@#/ /rje btsun chos kyi rgyal mtshan dpal bzang pos mdzad pa'i
drang nges rnam 'byed kyi spyi don rgol ngan tshar gcod rin po
che'i phreng ba zhes bya ba bzhugs so/

@01a @#/ /na mo gu ru manydzu g+hO ShA ya/ rje btsun bla ma
dmigs pa med pa'i thugs rje chen po dang ldan pa de'i zhabs la
gus pas phyag 'tshal lo/ /skye ba kun tu rjes su zung du gsol/
gsung rab bdud rtsi'i nying khus blo gros kyi/ /bzhin

bzang mdzes mar byas pa'i lang tsho yis/ /shes bya'i lus phra
mtha' dag bsdus zhes pa'i/ /grags pa'i dpal gyis sa gsum khyab
la 'dud/ /de la 'dir bcom ldan 'das kyis zab pa dang rgya che
ba'i gsung rab ji snyed cig bka' stsal

ba rnams kyi nang nas ches phul du byung ba ni theg pa chen
po'i sde snod yin la/ de la yang sngags dang pha rol tu phyin
pa'i tshul gnyis las/ de kho na nyid gtso bor gtan la 'bebs
shing dngos bstan sgra ji bzhin du khas blang du rung ba'i pha
rol

tu phyin pa'i mdo sde zab mo'i dgongs pa phyin ci ma log par
khong du chud pa ni/ rnam grol don du gnyer pa'i gdul bya
rnams la re shig mchog tu gces shing/ de yang mdo sde de dag
dang brjod bya'i gtso bor ston tshul mi mthun par dgos pa'i

dbang gis tshul gzhan du bshad pa'i gsung rab 'ga' zhig drang
don gyi gsung rab dang/ snga ma nges don gyi gsung rab tu so
sor phyed pa la rag las so/ /de'i phyir bde bar gshegs pa'i
gsung rab thams cad la ye shes kyi gzigs pa

dag pa'i chos kyi spyan ldan bdag cag 'gro ba thams cad kyi
mgon gcig pur gyur cing rtsod dus kyi rgyal ba gnyis pa rje
btsun tsong kha pa chen po blo bzang grags pa'i dpal bzang po
zhes snyan pa'i bdan dkar po sa gsum na g.yo ba de nyid

@02a @#/ /kyis rgyal ba'i gsung rab kyi drang ba dang nges pa'i
don rnam par 'byed pa'i bstan bcos legs par bshad pa'i snying
po zhes bya ba 'di mdzad/ des na 'di 'chad pa la gsum/ bshad
pa la 'jug pa'i bya ba/ bshad pa nyid nye bar

'god pa/ bshad pa mthar phyin pa'i bya ba'o/ /dang po la
gnyis/ mchod par brjod pa dang/ bshad par dam bcas te mnyan
par bskul ba'o/ /dang po la gnyis/ bstan bcos gzhan gyi 'gyur
phyag dang mthun pas mchod par brjod pa dang/

bstan bcos lus kyis mchod par brjod pa'o/ /dang po ni/ na mo
gu ru manydzu g+ho ShA ya/ zhes pa ste/ de yang na mo zhes pa
'dud pa'am phyag 'tshal zhes pa'o/ /gu ru ni bla ma/ manydzu
g+ho ShA ni 'jam dbyangs dang/ ya zhes pa ched dam la'i don
no//

de ltar na bla ma 'jam pa'i dbyangs la phyag 'tshal lo/ /zhes
pa ste de yang bstan bcos 'di dbu sems so so'i drang nges kyi
khyad par phye ste dngos po'i de kho na nyid gtan la 'babs
pa'i bstan bcos yin zhing/ mngon pa'i sde snod du gtogs

pas 'jam dbyangs la phyag 'tshal ba bkas bcad pa dang mthun
pa'i ched du mdzad pa'o/ /gzhan yang 'jam dbyangs rje rang
nyid kyi lhag pa'i lha yin pas bstan bcos rtsom pa phal cher
la de ltar 'byung zhing/ khyad par du yang/

'jam mgon bla ma'i drin gyis legs mthong nas/ /zhes 'jam
dbyangs kyis bka' drin la brten nas drang nges kyi dgongs pa
phyin ci ma log par rtogs zhes gsungs pas/ bstan bcos 'di'i
thog mar bkod pa yin nam snyam mo/ /

@02b gnyis pa la gnyis/ ston pa la mchod par brjod pa dang/
bstan 'dzin la mchod par brjod pa'o/ /dang po ni/ bde 'byung
sprin la zhon dang zhes sogs kyis 'chad/ don ni phyag 'tshal
zhes pa gzhir drangs/ gang gis na blo bzang grags pas so/ /

dus ni bstan bcos rtsom pa'i thog mar/ gang la na thub dbang
lha yi lha la'o/ /'o na thub pa'i dbang po la lha yi lha zhes
brjod pa'i rgyu mtshan gang snyam na/ de'i rgyu mtshan yod de/
srid pa gsum na stobs kyis dregs pa'i nga ro ches cher sgrogs

pa'i rlom pas te nga rgyal gyis 'gying bar byed pa'i dbang
phyug dang brgya byin dang tshangs pa dang/ dga' rab dbang
phyug dang khyab 'jug la sogs pa lha yin la/ de rnams kyis
kyang bcom ldan 'das gang gi sku mthong ba'i mdo la ste de ma
thag tu nyi mas

me khyer bzhin du de thams cad zil kyis gnon par mdzad par
gyur pa'i tshe/ lha de rnams kyis mdzes pa'i cod pan te spyi
bos bcom ldan 'das gang gi zhabs pad gus pas bsten par byed
pas na de ltar brjod pa'i phyir/ 'o na lha de rnams

gang zhe na/ dbang phyug la bde 'byung zhes bya ste/ mchog tu
dga' ba'i gzugs 'chang bas skye bo gzhan gyis mthong na yid la
bde ba 'byung bas de ltar brjod pa'i phyir/ brgya byin la
sprin la zhon zhes bya ste sprin dang 'dra ba'i glang po che
rab brtan

bzhon par yod pas de ltar brjod pa'i phyir/ tshangs pa la gser
gyi mngal zhes bya ste grangs can ba'i gzhung las/ gser gyi
mdog can rab mdzes pa'i/ /sgo nga chu las 'khrungs gyur te/
/zhes tshangs pa gser gyi sgo nga las skyes par bshad pas de

ltar brjod pa'i phyir/ dga' rab dbang phyug la lus med bdag po
zhes bya ste/ dbang phyug lha mo u mas mchod cing dka' thub
la gnas pas na/ dga' rab dbang phyug gis mda' lnga 'phangs
pas/ dbang phyug gi dka' thub nyams pas na des rig

@03a @#/ /ste mig gsum las me sbar te dga' rab dbang phyug
bsreg te lus med par byas/ zhes mngon brjod las 'byung bas de
ltar brjod ba'i phyir/ khyab 'jug la tha gu'i lto zhes bya
ste/ byis pa'i dus su tha gus lto ba bcings par grags

pas de ltar brjod pa'i phyir/ sogs khongs nas tshogs bdag dang/
gzhon nu gdong drug dang/ nyi ma dang zla ba sogs 'don no/
/gnyis pa la gsum sras kyi thu bo gnyis la mchod par brjod pa/
shing rta'i srol 'byed gnyis la mchod par brjod pa/ shing

rta'i srol 'dzin rnams la mchod par brjod pa'o/ /dang po ni/
mkhyen brtse'i gting mtha' shin tu dpag par dka'/ zhes sogs
kyis 'chad/ don ni/ gus phyag 'tshal/ gang lan rje btsun 'jam
pa'i dbyangs dang rgyal tshab byams mgon gnyis la'o/ /'o

na de gnyis yon tan ji lta bu dang ldan zhe na/ de gnyis rgya
mtsho chen po dang chos mtshungs pa gsum gyi yon tan dang ldan
te/ rgya mtsho chen po'i gting dpag dka' ba de bzhin du/ de
gnyis kyi mkhyen brtse des kyang yul 'di tsam zhig rtogs la
'di phan

chad ma rtogs zhes pa'i mtha' dang sems can 'di tsam zhig gi
don dus 'di tsam zhig mdzad/ de phan chad du mi mdzad ces pa'i
gting dpag par dka' zhing/ rgya mtsho chen po las rba rlabs
chal chil g.yo ba de bzhin du/ de gnyis kyis kyang byang chub

kyi phyir du sbyin sogs spyod pa'i rba rlabs chen po chal chil
du g.yo zhing/ rgya mtsho chen po de rin po che rnams kyi gter
ram 'byung gnas yin pa bzhin du/ de gnyis kyang legs par bshad
pa thams cad kyi gter ram 'byung khungs yin pa'i phyir/ gnyis

pa ni/ bde gshegs gsung rab tshul gnyis shing rta'i srol/ /zhes
sogs kyis 'chad/ don ni shing rta chen po klu sgrub dang thogs
med gnyis chos can/ blo bzang grags pas bstan bcos 'di rtsom
pa'i thog mar khyod gnyis kyi zhabs la spyi bos

@03b 'dud ba'i rgyu mtshan yod de/ khyod gnyis kyis bde bar
gshegs pa'i gsung rab 'khor lo gsum la drang nges 'byed pa'i
tshul dbu sems gnyis kyi lugs kyi shing rta'i srol legs par
phye ba'i sgo nas rgyal ba'i lung gi bstan pa'i mchog theg
chen gyi bstan pas 'ogs

stengs bla'i srid pa gsum na yod pa'i rnam grol don gnyer gyi
'gro ba rnams kyi rna ba'i lam na nyi ma ltar gsal bar mdzad
pas shin tu bka' drin che ba yin pa'i phyir/ gsum pa ni/ shing
rta chen po'i zhes sogs kyis 'chad/ don ni 'phags pa lha dang/
slob dpon dpa' bo

dang/ sangs rgyas bskyangs dang legs ldan 'byed dang/ dpal
ldan zla ba grags pa'i zhabs la sogs pa klu sgrub kyi rjes
'brang rnams dang/ dbyig gnyen zhabs dang/ blo gros brtan pa
dang/ phyogs kyi glang po dang/ dpal chos kyi grags pa'i zhabs
la sogs pa thogs med kyi

rjes 'brang 'dzam gling mdzes par byed pa'i rgyan/ thub bstan
bshad sgrub kyi sgo nas mi nub pa'i rgyal mtshan 'dzin pa'i
mchog tu gyur pa'i mkhas pa'i dbang po rnams chos can/ blo
bzang grags pas bstan bcos 'di rtsom pa'i thog mar khyod rnams
la gus pas 'dud pa'i rgyu

mtshan yod de/ khyod rnams gong du bshad pa'i shing rta chen
po'i srol 'byed gnyis kyi lugs so sor legs par bzung nas/
'dzam bu gling gi blo gsal bye ba ste grangs med pa'i gsung
rab kyi don phyin ci ma log par rtogs pa'i shes rab kyi mig
'byed par byed pa'i mkhas

mchog yin pa'i phyir/ gnyis pa bshad par dam bcas te mnyan par
bskul ba la gnyis/ bstan bcos kyi che ba bstan te bshad par
dam bca' ba dang/ blo gros dang ldan zhing don du gnyer ba'i
nyan pa po la mnyan par bskul ba'o/ /dang po ni/ gzung lugs
zhes sogs

kyis 'chad/ don ni rje btsun blo bzang grags pa chos can/
drang nges rnam par 'byed pa'i bstan bcos 'di dag gis bshad
par bya'o zhes dam bca' ba'i rgyu mtshan yod de/ shing rta chen
po'i lugs gnyis kyis 'khor lo gsum la drang nges 'byed tshul mi
'dra

@04a @#/ /ba'i gnas sam khyad par de ni gzhung lugs mang du
thos shing/ rigs pa'i lam du'ang ngal ba mang du bsten pa
dang/ nang gi mngon par rtogs pa'i yon tan gyi tshogs kyis yid
mi dman shing phyug pa'i gangs ri'i khrod kyi mkhas grub du
mas kyang 'bad

pa ci tsam byas kyang rtogs par ma gyur cing rang nyid kyis
bla ma mgon po 'jam dbyangs kyi bka' drin gyis legs par mthong
ba ste rtogs pa dang/ dgos pa rnyed pa dang grags pa sgrub pa
lta bu min pa shin tu rtogs dka' ba'i drang nges kyi khyad par
'di gdul bya rnams kyis

rtogs na ci ma rung snyam pa'i shin tu brtse ba'i bsam pas kun
nas bslang ste rtsom pa yin pa'i phyir/ kha cig /gzhung lugs
mang du thos pa bu ston dang/ /rigs pa'i lam du ngal ba mang
du bsten pa cha pa zhes so sor 'chad mod/ yon tan gsum ga dang
ldan pa'i mkhas

pa du mas kyang 'bad kyang ma rtogs na/ yon tan re re dang
ldan pa tsam gyis rtogs mi nus pa lta smos kyang ci dgos zhes
pa'i don yin nam snyam mo/ /gnyis pa ni/ bstan pa'i zhes sogs
kyis 'chad/ don ni lung gi bstan pa'i de nyid de/ gnas tshul
drang nges la sogs pa'i khyad

par phyin ci ma log par rtogs par 'dod cing/ rang nyid kyis ji
ltar rtogs pa'i rnam dpyod kyis gdul bya gzhan la smra ba la
'gran zla med par 'dod pa'i gdul bya rnams la bstan bcos 'di
gus pas nyon cig ces mnyan par bskul rigs te/ de lta bu'i smra
ba zla med du

byed pa la bstan bcos 'di nas bshad pa ltar rtogs nas smra ba
zhig dgos pa'i phyir/ gnyis pa bshad pa nyid nye bar 'god pa
la gnyis/ drang nges kyi khyad par rigs pa rnam dag gis gtan
la 'bebs dgos par bstan pa dang/ de ltar gtan la 'bebs pa'i
tshul

lo/ /dang po la gnyis/ mdo'i drang nges 'byed dgos shing lung
tsam gyis 'byed mi nus pa dang/ das na rigs pas drang nges
'byed dgos pa'o/ /dang po la gnyis/ spyir drang nges 'byed
dgos tshul dang/ lung tsam gyis 'byed mi nus pa'i tshul lo/
/dang po ni/ ji skad du

@04b zhes pa nas/ rag las shing zhes pa'i bar gyis 'chad/ don
ni/ rnam grol don du gnyer ba'i rnam dpyod dang ldan pa dag
gis chos rnams kyi de kho na nyid ji ltar yin khong du chud
pa'i thabs la 'bad dgos te/ chos rnams kyi de bzhin nyid ni
shin tu rtogs par dka'

ba dang/ de ma rtogs na 'khor ba las mi grol ba ste/ grol mi
nus par gzigs nas thugs rje can bdag cag gi ston pas sbyin
sogs thabs kyi tshul dang rten 'brel dang gcig du sogs pa'i
rigs pa'i sgo du ma zhig gis gdul bya rnams de kho na nyid
khong du chud

pa la 'dzud par gsungs pa de'i phyir/ gang du gsungs na yul
'khor skyong gi zhus pa las/ stod pa zhi pa skye ba med pa'i
tshul/ /zhes sogs kyis 'chad/ mdo de'i don ni/ chos rnams kyi
ngo bo bden pas stong pa/ rgyu bden par grub pa'i mtshan ma zhi
ba/ 'bras bu bden

pa'i skye ba med pa'i tshul te/ mdor na chos rnams kyi yin lugs
kyi de kho na nyid mi shes pas te gnas tshul de la rmongs pa'i
ma rig pa'i dbang gis ni 'gro ba rnams 'khor bar 'khyams par
gyur pa yin la/ 'gro ba de dag 'khor ba las grol bar bya ba'i
phyir du/ sems

can thams cad la bu gcig pa lta bu'i thugs rje mnga' ba'i ston
pas thabs kyi tshul dang/ rigs pa'i rnam grangs brgya phrag dag
ste/ grangs med pa dag gi sgo nas ni/ gdul bya de kho na nyid
khong du chud pa la 'dzud par mdzad ces pa'i don no/ /stong
nyid phyin ci ma log par rtogs

pa de yang rgyal ba'i gsung rab kyi drang ba dang nges pa'i
don rnam par 'byed pa la rab las pa ste nges don gyi gsung rab
zab mo zhig gi rjes su ma 'brangs par drang ba'i don gyi gsung
rab tsam la brten nas/ de kho na nyid rtogs mi nus pas nges
don gyi gsung rab cig la

brten dgos la/ de la nges don gyi gsung rab ngos zin dgos la/
de ngos zin pa gsung rab kyi drang nges tshul bzhin du 'byed pa
la rag las pa'i phyir/ 'dir 'khor ba las grol ba la stong nyid
nges par rtogs dgos par bshad pa mi 'thad de/ 'dir dbu sems

@05a @#/ /mtha' dag gi grub mtha' gtso bor gtan la 'bebs shing/
rang rgyud pa dang sems tsam pas de ltar khas mi len pa'i
phyir zhe na skyon med de/ gzhung 'di'i mthar thug gi dgongs
pa thal 'gyur du gnas pa'i phyir te/ 'dir sems tsam pa dang

rang rgyud pa'i lugs 'chad pa'i skabs su lugs 'dir sems so/
/zhes dang/ 'dir 'dod do/ /zhes gsungs pa la rgyu mtshan yod
pa'i phyir/ gnyis pa la gnyis/ lung tsam gyis nus pa la gnod
byed dang /mi nus pa'i sgrub byed do/ /dang po la gnyis/ lung
tsam gyis

nus na lung don 'chad mi dgos par thal ba dang/ 'gal pa la mi
'khrul ba yod par thal ba'o/ /dang po ni/ de gnyis zhes pa
nas/ 'gyur pa'i phyir dang/ zhes pa'i bar gyis 'chad/ don ni/
drang ba dang nges pa'i don de gnyis rnam par 'byed pa yang
'di ni drang pa'i don

gyi mdo yin no/ /'di ni nges pa'i don gyi mdo yin no/ /zhes
gsungs pa'i lung tsam gyis nus pa ma yin te/ de las gzhan du
lung tsam gyis drang nges 'byed nus na shing rta chen po dag
gis drang nges 'byed pa'i dgongs 'grel brtsams pa don med du
'gyur pa'i phyir/

gnyis pa ni/ gsung rab ces pa nas/ phyir dang/ zhes pa'i bar
gyis 'chad/ don ni gzhan yang drang don kyi mdo dang nges don
gyi mdo'i gzhi mthun yod par thal/ lung las drang don gyi mdor
gsung na drang don gyi mdo yin pas khyab/ lung las nges don
gyi mdor gsungs

na nges don gyi mdo yin pas khyab pa'i phyir/ rtags khas/
khyab ste/ gsung rab las mdo gcig la yang drang nges kyi 'jog
tshul mi mthun pa du ma gsungs pa yod pa'i phyir/ chos thams
cad bden med du ston pa'i sher phyin 'bum pa lta bu dgongs
'brel las drang don

gyi mdor gsungs/ blo gros mi zad pa'i mdo las nges son gyi
mdor gsungs pa'i phyir/ gnyis pa ni/ 'di ni 'di'o/ /zhes pa
nas phyir ro/ /zhes pa'i bar gsungs/ don ni/ lung las drang
nges su gsungs pa tsam gyis drang nges kyi khyad par 'jog nus
pa ma yin te/ don 'di

@05b ni 'di'o zhes gsungs pa tsam gyi lung gis don de de ltar
gzhag par ni mi nus la/ de'i tshe spyir de ltar ma khyab bas na
bye brag drang nges la yang 'di drang don gyi 'di'o/ /zhes
gsungs pa tsam gyis kyang sgrub par mi nus pa'i phyir/ don 'di
ni 'di'o zhes gsungs pa'i lung

tsam gyis don de de ltar yin par sgrub mi nus te dngos po bden
grub tu ston pa'i mdo yang yod/ bden med du ston pa'i mdo yang
yod pa'i phyir/ gnyis pa des na rigs pas drang nges 'byed dgos
pa la gnyis/ dngos kyi don dang/ shes byed kyi khungs so/
/dang po la

gnyis/ shing rta chen po'i bstan bcos kyi rjes su 'brangs te
drang nges 'byed dgos pa dang/ de ltar phye nas rigs pas drang
nges 'byed par sgrub pa'o/ /dang po ni/ de'i phyir zhes pa
nas/ 'tshol la dgos pas zhes pa'i bar gsungs/ don ni des na
drang nges 'byed pa de yang gsung rab kyi

drang nges 'byed par lung bstan pa'i shing rta chen po dag gis
mdo'i drang nges kyi dgongs pa dkral zhing/ de yang nges don
gyi gsung rab rnams kyi sgra ji bzhin pa'i don las don gzhan
du 'dren pa la rigs pa'i gnod byed yod lugs dang/ don de las
gzhan du drang du mi rung

bar don de kho nar nges pa'i sgrub byed kyi rigs pas legs par
gtan la phab pa cig gi rjes su 'brangs nas mdo'i drang nges
kyi dgongs pa 'tshol dgos pa yin te/ mdo'i drang nges 'byed
dgos shing lung tsam gyis drang nges 'byed mi nus pa'i phyir/
gnyis pa ni/ mthar gtugs

na/ zhes pa nas/ phyir ro/ /zhes pa'i bar gyis 'chad/ don ni
rgyal ba'i gsung rab la drang nges 'byed pa de yang sgrub byed
mthar gtugs na dri ma med pa'i rigs pa nyid kyis 'byed dgos te/
rigs pas mi 'grib cing rigs pa dang 'gal ba'i grub mtha' khas
len na de 'dra

pa'i grub mtha' smra ba bod tshad ma'i skyes bur mi rung ba'i
phyir dang / chos rnams kyi kun rdzob dang don dam pa'i dngos
po'i de kho na nyid de'i gnas tshul kyang 'thad pas sgrub pa'i
rigs pa'i sgrub byed dang ldan pa'i phyir ro/ /gnyis pa ni/
don gyi dbang zhes pa nas/ gsungs so/ zhes 

@06a @#/ /pa'i bar gyis 'chad/ don ni/ lung tsam gyis drang nges
'byed mi nus shing/ rigs pas drang nges 'byed dgos pa'i don gyi
dbang 'di gzigs nas/ bcom ldan 'das kyis dge slong dag kaM chos
kyi rjes su 'brang ba'i mkhas pa rnams kyis gsung rab la

dpyod pa'i tshe gsung rab des gzhal bya mngon gyur/ lkog gyur/
shin tu lkog gyur gsum ston pa'i cha la rim pa bzhin du mngon
sum/ dngos stobs rjes dpag/ yid ches rjes dpag gsum gyis gnod pa
yod med legs par brtags la/ gnod pa ma mthong ba na pa'i bka'

las ji ltar bshad pa bzhin nyams su blang bar bya yi/ nga la gus
pa'i phyir te rgyu mtshan du byas nas bshad tshad sgra ji bzhin
par 'dzin mi rigs te/ dper na gser brtag pa'i tshe dang por mes
bsregs/ de rjes bcad/ de rjes brdar nas gser yin par shes pa na
nor gyi mchog

tu 'dzin pa bzhin no/ /de skad du yang rigs thigs kyi phyogs
snga mdor bsdus su ka ma la shI las/ de la bsreg pa ni mngon
sum dang chos mthun par bstan pa'i phyir ro/ /bcad pa ni rjes su
dpag pa dang chos mthun par bstan pa'i phyir ro/ /brdar ba ni
yid ches pa

dang chos mthun par bstan pa'i phyir ro/ /zhes gsungs pa'i
phyir/ gnyis pa de ltar gtan la 'bebs pa'i tshul la gnyis/ mdo
sde so so la brten pa'i lugs gnyis so sor bshad pa dang/ lugs de
gnyis las rang nyid gang gi rjes su 'brang bar bstan pa'o/ /dang
po la gnyis

mdo sde dgongs 'grel la brten pa'i phyogs dang/ blo gros mi zad
pa'i mdo la brten pa'i phyogs so/ /dang po la gnyis/ mdo sde nas
ji skad gsungs pa 'god pa dang/ de'i don shing rta chen po'i
rnams kyis ji ltar bkral ba'i tshul lo/ /dang po la gnyis/ 'khor
lo dang po gnyis

la 'gal spong gi dri ba/ 'gal ba de spong gi lan no/ /dang po la
gnyis/ dri ba'i mdo 'god pa dang/ mdo'i don cung zad bshad pa'o/
/dang po ni/ spyir mdo sde dgongs 'grel la le'u bcu yod de/
gling gzhi'i le'u/ don zab dgongs pa nges 'grel dang tshul bzhin
kun tu 'dri ba gnyis

@06b kyis zhus pa'i le'u/ chos 'phags kyi dris lan gyi le'u/
byang chub sems dpa' blo gros rnam dag gi dris lan gyi le'u/ blo
gros yangs pa'i dris lan gyi le'u/ yon tan 'byung gnas kyi dris
lan gyi le'u/ don dam yang dag 'phags kyi dris lan gyi le'u/
byams pas zhus pa'i

dris lan gyi le'u/ spyan ras gzigs kyis zhus pa'i dris lan gyi
le'u/ 'jam dbyangs kyis zhus pa'i dris lan gyi le'u rnams su yod
pa'i phyir/ de dag las dris lan dang pos rnam par rig pa tsam
gyi de kho na nyid gtan la 'bebs/ dris lan gnyis pas don dam pa
rtog ge'i

blos ji lta ba bzhin du bsam gyis mi khyab pa'i tshul gtan la
'bebs/ dris lan gsum pas bden gnyis ngo tha dad yin pa dang tha
dad gtan med kyi gcig yin pa la rigs pa'i gnod byed bzhi bzhi
bstan nas bden gnyis ngo bo gcig la ldog pa tha dad du 'dzin
pa'i tshul bzhi

bstan/ dris lan bzhi pas gtso bor kun gzhi'i rnam shes gtan la
'bebs/ dris lan lnga pas gtso bor mtshan nyid gsum gyi rnam gzhag
gtan la 'bebs/ dris lan drug pas gsung rab kyi drang nges gtan
la 'bebs/ dris lan bdun pas zhi gnas dang lhag mthong gi rnam

gzhag gtso bor gtan la 'bebs/ dris lan brgyad pas gtso bor byang
sems kyi sa bcu'i rnam gzhag gtan la 'bebs/ dris lan dgu pas
'bras bu sangs rgyas kyis ye shes chos sku'i rnam gzhag sogs
gtso bor gtan la 'bebs la/ mdor na dris lan dgu bo des sems

tsam pa'i lugs kyi gzhi lam 'bras gsum gyi rnam gzhag cha tshang
bar gtan la 'bebs so/ /zhes shes par bya ste/ theg bsdus las/
shes bya'i gnas dang mtshan nyid der 'jug dang/ /de yi gnas dang
de rab dbye ba dang/ /de yi gnas dang de rab dbye ba dang/
/bslab pa gsum dang de 'bras spangs pa dang/ ye

shes theg pa mchog tu gyur khyad 'phags/ /zhes gsungs pa dang
khog gcig par snang ngo/ /gong du bshad zin pa de rnams kyi nang
nas 'dir don dam yang dag 'phags zhus kyi le'u las/ gsung rab
gyi drang nges 'byed pa'i tshul gsungs pa rnams 'chad pa yin la/
de yang

@07a @#/ /thog mar 'dir drang nges kyi rnam gzhag 'byed pa la
gnyis/ mdo sde dgongs 'grel sgra ji bzhin pa la brten nas drang
nges 'byed pa sems tsam pa'i lugs la dpyad pa dang/ mdo de nyid
sgra ji bzhin par mi bzhed kyang blo gros mi zad pa'i mdo la
sogs pa

sgra ji bzhin ba la brten nas drang nges 'byed pa dbu ma pa'i
lugs la dpyad pa'o/ /dang po ni/ mdo sde nas ji ltar gsungs pa
'god pa dang/ de'i don ji ltar bkral ba'i tshul lo/ /dang po la
mdo sde'i 'gal spong gi dri ba/ 'gal ba de spong ba'i lan/ ngo
bo nyid gsum gyi ngo bo ngos

bzung ba/ de dag gis grub pa'i don zhus tshul lo/ /dang po ni/
bcom ldan 'das kyis rnam grangs du mar phung po rnams kyi rang
gi mtshan nyid kyang bka' stsal/ zhes pa nas bcom ldan 'das la
bdag yongs su zhu lags so/ /zhes pa'i bar gsungs/ 'di'i skabs su
dgag gzhag

spang gsum las/ dang po ni/ kha cig/ byang chub sems dpa' don
dam yang dag 'phags kyis mdo sde la 'gal spong gi dri ba zhus
tshul yod de/ bcom ldan 'das kyis 'khor lo dang por gzugs nas
byang phyogs so bdun gyi bar gyi chos rnams rang 'dzin rtog pa'i
zhen gzhir

rang gi mtshan nyid kyis grub par gsungs/ 'khor lo bar par gzugs
nas rnam mkhyen gyi bar gyi chos thams cad rang 'dzin rtog pa'i
zhen gzhir rang gi mtshan nyid kyis ma grub par gsungs pa gnyis
sgra sor bzhag na 'gal na'ang/ bcom ldan 'das la 'gal ba mi
mnga'

bas 'khor lo bar bar de ltar gsungs pa de gang la dgongs nas
gsungs zhes dngos su zhus nas/ 'khor lo dang por de ltar gsungs
pa de ci la dgongs nas gsungs zhes don gyi zhus pa yin gyi/
'khor lo dang por de rnams rang gi mtshan nyid kyis grub par
gsungs pa la 'gal spong

zhus pa ma yin no/ /zhes zer na/ 'o na/ 'dir bstan 'khor lo dang
por gzugs nas phyad phyogs so bdun gyi bar gyi chos rnams rang
gi mtshan nyid kyis grub par dngos su ma gsungs shing/ de rnams
rang 'dzin rtog pa'i zhen gzhir rang gi mtshan nyid kyis grub par
dngos su gsungs pa'i

@07b khyad par 'thad par thal/ dam bca' 'thad pa'i phyir/ 'dod
na/ 'khor lo dang po'i ched du bya ba'i gdul bya mdo sde pa des
gzugs nas byang phyogs so bdun gyi bar gyi chos thams cad rang
gi mtshan nyid kyis grub par khas mi len cing/ de rnams rang
'dzin rtog pa'i zhen gzhir rang gi mtshan nyid

kyis grub par khas len pa'i khyad par 'thad par thal lo/ /'dod
na/ des de rnams rang gi mtshan nyid kyis grub par khas mi len
par thal lo/ /'dod mi nus te/ des chos thams cad rang gi mtshan
nyid kyis grub par khas len pa'i phyir te/ des spyi mtshan rang
gi mtshan nyid kyis grub par khas

len pa'i phyir/ ma grub na mdo sde pas rang gi mtshan nyid kyis
grub pa dang rang mtshan don gcig tu khas len par thal/ ma grub
pa de'i phyir/ 'dod na/ des chos khams rang 'dzin rtog pa'i zhen
gzhir rang mtshan du khas len par thal/ des de de'i zhen gzhir
rang gi mtshan nyid kyis grub

par khas len pa'i phyir/ rtags khas/ 'dod na/ des chos khams der
dngos por khas len par thal lo/ /'dod na/ des de der don dam par
grub par khas len par thal lo/ /'dod na/ des de der don dam par
rtog pa'i yul du khas len par thal lo/ /'dod na/ des de don dam
par brjod

byed kyi sgra'i brjod byar khas len par thal lo/ /'dod na/ brjod
bya nyid phyir de dngos min/ /zhes gsungs pa mi 'thad par thal
lo/ /kha cig/ 'khor lo dang por gzugs nas byang phyogs so bdun
gyi bar gyi chos thams cad bden par grub mnyam du gsungs pa
dang/ 'khor lo bar bar chos

thams cad rang gi mtshan nyid kyis ma grub mnyam du gsungs pa
gnyis sgras zin ltar na 'gal na'ang/ bcom ldan 'das la 'gal ba
med dgos pas zhes sogs 'gal spong zhus pa yin no/ /zhes zer na/
'o na/ 'khor lo dang por chos khams dang chos kyi skye mched
sogs 'dus

ma byas rnams kyang bden grub tu dngos su gsungs par thal/ khyod
kyi dam bca' 'thad pa'i phyir/ 'dod na/ 'khor lo dang po'i ched
du bya ba'i gdul bya mdo sde pa des chos khams sogs 'dus ma byas
kyi chos rnams bden grub tu khas len par thal/ 'dod pa gang
zhig/ mdo sde

@08a @#/ /bas 'khor lo dang po sgra ji bzhin par khas len pa'i
phyir/ 'dod na/ mdo sde pas spyi mtshan bden grub tu khas len par
thal lo/ /'dod na/ des de don dam par don byed nus par khas len
par thal lo/ /khyab ste/ don dam don byed nus pa gang/ /de 'dir
don dam

yod pa yin/ /zhes pa'i gzhung 'di mdo sde pa'i rang gzhung rnam
dag yin ba'i phyir/ gzhan yang/ 'khor lo dang pos chos khams
sogs 'dus ma byas kyi chos rnams bden grub du ma bstan par thal/
des de rnams mdo sde pa'i 'dod pa ltar gyi bden par grub pa bkag
ba'i phyir te/

drang nges rnam 'byad las/ dang por wa ra NA sir gang zag gi
bdag med gsungs shing phung po la sogs pa'i chos la nyung shas
shig ma gtogs pa bden par grub pa ma bkag cing bden par yod pa
mang du gsungs pa'i skor gcig go/ zhes sogs gsungs pa'i phyir/
kha cig /

'khor lo dang por gzugs nas rnam mkhyen gyi bar gyi chos thams
cad rang gi mtshan nyid kyis grub mnyam du bka' stsal/ bar par de
rnams rang gi mtshan nyid kyis ma grub mnyam du bka' stsal pa
gnyis sgras zin ltar na 'gal na'ang zhes sogs zer na/ 'o na/
'khor lo dang

pos gzugs nas rnam mkhyen gyi bar gyi 'gres rkang brgya rtsa
brgyad kyi chos thams cad rang gi mtshan nyid kyis grub par
gsungs par thal/ dam bca' 'thad pa'i phyir/ 'dod na/ 'khor lo
dang pos spyod pa'i lam phar phyin drug/ lta ba'i lam stong nyid
bco brgyad/ /'bras bu'i lam

stobs bcu/ mi 'jigs pa bzhi/ so sor yang dag par rig pa bzhi/
byams pa chen po/ snying rje chen po/ sangs rgyas kyi chos ma
'dres pa bco brgyad/ gang zag gi lam/ lam gyi rnam pa shes pa
nyid/ /rnam pa thams cad mkhyen pa nyid rnams rang gi mtshan nyid
kyis grub par gsungs

par thal lo/ /'dod na/ 'khor lo dang pos byang chub sems dpa'i
smon lam dang/ sa dang pha rol tu phyin pa'i spyod pa rnams
kyang bstan par thal lo/ /'dod mi nus te/ de theg dman thun mong
ma yin pa'i sde snod yin pa'i phyir/ khyab ste/ rin chen phreng
ba las/ nyan thos theg pa de las

