@#/ /dam pa'i chos 'dul ba'i spyi don 'dul ba rgya mtsho'i snying
po'i don phyogs gcig tu bsdus nas ston pa blo gsal mkhas pa'i
mgul rgyan mu tig gi phreng ba ces bya ba rje btsun chos kyi
rgyal mtshan dpal bzang po'i gsung rgyun bzhugs/ /

@001a @##/ /rnam dag mkhyen brtse'i gru chen la zhugs te/ /lus can
srid pa'i chu bo las bsgral nas/ /rnam grol nor bu'i gling du
'khrid mdzad pa/ /de dpon shAkya'i gtso la gus phyag 'tshal/
/'dul ba 'dzin pa'i mchog

tu lung bstan pa/ /nye ba 'khor dang 'od srung kun dga' bo/
/sgra can 'dzin dang 'phags pa ka ta ya/ /'phags pa yon tan 'od
dang shAkya 'od/ /dga' ba'i bshes gnyen dgra bcom sa ga lha/
/bstan pa'i sgron me rnams la phyag

'tshal lo/ /kha che 'dul bzang mkhas pa dul ba lha/ /dge legs
bshes gnyen paN chen tshul khrims bskyangs/ /dri med bshes gnyen
chos kyi bshes gnyen sogs/ /'dul ba'i bstan 'dzin rnams la phyag
'tshal lo/ /

thub bstan nyi ltar gsal mdzad tsong kha pa/ /mdo sngags bstan
pa rgyas mdzad rgyal tshab pa/ /gangs can bstan pa'i dpal gyur
dge legs dpal/ /yab sras rgyud par bcas la gus phyag 'tshal/
/rigs lam rtsibs stong

ldan pa'i 'khor lo yis/ /thub bstan sa chen bzhi la dbang sgyur
zhing/ /blo bzang bstan pa phyogs bcur rgyas mdzad pa'i/ /yongs
'dzin dam pa'i zhabs la gus pas 'dud/ /de la 'dir dam pa'i chos
'dul ba mdo rtsa ba

'chad pa la/ spyir bshad pa dang/ bye brag tu bshad pa gnyis
las/ dang po la'ang/ ston pas ji ltar gsungs tshul dang/ dgra
bcom pa rnams kyis bsdus tshul lo/ /dang po la/ dang por sems
bskyed tshul/ bar du tshogs

@002a @#/ /bsags tshul/ mthar sangs rgyas nas chos gsungs tshul
dngos/ /dang po ni/ drin lan bsab pa'i mdo las/ ston pa 'di
sngon bskal ba dpag tu med pa'i snga rol nas/ shes rab dang
snying rje'i stobs kyi dge ba'i

rtsa ba rgya chen po bsags pa yin kyang/ bar skabs su las kyi
dbang gis dmyal ba'i shing rta 'dren pa'i gyad du 'khrungs ba'i
tshe/ rang gi sdug bsngal la dpags te grogs la sdug bsngal dpag
med byung ba ma bzod par

gshin rje'i skyes bu a pa glang mgo dang/ sdig pa sgrul mgo la/
'di'i khur kyang bdag gis khur bar ci gnang/ zhes zhus pas/ de
dag khros te sems can rang rang gi las kyi bog skal myong ba la
khyod kyis ci byar yod ces zer nas//

lcags kyi tho lum mgo la bsnun pas tshe'i dus byas lha'i nang du
skyes te/ der lo mang por bde ba nyams su myong bar byas te/ de
nas shi 'phos nas lho phyogs kyi rgyud du khye'u snang byed du
gyur par gsungs pa ltar/ dang por dmyal

ba'i rten la sems bskyed pa'i tshul gcig dang/ yang rdza mkhan
gyi khye'u snang byed kyis shAkya thub pa chen po la dad pa
shugs drag po skyes nas gdugs gcig dang/ mchil lham zung gcig
/rdza'i bum pa byi dor byas pa phul te/

mgron bu lnga me tog tu gtor nas de bzhin gshegs pa khyed sku ci
'dra dang/ /zhes sogs brjod nas sems bskyed par gsungs te/ bskal
bzang las/ nga ni sngon tshe dbul por gyur pa'i tshe/ /de bzhin
gshegs pa shAkya thub

@002b chen la/ /'jam gang zhig gi dbul ba byas nas kyang/ /dang
por byang chub mchog tu sems bskyed do/ /zhes gsungs pa ltar na
snga ma dmyal ba'i rten la snying rje chen po skyes pa la bzhed
dam dpyad do/ /gnyis pa ji srid du bsags/

pa'i yun tshad/ yul gang la ji ltar bsags tshul/ gang bsags par
bya ba'i tshogs kyi ngo bo dang gsum las/ dang po ni/ bskal pa
grangs med gsum du tshogs bsags pa yin te/ mdzod las/ de grangs
med gsum la sangs

rgyas/ zhes dang/ rgyan snang las/ grangs med sum cu rtsa gsum
du tshogs bsags par bshad do/ /gnyis pa la/ thun mong ba'i rnam
gzhag spyir bstan pa dang/ theg pa che chung gi khyad par so sor
bshad pa'o/ /dang po ni/ grangs med

dang po la rgyal ba rnam par rgyal ba'i pho brang rnam par rgyal
ba'i rgyal mtshan du ston pa 'di rgyal po de'i sras gzhon nu
brtson 'grus spyod du gyur te/ de bzhin gshegs pa phung po chen
po las sogs pa'i sangs rgyas dang/ nyan thos kyi tshogs la bsnyen

bkur zhing smon lam btab ba nas/ 'dren pa rin chen gtsug tor can
la thug gi bar sangs rgyas bdun khri lnga stong la rnyed pa dang
bkur sti'i sgo nas tshogs gnyis rgya chen po bsags/ gnyis pa la
rgyal po mdzes par snang ba'i pho brang grong

khyer 'dzam bu'i gser zhes bya bar tshong dpon shes rab bzang por
gyur nas/ de bzhin gshegs pa dkon mchog yan lag la bsnyen bkur
zhing smon lam btab pa nas/ sangs rgyas mar me mdzad la thug gi
bar sangs rgyas bdun khri

drug stong la rnyed pa dang bkur sti'i sgo nas tshogs gnyis rgya
chen po bsags/ gsum pa la rgyal po dgra thub kyi snang ba'i pho
brang grong khyer padmo can du gzhon nu chos kyi sprin zhes bya
bar gyur te/ sangs rgyas mar me mdzad la bsnyen bkur zhing

@003a @#/ /smon lam btab pa nas/ 'dren ba rnam par gzigs la thug
gi bar sangs rgyas bdun khri bdun stong la rnyed pa dang bkur
sti'i sgo nas tshogs gnyis rgya chen po bsags te/ sangs rgyas
dbang po'i tog tu mngon par rdzogs

bar sangs rgyas bar mdzad ba yin no/ /de nas tshe lo sum khri
pa'i dus su/ rgyal po'i pho brang gnyen ldan du sangs rgyas 'od
srung byon pa'i tshe/ ston pa 'di bram ze'i khye'u bla mar sprul
te/ rnyed pa dang bkur sti'i sgo nas mchod par mdzad do/ /de'i

sku tshe phyi ma la dga' ldan du dam pa tog dkar du skye ba'i
tshul bzhes nas gdul bya rnams dam pa'i chos kyis tshim par mdzad
do/ /de ltar mdzod las/ rnam gzigs mar me rin chen gtsug /grangs
med gsum gyi tha mar 'byung/ /dang pe sha'kya

thub pa yin/ /zhes dang/ de'i rang 'grel las/ sangs rgyas rin
chen gtsug tor can gyi tshe ni bskal pa grangs med dang po rdzogs
so/ /bcom ldan 'das mar me mdzad kyi tshe ni gnyis pa rdzogs so/
/zhes gsungs pa'i phyir/ gnyis pa theg pa

che chung gi khyad par so sor bshad pa la/ theg dman gyi lugs
dang/ theg chen gyi lugs gnyis las/ dang po ni/ sngar grangs med
gsum du tshogs bsags pa de dag kyang tshogs lam gyi gnas skabs kho
na yin zhing/ dam pa tog dkar

gyis rgyal po don grub tu skye ba bzhes/ rdo rje gdan du sbyor
lam drod nas zad mi skye shes pa'i byang chub kyi bar stan thog
gcig la mngon du byas nas gsar du sangs rgyas pa yin te/ mdzod
las/ ston dang bse ru byang chub bar/ /bsam gtan

mtha' rten gcig la kun/ /de yi sngon du thar cha mthun/ /zhes
gsungs pa'i phyir/ gnyis pa ni/ grangs med dang po'i tshe mos
spyod dang/ gnyis pa'i tshe ma dag sa bdun dang/ gsum pa'i tshe
dag pa sa gsum gyi rtogs pa mngon du byas/

@003b de'i rjes su gzhi dang snying po me tog gis brgyan pa'i
zhing khams su rgyal ba dbang po'i tog ces bya bar sangs rgyas
pa'i skye ba sprul sku ni lha'i bu dam pa tog dkar yin la/ de
nyid kyis 'dzam bu'i gleng 'dir mdzad pa bcu gnyis kyi tshul ston
par mdzad pa yin te/ lang gshegs

las/ rin chen sna tshogs mdzes pa yi/ /'og min gnas mchog nyams
dga' bar/ /yang dag rdzogs sangs der sangs rgyas/ /sprul pa po
gcig 'dir 'tshang rgya/ /zhes gsungs pa'i phyir/ gsum pa bsags
par bya ba'i tshogs kyi ngo bo ni/ phar phyin drug gis bsdus pa'i
dge

ba'i rtsa ba rnams ni de yin te/ sbyin dang tshul khrims bsod
nams kyi/ /tshogs yin shes rab ye shes kyi/ /gsum ni gnyis char
la yang gtogs/ /zhes gsungs pa'i phyir/ gsum pa mthar sangs
rgyas nas chos gsungs tshul la/ sangs rgyas tshul gyi rnam bzhag

spyir bstan pa dang/ mdzad pa bcu gnyis bye brag tu bshad pa
gnyis/ dang po ni/ theg pa chung du ltar na/ rdza mkhan gyi
khye'u snang byed nas rgyal po don grub kyi bar rnams ni tshogs
lam pa kho na yin te/ rgyal po gzhon nu don 'grub kyi rdo rje
gdan du bsam gtan bzhi

pa'i rab mtha' la brten nas sbyor lam drod nas zad mi skye shes
kyi byang chub kyi bar stan thog gcig la mngon du byas te gsar
du sangs rgyas pa yin pa'i phyir/ rtags bsgrubs zin/ theg pa
chen po ltar na/ sngar bshad pa ltar rgyal ba dbang po'i tog gi
sprul pa bram ze'i

khye'u bla ma'i tshul bzung nas 'od srung la bsnyen bkur byas nas
dam pa tog dkar du skye ba bzhes pa yin no/ /gnyis pa la bcu
gnyis yod pa'i/ dang po dga' ldan gyi gnas nas 'pho ba'i mdzad
pa la/ sangs rgyas kyis bskul nas gzigs pa mdzad pa'i tshul/
lha'i tshogs

kyis bshol btab nas lan gsungs tshul lo/ /dang po ni/ dam pa tog
dkar po dga' ldan gyi lha'i tshogs la chos ston par zhugs pa'i
tshe/ phyogs bcu'i sangs rgyas kyi byin rlabs kyis lha'i sil
snyan gyi sgra las/ bsod nams rgya che'i tshogs mang 'dran rtogs
kyis/ /blo

@004a @#/ /gros mtha' yas shes rab 'od mdzad pa/ /mtshungs med
stobs mnga' rgyu rtsal rgya che ba/ /mar me mdzad kyi lung bstan
dgongs par mdzod/ /ces bskul ba la brten nas gzigs pa rnam pa
lnga la gzigs nas dga' ldan nas 'pho bar dgongs so/ /gzigs

pa lnga ni/ yul la gzigs pa 'dzam bu'i gling gi dbus ser skya'i
grong khyer/ rigs la gzigs pa rgyal rigs/ rus sam rgyud la gzigs
pa bu ram shing pa sha'kya'i gdung rgyud/ yum la gzigs pa g.yo
sgyu mtha' dag dang bral ba sgyu ma lha mdzes/ dus la gzigs pa
snyigs ma lnga bdo

ba'i dus so/ /snyigs ma lnga ni/ dus snyigs ma rtsod ldan/ tshe
snyigs ma mar 'grib kyi tshe lo brgya pa/ lta ba snyigs ma phyin
ci log bsgyur dka' ba/ nyon mongs snyigs ma ngar drag la yun
ring ba/ sems can snyigs ma rgyud dang dbang po gdul dka' ba'o/
/gnyis pa ni/ 'dzam bu gling du

'byon par dgongs pa'i tshe/ lha rnams kyis 'dzam bu'i gling du
gshegs pa'i dus ma lags te/ nged rnams la ston pa med pa dang/
mu stegs kyi ston pa drug gsum bco brgyad kyi bstan pa dar zhing
'dzam bu'i gling pa rnams kyi rgyud ma rungs par byas pas don mi
'grub pa'i phyir/ zhes

zhus so/ /ston pa bco brgyad ni/ rtog pa drug /rjes su sgrog pa
drug /snyoms 'jug pa drug go /dang po ni/ ston pa rdzogs byed/
kun tu rgyu gnag lhas kyi bu/ smra 'dod kyi bu yang dag rgyal ba
can/ mi pham skra'i la ba can/ ka te'i bu nog can/ gcer bu pa
gnyen gyi bu ste drug go/ /gnyis pa ni/

bram ze rgyus rgyal/ bram ze bzang ldan/ bram ze gnas brdag
/bram ze tshangs pa'i tshe/ bram ze padma'i snying po/ /bram ze
dmar po ste drug go/ /gsum pa ni/ rengs byed kyi bu lhag spyod/
rgyu rtsal shes kyi bu ring 'phur/ kun tu rgyu rab bzang/ bram
ze'i khye'u kun rgyal/ steng rgyas 'od srung ral

pa can/ drang srong nyon mongs med pa dang drug go /de'i lan ni
byang chub sems dpas lha'i bu rnams la chos snang ba'i sgo brgya
rtsa brgyad bstan nas/ mi pham pa'i spyi bor rin po che'i cod
pan bcings nas/ grogs po dag khyed rnams la mi pham pas chos
ston par 'gyur gyi/ bag

@004b yod par spyod cig /kho bo ni/ 'dzam bu'i gling du gdul bya
'dul ba'i dus la babs te/ mu stegs kyi lta ba ngan ba char bcad
nas yang dag pa'i lta ba la ci nas kyang 'god dgos pa'i phyir
ro/ /zhes gsungs nas dga' ldan nas 'pho bar mdzad do/ /gnyis pa
lhums su zhugs pa'i

mdzad pa ni/ sa ga zla ba'i yar ngo'i tshes bco lnga'i nam gyi
gung la yum gso spyong blangs pa'i rum du/ glang po che thal kar
mche ba drug dang ldan pa gser gyi dra bas gdong g.yogs pa'i
rnam pas lhums su zhugs par mdzad do/ /gsum pa bltams pa'i mdzad
pa ni/ yum gyi lhums

su zla ba bcu rdzogs par gnas nas/ dbo zla ba'i yar ngo'i tshes
bcu'i rgyal phur 'dzoms pa'i dus khyad par can la mngal gyi dri
mas ma gos par yum gyi glo g.yas nas bltams pa'i tshe/ lha'i
tshogs rnams kyis rin po che sna lnga'i me tog gis gtor/ tshangs
pa brgya byin

gyis ka shi ka'i ras kyis blangs/ dga' bo dang nye dga' bo gnyis
kyis khrus gsol ba dang/ 'di ni nga'i skye ba mtha' ma ste/ skye
ba dang/ rga ba dang/ na ba dang/ 'chi ba mthar dbyung ngo/
/zhes gsungs nas/ phyogs drug tu gos pa bdun bdun dor ba la
padma bdun bdun byung bar

gyur to/ /de'i tshe na mkha' las lhas rin po che'i char phab pa
dang/ 'od zer gyis phyogs kun tu khyab pa dang/ skye 'gro rnams
nad dang sdug bsngal rgyun chad pa dang/ sems rgyud dga' bde gya
nom pa la sogs pa 'dod pa'i don thams cad grub pas na mtshan
rgyal bu don grub

tu btags so/ /rigs kyi lha mchod pa'i phyir phyin te/ sha'kya mu
cor smra ba rnams kyi nang nas lus ngag 'du 'dzis dben pa'i thub
pa bzhin du bzhugs pas shAkya thub pa zhes btags so/ /lha'i
tshogs rnams kyis zhabs kyi padmo la phyag byas pas/ lha'i lha
zhes btags so//

de'i tshe khams kyi rgyal phran bzhi la sras re re skyes pas/
ltas kyi khyad par de ngag gi mthu yin snyam nas don dang mthun
pa'i ming re re btags te/ rgyal po'i khab tu padma chen po'i
sras la/ gzugs can snying po/ /kau shambir/ rgyal bo dmag brgya
ba'i sras la/ nyi ma rab shar/ 'phags

@005a @#/ /rgyal du/ mu 'khyud mtha' yas kyi sras la/ gtum po
rang snang/ ko sa lar tshangs byin gyi sras la gsal rgyal gyi
ming du btags so/ /de'i tshe ri bo gangs can na mngon shes lnga
dang ldan pa'i drang srong nag po ba zhes bya ba yod pa des ltas
khyad par can de gzigs

nas ser skya'i grong khyer du 'phrul gyis gshegs te/ byang chub
sems dpa' de ni khyim du gnas na 'khor los sgyur ba'i rgyal por
'gyur/ rab tu byung na yang dag par rdzogs pa'i sangs rgyas su
'gyur ro zhes lung bstan do/ /'on kyang rtsod pa'i dus su 'khor
los

sgyur rgyal 'byung ba'i dus min pas nges par sangs rgyas su
'gyur ro zhes lung bstan do/ /bzhi ba gzhon nu rol rtsed mdzad
pa'i tshul ni/ yi ge'i slob dpon kun gyi bshes gnyen la yi ge
slob pa'i tshul ston pa dang/ mda' 'phang ba dang/ chu la rkyal
ba dang/ glang po che 'dul

ba la sogs ba'i sgo nas rigs dang stobs kyis dregs pa rnams tshar
bcad nas 'gran zla med par mdzad/ /lnga pa btsun mo'i 'khor du
bzhugs pa'i mdzad pa ni/ 'jig rten gyi spyod pa mtha' yas pa'i
sgo nas sems can la phan gdags par bya ba'i phyir du/ sha'kya

lag na be con gyi bu mos 'tsho ma dang ri dwags skyes ma la sogs
pa'i btsun mo'i tshogs dang lhan cig tu dgung lo nyi shu rtsa dgu
bzhes pa'i bar du bzhugs pa'i tshul bstan nas sems can gyi don
mdzad/ /drug pa nges par 'byung ba'i tshul ston pa'i mdzad pa

ni/ byang chub sems dpa' khab tu bzhugs nas dgung lo nyi shu
rtsa dgu ba'i tshe/ phyogs bcu'i sangs rgyas thams cad kyi byin
rlabs kyis lha'i sil snyan gyi sgra las byung ba'i tshigs su bcad
pas khyim nas khyim med par rab tu 'byung bar bskul ba yin

te/ ji skad du/ bum par chud ba'i bung ba 'khor ba bzhin/ /srid
gsum mi rtag ston ka'i sprin dang 'dra/ /'gro ba'i skye 'chi gar
la lta dang mtshungs/ /'gro ba'i tshe 'gro nam mkha'i glog dang
'dra/ /ri gzar 'bab chu bzhin du myur mgyogs 'gro/ 'chi med mya

@005b ngan med ba sangs rgyas te/ /skom ba nyams thag bdud rtsis
tshims byas shing/ /khyod kyis sngon smras tshig mchog dran byas
te/ /grong khyer dam pa 'di nas myur du phyung/ /zhes gsungs/ de
nas byang chub sems dpas grong khyer ser skya'i shar sgor rgas
pa'i sdug

bsngal gyis nyen ba/ lho sgor na ba'i sdug bsngal gyis gzir ba/
nub sgor 'chi ba'i sdug bsngal gyis non pa gzigs shing/ byang
sgor mdzes shing yid du 'ong ba'i dge slong dur smrig 'dzin pa
gzigs pas rkyen byas nas/ yab la rab tu 'byung bar zhus

pas yab kyis ma gnang bar/ grong khyer ser skya'i phyogs kun nas
dmag gis bskor nas gnas pa'i tshe/ brgya byin gyis dmag gi tshogs
rnams gnyid kyis myos par byas te/ stobs dang brtson 'grus
'phags pa myur du bzhangs/ /sdug bsngal nyen pa'i

sems can bsgrol ba dang/ bla med byang chub mngon du bya ba'i
phyir/ /da ni mngon par 'byung ba'i dus la babs/ /zhes bskul nas
lha'i bu bzhis chib pa rdog ldan gyi rmig pa bzhi nas btegs ste/
rim kyis mchod rten rnam dag gi drung du phyin te/ chibs pa dang

rkyen cha rnams mdun pa la bskur nas/ nyid kyi dbu skra nyid
kyis bregs te/ brgya byin gyis gos dur smrig phul ba kyon nas
rab tu byung bar mdzad do/ /bdun pa dka' ba spyad pa'i mdzad pa
ni/ rjes 'jug gi gdul bya rnams kyis byang chub sgrub pa la dka'
spyad tshad med pa blang dgos par

shes pa'i phyir du/ chu bo ne ranydza na'i 'gram du lo drug tu
mkha' khyab kyi ting nge 'dzin la mnyam par gzhag nas bsam gtan
gyi pha rol tu phyin pa rdzogs par mdzad/ de'i tshe byang chub
sems dpa'i lus skam pa dang/ shi ba dang 'dra bar rgyal po zas
gtsang ma 'khor bcas kyis mthong

ste/ smre sngags sna tshogs 'don bar gyur pa na byang chub sems
dpang ting 'dzin de las bzhengs te/ nyi zla skar tshogs sa la
ltung yang srid/ /so so'i skye bo yin yang nga mi 'chi/ /de
phyir 'di la mya ngan khyod ma byed/ /ring por mi thogs byang
chub sangs rgyas mthor/ /gsungs nas

@006a @#/ /dbugs dbyung bar mdzad do/ /de nas grong pa'i bu mo
legs skyes mas ba stong gi 'o ma gcig bzhos pa gcig la blud pa'i
'o mas bsnyen bkur byas pas/ sngar gyi sku lus sha khrag gi rang
bzhin sbyangs nas sku gser gyi mdog can 'od zer 'phro ba'i rang
bzhin

can du gyur to/ brgyad pa byang chub snying por gshegs pa'i
mdzad pa ni/ rdo rje lta bu'i ting nge 'dzin bla na med pa'i
byang chub mngon du byed bas phal pa rnams kyis rten par mi bzod
par dgongs nas rdo rje gdan du gshegs te/ rtswa 'tshod bkra shis
las rtswa zor ba bzhes te/ byang chub kyi shing

drung du rtswa zor ba'i gdan la mnyam par bzhag nas/ stan 'dir
bdag gi lus 'di bskams kyang rung/ /rus pa pags pa sha rnams
zhig kyang rung/ /bskal mang rnyed dka'i byang chub ma thob par/
stan 'di las ni lus bskyod mi bya'o/ /zhes bla na med pa'i byang
chub mngon du byed par

dam bca' mdzad do/ /dgu pa bdud btul ba'i mdzad pa ni/ rjes 'jug
gi gdul bya rnams kyis 'bras bu khyad par can mngon du byed pa
la bar chad sna tshogs 'byung zhing de dag gis mi tshugs par lam
mthar phyin par bya dgos par shes par bya ba'i phyir du smin
'tshams kyi mdzod

spu nas 'od zer bkye ste/ bdud kyi gzhal med khang la sogs pa'i
phyogs kun snang bar byas pas/ bdud sdig can rang gi 'khor gnod
sbyin/ grul bum/ srin po/ yi dwags/ sha za la sogs pa mi sdug
pa'i gzugs dang ldan pa'i dpung gi tshogs mtha' yas pa byang chub
sems dpa'i

thad du lhags te/ kha cig ni ri bo che chung sna tshogs pa 'phen/
kha cig ni sgyogs dang 'phrul 'khor sna tshogs/ kha cig ni mnga'
dang mdung la sogs pa mtshon cha sna tshogs pa 'phangs kyang thams
cad me tog gi char du gyur to/ /slar yang bdud kyi bu mo srang
ma dang/ dga' byed

ma dang/ sbyor sngags ma gsum gyis g.yo sgya'i tshul sna tshogs
kyi sgo nas byang chub sems dpa' bslu bar byas kyang/ mi sdug
pa'i ting nge 'dzin gyis thams cad rgas shing 'khogs pa'i rang
bzhin can du byas te/ par du gcod ma nus par gyur to/ /de nas
bdud sdig can gyis byang chub

@006b sems dpa' la khyod kyi bsod nams kyi cha 'di tsam gyis
thar pa thob tu ga la 'gyur/ zhes smras pa dang/ byang chub sems
dpas khyod kyis gtan pa med pa'i mchod sbyin gcig byas pas 'dod
pa'i dbang phyug tu gyur pa yin na/ ngas gtan pa med pa'i mchod
sbyin grangs med pa

byas pas thar ba rnyed mi dka'o/ /zhes gsungs pa dang/ bdud na
re/ ngas gtan pa med pa'i mchod sbyin gcig byas pa'i dbang por
khyod yod na/ khyod kyis gtan pa med pa'i mchod sbyin grangs med
byas pa'i dbang por su yang yod pa min no/ /zhes zer/ de nas
byang chub sems dpas phyag

g.yas pa sa la bsnun te/ sa 'di 'gro ba kun gyi gnas yin te/
/rgyu dang mi rgyu mnyam zhing nye 'khon med/ /'di ni bdag gi
dbang ste bdag brdzun med/ /'di la khyod kyis bdag gi dbang byos
shig /ces gsungs nas/ phyag g.yas pas la brdabs pas sa rnam pa
drug tu g.yos pa'i gser

nas sa'i lha mo bstan ma gser gyi mdog can lus phyed phyung nas
thal mo sbyar nas/ skyes bu chen po de de bzhin no/ /khyod kyis
ji skad smras pa de bzhin te/ /'di ni bdag la mngon sum mo/ /'on
kyang bcom ldan 'das nyid 'gro ba lha dang bcas pa'i 'jig rten
thams cad kyi dbang du gyur pa

lags so zhes smras te mi snang bar gyur to/ /de nas byang chub
sems dpa'i byams pa'i ting nge 'dzin gyis bdud kyi sems rgyud
byin gyis brlabs pa la brten nas/ rnam dag sku mnga' mchog tu
gzugs bzang ba/ /zhes sogs kyis byang chub sems dpa' la bdud kyi
tshogs kyis

bstod cing 'dud par byas so/ /bcu pa mngon par byang chub pa'i
mdzad pa ni nyi shu rtsa dgu khab tu bzhugs/ lo drug dka' ba
spyad nas dgung lo sum cu so lnga bzhes pa'i tshe/ sa ga zla ba'i
tshes bco lnga'i nyin mo'i cha la thun gsum mtshan mo'i cha la
thun gsum yod pa'i dang po lnga rdzogs

mtshan mo'i thun mtha' ma'i cha la bla na med pa'i byang chub
brnyes pa yin te/ lung gzhi las/ byang chub sems dpa' lo nyi shu
rtsa dgu bzhes nas lo drug dka' ba spyod par gyur to/ /de nas
bdud rtsi rtogs par mthong ngo/ /zhes dang/ mngon par byang chub
pa'i mdo las/ nam

@007a @#/ /gyi thun mtha' ma la zag pa med pa'i ye shes mngon du
byas so/ /zhes gsungs pa'i phyir/ bcu gcig pa chos kyi 'khor lo
bskor ba'i mdzad pa ni/ /sa ga zla ba'i tshes bco lnga'i tho
rangs mngon par rdzogs par sangs rgyas nas gdul bya'i snod

brtags pa'i phyir du/ zab zhi spros bral 'od gsal 'dus ma byas
zhes gsungs nas zhag bdun phrag bdun phrag bdun gyi bar du 'jig
rten tha mal ba'i snang ngor chos mi gsung bar btang snyoms su
bzhugs par mdzad la/ de yang bdun phrag dang po la byang chub
kyi shing drung na

bzhugs pa la lha'i bu rnams kyis mchod cing bstod par mdzad/
gnyis pa la stong gsum ring du 'chag par mdzad/ gsum pa la byang
chub kyi shing la spyan mi 'dzum pa gzigs/ bzhi pa la shar nub
kyi rgya mtsho'i 'gram du 'chag par mdzad/ lnga pa la klu btang

bzung gi gnas su byon/ drug pa la shing n+ya gro ta'i drung du
bzhugs/ /bdun pa la shing grol rgyu'i drung na bzhugs pa'i tshe/
tshong pa ga gon dang bzang pos/ sbrang rtsi dang bur ram phul ba
rgyal chen bzhis rdo'i lhung bzed phul ba'i nang du bzhes nas/
tshong pa rnams la

lha yi bkra shis don grub cing/ /zhes sogs gsungs nas/ sbrang
rtsi 'byung ba'i rgyal bar lung bstan to/ /de nas gdul bya gzhan
gtso bor 'jug pa'i phyir du de bzhin gshegs pa'i drung du sngon
gyi smon lam gyi shugs kyis/ tshangs pa gtsug phud can 'khor
tshangs pa

'bum phrag drug cu rtsa brgyad dang bcas pa lhags te gser gyi
'khor lo rtsibs stong dang ldan pa phul te chos 'khor bskor bar
gsol ba btab po/ /yang brgya byin 'khor dang bcas pa sbran nas/
gser gyi maNDal dpag tshad lnga bcu yod pa phul nas gsol ba btab
po/ /

de nas chu stod zla ba'i tshes bzhi'i nyin yul wa ra Na sar byon/
sangs rgyas stong gi rin po che'i khri yod pa'i/ 'khor ba 'jigs/
gser thub/ 'od srung gi khri la phyag dang bskor ba mdzad/ bzhi
ba'i steng du bzhugs te/ lnga sde bzang po la sogs pa'i gdul bya
rnams la

@007b chos kyi 'khor lo bskor bar mdzad do/ /bcu gnyis pa mya
ngan las 'das pa'i mjad pa ni/ dgung lo sum cu rtsa lnga la
mngon par rdzogs par sangs rgyas pa nas brtsams te/ dgung lo
bzhi bcu rtsa drug gi bar du chos kyi 'khor lo rgya chen po
bskor ro/ /dgung lo brgyad cu pa'i dus su

sag nya ba'i chos bco lnga la mya ngan las 'da' ba'i tshul bstan
te/ byang 'das las/ de nas bcom ldan 'das dge slong bye ba 'bum
phrag brgyad cus bskor zhing mdun gyis bltas te/ dpyid zla tha
chung gi nya'i nang bar mya ngan las 'da' ba'i dus dang nye bar
gyur pa na/ zhes dang/ bye

brag tu bshad pa las/ rgyal ba de ltar brgyad cu la/ /thub mchog
dam pa mya ngan 'das/ /zhes gsungs pa'i phyir/ de yang gdul bya
rtag 'dzin can rnams kyi rtag 'dzin bzlog pa'i phyir dang/ skal
med kyi gdul bya 'ga' zhig la sangs rgyas mi snang ba la mya
ngan las 'das

pa'i tha snyad btags pa tsam yin gyi/ don la mya ngan las 'das
pa yod pa min te/ gser 'od dam pa las/ sangs rgyas mya ngan
yongs mi 'da'/ /chos kyang nub par mi 'gyur te/ /sems can rnams
ni gdul ba'i phyir/ /mya ngan 'das pa ston par mdzad/ /ces
gsungs pa'i phyir/ mdzad

pa bcu gnyis po de yang bsdu na/ byang chub sems dpa'i mdzad pa
dang/ sangs rgyas kyi mdzad pa gnyis su 'du/ /dang po yang/
khyim pa dang rab byung gi mdzad pa gnyis su 'du zhing/ dang
po'i dbang du byas na/ 'pho ba/ lhum su zhugs pa/ bltams pa/
bzo'i gnas la mkhas pa/

btsun mo'i 'khor gyis rol pa dang lnga gsungs/ gnyis pa'i dbang
du byas na/ nges par 'byung ba/ dka' ba spyad pa/ byang chub kyi
shing drung du gshegs pa/ bdud bcom pa dang bzhi gsungs/ sangs
rgyas kyi mdzad pa'i dbang du byas nas/ phyi ma gsum gsungs te/
kun btus

las/ bsam gyis mi khyab pa'i de bzhin gshegs pa gang zhe na/
gang dga' ldan gyi gnas na gnas pa nas bzung ste/ yongs su mya
ngan las 'das pa'i bar du byang chub sems dpa'i spyod pa thams
cad dang sangs rgyas kyi spyod pa yang 'dod pa'i khams su ston
pa'i

@008a @#/ /gang zag ces dang/ de'i 'grel bar/ byang chub sems
dpa'i spyod pa thams cad ces bya ba ni/ dga' ldan gnas na gnas
pa nas bzung ste/ bdud las rgyal ba'i bar du'o/ /sangs rgyas kyi
spyod pa zhes bya ba ni/ mngon par rdzogs par byang chub nas

bzung ste yongs su mya ngan las 'das pa chen po'i bar du'o/
/zhes gsungs pa'i phyir/ gnyis pa bka' bsdu la/ theg chen gyi
lugs dang/ theg pa thun mong pa'i lugs gnyis las/ dang po ni/
phyag na rdo rjes theg chen gyi bka' mtha' dag bsdus pa yin te/
phyag na rdo rjes

sangs rgyas stong gi bstan pa bsdu bar gsang ba bsam gyis mi
khyab pa'i mdo dang/ phyag na rdo rje dbang bskur ba'i rgyud las
bshad pa'i phyir/ de'i rjes su rgyal po'i khab kyi lho phyogs bi
ma la swa b+ha wa zhes pa'i ri la rgyal sras 'bum phrag bcu 'dus
te/ 'jam dpal gyis mngon pa/

byams pas 'dul ba/ kun tu bzang pos mdo sde bsdus pa yin te/ rdo
rje 'bar ba las/ theg pa chen po sangs rgyas kyis gsungs pa yin
te/ rtsa ba'i bsdu ba byed pa po kun tu bzang po dang/ 'jam dpal
dang/ gsang ba'i bdag po dang/ byams pa la sogs pa rnams kyis
bsdus pa'i

phyir ro/ /zhes gsungs pa'i phyir/ zhes mkhas pa kha cig gsung
ngo/ /gnyis pa la/ bka' bsdu dang po/ bar pa/ gsum pa ji ltar
bsdus tshul lo/ /dang po ni/ ston pa bya ngan las 'das pa'i phyi
de lo dbyar khas len pa la mngon du phyogs pa'i dus su rgyal po
ma skyes dgras sbyin bdag

byas nas rgyal po'i khab tu 'od srung nye ba 'khor la sogs pa
dgra bcom pa lnga brgyas dka' bsdu mdzad pa yin la/ de'i dgos pa
ni/ theg dman gyi sde snod gsum bka' min par 'dod ba'i log rtog
bsal nas/ bka' min pa 'dres ba rnams spangs te/ bka' rnam dag tu

bsgrub par bya ba'i ched du yin no/ /ji ltar bsdus na/ 'od srung
la bstan pa gtad de/ bka' bsdu mdzad pa la dgra bcom pa lnga
brgya la gcig gis ma longs pa'i tshe/ kun dga' bo drag po'i sgo
nas 'dul ba'i dus la bab par gzigs nas/ 'od srung gyis kun dga'
bo la/

@008b 'di thams cad ni dgra bcom pa sha stag ste/ khyod rgyun du
zhugs pa yin pas/ 'dir ma 'dug par song zhig ces smras pa dang/
kun dga' bo na re/ bdag gis tshul khrims dang/ lta ba dang/ 'tsho
bsogs chos gang yang nyams pa med kyi/ de skad ma gsung zhig
zhus pas/ sangs

rgyas dang yun ring du 'grogs nas de tsam ngo mtshar mi che yi
nyes pa brgyad yod pas tshul shing long zhig ces gsungs/ /nyes pa
brgyad ni/ skye dgu'i bdag mo la sogs pa'i bud med lnga brgya
bsnyen par rdzogs par nan gyis zhus pas bstan pa lo lnga brgya
bri/ ston pa mya ngan las

mi 'da' bar gsol ba btab na skal ba'i bar du bzhugs rgyu yin pa
la gsol ba ma btab pa dang/ ston pas thugs bag phab nas dris pa
la lan log pa btab pa dang/ na bza' gser gyi mdog can 'tshem pa'i
tshe nam mkha' la brkyang na lhas 'dzin pa yin pa la rdog pa'i
'og tu

brdzis nas btsems/ zhal skyems pa la lhung bzed nam mkha' la
bzung na lhas bdud rtsi 'bul ba la chu rnyog pa can drangs/ ston
pas dka' zhing nye bar 'tshe ba'i tshe bslab pa'i gzhi bag yang
bya'o/ /zhes gsungs pas/ ji ltar byed ma zhus pas da lta mi
mthun pa byung/ bud med

dang khyim pa'i 'khor la gsang ba'i gnas sbubs su nub pa bstan
pa dang/ sku gser gyi mdog can khyim pa la bstan pas khyim pa'i
phyogs kyis ma rungs pa byas pa ste brgyad do/ /de nas kun dga'
bo bri dzi'i gnas su byon nas 'gro ba'i sgron me sangs rgyas ni
'das/ 'od srung

chen pos ni bskrad snyam nas/ sems khong du chud pa'i tshe/ rang
gi slob ma bri dzi'i bus/ gau ta ma khyod ni bag med ma mdzad
par/ /shing drung 'thebs por brten na mya ngan 'das/ /thugs la
zhog pa zhi gnas mdzod cig dang/ /myur du zhi ba'i gnas ni thob
par 'gyur/ /zhes bskul

ba la brten nas dben pa'i gnas su bsgoms pas dgra bcom pa'i
'bras bu thob ste/ 'od srung chen pos nyes pa brgyad bstan pa
yang thugs brtse bas yin par dgongs nas rgyal po'i khab tu byon
pas 'od srung chen pos shin tu legs so/ /zhes gsungs nas dgra
bcom pa

@009a @#/ /lnga brgya tshang bar gyur to/ /de nas snam sbyar lnga
brgyar gcig gis ma tshang ba'i steng du/ nye ba 'khor gsol gnyis
kyi las kyis bskos pa bzhugs te/ dang por gleng gzhi bar du
'brel dang 'tshams sbyar/ mthar 'khor dus tshul dang rjes su

yi rangs bcug nas 'dul ba'i sde snod rgyal bas ji ltar gsungs pa
bzhin sgro skur med par thugs nas tshar gcig gsungs/ de nas kun
dga' bo bskos nas sngar bzhin mdo sde'i sde snod bsdus/ de nas
'od srung chen po bsko mkhan med par rang gi 'dzegs te

sngar bzhin mngon pa'i sde snod bsdus so/ /gnyis pa ni/ bsdu ba
dang po mdzad nas lo brgya dang bcu 'das pa'i dus su/ rgyal po
d+ha rma a shA kas sbyin bdag mdzad nas yangs pa can gyi grong
khyer du grags pa la sogs pa dgra bcom pa bdun brgyas bka' bsdu
gnyis pa

mdzad/ de'i dgos pa ni 'dul ba'i lag len mi rung ba'i gzhi bcu
sun phyung nas 'dul ba'i bstan pa rnam dag tu sgrub pa'i ched du
yin la/ de yang dgra bcom pa bdun brgyar gcig gis ma tshang ba'i
tshe 'phags pa zla gur lhas bskul nas der byon pas bdun brgya

tshang bar gyur to/ /mi rung ba'i bzhi bcu yang yod de/ 'dul ba
dang 'gal ba'i spyod pa byas nas/ hu lu hu lu zhes brjod cing
thal mo brdabs pas 'dag par 'dod pa dang/ bya ba ma yin pa'i
spyod pa byas nas/ chos ldan gyi gang zag gzhan la rjes su yi
rangs

byas pas 'dag par 'dod pa dang/ sa 'di la kun spyod pas dge
slong gis brkos kyang ltung ba med par 'dod pa dang nad pas
chang 'thung ba la ltung ba med par 'dod pa dang/ dus rung gi
kha zas lan tsha dang lhan cig tu phyi dro long spyad pas ltung
ba med pa 'dod pa dang/ yang yang za ba la dpag tshad phyed 'gro
mi dgos

par rgyad grags gcig phyin pas chog par 'dod pa dang/ spangs pa
za bal lhag por mi dgos par sor mo gnyis kyis ri mo gtod pas
chog pa dang/ phyi dro zho dang 'o ma dkrugs nas btubs pa la
nyes pa med pa dang/ gding ba gsar ba rnyed pa la rnyid pa nas
mtho gang

@009b glan mi dgos pa dang/ bsnyen par ma rdzogs pa'i mgo thog
tu khri'u bzhag de'i steng du lhung bzed bzhag de'i nang du gser
la sogs pa'i rin chen bzhag nas blangs pa la rin po che la reg
pa'i ltung ba mi 'byung bar 'dod pa'o/ /gsum pa la sde ba bco
brgyad ji ltar byung

tshul/ bka' bsdu mdzad tshul dngos so/ /dang po la/ rtsa ba'i sde
ba bzhir gyis tshul/ de dag so so'i khyad chos so/ /dang po ni/
sangs rgyas zhal bzhugs pa'i dus su gzhi thams cad yod par smra
ba'i sde ba gcig pu yod pa la/ dge 'dun phal chen sde ba/ gnas
brtan pa'i

sde pa/ mang pos bkur ba'i sde ba bzhir gyis pa yin te/ 'od ng
las thams cad yod par smra ba de dag ni gzhi dang 'dra ba yin
te/ legs par sbyar ba'i skad du tha snyad brjod pa'i phyir ro/
/zhes sogs gsungs pa'i phyir/ gnyis pa la bzhi yod pa las/ dang
po ni/ sde ba gzhan

rnams gyis pa'i gzhi yin pa dang dus gsum rdzas yod du smra bas
na gzhi thams cad yod par smra ba zhes bya la/ mkhan rgyud ni
rgyal po'i rigs las rab tu byung ba bslab pa la gus pa'i mchog
tu lung bstan pa/ sras sgra gcan 'dzin gyi mkhan rgyud/ snam
sbyar snam phran nyer lnga man

chad/ dgu yan chad byed cing/ grwa'i rtags padma/ 'khor lo/ /rin
po che 'bri bar bzhed la/ so thar gyi mdo legs sbyar gyi skad du
'don pa/ byin len lag pa bkan te byed pa/ nub lhag nyal khru
phyed dang dgus bar du chod na thub par bzhed cing/ de las gyes
pa bdun yod de/ gzhi

kun sde pa/ slob dpon 'od srung gi rjes su 'bring ba'i sde ba/
slob dpon sa ston gi rjes su 'brang ba'i sde pa/ slob dpon chos
srung gi rjes su 'brang ba'i sde pa/ mang thos pa'i slob dpon
gyi rjes su 'brang ba'i sde pa/ gos dmar ba'i sde ba rnam par
phye ste smra ba'i sde ba rnams gyis pa'i

phyir/ slob dpon dul ba'i lhas sde ba'i tha snyad bstan pa/ bsu
ba las/ gzhi kun pa dang 'od srung ste/ /sa ston sde dang chos
srung sde/ /mang thos gos dmar slob ma'i sde/ /rnam par phye ste
smra ba'i ste/ /thams cad yod par smra ba yin/ /zhes gsungs pa'i
phyir/ gnyis pa phal chen ba ni/

@010a @#/ /'od srung chen po la sogs pa sngon gyi dge 'dun phal
che ba 'dus pas na/ phal chen sde ba zhes bya zhing/ de yang
bram ze'i rigs las rab tu byung ba sbyangs pa'i yon tan thams
cad kyi mchog tu lung bstan pa 'od srung chen po'i mkhan brgyud/
rnam phran

nam phran nyer gcig nas lnga' du ma gyur ba la byed cing/ grwa'i
rtags su dung la sogs pa 'bri/ sa thar gyi mdo bra kri ta ste
yul mi rang bzhin pa ma ga ta'i phal skad du 'don pa/ byin len
snod las byed pa/ yol bas mtshams chod na nub lhag thub par 'dod/
de las gyes pa lnga yod

de; shar ri la gnas ba'i sde ba/ nub ri la gnas ba'i sde ba/
gangs ri la gnas pa'i sde ba/ gangs ri la gnas pa'i sde ba/ 'jig
rten las 'das par smra ba'i sde ba/ rtag par smra ba'i sde ba
dang lnga yod pa'i phyir/ de nyid las shar nub rir gnas gangs
rir gnas/ 'jig rten 'das par smra ba'i sde/ rtag par smra ba'i
sde ba ste/ lnga tshan dge 'dun phal

chen sde/ zhes gsungs pa'i phyir/ gsum pa gnas brtan pa'i sde ba
ni gnas brten 'phags pa'i rigs yin par smra bas na gnas brtan
pa'i sde ba zhes bya la/ bram ze rigs las rab tu byung ba/ mtha'
khob 'dul ba'i mchog tu lung bstan pa/ 'phags pa tya na'i mkhan
rgyud/ rnam

phran lnga nas nyer gcig gi bar zung du ma gyur ba/ grwa rtags
dpal be'u la sogs pa la byed/ so thar gyi mdo bi shA tsi ste
sha za'i skad du smra ba/ nub lhag thag pas chod pa dang byin
len 'phrog thabs su byas pas chags par bzhed/ de las gyes pa
gsum yod de/ rgyal byed tshal na gnas pa'i

sde ba/ 'jigs med ri la gnas pa'i sde ba/ gtsug lag khang chen
pa na gnas pa'i sde ba ste gsum yod pa'i phyir te/ de nyid las/
rgyal byed tshal gnas 'jigs med gnas/ /gtsug lag khang chen gnas
brtan pa/ /zhes gsungs pa'i phyir/ bzhi pa mang bkur ba ni ser
skya'i

tshogs mang pos bkur ba'i slob dpon gyi rjes su 'brang bas na
mang pos bkur ba'i sde ba zhes bya la/ de yang 'breg mkhan gyi
rigs las rab tu byung ba 'dul ba 'dzin pa'i mchog tu lung is
tshul ni/ sngon tshe lo sum khri ba'am phran nyer gcig nas lnga'i
bar la

@010b byed cing/ gra'i rtags su dpal be'u 'bri/ so thar gyi mdo
a d+hI ? zur chag gi skad du 'don/ phyin len skyur thabs su
byed pa/ ri mos bar chod na nub lhag thub par bzhed/ /de las
gyes pa gsum yod de/ sa sgrogs ri la gnas pa'i sde pa/ slob dpon
srung ba ba'i rjes su

'brang ba'i sde ba/ gnas ma bu ba'i sde ba rnams yin pa'i phyir
te/ de nyid las/ sa sgrogs ri dang srung ba pa'i/ /gnas ma bu
ba'i sde rnams ni/ /kun gyis bkur ba rnam par gsum/ /zhes gsungs
pa'i phyir/ de rnams 'ga' zhig gnas kyi ming/ 'ga' zhig grub
mtha'i

ming/ 'ga' zhig gang gi rjes su 'brang ba'i slob dpon gyi sgo
nas ming btags pa yin te/ de nyid las/ yul don slob dpon bye
brag gis/ /tha dad rnam pa bco brgyad gsungs/ zhes gsungs pa'i
phyir/ gnyis pa bka' bsdu mdzad tshul dngos ni/ ston pa mya ngan
las

