho na re/ sangs rgyas 'phags pa'i rgyud kyi
sems byung sems pa chos can/ zag med kyi las yin par thal/ las
gang zhig /zag med yin pa'i

phyir/ zer na yang ma khyab/ kha cig /sdug bsngal bden pa dang/
kun 'byung bden pa 'gal zer ba mi 'thad de/ kun 'byung bden pa
yin na/ sdug bsngal bden pa yin dgos pa'i phyir/ der thal/ nyer
len gyi phung po lnga sdug bsngal

@115b bden pa yin pa'i phyir te/ rnam 'grel las/ sdug bsngal
'khor ba can phung po/ /zhes gsungs pa'i phyir dang/ mdzod las/
gang dag zag bcas nyer len pa'i/ /phung po'ang de dag 'thab bcas
dang/ /sdug bsngal kun 'byung 'jig rten dang/ /

lta gnas srid pa'ang de dag yin/ /zhes gsungs pa'i phyir/ kha
cig /kun 'byung bden pa yin na 'du byed kyi phung po yin dgos
zer na/ kun 'byung bden par gyur pa'i gtso sems chos cad/ der
thal/ de'i phyir/ rtags grub ste/ chos can

de'i phyir/ der thal/ kun 'byung bden par gyur pa'i sems byung
dang mtshungs ldan gyi gtso sems yod pa'i phyir/ rtsa bar 'dod
na/ de 'dra ba de/ mtshungs ldan 'du byed kyi phung po yin par
thal/ 'dod pa gang zhig /mtshungs ldan ma yin

pa'i 'du byed kyi phung po ma yin pa'i phyir/ phyi ma ma grub
na/ de chos can/ ldan min 'du byed yin par thal/ ma grub pa de'i
phyir/ 'dod mi nus te/ gtso sems yin pa'i phyir/ rtsa bar 'dod
na/ sems byung yin par thal/ 'dod pa'i phyir/

kho na re/ kun 'byung bden pa yin na/ sems byung yin dgos par
thal/ nyon mongs pa'i kun 'byung yin na/ sems byung yin dgos/
las kyi kun 'byung yin na yang/ sems byung yin dgos pa'i phyir/
zer na ma khyab/ khyab pa yod

par thal/ kun 'byung bden pa la nyon mongs pa'i kun 'byung bden
pa dang/ las kyi kun 'byung bden pa gnyis su grang des pa'i
phyir/ der thal/ kun btus las/ kun 'byung bden pa gang zhe na/
nyon mongs pa dang/ nyon mongs pa'i dbang

gis byung ba'i las so/ /zhes gsungs pa'i phyir/ zer na yang ma
khyab ste/ sdug bsngal bden pa de la ma dag pa'i snod kyi 'jig
rten dang/ bcud kyi sems can gnyis su grangs nges par thal/ kun
btus las/ sdug bsngal gyi bden pa gang zhe na/

@116a @#/ /de ni sems can skye ba dang/ skye ba'i gnas kyis kyang
rig par bya'o/ /zhes gsungs pa'i phyir/ khyab pa khas/ 'dod mi
nus te/ kun 'byung bden pa yin na/ sdug bsngal bden pa yin dgos
pa'i phyir/ kha cig/ sdug bsngal

bden pa yin na/ zag bcas yin pas ma khyab zer na/ mi 'thad de/
zag bcas yin na spang bya yin dgos par thal/ sdug bsngal bden pa
yin na zag bcas yin pas ma khyab pa'i phyir/ rtags khas/ 'dod
na/ nyan thos kyi sbyor lam chos can/

der thal/ de'i phyir/ byas pa la kho na re/ lhag bcas myang 'das
la gnas pa'i nyan thos dgra bcom pa'i rgyud kyi gzugs kyi phung
po chos can/ zag bcas yin par thal/ sdug bsngal bden pa yin pa'i
phyir/ 'dod na/ nyon mongs pa'i zag bcas

yin par thal/ 'dod pa'i phyir/ zer na/ 'dir ma khyab/ 'dod na/
de'i rgyud la nyon mongs yod par thal/ 'dod pa'i phyir/ yang de
chos can/ zag pa dang bcas par thal/ zag bcas yin pa'i phyir/
'dod na/ lhag bcas myang 'das pa'i rgyud

la zag pa yod par thal/ de'i rgyud kyi gzugs kyi phung po de zag
pa dang bcas pa'i phyir na/ rtsa bar ma khyab/ 'dod na/ de zag
pa zad pa'i gang zag ma yin par thal/ 'dod pa'i phyir/ 'dod na/
mdo las/ dgra bcom pa zag pa zad pa zhes

gsungs pa mi 'thad par thal/ 'dod pa'i phyir/ zer na/ lhag bcas
myang 'das la gnas pa'i nyan thos dgra bcom pa des zag bcas kyi
phung po spangs par thal/ de'i rgyud la zag bcas kyi phung po
med pa'i phyir/ 'dod na/ de chos can/ khyod kyi

lhag med myang 'das thob par thal/ khyod theg dman gyi gang zag
gang zhig /'dod pa'i phyir/ kho na re/ lam bden yin na zag med
yin dgos par thal/ sdug bsngal bden pa yin na zag bcas yin dgos
pa'i phyir/ zer na ma khyab/ 'dod na/

@116b mos pa sgom lam chos can/ der thal/ de'i phyir/ 'gog bden
lam bden gyi 'bras bu yin nam ma yin zhe na/ kha cig /ma yin zer
ba mi 'thad de/ kun nas nyon mongs pa dang gcig shos kyi phyogs
la brten nas kun 'byung pa dang/ lam gyi bden ba

dag ni rgyu yin la/ sdug bsngal dang 'gog pa'i bden pa dag ni
'bras bu yin par don gyi sgo nas bstan te zhes gsungs pa mi
'thad par thal/ dam bca' 'thad pa'i phyir/ byas pa la kho na re/
'gog bden chos can/ lam bden las skyes par thal/ lam

bden gyi 'bras bu yin pa'i phyir/ zer na/ 'gog bden chos can/
dge sbyong gi tshul las skyes par thal/ dge sbyong gi tshul gyi
'bras bu yin pa'i phyir/ 'khor gsum/ gzhan yang/ 'gog bden chos
can/ lam bden gyi 'bras bu yin par thal/

khyod zag med bar chad med lam gyi 'bras bu yin pa'i phyir/ ma
grub na/ der thal/ khyod dge sbyong tshul gyi 'bras bu yin pa'i
phyir/ kho na re/ 'gog bden chos can/ 'bras bu yin par thal/ lam
bden gyi 'bras bu yin pa'i phyir/ zer na yang ma khyab

ste/ de chos can/ 'bras bu yin par thal/ dge sbyong gi tshul gyi
'bras bu yin pa'i phyir/ 'khor gsum yod do/ /rgyun zhugs kyi
rgyud kyi 'gog bden chos can/ rgyun zhugs las skyes par thal/
rgyun zhugs kyi 'bras bu yin pa'i phyir/ khyab pa

khas; rtags gzhan du bsgrubs zin/ ;gnyis pa rang gi lugs la/ kun
nas nyon mongs phyogs kyi bden pa gang zhig /mi rtag pa dang
khyab pa 'du byed kyi sdug bsngal dang don gzhan gyi bdag gis
stong pa dang/ rang gi ngo bor gyur pa'i gang zag gi

bdag med pa'i khyad chos bzhi dang ldan pas rab tu phye ba de/
sdug bsngal bden pa'i mtshan nyid/ de gang zhig /rgyu kun 'byung
rab skye rkyen la sogs pa'i khyad chos bzhi dang ldan pas rab tu
phye ba de/ kun 'byung bden pa'i mtshan nyid/ rnam byang phyogs

@117a @#/ /kyi bden pa gang zhig /'gog pa zhi ba gya nom pa nges
'byung la sogs pa'i khyad chos bzhi dang ldan pas rab tu phye ba
de/ 'gog bden gyi mtshan nyid/ de gang zhig/ lam rig pa sgrub pa
nges 'byin la sogs pa'i khyad chos bzhi dang ldan pas

rab tu phye ba de/ lam bden gyi mtshan nyid/ ;rtsod pa spong ba
la/ mkhas pa kha cig /lhag bcas myang 'das la gnas pa'i nyan
thos dgra bcom pa'i rgyud kyi gzugs kyi phung po chos can/ kun
nas nyon mongs phyogs kyi bden pa yin par thal/ sdug

bsngal bden pa yin pa'i phyir/ 'dod na/ de'i rgyud la kun nas
nyon mongs phyogs kyi bden pa yod par thal/ 'dod pa'i phyir/
'dod na/ de'i rgyud la kun nas nyon mongs phyogs yod par thal/
'dod pa'i phyir na/ 'dir ma khyab/ 'dod na/ de'i rgyud la nyon

mongs yod par thal/ 'dod pa'i phyir/ zhes gsungs na/ ma khyab
'tshams la/ gzugs med khams pa'i gang zag gi rgyud la tshor ba
sdug bsngal yod par thal/ gzugs med khams pa'i gang zag gi rgyud
la sdug bsngal gyi phung po yod pa'i phyir/

khyab pa khas/ 'dod mi nus te/ gzugs med khams pa'i gang zag gi
rgyud kyi zag bcas kyi tshor ba yin na/ tshor ba btang snyoms pa
yin dgos pa'i phyir/ rtags 'bud/ nyan thos kyi sbyor lam mnyam
gzhag ye shes chos can/ lam bden

yin par thal/ mtshan nyid de'i phyir/ dang po der thal/ byang
phyogs so bdun gang rung yin pa'i phyir/ khyab ste/ phung bo
dang khams dang skye mched dang/ rten cing 'brel bar 'byung ba
dang/ rnam par byang ba dang/ mthong ba dang sgom pa dang zhes
bya

ba'i rnam par byang ba byang phyogs so bdun la bshad pa'i phyir/
zer na ma khyab/ kho na re/ lhag bcas myang 'das la gnas pa'i
nyan thos dgra bcom pa'i rgyud kyi kun 'byung bden pa skad cig
tha ma chos can/ kun 'byung bden pa'i mtshan nyid kyi

@117b zur phyi ma der thal/ mtshon bya de'i phyir/ 'dod na/ de
chos can/ rab skye'i rnam pa yin par thal/ 'dod pa'i phyir/ 'dod
na/ rang 'bras sdug bsngal shugs drag skyed byed yin par thal/
'dod pa'i phyir na ma khyab/ 'dod na/ lhag med myang 'das la
gnas

ba'i nyan thos dgra bcom pa'i rgyud la sdug bsngal yod par thal
lo/ zer na/ /kho rang la byung 'phags kyi rgyud kyi 'dus byas mi
rtag par rtogs pa'i mkhyen pa chos can/ sems kyi gnas lugs phyin
ci ma log par rtogs pa'i blo yin par thal/ lam bden gyi sgrub

pa'i rnam pa yin pa'i phyir/ khyab pa khas/ der thal/ lam bden
yin pa'i phyir/ 'dod na/ slob lam na blo gcig gi bden pa gnyis
ga gcig car du mngon sum du rtogs par thal lo/ ! /kun 'byung ba
la stong pa nyid ces pa'i skabs su/ gzugs skye

ba'i chos can nam 'gag pa'i chos can du yang dag bar rjes su mi
mthong zhes sogs kyi mdo chos can/ kun 'byung bden pa la gdams
pa yin te/ de la spang byar bden zhen dgag pa'i phyir du gdams
pa'i phyir/ kho na re/ kun 'byung bden pa yin na/ spang bya

yin dgos par thal/ sbyor ba de 'thad pa'i phyir na ma khyab/ kun
'byung bden par gyur pa'i gzugs phung med byas pa la/ kha cig
/de yod par thal/ der gyur pa'i phung po lnga yod pa'i phyir/
der thal/ kun 'byung ba la stong pa nyid dang gzugs la sogs pa

rgyur gyur pa dag tha mi dad pa nyid ces gsungs pa'i phyir/ zer
na ma khyab ste/ rnam mkhyen gyi shes rnam du gyur pa'i mthong
lam yod par thal/ spong ba'i lam la bar chad med pa'i lam gyi
rnam pa bzhis bsdus pa kun nas nyon mongs pa dang mi ldan pa'i
mtshan

nyid bzhi'o/ /zhes gsungs pa'i phyir/ khyab pa khas/ gzhan yang/
'gog bden du gyur pa'i stong nyid yod par thal/ 'gog pa la stong
pa nyid skye ba dang/ zhes gsungs pa'i phyir/ khyab pa khas/
'gog pa la zhes pa'i skabs su/ shA ri'i bu/ stong pa

@118a @#/ /nyid mi skye mi 'gag go kun nas nyon mongs pa ma yin
zhes sogs kyi mdo chos can/ 'gog bden la gdams pa yin te/ de
mngon du bya bar bden zhen dgag pa'i phyir du gdams pa yin pa'i
phyir/ ! lam la sbyin pa la sogs zhes

pa'i skabs su/ byang chen 'di sbyin pa la brtson zhes bya'am/ mi
brtson zhes sogs kyi mdo chos can/ lam bden la gdams pa yin te/
de rgyud la bsten byar bden zhen dgag pa'i phyir du gdams pa'i
mdo yin pa'i phyir/ gzhung phyi ma gsum gyi skabs

su mtha' gcod gzhan rnams sdug bden gyi skabs su bshad pa bzhin
bya'o/ ! /sangs rgyas la sangs rgyas dang byang chub dag ces
sogs kyi skabs su/ byang chen sher phyin la spyod pa'i tshe/
gzugs la rnam pa thams cad mkhyen pa nyid sbyor bar mi byed de

gzugs nyid yang dag par rjes su mi mthong zhes sogs kyi mdo chos
can/ sangs rgyas dkon mchog la gdams pa yin te/ de la skyabs
gnas su bden zhen dgag pa'i phyir du gdams pa'i mdo tshig yin
pa'i phyir/ ! chos la thams cad mkhyen pa

nyid gsum gyi zhes sogs kyi skabs su/ gzugs dngos po yod ces bya
bar mi sbyor/ gzugs dngos po med ces bya bar mi sbyor/ zhes sogs
kyi mdo chos can/ chos dkon mchog la gdams pa yin te/ de la
mngon du bya bar bden zhen dgag pa'i

phyir du gdams pa'i mdo tshig yin pa'i phyir/ ! dge 'dun la sangs
rgyas dkon mchog gi khongs su gtogs pa nyid kyi zhes sogs kyi
skabs su/ rtsa ba'i sbyor ba gsum pa 'god dgos so/ /! sha'i dang
rnam par smin pa las byung ba'i zhes sogs kyi skabs

su; sbyor ba dang mtha' bcad pa gnyis/ dang po ni/ shA ri'i bu
byang chub sems dpa' sems dpa' chen po sha'i mig gis dpag tshad
brgya mthong ba yod ces sogs kyi mdo chos can/ spyan lnga la
gdams pa yin te/ spyan lnga'i yul yul can

@118b bden stong ngo bo gcig tu grub bo zhes gdams pa'i mdo yin
pa'i phyir/ gnyis pa la gsum las/ dang po ni/ kha cig /spyan
lnga'i nang tshan yin pa gang zhig /rang gi bdag rkyen du gyur
pa'i sha'i mig las byung zhing stong gsum tshun chad kyi gzugs
phra rags

mngon sum du mthong ba de/ sha'i spyan gyi mtshan nyid/ de gang
zhig /rang gi bdag rkyen du gyur pa'i lha'i mig la brten nas
byung zhing/ sems can thams cad kyi 'chi 'pho ba dang skye ba
mngon sum du rtogs pa de/ lha'i spyan gyi mtshan nyid/ de gang
zhig / /

bdag med phra rags gang rung mngon sum du rtogs pa de/ shes rab
kyi spyan kyi mtshan nyid/ de gang zhig /rang dang rgyu tshod
mnyam pa'i 'phags pa'i gang zag gi dbang po rno rtul ji lta ba
bzhin du mngon sum du rtogs pa de/ chos kyi spyan gyi mtshan
nyid/ de gang

zhig /chos thams cad mngon sum du rtogs pa mthar phyin pa'i ye
shes de/ sangs rgyas kyi spyan gyi mtshan nyid/ zer na/ mdo las/
shA ri'i bu/ byang chub sems dpa' sems dpa' chen po sha'i mig
gis dpag tshad brgya mthong ba yod de zhes

gsungs pa mi 'thad par thal/ dpag tshad brgya'i gzugs phra rags
mngon sum du mthong la/ dpag tshad nyis brgya'i gzugs phra rags
mngon sum du ma mthong ba'i sha'i spyan med pa'i phyir/ ma grub
na song/ der thal/ sha'i spyan yin na stong gsum

tshun chad kyi gzugs phra rags mngon sum du mthong bas khyab pa'i
phyir/ rtags khas/ gzhan yang/ lha'i spyan la nus mthu che tshung
gi khyad par med par thal/ de yin na sems can thams cad kyi 'chi
'pho ba dang skye ba mngon sum du mthong pas

khyab pa'i phyir/ rtags khas/ mtshan nyid gsum pa la/ theg chen
gyi mthong lam bar chad med lam chos can/ bdag med phra rags
gang rung mngon sum du rtogs par thal/ shes rab kyi spyan yin
pa'i phyir/ rtags grub ste/ chos can de'i

@119a @#/ /phyir; 'dod na/ de gang rung de'i dngos kyi gzhal bya
yin par thal/ 'dod pa'i phyir/ 'dod na/ de gang rung don dam
bden pa yin par thal/ 'dod pa'i phyir/ kha cig/ ! rang gi thun
mong ma yin pa'i bdag rkyen du gyur pa'i mig

dbang gzugs can pa la brten nas dpag tshad brgya tshun chad kyi
gzugs phra rags mngon sum du mthong ba'i rig pa de/ sha'i spyan
gyi mtshan nyid/ rang gi thun mong ma yin pa'i bdag rkyen du gyur
pa'i bsam gtan bzhi pa thob pa'i gang zag gi rgyud kyi

mig dbang gzugs can pa la brten nas stong gsum tshun chad kyi
gzugs mngon sum du mthong ba de/ lha'i spyan gyi mtshan nyid/
rang gi thun mong ma yin pa'i bdag rkyen du gyur pa'i zhi lhag
zung 'brel gyi ting nge 'dzin la brten nas/ rang yul

bdag med phra rags gang rung mngon sum du rtogs pa'i 'phags
rgyud kyi mkhyen pa de/ shes rab kyi spyan gyi mtshan nyid/ rang
gi thun mong ma yin pa'i bdag rkyen zhi lhag zung 'brel gyi ting
nge 'dzin la brten nas gzugs las gzhan pa'i rang yul kun

rdzob mngon sum du rtogs pa'i 'phags rgyud kyi mkhyen pa de/
chos kyi spyan gyi mtshan nyid/ rang gi thun mong ma yin pa'i
bdag rkyen zhi lhag zung 'brel gyi ting nge 'dzin la brten nas
bdag med gnyis cig car du mngon sum du rtogs pa'i mkhyen pa

de; sangs rgyas kyi spyan gyi mtshan nyid/ zer na/ byang sems
sbyor lam pa'i rgyud kyi lha'i spyan chos can/ mtshan nyid gnyis
pa der thal/ mtshon bya de'i phyir/ 'dod na/ de chos can/ dbang
shes yin par thal/ 'dod pa'i phyir/ 'dod na

lha'i mig gi mngon shes dbang shes yin par thal/ 'dod pa'i
phyir/ 'dod na 'og tu 'gog dang? byang sems sbyor lam pa'i rgyud
kyi sha'i spyan chos can/ mtshan nyid dang po der thal/ mtshon bya
de'i phyir/ 'dod na/ de chos can/ dbang

@119b shes yin par thal/ 'dod pa'i phyir/ 'dod na/ tshur mthong
gi rgyud kyi gzugs 'dzin dbang po'i mngon sum des/ phra rags
chod bskal gyi gzugs mngon sum du mthong ba srid par thal/ 'dod
pa'i phyir/ 'dod na/ rnam 'grel las/ bar chod la

sogs yod na yang/ /dbang shes blo ni skye bar 'gyur/ /zhes
gsungs pa mi 'thad par thal/ 'dod pa'i phyir/ gzhan yang/ byang
sems kyi mthong lam sdug bsngal chos bzod chos can/ mtshan nyid
gsum pa der thal/ mtshon bya de'i

phyir/ 'dod na/ de chos can/ de gnyis gang rung khyod kyis dngos
kyi gzhal bya yin par thal/ 'dod pa'i phyir/ 'dod na/ de gang
rung don dam bden pa yin par thal/ 'dod pa'i phyir/ 'dod na/ de
gang rung mngon sum du rtogs pa'i gang zag yin

na; don dam bden pa mngon sum du rtogs pa'i gang zag yin dgos
par thal/ 'dod pa'i phyir/ 'dod na/ stong nyid ma rtogs pa'i
nyan thos mthong lam pa chos can/ der thal/ de'i phyir/ gzhan
yang/ rgyun zhugs zhugs pa'i rgyud kyi nyan

thos kyi mthong lam bar chad med lam chos can/ chos kyi spyan
yin par thal/ mtshan nyid bzhi pa de'i phyir/ der thal/ chos can
de'i phyir/ 'dod na/ chos kyi spyan thob pa'i rgyun zhugs zhugs
pa yod par thal/ 'dod pa'i phyir/ 'dod na/

'phags pa'i gang zag gi dbang po rno rtul ji lta ba bzhin du
mngon sum du rtogs pa'i rgyun zhugs zhugs pa yod par thal/ 'dod
pa'i phyir/ 'dod na/ gzhan sems shes pa'i mngon shes thob pa'i
rgyun zhugs zhugs pa yod par thal/ 'dod

pa'i phyir/ 'dod na/ bsam gtan gyi dngos bzhi'i snyoms 'jug thob
pa'i rgyun zhugs zhugs pa yod par thal/ 'dod pa'i phyir/ lan
gyis bzlog pa med do/ /kha cig /sha'i spyan gyi ma mtha'i sa
'tshams theg chen gyi tshogs lam

@120a @#/ /lam nas 'jog /lha'i spyan theg chen gyi sbyor lam nas
dang/ shes rab kyi spyan theg chen gyi mthong lam mnyam gzhag ye
shes nas dang/ chos kyi spyan theg chen gyi mthong lam rjes thob
nas dang/ sangs rgyas kyi spyan rjes

su mthun pa sa brgyad pa nas dang/ mtshan nyid pa sangs rgyas kyi
sa kho nar thob/ zer na/ sa 'tshams de mi 'thad par thal/ lha'i
spyan rgyud la ldan pa'i lam ma zhugs kyi gang zag yod pa'i
phyir/ bsam gtan bzhi pa'i rten can gyi lam ma zhugs

kyi gang zag yod pa'i phyir/ gzhan yang/ sa 'tshams de mi 'thad
par thal/ chos kyi spyan rgyud ldan gyi nyan thos 'phags pa yod
pa'i phyir/ der thal/ 'phags pa'i gang zag gi dbang po rno rtul
ji lta ba bzhin du mngon sum du rtogs pa'i nyan thos

'phags pa yod pa'i phyir te/ nyan thos 'phags pa'i rgyud kyi
gzhan sems shes pa'i mngon shes kyis rang dang rgyud tshod mnyam
pa'i gang zag gi dbang po rno rtul ji lta ba bzhin du rtogs nus
pa'i phyir/ der thal/ nyan thos 'phags pa'i rgyud la gzhan

sems shes pa'i mngon shes yod pa'i phyir/ rtags khas/ kho na re/
spyan lnga'i sa 'tshams de ltar 'thad par thal/ rnam bshad las/
de ltar bshad pa'i phyir na/ 'di'i lan la kha cig /de'i don/
theg chen gyi tshogs lam nas sha'i spyan thob pa dang/

theg chen gyi sbyor lam thob na lha'i spyan thob pas khyab pa
dang/ theg chen gyi mthong lam skyes nas spyan gsum pa thob pas
khyab pa lung de'i don yin/ zer ba dang/ sha'i spyan dang lha'i
spyan la sogs pa dbang shes su 'dod pa nang 'gal te/ stong nyid
la rtse

gcig du mnyam par bzhag pa'i theg chen sbyor lam pa'i rgyud la
lha'i spyan yod par thal/ theg chen gyi sbyor lam thob na lha'i
spyan thob pas khyab pa'i phyir/ rtags khas/ khyab ste/ theg
chen gyi sbyor lam drod kyi ye shes skad cig dang po la

@120b gnas pa'i gang zag yin na/ stong nyid la rtse gcig tu
mnyam par bzhag pa'i gang zag yin dgos pa'i phyir/ 'dod na/ de'i
rgyud la dbang shes mngon gyur du yod par thal/ 'dod pa gang
zhig /lha'i spyan yin na dbang shes yin dgos pa'i

phyir; rtags phyi ma khas/ 'dod na/ de chos can/ khyod kyi rgyud
la dbang shes mngon gyur du med par thal/ khyod stong nyid la
rtse gcig tu mnyam par bzhag pa'i mnyam bzhag ye shes la gnas
pa'i sems dpa' yin pa'i phyir/ gzhan yang/

rnam bshad kyi lung don de ltar du 'chad pa dang/ theg chen
mthong lam bar chad med lam la gnas pa'i sems dpa'i rgyud la kun
rdzob sems bskyed med par 'dod pa nang 'gal te/ mthong lam bar
chad med lam la gnas pa'i sems dpa'i rgyud

kyi mkhyen pa yin na/ theg chen gyi mthong lam bar chad med lam
yin dgos par thal/ de'i rgyud la kun rdzob sems bskyed med pa'i
phyir/ rtags khas/ 'dod na/ stong nyid la rtse gcig tu mnyam par
bzhag pa'i byang sems sbyor lam

pa'i rgyud kyi mkhyen pa yin na stong nyid la rtse gcig tu mnyam
par bzhag pa'i mnyam bzhag ye shes yin dgos par thal/ 'dod pa'i
phyir/ 'dod na/ stong nyid la rtse gcig tu mnyam par bzhag pa'i
byang sems sbyor lam pa'i rgyud kyi lha'i spyan chos/

can; der thal/ de'i phyir/ ma grub na/ der thal/ stong nyid la
rtse gcig tu mnyam par bzhag pa'i byang sems sbyor lam pa'i
rgyud la lha'i spyan yod pa'i phyir/ ma grub na/ theg chen gyi
tshogs lam gyi skabs su lha'i spyan ma thob/ theg chen gyi sbyor

lam drod thob pa dang dus mnyam du lha'i spyan thob pa'i gang
zag yod pa'i phyir/ ma grub na/ der thal/ rnam bshad kyi lung
don de 'thad pa'i phyir/ rtags khas/ kha cig/ slob pa'i rjes
thob yin na rtog pa yin dgos zer ba yang TI ka'i phyogs snga

@121a@#/ /ma yin te/ byang sems mthong lam pa'i rgyud kyi chos
kyi spyan dang rjes thob kyi gzhi mthun med par thal/ slob pa'i
rjes thob yin na/ rtog pa yin dgos pa'i phyir/ 'dod na/ rnam
bshad las/ chos kyi spyan mthong lam rjes

thob ye shes nas thob ces gsungs pa mi 'thad par thal lo/ /kha
cig /lha'i spyan thob pa'i byang sems tshogs lam pa med zer ba mi
'thad de/ bsam gtan bzhi pa'i rten can gyi byang sems tshogs lam
pa'i rgyud la lha'i spyan yod pa'i phyir/ ma grub

na; de chos can/ khyod kyi rgyud la de yod par thal/ khyod chos
can de yin pa'i phyir/ ! rang lugs ni/ spyan lnga'i nang tshan
yin pa gang zhig /rang gi bdag rkyen du gyur pa'i sha'i mig la
brten nas byung ba'i dpag tshad brgya'i gzugs phra rags

rnams mngon sum du mthong ba de/ sha'i spyan gyi mtshan nyid/ de
gang zhig /rang gi bdag rkyen du gyur ba'i lha'i mig la brten
nas byung ba'i sems can gyi 'chi 'pho ba dang skye ba mngon sum
du rtogs pa de/ lha'i spyan gyi mtshan nyid/ de gang zhig /

mnyam bzhag rnam par mi rtog pa'i ye shes su dmigs pa de/ shes
rab kyi spyan gyi mtshan nyid/ de gang zhig /'phags pa'i gang zag
gi dbang po rno rtul ji lta ba bzhin du mngon sum du rtogs pa
de/ chos kyi spyan gyi mtshan nyid/ de gang zhig /

chos thams cad mngon sum du rtogs pa mthar phyin pa'i ye shes
sangs rgyas kyi spyan gyi mtshan nyid/ sa 'tshams ni/ rnam bshad
las/ sha'i spyan tshogs lam nas dang/ lha'i spyan sbyor lam nas
dang/ shes rab kyi spyan mthong lam nas dang/

chos kyi spyan mthong lam rjes thob nas dang/ sangs rgyas kyi
spyan sangs rgyas kyi sa dang rjes mthun pa sa brgyad pa nas yod
ces gsungs/ de'i don ni dman lam sngon du ma song ba'i theg chen
gyi tshogs lam gyi gnas skabs su sha'i spyan nges par thob

@121b pa dang/ theg chen gyi sbyor lam gyi gnas skabs su lta'i
spyan nges par thob pas khyab pa dang/ theg chen gyi mthong lam
mnyam bzhag ye shes thob na shes rab kyi spyan thob pas khyab pa
dang/ theg chen gyi mthong lam rjes thob thob na/ chos kyi spyan
mngon

gyur pa thob pas khyab pa dang/ sa brgyad pa nas sangs rgyas kyi
spyan rjes mthun pa dang/ mtshan nyid pa sangs rgyas kyi sa kho
nar yod par gsungs pa'i don no/ /!rtsod pa spong ba la/ kha cig
/sha'i spyan yin na shes pa yin dgos par thal/ sha'i spyan gyi

mtshan nyid de 'thad pa'i phyir/ 'dod mi nus te/ sha'i mig de
sha'i spyan yin pa'i phyir/ der thal/ sha'i spyan gyi mtshan nyid
cig yod pa'i phyir/ zhes zer na/ sangs rgyas kyi mig de sangs
rgyas kyi spyan yin par thal/ sha'i mig de

sha'i sbyan yin pa'i phyir/ rtags khas/ 'dod na/ sangs rgyas kyi
mig chos can/ chos thams cad mngon sum du rtogs pa mthar phyir
pa'i ye shes yin par thal/ sangs rgyas kyi spyan yin pa'i phyir/
gzhan yang/ sha'i mig chos can/ dpag

tshad brgya'i gzugs phra rags mngon sum du rtogs par thal/ sha'i
sbyan yin pa'i phyir/ 'dod na/ des gzugs mthong bar thal/ 'dod
pa'i phyir/ 'dod na/ mig gis gzugs mthong bar thal/ 'dod pa'i
phyir/ 'dod na/ mig

yul can yin par thal/ 'dod pa'i phyir/ 'dod na/ mig chos can/
yul can ma yin par thal/ bem po yin pa'i phyir byas pa la kho na
re/ sha'i mig gis gzugs mthong bar thal/ lha'i mig gis gzugs
mthong ba'i phyir/ der thal/

rnam bshad snying po rgyan las/ tshe 'dir bsam gtan bsgoms pa'i
mngon par shes pa las byung ba'i lha'i mig gis bskal pa dang ma
bskal pa'i gzugs phra rags thams cad mthong ba bsgoms pa las
byung ba'i mnyam par bzhag pa'i

@122a @#/ /sas bsdus pa'i gzugs can dang ba yin la/ mngon shes ni
de'i bdag rkyen la brten pa chos gnyis dang mtshungs par ldan
pa'i yid kyi shes pa'o/ /zhes gsungs pa'i phyir na/ ma khyab
ste/ lha'i mig gi dbang

shes kyis bskal pa dang ma bskal pa'i gzugs phra rags thams cad
mngon shes kyis mthong ba'i bdag rkyen byed pa lung de'i don yin
pa'i phyir/ spyan dang po gnyis yid shes su khas blangs pa la/
kho na re/ spyan lnga po gang rung yin na yid
  
shes yin dgos par thal/ dam bca' 'thad pa'i phyir/ 'dod na/
sangs rgyas 'phags pa'i mig gi rnam par shes pa chos can/ der
thal/ de'i phyir/ ma grub na/ der thal/ chos nyid mngon sum du
rtogs pa'i ye shes yin pa'i

phyir/ ma grub na/ der thal/ ye shes chos sku yin pa'i phyir te/
sgrib gnyis zad par spangs pa'i shes pa yin pa'i phyir/ gzhan
yang/ lha'i spyan de dge ba yin par thal/ de yid shes yin pa'i
phyir/ 'dod na/ de chos can/ dge ba ma yin

par thal/ lung ma bstan yin pa'i phyir te/ rnam smin gyi 'bras
bu yin pa'i phyir/ rtags grub ste/ rnam par smin pa las byung
ba'i lha'i zhes gsungs pa'i phyir/ zer na ma khyab/ yang kha cig
/theg pa chen po'i mthong lam bar chad med lam chos can/

chos kyi spyan gyi mtshan nyid kyi zur phyi ma der thal/ mtshon
bya de'i phyir/ ma grub na/ der thal/ de chos kyi mig yin pa'i
phyir/ mdo las/ 'dod pa dang gzugs kyi lha'i bu bye ba phrag
brgya chos rnams la chos kyi mig rdul med cing dri ma dang

bral ba rnam par dag pa/ zhes gsungs pa'i chos kyi mig de mthong
lam la byed rigs pa'i phyir zer// kha cig /chos kyi spyan yin
na/ rtogs pa'i chos kyi spyan yin dgos par thal/ mtshan nyid de
'thad pa'i phyir/ 'dod na/ lung gi

@122b chos kyi spyan chos can/ der thal/ de'i phyir/ rtags grub
ste/ 'grel chen las/ gsung rab yan lag bcu gnyis po thams cad la
thogs med du 'jug pa ni chos kyi sbyan no/ zhes gsungs pa'i
phyir/ zer na/ lung gi chos dkon mchog yin na/chos

dkon mchog yin dgos par thal/ lung gi chos kyi spyan yin na/
chos kyi spyan yin dgos pa'i phyir/ rtags khas/ 'dod na/ yum gyi
mdo chos can/ der thal/ de'i phyir/ lha'i spyan thob na/ bsam
gtan bzhi pa'i dngos gzhi'i snyoms 'jug

thob pas khyab byas pa la kha cig /bsam gtan gyi dngos gzhi'i
snyoms 'jug ma thob pa'i 'dod lha'i rgyud la lha'i spyan med par
thal/ dam bca' 'thad pa'i phyir/ 'dod mi nus te/ de'i rgyud la
lha'i mig yod pa'i phyir/ ma grub na/ de 'dra'i 'dod

lha chos can/ khyod kyi rgyud la lha'i mig yod par thal/ khyod
kyi rgyud la mig yod pa gang zhig /khyod lha yin pa'i phyir/
/zer na ma khyab /yang kha cig /de'i rgyud la lha'i mig yod par
thal/ de'i rgyud la 'dod pa'i lha'i mig yod pa'i phyir/ zer

na ma khyab bo/ /rdzu 'phrul dang lha'i rna bzhes sogs kyi skabs
su/ sbyor ba dang/ mtha' bcad pa gnyis/ dang po ni/ byang chen
mngon par shes pa'i pha rol tu phyin pa thob ste/ rdzu 'phrul
gyi rnam pa du mnyam su myong bar byed do/ /zhes sogs kyi mdo

chos can/ mngon shes drug la gdams pa yin te/ mngon shes drug
tha snyad tsam du yod cing/ don dam par med par rtogs par gyis
zhig /ces gdams pa'i mdo tshig yin pa'i phyir/ gnyis pa la gsum
las/ dang po ni/ kha cig /rang gi

bdag rkyen du gyur pa'i bsam gtan gyi dngos gzhi'i sems la brten
nas sa g.yo ba dang/ gcig tu gyur cing mang du sprul pa sogs
byed nus pa'i ting nge 'dzin shes rab mtshungs ldan dang bcas pa/
rdzu 'phrul gyi mngon shes kyi mtshan nyid/ rang

@123a @#/ /gi bdag rkyen du gyur ba'i bsam gtan gyi dngos gzhi'i
sems la brten nas/ 'jig rten khams kyi sgra pra rags thams cad
mngon sum du shes pa'i ting nge 'dzin mtshungs ldan dang bcas pa/
lha'i rna ba'i mngon shes kyi

mtshan nyid/ rang gi bdag rkyen du gyur pa'i bsam gtan gyi dngos
gzhi'i sems la brten nas byung ba'i gzhan gyi sems 'dod chags
dang bral ba dang 'dod chags dang bcas pa mngon sum du rtogs
pa'i ting nges 'dzin shes rab mtshungs ldan

dang bcas pa de/ gzhan sems shes pa'i mngon shes kyi mtshan nyid/
yang de la brten nas rang gzhan gyi tshe rabs snga ma brgya stong
sogs du ma dran pa'i ting nge 'dzin shes rab mtshungs ldan dang
bcas pa de/ sngon gnas rjes dran gyi mngon shes kyi mtshan nyid/

yang de la brten nas 'jig rten gyi khams kyi gzugs phra rags
mngon sum du rtogs pa'i ting nge 'dzin shes rab mtshungs ldan
dang bcas pa de/ lha'i mig gi mngon shes kyi mtshan nyid/ de la
brten nas sgrib gnyis spong bar byed pa'i thabs

dang spangs pa'i bral ba mngon sum du rtogs pa'i ting nge 'dzin
shes rab mtshungs ldan dang bcas pa de/ zag zad kyi mngon shes
kyi mtshan nyid/ zer na/ rdzu 'phrul gyi mngon shes su gyur pa'i
shes rab chos can/ mtshan nyid dang po der thal

mtshon bya de'i phyir/ rtags grub ste/ de 'dra yod pa'i phyir/
'dod na/ de chos can/ khyod dang mtshungs ldan gyi shes rab yod
par thal/ 'dod pa'i phyir/ 'dod mi nus te/ khyod shes rab yin
pa'i phyir/ gzhan yang/ phyi rol pa'i rgyud

kyi gzhan sems shes pa'i mngon shes chos can/ mtshan nyid gsum pa
der thal/ mtshon bya de'i phyir/ rtags grub ste/ phyi rol pa'i
rgyud la gzhan sems shes pa'i mngon shes yod pa'i phyir/ kun
btus las/ phyi rol pa'am/

