[@##the following text has incomplete sections/ which are on order]

@001a @#/ /drang ba dang nges pa'i don rnam par 'byed pa'i bstan
bcos legs par bshad pa'i snying po'i dgongs pa'i don gsal bar
byed pa'i me long zhes bya ba bzhugs so//

@001b @##/ bla ma dang lhag pa'i lha mchog rje btsun 'jam pa'i
dbyangs dang dbyer ma mchis pa'i zhabs la 'dud cing gsol

ba 'debs so/ /kun la gcig tu brtse ba'i thugs rje can/ /kun gyi
lta ngan dra ba kun bcom pa/ /kun gyi 'jigs pa kun las

skyob mdzad pa'i/ /kun gyi 'dren mchog shAkya'i rgyal por 'dud/
/de yis nye bar bstan pa'i lam srol sgo/ /ji bzhin 'byed

mkhas klu sgrub thogs med dang/ /rgyan drug mchog gnyis la sogs
'phags yul gyi/ /paN grub dam pa'i tshogs la

@002a @#/ /snying nas 'dud/ /de las 'ongs pa'i man ngag legs
bshad rnams/ /nyams myong tshad mas gzhan la

legs 'doms pa/ /a ti sha dang rgyal ba'i 'byung gnas sogs/
/bka' gdams dge bshes yongs la snying nas 'dud/

de phyir legs bshad snying po'i khrid tshul gyis/ /rtag chad nyam
nga'i g.yang las nges drangs te/ /zab lam dbu mar 'khrid mdzad

thugs rje can/ /mthar 'dod ded dpon mchog der snying nas 'dud/
/de nyid slar yang byon par tnI mtshan/ /rgyal bstan dri med

@002b rtsa ba rmang nas 'dzin/ /bdag 'dra blo dman 'khrid pa'i
thabs la mkhas/ /zla bral yongs 'dzin mchog der snying nas 'dud/
rgyal kun

bgrod pa gcig pa'i lam bzang rnams/ /skyes bu gsum du bsgril man
ngag mchog/ /mchog dman yongs la 'doms mkhas

bka' drin can/ /gsum ldan byams pa'i dpal der snying nas 'dud/
/snyigs ma'i snyigs ma 'dul ba'i mthu stobs can/ /dpag

yas bskal par 'bad kyang rtogs dka'i gnas/ /ji bzhin ma 'dres
'byed pa'i shes rab mig /ster mdzad gangs can mgon por

snying nas 'dud/ 7 rgyal bstan tshul bzhin bsrung ba'i mthu rtsal
can/ 7 rgyal ba'i bstan pa 'dzin dang spel mdzad la/ /ma g.yel

myur du byon cig 'gal rkyen sol/ /ma g.yel myur du byon cig
mthun rkyen sgrubs/ /deng dus phra zhib 'byed pa'i blo gros
dman/ /de

@003a @#/ bas rtogs dka'i gnas la 'jug pa dkon/ /'on kyang grogs
mchog mkhyen rab yangs pa'i mthus/ /bdag gis

dka' ba'i gnad rnams 'dir gsal bya/ ! kyes 'dir/ dpal ldan zla
bas/ so so skye bo'i dus na'ang stong pa nyid thos nas/ /nang du

rab tu dga' ba yang dang yang du 'byung/ /rab tu dga' ba las
byung mchi mas mig brlan zhing/ /lus kyi ba spu ldang bar gyur
pa gang

yin pa/ /de la rdzogs pa'i sangs rgyas blo yi sa bon yod/ /de
nyid nye bar bstan pa'i snod ni de yin te/ /de la dam pa'i don
gyi bden

pa bstan par bya/ /zhes gsungs pa ltar/ sbyangs stobs kyi blo
gros yangs par ma zad/ /sngon goms kyi mthu las skyes

stobs kyi mos pa brtan pa'i rtags de ldan zhig gis 'di'i tshul la
thos sogs kyis zhugs na srid pa hrul por byed nus pas/

@003b dal 'byor don ldan du 'gyur bar gdon mi za la/ de lta bu
min kyang dbu ma'i bstan bcos la thos pas zhugs shing shes 'dod
yod pa/ 'di'i gzhung la 'dris pa'i bshes gnyen tshad ldan

la dri gtugs zhu rgyu yod pa zhig yin na/ de dag gis kyang rang
gar mi sdod par 'di'i tshul la sgo du ma nas 'bad par rigs so/
/de yang/ sdug bsngal rgya mtsho 'di la mtha'/ /

rnam pa kun tu yod min na/ /byis khyod 'dir ni bying ba la/
/'jigs pa cis na skye mi 'gyur/ /zhes gsungs pa ltar du 'dug
/des na/ rang cag kun mi 'dod pa ni sdug bsngal 'di

rang yin la/ de ma 'dod kyang thog ma med pa nas da lta'i bar/
mi 'dod bzhin du sdug bsngal 'di rang myong dgos pa byung ba 'di
yang/ 'di'i rgyu rtsad bcad ma shes pas lan par 'dug

pas/ da ni nges par de'i rgyu'i gtso bo ma rig pa de ngos bzung
nas/ de'i gnyen po bdag med rtogs pa'i shes rab 'di bskyed pa'i
thabs shig la nus pa ci yod kyis ma 'bad pas chog

pa i 'dug legs par sems dang/ de'i phyir/ 'phags pa yul 'khor
skyong gis zhus pa las/ /stong pa zhi ba skye ba med pa'i tshul/
/mi shes pas ni 'gro ba 'khyams gyur pa/ /

@004a @#/ /de dag thugs rje mnga' bas thabs tshul dang/ /rigs pa
brgya dag gis ni 'dzud par mdzad/ ces gsungs pa bzhin/ 2 ston pa
thugs rje chen po dang ldan

pa des ji ltar thugs su chud pa'i tshul la 'jug dgos shing/ de
yang/ rnam dpyod dang ldan pa zhig la ni nges par gsung rab kyi
don la drang nges phye nas 'jug pa gal che la/ de la

thos pa byas pa gcig pus mi chog pas bsam pa dang sgom pa la
'jug dgos so/ /de'i phyir/ dam pa gong ma rnams kyis kyang/ thos
pas mang po mi shes/ bsam pa dang/

bsgoms pas mang po mang po shes 'ong gsung ba bzhin/ 'dir yang
ji ltar thos pa'i don la bsam pa dang sgom pa gtso bor byed dgos
pa 'dug /2 de yang bstan bcos

legs par bshad pa'i snying po 'dir ji ltar bkral ba'i don/ grub
mtha' gong 'og gi lta ba'i phra rags 'jog tshul rnams/ mdo sde
dgongs 'grel dang/ blo gros mi zad pas

bstan pa gnyis la brten nas drang nges legs par phye ste gtan la
phab pa'i don de nyid 'dir stan thog gcig la nyams su len tshul/
khrid dmigs dang bstun te blo'i rgyun gcig

@004b la gar sgom dang/ myong ba 'don tshul gtso bor byas nas
bshad par bya'o/ /2 de la sbyor dngos mjug gsum gyi sgo nas bsam
na/ 2 dang po; sbyor ba'i chos ni drug ste/

khrid yig lam rim sgo 'byed du gsal ba bzhin yin la/ skyabs yul
gyi skabs/ thub dbang dang sras kyi thu bo sogs legs bshad
snying po'i mchod brjod kyi skabs su dngos

su gsal ba'i bla ma rnams la skyabs 'gro byed pa skabs don yin
no/ /dngos gzhi drang nges 'byed pa'i tshul la gnyis/ mdo sde
dgongs 'grel la brten nas 'byed tshul dang/ blo gros

mi zad pa la brten nas 'byed tshul lo/ dang po; mdo sde dgongs
'grel la brten nas sems tsam pa'i lugs kyi drang nges 'byed tshul
la yang/ drang nges 'byed tshul 'phros dang bcas pa

spyir bstan pa dang/ mdo sde nas ji ltar gsungs pa dgod pa dang/
de'i don ji ltar bkral ba'i tshul lo/ dang po ni/ drang nges kyi
tshul legs par 'byed dgos pa yin te/ de ltar ma

phyed par gsung rab kyi don la rang shes kyis zhugs na/ bstan
tshod tsam la zhen nas lta ba'i phra rags mi shes pa bod snga ma
rnams la mang du byung ba ni lhag mthong chen mor gsal ba

@005a @#/ /bzhin yin la/ chos rnams kyi de kho na nyid ni 'thad
pas sgrub pa'i rigs pa'i sgrub byed yang dag gis bsgrub dgos pas
na/ de nyid thog mar sgom pa'i tshe yang dpyad

sgom gyis gtan la phab pa'i don de nyid la 'jog sgom dgos pa
gnad kyi gtso bo yin no/ /de'i phyir/ lhag mthong chen mor mgo
mjug kun tu snang ba rten 'brel gyi don du stong pa 'char

dgos pa gsungs shing/ stong phyogs la nges pa che ba tsam gyis
snang phyogs la nges pa che du 'gro dgos pa man ngag gi snying
por mdzad de/ lam gtsor yang/ nam zhig res 'jog med

par gcig car du/ /rten 'brel mi slur mthong ba tsam nyid nas/
/nges shes yul gyi 'dzin stangs kun 'jig na/ /de tshe lta ba'i
dpyad pa rdzogs pa lags/ zhes gsungs pa 'di ma

nyams par yod bzhin du/ /rang phyogs kyi mkhas par rlom pa 'ga'
res kyang thog mar sems la gnas pa chung du re btsal nas/ de'i
mthar sems lung ma bstan du 'jog thub na lta

pa go ba la bogs chen po yod pas/ 'di man ngag thams cad kyi
mchog tu gzung dgos zhes ston pa tsug sbed pa tsug byed pa de
dag kyang kho rang rul ba'i rtags dang/ rje btsong kha pa'i

@005b lugs las phyi rol tu gyur pa kho na yin pas/ de 'dra'i
rigs la rnam pa thams cad du yid rton par mi bya'o// de dag las
'phros dang bcas te bshad na/ rje btsun btsong kha pa chen

pos ni/ don gyi dbang 'di gzigs nas/ /dge slong dgag ma mkhas
rnams kyis/ /bsregs bcad brdar ba'i gser bzhin du/ /legs par
brtags la nga yi bka'/ /blang bar

bya yi gus phyir min/ zhes mdo khungs su drangs te legs bshad
snying por gsal bar mdzad pa yin no// des na/ mkhas pa rnams ni/
sangs rgyas kyi bka' la yang dpyad brdar

legs par byas te nyams su blang bar bya ba yin gyi/ sangs rgyas
la gus pa tsam rgyu mtshan du byas nas gsungs tshad sgra ji bzhin
par nyams su mi len par/ bstan don dang dgongs

don brjod bya'i don gzhan du drang rung mi rung gi khyad par/
rnams legs par 'byed pa'i rtsa ba drang nges phyed pa la rag lus
par mthong nas gal po cher mdzad pa yin no/ /de'i phyir/ /

rgya gar 'phags pa'i yul du yang drang nges 'byed pa'i tshe/ lung
tsam gyis mi 'byed par shing rta chen po dag gi dgongs 'grel la
brten nas 'byed pa bzhin/ /gangs can gyi ljongs

@006a @#/ /'dir yang bka' dang dgongs 'grel legs par bsdur te/
rtsa 'grel sbyor ba'i bshad srol dar ba dang/ /dka' ba'i gnad
rnams mchan gyis 'grel

ba'i lugs srol yod pa rnams ni bka' gdams pa'i dge ba'i/ bshes
gnyen chen po de dag /gis nyams myong gi sgo nas ches cher gsal
bar mdzad cing/ de nyid bar skabs

su nyams pa rnams slar yang rje btsun btsong kha pa chen pos
lugs srol de dag ltar gsal ba mdzad de/ be'u bum lag mthil tsam
la man ngag tu byed pa rnam pa kun tu dor nas gzhung chen mo

rnams gdams ngag tu 'khyer shes pa'i srol legs par 'dzugs par
mdzad pa yin pas/ de'i rjes su 'brang bar rigs so// 2 gnyis pa/
mdo sde nas ji ltar gsungs pa

dgod pa la yang/ mdo sdes 'gal spong gi dri ba/ 'gal ba de spong
ba'i lan/ ngo bo nyid gsum gyi ngo bo gzung ba/ de dag gi grub
pa'i don zhus pa'o/ /dang po ni dgongs 'grel

las/ bcom ldan 'das kyis rnams grangs du mar phung po rnams kyi
rang gi mtshan nyid kyang bka' stsal/ zhes pa nas/ bcom ldan 'das
la bdag yongs su zhu lags so/ /

@006b zhes pa'i bar gsungs/ don ni/ de yang/ gsung ba po bcom
ldan 'das kyis phung po la sogs pa rnam grangs du ma'i sgo nas
bstan pa la rnams kyi sgra sbyar zhing/ kyang kyi sgra ni

phung po sogs su ma zad/ phung sogs rang gi mtshan nyid kyis grub
pa'i khyad par rnams bka' stsal pa yin la/ de yang/ mdzod las/
gang dag zag bcas nyer len pa'i/

phung po'ang de dag 'thab bcas dang/ zhes gsungs pa ltar/ rang
nyid thog ma med pa nas 'khor bar 'khor zhes pa'i 'khor sa'i
gnas ni/ zag bcas nyer len gyi phung po lnga po

'di nyid yin la/ der yang nas yang du 'khor bar byed pa yang las
nyon snga ma'i gzhan dbang gis 'khor ba ma gtogs/ rang dbang gis
'khor rgyu ni skad cig tsam yang ma byung

bas sdug bsngal ba yin la/ de'i ngang tshul lam rang bzhin dang/
rang gi mtshan nyid kyis grub pa'i sgo nas sdug bsngal ba'i tshul
yang las nyon snga/ ma'i gzhan dbang gis skye

ba'i mtshan nyid dang 'jig pa'i mtshan nyid can du mthob dgos so//
des na/ 'khor ba 'dir skye ba'i sdug bsngal bsam pa la yang
lnga/ rgas pa'i sdug bsngal bsal ba

@007a @#/ /la yang lnga/ na ba dang 'chi ba la yang de bzhin du
bsam tshul yod pa bzhin nyer len gyi phung po 'di'i thog tu sdug
bsngal brgyad dang drug dang gsum gyi sgo nas

sdug bsngal tshul yod pa rnams shes par byed dgos pas na/ yongs
su shes pa zhes sbyar la/ sdug bsngal de rnams gang las byung
na/ rgyu las dang nyon mongs pa'i kun 'byung

gnyis las byung zhing/ thar 'dod rnams kyis rgyu kun 'byung de
nges par spong dgos so zhes go bar bya ba'i ched du spang ba
dang zhes sbyar ba yin la/ rang cag rnams 'khor

bar 'khor nas sdug bsngal bar byed pa'i gzhi'i rtsa ba'am gtso
bo ni phung po 'di nyid yin pas/ 2 bcom ldan 'das kyis thog mar
phung po 'di nyid rnam grangs du ma'i sgo

nas bka' stsal par mdzad do/ /skye mched bcu gnyis dang/ rten
'brel bcu gnyis dang/ zas bzhi'i bar gyi sdug bsngal tshul yang
sngal gyi phung po dang rigs 'dra la/

khyad par rten 'brel bcu gnyis kyi 'khor tshul 'di ni gang las
kyang gnad che zhing/ 'khor bar 'jug pa'i sdoms che shos gcig tu
'dug pas na/ 'di'i don zhib

@007b par skye bu 'bring gi skabs su gsungs pa ltar shes par
byed do/ /de bzhin du/ bden pa bzhi la yang so so'i khyad par
dang/ spang gnyen gyi sgo nas phye ste sdug bsngal yongs

su shes pa dang/ kun 'byung spang ba gnyis la sbyor na/ de yang
phung po dang khams dang skye mched sogs kun nas nyon mongs
phyogs kyi/ 'gres rkang 'di rnams la/ sdug

bsngal bden pa'i khyad chos mi rtag sdug bsngal gnyis kyi sgo
nas sdug bsngal tshul bsam dgos shing/ de'i sdug bsngal ma bzod
pa na de las 'dor 'dod skye la/ de skyes pa na

de'i rgyu kun 'byung spong 'dod bskyed nas de spong ba'i thabs
la 'jug dgos so/ de yang mngon gyur mgo gnon pa tsam gyis mi
mchog pas/ sa bon spangs pa dgos shing/

de'i lag rjes la 'gog pa'i bden pa'ong bas de la mngon du bya
'dod bskyed pa dang/ de mngon du byed pa de yang sdug bsngal gyi
nyes dmigs shes nas kun 'byung la spong 'dod

yod pa gcig pus mi chog pas/ 'gog bden mngon du bya ba'i thabs
dngos la 'jug dgos/ de ni lam bden sgom pa 'di rang yin pas/
mthar 'dod rnams kyis

@008a @#/ /bden bzhi'i blang dor la mkhas par byed tshul ni de yin
no/ /de'i phyir rgyud bla ma las/ nad ni shes bya nad kyi rgyu
ni spang bya la/ zhes sogs dpe don

du ma'i sgo nas kyang bsam dgos shing/ da dung zhib cing rgyas
pa dpal chos kyi grags pa'i tshad ma rnam 'grel rtsa 'grel sogs
dang/ rje btsun btsong kha pa chen po'i tshad

ma'i lam bsgrigs rgyal tshab rje'i mngon rgyan lam bsgrigs sogs
rang phyogs kyi yig cha rnams la gsal bar bzhugs pa rnams la
nges pa gting nas 'drongs pa dgos

so/ khams rnams kyi rang gi mtshan nyid dang/ zhes pa'i rnams kyi
mang tshig smos pa ni/ khams de la dbye na/ khams sna tshogs pa
khams bco brgyad dang/ khams du ma

khams drug la byas nas dbye ba mdzad do/ /de'i phyir/ 'di'i dang
gi sgra yang 'byed pa'i sgra yin pas/ gang 'byed na/ khams rnams
kyi rang gi mtshan nyid dang/ khams sna

tshogs pa dang/ khams du ma dang/ spang ba dang/ yongs su shes pa
dang/ zhes khyad chos lnga'i sgo nas phye bas dang sgra 'byed
pa'i sgras 'byed lugs ni de'o/ de yang khyad chos

@008b lnga lnga'i sgo nas 'byed tshul sogs ni/ zhib pa rje
ratna'i mtshan can gyis mdzad pa'i legs bshad snying po'i dgongs
rgyan du gsungs pa las shes par bya'o/ /'di ltar phye ba de

yang/ lung tsam gyis mi 'byed par dgongs 'grel gyi bstan bcos la
brten nas 'byed dgos pa dang mthun zhing/ be'u bum lag mthil
tsam la man ngag tu mi 'dzin par/

gzhung chen mo rnams gdams ngag tu byed tshul dang/ de yang
gzhung rtsa 'grel rnams gcig grogs su gcig btang ste/ gdams ngag
tu byed tshul phyogs 'gro tsam zhig

bkral ba yin pas/ 'dis gzhi byas te gong 'og thams cad la blo
gros kyi 'jug pa rgyas pa'i sgo nas thos bsam sgom gsum gcig
grogs su gcig byed tshul dang/ thos pa

mang ba tsam gyis sgom mang ba yang go tshul 'di dag la rag lus
pas/ tshul 'di la sgo du ma nas 'bad par rigs so/ /de ltar kun
nas nyon mongs phyogs kyi 'gres rkang de

rnams kyi gnyen po/ /byang phyogs so bdun gyi khyad chos rnams
kyang rgyas par gsungs pa'i khyad chos su byed tshul ni ngo bo'i
khyad par rang gi mtshan nyid kyis grub pa dang/ spang

@009a @#/ /bya'am dor bya'i khyad par mi mthun pa dang zhes pas
bstan cing/ mi mthun pa de dag las ldog pa'i gnyen po dang/ de
nyid ma skyes pa gsar du skye ba dang/ skyes

pa mi nyams par gnas pa dang/ mi bskyud pa ni mi brjed pa'i don
du bsgyur ba bzhin gong gi khyad chos de rnams mi brjed par dran
pas thu re bzung na/ byang phyogs so bdun gyi rigs

'dra rgyun chags su 'byung bas na/ slar zhing 'byung ba zhes
sbyar la/ de ltar byung bas byang phyogs so bdun gyi nus pa'am
'bras bu gong du 'phel bas na/ 'phel zhing zhes

sbyar la/ de nyid mi zad pa dang rgya cher 'phel ba la yangs pa
nyid ces/ sbyar ba yin no/ des na/ 'gres rkang 'di rnams spang
gnyen du sbyar nas rgyud steng du 'khel nges zhig

byed na/ 'grel tshul 'dis kyang sa bon tsam 'ong ba yod cing/
rgyas pa ni mngon rtogs rgyan dang lam sgrigs rnams kyi lam
spyi'i ngo bo dang go rims rnams las nges pa btsal bar bya'o//

de'i phyir bcom ldan 'das kyis chos thams cad la yang ngo bo
nyid ma mchis pa sogs khyad chos lnga'i sgo nas/ gsungs pa rnams
kyang mtshan nyid gsum la sbyar nas/ gang

@009b gi ma skyes pa dang gang gi ma 'gags pa sogs sbyor dgos
pas/ de yang/ gzugs lta bu gcig la mtshon na/ gzugs gdags gzhir
byas pa'i thog nas de'i kun btags

dang yongs grub 'jog dgos shing/ 'jog tshul yang/ gzugs de gzugs
zhes pa'i tha snyad sbyor sa'i gzhi yin pas gdags gzhi gzhan
dbang yin la/ de 'dra'i gdags

gzhi gzhan dbang du song ba'i gzugs de nyid gzugs zhes pa'i tha
snyad kyi gzhi yin pa tsam ni/ gzugs kyi kun btags yin la tha
snyad du yod cing/ gzugs de gzugs zhes

pa'i tha snyad kyi gzhir rang gi mtshan nyid kyis grub pa ni/
gzugs kyi kun btags yin kyang rigs pa'i dngos kyi dgag bya yin
pas tha snyad du yang med do/ don du na/ gzhan dbang kun

btags kyi gshis su song ba dgongs 'grel gyi dngos bstan gyi kun
btags dang/ de der ma grub pa yongs grub tu 'jog pa bka' 'grel
bsnyan pa'i sgron mer yang gsal zhing

gnad kyang che'o/ /des na/ gzhan dbang kun btags kyi gshis su
song ba zhes pa'i don/ brtags pa mtha' bzung gis ngos bzung na/
de yang/ gzugs kyi skabs su gzugs

@010a @#/ /de gzhan dbang dang gzugs de gzugs zhes pa'i tha snyad
kyi gzhir ming brda la ma ltos par rang gi ngo bos grub na/
gzugs kun btags kyi gshis su song bar

'jog dgos pa las/ de der yang ma grub cing/ gzugs de gzugs zhes
pa'i tha snyad kyi gzhir rang gi mtshan nyid kyis ma grub pa ni
gzugs kyi yongs grub tu 'jog dgos pas chos

thams cad la des rigs 'dra'o/ /de'i phyir/ chos thams cad ngo bo
nyid ma mchis pa zhes pa'i chos thams cad la kun btags gzhan
dbang yongs grub kyi ngo bo gsum 'jog

lugs ni de ltar yin la/ de ltar bzhag pas mtshan nyid gsum la
sbyar ba'i ngo bo nyid ma mchis tshul ni/ kun btags la rang gi
mtshan nyid kyis grub pa'i ngo bo nyid ma mchis pa

dang/ gzhan dbang la rang dbang gi skye ba'i ngo bo nyid med pa
dang/ yongs grub la don dam pa chos bdag gi ngo bo nyid med pa
yin pas na/ mtshan nyid gsum la sbyar ba'i ngo bo nyid ma

mchis tshul sbyor lugs dngos ni de ltar yin no/ /de yang/ ngo bo
nyid med tshul des ma skyes ba dang ma 'gags par 'gro ba'i tshul
yang/ spyir ma skyes ma 'gags pa la rgyu rkyen ma

@010b tshang ba'i dbang gis re shig ma skyes pa dang/ re shig
skyes kyang 'gags pa'i rkyen ma tshang ba'i dbang gis ma 'gags pa
'ong ba ni/ dper na/ dgun dus kyi myu gu dang/ sos dus

kyi myu gu lta bu'i skye 'gag rkyen ma tshang ba tsam gyis ma
skyes pa dang ma 'gags par mi 'jog pas/ rkyen de dag tshang min
la ma ltos par rang gi ngo bo'am rang gi rang bzhin nas ma skyes

pa dang ma 'gag par 'jog dgos pas na/ gzod ma nus zhi ba dang
rang bzhin gyis yongs su mya ngan las 'das pa zhes sbyar nas
bka' stsal pa'i don yin no/ sbyor tshul

'di ni mdo tshan phyi ma gnyis la yang rigs par zhing/ khyad par
don dam yang dag 'phags bdag gis/ ngo bo nyid med tshul gang la
dgongs nas/ gsungs zhes zhus pa

lags pas/ sgras zin tshod tsam la cha bzhag byas na 'gal 'du 'ong
ba'i tshul yang 'dis rang shes so/ sgras zin gyi 'gal ba spong
tshul gsal ba/ rje btsun chos kyi rgyal

mtshan dpal bzang po'i mtha' gcod du legs par bshad pa bzhin shes
par bya la/ 'di yang 'gal spong gi dri ba mdo dang sbyar te/
'gal ba spong ba'i lan dpyis phyin pa ni/

@011a @#/ /gnyis pa/ 'gal ba de spong ba'i lan gyi skabs su rgyas
par gsungs pas/ de la ngo bo nyid med tshul gang la dgongs nas
ngo bo nyid med par gsungs

pa dang/ gang la dgongs nas/ ma skyes pa sogs su gsungs pa gnyis
las/ dang po la yang/ mdor bstan pa dang/ rgyas par bshad pa
dang/ de dag gi dpe

bstan pa dang gsum mo/ /dang po mdor bstan pa ni/ dgongs 'grel
las/ don dam yang dag 'phags/ ngas chos rnams kyi ngo bo nyid
med pa nyid/ rnam pa gsum

po 'di lta ste/ mtshan nyid ngo bo nyid med pa nyid dang/ skye ba
ngo bo nyid med pa nyid dang/ don dam pa ngo bo nyid med pa nyid
la dgongs nas chos thams cad ngo bo nyid med pa'o

zhes bstan to/ /zhes gsungs/ de'i don ni/ gong du don dam yang
dag 'phags kyis bcom ldan 'das la 'gal spong gi dri ba zhus pa'i
lan du/ don dam yang dag

'phags zhes 'bod pa mdzad nas/ ngas zhes bcom ldan 'das kyis
'khor lo bar par chos thams cad ngo bo nyid med pa rnam pa gsum
du bsdus nas gsungs pa

@011b ni dgongs pa can yin la/ de yang mtshan nyid gsum la bden
pa yod med dang/ ngo bo nyid med tshul dgag bya'i khyad par dang/
sbyar nas dngos su gsungs pa min pas/

'khor lo bar pa'i bstan don sgra ji bzhin du khas blang du mi
rung ngo/ /de'i phyir/ dgongs don de ltar 'jog pa de yang gdul
bya 'dul ba'i dbang gis yin pas/ 'khor lo bar

ba'i gdul bya chos thams cad ngo bo nyid med par zhen pa rnams
la kho rang gi zhen pa sor bzhag ste/ ngo bo nyid med pa zhes
sbyar zhing/ de ltar sbyar ba'i dgongs pa ni

mtshan nyid gsum la ngo bo nyid med par gsungs pa 'di nyid yin
pas/ 'di'i don zhib ba rgyas bshad kyi skabs su 'byung zhing/
blo dman la go bde ba'i phyir gong du yang

smos zin pas/ don du na/ mtshan nyid gsum gyi sgo nas ngo bo
nyid/ med tshul bshad pa 'di nyid/ gzhan dbang gdags gzhir byas
pa'i steng du dgag bya'i kun

btags bkag nas gzhan dbang des stong ba yongs grub tu 'jog pa
gtso bo yin pas/ gong gi gdul bya de rnams la mthar yongs grub
kyi don bstan te mya ngan las 'das

@012a @#/ /pa'i sar 'khrid par mdzad pa ni/ gdul bya 'dul ba'i
don dang 'khrid pa'i tshul yin no/ de nyid gtan la dbab pa bsdu
ba'i don yin zhing/ de dang mthun

bar sum cu par yang/ ngo bo nyid ni rnam gsum gyi/ ngo bo nyid
med rnams gsum la/ /dgongs nas chos rnams thams cad ni/ /ngo bo
nyid med bstan pa yin/ zhes gsungs

shing; de'i tshig don cung zad 'grel na de yang chos thams cad
kyi ngo bo nyid ni/ zhes nges par bzung nas/ de la kun btags
gzhan dbang yongs grub gsum yod par bstan

cing; de gsum la ngo bo nyid med tshul rnam pa gsum gsungs la/ de
la dgongs nas/ bcom ldan 'das kyis chos thams cad ni ngo bo nyid
med ces gsungs pa yin pas/

dgongs gzhi blangs nas bstan don 'jog pa ni mdo dang dgongs
'grel kun gyi don du mthun pa yin no/ /de'i phyir/ gong gi mdo'i
don/ chos thams cad ngo bo nyid ma mchis pa

zhes sogs kyi khyad chos lnga po'i don sbyor tshul ni/ bden par
grub ma grub kyi chos thams cad mtshan nyid gsum du bsdus shing/
de'i ngo bo nyid med tshul bshad na go sla bar

@012b dgongs nas ngo bo nyid med pa gsum dang sbyar nas chos
thams cad ngo bo nyid ma mchis pa sogs khyad chos lnga po thams
cad chos thams cad la sbyor dgos pa yang gong du rgyas par

sbyar zin pa bzhin don la gnas pa yin no/ yang mdo'i sgras zin
tsam la zhen cing spyir btang la 'jog na/ mtshan nyid gsum ga
yang rang gi ngo bos grub pas khyad chos lnga'i

dang po rang gis ngo bos ma grub par yang sbyor mi rigs so/ /de
bzhin du/ kun btags la ma skyes pa dang ma 'gags pa zhes sbyor
rung ba ni 'dus ma byas kyi chos yin pas

de ltar sbyor kyang/ gzod ma nas zhi ba dang/ rang bzhin gyis
yongs su mya ngan las 'das pa zhes mi sbyor ro/ /gzhan dbang ni
spyir rgyu rkyen gyis skye 'gag can dang/ kun nas

nyon mongs thams cad slong ba'i gzhi yin pas na/ khyad chos lnga
bo gang dang yang mi sbyor ro/ /yongs grub ni spyir 'dus ma byas
yin pas ma skyes pa dang ma 'gags pa yin

la; stong nyid yin pas gzod ma nas zhi ba dang rang bzhin gyis
yongs su mya ngan las 'das pa yang yin no/ 'jog tshul 'di ni
dgongs pa'i don ma blangs par sgras zin tsam

@013a @#/ /zhig spyir bzhag pa'i don yin pas 'di lta phyir ba yin
la/ don gyi snying po ni dgongs pa'i don blangs nas khyad par
sbyor tshul 'di nyid yin pas/ drang nges

legs par 'byed dgos pa'i gnas kyis rtsa ba yang 'di 'dra'i rigs
kyis shes so/ /des na/ 'khor lo dang por gzugs nas byang phyogs
so bdun gyi bar gyi chos thams cad

rang gi mtshan nyid kyis grub par gsungs ba dang/ 'khor lo bar
par chos thams cad ngo bo nyid med par gsungs pa gnyis/ sgras
zin ltar na 'gal ba ni rang gi mtshan

nyid kyis grub ma grub gnyis 'gal ba 'dis shes so/ dgongs pa
blangs nas 'gal ba med par bshad pa yang 'khor lo bar ba'i skabs
su/ ngo bo nyid med pa gsum la

dgongs shing/ 'khor lo dang po'i skabs su tshas thams cad yod pa
tsam la dgongs pas dgongs gzhi gnyis mi 'gal ba 'dis rang shis
so/ /de'i phyir/ kun btags

mtshan nyid ngo bo nyid med pa nyid dang/ gzhan dbang skye ba ngo
bo nyid med pa nyid dang/ yongs grub don dam pa ngo bo nyid med
pa nyid du bshad pa 'di yang sgras zin tshod ltar byas na

@013b gzhan dbang la skye ba'i ngo bo yod ba dang/ yongs grub la
don dam pa'i ngo bo yod pas sgras zin ltar khas len mi thub pas
dgongs pa gzhan len dgos sam snyam na/ de ni

mdo'i skabs kyi mdor bstan yin pas mdor bstan gyi don rgyas
bshad kyis bkral ba la dgongs pa gzhan blangs pa'i don mi thob
cing/ nyid kyi sgra yang/ dgag sgra dang

mtshungs pas kun/ btags mtshan nyid ngo bo nyid med pa zhes pa'i
nyid kyi sgras kun btags kyi steng du rang gi mtshan nyid kyis
grub pa bkag nas/ kun btags

rang gi mtshan nyid kyis ma grub par bstan cing/ gzhan dbang gis
skabs su yang nyid kyi sgras rgyu rkyen la ma ltos par rang
dbang gis skye ba bkag pas/ skye ba ngo bo nyid med

ba dang/ yongs grub kyi skabs su nyid kyi sgras chos bdag gi ngo
bor grub pa bkag pas/ don dam pa ngo bo nyid med pa dngos su
bstan pas na/ ngo bo nyid gsum gyi nyid

sgra dang sbyar ba 'di dgag bya'i bcad ldog nas go ba'i dbang du
byas nas sbyar bas/ stong nyid kyi nyid sgra bzhin no/ /de yang
'di'i tshig zin la zhen pa'i dbang gis rgyan nag 'brel

@014a @#/ /chen sogs mang por/ kun btags kyi skabs su rang gi
mtshan nyid ni thun mong ma yin pa'i mtshan nyid la byed par bshad
cing/ bod snga ma rnams kyis

kyang chos thams cad ngo bo nyid med par gsungs pa kun rdzob kyi
chos thams cad la dgongs kyi/ don dam pa la dgongs pa min no/
zhes 'chad dgos pa byung ba'i 'di yang sgras

zin tsam la zhen nas mdor bstan rgyas bshad sbyor long ma byung
bar/ sgras zin tshod tsam zhig la 'khrul te nor ba yin pas/ mdo
dang dgongs 'grel tshad ldan kun gyi 'grel

tshul dang ches mi mthun no/ /de'i phyir/ mdor bstan rgyas bshad
sbyar nas bshad na/ de yang/ gnyis pa rgyas par bshad pa dang/
zhes pa'i skabs su gsungs shing/

ji ltar gsungs na/ bstan bcos legs par bshad pa'i snying po
'dir/ gal te ngo bo nyid med par gsungs pa'i chos rnams ngo bo
nyid med pa gsungs du sdud na/ de gsum

gang yin/ ngo bo nyid med tshul ji ltar yin snyam na/ zhes gsungs
nas/ sgras zin gyi dgos pa snga ba su bar mdzad do/ /mdor bstan
gyi ngo bo nyid med tshul rgyas

@014b bshad kyi mdo dang sbyar te/ gsal bar bshad pa ni 'di
ltar/ ngo bo nyid med pa gsum gyi dang po kun btags kyi skabs su
dgongs 'grel las/ de la chos rnams

kyi mtshan nyid ngo bo nyid med pa nyid gang zhe na/ kun btags
pa'i mtshan nyid gang yin pa'o/ /de ci'i phyir zhe na/ 'di ltar/
de ni ming dang brdas rnam par bzhag pa'i mtshan nyid

yin gyi/ rang gi mtshan nyid rnam par gnas pa ni ma yin pas/ de'i
phyir/ de ni mtshan nyid ngo bo nyid med pa nyid ces bya'o/ /zhes
gsungs so/ de'i don la mdo'i

dmigs 'byed pa ni/ dgongs rgyas las gsal bar gsungs ba bzhin
shes par bya zhing/ skabs kyi tshig don cung zad 'grel na/ de
yang/ de la zhes pa ni ngo bo nyid med tshul dang

bo de la sbyor dgos shing/ chos rnams kyi zhes pa ni/ 'dus byas
'dus ma byas kyi chos thams cad yin pas/ rnams zhes mang tshig
gis smos so/ chos de rnams kyi steng gi

kun btags la ni mtshan nyid ngo bo nyid med pa zhe sa bya la/
de'i mtshan nyid ngo bo nyid med pa ni tha snyad kyi gzhir ming
brda la mi stos par kho rang gi ngo bo'am rang gi mtshan nyid
kyis

@015a @#/ /med pas na/ mtshan nyid ngo bo nyid med pa zhes sbyar
ro/ /'di ni dgongs 'grel gyi dngos bstan gyi kun btags kyi dbang
du byas ba de yin pas/ gzugs

lta bur mtshon na gzugs de gzugs zhes pa'i tha snyad kyi gzhir
gzugs kyi ngo bo'am rang gi mtshan nyid kyis ma grub bzhin du/
gzugs zhes pa'i ming dang brdas tha snyad kyi

gzhir nan gyis btags pa gang yin pa de la ni/ gzugs kyi kun
btags zhes bya zhing/ chos gzhan thams cad la yang des rigs
'gre'o/ /de ci'i phyir zhe na/ zhes pa

ni dri ba yin la/ dri ba'i lan ni/ 'di ltar de ni zhes sogs kyis
lan 'debs bar mdzad do/ /de yang/ kun btags pa'i mtshan nyid gang
yin pa de ni zhes nges par bzung

nas/ ming dang brdas rnam par bzhag pa'i mtshan nyid dam dang
bzhin de ni blo ba bkar nas ngos zin par byed na/ gzugs lta bu
la thog mar gzugs kyi ming dang brda sbyar

zhing; de'i ming dang brda la bltos nas gzugs de blo yul du shar
bcug pa na ming dang brda'i dbang kho nas bzhag pa'i 'dra rnam
gzugs dang khyad med pa lta du zhig 'dug pa

@015b de ni/ ming brdas bzhag pa'i mtshan nyid dam rang bzhin de
yin pas/ de ni sgrub phyogs nas ming brdas bzhag tsam yin la kun
btags kyang yin no/ /de nyid gzugs min

bzhin du gzugs dang khyad med lta bur ming brda'i yul du snang
ba de ni mngon par brjod pa'i bag chags la goms pa'i dbang gis
snang ba tsam yin pas rang gi mtshan nyid kyis grub pa ni

ma yin no/ /de'i phyir/ rang gi mtshan nyid kyis grub pa dang
ming brdas 'jog nus tsam gyi gzhi mthun yang 'di pas mi 'jog pas
dgag phyogs nas rang gi mtshan nyid kyis ma

grub cing/ mtshan nyid ngo bo nyid med pa'i don yang de yin no/
des na/ gzugs kyi skabs su snang tshul de ltar yod pa rang gi
myong ba nges nges byas nas dbye ba 'byed dgos la/

de nyid nam nges pa na gzugs de ming brda'i yul du 'char la/ de
yang mngon par brjod pa'i bag chags la goms pa'i dbang gis gzugs
dngos dang khyad med kyi 'dra rnam

zhig 'char zhing/ de la rtog pas zhen sa dang 'khra sa byas nas
gzugs 'dzin pa yin pas/ gzugs 'dzin rtog pa'i zhen gzhi ngos
'dzin tshul de yin la/ de'i zhen yul ni

@016a @#/ /gzugs nyid ngos 'dzin pa ma gtogs gzhan mi 'dzin pas/
rtog pa bye brag pa gcig gi zhen gzhi dang zhen yul ni gtan nas
mi 'dra'o/ /spyir yang

rtog pa'i zhen yul dang zhen gzhi gnyis mi 'dra ba'i tshul rang
phyogs kyi yig cha phal cher la gsal zhing/ khyad par zhen
gzhi'i skor 'di gang las kyang khyad par du 'phags

pa myong ba rtsal du bton pa'i man ngag i thi ba zhig /mkhas
grub thams cad mkhyen pa zhes yongs su grags pa de nyid kyi
stong thun chen mor gsal ba las shes par bya'o

des na/ kun btags la med rgyu'i mtshan nyid ngo bo nyid ni/ rang
gi mtshan nyid kyis grub pa'i mtshan nyid la bya yi/ mtshan mtshon
gyi mtshan nyid dang/ rang spyi'i mtshan nyid tsam

la ngos mi bzung ngo/ de'i phyir/ dgongs 'grel gyi dngos zin gyi
mtshan nyid gsum la ni/ ming brda la bltos ma bltos kyi sgo nas
mtshan nyid gsum gyi rnam gzhag 'jog cing

rang gi mtshan nyid kyis grub ma grub kyang khyad par des 'byed
pa yin no/ de ltar yang bstan bcos legs par bshad pa'i snying po
las/ kun btags la med rgyu'i mtshan nyid kyi ngo bo nyid

@016b ni rang gi mtshan nyid kyis grub pa'am gnas pa la bya'o/
'dir rang gi mtshan nyid kyis yod/ med bstan tshod ni ming dang
brda la bltos nas bzhag ma bzhag yin la/ bzhag pa

la yang yod pas ma khyab cing/ 'jog lugs kyang thal 'gyur bas/
yod pa rnams ming gi tha snyad kyi dbang gis bzhag pa dang ches
mi mthun pas/ rang gi mtshan nyid kyis yod med

kyi don yong mi mthun no/ /zhes gsungs zhing/ 'di'i don yang/
skabs 'di'i rang gi mtshan nyid kyis grub pa ni/ rtog pas btags
pa tsam min pa'i rang gi thun mong ma yin

pa'i sdod lugs kyis grub pa la rang gi mtshan nyid kyis grub pa
'jog pa yin no/ 'dir zhes pa dgongs 'grel gyi skabs 'dir zhes
sbyor zhing/ 'di'i dngos bstan gyi dbang du byas

na kun btags yin na ming brdas 'jog nus tsam yin pas khyab cing/
de yang gzhan dbang gang gis stong ba yongs grub tu 'jog pa'i
skabs su mkho pa'i kun btags rnams

'jog pa yin gyi/ nam mkha' spyi mtshan sogs ni der mi mkho bas mi
'jog la/ ming brdas pa zhag tsam du yang ma grub po/ des na/
'di'i don dngos zin la mi sbyor bar spyir btang

@017a @#/ /la bzhag nas/ rang gi mtshan nyid kyis grub ma grub kyi
don ming brdal bltos ma bltos la 'jog pa ni/ ches mi rigs te/
rang gi mtshan nyid

kyis ma grub na ming brdas 'jog nus yin pas ma khyab cing/ ming
brdas 'jog mi nus na rang gi mtshan nyid kyis grub pas kyang ma
khyab pa ni/ spyi mtshan dang 'dus ma byas

kyi nam mkha' rnams 'jog pas gzhan rnams sla'o/ /ming brdas
bzhag tsam la yod pas ma khyab pa ni/ skabs 'di'i dgag bya'i kun
btags rnams yin la/ de nyid

ming brdas bzhag tsam yin pa yang ming brda blo yul du shar ba
la bltos nas go dgos pas der bzhag pa yin gyi/ spyir ming dang
brda'i gzhir 'jog rgyu'i don rang gi ngo bos

med pa dang/ ming dang brdas tha snyad btags pa ltar gyi don
btsal na mi rnyed par yang mi 'jog pas/ thal 'gyur ba'i lugs kyi
ming gi tha snyad kyi dbang gis bzhag tsam dang

ches mi mthun pas tsam sgra'i gcod tshul gnyis la yang khyad par
shin tu che'o/ /de'i phyir/ tsam sgras gcod tshul yang thal 'gyur
pas ni rang gi mtshan nyid kyis grub pa dang/

@017b rang gi ngo bos grub ba gcod la/ sems tsam pas ni ming
brnga blo yul du shar ba la ma bltos par rang gi ngo bo go rgyu
yod pa tsam zhig gcod pas tsam sgra'i gcod tshul

mi mthun pa ni de yin no/ de yang mtshan gzhi gcig gi steng nas
ngos zin par byed dgos pas/ bum pa lta bu gcig la mtshon na/ thog
mar lto ldir zhabs zhum chu

skyor gyi don byed nus pa zhes pa'i ming btags nas/ bum pa'i tha
snyad byas pa'i tshe tha snyad la byang zhing ming don 'b gi tha
snyad kyi dbang gis 'jog pa'i tshul ni de yin

no/ de dang sems tsam pa gnyis ches mi mthun pa yang/ sems tsam
pas bum pa'i ming gi tha snyad de'i dbang tsam gyis 'jog mi nus
par

[@##data incomplete here]

@018a @#/ /ming gi tha snyad gang la btags pa'i btags gzhi btsal
nas 'jog dgos pas/ gnad kyis bum pas mtshon chos thams cad ming
gi tha snyad kyi dbang gis mi 'jog la/ thal 'gyur bas ni bum pas
mtshon chos thams

cad ming gi tha snyad kyi dbang gis 'jog nus pas ches mi mthun
pa yang de yin no/ de'i phyir/ rang gis mtshan nyid kyis yod med
kyi don mi mthun pa'i rtsa ba ni de yin la/ khyad par

sems tsam pas rang gi mtshan nyid kyis grub pa'i don rtog pas
btags tsam min par rang gi ngo bo thun mong ma yin pa zhig 'jog
rgyu byung na/ 'jog tshul de rang gi mtshan nyid

kyis grub pa'i don yin la/ de yang/ gzhan dbang dang/ yongs grub
gnyis la don de tshang bas na de gnyis rang gi mtshan nyid kyis
grub par yang bzhag go /de'i phyir/ rang gi

thun mong ma yin pa'i thun mong ba ni rtog pa dang thun mong ba
min pas de ltar sbyor ro/ /des na/ 'jog tshul 'di'i tshig rigs kyi
ming tsam 'dra yang don thob kyi 'jog tshul ni

khyad par chen po yod de/ rtog pas btags tsam la khyad par chen
po yod pas/ de'i gnad kyis yin la/ de yang thal 'gyur bas rtog
pas btags tsam min pa'i chos

@018b gtan nas mi 'dod pas/ rang ngos nas grub pa tsam zhig rang
gi mtshan nyid kyis grub pa'i don du brtag pa mtha' bzung gis
bzhag chog pas/ tsam sgra'i gcod tshul dang

rtog pas btags tshul la mi 'dra ba 'byung tshul ni de yin no/ /de
yang thal 'gyur ba'i lugs la rang gi ngo bos grub na rang gi
mtshan nyid kyis grub pas khyab cing/ sems tsam

pa'i lugs la rang gi ngo bos grub pa tsam gyis rang gi mtshan
nyid kyis grub par mi 'jog pas/ rang gi mtshan nyid kyis grub
pa'i grub tshad gnyis kyang mi 'dra'o/ /de'i phyir/

sems tsam pa'i lugs kyi rang mtshan gyis yod par 'dzin pa yod na/
thal 'gyur ba'i lugs kyi rang mtshan gyis grub par 'dzin pa yod
dgos pa ni/ de yang/ bum sogs

kyi chos rnams sems tsam pas rang gi mtshan nyid kyis grub pa
'dzin pa'i tshe/ rang gi ngo bos grub pa gzhir bzhag nas rang gi
mtshan nyid kyis grub par 'dzin pa yin pas/

sems tsam pa'i lugs kyi rang gi mtshan nyid kyis yod par 'dzin
phyin/ de'i 'dzin sor rang gi ngo bos grub pa nges par 'ong bas
thal 'gyur ba'i lugs kyi rang gi mtshan nyid

@019a @#/ /kyis grub par 'dzin pa yod gsung ba'i don ni de yin
no/ yang gzhi 'ga' zhig snga ma ltar mi 'dzin pa ni kun btags
kyi chos rnams yin la/

de la sems tsam pa'i lugs kyi rang mtshan gyi don ma tshang bas
snga ma ltar gyi rang gi mtshan nyid kyis grub par 'dzin mi rung
yang/ chos de rnams rang gi ngo bos grub par

'dzin du rung bas na/ phyi ma thal 'gyur ba'i lugs kyi rang gi
mtshan nyid kyis grub par 'dzin pa ni yod do gsung ba'i don yang
de yin no/ skabs 'di'i khyab sgrub kyi don ni

de ltar yin la/ spyir sems tsam pa'i lugs kyi rang gi mtshan nyid
kyis grub par 'dzin pa yod na/ thal 'gyur ba'i lugs kyi rang gi
mtshan nyid kyis grub par

'dzin pa yod pas khyab ma khyab tsam zhig 'dri na 'brel mi che
bas/ 'o na/ /gzhi grub na sems tsam pa'i lugs kyi rang gi mtshan
nyid kyis grub par 'dzin pa'i 'dzin pa

yod pas e khyab ces 'dri na ma khyab ces lan 'debs lugs e 'dug
/'di la khyab ma khyab kyi lan gang btab kyang mi bde bar 'dug
pas/ de las rgyas par

@019b spros na deng sang gi rtsod par mkho ba tsam 'ong yang
'brel med du 'gro nyan 'dug pas ma spros so/ ngo bo nyid med
tshul gnyis ba rgyas par bshad tshul ni/ dgongs

'grel las/ chos rnams kyi skye ba ngo bo nyid med pa nyid gang
zhe na/ chos rnams kyi gzhan gyi dbang gi mtshan nyid gang yin
pa'o/ /de ci'i phyir zhe na/ 'di ltar/ de ni rkyen

gzhan gyi stobs kyis byung ba yin gyi/ bdag nyid kyis ma yin
pas/ de'i phyir de ni skye ba ngo bo nyid med pa nyid ces bya'o/
zhes gsungs/ de'i don ni/ chos rnams

kyi skye ba ngo bo nyid med pa gzhan dbang gi mtshan nyid can
gang yin pa de ni chos thams cad kyi steng du 'jog dgos te/ nam
mkha' la yang de 'dzin pa'i tshad ma nam

mkha'i gzhan dbang du 'jog pas/ 'dus byas 'dus ma byas kyi chos
thams cad la gdags gzhi gzhan dbang re 'jog dgos shing/ de ltar
'jog pa'i tshul ni/

de ci'i phyir zhe na/ zhes 'dri ba mdzad nas/ de'i lan du 'di
ltar de ni zhes sogs gsungs/ de'i don yang chos rnams kyi gzhan
dbang ni rgyu rkyen gzhan gyi stobs kyis

@020a @#/ /skye ba ma gtogs/ rang gi bdag nyid kyis skye ba ni
min la/ de yang/ rgyu rkyen gzhan ni kho rang la bltos pa'i snga
ma yin zhing/ de dang ngo bo

gcig min pas gzhan zhes sbyar la/ gzhan gyi stobs sam/ de'i
dbang gis byung ba ma gtogs bdag nyid de/ bdag gcig ba'i phan
tshun dus mtshungs ngo bo gcig

pa las byung ba min pas bdag nyid kyis skye ba'i ngo bo nyid med
pa yin no/ /de ltar yang/ bstan bcos legs par bshad pa'i snying
por/ gzhan dbang la med

rgyu'i skye ba'am ngo bo nyid kyis skye ba ni bdag nyid kyis ma
yin pas/ zhes gsungs pas bdag nyid kyis skye ba'o/ zhes gsungs
so/ de yang 'dus byas kyi chos rnams rgyu

rkyen snga ma'i stobs kyis skye ba ma gtogs/ skye tshul gzhan
bdag nyid dam ngo bo nyid kyi skye tshul byung na/ de ni rang
dbang gis skye ba las ma 'das shing/ de'i rang dbang tshul yang

rang rkya thub pa'i rdzas yod kyi skabs kyi rang dbang ba'i 'jog
tshul dang cho 'dra ste/ de'i skabs kyi rang dbang tshul la tshogs
pa la dbang tshul dang rgyun la dbang tshul gnyis yod pas

@020b rgyun la dbang tshul dang 'dra la/ de yang 'dus byas rnams
skye ba'i tshe/ skad cig snga ma mthud pa'i cha las skye ba ma
gtogs/ bdag nyid dam rang dbang gis mi skye bar gsungs

shing/ 'du byed rnams ni rten cing 'brel par 'byung ba yin pa'i
phyir rkyen gyi stobs kyis skye ba yin gyi rang mi skye ba ni
skye ba ngo bo nyid med pa nyid ces bya'o/ /zhes bsdu ba

las gsungs pa dang yang mthun no/ /khyad par 'du byed/ rnams
rkyen gyi stobs kyis skye ba'i rgyu mtshan du rten cing 'brel bar
'byung ba bkod pa 'di yang phan tshun ltos

grub kyi rten 'byung tsam ma yin gyi/ rgyu 'bras snga phyi'i
rten 'byung yin pas 'di'i 'brel tshul yang bdag gcig 'brel gyi
'brel tshul min pas/ de byung 'brel gyi 'brel par 'jog

bas na/ 'di'i rten cing 'brel par 'byung ba'i rgyu mtshan 'di
rkyen gyi stobs kyis skye ba'i rgyu mtshan yang dag tu 'grol/ des
rang dbang gis mi skye zhes pa'i rang dbang tshul yang

rgyun la brtsis pa'i rang dbang tshul yin pa shes nus so/ /de'i
phyir/ 'du byas rnams rang dbang gis mi skye bar bsgrubs pa 'dis
rkyen gzhan gyi stobs kyis skye bar 'grub la

@021a @#/ /de 'grub pas skad cig skad cig gis skye ba yang 'grub
pa yin pas na/ rang rkya thub pa'i rdzas yod kyis stong tshul la
skad cig ma phra mo'i grub tshul tshang

gsung ba yang des rang shes pas skal bzang thob bo/ /des na/
gzhan dbang la rang gi bdag nyid dam rang dbang gis skye ba med
tshul ni de ltar yin pas rang gi mtshan nyid kyis

grub pa'i skye ba med par ni mi 'jog cing/ de yang gzhan dbang
rnams rgyu rkyen snga ma'i stobs kyis skye ba na rtog pas btags
pa tsam min par rang gi ngo bo'i sgo nas skye bas/

rang gi mtshan nyid kyis grub pa'i skye ba'i don tshang ba yin no/
/ngo bo nyid med tshul gsum pa rgyas par bshad tshul la gnyis las/
gzhan dbang la don dam pa ngo bo nyid

med tshul bshad pa ni/ /dgongs 'grel las/ chos rnams kyi don dam
pa ngo bo nyid med pa gang zhe na/ rten cing 'brel bar 'byung ba
chos gang dag skye ba ngo bo nyid med pa nyid

kyis ngo bo nyid med pa de dag ni/ don dam pa ngo bo nyid med pa
nyid kyis ngo bo nyid med pa yang yin no/ /de ci'i phyir zhe na/
don dam yang dag 'phags/ chos rnams la rnam par

@021b dag pa'i dmigs pa gang yin pa de ni don dam pa yin par
yongs su bstan la/ gzhan gyi dbang gi mtshan nyid de rnam par dag
pa'i dmigs pa/ ma yin pas/

de'i phyir/ don dam pa ngo bo nyid med pa nyid ces bya'o/ /zhes
gsungs/ 'di'i don ni/ chos rnams kyi don dam pa ni ngos bzung
ba'i tshe yongs grub ngos bzung dgos la/

ngo bo nyid med ces pa'i ngo bo nyid med pa ni gzhan dbang la
ngos bzung dgos pas/ gzhan dbang yongs grub kyi ngo bo nyid du
ma grub pa tsam la bya yi/ chos bdag gi ngo bor

ma grub pa la mi bya zhing/ de yang gzhan dbang yongs grub min
pa tsam gyis de'i ngo bo nyid med par bzhag gi/ yongs grub dang
ngo bo mi gcig pa'i dbang du byas pa'i ngo bo nyid

med pa ni min la/ de ji ltar yin dri ba la gang zhe na/ zhes
smos nas/ de ston pa na/ rten cing 'brel bar 'byung ba chos gang
dag skye ba ngo bo nyid med pa nyid kyis ces gzhan dbang

ngos bzung nas/ de skye ba ngo bo nyid med pa ni rang dbang gi
skye ba ngo bo nyid med pa gong du bshad pa bzhin yin la/ de
'dra'i ngo bo nyid med pa de dag ni yongs grub min pas de'i ngo
bo

@022a @#/ /nyid med pa yang yin no/ /de yang dgongs 'grel gyi
dngos bstan gyi 'bru gnon ngos bzung lugs yin gyi/ spyir gzhan
dbang chos bdag gi ngo bor

med pa min zer ba dang/ gzhan dbang rang rkya thub pa'i rdzas
yod kyi bdag gis stong ba yongs grub min zer ba yang min pas/
rang rkya thub pa'i rdzas yod kyi bdag gis

stong ba yongs grub tu 'jog pa rje btsun ba dang mthun dgos la/
dgongs 'grel gyi dngos bstan gyi yongs grub la gtso bor chos kyi
bdag med kyi yongs grub 'jog pa yang

mkhas pa phal cher mthun no/ /des na/ gzhan dbang la don dam pa
ngo bo nyid med pa zhes dngos su smos nas/ kun btags la de ltar
dngos su ma smos pa'i rgyu mtshan yang gzhan dbang

dgag bya'i kun btags kyis stong ba la dmigs nas bsgoms pas sgrib
pa dag par 'gyur ba yin la/ kun btags la dmigs nas bsgoms pas
sgrib pa dag tshul dngos

su mi 'dug pas na/ kun btags la de 'dra'i dwogs pa yang mi skye
la don dam pa ngo bo nyid med tshul yang dngos su ma sbyar ro/
/des na/ kun btags la de ltar mi sbyor ba de

@022b yang mtshan nyid gsum gyi spyi ldog nas/ yin la/ mtshan
bzhir bkar nas ni min zhing/ spyi ldog nas 'jog lugs kyang gzhan
dbang gdags gzhir byas nas/ ming

dang brdas ngo bo dang khyad par du kun/ btags pa la kun btags
dang/ gzhan dbang kun btags tshul des stong pa yongs grub tu 'jog
pa yin la/ stong tshul

de'i dbang du byas nas gzhan dbang la dmigs te dgag bya'i kun
btags kyis stong par bsgoms pas sgrib pa dag par 'gyur tshul 'jog
cing/ de ltar dag byed kyi rtsa ba'i

rten ni gzhan dbang yin pas de la dmigs dgos pas na/ gzhan dbang
rnam dag lam gyi dmigs pa mthar thug tu 'gyur pa'i dwogs pa skye
bas de sel ba'i phyir du gzhan dbang

don dam pa ngo bo nyid med pa zhes sbyar ro/ /kun btags la ni
sbyor tshul de ltar sbyor ba mi rigs pas rnam dag lam gyi dmigs
pa mthar thug kyang spyi ldog nas 'jog mi shes

so/ de'i phyir/ mtshan bzhir bkar na nam mkha' la yang mtshan nyid
gsum gyi rnam bzhag 'jog dgos pas/ de'i skabs su nam mkha' gdags
gzhir bzhag nas

@023a @#/ /de dgag bya'i kun btags kyis stong ba yongs grub tu
'jog pas/ 'jog tshul 'di ni spyir chos thams cad pa yang 'jog
dgos pas/ kun btags

la yang 'jog go/ 'di'i skor gsal ba dgongs rgyan las shes par
bya'o/ /'di las 'phros te bsams na/ de yang sems tsam pa'i skabs
'dir/ gzhan dbang

gi nang nas kyang rnam par shes pa gdags gzhir bzhag nas/ de kun
btags kyis stong ba yongs grub dang/ de la dmigs nas bsgoms pas
sgrib pa dag par

'gyur tshul 'di bsams nas bsgoms na blo'i bskyed che bas/ de'i
tshul yang/ thog mar rnam par shes pa la dmigs nas 'di rnam par
shes pa'o/ /'di rnam par

shes pa'i skye ba'o zhes ngo bo dang/ khyad par gnyis kyi sgo
nas 'dogs par byed la/ de ltar btags pa na rnam par shes pa de
de 'dra'i tha snyad kyi gzhir ming dang brda'i

dbang gis blo bur du 'char ba ma yin par/ kho rang gi ngo bo nas
song ba lta bu'i snang ba zhig 'char la/ de ltar 'char ba de
yang mngon par brjod pa la goms pa'i bag

@023b chags dang tha snyad la goms pa'i dbang gis 'char zhing/
snang ba de la gtad de rnam par shes pa 'dzin pa'i rtog pas
kyang snang ngor/ de 'dra'i tha snyad

kyi gzhir rnam par shes pa de/ ming brda la ma bltos par kho
rang gi ngo bo nas de 'dra'i tha snyad kyi gzhir song tshod kyi
snang ba zhig 'char la/ de dang mnyam du

rnam par shes pa de rnam par/ shes pa'o/ snyam pa'i nges shes
'dren pa ni myong bas 'grub bo/ de ni rang cag brda la byang ba
kun la yod pas/ rnal 'byor pa

rnams kyis kyang de gzhir bzhag ste sems kyi lta ba skyong dgos
pas/ de skyong ba'i tshe sems la sems zhes pa'i tha snyad btags
nas skyong bar byed do/ de ltar bskyangs pa

na sems la sems zhes pa'i tha snyad btags pa'i btags gzhi de
btsal ba na rnyed dgos la/ de rnyed nas sems la bltas ba na sems
kyi ngo bo gsal rig tsam zhig

'char la/ de yang de 'dra'i tha snyad kyi gzhir ming brda la
bltos pa'i snang ba mi 'char zhing/ de 'dra'i gsal rig gi cha la
rtse gcig tu gtad de 'jog sgom yun bsrings pa na/

@024a @#/ /sngar snang ba'i gzugs sogs kyi snang ba de yang je
phra je phrar gyur te gzugs sogs kyi snang ba gtan nas log pa na
sems phyi'i yul gyi rnam pa

dang bral ba'i sems kyi gsal rig gi cha shin tu dwangs ba de
nyid gsal ler 'char zhing/ de ltar 'char ba de sems kyi chos
nyid 'char ba yin snyam pa'i rlom pa'i nga

rgyal byed pa yang rang gzhan kun la mang ba de kha yin mod/ de
ni gzhung chen mo dang ma sbyar bar rang gi myong ba gcig pur
cha bzhag byas pa'i skyon yin te/ gzhung

chen mo dang sbyor na gzhan dbang kun btags kyis stong ba la
dmigs nas bsgoms pas sgrib pa dag par byed tshul sgom dgos pa yin
la/ de yang sems kyi

skabs su ni/ sems dgag bya'i kun btags kyis stong ba de nyid
sgom pa yin pas/ de'i tshul ni sems de sems zhes pa'i tha snyad
kyis gzhir ming brda la ma bltos

par rang gi ngo bo'am rang gi mtshan nyid kyis grub pas stong ba
ni sems kyi chos nyid yin pas/ de bsgoms na sgrib pa zad par
'gyur bar gsungs kyi/ de yi sgom par sems

@024b gcig pu bsgoms pas ni sgrib pa zad par ma gsungs pas/
skabs 'di'i dwogs pa skye tshod kyi don de yang ma tshang 'dug go/
/'di ni rje rin po che'i gsal bzo min gyi/

mdo sde dgongs 'grel gyi dgongs don ltar/ yin pas de la bstun
dgos so/ /de'i tshul yang thal rang gnyis kyi skabs dang mi 'dra
bar gdags gzhi gzhan dbang

la dmigs nas bsgoms pas sgrib pa dag par 'gyur ro snyam pa'i
dwogs pa skye tshul de ni 'thad ldan yin la de 'thad ldan du
sgrub tshul yang sems de sems zhes pa'i tha

snyad kyi gzhir rang gi mtshan nyid kyis ma grub par nam nges pa
na/ nges shes dub par byed pa ni mkhas pa tshad ldan kun mthun
la/ de'i gnad kyis dgongs

'grel gyis dngos bstan gyi yongs grub la chos kyi bdag med kyi
yongs grub gtso bor 'jog dgos pa'i gnad dam rgyu mtshan ni de yin
no/ /de'i phyir shes pa tha snyad

kyi gzhir rang gi mtshan nyid kyis ma grub par nges pa tsam gyis
sems kyi bdag nyid du nges pa'i nges shes gsal du 'gro la/ de
ltar song ba tsam gyis sems kyi yul

@025a / /du gyur pa'i gzugs sogs kyi/ chos thams cad kyang sems kyi
bdag nyid dam sems dang rang bzhin gcig par nges nus pas/ nges
pa de la bsgoms stobs

kyis myong ba rtsal du bton nas nges shes bskyed dgos la/ de nas
de 'dra'i nges tshul la bltas pa na mdo sde rgyan sogs las sems
kyi rang bzhin 'od gsal ba'o/ /zhes

gsungs pa la yang yid ches skye zhing/ de ltar skye ba de yang
chos thams cad tha snyad kyi gzhir rang gi mtshan nyid kyis ma
grub pa dang phyi rol don du ma grub pa gnyis nges pa

[@##data incomplete here]

@025b la brten nas/ chos thams cad sems kyi bdag nyid du nges pa
'di'i stobs kyis yin no/ /de'i phyir/ rnal 'byor pa rnams kyis
nges shes de'i rgyun 'jog sgom gyis

rtse gcig tu bskyangs pa na sems kyi gsal rig gi cha rang mtshan
brjod med de nyid 'char zhing/ de ltar/ 'char ba'i rgyu mtshan
gyis sems la dmigs nas bsgoms

pas sgrib pa dag par 'gyur/ ram snyam pa'i dwogs pa skyes pa yin
la/ de 'dra'i dwogs pa skyes pa tsam 'thad ldan yin kyang dwogs
pa skyes pa ltar gzhan dbang gi chos

rnams rnam dag lam gyi dmigs pa mthar thug tu 'jog pa ni min no/
de'i phyir gzhan dbang rnam dag lam gyi dmigs pa la don dam du
byas pa'i don dam de min kyang/

rang gi mtshan nyid kyis grub pa la don dam du byas pa'i don dam
de ni yin no/ /don du/ gzhan dbang tsam la dmigs nas bsgoms pas
gzhan dbang gi steng gi sgro skur gyi

mtha' gang yang sel mi nus shing/ gzhan dbang dgag bya'i kun
btags kyis stong ba la dmigs nas bsgoms pas sgro skur gyi mtha'
gnyi ga sel nus pas na/

@026a @#/ /mdo sde dgongs 'grel du thog mar gzhan dbang ngos
bzung nas/ de nas/ don dam yang dag 'phags zhes 'bod par mdzad
de bzhan

dbang rnam dag lam gyi dmigs pa min pa'i phyir/ don dam bden pa
min zhes dogs pa'i lan mdzad cing/ de nas gzhan dbang chos bdag
gi /ngo bor ma

grub pa'i yongs grub dngos su bstan par mdzad pas na/ thar 'dod
rnams kyis thog mar gzhan dbang ngos zin par byas nas de'i steng
du chos bdag /bkag ste

yongs grub gtan la phab nas nges phan chos thams cad nang sems
kyi bdag nyid tsam du 'char zhing/ de ltar 'char ba'i nges shes
de'i/ rgyun bskyangs pa'i blo rgyun

chags lam gyi tshong du song ba'i blo de yid shes phra mo'am/ kun
gzhi 'dod pa'i lugs kyi kun gzhi dang bsre ci thub byed pa ni
man ngag bla na med pa yin la/ de lta min par

gzhan dbang ngos 'dzin pa'i tshe sems ngos bzung nas/ de ngos zin
pa na sems kyi steng gi lta ba skyong tshul mi byed par sems gcig
pu la/ thog ma nas tsom 'jog

@026b byas nas bsgoms pas ni/ sems kyi steng gi log rtog gang
yang sel mi nus la/ de nas sems lung ma bstan du btang nas
bsgoms pas lta ba rtogs pa la bogs

che ba'i man ngag yod zer ba yang bden par ma mthong ngo/ de ni
ci dang 'dran sgra'i steng gi rtag 'dzin gyi log rtog sel bar
'dod pa na de dang 'dzin stangs dngos 'gal du song

ba'i sgra mi rtag par mi sgom par/ sgra rkyang ba sgom pa dang
khyad par ci 'dug sems shig /tshul 'di ni sems tsam pa'i lugs
mchog dri ma med par 'byed pa'i rtsa bar 'dug

cing/ bstan bcos legs par bshad pa'i snying po'i yang don gyi
bka' sa'i gnad che sar 'dug pas/ bdag cag rnams la 'di ltar/
gsal bar 'byed rgyu

'ong ba 'di yang thog ma'i rten 'brel ni rje'i sgrub gnas 'di
nyid thog mar zhig gso zhus pa'i mthu dang/ khyad par bla ma
dang lhag pa'i lha dbyer med du byas nas/ skyabs

mgon lha gcig dam par kha tsam min pa'i gsol ba btab cing/ 2 rje
nyid slar yang byon pa rje ratna'i mtshan can de nyid kyi zhal
gyi bum bzad las/ dngos

@027a @#/ /su 'ongs pa rnams las byung ba yin pas/ tshul 'di ni yi
ger 'god pa 'phangs pa yod/ kyang grogs mchog dam tshig gtsang
zhing don

gnyer che bas bkod pa yin no/ 2 don dam pa/ ngo bo nyid med pa'i
'jog tshul gnyis pa rgyas par bshad pa yang/ ^ dgongs 'grel las/
gzhan yang chos

rnams kyi yongs su grub pa'i mtshan nyid gang yin pa de yang don
dam pa ngo bo nyid med pa nyid ces bya'o/ de ci'i phyir zhe na/
don dam yang dag 'phags/ chos rnams

kyi chos bdag med pa gang yin pa de ni/ de dag gi ngo bo nyid
med pa nyid ces bya ste/ de ni don dam pa yin la don dam pa ni
chos thams cad kyi ngo bo nyid med pa nyid kyis

rab tu phye ba yin pas/ de'i phyir don dam pa ngo bo nyid med pa
nyid ces bya'o/ /zhes gsungs/ de'i don/ gzhan yang zhes smos pa
ni/ gong du gzhan dbang don dam par

ngo bo nyid med par bshad pa de las gzhan yongs grub don dam pa
ngo bo nyid med par bshad pas/ 'di'i don dam pa ni chos bdag gi
dbang du byas pa de yin no/ /de'i phyir

@027b yongs grub ni chos bdag gi ngo bo nyid med pa nyid kyis
rab tu phye ba yin pas rnam dag lam gyi dmigs pa mthar thug
kyang yin zhing/ don dam bden pa dngos yin no/

des na/ chos thams cad kyang chos bdag gi ngo bo nyid med pa yin
pas don dam bden pa dngos yin no snyam na/ yongs grub gcig bu
don dam pa yin gyi/ kun btags

dang gzhan dbang gnyis don dam bden par mi 'jog cing/ de yang
chos bdag gi ngo bo nyid med pas rab tu phye ba de tsam gyis ma
bzhag pa dang/ rnam dag lam gyi dmigs

pa mthar thug kyang min pas na/ der ma bzhag go/ 'o na/ 'du byed
kyi mtshan nyid dang/ don dam pa'i mtshan nyid gnyis ngo bo tha/
dad par 'gyur te/ 'du byed kyi chos rnams

dang don dam bden pa 'gal bas so snyam na/ de gnyis 'gal ba tsam
gyis ngo bo tha dad par yang mi 'gyur zhing/ 'du byed kyi/ chos
rnams chos bdag gi ngo bor med pa de

rnams kyi chos nyid du yang 'jog dgos pas chos chos can ngo bo
gcig tu grub dgos pa yang grub mtha' thams cad la 'dra'o/ /de
ltar yang/ ^ dgongs 'grel las/

@028a @#/ /gal te 'du byed kyi mtshan nyid dang don dam pa'i mtshan
nyid tha dad pa yin par gyur na ni/ des na/ 'du byed rnams kyi
bdag med pa tsam dang ngo bo nyid

med pa tsam nyid don dam pa'i mtshan nyid yin par yang mi 'gyur/
zhes gsungs la/ chos can 'dus byas kyi steng du dgag bya chos
bdag bkag tsam de la 'dus

byas kyi steng gi yongs grub tu 'jog dgos pas/ gzhan dbang yongs
grub ngo bo gcig tu grub pa de yang spyir chos chos can ngo bo
gcig tu grub pa'i rigs pa 'di la

thug pa yin no/ yang mkhas pa 'ga' zhig /chos chos can ngo bo
gcig tu grub tshul la bsams te/ 'dus byas kyi chos rnams kyi
steng du dgag bya chos bdag

bkag pa na 'dus byas kyi chos rnams blo yul du shar ba la bltos
nas go dgos par mthong ste/ de'i steng gi 'gyur med yongs grub
kyang dgag bya'i bcad ltog tsam nas/

mi 'jog par sgrub pa rang dbang bar 'dod pa yang mang la/ de dag
kyang skabs 'dir 'khrul gzhi bskyed pa'i gzhi che shos su 'dug
pas/ 'dod tshul de ni dpyis phyin par

@028b dgag dgos so/ de'i phyir/ legs bshad snying por yang/ chos
can 'dus byas la/ chos kyi bdag rnam par bcad tsam gyi spros pa
med dgag la chos kyi

bdag med kyi yongs grub 'jog par shin tu gsal ba'i phyir/ mdo
'dis de kho na nyid kyi don bstan pa nges pa'i don du 'dod bzhin
du 'gyur med yongs grub dgag bya

bcad tsam gyi bcad ldog nas mi 'jog par/ blo'i yul du 'char ba
dgag bya bcad pa la mi ltos par sgrub pa rang dbang ba la 'dod
pa ni 'gal ba'o/ /zhes gsungs

so/ des na/ yongs grub ni dgag bya bcad tsam gyi bcad ldog nas
'jog /dgos pa de yang/ rang mngon sum du rtogs pa'i mngon sum
tshad ma'i yul du

'char ba na/ dgag bya bcad pa'i bcad tsam zhig 'char gyi/ dgag
pa'i ngo bo gang yin dang/ dgag pa yin min dang yod med sogs
gang gi yang rnam pa mi 'char

ba zhig dgos pas/ de'i phyir/ chos bdag gi ngo bo rnam par bcad
pa tsam yin pas don dam pa ngo bo nyid med par bshad kyi/ dgag
pa'i ngo bo la rang gi mtshan

@029a @#/ /nyid kyis grub ba med pas ngo bo nyid med ces 'jog pa
yang min la/ dgag bya bcad pa'i shul du kun rdzob kyi chos gang
yang mi 'jog cing/

blos kyang de mi 'dzin pa zhig dgos pa yin no/ /de'i phyir legs
bshad snying por yongs grub 'di ni chos rnams kyi bdag gi ngo bo
rnam par bcad pa tsam yin pas chos

rnams kyi don dam pa ngo bo nyid med pa zhes gsungs so/ /dgag
pa'i rang gi ngo bo la rang gi mtshan nyid kyis grub pa med pas
ngo bo nyid med par mi bzhed pa'i lugs

so/ zhes gsungs pa ltar/ thal 'gyur pa'i skabs su/ rang gi ngo
bos med pa/ rang gi mtshan nyid kyis grub pa'i ngo bos med pa la
byed dgos par don gyis bstan

nas/ sems tsam pa'i skabs 'dir ngo bo nyid med tshul de ltar mi
sbyor bar chos bdag gi ngo bor ma grub pa'i ngo bo nyid med pa
la dngos su sbyor ba'i dbang du mdzad

de mi bzhad pa'i lugs so/ /zhes gsungs pa yin no/ ^ gsum pa de
dag gi dpe bstan pa ni/ dgongs 'grel las/ de la 'di lta ste/
dper na/ nam mkha'i

@029b me tog ji lta ba de lta bur ni mtshan nyid ngo bo nyid med
pa nyid blta bar bya'o/ don dam yang dag 'phags/ de la 'di lta
ste/ dper na/ sgyu ma byas pa ji lta ba de lta bur ni

skye ba ngo bo nyid med pa nyid blta bar bya'o/ /don dam pa ngo
bo nyid med pa nyid de las kyang gcig kyang blta bar bya'o/ /don
dam yang dag 'phags/ de la 'di lta

ste/ dper na/ nam mkha' ni gzugs kyi ngo bo nyid med pa tsam
gyis/ rab tu phye ba dang thams cad du song ba ji lta ba de lta
bur ni don dam pa ngo bo nyid med pa de

la chos bdag med pas rab tu phye ba dang thams cad du/ song ba
gcig blta par bya ste/ zhes gsungs la/ de'i don ni/ kun btags
kyi skabs de la

zhes sbyar nas sbyor tshul nam mkha'i me tog dang 'dra par/ sbyar
la/ de yang nam mkha'i me tog ces pa ni/ nam mkha' la me tog med
kyang ming dang rtog pas nam

mkha'i me tog ces btags pa ji lta ba de lta bur ni kun btags
kyang rang gi mtshan nyid kyis grub pa med bzhin du der grub par
ming dang rtog pas btags tsam dang/

@030a @#/ /bzhag tsam du byed pa yin no/ /de yang rtog pas btags
tsam gyi dper 'jog pa yin pas dpe don de ni mtshungs la/ nam
mkha'i me tog med pa bzhin

du kun btags kyang med do zhes pa'i dpe don ni mi mtshungs shing/
sbyor ba yang min no/ yang don dam yang dag 'phags zhes 'bod par
mdzad nas/ gzhan dbang

de la zhes sgyu ma'i dpe sbyar pa yin la/ sbyor tshul yang sprul
gzhi'i rde'u shing bu/ rta glang du med bzhin du/ sgyu ma'i
sngags rdzas kyis bslad nas der snang ba ji lta ba de

lta bur ni gzhan dbang yang rgyu rkyen la ma bltos pa'i rang
dbang gis skye ba'i ngo bo nyid med bzhin du rgyu rkyen gyi
dbang gis skye ba'i ngo bo nyid du blta bar bya ba 'di yang/
sgyu ma

byas pa dang 'dra ba'i dpe don sbyar pa'o/ /don dam pa ngo bo
nyid med pa ni sngar ltar yin la/ dgag bya'i don dam pa/ de las
kyang gcig kyang blta tshul ni/ de yang

dgag bya chos bdag gi ngo bo nyid kyis stong pa yin la/ des
stong ba'i don dang yongs grub ni don gcig yin pas gcig ces smos
pa ni yongs grub tsam du ma zad

@030b kun btags dang gzhan dbang gnyis kyang dgag bya'i don dam
des stong bar blta dgos zhes mtshon pa yin no/ /des stong tshul
yang yongs grub ni des stong pa'i

stong nyid dngos yin la/ gzhan gnyis de dngos min kyang gzhan
dbang ni gdags gzhir byas pa'i sgo nas stong zhing/ kun btags
kyang spyi ldog tsam nas sbyor na

mi bde bas des stong par mi 'jog kyang mtshan bzhir bkar nas ni
des stong bar 'jog dgos shing/ de yang kun btags kun btags zhes
pa'i tha snyad kyi gzhir

rang gi mtshan nyid kyis grub pas stong ba de yin no/ /de'i
phyir/ blta tshul 'di ni/ /chos kyi dbyings la dbyer med phyir/
zhes gsungs pa'i don ltar rtsa ba gtugs

nas bsams na blta tshul dgag bya'i kun btags kyis stong pa gcig
pu la blta dgos pa yin no/ /yang don dam yang dag 'phags zhes
'bod par mdzad de/

yongs grub de la zhes sbyar nas yongs grub ni nam mkha' dang
'dra bar gsungs shing/ 'dra tshul yang nam mkha' ni thogs reg
bkag tsam gyi med dgag gi

@031a @#/ /ngo bor gnas pa dang thams cad du song ba de ltar bur
ni yongs grub kyang chos bdag gi ngo bor med pas rab tu phye ba
dang/ thams cad du

song ba gcig blta bar bya dgos pa'i tshul gong du bshad zin to/
/ngo bo nyid med tshul gsum gyi don rnam mdor bstan rgyas bshad
dpe dang bcas pa'i sgo nas

gsungs pa bzhin/ 'dir yang rang gi blos gang dbogs gsal bar phye
ba yin pas/ ngo bo nyid med tshul gsum ga'i dgongs pa'i don mdo
sde dgongs 'grel

gyis bkral ba ltar la gzhi byas pa yin zhing/ de yang ngo bo
nyid med tshul rang gi mtshan nyid kyis grub pa'i ngo bo nyid med
pa gcig pu la sbyar na gzhan dbang la

skur ba btab par 'gyur bas mi 'thad la/ gzhan dbang la skur ba
btab na kun btags dang yongs grub la yang skur pa btab par 'gyur
bas mtshan nyid gsum

ga la skur ba btab par 'gyur ro/ /des na/ mtshan nyid gsum ga la
skur ba 'debs pa 'di'i rtsa ba ni/ mdo sde las chos thams cad/
ngo bo nyid med par

@031b gsungs pa'i sgras zin la zhen pa'i dbang gis yin la/ mdo'i
sgras zin ltar gyi ngo bo nyid med tshul ni/ rang bzhin gyis grub
pa'i ngo bo nyid med pa dang rang gi

mtshan nyid kyis grub pa'i ngo bo nyid med pa dang bden par grub
pa'i ngo bo nyid med pa rnams khyad med du byas nas bshad pa yin
cing/ de kha ltar khas len mkhan ni/

dbu ma thal 'gyur ba yin la/ de ni sems tsam pa'i skabs 'dir med
par lta ba dang chad par lta ba'i gtso bor 'jog pa yin no/ /de'i
phyir/ sems tsam pas

ni ngo bo nyid med tshul sgras zin ltar mi 'jog par dgongs pa
blangs nas 'jog ching/ de'i tshul yang mdo sde dgongs 'grel bzhin
len la de ni gong du gsal bar

bshad pa bzhin yin no/ /de ltar yang/ dgongs 'grel las/ nga'i
dgongs te bshad pa zab mo yang dag pa ji lta ba bzhin du rab tu
mi shes te chos de la mos kyang

chos 'di dag thams cad ni ngo bo nyid med pa kho na yin no/
/chos 'di dag thams cad ni ma skyes pa kho na'o/ /ma 'gags pa
kho na'o/ /gzod ma nas zhi ba kho na'o//

@032a @#/ /rang bzhin gyis yongs su mya ngan las 'das pa kho
na'o/ /zhes chos kyi don la sgra ji bzhin kho nar mngon par zhen
par byed do/ /de dag

gzhi des na chos thams cad la med par lta ba dang mtshan nyid med
par lta ba 'thob par 'gyur te/ med par lta ba dang mtshan nyid
med par lta ba thob nas kyang/

chos thams cad la mtshan nyid thams cad kyis skur ba 'debs te/
chos rnams kyi kun btags pa'i mtshan nyid la yang skur ba 'debs/
chos rnams kyi

gzhan gyi dbang gi mtshan nyid dang yongs grub pa'i mtshan nyid la
yang skur pa 'debs so/ /de ci'i phyir zhe na/ don dam yang dag
'phags/ 'di ltar gzhan gyi

dbang gis mtshan nyid dang yongs su grub pa'i mtshan nyid yod na
ni kun btags pa'i mtshan nyid kyang rab tu shes par 'gyur na/ de
la gang dag gzhan gyi

dbang gi mtshan nyid dang yongs su grub pa'i mtshan nyid la mtshan
nyid med par mthong ba de dag gis ni/ kun btags pa'i mtshan nyid
la yang skur pa btab

@032b ba yin pa'i phyir te/ de lta bas na de dag ni mtshan nyid
rnam pa gsum char la yang skur ba 'debs pa zhes bya'o/ zhes
gsungs/ de'i don zhib pa ni/ bcom

ldan 'das kyis dgongs te bshad pa zhes pa ni mtshan nyid gsum la
ngo bo nyid med tshul dgongs pa blangs nas gsungs pa de nyid yin
zhing/ de zab mo yang

dag pa ji lta ba bzhin yin pa yang ngo bo nyid med tshul gsum po
de'i don yongs grub gcig pu'i don du bsgril nas blta dgos zhes
dpe'i skabs su gsungs pa

rnams de'i dgongs pa ji lta ba bzhin yin la/ de la mos pa tsam
yod kyang de'i dgongs don rab tu ste mchog tu mi shes par/ gzugs
sogs kyi chos 'di dag

thams cad ni ngo bo nyid med pa kho na yin no/ /zhes sgras zin
la zhen nas ngo bo nyid med par 'dod cing/ de bzhin du/ gzugs
sogs kyi chos 'di dag thams

cad ngo bo nyid kyis ma skyes pa dang ma 'gags pa dang gzod ma
nas zhi ba dang rang bzhin gyis yongs su mya ngan las 'das pa
kho na'o zhes 'dod pa de yang sgras zin la/

@033a @#/ /mngon par zhen pa'i dbang gis yin la/ gzugs sogs kyi
chos de dag rang gi ngo bos med par 'jog na ni 'jog tshul des
chos thams

cad la med par bltas pa dang rang gi mtshan nyid kyis med par
bltas pa gnyis ka yin no/ /de ltar bltas pa des ni chos thams
cad la mtshan nyid thams

cad kyis skur ba btab pa yin te/ kun btags la ni rang gi ngo bos
grub pa'i mtshan nyid yod bzhin du de med ces skur ba btab cing/
gzhan dbang dang

yongs grub gnyis rang gi mtshan nyid kyis grub bzhin du der ma
grub ces skur pa btab pa yin pas mtshan nyid gsum ga la dngos su
bskur pa btab yin no/

de yang ngo bo nyid med ces pa'i sgras zin tsam la sbyar na de
ltar yin gyi/ ngo bo nyid med pa dang rang gi mtshan nyid kyis
grub pa med pa gnyis don 'dra ba zhe phugs

su bzhag ste chos thams cad rang gi mtshan nyid kyis ma grub ces
skur ba btab pas ni gzhan dbang dang yongs grub gnyis la dngos
su btab cing/ kun btags

@033b la don gyi btab pa yin no/ /ci'i phyir zhes pa man gyis
skur pa 'debs tshul gyi rgyu mtshan ston pa yin pas ston tshul ni
'di ltar zhes sbyar te/ gzhan dbang dang yongs

grub rang gi mtshan nyid kyis grub na ni kun btags kyang rang gi
ngo bos grub par shes nus pa yin la/ de ltar min na kun btags
'dogs pa'i gzhi gang yin ma shes

pas/ kun btags 'dogs pa yang med par 'gyur ro/ /de'i phyir/ kun
btags dang gzhan dbang de la grub mtha' smra ba gang dag gis
rang gi mtshan nyid kyis ma

grub ces smras pa des ni kun btags kyang med ces skur pa btab
par don gyis song ba yin pas mtshan nyid gsum ga la skur pa 'debs
par song tshul

ni de yin no// ! de'i phyir legs bshad snying por yang/ rang gi
mtshan nyid kyis skye ba dang 'gag pa med par gsungs pa ltar
bzung na yang gzhan dbang la

skur 'debs su 'gyur pa'i phyir gzhan gnyis la yang skur 'debs su
'gro ba shes par bya ste/ zhes gsungs so/ /gnyis pa/ gang la
dgongs nas ma skyes pa sogs

@034a @#/ /su gsungs pa'i tshul ni/ de yang ngo bo nyid dang po
dang tha ma gnyis la dgongs nas gsungs pa yin gyi/ gzhan dbang
la dgongs nas ma gsungs

so/ /de'i phyir/ kun btags ngo bo nyid med tshul gong du rgyas
par bshad pa bzhin 'dir skye ba med pa dang 'gag pa med pa gang
la dgongs na/ kun btags dang

yongs grub gnyis la dgongs pa'i skabs kyi kun btags la dgongs
tshul ni/ mdo las chos thams cad skye ba med pa 'gag pa med pa
zhes pa'i dngos zin ltar

kun btags ni skye med 'gag med yin la/ de ltar yin pa'i dbang
gis kun btags kyi chos thams cad skye ba med 'gag pa med/ de
bzhin du/ yongs grub kyi chos

thams cad kyang skye med 'gag med yin pa'i rgyu mtshan gyis de
gnyis la dgongs pa yin gyi/ gzhan dbang la skye 'gag yod pa'i
rgyu mtshan gyis der dgongs pa mi

'jog pa 'dis dgongs 'grel gyi skabs su yang skye 'gag med pa
sogs zur du gsal bar byed tshul ni de yin no/ /des na/ mtshan nyid
gsum ga la ngo bo nyid

@034b med par gsungs pa'i skabs kyi ngo bo nyid med pa mtshan
nyid gsum ga la dgongs nas ngo bo nyid med tshul gsungs shing/ de
yang kun btags mtshan nyid ngo bo nyid med pa'i don/ kun

btags rang gi mtshan nyid kyis ma grub pa la byed pa dag gzhan
dbang skye ba ngo bo nyid med pa'i don de rang dbang gis skye ba
med pa dang/ yongs grub don dam pa ngo bo nyid med pa'i don de
chos bdag gi ngo bo nyid med pa la byed pas/

de'i skabs kyi ngo bo nyid med tshul gsum gyi don dgag phyogs nas
'jog cing/ ma skyes pa sogs su gsungs pa'i skabs 'dir sgrub
phyogs nas/ smos pa yang

gzhan dbang der mi 'jog pa'i dbang du byas pa tsam zhig khyad
par ro/ /de ltar yang mdo sde dgongs 'grel las/ de la mtshan
nyid/ ngo bo nyid med pa nyid la dgongs

nas ngas chos thams cad ma skyes ma 'gags pa gzod ma nas zhi ba
zhes pa nas/ rang bzhin gyis yongs su mya ngan las 'das pa gang
yin pa de la ni yongs su mya ngan las

bzla bar bya ba cung zad kyang med de/ zhes pa'i bar gsungs/
'di'i don yang 'gal spong gi skabs su gsal bar phye zin cing de
yang gsar bu ba rnams la mkho ba'i

@035a @#/ /dbang du byas nas gong du bshad pa yin gyi/ go rim
'brel chags kyi dbang du byas nas 'dir bshad na legs so/ /de'i
'phros cung zad 'bru

bsnan na de yang mya ngan las 'das pa zhes pa'i mya ngan ni kun
nyon yin la/ 'das pa zhes pa'i don ni de dang bral ba'i don yin
cing/ bral tshul yang gnyen po'i stobs

kyis sgrib pa rnams rim gyis sbyangs te dag pa dang/ rang bzhin
gyis dag pa gnyis las 'di ni phyi ma yin la/ rang bzhin gyis dag
pa'i dag cha la ni kun nyon las

dag pa'i thabs slar gzhan zhig brten nas dag dgos pa min pas
cung zad ces smos shing/ da lta dag pa de yang sngar gyi rkyen
gzhan zhig la bltos nas dag pa

min par rang babs kyis dag pas kyang zhes smos pa yin no/ /de'i
phyir bzla ba zhes pa ni bskyar ba'i don no/ ! de la yongs grub
la dgongs tshul ni/ mdo sde

dgongs 'grel las/ don dam pa ngo bo nyid med pa nyid chos bdag
med pas rab tu phye ba zhes pa nas yongs su mya ngan las 'das pa
yin te/ zhes pa'i bar

@035b gsungs/ de'i don ni/ yongs grub kyi skabs su gang la
dgongs na chos bdag gi ngo bo nyid med pa nyid la dgongs shing/
de ni chos bdag med pas rab tu phye pa

yang yin la/ de yang chos bdag gi ngo bo nyid med pa gang yin pa
de'i dbang gis ma skyes pa dang/ ma 'gags pa yin/ de'i dbang gis
gzod ma nas zhi ba dang/

rang bzhin gyis yongs su mya ngan las 'das pa yang yin pas/
'di'i dngos zin gyi rang bzhin gyis mya ngan las 'das pa ni
yongs grub dngos la 'jog go/ /ci'i

phyir ni sngar dang 'dra/ don dam pa ngo bo nyid med pa de yang
chos bdag gi ngo bo nyid med pa tsam gyis mi chog par chos bdag
med pas rab tu phye bar gsungs

pas/ yongs grub tu 'jog par bstan cing/ yongs grub de ni rtag pa
rtag pa'i dus te snga ma snga ma'i dus dang/ ther zug ther zug
gi dus te/ phyi ma phyi ma'i

dus rnams thams cad du dgag bya chos bdag bkag pa'i rnam par
gnas pa kho na yin no/ /'di'i kho na'i sgras kun rdzob kyi rnam
par gnas pa bcad nas

@036a @#/ /yongs grub kyi rnam par gnas pa dgos
par bstan la/
yongs grub de ni chos rnams kyi chos nyid du 'jog cing/ de 'dus
ma byas

kyang yin la de 'dus ma byas par 'jog tshul yang/ chos bdag gis/
dus ma byas pa/ tsam yin pas/ nyon mongs/

pa thams cad dang bral ba'i 'dus ma byas su yang 'jog go/ /de'i
phyir/ yongs grub de ni snga phyi'i dus kun tu chos bdag bkag
pa'i med dgag tsam gyi rnam par

gnas pa'i 'dus ma byas yin pa/ de 'dra'i 'dus ma byas pa gang
yin pa de ni/ spyir 'dus ma byas yin pa'i rgyu mtshan gyis ma
skyes pa dang ma 'gags par

yang 'jog dgos la/ de'i dbang du byas nas ma skyes ba sogs kyi
dngos zin gyi dgongs pa kun btags dang yongs grub la dgongs kyi/
gzhan dbang la ma dgongs

gsungs pa yang spyi'i grub tshul de'i dbang gis yin no/ /de yang/
yongs grub kyi skabs su 'dus ma byas gang yin pa de la 'dus ma
byas kyi grub tshul spyi'i dbang du byas pa

@036b de nyid tshang bar ma zad/ dgag bya chos bdag bkag pas rab
tu phye ba tsam gyi 'dus ma byas pa de nyid nges par dgos pa'i
dbang du byas te de ni zhes nges par

bzung ba yin la/ de 'dra'i ma skyes pa dang ma 'gags pa gang yin
pa/ de ni nyon mongs pa thams cad dang bral ba'i rgyu mtshan gyis
gzod ma nas zhi bar bzhag la/

gzod ma nas zhi ba dang rang bzhin gyis mya ngan las 'das pa
gnyis phyogs gcig tu mdzad de nyon mongs pa dang bral ba de yang
sngar ma bral ba zhig gnyen po'i

stobs kyis gsar du bral bcug pa ma yin par sngar nas bral zin
pa'i phyir gzod ma nas zhi ba sbyar zhing/ de nyid rang bzhin
gyis yongs su mya ngan las 'das par

'jog tshul ni/ gnyen po'i stobs tsam du ma zad rgyu rkyen gzhan
gyi dbang gis bral ba yang min pas na rang bzhin gyis zhes
sbyar/ de yang dgag bya phyogs re ba

bkag ba dang kun nyon phyogs re ba tsam min zhing cha thams cad
nas bral bas na/ yongs su sbyar te mya ngan las 'das bzhes/ smos
so/ /des na ma skyes

@037a @#/ /pa sogs kyi skabs 'dir gzhan dbang la ma dgongs par
kun btags dang yongs grub la dgongs par gsungs shing/ ngo bo
nyid med tshul gyi

skabs su mtshan nyid gsum ga la dgongs pa'i khyad par dang/
dgongs 'grel gyi dngos bstan gyi dmigs 'byed lugs ni de ltar yin
la/ kun las btus su

mtshan nyid gsum ga'i dbang du byas nas ma skyes pa sogs su bshad
pa'i don ni/ ngo bo nyid med tshul gang la dgongs nas ngo bo nyid
med tshul gsungs pa dang don 'dra

zhing/ de ltar 'dra tshul yang de nyid las/ kun btags pa'i ngo bo
nyid la mtshan nyid ngo bo nyid med pa dang/ gzhan gyi dbang la
skye ba ngo bo nyid med pa dang/ yongs

su grub pa la don dam pa ngo bo nyid med pa'i phyir ro/ /ma
skyes pa ma 'gags pa gzod ma nas zhi ba rang bzhin gyis mya ngan
las 'das pa zhes 'byung ba'i dgongs pa

gang yin zhe na/ ji ltar ngo bo nyid med pa de ltar ma skyes so/
/ji ltar ma skyes pa de ltar ma 'gags so/ /ji ltar ma skyes pa
dang ma 'gags pa de ltar gzod ma nas

@037b zhi ba'o/ /de ltar rang bzhin gyis yongs su mya ngan las
'das so/ /zhes gsungs pa bzhin ngo bo nyid med tshul mtshan nyid
gsum ga'i dbang du byas nas gsungs

tshul 'di yang gong gi mdo sde dgongs 'grel dang sum cu pa rnams
kyis gsungs pa dang mthun pas zur du 'grel mi dgos so/ /des na/
'grel chen las ni skye

med 'gags med gnyis kyi dgongs gzhir gzhan dbang mi 'jog pa yang
rten cing 'brel par 'byung ba'i don med pa min par bstan pa'i
phyir yin la/ zhes

mdo'i dgongs pa len par mdzad cing/ kun las btus las ni gzhan
dbang bdag nyid las skye ba med pa dang rgyu med las skye ba med
pa'i dbang du byas nas bshad pas/

'gal ba med do/ /yang gzhan dbang de gzod ma nas zhi ba dang/
rang bzhin gyis yongs su mya ngan las 'das pa gnyis kyi dgongs
gzhir mi 'jog pa yang kun nas

nyon mongs kyis bsdus pa shas che bas ma bzhag la/ ngo bo nyid
med tshul gsum gyi skabs su mtshan nyid gsum ga la dgongs tshul
yang legs bshad snying por

@038a @#/ /ngo bo nyid gsum gyi rang rang gi skabs kyi ngo bo med
rgyu de'i dbang du byas nas ji ltar ngo bo nyid med pa de ltar
ma skyes pa dang ma 'gags la gzod ma

nas zhi ba dang gdod nas mya ngan las 'das pa yang yin pa la
dgongs nas kun las btus las de ltar bshad do/ /zhes gsungs la/
'di'i dgongs gzhi

len lugs la yang tshig zin la mi 'dra ba cung zad re 'dug kyang
'di dag gi don ji lta ba bzhin gsal ba ni dgongs rgyan las shes
par bya'o/ /gsum pa/ ngo bo

nyid gsum gyi ngo bo ngos bzung ba la kun btags ngos bzung ba
ni/ dgongs 'grel las/ rnam par rtog pa'i spyod yul kun btags
pa'i mtshan nyid

kyi gnas 'du byed kyi mtshan ma la gzugs kyi phung po zhes ngo bo
nyid dam bye brag gi mtshan nyid du ming dang brdar rnam par
bzhag pa dang/ gzugs kyi phung po skye'o

zhe'am 'gag pa zhe'am gzugs kyi phung po spang ba dang/ yongs su
shes pa zhes ngo bo nyid kyi mtshan nyid dam bye brag gi mtshan
nyid du ming dang brdas rnam par

@038b bzhag pa gang lags pa de ni kun btags pa'i mtshan nyid lags
te/ zhes gsungs/ de'i don ni/ rnam par rtog pa'i spyod yul zhes
pa'i skabs su rnam par rtog

pa ni kun btags 'dogs byed kyi rtog pa yin la/ de'i spyod yul ni
de'i zhen yul gzhan dbang dang/ gzhan dbang de la kun btags pa'i
tshul ni 'di ni gzhan

dbang ngo/ 'di ni gzhan dbang gi skye ba'o zhes ngo bo dang
khyad par gyi sgo nas 'dogs shing/ de ltar 'dogs pa'i gnas su
gzhan dbang nyid 'jog pas gnas zhes

sbyar la/ gzhan dbang de la gzhan dbang zhes pa'i ming dang
gzhan dbang gi skye ba zhes pa'i khyad par gyi tshig la bltos nas
'du byed kyi mtshan ma 'jog dgos

pas na 'du byed kyi mtshan ma zhes sbyar ro/ /de yang gdags gzhi
gzhan dbang/ de nyid kun btags 'dogs pa'i gzhir 'gro tshul gsum
gyi sgo nas btags

tshul gsum 'jog dgos la/ de yang gzugs la mtshon na/ 'di gzugs so
snyam du 'dzin pa'i rtog pa'i spyod yul ni rtog pa de'i zhen yul
yin la/ de'i skabs

@039a @#/ /kyi zhen yul de nyid ngos bzung na gzugs ngos bzung
dgos te/ rtog pa des gzugs la gzugs so snyam du 'dzin pa'i phyir
ro/ de ltar

gzugs la gzugs so snyam du 'dzin pa na rtog pa des gzugs la kun
btags tshul ni/ gnyis snang gi sgo nas 'dzin dgos shing/ de'i
'dzin tshul yang

gzugs zhes pa'i ming la brten nas gzugs kyi 'dra rnam zhig gzugs
dang khyad med du 'char la/ de ltar 'char pa de la rtog pas
'khras byas te gzugs 'dzin pa

yin la/ de ltar 'dzin pa'i tshe de 'dra'i rtog pa la ming brda'i
yul du 'gro tshod tsam gyi gzugs shig 'char ba de ni spyir gzugs
dngos min kyang de 'dra'i rtog pa la

gzugs dngos lta bur snang bas/ gzugs dngos gnas la bltos na de
min bzhin du rtog pas der btags pas na 'dogs tshul 'di ni kun
btags pa'i btags

tshul lo/ tshul de ltar 'dogs pa'i gzhi'am rtsa ba'i rten ni gzugs
de yin pas na gzugs de kun btags kyi gdags gzhir 'jog pa'i tshul
ni de yin no/ /de 'dra'i

@039b gzugs de la thog mar gzugs zhes pa'i ming zhig btags pa na
de 'dra'i ming la brten nas gzugs de gzugs ma yin pa gzhan las
phye ste gzugs su 'du

shes pa 'byung zhing/ gzugs la gzugs su 'du shes pa'i 'du shes
des gzugs zhes pa'i ming mtshan ma dbyas te gzugs so snyam du 'du
shes pa na ming rgyu mtshan

nam mtshan mar byas te gzugs la gzugs zhes pa'i 'du shes 'jog pas
na/ de 'dra'i 'du shes de nyid gzugs la bltos pa'i 'du shes
mtshan mar 'dzin par yang bzhag

chog go /de'i phyir 'du shes des mtshan ma bzhag sa ni gzugs yin
la/ de'i 'jog tshul yang gzugs de gzugs min pa gzhan las khyad
par du phye nas gzugs

so snyam du mtshon pa'i rtags sam mtshan ma dbyas nas gzugs so
snyam du 'du shes 'jog pa yin no/ /de ltar 'du shes bzhag pa de
la 'du byed kyis spu ris phye nas

gzugs kyi ngo bo ji lta ba bzhin du 'jog pas na/ gzugs la bltos
pa'i 'du byed kyis mngon par 'du byed tshul dang 'du byed kyi
mtshan mar 'jog tshul gnyis ka yin

@040a @#/ /pas des gzugs kyi ngo bo ngos zin pa dang gdags gzhi
gzhan dbang 'jog tshul yang yin no/ bshad tshul 'di ni rje rang
nga'i gsung rgyun yin pas

byin rlabs kyang che'o/ /des na/ ngo bo dang khyad par du kun
btags pa'i kun btags 'jog tshul ni/ de yang gzugs la gzugs kyi
phung po zhes ngo bo dang gzugs kyi

skye ba'o/ zhes khyad par du ming dang brdas rnam par bzhag pa
yin la/ gzugs kyi phung po'o zhes pa'i skabs su gzugs kyi ngo bo
la kun btags pa'i tshul yang spyir

gzugs de gzugs kyi phung po yin par 'jog pa de nyid gzugs kyi
ngo bo'i sgo nas 'jog pas na gzugs kyi phung po'o zhes kun btags
pa de yang ngo bo'i sgo nas

kun btags par song la/ gzugs kyi skye ba yang gzugs kyi khyad
par la sbyor bas gzugs kyi skye pa'o zhes kun btags pa yang
gzugs kyi khyad par la kun btags

bar 'jog dgos pa ni bltos sa bltos 'jog gi sgo nas bzhag pa yin
no/ /de ltar ngo bo dang khyad par du kun btags pa'i btags tshul
de yang ming dang brdas

@040b btags pa'i btags tshul yin pas/ de blo yul du shar ba na
ming brda blo yul du shar ba la bltos pa yin no/ /de'i phyir
dgongs 'grel gyi dngos bstan gyi kun btags

gnyis ka yang ming brdas 'jog nus tsam gyis kun btags la 'jog
dgos par mtshungs so/ /des na/ ming dang brdas rnam par bzhag
tsam zhes pa'i tsam sgras

dngos su rang gi mtshan nyid kyis grub pa gcod cing/ de yang gzhi
gang la bltos nas gcod na ming dang tha snyad kyi gzhir gcod pas
gzugs de gzugs zhes pa'i ming dang/

brdas tha snyad btags pa'i gzhir rang gi mtshan nyid kyis grub pa
ni dgag bya'i kun btags yin pas de ni gong du ngo bo nyid med
tshul gyi skabs su rgyas par gtan la phab

zin to/ /yang ming dang brda'i tha snyad kyi gzhir ming brda la
bltos nas go dgos pa'i kun btags tha snyad du yon pa de ni kun
btags ngos 'dzin pa'i skabs kyi kun

btags de nyid yin pas tha snyad du yod cing rigs pas kyang 'gog
mi rigs so/ /de nyid mtshan gzhi gcig gi steng nas 'jog na gzugs
de gzugs zhes

@041a @#/ /pa'i sgra 'jug pa'i 'jug gzhi yin pa dang de nyid ming
dang brda'i yul yin pa tsam gyi cha de 'jog dgos shing/ de
'dra'i cha de gzugs kyi

ming la bltos nas brda 'brel byas pa'i dbang gis go bas/ de yang
rtsa ba'i rgyu ni mngon par brjod pa'i bag chags la goms pa'i
dbang gis go dgos pa

ni spyir kun btags thams cad la 'dra la/ 'dir ni de'i thog tu
ming brjod pa'i/ rgyu mtshan dang sbrel te 'jog dgos pas na ming
brjod pa'i lag rjes kyang gtso

che bas ming dang sbrel nas go dgos pa yin no/ /yang nam mkha'
dang spyi mtshan sogs ming brdas 'jog nus min pa'i kun btags
rnams kyang ming dang sbrel

nas go mi dgos shing ming brjod pa'i lag rjes dang ming brjod
pa'i rgyu mtshan gang yang tshang mi dgos so/ /'on kyang kun btags
thams cad la ni mngon par

brjod pa'i bag chags brtan pa dang goms pa'i dbang gis 'jog/
dgos pa yang mtshungs te/ de thams cad rang 'dzin rtogs pa'i sgro
btags yin pa'i

@041b rgyu mtshan gyis 'dra ba yin no/ /de'i phyir rang 'dzin
rtog pas sgro btags tshul yang nam mkha' la ni de 'dzin pa'i rtog
pas sgro 'dogs la/ des 'dogs tshul yang nam

mkha' nyid 'dzin pa na nam mkha'i ngo bo thun mong ma yin pa
sgra rtog gi yul las 'das pa gang yang mi 'dzin zhing/ nam mkha'
ngo bo rtog pa'i snang tshul dang rtog pa'i

'dzin tshul de'i dbang gis bzhag tsam/ rtog pa'i 'dzin tshul dang
thun mong du song ba'i tshod gang yin pa de nyid spyir nam mkha'
rang 'dzin rtog pa'i sgro btags su

'jog rgyu'i nam mkha' de yin la/ de rtog pas btags tsam du 'jog
pa yang de nyid rtog pa'i 'dzin tshul gyi dbang tsam du song ba
de las zur du kho rang gi grub tshul

dang yin tshul gzhan med pas na tsam sgra sbyar ba yin no/ tsam
sgra des kyang rang gi mtshan nyid kyis grub pa gcod pas de dang
rtog pas btags tsam gyi gzhi mthun

med pa yang des grub bo/ yang nam mkha' de kho rang 'dzin pa'i
rtog pas sgro btags pa'i don yang nam mkha' la rang gi mtshan
nyid kyis grub pa'i grub tshul lam

@042a @#/ /sdod tshul gang yang med par rtog pa kho rang gi snang
tshul dang 'dzin tshul kho na'i dbang du btang nas 'jog pa de la
sgro btags pa'i ming thob

cing/ de sgro btags par 'gro ba de yang bag chags snga ma'i
dbang gis 'gro ba yin gyi rang dbang gis 'gro ba ni ma yin no/
de'i phyir bag chags snga ma'i

dbang gis 'gro tshul yang mngon par brjod pa'i bag chags la goms
pa'i dbang gis ni rnam grangs du ma'i sgo nas sgro 'dogs par
byed la/ de yang

nam mkha' la nam mkha' 'o snyam du 'dzin pa'i rtog pa'i zhen
gzhir sgro 'dogs tshul sna tshogs byed cing nam mkha' nam mkha'
zhes pa'i ming brda'i

gzhir sgro 'dogs tshul sna tshogs kyang byed pas/ 'dogs tshul 'di
ni dgag bya'i/ sgro 'dogs tshul tsam dang mi 'dra bar sgro btags
pa'i don

tha snyad du yod pa rnams yin no/ /yang dgag bya'i sgro 'dogs
tshul ni/ nam mkha' nam mkha' 'dzin pa'i rtog pa'i zhen gzhir
rang gi mtshan nyid

@042b kyis ma grub bzhin du der grub par 'dzin pa nyid yin la/
de ni bdag lta'i bag chags goms pa'i dbang gis/ 'dzin cing/
'dzin tshul

de rnams ni mngon par brjod pa la goms pa'i bag chags dang bdag
lta'i bag chags gnyis kyi dbang gis rnam grangs du/ mar sgro
btags tshul rnams

yin pas nam mkha' 'dzin pa'i rtog pas nam mkha' 'dzin pa tsam la
ni 'dzin tshul de rnams med cing rigs mthun pa'i bag/ chags kyi
dbang gis 'dzin

pa yin pas/ nam mkha' nam mkhar 'dzin pa de ni don la gnas so/
/de ltar gnas pa na nam mkha' de rtog pas btags pa tsam du yang
grub dgos la/

de'i tshul ni gong du rtog pas btags tsam gyi don bshad pa de
nyid kun btags kyi steng du tshang la gzhan dbang dang yang grub
gnyis kyi steng du ni don de mi tshang ngo//

yang rtog pa'i 'dogs tshul de la kun btags kyi 'dogs tshul gnyis
po de dang/ zhen yul gyi 'jog tshul dang bcas pa gsum ni mngon
par brjod pa'i

@043a @#/ /bag chags dang bdag lta'i bag chags dang rigs mthun
pa'i bag chags gsum gyi dbang gis 'jog cing/ de ni dgongs 'grel

gyi dngos bstan gyi mtshan nyid gsum 'jog pa dang 'dra bas chos
thams cad kyi steng du 'jog dgos pas na/ rtog pas rnam grangs du
mar 'dogs pa yang

kun btags tshul dang 'dra bas gtso bo ni gzhan dbang gi steng du
'jog dgos so/ /de bzhag pas gzhan dbang rtog pas btags tsam du
mi 'gyur te/

rtog pas btags tsam gyi don gong du bshad pa de nyid gzhan dbang
la med pa'i phyir ro/ /des na/ 'di 'dra'i dka' gnas kyi tshul la
rgyu mtshan snga phyi

sbrel nas gtan la 'bebs tshul 'di yang blo'i ngang bsrings te yun
ring bsams na nges par gtan la 'bebs nus pas grogs mchog rnams
blo

sna ma thung bar bag phab ste shes bya'i gnas la blo gros kyi
'jug pa rgya cher 'phel bar mdzod cig /de bzhin du/ gzugs phung
la ji ltar sbyar ba ltar

@043b chos thams cad la sbyor tshul yang shes so/ /de'i phyir
legs bshad snying por/ de la tshig dang po gsum gyis ni kun btags
'dogs pa'i gzhi bstan

la de man chad kyis kun tu btags tshul ston te/ 'di gzugs phung
po zhes ngo bo dang gzugs phung skye'o zhes sogs su btags pa ni
bye brag gam khyad par du

btags tshul yin te/ zhes gsungs so/ /gzhan dbang ngos bzung ba
ni/ de yang dgongs 'grel las/ rnam par rtog pa'i spyod yul kun
btags pa'i

mtshan nyid kyi gnas 'du byed kyi mtshan ma gang lags pa de ni
gzhan gyi dbang gi mtshan nyid lags te/ zhes gsungs shing don ni
sngar ltar 'dral/ gzhan dbang

gdags gzhir 'gro tshul gsum yang gong du bshad zin cing/ de yang
mtshan nyid gsum ga khyad med du sbyar 'dug pa de ni gnad che
zhing mtshan nyid gsum

ga'i skabs su gdags gzhi ni gzhan dbang ma gtogs gzhan gnyis mi
'jog par bstan la/ de yang spyi ldog nas yin gyi mtshan gzhir
bkar nas

@044a @#/ /min pa yang 'dis shes nus so/ /de'i phyir spyi ldog
nas yin tshul yang gzhan dbang spyir gdags gzhir 'jog dgos shing/
de la ngo bo

dang khyad par gnyis kyi sgo nas kun btags pas na kun btags ni
de la btags pa'o/ /de ltar btags pa de'i gshis su gzhan dbang
grub na dgag bya

yin pas gzhan dbang des stong pa yongs grub tu 'jog dgos/ pas/
mtshan nyid gsum gyi spyi ldog nas gdags gzhi btags chos su 'jog

lugs ni de ltar yin la/ de'i dbang gis kun btags/ kun btags kyis
stong par bsgrubs kyang de'i stong pa yongs grub min zhing 'brel

yang mi chags so/ /de'i phyir gzhan dbang nyid/ gdags gzhir 'gro
tshul gsum gyi/ sgo nas 'gro dgos pa ni legs bshad snying por/

dang pos gang gis yul yin pa dang gnyis pas/ kun btags kyi gdags
gzhi dang gsum pas rang gi ngo bo bstan to/ zhes gsungs so/
/yongs grub

@044b ngos bzung ba ni/ dgongs 'grel las/ rnam par rtog pa'i
spyod yul kun btags pa'i mtshan nyid kyi gnas 'du byed kyi mtshan
ma de nyid/ kun btags

pa'i mtshan nyid der yongs su ma grub cing ngo bo nyid de kho
nas/ ngo bo nyid ma mchis pa nyid chos la bdag ma mchis pa/ de
bzhin nyid rnam par dag pa'i

dmigs pa gang lags pa de ni yongs su grub pa'i mtshan nyid lags
te/ zhes gsungs/ de'i don ni/ gzhan dbang gdags gzhir 'gro tshul
gsum

gyi sgo nas song ba gang yin pa de la kun tu btags tshul gsum
gyis kun btags pa ltar grub na gzhan dbang kun btags kyi gshis
su/ song bar

'jog dgos pas de ni dgag bya yin la/ gzhan dbang der ma grub pa/
/yongs grub tu 'jog cing/ de ni kun btags pa'i ngo bo'am mtshan

nyid der ma grub pas na de'i ngo bo nyid kyis med pa yang yin
no/ /de'i phyir yongs grub ni gzhan dbang dang yongs grub kyi
ngo bo nyid