'das nas lo nyis brgya lon pa na rgyal po ka ni kas sbyin bdag
mdzad nas/ byang chub sems dpa' lnga brgya/ dgra bcom pa lnga
brgya/ so so'i skye bo'i panDi ta khri drug stong ste khri bdun
stong gis chos log sun byung ba dang sde pa bco brgyad bstan par
bsdu pa'i phyir du

rgyal po kri kri'i rmi lam lung bstan pa'i mdo drangs nas bka'
bsdu gsum pa mdzad pa yin te/ rtog 'bar ba nas/ ston pa mya ngan
las 'das nas lo brgya dang so bdun 'das pa na/ bdud sdig can gyi
sprul pa dge slong bzang po zhes bya bas chos log mang du bstan
pas/

de'i slob ma gnas brtan kla dang yid brtan gnyis kyis/ chos log
gi bstan pa dar bar byas pa'i rkyen gyis lo drug cu rtsa gsum du
sde ba bco brgyad phan tshun bstan pa yin min rtsod cing 'khrugs
long du gnas pa'i tshe bka' bsdu gsum pa mdzad pa'i phyir/ rgyal

po kri kra'i rmi lam rmis tshul ni/ sngon tshe lo sum khri ba'i
dus su sangs rgyas 'od srung 'jig rten du byon pa'i tshe/ rgyal
opo kri kri la rmi ltas bcu byung ste/ rgyal po de nyid la nang
ba sangs rgyas pa dang/ phyi rol ba'i mchod gnas gnyis yod pa
las/ rmi ltas

@011a @#/ /rnams phyi rol ba'i ston pa la zhus pas/ 'di ni rgyal
po grongs pa'am/ grongs pa la thug par 'gyur ba yin pas snying
dang 'dra ba gcig glud la gtong dgos zhes zer/ de yang rgyal
po'i bu mo gser 'phreng can zhes bya ba sangs rgyas ba la shin/

tu dad pa gcig yod pa de la snying nad bya bar bsams nas smras
pa yin no/ /de nas rgyal po thugs mi dga' bar 'dug pa la bu mos
dris pas sngar gyi rgyu mtshan rnams gsungs pas/ bu mo na re/ yab
rgyal po'i sku srog la phan na bdag 'gu ma pa bla mod kyi phyi
rol pa 'di

dag ma rig pa'i ling thog gi sems rgyud long bas ma 'ongs pa
lung ston pa'i mthu med/ yang dag par rdzogs pa'i sangs rgyas ni
shes bya thams cad la mngon sum gyi spyan dang ldan pa yin pas
de nyid la zhu rigs so zer/ rgyal pos de nyid 'thad gsungs nas
sangs

rgyas 'od srung la zhus pas/ 'di ni rgyal po 'khor bcas la ngan
pa cung zad tsam yang med kyi/ ma 'ongs pa na shAkya thub pa'i
bstan pa la nyan thos rnams kyi spyod tshul ngan pa sna tshogs
'byung ba'i rmi ltas yin no/ /zhes lung bstan to/ /ji ltar na
glang po che skar khung nas thon kyang

mjug ma la thogs ba ni/ dang po khyim nas khyim med par rab tu
byung yang/ gtsug lag khang la khyim gyi 'du shes spong mi nus
pa'i snga ltas so/ /glang po che phal pas spos kyi glang po che
skrod pa ni/ tshul khrims 'chal pa'i dge slong gis tshul khrims
rnam dag gi dge slong

gnas nas skrod pa'i snga ltas so/ /mi gtsang bas bsgos pa'i
spre'us spre'u gzhan la mi gtsang ba bskus pa ni/ tshul khrims
'chal pas tshul khrims dang ldan pa la nyes ba gleng ba'i snga
ltas so/ /spre'u gcig gis spre'u'i tshogs la dbang bskur byad pa
ni mkhan slob kyi mtshan nyid dang

mi ldan pas gzhan gyi mkhan slob byed par 'gyur ba'i snga ltas
so/ /tsan dan sprul gyi snying po dang shing phal pa mgo snyoms
pa ni sangs rgyas kyi bka' dang mu stegs can gyi gzhung mgo
snyoms pa'i snga ltas so/ /bye phye bre gang dang mu teg bre
gang ba gnyis brje ba ni zang zing gi ched du chos

@011b ston pa'i snga ltas so/ /gcug lag khang gi nye 'khor na
yod pa'i me tog dang 'bras bu rkun pos 'khyer ba ni/ dge 'dun
gyi yo byad kyis khyim pa gso ba'i snga ltas so/ /gtsang zhing
yid du 'ong ba'i chus skom ba'i mi'i rjes su bsnyegs kyang mi
'thung ba ni/ chos kyi tshig don gyis

phongs pa'i gang zag la chos bstan kyang don du mi gnyer ba'i
lnga ltas so/ /skye po mang po sde ris su bcad nas rtsod pa byed
pa ni/ rab tu byung ba rnams grub mtha'i dbang gis sde ris su
bcad nas chags sdang 'byung ba'i snga ltas so/ /ras yug kha tshar
ma nyams pa gcig la mi bco

brgyad kyis rtsod pa byas nas bgos pa'i tshe/ thams cad kyis ras
yug ma nyams re thob cing/ rtsa ba'i ras yug ma nyams par yod pa
ni shAkya thub pa'i bstan pa la sde pa bco brgyad 'byung zhing/
de thams cad rang rang gi lta spyod dang mthun par nyams su
blangs pas byang chub sgrub

nus shing/ rtsa ba'i byang chub sgrub pa'i lam ma nyams par yod
pa'i snga ltas yin no/ /zhes lung bstan to// //gnyis pa bye brag
tu bshad pa la/ mtshan gyi don dang/ 'gyur gyi phyag /gzhung gi
don/ mjug gi don no// //dang po ni/ rgya gar skad du/ bi na ya

sU tra/ bod skad du/ 'dul ba'i mdo/ /zhes pas 'chad/ 'di'i
skabs su/ 'dul ba'i don bshad pa dang/ mdo'i don bshad pa gnyis
las/ dang po ni/ 'dul ba de la/ sgras brjod rigs kyi sgo nas
dbyen gnyis yod de/ /brjod byed tshig gi 'dul ba dang/ brjod bya
don gyi

'dul ba dang gnyis su yod pa'i phyir/ dang po la/ 'dul ba'i bka'
dang/ 'dul ba'i bstan bcos gnyis las/ dang po la yang du ma yod
de/ rtsa ba'i lung so sor thar pa dang/ bshad ba'i lung sde bzhi
yod pa'i phyir/ lung sde bzhi yod de/ lung gzhi/ lung rnam
'byed/

lung phran tshegs/ lung dam pa 'am/ lung bla ma rnams su yod pa'i
phyir/ kha cig gis/ rtsa ba'i lung so sor thar ba de dgra bcom
pa chos kyi tshong dpon sogs kyis mdzad pa'i bstan bcos yin gyi/
bka' yin pa ni mi 'thad de/ 'di nyid las/ snyan pa'i ba dan 'jig

@012a @#/ /rten gsum na grags/ /dam pa'i chos sgra seng ge'i sgra
sgrogs pa/ /thams cad mkhyen pa dkon mchog mdzod brnyes pa'i/
/zhabs la tshang dbang gtsug gi nor bus gtugs/ /sdug bsngal rgya
mtsho gting mtha' med brgal pa'i/ /'gro ba'i

gtso la spyi bos phyag 'tshal te/ zhes bcom ldan 'das la dngos sa
mchod brjod mdzad pa'i phyir/ zhes zer na/ skyon med de/ de 'dra
ba de zhal nas gsungs pa'i bka' min kyang/ rjes su gnang ba'i
bka' yin pa'i phyir te/ de dang bar skabs kyi sndom chog

rnams bka' bsdu ba po rnams kyis bka' bzhin du bsdus pa yin pa'i
phyir/ gnyis pa la/ 'dul ba'i sde snod spyi'i dgongs 'grel gyi
bstan bcos dang/ so so'i dgongs 'grel gyi bstan bcos gnyis las/
dang po du ma yod de/ 'phags pa nyer sbas

sogs dgra bcom pa rnams kyis mdzad pa'i bye brag bshad mdzod
chen po'i nang tshan du gyur pa'i 'dul ba bye brag tu bshad pa
zhes bya ba dang/ de'i rjes su slob dpon yon tan 'od kyis mdzad
pa'i 'dul ba 'bum sde'i don thams cad phyogs gcig tu bsdus

nas ston pa 'dul ba mdo rtsa ba/ las brgya rtsa gcig gi cho ga
phyogs gcig tu bsdus nas ston pa karma sha taM/ dgra bcom pa sa
ga lhas mdzad pa'i 'dul ba me tog phreng rgyud/ slob dpon shA
kya 'od kyis mdzad pa'i dge tshul gyis bslab bya gtso bor ston
cing der

slong gi bslab bya zhar la ston pa 'dul ba sum brgya pa/ de'i
rang 'grel 'od ldan/ dar ma zad 'dul ba lnga bcu pa/ dge slong
gi lo dri ba/ dge tshul gyi lo dri ba rnams kyang/ 'dul ba'i sde
snod spyi'i dgongs 'grel gyi bstan bcos yin no/ /'o na 'dul ba
lnga bcu pa

de gang gis mdzad pa yin zhe na/ kha cig /mgon po klu sgrub kyis
mdzad zer/ kha cig /slob dpon shAkya 'od kyis mdzad zer/ kha
cig /slob dpon dul ba lhas mdzad zer/ kha cig /kha che 'dul
bzang gis mdzad zer/ de dag gi nang nas 'dul ba mdo rtsa ba 'di
nyid 'dul

@012b ba'i sde snod spyi'i dgongs 'grel gyi bstan bcos kun gyi
mchog yin te/ 'dis thams cad yod smra'i 'dul ba'i don thams cad
phyogs gcig tu bsdus nas ston/ lhag chad nor ba'i skyon dang
bral/ sngar bcas rjes bcas so sor byed/ /rung mthun sbyar dgos
pa

rnams rung mthun sbyar nas bstan pa'i phyir/ 'di la 'grel pa
yang du ma yod de/ slob dpon nyid kyis mdzad pa'i rang 'grel/
chos kyi bshes gnyen gyis mdzad pa'i rgya cher 'grel/ shes rab
byed pa'i 'grel chung gnyis rnams su yod pa'i phyir ro/ /gnyis

pa so so'i dgongs 'grel gyi bstan bcos la/ rtsa ba'i lung gi
dgongs 'grel gyi bstan bcos/ bshad pa'i lung gi dgongs 'grel gyi
bstan bcos gnyis las/ dang po la du ma yod de/ slob dpon dge
legs bshes gnyen gyis mdzad pa'i so sor thar pa'i tshig gi

'grel pa dga' ba rgyas pa zhes bya ba/ slob dpon dri med bshes
gnyen gyis mdzad pa'i 'dul ba bam po lnga bcu pa/ slob dpon dga'
ba'i bshes gnyen gyis mdzad pa'i so sor thar pa'i 'grel pa rnams
su yod pa'i phyir/ gnyis pa la du ma yod de/ dul

ba lhas mdzad pa'i lung gzhi'i 'grel pa/ dge legs bshes gnyen
gyis mdzad pa'i rnam 'byed kyi 'grel pa/ tshul khrims bskyangs
kyis mdzad pa'i lung phran tshegs kyi 'grel pa/ dge legs bshes
gnyen gyis mdzad pa'i gzhung dam pa'i 'grel ba

rnams su yod pa'i phyir/ /gnyis pa brjod bya don gyi 'dul ba yod
de/ spong bdun 'khor bcas kyi tshul khrims de brjod bya don gyi
'dul ba yin pa'i phyir/ 'di rnams la 'dul ba zhes brjod pa'i
rgyu mtshan ci yin zhe na/ rtsa ba'i lung so sor thar pa sogs
brjod

byed tshig yi 'dul ba rnams chos can/ khyod la 'dul ba zhes brjod
pa'i rgyu mtshan yod de/ khyod kyis bya ba dang bya ba ma yin pa
rnams ston pas slob ma rnams 'dul bar byed pa'i rgyu mtshan gyis
de ltar brjod pa'i phyir/ spong bdun 'khor bcas kyi tshul khrims
rnams

@013a @#/ /chos can/ khyod la 'dul ba zhes brjod pa'i rgyu mtshan
yod de/ khyod kyis nyon mongs pa 'dul zhing dbang po 'dul bar
byed pa'i rgyu mtshan gyis de ltar brjod pa'i phyir/ gnyis pa
mdo'i don bshad pa la/ bstan bcos 'di chos can/ khyod la

mdo zhes brjod pa'i rgyu mtshan yod de/ khyod kyis lung sde
bzhi'i don thams cad sdom pa ma thob pa 'thob par byed pa'i
thams/ thob pa mi nyams par srung bar byed pa'i thabs/ nyams na
phyir bcos pa'i thabs gsum du bsdus nas ston pa'i rgyu mtshan
gyis de

ltar brjod pa'i phyir/ gnyis pa 'gyur phyag la zhar byung bshad
pa dang/ 'gyur phyag dnges gnyis las/ dang po ni/ bam po zhes
pas 'chad/ gnyis pa ni/ thams cad mkhyen pa la phyag 'tshal lo/
/zhes pas 'chad/ gsum pa gzhung don la/ gzhan bstan bcos la

'jug pa'i yan lag dgos 'brel bshad pa dang/ bstan bcos dngos
bshad pa gnyis las/ dang po ni/ nges par 'byung ba tshul khrims
kyi dbang du byas te/ zhes pas 'chad/ 'di'i skabs su mtha' bcad
pa la/ dgag gzhag gnyis las/ dang po ni/ 'dod

pa'i sas bsdus kyi rnam par rig byed ma yin pa'i gzugs gang zhig
/'chal khrims kyi gnyen por gyur pa/ so thar gyi sdom pa'i mtshan
nyid zer na/ mi 'thad de/ so thar gyi sdom pa yin na/ rnam par
rig byed ma yin pa'i gzugs yin pas ma khyab pa'i phyir te/ de la

rnam par rig byed kyi gzugs dang rnam par rig byed ma yin pa'i
gzugs gnyis su yod pa'i phyir/ mdzod las/ 'chal pa'i tshul khrims
mi dge'i gzugs/ /de spong tshul khrims rnam gnyis so/ /zhes
gsungs pa'i phyir/ kha cig /'dod pa'i sas bsdus kyi tshul

khrims de de'i mtshan nyid zer na/ legs smon gyi tshul khrims chos
can/ mtshon bya der thal/ mtshan nyid de'i phyir te/ chos can de'i
phyir/ 'dod mi nus te/ nges 'byung gi bsam pas ma zin pa'i phyir
te/ chos can de'i phyir/ kha cig /'dod pa'i sas bsdus kyi tshul
khrims gang

@013b zhig nges 'byung gi bsam pas zin pa/ de'i mtshan nyid zer
na/ bar ma rab byung gi tshul khrims chos can/ mtshon bya der
thal/ mtshan nyid de'i phyir/ rtags gnyis ka grub ste/ chos can
de'i phyir/ 'dod mi nus te/ sdom pa ma yin pa'i phyir te/ chos
can de'i phyir/ gzhan yang/ so thar gyi sdom pa la

rigs brgyad du grangs ma nges par thal/ bar ma rab byung gi tshul
khrims so thar gyi sdom pa gang zhig de so thar rigs brgyad po
gang rung ma yin pa'i phyir/ 'dod mi nus te/ so sor thar ces bya
rnam brgyad/ /ces gsungs pa'i phyir/ kha cig /dge bsnyen yan
chad la pha ma gnyis su

phye nas/ bsnyen gnas la de gnyis su mi 'byed pa'i rgyu mtshan
yod de/ ma ning gi rten la bsnyen gnas kyi sdom pa gsar du skye
ba yod pa'i phyir/ de rgyud ldan gyi ma ning yod pa'i phyir/ zer
ba mi 'thad de/ de'i rten la so thar gyi sdom pa gsar du skye ba
med pa'i phyir te/ de so thar gyi sdom pa'i

zhing ma yin pa'i phyir/ za ma ma ning sgra mi snyan/ /mtshan
gnyis ma gtogs mi rnams la/ /zhes gsungs pa'i phyir/ gzhan yang/
de mi 'thad de/ /dge slong la de gnyis su 'byed mi rigs par
thal/ dge slong gi sdom pa rgyud ldan gyi ma

ning yod pa'i phyir te/ de rgyud ldan gyi nyams pa ma ning yod
pa'i phyir/ der thal/ de rgyud ldan gyi gang zag nyams pa ma
ning du 'gyur ba srid pa gang zhig /der gyur pa tsam gyis sdom
pa mi gtong ba'i phyir te/ mdo rtsa bar/ ma ning lnga bshad
pa'i rjes su 'di las tha ma ni nyes pa bsten na bsnyil

ba'o/ /zhes gsungs pa'i phyir/ kha cig /so thar gyi sdom pa la
rigs brgyad du gsungs pa ni dngos btags ma phye ba'i bshad pa
yin gyi/ de phye ba'i dbang du byas na rigs bdun du grangs nges
pa yin te/ dge slob ma'i sdom pa de so thar gyi sdom pa ma yin
pa'i phyir te/ lam sgron las/ so sor

thar pa rigs bdun gyi/ /zhes sogs gsungs pa'i phyir te/ de spong
ba bzhi'i sdom pa yang ma yin/ spong ba bdun gyi sdom pa yang ma
yin pa'i phyir te/ de dge tshul gyi sdom pa dang/ dge slong gi
sdom pa gang rung ma yin pa'i phyir/ zer na/ 'di la kha cig /de
spong ba bzhi'i sdom pa yin te/

@014a @#/ /de len pa'i tshe dge tshul ma'i rtsa ba bzhi spong bar
khas blangs pa'i steng du/ dge slob ma'i chos bcu gnyis la slob
par khas blangs pa de bsnan pas dge tshul ma'i sdom pa/ dge slob
ma'i sdom par gnas 'gyur ba yin pa'i phyir/ zhes zer/ dang po

mi 'thad de/ de so thar gyi sdom pa ma yin pa'i shes byed du lam
sgron gyi lung drangs pa 'brel med yin pa'i phyir te/ lam sgron
'grel par/ so thar rigs bdun 'dren pa'i tshe/ bsnyen gnas kyi
sdom pa ma ba bgrangs par gcig shos bgrangs pa'i phyir/ phyi ma
yang mi 'thad de/ shes bya

chos can/ dge slob ma'i rgyud la dge tshul ma'i sdom pa med par
thal/ dge tshul mas dge slob ma'i sdom pa blangs pa'i tshe dge
tshul ma'i sdom pa de dge slob ma'i sdom par gnas 'gyur ba yin
pa'i phyir/ 'dod na/ dge slob ma mtshan 'gyur nas dge tshul phar
gnas gyur ba zhig med

par thal lo/ /kho na re/ thun mong ma yin pa'i pham pa 'chab
bcas kyis nyams pa'i dge slong ma mtshan gyur ba'i tshe dge slong
rnam dag tu 'gyur ba ma yin par thal/ des nyams pa'i dge slong
ma'i rgyud la dge slong gi sdom pa rnam dag med pa'i phyir na mi
mtshungs/ 'dod mi nus te/ de

mtshan 'gyur ba'i gang zag gi rgyud la bsnyen rdzogs kyi sdom pa
rnam dag yod pa'i phyir/ gzhan yang/ dge slong ma'i rgyud la dge
tshul ma'i sdom pa med par thal/ dge slob ma la de'i phyir/ rtags
khas/ 'dod na/ dge slong gi rgyud la dge tshul gyi sdom pa med
par thal/ /

'dod na/ sdom pa gsum rgyud ldan gyi gang zag gzhi ma grub par
thal lo/ /kho na re/ dge slob ma'i sdom pa chos can/ ji srid
'tsho'i bar gyi sdom pa yin par thal/ so thar gyi sdom pa yin
pa'i phyir/ 'dod mi nus te/ lo gnyis kyi mtha' can gyi sdom pa
yin pa'i phyir/ gzhan C

yang; de chos can/ mtshan 'gyur bas mi gtod bar thal/ so thar gyi
sdom pa yin pa'i phyir/ 'dod na/ dge slob ma mtshan 'gyur ba'i
dge tshul gyi rgyud la dge slob ma'i sdom pa yang yod par thal
lo/ /gzhan yang/ bud med kyi rgyud la so thar gyi sdom pa rigs

@014b gcig nyid lan grangs du mar skye ba yod par thal/ de so
thar gyi sdom pa yin pa'i phyir/ gzhan yang de chos can/ khyod
kyi gtong rgyu yin na/ so thar gyi sdom pa'i gtong rgyu yin dgos
par thal/ khyod so thar gyi sdom pa yin pa'i phyir/ 'dod na/
skyes ba gzhan dang 'khrig pa bsten

par khas blangs pa de chos can/ der thal/ de'i phyir/ rtags grub
ste/ bsten pa'i phyir khas blangs pa ni bslab pa 'khrug par byed
pa nyid do/ /zhes gsungs pa'i phyir/ 'dod mi nus te/ de de'i
gtong rgyur lung tshad ldan gang las yang ma bshad pa'i phyir/
gzhan yang/ de'i rtsa ba'i

ltung ba yod par thal/ de so thar gyi sdom pa yin pa'i phyir/
'dod mi nus te/ 'dul ba las bshad pa'i rtsa ltung de la bzhi kho
nar grangs nges pa gang zhig dge slob ma'i sdom pa 'bogs pa'i
sbyor dngos rjes gsum gang du yang rtsa ba bzhi spong bar dngos
su khas ma blangs

pa'i phyir/ gzhan yang/ dge slob ma'i sdom pa las nyams pa'i
gang zag gi slar yang dge slob ma'i sdom pa blang mi rung bar
thal/ de so thar gyi sdom pa yin pa'i phyir/ 'dod mi nus te/ de
la de yang sbyin par bya ba nyid do/ /zhes gsungs pa'i phyir/
zhes zer ba mi 'thad de/

bsnyen gnas kyi sdom pa chos can/ dang po la/ der thal/ de'i
phyir/ 'dod mi nus te/ nyin zhag gcig gi sdom pa yin pa'i phyir/
shes bya chos can/ ji srid 'tsho dang nyin zhag tu/ /sdom pa yang
dag blang bar bya/ /zhes pa'i mdzod 'grel las/ rigs bdun ji srid
'tsho'i bar

dang bsnyen gnas kyi sdom pa nyin zhag gcig pa'i sdom par bshad
pa mi 'thad par thal/ dge slob ma'i sdom pa de ji srid 'tsho'i
bar gyi sdom pa ma yin pa'i phyir dang/ rgya cher 'grel las/ lo
gnyis nas gtong ba yang min la lo gnyis kyi bar du mi bsrung bar
bya ba yang ma yin

no; ;zhes gsungs pa mi 'thad par thal/ de lo gnyis nas gtong
ba'i phyir/ rtags khas/ gzhan yang/ dge slong ma mtshan 'gyur
pa'i dge slong gi rgyud la dge slong ma'i sdom pa yod par thal/
dge slong ma'i sdom pa de mtshan 'gyur bas mi gtong ba'i phyir/
khyab pa khas/

@015a @#/ /gzhan yang/ mtshan lan gnyis gyur zin pa'i dge slong gi
rgyud kyi dge slong gi sdom pa chos can/ mtshan 'gyur bas mi
gtong par thal/ so thar gyi sdom pa yin pa'i phyir/ khyab pa
khas/ 'dod na/ de 'dra ba'i dge slong chos can/ khyod kyi

rgyud kyi dag slong gi sdom pa de khyod mtshan 'gyur ba'i tshe
gtong bar thal/ khyod mtshan lan gnyis gyur ba'i dge slong gang
zhig mtshan lan gsum gyur ba so thar gyi sdom pa'i gtong rgyu yin
pa'i phyir/ shes bya chos can/ dge slong mas bslab pa phul nas

slar yang bsnyen par rdzogs pa mi srid par thal/ bud med kyi
rten la so thar gyi sdom pa gcig nyid lan grangs du mar skye ba
mi srid pa'i phyir/ rtags khas/ gzhan yang/ 'dul ba nas dge
slong ma la thun mong ma yin pa'i pham pa bzhi bshad pa mi 'thad
par thal/ 'dul

ba nas bshad pa'i rtsa ltung la bzhi kho nar grangs nges pa'i
phyir/ rtags khas/ gzhan yang/ dge bsnyen gyi sdom pa las nyams
pa'i gang zag gis slar yang dge bsnyen gyi sdom pa blang du mi
rung bar thal/ de so thar gyi sdom pa yin pa'i phyir/ 'dod mi
nus te/ dge bsnyen

gyi sdom pa brgyad pa las/ sdom pa slar yang blang bar bya/ zhes
gsungs pa'i phyir/ gzhan yang/ kun btus las/ so sor thar pa'i
sdom pas bsdus pa'i las gang zhe na/ rigs brgyad de/ dge slong
gi sdom pa dang/ dge slong ma'i sdom pa dang/ dge slong ma'i
sdom pa dang/

dge tshul gyi sdom pa dang/ dge tshul ma'i sdom pa dang/ dge
bsnyen gyi sdom pa dang/ dge bsnyen ma'i sdom pa dang/ bsnyen
gnas kyi sdom pa'o/ /zhes gsungs pa mi 'thad par thal/ dge slob
ma'i sdom pa de de ma yin pa'i phyir/ gzhan yang/ de dge tshul ma
dang dge slong

ma'i bar du sbyin par bya ba'i bslab tshigs ma yin par thal/ de
so thar gyi sdom pa ma yin pa'i phyir/ 'dod mi nus te/ bud med
la ni dge slob ma zhes bya ba'i tshigs gzhan yang yod do/ /zhes
gsungs pa'i phyir/ kho na re/ kun btus las/ zhi gnas gang zhe
na/ 'di

@015b lta ste/ nang nyid la sems 'jog pa dang/ rgyun tu 'jog pa
dang/ slan te 'jog pa dang/ nye bar 'jog pa dang/ dul bar byed
pa dang/ zhi bar byed pa dang/ rnam bar zhi bar byad pa dang/
rtse gcig tu byed pa dang/ mnyam par 'jog pa'o/ /zhes gsungs pa
mi 'thad par thal/ sems

gnas dgu zhi gnas ma yin pa'i phyir na mi mtshungs so/ /gzhan
yang/ tshang spyod nyer gnas kyi sdom pa de dge tshul ma'i sdom pa
dang dge slong ma'i sdom pa'i bar du sbyin par bya ba'i bslab
tshigs ma yin par thal/ de so thar gyi sdom pa ma yin pa'i phyir/
khyab pa khas/ 'dod mi nus

te; bud med la bslab tshigs drug dang/ skyes pa la bslab tshigs
bzhi'i rnam bzhag 'thad pa'i phyir na ma grub po/ /kha cig
/khyim pa'i rten la yod pa'i so thar gyi sdom pa gang zhig nyin
zhag gcig gi bar du spang bya brgyad spong bar khas len pa/
bsnyen gnas kyi sdom pa'i mtshan nyid/

khyim pa'i rten la yod pa'i rang bzhin gyi so thar gyi sdom pa
gang zhig ji srid 'tsho'i bar du spang bya lnga spong bar khas
len pa dge bsnyen gyi sdom pa'i mtshan nyid/ rab byung gi rten la
yod pa'i so thar gyi sdom pa gang zhig ji srid 'tsho'i bar du
spang bya bcu spong bar khas len pa dge tshul gyi sdom pa'i

mtshan nyid/ de gang zhig lo gnyis kyi bar du rtsa ba'i chos drug
dang rjes mthun gyi chos drug la slob par khas len pa/ dge slob
ma'i sdom pa'i mtshan nyid/ de gang zhig ji srid 'tsho'i bar du
gzhan gnod gzhi bcas mtha' dag spong bar khas len pa/ dge slong
gi sdom

pa'i mtshan nyid/ zer na/ dang po la/ snga dro bsnyen gnas kyi
sdom pa blangs nas phyi dro bsnyen par rdzogs ma thag pa'i dge
slong gi rgyud kyi bsnyen gnas kyi sdom pa chos can/ zur dang po
der thal/ mtshon bya de'i phyir/ der thal/ de'i rgyud la de yod
pa'i phyir te/ des de thob pa

gang zhig de la de'i gtong rgyu gang yang ma byung ba'i phyir/
'dod mi nus te/ dge slong gi rten la yod pa'i de yin pa'i phyir/
gsum pa la/ dge tshul gyi sdom pa yin na/ spang bya bcu spong bas
khyab par thal/ mtshan nyid de 'thad pa'i phyir/ 'dod na/ de yin
na/ mi tshangs

@016a @#/ /spyod spong bas khyab par thal lo/ /'dod na/ dge tshul
gyi rgyud kyi srog gcod spong ba'i spong ba chos can/ der thal/
de'i phyir/ 'dod mi nus te/ de'i rgyud kyi srog gcod spong ba'i
spong ba dang mi tshangs spyod spong ba'i spong ba gnyis rdzas
tha dad yin pa'i

phyir/ de gnyis lhan cig 'byung ba'i rgyu 'bras yin pa'i phyir
ro/ /khyab ste/ lhan cig 'byung gang phan tshun 'bras/ /zhes
gsungs pa'i phyir/ phyi ma la dge slong gi sdom pa yin na/ bcas
rang gi kha na ma tho ba'i nyes pa mtha' dag spong bas khyab par
thal/ de

yin na gzhan gnod gzhi dang bcas pa mtha' dag spong bas khyab
pa'i phyir/ rtags khas/ 'dod na/ de yin na/ ltung ba sde lnga
spong bas khyab par thal lo/ /'dod na/ lnga sde bsnyen par
rdzogs ma thag pa'i lnga sde'i rgyud kyi dge slong gi sdom pa
chos can/ der thal/ de'i phyir/

'dod na/ de ltung ba sde lnga'i bcas pa dang 'brel par thal lo/
/'dod na/ de'i dus su ltung ba sde lnga'i bcas pa mdzad zin par
thal lo/ /kho na re/ dge slong gi sdom pa la des ma khyab kyang
bcas ldan dge slong gi sdom pa la des khyab/ /zhes zer na/ ltung
ba sde lnga'i bcas

pa byung la ma rdzogs pa'i gnas skabs kyi dge slong gi sdom pa
chos can/ der thal/ de'i phyir/ 'dod na/ sngar bzhin/ /kha cig
/bcas pa yongs rdzogs kyi dge slong gi sdom pa la des khyab/
/zhes zer/ de la kha cig /ston pa shAkya thub pa'i rgyud kyi
dge slong gi sdom

pa chos can/ der thal/ de'i phyir/ 'dod mi nus te/ ltung ba sde
lnga spangs zin pa'i phyir/ zhes zer ba mi 'thad de/ de'i rgyud
la spong bdun 'khor bcas kyi tshul khrims med par thal/ de'i
rgyud la ltung ba sde lnga spong ba'i sdom pa med pa'i phyir/
rtags khas/

'dod mi nus te/ de'i rgyud la dge slong gi sdom pa yod pa'i
phyir/ kha cig /bye brag smra ba'i lugs la/ dge bsnyen/ dge
tshul/ dge slong gi sdom pa gsum rim gyis blangs pa'i gang zag gi
rgyud kyi sdom pa gsum rdzas tha dad yin la/ theg pa chen po'i

@016b lugs la de gsum rdzas gcig yin no/ /zhe na/ theg chen pa
gzhir zhog de gsum rdzas tha dad yin par thal/ de gsum rgyu
rkyen rdzas tha dad la snga phyi rims can du skyes pa'i phyir
te/ de gsum len pa'i cho ga dang/ spang bya spong tshul sogs la
mi 'dra ba'i khyad par

du ma yod pa'i phyir/ kho na re/ gang zag gci gi rgyud la spong
ba'i sems pa rigs mi mthun rdzas tha dad pa gsum cig car du skye
ba srid par thal/ de'i rgyud kyi srog gcod spong ba'i spong ba
gsum rdzas tha dad yin pa'i phyir te/ de'i rgyud kyi sdom pa
gsum rdzas

tha dad pa yin pa'i phyir/ 'dod na/ mdo las/ sems can rnams kyi
rnam par shes pa'i rgyun re re ba'o/ /zhes gsungs pa mi 'thad
par thal lo/ /zhe na ma khyab/ kha cig /dge slong pha ma'i sdom
pa rdzas tha dad yin la/ des dge tshul pha ma sogs la rigs

'gre'o/ /zhes gsung/ de la kha cig /dge slong ma mtshan 'gyur nas
dge slong du gyur pa'i tshan dge slong ma'i ming 'phos pa tsam
yin gyi/ sdom pa'i rdzas kyi ngo bo 'phos pa ma yin par thal/
dge slong pha ma'i sdom pa rdzas tha dad yin pa'i phyir/ 'dod

na/ mtshan las ming ni 'pho ba'i phyir/ /zhes gsungs pa mi 'thad
par thal lo/ /gzhan yang/ so thar gyi sdom pa de rdzas kyi sgo
nas bzhir 'du ba ma yin par thal/ dam bca' 'thad pa'i phyir/
'dod mi nus te/ rdzas su rnam pa bzhi yin no/ /zhes

gsungs pa'i phyir/ 'di la kha cig /dge slong ma mtshan 'gyur ba'i
dge slong gi sdom pa de yang dge slong ma'i sdom pa dang rdzas
gcig yin par thal/ dge slong pha ma'i sdom pa rdzas gcig yin
pa'i phyir/ 'dod mi nus te/ dge slong ma'i sdom pa de de'i skal
mnyam

gyi rgyu yin pa'i phyir te/ de nga'i rigs 'dra snga ma yin pa'i
phyir/ khyab ste/ skal mnyam rgyu ni 'dra'o/ /zhes gsungs pa'i
phyir/ gzhan yang/ dge slong pha ma'i sdom pa chos can/ rdzas
tha dad du yod par thal/ rdzas tha dad la snga phyi rim can du
skyes ba'i phyir/ gzhan

@017a @#/ /yang/ dge slob ma'i bslab pa phul nas dge tshul mar
gnas pa cig med par thal/ dge slob ma'i sdom pa dang/ dge tshul
ma'i sdom pa rdzas gcig yin pa'i phyir/ zhes gsungs/ kha cig
/nges 'byung gi tshul khrims yin na so thar gyi tshul

khrims yin dgos/ zer na/ lha'i bu'i rten la so thar gyi tshul
khrims gsar du skyes pa yod par thal/ de'i rten la nges 'byung
gi tshul khrims gsar du skyes pa yod pa'i phyir/ khyab pa khas/
der thal/ de la nges 'byung gi bsam pas zin pa'i de yod pa'i
phyir te/ de la byang

sems kyi sdom pa yod pa'i phyir/ rtsa bar 'dod na/ de la so thar
gyi sdom pa yod par thal lo/ /kha cig /so thar gyi tshul khrims
yin na/ so thar gyi sdom pa yin dgos/ zer na/ bar ma rab byung
gi tshul khrims chos can/ der thal/ de'i phyir te/ rab byung gi
tshul khrims yin

pa'i phyir/ kha cig /so thar gyi sdom par 'gyur ba la len du su/
nges 'byung gi bsam pas nges par zin mi dgos te/ lung gzhi las/
kun dba' bo'i tsha bo gnyis dang/ phran tshegs las/ mdzes dga'
dang/ rnam 'byed las/ 'char ka dang nye sde rnams kyi rgyud la
sdom pa

len dus su nges 'byung gi bsam pa med kyang sdom pa skyes par
bshad pa'i phyir/ de rnams kyi rgyud la de'i dus su de med de/
kun dga' bo'i tsha bo gnyis lto phyir rab tu byung/ 'char ka dang
mdzes dga' gnyis ston pa'i ngo ma ldog pa kho nas rab tu byung/
nye sde srog 'tsho ba'i

phyir du rab tu byung ba'i phyir zhes zer ba mi 'thad de/ so
thar gyi sdom pa len pa la mngon du phyogs pa'i kun dga' bo'i
tsha bo gnyis chos can/ khyod kyi rgyud la nges 'byung gi bsam pa
yod par thal/ khyod srid pa tha ma pa'i gang zag yin pa'i phyir/
gzhan yang/ lung

gzhi las/ 'char ka rang nyid dad pas kyang rab tu byung ngo/
/zhes dang/ phrags tshegs 'grel par/ bcom ldan 'das kyi zhabs
drung du nye bar 'khod pa na de'i sems 'dod chags kyi kun nas
bslang ba nye bar log pa dang dge ba'i sems mngon du gyur ba yin
pas

@017b dge ba'i sems dang sdom nga skye ba zhes bya ba la ni 'gal
ba yod pa ma yin no/ /zhes gsungs pa mi 'thad par thal/ 'char ka
dang mdzes dga' gnyis ston pa'i ngo ma ldog pa kho nas rab tu
byung ba'i phyir/ kho na re/ nges 'byung gi bsam brgyud ldan gyi
phyi rol ba yod par

thal/ so thar gyi sdom pa rgyud la skye ba la nges 'byung gi
bsam pas zin dgos pa gang zhig so thar gyi sdom pa rgyud la skye
kha ma'i phyi rol pa yod pa'i phyir/ dang po dngos/ gnyis pa der
thal/ dge bsnyen gyi sdom pa rgyud la skye kha ma'i de yod pa'i
phyir/ de dge bsnyen nyid

du byas pa'i mtha' can de la dge 'dun gyi las kyi gnas pa sbyin
la zla ba bzhir gnas par bya'o/ /zhes gsungs pa'i phyir na ma
khyab ste/ dkon mchog gsum la skyabs su song ba'i phyir rol pa
yod par thal/ skyabs 'gro rgyud ldan gyi de yod pa'i phyir/
khyab ste/

mdzod 'grel las/ skyabs su 'gro ba nyid ni sdom pa yang dag par
blangs pa thams cad la sgor gyur pa'o/ /zhes gsungs pa'i phyir/
gnyis pa rang lugs la/ spyi don/ tshig don/ 'phros don gsum las/
dang po la/ dgos 'brel gyi dbye ba/ phye ba so so'i rang bzhin/

dgos pa/ gzhung gi bstan tshul/ rtsod pa spong ba'o/ /dang po ni/
dgos 'brel la dbye na du ma yod de/ ngag tsam la yod pa'i dgos
sogs chos bzhi/ dgos 'brel ngag la yod pa'i de/ bstan bcos lus
la yod pa'i de rnams su yod pa'i phyir/ dang po

ngag tsam la yod pa ni/ bum par chu long zhig ces pa lta bu la
mtshon na/ ngag de'i dgos sogs chos bzhi yod de/ bum par chu len
pa de dag de'i brjod bya dang/ de la brten nas don go ba de dag
de'i dgos pa/ de la brten nas skyes bu don dang

phrad pa de ngag de'i nyid dgos/ de gsum phyi ma phyi ma snga ma
snga ma la rag las pa de de'i 'brel pa yin pa'i phyir/ dgos
'brel ngag la yod pa'i dgos sogs chos bzhi yod de/ bstan bcos
lus la yod pa'i dgos sogs chos bzhi de

@018a @#/ /de'i brjod bya/ de la brten nas bstan bcos lus la dgos
sogs chos bzhi yod par rtogs pa de de'i dgos pa/ de la brten nas
gdul bya bstan bcos la thos bsam gyis zhugs pa de de'i nyid
dgos/ de gsum phyi ma phyi ma

snga ma snga ma la rag las pa de de'i 'brel pa yin pa'i phyir/
bstan bcos lus kyi dgos sogs chos bzhi yod de/ lhag pa tshul
khrims kyi bslab pa de de'i brjod bya/ 'di la brten nas lhag pa
tshul khrims kyi bslab pa phyin ci ma log par rtogs pa de de'i
dgos pa/ lhag med myang 'das de de'i nyid dgos/ de gsum phyi ma
phyi ma snga ma snga ma la rag las pa de de'i 'brel pa yin pa'i
phyir/ gsum pa ni/ bstan bcos kyi dang por dgos 'brel gyi dag
bkod pa la dgos pa yod de/ gdul bya bstan bcos

la dgos sogs chos bzhi yod dam snyam pa'i don 'gyur gyi the tshom
bskyed pa'i sgo nas thos bsam gyis gzhug par bya ba'i ched yin
pa'i phyir/ de ltar yang rgya cher 'grel las/ 'di ltar rtogs pa
sngon du btang ba dag ni brjod par bya ba med

pa dang/ dgos pa med pa dang/ 'brel pa med pa'i tshig kyang khas
mi len na/ bstan bcos la sogs pa gzhan lta ci smos/ de bas na
'dul ba'i mdo 'di'i brjod par bya ba med pa'i dogs pa bsal ba'i
phyir brjod par bya ba bsnyad do/ /'bras

bu med par dogs pa bsal ba'i phyir dgos pa bsnyad do/ /thabs med
par dogs pa bsal ba'i phyir 'brel ba bsnyad do/ /'di'i don
bsgrub pa'i phyir dgos pa'i yang dgos pa bsnyad do/ /zhes gsungs
pa'i phyir/ bzhi pa ni/ gzhung 'dis

dgos sogs chos bzhi bstan na tshul ji ltar du bstan zhe na/ de
bstan pa yin te/ nges par 'byung ba zhes pas nyid dgos de dngos
su bstan/ tshul khrims kyi dbang du byas te zhes pas brjod bya de
dngos su bstan/ dgos pa dang 'brel pa shugs

@018b la bstan pa'i phyir/ lnga pa la/ brjod bya la rtsod pa
spang pa/ dgos pa la/ nyid dgos la/ 'brel pa la rtsod pa spang
ba'o/ /dang po ni/ kho na re/ bstan bcos 'dis lhag pa'i tshul
khrims kyi bslab pa brjod byar byed pa mi 'thad par thal/ 'dis
lhag pa

tshul khrims kyi bslab pa ngo bo'i sgo nas dngos su ma bstan pa'i
phyir/ 'dis lhag pa'i tshul khrims kyi bslab pa'i mtshan nyid dang
dbye ba sogs dngos su ma bstan pa'i phyir/ zhe na/ skyon med de/
'dis lhag pa'i tshul khrims kyi bslab pa ngo bo'i sgo

nas dngos su ma bstan kyang lhag pa'i tshul khrims kyi bslab pa
rgyas par dngos su bstan pa'i phyir/ 'dir sdom pa thams cad ma
thob pa 'thob par byed pa'i thabs/ thob pa mi nyams par srung
ba'i thabs/ nyams na phyir 'chos pa'i thabs rnams

dngos su rgyas par bstan pa'i phyir/ gnyis pa dgos pa la rtsod
spong ni/ kho na re/ bstan bcos 'dis lhag pa'i tshul khrims kyi
bslab pa 'dul ba lung sde bzhi nas 'byung ba ston nam/ mi 'byung
ba ston/ dang po ltar na/ 'di lung snga bzhi dang zlos skyon du
'gyur la/ gnyis pa ltar

na/ 'di bstan bcos rnam dag ma yin par thal lo/ /zhe na/ bstan
bcos 'dis lhag pa'i tshul khrims kyi bslab pa 'dul ba lung sde
bzhi nas 'byung ba ston kyang zlos skyon med de/ 'di brtsams pa
la dgos pa khyad par can yod pa'i phyir/ 'di

brtsams pa la ma rtogs pa rtogs pa'i dgos pa/ log rtogs sel ba'i
dgos pa/ mdor bsdus pa la dga' ba'i bsam ba skong ba'i dgos pa
rnams su yod pa'i phyir/ dang po grub ste/ rtsa 'grel du ma
rtogs pa rtogs pa'i dgos pa/ sngar bcas rjes bcas

sum rtogs pa rtogs pa'i dgos pa/ rung mthun du ma rtogs pa rtogs
pa'i dgos pa/ tshig gzhan gyis don gzhan bstan pa ma rtogs pa
rtogs pa'i dgos pa rnams su yod pa'i phyir/ dang po grub ste/
lung gzhi/ rnam 'byed/ phran tshegs/ zhu ba sogs go

@019a @#/ /rims 'khrugs pa lta bur snang ba las/ 'dir gzhi'i
skabs su/ dang por gzhi/ de rjes su phran tshogs de rjes su zhu
ba bstan pas/ gzhi rtsa ba phran tshogs 'grel ba/ zhu ba 'grel
bshad lta bur rtogs pa'i dgos pa yod pa'i phyir/ rnam 'byed

kyi skabs su dang por rnam 'byed/ de rjes phran tshogs/ de rjes
zhu ba sogs bstan pas/ rnam 'byed rtsa ba/ phran tshegs 'grel pa/
zhu ba 'grel bshad lta bur rtogs pa'i dgos pa yod pa'i phyir/
gnyis pa grub ste/ lung du/ sgrub pa'i rjes su sgrub pa/ gnang
ba'i rjes su

gnang ba/ dgag pa'i rjes su dgag pa bcas pa sogs zlos pa lta bu
dang/ sgrub pa dang gnang ba'i rjes su dgag pa/ dgag pa'i rjes
su sgrub pa dang gnang ba'i rjes su dgag pa/ dgag pa'i rjes su
sgrub pa dang gnang ba bcas pa sogs 'gal blta bur snang ba las/
'dir gtso che ba'i sgo nas bstan pa bde blag tu rtogs

pa'i dgos pa yod pa'i phyir/ dper na/ lung du/ dang por bran rab
tu byung ba gnang nas/ de la nyis dmigs 'ga' zhig gzigs nas
phyis bran rab tu byung ba bkag pa gnyis las/ phyi ma gtso cha
bas 'dir bran bkol ba dang sbyar nas bshad pa bzhin no/ /

gsum pa grub ste/ lung du/ chos la la gzhi gcig kho na dang
sbyar nas bshad kyang/ 'dir spyir bstan pas gzhi gzhan la sbyor
ba yang bde blag tu rtogs nus pa'i phyir/ dper na/ lung du/
bslab pa ma phul/ bslab pa nyams par ma byas par mi tshangs par
spyod pa

'khrig pa'i chos bstan na dge slong de yang pham par 'gyur pas
gnas par mi bya'o/ /zhes bslab pa ma phul ba mi tshangs spyod kho
na dang sbyar nas bshad kyang 'dir spyir bstan pas ma byin len
sogs dang sbyor ba bde blag tu rtogs nus pa bzhin no/ /bzhi pa
grub ste/ lung

du; khyams su rnal 'byor bsgom par mi bya'o/ /sgo khang dang/
gnas khang dang/ dgon par yang rnal 'byor bsgom par mi bya'o/
/zhes gsungs pa la/ de dag tu rnal 'byor mi bsgom na/ rnal 'byor
bsgom pa'i gnas gzhan mi rnyed pas/ de'i don slob dpon gyis
spyod yul

@019b du zhugs pas rnal 'byor bsgom par mi bya'o/ /rnam par
g.yeng bar byed pa dang/ gtum po dang/ gya tshom pa dag spang
bar rigs so/ /zhes mi mang po mngon par 'du ba'i khyams dang ca
co la sogs pa rnam par g.yeng ba yod pa'i gnas khang dang/ chom
rkun dang sengge la

sogs pa yod pa'i dgon pa dang/ kyal ka can la sogs pa gya tshom
pa yod pa'i sa phyogs su rnal 'byor bsgom par mi bya/ zhes pa'i
don du bstan pa lta bu/ gnyis pa log rtog sel ba'i dgos pa yod
de/ spyir mdo kun gyis log rtog sel ba yin la/ khyad par du sdom
pa ma thob

pa 'thob par byed pa'i skabs su/ gsol ba'i 'og tu yang rung ngo/
/zhes dang/ thob pa mi nyams par srung ba'i skabs su/ des phyi
snang byung snyam pa'i blo gros gang yin pa de ni bkur ba'i 'o/
/zhes dang/ nyams pa nyid 'chos pa'i skabs su/ /de kha cig ni
nan gyi tshul du bstan/ /de ni mi bzang ngo/ /

mdo sde dang 'gal ba'i phyir/ zhes gsungs pa rnams kyi log rtog
sel bar byed pa'i phyir/ gsum pa mdor bsdus la dga' ba'i bsam pa
skong ba'i dgos pa yod de/ dbang po rnon po tshig nyung dus don
rgya chen po rtogs par 'dod pa dang/ dbang po rtul po lung gi
tshig rgyas pa