@123b nyan thos sam/ byang chub sems dpa' yang rung ste dag pa'i
bsam gtan bzhi la brten nas tshad med pa rnams mngon par grub bo/
/tshad med pa rnams ji lta bar mngon par shes pa yang de bzhin
no/ /zhes gsungs pa'i phyir/ 'dod na/ de chos

can; gzhan gyi sems 'dod chags dang bral ba'i bral ba mngon sum
du rtogs par thal/ 'dod pa'i phyir/ 'dod na/ de chos can/ 'gog
bden mngon sum du rtogs par thal/ 'dod pa'i phyir/ 'dod mi nus
te/ chos can de'i phyir/ gzhan

yang/ nyan thos dgra bcom pa'i rgyud kyi zag zad kyi mngon shes
chos can/ mtshan nyid drug pa der thal/ mtshon bya de'i phyir/
rtags grub ste/ chos can de'i phyir/ 'dod na/ sgrib gnyis spangs
pa'i bral ba mngon sum du rtogs par thal/

'dod pa'i phyir/ 'dod mi nus te/ sems can gyi rgyud kyi shes pa
yin pa'i phyir/ kho na re/ lha'i mig gi mngon shes dang lha'i
rna ba'i mngon shes gnyis dbang shes yin zer na/ lha'i mig gi
mngon shes chos can/ dbang shes ma yin par thal/

yid kyi shes pa yin pa'i phyir/ der thal/ rang gi thun mong ma
yin pa'i bdag rkyen du gyur pa'i bsam gtan gyi dngos gzhi'i sems
la brten nas skyes ba'i shes pa yin pa'i phyir/ der thal/ mngon
shes dang po lnga po gang rung yin pa'i phyir/ khyab ste/

kun btus las/ phyi rol pa 'am zhes sogs gong du drangs zin pa'i
phyir/ kho na re/ tshur mthong gi rgyud kyi lha'i mig gi mngon
par shes pa de dge ba yin par thal/ de yid kyi shes pa yin pa'i
phyir/ 'dod mi nus te/ lung ma bstan yin pa'i phyir/

rtags grub ste/ mdzod las/ mig dang rna ba'i mngon shes ni/
/lung du ma bstan lhag rnams dge /zhes gsungs pa'i phyir na ma
khyab/ /'dod na/ de dge ba yin par thal/ 'jig rten pa'i rnam
grol lam yin pa'i phyir/ der thal/ mdzod

@124a @#/ /las/ mngon shes rnam drug rnam grol blo/ /zhes gsungs
pa'i phyir/ khyab pa khas/ kho na re/ de chos can/ dbang shes
yin par thal/ mig shes yin pa'i phyir te/ mig gi mngon par shes
pa yin pa'i phyir/ zer na/ 'dir

ma khyab/ tshur mthong gi rgyud la bsam gtan bzhi pa'i sas bsdus
kyi lha'i mig gi mngon shes med par thal/ lha'i mig gi mngon
shes yin na/ dbang shes yin pas khyab pa gang zhig /tshur mthong
gi rgyud la bsam gtan gnyis pa yan chad kyi sras

bsdus kyi dbang shes med pa'i phyir/ rtags dang po dngos/ gnyis
pa grub ste/ tshur mthong gi rgyud la bsam gtan gnyis pa'i sas
bsdus kyi rtogs dpyod med pa'i phyir/ gong du 'dod na/ rang gi
sems brten du gyur pa'i bsam gtan bzhi pa'i dngos

gzhi la brten nas skyes pa'i mngon shes med par thal/ 'dod pa'i
phyir/ 'dod na/ kun btus las/ phyi rol pa 'am zhes sogs gsungs
pa mi 'thad par thal lo/ /sa 'tshams la kha cig /mngon shes drug
pa dgra bcom pa mtha' dag gi rgyud la yod zer na/

nyan thos dgra bcom pa yin na/ bsam gtan gyi dngos gzhi thob pas
khyab par thal/ de yin na zag zad kyi mngon shes rgyud la ldan
pas khyab pa'i phyir/ rtags khas/ kha cig /zag zad kyi mngon
shes dman lam sngon du ma song

ba'i dbang du byas na theg chen gyi mthong lam nas sangs rgyas
kyi sa'i bar na yod zer na/ dman lam sngon du ma song ba'i byang
sems sa dang po pas nyon sgrib spangs par thal/ de'i rgyud la
zag zad kyi mngon shes yod pa'i phyir/ rtags khas/ gnyis pa

rang lugs ni mngon shes drug gi nang tshan gang zhig /sa g.yo ba
dang/ gcig tu gyur cing mang du sprul pa sogs byed nus pa de/
rdzu phrul gyi mngon shes kyi mtshan nyid/ de gang zhig rang gi
bdag rkyen du gyur pa'i lha'i rna ba la brten nas skyes shing/
'jig

@124b rten khams kyi sgra phra rags mngon sum du shes pa de/
lha'i rna ba'i mngon shes kyi mtshan nyid/ de gang zhig /gzhan
gyi sems la ci mngon shes pa de/ gzhan sems shes pa'i mngon shes
kyi mtshan nyid/ de gang zhig /rang gzhan gyi tshe rabs snga ma du
ma rjes su dran pa de/ sngon gnas rjes dran gyi mngon shes

kyi mtshan nyid/ de gang zhig /rang gi bdag rkyen du gyur pa'i
lha'i mig dbang la brten nas byung zhing 'jig rten gyi khams kyi
gzugs phra rags mngon sum du mthong ba de/ lha'i mig gi mngon
shes kyi mtshan nyid/ de gang zhig /nyon sgrib zad par spang pa
de/ zag zad kyi mngon shes kyi mtshan nyid/ sa 'tshams

ni mngon shes dang po lnga la ma zhugs na sangs rgyas kyi sa'i
bar na yod/ zag zad kyi mngon shes theg dman gyi dbang du byas
na bsam gtan gyi dngos gzhi thob pa'i theg dman dgra bcom pa
mtha' dag gi rgyud la yod/ theg chen gyi dbang du byas na zag
zad kyi mngon shes rjes mthun pa sa brgyad pa nas

thob cing/ mtshan nyid pa sangs rgyas kyi sa kyi sa kho nar yod/
!dmigs pa dang ni rnam pa dang zhes sogs kyi skabs su sbyor ba
dang/ mtha' bcad pa gnyis/ dang po ni/ theg chen gyi sbyor lam
chos can/ theg dman gyi sbyor lam las khyad chos drug gi sgo nas
khyad par du 'phags pa yin te/ de las dmigs

pa dang/ rnam pa dang/ rgyu bye ba tshul dang/ yongs su 'dzin
tshul dang/ bden 'dzin gyi rnam rtog spang bya'i gtso bor ldan
tshul dang/ chung 'bring chen po sogs gyi sgo nas khyad par du
'phags pa'i phyir/ kho na re/ theg dman gyi sbyor lam la chung
'bring chen po gsum gyi dbye ba mi 'thad par

thal; khyod kyi sbyor ba de 'thad pa'i phyir/ rtags khas/ 'dod
na/ de la chug 'bring chen po yod par thal/ theg dman gyi sbyor
lam dang po gsum la chung 'bring chen po gsum gyi dbye ba yod
pa'i phyir/ zer na/ rtsa bar ma khyab ste/ theg chen gyi sbyor

lam chos mchog la chung 'bring chen po gsum gyi dbye ba yod
cing/ theg dman la de med pas khyad par du 'phags par bzhag pa'i
phyir/ kho na re/ theg dman gyi sbyor lam chos mchog la chung
'bring chen po gsum gyi dbye ba yod par thal/ de

@125a @#/ /la rgyud tha dad pa'i dbang du byas pa'i chung 'bring
chen po gsum gyi dbye ba yod pa'i phyir/ zer na ma khyab ste/
theg dman gyi sbyor lam chos mchog la chung 'bring chen po gsum
gyi dbye ba med par thal/ de dus mtha'i skad cig ma yin

pa'i phyir/ mdzod las/ skad cig de bzhin chos mchog ces gsungs
pa'i phyir dang/ 'grel chen las/ de dus mtha'i skad cig mar
gsungs pa'i phyir/ gnyis pa la gsum las/ dang po ni/ rong TIk
pa na re/ theg chen gyi sbyor lam de rang

stobs kyi sgo nas skye ba dang/ gzhan stobs kyi sgo nas skye ba
gnyis/ dang po ni/ gling gsum gyi mi dang/ 'dod lha'i rten la
theg chen gyi sbyor lam dngos su gsar du skye ba yod la/ 'gro ba
gzhan gyi rten la de gsar du skye ba med de/ ngan song ba rnams

rnam smin gyi sgrib pa shas che ba dang/ khams gong ma'i skye bo
rnams snyoms 'jug gi bde ba la chags pas skyo ba shas chung ba'i
phyir/ gnyis pa gzhan stobs kyis skye ba'i dbang du byas nas/
ngan song ba rnams dang khams gong ma'i rten la yang gsar du

skye ba yod de/ de rnams kyi rten la mthong lam gsar du skye ba
yod pa gang zhig /rgyu mtshan mtshung pa'i phyir/ dang po grub
ste/ za ma tog bkod pa'i mdo las/ 'phags pa 'jig rten dbang
phyug gis yul wa ra Na ser yi dwags mang po bden ba mthong pa la

bkod par gsungs pa'i phyir dang/ lha'i bu rab gnas kyis zhus
ba'i mdo las/ 'dod gzugs kyi lha mang po la mthong lam skye bar
gsungs pa'i phyir/ zer na mi 'thad de/ ngan song gi rten la theg
chen gyi sbyor lam gzhan stobs kyis gsar du skye ba

med par thal/ ngan song ba rnams rnam smin gyi sgrib pa shas
chen po dang ldan ba'i phyir/ khams gong ma'i rten la yang theg
chen gyi sbyor lam gzhan stobs kyis gsar du skye ba med par
thal/ de'i skye bo rnams snyoms 'jug gi bde ba la chags pas
'khor

@125b pa la dmigs pa'i skyo ba dang mi ldan pa'i phyir/ khyab pa
rnams don gyis dngos/ gzhan yang/ sbyor lam bzod pa la gnas pa'i
sems dpa' las nyon kyi dbang gis ngan song du skye ba len pa yod
par thal/ ngan song ba'i rten la/ theg chen gyi mthong lam gsar

du skye ba yod pa'i phyir/ 'dod mi nus te/ mdzod las/ bzod thob
ngan song yod mi ltung/ /zhes gsungs pa'i phyir/ gzhan yang/
ngan 'gro'i mtsho chen po las bzod pas na bzod pa zhes bshad pa
mi 'thad par thal/ 'dod pa'i phyir/ gzhan yang/

klu'i rten la bsnyen gnas kyi sdom pa gsar du skye ba yod par
thal/ 'dul ba lung las/ klu bsnyen gnas yan lag brgyad la gnas
par gsungs pa'i phyir/ khyab pa khas/ 'dod na/ klu'i rten la so
thar gyi sdom pa gsar du skye ba yod par thal/ 'dod pa'i phyir/

'dod mi nus te/ mdo rtsa ba las/ mi ma yin pa'i 'gro ba pa dang/
byang gi sgra mi snyan pa rnams ni sdom pa'i zhing ma yin no/
/zhes gsungs pa'i phyir/ kho na re/ ngan 'gro'i rten la theg
chen gyi sbyor lam gsar du skye ba yod par thal/ de'i rten la
theg chen

gyi tshogs lam gsar du skye ba yod pa'i phyir/ der thal/ drin lan
bsab pa'i mdo las/ bdag cag gi ston pa sngon dmyal ba'i shing
rta 'dren pa'i gyad du 'khrungs ba'i tshe byang chub mchog tu
sems bskyed par gsungs pa'i phyir/ zer na rtsa bar ma khyab/
yang

kho na re/ khams gong ma'i rten la theg chen gyi sbyor lam chos
mchog dngos su gsar du skye ba yod par thal/ de'i rten la theg
chen gyi sbyor lam drod dang rtse mo gsar du skye ba yod pa'i
phyir/ zer na ma khyab/ rnam bshad las/ chos mchog dngos su skye
ba'i rten ma yin yang/

drod dang rtse mo gzugs khams pa 'ga' zhig la yang skye bar
mngon no zhes gsungs pa'i phyir/ rtsa ba'i dam bca' la skyon
'phen pa la/ gzhan yang/ rang nyid kyi lam ma bsgoms par sbyor
lam skye ba yod par thal/ sbyor lam skye ba'i rten la rang

@126a @#/ /stobs dang gzhan stobs kyi rten rnams 'thad pa'i
phyir/ rtags khas/ 'dod na/ tshogs lam ma thob par sbyor lam skye
ba yod par thal/ 'dod pa'i phyir/ sems rten la kha cig /sbyor
lam dngos su gsar du skye ba'i sems rten de la/ /

khams gsum sa dgu rnams su yod zer na mi 'thad de/ de skye ba'i
sems rten yin na/ bsam gtan sa drug gang rung yin dgos pa'i
phyir/ der thal/ mdzod las/ bsgoms byung mi lcogs med pa dang/
/khyad par bsam gtan sa pa'o/ /zhes

gsungs pa'i phyir/ byas pa la/ mkhas pa'i dbang po kha cig
/sbyor lam de khams gsum sa dgu la brten nas skye ba yod par
thal/ dran pa nyer bzhag bzhi/ yang dag spong ba rdzu 'phrul gyi
rkang pa dbang po stobs la sogs pa'i lam sde tshan dang po lnga
po de

khams gsum sa dgu la brten nas gsar du skye ba gang zhig /de
skye ba dang sbyor lam skye ba dus mnyam pa'i phyir/ dang po der
thal/ mdzod las/ byang chub dang ni lam yan lag /ma gtogs 'dod
khams srid rtse na/ /zhes gsungs pa'i phyir/ phyi ma der

thal; mdzod las/ sde tshan bdun ni go rims bzhin/ /las ni dang po
pa dag dang/ /nges 'byed cha 'thun rnams dang ni/ /sgom dang
mthong la rab tu phye/ /zhes gsungs pa'i phyir na 'dong sems
dang srid rtse'i sems la brten nas skyes pa'i byang chub

yan lag dang/ 'phags lam yan lag med par thal/ lung dang po de
sgra ji bzhin du khas len rigs pa'i phyir/ rtags khas/ 'dod na/
'grel chen las/ gang yang 'dod pa khams dang srid rtse na/
/byang chub lam gyi yan lag spangs zhes bya ba ni

thabs la mi mkhas pa yin pa'i phyir/ nyan thos kyi dbang du byas
pa yin pas zhes gsungs pa'i don ma grub par thal lo/ /kha cig
/theg chen gyi sbyor lam dngos su gsar du skye ba'i sems rten du
gyur ba'i bsam gtan sa drug yod zer ba mi 'thad de/ tshogs

@126b lam chen po la gnas pa'i sems dpa'i rgyud la bsam gtan
dang po'i nyer bsdogs med pa'i phyir te/ de yin na bsam gtan gyi
dngos gzhi'i snyoms 'jug thob la mnyams pa'i gang zag yin dgos
pa'i phyir te/ de yin na chos rgyun gyi ting nge 'dzin thob lam
nyams

pa'i gang zag yin dgos pa'i phyir/ rtags grub ste/ mdo sde rgyan
las/ de tshe chos kyi rgyun las ni/ /sangs rgyas rnams las zhi
gnas dang/ /ye shes yangs pa thob bya'i phyir/ /gdam ngag rgya
chen nod par 'gyur/ /zhes gsungs pa'i phyir/ kha cig /

theg chen gyi sbyor lam de bsam gtan bzhi pa'i dngos gzhi la
brten nas dngos su gsar du skye zer na/ theg chen gyi sbyor lam
de bsam gtan bzhi ba'i dngos gzhi'i snyoms 'jug yin par thal/
dam bca' 'thad pa ni gang zhig /lam de sa de la brten pa'i

don ni lam des de'i ngo bor skyes ba la byed rigs pa'i phyir/
'dod na/ theg chen sbyor lam pa'i rgyud la bsam gtan dang po'i
dngos gzhi'i snyoms 'jug med par thal/ 'dod pa'i phyir/ ngo bo
la kha cig /tshogs lam rdzogs rjes su byung zhing mthong lam ma

skyes gong gi mkhyen pa de sbyor lam gyi mtshan nyid du 'jog zer
na/ nyan thos dgra bcom pa'i rtogs pa sngon du song ba'i byang
sems kyi sbyor lam chos can/ mthong lam ma skyes gong gi mkhyen
pa yin par thal/ sbyor lam yin pa'i phyir/ 'dod mi nus te/

mthong lam sngon du song ba'i mkhyen pa yin pa'i phyir/ der
thal/ chos can de'i phyir/ kha cig /rang dang rgyud gcig tu gyur
ba'i tshogs lam rdzogs rjes su byung zhing rang dang rgyud gcig
tu gyur pa'i mthong lam ma skyes gong gi mkhyen pa de/ sbyor lam
gyi

mtshan nyid zer na/ sngar gyi de chos can/ mtshan nyid der thal/
mtshon bya de'i phyir/ 'dod mi nus te/ rang dang rgyud gcig tu
gyur pa'i nyan thos kyi mthong lam thob pa'i mkhyen pa yin pa'i
phyir/ der thal/ chos can de'i phyir/ kha cig /

@127a @#/ /theg chen gyi tshogs lam rdzogs rjes su byung zhing/
theg chen gyi mthong lam ma skyes gong gi mkhyen pa de theg chen
gyi sbyor lam gyi mtshan nyid/ zer na/ theg dman gyi sbyor lam
yin na/ theg dman gyi mthong lam ma skyes gong gi mkhyen

pa yin dgos par thal/ mtshan nyid de 'thad pa'i phyir/ 'dod na/
spang bya cig car pa'i rgyun zhugs kyi rtogs pa sngon du song
ba'i rang rgyal gyi sbyor lam chos can/ der thal/ de'i phyir/
'dod mi nus te/ theg dman gyi mthong lam sngon du song ba'i
mkhyen pa yin pa'i

phyir; nyan thos kyi mthong lam sngon du song ba'i mkhyen pa yin
pa'i phyir te/ chos can de'i phyir/ gzhan yang/ theg chen gyi
tshogs lam gyi rgyur gyur pa'i theg chen gyi sbyor lam chos can/
mtshan nyid der thal/ mtshon bya de'i phyir/ 'dod mi nus te/ theg
chen gyi

tshogs lam gyi snga rol du byung ba'i phyir/ kha cig /theg chen
gyi thar pa cha 'thun rdzogs rjes su byung zhing bden pa mngon
par rtogs pa dang rjes su mthun pa'i 'jig rten pa'i lam de/ theg
chen gyi sbyor lam gyi mtshan nyid zer na/ 'di la mkhas pa kha
cig / /

dman lam sngon du ma song ba'i byang sems sbyor lam pa'i rgyud
kyi stong nyid la rtse gcig tu mnyam par bzhag pa'i mnyam bzhag
ye shes chos can/ 'jig rten pa'i lam yin par thal/ theg chen gyi
sbyor lam yin pa'i phyir/ 'dod na/ de ma yin par thal/

'jig rten las 'das pa'i lam yin pa'i phyir/ der thal/ stong nyid
kyi rnam pa can gyi blo yin pa'i phyir/ na ma khyab/ gzhan yang/
de 'das lam yin par thal/ dman lam sngon du ma song ba'i byang
sems sbyor lam pa'i rgyud la 'das lam yod pa'i

phyir/ der thal/ dman lam sngon du ma song ba'i theg chen gyi
mthong lam bar chad med lam de rang 'thob byed kyi thabs su gyur
pa'i 'das lam la brten nas thob pa'i phyir/ ma grub na/ de chos
can/ der thal/ 'gog pa'i snyoms 'jug yin pa'i

@127b phyir; zer na/ mi 'thad de/ de chos can/ ldan min 'du byed
yin par thal/ 'gog pa'i snyoms 'jug yin pa'i phyir/ 'dod mi nus
te/ theg chen gyi mthong lam yin pa'i phyir/ rgyas par 'og tu
'gog /rang lugs kyi skyon ni/ nyan thos dgra bcom

pa'i rtogs pa sngon du song ba'i theg chen gyi sbyor lam chos
can/ mtshan nyid der thal/ mtshon bya de'i phyir/ 'dod na/ 'jig
rten pa'i lam yin par thal lo/ /'dod mi nus te/ 'jig rten las
'das pa'i lam yin pa'i phyir/ der thal/ 'phags

rgyud kyi mkhyen pa yin pa'i phyir/ gzhan yang/ theg chen gyi
thar pa cha mthun gyi rgyur gyur pa'i theg chen gyi sbyor lam
chos can/ mtshan nyid kyi zur dang po der thal/ mtshon bya de'i
phyir/ rtags sngar dang 'dra/ kha cig /rang rgyu theg chen gyi
thar cha

mthun rdzogs rjes su byung ba'i theg chen gyi don mngon rtogs
de/ theg chen gyi sbyor lam gyi mtshan nyid zer na/ theg chen gyi
sbyor lam chos can/ mtshan nyid der thal/ mtshon bya de'i phyir/
'dod na/ theg chen gyi sbyor lam gyi rgyu chos can/ khyod theg

chen gyi don mngon rtogs yin par thal/ khyod theg chen gyi thar
pa cha mthun rdzogs rjes su byung ba'i don mngon rtogs yin pa'i
phyir/ rtags khas/ 'dod na/ theg chen gyi sbyor lam chos can/
khyod kyi rgyu de ma yin par thal/ khyod bdag med yin pa'i

phyir; rong TIk pa na re/ theg chen gyi thar pa cha mthun
rdzogs rjes su byung ba'i bden pa mngon par rtogs pa dang rjes
su mthun pa'i 'jig rten pa'i sgom byung gtso bor gyur pa'i
mkhyen pa de theg chen gyi sbyor lam gyi mtshan nyid/ theg chen
gyi nges 'byed cha mthun

dang po gang zhig /gzung ba rang bzhin med pa'i don la gsal
snang dang por thob pa de/ theg chen gyi sbyor lam drod kyi
mtshan nyid/ theg chen gyi nges 'byed cha 'thun gnyis pa gang
zhig /gzung ba rang bzhin med pa'i don la gsal snang 'phel ba
de/ theg

@128a @#/ /chen gyi sbyor lam rtse mo'i mtshan nyid/ de gsum pa
gang zhig /'dzin pa rang bzhin med pa'i don la gsal snang dang
por thob pa de/ theg chen gyi sbyor lam bzod pa'i mtshan nyid/ de
bzhi ba gang zhig /'dzin pa rang bzhin med pa'i don

la gsal snang 'phel ba de/ theg chen gyi sbyor lam chos mchog gi
mtshan nyid/ zer na/ byang sems sbyor lam pa'i rgyud kyi thos
byung gi shes rab chos can/ 'jig rten pa'i sgom byung gtso bor
gyur pa'i mkhyen pa yin par thal/ theg chen gyi sbyor lam

yin pa'i phyir/ khyab pa khas/ rtags grub ste/ byang sems tshogs
lam pa'i rgyud kyi thos byung gi shes rab de/ theg chen gyi
tshogs lam yin pa gang zhig /rgyu mtshan mtshung pa'i phyir/ dang
po grub ste/ kun btus las/ tshogs kyi lam gang

zhe na/ so so skye bo'i tshul khrims dang/ dbang po'i sgo sdom pa
dang/ zas kyi tshod rig pa dang/ nam gyi cha stod smad la mi nyal
bar rnal 'byor la brtson pa dang/ yang rgyur gyur pa'i dge ba
gzhan dag dang/ thos pa dang bsam pa dang/ sgom pa las byung

ba'i shes rab dag kyang rung ste/ zhes gsungs pa'i phyir/ gnyis
pa grub ste/ kun btus las/ tshogs kyi lam gang yin pa de ni sbyor
ba'i lam yang de yin no zhes gsungs pa'i phyir/ 'dod mi nus te/
thos bsam sgom gsum gyi shes rab 'gal

ba'i phyir/ de bzhin du nyan thos dgra bcom pa'i rtogs pa sngon
du song ba'i byang sems kyi sbyor lam chos can/ 'jig rten pa'i
sgom byung gtso bor gyur pa yin par thal/ mtshon bya de yin pa'i
phyir/ 'dod mi nus te/ 'jig rten las 'das pa'i lam

yin pa'i phyir/ gzhan yang/ byang sems kyi sbyor lam yin na/
stong nyid rtogs pa'i mkhyen pa yin pas khyab par thal/ mtshan
nyid phyi ma bzhi 'thad pa'i phyir/ 'dod na/ dman lam sngon du
ma song ba'i byang sems sbyor lam pa'i rgyud kyi gzhan

@128b sems shes pa'i mngon shes chos can/ der thal/ de'i phyir/
'dod na/ des stong nyid mngon sum du rtogs par thal/ des stong
nyid rtogs pa gang zhig /des stong nyid don spyi'i tshul gyis ma
rtogs pa'i phyir/ phyi ma grub ste/ mngon sum yin pa'i phyir/

'dod na/ dman lam sngon du ma song ba'i byang sems sbyor lam pa
de stong nyid mngon sum du rtogs pa'i gang zag yin par thal/
'dod pa'i phyir/ 'dod na/ de chos can/ 'phags pa yin par thal/
'dod pa'i phyir/ gzhan yang/ gzung 'dzin

gnyis rang bzhin gyis ma grub par thal/ mtshan nyid dang rnams
'thad pa'i phyir/ 'dod na/ de chos can/ rang bzhin gyis grub par
thal/ gzhi grub pa'i phyir/ TIka'i rjes 'brang kha cig /dman
lam sngon du ma song ba'i byang sems sbyor lam

pa'i rgyud kyi stong nyid la rtse gcig tu mnyam par bzhag pa'i
mnyam gzhag ye shes de la chos nyid gsal bar mi snang zer na/ de
la chos nyid gsal bar snang bar thal/ khyod la chos nyid kyi don
spyi gsal bar snang ba'i phyir/ der thal/ rnam bshad snying

po rgyan las/ de lta bu'i sbyor lam mnyam gzhag ni/ stong nyid
rtogs pa'i dpyad shes kyi rgyun goms par byas pa'i stobs kyis
sgom byung du gyur nas/ stong nyid kyi don spyi gsal bar snang
ba dpyod pa'i ngo bor gyur pa yin no zhes gsungs pa'i phyir/ kho
na re/ de

chos can/ rang yul gsal bar snang ba'i shes pa yin par thal/
khyod chos nyid kyi don spyi gsal bar snang ba'i shes pa yin
pa'i phyir/ rtags khas/ 'dod na/ rtog med kyi shes pa yin par
thal/ 'dod pa'i phyir/ khyab ste/ rnam 'grel las/ gsal bar snang

ba can blo gang/ /de ni rtog med ces ? / rang yul gsal bar snang
ba'i rig pa de rtog med kyi shes pa'i mtshan nyid ma yin pa'i
phyir/ zer na ma khyab/ TIkI

@129a @#/ /bzhed pa la/ don spyi dang ma 'dres pa'i gsal snang
can gyi rig pa de rtog med kyi shes pa'i mtshan nyid du 'jog pa'i
phyir/ blo rig la dpyad pa la kha cig /dman lam sngon du ma song
ba'i byang sems sbyor lam pa'i rgyud kyi chos nyid la rtse gcig

tu mnyam par bzhag pa'i mnyam gzhag ye shes de chos nyid la
mngon sum yin zer na/ de chos can/ chos nyid mngon sum du rtogs
par thal/ 'dod pa'i phyir/ 'dod na/ de 'dra'i byang sems sbyor
lam pa de chos nyid mngon sum du rtogs pa'i gang zag

yin par thal/ dam bca' 'thad pa'i phyir/ 'dod na/ de chos can/
'phags pa yin par thal/ 'dod pa'i phyir/ kho na re/ de chos nyid
la rtog pa yin par thal/ de chos nyid la mngon sum ma yin pa'i
phyir/ rtags khas/ 'dod na/ de chos

can; chos nyid la 'khrul shes yin par thal/ 'dod pa'i phyir/
'dod na/ de chos can/ rang gi zhen yul la 'khrul shes yin par
thal/ 'dod pa'i phyir/ 'dod na/ de chos can/ log shes yin par
thal/ 'dod pa'i phyir/ zer na/ thal

'gyur gnyis pa la ma khyab byas pa la kho na re/ de chos can/
chos nyid la mngon sum yin par thal/ chos nyid la ma 'khrul pa'i
shes pa yin pa'i phyir/ zer na/ 'dir ma khyab/ rong TIk pa na
re/ dman lam sngon du ma song ba'i byang sems sbyor lam

pa'i rgyud kyi chos nyid la rtse gcig tu mnyam par bzhag pa'i
mnyam gzhag ye shes de/ gcig du bral gyi rtags la brten pa'i
rjes dpag yin zer na/ de chos can/ bsam byung gi blo yin par
thal/ rjes dpag yin pa'i phyir/ 'di'i khyab pa rnams

skabs bzhi par bsgrub bo/ /'dod mi nus te/ sgom byung gi blo yin
pa'i phyir/ byang sems kyi sbyor lam mnyam bzhag ye shes yin
pa'i phyir/ ! thos bsam sgom gsum gyi shes rab kyi khyad par la
kha cig /thos byung gi shes rab yin na/ ming

@129b rkyang pa la dmigs pas khyab pa dang/ bsam byung gi shes
rab yin na/ ming don gnyis ka la dmigs pas khyab pa dang/ sgom
byung gi shes rab yin na/ don rkyang pa la dmigs pas khyab ste/
mdzod las/ ming dang gnyis ka don yul can/ /zhes gsungs

pa'i phyir na ma khyab ste/ sangs rgyas 'phags pa'i rgyud kyi
sgom byung gi shes rab chos can/ don rkyang pa la dmigs par
thal/ sgom byung gi shes rab yin pa'i phyir/ 'dod mi nus te/
khyod kyis shes bya thams cad mngon sum du rtogs pa'i phyir/ 'o
na/ mdzod

kyi lung de'i don gang zhe na/ de ni bye brag smra ba'i rtogs
btags yin gyi/ theg chen gyi skabs 'dir khas mi len par gser
'phreng las bshad pa'i phyir/ mkhas pa kha cig /gtso bor mang du
thos pa'i stobs las byung ba'i shes rab de thos byung gi shes
rab kyi mtshan nyid

gtso bor lung don bsams pa'i stobs las byung ba'i shes rab bsam
byung gi shes rab dang/ gtso bor ting nge 'dzin bsgoms pa'i
stobs las byung ba'i shes rab de/ sgom byung gi shes rab kyi don
yin gsung/ re shig dpyad par bya ste/ shes bya chos can/ ting

nge 'dzin yin na/ sgom byung gi blo yin dgos par thal/ dam bca'
'thad pa'i phyir/ 'dod na/ 'dod sems rtse gcig pa'i teng nge
'dzin chos can/ der thal/ de'i phyir/ 'dod na/ de khams gong
ma'i sa sa bsdus par thal/ 'dod pa'i phyir/ rang lugs 

ni; gtso bor gsung rab kyi tshig don thos pa'i stobs las byung
ba'i shes rab de/ thos byung gi shes rab kyi don dang/ gtso bor
gsung rab kyi don bsgoms pa'i stobs las byung ba'i shes rab de/
bsam byung gi shes rab kyi don dang/ gtso bor bsam gtan

dang po'i nyer bsdogs yan chad kyi ting nge 'dzin bsgoms pa'i
stobs las byung ba'i shes rab de/ sgom byung gi shes rab kyi don
yin no/ /sbyor lam gyi chung 'bring chen po gsum gyi khyad par
la kha cig /'grel par/ chung ngu la sogs pa rim gyi skye bas sam
byang

@130a @#/ /chub sems dpa' dang 'brel pa'i dbang po rtul po la
sogs pa'i bye brag gi chung ngu dang 'bring dang chen po zhes
pa'i don la kha cig /rgyud gcig pa'i dbang du byas na dang por
skyes ba'i sbyor lam de sbyor lam chung ngu dang/ bar du skyes
pa'i sbyor lam

de 'bring dang/ tha mar skyes pa'i sbyor lam de sbyor lam chen
por 'jog pa yin la/ rgyud tha dad pa'i dbang du byas na dbang
rtul gyi rgyud kyi sbyor lam de sbyor lam chung du dang/ dbang
'bring gi rgyud kyi sbyor lam de 'bring dang/ dbang rnon gyi
rgyud kyi sbyor lam de chen po yin la/

rgyud tha dad pa'i dbang du byas pa'i sbyor lam chung ngu yin
na/ sbyor lam chung ngu yin dgos la/ de bzhin du rgyud tha dad
pa'i dbang du byas pa'i sbyor lam 'bring dang chen po yin na
yang go rims bzhin du sbyor lam 'bring dang chen po yin dgos zer
na/ byang sems sbyor lam

pa dbang rnon gyi rgyud kyi dang por skyes pa'i sbyor lam chos
can/ sbyor lam chen po yin par thal/ dbang rnon gyi rgyud kyi
sbyor lam yin pa'i phyir/ khyab pa khas/ 'dod na/ de ma yin par
thal/ khyod sbyor lam chung ngu yin pa'i phyir/ der thal/ khyod
dang por skyes pa'i

sbyor lam yin pa'i phyir/ 'khor gsum/ kha cig /rang rgyal gyi
mthong lam chos can/ khyod theg pa 'bring ma yin par thal/ khyod
theg pa chung ngu yin pa'i phyir/ khyab ste/ sbyor lam chung ngu
yin na/ sbyor lam chen po ma yin dgos pa'i phyir/ de bzhin du
byang sems

sa gnyis pa ba'i rgyud kyi sngo ba chos can/ khyod sngo pa chen
po ma yin par thal/ khyod sngo ba chung ngu yin pa'i phyir/
khyab pa gong ltar song/ rtags gsal gnyis ka grub ste/ chung
dang 'bring dang chen po yi/ /sngo ba gzhan ni rnam gsum mo/
/zhes pa'i lung don grub

pa'i phyir/ zhes zer ba mi 'thad de/ shes bya chos can/ theg
chen gyi sbyor lam chung ngu ma thob par theg chen gyi sbyor lam
chen po thob pa yod par thal/ dbang rnon gyi rgyud kyi sbyor lam
yin na/ sbyor lam chen po yin dgos pa'i phyir/ rtags khas/ 'dod
na/

@130b theg chen gyi tshogs lam chung ngu ma thob par/ theg chen
gyi tshogs lam chen po thob pa yod par thal/ 'dod pa'i phyir/
'dod na/ theg chen gyi tshogs lam chen po thob na chos rgyun gyi
ting nge 'dzin thob mi dgos par thal/ 'dod pa'i phyir/ 'dod na/
de tshe chos kyi

rgyun las ni zhes sogs kyi lung don ma grub par thal/ 'dod pa'i
phyir/ kha cig /sbyor lam chung ngu ma thob par sbyor lam chen
po thob pa yod par thal/ theg pa chung ngu ma thob par theg pa
chen po thob pa yod pa'i phyir na ma khyab/ 'o na kho rang la/
theg pa chung ngu dang

theg pa chen po'i gzhi mthun yod par thal/ sbyor lam chung ngu
dang chen po'i gzhi mthun yod pa'i phyir/ rtags khas/ ma grub
na/ de mtshungs pa bud/ gzhan yang/ dam bca' de mi 'thad de/ shes
bya chos can/ theg chen gyi sbyor lam de theg dman gyi sbyor

lam las chung 'bring chen po gsum gyi sgo nas khyad par du
'phags pa ma yin par thal/ theg dman gyi sbyor lam chos mchog la
chung 'bring chen po gsum gyi dbye ba 'thad pa'i phyir/ ma grub
na/ der thal/ theg dman gyi sbyor lam chos mchog la rgyud tha
dad pa'i

dbang du byas pa'i chung 'bring chen po gsum gyi dbye ba 'thad
pa ni gang zhig /rgyud tha dad pa'i dbang du byas pa'i sbyor lam
chung ngu yin na sbyor lam chung ngu yin dgos pa'i phyir te/
rgyud tha dad pa'i dbang du byas pa'i sbyor lam chen po yin na
sbyor lam chen po yin dgos/ de

bzhin du 'bring la yang dgos pa'i phyir/ rtags phyi ma gsum ga
khas/ /rtsa bar 'dod na/ rnam bshad snying po rgyan dang 'gal
lo/ /gzhan yang/ theg chen gyi sbyor lam chung ngu la gnas pa'i
sems dpa'i rgyud la tshogs sgrub yod par thal/ theg chen gyi
sbyor lam

chung ngu la gnas pa'i sems dpa' yang yin/ theg chen gyi sbyor
lam chos mchog chen po la gnas pa'i sems dpa' yang yin pa'i gzhi
mthun pa yod pa ni gang zhig /theg chen gyi sbyor lam chos mchog
chen po'i ye shes yin na tshogs sgrub yin dgos