@045a @#/ /dam de'i mtshan nyid kyis med pa'i rgyu mtshan gyis
yongs grub tu 'jog pa min par kun btags kho na'i ngo bo nyid ma
mchis pa nyid

chos la bdag ma mchis pa'i don dang yongs grub kyi don du yang
'jog dgos pas na/ kun btags kho na'i ngo bo nyid ma mchis pa
nyid ces sbyar ba

yin no/ /des na/ gzhan dbang kun btags kyis stong pa la dmigs
nas bsgoms pas sgrib pa dag par 'gyur ba bzhin du/ yongs grub
kun

btags kyis stong pa la dmigs nas bsgoms pas kyang sgrib pa dag
par 'gyur ba la ni khyad par med de/ de gnyis ka'i stong tshul
yang gdags gzhi

gzhan dbang gi steng du dgag bya'i kun btags kyis stong pa tsam
du 'jog par mtshungs pa'i phyir ro/ /de'i stong tshul yang sa
phyogs bum pas stong pa

ltar sa phyogs bum pa min pa'i rgyu mtshan gyis des stong par
'jog pa lta bu yang min la/ de bum pa las ngo bo tha dad du gyur
pa'i rgyu mtshan gyis don gzhan

@045b gyis stong tshul yang min te/ de ltar na yongs grub kyang/
gzhan dbang gis stong zhing/ de ltar stong pa'i stong pa bsgoms
pas sgrib pa zad par byed

dgos pa las de ltar byed pa yang min no/ yang ngo bo tha dad
pa'i stong tshul la sbyor na ni yongs grub kyang gzhan dbang dang
ngo bo gcig yin pas ngo bo tha dad

kyis stong par mi 'jog la/ de bzhin du kun btags kyis stong tshul
yang stong tshul de gnyis kyi dbang du byas pa min par ngo bo'i
stong tshul la byed pa yin

pas/ don du gzhan dbang kun btags kyi ngo bor grub pas stong pa
de yin no/ /de'i phyir legs bshad snying por/ mdo 'dis stong
tshul bstan pa

nges pa'i don du 'dod pa dang ngo bo nyid tha ma ngo bo nyid
dang po gnyis kyis stong pa yongs grub tu 'dod pa yang 'gal
ba'o/ /stong lugs kyang sa phyogs bum

pas stong pa ltar don gzhan du yod pa bkag pa min gyi gang zag
rdzas su med pa ltar gzhan dbang kun btags kyis ngo bor grub pas
stong pa yin no//

@046a @#/ /zhes gsungs la/ de'i stong tshul gyi dbang du byas pa'i
stong nyid de la ni kun btags dang gzhan dbang gnyis po gang gi
yang don ma

tshang bas de gnyis kyis yod pa yang min la yongs grub tu 'jog
pa'i don thams cad tshang bas na yongs grub kyis med pa yang ma
yin pa dang/ kun

rdzob kyi chos rnams dang gcig ma yin zhing de las don gzhan la
dam yin pa dang/ skye 'jig med pa dang/ 'phel 'grib med pa dang/
sems can gyi

dus na sgrib pas rnam par ma dag cing rang la dmigs nas bsgoms
pas shes sgrib dag par 'gyur pa dang lnga ste/ don dam bden pa'i
mtshan nyid lnga char

phang tshang ngo/ /de'i phyir mdo sde rgyan las/ /yod min med min
de bzhin min gzhan min/ /skye dang 'jig med 'bri bar mi 'gyur
te/ /'phel ba med cing rnam

par dag pa'ang med/ /rnam par dag 'gyur de ni don dam mtshan/
/zhes gsungs shing/ don dam bden pa blo yul du shar ba na lnga
po des mtshon

@046b par byed pas mtshan nyid kyi sgras bstan pa yang yin no/ de
ltar mtshan nyid gsum gyi ngo bo ngos 'dzin tshul shes par byas te
gzugs sogs chos

thams cad la mtshan nyid gsum gsum gyi/ 'jog tshul de ltar byas
nas 'jog cing/ 'jog tshul de la dgongs nas ngo bo nyid med pa

gsum gyi don yang ston pas ji ltar gsungs/ ba bzhin don dam yang
dag 'phags kyis ji ltar go ba ltar/ rang cag rnams kyis kyang go

dgos so/ /de ltar yang legs bshad snying por/ de dag ni sngar
'gal spong dris pa'i skabs su bshad pa'i gzugs phung nas lam gyi
yan lag

gi bar gyi re re la yang mtshan nyid/ gsum gsum gyi 'jog lugs
byas nas de la dgongs nas ston pas ngo bo nyid med pa gsum du
bshad

par bdag gis go'o/ zhes gsungs so/ /des na/ sems tsam pa'i skabs
'dir mtshan nyid gsum ga'i spyi'i yod tshul tsam ni

@047a @#/ /'dra ste/ rang gi ngo bo nyid kyi yod pa dang/ rnyed
don btsal nas rnyed pa dang btags don btsal nas 'jog pa ni
'dra'o/ /de yang rang

gis ngo bos grub pa'i grub tshad rang rgyud pa dang yang mi 'dra
ste/ des ni chos gang yang blo gnod med la snang ba'i dbang gis
bzhag tsam min pa'i sdod

tshul mi 'jog la/ 'dir ni de'i dbang gis bzhag tsam min pa'i sdod
lugs chos thams cad kyi steng du 'jog dgos pas/ skabs 'dir kun
btags

rtog pas btags tsam du 'jog tshul dang/ rang rgyud pas gzhi grub
na rtog pas btags tsam yin pas khyab ces 'jog pa'i skabs kyi
rtog pas

btags tsam gnyis ches mi 'dra ste/ sems tsam pas ni kun btags
kyang blo gnod med la snang ba'i dbang gis bzhag tsam min pa'i
don gyi sdod

tshul btsal nas 'jog pa gzhir bzhag ste de'i steng du rtog pas
btags tsam 'jog pas/ de'i don yang rtog pa'i snang tshul dang
'dzin tshul

@047b tsam dang thun mong du song ba tsam ma gtogs pa'i kho
rang
gi sdod tshul thun mong min pa med pa zhig la rtog pas btags tsam
gyi don 'jog pa'i skabs

kyi rtog pa'i snang tshul dang 'dzin tshul gnyis dang/ rang rgyud
pa'i skabs kyi blo gnod med la snang ba'i dbang tsam gyis bzhag
pa dang ches mi 'dra'o//

de'i phyir sems tsam pa'i skabs kyi rtog pas btags tsam dang
rang rgyud pa'i skabs kyi blo gnod med la snang ba'i dbang gis
bzhag tsam zhes pa'i

skabs kyi tsam sgra'i gcod tshul gnyis ches mi 'dra ba des kyang
shes so/ 7bzhi pa/ de dag gis grub pa'i don zhus tshul la mdo
'god pa dang/

de'i don cung zad bshad pa gnyis las/ dang po mdo 'god pa ni
dgongs 'grel las/ bcom ldan 'das kyis dang por yul wA ra NA
sir drang srong smra ba ri

dwags kyi nags su/ nyan thos kyi theg pa la yang dag par zhugs
pa rnams la 'phags pa'i bden pa bzhi'i rnam pa bstan pas chos
kyi 'khor lo

@048a @#/ /ngo mtshar rmad du byung ba zhes pa nas bcom ldan 'das
kyis chos kyi 'khor lo bskor ba 'di ni bla na ma mchis pa skabs
ma mchis pa nges

pa'i don lags te rtsod pa'i gzhi'i gnas su gyur ba ma lags so/
/zhes pa'i bar gsungs so/ 2gnyis pa/ mdo'i don cung zad bshad pa
la yang

mdo'i tshig don bshad pa dang/ drang nges kyi tshul bshad pa gnyis
las/ 2dang po mdo'i tshig don ni/ de yang 'khor lo dang po'i
skabs su/ de bskor ba'i gnas

yul wA ra NA si ni tshig dang pos bstan la/ ched du bya ba'i
gdul bya nyan thos kyi rigs can dang brjod bya 'phags pa'i bden
pa bzhi po ni tshig gnyis pas

bstan cing/ chos 'khor gyi ngo bo dang bsngags pa ni gsum pa
dang/ chos 'khor bskor tshul ni bzhi pas bstan to/ /de lta bu'i
chos kyi 'khor lo rab tu

bskor ba de la yang khyad chos bzhi'i khyad par dang ldan pa de
ni lnga pas bstan to/ /de bzhin du/ 'khor lo bar pa ni skor ba
po/ /bcom ldan 'das kyis bskor

@048b ba'i gnas bya rgod phung po'i rir brjod bya chos thams cad
ngo bo nyid ma mchis pa las brtsams te skye ba ma mchis pa/

sogs kyi sgo nas gdul bya theg pa chen po la yang dag par zhugs
pa rnams la bstan to/ /de yang stong pa nyid smos pa'i rnam pas
ches

ngo mtshar rmad du byung ba'i chos kyi 'khor lo bar pa bskor bar
mdzad pa yin la/ de la stong pa nyid smos pa'i rnam pa'i don la
'grel tshul mang yang

'grel chen las mi mngon pa'i rnam par bsgyur ba ltar stong nyid
dngos kyi bstan don ma yin par dgongs pa'i don du yod pa de yin
no/ der

yod pa de yang dngos su gsal por ma mdzad par mkhyud pa ste sbed
pa'i don du byed pas na/ don du dgongs pa'i don sbas pa la byed
do/ /de lta bu'i chos

kyi 'khor lo skor ba de yang bla na mchis pa ste 'di'i gong na
khyad par du 'phags pa'i nges don gyi mdo yod par bstan pa dang/
skabs mchis pa ni sgras

@049a @#/ /zin ltar las dgongs pa'i bstan don khyad par can gzhan
mchis pa dang/ stong nyid dngos su mi ston zhing bstan don sgra
ji bzhin du

khas blang du mi rung bas drang ba'i don dang/ nyan thos sde pa
sogs rgol ba gzhan gyis rtsod pa'i gnas su gyur pa dang bzhi ni
'khor lo dang po gnyis

la sbyor tshul gyi don 'dra zhing bshad tshul gyi khyad par cung
zad ni yod do/ /'di ni sde snod gsum shes pa'i mkhas pa wen tsheg
gis gsungs tshul dang

mthun pa yin no/ /'khor lo tha ma ni yul yang sa pa can du brjod
bya chos rnams kyi ngo bo nyid mchis pa nyid las brtsams te skye
ba ma mchis pa

sogs kyi sgo nas gdul bya theg pa thams cad la yang dag par
zhugs pa rnams la ngo bo nyid kyis med tshul dang bden par yod
med kyi khyad par legs

par phye nas bstan la/ de lta bu'i bstan tshul de ni 'khor lo
dang po gnyis las ches mchog tu gyur cing ngo mtshar rmad du
byung ba'i chos kyi 'khor lo

@049b gsum pa bskor bar mdzad pa yin no/ /'di ni bla na ma mchis
pa dang skabs ma mchis pa yang yin te/ 'di las mchog tu gyur pa
dang brjod bya ston

tshul gsal ba gzhan med pas na bla na ma mchis pa dang/ phyin
chad kyang 'di las mchog tu gyur pa'i skabs dang brjod bya'i don
der mi gnas pa'i

gzhan du gzhig pa'i skabs med pas na skabs ma mchis pa dang/ ngo
bo nyid gsum la bden par yod med kyi khyad par gsal bar bstan
cing bstan pa

ltar don gzhan du 'dren mi dgos pas na nges pa'i don te 'khor lo
gsum pa 'dir khyad chos de gsum ga tshang bas na rtsod pa smra
ba'i gzhi'i gnas min

pa yang yin no/ de'i phyir 'khor lo dang po gnyis kyi sgras zin
ltar bzhag pa la ni mkhas pa rnams kyis skyon brjod 'jug la gsum
bar de ltar mi 'jug

pas na rtsod pa med pa yin no/ /'on kyang 'khor lo phyi ma gnyis
brjod bya ngo bo nyid med pa las brtsams te ston par 'dra na'ang
ston tshul gyi khyad par

@050a @#/ /mi 'dra bas/ bar pa'i skabs su ngo bo nyid yod med
sngar ltar khyad par ma phye bas de nyid sgra ji bzhin du khas
blang du mi rung zhing/

gsum pa'i skabs su de 'dra'i khyad par legs par rnam par phye
nas gsungs pas na sgra ji bzhin du khas blang du rung ba yin no/
/de ltar rnam par phye

ste ched du gsung yul gyi gdul bya theg pa che chung gnyis ka'i
rigs can yod la/ 'khor lo dang po gnyis kyi gdul bya ni theg pa
che chung so sor nges

pa yin zhing/ de yang 'khor lo dang po'i gdul bya ni nyan thos
kyi rigs can dang gnyis pa'i gdul bya ni dbu ma pa 'jog go/
/de'i phyir legs bshad

snying por/ 'khor lo gsum pa la brjod bya gang las brtsams pa
bar pa dang 'dra zhing/ gdul bya ni theg pa thams cad la yang
dag par zhugs pa ste

snga ma gnyis ni theg pa che chung so so ba yin la 'di ni gnyis
ka'i dbang du byas pa'o/ /zhes gsungs la/ dgongs pa yang chos
thams cad ngo bo nyid

@050b med tshul las brtsams te gsungs par 'dra bas gcig go/ /'di
dag zhib pa legs bshad snying po dang/ de'i dgongs rgyan dang
bka' 'grel

bstan pa'i sgron me dang mtha' gcod sogs las shes par bya'o// 2
gnyis pa/ drang nges kyi tshul bshad pa ni/ de yang 'khor lo dang
po bden bzhi'i

chos 'khor dang/ gnyis pa mtshan nyid med pa'i chos 'khor dang/
gsum pa legs par rnam par phye ba'i chos 'khor gsum po de la
drang nges kyi rnam

gzhag 'byed dgos pa yin la/ de'i 'byed tshul yang brjod bya'i sgo
nas 'byed pa yin pas/ de yang 'khor lo dang pos mtshan nyid gsum
ga rang gi

mtshan nyid kyis grub par gsungs shing/ 'khor lo bar par mtshan
nyid gsum ga rang gi mtshan nyid kyis med par gsungs pa dang/
'khor lo gsum

par mtshan nyid gsum la rang gi mtshan nyid kyis yod med legs par
phye nas gsungs pa yin la/ de yang drang nges su 'jog tshul ni/
rang gi bstan

@051a @#/ /don sgra ji bzhin du khas blang du mi rung ba drang
don dang/ de ltar khas blang du rung ba nges don gyi dbang du
byas nas 'jog pa yin pas/

'khor lo dang po gnyis drang don gyi mdo dang/ 'khor lo tha ma
nges don gyi mdor 'jog dgos pa yin no/ de ltar 'jog pa de yang
mdo sde dgongs 'grel

la le'u bcu yod pa'i nang gi don dam yang dag 'phags kyi le'ur
mtshan nyid gsum la rang gi mtshan nyid kyis grub ma grub kyi
khyad par gsal par phye ste

'jog pa yin pas/ de yang 'khor lo dang por mtshan nyid gsum ga
rang gi mtshan nyid kyis grub par gsungs pa don la mi gnas pas
sgra ji bzhin du

khas blang du mi rung zhing/ bar bar de gsum ga rang gi mtshan
nyid kyis med par gsungs pa yang don la mi gnas pas sgra ji
bzhin du khas blang du mi

rung la/ tha mar kun btags rang gi mtshan nyid kyis ma grub pa
dang gzhan dbang dang yongs grub gnyis rang gi mtshan nyid kyis
grub par gsungs

@051b pas/ de ni don la gnas shing sgra ji bzhin du khas blang
du rung ba yang yin no/ /de'i phyir drang nges kyi khyad par
'byed pa 'di yang mdo sde la 'gal spong

gi dri lan gyi skabs su dri ba dang lan mdzad pa'i mdo sde rnams
la drang nges kyi khyad par phye ba yin gyi/ dus dang po dang
gnyis pa dang gsum par

gsungs pa'i mdo thams cad la drang des phye ba min la/ de yang
dus dang por yul wA ra NA sir lnga sde la sham thabs zlum por
bgo ba la bslab par

bya'o zhes pa la sogs pa'i bslab bya dang/ dus gnyis par gsungs
kyang ngo bo nyid med pa sogs las ma brtsams pa'i mdo sde rnams
kyang 'gal

spong dris pa ltar gyi dwogs pa med pas mdo 'di sa drang don du
ston mi dgos shing/ de bzhin du/ dus tha ma mya ngan las 'da'
khar 'dul ba mdor bsdus

gsungs pa rnams kyang mdo 'dis nges don du sgrub mi dgos pas de
gsum la 'khor lo gsum gyi tha snyad kyang mi 'thad do/ /yang bod
snga ma 'ga' zhig

@052a @#/ /chos nyid ma gtogs pa chos can thams cad blo 'khrul
pas rlom pa tsam yin pas rang gi ngo bos grub pa cung zad kyang
med pas yongs

grub gcig pu bden par grub kyi/ kun btags dang gzhan dbang gnyis
ka bden par ma grub par 'dod cing/ 'khor lo tha mas legs par
phye ba'i

don yang mtshan nyid gsum la bden par yod med kyi khyad par phye
ba'i don min gyi/ yongs grub gcig pu bden par grub pa'i bden mi
bden rnam

par phye ba'i don du 'dod pa dang/ gzhan dag phyogs snga 'dis
'dod pa ltar 'thad snyam nas drang nges 'byed tshul de sgra ji
bzhin pa min no/ /zhes

'gog par byed la/ 'dir ni de gnyis ka yang mi 'thad de/ legs
bshad snying por/ de gnyis kas kyang mdo 'dir mdo sde la 'gal
spong gi dri ba

byung lugs dang/ de la ston pas lan btab lugs dang de la brten
nas drang nges su bzhag lugs rnams la zhib tu ma brtags par
drang nges

@052b kyi rnam dbye byas pa'i skabs tsam zhig la rtsod par snang
ngo/ /zhes gsungs so/ /gnyis pa/ de'i don ji ltar bkral ba'i
tshul la slob

dpon thogs med kyis gtso bor dgongs 'grel la brten tshul dang/ de
la brten nas do kho na nyid gtan la phab pa'i tshul dang gnyis
so/ /dang po ni

bsdu pa las/ don dam pa mtshan nyid lnga dang ldan pa yang dgongs
'grel las 'byung ba bzhin shes par bya'o/ /zhes gsungs pa ltar/
'phags

pa thogs med kyis don dam bden pa mtshan nyid lnga ldan gyi sgo
nas gtan la 'bebs par mdzad pa de yang dgongs 'grel las 'byung
ba bzhin

gtan la 'bebs par mdzad pa yin la/ de bzhin du mtshan nyid gsum
gyi rnam bzhag dang ngo bo nyid med pa gsum gyi rnam bzhag dang
rnam shes

tshogs brgyad dang mthar thug gi theg pa'i rnam bzhag sogs dang
yongs grub gtan la 'bebs tshul gyi rim pa thams cad kyi skabs su/

@053a @#/ /gtso bor mdo sde dgongs 'grel gyi le'u rnams las ji
ltar 'byung ba bzhin khungs su 'dren par mdzad cing/ khyad par
byang sa dang bsdu ba

theg bsdus rnams las don dam gtan la 'bebs tshul dgongs 'grel gyi
don ltar rnam grangs du ma'i sgo nas gtan la 'bebs par mdzad pas
na/ slob

dpon 'dis mdo sde dgongs 'grel brten tshul ni de ltar ro/ des na
sems tsam pa'i skabs 'dir don dam gtan la 'bebs pa'i rim pa
rnams

ni mdo sde dgongs 'grel nyid rtsa bar mdzad dgos par gzigs te mi
pham byams pa mgon pos kyang mdo sde rgyan dang dbus mtha' la
sogs pa

dang de dag gi 'grel pa rnams su'ang mdo sde 'di'i don dang shin
tu mthun par mdzad pas na sems tsam pa'i thun mong min pa'i de
kho na nyid gtan la

'bebs pa na gtso bor mdo sde dgongs 'grel la brten dgos pa yin
no// /de la dgongs nas rje btsun/ btsong kha pa chen pos kyang/
de nas

@053b byang sa mdo sde'i rgyan gnyis po/ /legs par sbyar te tshul
bzhin rab 'bad pas/ /mi pham chos rje'i gzhung dang rjes 'brang
gi /gzhung

kun nyams su len pa'i gdams pa shar/ /zhes gsungs so/ /gnyis pa/
de la brten nas de kho na nyid gtan la phab pa'i tshul la/ mtha'

gnyis spong tshul spyir bstan pa dang/ sgro 'dogs kyi mtha' bye
brag tu dgag pa dang/ des gsung rab kyi drang nges 'byed pa'i
tshul dang gsum

yod la/ dang po la yang byang sa nas gsungs tshul dang/ bsdu ba
nas gsungs tshul dang/ de dag las gzhan pa'i gzhung nas gsungs
tshul dang

gsum yod do/ /dang po byang sa nas gsungs tshul ni/ sgro skur du
lta ba'i tshul dang/ de nyid 'gog pa'i tshul lo/ /dang po ni/
byang sa las/ ji ltar

yod cen yod pa ma yin pa la sgro btags pa'i legs par ma zin pa
spangs ba dang/ yang dag pa la skur pa btab pa'i legs par ma zin
pa

@054a @#/ /spangs pa yod de/ zhes gsungs/ de'i don ni sgro skur
du lta tshul ji ltar yod ce na/ zhes pa dri ba dang de'i lan ston
pa na/ yod pa ma

yin pa zhes sogs kyis lan mdzad la/ de yang gzugs la mtshon na/
gzugs de gzugs zhes pa'i tha snyad kyi gzhir rang gi mtshan nyid
kyis yod pa

ma yin pa la der rang gi mtshan nyid kyis yod ces nyan thos sde
pas sgro btags pa yin zhing/ legs par ma zin pa yang gzugs kyi
gnas tshod la

mi gnas par de las yar thal te sgro btags pa yin la/ yang dag pa
ni gzugs sogs kyi dngos po'i sdod tshul ji lta ba bzhin yin pas/
don du

gzugs rang gi mtshan nyid kyis grub pa de nyid la dbu ma thal
'gyur bas rang gi mtshan nyid kyis ma grub ces skur pa btab pa
yin no/ /legs par

ma zin pa ni gzugs kyi gnas tshod de las mar thal te gzugs rang
gi mtshan nyid kyis ma grub par song bas gzugs ni sgro skur gyi
mtha' de

@054b gnyis dang bral bas na spangs pa zhes sbyar ro/ /des na/
gzugs sogs kyi chos rnams thams cad sgro skur spangs pa'i tshul
gyis yod

par 'jog dgos te/ legs bshad snying por/ sgro skur spangs pa'i
tshul gyis yod do/ /zhes gsungs so/ /de lta bu'i sgro skur byed
tshul

rgyas par de ji lta bu zhe na/ yang de nyid las/ gzugs la sogs
pa'i chos rnams dang gzugs la sogs pa'i dngos po la 'dogs pa'i
tshig

gi ngo bo nyid kyi rang gi mtshan nyid yod pa ma yin pa la sgro
btags nas mngon par zhen pa gang yin pa dang/ zhes gsungs pa
'dis sgro ji ltar

'dogs pa'i tshul ni de yang gzugs la sogs pa'i chos rnams dang
zhes pa ni gzugs sogs chos thams cad dang/ gzugs la sogs

pa'i dngos po ni/ gzugs sogs gzhan dbang gi dngos po rnams la
byed cing/ de rnams gdags gzhir byas pa'i thog tu ngo bo dang
khyad par

@055a @#/ /gnyis gnyis kyi sgo nas kun btags 'dogs par byed la/
de ltar 'dogs pa'i tshul yang gzugs la ni 'di ni/

gzugs so 'di ni gzugs kyi skye ba'o zhes pa'i tshig dang/ nam
mkha' la yang 'di ni nam mkha' 'o 'di ni nam mkha'i ma skyes
pa'o/ /zhes pa'i/

tshig la brten nas 'dogs so/ /tshig de gnyis la brten nas 'dogs
pa'i tshul yang gzugs sogs chos de rnams la rang rang gi ming la

brten nas rang/ nyid go zhing/ de ltar go ba'i tshe na ming gis
btags pa'i don zhig /blo yul du 'char la/ de ltar 'char ba'i don
nam

ngo bo de ni ming gi tshig kyang min la ming gi /tshig des btags
pa'i ngo bo tsam yin pas/ de ni kun btags yin no/ /de yang gzugs

zhes pa'i ming la brten nas gzugs de go ba na de dang mnyam du
gzugs dang ming don sprel byed kyi gzugs kyi 'dra rnam gzugs
dang khyad

@055b med du 'char ba de nyid yin la/ de ni ming gi gzhir snang
tsam gyi kun btags yin pas de'i ngo bo nyid dam rang gi mtshan
nyid kyis gzugs sogs

chos gang yang yod pa min no/ /de yang gzugs la bkar nas tshig
gis btags pa'i ngo bo ngos 'dzin na gzugs zhes pa'i ming gi
gzhir/

snang ba'i gzugs kyi 'dra rnam de nyid ngos 'dzin dgos shing/ de
ni kun btags yin pas rang gi mtshan nyid kyi yod pa min la/ des
na gzugs

sogs kyi chos gang la de'i rang gi mtshan nyid yod pa/ min bzhin
du yod do/ /zhes zhen cing 'dzin pa ni sgro 'dogs yin no/ de
yang sgro

'dogs tshul de ltar/ yin na/ 'o na skur pa btab pa'i tshul de ji
lta bu zhe na/ de yang btags pa'i tshig gi mtshan ma'i gzhi zhes

sogs kyis skur ba 'debs pa'i gzhi de nyid bstan cing/ de yang
gdags gzhi gzhan dbang de nyid btags pa'i tshig gis mtshan ma'

@056a @#/ /gzhir 'gro lugs btags pa'i tshig gi mtshan ma'i rten du
byed tshul gyis shes par byed dgos pa yin la/ de yang gzugs

kyi steng nas shes par byed tshul ni thog mar gzugs la gzugs zhes
pa'i ming btags te ming gi mtshan ma bzhag pa na/ gzugs de de

'dra'i ming gi gzhir 'gro ba yin pas tshig gi mtshan ma'i gzhi
dang gzhi de'i rtsa ba'i rten du gzugs rang gi mtshan nyid kyis
grub pa de nyid

'jog dgos pas na/ gzugs de kun btags 'dogs pa'i gzhir gzhi dang
rten gnyis kyi sgo nas song ba yin no/ /de'i phyir gzugs

de rang gi mtshan nyid kyis grub pa'i tshul dang sbyar na brjod du
med pa'i bdag nyid du grub cing/ de ltar grub pa'i gzugs kyi
rang mtshan

brjod med de ni don dam par yod pa dang kun btags kyi mtshan ma
gnyis kyi gnyis snang dang bral ba'i yang dag pa dang/ de ltar
bral

@056b tshul yang gzhan dbang gi dngos po rnams ni kho rang gi ngo
bo shes pa la gtug dgos shing/ kho rang dang ngo bo gcig pa'i
shes pa de nyid de nyams

su myong ba'i rang rig gis 'jog pa yin la/ de'i rgyu mtshan gyis
rang mtshan brjod med kyi brjod du med pa dang/ don dam pa yod pa
dang yang

dag par yod pa rnams kyi don rang rig gi ngor yod tshul dang
sbyor dgos pas/ don du na gzhan dbang gi dngos po thams cad kyi
grub tshul

ji lta ba bzhin rang rig la snang ba ltar yin pas/ de ltar snang
ba ltar grub pa'i don de nyid rang gi mtshan nyid kyis grub/ pa'i
cha thams cad

kyi sgo nas rnam pa thams cad du med do/ zhes skur pa 'debs pa
des ni dngos po'i yod tshul dang yin tshul ji lta ba bzhin las
nyams te chud

zos par byas pa yin la/ sgro skur gnyis kyis dngos po'i gnas
tshong las nyams par byas pa gang yin pa 'dis ni/ lta ba gtan la
phab te

@057a @#/ /mthar 'dzin gyi 'ching ba las grol ba'i rgyud 'dul
lugs kyi rim pa thams cad las rab tu ste mchog tu nyams/ par
byas

pa yin no/ /de'i phyir chos gang yang ming gi gzhir rang gi
mtshan nyid kyis grub par sgro btags pa 'dis ni/ tshig tsam la
brten pa'i chags

sdang gi rtsa ba byed cing/ rnyed bkur snyan grags gang las
kyang mi 'da' bar byed pas 'di ni nges par sun 'byed dgos par
mthong nas ster

por 'bud pa yin no/ de ltar yang legs bshad snying por/ sgro
skur gnyis ka'i don mdor bsdus te bstan pa ni 'di ltar/ tshig gis
btags

pa'i ngo bo de nyid rang gi mtshan nyid kyis yod pa min pa la
de'i rang gi mtshan nyid yod do zhes zhen pa ni sgro 'dogs so/
/btags pa'i tshig gi mtshan

ma'i gzhi ni btags pa'i tshig gi mtshan ma'i rten zhes pas bshad
de kun btags kyi gdags gzhi'o/ /de nyid brjod du med pa'i tshul
gyis

@057b don dam par yod pa la thams cad kyi thams cad du med do
zhes 'dzin pa ni skur 'debs so/ /zhes gsungs so/ des na byang
sa'i dngos

bstan la tshig gis btags pa'i ngo bo de nyid rang gi mtshan nyid
kyis yod par 'dzin pa sgro 'dogs su gsungs pas na kun btags rang
gi

mtshan nyid kyis grub par 'dzin pa sgro 'dogs dang gzhan dbang
dang yongs grub gnyis rang gi mtshan nyid kyis med par 'dzin pa
skur 'debs su

bzhag pa la yang skyon med do/ yang btags pa'i tshig gi mtshan
ma'i gzhi dang rten gnyis ka dngos bstan gzhan dbang la sbyor
ba/ gtso bo yin na

'ang/ yongs grub la yang don gyis thob pas 'di'i skabs kyi brjod
du med pa'i don thob cing/ de yang brjod du med tshul/ blo gang
la bltos nas

brjod du med par 'jog na 'phags pa'i mnyam gzhag ye shes kyi
gzigs ngor 'jog pa yin no/ /de ltar yang byang sa las/ gzugs la
sogs

@058a @#/ /pa'i chos rnams kyi dngos po tsam la skur pa 'debs pa
la ni de kho na yang med la 'dogs pa yang med de/ de gnyis ka
yang mi rigs

so/ zhes gsungs/ de'i don ni gzugs sogs kyi dngos po ste ngo bo
tsam de nyid rang gi mtshan nyid kyis med ces skur pa 'debs pa
yin la

de ltar na gzugs kyang med dgos shing/ kho na dang yang gi sgras
gzugs sogs kyi ngo bo tsam du ma zad gzugs sogs su btags pa'i
kun

btags kyang med par 'gyur zhes skur pa 'debs pa yin no/ /'di'i
skur pa 'debs tshul yang gzugs sogs gzhan dbang dang yongs grub
kyi chos rnams tha snyad du med par/ 'dzin pa dang/ spyir med
par 'dzin pa tsam gyis mi chog gis/ de rnams rang gi mtshan nyid
kyis med

pa dang bden par med par 'dzin pa skur 'debs yin pas/ des na
gdags pa'i gzhi gzhan dbang dang der btags pa'i kun btags

@058b gnyis ka la yang skur pa 'debs pa mi rigs so zhes pa'i don
no/ /gnyis pa/ sgro skur de nyid 'gog pa'i tshul ni/ de yang sgra
'dogs

'gog tshul la sgro 'dogs kyi mtha' dang sgro 'dogs kyi ngo bo
gnyis ngos 'dzin dgos pa yin la/ de la sgro 'dogs kyi mtha' ni
gzugs sogs

chos thams cad kyang ngo bo dang khyad par gnyis kyi sgo nas
'dogs dgos shing/ de ltar btags pa'i gzhir rang gi mtshan nyid
kyis grub pa ni sgro

'dogs kyi mtha' dang/ der grub par 'dzin pa'i 'dzin pa ni sgro
'dogs kyi ngo bo yin pas sgro 'dogs ni yul can gyi shes pa dang/
sgro 'dogs

kyi mtha' ni yul can de'i 'dzin stangs kyi yul la 'jog go/ de'i
phyir sgro 'dogs spong tshul dang de'i mtha' 'gog tshul ni 'og tu
'chad par 'gyur

bas/ skur 'debs ni byang sa las/ 'di lta ste dper na gzugs la
sogs pa'i phung po rnams yod na gang zag gdags su rung/

@059a @#/ /gi med du zin na ni dngos po med pa la gang zag gdags
su med do/ /de bzhin du gzugs la sogs pa'i chos rnams kyi

dngos po tsam yod na gzugs la sogs pa'i chos 'dogs pa'i tshig nye
bar gdags su rung gi med du zin na dngos po med pa la gdags

pa'i tshig gis nye bar 'dogs pa med do/ /de la 'dogs pa'i gzhi
med du zin na ni gzhi med par 'gyur bas 'dogs pa yang med par
'gyur

ro/ zhes gsungs/ de'i don dpe'i skabs su gzugs sogs phung po
lnga la brten nas gang zag gdags su rung ba bzhin du/ gzugs

la sogs pa'i gzhan dbang gi dngos po rang gi mtshan nyid kyis yod
na ni de la ngo bo dang khyad par gnyis kyi sgo nas btags pa'i
kun btags

kyang yod par 'gyur gyi/ gdags gzhi'i dngos po rang gi mtshan
nyid kyis mid na gdags pa'i tshig gis nye bar 'dogs pa yang don
la mi

@059b gnas pas btags pa'i ngo bo tsam yang med par 'gyur ro/
/zhes pa ni dgongs 'grel gyi dngos bstan gyi dbang du byas nas
'dis bkral

ba yin no/ /yang de la zhes pa ni gdags gzhi btags chos sbyor
tshul de la spyir yang 'dogs pa'i gzhi med na de la btags pa'i
kun btags

kyang med par 'gyur dgos pa yang yod de/ kun btags mtshan gzhir
bkar nas de la ngo bo dang khyad par gnyis kyi sgo nas tshig gis

'dogs pa na gdags gzhi kun btags de med na de la btags pa'i kun
btags kyang med par 'gyur dgos pa ni dmigs bsal

lo/ de'i phyir gdags gzhi btags chos dngos bstan la sbyor tshul
'dis ni skur 'debs kyi mtha' de nyid/ bkag pa yin la/

dmigs bsal phud pa 'di yang dogs slong tsam ma gtogs gzhung gi
dngos zin gzhan dbang la sbyor dgos so/ /des na/ skur 'debs

@060a @#/ /kyi mtha' la gnas pa ni bsdu ba nas gsungs pa ltar
spyir theg pa chen po'i grub mtha' smra ba yin la/ khyad par
chos rnams

rang gi mtshan nyid kyis ma grub par 'dod pa'i ngo bo nyid med
par smra ba rnams gtso bo yin no/ don gyis ni rang rgyud pa
rnams kyang chos thams

cad bden par med par 'dod pas de'i sgo nas skur 'debs kyi mtha'
la gnas par ma zad/ rang gi mtshan nyid kyis grub pa khas len pa
'di

dang ming tsam 'dra yang don la ni khyad par che ste/ rang rgyud
pa'i rang gi mtshan nyid kyis grub pa'i grub tshad des ni 'di'i
lugs kyi yod go yang mi

chod do/ /des na 'di'i yugs la gzhan dbang gi skye 'gag kyang
don dam pa'i skye 'gag dang rang gi mtshan nyid kyis grub pa'i
skye 'gag yin

pas/ thal 'gyur bas kun rdzob tu skye 'gag yod par/ khas blangs
kyang 'di'i skur 'debs kyi mtha' las grol bar byed mi nus so/
/de bzhin

@060b du gzhan dbang gi rgyu 'bras rnams kyang gti mug bden
'dzin gyi 'khrul ngor rgyu 'bras yin gyi/ spyir rgyu 'bras su ma
grub ste/ dper na

thag pa la sbrul tu/ zhen pa'i 'khrul ngor thag pa sprul yin la
spyir thag pa sprul du grub ma myong ba dang 'dra zhes 'dod pa
de dag gis kyang

rang gi mtshan nyid kyis grub pa'i rgyu 'bras 'jog ma shes shing/
'khrul ngo'i rgyu 'bras tsam bzhag pas rgyu 'bras dngos kyi go
ma chod par

song bas na skur 'debs kyang spong mi nus so/ /yang dbu ma thal
'gyur bas/ chos thams cad btags yod ming rkyang tsam yin pa dang

de nyid chos rnams kyi yod tshul de kho na'i don du byed pa gnyis
sa/ yang mi rigs pas des ni chad lta'i gtso bor 'gyur bar byed
de/ byang

sa las/ de bas na gang zag kha cig shes par dka' ba'i mdo sde
theg pa chen po dang ldan pa zab mo stong pa nyid dang ldan pa
dgongs pa'i don

@061a @#/ /bstan pa dag thos nas bshad pa'i don yang dag pa ji
lta ba bzhin du ma shes nas tshul bzhin ma yin par rnam par
brtags te

rigs pa ma yin pas bskyed pa'i rtog pa tsam gyis 'di thams cad
ni btags pa tsam du zad de/ 'di ni de kho na yin no/ /su 'di
ltar lta ba de ni

yang dag par lta ba yin no/ /zhes de ltar lta zhing de skad
smra'o/ /de dag gi ltar na 'dogs pa'i gzhi'i dngos po tsam yang
med pas 'dogs pa

de nyid kyang thams cad kyi thams cad du med par 'gyur na gdags
pa tsam gyi de kho na lta yod par ga la 'gyur te/ de bas na rnam
grangs des na de

dag gis ni de kho na dang btags pa de gnyis ka la yang skur pa
btab par 'gyur te/ btags pa dang de kho na la/ skur pa btab pas
na med

par lta ba'i gtso bo yin par rig par bya'o/ /zhes gsungs/ de'i
don ni chad par lta ba gang yin pa'i gang zag /de dag la kha cig
ces

@061b smos nas de dag gis shes par dka' ba'i theg pa chen po'i
mdo sde zab mo stong pa nyid dgongs pa'i don du/ yod pa rnams
bstan

pa na de dag gis kyang bshad pa'i don yang dag pa ji lta ba
bzhin du ma shes par chos thams cad ni rtog pas btags tsam/ kho
na yin no zhes

tshul/ bzhin ma yin pa'i rnam par brtags te rigs pa ma yin pa de
lta bu smra bar byed la/ de ltar lta zhing de/ skad smra ba de
ni

rigs pa ma yin pa kho na ste/ de dag gi/ ltar na 'dogs pa'i
gzhi'i dngos po rang gi mtshan nyid kyis grub pa tsam yang/ med
par song

bas na/ de la 'dogs pa'i tshig nyid kyang rang gi ngo bo'am bden
par grub pa'i cha thams cad kyi sgo nas rnam pa thams cad du med
par song ba

des ni gdags gzhi btags chos thams cad la skur pa btab pas med
lta ba'i gtso bo yin par rig par bya'o zhes pa'i don no/ /de la

@062a @#/ /dgongs nas gang zag tu lta ba ni bla yi stong nyid la
log par zin pa ni de lta min no/ /zhes byang sar gsungs zhing/
de'i

don yang gang zag rang rkya thub pa'i rdzas yod kyis stong pa'i
lta ba gtan la 'bebs pa dang de'i bdag 'dzin spong pa tsam mi
dka' bas sla

la; chos kyi bdag med kyi dbang du byas pa'i stong pa yongs grub
gtan la 'bebs pa dang de'i bdag med sgom pa yang shin tu dka'
bas

na mdo sde dgongs 'grel dang byang sa sogs nas gang zag rang
rkya thub pa'i rdzas yod kyis stong pa'i stong pa dngos su gtan
la mi 'bebs

par; chos kyi bdag med kyi yongs grub gtso bor dngos su gtan la
'bebs par mdzad pa yin la/ de ltar gtan la phab

pa'i stong pa nyid la sgro skur gyis log par zin pa rnams ni
rnam par smin pa shin tu lci ba yin zhing/ de yang sgro 'dogs ni
shes bya'i

@062b gnas la rmongs pa tsam dang 'khor ba las mi 'da' bar byed
pas 'phral las phugs nyes par 'gyur tshab che ba ni/ /stong pa
nyid la

lta nyes na/ /shes rab chung rnams 'phung bar 'gyur/ /zhes
gsungs pa ltar yin la/ /skur 'debs kyis ni las 'bras med par lta
bas

na chos don du gnyer bar/ mi byed cing bslab pa'i gzhi las
g.yel bar byed la dmyal ba la sogs par 'khrid de sdug bsngal
rnam grangs

du ma myong bar byed pas rnam par smin pa ches lci ba yin te/
/med par lta ba tshe rabs phyi ma la/ /gnas pa de na mun nag
rlung grang ldang/ /

des ni rus pa'ang 'jig pa'i nad slong na/ /bdag la phan 'dod su
zhig de ru 'jug / /ces gsungs pa ltar sgro skur gnyis dang khyad
par skur

'debs las grol ba'i thabs la 'jug dgos so/ /'o na sgro skur gyi
mtha' de gnyis spangs pa'i dbu ma'i lam de gang yin snyam na/

@063a @#/ /de yang chos kyi bdag med kyi dbang du byas pa'i stong
pa yongs grub nyid yin/ zhing/ de ni rnam/ dam lam gyi dmigs

pa mthar thug gi gtso bo yang yin pas de nyid la lta dgos pa yin
no/ de'i phyir legs bshad snying por/ de ltar sgro 'dogs kyi
mtha' spangs

pas ni yod pa'i mtha' dang skur 'debs spangs pas med pa'i mtha'
spangs pas gnyis su med pas rab tu phye ba yang yin zhing 'di
'dra ba'i

stong nyid ni don dam pa'i mthar thug tu bshad de/ zhes gsungs
so/ /des na legs bshad snying por gang la gang med pa de ni zhes
sogs

gsungs pa ltar gzugs sogs kyi dngos po gang la yang ngo bo dang
khyad par gyi tshig gis btags pa'i ngo bo de'i sgo nas grub pa
gang yang

med cing/ gzugs sogs kyi dngos po rnams ngo bo dang khyad par
gyi tshig gis btags pa'i ngo bo des stong pa yongs grub tu 'jog
pa yin

@063b la; kun btags des/ stong ba'i lhag ma ni gdags gzhi dngos
po tsam dang 'dogs pa tsam yod par byang sar gsungs pa bzhin

'di'i snang stong tshogs pa'i sgyu ma 'jog na gzugs sogs chos
rnams kyi steng du 'jog dgos shing/ de yang gzugs sogs kyi chos
de

rnams gzugs sogs su/ grub kyang tshig gis btags pa'i ngo bo des
stong ba'i stong pa gnyis tshogs de nyid 'jog pa yin no/ /mtha'

gnyis spangs pa'i stong pa 'jog pa na gzugs sogs kyi dngos po
rnams de dag tu tshig gis btags pa'i ngo bos stong pa yin la/ des

stong pa na gdags gzhi tsam yang lhag mar ma lus par thams cad
stong pa ste med par song ba yin chad lta ba ltar song ba yin
pas de ni

rnam pa kun tu spang bar bya ba yin no/ /de'i phyir byang sar
yang dngos po snga ma gang yin pa dang/ dngos po med pa 'di
gnyis kyi yod pa dang/

@064a @#/ /med pa las rnam par grol ba'i zhes pa nas de ni dbu
ma'i lam mtha' gnyis spangs pa bla na med pa zhes bya ste/ zhes

pa'i bar gsungs so/ /'di'i dngos po/ /snga ma ni sgro 'dogs kyi
mtha' dang/ dngos po med pa ni skur 'debs kyi mtha' la byed pas

mtha' de gnyis las rnam par grol ba ni gnyis su med pa'i don yin
no/ /gnyis pa/ bsdu ba nas bshad pa'i tshul ya yang phyogs

snga ma dgod cing de'i don la dri lan bya ba dang/ lan btab pa'i
phyogs dgag pa gnyis/ dang po ni/ bsdu ba las/ theg pa chen po
la

rang gis nyes par bzung bas/ 'di skad ces kun rdzob tu ni/ chos
thams cad yod la/ don dam par/ ni thams cad med do zhes

zer ro/ /zhes gsungs/ de'i don ni theg pa chen po ba ni de'i
grub mtha' smra ba'i dbu ma thal rang gnyis ka 'jog ste/ de
gnyis kas

@064b chos thams cad bden par med cing kun rdzob tu yod par khas
len par 'dra pa yin no/ /de ltar kun rdzob tu yod tshul dang don
dam

par med tshul gyi khyad par ni/ de nyid las/ de la 'di skad ces
tshe dang ldan pa don dam pa ni gang yin kun rdzob ni gang yin
zhes

brjod par bya'o/ /de skad dris pa na gal te 'di skad ces chos
thams cad kyi ngo bo nyid med pa gang yin pa de ni don dam pa
yin la/

ngo bo nyid med pa'i chos de dag la ngo bo nyid du dmigs pa gang
yin pa de ni kun rdzob yin no/ /de ci'i phyir zhe na/ 'di ltar
de ni yod pa

ma yin pa dag la kun rdzob tu byed pa dang 'dogs pa dang mngon
par brjod pa dang tha snyad du byed pa'i phyir ro zhes lan 'debs
par gyur

na zhes gsungs/ de'i don ni/ dbu ma pa de la tshe dang ldan pa
zhes 'bod pa mdzad nas/ 'di skad ces dris pa na don dam pa ni/
rang gi

@065a @#/ /mtshan nyid kyis med pa dang/ kun rdzob ni/ gti mug
bden 'dzin gyi ngor bden kyang/ brdzun pa'i chos su grub pa 

de yin no/ /zhes ngos 'dzin la/ de yang yul kun rdzob pa'i dbang
du byas kyi/ yul can kun rdzob pa ni bden 'dzin 'di'o// de'i

zhen yul med pa yang dbu ma pas don dam du 'dod pa 'di la/ sems
tsam pas ci'i phyir zhes dris pa na/ dbu ma pas 'di

ltar de ni zhes lan btab cing/ de'i tshul yang rang gi ngo bos
yod pa ma yin pa dag la ni/ kun rdzob tu yod pa dang btags tsam

dang/ mngon par brjod pa tsam dang/ tha snyad tsam du yod pa yin
no/ zhes lan btab pa yin zhes pa'i don yin no/ de yang gti mug

bden 'dzin gyi ngor med pa la/ rang gi ngo bo nyid dam rang gi
mtshan nyid kyis grub pa'i kun rdzob tu yod par 'dod pa yang min
pas/

@065b 'di'i dngos zin gyi dbu ma pa ni ngo bo nyid med par smra
ba gtso bo yin pas de'i dbang du byas so/ /de ltar yang legs
bshad snying por/

ngo bo nyid med ces pa'i med rgyu'i ngo bo ni bden pa'i ngo bo
nyid la bya dgos pa'i phyir ro/ /zhes gsungs so/ /gnyis pa lan
btab pa'i

phyogs dgag pa la yang gnyis las/ gzhan gyi grub mtha' la 'gal
ba bstan pa dang/ rang gi grub mtha' la 'gal/ spong ba'o/ /

dang po ni bsdu ba las/ de la 'di skad ces brjod par bya ste/
ngo bo nyid du dmigs pa de mngon par brjod pa dang/ kun rdzob
kyi rgyu las

byung ba yin par 'dod dam/ 'on te mngon par brjod pa dang/ kun
rdzob tsam zhig yin par 'dod/ gal te mngon par brjod pa dang/

kun rdzob kyi rgyu las byung/ ba yin na ni/ des na mngon par
brjod pa dang kun rdzob kyi rgyu las byung ba yin pas yod pa ma

@066a @#/ /yin no/ /zhes byar mi rung ngo/ gal te mngon par brjod
pa dang/ kun rdzob tsam zhig yin na ni/ des na gzhi med

par mngon par brjod pa dang kun rdzob ces byar mi rung zhes
gsungs so/ /de'i don yang don dam par ngo bo nyid med pa la ngo
bo nyid

yod do snyam du 'dzin pa'i kun rdzob de nang gi mngon par brjod
pa dang/ kun rdzob tsam gyi rgyu las byung ba yin pas/ yod pa
min pa

mi 'thad cing/ don dam par yod pa min zhes 'jog pa yin la/ de
yang dbu ma pas don dam par ma grub ces 'dod pa yin gyi spyir

med par 'dod pa ma yin no/ /gnyis pa ltar na mngon par brjod pa
tsam du mi rung ste/ des mngon par brjod pa'i gzhi rang gi

mtshan nyid kyis med pas rtog pas btags pa tsam du 'gyur la/ des
na/ 'dogs pa'i gzhi rtog pas btags pa tsam du song

@066b na de la btags pa yang der 'gyur bas/ de ltar na gzhan
dbang med par 'gyur ba yin no zhes 'gal ba bstan to/ /yang don

dam pa'i ngos 'dzin 'gog pa yang de nyid las/ de la 'di skad ces
tshe dang ldan pa/ ci'i phyir na gang dmigs pa de med pa yin zhes
kyang

brjod par bya'o/ /de skad ces dris pa na gal te de 'di skad ces
phyin ci log gi dngos po yin pa'i phyir ro zhes lan 'debs par
gyur na/

de la 'di skad ces brjod par bya ste phyin ci log de yod par
'dod dam 'on te med par 'dod/ gal te yod na ni des na chos thams
cad kyi

ngo bo nyid med pa nyid ni don dam pa'o zhes byar mi rung ngo/
gal te med na ni des na phyin ci log gi dngos po yin pa'i phyir
gang dmigs

pa de ngo bo nyid med do zhes byar mi rung ngo/ zhes gsungs/
de'i don ni dbu ma pa la ci'i phyir zhes dris pa na chos gang la
rang gi mtshan nyid

@067a @#/ /kyis grub par dmigs pa de dmigs pa ltar rang gi mtshan
nyid kyis med do zhes brjod par byed cing/ de la sems

tsam pas rang gi mtshan/ nyid kyis grub pa dmigs bzhin du de med
ces smra ba mi rigs te/ de ltar dmigs pa'i tshad mas gnod pa'i

phyir zhes lan 'debs la/ yang dbu ma pas de ltar mi gnod de/ de
'dra'i blo de nyid log shes yin pas so zhes lan 'debs shing de
la

sems tsam pas 'di skad ces brjod de phyin ci log bden 'dzin de
yod dam med ces 'dri bar byed la/ gal te yod na ni chos thams

cad kyi ngo bo nyid med pa don dam pa yin zhes kyang byar mi
rung ste phyin ci log bden 'dzin des chos thams cad rang gi ngo
bos grub par dmigs

pa'i phyir/ gal te phyin ci log de sa dmigs pa ltar med na ni/
de log shes yin pa'i rgyu mtshan gyis des gang dmigs pa ltar med

@067b dgos pas de yang mi rigs so/ yang phyin ci log bden 'dzin
de rang gi mtshan nyid kyis yod na ni de'i zhen yul gyi dngos po
rang gi mtshan

nyid kyis ma grub pa mi rigs la/ de rang/ gi mtshan nyid kyis ma
grub na ni log shes yin pa'i rgyu mtshan gyis chos thams cad rang
gi mtshan

nyid kyis grub par dmigs kyang dmigs pa ltar rang gi mtshan nyid
kyis grub mi dgos so zhes/ dbu ma'i grub mtha' la 'gal ba bstan

nas bkag pa'o/ /des na don dam du yod med kyi brtag pa 'di la
kun btags dang yongs grub gnyis don dam par med cing tha snyad
du yod

pa la brtag pa byas te skyon bstan pa dang/ kun rdzob pa'i shes
pa dang 'khrul pa'i shes pa don dam par yod med la brtags nas
skyon bstan

pa gnyis las 'dir ni/ dang po'i dbang du byas pa'i skyon ma
bstan par/ gnyis pa'i dbang du byas pa'i skyon bstan pa yin la/
de yang

@068a @#/ /gzhan dbang don dam par yod med la gtso bor rtsod pa
yin pas gzhan dbang don dam par yod med kyi rtsa ba yang kun

rdzob pa'i shes pa dang 'khrul pa'i shes pa gnyis don dam par
yod med la thug pas na dre'i skyon/ gnyis pa ltar brjod pa yin
no//

de'i phyir legs bshad snying por/ de ltar na 'dir kun btags dang
yongs grub gnyis don dam par/ med cing tha snyad du yod pa

la skyon ma bstan par kun rdzob pa'i shes pa dang 'khrul pa'i
shes pa don dam par yod med la brtags nas/ skyon bstan pa ni/
gzhan

dbang don dam par med la kun rdzob tu yod pa bkag pa yin te/ 'di
nyid yongs grub kyi chos can dang kun btags/ kyi 'dogs pa po
dang/

gdags gzhi yin pas mkhas pa rnams gtso bor 'di nyid don dam par
yod med la rtsod pa yin no/ zhes gsungs so/ /de'i phyir

@068b gzhan dbang rang 'dzin rtog pa'i zhen gzhir rang gi mtshan
nyid kyis grub pa sgro 'dogs kyi mtha' dang de rang gi mtshan
nyid kyis ma grub

pa skur 'debs kyi mtha' yin pas de gnyis rnam par spangs pa'i
stong nyid 'jog tshul yang dgongs 'grel byang sa gnyis ka dang

mthun pa yin no/ /de ltar yang bsdu ba las/ de la gzhan gyi
dbang gi mtshan nyid dang/ zhes pa nas/ de ltar mtha' gnyis rnam
par

spangs pa'i tshul gyis de kho na'i don gyi/ tshul khong du chud
par bya'o/ /zhes pa'i bar gsungs so/ de bzhin du yongs

grub kyang rang gi mtshan nyid kyis grub tshul gzhan dbang dang
'dra la kun btags ni tha snyad du yod cing/ don dam par med

pa yin no/ /des na kun btags tha snyad du yod tshul ni/ bsdu ba
las/ mngon par rtogs pa de dag ming gang dang mngon par brjod

@069a @#/ /pa gang gis rnam par 'jog pa de'i ngo bo nyid yin par
brjod par bya'am/ 'on te de'i ngo bo nyid ma yin par brjod

par bya zhe na/ smras pa tha snyad la sa ni de'i ngo bo nyid yin
par brjod par bya'o/ /don dam par ni de'i ngo bo nyid ma yin par
brjod par

bya'o/ /zhes gsungs/ de'i don ni/ de yang gdags gzhi mngon par
rtogs pa sogs gzhan dbang gi dngos po de dag la so so'i ming

gang dang gang brjod pa dang ming don 'brel ba'i rtog pas mngon
par brjod pa gang byas pa de'i sgo nas rnam par 'jog la/ de'i
'jog

tshul yang/ gzugs 'jog pa na gzugs zhes pa'i ming la brten nas
'jog pa dang de'i don 'brel ba'i rtog pa la brten nas

'jog pa gnyis las/ de yang gzugs zhes pa'i ming la brten nas
gzugs de go ba na de ming gi gzhir song chod tsam ni ming gi tha

@069b snyad/ kyi dbang gis bzhag pa'i kun btags yin la/ de de'i
gzhir rang gi ngo bos grub pa ni dgag bya'i kun btags yin pas

de'i phyir gzugs sogs kyi chos rnams don dam par ni ming dang
rtog pa'i zhen gzhir gzugs kyi ngo bo nyid ma yin la/ ming dang
rtog

pa'i tha snyad las ni de'i ngo bo nyid du 'jog pa yin no/ /de
yang gzugs de gzugs zhes pa'i ming dang rtog pa'i zhen gzhir
ming

dang rtog pa la ma bltos par rang gi ngo bo nyid nas gzugs su ma
grub kyang de ming dang rtog pa la bltos nas de'i gzhir gzugs
kyi

ngo bo nyid du bzhag chog pa yin no/ /de'i phyir rje btsun chos
kyi rgyal mtshan dpal bzang pos kyang/ gzugs de gzugs 'dzin rtog

pa'i zhen gzhir gzugs yin pa dang de yang rtog pa la sbyar bas
chog gsungs pa rnams kyang 'di dag dang mthun pa yin no/ / yang
bsdu

@070a @#/ /las/ de la mngon par brjod pa la yongs su goms pa'i
ming la brten pa'i rnam par/ shes pa'i dmigs pa kun btags pa'i
ngo bo nyid gang yin pa de ni/ zhes gsungs/ de'i don yang ming
dang rtog pa'i zhen gzhir yod pa'i gzugs de gang la brten nas go
bar byed

na gzugs zhes pa'i ming la brten nas go bar byed la/ de yang
gang gi dbang gis rnam par shes pa'i dmigs par 'gyur na mngon
par brjod

pa la yongs su goms pa'i dbang gis yin la/ de'i dbang gis snang
ba'i gzugs de ni kun btags pa'i ngo bo nyid yin no/ /de ni ming

dang rtog pas btags pa'i yod pa yin gyi don dam pa'am rang gi
mtshan nyid kyis grub pa'i yod pa ni ma yin no/ /de ltar yang de
nyid las/

'di ltar de ni btags pa'i yod pa yin gyi don dam par yod pa ma
yin pa'i phyir ro/ /zhes gsungs shing/ spyir kun btags

@070b la ni yod med gnyis ka'i cha yod kyang rdzas su yod pa
dang don dam par yod pa ni mi srid pas btags yod dang tha snyad
du yod pa kho nar

nges so/ de'i phyir dgongs 'grel gyi 'grel chen kha cig dang
phyis kyi mkhas pa phal mo che rnams kyang mtshan nyid gsum la
spyir yod

med kyi khyad par bden par yod med kyi khyad par dang tha snyad
du yod med kyi khyad par sogs mi mthun pa mang du byung la/ de
dag thams cad

kyang dgongs 'grel byang sa bsdu ba sogs dang 'gal ba 'ba' zhig
tu snang ngo/ /de ltar yang legs bshad snying por/ /mdo sde
dgongs

'grel nges don yin par 'dod/ pa'i phyogs la spang du med pa'i
'gal bar shes par gyis shig /ces gsungs so/ /gnyis pa/ rang gi

grub mtha' la 'gal ba spang ba ni/ 'o na byang sa dang bsdu bar
gzhan dbang don dam par yod par/ gsungs kun dgongs 'grel

@071a @#/ /las ni de ltar ma gsungs pas/ de yang ji ltar 'phags
pa'i lam yan lag brgyad pa phan tshun mtshan nyid tha dad pa

yin pa de bzhin du/ gal te chos de dag gi de bzhin nyid don dam
pa chos bdag med pa yang mtshan nyid tha dad pa yin par gyur na
ni/ des na de

bzhin nyid don dam pa chos bdag med pa yang rgyu dang bcas pa
yin par 'gyur ro/ /rgyu las byung ba nyid yin na ni 'dus byas
yin par

'gyur ro/ /'dus byas yin na ni don dam par yin par mi 'gyur ro/
/zhes gsungs/ de'i don ni/ 'phags lam yan lag brgyad

phan tshun mtshan nyid tha dad pa ste ngo bo tha dad pa dang rdzas
tha dad pa yin pa de bzhin du de dag gi chos bdag med pa yang de
ltar tha dad du

gyur pa yin na chos bdag med pa de yang rgyu dang bcas pa rgyu
las byung ba 'dus byas yin par 'gyur dgos pa las de ltar 'gyur
ba yang mi

@071b rigs/ shing/ des na/ mdo sde dgongs 'grel gyis 'dus byas
la don dam mi rung bar gsungs pa dang/ de bzhin du

dbus mtha'/ rtsa 'grel mdo sde rgyan rnams kyang de dang mthun
zhing/ 'di rnams kyi dngos zin gyi don dam pa yang yongs grub

gcig pu la bya dgos te/ dbus mtha' las/ dam pa'i don ni gcig
pu'o/ /zhes dang/ de'i 'grel par yang/ don dam pa'i bden

pa ni yongs su grub pa'i ngo bo nyid gcig pur rig par bya'o/
zhes dang/ mdo sde rgyan las don dam mtshan nyid lnga ldan du
gsungs pa yang

yongs grub gcig pu'i dbang du byas pa yin la/ de'i dbang du byas
pa'i don dam la ni gzhan dbang mi 'jog go/ /yang bsdu bar rgyu
mtshan

dang rnam par rtog pa kun rdzob tu/ yod par gsungs kyang gzhan
dbang don/ dam par yod par gsungs la/ de yang rang gi mtshan nyid

@072a @#/ /kyis grub pa la don dam du byas pa'i don dam de yin
pas/ rnam dag lam gyi dmigs pa mthar thug la don dam du

byas pa de min no/ /bsdu ba yang dgongs 'grel dbus mtha' sogs
dang mi mthun pa'i skyon med cing/ de yang bsdu ba las/ rgyu

mtshan kun rdzob tu yod par brjod par bya'am/ don dam par yod par
brjod par bya zhe na/ smras pa/ kun rdzob tu yod par brjod par
bya'o/

zhes dang/ rnam par rtog pa kun rdzob tu yod par brjod par
bya'am don dam par yod par brjod par bya zhe na/ smras pa kun
rdzob tu yod

par brjod par bya'o/ /zhes gsungs so/ /'di'i don ni/ rgyu mtshan
kun rdzob tu 'jog tshul yang ming rgyu mtshan la mtshon na/ gzugs

la gzugs zhes pa'i ming btags te ming rgyu mtshan la brten nas
gzugs de go ba na ming la brten nas gzugs snang ba de dang gzugs
kyi gnas

@072b tshul gnyis mi mthun pa'i rdzun par song bas na ming rgyu
mtshan de skabs 'dir kun rdzob tu yod par 'jog pa'i tshul gcig ni
de ltar

yin la/ yang ming rgyu mtshan gyi mtshan ma des gzugs/ kyi rang
mtshan brjod med dngos su mthong ba la gnyis snang gi 'khrul pas
sgrib

par byed pa'i sgo nas kyang bzhag chog go/ de bzhin du/ rnam par
rtog pa kun rdzob tu yod pa yang de dang 'dra'o/ /des na/ ming
rgyu mtshan

ming dang rnam par rtog pa rtog pa yin pas gzhan dbang yin la/
de ni rang gi mtshan nyid kyis grub pa dang bden par grub par
'jog dgos

pa yang 'di'i grub pa'i mtha' yin no/ /des na/ spyir kun rdzob
dang don dam par yod par 'jog tshul gnyis las/ dang po kun rdzob
tu

yod par 'jog tshul ni tha snyad kyi dbang gis bzhag pa'i yod tshul
la byed cing/ de yang tha snyad du yod la don dam par med par
zhig

@073a @#/ /la 'jog pas na/ mtshan nyid gsum gyi nang nas kun btags
ni kun rdzob tsam du yod la/ gzhan dbang dang yongs

grub gnyis ni rang gi mtshan nyid kyis grub pas na don dam par
grub par 'jog dgos pa yin no/ /de'i phyir mdo las/ de yang 'jig

rten gyi tha snyad kyi dbang gis yin gyi don dam par ni ma yin
no/ zhes gsungs shing/ de yang 'jig rten gyi tha snyad ni ming
dang rtog

pa'i tha snyad yin la/ de'i dbang gis bzhag pa yang thal 'gyur
ba dang ches mi mthun no/ /legs bshad snying por yang/ 'di ni
dbu

ma pa dang rang gzhan gyi sde ba dngos por smra ba rnams don
dam
pa dang tha snyad du yod med rtsod pa'i gzhir gyur pa'o/ /zhes
gsungs so/ /

gzhan yang kun btags dang gzhan dbang gnyis gang gi sgo nas don
dam par grub ma grub kyi khyad par dang rdzas su grub ma grub
kyi khyad

@073b par dang/ shes pa gang gi dmigs par 'gyur tshul gyi khyad
par rnams gsal bar phye ba ni/ de yang bsdu ba las/ mngon par

brjod pa la yongs su goms pa'i ming la gnas pa'i rnam par shes
pa'i dmigs pa gzugs la sogs pa'i ming can gyi dngos po

gzugs la sogs pa'i bdag nyid gang gis yod pa de ni bdag nyid des
rdzas dang don dam pa gnyis kar yang med do/ /de lta bas na

gzugs la sogs pa'i ming can gyi chos de dag gi ngo bo nyid yod
pa ma yin pa las des kun btags pa gang yin pa de ni btags

pa las yod pa yin par rig par bya'o/ /mngon par brjod pa la
yongs su goms pa rnam par bsal ba'i ming can gyi rnam par shes

pa'i dmigs pa gzugs la sogs pa'i ming can gyi dngos po brjod du
mid pa'i bdag nyid gang gis yod pa de ni/ rdzas dang don

@074a @#/ /dam pa gnyis kar yang de bzhin du yod par rig par
bya'o/ /zhes gsungs/ de'i don ni/ gzugs la mtshon na ming la

gnas pa'i rnam par shes pa'i dmigs par byed tshul dang/ de'i rang
gi mtshan nyid kyis grub pa'i ngo bo rang rig la gtug tshul gnyis
yod

pa las/ rang rig la gtugs nas 'jog na rang mtshan brjod med 'jog
tshul du 'gro la/ 'dir ni gzugs 'dzin shes pa gzugs

zhes pa'i ming don 'brel ba'i rnam pa can du skyes pas de ni
mngon par brjod pa la/ yongs su goms pa'i dbang gis ming gi
gzhir

gzugs kyi rnam par skyes shing rnam pa de dang bcas te gzugs la
dmigs pas na rnam par shes pa'i dmigs pa gzugs zhes

sbyar ba yin la/ de yang gzugs kyi ming can gyi dngos po ni
mngon par brjod pa'i bag chags kyis bslad pa'i dbang gis

@074b gzugs zhes pa'i ming gi gzhir snang ba'i gzugs de yin
zhing/ de ni gzugs dngos gnas pa dang khyad med du snang yang
snang ba

tsam ma gtogs gzugs kyi bdag nyid de gzugs dngos gnas pa yin par
ni gang gi sgo nas kyang 'jog rgyu yod pa min no/ /de'i

phyir de ni gzugs dngos gnas pa'i rdzas kyi sgo nas kyang mi
'jog par ma zad/ de dang bdag nyid gcig pa'i/ rdzas kyi sgo nas
kyang

med pas gzugs dngos gnas pa'i bdag nyid gang gi sgo nas rdzas su
grub pa yang med cing don dam par grub pa yang med la/ de'i

phyir 'di'i rdzas su grub pa ni gzhan dbang dang don dam par
grub pa ni rang gi mtshan nyid kyis grub pa la byed pas de gnyis
kar yang med

do zhes sbyar zhing/ des na/ mngon par brjod pa la goms pa'i
dbang gis snang ba'i gzugs kyi ming can gyi gzugs de ni kun
btags

@075a @#/ /yin pas na gzugs min la/ de gzugs min kyang gzugs su
ming gis btags shing gzugs su rtog pa la snang ba tsam

yin pas de ni btags pa las yod par rig par bya'o/ /zhes sbyar
ro/ /'di'i dngos bstan gyi rnam par shes pa ni rtog pa gtso che
ba'i dbang

du byas kyi/ rtog med shes pa'i snang tshul ni stong 'thun dang
dgongs rgyan sogs su gsal ba las shes par bya'o/ /gzhan dbang ni

mngon par brjod pa la yongs su goms pa min pa'i rnam par shes
pa'i dmigs pa yin la/ de yang mtshan gzhi gcig gi steng nas

bzung na rtog pa dang bral zhing ma 'khrul ba'i rig pa rnams yin
zhing/ des gzugs sogs kyi chos rnams dmigs par byed pa'i tshe

mngon par brjod pa'i bag chags kyi dbang gis skyes pa'i ming gi
mtshan ma dang ming gi gzhir snang ba'i rnam pa des bar du ma
chod par

@075b gzugs sogs kyi dngos po'i rang mtshan ji lta ba bzhin la
dmigs par byed pas/ de'i dmigs yul gyi gzugs sogs kyi dngos

po de dag ni dngos po'i gnas tshod ltar yin la/ de yang mngon par
brjod pa'i bag chags kyis ma bslad pa'i gzugs sogs kyi ming

can gyi dngos po gang yin pa de ni de dag dang bdag nyid gcig
pa'i rang mtshan brjod du med pa de'i bdag nyid kyang yin la/ de
'dra'i

bdag nyid de ni rang rig mngon sum gyis 'grub pas 'di'i rtog pa
dang bral zhing ma 'khrul pa'i shes pa yang rang rig mngon sum

la gtso bor bya dgos pa yin no/ de ltar yang rang rig mngon sum
gyis gzugs la dmigs pa min kyang de dang bdag nyid gcig pa'i

shes pa la dmigs pa yin pas/ chos thams cad sems kyi bdag nyid
tsam du grub pa rang rig mngon sum la gtso bor brten

@076a @#/ /nas sgrub dgos pa 'di'i gzhung rnams su gsal ba ltar
ro/ /des na/ mngon par brjod pa'i bag chags kyis ma bslad

pa'i gzugs sogs kyi ming can gyi dngos po de ni gzugs sogs kyi
bdag nyid du grub pas/ de'i sgo nas gzugs sogs kyi dngos po

de rnams rdzas dang don dam pa gnyis kar yod par rig par bya'o
zhes sbyar ba yin no/ /de bzhin du/ gzhan dbang yang spyi ldog
nas rdzas

btags gnyis kyi nang nas rdzas yod dang kun btags ni btags yod
yin pas/ de'i dbang du byas na gzhan dbang de rdzas yod dang

don dam pa gnyis kar yod cing/ kun btags kyang btags yod yin pa
dang don dam par med pa gnyis kar bzhag chog pa dgongs

rgyan dang mthun no/ /de yang rdzas btags kyi khyad par 'byed
tshul ni/ bsdu ba las/ gang ci yang rung ste de las gzhan pa dag
la mi ltos

@076b shing/ de las gzhan pa dag la mi brten par/ rang gi mtshan
nyid 'dogs par byed pa de ni mdor na rdzas su yod pa yin par rig
par

bya'o/ /gang ci yang rung ste de las gzhan pa/ dag la bltos
shing de las gzhan pa dag la brten nas rang gi mtshan nyid 'dogs
par

byed pa de ni mdor na btags pa'i yod pa yin par rig par bya'i/
/zhes gsungs/ de'i don ni/ chos gang la yang rang gi ngo bo yin
pa'i

tshul gyis 'jog pa na de las gzhan pa'i chos zhig la bltos nas
'jog dgos pa dang de las gzhan pa'i chos zhig la brten nas rang
gi ngo bo gi

'jog rgyu yod pa gnyis yod la/ de yang gang zag phung po la
brten nas btags pa'i btags yod ni phung po kho na la brten nas
btags

shing/ phung po'i rang bzhin can dang phung po'i ngo bo kho na
la btags pa tsam yin pas/ de'i tsam sgras ni dngos su phung po
las don

@077a @#/ /gzhan yin pa gcod la zhugs la phung po las don gzhan
la bltos pa dang brten pa yang gcod pas na/ gang zag phung po

la brten nas btags pa'i btags yod ni cha la btags pa'i btags yod
dang cung mi 'dra'o/ /de yang gang zag de phung po la brten nas

btags pa'i btags yod du 'gro tshul ni/ phung po de gang zag 'dogs
pa'i gdags gzhi yin la gdags gzhi phung po de ni gang zag min

pa'i rgyu mtshan gyis gang zag las gzhan yin par 'jog la/ de la
bltos pa dang brten pa'i dbang kho nas gang zag dang sems can

du btags pa tsam ma gtogs/ phung po'i rdzas las zur du gang zag
gam sems can gyi rdzas phra mo yang 'jog rgyu med pas gang zag

dang sems can ni phung po dang rdzas gcig yin no/ de yang gang
zag phung po la brten nas btags pa tsam gyi btags yod ni gdags
gzhi

@077b gzhan la brten nas/ btags pa'i btags yod yin pas/ gdags
gzhi btags chos gnyis ngo bo gcig pa dgos shing/

de'i dbang gis gzhan la mi ltos pa dang gzhan la mi rten pa yang
ngo bo gzhan la mi byed kyi kho rang min pa la byed dgos par
grub bo/ /de yang

cha la btags pa'i btags yod dang cung mi 'dra ba ni bum pa la
mtshon na cha dang cha can gnyis kyi sgo nas 'jog pa yin la/ des
na bum

pa ni cha shas can dang yan lag can yin la/ de'i cha shas rnams
ni yan lag dang cha shas yin pas de la brten nas bum pa de btags

pa na cha shas re re dang yan lag re re ba gang yang bum pa yin/
par 'jog rgyu med pa'i rgyu mtshan gyis la btags pa tsam gyi
btags

yod du 'jog la/ de'i tsam sgras ni cha shas dang yan lag rnams
cha can dang yan lag can bum pa yin pa de gcod cing/ gang zag
phung po

@078a @#/ /la brten nas btags pa tsam gyi btags yod ni phung po'i
nang nas gang zag yin pa bzhag tu mi rung ba min la

de'i sgo nas kyang mi 'dra zhing yan lag dang yan lag can gyi
tha snyad byed mi byed kyi sgo nas kyang mi 'dra'o/ /de bzhin
du/ kun

gzhi'i steng gi bag chags ni/ chos gzhan bzung ba la bltos nas
bzung dgos pa'i btags yod yin la/ de yang kun gzhi

bzung ba la brten nas de'i bag chags bzung dgos pa'i rgyu mtshan
gyis de ltar bzhag go /de'i phyir gdags gzhi gzhan la

btags pa'i btags yod dang/ cha la btags pa'i btags yod dang/
chos gzhan bzung ba la bltos nas bzung dgos

pa'i btags yod rnams ni nang phan tshun la 'jog tshul cung zad mi
'dra yang de rnams dang rang gi mtshan nyid kyis grub pa'i gzhi

@078b mthun yod la/ rtog pas btags pa'i btags yod ni de gsum gyi
'jog tshul dang gtan nas mi 'dra zhing de dang rang gi

mtshan nyid kyis grub pa'i gzhi mthun yod pa yang ma yin no/ yang
rdzas yod kyi 'jog tshul spyir ming gi rnam grangs kyis

'byed na/ brtan pa'i rdzas yod/ rigs pas grub pa'i rdzas yod/
don byed nus pa'i rdzas yod/ rang rkya thub pa'i rdzas

yod dang bzhi yod la/ de ni sgras brjod rigs kyi dbang du byas
pa yin gyi rdzas yod dang rang rkya thub pa'i rdzas yod don gcig

tu 'jog pa tshad ma'i gzhung dang mthun no/ des na/ rdzas btags
gnyis kyi nang gi rdzas yod ni rang rkya thub pa'i rdzas yong

la byed cing/ de'i rang rkya thub tshul yang kho rang gi ngo bo
yin pa'i tshul gyis 'jog pa na kho rang ma yin pa'i chos gzhan la
bltos

@079a @#/ /mi dgos ba dang brten mi dgos par kho rang gi ngo
gdong nas ngos bzung chog pa rnams yin la/ de yang shes

pa dang gzugs lta bu 'jog pa yin pas zhib pa lam rim sgo 'byed
kyi lta khrid du gsal lo/ /'jog tshul gnyis pa'i don

dam 'jog tshul ni/ dbus mtha' khas/ don dang thob dang sgrub pa
ni/ /don dam rnam pa gsum du 'dod/ /ces gsungs

pa ltar/ don don dam pa/ thob pa don dam pa/ sgrub pa don dam pa
gsum du 'byed pa ni sgras brjod rigs kyi sgo nas phye ba yin la/
de yang nyams su len tshul gyi rim pa dang sbyar na don don dam
pa ni stong nyid dang son gcig yin pas/ thog mar

de nyid gtan la 'bebs dgos pa yin la/ de nas de la gsal snang
chung 'bring che gsum gyi sgo nas rim gyis gsal snang bton

@079b te gsal snang rdzogs pa na sgrub pa don dam thob cing/ de
ni stong nyid mngon sum du rtogs pa'i ye shes gtso bo yin no/
/ye shes

de nyid bsgom pa bsrings pa'i lag rjes las thob pa don dam thob
cing de ni gtso bo myang 'das yin pas/ de yang don dam bden pa

ni 'phags pa'i mnyam bzhag ye shes kyi rnyed don yin pas snang
tshul dang gnas tshul mthun pa'i don dam pa yin la/ de 'dra'i

don dam de la chos kyi bdag med kyi dbang du byas pa'i yongs
grub dang gang zag gi bdag med kyi dbang du byas pa'i yongs

grub gnyis yod pa yang rje btsun pa dang mthun par byas pa yin
no/ /'o na/ dbus mtha' las/ /rnam dag spyod yul rnam

gnyis te/ /gcig pu kho nar brjod pa yin/ /zhes dang/ de'i 'grel
par yang/ yongs su grub pa'i ngo bo nyid du brjod do/ /

@080a @#/ /ngo bo nyid gzhan ni rnam par dag pa'i le shes rnam pa
gnyis kyi yul ma yin no/ /zhes gsungs pa ltar yongs grub

rnam pa gnyis kyi yul can ye shes rnam pa gnyis ni chos kyi bdag
med dang gang zag gi bdag med rtogs pa'i ye shes gnyis la byas

nas de gnyis kyi yul du ngo bo nyid gsum gyi nang nas ngo bo
nyid gzhan gnyis mi 'jog par yongs grub gcig pu ye shes de

gnyis kyi yul du 'jog dgos shing/ ye shes gnyis ni sgrib pa
gnyis dag par byed pa'i ye shes yin par yang 'jog dgos la/

de ltar bzhag na sems tsam pa'i lugs 'dir ye shes de gnyis ni
rang rig tu yang bzhed pas na/ ye shes de gnyis kyang rnam

par dag pa'i spyod yul du 'gyur ro snyam pa'i dogs pa skyes
shing/ de'i skye tshul yang chos kyi bdag med rtogs pa'i ye shes

@080b ni gang la bltos nas 'jog na/ gzugs de gzugs 'dzin rtog
pa'i zhen gzhir rang gi mtshan nyid kyis grub pas stong ba

dang/ de phyi rol don gyis stong pa gnyis kyi sgo nas 'jog dgos
la/ de'i 'jog tshul yang gzugs kyi steng gi chos kyi bdag

med rtogs pa'i ye shes des gzugs tha snyad kyi gzhir rang gi
mtshan nyid kyis grub pa bkag nas sems kyi bdag nyid du nges pa

dang/ gzugs phyi rol don du grub pa bkag nas sems kyi bdag nyid
du nges pa dang/ de 'dra'i nges pa gnyis la brten nas

gzugs kyi steng gi chos kyi bdag med mngon sum du na ma rtogs pa
na/ ye shes de la gzung 'dzin gyi gnyis snang 'khrul pa

thams cad gtan nas log ste sems kyi gsal rig tsam gyi nges pa
byung zhing/ de ltar byung ba la brten nas ye shes de nyid

@081a @#//nang shes pa myong ba'i bdag nyid tsam du skyes 'dug
pas/ sems tsam pa'i skabs 'dir de rang rig tu 'jog dgos

sam snyam pa'i dogs pa skyes la gzhan dag la ni rang rig tu 'jog
pa yang mang ngo/ /des na/ rang lugs la ni ye shes de gnyis

rang rig tu mi 'dod cing kho rang gis kho rang myong ba dang
rtogs pa la yig cha'i 'jog tshul mi mthun pa mang du yod par shes
par bya'o//

de'i phyir yul gang la bltos nas de kho na nyid kyi don rtogs
pa'i yul de la ni yongs grub gcig pu 'jog dgos shing/ ye shes

ni der 'jog pa'i don med la de ni yul don dam pa de'i yul can du
'jog pa dbus mtha' rtsa 'grel gyi dgongs pa yin no//

de ltar yang legs bshad snying por/ lugs 'dis ye shes de rang
rig tu bzhed pas ye shes kyang yul du 'gyur ro snyam na/

@081b yul gang la bltos na de kho na nyid kyis don rtogs pa'i
yul de la dgongs pas skyon med do/ /zhes gsungs so/ /des na/

de 'dra ba'i ye shes de gnyis kyang yul don dam pa yongs grub de
min kyang/ yul can don dam pa yin cing/ de'i don dam pa

yang rang gi mtshan nyid kyis grub pa'i don dam pa de yin no/
/de'i phyir ye shes snying po kun las btus las/ /gzung dang

'dzin pa las grol ba'i/ /rnam shes dam pa'i don du yod/ /blo
mtsho'i pha rol phyin po yi/ /rnal 'byor spyod pa'i gzhung du

grags/ /zhes gsungs/ de'i don ni/ gzung ba phyi rol gyi don du
snang ba'i gnyis snang dang 'dzin pa tha snyad kyi gzhir

rang gi mtshan nyid kyis grub par snang ba'i gnyis snang gis ma
bslad pa'i rnam par shes pa ni chos kyi bdag med mngon

@082a @#/ /sum du rtogs pa'i ye shes de nyid yin la/ de ni snang
tshul dang gnas tshul mthun pa'i dam pa dang rang gi mtshan

nyid kyis grub pa'i don dam du yang yod pa yin zhing/ de 'dra'i
blo de ni 'khor ba'i rgya mtsho'i pha rol tu bgrod pa'i thabs
mchog tu

gyur pa yin pas/ de la pha rol tu phyin pa'i ming yang thob pa
ni rnal 'byor spyod pa ste sems tsam pa'i gzhung du grags zhes

don yin no/ /'di'i don dam pa yang rang gi mtshan nyid kyis grub
pa'i don dam la byed dgos pa yang/ legs bshad snying por/

don dam par yod tshul snga ma la dgongs so/ /zhes gsungs shing/
rnal 'byor spyod/ pa dang dbu ma pa rnams gzhan

dbang yod med la rtsod pa yang don dam par yod med la rtsod pa
yin pas/ des na/ rang gi mtshan nyid kyis grub pa'i don

@082b dam dang rnam dag lam gyi dmigs pa mthar thug la don dam
du byas pa gnyis kyi khyad par legs par phyed pa yang gnad kyi
rtsa ba

yin no/ /de bzhin du dbu ma pa gnyis kyi don dam pa'i rnam gzhag
zhi yongs grub gcig pu'i dbang du byas pa'i don dam la byed

pas/ slob dpon sku mched kyi gzhung du yang de'i dbang du byas
pa mang ba ni/ legs bshad snying por/ slob dpon sku mched

kyi gzhung du ni don dam pa'i rnam gzhag phyi mi'i phyogs la
brten pa mang du 'byung ngo/ /zhes gsungs so/ /yang kun btags

dang gzhan dbang gzhi sa kun rdzob tu yod/ pa'i tshul yang/ bsdu
ba las/ rgyu mtshan dang rnam rtog kun rdzob tu yod pa'i rgyu

mtshan du kun nas nyon mongs pa kun nas slong ba'i phyir dang
gdags pa'i gzhi yin pa'i phyir zhes gsungs/ de'i don ni de yang

@083a @#/ /rgyu mtshan la brten nas kun nas nyon mongs slong tshul
ni/ gzugs la yang gzugs zhes pa'i ming la brten nas

gzugs de go ba na gzugs de ming gi tha snyad kyi gzhir ming rgyu
mtshan gyi dbang gis rang gi mtshan nyid kyis grub par snang zhing

gnyis snang 'khrul pa thams cad kun nas slong ba'i rgyu mtshan
gyis kun rdzob tu 'jog pa dang/ rnam rtog kun rdzob tu 'jog tshul

ni gdags pa'i gzhi yin pa'i rgyu mtshan gyis der song la/ de'i
'gro tshul yang gzugs la gzugs so snyam pa'i rtog pa skyes pa

na/ de 'dra'i rtog pa de nyid ming dang tha snyad kyi dbang gis
skyes pas/ de'i snang ngor gzugs kyi ngo bo nyid du 'char zhing/
de yang

gzugs de ming brdas btags pa'i tha snyad 'dogs pa'i mtshan ma'i
gzhir yang snang bas na/ snang tshul de gnyis kyi sgo nas

@083b de 'dra'i rtog pa de tha snyad du yod pa zhes brjod do/
/rgyu mtshan kun rdzob tu yod tshul yang/ dgongs 'grel las/ rnam
par dag

pa'i dmigs pa la don dam du bshad pa'i zlas drangs pa na gang la
dmigs pas kun nas nyon mongs kun nas slong ba'i don gyis kun

rdzob tu yod par bzhag ste kun las btus dang mthun no/ /zhes
dgongs 'grel khungs su mdzad de legs bshad snying por

gsungs so/ /rnam rtog kun rdzob tu yod tshul yang de nyid las/
gnyis pa ni ming dang brda'i tha snyad kyis btags pa'i ngo bo
nyid

dang tha snyad 'dogs pa'i mtshan ma'i gzhir gyur pas tha snyad du
yod pa zhes bya'o/ /zhes gsungs so/ /de la rgyu mtshan ni spyir

mngon par brjod pa'i tshig gi gnas su gyur pa'i dngos po la 'jog
par gsungs shing/ khyad par ming rgyu mtshan ni ming dang

@084a @#/ /rgyu mtshan gnyis ka yin pas mngon par brjod pa'i tshig
gi gnas su gyur pa'i dngos po yang yin la/ ming yang

yin no/ /de ltar yang bsdu ba las/ /rgyu mtshan gang yin pa de
ming yang yin la/ ming gang yin pa de yang rgyu mtshan yin

nam zhe na/ re shig ming gang yin pa de ni rgyu mtshan yin no/
/rgyu mtshan yin la ming ma yin pa yang yod de/ ming rgyu mtshan
ma

gtogs pa de las gzhan pa'i rgyu mtshan bzhi po dag go/ /lhag ma
rnams kyang/ de bzhin du ci rigs par rig par bya'o/ /

zhes gsungs shing/ skabs 'di'i bden gnyis kyi 'jog tshul yang
'jig rten pa'i shes pa 'khrul pa'i yul dang 'jig rten

las 'das pa'i ma 'khrul pa'i shes ba'i yul du 'gro tshul gyi sgo
nas 'jog la/ de'i 'jog tshul yang rnams bshad rigs pa

@084b las/ 'jig rten pa'i shes pa 'khrul pa'i yul dang 'jig rten
las 'das pa'i shes pa'i yul la dgongs nas bden pa

gnyis po kun rdzob kyi bden pa dang don dam pa'i bden pa gsungs
so/ /brjod pa ni kun rdzob yin pas des khong du chud par

bya ba'i bden pa ni kun rdzob kyi bden pa yin te gang la brjod
pa 'jug pa ste/ dper na/ rkang pa gnyis kyis brgal bar bya ba'i

'bab stegs la rkang pa'i 'bab stegs zhes bya ba dang/ ko grus
bsgal bar bya ba'i 'bab stegs la ko gru'i 'bab stegs

zhes bya ba lta bu'o/ zhes gsungs/ de'i don ni kun rdzob kyi
bden pa zhes pa'i skabs kyi kun rdzob dang gang gi ngor bden
pa'i bden

tshul gnyis ngos 'dzin dgos pa yin la/ de yang kun rdzob ni ming
don 'dres nas 'dzin pa'i 'jig rten pa'i shes pa gnyis snang

@085a @#/ /can rnams la 'jog cing/ de yang kun rdzob tu yod tshul
ni rgyu mtshan snga ma gnyis dang/ 'dra la de'i ngor

bden tshul ni/ de yang gzugs 'dzin rtog pa des gzugs kyi ming
dang sbrel nas gzugs 'dzin stangs su byed pa yin la de'i tshe

snang ngor gzugs de ming don 'brel ba'i mtshan ma la brten nas
dngos su shar ba'i gzugs de dang gzugs dngos gnas pa gnyis

snang ngor gcig tu 'dres nas snang bas na de'i dbang du byas
pa'i snang ngo'i brdzun pa dang/ de ltar snang ngor brdzun kyang
gzugs

de 'dzin stangs sam nges ngor byed pa tshe ni gzugs gzugs yin pa
don la gnas pa ltar 'dzin pas na bden pa yin no/ /de'i

phyir blo gcig la sbyar na kun rdzob dang bden pa'i 'jog tshul ni
de ltar yin pas/ don du na 'jig rten pa'i tha snyad pa'i shes pa

@085b 'khrul pa'i ngor kun rdzob kyi bden pa yin par bzhag kyang
chog go /'di'i dngos bstan la ni brjod pa kun rdzob yin pas des

khong du chud par bya ba'i bden pa la ni/ kun rdzob phyi bden pa
zhes 'jog pa dang don 'dra'o/ /de ni 'jig rten na rkang pa'i
'bab

stegs ko gru'i 'bab stegs zhes pa dang sbyor tshul mtshungs so/
/de bzhin du/ stong nyid la gnyis snang nub pa'i

'phags pa'i mnyam gzhag ye shes ni snang ngo dang nges ngo gnyis
kar stong nyid la gnyis snang nub par/ mtshungs pas

don dam par yod par 'jog la/ 'di'i don dam pa ni rnam dag lam
gyi dmigs pa mthar thug la don dam du byas pa dang rang gi

mtshan nyid kyis grub pa la don dam du byas pa'i don dam de gnyis
kyi dbang tsam du byas pa'i don dam de min gyi/ rgyu mtshan

@086a @#/
/dang rnam rtog kun rdzob/ tu gsungs pa'i 'gal zla'i
don dam de yin la/ de'i kun rdzob dang don

dam de gnyis kyi dbye tshul ni gzhan dbang gi nang nas kyang
'byed rung bas mi 'dra zhing/ de'i rgyu mtshan gyis rjes thob kyi
ye shes ni kun

rdzob dang don dam gnyis kar yod par bzhag chog go/ de yang tha
snyad kyi mtshan ma la dmigs pa'i sgo nas tha snyad du yod pa

dang tha snyad kyi mtshan ma dang bcas pa'i sgo nas stong nyid
kyi don spyi snang ba la bltos nas kun rdzob tu yod pa dang/
stong nyid 'dzin

stangs kyi yul du byed pa la ma 'khrul pa'i sgo nas don dam du
'jog pas/ kun rdzob dang don dam gnyis kar 'jog tshul ni de

yin no/ de ltar bsdu ba khungs su mdzad de legs bshad snying
por/ de bzhin nyid rtogs pa'i mnyam bzhag gi 'phags

@086b ba'i ye shes ni don dam par yod par gsungs te kun rdzob tu
yod par 'jog pa'i rgyu mtshan snga ma gnyis med pa la dgongs so/
/

de'i rjes thob kyi ye shes ni kun rdzob dang don dam gnyis kar
yod par gsungs te/ tha snyad kyi mtshan ma la dmigs pa'i sgo nas

tha snyad du yod par gsungs so/ /zhes gsungs pas/ 'di'i dngos
bstan gyi don dam 'jog tshul ni rnam dag lam gyi dmigs

pa mthar thug la don dam du byas pa dang/ rang gi mtshan nyid
kyis grub pa la don dam du byas pa'i don dam de'i 'jog tshul dang
mi

mthun pa'i don yin gyi/ 'di'i dngos bstan gyi don dam dang kun
rdzob gang yang rang gi mtshan nyid kyis grub pa dang 'gal bar

'jog pa yang ma yin no/ de'i phyir/ rnam bshad rigs pa las/ nyen
thos sde pas don dam pa stong pa

@087a @#/ /nyid las/ las dang rnam smin yod la byed pa po ni mi
dmigs so zhes gsungs pa de don dam par yin na

ji ltar na chos thams cad ngo bo nyid med/ kun rdzob tu yin na
ni der byed pa po yod pas de mi rigs so/ /zhes gsungs/

de'i don ni nyan thos sde pas dbu ma pa la 'gal ba bstan pa yin
la/ de yang las gsog pa po dang rnam smin myong ba po

don dam pa yod na ni/ 'o na/ chos thams cad ngo bo nyid med pa
ji ltar rigs/ gal te kun rdzob tu yin na ni las gsog

pa po dang rnam smin myong ba po yang don dam par med kyang/ de
gnyis kun rdzob tu grub pas na de mi dmigs pa mi rigs so/ /

zhes 'gal pa bstan nas rtsod pa'i don yin la/ de'i lan du yang
de nyid las/ ming dang brjod pa dang gdags pa dang tha

@087b snyad ni kun rdzob yin la/ chos rnams kyi rang shi mtshan
nyid ni don dam pa yin no zhe na/ 'o na/ de lta na las dang rnam
par

smin pa gnyis ming du yang yod rang gi mtshan nyid du yang yod
pas de gnyis ji ltar 'dod par yod du rtog la rag go /zhes

gsungs pa ltar/ ming sogs bzhi ni kun rdzob yin kyang rang gi
mtshan nyid kyis grub pa'i don dam yin no zhes lan 'debs so

de ltar lan btab pas las dang rnam par smin pa gnyis ni ming du
yang yod pas/ kun rdzob kyang yin zhing/ rang gi mtshan

nyid kyis yod pas don dam par yang yod dgos so zhes pa'i don yin
zhing/ 'di'i kun rdzob tu yod tshul ni rgyu mtshan dang

rnam rtog kun rdzob tu yod tshul dang mthun pa yin no/ /de'i
phyir legs bshad snying por/ don dam par yod/ tshul ni snga ma

@088a @#/ /dang kun rdzob tu yod tshul ni gyi ma ltar ste/ de
gnyis kar yod ces pa'i don no/ /zhes gsungs so/ /

des na/ nyan thos sde pas de ltar 'gal ba bstan nas rtsod pa
de'i skyon des su la 'jug na chos thams cad rang gi mtshan nyid

kyis ma grub par 'jog cing kun rdzob tu yod par 'dod pa'i dbu ma
pa la 'jug par gsungs so/ /de'i phyir las dang rnam

smin gnyis ni kun rdzob tu yod cing rdzas su yang grub pa yin
la/ de gnyis 'jig rten pa'i shes pa'i yul yin pa'i rgyu mtshan

gyis don dam gnyis pa'i 'jog tshul rnam dag lam gyi dmigs pa
mthar thug la don dam du byas pa de min no/ /rgyu mtshan

des 'jig rten las 'das pa'i shes pa'i yul min par bzhag 'dug
ste/ de'i yul ni brjod du med pa'i spyi'i/ /mtshan

@088b nyid du grub pa yin pas stong nyid gtso bo yin no/ /de'i
phyir 'jig rten pa'i shes pa ni ming gi rjes su 'brang/

nas skyes pa'i shes pa 'khrul shes rnams 'jog cing/ 'jig rten
las 'das pa'i shes pa ni stong nyid mngon sum du

rtogs pa'i mkhyen pa la byed dgos pa yang bden gnyis 'jog tshul
gyi skabs kyis ges so/ /yang dbus mtha' las/ /btags

pha dang ni shes pa dang/ /de bzhin brjod pa rags pa yin/ /zhes
kun rdzob la yang btags pa'i kun rdzob dang/ shes pa'i kun

rdzob dang/ brjod pa'i kun rdzob gsum du dbye bar mdzad la/ de
yang sgras brjod kyi sgo nas phye ba yin zhing/ ngo bo nyid gsum

dang sbyor na btags pa'i kun rdzob kun btags dang/ shes pa'i kun
rdzob gzhan dbang dang/ brjod pa'i kun rdzob yongs grub

@089a @#/ /dang sbyor dgos shing/ yongs grub la brjod pa'i kun
rdzob ces sbyar ba yang dbu ma pa'i ched du gsungs

pa'i mdo las de bzhin nyid kun rdzob tu yod par gsungs pa'i
mdo'i dgongs pa dang mthun par bshad pa yin no/ /de'i dgongs

pa ni yod pa tsam la byed pas yongs grub yod par tha snyad pa'i
shes pas 'jog dgos pa dang sbyar ba yin no/ de ltar rdzas

btags kyi khyad par dang/ kun rdzob dang don dam par yod tshul
gyi khyad par rnams zhib par phyed na/ grub mtha'i gnad 'gag

rnams gtan la 'bebs nus gsungs pa bzhin skabs 'dir yang kun
btags gzhan dbang gnyis ni kun rdzob bden pa dang/

yang grub don dam bden bar 'jog pa tsam dbu ma pa dang 'dra yang
gzhan dbang yongs grub bden par grub par 'jog pa ni/

@089b ches mthun no/ /rdzas btags kyi khyad par yang rang rgyud
pa man chad rdzas btags kyi/ khyad par 'byed pa tsam

spyir 'dra la/ thal 'gyur ba ni rdzas yod mi 'dod cing btags yod
kyi 'jog tshul yang shin/ tu phra bas rang rgyud pa man

chad dang mi 'dra'o/ 'di pa'i rdzas yod kyang gang zag gi steng
du bzhag na rang rkya thub pa'i rdzas yod kyi bdag gi grub/ tshad

las ma 'das pas mi 'jog cing/ shes pa dang gzugs kyi steng du
'jog tshul ni sngar/ bshad pa ltar ro/ /yang 'di'i

rdzas btags kyi khyad par 'jog tshul bye brag smra pa'i bden
gnyis ngos bzung lugs dang phyogs tsam mthun yang nang tshan

gyi khyad par ni shin tu mi 'dra'o/ /kun rdzob dang don dam du
yod tshul la skabs 'di'i 'jog tshul gong du gsal bar phye

@090a @#/ /zin pa rnams dang/ de dang dbu ma pa dang bye mdo sogs
dang yang mi mthun pa ni so so'i skabs kyis shes so/ /

de'i phyir legs bshad snying por gang zag kun rdzob tu yod kyang
rdzas su med ces pa'i rdzas su med pa yang rdzas yod min zhes

pa'i don yin no/ /gsum pa/ de dag las gzhan pa'i gzhung gzhan
nas gsung tshul la/ mdo sde rgyan nas gsungs

tshul dang/ dbus mtha' nas gsungs tshul gnyis/ dang po ni/ mdo sde
rgyan las/ /rang dang rang gi mtshan nyid du/ /

med phyir rang gi ngo bo la/ /mi gnas phyir dang 'dzin bzhin de/
/med phyir ngo bo/ nyid med 'dod/ ces gsungs de'i

don ni/ rang gi mtshan nyid du med phyir zhes pa ni 'dus byas kyi
chos gang la yang rang dang skye 'jig gnas gsum rang dbang

@090b gis mi byed pas mtshan nyid kyis med pa dang/ byis pa rnams
kyis zhen pa ltar gzugs sogs kyi chos rnams gtsang

bde rtag bdag gi ngo bo nyid med pa la dgongs nas gsungs zhes
bshad pa'i/ don yin la/ de yang gang las gsungs na

'khor lo bar par gzugs med ces sogs kyi skabs su gsungs shing/
de'i bstan don nam dgongs gzhi de la rnam grangs

bcu gcig yod par rgyan 'dir bshad do/ /de ltar rnam grangs bcu
gcig kyang gzugs la mtshon na gzugs de gzugs

zhes pa'i sgra 'jug pa'i 'jug gzhi rang gi mtshan nyid kyis med
pa dang/ gzugs rkyen la bltos med du rang dbang gis skye ba

med pa dang/ gzugs kyi chos nyid chos bdag gi ngo bor med pa
dang/ de bzhin du ma 'ongs pa'i gzugs rkyen la bltos

@091a @#/ /med du med pa dang/ gzugs da lta ba rang/ grub dus kyi
skad cig gnyis par med pa dang/

gzugs 'das pa slar yang gzugs su med pa dang/ gzugs gtsang bde
rtag bdag tu med pa bzhi dang/ 'di'i bdag tu

med par; phyi rol don du med pa'i stong nyid kyang bsdus nas bcu
gcig tu gsungs pa yin la/ de yang kun las

btus ltar ngo bo nyid med pa/ gsum la dgongs pa'i/ ngo bo nyid
med pa bzhin rang gi ngo bo la mi gnas pa dang/ byis pas

zhen ba ltar gyi gtsang bde rtag bdag tu 'dzin pa ltar med pa
ste bstan don bcu gcig po de rgyan 'dir dngos su bstan cing/

dgongs 'grel las ni ngo bo nyid gsum dngos su bstan nas lhag ma
rnams shugs la bstan pa yin no/ /de yang rgyan las

@091b phyi ma phyi ma'i rten yin pas/ /ngo bo nyid ni med pa
yin/ /skye med 'gag med bzod nas zhi/ /rang bzhin mya ngan 'das
pa grub/

ces gsungs/ de'i don/ ni bstan don bcu gcig po de rnams snga ma
snga ma ngo bo nyid med pa gang yin pa de'i rgyu mtshan gyis

phyi ma phyi ma rnams ngo bo nyid med par 'dra zhing/ de bzhin
du/ skye ba med pa sogs bzhi po yang snga ma snga/ ma'i rgyu
mtshan

gyis phyi ma phyi ma sgrub par byed tshul ni sngar ltar yin
zhing/ yang rgyan las/ /thog ma dang ni de bzhin gzhan nyid
dang/ /

rang gi mtshan nyid rang dang gzhan du 'gyur/ /kun nas/ nyon
mongs pa dang khyad par la/ /skye ba med pa'i chos la bzod

par bshad/ /ces gsungs pa'i don mi skye ba'i chos la bzod pa
thob ces pa'i skabs kyi/ bzod pa brgyad po de mi sbye

@092a @#/ /ba dang sbyor na/ de yang 'khor ba la thog ma'i skye
ba med pa sogs dang sbyor la/ des na 'khor ba 'dir

skyes pa'i sems can gang la yang thog ma'i mtha' mi mngon pas de
la bzod pa skye bar byed dgos shing/ de yang

thog ma ni 'khor ba'i thog ma dang/ de nyid ni snga ma ste chos
gang sngar skyes pa de dag slar yang de'i ngo bor skye ba med pa
dang/

gzhan ni phyi ma ste sngon med pa'i rnam par mi skye ba la 'grel
pas bshad do/ /zhes legs bshad snying por gsungs pa

ltar ro/ /yang dbu ma snang ba ltar na 'khor ba na sngon med
pa'i sems can gsar du mi skye ba dang/ skye ba de yang sngar

'gags pa dang rigs mthun pa skye bar bshad do/ /rang gi mtshan
nyid ni kun btags la rang gi mtshan nyid kyis skye ba

@092b med pa dang/ rang dang ni gzhan dbang la rang dbang gis
skye ba med pa dang/ gzhan du 'gyur ba ni yongs grub la gzhan
'gyur gyi

skye ba med pa dang sbyar ro/ /kun nas nyon mongs pa ni zad pa
shes/ pa thob pa la kun nas nyon mongs pa mi skye ba dang/

khyad par ni chos sku la khyad par du skye ba med pa la sbyar ba
yin la/ de ltar ngo bo nyid med tshul dang skye ba med tshul 'di

bzhin sbyar nas 'chad pa ni/ chos thams cad don dam par ngo bo/
nyid kyis stong pa dang/ 'dus byas rnams don dam

par skye ba med par bshad pa sgra ji bzhin par mi 'dod pa'i/
lugs so zhes legs bshad snying por gsungs

pa ltar ro/ /de bzhin du 'das ma 'ongs gnyis dang phyis/ pas
zhen pa bzhin gyi gtsang bde rtag gsum dang/

@093a @#/ /bdag med la rang rkya thub pa'i rdzas yod kyi bdag gis
stong pa'i bdag med dang/ phyi rol don gyis stong pa'i

bdag med gnyis yod cing/ dang po ni nyan thos sde gnyis dang
thun mongs ba yin la/ ngo bo nyid med tshul snga ma rnams kyang

nyan thos sde gnyis ka dang thun mongs pa yin zhing/ de yang bye
brag tu smra bas ni/ skyes zin pa'i 'og tu gnas pa'i bya ba
dang/

de'i 'og tu 'jig pa'i bya ba 'jug pas na/ dus gsum rdzas su 'dod
pa yang yin no/ /de'i phyir bye brag smra bas

skyas zin pa'i 'og tu gnas pa 'jog pas na/ mdo sde pa yan chad
kyis skad cig gnyis par mi gnas par 'dod pa

dang mi 'dra'o/ 'o na/ gzhan dbang/ spyir bden par grub pa dang
rang gi/ mtshan nyid kyis grub pa'i don dam

@093b [@##line apparently missing this page] ba yin par 'jog/ /dgos
la/ sgyu ma lta bur grub tshul ni/ /brdzun pa'i

sgrub lugs las ma/ /'das pas/ de yang mdo sde rgyan las/ /'dus
byas thams

cad sgyu ma lta bur gsungs tshul ji lta bu zhe na/ rgyan las/ /ji
ltar sgyu ma de bzhin du/ /yang dag ma yin

kun rtog 'dod/ /sgyu ma'i rnam pa ji lta bar/ /de bzhin gnyis su
'khrul pa brjod/ /ces gsungs/ don

ni 'dus byas kyi chos thams cad yod tshul ji ltar na sgyu ma dang
'dra ba de bzhin du/ yod cing/ de yang 'dus

@094a @#/ /byas rnams kyi sdod tshul yang dag pa rang mtshan gyis
grub tshul de la/ kun rtog gi rnyog pas yang dag pa

ma yin pa'i phyi rol don du snang bar byed pa yin no/ /de bzhin
du sprul gzhi'i rde'u/ shing bu sogs sgyu ma'i sngags

rdzas kyis btab pa dang kun rtog gzhan dbang gnyis dpe don du
sbyor zhing/ de 'dra'i sprul gzhi sngags rdzas kyis btab pa'i

dbang gis rta glang gi rnam par snang ba gang yin pa de ni sgyu
ma'i rnam pa ji lta ba bzhin yin la/ de bzhin du kun rtog gzhan
dbang

de gnyis snang 'khrul pa'i bag chags kyis phyi rol sogs kyi rnam
par shar ba'i 'khrul pa yin par brjod ces pa'i don yin no/ /

de ltar yang legs bshad snying por/ 'dis sgyu ma dper byed lugs
bstan te/ 'khrul pa'i gzhi bong ba dang shing la sogs

@094b pa sgyu ma'i sngags kyas btab pa na kun rtog gzhan dbang
dang 'dra ste rkang pa dang po gnyis kyi don no/ /sgyu ma'i
rnam/

pa rta glang la sogs pa'i gzugs su snang ba ni/ gzung 'dzin
rgyangs chang gnyis su snang ba dang 'dra ste/

phyi ma gnyis kyi don du dbyig gnyen gyis bshad do/ /zhes gsungs
so/ skabs 'dir sgyu ma'i bshad/

tshul 'di ltar mdzad pa 'di yang gzhan dbang bden par yong med
rtsod pa'i skabs/ su

shes pa gnyis bden bden par yod med la gtso bor rtsod pa yin la/
de'i dbang gis/ 'dir kun rtog

gzhan dbang de la sgyu ma'i dpe sbyar ba yin no/ de'i phyir sems

@095a @#/ /tsam pa'i skabs 'dir sgyu ma'i dpe sbyor tshul 'di nyid
gtso bor byed pa yang dgongs 'grel byang sa bsdu ba mdo sde
rgyan

sogs kyi dngos bstan gtso che ba'i dbang du byas nas de ltar
sbyar ba yin gyi/ spyir snang stong zung 'jug gi sgyu ma'i dpe
don sbyor tshul

med pa yang min no/ des na/ 'dir snang stong zung 'jug gi sgyu
ma'i dpe don mi sbyor bar gnyis snang/ 'khrul pa dang sbyar ba'i

sgyu ma'i dpe don sbyor dgos pa ni gzhan dbang bden par grub
pa'i/ gnad kyis shes so/ de'i phyir 'dir snang stong zung 'jug
gi

sgyu ma'i dpe don sbyor pa gtso bor mdzad na gzhan dbang yang
brdzun par grub par 'gyur bas mi 'thad cing/ snang stong zung

'jug dang sbyar ba'i sgyu ma'i sgo nas chos thams cad brdzun par
sgrub pa ni thal rang gi lugs yin pas gtso bor mi byed do/

@095b de'i phyir legs bshad snying por/ sgyu ma la sogs pa bzhin
duH bshad pas bden par mi ston pa'i nges pa med de/ sgyu ma la

sogs pa dper byed lugs la rag las so/ zhes gsungs pa ltar/
brdzun pa'i grub tshad du 'gro ba dang mi 'gro ba'i khyad par

ni dpe don sbyor tshul gyis shes dgos pa yin no/ yang rgyan las/
/ /ji ltar de la de med pa/ /de bzhin du ni don dam 'dod/

ji ltar de ni dmigs gyur pa/ /de bzhin du ni kun rdzob nyid/ ces
gsungs/ de'i don ni sgyu ma dper byed tshul la don dam

dang kun rdzob kyi dper byed tshul gnyis las/ de yang dang po don
dam gyi dper byed tshul ni tshig rkang/ dang po gnyis kyis bstan

cing/ de'i tshul yang dper na sgyu ma'i rta glang de rta glang du
snang yang der ma grub pa bzhin du/ gzhan dbang/ yang

@096a @#/ /gzung 'dzin gnyis/ su snang yang gzung 'dzin gnyis su
med pa don dam du 'jog pas de'i sbyor tshul

lo/ gnyis pa ni tshig rkang phyi ma/ gnyis kyis bstan pas de'i
tshul yang/ dper na/ sgyu ma'i rta glang de rta glang

gi ngo bor ma grub kyang de'i ngo bor dmigs pa bzhin du gzhan
dbang tha snyad kyi gzhir rang gi mtshan nyid/ kyis grub pa'i
yang dag

pa min pa la de'i gzhir rang gi mtshan nyid kyis grub par kun
btags pa gang yin pa de ni kun rdzob kyi sbyor tshul yin no/ /

yang phyi rol don snang dang sbyor ba'i dbang du byas na dpe
sngar bzhin la don gzhan dbang de phyi rol rgyangs chad du
snang
ba ltar

yang dag pa ste snang ba ltar grub pa ma yin kyang kun rtog gi
dbang gi phyi rol rgyangs chad du kun btags pa gang yin pa de

@096b ni rgyan 'di'i kun rdzob kyi sgyu ma'i dpe don sbyor lugs
dang bstun pa yin no/ /yang rgyan las nang gi skye mched drug
bdag

dang srog la sogs par med bzhin du der snang ba'i cha nas sgyu
mar gsungs/ pa yang 'dug pas na/ skabs 'dir sgyu

ma'i sbyor tshul la shin tu mang bas de'i sbyor tshul so so'i
skabs kyis shes dgos so/ de yang skabs 'dir sgyu ma'i sbyor tshul

de ltar mdzad pa de rnams ni phyi rol gyi don med na yul du ji
ltar dmigs snyam pa'i log rtog bzlog pa'i ched du gtso bor

sbyar ba yin la/ de bzhin du smig rgyu dang rmi lam/ sogs dpe
don du sbyor tshul yang sgyu ma'i dpe'i steng nas shes par

byed dgos pa yin zhing/ sgyu ma sogs kyi/ mi bden pa'i dpe 'di
yang dbu sems so so'i mi bden lugs kyi

@097a @#/ /tshul rnams ma 'dres par 'byed dgos pa yang legs bshad
snying por/ theg bsdus las kyang yum gyi mdor

gsungs pa'i sgyu ma la sogs pa'i dpes gzhan dbang bstan pa'i dpe
don sbyor ba na/ phyi rol gyi don med na yul du ji ltar dmigs

snyam pa bzlog /pa'i phyir sgyu ma dang/ don med na sems dang
sems byung ji ltar/ skye snyam pa bzlog pa'i phyir smig rgyu

dang/ don med na yid du 'ong mi 'ong la ji ltar spyod snyam pa
bzlog pa'i phyir rmi lam la sogs pa dper bshad do/ /sgyu ma sogs

mi bden pa'i dper byed pa la dbu sems so so'i mi bden lugs kyi
dper byed lugs ma 'dres par phyed par byed pa'o/ /

zhes gsungs so/ /gnyis pa/ /dbus mtha' nas gsungs tshul ni/ de
nyid las/ /yang dag ma yin kun rtog yod/ /

@097b de la gnyis po yod ma yin/ /stong pa nyid/ ni 'di la yod/
/de la yang ni de yod do/ /stong pa ma yin mi stong min/ /

de lta bas na thams cad bshad/ /yod pas med pas yod pas na/ /de
ni dbu ma'i lam yin no/ /zhes gsungs/ /de'i don

ni yang dag pa ste yongs grub ltar rang gi ngo bo la kun rtog gi
rnyog pa med pa ma yin pas na yang dag pa ma yin zhes sbyar la/

de yang gzhan dbang la ni kun rtog gi rnyog pa yod pas rgyu
mtshan des kun rtog yod ces sbyar ro/ /kun rtog gzhan dbang de

la gzung 'dzin rdzas tha dad pa gnyis po yod pa min la/ gnyis po
de ni kun btags/ yin pas des kun rtog gzhan dbang

de nyid stong zhing/ des stong pa'i stong nyid de kun rtog gzhan
dbang gi stong nyid yin pas 'di la yod ces sbyar ro/ /de 'dra'i

@098a @#/ /stong nyid de la yang ni kun rtog gzhan dbang nge/
stong gzhi yin pas de yod do zhes sbyar ro/ /de yang kun rtog

gzhan dbang de rang gi mtshan nyid kyis grub pas stong pa ma yin
zhing/ gzung 'dzin rdzas tha dad kyis mi stong ba yang min no/
/de lta

bas na/ gzhan dbang gi chos thams cad rang gi mtshan nyid kyis
yod pa'i rgyu mtshan gyis gzung 'dzin rgyangs chad kyi rdzas tha
dad du

med par mdo las bshad do/ /rgyu mtshan des gzhan dbang gi dngos
po thams cad rtag chad kyis mtha' de gnyis dang bral ba'i

dbus der yod pas na/ de 'dra'i rtag chad kyi mtha' gnyis dang
bral ba'i stong nyid de ni dbu ma'i lam yin zhes pa'i don yin
no/ /

de'i phyir/ legs bshad snying por/ tshig bcad dang pos stong nyid
kyi mtshan nyid dang gnyis pas de nyid dbu ma'i lam du bstan to/

@098b zhes gsungs so/ de ltar dbu mar bshad tshul de yang stong
pa nyid la phyin ci ma log par 'jug pa'i ched du yin la/ de'i
tshul ni

kun rtog gzhan dbang de gzung 'dzin rgyangs chad kyis stong bar
sgrub pa na bsgrub bya med dgag dgos pa ni skabs 'dir yang 'dra

la/ 'o na/ kun rtog gzhan dbang gzung 'dzin rgyangs chad kyi
rdzas tha dad du med ces pa'i skabs su de bkag pa'i shul du kun

rtog gzhan dbang de lus pas/ 'di'i skabs kyi bsgrub bya ma yin
dgag du song 'dug go snyam na/ de ni mi mtshungs shing/ de

yang bdag med gnyis kyi bsgrub bya med dgag tu 'jog mi 'jog ni
de gnyis gtan la 'bebs pa'i rigs pa la rag lus pa

yin pas/ de yang rigs pa'am rgyu mtshan des kun rtog gzhan dbang
phyi rol gyi don nam gzung 'dzin rdzas tha dad du med pa tsam