'dzin mi nus pa rnams rjes su bzung ba'i phyir du/ 'dir tshig
nyung dus don tshang bar bstan pa'i phyir/ gsum pa nyid dgos la
ni/ kho na re/ lam zag med bstan bcos 'di'i nyid dgos yin nam
min/ yin na/ rgya cher 'grel las/ ci'i phyir zag pa med pa'i lam
mi

bzung zhe na gtso bo ma yin pa'i phyir/ zhes gsungs pa dang
'gal/ ma yin na/ phran tshegs 'grel par sdug bsngal la chos shes
pa'i bzod pa nas bzung ste/ phung po lhag ma med pa'i mya ngan
las 'das pa'i bar gang yin pa de ni dgos pa yin no/ /zhes pa
dang yang 'gal

lo zhe na/ skyon med de/ lung dang pos lam zag med mthar thug gi
nying dgos ma yin pa la dgongs/ lung gnyis pas de gnas skabs kyi
nying dgos yin pa la dgongs pa'i phyir/ bzhi pa 'brel ba la ni/
kho na re/ lhag med myang ngan las 'das pa bstan bcos

@020a @#/ /'di'i lus la de byung du 'brel par thal/ de 'di'i
nying dgos gang zhig de'i nying dgos dgos pa la 'brel/ dgos pa
bstan bcos 'di la 'brel ba'i 'brel pa de de byung 'brel du rgya
cher 'grel las gsungs pa'i phyir/ 'dod na/ lhag med mya

ngan las 'das pa de 'dus byas su thal lo zhe na/ skyon med de/
lhag med mya ngan las 'das pa dang/ lhag med myang 'das kyi thob
pa gnyis po 'di'i nyid dgos yin pas/ rgya cher 'grel las de ltar
gsungs pa de de'i thob pa la dgongs pa'i phyir/ gnyis pa tshig
don ni/ nges

par zhes pa'i sgra de don du ma la 'jug kyang/ 'dir ni gdon mi
za ba la 'jug la/ 'byung bzhes pa'i sgra yang du ma la 'jug
kyang/ 'dir ni thob pa la 'jug ste/ nges par zhes pa'i khyad par
gyi tshig dang 'brel ba'i phyir/ de don du ma la 'jug ste/ lam
dang/ rkang dang/ rta dang/

glang po che dang/ grong dang/ grong khyer sogs la yang 'jug
pa'i phyir te/ lam nas 'byung zhes pa dang/ rkang thang gis
'byung zhes pa dang/ rta dang grang po che'i gzhon pas 'byung/
zhes dang/ grong dang grong khyer nas 'byung zhes brjod pa
mthong pa'i phyir/ dbang du bya ba'i skad dong a

tha zhes pa don du ma la 'jug ste/ bkra shis pa 'di las yun ring
du 'tsho ba dang mthun pa brjod par bya'o/ /zhes bkra shis pa la
yang 'jug/ de nas bcom ldan 'das kyi zhes pa'i de nas zhes pa-I
tshig phrang la yang 'jug/ de ma thag so ma nyi thams cad rnam
par spangs te zhes

pa'i de ma thag pa la yang 'jug /sgra'i rjes su 'brang ba'i
dbang du byas te/ zhes pa'i dbang du byas pa la yang 'jug pa'i
phyir/ de rnams kyi nang nas 'dir ni phyi ma la 'jug ste/ myang
'das dang 'brel ba'i sgra yin pa'i phyir/ gzhung 'dis rtsom par
dam bca' ston te/ 'dis

nges par 'byung ba'i zhes pa nas/ phyi ma dang mthun la/ snga ma
dang 'gal ba ni rung ngo/ /zhes pa'i bar rnams lhag pa'i tshul
khrims kyi bslab pa'i dbang du byas nas bshad ces bstan pa'i
phyir/ de yang nges par 'byung ba/ zhes pa bshad pa'i gzhir
bzhag pa gang las na/ khams

@020b gsum gyi 'khor ba las so/ /gang du na/ thar ba myang 'das
su'o/ /gang gi stobs kyis ni/ tshul khrims rnam par dag pa
bsrungs ba'i stobs kyis so/ /tshul ji ltar na/ gdon mi za ba'am/
slar mi ldog pa'i tshul gyis so/ /ngag don ni/ thar ba 'dod ba
rnams kyis tshul khrims rnam

par dag pa bsrung dgos te/ thar pa myang 'das kyi go 'phang
'thob pa tshul khrims rnam par dag pa bsrungs pa la rag las pa'i
phyir/ gsum pa 'phros don la/ so thar gyi sdom pa'i ngo bo/
/mtshan nyid/ dbye ba/ bsdu ba/ gcig dang tha dad gang yin la
dpyad pa/ sgra bshad pa'o/ /

dang po ni/ so thar gyi sdom pa de shes bya gzhi lnga'i nang nas
snang ba gzugs kyi gzhi yin la/ de la rnam par rig byed kyi
gzhugs dang rnam par rig byed kyi gzugs ma yin pa gnyis su yod/
gnyis pa ni/ 'chal khrims kyi dngos kyi gnyen po byed pa'i rigs
su gnas pa'i chos

'di pa'i spong ba gzugs can pa gang zhig 'dod pa'i sas bsdus pa
de so thar gyi sdom pa'i mtshan nyid/ de la 'chal khrims kyi
gnyen po zhes pas mi dge ba gcod/ dngos kyi gnyen po zhes pas
dge ba bar ma rnams gcod/ chos 'di pa'i zhes pas phyi rol ba'i
rgyud la so

thar gyi sdom pa yod pa gcod/ spong ba zhes pa sdom pa'i ngo bo
yin la/ gzugs can ba zhes pas so thar gyi sdom pa shes pa yin pa
gcod/ /'dod pa'i sas bsdus pa zhes pas bsam gtan dang zag med
kyi sdom pa gcod par byed do/ /gsum pa ni/ /de la dbye na/

so thar rigs brgyad yod de/ bsnyen gnas kyi sdom pa/ dge bsnyen
pha ma'i sdom pa/ dge tshul pha ma'i sdom pa/ dge slob ma'i sdom
pa/ dge slong pha ma'i sdom pa rnams su yong pa'i phyir/ bzhi pa
ni/ rdzas kyi sgo nas bzhir 'du ste/ bsnyen gnas kyi sdom pa
rdzas gcig dge

bsnyen pha ma'i sdom pa rdzas gcig dge tshul pha ma'i sdom pa
dang/ dge slob ma'i sdom pa gnyis rdzas gcig /dge slong pha ma'i
sdom pa rdzas gcig yin pa'i phyir/ rten gyi sgo nas gnyis su 'du
ste/ dang po gsum khyim pa'i sdom pa dang/ tha ma lnga rab byung
gi sdom par 'du

@021a @#/ /ba'i phyir/ lnga pa ni/ dge bsnyen/ dge tshul/ dge tshul
dge slong gsum gyi sdom pa rim can du blangs pa'i gang zag gi
rgyud kyi sdom pa gsum po de rdzas gcig dang rdzas tha dad gang
yin zhe na/ rdzas tha dad yin te/ de gsum rdzas gcig yin na/ dge
slong

gi bslab pa phul nas dge tshul du gnas pa cig med par thal ba'i
skyon yod pa'i phyir/ drug pa ni/ so thar gyi sdom pa chos can/
khyod la tshul khrims zhes brjod pa'i rgyu mtshan yod de/ khyod
kyis nyon mongs pa'i gdub ba sel bar byed pa'i rgyu mtshan

gyis de ltar brjod pa'i phyir/ gnyis pa bstan bcos dngos bshad
pa la/ slob pa po'i rten gyi gang zag bshad pa/ des ji ltar
bslab pa'i rim pa bshad pa'o/ /dang po la/ gzhi'i skabs nas
'byung tshul bshad pa dang/ phran tshegs las 'byung ba dang zhu ba

nas 'byung ba gsum las/ /dang po ni/ sngon chog dang da ltar gyi
chog gnyis las/ dang po ni/ dge 'dun thams cad 'dus pa na cha
lugs 'di bzhin byas rgan rims la phyag 'tshal te/ thal mo sbyar/
tsog tsog bur 'dug cing gsol ba btab par gyur pa gsum

dang; gsol ba dang bzhi'i las kyis cig car rab tu 'byung ba
dang/ bsnyen par rdzogs pa nye bar bsgrub par gyur pa lta bu ni
sngon gyi cho ga'o/ /zhes pa'i skabs su dgag gzhag gnyis las/
dang po ni/ kha cig /sngon chog la bcu yod de/ ston pa sangs
rgyas dang

rang sangs rgyas rang byung gi sgo nas bsnyen par rdzogs/ lnga
sde bzang po ye shes khong chud kyis bsnyen par rdzogs/ 'od
srung chen po ston par khas blangs pas bsnyen par rdzogs/ grags
pa la sogs pa tshur shog gis bsnyen par rdzogs/ bzang sde'i tshogs

drug cu skyabs su 'gro bar khas blangs pas bsnyen par rdzogs/
legs sbyin dri bas ma nyes pas bsnyen par rdzogs/ skye dgu'i
bdag mo la sogs pa bud med lnga brgya lci ba'i chos brgyad spong
bar khas blangs pas bsnyen par rdzogs/ mchod sbyin ma 'phrin

@021b gyi sgo nas bsnyen par rdzogs/ yul dbus su bcu tshogs kyis
bsnyen par rdzogs/ mtha' 'khob tu lnga'i tshogs kyis bsnyen par
rdzogs pa rnams su yod pa'i phyir/ zhes zer na/ shes bya chos
can/ lnga sde bsnyen par rdzogs pa'i cho ga yod par thal/ de ye
shes khong chud

kyis bsnyen par rdzogs pa de sngon chog gi sgo nas bsnyen par
rdzogs pa yin pa'i phyir/ rtags khas/ 'dod na/ bden bzhi'i chos
kyi 'khor lo de de yin par thal lo/ /'dod na/ de chos can/ 'dul
ba'i sde snod yin par thal lo/ /'dod mi nus te/ mngon pa'i sde
snod yin

pa'i phyir te/ chos can de'i phyir/ gzhan yang/ 'phrin gyi sgo
nas bsnyen par rdzogs pa'i chog chos can/ sgrub byed mkhan po
lam brten par thal/ sngon chog yin pa'i phyir/ rtags khas/ 'dod
mi nus te/ 'grel chung las mkhan po las lung nod te phrin pas
'phrin dpag

po; ;zhes gsungs pa'i phyir/ gzhan yang/ de chos can/ skal pa
dang ldan pa'i gang zag la da ltar gyi dus su byar mi rung bar
thal/ sngon chog yin pa'i phyir/ 'dod mi nus te/ mdo rtsa las/
skal pa dang ldan pa'i rang bzhin can la mngags pa 'dra bas rab
tu 'byin du gzhug pa ni chog

ma yin pa ma yin no/ /zhes gsungs pa'i phyir/ gzhan yang de chos
can/ rab byung bsnyen rdzogs gyi sdom pa cig car du skye ba'i
chog yin par thal/ sngon chog yin pa'i phyir/ 'dod mi nus te/
mchod sbyin ma la rab byung dang bsnyen rdzogs kyi sdom pa rim
can du sbyin par

lung las bshad pa'i phyir/ gzhan yang/ yul dbus su bcu'i tshogs
dang mtha' 'khob tu lnga'i tshogs kyis bsnyen par rdzogs pa'i
chog chos can/ da ltar gyi chog bcas pa'i rjes su gnang ba'i
skabs mi srid par thal/ sngon chog yin pa'i phyir/ 'dod na/ da
ltar gyi bsnyen par rdzogs

pa'i cho gcig med par thal lo/ /gzhan yang/ sngon chog la lnga
tshogs dang bcu tshogs kyi dbye ba cig med par thal/ de la mtshams
nang de na gnas pa'i dge 'dun thams cad 'du dgos pa'i phyir te/
dge 'dun thams cad 'dus pa na/ zhes gsungs pa'i phyir/ gzhan
yang/

@022a @#/ /[@##line apparently missing this page] dkyil 'khor ba'i las la
brten nas bsnyen rdzogs kyi sdom pa skye ba'i sngon chog yod par
thal/ yul dbus su bcu tshogs dang mtha' 'khob tu lnga tshogs kyis
bsnyen par rdzogs pa'i cho ga de sngon chog yin pa'i phyir/ 'dod
mi nus te/ rgya cher 'grel

las; dge 'dun thams cad ces smos pa ni dkyil 'khor ba'i las la
brten nas bsnyen bar rdzogs pa dgag pa'i phyir/ zhec gsungs pa'i
phyir/ kha cig /sngon chog la brgyad yod de/ 'dren pa rang rgyal
rang byung tshul gcig dang/ ye shes khong chud tshur shog skyabs
'gro

dang; ;ston par khas blangs dri ma nyes lci chos spong/ /gsol
bzhi'i las kyi sngon chog dang ni brgyad/ /ces sbyar bar bya ba
yin no/ /zhes gsung ba mi 'thad de/ lci ba'i chos brgyad spong
bar khas blangs pa'i sgo nas bsnyen par rdzogs pa'i chog chos
can/ da ltar gyi cho ga bcas pa'i

rjes su gnang ba ma yin par thal/ sngon chog yin pa'i phyir/
'dod mi nus te/ kun dga' bo da ltar gyi chogs bsnyen par rdzogs
pa gang zhig kun dga' bos ngo chen mdzad nas skye dgu'i bdag mo
la sogs pa'i bud med lnga brgya lci ba'i chos brgyad spong bar
khas blangs pa'i

sgo nas bsnyen par rdzogs par lung las gsungs pa'i phyir/ dang
po grub ste/ 'od srung chen po kun dga' bo'i mkhan po yin par
bka' bsdu'i skabs las 'byung ba'i phyir/ tshur shog gi sgo nas
bsnyen par rdzogs pa'i chog la brgyad du 'byed pa mi 'thad par
thal/ sngon

chog yin na/ gsol bzhi'i las kyi sngon chog yin dgos pa'i phyir
te/ lta bu ni sngon gyi cho ga'o/ /zhes pa'i thad kyi rgya cher
'grel las/ sngon gyi chog ni rnam pa 'di lta bur rig par bya'o/
/rnam pa gzhan ni yod pa ma yin no/ /zhes gsungs pa'i phyir/ kho
na re/ rang gi 'grel

@022b par; sngon gyi cho ga ni nga ltar gyi chog las snga rol tu
'di lta bu'i rab tu dbye ba can/ zhes gsungs pa mi 'thad par
thal/ sngon chog la du mar dbye mi rigs pa'i phyir/ zhe na ma
khyab ste/ de ni sngon chog la sgras brjod rigs kyi sgo nas du
mar 'byed pa'i don yin pa'i phyir/

gzhan yang/ sangs rgyas dang rang sangs rgyas rang byung gi sgo
nas bsnyen par rdzogs pa'i cho ga yod par thal/ de 'dra'i cho ga
sngon chog yin pa'i phyir/ 'dod mi nus te/ de gnyis rang byung
gis bsnyen par rdzogs pa la dag gi rnam par rig phyed mi dgos
pa'i phyir/ kha cig /sngon

chog gnang ba'i dus yod de/ /ston pa sangs rgyas nas mya ngan
las ma 'das kyi bar du sngon chog gnang ba'i phyir zhes zer na/
de la kha cig /ston pa sangs ma rgyas pa'i snga rol du sngon
chog ma gnang bar thal/ dam bca' 'thad pa'i phyir/ 'dod na/ de'i
snga rol tu rang sangs

rgyas rang byung gis bsnyen par rdzogs pa ma yin par thal lo/
/des na/ kho rang gi lugs kyi sngon chog gnang ba'i dus yod de/
ston pa rab du byung ba nas mya ngan las ma 'das kyi bar du
sngon chog gnang ba'i phyir/ zhes zer na/ lugs gnyis ka mi 'thad
cing khyad par du

khas blangs phyi ma la nang 'gal yod de/ shes bya chos can/ ston
pa rab tu ma byung ba'i snga rol du sngon chog ma gnang bar
thal/ dam bca' 'thad pa'i phyir/ 'dod na/ de'i snga rol du rang
sangs rgyas rang byung gis bsnyen par rdzogs pa ma yin par thal/
'dod pa'i phyir/ 'khor gsum/ kha

cig ;ston pas sangs rgyas nas lo bcu gnyis kyi bar du sngon chog
kho na gsungs shing/ lo bcu gsum pa la da ltar gyi cho ga bcas
so/ /zhes zer ba de mi 'thad de/ ston pa sangs rgyas nas lo drug
gi dus su shA ri'i bus mkhan po mdzad nas 'char ka da ltar gyi
cho gas bsnyen

par rdzogs pa yin pa'i phyir/ de'i dus su yab sras 'jal ba'i
'phrin pa 'char ka yin par lung las gsungs pa gang zhig de'i dus
su 'char ka bsnyen par rdzogs zin pa'i phyir/ gnyis pa grub ste/
lung khri rkang gi gleng gzhi las 'char ka btsun mo rnams kyi
khyim du

@023a @#/ /bshos gsol pa na khri rkang chag pa la 'dug go /zhes
gsungs pa'i phyir/ kho na re/ 'char ka bsnyen par rdzogs pa'i
dus su ltung bar gyur pa'i chos bzhi brjod pa yod par thal/ de
da ltar gyi cho gas bsnyen pa rdzogs pa'i phyir/ 'dod

mi nus te/ de'i dus su pham pa bzhi'i bcas pa ma mdzad pa'i
phyir na/ rtsa bar ma khyab/ 'on kun dga' bo bsnyen par rdzogs
pa'i tshe pham par gyur pa'i chos bzhi brjod pa yod par thal/ de
da ltar gyi cho gas bsnyen par rdzogs pa'i phyir/ khyab pa khas/
'dod

mi nus te/ de'i dus su ma byin len gyi bslab pa bcas ma zin pa'i
phyir/ kha cig /gsol bzhi'i las kyi sngon chog de ston pa sangs
rgyas te ring por ma lon pa nas mya ngan las ma 'das kyi bar du
gnang ba yin/ zhes zer na/ de da ltar gyi cho ga bcas rjes su

yang gnang bar thal/ dam bca' 'thad pa'i phyir/ 'dod na/ de ston
pa'i bstan pa ji srid gnas kyi bar du yang gnang bar thal lo/
/'dod na/ da ltar gyi cho ga bcas pa la dgos pa med par thal lo/
/kha cig /'phrin gyi sgo nas bsnyen par rdzogs pa'i cho ga de

gsol bzhi'i las kyi sngon chog gi snga rol kho nar byung zhing/
de yang sgrub byed mkhan po la mi rten pa yin no/ /zhe na/ de
'dra'i cho ga de da ltar gyi cho ga bcas rjes su gnang ba ma yin
par thal/ de gsol bzhi'i las kyi sngon tshe ga gi snga rol kho
nar byung ba gang zhig

gsol bzhi'i las kyi sngon chog de da ltar gyi cho ga bcas rjes
su gnang ba'i skabs med pa'i phyir/ 'dod na/ rnam 'byed las/
skye dgu'i bdag mos mkhan mo mdzad nas u pa la'i mdog can da
ltar gyi cho gas bsnyen par rdzogs par gsungs pa dang/

phran tshogs las/ dge 'dun sde gnyis kyis uT pa la'i mdog can
phrin par mngags nas mchod sbyin ma 'phrin gyis go nas bsnyen
par rdzogs par gsungs pa mi 'thad par thal lo/ /lung de gnyis
kyis sgrub byed mkhan po la yang mi rten pa khegs so/ /kha cig /

@023b 'phrin chog ma gtogs lhag ma dgu po thams cad da ltar gyi
cho ga'i snga rol ston pa zhal bzhugs dus kho nar gnang/ zhes
zer ba mi 'thad de/ lci ba'i chos brgyad spong bar khas blangs
pa'i sgo nas bsnyen par rdzogs pa'i cho ga de da ltar gyi cho ga
bcas rjes su gnang

ba'i phyir/ kha cig /sngon chog gnang ba'i rten gyi gang zag de
la che de la mthong lam thob zin pa'am 'thob par nges pa gang
rung zhig dgos shig khyad par du rang byung bsnyen rdzogs ye
shes khong chud ston par khas blangs tshur shog lci ba'i chos
brgyad spong

bar khas blangs pa'i sgo nas bsnyen par rdzogs pa'i rten gyi
gang zag la srid ba tha ma pa cig nges par dgos zhes zer na/
shA ri'i bu chos can/ srid pa tha ma pa yin par thal/ tshur shog
gis bsnyen par rdzogs pa'i rten gyi gang zag yin pa'i phyir te/

mchog zung cig tshur shog gis bsnyen par rdzogs pa yin pa'i
phyir/ 'dod mi nus te/ dgra bcom yin pa'i phyir// //gnyis par
rang lugs la/ bsnyen par rdzogs tshul spyir bstan pa dang/ sngon
chog bye brag tu bshad pa gnyis las/ dang po ni/ bsnyen par

rdzogs tshul la bcu yod de/ sangs rgyas dang rang sangs rgyas
rang byung gis bsnyen par rdzogs/ lnga sde ye shes khong chud
kyis bsnyen par rdzogs/ 'od srung chen po ston par khas blangs
pa'i sgo nas bsnyen par rdzogs/ bzang sde'i tshogs drug cu skyabs
su 'gro bar khas blangs

pa'i sgo nas bsnyen par rdzogs/ shA ri'i bu la sogs pa tshur
shog gis go nas bsnyen par rdzogs/ legs sbyin dri bas mnyes pa'i
sgo nas bsnyen par rdzogs/ skye dgu'i bdag mo la sogs pa bud med
lnga brgya lci ba'i chos brgyad spong bar khas blangs pa'i sgo
nas bsnyen

par rdzogs/ mchod sbyin ma 'phrin gyi sgo nas bsnyen par rdzogs/
yul dbus su bcu tshogs kyi sgo nas bsnyen par rdzogs/ mtha' 'khob
tu lnga tshogs kyis bsnyen par rdzogs pa dang/ gsol bzhi'i las
kyi sngon chog la brten nas bsnyen par rdzogs pa rnams su

@024a @#/ /yod pa'i phyir/ gnyis pa sngon chog ji ltar bcas tshul/
sngon chog gi ngo bo sngon chog gnang ba'i rten gyi gang zag/
sngon chog dang da ltar gyi cho ga'i khyad bar/ da ltar gyi dus
su sngon chog la brten nas bsnyen rdzogs kyi sdom pa skye mi
skye la dbyad pa/ sgra

bshad pa dang drug las/ dang po ni/ sngon chog ji ltar bcas tshul
yod de/ ston pa sangs rgyas nas ring po ma lon pa na phal cher
tshur shog gis bsnyen par rdzogs par mdzad la/ de dus su dge
slong 'ga' zhig gi drung du rab byung bsnyen rdzogs kyi ched du
'ongs bston pa'i drung du

btang pas bar skabs su tshe'i bar chad du gyur pa la brten nas/
bcom ldan 'das kyis/ kye ma/ nga'i nyan thos thag ring po nas
'ongs pa dag sdug bsngal bar gyur to snyam du dgongs nas/ ded
phyin chad dge 'dun 'dus pas rab tu byung ba dang bsnyen par
rdzogs par

bya ba gnang/ /zhes sngon chog gnang ba'i phyir/ gnyis pa ni/
rab byung dang bsnyen rdzogs kyi sdom pa cig car du 'thob par
byed pa'i gsol bzhi'i las de sngon chog gi mtshan nyid/ gsum pa
ni/ sngon chog gnang ba'i rten gyi gang zag bzhag tu yod de/
smin pa gsum

shas che zhing sgrib pa gsum shas chung ba'i gang zag cig la
gnang ba'i phyir/ smin pa gsum ni rgyud smin pa/ shes rab smin
pa/ dbang po smin pa dang gsum la byed/ rgyud smin pa ni skye ba
snga ma rnams su lam la legs par sbyangs pa/ shes rab smin pa ni
de'i stobs

kyis skyes stobs kyi shes rab che ba/ dbang po smin pa ni de'i
dbang gis dang sogs kyi dbang po rno ba la byed do/ /sgrib pa
gsum ni/ rnam smin gyi sgrib pa/ las kyi sgrib pa/ nyon mongs
pa'i sgrib pa gsum la byed/ dang po ni/ ngan song ba'i rgyud kyi
khung kham skye mched lta bu/

gnyis pa ni/ mtshams med lnga/ pham pa bzhi/ chos spong gi las
lta bu/ gsum pa skabs 'di'i nyon mongs pa'i sgrib pa shas che ba
ni/ nyon mongs pa rgyun ring zhing gnyen po skye dka' ba la byed
kyi nyon mongs pa rno ba tsam mi byed de/ 'char ka sogs srid pa

@024b tham pa'i gang zag 'ga' zhig la yang nyon mongs pa rno
btsam yod pa'i phyir/ bzhi pa ni/ sngon cho ga dang da ltar gyi
cho ga la khyad par yod de/ gang las nod ba yul gyi khyad par
gang gis nod brten gyi khyad par/ ji ltar nod pa cho ga'i khyad
par/ yongs su rdzogs pa 'bras bu'i khyad

par rnams su yod pa'i phyir/ dang po grub ste/ da ltar gyi cho
ga la lnga tshogs dang bcu tshogs la sogs pa gsungs la/ sngon chog
la mtshams nang de na yod pa'i dge 'dun thams cad 'du dgos pa'i
phyir te/ dge 'dun thams cad 'dus pa na/ zhes gsungs pa'i phyir/

gnyis pa grub ste/ cha lugs kyi khyad par/ lus pas 'dud pa'i
khyad par/ spyod lam gyi khyad par/ gsol ba 'debs tshul gyi khyad
par rnams su yod pa'i phyir/ dang po yod de/ da ltar gyi cho ga
la chos gos gsum mkhan pos byin gyi brlabs te skon pa yin la/
sngon chog

la de mi dgos par bsgrub bya rang nyid kyis gyon pa nyan thos
kyi cha lugs bzhin du byas pas chog pa'i phyir te/ cha lugs 'di
bzhin byas/ zhes gsungs pa'i phyir/ gnyis pa yod de/ da ltar gyi
cho ga la phyag tshan lan bcu gcig dgos la/ sngon chog la de mi
dgos par

rgan rims la yan lag lnga sa la phab pa'i phyag tshan tshar gcig
gis chog pa'i phyir te/ rgan rims la phyag 'tshal/ zhes gsungs
pa'i phyir/ gsum pa yod de/ da ltar gyi cho ga la pha gu'i steng
du rtwa pa ting ba la rting pa gzar te 'dug pa sogs dgos la/
sngon chog

la stan med par thal ma sbyar tsog tsog por 'dug pas chog pa'i
phyir te/ thal mo sbyar tsog tsog por 'dug cig zhes gsungs pa'i
phyir/ bzhi pa yod de/ da ltar gyi cho ga la mkhan pos do chen
mdzad de/ las slob kyis brda sprad nas gsol ba 'debs pa yin la/
sngon

chog la bsgrub bya rang nyid kyis gsol ba lan gsum btab pas chog
pa'i phyir te/ gsol ba btab par gyur pa gsum dang/ zhes gsungs
pa'i phyir/ rtsa rtags gsum pa grub ste/ da ltar gyi chog la
'gal rkyen dang bral ba dang/ mthun rkyen tshang ba sogs brjod

@025a @#/ /dgos la sngon chog la de ltar mi dgos pa'i phyir/ bzhi
pa grub ste/ da ltar gyi cho ga la rab byung dang bsnyen rdzogs
rim gyis sgrub la/ sngon chog la de gcig car du sgrub par byed
pa'i phyir te/ gsol pa dang bzhi'i las kyis

gcig car rab tu 'byung ba dang/ bsnyen par rdzogs pa nye bar
bsgrub par gyur pa lta bu ni sngon gyi cho ga'o/ /zhes gsungs
pa'i phyir/ lnga pa da ltar dus su sngon cho ga la bsten rung mi
rung la dbyad pa ni/ da ltar gyi dus su gsol bzhi'i las kyi
sngon cho ga la

brten nas bsnyen par rdzogs par byar mi rung la/ gal te byas na
bsnyen rdzogs kyi sdom pa skye ba yod de/ da ltar gyi dus su
mkhan po med pa dang bar chad ma dris par bsnyen rdzogs kyi sdom
pa skye ba yod pa'i phyir/ drug pa ni/ ci'i phyir sngon chog ces
bya zhe

na; de ltar brjod pa'i rgyu mtshan yod de/ da ltar gyi cho ga'i
snga rol du byung ba'i cho ga yin pas na de ltar brjod pa'i
phyir/ ngag don ni/ sngon chog chos can/ khyad chos bzhi dang
ldan te/ gang la nod pa yul gyi khyad par/ gang gis nong brten
gyi khyad par/ ji

ltar nong ba cho ga'i khyad par/ yongs su rdzogs pa 'bras bu'i
khyad par dang ldan pa'i phyir/ kho na re/ sngon chog gi mtshan
nyid de mi 'thad par thal/ rab byung dang bsnyen rdzogs kyi sdom
ba cig car du thob par byed pa'i da ltar gyi cho ga yod pa'i
phyir te/

da ltar gyi cho ga la brten nas mkhan po med pa dang/ bar chad
ma dris par yang bsnyen rdzogs kyi sdom pa skye ba yod pa'i
phyir/ zer na ma khyab/ gzhan yang/ gsol bzhi'i las kyi sngon
chog gi nang tshan du gyur ba'i brjod pa dang po chos can/ gsol
bzhi'i las kyi sngon

cho ga yin par thal/ sngon chog yin pa'i phyir/ khyab pa khas/
der thal/ sngon chog gi mtshan nyid yod pa'i phyir/ rtsa bar 'dod
na/ de chos can/ khyod la gsol bzhi'i las tshang bar thal lo/
/gzhan yang/ sngon chog gi sbyor chog tshes can/ gsol bzhi'i las
yin a ba'

@25b  [@##data apparently missing this line] ar thal/ sngon chog yin
pa'i phyir te/ chos can de'i phyir na/ ma khyab/ kho na re/ da ltar
gyi chog bcas pa la dgos pa med par thal/ da ltar gyi dus su sngon
chog la brten nas bsnyen par rdzogs par byas na/ bsnyen rdzogs
kyi sdom pa skye ba'i phyir na ma khyab/ bud med

bsnyen par rdzogs pa'i chog bcas ba dgos pa med par thal/ skyes
pa bsnyen par rdzogs pa'i cho gas bud med bsnyen par rdzogs par
byas na bsnyen rdzogs kyi sdom pa skye ba'i phyir/ khyab pa
khas/ der thal/ dge slong dang dge slong ma nyid dag gis las
gzhan byed

pas ma yin no/ /zhes gsungs pa'i phyir/ kha cig /da ltar gyi dus
su dge slong bzhis las byas pa las bsnyen rdzogs kyi sdom pa
skye ba yod par thal/ da ltar gyi dus su sdom chog la brten nas
bsnyen rdzogs kyi sdom pa skye ba yod pa'i phyir/ 'di la kha cig
'dod de/ lung

zhu ba las/ dge slong lnga ma chis bzhin du bzhis bsnyen par
rdzogs na bsnyen par rdzogs zhes ba gyi'am ma rdzogs zhes bgyi/
uT pa'i/ rdzogs zhes bya ste/ bsnyen par rdzogs pa ni 'das pa
dang bcas pa'i phyir ro/ /zhes gsungs pa'i phyir/ zhes zer/ de
ni lung mdag pa yin

te; dag pa las dge slong lnga las lhag pa mchis bzhin du lngas
bsnyen par rdzogs na zhes sogs gsungs pa'i phyir// //gnyis pa da
ltar gyi cho ga bshad pa la/ sdom pa ma thob pa thob par byed
pa'i thabs/ thob pa mi nyams par srung ba'i thabs/ 'gal rkyen
bar

chad kyi mtshan nyid bshad pa'o/ /dang po la/ tshigs snga ma dge
tshul du sgrub pa'i cho ga dang/ tshigs phyi ma bsnyen rdzogs su
sgrub pa'i cho ga bshad pa'o/ /dang po la/ sbyor ba'i chog dang/
dngos bzhi'i cho ga bshad pa gnyis las/ dang po la/ rgyud phun
sum tshogs pa'i phyir du

mkhan po la brten dgos par bshad pa/ rgyud dag par bya ba'i
phyir du bar chad dris shing yongs su dag pa bzung ba/ bstan pa
la rim gyis bslab pa'i phyir du sdom pa gsum sbyin pa'i go rim
bsha29d pa/ rgyud snod rung du bya ba'i phyir du rab tu byung ba
dang bzhi las/ dang po ni/

@026a @#/ /rab tu 'byung ba dang bsnyen par rdzogs pa de'i phyir
dge slong 'ga' zhig la mkhan po nyid du gnas pa la'o/ /zhes pa'i
skabs su/ da ltar gyi cho ga bcas pa'i tshul/ bcas pa'i dus/
mtha' bcad gsum las/ dang po ni/ da ltar gyi cho ga bcas

pa'i tshul yod de/ sngon chog la brten nas bsnyen par rdzogs pa'i
dge slong 'ga' zhig chos gos legs par ma bgos/ rgyud legs par ma
sbyangs/ spyod lam rgod bag can du gyur pa dang/ nad pa 'ga'
zhig la nad g.yog med par gzigs nas/ bcom ldan 'das

kyis/ deng phyin chad nga'i nyan thos rnams gcig gis gcig bsdu
par bya ba dang/ nad pa rnams la rim gro bskyed pa'i phyir du/
mkhan po dang slob dpon dang bcas pas rab tu byung ba dang/
bsnyen par rdzogs par bya bar gnang ngo/ /zhes da ltar gyi cho
ga bcas pa'i phyir/ gnyis

pa ni/ kha cig /ston pa sangs rgyas nas lo bcu gsum pa la da
ltar gyi cho ga bcas pa yin te/ lo bcu gnyis kyi gong yan chad
du bstan pa la skyon med cing/ rma ma byung bas mi tshangs spyod
sogs kyi bslab pa ma bcas pa'i phyir/ zhes zer ba mi 'thad de/
ston pa sangs rgyas nas

lo drug pa'i dus su shA ri'i bus mkhan po mdzad nas 'char ka da
ltar gyi cho gas bsnyen par rdzogs par byas pa bsgrubs zin pa'i
phyir/ gsum pa ni/ kha cig /rab byung dang bsnyen rdzogs kyi
sdom pa skye ba la mkhan po nges par dgos zer ba mi rigs te/
sngon chog la bsten nas

de skye ba yod pa'i phyir te/ cig car rab tu 'byung ba dang/
/zhes gsungs pa'i phyir/ kha cig /da ltar gyi cho ga la brten
nas bsnyen rdzogs kyi sdom pa skye ba la mkhan po nges par dgos
zer ba mi 'thad de/ de la brten nas mkhan po med par yang de
skye ba yod pa'i phyir te/ de dang ldan

pa'i ltar mkhan po med pa nyid la yang ngo/ /zhes gsungs pa'i
phyir/ ngag don ni/ da ltar gyi cho ga la brten nas nyes med
phun tshogs kyi rab byung dang bsnyen rdzogs kyi sdom pa thob par
'dod pa'i gang zag chos can/ rang gi mkhan por 'os pa'i dge
slong la mkhan po nyid du gnas

@026b pa la brten dgos te/ chos can de yin pa'i phyir/ gnyis pa
ni/ dang po'i mkhan po nyid kyis bar chad dris nas yongs su dag
pa la skabs dbye'o/ /zhes pa'i skabs su/ kha cig /bsgrub bya yul
gyi dang po'i mkhan po yin na/ de'i mkhan po yin dgos zer na/
de'i mkhan po'i

sta gon la gnas pa'i dge slong chos can/ der thal/ de'i phyir
te/ chos can de'i phyir te/ 'dod na/ de chos can/ bsgrub bya yul
gyis gsol ba lan gsum btab pa'i mthar mkhan por khas blangs zin
po'i gang zag yin par thal lo/ /'dod mi nus te/ chos can

de'i phyir/ ngag don ni/ bsgrub bya yul gyi dang po'i mkhan po
chos can/ khyod kyi las su bya ba yod de/ bsgrub bya yul la sdom
pa skye ba dang/ gnas pa dang/ mdzes pa dang/ khyad par du gyur
pa'i bar chad dang ldan me ldan dris nas mi ldan par shes nas
kho bos khyod rab tu byung

ngo zhes skabs dbye bar bya ba yin pa'i phyir/ gsum pa ni/ dge
bsnyen nyid dang dge tshul nyid dang/ dge slong nyid dag gi snga
ma bsnyen par ma rdzogs pa la phyi ma mi bya'o/ /zhes pa'i skabs
su/ kha cig /da ltar gyi cho ga la brten nas dge bsnyen gyi sdom
pa dang dge tshul gyi sdom pa

sngon du ma song bar bsnyen rdzogs kyi sdom pa skye ba yod kyang
bar ma rab byung gi tshul khrims sngon du ma song ba de skye ba
med zha na/ 'o na/ de la brten nas mkhan po med par de skye ba
med par thal/ dam bca' 'thad pa gang zhig /de la brten nas bar
ma rab byung gi tshul khrims

skye ba la mkhan po nges par dgos pa'i phyir/ kha cig /bar ma
rab byung gi tshul khrims skye ba la mkhan po nges par dgos zer
ba mi 'thad de/ sngon chog la brten nas bar ma rab byung gi tshul
khrims skye ba yod pa'i phyir te/ cig car rab tu byung ba dang/
/zhes gsungs pa'i phyir/

byas pa la kho na re/ sngon chog la brten nas/ dge tshul dang
bsnyen rdzogs kyi sdom pa cig car du skye ba de de'i don yin zhe
na/ mi 'thad de/ dge tshul la sngon chog ma gsungs pa'i phyir/
kha cig /dge tshul la dge tshul zhes brjod pa'i rgyu mtshan yod de/
dge tshul gyi

@027a @#/ /skad dod shra ma Ner zhes pa/ mig mchi mas gang ba la
'jug la/ de mig mchi mas gang ba dang 'dra ba'i rgyu mtshan gyis
de ltar brjod pa'i phyir/ de de dang 'dra ste mig mchi mas gang
bas thag nye ba'i gzugc mthong yang/ thag reng ba'i gzugs

mi mthong ba bzhin du/ dge tshul gyis rang gi bslab bya'i gnas
ston pa'i 'dul ba'i sde snod nyan du rung yang/ dge slong gi de
nyan mi rung ba'i phyir/ zhes zer na/ lung las/ sde snod gsum la
mkhas pa'i dge tshul zhes bshad pa mi 'thad par thal/ dge tshul
gyis dge

slong gi bslab bya'i gnas ston pa'i 'dul ba'i sde snod nyan mi
rung ba'i phyir/ rtags khas/ kha cig /sna gcig spyod pa'i dge
bsnyen dang sna 'ga' spyod ba'i dge bsnyen sogs dge bsnyen mtshan
nyid pa yin zer na/ de chos can/ spang bya lnga spong ba'i sdom
pa la gnas pa'i

gang zag yin par thal/ dge bsnyen yin pa'i phyir/ khyab ste/
spang bya lnga brgyad bcu dang ni/ /thams cad spong bar nod pa
las/ /dge bsnyen dang ni bsnyen gnas dang/ /dge tshul phye dang
dge slong nyid/ /zhes gsungs pa'i phyir/ kho na re/ rab byung
yin na/ rab byung gi sdom pa rgyud ldan

yin dgos par thal/ dge bsnyen la de'i phyir na ma khyab ste/
gsal ba der thal/ dge tshul la de'i phyir/ khyab pa khas/ 'dod
na/ bar ma rab byung chos can/ der thal/ de'i phyir/ rtags grub
cing/ 'dod mi nus te/ chos can de'i phyir/ kha cig /bsnyen gnas
kyi

sdom pa dang dge bsnyen gyi sdom pa len pa'i yul la dge slong
yin pa gcig dgos zer na/ de mi dgos par thal/ khyim bdag mgon
med zas sbyin gyis rang gi 'khor rnams la zla ba byung ngo cog
gi nya stong brgyad gsum la bsnyen gnas kyi sdom pa 'bogs

par lung las bshad pa'i phyir/ rang lugs la/ tshigs snga ma sngon
du ma song bar phyi ma skye ba yod med la dpyad pa/ tshigs snga
ma sbyin pa'i mjug thogs de ma thag tu phyi ma sbyin rung mi
rung la dpyad pa/ sdom pa gsum la gnas pa'i gang zag gi rnam
bzhag bshad

@027b ba'o/ /dang po ni/ dge bsnyen gyi sdom pa dang dge tshul
gyi sdom pa sngon du ma song bar bsnyen rdzogs kyi sdom pa skye
ba yod de/ tshigs snga ma med pa la ni nyes byas tsam du zad do/
/zhes dang/ rgya cher 'grel las/ dge bsnyen gyi sdom pa med par
dge tshul gyi sdom pa yang dag par

blang du rung ba nyid yin la/ de bzhin du dge tshul gyi sdom pa
med par dge slong gi sdom pa yang dag par blangs na rung ba nyid
yin no/ /zhes dang/ lung las/ btsun pa/ khyim pa rab tu ma byung
ba gcig bsnyen par rdzogs nas bsnyen par rdzogs zhes pa gyi 'am/
ma rdzogs bzhes

bgyi/ nye bar 'khor/ rdzogs zhes bgyi ste/ zhes sogs gsungs pa'i
phyir/ gnyis pa ni/ dge bsnyen gyi sdom pa sbyin pa'i mjug thogs
de ma thag tu dge tshul dang/ dge tshul gyi sdom pa sbyin pa'i
mjug thogs de ma thag tu bsnyen rdzogs kyi sdom pa sbyin du rung
ngam mi rung

zhe na/ de rung ba yod de/ mu stegs can ma yin pa'i khyim pa lo
nyi shu lon pa de dge tshul du bsgrubs pa'i 'jug thogs de ma thag
tu dge slong du bsgrub rung ba'i phyir te/ phran tshegs las/ yo
byad drug tshang nas rab tu byung bar bya zhing bsnyen par rdzogs
par bya'o/ /

zhes gsungs pa'i phyir/ shAkya dang me pa ral pa can ma gtogs
pa'i sems mgu bar ma byas pa'i mu stags can rnams dge bsnyen du
bsgrubs pa'i mjug thogs de ma thag tu dge tshul bsgrub tu mi rung
ste/ de sangs rgyas kyi bstan pa la mgu ba brtag pa'i phyir du
dge

bsnyen du bsgrubs nas zla ba bzhir gnas dgos pa'i phyir te/ de
dge bsnyen nyid du byas pa'i mtha' can de la/ zhes sogs gsungs
pa'i phyir/ bud med la dge tshul gyi sdom pa sbyin pa'i mjug
thogs de ma thag tu bsnyen rdzogs kyi sdom pa sbyin du mi rung
ste/ de la

de gnyis kyi bar skabs su dge slob ma'i sdom pa sbyin dgos pa'i
phyir te/ bud med la ni dge slob ma zhes bya ba'i tshigs gzhan
yod do/ /zhes gsungs pa'i phyir/ de yang khyim so bzung ba'i bud
med la lo bcu lon pa'i tshe dge slob ma'i sdom pa blangs nas bcu
gnyis

@028a @#/ /lon pa na dge slong ma'i sdom pa len par byed pa yin
la/ khyim so ma bzung na bco brgyad lon pa'i tshe dge slob ma
dang nyi shu lon pa'i tshe dge slong ma'i sdom pa sbyin par bya
ba yin pa'i phyir te/ bud med bsnyen par rdzogs pa'i lo dang po
ni bcu gnyis/ /

zhes gsungs pa'i phyir/ gsum pa la/ rten gyi gang zag bshad pa
dang/ rgyud kyi tshul khrims bshad pa gnyis las/ dang po la gsum
las dang po dge bsnyen la/ mtshan nyid/ dbye ba/ sgra bshad pa'o/
/dang po ni/ ji srid 'tsho'i bar du spang bya'i gtso bo lnga
spong bas rab tu phye

ba'i sdom pa la gtso bor gnas pa'i gang zag dge bsnyen gyi mtshan
nyid/ gnyis pa ni/ de la rten gyi sgo nas pha ma gnyis yod do/
/spyir btang la/ dge bsnyen bdun gsungs te/ skyabs gsum 'dzin
pa'i/ sna gcig spyod pa'i/ sna 'ga' spyod pa'i/ phal cher spyod
pa'i/ yongs

rdzogs kyi/ tshangs spyod kyi/ go ma'i dge bsnyen rnams su gsungs
pa'i phyir/ dge bsnyen gyi ming can gang zhig ji srid 'tsho'i bar
du dkon mchog gsum la skyabs su 'gro bar khas len pa/ dang po'i
mtshan nyid/ de gang zhig /ji srid 'tsho'i bar du spang bya lnga'i
nang

nas sna gcig tsam spong bar khas len pa/ gnyis pa'i mtshan nyid/
de gang zhig de'i bar du de'i nang nas gnyis tsam spong bar khas
len pa/ gsum pa'i mtshan nyid/ de gang zhig de'i bar du de'i nang
nas gsum mam bzhi spong bar khas len pa de/ bzhi pa'i mtshan
nyid/

dge bsnyen gang zhig /de'i bar du spang bya'i gtso bo lnga spong
bar khas len pa/ lnga pa'i mtshan nyid/ de gang zhig de'i bar du
mi tshangs spyod spong bar khas len pa/ drug pa'i mtshan nyid/ dge
bsnyen gang zhig /de'i bar du bsnyen gnas kyi spangs bya brgyad
spong bar khas len pa'i

rab byung gi rtags can/ bdun pa'i mtshan nyid/ 'o na/ de rnams
kyi sdom pa thob tshul ji lta bu zhe na/ kha che bye brag smra ba
na re/ sdom pa len pa'i tshe spang bya lnga spong bar khas blangs
nas/ srung ba'i tshe ma byin len sogs gang yang rung pa gcig
bsrungs pas chog ces zer