@131a @#/ /pa'i phyir/ phyi ma 'bud/ dang po ma grub na song/ der
thal/ byang sems dbang rnod gyi rgyu kyi sbyor lam chos mchog
yin na/ chos mchog chen po'i ye shes yin dgos pa'i phyir/ bang
sems dbang rtul byi rgyud kyi sbyor lam

chos mchog yin na/ chos mchog chung ngu'i ye shes yid dgos pa'i
phyir/ rtags khas/ rtsa bar 'dod na/ tshogs sgrub kyi sa 'tshams
theg chen gyi sbyor lam chos mchog chen po'i yes shes nas 'jog
mi rigs par thal lo/ /gzhan yang/ nyan thos

sbyor lam pa dbang rnon gyi rgyud kyi drod chen po'i ye shes
chos can/ khyod dbang rnon kyi sbyor lam yin par thal/ khyod
rgyud tha dad pa'i dbang du byas pa'i sbyor lam chen po yin pa'i
phyir/ khyab par khas/ ma grub na/ der thal/ nyan thos kyi sbyor
lam de ?

rgyud tha dad pa'i dbang du byas pa'i chung bring chen pos gsum
gyi dbye ba 'thad pa'i phyir/ rtsa bar dod na/ de chos can/ de
ma yin par thal/ dbang rtul gyi sbyor lam yin pa'i phyir/ der
thal/ nyan thos kyi sbyor lam yin pa'i phyir/ khyab ste/ nyan
thos

yin na rang bzhin byi dbang po rtul po yin dgos/ rang rgyal yin
na rang bzhin gyi dbang po 'bring yin dgos/ byang sems yin na
rang bzhin gyi dbang po rnon po yin dgos pa'i phyir/ ma grub na
'bud/ de ltar 'jug pa'i TIka chen las/ theg pa che

'bring chung gsum gyi dbang po rno 'bring rtul po yin/ zhes
gsungs pa'i phyir/ kho na re/ byang sems dpa' dang 'brel ba'i
dbang po rtul po la sogs pa'i bye brag gi chung gnu dang 'bring
dang chen po dang zhes bshad pa mi 'thad par thal/ byang sems
dbang rtul gyi

rgyud kyi sbyor lam yin na/ theg chen gyi sbyor lam chung ngu
yin dgos/ byang sems dbang rnon gyi rgyu kyi theg chen gyi sbyor
lam yin na/ byang sems kyi sbyor lam chen po yin mi dgos pa'i
phir/ zer na/ ma khyab ste/ de'i don/ byang sems dbang

@131b rtul gyi rgyud kyi sbyor lam yin na/ rgyud tha dad pa'i
dbang du byas pa'i sbyor lam chung du yin dgos/ byang smes dbang
rnon gyi rgyud kyi sbyor lam yin na/ rgyud tha dad pa'i dbang du
byas pa'i byang sems kyi sbyor lam chen po yin dgos/ rgyud tha
dad pa'i dbang du byas pa'i

sbyor lam chung ngu yin na/ sbyor lam chung ngu yin mi dgos/
rgyud tha dad pa'i dbang du byas pa'i sbyor lam chen po yin na/
sbyor lam chen po yin mi dgos pa'i phyir/ kho na re/ dbang rnon
gyi rgyud kyi sbyor lam yin na/ rgyud tha dad pa'i dbang du byas
pa'i sbyor lam chen po yin

pas khyab pa dang/ dbang 'bring gi rgyud kyi sbyor lam yin na/
rgyud tha dad du byas pa'i sbyor lam 'bring yin dgos pa dang/
dbang rtul kyi rgyud kyi sbyor lam yin na/ rgyud tha dad pa'i
dbang du byas pa'i sbyor lam chung ngu yin dgos par thal/ byang
sems

dpa' dang 'brel pa'i dbang po rtul po la sogs pa'i bye brag gi
zhes sogs kyi lung don grub pa'i phyir/ 'dod na/ byang sems
dbang rtul gyi rgyud kyi sbyor lam chos can/ rgyud tha dad pa'i
dbang du byas pa'i sbyor lam chen po yin par thal/ dbang rnon
gyi rgyud kyi sbyor

lam yin pa'i phyir/ khyab pa khas/ ma grub na/ der thal/ byang
sems yin na rang bzhin gyi dbang rnon yin dgos pa'i phyir/ rtags
khas/ 'dod mi nus te/ rgyud tha dad pa'i dbang du byas pa'i
sbyor lam chung ngu yin pa'i phyir/ der thal/ chos can

de'i phyir/ gsum pa dngos/ de bzhin du/ nyan thos dbang rnon gyi
rgyud kyi sbyor lam chos can/ khyod rgyud tha dad pa'i dbang du
byas pa'i sbyor lam chung ngu mim par thal/ khyod dbang rtul gyi
rgyud kyi sbyor lam chung ngu yin pa'i phyir/ khyab pa khas/ ma
grub na/ de yin par thal/

nyan thos yin na/ rang bzhin gyi dbang rtul yin dgos pa'i phyir/
rtags dngos/ rtsa bar 'dod mi nus te/ rgyud tha dad pa'i dbang
du byas pa'i sbyor lam chen po yin pa'i phyir/. chos can de'i
phyir/ zer na/ rtsa bar ma khyab cing/ lung don bshad zin to/ /

@132a @#/ /drod thob pa'i tshad la kha cing /stong nyid la dmigs
pa'i zhi lhag gzung 'brel gyi ting nge 'dzin thob pa na theg
chen gyi sbyor lam drod thob par 'jog zer na/ stong nyid mngon
gsum du rtogs pa'i nyan thos dgra bcom pa chos can/

theg chen gyi sbyor lam drod thob par thal/ stong nyid la dmigs
pa'i zhi lhag zung 'brel gyi ting nge 'dzin thob pa'i phyir/
khyab pa khas/ ma grub na/ der thal/ stong nyid mngon sum du
rtogs pa'i gang zag yin pa'i phyir/ rtsa bar 'dod mi nus te/
theg

dmam gyi gang zag yin pa'i phyir/ kha cing/ byang sems sbyor lam
pa'i rtogs pa sngon du song ba'i nyan thos tshogs lam pa chos
can/ theg chen gyi sbyor lam ma thob par thal/ theg dman gyi
gang zag yin pa'i phyir/ rtags grub ste/ chos can de yod

pa'i phyir/ der thal/ byang sems sbyor lam pa theg dman lam du
'jug pa yod pa'i phyir/ der thal/ byang sems tshogs lam pa theg
dman lam du 'jug pa yod pa'i phyir/ zer na/ 'dir ma khyab/ kho
na re/ byang sems tshogs lam pa theg dman

lam du 'jug pa med par thal/ tshogs lam chen po la gnas pa'i sems
dpa' theg dman lam du 'jug pa med pa'i phyir/ zer na ma khyab/
der thal/ tshogs lam 'bring la gnas pa'i sems dpa' theg dmam lam
du 'jug pa med pa'i phyir der thal/

tshogs lam pa'i 'bring la ngas pa'i sems dpa'i rgyud kyi kun
rdzob sems bskyed la nyams pa mi srid pa'i phyir/ der thal/
byang chub kyi bar du rnam par gzhan du mi 'gyur pa dang/ zhes
gsungs pa'i phyir/ kho na re/ dman lam sngon du ma song ba'i
byang sems

tshogs lam pas stong nyid la dmigs pa'i zhi lhag zung 'brel gyi
ting nge 'dzin thob pa na theg chen byi sbyor lam 'drod thob
bdag go/ /zer na/ dman lam sngon du ma song ba'i byang sems
tshogs lam pas theg chen gyi sbyor lam 'drod thob par stong nyid

@132b la dmigs pa'i zhi lhag zung 'brel gyi ting nge 'dzin thob
pa mi srid par thal/ dam 'ca' 'thad pa'i phyir/ 'did mi nus te/
des de ma thob par stong nyid mngon sum du rtogs pa srid pa'i
phyir/ der thal/ stong nyid rtogs pa'i byang sems tshogs lam pa'i

rtogs pa sngon du song ba'i stong nyid mngon sum du rtogs pa'i
nyan thos mthong lam pa yod pa'i phyir/ des na rang lugs ni/
dang po nas theg pa chen pod rigs nge pa'i byang sems tshogs lam
pas stong nyid la dmigs pa'i zhi lhag zung 'brel/

thob na/ des theg pa chen po'i sbyor lam drod thob par 'jog pa
de bzhin du/ de 'dra'i gang zag des stong nyid la dmigs pa'i
sgom byung thob pa na/ des theg chen pa chen po'i sbyor lam drod
'jog byas pa la kho na re/ dang po nas theg pa chen po'i rigs

nges pa'i byang sems tshogs lam pa des stong nyid la dmigs pa'i
zhi lhag zung 'brel gyi ting nge 'dzin la mthob par thal/ dam
bca' de 'thad pa'i phyir/ 'dod mi nus te/ de'i rgyud kyi stong
nyid rtogs pa'i bsam gtan gyi dngos gzhi'i snyoms 'jug de

stong nyid la dmigs pa'i zhi lhag zung 'brel yin pa'i phyir/ der
thal/ stong nyid la dmigs pa'i bsam gtan gyi dngos gzhi'i snyoms
'jug yin pa'i phyir/ khyab ste/ bsam gtan gyi dngos gzhi'i
snyoms 'jug yin na/ zhi lhag zung

'brel yin dgos pa'i phyir/ zer na/ 'dir ma khyab/ yang kho na
re/ dman lam sngon du ma song ba'i tshogs lam chen po la gnas
pa'i sems dpa' des stong nyid la dmigs pa'i zhi gnas thob par
thal/ des stong nyid la dmigs pa'i lhag

mthong thob pa dang theg pa chen po'i sbyor lam drod thob pa dus
mnyam pa gang zhig /stong nyid la dmigs pa'i lhag mthong thob pa
la stong nyid la dmigs pa'i zhi gnas thob pa sngon du 'grod dgos
pa'i phyir/ dang po grub ste/ des stong nyid la dmigs

@133a @#/ /pa'i zhi lhag zung 'brel thob pa dang/ theg chen gyi
sbyor lam drod thob pa dus mnyam pa gang zhig /stong nyid la
dmigs pa'i lhag mthong yin na/ stong nyid la dmigs pa'i zhi lha
gzung 'brel yin dgos pa'i phyir/ dang po dngos/ gnyis pa 'bud/
rtsa

bar 'dod na/ des stong nyid la dmigs pa'i sgom byung gi blo thob
par thal/ des stong nyid la dmigs pa'i zhi gnas thob pa gang
zhig /zhig gnas yin na/ sgom byung gi blo yin dgos pa'i phyir/
zer na drir ma khyab/ ma khyab 'tshams dang po la/ stong nyid
rtogs

pa'i rnam mkhyen chos na/ nyan thos kyi lam she pa'i lam shes
yin par thal/ nyan thos kyi lam shes pa'i rnam mkhyen yin pa'i
phyir/ ma grub na song/ de la khyab yor par thal/ rnam mkhyen
yin na lam shes yin dgos pa'i phyir

'khor gsum/ gnyis pa la/ stong nyid la dmigs pa gang zhig /sgom
byung gi blo yin na stong nyid la dmig pa'i sgom byung gi blo
nyin dgos par thal/ stong nyid dmigs pa'i zhi gnas yin na stong
nyid la dmigs pa'i sgom byung gi blo yin dgos

pa'i phyir/ rtags don gyi dngos/ 'dod na/ stong nyid la dmigs
pa'i rnam mkhyen chos can/ nyan thos kyi lam shes pa'i lam shes
yin par thal/ nyan thos kyi lam shes pa ni gang zhig /lam shes
yin pa'i phyir/ khyab pa 'grigs/ des tshon

nas mtshungs pa gzhan la yang shes par bya'o/ kha cig /chos can
kun rdzob pa bden pa med du rtogs pa'i dman lam sngon du ma song
ba'i theg chen gyi sbyor lam chos can kun rdzob pa mi snang zer
na/ de la snang bar thal/ dman lam sngon du ma song ba'i

byang sems sbyor lam pa'i rgyud kyi stong nyid la rtse gcig tu
mnyam par bzhag pa'i mnyam gzhag ye shes la chos can kun rdzob
pa snang ba'i phyir/ ma grub na/ der thal/ de la stong nyid kyi
don spyi snang ba'i phyir/ ma brub na/ de chos can/ khyod la

@133b stong nyid kyi don spyi snang bar thal/ khyod stong nyid
don spyi'i tshul gyi rtogs pa'i blo yin pa'i phyir te/ chos can
de'i phyir/ byas pa la kho na re/ dman lam mngon du ma song ba'i
chos can kun rdzob pa bden med du rtogs pa'i theg chen gyi sbyor
lam chos can/ khyod

la chos can kun rdzob pa bden par snang bar thal/ khyod la chos
can kun rdzob pa snang ba gang zhig/ khyod rtog pa yin pa'i
phyir/ 'dod mi nus te/ de bden med du rtogs pa'i blo yin pa'i
phyir/ zer na/ 'dir ma khyab/ rtog pa chos can/ der thal/

de'i phyir/ ma grub na/ de chos can/ kun rdzob bden med du rtogs
par thal/ chos can kun rdzob pa bden med yin pa de khyod kyi
gzhal bya yin pa'i phyir/ ma grub na/ de chos can/ rtog pa'i
gzhal bya yin par thal/ gzhi grub pa' phyir/

rtsa bar 'dod na/ de chos can/ khyod la chos can kun rdzob pa
bden par snang par thal/ khyod la chos can kun rdzob pa snga ba
gang zhig /khyod rtog pa yin pa'i phyir/ 'khor gsum/ gzhan yang/
dman lam sngon du ma song ba'i byang sems sbyor lam

pa'i rgyud kyi stong nyid la rtse gcig tu mnyam par bzhag pa'i
mnyam gzhag ye shes chos can/ khyod la stong nyid bden par mi
snang bar thal/ khyod stong nyid bden med du rtogs pa'i blo yin
pa'i phyir/ khyab pa khas/ rtags grub ste/ TIkar/

sbyor lam bzhi la gzung ba rang bzhin med par/ gsal snang chung
'bring chen por gyur pa dang/ 'dzin pa rang bzhin med pa la gsal
snang rdzogs pa'i sgo nas khyad par dbye ba shin tu dka' ste/
mnyam bzhag tu gzung 'dzin gyi chos thams cad cig car du

bsdus nas de bden pas stong pa la mnyam par bzhag cing/ de dag
gi chos nyid kyo don spyi gsal por shar ba la yang khyad par med
pa'i phyir ro zhes gsung zhing/ des na/ rgyal mtshab chos rje'i
lugs la/ stong nyid la rtse gcig tu mnyam par

@134a @#/ /bzhag pa'i theg chen gyi sbyor lam mnyam gzhag ye shes
yin na/ gzung ba bden med la rtse gcig tu mnyam par bzhag pa'i
ye shes yin pas khyab/ de yin na/ 'dzin pa bden med la rtse gcig
tu mnyam par bzhag pa'i ye

shes yin pas khyab/ de bzhin du de yin na/ stong nyid la rtse
gcig tu mnyam par zhag pa'i ye shes yin pas khyab par soD bzhed
mi bzhed mig phye la ltos shig /kho na re/ stong nyid la rtse
gcig tu mnyam par bzhag pa'i theg chen gyi sbyor lam mnyam

gzhag ye shes yin na/ ka ba bden med la rtse gcig tu mnyam par
bzhag pa'i ye shes yin pas khyab par thal de yin na stong nyid
bden mde la rtse gcig tu mnyam par bzhag pa'i ye shes yin dgos
pa'i phyir/ dod na/ ka ba tshad mas ma dmig pa'i sa phyogs kyi
byang

sems sbyor lam pa'i rgyud kyi stong nyid la rtse gcig tu mnyam
par bzhag pa'i mnyam gzhag ye shs chos can/ der thal/ de'i
phyir/ 'dod na/ de chos can/ ka ba bden med de dod dam bden pa
yin par thal/ khyod theg chen gyi sbyor lam mnyam

bzhag ye shes gang zhig /'dod pa'i phyir/ zer na/ rtsa bar ma
khyab/ rtsa ba'i dma 'ca' la skyon gzhan yang/ dman lam sngon du
ma song ba'i byang sems sbyor lam pa'i bden med bden par med pa
la rtse gcig tu mnyam par bzhag pa'i mnyam gzhag

ye shes chos can/ khyod la bden med bden par mi snang bar thal/
khyod bden med bden med du rtogs pa'i blo yin pa'i phyir/ ma
khyab na/ chos can kun rdzob pa bden med du rtogs pa'i blo yin
na/ de la de bden par mi snang bas khyab pa yod pa bud/ 'dod

na /de chos can/ khyod la bden me bden par snang bar thal/ khyod
la bden med snang ba gang zhig /khyod rtog pa yin pa'i phyir/
khyab pa khas/ dang po ma grub na/ der thal/ khyod kyi bden med
dngos su rtogs pa'i phyir/ der thal/ bden

@134b med la rtse gcig tu mnyam par bzhag pa'i mnyam ye shes yin
pa'i phyir te/ chos can de'i phyir/ byas pa la kho na re/ de la
bden me bden med du snang yang bden me mi snang zer na/ bden med
bden med du mngon sum du rtogs pa'i theg chen gyi mthong lam

bar chad med lam la bden med bden med du snang yang bden med mi
snang ba'i khyad par 'thad par thal/ bden med bden me du rtogs
pa'i theg chen gyi sbyor lam mnyam bzhag ye shes la bden med
bden me du sang yang/ de la bden med mi snang

ba'i khyad par 'thad pa'i phyir/ rtags khas/ 'dod na/ de 'dra
ba'i theg chen gyi thong lam bar chad med lam des bden med med
du mngon sum du rtogs shing bden med mngon sum du ma rtogs pa'i
khyad par 'thad par thal/ 'dod pa'i phyir/

'dod na/ de 'dra ba'i theg chen gyi mthong lam bar chad med lam
chos can/ khyod kyi bden med mngon sum du rogs par thal/ khyod
kyis stong nyid mngon sum du rtogs pa'i phyir te/ khyod theg
chen gyi mthong lam ba chad med lam yin pa'i phyir/

kho na re/ bum pa bden med du rtogs pa'i theg chen gyi sbyor lam
mnyam par gzhag ye shes la bum pa snang bar thal/ bden med bden
med du rtogs pa'i theg chen gyi sbyor lam mnyam gzhag ye shes la
bden med snang ba'i phyir/ zer na/ ma khyab/

gzhan yang/ gong gi ma khyab 'tshams la/ khyod la yul de bden par
mi snang bar thal/ khyod la de bden med du snang ba'i phyir/
zhes pa'i thal 'gyur la khyab par yod par thal/ chos can kun
rdzob pa bden med du rtogs pa'i blo yin na/ de bden

par mi snang bas khyab pa yod pa'i phyir/ 'dod na/ tshur mthong
chos can/ khyod la gzugs bden par mi snang bar thal/ khyod la
gzugs bden me du snang ba'i phyir/ khyab pa khas/ der thal/
gzugs bden par med pa de khyod kyis dngos kyi

@135a @#/ /gzhal bya yin pa'i phyir/ ma grub na/ de chos can/
khyod tshur mthong gi dngos kyi gzhal bya yin par thal/ gzhi grub
pa'i phyir/ rtsa bar 'dod na/ gzugs bden par snang ba'i gang zag
zhi ma grub par thal lo/ /de na

chos can kun rdzob pa bden med du rtogs pa'i theg chen gyi sbyor
lam la/ chos can kun rdzob par bden par yang snang/ bden med du
yang snang zhes khas blang ngo/ /theg che gyi sbyor lam de theg
dman gyi sbyor lam las khyad chos lnga'i sgo nas

khyad par 'phags tshul gang zhe na/ 'di la kha cig /theg chen gyi
sbyor lam de bden pa bzhi la rnam pa mtha' yas pa'i sgo nas rigs
pa'i rnam grangs kyi 'dogs gcod/ dman pa'i sbyor lam gyis de
ltar mi gcod pa de dmigs pa'i sgo nas

khyad par du 'phags pa'i don yin/ theg chen gyi sbyor lam de/
stong nyid 'dzin stangs gyi yul du byas pa'i sgo nas rang gi
spang bya'i gtso bo la gnod/ dman pa'i sbyor lam gyi de ltar mi
gnod pa de/ rnam pa'i sgo nas khyad par du 'phags pa'i don yin

theg chen gyi sbyor lam des theg pa gsum gyi spangs rtogs kyi
rigs tshang ba'i theg chen gyi mthong lam kyi nyer len byed/ dman
pa'i sbyor lam gyi de ltar mi byed pa de/ rgyu'i sgo nas khyad
par du 'phags pa'i don yin/ mchog gi sprul skus rang

gi gdul bya byang sems sbyor lam pa la chos rdzogs par bstan
pa'i sgo nas yongs 'dzin byed/ nyan thos sbyor lam pa la de ltar
mi byed pas/ yongs 'dzin gyi sgo nas khyad par du 'phags pa'i
don yin/ stong nyid rtogs pa'i theg chen gyi sbyor lam

drod sogs bzhi po des mthong spang shes sgrib rtogs pa mngon
gyur pa bzhi po rim can du mgo gnon nus/ theg dman gyi sbyor lam
gyis de ltar mi nus pa de spang bya'i sgo nas khyar par du
'phags pa'i don yin/ zer na/ mthong lam spang shes sgrib rtog

@135b pa mngon gyur ba rim can du mgo gnon nus pa'i theg dman
gyi sbyor drod sogs bzhi med par thal/ spang bya'i sgo nas khyad
par du 'phags tshul de 'thad pa'i phyir/ 'dod mi nus te/ bden
'dzin mngon gyur ba re shig spangs pa'i theg dman dgra

bcom yod pa'i phyir/ bden med mngon sum du rtogs pa'i theg dman
dgra bcom yod pa'i phyir/ 'jug pa'i TIk chen gyi rang rgyud
ba'i thad du gsungs tshul rigs kyi skabs su 'chad pa'i phyir/
gzhan yang/ rang 'bras theg pa gsum gyi

rtogs rigs tshang bar thob pa'i theg chen gyi mthong lam gyi nyer
len byed pa'i theg dman gyi sbyor lam med par thal/ rgyu'i sgo
nas khyar par du 'phaD tshul 'thad pa'i phyir/ 'dod mi nus te/
rang gi nyer len du gyur pa'i theg dman gyi sbyor lam las

byung ba'i theg chen gyi mthong lam yod pa'i phyir/ kho na re/
theg chen gyi sbyor lam gyi theg pa gsum gyi rtogs rigs tshang
bar thob pa'i theg chen gyi mthong lam gyi nyer len byed/ theg
dman gyi sbyor lam gyis de'i nyer len mi byed pa de rgyu'i sgo

nas khyad par du 'phags pa'i don du 'chad rigs par thal/ theg
chen gyi sbyor lam des theg pa gsum gyi rtogs rigs tshang ba'i
theg chen gyi mthong lam gyi nyer len byed/ theg dman gyi sbyor
la gyis theg ap gsum gyi rtogs rigs tshang ba'i

theg chen gyi mthong lam gyi nyer len mi byed pa'i phyir/ phyi
ma ma grub na/ theg chen gyis mthong lam de theg dman gyi sbyor
lam gyi nyer len byas pa las byung bar thal/ ma grub pa de'i
phyir/ 'dod na/ de dman lam sngon du ma song ba'i mkhyen pa yin
par

thal; 'dod pa'i phyir/ zer na/ rtsa bar ma khyab/ des na de'i
don theg chen gyi sbyor lam gyis bden bzhi la rnam pa mtha' yas
pa'i sgo nas dmig/ theg dman gyi sbyor lam gyis bden bzhi la
rnam pa mtha' yas pa'i sgo nas dmigs pa de de las dmigs

@136a @#/ /pa'i sgo nas khyad par du 'phags pa'i don yin/ theg
chen gyi sbyor lam de rigs pa'i rnams grangs mtha' yas pa'i sgo
nas bden bzhi la bden zhen 'gog pa'i rnam pa can gyi blo yin/
theg dman gyi sbyor lam de 'dra ba'i rnam

pa can ma yin pa de de las rnam pa'i sgo nas khyad par du 'phags
pa'i don yin/ theg chen gyi sbyor lam des theg pa gsum gyi rtogs
rigs tshang ba'i theg chen gyi mthong lam gyi nye rgyu byed/ theg
dman gyi sbyor lam des de'i nye rgyu mi byed pa de de las rgyu'i

sgo nas khyad par du 'phags pa'i don yin/ mchog gi sprul skus
rang gi gdul bya byang sems sbyor lam pa la theg pa chen po'i
chos rdzogs par bstan pa'i sgo nas de'i yongs 'dzin byed/ nyan
thos sbyor lam pa la theg pa chen po'i chos rdzogs

par ston pa'i sgo nas nyan thos sbyor lam pa'i yongs 'dzin mi
byed pas de las yongs 'dzin gyi sgo nas khyad par du 'phags pa'i
don yin/ byang sems kyi sbyor lam drod sogs bzhi la bden 'dzin
spang bya'i gtso bor ldan/ nyan thos kyi sbyor lam drod sogs

bzhi la bden 'dzin gyi rnam rtog spang bya'i gtso bor mi ldan pa
de de las spang bya'i sgo nas khyad par du 'phags pa'i don yin/
theg chen gyi sbyor lam chos mchog la chung 'bring chen po gsum
gyi dbye ba yod/ theg dman gyi sbyor lam chos mchog

la chung 'bring chen po gsum gyi dbye ba med pa de de las chung
'bring chen po gsum gyi sgo nas khyad par du 'phags pa'i don
yin/ byas pa la kho na re/ chung dang 'bring dang chen po rnams/
/zhes sogs smos mi rigs par/ chung dang 'bring dang

chen po yi/ zhes snos rigs par thal/ dmigs pa dang ni rnam pa
dang/ zhes sogs kyi gzhung 'di theg chen gyi sbyor lam chung
'bring chen po gsum gyi sgo nas khyad par du 'phags pa'i phyir
na ma khyab ste/ 'grel chen las/ de bzhin du

@136b ji skad du bshad pa'i rnam par rtog pa dang ldan pa la
brten pa ni 'di dag re re zhing chung dang 'bring dang chen po'i
dbye bas khyad par du 'phags par yang brjod par bya ba yin pas
zhes chung 'bring chen po gsum khyad chos su gsal bar bshad pa'i
phyir/

gnyis pa rang lugs ni/ mtshan nyid/ dbye ba/ skye tshul/ phye ba
so so'i ngo bo/ blo rigs la dpyad pa'o/ /dang po ni/ skabs 'di'i
TIk ltar bshad na/ thar pa cha 'thun rdzogs rjes su byung ba'i
mngon rtogs kyi rigs su gnas

shid bden ba mngon par rtogs pa dang rjes su mthun pa'i theg
chen gyi 'jig rten pa'i lam de/ theg chen gyi sbyor lam gyi
mtshan nyid/ lus rnam gzhag gi TIk ltar na thar pa cha 'thun
rdzogs rjes su byung ba'i lam gyi rigs su gnas pa gang zhig /

mos sbyod kyis sa bsdus pa'i theg chen gyi mngon par rtogs pa de
theg chen gyi sbyor lam gyi mtshan nyid/ gnyis pa ni/ gnas skabs
kyi sgo nas dbye na/ theg chen gyi sbyor lam chung 'bring chen
po gsum/ ngo bo'i sgo nas dbye na/ theg

chen gyi sbyor lam drod rtse mo bzod pa chos mchog bzhi/ gsum pa
ni/ dang po nas theg pa chen por rigs nges pa'i byang sems tshogs
lam pas stong nyid la dmigs pa'i lhag mthong thob pa na theg
chen gyi sbyor lam drod thob par

'jog /bzhi pa ni/ theg chen gyi nges 'byed cha 'thun dang po
gang zhig /shes sgrib kun nas nyon mongs gzungs rtog mngon gyur
pa 'joms pa'i nus pa thob pa'i lam gyi rigs su gnas pas rab tu
phye ba de/ theg chen gyi sbyor lam

drod kyi mtshan nyid/ theg chen gyi nges 'byed cha 'thun gnyis pa
gang zhig /shes sgrib rnam byang gzung rtog mngon gyur pa 'joms
pa'i nus pa thob pa'i lam gyi rigs su gnas pas rab tu phye ba
de/ theg chen gyi sbyor lam rtse mo'i

@137a @#/ /mtshan nyid/ de gsum pa gang zhig /shes sgrib rdzas
'dzin rtog pa mngon gyur ba 'joms pa'i nus pa thob pa'i lam gyis
rigs su gnas pas rab tu phye ba de/ theg chen gyi sbyor lam bzod
pa'i mtshan nyid/ de

bzhi ba gang zhig /shes sgrib brtags 'dzin rtog pa mngon gyur pa
'joms pa'i nus pa thob pa'i lam gyis rigs su gnas pas rab tu
phye ba de/ theg chen gyi sbyor lam chos mchog gi mtshan nyid/
lnga pa ni/ theg chen gyi sbyor lam du

gyur pa'i mngon sum dang rjes dpag sogs du ma yod kyang dman lam
sngon du ma song ba'i byang sems sbyor lam pa'i rgyud kyi stong
nyid la rtse gcig tu mnyam par bzhag pa'i mnyam gzhag ye shes de
dpyad shes yin te/ de blo rigs bdun po

gang rung gang zhig /de mngon sum/ rjes dpag /yid dpyod/ snang
la ma nges pa/ the tshom/ log shes gang yang ma yin pa'i phyir/
rtsod pa spong pa la kha cig /gang zag gi bdag med mngon sum du
rtogs pa'i theg chen gyi sbyor lam

chos can/ theg chen gyi 'jig rten pa'i lam yin par thal/ theg
chen gyi sbyor lam yin pa'i phyir/ khyab pa khas/ 'dod na/ 'jig
rten pa'i lam yin par thal/ 'dod pa'i phyir/ /zer na ma khyab/
stong nyid mngon sum du rtogs

pa'i theg chen gyi sbyor lam chos can/ mos spyod kyi sas bsdus
par thal/ theg chen gyi sbyor lam yin pa'i phyir/ khyab pa khas/
'dod na/ chos nyid la mos pa yid byed kyi blo yin par thal/ chos
nyid rtogs pa'i blo yin pa ni gang zhig /

'dod pa'i phyir na/ 'dir ma khyab/ 'dod mi nus te/ chos nyid
mngon sum du rtogs pa'i blo yin pa'i phyir/ zer na/ ma khyab
'tshams phyi ma la byang sems kyi mos spyod kyi sa yin na/ chos
nyid la mos pa yid byed kyi sgo nas spyod pa'i

@137b byang sems kyi mngon rtogs yin dgos par thal/ thal 'gyur
de la khyab 'brel yod pa'i phyir/ 'dod na/ nyan thos kyi rigs
kyis yin na/ nyan thos su rigs nges pa'i nyan thos sbyor lam
pa'i mngon rtogs yin dgos par thal/ 'dod pa'i

phyir; 'dod na/ nyan thos sbyor lam pa yin na/ nyan thos su rigs
nges pas khyab par thal/ 'dod pa'i phyir/ 'dod na sla/ des na
sgra bshad pa la khyab pa ma 'cha' zhig /! gzhi dang de yi gnyen
po yi/ zhes pa'i skabs su/

sbyor ba dang/ mtha' bcad pa gnyis/ dang po ni/ shes sgrib gzung
rtog chos can/ khyod la gnyis yod de/ khyod la shes sgrib kun
nas nyon mongs gzung rtog dang rnam byang gzung rtog gnyis yod
pa'i phyir/ shes sgrib kun

nas nyon mongs gzung rtog chos can/ khyod la dgu yod de/ khyod
la yul gyi dbye bas dgu yod pa'i phyir/ shes sgrib rnam byang
gzung rtog chos can/ khyod la dgu yod de/ khyod la yul gyi dbye
bas dgu yod pa'i phyir/ rdzas dang

brtag pa'i rten can gyi/ zhes sogs la shes sgrib 'dzin rtog chos
can/ khyod la gnyis yod de/ khyod la shes sgrib rdzas 'dzin rtog
pa dang shes sgrib brtags 'dzin rtog pa gnyis yod pa'i phyir/
shes sgrib rdzas 'dzin rtog pa chos can/

khyod la dgu yod de/ khyod la yul gyi dbye bas dgu yod pa'i
phyir/ shes sgrib brtags 'dzin rtog pa chos can/ khyod la dgu
yod de/ khyod la yul gyi dbye bas dgu yod pa'i phyir/ kha cig
/ma rig pa de shes sgrib kun nas nyon mongs

gzung rtog gi yul yin par thal/ gzhung dang po'i s? ba 'thad
pa'i phyir/ 'dod mi nus te/ de'i snang yul ma yin/ de'i zhen yul
yang ma yin pa'i phyir na/ 'dir ma khyab/ dang po grub ste/ de
rtog pa'i snang yul ma yin

@138a @#/ /pa'i phyir/ gnyis pa grub ste/ de'i zhen yul med pa'i
phyir te/ de log shes yin pa'i phyir/ zer na/ sgra de/ sgra mi
rtag par rtogs pa'i rjes dpag gi yul ma yin par thal/ de'i snang
yul yang ma yin/ de'i

zhen yul yang ma yin pa'i phyir/ khyab pa khas/ rtags bsal sla/
gnyis pa la/ kha cig /rang yul du gyur pa'i gzhi grub kyi chos
la dmigs nas bden par zhen pa'i blo de/ shes sgrib tu gyur pa'i
yul gyi rtog pa'i mtshan nyid zer

na; gzugs phyi rol don du 'dzin pa'i rtog pa chos can/ mtshan
nyid der thal/ mtshon bya de'i phyir/ rtags grub ste/ de shes
sgrib yin pa'i phyir/ sgrib pa la shes sgrib dang nyon sgrib
gnyis su grangs des/ de nyon sgrib ma

yin pa'i phyir/ dang po grub ste/ dbus mtha' las/ nyon mongs pa
yi sgrib pa dang/ /shes bya'i sgrib pa nyid du bstan/ /der ni
sgrib pa thams cad de/ /de zad nas ni rnam par grol/ /zhes
gsungs pa'i phyir/ gnyis pa grub

ste; de nyan thos dgra bcom pas ma spangs pa'i phyir/ rtsa bar
'dod na/ de chos can/ bden 'dzin yin par thal/ 'dod pa'i phyir/
'dod na/ de chos can/ khyod kyi zhen yul med par tshad mas rtogs
pa'i gang zag yin

na bden 'dzin gyi zhen yul med par tshad mas rtogs pa'i gang zag
yin dgos par thal/ 'dod pa'i phyir/ 'dod na/ stong nyid ma rtogs
pa'i rang rgyal dgra bcom pa chos can/ der thal/ de'i phyir/
khyab pa khas/ rtags

grub ste/ rang rgyal 'phags pa yin pa'i phyir/ 'dod mi nus te/
chos can de'i phyir/ kha cig /rang gi dmigs yul du gyur pa'i
gzung ba la dmigs nas bden par zhen pa'i blo de/ shes sgrib
gzung rtog gi mtshan nyid/

@138b rang gi dmigs yul du gyur pa'i 'dzin pa la dmigs nas bden
par zhen pa'i blo de/ shes sgrib 'dzin rtog gi mtshan nyid/ zer
na/ bum 'dzin rtog pa la dmigs nas longs spyod byed du bden par
zhen pa'i blo chos can/ mtshon bya dang po

der thal/ mtshan nyid de'i phyir/ bum 'dzin rtog pa la dmigs nas
bden par zhen pa'i blo yin pa'i phyir te/ chos can de'i phyir/
rtsa bar 'dod na/ de chos can/ de ma yin par thal/ shes sgrib
'dzin rtog yin pa'i phyir/ der thal/ rang gi

dmigs yul du gyur pa'i 'dzin pa la dmigs nas longs spyod byed du
bden par zhen pa'i blo yin pa'i phyir te/ chos can de'i phyir/
mtshan nyid phyi ma la nyon mongs can gyi ma rig pa la dmigs nas
longs spyad byar bden par zhen pa'i blo chos can/

mtshon bya gnyis pa der thal/ mtshan nyid de'i phyir/ der thal/
nyon mongs can gyi ma rig pa la dmigs nas bden par zhen pa'i blo
yin pa'i phyir te/ chos can de'i phyir/ rtsa bar 'dod mi nus te/
shes sgrib gzung rtog yin pa'i phyir te/

shes sgrib kun nas nyon mongs gzung rtog yin pa'i phyir/ rtags
grub ste/ ma rig pa dang gzugs la sogs pa'i phung po dang zhes
gsungs pa'i phyir/ de bzhin du theg chen gyi mthong lam la dmigs
nas longs spyad byar bden par zhen pa'i blo chos

can; mtshon bya gnyis pa der thal/ mtshan nyid de'i phyir/ der
thal/ theg chen gyi mthong lam la dmigs nas bden par zhen pa'i
blo yin pa'i phyir/ chos can de'i phyir/ rtsa bar 'dod mi nus
te/ shes sgrib rnam byang gzung rtog yin pa'i

phyir; rtags grub ste/ mthong ba dang sgom pa dang/ mi slob pa'i
lam la gzung ba'i rnam par rtog pa rnams te/ zhes gsungs pa'i
phyir/ kha cig /rang gi dmigs yul du gyur pa'i gzung ba la dmigs
nas gzung ba bden par zhen pas rab tu phye