@08b ni/ /byang chub sems dpa'i smon lam dang/ /spyod pa yongs
bsdom bshad des/ /byang chub sems dpar ga la 'gyur/ /zhes dang/
byang chub spyod la gnas pa'i don/ /mdo de las ni bka' ma stsal/
/theg pa che las bka' stsal pa/ /de'i phyir mkhas pa rnams kyis
bzung/ /zhes

gsungs pa'i phyir/ gzhan yang/ 'khor lo dang por chos kyi bdag
med phra mo bstan par thal/ de las stong nyid bco brgyad bstan
par phyir/ 'dod na/ de chos can/ khyod kyis de ma bstan par
thal/ khyod theg dman thun mong ma yin pa'i sde snod yin pa'i
phyir/ khyab ste/ drang nges rnam

'byed las/ rnal 'byor spyod pa ba dang dbu ma rang rgyud pa
rnams theg dman kyi sde snod las chos kyi bdag med ma bstan
shing zhes gsungs pa'i phyir/ gzhan yang/ 'khor lo dang pos
gzugs nas rnam mkhyen gyi bar gyi 'gres rkang brgya rtsa brgyad
kyi chos rnams rang gi mtshan nyid kyis

grub par bstan pa ma yin par thal/ 'gal spong gi dri ba'i skabs
su mdo las gzugs nas byang phyogs so bdun gyi bar gyi 'gres
rkang bdun las mang ba ma gsungs pa'i phyir dang/ drang nges
rnam 'byed las/ de dag ni sngar 'gal spong gi dri ba'i skabs su
bshad pa'i gzugs phung

nas lam gyi yan lag gi par re re la'ang/ zhes gzugs phung nas
lam gyi yan lag gi bar las ma gsungs pa'i phyir/ de la kho na
re/ 'khor lo dang pos gzugs nas rnam mkhyen gyis bar gyi chos
rnams rang gi mtshan nyid kyis grub par bstan par thal/ des chos
thams cad

rang gi mtshan nyid kyis grub par bstan pa'i phyir/ zer na ma
khyab/ kha cig /'khor lo dang pos chos thams cad rang gi mtshan
nyid kyis grub par ma bstan zer na/ des de ltar bstan par thal/
des skye mched bcu gnyis de ltar dngos su bstan pa gang zhig/
skye mched bcu gnyis kyi

nang du chos thams cad 'dus pa'i phyir/ byas pa la kho na re/
'khor lo dang pos gzugs nas rnam mkhyen gyi bar gyi chos thams
cad rang gi mtshan nyid kyis grub par bstan par thal/ des skye
mched bcu gnyis rang gi mtshan nyid kyis grub par bstan pa gang
zhig/ skye mched

@09a @#/ /bcu gnyis kyi nang du gzugs nas rnam mkhyen gyi bar gyi
chos thams cad 'dus pa'i phyir/ 'khor gsum zer na mi mtshungs te/
'khor lo dang po'i ched du bya ba'i gdul bya mdo sde pa des
gzugs nas rnam mkhyen gyi bar gyi chos thams cad rang gi mtshan

nyid kyis grub par khas len par thal/ des chos thams cad rang gi
mtshan nyid kyis grub par khas len pa'i phyir/ 'dod na/ des stong
nyid bco brgyad khas len par thal lo/ /'dod mi nus te/ des gzhi
grub na chos bdag yin pas khyab ba khas len pa'i phyir// //

gnyis pa rang lugs ni byang chub sems dpa' don dam yang dag
'phags kyis mdo sde la 'gal spong gi dri ba zhus pa'i tshul yod
de/ bcom ldan 'das kyis 'khor lo dang por gzugs nas byang phyogs
so bdun gyi bar gyi chos thams cad rang gi mtshan nyid kyis grub
mnyam du bka'

stsal/ 'khor lo bar par gzugs nas rnam mkhyen gyi bar gyi chos
thams cad rang gi mtshan nyid kyis ma grub mnyam du bka' stsal pa
gnyis sgras zin ltar na 'gal na'ang/ bcom ldan 'das la 'gal ba
med dgos pas/ 'khor lo bar par de ltar gsungs pa ci la dgongs
nas gsungs

zhes dngos su zhus nas/ dang por de ltar gsungs pa ci la dgongs
nas gsungs pa yin zhes don gyis zhus pa'i phyir/ gsum pa rtsod
pa spong ba la kho na re/ 'dir bstan 'khor lo dang pos chos
thams cad rang gi mtshan nyid kyis grub par bstan par thal/ 'gal
spong zhus tshul de 'thad

pa'i phyir/ 'dod na/ des chos thams cad rang gi mtshan nyid kyis
grub par dngos su bstan par thal/ 'dod pa gang zhig/ des de ltar
shugs la ma bstan pa'i phyir/ 'dod na/ de gzugs sogs 'dus byas
kyi chos thams cad rang gi mtshan nyid kyis grub par dngos su
ston pa'i mdo yin

par thal lo/ /'dod na/ sgra ji bzhin pa'i mdo yin par thal/ 'dod
pa gang zhig/ de rnams rang gi mtshan nyid kyis grub pa'i phyir
zer na ma khyab/ 'dod na/ de nges don gyi mdo yin par thal lo/
/gzhan yang/ 'khor lo dang pos 'dus ma byas kyi chos thams cad
rang gi mtshan nyid kyis

@09b grub par dngos su bstan par thal/ des chos thams cad rang
gi mtshan nyid kyis grub par dngos su bstan pa'i phyir/ 'dod na/
'dir bstan 'khor lo dang po'i ched du bya ba'i gdul bya la 'dus
ma byas kyi chos rnams rang gi mtshan nyid kyis grub par dngos su
bstan dgos par thal lo/ /'dod mi

nus te/ des de rang gi mtshan nyid kyis ma grub par dngos su
rtogs pa'i phyir te/ nyan thos sde pas de de ltar rtogs pa'i
phyir te/ des spyi mtshan dngos med du rtogs pa'i phyir na ma
khyab yang/ gzugs sogs kyi chos rnams rang 'dzin rtog pa'i zhen
gzhir rang gi mtshan nyid kyis grub mnyam du

dngos su bstan pa'i mdo yin na/ de rnams rang gi mtshan nyid kyis
grub mnyam du dngos su bstan pa'i mdo yin dgos par thal/ 'dir
bstan 'khor lo dang po de de rnams rang gi mtshan nyid kyis grub
mnyam du dngos su ston pa'i mdo yin pa'i phyir/ 'dod na/ de
rnams de'i zhen gzhir

rang gi mtshan nyid kyis grub par 'dzin pa'i rtog pa yin na/ de
rnams rang gi mtshan nyid kyis grub par 'dzin pa'i rtog pa yin
dgos par thal/ 'dod pa'i phyir zer na ma khyab/ gzhan yang/ ming
gi snga rol blo med phyir/ /zhes sogs kyi gzhung 'di gzugs sogs
rnams rang gi mtshan

nyid kyis grub pa 'gog pa'i gzhung yin par thal/ gzhung 'di 'dir
bstan 'khor lo dang po sgra ji bzhin pa la dngos su gnod byed
ston pa'i gzhung yin pa gang zhig/ 'dir bstan 'khor lo dang po
de gzugs sogs rnams rang gi mtshan nyid kyis grub mnyam du dngos
su ston pa'i

mdo yin pa'i phyir na ma khyab ste/ de thams cad kyi lan ni/
shes bya chos can/ 'dir bstan 'khor lo dang po de gang zag gi
bdag med gtso bor dngos su ston pa'i mdo yin par thal/ de bden
bzhi gtso bor dngos su ston pa'i mdo yin pa'i phyir te/ dgongs
'grel las/ 'phags

pa'i bden pa bzhi'i rnam pa bstan pas zhes dang/ drang nges rnam
'byed las dgongs 'grel las/ 'khor lo rim pa gsum gsungs pa ni
'khor gyi 'du thebs dang ston pa'i sku tshe'i tshigs la sogs pas
'jog pa min gyis brjod bya'i ngos nas yin no/ /de yang bdag med
pa'i

@10a @#/ /don gtan la 'bebs pa'i dbang du byas pa ste/ zhes
gsungs pa'i phyir/ 'dod na song/ sgra ji bzhin pa'i mdo yin par
thal lo/ /khyab pa khas/ rang des/ 'khor lo dang po chos can/
gzugs nas byang phyogs so bdun gyi bar gyi chos thams cad rang
gi mtshan

nyid kyis grub par ston pa'i mdo yin par thal/ de thams cad rang
'dzin rtog pa'i zhen gzhir rang gi mtshan nyid kyis grub mnyam du
ston pa'i mdo yin pa'i phyir/ byas pa la kho na re/ gzugs gzugs
'dzin rtog pa'i zhen gzhir rang gi mtshan nyid kyis grub par
'dzin pa'i

rtog pa chos can/ gzugs rang gi mtshan nyid kyis grub par 'dzin
pa'i rtog pa yin par thal/ de rang 'dzin rtog pa'i zhen gzhir
rang gi mtshan nyid kyis grub par 'dzin pa'i rtog pa yin pa'i
phyir/ khyab pa khas/ 'dod na/ rtog pa don mthun yin par thal
lo/ /zer na rtsa bar mi mtshungs

so; ;gzhan yang/ 'dir bstan 'khor lo bar pa des gzugs nas rnam
mkhyen gyi bar gyi chos thams cad rang gi mtshan nyid kyis ma
grub par dngos su bstan par thal/ khyod kyis 'gal spong zhus
tshul de 'thad pa'i phyir/ 'dod na/ des gzugs nas rnam mkhyen gyi
bar gyi chos kyi nang

tshan gyi 'dus ma byas chos khams dang chos kyi skye mched rang
gi mtshan nyid kyis ma grub par dngos su bstan par thal lo/
/khyab pa khas/ 'dod na/ de sgra ji bzhin pa'i mdo yin par thal
lo/ /zer na ma khyab/ 'dod na/ de nges don gyi mdo yin par thal
lo/ /'dod mi nus te/ chos kyi 'khor

lo bskor ba de yang zhes sogs gsungs pa'i phyir// //gnyis pa
'gal ba de spong gi lan la gang la dgongs nas ngo bo nyid med
par gsungs pa'i dgongs gzhi bshad pa/ gang la dgongs nas ma
skyes pa sogs su bshad pa'o/ /dang po la mdor bstan pa/ rgyas
par

bshad pa/ de dag gi dpe bstan pa'o/ /dang po ni/ dgongs 'grel
las/ don dam yang dag 'phags/ ngas chos rnams kyi ngo bo nyid
med pa nyid rnam pa gsum po 'di lta ste/ mtshan nyid ngo bo nyid
med pa nyid dang skye ba ngo bo nyid med pa nyid dang don dam pa
ngo bo nyid med pa nyid la dgongs nas

@10b chos thams cad ngo bo nyid med pa'o zhes bstan to/ /zhes
dang/ bsdu ba las kyang/ bcom ldan 'das kyis ci la dgongs nas
chos thams cad ngo bo nyid med pa zhes gsungs zhe na/ smras pa/
'dul ba'i dbang gis de dang der ngo bo nyid med pa nyid rnam pa
gsum la dgongs nas gsungs

te; zhes dang/ sum cu pa las kyang/ ngo bo nyid ni rnam gsum
gyi/ ngo bo nyid med rnam gsum la/ /dgongs nas chos rnams thams
cad ni/ /ngo bo nyid med bstan pa yin/ /zhes pa rnams kyi skabs
su/ shes bya chos can/ yum gsum la sogs ba'i mdo kha cig tu chos
thams cad

ngo bo nyid med par gsungs pa'i dgongs gzhi yod de/ gzugs nas
rnam mkhyen gyi bar gyi chos thams cad kyi steng du mtshan nyid
gsum gsum yod pa la dgongs nas de ltar gsungs pa'i phyir/ gzugs
sogs kyis chos thams cad kyi steng du mtshan nyid gsum gsum gyi
rnam

gzhag 'byed rigs te/ gzugs phung gi steng du de dag gi rnam
gzhag 'thad pa gang zhig mtshungs pa'i phyir te/ dgongs 'grel
las/ gzugs kyi phung po la ji ltar phung po lhag ma rnams la
yang de bzhin du sbyar te/ zhes dang/ drang nges rnam 'byed las/
de ltar gzugs phung la ji ltar

sbyar pa bzhin du phung po lhag ma bzhi dang/ skye mched bcu
gnyis dang/ rten 'brel bcu gnyis dang/ zas bzhi dang/ bden pa
bzhi dang/ khams drug dang bco brgyad po re re la yang mtshan
nyid gsum gsum sbyar bar gsungs so/ /zhes dang/ legs par phye ba
ni sngar bshad ba ltar

gzugs la sogs pa'i chos re re la mtshan nyid gsum gsum gyi rnam
gzhag dang de la ngo bo nyid med tshul gsum gsum du phye ba'o/
/zhes dang/ de dag ni sngar 'gal spong gi dri ba'i skabs su
bshad pa'i gzugs phung nas lam gyi yan lag gi bar gyi re re
la'ang mtshan nyid gsum

gsum gyi 'jog lugs byas nas de la dgongs nas ston pas ngo bo
nyid med pa gsum du bshad par bdag gis go'o/ /zhes don dam yang
dag 'phags kyis ston ba la gsol ba'o zhes gsungs pa'i phyir/
gnyis pa la/ mtshan nyid ngo bo nyid med pa rgyas par bshad pa
skye ba ngo bo nyid

@11a @#/ /med pa rgyas par bshad pa/ don dam pa ngo bo nyid med
pa rgyas par bshad pa dang gsum/ dang po ni/ dgongs 'grel las/
de la chos rnams kyi mtshan nyid ngo bo nyid med pa nyid gang zhe
na/ kun brtags pa'i mtshan nyid gang yin pa'o/ /de ci'i phyir zhe
na/ 'ji ltar de ni

ming dang brdas rnam par bzhag pa'i mtshan nyid yin gyi rang gi
mtshan nyid kyis rnam par gnas pa ni ma yin pas de'i phyir de ni
mtshan nyid ngo bo nyid med pa nyid ces bya'o/ /zhes pa'i skabs
su gsum las/ dang po ni/ kha cig /kun brtags chos can/ khyod la
mtshan nyid ngo bo nyid med pa zhes brjod

pa'i rgyu mtshan yod de/ khyod ming brdas gzhag tsam yin gyi rang
gi mtshan nyid kyis ma grub pa'i rgyu mtshan gyis de ltar brjod
pa'i phyir/ zhes gsungs shing/ spyi mtshan dang nam mkha' sogs
ming brdas 'jog mi nus zer na/ 'o na/ chos rnams kyi mtshan nyid
ngo bo nyid med pa nyid gang zhe na/ zhes

sogs kyi skabs nas dngos su ston pa'i kun brtags yin na ming
brdas 'jog nus kyi kun brtags yin dgos par thal/ drang nges rnam
'byed las/ spyir kun brtags la spyi mtshan thams cad dang nam
mkha' la sogs pa du ma zhig yod kyang/ dgongs 'grel las ma
gsungs pa ni/ kun brtags

gang gis stong pa yongs grub tu 'jog pa'i skabs su de dag mi
mkho bas so/ /de dag gi mang po zhig ming dang brdas 'jog mi nus
pa'i yod pa yin yang rang gi mtshan nyid kyis grub pa min te
rtogs pas btags tsam yin dgos pa'i phyir ro/ /zhes gsungs pa'i
phyir/ 'dod na song/ kun

brtags chos can/ der thal/ de'i phyir/ rtags song/ 'dod na/ spyi
mtshan ming brdas 'jog nus par thal/ 'dod pa gang zhig/ rgyu
mtshan mtshungs pa'i phyir/ gzhan yang/ kun brtags tsam de chos
rnams kyi mtshan nyid ces sogs kyi skabs nas dngos su bstan pa'i
kun brtags ma yin par

thal/ de'i dngos bstan gyi kun brtags de ngo bo dang khyad par
du kun brtags pa'i kun brtags la byed rigs pa'i phyir te/ drang
nges rnam 'byed las/ gang gis stong pa'i kun brtags ni mdo 'di'i
kun brtags ngos bzung ba'i skabs gnyis kar ngo bo dang khyad par
du brtags pa tsam ma yin

@11b pa'i kun brtags gzhan ma gsungs pa'i rgyu mtshan 'chad par
'gyur ro/ /zhes gsungs pa'i phyir/ kha cig /kun brtags de ngo bo
dang khyad par du kun brtags pa'i kun brtags yin par thal/ kun
brtags zhes btags pa de ngo bo dang khyad par du kun brtags pa
la byed rigs pa'i phyir/

zer na ma 'thad de/ de'i btags pa de rtog pas btags pa la byed
rigs pa'i phyir te/ rang gi mtshan nyid kyis grub pa ma yin na/
rtog pas btags tsam yin dgos pa'i phyir/ zhes gsungs pa'i phyir/
kha cig /kun brtags yin na ming brdas 'jog nus pas ma khyab
kyang/ de yin na

ming brdas bzhag pas khyab zer na/ 'dus ma byas kyi nam mkha'
chos can/ ming brdas bzhag par thal/ kun brtags yin pa'i phyir/
'dod na/ de chos can/ khyod blo yul du 'char ba mid brda blo yul
du 'char ba la ltos par thal lo/ /'dod mi nus te/ nam mkha'i
ming brda blo yul du

ma shar yang nam mkha' blo yul du 'char ba yod pa'i phyir/ gzhan
yang/ sgra rtag stong chos can/ ming brdas bzhag par thal/ kun
brtags yin pa'i phyir/ 'dod na/ brda' 'am rtog pas btags pa tsam
gyis bzhag par thal lo/ /'dod na/ byas pa sgra rtag stong du
sgrub pa'i grags

rtags yang dag yin par thal lo/ /'dod mi nus te/ de de sgrub kyi
dngos stobs kyi rtags yang dag yin pa'i phyir/ gzhan yang/ nam
mkha' dang spyi mtshan ming brdas bzhag mi nus bzhin du ming
brdes bzhag par thal/ de ming brdas bzhag mi nus pa gang zhig/
de dag ming brdas bzhag

pa'i phyir/ 'dod mi nus te/ de dag ming brdas 'jog nus nas ming
brdas bzhag pa'i phyir/ kho na re/ de dag ming brdas bzhag par
thal/ de dag ming brdas bzhag tsam yin pa'i phyir te/ de dag
rtog pas btags tsam yin pa'i phyir na ma khyab ste/ kun brtags
yin na rtog pas btags tsam

yin pas khyab kyang de yin na ming brdas bzhag tsam brdas bzhag
tsam yin pas khyab pa khas mi len pa'i phyir/ kha cig/ chos
rnams kyi mtshan nyid ngo bo nyid med pa nyid gang zhe na/ zhes
sogs kyi skabs nas dngos su bstan pa'i kun brtags yin na med pas
kyab zer na/ gzugs gzugs

@12a @#/ /zhes pa'i sgra 'jug pa'i 'jug gzhi yin pa chos can/ der
thal/ de'i phyir/ ma grub na/ der thal/ drang nges rnam 'byed
las/ de ltar na gzugs sogs rtog pa'i zhen gzhi yin pa de ming
dang brdas bzhag pa'i kun brtags yin mod kyang tshad mas

grub pas dgag mi nus la/ zhes gsungs pa'i phyir/ gzhan yang/
de'i skabs nas bstan pa'i kun brtags yod par thal/ drang nges
rnam 'byed las/ kun brtags nam mkha'i me tog dang 'dra ba ni
rtog pas btags tsam gyi dpe yin gyi shes bya la mi srid pa'i dpe
ma yin no/ /zhes

gsungs pa'i phyir/ kha cig /de yin na yod pas khyab zer na/ mi
'thad de/ gzugs gzugs 'dzin rtog pa'i zhen gzhir rang gi mtshan
nyid kyis grub pa de de'i skabs nas dngos su bstan pa'i kun
brtags yin pa'i phyir te/ drang nges rnam 'byed las/ de nyid
dngos po de dag gi

rang gi mtshan nyid kyis grub pa ni ming tsam gyis bzhag pa'i kun
brtags shes bya la mi srid pa yin pas ming dang brdas bzhag pa
la tshad mas grub ma grub gnyis yod de/ zhes gsungs pa'i phyir/
kho na re/ de dgos par thal/ de'i skabs kyi kun gtags de dgag
bya'i kun

brtags la byed rigs pa'i phyir te/ skabs 'dir bstan gyi kun
brtags yin na kun brtags gang gis stong pa yongs grub tu 'jog
pa'i skabs su mkho ba'i kun brtags yin dgos pa'i phyir na ma
khyab/ der thal/ drang nges rnam 'byed las/ dgongs 'grel las ma
gsungs pa

ni/ kun brtags gang gis stong pa yongs grub tu 'jog pa'i skabs
su de dag mi mkho bas so/ /zhes gsungs pa'i phyir na skyon med
de/ gzugs kyi ngo bo dang khyad par du kun brtags pa'i kun
brtags de de'i skabs su mkho ba'i kun brtags yin pa'i phyir/
yang drang nges rnam 'byed

las/ 'dir rang gi mtshan nyid kyis yod med bstan tshod ni ming
dang brda la ltos nas bzhag ma bzhag yin la/ bzhag pa la yang
yod pas ma khyab cing/ 'jog lugs kyang thal 'gyur bas yod pa
rnams ming gi tha snyad kyi dbang gis bzhag pa dang ches mi
mthun pas rang gi mtshan nyid

@12b kyis yod med kyi don yang mi mthun no/ 'on kyang 'di'i rang
mtshan gyis yod par 'dzin pa yod na thal 'gyur ba'i rang mtshan
gyis grub par 'dzin pa yang yod la/ gzhi 'ga' zhig snga ma ltar
mi 'dzin kyang phyi ma ltar 'dzin pa ni yod do/ /zhes pa'i don
la/ kha cig /rnam rig pa'i lugs

kyi rang gi mtshan nyid kyis grub par 'dzin pa yod na thal 'gyur
ba'i lugs kyi rang gi mtshan nyid kyis grub par 'dzin pa yod dgos
te/ gzhi de tha snyad kyi dbang gis bzhag pa ma yin par rang
ngos nas yod par 'dzin na/ gzhi de tha snyad btags pa'i btags
don btsal ba'i tshe na yod

par 'dzin dgos pa'i phyir/ zhes zer na/ 'o na/ bum pa'i don spyi
tha snyad kyi dbang gis bzhag pa ma yin par rang ngos nas grub
par 'dzin pa'i rtog pa chos can/ bum pa'i don spyi tha snyad
btags pa'i btags don btsal ba'i tshe na yod par 'dzin par thal/
bum pa'i don spyi tha snyad kyi

dbang gis bzhag pa ma yin par rang ngos nas grub par 'dzin pa'i
phyir te/ de der 'dzin pa'i rtog pa yin pa'i phyir/ 'dod na/ de
chos can/ rtog pa don mthun yin par thal lo/ /'dod mi nus te/
chos can de yin pa'i phyir/ des na de'i don ni/ gzhi de rnam rig
pa'i 'dod pa ltar gyi rang gi

mtshan nyid kyis grub par 'dzin pa'i 'dzin pa rgyud ldan gyi gang
zag yin na/ gzhi de thal 'gyur ba'i 'dod pa ltar gyi rang gi
mtshan nyid kyis grub par 'dzin pa'i 'dzin pa rgyud ldan gyi gang
zag yin dgos te/ gzhi de rtog pas btags tsam ma yin par rang
ngos nas grub par 'dzin

pa'i 'dzin pa rgyud ldan gyi gang zag yin no/ gzhi de tha snyad
btags pa'i btags don btsal ba'i tshe na rnyed par 'dzin pa'i
'dzin pa rgyud ldan gyi gang zag yin dgos pa'i phyir/ zhes pa'i
don no/ /gzhi 'ga' zhig ces sogs kyi don la/ kha cig /mdo sde
pas kun brtags sems

tsam pas 'dod pa ltar gyi rang gi mtshan nyid kyis grub par mi
'dzin yang/ thal gyur bas 'dod pa ltar rang gi mtshan nyid kyis
grub par 'dzin pa de de'i don yin pa'i phyir/ dang po grub ste/
des kun brtags rang gi mtshan nyid kyis grub par mi 'dod pa'i
phyir/ gnyis pa grub ste/ des de

@13a @#/ /tha snyad btags pa'i btags don btsal ba'i tshe na rnyed
par 'dzin pa'i phyir/ zhes zer na mi 'thad de 'chad par 'gyur
ro/ /de'i don ni mdo sde pa dang rang rgyud pa dag gis kun
brtags sems tsam pas 'dod pa ltar gyi rang gi mtshan nyid kyis
grub par mi 'dzin

yang/ de gnyis kyis kun brtags thal 'gyur bas 'dod pa ltar gyi
rang gi mtshan nyid kyis grub par 'dzin pa de'i don yin pa'i
phyir/ dang po grub ste/ de gnyis kyis kun brtags rtog pas btags
tsam ma yin par rang ngos nas grub par mi 'dzin pa'i phyir/
gnyis pa grub ste/ de gnyis

kyi kun brtags tha snyad btags pa'i btags don btsal ba'i tshe na
yod par 'dzin pa'i phyir/ gnyis pa rang lugs ni/ gzugs kyi ngo
bo dang khyad par du kun brtags pa'i kun brtags chos can/ khyod
la mtshan nyid ngo bo nyid med pa zhes brjod pa'i rgyu mtshan yod
de/ sgrub phyogs nas

ming brdas rnam par bzhag pa tsam yin gyi dgag phyogs nas rang
gi mtshan nyid kyis rnam par gnas pa ma yin pa'i rgyu mtshan kyis
de ltar brjod pa'i phyir/ gsum pa rtsod pa spong ba la kho na
re/ skabs 'dir dngos bstan gyi gzugs kyi kun brtags yin na gzugs
kyi ngo bo dang khyad par du

kun brtags pa'i kun brtags yin dgos par thal/ sbyor ba 'thad pa
gang zhig/ kun brtags de skabs 'dir dngos bstan gyi kun brtags
ma yin pa'i phyir na ma khyab/ 'dod na/ gzugs kyi kun brtags
chos can/ der thal/ de'i phyir/ rtags grub ste/ gzugs kyi ngo bo
dang khyad

par la kun brtags pa'i kun brtags de skabs 'dir dngos bstan gyi
kun brtags yin pa'i phyir/ gzhan yang/ kun brtags de skabs 'dir
dngos bstan gyi kun brtags yin par thal/ gzugs kyi kun brtags de
de ltar yin pa'i phyir na ma khyab/ gnyis pa ni/ dgongs 'grel

las/ chos rnams kyi skye ba ngo bo nyid med pa nyid gang zhe na/
chos rnams kyi gzhan gyi dbang gi mtshan nyid gang yin pa'o/ /de
ci'i phyir zhe na/ 'di ltar de ni rkyen gzhan gyi stobs kyis
byung ba yin gyi bdag nyid kyis ma yin pas de'i phyir de ni skye
ba ngo bo nyid med pa nyid ces bya'o/ /zhes

@13b pa'i skabs su gnyis las/ dang po ni/ kha cig /gzugs gzugs
kyi gzhan dbang yin zhe na/ de la kho na re/ gzugs de 'di ni
gzugs so/ /'di ni gzugs kyi skye bo'i zhes ngo bo dang khyad par
la kun btags pa'i gzhi yin par thal/ dam bca' 'thad pa'i phyir
na ma khyab/ 'dod na/ de gzugs

kyi gdags bzhi yin par thal lo/ /kha cig /'dir ma khyab zer/
'dod na/ de chos can/ khyod khyod kyi gdags gzhi ma yin par
thal/ bdag med yin pa'i phyir/ ma khyab zer ba la khyab pa yod
de/ drang nges rnam 'byed las/ gzugs kyi gzhan dbang ngos 'dzin
pa na rnam par rtog pa'i spyod yul

kun brtags pa'i mtshan nyid kyi gnas 'du byed kyi mtshan ma gang
lags pa de ni gzhan gyi dbang gi mtshan nyid lags te/ zhes gsungs
te/ zhes dang/ dang pos gang gi yul yin pa dang gnyis pas kun
brtags kyi gdags gzhi dang gsum pas rang gi ngo bo bstan to/
/zhes gsungs

pa'i phyir/ gzhan yang/ dgongs 'grel las 'du byed kyi mtshan ma
la gzugs kyi phung po zhes ngo bo nyid dam bye brag gi mtshan
nyid du ming dang brdas rnam par bzhag pa dang/ zhes sogs gsungs
pa la rgyu mtshan dang dgos pa med par thal/ gzugs kyi gdags
gzhir gyur pa'i 'du

byed kyi mtshan ma de gzugs kyi gzhan dbang yin la/ gzugs gzugs
kyi gzhan dbang ma yin pa'i khyad par 'thad pa'i phyir/ rtags
khas/ gzhan yang/ gzugs de gzugs kyi gzhan dbang yin par thal/
gzugs de gzugs kyi kun brtags 'dogs pa'i gzhi yin pa'i phyir te/

de'i gdags gzhir gyur pa'i gzugs shig yod pa'i phyir/ gzhan
yang/ gzugs de gzugs kyi gzhan dbang yin par thal/ de rnam btags
kyi gzugs yin pa'i phyir te/ de de dang kun brtags kyi gzugs
dang yongs grub kyi gzugs gang rung gang zhig /de kun brtags
kyis

gzugs kyang ma yin/ yongs grub kyi gzugs kyang ma yin pa'i
phyir/ dang po der thal/ de yod pa'i phyir/ gnyis pa grub ste/
de kun brtags ma yin pa'i phyir/ gsum pa grub ste/ de yongs grub
ma yin pa'i phyir/ byas pa la kho na re/ gzugs gzugs su 'dogs
pa'i gzhi yin

@14a @#/ /par thal/ gzugs gzugs kyi kun brtags 'dogs pa'i gzhi
yin pa'i phyir na ma khyab/ 'dod na/ de gzugs kyi tha snyad
'dogs pa'i gzhi yin par thal lo/ /'dod na/ gzugs la gzugs kyi
tha snyad 'dogs dgos kyi gang zag yod par thal lo/ /'dod

na/ gzugs tshad mas grub nas gzugs la gzugs kyi tha snyad sbyor
dgos kyi gang zag yod par thal lo/ /'dod na/ de 'dra'i gang zag
chos can/ gzugs la gzugs kyi tha snyad sbyor dgos kyi gang zag
ma yin par thal/ gzugs tshad mas grub pa'i gang zag yin pa'i
phyir/ gzhan

yang/ nam mkha' de rnam btags kyi nam mkha' dang/ kun brtags kyi
nam mkha' dang/ yongs grub kyi nam mkha' gsum po gang rung yin
par thal/ gzugs de rnam btags kyi gzugs sogs gsum po gang rung
yin pa'i phyir na ma khyab/ gzhan yang/ gzugs gzugs kyi gzhan
dbang yin

par thal/ gzugs phung gzugs phung gi gzhan dbang yin pa'i phyir
te/ gzugs phung gzugs phung gi gzhan dbang/ de rang 'dzin rtog
pa'i zhen gzhir rang gi mtshan nyid kyis grub pa gzugs phung gi
kun brtags/ de des stong pa gzugs phung gi chos kyi bdag med kyi
dbang du byas pa'i ngo bo

nyid gsum gyi rnam gzhag yin pa'i phyir te/ de 'khor lo bar pa'i
bstan don du gyur pa'i chos kyi bdag med kyi dbang du byas pa'i
ngo bo nyid gsum gyi rnam gzhag yin pa'i phyir te/ drang nges
rnam 'byed las/ phung po la sogs pa gzhan dbang dang de la chos
kyi bdag tu sgro btags pa kun brtags

dang de des stong pa chos kyi bdag med kyi yongs grub tu 'jog pa
theg chen gyi mdo'i don du dgongs 'grel gyis bkral ba'i shugs
kyis/ phung po gzhan dbang gang zag gi bdag gi kun brtags kyis
stong pa gang zag gi bdag med kyi yongs grub tu 'jog pa'i ngo bo
nyid gsum gyi rnam gzhag

de tsam zhig theg dman gyi mdo'i don du go nus la/ zhes sogs
gsungs pa'i phyir/ gnyis pa rang lugs ni/ gzugs kyi gzhan dbang
chos can/ khyod la skye ba ngo bo nyid med pa zhes brjod pa'i
rgyu mtshan yod de/ khyod rang gi rgyu rkyen la brten nas byung
ba yin gyi/ khyod de la ltos med du rang dbang du

@14b mi 'byung ba'i rgyu mtshan gyis de ltar brjod pa'i phyir/
des mtshon nas rnam mkhyen gyi bar gyi chos thams cad la sbyor
ro/ /gsum pa rtsod pa spong ba la/ kho na re/ dgongs 'grel las
chos rnams kyi skye ba ngo bo nyid med pa nyid gang zhe na/ zhes
sogs kyi mdo 'dis nam mkha'i gzhan dbang rang gi rgyu rkyen

la brten nas skyes shing rang gi rgyu rkyen la ltos med du mi
skye ba de nam mkha'i gzhan dbang skye ba ngo bo nyid med pa'i
don du dngos su bstan par thal/ khyod kyi dam bca' 'thad pa'i
phyir/ 'dod na/ nam mkha'i gzhan dbang rang gi rgyu rkyen la
brten nas skyes par thal/ 'dod pa gang zhig/ mdo de sgra de

bzhin pa'i mdo yin pa'i phyir/ 'dod mi nus te/ nam mkha' nam
mkha'i gzhan dbang yin pa'i phyir te/ nam mkha' rang 'dzin rtog
pa'i zhen gzhir rang gi mtshan nyid kyis ma grub pa nam mkha'i
yongs grub yin pa'i phyir na/ ma khyab ste/ nam mkha' nam mkha'i
gzhan dbang ma yin par 'og tu

bsgrub bo/ /gsum pa la/ gzhan dbang don dam par ngo bo nyid med
pa bshad pa dang/ yongs grub don dam par ngo bo nyid med pa
bshad pa'o/ /dang po ni/ dgongs 'grel las/ chos rnams kyi don
dam pa ngo bo nyid med pa gang zhe na/ rten cing 'brel par
'byung ba'i chos gang dag skye ba ngo bo nyid med pa nyid

kyis ngo bo nyid med pa de dag ni don dam pa ngo bo nyid med pa
nyid kyis ngo bo nyid med pa yang yin no/ /de ci'i phyir zhe na/
don dam yang dag 'phags/ chos rnams las rnam par dag pa'i dmigs
pa gang yin pa de ni don dam pa yin par yongs su bstan la/ gzhan
gyi dbang gi mtshan nyid de rnam par dag pa'i

dmigs pa ma yin pas de'i phyir don dam pa ngo bo nyid med pa
nyid ces bya'o/ /zhes pa'i skabs su gsum las/ dang po ni/ drang
nges rnam 'byed las/ gzhan dbang kun brtags kyis stong pa la
dmigs nas bsgom pas sgrib pa dag par 'gyur bar shes pa na de
ltar na chos can gzhan dbang la yang

dmigs dgos pas de yang rnam par dag pa'i dmigs par 'gyur bas don
dam par 'gyur ro snyam du dogs pa skye la kun brtags la de
'dra'i dogs pa med pa'i phyir ro/ /zhes gsungs/ 'di'i don la kha
cig /kun brtags sogs 'dus ma byas kyi chos rnams kyi chos nyid
med pa lung de'i don yin