@028b de ltar yang/ gal te thams cad sdom yin na/ /sna gcig
spyod sogs ji lta bu/ /de bsrungs ba la srung zhes grags/ /zhes
gsungs pa'i phyir/ de la mdo sde pa na re/ ston pas gdul bya
khrims 'chal la sbyor bar thal/ sdom pa len pa'i tshe spang bya
lnga spong bar khas blangs nas srung ba'i tshe ma

byin len sogs gang yang rung ba gcig bsrungs pas chog par bka'
stsal pa'i phyir zer na/ de la bye brag smra ba na re/ ston pas
gdul bya khrims 'chal la sbyar bar thal/ dbyar khas len pa'i tshe
zla ba gsum gnas par khas blangs nas gso sbyong gnyis sam gsum

song nas dgag dbye byas chog par bka' stsal ba'i phyir zhe na/
mi mtshungs te/ dge tshul gyi sdom pa len pa'i tshe spang bya bcu
spang bar khas blangs nas bsrung pa na sna gcig gam gnyis bsrung
bar gnang bas gdul bya khrims 'chal la sbyar ba'i nye bar mi
'gyur bar thal/

dbyar khas len la de'i phyir/ rtags khas/ gsum pa ni/ dge bsnyen
zhes brjod pa'i rgyu mtshan yod de/ dge ba myang 'das la bsnyen
pa ste nye ba'i rgyu mtshan gyis de ltar brjod pa'i phyir/ gnyis
pa dge tshul la gsum las/ dang po ni/ ji srid 'tsho'i bar du spang
bya gtso bo

bcu spong ba'i sdom pa la gtso bor gnas pa'i gang zag de dge
tshul gyi mtshan nyid/ /gnyis pa ni/ de la rten gyi sgo nas pha ma
gnyis yod/ gsum pa ni/ dge tshul gyi skad dod sha ma Ne ra zhes
pa ngal ba la 'jug pa ltar na dge tshul zhes brjod pa'i rgyu
mtshan yod de/ rang gi bla ma'i

bya ba la ngal zhing dub bar byed pa'i rgyu mtshan gyis de ltar
brjod pa'i phyir/ gsum pa dge slong la gsum las/ dang po ni/
spong bdun 'khor bcas kyi tshul khrims la gtso bor gnas pa'i gang
zag dge slong gi mtshan nyid/ gnyis pa ni/ de la rten gyi sgo nas
pha ma

gnyis yod/ sgras brjod rigs kyi sgo nas ming gi dge slong/ khas
che ba'i dge slong/ slong ba'i dge slong/ nyon mongs bcom pa'i
dge slong/ gsol bzhi'i las kyis bsnyen par rdzogs pa'i dge slong
dang lnga yod/ gsum pa ni/ dge slong zhes brjod pa'i rgyu

@029a @#/ /mtshan yod de/ dge ba slong ba de 'tshol bar byed pa'i
rgyu mtshan gyi de ltar brjod pa'i phyir/ gnyis pa la gsum las/
dang po ni/ khyim pa'i sdom pa gang zhig /ji srid 'tsho'i bar du
spang bya'i gtso bo lnga spong bar khas blangs pa la brten nas
thob

pa; dge bsnyen gyi sdom pa'i mtshan nyid/ dbye na dge bsnyen pha
ma'i sdom pa gnyis/ gnyis pa ni/ rab byung gi sdom pa gang zhig
/de'i bar du spang bya'i gtso bo bcu spong bar khas blangs pa la
brten nas thob pa/ dge tshul gyi sdom pa'i mtshan nyid/ dbye na/
pha ma'i
 
de gnyis/ gsum pa ni/ de gang zhig /de'i bar du gzhan gnod bzhi
bcas mtha' dag spong bar khas blangs pa la brten nas thob pa'i
rigs su gnas pas rab tu phye ba/ dge slong gi sdom pa'i mtshan
nyid/ dbye na/ dge slong pha ma'i sdom pa gnyis yod do// ngag
don ni/ da ltar gyi cho ga la bsten nas dge bsnyen gyi sdom pa
dang dge tshul gyi sdom pa sngon du ma song bar bsnyen rdzogs kyi
sdom pa blang bar bya ba ma yin te/ de ltar byar mi rung ba'i
phyir/ skyabs su 'gro ba khas blangs pa'i tshig rtsom pa dang dge
bsnyen nyid dang dge tshul

nyid du khas blangs pa'i tshig bya'o/ /zhes pa'i skabs su/ kha
cig /gzugs sku de la gnyis su yod de/ rtsa ba'i gzugs sku rgyal
ba shAkya thub pa lta bu dang des sprul sku gnyis su yod pa'i
phyir/ gzugs sku sangs rgyas yin te/ gzugs sku'i rgyud kyi zad
mi skye

shes pa'i ye shes de rang rgyud ldan gyi gang zag sangs rgyas su
byed pa'i byed chos yin pa'i phyir te/ gang zhig gsum la skyabs
'gro ba/ /sangs rgyas dge 'dun byed pa'i chos/ /mi slob pa dang
gnyis ga dang/ /mya ngan 'das la skyabs su 'gro /zhes gsungs/

gzugs sku gnyis chos can/ skyabs yul du gyur pa'i sangs rgyas
dkon mchog ma yin te/ rnam smin gyi phung po gang zhig zag bcas
yin pa'i phyir/ dang po grub ste/ so so'i skye bo'i phung po'i
rgyun yin pa'i phyir/ gnyis pa grub ste/ lam bden las

@029b gzhan pa'i 'dus bya yin pa'i phyir/ khyab ste/ lam ma
gtegs pa'i 'dus byas rnams/ /zag bcas/ zhes gsungs pa'i phyir/
zhes zer ba mi 'thad de/ shes bya chos can/ dge tshul gyi sdom pa
ster ba'i che/ rkang gnyis rnams kyi mchog /sangs rgyas la

skyabs su mchi'o/ /zhes sogs kyis skyabs 'gro rtsom byed du byas
nas ster ba mi 'thad par thal/ rgyal ba shAkya thub pa de
skyabs yul du gyur pa'i sangs rgyas dkon mchog ma yin pa'i
phyir/ rtags khas/ kha cig /gzugs sku sangs rgyas su thal/ rgyal

ba shAkya thub pa sangs rgyas gang zhig /de gzugs sku yin pa'i
phyir/ gnyis pa ma grub na/ de chos can/ der thal/ mchog gi
sprul sku yin pa'i phyir/ de der thal/ mchog gi sprul sku cig
yod pa'i phyir te/ sprul sku yod pa'i phyir na ma khyab/ zer ba
mi 'thad de/ rgyal ba shAkya

thub pa chos can/ sprul sku ma yin par thal/ rten de la gsar du
sangs rgyas pa'i sangs rgyas yin pa'i phyir/ gzhan yang/ gzugs
sku sangs rgyas ma yin par thal/ rgyal ba shAkya thub pa'i
gzugs phung sangs rgyas ma yin pa'i phyir te/ de sdug bden yin
pa'i phyir/

kho na re/ de bzhin gshegs pa'i sku la ngan sems kyis khrag
phyung ba'i mtshams med kyi las mi srid par thal/ gzugs sku sangs
rgyas ma yin pa gang zhig /chos sku la sus kyang khrag 'byin mi
rung ba'i phyir/ zhe na/ chos mngon pa me la bsregs pa'i chos

spong mi dge ba'i las mi srid par thal/ brdar brtags pa'i chos
mngon pa ni chos mngon pa ma yin/ don dam pa'i chos mngon pa sus
kyang mer bsreg mi nus pa'i phyir/ khyab pa khas/ cig cig /rgyal
ba shAkya thub pa sangs rgyas ma yin zer ba mi 'thad de/ de
chos

can/ sangs rgyas su thal/ sangs rgyas 'phags pa yin pa'i phyir/
de der thal/ de'i mtshan gzhi cig yod pa'i phyir/ gzhan yang/ de
sangs rgyas su thal/ de mngon par rdzogs par sangs rgyas pa'i
phyir/ ston pa sangs rgyas nas lo drug pa la da ltar gyi cho ga

@030a @#/ /bcas pa'i phyir/ gzhan yang/ lung las/ sangs rgyas la
sogs pa'i dge slong gi dge 'dun/ zhes gsungs pa mi 'thad par
thal/ dam bca' 'thad pa'i phyir/ gzhan yang/ sangs rgyas rang
byung gis bsnyen par rdzogs pa ma yin par thal/ rang byung

gi bsnyen par rdzogs pa'i sangs rgyas med pa'i phyir/ gzhan
yang/ rgyal ba shAkya thub pa de gang zag ma yin par thal/ de
sangs rgyas kyang ma yin/ sems can yang ma yin pa'i phyir/ kha
cig /nyan thos mthong lam pa'i rgyud kyi zad mi skye shes pa'i
ye shes dang/ nyan

thos dgra bcom pa'i rgyud kyi zad mi skye shes pa'i ye shes dge
'dun dkon mchog yin gyi/ nyan thos dgra bcom dang de gnyis de ma
yin/ zhe na/ shes bya chos can/ nyan thos dgra bcom pa dge 'dun
dkon mchog yin par thal/ de'i rgyud kyi zad mi skye shes pa'i ye
shes

de rang rgyud ldan gyi gang zag dge 'dun dkon mchog tu byed pa'i
byed chos yin pa'i phyir te/ sangs rgyas dge 'dun byed pa'i
chos/ zhes gsungs pa'i phyir/ gzhan yang/ tshul khrims dang ldan
pa'i dge slong bzhi tshogs pa la dge 'dun du 'jog pa ma yin par
thal/

dge 'dun dang gang zag gi gzhi mthun med pa'i phyir te/ nyan
thos dgra bcom pa dang nyan thos mthong lam pa gnyis dge 'dun
dkon mchog ma yin pa'i phyir/ ngag don ni/ dge bsnyen gyi sdom
pa dang dge tshul gyi sdom pa sbyin pa'i tshul yod de/ skyabs 'gro
rtsom byed du byas

te sbyin par bya ba yin pa'i phyir/ bzhi pa rgyud snod rung du
sgrub pa'i phyir du rab tu byung ba la/ sbyor ba'i chog dang/
dngos gzhi'i cho ga'o/ /dang po ni/ rang gis dge bsnyen nyid du
nye bar bsgrubs nas/ dge 'dun la zhu ba'i dge slong la gtad par
bya'o/ /zhes gsungs pa'i phyir

gnyis pa ni/ skyabs su 'gro ba rtsom pas rab tu byung ba nye bar
bsgrub par bya'o/ /zhes pas 'chad/ 'di'i skabs su/ kha cig /rab
byung gang zhig /rab byung gi sdom pa dang mi ldan pa de bar ma
rab byung gi mtshan nyid zer na/ /bar ma rab byung sngon du ma
song bar dge

@030b tshul gyi sdom pa blangs la ma skyes pa'i gang zag chos can
mtshon bya der thal/ mtshan nyid de'i phyir/ dang po grub ste/ de
'dra ba cig yod pa'i phyir/ gnyis pa sla/ 'dod mi nus te/ bar ma
rab byung gi tshul khrims ma blangs pa'i gang zag yin pa'i phyir/
kha cig /rang rgyud ldan gyi

gang zag bar ma rab byung du byed pa'i byed chos su gyur pa'i
tshul khrims de bar ma rab byung gi tshul khrims kyi mtshan nyid
zer na/ sngon chog gis bsnyen par rdzogs pa'i dge slong gi rgyud
kyi bar ma rab byung gi tshul khrims chos can/ mtshan nyid der
thal/ mtshon bya de'i phyir/

rtags grub ste/ de yod pa'i phyir/ cig car rab tu byung ba dang/
zhes pa'i rab byung gi tshul khrims de bar ma rab byung gi tshul
khrims la byed rigs pa'i phyir te/ de ltar du gzhi 'grel las
bshad pa'i phyir/ rtsa bar 'dod na/ de lta bu'i dge slong de bar
ma rab byung du thal

lo/ /gzhan yang/ bar ma rab byung gi tshul khrims dang dge tshul
gyi sdom pa dang dge slong gi sdom pa gsum rim gyis blangs pa'i
gang zag gi rgyud kyi bar ma rab byung gi tshul khrims chos can/
mtshan nyid der thal/ mtshon bya de'i phyir/ rtags grub ste/ de
yod pa'i phyir te/ des de

thob pa gang zhig /de la de'i gtong rgyu gang yang ma byung ba'i
phyir/ kha cig /bar ma'i tshul khrims yin na/ bar ma rab byung gi
tshul khrims yin dgos zer na/ de mi dgos par thal/ dge tshul gyi
bar ma'i tshul khrims kyang yod/ /dge slong gi bar ma'i tshul
khrims kyang

yod pa'i phyir te/ bsnyen rdzogs kyi sdom pa blangs la ma skyes
pa'i gang zag de'i rgyud la dge slong gi bar ma'i tshul khrims
cig yod pa'i phyir te/ de lta bu'i gang zag de ltung ba sde
lnga'i rgyu la sbyar na nyes byas skyes pa'i phyir te/ mdo rtsa
bar nyams pa dang ma chags pa gnyis

ltung ba la sbyor na nyes byas so/ /zhes gsungs pa'i phyir/ kha
cig /so thar gyi sdom pa rgyud ldan gyi rab byung yin na/ rab
byung gi sdom pa rgyud ldan gyi rab byung yin pas khyab zer na/
dge bsnyen gyi sdom pa rgyud ldan gyi bar ma rab byung chos can/
der thal/ de'i phyir te/

@031a @#/ /dge bsnyen gyi sdom pa rgyud ldan gyi rab byung yin
pa'i phyir/ 'dod mo nus te/ bar ma rab byung yin pa'i phyir/ kha
cig /khyim pa yin na rang nyid kyi mkhan po med pas khyab zer
na/ mkhan por 'os pa'i dge slong la gsol ba lan gsum btab pa'i

mthar des kyang mkhan por khas blangs nas gtsug phud bregs pa la
spro pa ma dris pa'i gnas skabs kyi sgrub bya chos can/ der
thal/ de'i phyir/ chos can de'i phyir/ 'dod mi nus te/ chos can
de'i phyir/ khyab ste/ mkhan por gsol ba khas blangs pa na der
gyur to/ /

zhes gsungs pa'i phyir/ gzhan yang bsnyen par ma rdzogs pa'i
gang zag yin na/ rang nyid kyi gsang ste ston pa'i slob dpon med
pas khyab par thal/ dam bca' de 'thad pa'i phyir/ 'dod na/ gsang
ste ston pa'i slob dpon du 'os pa'i dge slong gis klog tu bar
chad

dris nas dge 'dun gyi nang du 'ong ba zhus pa'i gnas skabs kyi
sgrub bya de chos can/ der thal/ de'i phyir/ rtags gsal gnyis ka
grub ste/ chos can de'i phyir/ rang lugs ni/ rab byung gi tshul
khrims gang zhig /dge tshul gyi sdom pa'i snga rol tu sbyin par
bya ba'i

rigs su gnas pa de/ bar ma rab byung gi tshul khrims kyi mtshan
nyid/ ngag don ni/ bar ma rab byung du sgrub pa'i tshul gzhag du
yod de/ skyabs 'gro rtsom byed du byas te sgrub par bya ba yin
pa'i phyir/ gnyis pa dngos gzhi'i cho ga la/ dngos dang zhar
byung

gnyis las/ dang po ni/ dge tshul nyid du nye bar sgrub par byed
pa'i dge slong la gtad par bya'o/ /zhes pas 'chad/ gnyis pa la/
bla ma rnams kyi dbye ba/ bla mar gyur pa'i dus/ gyur zin nas
mtshan nas smos pa'i rim pa'o/ /dang po ni/ de ni slob

dpon yin no gsang ste ston pa dang/ las byed pa dang/ gnas sbyin
pa dang/ klog pa yang ngo/ /zhes bas 'chad/ 'di'i skabs su/ kha
cag skabs 'dir bstan gyi bla ma de la drug yod pa'i/ dang po
mkhan po la mkhan por 'os pa dang/ yin pa gnyis

@031b las/ btsun cing brtan pa'i yan lag tu bsnyen par rdzogs
nas sdom rgyun bar mchad du lo bcu lon pa/ mkhas shing phan 'dog
kyi yan lag tu lnga phrugs nyer gcig po gang rung dang ldan pa'i
dge slong de/ dang po'i mtshan nyid/ sgrub bya yul gyi mkhan por

gsol ba lan gsum btab pa'i mthar mkhan por khas blangs pa'i gang
zag de/ sgrub bya de'i mkhan po'i mtshan nyid/ dge slong chos
drug ldan gang zhig /dge slong chos drug ldan gang zhig /dge
tshul gyi sdom pa 'bog pa'i cho ga tshig phyed kyang ma 'khrul par
blo las thon pa de/ dge tshul

gyi slob dpon du 'os pa'i mtshan nyid/ sgrub bya'i rgyud la dge
tshul gyi sdom pa skye ba'i cha nas de'i slob dpon du bzhag pa
de/ de'i dge tshul gyi slob dpon gyi mtshan nyid/ sgrub bya la
lkog tu bar chad 'dri ba la mkhas pa'i dge slong de/ gsang ste
ston pa'i slob dpon

du 'os pa'i mtshan nyid/ de la lkog tu bar chad dris zin pa'i cha
nas de'i slob dpon du bzhag pa/ de'i gsang ste ston pa'i slob
dpon gyi mtshan nyid/ kha skong gi chos bco lnga dang ldan pa'i
steng du dge slong gi sdom pa 'bogs pa'i cho ga tshig phyed kyang
ma 'khrul par blo

las thon pa de/ bsnyen rdzogs kyi las slob tu 'os pa'i mtshan
nyid/ sgrub bya'i rgyud la bsnyen rdzogs kyi sdom ba skyes ba'i
cha nas de'i slob dpon du gzhag pa de/ de'i las slob kyi mtshan
nyid/ gnas kyi slob dpon du 'os pa ni mkhan por 'os pa dang
'dra'o/ /gnas pa slob

ma dang lhan cig tu gnas su bzung pa'i cho ga byas ste de'i
rgyud la gnas med kyi nyes pa zhag gcig bkag pa'i cha nas de'i
slob dpon du bzhag pa de/ gnas pa de'i mkhan po las gzhan pa'i
gnas kyi slob dpon gyi mtshan nyid/ rab byung sde lnga po gang
rung gi sdom pa

ggso rung yan chad dang ldan pa/ lta ba mthun pa/ mtshan mthun
pa/ lus tha mal du gnas pa/ sa rang bzhin du gnas pa/ rang gi
bslab par bya ba'i chos la mkhas pa de klog pa'i slob dpon du
'os pa'i mtshan nyid/ bka' 'am de'i dgongs 'grel du gyur pa'i

@032a @#/ /tshigs su bcad pa gcig lan gsum bzlas pa'i cha nas de'i
slob dpon du bzhag pa de de'i klog pa'i slob dpon gyi mtshan nyid
zer na/ dang po la bsnyen par rdzogs nas sdom rgyun bar ma chad
du lo bcu lon pa'i rgyal ba shAkya thub pa

chos can/ mtshon bya der thal/ mtshan nyid de'i phyir/ 'dod na/ de
chos can/ las kyi kha skong du 'os par thal lo/ /'dod na/ kha
skong gi chos lnga 'dren pa'i tshe/ dkon mchog gzhan min pa/ zhes
gsungs pa mi 'thad par thal lo/ /shes bya chos can/ bsgrub

bya yul gyi dge tshul gyi slob dpon de de'i las slob yin par
thal/ las slob kyi mtshan nyid 'thad pa'i phyir/ 'dod na/ dge
tshul gyi las slob yod par thal/ 'dod pa'i phyir/ 'dod na/ dge
tshul gyi sdom pa 'bogs pa'i las kyi cho ga yod par thal lo/
/'dod

mi nus so/ /gzhan yang/ shes bya chos can/ dge slob ma dang
tshang spyod la nyer gnas kyi las slob med par thal/ bsgrub bya
de'i las slob yin na/ de'i bsnyen rdzogs kyi las slob yin dgos
pa'i phyir te/ de yin na bsgrub bya de'i rgyud la bsnyen rdzogs
kyi sdom pa skyes pa'i

cha nas de'i las slob tu bzhag dgos pa'i phyir/ rtags khas/ 'dod
mi nus te/ de gnyis kyi sdom pa de dge 'dun gyi gsol gnyis kyi
las la brten nas ster dgos par lung las gsungs pa'i phyir/ gzhan
yang/ shes bya chos can/ pham par 'gyur ba ma byung ba

mdo sde dang 'dul ba dang ma mo 'dzin pa/ lo nyi shu las mi
nyung ba grong khyer ba'i skad smra ba/ dge slong ma la lus nye
bar gzhol ba phyir bcos byas pa/ dge slong ma'i ston par bsko'o/
/zhes gsungs pa mi 'thad par thal/ dge slong ma'i ston par 'os
pa la mtshan

mthun pa nges par dgos pa'i phyir te/ klog pa'i slob dpon du 'os
pa la de ltar dgos pa'i phyir/ gzhan yang/ bcom ldan 'das kyis
'phags pa lam chung dge slong ma rnams kyi ston par bskos pa mi
'thad par thal/ de dge slong ma'i ston par mi 'os pa'i

@032b phyir te/ de'i slob dpon du 'os pa la mtshan mthun pa nges
par dgos pa'i phyir/ rtags khas/ gzhan yang/ dge slong ma rnams
kyis dge slong gi dge 'dun la gdam ngag gnod dgos par bshad pa
mi 'thad par thal/ klog pa'i slob dpon du 'os pa la mtshan mthun
pa cig dgos pa'i

phyir/ kha cig /sngags tshig lan gsum bzlas pa'i sgo nas bsgrub
bya yul la dge tshul gyi sdom pa ster bar byed pa'i dge slong de
bsgrub bya yul gyi slob dpon gyi mtshan nyid/ bsgrub bya la lkog
tu bar chad 'dri bar byed pa'i dge slong de de'i gsang ste ston
pa'i slob dpon gyi

mtshan nyid/ gsol bzhi'i las kyi sgo nas bsgrub bya la bsnyen
rdzogs kyi sdom pa ster bar byed pa'i dge slong de de'i bsnyen
rdzogs kyi las slob kyi mtshan nyid/ thob pa'i sdom pa mi nyams
shing gnas pa'i bdag rkyen gtso bor gyur pa de de'i gnas kyi bla
ma'i mtshan nyid/

nye bar mkho ba'i gdams pa dang rjes su bstan pa phyin ci ma log
par 'doms pa'i bzlas pa gsum gyis khyad par du byas pa'i slob
dpon de bsgrub bya yul gyi klog pa'i slob dpon gyi mtshan nyid
zer na/ bsgrub bya yul la dge tshul gyi sdom pa ster bzhin pa'i
dge slong

chos can/ mtshon bya dang po der thal/ mtshan nyid de'i phyir/
chos can de'i phyir/ 'dod na/ de chos can/ khyod de'i rgyud la
dge tshul gyi sdom pa skyes pa'i cha nas de'i slob dpon du bzhag
par thal/ 'dod pa'i phyir/ khyab ste/ dper na gzhan brjod pa'i
dus na dge tshul nyid

bzhin no/ /zhes gsungs pa'i phyir/ 'dod mi nus te/ chos can de'i
phyir/ gzhan yang/ des mtshan nyid gnyis pa gsum pa la sogs pa
yang rigs 'gre'o/ /shes bya chos can/ klog pa'i slob dpon du
gyur pa la bzlas pa gsum gyis khyad par du byas pa mi

dgos par thal/ don go na bka' 'am de'i dgongs 'grel du gyur pa
tshigs su bcad pa gcig lan gcig brjod pas kyang slob dpon du
'gyur ba'i phyir te/ rgya nag gi dka' 'grel du drangs pa las/
tshigs bcad gcig tsam bstan pa la/ gang gis bla

@033a @#/ /mar mi 'dzin pa/ khyi yi skye gnas brgyar skyes nas/
rme sha can du skye bar 'gyur/ zhes gsungs pa'i phyir/ kha cig
/gnas pa sleb ma dang lhan cig gnas su bzung ba'i cho ga byas
te/ de'i rgyud la gnas med kyi nyes pa zhag gcig bkag pa'i cha

nas de'i slob dpon du bzhag pa/ bsgrub bya de'i gnas kyi slob
dpon gyi mtshan nyid zer na/ mi 'thad de/ mkhan po gnas kyi slob
dpon du 'gyur ba la gnas 'cha' ba'i cho ga bya mi dgos pa'i
phyir te/ mkhan po de nyid gnas pa nyid yin no/ /de'i phyir de
la de mi bca' 'o/ /zhes

gsungs pa'i phyir/ kha cig /bsgrub bya de'i mkhan po yin na de'i
gnas kyi slob dpon yin dgos zer na/ mkhan por 'os pa'i dge slong
la mkhan por gsol ba btab ste/ des kyang khas blangs shing gtsug
phud 'breg pa la spro ba ma dris pa'i gnas skabs kyi bsgrub bya
de'i

mkhan po chos can/ der thal/ de'i phyir/ 'dod na/ sdom pa gnas
pa la sdom pa skye ba sngon du 'gro mi dgos par thal lo/ /kha
cig /bsgrub bya de'i gsang ste ston pa'i slob dpon du 'os pa'i
dge slong chos can/ khyod de'i gsang ste ston pa'i slob dpon du
gyur pa'i dus yod

de; de la lkog tu bar chad dris zin pa de'i tshe der 'gyur pa'i
phyir/ de'i bsnyen rdzogs kyi las slob tu 'os pa'i dge slong
chos can/ khyod bsgrub bya de'i las slab tu gyur pa'i dus yod
de/ de'i rgyud la bsnyen rdzogs kyi sdom pa skyes pa'i tshe khyod
der gyur pa yin pa'i phyir/

zhes zer la/ bsgrub bya la lkog tu bar chad dris zin pa'i tshe na
de'i gsang ste ston pa'i slob dpon du 'gyur ba mi rigs par thal/
de'i tshe gsang ston gyi dgos pa thams cad rdzogs par ma grub pa
gang zhig gsang ste ston pa'i slob dpon du gyur pa la de rdzogs
dgos

pa'i phyir/ dang po grub ste/ de'i tshe dge 'dun gyi nang du 'ong
ba zhus ma zin pa'i phyir/ gnyis pa grub ste/ rgya cher 'grel
las/ gsang ste'i dges pa thams cad yongs su rdzogs pa nyid na
gsang ste ston pa'i slob dpon du 'gyur ro/ /zhes gsungs pa'i
phyir/

@033b gzhan yang/ de'i rgyud la bsnyen rdzogs kyi sdom pa skyes
pa'i tshe na de'i las slob tu 'gyur ba ma yin par thal/ de'i tshe
na der gyur zin pa'i phyir/ kha cig /'dul pa nas bshad pa'i bla
ma de la bdun du grangs nges te/ de la mkhan po gnyis dang slob
dpon

lngar grangs nges pa'i phyir/ dang po grub ste/ bar ma rab byung
gi mkhan po dang bsnyen rdzogs kyi mkhan po gnyis su grangs nges
pa'i phyir/ gnyis pa grub ste/ dge tshul gyi slob dpon/ gsang ste
ston pa'i slob dpon/ las byed pa'i slob dpon/ gnas

sbyin pa'i slob dpon/ klog pa'i slob dpon dang lngar grangs nges
pa'i phyir/ zhes zer na/ mkhan po la gnyis su grangs ma nges par
thal/ dge slob ma'i mkhan po yod pa'i phyir/ slob dpon la lngar
grangs ma nges par thal/ dge bsnyen gyi sdom pa 'bogs

pa'i slob dpon de yang 'dul ba nas bshad pa'i slob dpon yin/
'phrin chog 'bogs pa'i 'phrin pa de yang de yin pa gang zhig de
dag sngar bshad pa'i slob dpon lnga po gang rung ma yin pa'i
phyir/ kho na re/ lung las/ mkhan po ni gnyis/ slob dpon ni
lnga'o/ /zhes

gsungs pa mi 'thad par thal/ 'dul ba nas bshad pa'i bla ma la
bdun du grangs ma nges pa'i phyir zhe na ma khyab bo/ /rang lugs
la/ bla ma'i dbye ba/ bsdu ba so so'i rang bzhin/ don grub gyi
tshad bstan pa'o/ /dang po ni/ spyir bla ma la du ma yod de/
mkhan po

gsum dang slob dpon bdun yod pa'i phyir/ mkhan po gsum yod de/
rab byung gi mkhan po/ dge slob ma'i mkhan po/ bsnyen rdzogs kyi
mkhan po rnams su yod pa'i phyir/ slob dpon bdun yod de/ dge
bsnyen gyi slob dpon/ dge tshul gyi slob dpon/ gsang ste

ston pa'i slob dpon/ bsnyen rdzogs kyi slob dpon/ gnas kyi slob
dpon/ 'phrin gyi slob dpon/ klog pa'i slob dpon rnams su yod
pa'i phyir/ gnyis pa ni/ de thams cad bsdu na gnyis su 'du ste/
mkhan po dang slob dpon gnyis su 'du pa'i phyir/ gsum pa

@034a @#/ /ni/ brtan mkhas kyi yon tan gnyis dang ldan pa'i dge
slong gang zhig /las kyi kha skong du 'os ba mkhan por 'os pa'i
mtshan nyid/ bsgrub bya yul gyi mkhan por gsol ba lan gsum btab
pa'i mthar mkhan por khas blangs pa/ bsgrub bya de'i

mkhan po'i mtshan nyid/ dge slong chos drug ldan gyi steng du dge
tshul gyi sdom pa 'bogs pa'i cho ga tshig phyed kyang ma 'khrul
bar blo las thon pa de/ dge tshul gyi slob dpon du 'os pa'i mtshan
nyid/ bsgrub bya'i rgyud la dge tshul gyi sdom pa skyes pa'i cha
nas de'i

slob dpon du bzhag pa sgrub bya yul gyi dge tshul gyi slob dpon
gyi mtshan nyid/ dge slong chos drug ldan gyi steng du lkog tu
bar chad dri ba la mkhas pa gsang ste ston pa'i slob dpon du 'os
pa'i mtshan nyid/ bsgrub bya la lkog tu bar chad dris pa'i cha
nas de'i slob

dpon du bzhag pa de de'i gsang ste ston pa'i slob dpon gyi mtshan
nyid/ dge slong chos drug ldan gyi steng du bsnyen rdzogs kyi
sdom pa 'bogs pa'i cho ga tshig phyed kyang ma 'phrul bar blo las
thon pa de/ bsnyen rdzogs kyi las slob tu 'os pa'i mtshan nyid/
bsgrub

bya'i rgyud la bsnyen rdzogs kyi sdom pa skyes pa'i cha nas de'i
slob dpon du bzhag pa de de'i bsnyen rdzogs kyi las slob kyi
mtshan nyid/ brtan mkhas kyi yon tan gnyis dang ldan pa'i dge
slong de gnas kyi slob dpon du 'os pa'i mtshan nyid/ gnas

pa slob ma dang lhan cig tu gnas su bzung ba'i cho ga byas te/
de'i rgyud la gnas med kyi nyes pa zhag gcig bkag pa'i cha nas
de'i slob dpon du bzhag pa 'am/ de'i mkhan po gang rung du dmigs
pa de/ gnas pa de'i gnas kyi slob dpon gyi

mtshan nyid/ rab byung sde lnga gang rung gi sdom pa gso rung yan
chad dang ldan pa'i rang gi bslab par bya ba'i chos la mkhas pa
de/ klog pa'i slob dpon du 'os pa'i mtshan nyid/ bka' 'am de'i
dgongs 'grel du gyur pa'i tshigs su bcad pa gcig

@034b gam gsum bzlas sam/ de'i dod thub gang rung bzlas pa'i cha
nas de'i slob dpon du bzhag pa de de'i klog pa'i slob dpon gyi
mtshan nyid/ bzhi pa la/ mkhan por gyur pa'i dus dang/ slob dpon
du gyur pa'i dus gnyis las/ dang po ni/ mkhan por gyur pa'i dus
yod de/ mkhan

por gsol ba 'debs pa'i cho ga la mkhan por gsol gyi/ zhes pa cha
dang po dang/ mkhan po mdzad du gsol/ zhes pa cha gnyis pa dang/
mkhan po mkhan pos/ zhes pa cha gsum pa yin la/ mkhan po mkhan
pos/ zhes pa'i tshig byung ba dang dus mnyam du bsgrub bya de'i

mkhan por gyur pa'i phyir/ slob dpon du gyur pa'i dus la lnga
yod de/ dge tshul gyi/ gsang ste ston pa'i/ las kyi/ gnas kyi/
klog pa'i slob dpon du gyur pa'i dus rnams su yod pa'i phyir/
dge tshul gyi slob dpon du gyur pa'i dus yod de/ dge tshul gyi
sdom pa 'bogs pa'i

cho ga la brjod pa gsum yod pa'i skyabs brjod dang/ bdag brjod
rdzogs nas/ gzhan brjod pa dang mnyam du bsgrub bya'i rgyud la
dge tshul gyi sdom pa skyes shing/ rang nyid bsgrub bya de'i slob
dpon du gyur pa yin pa'i phyir/ gsang ste ston pa'i slob dpon du
gyur pa'i dus

yod de/ bsgrub bya la lkog tu bar chad dris/ dge 'dun gyi nang
du 'ong ba zhus/ bsgrub bya dge 'dun la phyag 'tshal du bcug
/rang nyid gral du 'dug pa'i tshe na de'i gsang ste ston pa'i
slob dpon du gyur pa yin pa'i phyir/ bsnyen rdzogs kyi las slob
tu gyur pa'i dus

yod de/ bsnyen rdzogs kyi sdom pa 'bogs pa'i cho ga la brjod pa
gsum yod pa'i brjod pa tha ma la yang ngo bo brjod pa/ bya ba
brjod pa/ byed pa brjod pa gsum yod pa'i dang po gnyis rdzogs/
byed pa rdzogs pa dang dus mnyam du bsgrub bya'i rgyud la bsnyen
rdzogs kyi

sdom pa skye zhing rang nyid bsgrub bya de'i bsnyen rdzogs kyi
las slob tu gyur ba yin pa'i phyir/ gnas 'cha' ba'i dbang du
byas na/ gnas kyi slob dpon du gyur pa'i dus yod de/ gnas pa
slob mas lhan cig gnas su bzung ba'i cho ga byas te bya ba zhus
shing

@035a @#/ /lhan cig gnas gcig tu nyal/ der sang gi skya rengs
shar ba'i tshe gnas kyi slob dpon du 'gyur ba yin pa'i phyir/
ngag don/ skabs 'dir bstan gyi slob dpon de la lnga yod/ dge
tshul gyi/ gsang ste ston pa'i/ las kyi/ gnas

kyi; klog pa'i slob dpon rnams su yod pa'i phyir/ kho na re/
gsang ste ston pa'i slob dpon du gyur pa bsgrub bya'i rgyud la
sdom pa skyes pa la mi ltos pa thal/ gsang ste ston pa'i slob
dpon du gyur pa'i dus de'i phyir/ 'dod na/ gsang ston gyi slob
dpon de sdom pa

ma thob pa 'thob par byed pa'i slob dpon ma yin par thal lo/
/'dod na/ de slob dpon ma yin par thal/ 'dod pa gang zhig /de
thob pa mi nyams par bsrung ba'i de yang ma yin nyams na phyir
'chos par byed pa'i de yang ma yin pa'i phyir/ zhe na/ shes

bya chos can/ mkhan po de sdom pa ma thob pa 'thob par byed pa'i
mkhan po ma yin par thal/ mkhan por 'gyur ba la bsgrub bya'i
rgyud la sdom pa skye ba la mi ltos pa'i phyir/ khyab pa khas/
kho na re/ don grub gzhan rnams la rgyas bshad bstan

nas gsang ston gyi don grub la rgyas bshad ma bstan pa la dgos
pa med par thal/ /gsang ston gyi slob dpon du 'gyur ba bsgrub
bya'i rgyud la sdom pa skye ba la mi ltos pa'i phyir na ma
khyab/ gnyis pa bla mar gyur pa'i dus la/ bstan bshad

gnyis las/ dang po la/ slob dpon du gyur pa'i dus dang/ mkhan
por gyur pa'i dus mdor bstan pa gnyis las/ dang po ni/ don grub
na gyur pa nyid do/ /zhes pas 'chad/ ngag don ni/ bsgrub bya yul
gyi gsang ste ston pa'i slob dpon du 'os pa'i

dge slong chos can/ khyod de'i gsang ste ston pa'i slob dpon du
gyur pa'i dus yod/ bsgrub bya la lkog tu bar chad dris/ dge 'dun
gyi nang du 'ong ba zhus/ dge 'dun la yongs dag go bar byas/
bsgrub bya dge 'dun la phyag 'tshal du

@035b bcug ste/ rang nyid gral du 'khod pa'i tshe khyod bsgrub
bya de'i gsang ste ston pa'i slob dpon du gyur pa yin pa'i
phyir/ gsum pa gyur nas mtshan smos kyi rims pa de 'chad pa la/
don gyi slad du mtshan nas smos te zhes bya ba dang bcas pa ma
smros par mkhan po'i ming mi

bzung ngo/ /zhes pas 'chad do/ /gnyis pa tshigs phyi ma bsnyen
rdzogs su sgrub pa'i cho ga la/ sbyor ba'i cho ga dang/ dngos
gzhi'i cho ga dang/ mjug gi cho ga dang gsum las/ dang po ni dge
'dun las bsnyen par rdzogs par bya'o/ /zhes sogs kyi skabs su/

kha cig /da ltar gyi cho ga la brten nas bsnyen rdzogs kyi sdom
pa skye ba la mngon 'gyur bcu tshang ba cig nges par dgos zer na/
de mi dgos par thal/ de la brten nas mkhan po mngon du ma gyur
ba dang/ yongs su dag pa mngon du ma gyur par yang bsnyen
rdzogs
kyi

sdom pa skye ba yod pa'i phyir te/ de dang ldan pa'i ltar mkhan
po med pa la yang ngo/ /zhes dang/ bar chad ma dris pa la yang
ngo/ /zhes gsungs pa'i phyir/ kha cig ni/ de la brten nas chos
gos gsum ma tshang bar bsnyen rdzogs kyi sdom pa skye ba med zer
na/ de

yod par thal/ zhu ba las/ chos gos gsum dang lhung bzed med par
bsnyen par rdzogs zhes bya ba 'das pa dang bcas pa'o/ /zhes
gsungs pa'i phyir/ kha cig /yul dbus su dge slong bcu dang mtha'
'khob tu lnga'i grangs tshang na grangs kyi nyes ba skye ba med
zer na/ mi

'thad de/ de ltar tshang yang grangs kyi nyes ba skyed pa zhig
yod pa'i phyir te/ yul dbus su mtshams po che bcad pa'i nang du
dge slong nyi shu las lhag pa yod na'ang de thams cad las la 'du
dgos pa'i phyir te/ mtshams po che bcad pa'i dgos pa ni ma 'dus
pas mi

mthun pa dgag pa'i phyir du yin pa'i phyir/ ngag don ni/ da ltar
gyi cho ga la brten nas bsnyen rdzogs kyi sdom pa thob par 'dod
pa'i gang zag chos can/ mtshan nyid bzhi ldan gyi dge 'dun las
bsnyen par rdzogs par bya dgos te/ khyod chos can de yin pa'i

@036a @#/ /phyir/ gnyis pa ni/ bsnyen par rdzogs pa nye bar
bsgrub par bya'o/ /zhes pas 'chang/ gsum pa la bsnyen bkur gyi
gnas dang gnas ma yin pa shes pa'i phyir du dus bsgo ba dang/
bslab bya srung tshul shes pa'i phyir du gdam ngag brjod pa gnyis
las/ dang

po ni/ de ma thag tu grib tshong rig par bya'o/ /zhes sogs kyis
'chang/ gnyis pa ni/ gnas rnams brjod par bya'o/ /zhes sogs kyis
'chang/ gnyis pa mi nyams par srung ba'i thabs la/ gnas dang
gnas pa'i tshul khrims bshad pa dang/ gnas dang gnas pa'i mtshan

nyid bshad pa dang gnyis/ dang po ni/ gnas pas gnas la ma zhus
par bya ba rnams mi bya'o/ /zhes sogs so/ /gnyis pa la bcas pa'i
skabs nas 'byung ba dang/ rdzas bcas kyi skabs nas 'byung ba
gnyis/ dang po la/ btsun cing brtan pa'i yan lag dang/ mkhas

shing phan 'dogs pa'i yan lag gnyis las/ dang po ni/ bsnyen par
rdzogs nas lo bcu ma lon par mkhan po nyid dang/ gnas nyid dang/
mi gnas par 'dug par mi bya'o/ /zhes pas 'chad/ 'di'i skabs su/
kha cig ni/ gzhan gyi mkhan sogs gsum byar rung

ba la bsnyen par rdzogs nas sdom rgyun bar ma chad du lo bcu lon
ba zhig nges par dgos zer na /ston pa mngon par rdzogs par sangs
rgyas nas lo drug pa'i dus su shA ri'i bus mkhan po mdzad nas
'char ka da ltar gyi cho gas bsnyen par rdzogs par

bshad pa mi 'thad par thal/ dam bca' 'thad pa'i phyir/ gzhan
yang/ rang nyid gnas kyi bla ma ma bsten par 'dug tu rung ba'i
dge slong yin na/ bsnyen par rdzogs nas sdom rgyun bar ma chad
du lo bcu lon pas khyab par thal/ dam bca' 'thad pa'i phyir/
'dod

na; bsnyen par rdzogs ma thag pa'i rgyal ba shAkya thub pa chos
can/ der thal/ de'i phyir te/ chos can de'i phyir/ 'dod mi nus
te/ bsnyen par rdzogs ma thag pa'i gang zag yin pa'i phyir/
gzhan yang/ bsnyen par rdzogs nas lo lnga lon zhing ltung shes
kyi lnga phrugs dang/

@036b ldan pa'i dge slong chos can/ dam bca' la der thal/ de'i
phyir/ lo lnga lon zhing lhan cig sbyar ba tha ma dang ldan na
gnas ma bcas par ljongs rgyur 'gro bar bya'o/ /zhes gsungs pa'i
phyir/ ngag don ni/ spyir btang gi dbang du byas na/ /bsnyen par
rdzogs nas bsnyen

rdzogs rnam dag gi sdom rgyun bar ma chad du lo bcu ma lon par
gzhan gyi mkhan bo sogs gsum byar mi rung ste/ gzhan gyi mkhan
po sogs gsum byar rung ba la bsnyen par rdzogs nas bsnyen rdzogs
rnam dag gi sdom rgyun bar ma chad du lo bcu lon pa zhig dgos
pa'i

phyir/ gnyis pa la/ bstan bshad gnyis las/ dang po ni/ 'og nas
'byung bdag las lhan cig sbyar ba gang dang yang mi ldan pas ni
ma yin no/ /zhes pas 'chang/ gnyis pa la/ sde snod gnyis shes
pa'i yon tan/ sde snod gsum shes pa'i yon tan/ dge sbyong gi
tshul

gyi yon tan/ 'dul ba'i sde snod shes pa'i yon tan dang bzhi/
dang po ni/ nad g.yog dang 'gyod pa sel ba dang/ zhes sogs kyis
'chang/ 'di'i skabs su/ lnga phrugs dang po lo bcu lon pa'i lnga
phrugs bzhag tu yod de/ nad g.yog byed dam byed du 'jug nus pa/

'gyod pa sel bar byed dam byed du 'jug nus pa/ sdig pa can gyi
lta ba'i rnam pa spong dam spong bar byed du 'jug nus pa/ gnas
mngon par mi dga' ba 'dor bar byed dam byed du 'jug nus pa/
bsnyen par rdzogs nas bsnyen rdzogs rnam dag gi sdom rgyun bar
ma chad du lo bcu

lon pa rnams lo bcu lon pa'i lnga phrugs yin pa'i phyir/ gnyis
pa la/ yan lag thun mong ba dang thun mong ma yin pa gnyis/ dang
po ni/ slob pa nyid yan chad lnga pa min pa la tshul khrims dang
ldan pa nyid dang mang du thos pa nyid sbyar ro/ /zhes pas
'chang/ gnyis pa la/

tshig don gnyis ka shes pa'i yon tan dang/ don shes pa'i yon tan
gnyis/ dang po ni/ sde snod mngon par shes pa nyid do/ /de dag
'dzin du 'jug nus pa nyid do/ /zhes pas 'chad/ 'di'i skabs su/
sde snod mngon par shes pa'i lnga phrugs de la lnga las/ sde
snod 'dzin pa'i

@037a @#/ /lnga phrugs yod de/ sde snod gsum gyi tshig don mi
brjed par 'dzin nus pa'i steng du mang thos tshul ldan gnyis
bsnan pa de sde snod 'dzin pa'i lnga phrugs yin pa'i phyir/ sde
snod la mkhas pa'i lnga phrugs yod de/ sde snod gsum gyi tshig
don ma 'dres

par 'byed nus pa'i steng du mang thos tshul ldan gnyis bsnan pa
de sde snod gsum la mkhas pa'i lnga phrugs yin pa'i phyir/ sde
snod rigs pa'i lnga phrugs yod de/ sde snod gsum rang nyid kyis
rtsom nus pa'i steng du mang thos tshul ldan gnyis bsnan pa de
sde snod rigs pa'i lnga

phrugs yin pa'i phyir/ sde snod gsal ba'i lnga phrugs yod de/
rang nyid kyis brtsams pa'i sde snod gsum gzhan la gsal bar byad
nus pa'i steng du mang thos tshul ldan gnyis bsnan ba de sde snod
gsal ba'i lnga phrugs yin pa'i phyir/ sde snod 'dzin du 'jug nus
pa'i lnga

phrugs yod de/ sde snod gsum rang nyid kyis 'dzin nus par ma zad
gzhan 'dzin du 'jug nus pa'i steng du mang thos tshul ldan gnyis
bsnan pa de sde snod 'dzin du 'jug nus pa'i lnga phrugs yin pa'i
phyir/ 'di rnams kyi yan lag tu gyur pa'i mang du thos pa ni/
phyi rol

pa dang thun mong pa'i bstan bcos mang du thos pa la byed/ gnyis
pa ni/ lhag pa'i tshul khrims dang/ sems dang shes rab la slob pa
nyid do/ /slob tu 'jug kyang nus pa nyid do/ /zhes sogs kyis
'chad/ 'di'i skabs su/ bslab pa gsum la sloba'lnga phrugs

yod de/ lhag pa tshul khrims dang sems dang shes rab la rang nyid
kyis bslab nus pa'i steng du mang thos tshul ldan gnyis bsnan pa
de bslab pa gsum la slob pa'i lnga phrugs yin pa'i phyir/ bslab
pa gsum la slob tu 'jug nus pa'i lnga phrugs yod de/

lhag pa'i tshul khrims dang sems dang shes rab la rang nyid kyis
slob nus par ma zad gzhan slob tu 'jug nus pa'i steng du mang
thos tshul ldan gnyis bsnan pa de de yin pa'i phyir/ 'di gnyis
kyi yan lag tu gyur pa'i mang du thos pa ni phyi rol pa dang
thun

@037b mong pa'i bstan bcos mang du thos ba la byed/ lhag pa'i
tshul khrims ni 'dul ba nas gsungs pa'i bslab pa'i gnas thams cad
la byed/ ting nge 'dzin ni bsam gtan bzhi pa'i sems la byed/
shes rab ni zag med kyi shes rab la byed/ lhag pa'i spyod pa
dang

'dul ba dang so sor thar pa la yang de bzhin no/ /zhes pa'i
skabs su/ 'dul ba la slob pa'i lnga phrugs yod de/ lhag pa'i
spyod pa dang 'dul ba dang so sor thar pa la slob nus pa'i steng
du mang thos tshul ldan gnyis bsnan pa de 'dul ba la slob pa'i de
yin pa'i phyir/