@099a @#/ /zhig bsgrubs pa yin gyi/ de las gzhan chos can dang
chos nyid gang yang yod med dang yin min gang du yang ma

bsgrubs ba dgos pa ni dbu sems thams cad la 'dra bas/ skabs
'di'i bsgrub bya ma yin dgag tu sgrub ci la dgos/ de'i phyir

de'i shul du lhag ma yod dgos pa ni rigs pa des dngos shugs gang
du ma bsgrubs par yod pa tsam la spyir bzhag pa yin pas/

rang gi dgag bya bkag shul du chos gzhan sgrub pa 'phangs ma
'phangs dang/ mi 'dra/ ba ni de'o/ /de ltar yang legs

bshad snying por/ de meng na de'i shul du lhag ma lus la'i yod
pa de gang yin snyam na/ kun rtog yod ces pa dang rkang pa gsum

pas gzhan dbang dang yongs grub gnyis yin no zhes bstan la/ zhes
gsungs shing/ de'i lhag ma bgag bya bkag shul du 'phangs

@099b pa'i chos gzhan sgrub par 'jog na dbu ma thal rang la yang
mtshungs pas mi rigs la/ 'di'i lhag ma ni dgag bya bkag pa dang

mnyam du chos can ma bkag bar lus pa'i lhag ma de nyid yin pas
sgyu ma'i don lhag mar lus pa dang 'dra'o/ /des na sgyu ma

lta bu'i don ltar gyi lhag ma de ma bzhag par chos can dang dag
bya gnyis ka gtan med du btang na ri bong gi rwa ltar rang bzhin

ye/ med du song bas skur 'debs kyi mthar lhungs pa yin la/ de
yang lhag ma 'jog dgos tshul slob dpon dbyig gnyen

gyis gang stong ba dang gang gis stong ba'i don du bshad pa
ltar/ slob dpon blo brtan gyis kyang gsal par mdzad tshul ni/
'grel

bshad las/ la la dag chos thams cad ri bong gi rwa ltar ngang
bzhin ye med do snyam du sems pa de'i phyir thams cad la skur pa

@100a @#/ /dgag pa'i don du/ /yang dag ma yin kun rtog yod/ /ces
bya ba gsungs te rang bzhin gyis zhes bya ba tshig gi lhag

ma'o/ /zhes gsungs pa ltar/ lhag ma 'jog dgos tshul ni gong du
bshad pa ltar yin la/ 'dir kun rtog yod ces pa yang dbu

ma pa'i ngor sgrub na spyir yod tsam zhig bsgrubs pas chog pa
min gyi/ rang bzhin gyis yod pa sgrub dgos so/ /de ltar sgrub

dgos pa yang dbu ma ba des gzhan dbang rang gi mtshan nyid kyis
ma grub par khas blangs na skur 'debs su 'gyur bas/ rang

bzhin gyis grub pa zhes tshig gi lhag mar bzhag pa'i don yin pas/
de ni gzhan dbang dang yongs grub gnyis ka 'dra'o/ /yang

de nyid las/ de ltar na mdo las chos thams cad stong ba'o zhes
bshad pas mdo dang mi 'gal lam zhe na/ mi 'gal te 'di ltar/

@100b de la gnyis po yod ma yin/ yang dag pa ma yin pa kun tu
rtog pa gzung ba dang 'dzin pa'i ngo bo dang bral bas stong pa
zhes bya'i/

rang bzhin ye med pa ni ma yin te/ /de'i phyir mdo dang mi 'gal
lo/ /zhes gsungs pa 'di'i tshig don 'grel lugs

gong du song ba ltar yin zhing/ khyad par gzhan dbang rang/
bzhin gyis grub na/ 'o na/ mdo las chos

thams cad rang bzhin gyis grub pas stong ngo zhes pa dang 'gal
lo zhe na/ mi 'gal ba'i lan ston pa'i phyir/ yang de nyid las/ /

kun rtog de phyi gzung ba dang nang gi 'dzin par snang ba'i
gzung 'dzin/ rgyangs chad du snang ba de ltar du yod pa'i ngo
bos stong pa la dgongs

nas zhes sogs gsungs te/ dgag bya'i khyad par sbyor tshul/ 'di ni
thogs med sku mched kyi gzhung gi don kho na ltar yin zhes

@101a
@#/ /legs bshad snying por gsungs pa ltar yin pas na/ sems
tsam pa'i lugs 'di la gzhan dbang rang stong

du 'chang pa'i grub mtha' gzhan dag gi lugs de la yid brtan mi
bya'o// des na/ 'di'i 'grel tshul dbus mtha'i tshig bcad

lhug par bkral ba bzhin yin pa ni/ de nyid las/ gal te de ltar
gnyis po ni ri bong gi rwa ltar ye med la yang dag pa ma

yin pa kun tu rtog pa ni don dam par rang bzhin gyis yod/ ces
sogs kyis dwogs pa sel tshul gsungs so// de'i phyir 7

legs bshad snying por/ kun rtog yod pa dang gnyis po med ces pas
yod pa snga ma dang med pa phyi ma yin par bstan/

pas/ stong nyid med snyam pa'i dogs pa byung ba bsal lo// zhes
gsungs so// yang kun rtog don dam/ par rang

@101b bzhin gyis yod na ces rtsod pa ni/ dgag bya'i don dam par
grub pa'i dbang du byas pa min gyi/ rang gi mtshan nyid kyis yod
na

don dam par yod/ par 'dod pa'i sems tsam pa'i 'dod pa blangs pa
yin pas de dang bstun pa'i lan mdzad do/ /de ltar

yang sum cu pa'i 'grel pa las/ yang na rnam par shes pa bzhin du
shes bya yang rdzas nyid du/ kha cig sems pa dang/ gzhan

dag shes bya bzhin du rnam par shes pa yang kun rdzob nyid du
yod kyi/ don dam par yod pa min no snyam du sems pa mtha' gcig

tu smra ba 'di rnam pa gnyis dgag pa'i phyir rab tu byed pa
brtsams so/ zhes gsungs/ de'i don ni/ yang na zhes mtha'

gnyis su dwogs te/ shes bya yul dang yul can shes pa gnyis rdzas
nyid du dwogs nas gzhan dbang du sems pa dang/ de

@102a @#/ /las gzhan dag gis bya dang shes pa gnyis ka kun rdzob
tu yod kyi don dam par med do snyam du sems pa'am dwogs pa

yin la/ de ltar mtha' gcig tu dwogs pa'i gnas 'di yang dgag dgos
pa ni/ de yang yul can shes pa gzhan dbang gi rdzas su

grub pa bzhin du yul shes bya gzhan dbang gi rdzas su grub mi
dgos pa ni/ rang ldog gzhi ldog gnyis ka nas gzhan dbang gi
rdzas su

ma grub pa yang gzugs kyi don spyi 'dzin pa'i shes pa dang/ rang
ldog rdzas su ma grub cing gzhi ldog rdzas su grub pa ni gzugs
'dzin

pa'i shes pa lta bu'o// de yang shes pa gcig pu'i brtsi lugs min
gyi/ shes pa de gnyis dang de'i yul gnyis sbyar nas yul can

shes pa gnyis ni spyir rang gi mtshan nyid kyis grub pa yin mod
kyang/ de gnyis kyi yul shes bya gnyis la rang gi mtshan nyid
kyis grub

@102b pa 'jog rgyu yod med kyi khyad par phye ba yin zhing/ de
gnyis kyi yul gyi rang ldog tsam rtog btags yin par mtshungs
kyang/ shes pa

snga ma'i yul gyi gzhi ldog la gzugs kyi don spyi dang phyi ma'i
yul gyi gzhi ldog la gzugs 'jog dgos pas/ rang ldog gzhi ldog gi

sgo nas khyad par 'byed tshul ni de ltar ro// de bzhin du kun
rdzob tu grub tshul yang des rigs 'dra'o zhes pa'i don yin no/
des na/ gzhan

dbang ye med min gsungs pa yang gzhan dbang don dam par ye med
min pa'i don yin gyi/ spyir shes bya la mi srid pa'i ye med tsam
la mi

sbyor ba ni dngos bstan chad mtha' 'gog pa'i dbang du byas pa
yin no// de'i phyir/ legs bshad snying por/ gzhan dbang ye med
min

zhes gsungs pa ni sngar byang sa drangs pa ltar don dam par yod
pa'i dngos po ye med/ dam thams cad kyi thams cad du med ces
'gog

@103a @#/ /pa yin gyi/ shes bya la mi srid par 'dod pa bkag pa
min no// zhes gsungs so/ des na/ 'dir gsungs pa rnams

ni rtag chad kyi mtha' gnyis 'gog tshul la gtso bor sbyor dgos
pas/ sum cu pa'i 'grel ba'i lung don sngar bshad pa de ni/ deng
sang

gi rtsod par mkho ba'i rigs pa'i sgo tsam zhig bstan pa yin gyi/
de las 'phros te dngos gzhi'i don sbyor tshul ni/ de yang gzugs
'dzin

shes pa lta bur dmigs kyis 'byed na de gzhan dbang gi rdzas su
grub pa'i bden par grub pa bzhin du/ de gnyis snang 'khrul pa'i
kun

rtog gi rnyog pas bslad pa'i dbang gis phyi rol rgyangs chad du
snang ba'i gzugs de ni gzhan dbang gi rdzas nyid du yang grub
cing bden par

yang grub te gzugs 'dzin pa'i shes pa bzhin no snyam du sems pa
de ni/ bye mdo gnyis ka yin la/ de gnyis ka gzugs 'dzin

@103b rgyangs chad kyi phyi don yod par khas len pa'i sgo nas
rtag mthar gnas zhes/ pa'i don dang/ gzhan dag dbu ma pas ni
gzugs

'dzin shes pa lta bu'i yul shes bya gzugs de kun rdzob tu yod na
de 'dzin pa'i yul can gzugs 'dzin shes pa de yang kun rdzob tu
yod dgos

pas/ de'i rgyu mtshan gyis phyi nang gi chos thams cad kun rdzob
tsam du grub po zhes smras pa gang yin pa des ni chad pa'i mthar
lhungs zhes pa'i

don yin zhing/ de ltar mtha' gcig tu smras pa'i tshul gnyis po
des ni rtag mtha' dang chad pa'i mthar ltung bar byed pas/ de
gnyis ka

dgag pa'i phyir rab tu byed pa brtsams so// zhes pa'i don yin
no// sbyor tshul 'di yang don la thob tshod gyi/ sbyor lugs byas
pa yin gyi/ bye

mdo gnyis dang dbu ma bar dngos su sbyor ba ni gzhung la 'dris
pa rnams kyis dpyad par bya ba'i gnas so// yang gong du dbus
mtha'

@104a @#/ /'grel tshul gyi skabs rkang ba bzhi pas ni dogs pa
gzhan zhig gcod do zhes gsungs pa'i dwogs pa sel tshul ni/ de
yang

gzung 'dzin rdzas gzhan gyis stong ba'i stong nyid de kun rtog
la gtan du yod na/ 'o na; so so skye bos kyang stong nyid gsal
bar ci'i/ phyir mi

rtog snyam pa'i dogs pa skye la/ dogs pa de sel ba'i phyir du
stong nyid de la gnyis snang 'khrul pa'i kun rtog yod la/ de yod
pa'i rgyu mtshan

gyis des bsgribs pa'i phyir zhes bkod par mdzad pa yin no// de
yang stong nyid la gnyis snang 'khrul pa'i kun rdzob yod pa'i
don yang stong

nyid kyi ngo bo la snang tshul dang gnas tshul mi mthun pa'i
brdzun pa med kyang/ kho rang yul du byed pa'i blo la ni stong
nyid la bltos pa'i snang

tshul dang gnas tshul mi mthun pa'i gnyis snang yod la/ des stong
nyid mngon sum du rtogs pa la ni sgrib par yang byed do/ yang
chos

@104b thams cad mtha' gcig tu stong ba dang mi stong ba dang yod
pa dang med pa ni mtha' nyid du 'gyur gyi/ dbu ma'i lam ma yin
pas de dag dgag

pa'i don du tshigs bcad gnyis pa gsungs te/ kun rtog dang stong
nyid kyis stong pa min zhing/ gzung 'dzin gnyis kyis mi stong ba
min pa thams

cad ni kun rtog gi 'dus byas dang stong nyid kyi 'dus ma byas
so// zhes legs bshad snying por bshad pa 'di ni yum gyi mdo la
sogs pa las

'di thams cad ni gcig tu stong pa yang ma yin la mi stong pa
yang ma yin zhes bstan pa dang mtshungs par bshad pa yin la/
bshad tshul de ni slob

dpon dbyig gnyen gyis bshad pa ltar gyi bshad tshul dang mthun pa
yin no// de dag gi don snying por bsgril te 'byed na/ 'dus byas
kun rtog

gi chos thams cad dang 'dus ma byas stong nyid kyi chos thams
cad ni mtha' gcig tu kun rtog dang stong nyid kyis stong pa yang
min zhing/ gzung

@105a @#/ /'dzin rdzas tha dad kyis mi stong ba yang min pa dang/
de bzhin du kun rtog rang gi mtshan nyid kyis yod/ pa dang med pa
ni

gzung 'dzin gnyis po rdzas tha dad du med pa dang/ yang yod pa
ni kun rtog dang stong nyid gnyis rten brten pa'i tshul gyis yod
pa la byed dgos la/

bshad tshul de yang gang las 'phros na yum gyi mdo las/ 'di thams
cad ni gcig tu stong pa yang ma yin zhes sogs las 'phros shing/
de'i

dgongs pa dang mthun par bkral te 'grel byed gang gi rjes su
'brangs nas bkral ba yin na/ de yang sangs rgyas gnyis pa ltar
grags

pa mkhas mchog dbyig gi gnyen po'i bshad pa'i rjes su 'brangs te
bkral ba yin pas/ 'di'i rjes su 'brang bar rigs kyi 'di dag dang
mi

mthun pa'i 'chad tshul ni 'di'i yod med kyi mtha' dang bral ba'i
dbu ma'i lam 'jog ma shes pa dang/ yang stong pa/ ma yin pa
yongs grub

@105b dang/ me stong pa ma yin pa ngo bo nyid gzhin gnyis la
'chad pa dang/ yang yod med sogs kyi mtha' de gnyis gcig don
gzhan du yod

pa'i rgyu mtshan gyis gcig shos stong zhes 'jog pa rnams ni dor
bar bya ba kho na'o// de'i phyir legs bshad snying por/ 'od
srung gi le'u

las/ yod med gnyis mtha' re rer bshad nas de gnyis kyi dbus ni
chos rnams la so sor rtog pa'i dbu ma'i lam du bshad pa nyid de
ni

dbu ma'i lam yin no// zhes gsungs pa 'di'i don du blo brtan gyis
bshad do// zhes gsungs so// de yang dbu ma'i lam du 'jog tshul

thal rang gnyid dang mi 'dra bar rnam par rig pa tsam gyi tshul
'di nyid dbu ma'i don du 'grel bas na/ yul stong pa dang yul can
ye shes

gnyis ka dbu ma'i don du 'jog par 'dra zhes gsungs so// de yang
bstan bcos legs par bshad pa'i snying po 'dir slob dpon

@106a @#/ /dbyig gnyen dang slob dpon blo brtan gnyis kyis bkral
tshul ni/ skabs gang 'tshams la bkral bar mdzad cing/ slob

dpon phyogs glang gis brgyad stong pa'i don rnams theg bsdus
dang mthun par brgyad stong don bsdus su bkral lo zhes khungs
ston par mdzad do/ /

yang slob dpon chos grags kyis ji ltar bkral ba'i tshul ni/ tshad
ma rnam 'grel las/ /de la gcig ni med pas kyang/ /gnyis ka'ang
nyams

par 'gyur ba yin/ /de phyir gnyis stong gang yin pa/ /de ni de
yi'ang de nyid yin/ /zhes gsungs/ de'i don ni gzung 'dzin rdzas
gzhan

gyis stong ba'i stong pa de la gzung 'dzin gnyis po gcig rang
bzhin gyis med na gcig shos kyang rang bzhin gyis med par 'gyur
pas/ gnyis

ka'ang nyams ste med par 'gyur ba yin no/ /rgyu mtshan de'i phyir
gzung ba dang 'dzin pa rdzas gzhan gyis stong ba'i stong pa
stong nyid du 'jog pa

@106b gang yin pa de ni/ gzung 'dzin gnyis ka'i gzhi gzhan dbang
gi stong nyid kyang yin zhes pa'i don yin no/ /de ltar yang legs
bshad snying

por/ gzung 'dzin rdzas gzhan gyis stong ba'i stong nyid gzhan
dbang gi de kho na nyid kyi don du/ gsungs shing/ chos rnams
rang

bzhin med par mdo sde las gsungs pa'i don yang de nyid du 'grel
te/ zhes gsungs so/ /des na gzung 'dzin rdzas tha dad du

gnas pa med pa'i tshul ni/ de nyid las/ /dngos rnams tha dad gnas
pa ni/ /de tha dad la brten pa yin/ /de ni bslad pa nyid yin na/
/de

dag tha dad kyang bslad 'gyur/ /gzung dang 'dzin pa'i rnam pa
las/ /mtshan nyid gzhan ni yod ma yin/ /des na mtshan nyid stong
pa'i phyir/ /rang

bzhin med par rab tu bshad/ /ces gsungs/ de'i don ni/ dngos po
rnams dang ngo bo gcig pa'i skye gnas 'jig gsum tha dad du gnas
la/

@107a @#/ /de ltar gnas pa de ni blo gang gis tha dad du 'byed na
gnyis snang can gyi blos 'byed pa yin gyi rang rig gis 'byed par
mi nus so/

de yang gnyis snang can gyi blo de yul gyi rnam pa tha dad la
brten nas gnyis kyi rnam par skyes pa yin zhing/ de ni gnyis
snang 'khrul ba'i bag

chags kyis bslad pa'i dbang gis gnyis su snang ba nyid yin no/
/de dag gi tha dad kyang ni phyi rol rgyangs chad kyis bslad par
'gyur bas

snang tshul ltar don la mi gnas pa'i brdzun la yin zhing/ de ni
gzung ba yul dang 'dzin pa shes pa las mtshan nyid dam ngo bo tha
dad pa gzhan ni

yod pa ma yin no// rgyu mtshan des na 'dzin pa shes pa las tha
dad du snang ba'i dngos po thams cad kyang gzung 'dzin ngo bo
tha dad dam rdzas tha

dad kyis stong pa'i rgyu mtshan gyis de'i rang bzhin du ma grub
par dpal chos kyi grags/ pas tshad ma rnam 'grel 'dir rab tu ste
mchog

@107b tu bshad ces pa'i don no/ /yang de nyid las/ /phung po la
yogs bye brag gis/ /mtshan nyid thams cad byed pa yi/ /khyad

par can de'ang de nyid min/ /des kyang de dag mtshan nyid bral/
/zhes gsungs/ de'i don ni phung po la sogs pa'i mtshan mtshon

gyi bye brag gam khyad par gyis mtshan mtshon gyi 'brel ba'i rnam
gzhag byed/ pa dang/ khyad gzhi khyad chos kyi rnam gzhag byed
pa de dag

thams cad kyang rang ldog rtog btags tsam yin kyang/ gzhi ldog
tu gzhan dbang rdzas grub 'jog pa yang nyan thos ste gnyis dang
mthun

zhing/ de yang gzugs phung la mtshon na/ gzugs mtshon bya dang
gzugs su rung ba mtshan nyid du 'jog pa'i rnam gzhag byed sa'i
gzhi

ni gzugs yin pas/ de ni rdzas su grub pa'i gzhan dbang yin la/
de'i steng gi mtshan mtshon/ gyi 'brel ba'i rnam bzhag tsam ni
rtog

@108a @#/ /btags dang kun btags 'ba' zhig yin zhing/ /khyad gzhi
khyad chos sogs la yang/ /sbyor tshul des rigs 'gre'o/ /

de ltar yang legs bshad snying por/ gzugs phung la sogs pa mtshon
bya dang gzugs su rung ba la sogs pa mtshon byed du gsungs

pa ni/ thams cad bya byed kyis khyad par du byas la de dag gi
gzhi rdzas su yod kyang bya byed kyi cha nas de kho na nyid du
ma grub pa la

dgongs nas kyang mtshan nyid kyis stong ngo zhes gsungs par bshad
de/ 'di ni nyan thos sde pa dang yang thun mong ba'o/ zhes
gsungs

so/ 'o na/ bya byed de thams cad la rang 'bras bskyed pa'i nus
pa med na/ sa bon sogs las ni myug sogs bskyed pa'i nus pa

mngon sum du mthong bzhin du gal te de dag kun rdzob tu 'dod na
'dod tshul des rang 'bras bskyed nus pa de ltar ji ltar 'gyur
snyam na/

@108b yang de nyid las/ /gal te thams cad nus med na/ /sa bon
sogs ni myug sogs la/ /nus mthong gal te de kun rdzob/ /

'dod/ na ji ltar de ltar 'gyur/ /zhes gsungs pa ltar yin no/ /de
yang gong du bsdu ba las gsungs pa dang gnad gcig tu yod gsungs

pas na/ 'o na sa bon las myug sogs bskyed pa'i nus pa de yang
kun rdzob tu dmigs dgos pas de yang dmigs par mi 'gyur ro zhes

'gal ba bstan pa yin no/ /gnyis pa/ sgro 'dogs kyi mtha' bye
brag tu dgag pa la/ dgag bya sgro 'dogs ngos bzung ba dang/ de
ji

ltar 'gog pa'i tshul dang gnyis las/ dang po ni/ skabs 'di'i dgag
bya gnyis las/ skur 'debs ni grub mthas btags pa kho na

yin zhing/ de yang ngo bo nyid med par smra ba rnams kyi rgyud
la yod pa ni sngar bshad pa ltar ro/ /sgro 'dogs ni sngar 'og tu
rgyas par 'chad

@109a @#/ /ces gsungs pa bzhin 'dir 'chad la/ de yang sgro 'dogs
de la ngo bo'i sgro nas dbye na kun btags dang lhan skyes gnyis

yod do/ /dang po la yang gzhan sdes sgro btags tshul dang/ rang
sdes sgro btags tshul gnyis las/ dang po gzhan sdes sgro btags
tshul

yang mang du yod cing de ni/ sgra rtog dngos dbang gis 'jug pa
khas len pa rnams yin no/ /gnyis pa rang sdes sgro btags tshul la
yang/ byed brag smra ba rnams kyis sgro btags tshul dang/ mdo sde
pa rnams kyis sgro btags tshul lo/ /de yang dgongs 'grel gyi
dngos

bstan gyi dbang du byas pa'i chos kyi bdag tu sgro 'dogs tshul
ni/ don smra sde gnyis sgro 'dogs tshul 'dra bas na bye mdo gnyis
kyi 'dod tshul

gcig tu byas pa yin la/ de yang gzung 'dzin rdzas gzhan du 'dzin
pa'i chos kyi bdag tu 'dzin pa/ nyid gtso bor byed pa 'di

@109b ni/ 'di'i/ gzhung mang por dngos su gzung 'dzin rdzas
gzhan du 'dzin pa chos kyi bdag 'dzin du bshad cing/ de las
gzhan pa'i chos

kyi bdag 'dzin dngos su ma bshad pa'i rgyu mtshan gyis yin no/
/'o na/ dgongs 'grel gyi dngos bstan gyi/ chos kyi bdag tu sgro

'dogs tshul 'di nyid gtso bo ma yin/ nam zhe na/ de ni sems tsam
pa'i lugs 'dir gtso bo yin mod kyang/ bye mdo

gnyis kyis chos kyi bdag tu 'dzin tshul gzhung khungs thub rnams
la brten pa na/ mdo sde dgongs 'grel la gtso bor/ mi brten

par phyi don yod par ston pa'i gzhung rnams pa gtso bor brten
pa'i sgo nas chos kyi bdag tu 'dzin pas na/ de gnyis kyi chos
kyi bdag tu

'dzin tshul ni gtso bo gzung 'dzin rdzas/ gzhan du 'dzin pa 'di
nyid yin pas de'i dbang du byas pa'o/ /des na bye mdo gnyis so
so'i

@110a @#/ /thun mong ma yin pa'i chos kyi bdag tu sgro 'dogs tshul
yang skabs kyi shes par bya dgos so/ /de ltar yang legs bshad
snying

por/ sgro 'dogs la ni kun btags dang lhan skyes gnyis yod la/
kun btags ni gzhan sde dang rang sde don smra gnyis kyi lugs so/
/

zhes pa dang/ yang de nyid las/ 'di'i gzhung mang por gzung
'dzin rdzas gzhan du 'dzin pa chos kyi bdag 'dzin du bshad pa ma
gtogs pa chos

kyi bdag 'dzin gzhan ma bshad kyang/ mdo sde dgongs 'grel las
gzhan dbang ngo bo dang khyad par du kun btags pa'i ngo bor
rang
gi mtshan

nyid kyis grub pa med pas mtshan nyid ngo bo nyid med pa chos kyi
bdag med du bshad pa'i shugs kyis gzhan dbang la ngo bo dang
khyad par du btags

pa rang gi /mtshan nyid kyis grub par 'dzin pa chos kyi bdag
'dzin du bstan la/ zhes gsungs so// de bzhin du gnyis pa sgro

@110b 'dogs lhan skyes la yang gang zag gi bdag tu sgro 'dogs pa
dang/ chos kyi bdag tu sgro 'dogs pa gnyis las/ dang po ni 'og
tu ston

par mdzad cing/ gnyis pa ni 'dir bshad par bya ba yin la/ de
yang rigs pa'i dgag bya gtso che ba ni lhan skyes nyid yin pas
de nyid 'dir

dngos su bstan pa yin no/ /de'i phyir legs bshad snying por/
lhan skyes la gang zag gi bdag tu sgro 'dogs pa ni 'og tu ston
pas chos

kyi bdag tu sgro 'dogs pa bshad par bya ste/ grub mthas chos
bdag btags pa yang lhan skyes kyis bzung ba'i chos bdag sgrub
pa'i don

yin pa'i phyir dang/ rigs pa'i dgag bya'i gtso bo yang de yin
pa'i phyir/ zhes gsungs so/ /de yang sgro 'dogs lhan skyes kyi
mtshan

gzhi ni/ kun btags rang gi mtshan nyid kyis grub par 'dzin pa'i
'dzin pa nyi yin la/ de yang kun btags tshul gyi sgo nas 'jog
dgos pas/ de ni

@111a @#/ /phung po la sogs pa la 'di ni gzugs so zhes ngo bo
dang khyad par gnyis kyi sgo nas ming dang brda'i gzhir btags pa
tsam gyi

ngo bo gang yin pa de nyid yin zhing/ phung sogs rnams de 'dra'i
ming dang brdar btags pa'i ngo bo tsam zhig tu yod pas/ der yod
pa tsam

sgro 'dogs min kyang/ phung sogs ngo bo der rang gi mtshan nyid
kyis yod par 'dzin pa ni chos kyi bdag 'dzin gyi dbang du byas
pa'i sgro 'dogs

dngos yin zhing/ phung sogs gzhan dbang gi steng du chos kyi
bdag tu sgro btags pa'i kun btags 'di'i btags tshul ma shes na
chos kyi bdag

med 'jog mi shes pas tshul 'di la mkhas par byed dgos so/ /de
ltar yang lags bshad snying por/ gzhan dbang la chos bdag sgro
btags pa'i

kun btags 'di ji ltar yin mi shes na lugs 'di'i chos kyi bdag
'dzin dang chos kyi bdag med mtha' chod par mi shes so/ /kun
btags rang

@111b gi mtshan nyid kyis grub par 'dzin pa chos kyi bdag 'dzin
du 'dod pa'i kun btags ni/ phung po la sogs pa la 'di gzugs so
zhes ngo bo dang

'di gzugs kyi skye ba'o zhes sogs khyad par du ming dang brdar
btags pa'i ngo bo de tsam zhig tu ni phung po la sogs pa yod pas
der yod par

'dzin pa sgro 'dogs min gyi/ phung sogs/ ngo bo der rang gi
mtshan nyid kyis yod par 'dzin pa sgro 'dogs so/ /zhes gsungs so/
/

'o na/ kun btags rang gi mtshan nyid kyis grub par/ 'dzin pa chos
kyi bdag 'dzin du 'jog pa bzhin du/ gzugs sogs ming dang brda'i
yul

yin par rang gi mtshan nyid kyis grub par/ 'dzin pa yang chos kyi
bdag 'dzin du 'jog dgos te/ de gnyis mtshungs pas so snyam na/

de ni mi mtshungs te dang po ni kun btags tshul gyi sgo nas chos
kyi bdag 'dzin du 'jog pa yin la/ phyi ma 'di ni ming brda'i yul
yin pa'i rang ldog

@112a @#/ /tsam yin zhing/ de ni rjod byed kyi sgra'i dngos yin
pa dang 'dra bas na/ de rang gi mtshan nyid kyis grub pa 'gog pa
la dbu ma'i

rigs pa mi dgos shing/ bye mdo gnyis la yang grub zin pas na
sgra'i dngos kyi brjod bya dang/ rjod byed kyi dngos yul dang
don spyi dang sgra spyi

rnams spyi mtshan dang dngos med du nges zin pa bzhin
no/

[@##data incomplete here]

@116a @#/ /des na/ gzugs kyi ming la brten nas gzugs so snyam
pa'i rnam par rtog pa skye la/ de la brten nas gzugs kyi de
bzhin nyid de gtan la

'bebs par byed cing/ de la brten nas de bzhin nyid de yang dag
pa ji lta ba bzhin du shes pa'i yang dag pa'i shes pa 'byung la/
bzhi po de yang snga ma snga ma'i

rgyu mtshan gyis phyi ma phyi ma rnam pa rim gyis 'grub pa'i rgyu
mtshan gyis/ rgyu mtshan ni de bzhi ga'i khyad par la sbyor bas na
rgyu mtshan lnga 'dren pa'i tshe dang por rgyu

mtshan drangs kyang/ ming gi don ston pa na ming rgyu mtshan dang
por bshad pa yin no/ de'i phyir legs bshad snying por/ dngos po
de'i ngo bo nyid gang yin dris na

ngo bo nyid gzugs yin no zhes lan 'debs kyi/ ming gzugs yin no
zhes lan mi 'debs pa rgyu mtshan dang por bshad do// zhes gsungs
so/ de'i phyir

gzugs la mtshon na rgyu mtshan lnga po de rgyu 'bras su 'gro tshul
ni/ de yang gzugs med na gzugs kyi ming du btags pa mi 'byung
zhing/ de med na gzugs

@116b so snyam pa'i rtog pa mi skye la/ de rnams med na gzugs
kyi de bzhin nyid dmigs pa yang mi 'byung des/ de ma dmigs na de
bzhin nyid de yang dag par

shes pa'i shes pa yang mi 'byung bas/ des na/ gzugs de gzugs la
brten pa'i rgyu mtshan lnga po de'i rgyur/ 'gro tshul ni des shes
la/ de bzhin du/

tshor sogs phung po phye ma ba'i sogs gzhan dbang gi dngos po
thams cad la yang rigs 'dra'o// de ltar yang la bcom ldan 'das
kyis/ /byis pa rmongs

pa'i sems ldan pa/ /mtshan ma dag la brjod pas bcings/ /zhes
dang/ bsdu bar yang/ 'di ltar dngos po la brten nas brjod pa
skye ba yang dmigs la/

brjod dpe la brten nas kyang dngos po skye ba dmigs ba'i phyir
te/ 'di lta ste dper na/ 'jig rten pa dag dngos po yod na ming
du yang brjod pas rab tu rtog par

byed kyi/ dngos po med pa la ni yongs su rtog par mi nus pas/ de
ltar dngos po la brten nas kyang ming dang brjod pa skye bar
dmigs pa yin no// zhes gsungs

@117a @#/ /pa ltar/ byis pa rnams la ni gzugs zhes pa'i ming la
brten nas de'i yul du gzugs las gzhan pa'i chos gzhan dag las
spu ris

phye ste ming gi mtshan ma 'jog la/ de la brten nas gzugs de
gzugs zhes pa'i ming gi gzhir rang gi mtshan nyid kyis grub pa'i
rjod pa byed cing/ de'i dbang

gis gzugs de ming gi gzhir rang gi mtshan nyid kyis grub par zhen
cing 'dzin pa'i sgro 'dogs ngang gis skye bas na/ mtshan ma dag
la brjod pas bcings/ /

zhes bya ba yin no/ de bzhin du/ gzugs kyi dngos po la brten nas
gzugs yod ces pa'i brjod pa yang byed la/ brjod pa de la brten
nas kyang gzugs

skye ba dang 'jig pa yang mthong zhing/ de'i dbang gis byis pa
rmongs pa'i sems dang ldan pa rnams la ni gzugs la dmigs nas 'di
gzugs so zhes

pa'i ming gi gzhi dang gzugs skye 'o 'gag go zhes pa'i brjod
pa'i gzhir rang gi mtshan nyid kyis grub par 'dzin pa'i sgro
'dogs ngang gis skye ba ni byis pa

@117b rmongs pa'i dbang gis yin no zhes bya ba'i don dang/ de
bzhin du/ gzugs zhes pa'i tha snyad btags pa na sngon po lta bu
gzugs kyi/ tha snyad btags pa'i gzhir

ji ltar snang ba'i tshul ni/ de yang byis pa rnams la ni ming
dang brdas bzhag pa'i rnam pa mi 'char bar sngon po'i gnas lugs
kyi sgo nas grub pa'i snang ba 'char

la; de ltar 'char ba bzhin du grub par 'dzin pa'i 'dzin pa ni
sgro 'dogs lhan skyes yin la/ de yang ngo bo la sgro 'dogs pa'i
sgro 'dogs yin no// de'i phyir

legs bshad snying por/ gzugs zhes tha snyad btags pa'i tshe sngon
po gzugs kyi tha snyad 'dogs pa'i gzhi yin pa de ji ltar snang
ba bltas pa na/ ming dang

brdas bzhag pa min bar rang gi gnas lugs kyi dbang gis grub pa
bzhin du snang ngo// sngon po de ji ltar snang ba bzhin du grub
par 'dzin pa ni/ sngon po la

gzugs so zhes ming du btags pa la rang gis mtshan nyid kyis grub
par 'dzin pa'i sgro 'dogs yin la/ zhes gsungs shing/ de yang
sgro 'dogs des

@118a @#/ /ji ltar bzung ba ltar bye mdo gnyis kyis kyang 'thad
ldan du khas len pa yin pas/ sngon po gzugs yin zhes pa'i sgra'i
brjod bya'i rang ldog

rtog btags tsam du 'jog pa la ni bye mdo gnyis dang sems tsam la
'dra la/ gzhi ldog tu rang mtshan 'jog tshul ni chos mi mthun no//
de yang gzhi ldog gi

rang mtshan 'jog tshul 'di ni/ gong du rang ldog gzhi ldog phye
ba'i skabs/ dang mi 'dra bar 'jog tshul khyad par ba sngon po
gzugs zhes pa'i

tha snyad kyi gzhir rang gi mtshan nyid kyis grub pa de nyid 'jog
dgos la/ de ni sems/ tsam pas dgag bya'i kun btags dang sgro
'dogs kyi mthar 'dod

cing/ bye mdo gnyis kyis ni sngon po de 'dra'i tha snyad kyi
gzhi rang gi mtshan nyid kyis grub par yang 'dod pas na de rnams
kyis 'jog tshul ches mi mthun pa

yin no// de bzhin du khyad par du sgro 'dogs pa'i sgro 'dogs
dang/ gzung 'dzin rdzas gzhan du 'dzin pa'i sgro 'dogs rnams
kyang chos kyi bdag 'dzin du shes

@118b par bya'o/ /de ltar yang legs bshad snying por/ de byis pa
rnams la yod par sngar bshad pa des grub cing/ de 'dra ba'i
'dzin stangs de 'thad ldan du don smra sde

gnyis kyis kyang 'dod pas/ sgra'i brjod bya'i rang ldog rtog
btags yin kyang/ de'i gzhi ldog tu rang mtshan 'ong ba'i lugs
dang ga la mtshungs/ zhes sogs

gsungs la rtsod pa lhag ma'i don ni 'og tu 'chad do// gnyis pa/
de ji ltar 'gog pa'i tshul la dgag pa dngos dang/ de la rtsod pa
spang ba dang gnyis las/

dang po ni/ theg bsdus las/ gzhan gyi dbang gi ngo bo kun btags
pa'i bdag nyid du ji ltar snang ba de yi bdag nyid ma yin par ci
mngon zhe na/ zhes dri ba

bkod par mdzad pa'i ngor ni/ de yang gzhan dbang kun btags kyis/
stong par sgrub byed kyi rigs pa de la mang du yod cing/ de yang

dgongs 'grel las dngos su/ ma gsungs pa'i rigs la rnams nges par
bya ba'i phyir/ byang sa dang/ bsdu ba las ni rigs pa gsum gsum
gsungs

@119a @#/ /la; 'dir ni/ gzhan dbang kun btags kyi bdag nyid du ji
ltar snang ba ltar de yi bdag nyid min par sgrub byed kyi rigs
pa ci 'dra yod

ce na/ /de'i lan du de nyid las/ /ming gi snga rol blo med
phyir/ mang ba'i phyir dang ma nges phyir/ /de yi bdag nyid bdag
mang dang/ /bdag 'dres 'gal

bas 'grub par 'gyur/ /zhes gsungs pa ltar sgrub byed kyi rigs pa
gsum dang gnod byad kyi 'gal bar 'gyur tshul gsum gyi sgo nas
bstan la/ de

yang gzhi gcig gi steng nas ngos bzung na rigs pa dang po'i
skabs su lto ldir ba de bum pa zhes pa'i tha snyad kyi gzhi'am
gnas yin pa de nyid gzhir

bzhag ste/ de ni lto ldir ba'i gnas lugs sam rang gi mtshan nyid
gyi thub ma grub brtsas nas gnod byed bstan pa yin la/ de'i tshul
yang de 'dra'i gzhi'am gnas

yin pa de nyid lto ldir ba'i gnas lugs sam dang de mtshan nyid
kyis grub par 'jog na/ de brda'i dbang gis ma bzhag par 'gyur ba
yin la/ de ltar na brda'i

@119b yul can gyi blo brda la brten sa skye ba de yang brda la
mi ltos par 'gyur dgos shing/ de ltar song na/ 'o na; bum pa'i
ming ma btags pa'i snga rol nas ltor ldir ba

mthong ba tsam gyis 'di ni bum pa'o snyam pa'i blo skye bar
'gyur dgos pa las de ltar skye ba yang min pa ni lung rigs pa
myong ba gsum gas 'grub pa yin no// de yang

dngos zin kun btags la sbyor ba'i sgrub byed kyi rigs pa 'god
tshul ni de ltar yin la/ gzhi gzhan dbang gi nang tshan chos can
du bkod de sbyor ngag tu bsgril na

lto ldir ba chos can/ khyod bum pa zhes pa'i tha snyad kyi
gzhi'am gnas su khyod kyi gnas lugs sam rang gi mtshan nyid kyis
grub pa ma yin te/ khyod de 'dra'i

gzhir ming brdas bzhag tsam yin pa'i phyir te/ de'i gzhir khyod
blo yul du shar ba ming brda blo yul du shar ba la bstos dgos
pa'i phyir/ kha ? khyod la bum pa zhes pa'i ming

ma btags pa'i snga rol tu lto ldir ba 'di ni bum pa'o snyam pa'i
blo skye ba med pa'i phyir zhes bkod do/ rigs pa gnyis pa'i
skabs su/ don gcig nyid don gyi bdag

@120a @#/ /nyid mang por 'gyur ba'i 'gal bar 'gro tshul ni/ de
yang brgya byin lta bu gang zag gcig la yang brgya byin dang
dbang po dang grong 'joms la sogs

pa'i ming du ma 'jug pa de yang/ ming de rnams kyi gzhir brgya
byin de rang gi ngo bo'i sgo'am rang gi mtshan nyid kyis grub na/
de 'dra'i ming de rnams dngos po'i

dbang gis 'jug dgos par 'gyur la/ de ltar na rtog pa la ming de
rnams re re la brten pa'i don mi 'dra ba so so snang rgyu yod pa
de bzhin du/ don gcig brgya byin

gcig bu la yang dngos gces la so sor yod dgos pa'i phyir na/ don
gcig pu de don du mar thal bas 'gal bar 'gyur ro// de yang sbyor
dag tu bsgril na/ brgya

byin chos can/ khyod dbang po sogs ming du ma 'jug pa'i gzhir
rang gi mtshan nyid kyis ma grub ste/ de ltar grub na khyod la
ming de rnams dngos po'i dbang gis 'jug

dgos pa'i phyir te/ rtog pa la ji ltar snang ba bzhin du khyod
don mi 'dra ba mang por dngos gnas la grub dgos pa'i phyir ro//
de ltar na don gcig nyid don mang por

@120b 'gyur bas 'gal ba'o// rigs pa gsum pa'i skabs su/ don ma
'dres pa'i ngo bo de nyid 'bres par 'gyur ba'i 'gal bar song
tshul ni/ /de yang gang zag rgyud

tha dad pa gnyis la nyer sbas zhes pa'i ming gcig 'jug pa'i tshe
na/ de gnyis ka la nyer sbas so snyam pa'i blo skye ba la khyad
par med la/ de ltar na gang zag rgyud tha

dad pa gnyis po de nyer sbas zhes pa'i ming gcig po de'i gzhir
rang gi mtshan nyid kyis grub na de gnyis la de'i 'dra'i ming
dang rtog pa yang dngos po'i dbang gis 'jug

par 'gyur dgos la/ de ltar na don gnyis don gcig tu 'gyur ba
dang rgyud tha dad pa gnyis rgyud gcig tu 'gyur bas 'gal bar
song ngo// de yang sbyor ngag/

tu bsgril na/ gang zag rgyud tha dad pa gnyis la nyer sbas zhes
pa'i ming gcig po de nyid btags pa'i skyes ba de gnyis chos can/
khyod nyer sbas zhes pa'i ming

gcig po de'i 'jug gzhir rang gi mtshan nyid kyis grub pa ma yin
te/ de ltar grub na de gnyis la de 'dra'i ming dang rtog pa yang
dngos po'i dbang gis 'jug dgos

@121a @#/ /pa'i phyir na/ don gnyis don gcig tu 'gyur ba dang
rgyu tha dad pa gnyis rgyud gcig tu 'dres par 'gyur bas 'gal
ba'o/ /de ltar yang legs

bshad snying por/ de la chos de'i bdag nyid du 'gal bas gzhan
dbang kun/ btags kyis stong bar 'grub tshul go sla bar brjod na/
zhes pa nas don gnyis

don gcig tu 'gyur ro/ /zhes pa'i bar gsungs so/ /des na/ gzugs
sogs rtog pa'i zhen gzhi yin pa rang gi mtshan nyid kyis grub par
'dzin pa dang/

gzugs sogs rtog pa'i zhen gzhir rang gi mtshan nyid kyis grub par
'dzin pa gnyis kyang sgro 'dogs su 'jog par 'dra bas na/ theg
bsdus kyi skabs 'dir

de gnyis ka'i sgo nas 'phul mtshams kyis kyang gnod byed bstan pa
yin no/ /de bzhin du/ brda mi shes pa'i rgyud kyi dgag bya sgro
'dogs 'gog pa'i rigs pa yang

de dang 'dra bas/ de'i phyir legs bshad snying por/ gzugs sogs
rtog pa'i zhen gzhi yin pa de don dam pa'am rang gi mtshan nyid
kyis grub par 'dzin na'ang

@121b ming du btags pa'i gnas rang mtshan gyis grub par 'dzin pa
dang 'dra bas/ 'di'i ming 'di'o zhes brda mi shes pa la yang
dgag bya sgro 'dogs yod la de

'gog pa'i rigs pa yang 'dra'o/ /zhes gsungs so/ /de bzhin du/
bum pa la yang bum pa zhes pa'i ming ma btags gong nas yod pa de
la phyis bum pa zhes

pa'i ming btags te/ 'di ni 'di'o zhes pa'i tha snyad byed la/ de
ltar byas pa na de bum pa'o zhes pa'i ming gi gzhir yod par song
ba na 'jig rten pa'i blo lhan skyes

rang ga ba la yang bum pa zhes pa'i ming ma btags gong gi bum pa
dang/ btags pa'i skabs kyi bum pa gnyis po so so dang tha dad
kyi snang ba gang yang mi 'char

yang/ bum pa de gnyis ka cha shas su ldan pa'i rgyun gcig gis
yongs pa'i tshod kyi bum pa zhig 'char la/ de ltar 'char ba de la
yid gtang te 'di ni bum pa'o/

snyam du 'dzin pa'i 'dzin so de nyid gzhir bzhag ste bum pa la
bum pa zhes pa'i ming btags ma btags gnyis ka'i skabs su grub
tshul ji ltar 'dug bltas na rtsa ba

@122a @#/ /chod pa yin pas/ de yang blo lhan skyes de la ni ming
btags ma btags gnyis ka'i skabs kyi bum pa de kha 'char zhing/
de yang ming btags

ma btags gnyis kyis khyad par du byas nas 'char zhing 'dzin pa
min pas na/ spyir bum pa yang blo lhan skyes la 'char ba ltar
ming btags ma btags

gnyis ka'i skabs su yod par 'jog dgos la/ de la blo kun btags
kyis 'thad pa bcug pa na bum pa'i ming ma btags gong du des/ bum
pa tsam zhig

'dzin pa ma gtogs/ bum pa de la bum pa'o snyam du mi 'dzin pa ni
blo lhan skyes kyi 'dzin so dang/ 'dra la/ phyis bum pa'i ming
btags nas ni bum pa

mthong ba na 'di ni bum pa'o snyam du 'dzin pa dang/ ming btabs
ma btags kyi khyad par bye nas 'dzin pa gnyis ka yang blo kun
btags kyi 'dzin so yin pas/ spyir

bum pa de ming brda'i yul du 'gro mi 'gro ni blo de gnyis kyi
'dzin/ so ltar don la gnas pa yin no/ /de'i phyir lto sdir bde
bum pa zhes pa'i ming gi gzhir

@122b rang gi mtshan nyid kyis yod na/ bum pa zhes pa'i ming ma
btags gong du bum pa'i ngo bo med par 'gyur ba'am/ yang na do'i
dus su lto sdir ba 'di ni bum pa'o snyam pa'i

brda can gyi blo skye bar 'gyur ba dang/ yang na bum pa'i ming
btags kyang lto ldir pa mthong res kyis 'di ni bum pa'o snyam
pa'i blo gtan nas mi skye bar 'gyur la/ de ltar na lto ldir ba
'di ni bum pa'o

snyam pa'i blo skye sa med par 'gyur bas ngo bo dang khyad par
du kun btags pa'i kun btags kyang med par 'gyur dgos pa yin no/
de'i phyir byang sar don sngar yod la 'di 'di'o zhes ming phyis

'dogs na de ltar ma btags pa'i tshe don de'i ngo bo med par 'gyur
la/ ma btags pa'i tshe yang ngo bo yod pa la phyis 'dogs na ming
ma btags pa'i dus su 'di gzugs so snyam pa'i blo skye bar 'gyur

zhes byang sa khungs su mdzad de bkag go/ /des na/ gzugs sogs
chos gang yang ming dang brda 'dogs pa'i dngos yul gzugs sogs su
snang ba de ming

dang brda'i gzhir gzugs sogs kyi chos de dag dang khyad med du
ming dang brda la bltos nas dngos su snang ba'i yul gang yin pa
de ni don gzugs sogs chos

@123a @#/ /de rnams kyi ngo bo ste kho rang dngos yin pa dang/
rang gi mtshan nyid kyis grub na/ de 'dra'i dngos kyi yul de brda
'brel byas pa la

mi ltos par ming can gyi blo skye bar 'gyur ro zhes nyan thos
sde gnyis/ la skyon bstan pa yin zhing/ de la nyan thos sde
gnyis kyis de 'dra'i brda 'dogs

pa'i dngos kyi yul de gang la brda 'dogs pa'i don de'i ngo bor
rang/ mtshan gyis grub na brda 'brel byas pa la mi bltos par ming
gi blo skye ba sogs

kyi skyon yod par khas len kyang/ gzugs sogs brda 'dogs pa'i
gnas dang rtog pa'i zhen gzhi yin pa/ de rang gi mtshan nyid kyis
grub pa khas blangs

pa la gong gi skyon de 'dra mi 'jug go zhes lan 'debs so/ /de
yang bye mdo gnyis kyi lugs la gang la brda 'dogs pa'i dngos kyi
yul de ni gong du rjod byed

kyi sgra'i dngos yul dang sgra spyi don spyi dngos med du grub
zin pa bzhin 'dir yang spyi mtshan dang dngos med du khas len
pa'i dbang du byas nas lan de ltar btab pa/

@123b yin no/ des na brda 'dogs pa'i dngos kyi yul 'di ngos
bzung lugs ni gong du ngos bzung ba ltar 'dir yang gzugs lta bu
la mtshon na/ de gzugs zhes

pa'i ming gi gzhir snang ba na gzugs kyi ming la brten nas gzugs
su snang ba'i 'dra rnam de nyid/ gzugs zhes pa'i ming dang
brda'i dngos yul yang yin

la; de nyid mdo sde bas spyi mtshan dang dngos med du yang 'jog
pas rgyu mtshan des gzugs sogs kyi ngo bor rang mtshan gyis ma
grub par 'jog nus la/

gzugs sogs brda 'dogs pa'i gnas dang rtog pa'i zhen gzhi yin pa
de ni gang la brda 'dogs pa'i dngos kyi yul rang ldog tsam 'jog
pa dang mi 'dra bar

yul de'i gzhi ldog gzugs sogs brda 'dogs pa'i gnas dang rtog
pa'i zhen gzhi yin par rang mtshan gyis grub pa de nyid 'jog dgos
pas na/ de 'dra'i

rang mtshan de nyid rang gi mtshan nyid kyis/ grub par khas blangs
kyang nyan thos sde par gong gi skyon de mi 'jug go zhes lan
btab pa yin no/ /de la sems

@124a @#/ /tsam pas de gnyis don 'dra ba'i lan 'debs par mdzad
la/ de ltar 'dra tshul ni gzugs sogs gang la yang brda 'dogs pa'i
dngos

kyi yul de gong la brda 'dogs pa'i don de'i ngo bor rang mtshan
gyis grub pa dang/ gzugs sogs brda 'dogs pa'i gnas dang rtog
pa'i zhen gzhi yin

pa rang gi mtshan nyid kyis grub pa dang/ gzugs sogs brda 'dogs
pa'i gnas/ dang rtog pa'i zhen gzhir rang gi mtshan nyid kyis
grub pa rnams

dgag bya sgro 'dogs kyi mthar 'jog /pa dang/ de 'dzin pa'i 'dzin
pa sgro 'dogs lhan skyes dang chos kyi bdag 'dzin du 'jog par
'dra bas na 'gog byed

kyi rigs pa rnams kyang 'dra la/ de'i phyir sems tsam pas 'dra'o
zhes lan btab pa yin no/ /de ltar yang legs bshad snying por/
gang la brda 'dogs

pa'i dngos kyi yul de don de'i ngo bor rang mtshan gyis grub na
brda 'brel byas pa la mi ltos par ming gi blo skye ba sogs kyi
skyon yod med kyang/ gzugs

@124b sogs brda 'dogs pa'i gnas dang rtog pa'i zhen gzhi yin pa
de rang gi mtshan nyid kyis grub pa la skyon der mi 'gyur ro zhes
nyan thos sde pa dag smra mod

kyang 'dra'o/ /de ltar na gzugs sogs rtog pa'i zhen gzhi yin pa
de ming dang brdas bzhag pa'i kun btags yin mong kyang tshad mas
grub pas dgag mi

nus la/ de nyid dngos po de dag gi rang gi mtshan nyid kyis grub
pa ni ming tsam gyis bzhag pa'i kun btags shes bya la mi srid pa
yin pas ming dang brdas

bzhag pa la tshad mas grub ma grub gnyis yod do/ /'on kyang ming
dang brdas bzhag pa tsam yin phyin chad de la rgyu 'bras mi rung
bar 'di pa 'dod do/ /

zhes gsungs so/ /des na/ don smra gnyis kyis gzugs sogs gang la
brda 'dogs pa'i dngos kyi yul de don de'i ngo bor rang mtshan
gyis ma grub par

'jog kyang/ gzugs sogs rtog pa'i zhen gzhi dang brda 'dogs/ pa'i
gnas su rang gi mtshan nyid kyis grub par 'jog pa/ yin te/ der
rang

@125a @#/ /gi mtshan nyid kyis grub par ma bzhag na de dag yod par
'jog kyang mi shes so/ /'o na/ de ltar 'jog mi shes pa'i rgyu
mtshan ci yin

zhe na/ de yang gzugs lta bu ni gang la bltos nas yod par 'jog
na gzugs 'dzin pa'i rtog pa'i zhen gzhi dang gzugs zhes pa'i
ming brda'i gzhi la bltos

nas 'jog dgos shing/ der yod tshul yang rtog pas btags tsam dang
ming brdas bzhag tsam/ gyi yod tshul min par dngos po'i gnas tshod
nas de 'dra'i

gzhi der song bar 'jog pas na/ don smra gnyis kas gzugs sogs
chos thams cad ming dang/ rtog pa'i gzhir rang gi mtshan nyid
kyis grub par 'jog

pa yin no/ /de'i gnad kyis der rang gi mtshan nyid kyis grub par
'jog pa'i 'jog tshul 'di ni tshad ma la grags pa'i rang mtshan 'jog
tshul dang ni ches mi

'dra'o/ /de yang/ tshad ma pa la grags pa'i rang mtshan ni/ /bzhal
bya gnyis phyir tshad ma gnyis/ zhes pa ltar/ tshad mas mngon rjes
gnyis su yod pa

@125b bzhin gzhal bya la yang rang spyi gnyis su phye nas 'jog
pa'i skabs kyi rang mtshan de yin la/ de dang mngon sum gyi snang
yul dngos po rang mtshan rnams don

gcig tu 'jog pas gzugs/ sogs ming dang rtog pa'i zhen gzhir rang
gi mtshan nyid kyis grub par 'jog pa'i tshul ni chos thams cad/
kyi steng

ma tshang bas na mi 'dra ba'i tshul ni de yin no/ de ltar yang
legs bshad snying por/ don smra gnyis kyis gzugs sogs rtog pa'i
zhen gzhi dang brda 'dogs

pa'i gnas su rang mtshan gyis grub pa khegs na de dag yod par
'jog ma shes te/ tshad ma pa la grags/ pa'i rang mtshan ni min no/
/zhes gsungs so

de'i phyir sngar gong du rim par bshad pa'i ngo bo dang khyad
par du btags pa'i gzhir chos gang yang rang gi mtshan nyid kyis
grub pa dang don dam par grub par 'dzin

pa'i shes sgrib kyi nang nas kyang tso bo yin la/ de'i zhen yul
med pa yang shes sgrib dag par byed pa'i dmigs pa mthar thugs
yin no/ /rigs pa 'di dag gi sgo

@126a @#/ /nas rnam par rig pa tsam la 'jug pa'i tshul ni/ de yang
gzugs nas rnam mkhyen gyi bar gyi chos thams cad ming gi tha
snyad 'dogs pa'i

gnas dang rnam rtog gi zhen pa'i gzhi yin pa de/ don dam/ bar
grub pa nam khegs pa na gzung 'dzin gnyis su med pa'i rnam par
rig pa tsam la 'jug

par gsungs te/ de ltar yang theg bsdus las/ 'di ltar byang chub
sems dpa' rnam par rig pa tsam la 'jug par brtson pa de lta bu
de/ yi ge dang don

snang ba'i yid kyi brjod pa/ de la yi ge'i ming de yang/ yid kyi
rtog pa tsam du zad par yang dag par rtog go/ yi ge la brten
pa'i don de yang

yid kyi brjod pa tsam du zang pa nyid du yang dag par rtog go/
ming de yang ngo bo nyid dang khung par du btags par zad pa tsam
du yang dag par rtog go/ /

de'i phyir yid kyi brjod pa tsam du zad pa nyid du dmigs shing/
ming dang bcas pa'i don ngo bo nyid dang khyad par du btags pa
dang bcas shing ngo bo nyid dang

@126b khyad par du bcas pa don gyi mtshan nyid du mi dmigs pa na/
yongs su tshol ba bzhi dang/ yang dag pa ji lta ba bzhin du yongs
su shes pa bzhi po dag gis

yi ge dang don snang ba'i yid kyi rnam par rtog pa de dag la
rnam par rig pa tsam nyid du 'jug go /zhes gsungs so/ /de'i don
ni/ byang chub sems dpa'

rnam par rig pa tsam la 'jug pa'i tshul ji lta bu zhe na/ de yang
thog mar yi ge la brten nas ming 'byung zhing/ de la brten nas
ming don sprel nas snang ba'i yid

kyi brjod pa 'byung la/ de'i/ 'byung tshul gzugs kyi steng nas
shes par byed dgos pas/ de yang gzugs zhes pa'i ming de yi ge
las brtsams

te byung ba na 'di ni gzugs so snyam pa'i brjod pa byas pa gang
yin pa de thams cad ni bag chags kyi dbang gis yi ge dang ming
dang don snang ba'i yid kyi/ brjod

pa rnams rdzas so sor grub pa'i tha dad du snang yang/ ji ltar
snang ba ltar gyi don der ma grub pas/ de rnams kyi dngos po'i
gnas tshod ni/ yid kyi

@127a @#/ /rtog pa tsam du zad pa ste grub pa yin la/ byang sems
rnams kyis ni de thams cad sems kyi bdag nyid tsam du yang dag
par rtog pa ste nges

par mdzad pa yin no/ /de 'dra'i yi ge'i ming la brten pa'i don
gzugs de yang yid kyi brjod pa tsam du song bas de nyid byang
chub sems dpas sems kyi

bdag nyid tsam du yang dag par rtog ba ste nges par mdzad do/
/ming de yang 'di ni gzugs so zhes ngo bo dang 'di ni gzugs kyi
skye ba'o zhes khyad par du

btags pa gang yin pa de yang ming don sprel nas ngo bo dang
khyad par 'tshol bar btags pa tsam du zad kyi/ ngo bo dang khyad
par gnyis kyi ming 'jug pa'i

gzhi gzugs dang gzugs kyi skye ba gnyis ka yang byang chub sems
dpas sems kyi bdag nyid tsam du yang dag par rtog pa ste nges
par mdzad do/ /de'i

phyir gzugs lta bu gcig la yang de'i ming 'tshol ba/ de'i don
'tshol ba/ de'i ngo bo 'tshol ba/ de'i khyad par 'tshol ba ste sems
kyi bdag nyid du bsgrubs

@127b nas rnam par rig pa tsam du 'jug par byed dgos pa yin la/
de yang gzugs sogs gzhan dbang gi dngos po rnams ni sems dang
rdzas gcig pa

dang/ nam mkha' sogs 'dus ma byas kyi chos rnams ni sems dang
rdzas gcig min kyang sems dang ngo bo gcig tu bsgrub dgos pa ni
khyad par ro/ /

de'i phyir gzugs nas rnam mkhyen gyi bar gyi chos thams cad la
rjod byed kyi ming dang/ brjod bya'i don dang/ ming don 'brel ba
la brten nas brjod bya'i

don phyi ngo bo dang de la brten nas byad par 'tshol ba ste/
'tshol ba bzhi'i glo nas yid kyi rtog pa la snang tshul yod pa ni
'dra la/ de yang bzhi po de'i sgo

nas ji ltar snang na sems las rdzas sam ngo bo tha dad du snang
zhing/ de ltar snang ba ltar du don de rnams ma dmigs pa ste ma
grub pas na/ yongs su 'tshol

ba bzhi dang/ yang dag pa ji lta ba bzhin du yongs su shes pa
bzhi po de'i sgo nas chos thams cad sems kyi bdag nyid tsam du
grub pa'i rnam rig tsam la 'jug

@128a @#/ /dgos zhes pa'i don yin no/ /de ltar yang legs bshad
snying por/ gzugs nas rnam mkhyen gyi bar gyi chos rnams ming gi
tha snyad 'dogs

pa'i gnas dang rnam rtog gi zhen pa'i gzhi yin pa de don dam par
grub par khegs pa na/ rjod byed kyi ming dang brjod bya'i don
dang ming don 'brel ba la brten nas

brjod bya'i don gyi ngo bo dang khyad par du snang ba'i yid kyi
rtog pa ni/ ji ltar snang ba ltar gyi zhen sa'i don med pas de
ltar 'dzin pa ma 'khrul ba yang med do

snyam nas gzung 'dzin gnyis su med pa'i rnam rig tsam la 'jug
ste/ zhes gsungs so/ /de yang yid shes rtog pa la bltos pa'i
gzung 'dzin rdzas

gzhan du 'dzin tshul dang/ bag chags brtan byung gi dbang shes la
gzung 'dzin rdzas gzhan du snang tshul gnyis las/ dang po ni gong
du rgyas par bshad

zin cing/ dbang shes rtog med la snang tshul ni/ de yang dbang
shes rtog med de bag chags gang las byung na gnyis snang 'khrul
ba'i bag chags las

@128b byung la/ de ni 'phral gyi rkyen tsam gyi glo bur ba min
par bag chags brtan pa phugs kyi 'khrul rgyu'i dbang gis gnyis
snang byung ba yin pas/ de'i

phyir dbang shes rtog med yin kyang gnyis snang 'khrul pa ni yod
la/ de'i gnyis snang 'khrul pa yang gzung 'dzin rdzas tha dad du
snang ba'i gnyis snang

gtso bo yin pas/ phyi don 'gog pa ni dbang shes la bltos nas
gtso bor 'gog dgos pa yin no/ /yang dbang gis/ rtog med la gzugs

sogs rtog pa'i zhen gzhi yin pa yang snang zhing/ de ltar snang
ba'i sgo nas snang yul la 'khrul bar 'jog la/ rtog pa'i zhen
gzhi yin pa rang gi

mtshan nyid kyis grub par yang snang bas na/ lugs 'dir dgag bya
chos bdag dbang shes la snang bar bzhag go/ des na/ yid shes
rtog pas

gzung ba ltar gyi rdzas gzhan khegs na dbang shes rtog med la
snang ba ltar gyi rdzas gzhan khegs pa yin te/ legs bshad snying
por/ 'di

@129a @#/ /ltar sngon po gzung ba don gzhan du 'dzin pa'i rtog
pa'i zhen gzhi yin pa rang mtshan gyis yod pa rigs pas khegs na/
sngon po zhen gzhi yin

pa snang ba'i sngo 'dzin de snang yul la 'khrul bar 'grub ste/
de snang ba na rang gi mtshan nyid kyis grub par snang ba'i phyir
ro/ /de grub na sngon po de rang snang ba'i shes

pa las rdzas gzhan du med pa grub bo/ /zhes gsungs so/ /des na
rnam shes de nyid rtog pa'i zhen gzhi yin pa de rang rig la mi
snang yang/ rtog pa la snang ba

mi 'gal zhing/ de yang rang rig la ni gnyis snang gi rigs gang
yang med pas na rtog pa'i zhen gzhi yin pa de snang du mi rung
bas de ni gnyis snang nub pa kho na yin

la rtog pa'i zhen gzhi yin pa de rtog pa la snang ba'i tshe de'i
don spyi 'char dgos la/ de 'char ba na gnyis snang gi rnam pa
can du 'char ba yin no/ /de ltar yang

legs bshad snying por/ rang rig la rtog pa'i zhen gzhi yin pa mi
snang la/ sngo 'dzin la sngon po phyi rol tu zhen pa'i zhen gzhi
yin pa snang ba'i phyir te/ zhen

@129b gzhi yin pa de gnyis snang nub pa'i rang rig la sogs pa la
'char du mi rung zhing gnyis snang can gyi sngo 'dzin la snang
ba mi 'gal ba'i phyir ro/ /rtog pa'i

zhen gzhi de snang ba na gnyis snang yod dgos pa'i rgyu mtshan
ni/ de'i spyi rtog pa la 'char ba na nges par gnyis snang ga
rnam pa can du 'char ba'i phyir ro/ /zhes

gsungs so/ /'o na/ rtog pa la shes pa snang ba'i tshe na yang
shes pa'i don spyi 'char bas na/ rtog pa de shes pa la gnyis
snang gi rnam pa can du song ba yin

nam zhe na ma yin te/ rtog pa la shes pa snang phyin myong tsam
gyi rnam pa can du snang dgos pa yin no/ /de yang rtog pa la
shes pa snang phyin myong tsam gyi bdag

nyid du snang ba 'di thal rang gnyis dang yang mi 'dra ba ni
sems tsam pa'i lugs mchog gcig tu yod la/ de yang lugs 'dir shes
pa bden grub 'jog

cing/ de gzhir bzhag nas chos thams cad nang shes pa'i bdag nyid
du bsgrubs nas rang mtshan brjod med 'jog tshul 'di dang/ gzhan
dbang sgyu ma

@130a @#/ /lta bur 'char tshul gyi gnang 'di dang/ gzung 'dzin
gnyis su med pa'i rnam rig tsam la 'jug pa'i tshul 'di rnams
gungs bsgrigs nas

legs par bsams na/ rtog pa la shes pa'i rnam pa snang phyin
myong tsam gyi rnam pa can du 'char dgos pa ni 'di'i grub pa'i
mthar 'ong tshod du 'dug pas

don du na shes pa 'dzin pa'i rtog pas shes pa 'dzin pa na myong
tsam gyi rnam par 'char nas 'dzin pa dang/ sngon po 'dzin pa'i
rtog pas sngon

po 'dzin pa na gnyis snang 'char te 'dzin dgos pa yang 'di'i
grub mtha'i 'dod tshul lo/ /de'i phyir rtog pa yin na spyir gnyis
snang yod pas khyab kyang/

des shes pa yul du byed pa la ni gnyis snang med par myong tsam
gyi bdag nyid du 'char dgos pa yin no/ /de'i phyir rtog pas phyi
gzung ba'i yul gyi

chos rnams yul du byed pa na gnyis snang yod pa dang/ nang shes
pa'i gsal rig yul du byed pa na gnyis snang med par myong tsam
du 'char dgos

@130b pa yang/ legs bshad snying por/ 'di shes pa la mtshungs pa
ma yin te/ rtog pa la spyi 'char ba na'ang myong tsam gyi rnam
pa can du 'char ba'i phyir ro/ /

rtog pa la gnyis snang nges par yod pas mtshungs so zhes smra mi
nus te/ rtog pa la gnyis snang yod pa dang yul de gnyis snang gi
rnam par 'char ba

gnyis don mi gcig pa'i phyir ro/ /zhes gsungs so/ /de'i phyir
spyir rtog pa la gnyis snang yod kyang/ yul shes pa la bltos te
gnyis snang gi rnam

par mi 'char bas de gnyis don mi gcig ces pa yang yin no/ /yang
skabs 'dir rtog pas btags tsam dang rtog med dbang shes la snang
ba

gnyis mi 'gal yang/ mdo sde pa la ni de gnyis 'gal zhing/ de
yang mdo sde pas mngon sum gyi snang yul la dngos pos khyab pa
dang/ mngon sum

tshad ma la ma 'khrul bas khyab pa dang/ 'dir bag chags brtan
byung gi dbang shes la 'khrul shes kyis khyab pa dang de'i gnad
kyis sngon po rtog pa'i zhen

@131a @#/ /gzhi yin pa yang snang bas lugs de gnyis la mi 'dra ba
yod do/ /de ltar yang legs bshad snying por/ gal te sngon po
rtog pa'i zhen gzhi yin

pa de rtog pa'i dbang gis bzhag pa tsam yin pa'i phyir rtog bral
la mi snang ngo snyam na sgyu ma rta glang yin pa yang rtog bral
la mi snang bar 'gyur te/ rtog

pas bzhag ba tsam yin pa'i phyir ro/ /zhes gsungs so/ /des na/
dgongs 'grel las gsungs pa ltar gyi ngo bo dang khyad par du kun
btags pa'i kun

btags des stong ba'i yongs grub de la ni gzung 'dzin rdzas gzhan
gyis stong ba'i stong ba yang yod la/ kun btags de la spyir ming
brdas 'jog nus

mi nus gnyis ka yod kyang/ gzhan dbang gang gis stong ba yongs
grub tu 'jog pa'i skabs su mkho ba'i kun btags la ni ming brdas
'jog nus dgos so/ /

de ltar yang legs bshad snying por/ des na ngo bo dang khyad par
du btags pa'i kun btags kyis stong ba yongs grub tu dgongs 'grel
las gsungs

@131b ba de la gzung 'dzin rdzas gzhan bkag pa med pa yang min
no/ /mdo de las zhi gnas kyi skabs su ni phyi rol dgag pa gsal
bar gsungs so/ /

spyir kun btags la spyi mtshan thams cad dang nam mkha' la sogs
pa du ma zhig yod kyang dgongs 'grel las ma gsungs pa ni/ kun
btags

gang gis stong ba yongs grub tu 'jog pa'i skabs su de dag mi
mkho bas so/ /de dag gi mang po zhig ming brdas 'jog mi nus pa'i
yod pa yin yang/

rang gi mtshan nyid kyis grub pa min te rtog pas btags tsam yin
pa'i phyir ro/ /zhes gsungs so/ /des na gzugs sogs tha snyad kyi
gzhir

rang gi mtshan nyid kyis grub pa 'gog pa'i rig pa ni/ dgongs
'grel/ byang sa/ bsdu ba/ dbus mtha'/ mdo sde rgyan/ theg bsdus
rnams su

rgyas par gtan la bab pa bzhin yin la/ 'dir gzugs 'dzin rdzas
gzhan 'gog pa'i rigs ba rnams kyang/ theg bsdus/ nyi shu ba/
slob dpon

@132a @#/ /chos grags kyi tshad ma rnam 'grel slob dpon phyogs
glang gi dmigs brtag rtsa 'grel rnams su rgyas par gtan la 'bebs
par

mdzad pa yin no/ /de yang theg bsdus su rmi lam dang gzugs
brnyan sogs kyi dpes 'gog par mdzad la/ de'i 'gog tshul ni gzugs
sogs phyi rol

don du snang yang phyi rol don du ma grub ste/ rmi lam gyi rta
glang rta glang du snang yang rta glang du med pa dang/ byad
bzhin gyi gzugs brnyan byad bzhin du med pa

ltar phyi rol gyi don med do zhes 'gog pa dang/ nyi shu par phyi
don med de rdul cha med kyang med/ de bsags pa'i rigs pa yang
med pa'i phyir dang/ gal te

cha med yod na de la phyogs bcu nas rdul gyis bskor ba'i cho
phyogs bcu'i cha yang yod dgos pas cha med nyams la/ phyogs
bcu'i cha bcu nas bskor

ba'i tshe phyogs gcig gi cha las med na bcu bo/ /gcig tu 'gyur
zhes ba sogs kyi rigs pas 'gog cing/ de yang dbu ma rgyan rtsa
'grel dbu ma

@132b snang ba rnam 'grel le'u gsum/ pa rnams kyang phyi don
'gog tshul 'di dang 'dra'o/ /rnam 'grel las skyes la 'dra ba 'gog
pa'i rigs

pa gsungs pa ni/ de yang gzung/ ba dang 'dzin pa'i mtshan nyid
dam rang bzhin gnyis dang sbyar te skyes la 'dra tshul bshad na/
de ni sngo 'dzin

mig shes lta bu la sngo 'dzin mig shes/ de nyid sngon po'i rnam
par skyes pa dang mnyam du sngon po'i steng gi rdul phra rab re
re nas kyang sngo 'dzin mig

shes la tshur rang 'dra'i rnam pa gtod cing/ de yang sngon du yul
sngon po grub nas de las sngo 'dzin mig shes skye la/ tshul de ni
mdo sde pas phyi don 'dod

tshul yin no/ /de yang skyes la 'dra tshul sngo 'dzin mig shes
dang yul sngon po gnyis po so so nas rang gi mtshan nyid dam rang
gi ngo bo nas sngon po'i rnam par

skye la; 'dra ba ni 'dzin pa shes pa'i ngos nas kyang par sngon
po'i rnam par gtod cing/ de bzhin du gzung ba yul gyi rang bzhin
nas kyang tshur sngon po'i

@133a @#/ /rnam par gtod pas na 'dra ba zhes sbyar la/ don du na
skyes la 'dra ba'i don ni phyi rol gyi don 'jog tshul lo/ /de
nyid 'gog pa'i rigs

ba ni/ mdor bsdu na/ sngon po chos can/ khyod phyi rol gyi don
du ma grub ste/ khyod sngo 'dzin mngon sum gyi gzung don yang
ma
yin zhing/ rang 'dra'i rnam pa

gtod byed ma yin pa'i phyir sogs kyi rigs pa dang/ lung gi rnam
'grel las/ /nges pa'i bdag nyid rang ngo bos/ /ma yin du ma'i
bdag skyon phyir/ /

zhes gsungs pa'o/ /slob dpon phyogs glang gis dmigs pa rtag rtsa
'grel las rdul 'dus pa dang phra rab gzung don yin pa 'gog tshul
ni/ de yang

dmigs brtag rtsa ba las/ /dbang po rnam par rig pa'i rgyu/ /phra
rab rdul dag yin mod kyi/ /de mi snang phyir de'i yul ni/ /rdul
phran ma yin dbang po

bzhin/ zhes gsungs/ de'i don ni mig gi rnam par shes pas gzugs
mthong ba'i thun mong ma yin pa'i rgyu dbang pos byed pa bzhin
du/

@133b rdul phra rab kyis kyang de 'dra'i rnam par shes pas gzugs
mthong ba'i rgyu byed pa la khyad par med mod kyi/ 'on kyang de
gnyis ka dbang po'i rnam par

shes pa la mi snang ba'i phyir de'i yul ni ma yin no/ /de bzhin
du/ bsags rdul rags pa yang dbang shes kyi yul ma yin te zla
gnyis bzhin no zhes

pa'i don yin te/ de'i 'grel bar/ yul zhes bya ba ni/ shes pas
rang gi ngo bo nges par 'dzin pa yin te de'i rnam par skye ba'i
phyir ro/ /

rrdul phra mo dag ni de'i rgyu nyid yin du zin kyang de lta ma
yin te dbang po bzhin no/ /de ltar na re shig rdul phra mo dag
dmigs/ pa ma yin no/ /zhes

pa dang/ /rdzas su med bzhin zla gnyis bzhin/ zhes pa'i 'grel
par/ dbang po mtshang pa'i phyir zla ba gnyis/ mthong ba ni der
snang

ba nyid yin du zin kyang de'i phyir yul ma yin no/ /de bzhin du
rdzas su yod/ pa ma yin pa nyid kyis/ rgyu ma yin pa'i

@134a @#/ /phyir 'dus byas dmigs pa ma yin no/ /zhes gsungs so/
/'gog byed kyi rigs pa ni/ gzugs chos can/ phyi rol gyi don du
ma grub ste/

rdul phra rab dang bsags pa gang yang gzung 'dzin dbang mngon
la
rang 'dra'i rnam pa gtod byed ma yin pa'i phyir te/ de la mi
snang ba'i phyir/ des na/

gzung 'dzin rdzas gzhan 'gog pa'i rigs pa 'di'i tshul la lta
khrid skyong ba phyogs 'gro tsam byed pa mang yang mdo sde
dgongs 'grel las gsungs

ba'i gzhan dbang kun btags kyi gzhis su song ba 'gog pa'i rigs
pa dang/ dgag bya sgro 'dogs kyi cha tsam yang ngos zin pa cher
ma byung bas/

dgongs 'grel gyi rigs pa rnams/ gong du rgyas par gtan la phab
cing/ de'i rjes su 'dir phyi don 'gog pa'i rigs pa yang legs
bshad

snying por/ phyi rol bltos pa'i gzung 'dzin 'gog pa ni/ theg
bsdus su rmi lam dang gzugs brnyan la sogs pa'i rigs pa dang/
nyi shu par rdul

@134b cha med 'gog pa'i rigs/ pa dang/ chos kyi grags pas gzung
'dzin gyi mtshan nyid skyes la 'dra ba 'gog pa'i rigs pa dang/
phyogs glang gis rdul 'dus

ba dang phra rab gzung don/ yin pa 'gog pa'i rigs pa rnams yin
no/ /zhes pa nas/ blo gros can rnams la dpyod pa'i sgo tsam zhig
bstan no/ /zhes

gsungs so/ /gnyis pa rtsod pa spang ba ni/ de yang dgongs 'grel
las gzhan/ dbang la kun btags kyi ngo bo nyid du mngon par zhen
pas nyon mongs pa

bskyed cing/ des las bsags nas 'khor bar 'khor la/ gzhan dbang
la kun btags kyi mtshan nyid ngo bo nyid med par mthong na de dag
rim pa bzhin

ldog par gsungs nas/ nyan rang dang byang sems gsum gas lam 'di
nyid dang sgrub pa 'di nyid kyis mya ngan las 'das pa 'thob pas/
de dag gi rnam

bar dag pa'i lam dang rnam par dag la yang gcig ste gnyis pa med
yang gsungs shing/ gzhan dbang kun btags kyis stong tshul sngar
bshad pa las

@135a @#/ /gzhan pa yang ma gsungs so/ /zhes gsungs/ de'i don
rnams snying por bsgril na/ dgongs 'grel gyi dngos bstan gyi
chos kyi bdag 'dzin

des nyon mongs thams cad bskyed pa dang de'i dbang gis las bsags
nas 'khor bar skye ba'i rtsa ba byed pa dang/ gzhan dbang kun
btags kyis stong ba la

dmigs nas bsgoms pas/ nyon mongs pa de dag rim bzhin ldog par
byed pa dang/ nyan rang byang sems gsum ga'i bsgom/ bya'i lam
dang spang

bya'i nyon mongs dang thob pa'i/ 'bras bu myang 'das dang dgag
bya bkag pa'i stong ba 'dra bar gsungs pa dang/ de ltar 'dra
ba'i rtsa ba yang gzhan dbang

kun btags kyis stong tshul ni/ sngar dgongs 'grel las bshad pa
ltar las stong tshul gzhan ma gsungs la/ de ltar na nyan rang gis
kyang chos kyi

bdag med rtogs pa mdo 'di'i don du byed dam mi byed ces gal
btsugs pa yin zhing/ de ltar mdo'i don du 'chad pa yin na/ 'o
na/ sngar de 'dra'i

@135b mdo 'di theg chen thun mong ma yin par bshad pa dang 'gal
lo zhes pha rol pos 'gal ba bstan nas rgol bar byed la/ gal te
de ltar mi byed na mdo'i

don ji ltar yin 'chad dgos so zhe na/ de ni khungs dang bcas te
'chad par mdzad la/ de yang byang sar ngo bo dang khyad par du
kun btags pa'i kun btags

rang gi mtshan nyid kyis grub par 'dzin pa'i 'dzin ba las phyi
don skye mched bcu gang zag gi bdag tu gyur pa'i ril po gcig tu
'dzin pa skye/ de las rnam

rtog gi dmigs pa'i dngos po/ spos pa'i gnas tshul min yid byed
gtsang bde rtag bdag tu 'dzin pa'i rtog pa skye/ de la brten nas
'jig lta skye zhing/

des nyon mongs gzhan/ rnams bskyed nas 'khor bar 'khor la/ de
bzhin du bdag med gnyis don spyi'i tshul gyis rtogs pa'i zhi lhag
zung 'brel

gyi 'tshol ba bzhi dang/ bdag med gnyis mngon sum du rtogs pa'i
yongs shes bzhis rnam rtog gis bzung ba'i don med par shes na de
dag ldog par

@136a @#/ /gsungs zhes 'gal ba spong bar mdzad cing/ der ma zad
chos kyi bdag 'dzin gyis 'jig lta'i rtsa ba byed pa dang des
gang zag gi bdag

'dzin gyi gzhi byed pa yang dbu ma pa rnams dang 'dra pas 'gal
ba mi 'jug la/ de bzhin du/ chos kyi bdag 'dzin log na gang zag
gi bdag 'dzin ldog

dgos kyang/ chos kyi bdag 'dzin ma spangs kyang gang zag gi bdag
'dzin spangs pa ni nyan rang dgra bcom gnyis ka yang bzhag chog
pas 'gal bar med

pa dang/ de bzhin du/ lam 'di nyid ces pa'i skabs kyi lam dang
rnam par dag pa yang gcig te zhes pa'i rnam par dag pa yang gang
zag gi bdag

med du byas pa yin pas/ de'i dbang du byas pa'i lam 'di nyid
dang sgrub pa 'di nyid dang rnam par dag pa'i lam dang/ rnam par
dag pa rnams nyan

rang byang sems gsum ga la nyon sgrib las grol ba'i grol ba tsam
thob par byed pa'i thabs la gcig tu blta dgos pa ni gang zag gi
bdag med kyi dbang

@136b du byas na 'gal ba mi 'jug la/ chos kyi bdag med kyi dbang
du byas na ji ltar rgol ba'i 'gal ba rnams 'jug go /yang na pha
rol pos dgongs 'grel

gyi dgongs pa len tshod ltar na/ gzhan dbang la kun btags kyi ngo
bo nyid du mngon par zhen pas nyon mongs bskyed pa dang/ gzhan
dbang la kun

btags mtshan nyid ngo bo nyid med par mthong ba na de dag ldog
par gsungs zhes pa gang zag gi bdag med kyi dbang du byas pa'i
yongs grub dang gang zag

gi bdag 'dzin gyi dbang du byas pa'i/ nyon mongs skye tshul phugs
su tshangs kyang/ dngos bstan gang la sbyor mtha' gcig tu thag ma
chod par 'doms pa'i

'gal brjod yin pas/ de 'dra'i 'gal ba skabs 'dir 'jug sa med do/
/de yang dgongs 'grel gyi dngos bstan la gzhan dbang la chos
bdag tu

sgro 'dogs pa kun btags dang/ de des stong pa chos kyi bdag med
kyi yongs grub tu 'jog pa theg chen gyi mdo'i don du bkral
zhing/ de'i shugs bstan

@137a @#/ /la gang zag gi bdag /med kyi dbang du/ byas pa'i mtshan
nyid gsum gyi rnam gzhag kyang theg dman gyi mdo'i don du

shugs kyis bkral bas na/ pha rol po'i dgongs tshod ltar nyan rang
byang sems gsum gas lam 'di nyid dang sgrub pa 'di nyid kyis
myang 'das 'thob par gsungs pa

yang gang zag gi bdag med kyi dbang du mdzad par shin tu gsal
lo/ /de'i phyir legs bshad snying por/ lam 'di nyid ces gsungs
pa ni gzhan dbang

kun btags kyi mtshan nyid kyis stong par rtogs pa'i lam la byed
kyang/ chos kyi bdag med kyi lam la bya mi dgos te/ gzhan dbang
kun btags kyis

stong ba la gang zag gi bdag med kyi dbang du byas pa yang yod
par kun las btus las gsungs pa'i phyir ro/ /gang zag gi bdag med
rtogs pas

nyon mongs dag par byed pa dang nyon mongs spangs pa tsam gyi
rnam grol la theg pa che chung khyad med pas/ rnam dag gi lam
dang rnam dag gcig par yang

@137b gsungs so/ /phung po la sogs pa gzhan dbang dang/ de la
chos kyi bdag tu sgro btags pa kun btags dang/ de des stong ba
chos kyi bdag med kyi yongs

grub tu 'jog pa theg chen gyi mdo'i don du dgongs 'grel gyis
bkral ba'i shugs kyis/ phung po'i gzhan dbang gang zag gi bdag
gi kun btags

kyis stong ba gang zag gi bdag med kyi yongs grub tu 'jog pa'i
ngo bo nyid gsum gyi rnam gzhag de tsam zhig theg dman gyi mdo'i
don du go nus la/ zhes

gsungs so/ /de bzhin du/ 'khor lo dang por/ /gdul bya theg dman
gyi rigs can rjes su bzung ba'i ched du gang zag gi bdag med kyi
dbang du

byas pa'i ngo bo nyid gsum gyi rnam gzhag dngos/ su bstan nas/
chos kyi bdag /med kyi dbang du byas pa'i mtshan nyid gsum gyi

rnam gzhag ma bstan par 'khor lo bar par dngos/ su bstan cing
tha mar de gnyis ka bstan pas na/ 'khor lo dang po gnyis ni
brjod bya dang

@138a @#/ /ched du bya ba'i/ gdul bya'i sgo nas theg pa che chung
so so ba yin la/ tha ma ni brjod bya dang ched du bya ba'i gdul
bya theg pa thams cad

la yang dag par zhugs pa zhes bya ba yin no/ /yang yum gsum gnod
'joms kyi lugs de nyid mdor bsdus brjod na/ de nyid las/ de la
mig ces

bya ba ni chos nyid kyi mig go /mig gis zhes bya ba ni kun btags
pa dang rnam par btags pa'i mig gis so/ /stong zhes bya ba ni
bral zhes bya ba'i tha

tshig go /de bzhin du rna ba rna bas stong zhes bya ba la sogs pa
la yang sbyar bar bya'o/ /zhes gsungs shing/ de'i don yang chos
nyid kyi mig ces

bya ba ni mig gi chos nyid yin pas/ de 'dra'i chos nyid stong
gzhir byas te/ de mig dang kun btags rnam btags gnyis kyi mig
gis stong zhes

bya ba yin pas/ don du mig gi chos nyid de mig dang mig gi kun
btags rnam btags bcas kyis stong zhing/ de yang kho rang ma yin
pa'i rgyu mtshan gyis

@138b stong ba dang bral ba'i tha snyad byas pa yin la/ de bzhin
du/ rna ba rna bas stong ba sogs 'gres rkang lhag ma rnams la
yang sbyar ro/ /zhes pa'i don no/ /

de lta bu'i don ni dbu sems su'i lugs la yang mi 'thad cing lta
ba gtan la 'bebs pa'i skabs kyi dgag bya'i/ stong tshul ni/ bdag

'dzin gyi zhen yul ngos bzung nas de 'gog pa yin gyi/ sa phyogs
bum pas stong ba dang bum pa ka bas/ stong ba lta bu don mi gcig
pas

stong tshul tsam min pa ni gong du rgyas par bshad zin pa ltar
yin no/ /de bzhin du/ grub mtha'i dbang/ gis btags pa'i bdag

'dzin kun btags rnams kyang lhan skyes kyi bdag 'dzin 'gog pa'i
yan lag tu byas te lhan skyes kyi 'dzin stangs sun dbyung bar
byed dgos shing/ de yang

gzhan dbang stong gzhir byas nas chos kyi bdag tu sgro 'dogs
tshul ngos bzung ste yongs grub gtan la 'bebs par byed dgos kyi/
yongs grub stong

@139a @#/ /gzhir byas nas de ngo bo nyid gzhan gnyis kyis stong
ba'i stong ba ni/ dbu sems gang gis kyang stong nyid du mi 'dod
la/ de bzhin du/

chos bdag yod par 'dzin pa lta bu yang la la me yod par 'dzin pa
bzhin du don gzhan cig yod par 'dzin pa ma yin par/ rang gi sems
phyi'i yul dang

nang gi yul can so sor rgyangs chad du snang ba na ji ltar snang
ba de bzhin du grub par 'dzin pa ni chos bdag yod par 'dzin pa
yin pas/ de 'gog pa na gzung

'dzin rdzas gzhan du grub pa bkag pas chog gi /ji ltar snang ba
de bzhin du grub pa ni la la med pa dang khang ba'i phyi nang la
med ces pa tsam gyis dgag bya'i

rtsa ba 'gog mi nus la/ de'i rtsa ba 'gog nus pa la ni gzung
'dzin rdzas gzhan gyis stong ba'i tshul shes dgos so/ /de ltar
yang legs bshad snying por/

yongs grub stong gzhir byas nas ngo bo nyid gzhan gnyis ces pa
nas/ gzung 'dzin don gzhan du de la med do zhes ston pa min no/
/zhes pa'i bar gyi

@139b don rnams mdor bsdus nas bshad pa yin no/ /'di dang mthun
par dbus/ mtha'i 'grel bshad las kyang/ gtsug lag khang dge
smong

la sogs bas stong ba ltar phan tshun 'gal ba phan tshun gcig gis
gcig yin pas stong ba tsam gyi stong tshul min gyi/ stong tshul
khyad par ba thag

pa sprul gyis stong ba ltar/ chos bdag gis stong tshul thams cad
shes dgos par gsungs la/ de ltar na spyir thag pa yang sprul yin
pas stong ba tsam

ni gtsug lag khang dge slong sogs kyis stong ba dang 'dra bas/
de tsam gyi stong tshul min gyi stong tshul khyad par pa nam zir
dus thag pa'i 'khyil lugs

sprul 'dra ba la brten nas phyi slod byed kyi skyon gnyis po
de'i dbang gis thag pa sprul du snang ba na sprul yin no snyam
nas 'jigs skrag skyes pa'i sdug bsngal

byung ba de bsal bar 'dod pa na/ 'khrul sa'i zag pa de stong
gzhir gzung nas de sprul gyis stong ba ste de sprul min no zhes
bstan nas 'jigs skrag de

@140a @#/ /sel nus pas/ tshul 'di ni dbu sems thams cad kyis chos
bdag gis stong tshul gyi dper mdzad lugs yin gyi/ thag pa sprul

gyis stong ba stong gzhir bzung nas de thag la dang sprul don
gzhan gyis stong ngo zhes sbyar ba ni 'dre shar dang glung nub
tu gtong ba dang 'dra'o/ /des na/

gnod 'joms kyi bshad tshul rgyas pa ni de nyid las/ de la brjod
bar bya ba dang brjod pa'i rnam par bzung ba'i mig ces bya ba'i
dngos po kun btags

pa'i mig yin no/ /de nyid gzung ba dang 'dzin pa'i bdag nyid du
gnas pa mig gi rnam par so sor snang ba ni rnam par btags pa'i
mig go /de nyid

brjod par bya ba dang brjod pa'i rnam pa dang bral zhing brjod
du med pa snang ba dang bcas par gyur pa dang bral te so so rang
gis rig pa yongs su grub

pa'i ngo bo nyid ni chos nyid kyi mig ces bya'o/ /zhes dang/ 'di
ltar khyod don dam pa yid la byed pa sgom pa'i tshe/ 'du byed kyi
mtshan ma'i dngos po

@140b mi snang bas don dam par ni de med de kyi kun rdzob tu yod
par shes par gyis shig /ces gsungs/ de'i don ni/ kun btags pa'i
mig de ni brjod

par bya ba yul gyi don spyi dang brjod pa'i rnam pa sgra spyi
dang bcas te bzung ba'i mig ces bya ba'i dngos po yin no/ /de
nyid gzung ba yul gzugs sogs

dang 'dzin pa shes pa gnyis ka'i bdag nyid du gyur pa'i mig la
gzung ba dang 'dzin pa gnyis ka mig de'i bdag nyid dam ngo bo
nyid du so sor snang ba de la

ni rnam par btags pa'i mig ces brjod cing/ de nyid brjod bya
rjod byed kyi rnam pa dang bral zhing sgra rtog gis brjod du med
pa dang gzung 'dzin du so sor

snang ba dang bral ba'i mnyam gzhag so so rang gis rig pa'i
yongs grub ni chos nyid/ kyi mig tu brjod do/ /'di ltar stong
nyid la gnyis snang nub pa'i

tshe 'du byed kyi mtshan ma'i gnyis snang gang yang med la/ de
'dra'i snang ba dang bral ba la yongs grub de nyid ngo bo nyid
gzhan gnyis kyis stong zhing/ de ni

@141a @#/ /mnyam gzhag gi yul de kun btags rnam btags gnyis kyis
stong zhes sbyar ba yin pas/ don de ltar sbyar ba rnams kyang
rang

lugs la mi 'thad ces 'jog pa yin no/ /de ltar yang legs bshad
snying por/ des na/ de gzhi'i lta ba chos kyi bdag med gtan la
'bebs pa'i

tshul min no/ /zhes sogs gsungs/ 'grel tshul 'di ni slob dpon
dbyig gnyen gyis yum gyi mdo'i don dgongs 'grel gyis bshad pa
ltar byed dgos par

gsungs pa dang mi mthun pas dbyig gnyen gyis mdzad pa min par
gsungs so/ /des na/ yum gyi mdo las ni gzugs nas rnam mkhyen gyi
bar gyi

chos thams cad la stong gzhi rnam btags de nyid dgag bya'i kun
btags kyis stong ba chos nyid yongs grub tu bshad pa ni dgongs
'grel dang mthun

bas; de'i phyir legs bshad snying por/ stong gzhi rnam btags
dgag bya kun btags kyis stong ba chos nyid yongs grub tu bshad
pas rnam btags

@141b kyi mig kun btags kyi mig gis stong ba ni chos nyid du
bshad dgos pa'i phyir/ mnyam gzhag gi don snga ma gnyis kyis
phyi ma stong ba mdo'i don du 'chang

ba yang legs par mi snang ngo/ zhes gsungs so/ 2 gsum pa/ de la
brten nas drang nges 'byed pa'i tshul ni/ 'khor lo dang po drang
don du 'grel

pa'i tshul/ yang der phyi don gyi dbang du byas pa'i gzung 'dzin
gnyis bstan pa yin la/ de ltar bstan pa sgra ji bzhin du khas
blang du mi rung bar dgongs gzhi

len dgos pas/ de'i tshul yang nyi shu/ ba las/ /rang gi sa bon
gang las su/ /rnam rig snang ba gang 'byung ba/ /de dang de yi
skye mched ni/ /rnam

pa gnyis su thub pas gsungs/ /zhes gsungs/ de'i don ni gzung
'dzin gnyis su snang ba de yang gnyis snang gi bag chags las
de'i sa bon byung ba

gang yin pa de nyid smin pa las shes pa yul gyi rnam par shar ba
gang byung ba de dang/ shes pa de'i yul skye mched gzugs sogs
gnyis la ni gzung ba

@142a @#/ /ba dang 'dzin pa'i tha snyad byed cing/ de gnyis gzung
'dzin gnyis su thub pas gsungs zhes pa'i don yin no/ /de ltar
gsungs

ba'i dgos pa yang de nyid las/ gzugs sogs skye mched yod par ni/
/des 'dul ba yi skye bo la/ /dgongs pa'i dbang gis gsungs pa
ste/ /brdzus

te 'byung ba'i sems can bzhin/ /zhes gsungs pa ltar/ gzugs sogs
skye mched yod par bstan pa la dgos pa gang yod na/ de yod par
bstan pa'i

phyogs sam sgo nas gnyis snang 'khrul bas bcings pa'i skye bo
'dul ba'i thabs sam sgo tsam zhig skye mched yod par ston pa
tsam gyis byed la/ de'i tshul

ni des 'dul ba'i skye bo de'i bsam pa'i phugs la phyi don yod
par zhen pa'am sgro 'dogs pa de nyid yod pa de la thog mar phyi
nang gi skye mched las gzugs

blta ba sogs kyi rnam shes 'byung zhes bstan pa na/ de 'dra'i
skye bos mngon sum dung myong bas 'grub cing/ de grub pa na de
dag las ma gtogs pa'i

@142b lta ba po la sogs pa med par bstan pa na des nus la/ de
nas phyi rol gyi don med par nges nus pas na bstan tshul gyi rim
pa 'di ni/ gnyis snang 'khrul

pas bcings pa'i skye bo rnams des bcings pa de las grol byed
dngos sam 'dul ba'i thabs yin no/ /de ltar 'dul ba'i skye bo de
yang gtso che ba ni bye mdo

gnyis la byas nas/ de la phyi don 'gog byed kyi rigs pa rnams
bstan pa na 'khor lo dang po'i sgras zin la dngos su gnod byed
bstan pa yin pas dgongs

pa'i dbang gis gsungs tshul ni de yin no/ /de ltar gsungs tshul
gyi dpe yang brdzus te 'byung ba'i sems can dkon pa yin la/ de
ni skye ba phyi ma med par

khas len pa rnams de las ldog pa'i ched du bar srid yod par/
ston par mdzad cing/ de 'dra'i bar srid de 'byung tshul mngon sum
la/

gtugs pa na brdzus te 'byung ba'i sems can/ 'byung tshul ston pa/
yin no/ /de ltar yang legs bshad snying bor/ phyi nang gi

@143a @#/ /skye mched las gzugs blta ba sogs kyi rnam shes 'byung
ba bstan pa na/ de dag las ma gtogs pa'i lta ba po la sogs pa
med par

rtogs pa'i don du'o/ sgra ji bzhin pa la gnod byed ni phyi rol
'gog pa'i rigs pa rnams so/ /chos rnam la ngo bo dang khyad par
du btags pa'i kun

btags ni/ /chos kyi khams dang skye mched yin pas de gnyis ma
phye bar rang gi mtshan nyid kyis grub par gsungs pa yang drang
don no/ /zhes gsungs so/ /

tshul 'di yang sbyor ngag tu bsgril na/ 'khor lo dang po chos
can/ khyod sgra ji bzhin du khas blang du mi rung ste/ khyod kyi
sgras zin la phyi don yod par bstan

pa'i phyir/ dgongs gzhi yod de nyi shu ba las gsungs pa ltar gyi
phyi nang gi skye mched yod pa tsam la dgongs pa'i phyir/ dgos
pa yod de/ des 'dul

pa'i skye bol dgos pa'i dbang gis de yod par gsungs pa'i phyir
ro/ /dngos la gnod byed yod de/ phyi don 'gog pa'i rigs pa gong
du bstan pa de thams

@143b cang yin pa'i phyir/ de bzhin du/ 'khor lo bar ba drang
don du 'grel ba'i tshul ni/ de yang lung gis sgrub na/ rnam bshad
rigs pa las/ shes rab kyi

pha rol tu phyin pa las chos thams cad ngo bo nyid med pa/ zhes
pa nas/ de lta bas na tshig de rnams ni sgra ji bzhin gyi don du
nges par bzung bar mi bya'o/ /

'o na ci zhe na dgongs pa can yin no/ /zhes pa'i bar gsungs pa
ltar yin la sgras zin gyi dbang du byas na chos thams cad ngo bo
nyid med pa nyid yin pas/

de ltar du chos thams cad ngo bo nyid med par bzhag na blang dor
gyi gnas bya sa med par 'gyur bas na sgra ji bzhin par khas
blang du mi rung bar drang don gyi

mdor 'jog pa yin no/ /de'i phyir legs bshad snying por/ 'gal
tshul ni ngo bo nyid med na 'di dang 'di thob par 'dod par yum la
bslab par bya zhes pa'i

blang bya dang/ thob 'dod kyi 'dod pa dang sbyin pas longs spyod
chen po sogs su 'gyur pa'i rgyu 'bras mi rung zhes smra ste/
gtso cher gzhan dbang mi rung zhes

@144a @#/ /bzhed do/ /zhes gsungs so/ /sbyor ngag ni/ 'khor lo
bar pa chos can/ khyod sgra ji bzhin du khas blang du mi rung
ste/ khyod kyi sgras zin

la chos thams cad ngo bo nyid med par bstan pa'i phyir/ dgongs
gzhi yod de/ dgongs 'grel nas ji ltar bkral ba ltar ngo bo nyid
med tshul gsum la

dgongs pa'i phyir/ 'dir dgos pa mi 'jog pa ni sgras zin gyi ched
du bya ba'i gdul bya mi 'jog pa dang/ chos thams cad ngo bo nyid
med par 'dod pa'i dbu

ma pa rnams de'i ched du bya ba'i gdul bya ma yin zhing/ de'i
ched du bya ba'i gdul bya ni gzhan thams cad las ches mchog tu
dbang po/ /rno ba'i

rgyu mtshan gyis grub mtha' smra ba'i nang nas ni sems tsam pa
las gzhan mi 'jog go/ dngos la gnod byed yod de/ byang sa/ bsdu
ba/ sogs

las gsungs pa'i/ skur 'debs 'gog pa'i rigs pa rnams yin pa'i
phyir/ de yang 'khor lo dang po gnyis drang don du 'chad tshul la
khyad par

@144b yod de/ 'khor lo dang por phyi nang gi skye mched sogs yod
par gsungs pa'i dgongs pa'i don de nyid theg dman gyi mdo de dag
gi brjod bya'i don du

mi 'jog par phyi don yod pa mdo de'i don du 'chad dgos pa'i
dbang gis yin no/ /'khor lo bar ba ni gang la dgongs nas gsungs
pa'i dgongs don mdo

de'i bstan don du 'chad pas dgongs don brjod bya'i don du 'jog
mi 'jog gi khyad par yod la/ yang der ngo bo nyid med tshul ma
phye bar chos thams cad

don dam par ngo bo nyid med par 'chad pa mdo de'i don yin yang/
de tsam gyis sgra ji bzhin par bzung du mi rung ba yin pas/ de'i
sgo nas drang don du 'grel

ba la mtshan nyid gsum la don dam par med tshul gyi khyad par so
sor ma phye ba'i sgo nas bar ba drang don du 'grel dgos pa yin
no/ de ltar yang legs

bshad snying por/ des na/ 'di dag gis ma phye bar chos thams cad
don dam par ngo bo nyid med par 'chad pa yum gyi mdo'i don yin
yang de drang don

@145a @#/ /yin zhes mi 'grel gyi/ de 'dra ba de sgra ji bzhin par
gzung du mi rung ba'i phyir don de tsam zhig du ma nges kyid dus
de'i don bshad dgos

pa'i sgo nas drang don du 'chad do/ /'chad lugs ni kun btags kyi
chos rnams rang gi mtshan nyid kyis ma grub pas don dam par ngo
bo nyid med pa dang/

gzhan dbang gi chos rnams rnam par dag pa'i dmigs pa'i don dam
der ma grub pas don dam par ngo bo nyid med pa dang/ yongs grub
kyi chos rnams

don dam pa yang yin la chos rnams kyi bdag gi ngo bor med pas
don dam pa ngo bo nyid med do zhes de ltar 'grel ba'o/ /zhes
gsungs so/ /des na/

sgras zin la ngo bo nyid med par bstan pa gang yin pa'i mdo sde
de dag ni nges don du 'grel ba ma yin gyi/ drang don du 'grel
dgos pa yin no/ /de'i phyir

mdo sde dgongs pa nges par 'grel ba'i mdo las/ chos thams cad
ngo bo nyid med pa zhes bya ba de lta bu la sogs pa de thams cad
nges pa'i don ma

@145b yin par 'gyur la/ zhes gsungs so/ /de'i phyir rnal 'byor
spyod pa pa'i lugs 'dir bar pa drang don du 'grel tshul ni de kho
na ltar yin par blo dang ldan

pa rnams kyis shes bar gyis shig/ ces/ gsungs pa ltar yin no/
/de yang 'khor lo gsum pa nges don gyi mdor 'jog dgos pa ni
mtshan nyid

gsum la bden par yod med kyi khyad par/ gsal bar phye nas bstan
cing/ bstan don sgra ji bzhin du khas blang du rung bas legs par
rnam par

phye ba'i chos 'khor zhes bya ba yin no/ /de lta bu'i chos kyi
'khor lo rim pa gsum po de yang brjod bya'i ngos nas 'jog dgos
shing/ de yang ngo bo nyid

med tshul rnam dang sbyar bas drang nges/ 'byed pa'i gzhir yang
'jog dgos la/ de min pa'i mdo sde thams cad ni 'dir drang nges
'byed pa

ba'i gzhir 'jog pa'i nges pa med do/ /de ltar/ yang legs bshad
snying bor/ dgongs 'grel las 'khor lo rim pa gsum gsungs pa ni

@146a
@#/ /'khor gyi 'du thebs dang zhes pa nas/ 'di'i drang
nges dpyod pa'i gzhir 'ong don med do/ /zhes pa'i bar gsungs so/
/de bzhin du/

sher phyin man ngag gi skabs su yang sgra ji bzhin du khas blang
du rung ba'i mdo ni dgongs 'grel dang lang gshegs sogs dang/
brjod bya nges don ston

pa ni brgyad stong pa lta bu sogs 'grel tshul gyi khyad par don
tshan gsum gyi sgo nas phye ba rnams slar rim par bkral chog pas
re shig sems tsam

pa'i lugs ni 'di yan gyis gsal bar byas pa'o/ /'dir smras pa/
/kun mkhyen bu ram shing pa'i lam bzang mchog /grub mtha' bzhi
yi phra zhib

rigs pas gsal/ /shes byed dgongs 'grel byang sa bsdu ba sogs/
/shing rta chen po'i gzhung rnams khungs su drangs/ /sgro skur
rtag chad rnams kyi mtha'

spangs pa/ /rnal 'byor spyod pa'i lugs kyi lta ba 'dir/ /thun
bzhir bcad de nyams su blangs pa las/ /mtshan 'dzin gnyis snang
spros pa kun bcad la/

@146b dpyad pa phyogs re ba dang rags pa rer/ /tshim par mi byed
mkhas pa'i brtul zhugs kyis/ /lam bzang 'di nyid 'dzin dang spel
ba la/ /zla bral

btsong kha pa dang mtshungs par mdzod/ /ces bya ba ni bar skabs
kyi sdoms dang smon tshig go /gnyis pa/ blo gros mi zad pa la
brten nas drang nges 'byed

pa'i tshul la/ drang nges 'byed tshul spyir bstan pa dang/ mdo nas
ji ltar gsungs pa dang/ de'i don ji ltar bkral ba'i tshul lo/
/dang po ni/ de yang/

thub rnams sdig pa chu yis mi 'khru zhing/ /'gro ba'i sdug
bsngal phyag gis mi sel la/ /nyid kyi rtogs pa gzhan la spo min
te/ /chos nyid bden pa

bstan pas grol bar mdzad/ /ces gsungs pa ltar/ rang cag rnams
kyi rgyud 'dul lugs dngos ni rgyal ba'i gsung rab nyag gcig yin
la/ des

rgyud dngos su 'dul bar byed nus pa yang de'i bstan don ji ltar
bstan pa ltar gyi don de ga'i thog tu gnas mi gnas dang/ gnas pa
sgra ji bzhin du

@147a @#/ /khas len du rung yang de ltar rung ba ltar gyi brjod
bya'i don de nyid don de kha las don gnyis pa don gzhan zhig
'dren dgos pa ma

yin pa sdod tshul mthar thug stong nyid nges don du ston pa lta
bu'i tshul shes dgos shing/ de ni gsung rab kyi drang nges 'byed
pa la rag lus pas na

drang nges spyir 'byed dgos pa yang yin no/ /de yang bdag 'dzin
'khor dang bcas pa drung nas 'byin par byed pa yang zab mo dbu
ma'i lta ba 'di

gcig pu yin pas/ de nyid gtan la 'bebs pa la shing rta chen po
gnyis kyis drang nges/ ji ltar phye bar mdzad pa bzhin/ bstan
bcos 'dir yang

thog mar rnal 'byor spyod pa pa'i lugs kyi drang nges phye ste
dri ma med pa'i rigs pa dang/ nyams su len pa'i rim pa rnam
rgyas par bstan zin pa'i

rjes su/ 'dir yang dpal mgon 'phags pa klu sgrub yab sras kyi
rjes su 'brangs nas dbu ma pa'i lugs kyi lta ba rnam par dag pa
de nyid gtan

@147b la 'bebs par mdzad pa la/ thog mar de'i lugs kyi drang
nges tshul bzhin du phye ste nyams su len pa'i rim pa rnams legs
par gsal bar

mdzad nas gdul bya rnams lam 'di la 'god par mdzad pa yin no/
/gnyis pa/ mdo nas ji ltar gsungs pa'i tshul ni/ blo gros mi zad
pa'i mdo las/ nges pa'i don gyi

mdo sde ni gang/ drang ba'i don gyi mdo sde ni gang zhe na/ mdo
sde gang dag kun rdzob sgrub pa bstan pa de dag ni drang ba'i
don zhes bya'o/ /mdo sde gang dag don dam pa sgrub pa bstan pa
de dag ni nges pa'i don zhes bya'o/

mdo sde gang dag tshig dang yi ge sna tshogs pa bstan pa de dag ni
drang ba'i don zhes bya'o/ /mdo sde gang dag zab mo ba ltar dka'
ba rtogs par dka' ba bstan

pa de dag ni nges pa'i don zhes bya'o/ /mdo sde gang dag bdag
dang sems can dang srog dang gso ba dang skyes bu dang gang zag
dang shed las skyes dang shed bu dang

byed pa po dang tshor ba po skad sna tshogs kyis bshad par bya ba
bdag po med pa la bdag po lta bur bstan pa/ de dag ni drang ba'i
don zhes bya'o/ /mdo sde

@148a @#/ /gang dag dngos po stong pa nyid dang mtshan ma med pa
dang smon pa med pa dang mngon par 'du byed pa med pa dang/ skye
ba med pa dang/ ma skyes pa

dang/ sems can med pa dang srog med pa dang gang zag med pa
dang
bdag po med pa rnam par thar pa'i sgo ston pa de dag ni/ nges
pa'i don zhes bya ste/ 'di ni

nges pa'i don gyi mdo sde la rton gyi drang ba'i don gyi mdo sde
la mi rton pa zhes bya'o/ /zhes gsungs/ de'i don ni drang don
nges don gyi mdo sde gnyis la ni zhes

nges par bzung nas gang yin zhe na/ kun rdzob bden pa dngos
bstan bstan bya'i gtso bor byas nas ston pa'i mdo rnams drang
don gyi mdo dang don dam bden pa

dngos bstan bstan bya'i gtso bor byas nas ston pa'i mdo rnams
nges don gyi mdo yin no zhes bya zhing/ de ni brjod bya'i sgo
nas drang nges su bzhag pa yin no/ /

de yang tshig dang yi ge sna tshogs pa'i sgo nas bstan pa ni rjod
byed kyi tshig dang yi ge'i sgo nas drang don du 'jog pa dang/
blta tshul blta bar dka' ba dang rtogs

@148b par dka' ba'i sgo nas 'jog pa ni nges don gyi mdor 'jog
pa'i tshul lo/ /de yang bdag lta bu gcig la yang bdag dang sems
can sogs ming sna tshogs

kyi sgo nas de skad zer zhes 'bod pa dang/ de ltar bos pa na
bdag po med pa la bdag po lta bur go zhing bstan pas na ming sna
tshogs kyi sgo nas drang don gyi

mdor 'jog tshul dang/ stong nyid mtshan med smon med sogs kyi sgo
nas ngos bzung ba ni brjod bya don dam gang yin ngos bzung ba'i
sgo nas nges don gyi mdor

'jog tshul lo/ /'o na/ de gnyis kyi nang nas gang la yid brtan te
don de kha ltar las gzhan du mi 'gyur ba zhig la yid rton du
rung na/ de ni drang ba'i don gyi

mdo sde la mi rton gyi nges pa'i don gyi mdo sde la rton dgos
zhes pa'i don yin no/ /de ltar yang legs bshad snying por/ de la
dang po gnyis kyis ni bden

pa gnyis po la drang nges su mdzad de brjod bya'i sgo nas/ drang
nges phye ba'o/ /bar pa gnyis kyis ni kun rdzob ston pa ni tshig
mi 'dra ba sna tshogs pas

@149a @#/ /don sna tshogs ston pa dang/ don dam ston pa ni rtogs
dka' ba'i don spros pa rnam par bcad pa'i ro gcig pa ston par
bshad de 'jog

tshul logs pa min no/ /ji 'dra zhig bstan pas kun rdzob dang don
dam pa bstan par 'gro ba'i bstan lugs ni tha ma gnyis kyis ston
te/ bdag dang sems

can sogs yod pa ltar ston pa ni kun rdzob ston pa ste/ de yang
de tsam zhig ston pa min gyi byed pa po de la bltos nas bya ba
dang byed pa'i dngos po yod par

ston pa thams cad ma bya'o/ /dngos po rnams stong pa nyid dang
skye ba med par sogs su bshad pa ni chos rang bzhin med pa bshad
pa yin la/ sems can med

pa sogs su ston pa ni gang zag rang bzhin med par bshad pa ste/
ston lugs de ltar ston pa ni don dam ston pa'o/ /zhes gsungs so/
/des na/ 'dir chos

dang gang zag gi dbye bas bdag med gnyis gtan la 'bebs pa na
khyad gzhir bzung rgyu rtag pa zhig bzung nas de skye ba med pa
sogs su bshad pa'i bshad

@149b lugs min gyi/ 'di'i dngos bstan gyi skye med sogs ni don
dam pa'i skye med la sbyor dgos bas/ 'dus byas 'dus ma byas
thams cad khyad gzhir bzung

nas skye med sogs gtan la 'bebs dgos la/ de yang phung po dang
gang zag khyad gzhir bzung ste de gnyis kyi steng du bden grub
bkag pa'i don dam de dag

ston pa ni gong gi mdo tshan 'di dang nges don gyi mdo sde rnams
kyi don dam bstan tshul lo/ /de'i phyir drang don dang nges don
gyi khyad par 'byed tshul yang/ ting nge

'dzin rgyal po las/ /stong pa bde bar gshegs pas bshad pa ltar/
/nges don mdo sde dag gi bye brag shes/ /gang las sems can gang
zag skyes bu bstan/ /

chos de thams cad drang ba'i don du shes/ /zhes gsungs pa ltar/
drang nges kyi 'byed tshul snga ma dang mthun par tshig gsal du
bshad par gsungs so/ /de

yang drang don gyi mdo sde'i bstan don 'grel tshul ni gdul bya
lar kha drang bar bya ba'i ched du drang zhes sbyor ba min gyi/
sgras zin gyi don de'am bstan don dngos

@150a @#/ /zin las gzhan du drang dgos pa'i drang don yin la/
de'i drang ba'i tshul la gnyis las/ pha dang ma ni gsad byas
shing/ zhes pha ma bsad par

sgras zin la bstan kyang de'i bstan don ci de min pas srid pa
dang sred pa spong ba'i don du sgras zin gzhan du drang dgos pa
lta bu dang/ las dkar nag las 'bras

bu bde sdug 'byung bar gsungs pa lta bu bstan don sgra ji bzhin
du khas blang du rung yang de'i bstan bya'i don las dkar nag las
'bras bu bde sdug 'byung

tshul kun rdzob yin pas/ de ni kho rang gi gnas lugs mthar thug
la phar drang dgos pa ni bstan don gzhan du drang dgos pa'i
drang tshul te tshul gnyis so/ /

de ltar yang legs bshad snying por/ don drang dgos pa 'di la
gnyis las/ pa dang ma ni gsad byas shing/ /zhes pha ma bsad par
gsungs pa ni dngos

zin gyi don pha ma las gzhan du srid pa dang sred pa la drang
dgos pa lta bu ni tshul gcig go /tshul gnyis pa ni/ las dkar nag
las 'bras bu bde sdug