@139a @#/ /ba'i bden 'dzin te/ shes sgrib gzung rtog gi mtshan
nyid/ rang gi dmigs yul du gyur pa'i nyon mongs kyi chos la
dmigs nas gzung bar bden par zhen pas rab tu phye ba'i bden
'dzin de/ shes sgrib kun nas nyon mongs

gzung rtog gi mtshan nyid/ rang gi dmigs yul du gyur pa'i rnam
byang gi chos la dmigs nas gzung bar bden par zhen pas rab tu
phye ba'i bden 'dzin de/ shes sgrib rnam byang gzung rtog gi
mtshan nyid/ zer na/ lhag bcas myang 'das

la gnas pa'i nyan thos dgra bcom pa'i rgyud kyi gzugs phung la
dmigs nas longs spyad byang bden par zhen pa'i bden 'dzin chos
can/ mtshan nyid gnyis pa der thal/ mtshon bya de'i phyir te/ rang
gi dmigs yul du gyur pa'i kun nas nyon

mongs phyogs kyi bden pa la dmigs nas longs spyad byar bden par
zhen pa'i bden 'dzin yin pa'i phyir/ rtags grub ste/ de'i rgyud
kyi gzugs phung de kun nas nyon mongs phyogs kyi bden pa yin
pa'i phyir/ ma grub na/ de chos can/

der thal/ sdug bsngal bden pa yin pa'i phyir/ rtsa bar 'dod na/
de'i rgyud kyi gzugs phung de nyon mongs pa'i chos yin par thal/
'dod pa'i phyir/ 'dod na/ de'i rgyud la nyon mongs pa'i chos yod
par thal/ 'dod pa'i phyir/

'dod na/ de'i rgyud la nyon mongs yod par thal/ 'dod pa'i phyir/
gzhan yang/ sdug bden du gyur pa'i dad pa'i dbang po la dmigs
nas longs spyad byar bden par zhen pa'i bden 'dzin chos can/
mtshon bya gsum pa der

thal; mtshan nyid de'i phyir/ der thal/ rang gi dmigs yul du gyur
pa'i rnam byang gi dbang po la dmigs nas longs spyad byar bden
par zhen pa'i bden 'dzin yin yin pa'i phyir/ rtags grub ste/
sdug bden du gyur pa'i dad pa'i

@139b dbang po rnam byang gi dbang po yin pa'i phyir/ ma grub
na/ de chos can/ der thal/ dad pa'i dbang po yin pa'i phyir/
rtsa bar 'dod na/ de chos can/ de ma yin par thal/ shes sgrin
kun nas nyon mongs gzung rtog yin pa'i phyir te/

rang gi dmigs yul du gyur pa'i kun nas nyon mongs phyogs kyi
bden par dmigs nas longs spyad byar bden par zhen pa'i rig pa
yin pa'i phyir/ rtags grub ste/ sdug bden du gyur pa'i dad pa'i
dbang po de kun nas nyon mongs phyogs kyi

bden pa yin pa'i phyir/ ma grub na/ de chos can/ der thal/ sdug
bden yin pa'i phyir/ kha cig /rdzas yod dang rdzas 'dzin gang
rung la dmigs nas longs spyod byed du bden par zhen pa'i zhen
rig /shes sgrib rdzas

'dzin rtog pa'i mtshan nyid/ btags yod dang btags 'dzin gang rung
la dmigs nas longs spyod byed du bden par zhen pa'i zhen rig
/shes sgrib btags 'dzin rtog pa'i mtshan nyid/ zer na/ mi 'thad
de/ rdzas yod la

dmigs nas longs spyod byed du bden par 'dzin pa'i bden 'dzin de/
shes sgrib rdzas 'dzin rtog pa yang ma yin/ btags yod la dmigs
nas longs spyod byed du bden par 'dzin pa'i zhen rig /shes sgrib
brtags 'dzin rtog

pa yang ma yin pa'i phyir/ dang po grub ste/ rdzes yod longs
spyod pa po ma yin pa'i phyir te/ de yul can ma yin pa'i phyir/
gnyis pa grub ste/ btags yod longs spyod pa po ma yin pa'i phyir
te/ de yul can ma yin pa'i phyir/

kha cig /rang gi dmigs par gyur pa'i 'dzin pa la dmigs nas 'dzin
par bden par zhen pas rab tu phye ba'i bden 'dzin/ shes sgrib
'dzin rtog gi mtshan nyid/ rang gi dmigs par gyur pa'i rdzas
'dzin la dmigs nas 'dzin

@140a @#/ /par bden par zhen pas rab tu phye ba'i bden 'dzin de/
shes sgrib rdzas 'dzin rtog pa'i mtshan nyid/ rang gi dmigs par
gyur pa'i brtags 'dzin la dmigs nas 'dzin par bden par zhen pas
rab tu phye ba'i bden 'dzin

de; shes sgrib brtags 'dzin rtog pa'i mtshan nyid/ rang gi dmigs
yul du gyur ba'i skyes bu rdzas yod du 'dzin pa'i 'dzin pa la
dmigs nas 'dzin par bden par zhen pas rab tu phye ba'i bden
'dzin de/ 'dir dngos su bstan pa'i

shes sgrib rdzas 'dzin rtog pa'i mtshan nyid/ rang gi dmigs yul
du gyur pa'i skyes bu brtags yod du 'dzin pa'i 'dzin pa la dmigs
nas 'dzin par bden par zhen pas rab tu phye ba'i bden 'dzin de/
'dir dngos su bstan pa'i

shes sgrib brtags 'dzin rtog pa'i mtshan nyid/ zer na/ tshur
mthong lhas byin rdzas yod du 'dzin pa'i 'dzin pa la mdigs nas
'dzin par bden par zhen pas rab tu phye ba'i bden 'dzin chos
can/ rang gi dmigs yul du gyur pa'i

skyes bu rdzas yod du 'dzin pa'i 'dzin pa la dmigs nas 'dzin par
bden par zhen pas rab tu phye ba'i bden 'dzin yin par thal/
skabs 'dir dngos su bstan pa'i shes sgrib rdzas 'dzin rtog pa
yin pa'i phyir/ khyab pa khas/ rtags

grub ste/ chos can de'i phyir/ 'dod na/ de chos can/ khyod kyi
dmigs par gyur ba'i skyes bu rdzas yod du 'dzin pa'i 'dzin pa
yod par thal/ 'dod pa'i phyir/ 'dod na/ tshur mthong lhas byin
rdzas yod du 'dzin pa'i 'dzin

pa de skyes bu rdzas yod du 'dzin pa'i 'dzin pa yin par thal/
'dod pa'i phyir/ 'dod na/ tshur mthong lhas byin der 'dzin pa'i
blo de skyes bu der 'dzin pa'i blo yin par thal/ 'dod pa'i
phyir/ 'dod na/ de chos can/

@140b skyes bu khyod kyi dmigs yul dang 'dzin stangs gnyis su
phye ba'i dmigs yul yin par thal/ khyod skyes bu rdzas yod du
'dzin pa'i blo yin pa'i phyir/ rtags khas/ 'dod na/ skyes bu
chos can/ khyod tshur mthong lhas byin yin par

thal; khyod tshur thong lhas byin rdzas yod du 'dzin pa'i blo'i
dmigs yul dang 'dzin stangs gnyis su phye ba'i dmigs yul yin
pa'i phyir/ rtags khas/ de bzhin du/ shes sgrib rdzas 'dzin rtog
pa chos can/ mtshan nyid

der thal/ 'dir dngos su bstan pa'i shes sgrib rdzas 'dzin rtog
pa yin pa'i phyir/ khyab pa khas/ der thal/ rdzas dang btags
pa'i rten can gyi/ /zhes pa'i rdzas dang zhes pas shes sgrib
rdzas 'dzin rtog pa dngos kyi bstan

bya'i gtso bor byas nas bstan pa'i phyir/ 'dod mi nus te/ gang
zag don byed nus par 'dzin pa'i 'dzin pa la dmigs nas 'dzin pa
bden par zhen pas rab tu phye ba'i bden 'dzin de khyod yin pa'i
phyir/ kho na re/ shes sgrib rdzas

'dzin rtog pa dang/ shes sgrib btags 'dzin rtog pa 'gal zer na/
mi rigs te/ rnam mkhyen la dmigs nas longs spyod byed du bden
par 'dzin pa'i bden 'dzin de/ shes sgrib rdzas 'dzin rtog pa
yang yin/ shes sgrib btags

'dzin rtog pa yang yin pa'i phyir/ dang po ma grub na/ de chos
can/ der thal/ rang gi dmigs yul du gyur pa'i rdzas 'dzin la
dmigs nas longs spyod byed du bden par 'dzin pa'i blo yin pa'i
phyir/ rtags grub ste/ rnam mkhyen

de rdzas 'dzin yin pa'i phyir/ ma grub na/ de chos can/ rdzas
'dzin yin par thal/ gang zag don byed nus par 'dzin pa'i 'dzin
pa yin pa'i phyir/ khyab ste/ don byed nus pa rdzas yod chos
gsum tshang ba yin pa'i phyir/

@141a @#/ /gnyis pa grub ste/ rang gi dmigs yul du rgyur pa'i
btags 'dzin la dmigs nas longs spyod byed du bden par 'dzin pa'i
bden 'dzin yin pa'i phyir/ rtags grub ste/ rnam mkhyen btags
'dzin yin pa'i

phyir; ma grub na/ rnam mkhyen chos can/ btags 'dzin yin par
thal/ skyes bu btags yod du 'dzin pa'i 'dzin pa yin pa'i phyir/
!di ni 'di dpyad par bya ste/ nye snang las/ gzung ba'i rnam par
rtog pa yin la/

'dzin pa'i rnam par rtog pa ma yin ba zhes bya ba mu bzhi ste/
dang po gzugs la sogs pa'i yul drug go/ !gnyis pa ni/ skad cig
ma gcig dang ldan pa'i rnam par rig pa'o/ /gsum pa ni/ skad cig
ma gzhan

gyi de nyid do/ /bzhi pa ni/ rnam pa de dag bral ba'i shes rab
kyi pha rol tu phyin pa'o/ /zhes pa'i don du bsam nas/ kha cig
/gzugs phung la dmigs nas bden par zhen pa'i blo de/ gzung rtog
kho na yin pa'i mu

yin; shes pa dus mtha'i skad cig la dmigs nas bden par zhen pa'i
blo de 'dzin rtog kho na yin pa'i mu yin/ de gzung rtog ma yin
te/ shes pa du mtha'i skad cig ma tshur mthong gi mdon sum du
rtogs mi dus ba'i phyir/

rgyun dang ldam pa'i shes pa la dmigs nas bden par zhen pa'i blo
de gzung rtog dang 'dzin rtog gnyis ka yin pa'i phyir/ 'bras bu
sher phyin gnyis ka ma yin ba'i mu yin zer na/ 'di nyid ?shid pa
yin srid na na'ang/ skabs

'dir khas len mi rigs te/ stong nyid la dmigs nas longs spyad
byar bden par zhen ba'i blo de shes sgrib gzung rtog ma yin par
thal/ stong nyid de tshur mthong gi mngon sum du rtogs mi nus
pa'i phyir/ khyab pa khas/ 'dod

@141b na; stong pa nyid kyi pha rol tu phyin pa'i don zhes bshad
pa de mi 'thad bar thal/ 'dod pa'i phyir/ gzhan yang/ shes pa
dus mtha'i skad cig ma chos can/ khyod la dmigs nas longs dpyad
byar bden par zhen pa'i bden 'dzin

de shes sgrib gzung rtog yin par thal/ khyod longs spyad bya yin
pa'i phyir te/ gzhi grub pa'i phyir/ gser 'phreng las/ gzung
rtog dang 'dzin rtog la mu bzhi rtsi ba yin gsungs te/ spyi don
du dbyad par ba'o/ /mkhas

pa kha cig /gzung rtog dang 'dzin rtog la mu bzhi yod de/ gzugs
la dmigs nas longs spyad byar bden bar zhen pa'i bden 'dzin de
gzung rtogs kho na yin pa'i mu/ shes pa la dmigs nas longs spyod
byed du bden par

'dzin pa'i bden 'dzin de 'dzin rtog kho na yin pa'i mu/ rnam par
shes pa la dmigs nas longs spyad bya spyod byed gnyis kar bden
par zhen pa'i blo de/ gzung rtog dang 'dzin rtog gnyis ga yin
pa'i mu/ lam sher phyin de gnyis

ka ma yin pa'i mu yin gsungs/ bum 'dzin rtog pa la dmigs nas
longs spyad bya spyod byed gnyis kar bden par zhen pa'i blo chos
can/ khyod rang gi dmigs yul du gyur pa'i gzung ba la dmigs nas
longs spyad byar bden par

zhen pa'i blo yin par thal/ shes sgrib gzung rtog yin pa'i
phyir/ rtags khas/ 'dod na/ bum 'dzin rtag pa la dmigs nas longs
spyad bya dang spyod byed gnyis kar bden par zhen pa'i blo yin
na/ bum 'dzin rtog pa la dmigs

nas longs spyad byar bden par zhen pa'i blo yin dgos par thal/
'dod pa'i phyir/ 'dod no/ dbu ma 'dzin rtog pa la dmigs nas rtag
mi rtig gnyis kar bden par 'dzin pa'i blo yin na/ de la dmigs
nas mi rtag par bden par

@142a @#/ /'dzin pa'i blo yin dgos par thal/ 'dod pa'i phyir/ 'dod
na/ bum 'dzin rtog pa la dmigs nas rtag mi rtag gnyis ka bden
par 'dzin pa'i blo chos can/ der thal/ de'i phyir/ 'dod na/

de chos can/ bden 'dzin yin par thal/ 'dod pa'i phyir/ 'dod na/
bum 'dzin rtog pa rtag mi rtag gnyis ka bden par ma grub de don
dam bden pa yin par thal/ 'dod pa'i phyir/ 'dod mi nus te/ sems

tsam pas/ bum 'dzin rtog pa mi rtag gnyis ka bden par ma grub
par rtogs pa'i phyir/ gzhan yang/ gzugs dang gzugs bden stong
gnyis ka la dmigs nas bden grub tu zhen pa'i blo de gzugs bden
stong

bden grub tu zhen pa'i blo yin par thal/ bum 'dzin rtog pa la
dmigs nas longs spyad bya dang longs spyod byed gnyis kar bden
par zhen pa'i blo de/ bum 'dzin rtog pa la dmigs nas longs spyad
byar bden par 'dzin pa'i

blo yin pa'i phyir/ rtags khas/ 'dod na/ de gzugs bden grub tu
zhen pa'i blo yin pa'i phyir/ rtags khas/ 'dod na/ de chos can/
sgrub rtog ma yin par thal/ dgag rtog yin pa'i phyir/ mkhas pa
kha cig

'dir ma khyab ste/ dgag rtog yin na/ sgrub rtog ma yin pas khyab
par thal/ dgag rtog dang sgrub rtog 'gal ba'i phyir/ rtags khas/
'dod na/ gzung 'dzin 'gal bar thal/ gzung rtog dang 'dzin rtog
'gal

@142b ba'i phyir rtags khyab khas/ des na gzugs dang gzugs bden
stong gnyis ka la dmigs nas bden grub tu zhen pa'i blo de dgag
rtog kyang yin sgrub rtog kyang yin zhes gsung/ 'di yang dpyad
par bya ste/ sdug bden dang

lam bden gnyis kar dmigs nas longs spyad byar bden par zhen pa'i
blo de/ sdug bden la dmigs nas longs spyad byar bden par zhen
pa'i blo yang yin/ lam bden la dmigs nas longs spyed byar bden
par zhen pa'i blo yang

yin par thal/ gzugs dang gzugs bden stong gnyis ka la dmigs nas
longs spyad byar bden par zhen pa'i blo de gzugs la dmigs nas
bden par blo dang/ gzugs bden stong la dmigs

nas bden par zhen pa'i blo gnyis ka yin pa'i phyir/ rtags khas/
'dod na/ de chos can/ khyod shes sgrib kun nas nyon mongs gzung
rtog yin par thal/ khyod rang gi dmigs yul du gyur pa'i kun nas
nyon mong ses phyogs

kyi bden pa la dmigs nas longs spyad byar bden par zhen pa'i blo
yin pa'i phyir/ ma grub na/ de chos can/ der thal/ khyod rang gi
dmigs par gyur pa'i sdug bden la dmigs nas longs spyad byar bden
par zhen pa'i blo yin pa'i

phyir; rtag khas/ god du 'dod na/ de chos can/ de ma yin par
thal/ shes sgrib rnam byang gzung rtog yin pa'i phyir/ der thal/
khyod rang gi dmigs yul du gyur ba'i rnam byang phyogs kyi bden
pa la dmigs nas

longs spyad byar bden par zhen pa'i blo yin pa'i phyir te/ lam
bden la dmigs nas longs spyad byar bden par zhen pa'i blo yin
pa'i phyir/ rtags khas/ gzhan yang/ bum 'dzin rtog pa la dmigs
nas longs spyod

@143a @#/ /bya dang longs spyod byed gnyis kar bden par zhen pa'i
bden 'dzin gyi zhen yul yin na/ de la dmigs nas longs pyad byar
bden par zhen pa'i bden 'dzin gyi zhen yul yin dgos par thal/ de
la dmigs

nas longs spyad bya dang longs spyod byed gnyis kar bden par
zhen pa'i blo yin na/ de la dmigs nas longs spyad byar bden par
zhen pa'i blo yin na dgos pa'i phyir/ rtags khas/ 'dod na/ bum
'dzin rtog pa la

dmigs nas longs spyad byar bden pa'i blo de bum 'dzin rtog pa la
dmigs nas longs spyod byed du bden par zhen pa'i blo yin par
thal/ bum 'dzin rtog pa longs spyod byed du bden par grub pa de
bum 'dzin rtog pa la dmigs

nas longs spyad byar bden par zhen pa'i bden 'dzin gyis zhen yul
yin pa'i phyir/ ma grub na song/ der thal/ de bum 'dzin rtog pa
la dmigs nas longs spyad bya spyod byed gnyis kar bden par zhen
pa'i bden 'dzin gyi

zhen yul yin pa'i phyir/ khyab pa khas/ ma grub na song/ der
thal/ bum 'dzin rtog pa las dmigs nas longs spyad bya dang longs
spyod byed gnyis kar bden par zhen pa'i blo de la dmigs nas
longs spyod byed du bden

par zhen pa'i blo yin pa'i phyir/ rtags khas/ gzhan yang/ bum
'dzin rtog pa mi rtag par bden par 'dzin pa'i blo de/ bum 'dzin
rtog pa mi rtag par zhen pa'i blo yin zer na/ de chos can/ bum
'dzin rtog pa mi rtag

pa khyod kyi zhen yul yin par thal/ khyod bum 'dzin rtog par
zhen pa'i blo yin pa'i phyir/ rtags khas/ 'dod na/ de chos can/
khyod kyi zhen yul yin par thal/ 'dod pa'i phyir/ 'dod mi nus
te/ log shes

@143b yin pa'i phyir/ gzhan yang/ myu gu bden med du bden par
zhen pa'i blo de myu gu bden med du zhen pa'i blo yin par thal
bum 'dzin rtog pa mi rtag par bden par 'dzin pa'i blo de/ bum
'dzin rtog pa mi rtag par zhen pa'i blo

yin pa'i phyir/ rtags khas/ 'dod na/ de chos can/ myu gu bden
med du zhen pa'i blo ma yin par thal/ khyod myu gu bden par zhen
pa'i blo yin pa'i phyir/ der thal/ khyod myu gu bden med du bden
par zhen pa'i blo

yin pa'i phyir/ yang nyi snang las/ gzung ba'i rnam par rtog pa
dang po ni/ dngos po thams cad pa kho na yin la/ gnyis pa ni/
rnam par byang ba'i dngos po kho na yin te/ 'di ni gzung ba'i
rnam par rtog pa 'di dag gi khyad

par yin no/ /de ltar byas nas brjod pa gzung ba'i rnam par rtog
pa dang po gang yin pa de gnyis pa yang yin no/ /zhes bya ba ni
tshigs snga ma dang ldan pa'o/ /!re shig dang po de gnyis pa yin
pa ni/ dper na/ gzung

ba'i rnam par rtog pa dang por gyur pa dngos po thams cad pa
bzhin no/ / gnyis pa kho na yin gyi/ dang po ma yin pha ni/
gzung ba'i rnam par rtog pa gnyis pa rnam par byang ba tsam la
brten pa bzhin no/ /zhes pa'i don

gang yin zhe na/ 'di la mkhas pa kha cig /gnyis snang las/ de
ltar bshad pa 'di mi rigs te/ 'di la nang 'gal yod pa'i phyir/
ji ltar yod na/ shes sgrib kun nas nyon mongs gzung rtog chos
cank/ kun nas

nyon mongs pa dang/ rnam byang gi chos la dmigs par thal/ khyod
shes sgrib kun nas nyon mongs gzung rtog yin pa'i phyir/ ma
khyab na/ gzung ba'i rnam par rtog pa dang po ni dngos bo thams
cad pa kho na yin la/

@144a @#/ /zhes bshad pa dang 'gal/ 'dod na/ de chos can/ de
gnyis la laM dmigs par thal/ khyod shes sgrib rnam byad gzung
rtog yin pa'i phyir/ ma khyab na/ gnyis pa ni/ rnam par byang
ba'i dngos po

kho na yin te/ zhes bshad pa dang 'gal/ ma grub na/ de chos can/
de yin par thal/ shes sgrib kun nas nyon mongs gzung rtog yin
pa'i phyir/ ma khyab na/ gzung ba'i rnam par rtog pa dang po
gang yin pa de gnyis pa yang

yin no/ /zhes pa dang 'gal bas/ 'di nyi snang la 'khor gsum yin/
zhes zer ba mi 'thad de/ gzung ba'i rnam par rtog pa dang po
gang yin pa de gnyis pa yang yin no/ zhes pa'i don ni/ kun nas
nyon mongs pa dang rnam

byang gi gzung ba gnyis ka la dmigs nas gzung byar bden par zhen
pa'i blo yin shes sgrib rnam byang gzung rtog yin pas khyab pa'i
don yin gyi/ gzung rtog dang po yin na gnyis pa yin gsung pa'i
don ma yin pa'i phyir/ lung de'i

rjes de ma thag tu gzung ba'i rnam par rtog pa dang por gyur ba
dngos po thams cad pa bzhin no/ /zhes gsungs pa'i phyir ro/ /de
ltar yang rnam bshad snying po rgyan las/ slob dpon 'phags pas
gzung ba'i rnam par rtog pa dang po gang

yin gnyis par bstan pa'i don ni/ kun nas nyon mongs pa dang rnam
byang gi gzung ba tsam la dmigs nas/ gzung byar bden par zhen pa
yin na rnam byang gzung rtog yin pas khyab bar ston pa yin gyi/
kun nas nyon mongs

kyi gzung rtog la rnam byang gi gzung rtog gis khyab par bstan
par 'dod pa ni 'brel med pa'o/ /zhes gsungs/ 'di yang/ nyi snang
gi bshad pa bskyar ba yin gyi/ rnam bshad snying po rgyan gyi
lugs ma yin no/ mkhas

@144b pa kha cig /shes sgrib kun nas nyon mongs gzung rtog dang/
rnam byang gzung rtog la mu bzhi yod de/ kun nas nyon mongs kyi
chos kho na la dmigs nas/ longs spyad byang bden par zhen pa'i
rig pa de kun nas nyon mongs gzung

rtog kho na yin pa'i mu/ rnam byang gi chos kho na la dmigs nas
longs spyad byar bden par zhen pa'i rig pa rnam byang gzung rtog
kho na yin pa'i mu/ kun nas nyon mongs dang rnam byang gi gzung
ba gnyis ka la dmigs nas longs spyad

byar bden par zhen pa'i rig pa de gnyis ka yin pa'i mu yin/ zag
med kyi ye shes de gnyis ka ma yin pa'i mu yin/ zhes gsungs/ 'o
na/ 'grel chen las/ kun nas nyon mongs pa'i gzhil brten pa ni
dang po yin

la; rnam par byang ba'i gzhi la brten pa ni gnyis pa yin pas/
'di gnyis phan tshun rnam par bcad pa'i rang bzhin yin pa'i
phyir/ 'di gnyis ni tha dad pa zhes bshad pa mi 'thad par thal/
shes sgrib kun nas nyon mongs

gzung rtog dang/ rnam byang gzung rtog mi 'gal ba'i phyir/ rtags
khas/ kho na re/ gzung rtog la/ mu bzhi rtsi rigs par thal/ de
ltar nyi snang gi sngar gyi lung don 'grub pa'i phyir/ zer na/
ma khyab bo/ /

yang kho na re/ shes sgrib kun nas nyon mongs gzung rtog dang/
rnam byang gzung rtog gnyis ka yin pa yod par thal/ bden pa bzhi
la dmigs nas longs spyad byar bden par zhen pa'i blo de/ shes
sgrib kun nas nyon mongs

gzung rtog kyang yin/ de shes sgrib rnam byang gzung rtog kyang
yin pa'i phyir/ dang po ma grub na song/ de chos can/ der thal/
rang gi dmigs yul du gyur pa'i nyon mongs phyogs kyi bden pa la
dmigs nas longs

@145a @#/ /spyad byar bden par zhen pa'i rig pa yin pa'i phyir/
der thal/ sdug bden la dmigs nas longs spyad byar bden par zhen
pa'i blo yin phyir te/ bden pa bzhi la dmigs nas longs spyad
byar bden

par zhen pa'i blo yin pa'i phyir/ rtsa pa'i rtags gnyis pa rigs
'gre zer na 'dir ma khyab ste/ gzugs dang gzugs bden stong gnyis
ka la dmigs nas bden par 'dzin pa'i blo de/ gzugs bden grub tu
'dzin pa'i blo dang

gzugs bde na stong bden grub tu 'dzin pa'i blo gnyis ka yin par
thal/ kun nas nyon mongs dang/ rnam byang gnyis ka la dmigs nas
longs spyad byar bden par zhen pa'i blo de/ kun nas nyon mongs
kyi chos la dmigs

nas bden par zhen pa'i blo dang/ rnam byang gi tshes la dmigs nad
bden par zhen pa'i blo gnyis ka yin pa'i phyir/ ma grub na song/
der thal/ de shes sgrib kun nas nyon mongs gzung rtog dang/ rnam
byang gzung rtog

gnyis ka yin pa'i phyir/ rtags khas/ 'dod na/ de bkags zin/
gzhan yang/ sgra rtag mi rtag gnyis kar 'dzin pa'i rtog pa de/
sgra mi rtag par 'dzin pa'i rtog pa yin par thal/ kun nas nyon
mongs dang/ rnam

byang gi chos gnyis ka la dmigs nas bden par zhen pa'i blo de/
kun nas nyon mongs kyi chos la dmigs nas bden par zhen pa'i blo
yin pa'i phyir/ rtags khas/ 'dod na/ bkags zin/ 'di thams cad
rigs pa

mtshungs so/ /kha cig /skabs 'dir bstan pa'i shes sgrib rtog pa
la/ gzung rtog dang 'dzin rtog gnyis su grangs des zhes zer ba
mi 'thad de/ theg chen gyi mthong lam la dmigs nas bden par zhen
pa'i blo de/ skabs

@145b 'dir bstan gyi shes sgrib rtog pa yin pa gang zhig/ de
gzung rtog kyang ma yin/ 'dzin rtog kyang ma yin pa'i phyir/
dang po ma grub na/ de chos can/ skabs 'dir bstan gyi shes sgrib
rtog pa yin par thal/ bden 'dzin yin pa'i

phyir; gnyis pa ma grub na/ then chen gyi mthong lam la dmigs
nas bden par zhen pa'i blo yin na/ gzung rtog yin dgos par thal/
de gzung rtog yin pa'i phyir/ rtags khas/ 'dod na/ theg chen gyi
mthong lam la dmigs

nas longs spyod byed du bden par zhen pa'i blo chos can/ der
thal/ de'i phyir/ gsum pa ma grub na/ theg chen gyi mthong lam
la dmigs nas bden par zhen pa'i blo yin na/ 'dzin rtog yin dgos
par thal/ de 'dzin rtog

yin pa'i phyir/ rtags khas/ 'dod na/ de la dmigs nas longs spyad
byar bden par zhen pa'i blo chos can/ der thal/ de'i phyir/ 'dod
mi nus te/ shes sgrib gzung rtog yin pa'i phyir/ rtags grub ste/
mthong ba

dang; snos pa dang/ mi slob pa'i lam la gzung ba'i rnam par rtog
pa rnam te/ shes gsungs pa'i phyir/ kha cig /skabs 'ding bstan
gyi shes sgrib rtog pa yin na/ dgag rtog yin dgos zer na/ mi
'thad de/ skabs 'di

dang rtse sbyor gyi skabs gnyis kar shes sgrib rtog pa dang
sgrub rtog gi gzhi mthun bstan pa'i phyir/ skabs 'dir/ nyon
mongs can gyi rig pa la dmigs nas longs spyad byar bden par zhen
pa'i rig pa de shes sgrib kun nas nyon mongs gzung

rtog tu bstan/ rnam byang gi phung po la dmigs nas longs spyad
byar bden par zhen pa'i rig pa de shes sgrib rnam byang gzung
rtog tu bstan/ rtse sbyor gyi skabs su/ theg chen gyi lam 'bras
la dmigs nas longs spyad byar bden par zhen

@146a @#/ /pa'i rig pa shes sgrib 'jug pa gzung rtog dang/ nyan
thos kyi rgyud kyi lam 'bras la dmigs nas longs spyad byar bden
par zhen pa'i rig pa/ shes sgrib ldog pa gzung rtog tu bstan
pa'i phyir/ kha cig /skab 'der bstan

gyi rtog pa yin na/ sgrub rtog yin dgos zer na/ gzugs bden stong
bden grub du 'dzin pa'i blo chos can/ der thal/ de'i phyir te/
khyod bden 'dzin yin pa'i phyir/ rtsa bar 'dod na/ bden stong
yod par zhen pa'i blod/ sgrub

rtog yin par thal lo/ 'dod na/ bden stong yod pa sgrub pa yin
par thal lo/ 'dod pa'i phyir/ !rnam bshad las/ gzung bar rtog pa
dang 'dzin pa rtog pa zhes bshad pa ni/ phyogs tsam mtshon par
byed pa yin gyi/ spang bya rtog pa thams

cad 'dzin stangs de dang 'dra bar zad pa ma yin te/ nyan thos
kyi lam 'bras ldog byar bden par zhen pa yang/ 'dir bstan pa'i
spang bya rtog pa yin pa'i phyir ro/ /zhes pa dang/ des na longs
spyad byar bden par zhen pa dang/ longs

spyod byed du bden par zhen pa ni/ gzung bar rtog pa dang 'dzin
par rtog pa'i don no/ /zhes bshad pa'i don la/ kha cig /TI ka
las/ 'dir ltar bshad pa la nang 'gal yod de/ nyan rang gi lam
'brasl la dmigs nas byang sems kyi laM

gyi lngog byar gden par zhen ba'i zhen rig chos can/ longs spyad
byar bden par zhen pa'i zhen rig yin par thal/ shes sgrib gzung
rtog yin pa'i phyir/ 'khor gsum/ rtags bsal/ lung dang po'i
skabs su khas blang ngo/ /khyab pa

lung gnyis pa'i skabs su khas blangs zer/ 'di'i lan la mkhas pa
kha cig /rtsod pa de rnam bshad snying po rgyan la gnod byed du
mi 'jug ste/ lung dang pos nyan rang gi lam 'bras la dmigs nas
byang sems lam gyi ldog byar bden par zhen

@146b pa'i blo de/ 'dir bstan shes sgrib gzung rtog tu ma bstan
pa'i phyir/ lung dang pos 'dir shes sgrib gzung rtog yin na/
longs spyad byar bden par zhen pa'i rig yin pas khyab bstan pa
gang zhig /nyan rang gi lam 'bras la

dmigs nas byang sems lam gyi ldog byar bden par zhen pa'i zhen
rig de/ longs sbyad byar bden par zhen pa'i zhen rig ma yin bar
lung dang pos bstan pa'i phyir/ des na lung dang po'i don ni/
'dir bstan shes sgrib rtog pa yin na/ gzung

rtog dang/ 'dzin rtog gang rung yin mi dgos te/ nyan rang gi lam
'bras la dmigs nas byang sems lam gyi ldog byar bden par zhen
pa'i zhen rig de/ 'dir bstan shes sgrib rtog pa yin pa'i phyir/
zhes pa lung dang bo'i don/ longs

spyad byar bden par zhen pa'i rig de/ shes sgrib gzung rtog gi
mtshan nyid/ longs spyod byed du bden par zhen pa'i rig de/ shes
sgrib 'dzin rtog gi mtshan nyid yin pa lung phyi ma'i don yin pas
sngar gyi rtsod pa de'i thal 'gyur yin zhes

gsungs; 'di nyid lan legs por snang yang/ re shig dpyad na/ nyan
rang gi lam 'bras la dmigs nas byang sems lam gyi ldog byar bden
par zhen pa'i rig chos can/ longs spyad byar bden par zhen pa'i
zhen rig yin par thal/

gzung bar bden par zhen pa'i zhen rig yin pa'i phyir/ der thal/
nyan rang gi lam 'bras la dmigs nas gzung bar bden par bzhen
pa'i blo yin pa'i phyir te/ de la dmigs nas yul du bden par zhen
pa'i blo yin pa'i phyir te/ de la dmigs nas byang

sems lam gyi lngog bya'i yul du bden par zhen pa'i blo yin pa'i
phyir/ de la dmigs nas byang sems lam gyi ldog byar bden par
zhen pa'i blo yin pa'i phyir/ des na nyan rang gi lam 'bras la
dmigs nas byang sems lam gyi ldog byar bden par

@147a @#/ /zhen pa'i blo de/ shes sgrib gzung rtog yin par thal/
nyan rang gi lam 'bras la dmigs nas byang sems lam gyi ldog
bya'i yul du bden par 'dzin pa'i blo de/ shes sgrib gzung rtog
yin pa'i phyir/ ma grub na/

de chos can/ shes sgrib gzung rtog yin par thal/ longs spyod
byar bden par zhen pa'i blo yin pa'i phyir/ der thal/ gzung byar
bden par zhen pa'i blo yin pa'i phyir/ yul du bden par zhen pa'i
blo yin pa'i phyir/ der thal/ byang sems lam

gyi ldog bya'i yul du bden par zhen pa'i blo yin pa'i phyir/
gzhan yang/ nyan rang gi lam 'bras la dmigs nas byang sems lam
gyi ldog byar bden par zhen pa'i blo chos can/ shes sgrib gzung
rgog yin par thal/ shes sgrib ljog pa gzung rtog yin pa'i

phyir; rtas grub ste/ rnam bshad snying po rgyan las/ de yang
'dir bsdus nas bstan ba tsam yin la rtse sbyor gyi skabs nas
bstan pa dang don gcig tu shes par bya'o/ /zhes gsungs pa'i
phyir/ byas pa la kho na re/ skyon med de/ lung des

nyan rang gi lam 'bras la dmigs nas byang sem lam gyi ldog byar
bden par zhen pa'i rig pa de/ rtse sbyor gyi skabs su bstan pa'i
shes sgrib rtog par bstan gyi/ shes sgrib ldog pa gzung rtog tu
ma bstan pa'i phyir/ zer na/ nyan rang gi lam 'bras

la dmigs nas byang sems lam gyi ldog byar bden par zhen pa'i
zhen rig chos can/ khyod shes sgirb ldog pa gzung rtog yin par
thal/ khyod 'jug pa dang ni ldog pa la/ /zhes pa'i gzung gi nang
tshan du gyur pa'i ldog pa la/ gzung ba'i rnam rtog so so de/

zhes pa'i gzhung gi dngos kyi bstan bya'i gtso bor gyur pa'i
shes sgrib rtog pa yin pa'i phyir/ rtags grub ste/ gzhung de'i
'grel bar 'jug pa dang ldog pa mi dmigs pa dang/ dmigs pa'i ngo
bo nyed dag la go rims bzhin du byang chub sems