'dul ba la slob tu 'jug nus pa'i lnga phrugs yod de/ lhag pa'i
spyod pa dang 'dul ba dang so sor thar pa la rang nyid kyis slob
nus par ma zad gzhan slob tu 'jug nus pa'i steng du mang thos
tshul ldan gnyis bsnan pa de de yin pa'i phyir/ 'di gnyis kyi yan
lag tu gyur

pa'i mang du thos pa ni 'dul ba'i sde snod mang du thos pa la
byed/ lhag pa'i spyod pa ni 'dul ba nas gsungs pa'i 'gro 'chag
nyal 'dug gi spyod lam bzhi la byed/ 'dul ba ni lung sde bzhi la
byed/ so sor thar pa ni so sor thar pa gnyis la byed do/ /dad pa
dang tshul

khrims dang thos pa dang gtong ba dang shes rab phun sum tshogs
pa nyid do/ /zhes pa'i skabs su/ phun sum tshogs pa dang po'i
lnga phrugs yod de/ dad pa dang tshul khrims dang thos pa dang
gtong ba dang shes rab phun sum tshogs pa rnams phun sum tshogs pa
dang po'i lnga phrugs

yin pa'i phyir/ 'di'i yan lag tu gyur pa'i thos pa phun sum
tshogs pa ni/ 'dul ba mang du thos pa la byed do/ /tshul khrims
dang ting nge 'dzin dang shes rab dang rnam par grol ba dang de
shes pa dang mthong ba rnams kyis kyang ngo/ /zhes pa'i skabs
su/ phun sum tshogs pa 'og

ma'i lnga phrugs yod de/ tshul khrims dang ting nge 'dzin dang
shes rab dang rnam par grol ba dang de shes de mthong phun sum
tshogs pa rnams phun sum tshogs pa 'og ma'i de yin pa'i phyir/
'di'i yan lag tu gyur pa'i rnam par grol ba ni nyon sgrib zad
par spangs pa'i

@038a @#/ /rnam grol lam la byed/ de shes ni zad mi skye shes
pa'i ye shes la byed/ de mthong ni mi slob pa'i yang dag pa'i
lta ba la byed do/ /brtson 'grus rtsom pa nyid dang shes rab
dang ldan pa gnyis dang yang sbyar ro/ /dran ba dang ldan pa
nyid dang nang du yang dag par

bzhag pa nyid dang mnyam par bzhag pa nyid do/ /zhes pa'i skabs
su/ dran pa dang ldan pa'i lnga phrugs yod de/ dran pa dang ldan
pa dang/ mang thos tshul ldan gnyis/ brtson 'grus rtsom pa/ shes
rab dang ldan pa rnams de yin pa'i phyir/ nang du yang dag par
'jog pa'i lnga phrugs

yod de/ nang du yang dag par 'jog pa/ mang thos tshul ldan gnyis/
brtson 'grus rtsom pa/ shes rab dang ldan pa rnams nang du yang
dag par 'jog pa'i de yin pa'i phyir/ mnyam par bzhag pa'i lnga
phrugs yod de/ mnyam par bzhag pa/ mang thos tshul ldan gnyis/
brtson

'grus rtsom pa/ shes rab dang ldan pa gnyis de yin pa'i phyir/
'di gsum gyi yan lag tu gyur pa'i mang du thos pa ni 'dul ba
mang du thos pa la byed/ nang du yang dag par 'jog pa dang/
mnyam par bzhag pa'i khyad par yod de/ de gnyis ka ting nge
'dzin la mnyam par bzhag

pa mtshungs kyang/ bying rgod phra mo'i skyon dang ma bral ba'i
gnas skabs la nang du yang dag par 'jog pa/ de dang bral ba'i
gnas skabs la mnyam par bzhag par 'jog pa'i phyir/ gsum pa dge
sbyong tshul gyi yon tan ni/ slob pa nyid do/ /mi slob pa nyid
do/ /zhes pa'i skabs su

slob pa'i lnga phrugs yod de/ slob pa'i tshul khrims dang ting
nge 'dzin dang shes rab dang rnam par grol ba dang de shes de
mthong phun sum tshogs pa rnams de yin pa'i phyir/ 'di'i yan lag
tu gyur pa'i tshul khrims ni slob lam gyi ngo bor gyur ba'i zag
med kyi

tshul khrims la byed/ rnam par grol ba ni nyon sgrib ci rigs
spangs pa'i rnam grol lam la byed/ bye brag smra ba ltar na de
shes ni shes pa brgyad dang de mthong ni mthong lam bzod pa
brgyad la byed/ mi slob pa'i lnga phrugs yod de/ mi slob pa'i

@038b tshul khrims dang/ ting nge 'dzin dang/ shes rab dang/ rnam
par grol ba dang/ de shes de mthong phun sum tshogs pa rnams de
yin pa'i phyir/ phun sum tshogs pa 'og ma'i de dang 'di gnyis la
khyad par yod de/ yan lag phyi ma bzhi la khyad par med kyang/
mi slob pa'i lnga

phrugs kyi yan lag tu gyur ba'i 'dul ba shes pa la tshul khrims
kyi ming gis btags nas bstan pa yin pa'i phyir/ bzhi pa 'dul
ba'i sde snod shes pa'i yon tan ni/ byung ba dang bcas pa dang/
rjes su bcas pa dang/ bkag pa dang gnang ba mngon

par shes pa nyid do/ /zhes pas 'chang/ bar du gcod pa dang bar
du gcod pa ma yin pa mngon par shes pa nyid dang/ smra ba po
nyid dang/ rjes su ston pa nyid dang/ gnas nyid dang/ re zhig
gnas 'char gzhug nus pa nyid dang yang sbyar ro/ /zhes pa'i
skabs su/ gnas 'char

gzhug nus pa'i lnga phrugs yod de/ bar du gcod pa dang bar du
gcod pa ma yin pa mngon par shes pa nyid dang/ smra ba po nyid
dang/ rjes su ston pa nyid dang/ rang gi gnas pa slob ma de/
gnas kyi bla ma gzhan la dus rtag tu gnas 'char gzhug nus pa
rnams de yin pa'i

phyir/ re zhig gnas 'char gzhug nus pa'i lnga phrugs yod de/
snga ma rnams kyi steng du/ rang gi gnas slob ma de gnas kyi bla
ma gzhan la dus re zhig gnas 'char gzhug nus pa de yin pa'i
phyir/ ltung ba dang ltung ba ma yin pa dang/ yang ba dang lci
ba nyid mngon par shes

pa nyid dang/ so sor thar ba dang/ rgyas pa thon pa nyid do/
/zhes sogs kyi skabs su ltung shes kyi lnga phrugs yod de/ ltung
ba dang ltung ba ma yin pa dang/ yang ba dang lci ba nyid mngon
par shes pa nyid dang/ so sor thar ba dang lung rgyas pa kha ton
du thon pa rnams de yin pa'i phyir

gzhung de rnams kyi nang nas/ byung ba dang bcas pa dang/ zhes
sogs kyi skabs su/ kha cig /gzhan gyi mkhan sogs gsum byed pa la
lnga phrugs nyer gcig po thams cad dang ldan dgos zer na/ mi
'thad de/ de thams cad rgyud ldan gyi gang zag yin pa mi srid
pa'i

@039a @#/ /phyir te/ slob pa'i lnga phrugs dang mi slob pa'i lnga
phrugs gnyis ka dang ldan pa yin pa mi srid pa'i phyir te/ mi
slob pa'i lnga phrugs thob pa'i tshe slob pa'i lnga phrugs btang
zin pa'i phyir/ 'o na/ slob pa dang mi slob pa'i lnga phrugs kyi
skabs su 'dul ba shes pa

gang gis bstan zhe na/ kha cig ni/ lnga phrugs nyer gcig po
thams cad la lo bcu len pa med mi rung gi yan lag tu bstan pas
grub ste/ slob pa dang mi slob pa 'di dag 'phags pa yin pas
bslab pa la gus pa'i phyir lo bcu'i nang du 'dul ba slob pas
khyab/ blo gros kyi mig

dang ldan pa'i phyir lo bcu'i nang du 'dul ba shes par yang nus
pa'i phyir/ lnga phrugs nyer gcig po thams cad la lo bcu lon pa
med mi rung gi yan lag tu dgos pa yin te/ rgya cher 'grel las/
lo bcu lon pa dang 'dul ba la gnas pa'i don ni 'da' bar bya ba
min pa'i

yan lag yin no/ /zhes gsungs pa'i phyir zer na/ lo lnga lon
zhing lhan cig sbyar ba tha ma dang ldan na gnas ma bcas par
ljongs rgyur 'gro bar bya'o/ /zhes gsungs pa mi 'thad par thal/
ltung shes kyi lnga phrugs la lo bcu lon pa med mi rung gi yan
lag tu nges par dgos pa'i

phyir te/ lnga phrugs nyer gcig po thams cad la de dgos pa'i
phyir/ rtags khas/ kha cig ni/ gzhung du lnga pa grangs tshang
bar bstan pa'i lnga phrugs de/ lnga phrugs rang dbang can gyi
mtshan nyid zer na/ mi slob pa'i lnga phrugs chos can/ mtshan nyid
der thal/ 'tshon bya de'i phyir/ 'dod

na/ mi slob pa nyid do zhes pa'i gzhung 'di mi slob pa'i lnga
phrugs 'chang byed kyi gzhung ma yin par thal lo/ /kha cig ni/
lnga phrugs gang zhig /rang nyid rgyud la ldan pa la lnga phrugs
gzhan rgyud la ldan pa sngon du 'gro dgos pa de/ rang dbang can
ma yin pa'i lnga phrugs kyi mtshan nyid/

de gang zhig de ltar du mi dgos pa de/ lnga phrugs rang dbang
can gyi mtshan nyid zer na/ mi slob pa'i lnga phrugs chos can/
mtshan nyid gnyis pa'i zur gnyis pa der thal/ mtshon bya de'i
phyir/ 'dod na/ de dgos par thal/ de rgyud la ldan pa la slob
pa'i lnga phrugs rgyud la

@039b ldan pa sngon du 'gro dgos pa'i phyir/ kha cig ni/ sde
snod gsum shes pa'i yon tan dang ldan pa'i lnga phrugs de/ lnga
phrugs khyad par can gyi mtshan nyid/ de yang lnga phrugs dang po
bcu bdun lnga phrugs khyad par can dang/ phyi ma bzhi lnga
phrugs khyad par can ma yin pa yin/ zhes

zer/ 'o na/ lo bcu lon pa'i lnga phrugs chos can/ mtshan nyid der
thal/ mtshon bya de'i phyir/ 'dod mi nus te/ de sde snod gnyis
shes pa'i yon tan dang ldan pa'i lnga phrugs yin pa'i phyir/ kha
cig ni/ phun sum tshogs pa 'og ma'i lnga phrugs de/ mi slob ba'i
lnga phrugs yin

zhes zer na/ shes bya chos can/ mi slob pa'i rgyud kyi lnga
phrugs yin na/ mi slob pa'i lnga phrugs yin dgos par thal/ dam
bca' 'thad pa'i phyir/ 'dod na/ slob pa'i rgyud kyi lnga phrugs
yin na/ slob ba'i lnga phrugs yin dgos par thal lo/ /'dod na/
nyan thos tshogs lam pa'i

rgyud kyi ltung shes kyi lnga phrugs chos can/ der thal/ de'i
phyir te/ chos can de'i phyir/ de der thal/ de yod pa'i phyir
te/ 'dul ba'i tshig don mtha' dag la mkhas pa'i nyan thos tshogs
lam pa yod pa'i phyir/ 'dod na/ de chos can/ 'phags rgyud kyi
lnga phrugs su thal lo/ /kho na

re/ dam bca' 'thad par thal/ de'i yan lag tu gyur pa'i rnam grol
lam de mi slob pa'i rnam grol lam la byed rigs pa'i phyir na ma
khyab/ der thal/ de nyon sgrib spangs ba'i rnam grol lam la byed
rigs pa'i phyir/ zhes zer/ kha cig /bsnyen par rdzogs nas sdom
rgyun

bar ma chad du lo bcu lon zhing/ lnga phrugs nyer gcig po gang
rung dang ldan pa'i dge slong de gang zag rang dbang can gyi
mtshan nyid zer na/ 'char ka bsnyen par rdzogs ma thag pa'i gnas
skabs kyi shA ri'i bu chos can/ zur dang po der thal/ mtshon bya
de'i phyir/ gzhan gyi mkhan

sogs gsum byar rung ba'i dge slong yin pa'i phyir/ 'dod na/ ston
pa sangs rgyas nas lo drug pa'i dus su shA ri'i bus mkhan po
mdzad nas 'char ka da ltar gyi cho gas bsnyen par rdzogs par
lung las gsungs pa mi 'thad par thal lo/ /kha cig /lnga phrugs
nyer gcig po thams

@040a @#/ /cad bsdu na gnyis su 'dus te/ rtogs pa kho na'i yon
tan dang ldan pa'i lnga phrugs dang/ lung rtogs gnyis ka'i yon
tan dang ldan pa'i lnga phrugs gnyis su 'du ba'i phyir te/ slob
pa'i lnga phrugs dang mi slob pa'i lnga phrugs gnyis rtogs pa
kho na'i yon tan dang ldan

pa'i lnga phrugs yin la/ lhag ma rnams gcig shos yin pa'i phyir/
zhes zer na shes bya chos can/ mi slob pa'i lnga phrugs de/ 'dul
ba shes pa yan lag tu mi ldan par thal/ de rtogs pa kho na'i yon
tan dang ldan pa'i lnga phrugs yin pa'i phyir/ 'dod na/ ldan par
thal/ mi slob

pa'i lnga phrugs nge 'dul ba shes pa gzhir byas kyi yan lag tu
ldan pa'i phyir te/ lnga phrugs nyer gcig po thams cad 'dul ba
shes pa gzhir byas kyi yan lag tu ldan pa'i phyir/ kha cig ni/
de thams cad bsdu na gnyis su 'dus te/ 'phags pa kho na'i rgyud
kyi lnga phrugs dang/ skye

'phags thun mong ba'i lnga phrugs gnyis su 'du ba'i phyir te/
phun sum tshogs pa 'og ma'i lnga phrugs/ slob pa'i lnga phrugs/
mi slob pa'i lnga phrugs gsum dang po yin la/ lhag ma rnams cig
shos yin pa'i phyir/ zhes zer ba mi 'thad de/ bslab pa gsum la
slob pa'i

lnga phrugs dang/ slob tu gzhug nus pa'i lnga phrugs gnyis kyang
'phags pa kho na'i rgyud kyi lnga phrugs yin pa'i phyir te/ de
gnyis kyi yan lag tu gyur pa'i shes rab de zag med kyi shes rab
la byed rigs pa'i phyir te/ de ltar du rgya cher 'grel las
gsungs pa'i phyir/ kha cig /

phun tshogs gnyis kyi lnga phrugs de la phun sum tshogs pa zhes
brjod pa'i rgyu mtshan yod de/ de gnyis gzhung du lnga pa grangs
tshang bar bstan pa'i rgyu mtshan gyis de ltar bshad pa'i phyir/
zhes zer na/ shes bya chos can/ byung shes kyi lnga phrugs dang/
ltung shes kyi lnga phrugs

gnyis po re yang phun sum tshogs pa'i lnga phrugs su thal/ de
gnyis gzhung du lnga pa grangs tshang bar bstan pa'i lnga phrugs
yin pa'i phyir/ khyab pa khas/ 'dod na/ phun sum tshogs gnyis
zhes grangs nges smos pa la dgos pa med par thal lo/ /kha cig
/yan lag gcig

@040b las med kyang rang nyid kyi lnga phrugs 'cha' ba'i gzhi
zhes zer ba mi 'thad de/ ting nge 'dzin dang shes rab dang
skongs su 'gro mi dgos pa de/ yan lag rang dbang can gyi don
dang/ rang nyid kyi lnga phrugs 'cha' ba'i gzhi mi byed cing/
lnga phrugs kyi yan lag ma tshang ba gzhan gyi kha skongs su

'gro dgos pa de yan lag rang dbang can ma yin pa'i don yin la/
de yang mang thos tshul ldan gnyis/ brtson 'grus rtsom pa dang
shas rab gnyis/ bar du gcod pa dang bar du gcod pa ma yin pa
mngon par shes pa gnyis/ smra ba po dang rjes su ston pa gnyis
te brgyad ni/ yan lag rang

dbang can ma yin pa yin cing/ lhag ma rnams ni dang po yin/ zhes
zer ba mi 'thad de/ ting nge 'dzin dang shes rab dang rnam par
grol ba dang de shes de mthong rnams yan lag rang dbang can ma
yin pa yin pa'i phyir te/ de rnams lnga phrugs kyi yan lag ma
tshang ba gzhan gyi kha skong du 'gro

dgos pa'i yan lag yin pa'i phyir te/ de rnams slob pa'i lnga
phrugs dang mi slob pa'i lnga phrugs gnyis ka'i yan lag ma tshang
ba'i kha skong du 'gro dgos pa'i phyir/ /nga cig /slob pa'i lnga
phrugs kyi yan lag tu gyur pa'i de shes de mthong lam shes pa
brgyad la byed zer zhing/ bstan

bcos 'di bye brag smra ba'i bstan bcos su 'dod pa nang 'gal te/
shes bya chos can/ mthong lam shes pa brgyad yod par thal/ dam
bca' 'thad pa'i phyir/ 'dod na/ bye brag smra ba des mthong lam
shes pa brgyad khas len par thal/ 'dod pa gang zhig bstan bcos
'di bye

brag smra ba'i bstan bcos yin pa'i phyir/ 'dod mi nus te/ des
lam rjes shes sgom lam du khas len pa'i phyir/ kho na re/ 'di
bye brag smra ba'i bstan bcos su thal/ 'di las dge slong dgra
bcom pa'i rgyud la ltung ba skyed pa yod par bshad pa'i phyir
te/ lo lnga lon zhing lhan cig

sbyar ba tha ma dang ldan na gnas ma bcas par ljongs rgyur 'gro
bar bya'o/ /gzhan du na gsum rig pa yin yang mi bya'o/ /zhes
gsungs pa'i phyir na/ shes bya chos can/ bstan bcos 'di mdo
sde'i bstan bcos su thal/ 'di las 'dul ba'i sde snod dang mdo
sde'i sde snod

@041a @#/ /yas logs su gyur pa'i mngon pa'i sde snod med par
bshad pa'i phyir te/ 'dul ba dang ldan pa nyid do/ /mdo sde la
ni nyes byas so/ /zhes gsungs pa'i phyir/ khyab pa rim bzhin
song/ rang lugs la/ spyir bstan pa dang/ bye brag tu bshad pa
gnyis las/ dang

po la/ mtshan nyid/ dbye ba/ bsdu ba/ khyad par can yin min gyi
don la dpyad pa/ skye 'phags gang gi lnga phrugs yin min gyi don
la dpyad pa/ gang zag dang yan lag dang lnga phrugs gsum rang
dbang can yin min gyi don la dpyad pa/ gzhan gyi mkhan sogs byed
pa la yon tan kha

bsdus kyi chog mi chog bshad pa dang bdun/ dang po ni/ gnas kyi
bla ma'i mtshan nyid shes pa'i phyir du/ lung las/ lnga tshan du
bsdebs pa'i yon tan de lnga phrugs kyi mtshan nyid/ gnyis pa ni/
de la dbye na nyi shu rtsa gcig yod de/ lo bcu lon pa'i/ sde
snod 'dzin pa'i/ sde snod la

mkhas pa'i/ sde snod rig pa'i/ sde snod gsal ba'i/ sde snod
'dzin du gzhug nus pa'i/ bslab pa gsum la slob pa'i/ slob tu
'jug nus pa'i/ 'dul ba la slob pa'i/ de la slob tu 'jug nus
pa'i/ phun sum tshogs pa dang po'i/ yun sum tshogs pa 'og ma'i/
dran pa

dang ldan pa'i/ nang du yang dag par 'jog pa'i/ mnyam par bzhag
pa'i/ slob pa'i/ mi slob pa'i/ byung shes kyi/ gnas 'char gzhug
nus pa'i/ re zhig gnas 'char gzhug nus pa'i/ ltung shes kyi lnga
phrugs rnams su yod pa'i phyir/ de skad du yang/ lung gi bar

sdom las/ lo bcu lon dang 'dzin mkhas dang/ /rigs dang gsal dang
'dzin 'jug dang/ /slob dang slob 'jug rnam pa gnyis/ /phun tshogs
gnyis ldan rnam pa gsum/ /slob dang mi slob byung shes dang/
/gnas 'cha' 'char 'jug ltung shes dang/ /lho yi ri

la rgyu ba yi/ /sde tshan sdom du bsdus pa'o/ /zhes gsungs/ gsum
pa ni/ de thams cad bsdu na gnyis su 'du ste/ lnga phrugs khyad
par can dang khyad par can ma yin pa'i lnga phrugs gnyis su 'du
ba'i phyir /bzhi pa ni/ lnga phrugs khyad par can yin min gyi
don gzhag tu yod

@041b de/ 'dul ba'i sde snod las gzhan pa'i sde snod gnyis gang
rung shes pa'i yon tan dang ldan pa'i lnga phrugs de lnga phrugs
khyad par can dang/ 'dul ba'i sde snod rkyang pa shes pa'i yon
tan dang ldan pa'i lnga phrugs de lnga phrugs khyad par can ma
yin pa'i don du 'jog pa yin pa'i phyir/ lnga

pa ni/ bslab pa gsum la slob pa'i lnga phrugs/ slob tu 'jug nus
pa'i lnga phrugs/ phun sum tshogs pa 'og ma'i lnga phrugs/ slob
pa'i lnga phrugs/ mi slob pa'i lnga phrugs rnams 'phags pa kho
na'i rgyud kyi lnga phrugs dang/ lhag ma rnams skye 'phags thun
mong ba'i lnga phrugs yin no/ /drug pa

la; gang zag rang dbang can yin min gyi don la dpyad pa/ yan lag
rang dbang can yin min gyi don la dpyad pa/ lnga phrugs rang
dbang can yin min gyi don la dpyad pa dang gsum las/ dang po ni/
gang zag rang dbang can yin min gyi don gzhag tu yod de/ brtan
mkhas kyi yon tan

dang ldan pa'i dge slong de gang zag rang dbang can/ de las zlog
pa'i gang zag rnams gang zag rang dbang can min pa yin pa'i
phyir/ gnyis pa ni/ yan lag rang dbang can yin min gyi don gzhag
tu yod de/ rang nyid gyi lnga phrugs 'cha' pa'i gzhi byed cing/
lnga phrugs kyi yan lag ma

tshang ba gzhan gyi kha skong du 'gro mi dgos pa'i yan lag rnams
yan lag rang dbang can dang/ de las ldog pa'i yan lag rnams yan
lag rang dbang can ma yin pa yin pa'i phyir/ de yang mang thos
tshul ldan gnyis/ brtson 'grus brtsams shes gnyis/ bar du gcod pa
dang bar

du gcod pa ma yin pa mngon par shes pa gnyis/ ting nge 'dzin
dang shes rab dang rnam par grol ba dang de shes de mthong
rnams
yan lag rang dbang can ma yin pa yin la/ yan lag lhag ma rnams
yan lag rang dbang can yin pa'i phyir/ gsum pa ni/ lnga phrugs
rang dbang

can yin min gyi don gzhag tu yod de/ rang nyid rgyud la ldan pa
la lnga phrugs gzhan zhig rgyud la ldan dgos pa'i lnga phrugs de
rang dbang can ma yin pa'i lnga phrugs dang/ de ltar mi dgos
pa'i lnga phrugs de lnga phrugs rang dbang can yin pa'i phyir/
bdun pa ni/ kha cig /gzhan gyi mkhan sogs

@042a @#/ /gsum byed pa la/ yon tan kha bsdus kyis chog ste/ sum
brgya par/ tshul khrims ldan zhing 'dul ba'i cho ga shes/ /nad
par snying brtse 'khor ni dag pa ste/ /chos dang zang zing phan
'dogs la brtson pa/ /dus su 'doms pa de la bla mar bsngags/
/zhes gsungs

pa'i phyir na yang khyab pa ma nges te/ de 'dra'i gzhung de
spyir phun sum tshogs pa'i yon tan ston byed kyi gzhung yin gyi/
gzhan gyi mkhan sogs gsum bya rung gi yon tan ston pa'i gzhung
ma yin pa'i phyir/ gnyis pa bye brag tu bshad pa ni/ byung ba
dang bcas pa dang rjes su bcas pa

dang bkag pa dang gnang ba mngon par shes pa rnams ni byung shes
kyi lnga phrugs yin la/ de yang byung ba la/ byung la ma bcas pa
dang byung la bcas pa gnyis/ dang po ni/ gleng gzhi byung yang
bcas pa ma mdzad pa ste/ dper na sras sgra gcan 'dzin gyis shes
bzhin gyi rdzun smras pa la

gleng gzhi byung yang bcas pa ma mdzad pa lta bu/ gnyis pa ni/
gleng gzhi yang byung bcas pa yang mdzad pa ste/ dper na/ dge
slong bzang sbyin la brten nas mi tshangs spyod spong ba'i bslab
pa bcas pa lta bu yin la/ de rnams mngon par shes pa ni byung ba
mngon par shes pa'o/ /

bcas pa mngon par shes pa gzhag tu yod de/ dgag sgrub gnang gsum
gyi bslab pa'i gzhi ston pa'i sangs rgyas kyi bka' ni bcas pa'i
ngo bo yin la/ de rnams mngon par shes pa ni bcas pa mngon par
shes pa yin pa'i phyir/ rjes su bcas pa mngon par shes pa ni

bzhag tu yod de/ bcas pa'i rigs gcig la bcas pa lan gnyis mdzad
pa ni rjes su bcas pa yin la/ de mngon par shes pa ni de yin
pa'i phyir/ rjes bcas de la mu dgu yod de/ sgrub pa'i rjes su
sgrub pa bcas pa sogs dgu yod pa'i phyir/ de la sgrub pa'i rjes
su sgrub

ba bcas pa ni/ dang por dbyar snga mkhas len dgos par bcas nas/
de'i rjes su dbyar snga ma khas len ma grub na dbyar phyi ma
khas len dgos par bcas pa lta bu/ sgrub pa'i rjes su gnang ba
bcas pa ni/ tshes brgyad dang bcu bzhi la sogs pa'i mtshan mo chos
bshad

@042b nyan byed dgos par bcas nas/ nad pa la de ma grub kyang/
nyes med du gnang ba lta bu/ sgrub pa'i rdzas su dgag pa bcas pa
ni/ dang por gso sbyong dang dbyar khas len byed dgos par bcas
nas/ de'i rjes su gnas kyi bla ma bsten pa dang nang 'doms pa'i
tshe gang du gnas med par

gso sbyong dang dbyar gnas par khas blang bar mi bya'o/ /zhes
bcas pa lta bu/ gnang ba'i rjes su gnang ba bcas pa ni dang por
mchil lham sna'i sbubs can gnang nas/ phyis yu ring dang yu
thung gnang ba lta bu/ gnang ba'i rjes su sgrub pa bcas pa ni/
sngar lam grogs dang

bcas te lam du 'gro ba gnang nas lam grogs ma rnyed na nges par
nad g.yog byed dgos par bcas pa lta bu/ gnang ba'i rjes su dgag
pa bcas pa ni/ sngar mchil lham gnang nas phyis sgra krog krog
zer ba'i mchil lham bkag pa lta bu/ dgag pa'i rjes su dgag

pa bcas pa ni/ sngar dge slong bzang sbyin la brten nas mi
tshangs spyod bkags pa'i rjes su dgon pa ba sdig can la brten nas
spra mo la mi tshangs sbyong byed pa bkag pa lta bu/ dgag pa'i
rjes su sgrub pa bcas pa ni/ sngar phyi bzhin 'gro ba'i dge
slong mdun du 'gro ba bkags

nas/ de'i rjes su nyam nga ba'i tshe de'i mdun du 'gro dgos par
bcas pa lta bu/ /dgag pa'i rjes su gnang ba bcas pa ni/ rab tu
byung ba rnams la phyi dro'i kha zas bkags nas nad pa la de nyes
med du gnang ba lta bu'o/ /bkag pa mngon par shes pa gzhag tu
yod

de; nga ston par khas len pa rnams kyis chang rtsa'i chog mas
kyang mi btung ngo/ /zhes bcas pa lta bu ni bkag pa yin la/ de
mngon par shes pa ni bkag pa mngon par shes pa yin pa'i phyir/
gnang ba mngon par shes pa bzhag tu yod de/ bya ba de byas kyang
ltung

ba med ma byas kyang ltung ba med pa ste/ dper na/ phas kyi rgol
ba tshar gcod pa'i phyir du nyi ma'i sum cha'i bde ba ma yin pa
la phyi rol pa'i bstan bcos klog dgos par gnang ba lta bu ni
gnang ba yin la/ de mngon par shes pa ni gnang ba mngon par shes
pa

@043a @#/ /yin pa'i phyir/ ngag don ni/ byung shes kyi lnga
phrugs yod de/ byung ba dang bcas pa dang rjes su bcas pa dang
bkag pa dang gnang ba mngon par shes pa de yin pa'i phyir/ gsum
pa 'gal rkyen bar chad kyi mtshan nyid bshad pa la/ spyi don/

gzhung don/ zhar byung dang bcas pa bshad pa'o/ /dang po ni/
bsgrub bya bar tshad dang mi ldan pa gcig dgos pa'i dbang du byas
na/ rab tu 'byung ba'i phyir nye bar 'ongs pa la/ zhes sogs kyi
skabs su/ /gnyis pa dgag bya'i bar tshad de la du ma yod de/ sdom
pa skye ba la

bar du gcod pa/ gnas pa la/ mdzes pa la/ khyad par du gyur pa la
bar du gcod pa rnams su yod pa'i phyir/ dang po la yang bzhi yod
de/ rten gyi dbang gis mi skye ba/ las sgrib kyi dbang gis mi
skye ba/ rtags kyi dbang gis mi skye ba/ bsam pa'i dbang gis mi
skye ba rnams su

yod pa'i phyir/ dang po de la bcu yod de/ /sprul dang ma ning
pho mo dang/ /lan gsum mtshan gyur mtshan dug can/ /mtshan med za
ma dud 'gro dang/ /mi min sgra mi snyan pa'o/ /zhes gsungs pa
rnams su yod pa'i phyir/ gnyis pa de la drug yod de/ rku thabs
mu stegs can zhugs pa

dge slong ma sun mtshams med byas/ /'chab bcas sngon rab byung
ba'o/ /zhes gsungs pa rnams su yod pa'i phyir/ gsum pa de la'ang
bzhi yod de/ /sdom pa len pa'i lo ma lon/ /khyim pa'i rtags
'dzin rab byung gi/ rtags rnams spong zhing rgyu las ni /ldog
pa'i chad pa

khas mi len/ /zhes gsungs pa rnams su yod pa'i phyir/ bzhi pa
yod de/ mu stegs lta gnas len sems log /dug gsum drag pos gzir
ba dang/ /sdom pa thob par mi shes pa'o/ /zhes gsungs pa rnams
su yod pa'i phyir/ rtsa ba'i gnyis pa yod de/ rgyal pos bkrabs
te ma gnang ba/ /bu lon chags pa la sogs pa rnams yin pa'i
phyir/ gsum pa yod de/ lag rdum can la sogs pa rnams yin pa'i
phyir/ bzhi pa yod de/ nad pa la sogs pa rnams yin pa'i phyir/
bar chad de rnams bsdu na gnyis su 'du ste/ ngo bo'i

@043b sgo nas dang/ dus kyi sgo nas sdu ba gnyis su yod pa'i
phyir/ dang po la/ gnyis yod de/ gtso bo'i bar chad dang/ gtso
bo ma yin pa'i bar chad gnyis su yod pa'i phyir te/ sdom pa skye
ba'i bar chad rnams dang po dang/ skye la nyes byas su gsungs pa
rnams gnyis pa yin pa'i

phyir/ dus kyi sgo nas gnyis su 'du ste/ gtan du bar chad dang/
gtan du ma yin pa'i bar chad gnyis yod pa'i phyir te/ pha ma
bsad pa lta bu dang po dang/ pha mas ma gnang ba lta bu gnyis pa
yin pa'i phyir/ de rnams kyi byed las yod de/ sdom pa 'bogs pa
po dang len

pa po la nyes byas skyed pa'i phyir/ de yang pha mas ma gnang ba
rab byung byed pa lta bu len pa po dang 'bogs pa po gnyis ka la
thun mong du nyes pa skyed/ len sems log pa lta bu len pa po kho
na la skyed pa yin no/ /bar chad de rnams rten gang la 'jog pa
yang yod de/

bud med lta bu'i skyes pa dang/ bud med kyis dub pa lta bu skyes
pa kho na la bzhag /thun mong ma yin pa'i pham pa byung ba lta
bu bud med kho na'i rten la bzhag /pha ma gsod pa sogs bud med
dang skyes pa gnyis ka'i rten la bzhag pa'i phyir/ pho mo ma
ning gi rten la bzhag

pa'i ma ning la lnga yod de/ skye gnas ma ning/ zla phyed ma
ning/ 'khyud pa ma ning/ phrag dog ma ning/ nyams pa ma ning
rnams su yod pa'i phyir/ /gnyis pa phran tshogs kyi skabs nas
byung ba la/ thun mongs pa dge slong pha'i spros pa dang/ thun
mongs ma yin pa dge slong

ma'i sgros ba bshad pa gnyis/ dang po la 'gal rkyen bar chad kyi
spros pa bshad pa dang/ mthun rkyen cho ga'i spros pa bshad pa
dang/ thob pa mi nyams par bsrung ba'i spros pa bshad dang gsum
las/ /gnyis pa la lus kyi rtags dang/ snod kyi rtags gnyis las/

dang po ni/ dgon pa bas skra sor gnyis las/ zhes sogs kyis
'chad/ /gnyis pa snod spyad kyi rtags 'chad pa ni/ lhung bzed
med par rab tu byung ba dang/ bsnyen par rdzogs par mi bya'o/
/zhes pas 'chad/ 'di'i skabs su dgag gzhag gnyis las dang

@044a @#/ /po la/ kha cig /rung ba tshad dang ldan pa'i sgo nas
rab byung gi snod spyad kyi gtso bor dmigs pa lhung bzed kyi
mtshan nyid zer na/ lhung bzed 'brel med chos can/ mtshan nyid der
thal/ mtshon bya de'i phyir/ de der thal/ de yod pa'i phyir/ rtsa
bar 'dod na/ lhung

bzed 'brel med lhung bzed kyi 'chang spang byung ba'i dge slong
gi chad las su bcang bar bya ba ma yin par thal lo/ /rin po che
las byas pa'i lhung bzed kyang chos can/ mtshan nyid der thal/
mtshon bya de'i phyir/ tshad la bu ston thams cad mkhyen pa ni
tshong 'dus

'gur mo'i gser bre'i bre bdun dang lnga phul do shong ba'i lhung
bzed de dge slong pha'i lhung bzed chung tshad/ de gnyis 'gyur
shong ba che tshad/ de'i bar 'bring tshad yin/ zhes gsung/ bya
'dul 'dzin pa ni/ phul bcu shong ba dge slong pha'i lhung bzed
chung tshad/ nyi shu shong ba

che tshad/ bco lnga shong ba 'bring tshad yin/ zhes gsung/ shes
bya chos can/ bcas ldan dge slong gis sbyin bdag gcig la dus
gcig la phul sum cu blang du rung bar thal/ des de la dus gcig
la lhung bzed chung tshad gsum blang du rung ba gang zhig /phul
bcu shong ba'i

lhung bzed de dge slong pa'i lhung bzed chung tshad yin pa'i
phyir/ 'dod na/ lhung bzed do gsum tsam las lhag pa blangs pa'i
ltung byed 'chad pa'i skabs su/ des dus gcig la de la phul nyi
shu rtsa bdun las lhag pa blang du mi rung bar bshad pa mi 'thad
par thal lo// ! //rang

lugs ni/ mtshan nyid/ dbye ba/ gang zag gang gis bcang ba/ tshul
ji ltar du bcang ba/ bcangs pa'i dgos pa/ sgra bshad pa dang
drug /dang po ni/ rung ba tshad dang ldan pa'i sgo nas rab byung
gi snod spyad kyi gtso bor dmigs pa/ ston pas gnang ba'i lhung
bzed kyi

mtshan nyid/ 'o na/ ston pas gnang ba'i lhung bzed de la rung ba
tshad dang ldan pa zhig dgos na rung ba ni gang/ tshad ni ji lta
bu zhe na/ rung ba la rgyu'i sgo nas dang/ kha dog gi sgo nas/
dbyibs kyi sgo nas/ ngo bo'i sgo nas/ cho ga'i sgo nas rung ba
dang lnga las/ dang

@044b po ni; rgyu'i sgo nas rung ba zhig dgos te/ rgyu lcags
dang sa gang rung las byas pa zhig dgos kyi/ zangs dang/ ra gan
dang/ 'khar ba dang/ shing sogs las bya mi rung ba'i phyir te/
byin gyis brlab tu rung ba na gnyis te/ lcags las byas pa dang/
sa las byas pa'i/ /zhes

gsungs pa'i phyir/ kha dog gi sgo nas rung ba zhig dgos te/ kha
ma med par bya rog gi mig ltar gnag cing gsal ba cig dgos pa'i
phyir te/ skya bo dang dkar ba dang cha ba rnams ni rung ba nyid
ma yin no/ /zhes gsungs pa'i phyir/ dbyibs kyi sgo nas rung ba
zhig dgos

te; sgo nga phyed pags pa ltar zlum pa zhig dgos pa'i phyir/ ngo
bo'i sgo nas rung ba zhig dgos te/ lhan pa bzhi man chad phog
kyang rung la lnga yan chad ma phog pa zhig dgos pa'i phyir/ cho
ga'i sgo nas rung ba ni/ byin gyis brlab tu rung ba'i lhung bzed
la lhung bzod 'brel med ma

yin pa zhig dgos te/ lhung bzed 'brel med lhung bzed kyi 'chang
spang byung ba'i dge slong gi chad las su bcang bar bya nga yin
gyi/ byin gyis brlab tu mi rung ba'i phyir/ tshad kyang gzhag tu
yod de/ lhung bzed kyi kha'i cha ste mu kho nas mthe po'i lto
gang gi lhag mar 'bras 'thug

po ste skam po ma ga ta'i bre'u chung gang btsos pa gsum 'phel
du song ba'i chal phul drug /tshod ma'i cha la phul gang/ sran
tshod kyi cha la phul gang mthe po'i lto gang gi cha la phul gang
ste phul dgu shong pa'i lhung bzed de dge slong pha'i lhung bzed
chung tshad dang/ de nyis 'gyur shong ba che

tshad dang/ de'i bar shong pa 'bring tshad yin no/ /bod bre'i
dbang du byas na/ bod kyi bre phyed do/ /phul gyi dbang du byas
na/ phul dgu/ khor ba'i dbang du byas na/ ya khyor sum cu phyed
dang so gnyis shong pa'i lhung bzed de dge slong pha'i lhung
bzed chu 'tshad de nyis 'gyur shong pa che tshad/ de'i par shong

pa 'bring tshad yin no/ /'o na/ ma ga ta'i bre'u chung gi tshad de
gang zhe na/ de'i tshad yod de/ srang gi dbang du byas na/ bod
kyi gsar srang sum cu rtsa gnyis kyi lced dang mnyam pa'i 'bras
la ma ga ta'i bre'u chang gang du 'jog pa yin pa'i phyir te/
rgya cher 'grel las/ de bas na 'dir chu srang

@045a @#/ /bcu drug la ma ga ta'i brer brjod pa zhes bya bar
rtogs par bya'o/ /zhes gsungs pa gang zhig /ma ga ta'i srang
gang la bod srang dor 'jog pa'i phyir te/ bam po lnga bcu pa
las/ ma ga ta'i bre'u chung gang la 'bras stug po che grus pa ma
ga ta'i srang bcu drug

yod la/ ma ga ta'i srang gcig la bod kyi srang gnyis yod do/ /de
nas srang tshad du brtsis na bod srang sum cu rtsa gnyis yod de/
zhes gsungs pa'i phyir/ phul gyi dbang du byas na/ drug phul do
la ma ga ta'i bre'u chung gang du 'jog pa yin te/ ma ga ta'i
bre'u chung gang la/ bdun phul do dang

ya khyor gang yod pa gang zhig de dang drug phul do tshad mnyam
pa'i phyir/ dang po grub ste/ rgya cher 'grel las/ ma ga ta'i
bre'u chung gang la bdun phul do dang ya khyor gang yod do/
/zhes dang/ bam po lnga bcu pa las/ phul tshad du brtsis na bdun
phul do dang ya khyor gang yod do/ /zhes

gsungs pa'i phyir/ gnyis pa grub ste/ tshe lo brgya ba'i dus kyi
'dzam gu gling ba'i mi na tshod nar son pa gcig gi ya khyor nyi
shu rtsa gcig la bod bre gang/ bod bre gang gi bdun cha la bdun
phul dang drug cha la drug phul du 'jog pa yin pa'i phyir/ dge
slong ma'i lhung bzed kyi tshad

kyang yod de/ dge slong ba'i lhung bzed chung tshad la/ de'i che
tshad dang/ dge slong ma rang nyid ci tsam gyis 'grangs pa'i zas
shong pa chung tshad dang/ de'i bar 'bring tshad yin pa'i phyir/
dge slong pha lhung bzed che ba dang/ ma lhung bzed chung ba'i
rgyu mtshan yod de/ 'jig rten na skyes ba

kham phor che bud med kham pho re chung bar grags pas 'jig rten
pa'i grags tshod dang bstun pa yin pa'i phyir/ gnyis pa ni/ de la
du mar yod de/ dge slong pha'i lhung bzed chung 'bring chen po
gsum/ dge slong ma'i lhung bzed chung 'bring chen po gsum ste
drug /de re re la sa

las byas pa dang/ lcags las byas pa gnyis gnyis te bcu gnyis yod
do/ /gsum pa ni/ gang zag gang gis bcang ba yod de/ rab byung
sde lnga po thams cad kyis bcang bar bya ba yin pa'i phyir/ bzhi
pa ni/ lhung bzed ji ltar 'chang ba'i tshul yod de/ 'greng

@045b bzhin du gzhug pa dang dbyung ba dang lag pa bkrus pa'i
chu dang zas kyi lhag ma sogs mi blug cing/ dge tshul bag med
pa'i chos can la byi dor byar mi gzhug pa sogs kyi sgo nas bcang
bar bya ba yin pa'i phyir/ lnga pa ni/ lhung bzed bcangs pa la
dgos pa yod de/

bcom ldan 'das kyi bcas pa dang mthun pa/ dge slong gi dran gso
ba/ shAkya'i sras kyi rjes 'jug tu go ba/ de thams cad nges
'byung gi bsam pas zin bar byas bas gnas skabs mngon mtho dang/
mthar thug nges legs thob par 'gyur ba'i phyir/ drug pa ni/

ci'i phyir lhung bzed ces bya zhe na zas lhung ba bzed pa'i snod
yin pa'i rgyu mtshan gyis de ltar brjod pa'i phyir/ ngag don ni/
lhung bzed med par rab byung dang bsnyen par rdzogs par mi bya
ste/ de ltar bya mi rung ba'i phyir/ /gnyis pa thun mong ma yin
pa dge slong ma'i spros

pa bshad pa la/ gang las skye ba mthun rkyen rgyu'i khyad par/
/'gal rkyen bar chad kyi khyad par dang gnyis/ dang po ni/ dge
slong gi gnas su dge slong ma'i/ /zhes pas bshad/ 'di'i skabs
su/ dgag gzhag gnyis las/ dang po ni/ kha cig /dge bsnyen ma/
bar ma rab byung

ma; dge tshul ma/ dge slong ma/ tshangs spyod la nyer gnas kyi
sdom pa sngon du ma song bar dge slong ma'i sdom pa skye ba med
zer na/ de yod par thal/ lci ba'i chos brgyad spong bar khas
blangs pa la brten nas dge slong ma'i sdom pa skye ba yod pa'i
phyir/ kha cig /da ltar gyi cho

ga la brten nas de rnams sngon du ma song bar de skye ba med zer
na/ de yod par thal/ de la brten nas dge tshul ma'i sdom pa sngon
du ma song bar dge slong ma'i sdom pa skye ba yod pa'i phyir te/
de la brten nas dge slong ma'i sdom pa sngon du ma song bar dge
slong ma'i sdom pa

skye ba yod pa'i phyir/ kha cig /dge tshu ma'i sdom pa sngon du
ma song bar dge slob ma'i sdom pa skye ba yod zer na/ dge tshul
ma'i sdom pa ma blangs pa'i dge slob ma chos can/ khyod dge slob
ma ma yin par thal/ khyod kyi rgyud la rab byung gi sdom pa med
pa'i phyi

@046a @#/ /rtags khas/ kha cig /da ltar gyi cho ga la brten nas
tshangs spyod la nyer gnas kyi sdom ba ma thob par dge slong ma'i
sdom pa skye ba med zer na/ de yod par thal/ de la brten nas
skyes ba bsnyen par rdzogs pa'i cho gas bud med bsnyen par
rdzogs na yang bsnyen

rdzogs kyi sdom pa skye ba'i phyir ro// !//gnyis pa rang lugs
la/ gang la nod ba yul gyi khyad par/ gang gis nod pa rten gyi
khyad par/ ji ltar nod pa cho ga'i khyad par/ bslab pa'i tshig gi
khyad par/ rgyud snod du rung ba'i khyad par dang lnga las/ dang
po la/ mkhan po'i khyad par/ slob

dpon gyi khyad par/ dad pa'i yul dge 'dun gyi khyad par dang
gsum las/ dang po ni/ skyes pa bsnyen par rdzogs pa dang/ bud
med bsnyen par rdzogs pa'i mkhan po'i khyad par yod de/ spyir
btang gi dbang du byas na/ skyes pa bsnyen par rdzogs pa'i mkhan
po la/ bsnyen

par rdzogs nas sdom rgyun bar ma chad du lo bcu lon zhing/ pham
pa bzhis ma gos pa zhig dgos shing/ bud med bsnyen par rdzogs pa
la mkhan mo bsnyen par rdzogs nas sdom rgyun bar ma chad du lo
nyi shu lon zhing/ pham pa brgyad kyis ma gos pa zhig dgos pa'i
phyir/ gnyis

pa ni/ slob dbon gyi khyad par yod de/ skyes pa bsnyen par
rdzogs pa la las slob gcig gis cho ga la/ bud med bsnyen par
rdzogs pa la las kyi slob dpon ma dang las slob gcig ste las
slob gnyis dgos pa'i phyir/ gsum pa ni/ dad pa'i yul dge 'dun
gyi khyad par yod de/

skyes pa bsnyen par rdzogs pa la yul dbus su dge slong bcu dang
mtha' 'khob tu lnga'i grangs tshang dgos/ bud med bsnyen par
rdzogs ba la yul dbus su dge slong bcu dang dge slong ma bcu
gnyis te nyer gnyis dang/ mtha' 'khob tu dge slong lnga dang dge
slong ma drug ste bcu gcig

gi grangs tshad dgos pa'i phyir/ gnyis pa gang ge nod pa rten gyi
khyad par la/ cha lugs kyi khyad par/ na tshod kyi khyad par/
tshigs snga ma sngon du song ba'i khyad par dang gsum las/ dang
po yod de/ lhung bzed che chung dang/ chos gos grangs mang
nyung
gi khyad par yod pa'i phyir te/