@15a @#/ /zer na/ kun brtags chos can/ khyod kyi chos nyid yod
par thal/ khyod yod pa'i phyir/ gzhan yang/ 'dus ma byas kyi
chos nyid yod par thal/ 'dus ma byas kyi stong nyid yod pa'i
phyir te/ stong nyid bco brgyad yod pa'i phyir/ kha cig /kun
brtags sogs 'dus ma byas kyi

chos rnams kyi chos nyid yod kyang de rnams kyi chos nyid kyis
chos nyid kyi go mi chod de/ kun brtags kyi chos nyid chos nyid
ma yin pa'i phyir zer na/ 'dus ma byas kyi stong nyid de stong
nyid ma yin par thal/ dam bca' 'thad pa'i phyir/ 'dod na/ stong
pa nyid la stong gzhi'i sgo nas stong nyid bco brgyad dang

nyi shu'i dbye ba rnams mi 'thad par thal lo/ /gzhan yang/ 'gog
bden gyi stong nyid stong nyid ma yin par thal/ kun brtags kyi
stong nyid stong nyid ma yin pa'i phyir/ 'dod na/ theg chen gyi
mthong lam 'gog pa chos bzod kyi dngos yul du gyur pa'i stong
nyid med par thal/ 'dod pa gang zhig/

de 'gog bden gyi stong nyid kyi yul can yin pa'i phyir/ 'dod mi
nus te/ de theg chen gyi mthong lam bar chad med lam yin pa'i
phyir/ kha cig /lung de dag gi don yod de/ gzhan dbang de rang
sde grub mtha' smra ba gong 'og rnams kyis bden par grub ma grub
kyi rtsod pa'i gzhi'i gtso bo yin

kyang kun brtags de ltar rtsod pa'i gzhi'i gtso bo ma yin pas de
ltar brjod pa'i phyir/ zer na/ 'o na shes sgrib rnam par dag
byed kyi bar chad med lam gyi dmigs par gyur pa'i stong nyid
kyis stong gzhi chos can yin na rang sde gong 'og gis bden par
grub ma grub rtsod pa'i gzhi'i gtso bo yin

dgos par thal/ dam bca' 'thad pa'i phyir/ 'dod na sla/ kha cig
/lung de'i don yod de/ gzhan dbang kun brtags kyis stong pa la
dmigs nas bsgom pas sgrib pa dag par 'gyur bas na/ gzhi gzhan
dbang la yang dmigs dgos pas gzhan dbang rnam dag lam gyi dmigs
par 'gyur

bas/ de ltar na chos can gzhan dbang don dam par grub dgos snyam
pa'i dogs pa skye la/ kun brtags kun brtags kyis stong pa la
dmigs nas bsgom pas sgrib pa dag par 'gyur bas na/ gzhi kun
brtags la dmigs dgos la/ de ltar na kun brtags rnam dag lam gyi
dmigs

@15b pa mthar thug tu grub bam snyam pa'i dogs pa med pa'i
phyir/ zhes pa'i don yin te/ skabs 'dir bstan gyi kun brtags de
kun brtags tsam po ba la mi byed pa'i phyir te/ de kun brtags
gang gis stong pa yongs grub tu 'jog pa'i skabs su mkho ba'i kun
brtags la byed

rigs pa'i phyir zer na/ 'o na de 'dra'i dogs pa kun brtags la
med pa'i phyir ro/ /zhes pa'i kun brtags de kun brtags tsam po
ba la byed rigs par thal/ dam bca' 'thad pa'i phyir/ 'dod mi nus
te/ de kun brtags gang gis stong pa yongs grub tu 'jog pa'i
skabs su mkho ba'i kun

brtags la byed rigs pa'i phyir te/ de skabs bdir bstan gyi kun
brtags la byed rigs pa'i phyir/ rang lugs la/ de'i don ni/ mdo
sde dgongs 'grel gyi dngos bstan la 'dus byas dang 'dus ma byas
kyi chos rnams kyi yongs grub gtan la 'bebs pa'i tshe de dag gi
gzhan dbang kho

na stong gzhir bzung nas chos kyi bdag med kyi yongs grub gtan
la phab pas/ chos kyi bdag med mngon sum du rtogs pa'i shes
sgrib rnam par dag byed kyi rnam dag ye shes kyis stong gzhi
gzhan dbang la dmigs dgos pas/ gzhan dbang rnam dag gi dmigs par
gyur pa'i don dam pa

yin nam snyam pa'i dogs pa shas che bas de ltar du gsungs pa'i
phyir/ spyir kun brtags la de 'dra'i dogs pa skye mi srid pa ma
yin te/ kun brtags rang 'dzin rtog pa'i zhen gzhir rang gi mtshan
nyid kyis ma grub par rtogs pa'i shes sgrib rnam par dag byed
kyi ye shes kyis kun brtags la

dmigs pa'i phyir/ de la kho na re/ dgongs 'grel gyis kun brtags
sogs 'dus ma byas kyi chos rnams kyi stong nyid dngos su gtan la
ma phab par thal/ de rnams stong gzhir dngos su bzung nas de
rnams kyi stong nyid dngos su gtan la ma phab pa'i phyir/ rtags
khas zer na/ ma khyab ste/ dgongs

'grel gyi skabs su de rnams kyi gzhan dbang stong gzhir bzung
nas de rnams kyi stong nyid dngos su gtan la phab pa'i phyir/
gnyis pa ni dgongs 'grel las/ gzhan yang/ chos rnams kyi yongs
su grub pa'i mtshan nyid gang yin pa de yang don dam pa ngo bo
nyid med pa nyid cis bya'o/ /de ci'i phyir zhe

@16a @#/ /na/ don dam yang dag 'phags/ chos rnams kyi chos bdag
med pa gang yin pa de ni/ de dag gi ngo bo nyid med pa nyid ces
bya ste/ de ni don dam pa yin la don dam pa ni chos thams cad
kyi ngo bo nyid med pa nyid kyis rab tu phye ba yin pas de'i
phyir don dam pa ngo bo nyid

med pa nyid ces bya'o/ /zhes pa'i skabs su gsum las/ dang po ni/
kha cig/ gang zag gi bdag med phra mo yongs grub ma yin zer ba
mi 'thad de/ dbus mtha' rtsa 'grel du de yongs grub tu bshad pa
gang zhig/ skabs 'dir dbus mtha' sgra ji bzhin du khas len rigs
pa'i phyir/ dang po grub ste/ dbus

mtha' las/ rnam dag spyod yul rnam gnyis te/ /gcig pu kho nar
brjod pa yin/ /zhes nyon sgrib rnam par dag byed kyi ye shes
dang/ shes sgrib rnam par dag byed kyi ye shes gnyis kyi dmigs
pa mthar thug tu gyur pa'i bdag med gnyis ka yongs grub gcig pu
yin gyi kun brtags dang gzhan

dbang gnyis de gnyis kyi dngos yul ma yin par bstan pa'i phyir
te/ dbus mtha'i 'grel pa las/ yongs su grub pa'i ngo bo nyid du
brjod do/ /ngo bo nyid gzhan ni rnam par dag pa'i ye shes rnam
pa gnyis kyi yul ma yin no/ /zhes dang/ drang nges rnam 'byed
las kyang/ ye shes gnyis ni/ sgrib pa

gnyis dag par byed pa'i ye shes so/ /zhes gsungs pa'i phyir/
byas pa la kho na re/ gang zag gi bdag med yongs grub ma yin par
thal/ yongs grub yin na chos kyi bdag med kyi yongs grub yin
dgos pa'i phyir te/ dgongs 'grel las/ chos rnams kyi chos bdag
med pa gang yin pa de ni/

de dag gi ngo bo nyid med pa nyid ces bya ste/ zhes dang/ drang
nges rnam 'byed las/ chos can 'dus byas la chos kyi bdag rnam
par bcad tsam gyi spros pa med dgag la chos kyi bdag med kyi
yongs grub 'jog par shin tu gsal ba'i phyir/ zhes dang/ thar lam
gsal byed las/ gang la dmigs nas

bsgoms na/ shes sgrib mtha' dag zad par 'gyur ba'i dmigs pa
mthar thug yin pas/ zhes gsungs pa'i phyir/ zer na ma khyab ste/
lung snga ma gnyis kyi don ni/ dgongs 'grel gyi dngos bstan gyi
yongs grub yin na chos kyi bdag med kyi yongs grub yin pas khyab
pa'i don yin la/

@16b phyi ma'i don ni/ de'i phyir gnyis stong gang yin pa zhes
pa'i skabs kyi yongs grub de 'gyur med yongs grub de la byed
rigs pa'i phyir/ zhes pa'i don no/ /yang kho na re/ gang zag gi
bdag med stong nyid yin par thal/ de yongs grub yin pa'i phyir/
rtags khas/ 'dod na/ de rtogs pa'i lta ba de dbu

ma'i lta ba yin par thal/ de stong nyid yin pa'i phyir/ 'dod na/
de rtogs pa'i lta ba la gnas pa'i gang zag yin na dbu ma'i lta
ba la gnas pa'i gang zag yin dgos par thal/ 'dod pa'i phyir na
ma khyab/ 'dod na/ mdo sde pa chos can/ der thal/ de'i phyir/ de
chos can/ sems tsam pa'i

lta ba la gnas pa'i gang zag yin par thal/ 'dod pa gang zhig/
dbu ma'i lta ba yin na sems tsam pa'i lta ba yin dgos pa'i phyir
te/ dbus mtha' las/ yod pas med pas yod pas na/ /'di ni dbu ma'i
lam yin no/ /zhes gsungs pa gang zhig/ de skabs 'dir sgra ji
bzhin pa yin pa'i phyir

zer na/ stong 'thun chen mo ltar na/ thal 'gyur dang po la ma
khyab ste/ stong mthun las/ sems tsam pa'i skabs su/ gang zag gi
bdag med yongs grub tu bshad pa gang zhig/ der sems tsam pas
gang zag gi bdag med don dam par mi 'dod par bshad pa'i phyir/
dang po grub ste/ de nyid las/ yongs

grub ni gzhan dbang gi steng du bdag 'dzin gnyis kyis kun brtags
pa ltar grub pas stong pa'i de bzhin nyid de/ mtshan nyid kyang
de nyid do/ /zhes gsungs pa'i phyir/ gnyis pa grub ste/ de nyid
las/ sems tsam pa dang dbu ma rang rgyud pa rnams gang zag gi
bdag med don dam par mi 'dod cing gang

zag gi bdag 'gog pa'i rigs pa yang tha snyad dpyod byed kyi rigs
par 'dod de/ zhes gsungs pa'i phyir/ de la kho na re/ 'o na/
stong 'thun gyi lugs la/ gang zag gi bdag med stong nyid du 'dod
par thal/ der de de bzhin nyid du 'dod pa'i phyir te/ de nyid
las/ bdag 'dzin gnyis kyis kun

brtags pa ltar grub pas stong pa'i de bzhin nyid de/ zhes gsungs
pa'i phyir/ zer na ma khyab ste/ lung des gang zag gi bdag med
de gang zag gi bdag med pa'i de bzhin nyid du bstan par stong
'thun pas 'dod kyang/ gang zag gi bdag gis stong pa'i de bzhin
nyid yin na de bzhin nyid yin

@17a @#/ /mi dgos pa'i phyir/ gang zag rang rkya thub pa'i rdzas
yod kyis stong pa'i de bzhin nyid yin na de bzhin nyid ma yin
dgos pa'i phyir/ zhes gsungs chog go/ de ltar ma yin na stong
'thun gyi lugs la yang/ gang zag gi bdag med de don dam pa yin
par thal/

de'i lugs la de de bzhin nyid yin pa gang zhig/ de bzhin nyid/
yang dag mtha'/ mtshan ma med pa/ don dam bden pa/ chos kyi
dbyings rnams don gcig ming gi rnam grangs su bshad pa'i phyir
te/ dbus mtha' las/ stong pa nyid de mdor bsdu na/ /de bzhin
nyid dang yang dag mtha'/

mtshan ma med dang don dam dang/ /chos kyi dbyings rnams rnam
grangs so/ /zhes gsungs pa'i phyir/ rtsa ba'i dam bca' la yongs
grub yin na chos kyi bdag med kyi yongs grub yin dgos par thal/
gang zag gi bdag med phra mo yongs grub ma yin pa'i phyir/ rtags
khas/ 'dod na/ 'gog

bden chos can/ der thal/ de'i phyir/ ma grub na/ der thal/ de
kun brtags gzhan dbang yongs grub gsum po gang rung gang zhig
kun brtags kyang ma yin/ gzhan dbang yang ma yin pa'i phyir/
gnyis pa ma grub na/ de chos can/ don dam par ma grub par thal/
kun brtags yin pa'i phyir/

'dod mi nus te/ 'khor ba spangs pa'i myang 'das bden par grub
pa'i phyir/ ma grub na/ 'khor ba bden par ma grub par thal/
myang 'das bden par ma grub pa'i phyir/ rtags khas/ khyab ste/
sems tsam pas 'khor 'das la bden par grub ma grub kyi khyad par
mi 'byed pa'i phyir te/ rtsa she'i

rnam bshad las/ rigs pa'i 'gros 'di rnams shes pa'i gnad kyis
'phags pa'i yul gyi rang sde dngos por smra bas kyang 'khor 'das
la bden par grub ma grub kyi khyad par mi 'byed mod ces gsungs
pa'i phyir/ kha cig/ de'i dngos smra ba da mdo sde pa la byed
zer na mi 'thad de/ mdo sde pas

'khor ba bden grub tu 'dod pa gang zhig/ des myang 'das bden med
du 'dod pa'i phyir/ dang po grub ste/ des de rang mtshan du 'dod
pa'i phyir/ gnyis pa grub ste/ des myang 'das spyi mtshan du 'dod
pa'i phyir/ kha cig/ gang zag gi bdag med yongs grub yin gyi/
stong nyid ma yin zer na mi 'thad

@17b de/ de stong nyid yin par thal/ de de bzhin nyid yin pa'i
phyir/ ma grub na/ der thal/ chos kyi bdag med ma rtogs pa'i
nyan thos dgra bcom pa'i rgyud kyi 'gog bden de de bzhin nyid la
dmigs pa'i lam bsgom pa'i stobs kyis thob pa'i phyir te/ kun
btus las/ de bzhin nyid la dmigs

nas gang du zag pa dang bcas pa'i dngos po 'gags pa ste 'gog
pa'i mtshan nyid do/ /zhes gsungs pa'i phyir/ gzhan yang/ gang
zag gi bdag med de stong nyid yin par thal/ de zab pa dang rgya
che ba gnyis su phye ba'i zab mo yin pa'i phyir te/ thar lam
gsal byed las/ gang zag dang chos la

bdag med pa'i stong pa nyid 'phags pa rnams kyis mnyam gzhag so
so rang gis mngon sum du rigs par bya ba yin gyi chos ston pa'i
sgra tsam las ji lta ba bzhin du shes mi nus pas zab cing/ zhes
dang/ drang nges rnam 'byad las kyang/ bdag med pa'i don de
bzhin nyid de de ni rnam par dag pa'i

dmigs pa'i don dam pa yang yin no/ /der ni ngo bo nyid gzhan
gnyis med kyi yongs grub gcig pu yin pas de ltar gsungs te/ zhes
gsungs pas kyang gang zag gi bdag med de bzhin nyid du bstan
pa'i phyir te/ kun btus las/ chos dge ba rnams kyi de bzhin nyid
gang zhe na/ bdag med pa

rnam pa gnyis dang/ zhes gsungs pa'i phyir/ gnyis pa rang lugs
la/ gzugs kyi yongs grub chos can/ khyod la don dam pa ngo bo
nyid med pa zhes rjod pa'i rgyu mtshan yod de/ khyod don dam pa
yin la chos bdag gi ngo bor med pa'i rgyu mtshan gyis de ltar
rjod pa'i phyir/ des na gang zag gi bdag

med yongs grub dang de bzhin nyid/ don dam par khas len rigs te
dbus mtha' las/ rnam dag spyod yul/ zhes dang/ gang zag dang ni
chos rnams kyi/ /dngos po med pa stong pa nyid/ /ces dang/ kun
btus las/ chos dge rnams kyi de bzhin nyid/ /ces sogs gsungs
pa'i phyir/ gsum pa rtsod pa spong

ba la kho nar/ 'khor lo dang pos stong nyid dngos kyi bstan
bya'i gtso bor byas nas bstan par thal/ gang zag gi bdag med
stong nyid yin pa'i phyir/ rtags khas/ 'dod na/ mdo sde bas
stong nyid rtogs par thal/ 'dod pa'i phyir/ 'dod na/ de chos
can/ khyod theg chen gyi grub mtha' smra ba'i gang zag

@18a @#/ /yin par thal/ khyod kyis stong nyid rtogs pa gang zhig/
khyod grub mtha' smra ba'i gang zag yin pa'i phyir na ma khyab/
kho na re/ gang zag gi bdag med phra mo de gang zag gi stong
nyid yin par thal/ de stong nyid yin pa'i phyir/ 'dod na/ de
gnas lugs yin

par thal lo/ /'dod na/ mdo sde pas gang zag gi gnas lugs rtogs
par thal lo/ /'dod na/ de chos can/ khyod gang zag gi gnas lugs
rtogs pa'i gang zag ma yin par thal/ khyod gang zag gi gnas lugs
la phyin ci log tu sgro 'dogs pa'i sgro 'dogs mngon gyur pa
rgyud ldan gyi

gang zag yin pa'i phyir/ ma grub na/ der thal/ khyod gang zag
rang 'dzin rtog pa'i zhen gzhir rang gi mtshan nyid kyis grub par
bden zhen gyis 'dod pa'i gang zag gang zhig/ gang zag rang 'dzin
rtog pa'i zhen gzhir rang gi mtshan nyid kyis ma grub pa de gnas
lugs phra mo yin

pa'i phyir na ma khyab ste/ mdo sde pas gang zag gi steng gi
chos kyi bdag med la phyin ci log tu sgro 'dogs kyang gang zag
gi gnas lugs la phyin ci log tu sgro mi 'dogs pa'i phyir/ gzhan
yang/ gang zag gi bdag med phra mo de chos dbyings yin par thal/
de stong nyid yin pa'i phyir/

rtags khas/ 'dod na/ chos dbyings la ngo bo mi 'dra ba dang rigs
mi 'dra ba'i dbye ba yod par thal/ gang zag rang rkya thub pa'i
rdzas yod kyis stong pa de yang chos dbyings yin/ gang zag rang
'dzin rtog pa'i zhen gzhir rang gi mtshan nyid kyis ma grub pa de
yang chos dbyings yin pa gang zhig/

de gnyis rigs mi 'dra ba'i phyir/ phyi ma ma grub na/ ngo bo
gcig yin na rigs gcig yin dgos par thal/ ma grub pa de'i phyir/
rtsa bar 'dod mi nus te/ chos kyi dbyings la dbyer med phyir/
/zhes gsungs pa'i phyir zer na/ gang zag gi bdag med phra mo de
stong nyid yin par thal/ de de bzhin

nyid yin pa'i phyir te/ 'gog bden de bzhin nyid yin pa'i phyir
te/ sems tsam pas 'gog bden de bzhin nyid du khas len pa'i phyir
te/ skal bzang mig 'byed las/ 'gog bden yin na de bzhin nyid yin
pas khyab par 'dod pa la dbu sems kyi mkhas pa su yang mi mthun

@18b pa med do/ /zhes gsungs pa'i phyir/ de la kho na re/ 'o na/
stong 'thun gyi lugs la sems tsam pa'i skabs su gang zag gi bdag
med de bzhin nyid yin par thal/ de'i skabs su 'gog bden de bzhin
nyid yin pa'i phyir zer na/ stong 'thun ltar na ma khyab pa
'dra'o/ /gzhan yang/ kho na re/ ngo bo

nyid med par smra ba yin na 'gog bden de bzhin nyid du khas len
pas khyab par thal/ stong 'thun gyi lung de 'thad pa gang zhig/
de'i dbu sems zhes pa'i dbu ma pa de ngo bo nyid med par smra ba
la byed rigs pa'i phyir na ma khyab/ 'dod na/ rang rgyud pa chos
can/ der thal/ de'i phyir zer na skyon med

de/ stong 'thun pas rang rgyud pa'i lugs la yang 'gog bden stong
nyid du 'dod pa dang/ 'phags pa la stong nyid rtogs pas khyab pa
byas pa rnams ni rnam bshad snying po rgyan sogs dang mi mthun
pas/ de tsam zhig sgra ji bzhin par mi 'dzin no/ /gsum pa de dag
gi dpe bstan pa la/ dgongs

'grel las/ de la 'di lta ste dper na nam mkha'i me tog ji lta ba
de lta bur ni mtshan nyid ngo bo nyid med pa nyid blta bar bya'o/
/don dam yang dag 'phags/ de la 'di lta ste dper na sgyu ma byas
pa ji lta ba de lta bur ni skye ba ngo bo nyid med pa nyid blta
bar bya'o/ /don dam pa ngo bo nyid med pa nyid de las kyang

gcig kyang blta bar bya'o/ /don dam yang dag 'phags/ de la 'di
lta ste dper na nam mkha' ni gzugs kyi ngo bo nyid med pa tsam
gyis rab tu phye ba dang thams cad du song ba ji lta ba de lta
bur ni don dam pa ngo bo nyid med pa de las chos bdag med pas
rab tu phye ba dang thams cad du song ba gcig blta

bar bya ste/ zhes gsungs/ don ni/ kun brtags nam mkha'i me tog
gi dpes ston pa'i rgyu mtshan yod de/ dper na nam mkha'i me tog
de rang 'dzin rtog pas sgro btags pa bzhin du/ kun brtags de
yang rtog pas btags tsam yin gyi rang gi mtshan nyid kyis ma grub
pa'i phyir/ gzhan dbang sgyu ma'i

dpes ston pa'i rgyu mtshan yod de/ sgyu ma mkhan gyis rde'u shing
rta glang du sprul pa'i tshe rde'u shing rta glang du snang ba'i
shes pa de sgyu ma'i sngags rdzas kyi mig bslad pa de bzhin du/
don snang gi shes pa de yang ma rig bag chags kyis bslad pa'i
'khrul shes yin pa'i phyir/ yongs grub nam mkha'i dpes

@19a @#/ /ston pa'i rgyu mtshan yod de/ nam mkha' de thogs reg
bkag tsam gyi med dgag dang/ phyogs thams cad la khyab pa bzhin
du/ chos kyi bdag med kyi yongs grub de yang chos bdag bkag tsam
gyi med dgag dang chos thams cad la khyab pa'i phyir/ gnyis pa
gang la

dgongs nas ma skyes pa sogs su bshad pa la kun brtags la dgongs
pa dang/ yongs grub la dgongs pa'o/ /dang po ni/ dgongs 'grel
las/ de la mtshan nyid ngo bo nyid med pa nyid la dgongs nas ngas
chos thams cad ma skyes pa ma 'gags pa gzod ma nas zhi ba rang
bzhin gyis yongs su

myang ngan las 'das pa'o zhes bstan to/ /de ci'i phyir zhe na/
don dam yang dag 'phags/ 'di ltar rang gi mtshan nyid kyis med pa
gang yin pa de ni ma skyes pa yin la/ ma skyes pa gang yin pa de
ni ma 'gags pa yin/ ma skyes pa dang ma 'gags pa gang yin pa de
dag ni gzod ma nas zhi ba yin/ gzod ma nas

zhi ba gang yin pa de ni rang bzhin gyis yongs su myang ngan las
'das pa yin/ rang bzhin gyis yongs su myang ngan las 'das pa de
la ni yongs su mya ngan las 'da' bar bya ba cung zad kyang med
de/ zhes gsungs/ don ni/ kun brtags chos can/ khyod la skye ba
ma mchis pa dang 'gag pa ma mchis pa zhes

brjod pa'i rgyu mtshan yod de/ rang gi mtshan nyid kyis ma grub
pa'i rgyu mtshan gyis de ltar brjod pa'i phyir/ de chos can/
khyod la gzod ma nas zhi ba dang rang bzhin gyis yongs su myang
ngan las 'das pa zhes brjod pa'i rgyu mtshan yod de/ kun nas nyon
mongs phyogs kyis ma bsdus pa'i rgyu mtshan gyis de ltar

brjod pa'i phyir/ des ma bsdus te/ 'dus ma bya yin pa'i phyir
te/ skye 'jig dang bral ba'i phyir/ gnyis pa ni/ dgongs 'grel
las/ yang don dam pa ngo bo nyid med pa nyid chos bdag med pas
rab tu phye ba la dgongs nas ngas chos thams cad ma skyes pa ma
'gags pa gzod ma nas zhi ba rang

bzhin gyis yongs su myang ngan las 'das pa'o zhes bstan to/ /de
ci'i phyir zhe na/ 'di ltar don dam pa ngo bo nyid med pa nyid
chos bdag med pas rab tu phye ba ni/ rtag pa rtag pa'i dus dang
ther zug ther zug gi dus su rnam par gnas pa kho na yin la/ de
ni chos rnams kyi chos nyid 'dus ma byas pa nyon

@19b mongs pa thams cad dang bral ba yin te/ rtag pa rtag pa'i
dus dang ther zug ther zug gi dus su chos nyid de bzhin nyid kyi
rnam par gnas pa 'dus ma byas pa gang yin pa de ni/ 'dus ma byas
pa'i phyir/ ma skyes pa dang ma 'gag pa yin la/ de ni nyon mongs
pa thams cad dang bral ba'i phyir/ gzod

ma nas zhi ba dang rang bzhin gyis yongs su mya ngan las 'das pa
yin te/ zhes pa'i don ni/ yongs grub chos can/ khyod la ma skyes
pa dang ma 'gags pa zhes brjod pa'i rgyu mtshan yod de/ 'dus ma
byas yin pa'i phyir/ snga phyi'i dus kun tu rtag par gnas pa de
yin pa'i phyir/ de chos can/ khyod la

gzod ma nas zhi ba dang rang bzhin gyis yongs su mya ngan las
'das pa zhes brjod pa'i rgyu mtshan yod de/ kun nas nyon mongs
phyogs kyis ma bsdus pa'i phyir/ gsum pa ngo bo nyid gsum gyi
ngo bo ngos bzung ba la/ gzugs phung gi ngo bo nyid gsum gyi
rnam gzhag bshad pa dang/ de 'gres rkang gzhan

la sbyar nas bshad pa'o/ /dang po la gsum las/ kun brtags ngos
'dzin pa ni/ dgongs 'grel las/ rnam par rtog pa'i spyod yul kun
brtags pa'i mtshan nyid kyi gnas 'du byed kyi mtshan ma la gzugs
kyi phung po zhes ngo bo nyid dam bye brag gi mtshan nyid du ming
dang brdas rnam par bzhag

pa dang/ gzugs kyi phung po skye'o zhe'am 'gag pa zhe'am gzugs
kyi phung po spang ba dang yongs su shes pa zhes ngo bo nyid kyi
mtshan nyid dam bye brag gi mtshan nyid du ming dang brdas rnam
par bzhag pa gang lags pa de ni kun brtags pa'i mtshan nyid lags
te/ zhes gsungs/ don ni/ gzugs phung

gi kun brtags yod de/ gzugs phung gzugs phung zhes pa'i sgra
'jug pa'i gzhi yin pa de/ gzugs phung gi ngo bor kun brtags pa'i
kun brtags dang/ gzugs phung gi skye ba gzugs phung gi skye ba
zhes pa'i sgra 'jug pa'i gzhi yin pa de/ gzugs phung gi khyad
par la kun

brtags pa'i kun brtags yin pa'i phyir/ gnyis pa gzhan dbang ngos
'dzin pa ni/ dgongs 'grel las/ rnam par rtog pa'i spyod yul kun
brtags pa'i mtshan nyid kyi gnas 'du byed kyi mtshan ma gang lags
pa de ni gzhan gyi dbang gi mtshan nyid lags te/ zhes gsungs/ don
ni/

@20a @#/ /gzugs phung gi gzhan dbang ngos bzung du yod de/ gzugs
phung gi gdags gzhir gyur pa'i dngos po de gzugs phung gi gzhan
dbang yin pa'i phyir/ gsum pa yongs grub ngos 'dzin pa ni/
dgongs 'grel las/ rnam par rtog pa'i spyod yul kun brtags

pa'i mtshan nyid kyi gnas 'du byed kyi mtshan ma de nyid/ kun
brtags pa'i mtshan nyid der yongs su ma grub cing ngo bo nyid de
kho nas ngo bo nyid ma mchis pa nyid chos la bdag ma mchis ba de
bzhin nyid rnam par dag pa'i dmigs pa gang lags pa de ni yongs
su grub pa'i mtshan nyid lags

ta; zhes gsungs/ don ni/ gzugs phung gi yongs grub bzhag tu yod
de/ gzugs phung rang 'dzin rtog pa'i zhen gzhir rang gi mtshan
nyid kyis ma grub pa de/ gzugs phung gi yongs grub yin pa'i
phyir/ gnyis pa ni/ dgongs 'grel las/ de ltar gzugs phung la ji
ltar sbyar ba bzhin du

phung po lhag ma rnams la yang de bzhin du sbyor/ zhes sogs kyi
skabs su gsum las/ dang po ni/ kha cig/ 'dus ma byas kyi chos
rnams kyi steng du mtshan nyid gsum gyi rnam gzhag 'byed mi rigs
te/ 'dus ma byas kyi chos rnams kyi steng du gzhan dbang mtshan
nyid pa bzhag tu med pa'i phyir zer na

mi 'thad de/ gzugs phung nas lam gyi yan lag gi bar gyi chos re
re'i steng du mtshan nyid gsum gsum gyi rnam gzhag 'byed par
dgongs 'grel las gsungs pa'i phyir te/ de nyid las/ gzugs kyi
phung po la ji ltar sbyar ba bzhin du phung po lhag ma zhes sogs
gsungs pa'i phyir dang/

drang nges rnam 'byed las kyang/ de ltar gzugs kyi phung po la
ji ltar sbyar ba bzhin du zhes sogs gsungs pa'i phyir/ kha cig/
'dus ma byas kyi chos rnams kyi steng du gzhan dbang mtshan nyid
pa bzhag tu med par thal/ 'dus ma byas dang gzhan dbang gi gzhi
mthun bzhag tu med pa'i phyir na ma

khyab/ kha cig/ 'dus ma byas kyi chos rnam kyi steng du mtshan
nyid gsum gsum gyi rnam gzhag 'byed kyang da dag gi gzhan dbang
mtshan nyid pa yod mi dgos te/ de rnams kyi steng du gzhan dbang
dod thub gcig bzhag pas chog pa'i phyir zer ba dang/ kha cig/ de
ltar 'byed kyang de dag gi gzhan

@20b dbang gis gzhan dbang gi go mi chod zer ba rnams la/ shes
bya chos can/ dgongs 'grel las/ chos rnams kyi skye ba ngo bo
nyid med pa nyid gang zhes sogs kyi mdo 'dis nam mkha' dang chos
kyi skye mched sogs kyi gzhan dbang skye ba ngo bo nyid med tshul
cig dngos su bstan par thal/ de dag gi

gzhan dbang skye ba ngo bo nyid med tshul dgongs 'grel las dngos
su bstan pa'i phyir te/ gong du drangs pa'i lung don grub pa'i
phyir dang/ drang nges rnam 'byed las/ legs par phye ba ni sngar
bshad pa ltar gzugs la sogs pa'i chos re re la zhes sogs gsungs
pa'i phyir/ 'dod na/ mdo des nam

mkha' sogs kyi gzhan dbang rang gi rgyu rkyen la brten nas skye
ba yin gyi/ rang gi rgyu rkyen la ltos med du rang dbang du mi
skye ba nam mkha' sogs kyi gzhan dbang skye ba ngo bo nyid med
pa'i don du bstan par thal lo/ /'dod na dngos/ nam mkha' sogs
kyi gzhan dbang rang gi rgyu rkyen la brten nas skye bar thal/
'dod

pa gang zhig/ mdo de sgra ji bzhin pa yin pa'i phyir/ lan med
do/ /'dir smas pa/ shes rab mtshungs pa med pa'i thal 'gyur 'di/
/mkhas pa'i dbang po'i gsung bzhin gnas lcags thog/ rgol ngan
dpung tshogs rdul ri'i phreng bas rnams/ /skad cig nyid la phye
mar 'thag par byed/ /ces bya'o/ /gzhan yang/

shes bya chos can/ dgongs 'grel las/ rnam par rtog pa'i spyod
yul kun brtags pa'i mtshan nyid kyi gnas 'du byed kyi mtshan ma
gang lags ba de ni gzhan gyi dbang gi mtshan nyid lags te/ zhes
pa'i mdo 'di/ nam mkha' dang chos khams dang chos kyi skye mched
rnam kyi gzhan dbang ngos 'dzin pa'i

mdo yin par thal/ mdo 'di gzugs phung nas lam gyi yan lag gi bar
gyi chos rnam kyi gzhan dbang ngos 'dzin pa'i mdo gang zhig/ nam
mkha' dang chos khams sogs gzugs phung nas lam gyi yan lag gi
bar gyi 'gres rkang rnams kyi nang du 'dus pa'i phyir/ dang po
grub ste/ dgongs 'grel las/

gzugs phung la ji ltar sbyar ba bzhin du phung po lhag ma bzhi
dang zhes sogs gsungs pa'i phyir/ rtsa bar 'dod na dngos/ nam
amkha' sogs kyi gzhan dbang de 'du byed kyi mtshan ma gcig la
byed rigs par thal/ 'dod pa gang zhig/ mdo de sgra ji bzhin pa
yin pa'i phyir/ kha cig gis/ nam mkha'i yongs 

@21a @#/ /grub yongs grub yin/ nam mkha'i gzhan dbang gzhan
dbang ma yin zer na nang 'gal te/ nam mkha'i gzhan dbang gzhan
dbang yin par thal/ nam mkha'i chos kyi bdag med kyi yongs
grub kyi rten chos can gzhan dbang cig yod pa'i phyir te/ de'i
rten chos can

bden grub cig yod pa'i phyir te/ nam mkha'i chos nyid bden par
grub pa'i phyir/ khyab ste/ drang nges rnam 'byed las/ chos
rnams rang gi mtshan nyid kyis gnas tshul la ji ltar yod dpyad
pa'i don dam du yod pa la ni chos can med na chos nyid yan gar
ba la gnas pa'i mthu med pas gzhan

dbang gi rten 'brel rang bzhin gyis grub pas stong na yongs
grub kyang rang gi mtshan nyid kyis ma grub par 'gyur/ zhes
lugs snga mas kyang smra la/ lugs 'dis kyang smra ste/ zhes
dang/ rnam bshad rigs pa'i rgya mtsho las kyang/ stong pa nyid
yin pa cung zad cig bden par grub par 'dod na ni de'i

rten chos can bden par grub pa gcig kyang gdon mi za bar 'dod
dgos te/ rten chos can med par brten pa'i chos nyid gnas pa mi
srid pa'i phyir dang/ bden grub kyi rten rdzun pas byed pa
'gal ba'i phyir/ zhes gsungs pa'i phyir/ de la kha cig/ de'i
don thal 'gyur bas nam mkha'i chos nyid rang ngos

nas grub na chos can nam mkha' yang rang ngos nas grub dgos
zhes 'phul 'tshams byed rgyu yin pas skyon med do/ /zhe na/ de
ni nyam thag pa'i lan yin te/ lugs snga mas kyang smra la zhes
sems tsam pas kyang da ltar smra bar gsungs pa dang/ gzugs
nyid kyang mi dmigs na/ gzugs kyi de bzhin

nyid dmigs par lta ga la 'gyur zhes drang nges rnam 'byed las
gsungs pa'i phyir dang/ rigs pa'i rgya mtsho las kyang nges na
de la ni dbu ma pa dang dngos por smra ba gnyis ka mthun la de
ltar na 'ang dngos por smra bas na chos can dang stong nyid
gnyis ka bden par 'dod la dbu ma pas ni chos can

mi bden pas stong nyid kyang bden par ma grub par bzhed do/
/zhes gsungs pa rnams kyis grub pa'i phyir/ smras pa/ mkhas
pa'i legs bshad bden phugs med pa yi/ /ltar snang rigs pa bden
bden ltar smras kyang/ /dri med lung dang rigs pas shan phyed
tshe/ /rdzun phugs brdib pa'i rkun