@147b dpa' dang/ nyan thos la sogs pa'i chos len pa dang/ 'dor
ba'i sgo nas gzung ba'o/ zhes pa'i dgongs pa phyin ci ma log pa
yin snyam mo/ gzhan yang/ nyan rang gi lam 'bras la dmigs nas
byang sems lam gyi ldog byar bden par zhen pa'i

zhen rig de/ shes sgrib ldog pa gzung rtog yin par thal/ de shes
sgrib gzung rtog yin pa'i phyir/ ma grub na/ de chos can/ der
thal/ longs spyad byar bden par zhen pa'i blo yin pa'i phyir te/
byang sems lam gyi longs spyad byar bden

par zhen pa'i blo yin pa'i phyir/ der thal/ byang sems lam gyi
ldog byar bden par zhen pa'i blo yin pa'i phyir/ der thal/ nyan
rang gi lam 'bras la dmigs nas byang sems lam gyi ldog byar bden
par zhen ba'i blo de/ shes sgrib ldog

pa gzung rtog yin pa'i phyir te/ 'grel pa don gsal las/ theg pa
chen po thams cad bsdus par byed pa nyid kyi/ rnam pa thams cad
pa nyid mya ngan las 'das pa thams cad kyi mjug tu 'gro ba la
nyes pa dang bcas pa nyid kyis gzung bar bya ba ma yin pa nyid

du ldgog par bya'o/ /zhes gzung par rnam par rtog pa gnyis pa
ldog pa'i phyogs kyi rten can zhes pa dang/ de'i thad kyi TI
kar des na nyan thos kyi lam 'bras la nyes pa dang bcas pa nyid
kyis byang chub sems dpa'i rgyud la gzung bar bya ba ma yin pa
nyid du ldog par bya'o/ /

zhes yul gyi sgo nas ldog byar zhen pa dgu'o/ /zhes gsungs pa'i
phyir/ rnam bshad kyi lung de'i don gang yin zhen bshad par bya
ste/ gzung bar rtog pa dang 'dzin rtog pa bshad pas zhes pa ni/
phyogs tsam mtshon par byed yin gyi/

skabs bas 'dir nga bya rtog pa thams cad gzung ba tsam du bden
par zhen na dang/ 'dzin tsam du bden par zhen par zad pa yin na/
/nyan thos kyi lam 'bras la dmigs nas ldog byar bden par zhen pa
yang/ shes sgrib gzunr rtog yin kyang

@148a @#/ /de gzung ba tsam du bden par zhen pa ma yin pa'i
phyir/ de shes sgrib gzung rtog yin te/ rtse sbyor gyi skabs su/
gzhung rtsa bar/ 'jug pa dang ni ldog pa la/ /zhes sogs dang/
de'i 'grel par/ byang chub

semd pA dang/ nyan tho la sogs pa'i chos len pa dang/ 'dor
pa'i sgo nas bzung ba'o/ /zhes gzung bar rnam par rtog pa zhes/
de shes sgrib ldog pa gzung rtog tu bstan pa'i phyir/ rtsa bar
rtags gnyis pa grub ste/ de

gzung ba'i khyad par byang sems lam gyi ldog byar bden par zhen
pa yin pa'i phyir/ zhes pa'i don yin no/ /!/ /gnyis pa rang lugs
ni/ rang yul bden grub tu zhen pa'i blo de/ skabs 'dir bstan gyi
shes sgrib rtog pa'i mtshan nyid/

dbye na/ shes sgrib gzung rtog dang/ de'i 'dzin rtog gnyis/ rang
gi dmigs yul du gyur pa'i gzung ba la dmigs nas longs spyad byar
bden par zhen pa'i blo de shes sgrib gzung rtog gi mtshan nyid/
rang gi dmigs yul du gyur pa'i

'dzin pa la dmigs naz longs spyod byed du bden par zhen pa'i blo
de/ shes sgrib 'dzin rtog gi mtshan nyid/ shes sgrib gzung rtog
la dbye na/ shes sgrib kun nas nyon mongs gzung rtog dang de
rnam byang gzung rtog gnyis/ rang gi dmigs

yul du gyur pa'i kun nas nyon mongs phyogs kyi bden pa la dmigs
longs spyar byar bden par zhen pa'i blo de/ dang po mtshan nyid/
de la dbye na/ nyon mongs can gyi ma rig pa la dmigs nas longs
spyod byar bden par zhen pa'i zhen

rig sogs dgu yod/ rang gi dmigs yul du gyur pa'i rnam byang
phyogs kyi bden pa la dmigs nas yongs spyod byar bden par zhen
pa'i zhen rig de/ gnyis pa'i mtshan nyid/ de la dbye na/ rnam
byang phyogs la dmigs nas la

@148b longs spyar byar bden par zhen pa'i zhen rig sogs dgu yod/
shes sgrib 'dzin rtog la dbye na/ de rdzas 'dzin rtog pa dang/
de btags 'dzin rtog pa gnyis/ rang gi dmigs yul du gyur pa'i
rdzas 'dzin la dmigs nas longs spyod byed du

bden par zhen pa'i zhen rig de/ dang po'i mtshan nyid/ de la dbye
na/ bdag rtag gcig rang dbang can du 'dzin pa'i 'dzin pa la
dmigs nas longs spyod byed du bden par zhen pa'i zhen rig sog
dgu yod/ rang gi dmigs yul du

gyur pa'i btags 'dzin la dmigs nas longs spyod byed du bden par
zhen pa'i zhen rig de/ gnyis pa'i mtshan nyid/ de la dbye na/
phung sogs kyi chos la skyes bur btags par 'dzin pa'i 'dzin pa
la dmigs nas longs spyod byed du bden

par zhen pa'i zhen rig sogs dgu yod/ !rtsod pa spong ba la/ kha
cig /ri bong ra bden grub tu zhen pa'i blo chos can/ skabs 'dir
bstan gyi shes sgrib rtog pa yin par thal/ rang yul bden gub tu
zhen pa'i blo yin pa'i phyir te/

chos can de'i phyir/ na/ 'dir ma khyab/ des na/ rang yul gzhi
grub kyi chos la dmigs nas bden grub tu zhen pa'i blo de/ skabs
'dir bstan gyi shes sgrib rtog pa'i mtshan nyid zer na/ ma khyab
'tshams la/ ri bong rwa bden med du rtogs

pa'i blo chos can/ rang yul bden me du rtogs pa'i blo yin thal/
ri bong ra bden med du rtogs pa'i blo yin pa'i phyir/ khyab pa
khas/ 'dod na/ de chos can/ khyod kyi bden med du rtogs pa'i yul
yod par thal/ khyod kyi yul

yud pa gang zhig /'dod pa'i phyir/ 'dod na/ ri bong rwa bden med
du rtogs na/ bden med du rtogs pas khyab par thal/ 'dod pa'i
phyir/ 'dod na/ sems tsam pa chos can/ der thal/ de'i phyir/
rtags grub ste/ ri

@149a @#/ /bong rwa med par rtogs pa'i phyir/ kho na re/ mchan
nyid la yang/ ri bong ra bden grub tu zhen pa'i blo chos can/
mtshan nyid der thal/ khyod kyi yul gzhi grub pa gang zhig /khyod
rang yul bden grub tu zhen

pa'i blo yin pa'i phyir/ rtags khas/ 'dod na/ de chos can/ khyod
skabs 'dir bstan gyi shes sgrib rtog pa yin par thal/ 'dod pa'i
phyir 'khor gsu/ yang kho na re/ gang zag rang skya thub pa'i
rdzas yod du 'dzin pa'i blo de/ shes

sgrib rdzas rtog pa yin par thal/ shes sgrib rdzas 'dzin rtog pa
yod pa'i phyir/ rtags khas/ 'dod na/ de chos can/ rdzas 'dzin
rtog pa yin par thal lo/ /'dod na/ rdzas 'dzin yin par thal/
'dod pa'i phyir/ 'dod na/

de chos can/ gang zag rang skya thub pa'i rdzas yod du 'dzin
pa'i 'dzin pa yin par thal/ 'dod pa'i phyir/ kha cig /shes sgrib
'dzin rtog yod kyang/ de rdzas rtog pa dang/ de btags 'dzin rtog
pa med zer / kha cig /

thal 'gyur gong ma de la ma khyab/ don dam sems bskyed chos can/
don dam du thal/ don dam sems bskyed yin pa'i phyir/ rnam dag
sgom lam chos can/ rnam dag tu thal/ rnam dag sgom lam yin pa'i
phyir/ ma khyab na/

rdzas 'dzin rtog pa yin na rdzas 'dzin yin dgos par 'bud/ zer
na/ rang lugs ni/ ma khyab 'tshams la/ gang zag don byed nus
'dzin pa'i 'dzin pa chos can/ gang zag dang rang skya thub pa'i
rdzas yod du 'dzin pa'i 'dzin pa

yin par thal/ rdzas 'dzin yin pa'i phyir/ khyab pa khas/ rdzas
'dzin rtog pa yin na rdzas 'dzin yin dgos zer ba yang mi 'thad
de/ bden 'dzin rtog pa yin na bden 'dzin yin dgos par thal/ dam
bca' de 'thad pa'i phyir/

@149b 'dod na/ bden 'dzin rtog pa chos can/ der thal/ de'i phyir/
'dod na/ log shes yin par thal lo/ /'dod na/ bden pa chos can/
khyod 'dzin rtog pa log shes ma yin par thal/ khyod yod pa'i
phyir/ ! sems mi

'gong pa nyid la sogs/ /zhes sogs kyi skabs su sbyor ba dang/
mtha' bcad pa gnyis/ dang po ni kha cig /byang sems sbyor lam
pa'i rgyud kyi thabs shes gnyis chos can/ byang sems sbyor lam
pa'i nang gi yongs 'dzin yin te/ byang

sems sbyor lam pa srid zhi'i mthar ltung ba 'gog byed kyi byang
sems sbyor lam pa'i mkhyen pa yin pa'i phyir/ mchog gi sprul sku
chos can/ byang sems sbyor lam pa'i phyi'i yongs 'dzin yin te/
byang sems sbyor lam pa la thabs shes kyi chos rdzogs

par ston pa'i byang sems sbyor lam pa'i bdag rkyen du gyur pa'i
dge ba'i bshes gnyen yin pa'i phyir/ zhes zer na/ mchog gi sprul
sku chos can/ byang sems sbyor lam pa'i rgyu yin par thal/ de'i
bdag rkyen yin pa'i phyir/ rtags khas/ 'dod mi

nus te/ khyod de'i 'bras bu yin pa'i phyir/ rtags grub ste/
sangs rgyas 'phags pa de byang sems sbyor lam pa'i 'bras bu yin
pa'i phyir te/ de byang sems sbyor lam pa las 'khrungs pa'i
phyir te/ de byang chub sems dpa' las 'khrungs

pa'i phyir/ rtags grub ste/ 'jug pa las/ sangs rgyas byang chub
sems dpa' las 'khrungs shing/ /zhes gsungs pa'i phyir/ kha cig
/byang sems sbyor lam pa la thabs shes kyi chos rdzogs par ston
par byed pa'i bdag rken du gyur

pa'i dge ba'i bshes gnyen de/ byang sems sbyor lam pa'i yongs
'dzin gyi mtshan nyid/ zer na/ byang sems sbyor lam pa'i phyi'i
yongs 'dzin du gyur pa'i sems tsam pa chos can/ mtshan nyid der
thal/ mtshan bya de'i phyir/ rtags grub ste/

@150a @#/ /chos can te de'i phyir te/ de'i yongs 'dzin du gyur
pa'i sems tsam pa yod pa'i phyir te/ theg chen 'phags pa'i yongs
'dzin du gyur pa'i sems tsam pa yod pa'i phyir te/ sems tsam
rnam bden pa'i lta ba la gnas pa'i

gser gling pa de jo bo rje'i yongs 'dzin yin pa'i phyir/ rtsa
bar 'dod mi nus te/ sems tsam pa yin pa'i phyir/ gzhan yang/
byang sems sbyor lam pa'i phyi'i yongs 'dzin du gyur pa'i bye
brag smra ba chos can/ mtshan nyid der thal/ mtshon bya de'i

phyir; rtags grub ste/ de 'dra ba yod pa'i phyir te/ de'i yongs
'dzin du gyur pa'i bye brag smra ba yod pa'i phyir te/ d+ha rmA
rA k+Shi ta de jo bo rje'i yongs 'dzin yin pa'i phyir/ rtsa bar
'dod mi nus te/ bye brag smra ba yin pa'i phyir/ !gnyis pa rang
lugs

la 'phags pa'i lugs dang/ slob dpon gyi lugs gnyis/ dang po ni
sems mi 'gong pa nyid la sogs/ /de yi mi mthun phyogs bong ba/
/rnam pa kun tu yongs 'dzin yin/ /zhes pas byang sems sbyor lam
pas nang gi yongs 'dzin dngos su

bstan; ngo bo med sogs ston byed/ /de yi mi mthun phyogs bor ba/
/rnam pa kun tu yongs 'dzin yin/ /zhes pas de'i phyi'i yongs
'dzin dngos su bstan te/ nyi snang las/ thabs mkhas pa dang/ dge
ba'i bshes gnyen ni byang chub sems

dpa'i yongs su 'dzin pa yin no/ /zhes gang gsungs pa de la thabs
mkhas pa'i dbang du byas na/ sems mi zhum pa nyid dang/ lam mang
ba nyid la sogs pa'i rgyud las brtsams pa ni/ zhes pa dang/ dge
ba'i bshes gnyen gyis yongs su 'dzin pa ni phung

po la sogs pa nas ma 'dres pa'i chos kyi bar rnams ma rig ba la
sogs pa rnams su mi dmigs par bston cing/ zhes gsungs/ !gnyis pa
slob dpon gyi lugs ni/ sems mi 'gong pa nyid la sogs/ /zhes sogs
shlau ka 'dis/ byang

@150b sems sbyor lam phyi'i yongs 'dzin dngos suy bstan/ /rgang
gi yongs 'dzin dngos su ma bstan te/ rgyan snad las/ rnam par
rtog pa bzhi dang ldan pa bstan nas/ da ni thabs la mkhas pa'i
dge ba'i bshes gnyen gyi rang bzhin yongs su 'dzin par

bstan par bya ba'i phyir/ sheg pa la gsar du bzhugs pa'i zhes
sne ba la sogs pa gsungs pa yin te/ zhes pa dang/ don gos sal
las/ dge ba'i bshes gnyen yin pas yongs su 'dzin pa yin no/
/zhes gsungs pa'i phyir/ des na byang sems sbyor

lam pa srid zhi'i mtha' gang rung du ltung ba 'gog par byed pa'i
byang sems sbyor lam pa'i mngon rtog de byang sems sbyor lam
pa'i nang gi yongs 'dzin gyi mtshan nyid/ byang sems sbyor lam pa
la thabs shes yongs su rdzogs pa 'doms par byed pa'i

de'i bdag rkyen du gyur ba'i dge ba'i bshes gnyen de/ skabs 'dir
bstan gyi byang sems sbyor lam pa'i phye'i yongs 'dzin gyi mtshan
nyid/ sbyor ba ni/ byang sems sbyor lam pa'i rgyud kyi thabs
shes khyad par can gnyis chos can/ de'i nang gi yongs su

'dzin pa yin te/ de srid zhi'i mthar ltung ba 'gog byed kyi
byang sems sbyor lam pa'i mngon rtogs yin pa'i phyir/ de'i yongs
'dzin du gyur pa'i mchog gi sprul sku chos can/ khyod de'i
phyi'i yongs 'dzin yin te/ de la thabs shes rdzogs par 'doms
pa'i

bdag rkyen du gyur ba'i dge ba'i bshes gnyen yin pa'i phyir/ !
rtsod pa spong ba la/ kha cig /gzhung 'dis byang sems byor lam
pa'i nang gi yongs 'dzin dngos su bstan par thal/ sbyor ba dang
po de'i don sbyor rnam dag yin pa'i phyir/ 'dod na/ des dngos

su bstan par slob dpon seng ge bzang pos bzhed par thal/ 'dod
pa'i phyir/ rtags khyab khas/ zer na/ rtsa bar ma khyab/ kho na
re/ byang sems sbyor lam pa'i rgyud kyi thabs shes khyad par can
gnyis chos can/ khyod byangs sems sbyor lam pa srid

@151a @#/ /mthar ltung ba 'gog byed yin par thal/ khyod srid
zhi'i mthar ltung ba 'gog byed yin pa'i phyir/ rtags khas/ 'dod
na/ de'i rgyud kyi thabs khyad par can de srid mthar ltung ba
'gog byed yin par thal lo/ /'dod na/ de 

'khor ba'i rtsa ba gcod byed yin par thal lo/ zer na/ thal 'gyur
gnyis pa la ma khyab bo/ /rtogs pa yi ni chos drug dang/ zhes
sogs kyi skabs su/ sbyor ba dang mtha' bcad pa gnyis/ dang po
ni/ byang sems kyi sgrub pa bcu gsum gyi chos nyid 

chos can/ theg chen sgrub pa'i rten rang bzhin gnas rigs yin te/
rang gi rten chos su gyur ba'i theg chen sgrub pa'i chos nyid
gang zhig /khyod la dmigs te bsgom pas theg chen gyi sgrub pa
gong nas gong du 'phel bar 'gyur ba'i phyir/ gnyis pa la/ 

kha cig /rang gi rten chos su gyur ba'i dri ma dang bcas pa'i
sems kyi chos nyid/ rang bzhin gnas rigs kyi mtshan nyid/ zer na/
rang gi rten chos su gyur ba'i dri ma dang bcas pa'i sems kyi
chos nyid yin na/ rang bzhin gnas rigs yin dgos 

par thal/ mtshan nyid de 'thad pa'i phyir/ 'dod na/ bden 'dzin du
gyur ba'i yid kyi rnam par shes pa'i chos nyid chos can/ der
thal/ de'i phyir/ chos can de'i phyir/ rtsa bar 'dod na/ de chos
can/ ngo bo nyid skur 'gyur rung yin par thal lo/ /'dod na/ bden

'dzin de ye shes chos skur 'gyur rung ba thal lo/ /'dod na/ bden
'dzin chos can/ ye shes chos skur 'gyur rung ma yin par thal/
shes sgrib yin pa'i phyir/ kha cig /dri ma dang bcas pa'i sems
kyi chos nyid gang zhig /gnas 'gyur mthar 

phyin pa'i tshe na ngo bo nyid skur 'gyur rung ba de/ rang bzhin
gnas rigs kyi mtshan nyid/ zer na/ byang sems rgyun mtha' ba'i
rgyud kyi rang bzhin gnas rigs chos can/ zur phyi ma der thal/
mtshon bya de'i phyir/ 'dod na/ de chos can/ de ma yin par 

@151b thal; gnas 'gyur mthar phyin pa'i tshe na ngo bo nyid skur
gyur zin pa'i phyir/ der thal/ khyod ngo bo nyid skur 'gyur ba'i
dus yod pa'i phyir te/ khyod rang bzhin gnas rigs yin pa'i
phyir/ kha cig /dri ma dang bcas pa'i sems kyi chos nyid gang
zhig /ngo bo nyid 

skur 'gyur du rung ba de/ rang bzhin gnas rigs kyi mtshan nyid
zer na/ tshur mthong lhas byin gyi rgyud kyi sems kyi chos nyid
chos can/ mtshan nyid kyi zur dang po der thal/ mtshon bya de'i
phyir/ der thal/ rang gi rten chos su gyur pa'i dri ma dang bcas
pa'i 

sems kyi chos nyid gang zhig /ngo bo nyid skur 'gyur du rung
ba'i phyir/ rtsa bar 'dod na/ de chos can/ dri ma dang bcas pa'i
sems yod na/ khyod yod pas khyab par tahl lo/ /'dod na/ tshur
mthong lhas byin tshad mas ma dmigs pa'i sa phyogs chos 

can; der thal/ de'i phyir/ gzhan yang/ bum pa'i chos nyid/ de/
dngos po'i chos nyid yin par thal/ mtshur mthong lhas byin gyi
sems kyi chos nyid de/ dri ma dang bcas pa'i sems kyi chos nyid
yin pa'i phyir/ rtags khas/ 'dod na/ bum pa'i chos nyid de/ shes

bya'i chos nyid yin par thal lo/ /'dod na/ chos nyid yin na/
shes bya'i chos nyid yin dgos par thal lo/ kha cig /sangs rgyas
kyi rigs gang zhig /ngo bo nyid skur 'gyur du rung ba de/ rang
bzhin gnas rigs kyi mtshan nyid zer na/ byang 

sems rgyun mtha' ba'i rgyud kyi 'gog bden chos can/ mtshon bya
der thal/ mtshan nyid de'i phyir/ dang po grub ste/ blo bur rnam
dag gi char gyur ba'i ngo bo nyid skur 'gyur rung gi sangs rgyas
kyi rigs shig gzhi grub pa'i phyir/ gnyis pa ma grub na/ 

der thal/ blo bur rnam dag gi char gyur pa'i ngo bo nyid skur
'gyur rung yin pa'i phyir/ te/ sems can gyi rgyud kyi 'gog bden
yin pa'i phyir/ rtsa bar dod na/ de chos can/ chos nyid yin par
thal lo/ /'dod mi nus te/ kun rdzob bden pa yin pa'i 

@152a @#/ /phyir te/ 'gog bden yin pa'i phyir/ kha cig /sangs
rgyas kyi rigs gang zhig /'dus ma byas kyi sangs rgyas kyi skur
'gyur du rung ba de/ de'i mtshan nyid zer na/ yang de chos can/
mtshon bya der thal/ mtshan nyid de'i 

phyir; rtags dang po bsgrubs zin/ gnyis pa der thal/ blo bur
rnam dag gi char gyur ba'i ngo bo nyid skur 'gyur rung yin pa'i
phyir/ rtags grub ste/ der 'gyur rung gi sangs rgyas kyi rigs
shig yod pa'i phyir/ rtsa bar 'dod na/ bkags zin/ 

kha cig /byang chub tu 'gyur rung gi dge ba de/ rigs kyi mtshan
nyid/ dbye na/ theg chen gyi rigs dang/ theg dman gyi rigs
gnyis/ mtshan nyid kyang rigs 'gre zer na/ rang bzhin gnas rigs
chos can/ dge ba yin par thal/ 

rigs yin pa'i phyir/ khyab pa khas/ 'dod na/ 'khor ba mi dge ba
yin par thal/ rang bzhin gnas rigs dge ba yin pa'i phyir/ rtags
khas/ 'dod na/ khams gong ma'i sas bsdus kyi mi dge ba yod par
thal lo/ /khams gong ma'i 

sas bsdus kyi 'khor ba yod pa gang zhig /'dod pa'i phyir/ 'dod
na/ mdzod las/ de las 'gyod gnyid mi dge rnams/ /bsam gtan dang
po dag na med/ /ces bshad pa mi 'thad par thal/ 'dod pa'i
phyir/ kho na re/ de dge ba 

yin par thal/ rgyud bla ma las/ dge dang rnam par dag pa'i
phyir/ /zhes gsungs pa'i phyir na ma khyab ste/ de dge ba'i sems
kyi dmigs pa yin pas dge ba zhes btags nas bshad pa'i phyir/
gzhan yang/ nyan thos dgra bcom 

pa'i rgyud kyi yid kyi rnam par shes pa chos can/ byang chub tu
'gyur rung yin par thal/ rigs yin pa'i phyir/ rtags grub ste/
nyan thos dgra bcom pa'i rgyud la ye shes chos skur 'gyur rung
gi rigs yod pa'i phyir/ rtsa bar 'dod na/ de chos 

@152b can; byang chub tu 'gyur rung ma yin par thal/ byang chub
tu gyur yin pa'i phyir/ der thal/ nyan thos kyi byang chub tu
gyur zin pa'i phyir te/ nyan thos kyi byang chub yin pa'i phyir/
kho na re/ rang rgyal dgra bcom pa'i 'bras bu mngon du byed par 

nges pa'i nyan thos dgra bcom pa'i yid kyi rnam par shes pa chos
can/ byang chub tu 'gyur rung ma yin par thal/ byang chub tu
gyur zin pa'i phyir/ 'dod mi nus te/ rang rgyal gyi byang chub
tu 'gyur rung yin pa'i phyir/ zer na/ chos can ma grub bo/ kha 

cig /rang gi thob byar gyur ba'i byang chub tu 'gyur rung ba
gang zhig /sems can gyi rgyud kyis bsdus pa de/ rigs kyi mtshan
nyid/ dbe na/ theg chen gyi rigs dang/ theg dman gyi rigs gnyis/
rang gi thob byar gyur ba'i theg dman gyi byang chub 

tu 'gyur rung gang zhig /sems can gyi rgyud kyis bsdus pa de/
theg dman gyi rigs kyi mtshan nyid/ dbye na/ rten gyi sgo nas
nyan thos kyi rigs dang rang rgyal gyi rigs gnyis/ ngo bo'i sgo
nas/ theg dman gyi nges pa'i rigs dang/ theg 

dman gyi ma nges pa'i rigs gnyis/ theg pa gzhan gyi bar ma chod
par rang gi thob byar gyur pa'i theg dman gyi byang chub tu
'gyur rung gang zhig /sems can gyi rgyud kyis bsdus pa dang po'i
mtshan nyid/ rang gi thob byar gyur ba'i theg dman gyi byang chub
tu 

'gyur rung yang yin/ theg pa gzhan gyi bar ma chod par theg dman
gyi byang chub tu 'gyur rung ma yin pa yang yin pa'i gzhi mthun
pa gang zhig /sems can gyi rgyud kyis bsdus pa gnyis pa'i mtshan
nyid/ theg chen gyi byang chub tu 'gyur rung gang 

zhig /sems can gyi rgyud kyis bsdus pa theg chen gyi rigs kyi
mtshan nyid/ dbye na/ theg chen gyi rang bzhin gnas rigs dang/
theg chen gyi rgyas 'gyur gyi rigs gnyis/ sems can gyi rgyud
kyis bsdus ba'i chos nyid gang zhig / 

@153a @#/ /ngo bo nyid skur 'gyur rung ba de dang po'i mtshan
nyid/ theg chen gyi rigs gang zhig /theg chen gyi 'dus byas kyi
byang chub tu 'gyur rung de/ gnyis pa'i mtshan nyid/ zer na/ rang
bzhin gnas rigs chos can/ 

rang gi thob gyur ba'i byang chub tu 'gyur rung yin par thal/
rigs yin pa'i phyir/ khyab pa khas/ 'dod na/ ngo bo nyid sku de
byang chub chen po yin par thal/ 'dod pa'i phyir/ 'dod na/ de
chos can/ zad mi skye shes pa'i ye shes yin par 

thal; 'dod pa'i phyir/ khyab ste/ dri ma zad dang mi skye ba'i/
/ye shes zhes gsungs pa'i phyir zer/ gzhan yang/ nyan thos dgra
bcom pa'i 'bras bu mngon du byed par des pa'i gang zag kyang
yin/ nyan thos su rigs ma des pa'i gang zag 

kyang yin pa'i gzhi mthun pa yod par thal/ nyan thos dgra bcom
pa'i 'bras bu mngon du byed par des pa'i gang zag yin na/ nyan
thos su rigs des pa'i gang zag yin pas ma khyab pa'i phyir/ ma
grub na/ nyan thos dgra bcom pa'i 'bras bu 

mngon du byed par nges pa'i byang sems tshogs lam pa chos can/
der thal/ de'i phyir/ 'dod mi nus te/ chos can de'i phyir/ rtsa
bar 'dod na song/ theg pa gzhan kyi lam du ma zhugs par nyan
thos dgra bcom pa'i 'bras bu mngon du byed par nges 

pa'i gang zag kyang yin/ nyan thos su rigs ma nges pa'i gang zag
kyang yin pa'i gzhi mthun pa yod par thal/ 'dod pa'i phyir/ 'dod
na/ theg pa gzhan gyi lam du ma zhugs par nyan thos dgra bcom
pa'i 'bras bu mngon du byed par nges shing/ nyan 

thos su rigs ma nges pa'i gang zag gi rgyud kyi yid kyi rnam par
shes pa chos can/ theg dman gyi nges pa'i rigs yin par thal/
theg pa gzhan gyi bar ma chod par rang gi thob byar gyur pa'i theg
dman gyi byang chub 'gyur rung gang zhig /sems can gyi 

@153b rgyud kyis bsdus pa yin pa'i phyir/ khyab pa khas/ phyi ma
dngos/ dang po grub ste/ theg pa gzhan gyi bar mchod par rang gi
thob byar gyur ba'i theg dman gyi byang chub tu 'gyur ba'i phyir
te/ chos can de dang gcig yin pa'i phyir/ ma grub na/ chos 

can de srid pa bud/ 'dod mi nus te/ nyan thos su rigs ma nges
pa'i gang zag gi rgyud kyi yid kyi rnam par shes yin pa'i phyir/
kha cig /chos dbyings gang zhig /theg chen sgrub pa'i rten gzhi
byed pa/ theg chen sgrub pa'i rten rang bzhin gnas 

rigs kyi mtshan nyid/ zer na/ sangs rgyas kyi chos nyid chos can/
mtshon bya der thal/ mtshan nyid de'i phyir/ phyi ma grub ste/
theg chen gyi sgrub pa'i bsgom bya'i gtso bo yin pa'i phyir/
'dod mi nus te/ ngo bo nyid sku yin pa'i phyir/ 

gzhan yang/ bden 'dzin gyi chos nyid chos can/ mtshon bya der
thal/ mtshan nyid de'i phyir/ phyi ma grub ste/ de'i bsgom bya'i
gtso bor yin pa'i phyir/ 'dod na/ de chos can/ ngo bo nyid skur
'gyur rung yin par thal/ 'dod pa'i phyir/ 'dod na/ 

bden 'dzin de ye shes chos skur 'gyur rung yin par thal/ 'dod
pa'i phyir/ 'dod mi nus te/ shes sgrib yin pa'i phyir/ de bzhin
du/ bum pa bden stong chos can/ mtshon bya der thal/ mtshan nyid
de'i phyir/ rtags sngar dang 'dra/ 'dod na/ 

ngo bo nyid skur 'gyur rung yin par thal/ 'dod pa'i phyir/ 'dod
na/ bum pa ye shes chos skur 'gyur rung yin par thal lo/ /kha
cig /byang sems kyi sems kyi chos nyid gang zhig /theg chen gyi
sgrub pa'i rten gzhi byed pa/ theg chen gyi sgrub pa'i rten rang

bzhin gnas rigs kyi mtshan nyid/ zer na/ bum pa'i chos nyid mngon
sum du rtogs pa'i theg chen gyi mthong lam bar chad med lam gyi
chos nyid chos can/ byang sems kyi sems kyi chos nyid yin par
thal/ mtshan bya de'i phyir/ khyab pa khas/ rtags grub ste/ 

@154a @#/ /chos can de'i phyir/ 'dod na/ de chos can/ byang sems
kyi sems yod na/ khyod yod pas khyab par thal lo/ /'dod na/ dgag
gzhis gshags/ kha cig byang sems kyi rgyud kyi chos nyid kyang
yin/ ngo bo nyid skur 'gyur rung 

yang yin pa'i gzhi mthun par dmigs pa de'i mtshan nyid/ theg chen
gyi sbyor lam theg myong gi sems dpa'i rgyud kyi chos nyid kyang
yin/ ngo bo nyid skur 'gyur rung yang yin pa'i gzhi mthun par
dmigs pa/ skabs 'dir dngos su bstan pa'i de'i mtshan 

nyid; zer ba dang/ byang sems dang rgyud tha dad du gyur ba'i
byang sems yod zer ba nang 'gal te/ byang chub sems dpa' dang
rgyud tha dad du gyur ba'i byang sems kyi rgyud kyi chos nyid
de/ byang sems kyi rgyud kyi chos nyid yin par thal/ theg chen 

sgrub pa'i rten rang bzhin gnas rigs yin pa'i phyir/ khyab pa
khas/ ma grub na/ der thal/ chos can de'i phyir te/ de yod pa'i
phyir/ rtags khas/ rtsa bar 'dod na/ de chos can/ de ma yin par
thal/ byang sems dang rgyud tha dad 

du gyur pa'i gang zag gi rgyud kyi chos nyid yin pa'i phyir/ ma
grub na/ chos can de srid pa bud/ gzhan yang/ nyan thos dgra
bcom pa'i rtogs pa sngon du song ba'i byang sems sbyor lam pa'i
rgyud kyi rang bzhin gnas rigs chos can/ mtshon 

bya gnyis pa der thal/ mtshan nyid de'i phyir/ 'dod na/ nyan thos
dgra bcom pa'i rtogs pa sngon du song ba'i byang sems kyi sbyor
lam de/ skabs 'dir dngos su bstan pa'i theg chen gyi sgrub pa
yin par thal lo/ 'dod mi nus te/ skabs 

'dir dngos su bstan pa'i theg chen gyi sgrub pa yin na/ dang po
nas theg pa chen por rigs nges pa'i gang zag gi rgyud kyi sgrub
pa yin dgos pa'i phyir/ kha cig /theg chen sgrub pa'i rten rang
bzhin gnas rigs dang/ theg chen gyi rang bzhin 

@154b gnas rigs don gcig /zer na/ de la skyon 'phen pa kha cig
/nyan chos kyi lam 'jug par des pa'i byang sems tshogs lam pa'i
rgyud kyis rang bzhin gnas rigs chos can/ theg chen gyi rang
bzhin gnas rigs yin par thal/ gcig 

shos de yin pa'i phyir/ khyab pa khas/ 'dod mi nus te/ nyan thos
kyi rigs yin pa'i phyir/ rtags grub ste/ nyan thos kyi lam du
'jug ga ma'i byang sems tshogs lam pa'i rgyud la nyan thos kyi
rigs yod pa'i phyir/ ma grub na/ de chos 

can; khyod kyi rgyud la nyan thos kyi rigs yod par thal/ khyod
nyan thos kyi rigs can gyi gyi gang zag yin pa'i phyir/ der
thal/ chos can de'i phyir/ zer na/ 'dir ma khyab ste/ skabs
gzhan du bshad zin to/ bar 

khyab rnams la skyon 'phen na/ nyan thos kyi rigs yin na/ theg
chen gyi rigs ma yin dgos par thal/ de yin na/ theg chen gyi
rang bzhin gnas rigs ma yin dgos pa'i phyir/ rtags khas/ 'dod
na/ nyan thos mthong lam 

pa'i rgyud kyi yid kyi rnam par shes pa chos can/ der thal/ de'i
phyir/ rtags sla/ 'dod na/ de chos can/ de yin par thal/ theg
chen gyi byang chub tu 'gyur rung gi rigs yin pa'i phyir/ rtags
grub ste/ de'i rgyud la theg chen 

gyi byang chub tu 'gyur rung gi rigs shig yod pa'i phyir te/
de'i rgyud la ye shes chos skur 'gyur rung gi rigs shig yod pa'i
phyir te/ de sangs rgyas pa'i dus srid pa'i phyir/ gzhan yang/
de'i rgyud kyi yid kyi rnam par shes pa de/ theg chen gyi rigs 

yin par thal/ de'i rgyud la theg chen gyi rigs yod pa'i phyir/
ma grub na/ de'i rgyud la theg pa chen po'i rigs sad pa'i dus mi
srid par thal/ ma grub pa de'i phyir/ 'dod na/ de theg pa chen
po'i lam du 'jug pa'i dus mi srid par thal lo/ /

@155a @#/ /kho na re/ de chos can/ khyod theg pa chen po'i rigs
can yin par thal/ khyod kyi rgyud la theg chen gyi rigs yod pa'i
phyir/ zer na/ ? khyab/ sangs rgyas 'phags pa chos can/ khyod
sems can yin par thal/ 

khyod kyi rgyud la sems yod pa'i phyir/ khyab pa khas/ par khyab
gnyis pa la/ nyan thos dgra bcom pa chos can/ khyod kyi rgyud la
nyan thos kyi rigs yod par thal/ khyod nyan thos kyi rigs can
gyi gang zag yin pa'i phyir/ khyab pa khas/ ma grub na/ 

de gdul bya rigs can gsum po gang rung ma yin par thal/ de nyan
thos kyi rigs can ma yin pa'i phyir/ 'dod na/ der thal/ de sems
can yin pa'i phyir/ gzhan yang/ nyan thos kyi lam du 'jug ka
ma'i byang sems tshogs 

lam pa nyan thos kyi rigs can yin zer ba mi 'thad de/ de chos
can/ khyod nyan thos kyi rigs can ma yin par thal/ khyod theg
chen gyi rigs can yin pa'i phyir te/ khyod byang sems tshogs lam
pa yin pa'i phyir/ gzhan yang/ 

theg chen gyi rigs can yin na/ theg pa chen por rigs nges pa'i
gang zag yin dgos par thal/ nyan thos lam du 'jug par nges pa'i
byang sems tshogs lam pa/ theg chen gyi rigs can ma yin pa'i
phyir/ rtags khas/ 'dod 

na; theg chen gyi ma nges pa'i rigs can gyi byang sems tshogs lam
pa med par thal/ 'dod pa'i phyir/ 'dod na/ theg chen gyi ma nges
pa'i rigs can med par thal lo/ /kho na re/ theg chen dgra bcom
theg chen gyi rigs can yin par 

thal; nyan thos dgra bcom nyan thos kyi rigs can yin pa'i phyir/
zer na/ ma khyab/ gong gi dam bca' de la/ ! rang lugs kyi skyon
ni/ lam ma zhugs kyi gang zag gi rgyud kyi rang bzhin gnas rigs
chos can/ 