@046b skyes ba bsnyen par rdzogs pa la chos gos gsum gyis chog
/bud med bsnyen par rdzogs pa la chos gos gsum rdul gzan dang
shing nga dpung bcad de chos gos lnga tshang dgos pa'i phyir/
gnyis pa yod de/ skyes ba bsnyen par rdzogs pa la lo nyi shu lon
pa dgos la/ bud med khyim so bzung na

lo bcu gnyis dang ma bzung na lo nyi shu lon pa zhig dgos pa'i
phyir/ gsum pa yod de/ nyes med phun tshogs kyi dbang du byas na
skyes ba bsnyen bar rdzogs pa la/ dge bsnyen/ bar ma rab byung/
dge tshul rnams sngon du 'gro dgos/ bud med bsnyen par rdzogs pa
la/ dge bsnyen/ bar ma rab

byung ma/ dge tshul ma/ dge slob ma/ tshangs spyod la nyer gnas ma
rnams sngon du 'gro dgos pa'i phyir/ gsum pa ji ltar nod pa cho
ga'i khyad par la/ sbyor dngos mjug gsum las/ dang po la/ bar
chad dri tshul gyi khyad par/ gsol ba 'debs tshul gyi khyad par
gnyis las/ dang po yod de/ bud

med bsnyen par rdzogs pa la sbyor ba'i cho ga'i skabs su las
slob kyis bar chad 'dri ba'i tshe dge slong ma gzhan zhig gis bar
du bsgribs te 'dri dgos la/ skyes pa la de ltar mi dgos pa'i
phyir ro/ /gnyis pa yod de/ bud med bsnyen par rdzogs pa la
sbyor ba'i cho ga'i gnas skabs

su gnyis ka'i dge 'dun la gsol ba gdab dgos la/ skyes pa la de
ltar mi dgos pa'i phyir/ dngos gzhi'i cho ga la ming gi rjod
tshul la khyad par yod de/ skyes pa bsnyen par rdzogs pa'i tshe
dge slong zhes pa'i gnas skabs thams cad du/ bud med bsnyen par
rdzogs pa'i tshe dge slong ma

zhes brjod par bya ba yin pa'i phyir/ mjug gi cho ga'i khyad par
yod de/ skyes ba bsnyen par rdzogs pa'i tshe mjug chog gi skabs
su tshangs par spyod pa'i gnas bzhi dang/ ltung bar 'gyur ba'i
chos bzhi dang/ dge sbyod du byed pa'i chos bzhi ste/ gdams ngag
rnam pa bcu gnyis brjod dgos

la; bud mad bsnyen par rdzogs pa'i mjug chog gi skabs su/ gnas
shing drung pa ma gtogs tshangs par spyod pa'i gnas gsum dang/
pham pa brgyad kyang brjod dgos pa'i phyir/ pham pa brgyad yod
de/ thun mong pa'i pham pa bzhi/ reg pa'i pham pa/ 'chab pa'i
pham pa/ zlog pa'i

@047a @#/ /pham pa/ lus bkan gyi pham pa rnams su yod pa'i phyir/
khyad par gzhan yang yod de/ bud med la de'i skabs su lci ba'i
chos brgyad brjod dgos la/ skyes ba la de mi dgos pa'i phyir/
lci ba'i chos brgyad yod de/ dge slong ma rnams kyi zla ba byed
phyed cing dag

slong gi dge 'dun la gdams ngag nod du yod bzhin du mi nod pa
dang/ dge slong mas dge slong gi dge 'dun med pa'i sa phyogs su
dbyar gnas par khas blangs pa dang/ dgag dbye byed pa'i tshe
gnyis ka'i dge 'dun la dgag dbye mi byed pa dang/ dge slong mas
mkhan po byed pa'i

tshe gnyis ka'i dge 'dun la gsol ba 'debs su mi 'jug pa dang/ dge
slong gsar bu la phyag mi 'tshal ba dang/ dge slong gsar bu la co
'dri ba dang/ dge slong la ltung ba gleng dran byed pa dang/ mgu
ba sbyong ba'i tshe gnyis ka'i dge 'dun la mi spyod pa rnams su
yod pa'i phyir/

ngag don/ skyes pa bsnyen par rdzogs pa dang bud med bsnyen par
rdzogs pa'i cho ga la khyad par yod de/ skyes pa bsnyen par
rdzogs pa'i tshe dge slong zhes pa'i gnas skabs thams cad du/ bud
med bsnyen par rdzogs pa'i tshe dge slong ma zhes bya ba yin pa'i
phyir/ kho na re

dge slong ma de dge slong ma yin par thal/ dge slong gi dge 'dun
med pa'i sa phyogs su dge slong mas dbyar gnas par khas blangs
pa zhig yod pa'i phyir/ 'dod na/ de de yin par thal/ dge slong
ma'i rgyud kyi bsnyen rdzogs kyi sdom pa de dge slong gi sdom pa
yin pa'i phyir te/

de spong bdun 'khor bcas kyi tshul khrims yin pa'i phyir na rtsa
bar ma khyab/ bzhi pa bslab pa'i tshigs kyi khyad par la/ tshigs
gzhan yod pa nyid du bstan pa ni/ bud med la ni dge slong ma
zhes bya ba'i tshigs gzhan yod do/ /zhes pas 'chad/ 'di'i skabs
su/ dge slong

ma'i sngom pa'i rnam gzhag bshad pa la/ yul gang la nod pa/ rten
gang gis nod pa/ sbyin pa dang spyad pa'i dus/ ji ltar sbyin
pa'i cho ga dang bzhi las/ dang po ni/ mkhan mo dang/ las byed
pa'i dge slong ma dang/ dge 'dun grangs chad ba rnams las nod
par bya ba

@047b yin pa'i phyir/ dge 'dun grangs tshang ba dges te/ yul dbus
su dge slong ma bcu gnyis dang/ mtha' 'khob tu drug gi grangs
tshang ba dgos pa'i phyir/ gnyis pa ni/ khyad par bzhi dang ldan
pa zhig dgos te/ lus phun sum tshogs pa/ cha lugs phun sum tshogs

pa/ bsam pa phun sum tshogs pa/ tshigs snga ma sngon du song ba'i
khyad par dang ldan pa zhig dgos pa'i phyir/ dang po dang ldan
pa zhig dgos te/ lus la brten pa'i bar chad dang mi ldan zhing
nar son ba zhig dgos pa'i phyir/ de yang khyim so bzung na lo
bcu dang/ ma

bzung na lo bco brgyad lon pa zhig dgos so/ /gnyis pa dang ldan
pa zhig dgos te/ snam sbyar ma gtogs pa'i chos gos lhung bzed
dang bcas pa tshang ba zhig dgos pa'i phyir/ gsum pa dang ldan pa
zhig dgos te/ dge slob ma'i sdom pa thob par 'dod pa zhig dgos

pa'i phyir/ bzhi pa dang ldan pa zhig dgos te/ nyes med phun
tshogs kyi dbang du byas na/ dge bsnyen ma dang/ dge tshul ma'i
sdom pa sngon du song ba zhig dgos pa'i phyir/ /bzhi pa ni/
sbyor dngos mjug gsum las/ dang po sbyor ba'i cho ga yod de/
ston pa sangs rgyas la

phyag 'tshal ba dang/ dge 'dun re re la phyag gsum gsum 'tshal ba
dang/ mkhan mor gsol ba 'debs pa rnams su yod pa'i phyir/ dngos
gzhi'i cho ga yod de/ gsol gnyis kyi las kyi sbyin par bya ba
yin pa'i phyir/ mjug gi cho ga yod de/ las kyi mjug sdud pa
dang/

sdom pa thob pa'i dus dang/ gdam ngag rnam pa bcu gnyis brjod pa
rnams mjug chog yin pa'i phyir/ gdam ngag bcu gnyis ni yod de/
rtsa ba'i chos drug dang rjes mthun gyi chos drug rnams yod pa'i
phyir/ rtsa ba'i chos drug ni karma sha tam las/ gcig pur lam du
'gro mi bya/ /chu

ba'i pha rol rkyal mi bya/ /skyes ba la ni reg mi bya/ /skyes ba
dang ni 'dug mi bya/ /gnyin du 'gyur ba mi bya zhing/ /kha na ma
tho 'chab mi bya/ /zhes gsungs pa ltar ro/ /rjes mthun gyi chos
drug ni/ de nyid las/ gser la gzung bar mi bya zhing/ /'doms kyi
spu ni breg mi bya/ /sa ni go bar mi bya

@048a @#/ /ste; ;rtsa sngon mi gtsang 'dor mi bya/ /sbyin len ma
byas bza' mi bya/ /sog 'jog byas pa'ang bza' mi bya/ /zhes
gsungs pa ltar ro/ /ngag don ni/ nyes med phun tshogs kyi dbang
du byas na/ bud med bsnyen par rdzogs pa'i tshe dge chul ma'i
sdom pa sbyin pa'i mjug

thogs de ma thag tu dge slong ma'i sdom pa sbyin du mi rung ste/
de gnyis kyi bar du sbyin par bya ba'i dge slob ma zhes bya ba'i
tshigs gzhan yod pa'i phyir/ lnga pa rgyud snod rung gi khyad par
ni/ tshangs par spyod pa la nye bar gnas pa'i sdom pa ma thob par
bsnyen par rdzogs par mi 'gyur/

zhes pas 'chad/ 'di'i skabs su/ tshangs spyod la nyer gnas kyi
sdom pa'i rnam gzhag la/ yul gang las nod pa/ rten gang gis nod
pa/ tshul ji lta bus nod pa dang gsum las/ dang po yod de/ mkhan
mo dang/ las byed pa'i slob dpon ma dang/ gsang ste ston pa'i
slob dpon ma dang/

dge slong ma'i dge 'dun rnams las nod par bya ba yin pa'i phyir/
gnyis pa la khyad par bzhi dang ldan pa zhig dgos te/ lus phun
sum tshogs pa/ cha lugs phun sum tshogs pa/ bsam pa phun sum tshogs
pa/ tshigs snga ma sngon du song ba'i khyad par rnams dang ldan
pa dgos pa'i phyir/

dang po dgos te/ lus la brten pa'i bar chad dang mi ldan zhing
dngos po dang bsam pa'i sgo nas na tshod nar son pa dgos pa'i
phyir/ de yang khyim so bzung na lo bcu gnyis dang/ ma bzung na
lo nyi shu lon pa dgos pa'i phyir/ gnyis pa dang ldan pa dgos
te/ chos gos lnga lhung

bzed dang bcas pa tshang ba zhig dgos pa'i phyir/ gsum pa dang
ldan pa dgos te/ bsam pa thag pa nas tshangs spyod la nyer gnas
ma'i sdom pa thob par 'dod pa zhig dgos pa'i phyir/ bzhi pa dang
ldan pa zhig dgos te/ nyes med phun tshogs kyi dbang du byas na/
dge bsnyen

ma'i sdom pa/ dge tshul ma'i sdom pa/ dge slob ma'i sdom pa rnams
sngon du 'gro dgos pa'i phyir/ gsum pa yod de/ sbyor dngos mjug
gsum gyi sgo nas nod par bya ba yin pa'i phyir/ des na da ltar
gyi cho ga la brten nas bud med bsnyen par rdzogs par byed pa'i
skabs su/

@048b tshangs spyod la nyer gnas ma'i sdom pa sbyin pa la dgos pa
yod de/ bsnyen rdzogs kyi sdom pa skye ba'i snod rung du bya
ba'i ched yin pa'i phyir te/ ngag don ni/ da ltar gyi cho ga la
brten nas bud med bsnyen par rdzogs par byed pa la tshangs spyod
la nyer gnas ma'i sdom pa ster dgos

te; de ma thob par bud med kyi da ltar gyi cho ga la brten nas
nyes med phun tshogs kyi bsnyen rdzogs kyi sdom pa thob par mi
'gyur ba'i phyir/ /gnyis pa des bslab par bya ba'i rim pa bshad
pa la/ spang bya ldog pa'i bslab bya bshad pa dang/ nyams su
blang bya sgrub pa'i bslab bya

bshad pa gnyis/ dang po la/ sde lnga so so'i mtshan nyid bshad pa
dang/ zhu ba spyir bstan pa gnyis las/ dang po la/ dge slong
pha'i ltung ba sde lnga bshad pa dang/ dge slong ma'i ltung ba
sde lnga bye brag tu bshad pa gnyis/ dang po la/ thun mong ba
bslab pa 'bul chog bshad pa dang/ ltung

bsde ltung bshad pa dngos gnyis las/ dang po ni/ rang bzhin
nyams pas byas pa nyid ni phul ba nyid ma yin no/ /zhes pas
'chad/ 'di'i skabs su spyi don dang gzhung don gnyis las/ dang
po la/ bslab pa 'bul chog dang por 'chad pa'i rgyu mtshan/ zhar
la sdom pa'i gtong rgyu bshad pa dang/

bslab pa 'bul chog bye brag tu bshad pa gsum/ dang po ni/ lung
du bslab pa 'bul chog mi tshangs spyod kyi skabs su bshad kyang
slob dpon gyi bstan bcos 'dir ltung ba sde lnga'i dang por 'chad
pa'i rgyu mtshan yod de/ ltung ba sde lnga bskyed pa'i rtan de la
bslab pa ma phul ba zhig dgos

so; ;zhes shes par bya ba'i ched yin pa'i phyir/ gnyis pa ni/ so
thar gyi sdom pa'i gtong rgyu de la du ma yod de/ bslab pa phul
ba/ shi 'phos pa/ mtshan gnyis cig car du byung ba/ dge rtsa chad
pa/ mtshan mo'i mtha' las 'das pa ste/ mdzod las gsungs pa lnga/
lo nyi shu ma lon pa la

der 'du shes pa/ mtshan lan gsum gyur pa/ ma ning du gyur nas
'gyur ba bsten pa/ bslab pa nyams par byas pa/ mi tshangs par
spyod par khas blangs pa rnams su yod pa'i phyir/ de ltar yang
mdzod las/ bslab pa phul dang shi 'phos dang/ /mtshan gnyis dag
ni byung ba dang/ /rtsa ba

@049a @#/ /chad dang mchan 'das las/ /so sor thar pa'i 'dul ba
gtong/ /zhes gsungs pa'i phyir/ de yang lo nyi shum lon pa la
der 'du shes pa ni/ dge slong pha'i sdom pa'i thun mong ma yin
pa'i gtong rgyu dang/ mi tshangs par spyod pa khas blangs pa ni/
dge

slob ma'i sdom pa'i thun mong ma yin pa'i gtong rgyu/ mtshan mo'i
mtha' las 'das pa ni/ bsnyen gnas kyi sdom pa'i thun mong ma yin
pa'i de yin no/ /gsum pa la/ yul gang la 'bul ba/ rten gyi gang
zag gang gis 'bul ba/ dngos po gang 'bul ba/ tshul ji ltar 'bul

ba/ phul ba'i dgos pa/ bslab pa phul nyams kyi khyad par/ bslab
pa phul ba dgag sgrub gang gi bslab bya yin min la dpyad pa'o/
/dang po ni/ mi yin pa/ smra shes pa/ don go ba/ shes pa rang
bzhin du gnas pa/ lus tha mal du gnas pa/ ma ning dang mtshan
gnyis pa ma yin pa'i gang

zag la'o/ /gnyis pa yod de/ lus tha mal du gnas pa/ shes pa rang
bzhin du gnas pas so/ /gsum pa yod de/ rang rgyud kyi bslab pa
de 'bul bar bya ba yin pa'i phyir/ bzhi ba yod de/ bsam pa thag
pa nas bslab pa 'bul bar 'dod pas kun nas bslangs te/ bslab

pa 'bul lo zhes pa'i tshig pha rol pos don go ba zhig dgos pa'i
phyir/ der ma zad dkon mchog gsum dang/ sde snod gsum dang/
mkhan slob la 'bul bar smras pas phul bar 'gyur la lag brdas
kyang 'bul bar rung bar bshad do/ /bye brag tu dge slong gis

bdag dge tshul du gzung du gsol/ zhes dang dge tshul gyis bdag dge
bsnyen du gzung du gsol/ dge bsnyen gyis bdag bsnyen gnas su
gzung du gsol/ zhes brjod na sdom pa 'bul chog tu 'gro ste/ dang
po ni mdo las gsungs shing/ phyi ma gnyis rigs 'gre

las grub pa'i phyir/ lnga pa ni/ dgos pa yod de/ srung ma nus na
phul nas phyis blangs na skye ba sogs kyi dgos pa yod pa'i
phyir/ drug pa ni/ bslab pa phul nyams kyi khyad par yod de/
rnam par rig byed gang gis bslab pa 'bul ba dngos su go bar byed
pa ni bslab

@049b pa phul ba dang/ bslab pa 'bul ba brgyud nas go bar byed
pa ni bslab pa nyams par byas pa yin pa'i phyir/ de brgyud nas
go bar byed pa'i don yang dge slong 'ga' zhig dge slong gi tshul
gtong bar 'dod pas dge slong zhig gi drung du phyin te/ tshangs
par spyod pa spyad dka'o/ /rab tu

dpen pa bya dka'o/ /pha ma dang/ phu nu dang/ bu dang/ sring mo
dag kyang dran no/ /zhes dge slong gi tshul gtong bar 'dod pa'i
tshig smra ba'o/ /bdun pa ni/ bslab pa 'bul ba spyir btang la
dgag pa'i bslab bya yin te/ chos 'di'i rab tu byung ba rnams
kyis bslab pa 'bul du mi rung ba'i phyir/

dmigs bsal la sgrub pa'i bslab byar 'gyur ba yang yod de/ bslab
pa srung bar mi nus pa rnams kyis bslab pa 'bul bar gnang pa'i
phyir ro/ /gnyis pa gzhung don ni/ smyo ba la sogs pas blo'i
rang bzhin nyams par byas pa'i gang zag rnams kyis bslab pa phul
ba ni bslab pa

phul ba byas pa nyid ma yin te/ de la bya mi bya'i rang dbang
med pa'i phyir/ ! /gnyis pa la/ gcod par byed pa pham pa'i sde/
gso ba dge 'dun la rag las pa dge 'dun lhag ma'i sde/ zhag gi
chad las dang 'brel ba ltung byed kyi sde/ smre sngags kyi sgo
nas so sor bshags dgos pa sor

bshags kyi sde/ bslab bya nyes byas kyi sde bshad pa dang lnga
las/ dang po ni/ sdom las/ mi tshangs spyod dang rku ba dang/ /mi
la gsad par mi bya ba/ /brdzun du smra dang bcas pa yi/ /chos
bzhi 'dir ni gsungs pa yin/ /zhes gsungs pa ltar/ rang gzhan
gnyis ka'i tshangs spyod la gnod pa mi

tshangs spyod kyi pham pa/ gzhan gyi longs spyod la gnod pa ma
byin len gyi pham pa/ gzhan gyi lus srog la gnod pa srog gcod
kyi pham pa/ rang gzhan gnyis ka'i don sgrub pa la gnod pa rdzun
smra ba'i pham pa dang bzhi las/ dang po 'chad pa la/ lung gi
bye brag bzhi las/ rnam 'byed kyi skabs

nas 'byung ba ni/ bcug reg nyams su myong bar byas na'o/ /zhes
sogs kyi skabs su/ dgag gzhag gnyis las/ dang po ni/ dge slong
gi ltung ba de la nyis brgya lnga bcu rtsa gsum du nges ni/ sbom
po de gang gi sngar gtogs yin zhe na/ kha cig /sbom po de pham
lhag gang rung gi sder

@050a @#/ /gtogs pa yin te/ sbom po yin na pham lhag gang rung gi
spyir ltung yin dgos pa gang zhig /pham lhag gang rung gi sbyor
ltung de pham lhag gang rung gi sder gtogs pa'i phyir/ zhes zer
na/ 'o na/ bcas ldan dge slong gis lha'i rdzas rin thang tshang
ba rkus

shing/ thob blo skyes pa las byung ba'i ltung ba chos can/ dang
por der thal/ de'i phyir/ ma byin len gyi mthar thug grub pa la
yan lag gcig kho na ma tshang ba'i ltung ba yin pa'i phyir/ rtsa
bar 'dod na/ de chos can/ khyod pham lhag gang rung gi sbyor
ltung ma yin par thal/ khyod rang

nyid kyi dngos gzhi yongs su rdzogs pa'i ltung ba yin pa'i phyir
te/ chos can de'i phyir/ kha cig /ston pa'i bcas pa dang 'gal
pa'i rab byung gi kha na ma tho ba ltung ba'i mtshan nyid/ bsnyen
par rdzogs pa'i rten la 'byung ba'i dngos gzhi yongs su rdzogs
pa'i ltung ba gang zhig khyod

dag byed chad las kyi bslab pa byin ba la ltos pa pham pa'i
mtshan nyid/ de gang zhig /khyod dag byed mgu ba spyod pa'i chad
las la ltos pa/ dge 'dun lhag ma'i mtshan nyid/ de gang zhig dge
'dun lhag ma las yang/ sor bshags las lci ba ltung byed kyi
mtshan nyid/ ltung byed

gang zhig khyod dag byed dngos po spangs pa'i chad las la ltos
pa spang ltung gi mtshan nyid/ ltung byed gang zhig /bshags pa
kho nas dag par 'gyur ba ltung byed 'ba' zhig pa'i mtshan nyid/
zer na/ shes bya chos can/ dge bsnyen gyi ltung ba med par thal/
ltung ba yin na rab byung gi

kha na ma tho ba yin dgos pa'i phyir/ rtags khas/ 'dod na/ dge
bsnyen gyi rtsa ltung med par thal la/ /gzhan yang/ so thar gyi
pham pa 'chab bcas chos can/ mtshan nyid gnyis pa'i zur gnyis pa
der thal/ mtshon bya de'i phyir/ 'dod na/ so thar gyi pham pa
'chab bcas tshe de nyid la

'dag pa srid par thal/ de rang nyid 'dag byed chad las kyi bslab
pa sbyin pa la ltos pa'i phyir/ 'dod mi nus te/ so thar gyi pham
pa 'chab bcas de chos 'dul ba 'di las yos mes tshig pa bzhin du
slar mi skye ba'i chos can du gsungs pa yin pa'i phyir/ gzhan
yang/ dge 'dun

@050b lhag ma'i mtshan nyid de yang mi 'thad par thal/ sngar byas
la 'gyod sems dang/ phyin chad la sdom sems dang ldan pa'i dge
slong sde snod 'dzin pas dge slong gcig gi mdun du bshags pas
dge 'dun lhag ma dag pa zhig yod pa'i phyir/ gzhan yang/ bcas
ldan dge slong gis khab ral

'chos pa las byung ba'i ltung ba chos can/ mtshan nyid lnga pa'i
zur gnyis pa der thal/ mtshon bya de'i phyir/ 'dod na/ de chos
can/ khyod bshags pa kho nas dag byed ma yin par thal/ khyod
rang nyid dag byed dngos po spangs pa'i chad las la ltos pa'i
ltung ba yin pa'i phyir/ de der thal/

gal te ma bcag na ma bshags pa nyid yin no/ /zhes gsungs pa'i
phyir/ kha cig /bsnyen par rdzogs pa'i rten la 'byung ba'i dngos
gzhi yongs su rdzogs pa'i ltung ba gang zhig /khyod dag byed
chad las kyi bslab pa sbyin pa la ltos pa'i rigs can/ pham pa'i
mtshan nyid zer

na; byang sems kyi pham pa chos can/ zur dang po der thal/ mtshon
bya de'i phyir/ 'dod na/ khyim pa'i byang sems med par thal lo/
/kha cig /kha na ma tho ba gang zhig /rgyu nyon mongs pa can gyi
sems kyis kun nas bslangs pa/ rang bzhin gyi kha na ma tho ba'i
mtshan nyid/ de gang zhig /rgyu

nyon mongs pa can ma yin pa'i sems kyis kun nas bslangs pa bcas
pa'i kha na ma tho ba'i mtshan nyid/ zer na/ bcas ldan dge slong
gis sred pas chang btungs pa las byung ba'i nyes ltung chos can/
ymtshon bya dang po der thal/ mtshan nyid de'i phyir/ rtags gnyis
pa grub ste/ chos can

de yin pa'i phyir/ 'dod mi nus te/ bcas pa'i kha na ma tho ba
yin pa'i phyir/ de der thal/ mdzod las/ bcas pa'i kha na ma tho
ba/ /myos 'gyur las gzhan srung phyir ro/ /zhes dang/ de'i rang
'grel las/ ji ltar myos par 'gyur ba 'thung ba bcas pa'i kha na
ma tho ba yin zhe na/ rang bzhin gyi

kha na ma tho ba'i mtshan nyid med pa'i phyir/ zhes gsungs pa'i
phyir/ kha cig /kha na ma tho ba gang zhig khyim pa dang rab
byung gnyis ka la sdig tu 'gyur ba de rang bzhin gyi kha na ma
tho ba'i mtshan nyid/ de gang zhig /rab byung kho na la sdig tu
'gyur ba de bcas pa'i kha na ma tho ba'i mtshan nyid zer

@051a @#/ /na/ de la kha cig /ltung ba yin na sdig pa yin dgos
par thal/ mtshan nyid gnyis pa 'thad pa'i phyir/ 'dod na dgra
bcom pa'i rgyud la sdig pa 'byung ba yod par thal/ de'i rgyud la
ltung ba 'byung ba yod pa gang zhig /'dod pa'i phyir/ dang po
der thal/ lo lnga lon

zhing lhan cig sbyar ba tha ma dang ldan na gnas ma bcas par
yang ljongs rgyur 'gro bar bya'o/ /gzhan du na gsum rig pa yang
mi bya'o/ /zhes gsungs pa'i phyir/ rtsa bar 'dod na/ dgra bcom
pa'i rgyud la mi dge ba yod par thal lo/ /zhes zer/ kha cig gis/
kha na ma tho ba gang zhig /rkyen

la ltos te gnang ba mi 'byung ba de rang bzhin gyi kha na ma tho
ba'i mtshan nyid/ de gang zhig /de la ltos te gnang ba 'byung pa
bcas pa'i de'i mtshan nyid/ zer na/ bcas ldan dge slong gis chang
btung ba las byung ba'i ltung ba chos can/ zur gnyis pa der
thal/ mtshon bya gnyis

pa de'i phyir/ rtags grub cing 'dod mi nus te/ rnam 'byed las/
nga ston par khas blangs pa rnams kyis chang rtsa'i chog mas
kyang mi 'tung ngo/ /zhes gsungs pa'i phyir/ kha cig gis/ de
gang zhig /rang nyid kha na ma tho bar 'gyur ba/ bcom ldan 'das
kyis bcas pa'i mtshams

rnam par bzhag pa la mi ltos pa rang bzhin gyi de'i mtshan nyid/
de gang zhig /rang nyid kha na ma tho bar 'gyur ba/ de la ltos
pa de bcas pa'i de'i mtshan nyid/ zer na/ srog gcod kyi pham pa
chos can/ mtshan nyid dang po'i zur gnyis pa der thal/ mtshon bya
de'i phyir/ rang bzhin

gyi ltung ba yin pa'i phyir/ 'dod na/ bcom ldan 'das kyis bcas
pa ma mdzad gong du pham pa 'byung ba yod par thal lo/ /kha cig
ni/ sdig ltung ngo bo tha dad yin te/ de gnyis rten yang tha
dang/ skyed byed kyi rgyu yang tha dad/ gnyen po yang tha dad
yin pa'i phyir/ dang po grub ste/

sdig pa de khyim pa dang rab byung gnyis ka'i rten la 'byung/
ltung ba de rab byung kho na'i rten la 'byung ba'i phyir/ gnyis
pa grub ste/ sdig pa de dngos po'i stobs las byung/ ltung ba de
bcas pa'i stobs las byung ba'i phyir/ gsum pa grub ste/ sdig pa
de stobs bzhi'i sgo nas

@051b 'dag par byed dgos/ ltung pa de ming rigs kyi sgo nas
phyir bces pas dag par byed dgos pa'i phyir/ zhes zer/ shes bya
chos can/ bcas ldan dge slong gi bshags yul mtshan nyid dang ldan
pa'i drung du ltung ba ming rigs kyi sgo nas phyir bcos byas pa
la gnyen po'i stobs bzhi ma

tshang bar thal/ sdig pa de gnyen po stobs bzhi'i sgo nas dag par
byed dgos/ ltung ba de ming rigs kyi sgo nas phyir bcos pas dag
par byed dgos pa'i rgyu mtshan gyis sdig ltung ngo bo tha dad yin
par 'jog rigs pa'i phyir/ 'dod mi nus te/ bshags yul mtshan nyid
dang ldan

pas rten gyi stobs tshad/ sngar byas la 'gyod sems dang ldan pas
rnam par sun 'byin pa'i stobs tshang/ phyin chad sdom sems dang
ldan pas nyes pa las slar ldog pa'i stobs tshang/ ltung ba ming
rigs kyi sgo nas phyir bcos pas gnyen po kun tu spyod pa'i stobs
tshang ba'i phyir/ gzhan yang/

bcas ldan dge slong gis mi gcig bsad pa la srog gcod kyi las lam
gnyis 'byung bar thal/ rtsa ba'i dam bca' de'i phyir/ 'dod mi
nus te/ lung las/ ltung byed ces bya ba ni sems can dmyal ba
dang/ dud 'gro dang/ yi dwags dang/ ngan song dang/ ngan 'gro
dang/ log par ltung ba rnams su

sreg par byed/ 'tshed par byed pas na ltung byed do/ /zhes dang/
mdzod las/ 'chal pa'i tshul khrims mi dge'i gzugs/ /zhes gsungs
pa'i phyir/ gzhan yang/ bcas ldan dge slong gis dud 'gro bsad
pa'i ltung byed de mi dge ba ma yin par thal/ de 'dra'i sdig
ltung ngo bo tha dad yin pa'i phyir/ rtags

las/ 'dod mi nus te/ de rang 'bras rnam smin yid mi 'ong 'byin
byed yin pa'i phyir/ de la kho na re/ bcas ldan dge slong gis de
bzhin gshegs pa'i sku la ngan sems kyis khrag phyung ba'i ltung
ba sbom po de dag pas 'tshams med de yang dag par 'gyur bar thal/
de 'dra'i sdig ltung ngo bo gcig

yin pa'i phyir/ 'dod na/ de 'dra'i sdig pa 'tshams med de tshe
'dir bshags bas 'dag pa srid par thal/ de 'dra'i ltung ba spom
pa de tshe 'dir bshags pas 'dag pa srid pa gang zhig /'dod pa'i
phyir/ 'dod mi nus te/ mdzod las/ 'phags dang 'tshams med byas pa
dag /yang

@052a @#/ /dag log pa nyid du nges/ /zhes gsungs pa'i phyir/ zhe
na/ shes bya chos can/ lcags gong dmar 'bar ba'i tshogs pa na yod
pa'i me'i rgyun log pa'i tshe na lcags gong de'i rgyun yang log
par thal/ lcags gong dmar 'bar ba'i tshogs pa na yod ba'i me
lcags

gnyis po ngo bo gcig yin pa'i phyir/ khyab pa khas/ gzhan yang/
bcas ldan dge slong gis phyi dro'i kha zas zos pa'i sdig pa
stobs bzhis sbyangs/ ltung ba ming rigs kyi sgo nas phyir bcos
ma byas pa de'i tshe de'i ltung ba de yang dag pa yin par thal/
de'i sdig ltung gnyis ngo bo gcig yin

pa'i phyir/ 'dod na/ de lta bu'i gnas skabs kyi dge slong de las
kyi kha skong du 'os par thal lo/ /zhe na/ shes bya chos can/
bslab byin dge slong du gyur pa'i phyir mi 'ong de las kyi kha
skod du 'os par thal/ de 'dra ba'i phyir mi 'ong pham pas dag
pa'i phyir/ khyab pa khas/ der thal/ thun

mong ba'i pham pa yin na mi dge pa yin pas khyab pa gang zhig
/de mi dge bas dag pa'i phyir/ dang po grub ste/ 'chal ba'i tshul
khrims mi dge'i gzugs/ /zhes gsungs pa'i phyir/ gnyis pa grub
ste/ des 'dod nyon ma lus par spangs pa'i phyir/ des na bcas
ldan dge slong

gis phyi dro'i kha zas zos pa'i sdig pa stobs bzhis bshags/
ltung ba phyir bcos ma byas pa'i gnas skabs kyi bcas ldan dge
slong de las kyi kha skong du mi 'os te/ de ltung bas dag kyang
ltung ba des dag ces pa'i tha snyad mi 'thob pa'i phyir/ dper
na/ bslab byin dge

slong du gyur pa'i phyir mi 'od de pham pas dag kyang pham pas
dag ces pa'i tha snyad mi 'thob pa bzhin no// !//gnyis pa rang
lugs la/ sde lnga bshad pa dang/ mi tshangs spyod kyi pham pa
byed brag tu bshad pa gnyis las/ dang po la/ ltung ba'i dbye ba/
bsdu ba/ ngo bo/ grangs nges/ go

rims/ sgra bshad pa/ bsrungs pa'i phan yon/ ma bsrungs pa'i nyes
dmigs dang brgyad/ dang po ni/ ltung ba de la ngo bo'i sgo nas
dbye na du ma yod de/ dge slong la khrims nyis brgya lnga bcu
rtsa gsum dang/ dge slong ma la khrims sum brgya drug cu rtsa
bzhi yod pa'i phyir/ dang po grub ste/

@052b pham pa bzhi/ dge 'dun lhag ma bcu gsum/ spang ltung sum
cu/ 'ba' zhig pa dgu bcu/ sor bshags bzhi/ nyes byas brgya dang
bcu gnyis rnams su yod pa'i phyir/ gnyis pa grub ste/ pham pa
brgyad/ lhag ma nyi shu/ spang ltung so gsum/ 'ba' zhig pa brgya
dang brgyad cu/ sor bshags bcu

gcig /nyes byas brgya dang bcu gnyis rnams su yod pa'i phyir/
sde tshan gyi sgo nas dbye na/ sde lnga yod de/ gcod par byed pa
pham pa'i sde/ gso ba dge 'dun la rag las pa dge 'dun lhag ma'i
sde/ ltung par byed pa ltung byed kyi sde/ smre sngags kyi sgo
nas so sor bshags par bya ba

sor bshags kyi sde/ bslab bya nyes byas kyi sde rnams su yod
pa'i phyir/ gnyis pa la/ dngos dang/ bcas rang gi khyad par
gnyis/ dang po ni/ ltung ba de thams cad dngos po dang bsam pa'i
sgo nas gnyis su 'du ste/ dngos po gtso che ba'i ltung ba dang/
'du shes gtso che ba'i ltung ba

gnyis su 'du ba'i phyir te/ pham lhag dang po gnyis dang po
dang/ lhag ma rnams gnyis pa yin pa'i phyir/ byed las kyi sgo
nas gnyis su 'du ste/ sdom pa'i ltag ma gso mi rung ba'i ltung
ba dang/ gso rung ba'i ltung ba gnyis su 'du ba'i phyir te/ thun
mod pa'i pham pa 'chab bcas

bzhi dang po dang/ lhag ma gzhan rnams gnyis pa yin pa'i phyir/
ngo bo'i sgo nas kyang gnyis su 'du ste/ bcas pa'i ltung ba
dang/ rang bzhin gyi ltung ba gnyis su 'du ba'i phyir/ gnyis pa
ni/ myos 'gyur 'thung ba'i ltung ba dang/ rkyen la ltos nas
gnang ba 'byung ba'i ltung ba'i rigs

gang rung yin pa de/ bcas pa'i ltung ba'i mtshan nyid/ myos 'gyur
'thung ba'i ltung ba las gzhan pa gang zhig /rkyen la ltos te
gnang ba mi 'byung ba'i ltung ba'i rigs su gnas pa rang bzhin
gyi ltung ba'i mtshan nyid/ 'o na/ bcas rang gi khyad par de ltar
yin na/ sdig ltung

ngo bo gcig dang tha dad gang yin zhe na/ sdig ltung gnyis po de
ngo bo gcig la ldog pa tha dad yin te/ rang bzhin gyi ltung ba
de yang sdig pa dang ngo bo gcig yin/ bcas ltung mi dge ba de
yang sdig pa dang ngo bo gcig yin pa'i phyir/ dang po grub ste/
rang bzhin gyi ltung ba de sdig pa yin

@053a @#/ /pa'i phyir te/ 'dul ba'i tshig le'ur byas pa las/ bsad
na ngan 'gror 'gro ba yi/ /sdig pa spom po 'thob par 'gyur/
/zhes gsungs pa'i phyir/ gnyis pa grub ste/ lung las/ ltung byed
ces bya ba ni gang gis ltung ba de byas na byas ma thag tu sems
can

dmyal ba dang dud 'gro dang yi dwags dang ngan song dang ngan
'gro dang log par ltung ba rnams su sreg par byed/ 'tshed par
byed pa'o/ /zhes gsungs pa'i phyir/ kho na re/ sdig ltung ngo bo
gcig la ldog pa tha dad ma yin te/ bye brag tu smra bas ngo bo
gcig la ldog pa tha dang khas mi

len pa'i phyir te/ des tha dad la rdzas tha dad kyis khyab pa
khas len pa'i phyir zer na/ des ngo bo gcig la ldog pa tha dad
khas len te/ phyi rol don grub las/ du ma'i dbus na 'dug pa'i
phyir/ du ma nyid du rnam rtog la/ /'di ltar ldog pa'i sgo nas
ni/ /mang po nyid du'ang spyir rtogs byed/ /ces

gsungs pa'i phyir gsum pa ni/ ltung ba de thams cad rnam par rig
byed kyi gzugs dang/ rnam par rig byed ma yin pa'i gzugs gnyis
po gang rung gis bsdus pa yin te/ 'chal ba'i tshul khrims mi
dge'i gzugs/ /de spong tshul khrims rnam gnyis so/ /zhes gsungs
pa'i

phyir/ ston pa'i bcas pa dang 'gal ba'i kha na ma thob so thar
gyi ltung ba'i mtshan nyid/ bsnyen rdzogs kyi rten la 'byung ba'i
dngos gzhi yongs su rdzogs pa'i ltung ba gang zhig /khyod dag
byed chad las kyi bslab pa byin pa la ltos pa'i rigs can de so
thar gyi pham pa'i mtshan

nyid/ de gang zhig /rang gi ngo bo'i sgo nas dbyung bas 'dag tu
rung ba'i rigs can de/ dge 'dun lhag ma'i mtshan nyid/ de gang
zhig /dge 'dun lhag ma las yang/ sor bshags las lci ba de/ ltung
byed kyi mtshan nyid/ dbye na/ spang ltung dang/ ltung byed 'ba'
zhig pa gnyis/ ltung

byed gang zhig /chad las spang bral gyis 'dag ba'i rigs can de/
dang po'i mtshan nyid/ de gang zhig /bshags pa kho nas 'dag pa'i
rigs can de/ gnyis pa'i mtshan nyid/ de gang zhig /ltung byed
'ba' zhig pa las yang/ nyes byas las lci ba de/ sor bshags

@053b kyi mtshan nyid/ de gang zhig /sor bshags las yang ba/ sdom
gyis bsdus pa'i nyes byas kyi mtshan nyid bzhi pa ni/ dge slong
gi ltung ba de la lngar grangs nges te/ de la der dbyer yod/ de
las mang mi dgos shing /nyung na mi 'du ba yin pa'i phyir/ kho
na re/ dge slong gi ltung ba de la sde

lngar grangs nges pa mi 'thad de/ spom po dang ma nges pa'i sde
gnyis kyang yod pa'i phyir/ zhe na/ sbom po sde lngar ma 'dus
pa'i skyon med de/ sbom po de la pham pa'i char gtogs pa'i sbom
po dang/ dge 'dun lhag ma'i char gtogs pa'i de gnyis su grangs
nges pa'i phyir/ pham pa'i

char gtogs pa'i sbom po de pham pa'i char gtogs/ dge 'dun lhag
ma'i char gtogs pa'i sbom po de dge 'dun lhag ma'i char gtogs
pa'i phyir/ dang po grub ste sbom po yin na pham lhag gang rung
gi na smad kyi ltung ba yin dgos pa'i phyir/ ma nges pa'i sde
gnyis po sde

lnga'i nang du ma 'dus pa'i skyon med de/ gsum du ma nges pa'i
sde ni/ pham pa dang lhag ma dang ltung byed gsum po gang rung
gi sder gtogs/ gnyis su ma nges pa'i sde ni/ lhag ma dang ltung
byed gang rung gi sder gtogs pa'i phyir/ 'o na/ de gnyis so so'i
ngo bo gang zhe na/ gsum du ma

nges pa'i ngo bo bzhag tu yod de/ bcas ldan dge slong gis bud
med dang lhan cig 'dom gang gis bar du ma bcad par// 'dod pa
bsten du rung bar gnas pa las byung ba'i ltung ba de gsum du ma
nges pa'i sde yin pa'i phyir/ gnyis su ma nges pa'i

sde bzhag tu yod de/ bcas ldan dge slong gis bud med dang lhan
cig 'dom gang gis bar du bcad de/ 'dod pa bsten du mi rung bar
gnas pa las byung ba'i ltung ba de gnyis su ma nges pa'i sde yin
pa'i phyir/ /lnga pa ni/ ltung ba sde lnga po de go rims 'di
ltar ston pa'i rgyu

mtshan yod de/ lci yang gi rim pa'i dbang du byas nas de ltar
bstan pa'i phyir/ drug pa ni/ pham pa zhes brjod pa'i rgyu mtshan
yod de/ mi mthun phyogs rgyal zhing/ /gnyen po pham par byed
pa'i rgyu mtshan gyis de ltar brjod pa'i phyir/ dge 'dun lhag ma
zhes brjod pa'i

@054a @#/ /rgyu mtshan yod de/ phyir bcos byed pa dge 'dun la rag
las shing /sdom pa'i lhag ma cung zad lus pa'i rgyu mtshan gyis
de ltar brjod pa'i phyir/ ltung byed ces brjod pa'i rgyu mtshan
yod de/ ngan song du ltung bar byed pa'i rgyu mtshan gyis de ltar

brjod pa'i phyir/ sor bshags zhes brjod pa'i rgyu mtshan yod de/
'chab sems med kyang so sor mthol ba dang bshags pa sogs bya
dgos pa'i rgyu mtshan gyis de ltar brjod pa'i phyir/ nyes byas
zhes brjod pa'i rgyu mtshan yod de/ legs pa ma yin pa

byas pa'i rgyu mtshan gyis de ltar brjod pa'i phyir/ bdun pa ni/
tshul khrims rnam par dag pa bsrungs pa la phan yon du ma yod de/
bam po lnga bcu pa las/ 'chal tshul gyis yid gdungs ba'i 'gyod pa
med pa'i sgo nas chos 'thob par 'gyur ba dang/ de'i sgo

nas 'chi ba'i dus byed par 'gyur ba dang/ phyogs su snyan grags
kyis khyab par 'gyur ba dang/ bde bar gnyid log cing bde bar sad
par byed par 'gyur ba dang/ gnyid log pa'i tshe lha rnams kyis
bsrungs bar 'gyur ba dang/ sdig pas 'jigs yo dang sdangs

ba med par 'gyur ba dang/ mi ma yin pa rnams kyis mi gnod cing
phan 'dogs par 'gyur ba dang/ chos gos la sogs pa tshegs chung
dus thob par 'gyur ba dang/ smon lam yang dag par 'grub pa son
sa kyi phan yon 'byung bar gsungs pa'i phyir/

brgyad pa ni/ ma bsrungs pa la nyes dmigs du ma yod de/ ston pa
dang mkhan slob sogs kyis smod pa dang/ bdag nyid kyis smod pa
dang/ spyir yang chos nyid kyis smod pa dang/ sngar thos pa
brjed pa dang/ mi snyan par thos pa dang/ phyogs su mi snyan
pa'i byung ba

dang/ /'gyod bzhin du 'chi bar 'gyur ba dang/ shi yang ngan
'gror skye ba sogs kyi nyes dmigs yod par gsungs pa'i phyir/
!gnyis pa la/ gleng gzhi/ dgag bya/ ngo bo/ yan lag gi rtsa ba
rnam par bzhag pa bzhi las/ dang po yod de/ yul spong byed

@054b du dge slong bzang sbyin gyis nyon mongs pa 'dod chags
kyis kun nas bslangs te nyes pa mi tshangs par spyad pa la brten
nas/ bcom ldan 'das kyis ltung ba pham par bcas la/ de'i rjes su
dgon pa ba sdig can gyis spra mo la 'dod chags spyad pas gnyis
pa bcas

pa'i phyir/ gnyis pa yod de/ rang nyid ngan song du skye bar
'gyur ba dang/ sa lam la sgrib pa dang/ rang gzhan gyi tshangs
spyod la gnod pa sogs kyi dgag bya yod pa'i phyir/ gsum pa yod
de/ bcas ldan dge slong gis rma'i sgo gsum po gang rung du nor
bu bcug reg gi bde

ba nyams su myong ba la brten nas byung ba'i dngos gzhi yongs su
rdzogs pa'i ltung ba de mi tshangs spyod kyi pham pa yin pa'i
phyir/ bzhi pa la/ gzhi/ bsam pa/ sbyor ba/ mthar thug gi yan
lag dang bzhi las/ dang po la/ gang la bgrod pa'i yul ni rma'i
sgo

gsum po gang rung yin pa/ mnyams pa/ pa gas rim dang po'i nang
tshun chad du gtogs pa'o/ /gang gis bgrod pa'i rten ni nor bu yin
pa/ las su rung ba/ rang gi rgyud du gtogs pa'o/ /bsam pa la
gnyis las/ kun slong ni mi tshangs par spyod 'dod pa'o/ /'du

shes 'khrul ma 'khrul 'dra ste dngos po gtso che ba'i ltung ba
yin pa'i phyir/ sbyor ba ni/ bcug reg gi bde ba myong ba'i phyir
du reg cing rtsol ba'o/ /mthar thug ni sbyor ba de la brten nas
bcug reg gi bde ba nyams su myong nas bdag gis byas pa'o/ /ngo
bo ni

gang byas pas mi tshangs spyod kyi pham par 'gyur ba'i tshul yod
d/e bcas ldan dge slong gis rma'i sgo gsum gang rung du nor bu
bcug reg gi bde ba lus kyis myong zhing yid shes kyi bdag gir
byas pa na ming tshangs spyod kyi pham par 'gyur ba'i phyir ro/
/!gang gi

sgra gzhan gyi longs spyod la gnod pa ma byin len gyi ram pa la/
lung gi bye brag bzhi las/ rnam 'byed kyi skangs nas 'byung ba
la/ ltung ba'i rnam par bzhag pa dang/ bslab bya gnyis/ dang po
la/ bstan bshad gnyis las/ dang po ni/ rku 'am rkur bcug pa dag
gi mchog