@21b ma bzhin du gyur/ /ces bya'o/ /des na de dag gi skabs kyi
dngos smra ba de sems tsam pa la byed cing chos nyid bden par
grub na de'i rten chos can bden par grub dgos pa/ dbu sems
gnyis kas khas len pa la byed rigs pa'i phyir te/ rigs pa'i
rgya mtsho'i lung de'i 'phro nyid nas/ /rnal 'byor spyod

pa pa'i mkhas pa rnams kyang yongs grub bden par grub pa la
de'i rten gzhan dbang bden par grub dgos par mthong nas/ gzhan
dbang bden par grub na de'i stong nyid yang bden par grub dgos
pa'i phyir dang de bden par ma grub pa'i rgyu mtshan de nyid
kyis de'i chos nyid bden med du grub pa'i

phyir/ des na de las bzlog ste smra ba ni/ rang gi sde pa gong
'og gang gi yang lugs ma yin pas dor bya kho na'o/ /zhes
gsungs pa'i phyir/ kho na re/ nam mkha'i yongs grub yongs grub
yin par thal/ nam mkha'i gzhan dbang gzhan dbang yin pa'i
phyir/ rtags khas/ 'dod mi nus te/ mdo

sde pas nam mkha' chos nyid rtogs pa'i phyir te/ des nam mkha'
rang 'dzin rtog pa'i zhen gzhir rang gi mtshan nyid kyis ma
grub par rtogs pa'i phyir te/ des de der spyi mtshan du rtogs
pa'i phyir te/ das de der rang mtshan ma yin par rtogs pa'i
phyir te/ des de der dngos med du rtogs

pa'i phyir na ma khyab ste/ mdo sde pas nam mkha' rang 'dzin
rtog pa'i zhen gzhir rang gi mtshan nyid kyis ma grub par ma
rtogs par thal/ des de der rang gi mtshan nyid kyis grub par
khas len pa'i phyir te/ des gzugs rang 'dzin rtog pa'i zhen
gzhir rang gi mtshan nyid kyis grub par

khas len pa'i phyir te/ drang nges rnam 'byed las/ gang la
brda' 'dogs pa'i dngos kyi yul der ni de'i ngo bo rang mtshan
gyis grub na brda 'brel byas pa la mi ltos par ming gi blo
skye ba sogs kyi skyon yod mod kyang/ gzugs sogs brda 'dogs
pa'i gnas dang rtog pa'i zhen gzhi yin pa de rang 

gi mtshan nyid kyis grub pa la skyon der mi 'gyur ro zhes nyan
thos sde pa ngag smra mod kyang 'dra'o/ /zhes gsungs pa'i phyir/
gzhan yang/ mdo sde pas nam mkha' yod par 'jog mi shes par thal/
des nam mkha' rang 'dzin rtog pa'i zhen gzhir rang gi mtshan nyid
kyis grub pa khegs pa'i phyir/

@22a @#/ /khyab ste/ drang nges rnam 'byed las don smra gnyis
kyis gzugs sogs rtog pa'i zhen gzhi dang brda 'dogs pa'i gnas
su rang mtshan gyis grub pa khegs na de dag yod par 'jog mi
shes te tshad ma ba la grags pa'i rang mtshan ni ma yin no/
/zhes gsungs pa'i

phyir/ khyab ste/ de'i sogs khong nas phung po lhag ma bzhi
nas lam gyi yan lag gi bar 'don rigs pa'i phyir/ gzhan yang/
des nam mkha' rang 'dzin rtog pa'i zhen gzhir rang gi mtshan
nyid kyis grub par khas len par thal/ des chos bdag khas len
pa'i phyir/ gzhan yang mdo sde pa de/

ming gi snga rol blo med phyir/ /zhes ba'i gzhung gi phyogs
snga smra ba po ma yin par thal/ des gzugs sogs rang 'dzin
rtog pa'i zhen gzhir rang gi mtshan nyid kyis grub par khas len
pa ma yin pa'i phyir/ kho na re/ kun brtags kyi chos nyid yin
na chos nyid yin dgos par thal/ de chos nyid

yin pa'i phyir/ 'dod na/ chos nyid rang 'dzin rtog pa'i zhen
gzhir rang gi mtshan nyid kyis grub pa chos can/ der thal/ de'i
phyir te/ gzugs rang 'dzin rtog pa'i zhen gzhir rang gi mtshan
nyid kyis grub pa kun brtags kyi gzugs yin pa gang zhig /chos
nyid kyi steng du byams zhus nas gsungs

pa'i mtshan nyid gsum gyi rnam gzhag 'thad pa'i phyir te/ stong
nyid kyi steng du de 'thad pa'i phyir/ kha cig /'dir ma khyab
zer/ der thal/ stong nyid bcu drug gi steng du de 'thad pa'i
phyir na ma khyab/ der thal/ gzugs nas rnam mkhyen gyi bar gyi
chos rnams kyi steng du de 'thad pa'i phyir/ zhes

zer/ gong du ma khyab zer ba mi 'thad de/ kun brtags kyi stong
nyid yin na stong nyid yin dgos par thal/ de'i chos nyid yin
na chos nyid yin dgos pa'i phyir/ rtags khas/ 'dod na/ stong
nyid rang 'dzin rtog pa'i zhen gzhir rang gi mtshan nyid kyis
grub pa chos can/ der thal/ de'i phyir/ rtags

don gyis dngos/ kho na re/ chos thams cad kyi steng du byams
zhus nas gsungs pa'i mtshan nyid gsum gyi rnam gzhag 'thad par
thal/ chos nyid kyi steng du de 'thad pa'i phyir te/ gzugs nas
rnam mkhyen gyi bar gyi chos thams cad kyi steng du de 'thad
pa'i phyir na ma khyab ste/ rgyu 'bras dang mtshan

@22b mtshon gyi steng du de 'thad par thal/ chos thams cad kyi
steng du de 'thad pa'i phyir/ rtags khas/ 'dod na/ kun brtags
kyi rgyu dang kun brtags kyi 'bras bu dang kun brtags kyi
mtshan mtshon sogs yod par thal/ 'dod pa'i phyir/ de bzhin du
chos nyid kyi rgyu 'bras mtshon bya sogs yod

par thal/ 'dod pa'i phyir/ gnyis pa rang lugs la/ gzugs kyi
gdags gzhir gyur pa'i gzugs rung gzugs kyi gzhan dbang yin/
gzugs gzugs 'dzin rtog pa'i zhen gzhi yin pa dang der de rang
gi mtshan nyid kyis grub pa gnyis gzugs kyi kun brtags/ gzugs
gzugs

'dzin rtog pa'i zhen gzhir rang gi mtshan nyid kyi ma grub pa
gzugs kyi yongs grub tu 'jog pa'i phyir/ des mtshon nas rnam
mkhyen gyi bar gyi chos thams cad kyi steng du mtshan nyid gsum
gyi rnam gzhag 'thad ldan re 'jog la/ nam mkha' la ni nam
mkha'i gdags gzhir gyur pa'i dngos

po de de'i gzhan dbang yin te/ de nam mkha' rang 'dzin rtog
pa'i zhen gzhir rang gi mtshan nyid kyis ma grub pa'i stong
nyid kyi stong gzhi chos can yin pa'i phyir/ nam mkha' 'dzin
pa'i tshad ma nam mkha'i gzhan dbang yin te/ de nam mkha' 'dzin
pa'i tshad ma rang 'dzin rtog pa'i zhen gzhir

rang gi mtshan nyid kyis ma grub pa nam mkha' 'dzin pa'i tshad
ma dang nam mkha' gnyis ka'i stong nyid yin pas de'i rten chos
can du 'jog pa'i phyir/ nam mkha' sogs 'dus ma byas kyi chos
rnams kyi steng du rang gi gdags gzhir gyur pa'i dngos po re
khas len dgos te/ de rnams kyi

steng du rang gi don bya ba byed pa'i nus pa yod med dpyod
pa'i rten mthar thug tu gyur pa'i dngos po rang mtshan pa re
yod pa'i phyir te/ rnam 'grel las/ rang gi mtshan nyid gcig
gzhal bya/ /yod med gnyis su dpyod rnams kyi/ /don bya de las
grub pa'i phyir/ /zhes gsungs pa'i phyir/ 'o na/

'dus ma byas kyi nam mkha'i gdags gzhir gyur pa'i dngos po de
gang zhe na/ de yod med dpyod pa'i rten mthar thug tu gyur
pa'i bar gyi snang ba skya sengs pa de nam mkha'i gdags gzhir
gyur pa'i dngos po yin te/ bar gyi snang ba skya sengs pa de
la thogs pa'i reg bya yod med dpyad nas

@23a @#/ /thogs pa'i reg byas stong par nges pa na 'dus ma byas
kyi nam mkha'i mtshan gzhir legs par grub par 'jog pa'i phyir
te/ thar lam gsal byed las/ 'o na 'dus ma byas kyi nam mkha'
shes bya yin min dpyod pa'i rten dngos por ji ltar rung zhe
na/ de la thog

mar 'dus ma byas kyi nam mkha' yod med the tshom za bar bsal
bas de sgrub dgos pa yin la/ de yang mig shes la snang ba'i
bar gyi snang ba mngon par skabs yid kyi gzugs 'di mngon sum
tshad mas grub pa gzhir bzung nas/ der thogs pa'i reg bya yod
med dpyad nas thogs pa'i reg

byas stong par nges pa na/ 'dus ma byas kyi nam mkha'i mtshan
gzhi legs par grub pa yin pas/ der yang dpyad par bya ba'i
gzhi dang/ yod med dpyod pa'i chos kyang dngos po nyid la zhen
par shin tu gsal lo/ /zhes gsungs pa'i phyir/ des na rang
'dzin rtog pas sgro 'dogs pa kun brtags

kyi mtshan nyid/ dbye na mtshan nyid yongs chad kyi kun brtags
dang rnam grangs pa'i kun brtags gnyis/ rang gi rgyu rkyen las
skyes pa/ gzhan dbang gi mtshan nyid/ dbye na/ dag pa'i gzhan
dbang dang ma dag pa'i gzhan dbang gnyis/ rnam dag lam gyi
dmigs pa mthar thug yongs grub kyi mtshan

nyid/ sgras brjod rigs kyi sgo nas dbye na/ 'gyur med yongs
grub dang/ phyin ci ma log pa'i yongs grub gnyis/ dang po ni/
stong nyid dang don gcig /gnyis pa ni/ stong nyid rtogs pa'i
mnyam gzhag ye shes lta bu/ gzugs kyi kun brtags dang kun
brtags kyi gzugs don gcig /chos nyid kyi

gzugs dang gzugs kyi chos nyid don gcig /rnam btags kyi gzugs
ni gzugs lta bu'o/ /gsum pa rtsod pa spong ba la kho na re/
nam mkha' 'dzin pa'i rtog pa nam mkha'i gzhan dbang yin par
thal/ de 'dzin pa'i tshad ma de'i gzhan dbang yin pa'i phyir na
ma khyab/ 'dod na/ nam mkha' 'dzin pa'i

rtog pa'i chos nyid yin na nam mkha'i chos nyid yin dgos par
thal lo/ /'dod na/ shes bya chos can/ bum 'dzin rtog pa'i chos
nyid yin na bum pa'i chos nyid yin dgos par thal/ shes bya
dang gcig gang zhig /'dod pa'i phyir/ 'dod na/ bum 'dzin rtog
pa chos can/ khyod kyi chos nyid yin na

@23b bum pa'i chos nyid yin dgos par thal/ khyod kyi chos nyid
bum pa'i chos nyid yin pa'i phyir/ 'dod na/ bum pa'i dgag
gzhis gshag gzhan yang/ kho na re/ tshur mthong lhas byin 'dzin
pa'i tshad ma tshur mthong lhas byin gyi gzhan dbang yin par
thal/ shes bya dang gcig gang zhig nam

mkha' la de'i phyir/ rtags khas/ 'dod na/ tshur mthong lhas
byin 'dzin pa'i tshad ma'i chos nyid yin na tshur mthong lhas
byin gyi chos nyid yin dgos par thal/ 'dod pa'i phyir/ 'dod
na/ de 'dzin pa'i rnam mkhyen gyi chos nyid de de'i chos nyid
yin par thal lo/ /'dod na/ tshur mthong lhas

byin 'dzin pa'i rnam mkhyen gyi chos nyid chos can/ khyod tshur
mthong lhas byin gyi rgyud la yod par thal/ 'dod pa'i phyir/
'dod mi nus te/ khyod ngo bo nyid sku yin pa'i phyir zer na/
nam mkha' 'dzin pa'i tshad ma nam mkha'i gzhan dbang yin par
thal/ gzugs dang gzugs 'dzin tshad ma gzugs

kyi gzhan dbang yin pa'i phyir/ ma grub na/ de'i gzhan dbang
yin na gzugs kyi gzhan dbang ma yin dgos par thal/ ma grub pa
de'i phyir/ 'dod na/ de'i chos nyid yin na/ gzugs kyi chos
nyid ma yin dgos par thal/ 'dod pa'i phyir/ 'dod na/ gzugs
dang gzugs 'dzin tshad ma rdzas

gzhan gyis stong pa chos can/ der thal/ de'i phyir/ rtags grub
cing/ 'dod mi nus te/ rnam 'grel las/ de phyir gnyis stong
gang yin pa/ /de ni de yi'ang de bzhin nyid/ /zhes dang/ de'i
thad kyi thar lam gsal byed las/ gzugs 'dzin rdzas gzhan kyis
stong pa'i stong nyid gang yin pa de ni chos

can/ gnyis med kyi shes par ma zad gnyis snang de yi'ang de
kho na nyid yin te/ mthar thug dpyod pa'i rigs shes kyis dpyad
bzod yin pa de'i phyir/ zhes gsungs pa'i phyir/ kho na re/
rnam mkhyen dang rnam mkhyen 'dzin pa'i tshad ma rdzas gzhan
gyis stong pa de rnam mkhyen gyi chos nyid yin par  

thal/ gzugs la de'i phyir/ 'dod na/ de chos can/ ngo bo nyid sku
yin par thal/ rnam mkhyen gyi chos nyid yin pa'i phyir/ 'dod na/
khyod rgyud ldan gyi sems can med par thal lo/ /zhe na/ rnam
mkhyen rang 'dzin rtog pa'i zhen gzhir rang gi mtshan nyid kyis
ma grub pa chos can/ der thal/ de'i phyir/

@24a @#/ /'dod mi nus te/ sems can gyi rgyud la rnam mkhyen med
pa yod pa'i phyir/ kho na re/ rnam mkhyen dang sems can gyi
rgyud kyi rnam mkhyen 'dzin pa'i tshad ma rdzas gzhan gyis
stong pa'i stong nyid de rnam mkhyen gyi chos nyid yin par
thal/ rnam mkhyen dang rnam mkhyen 'dzin pa'i

tshad ma rdzas gzhan gyis stong pa'i stong nyid de rnam mkhyen
gyis stong nyid yin pa'i phyir zer na ma khyab ste/ rnam
mkhyen dang sems can gyi rgyud kyi rnam mkhyen 'dzin pa'i tshad
ma rdzas gzhan gyis stong par thal/ rnam mkhyen dang rnam
mkhyen 'dzin pa'i tshad ma rdzas gzhan gyis stong pa'i phyir/
khyab pa

khas/ ma grub na/ der thal/ de gnyis rdzas gcig yin pa'i
phyir/ rtsa bar 'dod mi nus te/ de gnyis rdzas gzhan yin pa'i
phyir te/ de gnyis rgyu 'bras yin pa'i phyir/ kho na re/ bar
gyi snang ba skya sengs pa de 'dus ma byas kyi nam mkha' yin
zhes pa'i tha snyad de tha snyad don mthun yin par thal/ de

gdags gzhir byas nas 'dus ma byas kyi nam mkha'i tha snyad
'dogs pa'i phyir na ma khyab/ der thal/ de 'dus ma byas kyi
nam mkha'i gdags gzhi yin pa'i phyir/ 'dod mi nus te/ de 'dus
ma byas kyi nam mkha' ma yin pa'i phyir zer na/ gang zag gi
gzugs phung de gang zag yin zhes pa'i

tha snyad de tha snyad don mthun yin par thal/ gang zag gi
gzugs phung gdags gzhir byas nas de'i steng du gang zag gi tha
snyad 'dogs pa'i phyir/ khyab pa khas/ rtags grub ste/ de gang
zag gi gdags gzhi yin pa'i phyir te/ gang zag gi phung po
lnga/ gang zag gi gdags gzhi yin pa'i phyir/

'dod mi nus te/ de gang zag ma yin pa'i phyir/ 'khor gsum/
gzhan yang/ bum pa'i rdul rnams bum pa yin no zhes pa'i tha
snyad de tha snyad don mthun yin par thal/ bum pa'i rdul rnams
bum pa'i gdags gzhi yin pa'i phyir/ khyab pa khas/ yang kho na
re/ gzhan dbang

ma yin pa'i gzhan dbang yod par thal/ chos nyid kyi steng du
gzhan dbang mtshan nyid pa yod pa'i phyir/ 'dod na/ dngos po ma
yin pa'i dngos po yod par thal lo/ /zer na ma khyab ste/ dngos
po ma yin pa'i dngos po yod par thal/ mtshan nyid ma yin pa'i
mtshan nyid yod pa'i phyir/

@24b khyab pa khas/ kho na re/ gzugs kyi steng du rnam btags
kyi gzugs kun brtags kyi gzugs yongs grub kyi gzugs gsum 'jog
pa bzhin du chos thams cad kyi steng du de 'jog rigs par thal/
chos thams cad kyi steng du mtshan nyid gsum gyi rnam gzhag
'thad ldan re 'jog rigs pa'i

phyir/ rtags khas/ 'dod na/ mtshan nyid rang 'dzin rtog pa'i
zhen gzhir rang gi mtshan nyid kyis grub pa kun brtags kyi
mtshan nyid yin par thal lo/ /'dod na/ shes bya chos can/ mtshan
nyid rang 'dzin rtog pa'i zhen gzhir rang gi mtshan nyid kyis
grub par thal/ kun brtags yin pa'i phyir/ de

bzhin du mtshon bya la yang rigs 'gre/ gzhan yang/ mtshan nyid
rang 'dzin rtog pa'i zhen gzhir rang gi mtshan nyid kyis ma
grub pa chos nyid kyi mtshan nyid yin par thal/ rtags sngar
bzhin/ 'dod na/ shes bya chos can/ chos nyid yin par thal/
mtshan nyid rang 'dzin rtog pa'i zhen gzhir rang

gi mtshan nyid kyis ma grub pa'i phyir/ rtags khas/ de bzhin du
mtshon bya la yang rigs 'gres pas chog go/ gzhan yang/ gzhan
dbang rang 'dzin rtog pa'i zhen gzhir rang gi mtshan nyid kyis
grub pa de kun brtags kyi gzhan dbang yin par thal/ gzugs rang
'dzin rtog pa'i zhen gzhir

rang gi mtshan nyid kyis grub pa de kun brtags kyis gzugs gang
zhig /rigs pa de rnam mkhyen gyi bar la sbyor rigs pa'i phyir/
rtags khas/ 'dod na/ kun brtags kyi gzhan dbang gzhan dbang ma
yin par thal lo/ gzhan yang/ nam mkha'i chos nyid chos nyid ma
yin par thal/ kun

brtags kyi chos nyid chos nyid ma yin pa'i phyir te/ chos nyid
rang 'dzin rtog pa'i zhen gzhir rang gi mtshan nyid kyis grub
pa kun brtags kyi chos nyid yin pa'i phyir ro/ /rtags sngar
bzhin zer na skyon med de/ gzugs phung la sgras brjod rigs
kyis go nas dbye na/ rnam btags kyi

gzugs kun brtags kyi gzugs yongs grub kyi gzugs zhes pa'i tha
snyad gsungs shing/ nyi khri byams zhus kyi le'u las/ byams
pa/ gang 'du byed kyi mtshan ma'i dngos po de dang de la gzugs
zhas bya ba'i ming dang 'du shes dang btags pa dang tha snyad
la brten nas/ gzugs

@25a @#/ /kyi ngo bo nyid du yongs su rtog pa 'di ni kun brtags
pa'i gzugs so/ /zhes sogs gzugs nas rnam mkhyen gyis bar gyi
'gres rkang la sbyar ba'i chos rnams kyi nang du mtshan nyid
mtshon bya kun brtags yongs grub rnams ma bgrangs shing stong
nyid dang chos nyid dngos

su ma bgrangs pa'i phyir/ de la kha cig /kun brtags kyi stong
nyid stong nyid ma yin par thal/ stong nyid rang 'dzin rtog
pa'i zhen gzhir rang gi mtshan nyid kyis grub pa kun brtags kyi
stong nyid yin pa'i phyir te/ rigs pa de 'gres rkang brgya
rtsa brgyad la sbyor rigs pa gang zhig /'gres rkang de rnams

kyi nang du stong nyid bgrangs pa'i phyir/ rtags khas/ 'dod mi
nus te/ kun brtags kyi chos nyid chos nyid yin pa'i phyir zer/
re shig rten 'brel gyi chos nyid chos nyid yin par thal/ rten
'brel gyi stong nyid stong nyid yin pa'i phyir/ 'dod na/ rten
'brel gyi chos nyid yin na chos nyid yin

dgos par thal/ 'dod pa'i phyir/ 'dod na/ me gyen du 'bar ba
chos can/ der thal/ de'i phyir/ rtags grub ste/ chu thur du
'bab pa dang sa bon las myu gu skye ba sogs byed pa po gzhan
med pas rten 'brel gyi chos nyid yin pa'i phyir/ kha cig /yod
na mtshan nyid gsum po gang rung yin dgos zer na/

rang mtshan chos can/ der thal/ de'i phyir/ 'dod mi nus te/ kho
rang dang gcig yin pa'i phyir/ rang res gzugs 'dzin rtog pa'i
zhen gzhir gzugs yod byas pa la kho na re/ 'o na/ der gzugs
gzugs yin par thal/ dam bca' 'thad pa'i phyir/ 'dod na/ der
gzugs gzhan dbang

yin par thal lo/ /zer na 'dir ma khyab ste/ der gzugs rtag pa
yin pa'i phyir/ byas pa la kho na re/ gzugs dang rtag pa'i
gzhi mthun yod par thal/ der gzugs rtag pa yin pa'i phyir/
'dod na/ gzugs chos can/ khyod dang rtag pa'i gzhi mthun med
par thal/ khyod dngos po yin pa'i phyir

zer na/ rtog pa la sbyar bas chog lags so/ /bzhi pa de dag gi
grub pa'i don zhus pa la/ mdo 'god pa dang/ de'i don bshad
pa'o/ /dang po ni/ dgongs 'grel las/ bcom ldan 'das kyis dang
por lba ra Na ser drang srong smra ba ri dags kyi nags su nyan
thos kyi theg pa la yang dag par zhugs

@25b pa rnams la 'phags pa'i bden pa bzhi'i rnam pa bstan pas/
chos kyi 'khor lo ngo mtshar rmad du byung ba/ sngon lhar gyur
pa'am mir gyur ba sus kyang mthun par 'jig rten du ma bskor ba
zhig rab tu bskor ba zhig rab tu bskor te/ bcom ldan 'das kyis
chos kyi 'khor lo rab tu bskor ba de yang bla na mchis pa/
skabs ma chis pa/

drang ba'i don rtsod pa'i gzhi'i gnas su gyur pa lags/ bcom
ldan 'das kyis chos rnams kyi ngo bo nyid ma mchis pa nyid las
brtsams/ skye ba ma mchis pa dang 'gag pa ma mchis pa dang
gzod ma nas zhi ba dang rang bzhin gyi yongs su mya ngan las
'das pa nyid las brtsams nas theg pa chen po la yang

dag par zhugs pa rnams la stong pa nyid smos pa'i rnam pas
ches ngo mtshar rmad du byung ba'i chos kyis 'khor lo gnyis pa
bskor te/ bcom ldan 'das kyis chos kyi 'khor lo bskor ba de
yang bla na mchis pa/ skabs mchis pa/ drang ba'i don/ rtsod
pa'i gzhi'i gnas su gyur pa lags kyi/ bcom ldan 'das

kyis chos rnams kyi ngo bo nyid ma mchis pa nyid las brtsams/
skye ba ma mchis pa dang 'gag pa ma mchis pa dang gzod ma nas
zhi ba dang rang bzhin gyis yongs su mya ngan las 'das pa nyid
las brtsams nas theg pa thams cad la yang dag par zhugs pa
rnams la legs par rnam par phye ba dang ldan

pa ngo mtshar rmad du byung ba'i chos kyi 'khor lo gsum pa
bskor te/ bcom ldan 'das kyis chos kyi 'khor lo bskor ba 'di
ni bla na ma mchis pa/ skabs ma mchis pa/ nges pa'i don lags
te/ rtsod pa'i gzhi'i gnas su gyur pa ma lags so zhes gsungs
pa'i phyir/ gnyis pa la/ mdo'i tshig don

bshad pa dang/ drang nges kyi 'dod tshul bshad pa'o/ /dang po
la kha cig /bden bzhi'i chos 'khor la/ ston pa/ gnas/ 'khor/
chos/ dus/ dgos pa dang drug las/ dang po ston pa ni shAkya
thub pa/ gnas ni lba ra Na si/ 'khor ni/ kun shes kauNDi n+ya/
ming chen/ bzang ldan/ blangs pa/ rta thul te lnga sde bzang

po la sogs pa'o/ /chos ni bden pa bzhi la lan gsum du bzlas pa
rnam pa bcu gnyis dang ldan pa'o/ /dus ni dgongs 'grel gyi
'grel par lo bdun gyi bar du gsungs par bshad/ chag los lo
bdun du zla ba gnyis ma tshang bar bshad/ kha cig/ lo drug dang
zla ba drug tu gsungs/ zhes 

@26a @#/ /zer/ dgos pa ni/ gdul bya gang zag gi bdag tu 'dzin
pa las bzlog nas 'bras bu bzhi la 'god pa'i phyir du gsungs/
mtshan nyid med pa'i chos 'khor la yang drug las/ dang po ni/
sngar bzhin/ gnyis pa ni/ rgyal po'i khab dang bya rgod phung
po'i ri'o/ /gsum pa

ni; dge slong pha ma la sogs pa'o/ /bzhi pa ni/ sher phyin
dang bka' bar par gtogs pa rnams so/ /lnga pa ni/ khro phu ?
lo tsal bas lo sum cu'i bar gsungs/ zhes zer ro/ /chag los lo
so gcig /ston skyabs sogs lo so gnyis/ mchims lugs pa rnams lo
nyer bdun du gsungs zhes

zer/ drug pa ni/ sgro 'dogs kyi mtha' bkag nas stong nyid du
tshul gcig la 'god pa'i phyir du gsungs/ don dam rnam nges kyi
chos 'khor la drug /dang po ni/ sngar bzhi ni/ gnyis pa ni/ ri
mal ya dang yangs pa can la sogs pa'o/ /gsum pa ni/ theg pa
sna tshogs pa la mos pa

rnams so/ /bzhi pa ni/ theg pa gsum bstan pa'i mdo phal mo che
dang mya ngan las 'das pa'i mdo dang dgongs 'grel la sogs
pa'o/ /lnga pa ni/ mchims lugs pa rnams lo bcu zer ro/ /chags
los bdun nam dgu zer/ khro phu bas lo bcu gnyis zer/ drug pa
ni/ gtso bor skur

'dabs kyi mtha' bkag nas chos kyi bdag med rtogs pa'i phyir du
gsungs zer ba de mi 'thad de/ ston pa sangs rgyas pa'i tshul
bstan pa'i phyi lo bya rgod phung po'i rir sher phyin gyi mdo
gsungs pa gang zhig /de chos 'khor dang po ma yin pa'i phyir/
dang po grub ste/ de'i phyi de lo dpal ldan 'bras

spungs su dus 'khor rtsa rgyud gsungs pa gang zhig /de dang
dus mnyam du bya rgod phung po'i rir sher phyin gyi mdo gsungs
pa'i phyir/ dang po grub ste/ dus 'khor 'grel chen las/ sa ga
zla ba'i skya rengs shar ba'i tshe bcom ldan 'das shAkya thub
pa mngon par rdzogs par sangs rgyas te

de nas chos kyi 'khor lo bskor zhing theg pa gsum ston par
mdzad nas zla ba bcu gnyis pa nags pa'i nya la shri d+hA n+ya
ka Ta kar chos kyi dbyings gsung gi dbang phyug gi dkyil 'khor
zhes gsung/ zhes gsungs pa'i phyir/ gnyis pa grub ste/ rtsa
rgyud las/ ston pas bya rgod

@26b phung po ru/ /shes rab pha rol phyin tshul bstan/ /mchod
rten dpal ldan 'bras spungs su/ /de bzhin gsang sngags tshul
gsungs pa/ /zhes gsungs pa'i phyir/ rtsa ba'i rtags gnyis pa
grub ste/ de sher phyin gyi mdo yin pa'i phyir/ gzhan yang/
drang nges rnam 'byed las/ dgongs 'grel las

'khor lo rim pa gsum gsungs pa ni/ zhes sogs gsungs pa mi
'thad par thal/ 'khor lo gsum dus tshigs kyi sgo nas 'jog rigs
pa'i phyir/ kha cig /de'i don dgongs 'grel gyi 'khor lo gsum
brjod bya'i ngos nas 'jog pa'i don yin pa'i phyir/ de ltar ma
yin na/ dus kyi rim pa'i

sgo nas 'jog rgyu'i 'khor lo gsum med par thal/ dgongs 'grel
gyi 'khor lo gsum po de yang de ltar mi rigs 'khor lo gsum po
de yang de ltar mi rigs pa'i phyir/ 'dod mi nus te/ drang nges
rnam 'byed las/ shugs la gnas pa'i don de nyid dus kyi rim
pa'i sgo nas 'khor lo gsum dang

sbyar ba'i drang nges su 'gyur tshul don dam yang dag 'phags
kyis ston pa la zhus pa ni/ zhes gsungs pa'i phyir na ma khyab
ste/ de'i don ni/ dang por bar Na ser gsungs pa'i bden bzhi'i
chos 'khor dang bar par bya rgod phung po'i rir gsungs pa'i
sher phyin gyi mdo dang tha mar yangs pa can du

gsungs pa'i legs par phye ba'i chos 'khor rnams dus kyi rim
pa'i sgo nas 'jog par bstan pa'i phyir/ gzhan yang/ de bzhin
gshegs pa'i snying po'i mdo chos can/ 'khor lo dang po yin par
thal/ dus dang por gsungs pa'i mdo yin pa'i phyir/ khyab pa
don gyis dngos/ rtags grub ste/

de ston pa sangs rgyas nas lo bcu pa la gsungs par mdo'i gling
gzhi las bshad pa'i phyir/ 'dod mi nus te/ 'khor lo bar pa yin
pa'i phyir/ gzhan yang/ 'dul ba rung mthun chos can/ 'khor lo
tha ma yin par thal/ dus tha mar gsungs pa'i mdo yin pa'i
phyir/ khyab pa khas/ 'dod mi nus te/

drang nges rnam 'byed las/ dper na/ mya ngan las 'da' khar
'dul ba mdor bsdus zhes bya ba rung mthun du grags pa gsungs
kyang don gyi mdo 'dis nges don du ston pa ma yin pa bzhin no/
/zhes gsungs pa'i phyir/ theg pa thams cad la yang dag par
zhugs pa zhes pa'i don la/ kha cig /theg pa la

@27a @#/ /rjod byed tshig gi theg pa dang brjod bya don gyi theg
pa gnyis las skabs 'dir bstan pa ni rjod byed tshig gi theg pa
la zhugs pa'i don yin te/ 'khor lo tha ma'i ched du bya ba'i
gdul bya de 'khor lo dang po gnyis kyi don la dpyad pa zhugs
pa'i don yin gyi

de'i ched du bya ba'i gdul bya theg chen gyi rigs can med pa'i
phyir/ de yang yin te/ snga ma gnyis bstan pa ni/ theg pa che
chung so so ba yin la 'di ni gnyis ka'i dbang du byas pa'o/
/zhes pa'i don ni theg dman gyi sde snod las chos thams cad
ngo bo nyid yod par gsungs pa'i skor gcig dang/

theg chen gyi sde snod las de med par gsungs pa'i skor gcig
dang gnyis las/ de gnyis so so'i ched du bya ba'i gdul bya so
so ni mdo so so'i bstan don dngos su ston rung gi gdul bya
yin/ 'khor lo tha ma'i ched du bya ba'i gdul bya ni/ de gnyis
kyi sgra zin tsam ma yin par dgongs gzhi

gang yin dpyod pa la zhugs pa'i gdul bya yin pa'i phyir/ zhes
pa'i don yin/ zhes zer na/ drang nges rnam 'byed las/ 'di ni
gnyis ka'i dbang du byas zhes pa'i theg pa de rjod byed tshig
gi theg pa la byed rigs par thal/ dam bca' 'thad pa'i phyir/
'dod na/ snga ma gnyis ni theg pa che chung

so so ba yin la zhes pa'i theg pa de yang rjod byed tshig gi
theg pa la byed rigs par thal lo/ /'dod na/ grub don dang po'i
skabs su nyan thos kyi theg pa la zhes dang/ gnyis pa'i skabs
su theg pa chen po la zhes pa'i theg pa de yang de la byed
rigs par thal lo/ /'dod mi nus te/ snga

ma nyan thos kyi rigs can gyi gdul bya dang phyi ma theg chen
gyi rigs can gyi gdul bya la byed rigs pa'i phyir te/ mdo tshig
de gnyis 'khor lo dang po dang bar pa gnyis kyi gdul bya so
sor ngos 'dzin pa'i mdo yin pa'i phyir/ drang nges rnam 'byed
las/ de la 'khor lo dang po bskor

ba'i gnas ni tshig dang bos bstan la/ gdul bya ni gnyis pas so/
/zhes dang/ 'khor lo gnyis pa la chos rnams kyi zhes pa nas/
brtsams nas zhes pa'i bar ni brjod bya gang las brtsams pa'o/
/theg pa zhes sogs ni gang la bskor ba'i gdul bya'o/ /zhes
gsungs pa'i phyir/