@150b 'byung bar gsungs pa la las gnyis kyis bde sdug bskyed pa
de de gnyis kyi yin lugs yin gyi/ de min pa'i de dag gi yin lugs

med pas/ mdo de'i don gyi de kho na nyid ni der nges pas de las
gzhan du drang du mi rung ngo zhes smra ba la/ de'i don gnyis
kyi de kho na nyin ni dngos zin de

las gzhan du drang dgos so zhes 'chad pa lta bu'o/ /zhes gsungs
so/ /de yang nges pa'i don de gang la byed ce na don dam bden pa
la byed dgos

pa yin la/ de ni kho rang las logs gzhan gang du yang drang sa
med pa'i sdod lugs mthar thug yin pa'i rgyu mtshan gyis yin no/
/de ltar yang dbu ma snang ba

las/ nges pa'i don kyang gang la bya zhe na/ tshad ma dang bcas
pa dang don dam pa'i dbang du mdzad nas/ bshad pa gang yin pa
ste/ de ni de las logs

shig tu gzhan gyis gang du yang drang bar mi nus pa'i phyir ro/
/zhes gsungs so/ /de'i phyir bstan don yod pa nges don dang
bstan don med pa drang don du byed na/

@151a @#/ /nges don du 'jog /pa na tshad mas dmigs pa tsam zhig
gis chog na de ltar yin yang des mi chog par don dam pa'i dbang
du mdzad pa zhes

gsungs pa yin no/ /des na/ sa bon las myu gu skye ba sogs su
gsungs pa rnams kyang bstan don tshad mas grub kyi/ de yang kun
rdzob kyi dbang du byas pa yin

pas nges don du 'jog pa min no/ /de yang dngos po rnams don dam
par skye ba med par gsungs pa rnams ni brjod bya tshad mas grub
pa dang ji ltar bstan pa'i

don de chos de'i de kho na nyid yin pa las don gzhan gang du
yang drang du mi rung bas na/ de 'dra ba'i mdo sde rnams ni nges
pa'i don te/ de ni gzhan du 'dren tshul

gnyis gang gi sgo nas kyang drang du mi rung ba'i mdo yin no/
/de ltar yang legs bshad snying por/ ji ltar bstan pa ltar gyi
don yod med la drang nges su byed na

tshad ma dang bcas pas chog kyang des mi chog pas don dam pa'i
dbang du mdzad pa zhes gsungs so/ /des na sa bon las myu gu skye
ba sogs gsungs pa la

@151b bstan pa ltar gyi don la tshad ma'i sgrub byed yod kyang
don dam pa'i dbang du mdzad pa min pas drang/ don yin te/ 'di'i
don las don gzhan 'dren lugs bshad

zin pa ltar ro/ /des na dngos po rnams la bden pa'i skye ba med
par gsungs pa ni tshad ma dang yang ldan la/ ji ltar bstan pa'i
don de chos de'i de kho na nyid men par

don gzhan du yang drang mi nus pa de 'dra ba'i mdo sde rnams
nges pa'i don yin te/ 'dren tshul gnyis gang gi sgo nas kyang
gzhan du drang bar mi nus pa'i phyir ro/ /

zhes gsungs so/ /des na/ drang nges su 'jog /tshul de la gnyis
las/ gsung rab la drang nges kyi dbang du byas pa ni/ sgras zin
dang brjod bya'i don gzhan

du drang dgos pa la drang don dang/ de nyid gzhan du drang mi/
dgos pa ni nges don du 'jog la/ brjod bya la drang nges su 'jog
tshul ni/ don gzhan du

drang dgos pa dang mi dgos pa gnyis ka'i don de nyid kyang don
gzhan gnas lugs la drang dgos pa ni kun rdzob kyi chos rnams yin
la/ don gzhan du drang mi

@152a @#/ /dgos pa ni don dam bden pa rnams yin no/ /'di'i gzhung
gzhan du drang dgos zhes pa'i gzhan de ni ngo bo tha dad min gyi
kho rang ma yin pa

tsam la gzhan zhes mdzad pa yin no/ /de yang 'di'i drang nges
'byed tshul rnams kyi nang nas gang la yid rton par byed ce na/
de yang sa'i dngos/

gzhi ltar gang zag la mi rton par chos la rton pa dang/ chos la
tshig don gnyis las tshig la mi rton don la rton pa dang/ de la
gnyis/ las

drang don la mi rton nges don la rton pa dang/ de rtogs byed kyi
blo la yang gnyis las rnam shes la mi rton ye shes la rton pa
ste rton pa bzhi'i yid rton tshul gyi

khyad par ni de lta bu yin la/ de ltar yang legs bshad snying
por/ 'di'i don gzhan du drang dgos mi dgos kyi dbang du byas nas
drang nges 'jog pa na gsung

rab nyid drang nges kyi mtshan gzhir bzung la/ gzhan du drang
dgos mi dgos kyi don la drang nges su 'jog pa na kun rdzob dang
don dam la drang nges su bya ste/ sa'i

@152b dngos gzhi las gang zag la mi rton par chos la rton pa'i
chos la tshig don gnyis dang don la drang nges gnyis dang nges
don la rnam shes la mi ston ye shes

la rton zhes gsungs pa lta bu'o/ /zhes gsungs so/ /de yang don
dam pa dang de ston pa'i mdo gnyis ka nges don du 'jog pa yang
mdo sde ni brjod bya don

dam dngos su bstan pa'i sgo nas don dam du btags pa 'jog pa yin
la/ stong nyid dang don dam pa'i skye ba med pa sogs ni don dam
pa dngos yin no/ /

de bzhin du/ dgag bya la don dam gyi khyad par dngos su sbyar ba
dang/ dngos su ma sbyar yang don gyis sbyar ba'i mdo rnams kyang
nges don gyi mdor 'jog pa

yin te/ ye shes snang brgyan gyi mdo las/ nges pa'i don gang yin
pa de ni don dam pa'o/ /zhes dang/ legs bshad snying po las
kyang/ blo gros mi zad

pas bstan pa las skye ba med pa la sogs pa don dam par bstan pas
skye ba med pa la sogs pa kho na don dam pa dang de ston pa
rnams kho na nges pa'i don du

@153a @#/ /bzung ngo/ dgag bya la khyad par skabs der ma sbyar
ba'i skye ba med pa la sogs pa sgra ji bzhin pa min pas nges don
ma yin no snyam du mi

bzung ste/ dper na/ 'bum las de yang 'jig rten gyi tha snyad du
yin gyi don dam par min no/ /zhes chos rnams kyi skye ba sogs la
skabs gcig tu

sbyar na skabs gzhan du yang don gyis sbyar zin pas dngos su ma
smos pa de dag kyang sgra ji bzhin pa yin no/ /zhes gsungs so/
/gnyis pa/ de'i

don ji ltar bkral ba'i tshul la mgon po klu sgrub kyis mdo'i don
ji ltar bkral tshul dang/ de'i rjes su 'brangs ba rnams kyis ji
ltar bkral ba'i tshul

lo/ dang po la yang rten 'byung gi don rang bzhin med pa'i don
du bkral tshul dang/ de nyid gsung rab kyi don gyi snying por
bsngags pa'i tshul lo/ /dang po ni/

mdo las/ skye 'gag la sogs pa yod pa dang med pa gnyis ka'ang
bshad la/ mdo kha cig las skye ba med pa sogs gsungs pa des don
dang kha cig

@153b las drang don du bshad pa rnams ni gdul bya'i bsam pa'i
dbang gis yin la/ de yang sems tsam pa'i rigs can rjes su bzung
ba'i phyir du

skye 'gag sogs yod par gsungs la/ dbu ma pa'i rigs can rjes su
bzung/ ba'i phyir du skye 'gag sogs med par gsungs pa'i skabs

gnyis ka yod la/ de bzhin du mdo kha cig las skye ba med pa sogs
gsungs pa/ nges don du gsungs pa'i skye ba med pa sogs ni don
dam

pa'ang rang gi mtshan nyid kyis grub pa'i skye ba med pa la byed
pas de ni nges pa'i don dang/ don de nyid dngos kyi brjod byar
byed pa'i mdo rnams ni nges don

gyi mdo dang 'di'i nges don du byed tshul yang gong du bstan zin
pa ltar yin no/ /yang mdo kha cig las skye 'gag sogs med pa
drang don du 'dod pa ni

sems tsam pa'i rigs can rnams yin la/ des ni don dam pa'am rang
gi mtshan nyid kyis skye ba sogs med par bshad pa'i mdo rnams
sgra ji bzhin

@154a @#/ /pa la rigs pa'i gnod pa ston par byed cing/ de yang
rang gi mtshan nyid kyis grub pa'i ngo bo dang skye 'gag sogs med
pa ni kun

btags la dgongs pa dang gzhan dbang dang yongs grub rang gi
mtshan nyid kyis grub cing/ ngo bo dang khyad par du btags pa'i
kun btags rang gi

mtshan nyid kyis grub pa dang gzung 'dzin rdzas tha dad kyi kun
btags ni dgag bya chos bdag phra mo dang des stong pa chos kyi
bdag med phra mor 'jog pa

dgongs 'grel byang sa sogs las gsungs pa bzhin yin la/ de'i sgo
nas rigs pa'i gnod byed ston par byed cing de ni skabs 'dir rigs
pa ma yin

te/ 'dir rang gi mtshan nyid kyis grub pa'i rang bzhin yod na
rgyu 'bras sogs kyi rnam gzhag byas med par 'gyur ba dang/ de
yang rgyu rkyen la rag las

pa'i rgyu mtshan gyis rang gi mtshan nyid kyis med par 'jog pa/
yin pas/ dbu sems gnyis mdo'i don 'grel tshul dang dgongs pa len
tshul gtan

@154b nas mi 'dra ba yin no/ /de'i phyir gzhan dbang rang gi
mtshan nyid kyis ma grub na mtshan nyid gsum ga la skur 'debs su
'gyur bar dgongs 'grel

las gsungs pa de yang gdul bya dbang po mchog la min gyi dman pa
la yin no/ /de yang dgongs 'grel gyi gsungs tshul de ni gdul
bya'i bsam

pa'i dbang gis yin gyi/ ston pa'i bzhed pa dngos ni min pas/ de
yang gdul bya blo mchog dbu ma thal 'gyur pas ni rang bzhin med
pa la rgyu 'bras

kyi rnam gzhag 'jog la/ rang bzhin med par gtan la 'bebs pa'i
rigs pa de dag skur 'debs 'gog pa'i thabs mchog tu gyur par yang

'jog go/ de ltar yang legs bshad snying por/ rang gi mtshan nyid
kyis ma grub par mthong na mtshan nyid gsum ga la skur 'debs kyi
lta ba skye

bar dgongs 'grel las gsungs pa ni/ de ltar gang mthong thams cad
la min gyi blo mchog dang mi ldan pa'i gdul bya la yin no/ /de'i
phyir

@155a @#/ /gdul bya'i bsam pa'i dbang gis de ltar gsungs kyi ston
pa'i bzhed pa min te/ blo mchog gi gdul byas ni rgyu 'bras rnam
par bzhag

dgos pa nyid kyis rang gi mtshan nyid kyis stong par rtogs pas/
de la ni de nyid skur 'debs kyi lta ba 'gog pa'i thabs su 'gyur
ba'i phyir ro// zhes

gsungs so// de yang gdul bya blo mchog dman la bltos nas drang
nges su 'jog tshul ni/ yum gyi mdo drang don du 'jog pa dang mdo
sde dgongs 'grel

nges don du 'jog pa ni gdul bya blo dman pa'i dbang gis yin la/
gdul bya mchog la ni de las go ldog ste shes par bya'o/ /de ltar
yang legs bshad

snying por/ gdul bya de la bltos te yum gyi mdo drang don dang
dgongs 'grel nges don du 'gro ste/ bzhi brgya pa las bdag med pa
bstan pa'i snod du mi

rung ba'i gdul bya la bdag dang bdag med bstan pa gnyis snga ma
mchog tu gsungs pa bzhin no/ /zhes sogs gsungs pa ltar/ drang
nges tsam du

@155b ma zad bdag med bstan du mi rung ba'i gdul bya la ni gang
zag gi bdag yod par ston par mdzad na don mchog tu 'gyur ba yod
par gzigs nas

gsungs pa yin no/ /de bzhin du/ rtsa she'i skabs su chos thams
cad rang gi mtshan nyid kyis stong pa'i phyogs la 'byung 'jig
dang 'phags pa'i bden

pa bzhi po sogs 'khor 'das kyi rnam bzhag thams cad byas med par
song zhing/ yum gyi mdo la sogs pa yang sgra ji bzhin pa min
zhes sems tsam

pas gong gi rigs pa de rnams bstan pa yin no/ /de'i lan du thal
'gyur bas gal te chos thams cad rang gi mtshan nyid kyis grub pas
mi stong na ni/

'byung 'jig sogs gong du smos pa de thams cad sems tsam pa khyod
rang gi lugs la med par thal bar 'gyur zhes dngos su smos pa'i
shugs la dngos

smra ba thams cad kyang bkag la/ rang bzhin gyis stong pa'i
phyogs la 'khor 'das kyi rnam bzhag thams cad 'thad par gsungs
so/ /de'i phyir slob

@156a @#/ /dpon gyis stong pa rten 'brel snang ba rten 'byung gi
don du gsungs shing/ de yang bden pa'i skye med du gsungs pa'i
gsung rab nyid sgra ji

bzhin pa la rigs pa'i gnod pa cung zad kyang med pa'i rtsa ba
yang de nyid la thug pa yin no/ /de'i phyir legs bshad snying
por/ slob dpon gyi tshul 'di nyid

dbu ma'i bstan bcos rnams su rigs pas gtan la 'bebs pas ni/ skye
ba la sogs pa bden pa med par gsungs pa'i gsungs rab kyi sgra ji
bzhin

pa la rigs pa'i gnod pa cung zad kyang med par 'chad pa yin la/
de med na sgo gzhan nas de dag drang don du 'grel ba'i thabs
kyang med pas/ de rnams

des pa'i don du shin tu 'grub pa la dgongs nas zhes tshig gsal
khungs su drangs nas gsungs so/ /des na/ drang nges kyi mdo'i
rnam dbye ji lta ba

bzhin du shes pa dang/ rten 'byung mtha' brgyad yod par gsungs
pa dang/ chos thams cad skye ba med pa dang 'gag pa med pa sogs
su gsungs pa

@156b rnams 'gal lo zhes rtsod pa'i lan dang/ de lta bur bstan
pa'i dgongs pa mi shes pa rnams la 'dir de kho na nyid kyi don
du bstan pa ni gang 'dra zhig

yin snyam du the tshom du gyur ba gsal ba dang/ gdul bya blo zhan
pa nyid kyis drang ba'i don/ gyi sgo nas bstan pa yin kyang nges
pa'i don du rtog pa ste

gnas pa ni yum gyi mdo nyid yin la de la yang nges pa'i don du
the tshom za ba'i the tshom ni brjod bya'i don gang yin snyam pa
dang drang ba'i don du gsungs pa gang

la dgongs pa yin snyam du the tshom du gyur pa'i the tshom gnyis
dang/ de la brten nas skyes pa'i log rtog rnams rigs pa dang
lung gnyi ga'i sgo nas gsal

bar bya ba'i phyir slob dpon klu sgrub kyis 'di brtsams so/ /de
ltar yang legs bshad snying por/ chos rnams la 'gag pa nas don
tha dad ba'i bar

brgyad yod par gsungs pa dang/ med par gsungs pa gnyis 'gal lo
zhes brtsad pa'i lan du de ltar gsungs shing/ yang tshig gsal
las/ de lta bur

@157a @#/ /bstan pa'i dgongs pa mi shes pas/ 'dir de kho na'i don
can gyi bstan pa ni gang zhig yin/ dgongs pa can ni 'dir gang
zhig yin snyam

du gang zhig the tshom du 'gyur ba dang/ gang zhig blo zhan pa
nyid kyis drang ba'i don gyi bstan pa la nges pa'i don du rtog
pa de gnyis ka'i the tshom dang log pa'i

shes pa dag rigs pa dang lung gnyis kyi sgo nas bsal bar bya
ba'i phyir slob dpon gyis 'di brtsams so zhes gsungs so/ /de
yang chos zab mo stong

nyid dngos su bstan pa'i mdo dang bstan bcos ji ltar yod tshul
ni/ de yang mdo kun las btus las chos zab mo gang yin dris pa'i
lan du 'bum dang rdo rje

gcod pa dang sher phyin bdun brgya ba la sogs pa zab mo ston
pa'i mdo rnams drangs shing/ rigs tshogs kyis kyang 'di dag gi
don ji ltar bstan pa las

gzhan du drang du mi rung bar nges par mdzad pa'i phyir de dag
nges pa'i don dang zhes mdo kun las btus khungs su mdzad de legs
bshad snying por

@157b gsungs so/ /yang ji ltar bstan pa'i don de dag las gzhan
du drang dgos par gsungs pa'i mdo rnams ni drang don dgongs pa
can du 'jog pa yin te/

byang chub sems 'grel las/ /'di dag thams cad sems tsam zhes/
/thub pa yis ni gang gsungs pa/ /byis rnams skrag pa spang don
de/ /de ni de bzhin

nyid ma yin/ /zhes gsungs/ de'i don ni phyi nang gi chos 'di dag
thams cad sems kyi bdag nyid tsam du bcom ldan 'das kyis gsungs
pa gang yin pa

de ni byis pa blo zhan pa rnams zab mo'i gnas la skrag pa spang
ba'i don du gsungs pa tsam yin gyi/ de ni de bzhin nyid nges don
dang/ sgra ji bzhin pa

gang yang ma yin zhes pa'i don no/ /de'i phyir legs bshad snying
por/ phyi rol bkag nas/

sems tsam zhig la rang bzhin sgrub pa sgra ji bzhin ba min par
gsungs la/ rin chen 'phreng ba yang/ zhes dang/ brda sprod pa
dag ji lta bu/ /yi ge'i phyi mo klog 'jug ltar

@158a @#/ /de bzhin sangs rgyas gdul bya la/ /ji tsam bzod pa'i
chos ston te/ /zhes gsungs/ de'i don ni sangs rgyas thugs rje
can thabs la

mkhas pa des gdul bya bkri ba'i rim pas mngon mtho dang des legs
kyi go 'phang la 'god par mdzad pa'i thabs kyi rim pa ji snyed
cig bstan pa de thams

cad kyi phugs kyi gtad so/ /stong nyid snying rje'i snying po
can gyi byang chub sgrub pa'i chen du lta spyod gnyis kyi sgo
nas bkri bar mdzad pa yin no/ /de la thog mar

gang zag rang rkya thub pa'i rdzas yod kyis stong ba'i bdag med
tsam yang ston du mi rung ba'i rigs can la gang zag gi bdag yod/
bar bstan

te las 'bras chung mi za bar byed pa'i thabs la 'jug par mdzad
cing/ de nas las 'bras la spang glang gi bsod nams las bdag med
ston pa'i rgyud

snod rung du song ba na thun mong ba'i bdag med tsam bstan nas
gzhi'i lta ba gtan la 'bebs pa'i rim pa rnams gdul bya so sos ji
tsam bzod pa ste/

@158b blor chud tshod kyi chos rnams rim par ston par mdzad pa
yin no/ de yang dpe ji lta bus ston par mdzad na/ /brda sprod pa
dag gis thog mar yi ge'i

phyi mo A 'phreng kA phreng sogs klog tu bcug nas ming tshig
yi ge'i tshul la spyangs te gsung rab kyi tshig rnams shes su 'jug
pa bzhin du/ brjod bya'i

don drang nges gnyis su phye nas ston par mdzad pa yin la/ de
yang bye brag tu smra ba nas dbu ma thal 'gyur pa'i bar gyi lta
spyod rnam par dag pa rnams kyi

rtsa ba'i rten brtan thabs mngon mtho las brtsams te ston pa ni/
de nyid lam/ /kha cig las ni sdig pa las/ /rnam par bzlog phyir
chos ston to/ /kha

cig bsod nams bsgrub pa'i phyir/ /zhes sdig pa mi dge ba las
rnam par bzlog ste bsod nams sgrub pa la skul kham mdzad do/
/kha cig la ni

gnyis brten pa/ /zhes nyan thos kyi rigs can gnyis gang zag gi
bdag med dang gzung 'dzin gnyis yod pa las brtsams te bsod nams
sgrub

@159a @#/ /pa la 'god par mdzad pa dang/ /kha cig la ni gnyis mi
rten/ zhes theg chen gyi rigs can 'ga' zhig la gzung 'dzin gnyis
med

kyi lta ba ston par mdzad pa dang/ /zab mo khu 'phrig can 'jigs
pa/ /stong nyid snying rje'i snying po can/ /byang chub sgrub pa
kha cig la'o/ /zhes pas gdul bya

dbang po rab kyis theg chen la dmigs pa can dag skrag pa skye
ba'i chos rang bzhin med pa bstan nas stong nyid snying rje'i
snying po can gyi lam la

bkri bar mdzad do/ /de'i phyir legs bshad snying por/ tshigs bcad
dang pos ston pas gdul bya la blo dang ji tsam 'tsham pa'i chos
ston pa dang/

de nas rkang pa gsum gyis mngon mtho las brtsams te ston pa
dang/ de nas gcig gis don smra gnyis kyi rigs can la gang zag gi
bdag ni med

kyi gzung 'dzin gnyis yod pa las brtsams nas dang/ de nas gcig
gis theg pa chen po'i rigs can 'ga' zhig la gzung 'dzin gnyis
med

@159b kyi gnyis yod pa dang/ de nas gsum gyis ni ga rul bya blo
rab kyi theg chen la dmigs pa can rnams skrag pa skye ba'i chos
rang bzhin med pa dang snying rje chen

po las brtsams nas ston par gsungs so/ /zhes gsungs so/ /de la
gang dag rang bzhin gyis stong ba'i phyogs la blo kha ma phyogs
pa'am ma rtogs kyi

bar de srid du bdag med phyogs re pa'i don bstan nas rim gyis
'khrid par mdzad pa'i thabs su kha cig bden la kha cig mi bden
zhes pa'i rnam bzhag mang

du mdzad pa dang/ de bzhin du/ gang zag la rang bzhin bkag nas
phung po la phal cher ma bkag pa'i phyogs kyis nyan thos sde pa
rnams rjes su bzung

bar mdzad pa dang/ gzung 'dzin rdzas gzhan bkag ste gnyis stong
gi de nyid ston par mdzad pa ni sems tsam pa'i rigs can rjes su
bzung ba'i ched du

yin la/ de nas gang gi tshe rten 'byung gi don de nyid rang bzhin
med pa'i don du nam rtogs nus pa de nas ni/ nyi tshe ba'i stong
ba dang thabs kyi sgo phyogs re ba

@160a @#/ /tsam ston par mi mdzad cing/ thabs kyi cha yongs su
rdzogs pa dang zab mo'i gnad phra mo rnams kyang ji lta ba bzhin
du ston par mdzad pa'i

sgo nas stong nyid snying rje'i snying po can gyi byang chub
sgrub pa'i thabs kyi rim pa snying por bsgril ba ni de ltar ro/
/de ltar yang legs bshad snying por/ des

na ji srid du gang bden pa med par bstan pa de la bcings grol
sogs kyi rnam bzhag thams cad bzhag pas mi chog pa de srid du/
zhes pa nas/ rang

bzhin bkag pa'i gzhi de nyid la rnam bzhag thams cad 'thad par
khas blangs pas chog pa'i phyir ro/ /zhes pa'i bar gsungs so/
/yang theg pa mchog

gi rigs can 'ga' zhig las 'bras sogs chad par lta ba'i nyen
chung ba rnams kyang dgag bya bden pa rags pa 'ga' zhig bkag pas
ni cir yang ma

phyin pas phra mo nas mi khegs par 'gyur pa rnams dang/ phra mo
nas 'gegs pa'i lugs su byas pa rnams kyang tshad mas grub pa'i
rnam bzhag bya sa med

@160b par song ba ni ches shin tu mang la/ de dag la ni mdo sde
dgongs 'grel gyi drang nges 'byed tshul 'di nyid thabs mkhas kyi
sgo gcig pur gsungs shing/ mdo sde

de dang de'i rjes su 'brang ba rnams kyang gdul bya bkri ba'i
thabs la mkhas tshul de ltar yin la/ de bzhin du/ dgongs 'grel
gyi bstan bcos mdzad pa po rnams

kyis ji ltar bkral ba ltar gyi don de rang lugs su khas len du
mi rung ba zhig yin kyang/ gdul bya'i bsam pa'i dbang gis bkral
bar shes dgos so/ /de ltar

yang legs bshad snying por/ de ltar na'ang theg pa mchog gi rigs
can la yang las 'bras sogs la khyad par lta ba'i nyen chung ba
rnams la ni dgag bya bden

pa rags pa 'ga' zhig bkag kyang phra mo nas mi khegs pa shin tu
mngal/ zhes pa nas/ gdul bya'i dbang gis de'i bsam pa dang mthun
par bkral bar khong du

chud par bya'o/ /zhes pa'i bar gsungs so/ /gnyis pa/ de nyid
gsung rab kyi don gyi snying por bsngags pa'i tshul ni/ de yang
rang bzhin gyis stong ba'i don rten 'byung

@161a @#/ /gi don du gsungs
pa 'di nyid ni/ mu stegs pa'i ston pa
sogs gzhan la med cing rang gi ston pa'i khyad chos bla na med
par gzigs nas

ston pa sangs rgyas la rten 'byung gi sgo nas bstod pa 'di nyid
bstod pa thams cad kyi nang nas kyang khyad par du 'phags par
gzigs te/ bstan bcos rtsa

ba shes rab sogs kyi thog mar rten 'byung gi sgo nas bstod pa
mdzad pa ni/ /gang gis rten cing 'brel par 'byung/ /'gag pa med
pa skye med pa/ /chad pa med

pa rtag med pa/ /'ong ba med pa 'gro med pa/ /tha dad don min
don gcig min/ /spros pa nyer zhi zhi bstan pa/ /rdzogs pa'i
sangs rgyas smra rnams kyi/ /dam pa

de la phyag 'tshal lo/ /zhes rten 'byung 'gag sogs brgyad dang
bral ba'i spros pa kun nye bar zhi ba'i chos nyid mngon du mdzad
pa ni rdzogs pa'i sangs rgyas

nyag gcig yin la/ de ltar rang gis mngon du mdzad pa de nyid
gzhan la legs par ston par mdzad pas na/ de la sgo gsum gus pas
gcig tu phyag

@161b 'tshal zhes pa yin no/ /de bzhin du rigs pa drug cu pa las
kyang/ /gang gis skye dang 'jig pa dag /zhes pa nas/ /thub dbang
de la phyag 'tshal lo/ /zhes

pa'i bar gyis ni rten 'byung yin pa'i rgyu mtshan gyis 'gag sogs
brgyad dang bral bar gsungs pa de la phyag 'tshal zhes pa dang/
rtsod zlog las kyang/

gang gis stong dang rten 'byung dang/ /dbu ma'i lam du don gcig
par/ /gsungs mchog mtshungs pa med pa yi/ /sangs rgyas de la
phyag 'tshal lo/ /zhes

rang bzhin gyis stong ba dang rten 'byung dang mtha' gnyis dang
bral ba'i dbu ma'i lam du gnas pa rnams don gyi 'jog tshul gcig
ces gsung ba'i gsung de

ni gsung thams cad kyi mchog dang mtshungs pa med pa de la phyag
'tshal zhes pa dang/ bsam gyis mi khyab par bstod pa las kyang/
/gang gis dngos po

rten 'byung rnams/ /ngo bo med pa nyid du gsungs/ /ye shes mnyam
med bsam mi khyab/ /dpe med de la phyag 'tshal lo/ /zhes rten
'byung gi dngos po rnams rang

@162a @#/ /mtshan gyis grub pa'i ngo bo nyid med pa dang/ 'gag
sogs brgyad kyang de'i ngo bo dang bral ba nyid du gsungs shing/
de ltar mkhyen pa'i ye

shes de ni rtog ge'i blos bsam du med pa dang/ yon tan gzhan
gyis mnyam pa dang dpe med pa de la phyag 'tshal lo zhes pa'i don
yin no/ /de'i phyir rgyal

ba'i gsung rab thams cad kyang bden pa gnyis pas brtsams te
gsungs pas na/ bden gnyis kyi rnam dbye mi shes na bstan pa'i de
nyid mi shes pas kun

rdzob dang don dam gyi tshul 'di la zhib tu bsams te kun rdzob
sna tshogs dang don dam sgros bral tsam zhig tu lta dgos pa yin
te/ stong nyid bdun cu pa las/

dngos po thams cad rang bzhin gyis/ /stong pa yin pas dngos
rnams kyi/ /rten 'byung 'di ni de bzhin gshegs/ /mtshungs pa med
pas nye bar bstan/ /dam

pa'i don ni der zad do/ /sangs rgyas bcom ldan 'das kyis ni/
/'jig rten tha snyad brten nas su/ /sna tshogs thams cad yang dag
btags/ zhes dang/

@162b de'i rang 'grel las/ don dam pa ni rten cing 'brel par
'byung ba'i dngos po thams cad rang bzhin gyis stong ngo zhes
bya ba der zad do/ /zhes gsungs/ de'i

don yang chos thams cad rang bzhin gyis stong pa rten 'byung gi
don du gsungs pa'i tshul 'di ni de bzhin gshegs pas bstan la/ dam
pa'i don yang do kho na yin no

de'i phyir bcom ldan/ 'das kyis ni phyi nang gi chos thams cad
'jig rten gyi tha snyad tsam du yod pa dang btags yod ming
rkyang tsam du gsungs shing/

don dam pa ni chos/ rnams kyi stong nyid la bya dgos bas rten
cing 'brel par 'byung ba'i dngos po rnams rang bzhin gyis stong
ngo zhes bya ba'i don no/ /

de'i phyir legs bshad/ snying por/ ston pa'i gsung rab thams cad
ni kun rdzob dang don/ dam pa'i bden pa gnyis la brtsams nas
'jug

la; de gnyis kyi rnam dbye mi shes na bstan pa'i de kho na nyid
mi shes bas bden pa gnyis/ kyi sgo nas gsung rab 'grel ba'i tshul
yang de nyid

@163a @#/ /yin te/ gang brten nas btags pa dang brten nas skye
ba'i chos can sna tshogs pa zhig bstan pa thams cad ni kun rdzob
kyi bden pa yin la/

don dam pa ni rgyu mtshan des rang gi mtshan nyid kyis grub pa med
pa'i stong pa de tsam zhig bzang ba'i phyir te/ zhes gsungs so/
/des na/ grub mtha' gong

'og gi dgag bya la yang mi 'dra ba'i phra rags kyi khyad par ni
yod kyang/ chos can rten 'brel gyi steng du/ dgag bya'i bdag
rnam par bcad tsam la

stong nyid du 'jog pa yang spyir mtshungs la/ khyad par dbu sems
gnyis kyi lugs la dgag bya'i bdag /rnam par bcad tsam gyi med
dgag de nyid don

dam bden pa'i 'jog tshul las gzhan shing rta chen po dag gis ma/
gsungs so/ /des na/ stong pa/ nyid la bden par 'dod pa dang bden
grub tu lta ba

gang yin pa de la gsor mi rung ba'i lta ba can du gsungs zhing/
de yang rtsa she las/ /gang dag stong ba nyid lta ba/ /de dag
bsgrub tu med par gsungs/ /

@163b zhes pa dang/ 'jig rten las 'das par/ bstod pa/ las kyang/
/kun rtog thams cad spang ba'i phyir/ /stong nyid bdud rtsi ston
mdzad

na/ /gang zhig de la zhen gyur pa/ /de nyid khyod kyis shin tu
smad/ /ces gsungs pa ltar byis pa gang dag stong pa nyid la/
bden par lta ba de dag la phyin

chad stong pa nyid tshul bzhin du bsgrub tu med pa dang/ bden/
'dzin kun rtog thams cad spong ba'i phyir du stong nyid ston par
mdzad na yang byis pa gang zhig de la

bden zhen skyes par gyur pa na de nyid bcom ldan 'das kyis shin
tu smad pa'i gnas su gsungs zhes pa'i don no/ /des na/ de lta
bu'i stong nyid de ni

dgag bya'i spros pa dang bral bar ma zad rigs shes kyi nges ngor
yang kun rdzob kyi snang ba thams cad/ dang bral ba'i rgyu mtshan
gyis chos can dang chos nyid

gnyis rten pa rten bar yod pa'i tshul ni tha snyad pa'i shes ngor
yin la/ mi rtog ye shes dang mthar thug dpyod pa'i rigs shes kyi
nges ngor de 'dra'i tha snyad mi

@164a @#/ /byed kyang chos nyid yod par ni bzhag chog go /de ltar
min na chos rnams bden par yod med la dpyod pa'i rigs shes kyi
nges ngor med pa la

spyir chos can med pa yang min te/ de med par chos nyid yan gar
bar gnas pa'i don med do/ /de'i phyir gzhan dbang rang bzhin
gyis grub pas stong na yongs

grub kyang rang gi mtshan nyid kyis ma grub par 'gyur dgos pa ni
sems tsam pas kyang smra la/ dbu ma pas kyang de ltar 'jog pa
yin no/ /de'i phyir/ /'dus

byas rab tu ma grub pas/ /'dus ma byas ni ji ltar 'grub/ ces
gsungs pa ltar 'dus byas rang bzhin gyis ma grub pa'i rgyu mtshan
gyis 'dus ma byas

kyang rang gi mtshan nyid kyis ji ltar 'grub ste de ltar grub ba
min no zhes pa'i don dang/ mdo las/ gzugs nyid kyang mi dmigs na
gzugs kyi de bzhin

nyid dmigs par lta ga la 'gyur/ zhes gsungs pa yang gzugs nyid
rang bzhin gyis mi dmigs na gzugs kyi de bzhin nyid rang bzhin
gyis dmigs par

@164b lta ga la 'gyur te mi 'gyur ro/ /zhes lugs gnyis kas
khungs su 'dren/ pa mdzad cing/ de yang thal 'gyur bas ni 'dus
byas 'dus ma

byas gnyis ga rang bzhin gyis ma grub pa dang rang gi mtshan nyid
kyis ma grub pa'i don du 'grel la/ sems tsam pas ni brtag pa
mtha' bzung nas 'dus byas

rang gi mtshan nyid kyis ma/ grub na 'dus ma byas rnams kyang
rang bzhin gyis ma grub par 'gyur dgos zhes 'phul mtshams bstan
nas 'grel ba dang/

dngos smra bas ni dgag bya'i khyad par gang yang ma sbyar bar
rten chos can 'dus byas rab tu ma grub na 'dus ma byas rnams
kyang ma grub par 'gyur zhes 'grel

bas 'grel tshul gtan nas mi 'dra'o/ /de yang rigs pa drug cu pa
las/ /myang ngan 'das pa bden gcig pu/ /zhes gsungs pa ltar/
myang 'das ni don dam

bden pa kho na yin cing de las gzhan kun rdzob kyi chos rnams ni
rdzun pa yin la/ 'dir slu mi slu gnyis kyi khyad par yang bden
rdzun gyi sgo nas 'jog pas bden

@165a @#/ /pa'i don stong/ nyid la bden par byas pa de yin gyi
dgag bya'i bden pa ni min no/ /de bzhin du/ rdzun pa'i don yang
snang tshul dang

gnas tshul mi mthun pa'i rgyu mtshan gyis 'jog gi/ las 'bras mi
slu ba dang rdzun tshig slu ba na 'jog pa lta bu'i bden rdzun ni
min no/ /de ltar yang legs

bshad snying por/ de gcig pu bden gyi 'du byed rnams brdzun pa
slu ba'i chos can no/ /zhes gsungs pa ni mi bden pa/ brdzun pa'i
don

zhes pa nas brdzun pa'am slu ba zer la/ zhes pa'i bar gsungs so/
/de yang myang 'das 'gog bden rnams ni skabs 'dir/ stong nyid du
'dod

pas/ de mngon sum du rtogs pa'i ye shes kyi ngor snang tshul dang
gnas tshul mthun pas na mi slu ba dang bden pa zhes brjod pa yin
no/ de'i phyir rang

gzhan gyi sde pa rtag chad kyi mthar gnas pa rnams kyang rtag
chad kyi mtha' dang bral ba'i thabs chos dang gang zag brten nas
'byung ba rang bzhin gyis

@165b stong ba'i tshul 'di nyid la 'jug dgos pa yin te/ rigs pa
drug cu pa las/ /gang dag gis ni ma brten par/ /bdag gam 'jig
rten mngon zhen pa/ /

de dag kye ma rtag mi rtag /la sogs lta bas 'phrogs pa yin/
/gang dag brten nas dngos po rnams/ /de nyid du ni grub 'dod pa/
/de dag la yang rtag

sogs skyon/ /de dag ji ltar 'byung mi 'gyur/ /gang dag brten nas
dngos po rnams/ /chu yi zla ba lta bur ni/ /yang dag ma yin log
min par/ /'dod pa de

dag ltas mi 'phrogs/ /ces gsungs/ /de'i don ni gzhan sde gang
dag gis/ ni dngos po gang dag rgyu dang rkyen la ma brten par
bdag gam 'jig

rten yod par mngon par zhen pa de dag ni/ bdag dang 'jig rten
rtag par lta ba la sogs pa lta ba ngan pas yid 'phrogs te zhen
pa yin

la/ rang snga gang dag phyi nang gi dngos po rnams rten 'brel du
'dod kyang de kho na nyid du ni grub par 'dod pa/ de dag la yang
rtags sogs skyon

@166a @#/ /de dag ji ltar mi 'byung ste 'jug par 'gyur
ro/ /dbu
ma pa gang dag phyi nang gi dngos po rnams chu yi zla ba lta bur
ni/ yang dag

pa ma yin pa ste bden par grub pa/ yang ma yin la/ phyin kyi log
rtag/ sogs bzhi po gang yang ma yin par rgyu rkyen nam cha shas
la bltos nas

grub par 'dod pa de dag lta ba ngan pa rnams kyis mi 'phrog pa
ste de'i dbang du mi 'gro zhes pa'i don yin no/ /de ltar yang
legs bshad snying por/ yang

dag par ma grub pas rtag lta spong la rang rang gi bya ba byed
nus pas chad lta spong ste de ltar mi nus pa'i log pa yang min
no/ /des na phyi nang gi dngos po

'di rnams rang bzhin gyis stong par yang 'dod la/ stong pa de
kun rdzob chad stong ngo zhes smra ba ni/ zhes pa nas/ kho bo
cag la phyi nang gi rten 'brel 'di

rnams rtag chad dang bral bar ston pa'i thabs med do zhes sgrog
pa yang yin no/ /zhes pa'i bar gsungs so/ /de yang phyi nang gi
dngos po rnams rtag

@166b par smra ba'i phyi rol pas ni rang gi ston pa'i lugs su
byas te rten 'brel khas mi len par phyi nang gi chos rnams bden
par grub par 'dod pa ni mtshar bas

gnas min la/ de bas rang sde rten 'brel khas blangs nas phyi
nang gi dngos po rnams bden par grub par 'dod pa rnams ni ches
bzhad gad kyi gnas

su gsungs te/ rigs pa drug cu pa las/ /gal te yod par smra ba
rnams/ /dngos mchog gzung nas gnas pa ni/ /lam de nyid la gnas
pa ste/ /de la ya

mtshan chung ngu'ng med/ /sangs rgyas lam la brten nas ni/ /kun
la mi rtag smra ba rnams/ /rtsod pas dngos rnams mchog bzung
nas/ /gnas pa gang yin de rmad

do; zhes gsungs/ de'i don ni rang sde'i lugs de las gal te kho
rang gi ston pa'i lugs de mchog tu bzung nas/ phyi nang gi dngos
po rnams bden par yod par

smra ba de dag kyang rang gi lugs de la gnas nas lam de nyid la
gnas pa ste sgrub par byed pa yin la/ de ni gzhan/ gyi ston pas
bstan pa'i lam de

@167a @#/ /dag sgrub pa de la ya mtshan chung ngu'ang med na chen
po ci zhig yod/ de bas sangs rgyas kyi lam la brten nas ni kun
la 'dus byas thams cad mi rtag

pa sogs chos kyi sdom/ bzhi la gnas nas/ nang pa'i grub mtha'
smra ba rnams kyang rang bzhin gyis med pa la skye 'gag sogs kyi
bya byed mtshan nyid pa bzhag tu

med par 'dod pa rnams kyis lugs 'di la rtsod cing/ rang bzhin
gyis grub/ pa dang rang gi mtshan nyid kyis grub pa'i bden pa'i
dngos po rnams la mchog tu

bzung nas de yod par smra ba gang yin ba de ni gzhan spe rnams
las kyang/ ches ngo mtshar rmad du byung ngo/ /zhes mi 'os par
mdzad pa'i don no/ /de'i phyir

legs bshad snying por/ 'dis ni bden par med pa dang rang gi
mtshan nyid kyis med pa la skye 'gag sogs mtshan nyid pa bzhag tu
med par 'dod pa rnams

bzhad gad kyi gnas su gsungs so/ /zhes gsungs la/ yang rten
'grel rtag chad kyi mtha' dang bral ba 'di nyid shin tu rton
dka' ba'i tshul yang/ rtsa she las/

@167b de phyir zhen pas chos 'di yi/ /gting rtogs dka' bar
mkhyen gyur nas/ /thub pa'i thugs ni chos bstan las/ /rab tu log
par gyur pa yin/ /zhes gsungs

de'i don ni rten 'brel gyi don phra mo 'di nyid rtogs dka' ba
de'i phyir blo zhan pa rang/ rgyud pa man chad kyis ni/ rtag
chad kyi mtha' gnyis dang bral ba'i

zab mo dbu ma'i lam 'di'i gting rtogs dka' bar gzigs nas/ thub
pa sangs rgyas kyis re shig zab mo'i bstan pa las thugs log ste/
zab zhi spros

bral 'od gsal 'dus ma byas/ zhes sogs gsungs nas 'phral du zab
mo'i chos mi gsung bar bzhugs pa'i tshul mdzad pa yin zhes pa'i
don to/ /de'i phyir

legs bshad snying por/ rten 'brel rtag chad dang bral ba 'di ni/
zhes pa nas/ snyam du dgongs pa yin te/ zhes pa'i bar gsungs so/
/des na/ shing rta'i

srol 'byed rnam pa gnyis kyis srol 'byed tshul dang po rnal 'byor
spyod pa pa'i lugs kyi rnam bzhag 'jog tshul ni de tsam mi dka'
yang dbu ma pa'i lugs kyi

@168a @#/ /bden gnyis 'jog tshul sogs shin tu phra bas na/ de la
yog par bzung ba yang 'byung nyan che bas de dag kyang ngan
song
du lhung ba sogs kyi 'phung

tshabs che ba dang blo mchog dang mi ldan pa rnams kyis rtogs
dka' bar bshad do/ /de'i phyir lugs 'di'i zab mo'i don dang de
ston pa'i gsung rab kyi tshig don

gnyis ka dang rang bzhin gyis med pa la rgyu 'bras sogs bzhags
med par song ba'i med lta de nyid spong la/ de kho na nyid kyi
don legs par shes par gyis

shig ces bskul bar mdzad pa yin te/ rin chen 'phreng ba las/ /de
bzhin log par bzung pa des /'phung ba dag ni 'thob 'gyur zhing/
/legs par shes

pas bde ba dang/ /byang chub bla na med pa 'thob/ /de phyir 'di
la spong ba dang/ /med pa'i lta ba sdangs nas ni/ /don kun
bsgrub phyir yang dag pa'i/ /shes la

nan tan mchog mdzod cig/ ces gsungs/ de'i don yang de ltar log
par bzung ba de ni ngan song du ltung ba la sogs ba'i 'phung
ba'i nyes dmigs dag

@168b 'byung zhing/ de'i don legs par shes pas ni phyi mar bde
ba dang bla med byang chub 'thob par 'gyur bas/ de'i phyir rtag
chad kyi lta ba spongs la don kun bsgrub

par bya ba'i phyir du yang dag pa'i shes rab bskyed bsgrub pa
nan tan mdzod cig ces slob dpon klu sgrub kyi gsung rab kyi zab
don 'grel ba'i rigs pa'i rnam

grangs gzhan la mang du yod pa rnams kyang rtsa ba shes rab
bde'i don khong du chud pa'i yan lag tu/ /'khyer nas dbu ma'i
don 'di la 'bad pa chen pos sbyang

bar bya'o/ /de ltar yang legs bshad/ snying por/ srol phye ba
dang po ltar yin na de tsam mi dka' 'o/ /zhes pa nas/ de tsam
las mi spro'o/ /zhes

pa'i bar gsungs so/ /gnyis pa/ de'i rjes su 'brang ba rnams kyis
ji ltar bkral ba'i tshul ni/ de yang/ slob dpon klu sgrub kyi
rjes 'brang gtso bo

ni 'phags pa lha yin la/ 'dis bzhi brgyab ma yang slob dpon gyi
srol 'di rgyas par bkral bar mdzod pa dang/ sangs rgyas bskyangs
zla ba grags pa

@169a @#/ /legs ldan 'byed zhi ba 'tsho la sogs pa rnams kyis
kyang 'bags pa lha 'di nyid slob dpon klu sgrub dang 'dra bar
yid ches pa'i

khungs su mdzad pas na/ bstan bcos legs par bshed pa'i snying po
'dir yang 'phags pa yab sras kyi rjes su de dag gis dgongs pa
bkral

tshul brjod par/ bya la zhes ji ltar bkral ba bzhin bshad pa'i
tshul la/ dbu ma rang rgyud pas 'phags pa'i gzhung ji ltar bkral
ba'i tshul

dang; dbu ma thal/ 'gyur bas 'phags pa'i gzhung ji ltar bkral
ba'i tshul lo/ /dang po la slob dpon legs ldan 'byed kyis ji ltar

bkral ba'i tshul dang/ zhi ba 'tsho yab sras kyis ji ltar bkral
ba'i tshul lo/ /dang po la yang don dam par gang zag dang chos la
rang bzhin yod med

ji ltar bshad pa'i tshul dang/ tha snyad du phyi rol gyi don yod
med ji ltar bshad pa'i tshul dang/ don dam par yod pa 'gog pa'i
rigs pa'i gtso bo gang la

@169b byed pa'i tshul lo/ dang po ni/ slob dpon klu sgrub kyis
mdzad pa'i dbu ma'i bstan bcos thams cad kyi nang nas gtso bo
ni/ bstan bcos rtsa ba shes rab

9yin la/ de la rang 'grel ga las 'jigs med/ sogs rgya gar gyi
'grel pa brgyad yod par gsungs shing/ de yang/ ga las/ 'jigs med
rang 'grel du

grags kyang rang 'grel ma yin par 'dir khungs dang bcas gsal bar
gsungs te/ rab byed nyer bdun pa'i 'grel pa ga las 'jigs med
las/ btsun

pa 'phags pa lhas kyang/ /nyan pa po dang mnyan bya dang/ /smra
po 'byung ba shin tu dkon/ /de phyir mdor na 'khor ba ni/ /mtha'
yod ma yin mtha' med

min/ zhes bshad do/ /zhes bzhi brgya pa'i lung shes byed du
drangs pas rang 'grel gyi don med do/ /zhes bstan bcos 'dir
khungs dang

bcas rang/ 'grel yin pa bkag go/ de bzhin du/ legs ldan 'byed
kyang ga las 'jigs med kyi rjes su mi 'brang bar de ba shar ma'i

@170a @#/ /'grel ba'i rjes su 'brang ba dang/ khyad par sangs
rgyas bskyangs/ legs ldan 'byed/ zla ba grags pa gsum ga'i 'grel
par ga las

'jigs med kyi bshad pa zur tsam yang ma byung bar gsungs pas na
de rang 'grel ma yin pa go nus so/ /de yang sems can 'khor ba pa
rnams kyi 'khor

ba'i sngon gyi mtha' ni med la/ phyi mtha' med pa min pa'i sgrub
byed du mnyan bya nges don gyi gsung rab dang/ nyan pa po blo
mchog dang ldan pa dang/ smra ba po

ston pa sangs rgyas rjes 'brang dang/ bcas pa 'byung ba ni shin
tu dkon kyang de lta bu'i phun sum tshogs pa gsum 'dzom pa'i
zhing 'di nas 'khor ba'i phyi

mtha' yod/ par sgrub nus so zhes mtshon par mdzad pa yin la/ de'i
phyir slob dpon chen po legs ldan 'byed kyis kyang 'phags pa'i
dgongs pa ji

ltar bkral ba'i tshul la/ thog mar mtshan nyid gsum gtan la phab
tshul shes na gsal bar 'gyur bas/ de yang shes rab sgron ma las/
de la 'dir

@170b gal te gzugs zhes bya bar yid la brjod pa dang/ tshig tu
brjod pa'i kun btags pa'i ngo bo nyid gang yin pa de med do zhe
na ni/ dngos po la skur

pa 'debs pa yin te/ yid la brjod pa dang tshig tu brjod pa la
skur pa 'debs pa'i phyir ro/ zhes gsungs/ de'i don ni/ rang
rgyud pa'i skabs 'dir

gzugs zhes bya bar yid la brjod pa dang tshig tu brjod pa gnyis
ni rang gi mtshan nyid kyis grub la/ de la sems tsam bas rtog pas
kun tu btags pa'i

ngo bo/ nyid de yang spyir med ces 'dod pa yang min zhing don
dam par med ces sbyor dgos pa yin no/ /de ltar min par kun btags
pa'i ngo bo nyid gang yin

pa de med do zhes 'dod na ni/ yid la brjod ba dang tshig tu brjod
pa rnams med par 'gyur pas dngos po la skur ba 'debs pa yin no/
zhes pa'i don dang/ de la rnal 'byor

spyod pa pas kun btags mtshan nyid ngo bo nyid med pa zhes pa'i
ngo bo med pa de rang gi mtshan nyid kyis ma grub pa la byed pa
bzhin du/ 'dir yang de ltar byed dam snyam

@171a @#/ /na de gnyis mi mtshungs te/ 'dir kun btags la mtshan
nyid ngo bo nyid med ba zhes pa ni kun tu btags tshul bden par
grub pa'i btags

tshul de'i mtshan nyid dam ngo bo nyid kyis med pa la kun btags
mtshan nyid ngo bo nyid med pa'i don du byed cing/ rnal 'byor
spyod pa pas ni kun btags chos

lngar ma gdogs pas mtshan nyid ngo bo nyid med pa la bshad pas
na/ de gnyis kyis kun btags mtshan nyid ngo bo nyid med pa'i 'jog
tshul ming tsam 'dra yang

don ni khyad par shin tu che'o/ /de'i gnad kyis shes rab sgron
me'i skabs 'dir yang gzhan dbang la skur 'debs su 'gro tshul
dang/ de yang dgongs 'grel

las rang gi mtshan nyid kyis ma grub pa la mtshan nyid ngo bo nyid
med pa'i don du bshad cing/ de ltar bshad pa de mdo de'i don
gtan la 'bebs pa yin

pas/ de ni kun btags la yin gyi/ gzhan dbang la ni rang gi mtshan
nyid kyis grub pa'i ngo bo yod par 'dra yang kun btags kyi 'jog
tshul ma 'dra bas/

@171b rnal 'byor spyod pa ba'i lugs de phyogs sngar blangs nas
ming rgyu mtshan sogs chos lnga po bsdu ba dang dbus mtha' nas/

bshad tshul gyi khyad par dang/ slob dpon legs ldan 'byed kyi
lugs 'dir dngos 'grel las kun btags la rang gi mtshan nyid kyis/
/grub pa'i

ngo bo nyid med par gsungs pa dang/ gzhan dbang la rang gi mtshan
nyid kyis grub pa'i ngo bo nyid yod par gsungs pa 'di nyid
khungs gsal shos gcig tu mdzad

de slob dpon 'dis kun btags ni dgag bya/ chos dang gang zag gi
bdag dang/ rang gi mtshan nyid kyis grub pa ni tha snyad du yod
pa'i don du 'jog

cing/ de'i dbang gis rang bzhin med par/ ma rtogs kyang bdag med
gnyis mtshan nyid tshang bar rtogs par bzhed do/ /de ltar yang

legs bshad snying por/ kun btags la/ rang gi mtshan nyid ngo bo
nyid med do zhes/ smra ba'i kun btags de ngo bo dang khyad par
du

@172a @#/ /'dogs pa'i rtog pa dang ming la byed na de gnyis phung
por gtogs pas/ gzhan dbang la mtshan nyid ngo bo nyid med pa'i
skur 'debs su

fbshad pas gzhan dbang la mtshan nyid ngo bo nyid yod par bzhed
do/ /de yang dgongs 'grel las rang gi mtshan nyid kyis ma grub
pas mtshan nyid ngo bo nyid

med par bshad cing/ 'di dag kyang mdo de'i don gtan la 'bebs pa
yin pas gzhan dbang la rang gi mtshan nyid kyis grub pa'i ngo bo
yod par bzhed par

gsal lo/ /zhes dang/ de yang shes rab sgron mar ming dang rgyu
mtshan dang rnam par rtog pa dang yang dag pa'i shes pa dang de
bzhin nyid lnga po 'dren par

mdzad nas/ kun btags/ mtshan nyid/ ngo bo nyid med pa'i don chos
lnga po de gang gis yang khongs su ma gtogs pa'i rgyu mtshan gyis
'jog par mdzad

pa de ni rnal 'byor spyod pa/ ba'i 'dod tshul yin cing/ de nyid
phyogs sngar blangs nas des gang khungs su mdzad na/ bsdu ba
dang dbus mtha' khungs

@172b su mdzad pa ni sngar gong du bshad pa/ bzhin yin la/ khyad
par skabs 'dir ming ldan min 'du byed du bshad pa dang/ rgyu
mtshan kun btags

kyi gdags gzhir bshad pa dang/ kun btags dngos po med pa'i rgyu
mtshan gyis chos bzhi po gang yang ma yin par bshad pa dang/ de
la rtog pas

btags tsam gyis khyab pas/ de bzhin nyid kyang ma yin par/
gsungs pa ni rnal 'byor spyod pa pa'i lugs yin la/ rang rgyud
pas ni

gzhi grub na rtog pas btags tsam dang/ tha snyad du yod pas
khyab par bzhed pas mi 'dra'o/ /de bzhin du/ ming kun btags su
bshad pa'i dgongs gzhi

ni ming gis btags pa'i don tsam la dgongs pa yin par blo brtan
gyis bzhed pa de yang rnal 'byor spyod pa pa'i lugs dang/ der
rgyu mtshan gzhan dbang du

bshad pa yang 'du byed kyi rgyu mtshan la dgongs pa dang/ spyid
rgyu mtshan la 'dus ma byas kyang yod par bsdu ba las bshad pas
so/ /zhes pa yan chad rnal 'byor

@173a @#/ /spyod pa pa phyogs sngar blangs pa de'i khungs su byed
tshul rnams yin no/ /de ltar yang legs bshad snying por/ shes rab
sgron ma las kun

btags zhes pa nas/ bsdu ba las bshad bas so/ /zhes pa'i bar
gsungs so/ /des na/ gong du drangs pa ltar gyi chos lnga po der
ma gtogs pa'i rgyu mtshan gyis

mtshan nyid ngo bo nyid med pa yin par 'jog thub pa tsam zhig
'dra yang/ lnga po der mi gtogs pa/ mtshan nyid ngo bo nyid med
pa'i don du skabs 'dir 'jog

mi rigs shing dgongs 'grel gyi don du 'jog pa yang min no/ /de'i
phyir rang rgyud pa'i skabs 'dir chos thams cad rang gi mtshan
nyid kyis grub par 'jog

dgos pas na/ gzugs kyi skabs su yang 'di gzugs so 'di gzugs kyi
skye ba'o zhes ngo bo dang khyad par gnyis kyi sgo nas kun btags
pa'i tshul

gyis gzugs de 'dzin pa na de ltar 'dzin pa'i rtog pa'i zhen
gzhi'i kun btags de ngos mi 'dzin par de 'dra'i kun btags pa
ltar gyi don de btsal nas

@173b rnyed pa'i btags don ni gzugs de yin la/ de ni rtog pa
de'i zhen yul yin pas tha snyad du rang gi mtshan nyid kyis grub
par 'jog cing/ de la rang gi

mtshan nyid kyis grub pa'i mtshan nyid ngo bo nyid med ces mi 'jog
par de don dam par rang gi mtshan nyid kyis grub pa'i ngo bo
nyid/ med ces 'jog pa

yin pas/ de 'dra'i mtshan nyid med tshul de mtshan nyid ngo bo nyid
med pa'i don dang/ dgongs 'grel gyi mdo don 'chad tshul gnyis ka
yin la 'chad

tshul 'di ni chos thams cad la rigs 'dra'o/ /de bzhin du/ chos
thams cad tha snyad du/ yod par 'jog pa'i lugs la yang de'i ngo
bo nyid dang de'i

rang gi mtshan nyid sogs thal rang gnyis kar sbyor tshul mang bas/
de'i nang tshan gyi khyad par dbye dka' ba rnams kyang so so'i
skabs thob dang sbyar

nas shes dgos pa yin no/ /de'i phyir 'de'i skabs su dgag bya'i
bdag gnyis ji ltar 'jog pa'i tshul ni/ de yang shes rab sgron ma
las/ ci ste

@174a @#/ gang yang rung bas de gnyis kyis don kun btags pa de
med de/ dper na thag pa la sbrul gyi blo bzhin no zhe na ni/ kun
btags pa med pa ma

yin te/ de la rnam pa 'dra bas blo gros 'khrul bas kun btags
pa'i don med kyang tha snyad du sbrul 'khyil ba la de med pa ma
yin pa'i phyir ro/ /zhes gsungs

de'i don ni dgag bya ci ste snyam na byis pa gang yang rung bas
ming dang rtog pas btags pa'i btags don gzugs sogs kyi chos
rnams mtshan nyid ngo bo nyid

med pa yin te/ thag pa la sbrul du btags pa bzhin zhes zer na/
de la gzhan gyis de mi 'thad pa'i skyon snyon pa bzhin skyon du
'gyur ba yin kyang/ 'dir ni dbu

ma ba'i/ rjes su 'brangs nas 'di'i don 'jog dgos pas/ dbu ma
rang rgyud pas ni ming dang rtog pas btags pa'i btags don gzugs
sogs de

rnams spyir med par 'dod pa ma yin gyi bden par med par 'dod pa
yin kyang don der ma go bar med par bzhed pa'i dbang du btang
nas skyon bstan pa yin

@174b la/ de'i skyon bstan tshul ni kun btags med pa ma yin te/
de la rnam par 'dra bas blo gros 'khrul bas kun btags pa'i don
med kyang/ tha snyad du sbrul

'khyil ba la de med pa ma yin pa'i phyir ro/ /zhes lan gyi sgo
nas skyon bstan pa yin la/ de'i tshul yang dper na thag pa la
sbrul du 'khrul nas bzung ba'i/ blo

'khrul bas gzung ba ltar gyi don med pa bzhin du/ btags don
gzugs sogs med pa min zhes pa'i skyon gcig dang/ tha snyad du
sbrul 'khyil ba la sbrul

bzung rgyu yod pa bzhin du/ btags don gzugs sogs kyang yod par
'jog dgos pas med par 'dod pa mi rigs so zhes skyon bstan pa yin
no zhes

ba'i don yin te/ de ltar yang legs bshad snying por/ kun btags
de 'dogs byed min gyi/ byis pa gang yang rung bas ming dang rtog
pas btags pa'i

btags/ don yin la de la mtshan nyid ngo bo nyid med de/ thag pa
la sbrul du btags pa bzhin zhes zer na mi 'thad pa'i skyon ston
to/ /de'i don ni

@175a @#/ /gzugs la sogs pa la 'di dang 'di'o zhes ngo bo dang
khyad par du btags pa'i don de mtshan nyid ngo bo nyid med pa'i
dper thag pa la sbrul lo snyam du

btags pa'i btags don med par 'jog pa mi rigs te/ de la pha rol
pos thag pa la sbrul lo snyam du bzung ba de'i don med kyang
sbrul 'khyil ba la sbrul lo

snyam du bzung ba'i don tha snyad du yod pa bzhin du/ gzugs la
tshor ba'o snyam du bzung ba'i yul med kyang gzugs la gzugs so
snyam du bzung ba'i yul tha

snyad du yod do zhes smra par nus so/ /zhes pa nas/ sbrul 'khyil
ba la sbrul lo snyam du bzung ba'i yul de don dam par ngo bo
nyid med par sgrub na dbu ma pa'i

lugs su 'gyur zhes pa'o/ /zhes pa'i bar gsungs so/ /des na/ ngo
bo dang khyad par du kun btags pa'i kun btags mtshan nyid ngo bo
nyid med par 'jog

pa'i tshul 'di nyid dbu ma pa'i lugs su byed dgos pa yin la/ de
yang don dam par rang gi mtshan nyid kyis grub pa'i ngo bo nyid
med pa la 'jog dgos shing/

@175b sgrub byed kyi rigs ba yang dbu ma pa'i rigs/ pa'i dbang
du byed dgos par shes rab sgron ma las gsungs pa ltar yin te/
de'i rigs pa ni rtsa

she las/ /brjod bar bya ba ldog pa ste/ /sems kyi spyod yul ldog
pas so/ /ma skyes ba dang ma 'gags pa/ /chos nyid mya ngan 'das
dang mtshungs/ /

zhes gsungs/ de'i don ni brjod bar bya ba ni ming dang rtog pas
btags pa'i btags don gzugs sogs de rnams yin la/ de rnams kyi
steng du gang ldog

na dgag bya chos bdag dang gang zag gi bdag gnyis ldog pa ste/
dgag bya de gnyis ldog pa'i rgyu mtshan ni/ sems kyi spyod yul te
bdag 'dzin gnyis kyi

zhen yul/ ldog ba'i rgyu mtshan gyis ldog pa'am/ med par 'jog pa
yin pas/ de 'dra'i zhen yul mang ba de nyid ni/ rgyu mtshan ma
tshang ba'i dbang gis

re shig ma/ skyes ba tsam dang rgyu rkyen/ tshang la ma nyams
pa'i dbang gis re shig ma 'gags ba tsam min cing/ chos thams cad
kyi gshis lugs sam

@176a @#/ /sdod tshul mthar thug pa yin pas na chos nyid ces bya
ba yin la/ de nyid rang bzhin gyis ma skyes pa dang rang bzhin
gyis ma 'gags pa dang/

rang bzhin gyis mya ngan las 'das par mtshungs zhes pa'i don yin
no// de yang gzhung 'dis dbu ma'i rigs pa bstan tshul ni/ dbu ma
pa rnams kyis bden

grub dgag byar byas nas 'gog par byed la/ de 'gog byed kyi rigs
pa'i gtso bo'am rgyal po lta bu ni rten 'brel gyi rigs pa nyid
yin zhing/ des bden med

nam gtan la phebs pa na yang dag pa'i lta ba rtogs pa'i blo gros
'byung la/ de'i rtsa ba rten 'brel lam bltos pa'i rigs pa 'di
nyid la thug pa yin pas rigs

pa bzhi'i dang por bltos pa'i rigs pa 'jog par mdzad do// de
yang phan tshun bltos pa'i tshul ni/ thog mar tshul bzhin yid la
byed pa de la bltos nas rkyen

des 'jig rten las 'das pa'i yang dag pa'i lta ba skye ba'i phyir
na bltos nas sgrub pa'i rigs pa'am rgyu mtshan no// de la bya ba
byed pa'i rigs pa ni/ yang dag

@176b yang dag pa'i lta ba 'bras bu dang bcas pa sgrub pa'o//
'thad pas sgrub pa'i rigs pa ni mngon sum la sogs pa'i tshad mas
yongs su rtogs pa'o// de yang

'thad pas bsgrub nus pa la ni bsgrub rgyu'i don de mngon sum la
sogs pa'i tshad ma gang yang rung bas gnod pa mi 'bab cing de dag
gis yongs su rtogs pa'i

dbang du byas pa'o// chos nyid kyi rigs pa ni bsam gyis mi khyab
pa'i gnas te/ de yang gang zhe na/ tshul bzhin yid la byed pa las
yang dag pa'i lta bar

'gyur zhing de las 'bras bu nyon mongs pa spong bar 'gyur zhes
sogs ni bsam par bya ba'i gnas ma yin pas na bsam gyis mi khyab
pa zhes sbyar ro// de ltar

bsam du med pa'i tshul yang so skye rang ga bas rgyu 'di las
'bras bu 'di 'byung gi tshul zhib tu bsams na 'jog mtshams mi
rnyed cing ha cang zhum par 'gyur

bas de la dgongs te/ las 'bras rnams/ la sems pa'ang dgag par
mdzad/ ces dpal ldan zla bas gsungs pa ltar dang/ yang sa bon
las myu gu

@177a @#/ /'byung ba dang chu thur du 'bab pa dang me gyen du
'bar ba sogs ni rgyu mtshan gnyis pa dris kyang/ de kha srol yin
chos nyid yin zer ba tsam

las rgyu mtshan gzhan bshad du med pa dang bsam du med pas na/
bsam gyis mi khyab pa dang chos nyid kyi rigs pa zhes bya'o// de
yang; lto ldir ba la

bum pa zhes btags pa na brdas bzhag tsam gyi yul lto ldir ba de
bum par don dam par grub pa 'gog pa la dbu ma'i rigs pa dgos te/
lto ldir ba bum

par don dam du grub pa 'gog pa la dbu ma'i rigs pa dgos pa'i
phyir zhe na/ de gnyis mi mtshungs te/ dang po ni ming brdas
bzhag tsam gyi yul yin pas de

blo yul du shar ba ming brda' blo yul du shar ba la bltos nas go
dgos pa tsam yin cing/ de ni brda'i dngos yul dang 'dra bas bum
pa dngos min la/ lto ldir

ba bum par don dam du grub pa 'gog pa la dbu ma'i rigs pa dgos
pa ni bum pa don dam par grub pa 'gog pa la dbu ma'i rigs pa
dgos pa bzhin no//

@177b de ltar yang legs bshad snying por/ de yang lto ldir ba la
bum pa zhes btags pa'i brdas bzhag pa'i yul don dam par grub pa
'gog pa la dbu ma'i rigs

pa dgos zhes smra ba min te/ rtog gi 'bar ba las lkug pa dang
'on pa la sogs pa brda mi shes pas kyang bum pa la sogs pa'i don
shes shing/ ba lang la sogs

pas kyang dri dang gzugs la sogs pa las rang gzhan gyi bu shes
nus pas ming gi brdas bzhag pa dngos po'i de kho na nyid du mi
gnas pa rnal 'byor spyod pa

dang dbu ma pa gnyis ka la 'dra par bshad pas so// zhes gsungs
so// de yang ming dang brdas bzhag tsam gyi yul lto ldir ba de
ni lto ldir ba bum par

'dzin pa'i rtog pa de'i snang ngo tsam yin gyi/ zhen yul gyi sto
ldir ba de min pas skabs 'di'i dngos po'i de kho na nyid du mi
gnas pa'i tshul ni bum pa dngos

ma yin pa des grub cing/ rnal 'byor spyod pa ba dang dbu ma pa
gnyis ka la 'dra tshul yang de yin no// gzhan du na rnal 'byor
spyod pa pas ni ming brdas bzhag

@178a @#/ /tsam gyi brda'i dngos yul lto ldir ba de nyid ni dngos
po'i de kho na nyid de bum par 'jog thub na dgag bya chos bdag
tu 'gyur dgos la/ de 'gog

pa la ni rnal 'byor spyod pa pa'i lugs la dbu ma'i rigs pa dgos
kyang slob dpon legs ldan 'byed kyi lugs la ni dbu ma'i rigs pa
mi dgos pas de gnyis

'dra zhes 'khrul par mi bya'o// de'i phyir slob dpon 'di'i lugs
la ngo bo dang khyad par du kun btags pa'i kun btags ngos 'dzin
tshul yang rtog pa'i zhen

gzhi dang rtog pa'i snang ngo'i dbang du byas pa tsam dang/ ming
brda blo yul du shar ba la bltos nas go dgos pa tsam min pa'i
ming brdas btags pa'i btags

don btsal nas 'jog dgos pas de ni rtog pa'i zhen yul dang 'dra
la/ de yang 'di ni gzugs so 'di ni gzugs kyi skye ba'o zhes sogs
su btags pa na de ltar

'dogs pa'i rtog pa'i zhen yul de nyid ngos 'dzin pa yin zhing/
de la ni gzugs dang gzugs kyi skye ba gnyis 'jog dgos pas de
gnyis ni btags pa ltar

@178b gyi don yin no// de yang tha snyad du rang gi mtshan nyid
grub pas na/ mtshan nyid ngo bo nyid med par mi 'jog gi don dam
par mtshan nyid ngo bo nyid med par

'jog pas de ni mdo'i don yang yin no// des na/ skabs 'dir kun
btags mtshan nyid ngo bo nyid med pa zhes pa'i kun btags ni/ zhen
yul de nyid don dam

par kun btags pa de yin la/ de yang dgag bya chos bdag la 'jog
pas tha snyad du yang ma grub cing/ de ni ming brdas bzhag par
gsungs pa yang sgra

rtog gis btags tsam las btags pa ltar gyi don med pa'i dbang du
byas pa'o// de'i phyir don dam par gzugs sogs kyi ngo bo dang
de'i skye ba sogs kyis

stong pa yang grub tu 'jog dgos pa yin pas mdo'i don yang de yin
gyi/ rnal 'byor spyod pa ba ltar gyi mdo'i don 'jog tshul dang
ches mi 'dab ni de ltar ro//

des na/ skabs 'dir kun btags ni gzugs sogs don dam par kun btags
pa de yin pas/ de ni skabs 'di'i dngos bstan gyi kun btags kyi
dbang

@179a @#/ /du byas pa yin gyi/ spyir rang rkya thub pa'i rdzas
yod/ kyi dbang du byas pa'i kun btags tshul yang yod do// gzhan
dbang bdag nyid kyis skye

ba med par gsungs pa yang don dam par skye ba med pa'i don du
'chad par mdzad pas na/ gzhan dbang dang kun btags gnyis ka'i
steng du dgag bya bden grub

bkag nas des stong ba yongs grub tu 'jog par gsungs so// de'i
phyir slob dpon 'dis kyang mdo sde dgongs 'grel khungs su mdzad
nas shes rab sgron mar

mtshan nyid gsum gyi rnam bzhag mdzad pa ltar shes par bya dgos
pa yin no// de ltar yang legs bshad snying por/ des na 'di gzugs
so 'di gzugs kyi

skye ba'o zhes sogs su 'dogs pa'i zhen yul ni des btags pa'i don
yin la/ de yang tha snyad du rang gi mtshan nyid kyis yod pas
mtshan nyid ngo bo nyid med

pa ma yin pa'i phyir don dam par yod pa 'gog pas don dam par
mtshan nyid ngo bo nyid med par ston pa mdo'i don du 'chad pa'o//
de'i tshe kun btags la

@179b mtshan nyid ngo bo nyid med do zhes gsungs pa'i kun btags
ni/ zhen yul de don dam par kun btags pa de yin la de nyid ming
dang brdas bzhag par gsungs

pa ni sgra rtog gis btags pa tsam du zad pa'i don no// de ltar
na gzhan dbang mtshan nyid ngo bo nyid med par gsungs kyi kun
btags ma yin no snyam du mi gzung ste/

gzhan du na rnal 'byor spyod pa pa'i lugs la yang/ zhes pa nas/
gzhan dbang bden par grub na ji ltar snang ba ltar grub dgos pas
sgyu ma bzhin du mdo las

gsungs pa mi 'thad par bzhed pas de rang bzhin gyis stong pa
dgongs 'grel gyi don du 'chad pa'o// zhes pa'i bar gsungs so//
gnyis pa/ tha snyad du

phyi rol gyi don yod med ji ltar bshad pa'i tshul ni/ de yang
bden par grub na snang tshul dang gnas tshul mthun par grub dgos
pa ni thal rang gnyis ka 'dra la/

de bzhin du/ sgyu ma lta bu'i don yang snang stong gnyis tshogs
su 'jog pa ni thal rang gnyis phyogs tsam 'dra yang rnal 'byor
spyod pa ba dang ches mi 'dra'o//

@180a @#/ /de'i phyir phyi don 'jog lugs kyang slob dpon sangs
rgyas bskyangs dang legs ldan 'byed gnyis ches mi 'dra bas/ de
yang sangs rgyas

bskyangs kyi bzhed tshul ni 'og tu 'byung zhing/ slob dpon 'di'i
lugs kyi phyi don 'dod tshul ni bshad par bya ba yin la/ de yang
dbang po'i shes pa la gzugs

snang ba'i tshe de dang tshogs pa gcig pa'i rdul phra rab re re
nas/ kyang dbang po'i shes pa'i dmigs rkyen byed pas/ de la
snang zhing des gzugs 'dzin pa na rnam

med du mi 'dzin par rnam ldan gyi sgo nas 'dzin pa dang/ de
yang/ gzugs ni rgyu dang de 'dzin pa'i dbang po'i shes pa na
de'i 'bras bur 'byung bas/ de

gnyis snga phyi bar bzhed do/ dmigs rkyen byed tshul 'di nyid
kyang/ mdo sde pa dang phyogs mthun zhing phyi don bzhed lugs
kyang de dang mthun pas slob dpon

'di la mdo sde spyod pa'i dbu ma pa zhes grags so// 'o na/ sa
bcu pa'i mdo las/ khams gsum po 'di ni sems tsam mo// zhes pa
dang/ lang kar gshegs

@180b pa las kyang/ /phyi rol snang ba yod min te/ /lus dang
longs spyod gnas 'dra bar/ /sems ni sna tshogs snang bas na/
/sems tsam du ni nga smra'o//

zhes gsungs pa ltar/ phyi don bkag nas sems tsam du bsgrubs pa
'di dang 'gal lo zhe na/ de ni de ltar ma yin te/ de'i don ni
gzhan snga 'dod pa ltar gyi

sems las gzhan pa'i 'jig rten gyi byed pa po 'gog pa yin gyi
phyi don 'gog pa'i don mi na la/ de bzhin du/ lang gshegs las
gsungs pa de yang phyi rol bden pa'i ngo bo nyid yod

pa min pa dang/ lus longs spyod gnas kyi don dang 'dra bar sems/
kyang sna tshogs su skye ba ni skyes la 'dra ba'i don dang/ sems
tsam du smra ba'i don yang

sa bcu pa'i mdo'i don 'chad tshul dang 'dra'o// de'i phyir legs
bshad/ snying por/ sa bcu pa las khams gsum sems tsam du gsungs
pa ni/ zhes pa nas/

sems tsam gyi don ni sngar ltar ro// zhes pa'i bar gsungs so//
des na/ skabs sa 'dir phyi don med pa mdo de dag gi don du mi
'jog par phyi rol gyi don

@181a @#/ /yod pa mdo de dag gi don du 'jog dgos la/ de ni dbang
shes rnams dmigs rkyen gzugs sogs las skye bar gsungs pa bzhin
don la gnas

pa yin zhing/ dmigs rkyen gzugs de yang rigs mi/ mthun pa'i dmag
dang nags tshal sogs pa de rnams ni 'dus pa dang rags pa yin
kyang/ de rnams 'dus

pa tsam dang rags pa yin pa'i rang ldog tsam ni rdzas su med pas
dngos po yang min la/ gzhi ldog dmag dang nags tshal sogs ni
dngos po yin pa kun la 'dra'o/ /

de bzhin du/ rten gcig la brten pa'i rigs mthun pa'i rdul phra
rab phyogs su byas nas bsags pa rnams kyang rdzas su grub pa yin
te/ bum sogs rdzas su

grub pa bzhin no/ /yang zla ba gnyis snang gi shes pa yang zla
gcig dmigs pa la brten nas skye dgos pas phyi don med na de ltar
skye ba mi rigs so zhes skyon

bstan to/ /de'i phyir skabs 'dir phyi don 'jog pa'i rgyu mtshan
gyis kun gzhi yod par mi 'jog ste/ dbu ma snying po las/ /rnam
shes zhes bya'i rnam grangs

@181b kyis/ /bdag ni nges par bstan pa yin/ zhes dang/ yul du
snang las gzhan gyur pa'i/ /sems nyid ji 'dra ba zhig snang/

zhes gsungs/ de'i don ni rnam shes de la 'dod tshul gnyis yod de/
yid kyi rnam shes gang zag gi mtshan gzhir 'dod pa dang/ kun/

gzhi'i rnam shes gang zag gi mtshan gzhir 'dod pa gnyis las/ 'dir
ni yid kyi rnam par shes pa gang zag gi mtshan bzhir/ 

'jog pa yin te/ rtog ge 'bar bar/ kho bo cag yid kyi rnam par
shes pa la bdag gi sgra dngos su 'dogs te/ zhes gsungs pa ltar
yin la/

kun gzhi mi bzhed pas nyon yid kyang mi 'jig par gsungs so/ / de
bzhin du/ rnam shes phyi rol du snang ba las gzhan pa'i 'dzin
rnams

myong ba'i ngo bor snang ba'i rang rig kyang mi bzhed cing/ slob
dpon ye shes snying pos kyang de dang mthun par gsungs so/ /de
ltar yang legs bshad snying por/

@182a @#/ /dmag dang nags tshal la sogs pa rigs tha dad la brten
pa ni 'dus pa yin la de rdzas su med kyang/ rten cig la brten
pa'i rigs mthun pa'i phra rab

rnams ni bsags pa yin zhing de bzhin du bum pa la sogs pa yang
yin pas de ni rdzas su yod do/ /zla ba gnyis su snang ba la sogs
pa'i shes pa yang zla gcig dmigs

pa la brten nas skye dgos pas phyi rol gyi dmigs pa med par mi
skye'o/ /phyi rol med na mdo sde las dbang po'i shes pa rnams
dmigs rkyen la skye bar gsungs pa la

skur pa btab par 'gyur te/ zhes pa nas/ slob dpon ye shes snying
pos dbu ma'i tshul bkral ba yang tha snyad du rang gi mtshan nyid
kyis grub pa mi 'gegs pa dang/

phyi rol yod pa'i tshul lugs 'di dang mthun par snang ngo/ / zhes
pa'i bar gsungs so/ /gsum pa/ don dam par yod pa 'gog pa'i rigs
pa'i gtso bo gang la

byed bstan pa'i tshul ni/ de yang slob dpon 'dis don dam par yod
pa 'gog pa'i rigs pa'i gtso bo ni 'gal zla dmigs pa nyid kyis
'gog pa gtso bo yin la/

@182b de yang sbyor ngag ji lta bus 'gog na/ mig chos can/ don
dam par gzugs la mi lta ste/ dbang po yin pa'i phyir/ dper na/
rna ba'i dbang po bzhin no/ /

zhes pa dang/ sa'i khams ni chos can/ don dam par sra ba'i ngo
bo nyid ma yin te/ 'byung ba yin pa'i phyir/ dper na chu bzhin
no/ /zhes pa la sogs pa'i

sbyor ba 'di 'dra'i rigs kyis don dam par grub pa 'gog par mdzad
do/ /'di ni 'phags pa yab sras kyi gzhung las 'byung ba'i rgyu
mtshan mtshungs pa'i mgo snyoms

kyi rigs pa yin pas/ mgo snyoms tshul ni mig don dam par gzugs la
lta na rang rgyu la mi bltos par blta dgos par 'gyur zhing/ de
ltar lta na rna bas kyang

gzugs la lta ba dang gzugs mthong bar 'gyur te/ de gnyis mtshungs
pa yin no/ /de bzhin dus yang don dam par sra ba'i ngo bo nyid
du grub na/ rang rgyu la

mi bltos par sra ba'i ngo bo nyid du grub dgos shing/ de ltar na
chu yang sra ba'i ngo bo nyid du grub dgos pa dang/ dbang po
thams cad kyang dbang por mtshungs

@183a @#/ /pas de ltar lta tshul thams cad nas mgo snyoms tshul
bstan pa yin no/ /de'i phyir du ba lta bu rgyu la bltos nas
'byung dgos pa de yang rgyu la mi

ltos par 'byung zhes 'jog na ni/ yang na ni du ba de thams cad
la bltos nas 'byung dgos pa dang/ yang na ni me la yang mi ltos
par 'byung dgos zhes mgo snyoms

kyi thal ba 'phan pa'i dpe dang mtshungs so/ /de ltar yang legs
bshad snying por/ slob dpon 'dis don dam par yod pa 'gog pa'i
rigs pa'i gtso bo gang la

byed ce na/ dgag pa'i rtags kyis 'gog pa la 'ga' zung tsam ma
gtogs pa 'gal zla dmigs pa nyid kyis 'gog cing/ zhes pa nas/ me
la yang mi ltos par

thal ba 'phen pa lta bu'o/ /zhes pa'i bar gsungs so/ /de yang
'dus byas 'dus ma byas kyi chos thams cad ni don dam par med pa
sha stag yin pa la/ gal te de

rnams don dam par yod na ni/ blo la snang ba'i dbang gis bzhag
pa ma yin par rang gi thun mong ma yin pa'i sdod tshul zhig 'jog
dgos la/ de la ni rang dbang gis

@183b grub tshul las ma 'das pas na 'dus byas rnams kyang rgyu
rkyen la mi ltos par 'byung ba dang/ yang na rgyu yin min thams
cad las 'bras bu yin min thams cad

'byung bar 'gyur ba dang/ 'dus pa'i ngo bo bum pa la sogs pa
rnams kyang phra rab dang rdzas brgyad 'dus pa'i bdag nyid las
ngo bo gzhan yan gar bar 'ba' zhig

par gnas dgos par 'gyur ba dang/ sems sems byung rnams kyang
phan tshun bltos pa med par grub dgos pa sogs mgo snyoms kyi sgo
nas gtso bor gnod

byed ston pa ni 'phags pa yab sras kyi rjes su 'brangs nas ston
pa yin la/ de ltar bstan pas ni rigs pa'i gnad 'gar rnams la blo
gros kyi 'jug pa phul du phyin

pa 'byung bar gsungs pas na mgo snyoms kyi rigs pa 'di la gtso
bor slob dgos par bzhed do/ /de'i phyir slob dpon chen po lags
ldan 'byed kyang cha cha can

dang gcig tu bral sogs kyi sgo nas 'gog pa gtso mi che bar mgo
snyoms kyi rigs pa 'di la gtso bor brten par mdzad dgos so/ / de
ltar yang legs bshad snying por/

@184a @#/ /des na ngo bo nyid las yod pa don dam du yin na rgyu
rkyen dang 'dus pa'i ngo bo las logs shig na rang gi ngo bo nyid
yan gar bar 'ba' zhig pa

gnas dgos na/ 'byung ba dang 'byung gyur rnams ni rdzas brgyad
'dus pa dang sems sems byung ni phan tshun med par med la/ zhes
pa nas mgo snyoms byed

lugs kyi rigs pa yang legs por bslab par bya'o/ /zhes pa'i bar
gsungs so/ /gnyis pa ni/ zhi ba 'tsho yab sras kyis ji ltar bkral
ba'i tshul la/ don

dam par gang zag dang chos la rang bzhin yod med ji ltar bshad
pa'i tshul dang/ tha snyad du phyi rol gyi don yod med ji ltar
bshad pa'i tshul dang/ mdo sde dgongs 'grel

gyi don ji ltar bshad pa'i tshul dang/ don dam par yod ba 'gog
pa'i rigs pa'i gtso bo gang la byed bstan pa'i tshul dang bzhi
las/ dang po ni/ mdo sde dgongs 'grel

las; mtshan nyid ngo bo nyid med pa dang/ skye ba ngo bo nyid med
par gsungs pa'i don la don dam gyi khyad par sbyor tshul slob
dpon legs 'byed kyis ji ltar mdzad

@184b pa bzhin zhi pa/ 'tsho yang/ don dam sbyor tshul dang tha
snyad du rang gi mtshan nyid kyis grub pa/ zhal gyis bzhes pa
yang 'dra'o/ /de'i tshul

yang tshad ma sde bdun la sogs pa'i rgyu 'bras kyi rnam bzhag
dang rigs pa'i sgrub lugs rnams/ de dang mthun par mdzad pa yin
no/ de ltar

yang legs bshad snying por/ mtshan nyid ngo bo nyid med pa dang/
skye ba ngo bo nyid med par gsungs pa'i don legs ldan 'byed
bzhin du dbu ma snang bar bkral bzhi pa

'tsho'i yang bzhed pa yin pas tha snyad du rang gi mtshan nyid
kyis grub pa'i rang bzhin bzhed do/ /zhes sogs gsungs so/ /
gnyis pa/ tha snyad du phyi don yod med

ji ltar bshad pa'i tshul ni/ 'di la shes rab sgron ma las/ dang
po rnam par rig tsam blangs nas phyis de yongs su gtong bar 'dod
na yang 'dam rdzab kyi sbags

nas 'khru ba las dang po nas mi reg par thag sring ba bzang ste/
phyi rol phyi don ngo bo nyid med par rtogs pa bzhin du rnam
shes kyang bdag med ba dang skye ba med par

@185a @#/ /rtogs par byar rung ngo/ /zhes gsungs/ de'i don ni de
yang 'di'i dngos bstan bshad lugs 'grel bshad kyi dbang du byas
nas gsungs pa

yin zhing/ de'i tshul yang dang po rnam rig pa'i grub mthar zhugs
te rnam shes bden grub tu 'jog pa dang/ phyi don bkag nas slar
yang dbu ma pa'i tshul lugs bzung

ste phyi don dang shes pa bden med du 'jog pa'i lugs 'di ni/
dang por 'dam rdzab kyis spags nas phyis 'khru bar byed pa dang
'dra bas/ de bas dang po nas ma rig par

des ma bsgos pa bzang ba bzhin du/ thog ma nas rnam rig pa'i
lugs de ma bzung bar dbu ma pa'i lugs 'di nyid bzung na legs
snyam nas rnal 'byor spyod pa pa'i

grub mtha' 'di nyid dbu ma pa'i grub mtha'i stegs su ma go bar
don med du mthong ba dang 'dra'o/ /de ltar yang 'grel bshad las/
rnal 'byor/ spyod pa 'ga'

zhig gis dang po kun rdzob kyi bden pa la 'jug pa'i skabs su
phyi rol dgag cing rnam shes tsam du/ khas blang la phyis don
dam bden pa rtogs par bya ba'i dus su

@185b rnam shes tsam yang spang bar bya'o/ /zhes dang/ de'i don
legs bshad snying por 'chad pa na/ de ni dang por rnams shes/
bden par 'dzin du bcug

nas phyis de bden pa 'gog pa las dang po nas bden med du ston pa
legs te/ zhes pa nas dbu ma pa kha cig gdul bya la/ rim pa de
ltar ston dgos

zhes 'dod pa 'gog par mngon no/ /zhes pa'i bar gsungs so/ /de
yang 'grel bshad kyi don dmigs phug ste bshad na 'di/ ltar/ rnal
'byor spyod pa

pa'i nang mtshan 'ga' zhig gis ni bden pa gnyis la 'jug pa'i
skabs su dang por kun rdzob kyi bden pa la 'jug par bshad cing/
der 'jug pa'i tshul

lang gzhan dbang gi dngos po rnams yang dag pa ma yin par kun
rtog gi rnyog pas sgrib tshul la bsams te/ thog mar phyi don gyi
don du/ grub pa 'phog

par byed cing/ de nam khegs pa na khams gsum po thams cad nang
sems kyi bdag nyid tsam du mthong la/ de ltar mthong ba'i/ rgyu
mtshan/ des chos thams

@186a @#/ /cad rnam shes kyi bdag nyid tsam du 'jog cing/ de ltar
'jog pa'i rnam shes de yang rang mtshan brjod med kyi don du
mthong nas de nyid bden grub

tu khas len pa dang/ rnal 'byor pas kyang rang mtshan brjod med
sems kyi gsal rig tsam de la re shig sems bzung ste gnas par
byed do/ /de nas phyis te de'i

rjes su rnam shes tsam de yang dgag bya chos bdag gi ngo bor med
pa gtan la phab ste de'i steng gi don dam bden pa mngon sum du
rtogs par bya ba'i phyir du rnal

'byor ba rnams kyis de ltar rtogs pa'i don de la gsal snang
chung 'bring che gsum bskyed de chen por nam gyur pa na rnam
shes bden med du mngon sum du rtogs

shing de'i ngor ni rnam shes tsam yang spang ba ste med par byas
pa yin no/ /de ltar med par byed tshul yang de 'dra'i don dam
bden pa mngon sum du rtogs pa'i blo de

ni stong nyid la gnyis snang nub pa yin pas de'i snang ngo nges
ngo gnyis kar kun rdzob kyi spros pa gang yang med par 'jog dgos
pa ni dbu ma pa gnyis dang yang 'dra'o/ /

@186b de'i phyir rnal 'byor spyod ba ba'i lugs la bdag /med gtan
la 'bebs pa'i bsgrub bya ma yin dgag dang bsgrub pa rang dbang
bar 'gyur ba

dang/ sems kyi gsal ba tsam bsgoms pas nyon mongs pa'i sa bon
spong nus par 'dod pa dang dogs pa'i tshul rnams kyang don med
par 'gyur bar 'chad tshul 'dis

kyang shes so/ /de ltar bshad pa'i tshul 'di la yang phyi don
'gog pa dang rnam par shes pa chos bdag gi ngo bor grub pa 'gog
pa'i tshul la rim gyis 'gog pa'i tshul

dang gcig car du 'gog pa'i lugs gnyis yod ba'i dbang du byas nas
rnal 'byor spyod pa pa 'ga' zhig ces/ smos sam snyam zhing/ rim
gyis 'gog pa'i dbang

du byas na yang dang por rnam shes bden par 'dzin du bcug nas
de'i rjes su/ de bden pa 'gog pa las ni/ dang po nas bden med du
ston pa legs gsungs

pa bzhin yin la/ de ltar na yang rnam shes bden med du ston du
rung ba la ni grub mtha' smra ba zhig /yin phyin dbu ma pa ma
gtogs gzhan ni skabs 'dir

@187a @#/ /'ong don med la/ de ltar na yang de ltar bstan rung gi
gang zag de ni dang por rnam rig pa'i grub mthar zhugs nas phyis
de yongs su gtong

ba nam 'dod pa na rnam rig pa'i grub mtha' dor nas dbu ma pa'i
grub mthar 'jug pa 'jog dgos pas/ de ltar zhugs pa na phyi don
bden par med par rtogs pa

bzhin rnam shis kyang bden par med pa dang bdag med pa dang don
dam par skye ba med pa rnams su rtogs par byar rung zhes gsungs
pa ltar 'grel dgos pa yin la/

de'i dbang du byas na spyi'i khog gi 'grel tshul shes rab sgron
ma'i don sngar bkral ba bzhin du rnam rig pa'i grub mtha' dor
nas dbu ma pa'i grub mthar mjug tshul

dang sbyar zhing/ de ltar sbyar na rnam rig pa'i skabs su phyi
don bkag na sa shes pa bden grub tu khas blangs pa yin la/ phyis
de dor nas dbu ma par zhugs

pa na rnam shes bden med dang phyi don bden med du rtogs dgos pa
yin pa la/ de dag bkag ste dang por shes pa bden grub tu 'dzin
du bcug pa las dang po

@187b nas bden med du ston pa legs pa'i dper 'dam rdzab kyis
spags nas 'khru ba las zhes sogs kyi dpe dang bcas te 'gog tshul
gyi dbang du byas nas bkag

pa de yang spyi'i khog yen lugs dang lugs kyi bsam don dang
sbyar te rnal 'byor spyod pa ba'i grub mtha' de nyid dbu ma pa'i
grub mtha'i stegs su ma go ba dang 'dra

ste zhes bshad kyang nyes pa med dam snyam zhing/ yang gang zag
bye brag pa'i 'dod tshul la sbyar na yang skabs don yin pas chog
go /de ltar yang legs bshad

snying por/ dbu ma pa kha gcig gdul bya la rim pa de ltar nges
par ston dgos zhes 'dod pa 'gog par mngon no zhes sngar drangs
zin pa ltar yin pas don 'chad

tshul dpyi sa phyin pa rgyas par bshad pa ni de ltar ro/ /de
bzhin du de gnyis dus gcig tu mi sgom par rim can du bsgom par
bya zhes pa/ la yang snga nas

gcig char du/ sgom pa yang ser sna bya mi dgos zhes de nyid las
gsungs pa yang rnal 'byor spyod pa pa kha cig 'dod par 'grel
bshad las bshad

@188a @#/ /mod kyang snga ma dang 'dra bar sems so/ /zhes legs
bshad snying por gsungs pa'i don ni rim can du sgom pa la 'dam
rdzab kyis sbags

ba'i skyon yod tshul sngar dang 'dra bas/ de bas dang po nas gcig
car du sgom na legs zhes rnal 'byor spyod pa pa kha cig 'dod do
zhes 'grel bshad las gsungs

zhes pa'i don yin no/ /des na 'grel bshad la yang rnal 'byor
spyod pa pa'i lugs thun mong ma yin pa'i bshad srol de 'dra'i
rigs byung mod kyang/ gzhung dngos

gzhi'i 'chad tshul rgyas pa ni phyi don mi 'dod pa'i dbu ma pa'i
grub mtha'i tshul gsal bar mdzad cing/ khyad par slob dpon zhi ba
'tshos rnal 'byor spyod pa'i

dbu ma pa'i lugs srol legs par phye bar mdzad pa ni/ slob dpon
ye shes sdes gsungs pa ltar yin no/ /de ltar yang dbu ma rgyan
gyi rang 'grel las/

gang dag gis rgyu dang 'bras bu'i dngos po dam bcas pas rgol ba
ngan pa thams cad kyi lan btab/ bar 'dod pa'i kun rdzob pa'i
dngos po don gang yin pa de

@188b dpyad par bya'o/ /ci sems dang sems las byung/ ba tsam gyi
bdag nyid kho na'am ci phyi'i bdag nyid kyang yin zhe na/ de la
kha cig ni phyogs phyi ma la brten

te/ bstan bcos sems tsam zhes gsungs pa/ /byed po za po dgag
phyir ro/ /zhes ji skad brjod pa

lta bu'o/ /gzhan dag sems pa ni/ rgyu dang 'bras/ bur gyur pa
yang/ /shes pa 'ba' zhig kho na ste/ /rang gis grub pa gang yin
pa/ /de ni shes pa

par gnas pa yin/ /zhes gsungs/ de'i don ni dbu ma pa gang dag
gis rgyu dang 'bras bu'i rnam/ bzhag tshul bzhin du dam bcas pa
de la/

rgos ba ngan pa ste rgol ba ltar snang thams cad kyi lan btab
par 'dod pa'i brtag pa byed pa yin la/ de ltar byed pa'i tshul
yang phyi rol gyi don de la kun rdzob pa'i

dngos po zhes sbyar te phyi rol gyi don ma grub bzhin du grub
par dam bca' ba'i rgol ba de ni skabs 'dir ltar snang yin no/
/de'i tshul yang phyi rol gyi don khas len pa

@189a @#/ /po phyogs phyi ma la brten pa de nyid yin la/ des ni
mdo/ dang bstan bcos rnams las chos thams cad sems tsam du
gsungs pa la

dgongs gzhi blangs te bdag rtag pa 'jig rten gyi byed pa po
dang/ rgyu mi mthun/ pa las 'bras bu sna tshogs su grub pa'i/ za
ba po bkag nas phyi rol

gyi don khas blangs pa yin no/ tshul de ni slob dpon legs ldan
'byed rjes 'brangs dang bcas pa rnams yin zhing/ gzhan dag ni
zhi 'tsho yab sras rnams yin

pas/ de'i bzhed tshul ni rgyu dang 'bras bur gyur pa'i chos thams
cad ni shes pa 'bab zhig kho na ste de'i bdag nyid kho nar grub
par 'dod cing/ de ltar grub pa de yang

rang gis myong ba'am/ rang rig gis grub pa yin la/ de ltar grub
pa de ni shes ba las ma 'das pas na shes par gnas pa yin/ zhes
pa'i don yin no/ /

de ltar yang legs bshad snying por/ zhes dbu ma snying po'i lung
drangs nas phyi rol bzhid pa'i lugs bzhag pa ni sngar bshad pa
ltar ro/ /gzhan dag sems zhes pa

@189b ni rang gi bzhed pa'o/ /zhes gsungs so/ /de ltar bshad pa
mdzad pa de yang mdo gang la brten zhe na/ de ni/ rgyan stug po
bkod pa dang dgongs pa nges

par 'grel ba sogs la brten te de dang mthun par mdzad pa yin no/
/de bzhin du lang kar gshegs pa las/ /phyi rol gzugs ni yod min
te/ /rang gi sems

ni phyi rol snang/ zhes gsungs pa ltar phyi rol gyi don med cing
sems tsam du gnas par gsungs pa/ 'di nyid dgongs pa gzhan du len
mi dgos par

sgra ji bzhin par bzhag chog pa yang lugs 'di la yin no/ /de
dang mthun par dbu ma rgyan las/ sems tsam la ni brten nas su/
/phyi rol dngos med shes par

bya/ /tshul 'dir brten nas de la yang/ /shin tu bdag med shes par
bya/ /zhes pa'i tshig rkang dang po gnyis kyi don ni sngar ltar
dang phyi ma gnyis kyi don ni sems

tsam gyi tshul 'di la brten nas gang zag gi bdag med dang gzung
'dzin rgyangs chad kyis stong ba sogs rtogs sla ba'i don dang/
'di la yang lang gshegs las/

@190a @#/ /rgyu dang rkyen ni rnam log dang/ zhes pa nas/ skye ba
med pa'i mtshan nyid do/ /zhes sogs sho lo ka gnyis gsungs shing/
de rnams kyi don yang

rim pa bzhin du legs bshad snying por/ de ltar yang sems tsam
gyi tshul la brten nas gang zag gi bdag dang bdag gi dang/ gzung
'dzin rgyangs chad la sogs pa

dang rang bzhin med par tshegs chung ngus rtogs la blo'i mthu mi
chung ba dang brtson pa lhag par che bas sems de/ la gcig dang
du ma'i rang bzhin gyis brtags pa

na don dam par snying po mi mthong bas/ don dam par mtha' thams
cad spangs pa dbu ma'i/ tshul rtogs te/ zhes gsungs shing/ lang
gshegs kyi lung phyi

ma 'di'i don yang legs bshad snying por/ zhes gsungs pas bstan
par rgyan du bshad la/ tshigs bcad snga mas rnam par rig pa tsam
gyi tshul gyi skye med dang/ gnyis

pas dbu ma pa'i lugs kyi skye med bstan par de'i 'grel bshad las
gsungs so/ /zhes pa dang/ yang dbu ma rgyan las/ /tshul gnyis
shing rta zhon nas su/ /rigs

@190b ba'i srab skyogs 'ju/ byed pa/ /de dag de phyir ji bzhin
don/ /theg pa chen po pa nyid 'thob/ ces gsungs/ de'i don ni
rnam par rig pa tsam gyi/ tshul

dang don dam par chos thams cad ngo bo nyid med pa'i tshul gnyis
kyi lugs la brten nas dri ma med pa'i rigs pa'i lam nas drangs
te/ tha snyad du phyi rol don gyis stong

pa dang/ chos thams cad don dam par ngo bo nyid med par rtogs/
la'i theg pa chen po ba nyid 'thob par 'gyur zhes pa'i don no/
/de ltar yang legs bshad snying

por/ tha snyad du phyi rol gyis stong pa'i rnam par rig pa tsam
gyi tshul dang/ don dam par chos thams cad ngo bo nyid med pa'i
tshul 'di gnyis kyi sgo nas theg pa chen

po thob par byed de/ zhes gsungs so/ /des na/ tha snyad du phyi
don med pa'i tshul 'di yang slob dpon klu sgrub kyi dgongs pa
dang mthun par 'chad na de'i gzhung gang

gis bstan pa'i tshul ni dbu ma rgyan las/ 'dir yang gsungs pa/
/'di la skye ba ci yang med/ /'gag par 'gyur ba'ang ci yang med/
/skye ba dang ni 'gag pa

@191a @#/ /dag /shes pa 'ba' zhig kho na'o/ /'byung ba che la
sogs bshad pa/ /rnam par shes su yang dag 'du/ /de shes pas ni
'bral 'gyur na/ /

log par rnam brtags ma yin nam/ zhes gsungs/ de'i don ni/ phyi
nang gi chos 'di thams cad la bden pa'i skye ba dang 'gag par
'gyur pa ci yang med cing/ tha

snyad du skye/ 'gag yod pa de dag ni shes pa dang bdag nyid gcig
pa kho na yin no/ /'byung ba 'byung 'gyur rnams kyang rnam shes
dang/ ngo bo gcig tu grub

pas na rnam shes gu 'dus par bzhag go /de ltar chos thams cad
sems kyi bdag nyid tsam las phyi rol gyi don du ma grub par shes
pa 'dis ni dri ma rnams las

'bral rung du 'gyur na/ de'i tshul mi shes par rnam shes dang
phyi don dam par yod do snyam du sems pa gang yin pa de log par
rnam par brtags pa ma yin nam

ste yin zhes pa'i don no/ /de ltar yang legs bshad snying por/
zhes pa 'di drangs nas gyi don med par sgrub ste/ tshigs bcad
phyi ma 'di rig pa drug cu pa las

@191b gsungs so/ tshigs bcad dang pos sems tsam du bstan pa la
'byung ba 'byung gyur bshad pa ji ltar yin zhe na phyi mas de
gnyis rnam shes de dag tu snang ba la

bzhag pas rnam shes su 'du'o/ /rnam shes sam phyi don yin yang
rung don dam par yod do zhe na yang dag pa'i ye shes la mi snang
ba sa log par brtags pa'o/ /zhes

gsungs so/ /de'i phyir slob dpon zhi 'tsho yab sras ni tha snyad
kyi 'jog tshul sems tsam rnam bden pa ltar 'dod cing/ de yang
sngo ser la sogs pa'i rnam pa dngos

por 'dod la de ni chos kyi grags pa'i bzhed pa yang de ltar
'grel lo/ /de bzhin du rang rig tha snyad du 'jog la kun gzhi mi
bzhed pa yin no/ /de ltar yang

legs bshad snying por/ lugs 'dis sngo ser la sogs pa'i rnam pa
dngos por 'dod de chos kyi grags pa'i bzhed pa yang de ltar
'grel bas tha snyad du rnam bden

pa ltar 'dod pa'i dbu ma pa'o/ /rang rig tha snyad du 'jog la
kun gzhi 'jog mi 'jog gi tshul gsal bar ma bshad kyang mi bzhed
pa'i phyogs su mngon no/ /zhes

@192a @#/ /gsungs so/ /gsum pa/ mdo sde dgongs 'grel gyi don ji
ltar bshad pa'i tshul ni/ de yang mdo sde dgongs 'grel gyi don
rnal 'byor spyod pa ba dang mi

'dra bar 'di'i lugs su ji ltar 'grel bar byed ce na/ dbu ma
snang ba las/ de'i don du bcom ldan 'das kyis skye ba med pa la
sogs pa bstan pa don dam pa'i dbang du

mdzad pa kho nar brjod cing/ ngo bo nyid med pa rnam pa gsum gyi
dgongs pa bstan pas dbu ma'i lam mtha' gnyis dang bral ba rab tu
bstan pa'i phyir des pa'i don kho na gzhung

'dzugs par mdzad pa yin no/ /zhes gsungs/ de'i don ni dgongs
'grel gyis skye ba med pa sogs ngo bo nyid med tshul gsum bstan
pa'i dgongs gzhi len lugs rnal

'byor spyod babs blangs pa ltar gyi len lugs de tsam min pa'i
don dam pa'i khyad par sbyor dgos pa ni/ /mtshan nyid gsum gyi
kun btags ma gtogs 'dra bas na/

skabs 'dir yang ngo bo nyid med pa rnam pa gsum gyi dgongs gzhi
don dam par med pa bstan pa 'dis/ mdo sde dgongs 'grel las nges
pa'i don kho nar gzhung 'dzugs

@192b par mdzad ces pa'i don no/ /de ltar yang legs bshad snying
por/ dgongs 'grel gyi ngo bo nyid med pa gsum gyi dgongs pa
bstan pa de nyid kyis/ yum gyi mdo

la sogs pa nges pa'i don yin pa'i gzhung btsugs par 'chad do/
/zhes pa nas/ skye 'gal med pa la sogs pa/ bstan pa don dam pa'i
dbang du mdzad par bstan la

des ni tha snyad du skye 'gag yod par 'dod dgos pas skur 'debs
sel lo/ /zhes pa'i bar gsungs so/ /des na/ gzhan dbang rkyen
gzhan gyi dbang gis skye ba dang

bdag nyid kho nas mi skye bas skye ba ngo bo nyid med par bshad
pa'i don yang rnal 'byor spyod pa pa'i bshad tshul gong ltar
dang/ mkhas pa dbu ma pa'i bzhed tshul ni/ ma dros

pas zhus pa las/ /gang zhig rkyen las skyes pa de ma skyes/ /de
la skye ba'i rang bzhin yod ma yin/ /zhes gsungs pa ltar/ dbu ma
pa gnyis kyi thal 'gyur bas ni rkyen

las skyes pa gang yin pa de ni rang bzhin gyis skye ba med pa'i
don du 'chad cing/ rang rgyud bas ni rkyen las skyes pa gang yin
pa de don dam par rang bzhin gyis skye ba med pa'i

@193a @#/ /don du 'chad do/ /de'i phyir gzhan dbang gi dngos po
rnams rgyu rkyen las skyes pas na yang dag pa ste bden par yod
mi dgos pa ni lugs 'di'i

dbang du byas so/ /des na gzhan dbang sgyu ma lta bur gsungs pas
de'i don ni bden par med pa'i don du 'jog dgos pas na lugs 'di'i
sgyu ma dang sgyu ma'i don

'jog tshul rnal 'byor spyod pa dang ches/ mi 'dra'o/ /de yang
'di'i sgyu ma lta bu dang brdzun pa'i/ don ni gzugs sogs kyi
chos rnams snang tshul la

rang gi cha shas rnams dang ngo bo tha dad du snang yang/ gnas
tshul lam/ sdod lugs ngo bo gcig tu grub pa ni brdzun pa dang
snang ba sgyu

ma lta bu'i grub tshad la yang bzhag chog pas/ 'jog tshul 'di ni
thal 'gyur ba'i sgyu ma'i don 'jog tshul dang yang mi 'dra'o/ /de
bzhin du/

kun btags mtshan/ nyid ngo bo nyid med pa'i don yang gzugs sogs/
kyi chos/ rnams don dam par grub pa ni kun btags yin la/ de yang
don dam par

@193b ma grub pa ni kun btags mtshan nyid ngo bo nyid med pa'i
don du gsungs pas/ des lugs 'di'i sgro 'dogs kyang sel lo/ /de
ltar yang legs bshad snying por/

des na/ rgyu rkyen las skye bas gzhan dbang yang dag /par yod mi
dgos te/ zhes pa nas/ gzhan dbang don dam par ma/ grub pa nyid
mtshan nyid ngo bo nyid med

par gsungs pa mi 'gal lo/ /zhes pa'i bar gsungs so/ /de bzhin du
dgongs 'grel las kun btags rang gi mtshan nyid kyis ma grub pas
mtshan nyid ngo bo nyid

med pa'i ngo bo nyid med par bshad cing/ ngo bo nyid gzhan gnyis
rang gi mtshan nyid kyis ma grub pa'i mtshan nyid ngo bo nyid med
par ma gsungs pa ni/ de yang ngo bo

nyid gzhan gnyis ni don dam par ma grub pa nyid kun btags rang
gi mtshan nyid kyis grub pa'i mtshan nyid ngo bo nyid med par
bshad pa'i don du 'di pa 'dod cing/

zhes gsungs pa yang gzhan dbang dang yongs grub gnyis don dam
par ma grub pa ni de gnyis kyi chos nyid yin la/ de gnyis bden
par grub pa ni kun btags dang de

@194a @#/ /'dra'i kun btags ni tha snyad du yang rang gi mtshan
nyid kyis ma grub pas na mtshan nyid ngo bo nyid med par gsungs
pa yin no/ /de'i phyir don

dam par rang gi mtshan nyid kyis ma grub pa kun btags mtshan nyid
ngo bo nyid med pa'i don yin pas/ sgro 'dogs dang bral tshul yang
de nyid yin zhing/ gzhan dbang

dang yongs grub gnyis tha snyad du rang gi mtshan nyid kyis grub
pas ni skur 'debs kyi mtha' dang bral ba yin no/ /de ltar yang
legs bshad snying por dgongs 'grel

las kun btags rang gi mtshan nyid kyis grub pa med pas mtshan nyid
ngo bo nyid med par bshad cing/ ngo bo nyid gzhan gnyis rang gi
mtshan nyid kyis ma grub pa'i

mtshan nyid ngo bo nyid med par ma gsungs pa ni/ zhes pa nas/ tha
snyad du rang gi mtshan nyid kyis grub pa'i mtshan nyid kyi ngo bo
nyid yod pas skur 'debs spong bar

shin tu gsal lo/ /zhes pa'i bar gsungs so/ /de yang gzhan dbang
rang gi mtshan nyid kyis ma grub na rgyu 'bras la skur 'debs su
'gro ba yang rnal 'byor spyod

@194b pa pa dang 'dra bar gsungs pa ni gnyis kas rang gi mtshan
nyid kyis grub par khas len pa tsam 'dra bas yin gyi/ rang gi
mtshan nyid kyis grub pa'i grub

tshad ni mi 'dra'o/ /de yang 'dir ni yod na rang gi mtshan nyid
kyis grub pas khyab cing/ rnal 'byor spyod pa pas ni rang gi
mtshan nyid kyis grub na bden par grub

pas khyab par 'jog pa'i sgo nas kyang mi 'dra'o/ /des na slob
dpon legs ldan 'byed dang zhi 'tsho gnyis kun btags kyi 'jog lugs
'dra zhing/ de'i 'jog

tshul yang gzugs sogs gzhan dbang gi chos thams cad ni ngo bo
dang khyad par du kun btags pa'i ngo bor de rnams rang gi mtshan
nyid kyis ma grub pa'i rgyu

mtshan des kun btags kyis gzhan dbang stong ba'i don du 'jog par
'di dang legs ldan 'byed gnyis ga 'dra bas zhen gzhi ma yin par
zhen yul don dam

par grub pa de kun btags la 'jog par mtshungs so/ /de ltar yang
legs bshad snying por/ des na gzhan dbang rang gi mtshan nyid
kyis ma grub na rgyu 'bras

@195a @#/ /la skur 'debs su 'gro ba rnal 'byor spyod pa pa dang
'dra la/ zhes pa nas/ kun btags kyis gzhan dbang stong par
gsungs pa'i

don ni 'di pas kyang legs ldan 'byed ltar zhen yul la 'dod pas
sngar bshad pa dang 'dra'o/ /zhes pa'i bar gsungs so/ /de yang
chos thams cad ngo bo

nyid med pa ma skyes pa sogs su gsungs pa'i mdo sde de dag kyang
sgras zin de las gzhan/ don dam gyi khyad par sbyar nas dgongs
pa'i don du 'grel

dgos pa rnams kyang drang don du 'jog pa yin la/ de ltar na mdo
sde dgongs 'grel yang/ drang don du 'gyur te/ der ngo bo nyid
med tshul gsum gsungs

par sgras zin ltar gyi ngo bo nyid mang tshul la mi byed par
gzhan dbang dang yongs grub don dam par med cing/ de gnyis kyi
steng du kun btags rang gi mtshan

nyid kyis ma grub pa gzhan dbang dang yongs grub/ bden par med
pa'i don du 'jog par bstan pa 'di yang drang don du 'gyur ro
zhes gzhan dag rtsod

@195b par byed la/ de'i len du skabs 'dir dgongs pa bstan nas
nges pa'i don nyid du bsgrubs pa/ rnams kyang drang don du mi
'jog par nges pa'i don

nyid du 'jog cing/ de yang sgra ji bzhin par 'jog pa ni min pas
skye ba med pa sogs spyir med par bstan pa sgras zin dang don
dam par med pa

dgongs pa'i don du song bas na/ skabs 'dir mdo sde dgongs 'grel
lta bu yang nges don gyi mdor 'jog dgos pa yin no/ /de ltar yang
dbu ma snang ba las/

mdo sde kha cig las chos thams cad ni ngo bo nyid med pa ma
skyes pa zhes sogs gsungs pa ni drang don yin te/ dgongs 'grel
la sogs pa las mdo'i don gyi

dgongs pa bstan no zhes brtsad pa'i lan du/ de'i phyir dgongs pa
bstan pa yang nges pa'i don nyid du 'gal bar mi byed do/ /de
nyid kyi phyir skye ba med pa la

sogs pa bstan pa nges pa'i don nyid du bsgrub pa'i phyir dang/
mthong ba la sogs pa dang 'gal ba spang ba'i phyir dang/ sgra ji
bzhin du rtog pa bsal ba'i phyir

@196a @#/ /'phags pa dgongs pa nges par
'grel pa de nyid las/
zhes gsungs so/ /de yang ma/ skyes pa sogs su

gsungs pa ni chos thams cad kyi steng du chos bdag gi ngo bo med
pa nyid yin la/ de'i ngo bo nyid med pa gang/ yin pa de ni ma
skyes pa dang ma 'gags

pa yin zhes pa'i don du gsungs shing/ de'i phyir zhes pa yang
chos bdag gi nang nas don dam par ngo bo nyid med par gsungs
pa'i ngo bo nyid med pa de ni chos

thams cad kyi steng du 'jog dgos pa yin no// de bzhin du/ ngo bo
nyid med pa sogs su gsungs pa'i dgongs pa yang dgongs 'grel gyis
bkral ba bzhin

sgras zin ltar las gzhan dgongs pa'i don ni don dam par ngo bo
nyid med par gsungs pa yin pas sgra ji bzhin par 'dzin pa bkag
nas nges don du sgrub par mdzad

do zhes gsungs/ pa yin no// de bzhin du skye ba med pa la sogs
pa bstan pa la sgra ji bzhin du mi zhen zhes gsungs pas/ de'i
don ni de yang sgra ji bzhin pa