@155b theg chen sgrub pa'i rten rang bzhin gnas rigs yin par
thal/ theg chen gyi rang bzhin gnas rigs yin pa'i phyir/ khyab
pa khas/ ma grub na/ der thal/ theg chen gyi rigs gang zhig rang
bzhin gnas rigs yin pa'i phyir/ dang po grub ste/ theg 

chen gyi byang chub tu 'gyur rung yin pa'i phyir te/ ngo bo nyid
skur 'gyur rung yin pa'i phyir/ des nas theg chen gyi rang bzhin
gnas rigs dang/ theg dman gyi rang bzhin gnas rigs kyang mi 'gal
bar khas len no/ /rtsa bar 'dod mi nus te/ 

chos can de yin pa'i phyir/ kho na re/ theg chen gyi rigs dang
theg dman gyi rigs 'gal bar thal/ theg chen gyi rigs can dang
theg dman gyi rigs can 'gal ba'i phyir/ zer na/ ma khyab/ kha
cig /sems can yin na/ theg 

pa chen po'i rigs can yin pas khyab/ zer na/ bka' dang po bden
bzhin chos 'khor gyi ched du bya ba'i gdul byar gyur ba'i theg
chen gyi rigs can yod par thal/ dam bca' de 'thad pa'i phyir/
'dod na/ bka' dang po bden bzhi'i 

chos 'khor chos can/ khyod kyi ched du bya ba'i gdul bya theg
chen gyi rigs can med par thal/ khyod theg dman thun mong ma yin
pa'i mdo yin pa'i phyir/ lan gyis bzlog tu med pa'i thal 'gyur
ro/ /kho na re/ sems can yin na/ theg 

chen gyi rigs can yin pas khyab par thal/ de yin na theg pa chen
por rigs nges pa'i gang zag yin pas khyab pa'i phyir te/ de yin
na/ mthar thug theg pa chen por rigs nges pa'i gang zag yin pas
khyab pa'i phyir te/ mthar thug theg 

pa gcig tu grub pa'i phyir/ zer na/ mi 'thad de/ mdo sde rgyan
las/ rigs ni nges dang ma nges dang/ /rkyen rnams kyis ni mi
'phrogs dang/ /phrogs pa nyid de mdor na rigs/ /dbye ba 'di ni
rnam pa bzhi/ /zhes gsungs pa 

@156a @#/ /mi 'thad par thal/ theg chen gyi ma nges pa'i rigs med
pa'i phyir/ der thal/ theg chen gyi ma nges pa'i rigs la gnas
pa'i gang zag med pa'i phyir/ der thal/ theg chen gyi rigs la
gnas pa'i gang zag yin

na; theg chen gyi nges pa'i rigs la gnas pa'i gang zag yin dgos
pa'i phyir/ ma grub na song/ der thal/ theg chen gyi rigs la/
gnas pa'i gang zag yin na/ theg pa chen por rigs nges pa'i gang
zag yin dgos pa'i

phyir; der thal/ sems can yin na theg pa chen por rigs nges pa'i
gang zag yin dgos pa'i phyir/ rtags khas/ gzhan yang/ mthar thug
theg pa chen por rigs nges pa'i gang zag yod par thal/ sems can
yin na/ de

yin dgos pa'i phyir/ rtags khas/ 'dod na/ mthar thug sems can
yod par thal/ 'dod pa'i phyir/ 'dod na/ mthar thug nyan thos yod
par thal lo/ /'dod na/ mthar thug nyan thos kyi theg pa yod par
thal/ /'dod

pa'i phyir/ 'dod na/ mtahr thug theg pa gsum du grub par thal
lo/ /gong gi thal 'gyur de'i lan la kha cig /theg pa gcig tu
gyur par thal/ mthar thug theg pa gcig tu sgrub pa'i phyir/ ma
khyab na/ sems can yin na/

mthar thug theg pa chen por rigs nges pa'i gang zag yin pas
khyab na/ sems can yin na/ theg pa chen por rigs nges pa'i gang
zag yin dgos pa bud zer ba mi 'thad de/ bum pa gcig tu ma grub
par thal/ theg pa gcig tu ma grub pa'i

phyir; 'dod na/ shes bya chos can/ gcig tu grub pa'i chos med
par thal/ shes bya dang gcig gang zhig /'dod pa'i phyir/ 'dod
na/ ha cang thal lo/ gzhan yang/ lugs dang po mi 'thad de/ gnas
skabs theg

@156b dman du rigs nges pa'i gang zag yin na/ gnas skabs theg
chen du rigs nges pa'i gang zag yin dgos par thal/ theg dman du
rigs nges pa'i gang zag yin na/ theg chen du rigs nges pa'i gang
zag yin dgos pa'i phyir/ ma grub na song/

der thal/ sems can yin na/ theg pa chen por rigs nges pa'i gang
zag yin dgos pa'i phyir/ rtags khas/ kho na re/ sems can yin na/
theg pa chen po'i rigs can yin pas khyab par thal/ 'grel chen
las/ mthar thug la

bltos nas sems can thams cad sangs rgyas kyi rigs can du shes
par bya'o/ zhes gsungs pa'i phyir/ zer na/ ma khyab bo/ /yang
kha cig /sems can yin na/ theg pa chen po'i rigs can yin pas
khyab par thal/ sems can yin

na; sangs rgyas kyi rigs can yin pas khyab pa'i phyir/ zer na/
ma khyab bo/ /bka' yin na/ theg chen gyi bka' yin dgos par thal/
de yin na/ sangs rgyas kyi bka' yin dgos pa'i phyir/ khyab pa
khas/ kho na re/

sangs rgyas kyi rigs can yin na/ theg chen gyi rigs can yin dgos
par thal/ sangs rgyas kyi rigs yin na/ tehg chen gyi rigs yin
dgos pa'i phyir/ zer na/ rnam par shes rgyud ldan gyi gang zag
yin na/ sems can yin

dgos par thal/ rnam par shes pa yin na/ sems yin dgos pa'i
phyir/ khyab ba 'grig go /rong TIk pa na re/ dri bcas kyi sems
gsal rig de rang bzhin gnas rigs yin te/ de sangs rgyas kyi ye
shes kyi nyer len yin pa'i phyir/

te; rgyud bla ma las/ rigs khams sbrang rtsi dang 'dra de gzigs
nas/ zhes pa dang/ rgyas bshad du/ lus can la yod zag pa med
pa'i shes sbrang ma'i rtsi dang 'dra/ /zhes pa dang/ bstod tshogs
las/ bde gshegs sems

@157a @#/ /las sangs rgyas 'byung/ /rang sems de la phyag 'tshal
lo/ /nyon mongs nang nas sangs rgyas kyang/ /de bzhin dri ma med
par gnas/ /zhes gsungs pa'i phyir/ sems tsam pas 'dod pa'i zag
med ye shes kyi

sa bon chos can/ rang bzhin gnas rigs ma yin te/ de sems can
thams cad la med pa'i phyir te/ de dang mi ldan pa'i sems can
yod pa'i phyir/ zer ba mi 'thad de/ dri bcas kyi sems gsal rig
chos can/ khyod rang bzhin gnas

rigs ma yin par thal/ khyod la rang bzhin du gnas pa'i don ma
tshang ba'i phyir/ der thal/ khyod rang gi rgyu rkyen gyis gsar
du bcos pa'i phyir/ ma khyab na/ nyi snang las/ de dag gis ni
rang bzhin du gnas pa'i rigs la rang bzhin du brjod

pa'i don brjod dgos so/ /rgyu'i rnam grangs yin no/ zhe na/
rkyen gyis yang dag par blangs pa yang de yin pa des na don gyi
khyad par ci yod ces bshad pa mi 'thad par thal/ thal 'gyur de
la khyab med kyi lan 'debs rigs pa'i phyir/ gzhan

yang; dri bcas kyi sems gsal rig rang bzhin gnas rigs ma yin par
thal/ rang bzhin gnas rigs yin na/ chos nyid yin dgos pa'i
phyir/ der thal/ nyi snang las/ chos nyid kyi rnam grangs yin pa
la/ nyes pa 'di med de/

zhes bshad pa'i phyir/ gzhan yang/ de chos can/ chos nyid yin
par thal/ rang bzhin gnas rigs yin pa'i phyir/ khyab ste/ 'grel
pa don gsal las/ chos kyi dbyings kyi ngo bo nyid kho na la rigs
zhes bstan to/ /zhes gsungs

pa'i phyir dang/ 'phags pa'i chos rtogs par bya ba'i phyir/ chos
kyi dbyings rgyu'i ngo bor rnam par 'jog pa'i sgo nas rigs nyid
du tha snyad 'dogs so/ /zhes pa dang/ 'grel chen las kyang/ chos
kyi dbyings rgyu'i ngo bor rnam par

@157b 'jog pa'i tha snyad 'dogs so/ /zhes bya ba ni lan yin no/
/zhes pa dang/ nges pa'i tshig gi yon tan sgrol ba'i don gyis na/
chos kyi dbyings la rigs zhes bya ste/ zhes gsungs pa'i phyir/
gzhan yang/ dri bcas kyi sems gsal rigs

chos can/ gnas gyur pa na ngo bo nyid skur 'gyur rung yin par
thal/ rang bzhin gnas rigs yin pa'i phyir/ khyab ste/ rgyud bla
ma las/ rigs 'di gnyis las sangs rgyas kyi/ /sku gsum thob par
'dod pa yin/ /dang po'i sku ni dang po ste/

gnyis pa yis ni phyi ma gnyis/ /zhes gsungs pa'i phyir/ 'dod na/
sangs rgyas kyi sems gsal rig de/ ngo bo nyid sku yin par thal
lo/ /'dod na/ sangs mi rgya pa'i sems can yod par thal/ zag med
ye shes kyi sa bon rgyud la mi ldan pa'i

sems can yod pa'i phyir/ rtags khas/ gzhan yang/ rgyun mtha'i
bar chad med lam de rang bzhin gnas rigs yin par thal/ de sangs
rgyas kyi ye shes kyi nyer len yin pa'i phyir/ khyab pa khas/
'dod mi nus te/ de sems can

thams cad la med pa'i phyir dang/ de dang mi ldan pa'i sems can
srid pa'i phyir/ gsum ga rims can du khas blangs so/ /kho na re/
de rang bzhin gnas rigs yin par thal/ rigs khams sbrang rtsi
dang 'dra de gzigs nas/ /zhes

pa dang/ lus can la yod zag pa med pa'i shes pa sbrang ma'i rtsi
dang 'dra/ /zhes bshad pa'i phyir/ zer na/ skyon med de/ gzhung
de rnams rang bzhin gnas rigs kyi rten ngos 'dzin pa'i gzhung
yin pa'i phyir/ nyi snang las gsungs pa'i/

de dag gis ni rang bzhin du gnas pa'i rigs la rang bzhin du
brjod pa'i don brjod dgos so/ /zhes sogs kyi don la dpyad na/
sems tsam pas zag med ye shes kyi sa bon rang bzhin gnas rigs su
khas len byas pa la/ kho na re/ des sangs

@158a @#/ /rgyas kyi sa na rang bzhin gnas rigs yod par khas len
par thal/ des zag med ye shes kyi sa bon rang bzhin gnas rigs su
khas len pa gang zhig /des sangs rgyas kyi sa na zag med ye shes
kyi sa bon yod par khas len pa'i

phyir; phyi ma der thal/ sangs rgyas kyi sa na zag med ye shes
yod par khas len pa'i phyir/ zer na/ rtags phyi ma khas len
cing/ de'i skyon med do/ /'dod na sla/ des na sems tsam pas/
sems can gyi rgyud kyi zag med ye shes kyi sa bon/

rang bzhin gnas rigs su khas len ces bya'o/ /kha cig /sems tsam
pa'i lugs gzhir byas pa la/ thos pa'i rkyen gyis gsos ma btab
pa'i rigs de rang bzhin gnas rigs kyi don dang/ de ltar btab
pa'i rigs de rgyas 'gyur gyi rigs kyi

don du khas len/ zer na/ sems tsam pas lam bzhugs gang zag gi
rgyud la/ zag med ye shes kyi sa bon med par khas len par thal/
des thos pa'i rkyen gyis gsos ma btab pa'i rigs de/ rang bzhin
gnas rigs kyi don du khas len pa

gang zhig /lam zhugs gang zag gi rgyud la/ thos pa'i rkyen gyis
gsos ma btab pa'i rigs med par sems tsam pas khas len pa'i
phyir/ dang po khas/ phyi ma grub ste/ lam zhugs kyi gang zag gi
rgyud la de 'dra med pa'i phyir/ rtsa

bar 'dod na/ sems tsam pas/ lam zhugs kyi gang zag gi rgyud la/
zag med ye shes med par khas len par thal/ 'dod pa'i phyir/
gzhan yang/ sems tsam pas/ lam zhugs kyi gang zag gi rgyud kyi
rang bzhin gnas rigs

rgyas 'gyur gyi rigs su khas mi len par thal/ sems tsam pa'i
lugs kyi/ sngar gyi mtshan nyid de 'thad pa'i phyir/ rtags khas/
'dod na/ gser 'phreng las/ rdzas la bsam na lam du zhugs nas
gnyis ka yin te/ zhes bshad

@158b pa mi 'thad par thal/ 'dod pa'i phyir/ kho na re/ sems
tsam pas/ rang bzhin gnas rigs dang rgyas 'gyur gyi rigs gnyis
'gal bar khas len par thal/ sems tsam pas/ rang bzhin gnas rigs
de rgyur yod/ 'bras bur med/ rgyas

'gyur gyi rigs de/ 'bras bur yod par khas len pa'i phyir/ mdo
sde rgyan las/ de ni rten dang brten pa dang/ /yod med nyid dang
zhes bshad pa'i phyir/ zhes zer na/ ma khyab ste/ de ni de gnyis
ldog pa 'gal ba yin gyi rdzas 'gal ba'i don

ma yin pa'i phyir/ zhes gser 'phreng las bshad do/ kho na re/
rgyas 'gyur gyi rigs chos can/ rang bzhin gnas rigs yin par
thal/ 'phags pa'i rtogs pa rnams kyi rgyu byed pa'i phyir/ zhes
pa'i thal 'gyur 'di sems tsam pa la mi 'dod

pa thal bar 'phen pa'i thal 'gyur ma yin par thal/ sems tsam
pas/ lam bzhugs kyi gang zag gi rgyud kyi rgyas 'gyur gyi rigs
de/ rang bzhin gnas rigs su khas len pa'i phyir/ 'dod na/ nyi
snang las/ rgyu'i rnam grang yin no/ zhe na/ zhes

sogs dang 'gal zer na/ rtsa bar ma khyab ste/ sems tsam pas/ lam
zhugs kyi gang zag gi rgyud kyi rgyas 'gyur gyi rigs rang bzhin
gnas rigs su khas len kyang/ des rgyas 'gyur gyi rigs yin na/
rang bzhin gnas rigs yin pas khyab pa

khas mi len pa'i phyir/ kha cig /rigs gang zhig /thos pa'i rkyen
gyi gsos ma btab pa'i rigs su gnas pa dang po'i don dang/ de
gang zhig /thos pa'i rkyen gyi gsos btab pa'i rigs su gnas pa
gnyis pa'i don du/ sems tsam pas 'dod zer

na; lam zhugs kyi gang zag gi rgyud kyi rgyas 'gyur gyi rigs
chos can/ chos pa'i rkyen gyis gsos btab pa'i rigs su mi gnas
par thal/ de'i rkyen gyis gsos ma btab pa'i rigs su gnas pa'i
phyir/ der thal/ rang bzhin gnas rigs yin pa'i phyir/

@159a @#/ /'dod mi nus te/ rgyas 'gyur gyi rigs yin pa'i phyir/
khyab gnyis ka khas/ gnyis pa rang lugs ni/ rang gi rten chos su
gyur ba'i dri ma dang bcas pa'i chos nyid gang zhig ngo bo nyid
skur 'gyur du rung ba de/ rang bzhin gnas

rigs kyi mtshan nyid/ sangs rgyas kyi rigs gang zhig /'dus byas
kyi sangs rgyas kyi skur 'gyur du rung ba de rgyas 'gyur gyi
rigs kyi mtshan nyid/ rang bzhin gnas rigs la dbye na/ sgrub pa'i
rten du ma grub pa'i rang bzhin gnas rigs dang/ sgrub pa'i rten

du gyur pa'i rang bzhin gnas rigs gnyis/ dang po ni/ lam ma
zhugs kyi gang zag gi rgyud kyi rang bzhin gnas rigs lta bu/
gnyis pa la/ nyan thos kyi sgrub pa'i rten rang bzhin gnas rigs
dang/ rang rgyal gyi de dang/ theg chen gyi de dang gsum/

dang po ni/ nyan thos slob pa'i sems kyi chos nyid lta bu/ gnyis
pa ni/ rang rgyal slob pa'i de lta bu/ gsum pa la/ skabs 'dir
dngos su ma bstan pa'i theg chen gyi sgrub pa'i rten rang bzhin
gnas rigs dang/ skabs 'dir dngos su bstan pa'i de

'dra ba gnyis/ dang po ni/ byang sems tshogs lam pa'i rgyud kyi
rang bzhin gnas rigs lta bu/ gnyis pa la/ mtshan nyid/ dbye ba
gnyis/ dang po ni/ dman lam sngon du ma song ba'i theg chen gyi
sbyor lam thob myong gi sems dpa'i rgyud kyi

rang bzhin gnas rigs gang zhig /theg chen sgrub pa'i rten gzhi
byed pa de/ skabs 'dir dngos su bstan pa'i theg chen sgrub pa'i
rten rang bzhin gnas rigs kyi mtshan nyid/ dbye na/ theg chen gyi
rtogs pa'i chos drug gi rten rang bzhin gnas rigs dang/

de bzhin du gnyen po'i sgrub pa/ spong ba'i sgrub ba/ de dag
yongs su gtugs pa'i sgrub pa/ shes rab snying brtser bcas pa'i
sgrub pa/ slob ma nyan thos sogs dang/ thun mong ma yin pa'i
sgrub pa/ gzhan don go rims su byed pa'i sgrub pa/ ye shes

@159b stsol ba mi mnga' ba'i theg chen gyi sgrub pa'i rten rang
bzhin gnas rigs kyi bar du bcu gsum yod/ theg chen gyi sgrub
pa'i rten rang bzhin gnas rigs kyi sa 'tshams/ theg chen gyi
tshogs lam nas rgyun mtha'i bar na yod/

skabs 'dir dngos su bstan pa'i theg chen sgrub pa'i rten rang
bzhin gnas rigs kyi sa 'tshams/ theg chen gyi sbyor lam drod nas
rgyun mtha'i bar na yod/ ! rtsod pa spong ba la kha cig /rgyun
mtha'i bar chad med

lam la gnas pa'i sems dpa'i rgyud kyi rang bzhin gnas rigs chos
can/ mtshan nyid dang po zur dang po der thal/ mtshon bya de'i
phyir/ khyab pa khas/ 'dod na/ rgyun mtha'i bar chad med lam de
dri ma dang bcas par

thal/ 'dod pa'i phyir/ 'dod na/ rgyun mtha'i bar chad med lam la
gnas pa'i sems dpa'i rgyud la sgrib pa yod par thal lo/ zer na/
kha cig /'dir ma khyab ste/ lhag bcas myang 'das la gnas pa'i
nyan thos dgra bcom pa'i

rgyud la zag pa yod par thal/ de'i gzugs phung de zag pa dang
bcas pa'i phyir/ khyab pa khas/ ma grub na/ de'i gzugs phung
chos can/ zag pa dang bcas par thal/ zag bcas yin pa'i phyir te/
sdug bsngal bden pa yin pa'i phyir/

rtsa bar 'dod na/ de zag pa zad pa'i gang zag ma yin par thal
lo/ /'dod mi nus te/ dgra bcom pa yin pa'i phyir/ rang res rgyun
mtha'i bar cad med lam de blo bur gyi dri ma dang 'bral bar
thal/ de blo bur gyi dri ma dang bcas pa ma yin pa'i

phyir; rtags khas/ 'dod na/ rgyun mtha'i bar chad med lam pa'i
rgyud kyi chos nyid de blo bur dri bral gyi chos nyid yin par
thal/ 'dod pa'i phyir/ 'dod mi nus te/ blo bur dri bral gyi chos
nyid mngon du byas pa'i gang zag yin na/ chos sku

@160a @#/ /mngon du byas pa'i gang zag yin dgos pa'i phyir/ rnam
bshad snying po rgyan las/ chos nyid dri bral gyi 'gog pa yang
dag pa'i mthar byas nas/ de thob pa la/ de mngon du byed par
bzhed pa rnams ni/ sangs rgyas

ma thob par du sangs rgyas mngon du mi bya'o/ /zhes pa'i don du
'gyur bas 'thad par dka'o/ /zhes gsungs pa'i phyir/ gzhan yang/
rgyun mtha'i bar chad med lam de blo bur gyi dri ma dang bral ba
ma yin par thal/ de rang gi gzigs ngor

dri ma mtha' dag dang bral ba ltar snang yang/ rang nyid dri ma
mtha' dag dang ma bral ba'i rdzun pa bslu ba'i chos can/ yin
pa'i phyir te/ byang sems 'phags pa'i rgyud kyi stong nyid mngon
sum du rtogs pa'i mkhyen pa yin pa'i phyir/ khyab

ste; TIkar/ byang sems 'phags pa'i rgyud kyi bdag med mngon sum
du rtogs pa'i shes rab ni/ gzigs ngor dri ma mtha' dag dang bral
bar snang yang/ dri ma mtha' dag ma zad pa dang/ ngo bo la dri
ma'i slad pa ma zhugs

kyang; ngo bo la dri ma mtha' dag ma zad pas/ der snang dang/
des stong nyis tshogs pa rdzun pa slu ba'i chos can yin pas don
dam pa'i skyabs ma yin par bstan gyi/ zhes gsungs pa'i phyir/
kho na re/ rgyun mtha'i bar

chad med lam de blo bur gyi dri ma dang bral bar thal/ de bden
'dzin dang bral ba'i phyir/ ma grub na/ der thal/ de bden par
'dzin pa'i rtog pa dang bral ba'i phyir/ ma grub na/ de chos
can/ de dang bral bar thal/ rtog

pa dang bral ba'i phyir na/ ma khyab ste/ rtog med kyi shes pa
yin pa'i phyir/ yang kho na re/ rgyun mtha'i bar chad med lam
de/ bden 'dzin dang bral bar thal/ rnam par smin pa'i skad cig
ma'i sbyor ba de bden 'dzin dang

@160b bral ba'i phyir/ der thal/ gang gi tshe byang chub sems
dpa'i gnyen por bsgoms pas mi mthun pa'i phyogs thams cad dang
bral ba na/ rnam par byang ba'i phyogs rnam par smin pa'i chos
nyid kyi gnas skabs dri ma dang

bral bas ston ka'i zla ba'i 'od bzhin du dkar ba'i ngo bo nyid
skyes pa de'i tshe/ zhes bshad pa'i phyir/ zer na/ ma khyab ste/
de'i rgyud la bden 'dzin med pa lung de'i don yin pa'i phyir/ !
de'i 'og tu de dag skyes pa'i

stobs kyis rkun po byung ba dang zhes sogs kyi skabs su/ sbyor
ba dang/ mtha' bcad pa gnyis/ dang po ni/ theg chen gyi mthong
lam bar chad med lam skye ba la mngon du phyogs pa dang/ mthong
spang rtog pa'i sa bon 'gag

pa la mngon du phyogs pa dus mnyam ste/ theg chen gyi mthong lam
bar chad med lam skyes pa dang/ mthong spang rtog pa'i sa bon
'gag pa dus mnyam pa'i phyir/ ! rtsod pa spong pa la/ kha cig
/theg chen gyi mthong

lam bar chad med lam skyes na/ mthong spang rtog pa'i sa bon
'gags pas khyab par thal/ de skyes pa dang/ gcig shos 'gag pa
dus mnyam pa'i phyir/ 'dod na/ shes bya chos can/ der thal/ de'i
phyir/ zer na/ mi

'thad de/ du ba skyes na/ me 'gags pas khyab par thal/ me 'gags
pa dang/ du ba skyes pa dus mnyam pa'i phyir/ khyab pa khas/
rtags grub ste/ mi du ba'i dngos rgyu yin pa'i phyir/ rtsa bar
'dod na/ shes bya chos can/

der thal/ de'i phyir/ gsum pa dngos/ gzhan yang/ dus mnyam du
gnyer po dang mi mthun pa'i phyogs skye ba dang 'gag pa dag go
/zhes gsungs pa mi 'thad par thal/ theg chen gyi mthong lam bar
chad med lam skye ba la

@161a @#/ /mngon du phyogs pa dang/ mthong spang rtog pa'i sa bon
'gag pa la mngon du phyogs pa dus mi mnyam pa'i phyir/ ma grub
na song/ der thal/ de skyes pa dang gcig shos 'gags pa dus mi
mnyam pa'i phyir/

rtags khas/ kho na re/ skyon med de/ lung de'i don/ gang zag
de'i rgyud la theg chen gyi mthong lam bar chad med lam skye ba
la mngon du phyogs pa dang/ gang zag de'i rgyud la theg chen gyi
mthong lam bar chad med lam gyi ngo skal gyi spang

byar gyur pa'i sgrib pa 'gag pa la mngon du phyogs pa dus mnyam
pa'i phyir te/ gang zag de'i rgyud la theg chen gyi mthong lam
bar chad med lam skyes pa dang/ de'i rgyud la de'i ngo skal gyi
spang byar gyur pa'i sgrib pa 'gags pa dus mnyam pa'i

don yin pa'i phyir/ zer/ gzhung 'di'i sbyor ba yang/ gang zag
de'i rgyud la theg chen gyi mthong lam bar chad med lam skyes pa
la mngon du phyogs pa dang/ gang zag de'i rgyud la de'i ngo skal
gyi spang byar gyur pa'i sgrib pa 'gag pa la mngon du phyogs pa

dus mnyam te/ gang zag de'i rgyud la theg chen gyi bar chad med
lam skyes pa dang/ gang zag de'i rgyud la de'i ngo skal gyi
spang byar gyur pa'i sgrib pa 'gags pa gnyis dus mnyam pa'i
phyir/ zhes pa 'di yin zer na/ mi 'thad de/ theg chen mthong

lam bar chad med lam pa'i rgyud la/ theg chen gyi bar chad med
lam skye ba la mngon du phyogs pa dang/ de'i rgyud la theg chen
gyi bar chad med lam gyi ngo skal gyi spang byar gyur pa'i sgrib
pa 'gag pa la mngon du phyogs pa dus mnyam par thal/

theg chen gyi mthong lam bar chad med lam pa'i rgyud la theg
chen gyi bar chad med lam skyes pa dang/ de'i rgyud la theg chen
gyi bar chad med lam gyi ngo skal gyi spang byar gyur pa'i sgrib
pa 'gags pa dus mnyam pa'i phyir/ khyab pa khas/ ma

@161b grub na/ der thal/ theg chen gyi mthong lam bar chad med
lam pa'i rgyud la/ theg chen gyi bar chad med lam gyi ngo skal
gyi spang byar gyur ba'i sgrib pa 'gags pa gang zhig /gang zag
de'i rgyud la theg chen gyi bar chad med lam skyes pa dang/

gang zag de'i rgyud la theg chen gyi bar chad med lam gyi ngo
skal gyi spang byar gyur pa'i sgrib pa 'gags pa dus mnyam pa'i
phyir/ rtags phyi ma khas/ dang po ma grub na/ der thal/ theg
chen gyi mthong lam bar chad med lam pa'i rgyud la theg chen gyi

bar chad med lam skyes pa'i phyir/ ma khyab na/ gang zag de'i
rgyud la theg chen gyi bar chad med lam skyes na/ gang zag de'i
rgyud la theg chen gyi bar chad med lam gyi ngo skal gyi spang
byar gyur pa'i sgrib pa 'gags pas khyab par thal/ gang zag de'i

rgyud la theg chen gyi bar chad med lam skyes pa dang/ gang zag
de'i rgyud la theg chen gyi bar chad med lam gyi ngo skal gyi
spang byar gyur ba'i sgrib pa 'gags pa dus mnyam pa'i phyir/
gsum ga khas/ rtsa bar 'dod na/ theg chen gyi mthong lam bar
chad

med lam pa'i rgyud la/ theg chen gyi bar chad med lam skye ba la
mngon du phyogs pa yod par thal lo/ /'dod na/ theg chen mthong
lam bar chad med lam pa'i rgyud la/ theg chen gyi bar chad med
lam skye bzhin pa yod par thal/ de'i rgyud la theg

chen gyi bar chad med lam skye ba la mngon du phyogs pa yod pa'i
phyir/ rtags khas/ 'dod mi nus te/ de'i rgyud la theg chen gyi
bar chad med lam skyes zin pa'i phyir te/ de'i rgyud la theg
chen gyi mthong lam bar chad med lam skyes pa'i phyir/ gzhan

yang; rgyun mtha'i bar chad med lam pa'i rgyud la theg chen gyi
bar chad med lam skyes pa dang/ de'i rgyud la theg chen gyi bar
chad med lam gyi ngo skal gyi spang byar gyur pa'i sgrib pa
'gags pa dus mnyam par thal/ rgyun mtha'i bar chad med

@162a @#/ /lam pa'i rgyud la theg chen gyi bar chad med lam gyi
ngo skal gyi spang byar gyur pa'i sgrib pa yang 'gags/ de'i
rgyud la theg chen gyi bar chad med lam skyes pa gang zhig/ gang
zag de'i rgyud la theg chen gyi bar chad med lam

skyes pa dang/ gang zag de'i rgyud la theg chen gyi bar chad med
lam gyi ngo skal gyi spang byar gyur pa'i sgrib pa 'gags pa dus
mnyam pa'i phyir/ rtags phyi ma khas/ dang po ma grub na/ der
thal/ rgyun mtha'i bar chad med lam pa'i rgyud la theg chen

gyi bar chad med lam skyes pa'i phyir/ ma khyab na/ gang zag
de'i rgyud la theg chen gyi bar chad med lam skyes na/ gang zag
de'i rgyud la theg chen gyi bar chad med lam gyi ngo skal gyi
spang byar gyur pa'i sgrib pa 'gags pas khyab par thal/ gang zag
de'i

rgyud la theg chen gyi bar chad med lam skyes pa dang/ gang zag
de'i rgyud la theg chen gyi bar chad med lam gyi ngo skal gyi
spang byar gyur pa'i sgrib pa 'gags pa dus mnyam pa'i phyir/
gsum ga khas/ rtsa bar 'dod na/ rgyun mtha'i bar chad med lam
pa'i

rgyud la theg chen gyi bar chad med lam skye ba la mngon du
phyogs pa dang/ de'i rgyud la de'i ngo skal gyi spang byar gyur
pa'i sgrib pa 'gag pa la mngon du phyogs pa dus mnyam par thal/
de'i rgyud la theg chen gyi bar chad med lam skyes pa dang/ de'i
rgyud

la de 'dra ba'i der gyur pa'i sgrib pa 'gags pa dus mnyam pa'i
phyir/ khyab pa sbyor ba la dngos/ rtags dang po 'gal/ 'dod na/
de'i rgyud la theg chen gyi bar chad med lam gyi ngo skal gyi
spang byar gyur pa'i sgrib pa 'gag pa la mngon du phyogs pa

yod par thal lo/ /'dod na/ de'i rgyud la theg chen gyi bar chad
med lam gyi ngo skal gyi spang byar gyur pa'i sgrib pa yod par
thal lo/ /des na de'i rgyud la theg chen gyi mthong lam bar chad
med lam skye ba la mngon du phyogs pa dang/ de'i rgyud

@162b la de'i ngo skal gyi spang byar gyur pa'i sgrib pa 'gag pa
la mngon du phyogs pa dus mnyam par thal/ de'i rgyud la theg
chen gyi mthong lam bar chad med lam skyes pa dang/ de'i rgyud
la theg chen gyi mthong lam bar chad med lam gyi ngo skal gyi
spang

byar gyur pa'i sgrib pa 'gags pa dus mnyam pa'i phyir/ zhes
smras na khyab pa dngos 'gal yin cing/ rtags bsal la lan thebs
mi thebs legs par soms shig /gzhan yang/ dus der me 'gags pa
dang/ dus der du ba skyes pa dus

mnyam la/ me 'gags pa dang/ du ba skyes pa dus mi mnyam pa'i
khyad par 'thad par thal/ gang zag de'i rgyud la theg chen
mthong lam bar chad med lam skyes pa dang/ gang zag de'i rgyud
la theg chen gyi mthong lam gyi ngo skal gyi spang byar

gyur pa'i sgrib pa 'gags pa dus mnyam la/ theg chen gyi mthong
lam bar chad med lam skyes ba dang/ de'i ngo skal gyi spang byar
gyur ba'i sgrib pa 'gags pa dus mi mnyam pa'i khyad par 'thad
pa'i phyir/ 'dod na/ dus der du ba skyes na/

dus der me 'gags pas khyab par thal/ dus der du ba skyes pa
dang/ dus der me 'gags pa dus mnyam pa'i phyir/ khyab pa khyod
rang gi lugs la dngos/ 'dod na/ de ring gi dus su me 'gags par
thal/ de ring gi dus su du ba skyes pa'i

phyir; khyab pa khas/ ma grub na/ der thal/ de ring gi dus su du
ba yod pa'i phyir/ 'dod na/ de ring gi dus su me med par thal
lo/ /'dod na sla/ gzhan yang/ gang zag de'i rgyud la nyan thos
kyi mthong lam bar chad med lam

skyes pa dang/ gang zag de'i rgyud la nyan thos kyi mthong lam
bar chad med lam gyi ngo skal gyi spang byar gyur pa'i sgrib pa
'gags pa dus mnyam par thal/ gang zag de'i rgyud la theg chen
gyi bar chad med lam skyes pa dang/ de'i rgyud la

@163a @#/ /de 'dra ba'i sgrib pa 'gags pa dus mnyam pa'i phyir/
rtags khas/ 'dod na/ gang zag de'i rgyud la nyan thos kyi mthong
lam bar chad med lam gyi ngo skal gyi spang byar gyur pa'i sgrib
pa 'gags na/ gang zag de'i rgyud la nyan

thos kyi mthong lam bar chad med lam skyes pas khyab par thal/
'dod pa'i phyir/ khyab pa sngar ltar song/ 'dod na/ dman lam
sngon du ma song ba'i sangs rgyas 'phags pa'i rgyud la nyan thos
kyi mthong lam bar chad med lam skyes par thal/

de'i rgyud la de 'dra ba'i sgrib pa 'gags pa'i phyir/ khyab pa
khas/ rtags grub ste/ de'i rgyud la mthong spang gi sgrib pa
mtha' dag 'gags pa'i phyir/ 'dod mi nus te/ dman lam sngon du ma
song ba'i gang zag yin pa'i phyir/ rong TIk pa na re/ theg

chen gyi mthong lam bar chad med lam de mthong spang rtog pa'i
dngos gnyen ma yin te/ mthong spang rtog pa 'das pa rnams ni
de'i dus su 'gags/ mthong spang rtog pa ma 'ongs pa rnams ni
de'i dus su ma skyes/ mthong spang rtog pa da lta ba rnams ni de
dang dus

mnyam du mi 'jug pas dngos su gnod byar med pa'i phyir/ mthong
spang rtog pa'i sa bon la mi mtshungs te/ de dmigs rnam mi 'dzin
pa'i lam da lta ba dang mnyam du 'jug pa'i phyir/ des na theg
chen gyi mthong lam bar chad med lam de/ mthong spang

rtog pa'i dngos gnyen ma yin/ zer na/ shes bya chos can/ nyi 'od
kyis khyab par non pa'i sa gzhin/ de'i gsal byar gyur pa'i mun
pa yod par thal/ theg chen gyi mthong lam bar chad med lam la
gnas pa'i sems dpa'i rgyud la/ bar chad med lam

de'i ngo skal gyi spang byar gyur pa'i mthong spang rtog pa'i sa
bon yod pa'i phyir/ rtags khas/ 'dod na/ mdo las/ nyi ma'i dkyil
'khor mngon par 'char ba'i tshe/ mun pa'i gnas med cing go skabs
med do/ /zhes bshad pa mi 'thad par