@27b gzhan yang/ 'khor lo tha ma'i ched du bya ba'i gdul bya
theg dman gyi rigs can yod par thal/ khyod theg dman gyi mdo
yin pa'i phyir/ de theg dman thun mong ma yin pa'i mdo'i
dgongs pa gtso bor 'grel ba'i mdo yin pa'i phyir/ de 'khor lo
dang po'i dgongs pa gtso bor 'grel ba'i

mdo yin pa'i phyir/ de 'khor lo bar pa'i dgongs pa gtso bor
dngos su bkral pa'i shugs la 'khor lo dang po'i dgongs pa gtso
bor 'grel ba'i mdo yin pa'i phyir/ byas pa la kho na re/ 'khor
lo tha ma chos can/ khyod kyis chos kyi bdag med ma bstan par
thal/ khyod theg dman gyi mdo yin

ba'i phyir/ khyab ste/ drang nges rnam 'byed las/ rnal 'byor
spyod pa pa dang dbu ma rang rgyud pa zhes sogs gsungs pa'i
phyir/ zer na ma khyab ste/ theg dman thun mong ma yin pa'i
sde snod las chos kyi bdag med phra mo ma bstan pa'i don yin
pa'i phyir/ de ltar ma yin na/ srid pa 'pho ba'i mdo

las/ ming ni gang dang gang gis su/ /chos rnams gang dang gang
brjod pa/ /de la de ni yod ma yin/ /'di ni chos rnams chos
nyid do/ /zhes gsungs pa'i mdo chos can/ chos kyi bdag med ma
bstan par thal/ theg dman gyi mdo yin pa'i phyir/ khyab pa
khas/ de bzhin du/ 'jig rten dag

na kun rdzob gang ci yod/ /de kun thub pa'i zhal gyis mi bzhes
te/ /gzigs dang gsan la bzhed par mi mdzad pas/ /de ni zhal
gyis mi bzhes gang ji 'dzin/ /zhes pa'i don gyi sde tshan gyi
mdo chos can/ der thal/ de'i phyir/ gzhan yang/ 'di ni dge
slong gtum byed ni/ /sa la brten

cing bsam gtan mi byed do/ /zhes sogs gtum byed ka ta ya na la
gdams pa'i mdo chos can/ der thal/ de'i phyir/ rtags gsum ga
grub ste/ mdo gsum po de nyan thos sde pa la grags pa'i mdo
yin pa'i phyir/ 'dod mi nus te/ de gsum gyis gzugs 'dzin rdzas
gzhan gyis

stong pa'i stong nyid bstan bya'i gtso bor byas nas bstan par
byang sa las bshad pa'i phyir te/ byang sa las/ yid ches pa'i
lung gis kyang chos thams cad brjod du med pa'i ngo bo nyid du
rig par bya ste/ bcom ldan 'das kyis srid pa 'pho ba'i mdo
las/ ming ni gang dang gang gis su//

@28a @#/ /zhes sogs drangs nas gsungs pa'i phyir te/ drang nges
rnam 'byed las/ de'i phyir ming ni gang dang gang gis su zhes
sogs nyan thos sde pa la grags pa'i mdo yin yang de dag bshad
pa dang don khyad par med pa ma yin te/ dper na phal chen sde
pa'i lung

las rtsa ba'i rnam par shes pa zhes 'byung ba 'dir kun gzhi la
bshad pa bzhin no/ /zhes gsungs pa'i phyir/ gnyis pa rang lugs
la/ 'khor lo dang po gnyis drang don du ston pa'i mdo'i tshig
don bshad pa/ tha ma nges don du ston pa'i mdo'i tshig don
bshad pa gnyis/ dang po la

gnyis las/ 'khor lo dang po drang don du ston pa'i mdo'i tshigs
don bshad pa ni/ bcom ldan 'das zhes pa nas/ nags su zhes pa'i
bar gyi 'khor lo dang po skor ba'i ston pa dang/ dus dang gnas
rnams bstan/ nyan thos zhes sogs kyis/ ched du bya ba'i gdul
bya de bstan/ 'phags

pa zhes sogs kyis bden bzhi'i chos 'khor de bstan/ de yang
'phags pa'i bden pa bzhi'i rnam pa bstan pas/ zhes pas brjod
bya de bstan/ ngo mtshar rmad du byung ba/ zhes sogs kyis 'khor
lo dang po'i cha brjod de bstan/ de yang zhes sogs kyis nges
don gyi mdo ma yin par

bstan/ bla na mchis pa zhes sogs kyis 'di'i gong na nges don
gyi mdo gzhan yod par bstan/ skabs mchis pa/ zhes pas sgra ji
bzhin pa la rgol ba gzhan gyis klan ka'i glags yod par bstan/
drang ba'i don zhes pas drang don gyi mdor bstan/ rtsod pa'i
gzhi'i gnas su zhes

sogs kyis 'di'i don 'di ltar yin zhes gsal bar phye nas ma
bstan pas don la mi mthun pa'i rtsod pa 'byung bar bstan/ don
bsdu na/ lnga sde la gsungs pa'i bden bzhi'i chos 'khor chos
can/ khyod gsung ba po'i ston pa dang/ dus dang gnas rnams
bzhag tu yod de/ khyod ston pa shAkya

thub pas dus dang por wa ra Na sir drang srong smra ba ri
dwags kyi nags su gsungs pa'i phyir/ khyod kyi ched du bya
ba'i gdul bya yod de/ nyan thos kyi rigs can bye brag smra ba
dang mdo sde pa rnams khyod kyi ched du bya ba'i gdul bya yin
pa'i phyir/ khyod kyi brjod bya yod de/ 'phags pa'i bden pa

@28b bzhi po de khyod kyi brjod bya yin pa'i phyir/ khyod la
bla na mchis pa zhes brjod pa'i rgyu mtshan yod de/ khyod kyi
gong na nges don gyi mdo gzhan yod pa'i phyir/ khyod la skabs
mchis pa zhes brjod pa'i rgyu mtshan yod de/ khyod kyis sgra ji
bzhin pa la rgol ba gzhan gyis klan ka'i skabs mchis pa'i
phyir/

khyod la drang ba'i don zhes brjod pa'i rgyu mtshan yod de/
khyod kyi don gzhan du drang dgos pa'i phyir/ khyod la rtsod
pa'i gzhi'i gnas su gyur pa zhes rjod pa'i rgyu mtshan yod de/
khyod kyis mtshan nyid gsum la rang gi mtshan nyid kyis yod med
gsal por phye nas ma bstan pas don la mi mthun

pa'i rtsod pa 'byung ba'i phyir/ gnyis pa 'khor lo bar pa
drang don du ston pa'i mdo'i tshig don bshad pa la/ bcom ldan
'das zhes pas ston pa de bstan/ chos rnams kyi ngo bo nyid ma
mchis pa nyid las brtsams/ zhes sogs kyis brjod bya gang las
brtsams nas gsungs pa de bstan/ theg pa

chen po la zhes sogs kyis ched du bya ba'i gdul bya de bstan/
stong pa nyid zhes sogs kyis brjod bya ston tshul gyi khyad par
de bstan/ ches ngo mtshar rmad du zhes sogs kyis ngo bo'i che
brjod de bstan/ de yang zhes sogs kyi don sngar bzhin no/ /don
bsdu na 'khor lo bar pa chos can/ khyod

kyi brjod bya yod de/ kun brtags kyis bsdus pa'i chos rnams
rang gi mtshan nyid kyis ma grub cing/ gzhan dbang dang yongs
grub kyis bsdus pa'i chos rnams rang gi mtshan nyid kyis grub
pa de khyod kyi brjod bya yin pa'i phyir/ khyod kyi ched du
bya ba'i gdul bya yod de/ mdo sde gzhan gyis

mtshan nyid med pa'i chos 'khor gyi dgongs pa bkral ba la ma
ltos par de'i dgongs pa rdzogs par rtogs nus pa'i gdul bya
theg chen gyi rigs can dbang rnon de de yin pa'i phyir/ de
ltar yang rnam bshad las/ de'i ched du bya ba'i gdul bya ni
mdo gzhan gyis dgongs pa bkral

ba la mi ltos par dgongs pa rdzogs par rtogs shing sgra ji
bzhin par mi 'dzin la/ zhes gsungs pa'i phyir/ 'khor lo bar pa
'dir ngo bo nyid yod med kyi don sgras zin la ma bstan te/
'dir sgras zin la chos thams cad rang gi mtshan nyid kyis ma
grub snyam du bstan pa'i phyir/ des

@29a @#/ /na de 'dra'i rnam gzhag shugs la bstan pa yin te/
stong pa nyid smos pa'i rnam pas/ zhes sogs la rgya nag gi
'grel chen du mi mngon pa'i rnam pas/ zhes dang/ drang nges
rnam 'byed las/ 'khor lo phyi ma gnyis kyi dgongs pa ni gcig
yin no/ /zhes dang/ rnam

bshad las/ drang ba'i don yin yang rnam par mi rtog pa'i ye
shes kyi dmigs pa 'gyur ba med pa'i yongs grub kyis bsdus pa'i
stong pa nyid rgyas par gtan la 'bebs pa mdo sde rnams kyi
gtso bo yin zhing zhes gsungs pa'i phyir/ bla na mchis pa zhes
sogs kyi don sngar bzhin no//

gnyis pa 'khor lo tha ma nges don du ston pa'i mdo'i tshig don
bshad pa la/ bcom ldan 'das zhes pas 'khor lo gsum pa gsung ba
po'i ston pa de bstan/ chos rnams kyi ngo bo nyid ma mchis pa
nyid ces pas brjod bya de bstan/ theg pa thams cad ces sogs
kyis ched du bya ba'i gdul bya

de bstan/ legs par rnam par phye ba dang ldan pa zhes sogs
kyis brjod bya ston tshul gyi khyad par de bstan/ ngo mtshar
zhes sogs kyis nge ? ba'i che brjod dang bcas pa de bstan/
bcom ldan 'das kyis chos kyi 'khor lo bskor ba 'di ni/ zhes
sogs kyis nges don gyi mdor bstan/ bla na ma

mchis pa zhes pas 'di'i gong na nges don gyi mdo gzhan med pa
de bstan/ skabs ma mchis pa zhes pas 'di'i sgra ji bzhin pa la
rgol ba gzhan gyis klan ka'i glags med pa de bstan/ nges pa'i
don zhes pas sgra ji bzhin par bstan/ rtsod pa'i gzhi'i gnas
su gyur pa ma lags zhes

pas/ 'dir mtshan nyid gsum la rang gi mtshan nyid kyis yod med
gsal bar phye nas bstan pas don la mi mthun pa'i rtsod pa mi
'byung ba de bstan te/ don bsdu na 'khor lo tha ma chos can/
khyod kyi brjod bya yod de/ kun brtags rang gi mtshan nyid kyis
ma grub cing gzhan dbang dang yongs

grub rang gi mtshan nyid kyis grub pa'i khyad par gsal bar phye
nas bstan cing/ rnam par mi rtog pa'i ye shes kyi dmigs pa
'gyur ba med pa'i yongs grub kyis bsdus pa'i stong pa nyid
rgyas par gtan la 'bebs pa'i phyir/ de'i ched du bya ba'i gdul
bya la theg pa thams cad la

@29b yang dag par zhugs pa zhes rjod pa'i rgyu mtshan yod de/
de la theg pa che chung gi rigs can gnyis ka yod pa'i rgyu
mtshan gyis de ltar brjod pa'i phyir/ de ltar yang drang nges
rnam 'byed las/ snga ma gnyis ni theg pa che chung so so ba
yin la 'di ni gnyis ka'i dbang du byas pa'o/ zhes

gsungs pa'i phyir/ 'khor lo tha ma chos can/ khyod la legs par
rnam par phye ba zhes brjod pa'i rgyu mtshan yod de/ khyod kyis
kun brtags rang gi mtshan nyid kyis ma grub cing gzhan dbang
dang yongs grub rang gi mtshan nyid kyis grub pa'i khyad par
gsal bar phye nas bstan pa'i rgyu mtshan gyis

de ltar brjod pa'i phyir/ bla na ma mchis zhes sogs kyi don
sla'o/ /'di ni bla na ma mchis zhes pa'i nyi tshig smos pa'i
mdo'i mtshan gzhir don dam yang dag 'phags zhus kyi le'u las
mtshan nyid gsum la bden par yod med kyi khyad par gsal bar
phye nas ston pas de nyid 'dzin

rigs kyi le'u gzhan rnams der mi rigs pa'i phyir/ de ltar du
rnam bshad las bshad pa'i phyir/ des na 'khor lo gsum gyis
khyad par dus tshigs kyi sgo nas mi 'jog par brjod bya'i ngos
nas 'jog pa yin te/ drang nges rnam 'byed las/ 'khor lo rim pa
gsum gsungs pa ni/ zhes

sogs gsungs pa'i phyir/ 'khor lo gsum po des bdag med gtan la
'bebs pa'i tshul yang yod de/ 'khor lo dang pos rang gi ched du
bya ba'i gdul bya la gang zag gi bdag med kyi dbang du byas
pa'i mtshan nyid gsum gyi rnam gzhag gtso bor gtan la 'bebs/
'khor lo bar pas

rang gi ched du bya ba'i gdul bya la chos kyi bdag med kyi
dbang du byas pa'i mtshan nyid gsum gyi rnam gzhag gtso bor
gtan la 'bebs pa'i phyir/ 'khor lo tha mas rang gi ched du bya
ba'i gdul bya theg dman gyi rigs can la gang zag gi bdag med
kyi dbang du byas pa'i mtshan nyid

gsum gyi rnam gzhag 'khor lo dang po'i dgongs don du gtso bor
gtan la 'bebs/ des rang gi ched du bya ba'i gdul bya theg chen
gyi rigs can la chos kyi bdag med kyi dbang du byas pa'i mtshan
nyid gsum gyi rnam gzhag 'khor lo bar pa'i dgongs don du gtso
bor gtan la 'babs

@30a @#/ /ba'i phyir/ kho na re/ 'khor lo tha ma chos can/
khyod kyi che du bya ba'i gdul bya theg dman gyi rigs can med
par thal/ khyod theg chen thun mongs ma yin pa'i mdo yin pa'i
phyir te/ khyod sems tsam pa'i thun mong ma yin pa'i mdo yin
pa'i phyir te/ khyod 'khor

lo tha ma yin pa'i phyir/ kha cig /'dir ma khyab zer/ rang
lugs ni/ ma khyab mtshams la/ sems tsam pa yin na theg chen gyi
rigs can yin dgos par thal/ sems tsam pa'i thun mong ma yin
pa'i mdo yin na theg chen thun mong ma yin pa'i mdo yin dgos
pa'i phyir/ rtags khas/

'dod na/ gzugs 'dzin rdzas gzhan gyis stong bar mngon sum du
rtogs ba'i nyan thos mthong lam bar gyur pa'i grub mtha' smra
ba'i gang zag chos can/ der thal/ de'i phyir/ rtags grub ste/
rang sde grub mtha' smra ba bzhi bo gang rung gang zhig/ ngo bo
nyid med par smra ba yang ma yin/ bye brag smra

ba yang ma yin/ mdo sde pa yang ma yin pa'i phyir/ dang po
chos can gyis grub/ gnyis pa grub ste/ theg chen gyi gang zag
ma yin pa'i phyir/ khyab ste/ sems tsam pa yin na theg chen
gang zag yin dgos pa'i phyir/ rtags khas/ rtags phyi ma ma
grub na/ chos kyi bdag med ma rtogs par thal/

ma grub pa de'i phyir/ gzhan yang/ bye brag smra bar gyur pa'i
byang sems tshogs lam pa med par thal/ bye brag smra ba yin na
theg dman gang zag yin dgos pa'i phyir te/ sems tsam pa yin na
theg chen gang zag yin dgos pa'i phyir/ rtags khas/ kho na re/
de 'dra'i nyan thos mthong

lam pa yin na sems tsam pa yin dgos par thal/ de 'dra'i grub
mtha' smra ba'i nyan thos mthong lam pa yin na sems tsam pa
yin dgos pa'i phyir na ma khyab/ 'dod na/ gzugs 'dzin rdzas
gzhan gyis stong par rtogs pa'i gzugs med khams pa'i rten can
gyi nyan thos mthong

lam pa chos can/ der thal/ de'i phyir/ 'dod na/ grub mtha'
smra ba'i gang zag yin par thal lo/ /'dod na/ dag smra ba'i
gang zag yin par thal lo/ /'dod na/ gzugs med khams na dag yod
par thal lo/ /gzhan yang/ kho na re/ gzugs 'dzin rdzas gzhan
gyis stong par rtogs

@30b pa'i rang rgyal mthong lam pa de sems tsam pa yin par
thal/ de 'dra'i nyan thos mthong lam par gyur pa'i grub mtha'
smra ba'i gang zag de de yin pa'i phyir na ma khyab/ 'dod na/
de sems tsam pa'i grub mtha' smra ba'i gang zag yin par thal
lo/ /'dod mi nus te/ rang rgyal grub mtha'

smra ba bzhi po gang gi yang khongs su ma 'dus pa'i phyir/
gzhan yang/ gang zag rang rkya thub pa'i rdzas yod kyis stong
par mngon sum du rtogs pa'i byang sems mthong lam pa bye brag
smra ba yin par thal/ de 'dra'i nyan thos mthong lam bar gyur
pa'i grub mtha' smra ba'i gang zag de sems

tsam pa yin pa'i phyir/ rtags khas zer na ma khyab/ kho na re/
'khor lo tha ma'i ched du bya ba'i gdul bya theg dman gyi rigs
can de 'khor lo dang po'i dgongs pa 'khor lo tha mas gsal bar
phye ba la ltos nas 'khor lo dang po'i dgongs pa rdzogs par
rtogs dgos kyi gang zag yin par

thal/ de yod pa'i phyir/ 'dod na/ de 'khor lo tha mas 'khor lo
dang po'i dgongs pa bkral ba la ma ltos par 'khor lo dang po'i
dgongs pa rtogs mi nus pa'i gang zag yin par thal lo/ /'dod
na/ 'khor lo dang po'i che du bya ba'i gdul bya las 'khor lo
tha ma'i che du bya ba'i gdul

bya theg dman gyi rigs can de dbang po rtul bar thal/ 'dod pa
gang zhig/ cig shos kyis de la ma ltos par de'i dgongs pa
rtogs nus pa'i phyir/ 'dod na/ de chos can/ khyod de las dbang
po mi rtul bar thal/ khyod 'khor lo tha ma'i ched du bya ba'i
gdul bya yin pa'i phyir na ma khyab

ste/ 'khor lo tha mas 'khor lo dang po'i dgongs pa bkral nas
ston dgos kyi 'khor lo tha ma'i ched du bya ba'i gdul bya de
'khor lo dang po'i ched du bya ba'i gdul bya las dbang po rtul
par thal/ de ches can de gang zhig /cig shos kyis de la ma
ltos par 'khor lo dang po'i dgongs pa

rtogs nus pa'i phyir/ 'dod mi nus te/ khyod theg chen gyi rigs
can yin pa'i phyir ta/ khyod 'khor lo tha ma'i che du bya ba'i
gdul bya yin pa'i phyir/ khyab pa khas/ kho na re/ 'khor lo
tha mas rang gis ched du bya ba'i gdul bya theg dman gyi rigs
can la rang gi bstan bya'i gts 

@31a @#/ /bor gyur pa'i chos kyi bdag med phra mo bstan bya'i
gtso bor byas nas bstan par thal/ de yod pa gang zhig /des
chos kyi bdag med phra mo bstan bya'i gtso bor byas nas bstan
pa'i phyir/ 'dod na/ de chos kyi bdag med bsgom bya'i gtso bor
byed par thal lo/ /'dod na/

des shes sgrib spang bya'i gtso bor byed par thal lo/ /'dod mi
nus te/ theg dman gyi rigs can yin pa'i phyir na rtsa bar ma
khyab ste/ 'khor lo dang pos rang gi ched du bya ba'i gdul bya
bye brag smra ba la rang gi bstan bya'i gtso bor gyur pa'i
spyi mtshan dngos med du bstan par thal/ de yod pa gang

zhig /des spyi mtshan dngos med du bstan bya'i gtso bor byas
nas bstan pa'i phyir/ khyab pa khas/ dang po grub ste/ de'i
ched du bya ba'i gdul bya bye mdo gnyis ka yid pa'i phyir/
gnyis pa grub ste/ /des mdo sde pa'i 'dod pa ltar gyi spyi
mtshan dngos por med cing rang mtshan bden grub tu bstan bya'i

gtso bor byas nas bstan pa'i phyir/ kho na re/ de 'dra'i bye
brag smra ba med de/ 'dus byas mi rtag par rtogs pa'i bye brag
smra ba med pa'i phyir te/ bye brag tu smra bas 'dus byas
rnams phyis 'byung gi 'jig rgyus don gyis 'jig par 'dod pa'i
phyir/ zhes zer na mi 'thad de/ de ltar na bye brag smra

bar gyur pa'i lam zhugs kyi gang zag med par thal ba dang/
rnam 'grel las/ nges pas ltos pa 'gog pa'i rtags yang dag
bshad pa mi 'thad par thal ba'i skyon yod pa'i phyir/ kho na
re/ 'khor lo tha ma'i ched du bya ba'i gdul bya theg dman gyi
rigs can de chos can/ khyod kyis chos kyi

bdag med kyi dbang du byas pa'i ngo bo nyid gsum gyi rnam
bzhag de 'khor lo bar pa'i dgongs par dngos su rtogs pa'i
shugs la gang zag gi bdag med kyi dbang du byas pa'i mtshan
nyid gsum gyi rnam gzhag rtogs par thal/ khyod 'khor lo tha
ma'i ched du bya ba'i gdul bya yin pa'i phyir/

khyab ste/ drang nges rnam 'byed las/ phung po la sogs pa
gzhan dbang dang zhes sogs gsungs pa'i phyir na ma khyab ste/
'khor lo tha ma'i ched du bya ba'i gdul bya theg chen gyi rigs
can des chos kyi bdag med kyi yongs grub theg chen gyi mdo'i
don du dngos su go ba'i shugs la gang zag

@31b gi bdag med kyi yongs grub theg dman gyi mdo'i don du go
bar thal/ lung de'i phyir/ khyab pa khas/ 'dod na/ de'i rgyud
la de 'dra'i blo gcig yod par thal lo/ /'dod na/ de'i rgyud la
chos kyis bdag med dngos su rtogs pa'i shugs la gang zag gi
bdag med rtogs pa'i blo cig yod par thal

lo/ /kho na re/ 'khor lo tha ma'i ched du bya ba'i gdul bya
theg dman gyi rigs can de chos can/ khyod 'khor lo tha ma'i
mdo la ltos nas 'khor lo bar pa'i dgongs pa rdzogs par rtogs
nus kyi gang zag yin par thal/ khyod 'khor lo tha ma'i ched du
bya ba'i gdul bya yin pa'i phyir na ma khyab ste/ srid

pa 'pho ba'i mdo'i ched du bya ba'i gdul bya theg dman gyi
rigs can chos can/ khyod srid pa 'pho ba'i mdo'i dgongs pa
rdzogs par ston rung gi gdul bya yin par thal/ de'i ched du
bya ba'i gdul bya yin pa'i phyir/ khyab pa khas/ 'dod na/
stong nyid dngos su ston rung gi gdul bya yin par thal lo/
/des

na de'i rtogs tshul de dngos shugs kyis rtogs tshul ma yin te/
thar lam gsal byed las/ don gyi shugs kyis sgra de ni 'jig par
rtogs pa'i blo skye bar 'gyur ro/ /zhes pa dang mthun pa'i
rtogs tshul yin pa'i phyir/ kho na re/ 'khor lo tha ma'i ched
du bya ba'i gdul bya yin na theg chen gyi

rigs can yin dgos par thal/ rnam bshad las/ mdo sde dgongs
'grel lta bus de'i dgongs pa gsal bar phye nas bstan dgos pa'i
rigs can rnams ni theg pa chen po'i rigs can yin yang snga ma
las dbang po dman pa yin la/ zhes dang/ drang nges rnam 'byed
las/ theg pa chen po'i rigs

can yin yang rang gi mtshan nyid kyis grub pas stong pa'i rang
bzhin med pa la las 'bras dang 'ching grol sogs bzhags med par
'gro ba la ni/ zhes sogs gsungs pa'i phyir na ma khyab ste/
de'i don 'khor lo tha mas 'khor lo bar pa'i dgongs pa gsal bar
phye nas ston dgos kyi

'khor lo tha ma'i ched du bya ba'i gdul bya yin na theg chen
gyi rigs can yin dgos pa lung de'i don yin pa'i phyir/ des na
drang nges rnam 'byed kyi lung don kho bos bshad par bya ste/
'khor lo tha ma'i ched du bya ba'i gdul bya la thag pa thams
cad la yang dag par zhugs pa zhes brjod pa'i

@32a @#/ /rgyu mtshan yod de/ 'khor lo tha ma theg pa che chung
gi mdo gnyis ka'i dgongs pa thun mong du gtso bor 'grel pa la
zhugs pas de la de ltar brjod pa'i phyir/ 'khor lo tha mas
theg pa che chung gi mdo gnyis ka'i dgongs pa thun mong du
gtso bor bkral ba yin te/

'khor lo tha ma 'dir phung po la sogs pa gzhan dbang/ de la
gzugs 'dzin rdzas tha dang pa'i chos kyi bdag tu sgro 'dogs pa
kun brtags/ de des stong pa gzugs 'dzin rdzas tha dad kyis
stong pa'i chos kyi bdag med kyi yongs grub tu 'jog pa'i ngo
bo nyid gsum gyi rnam gzhag theg chen

gyi mdo'i don du dngos su bkral nas/ phung po la sogs pa gzhan
dbang/ de la gang zag gi bdag tu sgro 'dogs pa kun brtags/ de
des stong pa gang zag gi bdag med kyi yongs grub tu 'jog pa'i
ngo bo nyid gsum gyi rnam gzhag de tsam zhig theg dman gyi
mdo'i don du gtso bor

shugs la bkral ba'i phyir/ 'khor lo tha mas dang po gnyis kyi
dgongs pa thun mong du bkral ba yin te/ dgongs 'grel las/ bcom
ldan 'das kyis rnam grangs du mar zhes sogs kyi skabs su 'gal
spong ji ltar zhus pa de bzhin du/ lan gyi skabs su yang 'khor
lo bar par

de ltar gsungs pa'i dgongs gzhi/ dgos pa/ dngos la gnod byed
gsum gyi sgo nas drang don dgongs pa can du gtso bor dngos su
bkral nas/ dang por de ltar gsungs pa'i dgongs gzhi dgos pa
dngos la gnod byed gsum gyi sgo nas drang don dgongs pa can du
gtso bor

shugs la bkral ba'i phyir/ de ltar drang nges rnam 'byed las/
des ni rang gi mtshan nyid yod pa sogs su gsungs pa yang ci la
dgongs nas gsungs pa don gyis zhugs so/ /zhes gsungs pa'i
phyir/ gnyis pa drang nges kyi mdo'i 'dod tshul bshad pa la/
spyir bshad pa

dang/ so sor bshad pa gnyis/ dang po ni/ mdo'i don la shing
rta chen po rnams kyi bzhed pa mi 'dra ba du ma byung ste/
'phags pa thogs med kyis theg pa chen po'i rigs can rjes su
gzung ba'i phyir du 'khor lo tha ma'i rjes su 'brangs nas rnam
par rig pa tsam gyi shing rta'i srol

@32b phye ba ltar na/ mdo 'di las 'khor lo gsum gyis drang
nges 'di ltar phye ba sgra ji bzhin pa yin yang/ 'phags pa
thogs med kyis rgyud bla ma'i 'grel par bkral ba dang/ sangs
rgyas bskyangs dang 'jigs bral zla ba grags pas mgon po klu
sgrub kyi dgongs pa bkral ba ltar

na/ dgongs 'grel sgra ji bzhin pa ma yin pa'i drang don gyi
mdo dang/ 'dir bstan 'khor lo bar pa nges don gyi mdo dag
'khor lo dang po la drang nges kyi cha gnyis yod par bzhed/
zhi 'tsho yab sras kyis klu sgrub kyi dgongs pa bkral ba ltar
na dgongs 'grel sgra ji bzhin pa ma yin zhing de yum

rgyas 'bring bsdus gsum nges don gyi mdor gzhung btsugs nas
bsgrubs pa'i dbu ma pa'i bkar bzhed do/ /gnyis pa ni/ sems
tsam pa'i lugs dang/ bod kha cig gi lugs bshad pa'o/ /dang po
ni/ sgra ji bzhin du khas blang du rung ba'i mdo nges don gyi
mdo'i mtshan nyid/ sgra ji bzhin du khas

blang du mi rung ba'i mdo/ drang don gyi mdo'i mtshan nyid/
'khor lo dang po la drang don gyi mdos khyab/ tha ma la nges
don gyi mdos khyab pa khas len te/ dgongs 'grel las 'khor lo
gsum gyi drang nges 'di ltar phye ba sgra ji bzhin pa yin pa'i
phyir/ des na 'khor lo dang por chos thams cad rang gi

mtshan nyid kyis grub par gsungs pa'i dgongs gzhi yod de/ chos
thams cad yod pa tsam la dgongs pa'i phyir/ dgos pa yod de/
nyan thos kyi rigs can bye brag smra ba dang mdo sde pa rnams
rjes su bzung bar bya ba'i ched yin pa'i phyir/ dngos la gnon
byed yod de/ kun brtags rang gi

mtshan nyid kyis ma grub pa'i phyir/ de bzhin du 'khor lo bar
par chos thams cad rang gi mtshan nyid kyis ma grub par gsungs
pa'i mdo'i dgongs gzhi yod de/ kun brtags mtshan nyid ngo bo
nyid med pa/ gzhan dbang skye ba ngo bo nyid med pa/ yongs
grub don dam pa ngo bo nyid med pa la dgongs

nas de ltar gsungs pa'i phyir/ dgos pa yod de/ theg chen gyi
rigs can sems tsam pa dbang rnon rjes su bzung bar bya ba'i
ched yin pa'i phyir/ dngos la gnod byed yod de/ gzhan dbang
dang yongs grub bden grub yin pa'i phyir/ de bzhin du 'khor lo
bar par chos thams cad skye ba med

@33a @#/ /pa sogs su gsungs pa'i dgongs gzhi yod de/ kun brtags
dang yongs grub la dgongs pa'i phyir/ dgos pa sngar bzhin/
dngos la gnod byed yod de/ gzhan dbang rang gi rgyu rkyen la
brten nas skyes pa'i phyir/ dbu sems kyi shing rta chen po
rnams kyis yum gyi

mdo'i drang nges kyi khyad par mi 'dra yang yum gyi mdo grub
don gnyis pa'i skabs nas bstan pa'i 'khor lo bar pa'i mtshan
gzhir bzhed pa la khyad par med de/ 'phags pa thogs med kyis
rnam par rig pa tsam gyi shing rta'i srol phye ba'i rjes su
'brang ba'i sems tsam pa rnams kyis yum

gyi mdo 'dir bshad pa'i 'khor lo gnyis pa'i mtshan gzhir bzhed
cing sems tsam pa'i bkar bzhed/ thal 'gyur ba rnams dang/ legs
ldan 'byed dang/ ye shes snying po/ zhi 'tsho yab sras 'phags
seng yab sras la sogs pa'i rang rgyud pa rnams kyis kyang/ yum
gyi mdo 'dir

bshad pa'i 'khor lo gnyis pa'i mtshan gzhir bshad pa'i phyir/
gnyis pa ni/ bod kha cig /mdo sde dgongs 'grel las 'khor lo
gsum gyi drang nges phye ba 'di dbu ma pa'i skabs su sgra ji
bzhin par bzhed la/ 'khor lo tha ma'i mtshan gzhir mdo sde
dgongs 'grel

dang/ de bzhin gshegs pa'i snying po'i mdo dang 'phags pa dpal
'phreng gis zhus pa'i mdo rnams bzhed ces zer zhing/ mdo de
dag gis don dam bden pa sgrub pa rang dbang pa'i rtag pa dang/
kun brtags dang gzhan dbang 'khrul pa'i blos rlom ste bzhag
cing rang gi ngos nas grub pa cung

zad kyang med par bstan zhes zer zhing/ khyad par phyi ma 'di
sher phyin gyi mdo las brjod bya'i gtso bor byas nas bstan par
'dod pa mi 'thad de/ mdo sde dgongs 'grel du/ gzhan dbang
yongs grub bden grub dang mthar thug theg pa gsum du bstan la/
de bzhin gshegs pa'i snying po'i

mdo dang/ 'phags pa dpal 'phreng gi mdo la sogs pas chos thams
cad bden pas stong zhing dri ma rnams blo bur ba yin pa dang/
mthar thug theg pa gcig tu grub par bstan par theg pa chen po
rgyud bla mas legs par grub pa'i phyir/ gzhan yang/ de bzhin
gshegs pa'i snying po'i mdo

@33b las don dam bden pa bden grub tu bstan pa rgyud bla mas
bkral ba yin par thal/ gnas lugs kyi don rtogs pa'i tshul rgyud
bla ma'i 'grel par sher phyin gyi mdo la zhal 'phangs mdzad pa
gang zhig /sher phyin gyi mdo las rang stong 'ba' zhig gsungs
pa'i phyir/ kho na re/ dgongs

'grel las 'khor lo gsum gyi drang nges 'di ltar phye ba sgra
ji bzhin par byas nas rgyas 'bring bsdus gsum tha ma dang/ mdo
sde dgongs 'grel 'khor lo bar pa'i mtshan gzhir bzhed pa mi
'thad de/ dgongs 'grel las 'khor lo bar pa'i skabs su theg pa
chen po la yang dag par

zhugs pa/ zhes dang/ yum rgyas par de'i tshe lha'i bu brgya
stong tshad med pa nam mkha' la med tog gtor nas skad mthun par
'di skad du/ kye kye de ring bdag cag la sogs pas 'dzam bu
gling du chos kyi 'khor lo gnyis pa bskor ba mthong ngo zhes
smos so/ /zhes gsungs pa'i phyir/ kha cig /skyon

med de/ chos kyi 'khor lo gnyis pa zhes pas skabs dang po'i
mdo la dgongs pa'i phyir zhes zer ba mi 'thad de/ mngon par
rtogs pa'i rgyan gyi snang ba las chos kyi 'khor lo gnyis pa
zhes pa nas dang por wa ra Na ser chos kyi 'khor lo bskor ba
ltos pa'o/ /zhes gsungs pa'i phyir/

kha cig /dus dang por 'grel chen las/ ston pa sangs rgyas pa'i
phyi lo bya rgod phung po'i rir sher phyin gyi mdo gsungs par
'chad pa mi 'thad de/ sher phyin gyi mdo'i gleng gzhi'i 'khor
du gyur pa'i kun dga' bo yod pa gang zhig /de'i tshe des bsnyen
par rdzogs ma zin pa'i phyir/ zer ba

rnams ni ma brtags pa'i 'chal gtam yin te/ bya rgod phung po'i
rir sher phyin gyi mdo dang por gsungs pa'i 'khor du kun dga'
bo med kyang/ phyis sher phyin gyi mdo'i gleng gzhi'i 'khor du
kun dga' bo yod par mi 'gal te/ dang por wa ra Na ser lnga sde
la bden bzhi'i chos