@196b ni skye 'gag sogs ye med/ du 'jog dgos pa'i don yin la/
skye 'gag sogs ni ye med min pas don dam par med pa ni/ sgras
zin la

ma sbyar bar dgongs pa'i don du sbyar bas na sgra ji bzhin du
khas len du mi rung yang nges don gyi mdor ni 'jog dgos so// 'o
na; 'khor lo bar par ngo bo nyid

med pa dang skye ba sogs su bshad pa'i rgyu mtshan des 'khor lo
bar pa drang don du mdo 'dis bshad pa dang mi 'gal lam ji ltar
drang zhe na/ de yang dbu ma snang bar

de 'dra'i 'gal ba spong tshul dngos su ma bshad kyang 'khor lo
bar ba drang don du gsungs pa yang de thams cad la min gyi/ de
la ni drang nges gnyis su 'byed dgos

pa yin no// de'i 'byed tshul yang shes rab snying po drang don
gyi mdo dang sher phyin 'bum pa nges don gyi mngor 'jog dgos
so// de yang shes rab snying po drang don du

'jog tshul ni/ gzugs med ces sogs kyi skabs su/ sgras zin gzugs
med pa de tsam gyis sgra ji bzhin par bzung du mi rung bas na/
sgras zin/

@197a @#/ /las gzhan du drang dgos pa'i drang don yin la/ de'i
drang lugs ni gzugs sogs de dag don dam par med kyi/ tha snyad
du med pa yang

ma yin pas don dam pa'i khyad par sbyor dgos zhes pa yin no// de
'dra'i sbyor tshul de yang dgongs pa bstan nas nges don du sgrub
pa dang yang mi 'dra'o//

de yang shes rab snying po'i gzugs med ces pa'i skabs 'dir
dgongs don sgras zin gang la yang stong nyid bstan bya'i gtso
bor byas nas ma bstan kyang

gzugs stong pa'o stong pa nyid gzugs so zhes pa'i skabs su stong
nyid dngos su bstan pa dang gzugs sogs tha snyad du yod pa dang
kun rdzob bden pa

bstan byar byas nas bstan pa yang yin pas drang don du 'jog pa
yin la/ nges don du 'jog pa'i tshul skabs 'dir mi snang ngo// de
ltar yang legs

bshad snying por/ chos bdag med pa'i don dam ngo bo nyid med pa
la dgongs nas ma skyes pa sogs gsungs pa drangs so// zhes pa
nas/ de yang shes

@197b rab snying po lta bu mdo de'i nang du don dam pa dang bden
pa'i khyad par gsal bar ma sbyar bar gzugs med ces pa la sogs pa
bstan pa ni/ ji ltar bstan pa

de tsam gyis sgra ji bzhin par gzung du mi rung bas gzhan du
drang dgos pas drang don no// 'dren lugs ni mig dang rna ba la
sogs pa don dam par med kyi tha snyad du

med pa min pas don dam pa la sogs pa'i khyad par sbyar dgos zhes
pa yin no// zhes pa'i bar gsungs so// de yang shes rab snying po
dgag bya la don dam gyi

khyad par sbyar min pas gzugs med ces pa spyir gzugs med ces pa
min gyi gdul bya thal 'gyur ba la bltos pa'i rang bzhin gyis med
ces bstan pa yin la

de yang skabs 'di tha snyad du ma grub pa'i don las ma 'das pas
na drang don du drang lugs gzugs don dam par med kyi tha snyad
du yod par bstan pa tsam las

gzugs med ces pa tsam gyis stong nyid dngos su bstan pa ma yin
pas dgongs gzhi bstan nas nges don du bstan pa dang mi 'dra ba'i
tshul ni de ltar ro// de'i

@198a @#/ /dbang shis yum 'bum pa lta bu ni dgag bya la don dam
gyi khyad par dngos su sbyar bas sgra ji bzhin pa la yang 'jog
pa yin no// de'i

phyir 'khor lo/ gnyis pa drang don du gsungs pa de yang thams
cad la min pa nges shes so// de ltar yang legs bshad snying por/
de ltar byas na sher

phyin 'bum pa/ lta bu dgag bya la don dam pa la sogs pa'i khyad
par sbyar ba rnams sgra ji bzhin pa'i nges don du grub ces pa'i
don yin pas/ 'khor lo

gnyis pa drang don du gsungs pa de gnyis pa thams cad min zhes
pa'i don no// zhes gsungs so// de bzhin du dgongs 'grel las
kyang ngo bo nyid dang skye

'gag sogs med par gsungs pa de la yang dngos zin ltar skye 'gag
sogs med par 'dzin pa ni bkag kyang de rnams don dam par med par
'dzin pa ni

sgra ji bzhin par 'dzin pa'i don du byed dgos pas de 'gog par
yang ma gsungs so// des na 'di dag gi gong 'og legs par bsgrigs
pas ni rang gi mtshan

@198b nyid kyis grub pa'i ngo bo dang skye 'gag sogs med par
'dzin pa sgra ji bzhin par 'jog pa 'di yang sgras zin ltar min
gyi bstan don sgra ji bzhin par 'dzin pa'i

dbang du byas pa yin no// de'i phyir mdo sde dgongs 'grel 'dir
rang gi mtshan nyid kyis ma grub pas mtshan nyid ngo bo nyid med
par bshad pa yang dgag bya bden

dngos bkag pa'i dbang du byas par bzhed la/ de yang tha snyad du
rang gi mtshan nyid kyis grub pa'i gnad/ kyis 'dir rang gi mtshan
nyid kyis ma grub pa'i ngo bo nyid med

pa don dam par med pa'i don du yang 'chad par mdzad do// de yang
'khor lo bar par dgag bya la don dam gyi khyad par sbyar ma
sbyar/ gnyis las ma sbyar ba'i

mdo rnams ni sgra ji bzhin pa ma yin pa dang/ sbyar ba'i mdo
rnams ni sgra ji bzhin par 'jog cing/ de yang mdo sde dgongs
'grel ni yum 'bum pa nges don du

gzhung 'dzugs pa'i mdor yang/ bzhed do// de ltar yang legs bshad
snying por/ 'di yang dgongs 'grel las ngo bo nyid dang skye 'gag
sogs med par

@199a @#/ /gsungs pa la de kho na'o snyam du 'dzin pa'i sgra ji
bzhin par 'dzin pa bkag kyang/ zhes pa nas/ dgongs 'grel ni lum
'bum pa

lta bu rnams ngas don du gzhung 'dzugs pa'i mdor bzhed do// zhes
pa'i par gsungs so// 'o na rnal 'byor spyod pa pa'i lugs kyi
mtshan nyid gsum gyi 'jog tshul

dgongs/ 'grel gyi don min na de las gzhan gang gi don yin gsal
bar phyed dgos so zhe na/ de yang dbu ma snang ba las dgongs
'grel dang lang

gshegs dang/ rgyan stug po bkod pa sogs las phyi rol bkag nas
sems tsam gyi lugs su bsgrubs pa'i skabs 'ga' zhig tu sems

la rang bzhin ma bkag pa ni/ chos thams cad rang bzhin med pa
gcig car du rtogs mi nus par rim gyis bkri dgos pa rnams kyi/
bsam

pa dang mthun par bstan pa yin no// zhes gsungs pa ltar/ phyi
don bkag nas sems tsam gyi lugs su bsgrubs pa'i skabs kyang
skabs 'gar 'byung

@199b ba ni gdul bya'i bsam pa'i dbang gis yin la/ de yang
dgongs 'grel lang gshegs rgyan stug po bkod pa sogs thams cad
mthun par bshad tshul de ltar

byung ba yin no/ de yang gdul bya rim kyis bkri ba'i dbang du/
byas na mdo sde dgongs 'grel gcig pu la yang rnal 'byor spyod pa
pa'i lugs kyi mtshan nyid

gsum gyi rnam bzhag 'jog tshul dang/ slob dpon legs ldan 'byed
dang/ zhi 'tsho gnyis kyi thun/ mong ma yin/ pa'i mtshan nyid gsum
gyi

rnam bzhag 'jog tshul rnams kyang gdul bya'i bsam pa'i dbang gis
yin pa ni gong du rim par phye ba las kyang shes nus shing/
/gsung gcig nyid du gsungs

mod kyang/ /du ma nyid du so sor go// zhes gsungs pa ltar yin
no// de'i phyir slob dpon 'di nyid kyi rang lugs la ni/ mtshan
nyid gsum gyi rnam bzhag

rnal 'byor spyod pa pas phyi ba ltar mdo'i don du mi 'jog par
mkhas pa dbu ma ba'i lugs su 'grel bar mdzad do// des na slob
dpon 'di nyid kyi mdo'i dgongs

@200a @#/ /pa 'grel tshul zhib tu shes na shing rta chen po gnyis
kyi rigs pa'i rnam 'gyur dang gsung rab 'grel tshul mtha' yas pa
shes par 'gyur

pas 'di'i tshul la sgo du ma nas 'bad par bya ba yin no// de ltar
yang legs bshad snying por/ mdo de dag las gcig car du chos
thams cad rang bzhin

med par rtogs nus pa'i gdul bya la bshad pa dang/ zhes pa nas/
shing rta chen po rnams kyi rigs pa'i rnam 'gyur dang gsung rab
'grel tshul du ma zhig

shes so// zhes pa'i bar gsungs so// bzhi pa/ don dam par yod pa
'gog pa'i rigs pa'i gtso bo gang la byed bstan pa'i tshul la/
rigs pa'i dgag

bya ngos bzung tshul dang/ de ji ltar 'gog pa'i tshul gnyis so// 1
dang po ni/ skabs 'dir rigs pa'i dgag bya'i gtso bo 'jog tshul ni
rnal 'byor spyod

pa ba dang dbu ma thal 'gyur ba gnyis ka dang mi 'dra bas 'di'i
lugs kyi thun mong ma yin pa zhig ngos bzung dgos la/ de yang
dgag bya'i spyi legs par ma

@200b shar bar dgag sgrub ji ltar byas kyang zer los tsam las go
ba phyogs 'gro tsam yang rnyed dka' bas na thog mar dgag bya
ngos 'dzin pa'i tshul la 'jug dgos

so; de yang sa la sogs pa don dam par 'byung ba'i ngo bo nyid ma
yin zhes gsungs pa'i skabs kyi rtog gi 'bar ba las/ don zhes bya
ba ni shes par bya ba

yin pa'i phyir don te brtag par bya ba dang go bar bya ba zhes
bya ba'i tha tshig go/ dam pa zhes pa ni mchog ces bya ba'i tshig
gi sgra yin no// don dam pa zhes bsdu

ba ni de don yang yin la dam pa yang yin pas don dam pa'o// yang
na dam pa'i don te rnam par mi rtog pa'i ye shes dam pa'i don
yin pas dam pa'i don to//

yang na don dam pa dang mthun pa ste don dam pa rtogs pa dang
rjes su mthun pa'i shes rab la don dam pa de yod pas don dam pa
dang mthun pa'o// zhes gsum

gsungs pa'i phyi ma ni skabs kyi don yin te rtog gi 'bar ba las/
don dam pa ni rnam pa gnyis te/ de la gcig ni mngon par 'du byed
pa med par 'jug

@201a @#/ /pa'i 'jig rten las 'das pa zag pa med pa spros pa med
pa'o/ /gnyis pa ni mngon par 'du byed pa dang bcas par 'jug pa
bsod

nams dang ye shes kyi tshogs kyi rjes su mthun pa dag la 'jig
rten pa'i ye shes zhes bya ba spros pa dang bcas pa ste/ 'dir de
dam bcas pa'i khyad par nyid

du bzung bas nyes pa med do/ /zhes gsungs/ de'i don ni/ de yang
skabs 'di'i dgag bya ni sa la sogs pa'i 'byung ba rnams kyang
don dam par ni/ 'byung ba'i

ngo bo nyid ma yin pa de bzhin du chos thams cad kyang de dang
'dra la/ 'di'i don dam pa ni dgag bya bden grub la 'jog pas de
nyid gtso bor 'gog dgos pa yin no/ /

de yang dgag bya bden grub bkag pa'i med dgag nyid don dam bden
pa yin zhing/ de nyid don dam dpyod pa'i tshad mas shes par bya
ba dang brtag par bya ba'i don

yin pas don zhes bya la dam pa ni ye shes dam pas phyin ci ma
log par mngon sum du rtogs pas na dam pa dang mchog ces bya'o/
/'jog tshul 'di ni yul don

@201b dam pa'i dbang du byas pa'i don dam bden pa'i 'jog tshul
lo// de yang yul can ye shes la don dam byed tshul ni gnyis las/
stong nyid mngon sum du rtogs pa'i

mnyam gzhag ye shes ni snang ngo nges ngo gnyis kar stong nyid
dang rnam pa ji lta ba bzhin mthun pas na mthun pa'i don dam
zhes 'jog pa dang/ stong nyid don spyi'i tshul gyis

rtogs pa'i rigs shes rnams ni nges ngor stong nyid dang rnam pa
ji lta ba bzhin mthun kyang/ snang ngor gnyis snang gi spros pa
dang bcas pas na/ /rjes su mthun pa phyin ci

log; ces gsungs pa ltar/ rjes su mthun pa'i don dam du 'jog go/
des na dgag bya ngos bzung nas lta ba gtan la phab pa'i skabs
don ni rigs shes bskyed nas

mngon sum du sgom pa nyid yin pas na/ don dam phyi ma ni skabs
kyi don yin par gsungs so/ /de yang don dam phyi ma stong nyid/
mngon

sum du rtogs pa'i ye shes dang don spyi'i tshul gyis rtogs pa'i
ye shes gnyis ni mthun pa'i don dam yin pas don dam bden pa
dngos gnas par ma bzhag

@202a @#/ /[@##line apparently missing this page] go/ zhes pa'i don
no/ de yang don dam gyi 'jog tshul 'di rnams dbu ma bden gnyis
dbu ma rgyan sogs las gsal bar ngos bzung ba mi

snang ngo zhes gsungs pa ltar de dag las/ 'di'i ngos 'dzin gsal
bar ma gsungs kyang/ dbu ma snang bar/ yang dag pa'i thos pa
dang bsams pa dang

bsgoms pa las byung ba'i shes pa thams cad ni phyin ci ma log
pa'i yul can yin pa'i phyir don dam pa zhes bya ste/ 'di'i don
dam pa yin pa'i phyir ro/ /mngon

sum dang brgyud pas byas pa'i khyad par ni yod de/ de dag gi
bsam pa'i dbang gis dngos po 'di dag thams cad ma skyes pa kho
nar shes so/ /

des na 'di skad du don dam par skye ba med do zhes bya ba ni 'di
dag yang dag pa'i shes pa

@202b pas skye bar ma grub pa'o zhes bya ba yin no zhes bshad
par 'gyur ro/ /zhes gsungs/ de'i don ni stong nyid rtogs pa'i
thos bsam sgom gsum gyi

shes pa thams cad ni yul can don dam pa yin pas/ de'i 'jog tshul
yang shes pa de rnams kyis don dam pa 'jog pas na 'di'i don dam
pa zhes bya'o/ /de yang

'di'i don dam par byed tshul de la mngon sum gyi dbang du byas pa
dang brgyud pas byas pa'i khyad par gnyis ni yod la/ de yang
mngon sum gyi dbang du byas pa'i don

dam par byed tshul ni don dam bden pa mngon sum du rtogs pa'i sgo
nas 'jog pa yin la/ brgyud pas byas pa ni don spyi'i tshul gyis
rtogs pa'i sgo nas

'jog go/ de yang 'di'i brgyud tshul la rjes dpag rnams rten rtags
la brten nas brgyud pa dang rtog pa rnams don spyi'i tshul gyis
brgyud pa gnyis las 'di'i

brgyud tshul ni phyi ma'i dbang du byas pa gtso che la/ de 'dra'i
stong nyid mngon sum du rtogs pa dang don spyi'i tshul gyis/
rtogs pa'i blo'am bsam pa'i dbang gis

@203a @#/ /bden pa'i dngos po 'di dag tham pa cad ma skyes pa kho
nar shes pa ste gzigs so/ /de yang don dam par skye ba med pa
zhes pa'i skye ba med

tshul ni mthar thug dpyod pa'i rigs shes kyis dpyad pa'i mthar ma
grub pa ste ma rnyed ces bya ba'i don du 'chad do/ /de ltar yang
legs bshad snying por/ shes rab

gsum ni yul don dam yin pas don dam du btags nas bshad la yang
dag pa'i shes pas skye bar ma grub pas de'i bsam pa'i dbang gis
ma skyes par bshad

cing/ zhes pa nas/ dngos po'i skye ba la sogs pa de kho na nyid
du yod na de dag gi don dam pa dang de kho na 'jal ba'i blos
'grub dgos ni/ des ma grub pa'i phyir

skye ba la sogs pa dngos po rnams kyi de kho na nyid du ma grub
ces ston pa yin pas de nyid la don dam par skye ba med pa zhes
kyang bya'o/ /zhes pa'i bar gsungs/ de

yang shes rab gsum gyi yul ni 'dzin stangs kyi yul de ngos bzung
dgos pa yin la/ de'i dbang du byas pa'i yul/ don dam pa ni stong
nyid la bzhag

@203b chog pas de'i rgyu mtshan gyis stong/ nyid rtogs pa'i/ shes
rab gsum ni yul don dam pa yin zhes bzhag pa yin no/ /de yang
yul can don dam

pa ni yul don dam gyi ming yul can la btags pa yin pas yul can
don dam par bzhag pa la yang 'gal ba med do/ /des na skabs 'di'i
dgag bya thun mong ma

ma yin pa ni/ skye ba dang 'jig pa la sogs pa'i chos thams cad
blo gnod med la snang ba'i dbang gis bzhag pa min par rang gi
thun mong ma yin pa'i

sdod lugs kyi ngos nas grub pa de skabs 'di'i dgag bya phra mo
dang/ de yang blo la snang ba'i dbang gis 'jog tshul ni sgyu ma'i
dpe'i steng nas shes par byed dgos

pa bzhin/ sprul gzhi'i rde'u shing bu la sogs pa sgyu ma mkhan
la sprul gzhi'i ngos nas ji ltar snang pa ltar gyi snang tshul
bzhin 'jog dgos pas/ de ni myong

bar bkar na shes sla bas de la 'bad par bya dgos so/ /yang blo
la snang/ ba'i dbang gis bzhag pa min pa'i sdod tshul gsal

@204a @#/ /ba ni sgyu ma'i sngags rdzas kyis mig bslad pa'i ltad
mo ba la ji ltar snang ba bzhin gyi sprul gzhi'i rde'u shing bu
rta glang dngos gnas par snang ba

ltar chos thams cad ni blo la snang ba'i dbang tsam du ma song
bar gtug pa'i sdod tshul zhig snang la/ de ltar snang ba ltar yod
par 'dzin pa ni skabs 'di'i dgag bya'i

thun mong ma yin pa'i snang tshul dang 'dzin tshul yin no/ /de'i
phyir sgyu ma'i dpe len tshul rgyas pa bden lam rim sgo 'byed du
gsal zhing/ sgyu ma'i dpe'i sgo nas

bshad tshul gzhan ni gong du song zin pa rnams dang 'dra la/ myu
gu sa bon las skye ba yang rang ngos nas skye bar 'dod dgos
shing/ don dam/ pa'i skye bar 'jog pa

ni min pas/ de yang sprul gzhi'i ngos nas rta glang du snang ba
dang 'dra'o/ /de ni mig bslad pa'i shes pa'i dbang gis de ltar
snang ba tsam yin gyi/ rang gi

gnyug ma'i rgyu rkyen las sprul gzhi'i shing bu sogs rta glang
du snang ba dang rta glang du bskyed pa sogs gang yang min pa
ni/ mig ma bslad pa la der/ snang rgyu ma

@204b byung bas shes so/ /de bzhin du myu gu sa bon las skye ba
yang blo la snang ba'i dbang gis ma bzhag par rang gi gnas lugs
kyi dbang gis skye ba ni don dam

pa'i skye ba yin pas de ni skabs 'dir mi bzhed do/ /de ltar yang
legs bshad snying por/ 'o na skye ba ji 'dra zhig tu grub na de
kho na nyid du grub pa yin snyam na/

dper na sgyu ma'i rta glang du sprul pa'i gzhi shing dang bong
ba la sogs pa de mig bslad pa la rta glang du snang ba na de'i
shes/ pa la der snang ba

tsam yin gyi/ zhes pa nas/ des don dam pa dang de kho na nyid du
skye ba yod ces pa yang shes par bya la/ chos gzhan thams cad
kyi don

dam par dad de/ kho na nyid du dang bden pa'i skye ba sogs yod
med kyang shes par bya'o/ /zhes pa'i bar gsungs so/ /

des na/ skabs 'dir tha snyad pa'i blo la myu gu sa bon las rang
ngos nas skye bar snang zhing/ de ltar snang ba'i dbang gis
bzhag pa ni blo la snang ba'i dbang gis

@205a @#/ /'jog tshul yin pas/ snang tshul khyad par ba rang ngos
nas snang ba dang don steng nas snang ba dang gdags gzhi'i steng
nas snang ba tsam

zhes pa'i khyad par sbyor dgos pas na sgyu ma'i dpe'i skabs su
yang sprul gzhi'i ngos nas snang ba zhes pa'i dpe don sbyor dgos
pa yin no/ de ltar yang dbu ma

snang ba las/ des kyang srog chags thams cad la yang dag par
dngos po'i bdag nyid lta bur nye bar ston pa mthong bar 'gyur
te/ zhes gsungs pa ltar/ phyi nang

gi chos rnams blo gnod med la snang ba'i dbang gis bzhag pa ma
yin par don gyi sdod tshul nas grub pa ni skabs 'di'i chos bdag
phra mor 'jog pa bzhin du de ltar

'dzin pa'i 'dzin pa yang chos kyi bdag 'dzin phra mor 'jog dgos
la/ de ni gang zag gang gi rgyud la yod na srog chags thams cad
la zhes smos pas sems can

phal cher gyi rgyud la yod par bzhag cing/ de yang sems can de
dag la chos de rnams ji ltar snang ba'i tshul ni blo la snang
ba'i dbang tsam min pa'i dngos po'i don

@205b gyi sdod tshul gnyug ma nas grub pa lta bu'i tshod cig snang
zhing/ de ltar snang ba'i don de la yang dag pa dngos po'i bdag
nyid lta bu zhes sbyor bar mdzad la/ de la byis

pa rnams kyis zhen nas dngos po'i don rnams ston pa dang mthong
ba sogs kyi tha snyad kyang byed do/ /de'i phyin byis pa'am srog
chags de dag gi bsam pa'i dbang gis

kun rdzob tu yod par 'jog dgos pa yin no/ /de ltar kun rdzob tu
yod tshul sems can de rnams la phyi nang gi chos rnams blo la
snang ba'i dbang gis bzhag pa min

par don gyi sdod tshul yang dag pa cig yod pa ltar snang nas chos
rnams la yod med dang yin min gyi tha snyad nye bar btags te
gzhan la ston pa dang mthong

pa'i tha snyad byed pas na/ de dag gi bsam pa'i dbang gis yod pa
zhes sbyar zhing/ de 'dra'i bsam pa'i dbang gis yod tshul de ni
kun rdzob tu yod par gsungs

pa bzhin srog chags de rnams la phyi nang gi chos rnams yang dag
par snang yang der ma grub pa'i brdzun pa dang/ de yang gti mug
bden 'dzin la kun rdzob tu byas

@206a @#/ /nas de'i ngor yod pas kun rdzob tu yod par 'jog pa
dang/ yang gti mug bden 'dzin gyi ngor bden pas kun rdzob kyi
bden pa zhes 'jog pa

yin pas/ kun rdzob tu yod tshul ni de ltar yin pas na chos thams
cad don dam par rang bzhin gyis med pa la yod par/ 'khrul pa'i
blo kun rdzob pa des/

phyi nang gi dngos po rnams yang dag par ma grub bzhin du der
grub pa ltar ston pas na/ de dag gi bsam pa'i dbang gis yod pa
zhes brjod la/ de ni kun

rdzob tu yod tshul yang yin pas de'i ldog phyogs la don dam par
grub pa 'jog dgos pa ni rang rgyud pa thams cad la yang 'dra ba
yin no/ /de ltar yang

legs bshad snying por/ de'i phyir de dag gi bsam pa'i dbang gis
dngos po brdzun pa'i ngo bo thams cad ni kun rdzob tu yod pa/
kho na'o zhes bya'o/

zhes don dam par rang bzhin med pa la yod par 'khrul pa'i blo
kun rdzob pa thog ma med pa'i bag chags las byung ba des/ sems
can rnams la yang dag

@206b pa'i dngos po yod pa ltar ston pa de dag gi bsam pa'i
dbang gis yod pa la kun rdzob tu yod par gsungs pas/ de'i ldog
phyogs la don dam par yod

par bya dgos pas de la brten nas bshad de/ dbu ma rang rgyud pa
thams cad kyi lugs kyang 'di dang 'dra'o/ /zhes gsungs so/ /de
yang dbu ma rang rgyud pa

rnams kyi bden gnyis 'jog tshul ni bshad ma thag pa ltar yin la/
de gnyis ka tha snyad du yod tshul ni/ dbu ma snang ba las/ /ji
ltar snang bzhin ngo bo'i

phyir/ /'di la dpyad pa mi 'jug go/ /rnam par dpyod par byed na
don/ /gzhan du song bas gnod par 'gyur/ zhes gsungs/ de'i don ni
phyi nang gi chos 'di dag

blo gnod med la ji ltar snang na gdags gzhi'i steng nas snang
zhing/ snang tshul de'i dbang gis grub pa la lugs 'di'i tha snyad
du yod pa'i don du 'jog dgos pas na/

yod na tha snyad du yod pas khyab cing/ de bzhin du tha snyad
btags pa'i btags don btsal ba'i tshe rnyed pas khyab pa dang/ yod
na rtog pas btags tsam yin

@207a @#/ /pas khyab pa yang 'jog dgos par 'dra'o/ /de ltar blo
la snang ba'i dbang gis bzhag tsam des ma tshim pa'am ma chog par
dpyad par

mi bya zhing/ gal te de las thal nas dpyod par byed na ni tha
snyad du yod pa'i don yang gzhan du 'gyur ba ste med par song
bas na tshad mas gnod ces pa'i

don no/ /de'i phyir tha snyad du yod tshul yang tha snyad 'jal
byed kyi tshad ma la snang ba'i dbang gis 'jog pa yin la/ de'i
snang tshul yang don steng nas snang ba'i

snang tshul yin gyi snang tshul thams cad la mi bya'o/ /de yang
skabs 'dir tha snyad 'jal ba'i blo'i dbang tsam gyis 'jog nus pa
min kyang de la don steng nas

snang ba'i dbang gis 'jog nus pa'i khyad par ni yod do/ /de'i
phyir ma brtags ma dpyad pa'i blo la snang ba'i dbang gis tha
snyad du yod par 'jog nus pa ni mig

sogs dbang po lnga'i rnam shes tshad ma rnams yin la/ ma brtags
ma dpyad pa'i yid kyi shes pa la yang gnyis yod cing/ de yang
bdag 'dzin lhan skyes gnyis

@207b lta bu'i/ shes pa/ la snang ba'i dbang gis ni tha snyad du
yang yod par 'jog mi nus la/ yid kyi tshad ma lhan skyes rnams la
snang ba'i dbang gis ni tha snyad du

yod par 'jog nus so/ /de ltar yang legs bshad snying por/ bdag
'dzin lhan skyes gnyis lta bu ma dpyad pa'i blo la snang ba'i
dbang gis tha snyad du yod par 'jog mi

nus kyang/ tha snyad pa'i shes pa tshad ma gzhan gyis mi gnod pa
la snang ba'i dbang gis ni tha snyad du yod par 'jog nus so/
/zhes gsungs so/ /de yang stong nyid lta

bu blo la snang ba'i dbang gis 'jog tshul ni de rang ngos nas sam
gdags gzhi'i ngos nas snang ba'i dbang gis 'jog dgos pas chos
gzhan rnams 'jog tshul dang 'dra

la/ de 'dra ba ni stong nyid kyi tha snyad shes pa'i blo'i snang
ba'i dbang gis 'jog pa yin gyi slob pa'i rgyud kyi stong nyid
mngon sum du rtogs pa'i blo'i snang ba'i dbang gis

'jog nus pa ni min nam snyam zhing/ de yang stong nyid ni rang
gi yul can gyi blo'i snang ba'i dbang gis/ 'jog pa de nyid stong
nyid tha snyad du yod pa'i don yin la/ de ni slob pa'i rgyud kyi
stong nyid/ mngon sum du rtogs pa'i blos dngos su 'jog mi nus
par tha snyad pa'i tshad ma gzhan zhig gis 'jog dgos so/ /de ltar
yin kyang stong nyid de nyid kho rang mngon sum du rtogs pa'i

@208a @#/ /blos 'jog mi nus pa dang de 'dra'i blo la snang ba
ltar ma grub par 'jog pa gang yang min pas/ 'jog tshul khyad par
ba don steng nas snang ba dang rang ngos nas snang ba dang
gdags

gzhi'i steng nas snang ba sogs kyi snang tshul yin pa'i gnad kyis
khyad par de ltar phye ba yin kyang/ dpyad mtshams phra bas legs
par dpyad 'tshal lo/ /de'i phyir

rang gi yul can gyi shes pa la snang ba'i dbang gis bzhag pa min
par rang gi sdong tshul zhig byung na bden par grub pa las ma
'das pas/ tshul 'di dag shes na

stong nyid kyi stong nyid 'jog tshul yang shes so/ /des na skabs
'dir bshad pa'i bden 'dzin 'di ni lhan skyes kyi bden 'dzin yin
pas brda shes mi shes thams cad

kyi rgyud la yang yod pas ming don sbyor ba'i sgo nas 'dzin tshul
dgos pa yang min no/ /de'i phyir bden 'dzin gyi zhen yul du grub
na mthar thug dpyod pa'i rigs

shes kyis dpyad bzod du 'gyur bas chos kyi bdag 'dzin lhan skyes
de ngos zin par byas nas chos bdag 'gog dgos pa yin la/ de 'gog
pa'i tshe rtag gcig

@208b rang dbang can gyi bdag gis stong ba yan chad dgag bya de
'gog pa'i yan lag tu shes par byas te lhan skyes kyi bdag 'dzin
gyi zhen yul sun 'byin par byed pa

yin no/ /de ltar yang legs bshad snying por 'di pa'i lugs la 'di
'dra ba'i shes pa la snang ba'i dbang gis bzhag pa'i tha snyad
pa'i gnas lugs kyang yod pas zhes

pa nas/ rang sde'i bdag med chad pa'i skabs gzhan du yang de
bzhin du shes par bya'o/ /zhes pa'i bar gsungs so/ /gnyis pa/ de
ji ltar 'gog pa'i tshul ni/

de yang skabs 'di'i dgag bya de nyid 'gog pa'i rigs pa'i gtso bo
gang la byed ce na/ dbu ma rgyan las ni lang gshegs dang yab
sras mjal ba'i mdo khungs la

brten nas gcig du bral gyi rtags nyid kyis/ 'gog/ dgos pa dang/
dbu ma snang bar ni rdo rje gzegs ma'i gtan tshigs sogs gtan tshig
chen po

lnga'i sgo nas 'gog par yang gsungs so/ /de dag gi sgo nas 'gog
pa'i chen yang 'brel zla ma dmigs pa'i rtags kyis 'gog tshul dang
'gal zla dmigs pa'i

@209a @#/ /rtags kyis 'gog tshul gnyis bshad cing/ de yang pha rol
po 'gal 'du ston pa'i sgo nas 'gog par byed la/ de ni cha med
bkag nas cha

du ma dang ldan par sgrub tshul dang/ de la yang don dam par grub
pa'i cha dang bcas na cha cha can gcig tu 'gyur ba dang 'bris
med tha dad du 'gyur ba sogs /

rigs pa'i gnod byed du ma bstan nas 'gog par byed cing/ de yang
'phags pa lhas/ /tshig las sor mo gzhan med de/ zhes sogs gsungs
pa'i rigs

pa la brten nas 'gog pa dang/ de bzhin du gzhan skye'i skabs su
yang rtag mi rtag gnyis su kha tshon bcad nas 'gog pa sogs rigs
pa'i sgo mang zhing/

shes pa dus mtha'i skad cig /ma la yang skad cig snga phyi'i cha
phyi nas cha med 'gog pa dang/ rdul phra rab 'dab chags pa gnyis
bdag nyid thams cad kyis

bar chod mchod gnyis kyi sgo nas cha med 'gog pa sogs gnod byed
du ma bstan tshul dbu ma snang ba dang dbu ma bden gnyis sogs las
'byung ba rnams

@209b blangs nas dgag bya 'gog pa'i tshul la/ mkhas par bya dgos
so/ /de ltar yang legs bshad snying por/ de lta bu'i dgag bya de
'gog

pa'i rigs pa'i/ gtso bo gang la byed ce na/ zhes pa nas/ rang
rgyud kyi phyogs la 'di dag gi rigs pa shes na gzhan rnams kyi
rigs pa yang bde blag tu

shes par 'gyur bas rgya ma bskyed do/ /zhes pa'i bar gsungs so/
/'di dag gi sbyor ngag 'god tshul dang rigs pa'i rnam grangs sogs
slob dpon rnams

kyis ji ltar bkral ba'i tshul rgyas pa ni stong thun skal bzang
mig 'byed dang/ bka' 'grel bstan pa'i sgron me sogs las shes par
bya'o/ /'dir smras

pa/ /legs ldan 'byed dang zhi 'tsho yab sras kyis/ /drang nges ji
ltar phye ba'i snying po'i don/ /rnal 'byor spyod pa'i lugs

las ches gro ba'i/ /zab lam dbu ma'i lam 'dir 'jug 'tshal lo/ /

@210a @#/ ! //da ni zab mo dbu ma'i lam gyi yang snying gsal bar
byed pa thal 'gyur ba'i lugs mchog dri ma med pa bshad par bya
ba yin

la/ de'i tshul ni gnyis pa/ dbu ma thal 'gyur ba rnams kyis
'phags pa'i dgongs pa ji ltar bkral ba'i tshul la/ gang zag dang
chos la rang bzhin yod med

ji ltar bshad pa'i tshul dang/ don dam du grub pa 'gog pa'i
rigs pa'i gtso bo gang yin bstan pa'i tshul lo/ /dang po la
yang gang zag dang chos la rang bzhin

'gog pa'i khyad par bshad pa'i tshul dang/ de la brten/ nas
'phags pa'i dgongs pa 'grel tshul thun mong ma yin pa bstan pa'i
tshul dang/ tshul de

la mdo sde rnams dang 'gal ba spang ba'i tshul lo/ /dang po la
yang rang gi mtshan nyid kyis grub pa'i rang bzhin 'gog pa khyad
par yin pa bstan pa'i

tshul dang/ dgag bya de ngos bzung nas ji ltar med pa bstan pa'i
tshul lo/ /dang po ni/ slob dpon sangs rgyas bskyangs la slob
dpon legs ldan 'byed

@210b kyis skyon brjod mang du mdzad kyang bdag med gnyis ni
zhal gyis bzhes pa tsam 'dra bas/ de'i sgo nas skyon brjod ni ma
mdzad pa de bzhin du spyan

ras gzigs brtul zhugs kyis kyang tha snyad du phyi nang gi rten
'brel sgyu ma tsam du yod pa dang/ don dam par ngo bo nyid med
par 'dod pa la ni 'phags pa yab

sras dang legs ldan 'byed sangs rgyas bskyangs sogsc dbu ma pa
thams cad 'dra bar bshad do/ /de yang zla ba grags pas ni bden
gnyis kyi/ 'jog tshul

sangs rgyas bskyangs kyis 'phags pa'i dgongs pa ji ltar bkral ba
dang mthun par bzhed la/ de'i phyir dbu ma pa gzhan dang thun
mong ba min par/ rang gi

lugs ni thal 'gyur ba'i lugs mchog dri ma med pa la bshad de/
'jug 'grel las/ ji ltar dbu ma'i bstan bcos ma gtogs/ par/ bstan

bcos gzhan las stong pa nyid ces bya ba'i chos 'di phyin ci ma
log par mi brjod pa de bzhin du/ kho bo cag gis 'dir lugs gang
zhig brgal lan/ dang

@211a @#/ /bcas par bsnyad pa'i lugs 'di nas 'byung ba de yang
stong pa nyid kyi chos ltar bstan bcos gzhan na med do zhes
mkhas pa rnams kyis

nges par mdzad du gsol lo/ /de'i phyir kha cig gis mdo sde pa
rnams kyi lugs la don dam par smras pa de nyid dbu ma pa rnams
kyis kun rdzob tu 'dod do zhes smras pa

gang yin pa de ni dbu ma'i bstan bcos kyi de kho na nyid mngon
par mi shes pa kho nas smras pa yin no zhes shes par bya'o/
/zhes gsungs so/ /de'i don dbu ma'i

bstan bcos min pa'i bstan bcos gzhan las ni stong pa nyid kyi
don ji lta ba bzhin du brjod par mi nus pa de la kho bo cag zla
ba grags pas bstan bcos 'dir

gzhan gyi lugs de brgal lan dang bcas pa'i sgo nas bkag ste
stong pa nyid kyi don ji lta ba bzhin bshad pa'i tshul 'di la
mkhas pa rnams kyis legs par zhugs

te ji lta ba bzhin du mkhyen par mdzad du gsol lo/ /de la kha
cig gis ni mdo sde pa'i lugs la don dam par grub pa gang yin pa
de dbu ma pa'i lugs la kun

@211b rdzob tu 'dod do zhes smras pa gang yin pa de ni dbu ma'i
bstan bcos kyi don mngon par mi shes pa kho nas smras pa yin mod
kyang/ mdo/ sde pa'i

lugs la don dam par grub pa ni gzugs sogs don byed nus pa'i
dngos po thams cad yin la/ de dag mkhas pa dbu ma pa'i/ lugs la
kun rdzob

tu 'dod pa yin pas mdo sde pa'i lugs kyi don dam bden pa'i 'jog
tshul de ni dbu ma'i bstan bcos kyi de kho na nyid mngon par mi
shes pa kho nas smras pa

yin no zhes pa'i don du mdzad do/ /de bzhin du bye brag smra ba
la yang sbyor tshul 'dra zhing/ yang de nyid las/ 'di ltar 'jig
rten las 'das pa'i chos ni

'jig rten pa'i chos dang mtshungs par mi rigs pa'i phyir te lugs
'di/ ni thun mong ma yin pa'o zhes mkhas pa rnams kyis nges par
bya'o/ /zhes gsungs

so/ de yang nyan thos sde gnyis kyis don dam par grub par smras
pa gang yin pa de ni dbu ma pas kun rdzob tu 'jog pa sha stag
yin pas/ de gnyis

@212a @#/ /kyi don dam pa'i 'jog tshul de ni dbu ma'i de kho na
nyid mi shes par 'jog pa'i rgyu mtshan gang yin na de yang dbu ma
thal 'gyur ba'i lugs la

rang gi mtshan nyid kyis grub pa'i chos rdul tsam yang mi 'jog
cing/ don smra gnyis kyis ni chos thams cad rang gi mtshan nyid
kyis grub pa'i steng nas 'jog

pas na de rnams dbu ma pa'i lugs kyi don dam bden pa'i 'jog tshul
mi shes pas nyams shing/ de nyams pas kun rdzob bden pa'i 'jog
tshul las kyang

nyams te bden pa gnyis char las nyams pa'i dngos smra ba de dag
ni 'jig rten pa'i tshul lugs dang 'dra la/ mkhas pa dbu ma pa
bden gnyis kyi

'jog tshul ji lta ba bzhin du mkhyen pa de dag ni 'jig rten las
'das pa'i tshul lugs dang mthun pas de'i lugs kyi bden pa gnyis
kyi 'jog tshul gang dang yang

dngos smra ba de dag dang gtan nas mthun pa ma yin no/ /de ltar
yang legs bshad snying po las/ slob dpon sangs rgyas bskyangs
kyis rtsa ba shes rab kyi 'brel

@212b ba mdzad pa la legs ldan gyis skyon mang po bzung yang
bdag med gnyis la mi mthun par yod pa'i sgo nas/ skyon ma brjod
la/ zhes pa nas

'phags pa'i lugs 'di mi don dam du ma zad kun rdzob tu yang
dngos por smra ba'i grub/ mtha' dang thun mong ba ma/ yin no/
zhes pa'i

bar gsungs so/ /de'i phyir thal 'gyur ba'i lugs thun mong ma yin
par 'jog pa'i/ kun rdzob 'jog tshul la ni mdo sde pa'i lugs kyi
don dam

gang yang 'jog mi rigs shing/ de bzhin du bye brag smra ba la
yang rigs 'gre sa na 'jug 'grel gyi skabs 'dir yang mdo sde pa
rnams kyi lugs/ la don

dam par smras pa de nyid dbu ma pa rnams kyis kun rdzob tu 'dod
do zhes pa 'di nyid gzhan gyi 'dod pa brjod tshul du/ gsungs pa
'di ni/ dbu ma thal 'gyur

ba'i thun mong ma yin pa'i bden gnyis 'jog tshul gyi dbang du
byas nas gsungs so/ /de'i phyir bden gnyis rang 'grel las kyang/
/gzhan gyi don dam

@213a @#/ /byas gang yin/ /de ni gzhan gyi kun rdzob ste/ /gzhan
gyi mar 'dod gang yin pa/ /gzhan gyi chung mar yang 'dod bzhin/
zhes gsungs

so; de ni dper na gzugs dang shes pa lta bu gzhan don smra gnyis
kyis don dam du byas pa ste don dam par bzhag pa gang yin pa de
ni gzhan dbu ma

thal 'gyur bas kun/ rdzob tu/ 'dod do/ /de'i dpe yang 'jig rten
na ma ni bu la bltos te ma dang bu de'i pha la bltos te chung
mar 'jog pa lta bu'o zhes

pa dper mdzad do/ /de ltar/ bltos sa ltos 'jog gi 'jog tshul 'di
nyid dbu ma pa'i rang lugs su 'jog kyang/ mdo sde pa'i rang lugs
kyi don

dam du byas pa de dbu ma pa'i rang lugs kyi kun rdzob tu 'jog
ces pa ni min no/ /des na/ 'grel bshad 'di nyid slob dpon zhi ba
'tshos mdzad pa ma yin

par gsungs shing der gzung 'dzin ji ltar snang ba bzhin du med
par smra ba mngon sum dang 'gal zhing grags pas kyang gnod par
bden gnyis rang 'grel

@213b las bshad pa sgra sor bzhag gi don 'thad phyogs su 'grel
ba'i phyir ro/ /zhes legs bshad snying por gsungs so/ /des na
'dir/ dbu ma pa gnyis

kyi dgag bya'i khyad par ji ltar yod ce na/ de la thog mar rang
rgyud pa'i lugs kyi dgag bya/ ngos 'dzin tshul gong du rgyas par
bstan

zin pa bzhin/ 'dir yang 'jug 'grel las/ don dam par skye ba med
pas bdag dang gzhan las skye ba dgag la rag /mod gzugs dang tshor
ba la sogs pa

gang dag mngon sum dang rjes su dpag pa dag gis dmigs pa de dag
gi rang bzhin gdon mi za bar gzhan las skye bar 'gyur ro/ /ci
ste de ltar mi 'dod na ni

bden pa gnyis ci ste brjod de bden pa gcig kho nar 'gyur ro/
/de'i phyir gzhan las skye ba yod pa nyid do/ /zhes gsungs/ de'i
don ni don dam par skye ba

med pa'i rgyu mtshan gang la rag las pa'i tshul ni/ de yang rang
rgyud pa'i skabs 'dir spyir skye ba la bdag skye dang gzhan skye
gnyis su kha tshon chod dgos pas de la ni

@214a @#/ /bdag skye mi 'jog cing gzhan las skye ba las/ ma 'das
pas de ni mi 'gog la don dam par gzhan las skye ba dgag dgos kyi
gzhan skye

'gog pa ni mi rigs so/ /de'i tshul yang mngon sum dang/ rjes su
dpag pa'i tshad ma gnyis kyis dmigs pas na gzhan las/ skye ba
mngon sum dang

rjes su dpag pa'i tshad ma gnyis la snang zhing/ de la bsnyon pa
mi rigs pas na gzugs dang tshor ba la sogs pa gang dag rang bzhin
gyis skye ba yod pa gdon

mi za bas/ de'i phyir de dag la gzhan las skye ba yod par 'gyur
ro/ /de ltar yin kyang da dung ci ste khyod kyis de ltar mi 'dod
na ni bden pa/ gnyis ci la

brjod rigs te/ khyed ltar na bden pa gcig /kho nar 'gyur ro/ /de
ni mi rigs pas gzhan las skye ba nges par 'dod dgos so zhes pa'i
don no/ /de ltar yang

legs bshad snying por/ gong du rang mtshan gyis/ grub pa'i rgyu
'bras bkag pa la don dam par de bkag nas gzhan skye 'gog par
rigs kyang tha snyad du rang

@214b bzhin nam rang gi mtshan nyid kyis skye ba'i gzhan skye
'dod dgos/ de mi 'dod na/ kun rdzob tu yang bden pa med pas kun
rdzob kyi bden pa med par 'gyur ro

zhes rgol ba la rim pa bzhin du rang gi mtshan nyid kyis skye ba
bden pa gnyid/ /char du med par bsgrubs te de ni dbu ma pa don
dam par

mi skye yang tha snyad du rang gi mtshan nyid kyis skye pa yod
par 'dod pa la sgrub kyi/ dngos por smra ba la man pas dbu ma pa
gnyis la dgag bya'i khyad par de tsam yod na

zla ba grags las de la dmigs bsal can gyi dgag pa ci'i phyir ma
mdzad ces smra bar mi rigs so/ /zhes gsungs so/ /gnyis pa/ dgag
bya de ngos bzung

nas ji ltar med pa bstan pa'i tshul la kun btags dang lhan skyes
kyi sgro/ 'dogs kyi bzung tshul bstan nas de med par bstan pa'i
tshul dang/ nyan thos kyi

sde snod la brten nas kyang bdag med gnyis gsungs pa'i don bshad
tshul lo/ /dang po ni/ dbu ma rang rgyud pas don dam par skye ba
med par 'jog kyang rang gi

@215a @#/ /mtshan nyid kyis grub pa khas blangs pa 'dis ni thal
'gyur ba'i skabs 'dir sgro 'dogs kyi mthar gnas par 'jog pa yin
la/ de'i 'jog

tshul ni de yang skabs 'di'i sgro 'dogs kun btags ni grub mtha'
smra ba rnams kyis btags pa'i rang gi mtshan nyid kyis grub par
'dzin pa rnams yin la/ de'i 'dzin

tshul/ yang gang zag lta bu gcig la mtshon na/ gang zag ces pa'i
ming rkyang tsam gyis 'jog dgos pa yin la/ de yang gang la brten
nas 'jog na phung po

la brten nas 'jog dgos shing/ de'i tshul yang phung po la brten
nas ma brtags ma dpyad par 'jog dgos la/ de ni skabs 'di'i gang
zag 'jog tshul thun

mong ma yin pa yin no/ /de yang ma brtags pa'i don yang gang zag
ces pa'i don blo la snang ba na phung po 'di gang zag yin nam
'on te phung po'i nang tshan nam

cha shas kyi steng nas gang zag 'jog gam snyam pa'i brtag pa
gang yang mi 'jug pa ni ma brtags pa'i don yin la/ ma dpyad pa'i
don ni de ltar brtag pa ma

@215b byas par gang zag phung po la brten nas btags pa tsam de
yin la/ des ma tshim par phung po'am phung po'i/ nang tshan yid
kyi rnam par shes pa dang kun

gzhi'i rnam par shes pa rnams gang zag gi mtshan gzhir 'jog rgyu
byung na ni gang zag bzhag tu yod la/ de ltar min na gang zag
'jog par yang mi nus pa

ni btags don btsal nas 'jog pa rnams kyi lugs yin pas/ 'jog tshul
'di ni gang zag sogs chos thams cad kyi steng du 'dra bar 'jog
cing/ de

ltar 'dra bar 'jog pa'i lugs de la yang bye brag tu smra ba nas
dbu ma rang rgyud pa'i bar gyi lugs rnams 'dra ba yin no/ /de
ltar yang legs bshad snying por/

'o na ji 'dra zhig tu bzung na rang gi mtshan nyid kyis grub par
bzung ba yin zhe na/ 'di la thog mar grub mtha' smra ba'i lugs
brjod par bya ste/ gang zag

'dis las 'di byas so 'bras bu 'di myong ngo zhes pa'i tha snyad
btags pa la/ rang gi phung po 'di nyid gang zag yin/ nam 'on te
de dag las

@216a @#/ /don gzhan zhes gang zag gi tha snyad btags pa de'i don
btsal te/ don gcig pa'am don tha dad pa la sogs pa'i/ phyogs
gang rung zhig

rnyed nas gang zag de/ 'jog sa byung na las gsog pa po la sogs
par 'jog nus la/ ma rnyed na 'jog mi nus pas/ zhes pa nas/ tshad
mas grub

par 'dod pa thams cad yod par 'jog pa na/ rang rang gi ming gi/
tha snyad 'jug pa'i 'jug gzhi'i don de ji 'dra zhig tu grub pa
btsal ba na des

rnyed pa'i don med na yod par 'jog mi nus pas de las ldog pa la
yod par 'jog go /zhes pa'i bar gsungs so/ /de yang mdo sde pa'i
lugs la don

byed nus pa kho na la rang mtshan du 'jog pa dang/ mngon pa'i
gzhung la/ sogs par gzhan dang thun mong ma yin par mtshon par
byed pa me'i

tsha ba lta bur bshad kyang/ 'dir rang gi mtshan nyid kyis grub pa
ni tshus de gnyis dang mi 'dra'o/ /de yang zla ba grags pa'i lugs
'dir ni rang gi

@216b mtshan nyid kyis grub pa tha snyad du yang mi 'jog pas/
de'i phyir tha snyad du/ 'jog tshul ji lta bu zhe na/ de yang
tshig gsal las/ gzhan yang lus kyi

rten can khyad par du byed pa 'jig rten pa'i tha snyad kyi yan
lag tu gyur pa ma brtags na grub pa brten pa po mchi gu dang/
mgo yi rten can brten pa po sgra

gcan ni gang zag la sogs pa btags pa ltar yod pa'i phyir dpe 'di
rigs pa ma yin no/ /zhes gsungs/ de'i don ni/ de yang 'jig rten

gyi tha snyad las ni sgra gcan gyi mgo dang 'chi gu'i lus zhes
pa'i tha snyad btags pa ltar mgo dang lus ni yod la/ de gnyis
kyi yod tshul ni ma brtags ma dpyad

par bzhag na yod cing/ brtags shing dpyad na med pas gang zag
sogs chos thams cad kyang ma brtags par 'jog pa ni 'jog tshul 'di
dang mtshungs so/ /

des 'jog tshul 'di ni thal 'gyur ba'i rang lugs ji lta ba bzhin
yin pas/ gang zag phung po la brten nas btags pa ltar gyi/ btags
yod ming rkyang tsam

@217a @#/ /gyis 'jog pa'i dper sgra gcan gyi mgo dang mchi gu'i
lus gnyis khyad gzhi khyad chos sbyar ba'i dpe 'di nyid 'thad pa
yin la/ de'i 'thad tshul

yang ma brtags ma dpyad par 'jog na dpe don gnyis mtshungs pas
dpe don sbyor tshul don la gnas pa yin no/ /de ltar yin kyang
tshig gsal gyi lung 'di'i

mjug tu dpe 'di rigs pa ma yin no zhes gsungs pa ni brtags shing
dpyad nas 'jog na dpe 'di rigs pa ma yin zhes pa'i don yin la/
de'i mi rigs pa'i

tshul ni srab sa'i mtshan nyid du 'jog pa na de gnyis rang bzhin
gyis grub pa'i mtshan mtshon gyi 'brel pa grub pa'i dper sgra gcan
gyi mgo dang 'chi gu'i lus

gnyis tha dang/ med pa'i dper mi rung zhes 'jog pa yin gyi/ de
yang sra ba dang sa gnyis kyi mtshan mtshon gyi 'brel pa brtags
shing dpyad nas btsal na

ni rnyed dgos pa yang de gnyis rang bzhin gyis grub pa'i mtshan/
mtshon gyi 'brel par bzhag pa des yin no/ /de'i dbang du byas na
brtags shing dpyad

@217b nas 'jog dgos la de ltar 'jog na sgra gcan gyi mgo dang
mchi gu'i lus gnyis tha dad pa med pa'i dper mi rung bas de
gnyis kyi tha dad kyang rang gi

mtshan nyid kyis grub pa'i rgyu mtshan gyis yod par 'jog dgos pa
ni btags don btsal nas 'jog pa'i phyogs snga smra ba po'i lugs
yin no/ /de ltar yang

tshig gsal las/ gal te de tsam zhig dmigs pas lus dang mgo las
tha dad pa'i don gzhan ma grub pa'i phyir dpe grub pa nyid do
zhe na/ de ni de

ltar ma yin te/ 'jig rten pa'i tha snyad la de ltar rnam par
dpyod pa mi 'jug pa'i phyir dang/ 'jig rten pa'i dngos po/
/rnams ni ma brtags par

yod pa'i phyir ro zhes so/ nyan pa po'i ngor gzhi chos de tsam
yod kyang tha snyad de'i don la brtags pa na lus dang mgo las so
sor grub pa'i mchi gu

dang sgra gcan mi rnyed pas de dag gzhi chos sum grub po zhes
rtsod pa ni/ sngar bshad pa'i gzhan gyis chos rnams yod par 'jog
pa'i lugs so/ /

@218a @#/ /zhes gsungs/ de'i/ don ni de yang dngos smra ba rnams
kyis ma brtags ma dpyad pa'i 'jog tshul 'di las gal te sgra gcan
gyi mgo

dang 'chi gu'i lus de tsam zhig dmigs pa ste mngon sum du mthong
ba yin gyi lus dang mgo las tha dad pa'i don gzhan brten pa po
mchi gu dang sgra gcan ni

ma grub pa'i phyir gzhi chos tha dad med pa'i dpe 'di ni grub pa
yin te dpe don gnyis mtshungs pas so zhes dngos smra ba rnams
kyis lan 'debs la/ de la

dbu ma thal 'gyur bas de ni dpe don de ltar sbyar ba ltar don la
gnas pa ma yin te/ 'jig rten pa'i tha snyad la de ltar rnam par
dpyod pa mi 'jug pa'i

phyir dang/ zhes sogs gsal bar mdzad pa 'di la 'grel ba gsar du
byas kyang tshig mang po mgo rnyog pa las mi 'dug pas na/ tshig
gsal gyi

gsung 'di gar yi ge gcig kyang ma nyams par bzhag pa yin la/
'di'i mgo 'jug bsgrigs nas gzigs na go sla bar mkhyen par 'gyur
ro/ /

@218b de ltar yang legs bshad snying por/ 'dis ni 'jig rten na
mchi gu'i lus dang sgra gcan gyi mgo zhes tha snyad byed pa la
lus dang mgo las tha

dad/ pa'i khyad par med kyang rtog ngor gzhi chos rung ba bzhin
du/ sa'i rang gi mtshan nyid sra ba zhes pa la yang sra ba min
pa'i sa med kyang de lta bu'i tha

snyad byed do/ /zhes pa'i lan du/ lus dang mgo zhes pa'i sgra
las de nyid la dmigs pa'i blo skyes pa na khyad gzhir bzung nas/
gang gi mgo dang gang

gi lus yin snyam du shes par 'dod pa na/ ston pa pos kyang/ zhes
pa nas/ de la brgal len mdzad nas gsal bar gsungs te/ zhes pa'i
bar gsungs

so; des na/ gang zag la sogs pa'i chos/ gang 'jog kyang rang
gang la brten nas btags pa'i gdag gzhi'i steng nas yod med kyi
dpyad pa byas nas

yod par 'jog pa ni skabs 'dir dpyad nas/ 'jog pa'i don yin la/
de ltar dpyad nas bzhag chog pa'i chos ni rdul tsam yang

@219a @#/ /med cing sgra gcan gyi mgo dang mchi gu'i lus zhes pa'i gzhi
chos rung ba'i tha dad kyi dpe yang ma dpyad par bzhag pa yin
no/ /de ltar

yang tshig gsal las/ ji ltar rnam par dpyad na gzugs la sogs pa
las tha dad par bdag med mod kyi/ 'on kyang phung po la brten
nas 'jig rten gyi kun

rdzob tu 'di yod pa nyid yin pa de bzhin du/ sgrug can dang mchi
gu gnyis kyang yin pas dpe grub pa med do/ /zhes gsungs pa ltar/
gang zag tha snyad du yod

tshul gang zag ces pa'i ming rkyang tsam gyis ma tsham par gang
zag de gang la brten nas btags sa'i phung po'i steng nas yod med
kyi dpyad pa nam zhugs pa na

don dam pa'i sdod tshul la dpyad pa yin pas de ltar rnam par
dpyad pa na gang zag la sogs pa rnams kyang gdags gzhi'i phung
po la sogs pa las tha dad du

yod pa min kyang/ spyir gang zag la sogs pa rang rang gi gdags
gzhi'i phung po sogs las tha dad du yod par 'jog dgos so/ /de'i
'jog tshul yang

@219b phung po la brten nas 'jig rten gyi kun rdzob ste tha
snyad tsam du gang zag yod par 'jog pa bzhin du sgra gcan dang
mchi gu gnyis kyi mgo dang lus kyi gzhi chos

tha dang kyang grub pa yin pas na/ gzhi chos tha dad med pa'i
dpe 'di grub pa don med do zhes gang zag 'jog tshul gsal bar
gsungs pa'i don no/ /de bzhin du lhas

byin sogs kyi gzugs dang sems zhes brjod pa'i cho na de 'dra'i
tha snyad de gang la btags pa'i btags don btsal na mi rnyed
cing/ btags don ma btsal bar

'jog pa yang 'dra ba yin no/ /de ltar yang tshig gsal las/ de
bzhin du rnam par dpyad pa nas la sogs pa de dag la yang sra ba
la sogs pa dag las tha dad

pa'i mtshan gzhi med la/ mtshan gzhi las tha dad par rten med pa'i
mtshan nyid kyang med mod kyi de ltar na'ang 'di ni kun rdzob tu
yod de/ des na/ slob dpon

rnams kyis phan tshun bltos pa tsam gyis grub pa'i sgo nas grub
par rnam par bzhag par mdzad do/ /zhes gsungs pa ltar/ sra ba
sa'i mtshan nyid du 'jog

@220a @#/ /pa'i mtshan mtshon gyi rnam bzhag kyang ma dpyad par
'jog dgos kyi dpyad nas 'jog pa min pas phan tshun bltos nas grub
pa'i don no/ /de ltar

yang legs bshad snying por/ sa dang sra ba sogs mtshan mtshon du
'jog pa la yang/ zhes pa nas/ phan tshun bltos pa'i sgro nas de
dag yod par 'jog go /zhes

pa'i bar gsungs shing/ de bzhin du chos dang gang zag gi 'thog
tshul/ thams cad kyang de dang mthun par 'jig dgos pa ni/ lung
de'i mjug nyid du

tshig gsal las 'di ni ngo bo na ltar gdon mi za bar khas blang
bar bya ste/ de lta ma yin na kun rdzob 'thad pa dang ldan pa ma
yin nam des na/

'di de kho na nyid du 'gyur gyi kun rdzob tu mi 'gyur ro/ /'thad
pas rnam par dpyad pa na/ mchi gu la sogs pa dag kho na mi srid
pa ni ma yin te/

'o na ci zhe na/ 'chad par 'gyur ba'i 'thad pas gzugs dang tshor
ba la sogs pa rnams kyang yod pa ma yin pas/ de dag kyang mchi
gu la sogs pa

@220b bzhin kun rdzob tu yod pa ma yin pa nyid du khas blangs
par 'gyur la de ltar yang ma yin pas 'di ni yod pa ma yin no/
/zhes gsungs/ de'i don yang chos thams

cad rnam par ma dpyad par 'jog dgos na/ kun rdzob 'thad pa dang
ldan pa ma yin nam zhes dogs pa bsu bar byed la/ de la kun rdzob
kyi chos rnams la spyir

yod med dang yin min sogs kyi 'thad pa tsam ni yod la/ de rnams
sa rang nyid gang la/ btags pa'i btags don btsal nas 'thad pa
bcug pa na bzhag

tu med pa ni de kho na nyid du ma grub pa'i rgyu mtshan gyis yin
pas/ 'thad pas/ rnam par dpyad pa na mi rnyed ces pa'i 'thad

pa yang don dam la dpyod pa'i 'thad pa yin pas chos thams cad
kyang/ de 'dra'i 'thad pa dang rigs pas ma rnyed pa zhig ni dgos
so/ /

de ltar yang legs bshad snying por/ des ni sngar ltar dpyad nas
rnyed pa'i don la tha snyad du yod par 'jog na de kho/ nar grub
ma grub dpyod pa'i 'thad pas bzhag

@221a @#/ /pas/ de ni kun rdzob tu yod pa min/ gyi don dam du yod
par 'gyur zhes ston pas rang mtshan gyis grub na don dam par grub
pa'o/ /

zhes gsungs so// des na/ rnam par dpyad nas 'jog pa ni rang
rgyud ma man chad kyi lugs yin gyi thal 'gyur bas ni gzugs tshor
la sogs pa'i chos gang

'jog kyang rnam par ma dpyad par 'jog dgos pa yin pas/ dpyad nas
'jog pa'i chos ni gang yang yod pa ma yin no zhes gsungs pa ltar
khas len pa yin no//

'o na; dpyad nas 'jog pa dang ma dpyad par 'jog pa'i mtshams de
nyid gang zag lta bu gcig gi sgo nas ston cig ce na/ de yang
gang zag ni phung po la brten

nas 'di gang zag go/ zhes btags pa tsam dang 'dis las 'di byas
so 'bras bu 'di myong ngo zhes pa lta bu'i skabs su phung po la
brten nas gang zag ces

btags/ pa tsam gyi ming rkyang gis btags tsam de/ nyid gang zag
gi don du 'jog pa ni ma dpyad pa'i don dang/ de ltar gang la
brten nas

@221b btags/ pa'i don de btags tsam des ma chog par gdag/ pa'i
gzhi gzugs sogs kyi steng nas yod med la dpyod pa ni dpyad pa'i
don

yin la/ de ltar dpyad pa'i mthar gang zag sogs 'jog pa ni dpyad
nas 'jog pa'i don yin no// de'i phyir gdags gzhi'i steng nas
'jog pa

thams cad kyang dpyad nas 'jog pa sha stag yin pas rang rgyud pa
man chad thams cad 'dra bar gsungs so// 'o na bden gnyis las/

ji ltar snang bzhin ngo bo'i phyir/ /'di la dpyad pa mi 'jug go/
zhes sogs gsungs pa'i don ltar/ rang rgyud pa'i rang lugs la
yang ma dpyad par 'jog pa

ji ltar yin zhe na/ de yang spyir dpyad nas 'jog pa dang ma
dpyad par 'jog pa'i/ mtshams ni bshad ma thag pa/ ltar yin la/
rang rgyud pa'i skabs

'dir dbu ma bden gnyis kyi shes/ byed drangs pa'i don ni gang
zag sogs btags tsam des ma chog par gang btags pa'i gdags gzhi'i
steng nas

@222a @#/ /gang btags pa ltar gyi btags don de nyid ji ltar snang
bzhin pa'i ngo bo i thi ba de nyid yin la de ni tha snyad btags
pa'i btags don

btsal nas bzhag pa'i don yin pas ma dpyad par bzhag pa'i don med
do// de'i phyir tha snyad btags pa'i btags don btsal nas bzhag
pa'i don la ji ltar

snang bzhin pa'i don des mchog par gnyug ma'i sdod tshul ji ltar
yin dpyod pa na skabs 'di'i don dam la dpyod tshul yin pas de
ltar dpyad pas rnyed na ni

blo gnod med la snang ba'i dbang gis bzhag pa min par don gyi
sdong tshul rnyed pa yin pas/ de rnyed na/ dbu ma rang rgyud pa'i
lugs 'dir yang bden

grub 'jog pa sha/ stag tu song 'dug pa ni/ lugs 'di'i gnad shes
pa'i mkhas pa kun/ la grags pa ltar yin no// des na rigs pa'i

dpyad bzod ni rang rgyud/ pas kyang mi 'dod las/ ji snang bzhin
pa 'di la dpyad pa mi 'jug ces pa ni rigs pa'i dpyad bzod ma yin
pa'i rgyu mtshan gyis

@222b dpyad pa mi/ 'jug ces pa'i don yin gyi/ gzugs sogs tha
snyad du yod tshul la dpyad pa mi/ 'jug ces pa'i don min pas
'di'i dpyad

nas 'jog mi/ 'jog gi mtshams 'di la mkhas pa rnams kyis skabs don
phye nas gsal/ bar mdzod cig/ de ltar yang legs

bshad snying por/ dbu ma rang rgyud pa rnams kyang kun rdzob
pa'i don rnams rigs pas dpyad nas/ rnyed pa'i don/ la 'jog pa
'gog

pa ma yin nam/ tha snyad du yod pa rigs pas dpyad don la mi 'jog
pa khyed kyi khyad chos ji ltar yin/ zhe na/ 'di ni dbu ma pa
gnyis kyi lugs

kyis dpyod lugs ji 'dra zhig gis dpyad pas de kho nar grub ma
grub dpyod par 'gyur ba'i khyad par ma phyed pa'i brtsod pa yin
te/ thal 'gyur bas ni sngar

ltar dpyod pa tsam las de kho nar grub ma grub dpyod par bzhed
do/ sngar lung dangs ba dang yod pa rnams kyang ming dang brda
dang tha snyad tsam du lan mang

@223a @#/ /por bshad pa'i phyir ro// zhes gsungs so// de yang
ming tsam gyi don ni gang zag la sogs pa'i chos gang la yang
rang rang gi ming gis

btags pa tsam las ji ltar btags pa ltar gyi don rigs pas btsal
na mi rnyed pa la byed pa yin pas/ 'di'i tsam sgras btags don
btsal nas rnyed pa

gcod do// de yang ming ma yin pa'i don med ces pa yang min pas
ming dang don so sor 'jog rgyu yod kyang ming gis btags tsam las
ming gi btags pa

ltar gyi btags don la dpyad nas de'i don 'jog pa min pas ming
tsam dang ming rkyang btags/ yod tsam dang tha snyad kyi dbang
gis 'jog tshul rnams don 'dra

bas de ltar bzhag pa yin la/ 'jog tshul 'di ni dbu ma thal 'gyur
ba'i lugs mchog dri ma med pa yin pas/ rang rgyud pa man chad
kyi 'jog tshul dang mi 'dra'o

de ltar yang legs bshad snying por/ ming tsam gyi don ni sngar
ltar tha snyad kyi don btsal ba na mi rnyed pa la byed kyi ming
yod cing don med pa'am ming ma yin pa'i

@223b don med pa ni ma yin no// 'dir ming gi tha snyad 'dogs
pa'i blos gang bzhag thams cad tha snyad du yod par mi bzhed
kyang/ tha snyad 'dogs pa'i blo'i dbang

gis ma bzhag pa'i tha snyad du yod pa mi bzhed do// zhes/ gsungs
so// des na/ dbu ma rang rgyud pa rnams kyis kyang gzhi grub na
tha snyad kyi dbang gis

yod pas khyab pa dang rtog pas btags tsam dang tha snyad btags
pa'i btags don btsal nas rnyed pas khyab pa rnams don 'dra bar
bzhed pa 'dis ni dbu ma

thal 'gyur ba'i lugs kyi rtog pas btags tsam dang ming rkyang
btags yod tsam dang tha snyad kyi dbang gis bzhag pa rnams dang
ming tsam/

phyogs 'gro 'dra yang/ don gyi 'jog tshub ni// ches mi 'dra ba
yang don gcig tu phyogs blde bas pa 'dis rang shes so// de yang
thal 'gyur ba'i lugs

la ni don gcig tu byed tshul 'di thams cad/ ming rkyang btags yod
kyi don du mdzad la/ ming rkyang btags yod kyi don ni ming gis
bzhags tsam

@224a @#/ /las des btags pa ltar gyi btags don btsal nas mi 'jog
pa de nyid de thams cad kyi don du tshang dgos la/ rang rgyud
pa'i lugs la ni don

gcig tu byed tshul de thams cad la ming gis btags pa'i btags gzhi
btsal nas 'jog dgos pa sha stag yin pas na/ 'jog tshul de rnams
ming 'dra yang don

mi 'dra ba ni de ltar ro// de'i phyir rang rgyud pa'i lugs la
gzugs tshor la sogs pa'i chos thams cad kyang tha snyad 'dogs
pa'i/ blo'i dbang gis 'jog mi

nus shing/ gnod pa med pa'i blo la snang ba'i dbang gis 'jog
dgos la/ de gnyis kyi 'jog tshul mi 'dra ba'i khyad par ni/ de
yang tha snyad

'dogs pa'i blo'i dbang gis 'jog tshul ni thal 'gyur ba'i lugs kyi
ming rkyang btags yod tsam gyi 'jog tshul ltar yin la/ gnod pa
med pa'i dbang po'i shes

pa sogs la snang ba'i dbang/ gis 'dog tshul ni rang gi mtshan nyid
kyis grub pa dang btags don btsal nas 'jog pa'i don yin pas/
de'i phyir blo de

@224b gnyis kyis/ bzhag/ pa'i yul gyi 'jog tshul gnyis kyang mi
'dra la/ yul can gyi blo gnyis kyang mi 'dra zhing/ blo snga mas

'jog tshul ni thal 'gyur ba'i thun mong ma yin pa'i ming rkyang
rgyud pa'i/ thun mong ma yin pa'i rgyud pa'i/ thun mong ma yin
pa'i

rang gi mtshan nyid kyis grub pa'i don 'jog tshul yin pas/ khyad
par 'di dag 'byed pa ni thal rang gi/ grub mtha'i thun mong ma
yin pa'i dka' gnas 'byed sa yin

pas 'di la chig sgril gyis 'bad par rigs so// de ltar yang legs
bshad snying por/ dbu ma rang rgyud pa rnams ni tha snyad 'dogs
pa'i blo'i dbang gis gzugs

tshor la sogs pa 'jog mi nus la/ gnod pa med pa'i dbang po'i shes
pa la sogs pa la snang ba'i dbang gis tha snyad du yod pa 'jog
nus par 'dod pas/ blo'i

dbang gis bzhag ma bzhag/ gi blo la yang khyad par che'o// zhes
pa nas/ de'i phyir gsung rab las kun rdzob ming dang brda dang
btags pa tsam du gsungs

@225a @#/ /pa'i tsam gyi sgras gang gcod pa yang mi mthun no//
zhes pa'i bar gsungs so// de yang dpyad pas ma rnyed ces pa'i
dpyod tshul yang

btags don la dpyod pa dang don dam la dpyod pa'i dpyod tshul yin
gyi/ tha snyad kyi don la mi dpyod pa'i don min no// de'i phyir
gang zag lta bu 'dir 'ongs sam

ma 'ongs gang du skyes sam skye bar 'gyur zhes pa la sogs pa'i
dpyad pa de dag ni 'phral gyi bya byed dang spyod lam la sbyar
ba'i dpyad pa yin pas de lta bu'i/

dpyad pa rnams dang 'thad pas sgrub pa'i rigs pa'i sgrub byed
'thad ldan ni yod la/ don dam la dpyod pa'i dpyad pa dang rigs
pa'i sgrub byed 'thad ldan ni

ni med do// de yang gang zag de nyid ming gis bzhag tsam des ma
chog par ming gis btags/ pa'i btags gzhi btsal nas yod par 'dzin
pa'i

'dzin pa de ni gang zag gi bdag 'dzin kun btags yin la/ lhan
skyes ni gang zag de nyid tha snyad kyi dbang gis bzhag pa tsam
min par rang gi ngo bo'i

@225b sgo nas yod par 'dzin pa de nyid yin no// de bzhin du
phung sogs kyi chos rnams rang rang gi ming gis bzhag tsam des
mchog par btags pa ltar gyi don la

dpyad nas yod par 'dzin pa'i 'dzin pa ni chos kyi bdag 'dzin kun
btags dang/ de ltar dpyad nas mi 'dzin kyang de rnams tha snyad
kyi dbang gis bzhag pa

ma yin par rang gi ngo bo'i sgo nas grub par 'dzin pa'i 'dzin pa
ni chos gyi bdag 'dzin/ lhan skyes yin no// de yang rang cag
rnams 'khor bar 'ching byed

kyi gtso bo ni lhan skyes nyid yin pas/ de'i phyir bdag 'dzin/
lhan skyes gnyis/ kyis ji ltar bzung ba'i tshul ji lta ba bzhin
du ngos zin par

byas te sems kyi rgyun nas 'dzin tshul de las sdog par byed/ dgos
so// de ltar yang legs/ bshad snying por/ 'o na 'jig

rten pa la yang 'ongs sam ma 'ongs skyes sam ma skyes zhes sogs/
dpyad pa/ mang po yod pas/ zhes pa nas/ des bdag gnyis kyang

@226a @#/ /shes par bya'o/ /zhes pa'i bar gsungs so/ /de yang
bdag 'dzin lhan skyes kyis tha snyad kyi don la don dam dpyod
byed kyi rigs pas dpyad

nas bzung ba min kyang/ des ji ltar bzung ba ltar gyi don de yod
na don dam dpyod byed kyi rigs pas dpyad na snyed dgos so/ /de
bzhin du bdag 'dzin kun btags

gnyis kyis dpyad nas 'dzin pa'i don la yang lhan skyes kyis
'dzin pa'i don tshang yang de gnyis kyis ltan skyes kyis 'dzin pa
ltar ma dpyad par 'dzin pa ni ma yin

no/ /des na bdag 'dzin gnyis kyi zhen yul bden grub dang/ bdag
'dzin gnyis ka 'gog pa'i tshe na dpyad nas 'gog pa sha stag yin
kyang/ bdag 'dzin

gnyis kyis bdag gnyis 'dzin tshul la dpyad nas 'dzin dgos pa yang
ma yin no/ /de ltar yang legs bshad snying por/ 'di ltar gzung
pa des tha snyad kyi

don gang yin/ dpyad nas bzung ba min kyang 'dis bzung ba ltar
gyi don de yod na/ de'i tha snyad btags pa'i btags sa de ji ltar

@226b yod dpyad pa na/ dpyod byed kyis rnyed dgos so/ /zhes pa
nas/ gzhung rnams nas dpyad nas 'gog pa sha stag 'byung ba yang
mi 'gal bas

kun btags kyi/ 'dzin pa yul bcas kho na 'gog go snyam du mi
bzung ngo/ /zhes pa'i bar gsungs so/ /de'i phyir rnal 'byor
spyod pa pa dang dbu

ma rang rgyud pa rnams dgag bya la phra rag spyir yod kyang gang
zag gi bdag 'gog tshul la ni khyad par med cing/ thal 'gyur ba'i
lugs dang ni gang zag

gi bdag med phra mo'i 'jog tshul la phra rags kyi khyad par shin
tu che'o/ /de'i phyir lugs 'di la gzhi chos can gyi sgo nas bdag
med gnyis su phye ba yin

gyi/ med rgyu'i bdag gnyis la ni phra rags kyi khyad par med do/
/de ltar yang 'jug pa las/ /bdag med 'di ni 'gro ba rnams grol
phyir/ /chos dang

gang zag dbye bas rnam gnyis gsungs/ /zhes gsungs pa ltar/ 'gro
ba rnams 'khor ba'i sdug bsngal las grol bar bya ba'i phyir gang
zag gi bdag

@227a @#/ /med dang chos kyi bdag med gnyis gsungs shing/ de yang
gzhi gang zag dang chos kyi sgo nas dbye ba yin gyi/ dgag bya'i
bdag gnyis

kyi sgo nas phye bar ma gsungs zhes pa'i don no/ /de ltar yang
bzhi brgya ba'i 'grel pa las/ de la bdag ces bya ba ni/ gang
zhig dngos po rnams kyi gzhan

la rag ma las pa'i ngo bo rang bzhin te de med pa ni bdag med
pa'o/ /de ni chos dang gang zag gi dbye bas gnyes su rtogs te
chos kyi bdag med pa dang gang

zag gi bdag med pa'o/ /zhes gsungs/ de'i don ni skabs 'di'i dgag
bya'i bdag thun mong ma yin pa de gang yin zhe na/ gang zag dang
phung sogs kyi chos

rnams kyi steng du gzhan las rag ma las pa'i ngo bo rang bzhin
zhig byung na skabs 'di'i dgag bya'i bdag thun mong ma yin pa de
nyid ngos 'dzin par song ba

yin la/ de yang gang zag dang phung po lta bu kho rang 'dogs
byed kyi ming dang rtog pa'i dbang gis bzhag pa tsam ma yin pa'i
ngo bo thun mong min pa zhig tu grub na

@227b rang bzhin gyis grub pa dang rang gi mtshan nyid kyis grub
par 'jog dgos pa pas/ de ni skabs 'di'i dgag bya'i gtso bo yin
pas gzhan la

rag ma las tshul yang de yin no/ /de 'dra'i dgag bya'i bdag de
yang phung sogs kyi chos rnams

kyi steng du bkag pa/ la chos kyi bdag med dang/ gang zag gi
steng du bkag pa la gang zag gi bdag med du 'jog pas bdag med

gnyis kyi dbye ba byed tshul ni de ltar ro zhes pa'i don yin no/
/de ltar yang legs bshad snying por/ rag ma las kyi/ ngo bo ni
ming du btags pa

tsam min par don gyi ngos nas sdod lugs yod pa rang dbang ba'i
ngo bo'o/ /zhes gsungs so/ /des na/ rang sde bye brag smra ba
nas dbu ma rang rgyud pa la

thug pa'i bar gyi grub mtha' smra ba rnams tshad mas grub tshul
rang mtshan gyis grub pa dang btags don btsal nas rnyed par 'jog
pa la ni khyad par med pas/

@228a @#/ /de dag gi grub mtha'i dbang gis de ltar 'dzin pa de ni
skabs 'di'i sgro 'dogs kun btags dang rnal 'byor spyod pa pa'i
skabs kyi kun

btags rang gi mtshan nyid kyis ma grub par 'jog pa'i tshul de
yang/ skabs 'di'i rang mtshan gyis ma grub par 'jog pa dang ches
mi 'dra bas 'gal

ba'i skyon yang med do/ /de bzhin du rnal 'byor spyor ba ba'i
lugs kyi ngo bo dang khyad par du btags pa zhes pa'i btags tshul
de yang skabs 'di'i ming rkyang

btags yod tsam du 'jog pa'i btags tshul dang ches mi 'dra ba ni
gong du rim par bshad pa las gsal bar shes nus so/ /de ltar yang
legs bshad

snying por/ gal te rang sde bye brag smra ba nas dbu ma rang
rgyud pa la zug pa'i bar du tshad mas grub par 'dod pa'i don la
'di 'dra ba'i rang mtshan gyis grub

pa 'dod ces pa nas/ 'di pa'i ming du/ btags pa tsam dang mi
'dra'o/ /zhes pa'i bar gsungs so/ /gnyis pa/ nyan thos kyi sde
snod la brten nas

@228b kyang bdag med gnyis gsungs pa'i don bshad pa'i tshul ni/
de yang theg dman gyi sde snod las chos kyi bdag med ma bstan
cing gang zag gi bdag med

bstan par 'jog pa'i lugs 'di ni/ gtso bor nyan thos sde gnyis
kyi lugs/ dang mthun par bshad pa yin la/ de bzhin du rnal 'byor

spyod ba pa dang dbu ma rang rgyud pa gnyis kyang de bzhin du
bzhed pa ni/ gang zag gi bdag med phra mo'i 'jog tshul la khyad
par med pa'i dbang du byas pa yin

zhing/ thal 'gyur/ ba'i skabs 'dir ni theg dman gyi sde sdong
las chos kyi bdag med bstan par 'jog pa yin la/ de'i tshul yang
sangs rgyas

bskyangs kyis/ bcom ldan 'das kyis 'du byed rnams bdag med pa'i
dper sgyu ma dang brag cha dang gzugs brnyan dang smig rgyu
dang
rmi lam dang dbu ba

brdos pa dang chu'i chu bur dang chu shing gi phung po dag bstan
te/ 'di la de bzhin/ nyid dam ma nor ba de bzhin nyid ni 'ga'
yang/ med kyi 'di dag ni spros

@229a @#/ /pa yang yin/ 'di dag ni rdzun pa yang yin no zhes
kyang gsungs so/ /chos thams cad bdag med do zhes gsungs pa la
bdag med pa

zhes bya ba ni ngo bo nyid med pa'i don te/ bdag ces bya ba ni
sga ni ngo bo nyid kyi tshig yin pa'i phyir ro/ /zhes gsungs/
de'i don ni 'du byed thams cad bdag

med pa'i dper sgyu ma la sogs pa gsungs shing/ de yang/ 'du
byed/ kyi dngos po rnams ni sgyu ma dang 'dra ste/ sgyu ma mkhan
gyis sprul gzhi'i

rde'u shing bu rta glang du sprul ba'i tshe/ rta glang du snang
yang rta glang du ma grub pa bzhin du/ 'du byed kyi/ dngos po
rnams kyang rang bzhin gyis stong yang

'du byed kyi dngos po sogs su snang ba gang yin pa de ni skabs
'di'i sgyu ma'i dpe len tshul thun mong ma yin pa de nyid yin
cing/ de yang snang ba sgyu ma

lta bu'i dpe len tshul de nyid yin pas/ rnal 'byor spyod pa pa
sogs kyis/ sgyu ma'i dpe len tshul dang ni mi 'dra'o/ /stong pa
sgyu ma lta bu'i 'jog tshul ni/ chos

@229b nyid dang de bzhin nyid dang ma nor pa de bzhin nyid la
sogs pa'i stong nyid rnams kyang sgyu ma lta bur sbyor tshul yang
stong nyid de rnams rang bzhin gyis grub pa

dang rang gi mtshan nyid kyis grub pas stong yang stong nyid de
rnams yod par snang ba ni/ stong pa sgyu ma lta bu'i sbyor tshul
yin la/ de yang lhag mthong chen

mor ston pa sgyu ma lta bu'i don yod tsam la sgyu mar byas pa'i
don yang 'di nyid yin no/ /de bzhin du brag cha dang gzugs
brnyan dang rmi lam rnams ni 'du byed

kyi dngos po rnams la bden par med pa'i/ dpe don sbyor tshul
mtshungs shing/ dbu ba brdos pa dang chu bur dang chu shing dang
smig rgyu dang sgyu ma dang lnga ni/

mdo las/ /gzugs ni dbu ba brdos pa 'dra/ /chor ba chu yi chu pur
bzhin/ /zhes sogs kyis phung po lnga la rim pa bzhin bdag med pa
dang brdzun pa'i

dper spyar ba ltar yin no/ /de'i phyir 'du byed kyi dngos po
rnams ni spros pa yang yin rdzun pa yang yin pas na der gyur
pa'i stong pa nyid dang de bzhin nyid ni med

@230a @#/ /pas chos thams cad kyang bdag med do zhes gsungs la/
de'i don ni ngo bo nyid med pa'i don la byed pas bdag ces bya ba
ni ngo bo nyid

ces bya ba'i don yin pas bdag med pa dang ngo bo nyid kyis med
pa'i don no/ /de ltar yang legs bshad snying por/ rnal 'byor
spyod pa pa dang dbu ma rang

rgyud pa rnams theg dman gyi sde snod las chos kyi bdag med/ ma
bstan zhing/ zhes pa nas 'jug 'grel las kyang gzugs ni dbu ba
brdos pa 'dra/

zhes sogs nyan thos la bstan pa'i mdo las drangs nas chos kyi
bdag med bstan par gsungs shing/ zhes pa'i bar gsungs so/ /des
na/ thal

'gyur skabs 'dir nyan thos la bstan pa'i mdo las chos kyi bdag
med bstan pa ni nyan rang gnyis kyi byang chub thob pa la yang
chos kyi bdag med rtogs

zin bsloms pa la brten nas nyon sgrib spong dgos pa'i gnad kyis/
yin la chos kyi bdag med/ rdzogs par sgom pa ni min no/ /de yang
theg

@230b dman du shes sgrib spong ba'i mgo rtsom pa tsam yang med
pas rdzogs par mi sgom zhes/ bshad pa ni skabs 'di'i khyad par
ro/

de'i phyir rnal 'byor spyod pa pa dang dbu ma rang rgyud ba
gnyis kyi lugs la ni theg dman lam gyi bsgom bya'i gtso bo gang
zag gi bdag

med rtogs pa'i mkhyen pa dang/ spang bya'i/ gtso bo/ nyon sgrib
la byed pa yang spyir 'dra bas na theg dman gyi sde snod las
chos

kyi bdag med bstan bya'i gtso bor mi byed pa yang de la thug pa/
yin no/ /de'i phyir rigs pa drug cu pa'i 'grel pa las/ med lta
zlog pa

ni nyan thos sde pa la gsal bas de'i rigs pa mi bshad do/ /yong
lta zlog pa yang bden pa dam pa ni gcig ste 'di lta ste mi slu
ba'i chos can mya ngan las

'das pa'o/ /'du byed thams cad ni brdzun pa slu ba'i chos can
no/ /zhes gsungs so/ /de'i don ni skabs 'di'i med lta zlog pa ni
nyan thos sde pa

@231a @#/ /la gsal ba'i rgyu mtshan gyis de dag 'gog byed kyi rigs
pa'am rgyu mtshan ni rigs pa drug cu pa rtsa 'gel 'dir mi bshad
ces

pa'o/ /de yang nyan thos sde ba la med lta zlog pa'i tshul ni/
des rang bzhin gyis med na med pas khyab pa khas blangs pa 'dis
med lta khas blangs

bar song la/ de zlog byed kyi/ rigs pa'am rgyu mtshan ni rang
bzhin gyis grub pa las ldog ste yod pa dang tshad mas dmigs pa'i
rgyu mtshan gyis

gtan nas med par khas len pa'i khas len dang dam bca' 'gog la/
de 'gog byed kyi rigs pa rnams ni nyan thos sde pa la grags
shing gsal

bas 'dir gsal mi dgos zhes pa'i don dang/ yod lta ldog/ pa yang
bden pa dam pa stong nyid yin la/ 'di'i yod lta ni rang bzhin
gyis grub pa dang/

de las dngos su zlog pa yang rang bzhin gyi ba grub pas/ stong
pa'i stong nyid yin pas/ de ni snang tshul dang gnas tshul mthun
pa'i

@231b dam pa mi slu ba yang yin pas na bden pa dam pa dang/ bden
gnyis kyi/ nang nas rang bzhin/ gyis yod pa dang dngos 'gal du
song ba ni

stong nyid 'di gcig pu yin pas na gcig ste zhes smos la/ de ni
mi/ slu ba'i chos can dang yongs su mya ngan las 'das pa yang

yin no/ /de'i phyir 'du byed thams cad ni rdzun pa dang slu ba'i
chos yin zhes pa'i don yin no/ /de yang 'di la legs ldan/

gyis phung po lnga la sbyar ba'i dpe de dag gi sgo nas bdag med
du bshad pa 'di yang chos kyi bdag med phra mo'i dbang du ma
byas par gang zag gi bdag

med phra mo'i dbang du byas zhes 'grel ba dang/ theg dman thun
mong ma yin pa'i sde snod las chos kyi bdag med phra mo bstan na
theg chen bstan pa

don med du 'gyur ro zhes bkag cing/ de la theg chen du ni zab pa
dang rgya che ba'i phyogs gnyis ka rgyas par gsungs pa'i skyon
spong yang mdzad do/ /

@232a @#/ /de'i kyir legs bshad snying por/ lan mang du dang bar
med pa dang gzhung gcig tu bkod nas ma gsungs pas de'i/

rigs pa bshad par gsungs so/ /zhes pa nas/ de ltar na'ang nyan
thos kyi sde snod du chos la rang mtshan gyis grub pa'i rang
bzhin yod do zhes

ma gsungs par mi sgrub kyi de skad gsungs pa'i skabs kyang mang
ngo/ /zhes pa'i bar gsungs so/ /de yang 'du byed thams cad rdzun
pa slu pa'i chos

can no zhes sogs kyis chos kyi bdag med dang de gtan la 'bebs
pa'i rigs pa rnams bstan par gsungs/ shing/ de yang rtsa she
las/ /bcom

ldan dngos dang dngos med la/ /mkhyen pas ka ta ya na yi/ /gdams
ngag las ni yod pa dang/ /med pa gnyis ka'ang dgag par mdzad//
ces

gsungs pa ltar/ sangs rgyas bcom ldan 'das kyis gzugs sogs chos
rnams kyi steng du dngos po bden grub bkag nas bden med bsgrubs

@232b par mdzad la/ de ltar du 'phags pa ka ta la nas kyang rtag
chad kyi mtha' gnyis ka 'gog par mdzad do/ /de'i phyir/ /bcom
ldan 'das kyis chos

gang zhig/ /slu ba de ni rdzun zhes gsungs/ /'du byed thams cad
slu ba'i chos/ /de na de dag rdzun pa yin/ /zhes gsungs pa yang
rang bzhin med pa'i

don du gsungs par 'dra ba yin la/ rigs pa drug cu pa las kyang/
/mya ngan 'das pa bden gcig pu/ /rgyal ba rnams kyis nam gsungs
pa/ /de tshe

lhag ma log min zhes/ /mkhas pa su zhig rtog par byed/ /ces
gsungs pa yang rgyal ba rnams kyis chos kyi bdag med phra mo ni
dus nam kyi tshe gsung

na yang mi slu ba'i bden pa nyag gcig la gsungs shing/ de'i lhag
ma'am ldog zla ni rdzun pa yin pas/ dbu ma pa'i mkhas pa sus
kyang kun rdzob bden

pa brdzun par mi 'jog pa ni med pas/ de'i phyir theg dman gyi
sde snod las chos kyi bdag med phra mo bstan pa'i khungs su lung
'di rnams 'dren par

@233a @#/ /mdzad pa yin no/ /gang zag gi bdag med gtan la 'bebs
pa'i tshul yang/ thog mar rang rgyud pa nas bye brag smra ba'i
bar gyi gang zag

gi/ bdag med thun mong ba'i 'jog tshul ni/ legs bshad snying por/
gang zag gi bden med ni/ rang sde theg pa che chung gi grub
mtha' smra ba rnams

kyi ltar na/ gang zag phung po dang mtshan nyid mi mthun pa'i
rang rkya thub pa'i rdzas su/ med pa tsam la 'dod do/ /de'i tshul
ni nga zhes 'dzin pa'i gzhi'i

bdag 'di phung po'i rje bo lta bu dang phung po rnams de'i kho
la lta bur 'dzin te/ nga'i gzugs nga'i tshor ba zhes sogs su
'dzin pas phung po rnams bdag

de'i yin no zhes ngas dbang bar 'dzin pa'i phyir ro/ /des na rje
khol ltar phung po dang mtshan/ nyid mi mthun par rang rkya bar
snang la/ de bzhin du yod par

zhen pa ni rdzas su yod par 'dzin pa'o/ /de bkag pa na gang thag
de phung po la/ brtags pa tsam du 'gyur te/ tsam gyis ni phung
po las don gzhan du

@233b yod pa gcod do/ /zhes gsungs/ de'i don ni dbu ma rang
rgyud pa man chad kyi rang sde grub mtha' smra ba rnams kyis
gang zag gi bdag med phra mo'i 'jog

tshul ni phung po dang mtshan nyid mi mthun pa'i rang rkya ba'i
rdzas su med pa tsam la gsungs pa 'di'i 'grel tshul mi mthun pa
mang du snang yang rang gi go tshod

ltar na/ gang zag phung po dang mtshan nyid mi mthun pa'i mtshan
nyid kyi ngos 'dzin/ tshul ni phung po 'dus byas su mtshon pa'i
mtshan nyid can yin la/

de yang skad cig re rer skye 'jig byed pa'i rang bzhin can yin
zhing/ gang zag ni phung po ltar skad cig re rer skye 'jig byed
pa de ltar bu ma yin par phung po'i

rgyun la rjes su zhugs pa'i tshul gyis yod pas yod tshul de ni
phung po la bltos na ngo bo brtan pa/ skye 'jig mi byed pa'i
tshod lta bu zhig snang zhing/ de

ltar snang ba'i gang zag de spyir rtag pa yin par mi 'jog kyang
blo ngo der phung po skad cig re rer skye 'jig byed pa ltar gang
zag skad cig re rer skye 'jig mi

@234a @#/ /byed bar rigs 'dra'i rgyun brtan bzhig snang ba'i
dbang gis gang zag phung po dang/ mtshan nyid mi mthun pa zhes
'jog pa yin

gyi; mtha' gcig tu phung po 'dus byas su mtshon pa'i mtshan nyid
dang/ gang zag skye 'jig mi byed pa'i rtag pa'i rang bzhin can
gyi mtshan nyid mi mthun

pa tsam la byed pa min no snyam zhing/ gal te de ltar yin na
gang zag phung po dang mtshan nyid mi mthun pa'i rang rkya/ thub
pa'i rdzas yod du 'dzin

pa'i 'dzin pa dang/ phyi rol pas/ btags pa ltar gyi gang zag
rtag gcig rang dbang can du 'dzin pa'i 'dzin pa gnyis kyang

khyad par med par 'gyur dgos pa las/ de lta bu yang min no/ /de
yang gang zag rang rkya thub pa'i rdzas yod kyi 'dzin tshul ni/

nga zhes 'dzin pa'i gzhi'i bdag rang rkya thub pa 'di nyid phung
po'i rje bo lta bu dang phung po rnams de'i khol po lta bur
'dzin pa yin la/ de yang gzhi'i bdag

@234b 'dis rang dbang ba'i tshul gyis phung po rnams la dbang
bsgyur bas na gzhi'i bdag de rang rkya thub par yang song zhing/
'di'i rang rkya thub tshul yang phung

po'i rang bzhin can gyi rdzas tsam min pa'i rgyun brtan pa/
phung po'i rjes su 'gro ba'i 'brel ba tsam yod kyang/ phung po
dang bdag nyid gcig pa dang

ngo bo tha dad pa gang du yang mtha' gcig tu bzung du med pa'i
rang dbang ba'i rdzas gang yin pa de nyid brtag pa mtha' bzung
na rang rkya thub pa'i rdzas

yod kyi bdag i thi ba yin no/ /de'i phyir rang rkya thub pa'i
rdzas yod kyi bdag 'di ni phung po dang rje khol lta bur song
ba'i dpe 'dis ni

phung po dang bdag nyid gcig pa'i dbang du song ba ni min pas
de'i rjes su zhugs pa'i 'brel pa tsam gyi snang tshul ni byung ba
yin te/ dper na rje bo

de khol po yod med kyi rjes su 'brangs/ nas rje bor 'jog dgos pa
yin kyang/ rje bo dang khol po gnyis

@235a @#/ /bdag nyid gcig pa dang bdag cig 'brel gang yang yin mi
dgos pas dpe don de ltar mtshungs so/ /des na phung po dang gang
zag

gnyis rje khol lta bur tha snyad 'jal ba'i tshang ma la yang
snang zhing/ de ltar tshad mas grub pa yin mod kyang/ gang zag
dang phung po gnyis mtshan nyid

mi mthun pa'i rang rkya bar snang ba bzhin du yod par 'dzin pa
ni gang zag rang rkya thub pa'i rdzas yod du 'dzin pa yin pas/
'dzin tshul de nyid gnas ma

bu bas kyang 'thad ldan du bzhag ste brjod du med pa'i rdzas yod
khas blangs pa yin no/ /de ltar brjod du med pa'i rdzas yod 'jog
tshul 'di ni rang rkya

thub pa'i bdag gi 'jog tshul yin par gnas ma'i bu pas rigs pa'i
'phul mtshams tsam min par dngos su khas blangs pa yin no/ de'i

phyir 'jug pa rtsa 'grel/ mngon la brjod rtsa 'grel/ 'grel bshad
rgyal sras ma/ rtog ge 'bar ba sogs 'phags bod kyi gzhung lugs
khungs

@235b btsun pa thams cad 'dren pa mdzad de bstan bcos don gsang
snang ba dang don gsang lta ba'i mig 'byed sogs las gsal bar
mdzad pa bzhin shes

dgos so/ /de bzhin du/ gang zag rtag gcig rang dbang can du
'dzin tshul ni/ rang rkya thub pa'i bdag gi 'dzin tshul dang mi
'dra ba yang/ gong du gang

zag rang rkya thub pa'i rdzas yod kyi 'dzin tshul la phung po
skad cig re rer skye 'jig byed pa de lta bu min par gang zag gi
rdzas brtan pa snang ba'i snang tshul

de nyid la 'thad pa bcug ste gang zag de rtag pa dang/ gcig pu
dang/ rang dbang can gyi khyad par du byas nas 'dzin pa yin la/
de'i 'dzin stangs

kyi rtag pa de ni phyi rol pas brtags pa ltar gyi rtag pa de
nyid yin pas de ni gang zag rang rkya thub pa'i rdzas yod du
'dzin pa'i 'dzin pa de'i 'dzin stangs

kyi yul du mi 'jog pas na/ gang zag phung po dang mtshan nyid mi
mthun pa'i rang rkya thub pa'i rdzas/ yon du 'dzin pa'i 'dzin
tshul la

@236a @#/ /rtag gcig rang dbang can gyi 'dzin tshul tshang ba'i don
med do// de 'dra'i gang zag rtag gcig rang dbang can gyi bdag
khegs pas ni

gang zag de phyi rol bas brtags pa ltar gyi rtag pa yin pa gcod
la/ gang zag phung po dang mtshan nyid mi mthun pa'i rje khol
ltar gyi rang rkya thub pa'i rdzas

yod du grub pa bkag pas ni gang zag phung po la btags pa tsam
min pa gcod ces pa'i don no// 'di yang gang zag phung po la
brten nas btags pa'i

tshul ni/ rtog ge 'bar bar/ 'di ltar kho bo cag kyang tha snyad/
du rnam par shes pa la bdag gi sgra dngos su 'dogs te/ 'di ltar
rnam par shes pa

ni yang srid pa len pa'i phyir pa dag yin no zhes lus dang dbang
po'i tshogs dag la nye bar 'dogs pa'i phyir te/ zhes gsungs/ de'i
don ni

kho bo cag legs ldan 'byed kyang tha snyad du yid kyi rnam par
shes pa gang zag gi mtshan gzhir 'jog pa yin te/ de yang phung po
len pa po ni bdag

@236b yin la rnam par shes pas srid pa len pa'i rgyu mtshan gyis
gang zag ces tha snyad btags pa'i btags don btsal ba'i tshe rnyed
pa'i bdag ni yid kyi rnam

par shes pa yin no// de'i phyir lus dang dbang po rnam shes
tshogs pa la brten nas bdag ces nye bar 'dogs dgos zhes pa'i don
no// de ltar

yang legs bshad snying por/ zhes yan lag tshogs pa la brten nas
shing lta ltar phung po la brten nas sems can du 'dogs par
gsungs pa

'dren no// zhes pa nas/ gang zag gi bdag de dag gis de ltar 'dod
pa'i lung ni mang sa su dogs nas ma bris so// zhes pa'i bar
gsungs so//

des na rang rgyud pa man chad kyi gang zag gi bdag med phra mo'i
'jog tshul dang gang zag gi bdag ngos 'dzin lugs rnams de ltar
yin la/ de yang

gang zag rang rkya thub pa'i rdzas yod kyi bdag de la phyi rol
bas tshul bzhin ma yin par rnams grangs du mas 'thad pa bcug ste
yod par sgro btags

@237a @#/ /nas; rtag pa dang gcig pu dang rang dbang ba dang
phung po las don gzhan du khyad chos de gsum dang ldan pa'i sgo
nas yod

par bzung ba'i nang gi byed pa'i skyes bu yod pa 'jog la/ de
ltar 'jog pa'i skyes bu de ni phyi rol pa rnams kyis yod par
'jog pa'i rtsa ba rang rkya

thub pa'i rdzas yod kyi bdag de nyid gzhir bzung nas de 'dra'i
skyes bu de nyid/ yod par dam bca' ba dang/ yod pa bzung ba yin
pas/ rgyu

mtshan des phyi rol pas kun btags pa'i nang gi byed/ pa'i skyes
bu yod par bzung ba'i yul yin zhes bzhag pa yin gyi/ spyir rang
rkya thub pa'i

rdzas yod kyi bdag de nyid phyi rol pas kun btags pa'i bdag
'dzin kun btags de'i dmigs yul dang 'dzin stangs/ kyi yul gnyis
su phye ba'i

dmigs yul dang 'dzin/ stangs kyi yul gang du yang 'jog pa min
nam snyam pas de ltar dpyad par bya ba'i gnas su gsol lo// de
ltar

@237b yang legs/ bshad snying por/ gzhan yang rang rkya thub
pa'i rdzas yod kyi bdag de ni phyi rol pas phung po las don
gzhan du kun btags pa'i nang gi

byed pa'i skyes bu yod par bzung ba'i yul yin la/ zhes gsungs
so// de bzhin du bdag 'dzin kun btags de dag gi zhen yul med par
mngon sum du

rtogs zin goms par byas kyang/ 'di'i skabs kyi bdag 'dzin gyi
zhen yul la ci yang mi gnod cing/ bden 'dzin mngon gyur pa mgo
gnon pa tsam

yang mi nus so// de ltar yang dbu ma 'jug pa las/ /khyod kyi
rnal 'byor bdag med mthong ba yis/ /gzugs sogs de nyid rtogs par
mi 'gyur

zhing/ /gzugs la dmigs nas 'jug phyir 'dod chags sogs/ /skye
'gyur de yi ngo bo rtogs med phyir/ zhes dang/ rigs pa drug cu
pa'i 'grel

pa las kyang/ /gang dag gzugs la sogs pa rnams kyi rang bzhin
dmigs kyang nyon mongs pa rnams spong bar 'dod pa de dag la ni/
nyon mongs pa

@238a @#/ /spong ba mi srid pa nyid do// zhes bstan pa'i phyir/
gsungs pa/ /gnas bcas sems dang ldan rnams la/ /nyon

mongs dug chen cis mi 'byung/ /gang tshe bar mar 'dug pa yang/
/nyon mongs sprul gyis zin par 'gyur/ zhes gsungs/ de rnams kyi
don ni de

yang gang zag rang rkya thub pa'i rdzas yod kyis stong pa mngon
sum du rtogs pa tsam gyis gzugs sogs kyi de kho na nyid rtogs
par mi 'gyur la/

de'i phyir gzugs la dmigs nas chags sdang rmongs gsum skye bar
'gyur ba de ldog par mi nus shing/ de yang ngo bo nyid kyis med
par ma rtogs

pa'i phyir ro// zhes pa'i don dang/ byis pa gang dag nyon mongs
pa rnams spong bar 'dod kyang gzugs la sogs pa rang bzhin gyis
yod par dmigs

pa de dag la ni nyon mongs pa gtan nas spong ba mi srid pa nyid
do zhes bstan pa yin la/ de yang nyon mongs thams cad skyed par
byed pa'i gnas ni

@238b gti mug bden 'dzin yin la/ de dang bcas pa'i sems dang
ldan pa rnams la ni nyon mongs pa'i dug chen de dag ci'i phyir
mi 'byung/ gang gi tshe

nyon mongs pa drag po slong ba'i rkyen dang ma phrad pa bar mar
'dug pa'i skabs shig byung na yang de ma thag nyon mongs/ pa'i
dug/ sbrul gyis

zin par 'gyur bas na/ gzugs sogs rang bzhin gyis grub par lta
ba'i lta ba ngan pa 'di ma ldog phyin/ nyon mongs pa'i 'phrang
las/ dus nam kyi

tshe yang thal ba mi srid ces pa'i don no// des na rang sde dngos
por smra ba rnams kyis gang zag btags yod du 'jog tshul ni/ de
yang nyan thos kyi sde snod

las; /ji ltar yan lag tshogs rnams la/ /brten nas shing ltar
brjod pa ltar/ /de bzhin phung po rnams brten nas/ /kun rdzob
sems can zhes

bya'o// zhes gsungs pa ltar/ shing rta'i yan lag tshogs pa la
brten nas shing rtar 'jog pa bzhin du/ phung po rnams tshogs pa
la brten nas

@239a @#/ /gang zag 'jog par gsungs pa'i btags yod phra mo'i/
'jog tshul dang mi mthun par/ yan lag tshogs pa la brten nas

shing rtar 'jog rgyu ni shing rta'i yan lag tshogs tsam de nyid
'jog pa yin la/ de ni rung ba ma yin te/ yan lag la brten nas
bzhag pa'i shing

rta yan lag tu mi rung bas/ de ltar na yan lag can shing rta
yang bzhag tu med par 'gyur ro// de'i phyir/ yan lag can med
de'i yan lag kyang

med; ces 'jug pa rtsa 'grel du rgyas par bkag pa bzhin shes par
bya'o// de bzhin du phung po 'dus pa tsam la brten nas ya gang
zag 'jog tshul ni/

phung po 'dus pa tsam bdag tu bzhag pa yin pas de yang mi rigs
te/ 'jug pa las/ /mdo las phung po brten nas yin gsungs pa/ de

phyir phung po 'dus tsam bdag ma yin// zhes dngos smra ba rnams
'gog par mdzad do// yang dngos smra ba rnams kyis bdag lta'i
dmigs par

@239b phung po rnams 'jog dgos pas na phung po bdag yin no zhes
smra bar byed do// mdo las/ dge sbyong dang bram ze gang dag
bdag go snyam du lta ba ni phung

po lnga po 'di dag kho na la lta'o// zhes khungs su drangs nas
phung po bdag tu 'jog pa'i don du 'grel la de ni rigs pa ma yin
te/ de'i don ni bdag lta'i

dmigs par phung po las don gzhan pa'i bdag bkag nas phung po
dang ngo bo gcig pa'i bdag tu lta ba'i don du 'jog dgos pa yin
te/ de ltar yang

legs bshad snying por/ zhes gsungs pas phung po bdag lta'i dmigs
par gsungs la de ltar na de dag bdag yin no snyam na/ de ni
sgrub pa'i

tshul gyis phung po bdag lta'i dmigs par ston pa min gyi/ phung
po las don gzhan du bdag lta'i dmigs pa yod pa kho na'i sgras
'gog pa yin te

zhes gsungs so// de bzhin du/ gzugs bdag ma yin bdag ni gzugs
kyang ma yin pas/ phung po lnga char bdag tu 'dod pa yang bkag
pa yin te/

@240a @#/ /'jug pa las/ /gang phyir ston pas phung po bdag go
zhes/ /gsungs pa de phyir phung po bdag 'dod na/ /de ni phung
las gzhan

bdag 'gog pa ste/ /gzugs bdag min sogs/ mdo gzhan gsungs phyir
ro// zhes gsungs/ de'i don ni dngos smra ba rnams rgyu mtshan
gang gi

phyir phung po bdag tu 'dod pa yin snyam na/ de yang ston pas
phung po bdag go zhes gsungs pa de'i rgyu mtshan gyis de bdag tu
'dod pa yin no// de ni de

ltar ma yin te/ de'i don phung po las don gzhan pa'i bdag 'gog
pa'i dbang du byas nas gsungs shing/ mdo gzhan las ni gzugs bdag
min

pa sogs su gsungs pa'i phyir ro zhes pa'i don no/ de ltar gsungs
pa 'dis ni 'jig tshogs la lta ba'i tshul thun mong ba 'jig lta nyi
shu'i 'dzin

tshul yang don gyis shes shing/ skabs 'di'i thun mong ma yin pa'i
ngar 'dzin lhan skyes dang 'jig lta lhan skyes kyi dmigs rnams
'jog tshul yang

@240b 'di ltar yin te/ legs bshad snying por/ 'dis 'jig tshogs la
lta ba/ zhes gsungs pa'i sgra'i don yang shes par bya'o// de dag

gis ni ngar 'dzin lhan skyes la dmigs pa dang rnam pa gnyis yod
pa'i/ dmigs pa'i yul tha snyad du yod par ngos bzung ba yin no//

rnam pa'i yul ni bdag de rang gi ngo bos yod do snyam du bzung/
bas bdag rang gi mtshan nyid kyis grub pa'o// 'di ni tha snyad du
yang med do//

nga yir 'dzin pa'i 'jig lta lhan skyes kyi dmigs pa ni nga yi
ba'o// rnam pa ni nga yi ba rang gi mtshan nyid kyis grub par
'dzin pa'o// zhes gsungs so/

de yang lhan skyes kyi 'jig ltas gang zag/ phung po dang gcig
dang tha dad kyi rnam par dpyad nas mi 'dzin kyang/ 'jig ltas

bzung ba ltar gyi don de yod na don gcig dang tha dad gang rung/
las mi 'da' bas 'gog pa'i tshe na yang de ltar brtags nas 'gog
rigs so/

@241a @#/ /de bzhin du phung po ni bdag gi nye bar blang bya dang
bdag ni phung po nye bar len pa po yin pas phung po bdag yin na
nye bar len pa

po dang blang bya gcig tu 'gyur ba'i skyon yod do/ /de ltar yang
rtsa she las/ /gal te shing de me yin na/ /byed pa po dang las
gcig 'gyur/ zhes dang/

me dang shing gis bdag dang ni/ /nye bar blang ba'i rim pa kun/
/bum snam la sogs lhan cig tu/ /ma lus par ni rnam par bshad/
/ces gsungs

ba ltar/ me ni sred byed shing ni bsreg bya yin pas bsreg bya
bsreg byed gcig tu 'gyur ba dang/ de ltar na bum snam sogs dang
nye bar

blang bya'i rim pa ma lus pa kun bya byed gcig tu thal bar 'gyur
zhes pa'i don no/ /de bzhin du/ rtsa she las/ /de bzhin nyer len
shes par

bya; zhes gsungs ba ltar/ nye bar len pa bo dang blang bya dang
byed pa po dang bya ba rnams kyang phan tshun bltos nas grub par
'jog dgos kyi/

@241b rang gi ngo bos grub par mi 'jog pas na nye bar blang bya
la sogs ba'i tha snyad 'thad do/ /de ni 'jig rten na yang mig
gis gzugs mthong

ba na ngas mthong zer ba dang/ nga'i rkang lag na ba dang sos pa
la/ nga na ba dang sos zer ba'i tha snyad bsnyon med

byed pa ltar 'jog rigs so/ /tshul des ni phyi nang gi chos thams
cad kyang/ 'jig rten gyi tha snyad don mthun dang bstun nas

'jog dgos pa sha stag dang/ btags yod ming rkyang tsal la las
'bras kyi rnam bzhag phra/ mo'i 'jog tshul rnams kyang legs par/
shes

dgos pa ni/ de yang/ /ji ltar yan lag tshogs rnams la/ zhes sogs
kyi don 'jug pa rtsa 'grel du bkral pa bzhin shes par bya'o/ /de
ltar

yang legs bshad snying por/ 'on kyang lhan skyes kyi 'jig ltas
bzung ba ltar yod na gcig dang don gzhan las mi 'da' bas/ de
ltar btags

@242a @#/ /nas 'gog pa yang 'thad do/ /zhes pa nas/ 'di nyid
sangs rgyas bskyangs kyi 'grel pa'i dgongs pa'i yang dngos gzhir
snang ngo/ /

zhes pa'i bar gsungs so/ /gnyis pa/ de la brten nas 'phags pa'i
dgongs pa 'grel tshul thun mong ma yin pa bstan pa'i tshul la/
bdag med rtogs

pa dang bdag 'dzin phra rags sogs kyi thun mong ma yin pa'i
khyad par bstan tshul dang/ phyi don 'jog cing kun gzhi dang rang
rig khas mi len pa'i

thun mong ma yin pa'i khyad par bstan tshul dang/ rang rgyud khas
mi len pa'i thun mong ma yin pa'i khyad par bstan tshul lo/ /dang
po ni/ de yang gang

zag dang chos thams cad btags don btsal nas mi 'jog par tha
snyad kyi dbang gis bzhag pa la rgyu 'bras dang 'khor 'das bden
gnyis sogs

kyi rnam bzhag 'thad pa 'di ni sangs rgyas bskyangs zla ba grags
pa rnams kyis 'phags pa'i dgongs 'grel tshul bla na med pa mdzad
pa yin no/ /

@242b de'i phyir chos yang dag par sdud pa las/ rigs kyi bu 'jig
rten gnas pa ni skye ba dang 'gag pa la mngon par zhen pa yin
pas/ de la de bzhin

gshegs pa thugs rje chen po can gyis 'jig rten gyi skrag pa'i
gnas yongs su spang ba'i phyir tha snyad kyi/ dbang gis skye'o
'gag go zhes gsungs

kyi rigs kyi bu 'di la chos 'ga' yang skye ba ni med do/ /zhes
gsungs/ de'i don ni de yang 'jig rten gnas pa ni skye ba dang
'gag pa la mngon

zhen pa gang yin pa de dag la ni de bzhin/ gshegs pas thugs
rje'i spyan gyis 'jig rten la gzigs nas skrag pa'i

gnas skye ba dang 'gag pa yongs su spang ba'i phyir du skye 'gag
de dag/ tha snyad kyi dbang gis skye ba dang 'gag par gsungs
kyi/ rang bzhin gyi

skye 'gag ni med do zhes pa'i don no/ /de ltar yang stong nyid
bdun cu pa las/ gnas pa'am skye 'jig yod med dam/ dman pa'am
mnyam pa'am

@243a @#/ /khyad par can/ /sangs rgyas/ 'jig rten snyad dbang
gis/ /gsungs/ gyi lang dag dbang gis min/ zhes gsungs/

de'i don yang skye gnas 'jig gsum yod med dang/ mchog dman bar
ma sogs kyi khyad par rnams

kyang 'jig rten gyi tha snyad kyi dbang du byas nas gsungs/ kyi/
dngos po'i sdong lugs kyi dbang gis/ grub pa ni min no

zhes pa'i don du gsungs so/ /de bzhin du/ yum gyi mdo la sogs
par 'jig rten gyi tha snyad du yod do zhes gsungs pa'i/ don ltar
chos

rthams cad tha snyad du yod par 'jog dgos shing/ de yang 'jig
rten gyi tha snyad las ni sa bon las myu gu skye bar 'jog pas
brtags shing

dpyad nas mi 'jog par ma brtags ma dpyad par 'jog dgos pa ni
slob dpon 'phags pa'i lugs/ srol dri ma med pa yin no/ /de'i