@055a @#/ /mdag pas kyang ngo/ /ma byin pa'o/ /mA shaka lnga la
sogs pa'o/ /zhes sogs kyis 'chang/ 'di'i skabs su/ kha cig /ma
byin len gyi pham pa skyed pa'i rdzas de la/ rin thang tshang ba/
mi'i rgyud kyis bdag gir byas sha'i dbang ba/ dur khrod pa'i
rdzas ma yin pa/ g.yos

su byas pa'i zas ma yin pa te/ khyad chos de dag dang ldan pa
zhig nges par dgos zhes zer na/ shes bya chos can/ dur khrod
pa'i rdzas brkus pa la ma byin lan gyi pham pa bskyed pa zhig mi
srid par thal/ ma byin len gyi pham pa bskyed pa'i rdzas de la
ngur khrod pa'i rdzas ma yin pa

zhig nges par dgos pa'i phyir/ rtags khas/ 'dod na/ rgya cher
'grel las/ dur khrod kyi yongs su 'dzin pa ni rnam pa gnyis te/
bdag nyid kyis bdag gir byas pa 'di thams cad bdag gi yin no/
/zhes bdag pos bdag gir byas pa'i dur khrod pa'i rdzas gang yin
pa

brkus na pham par 'gyur ro/ /zhes gsugns pa mi 'thad par thal
lo/ /gzhan yang rgya cher 'grel las/ de bzhin gshegs pa mya ngan
las 'das pa'i rjes su de bzhin gshegs pa'i rdzas brkus pa la
sbom po bskyed par bshad pa mi 'thad par thal/ de bzhin gshegs

pa mya ngan las 'das pa'i rjes su de bzhin gshegs pa'i dkor
brkus pa la sbom po mi skyed pa'i phyir te/ de bzhin gshegs pa
zhal bzhugs dus su de bzhin gshegs pa'i rdzas brkus pa la ma
byin len gyi pham pa mi skyed pa'i phyir/ ma grub na song/ 'o
na/ de bzhin

gshegs pa zhal bzhugs pa'i dus kyi de bzhin gshegs pa'i rdzas de
mi'i rgyud kyis bdag gir byas par thal/ ma grub pa de'i phyir/
khyab pa khas/ 'dod na/ de bzhin gshegs pa'i rgyud la bdag 'dzin
yod par thal lo/ /kho na re/ de bzhin gshegs pa'i rdzas brkus

ba la ma byin len gyi pham pa mi skyed par thal/ so so thar pa'i
'grel ba mgo gnon las/ de bzhin gshegs pa'i rdzas brkus pas mi
pham te/ yongs su 'dzin pa med pa'i phyir/ zhes dang/ bi ma la
mi tra'i 'grel par/ de bzhin gshegs pa dang/ nyan thos dang/
rang rgyal

@055b phyi nang brkus pa la ni lha'i nor brkus pa dang 'dra'o/
/zhes gsungs pa'i phyir/ gzhan yang/ de bzhin gshegs pa'i rdzas
brkus pa la de mi skyed par thal/ de bzhin gshegs pas bdag 'dzin
ma lus par spangs pa'i phyir/ zer na/ shes bya chos can/ ma byin
len gyi pham

pa bskyed pa'i rdzas de la gzhan gyis yongs su bzung ba dang
bcas pa zhig dgos zhes pa'i yongs su bzung ba de bdag 'dzin la
byed rigs par thal/ de bzhin gshegs pas bdag 'dzin ma lus par
spangs na de bzhin gshegs pa'i rdzas brkus pa la ma byin

glen gyis pham pa mi bskyed pas khyab pa'i phyir/ 'dod na/ byang
gi sgra mi snyan na ni yongs su 'dzin pa med pa nyid do/ /zhes
pa'i yongs su 'dzin pa de yang bdag 'dzin la byed rigs par thal
lo/ /'dod na/ sgra mi snyan pa'i rgyud la bdag 'dzin med par
thal lo/ /gzhan

yang/ mya ngan las 'das pa ni lha nyid do/ /zhes pa'i/ rgya cher
'grel las/ phung po lhag ma med pa'i mya ngan las 'das pa'i
dbyings su bzhugs pa ni rnam par dag pa'i lha nyid do/ /zhes
lhag med myang 'das la dmigs kyis bkar nas gsungs pa mi 'thad
par thal/

lhag bcas myang 'das la gnas pa'i de bzhin gshegs pa'i dkor
brkus pa la ma byin len gyi pham pa mi skyed pa'i phyir/ rtags
khas/ kho na re/ de bzhin gshegs pa'i rgyud la nga'o snyam pa'i
blo med zer na/ de yod par thal/ de'i rgyud la nga'i chos gos
nga'i lhung bzed

do snyam pa'i blo yod pa'i phyir te/ de bzhin gshegs pa zhal
bzhugs dus kyi de bzhin gshegs pa'i rdzas brkus pa la pham
bskyed pa yod par bshad pa la 'brel yod pa'i phyir/ kha cig /ma
byin lan gyi pham pa skyed pa la gnas spags mthar thug gi yan
lag tu

dgos te/ lung rnam 'byed las/ gnas nas gnas su spo par byed na
pham par bstan te/ ji ltar gnas nas gnas su spo bar byed ce na/
gang du gnas pa'i gnas de nas spags shing gzhan du 'jog par byed
na pham par 'gyur ro/ / zhes gsungs pa'i phyir/ zhes zer/

@056a @#/ /shes bya chos can/ zhing dang khang pa brkus pa la ma
byin len gyi pham bskyed pa cig mi srid par thal/ dam bca' 'thad
pa'i phyir/ kho na re/ ma khyab ste/ gnas spags zhes pa'i don
rdzas de gnas nas spags pa la mi byed kyi/ thob blo skyes

pa la byed rigs pa'i phyir te/ TIk chen las/ pham ba skyed pa
la grub blos khyad par du byas pa'i gnas spags mthar thug gi yan
lag tu dgos par gsungs pa'i phyir/ zer na/ ma khyab ste/ lam rim
chen mor/ gnas spags zhes pa'i don rdzas de

gnas nas spags pa la bshad pa'i phyir/ kha cig /de'i pham pa
skyed pa la grub blos khyad par du byas pa'i gnas spags mthar
thug gi yan lag tu dgos te/ 'od ldan las/ pha rol gyi re ba ma
chad pa'i gnas nas re ba chad pa'i gnas su phyin par byed

pa ni gnas nas gnas gzhan du spo par byed pa dang/ gal te bla'i
grwar rtsod na der pha rol po ma pham pa'i gnas nas pham pa'i
gnas su phyin par byed pa ni gnas nas gzhan du spo bar byed pa
zhes bya ba la sogs par sbyar ba lta bu'o/ /zhes gsungs

pa'i phyir/ zhes zer/ shes bya chos can/ dam bca' de mi 'thad
par thal/ rkun po rnams kyang ngo/ /'di la blo gros du ma nyid
yin na thob na brkus pa yin no/ /zhes gsungs pa'i phyir/ kha cig
/de skyed pa la rku ba'i yul dus der rin thang tshang ba mthar

thug gi yan lag tu nges par dgos zer na/ shes bya chos can/
dbyar dus su rin thang ma tshang ba'i rdzas brkus nas thob blo ma
skyes par ston gyi dus su rku sems yod bzhin du thob blo skyes
pa la ma byin len gyi pham pa skyed pa zhig med par thal/

dam bca' 'thad pa'i phyir/ 'dod na/ dge tshul gyi rten la dge
slong gi ched du rku ba'i sbyor pa byas nas thob blo ma skyes
par dge slong gi rten la rku sems yod bzhin du thob blo skyes pa
na de skye ba zhig med par thal lo/ /'dod mi nus te/ tshigs snga
mar sbyor ba

@056b byas pa la yang ngo/ /zhes dang/ de'i thad kyi/ rgya cher
'grel las/ yod na ni kha na mtho ba yongs su rdzogs par 'gyur
ro/ /zhes gsungs pa'i phyir/ rang lugs la bzhi las/ dang po ni/
gleng gzhi bzhag tu yod de/ yul rgyal po'i khab tu gang zag rdza
mkhan las

rab tu byung ba dge slong nor can gyis nyon mongs pa 'dod sred
kyis kun nas bslangs te/ rgyal po'i shing ma byin par blangs pa
la brten nas bcom ldan 'das kyis ltung ba pham par bcas pa yin
pa'i phyir/ gnyis pa dgag bya yod de/ byed pa rgyu mthun la skye
ba

phyi mar gzhan gyi nor rku ba la dga' ba dang/ myong ba rgyu
mthun la longs spyod kyis 'phongs par 'gyur ba dang/ bdag 'bras
la sad dang ser ba sogs gnod pa mang po yod pa'i yul du skye ba
sogs kyis nyes dmigs yod pa'i phyir/ gsum pa ngo bo yod de/ bcas
ldan

dge slong gis rang dang shes rgyud nor tha dad pa'i mi'i rdzas
rin thang tshang pa brkus shing thob blo skyes pa la brten nas
byung ba'i dngos gzhi yongs su rdzogs pa'i ltung ba de ma byin
len gyi pham pa yin pa'i phyir/ bzhi pa la bzhi las/ dang po la/
gang la brku ba'i yul ni rang dang

shes rgyud nor tha dad cing sgra mi snyan pa ma yin pa'i mi yin
pa/ gang brku ba'i rdzas ni/ rin thang tshang ba mi'i rgyud kyis
yongs su bzung ba/ g.yos su byas pa'i zas ma yin pa/ gshed ma
la sogs pas blo bur du bdag gir byas pa ma yin pas mi dman pa'o/
/

bsam pa la gnyis las/ 'du shes ni ma 'khrul ba kun slong gzhan
gyi yin te ma gnang yang/ bdag nyid kyi 'tsho ba'i phyir du rku
sems rgyun ma chad pa'o/ /sbyor ba ni rang dam bskos pa dang/
mthus phrogs pa dang/ 'jab bus rku ba la sogs pa'o/ /mthar thug
ni

thob blo skyes pa'o/ /rin thang gi tshad la/ brku bya rku byed
gnyis ka la ltos pa'i rin thang tshang pa/ sbyor ba gcig la ltos
pa'i rin thang tshang ba/ yul dus la ltos pa'i rin thang tshang ba
zhes gsungs la/ dang po'i don ni/ rdzas bdag bcu'i 'jog rdzas
dge slong bcu'i

@057a @#/ /'jog rdzas kyi phyir du brkus na rin thang tshang ba
gcig gis pham pa bskyed la/ rdzas bdag bcu'i bgo rdzas dge slong
bcus bgo rdzas kyi phyir du brkus na rin thang chad ba bcu thob
dgos shing/ rdzas bdag bcu'i 'jog rdzas dge slong bcus

bgo rdzas kyi phyir du brkus pa dang/ rdzas bdag bcu'i bgo rdzas
dge slong bcus 'jog rdzas kyi phyir du brkus na ni rin thang
tshang ba bcu bcu thob dgos pa'i don no/ /gnyis pa'i don ni/ rku
sems kyis rgyun ma log na sbyor ba tha dad kyang pham pa bskyed
pa yod la/

log na sbyor ba gcig la rin thang tshang ba dgos pa'i don no/
/gsum pa'i don ni/ dmigs bsal gyi dbang du byas na mtha' gcig tu
ma nges kyang/ spyir btang la rku ba'i yul dus der rin thang
tshang ba dgos pa'i don no/ /'o na rin thang gi tshang dngos ni ji
lta bu

zhe na/ 'di la rgya 'dul 'dzin pa na re/ rta rgod ma gcig brkus
pa la rin thang gi tshad du 'jog ste/ ma byin len gyi pham pa
dang gsod pa'i chad pa gnyis sgo bstun nas gsungs pa'i phyir te/
lung las/ gyod la bkri zhing srog dang bral bar byed/ /ces
gsungs

shing; zhes gsung/ sbal ti na re/ nas khal bzhi tsam la rin
thang gi ched du 'jog ste/ 'od ldan las/ chu gtong dgog gi skabs
su nas khal bzhi tsam la rin thang gi dper gsungs pa'i phyir/
zhes zer/ rje red mda' pa na re/ gser zho phyed tsam la rin
thang

gi tshad du 'jog ste/ de ltar du mkhas pa rnams la grags pa'i
gtam rgyud las byung pa'i phyir/ zhes gsung/ lugs dang po/ ma
byin len gyi pham pa de gsod pa'i chang pa dang sgo bstun nas
gsungs pa rtags ma grub ste/ lung las/ gsod dam 'ching ngam

bcug kyang rung ste/ zhes gsungs pa'i phyir/ lugs phyi ma gnyis
mi 'thad de/ karSha pa ni'i bzhi cha la ma byin len gyi rin
thang gi tshad du gsungs pa dang 'gal pa'i phyir/ rang lugs la/
rin thang gi tshad bzhag tu yod de/ karSha pa ni'i bzhi cha la
rin

@057b thang gi tshad du 'jog pa'i phyir/ kA ri ka lnga bcu pa
las/ karSha pa ni'i bzhi cha gcig /de brkus tshul khrims zhig par
'gyur/ /zhes gsungs pa'i phyir/ karSha pa ni'i bzhi cha'i tshad
la du ma yod de/ mA sha ka lnga la der 'jog pa yang yod/ de
bzhi la der 'jog

pa yang yod/ de bcu la dar 'jog pa yang yod pa'i phyir/ dang po
grub ste/ ston pas ma byin len gyi bcas pa mdzad pa'i dus su mA
sha ka lnga la karSha pa ni bzhi char 'jog pa'i phyir/ lnga nyid
ni karSha pa ni'i bzhi cha'i dpe yin no/ /zhes gsungs pa'i
phyir/ gnyis

pa grub ste/ slob dpon chos kyi bshes gnyen gyis rgya cher 'grel
rtsom pa'i dus su mA sha ka bzhi la karSha ba ni'i bzhi char
'jog pa'i phyir te/ rgya cher 'grel las/ ding sang ni pa na bzhi
brkus na pham par 'gyur ba rig par bya ste/ karSha pa ni gcig ni
pa na bcu drug

gi tshad yin pa'i phyir ro/ /zhes gsungs/ gsum pa grub ste/ yul
gang na mA sha ka bcu gnyis la karSha pa ni gcig tu byed pa yod
pa'i phyir/ lung gtam gyi gzhi las/ mA sha ka gsum brkus na
pham par 'gyur ba ma chis sam/ yod de gang na mA sha ka bcu

gnyis la karSha pa ni gcig tu byed pa na'o/ /zhes gsungs pa'i
phyir/ bzhi pa grub ste/ de nyid las/ mA sha ka lnga 'am lnga
las lhag pa brkus na pham par 'gyur ba mchis sam/ yod de gang na
mA sha ka bzhi bcu la karSha pa ni gcig tu byed na'o/ /zhes
gsungs pa'i phyir

'o na/ karSha pa ni de gang zhe na/ 'di la mtshan nyid pa dang/
btags pa ba gnyis las/ dang po ni/ gser dngul gang rung la byas
pa/ mi'i gzugs la sogs pa ri mo'i khyad par dang ldan pa/ btsong
du rung pa'i zong gi khyad par zhig ste/ zhu 'grel las/

karSha pa ni ni zong gi khyad par ste/ dngul las byas pa/ gzugs
su dod pa/ btsong du rung pa nyid de/ sngon rgyal po rma bya
zhes pas byas nas spyod du bcug pa ste/ zhes gsungs pa'i phyir/
gnyis pa ni/ ston pas ma byin len gyi pham pa'i bcas pa

@058a @#/ /mdzad pa'i dbang du byas na/ 'gron bu stong phrag gcig
dang drug brgya la/ karSha pa na gcig tu 'jog pa yin te/ 'gron
bu bzhi brgya la karSha pa ni'i bzhi char 'jog pa'i phyir/ mA
sha ka lnga la karSha pa ni'i bzhi char 'jog pa gang zhig 'gron
bu bzhi

brgya la mA sha ka lngar 'jog pa'i phyir/ dang po grub ste/
lnga nyid ni karSha pa ni'i bzhi cha'i dpe yin no/ /zhes gsungs
pa'i phyir/ gnyis pa grub ste/ 'gron bu brgyad cu la mA sha ka
gcig tu 'jog pa gang zhig /'gron bu nyi shu la ka ka ni gcig tu
'jog pa'i phyir/ dang po grub

ste/ ka ka ni bzhi la mA sha ka'o/ /zhes gsungs pa'i phyir/
gnyis pa grub ste/ rgya cher 'grel las/ ka ka ni bun Tik ste/
'gron bu nyi shu'i rin thang gi ming ngo/ /zhes gsungs pa'i
phyir/ ngag don ni/ ma byin len gyi pham pa'i ngo bo bzhag tu
yod de/ bcas ldan dge slong

gis rang dang shes rgyud nor rdzas tha dad ba'i mi'i rgyud kyis
yongs su bzung ba'i rdzas rin thang tshang ba brkus shing thob
blo skyes ba las byung ba'i dngos gzhi yongs su rdzogs pa'i
ltung ba de ma byin len gyi pham pa yin pa'i phyir/ gnyis pa/
rgyas par bshad pa la/ yan

lag gi mtshan nyid/ sel ba/ mthar thug gi rab dbye bshad pa dang
gsum las/ dang po ston par byed pa la/ khyer ba nyid na bsam pas
ma btang ba ni bdag po nyid dang ma bral ba yin no/ /zhes so/
/gnyis pa la ltung med dang/ na smad du 'gyur tshul gnyis

las; gnyis pa ni/ thams cad du sbyor pa la ni nyes byas so/ /sde
tshan de la gal te dngos gzhi yin na sbom po'o/ /zhes pas bshad/
'di'i skabs su/ dgag gzhag gnyis las/ dang po ni/ rgya 'dul
'dzin pa na re/ sbom po la sbyor ba'i sbom po dang dngos gzhi'i

sbom po gnyis su grangs nges zhes gsungs/ de la phyis gyi 'dul
'dzin kha cig /'dun pa log pa'i sbom po de sbom po ma yin par
thal/ dam bca' 'thad pa gang zhig /de sbyor ba'i sbom po yang ma
yin/ dngos gzhi'i sbom po yang ma yin

@058b pa'i phyir/ gnyis pa grub ste/ des ltung ba dngos gzhi la
mi sbyor ba'i phyir/ zhes gsungs/ de la ni la pa paNDi ta na re/
des ltung ba dngos gzhi la mi sbyor kyang sbyor ba dngos yin pas
sbyor ba'i sbom por 'thad do/ /zhes gsung/ sha min re/ spom po
la sbyor ba'i sbom po/ sbyor

ba'i rnam pa'i sbom po/ dngos gzhi'i sbom po gsum du grangs nges
la/ sbyor ba'i sbom po ni/ bcas ldan dge slong gis pham pa skye
nges kyi rdzas la no ma nyug byed pa'i skabs kyi sbom po lta bu/
sbyor ba'i rnam pa'i sbom po ni/ de'i gnas skabs su 'dun pa log

pa'i sbom po lta bu/ dngos gzhi'i spom po ni rma'i sgo gsum po
gang rung ma nyams par log par spyad pa las byung ba'i spom po
lta bu/ zhes gsung/ bya 'dul na re/ sbom po la sbyor ba'i sbom
po/ sbyor ba'i rnam pa'i sbom po/ dngos gzhi'i sbom po/ dngos
gzhi'i rnam pa'i

sbom po bzhir grangs nges la/ dang po ni/ pham lhag gi sbyor
ltung lta bu/ gnyis pa ni/ gzhan gyi rdzas la sri ba med par
longs spyad pa las byung ba'i sbom po lta bu/ gsum pa ni/ bcas
ldan dge slong gis mi'i rdzas rin thang/ tshang pa brkus shing
thob blo skyes pa las byung ba'i

sbom po lta bu/ bzhi pa ni/ bcas ldan dge slong gis ma'i rdzas
rin thang tshang ba gzhan ngom rkus shing thob blo skyes pa las
byung ba'i sbom po lta bu/ zhes gsung/ dmar ston pa na re/ sgra
yangs pa'i dbang du byas na/ sbom po la sbyor sbom gyis khyab
cing/ dog pa'i dbang du

byas na/ sbom po la sbyor ba'i sbom po dang/ sbyor ba'i rnam
pa'i sbom po gnyis su grangs nges/ zhes gsung mod kyi/ lugs dang
po mi 'thad de/ shes bya chos can/ bcas ldan dge slong gis yi
dwags kyi 'gro ba pa bsad pa las byung ba'i sbom po de dngos
gzhi'i sbom po

yin par thal/ sbom po la sbyor ba'i sbom po dang/ dngos gzhi'i
de gnyis su grangs nges pa gang zhig /de sbyor ba'i de ma yin
pa'i phyir/ dang po dngos/ gnyis pa ma grub na/ de chos can/ de
ma yin par thal/ mthar thug gi sbom po yin par thal/ mthar thug
gi sbom po yin pa'i phyir/ sbom po gang zhig /ltung ba

@059a @#/ /rang nyid la ltos pa'i mthar thug grub pa'i ltung ba
yin pa'i phyir/ rtsa bar 'dod na/ bcas ldan dge slong gis yi
dwags kyi 'gro ba bsad ba la srog gcod kyi pham pa dngos gzhi
skyed pa yod par thal/ 'dod pa'i phyir/ sha mi'i bzhed pa

yang mi 'thad de/ shes bya chos can/ sbyor ba'i sbom po yin na/
ltung ba dngos gzhi la sbyor bas khyab par thal/ bcas ldan dge
slong gis pham pa skyed nges kyi rdzas la nom nyung byed pa'i
gnas skabs kyi 'dun pa log pa'i sbom po de sbyor ba'i rnam pa'i
sbom po yin

zhing /sbyor ba'i sbom po ma yin pa'i khyad par 'thad pa'i
phyir/ 'dod na/ skad cig gnyis par srog dbang 'gag par nges pa'i
dge slong gi rgyud kyi sbyor ba'i sbom po chos can/ der thal/
de'i phyir/ 'dod mi nus te/ chos can de'i phyir/ bya 'dul ba'i
bzhed pa de yang mi

'thad de/ bcas ldan dge slong gis gzhan gyi rdzas la sri ba med
par longs spyad pa las byung ba'i sbom po chos can/ sbyor ba'i
rnam pa'i sbom po ma yin par thal/ mthar thug gi sbom po yin
pa'i phyir te/ sbom po gang zhig /ltung ba rang nyid la ltos
pa'i mthar thug grub

pa'i ltung ba yin pa'i phyir/ gzhan yang/ sbom po bzhir 'byed pa
mi 'thad de/ de la sbyor ba'i sbom po dang mthar thug gi de
gnyis su grangs nges ba'i phyir te/ de la rang nyid la ltos pa'i
mthar thug grub pa'i sbom po dang/ de ma grub pa'i sbom po gnyis
su grangs nges

ba'i phyir/ dmar ston pa'i bzhed pa yang mi 'thad de/ bcas ldan
dge slong gis yi dwags kyi 'gro ba bsad pa las byung ba'i sbom
po chos can/ sbyor sbom du thal/ sbom po yin pa'i phyir/ khyab
pa khas/ 'dod na/ des mi bsad pa las byung ba'i pham pa de sbyor

ba'i pham pa yin par thal lo/ /kha cig /mthar ma thug pa'i sbom
po gang zhig /pham lhag ci rigs pa'i dngos gzhi la sbyor ba de/
sbyor sbom gyis mtshan nyid/ de gang zhig /de la mi sbyor pa de
sbyor ba'i rnam pa'i sbom po'i mtshan nyid/ mthar thug pa'i sbom
po

@059b gang zhig /gzhi'i yan lag mtshang ba de/ dngos gzhi'i sbom
po'i mtshan nyid/ de gang zhig /gzhi'i yan lag la sel bzhugs pa
de/ dngos gzhi'i rnam pa'i sbom po'i mtshan nyid/ zer ba yang mi
'thad de/ sbyor ba'i sbom po yin na/ ltung ba dngos gzhi la
sbyor bas ma khyab

pa dang/ sbom po la bzhir 'byed pa mi rigs pa sogs sngar bshad
pa'i rigs pas khegs pa'i phyir/ kha cig /sbom po la bzhir 'byed
pa mi 'thad de/ de la sbyor ba'i rnam pa'i sbom po dang dngos
gzhi'i sbom po gnyis su grangs nges pa'i phyir/ zer ba mi 'thad
de/ shes

bya chos can/ sbyor ba'i sbom po med par thal/ dam bca' 'thad
pa'i phyir/ 'dod mi nus te/ pham lhag gi sbyor ltung sbom po yin
pa'i phyir/ kha cig /bcas ldan dge slong gis gsod sems med par
mi'i lag pa bcad pa las byung ba'i sbom po de sbom po mtshan

nyid pa ma yin te/ de ltung ba rnam gzhag gis kun nas ma slangs
pa'i phyir/ zhes zer ba mi 'thad de/ bcas ldan dge slong gis
gsod sems med par mi'i lag pa bcad pa la brten nas pha rol bo
shi ba la srog gcod kyi dngos gzhi skyed pa zhig yod pa'i phyir/
kha cig /

sbom po'i ming rigs kyi sgo nas phyir bcos pas 'dag pa'i ltung
ba de sbom po'i mtshan nyid zer na/ de la kha cig /pham lhag gi
sbyor ltung chos can/ mtshan nyid der thal/ mtshon bya de'i phyir/
'dod mi nus te/ pham lhag gi sbyor ltung de pham lhag dngos gzhi
phyir

bcos pas dag par byed dgos pa'i phyir/ zhes zer/ lugs phyi ma mi
'thad de/ pham pa'i sbyor sbom yin na/ pham pa dngos gzhi la
sbyor bas khyab par thal/ pham lhag gi sbyor ltung de pham lhag
dngos gzhi phyir bcos pas dag par byed dgos pa'i phyir/ gzhan

yang/ pham lhag gi sbyor ltung ming rigs kyi sgo nas phyir bcos
pas 'dag pa mis rid par thal/ de pham lhag gi dngos gzhi phyir
bcos pas dag par byed dgos pa'i phyir/ 'dod na/ ming dang rigs
dang ldan par brjod na ltung ba las ldang 'o/ /zhes gsungs ba mi

@060a @#/ /'thad par thal/ lo/ /kha cig /sbom po mtshan nyid pa de
dge slong pha ma kho na'i rgyud la yod zer na/ mi 'thad de/
byang sems kyi spom po rgyud ldan gyi khyim pa yod pa'i phyir/
gnyis pa rang lugs la/ so so'i mtshan nyid/ dbye ba/ rnam gzhag
la dpyad pa

dang gsum las/ dang po ni/ pham lhag gang rung gi na smad kyi
ltung ba de sbom po'i mtshan nyid/ gnyis pa ni/ sgras brjod rigs
kyi sgo nas dbye na/ ming du chags pa'i sbom po dang/ yon tan
sgra'i sbom po gnyis/ dang po dang sbom po mtshan nyid pa don
gcig /gnyis pa dang

sbom po btags pa pa don gcig /yang sbom po la dbye na/ sbyor
ba'i sbom po dang/ mthar thug gi sbom po gnyis su yod/ dang po
sla/ gnyis pa ni/ bcas ldan dge slong gis mi'i rdzas rin thang
tshang ba gzhan don du brkus shing thob blo skyes pa las byung
ba'i sbom

po lta bu/ gsum pa la/ ngo bo'i khyad par/ sde tshan gyis khyad
par/ rten gyi khyad par/ sgra bshad pa'o/ /dang po sbom po de
ngo bo'i khyad par dang ldan te/ pham lhag ci rigs la btags pa
yin pa'i phyir/ sde tshan gyi khyad par dang ldan te/ pham lhag
gang rung gi sder gtogs pa'i

phyir; rten gyi khyad par dang ldan te/ so thar gyi sbom po
mtshan nyid pa de/ dge slong pha ma kho na'i rgyud la yod/ btags
pa ba rab byung sde lnga ga'i rgyud la yod pa'i phyir/ sgra
bshad ni/ sbom po zhes pa'i rgyu mtshan yod de/ nyes pa che ba la
sbom po'i ming gis btas pa'i phyir/ /ngag

don ni/ ltung ba thams cad kyi sbyor ba la nyes byas tsam zhig
skyed pas ma khyab ste/ pham lhag gi sbyor ba las sbom po bskyed
pa'i phyir/ gsum pa gzhan gyi lus srog la gnod pa srog gcod kyi
pham pa la/ lung gi bye brag bzhi las/ rnam 'byed kyi skabs nas
byung ba la

gsum/ ltung ba dang 'brel ba'i bslab bya/ ltung ba'i rnam gzhag
/bcas pa dang 'brel ba'i bslab bya'i/ /dang po la/ gtam dang
'brel pa'i bslab bya/ nad g.yog dang 'brel ba'i bslab bya/
rdzas dang 'brel ba'i bslab bya/ bya ba ma yin pa dang 'brel
ba'i bslab bya'o/ /

@060b dang po ni/ nad pa la 'chi ba'i sems pa dang rjes su mthun
pa'i nye bar sgrub pa nye bar sgrub par mi bya'o/ /zhes pas
bshad/ ngag don ni/ nad pa la 'chi ba'i sems dang rjes su mthun
pa nye bar bsgrub par mi bya ste/ de ltar bya mi rung pa'i
phyir/ /gnyis pa ltung ba'i rnam gzhag la/ bstan

bshad gnyis/ dang po ni/ srog bcad na'o/ /de ltar bsam pas so/
/mir gyur pa'i 'o/ /de ltar 'du shes pas so/ /gang yang rung bas
so/ /zhes pas bshad/ 'di'i skabs su/ gleng gzhi/ dgag bya/ ngo
bo/ yan lag gi rtsi ba rnam par bzhag pa'o/ /dang po yod de/ yul
spong byed kyi chu klung yid

'ong ldan gyi 'gram du/ dge slong rab tu mang pos mi sdug pa'i
ting nge 'dzin bsgoms pas/ lus mi gtsang ba 'di dang bral na ci
ma rung snyam du bsam nas/ dge slong sbed byed la/ chos gos dang
lhung bzed sogs byin te gsod du bcug pa la brten nas bcom ldan
'das kyis ltung ba

pham par bcas pa yin pa'i phyir/ gnyis pa yod de/ rang gzhan
gyis rog la gnod pa sogs kyi dgag bya yod pa'i phyir/ gsum pa
yod de/ bcas ldan dge slong gis rang dang rgyud tha dad pa'i mi
'am mir chags pa gang rung gsod sems kyis kun nas bslangs te
bsad pa las

byung ba'i dngos gzhi yongs su rdzogs pa'i ltung ba de srog gcod
kyi pham pa yin pa'i phyir/ bzhi pa la bzhi/ gzhi bsam pa/ sbyor
ba/ mthar thug gi yan lag go /dang po ni/ srog gcod kyi pham pa
skyed pa'i gzhi la mi'am mir chags pa gang rung zhig dgos te/
bcas ldan dge

slong gis mi ma yin bsad pa la sbom po/ dud 'gro bsad pa la
ltung byed/ rang nyid bsad pa la sbom po tsam skyed pa'i phyir/
mi dang mir chags pa'i khyad par yod de/ mer mer po/ /nur nur
po/ ltar ltar po/ /'khrang 'gyur ba/ rkang lag 'gyus ba/ rnams
ni mir chags pa/ byis pa

gzhon nu/ dar ma/ dar yol rgan po rnams ni mi'i gnas skabs so/
/de yang dang po rkang lag 'gyus pa yan chad mngal gyi gnas
skabs zhes bya la/ btsas nas smra mi shes pa'i bar gyis pa/ de
nas 'khrig pa bsten mi nus pa'i bar gzhon nu/ de nas lo sum cu'i
bar dar la

@061a @#/ /babs pa/ de nas lnga bcu'i bar dar yel/ de yan chad
rgas pa'o/ /gnyis pa la gnyis las/ 'du shes ni yid gnyis tshun
chad kyis ma 'khrul ba'o/ /kun slong ni sbyor ba brtsams nas
mthar thug ma shi'i bar du gsod par 'dod pa rgyun ma chad

pa'o/ /gsum pa ni/ rang ngam bskos pas mtshon bslun pa sogs so/
/bzhi pa ni/ sbyor ba de'i rkyen gyis rang nyid kyi snga rol du
bsad bya'i srog dbang 'gags pa'o/ /de ltar yang mdzod las/ snga
dang mnyam du shi ba la/ /dngos med lus gzhan skyed phyir ro/
/zhes gsungs/

ngag don ni/ srog gcod kyi pham pa skyed pa'i tshul yod de/ bcas
ldan dge slong gis rang las shes rgyud tha dad pa'i mi la der
'du shes pas gsod sems kyis kun nas bslangs te rang ngam bskos
pas bsad na srog gcod kyi pham pa skyed pa'i phyir/ !/bzhi

pa rang gzhan gnyis ka'i don sgrub pa la gnod pa rdzun smra ba'i
pham pa bshad pa la/ lung gi rnam gzhag gsum las/ rnam 'byed kyi
skabs nas 'byung ba la/ ltung ba'i rnam gzhag dang/ bslab bya
gnyis las/ dang po bstan bshad gnyis las/ dang po ni/ 'du shes
bsgyur

te bdag nyid mi'i chos bla ma dang ldan pa nyid du smras na'o/
/zhes pas bshad/ 'di'i skabs su bzhi las/ dang po ni/ gleng gzhi
yod de/ yul yangs pa can du nya pa las rab tu byung ba'i dge
slong lnga brgyas nyon mongs pa rnyed pa 'dod pas kun nas
bslangs te ma'i

chos bla ma ma thob bzhin du thob par smras pa la brten nas bcom
ldan 'das kyis ltung ba pham par bcas pa'i phyir/ gnyis pa dgag
bya yod de rang gzhan gyi don sgrub pa la gnod pa'i dgag bya yod
pa'i phyir/ ngo bo yod de/ bcas ldan dge slong gis 'du

shes bsgyur te/ mi chos bla ma ma thob bzhin du thob ces smras
pas pha rol pos don go ba las byung ba'i ltung ba dngos gzhi de
rdzun smra ba'i pham pa yin pa'i phyir/ yan lag gi rtsi ba rnam
par bzhag pa la/ gzhi/ bsam pa/ sbyor ba/ mthar thug gi yan

@061b lag go/ dang po ni/ gang la smra ba'i yul ni/ mi yin pa/
smra shes pa/ don go ba/ shes pa rang bzhin du gnas ba/ ma ning
dang mtshan gnyis pa min pa ste/ tha snyad lnga dang ldan pa/
gang gis smra ba'i ngag ni ngag yin pa/ rang gi yin pa/ bdag
nyid dang 'brel pa/ ma nor par smras

pa/ mngon sum du smras pa/ gsal por smras pa ste mtshan nyid drug
dang ldan pa/ gang smra ba'i dngos po ni/ mi'i chos bla ma ste
bsam gtan dang po'i nyer bsdogs yan chad kyi sas bsdus pa'i yon
tan no/ /de yang sgrib pa lnga bo ni mi rnams kyi chos yin la/
de spangs

ba ni bla ma'i don no/ /sgrib pa lnga yod de/ 'dod pa la 'dun
pa/ gnod sems/ gnyid rmugs/ rgod 'gyod/ the tshom rnams su yod
pa'i phyir/ smra tshul la gsum las/ ngo bo'i sgo nas smra ba ni/
lha rnams dang/ klu rnams dang/ gnod sbyin rnams dang/ dri za
rnams dang/ mi'am

ci rnams dang/ lto 'phye chen po rnams dang/ srul po rnams dang/
lus srul po rnams mthong ngo/ /de dag dang gtam 'dre'o/ /de dag
dang phebs par smra'o/ /zhes sogs smras pa'o/ /'bras bu'i sgo
nas smra ba ni/ ma thob bzhin du mi rtag pa la sogs pa'i 'du
shes nyi shu dang/ bsam

gtan bzhi dang/ gzugs med bzhi dang/ de dag gi nyer bsdegs
brgyad dang/ tshad med bzhi dang/ spyan lnga mngon shes sogs thob
bo/ /zhes smras pa'o/ /'du shes nyi shu yod de/ mi rtag pa la
sogs pa'i 'du shes bcu dang/ mi sdug pa sogs kyi 'du shes bcu
yod pa'i phyir/ dang po grub

ste/ 'dus byas thams cad la mi rtag pa'i 'du shes/ mi rtag pa la
sdug bsngal ba'i 'du shes/ sdug bsngal ba la bdag med pa'i 'du
shes/ zas la mi mthun pa'i 'du shes/ 'jig rten thams cad la
mngon par mi dga' ba'i 'du shes/ nyes dmigs kyi 'du shes/ spong
ba'i 'du

shes/ 'gog pa'i 'du shes/ 'dod chags dang bral ba'i 'du shes/
'chi ba'i 'du shes rnams su yod pa'i phyir/ gnyis pa grub ste/
mi sdug pa'i 'du shes/ rnam par bsngos pa'i 'du shes/ rnam par
brnags pa'i 'du shes/ rnam par dmar ba'i 'du shes/ rnam par bam
pa'i 'du

@062a @#/ /shes; rnam par zos pa'i 'du shes/ rnam par 'bus zhig
pa'i 'du shes/ rnam par 'thor ba'i 'du shes/ rus gong gi 'du
shes/ mnyam pa nyid du so sor rtogs pa'i 'du shes rnams su yod
pa'i phyir/ ldan pa'i sgo nas smras pa ni/ gang dur khrod chen
po

bsil ba'i tshal du zhag gcig gnas pa la mi ma yin gyi gnod pa ma
byung ba de ni dgra bcom par nges pa yin la/ kho bos dur khrod
chen po bsil ba'i tshal du mtshan mo zhag gcig nyal ba la mi ma
yin gyi gnod pa ma byung ngo/ /zhes pa lta bu dang/ khyim bdag
che ge mo zhig gi nang

bu stan khra bo la dbang ba de ni dgra bcom par nges la/ kho bos
kyang khyim bdag che ge mo'i nang du stan khra bo la dbang bar
byas so/ /zhes smras pa lta bu'o/ /bsam pa la gnyis las/ 'du
shes ni bden pa'i 'du shes bsgyur te rdzun pa'i 'du shes kyis
smra 'dod pa'o/ /kun slong ni ma

thob bzhin du thob par smra 'dod pa rgyun ma chad pa'o/ /sbyor
ba ni ngag mtshan nyid drug ldan gyis smra bar rtsom pa'o/ /mthar
thug ni/ pha rol pos don go ba'o//! ? //ngag don ni/ rdzun smras
pa'i pham pa skyed pa'i tshul yod de/ bcas ldan dge slong gis 'du
shes bsgyur te mi'i chos bla ma ma thob

bzhin du thob par smras pas pha rol pos don go ba na rdzun smras
pa'i pham pa skyed pa'i phyir/ gnyis pa gso ba dge 'dun la rag
las ba dge 'dun lhag ma'i sde bshad pa la/ thun mong gi mtshan
nyid dang/ ltung ba'i rnam gzhag gnyis las/ dang po ni/ rmi lam
ni med pa dang 'dra'o/

zhes sogs kyis 'chad/ 'di'i skabs su/ dge 'dun lhag ma'i rnam
gzhag bshad pa la/ dbye ba dang/ phye ba so so'i don bshad pa'o/
/dang po ni/ dge 'dun lhag ma de la dbye na/ lung gi bar sdom
las/ khu ba 'dzin dang 'khrig tshig rnyed bkur gnyen/ /khang pa
khang chen dang ni gzhi

med pa/ /bag tsam dge 'dun dbyen dang de rjes phyogs/ /khyim sun
'byin dang bka' blo mi bde ba'o zhes pa ltar yod pa'i phyir/ de
yang bsdun dngos po las gyur pa dang/ bsgro ba las gyur ba gnyis
las/ dang po la/ chags pas kun nas bslang pa dang/ gnod pas kun
nas

@062b bslang ba gnyis/ dang po la/ sems can la chags pas kun nas
bslang ba dang/ phyi rol la chags pas kun nas bslang ba gnyis
las/ dang po la/ bdag nyid 'dod pa sten pa dang/ gzhan sten du
'jug pa gnyis las/ dang po la lus kyi reg pa'i bde ba la chags
pa dang/ smra ba'i bde ba

la chags pa dang gnyis/ dang po la/ rang gi lus kyi reg pa'i bde
ba la chags pa dang/ gzhan gyi reg pa'i bde ba la chags pa gnyis
las/ dang po'i dbang du byas nas/ khu ba 'byin pa'i lhag ma
dang/ gnyis pa'i dbang du byas nas 'dzin pa'i dge 'dun lhag ma
bzhag/ smra ba'i

de'i dbang du byas nas/ 'khrig tshig gi de dang/ bsnyen bkur
bsngags pa'i de gnyis gzhag/ /gnyis pa/ gzhan bsten du 'jug pa
la/ gnyen gyi de bzhag /phyi rol la chags pa'i dbang du byas
nas/ khang pa khang chen gyi de gnyis bzhag /gnad pas kun nas
bslang ba la/ gzhi

med bag tsam gyi dge 'dun lhag ma rnams bzhag /bsgo ba las 'gyur
ba la gzhan rnams bzhag pa yin no//!//gnyis pa dbye ba so so'i
don bshad pa la bcu gsum yod pa'i/ dang po khu ba 'byin pa'i dge
'dun lhag ma ni/ phyung na'o/ /der 'dun pas so/ /rang gi khu
ba'o/ /

dang po la'o/ /zhes sogs kyis 'chad/ 'di'i skabs su/ gleng gzhi
dgag bya/ ngo bo/ yan lag gi rtsi ba rnam par bzhag pa'o/ /dang
po yod de/ yul mnyan yod du dge slong 'char gas nyon mongs pa
'dod chags kyi kun nas bslangs te rang gi lus kyi khu ba phyung
ba la rten nas

bcom ldan 'das kyis ltung ba lhag mar bcas pa'i phyir/ gnyis pa
yod de/ sa dang lam la sgrib pa dang/ 'khrig pa'i 'dod chags
'phel bar 'gyur ba dang/ pham pa dang po la reg par 'gyur ba
sogs kyi dgag bya yod pa'i phyir/ ngo bo yod de/ bcas ldan dge
slong gis

chags sems kyis kun nas bslangs te rang gi lus kyi khu ba phyung
ba'i bde ba bdag gir byas pa las byung ba'i ltung ba dngos gzhi
de khu ba 'byin pa'i dge 'dun lhag ma yin ba'i phyir/ bzhi ba la
bzhi las/ dang po la/ gang dbyung pa'i gzhi ni rang gi lus kyi
khu ba

@063a @#/ /yin pa/ dang po'i gnas na gnas pa'o/ /bsam pa ni chags
sems kyis dbyung 'dod rgyun ma chad pa'o/ /sbyor ba ni dbyung
bar rtsom pa'o/ /mthar thug ni dbyung ba'i bde ba bdag gir byas
pa'o//!//gnyis pa 'dzin pa'am reg pa'i dge 'dun

lhag ma ni/ lus kyi reg pa bdag gir byed na'o/ /'dir lan du ni
de dang ldan pa nyid do/ /de dang 'brel ba'i gos la yang ngo/
/zhes sogs kyi 'chad/ 'di'i skabs su bzhi las/ dang po ni/ yul
mnyan yod du dge slong 'char gas khyim bdag gi chung ma dad pa
can/

bcom ldan 'das 'khor bcas rtsal pa dang bsnyen bkur byed par
lhags pa rang gi spyil bu'i nang du chos ston par brtsams pa na/
chags sems kyis lus la reg pa sna tshogs byas pas khyim bdag mo
ma dad pa la brten nas bcom ldan 'das kyis ltung

ba lhag mar bcas pa'i phyir/ dgag bya yod de/ sa dang lam la
sgrib pa dang/ pham pa dang po'i rgyur 'gyur ba sogs kyi dgag
bya yod pa'i phyir/ ngo bo yod de/ bcas ldan dge slong gis chags
sems kyis kun nas bslangs te bud med kyi lus la reg pa'i bde ba

bdag gir byas pa las byung ba'i ltung ba dngos gzhi de reg pa'i
dge 'dun lhag ma yin pa'i phyir/ bzhi pa la bzhi las/ dang po
ni/ gang la reg pa'i yul ni bud med don byed nus pa dang ldan
pa/ bsten du rung ba/ lus tha mal du gnas pa/ shes pa rang bzhin

du gnas pa/ ma ning dang mtshan gnyis ma yin pa/ lus dngos sam/
de dang 'brel pa'i skra'am skra mdud sogs gang yang rung ba'o/
/bsam pa ni chags sems kyis reg 'dod rgyun ma chad pa'o/ /sbyor
ba ni/ reg par rtsom pa'o/ /mthar thug ni/ reg pa'i bde ba bdag
gir

byas pa'o/ /kha cig ni/ gang la reg pa'i dge 'dun lhag ma skyed
pa'i yul de la mi yin pa mi dgos te/ bcas ldan dge slong gis
chags sems kyis bud med kyi ro la reg pa la de bskyed pa'i
phyir/ lung bla mar/ bud med kyi ro dang lhan cig reg par byas
na cir 'gyur/ dge 'dun

@063b lhag ma'o/ /zhes gsungs pa'i phyir/ zhes zer/ shes bya
chos can/ bcas ldan dge slong gis chags sems kyis de la reg pa
la de mi skyed par thal/ chags sems kyis sha med pa'i rus pa
dang skra la sogs pa rnams kyis bud med kyi lus la reg pa la de
mi skyed pa gang zhig /de las

cig shos la reg pa dgag bya chung ba'i phyir/ gzhan yang/ de la
de mi skyed par thal/ de la sbom po tsam zhig skyed pa'i phyir/
rgya cher 'grel las/ bud med kyi ro la reg pa la ni sbom po las
na smad pa med do/ /zhes gsungs pa'i phyir/ des na sngar gyi
lung des ni sbom po la dge 'dun

lhag ma'i ming gis btags pa'o//!//gsum pa 'khrig chig smra ba'i
dge 'dun lhag ma ni/ 'khrig pa smras na'o/ /rgya la sogs pa'i
don gyis so/ /gang la go bar bya ba nyid do/ /zhes sogs kyis
'chad/ 'di'i skabs su bzhi las/ dang po ni/ yul mnyan yod du dge
slong

'char gas nyon mongs pa chags sems kyis kun nas bslangs te bud
med la 'khrig tshig smras pa la brten nas bcom ldan 'das kyis
ltung ba lhag mar bcas pa'i phyir/ dgag bya yod de/ snga ma ltar
yod pa'i phyir/ ngo bo yod de/ bcas ldan dge slong gis chags
sems kyis

kun nas bslangs te bud med la 'khrig tshig gis smras pa pha rol
pos don go ba las byung ba'i ltung ba dngos gzhi de 'khrig tshig
smras pa'i dge 'dun lhag ma yin pa'i phyir/ bzhi pa la bzhi las/
dang po ni/ gang la smra ba'i yul ni bud med kyi mtshan don byed
nus pa dang ldan

pa; lus tha mal du gnas pa/ shes pa rang bzhan du gnas pa/ ma
ning dang mtshan gnyis pa ma yin pa'o/ /gang smra ba'i dngos po
ni yul dus der 'khrig tshig tu grags pa rgyan nu can la sogs
pa'o/ /bsam pa ni/ chags sems kyis 'khrig tshig smra 'dod rgyun
ma chad

pa'o/ /sbyor ba ni/ ngag mtshan nyid drug ldan gyis smra par
rtsom pa'o/ /mthar thug ni/ pha rol pos don go ba'o//!//bzhi pa
bsnyen bkur bsngags pa'i dge 'dun lhag ma ni/ bdag nyid dang
'khrig pa kun tu spyod pa bsngags na'o/ /des bsngags pa la rjes
su yi rang

@064a @#/ /ba'i don gyis tshig ni de dang 'dra'o/ /de nyid phyir
bzlas na'o/ /zhes sogs kyis 'chad/ 'di'i skabs su bzhi las/
gleng gzhi yod de/ yul mnyan yod du dge slong 'char gas nyon
mongs pa chags sems kyis kun nas bslangs te bud med la 'khrig
pa'i

bsnyen bkur bsngags pa la brten nas bcom ldan 'das kyis ltung ba
lhag mar bcas pa'i phyir/ dgag bya sngar bzhin/ ngo bo yod de/
bcas ldan dge slong gis chags sems kyis bud med la 'khrig pa'i
bsnyen bkur bsngags pa pha rol bos don go ba las gyur pa'i

ltung ba dngos gzhi de bsnyen bkur bsngags pa'i dge 'dun lhag ma
yin pa'i phyir/ bzhi pa la bzhi las/ dang po ni/ gang la smra
ba'i gzhi sngar bzhin no/ /smra tshul ni/ kho bo lta bu'i dge
slong tshul khrims dang ldan pa dge ba'i chos tsan la 'khrig pa'i
chos 'dis bsnyen

bkur byas na de ni bsnyen bkur rnams kyis mchog yin no/ /zhes
smras ba'o/ /bsam pa ni/ chags sems kyis bsngags 'dod rgyun ma
chad pa'o/ /sbyor ba ni/ bsngags par rtsom pa'o/ /mthar thug ni/
pha rol bos don go ba'o//!//lnga ba gnyen byed pa'i dge 'dun

lhag ma ni/ 'phrad na'o/ /gzhan dang ngo/ gzhan du'o/ /de'i
phyir du mi mthun pa mthun par sgrub pa'i phyir/ zhas sogs kyis
'chad/ 'di'i skabs su bzhi las/ dang po gleng gzhi la/ byung la
ma bcas pa dang/ byung la bcas pa gnyis las/ dang po ni/ ri
dwags