'khor gsungs pa'i gleng gzhi'i 'khor du kun dga' bo med kyang
des bcom ldan 'das la bden bzhi'i chos 'khor phyis thos pas
bden bzhi'i chos 'khor gyi bka' bsdu mdzad pa'i tshe/ 'di skad
bdag gis thos pa dus gcig na zhes gsungs pa mi 'gal ba bzhin
no/ thal  

@34a @#/ /rang gi lugs ni 'og tu 'chad do/ /gnyis pa de'i don ji
ltar 'grel pa'i tshul la/ de tsam zhig tu ni phung po la sogs pa
yod pas zhes sogs kyi skabs su gsum las/ dang po ni/ kha cig
/gzugs gzugs 'dzin rtog pa'i zhen gzhir rang gi mtshan nyid

kyis ma grub par rtogs pa la brten nas rnam rig tsam du 'jug
par bshad pa mi 'thad par thal/ rnam rig tsam du 'jug pa la/
gzugs gzugs 'dzin dbang shes dang rdzas gzhan gyis stong par
rtogs dgos pa gang zhig /gzugs gzugs 'dzin rtog pa'i zhen
gzhir rang gi

mtshan nyid kyis ma grub par rtogs na/ gzugs gzugs 'dzin dbang
shes dang rdzas gzhan du med par rtogs pas ma khyab pa'i
phyir/ zer ba mi 'thad de/ gzugs gzugs 'dzin rtog pa'i zhen
gzhir rang gi mtshan nyid kyi ma grub par rtogs pa la brten nas
gzugs 'dzin rdzas

gzhan du snang ba'i shes pa 'khrul shes su rtogs pa de 'byung
ba gang zhig /gzugs 'dzin rdzas tha dang du snang ba'i shes pa
'khrul shes su rtogs pa'i gang zag yin na/ gzugs gzugs 'dzin
dbang shes dang rdzas gzhan gyi stong par rtogs pa'i gang zag
yin dgos pa'i

phyir/ rtags bud/ kha cig /mdo sde pas/ rjes dpag tshad ma'i
gzhal bya spyi mtshan rang gi mtshan nyid kyis ma grub par rtogs
te/ des spyi mtshan rang gi mtshan nyid kyis ma grub par rtogs
pa'i phyir/ des de rang mtshan ma yin par rtogs pa'i

phyir te/ des de dngos po ma yin par rtogs pa'i phyir te/ des
de dngos med du rtogs pa'i phyir/ zhes zer na/ mdo sde pas
rang mtshan dang rang gi mtshan nyid kyis grub pa gnyis don gcig
tu khas len par thal/ des spyi mtshan rang gi mtshan nyid kyis
ma grub par khas len pa'i phyir te/ des

spyi mtshan rang gi mtshan nyid kyis ma grub par rtogs pa'i
phyir/ rtags khas/ 'dod na/ mdo sde pas gzugs gzugs zhes pa'i
sgra 'jug pa'i 'jug gzhir rang mtshan du khas len par thal/ des
de der rang gi mtshan nyid kyis grub par khas len pa'i phyir
te/ don smra sde gnyis

@34b kyis gzugs gzugs zhes pa'i skra 'jug pa'i 'jug gzhir rang
gi mtshan nyid kyis ma grub na de dag yod par 'jug mi shes pa'i
phyir te/ drang nges rnam 'byed las/ don smra gnyis kyis gzugs
sogs rtog pa'i zhen gzhi dang brda 'dogs pa'i gnas su rang
mtshan gyis grub pa khegs

na de dag yod par 'jog mi shes te tshad ma pa la grags pa'i
rang mtshan ni ma yin no/ /zhes gsungs pa'i phyir/ rtsa bar
'dod na/ des de der don dam par grub par khas len par thal/
'dod pa gang zhig /des don dam par don byed nus pa rang mtshan
gyi don ldog tu khas len pa'i phyir/ 'dod

na/ des de don dam par rjod byed kyi sgra'i brjod byar khas
len par thal lo/ /gzhan yang/ des spyi mtshan rang gi mtshan
nyid kyis grub par khas len par thal/ des gzugs gzugs zhes
pa'i sgra 'jug pa'i 'jug gzhir rang gi mtshan nyid kyis grub
par khas len pa'i phyir te/ drang nges

rnam 'byed las/ gang la brda 'dogs pa'i dngos kyi yul der zhes
sogs gsungs pa'i phyir/ gzhan yang/ des spyi mtshan rang gi
mtshan nyid kyis grub par khas len par thal/ nges de chos bdag
tu khas len pa'i phyir te/ des chos bdag khas len pa'i phyir
te/ chos bdag khas len pa'i

rang sde grub mtha' smra ba'i gang zag yod pa'i phyir te/
drang nges rnam 'byed las/ chos bdag grub mthas yod par khas
len na zhes sogs gsungs pa'i phyir dang/ stong mthun las/ de
yang bye brag smra ba dang mdo sde pa gnyis kyi lugs la theg
pa chen po bkar mi 'dod cig theg dman gyi sde

snod las chos kyi bdag med bstan par yang khas mi len pas zhes
sogs gsungs pa'i phyir/ gzhan yang/ des chos bdag khas len par
thal/ des gzugs bden grub tu khas len des gzugs phyi rol don
du yang khas len/ gzugs gzugs 'dzin rtog pa'i zhen gzhir rang
gi

mtshan nyid kyis grub par yang khas len pa gang zhig /de dag
las gzhan pa'i chos bdag ma bshad pa'i phyir/ gnyis pa rang
lugs ni/ mdo sde pa de gzugs sogs chos thams cad ngo bo dang
khyad par du btags pa'i ngor rang 'dzin rtog pa'i zhen gzhir
rang gi mtshan nyid kyis grub pa

@35a @#/ /'gog pa'i phyogs snga smra ba po yin zhing mdo sde
pas gzugs sogs 'dus byas dang 'dus ma byas kyi chos thams cad
rang gi mtshan nyid kyis grub par khas len te/ de dag rang
'dzin rtog pa'i zhen gzhir rang gi mtshan nyid kyis grub par
khas len pa'i phyir/ chos thams cad

rang 'dzin rtog pa'i zhen gzhir rang gi mtshan nyid kyis ma
grub na don smra gnyis kyis de dag yod par 'jog mi shes pa'i
phyir te/ drang nges rnam 'byed las/ gzugs sogs rang gi mtshan
nyid kyis grub par 'dzin pa'i grub mtha'i khas len kyang nyan
thos sde pa la yod do/ /zhes pa dang/ gzugs sogs

rtog pa'i zhen gzhi dang/ brda 'dogs pa'i gnas su zhes sogs
gsungs pa'i phyir/ gsum pa rtsod pa spong pa la/ kho na re/
mdo sde pas gzugs sogs ngo bo dang khyad par gyi gzhir rang gi
mtshan nyid kyis grub par rtog pa la snang ba de rang gi mtshan
nyid kyis grub par khas len par

thal/ des chos thams cad rang gi mtshan nyid kyis grub par khas
len pa'i phyir/ rtags khas/ 'dod na/ stong 'thun las/ gzugs
sogs ngo bo dang khyad par gyi tha snyad kyi gzhir rang gi
mtshan nyid kyis grub par rtog pa la snang ba'i snang ba tsam
ni rang gi mtshan nyid kyis ma grub pa'i sgro

btags su mdo sde pas kyang grub zin cing/ zhes dang/ de yang
mdo sde pa dag gi lugs la sngon po gzugs yin par rang gi mtshan
nyid kyis grub cing/ zhes dang/ thal 'gyur ba'i lugs 'chad pa
na mdo sde pa'i lugs la rang ngos nas grub pa tsam gyis rang
gi mtshan nyid kyis grub

par mi 'gro'o/ /zhes gsungs pa mi 'thad par thal lo zer na ma
khyab/ skyon med de/ rje yab sras la dgongs pa mi mthun pa med
kyang gsung gi tshig zin la mi mthun pa 'ga' re 'dug pa rnams
la rje'i dgongs pa gsal bar gsungs zin rnams sgra ji bzhin du
khas len pa'i

phyir/ de ltar ma yin na thal 'gyur ba'i skabs su TIk chen
las/ sangs rgyas kyi mngon sum la shugs rtogs mi rung bas
snang nas mkhyen dgos so/ /de yang rnam pa ma shar bar mkhyen
pa 'di pa'i lugs min pa ni rigs pa drug cu ba'i 'grel par gsal
bar bshad do//

@35b zhes dang/ mi snang yang rtogs pa'i shugs rtogs sangs
rtogs par bshad pa'i phyir/ 'khor gsum/ gzhan yang/ rnam pa ma
shar bar rtogs pa 'di ba'i lugs ma yin pa zhes sogs bshad pa
mi 'thad par thal/ spyod 'jug par TIk tu sangs rgyas kyi ye
shes kyis sangs rgyas kyi ye shes shugs la

rtogs par bshad pa'i phyir/ 'khor gsum/ gzhan yang/ rnam pa ma
shar bar rtogs pa 'di ba'i lugs ma yin pa zhes sogs bshad pa
mi 'thad par thal/ stong 'thun las rang gis rang nyid dngos su
rig na/ rnam pa ma shar bar rig dgos so/ /zhes kho bos bzlog
ste smra yi gnod byed

sten cig /ces gsungs pa'i phyir/ 'khor gsum/ de bzhin du/ rang
rgyud pa'i lugs la 'phags pa la stong nyid rtogs pas khyab par
thal/ stong 'thun las/ rang rgyud pa'i lugs la yang 'phags pa
la stong nyid rtogs pas khyab par gsungs pa'i phyir/ khyab pa
khas/ 'dod mi nus te/ rnam

bshad las/ dbu ma thal 'gyur ba bzhed pa ltar nyan thos kyi
mthong lam thob pa la yang nges par stong nyid mngon sum du
rtogs pa dgos pa ltar mi bzhed kyang/ zhes gsungs pa'i phyir/
kho na re/ thar lam gsal byed las/ dper brjod na/ rtog pa la
bum pa ma yin pa las log par

snang ba rang gi mtshan nyid kyis grub pa bkag pa na rang gi
mtshan nyid kyis grub pa'i bum pa ma yin pa las log par snang
ba yang khegs nas 'jog mi shes par 'gyur la/ zhes dang/ yang 
spyi mtshan rtog pa la rang gi mtshan nyid kyis grub par snang
zhing/ snang ba ltar rang gi mtshan

nyid kyis grub par ma khegs na/ de kun rdzob tu mi 'grub pas
de 'gog pa'i rnam gzhag rgal par 'chad cing zhes gsungs pa de
dag mdo sde pa'i lugs ma yin par thal/ mdo sde pas gzhi grub
na rang gi mtshan nyid kyis grub pas khyab pa khas len pa'i
phyir zhe na skyon med de/ lung dang

po'i don ni rtog pas la bum pa ma yin pa las log par snang ba
don dam par grub pa bkag na/ don dam par grub pa'i bum pa ma
yin pa las legs par snang ba yang khegs nas 'jog ma shes pa'i
don no/ /phyi ma'i don ni/ spyi mtshan rtog pa la rang gis
mtshan nyid kyis grub par 

@36a @#/ /snang ba ltar spyi mtshan rang gi mtshan nyid kyis ma
grub ces pa'i don yin la de ltar du mdo sde pas kyang 'dod
pa'i phyir/ des na drang nges rnam 'byed las/ dgongs 'grel las
gzhan dbang ngo bo dang khyad par du kun brtags pa'i ngo bor
rang gi mtshan nyid kyis grub pa

med pas mtshan nyid ngo bo nyid med pa chos kyi bdag med du
bshad pa'i shugs kyis gzhan dbang la ngo bo dang khyad par du
btags pa rang gi mtshan nyid kyis grub par 'dzin pa chos kyis
bdag 'dzin du bstan la zhes dang/ de ltar na chos rnams ngo bo
dang khyad par du btags pa rang

gi mtshan nyid kyis grub par 'dzin pa'i chos kyi bdag 'dzin
gyis 'jig lta'i rtsa ba byed par bzhed la/ zhes gsungs pa mi
'thad par thal/ gzugs sogs ngo bo dang khyad par du btags pa
rang gi mtshan nyid kyis yod par 'dzin pa chos kyi bdag 'dzin
ma yin pa'i phyir/ ma grub na/

gzugs sogs ngo bo dang khyad par du btags pa rang gi mtshan
nyid kyis ma grub pa chos kyi bdag med phra mo yin par thal/
ma grub pa de'i phyir/ 'dod na/ de chos can/ mdo sde pas khyod
tshad mas ma grub par thal lo/ /kha cig/ gzugs gzugs 'dzin rtog
pa'i zhen gzhir rang gi

mtshan nyid kyis grub par thal/ de der gzhan dbang yin pa'i
phyir te/ de der yod/ de der kun brtags kyang ma yin/ de der
yongs grub kyang ma yin pa'i phyir/ phyi ma gnyis ma grub na/
de der rtag pa yin par thal/ ma grub pa de'i phyir/ 'dod na/
gzugs rtag pa yin pa'i dus yod

par thal lo zer na ma khyab ste/ de der kun brtags yin par
thal/ de der spyi mtshan yin pa'i phyir te/ gzugs gzugs zhes
pa'i sgra 'jug pa'i 'jug gzhir spyi mtshan yin pa'i phyir te/
de der yod/ de der rang mtshan ma yin pa'i phyir te/ de rjod
byed kyi sgra'i brjod byar rang

mtshan ma yin pa'i phyir te/ de don dam par rjod byed kyi
sgra'i brjod byar rang mtshan ma yin pa'i phyir te/ de don dam
par rjod byed kyi sgra'i brjod bya ma yin pa'i phyir te/ rnam
'grel las/ brjod bya nyid phyir de dngos min/ /zhes sogs
gsungs pa'i phyir/ ! dngos po'i de

@36b kho na nyid slob dpon sku mched kyis bkral pa'i tshul de
ltar byas na/ zhes sogs kyis skabs su gsum las/ dang po la kha
cig/ 'gal spong zhus pa'i gzhi'i 'khor lo dang pos gzugs phyi
rol don du ma bstan zhe na mi 'thad de/ dgongs 'grel las
gsungs pa'i 'khor lo dang pos

gzugs phyi rol don du bstan pa'i phyir te/ drang nges dpyod
pa'i gzhi'i 'khor lo dang pos gzugs phyi rol don du bstan pa'i
phyir te/ drang nges rnam 'byed las/ 'khor lo dang po las phyi
rol gyi dbang du byas pa'i gzung 'dzin gnyis gsungs pa drang
don du 'grel ba'i dgongs gzhi ni

zhes gsungs pa'i phyir/ kho na re/ gzugs sogs rang 'dzin rtog
pa'i zhen gzhir rang gi mtshan nyid kyis grub par ston pa'i mdo
yin na/ gzugs phyi rol don du ston pa'i mdo yin dgos par thal/
'gal spong zhus pa'i gzhi'i 'khor lo dang pos gzugs phyi rol
don du bstan

pa'i phyir na ma khyab/ 'dod na/ gzugs gzugs 'dzin rtog pa'i
zhen gzhir rang gi mtshan nyid kyis grub par 'dzin pa'i rtog pa
yin na gzugs phyi rol don du 'dzin pa'i rtog pa yin dgos par
thal/ 'dod pa'i phyir/ kha cig/ 'khor lo dang po'i bstan don
gyi gtso bo yin

na yod pas khyab zer na/ phyi rol gyi don chos can/ der thal/
de'i phyir/ rtags grub ste/ de yin pa'am/ don snang gi bag
chags kyi dbang gis don snang gi shes pa skye ba gang rung
yin/ phyi ma ma yin pa'i phyir/ dang po grub ste/ mdo de'i
sgras zin gyi don mdo de'i bstan don gyi

gtso bo yin gyis/ mdo de'i dgongs gzhi mdo de'i bstan don gyi
gtso bo ma yin pa'i phyir/ gnyis pa grub ste/ don snang gi bag
chags kyi dbang gis don snang gi shes pa skye bar gtso bor
dngos su ston dgos kyi 'khor lo dang po'i ched du bya ba'i
gdul bya med pa'i phyir te/ phyi don med

par bden zhen gyis 'dod pa'i 'khor lo dang po'i ched du bya
ba'i gdul bya med pa'i phyir/ gzhan yang/ phyi don yod par
ston pa'i 'khor lo dang po'i sgras zin gyi don phyi don yod pa
de mdo de'i bstan don gyi gtso bo yin la/ de'i dgongs gzhi kun
gzhi rnam shes kyi

@37a @#/ /steng gi don snang gi rnam shes skyes pa'i nus pa de
mdo de'i bstan don gyi gtso bo ma yin pa'i khyad par 'thad de/
drang nges rnam 'byed las/ 'di ltar mig gi rnam shes rnam smin
gyi bag chags zhes bya ba rang gi sa bon smin pa gang las
byung ba'i sa bon der

snang ba la dgongs nas zhes gsungs pa'i phyir/ kha cig/ 'khor
lo dang po'i bstan den gyi gtso bo yin na med pas khyab zer
na/ bden pa bzhi chos can/ der thal/ de'i phyir/ rtags grub
ste/ 'phags pa'i bden pa bzhi'i rnam pa bstan pas zhes gsungs
pa'i phyir/ de bzhin du phyi don

yod par ston dgos kyi gdul bya'i ngor phyi don yod pa chos
can/ der thal/ de'i phyir/ rtags grub ste/ 'khor lo dang pos
phyi rol gyi don bstan pa de gdul bya'i bsam pa'i dbang gis
yin pa'i phyir te/ drang nges rnam 'byed las/ dang por wa ra
NA sir/ zhes gsungs pa'i phyir/ 'di'i don

la kha cig/ 'di thal 'gyur ba'i grub mthar shor ba yin pas
skabs 'dir khas mi len no/ /zhes zer ro/ /'o na/ thal 'gyur
bas/ 'khor lo dang por phung po la sogs pa'i chos las nyung
shas shig ma gtogs pa bden par grub pa ma bkag par bzhed par
thal/ dam bca' 'thad

pa'i phyir/ 'dod na des 'khor lo dang por chos thams cad bden
med du bstan par mi bzhed par thal lo/ /'dod mi nus te/ des
der phung sogs kyi chos rnams bden par med pa chos kyi bdag
med phra mo dang gang zag bden par med pa gang zag gi bdag med
phra mor bstan par bzhed

pa'i phyir/ thal 'gyur ba'i skabs kyi TI ka las/ 'khor lo
dang por yang mi rtag sogs bstan pa drang ba'i don yin yang
gang zag dang chos la bdag med pa'i stong pa nyid phra mo
bstan pa rnams ni nges pa'i don dang zhes gsungs pa'i phyir/
gzhan yang/ thal 'gyur bas 'khor lo

dang pos nyi tshe ba'i stong nyid tsam zhig bstan par bzhed par
thal/ des 'khor lo dang pos chos thams cad kyi stong nyid
bstan par mi bzhed pa'i phyir te/ des der phung sogs nyung
shas cig gi stong nyid bstan par bzhed pa'i phyir/ rtags khas/
gzhan yang/ des 'khor lo dang po bskor

@37b ba'i tshe lnga sde dang lha brgya stong sogs kyis kyang
chos thams cad kyi stong nyid ma rtogs par nyung shas cig gi
stong nyid rtogs par bzhed par thal/ rtags sngar bzhin/ 'dod
na/ des de'i ched du bya ba'i gdul bya dgra bcom pa la chos
thams cad bden med du rtogs mi dgos par phung sogs las

nyung shas cig gi bden med rtogs pas chog par bzhed par thal/
rtags sngar bzhin/ gzhan yang/ thal 'gyur bas theg pa che
chung gi sde snod las chos kyi bdag med rgyas par bstan ma
bstan dang/ theg pa che chung gi gang zag gis chos kyi bdag
med rdzogs par sgom mi sgom gsungs pa'i

don de theg dman gyi sde snod las shes bya'i phyogs 'ga' zhig
bden med du bstan kyang shes bya thams cad bden med du ma
bstan pa dang/ theg dman pa shes bya'i phyogs 'ga' zhig bden
med du rtogs pa yod kyang shes bya thams cad bden med du ma
rtogs pa'i don du 'dod par thal/

des theg dman gyi sde snod las phung sogs nyung shas cig ma
gtogs chos thams cad bden med du ma bstan par bzhed pa'i
phyir/ rtags khas/ gnyis pa rang lugs ni/ skabs 'dir 'khor lo
dang po gnyis drang don gyi mdor mtshungs kyang drang don du
'grel tshul mi mtshungs te/ phyi

don yod par ston pa'i mdo'i bstan don phyi don yod pa dang/
phung sogs chos khams dang chos kyi skye mched sogs rang gi
mtshan nyid kyis grub par ston pa'i 'khor lo dang po'i sgras
zin gyi don de rnams rang gi mtshan nyid kyis grub pa 'khor lo
dang po'i bstan don gyi gtso bor

bston pa'i sgo nas de dag drang don du 'grel zhing/ 'khor lo
bar pa'i sgras zin gyi don gzugs nas rnam mkhyen gyi bar gyi
chos thams cad bden par med pa de 'khor lo bar pa'i bstan don
gyi gtso bo ma yin par ngo bo nyid med pa gsum po de de'i
bstan don gyi gtso bor bstan pa'i

sgo nas 'khor lo bar ba drang don du 'grel ba'i phyir/ des na
'khor lo dang po bstan don gyi gtso bo sgra ji bzhin pa ma yin
pa'i drang don gyi mdo dang/ 'khor lo bar ba sgras zin gyi don
sgra ji bzhin pa ma yin pa'i drang don gyi mdo yin no/ /skabs
'dir 'khor lo bar pas gzhan dbang

@38a @#/ /dang yongs grub bden grub tu bstan te/ des de ltar
bstan bya'i gtso bor byas nas bstan pa'i phyir te/ kun brtags
bden par med cing gzhan dbang dang yongs grub bden grub tu
bstan bya'i gtso bor byas nas bstan pa'i phyir te/ 'khor lo
thams de ltar bstan

pa gang zhig 'khor lo bar tha gnyis dgongs pa gcig pa'i phyir
te/ drang nges rnam 'byed las/ 'khor lo phyi ma gnyis dgongs
pa gcig yin no/ /zhes gsungs pa'i phyir/ 'khor lo bar pas
gzhan dbang bden med du yang bstan te/ des de ltar du sgras
zin la bstan pa'i phyir te/

des gzugs nas rnam mkhyen gyi bar gyi chos thams cad bden med
du sgras zin la bstan pa'i phyir te/ drang nges rnam 'byed
las/ de yang bdag med pa'i don gtan la 'bebs pa'i dbang du
byas pa ste/ dang por wa ra Na ser gang zag gi bdag med gsungs
shing phung po la sogs pa'i

chos las nyung shas cig ma gtogs pa bden par grub pa ma bkag
cing bden par yod pa mang du gsungs pa'i skor gcig go/ de nas
rnam dbye ma mdzad par phung sogs kyi chos thams cad bden par
grub pa bkag pa'i skor gcig go/ de nas de la ngo bo nyid dang
po rang gi mtshan nyid

kyis ma grub cing gzhan gnyis rang gi mtshan nyid kyis grub
pa'i tshul so sor phye ba'i skor gcig byung bas de'i dbang du
mdzad pa ste/ zhes gsungs pa'i phyir/ de'i don ni brjod bya'i
sgo nas 'khor lo gsum 'jog na 'khor lo gsum so so'i mtshan gzhi
gang zhe na/ dang por wa ra

Na ser brjod bya gang zag gi bdag med gsungs shing phung po la
sogs pa khams dang skye mched dang bden pa dang rten 'brel nas
lam gyi yan lag gi bar gyi chos rnams kyi nang nas chos khams
chos kyi skye mched 'dus ma byas kyi nam mkha' la sogs pa
nyung shas cig

bden med du bstan pa ma gtogs phung sogs 'dus byas rnams la
bden par grub pa ma bkag cing bden par yod pa mang du gsungs
pa'i skor gcig byung ba de 'khor lo dang po'i mtshan gzhi yin
la/ de nas bya rgod phung po'i ri ? sogs su bden par grub ma
grub kyi rnam

@38b dbye dngos su ma mdzad par gzugs nas rnam mkhyen gyi bar
gyi chos thams cad bden par grub pa bkag cing bden med du
bstan pa'i skor gcig byung ba de 'khor lo bar pa'i mtshan gzhi
yin la/ de nas yangs pa can sogs su gzugs nas rnam mkhyen gyi
bar gyi chos de

rnams la kun brtags gzhan dbang yongs grub gsum gyi dbye ba
mdzad nas/ kun brtags bden par ma grub cing gzhan dbang dang
yongs grub gnyis bden par grub pa'i tshul so sor phye nas ston
pa'i skor gcig gsungs pa de 'khor lo tha ma'i mtshan gzhi yin
no/ /gsum pa

rtsod pa spong ba la kho na re/ 'khor lo bar pa chos can/
khyod kyis gzhan dbang bden grub tu ma bstan par thal/ khyod
gzhan dbang bden med du bstan pa'i mdo yin pa'i phyir na ma
khyab ste/ de chos can/ khyod kyis gzhan dbang rang gi mtshan
nyid kyis grub par ma bstan par thal/ khyod

gzhan dbang rang gi mtshan nyid kyis ma grub mnyam du ston pa'i
mdo yin pa'i phyir/ khyab pa khas/ der thal/ chos thams cad so
sor ma phye bar rang gi mtshan nyid kyis ma grub mnyam du ston
pa'i mdo yin pa'i phyir/ rtags grub ste/ drang nges rnam 'byed
las/ chos rnams la so

sor ma phye bar rang gi mtshan nyid kyis grub pa dang ma grub
par bstan pa sgra ji bzhin du 'dzin pa bzlog nas/ zhes gsungs
pa'i phyir/ rtsa bar 'dod mi nus te/ dgongs 'grel las/ chos
thams cad ngo bo nyid du ma mchis pa zhes sogs gsungs pa de
'khor lo bar ba la 'gal

spong gi dri ba yin pa'i phyir/ gzhan yang/ 'khor lo bar pa
las gzhan dbang bden grub bkag par thal/ de las phung sogs
bden grub bkag pa'i phyir te/ drang nges rnam 'byed las/ de
nas rnam dbye ma mdzad par zhes sogs gsungs pa'i phyir/ rtsa
bar 'dod na/ 'khor lo bar

pa chos can/ khyod kyis gzhan dbang bden med du bstan par
thal/ khyod kyis de bden grub bkag pa'i phyir/ rtags khas/ des
na zhi ba 'tsho yab sras kyi skabs su 'khor lo tha ma don dam
yang dag 'phags zhus kyi le'u las sems tsam pa'i 'dod pa ltar
gyi mtshan nyid gsum

@39a @#/ /gyi rnam gzhag dngos su bstan nas dbu ma pa'i 'dod pa
ltar gyi mtshan nyid gsum gyi rnam gzhag bstan bya'i gtso bor
byas nas bstan par khas len dgos pa bzhin du/ skabs 'dir yang
'khor lo bar pas dbu ma pa'i 'dod pa ltar gyi mtshan nyid 

gsum gyi rnam gzhag dngos su bstan nas sems tsam pa'i 'dod pa
ltar gyi mtshan nyid gsum gyi rnam gzhag bstan bya'i gtso bor
byas nas bstan par khas len dgos pa yin no/ /kho na re/ 'khor lo
dang pos chos khams dang chos kyi skye mched sogs 'dus ma

byas kyi chos rnams bden med du bstan par rang rgyud pa rnams
kyis bzhed par thal/ drang nges rnam 'byed las/ nyung shas cig
ma gtogs zhes sogs gsungs pa de thal 'gyur ba'i grub mthar
shor ba ma yin pa'i phyir/ 'dod na/ rang rgyud pas 'khor lo
dang po las 'dus

ma byas rnams bden med du bstan par khas len par thal lo/
/'dod na/ des theg dman thun mong ma yin pa'i mdo las bden med
bstan par khas len par thal lo/ /'dod na/ des de las chos kyi
bdag med phra mo bstan par khas len par thal lo/ /zer na ma
khyab/ skyon med de/ rang rgyud pa rnams

kyis 'khor lo dang por dngos smra bas 'dod pa ltar gyi bden
med bstan par 'dod pa'i phyir/ /gnyis pa blo gros mi zad pa'i
mdo la sogs pa sgra ji bzhin pa la brten nas drang nges 'byed
pa dbu ma pa'i lugs la dpyad pa la/ legs ldan 'byed kyi lugs
dang/ zhi 'tsho yab sras kyi lugs

dang/ 'phags seng gang gi rjes su 'brang ba'o/ /dang po ni/
legs ldan 'byed kyis 'phags pa'i dgongs pa ltar bkral ba la
zhes sogs kyi skabs su gsum las/ dang po la/ kha cig/ slob
dpon legs ldan 'byed klu sgrub gyi dgongs pa rang rgyud du
'grel ba'i 'grel byed kyi dang po yin zer na/ mi 'thad de

de'i gong du de ba shar mas 'grel pa dkar po rnam par 'char
bar klu sgrub kyi dgongs pa rang rgyud du bkral ba'i phyir te/
legs ldan 'byed kyis kyang dkar po rnam par 'char ba'i rjes su
'brangs nas klu sgrub kyi dgongs pa rang rgyud du bkral ba'i
phyir te/ drang nges rnam 'byed las/ legs ldan 'byed ni de

@39b ba shar ma'i 'grel pa dkar po rnam par 'char ba'i rjes su
'brang bar spyan ras gzigs brtul zhugs kyis bshad do/ /zhes
gsungs pa'i phyir/ yang/ drang nges rnam 'byed las/ de yang
lto ldir ba la bum pa zhes btags pa'i brdas bzhag pa'i yul don
dam par grub pa 'gog

ba la dbu ma'i rigs pa dgos zhes smra ba yin te/ rtog ge 'bar
ba las/ lkugs pa dang 'on pa la sogs pa brda mi shes pas kyang
bum pa la sogs pa'i don shes shing/ pha lang ? la sogs pas
kyang dri dang gzugs la sogs pa las rang gzhan gyi bu shes nus
pas ming gi brdas

bzhag pa dngos po'i de kho na nyid du mi gnas pa rnal 'byor
spyod pa ba dang dbu ma pa gnyis ka la 'dra bar bshad pas so/
/zhes gsungs pa'i don la kha cig/ lto ldir ba la bum pa zhas
brdas bzhag tsam gyi yul don dam par grub pa/ 'gog pa la dbu
ma'i rigs pa mi dgos

te dgos na lto ldir ba shes pa bum pa'i brda la ltos par thal/
lto ldir ba bum pa zhes pa'i ming brdas bzhag tsam gyi yul yin
pa'i phyir/ 'dod na/ lkugs pa dang 'on pa la sogs pas lto ldir
brtogs pa med par thal lo/ /zhes zer/ 'o na/ lto ldir ba bum
pa zhes pa'i

brdas bzhag tsam yin par thal/ lto ldir ba yod pa gang zhig/
ming brdas bzhag tsam yod pa'i phyir te/ 'grel pa don gsal
las/ gzugs nas sangs rgyas zhes bya ba'i bar gyi chos thams
cad brdar btags pa'i chos tha snyad pa yin no/ /zhes dang/
rnam bshad

snying po rgyan las/ chos thams cad brda tsam btags pa tsam du
khong du chud pa'i sgo nas tshul khrims dang bzod pa'i phar
phyin la 'god pa'i phyir/ zhes gsungs pa'i phyir/ gzhan yang/
dbu ma rang rgyud pas ming brdas bzhag tsam khas len par thal/
des ming brdas bzhag tsam

zhes pa'i tsam sgras blo la snang ba'i dbang gis bzhag pa ma
yin pa'i yod pa gcod cing rang ngos nas grub pa mi gcod par
bzhed pa'i phyir te/ drang nges rnam 'byed las/ de'i phyir
gsung rab dang kun rdzob dang ming dang brda dang btags pa
tsam du gsungs pa'i tsam gyi sgras gang gcod

@40a @#/ /pa yang mi mthun no/ /zhes gsungs pa'i phyir/ kho na
re/ TIk chen dgongs pa rab gsal las/ de ltar na blo la snang
ba'i dbang gis bzhag pa ma yin pa'i sdod lugs med kyang/ de'i
dbang gis bzhag pa'i sdod lugs ming du btags pa tsam min pa
cig

yod pa lugs 'di la mi 'gal bas/ zhes gsungs pa mi 'thad par
thal/ rang rgyud pas chos thams cad ming brdas gzhag tsam du
khas len pa'i phyir na ma khyab ste/ ming gis phar bzhag tsam
ma yin pa'i gdags gzhi rang ngos nas grub pa cig yod pa rang
rgyud pa'i lugs

'di la mi 'gal ba zhes pa'i don yin pa'i phyir te/ de'i 'phro
nyid du de'i phyir/ dbu ma pa gnyis kyi dgag bya la blo'i ngor
mi 'dra ba chen po 'ong ngo/ /zhes gsungs pa'i phyir/ yang kha
cig/ lto ldir ba bum pa'i brda'i yul yin pa don dam par grub
pa 'gog pa la dbu ma'i

rigs pa mi dgos te/ de sems tsam pa'i rigs pas kyang 'gog nus
pa'i phyir zer na/ lto ldir ba bum pa'i brda'i yul yin pa don
dam par med par rtogs pa'i sems tsam pa yod par thal/ dam bca'
'thad pa'i phyir/ 'dod na/ lto ldir ba bum pa'i brda'i yul

yin pa chos can/ khyod don dam par med par rtogs pa'i sems
tsam pa med par thal/ khyod don dam par med pa don dam bden pa
yin pa'i phyir te/ khyod gzhi grub pa'i phyir/ yang kha cig/
lto ldir ba bum pa'i ming brda'i yul yin pa don dam par grub
pa 'gog pa la dbu

ma'i rigs pa dgos kyang de 'gog pa la dbu ma'i rigs pa mi dgos
te/ de sems tsam pa'i rigs pas kyang 'gog pa'i phyir te/ drang
nges rnam 'byed las/ ming gi brdas bzhag pa dngos po'i de kho
na nyid du mi gnas pa/ zhes gsungs pa'i phyir/ zhes gsungs so/
/de ltar na

kun brtags don dam par grub pa 'gog pa la dbu ma'i rigs pa mi
dgos par thal/ dam bca' 'thad pa'i phyir/ 'dod na/ kun brtags
mtshan nyid ngo bo nyid med pa'i don 'chad pa la dbu ma'i rigs
pa mi dgos par thal lo/ /'dod mi nus te/ drang nges rnam 'byed

@40b las/ des na ngo bo dang khyad par du kun brtags pa'i kun
brtags mtshan nyid ngo bo nyid med par bstan 'dod pas ni dbu
ma'i rigs pa 'dod par bya'o/ /zhes shes rab sgron ma las
gsungs so/ /zhes gsungs pa'i phyir/ kha cig/ lto ldir ba bum
pa zhes pa'i brdas bzhag tsam

gyi yul yin pa don dam par med par rtogs pa la dbu ma'i rigs
pa dgos pa ma yin zhes pa'i don no zer ba mi 'thad de/ de don
dam par med pa gnas lugs mthar thug yin pa'i phyir/ kha cig/
gzugs gzugs zhes pa'i sgra 'jug pa'i 'jug gzhir don dam par
med

par rtogs par ? dbu ma'i rigs pa mi dgos zhes pa'i don yin no/
/zhes zer ba mi 'thad de/ de don dam par med pa gnas lugs
mthar thug yin pa'i phyir te/ gzugs longs spyad byar bden par
ma grub pa gnas lugs mthar thug yin pa'i phyir/ kha cig/ gzugs
gzugs