@243b dbang gis phung po las rdzas tha/ dad pa dang phung po
tshogs tsam la sogs pa yang gang zag tu mi 'jog pa ni 'jig rten
gyi tha snyad dang

mthun pa yin no/ /de'i phyir 'jig rten gyi tha snyad ya ni bdag
dang bdag gi ba gnyis kyang rje khol ltar 'jog la/ phung po dang
phung po tshogs tsam

gnyis ka yang gang zag gi mtshan gzhir 'jog pa ma yin no/ /des na
rje khol gyi dpe 'di la tha snyad du yod med gnyis kar sbyor
tshul yod pas na

mtha' gcig tu rang rkya thub pa'i rdzas yod kyi bdag gi 'dzin/
tshul gyi dper bzung dgos so snyam du 'dzin pa yang mi 'thad do/
/de'i phyir

skabs 'dir chos bdag grub mthas yod par khas len na khas len de
mdor bar du gang zag gi bdag med rtogs pa med par gsungs pa

yang bdag gnyis la phra rags mi 'byed pa'i gnad kyis yin no/
/de'i dbang gis 'jug 'grel las kyang/ chos kyi bdag tu 'dzin pa
mi 'dor

@244a @#/ /na gang zag gi bdag med mi rtogs par/ gsungs/ ba'i don
'grel tshul yang snga ma 'di dang 'dra'o/ /skabs 'dir nyan rang

'phags pas bdag med gnyis ka mngon/ sum du rtogs dgos par 'jog
pa yang slob dpon 'phags pa'i bzhed pa dam pa yin no/ /de ltar

yang rigs pa drug cu ba las/ /yod pas rnam par mi grol te/ /med
pas sring pa 'di las min/ /dngos dang dngos med yang shes

pas/ /bdag nyid/ chen po rnam par grol/ zhes gsungs/ de'i don
chos rnams rang gi/ mtshan nyid kyis yod par 'dzin pa'i yod ltas
ni

mtho ris su skye ba'i gegs mi byed kyang 'khor ba las grol ba'i
gegs kyi gtso bo byed cing/ las 'bras med par lta ba'i med ltas
ni ngan song

du ltung bas srid pa las mi 'da' bar byed do/ /des na/ rang gi
mtshan nyid kyis yod med kyi khyad par yongs su shes pas ni rnam
par grol ba

@244b thob par 'gyur zhes pa'i don no/ /de ltar yang legs bshad
snying por/ yum gyi mdo la sogs pa las 'jig rten gyi tha snyad
du yod do zhes

gsungs pa ltar dbu ma bas tha snyad du 'jog dgos la/ zhes pa
nas/ mtha'/ gnyis dang bral ba shes pas grol bar gsungs pa'i

pa'i phyir ro/ /grol zhes pa shes sgrib las grol ba la drang du
mi rung ste srid pa/ 'di las zhes gsungs pa'i phyir ro/ /zhes
ba'i bar

gsungs so/ /de bzhin du 'khor ba las grol ba la ni yod med gyi
mtha' gnyis ka dang bral ba dgos pa yang/ rin chen phreng ba
las/ /de bzhin

smig rgyu lta bu yi/ /'jig rten yod ce'am med pa zhes/ /'dzin pa
de ni rmongs pa ste/ /rmongs pa yod na mi grol lo/ /yod pa pa ni
bde 'gror 'gro/

med pa ba ni ngan 'gror 'gro/ /yang dag ji bzhin yang/ shes
phyir/ /gnyis la mi rten thar bar 'gyur/ zhes gsungs/ de'i don
yang yod med

@245a @#/ /kyi mtha' gnyis su 'dzin pa'i rmongs pa de yod na
'khor ba las mi grol zhing 'jig rten 'di smig rgyu dang 'dra bar
yang dag par ji lta

ba bzhin yongs su shes pa nges ni rtag chad kyi mtha' gnyis dang
bral ba'i thar pa thob par 'gyur zhes pa'i don yin no/ /de ltar
yang legs bshad snying

por/ des na theg pa chen po las gzung 'dzin rdzas gzhan bkag pa
la chos kyi bdag med du gsungs nas gnyis stong gi shes pa la
rang bzhin ma bkag

pa dang/ zhes pa nas/ dngos po'i ngo bo nyid med pa mthong ba'i
tshe gnas med pa la chags sngar mi skye ba dang/ zhes pa'i bar
gsungs so/ /de yang

gzung 'dzin rdzas gzhan gyis stong ba'i stong nyid chos kyi bdag
med phra mor 'jog pa sems tsam pa dang/ de chos kyi bdag med
rags par 'jog pa

thal rang gnyis ka la 'dra ba dang/ chos kyi bdag 'dzin nyon
sgrib tu 'jog pa ni thal 'gyur ba gcig bu'i lugs yin pas de dag
gi khyad par rnams

@245b bstan pa yin no/ /de'i shes byed du brgya pa pas/ /srid
pa'i sa bon rnam shes te/ /yul rnams de yi spyod yul lo/ /yul la
bdag med mthong na ni/

srid pa'i sa bon 'gag par 'gyur/ zhes gsungs/ de'i don/ yang
srid pa'i sa bon dang bag chag sa gso bar phyed pa yang gti mug
bden 'dzin nyid yin la/

de'i rigs 'dra bar ma chad par 'byung ba yang rnam par shes pa
nyid yin pas de'i spyod yul gzugs sogs kyi chos rnams rang bzhin
med pa'i don du mthong

na ni srid pa'i sa bon 'gag par 'gyur ro zhes pa'i don no/ /de
ltar yang legs bshad snying por/ des ni chags sdang gnyis kyi ya
gyal gyi gti mug

dngos po'i bden 'dzin dang srid pa'i sa bon du bshad cing/ de
ldog pa la bdag med mthong dgos pa dang/ de yang dngos po rang
bzhin med par mthong ba

nyid la gsungs pas gang zag dang chos kyi dngos po bden par
'dzin pa nyid nyon mongs can gyi ma rig par bzhed do/ /zhes
gsungs so/ /des na gti

@246a @#/ /mug bden 'dzin de nyid spyir srid pa'i sa bon min
kyang/ srid pa'i rtsa ba byed pa'i nus pa sa bon dang 'dra bas
na der bshad do/ /de ni

skabs 'dir shes sgrib min gyi nyon mongs can gyi ma rigs par
'jog dgos pa yin te/ brgya ba'i 'grel pa las/ rnam par shes pa
dngos po'i rang

gi ngo bo lhag par sgro 'dogs par byed pa nyon mongs pa can gyi
mi shes pa'i dbang gis dngos po/ /rnams la chags pa dang/ ldan
zhing/ 'khor ba

'jug pa'i sa bon du gyur ba/ rnam pa thams cad du 'gags pa las
'khor ba ldog par rnam/ par bzhag go/ zhes gsungs so/ /de'i
phyir

nyon mongs can gyi ma rig pa'i dbang gis chags ldang skye zhing/
de'i dbang gis las bsags/ nas 'khor bar 'jug pa'i sa bon dang
'dra ba de nyid

rnam pa thams cad du 'gags pa las 'khor bar ldog par bzhag pa'i
don no/ /de ltar yang 'jug 'grel las/ ma rig pa dngos po'i rang
gi

@246b ngo bo yod pa ma yin pa sgro 'dogs par byed pa rang bzhin
mthong ba la sgrib pa'i bdag nyid can ni kun rdzob bo/ /zhes
dang/ de ltar na srid pa'i yan

lag gis yongs su bsdus pa'i nyon mongs pa can gyi ma rig pa'i
dbang gis kun rdzob kyi bden pa rnam par bzhag go/ zhes gsungs
pa ltar/ ma

rig pa ni dngos po rnams kyi rang bzhin mthong ba sgrib par byed
pa pa yin la/ ma rig ba de'i dbang gis kun rdzob kyi bden pa
rnam par 'jog tshul

yang 'di'i kun rdzob ni nyon mongs can gyi ma rig pa yin pas/
de'i ngor/ bden/ pas na kun rdzob bden pa zhes rnam par 'jog
cing/ de

'dra'i ma rig pa de ni yan lag bcu gnyis kyi dang por yang
gsungs pas de la gang zag dang chos kyi/ bdag 'dzin gnyis su
phye ste nyon mongs

can gyi ma rig pa dang 'khor ba'i rtsa bar yang bshad do/ /de
dang 'dra bar 'jig lta lhan skyes kyang 'khor

@247a @#/ /ba'i rtsa bar gsungs shing/ de'i dmigs pa'i da ni
gzhan rgyud kyi nga min gyi rang rgyud kyi nga yin pas de la
dmigs pa'o/ /de ltar

yang legs bshad snying por/ dngos po bden 'dzin nyid nyon mongs
can gyi ma rig pa yan lag bcu/ gnyis kyi dang por gsal bar bshad
do/ /zhes

pa nas/ rgyud gzhan gyi gang zag rang gi mtshan nyid kyis grub
par 'dzin pa gang zag gi bdag 'dzin yin yang 'jig lta min no/
/zhes pa'i bar gsungs

so; de yang phyi nang gi chos rnams rang bzhin gyis stong bar
rtogs na yan lag bcu gnyis kyi thog ma'i ma rig pa'i zhen yul
med par des nus

shing/ de'i dbang gis yan lag bcu gnyis po rnams kyang 'gag par
'gyur bar gsungs so/ /de ltar yang stong nyid bdun cu pa las/
/rgyu dang

rkyen las skyes dngos rnams/ /yang dag/ par ni rtog pa gang/ /de
ni ston bas ma rig gsungs/ /de las yan lag bcu gnyis 'byung/

@247b zhes gsungs pa ltar/ dngos po rnams yang dag par rtog ba
ste bden par 'dzin pa gang yin pa de ni ston pas ma rig par
gsungs shing/ de las yan

lag bcu gnyis 'byung zhes pa'i don/ yin no/ /de ltar yang brgyab
las/ /lus la lus dbang ji bzhin du/ /gti mug

kun la gnas 'gyur te/ /de phyir nyon mongs thams cad kyang/ /gti
mug bcom pas bcom par 'gyur/ /rten cing 'brel par 'byung ba ni/
/mthong

na gti mug 'byung mi 'gyur/ /de phyir 'bad pa kun gyis 'dir/
/gtam de kho na bsnyad par bya/ zhes gsungs/ de'i don ni dper na
lus la lus kyi

dbang po/ de 'bral ba med par gnas pa de bzhin du/ gti mug bden
'dzin kyang chags sogs nyon mongs pa kun la gnas pa ste de'i
dbang du

btang nas chags sdang sogs kyi las la sbyor bar byed pas na/
rgyu mtshan des nyon mongs pa thams cad kyang rtsa ba gti mug
bcom pas de'i

@248a @#/ /dbang gis 'joms par 'gyur ro/ /de'i phyir rten 'byung
mthong pas gti mug thams cad 'byung bar mi 'gyur ro/ /des na
'bad pa kun

gyis rten 'byung gi don ston pa'i gtam 'di kho na bsnyad par bya
zhes pa'i don yin no/ de ltar yang legs bshad snying por/ dug
gsum gyi ya gyal gyi ma rig

pa ldog pa la rten 'byung/ mthong ba/ dgos par gsungs te/ zhes
pa nas/ grub mtha' smra ba dang shags 'gyed pa tsam

gyi mkhas pa la dga'/ bar mi bya'o/ /zhes pa'i bar gsungs so/
/des na/ dbu ma'i rigs pa thams cad kyang ma rig

pa'i 'dzin stangs sun phyung ba'i dbang du byas pa sha stag yin
zhing/ de yang rang rgyud kyi ma rig pa lhan skyes kyis ji ltar
bzung ba'i yul ngos zin par

byas nas rang bzhin gyis grub pa bkag ste 'khor ba'i rtsa ba
gcod par byed dgos pas na/ 'khor ba'i rtsa ba bdag 'dzin lhan
skyos gnyis kyi 'dzin

@248b stangs la yang mi mthun pa gnyis med pa lugs 'di'i thun
mong min pa yin no/ /de la spyir gang zag rang rkya thub pa'i
rdzas yod du 'dzin pa'i 'dzin pa la

yang lhan skyes kyi 'dzin pa yod mod kyang/ gang zag phung po
dang mtshan nyid mi mthun pa'i rang rkya bar 'dzin pa ni grub
mthas blo ma bsgyur ba la med pas na

kun btags kho nar 'jog dgos so// de ltar yang legs bshad snying
por/ 'o na chos dang/ gang zag gi bdag/ 'dzin kyi lhan skyes

'dzin stangs mi mthun pa gnyis gnyis ni med pas/ rang rgyud pas
bshad pa de dag ji ltar/ yin snyam na/ de la phung po dang
mtshan/

nyid mi mthun pa'i gang zag rang rkya thub pa'i/ rdzas yod du
'dzin pa ni/ gang zag rkang lag sogs kyi chos las rdzas gzhan du
'dzin pa

yin pas grub mthas blo ma bsgyur ba la med de/ zhes gsungs so/
/des na/ gang zag phung po dang mtshan nyid mi mthun pa'i rang
rkya thub

@249a @#/ /[@##line apparently missing this page] pa'i rdzas yod du
'dzin pa'i 'dzin pa des phung po dang mtshan nyid mi mthun par
'dzin tshul gong du rgyas par bshad zin pa ltar

yin la/ khyad par rkang lag sogs kyi chos las rdzas gzhan du
'dzin pa yang phung po'i nang nas gzugs kyi phung po ni skye ba
de dang der gsar du

tar tar bo de'i rjes su yan lag 'gyus pa sogs 'byung bas na/
thog mar skye ba de dang de'i gnas skabs kyi gang zag tu grub
nas de'i rjes su

rkang lag sogs grub dgos pa ni 'jig rten gyi grags pas 'grub
cing/ tha snyad du yang de gnyis snga phyir grub pas na blo des
rang rkya ba'i

rdzas gzhan du 'dzin par bzhag kyang chog gam snyam mo/ /de ltar
yang 'jug pa las/ /gang phyir 'jig rten sa bon tsam btab nas/
/bdag

@249b gis bu 'di bskyed ces smra byed cing/ /shing yang btsugs
so snyam du rtogs des na/ /gzhan las skye ba 'jig rten las kyang
med/ /ces gsungs

pa ltar/ gzhan las skye ba ni 'jig rten la yang med de/ rgyu
mtshan gang gi phyir na 'jig rten pa rnams bu bskyed pa dang sa
bon btab pa dang shing

btsugs pa na bdag gis bskyed do/ /bdag gis btsugs so snyam pa'i
rtog pa don mthun skye yi/ rang dang 'brel pa gang yang med pa'i
rang gi

mtshan nyid kyis grub pa'i rgyu gzhan las ngang gi mtshan nyid
kyis grub pa'i 'bras bu gzhan bskyed par mi 'dod pas/ 'jig rten
gyi tha snyad du yang

gzhan las skye ba med ces pa'i don no/ /de ltar yang legs bshad
snying por/ shing sdong/ gi sa bon tsam zhig btab nas bskyed pa
la shing sdong

bstan nas/ 'di bdag gis btsugs so zhes tha snyad 'dogs pas na
zhes sogs gsungs so/ /des na skabs 'dir rang gi mtshan nyid kyis

@250a @#/ /grub pa'i rgyu 'bras tha snyad du yang mi 'dod cing/
de'i gnad kyis rang rgyud pas 'dod pa'i chos kyi bdag 'dzin lhan

skyes su 'jog pa rnams/ kyang skabs 'dir kun btags su 'jog dgos
pa yin no/ /'di'i kun btags kyang grub mthas kun btags pa'i

kun btags dang/ rang rgyud pa'i thun mong ma yin pa'i chos kyi
bdag 'dzin lhan skyes su byed tshul rnams yin pas 'di dag gi zhen
yul med

pa chos kyi bdag med du 'jog nus pa yang min pas na/ thal rang
gnyis kyi lugs la chos kyi bdag med la phra rags shin tu che bas
kyang

shes nus so/ /de'i phyir legs bshad snying por/ 'di dag ni 'jig
rten gyis de ltar smra ba tsam du ma zad de bzhin du 'dod dgos
te/

zhes ba nas/ rigs pa de dag gi gnad kyis rang rgyud pas bshad
pa'i chos kyi bdag 'dzin lhan skyes su 'dod pa yang kun btags su
bya'o/ /zhes pa'i

@250b bar gsungs so/ /de bzhin du/ skabs 'di'i shes sgrib 'jog
tshul yang rang rgyud pa man chad dang ches mi 'dra bas

bag chags kyi cha nas 'jog dgos la/ de'i ngos 'dzin tshul yang
'jug 'grel las/ de la ma rig pa'i bag chags ni

shes bya yongs su gcod pa'i gegs su gyur pa yin la/ 'dod chags
la sogs pa'i bag chags yod pa ni lus dang ngag dag gi 'jug pa de
lta bu'i

rgyu yang yin te/ ma rig ba dang 'dod chags la sogs pa'i bag
chags de yang rnam pa thams cad mkhyen pa dang sangs rgyas kho
na la ldog par 'gyur

gyi gzhan dag la ni ma yin no/ /zhes gsungs/ de'i don ni ma rig
pa'i bag chags zhes pa de nyid shes bya'i gnas tshul ji lta ba
bzhin/ mthong ba la

sems rgyud 'bag bar byed cing las su mi rung bar byed pa'i gnas
ngan yin gyi cha de la bag chags zhes bya la/ de ni lus ngag gi
'jug pa'i rgyu yang

@251a @#/ /byed cing/ de ltar byed tshul yang dgra bcom pa nyon
mongs thams cad srangs kyang nyon mongs pa'i bag chags yod pa'i
rtags

su lus kyis spri'u ltar mchong ba dang/ dag gis gzhan la rmangs
mo zhes zer ba'i lus ngag gi gnas ngan len de lta bu yod par
gsungs la/ de 'dra'i

gnas ngan len phra mo bag chags kyi cha de nyid sangs rgyas kyis
kho na la ldog pa yin gyi de man chad la ni gtan nas spangs pa
med ces pa'i don no/ /

de ltar yang legs bshad snying por/ 'di las gsal ba'i ngos 'dzin
lugs 'di'i skor dang yab sras kyi gzhung rtsod med las ma byung
ngo/ /zhes pa

nas; de'i 'bras bu gnyis snang 'khrul pa'i cha thams cad kyang
der bsdu'o/ /zhes pa'i bar gsungs so/ /de yang nyon mongs pa'i
bag chags kyis

bskyed pa'i gnyis snang 'khrul pa'i cha thams cad kyang sgrib pa
gnyis kyi nang nas gis sgrib kyis bsdus par gsungs so/ /de ltar
yang 'jug 'grel las

@251b gang gis sems kyi rgyud 'bag par byed cing sgo bar byed la
rjes su sgrod par byed pa de ni bag chags te/ nyon mongs pa'i
mur thug pa dang goms

ba dang rtsa ba dang bag chags zhes bya ba rnam grangs so/ /zhes
gsungs pa ltar/ bag chags de la byed las kyi sgo nas phye na
sems kyi rgyud 'bag par

byed pa dang rjes su sgo bar byed pa dang rjes su sgrod par byed
pa gsum yin la/ ngo bo'i rtsam grangs phye na mur thug pa dang
goms pa dang rtsa ba dang

bag chags te bzhir 'byed par mdzad do/ /de lta bu'i sgrib pa
spong ba'i lam dngos ni de kho na nyid rtogs pa'i lam de rnams
yin la/ des kyang gang

nas spong ba'i sa mtshams ni sa brgyad pa nas spong ba'i mgo
rtsom zhing/ de yang theg pa che chung gi spangs pa'i khyad par
ni thabs kyi cha yongs su tshang

ma tshang dang/ dus ring por goms ma goms la bltos te theg pa che
chung gi spangs pa'i khyad par 'jog pa ma gtogs/ rang rgyud pa
man chad ltar

@252a @#/ /nyon sgrib dang shes sgrib gnyis spong byed kyi lam la
phra rags kyi khyad par ni skabs 'dir 'byed pa min no/ de bzhin
du bdag 'dzin

gnyis kyi ngos 'dzin dang bdag med gnyis kyi phra rags kyang mi
'dra ba'i gnad kyis sgrib pa gnyis spong ba'i rim pa dang drang
nges kyi khyad par 'jog tshul rnams/

kyang sngar rim par bshad pa las shes par bya'o/ /de ltar yang
legs bshad snying por/ shes sgrib 'di spong ba la de kho na nyid
rtogs pa'i lam sngar bshad pa

las gzhan pa med mod kyang/ zhes pa nas/ theg pa che chung gis
de rtogs ma rtogs dang bdag tu 'dzin pa gnyis dang sgrib pa
gnyis kyang lugs gzhan dang

mi 'dra ba'i khyad chos rnams byung ngo/ /zhes pa'i bar gsungs
so/ /gnyis pa/ phyi don 'jog cing kun gzhi dang rang rig khas mi
len pa'i thun mong min pa'i

khyad par bstan tshul ni/ de yang gang zag dang chos kyi 'jog
tshul sngar ltar yin pa bzhin du rgyun zhugs la sogs pa'i 'phags
pa'i gang zag rnams dang

@252b dmyal ba la sogs pa'i so skye rnams tha snyad du yod mnyam
dang don dam par med mnyam du mtshungs pas chos thams cad
kyang
de dang 'dra'o/ /de yang

dbu ma pa gzhan legs ldan 'byed la sogs pa rnams ni phyi don
dang shes pa gnyis ka tha snyad du yod par zhal gyis bzhes
shing/ zhi 'tsho yab sras

rnams ni rnal 'byor spyod pa/ ba ltar phyi don zhal gyis ming
zhes pa 'dra pa yin no/ /de lta bu'i dbu ma pas kyang yod na
rang gi mtshan nyid kyis grub pas

khyab cing/ rang gi mtshan nyid kyis med na med pas khyab par
'dod pa yang mtshungs so/ /thal 'gyur ba'i skabs 'dir phyi don
'jog kyang de rang gi mtshan

nyid kyis ma grub pa ni khyad par ro/ /de'i phyir skabs 'dir
rdul phra rab cha med mi srid la de bsags pa'i rags pa yang mi
srid pas nyan thos sde pas

'dod pa ltar/ gyi phyi don cha med 'gog dgos kyang spyir phyi
don 'gog pa ni min no/ /de yang phyi don bkag na lung dang 'jig
rten grags pa gnyis kas

@253a @#/ /gnod cing khams gsum po sems tsam du gsungs pa'i tsam
gyi sgra'i gcod tshul yang legs ldan dang mthun pas phyi don 'gog
pa

min no/ /de bzhin du/ phyi rol snang ba yod min te/ zhes sogs
kyi lung des legs ldan ltar phyi don ma bkag ces bzhed pa min
te/ skabs 'dir mdo de

drang don gyi mdor 'grel bas/ phyi don bkag kyang 'gal ba med
do/ /de'i phyir sa bcu pa'i mdo drang don yin par mi 'jog pas
phyi don bkag pa mdo de'i don

yang min la/ lang gshegs kyi lung 'di drang don du 'grel dgos
pas na phyi don bkag pa mdo de'i don min par yang ma gsungs so/
/des na yum gyi mdor

phung po lnga sogs chos thams cad rang bzhin gyis stong par
bstan pa dang/ don shes gnyis kyang tha snyad btags pa'i btags
don btsal na mi rnyed cing tha snyad

kyi dbang gis bzhag pa la ni khyad par med do/ de ltar yang
brgya pa las/ gcig yod gcig med ces bya ba/ /de nyid min zhing
'jig rten pa'ang min/ /

@253b des na 'di yod 'di med ces/ /brjod pa nyid du nus ma yin/
/zhes gsungs pa ltar/ don/ shes gnyis po shes pa yod cing phyi
don med ces 'jog

na ni 'jig rten pa'i tha snyad las kyang brgal zhing/ don dam
pa'i rnam gzhag las kyang/ nyams pas de ltar brjod par rigs pa
ma yin zhes pa'i don no//

de ltar yang legs bshad snying por/ de ltar gang zag dang chos
kyi 'jog tshul sngar ltar yin pas/ zhes pa nas/ 'jig rten pa'i
tha snyad las kyang brgal

la don dam pa'i rnam bzhag las kyang brgal bas bden pa gnyis
char las nyams pa yin te/ zhes pa'i bar gsungs so/ /'di dag ni
'phags pa'i dgongs

pa dang mthun te/ de yang brgya pa las/ /'byung ba che la sogs
bshad pa/ /rnam par shes su yang dag 'du/ zhes sogs kyi don yang
'byung ba che la sogs

pa'i chos thams cad rang 'dogs byed rnam par shes pas rnam par
bzhag pa'i rgyu mtshan gyis rnam shes khongs su 'du zhes pa'i don
no/ /de ltar 'du

@254a @#/ /pa'i tshul rgyas pa yang legs bshad snying por/ gzugs
dang sems sems byung dang ldan min rnams ni rang la dmigs pa'i
rnam shes

la rang gi rnam pa bzhag pa'i sgo nas 'byung ba la sogs par nye
bar 'dogs par byed do/ /rnam ba ma bzhag pa ni 'gas kyang yod
par bzhag mi nus pa'i

phyir ro/ /des na 'byung ba la sogs pa de dag ni rnam shes kyi
khongs su 'du ba yin te/ des rnam par bzhag pa tsam yin pa'i
phyir ro/ /gang gi tshe rnam shes

kyi tshangs pa der rang bzhin gyis skye ba med par mngon sum du
shes pa de'i tshe/ gzugs 'gags na gzugs brnyan 'gags pa bzhin du/
des bzhag

pa'i don sna tshogs ba de dag kyang bral zhing nub par 'gyur ro/
/zhes pa'i don du de'i 'grel pa las bkral ba ltar yin pas lung
des phyi rol 'gog pa min no/ /

zhes gsungs so/ /de na/ rang bzhin med pa mngon sum du rtog pa
de'i tshe phyi rol gyi gzugs sogs de 'dra'i shes pa de la mi
snang zhing/ de'i dbang gis

@254b gzugs dang 'dra ba'i/ spyir shes pa la snang ba'i gzugs
brnyan de nyid kyang 'gags la/ de'i dbang

gis phyi don sna tshogs kyi spros pa thams cad dang bral ba de
nyid khungs su 'dren pa'i rtsa ba ni/ phyi don med na rang bzhin
med par mngon sum du rtogs pa'i ngor

gzugs sogs kyi gnyis snang gi spros pa de dag 'gags pa dang med
par song ba mi 'thad ces bkag nas phyi don yod pa bsgrubs pa yin
no/ /de la las

kyi bag chags bsgo ba'i gzhi kun gzhi mi 'jog kyang las kyi bag
chags 'jog pa ni/ 'jug pa las/ /gang phyir rang bzhin gyis de mi
'gag pa/ /de

phyir kun gzhi med kyang 'di nus phyir/ /la lar las 'gags yun
ring lon las kyang/ /'bras bu yang dag 'byung bar rig par gyis/
/zhes gsungs

de'i don rgyu mtshan gang gi phyir tshas thams cad la rang bzhin
gyis skye ba dang 'gag pa med pa'i rgyu mtshan gyis kun gzhi med
kyang las snga phyi'i nus pa las

@255a @#/ /'bras bu bskyed par/ nus par ma zad/ las de bsags nas
yun ring du/ lon kyang las 'gags pa las kyang 'bras bu

yang dag par 'byung bar rig par gyis shig ces pa'i don no/ /de
ltar yang legs bshad snying por/ kun rdzob tu yang rang mtshan
gyis grub pa 'gog cing/ rang

bzhin med pa'i rgyu 'bras 'jog shes pa la bden pa gnyis kar rtag
chad kyi lta ba slang sla bar ma zad kun gzhi mi 'dod kyang las
'bras kyi 'brel pa yang 'thad

par gsungs te/ zhes gsungs so/ /des na skabs 'dir kun gzhi khas
mi len pa'i rgyu mtshan ni phyi don khas blangs pa'i rgyu mtshan
gyis yin la/ kun gzhi

mi 'dod kyang las 'bras kyi rnam gzhag 'thad ldan 'jog shes pa
ni zhig pa dngos por 'dod/ pa'i gnad kyis yin no/ /de'i phyir
thal 'gyur ba'i skabs 'dir

las 'bras kyi rten du sems tsam pa 'ga' zhig ltar kun gzhi 'jog
pa yang min zhing/ bye smra ltar las kyi chud mi za ba dang las/
kyi thob pa yang mi

@255b 'jog la/ mdo sde pa ltar las kyi rgyun rdzas grub dang/
rang rgyud pa ltar gyi yid kyi rnam shes su gyur pa'i gang zag
rnams kyang las 'bras kyi rten du

'jog pa min pas 'dir ni las gang bsags kyang las des/ de'i zhig
pa bskyed cing/ de 'dra'i zhig pa snga ma snga ma las/ phyi ma
phyi ma bskyed pa'i

mthar rang 'bras las kyi 'bras bu bskyed pa dang/ yang brten nas
btags pa tsam gyi nga ming rkyang btags yod de nyid las 'bras
kyi rten du 'jog pa'i

lugs mchog 'di ni dpal ldan zla ba'i dgongs pa yang yin no/ /de
yang 'jug 'grel las/ de'i phyir de ltar bden pa gnyis kar yang
rang bzhin

med pas rtag pa dang chad par lta ba rgyang ring du spangs pa
'ba' zhig tu ma zad kyi/ las rnams 'gags nas yun ring du lon
yang las rnams kyi 'bras

bu dang 'brel ba ni kun gzhi rnam par shes pa'i rgyun dang/ chud
mi za ba dang thob pa la sogs pa yongs su rtog pa med par yang
'thad pa yin no/ /

@256a @#/ /zhes gsungs pa ltar ro/ de bzhin du zhig pa dngos por
'dod pa sogs dus gsum/ ga bum pa lta bu

gcig gis steng nas 'jog tshul yang bum pa 'das pa ni bum pa zhig
pa'i dus yin pas bum pa 'das pa dang bum pa zhig pa gnyis 'dra
bar gsungs so/

bum pa ma 'ongs pa ni bum pa byung ma zin pa'i dus yin la/ de
yang rgyu'i dus de skye ba la mngon du phyogs pa'i dus su 'jog
dgos pa dang/ bum pa da

ltar ba ni bum pa skyes la ma 'gags pa'i dus su 'jog dgos pas
na/ bum pa de nyid dus gsum la bltos nas grub tshul ni de ltar
yin pas/

skabs 'dir bum pa'i dus gsum dngos por 'jog pa dang/ de yang bum
pa de nyid dus gsum la bltos nas skye 'gag gnas gsum sbyar ba
yin pas/

dus gsum dngos por 'dod tshul yang des shes nus so/ /de yang zhig
pa dngos por 'jog pa rtsa shes las gsungs tshul ni/ /dngos dang
dngos med

@256b 'dus byas yin/ zhes gsungs pa ltar/ 'di'i sgras zin gyi
dngos po ni bum pa dang dngos med ni bum pa zhig par 'jog la/ de
gnyis ka'ang 'dus

byas yin zhes/ bshad do// de bzhin du legs bshad snying por/
de'i phyir zhes pa ni rang bzhin med pa las rang bzhin med pa
skye bar de'i gong

du bshad pa'o/ /zhes pa nas/ phyi rol khas len pa'i gnad kyis
kyang kun gzhi mi 'jog pa yin te/ zhes pa'i bar gsungs so/
/gzhan yang

zhig pa dngos por sgrub tshul gyi khungs tshig gsal dang rigs pa
drug cu pa'i 'grel par gsungs tshul rnams kyang rtsa she'i rnam
bshad du gsal bar mdzad

pa las shes dgos shing/ de'i gnad kyis dus gsum 'jog tshul yang
thun mong ma yin pa'i khyad par ltos grub phra mo'i sgo nas 'jog
shes pas/ de

yang bum pa lta bu rang gi rgyu la bltos te ma 'ongs pa dang
rang gi 'bras bu la bltos te 'das pa dang rang dus la bltos te
da lta bar bzhag pa ni bltos sa

@257a @#/ /bltos 'jog gis/ 'jog dgos/ pa yin te/ rang gi/ ngo bos
grub pa'i dus gsum 'jog mi rung ba yang des shas so/ de bzhin

du kun gzhi 'jog pa yang min te/ dbus mtha' las/ /don dang sems
can bdag rnam rig/ /snang ba'i rnam par shes pa ni/ /rab tu
skye'o de don med/

de med pas na de yang med/ /ces gsungs/ de'i don ni/ phyi rol
gyi don dang sems can dang bdag dang rnam rig rnams snang ba'i
rnam par shes pa ni/ yul

de dag gi rnam par skye ba yin la/ de skye ba'i rgyu mtshan gyis
don dang sems can sogs med pa yang mi rigs pas/ gal te de rnams
med na de dag snang

ba'i rnam par shes pa yang med par 'gyur bas de'i phyir shes bar
bya ba'i yul phyi rol gyi don med na nang gi shes pa yang med
par 'gyur te/ spyir shes bya

med na shes pa yod par 'jog mi nus pa bzhin du phyi rol gyi don
med na de snang ba'i rnam par shes pa yang med par 'gyur dgos ba
ni/ yul grub pa nyid kyis

@257b yul can grub tshul gyi thun mong ma yin pa'i ltos grub
phra/ mo'i rigs pa la brten nas kun gzhi 'gog tshul 'chad pa yin
gyi/ dbus

mtha'i gzhung 'di kun gzhi yod par ston pa'i lugs su byas nas
phyi don 'gog pa'i dbang du byed na phyi rol gyi don med de/ kun
gzhi'i steng gi bag chags

smin pa las phyi don snang ba'i blo skye ba'i phyir zhes 'gog pa
yin la/ de ni nyan thos sde gnyis kyis 'dod pa'i phyi rol gyi
don 'gog tshul yin zhing/ de yang

rdul cha med kyis dmigs rkyen byed pa bkag nas sems kyi bdag
nyid tsam du grub pa rnal 'byor spyod pa pa rnams kyi phyi don
'gog pa'i tshul yin pas/

'di dang thal 'gyur ba'i ltos grub kyi rigs pa phra mo'i khyad
par rnams ma 'dres par phyed dgos so/ /de'i phyir skabs 'dir
rang rig mi bzhed

kyang dran pa skye ba mi 'gal ba'i tshul ni/ de yang dbu ma 'jug
pa las/ /gang phyir/ gang gis yul myong

@258a @#/ /gyur de las/ /dran pa 'di gzhan nga la yod min pa/ /de
phyir nga yis mthong snyam dran 'gyur te/ /'di yang 'jig rten/
tha snyad

tshul lugs yin/ /zhes gsungs/ de'i don ni/ sngo 'dzin shes pa lta
bu'i blo gang yin kyang des rang gi yul myong ba la brten nas
phyis yul can dran

ba'i dran pa skye ba yin la/ 'di las gzhan rang rig la sogs pa
ni yod pa ma yin no/ /rgyu mtshan gang gi phyir na sngar rang gis
yul mthong ba gang yin

pa de nyid phyis dran ba na sngar ngas mthong snyam du dran par
'gyur te/ de ltar dran pa'i dran tshul 'di yang 'jig rten gyi tha
snyad du grags pa'i tshul lugs

yin zhes ston par mdzad pa'i don no/ de ltar yang legs bshad
snying por/ rang rig med na dran pa skye ba 'gal lo snyam du
'dzin pa'i rgyu mtshan sngar

bshad pa de 'dis sel pa min te/ 'di ni dran ba skye ba'i dran
tshul khyad par ba la brten nas snga ma rang rig tu 'dzin pa zhig
go/ /de yang sngar sngon po

@258b mthong ba phyis dran pa na ngas sngar mthong ngo zhes
sngar/ mthong ba de nyid rang gis mthong bar dran pas dran tshul
de ni sngar gyi sngo 'dzin rang gis

rang ma myong na skye bar 'gal bas snga ma rang rig go snyam
pa'o/ /'di ni rang rig gi dbang gis ma byung yang sngar gyi yul
sngon po myong ba dang phyis kyi

dran shes gnyis yul gcig la 'jug pa'i dbang gis sngar ngas
mthong snyam du dran pa skye'o zhes sgrub bo/ /de la sngar gyi
sngo 'dzin gyis myong ba dang bcad

pa'i yul phyis kyi sngo 'dzin dran pas ma myong ba dang ma bcad
pa min pa'i sgrub byed du nged kyi ltar na/ myong dran gnyis
rang mtshan gyis gzhan min pa'i

phyir zhes bkod do/ /rgyu mtshan de tsam zhig yin na byams pas
myong ba nyer sbas kyis dran par yang 'gyur ro/ /zhes gsungs so/
/de yang spyir rang

rig 'dod pa rnams kyi lugs la myong ba de la rang myong dang
gzhan myong gnyis su nges par 'jog cing/ de'i 'jog tshul yang
sngo 'dzin shes pa lta

@259a @#/ /bur mtshon na/ sngar ngas sngon po mthong ngo zhes yul
can dran pa na sngar gyi sngo 'dzin de la rang myong yod pa
bsgrubs te/ dran

pa'i rtags kyis rang rig yod par 'grub ces bstan pa yin no/
/yang sngon po 'di mthong ngo zhes phyis kyi dran pas yul sngon
po/ /mthong ba/

dran pa na sngon po myong ba'i myong ba yod par bsgrubs te/
myong ba la rang myong dang gzhan myong gnyis su nges par 'dod
pa 'di ni rang rig 'dod pa

rnams kyi lugs yin pas phyogs snga'i/ 'dod tshul lo/ /rang gi
lugs la ni 'jog tshul de ltar 'thad pa ma yin te/ sngo 'dzin shes
pa la

spyir myong ba yod kyang kho rang gis kho rang myong ba'i rang
myong ni yod mi dgos so/ /de yang mar me'i gsal ba dang mtshungs
te/ mar me rang

gis rang gsal bar mi byed kyang mar me'i gsal ba yod pa bzhin du
shes pa la yang mtshungs so/ /'o na mar me'i gsal ba yod pa gang

@259b gis 'grub na mar me rang gi ngo bo nyid dam rang bzhin
gyis gsal ba yod pa grub pa min kyang/ mun nang gi gzugs gsal
ba'i dbang kho nas

de'i gsal ba yod par 'grub pa yin no/ /de'i phyir sngo 'dzin
shes pa la gsal pa yod pa tsam ni des 'grub la/ de ni yul gsal
ba'i dbang

kho nas yul can shes pa'i gsal ba yod par 'grub pa yin gyi/ rang
gis rang/ myong ba dang 'dzin rnam yan gar ba dang/ rang rigs

gis myong ba sogs lugs 'dir 'jog mi rigs so/ /des na de 'dra'i
myong ba de yang/ yul myong/ ba nyid kyis gzhan

myong ba'i tha snyad 'thad kyang/ phyogs snga'i 'dod pa ltar gyi
shes pa don gzhan gyis myong ba'i gzhan myong 'jog pa/ yang min
la/

yul myong ba nyid kyis myong ba grub pa kho na yin no/ /de ltar
yang spyod 'jug las gzhan myong ba dang 'grel pa las/ dran
'gyur/ byi ba'i dug

@260a @#/ /bzhin no/ /zhes gsungs pa ltar/ sngo 'dzin shes pa lta
bus sngar yul sngon po mngon sum du mthong yang de'i dus su
sngon po

myong gi sngon po dran pa'i dran shes ni skyes ma zin la/ phyis
sngon po dran pa'i dran shes nam skyes pa na sngar ngas sngon po
'di mthong ngo snyam pa skye ba ni

myong dran gnyis yul gcig la 'jug pa'i dbang gis sngar bas
mthong snyam pa'i dran pa/ skye bar 'gyur ro zhes sgrub pa yin
no/ /de yang sngar

sngo 'dzin gyis myong ba dang bcad pa'i yul gang yin pa de nyid
phyis kyi sngo 'dzin dran pas kyang/ myong ba dang bcad pa yin
la/ de yang rang

gi ngo bo'am rang bzhin nas sngar gyi yul de dag myong ba dang
bcad pa min gyi/ sngar sngo/ 'dzin gyis myong ba dang bcad pa'i
dbang

kho na la bltos nas myong ba dang bcad pa yin no/ /de'i phyir
nged kyi/ ltar na/ myong dran gnyis rang mtshan gyis gzhan min
pa'i phyir zhes

@260b bkod do zhes pa'i sgrub byed kyi rtsa ba ni ltos grub phra
mo 'di la thug pa yin no/ /des na/ rang rig med kyang dran pa
skye tshul 'di la 'jug

pa nas bshad tshul dang spyod 'jug nas bshad tshul gang byas
kyang/ ltos grub phra mo/ sgrub pa dang rang gi mtshan nyid kyis
grub pa 'gog

byed kyi rtsa ba dang yul grub pa nyid kyis yul can 'grub tshul
gyi rtsa ba 'dir gsal ba/ bzhin mtha' chod pa shes par bya dgos
so/ /

de ltar yang rtsod bzlog las/ /gal te rang las tshad ma grub/
/gzhal bya rnams la ma bltos par/ /khyod kyi tshad ma grub 'gyur
'dir/ /

gzhan la mi ltos rang 'grub 'gyur/ /zhes gsungs so/ /de'i don ni
phan tshun bltos nas grub pa de las gal te/ shes pa la yang

rang gi gsal ba sgrub byed kyi rang rig tshad ma 'jog dgos na
gzhal bya la ma bltos pa'i tshad ma khyod kyis bzhag par 'gyur
bas/

@261a @#/ /skabs 'dir gzhan la mi ltos pa'i ngo bo rang bzhin
'grub par 'gyur bas de ni mi rigs so zhes pa'i don no/ /

de ltar yang legs bshad snying por/ des na 'di ni de gnyis gzhan
gyis ltar rdzas tha dad du grub na zhes pa nas/ sngo 'dzin gyi
shes pas sngon

po mthong ba dran pa la brten nas ngas sngar sngon po mthong
ngo
zhes gang zag dran pa des sngo 'dzin gyi shes pa dran pa yang ci
zhig 'gal zhes pa'i

bar gsungs so/ /gsum pa/ rang rgyud khas mi len pa'i thun mong
ma yin pa'i khyad par bstan/ tshul la/ rang rgyud bkag pa'i

byung tshul dang de'i don ji ltar bshad pa'i gzhan lugs dang/
rang lugs kyi bsgrub bya sgrub pa'i rtags yod pa dang rang rgyud
kyi rtags med

tshul lo/ /dang po ni/ de yang rang rgyud mi 'thad cing thal
'gyur 'thad pa'i tshul/ 'di la thal rang gi 'dod tshul la brtags
nas rang

@261b rgyud mi 'thad bar sgrub par mdzad pa yin la/ de ni slob/
dpon zla bas rang rgyud mi 'thad cing thal 'gyur 'thad pa'i
phyogs

gsal bar mdzad nas thal 'gyur ba dang rang rgyud pa zhes 'dod
tshul gyi sgo nas gsal kha mdzad pa yin no/ /de ltar zla ba'i
zhabs kyis

rang rgyud kyi gsal kha ma mdzad gong du/ slob dpon legs ldan
'byed kyis kyang sangs rgyas bskyangs la skyon brjod mang du
mdzad pa de

yang/ thal rang gang 'thad kyi gsal kha ma byung bar rang rgyud
khas len pa 'os med du byas nas/ skyon brjod mdzad pas na/ sangs
rgyas

bskyangs la skyon de dag 'jug pa'i skabs ga la yod/ de'i phyir
legs ldan rang nyid dang sangs rgyas bskyangs gnyis chos dang
gang zag gi rang bzhin

'gog pa'i dgag bya la bar khyad par med pa 'os med du mdzad do/
/de la legs ldan gyi rjes 'brang spyan ras gzigs brtul zhugs la
'grel pa tshig gsal

@262a @#/ /rgyus 'dug pas/ shes rab sgron mar sangs rgyas
bskyangs bkag pa'i 'grel bshad kyi skabs su zla bas legs ldan la

skyon brjod pa rnams 'jug mi 'jug gi bshad pa 'ong rgyur snang
zhing/ zhi ba 'tsho dpon slob la sogs pas kyang zla bas rang
rgyud bkag pa'i skyon

spong mdzad rgyur snang yang ma mdzad do/ /shes legs bshad
snying por gsal ba bzhin rje btsun pa'i spyi don du yang gsal
bas na/ sangs rgyas bskyangs

dang legs/ lhan 'byed gnyis la rang rgyud 'thad mi 'thad dang
rang bzhin gyis grub pa dang rang gi mtshan nyid kyis grub pa
'gog mi 'gog gi

gsal kha gang yang ma byung bar smra ba'i gzhung rjes 'brang
dang bcas pa nas dngos su dbu ma pa rnams kyis rang rgyud bya mi
rigs pa'i sgrub byed

dang bzlog phyogs la gnod byed mang du bstan nas thal/ 'gyur
ba'i lugs srol phye bar mdzad do/ /de ltar yang legs bshad
snying por/

@262b gsung rab kyi don 'di ltar 'grel na rang rgyud 'dod dgos
la/ 'di ltar 'grel na/ de 'dod du mi rung ngo zhes/ pa'i don ni
gsung rabs shin

tu gnas mod kyang/ zhes pa nas/ zla bas rang rgyud bkag pa'i
skyon spong mdzad rgyur snang yang ma mdzad do/ /zhes pa'i bar
gsungs so/ /des na

slob dpon sangs rgyas bskyangs dang zla ba'i zhabs gnyis rang gi
mtshan nyid kyis grub pa tha snyad du yang 'gog par mdzad pa
dang/ rang bzhin med

pa la rgyu 'bras la sogs pa'i rnam gzhag 'jog pa dang/ rten
'grel gyi rtags kyis dgag bya rang gi mtshan nyid kyis grub pa
'gog pa'i rigs pa dang/

rang rgyud 'gog pa'i rigs pa rnams shin tu phra bar bzhed par
mtshungs so/ /'di la phyogs snga smra ba po gzhan/ gyis tshad mas
grub tshul mthun snang

ba/ 'jog mi 'jog la gzhan sems shes pa'i mngon shes yod med/
brtags nas 'gog tshul bshad pa'i paNDi ta kha cig gi lugs de ni

@263a @#/ /rgyas par ma bkod do/ /de ltar/ yang legs bshad snying
por/ de la spyir slob dpon gnyis kyis rang gi mtshan nyid kyis

grub pa tha snyad du yang bkag pa'i rang bzhin med pa la/ rgyu
'bras la sogs pa'i rnam gzhag thams cad ches 'thad pa dang/ zhes
pa

nas/ des de ltar 'dod pa yin pa rang gis mi shes pa'i phyir te/
zhes pa'i bar gsungs so/ /de bzhin du/ rang gis gnod byed bstan
nas 'gog pa

yang mi rigs te/ gnod byed du thag bcad kyang slu ba srid pas
so/ /zhes pa nas/ yang kha cig tshad mas grub pa'i don thams cad
du med pas

pha rol pos khas blangs pa'i mthar thug pa la brten pa'i thal
'gyur gyis log rtog 'gog la bden pa rnam par bcad tsam yin gyi
bden med

bsgrub rgyu med par rang rgyud kyi rtags dang dam bca' med pa'i/
don du 'dod do/ /zhes pa'i bar gyi gzhan lugs 'di rnams 'dir
bkag par

@263b [@##line apparently missing this page] mdzad pa ltar las zur
du 'gog tshul gyi rigs pa ma byas so/ /ldog pa gcig pa'i dpung 'phul
zhes pa'i don yang sgrub byed rigs gcig pa mang

po bsgrub bya gcig mi gcig thams cad kyi steng du u tshugs kyis
bsgrubs pa'i rig la zer ba yin zhing/ gzhan lugs 'di rnams kyi
sgrub tshul ni

spyi khyab sgos khyab ngos ma zin par rgyu mtshan ltar snang gi
sgrub byed mang pos 'phul ba 'dis kyang shes par bya ba yin no/
/de'i phyir rang rgyud kyi gtan

tshigs 'dod tshul ni rang gi mtshan nyid kyis grub pa'i gtan tshigs
'dod tshul la sbyor dgos pa la paNDi ta kha cig sogs phyogs snga
smra ba po gong

gi 'di rnams kyis ni rgol ba gnyis kyi rgyud la mngon shes yod
med dang/ bsgrub bya sgrub nus kyi sgrub byed tshul gsum pa'i
gtan tshigs 'god

@264a @#/ /rgyu med par spyi khyab sgos khyab la sbyor ba dang/
dbu ma pa'i lugs kyi dpyad bzod ngos bzung lugs tshul ldan gang
yang

med par tha snyad 'jal byed kyi tshad ma bkag nas ma brtags ma
dpyad pa'i don 'jog pa dang/ bden gnyis kyi rnam gzhag gzhan
ngor 'jog cing

rang lugs la 'jog rgyu med pa sogs phyogs snga'i 'dod tshul de
dag dpyis phyin par 'gog tshul lhag mthong chen mor gsal ba bzhin
shes par

bya'o/ /gnyis pa/ rang lugs kyi bsgrub bya sgrub pa'i rtags yod
pa dang rang rgyud kyi rtags med tshul la/ rtags kyis bsgrub bya
sgrub pa yod tshul

dang; rang rgyud kyi rtags khas mi len pa'i tshul dang gnyis so/
/dang po ni/ de yang rtags kyis bsgrub bya sgrub pa'i skabs 'dir
rang sde dngos

por smra ba dang slob dpon legs ldan 'byed la sogs pa bzhin rang
gi mtshan nyid kyis grub pa tha snyad du khas len pa rnams kyis
ni/ rang rgyud kyi

@264b gtan tshigs kyang 'jog la/ de ltar khas mi len pa'i slob
dpon sangs rgyas bskyangs dang zla ba'i zhabs la sogs pa rnams
kyis ni rang gi mtshan

nyid kyis grub pa tha snyad du yang mi bzhed pas na/ rang rgyud
kyi gtan tshigs kyang zhal gyis mi bzhes so/ /de'i phyir rgyus
'bras bu bskyed pa na yang

phrad ma phrad kyi phyogs gnyis ka bkag nas skyon de pha rol po
la 'jug pa'i sgrub byed du/ 'grel pa las/ gang gi ltar na rang
gi mtshan nyid bskyed

par bya ba nyid dang skyed par byed pa yin pa de la ni rnam par
dpyad pa 'dir gyur zhes rang mtshan gyis grub pa'i rgyu 'bras
'dod pa la brtag pa

gnyis byas pa'i skyon de 'jug la/ sgyu ma ltar rang bzhin med pa
smra ba la skyon de med/ ces gsungs so/ /de'i don phyogs snga
smra ba po

gang gi ltar na rang gi mtshan nyid kyis grub pa'i bskyed bya
skyed byed kyi rgyu 'bras yin pa de la ni rgyu 'bras gnyis phrad
ma phrad kyis rnam par dpyad pa

@265a @#/ /na gnyis ka'i nyes pa'am skyon rang gi mtshan nyid kyis
grub par khas len pa la 'gyur zhes rang mtshan gyis grub pa'i
rgyu 'bras

khas blangs pa rnams la ni/ bskyed bya skyed byed rnam par dpyad
nas 'jog pas phrad ma phrad kyi/ skyon de dag 'jug la/ sgyu ma
ltar ma

brtags ma dpyad par 'jog cing rang bzhin med par smra ba da dag
la skyon de med ces pa'i don no/ /de la pha rol pos de 'dra'i
skyon med tshul

sun 'byin dang mgo mtshungs byas nas 'jog la/ de 'gog pa'i lan du
'jug pa las/ sun 'byin pas sun dbyung bya ma phrad sun ni 'byin
byed

dam; 'on te phrad nas yin zhes smras zin nyes pa 'dir gang la/
/nges par phyogs yod de la 'gyur gyi bdag la phyogs 'di ni/ /yod
pa

min pas thal bar 'gyur ba 'di ni srid ma yin/ /zhes gsungs/ de'i
don sun 'byin bya 'byin byed phrad ma phrad kyi nyes pa'i skyon
bstan pa 'di

@265b yang rang mtshan gyis/ grub pa'i sun 'byin bya 'byin byed
khas blangs pa'i phyogs de la ni phrad ma phrad kya skyon der
'gyur ba yin gyi/ sun

'byin bya 'byin byed/ rang mtshan gyis ma grub par khas len pa'i
thal 'gyur ba bdag gi phyogs la ni/ de 'dra ba'i skyon de 'jug
pa mi

srid ces pa'i don no/ /de'i phyir 'grel pa las kyang/ sun dbyung
ba dang sun 'byin pa gnyis ka rang bzhin gyis ma grub pa'i phyir
ro/ /

zhes gsungs pa ltar/ rang gi mtshan nyid kyis grub pa dang rang
bzhin gyis grub pa'i phyogs dang khas len med pa'i don du bshad
pa yin no/ /

yang skabs 'dir 'jug 'grel las/ shA ri'i bus/ rab 'byor la
skyes ba'i chos kyis ma skyes pa'i thob pa 'thob bam/ skyes pa'i

thob pa 'thong ces dpyad nas dris pa la lan du de gnyis ka/ mi
'dod do zhes gsungs pa na/ ci thob pa dang mngon par rtogs pa
med dam

@266a @#/ /zhes dris pa la/ de gnyis yod mod kyi gnyis kyi tshul
gyis ni min no/ /zhes gsungs so/ /de'i don yang gnas brtan

shA ri'i bu dang rab 'byor gnyis kyis dri ba dri lan gyi sgo
nas thob pa 'thob mi 'thob kyi brtags don btsal nas dris pa yin
pas de'i lan du

thob pa dang mi 'thob pa gang yang mi 'dod ces lan 'debs par
mdzad pa bzhin yin la/ 'o na ci thob pa dang mngon par rtogs pa
med dam

zhes dris pa'i lan du tha snyad du yod/ kyi don dam par ni med
do zhes pa'i don no/ /yang de'i 'phro nyid las/ 'dir ji ltar
gnyis su thal bar

'gyur pa'i phyir skyes pa dang ma skyes pa'i/ chos kyi thob pa
'thob pa bkag cing/ gnyis kyang dngos po med pa la mi rigs pa'i
phyir

ma brtags par 'jig rten gyi tha snyad du thob pa 'thob par khas
blangs pa de bzhin du/ sun dbyung bar bya ba dang sun 'byin pa
dag kyang

@266b phrad pa dang ma phrad par ma yin mod kyi/ 'on kyang tha
snyad/ du sun 'byin pas sun dbyung ba sun 'byin par byed do zhes
shes par bya'o/ /

zhes pa dang/ rang bzhin gyis stong ba'i sun 'byin pas sun
dbyung bya sun 'byin pa dang/ rang bzhin gyis stong zhing 'thad
pa dang bral ba'i gtan tshigs

kyis bsgrub par bya ba sgrub pa yin la/ zhes gsungs/ de'i don
skabs 'dir skyes ma skyes kyi thob pa bkag pa 'di ni rang mtshan
gyis grub pa'i dbang du

byas pa de bkag pa yin la/ spyir ma brtags ma dpyad par 'jig
rten gyi tha snyad kyi dbang gis bzhag pa'i thob pa 'thob par
'gyur pa dang ma thob

pa'i rnam bzhag kyang 'thad par 'jog dgos shing/ de bzhin/ du
sun dbyung bya 'byin byed gnyis kyang ma brtags ma dpyad par sun
dbyung bya

'byin byed kyi rnam gzhag 'thad pa dang/ de gnyis phrad ma phrad
kyi dpyad pa byed pa ni btags don la byed pa yin pas phrad pa
dang ma phrad pa gnyis

@267a @#/ /ka'i sgo nas sun 'byin pa ma yin zhes pa'i don dang/
de bzhin du rang bzhin gyis stong ba'i phyogs la sun dbyung bya
'byin byed kyi

rnam gzhag gnyis ka 'thad la/ de la ni rang bzhin gyis grub pa'i
'thad pa dang bral ba'i gtan tshigs kyis ni bsgrub bya sgrub nus
pa yang yin zhes pa'i

don yin no/ /de ltar yang legs bshad snying por/ sgrub pa dang
sun 'byin thams cad kyang gnas brtan gnyis kyis/ dris lan mdzad
pa de bzhin

du bya bar gsungs so/ /zhes pa nas/ rtsod zlog rang 'grel las
kyang rang bzhin med kyang bsgrub bya sgrub nus pa dpe dang bcas
te gsungs so/ /

zhes pa'i bar gsungs so/ /des na rang bzhin gyis stong pa'i
phyogs la sun dbyin bya 'byin/ byed dang las 'bras la sogs pa'i
rnam gzhag

thams cad 'thad la/ rang gi mtshan nyid kyis grub pa khas len
pa'i phyogs la ni de thams cad 'thad pa min zhes yang yang
gsungs pa ltar 'dir

@267b yang; gang la stong pa nyid rung pa/ /de la thams cad rung
bar 'gyur/ zhes gsungs pa bzhin yin no/ /de bzhin du rtags kyis
bsgrub bya sgrub

ba dang; tshad mas gzhal bya 'jal ba sogs phan tshun ltos pa'i
dbang kho nas grub dgos pa la/ de 'dra'i ltos grub kyi bya byed
mi rung bar 'dzin

ba yang mang ngo/ /de'i phyir thal 'gyur ba'i skabs 'dir dam
bca' med pa'i rgyu mtshan gyis de la skyon brjod pa yang mi/

rigs so zhes pa'i shes byed du/ /nga la dam bca' med pas na/
/nga ni skyon med kho na yin/ /

zhes pa dang/ yang; gal te ngas dam bca' 'ga' yod/ /des na nga
la skyon de yod/ /ces thal 'gyur ba la spyir dam bca' yod med
kyi sgo

nas skyon yod med sgrub byed kyi shes byed la 'dren pa ni ma
brtags pa'i nor pa chen po yin la/ rtsod zlog gi lung de gnyis
kyi don ni thal 'gyur pa'i

@268a @#/ /lugs mchog 'dir rang gi mtshan nyid kyis grub pa'i dam
bca' bzhag na ni skyon yod la/ de ma/ bzhag na skyon med

ces bstan pa yin no/ /de ltar bstan la yang 'jug par/ gang la
phyogs yod de la 'gyur gyi/ zhes pa'i phyogs yod ni rang mtshan
gyis grub pa'i

dam bca'i phyogs yin la/ de yod na skyon du 'gyur zhes pa'i don
du 'jug 'grel yas kyang/ gsungs so/ /de ltar yang legs bshad

snying por/ rang mtshan gyis grub pa'i rang bzhin gyis stong ba'i
phyogs la 'khor 'das kyi rnam gzhag thams cad 'thad par yang
dang yang du gsungs

pa la; zhes pa nas/ dam bca' dang phyogs med pa'i don ni 'jug
'grel gyis bshad pa ltar ro/ /zhes pa'i bar gsungs so/ /de bzhin

du brgya ba las kyang/ /yod dang med dang yod med ces/ /gang la
phyogs ni yod min pa/ /de la yun ni ring po la'ang/ /klan ka
brjod par zhus ma yin/

@268b zhes gsungs pa ltar/ rang gi mtshan nyid kyis/ grub pa'i
yod med la yod med du byed pa'i phyogs dbu ma

thal 'gyur ba la yod ba min pas/ de la yun/ ring po nas klan ka
btsal kyang brjod mi nus so/ /

zhes pa'i don no/ /de ltar yang 'jug 'gral las/ btags par yod pa
la gnyis su/ smra ba 'di mi rigs pa de nyid kyi

phyir gnyis la brten nas sun 'byin pa dang lan smra bas/ dbu ma
ba la rnam pa thams cad du glags/ mi rnyed do/ /zhes gsungs pa
ltar/ btags

yod ming rkyang 'jog pa'i dbu ma pa la btags don btsal nas skyes
ma skyes kyi thob pa dang sun 'byin bya 'byin byed dang phrad ma
phrad kyi dpyad pa byas nas

klan ka 'tshol ba 'dis ni dbu ma thal 'gyur ba la rnam pa thams
cad du glags mi rnyed do zhes pa'i don no/ /de ltar yang legs
bshad

@269a @#/ /snying por/ thal snyad kyi dbang gis bzhag pa'i btags
yod ma dpyad par 'jog pa'i tshul la skyes ma skyes gang thob ces

dpyad nas sun 'byin pa mi rigs/ pa'i phyir/ gnyis su dpyad nas
sun 'byin pa'i klan kas nam yang glags mi rnyed pa'i don du
bshad pas/

ma dpyad pa'i tha snyad du yang bsgrub bya/ sgrub byed khas mi
len pa'i khungs ma yin no/ /zhes gsungs so/ /yang dbu ma pa yin
na rang

rgyud/ khas mi len mi/ rigs pas khyab ces pa ni dbu ma thal
'gyur ba'i dbang du byas pa yin te/ tshig gsal las/ dbu ma pa

yin na rang rgyud bya mi rigs pa'i rgyu mtshan du phyogs gzhan
khas blangs pa med pa'i phyir ro/ /zhes gsungs/ de'i don yang
rang rgyud kyi rtags dang

rang rgyud kyi bsgrub bya 'jog mi rigs pa'i rgyu mtshan du/
brtags shing dpyad nas 'jog pa'i bsgrub bya dang sgrub byed med
pa dang/ sun dbyung bya

@269b 'byin byed phrad ma phrad gnyis po gang gi sgo nas kyang
sun 'byin par mi nus pa sogs kyi sgo nas rang rgyud 'gog par
byed pa yin pas phyogs gzhan

khas blangs pa med pa yang rang mtshan gyis grub pa'i dam bca'
sogs med pa'i don yin no/ /de ltar yang legs bshad snying por/
zhes bkod pa'i

shes byed du lung de/ rnams drangs pa yang dbu ma pa la don dam
par grub par khas blangs pa med pa rang mtshan gyis grub pa'i
khas len mi rigs

pa'i shes/ bya yin la/ zhes pa nas/ sngar bshad pa/ lta bu'i
gnyis su smra ba ste tshul gsum gsungs so/ /zhes pa'i bar gsungs
so/ /

gnyis pa/ rang rgyud kyi rtags khas mi/ lan pa'i tshul ni/ de
yang rang mtshan/ gyis grub pa'i phyogs bkag nas rang gi

mtshan nyid kyis ma grub pa'i/ bsgrub bya/ dang sgrub byed sogs
'thad par sgrub pa'i dbu ma thal 'gyur ba'i lugs 'di la/ rang

@270a @#/ /rgyud kyi rtags dang des/ bsgrubs pa'i bsgrub bya gang
yang khas blang du mi rung zhing/ 'gog byed dngos ni tshig gsal
las

gsungs pa ltar/ rang rgyud 'gog pa'i rigs pa dang/ rigs pa de
pha rol pos kyang don gyis khas blangs tshul dang/ skyon brjod de
rang gi sbyor

ba la mi mtshungs pa'i rgyu mtshan gsum gyi sgo nas 'chad pa ltar
yin no/ /de yang sbyor ngag gi dbang du byas na/ thog mar slob
dpon legs ldan

'byed/ kyis ni/ don dam par nang gi skye mched rnams chos can/
bdag las skye ba med par nges te/ yod pa'i phyir/ shes pa yod pa

nyid bzhin no/ /zhes bkod pa yin la/ de'i don/ don dam pa zhes
pa de nyid don dam par bdag las mi skye zhes/ pa'i dam bca'i

khyad par la sbyor na ni/ rang gi lugs la ni bdag skye kun rdzob
tu yang khas blangs pa med pas na/ rang la bltos nas de ltar
sbyar mi dgos so/ /

@270b zhes 'gog cing/ gzhan grangs can pa la bltos te don dam
gyi khyad par sbyar ba/ yin na ni de yang mi

rigs te/ bden pa gnyis ka las nyams pa'i mu stegs pa 'gog pa la
ni bden pa gnyis po gang gi

yang khyad par ma sbyar bar/ bkag na legs so zhes skyon brjod
mdzad la/ yang 'jig rten gyi tha snyad du/ bdag

skye 'dod pa ni 'gog kyang/ mi dgos pas/ de la don dam gyi khyad
par sbyor ba yang mi rigs pas na/ thal 'gyur pa'i skabs 'dir don
dam

gyi khyad par sbyar pa/ de la rang gzhan gang la bltos pa'i don
dang dgos pa/ gang yang med do zhes/ bkag pa yin no/ /de ltar
yang

legs bshad snying por/ gal te rang mtshan gyis grub pa'i phyogs
dang rtags dang dpe gang yang mi srid pas de'i dbang du byas nas
rang rgyud

@271a @#/ /rtags su ma zad bya byed gang yang mi 'thad mod/ ces
pa nas/ 'jig rten pas ni rgyu las 'bras bu 'byung ba tsam zhig
'dod

kyi bdag dang gzhan gang las skye zhes mi dpyod pa'i phyir ro/
/zhes pa'i bar gsungs so/ /yang 'dod tshul de las gzhan yang pha
rol grangs can

gyis 'dod pa'i dbang du byas/ pa'i don dam par 'dod pa'i mig
sogs chos can du byed na ni/ chos can rang gi lugs la ma grub
pas gzhi chos

can ma grub pa'i skyon du 'gyur ro/ /gal te don dam pa'i mig
sogs ma grub kyang/ kun rdzob pa'i mig sogs yod pas skyon der mi
'gyur ro

zhe na; de yang mi 'thad de/ mig /sogs kun rdzob pa don dam par
skye ba 'gog na/ pha rol pos chos can kun rdzob pa khas ma
blangs pa'i

phyir gzhan la chos can ma grub pa'i nyes pa so na gnas so/
/yang ci ste/ sangs rgyas pas bye brag pa la sgra mi rtag par
sgrub pa na sgra spyi tsam

@271b pa de nyid 'dzin pa yin gyi/ sgra'i khyad par 'dzin pa min
te/ de 'dzin na sgra'i khyad par byas mi rtag gang 'dzin kyang
bsgrub

bya sgrub byed med par 'gyur ro zhes/ skyon brjod do/ /yang de
bzhin du 'byung 'gyur gyi sgra chos can du 'dzin na ni/ bye brag
pa la ma

grub pa dang/ nam mkha'i yon tan gyi khyad par du 'dzin na ni
sangs rgyas pa la ma grub ces skyon brjod la/ khyad par de/ dag
gang

yang ma sbyar ba'i sgra tsam bzung na chos can ma grub pa'i
skyon med ces legs ldan gyis spong bar mdzad do/ /skyon spong
tshul 'di dag kyang rang

rgyud pa man chad rang gi mtshan nyid kyis grub pa khas len pa
rnams kyi dbang du byas pa yin zhing/ de'i dbang du byas pa'i
chos can mthun

snang ba yang 'jog tshul 'dra ba'i dbang du byas te sgra sogs
spyi tsam rtsod gzhir bzung na chos can ma grub pa sogs kyi
skyon/ spong nus

@272a @#/ /kyang; thal 'gyur ba'i skabs 'dir rang gi mtshan nyid
kyis grub par chos can mthun snang ba mi 'jog pas na/ gong gi

skyon spong tshul de tsam gyis skyon de dag spong nus pa min no/
/de'i lan du legs ldan rang nyid kyis kyang chos can mig sogs
kyi ngo bo de nyid phyin

ci log tsam gyi shes pa'i rnyed don min par khas blangs la/
phyin ci log pa dang phyin ci ma log pa gnyis tha dad pa ste
dngos 'gal yin

pas na/ phyin ci log gi shes pa'i rnyed don min na legs ldan
rang nyid kyi lugs la mig sogs de dag yod par yang mi 'gyur zhes
bkag

go; de'i phyir mig sogs bdag las mi skye bar sgrub pa'i chos can
du bden gnyis gang gis kyang khyad par du ma byas par mig sogs

tsam zhig chos can du 'dzin pa la yang skabs 'dir skyon yod de/
de yang de 'dra'i chos can de nyid 'jal ba'i tshad ma ni mig sogs
de dag

@272b gi rang bzhin lam 'khrul ba yin la/ de 'dra'i ma 'khrul
ba'i shes pa de'i rnyed don la shes bya phyin ci/ log rang mtshan
gyis ma grub

bzhin du der snang ba'i rdzun snang med pa'i phyir ro zhes thal
'gyur bas legs ldan la 'phul mtshams/ bstan nas skyon brjod pa
yin

no/ de ltar skyon brjod/ tshul yang legs ldan gyis mig sogs de
dag rang mtshan gyis grub par 'dod cing/ de'i dbang gis

mig sogs la tshad mar song na de'i rang mtshan la tshad mar 'gro
dgos pas/ de'i lugs la mig sogs 'jal pa'i/ tshad ma de nyid

mig sogs rang gi mtshan nyid kyis grub par 'jal pa'i tshad ma yin
pa'i/ rgyu mtshan gyis ma 'khrul pa dang phyin/ ci ma sog par

'jog cing/ thal 'gyur pas ni mig sogs rang gi mtshan nyid kyis
grub par 'dzin pa'i shes pa dang yul gnyis/ ka phyin ci log tu

@273a @#/ /'jog pas/ rgyu mtshan nges legs ldan la skyon du 'gyur
tshul bstan pa yin no/ /de'i phyir gzhi mig sogs

lta bu'i steng du/ phyin ci log pa dang phyi ci ma log pa gnyis
tha dad pa ste dngos 'gal du 'gro tshul ni yul yul can/ gnyis
ka'i sgo

nas de ltar bstan pa yin no/ /de ltar yang legs bshad snying
por/ gzhan yang pha rol pos don dam par 'dod pa'i mig/ sogs

la kun rdzob tu yang skye ba dgag 'dod nas yin na ni/ de'i tshe
gzhi chos can ma grub pa'i phyogs sam rtags kyi skyon du 'gyur
te/ zhes

pa nas/ rtog pa dang rtog med kyi tshad ma gang yin kyang tshad
mar song sa snang yul dang zhen yul rang mtshan la ma 'khrul pa
zhig dgos so/ /

zhes pa'i bar gsungs so/ /de'i phyir legs ldan gyi skabs su chos
thams cad ming rkyang btags yod/ tsam min pa'i rang gi ngo bo'am
rang bzhin

@273b gyis grub pa cig la tshad mar 'gro dgos shing/ de 'dra'i
tshad/ mas rnyed pa'i/ don yin na yul phyin ci log yin par

mi 'grub bo/ /de bzhin du rang mtshan 'dzin stangs su byed pa'i
'khrul/ shes kyi rnyed don yin na de'i yul phyin ci ma log pa
shin tu 'gal ba yin no

des na thal 'gyur ba dang rang rgyud pa man chad gnyis la tshang
mas grub tshul mthun snang ba med pa'i rgyu mtshan gyis rtags chos
don gsum gang yang

mthun snang su grub pa med pas na/ sgra tsam dang mig sogs tsam
gang chos can du bzung yang/ chos can ma grub pa'i skyon spong
mi nus pa sogs

skyon du 'gyur tshul ni de/ ltar ro/ /de ltar yang legs bshad
snying por/ de'i tshe tha snyad du ming du btags pa

tsam min pa'i don rang gi gnas/ tshul gyi ngo bo'am rang bzhin
cig la tshad mar 'gro dgos shing/ rang gi las len pa yang yin no/

@274a @#/ /zhes pa nas/ de'i phyir chos can ma grub pa'i skyon
spong mi nus so/ /zhes pa'i bar gsungs so/ /yang gal te sgra
'jal

ba'i tshad ma la rtag mi rtag gnyis su kha tshon chod kyang de
gang rung gis khyad par du byas pa'i tshad ma zhes sbyar nas/
skra sgrub byed kyi tshad mar

sgrub mi dgos pa bzhin du shes pa la spyir 'khrul ma 'khrul
gnyis su nges kyang/ chos can sgrub byed kyi tshad mas chos can
sgrub pa na de gnyis

gang rung gis khyad par du byas nas sgrub mi dgos so/ /de bzhin
du sgra la yang rtag mi rtag gang gis kyang khyad par du ma byas
par sgra tsam

zhig tshad mas 'jal ba mi 'gal ba bzhin du mig sogs la yang phyin
ci log ma log gnyis su nges kyang/ de 'jal byed kyi tshad mas de
gnyis

gang gis kyang khyad par du ma byas pa'i mig sogs tsam 'jal ba
mi 'gal bas na/ sngar gong du mig sogs spyi tsham pa dang sgra
spyi tsam pa

@274b chos can du bzung na skyon med do zhes phyis kyi mkhas par
rlom pa kha cig gis dogs pa sel tshul de ltar byed kyang/ de ni
rigs pa ma yin te/

'dir ni tshad mas grub tshul mthun snang ba med pa'i skyon bstan
pa yin gyi spyir tshad mas grub ma grub tsam la skyon bstan pa
min no/ /de'i phyir bye

brag tu smra ba nas dbu ma thal 'gyur ba'i bar thams cad sgra
dang mig sogs tshad mas sgrub pa dang yod pa tsam du 'jog pa la
mi mthun pa byung

pa'i dogs pa spong lugs min gyi/ tshad mas grub tshul dang yod
tshul la ma mthun pas na/ de'i skyon bsal ba'i phyir du dpal ldan
zla bas kyang

dgag par gsal bar mdzad do/ de ltar yang legs bshad snying por/
gal te sgra 'jal ba'i tshad ma la rtag mi rtag gnyis su kha tshon
chod kyang/ zhes

pa nas/ dogs pa 'di 'dra ni legs ldan pa sogs pa dang dngos po
smra ba'i mkhas pa rnams la yang skye don med pas zla bas kyang
de'i sel phyogs

@275a@#/ /ma mdzad do/ /'o na kyang da lta'i dus 'dra ba'i rgol
ba mi shes pa la skye bas de bshad na/ zhes pa dang/ zla bas de
'dra ba de

rang gi ngo bos yod par song la de nyid don dam par yod pa'i don
yin pas/ de khyad gzhir bzung ba'i chos can tsam po ga la srid
snyam du

dgongs nas khyad par ngor ba'i spyi chos can du 'dzin pa 'gog
go/ /zhes pa yan gsungs so/ /de yang skabs don snying por bsgril
na/

rang mtshan snang yul du byed pa'i/ blo la snang ba ltar grub na
rang gi mtshan nyid kyis grub dgos kyang/ de 'dra'i blo des mig
sogs 'dzin pa na

bden gnyis gang gis kyang khyad par du byas nas 'dzin pa min pa
na/ phyogs snga smra ba so so'i 'dod tshul thun mong ma yin pa'i
khyad par ma

sbyar bar spyir sgra tsam dang mig sogs tsam zhig chos can du
'dzin pas ni/ chos can de rnams la tshad mar song phyin rang gi
mtshan nyid kyis

@275b grub pa la tshad mar 'gro dgo/ pa'i dbang gis chos can de
dag phyogs snga smra ba po so so'i 'dod tshul thun mong ma yin pa
gang gis kyang khyad par

du ma byas par spyir sgra tsam dang/ mig sogs tsam chos can du
'dzin byas kyang/ zla ba'i lugs la chos can spyi tsam pa zhig
'jog rgyu med

par gong gi rigs pa de rnams kyis song ba'i dbang gis skyon
brjod mdzad nas bkag pa shin tu gsal lo/ /des na 'di rnams kyi/
gnad

'gag shes na rang rgyud pas kyang/ /snang du 'dra yang don byed
dag/ /nus pa'i phyir dang mi nus phyir/ /yang dag yang dag ma
yin pa'i/ /kun

rdzob kyi ni dbye ba byas/ zhes gsugns pa ltar/ yul yul can
gnyis la yang log gi khyad par 'byed mi 'byed kyi gnad rnams
kyang shes par

'gyur pas/ lung de'i don ni de yang rang rgyud pa'i lugs la byad
bzhin gyi gzugs brnyan dang byad bzhin gnyis la mtshon na de
gnyis ka rang snang

@276a @#/ /yul du byed pa'i blo la snang ba tsam du 'dra yang/
byad bzhin gyi gzugs brnyan ni/ byad bzhin du snang yang byad
bzhin

du snang ba ltar gyi don byed mi nus pas yang dag pa ma yin pa'i
log pa'i kun rdzob tu 'jog la/ byad bzhin ni byad bzhin du snang
ba/ ltar

byad bzhin du grub pa'i don byed nus pas yang dag kun rdzob tu/
'jog kyang/ de gnyis 'dzin pa'i shes pa la ni yang log gi/

khyad par mi 'byed do/ de ltar 'byed pa'i tshul yang de gnyis
'dzin pa'i shes pa ni rang snang yul du byed pa'i blo la snang
ba ltar ma grub pa 'jig

rten rang dga' bas mi rtogs shing/ de ni rang snang yul du byed
pa'i blo la snang ba ltar grub pa'i dbang gis de ltar bzhag pa
yin la/ thal 'gyur

bas ni yul yul can gnyis ka la yang log gnyis su 'byed cing de
yang 'jig rten shes ngo la bltos nas 'byed kyi/ kho rang gi ngo
bo nas yang dag

@276b kun rdzob dang log pa'i kun rdzob kyi khyad par ni yul
dang yul can gnyis ka la 'byed pa min no// de ltar yang legs
bshad snying por/ de yang

yul can la yang log gnyis su mi byed pa dang/ thal 'gyur bas
'jig rten nyid la bltos te yang log yul yul can gnyis ka la
'jog/

la rang lugs la mi 'jog pa'i rgyu mtshan rnams shes par 'gyur
ro// zhes gsungs so/ de'i phyir thal 'gyur bas yul yul can

gnyis ka la 'jig rten shes ngo la bltos nas yang log gnyis/ su
'byed pa/ 'di ni ma brtags ma dpyad pa'i rigs pa/ dang/

yul grub pa nyid kyis yul can 'grub tshul gyi rigs pa gong du
song zin pa rnams dang/ sprel na shin tu go sla bas/ 'dir thun
mong ma

yin/ pa'i rigs pa de dag la gtug tshul rgyas par ma bkod do// de
bzhin du phyin ci log 'khrul shes kyi rnyed don dang phyin ci ma
log pa ma

@277a @#/ /'khrul ba'i shes pa'i rnyed don gnyis kyang spyir kun
rdzob kyi chos rnams phyin ci log 'khrul pa'i shes pa'i rnyed
don dang don dam bden

pa rnams phyin ci ma log pa ma 'khrul pa'i shes pa'i rnyed don
yin la/ tshig gsal kyi skabs su phyin ci log pa dang phyin ci ma
log pa gnyis 'gal

bar 'jog pa'i skabs kyi phyin ci log ma log rtsis ni/ thal 'gyur
ba dang rang gi mtshan nyid kyis grub pa khas len pa gnyis kyi
'dod tshul la sbyar nas

'jog cing/ de'i sbyor tshul yang sgra lta bu gcig la tshad/ mar
song ba'i tshad ma yang/ thal 'gyur bas ni sgra/ tsam la mi slu
ba'i/ sgo

nas sgra la phyin ci ma log par 'jog kyang/ sgra rang gi mtshan/
nyid kyis grub pa la tshad mar yang ma song zhing/ de la phyin ci
ma log par

yang mi 'jog la/ rang gi mtshan nyid kyis grub par khas/ len pa
rnams kyi lugs la ni sgra rang gi mtshan nyid kyis grub pa la
tshad mar ma

@277b song na sgra la tshad mar 'gro tshul gtan nas med pas/ sgra
tsam chos can du bzung yang sgra rang gi mtshan nyid kyis grub pa
chos can du/

bzung bar song ba yin pa ni tshad mas grub tshul de'i gnad kyis/
yin pas/ rang mtshan 'dod pa rnams kyi lugs la sgra

rang gi mtshan nyid kyis grub par 'dzin pa'i blo de sgra la phyin
ci ma/ log par 'jog pas na/ don du na spyir sgra rang

gi mtshan nyid kyis grub par 'dzin pa'i blo de nyid thal 'gyur
ba'i lugs la/ blo phyin ci log 'khrul/ shes yin pas des

rnyed pa'i don la sgra de nyid mi 'jog cing/ rang gi mtshan nyid
kyis grub par 'dod pa rnams kyi lugs la de 'dra'i blo de sgra la
phyin ci ma log pa

dang sgra de nyid de'i rnyed don du yang 'jog pa yin no// /de'i
phyir phyin ci log pa dang phyin ci ma log pa gnyis 'gal par
'jog tshul yang blo gcig

@278a @#/ /gi thog nas so so'i 'dod tshul dang sbyar nas 'gal bar
'gro tshul ni de ltar ro// des na phyogs snga'i zhe 'dod kyi
dbang du byas

na kun rdzob kyi chos rnams kyang shes pa phyin ci log tsam/
gyis mi rnyed ces 'dod pa yang don dam dpyod byed kyi blos mi
rnyed ces pa dang phyin

ci log log shes kyis rnyed pa tsam min byas kyang chog/ go snyam
mo// de ltar yang tshig gsal las/ dpyad pa zhib mo 'jig rten gyi
tha snyad

la bcug pa 'dis ci dgos zhes kho bo cag kyang de skad du smra
ste kun rdzob phyin ci log tsam gyis bdag gi ngo bo yod par
rnyed pa/ zhes gsungs/

de'i don yang thal 'gyur ba'i skabs 'dir 'jig rten pa'i tha
snyad la ma brtags ma dpyad par 'jog pa'i tshul 'dir/ rang mtshan
gyis grub par

khas len pa rnams kyis de la dpyad pa bcu gnas bzhag pa 'di ci
zhig byed ces kho bo cag zla ba grags pa yang de skad du smra ba
yin no// de ltar yin

@278b kyang da dung kun rdzob phyin ci log gti mug bden 'dzin
tsam gyis rnyed pa'i bdag gi ngo bo ste rang gi ngo bos yod pa
gang yin pa de nyid 'jog pa yang

mi rigs so// zhes pa'i don no// de ltar yang legs bshad snying
por/ ci ste rtog pa dang rtog med la rang mtshan snang ba ltar
med pa'i/

'khrul shes kyis chos can grub par 'jog na ni zhes pa nas/ bshad
tshul 'di gnyis mi mthun kyang rang rgyud 'gog pa'i grub mtha'
mi/

mthun pa min no// zhes pa'i bar gsungs so// de rnams kyis ni
rang rgyud kyi gtan tshig dang rang gi mtshan nyid kyis grub pa'i
chos can mthun

snang ba rnams bkag nas/ da ni dpe dgag par bya ba yin la/ de
yang/ sangs rgyas pas bye brag pa la sgra mi rtag par sgrub

pa na/ gnyis ka'i 'dod tshul ltar gyi 'byung 'gyur dang nam

@279a @#/ /mkha'i yon tan gyis khyad par du byas pa'i chos can
sgra tshad mas ma grub kyang/ gang la tshad mar song sa'i sgra
tsam zhig gi don

'di'o zhes ston rgyu yod la/ mig sogs bdag las mi skye bar sgrub
pa'i rang bzhin gyis stong bar smra ba dang rang bzhin gyis mi
stong bar smra ba la

ni gnyis ka la yang rang gi ngo bos yod/ pa dang rang gi ngo bos
ma grub pa gnyis gang yang mi 'jal yang chos can gyi ngo bo 'di
'dra zhig 'jal

lo zhes phan tshun ston par mi nus pas/ mi 'dra'o// zhes legs
bshad snying por gsungs pa'i don ni/ de yang rang bzhin gyis
stong par smra

ba ni dbu ma thal 'gyur ba yin la/ de'i lugs la mig/ sogs chos
can/ bdag las mi skye ste/ yod pa'i phyir/ zhes 'god pa skabs su

babs pa'i rgol bas mig sogs rang gi ngo bos yod pa dang rang gi
ngo/ bos ma grub pa gnyis gang yang mi 'jal yang/ chos can gyi
ngo bo

@279b 'di 'dra ba zhig 'jal lo zhes phan tshun ston par mi nus pa
ni/ de 'dra'i tshad mas/ 'jal tshul mthun snang ba med pas mi nus
pa dang/ yang

mig sogs rang gi ngo bos ma grub pa las zur du mig sogs kyi ngo
bo ston par mi nus pa yang mig sogs dang de rang gis ngo bos ma
grub

pa gnyis snang stong zung 'jug ngo bo gcig tu song ba'i gnad
kyis/ de ltar phan tshun ston/ par mi nus par bzhag pa yin no//

de bzhin du rang bzhin gyis mi stong bar smra ba legs ldan la
sogs pa rang rgyud pa rnams/ kyis chos can mig sogs la rang gi
ngo bos

grub ma grub kyi khyad par de dor ba'i/ mig sogs spyi tsam zhig
'jal/ lo zhes phan tshun ston par mi nus pa yang de'i lugs la

mig sogs tshad mas 'jal tshul rang gi/ ngo bo'am rang gi mtshan
nyid kyis grub pa la tshad mar song ba las/ gzhan mig sogs la

@280a @#/ /tshad mas 'jal tshul zur du med pas yin no// 'di ni dgag
bya'i tshad la gtugs pa'i sbyor tshul yin pa'i gnad kyis de ltar

yin gyi/ sangs rgyas pas bye brag pa'i ngor sgra mi rtag par
sgrub pa'i skabs su 'byung 'gyur dang nam mkha'i yon tan gang
gis kyang khyad par du ma

byas pa'i sgra tsam zhig la tshad mar song ba yod kyang/ sgra'i
don 'di 'dra ba zhig la tshad mar song zhes dpyad nas 'jog pa'i
tshad mas grub tshul

mthun snang du 'jog pa'i tshad ma ni med do// de'i phyir rigs pa
'di dag gi gnad shes na gtan tshig ma grub pa dang chos can ma
grub pa dang dpe ma

grub pa rnams kyang legs par shes so// de ltar yang legs bshad
snying por/ de dag gi don bkag nas da ni dpe dgag par bya ste/
zhes pa nas/

rigs pa de dag gis gtan tshig ma grub pa'i tshul yang shes par
bya'o// zhes pa'i bar gsungs so// de yang legs ldan rang nyid
kyis kyang nang gi

@280b skye mched rnams skyed byed kyi rgyu rkyen yod de/ de ltar
rgyal bas gsungs pa'i phyir/ zhes pa'i rtags kyi don la kun
rdzob dang don dam gnyis la

brtags nas skyon brjod tshul ni/ de ltar/ rgyal bas gsungs la/ de
nyid kun rdzob tu yin na ni nang gi skye mched rnams skyed byed
kyi rgyu rkyen de dag

kun rdzob tu yod par dngos smra ba mi 'dod las khyed rang la ma
grub la/ don dam du yin na ni nged dbu ma pa la ma grub ces bden
gnyis la brtags nas

skyon brjod pa 'di yang legs ldan gyi skyon brjod tshul yin no//
de yang legs ldan gyis dngos smra ba la bden gnyis la brtags
pa'i skyon

brjod tshul lo// des na 'khrul ma 'khrul gyi shes pa gnyis kyi
rnyed don la brtags nas skyon brjod dgos pas/ de'i rgyu mtshan
yang

'jug pa las/ dngos kun yang dag brdzun pa mthong ba yis/ /dngos
rnyed ngo bo nyid ni 'dzin par 'gyur/ /yang dag mthong yul gang
de de nyid de//

@281a @#/ /mthong ba brdzun pa kun rdzob bden par gsungs/ zhes
gsungs/ de'i don yang dngos po kun te chos rnams la yang ngag

par mthong ba'i tshul dang brdzun pa'i mthong tshul gnyis las/ de
yang shes pa yang dag pa ma 'khrul pa ni stong nyid mngon sum du
rtogs pa'i blo dang

'khrul shes ni sems can gyi rgyud kyi kun rdzob bden pa mngon
sum du rtogs pa'i blo de nyid yin pas/ dang po'i rnyid don ni
don dam bden pa dang

gnyis pa'i rnyed don ni kun rdzob bden pa yin la/ /chos rnams
kyi rang rang gi ngo bo la dbye na bden pa gnyis gnyis yod par
'jog dgos pa yin

no/ /de'i phyir bye brag gcig la bkar ba'i yul can phyin ci log
ni sems can gyi rgyud kyi kun rdzob mngon sum du rtogs pa'i blo
dang/ phyin

ci ma log pa ni stong nyid mngon sum du rtogs pa'i blo la 'jog
pas de gnyis ni yul can phyin ci log ma log gnyis kyi dbang du
byas nas bzhag pa yin la/

@281b yul gyi dbang du byas na kun rdzob bden pa ni yul phyin ci
log dang/ don dam bden pa ni yul phyin ci ma log par gsungs so/
/de

yang kun rdzob bden pa dang de mngon sum du rtogs pa'i blo gnyis
phyin ci log tu 'jog pa'i rgyu mtshan yang kun rdzob bden pa ni
snang tshul

dang gnas tshul mi mthun pa'i brdzun pa slu ba'i cha nas phyin ci
log dang/ sems can gyi skabs/ kyi/ kun rdzob bden pa mngon sum

du rtogs pa'i blo ni 'khrul shes yin pa'i rgyu mtshan gyis phyin
ci log tu 'jog la/ stong nyid/ ni snang tshul dang gnas tshul
mthun

pa'i bden pa yin pa'i cha nas phyin ci ma log pa dang/ stong
nyid mngon sum du rtogs pa'i blo ni ma 'khrul pa'i shes pa yin
pa'i

rgyu mtshan gyis phyin ci ma log par gsungs so/ /des na phyin ci
sog ma log bye brag la bkar nas dmigs phug gi 'jog tshul 'di thal
'gyur ba'i

@282a @#/ /thun mong ma yin pa'i 'jog tshul yin la/ chos can mthun
snang tsam gyi phyin ci log ma log brtsi tshul ni grub mtha' gong
'og

gi 'dod tshul dang sbyar nas 'jog dgos pas de ni gong du bkod zin
pa ltar yin no/ /de ltar yang legs bshad snying por/ legs ldan
rang nyid

kyis kyang nang gi/ skye mched rnams na skyed byed kyi rgyu
rkyen yod de de ltar rgyal bas gsungs pa'i phyir zhes pa'i rtags
kyi don la gsungs pa de

kun rdzob tu yin na khyed rang dang don dam du yin na nged la
ma
grub bo zhes bden gnyis la brtags nas skyon brjod pa'i phyir/
chos can 'khrul ma

'khrul gyi shes pa gang gis/ rnyed ces bye brag la brtags nas
skyon brjod par rigs so/ /zhes pa nas/ brtag pa gsum byas pa'i
skabs su

rtags su gang 'god ces dri dgos so/ /zhes pa'i bar gsungs so/
/'di la bden gnyis kyi brtag pa gnyis las ma mdzad pas na rtags
kyi

@282b [@##line apparently missing this page] don gang yin zhes 'dri
dgos so/ /de ltar 'dri bar byed pa la yang dri rgyu'i rtags ngos
bzung dgos la/ de yang mtha' bzhi'i skye ba 'gog tshul nas

ngos 'dzin na legs pas/ de la thog mar rtsa she las/ /bdag las
ma yin gzhan las min/ /gnyis las ma yin rgyu med min/ /dngos po
gang

dag gang na yang/ /skye ba nam yang yod ma yin/ zhes gsungs pa
ltar/ bdag dang/ gzhan dang/ gnyis ka dang/ rgyu med las skye ba
dang bzhi

las; dang po bdag las skye ba'i dam bca' ni grangs can pas bzhag
pa yin la/ de la sangs rgyas bskyangs kyis 'gog tshul ni/ 'grel
ba bud d+ha

pA li ta las/ de la re shig dngos po rnams bdag las skye ba med
de/ de dag gi skye ba don med pa nyid du 'gyur ba'i phyir dang/
shin tu thal bar

@283a @#/ /'gyur ba'i phyir ro/ /dngos po bdag gi bdag nyid du
yod pa/ rnams la ni/ yang skye ba la dgos pa med do/ /

ci ste yod kyang skye na nam yang mi skye bar mi 'gyur ro/ /zhes
gsungs/ de'i don rang lugs su 'chad tshul ni/ thog mar bdag las
skye ba

med pa'i dam bca' bzhag nas/ de'i ldog phyogs kyi dam bca' de
nyid dngos su 'gog pa na/ de 'gog byed kyi sgrub byed tshul gsum
pa'i

gtan tshig dngos su ma bkod par/ dam bca'i ldog phyogs la gnod
byed ston pa'i thal 'gyur tsam zhig bkod pa yin no/ /de 'dra'i
thal 'gyur

de la yang mdor bstan rgyas bshad gnyis sbyar nas bkod par mdzad
pa yin pas/ de'i mdor bstan rgyas bshad sbyor tshul ni/ de yang
de dag gi

skye ba don med pa nyid du 'gyur ba'i phyir dang/ shin tu thal
bar 'gyur ba'i phyir ro/ /zhes mdor bstan gyi thal 'gyur gnyis
la rgyas bshad sbyor tshul ni/

@283b de yang/ dngos po bdag gi bdag nyid du yod pa rnams la ni
yang skye ba la dgos pa med do/ /zhes rgyas bshad kyi thal 'gyur
dang po dang/ ci lte yod

kyang skye na nam yang mi skye bar mi 'gyur ro/ /zhes pa rgyas
bshad kyi thal 'gyur gnyis par bzhag nas mdor bstan dang sbyor
tshul ni/ rgyas bshad

kyi bdag gi bdag nyid du yod pa zhes pa mdor bstan gyi de dag gi
zhes pa dang sbyar/ rgyas bshad kyi yang skye ba la dgos pa med
do zhes pa/ mdor

bstan gyi skye ba don med pa nyid du 'gyur ba'i phyir dang zhes
pa dang sbyar ba ni/ thal 'gyur dang po gnyis kyi mdor bstan
rgyas bshad sbyor tshul yin la/

rgyas bshad kyi ci ste yod kyang skye na nam yang mi skye par mi
'gyur ro/ /zhes pa mdor bstan gyi shin tu thal bar 'gyur ba'i
phyir ro/ /zhes pa dang

sbyar ba ni/ thal 'gyur phyi ma gnyis kyi mdor bstan rgyas bshad
sbyor tshul yin no/ /de ltar mdor bstan rgyas bshad sbyor ba'i
'gal brjod kyi thal

@284a @#/ /'gyur ni/ rgyu dus na mngon par mi gsal ba'i tshul gyis
yod par 'dod pa'i myu gu chos can/ slar yang skye ba

don med par 'gyur bar thal/ rang gi bdag nyid du grub zin nas
yod pa'i phyir/ khyab pa sgrub pa ni/ 'o na/ sa bon 'ba' zhig
phyi mtha' thug med

du brgyud nas skye bar thal/ rang gi bdag nyid du grub zin kyang
slar yang ldabs nas skye ba'i phyir/ zhes 'gal brjod kyi thal
'gyur bkod nas grangs can

la bdag skye yang dag par bkag par mdzad do/ /de la legs ldan
gyis skyon brjod tshul ni/ shes rab sgron mar/ de ni rigs pa ma
yin te/ gtan

tshigs dang dpe ma brjod pa'i phyir dang/ gzhan gyis smras pa'i
nyes pa ma bsal ba'i phyir ro/ /glags yod pa'i tshig yin pa'i
yang phyir skabs kyi

don las ldog pas bsgrub par bya ba dang/ de'i chos ldog pa'i
don/ mngon pas/ dngos po rnams/ gzhan las skye bar 'gyur ba
dang/ skye ba

@284b 'bras bu dang/ bcas pa nyid du 'gyur ba dang/ skye ba thug
pa yod par 'gyur ba'i phyir/ grub pa'i mtha' dang 'gal bar 'gyur
ro/ /zhes

gsungs so/ /de'i don/ yang gtan tshigs dang dpe yang dag ma brjod
pa'i tshul ni/ nang gi skye mched rnams chos can/ don dam par

bdag las mi skye ste yod pa'i phyir/ zhes pa'i bdag skye 'gog
nus kyi rtags zhig kyang ma bkod cing/ mthun dper shes pa/
bzhin/

zhes pa zhig kyang ma bkod par dam bcas pa tsam zhig dang/ gzhan
gyis smras pa'i nyes pa ma bsal ba yang 'dir gzhan ni/ grangs
can yin la

de'i nyes pa mngon par gsal zin gyi myu gu bdag las mi skye zer
ram/ mngon par mi gsal ba'i tshul gyis yod pa'i myu gu bdag las
mi skye

zer ba gang yin/ dang po ltar na/ kho bo cag gis kyang de ltar
khas len pas grub zin sgrub pa'i skyon du 'gyur la/ gnyis pa
ltar na/ de ltar skye ba khyod

@285a @#/ /rang yang 'dod pas bdag las mi skye zhes dam bcas pa
dang 'gal lo/ /rgol ba gzhan gyi rtsod pas skabs rnying tshul ni/
khyed

rang gi 'grel dag 'di sgra sor bzhag na 'brel mi 'dug pas ldog
dgos so/ /de'i tshul yang/ dngos po rnams chos can/ bdag las skye
ba med de/

skye ba don med dang thug med yin pa'i phyir/ zhes pa 'di nyid
dngos zin la bkod 'dug pa la dngos zin 'di las ldog dgos la/
de'i ldog tshul

skye ba don med dang thug med las ldog ste skye ba don bcas dang
thug bcas su 'gyur dgos pa yin no/ /de yang rtags ldog pa ltar
bsgrub bya yang ldog

gam snyam na/ de ltar ldog pa min te/ 'di'i bsgrub bya'am dam
bca' ldog tshul ni dngos po rnams bdag skye rnam par bcad tsam
min par ldog

dgos pas na mi 'dra la/ de yang dngos po rnams bdag skye rnam
par bcad tsam min zhes pas dngos po rnams gzhan las skye par
'phangs pas na

@285b bsgrub bya ma yin dgag tu 'gyur ba'i skyon yod do zhes
glags rnyed pa yin no/ /de ltar yang rje rtna'i mtshan can gyis
mdzad pa'i de kho na nyid

gsal ba'i sgron me las/ 'phags pa klu sgrub yab sras kyis dang
bzhin gyis skye ba 'gog pa'i rigs pa'i bsgrub bya thams cad dgag
bya bcad

tsam gyi med dgag tu bshad pas 'dir yang/ bdag skye/ bcad tsam
gyi med dgag bsgrub byar byad dgos pa la/ sbyor ba 'di'i

bsgrub byas gzhan skye 'phangs nas ma yin dgag/ tu song bas/
gong du bshad pa'i klu'i zhabs kyi grub pa'i mtha' dang

'gal bar 'gyur ro/ /zhes gsungs so/ /des na 'grel ngag 'di'i
dngos zin gyi rtags ldog dgos pa dang de bzhin du dam bca' yang
ldog

dgos par mtshungs kyang ldog tshul mi mtshungs pa ni/ rnam bshad
rigs pa'i rgya mtshor/ dngos zin gyi rtags/ ldog dgos na dngos
zin gyi dam bca'

@286a @#/ /yang ldog dgos te mtshungs pa'i phyir ro// de la rtags
ldog pa ltar byar med pas bdag skye rnam par bcad tsam min pa
ldog

pa'i don no// zhes gsungs so// des na ldog tshul de ni 'grel ngag
gi dngos zin gyi rtags dang bsgrub bya/ ldog pa'i don yin gyi/
thal 'gyur

gyi rtags dang bsgrub bya ldog pa'i don ni ma yin no// de yang
thal 'gyur gyi dbang du byas na/ dngos/ po chos can/ slar yang
skye ba don med dang thug

med yin par thal/ rang gi bdag nyid du grub zin pa'i phyir zhes
pa'i thal 'gyur 'di tsam/ zhig gi sgo nas 'gal ba bstan te pha
rol grangs can

'dod pa'i bdag skye tsam zhig bkag pa yin gyi/ rang gi grub
mtha' dang 'gal ba'i skyon ni gtan nas med do// de'i phyir 'gal
brjod kyi thal 'gyur

'di'i dam bca'i ldog don ni dngos po rnams slar yang/ skye ba
don med dang thug med las ldog ste slar yang skye ba don bcas
dang thug

@286b bcas su 'gyur dgos pas// ldog don slar yang skye ba don
bcas dang thug bcas ni/ pha rol grangs can gyis khas blangs pa
yin gyi kho bo cag

sangs rgyas bskyangs kyi phyogs la de ltar khas len pa su yang
med do; de ltar yang rnam bshad rigs pa'i rgya mtshor/ 'di thal
chos kyi rtags

ldog pa min te/ bsgrub par bya ba ldog pas zhes bshad pa'i phyir
dang bdag skye med pa rtags su ma smras pa'i phyir ro// zhes
thal 'gyur gyi bsgrub bya

ldog tshul dngos su gsungs nas rtags ldog tshul dngos su bstan pa
ma/ yin no// thal 'gyur gyi dam bca'i ldog don yang/ tshig gsal

las/ thal bar 'gyur ba ldog pa'i don dang yang pha rol po nyid
'brel gyi kho bo cag ni ma yin te rang la dam bca' ba med pa'i
phyir ro// de'i phyir kho bo

cag la grub pa'i mtha' dang 'gal ba gal yod/ ces gsungs so//
de'i phyir 'gal brjod kyi thal 'gyur 'di dang dgongs chod kyi
thal 'gyur gnyis

@287a @#/ /mi 'dra bas/ dgongs tshod kyi thal 'gyur de'i rtags
dang bsgrub bya gnyis ldog dgos pa sogs rgyas shing/ gsal ba ni/

rje btsun chos kyi rgyal/ mtshan dpal bzang po'i spyi don skal
bzang mgul rgyan dang/ tshig gsal lde mig/ de kho na nyid

gsal ba'i sgron me rnams/ las/ shes par bya'o// de bzhin du
gzhan las skye ba ni rang rgyud pa man chad kyi rang sde rnams
dang/ gcer bu pa

sogs gzhan sde 'ga' yang 'dod par gsungs shing/ gnyis ka las
skye ba ni gcer bu pa rnams kyis 'dod pa dang/ rgyu med las skye
ba ni rgyang

phan pa rnams kyis 'dod pas de dag gi 'dod tshul rim par brjod pa
ni/ de yang gzhan skye 'dod pa rnams kyis ni rang gi/ mtshan nyid
kyis grub

pa'i rgyu gzhan las rang gi mtshan nyid kyis grub pa'i 'bras bu
gzhan skye bar 'dod pas de/ nyid sangs rgyas bskyangs kyis 'gog
pa'i tshul ni/ /

@287b [@##line apparently missing this page]bud d+ha pA li ta
las/ dngos po rnams gzhan las kyang skye ba med de/ ci'i phyir
zhe na/ thams cad las thams cad skye bar thal bar 'gyur ba'i
phyir ro//

zhes gsungs pas/ de yang rgyu yin min thams cad las 'bras bu yin
min thams cad skye bar thal bar 'gyur ba'i phyir/ zhes 'gog par
mdzad la/

de la legs ldan gyis skyon brjod tshul ni/ shes rab sgron mar/
des na de la glags yod pa'i tshig yin pa'i phyir/ bsgrub par bya
ba dang/ sgrub pa

ldog par byas na/ dngos po rnams bdag gam/ gnyis ka'am/ rgyu med
las skye bar 'gyur ba dang/ 'ga' zhig las 'ga' zhig skye bar
'gyur ba'i

phyir/ phyogs snga ma dang 'gal bar 'gyur ro// gzhan du na thams
cad las thams cad skye bar thal bar 'gyur ba'i phyir ro// zhes
bya ba de la/

@288a @#/ /sgrub pa dang sun dbyung ba nyid med pa'i phyir/ de ni
don 'brel pa med pa yin de/ dper na/ /gla sgang sle tres skyu ru
ra dag rims

la pa na/ /smad 'tshong rnams la snying du sdug pa 'ga' yang med/
/smig ma'i smig brde'u dag ni lci zhing kha bag yod/ /zla ba'i
'od zer dag ni tsha ba'i

dus na bsil/ /zhes bya ba lta bur 'gyur ro// zhes gsungs nas
skyon brjod mdzad kyang skyon du 'gyur ba ni gang yang med do//
de bzhin du/

gcer bu pa rnams kyis rdza bum lta bu/ 'jim pa'i bdag nyid las
skye bas bdag skye dang rdza mkhan dang 'khor lo sogs la bltos
te gzhan/

skyer 'dod cing/ de dag sangs rgyas/ bskyangs kyis 'gog tshul ni/
bud d+ha pA li ta las/ bdag dang gzhan gnyis las kyang skye ba
med do/

gnyis/ ka'i skyon du thal bar 'gyur ba'i phyir ro// zhes pas
yang dag par bkag go/ rgyu med las skye ba'i dpe ni/ rma bya'i
mdongs kyi kha dog

@288b sna tshogs pa dngos po gzhan la mi ltos par/ rang gi ngang
gis 'grub pa bzhin no zhes gtan tshigs ltar snang la brten nas
dngos po rnams

rgyu med las skye bar dam bcas pa yin no// de nyid sangs rgyas
bskyangs kyis 'gog tshul ni/ bud d+ha pA li ta las/ dngos po
rnams rgyu med pa

las kyang skye ba med de/ rtag tu thams cad las thams cad skye
bar thal bar 'gyur ba'i phyir dang/ rtsom pa thams cad don med
pa nyid kyi skyon

du 'gyur ba'i phyir ro// zhes pa'i sgo nas legs par bkag go/ de
la yang legs ldan gyis skyon brjod tshul ni/ shes rab sgron mar
de la yang

glags yod pa'i tshig yin pa'i phyir/ gal te bsgrub par bya ba
dang sgrub pa ldog pa'i tshig gi don mngon par 'dod na/ des 'di
skad bstan par

'gyur te/ dngos po rnams rgyu las skye bar 'gyur ba dang/ lan
'ga' kha cig las kha/ cig skye bar 'gyur

@289a @#/ /pa dang/ rtsom pa 'bras bu dang bcas pa/ nyid du 'gyur
ba'i phyir/ de ni mi rigs te/ sngar smras pa'i skyon du 'gyur

ba'i phyir ro// ji ste gzhan du na yang don 'brel pa med pa yin
te/ snga ma bzhin no// zhes skyon brjod mdzad kyang sangs rgyas
bskyangs la skyon de ltar

mi 'jug go/ de ltar yang dpal ldan zla bas tshig gsal du/ skyon
'di dag thams cad ni rigs pa ma yin par kho bo cag gis mthong
ngo/ zhes sogs

kyis sangs rgyas bskyangs kyis 'grel ngag la skyon med par bstan
pa yin no// des na legs/ ldan gyi skyon brjod tshul 'di

dag ni sangs rgyas bskyangs kyis mtha' bzhi'i skye ba 'gog pa la
skyon brjod gsum bstan nas/ bkag pa yin kyang/

de la dpal ldan zla bas skyon med tshul khungs dang bcas gsungs
pa bzhin sangs rgyas bskyangs rang nyid kyi sbyor ba la legs
ldan ltar gyi skyon de

@289b ltar mi 'jug pa ni rang rgyud khas ma blangs pa'i rgyu
mtshan// gyis skyon mi 'jug par bstan pa yin no// de'i phyir
sangs rgyas bskyangs rang

gi lugs la ni bsgrub bya sgrub pa'i sbyor ba rnams/ phyi rgol
la/ grub pas chog cing/ de yang sbyor ba de nyid ni/ phyi rgol
gyi log rtog

zlog pa tsam gyi ched yin pa'i phyir ro// zhes gsungs pa ltar
yin la/ 'o na snga rgol phyi rgol gang rung la grub pas mi chog
gam snyam na de la 'jig

rten pa'i rtsod pa dper byas nas des chog par gsungs pas/ gong
gi skyon brjod de rnams rang gi sbyor ba la mi mtshungs pa'i/ sgo
nas skyon

spong tshul la don tshan brgyad yod la/ de yang/ pha rol po'i log
rtog 'gog pa tsam la rgol ba snga rgol phyi rgol gnyis ka la
grub mi dgos par

bstan pa dang/ sgrub pa dang sun 'byin gnyis ka la rgol gnyis
kas grub pa dgos par phyogs glang gis kyang lugs 'di 'dod par
bstan pa dang/

@290a @#/ /rang rgyud rtags kyi don bshad pa dang/ tshad mas grub
tshul mthun snang ba med pas rang rgyud mi bzhed pa'i tshul dang/
gzhan

grags kyi rtags 'jog tshul dang/ de la brten nas lta ba rnyed pa
na spyod phyogs 'dor pa'i log rtog khegs pa dang/ gzhan grags
kyi rtags

yang dag la tshul gsum snga rgol gyi tshad mas grub par bstan pa
dang/ rang rgyud pa la dbu ma pa ma yin par dogs pa spong ba'i
tshul dang brgyad

las; dang po'i mtshan gzhi ni/ thal 'gyur ba'i slob dpon gnyis
kyis grangs can pa'i log rtog 'gog pa na/ dngos po chos can/
slar yang

skye ba don med de/ yod pa'i phyir/ dper na/ mngon gsal gyi bum
pa bzhin/ zhes pa lta bu'o// de yang rang rgyud kyi rtags chos
don gsum 'jog

na rang gi mtshan nyid kyis grub pa'i de gsum 'jog dgos pa las/
'dir ni de ltar mi 'jog pas na/ thal 'gyur ba dang grangs can
gnyis tshad mas

@290b grub tshul mthun snang ba med kyang/ gzhan grags kyi dpe
rtags brjod pa des grangs can gyi dngos po bdag las skye bar
'dzin pa'i log rtog bzlog

nus pas 'jig rten pa'i rtsod pa ltar thal 'gyur ba dang grangs
can pa gnyis la ma brtags ma dpyad pa'i mthun snang du grub pa'i
gzhan grags kyi dpe rtags

ni yod do// de ltar yang tshig gsal las/ 'jig rten na ni res 'ga'
dbang po rgol ba dang phyi rgol ba gnyis kyis tshad mar byas pa'i
tshig gis rgyal

ba'am pham par 'gyur la/ res 'ga' ni rang gi tshig kho nas 'gyur
gyi gzhan gyi tshig gis ni rgyal ba'am pham par 'gyur ba ma yin
no// 'jig rten

na ji ltar yin pa de bzhin du rigs pa la yang yin te/ 'jig rten
pa'i tha snyad kho na rigs pa'i bstan bcos su skabs su babs pa
yin pa'i phyir ro// zhes

gsungs so// gnyis pa'i mtshan gzhi ni/ gzhan don sgrub ngag yang
dag dang sun 'byin yang dag gi rtags khyab rgol ba snga phyi
gnyis ka la tshad mas

@291a @#/ /grub tshul mthun snang ba skabs 'dir mi/ 'jog ste/ de
ltar bzhag pa la lung gis gnod pa dang/ rang don gyi/

rtags yang dag gnyis ka rang la grub pas chos pa'i phyir/ de
yang 'jig rten gyi tha snyad ma brtags ma dpyad pa'i dbang du
byas pa la ni sgrub

ngag dang sun 'byin rgol ba gnyis kas grub dgos par 'dod pa yang
yod do/ /de'i phyir phyogs glang yab sras kyis kyang gnyis kas
grub dgos

par 'chad de mdo rang 'grel las/ phyogs kyi chos ni rgol ba dang
phyir rgol ba gnyis ka la nges par bzung ngo/ de bzhin du mthun
pa'i phyogs la

yod pa dang med pa la sogs pa dag la yang ci rigs par sbyar bar
bya'o/ /brjod pa gang zhig gnyis ka la nges pa de kho na sgrub
pa'am sun 'byin

pa yin gyi gang yang rung ba la ma grub pa'am the tshom za bas ni
ma yin no/ /zhes gsungs so/ gsum pa/ rang rgyud kyi rtags kyi
don bshad tshul

@291b ni; rang rgyud ces pa dang rang dbang/ gi don yin cing/ de
yang shes rab sgron mar rang dbang zhes par bsgyur bas 'di dang
rang rgyud gnyis don

gcig par gsungs pas na/ rgyu mtshan de'i phyir/ bzhi pa/ phyi
rgol gyi khas blangs la ma 'khris par tshad mas grub tshul yang
rtags chos

don gsum thams cad la rang/ gi sdod lugs sam rang dbang gis nges
par byas nas bsgrub bya rtogs pa'i rjes dpag bskyed pa 

cig la rang rgyud 'dod pa rnams kyi rang rgyud kyi don 'dod tshul
lo/ /de'i phyir spyir rtags dang bsgrub bya 'dod kyang rang
rgyud kyi rtags dang bsgrub bya mi

'dod pa yin no/ /des na lnga pa/ gzhan grags kyi gtan tshigs kyi/
mtshan gzhi ni/ myu gu chos can/ rang gi ngo bos ma grub ste/

rten 'byung yin pa'i phyir/ dper na/ gzugs brnyan bzhin/ zhes pa
lta bu gzhan grags kyi gtan tshig/ la 'jog tshul ni/ de yang myu
gu bden med

@292a @#/ /du sgrub pa'i tshe/ gzhan grags kyi rtags kyis bsgrub
bya sgrub pa'i tshe na sngar ltar phyi rgol la tshad mas rang
dbang du bsgrub sa ma byung

bas; rang gzhan gnyis ka la tshad mas grub tshul mthun snang du ma
grub pa zhig la 'jog kyang/ de'i sgo nas gzhan la grags pa zhes
'jog pa min gyi

snga rgol gyis rten 'byung gi rtags la brten nas myu gu rang gi
ngo bos ma grub pa sgrub pa'i skabs kyi tshul gsum du rten 'byung
de nyid/ de sgrub kyi snga

rgol gyi tshad mas grub zin cing/ de 'dra'i phyi rgol gyi chad
mas grub ma zin kyang/ myu gu dang gzugs brnyan rten 'byung yin
pa tsam dang/ gzugs

brnyan byad bzhin du snang ba ltar bden med du khas len pa dang
grags pa tsam yin pas gzhan la grags pa zhes bya la/ de yang
phyi rgol la tshad

mas rang dbang du grub pa dang/ de'i sgo nas de sgrub kyi rtags
chos don gsum mthun snang du grags pa'i grags tshul min gyi 'jig
rten gyi tha