@163b thal; 'dod pa'i phyir/ gzhan yang/ theg chen gyi mthong
lam bar chad med lam dang/ de'i ngo skal gyi spang bya gnyis/
lhan gcig mi gnas 'gal ma yin par thal/ mthong lam bar chad med
lam la gnas pa'i sems dpa'i rgyud la de'i ngo skal

gyi spang bya yod pa'i phyir/ rtags khas/ 'dod na/ kun btus las/
gnyen po'i rnam pa de byung ba dang/ gnas ngan len gyi rnam pa
de 'gag pa ni mnyam pas mnyam ste/ snang ba dang mun pa byung ba
dang 'gag pa bzhin no/ /zhes gsungs pa

mi 'thad par thal/ 'dod pa'i phyir/ kho na re/ theg chen gyi
mthong lam bar chad med lam dang/ mthong spang rtog pa'i sa bon
gnyis dngos su phrad pa mi srid par thal/ de gnyis dus mi mnyam
pa'i phyir/ rtags song/ 'dod na/ de

gnyis dngos su gnod bya gnod byed ma yin par thal/ 'dod pa'i
phyir/ zer na/ 'dir ma khyab ste/ sa myug gnyis dngos su phrad
par thal/ de gnyis dngos rgyu dngos 'bras yin pa'i phyir/ khyab
pa khas/ 'dod na/ de gnyis dus mnyam yin

par thal/ de gnyis dngos su phrad pa'i phyir/ 'khor gsum/ gzhan
yang/ mthong spang rtog pa'i dngos gnyen med par thal/ theg chen
gyi mthong lam sdug bsngal chos bzod de de'i dngos gnyen ma yin/
theg chen gyi sbyor lam chos mchog chen po

de yang de'i dngos gnyen ma yin pa'i phyir/ dang po dngos/ dang
po dngos/ phyi ma ma grub na/ mthong lam sdug bsngal chos bzod
la gnas pa'i sems dpa' des mthong spang rtog pa spangs par thal/
ma grub pa de'i phyir/ 'dod na/ mthong spang rtog pa de mthong
spang ma yin par thal

lo; ;gzhan yang/ lam ma zhugs kyi gang zag gi rgyud kyi shes
sgrib kyi dngos gnyen bar chad med lam chos can/ lam ma zhugs
kyi gang zag gi rgyud kyi shes sgrib dang dngos su phrad par
thal/ de la dngos su gnod byed yin pa'i phyir/ khyab pa khas/

@164a @#/ /rtags grub ste/ chos can de yin pa'i phyir/ der thal/
lam ma zhugs gang zag gi rgyud kyi shes sgrib spangs pa'i rnam
grol lam yod pa'i phyir te/ de spangs pa'i gang zag yod pa'i
phyir te/ de spang bya yin pa'i phyir/ rtsa bar 'dod

na; lam ma zhugs gang zag gi rgyud la bar chad med lam yod pa
thal/ 'dod pa'i phyir/ gzhan yang/ dus mnyam du gnyen po dang mi
mthun pa'i phyogs skyes ba dang 'gag pa dag go/ /zhes bshad pa
dang/ kun btus las/ gnyen po'i rnam pa

de byung ba dang gnas ngan len gyi rnam pa de 'gag pa ni mnyam
pas mnyam ste/ zhes gsungs pa mi 'thad par thal/ theg chen gyi
mthong lam bar chad med lam skye ba la mngon du phyogs pa dang/
mthong spang gi sa bon 'gag pa la mngon du phyogs pa dus mi
mnyam pa'i

phyir; ma grub na/ theg chen gyi mthong lam bar chad med lam
skyes pa dang/ mthong spang gi sa bon 'gags pa dus mnyam par
thal/ ma grub pa de'i phyir/ 'dod na song/ theg chen mthong lam
bar chad med lam pa'i rgyud la mthong spang gi sa bon med par
thal/

'dod pa'i phyir/ 'dod na 'gal/ kho na re/ theg chen mthong lam
bar chad med lam la gnas pa'i sems dpa' des/ mthong spang spangs
par thal/ de'i rgyud la mthong spang med pa'i phyir/ rtags khas/
zer na/ 'o na/ des mthong spang rtog pa spangs par thal/

de'i rgyud la mthong spang rtog pa med pa'i phyir/ gsum ga khas/
gzhan yang/ des nyon yid spangs par thal/ de'i rgyud la nyon yid
med pa'i phyir/ gsum ga khas/ kha cig /theg chen mthong lam bar
chad med lam gyi dus na la mthong spang gi sa bon

med; rgyun mtha'i bar chad med lam gyi dus na gnas ngan len gyi
dri ma yod/ zer na/ 'di 'gog pa la/ rnam bshad snying po rgyan
las/ mthong lam bar chad med lam gyi dus na dngos kyi gnod bya
med par khas blongs nas/ rgyun mtha'i bar chad med lam gyi

@164b dus na gnas ngan len gyi dri ma phra mo yod par 'dod pa ni
skye 'gyur kyi spong ba dang/ 'gag 'gyur gyi spong pa'i gub
mtha' phyogs gcig tu bsdus pa yin la/ zhes gsungs/ de'i don/ bar
chad med lam skye bzhin bas/ rang gi ngo skal gyi spang bya 'gag

bzhin pa spong par thal/ theg chen gyi mthong lam bar chad med
lam skye bzhin ba dang/ de'i ngo skal gyi spang bya 'gag bzhin
pa dus mnyam pa'i phyir/ der thal/ theg chen gyi mthong lam bar
chad med lam gyi dus na de'i ngo skal gyi spang bya med pa'i

phyir; rtags khas/ rtsa bar 'dod na song/ gzhan yang/ bar chad
med lam skye 'gyur gyi rang gi ngo skal gyi spang bya 'gag 'gyur
spong par thal/ 'dod pa'i phyir/ 'dod na song/ de ma yin par
thal/ bar chad med lam 'gag 'gyur gyi rang gi ngo skal

gyi spang bya 'gag 'gyur spong pa'i phyir/ der thal/ rgyun
mtha'i bar chad med lam 'gag 'gyur gyis gnas ngan len gyi dri ma
rang dus na 'gag 'gyur spong pa'i phyir/ ma grub na rims bzhin
song/ der thal/ rgyun mtha'i bar chad med lam 'gag

bzhin pas gnas ngan len gyi dri ma rang dus na 'gag bzhin pa
spong ba'i phyir/ ma grub na song/ der thal/ rgyun mtha'i bar
chad med lam de ring gi dus na gnas ngan len gyi dri ma 'gag
bzhin pa'i dngos gnyin yin pa'i phyir/ rtags khas/ kha cig

rgyun mtha'i bar chad med lam 'gag bzhin pas gnas ngan len gyi
dri ma 'gag bzhin pa mi spong zer na/ de spong bar thal/ rgyun
mtha'i bar chad med lam gyis gnas ngan len gyi dri ma 'gag bzhin
pa spong pa'i phyir/ ma grub na/ der thal/ rgyun mtha'i

bar chad med lam de gnas ngan len gyi dri ma 'gag bzhin pa'i
dngos gnyen yin pa'i phyir/ ma grub na/ der thal/ de'i dngos
gnyen yod pa'i phyir/ kha cig/ /spang bya'i dngos gnyen bar chad
med lam yin na/ rang nyid skye ba la mngon du phyogs pa dang/

@165a @#/ /spang bya de 'gag pa la mngon du phyogs pa dus mnyam
pas khyab zer na/ rgyun mtha'i bar chad med lam skad cig gnyis
pa chos can/ rang nyid skye ba la mngon du phyogs pa dang/ gnas
ngan len gyi dri ma 'gag pa la mngon du

phyogs pa dus mnyam par thal/ gnas ngan len gyi dri ma'i dngos
gnyen bar chad med lam yin pa'i phyir/ khyab pa khas/ 'dod na/
rgyun mtha'i bar chad med lam skad cig dang po la gnas pa'i sems
dpa'i rgyud la gnas ngan len gyi dri ma yod

bar thal/ 'dod pa'i phyir/ gzhan yang/ theg chen mthong lam bar
chad med lam chos can/ khyod skye ba la mngon du phyogs pa dang/
mthong spang rtog pa 'gag pa la mngon du phyogs pa dus mnyam par
thal/ khyod mthong spang rtog pa'i dngos gnyen

bar chad med lam yin pa'i phyir/ khyab pa khas/ 'dod na/ chos
mchog skad cig mtha' ma la gnas pa'i sems dpa'i rgyud la mthong
spang rtog pa yod par thal/ 'dod pa'i phyir/ 'dod na/ stong nyid
la rtse gcig tu mnyam par bzhag pa'i chos

mchog 'bring la gnas pa'i sems dpa'i rgyud la mthong spang rtog
pa yod par thal/ 'dod pa'i phyir/ 'dod na/ 'grel pa las/ rnam pa
ni rnam par rtog pa thams cad mi 'thad pas zhes bshad pa mi
'thad par thal lo/ /kha cig /mthong lam

bar chad med lam de mthong spang rtog pa'i dngos gnyen bar chad
med lam yin zer na/ mthong lam rnam grol lam des mthong spang
rtog pa spangs par thal/ dam bca' de'i phyir/ 'dod na/ mthong
lam rnam grol lam yin na/ mthong spang rtog pa spangs pas khyab
par

thal lo/ /'dod na/ nyan thos kyi mthong lam rnam grol lam chos
can/ der thal/ de'i phyir/ rtags bsal gnyis ka chos can gyi
'grub bo/ /gnyis pa rang lugs ni/ kun btus las/ gang zhig gang
la spong zhe na/ 'das pa ni 'gag

@165b pa'i phyir ma yin no/ ma 'ongs pa ni ma byung ba'i phyi ma
yin no/ /da ltar byung ba ni lam dang mnyam du mi 'jug pa'i
phyir ma yin no/ /'on kyang nyon mongs pa'i gnas ngan len gang
yin pa de las spong ba'o/ /gnas ngan len gyi rnam pa gang gi
gnyen po'i rnam

pa de byung ba dang/ gnas ngan len gyi rnam pa de 'gag pa ni
mnyam pas mnyam ste/ snang ba dang mun pa byung ba dang 'gag pa
bzhin no/ /zhes gsungs/ de'i don/ theg chen gyi mthong lam bar
chad med lam rang dus na/ 'das pa'i mthong spang rtog

pa; bum pa thob bas bcom pa'i tshul gyi spong ba ma yin te/ de
gnyis dngos su phrad pa mi srid pa'i phyir/ des rang dus na ma
'ongs ba'i mthong spang rtog ba rnams mdun nas phul pa'i tshul
gyi spong ba ma yin te/ de gnyis dngos su phrad pa mi srid pa'i
phyir/

des rang dang dus mnyam pa'i mthong spang rtog pa da lta ba
rnams mdzo sbrel g.yang la lhung ba ltar spong pa ma yin te/ de
gnyis dngos su phrad pa mi srid pa'i phyir/ 'o na ji ltar spong
zhe na/ theg chen gyi mthong lam bar chad med lam des/ mthong
spang rtog

pa'i sa bon spong ba'i sgo nas/ des mthong spang rtog pa spong
ba yin te/ theg chen gyi mthong lam bar chad med lam skye ba la
mngon du phyogs pa dang/ mthong spang rtog pa'i sa bon gyi rigs
'dra phyi ma 'gag pa la mngon du phyogs pa dus mnyam shing/ theg
chen

gyi mthong lam bar chad med lam skyes pa dang/ mthong spang rtog
pa'i sa bon gyi rigs 'dra tha ma 'gag pa dus mnyam pa'i tshul
gyis spong pa'i phyir/ mthong lam sdug bsngal chos bzod la gnas
pa'i sems dpa' des mthong spang rtog pa spong ba'i tshad

bzhag tu yod de/ des mthong spang rtog pa mi skye ba'i chos can
du byas pa'i tshe/ des mthong spang rtog pa spong pa'i phyir/ de
ltar yang rnam bshad snying po rgyan las/ 'o na/ ci zhe na/
sngar gnyen po'i phyogs goms pa la rten nas gnyen po de skye ba
la

@166a @#/ /mngon du phyogs pa dang spang bya'i sa bon gyi rigs
'dra tha ma 'gag pa la mngon du phyogs pa dus mnyam zhing/ gnyen
po skyes pa dang de 'gags pa dus mnyam pa'i sgo nas spang bya
skye mi rung ba'i chos can du song ba gnod pa byas pa'i don

no; ;zhes dang/ kun btus las/ ma 'ongs pa na/ nyon mongs pa mi
skye ba'i chos can du gnas pa de ni spong ngo/ /zhes gsungs pa'i
phyir/ ! rtsod pa spong ba la/ kha cig /theg chen gyi mthong lam
sdug bsngal chos bzod des/ mthong spang rtog pa

spangs par thal/ des mthong spang rtog pa mi skye ba'i chos can
du byas pa'i phyir/ der thal/ TIkar/ bar chad med lam gyi dus
na ngo skal gyi spang bya de med cing skyer mi rung ba'i chos
can yang yin la/ zhes gsungs pa'i phyir/ zer na/ ma khyab ste/
bar chad

med lam gyi dus na ngo skal gyi spang bya mi skye ba lung de'i
don yin pa'i phyir/ kho na re/ theg chen gyi mthong lam rnam
grol lam des spangs pa'i mthong spang rtog pa de mi skye ba'i
chos can yin par thal/ theg chen gyi mthong lam rnam grol lam
des/ mthong spang rtog

pa mi skye ba'i chos can du byas pa'i phyir/ rtags khas/ 'dod
na/ de mi skye bar thal/ 'dod pa'i phyir/ zer na/ rtsa bar ma
khyab ste/ shes bya chos can/ sems can smin pa yin par thal/
ston pa shAkya thub pa des sems can smin par byas pa'i phyir/
khyab pa

khas; kha cig /theg chen gyi mthong lam bar chad med lam gyis
mthong spang rtog pa slar mi skye ba'i chos can du byas pa de/
theg chen gyi mthong lam bar chad med lam gyis mthong spang rtog
pa la gnod pa byas pa'i don yin zer na/ mthong spang rtog pa de
rang dus su slar

mi skye ba'i chos can ma yin par thal/ dam bca' de 'thad pa'i
phyir/ 'dod mi nus te/ mthong spang rtog pa slar mi skye ba'i
chos can yin pa'i phyir/ der thal/ de slar mi skye ba yin pa'i
phyir te/ slar yang skye ba gzhi ma grub pa'i phyir/ gzhan yang/

@166b mthong spang rtog pa'i sa bon mthong spang rtog pa'i rgyu
yin zhes thams cad zhal 'cham par smra ba mi 'thad de/ de de'i
rgyu ma yin par thal/ mthong spang rtog pa'i sa bon 'gags pa'i
snga rol tu mthong spang rtog pa 'gags pa'i phyir/ der thal/
theg chen gyi

sbyor lam chos mchog skad cig tha ma'i dus su mthong spang rtog
pa 'gags zin pa gang zhig /mthong spang rtog pa'i sa bon 'gags
pa dang/ theg chen gyi mthong lam bar chad med lam skyes ba dus
mnyam pa'i phyir/ dang po grub ste/ chos mchog skad cig

tha ma la gnas pa'i sems dpa'i rgyud la mthong spang rtog pa med
pa'i phyir/ rtags bsgrub zin/ kho na re/ mthong spang rtog pa'i
sa bon mthong spang rtog pa'i rgyu yin par thal/ nas myug gi sa
bon de/ nas myug gi rgyu yin pa'i phyir/ zer na/ ma khyab/ kha
cig /

theg chen gyi mthong lam bar chad med lam skyes ba dang/ mthong
spang rtog pa'i sa bon 'gags pa dus mi mnyam par thal/ de skyes
pa dang/ mthong spang rtog pa 'gags pa dus mnyam pa'i phyir/ zer
na/ mthong spang rtog pa 'gags pa dang/ mthong spang rtog

pa'i sa bon 'gags pa dus mnyam par thal/ dam bca' de gnyis 'thad
pa'i phyir/ 'dod na/ mthong spang rtog pa dang/ mthong spang
rtog pa'i sa bon dus mnyam par thal lo/ /'dod mi nus te/ bdag
med yin pa'i phyir/ kho na re/ mthong spang rtog

pa'i sa bon 'gags pa dang/ mthong spang rtog pa'i sa bon gyi
rigs 'dra tha ma 'gags pa dus mnyam par thal/ theg chen gyi
mthong lam skyes pa dang lam skyes pa dang/ mthong spang rtog
pa'i sa bon 'gags pa dus mnyam pa gang zhig /de skyes pa

dang/ mthong spang rtog pa'i sa bon gyi rigs 'dra tha ma 'gags
pa dus mnyam pa'i phyir/ rtags rnams khas/ 'dod na/ mthong spang
rtog pa'i sa bon de la rang gi rigs 'dra phyi ma'i rgyu ma yin
par thal lo/ /'dod na/ de'i rigs 'dra phyi ma'i rgyu med par

@167a @#/ /thal; 'dod pa'i phyir/ zer na/ skyon med de/ gong du
TIka'i tshig zin dang mthun par de ltar bshad kyang/ mthong
spang rtog pa'i sa bon gyi rigs 'dra phyi ma zhes pa mthong
spang rtog pa'i sa bon gyi skad cig tha ma la 'chad dgos pa'i
phyir/

! de'i 'og tu bsam pa ji lta ba bzhin du gzhug pa la sogs pa la
ldem por dgongs pa'i zhes sogs kyi skabs su/ sbyor ba dang/
mtha' bcad pa gnyis/ dang po ni/ byang sems sa bcu pa chos can/
gzhan don go rims bzhin du byed pa'i grub pa thob ste/

rjes thob tu drang nges kyi chos bstan pa'i sgo nas gzhan don
byed tshul sangs rgyas dang mnyam pa rjes su mthun pa thob pa'i
byang sems sa bcu pa pa yin pa'i phyir/ gnyis pa la/ kha cig
/sgra ji bzhin du khas blangs du rung ba'i mdo/ nges don gyi
mdo'i mtshan nyid/ de

ltar mi rung ba'i mdo/ drang don gyi mdo'i mtshan nyid/ zer ba mi
'thad de/ 'dus byas mi rtag par bston pa'i mdo/ drang don gyi
mdo yin pa'i phyir/ kha cig /don dam bden pa bstan bya'i gtso
bor byas nas bstan pa'i mdo/ des don gyi mdo'i mtshan nyid/ kun

rdzob bden pa bstan bya'i gtso bor byas nas ston pa'i mdo/ drang
don gyi mdo'i mtshan nyid/ zer ba mi 'thad de/ yum rgyas 'bring
bsdus gsum po de don dam bden pa bstan bya'i gtso bor byas pa'i
mdo yang yin/ de gcig shos de ltar ston pa'i mdo yang yin pa'i
phyir/

dang po grub ste/ de nges don gyi mdo yin pa'i phyir/ gnyis pa
grub ste/ des sbas don mngon rtogs kyi rims pa bstan bya'i gtso
bor byed pa'i phyir/ kha cig /don dam bden pa dngos kyi brjod
bya'i gtso bor byas nas ston pa'i mdo de/ dang po'i mtshan nyid/

kun rdzob bden pa dngos kyi brjod bya'i gtso bor byas nas ston
pa'i mdo/ gnyis pa'i mtshan nyid zer na/ shes rab snying po chos
can/ mtshon bya dang po der thal/ mtshan nyid de'i phyir te/ 'khor
lo bar pa yin pa'i phyir/ khyab ste/ stong pa nyid smos pa'i

@167b rnam pas zhes sogs gsungs pa'i phyir/ 'dod na/ sgra ji
bzhin du khas blang du rung bar thal lo/ /gzhan yang/ de chos
can/ mtshan nyid gnyis pa der thal/ mtshon bya de'i phyir/ 'dod mi
nus te/ don dam bden pa dngos kyi brjod bya'i gtso bor byed pa'i

mdo yin pa'i phyir/ kha cig /drang don gyi mdo yin na/ drang don
dgongs pa can gyi mdo yin pas khyab bo/ /zer na/ 'dus byas mi
rtag par ston pa'i mdo chos can/ der thal/ de'i phyir/ yang kho
na re/ dgongs pa can gyi mdo dang/ lde ma dgongs kyi

mdo 'gal zer na/ de gnyis mi 'gal te/ dgongs gzhi gtso bor gyur
pa'i mdo dang dgongs pa gtso bor gyur pa'i mdo mi 'gal ba'i
phyir te/ de gnyis yin khyab mnyam yin pa'i phyir te/ dgongs pa
can gyi mdo yin na/ ldem dgongs kyi mdo yin

dgos; phyi ma yin na snga ma yin dgos pa'i phyir/ dang po grub
ste/ de yin na/ gnyen po la ldem dgongs kyi mdo yin dgos pa'i
phyir/ !rang lugs ni/ sgra ji bzhin du khas blang du mi rung
ba'i mdo gang zhig /dgongs gzhi gtso bor gyur pa/ dgongs

pa can gyi mdo'i mtshan nyid/ de gang zhig /dgongs pa gtso bor
gyur pa ldem dgongs kyi mdo'i mtshan nyid/ de gnyis yin khyab
mnyam yin no/ / ! ji ltar nyan thos kyi theg pa la sogs pa'i
stobs kyis rim gyis dmigs pa de bzhin du/ 'phag pa'i chos

rtogs par bya ba'i phyir/ zhes sogs kyi skabs su/ sbyor ba dang/
mtha' bcad pa gnyis/ dang po ni/ rtogs pa yi ni chos drug dang/
/zhes sogs kyi skabs su/ byang sems bcu gsum gyi rgyud kyi sems
kyi chos nyid theg chen sgrub pa'i rten rang bzhin gnas

rigs su bstan pa la/ kho na re/ rigs can gsum ga'i gang zag
rnams theg pa chen po'i lam gyi gnas skabs kyi rigs la gnas par
thal/ dam bca' 'thad pa gang zhig /sems bden stod de rigs can
gsum ga'i gang zag la spyir gnas pa'i phyir/

@168a @#/ /'dod na/ byang chub sems dpa' kho na theg pa chen po'i
lam gyi gnas skabs kyi rigs la gnas pa ma yin par thal/ 'dod
pa'i phyir/ zer na/ rtsa bar ma khyab ste/ byang sems bcu gsum
gyi rgyud kyi sems kyi chos nyid/ theg chen sgrub pa'i rten

rang bzhin gnas rigs yin cing/ sems bden stong rigs can gsum
ga'i gang zag la spyir gnas kyang/ nyan thos slob pa'i sems kyi
chos nyid/ nyan thos kyi sgrub pa'i rten rang bzhin gnas rigs
dang/ rang rgyal slob pa'i sems kyi chos nyid/ rang rgyal
 
gyi sgrub pa'i rten rang bzhin gnas rig dang/ byang sems kyi
sems kyi chos nyid/ theg chen sgrub pa'i rten rang bzhin gnas
rigs yin pa'i khyad par 'thad pa'i phyir/ gnyis pa ni/ kha cig
/gzhung 'di dbu ma thal 'gyur ba'i gzhung yin zer na/ slob dpon
sengge bzang po

de dbu ma thal 'gyur ba yin par thal/ dam bca' de 'thad pa'i
phyir/ 'dod na/ /zhi 'tshe yab sras dbu ma thal 'gyur ba yin par
thal/ 'dod pa'i phyir/ 'dod na/ rnal 'byor spyod pa'i dbu ma
rang rgyud pa gzhi ma grub par thal/ 'dod pa'i phyir/ gzhan
yang/ nyan

rang la chos kyi bdag med rtogs pa yod par bzhed pa'i dbu ma pa
yin na/ dbu ma thal 'gyur ba yin dgos par thal/ 'phags seng
gnyis dbu ma thal 'gyur ba yin pa'i phyir/ 'dod mi nus te/ de
ltar 'dod pa'i dbu ma rang rgyud pa yod pa'i phyir te/ TIk

chen dgongs pa rab gsal las rang rgyud pa de dag gis nyan rang
lam de ltar sgom pa la/ chos kyi bdag 'dzin mngon gyur re zhig
spangs pa 'ong yang/ tshogs mtha' yas pa bsags pa'i grogs med par
chos kyi bdag 'dzin gnyis po gang gi yang sa

bon spangs pa mi 'ong zhes bzhed dgos pas/ shes sgrib mngon gyur
pa re shig spangs pa nyan rang la srid kyang sa bon spangs pa mi
srid par smra dgos so/ /zhes pa dang/ rnam bshad snying po rgyan
las/ nyan thos 'phags pas kyang stong pa nyid kyi don

@168b mngon sum du rtogs pa yod par bzhed pa'i dbu ma rang rgyud
pa ni shin tu mang ngo/ /zhes gsungs pa'i phyir/ gzhan yang/ !
bden 'dzin gyis bcings pa'i gzhi shes med par thal/ 'phags pa
yin na stong nyid mngon sum du rtogs pas khyab pa'i phyir te/
slob

dpon seng ge bzang po des 'phags pa yin na/ stong nyid mngon sum
du rtogs pas khyab pa khas len pa'i phyir te/ de dbu ma thal
'gyur ba yin pa'i phyir/ rtags rims bzhin khas/ rtsa bar 'dod
na/ thabs ma yin pas ring ba ste/ /zhes pa'i gzhung gi

bstan don ma grub par thal/ 'dod pa'i phyir/ gzhan yang/ slob
dpon sengge bzang po des/ shes sgrib gzung 'dzin gyi rtog pa med
par khas len par thal/ de dbu ma thal 'gyur ba yin pa'i phyir/
rtags khas/ 'dod na/ des/ gzhi dang de yi gnyen po

yi; ;zhes sogs kyi gzhung sgra ji bzhin du khas mi len par thal/
'dod pa'i phyir/ gzhan yang/ rgyun mtha'i bar chad med lam de/
bden 'dzin chung ngu'i dngos gnyen ma yin par thal/ de de'i
dngos gnyen ma yin par slob dpon seng ge bzang po des khas

len pa'i phyir/ ma grub na song/ der thal/ slob dpon sengge
bzang po de dbu ma thal 'gyur ba yin pa'i phyir/ rtags khas/
rtsa bar 'dod na/ sa dgu la ni chen po yi/ /zhes sogs kyi don ma
grub par thal/ 'dod pa'i phyir/ gzhan yang/ gzung 'dzin

rdzas gzhan gyis stong pa'i stong nyid de don dam bden pa yin
par thal/ gang zag gi bdag med de don dam bden pa yin pa'i
phyir/ ma grub na song/ der thal/ de don dam bden par slob dpon
sengge bzang pos khas len pa'i phyir te/ de dbu ma thal 'gyur

pa yin pa'i phyir/ rtags khas/ gzhan yang/ 'dzin pa mi spong
phyir dang ni/ /zhes sogs kyi skabs nas dngos su bstan pa'i rang
rgyal 'phags pa chos can/ khyod kyis stong nyid mngon sum du
rtogs par thal/ khyod 'phags pa yin pa'i phyir/ khyab

@169a @#/ /pa khas/ rtags grub ste/ de'i skabs nas dngos su bstan
pa'i rang rgyal 'phags pa yod pa'i phyir/ rtsa bar 'dod na/ rnam
bshad snying po rgyan las/ 'dzin pa mi spong ba ni dbang shes la
sogs pa'i shes pa tsam bden stong du ma rtogs pa tsam du ma

zad; theg pa 'bring po'i dgra bcom pa thob par byed pa la/ rtogs
pa de sgom pa nges par mi dgos pa'i don no/ /zhes bshad pa mi
'thad par thal/ 'dod pa'i phyir/ gzhan yang/ gzung don rtog pa
spong phyir dang/ /zhes sogs kyi skabs kyi rnam bshad snying po

rgyan las/ rang sangs rgyas la stong nyid phra mo rtogs pa srid
par bzhed pa yang sngar bshad zin no/ /zhes bshad pa mi 'thad
par thal/ gzung don rtog pa spong phyir dang/ /zhes pa'i gzhung
dbu ma rang rgyud pa'i gzhung yin pa gang zhig /brten pa'i chos
kyi bye

brag gi /zhes pa'i gzhung dbu ma thal 'gyur ba'i gzhung yin pa'i
phyir/ dang po grub ste/ dbu ma rang rgyud pa'i gzhung yod pa'i
phyir/ gnyis pa ma grub na song/ der thal/ ji ltar nyan thos kyi
theg pa zhes sogs kyi gzhung 'di dbu ma thal 'gyur ba'i gzhung
yin

pa'i phyir/ kho na re/ slob dpon sengge bzang po thal 'gyur ba
yin par thal/ des bden 'dzin nyon sgrib tu khas len pa'i phyir
te/ bden 'dzin nyon sgrib yin pa'i phyir/ der thal/ bden 'dzin
spangs pa'i rang rgyal dgra bcom pa yod pa'i phyir/ der thal/
rnam

bshad snying po rgyan las/ de ltar byas na rang rgyal la de kho
na nyid kyi don rtogs pa gcig kyang yod pas/ rang rgyal la shes
pa la bden zhen spang mi nus pas ma khyab bo/ /zhes gsungs pa'i
phyir/ zer na/ de'i lan la mkhas pa kha cig /rang rgyal 'phags
pa yin na/ shes

pa bden par 'dzin pa'i bden 'dzin gyi zhen yul sun 'byin mi nus
pas ma khyab pa lung de'i don yin gsungs/ ! rang lugs ni/ bden
'dzin mngon gyur ba re shig spangs pa'i rang rgyal dgra bcom yod
pa lung de'i don yin te/ bden 'dzin mngon gyur ba re

@169b shig spangs pa'i rang rgyal dgra bcom yod pa'i phyir te/
TIk chen dgongs pa rab gsal las/ rang rgyud pa de dag gis nyan
rang lam de ltar sgom pa la/ chos kyi bdag 'dzin mngon gyur re
shig spangs pa 'ong yang/ zhes sogs gong du drangs pa las gsal
ba yin pa'i phyir/

gzhan yang/ nyan thos 'phags pa yin na/ stong nyid mngon sum du
rtogs pas ma khyab par thal/ stong nyid mngon sum du ma rtogs
pa'i nyan thos 'phags pa yod pa'i phyir/ der thal/ rnam bshad
snying po rgyan las/ nyan thos la yang de kho na nyid rtogs

ma rtogs gnyis su dbye dgos pa'i phyir/ zhes gsungs pa'i phyir/
kho na re/ bden 'dzin nyon sgrib yin par thal/ nyan thos dgra
bcom pas bden 'dzin spangs pa'i phyir/ der thal/ nyan thos slob
pa 'phags pas bden 'dzin spang bya'i gtso bor byas nas

spong pa'i phyir te/ des bden med sgom bya'i gtso bor byas nas
sgom pa'i phyir/ der thal/ nyan thos kyi sgrub pa des rang rgyud
kyi rang bzhin gnas rigs bsgom bya'i gtso bor byed pa'i phyir/
der thal/ nyi snang las/ ji ltar dmigs pa na 'phags pa'i chos

rnams kyi rgyur 'gyur ba de ltar yin par brjod pa de ni ha cang
thal ba ci ste 'tshol bar byed/ ces pa dang/ 'grel ba don gsal
las/ ji ltar nyan thos kyi theg pa la sogs pa rtogs pa'i rim
gyis dmigs pa zhes gsungs pa'i phyir/ zer na/ ma khyab ste/ /

lung de rnams kyi nyan thos kyi sgrub pa de rang rgyud kyi rang
bzhin gnas rigs la dmigs nas bsgom par bstan kyang/ de sgom
bya'i gtso bor byed par ma bstan pa'i phyir/ kho na re/ stong
nyid bsgom bya'i gtso bor byed pa'i nyan thos 'phags pa yod par
thal/

stong nyid mngon sum du rtogs pa'i nyan thos 'phags pa yod pa'i
phyir/ zer na/ gang zag gi bdag med bsgom bya'i gtso bor byed
pa'i byang 'phags yod par thal/ de mngon sum du rtogs pa'i byang
'phags yod pa'i phyir/ khyab pa khas/ yang kha cig /

@170a @#/ /bden 'dzin nyon sgrib yin par thal/ 'phags pa yin na/
stong nyid mngon sum du rtogs pas khyab pa'i phyir/ nyi khri
snang ba dang 'grel chen gnyis kar/ chos dbyings theg pa gsum
ga'i rigs su 'jog pa'i shes byed du/ 'phags pa'i

gang zag rnams ni 'dus ma byas kyis rab tu phye ba'i slad du'o/
/zhes rdo rje gcod pa'i lung drangs pa'i phyir/ zer na ma khyab
ste/ theg pa gsum ga'i 'phags pas stong nyid mngon sum du rtogs
pa lung de'i don yin te/ theg pa gsum ga'i 'phags pa'i gang zag

gis stong nyid mngon gsum du rtogs pa'i phyir/ der thal/ nyan
thos 'phags pas kyang stong nyid mngon sum du rtogs/ rang rgyal
'phags pas kyang stong nyid mngon sum du rtogs/ byang sems
'phags pas kyang stong nyid mngon sum du rtogs pa'i phyir/ dang

po grub ste/ stong nyid mngon sum du rtogs pa'i nyan thos 'phags
pa yod pa'i phyir/ gnyis pa yang des rigs 'gre/ gsum pa sla/ kho
na re/ 'phags pa yin na/ stong nyid mngon sum du rtogs pas khyab
par thal/ 'phags pa thams cad kyi stong nyid mngon

sum du rtogs pa'i phyir te/ 'phags pa'i gang zag rnams ni 'dus
ma byas kyis rab tu phye ba'i slad du'o/ /zhes pa dang/ rnam
bshad snying po rgyan las/ theg pa che chung gi 'phags pa'i gang
zag thams cad ni chos rnams la de kho nar ma grub pa'i don dam
par

'dus ma byas mngon du byas nas bzhag pa'i phyir zhes pa'o/ /zhes
gsungs pa'i phyir/ zer na/ 'phags pa yin na bsam gtan bzhi thob
pas khyab par thal/ 'phags pa thams cad kyi rgyud la bsam gtan
bzhi yod pa'i phyir/ ma grub na/ der thal/

'phags pa'i skye bo thams cad kyi rgyud la bsam gtan bzhi dang/
zhes bshad pa'i phyir/ gsum ga khas/ kha cig /de'i don nyan thos
'phags pa'i rgyud la yang bsam gtan bzhi yod/ rang rgyal 'phags
pa'i rgyud la yang bsam gtan bzhi yod/ theg

@170b chen 'phags pa'i rgyud la yang bsam gtan bzhi yod pa lung
de'i don yin zhes zer/ 'phags pa'i gang zag rnams ni 'dus ma
byas kyi rab tu phye ba'i slad du'o/ /zhes sogs kyi don yang
sngar bshad pa ltar 'chad rigs so/ /gzhan yang/ re shig sems can
yin na/ sgrib pa

rgyud ldan gyi gang zag yin dgos par thal/ sems can thams cad
kyi rgyud la sgrib pa yod pa'i phyir/ ma khyab na/ 'phags pa
thams cad kyis stong nyid mngon sum du rtogs na/ 'phags pa yin
na/ stong nyid mngon sum du rtogs pa'i khyab pa yod pa bud/
rtags

grub ste/ sems can thams cad kyi rgyud kyi sgrib pa de gnyen bos
spang du rung ba'i phyir te/ mthar thug theg pa gcig tu grub
pa'i phyir/ rtsa bar 'dod na/ rgyun mtha'i bar chad med lam la
gnas pa'i sems dpa' chos can/ der thal/ de'i phyir/ gzhan yang/
sangs rgyas

'phags pa'i rgyud kyi snying rje chen po de lhag med myang 'das
la gnas pa'i nyan thos dgra bcom pa sdug bsngal las bral bar
'dod pa'i rnam pa can gyi blo yin par thal/ de sems can thams
cad sdug bsngal las bral bar 'dod pa'i rnam pa can gyi blo yin
pa'i phyir/

khyab pa khas/ rtags grub ste/ chos can de'i phyir/ 'dod na/
lhag med myang 'das pa'i rgyud la sdug bsngal gyi phung po yod
par thal/ 'dod pa'i phyir/ kha cig /rigs kyi gzhung 'di rnams
dbu ma thal 'gyur ba'i gzhung yin/ dbu ma rang rgyud pas theg
dman

'phags pa yin na/ stong nyid mngon sum du ma rtogs pas khyab pa
khas len/ zhes zer ba mi 'thad de/ dam bca' dang po bgags zin/
phyi ma ni/ TIk chen dgongs pa rab gsal gyi rgyus med pas nongs
pa yin te/ TIk chen las/ 'o na dang por theg chen du zhugs

pa'i de kho na nyid kyi lta ba legs par gtan la phabs pa cig
dang/ nyan rang du lhung ba gnyis gzhi mthun srid pa ni dbu ma
pa gnyis kas kyang 'dod dgos la/ de lta na de 'dra ba des chos
kyi bdag med bsgoms pas mngon sum du 'gyur ba dang/ de ltar
mthong zin

@171a @#/ /goms par byed pa zhig kyang 'dod dgos so/ de lta na
lam des chos kyi bdag 'dzin kun btags mthong lam nas spong ba
dang/ bdag 'dzin lhan skyes de/ de'i sgom lam nas kyang spong
bar 'dod dgos pas/ dngos po rang gi mtshan nyid kyis

grub par 'dzin pa'i dbu ma pa'i lugs la yang chos kyi bdag 'dzin
la nyon mongs can yin min gnyis 'dod dam snyam na 'di la gsal
bar bshad pa mi snang yang/ rang rgyud pa de dag gis nyan rang
lam de ltar sgom pa la/ chos kyi bdag 'dzin mngon gyur re shig
spangs

pa 'ong yang/ tshogs mtha' yas ba bsags pa'i grogs med par chos
kyi bdag 'dzin gnyis po gang gi yang sa bon spangs pa mi 'ong
zhes bzhed dgos pas/ shes sgrib mngon gyur ba re shig la spangs
pa nyan rang la srid kyang/ sa bon spangs pa mi srid par smra

dgos so/ /zhes gsungs pa mi 'thad par thal/ stong nyid mngon sum
du rtogs pa'i nyan thos 'phags pa med pa'i phyir/ der thal/ rang
rgyud pas de ltar khas len pa'i phyir/ don bsdu na/ rang rgyud
pa'i lugs gzhir zhog /stong nyid mngon sum du rtogs

pa'i theg dman 'phags pa yod par thal/ stong nyid rtogs pa'i
theg dman 'phags pa yod pa'i phyir te/ stong nyid rtogs pa'i
byang sems tshogs lam pa theg dman lam du 'jug pa yod pa'i phyir
te/ byang sems tshogs lam pa theg dman lam du 'jug

pa yod pa'i phyir/ kha cig /dang po nyid nas theg dman du rigs
nges pa'i theg dman 'phags pa yin na/ stong nyid ma rtogs pas
khyab zer na/ rnam bshad snying po rgyan las/ theg pa dman par
rigs nges pa yin na yang rim pa dang pos rgyud smin par byas nas
rim

pa gnyis pas srid pa las grol bar mdzad de rim pa gsum pa'i sgo
nas theg pa chen po'i lam du bkri bar mdzad la/ zhes bshad pa mi
'thad par thal/ theg dman du rigs nges pa'i 'phags pa yin na/
stong nyid mngon sum du ma rtogs pas khyab pa'i phyir/ /mkhas