'dzin rtog pa'i zhen gzhir dngos po'i gnas tshod kyi ngos nas
ma grub par rtogs pa la dbu ma'i rigs pa mi dgos te/ gzugs der
ma grub par 'dod pa la dbu sems gnyis ka mtshungs pa'i phyir/
des na legs ldan 'byed/ zhi ba 'tsho yab sras/ 'phags seng
rnams de

der rang ngos nas ma grub par 'dod pa mtshungs kyang de der
rang gi mtshan nyid kyis ma grub par 'dod pa mi mtshungs te/
legs ldan 'byed kyis de der rang gi mtshan nyid kyis grub par
'dod/ 'phags seng gnyis kyis de der rang gi mtshan nyid kyis ma
grub par 'dod pa'i phyir/

zhes zer ba mi 'thad de/ rang rgyud pa'i lugs la gzugs gzugs
'dzin rtog pa'i zhen gzhir dngos po'i gnas tshod kyis ngos nas
ma grub pa'i don/ de der don dam par ma grub pa la byed dam/
de der med pa la byed / dang po ltar na de der ma grub par
rtogs pa la dbu

ma'i rigs pa dgos par thal/ de der ma grub pa gnas lugs mthar
thug yin pa'i/ gnyis pa ltar na/ de der rang gi mtshan nyid
kyis ma grub par thal ba'i skyon yod pa'i phyir/ gzhan yang/
legs ldan 'byed gzhir zhog/ gzugs rang 'dzin rtog pa'i zhen
gzhir 

@41a @#/ /dngos po'i gnas tshod kyi ngos nas grub par thal/
gzugs rang 'dzin rtog pa'i zhen gzhir yod pa gang zhig /yod na
dngos po'i gnas tshod kyi ngos nas yod dgos pa'i phyir/ dang po
grub ste/ de der rang gi mtshan nyid kyis grub pa'i phyir/
rtags gnyis

pa bud do/ /'phags seng gi lugs la yang de der rang gi mtshan
nyid kyis grub par thal/ de der yod pa gang zhig /de'i lugs la
yod na rang gi mtshan nyid kyis grub dgos pa'i phyir/ gnyis pa
rang lugs ni/ slob dpon legs ldan 'byed kyis mdo sde dgongs
'grel dbu ma'i bkar

bzhed de/ des kun brtags don dam par med pa dgongs 'grel las
kun brtags mtshan nyid ngo bo nyid med par gsungs pa'i don
dang/ gzhan dbang don dam par skye ba med pa dgongs 'grel las
gzhan dbang skye ba ngo bo nyid med par gsungs pa'i don dang/
gzhan dbang bden

par med bzhin du bden par snang ba sgyu ma lta bu yin pa de
dgongs 'grel las/ gzhan dbang sgyu ma lta bur gsungs pa'i don
du bzhed pa'i phyir/ dang po grub ste/ des kun brtags rang gi
mtshan nyid kyis ma grub pa dgongs 'grel las kun brtags mtshan
nyid ngo bo nyid med par

gsungs pa'i don du sems tsam pas khas blangs pa la/ gnod byed
kyi rigs pa gnyis bstan nas mdo de'i dgongs pa dbu mar 'grel
par mdzad par bya'i gnod byed kyi rigs pa gnyis ni/ kun brtags
rang gi mtshan nyid kyis ma grub pa'i don kun brtags 'dogs byed
kyi ming dang

rtog pa rang gi mtshan nyid kyis ma grub pa la byed dam/ btags
don kun brtags rang gi mtshan nyid kyis ma grub pa la byed/
dang po ltar na gzhan dbang la skur 'debs su 'gyur te/ de ltar
smra bas kun brtags 'dogs byed kyi sgra rtog med par bstan
pa'i phyir/ de ltar yang shes

rab sgron ma las/ de la 'dir gal te gzugs zhes bya bar yid la
brjod pa dang tshig tu brjod pa'i kun brtags pa'i ngo bo nyid
gang yin pa der 'dod do zhe na ni/ dngos po la skur pa 'debs
pa yin te yid la brjod pa dang tshig tu brjod pa la skur ba
'debs pa'i phyir ro/ /zhes

@41b gsungs/ gnyis pa ltar na kun brtags la skur pa 'debs pa
yin no/ /yang shes rab sgron mar/ ci ste gang yang rung bas de
gnyis kyi don kun brtags pa de med de/ dper na thag pa la
sbrul gyi blo bzhin no zhe na ni/ kun brtags pa med pa ma yin
te/ de la rnam pa 'dra bas blo gros 'khrul

pas kun brtags pa'i don med kyang tha snyad du sbrul 'khyil ba
la de med pa ma yin pa'i phyir ro/ /zhes gsungs pas de sgra ji
bzhin par mi bzhed de/ des chos rnams kyi mtshan nyid ngo bo
nyid med pa nyid gang zhe na/ zhes sogs kyi skabs nas bstan
pa'i kun brtags rang gi mtshan nyid kyis grub par bzhed pa gang
zhig/ de'i dngos bstan gyi kun brtags de mdo de'i sgras zin la
rang gi mtshan nyid kyis ma grub par bstan par bzhed pa'i
phyir/ dang po grub ste/ kun brtags pa med pa ma yin te/ zhes
sogs gsungs pa'i phyir/ gnyis pa grub ste/ de'i skabs nas

dngos su bstan pa'i kun brtags rang gi mtshan nyid kyis ma grub
pa mdo de'i sgras zin gyi don du 'chad pa la dbu sems gnyis la
mi 'dra ba med pa'i phyir/ de yang lto ldir ba zhes sogs kyi
don ni/ gzugs sogs kyi dngos po rnams don dam par ma grub par
smra na dbu ma pa'i

rjes su 'brang dgos zhes pa'i don yin gyi/ lto ldir ba bum pa
zhes pa'i sgra 'jug pa'i 'jug gzhi yin pa de lto ldir ba'i
sdod lugs kyi ngos nas ma grub par rtogs pa la dbu ma'i rigs
pa dgos zhes pa'i don ma yin te/ sems tsam pa'i rigs pa la
brten nas kyang de

ltar rtogs nus pa'i phyir te/ ming gi brdas bzhag pa dngos
po'i de kho na nyid du gnas pa 'gog pa'i rigs pa dbu sems
gnyis mtshungs pa'i phyir/ rigs pa ni brda mi shes pa'i lkugs
pa dang 'on pa la sogs pas kyang lto ldir ba mthong tsam nas
lto ldir ba 'di bum

pa'o/ /snyam pa'i blo skye bar thal/ lto ldir ba bum pa zhes
pa'i sgra 'jug pa'i 'jug gzhi yin pa de/ lto ldir ba'i sdod
lugs kyi ngos nas grub pa'i phyir/ rtags khas/ gzhan yang/ ba
lang la sogs pas kyang dri dang gzugs la sogs pas rang gzhan
gyi bu mthong tsam

@42a @#/ /nas nog sogs 'dus pa'i gong bu 'di ni ba lang ngo/
/snyam pa'i blo skye bar thal/ nog sogs 'dus pa'i gong bu ba
lang zhes pa'i sgra 'jug pa'i 'jug gzhi yin pa de nog sogs
'dus pa'i gong bu'i sdod lugs kyi ngos nas grub pa'i phyir/
smras pa gzhung

don legs par rtogs 'dod shes ldan dag/ legs par bshad pa'i gru
gzings 'dir zhugs te/ /drang nges rtogs pa'i pha rol son gyur
nas/ /zab don nor bus rang gzhan tshim par mdzod/ /cas pa ni
bar skabs kyi tshigs su bcad pa'o/ /drang nges rnam 'byed las/
phyi

rol bkag pa da mdo gang gi yang don min par bzhed dam dpyad
par bya'o/ /zhes pa'i don la kha cig /slob dpon legs ldan
'byed kyis phyi don med par ston pa'i mdo mi bzhed pa lung
de'i don yin te/ des phyi rol snang ba yod min te/ zhes pas
kyang phyi don med par ma

bstan par bzhed/ khams gsum 'di ni sems tsam mo/ /zhes pas
kyang phyi don med par ma bstan par bzhed pa'i phyir/ zhes
gsungs/ de la kha cig /des phyi don med par ston pa'i mdo khas
len te/ byams zhus kyi le'ur/ bcom ldan 'das ting nge 'dzin
gyi spyod yul

gzugs can gang lags pa de sems las tha dad pa zhes bgyi ba'am/
tha dad pa ma yin zhes bgyi/ byams pa tha dad pa ma yin zhes
bya'o/ /zhes pas phyi don med par dngos su bstan par bzhed
pa'i phyir/ mdo des phyi don bkag par dbu ma pa gzhan bzhed
cing de la slob

dpon legs ldan 'byed kyis dgag gzhag ma mdzad cing des mdo de
ma gzigs pa yang ma yin pa'i phyir dang des de mtshan nyid la
ldem por dgongs pa'i mdor khas len pa'i phyir zer na mi 'thad
de/ byams zhus kyi le'ur de ltar gsungs pa'i don gzugs de sems

las don dam par tha dad pa ma yin zhes pa'i don du legs ldan
'byed bzhed pa'i phyir/ phyi rol snang ba yod min te/ /zhes
sogs kyi mdo phyi don med par dngos su ston pa'i dbu ma'i bkar
slob dpon ka ma la shI las bzhed pa gang zhig /slob dpon 'di
gnyis mdo sde

@42b dgongs 'grel gyi don 'chad chul la dgongs pa gcig pa'i
phyir/ rang lugs ni/ des phyi don med par ston pa'i mdo khas
len te/ des kun gzhi rnam shes yod par ston pa'i mdo khas len
pa gang zhig /de yin na phyi don med par ston pa'i mdo yin
dgos par legs

ldan 'byed kyis bzhed pa'i phyir/ de'i don phyi don med par
sgras zin la ston pa'i mdo mi bzhed pa'i don no/ /rtsod pa
spong ba la kho na re/ lto ldir ba bum pa zhes pa'i ming
brda'i yul du lto ldir ba'i sdod lugs kyi ngos nas ma grub par
thal/ dam bca' 'thad pa'i phyir na ma

khyab/ 'dod mi nus te/ lto ldir ba de'i yul du rang ngos nas
grub pa'i phyir te/ de de'i yul du grub pa gang zhig/ yod na
rang ngos nas grub dgos pa'i phyir zhes zer/ kho na re/ legs
ldan 'byed kyis/ khams gsum 'di ni sems tsam mo zhes sogs kyis
phyi don med par bstan

par bzhed par thal/ des phyi don med par bstan pa'i mdo khas
len pa'i phyir na ma khyab/ gnyis pa ni/ de'i don du bcom ldan
'das kyis skye ba med pa la sogs pa bstan pa zhes sogs kyi
skabs su gsum las/ dang po ni/ kha cig /rang rgyud pa'i lugs
la yang 'gal spong

zhus tshul yod de/ 'khor lo dang por gzugs nas byang phyogs so
bdun gyi bar gyi chos thams cad la rang gi mtshan nyid kyis
grub pa'i ngo bo dang skye 'gag yod par bka' stsal/ bar par
skye 'gag med par bka' stsal pa gnyis sgras zin ltar na 'gal
na'ang bcom ldan 'das

la 'gal ba med dgos pas bar par de ltar gsungs pa ni ci la
dgongs nas gsungs zhes dngos su zhus nas/ dang por de ltar
gsungs pa ci la dgongs nas gsungs zhes don gyis zhus so zhes
zer ba dang/ tha ma don dam yang dag 'phags zhus kyi le'u ngas
don gyi mdo yin

te/ des 'khor lo bar pa yum rgyas 'bring bsdus gsum des don
gyi mdor gzhung btsugs nas bsgrubs pa'i phyir/ zhes zer/ 'o
na/ don dam yang dag 'phags zhus kyi le'u de sgra ji bzhin
pa'i mdo yin par thal/ de nges don gyi mdo yin pa'i phyir/
'dod na/ grub don gsum

@43a @#/ /ba de yang sgra ji bzhin pa yin par thal lo/ /gzhan
yang/ 'khor lo dang pos gzugs nas byang phyogs so bdun gyi bar
gyi chos thams cad la rang gi mtshan nyid kyis grub pa'i ngo bo
dang skye 'gag yod par bka' stsal bar thal/ dam bca' 'thad pa 
gang zhig /dri ba zhus pa'i mdo de sgra ji bzhin pa'i mdo yin
pa'i phyir/ rtags khas/ 'dod na/ 'khor lo dang por chos khams
sogs 'dus ma byas kyi chos rnams la skye 'gag yod par bka'
stsal bar thal lo/ /'dod na/ mdo sde pas de rnams la skye 'gag
sogs yod

par khas len par thal/ 'dod pa gang zhig /des de sgra ji bzhin
par khas len pa'i phyir/ gzhan yang/ dgongs 'grel las/ chos
thams cad ngo bo nyid ma mchis pa chos thams cad ma skyes pa
zhes sogs bshad pa mi 'thad par thal/ bcom ldan 'das kyis
'khor lo bar

par chos thams cad ngo bo nyid med par gsungs pa ci la dgongs
nas gsungs zhes zhus pa ma yin pa'i phyir te/ dam bca' 'thad
pa'i phyir/ gzhan yang/ don dam yang dag 'phags zhus kyi
le'u'i nang tshan du gyur pa'i bcom ldan 'das kyis rnam grangs
du mar phung po

rnams kyi rang gi mtshan nyid kyang zhes sogs 'gal spong zhus
pa'i mdo de sgra ji bzhin pa yin par thal/ don dam yang dag
'phags zhus kyi le'u de sgra ji bzhin pa yin pa'i phyir/ rtags
khas/ 'dod na/ 'khor lo dang por gzugs nas byang phyogs so
bdun gyi bar gyi chos

thams cad rang gi mtshan nyid kyis grub par gsungs pa ci la
dgongs nas gsungs pa yin zhes don dam yang dag 'phags kyis
ston pa la zhus par thal lo/ /'dod na/ 'khor lo dang por de
ltar gsungs pa dgongs gzhi 'chad dgos kyi mdo yin par thal lo/
/gzhan

yang/ dgongs 'grel las/ don dam yang dag 'phags/ ngas chos
rnams kyi ngo bo nyid med pa nyid rnam pa gsum po 'di lta ste/
zhes sogs sgra ji bzhin pa yin par thal/ rtags de'i phyir/
'dod na/ gzugs nas rnam mkhyen gyi bar gyi chos thams cad rang
gi mtshan nyid

@43b kyis ma grub par thal lo/ /gzhan yang/ dgongs 'grel las/
chos rnams kyi mtshan nyid ngo bo nyid med pa nyid gang zhe na/
zhes sogs sgra ji bzhin pa yin par thal/ rtags de'i phyir/
'dod na/ ngo bo dang khyad par du kun brtags pa'i kun brtags
rang gi mtshan nyid kyis grub pa'i mtshan

nyid ngo bo nyid med pa yin par thal/ mdo des ngo bo dang
khyad par du kun brtags pa'i kun brtags mtshan nyid ngo bo nyid
med pa yin par dngos su bstan pa gang zhig /'dod pa'i phyir/
dang po grub ste/ de sems tsam pas sgra ji bzhin par khas len
pa'i phyir/ gzhan yang/ dgongs

'grel las/ der chos rnams kyi mtshan nyid ngo bo nyid med pa
nyid gang zhe na/ zhes dang/ 'du byed kyi mtshan ma la gzugs
kyi phung po zhes sogs kyi skabs nas dngos su bstan pa'i kun
brtags yin na med dgos par thal/ mdo de dag gis kun brtags
rang gi mtshan nyid kyis

ma grub par dngos su bstan pa gang zhig /yod na rang gi mtshan
nyid kyis grub dgos pa'i phyir/ 'dod na/ dgongs 'grel gyi
sgras zin la bstan pa'i kun brtags yin na med dgos par thal
lo/ /'dod na/ dgongs 'grel las gsungs pa'i kun brtags med par
khas

blangs na skur 'debs su mi 'gyur bar thal lo/ /'dod na/ dgongs
'grel las/ chos thams cad la mtshan nyid thams cad kyis skur pa
'debs te/ zhes sogs gsungs pa sgra ji bzhin pa ma yin par thal
lo/ /'dod mi nus te/ don dam yang dag 'phags zhus kyi le'u

de sgra ji bzhin pa yin pa'i phyir/ rtags khas/ gzhan yang/
grub den gnyis pa sgra ji bzhin pa yin par thal/ don dam yang
dag 'phags zhus kyi le'u la de'i phyir/ rtags khas/ 'dod na/
rgyas 'bring bsdus gsum drang don gyi mdo yin par thal/ 'dod
pa gang zhig /des

rgyas 'bring bsdus gsum drang don gyi mdor sgras zin la bstan
pa'i phyir te/ des mtshan nyid med pa'i chos 'khor sgras zin la
de ltar bstan pa'i phyir te/ grub don dang pos bden bzhi'i
chos 'khor drang don gyi mdor sgras zin la bstan pa'i phyir/
kho na re/ grub don gnyis

@44a @#/ /pas 'khor lo gnyis pa shes rab snying po drang don
gyi mdor sgras zin la bstan kyang des rgyas 'bring bsdus gsum
de ltar ma bstan pa'i phyir/ de ltar ma yin na des rgyas
'bring bsdus gsum drang don gyi mdor bstan par thal/ des 'khor
lo

bar pa da ltar bstan pa'i phyir/ 'dod na/ don dam yang dag
'phags zhus kyi le'u las de ltar bstan par thal lo/ /'dod na/
de chos can/ khyod kyis de drang don gyi mdor ma bstan par
thal/ khyod kyis de nges don gyi mdor bstan pa'i phyir na ma
khyab/ de der thal/ khyod kyis de

nges don gyi mdor gzhung btsugs nas bsgrubs pa'i phyir/ zer
na/ shes bya chos can/ yum 'bum pa de grub don gnyis pas drang
don gyi mdor bstan par thal/ de grub don gnyis pa'i skabs nas
bstan pa'i 'khor lo bar pa yin pa'i phyir te/ de grub don
gnyis pa las

theg pa chen po la yang dag par zhugs pa rnams la chos kyi
'khor lo gnyis pa bskor te/ zhes pa'i skabs nas dngos su bstan
pa'i 'khor lo bar pa yin pa'i phyir te/ de'i skabs nas dngos
su bstan pa'i 'khor lo bar pa de la dgag bya la don dam gyi
khyad par sbyar ba

dang ma sbyar ba'i 'khor lo gnyis pa gnyis su 'byed rigs pa'i
phyir te/ de ltar yang drang nges rnam 'byed las/ mdor bsdu na
theg pa chen po la zhugs pa la 'khor lo gnyis pa gsungs pa de
dgag bya la don dam pa'i khyad par sbyar ba dang ma sbyar ba
gnyis byung ba'i phyi ma'i

mdo nas 'byung ba'i don sgra ji bzhin par mi gzung bar snga ma
nas 'byung ba bzhin skye 'gag la sogs pa don dam du med cing
tha snyad du yod par shes par gyis shig ces dgongs 'grel gyis
bkral bas dgongs 'grel ni yum 'bum pa lta bu rnams nges don du
gzhung 'dzugs

pa'i mdor bzhed do/ /zhes gsungs pa'i phyir/ gzhan yang/ shes
bya chos can/ yum 'bum pa de grub don gnyis pa'i skabs nas
dngos su bstan pa'i 'khor lo bar pa yin par thal/ rang rgyud
pas de de'i skabs nas dngos su bstan pa'i 'khor lo gnyis pa'i
mtshan gzhir bzhed

@44b pa'i phyir te/ rnam bshad las/ dbu sems kyi zhes sogs
gsungs pa'i phyir/ gzhan yang/ shes rab snying pos chos thams
cad rang gi mtshan nyid kyis ma grub par bstan par thal/ yum
'bum pas de ltar bstan pa gang zhig /mdo de gnyis kyi dgongs
pa gcig yin pa'i phyir

te/ de gnyis dbu ma'i bkar mtshungs pa'i phyir/ 'dod na dngos/
des chos thams cad rang gi mtshan nyid kyis ma grub par sgras
zin la dngos su bstan par thal/ de sgra ji bzhin pa ma yin pa
la rgyu mtshan cig yod pa'i phyir/ 'dod mi nus te/ des chos
thams cad rang gi mtshan

nyid kyis grub par bstan pa'i phyir/ 'khor gsum/ kha cig /chos
rnams kyi mtshan nyid ngo bo nyid med pa nyid gang zhe na/ zhes
pa'i skabs nas bstan pa'i kun brtags med zer na mi 'thad de/
drang nges rnam 'byed las/ kun brtags nam mkha'i me tog dang/
/zhes sogs gsungs pa'i

phyir/ kha cig/ shes rab snying po nges don gyi mdo yin no zhe
na/ de chos can/ sgra ji bzhin pa yin par thal/ nges don gyi
mdo yin pa'i phyir/ khyab ste/ dbu ma snang ba las/ nges pa'i
don kyang gang la bya zhe na/ tshad ma dang bcas pa dang don
dam pa'i dbang du mdzad nas bshad pa gang yin pa

ste/ don de las logs shig tu gzhan gyi gang du yang drang bar
mi nus pa'i phyir ro/ /zhes gsungs pa'i phyir/ 'dod na/ de'i
nang tshan du gyur ba'i phung po lnga po de dag kyang rang
bzhin gyis stong par rnam par blta'o/ /zhes pa yang sgra ji
bzhin pa yin par thal lo/ /'dod na/ phung

po lnga po rang bzhin gyis ma grub par thal lo/ /kho na re/
yum 'bum pa'i nang tshan gyis gzugs mi dmigs zhes pa'i mdo de
sgra ji bzhin pa'i mdo yin par thal/ yum 'bum pa lta bu sgra
ji bzhin pa yin pa'i phyir/ khyab pa khas/ 'dod na/ gzugs mi
dmigs par thal/

'dod pa'i phyir zer na ma khyab ste/ gzugs mi dmigs pa de de'i
sgras zin gyi don ma yin pa'i phyir te/ gzugs don dam par mi
dmigs pa de de'i sgras zin gyi don yin pa'i phyir te/ mdo de
dgag bya la don dam gyi khyad par sbyar ba'i mdo yin pa'i
phyir/ kha cig /shes rab snying pos

@45a @#/ /chos thams cad med par sgras zin la bstan zer na/
chos thams cad med par bstan dgos kyi shes rab snying po'i
ched du bya ba'i gdul bya yod par thal/ dam bca' 'thad pa'i
phyir/ 'dod na/ chos thams cad med par bden zhen gyis 'dod
pa'i

de 'dra'i gang zag cig yod par thal lo/ /'dod mi nus te/ de
'dra'i nang pa sangs rgyas pa med pa'i phyir/ kho na re/ dam
bca' 'thad de/ des chos thams cad rang gi mtshan nyid kyis ma
grub par sgras zin la bstan pa gang zhig/ rang gi mtshan nyid
kyis ma grub na med dgos

pa'i phyir/ zer na ma khyab ste/ 'o na/ thal 'gyur bas chos
thams cad med par khas len par thal/ des chos thams cad rang
gi mtshan nyid kyis ma grub par khas len pa gang zhig/ rang gi
mtshan nyid kyis ma grub na med dgos pa'i phyir/ 'khor gsum/
kha cig /shes rab

snying po rang rgyud pa'i thun mong ma yin pa'i mdo yin zer ba
mi 'thad de/ de'i ched du bya ba'i gdul bya yin na rang rgyud
pa yin dgos par thal/ dam bca' 'thad pa'i phyir/ 'dod na/
gzugs rang gi mtshan nyid kyis ma grub par ston dgos kyi shes
rab snying po'i ched du bya

ba'i gdul bya chos can/ der thal/ de'i phyir te/ de 'dra ba
cig yod pa'i phyir te/ des gzugs rang gi mtshan nyid kyis ma
grub par sgras zin la bstan pa'i phyir/ kha cig/ drang nges
rnam 'byed las/ drang don du gsungs pa dang dgongs pa bstan
nas nges don du sgrub

pa gnyis mdo gcig yin na 'gal mod kyang 'khor lo bar pa tsam
du gcig pa yin gyi mdo gcig min no/ /zhes dang/ 'khor lo bar
pa drang don du gsungs pa de 'khor lo gnyis pa thams cad ma
yin no zhes pa'i don no/ /zhes gsungs pa mi 'thad par thal/
yum 'bum

pa grub don gnyis pa'i skabs nas dngos su bstan pa'i drang don
gyi mdo yin pa'i phyir na ma khyab ste/ don dam yang dag
'phags zhus kyi le'us drang don du bsgrub rgyu'i 'khor lo bar
pa de 'khor lo bar pa thams cad la mi byed ces pa'i don no/
/kha cig/ yum 'bum pa don dam

@45b yang dag 'phags zhus kyi le'us de'i dgongs pa bstan nas
nges don du bsgrub rgyu dang/ sgra ji bzhin du 'dzin pa bkag
nas nges don du bsgrub rgyu'i mdo gnyis ka yin zer ba mi 'thad
de/ yum 'bum pa chos can/ khyod kyi sgras zin tsam la mthong
ba tha snyad du grub pa 'gal ba'i

dngos po yod par thal/ khyod dgos pa bstan nas nges don du
bsgrub rgya'i mdo yin pa'i phyir/ rtags khas/ khyab ste/ drang
nges rnam 'byed las/ de'i phyir dgongs pa bstan pa yang nges
pa'i don nyid du 'gal bar mi byed do/ /de nyid kyi phyir skye
ba med pa la sogs pa bstan pa nges pa'i

don nyid du bsgrub pa'i phyir dang mthong ba la sogs pa dang
'gal ba spong ba'i phyir dang sgra ji bzhin du rtog pa bsal
ba'i phyir/ 'phags pa dgongs pa nges par 'grel ba de nyid las/
zhes gsungs pa'i phyir/ 'dod mi nus te/ khyod dgag bya la don
dam gyi khyad par dngos su sbyar ba'i

mdo yin pa'i phyir/ gzhan yang/ de chos can/ dgag bya la don
dam gyi khyad par dngos su ma sbyar ba'i mdo yin par thal/
khyod sgra ji bzhin par 'dzin pa bkag nas nges don gyi mdor
bsgrub rgyu'i mdo yin pa'i phyir/ khyab ste/ drang nges rnam
'byed las/ skye ba med pa la sogs pa

bstan pa la sgra ji bzhin du ma zhen zhes gsungs pas skye 'gag
la sogs pa ye med du 'dzin pa sgra ji bzhin du 'dzin pa yin
gyi zhes gsungs pa'i phyir/ 'dod mi nus te/ dgag bya la don
dam gyi khyad par dngos su sbyar ba'i mdo yin pa'i phyir/ 'o
na/ de gnyis kyi khyad par gang

zhe na/ grub don gyi mdo gnyis pa'i skabs nas dngos su bstan
pa'i mdo de la dgag bya la don dam gyi khyad par ma sbyar ba'i
mdo dang/ dgag bya la don dam gyi khyad par dngos su sbyar
ba'i mdo dang/ dgag bya la don dam gyi khyad par dngos su ma
sbyar ba'i mdo dang gsum las/ phyi ma

de dgongs pa bstan nas nges don du bsgrub rgyu'i mdo yin pa'i
phyir/ kha cig /yum 'bum pa'i nang tshan du gyur pa'i gzugs med
sgra med ces med ces sogs kyi mdo de dgongs pa bstan nas nges
don du bsgrub rgya'i mdo yin par thal/ don dam yang dag 'phags
zhus kyi le'u las mdo d 

@46a @#/ /sgra ji bzhin par 'dzin pa bkag nas nges don du bsgrub
pa'i phyir/ rtags khas/ 'dod na/ mdo de dgongs pa bstan dgos kyi
mdo yin par thal lo/ /zer na ma khyab/ 'dod na/ mdo de sgra ji
bzhin pa ma yin pa'i mdo yin par thal lo/ /'dod mi nus te/

de nges don gyi mdo yin pa'i phyir/ gzhan yang/ de sgra ji bzhin
par 'dzin pa dgag dgos kyi mdo yin par thal/ don dam yang dag
'phags zhus kyi le'u las mdo de sgra ji bzhin par 'dzin pa bkag
nas nges don du bsgrub pa'i phyir na ma khyab/ 'dod na/ sgra ji
bzhin

par bzung du mi rung ba'i mdo yin par thal lo/ /'dod mi nus te/
nges don gyi mdo yin pa'i phyir na skyon med de/ skye 'gag sogs
med pa de'i nang tshan gyi skye 'gag sogs med ces pa'i mdo'i
sgras zin gyi don du 'dzin pa bkag nas nges don du sgrub pa'i
don dang/ de'i

nang tshan gyi gzugs sogs ngo bo nyid mad pa sogs su gsungs pa
yang/ gzugs sogs don dam par ngo bo nyid med pa mdo de'i dgongs
par bstan nas nges don du sgrub pa de dgongs pa bstan nas nges
don du sgrub pa'i don yin pa'i phyir te/ drang nges rnam 'byed
las/

skye ba med pa la sogs pa bstan pa la sgra ji bzhin du mi zhen
zhes gsungs pas/ zhes dang/ 'di yang dgongs 'grel las ngo bo
nyid dang skye 'gag sogs med par gsungs pa la de kho na'o/
/snyam du 'dzin pa'i sgra ji bzhin par 'dzin pa bkag kyang/ zhes
dang/ 'dis ni

ngo bo nyid med pa sogs gsungs pa'i dgongs par dgongs 'gral gyis
bkral lo/ /zhes gsungs pa'i phyir/ kha cig/ drang nges rnam
'byed las/ gal te rnal 'byor spyod pa pa'i mtshan nyid gsum gyi
'jog lugs mdo 'di'i don min na mdo gang gi yang

don min par bzhed dam snyam na/ dbu ma snang ba las/ dgongs
'grel dang lang gshegs dang rgyan ltug po bkod pa sogs las phyi
rol bkag nas sems tsam gyi lugs su bsgrub pa'i skabs 'ga' zhig
du sems la rang bzhin ma bkag pa ni/ chos thams

@46b cad rang bzhin med pa cig car du rtogs mi nus par rim gyis
bkri dgos pa rnams kyi bsam pa dang mthun par bstan pa yin zhes
gsungs pas mdo de dag las cig car du chos thams cad rang bzhin
med par rtogs nus pa'i gdul bya la bshad pa dang snga ma gnyis
ka yod

pas cha phye nas mdo'i don du 'jog go /zhes gsungs pa'i don sems
tsam pa'i 'dod pa ltar gyi mtshan nyid gsum gyi rnam gzhag yon
tan 'byung gnas kyis zhus pa'i le'u'i bstan don dang/ dbu ma
pa'i 'dod pa ltar gyi mtshan nyid gsum gyi rnam gzhag don dam
yang

dag 'phags zhus kyi le'u'i bstan don du cha phye nas 'jog pa'i
don yin zer na/ 'o na/ yon tan 'byung gnas kyi le'u las sems
tsam pa'i 'dod pa ltar gyi mtshan nyid gsum gyi rnam gzhag bstan
bya'i gtso bor byas nas bstan par thal/ dam bca' 'thad pa'i

phyir/ 'dod mi nus te/ le'u de'i nang du de gsal bar 'chad byed
kyi mdo tshig cig med pa'i phyir/ gal te yod na de 'dra ba de
sems tsam pas legs par phye ba'i chos 'khor du 'dod par thal/ de
sems tsam pa'i 'dod pa ltar gyi mtshan nyid gsum la bden par yod
med

gsal bar phye nas ston pa'i dgongs 'grel gyi le'u yin pa'i
phyir/ 'dod mi nus te/ rnam bshad las/ der sa bcu'i dbang phyug
gi byang chub sems dpa' bcus/ ston pa la dri ba mi 'dra ba re re
mdzad pa'i dris lan gzhan rnams 'di'i mtshan gzhir 'brel ba med
pa'i phyir

ro/ /zhes don dam yang dag 'phags zhus kyi le'u las gzhan pa'i
dgongs 'grel gyi le'u rnams 'khor lo tha ma'i mtshan gzhir 'brel
med par bshad pa'i phyir/ kha cig/ byams zhus kyi le'u las sems
tsam pa'i 'dod pa ltar gyi mtshan nyid gsum gyi rnam gzhag dang/

don dam yang dag 'phags zhus kyi le'u las dbu ma pa'i 'dod pa
ltar gyi mtshan nyid gsum gyi rnam gzhag bstan pa de de'i don yin
zhe na mi 'thad de/ de ltar na byams zhus kyi le'u sems tsam
pa'i thun mongs ma yin pa'i bka' dang/ don dam yang dag 'phags
zhus kyi

@47a @#/ /le'u dbu ma pa'i thun mong ma yin pa'i bka' yin dgos
la/ byams zhus kyi le'u sems tsam pa'i thun mong ma yin pa'i
bka' ma yin pa'i phyir te/ der dbu ma pa'i lugs kyi stong nyid
phra mo bstan par dbu ma snang ba las bshad pa'i phyir te/ de
nyid

las bcom ldan 'das kyis 'phags pa dgongs pa nges par 'grel pa
las stong pa nyid kyi mtshan nyid gsungs te/ byams pa gzhan gyi
dbang gi mtshan nyid dang yongs su grub pa'i mtshan nyid la kun
nas nyon mongs pa dang rnam par byad pa'i kun brtags pa'i mtshan
nyid

dang rnam pa thams cad du gtan du bral ba gang yin pa de ni de
la mi dmigs te/ 'di ni stong pa nyid kyi mtshan nyid dag ces
bya'o zhes gang gsungs pa yin no/ /zhes gsungs pa'i phyir/ gnyis
pa rang lugs ni/ slob dpon legs ldan 'byed kyis srol phye ba
ltar mkhas pa ka ma

la shI las kyang mdo sde dgongs 'grel gyis chos thams cad bden
med du ston pa'i rgyas 'bring bsdus gsum nges don gyi mdor
gzhung btsugs nas bsgrubs pa'i dbu ma pa'i bkar bzhed de/ gang
zag dang phung po bden par grub pa kun brtags yin la/ de la ngo
bo cung zad

kyang med pa dgongs 'grel las kun brtags mtshan nyid ngo bo nyid
med par gsungs pa'i don du bzhed cing gang zag dang phung po
bden par grub pa khegs na gzhan dbang bden grub khegs par 'gyur
la/ de khegs na yongs grub kyang bden par grub pa zhar la khegs
par

bzhed pa'i phyir te/ dbu ma snang bar/ de'i don du bcom ldan
'das kyis skye ba med pa la sogs pa bstan pa don dam pa'i dbang
du mdzad pa kho nar brjod cing/ ngo bo nyid med pa rnam pa gsum
gyi dgongs pa bstan pas dbu ma'i lam mtha' gnyis dang bral ba
rab tu

bstan pa'i phyir nges pa'i don kho na gzhung 'dzug par mdzad pa
yin no/ /zhes gsungs pa'i phyir/ des de nges don gyi mdor mi
bzhed de/ des nges don gyi mdo yin na sgra ji bzhin pas khyab pa
khas len pa gang zhig/ des de sgra ji bzhin par mi bzhed pa'i
phyir/ dang po grub ste/ nges