@292b snyad kyi don ltar grub pa de nyid gzhan grags kyi don yin
no// de'i phyir myu gu dang de rten 'brel sogs su tha snyad pa'i
lhan skyes kyi tshad mas grub pa ni

snga rgol phyi rgol gnyis ka'i rgyud la yod mod kyang/ phyi rgol
gyi ngor ni rang gi ngo bos yod par 'dzin pa'i blo dang 'dres
nas yod pa'i dbang gis de'i

rgyud la lta ba ma skyes gong du de gnyis kyi khyad par gsal bar
mi phyed pas na/ snga rgol gyis sngar nas phyed kyang 'phral du
phyi rgol de la gsal bar

ston pa yang min no/ /des na snga rgol phyi rgol gnyis ka thal
'gyur ba nang phan tshun yin na/ de la ni khas blang sa lam
'khris par tshad mas grub tshul

bstan du yod kyang/ de ni ming gi tha snyad kyi dbang gis bzhag
pa'i tshad mas 'jog tshul yin gyi dngos po'i rang gi ngo bo'i
dbang gis bzhag pa

min pas rang rgyud mi rung pa'i tshul ni de'o/ de ltar myu gu
rang gi ngo bos ma grub par rtogs pa'i lta ba rgyud la skyes
pa'i tshe/ myu gu la rang gi ngo

@293a @#/ /bos med par 'dzin pa dang/ de rang gi ngo bos yod par
'dzin pa dang/ yod med gang gis kyang khyad par du ma byas par
'dzin

pa gsum ga yod do/ /de'i phyir/ drug pa/ gzhan grags kyi gtan
tshigs la brten nas lta ba gtan la phab pa zin pa na/ de ltar lta
ba brgyud la skyes

pa'i gang zag de la stong phyogs la nges pa che ba tsam gyis
spyod phyogs la nges pa che ru song ba'i/ gnad kyi sa/ spyod
phyogs thams cad la zhe

rtsis med par byed pa'i log lta thams cad kyang legs par khegs
par gsungs so/ /des na/ 'dun pa de ltar lta ba gtan la 'bebs nus

kyi gzhan grags kyi gtan tshigs rten 'byung des ni myu gu bden
med du sgrub nus pa yang yin la/ de ltar sgrub nus pa'i gzhan
grags kyi tshul gsum

tshad pa'i gtan tshigs de yang phyi rgol gyi khas blangs pa tsam
gyis mi chog gi/ snga rgol gyi tshad mas grub pa dgos te des ma
grub na rten 'byung

@293b gi rtags kyis phyi rgol la myu gu bden med du rtogs pa'i
lta ba bskyed mi nus pa'i phyir ro/ /de ltar tha snyad pa'i tshad
ma la brten nas bden par med

pa 'jal dgos pa'i tshul yang/ /tha snyad la ni ma brten par/ /dam
pa'i don ni rtogs mi 'gyur/ zhes gsungs pa ltar/ chos can gang
gi steng du

yang don dam bden pa gtan la 'bebs pa la gzhan grags kyi gtan
tshigs rten 'byung lta bu'i tshul gsum nges pa'i tha snyad pa'i
tshad ma sngon du

bskyed dgos so zhes pa'o/ /de yang lta ba bskyed tshul 'di ltar
spyad na/ brgyad pa/ legs ldan 'byed la sogs pa'i dbu ma rang
rgyud pa rnams

kyang rang gi mtshan nyid kyis grub pa khas blangs sa pas na bden
par grub pa'i don khas blangs pa yin la/ de'i dbang gis dbu pa
ma par mi 'jog

go snyam na/ de ni rigs pa ma yin te/ rang rgyud pa'i mkhas pa
de dag gis kyang bden par grub pa sgo du ma nas 'gog cing/ bden
grub khas

@294a @#/ /len pa'i grub mtha'i lugs/ rnams kyang sgo du ma nas
sun 'byin par mdzad de bden med legs par zhal gyis bzhes pas

dbu ma pa ni yin par gsungs so/ de ltar yang/ legs bshad snying
por/ de 'dra'i skyon brjod rnams rang gi sbyor ba la mi mtshungs
pa'i rgyu

mtshan du rang rgyud khas mi len pa bkod nas/ rang gi/ lugs kyi
bsgrub bya sgrub pa'i/ sbyor ba rnams phyi rgol la grub pas chos
ste/ zhes

pa nas/ mkhas pa de dag kyang chos bden/ par yod pa'i grub mtha'
rigs pa'i sgo du ma nas 'gog cing bden med du zhal gyis legs par
bzhes

pas dbu ma pa ni yin no/ /zhes pa'i bar gsungs so/ /gsum pa tshul
de la mdo sde rnams dang 'gal ba spang ba'i tshul la/ dgongs
'grel dang

'gal ba spang ba'i tshul dang/ de dang byams zhus/ gyi le'u gnyis
mi mtshungs par bstan pa'i tshul lo/ /dang po ni/ dgongs 'grel gyi
mtshan nyid

@294b gsum gyi sgo nas ngo bo nyid yod med phye ba dang drang
nges 'jog tshul rnams rnal 'byor spyod pa ba'i lugs dang dbu ma
rang rgyud pa'i lugs kyi 'byed tshul

ma 'dras par/ slob dpon gzhan gyis gsal bar phye ba rnams ni
snga dgong du bkod zin pa rnams yin la/ des na slob dpon 'di'i
bzhes tshul ji

ltar yin gyi gsal kha ni 'phags pa yab sras dang sangs rgyas
bskyangs rnams kyi ma mdzad par dpal ldan zla/ bas gsal bar
mdzad tshul ni/

'jug pa las/ rnams pa de lta'i mdo sde gzhan yang ni drang don
nyid du lung 'di'i gsal bar byed/ /ces dang/ de'i rang 'grel las
kyang/ rnams

ba de lta bu'i mdo sde gang zhe na/ ji skad du dgongs pa/ nges
par 'grel ba'i mdo las/ btags pa dang gzhan gyi dbang dang yongs
su grub pa zhes

bya ba'i rang bzhin/ gsum bstan pa las/ btags/ ba med pa nyid
dang gzhan gyi dbang yod pa nyid dang/ de bzhin du len pa'i rnam
par zhes pa zab

@295a @#/ /cing phra/ /sa bon thams cad chu bo'i rgyu bzhin 'bab/
/rtag tu rtog par/ gyur na mi rung zhes/ /'di ni byis

pa rnams la ngas ma bstan/ /zhes bya ba la sogs pa ste/ /'di ji
ltar nad pa nad pa la/ /smad pa sman rnams gtong ba ltar/ /sangs
rgyas de bzhin sems

can la/ /sems tsam du yang rab tu gsungs/ zhes bya ba'i lung
'dis drang ba'i don nyid du gsal bar yang byed do/ /zhes gsungs/
de'i don yang

kun gzhi sogs rnam pa bzhi yod par dngos su bstan pa'i drang don
gyi mdo sde bzhi po 'di ni/ nges don gyi mdo sde las gzhan drang
don du 'jug pa rtsa 'grel

'dis gsal bar bshad pa yin la/ de ltar/ bshad tshul yang ngo bo
nyid dang po gnyis la rang gi mtshan nyid kyis yod med phye ba'i
rnal

'byor spyod pa ba dang dbu ma rang rgyud pa'i lugs gnyis ka bkag
nas/ 'dir kun btags ni med pa nyid dang/ gzhan gyi dbang ni yod
pa nyid du bshad pas

@295b 'di dang rnal 'byor spyod pa ba dang rang rgyud pa rnams
mtshan nyid gsum gyi 'jug tshul ches mi 'dra zhing/ yongs grub
'jog tshul ches mi 'dra ba yang gong gi

bdag med phra rags bstan tshul gyi rim pas shes nus so/ /rnam par
shes pa shin tu phra ba las kyi sa bon thams cad chu'i rgyun
bzhin du 'bab cing 'dzin pa'i

kun gzhi'i rnam par shes pa las 'bras kyi rten du gyur pa'i/
bdag tu 'jog/ pa'i/ lags de yang skabs 'dir bzhag tu mi rung

yang/ sangs rgyas kyis spyir byis pa rnams la de ltar/ mi rung
zhes dngos su ma bstan par/ gdul bya rim bzhin bkri ba'i thabs

la mkhas pa'i dbang gis/ ji ltar nad pas sman pa bsten te sman
rnams gtong ba ltar/ sangs rgyas kyis kyang gdul bya la chos

thams cad nang sems kyi bdag nyid tsam du grub bar gsungs shing/
de ltar gsungs pa de yang dpal ldan zla ba'i lugs mchog 'dir
drang ba'i don du

@296a @#/ /'grel bar mdzad ces pa'i don no/ de ltar
yang legs
bshad snying por/ dgongs 'grel gyi mtshan nyid gsum gyi sgo nas
ngo bo nyid yod

med phye ba dang/ drang nges 'jog tshul slob dpon gzhan gyi bzhed
pa sngar bshad pa ltar yin na slob dpon 'di ji ltar bzhed ce na/
zhes pa nas/ sems

tsam du gsungs pa yang ston pa'i rang lugs kyi dbang gis min gyi
gdul bya'i bsam pa'i dbang gis yin par lang gshegs las gsungs pa
drang

don du gsal lo/ /zhes pa'i bar gsungs so/ /de yang 'jug pa rtsa
'grel gyis drang don du dngos su 'grel pa'i mdo gsum dang/ mdo
kun las

btus kyis mthar thug theg pa gcig tu sgrub pa'i mdo drang don du
dngos su ston/ kyang 'gal pa ni med do/ /de bzhin du sems tsam
du gsungs

pa la yang phyi rol 'gog mi 'gog gnyis yod kyang/ /phyi rol
snang ba yod min te/ /sems ni sna tshogs rnams su snang/ zhes
pa'i mdo 'dis

@296b ni phyi don 'gog pas drang don du yang gsal zhing/ de
bzhin du rnam rig pas nges don du khas blangs pa'i mdo thams cad
drang don du lung 'dis gsal

bar byas zhes gsungs la/ 'jug pa'i 'grel bshad las kyang/ de
bzhin gshegs pa'i snying po drang don du gsungs pa dang/ yang sa
bcu pa'i mdo las

khams gsum po 'di ni sems tsam mo zhes pa'i tsam gyi sgras phyi
don 'gog pa min par sems las don gzhan pa'i byed pa po yod pa
'gog pas na/

de ni skabs 'dir drang don du 'jog pa min par gsungs so/ /de
ltar yang legs bshad snying por/ de nas/ zhes pa nas/ snying po
drang don du ston pa'i

mdo la rnams rig pas nges don du ston pa min te de la ni gnyis
ka la rtsod pa med do/ zhes pa'i bar gsungs so/ /des na snying
po'i mdo drang don du gsungs

pa des ci zhig sgrub na/ dgongs 'grel las kun gzhi bstan pa de
nyid sgra ji bzhin pa/ min par sgrub pa yin pas na/ thog mar de
bzhin gshegs pa'i

@297a @#/ /snying po bstan pa sgra ji bzhin pa ma yin pa shes
dgos gsungs pa ltar/ de'i tshul ni lang gshegs las/ mdo sde ni
sems can gyi

bsam pa bzhin bstan pa don 'khrul pa yin te de kho na'i gtam min
no/ /dper na/ smig rgyu ni chu med pas chur zhen pa'i ri dwags
slu ba bzhin du bstan

pa'i chos kyang byis pa mgu bar byed kyi 'phags pa'i ye shes
rnam par dgod pa'i gtam ni min no/ /des na khyod kyis don gyi
rjes su 'brang bar bya'i

brjod pa la chags par mi bya'o zhes bka' stsal pa dang/ blo gros
chen pos mdo sde las de bzhin gshegs pa'i snying po gsungs pa
de/ rang bzhin

gyis 'od gsal pa thog ma nas rnam par dag pa mtshan so gnyis dang
ldan pa sems can thams cad kyi lus kyi nang na yod par brjod de/

nor bu rin po che gos dri ma can gyis dkris pa bzhin du phung
khams skye mched kyi gos kyis dkris shing/ dri ma can du gyur pa
rtag brtan ther

@297b zug tu/ brjod na snying po smra ba 'di mu stegs/ kyi bdag
smra ba dang ji ltar mi 'dra ba lags/ mu stegs kyang rtag pa
byed pa med pa yon

tan med pa khyab pa mi 'jigs pa zhes bdag tu/ smra'o zhes zhus
so/ /de'i len du sangs rgyas rnams kyis ni byis pa bdag med la
skrag

pa spang ba dang/ mu stegs byed bdag tu smra ba la zhen pa rnams
drang ba'i phyir stong nyid mtshan med smon med la sogs pa'i tshig
gi don/ chos kyi bdag

med snang med kyi spyod yul la de bzhin gshegs pa'i snying po
zhes ston pas/ mu stegs kyi bdag smra ba dang mi 'dra ste/ 'di
la da ltar dang ma 'ongs

pa'i byang sems kyis bdag tu zhen par mi bya'o/ /bdag tu lta bar
ltung ba'i bsam pa can rnams rnam thar gsum gyi spyod yul la
gnas pa'i bsam

pa ldan zhing myur du 'tshang rgya bar gyur na snyam nas de'i don
du snying po ston pas/ mu stegs kyi lta ba bzlog pa'i phyir
snying po bdag med pa'i rjes su

@298a @#/ /'jug par bya'o/ /zhes gsungs so/ /de'i don ni de yang
spyir de bzhin gshegs pa'i snying po ston pa'i mdo sde ni sems
can gyi bsam

pa'i dbang gis ston pa yin pas bstan don ji lta ba bzhin min
pa'i 'khrul pa lta bur bstan pa yin pas/ bstan don bstan pa ltar
gyi don la gnas

pa'i gtam ni min no zhes spyir bstan nas/ de'i dper smig rgyus
ni chur zhen pa'i ri dwags slu ba bzhin du/ de bzhin gshegs pa'i
snying po bstan pa'i

mdo 'di yang byis pa mgu byed du gsungs kyi 'phags pa'i ye shes
la 'god pa'i gtam ni min no zhes/ sgras zin ltar khas len du mi
rung par

gsungs nas/ dgongs pa'i don chos kyi bdag med kyi stong nyid kyi
don la rjes su 'jug par bya'i/ sgras zin gyi brjod pa tsam la
chags nas de la

yid brtan par mi bya'o zhes/ bcom ldan 'das kyis bka' stsal pa
yin la/ de la blo gros chen pos mdo las/ de bzhin gshegs

@298b pa'i snying po/ gsungs pa de'i don ni mu stegs kyi bdag
smra ba dang ji ltar mi 'dra ba lags zhus te/ mu stegs

pa'i bdag tu smra tshul rtag pa byed pa med pa sogs kyis khyad
par du byas pa'i bdag tu smra ba dang mtshungs so zhes zhus so/
/de yang snying/

po'i don ni rang bzhin gyis 'od gsal ba sogs mdo las ji ltar
gsal ba bzhin las zur du gsal ma dgos la dri ba de'i lan du/
sangs rgyas rnams

kyis ni zhes pa nas nas rjes su 'jug par bya'o zhes pa'i bar
gyis lan mdzad do/ /de'i tshul yang mdo 'di'i dgongs gzhi chos
kyi bdag med kyi stong

nyid la dgongs nas dgos pa bdag med phra rags la sgrag pa spong
ba dang/ bdag tu smra ba rnams bdag med la rim gyis drang ba'i
ched du bcom ldan

'das kyis snying po'i mdo 'di gsungs pa/ mu stegs byed kyis bdag
yod par bston pa ni bdag/ rtag pa sogs la dus kun tu nges pa

@299a @#/ /brtan du gtong bar byed pa'i ched du yin pas na/ mu
stegs kyis bstan pa 'di dang sangs rgyas kyis gsungs pa gnyis ni
dgongs

gzhi dgos pa gang gi sgo nas kyang mi 'dra zhes lan gsungs pa'i
don yin no/ /de'i phyir dngos la gnod byed kyang snying po'i mdo
'di sgra ji bzhin pa

yin na mu stegs pas bdag yod par bstan pa dang mtshungs zhes gnod
byed bstan nas drang don du bsgrubs so/ /de ltar yang legs bshad
snying por

mangs su dogs nas rgyas par ma drangs so/ /zhes pa nas/ 'di nyid
drang don du 'chad pa rgya gar mkhas/ pa'i man ngag yin pas de
ltar du bya'i/ zhes

pa'i bar gsungs so/ /de bzhin du mdo kun las btus pa las kyang/
de bzhin gshegs pas 'dul ba'i dbang gis theg pa'i sgo sna tshogs
nye bar

ston pas chos nyid zab mo 'di ston te/ zhes gsungs/ de'i/ don ni
de bzhin gshegs pas gdul bya 'dul ba'i thabs kyi sgo de la grub
mtha' smra

@299b ba bzhi dang theg pa rnam pa gsum gyi sgo nas nye bar
'khrid bar mdzad/ pa las/ 'dir/ ni gdul bya dbang po rnon po'i
dbang du byas nas

chos nyid zab mo 'di bstan te/ zhes/ mtshams sbyar nas zhes bya
ba'i/ don no/ /de ltar mtshams sbyar pa'i dgos pa yang sngar
drang

pa'i snying po'i mdo rnams drangs la chos nyid zab mo 'di/ zhes
sems can/ gyi rgyud kyi sems rang bzhin gyis stong ba'i stong
nyid de nyid de bzhin gshegs

pa'i snying po'i mdo de'i dgongs gzhir dngos su bzhag pa de la
'di zhes nye tshig smos pa'i dbang gis/ de'i gong nyid du sher
phyin gyi mdo la sogs pa

mang du khungs su drangs nas chos bdag med pa'i stong nyid
gsungs pa de thams cad kyang/ de bzhin gshegs pa'i snying po'i
mdo 'di'i dgongs gzhir

mdo kun las btus pa 'dis kyang bstan pas na/ 'dis ni/ gdul bya
dbang po rnon po la chos nyid zab mo ston par ma zad/

@300a @#/ /snying po'i mdo'i dgongs gzhir yang bstan zhes pa'i
don yin no/ /de ltar yang legs/ bshad snying por/ zhes mtshams
sbyar

nas sngar drangs pa'i mdo rnams drangs la chos nyid zab mo 'di
zhes nye tshig gis smos pa ni/ de'i gong/ nyid du/ sher phyin gyi
mdo la sogs pa mang

du drang nas/ chos bdag med pa'i stong nyid gsungs pa rnams so/
/zhes gsungs so/ /de'i phyir mdo kun las btus kyis 'dul ba'i
dbang gis

zhes pa 'dis kyang snying po'i mdo'i byis pa mgu bar byed kyi
zhes sogs dang sbyar nas/ de 'grel byed du gsungs pa yin pas na/
gdul bya 'dul ba'i

tshul ni snying po'i mdo de'i dgongs gzhir sems can gyi sems kyi
rang bzhin/ 'od gsal ba de'i don la bkri ba phugs su bzhag nas
sgras zin dngos

bstan la ni mtshan dpe gsal rdzogs kyis spras ba'i/ de bzhin
gshegs pa'i snying po sems can gyi rgyud la yod ces bstan pa ni/
stong nyid la skrag pa

@300b skyes pa'i byis pa rnams mgu bar mdzad pa'i gtam gyis
'khrid par mdzad pa yin la/ snying po yod par gsungs pa ltar
sgra ji/ bzhin par

khas len/ na ni/ de'i snying po de/ sems can gyi rgyud la thog
ma med pa nas rang chas su yod par khas len dgos la/ de ltar na
mu stegs

pas 'dod pa'i bdag rtag pa yang dgag bya/ mi rtag pa rnam par
bced pa min pa'i sgrub pa rang dbang ba dang mtshungs so/ /de
ltar na/ mu stegs

kyi bdag rtag pa khas blangs pa dang khyad par med par 'gyur
pas/ bdag rtag pa ni rang sngo gong 'og thams cad kyis kyang
'gog cing khas mi len pa yin

no/ de'i/ phyir/ snying po'i mdo 'di ni bdag med la skrag pa
spong ba dang/ bdag tu smra ba la zhen pa rnams stong nyid la
drang ba'i phyir du gsungs

pa yin pas sgra ji bzhin pa min pa'i drang don yin pas na/ de la
ni dngos la gnod byed ston sla'o/ /de yang spyir drang don yin
kyang sgra ji bzhin pa la ni gnod

@301a @#/ /byed ston dka' bar gsungs so/ /de ltar yang legs bshad
snying por/ 'dul ba'i dbang gis zhes pa ni gdul bya'i bsam pa'i
dbang

gis bshad ces pa ste/ zhes pa nas/ gzhan sde'i rigs can drang
ba'i phyir/ gsungs pa'i drang don gyi sgra ji bzhin pa la gnod
byed ston par sla ba

yin no/ /zhes pa'i bar gsungs so/ /de'i phyir rtag brtan thor
zug gi bde gshegs snying po yod par ston pa'i

mdo drang don yin pa'i rgyu/ mtshan gyis kun gzhi yod par ston
pa'i mdo drang don du 'grub tshul ji ltar yin

zhe na/ de yang rgyan stug po/ /bkod pa las/ /sa rnams/ sna
tshogs kun gzhi ste/ /bder gshegs snying po dge ba'ang de/

snying po de la kun gzhis sgras/ /de bzhin gshegs rnams ston par
mdzad/ /snying po kun gzhir bsgrags pa yang/ /blo zhan rnams kyi
mi shes so//

@301b zhes dang/ lang gshegs las kyang/ de bzhin gshegs/ pa'i
snying po kun gzhi rnam par/ shes par bsgrags pa rnam par shes
pa

bdun dang bcas pa/ zhes gsungs so// de'i don yang kun gzhi sems
sna tshogs su snang ba thams cad/ kyi gzhi rten sa gzhi lta bu
yang yin la/

de bzhin gshegs pa/ rnams kyis ni bde gshegs snying po// de la
kun gzhi'i sgras ston par mdzad pa na snying po// kun gzhir

bsgrags pa yang yin kyang/ byis pa blo zhan pa rnams kyis/ de'i/
don ji lta ba bzhin mi shes so zhes pa'i/ don dang/ 

snying po de la kun gzhi rnam par shes par bsgrags pa'i/ rgyu
mtshan gyis rnam par shes pa chogs drug gi steng du kun gzhi'i/
rnam par/

shes pa/ bsgrangs pas tshogs bdun du 'dod pa yang yod pas/ snying
po dang/ kun gzhi/ gnyis ming gi rnam grangs su gsungs

@302a @#/ /pa yang skabs du/ mar 'byung/ zhes gsungs so// de ltar
bstan pa de yang sgras zin gyi don gnyis gcig tu bstan pa

min gyi/ gang la bsams nas snying po bstan pa'i don de nyid la
dgongs nas kun gzhi bstan pas na/ dgongs don la bltos pa'i ming
gi rnam

grangs yin par 'jog dgos kyi/ sgras zin ltar gyi de bzhin gshegs
pa'i snying po dang kun gzhi rnam par shes pa gnyis don gcig pa
ni skabs

'di dang gzhan/ du yang 'dod pa/ min no// de ltar yang legs
bshad snying por/ de gnyis ming gi rnam grangs su lan du mar
gsungs so// de

yang de gnyis gcig rtag la gcig mi rtag par bshad pas/ zhes pa
nas/ de ltar na snga ma drang don du bstan pa nyid kyis phyi ma
yang drang don du

'grub bo// zhes pa'i bar gsungs so// de yang kun gzhi ni stong
nyid la 'jog pa'i/ skabs dang rnam shes phra mor 'jog pa'i skabs
gnyis yod

@302b pa las/ 'dir/ zla ba'i zhabs kyis ni stong pa nyid kho na
la kun gzhir/ bshad do// de ltar/ yang 'jug

'grel las/ dngos po thams cad kyi rang bzhin gyi rjes su zhugs
pa'i/ phyir stong pa nyid kho na kun gzhi rnam par shes pa'i
sgras bstan par rig par

bya'o// zhes gsungs so// de ltar dgongs gzhi'i don gcig yin yang
gang gi ched du gsungs pa'i gdul bya ni mi 'dra ste/ kun gzhi
khas len pa'i

gdul bya la gtso bor rnal 'byor spyod pa pa 'jog/ cing/ snying
po'i don gsung yul gyi gdul bya ni gong du bkod zin pa bzhin yin
la/ rang

bzhin med pa'i stong nyid bstan yul gyi gdul bya ni dbu ma thal
'gyur ba 'jog dgos pa yin no/ /de ltar yang 'jug pa/ las/ /kun
gzhi yod

cing gang zag nyid yod la/ /phung po/ 'di dag 'ba' zhig nyid yod
ces/ /bstan pa 'di ni de ltar ches zab don/ /rig par mi 'gyur
gang yin de

@303a @#/ /la'o/ /zhes gsungs pa ni/ drang don gyi mdo 'di rnams
gang la dngos su gsungs yul gyi gdul bya yang gang zag gi bdag
med

thun mong ba dang/ gzung 'dzin gnyis stong gi chos kyi bdag med
tsam ston pa'i snod rung gi gdul bya rnams dngos su bstan pa yin
la/ de'i zhar la

kun gzhi'i sgras stong nyid kho na bstan par zla bas bzhed pas
thal 'gyur ba yang smos so/ /de ltar yang legs bshad snying por/
'jug 'grel las/

sngar ltar drang don du ston pa'i mdo drangs pa'i 'og nyid du/
blo gros chen po stong pa nyid dang mi skye ba/ dang mi gnyis pa
dang rang bzhin med

pa'i mtshan nyid sangs rgyas thams cad kyi mdo sde'i nang du chud
pa 'di/ zhes gsungs/ de'i don/ yang drang nges gnyis kyi nang
nas 'dir

sngon du drang don gyi mdo dang de'i ched du bya ba'i gdul bya
ngos bzung nas/ de'i 'og tu stong pa nyid dang mi skye ba sogs
brjod byar byed pa'i mdo sde

@303b de ni nges don gyi mdo sde'i nang du 'jog pas na/ rang
bzhin/ gyis stong ba'i stong pa nyid

dang rang bzhin gyis mi skye ba nyid dang rang bzhin gyis stong
mi stong gnyis ka yang rang bzhin gyis stong pa dang thams cad
rang bzhin gyis med pa'i

mtshan nyid 'di ni mdo sde gang gi brjod byar dngos su yod na de
ni/ blo gros dang ldan pa rnams kyis khong du chud par bya'o
zhes gsungs

pa'i don can te/ de ltar gsungs pa 'di ni ngo bo nyid dang po
gnyis la rang gi mtshan nyid kyis grub ma grub/ kyi khyad par
phye ba de yang drang don

du ston pa'i khungs su gsungs so/ /de ltar yang legs bshad
snying por/ zhes drangs pa ni ngo bo nyid dang po gnyis la rang
gi mtshan nyid kyis

yod med kyi khyad par phye ba drang don du ston pa'i khungs yin
te/ lang kar gshegs pa las chud pa zhes pa'i bar sngar bzhin
gsungs nas 'di ni

@304a @#/ /mdo sde gang du yang rung ste de dag tu don 'di nyid
khong du/ /chud par bya'o/ /zhes gsungs so/ /des na thal

'gyur ba'i skabs 'dir 'khor lo gsum gyi drang nges/ ji ltar
'byed ce na/ de yang/ 'khor lo dang po 'dis gang zag dang chos
rang

bzhin med par dngos su bstan pas na nges don gyi mdor 'jog pa'i
phyogs gcig dang yang 'di la gang zag rang gi mtshan nyid kyis
grub pa bkag

pa gang zag gi bdag med du ma bshad par/ gang zag rang rkya
thub/ pa'i rdzas yod kyis stong ba'i stong pa dang/ phung khams
skye mched

rnams rang gi mtshan nyid kyis grub par gsungs pa'i dang don gyi
phyogs/ gcig ste drang nges kyi cha gnyis yod la/ de la drang
don gyi

'khor lo dang po'i dgongs gzhi ni tha snyad du yod pa tsam de
'jog cing/ dgos pa ni rang bzhin gyis stong ba'i stong pa dngos
su bstan na chad lta

@304b skye bar 'gyur ba la de bzlog pa'i phyir du/ rags pa'i
bdag med bstan te rgyud sbyangs nas phra ba'i bdag med la 'jug
pa'i don du bstan pa'o/ /

sgra ji bzhin pa la gnod byed ni chos thams cad/ rang gi mtshan
nyid kyis grub pa 'gog pa'i rigs pa rnams so/ /de bzhin du 'khor
lo bar

pas ni chos thams cad rang bzhin gyis stong ba'i stong nyid
dngos kyi bstan byar byas nas bstan cing/ chos thams cad tha
snyad tsam du

yod par gsungs pas nges don gyi mdo mthar thug pa yin la/ gdul
bya yang stong pa rten 'byung gi don rang bzhin gyis stong ba'i
don du

rtogs nus pa'i theg chen gyi rigs can la gsungs so/ /de bzhin du
shes/ rab snying po la sogs pa ni dgag bya la don dam gyi

khyad par dngos su/ ma sbyar yang/ phung po lnga po de dag kyang
rang bzhin gyis stong pa rnam par yang dag par rjes su blta'o
zhes mdor bstan gyi

@305a @#/ /skabs su rang bzhin gyis stong pa'i khyad par sbyar
nas gsungs pa 'di nyid/ rgyas bshad kyi skabs su yang sbyar dgos
pas na don

gyis sbyar zin pa yin gyi yang yum 'bum pa lta bur don dam gyi
khyad par sbyar na de dang rigs mthun pa'i mdo sde thams cad la
yang don gyis sbyar bar go

dgos pa yin no gsungs/ 'khor lo tha ma ni gdul bya theg pa chen
po'i rigs can yin na yang rang gi mtshan nyid kyis grub pas stong
ba la/ las

'bras dang 'ching grol sogs kyi rnam gzhag byas med par 'gro
ba'i rigs la ni 'khor lo bar pas/ bstan pa ltar bstan na/ chad
lta/ chen

po skye bas de spong ba'i ched dang/ rags pa'i chos kyi bdag med
bstan nas rgyud sbyangs te phra ba'i chos kyi bdag med la gzhug
pa'i phyir du/ ngo bo nyid

dang po dang phyi ma gnyis la rnal 'byor spyod pa pa 'dod pa
ltar dang po ming brdas bzhag tsam dang phyi ma gnyis ming brdas
ma bzhag pa'i khyad par yod pa

@305b la dgongs nas/ rang gi mtshan nyid kyis grub ma grub kyi
khyad par phye nas gsungs pas na drang don du yang gsungs so/
/de'i/ phyir sgra ji

bzhin pa la gnod byed ni chos thams cad don dam par med pa la
rigs pa'i gnod byed ci yang med la/ rang gi mtshan nyid kyis grub
pa la rgyu 'bras

sogs kyi rnam gzhag gang yang mi rung par dbu ma'i bstan bcos
sogs las gsungs pa ltar gyi gnod do/ /de ltar yang legs bshad
snying

por; 'o na lugs 'dis 'khor lo gsum gyi drang nges ji ltar 'jog
ce na/ zhes pa nas de 'dra ba'i drang nges 'jog tshul ni mdo sde
dgongs 'grel

gyis bzhag pa dang mi mthun yang ting nge 'dzin rgyal po dang
blo gros mi zad pas bstan pa dang mthun no/ /zhes pa'i bar
gsungs so/ /de yang drang

nges kyi/ 'jog tshul 'di yang rnal 'byor spyod pa pas ni/ mdo sde
dgongs 'grel gyis dngos su ji ltar bkral ba ltar drang nges kyi
rnam gzhag

@306a @#/ /'jog cing/ rang rgyud pas ni dgongs don blangs/ nas
drang nges kyi khyad par 'byed la/ thal 'gyur ba'i skabs 'dir ni
mdo sde dgongs

'grel gyi 'byed tshul dang mi mthun par drang nges kyi khyad par
'jog dgos so// de bzhin du brjod bya mtshan nyid gsum gyi 'jog
tshul yang

rnal 'byor sbyong pa pa dang dbu ma rang rgyud pa dang dbu mthal
'gyur ba rnams so so'i thun mong ma yin pa'i bzhed tshul mi 'dra
ba rnams bstan bcos legs

par bshad pa'i snying po 'dir ji ltar gtan la phab pa ltar shes
par byas te/ chos 'khor rim pa gsum gyis gdul bya ba kri ba'i
rim pa yang

gang zag rgyud so so la bltos pa'i bkri tshul yin pas na/ bcom
ldan 'das kyis 'khor lo gsum gyi brjod bya mi 'dra bar bstan pa
yang

gdul bya'i bsam pa'i dbang gis bstan pa ma gtogs/ sangs rgyas
bcom ldan 'das la 'gal ba mi mnga' bar ma zad/ gdul bya 'khrid
pa'i

@306b thabs la mkhas shing/ thugs rje'i bdag nyid can bu nges pa
rnyed pa'i don gyi snying po ni/ 'di rang du 'dug snyam pa'i yid
ches gting nas bskyed pa

yin no// der ma zad gsung re re'i khyad par la yang/ gdul bya so
so la bltos pa'i rgyud/ 'dul lugs bsam gyis mi khyab pas na/
bden pa po'i

le'u las kyang/ /de lta bas na 'dren pa 'jig rten na/ /tshangs
pa'i sgra dbyangs gsung sgrogs/ mkhyen par mdzod/ /des ni lha
mi'i sdug bsngal mthar

'byin pa'i/ /chos kyi 'khor lo rab tu bskor bar mdzad/ ces
gsungs pa ltar ro// de bzhin du gang zag rgyud gcig pa theg pa
rim pa gsum

la/ rim gyis pa kri tshul ni/ de yang gzungs kyi dbang phyug
rgyal pos zhus pa las/ nor bu mkhan gyis/ bkru ba gsum

dang phyi ba gsum gyis rim gyis/ nor bu sbyang ba'i dpes/ rgyal
bas kyang/

@307a @#/ /ma dag pa'i sems can gyi khams mkhyen nas mi rtag sdug
bsngal bdag med mi sdug pa yid 'byung ba'i gtam gyis 'khor ba la

dga' ba rnams yid 'byung ba dang chos 'dul ba la 'jog par byed
do// de yi 'og tu stong nyid dang mtshan med dang smon med kyi
gtam gyis de bzhin

gshegs pa'i gtam gyi tshul khong du chud par byed do// de'i 'og
tu phyir mi ldog pa'i 'khor lo'i gtam dang 'khor gsum yongs dag
gi gtam gyis/

sems can de dag sangs rgyas kyi yul la 'dzud par mdzad do/ /sems
can rgyud dang/ rang bzhin/ sna tshogs sa/

dag mnyam du zhugs nas de bzhin gshegs pa'i chos nyid khong du
chud pas ni sbyin gnas bla na med pa rnams zhes bya'o// zhes
gsungs/ de'i don

ni nor bu mkhan gyis nor bu sbyong tshul gsum gyi sgo nas sbyong
ba dper mdzad de rgyal bas kyang ma dag pa'i sems can sbyong
ba'i rim pa gsum

@307b gsungs pa yin la/ de yang nor bu mkhan mkhas pas/ yongs su
ma sbyangs pa'i nor bu rin/ po che de nyid dang por rgya tshwa'i

khu bas bkrus te skra'i re bas phyis nas sbyong ba dang/ de
rjes/ nya khus bkrus te bal gyi la bas phyis/ te sbyong ba dang/
de rjes dngul

chus bkrus te ras srab mos phyis te bkru ba gsum dang/ phyi ba
gsum gyis rim par sbyangs pa'i/ nor bu rin po che de las/

dgos 'dod ma lus pa 'byung ba bzhin du/ mi rtag sdug bsngal sogs
kyis 'khor ba las yid 'byung bar mdzad de/ gang zag gcig dang
por

theg dman du khrid nas/ de'i 'og tu mtshan med/ smon med sogs
kyis/ de bzhin gshegs pa'i tshul khor du chud par mdzad nas theg
chen du

btsud de phyir mi ldog pa'i 'khor lo'i gtam la sogs pa sangs
rgyas kyis/ las mi 'drar bar 'dzad par mdzad pa/ yin pas/ theg

@308a @#/ /pa che chung gi dgos 'dod ma/ lus pa 'byung ba'i dpe
don mtshungs par sbyor bar mdzad do// de'i phyir sbyong tshul gsum
po

'di nyid kyis gang zag gcig dang por theg dman/ du khrid nas de
rjes theg chen du 'khrid tshul bstan pa yin mod kyang/ sems can
rgyud

mi gcig pa dang rang bzhin bzang ngan sna tshogs pa de dag gi
rigs rnams kyang lam la mnyam du zhugs nas/ de bzhin gshegs pa'i
chos nyid khong

du chud par byas la/ sbyin gnas bla na med par 'gyur ba yang
mang du yod pas na rnams zhes smos so// de'i phyir gzungs rgyal
gyi 'khor lo gsum

gyis gdul bya bkri ba'i rim pa dang/ spyir chos 'khor gsum gyis
gdul bya ba kri ba'i rim pa gnyis kyang mi 'dra zhing/ gzungs
rgyal gyi rim/ pa

'di ni mthar thug theg pa gcig tu grub pa'i shes byed du 'dren
par mdzad pa yin no// de ltar yang bka' 'grel bstan pa'i sgron
mer/ gzungs

@308b rgyal gyis zhus pa'i mdo 'dir ni nyan thos kyi rigs can
theg pa/ gsum la rim gyis 'jug/ tshul bstan cing/ chos 'khor

gsum ni theg pa che chung gi gdul bya rgyud tha dad pa'i dbang/
du byas pa'i phyir/ dang po grub ste/ gzungs rgyal gyis zhus pa
rim pa gsum

ston pa'i mdo de mdo kun/ las btus par mthar thug theg pa gcig
tu nges pa'i shes byed du drangs pa'i phyir/ zhes gsungs so//
des na

gzungs rgyal gyi mdo las/ theg pa che chung la rim gyis bkri
ba'i skabs kyi dang po'i bdag med ni/ stong nyid ston pa'i snga
rol tu rgyud sbyong byed

la mi rtag sogs bzhi gsungs pa'i skabs kyi bdag med dang 'dra
bar gsungs pas na thun mong gi bdag med gtso che'o// phyir mi/
ldog pa ni

theg pa der zhugs nas gzhan/ du 'gro mi dgos pa'i don du gsungs
pas na de yang theg chen gyi dbang du byas na bde'o// de ltar
yang

@309a @#/ /legs bshad snying por/ zhes gsungs pa ni chos 'khor
lan gsum du bskor ba dang don/ mi gcig ste/ zhes pa nas/

phyir mi ldog pa ni der zhugs nas theg pa gzhan du 'gro mi dgos
pa'i don no// zhes pa'i bar gsungs so// de rnam rig pas bkral ba
ltar gyi

mdo'i don gang yin pa de dang dbu ma pas bkral ba gang yin pa
de/ thams cad mdo don du 'jog na 'jog tshul de dag mi mthun

pas na/ gsung ba po bcom ldan 'das la nang 'gal/ yod par 'gyur
ro snyam na/ de ni/ gdul bya'i bsam

pa'i dbang gis ston lugs yin pas gsung ba po la nang 'gal du
'gyur ba'i dogs pa'i gnas med do// de'i phyir rkyen la bltos nas
kyang srog

gcod la gnang ba med pa de ni theg dman gyi mdo'i don dang/
rkyen la bltos nas de ltar gnang ba'i skabs yod pa de ni theg
chen gyi mdo'i don yin

@309b pas/ de gnyis kyi sgo nas kyang gsung ba po la nang 'gal
yod par 'gyur ro// zhes nang 'gal ston pa mi rigs so// des na
theg pa chen po'i

rigs can yin yang re shig rang bzhin gyi stong ba'i zab mo'i don
ston pa'i snod du mi rung ba la de'i bsam pa la bltos te rang gi
mtshan nyid kyis

grub par bstan pa dang/ yang zab/ mo'i don rdzogs par go ba'i
snod du/ rung ba la de'i bsam pa la bltos te chos thams cad rang
gi

mtshan nyid kyis ma grub par bstan pa la 'gal ba med par gsungs
pa bzhin shes par bya ba yin no// yang pa dang ma ni bsad byas
shing/

zhes gsungs pa ltar/ theg pa chen po pa'i skabs snying rje dang
dgos pa'i dbang gis pha ma/ bsad byar bstan pa'i skabs kyang yod
par gsungs

pa'i mdo rnams ni sgra ji bzhin pa'i don la gnod pa bstan nas
nges don min par bsgrubs pa ni 'dod pa yin no gsungs pa ltar bya
dgos

@310a @#/ /pas theg dman gyi lugs kyi 'grel tshul dang ni cung mi
'dra'o// de'i phyir gsung rab kyi brjod bya'i don la

'jog tshul gnyis yod de/ gsung ba po'i dgongs pa ltar bstan pa'i
don gcig dang/ gsung ba po'i dgongs pa'i don min kyang gsung rab
kyi

brjod bya'i don yin pa gnyis yod do/ de ltar yang legs bshad
snying por/ gal te rnam rig pas bkral ba de mdo'i don yin na de
dang mi mthun par

dbu ma pas bkral ba yang mdo'i don yin pas/ zhes pa nas/ des na
gsung rab kyi brjod bya'i don yang yin la gsung ba po'i dgongs
pa yang

yin pa dang/ gsung ba po'i dgongs pa min kyang gsung rab kyi don
du bzhag dgos pa gnyis yod do// zhes pa'i bar gsungs so// gnyis

pa de dang byams zhus kyi le'u gnyis mi mtshungs par bstan pa ni/
de yang dgongs 'grel gyi mtshan nyid gsum gyi rnam gzhag rnal
'byor spyod pa

@310b pa'i lugs su mdzad nas gsungs pa yin la/ byams zhus kyi
le'u las mtshan/ nyid gsum gyi rnam gzhag gsungs tshul

rnal 'byor spyod pa ba dang mi 'dra bar thal 'gyur ba'i lugs/
dang mthun par 'chad dgos pas/ de'i tshul yang mdo de nyid las
byams pa gang

kun btags pa'i gzugs de ni rdzas su med par blta bar bya'o//
rnam par btags pa'i gzugs gang yin pa de ni rnam par rtog pa
rdzas su yod

pa'i phyir rdzas su yod par blta bar bya ste/ rang dbang du
'byung ba'i phyir ni ma yin no// gang chos nyid kyi gzugs de ni
rdzas su med pa'ang ma yin/ rdzas

su yod pa'ang ma yin zhing don dam pas rab tu phye bar blta bar
bya'o// zhes gsungs/ de'i don ni le'u 'di yang rje btsun byams
pas zhus pa'i le'u

yin pas na/ mtshan nyid gsum ngos 'dzin gyi/ skabs 'dir yang/
bcom ldan 'das kyis thog mar byams pa zhes 'bod par mdzad de/

@311a @#/ /gzugs sogs chos gang la yang mtshan nyid gsum gyi 'jog
tshul na 'di ltar shes dgos pa yin te/ de yang kun btags pa'i

gzugs de ni gzugs/ kyi kun btags su 'jog dgos pa yin la/ de
'dra'i kun btags de ni gzugs rang gi mtshan nyid kyis grub par
kun

btags pa'i kun btags la/ byed pas na/ de ni tha snyad du yang ma
grub/ pa'i dbang gis rdzas su med par blta dgos par gsungs so//

de bzhin du rnam par btags pa'i gzugs gang yin pa de ni gzugs
kyi gzhan dbang yin la/ de ni rang 'dogs byed kyi rtog pa'i
dbang gis bzhag

tsam gyi tha snyad du yod pa yin/ pas na rdzas su yod par yang
blta dgos par gsungs so// 'di'i rdzas su yod pa'i tshul yang rigs
pas grub

pa'i rdzas yod kyi sbyor tshul dang/ 'dra bas tha snyad du yod pa
tsam du bya la/ de ni rtog pas gang bzhag thams cad tha snyad du
yod pa'i

@311b don du gsungs pa/ yang min te/ thag khra la sprul du btags
pa bzhin no// des na 'dir 'dogs byed rtog pa rdzas su yod pa'i
rgyu

mtshan gyis rnam par btags pa'i gzhan dbang rdzas su yod par
gsungs la/ des ni yul grub pa nyid kyis yul can grub tshul yang
don

gyis bstan pa yin pas/ de'i phyir gzugs sogs gzhan dbang de ni
rang dbang dam rang gi mtshan nyid kyis grub pa ni ma yin te/ de
dag tha

snyad 'jal ba'i rtog pa'i dbang/ kho nas bzhag tsam yin pa'i
phyir/ zhes bya ba'i don can no// des na chos nyid kyi gzugs ni
gzugs kyi

chos nyid yin la/ de ni rdzas su med pa yang ma yin te/ chos
nyid de gzhan dbang bden stong gi ngo bor yod pa'i rgyu mtshan
gyis

de ltar gsungs pa'i phyir dang/ de ni rdzas su yod pa yang min
te/ chos nyid de ni gzhan dbang gshis lugs su med pas/ rab tu
phye

@312a @#/ /ba'i rgyu mtshan gyis de ltar bzhag pa'i phyir/ 'dis ni
rtag chad kyi mtha' gnyis dang bral ba'i dbu ma'i lam de nyid
bstan pa yin

no zhes bya ba'i don no// des na thal 'gyur ba'i skabs/ 'dir
chos/ thams cad ming rkyang btags yod tsam du 'jog lugs gong du

rgyas par bkod zin pa ltar yin zhing/ 'dir gzugs nas sangs rgyas
kyi bar gyi chos rnams ming tsam du grub dgos pa'i shes byed ni/
ming

gi snga rol blo med phyir la sogs pa'i rigs pa la brten nas
bsgrubs pa yin kyang/ rnam rig pa'i 'grel tshul dang ni ches mi
mthun pas/ de yang

byams zhus kyi/ le'u 'di nyid du bshad par bya ste/ byams pas/
sher phyin la spyod pa byang sems kyi spyod pa la slob 'dod pas/
gzugs nas

sangs rgyas kyi bar la ji ltar bslab par bya ba dris pa'i len du
de dag ming tsam mo zhes bslab par gsungs te/ de la gzugs zhes
bya ba la sogs

@312b pa'i ming rnams 'dogs pa'i gzhi'i dngos po dang bcas par
dmigs na/ gzugs zhes sogs ni ming tsam du mi rung bas gzugs sogs
ming

tsam mo zhes ji ltar bslab par bya/ dngos po de med na ming de
yang ming tsam zhes mi rung ngo zhes dris te don gyi dngos po
yod na/ zhes/ gsungs/

de'i don yang byang/ sems rnams sher phyin la slob pa'i tshe na
gzugs nas sangs rgyas kyi bar gyi chos rnams ming tsam du blta
dgos par gsungs

la; de ltar gzugs sogs la ming tsam du blta tshul ni/ gzugs sogs/
ming rnams 'dogs gzhi'i dngos po ste ngo bo rang bzhin gyi/ sgo
nas yod par

dmigs na ni/ ming tsam du yang mi rung zhes pa'i don can no/
/ming brjod pa'i gzhi'i dngos po'i ngo bo rang bzhin de med na
ni ming de yang ming tsam mo

zhes sbyar mi rung ba yin no// de ltar dris pa la don gyi dngos
po ste ngo bo'i rang bzhin nas yod do zhe na ni tsam gyi sgras
bcad rgyu yang med la/ de med na

@313a @#/ /ming 'jug pa'i gzhi med pas ming/ yang med do zhes
pa'i lan du/ gzugs zhes bya ba nas sangs rgyas zhes bya ba'i bar

ni dngos po la glo bur du ming du btags pa'o zhes gsungs pa 'dis
ni/ gzugs sogs kyi chos rnams la rang bzhin gyis grub pa bkag pa
yin pas

gong gi dogs pa sel tshul yang de ltar du shes par bya'o/ /'di
rnam rig pa'i lugs dang mi 'dra pa'i tshul ni/ des ni gzugs sogs
ming btags

pa'i gzhir bden par grub pa bkag kyang gzugs sogs bden par grub
par 'dod pas na tsam sgras gcod tshul sogs gang nas kyang mi
'dra'o//

de ltar yang legs bshad snying por/ gal te dgongs 'grel gyi
mtshan nyid gsum gyi/ rnam gzhag rnal 'byor spyod pa pa'i lugs su
'chad na/

zhes pa nas/ 'dogs pa'i gzhi gzugs sogs ming du btags pa tsam
min zhes/ bstan par 'gyur ro// zhes pa'i bar gsungs so//

@313b des na/ gzugs sogs rang gi mtshan nyid kyis ma grub na/ 'o
na de'i 'og tu/ gzugs sogs mtshan nyid thams cad kyis med dam/
zhes zhus pa'i

lan du/ de ltar nga mi smra'o/ /zhes lan mdzad la/ 'o na ji ltar
mchis/ zhus pa'i lan du/ de yang 'jig rten gyi brda dang tha
snyad kyis

yod kyi don dam par ni ma yin no/ /zhes lan 'debs par/ mdzad de/
gzugs sogs kyi chos thams cad kyang lugs

'dir don dam par med mnyam dang tha snyad du yod mnyam du
gsungs
pa ltar yin no/ /de la rnam rig pa'i skabs su le'u 'dis

sngar yum gyi mdo las chos thams cad don dam par med cing/ tha
snyad du yod par gsungs pa'i dgongs pa bstan nas drang don bkral
lo zhes

pa 'di yang skabs 'dir mi rigs pa yin no/ /des na/ ming du btags
pa tsam gyi chos thams cad kyang tha snyad kyi dbang tsam gyis/

@314a @#/ /yod par bzhag pa'i bcos ma yin pas na/ tha snyad kyi
dbang gis bzhag pa tsam min pa'i ming 'jug pa'i gzhi ni med do/
/de'i phyir

spyir ming 'jug pa'i gzhi'i dngos po tsam ni med pa min pas de
ni yod par 'jog dgos la/ de yang ming du btags pa tsam du gsungs
pa bzhin 'jog pa

yin no// yang de nyid las/ de la gzugs zhes bya ba'i ming med
par/ gzugs kyi dngos po mthong ba'i dbang gis 'di/ gzugs so

snyam pa mi skye yi ming gi dbang gis skye bas gzugs zhes bya ba
ni glo bur du/ ming du btags pa'o// zhes ji ltar rigs/ zhes
gsungs/ de ltar

don ni gzugs sogs kyi chos rnams ming du btags pa tsam du 'jog
tshul de la 'dogs/ tshul/

ji ltar yin zhe na/ de yang gzugs lta bur mtshon na de blo yul du
byed pa'i tshe thog mar gzugs zhes bya/ ba'i ming la brten nas/
'di

@314b gzugs so snyam du 'dzin/ pa ni myong bas 'grub pa ltar
'dir yang de ltar gsungs kyi/ de yang gzugs kyi ming gi dbang
gis

gzugs la gzugs so snyam pa'i blo skye ba de ni gzugs zhes bya
ba'i ming de nyid gzugs la glo bur du btags pa'i dbang gis yin
no/ /'o na

gzugs kyi ming de nyid gzugs la glo bur du btags pa'i don yang
sngar ming ma btags gong nas gzugs yod bzhin pa de la phyis ming
btags

pa na glo bur du btags par yang mi 'jog cing/ gzugs zhes pa'i/
ming btags pa'i gzhir gzungs kyi ngo bo rtsad bcad/ nas

'jog pa dang/ rang gi mtshan nyid kyis grub pa'i rang mtshan brjod
med kyis don la gtugs nas 'jog pa rnams ni rnal 'byor spyod pa
pa rnams kyi

ming gis btags tshul yin pas/ de ni sngar theg bsdus kyi rigs pa
gsum sgrub lugs rnal 'byor spyod pa pa'i lugs su byas/ pa de
nyid sngar rgyas

@315a @#/ /pa bkod zin pa ltar yin kyang/ de ni skabs 'dir khas
len rigs pa ma yin no/ /'o na skabs 'di'i glo bur du ming btags

tshul ji ltar yin na/ de yang gzugs la gzugs zhes btags pa na
btags pa tsam gyi gzugs de blo yul du 'char bas chog gi/ de tsam
gyis mi chog

par gzugs kyi ming la brten nas blo yul du 'char ba'i gzugs de
la yid gtad de/ spyir gzugs de gzugs zhes pa'i ming ma btags
gong du yod

dam ming btags pa'i btags gzhi de ji ltar yod dpyod pa la nam
zhugs pa na skabs 'di'i don dam dpyod byed kyi rigs pa la thug
par 'jog dgos

pa ni chos thams cad ming rkyang/ tsam du 'jog dgos pa'i gnad
kyis yin no// glo bur ba'i don ni gzugs la gzugs zhes pa'i ming
btags

pa dang mnyam du ming de'i dbang gis/ gzugs blo yul du 'char ba
de nyid gzugs ming gi tha snyad kyi dbang gis grub pa'i don yin
pas na/ gzugs

@315b zhes pa'i ming dang gzugs gnyis dus mnyam du grub pa yang
'jig rten pa'i ma brtags ma dpyad pa'i blo'i 'jug tshul ltar yin
no/ /de yang gzugs

zhes pa'i ming la brten nas de gzugs so snyam du 'dzin pa'i blo
de ni gzugs 'dzin pa'i blor 'jog dgos pa de yang gzugs kyi ming
la bltos nas

gzugs de blo yul du shar ba'i dbang tsam gyis gzugs 'dzin pa'i
blor bzhag gi/ de las gzhan pa'i gnyug ma'i sdod tshul gang yang
med pas na/ yul

grub pa nyid kyis yul can 'grub tshul yang de yin no// de'i phyir
thal 'gyur ba'i lugs mchog dri ma med par 'byed pa la ni 'dir
bshad pa'i rigs pa 'di

rnams gcig grogs su gcig 'khyer shes pa nges par dgos so// des
na blo bur ba zhes bya ba ni ming btags pa'i dbang tsam gyis
'jog gi ming ma

btags gong nas gzugs kyi ngo bo bzhag tu med pa'i glo bur ba ni/
chos rnams kyi rang bzhin 'gog pa'i don yang de'o/ /de'i phyir
legs bshad snying

@316a @#/ /por; gzugs nas sangs rgyas kyi bar thams cad don dam
par med mnyam dang tha snyad du yod mnyam du gsungs pa mi rigs

par 'gyur ro/ /zhes pa nas/ dper na/ myu gu rang gi/ mtshan nyid
kyis grub na sa bon la mi ltos par 'phen pa dang 'dra'o/ /zhes
pa'i bar gsungs

so/ de'i phyir glo bur du ming du btags pa'i rgyu mtshan gyis
chos gang la yang rang rang gi ming ma btags gong du ming can
gyi blo mi skye ba tsam zhig

skabs 'dir yang 'jog dgos mod kyi/ 'di dang rnam rig pa gnyis
ches mi 'dra ba ni rigs pa snga ma rnams/ kyis legs par shes so/
/de bzhin du

dngos po gcig la ming mi 'dra ba du ma 'jug pa dang don du ma la
ming gcig 'jug pa'i tshul yang ming rkyar tsam gyis 'jog tshul
rigs pa snga ma dang 'dra

bas 'dir zur du rgyas par ma bkod cing/ ming de rnams dngos
po'i/ dbang gis mi 'jug pa ni rnam rig pa dang ming 'dra yang
don gyi 'jog tshul

@316b ni ches mi 'dra'o/ /de'i phyir 'dir ni ming gi 'dogs tshul
tha snyad kyi dbang tsam gyis bzhag pa'i glo bur du ming du
btags pa sha stag yin pas na/ rang

bzhin 'gog pa gtso bo yin la/ rnam rig pa'i ming gi 'jug tshul ni
rang mtshan gyis dbang gis 'jug tshul/ yin pas/ dngos po'i dbang
gis 'jug pa

min zer yang thal 'gyur ba'i rigs pas 'phul na/ rnam rig pa'i
lugs kyi ming gi 'jug tshul gsum ga dngos po'i dbang gis 'jug pa
song ba sha

stag yin no/ /de ltar yang zhib mo/ rnam 'thag las/ de yang don
dam par grub pa yang ma yin pa de'i phyir rjod par byed pa dang
brjod par bya ba dag

rnam pa du ma 'dres pa'i skyon mthong ba'i phyir dang ma nges
pa'i phyir ma grub pa yin no/ /zhes gsungs pas/ skabs 'dir theg
bsdus kyi rigs pa

gsum po 'di nyid dngos zin ltar rnam rig pas bkral ba de la ni
skabs 'dir ma grub pa'i skyon gzigs nas theg bsdus ltar sgrub
dgos pa'i nges pa

@317a @#/ /[@##line apparently missing this page] ci yang med ces
gsungs pa yin no/ /de'i phyir rigs pa gsum po 'di'i phyi ma gnyis
kyis don dam par grub pa bkag pa yang thal

'gyur ba'i lugs so/ /'o na; le'u de'i 'phro nyid du/ de ltar yin
na gzugs zhes pa nas sangs rgyas zhes pa'i bar du dngos po gang
nye bar bzung nas/

ming dang tha snyad 'dogs pa'i gzugs sogs kyi ngo bo nyid dmigs
pa kho nar mi 'gyur ram zhes zhus pa ni/ de yang gzugs nas sangs
rgyas kyi bar

gyi dngos po gang la yang rang rang gi ming dang tha snyad
'dogs/ pa'i tshe/ gzugs sogs kyi ngo bo'am rang bzhin la dmigs
pa'i dogs pa skyes te/

dri ba zhus pa yin la/ de'i lan du gzugs sogs kyi chos de rnams
rang rang shi ming dang tha snyad 'dogs pa'i don de gzugs sogs
chos de dag gi ngo bo

@317b nyid/ yin nam btags pa tsam yin zhes brgal nas lan gyi dri
ba mdzad do/ /de la btags pa tsam du zad ces lan zhus so/ /

de la yang/ 'o na dri ba snga ma sems pa ji ltar yin zhes gsungs
pas na/ dri ba dri lan de rnams skabs don snying por bsgril ba'i
don ni/ gzugs nas

sangs rgyas kyi bar gyi chos de rnams ming/ gi gzhi'i/ dngos po
tsam yod kyang de ni btags pa tsam du g.yungs pas rang gi mtshan
nyid

kyis grub pa ni min zhes pa'i don can no/ /de ltar yang// de
nyid las/ gzugs zhes/ pa la sogs pa'i ming dang tha snyad 'dogs

pa'i don de gzugs sogs kyi ngo bo nyid yin nam btags pa tsam du
zad ces gsungs pa na/ btags pa tsam du zad ces zhus pa'i tshe/ 'o
na dri ba

snga ma ltar sems pa ji ltar yin/ zhes dang/ gzugs sogs ming
dang tha snyad/ tsam yin na gzugs sogs kyi ngo bo nyid dmigs par

@318a @#/ /'gyur ram/ btags pa tsam du zad na ngo bo nyid dmigs
par/ mi 'gyur ram/ ming du btags pa tsam de la skye 'jig

dang kun byang yod dam/ btags pa tsam yin na ngo bo nyid yod par
mi 'gyur ram/ zhes gsungs pa ltar gyi dri ba dang lan gyi dbye
ba ni legs

bshad snying por/ gsal ba bzhin yin la/ skabs kyi don ni/ gzugs
sogs kyi ngo bo dmigs kyang rang gi mtshan nyid kyis grub par

dmigs/ mi dgos/ pas na gzugs/ sogs btags pa tsam dang tha snyad
tsam du grub pa ni shin tu 'thad do/ /de bzhin

du btags pa tsam du zad pa'i don yang 'dra bas na ming du btags
pa tsam la skye 'jig dang kun byang sogs yod kyang rang gi/
mtshan

nyid kyis yod mi dgos pa yang sngar bzhin no/ /de ltar yang legs
bshad snying por/ ming 'dogs pa'i gzhi'i dngos po 'dug pas gzugs

@318b sogs la rang bzhin gyis grub pa'i ngo bo nyid/ yod pa min
nam zhes pa'o/ /zhes pa nas/ tha snyad du gzugs sogs yod/ /

par bstan pas ming du btags pa tsam yang tha snyad du yin pas
dgongs 'grel/ dang 'chad tshul ga la mthun/ zhes pa'i bar gsungs
so/ /

de'i phyir byams zhus/ kyi le'u 'dir mtshan nyid gsum gyi rnam/
gzhag dang/ ming dang tha snyad kyi dbang gis 'jog tshul

rnams mdo sde dgongs 'grel dang mi mthun pa'i tshul rnams dri ba
dri lan gyi sgo nas rgyas par gtan la 'bebs par mdzad pa yin
zhing/ 'dir ni rang

lugs kyi don rnams gtso// bor phye nas bshad/ pas bshad tshul gyi
rim pa yang/ de ltar ro/ /de'i phyir slob dpon thogs med

sku mched kyis kyang le'u 'dis yum/ gyi mdo drang don du mi
'grel bar gsungs shing/ mdo dgongs/ 'grel/ gyis/ yum gyi mdo
drang don du

@319a @#/ /'grel pa'i rgyu mtshan le'u 'dis chos thams cad don dam
par med la tha snyad du yod par bstan pa 'di la thugs/ pas na/

de'i phyir le'u 'dis yum gyi/ mdo drang don du mi 'grel kyang
mdo sde dgongs 'grel gyis drang don du 'grel ba'i dbang du byas
na le'u 'di dang yum gyi

mdo gnyis sgra/ ji bzhin par bzung du mi rung bar 'dra'o snyam
du slob dpon/ sku mched rnams dgongs pas byams zhus kyi le'u
dang mdo sde

dgongs 'grel gnyis 'chad tshul mi 'dra ba ni/ de ltar ro/ /de
bzhin du/ gzhan dbang rdzas yod du/ gsungs pa

dang mi 'gal ba'i tshul ni/ de yang thog mar/ byams zhus kyi
li'us/ mtshan nyid gsum bstan tshul shes dgos pas na/ de nyid las/

byams pa gang 'du/ byed kyi mtshan ma'i/ dngos po de dang de la
gzugs zhes bya ba'i ming dang 'du shes dang btags pa dang/

@319b tha snyad la brten nas/ gzugs sogs kyi ngo bo/ nyid du
yongs su rtog pa 'di ni kun btags pa'i gzugs so/ /zhes pa nas
'di dag ni/

kun btags pa'i sangs rgyas kyi chos rnams/ kyi/ bar/ rnams so/
/zhes gsungs/ de'i don ni 'du byed kyi mtshan ma'i dngos

po ni gzugs kyi ming la brten nas gzugs so snyam du rtog pa'i
gzugs gang yin pa de ni/ gzugs kyi ming dang 'du shes dang btags
pa dang tha snyad

la brten pa'i rnam grangs gang yin pa de dag gi dbang tsam gyis
bzhag pa'i gzugs de ni 'du byed kyi mtshan ma'i gzugs yin la/ de
'dra'i gzugs rang

gi mtshan nyid kyis grub pa de ni kun btags pa'i gzugs so zhes
bya ba ste gzugs kyi kun btags yin no/ /de bzhin du sangs rgyas
kyi chos rnams

kyi bar la yang rigs 'gre'o/ /zhes kun btags ngos bzung ba yin
no/ /de ltar yang legs bshad snying por/ slob dpon sku mched
kyis kyang le'u

@320a @#/ /'dis yum gyi mdo drang don du mi 'grel zhing/ zhes pa
nas/ brten nas zhes pa ni ming du btags pa'i don gzugs la

dmigs nas zhes pa'o/ /gzugs kyi ngo bo nyid du rtog ces pa ni
'dis rtog/ pa min gyi gang du rtog pa'i ngo bo nyid kun btags su
ston no//

zhes pa'i bar gsungs so// rnam btags gzhan dbang yang de nyid
las/ 'du byed kyi mtshan ma'i/ dngos po de rnam par rtog

ba tsam gyi chos nyid la gnas pa'i rnam par rtog pa la brten nas
mngon par brjod de/ gang la 'di ni gzugs so/ /zhes bya ba dang/
tshor ba'o

zhes bya ba dang/ 'du shes so zhes bya ba dang/ 'du byed rnams
so zhes bya ba dang/ rnam par/ shes pa'i zhes bya ba nas sangs
rgyas kyi chos rnams

so; zhes bya ba'i bar gyi ming dang 'du shes dang btags pa dang
tha snyad gang yin pa 'di ni rnam par brtags pa'i gzugs so/
/zhes/ pa nas/

@320b 'di dag ni rnam par btags pa'i sangs rgyas kyi chos kyi
bar dag go/ zhes gsungs/ de'i don ni 'du byed kyi mtshan ma'i
dngos po de nyid ming gis/

btags pa'i brjod bya'i don de nyid yin pas gzugs sogs la bya
dgos pa ni gong dang 'dra la/ gzugs sogs kyi chos de rnams kyang
rnam par

rtog pa tsam gyi chos nyid la gnas zhes pa rnam par rtog pa'i
dbang tsam gyis bzhag pa dang/ de la brten nas gzugs so tshor
ba'o zhes sogs sangs

rgyas kyi sa'i bar gyi chos thams cad kyang ming rkyang tsam
dang/ 'du shes kyis bzhag tsam dang/ btags pa tsam las rang gi
ngo bos/ ma grub pa

dang/ tha snyad kyi dbang gis bzhag pa tsam gyi chos gzugs nas
sangs rgyas kyi bar gyi chos rnams dang/ de dag 'jog byed/ ming
dang 'du

shes dang btags pa dang tha snyad dang rnam par rtog pa rnams
kyang rnam par btags pa'i gzugs sogs la 'jog pas na/ 'di ni
gzhan dbang

@321a @#/ /[@##line apparently missing this page] ngos 'dzin tshul yang
yin zhes pa'i don no// de ltar yang legs bshad snying por/ de la
dngos po de zhes pa ni brjod bya'o// rnam rtog la

brten nas de brjod pa'i brjod tshul ni gzugs zhes sogs so// de
ltar brjod pa'i ming sogs rnam btags su bshad pas ni sngar bstan
pa'i brjod

bya dang rnam rtog kyang rnam btags su bshad par bzung ste/ 'dis
rnam par btags pa dang 'di la rnam par btags pa'i gzhi gnyis
so// zhes

gsungs so// chos nyid yang grub kyang/ de nyid las gang kun
btags pa'i gzugs des rnam par btags pa'i gzugs rtag pa rtag pa'i
dus

dang ther zug ther zug gi dus su ngo bo nyid med pa kho na dang/
chos la bdag med pa dang/ de bzhin nyid dang/ yang dag pa'i
mtha' ni chos

@321b nyid kyi gzugs so zhes pa nas/ 'di dag ni chos nyid kyi
sangs rgyas kyi chos rnams kyi bar dag go/ zhes gsungs/ de'i don
ngos 'dzin lugs ni kun btags

pa'i gzugs ni dgag bya bden grub kyi dbang du byas pa yin la/
rnam par btags pa'i gzugs ni gzhan dbang dang/ gzhan dbang de
nyid rang gi mtshan

nyid kyis grub pas stong pa'i stong nyid yongs grub dang/ de
'dra'i stong nyid yongs grub ni rtag pa rtag pa'i dus dang/ theg
zug ther zug gi dus su ngo bo

nyid kyis med pa kho na yang yin pas na/ chos rnams kyi bdag med
pa dang/ de bzhin nyid dang/ yang dag pa'i mtha' dang bcas pa
thams cad chos nyid

kyi gzugs yin la de bzhin du sangs rgyas kyi sa'i bar gyi chos
rnams kyang rigs 'dra'o zhes pa'i don no// de ltar yang legs
bshad snying por de la

rnam btags kyi gzugs kyi ngo bo nyid med pa dang chos kyi bdag
med sogs ni chos nyid kyi gzugs so// chos de yang rnam btags kyi

@322a @#/ /gzugs kun btags pa'i gzugs des ngo bo nyid dang bdag
med pa yin pas med rgyu'i bdag gam ngo bo ni kun btags so// rtag
pa

zhes sogs kyis ni dus thams cad du des de stong par ston to//
zhes gsungs so// de bzhin du dpe'i steng nas kyang kun btags
dang gzhan dbang sogs

ngos 'dzin tshul ni/ 'jug 'grel las/ sprul de thag pa la med pas
kun btags dang/ sprul dngos la yongs su grub pa ste de de la kun
tu ma btags

pas so// de bzhin du rang bzhin yang gzhan dbang gi rten 'brel
byas pa can la ni kun btags yin te/ rang bzhin bcos min dang/
gzhan la mi

bltos par gsungs pas so// sangs rgyas kyi spyod yul la ni dngos
yin te kun tu ma btags pa'i phyir te/ dngos po byas pa can la ma
reg par rang bzhin

'ba' zhig mngon sum du mdzad pas sangs rgyas zhes brjod do// ngo
bo nyid gsum gyi 'jog lugs 'dis mdo'i dgongs pa bshad par
bya'o// zhes gsungs/

@322b de'i don ni thag khra la sprul du btags pa na sprul de
thag pa la med/ pas/ de la btags kyang btags pa ltar med/ pas na
kun

btags dang mtshungs shing/ sprul de sprul dngos gnas la ni yongs
su grub pa ste sprul rang yin

pas gzhan dbang ngo/ de bzhin du rang bzhin yang gzhan dbang/ gi
rten/ 'brel byas pa can rnams la kun btags/ yin te/

de rnams rang bzhin des stong pa'i phyir te/ rang bzhin ni bcos
ma/ min pa dang/ gzhan la mi bltos pa'i don du gsungs/ pas na/
gzhan dbang

gi rten 'brel rnams ni bcos ma dang gzhan la bltos pa kho na yin
pas so// yang rang bzhin ni/ sangs rgyas kyi spyod lus la rang/
bzhin dngos

yin pas kun tu ma btags pa yang yin no// zhes pa'i kun tu ma
btags tshul ni rang bzhin de la ngo bos

@323a @#/ /grub pa'i sgro ma btags par snang tshul dang/ gnas tshul
mthun par sangs rgyas la snang pas de'i dbang gis bzhag go/ de'i
phyir dngos po

byas pa can la ma reg pa'i don yang sangs rgyas kyi ye shes kyis
ji lta ba gzigs pa'i gzigs ngor dngos po byas pa can te chos can
rten 'brel la ma reg

pa ste ma gzigs pa'i tshul gyis rang bzhin te chos nyid 'ba'/
zhig mngon sum du mdzad pas na/ rgyu mtshan nges sangs rgyas su
'jog

dgos zhes pa'o// des na 'di'i rang bzhin ni chos nyid dang/ rang
bzhin ltos min zhes pa'i skabs kyi rang bzhin ni dgag bya/

la bya dgos pas/ rang bzhin zhes pa'i ming brjod tshul gcig kyang
don gyi 'jog tshul shin tu mi 'dra ba ni des shes so/ zhes pa'i
don no// de ltar

yang legs bshad snying por/ dbu ma pa'i mtshan nyid gsum gyi 'jog
lugs ni yum gyi mdo'i don 'jug 'grel las bshad pa 'di bzhin/
bya'o//

@323b zhes pa nas/ don dam bden pa mngon sum du rtogs pa'i ngo
na chos can yod pa 'gog pa yin te/ de mi 'gal ba ni sngar yang
bshad do// zhes pa'i bar

gsungs so// des na/ thal 'gyur ba'i skabs 'dir mtshan nyid gsum
la yang ming gi brjod lugs nyi khri byams zhus nas gsungs pa
ltar brjod cing/

de yang kun btags la ni kun btags kyi gzugs dang/ gzhan dbang la
ni rnam btags kyi/ gzugs dang/ yongs

grub la ni chos nyid kyi gzugs zhes/ pa'i ming gis/ btags nas
gsungs pa ltar/ thal 'gyur ba'i lugs 'dir

mtshan nyid gsum gyi rnam gzhag ni nyi khri byams zhus nas gsungs
pa bzhin yum gyi mdo'i don mthar/ thug la yin pas/ tshul 'di la
go ba gting

tshugs pa ci nas bya'o// de'i phyir 'jug 'grel las kyang/ gzhan
dbang las ma gtogs pa'i gzung 'dzin med pas gzhan dbang la gzung
'dzin gnyis su

@324a @#/ /kun btags pa bsam par bya'o// zhes gsungs pa ltar/
gzung ba phyi rol gyi don dang 'dzin pa/ nang shes pa gnyis tha
snyad du yod

par mtshungs pas/ de gnyis ka gzhan dbang du 'jog pa yin la de ni
kun btags 'dogs/ pa'i gzhi yin pas/ de la kun tu btags tshul ni/
de

gnyis rang gi ngo bos ma grub bzhin du grub par btags pa de
nyid/ yin la/ de ni skabs 'di'i dgag bya'i gtso/ bo yin pas de
bkag tshul

bsam dgos so zhes pa'i don yin no// de ltar yang legs bshad
snying/ por/ phyi rol dang/ shes pa la yod med kyi khyad

par med pas/ gzung 'dzin gnyis ka gzhan dbang du 'gyur la/ de
ltar na de gnyis kun btags 'dogs pa'i gzhi yin gyi/ de gnyis la

gzung 'dzin gnyis su kun btags pa mi 'thad pa'i don no// zhes
gsungs so// de yang byams zhus las/ rdzas su yod par gsungs
pa'i/

@324b rdzas ni/ bsdu ba sogs las rdzas btags gnyis su bshad pa'i
rdzas yod kyang min la/ dbu ma thal 'gyur bas rang gi mtshan nyid
kyis grub pa la rdzas

yod du bshad pa'i rdzas yod kyang min pas/ tha snyad du yod pa
la rdzas yod kyi ming gis btags nas bshad pa'o// de'i phyir yod
pa tsam la rdzas yod

du 'jog pa'i rdzas yod ni/ gzhung gzhan nas rdzas yod la/ sgras
brjod rigs kyi sgo nas bzhir phye ba'i skabs kyi rigs pas grub
pa'i

rdzas yod dang 'dra'o// de bzhin du kun btags rdzas su/ med
pa'i/ don yang kun btags ni rang gi ngo bo nyid dam rang gi
mtshan

nyid kyis grub pa'i dgag bya la byed la/ de 'dra'i dgag bya sun
btags de ni tha/ snyad du yang med pas na 'di'i/ rdzas su med pa
de yang yin

no; de'i dbang gis gdags gzhi gzhan dbang la bstos na gzhan
dbang gshis lugs su grub pa mi/ srid pas/ rgyu mtshan des kun
btags rdzas

@325a @#/ /su med par 'jog dgos pa yin no// de ltar yang legs
bshad snying por/ de'i phyir byams zhus las rdzas su yod med
gsungs pa'i

rdzas ni gzhung gzhan las rdzas btags gnyis su bshad pa'i rdzas
kyang min la/ dbu ma pas rang gi mtshan nyid kyis grub pa la
rdzas su bshad pa yang min

pas yod pa tsam/ mo// de ltar na kun btags rdzas/ su med pa ni
gzhan/ dbang yin lugs su yod pa mi srid pa la dgongs kyi ming
dang

brda'i yul la sogs pa'i kun btags srid pa rnams/ min no// zhes
gsungs so// de bzhin du rnam btags rdzas su yod pa yang rnam
rtog rdzas su yod pa'i

rgyu mtshan gyis rdzas su yod par bzhag pa'i tshul ni gong du
mdo'i 'bru bshad kyi skabs su gsal par byas pa bzhin yin la/
'di'i rang dbang/ ni rang gi

mtshan nyid kyis grub pa la bshad kyang/ mdo sde/ dgongs 'grel/
sogs las gzhan dbang rang gi mtshan nyid kyis grub par bshad pa
dang ni

@325b mi 'dra'o// de'i dbang gis rnam rtog rdzas su yod pas
rdzas yod du 'jog tshul dang/ rnam rtog gi dbang gis bzhag pa la
yang yod pas ma khyab pa rnams ni gong du

'bru bshad skabs rgyas par bkod zin to// de ltar yang legs bshad
snying por/ rnam btags rdzas su yod pa ni mdo nyid las rnam rtog
rdzas su yod/ pas

rdzas yod du bzhag gi/ rang dbang du 'byung ba'i don gyis rdzas
yod min par gsungs pas/ rang dbang ba ni slob dpon yab sras kyi
gzhung las rang gi mtshan

nyid kyis grub pa la bshad pa de yin pas/ mdo gzhan las gzhan
dbang rang gi mtshan nyid kyis grub par gsungs pa dang mi
'dra'o// rnam rtog rdzas su yod

pas rdzas yod du bzhag pa yang rnam rtog gi dbang gis/ bzhag
pa'i yod pas yod par bzhag gi rang gi mtshan nyid kyis grub pa'i
yod pa min pa'i

don no// rnam rtog gi dbang gis bzhag pa la tha snyad du yod med
kyi khyad par phye bas thag pa la sprul du rnam rtog gis bzhag
pa dang mi 'dra'o// zhes

@326a @#/ /gsungs so/ /des na chos nyid rdzas su yod med gnyis ka
min par gsungs pa'i don yang sngar bshad zin pa de ni/ gdags

gzhi gzhan dbang la bltos nas bzhag pa'i 'jog tshul yin la/ 'dir
ni rang bzhin chos nyid de nyid dgag bya kun btags kyi ngo bor
tha snyad du yang med pas

na rdzas su yod pa min pa dang/ yang rang bzhin chos nyid de
nyid rang bzhin la tha snyad du yod pas na/ rdzas su med pa yang
ma yin zhes gsungs pa

ltar 'jog dgos so/ de'i phyir yum gyi mdo'i le'u gzhan rnams
kyis chos thams cad ming du btags pa tsam du gsungs pa'i nor sa
dang/ lugs

gzhan dang 'dres pa'i/ 'khrul sa thams cad brgal len gyi tshul du
gtan la phab ste/ ming tsam gyi 'jog tshul thun mong ma yin pa
dang/

mtshan nyid gsum gyi yod med kyi khyad par rnams kyang/ gsal bar
phyi nas sngar gyi gzhung de rnams kyi don dpyis phyin pa gtan
la 'bebs par

@326b mdzad pa yin no/ /de ltar yang legs bshad snying por/ chos
nyid rdzas su yod med gnyis ka min par gsungs pa ni sngar ltar
gyi kun btags kyi ngo bor med

pa dang de bkag pa'i rang bzhin du yod pa la dgongs so/ /zhes pa
nas/ mtshan nyid/ gsum gyi yod med kyi khyad par rnams

kyang legs par phye nas sngar bshad pa rnams kyi gzhung btsugs
par shes par bya'o/ /zhes pa'i bar gsungs so/ /de la 'dir dus
gsum gyi rgyal ba

thams cad kyi bgrod pa gcig pa'i lam zhes bya ba'i don ni/ go
'phang der bgrod pa'i thabs sam sgo gcig pu ni brjod bya shes
rab kyi pha rol tu phyin pa 'di

nyid yin la de nyid brjod byar byed pa'i yum gyi mdo de nyid
byams zhus kyi le'u 'dis kyang mdo sde dgongs 'grel bzhin/ drang
don du gtan la phab 'dug snyam du

dogs pa skyes pa'i rtog ldan mkhas pa/ slob dpon shanti pa la
sogs pa rnams kyis kyang de ltar bkral ba mang yang/ skabs 'dir
ni de

@327a @#/ /ltar min par byams zhus kyi le'u 'di nyid yum gyi mdo
dang 'dra bar nges don gyi mdor 'jog dgos shing/ de'i dbang gis
bstan bcos legs

par bshad pa'i snying po 'dir yang zhib tu gtan la phab par
gsungs so/ /de ltar yang legs bshad snying por/ dus gsum gyi
rgyal ba thams cad kyi

zhes pa nas/ de nyid kyi don dbu ma pa chen po dag gis zhib tu
bkral ba yang mi snang bas zhib tu gtan la phab pa'o/ /zhes pa'i
bar gsungs so/ /

! de ltar lam mchog zhib cing phra ba'i gnas/ /ma 'dres ji bzhin
byams zhus le'u 'dir gsal/ /de don bdag gis bkral ba'i dge tshogs
des

kun kyang byams pa'i sa la 'god par shog /ces pa ni smon tshig
go/ gnyis pa/ don dam du grub pa 'gog pa'i rigs pa'i gtso bo
gang yin bstan pa'i

tshul la/ rigs pa'i gtso bo ngos bzung ba'i tshul dang/ des rang
mtshan 'gog tshul bstan pa dang/ bkag pa'i rang bzhin med pa
bsgrub bya yin min

@327b bsam pa'i tshul lo/ /dang po ni/ de yang 'jug pa las/ bstan
bcos las dpyad rtsod la chags pa'i phyir/ /ma mdzad rnam grol
phyir ni de nyid

bstan/ zhes gsungs pa'i don ni dbu ma'i bstan bcos rnams su don
dam par grub pa 'gog pa'i rigs pa rnams la dpyad pa ji snyed cig
mdzad

pa de thams cad/ rtsod pa lhur len pa tsam zhig la chags pa'i
phyir du ma mdzad par rnam grol bsgrub pa'i phyir/ dbu ma'i
bstan bcos rnams mdzad

pa yin no/ /de 'dra'i rigs pa'i gtso bo yang bdag med gnyis gtan
la 'bebs pa'i rigs par bsdus te mtha' bzhi'i skye ba 'gog pa'i
rigs

pa rnams kyis chos kyi bdag med gtan la 'bebs shing/ sa bcu pa'i
mdo las/ mnyam nyid bcus sa drug par 'jug par gsungs pa bzhin/

mnyam nyid bcu'i dang po chos thams cad skye ba med par mnyam pa
nyid 'di gcig pu don dam par grub pa 'gog byed kyi rigs pa'i
gtso bor gsungs

@328a @#/ /pa yin no/ /de ltar gsungs pa'i dgos pa yang sems can
rnams rnam grol sgrub pa la gegs byed kyi/ rgyu'i gtso bo dang/

'khor bar 'ching byed kyi rgyu'i gtso bo gnyis ka gang zag dang
chos kyi bdag tu mngon par zhen pa 'di nyid yin pas na/ mnyam/

nyid bcu'i nang nas chos thams cad skye ba med pa mnyam pa nyid
de nyid slob dpon gyis dang por bstan pa yin no// de ltar rtsa
she las/ bdag las

ma yin gzhan las min/ zhes sogs kyis mtha'/ bzhi'i skye ba 'gog
pa'i rigs pa bstan nas gtso bor chos kyi bdag med bsgrubs par

mdzad pa yin no/ /de ltar yang 'jug pa las/ /gang phyir rgyu med
pa dang dbang phyug gi/ /rgyu la sogs dang bdag gzhan gnyis ka
las/ /dngos

rnams skye bar 'gyur ba ma yin pa/ /de phyir brten/ nas rab tu
skye bar 'gyur/ /gang phyir dngos po brten nas rab 'byung bas/
/rtog pa

@328b 'di dag/ brtag par mi nus pa/ /de phyir rten 'byung rigs
pa 'di yis ni/ /lta ngan dra ba mtha'/ dag gcod par byed/ ces
gsungs/

de'i don ni/ rgyu med las skye/ ba 'dod pa dang/ dbang phyug gi
blo'i g.yo ba sngon du btang nas rgyu las skye ba 'dod pa dang/
bdag dang gzhan dang

gnyis ka las skye ba 'dod pa la/ skabs 'dir ni dngos po rnams
rgyu med sogs de dag las skye bar 'gyur ba ni ma yin pas/ rgyu
mtshan de'i phyir

dngos po rnams ni rgyu rkyen la brten nas rab tu skye bar 'gyur
ba yin no/ /de yang dngos po rnams brten nas rab tu 'byung bas
na/ gang gi phyir

rtog pa ngan pa rgyu med sogs las skye ba 'di dag gi sgo nas
brtag par bya mi nus pa ste rtog ldan mkhas pa rnams/ kyis brtag
par

mi byed do/ rgyu mtshan de'i phyir rten 'byung gi rigs pa 'di
nyid la gtso bor dngos su brten nas lta ngan gyi dra ba ma lus
par gcod par gsungs

@329a @#/ /pa'i don no/ /de ltar yang legs bshad snying por/ lugs
'dis chos rnams don dam par grub pa 'gog pa'i rigs pa'i gtso bo

gang la byed ce na/ zhes pa nas/ rigs pa'i rgyal po rten 'byung
gi rigs pa nyid la gtugs nas 'jog go/ zhes pa'i bar gsungs so/
/de'i phyir

chos bdag 'gog pa'i rigs pa la ni gtso bor mtha' bzhi'i skye ba
'gog pa'i rigs pa dang/ rigs pa'i rgyal po rten 'byung gi rigs
pa gnyis su

gsungs so/ /de bzhin du gang zag gi bdag 'gog pa'i rigs pa'i
gtso bo yang 'jug pa las/ /de ni de nyid du'am 'jig rten du/
/rnam pa

bdun gyis 'grub 'gyur min mod kyi/ /rnam dpyad med par 'jig rten
nyid las 'dir/ /rang gi yan lag brten nas 'dogs pa yin/ zhes

gsungs/ de'i don ni gang zag de ni de'i ngo bo nyid du/ grub pa
yang ma yin te/ de ni rang gi phung po la brten nas 'dogs pa yin
no/ /

@329b de ltar 'dogs pa'i dpe yang 'jig rten na shing rta de nyid
rnam pa bdun gyis dpyad nas 'jog pa min mod kyi/ 'on kyang 'jig
rten nyid las ni shing rta

la rnam pa bdun gyis dpyad pa gang yang/ mi 'jug par rang gi yan
lag/ la brten nas 'dogs pa bzhin no/ /zhes pa'i don

yin la/ de yang rnam pa gsum gyi dpyod tshul ni legs bshad snying
por/ shing rta rang gi yan lag dang gcig dang tha dad dang ldan
pa dang phan tshun brten

pa'i tshul gnyis dang dbyibs tsam dang tshogs pa'i dbyibs te bdun
du btsal bas mi rnyed kyang/ zhes sogs gsungs shing/ de nyid zab
mo'i rta

ba bde blag tu rnyed pa'i dpe dang/ gang zag gi/ bdag 'gog pa'i
rigs pa'i gtso bor yang gsungs so/ /de ltar yang 'jug pa las/
rnam

bdun gyis med gang de ji lta bur/ /yod ces rnal 'byor pas 'di'i
yod mi rnyed/ /des de nyid la'ang bde blag 'jug 'gyur bas/ /'dir
de'i grub

@330a @#/ /ba de bzhin 'dod par bya/ zhes gsungs/ de'i don yang/
rnal 'byor pa rnams kyis shing rta rnam pa bdun du dpyad pa'i

mthar mi rnyed pa gang yin pa de ji lta bur gang zag kyang yod
ces 'jog pa yin la/ 'di'i yod tshul ni brtags shing dpyad na mi
rnyed cing/ rnal 'byor

pa des ni brtags shing dpyad na mi rnyed pa de nyid la'ang las
'bras sogs kyi rnam bzhag bde blag tu 'jug par 'gyur bas na/ dbu
ma pa'i lugs

mchog 'dir gang zag de'i yod tshul lam grub tshul ni de bzhin du
'dod par bya'o zhes pa'i don no/ /de ltar yang legs bshad snying
por/ thog

mar gang zag la rnam pa bdun du pa tsal na mi rnyed pa dang/
rang gi phung po la brten nas 'dogs pa 'di go slab pa 'khrid
pa'i rim pa yang de bzhin

no; zhes pa nas/ gcig tha dad la sogs pa bdun chos dang gang zag
la 'gog pa 'di nyid rigs pa rnams kyi don por zungs shig /ceg
pa'i

@330b bar gsungs so/ /gnyis pa/ des rang mtshan 'gog tshul bstan
pa ni/ de yang gong du bshad pa'i rten 'byung la sogs pa'i rtags

de rnams kyis rang gi mtshan nyid kyis grub pa tha snyad du yang
'gog pa 'di nyid/ thal 'gyur ba'i skabs 'dir 'phags pa'i dgongs
pa ji lta

ba bzhin 'grel ba'i khyad chos su snang ba de la dmigs bsal can
gyi dgag pa ji ltar mdzad ce na/ de yang rigs pa de dag gis bkag
zin

mod kyang/ da dung 'di nyid 'gog pa'i rigs pa la 'jug pa rtsa
bar gsungs pa'i rigs pa gsum dang/ 'grel par gsungs pa'i rigs pa

gcig ste/ bzhi po de'i sgo nas kyang rang gi mtshan nyid kyis
grub pa bkag na gnad che bar gsungs so/ /de ltar 'gog byed kyi
rigs pa

dang po ni/ 'phags pa'i mnyam gzhag dngos po'i 'jig rgyur thal
ba de nyid yin la/ des/ rang gi mtshan nyid kyis grub pa ji lta

@331a @#/ /'gog pa'i tshul ni/ de yang chos rnams la rang gi mtshan
nyid kyis grub pa'i rang bzhin yod na/ rang bzhin med pa mngon
sum du rtogs pa'i

mnyam gzhag ye shes kyis gzigs dgos pa las des ma gzigs pas na
de nyid med par 'gyur ro/ /zhes phyogs snga ma'i 'dod pa blangs
nas 'phul

'tshams kyis bkag pa yin no/ /de yang phyogs snga'i 'dod pa ni
rang gi mtshan nyid kyis grub na tha snyad btags pa'i btags don
btsal ba'i tshe rnyed

dgos pa 'dod la/ de ni thal 'gyur ba'i skabs 'dir de 'dra ba de/
yod phyin mthar thug dpyod pa'i rigs shes kyis rnyed dgos pa las
ma 'das pas

na rang bzhin med pa mngon sum du/ rtogs pa'i ye shes kyis rnyed
dgos zhes smos pa yin la/ de ltar ye shes des mthar thug dpyod
pa'i

tshe ma gzigs na de 'dra'i rang bzhin de med par song bas na/
rang gi mtshan nyid kyis grub pa khas blangs pa'i dam bca'i don
khegs pa yin

@331b no/ de'i phyir 'phags pa'i mnyag gzhag ye shes dngos po'i
'jig rgyur thal pa 'di yang phyogs snga'i ngor 'jig rgyur thal
zhes 'phul ba yin gyi/ spyir

rten 'byung gi rtags kyis chos dang gang zag /rang gi mtshan nyid
kyis grub par 'gog pa dang mi 'dra bas/ de'i phyir rten 'byung
gi rigs pa de dag

gis rang gi mtshan nyid kyis grub pa bkag /zin nas/ slar yang
'jug pa rtsa 'grel gyi rigs/ pa bzhi po 'dis/ rang gi mtshan nyid

kyis grub pa bkag na gnad che bar gsungs/ pa yang/ 'di'i rigs
pa'i 'phul mtshams bstan pas bkag pa la dgongs pa yin pas na/

'di'i 'phul mtshams kyi bkag tshul shes pa/ shin tu gal che ba yin
no/ /de'i phyir rang gi mtshan nyid/ kyis grub pa ni gang gi

sgo nas kyang khas blangs par mi rigs te/ 'jug pa las/ /gal te
rang gi mtshan nyid rten gyur na/ /de la/ skur pas dngos po

@332a @#/ /'jig pa'i phyir/ /stong nyid dngos po 'jig pa'i rgyur
'gyur na/ /de ni rigs min de phyir dngos yod min/ zhes gsungs
so/ /

de'i don ni da dung yang gal te rang gi mtshan nyid kyis grub pa
'jog na ni/ de la skur pa chen po 'debs dgos pas/ de yang 'phags
pa'i mnyam

gzhag dngos po'i 'jig rgyur thal ba'i sgo nas skur pa btab pa
yin la/ de ltar na stong pa nyid kyang dngos po 'jig pa'i rgyur
'gyur bas na/ de ni rigs

pa yang ma yin pas de'i phyir rang gi mtshan nyid kyis grub pa'i
dngos po yod pa ni ma yin no/ /zhes pa'i don min pas/ de'i phyir
legs bshad snying por

'o na; rten 'byung gi rtags de dag gis rang gi mtshan nyid kyis
grub pa kun rdzob tu yang 'gog pa 'di lugs 'dis 'phags pa'i
dgongs pa

'grel pa'i khyad chos su snang na de la dmigs bsal can gyi dgag
pa ji ltar mdzad ce na/ 'di ni shin tu gnad che bas bshad par
bya'o/ /zhes

@332b pa nas/ 'di ni skyon spong dngos gzhi yin mod kyang spang
mi nus te rigs pa 'og ma'i skabs su bshad par bya'o/ /zhes pa'i
bar gsungs so/ /

de nas 'jug pa rtsa ba'i rigs pa gnyis pa tha snyad/ bden pa
rigs pas dpyad bzod du thal ba ni de yang dngos po rnams rang gi
mtshan nyid

kyis grub na/ dper na/ skye ba'i tha snyad btags pa'i btags don
btsal ba'i tshe na dpyod byed kyi blos rnyed dgos la/ de ltar ma
rnyed na ni tha snyad kyi dbang

gis bzhag pa tsam du 'gyur bas na/ rang gi mtshan nyid kyis grub
pa'i don med do/ /de ltar yang 'jug pa las/ /gang phyir dngos po
'di dag rnam

dpyad na/ /de nyid bdag can dngos las tshul rol tu/ /gnas rnyed
ma yin de phyir 'jig rten gyi/ /tha snyad bden la rnam par dpyad
mi bya/ zhes gsungs/

de'i don ni rgyu mtshan gang gi phyir phyi nang gi dngos po 'di
dag rnam par dpyad nas 'jog na 'jog tshul de ni de kho na nyid
kyi bdag nyid can gyi dngos po'i

@333a @#/ /'jog tshul dngos yin pas/ de ni tshul rol tu steng nga
bzhin gyis skye ba'i gnas ni rnyed pas yin pa ste med do/ /rgyu
mtshan de'i phyir

'jig rten gyi tha snyad kyi don la rnam par dpyad nas 'jog par
mi bya'o zhes pa'i don no/ /de ltar yang legs bshad snying por/
tha snyad bden pa

rigs pas dpyad bzod du thal ba ni/ zhes pa nas/ kun rdzob pa'i
don rnams de ltar dpyad pas rnyed pa'i don du mi bzung ste/ zhes
pa'i bar

gsungs so/ /de yang phyi nang gi chos rnams la dpyad par mi rigs
pa'i don/ de la gtan nas mi dpyod pa'i don du 'jog pa yin nam/
de ltar

dpyad pas de kho na nyid du grub pa'i don du/ song ba'i/ dpyad
pa gnyis yod pas de'i dbang du byas pa'i dpyad pa mi byed pa
gang yin

skam na/ de ni tha snyad kyi don la dpyad/ /pa gtan nas mi byed
pa min pa'i tshul ni gong du rgyas par song zin pas 'dir ma spros
shing/

@333b de ltar dpyad pas de kho na nyid du grub pa'i don du song
ba'i dpyad pa 'di ni thal rang gnyis kyi dpyod mtshams la khyad
par che

bas; de gnyis kyi dpyod mtshams dang phyogs snga'i skyon spong
lugs dang bcas pa bshad par bya'o/ /de yang thal 'gyur ba'i
skabs 'dir

gang zag lta bu phung po la brten nas btags tsam gyi ming rkyang
des chog la/ gal te des mchog par phung po'i steng nas yod tshul
ji ltar 'dug

snyam du dpyod pa la nam zhugs pa nas don dam la dpyod pa yin
pas/ dpyod tshul des dpyad nas 'jog pa ni mi rigs so/ /rang rgyud
pas ni de

ltar dpyad pa tsam nas don dam la dpyad par mi 'jog pas/ de'i
lugs kyi dpyod tshul ni/ gang zag phung po la brten nas btags
pa'i ming rkyang

thal 'gyur bas/ bzhag tsam des ma/ chog par phung po'i steng nas
'jog dgos pa yin la/ de'i 'jog tshul yang gang zag de phung po

@334a @#/ /la brten nas btags pa na btags pa'i ming rkyang tsam
gyis yod go mchod par ming btags pa'i btags gzhi phung po'i

steng nas 'tshol bar byed cing/ de ltar btsal ba na phung po'i
steng nas blo gnod med la snang bzhin pa'i gang zag cig snang
la/ de ltar snang ba de

yang blo gnod med la snang ba'i dbang tsam kho nas bzhag pa ma
gtogs/ de'i gnyug ma'i sdod tshul gang yang med pas/ rang rgyud
pa'i lugs kyi

gang zag tha snyad btags pa'i btags don btsal nas rnyed pa'i
gang zag i thi ba ni de nyid yin pas na/ thal rang gnyis kyi
don dam la dpyod pa'i

rigs pa'i dpyod mtshams mi 'dra ba yang de yin no/ /de'i gnad
kyis rang rgyud pa'i lugs/ kyi btags don btsal nas 'jog lugs 'di

nyid kho rang gi/ lugs la don dam par rigs pas dpyad pa'i dpyad
bzod du mi 'jog pas/ gong gi tha snyad kyi don la don dam gyi
dpyad pa

@334b byas nas 'jog pa'i skyon med ces thal 'gyur ba la smras
kyang/ des ni thal 'gyur pa la skyon spong mi nus te/ rang rgyud
pas tha snyad btags pa'i

btags don btsal ba'i don nyid thal 'gyur ba'i don dam par/ dpyod
pa'i dpyod tshul dngos yin pas na/ thal 'gyur bas ni de ltar
dpyad nas

bzhag pa'i don de nyid/ rigs pa'i dpyad bzod dang tha snyad kyi
don la rigs pas rnam par dpyad pa'i don dngos rang de nyid yin
par bzhed pas

na/ rang rgyud pas thal 'gyur ba la skyon spong nus zer yang kho
rang la skyon son gnas pa kho na yin no/ /de ltar yang legs
bshad snying por/ 'di la

sngar bshad pa ltar dpyod lugs ji tsam nas de kho na nyid du
grub ma grub dpyod pa'i rigs pa'i sa mtshams la mi mthun pa'i
gnad kyis 'dir bshad

pa 'dra ba'i dpyod lugs kyi dpyad bzod yin yang/ de kho nar grub
ma grub dpyod pa'i rigs pas dpyad bzod du mi 'dod pas mi gnod
par smra ba

@335a @#/ /skyon spong gi dngos gzhi yin te/ skyon spong snga ma
dang gnad gcig go/ /zhes pa nas/ des na rang gi mtshan nyid kyis
yod na rigs

shes kyis dpyad bzod dang don dam mngon sum du 'jal ba'i ye shes
kyis dmigs dgos so/ /zhes pa'i bar gsungs so/ /de'i phyir rang
rgyud pas ni

dbang/ po'i shes pa la sogs pa'i blo gnod med la snang ba'i
dbang gis gang zag la sogs pa 'jog tshul ni gong ltar yin la/ de
ltar snang ba'i

dbang/ gis bzhag pa min par dngos po rang gi gnas lugs kyi dbang
gis yod pa ni don dam par yod par 'jog pa yin pas na/ tha snyad
btags

pa'i btags don btsal nas rnyed pas don dam par/ 'jog pa min no
snyam na/ 'o na/ rang rgyud pa'i 'jog tshul de ni ming gi tha
snyad kyi dbang

gis bzhag tsam de min yang 'jig rten pa'i tha snyad du yod par
bzhag 'dug pas na 'jig rten pa'i tha snyad la ni tha snyad de
nyid btags pa tsam

@335b gyis chog gi/ btags pa ltar gyi don la dpyad nas mi 'jog
pas 'jig rten pa'i tha snyad du yod tshul dang ches mi mthun pa
'di la yang 'jig

rten gyi tha snyad du yod do zhes smra ba ni mi rigs pa kho na
yin no/ /de'i phyir tha snyad btags pa'i btags don btsal nas
rnyed pa'i don yod na tsam gyi

sgras gcod pa'i don yang med par gsungs shing/ mdo las kyang
chos thams cad ming dang brda dang btags pa tsam du gsungs pa
dang/ de

yang 'jig rten gyi brda dang tha snyad kyis yod kyi don dam par
ni ma yin no zhes gsungs pa dang 'gal bas na/ lung rigs gnyis ka
dang 'gal bar

bstan pa'i don no/ /de ltar yang legs bshad snying por/ gal te
dbang po'i shes pa la sogs pa shes pa gnod med la snang ba'i
dbang gis bzhag

pa min par dngos po rang gi gnas lugs kyi dbang gis yod pa ni
don dam par yod pa'o/ /zhes pa nas 'jig rten gyi tha snyad du
yod pa'o zhes

@336a @#/ /smras kyang don mi 'dod pas smras pa tsam du
zad do/
/zhes pa'i bar gsungs so/ /de bzhin du khyod kyis gang zag gi
tha snyad kyi

don la btsal zhing dpyad pa na/ rnyed pa'i gang zag cig bzhag pa
de yang mi rigs te/ shing rta rnam pa bdun gyis dpyad pa'i mthar
mi rnyed pa dang

mtshungs so/ /'o na/ shing rta rnam pa bdun gyis dpyad pa'i mthar
mi rnyed pa de nyid khyod kyis khas len mi rigs par 'gyur te/
gang zag brtags

shing dpyad nas rnyed pa bzhin du shing rta yang rnam pa bdun
gyis dpyad pa'i mthar rnyed dgos par 'gyur la/ de ltar na khyod
kyis gang zag dang

shing rta gnyis ka btags yod du yang bzhag tu med par 'gyur ro/
/de'i phyir skye ba sogs kyi tha snyad kyi don la dpyad nas
rnyed pa'i don ni

skye ba la sogs par bzhag tu mi rung bas tha snyad du gzhan/
skye khas len pa 'di yang shin tu mi rigs shing/ de dag 'gog
byed kyi

@336b rigs pa yang gzhan du rgyas par gtan sa pa ba zin par
gsungs pa bzhin yin no/ /de'i phyir myu gu skye'o zhes pa dang
ngas mthong ngo zhes pa lta

bu'i chos dang gang zag gi tha snyad dang rnam bzhag yod la/
yang myu gu de sa bon rdzas gzhan las skye'o zhes pa dang/ rdzas
yod kyi bdag gis de

ltar skye ba mthong ngo zhes pa'i tha snyad dang rnam bzhag don
mthun gang yang med pas na/ 'jog tshul snga ma'i don ni tha snyad
du yod pas tshad mas mi

gnod la/ phyi ma'i don ni tha snyad du yang med pas tshab mas
kyang gnod do zhes bya ba'i ron du gsungs so/ /des na 'di dag gi
skabs kyi rigs pa'i

khyad par gzhan yang mang zhing/ skabs don rigs shes kyis gnod
pa dang dpyad mi bzod pa gnyis kyi khyad par ni/ de yang rigs
shes kyis gnod

pa'i chos ni/ gang yang mi 'jog la/ rigs shes kyis dpyad mi bzod
pa'i chos ni bden pa gnyis char yin pas spyi'i 'jog tshul

@337a @#/ /kyi sgo nas khyad par ni de ltar ro// khyad par gcig
la sbyor na/ gang zag lta bu rang gi ngo bos grub ma grub dpyad
pa na dpyod byed kyi

blos mi rnyed pa dang/ dpyod byed kyi rigs pas kyang gang zag de
nyid mi 'gog par gang zag rang bzhin gyis grub pa 'gog dgos pas
na/ de'i

phyir de 'dra'i rigs shes des gang zag rang bzhin gyis grub pa
la gnod dgos kyi/ gang zag la mi gnod pa zhig ni nges par dgos
so// da

dung rigs shes des gang zag la gnod par song na de rang bzhin
med par gtan la 'bebs pa'i thams kyang med cing/ de 'dra'i lta
ba rtogs pa'i

blo yang mi srid par 'gyur ba sogs kyi nyes pa/ shin tu che ba
yin no/ /des na/ 'di dag gi khyad par legs par gzhan du rgyas
par bshad

zin to/ /zhes gsungs pa ltar yin no// de'i phyir 'di dag gi
dpyad pa'i tshul rnams mtha' thams cad nas yongs su ma rdzogs par
dpyad pa

@337b phyogs re ba dang ltar snang des tshims nas nga rgyal te
don dam du grub pa bkag pa'i lugs su byas kyang/ nges pa don gyi
dgag bya'i cha tsam yang 'gog

nus pa mi yong bas na dpyad pa'i mtha' thams cad la blo gros kyi
'jug pa rgyas pa gal che bar gsungs pa bzhin yin no/ /de ltar
yin kyang rigs pa yang dag

gis dpyad pa'i tshul rnams dor te dpyad pa ltar snang la brten
nas lta ba gtan la phab pa'i rlom sems byas kyang/ tha snyad kyi
don 'jog pa'i tshe 'khrul

shes kyi ngor yod pa tsam gyis yong go bcad nas kun rdzob kyi
chos rnams 'khrul ngo tsam yin gyi/ sangs rgyas kyi mkhyen pas
gzigs pa min no/ /

zhes zer dgos pa/ yang 'byung nye bas na/ 'di'i rigs pa'i dpyad
bzod kyi mtshams zin pa gang las kyang gal che'o//

de ltar yang legs bshad snying por/ gang zag gi tha snyad kyi
don la btsal zhing dpyad pas rnyed pa'i don gang zag tu bzhag du
mi dung ba ni rnam

@338a @#/ /pa bdun gyis dpyad pa dang/ zhes pa nas/ de'i don ni
'khrul ngor yod pa tsam yin pa'i phyir ro snyam du bsams na ni/
dbang phyug

dang gtso bo la sogs pa las bde sdug skye ba dang dkar nag gi
las gnyis las skye ba gnyis 'thad na 'thad mnyam dang/ mi 'thad
na'ang

mi 'thad mnyam du 'gro ste/ sngar bzhin dpyad na ni dpyod byed
kyis phyi ma yang mi rnyed la/ 'khrul ngor ni snga ma yang yod
pa'i phyir ro/ /zhes pa'i bar

gsungs so/ /des na gang zag sogs don dam par dpyad nas 'jog pa
tsam rang rgyud pas kyang mi 'dod cing/ tha snyad btags pa'i
btags

don btsal pas rnyed par bzhag pa 'dis don dam par dpyad nas
rnyed par song 'dug /pas na/ tha snyad du grub pa'i don las shin
tu 'gal

bas/ de 'dra'i gang zag de ni ngar 'dzin pa'i rten dang dmigs
yul gang du bzhag tu mi rung bar gsungs pa ni/ 'jug pa las/ 'di
ni ngar

@338b 'dzin rten du'ang mi rigs la/ 'di ni kun rdzob tu yang yod
mi 'dod/ ces dang/ /mi shes gnyis kyis rab bskyod mu stegs can/
/rnams kyis

bdag nyid ji bzhin brtags pa dang/ /sgyu ma smig rgyu sogs la
brtags pa gang/ /de dag 'jig rten las kyang yod min nyid/ ces
gsungs/ de'i

don yang rang gi mtshan nyid kyis grub pa'i gang zag kun rdzob tu
yang yod par mi 'dod pa ni/ dper na/ rmi lam gyi gang zag dang
mu stegs kyi grub

mthas btags pa'i bdag rtag pa dang sgyu ma'i rta glang dang smig
rgyu'i chu la sogs pa de dag kyang gang zag dang rta glang rang
chu la sogs par dngos

gnas la snang yang de ltar snang ba ltar du grub ma grub brtags
pa na/ dngos gnas su grub pa ni 'jig rten na yang yod pa min pas
de dang rang

mtshan gyis grub pa'i gang zag tha snyad du med par mtshungs so
zhes pa'i don yin la/ 'o na rmi lam gyi rta glang sogs med dam/
'di'i dper

@339a @#/ /len lugs ji ltar yin snyam na/ de ni rmi lam gyi rta
glang sogs yod mod kyang rta glang sogs dngos gnas par snang

ba ltar ma grub pa dper 'jog pas 'gal ba med do/ /de'i phyir
sgyu ma'i rta glang rta glang dngos gnas su 'dzin pa yang sngags
rdzas kyis mig

bslad pa'i blos bzung ba yin gyi/ des ma bslad pa'i blos de
ltar/ 'dzin pa min pas na de 'dra'i dngos gnas su tha snyad du
yod par yang mi

'jog go /des na rgyu mtshan 'di dag gis gang zag rang bzhin med
par 'jog mi nus na/ 'o na bdag gzhan las skye ba sogs tha snyad
du

yang ma grub bo zhes/ rigs pas bkag pa rnams kyis kyang de dag
'gog mi nus par 'gyur ro/ /de yang rang gzhan gyi grub mtha'
thun

mong ma yin pas btags pa rnams kyis/ bzhag pa'i don yang 'khrul
pa'i blos bzhag pa yin zhing/ de 'dra'i 'khrul pa'i blo de

@339b yang thog ma med pa nas brgyud de 'ongs pa'i lhan skyes
kyi blo ni min pas kun btags yin no/ /de ltar yin kyang rang
gzhan gyi grub mtha'

thun mong ma yin pas bzhag pa de dag ni thog ma med pa nas
brgyud de 'ongs pa'i blo 'khrul pa'i ngor yod pa tsam yin pas
kun rdzob tu yod par bzhag

pa la skyon med do/ /snyam na de ni shin tu yang mi 'thad de/ de
ltar na snga phyi gcig 'dzin gyi rtag 'dzin dang gang zag dang
chos rang gi mtshan nyid

kyis grub par 'dzin pa'i bdag 'dzin lhan skyes kyi zhen yul
rnams kyang tha snyad du yod par 'gyur dgos so/ /de ltar yang
legs bshad snying por/

rang gzhan gyi sde pa gzhan gyi grub mtha' thun mong min pas
btags pa rnams dang/ zhes pa nas/ de ltar snga phyi gcig 'dzin
gyi rtags 'dzin dang/

gang zag dang/ chos rang gi mtshan nyid kyis grub par 'dzin pa'i
bdag 'dzin lhan skyes kyi zhen yul yang tha snyad du yod par
'gyur ba'i phyir ro/ /

@340a @#/ /zhes pa'i bar gsungs so/ /des na tha snyad du yod na
rigs shes kyis btsal nas mi rnyed kyang des mi gnod pa cig nges
par dgos

pa dang/ tha snyad pa'i tshad ma dang don dam 'jal ba'i tshad ma
gnyis kas mi gnod pa cig nges par dgos pa ni don de tha snyad du
yod pa'i gnad

kyis yin no/ /de ltar tha snyad du yod pa rnams la ni ming gi
tha snyad kyi dbang gis bzhag pa tsam yang yin dgos pa ni/ gang
zag lta bu yang kun

rdzob tu yod pa de ming gi tha snyad kyi dbang gis bzhag pa tsam
la byed cing/ de'i tsam sgras kyang gang zag ming gi tha snyad
kyis ma bzhag pa

gcod kyi/ gang zag tshad mas grub pa yang mi gcod pas na/ lugs
'di la tha snyad du yod phyin ming gi tha snyad kyi dbang gis
yod dgos pa

yang yin no/ de ltar yin yang ming gi tha snyad kyi dbang gis
bzhag na yod pas kyang ma khyab bo/ /de'i phyir ming gi tha
snyad kyi dbang gis ma bzhag

@340b pa gang gcod na/ gang zag rang gi mtshan nyid kyis grub pa
gcod do/ /'o na de gcod pa'i rgyu mtshan gang yin zhe na/ de rang
gi mtshan nyid kyis

grub na kho rang gi ngo bo'am rang bzhin nas yod par 'jog dgos
pas/ de la ni yul can tha snyad de'i dbang gis yod par ma song
ba zhig

dgos pas na/ de 'dra ba'i rang gi ngo bos grubs ni rigs shes
kyis kyang khegs so/ /'o na/ mchod sbyin gyis mthong ngo zhes
pa'i tha snyad

kyi don la yang rigs shes kyis gnod par 'gyur ram snyam na/ de
ni tha snyad du/ yod pas rigs shes kyis mi gnod cing tshad mas
grub bo/ /

des na don dang tha snyad gnyis kyi nang nas don rang gi ngo bos
grub phyin tha snyad kyis dbang gis bzhag kyang mi nus la/ don
rang gi

mtshan nyid kyis ma grub na ming gi tha snyad kyi dbang gis yod
pa 'os med du 'grub par 'gyur bar gsungs pa bzhin no/ /de ltar
yang legs

@341a @#/ /bshad snying por/ des na tha snyad du yod na rigs shes
kyis ji ltar yod btsal bas rnyed pa 'gal mod kyang/ zhes pa nas/

don dang tha snyad gnyis kyi nang nas don rang gi ngo bo nyid
kyis yod par ma song ba na tha snyad kyi dbang gis yod par 'os
med kyis 'grub bo/ /zhes

pa'i bar gsungs so/ /de bzhin du don dam bden pa'i yod tshul yang
ji ltar yin dpyad pa na kun rdzob kyi/ chos rnams dang 'dra bar
mthar thug

dpyod pa'i rigs shes kyis dpyad na mi rnyed cing/ tha snyad du
yod pa tsam ni 'dra bar gsungs so/ /de yang stong nyid yod tshul
la rigs shes kyis

dpyad/ pas ma rnyed par bzhag pa dang tha snyad kyi dbang gis
bzhag tsam du grub par gsungs pa de yang kun rdzob kyi chos
rnams dang don dam bden

pa gnyis khyad med par gsungs pa'i don min gyi/ stong nyid yod
pa mthar thug dpyod pa'i rigs shes kyi rnyed don gyi gtso bo min
kyang don dam bden

@341b pa de'i rnyed don gyi gtso bo yin pas de'i sgo nas kyang
mi 'dra bar ma zad/ don dam bden pa ni tha snyad dpyod byed kyi
tshad ma de nyid khyod la bltos te tha snyad

dpyod byed kyi tshad mar ma song zhing/ don dam bden pa yod pa la
ni de ltar song ba yin pas de gnyis tshad ma gnyis kyis yul du
byed tshul la yang

mi 'dra ba'i khyad par che'o/ /de'i phyir myu gu bden med du
gsar du rtogs pa'i rigs shes/ rjes dpag gis myu gu bden med
rtogs

kyang myu gu bden med yod pa dngos shugs gang la yang ma rtogs
gsungs pa yang gnad 'di dag la thug pa yin no/ /des na/ don dam
bden pa yod

pa yang tha snyad pa'i shes ngor 'jog dgos pa yin gyi/ lta ba
thog mar gtan la phebs pa'i dus su ni mthar thug dpyod pa'i rigs
shes kyi 'dzin stangs

kyi yul tsam la yang med pas na/ don dam bden pa rigs shes des
grub kyang de yod pa rigs shes/ des grub pa min no/ /des

@342a @#/ /na don dam bden pa la dpyod pa yang de yod med la
dpyod pa yin gyi de'i don dam pa'i ngo bo ni spros pa'i mtha'
brgyad dang bral ba'i rgyu

mtshan gyis tha snyad kyi dpyad pa mi nus pas/ don dam bden pa la
dpyad pa byas pa'i don de'i yod tshul la dpyad pa'i don yin cing/
de yang yod tshul

ming rkyang tsam gyis ma chog par de'i don dam pa'i yod tshul
dpyad na mi rnyed pa ni bden pa gnyis la 'dra pas 'di'i dpyad
'tshams zin pa gnad che'o/ /

de bzhin du slob dpon sangs rgyas bskyangs kyis kyang rgyal bas
tha snyad kyi dbang gis skye ba la sogs pa gsungs pa dang skye
ba la sogs pa brjod pa

tsam du grub par gsungs pa rnams kyang de bzhin du 'jog dgos pa
zhal gyis bzhes so/ /'o na; rang rgyud pa rnams kyis tha snyad
du yod par