@171b pa kha cig /rigs kyi gzhung 'di rnams dbu ma rang rgyud
pa'i gzhung yin/ rang rgyud pas 'phags pa yin na/ stong nyid
mngon sum du rtogs pas khyab pa khas len zhes gsung pa mi 'thad
de/ dbu ma rang rgyud pa des/ de ni mtshan mar dmigs sgo nas/
zhes sogs dang/

gzung don rtog pa spong phyir dang/ /zhes sogs kyi gzhung sgra
ji bzhin du khas mi len par thal/ des 'phags pa yin na/ stong
nyid mngon sum du rtogs pas khyab pa khas len pa'i phyir/ 'dod
na/ gzhung de rnams sgra ji bzhin du khas len pa'i rang sde med
par

thal; 'dod pa'i phyir/ gzhan yang/ gang zag gi bdag med mngon
sum du rtogs na chos kyi bdag med mngon sum du rtogs pas khyab
par thal/ gang zag gi bdag med mngon sum du rtogs pa'i gang zag
yin na/ chos kyi bdag med mngon sum du rtogs pa'i

gang zag yin pas khyab pa'i phyir/ ma grub na song/ der thal/
gang zag gi bdag med mngon sum du rtogs pa'i gang zag yin na/
'phags pa yin pas khyab/ 'phags pa yin na chos kyi bdag med
mngon sum du rtogs pas khyab pa'i phyir/ rtags dang po 'bud

gnyis pa song/ 'dod na/ nyan thos kyi mthong lam bar chad med
lam chos can/ der thal/ de'i phyir/ rong TIk pa na re/ nyan
thos slob pa'i sems gang zag gi bdag gis stong pa'i stong nyid
de/ nyan thos kyi sgrub pa'i rten rang bzhin gnas rigs dang/
rang

rgyal slob pa'i sems gzung 'dzin rdzas gzhan gyis stong pa'i
stong nyid de rang rgyal gyi sgrub pa'i rten rang bzhin gnas
rigs dang/ byang sems kyi sems bden pas stong pa'i stong nyid de
theg chen gyi sgrub pa'i rten rang bzhin gnas rigs yin/ zhes zer
ba mi 'thad

de; gong du rang bzhin gnas rigs yin na/ chos nyid yin dgos par
bsgrubs zin cing/ chos kyi dbyings la dbyer med phyir/ /zhes pa
dang/ brten pa'i chos kyi bye brag gi /zhes sogs kyi rtsod len
'brel med du thal ba sogs gnod byed mtha' yas ba dag las

@172a @#/ /shes par bya'o/ /kha cig /nyan thos slob pa'i sems
bden stong/ nyan thos kyi sgrub pa'i rten rang bzhin gnas rigs
yin/ rang rgyal slob pa'i sems bden stong/ rang rgyal gyi sgrub
pa'i rten rang bzhin gnas rigs yin/ byang sems

la'ang des rigs 'gre zer na/ re shig /byang sems kyi sems bden
stong chos can/ sangs rgyas 'phags pa'i rgyud la khyod med par
thal/ khyod rang bzhin gnas rigs yin pa'i phyir/ rtags khas/
'dod mi nus te/ de'i rgyud la byang sems bden par med pa yod

pa'i phyir/ rtags sla'o// ! dmigs pa chos rnams thams cad de/
/zhes sogs kyi skabs su/ sbyor ba dang/ mtha' bcad pa gnyis/
dang po ni/ chos thams cad chos can/ theg chen sgrub pa'i dmigs
pa yin te/ de'i sgro 'dogs gcod par bya ba'i gzhi yin

pa'i phyir/ gnyis pa ni/ kha cig /lung du bstan pa gang zhig
/rang 'bras rnam smin bde ba 'byin byed de dge ba'i mtshan nyid/
de gang zhig /rang 'bras rnam smin sdug bsngal 'byin byed de mi
dge ba'i mtshan nyid/ blang dor btang snyoms su gzhag par bya
ba'i chos/ lung

ma bstan gyi mtshan nyid zer na/ theg chen gyi mthong lam bar
chad med lam chos can/ mtshan nyid dang po der thal/ mtshon bya
de'i phyir/ 'dod mi nus te/ zag med yin pa'i phyir/ khyab ste/
rnam smin gyi rgyu la mi dge ba dang dge ba zag bcas gnyis su
grangs nges pa'i

phyir; der thal/ mdzod las/ rnam smin rgyu ni mi dge dang/ /dge
ba zag bcas rnams kho na/ zhes gsungs pa'i phyir/ srog gcod kyi
las byas ma thag tu gnyen po stobs bzhi tshad pa'i bshags pas
'dags par byed pa'i srog gcod kyi las chos can/ mtshan nyid

der thal/ mi dge ba yin pa'i phyir/ 'dod mi nus te/ chos can
de'i phyir/ gzhan yang/ 'jig lta chos can/ mtshan nyid gsum pa
der thal/ mtshon bya de'i phyir/ rtags grub ste/ khams gong ma'i
sas bsdus kyi 'jig lta yang lung ma bstan yin/ 'dod pa'i

@172b sas bsdus kyi 'jig lta yang lung ma bstan yin pa'i phyir/
dang po grub ste/ mdzod las/ /gong ma thams cad lung ma bstan/
ces gsungs pa'i phyir/ gnyis pa grub ste/ mdzod las/ 'dod na
'jig tshogs lta ba dang/ /mthar 'dzin lhan cig ma rig pa/ /lhag
ma rnams

'dir mi dge ba'o/ /zhes gsungs pa'i phyir/ 'dod mi nus te/ dor
bya yin pa'i phyir te/ sgrib pa yin pa'i phyir/ bsam gtan bzhi
pa'i skye ba 'phen byed kyi las chos can/ mtshan nyid dang po der
thal/ dge ba yin pa'i phyir/ 'dod na/ bsam gtan bzhi pa'i sas
bsdus

kyi rnam smin gyi bde ba yod par thal/ 'dod pa'i phyir/ 'dod mi
nus te/ de'i sas bsdus kyi rnam smin gyi tshor ba yin na/ tshor ba
btang snyoms yin dgos pa'i phyir/ kha cig /skyes bu dam pas
blang byar 'os pa de dge ba'i mtshan nyid/ skyes bu dam pas dor
byar 'os pa mi dge

ba'i mtshan nyid/ ces zer na/ khams gong ma'i sas bsdus kyi nyon
mongs chos can/ /mi dge ba yin par thal/ mtshan nyid de'i phyir/
ma grub na/ der thal/ nyon sgrib yin pa'i phyir/ 'dod mi nus te/
lung ma bstan yin pa'i phyir te/ chos can de yin pa'i phyir/
khyab ste/ gong ma

thams cad lung ma bstan/ ces gsungs pa'i phyir/ kha cig /lung du
bstan pa gang zhig /skyes bu dam pas blang byar 'os pa de dge
ba'i mtshan nyid/ de gang zhig /skyes bu dam pas dor byar 'os pa
de mi dge ba'i mtshan nyid/ zer na/ rnam smin phyungs zin pa'i
dge ba'i las chos

can; zur phyi ma der thal/ dge ba yin pa'i phyir/ rtags bsal
sla/ rang dus skad cig gnyis par khong khros 'joms pa'i dge ba
chos can/ mtshan nyid dang po'i zur phyi ma der thal/ dge ba yin
pa'i phyir/ rtags chos can gyis 'grub/ kha cig /las 'bras bden

par 'dzin pa'i sems byung dad pa chos can/ mtshan nyid dang po'i
zur gnyis pa der thal/ dge ba yin pa'i phyir/ der thal/ dad pa
yin pa'i phyir/ rtsa bar 'dod mi nus te/ spang bya yin pa'i
phyir te/ bden 'dzin yin pa'i phyir/ de bzhin du zag bcas su
gyur pa'i dge ba chos can/

@173a @#/ /mi dge ba yin par thal/ mtshan nyid de'i phyir/ phyi ma
der thal/ spang bya yin pa'i phyir te/ zag bcas yin pa'i phyir/
zhes zer na/ ma khyab/ yang kha cig /skyes bu dam pas blang byar
'os pa dang/ skyes bu dam pas dor byar 'os pa gnyis

'gal bar thal/ mtshan nyid de gnyis 'thad pa'i phyir/ 'dod na/
'khor ba'i skye ba chos can/ skyes bu dam pas blang byar 'os pa
ma yin par thal/ de sa dor byar 'os pa yin pa'i phyir te/ khyod
skyes bu dam pas spang bya yin pa'i phyir/ rtags grub ste/ 'khor
ba spang bya

yin pa'i phyir/ 'dod na/ de yin par thal/ byang sems 'phags pa
gzhan don du 'khor bar skye ba len pa'i phyir na/ ma khyab/ lugs
dang po yang mi rigs te/ las 'bras bden par 'dzin pa'i sems
byung dad pa gzhi ma grub pa'i phyir te/ bden 'dzin du gyur pa'i

dad pa gzhi ma grub pa'i phyir te/ dad pa yin na/ dge ba yin
dgos/ shes sgrib yin na dge ba ma yin dgos pa'i phyir/ rtags
dang po 'bud/ gnyis pa der thal/ nyon sgrib yin na dge ba ma yin
dgos pa'i phyir/ kho na re/ byang 'phags kyi rgyud kyi gzhan don
sgrub pa'i thabs

rnam dag tu gyur pa'i nyon mongs chos can/ dge ba ma yin par
thal/ nyon sgrib yin pa'i phyir/ khyab pa khas/ 'dod mi nus te/
lung du bstan pa gang zhig /rang 'bras rnam smin yid 'ong 'byin
pa yin pa'i phyir/ gong gi lugs gnyis pa la spang bya la mthong
slang

dang sgom spang gnyis su grangs ma nges par thal/ zag bcas su
gyur pa'i dge ba spang bya yin pa'i phyir/ rtags khas/ kha cig
/sbyor ba bzhi rnam smin gyi rgyu yin zer ba mi 'thad de/ rnam
smin gyi rgyu la mi dge ba dang dge ba zag bcas gnyis su grangs
nges pa'i phyir te/

mdzod las/ rnam smin rgyu ni mi dge dang/ zhes gsungs pa'i
phyir/ kho na re/ sbyor ba bzhi rnam smin gyi rgyu yin par thal/
ye shes chos sku de rnam smin gyi 'bras bu yin pa'i phyir/ der
thal/ de las de'i 'bras bu yin pas chos kyi sku mdzad pa dang
bcas pa ni thams cad mkhyen pa nyid gsum gyi rnam par smin

@173b ba yin no/ /zhes gsungs pa'i phyir/ zer na/ ma khyab/ ye
shes chos sku rnam smin gyi 'bras bu yin par thal/ sangs rgyas
kyi gsungs dbyangs yan lag drug cu rnam smin gyi 'bras bu yin
pa'i phyir te/ rgyud bla ma las/ bral dang rnam par smin pa'i
'bras bu ni/ /yon tan

dbye ba drug cu bzhi 'di dag /ces gsungs pa'i phyir/ zhes zer
zhing/ rnam smin rgyu ni zhes sogs kyi don ni/ 'khor ba'i rnam
smin gyi rgyu la gnyis po der grangs nges pa'i don yin zhes zer
na chos mngon pa'i gzhung dang mi mthun pas dor bar bya'o/ /!
rang lugs ni/ lung

du bstan pa gang zhig /rnam smin dkar ba'i rigs su gnas pas rab
tu phye ba de/ dge ba'i mtshan nyid/ de gang zhig /rnam smin nag
pa'i rigs su gnas pas rab tu phye ba ni/ mi dge ba'i mtshan nyid/
chos gang zhig /dge mi dge gang du 'ang lung bstan du med

pas rab tu phye ba de/ lung ma bstan gyi mtshan nyid/ ! sems can
dkon mchog nyid sems dang/ /zhes sogs kyi skabs su/ sbyor ba
dang/ mtha' bcad pa gnyis/ dang po ni/ theg chen sgrub pa'i ched
du bya ba la gsum yod de/ sems dpa' chen po/ spong ba chen po/

rtogs pa chen po dang gsum yod pa'i phyir/ gnyis pa la/ rang
lugs dang/ rtsod pa spong ba gnyis/ dang po ni/ gang gis ched du
sgrub pa la 'jug pa'i 'bras bu mthar thug de/ theg chen sgrub
pa'i ched du bya ba'i mtshan nyid/ dbye na gsum yod/ sa 'tshams
sangs rgyas kyi sa kho nar

yod; gnyis pa ni/ kha cig /ngo bo nyid sku chos can/ mtshan nyid
der thal/ mtshon bya de'i phyir/ 'dod na/ 'bras bu mthar thug yin
par thal/ 'dod pa'i phyir/ 'dod na/ 'bras bu yin par thal/ 'dod
pa'i phyir/ zer na/ ma khyab/ kho na re/ theg chen sgrub pa'i
ched du bya ba

yin na/ gang gi ched du byang sems kyi sgrub pa la 'jug pa'i
thob bya mthar thug yin dgos par thal/ mtshan nyid de 'thad pa'i
phyir/ 'dod na/ de yin na byang sems kyi thob bya mthar thug yin
dgos par thal lo/ /'dod na/ byang chub sems dpa' dang rgyud tha
dad du

@174a @#/ /gyur pa'i rnam mkhyen chos can/ der thal/ de'i phyir/
zhes zer ba mi 'thad de/ byang chub sems dpa' dang rgyud tha dad
du gyur pa'i rnam mkhyen med pa'i phyir/ de dang rgyud tha dad
du gyur pa'i sangs rgyas 'phags pa med pa'i phyir/ sangs rgyas
'phags

pa yin na byang chub sems dpa' dang rgyud gcig yin dgos pa'i
phyir te/ de yin na byang chub sems dpa'i rtogs pa sngon du song
pas khyab pa'i phyir/ ! thams cad mkhyen pa nyid gsum gyi yul la
spyir dge ba'i chos kyi rten can/ zhes sogs kyi skabs su/ sbyor
ba

dang; mtha' bcad pa gnyis/ dang po ni/ theg chen gyi sgrub la
ston tshul gyi sgo nas gnyis yod de/ mkhyen pa yul gyi sgrub pa
dang/ sbyor ba bye brag gi sgrub pa gnyis yod pa'i phyir/ gnyis
pa la/ rong TIk pa na re/ mkhyen pa yul du byas nas thos bsam
gtso bor gyur pa'i sgrub

pa de mkhyen pa yul gyi sgrub pa'i mtshan nyid/ sbyin sogs la
gtso bor spyod pa'i sgrub pa de sbyor ba bye brag gi sgrub pa'i
mtshan nyid/ ces zer zhing/ mkhyen gsum nyams len gyi bya ba lta
ba'i nyams len dang/ sbyor bzhi'i nyams len gyi bya ba spyod
pa'i nyams len zhes zer/

thos bsam gtso bor gyur pa'i don de gang la byed/ sbyin sogs
sbyor ba nyams su mi len par shes bya gtan la 'bebs pa'i gnas
skabs gtso bor gyur pa la byed dam/ gtan la phebs pa'i sbyin
sogs la bsam pas yang dang yang du 'dris par byed pa'i gnas
skabs

la byed/ dang po ltar na/ mkhyen pa yul gyi sgrub pa chos can/
lam ma zhugs kyi gnas skabs kyi sgrub pa yin par thal/ sbyin
sogs sbyor bas nyams su mi len par shes bya gtan la 'bebs pa'i
gnas skabs gtso bor gyur pa'i sgrub pa yin pa'i phyir/ 'dod na/
rang

gi ngo bo gang yin zhe na/ thams cad mkhyen pa nyid gsum gyi yul
zhes gsungs pa dang 'gal/ gnyis pa ltar na/ de chos can/ sbyin
sogs la gtso bor spyod pa'i sgrub pa yin par thal/ gtan la phabs
pa'i sbyin sogs la bsam pas yang dang yang du 'dris par byed
pa'i

@174b gnas skabs kyi sgrub pa yin pa'i phyir/ 'dod na song/ de
chos can/ sbyor ba bye brag gi sgrub pa yin par thal/ 'dod pa'i
phyir/ gsum ga song/ rong TIk pa/ mkhyen gsum nyams len gyi bya
ba la lta ba'i nyams len dang/ sbyor bzhi nyams len la spyod
pa'i nyams len du

'jog zer pa mi 'thad de/ de gnyis la lta spyod gtso bor gyur ma
gyur gyi shes byed med pa'i phyir dang/ sbyor bzhi gang rung ma
yin pa'i mkhyen gsum yul du byed pa'i sems dpa'i rnal 'byor
bzhi'i nyams len la lta ba'i nyams len dang/ mkhyen gsum nyams
len la spyod

pa'i nyams len yin zhes smras na'ang gnod byed bstan rgyu med
pa'i phyir dang/ rgyun gyi don drug tu bsdus pa'i skabs su yang/
mkhyen gsum nyams len la drug tu phye ba mi 'thad par thal pa'i
skyon yod pa'i phyir/ zhes rnam bshad snying po rgyan las bshad
do/ /yang

sngon gyi mkhas pa kha cig /sbyin sogs phar phyin drug gi mgo
dmigs ma dod pa'i sems dpa'i rnal 'byor mkhyen pa yul gyi sgrub
pa'i mtshan nyid/ sbyin sogs phar phyin drug gi mgo dmigs dod
pa'i sems dpa'i rnal 'byor de sbyor ba bye brag gi sgrub pa'i
mtshan nyid/

ces zer/ yang kha cig /phar phyin drug so sor nges pa'i mtshan
nyid kyis ma zin pa'i sems pa'i rnal 'byor/ mkhyen pa yul gyi
sgrub pa'i mtshan nyid/ phar phyin drug so sor nges pa'i mtshan
nyid kyis zin pa'i sems dpa'i rnal 'byor sbyor ba bye brag gi
sgrub pa'i mtshan nyid/

ces gsungs/ sbyin sogs phar phyin drug gi mgo dmigs dod ma dod
gang la byed/ phyin drug nyams su len par 'dod pa'i bsam pa'i
bya bas zin ma zin la byed dam/ phyin drug thob ma thob la byed/
dang po ltar na/ mkhyen pa yul gyi sgrub pa de theg chen gyi
tshogs lam

du ma zhugs gong gi sgrub pa yin par thal/ de phyin drug nyams
su len par 'dod pa'i bsam pa'i bya bas ma zin ba'i sems dpa'i
rnal 'byor gang zhig /theg chen gyi tshogs lam thob na go sgrub
thob dgos/ go sgrub yin na phyin drug nyams su len par 'dod pa'i

@175a @#/ /bsam pa'i bya bas zin pas khyab pa'i phyir/ 'dod na/
de'i rang gi ngo bo gang yin zhe na/ thams cad mkhyen pa nyid
gsum gyi yul la spyir dge ba'i chos kyi rten can zhes bshad pa
dang 'gal lo/ /gnyis pa ltar na/ sbyor bzhi sbyor ba bye brag gi
sgrub pa ma yin

par thal/ theg chen gyi tshogs lam nas rnam rdzogs sbyor ba thob
dgos/ byang sems tshogs lam pas phyin drug ma thob pa'i phyir/
mkhas pa kha cig /go sgrub yin na phyin drug nyams len gyi bya
bas zin pas khyab pa lung de'i don du 'chad pa 'og tu dpyad par
bya'o/ /

gzhan yang/ mkhyen pa yul gyi sgrub pa dang/ sbyor ba bye brag
gi sgrub pa 'gal bar thal/ mtshan nyid de rnams 'thad pa'i phyir/
'dod mi nus te/ de gnyis yin khyab mnyam yin pa'i phyir/ der
thal/ sgrub pa bzhi po gang rung yin na/ mkhyen pa yul gyi sgrub
pa yin dgos/

sbyor ba bzhi po gang rung yin na/ sbyor ba bye brag gi sgrub pa
yin dgos/ sbyor ba bzhi po gang rung yin na/ sgrub pa bzhi po
gang rung yin dgos pa'i phyir/ dang po grub ste/ de yin na skabs
dang pos dngos su bstan pa'i theg chen gyi sgrub pa yin dgos
pa'i phyir/ gnyis pa grub ste/ de

yin na sbyor ba bzhi'i skabs nas dngos su bstan pa'i theg chen
gyi sgrub pa yin dgos pa'i phyir/ kho na re/ byang sems kyi
tshogs lam chos can/ phyin drug nyams len gyi ldog cha nas dngos
su ma bstan par thal/ mkhyen pa yul gyi sgrub pa yin pa'i phyir/
'dod na/ de

bstan par thal/ sbyor ba bye brag gi sgrub pa yin pa'i phyir/
thal 'gyur de gnyis la khyab pa yod de/ mkhyen pa yul gyi sgrub
pa de gtso bor phyin drug nyams len gyi ldog cha nas dngos su ma
bstan/ sbyor ba bye brag gi sgrub pa de gtso bor phyin drug
nyams len gyi

ldog cha nas dngos su bstan pa'i phyir/ zhe na/ mi rtag sogs bcu
drug mngon sum du rtogs pa'i byang sems kyi mthong lam chos can/
skabs gnyis pa'i gzhung gi gtso bor dngos su ma bstan par thal/
gzhi shes yin pa'i phyir/ 'dod na/ bstan par thal/

@175b lam shes yin pa'i phyir/ thal 'gyur de gnyis la khyab pa
yod par thal/ skabs gnyis pa'i gzhung gis gzhi shes gtso bor
dngos su ma bstan/ lam shes de gtso bor dngos su bstan pa'i
phyir/ gsum ga song/ de bzhin du byang sems kyi mthong lam chos
can/

skabs bzhi pa'i gzhung gi gtso bor dngos su ma bstan par thal/
lam shes yin pa'i phyir/ 'dod na/ bstan par thal/ rnam rdzogs
sbyor ba yin pa'i phyir/ thal 'gyur de gnyis la khyab pa yod par
thal/ skabs bzhi pas rnam rdzogs sbyor ba dngos su bstan bya'i
gtso bor byas

nas bstan/ des lam shes dngos su bstan bya'i gtso bor byas nas
ma bstan pa'i phyir/ gsum ga song/ de ltar yang rnam bshad
snying po rgyan las/ des na phal cher gyis sgra'i rjod tshul 'gal
ba la dngos po'i gnas tshod 'gal bar bzung nas 'grel ba'i don
phyin

ci log tu rnam gzhag byas so/ /zhes gsungs/ kha cig /mkhyen gsum
gyi rnam pa yul du byas nas sgom pa'i sems dpa'i rnal 'byor/
mkhyen pa yul gyi sgrub pa'i mtshan nyid/ phar phyin drug ldan du
nyams su len pa'i sems dpa'i rnal 'byor/ sbyor ba bye

brag gi sgrub pa'i mtshan nyid/ zer na/ theg chen gyi mthong lam
sdug bsngal chos bzod chos can/ mtshan nyid dang po der thal/
mtshon bya de'i phyir/ 'dod na/ gzhi shes kyi rnam pa sgom pa'i
sems dpa'i rnal 'byor yin par thal/ 'dod pa'i phyir/ 'dod mi

nus te/ chos can de'i phyir/ mtshan nyid phyi ma 'og tu bkag pa
las shes par bya'o// ! rang lugs ni/ mkhyen gsum gang rung gi
rnam pa yul du byas nas sgom pa'i shes rab kyis zin pa'i sems
dpa'i rnal 'byor/ mkhyen pa yul gyi sgrub pa'i mtshan

nyid; phar phyin drug ldan du bsam sbyor ci rigs pas zin pa'i
sems dpa'i rnal 'byor/ sbyor ba bye brag gi sgrub pa'i mtshan
nyid du 'jog /! de dag so sor sbyin la sogs/ /zhes sogs kyi
skabs su/ sbyor ba dang/ mtha' bcad pa gnyis/ dang po ni/

@176a @#/ /go sgrub la sum cu rtsa drug yod de/ sbyin pa'i sbyin
pa'i go sgrub nas/ shes rab kyi shes rab kyi go sgrub kyi bar
rnams su yod pa'i phyir/ gnyis pa ni/ kha cig /sbyin sogs phar
phyin drug ldan du nyams su len par 'dod pa'i bsam pa'i brtson

'grus su gyur pa'i sems dpa'i rnal 'byor de go sgrub kyi mtshan
nyid/ zer na/ sbyin sogs phar phyin drug ldan du nyams su len
pa'i sbyor ba'i brtson 'grus gtso bor gyur pa'i byang sems kyi
sbyor ba chos can/ mtshan nyid der thal/ mtshon bya de'i phyir/
der thal/ theg chen gyi

sbyor ba yin pa'i phyir/ 'dod mi nus te/ chos can de'i phyir/
kha cig /phar phyin re re'i nang du drug drug bsdus nas nyams su
len pa'i sems dpa'i rnal 'byor de go sgrub kyi mtshan nyid/ zer
na/ theg chen gyi mthong lam sdug bsngal chos bzod chos can/
mtshan nyid der

thal; mtshon bya de'i phyir te/ theg chen gyi mthong lam yin pa'i
phyir/ 'dod na/ de chos can/ phyin drug dngos yul du byed pa'i
sems dpa'i rnal 'byor yin par thal/ 'dod pa'i phyir/ mkhas pa
kha cig /sbyin sogs phar phyin re re'i nang du drug drug tshang
bar bsdus

nas nyams su len pa'i shes rab kyis zin pa'i sems dpa'i rnal
'byor go sgrub kyi mtshan nyid zer na/ stong nyid rtogs ma myong
ba'i byang sems tshogs lam pa'i rgyud kyi kun rdzob sems bskyed
chos can/ mtshan nyid der thal/ mtshon bya de'i phyir/ der thal/
byang

sems kyi sgrub pa yin pa'i phyir/ 'dod na/ de chos can/ sher
phyin nyams len gyi bya bas zin par thal/ 'dod pa'i phyir/ 'dod
na/ de chos can/ stong nyid rtogs pa'i shes rab kyis zin par
thal/ 'dod pa'i phyir/ rang lugs ni/ sbyin sogs phar phyin re
re'i nang

du drug drug tshang bar bsdus nas nyams su len par 'dod pa'i bsam
pa'i bya ba rgya chen pos zin pa'i sems dpa'i rnal 'byor go
sgrub kyi mtshan nyid/ dbye na sum cu rtsa drug /sa 'tshams/ theg
chen gyi tshogs lam na sa rgyun mtha'i bar na yod/ ! bsam gtan

@176b gzugs med sbyin sogs dang/ /zhes sogs kyi skabs su/ sbyor
ba dang/ mtha' bcad pa gnyis/ dang po ni/ 'jug sgrub la dgu yod
de/ bsam gtan gzugs med la 'jug pa'i 'jug sgrub nas/ rnam mkhyen
la 'jug pa'i 'jug sgrub kyi bar dgu yod pa'i phyir/ gnyis pa ni/

kha cig /theg pa chen po'i rgyu 'bras kyi chos ci rigs pa nyams
su len pa'i sems dpa'i rnal 'byor 'jug sgrub kyi mtshan nyid/ zer
na/ stong nyid mngon sum du rtogs pa'i nyan thos dgra bcom pa'i
rtogs pa sngon du song ba'i theg chen gyi tshogs lam chos can/
mtshon

bya der thal/ mtshan nyid de'i phyir te/ chos can de'i phyir/
'dod mi nus te/ theg chen gyi tshogs lam yin pa'i phyir/ rang
lugs la/ theg pa chen po'i rgyu 'bras kyi chos ci rigs pa sbyor
ba gtso bor gyur pa'i sgo nas nyams su len pa'i sems dpa'i rnal
'byor/ 'jug sgrub kyi

mtshan nyid/ dbye na dgu yod/ sa 'tshams/ theg chen gyi sbyor lam
drod nas rgyun mtha'i bar na yod/ rtsod pa spong ba la/ mkhas pa
kha cig /theg chen gyi tshogs lam chos can/ mtshon bya der thal/
mtshan nyid de'i phyir/ ma grub na/ der thal/ theg pa chen po'i
rgyu 'bras kyi chos ci

rigs la rnam rdzogs sbyor ba gtso bor gyur ba'i sgo nas nyams su
len pa'i sems dpa'i rnal 'byor yin pa'i phyir na ma khyab/ 'dod
mi nus te/ tshogs lam yin pa'i phyir/ zhes bkags nas/ theg pa
chen po'i rgyu 'bras kyi chos ci rigs pa rtse sbyor gtso bor
gyur pa'i sgo nas

nyams su len pa'i sems dpa'i rnal 'byor 'jug sgrub kyi mtshan
nyid/ ces gsungs/ sems dpa'i rnal 'byor yin na sbyor ba gtso bor
gyur pa'i lam yin dgos par thal/ ma khyab 'tshams la khyab pa yod
pa'i phyir/ yang mkhas pa kha cig /theg chen gyi mthong lam sdug

bsngal chos bzod chos can/ mtshan nyid der thal/ mtshon bya de'i
phyir te/ byang 'phags kyi mkhyen pa yin pa'i phyir/ 'dod na/ de
chos can/ theg pa chen po'i rgyu 'bras kyi chos ci rigs pa dngos
yul du byed pa'i mkhyen pa yin par thal/ 'dod pa'i phyir/ des na
theg pa

@177a @#/ /chen po'i rgyu 'bras kyi chos ci rigs pa rtse sbyor
gtso bor gyur pa'i sgo nas nyams su len pa'i shes rab kyis zin
pa'i sems dpa'i rnal 'byor de 'jug sgrub kyi mtshan nyid yin
gsung/ de la yang re shig /theg chen gyi mthong lam sdug bsngal
chos bzod

chos can/ sher phyin dngos yul du byed par thal/ sher phyin
nyams su len pa'i sems dpa'i rnal 'byor yin pa'i phyir/ khyab pa
song/ rtags grub ste/ mthong lam sdug bsngal chos bzod la gnas
pa'i sems dpa'i rgyud la sher phyin nyams len gyi bya ba mngon
gyur du yod

pa'i phyir/ ma grub na/ de chos can/ khyod kyi rgyud la de yod
par thal/ chos can de'i phyir/ rtsa bar 'dod mi nus te/ de'i
dngos yul yin na/ don dam bden pa yin dgos pa'i phyir/ ! brtse
dang sbyin la sogs pa drug /ces sogs kyi skabs su/ sbyor ba
dang/ mtha'

bcad pa gnyis/ dang po ni/ tshogs sgrub la bcu bdun yod de/
snying rje chen po'i tshogs sgrub nas/ gnyen po'i tshogs kyi bar
bcu bdun yod pa'i phyir/ gnyis pa ni/ kha cig /rang 'bras byang
chen 'byin pa'i sems dpa'i rnal 'byor de tshogs sgrub kyi mtshan
nyid

zer na/ theg pa chen po'i tshogs lam chos can/ mtshon bya der
thal/ mtshan nyid de'i phyir/ der thal/ rtags bsal gnyis ka grub
ste/ chos can de'i phyir/ kha cig /rang 'bras byang chen dngos
su 'byin par byed pa'i sems dpa'i rnal 'byor/ tshogs sgrub kyi
mtshan

nyid; zer na/ theg pa chen po'i sbyor lam chos mchog chen po
chos can/ mtshan nyid der thal/ mtshon bya de'i phyir/ 'dod mi nus
te/ theg chen gyi mthong lam de byang chen ma yin pa'i phyir/
kha cig /rang 'bras gnas skabs kyi byang chen dngos su 'byin pa
'am rang 'bras

mthar thug gi byang chen dngos su 'byin pa gang rung du gyur
pa'i sems dpa'i rnal 'byor tshogs sgrub kyi mtshan nyid/ zer na/
theg chen gyi sbyor lam chos mchog skad cig dang po chos can/
mtshan nyid der thal/ mtshon bya de'i phyir/ 'dod na/ de chos

@177b can; rang 'bras gnas skabs kyi byang chen dngos su 'byin
par thal/ 'dod pa gang zhig /rang 'bras mthar thug gi byang chen
dngos su 'byin pa ma yin pa'i phyir/ 'dod mi nus te/ theg chen
gyi sbyor lam chos mchog skad cig dang po dang/ de'i 'bras bur

gyur pa'i gnas skabs kyi byang chen gnyis kyi bar du theg chen
gyi sbyor lam chos mchog chen po'i skad cig gnyis pas chod pa'i
phyir/ ! rang lugs ni/ tshogs gnyis rgya chen pos zin pa'i sgo
nas/ theg chen gyi sbyor lam chos mchog 'bring man chad las
khyad par

du 'phags shing rang 'bras byang chen 'byin pa'i sems dpa'i rnal
'byor/ tshogs sgrub kyi mtshan nyid/ dbye na bcu bdun yod/ sa
'tshams/ theg chen gyi sbyor lam chos mchog chen po'i ye shes nas
rgyun mtha'i bar du yod/ ! rtsod pa spong ba la/ kha

cig ;gnas skabs kyi byang chen yod par thal/ mtshan nyid de 'thad
pa'i phyir/ 'dod na/ theg chen gyi mthong lam de gnas skabs kyi
byang chen yin par thal/ 'dod pa'i phyir/ zhes zer ba 'og tu
dgag go /ched du bya dang mnyam nyid dang/ /zhes

sogs kyi skabs su/ sbyor ba dang/ mtha' bcad pa gnyis/ dang po
ni/ nges 'byung sgrub pa la brgyad yod de/ nges par 'byung ba la
brgyad yod pa'i phyir/ gnyis pa ni/ kha cig /rnam mkhyen du gdon
mi za bar nges par 'byin pa'i sems dpa'i

rnal 'byor nges 'byung sgrub pa'i mtshan nyid zer na/ theg chen
gyi mthong lam chos can/ mtshon bya der thal/ mtshan nyid de'i
phyir/ rtags sla/ ! rang lugs ni/ rnam mkhyen du gdon mi za bar
nges par 'byin pa'i dag sa'i rnal 'byor nges 'byung

sgrub pa'i mtshan nyid/ dbye na/ brgyad yod/ sa 'tshams/ dag pa sa
gsum na yod/ rje btsun chos kyi rgyal mtshan gyi gsung zin bris
su bkod pa legs bshad gser gyi phreng ba zhes bya ba las/ skabs
dang po'i mtha' gcod bshad

@178a @#/ /zin to/ /sher phyin man ngag snying po'i dka' ba'i
gnad/ /lung rigs lam nas drangs te ma nor bar/ /gsal mdzad chos
kyi rgyal mtshan de'i bzhed srol/ /brgyud 'dzin dang bcas bskal
brgyar dar rgyas shog/ //ces rje btsun chos kyi

rgyal mtshan dpal bzang po'i gsung rgyun/ mngon rtogs rgyan skabs
dang po'i mtha' dpyod kyi par shing 'di bzhin/ de sngon nas mi
rje sku zhabs zhig gis par brko rgyu'i mthun rkyen hin sgor chig
stong lnga brgya tham pa gnang son byung ba'i shugs rkyen gyis/
bod rgyal lo 2109 phyi lo 1982

lor legs par bsgrubs zin zhing/ 'di la par shing grangs brgya
dang don brgyad yod/ par shing grangs go gsum la brko gla sgor
nga gnyis re dang/ de nas rim 'phar gyi grangs gya lnga la brko
gla sgor drug cu re byas brko gla bsdoms sgor dgu stong dgu
brgya so drug dang/ par shing re'i par rtsa bris

gla sgor drug re dang/ par shing rer shing rin dang bzo gla sgor
drug re byas bsdoms sgor nyis stong brgya dang so drug dang/ par
rtsa zhu dag theng gsum dang/ par shing zhu dag theng gsum bcas
byed dus par khang las byed pas ma lcogs pa'i skabs su zhu dag
bya mkhan gzhan bcol ba'i las chad dang gla

sogs dang/ dgon par par brko la yong skabs kyi par pa'i lto dod
bcas la sgor lnga brgya drug cu/ par rtsa'i shog rin dang par
shing zhu dag bya skabs kyi shog rin dang/ par shing la byugs
rgyu'i snu ma rin bcas la sgor don lnga dang pad bdun cu bcas
khyon bsdoms hin sgor chig khri nyis stong bdun

brgya bcu med bdun dang pad bdun cu 'gro gron byas pa'i gong gi
mthun rkyen byung lhag rnams par khang las byed pa'i khong nas
btang ba'i dge ba 'di yis skye bo kun/ /bsod nams ye shes tshogs
rdzogs shing/ /bsod nams ye shes las byung ba'i/ /dam pa sku
gnyis thob par shog/ /