@47b pa'i don kyang gang la bya zhe na/ tshad ma dang bcas pa
dang don dam pa'i dbang du mdzad nas/ zhes sogs gsungs pa'i
phyir/ gnyis pa grub ste/ des le'u 'dis rgyas 'bring bsdus gsum
grub don gnyis par drang don gyi mdor bstan par bzhed pa gang
zhig/ de ltar gsungs pa

de slob dpon 'dis sgra ji bzhin par mi bzhed pa'i phyir/ dang po
grub ste/ slob dpon 'di'i bzhed pa bskyar ba'i drang nges rnam
'byed las/ mdor bsdu na theg chen la zhugs pa la zhes sogs
gsungs pa'i phyir/ 'o na/ rang rgyud pa'i skabs 'dir mdo sde
dgongs 'grel dbu ma'i bkar

bzhed na de'i don 'chad tshul gang yin zhe na/ 'di la mdo sde la
'gal spong gi dri ba/ 'gal ba de spong ba'i lan/ ngo bo nyid
gsum gyi ngo bo ngos bzung ba/ de dag gi grub pa'i don zhus pas
so/ / dang po la/ dgongs 'grel gyis dngos bstan gyi dbang du
byas pa dang/ shugs bstan gyi

dbang du byas pa gnyis las/ dang po don dam yang dag 'phags kyis
mdo sde la 'gal spong gi dri ba zhus tshul yod de/ 'khor lo dang
por gzugs nas byang phyogs so bdun gyi bar gyi chos thams cad
rang gi mtshan nyid kyis grub par bka' stsal/ bar par gzugs nas

rnam mkhyen gyi bar gyi chos thams cad rang gi mtshan nyid kyis
ma grub par bka' stsal ba gnyis sgras zin ltar na 'gal na'ang
'gal ba med dgos pas/ bar par de ltar gsungs pa ci la dgongs nas
gsungs zhes dngos su zhus nas/ dang por de ltar gsungs pa ci la

dgongs nas gsungs zhes don gyis zhus par bstan pa'i phyir/ gnyis
pa ni/ des mdo sde la 'gal spong gi dri ba zhus tshul yod de/
'khor lo bar pa shes rab snying por rang gi mtshan nyid kyis grub
pa'i chos med par bka' stsal/ 'khor lo dang por bden grub kyi
chos

yod par bka' stsal pa gnyis sgras zin ltar na 'gal yang 'gal ba
mi mnga' bas shes rab snying por de ltar gsungs pa de ci la
dgongs nas gsungs zhes dngos su zhus nas/ dang por de ltar
gsungs pa de ci la dgongs nas gsungs pa yin zhes don gyis zhus
pa yin pa'i

@48a @#/ /phyir/ des na 'gal spong zhus pa'i 'khor lo bar ba shes
rab snying po la byed rigs te/ lan gyi skabs su yang don dam
yang dag 'phags kyis 'gal spong zhus pa'i 'khor lo bar pa de
dgongs gzhi/ dgos pa/ dngos la gnod byed gsum gyi

sgo nas drang don du bkral/ 'bum sogs kyi nang tshan gyi gzugs
sgra sogs med ces sogs kyi mdo rnams dgag bya la don dam gyi
khyad par dngos su ma sbyar kyang mgo mjug 'ga' zhig du'ang 'jig
rten gyi tha snyad kyi dbang gis yin gyi don dam par ni ma yin
no/ /zhes

don dam gyi khyad par sbyar ba de/ gzugs med ces sogs la don dam
gyi khyad par sbyar bas/ gzugs sgra dang skye 'gag sogs rang gi
mtshan nyid kyis med tsam de mdo de'i sgras zin gyi don du 'dzin
pa bkag nas gzugs sgra dang skye 'gag sogs don dam par med pa

de de'i sgras zin gyi don du bstan pa'i sgo nas des don gyi mdor
bsgrub pa'i phyir/ gnyis pa la gang la dgongs nas ngo bo nyid
med par gsungs pa dang/ gang la dgongs nas ma skyes pa sogs su
bshad pa'o/ /dang po la/ mdor bstan/ rgyas bshad/ de dag gi dpe
bstan pa'o/

dang po ni/ 'khor lo bar pa shes rab snying por chos thams cad
ngo bo nyid med par gsungs pa'i dgongs gzhi yod de/ don dam par
mtshan nyid ngo bo nyid med pa dang/ don dam par skye ba ngo bo
nyid med pa dang/ don dam par chos bdag gi ngo bo nyid med pa
gsum la dgongs

nas de ltar gsungs pa'i phyir/ gnyis pa la kun brtags don dam
par mtshan nyid ngo bo nyid med par bshad pa dang/ gzhan dbang
don dam par skye ba ngo bo nyid med par bshad pa dang/ yongs
grub don dam par chos bdag gi ngo bor med par bshad pa'o/ /dang
po ni/ gzugs kyi

ngo bo dang khyad par la kun brtags pa'i kun brtags chos can/
khyod la don dam par mtshan nyid ngo bo nyid med pa zhes brjod
pa'i rgyu mtshan yod de/ sgrub phyogs nas rtog pas btags pa tsam
yin gyi/ dgag phyogs nas don dam par rang gi mtshan nyid kyis ma
grub pa'i rgyu mtshan gyis

@48b de ltar brjod pa'i phyir/ gnyis pa ni/ gzugs kyi gzhan
dbang chos can/ khyod la don dam par skye ba ngo bo nyid med pa
zhes brjod pa'i rgyu mtshan yod de/ khyod sgrub phyogs nas rang
gi rgyu rkyen la brten nas skyes shing dgag phyogs nas don dam
par mi skye bas de ltar brjod pa'i phyir/ gsum

pa la/ gzhan dbang gi dbang du byas pa dang/ yongs grub kyi
dbang du byas pa'o/ /dang po ni/ gzugs kyi gzhan dbang chos can/
khyod la don dam par ngo bo nyid med pa zhes brjod pa'i rgyu
mtshan yod de/ shes sgrib rnam par dag byed kyis bar chad med lam
gyi dmigs pa mthar

thug pa de don dam pa yin la/ khyod don dam par dor ma grub pa'i
rgyu mtshan gyis de ltar brjod pa'i phyir/ gnyis pa ni/ gzugs
bden stong chos can/ khyod la don dam par ngo bo nyid med pa
zhes brjod pa'i rgyu mtshan yod de/ khyod chos bdag gi ngo bor ma
grub pa'i rgyu mtshan

gyis de ltar brjod pa'i phyir/ gsum pa ni/ gzugs kyi kun brtags
chos can/ khyod nam mkha'i me tog gi dpes ston pa'i rgyu mtshan
yod de/ nam mkha'i me tog rang 'dzin rtog pas btags pa tsam yin
pa bzhin du/ khyod kyang rang 'dzin rtog pas btags pa tsam yin
pa'i rgyu

mtshan gyis de ltar brjod pa'i phyir/ gzugs kyi gzhan dbang chos
can/ khyod sgyu ma'i dpes ston pa'i rgyu mtshan yod de/ sgyu ma'i
rde'u shing bu sogs rta glang du snang yang des stong pa bzhin
du khyod kyang bden par snang yang bden grub kyis stong pa'i
rgyu mtshan gyis de ltar brjod pa'i phyir/

gzugs bden stong chos can/ khyod nam mkha'i dpes ston pa'i rgyu
mtshan yod de/ nam mkha'i thogs rig bkag tsam yin pa bzhin du/
khyod rang gi dgag bya bden grub bkag tsam yin pas de ltar brjod
pa'i phyir/ gnyis pa ni/ 'khor lo bar pa shes rab snying por
chos thams cad

rang gi mtshan nyid kyis ma skyes pa sogs su gsungs pa'i dgongs
gzhi yod de/ chos rnams la don dam par skye 'gag sogs med pa la
dgongs pa'i phyir/ gsum pa ni/ rnam par rtog pa'i spyod yul zhes
sogs kyi bstan don go sla'o/ /bzhi pa ni/ sgras zin sgra ji
bzhin pa ma

@49a @#/ /yin pas bstan don gyi gtso bo sgra ji bzhin yin no/
/don dam yang dag 'phags kyi le'u chos can/ khyod la legs par
rnam par phye ba zhes brjod pa'i rgyu mtshan yod de/ khyod kyis
kun brtags don dam par ngo bo nyid rang gi mtshan nyid kyis ma
grub cing/

gzhan dbang don dam par skye ba ngo bo nyid med pa dang/ yongs
grub don dam par chos bdag gi ngo bor ma grub pa bstan bya'i
gtso bor byas nas bstan pa'i rgyu mtshan gyis de ltar brjod pa'i
phyir/ 'o na/ sems tsam pa'i lugs kyi mtshan nyid gsum gyi rnam
gzhag don dam

yang dag 'phags zhus kyi le'u'i bstan don gyi gtso bo ma yin na
de de'i dngos bstan dang shugs bstan gang du yang mi bzhed dam
zhe na/ drang nges rnam 'byed las/ gal te rnal 'byor spyod pa
pa'i zhes sogs gsungs/ don ni/ dgongs 'grel dang lang gshegs
dang

rgyan stug po bkod pa sogs las dngos su phyi don med par sems
tsam du bstan cing sems tsam pa la bden grub ma bkag pa ni/ chos
thams cad cig car du bden med du dngos su rtogs mi nus pa rim
gyis bkri dgos pa'i gdul bya rnams kyi bsam pa dang mthun

par bstan pa yin no/ /zhes dbu ma snang ba las gsungs pas/ mdo
sde de dag las chos thams cad cig car du bden med du rtogs nus
pa'i gdul bya dang snga ma gnyis ka yod pas sems tsam pa'i 'dod
pa ltar gyi mtshan nyid gsum gyi rnam gzhag don dam yang dag

'phags zhus kyi le'u dang lang gshegs dang/ rgyan stug po bkod
pa'i mdo'i sgras zin tsam gyi don dang/ dbu ma pa'i 'dod pa ltar
gyi mtshan nyid gsum gyi rnam gzhag mdo de dag gi bstan bya'i
gtso bor cha phye nas 'jog ces pa'i don no/ /gsum pa rtsod pa
spong ba la kho na re/

'khor lo dang bor gzugs nas lam gyi yan lag gi bar gyi chos
thams cad rang gi mtshan nyid kyis grub par sgras zin la bstan
par thal/ khyod kyi dngos bstan gyi 'gal spong zhus tshul 'thad
pa'i phyir na ma khyab/ 'dod mi nus te/ de ltar ston pa'i 'khor
lo dang po la dgongs

@49b gzhi zhu mi dgos pa'i phyir te/ de rnams rang gi mtshan nyid
kyis grub pa'i phyir/ kho na re/ khyod kyi shugs bstan gyi 'gal
spong zhus mi 'thad par thal/ 'khor lo dang pos bden grub kyi
chos yod par bstan pa dang shas rab snying pos rang gi mtshan
nyid kyis grub

pa'i chos med par bstan pa gnyis sgra zin ltar na mi 'gal ba'i
phyir zer ba mi 'thad de/ mdo de gnyis rang tshig dngos shugs
'gal ba ltar yin pa'i phyir te/ bden par yod na yod dgos/ rang
gi mtshan nyid kyis med na med dgos pa'i phyir/ kho na re/ sems
tsam pa'i

'dod pa ltar gyi mtshan nyid gsum gyi rnam gzhag don dam yang dag
'phags zhus kyi le'u'i bstan don yin par thal/ des de 'dra'i
rnam gzhag dngos su bstan pa'i phyir/ rtags khas/ 'dod mi nus
te/ drang nges rnam 'byed las/ dgongs 'grel las mtshan nyid gsum
gsungs

pa'i don rnal 'byor spyod pa pa dag gis ji ltar bkral ba mdo'i
don min par dbu ma'i don du bkral ba'i lam srol 'di ni/ legs
ldan 'byed kyis phye ba zhib tu ni dbu ma snang ba las bshad do
zhes gsungs pa'i phyir na ma khyab ste/ rnal 'byor spyod pa pa
dag gis mtshan nyid gsum

gyi rnam gzhag don dam yang dag 'phags zhus kyi le'u'i bstan don
gyi gtso bo ma yin pa la dgongs pa'i phyir te/ de'i 'phro 'grel
tshul du ma zhig shes so/ /rta chen po rnams kyi rigs pa'i rnam
'gyur dang gsung rab 'grel tshul du ma zhig shes so/ /

zhes gsungs pa'i phyir/ kho na re/ don dam yang dag 'phags zhus
kyi le'u chos can/ khyod kyis gzhan dbang bden grub tu bstan par
thal/ khyod kyis sems tsam pa'i 'dod pa ltar gyi mtshan nyid gsum
gyi rnam gzhag dngos su bstan pa'i phyir/ 'dod mi nus te/ khyod
kyis gzhan

dbang bden med du bstan pa'i phyir na ma khyab/ der thal/ khyod
kyis dbu ma pa'i 'dod pa ltar gyi mtshan nyid gsum gyi rnam gzhag
bstan bya'i gtso bor byas nas bstan pa'i phyir zer na/ brgyad
stong pa chos can/ khyod kyis mthar thug theg pa gsum du grub
par ma bstan par thal/ khyod

@50a @#/ /kyis mthar thug theg pa gcig tu grub par bstan pa'i
phyir/ khyab pa khas/ 'dod mi nus te/ gang yang dag pa'i skyon
med pa la zhugs pa de dag la zhes sogs kyis de ltar bstan pa'i
phyir/ kho na re/ brgyad stong pa sgra ji bzhin pa ma yin par
thal/

des mthar thug theg pa gsum du grub par bstan pa'i phyir/ khyab
ste/ mdo sde dgongs 'grel gyis de ltar bstan na de sgra ji bzhin
pa ma yin dgos pa'i phyir na ma khyab ste/ sher phyin gyi mdo
las de de ltar bstan pa drang don du 'grel ba'i sher phyin gyi
mdo med par thal/ dgongs

'grel las de ltar bstan pa drang don du 'grel ba'i sher phyin
gyi mdo med pa'i phyir/ 'dod mi nus te/ gal te de dag gis zhes
sogs kyis de drang don du 'grel ba'i phyir/ kho na re/ shes rab
snying po dgag bya la don dam gyi khyad par ma sbyar ba'i mdo ma
yin par thal/ de dgag

bya la don dam gyi khyad par sbyar ba'i mdo yin pa'i phyir te/
des bden grub bkag pa'i phyir te/ des bden med bstan pa'i phyir
na ma khyab ste/ 'o na/ des dgag bya la don dam gyi khyad par
dngos su sbyar bar thal/ des bde grub dngos su bkag pa'i phyir
te/ des bden med dngos su

bstan pa'i phyir/ khyab pa khas/ der thal/ des bden med dngos
bstan bstan bya'i gtso bor byas nas bstan pa'i phyir/ kha cig/
des dgag bya la don dam gyi khyad par sbyar bar thal/ des de mi
gsal ba'i tshul gyis sbyar ba'i phyir te/ drang nges rnam 'byed
las/ de yang shes rab snying

po lta bu mdo de'i nang du don dam pa dang bden pa'i khyad par
gsal bar ma sbyar bar gzugs med zhes pa la sogs pa bstan pa ni
ji ltar bstan pa de tsam gyis sgra ji bzhin par gzung du mi rung
bas gzhan du drang dgos pas drang don no/ /zhes gsungs pa'i
phyir na ma khyab/ kha cig

skabs 'dir don dam yang dag 'phags zhus kyi le'u sgra ji bzhin
par byas nas/ chos thams cad kyi gsal pa'i dbye ba mtha' dag gi
steng du mtshan nyid gsum gsum gyi rnam gzhag 'byed pa dang/ nyi
khri byams zhus kyis le'u yang sgra ji bzhin par byed zer na/
kun brtags

@50b gzhan dbang yongs grub gsum gyi steng du mtshan nyid gsum
gsum gyi rnam gzhag 'thad par thal/ dam bca' 'thad pa'i phyir/
'dod na/ kun brtags kyi gzhan dbang yin na kun brtags kyi chos
nyid kyi stong gzhi yin dgos par thal/ 'dod pa gang zhig/ don
dam yang dag

'phags zhus kyi le'u sgra ji bzhin pa yin pa'i phyir/ 'dod na/
shes bya chos can/ rnam btags kyi gzhan dbang kun brtags kyi
gzhan dbang gis stong pa de chos nyid kyi gzhan dbang du 'dod
rigs par thal/ rnam btags kyi gzugs kun brtags kyi gzugs kyis
stong pa

de chos nyid kyi gzugs su 'jog rigs pa gang zhig/ 'dod pa'i
phyir/ dang po grub ste/ nyi khri byams zhus kyi le'ur/ gang kun
brtags pa'i gzugs des rnam par btags pa'i gzugs rtag pa rtag
pa'i dus dang ther zug ther zug gi dus su ngo bo nyid med pa kho
na dang/ chos

la bdag med pa dang de bzhin nyid dang yang dag pa'i mtha' ni
chos nyid kyi gzugs so/ /zhes dang/ drang nges rnam 'byed las/
de la rnam btags kyi gzugs kyi ngo bo nyid med pa dang chos kyi
bdag med sogs ni chos nyid kyi gzugs so/ /chos de yang rnam
btags kyi gzugs kun

brtags pa'i gzugs des ngo bo nyid dang bdag med pa yin pas med
rgyu'i bdag gam ngo bo ni kun brtags so/ /zhes gsungs pa'i
phyir/ 'dod na/ gzhan dbang bden par grub pa kun brtags kyi
gzhan dbang yin par thal/ rnam btags kyi gzhan dbang kun brtags
kyi

gzhan dbang gis stong pa chos nyid kyi gzhan dbang du 'jog rigs
pa gang zhig/ gzhan dbang gzhan dbang zhes pa'i sgra 'jug pa'i
'jug gzhir rang gi mtshan nyid kyis grub pa de kun brtags kyi
gzhan dbang ma yin pa'i phyir/ ma grub na/ gzhan dbang lgzhan

dbang zhes pa'i sgra 'jug pa'i 'jug gzhir rang gi mtshan nyid
kyis grub pa chos can/ gzhan dbang khyod kyis stong pa de gzhan
dbang gi chos nyid yin par thal/ khyod gzhan dbang gi steng gi
kun brtags kyi gzhan dbang yin pa'i phyir/ 'dod na/ gzhan dbang
khyod

@51a @#/ /kyis stong par thal/ 'dod pa'i phyir/ 'dod mi nus te/
de der rang gi mtshan nyid kyis grub pa'i phyir te/ gzhi grub
pa'i phyir/ gzhan dbang bden par grub pa chos can/ yod par
thal/ kun brtags kyi chos nyid kyi rten chos can yin pa'i

phyir te/ kun brtags kyi gzhan dbang yin pa'i phyir/ 'khor
gsum/ kun brtags kun brtags kyi gzhan dbang yin par thal/ kun
brtags kyi steng du mtshan nyid gsum gyi rnam gzhag don dam
yang dag 'phags zhus kyi le'u'i sgras don ltar 'jog rigs pa
gang

zhig/ kun brtags 'dzin pa'i tshad ma kun brtags kyi gzhan dbang
ma yin pa'i phyir/ 'dod na/ rnam btags kyi gzhan dbang kun
brtags kyi gzhan dbang kyis stong par thal/ de des stong pa de
chos nyid kyi gzhan dbang yin pa'i phyir te/ rnam btags kyi
gzhan dbang kun

brtags kyi gzhan dbang gis stong pa de chos nyid kyi gzhan
dbang gang zhig/ kun brtags kun brtags kyi gzhan dbang yin
pa'i phyir/ rtags khas so/ de bzhin du kun brtags kyi yongs
grub yin na kun brtags kyi chos nyid yin dgos par thal/ kun
brtags kyi steng du kun

brtags gzhan dbang yongs grub gsum gyi rnam gzhag 'thad pa'i
phyir/ rtags khas/ 'dod na/ yongs grub bden grub chos can/ kun
brtags kyi chos nyid yin par thal/ kun brtags kyi yongs grub
yin pa'i phyir/ khyab pa khas/ ma grub na/ der thal/ rnam
btags kyi

yongs grub kun brtags kyi yongs grub kyis stong pa de chos
nyid kyi yongs grub yin pa'i phyir te/ yongs grub kyi steng du
mtshan nyid gsum gyi rnam gzhag 'thad pa'i phyir/ rtags khas/
rang lugs ni/ don dam yang dag 'phags zhus kyi le'u sgra ji
bzhin par khas len zhing/

byams zhus kyi le'u sgra ji bzhin par khas mi len kyang gzugs
nas rnam mkhyen gyi bar gyi 'gres rkang rnams la de ltar sbyar
gyi chos gzhan dag la de ltar sbyar ba ma gsungs pa'i phyir/
kho na re/ grub don gnyis pas rgyas 'bring bsdus gsum drang
don du sgrub par thal/

@51b des de drang don du bstan pa'i phyir na ma khyab/ kho na
re/ don dam yang dag 'phags zhus kyi le'u chos can/ nges don
gyi mdo yin par thal/ dbu ma'i bka' yin pa'i phyir na ma
khyab/ ma grub na der thal/ rgyas 'bring bsdus gsum nges don
gyi mdor gzhung btsugs nas bsgrubs

pa'i mdo yin pa'i phyir/ gzhan yang/ de chos can/ nges don gyi
mdo yin par thal/ stong nyid dngos bstan bstan bya'i gtso bor
byas nas bstan pa'i mdo yin pa'i phyir te/ dbu ma pa'i bka'
yin pa'i phyir/ zer na rtsa bar ma khyab ste/ mdo shes rab
snying po chos can/ der thal/ de'i

phyir/ 'khor lo bar ba yin pa'i phyir/ khyab ste/ stong pa
nyid smos pa'i rnam pas/ zhes gsungs pa'i phyir/ kho na re/
bden grub gtso bor dngos su bstan pa'i mdo yin na drang don
gyi mdo yin pas ma khyab pa thal/ bden med dngos bstan bstan
bya'i gtso bor byas nas ston pa'i

mdo yin na nges don gyi mdo yin pas ma khyab pa'i phyir/ zer
na/ ma khyab/ de bzhin du drang don dngos bstan bstan bya'i
gtso bor byas nas ston pa'i mdo yin na drang don gyi mdo yin
pas ma khyab par thal/ nges don dngos bstan bstan bya'i gtso
bor byas nas ston pa'i mdo

yin na nges don gyi mdo yin pas ma khyab pa'i phyir/ zer na/
khyab pa spros pas chog go/ gsum pa 'phags seng gi lugs la
gsum las/ dang po ni/ don dam yang dag 'phags zhus kyi le'u
nges don gyi mdo yin zer na/ de chos can/ sgra ji bzhin pa yin
par thal/ dam bca'

'thad pa'i phyir/ 'dod mi nus te/ de sgra ji bzhin pa ma yin
par slob dpon seng ge bzang pos khas len pa'i phyir te/ des de
mtshan nyid la ldem bor dgongs pa'i mdor khas len pa'i phyir/
rnam bshad las/ mtshan nyid la ldem bor dgongs pa ni/ mdo
dgongs 'grel las/

ngo bo nyid gsum la/ bden par grub ma grub kyi khyad par
gsungs pa lta bu'o/ /zhes gsungs pa'i phyir/ kho na re/ zhi
'tsho yab sras kyi lugs la de mtshan nyid la ldam por dgongs
pa'i mdo yin par thal/ seng ge bzang po'i lugs la de de yin
pa'i phyir/ 'dod mi nus te/ de de

@52a @#/ /gnyis kyis lugs la dbu ma pa'i bka' yin pa'i phyir na
ma khyab/ kha cig/ lung de'i don ni don dam yang dag 'phags
zhus kyi le'u las gzhan pa'i dgongs 'grel gyi le'u las mtshan
nyid gsum gyi rnam gzhag gsal bar bstan pa de

de'i don yin zer na/ de las gzhan pa'i de 'dra'i dgongs 'grel
gyi le'u yod par thal/ dam bca' 'thad pa'i phyir/ 'dod na/ de
'dra'i le'u chos can/ khyod sems tsam pas legs par phye ba'i
chos 'khor du 'dod par thal/ khyod dgongs 'grel gyi nang tshan
gyi mtshan

nyid gsum la bden par grub ma grub kyi khyad par gsal bar ston
pa'i mdo yin pa'i phyir/ 'dod mi nus te/ rnam bshad las/ der
sa bcu'i dbang phyug gi byang chub sems dpa' bcus/ zhes sogs
gsungs pa'i phyir dang/ slob dpon 'phags pa thogs med kyis
theg

pa chen po'i rigs can du ma rjes su bzung ba'i ched du/ rnam
par rig pa tsam gyi shing rta'i srol phye ba ltar na/ mdo sde
'di nas 'khor lo gsum gyi drang nges 'di ltar phye ba dang/
mthar thug theg pa gsum du gsungs pa rnams sgra ji bzhin par
mdzad la zhes gsungs

pa mi 'thad par thal/ de sgra ji bzhin pa yin pa'i phyir/ kha
cig/ slob dpon seng ge bzang pos de nges don gyi mdor bzhed pa
yin zhe na mi 'thad de/ des de sems tsam pa'i thun mongs ma
yin pa'i bkar bzhed pa'i phyir te/ des der gzhan dbang dang
yongs grub bden

grub dang mthar thug theg pa gsum du grub par gsungs par bzhed
pa'i phyir te/ rnam bshad las/ mdo sde 'di nyid du gzhan dbang
dang yongs grub bden par grub pa dang/ mthar thug theg pa gsum
du bstan la/ zhes dang/ rnam par rig pa tsam du smra ba rnams
ni/ mdo

sde dgongs pa des 'grel gyi sgra ji bzhin pa la brten nas/
zhes gsungs pa'i phyir/ de bzhin gshegs pa'i snying po'i mdo
dang 'phags pa dpal 'phreng gi mdo dang don dam yang dag
'phags zhus kyi le'u rnams bstan don gcig par thal/ de rnams
dbu ma

@52b pa'i bkar mtshungs pa'i phyir/ rtags khas/ 'dod mi nus te/
rnam bshad las/ mdo sde 'di nyid du gzhan dbang dang yongs
grub bden par grub pa dang/ mthar thug theg pa gsum du bstan
la/ de bzhin gshegs pa'i snying po'i mdo dang/ 'phags pa dpal
'phreng

gi mdo la sogs par chos thams cad bden pas stong zhing dri ma
blo bur ba yin pa dang/ mthar thug theg pa gcig tu bstan par
theg pa chen po rgyud bla mas legs par bsgrubs pas de dag gi
don gcig yin min bsam par bya ba yin no/ /zhes gsungs pa'i
phyir/

kho na re/ des de dbu ma pa'i bkar bzhed par thal/ zhi ba
'tshos de de ltar du bzhed pa gang zhig/ 'grel chen du/ bden
gnyis kyi rnam gzhag gtan la 'bebs tshul sogs zhi ba 'tsho'i
rjes su 'brang ba'i phyir dang/ 'grel par/ mkhan po yang dag
rnam snang

mdzad/ /bla ma bzang la phyag 'tshal nas/ /zhes sogs gsungs
pa'i phyir zer na/ zhi ba 'tsho'i slob ma yin pa'i rgyu mtshan
gyis rnam pa kun tu dgongs pa gcig pa'i nges pa med de/ zhi ba
'tsho rnam bden pa'i 'dod pa ltar gyi dbu ma pa dang/ seng ge
bzang po rnam

rdzun pa'i 'dod pa ltar gyi dbu ma pa yin pa'i phyir/ dang po
grub ste/ drang nges rnam 'byed las/ lugs 'dis sngo sar la
sogs pa'i rnam pa dngos por 'dod de chos kyi grags pa'i bzhed
pa yang de ltar 'grel pas tha snyad du rnam bden pa ltar 'dod
pa'i dbu ma pa'o/ /zhes gsungs

pa'i phyir/ gnyis pa grub ste/ des sngon snang dbang shes
'khrul shes su 'dod pa'i phyir te/ rnam bshad las/ gzung ba
rdzas gzhan med na gzung 'dzin rdzas tha dad du snang ba'i
'dzin pa ma 'khrul pa med do snyam du rjes kyi gnas skabs su
nges par sems pas 'dzin pa'i rnam

pa'i mtshan nyid rnam par rig pa ma 'khrul bar 'dzin pa tsam de
yang bsal te/ zhes gsungs pa'i phyir/ kha cig/ mdo sde 'di nas
'khor lo gsum gyi drang nges 'di ltar phye ba dang/ zhes sogs
gsungs pa de sems tsam pa'i skabs yin pas skyon med do zhe na/
sems tsam

@53a @#/ /pa'i lugs la de rnams dgongs pa mi gcig par thal/ dam
bca' 'thad pa'i phyir/ 'dod na/ de gcig par thal/ de'i lugs la
'khor lo bar tha gnyis dgongs pa gcig yin pa'i phyir te/ drang
nges rnam 'byed las/ 'khor lo phyi ma gnyis kyi dgongs

pa gcig yin no/ /zhes gsungs pa'i phyir/ gnyis pa rang lugs
ni/ legs ldan 'byed zhi 'tsho yab sras rnams kyis don dam yang
dag 'phags zhus kyi le'u'i mthar thug gi dgongs pa dbu mar
bkral yang/ dbu ma thal rang gnyis gyi skabs su de sgra ji
bzhin pa'i

nges don gyi mdor mi bzhed la/ khyad par du 'phags seng gi
skabs su sems tsam pa'i thun mongs ma yin pa'i bkar bzhed do/
/des na dbu ma pa rnams kyis drang don du 'grel ba'i mdo de la
mi 'dra ba du ma zhig yod de/ mdo de'i dngos zin gyi don mdo
de'i bstan don du khas

blangs du mi rung bar mdo de'i dgongs gzhi mdo de'i bstan don
du khas blangs pa'i sgo nas mdo de drang don du 'grel dgos pa/
pha dang mi na gsad bya shing/ /zhes sogs kyi mdo lta bu drang
don du 'grel pa'i tshul gcig dang/ mdo de'i dngos zin gyi don
gnas lugs su

khas blangs du mi rung bar de las logs su drang nas gnas lugs
kyi don gzhan du bshad dgos pa rgyu las dkar nag byas pa las
'bras bu bde sdug 'byung bar gsungs pa'i mdo lta bu drang don
du 'grel ba'i tshul gcig rnams su yod pa'i phyir te/ drang nges
rnam 'byed

las/ drang don gyi mdo des gdul bya kha drang bar bya ba yang
yin mdo kyang de ni drang zhes pa'i don min gyi mdo'i don de
las gzhan du drang dgos mi dgos kyi drang tshul de yin no/ /don
drang dgos pa 'di la gnyis las/ zhes gsungs pa'i phyir/ nges
don gyi mdo ni sems tsam pas

'dod pa ltar gyi sgra ji bzhin du khas blang du rung ba la mi
byed de/ 'dus byas mi rtag par ston pa'i mdo drang don gyi mdo
yin pa'i phyir/ des na drang don gyi mdo dang nges don gyi mdo
zhes pa'i tshig zur gyi drang don dang nges don de kun rdzob
dang don dam la byed rigs te/ blo gros mi zad

@53b pa'i mdor/ gang zag la mi rton/ chos la rton pa dang/
tshig la mi rton don la rton pa dang/ drang don la mi rton nges
don la rton pa dang/ rnam shes la mi rton ye shes la rton pa/
zhes dang/ ye shes snang ba rgyan gyi mdo las/ nges pa'i don
gang yin pa de ni don dam pa'o/ /zhes gsungs

pa'i phyir/ de yang mdo tshan dang po des bstan pa skyon med du
rtogs pa la brten nas ston pa skyon med du rtogs dgos kyi ston
pa skyon med du rtogs pa la brten nas bstan pa skyon med du
rtogs mi nus zhes bstan/ gnyis pas stong nyid ston pa'i tshig
de gnas lugs min gyi/

bstan don stong nyid de gnas lugs yin zhes bstan/ gsum pas
drang don kun rdzob pa gnas lugs ma yin/ nges don don dam pa
gnas lugs yin zhes bstan/ bzhi pas rnam shes 'khrul ba'i snang
tshul mi bden/ ye shes ma 'khrul pa'i gzigs tshul bden zhes
bstan

to/ /des na don dam bden pa dngos bstan bstan bya'i gtso bor
byas nas ston cing sgra ji bzhin du khas blang du rung ba'i
mdor dmigs pa de nges don gyi mdo'i mtshan nyid yin/ dper na/
rgyas 'bring bsdus gsum lta bu'o/ /kun rdzob bden pa dngos
bstan bstan bya'i gtso bor byas nas

ston pa'i mdo dang/ sgra ji bzhin du khas blang du mi rung
ba'i mdo gang rung du dmigs pa de/ drang don gyi mdo'i mtshan
nyid yin/ dper na/ 'khor lo thog mtha' gnyis lta bu/ de la
dbye na drang don sgra ji bzhin pa dang/ drang don dgongs pa
can gnyis su yod/ gsum pa rtsod pa spong ba

la/ kho na re/ slob dpon seng ge bzang pos mdo sde dgongs
'grel gyi don 'grel tshul ka ma la shI la'i rjes su 'brang bar
thal/ de zhi ba 'tsho'i dngos slob gang zhig/ zhi 'tsho yab sras
kyis mdo sde dgongs 'grel gyi don 'grel tshul slob dpon legs
ldan 'byed kyis rjes su

'brang ba'i phyir te/ drang nges rnam 'byed las/ mdo sde
dgongs 'grel las/ mtshan nyid ngo bo nyid med pa dang skye ba
ngo bo nyid med par gsungs pa'i don legs ldan 'byed bzhin du
dbu ma snang bar bkral ba zhi ba 'tsho'i yang bzhed pa yin pas
tha snyad du rang gi mtshan nyid kyis grub pa'i

@54a @#/ /rang bzhin bzhed do/ /zhes gsungs pa'i phyir/ zer na/
rtsa bar ma khyab/ kho na re/ slob dpon seng ge bzang pos dbu
ma snang bar drang nges ji ltar phye ba sgra ji bzhin par khas
mi len par thal/ des dgongs 'grel dbu ma ba'i bkar bzhed pa'i
phyir/ rtag

khas/ 'dod na/ des dbu ma snang ba las/ nges pa'i don kyang
gang la bya zhe na/ zhes sogs drang nges kyi khyad par gsungs
pa sgra ji bzhin par khas mi len par thal/ 'dod pa'i phyir/
zer na/ ma khyab/ 'dod mi nus te/ seng ge bzang pos nges don
gyi mdo yin na sgra ji bzhin pa'i

mdo yin pas khyab par khas len pa'i phyir// //rgyal gsung pad
mtshor 'jug la mi mkhas pa'i/ /rgol ngan glang po'i snying rtsa
'dar byed pa/ /lung rigs gdong lnga'i gad brgyangs rab brjid
dbyangs/ /skal bzang rna pa'i bcud du rgyas gyur cig/

sarba mngga laM/