'jog pa'i shes pa gnod med ni ji lta bu zhig la gnod pa med pa'i
don du 'jog snyam na/ de ni rtog med shes pa rnams snang yul
dang/ rtog pa

@342b rnams zhen yul rang gi mtshan nyid kyis grub pa'i don la
tshad ma gzhan gyis mi gnod cing de la ma 'khrul pa zhig dgos par
'dod pa yin no/ /

de yang thal 'gyur ba'i lugs mchog 'dir ni snang yul dang zhen
yul la 'khrul bas don 'jog nus pa mang du yod kyang ma 'khrul
ba'i shes pa ni

zag med/ ye shes gcig pu la 'dod pa dang/ de bzhin du thal rang
gnyis shes pa gnod med kyi yul 'jog tshul dang/ gnod pa yod med
kyi

tshul la khyad par shin tu che bar gsungs so/ /de'i phyir rang gi
ngo bos ma grub pa'i yod pa la tha snyad kyi dbang gis bzhag
pa'i yod pa dang

btags yod du gsungs kyi rang gi ngo bos grub pa la de lta min
mo/ 'di'i btags yod de yang chos de dngos man bzhin du der btags

pa'i btags yod du 'jog pa gtan min pas/ tha snyad kyi dbang gis
yod pa'i btags yod 'di la ni sangs rgyas dang sems can mtshan

@343a @#/ /nyid pa dang 'ching grol mtshan nyid pa la sogs pa
thams cad 'thad kyi gzhan rang gi mtshan nyid kyis grub pa 'dod
pa'i lugs

la ni rnam bzhag de dag ye mi 'thad do/ /de'i phyir 'phags pa
yab sras kyi dgongs pa mthar thug tu slob dpon 'di gnyis kyis
bkral ba la rnam

bzhag mtshan nyid ba 'jog sa ma byung na/ rgyu 'bras mtshan nyid
pa la sogs pa/ thams cad rang gi mtshan nyid kyis grub pa'i

steng du 'khyer ba sha stag tu 'dug pas/ de ni rang gi mtshan
nyid kyis grub pa la goms pa ches pas lan 'dug pas na/ phyin
chad rten

'byung gi don rang bzhin gyis stong pa'i don du shar bar byas
nas rang gi mtshan nyid kyis grub par 'dod pa'i grub mtha' de dor
la thal 'gyur ba'i

lugs mchog 'di nyid bzung dgos so/ /de ltar yang legs bshad
snying por/ de'i phyir don dam bden pa'i/ yod tshul yang ji ltar

@343b yan dpyad pa na de dang 'dra ba kho nar zad pas na/ zhes
pa nas/ da dung rten 'byung gi don rang bzhin gyis stong ba'i
don du ma shar ba yin pas lugs

'di'i go la sa chen po la gnas par shes par gyis shig/ ces pa'i
bar gsungs so/ /rtsa bar gsungs pa'i rigs pa gsum pa ni/ de yang
bdag

gzhan gang las skye dpyad pa na dngos po rnams rang gi mtshan
nyid kyis grub pa 'gog nus te/ 'jug pa las/ /de nyid skabs su
rigs pa gang zhig gis/

bdag dang gzhan las skye ba rigs min pa'i/ /rigs des tha snyad
du yang rigs min na/ /khyod kyi skye ba gang gis yin par 'gyur/
zhes

gsungs/ de'i don ni dngos po rnams rang gi mtshan nyid kyis grub
par 'jog pa'i tshul de ni de kho na nyid la dpyod pa'i skabs yin
pas/

de'i tshe rigs pa gang/ zhig gi sgo nas bdag dang gzhan gang las
skye bar rigs pa ni min mo/ de'i phyir rigs pa des ni rang gi
mtshan nyid

@344a @#/ /kyis grub pa'i skye ba tha snyad du yang/ rigs pa min
pa ste med na khyod kyis rang gi mtshan nyid kyis grub pa'i skye
ba de nyid

de gang zhig gi skye ba yin ston cig ces pa'i don no/ /de ltar
yang legs bshad snying por/ don dam pa'i skye ba mi khegs par
thal ba ni/ dngos po

rnams tha snyad du rang gi mtshan nyid kyis grub pa la bdag gzhan
gang las skye dpyad nas 'gog pas mi khogs na/ zhes pa nas/ de'i
phyir rang

mtshan gyis skye ba ni bden pa gnyis kar yang med do/ /zhes pa'i
bar gsungs so/ /de'i phyir don dam pa'i skye ba 'gog nus kyi
rigs pas

rang mtshan gyi skye ba 'gog nus kyang/ rang mtshan gyi skye ba
khas len na don dam par grub pa'i skye ba khas len pas ni ma
khyab bo/ /des na chos thams

cad rang bzhin gyis grub pa'am rang gi mtshan nyid kyis grub la
'gog ba'i rigs pa de la gtso che ba mtha' bzhi'i/ skye ba 'gog
pa'i

@344b rigs pa rten 'byung gi rigs pa/ 'jug par dngos su gsungs
pa'i rigs pa gsum po 'di rnams yin la/ de la 'grel pas lung dang
sbyar te

gsungs pa'i tshul mi de yang rang 'grel las/ 'od srungs gzhan
yang dbu ma'i lam chos rnams la yang dag par so sor rtog pa ni/
gang stong

pa nyid kyis chos rnams stong bar/ mi byed chos rnams nyid stong
ba dang/ zhes gsungs shing/ de bzhin du gang tshad ma med pa

dang gang smon pa med pa dang gang mngon par 'du bya ba med pa
dang/ gang ma skyes pa dang gang ma byung bas chos rnams/ mtshan
ma med par

mi byed pa nas chos rnams ma byung bar mi byed de/ chos rnams
nyid mtshan ma med pa nas chos rnams nyid ma byung ba'i bar du
'od srungs

kyis zhus pa las gsungs pa drangs nas/ rang gi mtshan nyid kyis
stong bar bsgrubs so/ /de'i don yang bcom ldan 'das kyis

@345a @#/ /'od srungs zhes bos nas/ dbu ma'i lam rtag chad kyi
mtha' gnyis dang bral ba der chos thams cad gnas pa

yin la/ de la rigs pa'i rnam grangs mtha' yas pas gtan la phab
ste gnas pa na/ de las thabs kyi sgo gzhan yang so sor

rtog pa'i shes rab kyis yang dag par so sor rtog par byed cing
'jog par byed pa'i sgo nas sgrib pa rnams las sems rnam par

grol bar byed do/ /des chos gang yang stong pa nyid kyis stong
bar mi byed cing de ltar sems par yang mi byed la/ chos rnams ni
stong pa ste

rang gi ngo bo nyid kyis stong ngo/ /de bzhin du chos gang yang
rang gi ngo bo nyid kyis mtshan ma med pa dang/ 'bras bu gang
yang ngo bo nyid

kyis smon pa med pa dang rgyu dang 'bras bu gang yang ngo bo
nyid kyis mngon par 'du bya ba med pa dang/ rgyu 'bras kyi chos
gang yang rang bzhin

@345b gyis ma skyes pa dang/ de gang yang ngo bo nyid kyis ma
byung bas na/ chos rnams mtshan ma med par mi byed pa nas chos
rnams ma byung bar mi byed

de zhes pa'i mtshan ma med par mi byed pa sogs kyi/ don ni/ chos
rnams kyi ngo bo rang gi mtshan nyid kyis grub pa'i mtshan ma/ med
pa

sogs la yul can shes pas kyang de 'dra'i mtshan ma med par byed
dgos pas na/ chos rnams nyid kyang mtshan ma med pa nas chos
rnams nyid

ma byung ba'i bar gyi don rnams 'od srungs kyis bcom ldan 'das
la zhus pa'i len du gsungs pa yin la/ de nyid rang 'grel du
drangs nas rang

gi mtshan nyid kyis grub pas stong par ba bsgrubs pas na/ rang
'grel las rang gi mtshan nyid kyis grub pa lung la brten nas 'gog
pa'i rigs

pa gsungs pa'i tshul ni de yin no/ /de ltar yang legs bshad
snying por/ lung des rnam rig pa'i stong pa yang mi 'thad par
bstan par bshad

@346a @#/ /do; chos rnams la rang mtshan gyis grub pa'i rang bzhin
yod na chos de rnams rang ngos nas stong bar ma song bas chos
rnams

nyid stong pa dang zhes pa mi 'thad la zhes pa nas/ phyi ma
rnams kyi don tshad mas grub cing byed pa ma nyams kyang grub
mthas bden pa'am bden pa'i

don du sgro 'dogs pa mi 'gal ba'o// zhes pa'i bar gsungs so//
de'i don yang lung des zhes pa'i lung ni drangs ma thag pa'i 'od
srungs kyis

zhus pa'i mdo de nyid yin la/ de'i dngos bstan gyi stong nyid de
dag kyang rang gi mtshan nyid kyis stong ba'i stong nyid yin
zhing/ de yang dgag bya rang

ngos nas grub pa bkag pa'i stong pa yin gyi/ de las gzhan kho
rang ma yin pa'i chos gzhan zhig gis stong ba'i stong pa ni min
no// de'i phyir stong pa nyid

kyis chos rnams mi stong zhes pa'i don yang chos thams cad rang
rang gi ngo bo'i stong nyid de dang ngo bo gcig pa dgos pa'i
gnad kyis chos thams cad

@346b stong pa nyid kyis mi stong zhes 'jog pa yin gyi/ chos
thams cad stong nyid min pa tsam gyis des stong pa'i don du 'jog
na ni/ kun rdzob kyi chos thams

cad kyang der 'jog dgos pas mdo'i don 'chad tshul med par 'gyur
ro// des na/ rang gi mtshan nyid kyis grub pa'i stong tshul mi
shes na/ rang stong

du ming btags pa'i stong tshul khas blangs kyang/ kho rang ma yin
pas stong pa tsam gyis gzhan stong las ma 'das pas/ dgag bya'i
stong tshul

gyi don ci yang mi shes so// de bzhin du rnam rig pas kyang
gzhan dbang gzung 'dzin rdzas gzhan du med par 'dod pa'i don
yang/ de rang bzhin

med pa'i don du bzhag na yang de'i khyad par 'byed mi shes pas/
de 'dra'i rigs la kha gdong gi yin khyab mnyam 'jog thub pa tsam
la chog shes mi

bya bar/ dgag bya'i spyi'i 'jog tshul dang phra rags kyi khyad
par rnams legs par shes dgos so// de'i phyir chos rnams la rang
gi mtshan nyid

@347a @#/ /kyis grub pa'i stong tshul tshang phyin rang gi ngo bos
grub pa'i stong tshul tshang 'ong bas na/ skabs 'di'i dgag bya
phra mo'i stong tshul ni de

ltar yin gyi/ de las gzhan gyi stong tshul min pas de 'dra'i
mtshams phyed dgos so// des na rang bzhin gyis stong pa'i stong
nyid rtogs zin mngon

gyur byed pa ma nyams pa'i ring la grub mthas 'thad pa bcug pa'i
bden 'dzin dang sgro 'dogs mngon gyur du skye ba ni mi srid do//
gzungs 'dzin

rdzas gzhan gyis stong pa sogs kyi stong nyid rtogs zin byed pa
ma nyams par yod kyang/ rang bzhin gyis grub pa'i sgro 'dogs yod
pa mi 'gal

zhes pa'i don no// gsum pa/ bkag pa'i rang bzhin med pa bsgrub
bya yin min bsam pa'i tshul ni/ de yang gang zag dang chos rnams
rtags la

brten nas rang bzhin med par gtan la phab pa na/ de'i bsgrub
bya/ chos dang gang zag rang bzhin med pa de nyid chos dang gang
zag gi steng du rang

@347b bzhin bkag/ tsam du 'jog gam/ rang bzhin bkag pa'i shul du
chos gzhan kun rdzob kyi chos zhig 'phangs snyam du rtog pa byed
pa ni/ skabs

'di'i lta ba gtan la 'bebs pa'i don gyi snying po 'tshol lugs yin
pas/ 'di la thog mar dgag pa gnyis kyi ngo bo ngos bzung dgos
pas de bshad

par bya'o// de yang med dgag ni rang gi dgag bya bkag shul du
chos gzhan gang yang mi 'phen pa zhig dgos shing/ ma yin dgag ni
rang gi dgag

bya bkag shul du chos gzhan 'phen pa'am sgrub pa zhig dgos pas
dgag pa gnyis kyi khyad par ni de ltar ro// de yang de gnyis kyi
nang nas rang

bzhin med pa gtan la 'bebs pa'i bsgrub bya la ni med dgag kho na
dgos pa yin gyi/ ma yin dgag de'i/ bsgrub byar 'jog/ pa ni/ mi
rigs

pa chen po'o// de ltar yang rnam bshad/ rigs pa'i rgya mtshor/
legs ldan gyis bdag las ma yin zhes/ sogs bzhi ka med dgag

@348a @#/ /tu bshad la/ zla bas kyang bdag las ma yin zhes pa med
dgag tu gsungs te dam bca' gzhan la yung 'dra'o// zhes gsungs

pa ltar/ bden med gtan la 'bebs pa'i skabs kyi bsgrub bya yang
dag la med dgag dgos par thal rang gnyis ka 'dra bar gsungs so//

de yang chos dang gang zag bden par med pa'i don blo na 'char ba
ma dgag bya bden grub dngos su bcad nas 'char pa zhig dgos kyi
bden med ces pa'i

tshig gis dngos su ma zin kyang chog ste/ stong nyid dang chos
nyid lta bu blo la 'char ba na dgag bya bden pa'i sgros pa thams
cad bkag nas 'char

ba yin kyang/ dgag bya bden grub tshig gis dngos su zin par ma
bkag pa lta bu'o/ de'i phyir stong nyid dang chos nyid du 'jog
pa la ni de'i chos

can gyi dgag bya dngos su bcad nas rtogs par bya ba zhig dgos
kyi chos can de nyid ma yin pa'i chos gzhan zhig bkag pa'am bcad
pa lta

@348b bus ni skabs 'di'i dgag bya bkag pa dang bcad par mi
'gro'o// de ltar yang legs bshad snying por/ 'o na gang zag dang

chos la rang bzhin rtags kyis bkag pa tsam yin gyi ma bsgrubs
zhes smra ba ltar yin na ba/ zhes pa nas/ 'di la

tshig gis zin par dgag bya bcad pa med kyang de'i don 'char ba na
spos pa bcad pa'i rnam pa can du 'char ba yod do// zhes pa'i bar

gsungs so// de bzhin du ma yin dgag kyang dgag/ bya dngos su
bcad pa med dgag dang 'dra yang/ de bkag shul du chos gzhan

'phen tshul yang/ rtog gi 'bar bar/ ma yin par dgag pa ni dngos
po'i ngo bo nyid dgag pas de dang 'dra ba de las gzhan pa'i
dngos po'i

ngo bo nyid sgrub par byed pa ste/ dper na/ 'di bram ze ma yin
no zhes dgag pas bram ze 'dra ba de las gzhan pa tha ma ze ma
yin pa dka'

@349a @#/ /thub dang thos pa la sogs pas dman pa'i dmangs rigs
yin par sgrub pa lta bu'o// zhes gsungs so// des na

med dgag 'jog tshul gyi khungs ni/ rtog ge 'bar par/ med par dgag
pa ni dngos/ po'i ngo bo nyid tsam zhig 'gog par zad

kyi de dang 'dra ba de ma yin pa gzhan gyi dngos po sgrub pa mi
byed pa ste/ dper na/ bram zes chang btung bar mi bya'o// zhes
bya ba de

tsam zhig 'gog par zad kyi/ de las gzhan pa'i btung ba btung ngo
zhe'am mi btung ngo/ zhes mi brjod pa lta bu'o// zhes gsungs
so// de'i

don yang dngos po'i ngo bo nyid ni dgag bya rang bzhin gyis grub
pa la byed cing/ de bkag pa'i shul du chos gzhan 'phen mi 'phen
zhes pa'i chos

gzhan ni kun rdzob dang gnyis snang gi spros pa sogs sgrub pa'i
rnam pa'i tshul gyis gang yang mi 'phen par 'jog go/ 'di'i 'phen
mi 'phen

@349b kyang sgrub mi sgrub la byed cing/ de yang dgag bya dngos
su bkag shul du yin pas na kho rang ma yin pa gzhan bkag pa tsam
gyi

shul du 'phen mi 'phen brtsi ba ni min no// de yang chos gzhan
'phen tshul ni/ dper na/ 'di bram ze ma yin no zhes sogs ltar
dang/ bram ze chang

btung bar mi bya'o zhes sogs mi 'phen pa'i tshul bshad pa bzhin
no// de'i phyir ma yin zhes/ pa dang med ces pa'i/ tshig gis bkag

pa tsam gyi med dgag dang ma yin dgag gi khyad par 'jog nus pa
yang ma yin te bdag las/ ma yin zhes bkag pa med dgag tu bshad

pa dang/ tshe dpag med ces pa ma yin dgag tu gsungs pa'i phyir
ro// des na dgag pa la ni chos gang/ yin kyang rang ma yin pa'i

chos gzhan zhig bkag pa tsam gyis mi chog par/ rang zhes brjod
pa'i sgras dgag bya ba cad pa dang rang rtogs pa'i blo la dgag
bya dngos

@350a @#/ /su bcad pa'i rnam pa can du 'char ba gang rung dgos
par gsungs so// de ltar yang legs bshad snying por/

de ltar dgag bya dngos su bcad pas/ rtogs par bya ba'i don de la
gnyis las/ zhes pa nas/ rang zhes

brjod pa'i sgras bcad pa dang rang rtogs pa'i blo la dngos sa/
dgag/ bya/ bcad pa'i rnam

pa can du 'char ba gang rung dgos so// zhes pa'i bar gsungs so//
yang kha cig/ spyir bdag med lta bu med dgag

yin kyang gang zag gi steng du de bkag pa na dgag bya bdag bkag
pa'i shul du sgrub pa 'phen par 'dod pas na med dgag tu ma bsdad
par

ma yin dgag tu 'gro dgos pas/ gzhi gzhan dang tshogs na yang chos
gzhan 'phangs pas med dgag min gyi ma yin dgag tu 'jog

@350b go zhes smras pa gnyis kyang 'dra bas mi rigs so// de'i
phyir dgag pa gnyis kyi khyad par ni gong du bshad ma thag pa
ltar yin la/ de

ltar na/ 'o na bram zes chang mi btung ngo zhes pa lta bu la
yang gzhi sgrub pa dang tshogs kyang med dgag tu mi 'jog par ma
yin dgag tu 'jog

dgos par gsungs pa bzhin dang/ 'di'i skabs kyi bram ze de ni
dgag bya bcad nas chos gzhan 'phen mi 'phen brtsi ba'i gzhi yin
gyi 'phangs

pa'i chos gzhan min pas na phyogs snga'i 'dod tshul gnyis ka la
'brel ci yang med do// de ltar yang legs bshad snying por/

kha cig bdag med lta bu med dgag yin gyi/ zhes pa nas/ 'phangs
pa'i chos gzhan ma yin pa'i phyir ro// zhes pa'i bar gsungs so//

des na ma yin dgag la rang gi dgag bya bkag shul du chos gzhan
'phangs tshul gyi khyad par ni/ shes rab sgron ma'i 'grel/ bshad
ru

@351a @#/ /drangs pa las/ /dgag pa don gyis bstan pa dang/ /tshig
gcig sgrub par byed pa dang/ /de ldan rang tshig mi ston par/ /ma

yin gzhan pa gzhan yin no/ /zhes gsungs/ de ngos 'dzin pa ni
legs bshad snying por/ de la don gyis bstan pa ni/ mtshod sbyin
tshon

po nyin par/ mi za ba zhes pa lta bu'o/ /tshig gcig gis dngos po
sgrub pa ni/ ma skyes pa yod ces pa lta bu

dgag bya gcod ba dang/ chos gzhan dngos su 'phen pa gnyis ka
tshig gcig gis zin pa'o/ /de ldan ni dngos shugs la chos gzhan

'phangs pa de gnyis ka yod pa'i tshig ste/ mchod sbyin tshon po
nyin par mi za ba rid pa min pa yod ces pa lta bu'o/ /rang gi
tshig gis mi ston

pa ni/ skyes bu gcig rgyal rigs dang bram ze gang rung gcig tu
nges shing khyad par ma nges pa'i skabs su 'di bram ze ma yin
zhes pa lta bu'o/

@351b 'phen tshul bzhi po de gang byung yang ma yin dgag yin la/
de las gzhan pa de bzhi gang yang ma 'phangs pa ni ma yin dgag
las gzhan med

dgag go/ /zhes gsungs so/ /de'i phyir dang pos ni shugs la
'phangs pa dang/ gnyis pas dngos su 'phangs pa dang gsum pas
dngos shugs

gnyis ka la 'phangs pa dang/ bzhi pas skabs thob kyis 'phangs pa
dang bcas pa'i 'dren tshul 'di las gzhan mi byed do/ /'di la
sngon gyi kha

cig dbu ma thal 'gyur ba la rang bzhin 'gog pa'i rtags dang rjes
dpag yod kyang rang bzhin med pa sgrub nus kyi rtags dang de
nges pa'i rjes

dpag gnyis med ces smra bas byed la/ des ni bsgrub bya med pa'i
rtags yang dag dang gzhan bya med pa'i rjes dpag tshad ma bzhag
pas de ni mi

'thad par gsungs so/ /yang gzhan dag ni rang rgyud pa la de
'dra'i rtags dang rjes dpag yod kyi thal 'gyur ba la de med de/
/de'i shes byed du

@352a @#/ /tshig gsal las/ kho bo cag ni 'di med par sgrub pa ma
yin gyi 'o na ci zhe na/ 'di gzhan gyis yod pa nyid du yongs su

brtags pa 'gog pa yin no/ /de bzhin du kho bo cag ni 'di yod pa
nyid du sgrub pa ma yin te 'o na ci zhe na/ 'di gzhan gyis med
pa nyid du brtags

pa sel ba yin te/ mtha' gnyis bsal nas dbu ma'i lam sgrub par
'dod pa'i phyir ro/ /zhes gsungs pa bkod kyang 'di'i don ni pha
rol

po'i 'dod pa ltar min gyi/ rang lugs mtha' bzhi'i skye ba 'gog
tshul dang 'dra'o/ /de yang dngos po rnams rang bzhin gyis yod pa
dang tha snyad

du yang med pa'i sgro skur gyi mtha' gnyis sel ba'i/ skabs su de
gnyis med par sgrub nus kyi sgrub byed tshul gsum pa'i gtan tshigs

dngos su 'god pa/ mi mdzad par/ pha rol gyi dam bca' la brtags
nas thal 'gyur gyi sgo nas 'gog pa gtso che ba'i don yin no/ /de
ltar

@352b yang 'jug par/ /rtog rnams log par gyur pa gang yin te/
/rnam par dpyod pa'i 'bras bur mkhas rnams gsungs/ /zhes gsungs

pa ltar yin gyi/ gzhan dag gis bshad pa ltar ni ma yin no/ /de
bzhin du dgag bya bcad tsam gyi dgos pa can du bshad pa ni thal
'gyur ba'i khyad

chos ma yin te zhes rtog gi 'bar ba khungs su drangs par/ sa la
sogs pa don dam par na 'byung ba'i ngo bo nyid ma yin par dgag
pa tsam zhig

byed par zad kyi/ gzhan gyi ngo bo nyid yin pa dang dngos po med
pa'i ngo bo nyid yin par mi sgrub pa yin no zhes khungs su 'dren
kyang/ de'i

don ni dgag bya don dam par grub pa bkag shul du chos gzhan mi
'phen pa'i don yin pas bsgrub bya med dgag tu bshad pa yin la/
pha rol

po'i 'dod pa ltar ni min no/ /des na bden med gtan la 'bebs pa'i
skabs kyi bsgrub bya med dgag tu bshad pa 'di la 'khrul gzhi

@353a @#/ /bskyed pa'i phyogs snga mang du byung ba de dag rje
yab sras rnams kyis legs par bkag nas de dag lta ba'i lam srol
drang por

bkod zin pas 'dir rgyas par ma spros so/ /des na/ rang lugs kyi
dogs pa cung zad bkod pa la/ de yang gang zag rang bzhin med par
gsar

du gtan la phab pa'i blo des gang zag rang bzhin med pa yod pa
shugs la rtogs na yang de 'dra'i bsgrub bya ma/ yin dgag tu
'gyur ba'i
 
skyon yod par gsungs mod kyang/ de 'dra'i blo des chos can gang
zag shugs la rtogs pa la ni/ de 'dra'i bsgrub bya ma yin dgag tu
'gyur ba'i dwogs pa skye ba mi rigs sam snyam zhing/ de yang
gzhi gang zag gi steng du/ dgag bya bden grub bkag tsam las de'i

shul du chos gzhan/ 'phen mi 'phen brtsis ni gang zag la brtsi
ba min gyi de las gzhan gang zag bden med yod pa lta bu 'phangs
ma

@353b 'phangs brtsi sa'i gnas yin pas/ de ni dngos shugs gang la
yang ma 'phangs par 'dod pa ni rang phyogs kyi mkhas pa thams
cad mthun kyang

chos can shugs rtogs la mi mthun pa mang bas/ de yang legs bshad
snying po 'dir med dgag gi 'jog tshul zhib par gsungs pa rnams
dang/

khyad par phyogs snga smra ba po gzhan gyis gzhi sgrub pa gzhan
dang tshogs na bsgrub bya med dgag la yin par ma yin dgag tu 'jog
dgos

zhes smras pa'i skyon spong tshul gyi skabs su/ dgag bya bkag
shul du chos gzhan 'phen tshul ni gzhi chos can 'phen pa min gyi
'phangs

pa'i chos gzhan yod med brtsi dgos gsungs pa ltar na yang/ de
'dra'i blo des chos can shugs la rtogs pas bsgrub bya ma yin
dgag tu

'gyur ba'i don/ med do snyam pas/ TIk chen dgongs pa rab gsal
pas kyang de ltar rtogs par gsal bar gsungs shing/ lam rim

@354a @#/ /chen mor yang lta ba thog mar gtan la phab pa'i blo
gcig/ gi yul na chos can dang chos nyid gnyis ka 'ong bar gsungs

pa dang/ rgyal tshab rjes kyang chos can shugs rtogs bzhed cing/
rje btsun chos kyi rgyal mtshan dpal bzang pos kyang lugs de gtso
bor 'dzin par mdzad pas na/ 'dir yang de bzhin du rang/ lugs su
bkod nas de'i lugs 'dzin pa yin no/ /des na dbu ma

thal 'gyur ba'i thun mong ma yin pa'i lugs mchog dri ma med pa
rnams/ gong du rgyas par rim pa bzhin gtan la phab zin pa'i
snying po'i don

rnams/ phyogs gcig tu bsdebs na/ de yang dpal ldan zla bas rtsa
she'i dgongs pa/ sems tsam pa dang thun mong ma yin par bkral

ba'i tshul ni/ kun gzhi med pa dang/ rang rig med pa dang/ phyi
don yod pa dang gsum/ po 'di nyid yin la/ yang rtsa she'i dgongs
pa rang

@354b rgyud pa dang thun mong ma yin par bkral ba ni/ rang rgyud
kyi rtags yang dag med pa dang/ nyan rang 'phags pas chos kyi
bdag med rtogs

pa dang/ chos kyi bdag 'dzin nyon sgrib yin pa dang/ zhig pa
dngos po yin pa dang/ de'i dbang gis dus gsum gyi 'jog tshul thun
mong

ma yin pa rnams so/ /de yang dbu ma 'jug pa'i dngos bstan gyi
dbang du byas pa yin gyi khyab pa nges pa ni ma yin no/ /de'i
phyir kun gzhi mi

'jog pa'i tshul yang las kyi bag chags bsgo ba'i gzhi'i rnam par
shes pa brtan pa de 'dra mi 'jog par/ nga ming rkyang btags yod
tsam

gyis las kyi bag chags 'dzin pa dang/ las 'gags ma thag pa des
kyang bag chags 'dzin thus pa'i gnad/ kyis kun

gzhi mi bzhed pa yin pas/ grub/ mtha' gzhan gyi kun gzhi med par
'jog pa dang ches mi mthun pas na lugs mchog 'di'i

@355a @#/ /thun mong ma yin pa'i khyad chos su gsungs so/ /de
bzhin du rang rig med pa'i tshul yang shes pa gang yin kyang rang
gi yul

gsal ba tsam gyis shes pa'i gsal ba 'jog gi/ de las shes pa la
gsal ba gzhan thun mong ma yin pa zhig med pa'i gnad kyis rang
rig

med par bzhag pa yin la/ de med pa'i rgyu mtshan gyis yul grub pa
nyid kyis yul can grub par yang bzhag la/ de'i gnad kyis phyi
rol

yul dang nang shes pa gnyis ka phan tshan bltos pa'i dbang kho
nas bzhag pas na rgyu mtshan des gzugs sogs phyi rol gyi don du
'jog pa 'di

yang lugs mchog 'di'i thun mong min pa'i khyad chos yin gyi/ 'og
ma gzhan gyis ni de ltar 'jog mi nus so/ /de dang 'dra bar rang
rgyud kyi rtags

med pa yang rang gi mtshan nyid kyis grub pa'i rtags kyis bsgrub
bya gang yang sgrub mi nus pa dang/ nyan rang 'phags pas chos
kyi bdag med

@355b rtogs par gsungs pa yang nyan thos kyi sde snod las chos
thams cad bdag med do zhes pa'i dngos bstan gyi bdag med de nyid
rtogs pa dang/

de'i bdag med kyang rang bzhin gyis/ med pa'i bdag med la byed
cing/ de'i bdag med rdzogs par sgom pa nyan rang la med pa'i
gnad

kyis chos kyi bdag 'dzin nyon/ sgrib tu 'jog dgos par gsungs pa
ltar yin no/ /de ltar yang TIk chen dgongs par rab gsal

las/ 'phags pa'i gzhung 'grel tshul la rang gi mtshan nyid kyis
grub pa rdul tsam med kyang/ bya byed thams cad bzhag pas chog
pa'i 'grel

tshul gyi lugs thun mong ma yin pa 'di la brten nas/ rnam par dag
pa'i grub mtha' 'grel byed gzhan dang thun mong ma yin pa mang
du yod de/

de gang zhe na ri shig gtso bo rnams brjod na/ tshogs drug las
ngo bo tha dad pa'i kun gzhi rnam shes dang/ rang rig 'gog lugs
thun mong ma yin

@356a @#/ /pa dang/ rang rgyud kyi sbyor bas phyi rgol gyi rgyud
la de kho na nyid kyi lta ba bskyed pa/ khas mi len pa gsum
dang/ shes

pa khas len pa bzhin du phyi rol/ gyi don yang khas blangs dgos
pa dang/ nyan rang la dngos po rang bzhin med par rtogs pa yod
pa dang/ chos

kyi bdag 'dzin nyon mongs su 'jog pa dang/ zhig pa dngos po yin
pa dang/ de'i rgyu mtshan gyis dus gsum gyi 'jog tshul thun mong
ma

yin pa sogs yin no/ /zhes gsungs pa ltar ro/ /de ltar dbu ma
rnams ni rtag chad kyi mtha' gnyis ka spangs pa'i zab mo dbu
ma'i lam

'di nyid lung rigs gnyis kyis legs par bsgrubs nas rgyal ba'i
bstan pa'i snying po phyogs dus kun tu rgyas par mdzad pa'i don
rnams 'khrid

dmigs kyi rim pa dang mthun par/ gzhung chen/ mo'i khungs dang
sbyar nas gsungs pa 'di nyid slar yang dmigs skor skyong tshul
rgyas pa'i

@356b lugs su bas pa ni de ltar yin la/ de nyid dbang po/ /rnon
po rnams kyis tshig gi spros pa la ha cang mi g.yel bar gzhung
don snying por

bsgril te sgrub pa snying por byas nas nyams su len pa'i rim pa
bkod pa ni 'di ltar/ ! de yang; stan thog gcig la bstan pa

thams cad 'gal med du tshul bzhin nyams su len par byed tshul
dngos la/ sbyor dngos mjug gsum las/ dang po sbyor ba ni/ 'khor

ba spyi dang bye brag gi sdug bsngal ci rigs bsams pa'i mthar/
sdug bsngal de thams cad kyi gzhi ma khyab pa/ 'du byed kyi sdug
bsngal yin

par thag bcad nas/ de'i nyes dmigs sgo du ma nas bsams te de las
thar 'dod kyi blo shugs chen zhig bskyed bzhin pa'i ngang nas/ /

mdun gyi thad drang gi nam mkhar seng khri pad zla nyi ma'i
dkyil 'khor gyi steng du/ rgya chen spyod rgyud zab mo lta
brgyud nyams len byin rlabs

@357a @#/ /brgyud dang dngos su chos 'brel yod pa'i bla ma sogs
skyabs gnas kun 'dus pa'i bdag nyid can gyi rje btsun btsong kha
pa

chen po gsal btab ste/ dga' ldan lha brgya ma'i sgo nas ye shes
sems dpa'i tshul gyis spyan drangs te brtan par bzhugs pa de la
phyag

'tshal ba sog ga yan lag bdun pa tshig dmigs bstun nas byas pa'i
mthar 'di ltar bsam ste/ bdag dang mar gyur 'gro ba 'di thams

cad thog ma med pa nas da lta'i bar du bar mtshams skad cig kyang
med par/ sdug bsngal mi zad pa 'dis mnar mnar ba thams cad kyi
rtsa

ba bdag 'dzin 'di rang la thug 'dug pas/ des na/ de nyid dngos
su 'joms par bya ba'i phyir du rje btsun btsong kha pa chen po
khyed nyid byon nas/

bstan bcos legs par bshad pa'i snying po 'di gcig lus kyang 'gro
ba thams cad sdug bsngal rgyu bcas las ldog par mdzad pa gdon mi

@357b za ba bzhin/ bdag kyang bstan bcos legs par bshad pa'i
snying po 'dir thos bsam sgom pas zhugs te khyed nyid kyi go
'phang da lta nyid du

thob par bya'o snyam pa'i gdung shugs drag po'i sgo nas khyod ni
bla ma sogs kyis gsol ba btab ste dbang bzhi byin rlabs kyi sgo
nas blangs te

rang dang bla ma dbyer med du bsams pa ni sbyor ba'o/ /gnyis pa/
lta 'khrid skyong tshul dngos la/ sems tsam pa dang bye mdo gnyis
kyi lugs

dang; rang rgyud pa'i lugs dang/ thal 'gyur ba'i lugs bcas kyi
mtshan nyid gsum gtan la phab pa'i sgo nas lta ba skyong ba'i
tshul lo/ /dang po ni/

theg bsdus las/ /shes bya'i gnas dang mtshan nyid der 'jug dang/
/rgyu dang 'bras bu de rab dbye ba dang/ /bslab pa gsum dang de
'bras spangs

pa dang/ /ye shes theg pa mchog gyur khyad par 'phags/ /zhes
gsungs pa ltar/ gzhi lam 'bras gsum gyi sgo nas lam bgrod tshul
bsam

@358a @#/ /dgos pa yin la/ de la shes bya'i gnas la kun gzhi dang
nyon yid gnyis bshad kyang/ 'dir bsam par bya ba'i gtso bo ni

kun gzhi'i rnam par shes pa 'di nyid yin pas/ de yang ngo bo ma
bsgribs lung ma bstan dang bag chags bsgo ba'i gzhir gyur ba'i
brtan pa'i

gtso bo'i rnam rig de nyid la kun gzhi'i rnam shes zhes 'jog
cing/ de la yang sa bon thams cad pa'i kun gzhi rnam shes dang/
rnam smin gyi rnam shes

dang/ len pa'i rnam shes dang gsum yod kyang/ 'dir ni sa bon
thams cad pa'i kun gzhi'i rnam shes des las kyi sa bon 'dzin
tshul gtso bor bsam dgos

pas; de'i tshul ni kun gzhi 'dod pa rnams kyi lugs la yang chos
thams cad mtshan nyid gsum du bsdus nas ngo bo nyid gsum gyi rnam

gzhag thams cad byed pa'i rtsa ba kun gzhi'i steng gi sa bon
smin tshul la rag lus pas na/ kun gzhi de la shes bya'i gnas zhes
kyang bya la/

@358b mtshan nyid gsum gyi sgo nas chos thams cad kyi ngo bo'i
yin lugs ji lta ba bzhin shes par byed pa'i gzhi dang/ rnal
'byor gyi sa bzhi sogs

kyi rim pa dang/ rgyu dang 'bras bu'i rnam gzhag thams cad kyang
mtshan nyid gsum po der bsdus nas nyams len gyi rim par 'jug dgos

pas na; mtshan nyid der 'jug ces bsdus nas bshad kyang chog go/
de la mtshan nyid gsum gyi dang po kun btags dang gzhan dbang

gnyis ni ngo bo 'jog lugs dgongs 'grel ltar yin la/ de yang de
nyid ya ma bral bar lto ldir ba lta bu zhig la 'di ni gzugs so
de'i

skye ba'i khyad par la dmigs nas 'di ni gzugs kyi skye ba'o zhes
ngo bo dang khyad par gnyis kyi sgo nas btags pa na/ gzugs so
zhes pa'i

ming la brten nas gzugs zhes pa'i ming gi gzhir shar tsam gyi
cha de ni kun btags dang/ gzugs zhes pa'i ming btags pa'i gzhi'i

@359a @#/ /gzugs de ni gdags gzhi gzhan dang/ de 'dra'i gzugs de
nyid gzugs zhes pa'i ming tsam gyi gzhir rang gi mtshan

nyid kyis ma grub pa ni yongs grub yin pas/ des chos thams cad
kyi steng du mtshan nyid gsum gyi 'jog tshul yang shes par 'gyur
ba yin no/

de la kun btags ni mngon par brjod pa la yongs su goms pa'i ming
la gnas pa'i rnam par shes pa'i dmigs pa yin la/ de ni de'i

dmigs par byed tshul de 'dra'i shes pa'i bag chags dang sa bon
kun gzhis 'dzin pa'i dbang gis dmigs par byed pas na/ de la shes

bya'i gnas zhes brjod tshul yang de nyid yin zhing/ des chos
gzhan rnams la yang rigs bsgre'o/ /de yang rnal 'byor gyi sa
bzhi'i sgo nas tshogs

lam sogs lam gong ma rnams la rim gyis 'jug par byed pa yin pas/
des na rnal 'byor gyi sa bzhi ni/ gang zag gi bdag med

@359b rtogs pa'i rnal 'byor gyis/ sems tsam la dmigs pa'i rnal
'byor gyis/ de bzhin nyid la dmigs pa'i rnal 'byor gyis/ snang
med la gnas

pa'i rnal 'byor gyi sa dang bzhi'o/ /de dag kyang tshogs lam gyi
skabs su gang zag rang rkya thub pa'i rdzas yod kyis stong ba'i
bdag med kyi rnal 'byor

gyi sa de nyid sgom par byed do/ /de nas gzugs sogs tha snyad
kyi gzhir rang gi mtshan nyid kyis grub pas stong ba'i stong pa
dang gzugs phyi

rol don gyis stong ba'i stong pa gnyis kyi sgo nas chos thams
cad nang sems kyi bdag nyid tsam du bsgrubs shing/ de nas sbyor
lam drod kyi

tshe khams gsum po sems tsam gyi bdag nyid du nges pa'i nges shes
dang/ phyi don med par nges pa'i/ nges shes gnyis/ dpyad pa rang

stobs kyis gnas pa drangs pa'i shin sbyang gis zin pa'i ngo bor
gyur cing/ de'i cho nges ngor phyi don med par nges pa'i nges
shes dang chos

@360a @#/ /thams cad sems kyi bdag nyid du nges pa'i/ nges shes
gnyis ka stobs mtshungs dam sbring nge ba yod la/ snang ngor nges

shes de gnyis kyis drangs pa'i phyi don med pa'i snang ba dang
shes pa'i bdag nyid kyi snang ba cung zad thob pas na/ drod kyi
ting nge 'dzin de la snang

ba thob pa'i ting nge 'dzin zhes gsungs so/ /de nas rtse mo'i
tshe mnyam gzhag tu phyi don gyi snang ba cung zad yod mod kyang/
phyi don med pa

dang shes pa'i bdag nyid kyi snang ba gnyis po cher 'phel bas
na/ de la snang ba mched pa'i ting nge 'dzin zhes/ gsungs pas/

drod rtse'i ting nge 'dzin gnyis ni sems tsam la dmigs pa'i rnal
'byor gyi sar gsungs so/ /de nas bzod pa nam thob pa'i tshe mnyam

gzhag tu phyi don gyi snang ba nub cing/ shes pa'i bdag nyid kyi
snang ba dang phyi don med pa'i snang ba cher 'phel bas na/ ting
nge 'dzin

@360b de la de kho na nyid kyi phyogs gcig la zhugs pa'i ting
ngo 'dzin zhes gsungs so/ /de nas chos mchog gi tshe mnyam gzhag
tu phyi don gyi snang ba nub

par ma zad shes pa'i bdag nyid kyi snang ba yang shin tu phra
bar song zhing mthong lam de ma thag tu bskyed pas na/ ting nge
'dzin de la de ma thag pa'i

ting nge 'dzin zhes gsungs pas/ bzod mchog gi ting nge 'dzin
gnyis ni/ de bzhin nyid la dmigs pa'i rnal 'byor gyi sar gsungs
so/ /des

na de'i mjug thogs mthong lam bar chad med lam gyi snang ngor ni
phyi don dang chos can shes pa'i bdag nyid kyi snang ba gnyis ka
med par phyi

rol don gyis stong ba'i stong pa dang/ gzugs sogs tha snyad kyi
gzhir rang gi mtshan nyid kyis grub pas stong pa'i stong ba'i
stong pa gnyis ka la

gnyis snang phra mos kyang bar mchod bar de gnyis mngon sum du
rtogs pa'i theg chen mthong lam bar chad med lam de nyid la
snang med la

@361a @#/ /gnas pa'i rnal 'byor gyi sar gsungs so/ /de yang rnal
'byor gyis bzhi po de'i sgo nas mtshan nyid gsum la 'jug

tshul ni/ rnal 'byor gyi sa dang po bdag med rtogs pa'i sa de
'dir dngos su ma bstan la/ sems tsam la dmigs pa'i sa drod rtse

gnyis kyi skabs su gsungs pas/ de'i tshe phyi don snang ba dang
bcas pas kun btags la 'jug pa dang/ bzod mchog gi tshe shes

pa'i bdag nyid kyi snang ba cher 'phel bas na/ gzhan dbang la
'jug pa dang/ mthong sgom gnyis kyi tshe stong nyid mngon sum du
rtogs

pa'i rgyu mtshan gyis/ yongs grub la 'jug par gsungs so/ /de'i
phyir rnal 'byor gyi sa bzhi po 'di la sa bcu'i dbye ba dang/
phar

phyin bcu dang bslab pa gsum du bsdus nas sgom tshul dang/ de la
brten nas 'bras bu mngon du byed tshul ni de 'bras spangs pa dang
zhes pas

@361b bstan cing/ de yang byang chub sems dpa' rnams kyis/ tshogs
sbyor dang/ sa bcu rim gyis mngon du byas pa'i mthar

rang don spangs rtogs phun sum tshogs pa'i chos sku dang gzhan
don 'phrin las/ phun sum tshogs pa'i gzugs sku mngon du

mdzad pa yin la/ de bzhin du bdag cag rnams kyis kyang lam gyi
rim pa de ltar du nyams su blangs nas 'bras bu sku gnyis

mngon du byed do snyam pa'i smon ba rgyun chags su bya ba yin
no/ /de ltar sangs rgyas/ nas 'gro ba rnams mya ngan las 'das
pa'i sa la

'god par mdzad pa'i thabs mchog tu gyur pa ni bden pa bzhi las
brtsams te de kho na nyid kyi don phyin ci ma log par gsal bar

ston pa'i chos kyi 'khor lo rim pa gsum po de nyid yin la/ 'dir
yang de dang mthun pa'i 'khor lo rim pa gsum gyi drang nges
dang/

@362a @#/ /brjod bya mtshan nyid gsum la bden par yod med kyi
khyad par gsal bar phye nas ston tshul dang/ 'khor gyi 'du thebs

sogs zhing 'dir ston pa yang dag par rdzogs pa'i sangs rgyas kyi
gdul bya bkri ba'i rim pa ji ltar mdzad pa de bzhin du/ bstan
bcos

legs par bshad pa'i snying po 'dir thos bsam sgom pas zhugs pa'i
gdul bya rnams kyi kyang de bzhin du bya ba yin pas/ de la thog

mar rigs kyi sgo nas 'khrid tshul ni/ /de la rdzogs pa'i sangs
rgyas blo yi sa bon yod/ /ces gsungs pa'i rigs de ldan gyi sgo
nas 'khrid

tshul gong du rgyas par bkod pa ltar khrid de/ de nas rnal 'byor
gyi sa bzhi'i dang po tshogs rgyun gang la yang rag ma las pa'i
rang rkya thub

pa'i rdzas yod kyi bdag gis stong pa'i gang zag gi bdag med
rtogs pa'i rnal 'byor gyi sa la 'god par byed do/ /de ni chos
kyi bdag

@362b med phra mo rtogs par byed pa'i yan lag rnams kyi nang nas
mchog tu gyur ba zhig yin pas na/ de nyid 'dir nyams su len tshul
ston pa

yin no/ /de yang chos kyi bdag med phra mo'i dbu ma'i lam rtag
chad kyi mtha' gnyis dang bral ba'i/ dbus der gnas pa

la sgro skur gyi mtha' gnyis spong dgos pas/ de la sgro 'dogs
spong tshul ni/ gang zag tha snyad kyi gzhir/ rang gi mtshan

nyid kyis grub par 'dzin pa ni skabs 'di'i sgro 'dogs yin la/ de
nyid dang de don ltar gyi khas len ni/ nyan thos sde gnyis kyi

rgyud la yod pas de dag spong bas byed pa yin no/ /de la yang
gang zag tha snyad kyi gzhir rang gi mtshan nyid kyis grub pa
'gog pa la gang zag

rang rkya thub pa'i rdzas yod du grub pa 'gog dgos/ de la gang
zag rtag gcig rang dbang can du grub pa 'gog dgos pas/ de 'gog
tshul

@363a @#/ /zhib pa dang sgro 'dogs tshul gyi rim pa rnams khungs
mdo sde dgongs 'grel rtsa bar byas nas rdzas 'brang gi gzhung
rnams

rgyas par bkod de gtan la phab pa'i nyams len gyi rim pa la bkri
bar byed do/ /de ltar rtag gcig rang dbang can gyi bdag gis

stong ba'i stong pa dang/ gnas ma bu ba'i rtag mi rtag gong du
yang brjod du med pa'i brjod med kyi bdag gis stong pa'i stong
pa dang/

gang zag rang rkya thub pa'i rdzas yod kyi bdag gis stong pa'i
stong pa dang/ gzugs sogs phyi rol don gyis stong pa'i stong pa
dang/ gzugs

sogs tha snyad kyi gzhir rang gi mtshan nyid kyis grub pas stong
pa'i stong pa rnams bsgoms nas sems tsam la 'jug par byed do/ /

de la chad mtha' spong tshul gong du rgyas par bshad zin pas 'dir
ma spros la/ de nas chos thams cad nang sems kyi bdag nyid tsam
du

@363b sgom tshul ni/ de yang/ dge ba'i bshes gnyen chen po thogs
med bzang po dpal gyis mdzad pa'i blo sbyong don bdun ma'i lta
khrid ltar

nyams su blangs na byin rlabs gzhan las lhag par che zhing/
rtogs pa rgyud la skye ba yang shin tu myur bas na/ de'i lugs
kyi 'khrid dmigs

la 'jug par byed do/ /de la ni sngar nas rje btsun btsong kha pa
chen po skyabs gnas kun 'dus pa'i bdag nyid du mos bzhin pa de
la/ da

dung yang rigs gsum ga'i bdag nyid du mos te legs par gsal btab
bzhin pa'i ngang nas yan lag bdun pa dang maNDal rgyas

bsdus ci rigs phul ba'i mthar/ dus gsum gyi skyabs gnas thams/
cad 'dus pa'i ngo bo bla ma chos kyi sku la gsol ba 'debs so/

zhes sogs dmigs phug gi gsol 'debs gnad du bsnun pa man ngag
bzhin byas rjes 'di ltar/ chos rnams rmi lam lta bur bsam/ zhes
gsungs pa ltar/ phyi

@364a @#/ /gzung ba'i yul sogs dang nang rgyud kyis bsdus pa sems
la sogs pa rang babs kyis 'char du bcug pa na/

phyi gzung ba'i yul gzugs sogs rnams ni nang sems las phyi rol
rgyangs chad du snang zhing/ sems de yang gzugs sogs de dag las

ngo bo gzhan du kho rang gi thun mong ma yin pa'i skye 'gag gnas
gsum gyi bdag nyid can zhig tu grub pa'i snang ba 'char ba ni/
rtsa ba'i chos

can gzung ba'i phyi rol don du grub pa 'gog pa'i skabs kyi dgag
bya'i snang tshul yin la/ de ni rang gi sems nyid gnyis snang
'khrul

bas bslad nas sems las rgyangs chad du phyi rol gzugs sogs kyi
rnam par snang ba tsam yin gyi/ sems las logs su gyur

pa'i sdod tshul na cung zad tsam yang med par thag bcad de/ snang
tshul 'di thams cad rmi lam gyi snang tshul dang 'dra bar nges pa
gting

@364b nas drangs la/ phyi rol don du 'dzin pa'i sgro 'dogs rtsad
nas gcod par byed do/ /de ltar byed nus pa de yang gong du lhan
cig dmigs

nges kyi rtags dang/ skyes la 'dra ba 'gog pa'i rigs pa dang/
rdul cha med 'gog pa'i rigs pa dang/ tha snyad kyi gzhir rang gi
mtshan

nyid kyis grub pa 'gog pa'i rigs pa rnams la yang yang go ba
btsal ba'i mthu la brten pas kyang skabs 'dir phyi rol don 'dzin

sogs kyi sgro 'dogs rtsa ba nas gcod nus ba ni nges par gdon mi
za ba'o/ /de lta mod kyang da dung gnyis snang 'khrul pa'i bag
chags

la goms shas ches pa'i dbang gis phyi rol don 'dzin sogs kyi
sgro 'dogs rtsa ba nas ma chod par 'dug na/ de ji ltar byed

snyam na; de la ni nges par rje btsun btsong kha ba chen po rigs
gsum ga'i bdag nyid du bltas la gdung shugs drag pos 'di'i

@365a @#/ /rtogs pa da lta nyid du skye bar dmigs bu ga gi gsol
ba btab na de 'dra'i sgro 'dogs chod cing 'di'i rtogs pa skye ba
yang

gdon mi za la/ de lta min par gong gi rigs pa de dag la skyor
sbyangs rang byed pa ni de tsam bog mi che bas/ 'di 'dra'i skabs
su gcig

shes kun grol gyi man ngag la brten pa gal che la/ de ni bla ma
dang lhag pa'i lha dbyer med du byas te gdung shugs drag pos
gsol ba

'debs pa 'di rang la man ngag tu bya ba yin no/ /de ltar dgos pa
de yang bdag cag yongs kyi drin can rtsa ba'i bla ma rje byams
pa'i

mtshan can de nyid kyi gsung las yang yang byon pa de nyid la
nges pa kha tsam min pa rnyed pa dang/ rje thams cad mkhyen pa
rgyal ba'i dbang

po bka' drin can de nyid kyi sku tshe'i tshe sgrub dang 'brel ba'i
gsol 'debs chig bsgril gyis zhus pa'i skabs kyi nges shes
'drongs pa

@365b 'dra ba gzhan sang la yang ma byung bas 'dir yang khungs
su bkod do/ /de ltar phyi rol gyi don ma lus par khegs pas phyi
gzung ba'i

yul gyi chos thams cad nang sems kyi bdag nyid tsam du snang la/
/de ltar snang ba de nyid blo la rang babs su 'char du bcug pa
na skye

'gag gnas gsum gyi bdag nyid can du 'char la/ de yang tha snyad
kyi gzhir rang gi mtshan nyid kyis grub par 'char ba ni skabs
'di'i

dgag bya'i snang tshul yin no/ /de ltar snang pa de la yid gtad
de 'gog pa na/ ma skyes rigs pa'i gshis la dpyod/ ces gsungs pa

ltar; sems 'di nyid dang po gang nas skye skam na/ phyi gzung
ba'i yul gyi rnam par/ skyed byed dmigs pa'i rkyen dang bdag
rkyen de ma

thag rkyen bcas las skye la/ de yang gang gi rnam par skye na
kha dog dbyibs sogs kyi rnam par skye zhing/ de ltar skyes pa na
kha dog dang

@366a @#/ /dbyibs sogs shes pa yin nam/ de dag 'dzin pa'i shes pa
de de dag las gzhan na du grub snyam du brtags pa na/

de gang du yang grub par thag gcod mi nus mod/ de ltar mi nus pa
de yang sngar gong du phyi rol don 'dzin gyi sgro 'dogs chod
pa'i nges pa'i

rtsi yod pa'i dbang gis yin gyi/ nges pa gang yang med pa'i tshig
skam las ni de ltar 'byung ba min no// de yang de 'dra'i shes pa
de nyid

kha dog dbyibs sogs su grub ma grub dpyod pa ni sngar de rnams/
ngo bo gcig par grub zin pa'i dbang gis shes pa de kha dogs
dbyibs

sogs yin min gyi dpyad pa zhugs pa yin gyi/ rang dag shes pa kha
dog dang dbyibs sogs ma yin pa ni sus kyang shes nus pas kha

gdong tsam la dpyad par mi bya'o// de yang shes pa dang kha dog
sogs ngo bo cig tu blo ngor grub zin pa na kha dog sogs dang de
'dzin pa'i shes pa

@366b gnyis kha dog dbyibs sogs su grub ma grub brtags pa na/
gang du yang kha tshon gcod mi nus pa bzhin du shes pa de/ phyi
dang nang gang du

gnas mtha' gcig tu kha tshon gcod par mi nus pa'i nyams snang
zhig 'char la/ de ltar 'char ba de yang gzung 'dzin gnyis po de
nyid ngo

bo gcig pa 'dres pa'i rang mdangs de nyid shar ba na/ de la
brten nas de 'dra'i shes pa de nyid phyi nang gang la yang mtha'
gcig tu mi gnas

par yod pas na/ skye 'gag gnas gsum gyi nang nas skye ba dang
gnas pa med pa'i tshul ni de ltar ro// 'gag pa ni rgyu rkyen de
dag

gi nus pa nyams pa'i dbang gis rigs 'dra snga phyi bar ma chad
du mi 'byung ba la bya'o// de'i phyir/ de 'dra'i shes pa dang
kha dog dbyibs

sogs kyi chos rnams gzung 'dzin rdzas gzhan gyis stong ba dang
de 'dra'i shes pa de nyid spyir skye 'gag gnas gsum gyi bdag
nyid

@367a @#/ /can yin kyang/ tha snyad kyi gzhir rang gi mtshan nyid
kyis grub pas stong bar nges pa'i nges shes gnyis gcig grogs

su gcig 'gro bar byas nas skyong ba dang/ de dang mnyam du phyi
gzung ba'i yul kha dog dbyibs sogs kyang shes pa las gzhan du
phyi

rol gyi don du ma grub pa dang/ nang shes pa yang phyi gzung
ba'i yul kha dog dbyibs sogs las rdzas gzhan du nang shes pa'i
bdag

nyid kyi skye 'gag gnas gsum gyi ngo bor med pa'i sgo nas phyi
nang gang du yang mtha' gcig tu mi gnas pa'i ngang la bzhag ste
stong

pa'i gshis cing yang ma grub pa de la dgag bya bkag tsam gyi med
dgag gi ngo bor 'dzin pa las gzhan gyi rtog pa ci yang mi byed
pa'i

ngang la 'jog go// de yang/ phyi rol don gyis stong pa'i stong
pa ni mkhas pa snga ma rnams la grags pa ltar 'di kha'i 'khrid
rgyun du yod pa

@367b de bzhin dang/ 'dir ni mkhas pa snga ma rnams la cher ma
grags pa tha snyad kyi gzhir rang gi mtshan nyid kyis grub pas
stong ba'i stong pa

de nyid bstan bcos legs par bshad pa'i snying po'i man ngag tu
mdzad pa ltar bkod pa yin no// de ltar gong gi nges pa de rnams
drangs

te rtog med kyi ngang du bzhag pa na/ de'i tshe lus sems thams
cad dgag bya phyi rol don gyis stong par nges shing/ de ltar
nges pa'i

nges shes kyi rgyun bskyangs pa na/ yang nges ngo/ der stong
pa'o snyam pa'i gnyen po'i rnam rtog gi rigs byung na de ma thag
tu zhi bar

byed dgos pas na// gnyen po nyid kyang rang sar/ grol/ zhes
gsungs pa ltar/ gnyen po stong pa nyid nges pa'i nges ngo de

la bltas te/ slar yang sngar gyi dgag bya de/ rnams kyis stong
tshul dran par byas nas des stong pa'i stong pa nyid kyi

@368a @#/ /ngang la cir yang mi rtog par rtse gcig tu mnyam par
bzhag go/ de'i 'jog tshul gang la 'jog snyam na/ de yang lam gyi

ngo bo kun gzhi'i ngang la bzhag/ ces gsungs pa ltar/ de ltar
gong gi stong pa gnyis po nges pa'i lam gyi ngo bo stong pa nyid
snang ba'i

gsal cha de nyid kun gzhi'i rnam par shes pa'i ngang la 'jog
tshul ni/ spyir rnal 'byor pa rang nyid kyi rnam par shes pa
rgyun par mngon gyur

du yod pa rnams ni gzung ba phyi rol gyi yul du rnam shes tshogs
bdun gyi spras pa dang bcas te snang la/ de ltar snang ba des ni
phyi rol

don snang sogs kyi dgag bya 'gog pa la thog ma'i gegs kyi gtso
bo byed pas na/ rnam shes tshogs bdun gyi spro bsdu thams cad
dang

'phral nas lam gyi ngo bo de nyid kun gzhi dang dmigs rnam 'dra
bar byed cing/ de ltar 'dra bar byed tshul yang kun gzhi la 'khor
du kun

@368b 'gro lnga yod kyang yul ngas lnga po gang yang med pas na
yul la nges pa gang yang 'dren mi nus par dgag bya rnam shes
tshogs bdun gyi spro

bsdu rags pa thams cad bkag nas stong sang nge ba'i rnam par
zhugs pa bzhin du/ lam 'di'i ngo bo stong pa nges pa'i gsal rig
gi

cha de la tshogs bdun gyi spro ba sdu thams cad dang khyad par
kha dog dbyibs sogs gang yang mi snang bar byas te/ dgag bya
phyi rol don

sogs bkag pa'i stong sang nge ba la gnas pa ni kun gzhi'i ngang
la bzhag pa'i don yin no/ de'i phyir/ 2 rgyal sras thogs med
bzang

po pas; gshis cir yang ma grub pa la blos cir yang mi 'dzin par
rtog med kyi ngang la gsal sing nge bzhag go/ zhes gsungs pa ni

byin rlabs shin tu che la/ 'di'i thun mong ma yin pa'i man ngag
gzhan ni bla ma'i zhal las kyang shes par bya'o// de ltar bshad
pa'i lta ba

@369a @#/ /gnyis po de nyid nges par byas pa'i sgo/ nas rnam par
rig pa tsam la bcug ste rnal 'byor gyi sa nas 'bras bu'i

sa'i bar la/ rim bzhin 'god par byed pa ni gdul bya dbang po
rnon po la yin no// de yang gdul bya dbang po ji ltar rtul yang

sdug/ bsngal nye bar zhi ba'i dman pa'i myang 'das la 'god dgos
pa ni/ /sems bskyed pa ni gzhan don phyir/ /yang dag

rdzogs pa'i byang chub 'dod/ ces gsungs pa ltar gyi gzhan don
'dod pa rgyu dang byang chub 'dod pa grogs su byas nas nyams su
blangs

pa'i lag rjes gzhan don phun sum tshogs pa sgrub tshul de nyid
bshad pa yin pas/ 'di ni rgyun gyi nyams len bsngo ba yon bshad
kyi

skabs ltar gyi lam sgom tshul dang 'bras bu mngon du byas te
gzhan dag rjes su 'dzin pa'i khyad/ par rnams yin la/ tshul 'dir
sgo

@369b du ma nas byang chen gyi bar du 'bad par rigs so// de'i
phyir lam gyi ngo bo kun gzhi'i ngang la 'jog tshul skabs 'di'i
thun mong ma yin pa

ni sems tsam pa'i lugs su mdzad 'dug pas/ de'i don ltar kun
gzhi'i rnam par shes pa la byas nas de la 'jog tshul bshad pa yin
no//

yang 'di'i lta khrid skyong tshul thal 'gyur ba'i lugs su 'khyer
shes pa cig gis byed na/ lta ba gtan la 'bebs lugs thal 'gyur
ba'i

lugs ltar/ phab nas kun gzhi'i ngang la 'jog pa'i kun gzhi stong
nyid la byed dgos pa yang/ 2 dpal ldan zla ba'i legs bshad du

gsal ba bzhin/ 2 bstan bcos legs par bshad pa'i snying po 'dir
legs par gsungs shing/ de yang sems tsam pa'i lugs

su byed na kun gzhi'i sgra kun gzhi'i rnam shes la 'jug pa dang/
thal 'gyur ba'i dbang du byed na kun gzhi'i sgra stong nyid la
'jug pa bzhin

@370a @#/ /'dir yang lugs mchog de rnams kyi rjes su 'brangs te
rgyal ba'i sras po thogs med bzang po dpal gyis thugs nyams

su bzhes pa'i man ngag gi snying pos brgyan te bkod pa'o//
//gnyis pa/ rang rgyud pa'i lugs kyi mtshan nyid gsum gtan la
phab

nas lta ba/ skyong tshul ni/ de yang gong du phyi rol don gyis
stong ba'i stong pa dang tha snyad kyi gzhir rang gi mtshan nyid
kyis grub pas

stong pa'i stong pa gnyis gtan la phab zin pa de nyid 'dir yan
lag tu byas nas/ dngos gzhi'i lta ba dbu ma rang rgyud pa'i

lugs su byas te skyong na/ de yang dang po sbyor ba'i skabs ni
sngar bzhin yin no// dngos gzhi/ lta ba skyong tshul dngos ni/
mtshan

nyid gsum gyi sgo nas skyong dgos pa yin la/ de'i skyong tshul
ni/ thog mar phyi nang gi chos 'di rnams rang babs su blo la
'char du

@370b bcug pa na/ de yang blo gnod med la snang ba'i dbang gis
bzhag pa ma yin par yul rang gi thun mong ma yin pa'i sdod tshul
yod pa zhig

'char du bcug pa ni dgag bya'i snang tshul nges pa'i gnad dang/
phyi nang gi chos de rnams kyi steng la yul rang gi thun mong ma
yin pa'i sdod

tshul yod pa ni chos de rnams kyi kun btags yin pas/ de rnams kyi
steng du dgag bya kun btags de 'gog dgos so// de ltar

bkag pa'i med dgag de nyid spyir yongs grub dang chos de rnams
kyi chos nyid kyang yin pas na/ skabs 'di'i mtshan nyid gsum

ngos 'dzin tshul ni phyi nang gi dngos po rnams gdags gzhi gzhan
dbang dang de rnams blo gnod med la snang ba'i dbang gis bzhag
pa ma

yin par yul rang gi thun mong ma yin pa'i sdod lugs kyi ngos nas
grub pa de rnams kyi kun btags dang/ de rnams des stong ba yongs

@371a @#/ /grub tu 'jog pas mtshan nyid gsum gyi sgo nas lta ba
skyong tshul ni de ltar byed do/ /de ltar mtshan nyid gsum gyi sgo

nas ngo bo nyid gsum 'jog tshul yang/ kun btags mtshan nyid ngo bo
nyid med pa sogs la don dam gyi khyad par sbyor tshul dang/ de'i

sgo nas 'khor lo gsum sgra/ ji bzhin du khas len mi len gyi
khyad par rnams gong du gsal ba bzhin spro na len pa dang/ dngos
gzhi'i

skyong tshul phyi nang gi chos rnams blo gnod med la snang ba'i
dbang gis bzhag tsam min pa'i gnyug ma'i sdod tshul de nyid 'gog
pa la

gtso bor 'bad dgos shing/ de 'dra'i dgag bya blo la 'char mi bde
ba byung tshe sgyu ma'i dpe'i steng nas shes par byas te dgag
dgos

so; mjug tu dge ba rdzogs byang la bsngo dgos pa ni gong 'og
gnyis dang/ gsum ga mtshungs so/ /gsum pa/ dbu ma thal

@371b 'gyur pa'i lugs kyi mtshan nyid gsum gyi sgo nas lta ba
skyong tshul ni/ de yang thal 'gyur ba'i lugs kyi mtshan nyid
gsum/ gyi rnam

gzhag nyi khri byams zhus kyi le'u ltar 'byed dgos shing/ de
ltar 'byed tshul gong du bshad pa bzhin 'dir yang blangs la/
skabs

don snying por bsgril nas nyams su len tshul ni/ phyi nang gi
chos rnams ni gzhan dbang dang/ de rnams rang gi mtshan nyid kyis
grub

pa kun btags/ de 'dra'i gzhan dbang dgag bya kun btags nges
stong ba yongs grub tu 'jog la/ de la chos dang gang zag gi

dbye ba gnyis su gsungs te/ gang zag gi bdag med pa dang/ chos
kyi bdag med pa gnyis so/ /de yang thog mar gang zag gi

bdag med gtan la phab nas/ de'i rjes su chos kyi bdag med gtan
la 'bebs dgos par gsungs pa ni nyams len gyi rim

@372a @#/ /pa dang rtogs dka' sla'i sgo nas kyang gsungs pas na/
thog mar gang zag gi bdag med gtan la 'bebs pa'i

rigs pa'i gtso bo ni/ gang zag rnam pa bdun du med pa'i rigs pa
dang/ brten nas btags tsam gyi rigs pa gnyis kyis

'gog par byed do/ /de yang sbyor ngag tu bsgril na/ gang zag
chos can/ rang bzhin/ gyis med de/ de dpyad pa'i tshe rnam pa

bdun po gang rung du mi rnyed pa'i phyir/ de yang yin te/ bdag
de de kho na nyid dang 'jig rten gyi tha snyad gnyis kar yang
rang bzhin

gyis gcig dang tha dad dang brten dang brten pa dang ldan pa
dang phung po tshogs tsam dang tshogs tsam gyi dbyibs khyad par
can gang yang bdag

ma yin pa'i phyir/ de ltar bsgrubs pa na de'i phyogs snga smra
ba po sa sgrog ri pas phung po lnga char bdag dang srung ba pas
sems

@372b gcig pu bdag tu 'dod cing/ gnas ma bu bas ni bdag de phung
po dang de nyid dang gzhan nyid du brjod du med cing rtag mi
rtag gang

du yang brjod du med pa'i rdzas yod du 'dod do/ /de ltar yang
'jug pa las/ /kha cig bdag lta'i rten du phung po ni/ /lnga char
yang 'dod kha cig

sems gcig 'dod/ /gal te phung po bdag na de phyir de/ /mang pas
bdag de dag kyang mang por 'gyur/ /bdag ni rdzas su 'gyur zhing

der lta ba/ /rdzas la 'jug pas phyin ci log mi 'gyur/ /mya ngan
'das tshe nges par bdag chad 'gyur/ /mya ngan 'das sngon skad cig

dag la ni/ /skye 'jig byed po med pas de 'bras med/ /gzhan gyis
bsags la gzhan gyis za bar 'gyur/ /zhes gsungs pa ltar/

phung po lnga char bdag yin na/ /bdag gcig nyid yin pa la de
nyid mang por thal ba'i skyon du 'gyur te/ mdo las/ 'jig rten
skye ba

@373a @#/ /na gang zag nyag gcig skye'o/ /zhes gsungs pa dang
'gal zhing/ de bzhin du/ sems gcig pu bdag yin na/ /sems

rdzas yod du grub pa ltar bdag kyang rdzas yod du 'gyur bas/ de
ltar na bdag tu 'dzin pa'i blo de phyin ci log tu mi 'gyur te/
bdag rdzas yod

du grub pas so/ /gal te phung po de bdag yin na/ lhag med myang
'das kyi tshe bdag rgyun chad par 'gyur la/ de ltar na de'i tshe
chad mthar

'gyur ro/ /de bzhin du bdag snga phyi ngo bo nyid kyis skye 'jig
byed par yang 'gyur te/ phung po ngo bo nyid nas bdag tu 'jog
pa'i phyir/

de ltar na bdag/ snga mas bsags pa'i las kyi 'bras bu bdag phyi
mas myong ba med par 'gyur te/ las byed pa po dang 'bras bu
myong

ba po gnyis rang bzhin gyis grub pa'i rgyu 'bras yin pas so/ /de
ltar na lhas byin gyis bsags pa'i las kyi 'bras bu mchod sbyin
gyis

@373b myong dgos pa sogs 'gal ba 'ba' zhig tu 'gyur bas mi 'thad
do snyam du bsam mo/ /yang gnas ma bu pas 'dod pa'i brjod med
kyi

bdag 'dod pa'i tshul dang de nyid 'gog tshul ni/ 'jug pa las/ /kha
cig de nyid gzhan nyid rtag mi rtag/ /la sogs brjod med gang

zag rdzas yod 'dod/ /rnam shes drug gi shes byar de 'dod cing/
/de ni ngar 'dzin gzhir yang 'dod pa yin/ /gang phyir gzugs las

sems brjod med mi rtogs/ /dngos yod brjod med rtogs pa ma yin
nyid/ /gal te bdag 'ga' dngos por grub gyur na/ /sems ltar

grub dngos brjod du med mi 'gyur/ /zhes gsungs pas ni/ gnas ma
bu pas bye smra gzhan dang 'dod tshul mi 'dra bar brjod med kyi
bdag

nyid rnam shes drug gi shes byar yang 'dod cing/ de'i sgo nas
ngar 'dzin gyi dmigs pa dang tha snyad du yang 'dod la/ de nyid
'gog pa na

@374a @#/ /brjod med la rdzas yod 'gog tshul gang phyir gzugs las
zhes sogs kyi bkag pa'i tshul rgyas pa dgongs pa rab

gsal las gsal lo/ /des na/ phung po tshogs pa tsam yang bdag ma
yin te/ shing rta'i yan lag tshogs tsam shing rta min pa bzhin

no; de bzhin du phung po tshogs tsam gyi dbyibs bdag ma yin te/
shing rta'i yan lag tshogs tsam gyi dbyibs khyad par can shing
rta ma

yin pa bzhin no/ /de ltar 'jug pa las/ phung por bdag yod ma yin
bdag la yang/ /phung po de rnams yod min gang phyin 'dir/ /gzhan

nyid yod na rtog pa 'dir 'gyur na/ /gzhan nyid de med de phyir
'di rtog pa'o/ /bdag ni gzugs ldan mi 'dod gang phyir bdag /yod
min

de phyir ldan don sbyor ba med/ /gzhan na gnag ldan gzhan min
gzugs ldan na/ /bdag ni gzugs las de nyid gzhan nyid med/ ces

@374b dang; /gal te tshogs tsam shing rtar 'gyur na ni/ /sil bur
gnas la shing rta nyid yod 'gyur/ zhes dang/ dbyibs zhe na de
gzugs can la

yod phyir/ /khyod la de dag nyid bdag ces 'gyur gyi/ /sems sogs
tshogs ni bdag nyid 'gyur min te/ /gang phyir de dag la dbyibs

yod ma yin/ zhes gsungs so/ /de'i phyir gang zag ni phung po la
btags pa tsam gyi btags yod yin gyi/ /de la btags pa tsam min

pa'i rdzas su grub pa ni thun mong ba dang thun mong ma yin pa
gang gi dbang du byas kyang gtan nas med par shes dgos so/ de
nas chos kyi

bdag med gtan la 'bebs pa'i rigs pa'i gtso bo ni/ mtha' bzhi'i
skye ba 'gog pa'i rigs pa dang/ rigs pa'i rgyal po rten 'byung

gi rigs pa gnyis yin pas/ de la mtha' bzhi'i skye ba 'gog tshul
gyi/ rigs pa ni/ rtsa sher bdag las ma yin zhes sogs

@375a @#/ /mtha' bzhi'i skye ba med pa'i dam bca' bstan pa de
nyid rigs pas bsgrub pa na/ 'jug 'grel las/ dam bca'

ba bzhi po de nyid rjes su brjod nas rigs pas bsgrub pa'i phyir
bshad pa/ zhes gsungs/ de'i rigs pa ni/ myu

gu chos can/ slar yang skye ba don med du 'gyur bar thal/ rang
gi bdag nyid du grub zin pa'i phyir/ zhes sogs gong nas len
zhing/

'jug par yang/ de ni de las las 'byung na yon tan/ 'ga' yang yod
ma yin/ zhes dang/ skyes zin slar yang skye bar yongs su

rtog par 'gyur na ni/ /myu gu la sogs rnams kyi/ skye ba 'dir
rnyed mi 'gyur zhing/ /sa bon srid mtha' thug par rab tu skye ba
nyid

du 'gyur/ zhes dang/ byed rgyu sa bon gyi las tha dad myu gu'i
dbyibs dang ni/ /kha dog ro nus smin pa'i tha dad/ khyod la med
par

@375b 'gyur/ zhes dang/ /gang phyir rgyu zhig na yang de yi
'bras bu mthong ba'i phyir/ /de dag gcig pa yin zhes 'jig rten
gyis kyang khas mi

len; zhes gsungs pa ltar/ 'dir gsal ba'i rigs pa de dag kyang
blangs nas bdag skye 'gog pa la nges shes ci 'drongs bya'o/ /

de bzhin du gzhan skye 'gog tshul rtsa ba dang sbyar na/ de lang
'jug pa las/ /myu gu sa bon dang ni dus mnyam yod pa ma yin te/

gzhan nyid med par sa bon gzhan pa nyid du ga la 'gyur/ /des na
myu gu sa bon las skye 'grub par 'gyur min pas/ /gzhan las skye

ba zhes bya'i phyogs 'di btang bar byos/ /zhes pa nas/ /shing
yang btsugs so snyam du rtog des na/ /gzhan las skye ba 'jig

rten las kyang med/ /ces pa'i bar gsungs so/ /de bzhin du gnyis
ka las skye ba dgag pa ni/ de nyid las/ gnyis las skye

@376a @#/ /pa'ang rigs pa'i ngo bo ma yin gang gi phyir/ /bshad
zin nyes pa/ de dag thog tu 'bab pa yin phyir ro// 'di ni

'jig rten las min de nyid du yang 'dod min te/ /gang phyir re re
las ni skye ba 'grub pa yod ma yin/ zhes gsungs so// de bzhin du
rgyu med

las skye ba dgag pa ni// de nyid las/ /gal te rgyu med kho nar
skye bar lta zhig 'gyur na ni/ /de tsho mtha' dag rtag tu thams
cad las kyang

skye 'gyur zhing/ /'bras 'byung ched du 'jig rten 'di yi sa bon
la sogs ni/ /brgya phrag dag gi sgo nas sdud par byed par yang
mi 'gyur

gal te 'gro ba rgyu yis stong par 'gyur na nam mkha' yi/ /ud pa
la yi dri mdog ji bzhin bzung du med nyid na/ /shin tu ches
bkra'i

'jig rten 'dzin pa'ang yin de'i phyir/ /rang gi ji bzhin 'jig
rten rgyu las yin par shes par gyis/ /zhes gsungs so// de'i
phyir/

@376b phyi nang gi dngos po rnams chos can/ /rang bzhin gyi skye
ba med de/ /mtha' bzhi gang las kyang mi skye ba'i phyir/ dper
na rmi lam bzhin

zhes mtha' bzhi las skye ba thun mong du bkag go/ de ltar yang
de nyid las/ gang gi phyir na bdag dang gzhan dang gnyis ka las
skye ba dang

rgyu la ma bltos yod pa min pas dngos rnams rang bzhin bral/
zhes gsungs so// de nas rigs pa'i rgyal po brten 'byung gi/ rigs

pa ni/ phyi nang gi dngos po rnams chos can/ rang bzhin gyis mi
skye ste/ brten nas skye ba'i phyir zhes pas rang bzhin gyis/
skye ba bkag

go/ de ltar bkag zin kyang gnad che ba'i rigs pa lhag ma 'phags
pa'i mnyam gzhag dngos po'i 'jig rgyur thal ba dang/ tha snyad

bden pa rigs pas dpyad bzod du thal ba dang/ rigs pa de dag gis
don dam pa'i skye ba mi khegs par thal ba'i rigs pa gsum

@377a @#/ /po 'di'i sgo nas kyang bkag tshul bsam mo// des na chos
dang gang zag gnyis kyi steng du dgag bya gang 'gog kyang rnam

bdun gyi rigs pa la brten nas 'gog pa gtso che bas na/ de yang
shing rta lta bu rnam pa bdun gyis dpyad pa na bdun po// gang
yang shing

rtar mi 'jog pa tsam ni btags yod rags pa'i 'tshol lugs la yang
yod pas/ skabs 'di'i bdag med phra mo'i grub tshul thun mong ma

yin pa min la/ shing rta rang gi yan lag rnams la btags pa'i
btags yod ming rkyang tsam des ma tshim par rang gi yan lag rnams
la

rnam pa bdun gyis dpyad pa'i mthar ma rnyed pa ni skabs 'di'i
thun mong min pa'i bdag med phra mo'i 'jog tshul du shes dgos
so// de ltar

yang lhar bcas skye dgu yongs kyi 'dren mchog bdag cag rnams kyi
lha gcig rje thams cad mkhyen pa mtshan brjod par dka' ba/ /

@377b blo bzang bskal bzang rgya mtsho'i bka' las ji ltar phebs
pa bzhin bkod pa yin no// de ltar bdag med phra mo'i don la
gnyis snang

gi spros pa cung zad tsam gyi dbang du ma btang bar stong pa'i
ngang du rig pa zhugs pa'i tshul gyis mi rtog par rtse gcig tu
mnyam par 'jog

par byed cing/ de yang/ /zhi sku dpag bsam shing ltar gsal gyur
cing/ /yid bzhin nor bu ji bzhin rnam mi rtog/ ces gsungs pa

ltar/ rnam pa kun tu mi rtog pa'i ngang la mnyam par 'jog snyam
pa'i mos pa bya'o// de ltar mi rtog pa'i ngang la mnyam par
bzhag pa de

las smon pa'i dbang gis rjes thob tu langs pa na/ thun mtshams
sgyu8 ma'i skyes bur bya/ zhes gsungs pa ltar/ phyi nang gi chos

thams cad snang tsam las rang bzhin gyis grub pa rdul tsam yang
med/ pa'i tshulo la gcig tu blta bar bya'o// de ltar lta ba'i
tshul la

@378a @#/ /yang snang ba sgyu ma lta bur lta ba'i tshul dang stong
pa sgyu ma lta bur lta ba'i tshul gnyis la 'jug go/ des na/ rnal
'byor

spyod pa dang dbu ma rang rgyud pa dang/ dbu ma thal 'gyur ba'i
lugs ky lta khrid skyong tshul rnams gnad che ba bsdus nas bshad
pa ni de

ltar yin pas/ de thams cad kyi thun mtshams gtong khar/ 'gro
sgrol bar du 'jig rten 'byor slad rtag/ /'di ni spros dang bral

la'ang snang bar 'gyur/ zhes gsungs pa ltar gyi mos pa las ma
g.yos pa'i ngang nas thun mtshams kyi bya ba la 'jug cing/ bya
ba

dngos gzhi'i tshe yang/ sbyor ba bzhi ldan thabs kyi mchog/ ces
gsungs pa ltar/ blo sbyong gi don thun mtshams su nyams su len

'os pa rnams kyang ci nus su blang bar bya zhing/ de ltar nyams
len tshul bzhin byas pa'i skal ldan gyi slob ma khyed rnams la/ /

@378b 7rje btsun btsong kha pa chen pos da ni 'di 'dri bar bya
ste zhes dri ba mdzad la de ltar dri ba mdzad pa'i tshul ni/ ci
shing rta chen po'i tshul gnyis

kyis gsung rab kyi drang ba dang nges pa'i don rnam par phye ba
dang/ de dag gi dgongs pa mkhas pa'i dbang po rnams kyis so sor
bkral ba'i

sgo mang du snang na/ zhes gsungs pa ni/ de yang bstan bcos legs
par bshad pa'i snying po 'dir shing rta chen po klu sgrub thogs
med gnyis

kyis drang nges kyi don ji ltar phye tshul dang/ de gnyis kyi
rjes su 'brang ba rnams kyis drang nges ji ltar phye ba'i/ tshul
rnams kyang rgyas par

'god par mdzad nas gtan la phab zin pa de la/ da skal ldan gyi
gdul bya khyed cag rnams kyis/ dgongs 'grel/ mkhan po gang gi

rjes su 'brang nas/ nges pa'i don du bzhag pa gang la mthar thug
pa'i don du 'dod brjod par gyis shig ces 'dri na/ zhes gsungs pa
ltar/

@379a @#/ /7rje btsun btsong kha pa chen pos bdag cag skal ldan
gyi gdul bya rnams la dri ba mdzad pa'i mos pa byed pa ni rten
'brel

gyi khyad par ro// de la lan 'bul ba'i mos pa byed na/ de yang/
7rje btsun btsong kha pa chen po khyed nyid gang gi rjes su
'brang ba de'i

rjes su bdag cag rnams kyang 'brangs te thos don sgrub pa la
gcig tu gzhol bar bya'o snyam pa'i sgo nas 'di ltar/ /'dzam
gling mkhas

pa'i rgyan gyur 'di rnams kyi/ /legs bshad kun la snying nas gus
mod kyang/ /'khor 'das rten 'byung mi slu'i gtan tshigs kyis/
/mtshan

'dzin dmigs gtad thams cad 'jig byed pa/ /zla ba las 'ongs legs
bshad 'od dkar gyis/ /blo mig kun ta'i tshal rab phye ba'i

tshe/ /sangs rgyas bskyangs kyis bstan pa'i lam mthong nas/ /klu
sgrub lugs bzang gtso bor mi 'dzin su/ /zhes gsungs/ de'i don ni

@379b 'dzam bu'i gling 'dir yang dag par rdzogs pa'i sangs rgyas
shAkya thub pa/ nas bzung ste/ klu sgrub thogs med sogs rgyan
drug mchog

gnyis kyis gtsos pa'i mkhas grub ji snyed cig byon pa rnams
kyis/ gsungs pa'i gsung rab mkhas grub yongs kyi mdzes rgyan

du gyur pa'i legs bshad kun la thar 'dod rnams kyang kha tsam//
min pa'i gus pa snying nas 'khor ba bzhin yod mod/ de ltar 'ong

ba'i rgyu mtshan yang 'khor/ ba las grol zhing mya ngan las 'das
pa'i mchog tu 'khrid par mdzad pa'i rten 'byung mi slu ba'i gtan
tshigs

kyis sdug bsngal thams cad kyi rtsa ba mtshan 'dzin gyi dmigs
gtad thams cad bshig nas mngon mtho dang nges legs kyi lam mtha'
dag

gsal bar mdzad pa yin la/ khyad par dpal ldan zla ba'i zhal las
dngos su byon pa'i legs bshad kyis 'gro ba mtha' dag gi blo'i mi

@380a @#/ /shes pa'i mun pa thams cad bcom nas blo gros kyi kun
ta'i dga' tshal rab tu phye bar mdzad pa'i tshe/ 7rje btsun blo

bzang grags pa bdag gis kyang slob dpon sangs rgyas bskyangs kyi
bshad srol mtha' dag 7mgon po klu sgrub yab sras kyi dgongs

pa ji lta ba bzhin la nges pa gting nas 'drongs shing/ de yang
gang la brten nas 'drongs na/ dpal ldan zla bas nang pa'i
grubmtha' smra ba

bzhi po thams cad kyi nang nas kyang thal 'gyur ba'i lugs mchog
'di nyid slob dpon klu sgrub kyi dgongs pa mthar thug tu lung
rigs gnyis kyi

sgo nas ngo sprod de thal 'gyur ba'i shing rta'i/ srol legs par
phye bar mdzad pa des shing rta chen po gnyis kyi nang nas
kyang/ mgon po klu sgrub kyi

lugs de nyid gtso bor 'dzin pa yin no// de'i phyir rje btsun
btsong kha pa chen po'i rjes su 'brang ba'i skal ldan gyi gdul
bya rnams kyis kyang

@380b de kho na bzhin du bya'o zhes lan gsol lo// de ltar sngar
gong du rgyas par bshad pa'i tshul gyis gsung rab kyi drang nges
phye tshul ni bstan bcos

legs par bshad pa'i snying po 'dir thog mar mdo sde dgongs 'grel
la brten nas rnal 'byor spyod pa pa'i lugs kyi drang nges phye/
de nas

blo gros mi zad pa la brten nas thal rang gi lugs kyi drang nges
phye zhing/ lhag par nyi khri byas zhus kyi le'ur ming rkyang
btags yod

tsam gyi 'jog tshul mtha' bcad de rgyas par gtan la 'bebs par
mdzad pa'i khungs ni/ shing rta chen po gnyis ka'i lam srol la
brten nas

drang nges kyi rnam gzhag mdzad do// de nyid slar yang 'khrid
dmigs skyong tshul gyi rim pa dang bstun nas rgyas bsdus gnyis su
phye ba yin

la/ de ltar phye ba'i bdag med kyi rim pa yang rang bzhin med
pa'i lta ba gtan la 'bebs pa 'di nyid snying po'i don du bzung
nas skyong tshu

@381a @#/ /bstan pa yin no/ des na thun mong ba phar phyin theg
pa'i skabs kyi kun rdzob byang chub kyi sems dang/ don dam byang
chub

kyi sems gnyis la blo tshul bzhin du sbyangs pa'i skal ldan gyi
skyes bu de rnams kyis 'gro ba mtha' dag sdug bsngal gyis nyam
thag pa'i

tshul khong du chud par byas te thun mong ba'i lam de dag la
sbyangs pa'i 'og tu/ de tsam gyis chog shes mi bya bar tshe 'di
rang la rdzogs pa'i

sangs rgyas kyi go 'phang mngon du bya ba'i phyir nges pa sngags
la 'jug dgos so// de ltar yang bstan bcos legs par bshad pa'i
snying po

las; de kho na nyid gtan la 'bebs pa'i shing rta'i srol gnyis po
'di ni pha rol tu phyin pa'i theg pa'i skabs su rgyas mod kyang/
gsang sngags

kyi gzhung 'grel ba'i paNDi ta dang grub thob rnams kyis kyang
de gnyis gang rung cig dang mthun par de kho na nyid kyi don
gtan la 'bebs pa las/

@381b gzhan pa'i phung gsum med pas/ tshul 'di ni gsung rab mdo
sngags mtha' dag gi de kho na nyid gtan la 'bebs pa'i lam du
shes par bya'o//

zhes gsungs pa ltar rdo rje slob dpon mtshan nyid dang ldan pa'i
drung nas dpal rdo rje 'jigs byed lta bu'i dbang bzhi rnam par
dag pa zhig blangs

la; dbang dus su khas blangs pa'i dam tshig dang sdom pa rnams
mig gi 'bras bu ltar bsrungs pa'i sgo nas bskyed rim phra rags
kyi rnal

'byor la bslab cing/ dben pa gsum gyi rnal 'byor la brten nas
sgyu ma'i sku brnyes zung 'jug rdo rje 'chang gi go 'phang mngon
du byed pa'i

thabs la rgyun chad med par zhugs nas bstan pa thams cad gru
bzhi lam gyis 'khyer ba zhig cis kyang bya ba yin no// de ltar
shing rta chen po rnams

kyis gsung rab lta ba'i mig tu byin pa'i rigs pa'i gnad phra ba
rang bzhin med pa nas rtag gcig rang dbang can gyi bdag gis
stong pa'i bar

@382a @#/ /bstan bcos 'dir gsal ba bzhin shes par byas la/ lta
ba'i yas 'ded mas 'ded kyi rim pas sbyangs nas/ /

gsung rab kyi zab pa dang zab pa las kyang ches zab pa'i gnas
rnams la sbyong dgos shing/ de yang zab pa dang po ni rang rgyud
pa man chad

kyi lta ba dang phyi ma ni/ dbu ma thal 'gyur ba'i lta ba'i
dbang du byas nas gtan la 'bebs pa'i brtson pa chu bo'i rgyun
bzhin 'bad pa dang/

de ltar gsung rab rnams kyi don ji ltar shes pa de tsam du sgrub
pa snying por byas te/ 7 rgyal ba'i mdo sngags kyi bstan pa yun
ring du

dar zhing rgyas la gnas par 'dod pa'i rnam dpyod can rnams kyi
nang nas kyang ches mchog tu gyur ba'i sgo nas rgya che ba dang
zab mo'i lam

gyis 'gro ba mtha' dge smin grol gyi lam la 'god par bya'o// de
ltar yang legs bshad snying por/ shing rta chen po rnams kyis
gsung

@382b rab lta ba'i mig tu byin pa'i rigs/ pa'i gnad phra rags
rnams la legs par 'dris bar byas nas/ gsung rab kyi rgya che ba
dang zab

pa dang zab pa las kyang ches zab pa'i zab gnas rnams gtan la
'bebs pa la brtson pa chu bo'i rgyun ltar rtsom zhing/ ji tsam
shes pa de

tsam du sgrub pa snying bor byas te/ 7 rgyal ba'i bstan pa ring
du gnas par 'dod pa'i rnam dpyod can rnams la kho bos legs par

bshad pa'i snying po 'di gtam du byas so// zhes gsungs pa ltar/
7 rje btsun btsong kha pa chen pos bdag cag rnams la

dngos su bstan par mos nas nyams len snying por bya'o// gsum pa/
mjug tu ji ltar bya ba'i tshul ni/ /rgyal ba'i

dgongs zab zab mo'i mdo yis rab bstan bstan pa'i snying po
'dzin/ /thub pa'i ring lugs lugs mchog gnyis kyi

@383a @#/ /gzhung mang mang du thos pa dang/ /de don rnam dpyod
dpyod ldan yid 'phrog rigs tshul tshul bzhin bsams pa dang/ /

'jam dbyangs zhes grags grags pa'i 'phreng bas kun khyab khyab
bdag de yi zhabs/ /shugs drag rgyun mi 'chad pa'i dad pa yis/ /

snying gi padma'i lte bar gus bsten pas/ /gsung rab de nyid
mthong ba'i rigs smra des/ /rmad byung gtam gyi sbyor ba 'di
byas so// zhes

sogs rim pa bzhin 'grel bar byed pa yin la/ gangs can gyi ljongs
'dir rgyal ba'i bstan pa rin po che nyin mo ltar gsal bar mdzad
pas na

rgyal ba gnyis pa ltar grags shing/ de ltar grags pa'i rje blo
bzang grags pa zhes yongs su grags pa de nyid kyis rnam par thar
pa rje rang

nyid kyis nang bgros su bkod pa'i mdun legs ma'i nang du thos
bsam sgom gsum gcig grogs su gcig btang nas thugs nyams su

@383b len pa'i rim pa rnams gsal bar bkod pa'i don ltar 'gro ba
rnams la legs par 'doms par mdzad pa yin la/ de thams cad kyi
nang

nas kyang bstan bcos legs par bshad pa'i snying po 'di nyid skal
ldan rnams la 'doms par mdzad pa 'di la rje nyid nas kyang
bsngags

brjod chen po mdzad de/ nyid kyis mngon par rtogs pa'i rigs
rnams 'dir smon lam gyi sgo nas gsal bar mdzad pa ni/ bdag cag

phyi rabs kyi gdul bya rnams rjes su bzung ba'i ched kho nar
mdzad pa yang gdon mi za bas/ rje nyid kyis rje btsun 'jam pa'i
dbyangs kyis

bka' drin la brten nas rgyal ba'i dgongs pa zab mo thugs su chud
cing/ zab mo'i/ mdo rnams kyi drang nges phye nas ji ltar bstan
pa'i

snying po'i don legs par 'dzin par mdzad pa'i sgo nas thub pa'i
lugs bzang mchog tu ston pa'i gzhung lugs ma lus pa kun la dang
por

@384a @#/ /rgya che ba'i thos pa mang du mdzad pa dang/ de ltar
thos/ pa'i don la rigs pa bzhis legs par dpyad de bsam byung

gi nges shes tshul bzhin rnyed pa dang/ de ltar rnyed pa de yang
rje btsun 'jam pa'i dbyangs zhes yongs su grags pa de nyid kyis
bar mtshams

med par rnam pa kun tu rjes su bzung bar mdzad pa'i mdzad pa des
khyab par mdzad pas na/ de ltar bka' drin can gyi rje btsun 'jam
pa'i

dbyangs de la khyab bdag ces slos nas de'i sku'i cha dma' shos
zhabs kyi rdul spyi bos bzhes te de la rgyun chad med par dang
pa shugs drag

bskyed nas/ thugs ka'i padma'i lte bar seng khri bad zla nyi
ma'i steng du spyan drangs nas bzhugs pa la bsam sbyor gnyis kyi
sgo nas tshul

bzhin du bsten te/ gsung rab kyi don ji lta ba bzhin du gzigs
pa'i rje btsun blo bzang grags pa de nyid kyis 7 bstan bcos legs

@384b par bshad pa'i snying po'i don rnams rigs pa dri ma med
pa'i lam nas/ drangs te bdag cag/ phyi rabs kyi gdul bya rnams

la yi ge'i lam du 'god par mdzad pa 'di la rmad byung gtam gyi
sbyor ba 'di byas so// zhes bsngags brjod du 'os par zhal gyis
bzhes

so// de ltar bzhes dgos pa'i rgyu mtshan yang/ /legs bshad gter
chen de yi gsung rab don/ /smra ba'i khyu mchog klu sgrub thogs

med kyis/ /ji bzhin bkral ba'i tshul gnyis shing rta'i srol/ /de
bzhin 'chad pa'ang 'di las gzhan na gang/ /zhes gsungs pa ltar/
/

bstan bcos legs par bshad pa'i snying po 'dir klu sgrub thogs
med gnyis kyis ji ltar bkral ba bzhin bod snga ma'i mkhas pa/
rnams

kyis kyang ji lta ba bzhin bkral bar ma nus pa de nyid/ kho bo
blo bzang grags pa/ bdag gis bstan bcos

@385a @#/ /'dir gsal bar bshad pa yin la/ 'di las lhag pa ljongs
'di'i gzhan phyogs kyi grub mtha' 'dzin pa gang na'ang med

ces gsungs so// de ltar gsung dgos pa yang/ /rlabs chen spyod la
ring nas zhugs pa yi/ /rgyal sras rigs gnas kun la mkhas

pas kyang/ /shin tu dpag dka' zab dang rgya che'i gnas/ /ji
bzhin rnyed nas tshul bzhin 'dris byas pas/ /zhes gsungs pa ltar/
rgyal sras

kyi spyod pa rlabs po che rnams la zhugs shing rigs pa'i gnas
lnga la mkhas par sbyangs pa rnams kyis kyang zab mo'i don 'di
shin tu dpag

par dka' bar gsungs shing/ de la kho bo blo bzang grags pas zab
pa dang rgya che ba'i gnas ji lta ba bzhin rnyed nas tshul bzhin
du 'dris

par byas pas na/ rgyu mtshan des legs bshad kun gyi gter chen
gsung rab kun gyi snying po'i don shing rta chen po dag gis
bkral ba bzhin

@385b bkral lo gsungs/ de ltar 'dris par byas pa'i mthu las/
rgyun gyi thugs nyams la ji ltar 'khrungs pa'i tshul ni/ /ting
'dzin

shes rab tshul khrims yongs dag pa'i/ /dga' ston chen pos yid rab
tshim gyur nas/ /res 'ga' rgyal la dad pa'i dga' ba rgyas/ /skabs

'gar shing rta chen po'i sku drin dran/ /gzhan tshe mkhas pa'i
bshes la gus pa dang/ /nyams chung 'gro la snying nas brtse ba
dang/ /bstan pa rin

chen ring du gnas 'dod pa/ /'di dag phan tshun 'gran bzhin 'phel
bar 'gyur/ /de tshe ring nas nyams pa'i rtogs dka'i gnas/ /gang
gis

btsal bas rnyed pa'i rigs pa'i lam/ /de yi rnam 'phrul kyi ma'o
ngo mtshar zhes/ /gcig pur gnas kyang dga' ba'i ca co 'chor/
/zhes

gsungs pa ltar/ rgyal ba la dmigs pa'i dad pa nas bzung/ bstan
pa ring du gnas par 'dod pa'i bar rgyun par thugs la mngon

@386a @#/ /du gyur nas de dag gcig gis gcig 'gran pa'i tshul gyis
gong nas gong du 'phel bar 'gyur ba dang/ de dag gi tshe

zab mo dbu ma'i lam ji lta ba bzhin 'jog mi nus par nyams nas
yun ring du song 'dug pa la/ kho bos rigs pa yang dag la brten
nas

rnyed pa 'di ni ngo mtshar zhes gcig pur bzhugs pa'i tshe yang
dga' ba'i ca co chen po gyur gsungs/ de ltar gsung ba'i rje
btsun btsong

kha pa chen po de la thams cad kyis bsngags pa'i 'os su gyur
ba'i tshul ni/ /de 'dra de la smra ba'i zla ba yis/ /'di ni shes
rab mchog gi

bsam gtan pa/ /tshul khrims dag pa'i mgo la 'dug pa po/ /rgyal
ba'i gdung 'tsho ba des don rnyed pa zhes/ /bstod pa'i 'phreng
bas

yang dang yang du bsngags/ zhes gsungs pa ltar/ smra ba'i zla ba
sangs rgyas bcom ldan 'das kyis kyang zab pa dang rgya che ba'i
yon

@386b tan de lta bu rnyed pa gang yin pa de ni bsam gtan pa/
dang/ tshul khrims dag pa thams cad kyi gtso bo dang/ spyir stong
pa nyid la chos sku'i

sgra bshad pas rgyal ba'i gdung 'tshob tu 'jog byed yin pas na/
rje btsun btsong kha pa chen po la rgyal ba'i gdung 'tshob nges
don rnyed pa

zhes bstod pa'i phreng bas lan cig ma yin par yang yang bsngags
pa mdzad pa yin no// de ldan rang nyid la yang rgyal bas bsngags
par

'dod pa ni/ /de ltar rgyal bas bsngags pa gang gis 'dod/ /blo
ldan de yis rnam bshad 'dir zhugs nas/ /blo mig rigs pa'i lam

gyis dag par gyis/ /zhes rgyal bas bsngags par 'dod pa'i yon tan
de ldan zhig yin na/ de la ni rgyal bas bsngags par 'os la/ de
ltar

bsngags pa'i gnas su 'dod pa'i gdul bya de ni blo dang ldan pa
yin no// de 'dra'i blo dang ldan pa rnams kyis rnam bshad thams
cad kyis

@387a @#/ /nang nas kyang dbu ma'i de kho na nyid ji lta ba bzhin
ston pa'i bstan bcos legs par bshad pa'i snying po 'dir tshul
bzhin zhugs

nas; blo mig ma rig pas sbags pa de nyid rigs pa'i lam gyis sa
bon bag chags dang bcas pa dag par gyis shig/ de ltar bgyis

nas kyang 'gro ba mtha' dag tshul gnyis kyi shing rta'i srol ji
ltar phye ba'i lam du 'jug dgos so// de ltar rje nyid kyis smon
par mdzad pa'i

tshul ni/ /tshul gnyis shing rta'i srol 'byed 'dir 'bad pas/ /bdag
gis bsod nams gang zhig bsags pa des/ /klu sgrub thogs

med ji bzhin rgyal ba yi/ /dam chos mtha' dag yun ring 'dzin par
shog/ /tshul des rgyal ba dgyes pa bskyed pa la/ /rgyal sras

'phags pa kun bzang 'jam dbyangs kyis/ /ji ltar spyad pa de ltar
bdag gis kyang/ /rlabs chen spyod la kun nas spyod par shog/ ces

@387b gsungs pa ltar/ bstan bcos legs par bshad pa'i snying po
'dir shing rta'i srol 'byed gnyis kyis ji ltar phye ba'i don
ltar legs par phye ba 'dis

mtshon tshogs gnyis rlabs po che ji snyed cig bsags pa de thams
cad klu sgrub thogs med kyis rgyal pa'i dam chos ji ltar 'dzin
pa bzhin du yun ring

du 'dzin pa dang/ kun bzang 'jam dbyangs sogs kyis rgyal sras
kyi/ spyod pa la ji ltar spyad pa de lta bur spyad de rgyal ba
rnams dgyes bzhin

pa'i ngang nas skal ldan gyi 'gro ba rnams rgyal sras kyi spyod
pa kun la slob pa'i rgyur 'gyur par shog ces bsngo bar mdzad do/
de ltar klu sgrub thogs med gnyis kyis

gtso bor dbu sems kyis shing rta'i srol legs par phye nas drang
nges kyi don rnam par phye ba de nyid kyi don legs par bshad
pa'i bstan bcos

chen po thar 'dod kun gyi mig gcig pur gyur pa 7 leg bshad
snying po zhes yongs su grags pa 'di nyid yin no// 'di mdzad pa
po yang

@388a @#/ /7rje thams cad mkhyen pa nyid yin pa ni/ de yang/
shAkya'i dge slong mang du thos pa rigs pa smra ba 2 shar
btsong kha

pa blo bzang grags pa'i dpal gyis sbyar ba'i yi ge pa ni dge
sbyong sdom brtson bsod nams blo gros so/ 'dis kyang bstan pa
rin po che phyogs kun tu rgyas

par byed nus par gyur cig/ ces ji ltar thugs la smon pa bzhin
mdo sngags kyi bstan pa thams cad kyi rtsa ba zab mo dbu ma'i
don rang bzhin

med pa'i tshul la nges pa tshul bzhin rnyed pa dang/ de la brten
nas gsang sngags kyi yang rtse 'ong gsal dang sgyu lus zung du
'jug pa'i sku brnyes

pa yang mang bas na/ thugs smon ji lta ba bzhin grub pa'i rtags
kyi rim pa ni de ltar lags so// //7 rje btsun bla mas 'bral med
bzung du gsol

de la 'dir/ /kun mkhyen bu ram ging pa'i thugs kyi bcung/ /chos
'khor rim pa gsum gyi snying po'i don/ /mdo sde dgongs 'grel
mchog gis

@388b bkral ba'i sgo/ /shing rta chen po gnyis kyis legs par
phye/ /rjes 'brang mkhas pa rnams kyis yongs su gsal/ /de nyid
a ti/ sha dang

'brom ston gyis/ /bshad dang sgrub pa'i tshul gnyis legs bzung
ste/ /bka' gdams bstan bas phyogs kun gsal bar mdzad/ /de yang
snyigs

ma'i ngang tshul la brten nas/ /phyogs ltung mtshan 'dzin dam pos
rgyud bcings te/ /zab dang rgya che'i tshul lugs kun bshig la/
/mi shes blun

po'i ngang tshul 'dzin pa na/ /de tshe 'jam mgon bla ma zhes grags
pa/ /dngos su byon nas ma rtogs log rtogs sogs/ /the tshom dra ba
tha dag

kun gcod pa'i/ /bstan bcos legs par bshad pa'i dga' ston byin/
/de nyid 'chad dang 'dzin dang spel mdzad pa'i/ /gzhung bshad
lung dang

'khrid rgyud ma nyams pa/ /tshul bzhin 'dzin nus bu slob skar
tshogs bzhin/ /shin tu mang ba'i dbus na lham mer bzhugs/ /khyad
par thugs

@389a @#/ /sras gcig pu rnam gnyis dang/ /paN chen dge 'dun grub
sogs paN grub bdun/ /lung bstan thob pa'i dam pa du ma yis/

da lta'i bar du ma nyams phyogs brgyar bsgrengs/ /mu med srid
par 'khyams pa'i bdag sogs kun/ /kun nas skyob mdzad skal bzang
rgya mtsho las/

bshad lung tshul bzhin thob pa'i rigs lam nas/ /legs par 'ongs
pa'i skal bzang dga' ston mchog/ /rje btsun dam pa ratna'i mtshan
can

gyis/ /dka' gnad ma lus gsal ba'i dpal stsal te/ /lung don rigs
pas 'byed pa'i mthu rnyed nas/ /nyams len kun 'dus rnam bshad

'di brtsams so// /de la mi shes byis pa'i skyon mchis na/ /de ni
snying nas bshags shing dag pa dang/ /legs par bkral ba'i dge
ba'i cha

mchis na/ /de ni rgyal rnams mnyes pa'i mchod pa 'bul/ /blo
bzang blo gsal yang kyi mig gcig pu/ /bzang po'i tshul khrims
mchog gis rab

@389b mdzes pas/ /bskal bzang stong gi dge mtshan legs byin nas/
/chos rgyal lo paN kun dang mtshungs gyur cig/ /de phyir blo ldan
mkhas pa

khyed rnams kyang/ /rigs lam 'dir zhugs rgyal sras spyod la
brtson/ /shing rta chen po'i tshul gnyis legs bzung nas/ /rgyal
ba'i dam chos mtha'

dag 'dzin par mdzod/ /bdag kyang deng nas byang chub ma thob
bar/ /mdo dang rgyud sde rgya mtsho'i snying po'i don/ /bshad
sgrub gnyis kyis 'dzin dang

sbel ba la/ /'jam mgon bla ma nyid dang mtshungs par shog/ /khyad
par bdag dang slob ma'i tshogs rnams kyang/ /tshul 'di bshad sgrub
gnyis

kyis 'dzin pa na/ /'gal rkyen kun zhi mthun rkyen kun tshang nas/
/spyan ras gzigs dbang nyid dang mtshungs par shog/ ces bstan
bcos

legs par bshad pa'i snying po'i 'grel pa 'di yang sngon nas/
gangs can bstan 'gro yongs kyi lha gcig thams cad mkhyen gzigs

@390a @#/ /chen po'i drung nas rgyas la dpyis phyin pa zhig stsal
dgos zhes yang yang nan gyis snyan sgron gsol bar zhal gyis

bzhes shing/ de nas zhal bskul yang yang zhus kyang yong gsung
ba las dngos su 2 bka' rtsom gnang thub pa zhig ma byung bar lus

pa dang/ de'i bar skabs shig tu dge slong dge 'dun 'gyur med
lags nas kyang dwogs gnas rnams la dmigs phug gis 'di dang

'di zhib rgyas phebs dgos tshul gyi zhabs bskul shog bsgril dang
bcas pa gsol dpon grags pa mtha' yas lags brgyud nas

gsol ba btab par/ dgyes pa chen pos zhal gyis bzhes par mdzad pa
dang/ de nas bzung dge slong 'gyur med lags la yang mjal

khar phebs res bzhin thugs dam 'phel po e byung gsung ba'i bka'
'dri dngos su phebs nas rjes 'dzin gzhan dang mi 'dra ba gnang
zhing/

@390b de ltar gnang ba'i rten 'brel gyi dbang gis dra lan 'dir
yang dge slong 'gyur/ med lags nas bskul ba po mdzad pa dang/
spyir yang/ de

nas 'di phyi'i legs phyogs ji snyed pa/ rten 'brel legs par
'grig pa'i rtsa ba ni/ lam ston bshes gnyen dam pa zhes gsungs
pa ltar yin

pas na/ bdag gis kyang bstan bcos legs par bshad pa'i snying
po'i 'grel pa 'di lta bu rtsom pa'i skal pa thob pa ni/ 7bla ma
dam pa dus

gsum sangs rgyas thams cad las kyang bka' drin lhag pa de lta
bus dgyes bzhin du 'di'i 'grel pa mdzad par zhal gyis bzhes pa'i
rten 'bral

gyi mthu kho nar go zhing/ de yang/ rang gi ngos nas kyang tshig
bsgril gyis bstan bcos 'di'i don la bshad lung khrid sogs dang/
dmigs rnams

kyang rgyun chags su yid la byas te/ dka' gnad rnams la mtha'
bcad khul gyi dga' ba dang spobs pa rgyun chags su yod na'ang/
da lan

@391a @#/ /'di rtsom skabs sngar gyi de las kyang ha cang mi
'dra bar shes rab gsal shing myur ba dang/ dka' gnad rnams
kyang

rang babs kyis 'grel nus pa byung zhing/ de ltar byung ba'i
skabs rnams su 'di lta bu byung ba de nyid gang gi mthus yin
snyam du ya

mtshan chen po skyes nas/ rang la yang yid mi ches pa'i tshod lta
bu byung ba na/ de la zhib tu bsams pas de ni sngar/ 7 gong sa
skyabs

mgon mchog la bstan bcos 'di'i 'grel pa zhib cing rgyas la dbyis
phyin ba zhis dgos zhes yang yang nan gyis gsol bar dgyes bzhin

du yong gsung ba'i rten 'brel dang/ de ltar yong gsung ba las
bka' rtsom dngos su ma gnang bar da bar lus pa 'di la da res dge

slong 'gyur med lags nas bskul ma gtso bor mdzad pa dang/ rang
gis kyang dang du blangs nas rtsom pa 'di la sngar gyi rten
'brel de

@391b thams cad 'dzom pa'i mthus/ 7 gong sa mchog gi byin rlabs
dngos su zhugs pa rang los yin snyam pa'i mos gus lhag par che
ba

byung bas na/ 'grel pa 'di nyid rtsom pa po kho bo yin kyang/
byin rlabs kyi/ rgyu ni 7 gong sa mchog gi yin par thag nges

par chod pa de bzhin yin pas/ grogs mchog blo ldan rnams la nang
lugs/ snying gtam kho nar zhus pa 'di la

thugs yid ches par mdzad nas/ bstan bcos 'di'i don la zhugs te
thos don sgrub pa snying por bya ba rigs so// //

3 de yang bstan bcos legs par bshad pa'i snying po 'di'i don la
rgyun du 'dris pa dang do gal che/ zhing thos don sgrub pa la

gzhol ba bsgrub don snying por/ 'dril ba/ bshes gnyen chen po/
dge slong 'gyur med lags kyi gtso bor mdzad/

@392a @#/ /bshes gnyen dam pa rab 'byams pa ngag dbang rgya mtsho
dang/ bkra shis dgon gsar ba'i gnas dge slong blo bzang rin chen
dang/ dag slong blo gros dpal 'bar/ bshad

sgrub gnyis kyi sgo nas 'dzin skyong sbel gsum nus pa'i dge ba'i
bshes gnyen chen po dka' chen blo bzang dkon mchog gis/ bskul ba
po dang yi ge'i cha rkyen gnyis ga mdzad cing/

bsam yas rab byung ba'i gnas bla ma'i char gtogs dge slong blo
bzang dge legs sogs thams cad nas mgrin gcig gis bskul ba'i
ngor/ bla ma dam pa rnams kyis

rjes su bzung zhing/ shAkya'i bstan la dge slong gi dngos po
thob pa tshe dang sgrub pa mnyam pa'i ser byas rab 'byams smra ba
blo bzang dge legs kyis dben pa'i gnas mchog

ba bal gyi rked tshang ri khrod du sbyar ba'o/ / ! swa ste/ e ma
legs bshad snying po'i dka' 'grel 'di/ bstan pa 'dzin skyong
skyes bu dam pa dang/ skal ldan blo gsal

rnams la phan phyir du/ dbus smad zal mo sgang gi sa yi cha/
rdza rgyud bkra shis bsam 'grub dgon chen gyi/ bla brang ya zur
rgyal mtshan mthon po nas/ /

@392b rwa lo sprul ming blo bzang dpal ldan pa/ rnam rgyal grub
pa'i rdo rje bdag gis gtsos/ ngag dbang blo bzang byams pa bstan
'phal dang/ mdzod pa blo bzang dpal ldan la sogs

pa/ bdag cag ltos par bcas pa thams cad kyis/ ngal ba chen po'i
par 'di bskrun pa'i dges/ bde skyid nyi shar rgyal khams bde
rgyur cig ston pa'i gsung rab rin chen glegs bam

gyis/ 'gro ba yongs la phan thog 'byung ba ltar/ bdag cag rnams
kyis glegs bam 'di bzhengs pa'i/ mthong thos 'gro la phan thog
rgya chen shog li ge gcig las brgya stong khri

'bum sogs/ dka' chog mad par mang por 'phel byed pa/ dpe 'di
gang gi par shing 'don pa dang/ nyams su len cing san re thos
pas kyang/ mi dge sdig pa'i bsam sbyor

shugs kyi 'gags/ rnam dkar dge ba dang gi 'phel bar shog glegs
bam gang du bzhugs pa'i sa phyogs su/ nad mug 'khrug rtsod ming
yang mi grags shing/ lo legs nor

'bru longs spyod 'phel zhing rgyas/ bkra shis bde legs g.yang
kun 'khyil bar shog ces drang ba dang nges pa'i don rnam par
'byed pa'i bstan bcos legs bshad pa'i snying po'i dgongs don
gsal

@393a @#/ /bar byed pa'i me song zhes bya ba 'di nyid rgyas bsdus
'cham zhing/ rang re'i yig cha dang khog gcig par snang ba dang/
gzhung spyi'i

rig sam 'tshol ba la legs bshad rmad du byung bar brten/ blo gsal
don gnyer can rnams la phan ba rgya cher 'byung ba dang/ rang
gzhan kun gyi

bde legs kyi 'byung gnas su nges pa'i lhag bsam rnam dag gyi sgo
nas/ dbu mdzad mgon po bsam grub nas par gsar bskrun thog shing
yos lo

rwa lo er te ne mer gan ho thog thu blo bzang dpal ldan rnam
rgyal grub pa'i rdo rjes/ mkhas mang bye ba'i 'byung gnas ser
byes gwra tshang gi chos grwar lha ldan

smon lam chen mo'i gra skor ming btags kyi sngon 'gre'i dam bca'
'jog skabs rten 'byung legs cha dang 'bras bar sbyor 'jag bgyis
pa'i par byang smon

tshig tu se ra theg chen gling gi bsti gnas su sbyar ba'o/ 'dis
kyang rgyas pa'i bstan pa rin po che dar rgyas yun ring du gnas
par gyur cig sarba mangga laM/