'dzin gyi bu nag pos skyes pa dang bud med gnyen byas pa la
gleng gzhi byung yang bcas pa ma mdzad la/ gnyis pa ni/ yul
mnyan yod du dge slong 'char gas nyon mongs pa 'dod chags kyi
sems kyis kun nas bslangs te skyes pa dang bud med gnyen byas

pa la brten nas bcom ldan 'das kyis ltung ba lhag mar bcas pa
yin pa'i phyir/ dgag bya sngar bzhin/ ngo bo yod de/ bcas ldan
dge slong gis skyes pa dang bud med gnyen byas te de gnyis phrad
ba las byung ba'i ltung ba dngos gzhi de gnyen byed pa'i dge

@064b 'dun lhag ma yin pa'i phyir/ bzhi pa la bzhi las/ dang po
ni/ gang gnyen byed pa'i bzhi ni/ skyes pa dang bud med mtshan
don byed nus pa dang ldan pa/ lus tha mal du gnas pa/ shes pa
rang bzhin du gnas pa/ ma ning dang mtshan gnyis pa min pa'o/
/bsam pa ni/ gnyen

byed 'dod rgyun mchod pa'o/ /sbyor ba ni/ gnyen byed par rtsom
pa'o/ /mthar thug ni/ de gnyis kyis 'khrig pa bsten
pa'o//!//drug pa khang pa khang chen gyi dge 'dun lhag ma bshad
pa ni/ gnas byed du bcug na'o/ /mthar ro/ /zhes dang/ gcig gi
don du'o/ /tshad las lhag

pa'o/ /zhes sogs kyis 'chad/ 'di'i skabs su/ chos rje dmar ston
pa na re/ tshogs pa'i don du brtsigs pa de khang pa khang chen
gnyis su phye ba'i khang chen gyi don gang zag gcig gi don du
brtsigs pa de de ltar phye ba'i khang ba'i don yin/ zhes gsung/
'o

na/ ston pa zhal bzhugs dus su ston pa'i bzhugs gnas kho nar
brtsigs pa'i khang pa chos can/ de ltar phye ba'i khang par
thal/ gang zag gcig gi don du brtsigs pa'i khang pa yin pa'i
phyir/ khyab ba khas/ 'dod mi nus te/ de ltar phye ba'i khang
chen yin

pa'i phyir te/ sangs rgyas dkon mchog gi ched du brtsigs pa'i
khang pa yin pa'i phyir/ khyad ste/ lud rnam 'byed las/ khang
chen zhes bya ba ni sbyin par zhes bya ba'i chos kyi che ba yin
gyi/ tshad kyi che ba ni ma yin no/ /zhes gsungs pa'i phyir/
gzhan yang/ sdig

byed kyi khyim pa bzhi'i don du brtsigs pa'i khang pa chos can/
de ltar phye ba'i khang chen yin par thal/ tshogs pa'i don du
brtsigs pa'i khang pa yin pa'i phyir/ khyab pa khas/ 'dod mi nus
te/ drangs ma thag pa'i lung don grub pa'i phyir/ sog 'dul

'dzin na re/ dkon mchog dang po gnyis gang rung gi ched du
brtsigs pa de de ltar phye ba'i khang chen dang/ dge 'dun dkon
mchog dang de las gzhan pa'i gang zag gcig gi don du brtsigs pa
khang pa'i don yin no/ /zhes gsung/ shes bya chos can/ bcas

@65a @#/ /ldan dge slong gi dge 'dun brgya stong sogs kyi khang
ba'i tshad la srid du khru bco brgyad/ zheng du khru byed dang
bcu gcig las lhag pa byar mi rung bar thal/ dge 'dun dkon mchog
gi tshad du brtsigs pa'i khang pa de de ltar bye ba'i khang pa
gang

zhig de ltar bye ba'i khang pa'i tshad la srid du bco brgyad/
zheng du khru phyed dang bcu gcig las lhag pa ma gnang ba'i
phyir/ gzhan yang/ dge 'dun dkon mchog gi ched du brtsigs pa'i
khang pa yin na/ de ltar phye ba'i khang chen yin dgos par thal/
dge 'dun dkon

mchog de gtsug lag khang gi mdzod 'dzin pa yin pa'i phyir/ khyab
ste/ rnam 'byed kyi lung drangs ma thag pa de'i phyir/ mtsho sna
pa na re/ dkon mchog gsum gang rung gi ched du brtsigs pa'i
khang pa de de ltar phye ba'i khang chen gyi don dang /khyim
pa'am rab byung du gyur ba'i

gang zag gcig gi don du brtsigs pa de de ltar phye ba'i khang
pa'i don no/ /zhes gsungs 'o na/ rgyun zhugs su gyur pa'i dge
slong gcig gi don du brtsigs pa'i khang pa chos can/ de ltar
phye ba'i khang par thal/ chos can de'i phyir/ 'dod na/ ma yin
par thal/ de ltar phyir

pa'i khang tshan yin pa'i phyir te/ dge 'dun dkon mchog gi don du
brtsigs pa'i khang pa yin pa'i phyir te/ rgyun zhugs kyi don du
brtsigs pa'i khang pa yin pa'i phyir/ khayb ste/ rgyun zhugs yin
na/ dge 'dun dkon mchog yin dgos pa'i phyir te/ de yin na/
'phags pa yin dgos pa'i phyir/ rang lugs la/ khang pa'i dge 'dun

lhag ma bshad pa dang/ khang chen gyi dge 'dun ltag ma bshad pa
dang/ khang pa khang chen gyi khyad par bshad pa'o/ /dang po la
bzhi las/ gleng gzhi yod de/ yul mnyan yod du dge slong rab tu
mang pos nyon mongs pa 'dod chags shas che bas kun nas bslangs
te

gzhi yang dag par mi rigs pa'i khang pa tshad las lhag pa la
brten nas bcom ldan 'das kyis ltung ba ltag mar bcas pa'i phyir/
dgag bya yod da/ srog chags gzhan la gnod par 'gyur ba dang/
gzhan dang rtsod pa rgyas par 'gyur ba dang 'don dang bya ba
mang bar 'gyur

@065b 'gyur ba'i dgag bya yod pa'i phyir/ ngo bo yod de/ bcas
ldan dge slong gis gzhi ma dag par tshad las lhag pa'i khang pa
rang don du brtsigs pa las byung ba'i ltung ba dngos gzhi de
khang pa'i dge 'dun lhag ma yin pa'i phyir/ bzhi pa la bzhi las/
dang po ni/ gang du brtsigs pa'i

gzhi ni gzhan gyis bdag tu bzung ba'i cha nas rtsod pa dang bcas
pa/ grog sbur sogs srig chags phra mo rgyu ba'i cha nas gnod pa
dang bcas pa/ khron pa dang 'bab chu sogs rgyu pa'i cah nas
brtsom du mi rung ba'o/ gang rtsig pa'i dngos po ni phal cher
bskor zhing/ phal cher g.yogs pa

sogs gnas kyi ngo bor gyur pa gzhan gyi byed 'khro sogs gzhi'i
sesl bar gtogs pa ma yin pa/ tshad las lhag pa'o/ /tshad kyang yod
de/ srid du khru bco brgyad dang/ zheng du khru gyed dang bcu
gcig po che tshad dang/ sbyod lam bzhi shong ba de chung tshad yin
pa'i phyir/ spyod lam bzhi

ni; 'dug pa'i tshe na skyi la mo krung bcas te 'dug tu rung ba/
nyal ba'i tshe na rkang lag brkyang te nyal du rang ba/ ldang
ba'i tshe mgo ma thub par ldang du rang ba/ 'gro ba'i tshe na gom
pa gsum 'dor du rung ba/ bsam pa ni/ khang pa rtsig 'dong rgyun
ma chad pa'o/ /sbyor ba ni/ de ltar rtsom

pa'o/ /mthar thug ni/ gnas kyi ngo bor grub pa'o/ /gnyis pa
khang chen gyi dge 'dun lhag ma ni/ tshogs kyi don du'o/ /zhes
sogs kyis 'chad/ 'di'i skabs su bzhi las/ dang po ni/ gleng gzhi
dang dgag bya sngar bzhin no/ /ngo bo yod de/ bcas ldan dge
slong gis gzhi ma dag par

dkon mchog gsum gyi ched du 'am dngos kyi bdag po sogs kyi don
du gnas brtsigs pa las byung ba'i dngos gzhi'i ltung ba de khang
chen gyi dge 'dun lhag ma yin pa'i phyir/ bzhi pa la bzhi las/
dang po gnyis sngar bzhin la/ bsam pa ni/ rtsig 'dod rgyun ma
chad pa'o/ /

sbyor ba ni/ de ltar rtsom pa'o/ /mthar thug ni/ gnas kyi ngo
bor grub pa'o/ /gsum pa ni/ khang pa khang chen gyi khyad par
bzhag tu yod de/ snga ma dkon mchog las gzhan pa'i don du
brtsigs pa dgos kyi/ phyi ma dkon mchog gi ched du brtsigs pa
dgos pa'i phyir dang/ sa bzhi

@066a @#/ /dang yo byad btsal dgos mi dgos kyi khyad par dang/
tshad las lhag pa dgos mi dgos kyi khyad par yod pa'i phyir ro//
! //brgyad pa gzhi med skur 'debs kyi dge 'dun lhag ma ni/ rdzun
du sma bas so/ /gang yang rung ba la go bar byas na'o/ /nyams
par

'dun pas so/ /zhes sogs kyis 'chad/ 'di'i skabs su bzhi las/
dang po gling gzhi yod de/ ston pa 'od ma'i tshal du bzhugs pa'i
tshe mdza'o dang sa las skyes gnyis kyis sngon gyi 'khon rgyu
mtshan du byas nas 'phags pa gyang bu nor la dge slong ma mdza'
mo mi tshangs

spyod kyi skur pa 'debs su bcug pa la brten nas de ltar bcas
pa'i phyir/ dgag bya yod de/ sa dang lam la sgrib pa sogs kyi
dgag bya yod pa'i phyir/ ngo bo yod de/ bcas ldan dge slong gis
rang dang lta ba mthun pa'am mi mthun kyang pham pas ma gos pa'i
dge slong

pha ma smra shes don go shes pa rang bzhin du gnas pa lus tha
mal du gnas pa la nyams 'dod kyi bsam pas kun nas bslangs te
gzhi med par skur pa btab pa la brten nas byung ba'i ltung ba
dngos gzhi de gzhi med skur 'debs kyi dge 'dun lhag ma yin pa'i
phyir/

bzhi pa la bzhi las/ dang po/ gang la skur pa 'debs pa'i yul ni/
pham pas ma gos pa'i dge slong pham gang yang rung ba smra shes
pa don go ba shes pa rang bzhin du gnas pa lus tha mal du gnas
pa la'o/ /bsam pa ni/ nyams 'dod kyi bsam pa rgyun ma chad
pa'o/ /sbyor ba ni/ ngag gsal por smra bar rtsom pa'o/ /mthar
thug ni/ pha rol pos don go ba'o// ! //dgu ba bag tsam gyi dge
'dun lhag ma ni/ brjod par bya ba gzhan la gnas pa'i tshig gis
rdzun na'o/ /zhes sogs kyis 'chad/ 'di'i skabs su bzhi

las/ /dang po gleng gzhi yod de/ de'i tshe 'phags pa gyad bu ner
gyis dge slong ma ud pa la'i mdog can la chos bstan pa'i tshe
mdza' bo dang sa las skyes kyis slar yang mi tshangs spyod kyi
skur ba btabs pa la de ltar bcas pa'i phyir/ dgag bya sla/ ngo
bo

@066b yod de/ bcas ldan dge slong gis rang dang lta ba mthun pa
'am mi mthun kyang pham pas ma gos pa'i dge slong pham gang yang
rung ba smra shes don go sogs la nyams 'dod kyi bsam pas kun nas
bslangs te bag tsam gyi skur ba btab pa las byung ba'i dngos

gzhi'i ltung ba de bag tsam gyi skur pa 'debs pa'i dge 'dun lhag
ma yin pa'i phyir/ bzhi pa la bzhi las/ dang po sngar bzhin/
bsam pa ni/ nyams 'dod rgyun ma chad pa'o/ /sbyor ba ni/ smra
bar rtsom pa'o/ /mthar thug ni/ pha rol pos don go ba'o/ /bag
tsam

gyi skur ba 'debs pa'i dpe yang yod de/ gyad pu nor dang uT pa
la'i mdog can mthong ngo/ /mi tshangs par spyod pa yang mthong
ngo/ /zhes mi gsal bar skur ba btab ba'o/ /'di yan chad kyi lhag
ma dgu po la dngos po las gyur pa zhes brjod de/ zlog pa la ma
ltos par bya ba de la zhugs pa nyid kyis ltung ba dngos gzhi
rdzogs par 'gyur ba yin pa'i phyir/ phyi ma bzhi la bsgo gyur
gyi ltung ba zhes bya ste/ de rnams kyi ltung ba dngos gzhi
rdzogs par skyed ba bzlog bsgo la ltos dgos pas de ltar brjod
pa'i phyir/ ! /

bcu pa dge 'dun gyi dbyen gyi lhag ma ni/ rtul par byed pa nyid
do/ /dbye na la'o/ /dge 'dun gyi'o/ /zhes sogs kyi 'chad/ 'di'i
skabs su/ gleng gzhi dang ltung ba dngos gnyis las/ dang po ni/
ston pa rgyal po'i khab tu bzhugs pa'i dus su/ dge slong lhas

byin gyis ma skyes dgra dad par byas te lha byin la bsnyen bkur
mang du byas pas lhas byin 'khor lnga brgya tsam dang ldan par
gyur pa'i tshe lhas byin gyis 'khor rnams la/ dge slong go'u ta
ma ni sha za/ gos dras shing drub ba gyon/ 'o ma 'thung/ lan tsha
za/

dgon pa nyid du gnas par byed/ 'u cag de dag mi bya'o/ /de ci'i
phyir zhe na/ gzhi de dag la brten nas srog chags la gnod pa
dang tha ga pa'i rtsal bcom pa dang/ be'u la gnod pa dang/ dbang
phyug gi mi gtsang ba yin pa dang/ sems can gyi don mi 'grub

@067a @#/ /pa'i phyir ro/ /zhes bslab tshigs lnga bcas de dge 'dun
gyi dbyen la zhugs pa la dge slong gzhan rnams kyis bzlog kyang
mi gtong ba la brten nas de ltar bcas pa'i phyir/ gnyis pa ni/
bcas ldan dge slong gis dge 'dun chos phyogs 

las chos ma yin gyi phyogs su 'byed pa las byung ba'i ltung ba
dngos gzhi de dge 'dun dbyen gyi lhag ma yin pa'i phyir/ dge
'dun 'khor lo'i dbyen de yang khyad par lnga dang ldan te/ gang
du dbye ba'i gnas/ gang dbye ba'i dge 'dun/ dus nam gyi tshe dbye

ba; gang las dbye ba'i don/ gang gis 'byed pa'i rten rnams su
yod pa'i phyir/ dang po yod de/ mdzod las/ 'dzam bu gling na'o/
/zhes dang/ 'tshams ma bcad pa dag tu yang/ /'khor lo'i dbyen ni
mi 'byung ngo/ /zhes sogs gsungs pa ltar/ gling 'di yin pa/

mtshams gcig gi nang yin pa/ ston pa mngon sum bzhugs pa'i gnas
las gzhan yin pa gcig dgos pa'i phyir te/ gling gzhan na 'gran
zla ston pa med pa dang/ mtshams tha dad yin na/ mtshams kyi sgo
nas phye zin pas dgag bya chung ba dang/ ston pa

mngon sum du bzhugs pa'i sar ston pa'i gzi brjid mi bzod pas
dbye mi nus pa'i phyir/ gnyis pa grub ste/ so so skye bo'i dge
'dun yin pa/ chos phyogs pa bzhi/ chos min phyogs pa bzhi ste
brgyad yan chad kyi grangs tshang ba'i steng du 'byed pa po dang
dgu tshang ba las kyi

kha skongs su 'os pa rnams yin pa'i phyir te/ 'phags pas chos
min la chos phyogs su lta ba mi srid pa'i phyir dang/ 'byed pa
po ma gtogs brgyad ma tshang na phan tshun so sor dge 'dun ma
longs pa las kyi kha skongs su mi 'os pas las mi chags pa'i
phyir/

gsum pa grub ste/ dang po mtha' skyon zung gcig gi /snga rol
thub pa nongs pa dang/ /zhes 'byung ba ltar/ ston pa sangs rgyas
ma thag ma yin par sangs rgyas nas yun lon pa/ bstan pa la skyon
chags pa'i dus yin pa/ mya ngan las 'da' kha ma yin pa/

@067b mchog zung gcig yod pa'i dus yin pa/ sangs rgyas pa'i snga
rol ma yin pa/ mya ngan las 'das zin pa ma yin pa gcig dgos pa'i
phyir/ bzhi pa grub ste/ chos phyogs las chos min phyogs su phye
ba de de yin pa'i phyir/ lnga pa grub ste/ tshul khrims rnam par
dag

cing sde snod kyi grub mtha' la mkhas pa gcig dgos pa'i phyir/
de med na gzhan gyis tshad mar mi 'dzin pa'i phyir/ kha cig ni/
dge 'dun gyi dbyen dang/ dbyen gyi mtshams med dang/ dbyen byed
kyi lhag ma gsum la khyad par yod de/ ngo bo'i/ ldan pa'i/ las
dang po ba la

'byung mi 'byung gi /dge slong ma la 'byung mi 'byung gi /dge
'dun bye ba dgos mi dgos kyi/ bzlog pa lnga yan lag tu dgos mi
dgos kyi/ mthar thug grub dus kyi/ 'byed pa po'i khyad par te/
brgyad yod pa'i phyir/ dang po yod de/ dge 'dun gyi dbyen ni dge
'dun thugs

mi mthun pa'i mi 'phrod pa'i rang bzhin gyi ldan min 'du byed
lung du ma bstan pa dang/ dbyen gyi mtshams med ni/ dge 'dun bye
ba las byung ba'i rnam smin mnar med du skye 'gyur gyi nyes pa
dngos gzhi dang/ dbyen byed lhag ma ni/ bcas pa dang 'gal ba'i
ltung ba

dngos gzhi yin pa'i phyir/ gnyis pa yod de/ dge 'dun gyi dbye na
dge 'dun la ldan/ lhag ma mtshams med gnyis 'byed pa po la ldan
pa'i phyir/ gsum pa yod de/ las dang po pa lha sbyin lta bus dge
'dun dbye bas dbyen dang dbyen gyi mtshams med 'byung

la dge 'dun lhag ma mi 'byung ba'i phyir/ bzhi pa yod de/ dge
slong ma la dbyen byed lhag ma dang las kyi dbyen 'byung/ dbyen
byed mtshams med dang 'khor lo'i dbyen mi 'byung ba'i phyir/
dbyen gyi 'tshams med rgyud ldan gyi dge slong ma yod de/ de
rgyud ldan

kyi dge slong ya mtshan byur pa yod pa'i phyir/ lnga pa yod de/
dge 'dun dbyen dang dbyen gyi 'tshams med gnyis la dge 'dun phye
ba yan lag tu dgos/ dbyen byed lhag ma skyed pa la de mi dgos
pa'i phyir/ drug pa yod de/ dang po gnyis la bzlog pa

@068a @#/ /yan lag tu mi dgos/ dbyen byed lha ga ma la de dgos
pa'i phyir/ bdun pa yod de/ dang po gnyis dag 'dun bye ba'i dus
der grub/ phyi ma brjod pa gsum pa'i mtha' la ma btang ba'i dus
su grub pa'i phyir/ brgyad pa yod de/ 'khor lo'i

dbyen dang dbyen gyi 'tshams med skyed pa la 'byed pa po las kyi
kha skong bar 'os pa dgos/ dbyen byed lhag ma skyed ba la de mi
dgos pa'i phyir/ zhes gsungs/ ! /bcu gcig pa de rjes phyogs kyi
dge 'dun lhag ma ni/ de'i grogs nyid rjes su sgrub par byed

pa'o; ;zhes pas bshad/ 'di'i skabs su gnyis las/ dang po gleng
gzhi yod de/ dge slong ko ka li ka dang/ khan da dra ba bya
dang/ rgya mtshos byin dang/ ka ta mo rak ka ti sha ya bzhis lha
byin gyi dbyen byed pa'i grogs byed pa na dge slong gzhan gyis
bzlog kyang

mi gtong ba las der bcas so/ /gnyis pa ni/ bcas ldan dge slong
gis dge slong pha rol pos dge 'dun 'byed pa'i grogs byas pa la
brten nas byung ba'i ltung ba dngos gzhi de de rjes phyogs kyi
lhag ma yin pa'i phyir/ ! /bcu gnyis pa khyim sun 'byin

gyi dge 'dun lhag ma ni/ rang skrod par byed pa'i dge 'dun la
log pa'i bsam pas de de la de ltar zhugs so/ /zhes rdzun du
smras pa nyid do/ /zhes pas bshad/ 'di'i skabs su gnyis las/
dang po yod de/ yul mnyan yod du dge slong nam so dang/ 'gro ma
gyogs

dang dmar ser can gsum gyis khyim bdag dad pa can spyod pa ngan
pa'i sgo nas ma dad par byas pas/ dge slong rnams kyis bsod
snyoms ma rnyed bar gyur to/ /de'i tshe bcom ldan 'das kyis khyim
pa sun 'byin pa dag gtsug lag khang nas bskrad pa'i las

kyis shig gsungs pas/ dmar ser can gyis de thos nas nyes pa
phyir bcos/ nam so dang 'gro mgyogs gnyis gtsug lag khang nas
bskrad pas de gnyis kyis dge 'dun 'di ni 'dun pas 'gro ba'o/
/'jigs pas 'gro ba'o/ /zhes sogs 'gro ba gnyis

@068b bskur pa 'debs pa la zhugs pa la/ dge 'dun gzhan gyis
bzlog kyang mi gtong ba la de ltar bcas so/ /gnyis pa ni/ bcas
ldan dge slong gis rang gi tshul khrims dang 'gal ba 'am gzhan la
skur pa btab pa'i sgo nas khyim pa sun 'byin pa la dge 'dun gyis
bskyed

pa nan cur byas pa'i tshe dge 'dun la 'gro ba bzhis bskur pa
'debs pa las byung ba'i ltung ba dngos gzhi khyim pa sun 'byin
gyi dge 'dun lhag ma yin pa'i phyir/ ! /bcu gsum pa bka' blo mi
bde ba'i dge 'dun lhag ma ni/ dge slong gi lhag pa'i tshul khrims

kyi gleng ba nyid na bdag nyid de la dge slong gis brjod pa mi
bya ba nyid du byed pa'o/ /zhes sogs kyis 'chad/ 'di'i skabs su
gnyis las/ dang po yod de/ yul ko'u shamlhir 'dun pas/ srog
chags dang bcas pa'i chu la spyad pa'i ltung ba byung ba na/ dge
'dun gyi ltung ba gleng

bas; 'dun pa na re/ khyod dge yang rung sdig kyang rung khyed la
ltung ba mi gleng ngo/ /nga dge yang rung/ sdig kyang rung nga
la ltung ba ma gleng zhig zer zhing bka' blo mi bde ba'i gzhi la
zhugs pa bzlog pa'i rkyen gyis bzlog kyang mi gtang ba la de
ltar bcas so/ /gnyis pa ni/ bcas ldan

dge slong gis rang las gzhan pa'i dge slong pha rol pos rang gi
bslab pa'i gzhi la gleng ba na/ dge yang rung sdig kyang rung
bdag la cang ma smra zhig /ces smras pa las byung ba'i ltung ba
dngos gzhi de bka' blo mi bde ba'i dge 'dun lhag ma yin pa'i
phyir/ ma nges pa'i sde la

gnyis yod de/ pham lhag ltung byed gsum du ma nges pa dang/ lhag
ma ltung byed gnyis su ma nges pa gnyis su yod pa'i phyir/ dang
po ni/ bud med dang lhan cig 'dom gang gi nang du gnas pa las
byung ba dang/ gnyis pa ni/ de dang lhan cig de'i phyi rol tu
gnas pa las byung ba

yin no/ /dang po'i gleng gzhi yod de/ dang po 'char ga la/ gnyis
pa shi ri ka la bcas pa'i phyir/ ! /gsum pa chad las dang 'brel
ba ltung byed kyi sde la/ zhag gi chad las dang 'brel ba'i spang
ltung/ bshags pa tsam dang 'brel ba ltung byed 'ba' zhig pa
gnyis/

@069a @#/ /dang po la/ thun mongs pa dang/ thun mongs ma yin pa
gnyis las/ dang po la/ dgos don/ bsdus don gnyis las/ dang po
ni/ lung du/ ltung ba so sor gsungs pa rnams 'dir bsdus te bstan
pa la dgos pa yod de/ tshigs tshogs chung ba dang/

mtshan nyid mtshungs pa rnams la rung mthun go bar bya ba'i dgos
pa yod pa'i phyir/ gnyis pa la dus dang 'brel ba'i thun mong ba/
bdag po dang 'brel ba'i thun mong ba/ shan dang 'brel ba'i thun
mong ba/ phyir bcos dang 'brel ba'i thun mong ba/ sbad pa dang
po gsum dang

'brel ba dang lnga las/ dang po ni/ nyin mtshan gyi dang po ma
yin pa la tha ma ma yin pa med pa nyid do/ /zhes sogs kyis
'chad/ 'di yang lung gi bye brag bzhi las/ rnam 'byed kyis btus
so/ /'di'i skabs su/ spyir dus 'brel gyi ltung ba de la/ 'chad
gnyis bral

gnyis zla 'jog dang/ /ras chen gtad byung gsog 'jog dang/ /dmag
gnas 'chab dang nub lhag nyal/ snang bcas spang snyil lhan cig
nyal te bco lnga las/ 'chad 'jog bzhi/ dgon ba'i bral sbang/ ras
chen dang nub lhag ste bdun po de skyed pa la rang rang

gi zhag grangs kyi tha ma'i mtshan mo'i mtha'i skad cig ma la
ltos dgos pa yin te/ gos dang lhung bzed zhag bcu 'chad spang
skyed pa la zhag bcu'i mtshan mo'i mtha'i skad cig ma la ltos/
zla 'jog gi spang ltung bskyed pa la zhag sum cu'i mtshan mo'i
mtha'i skad cig ma la

ltos/ gsog 'jog gi spang ltung bskyed pa la zhag bdun gyi de la
ltos/ dgon pa ba'i 'bral spang skyed pa la zhag drug gi de la
ltos pa'i phyir/ 'di dus 'brel gyi ltung ba gzhag brgyad la mi
sbyor te/ 'di zhag dang po kho na la dogs pa gcod dgos pa gang
zhig /phyis

rnam gnyis la zhag dang po la dogs pa bcad mi dgos/ gzhan rnams
kyi mtshan gzhi 'og nas ston pa'i phyir/ 'o na/ nyin par dus
'brel gyi ltung ba skyed pa yod dam zhe na yod de/ dmag nang du
nyin par gnas na sbyor ltung skyed pa'i phyir te/ der gnas pa
tsam la dgag

@069b bya nyes dmigs che ba'i phyir te/ rgya cher 'grel las/
dmag gi nang na gnas pa ni nyin par gnas na yang sbyor ba'i snod
nyid kyi rgyu'i dngos por 'gyur te/ der gnas pa tsam nyid na
nyas par 'gyur ba yin pa'i phyir/ zhes gsungs pa'i phyir/ nyin
mtshan gyi dang po ma yin pa

ni; mtshan mo'i mtha'i skad cig ma yin la/ de ma yin pa med pa
ni/ de la ma ltos par zhag bcu 'chang spang sogs kyi ltung ba mi
'byung zhes sbyor/ nyin mtshan gyi dang po yod de/ skya rengs la
gsum yod pa'i dang po de de yin pa'i phyir/ skya rengs dang po
shar ba'i tshad yod

de/ nam gyi cha bgos pa'i cha nas de shar ba dang/ mtshan ma gsal
ba'i cha nas de shar ba'i tshad gnyis yod pa'i phyir/ sbyir nam
gyi cha de la srod gung dang tho rangs dang gsum du phye zhing
de re re la thun gsum gsum du phye ba'i tha ma'i dang po'i phyed
nas skya rengs

dang po shar ba yin te/ dge slong ma'i rnam 'byed las/ thun tha
ma'i dang ba'i phyed nas rnga brdung du nye ba'i mtshan mo'i skya
rengs dang po shar ba'i dus yin/ zhes sogs gsungs pa'i phyir/
gnyis pa yod de/ tho rangs shar phyogs kyi nam mkha' sngo skyar

gyur cing skar ma'i gdong gi 'od cung nyams par gyur pa'i tshe
skya rengs dang po shar/ de ser skyar gyur cing skar ma'i gdong
gi 'od chung ngur gyur pa'i tshe skya rengs bar pa/ de dmar skyar
gyur cing rgyu skar rnams kyi 'od med pa'i tshe skya rengs tha ma
shar ba yin pa'i phyir/

'od ldan du skar ma'i mdo drangs pa las/ skya rengs dang po shar
ba na/ /shar phyogs su ni sdor snang zhing/ /skar ma'i gdong gi
'od nyams la/ /nam mkha' sngo skyar 'gyur ba yin/ /skya rengs
bar ba shar ba na/ /des ni shar phyogs skya zhing dmar/ /rgyu
skar 'od ni chung pa

dang/ /nam mkha' sar skyar 'gyur ba yin/ skya rengs tha ma shar
ba na/ /rgyu skar 'od ni med pa dang/ /skya rengs tha ma 'od zer
shar/ /'od zer nyi ma shar bar du/ /zhes gsungs pa dang/ shes
rab byed par skya rengs gsum po shing 'dzam bukri kSha'i lo ma'i
'od

@070a @#/ /dad/ de la nyi ma 'phog pa dang/ /nyi ma nam mkha' la
byung ba la bshad pa dang/ rnam 'byed sogs mthun par 'byung ba'i
phyir/ ! /gnyis pa ni/ spang pa la ni 'du shes las gtso cher
rang gi nyid do/ /zhes sogs kyis 'chad/ 'di

ni lung ko lbags kyi gzhi las btus/ 'di'i skabs su/ spyir bdag
'brel gyi ltung ba de la/ 'chang 'jog 'khrur 'jug bcu tshan bar
ba dang/ snod 'chang 'thag 'jug ras chen gtad mtha' ste/ bcom
brgyad po thams cad kyi yo byad rang nyid kyis dbang

ba la dbang bar 'du shes pa dngos gzhi skyed pa'i yan lag tu
dgos te/ gzhan gyi rdzas la gzhan gyi yin par 'du shes na dngos
gzhi mi skyed/ rang gi rdzas la gzhan gyi yin par 'du shes
na'ang mi skyed gzhan gyi rdzas la rang nyid kyi yin par 'du
shes

na'ang dngos gzhi mi skyed pa'i phyir/ dang po grub ste/ 'chad
gnyis dang zla 'jog dang/ ras chen bzhag 'phyis dang/ dbyar
rnyed bgo 'phyis pa dang lnga la der 'du shes na ltung ba med pa
dang/ rin po che la reg pa la der 'du shes na spang ltung las

gzhan ltung byed 'ba' zhig par 'gyur ba dang/ bcu tshan dang po'i
'khrur 'jug dang/ bcu tshan bar pa'i rin po che la reg pa ma
gtogs dgu dang/ bcu tshan tha ma'i thag 'jug pa dang/ gsog 'jog
rnams la der 'du shes na rang rang gi na smad

du 'gyur ba yin pa'i phyir/ gnyis pa grub ste/ 'chang ba sogs
lnga las ltung byed dang/ rin po che la reg pa la longs pa gzhir
gtogs kyi na smad dang/ 'khrur 'jug sogs bcu gnyis la ches na
smad du 'gyur pa'i phyir/ /gsum pa grub ste/ bcom brgyad po

thams cad la nyes byas su 'gyur pa'i phyir/ zhag bcu 'chang
spang skyed pa la gos de khyim pa dang rab byung gang rung la
bsam pa thag pa nas bsdos pa ma yin pa dgos te/ bsdos na bdag tu
'dzin pa bral ba yin pas ltung ba mi 'byung ba'i phyir ro/ /rab

@070b tu byung ba su rung rung la star snyam du nges par byas pa
yang snga ma dang 'dra la/ lhag pa'i yo byad la mkho ba'i yo
byad du byin gyis brlabs kyang ltung byed nyid du shes par
bya'o// ! //gsum pa ni/ 'di la rjes su zhugs pa nyid kyang nyams
pa yin no/ /zhes sogs kyis

'chad; 'di rnam 'byed las btus/ 'di'i skabs su/ gzhung 'dis shan
dang 'brel ba'i thun mong ba bstan pa yin te/ des spang ltung
rnams la shan 'byung bar bstan pa yin pa'i phyir te/ dngos su
chos gos gzhan la bsdos pa dang/snam sbyar byin rlabs byas na

shan 'byung ba nyams pa dang/ dge slong sa rang bzhin du mi gnas
pa la shan mi 'byung bar bstan pa la de rnams las log na shan
'byung ba don gyis bstan pa'i phyir/ shan 'byung ba yang yod de/
'chang gnyis dang zla 'jog dang/ sman zhag bdun pa'i gsog

'jog dang/ dge slong mas zla ba phyed phyed cing chos gos byin
gyis ma rlabs pa lnga la zhag shan gyis khyab/ dge slong khyad
par can ma yin pa'i rgyud kyi spang ltung sum cu po thams cad la
spang shan gyis khyab pa'i phyir/ dge slong khyad par can gyi
rgyud kyi spang ltung sum cu la spang

shan gyi ma khyab ste/ de'i rgyud kyi zhag bcu 'chang spang la
des ma khyab pa'i phyir te/ de spang shan rdeg byed ma yin pa'i
phyir te/ de phyir bcos byed pa'i tshe phyis rnyed kyi yo byad
rnams spang dgos rung du gnas pa ma yin pa'i phyir te/ de'i tshe
na spang bral sngon du btang ba la ltos mi dgos

pa'i phyir/ zhag shan la yang khyad par can dang/ khyad par can
ma yin pa gnyis las/ dang po la yang/ gos dang ltung bzed dang/
sman zhag bdun pa'i zhag shan khyad par can rnams su yod pa'i
phyir/ dus rung dang thun tshod du rung ba dang/ ji srid 'tsho'i
sman gsum la rang

stobs kyi gsog 'jog dang/ de la brten pa'i spang ltung skyed pa
yin kyang shan stobs mi 'byung ngo/ /gnyis pa la/ gos kyi zhag
shan khyad par can yin pa dang ma yin pa dang/ lhung bzed kyi
zhag shan khyad par can yin pa dang ma yin pa gnyis gnyis yod/
zhag shan

@071a @#/ /khyad par can yin ma yin re re la shan rdeg byed dang
brdeg bya gnyis gnyis yod do/ /gos dang lhung bzed kyi shan rdeg
byed yin na rang gi shan brdeg bya las phyis rnyed ma yin pas
khyab kyang/ sngar rnyed yin pas ma khyab ste/ dus mnyam du
rnyed pa'i gos

dang lhung bzed kyi shan brdeg bya rdeg byed gnyis yod pa'i
phyir te/ dge slong gi gos gnyis mnyam du rnyed pa la gcig byin
gyis brlabs gcig byin gyis ma brlabs par zhag bcu 'das na/ phyi
ma la rang stobs snga ma la shan stobs kyi zhag bcu 'chang spang
skyed pa'i phyir/

de bzhin du gos dang ltung bzed kyi shan brdeg bya yin na/ rang
gi shan rdeg byed kyi sngar rnyed ma yin pas khyab kyang/ phyi
rnyed yin pas ma khyab pa'i tshul shes par bya'o/ /sman la ni mi
'dra ba'i khyad par/ zhag bdun pa'i sman gyi zhag shan rdeg byed
yin na rang gi brdeg bya las

sngar byung bas khyab pa dang/ de'i shan brdeg bya yin na/ rang
gi shan rdeg byed las phyis byung ba'i rnam gzhag kyang shes
ngar bya'o/ /gos dang lhung bzed kyi zhag shan khyad par can yin
ma yin gyi don yod de/ snga ma shan rdeg byed byin gyis ma
brlabs brdeg bya byin gyis

brlabs pa la rdeg pa'i sgo nas bzhag /phyi ma rdeg byed byin
gyis ma brlabs brdeg bya yang byin gyis ma brlabs pa la brdeg
pa'i sgo nas bzhag pa'i phyir/ sman zhag bdun pa lta bu la zhag
shan khyad par can 'jog ste/ brdeg bya byin gyis brlabs pa la
rdeg pa

sha stag yin pa'i phyir te/ sman byin gyis ma brlabs pa sman
gzhan gang la yang zhag shan rdeg pa med pa'i phyir te/ dus rung
gi sman gyi dus rung gi zas la shan rdeg pa med pa'i phyir/
gzhan yang/ sman zhag bdun pa la/ rdeg byed byin gyis rlabs pas
rdeg bya byin gyis

brlabs pa la shan rdeg pa sha stag yin par thal/ sman zhag bdun
pa'i shan rdeg byed yin na/ byin brlabs can yin pas khyab/ de'i
shan brdegs bya yin na yang byin rlabs can yin dgos pa'i phyir/
dang po der thal/ sman byin gyis ma brlabs pa la

@071b rang stobs kyis zhag bdun pa'i spad ltung skyed pa med
pa'i phyir te/ dge slong gis chos gcig la bu ram rnyed nas byin
gyis ma brlabs par zhag bdun 'das pa'i tshe gsog 'jog gi ltung ba
mi skyed pa'i phyir te/ dge slong gi snga dro bu ram rnyed pa
byin len ma byas par gung

'das pa'i che gsog 'jog tu mi 'gyur ba'i phyir te/ gsog 'jog gi
rgyur byin len nges par dgos pa'i phyir/ rtsa rtags gnyis pa
grub ste/ sman zhag bdun par byin gyis brlabs pas byin gyis ma
brlabs pa'i sman la shan rdeg pa mi srid pa'i phyir te/ sman
zhag bdun pa

byin gyis brlabs pa de nad pa la tshegs chung zhing ltung ba
'byung ring ba'i ched du gnang ba gang zhig de ltar shan rdeg pa
yod na ltung ba 'byung nye bar 'gyur ba'i phyir/ spang shan la
spang shan brdeg bya spang shan rdeg byed gnyis su yod cing/ de
gnyis kyi ngo bo bzhag tu yod de/ gang

zag khyad par can ma yin pa'i rgyud kyi spang ltung yin pa gzhir
byas la ngo bo shes shing dran par nus pa de dang po dang/ spang
ltung byung ba'i phyi nas rnyed pa'i yo byad yin pa gzhir byas
pa la da ltar spang 'os su gnas pa gnyis pa'i ngo bo yin no/
/gang zag khyad par can

yin ma yin gyi don yang yod de/ spang ltung phyir bcos byed pa'i
tshe dngos po ma spangs par dge slong gcig gi drung du bshags pas
dag pa'i dge slong de dang po dang/ de'i tshe dngos po spang dgos
pa'i dge slong de gnyis pa yin pa'i phyir/ dang po grub ste/ spo
mgu

spyad mi dgos par dag 'dun lhag ma gang zag gcig gi drung du
bshags pas 'dag pa'i dge slong de lhag ma phyir bcos byed pa'i
skabs su khyad par can du gsungs pa dang 'dra ba'i phyir/ des na
dge slong gis gos byin gyis rlabs pa la brtson par byed

dgos te/ de yod na dngos pa de lta bu gzhan la yang 'byung ba
nyid do/ /zhes gsungs pa'i dgongs pas byin gyis ma rlabs pa'i
chos gos gcig yod na phyis rnyed kyi bcas pa rigs mthun pa'i yod
byad dngos po gzhan rnams la yang spang shan 'byung ba'i

@072a @#/ /phyir/ mtha' gcig tu khyab pa ma nges te/ mar dang bu
ram zhag bdun pa'i sman sogs su byin gyis rlob rung ba'i bcas pa
rigs 'thun pa yin kyang byin gyis ma brlabs na/ zhag bdun bar
byin gyis rlob pas phyis rnyed bu ram la

shan mi 'byung ba'i phyir te/ zhag bdun pa la ni rigs 'thun pa
la'o/ /zhes gsungs/ spang ltung byung ba'i tshe phyir bcos byed
pa la yang brtson par bya dgos te/ de ma bshags par yod na phyis
rnyed kyi yo byad rigs mthun pa dang mi mthun pa spang dgos pas

tshegs shin tu che ba'i phyir te/ ltung ba de yod na yo byad tsam
bdag gir byas pa la spang ba nyid do/ /zhes gsungs pa'i phyir/ !
/bzhi pa ni/ chung ba nyid kyi dum bu de ni mi 'gyur ro/ /dge
'dun gyi yang ngo/ /'di la med pa de nyid gtso bo'o/ /zhes pas
bshad/ 'di zhu ba

las btus/ /gzhung 'dis phyir bcos dang 'brel ba'i thun mong ba
bstan te/ des spang ltung phyir bcos byed pa'i tshe/ khru gang
las chung ba'i gos kyi dum bu dang/ dge 'dun gyi chos gos dang/
gang la spang ltung phog pa'i yo byad gzhan la gtad na med pa
bcal

nas spang dgos pa ma yin par bstan pa'i phyir/ de rnams spang
dgos pa yang ma yin te/ dang po spang rin med/ gnyis pa bdag
nyid gcig pu'i dbang bya ma yin/ gsum pa de nyid rang gi spangs
pa'i gtso bo yin pa'i phyir/ des na khru gang yan chad kyi gos
dang

bdag nyid 'ba' zhig la dbang byar yod pa dang da lta lag na yod
pa spang dgos la/ spang tshul yang/ spangs pa'i gnas dang/ yun ji
tsam du spang ba gnyis las/ dang po yod de/ gnas tha dad par
spang bar bya ba yin pa'i phyir/ gnyis pa grub ste/ re zhig gi

spang ba dang/ gtan du spang ba gnyis yod pa'i phyir te/ ltung
bzed mang po yod pa'i tshe gces po lhag po gcig ma gtogs lhag ma
thams cad rang byung sde lnga gang yang rung ba gcig la gtad
pa'i sgo nas gtan du spang dgos/ byin 'phrog gi yo byad ni gang
la

@072b phrogs pa de la gtan du spang dgos/ de las gzhan pa rnams
re shig zhag gcig tu dgong re la spangs pa tsam gyis chog pa'i
phyir/ ltung bzed gces po lhag po de nyid rab byung sde lnga
gang rung la gtad pa'i sgo nas gtan du spang ba ma yin te/ gces
po de dge 'dun rgan rim

la brims te dma' brjes pa'i lhung bzed de sngar rang la dbang
byar yod pa'i ltung bzed dang mnyam du 'chang dgos pa'i phyir/ !
/lnga pa ni/ 'di gsum ni sra brkyang bting ba la mi byung ngo/
/zhes pas bshad/ 'di yang rnam 'byed las btus/ 'dis spang pa
dang po gsum dang

'brel ba'i thun mong ba bstan pa yin te/ des sra brkyang bting
ba la bting bar shes shing/ byin gyis brlabs la ma zhig pa'i bag
yangs kyi dge slong la 'chad 'bral 'jog gsum gyi spang ltung mi
'byung bar bstan pa'i phyir ro// ! //gnyis pa thun mong ma yin
pa la bcu tshan

gsum yod pa'i dang po ni/ sdom las/ 'chad ba 'bral ba 'jog pa
dang/ /'khrur 'jug pa dang len pa dang/ /slong dang stod g.yogs
smad g.yogs bcas/ /rin thang so sor bskur ba'o/ /zhes gsungs pa
ltar bcu yod pa'i dang po/ /gos zhag bcu 'chang spang gi ltung
ba ni/ yod na'o/ /

rang gi nyid do/ /zhag bcur rjes su zhugs pa ting ngo/ /gzhan
gyi nyi ma'i dang po la'o/ /gos la'o/ /'khor gsum khebs pa'i
mtha' tshad la'o/ /byin gyis brlabs pa dang ma 'brel ba la'o/
/'brel kyang rjes su zhugs pa dang bcas pa la'o/ /zhes pas
bshad/ 'di'i skabs su gleng

gzhi dang/ ltung ba rang gi ngo bo gnyis las dang po ni/ ston pa
mnyan yod du bzhugs dus dge slong rab tu mang pos gos kyi phrugs
du ma bcangs pa dang rtsal sgrub byas pa'i dbang gis bsam gtan
dang klog pa'i bar chad du gyur pa la brten nas bcas so/ /gnyis
pa yod de/

bcas ldan dge slong gis gnas skabs rang la dbab byar yod pa'i
gos byin gyis ma brlabs par bzhag na rang stobs sam shan stobs
kyi zhag bcu 'das na spang ltung du 'gyur ba'i phyir/ de yang
kun slong zhag bcu'i bar du 'chad 'dod rgyun ma chad pa zhig
dgos

@073a @#/ /shing/ 'du shes ma 'khrul ba zhig dgos te/ zhag bcu
'das kyang ma 'das par 'du shes na dngos gzhi mi 'byung ba'i
phyir/ 'o na/ spang ltung byung ba'i gos byin gyis ma brlabs par
yun ring du bcangs na cir 'gyur zhe na/ kha cig /rgyun ji tsam
bzhag

na'ang ltung ba gtan mi skyed par dkar 'byam du 'dod/ kha cig
/de phyin chad zhag bcu bcu nas spang ltung re re skyed gzhan mi
skyed pa khra bor 'dod/ kha cig /de phyin chad zhag bcu tshun
chad zhag re re la spang ltung re re 'byung la de phan mi 'byung
ba nag 'byams du 'dod/ kha cig /de phyin

chad zhag re re la spang ltung re 'byung ba nag 'byam chen mor
'dod de/ sman gsog 'jog tu gyur pa zhag re re la/ /spang ltung
'byung bar gsungs pa'i phyir dang/ khyim bzhi la sogs pa'i sgo
gtan 'das pa la khyim re re la ltung byed du gsungs pa dang
mtshungs pa'i phyir/

zhes gsung/ ! /gnyis pa bral pa'i spang ba ni/ byin gyis brlabs
pa dang/ gnang ba ma thob pa ni byed pa po nyid do/ /de'i gnas
nye 'khor dang bcas pa nas gzhan na gan te skya rengs shar na'o/
/zhes sogs kyis 'chad/ 'di'i skabs su gnyis las/ dang po ni/
de'i tshe

dge slong rab tu mang pos chos gos rnam gsum yod bzhin du stod
g.yogs dang smad g.yogs tsam la brten nas ljongs rgyu ba na
khyim pa dang mu stegs can dag 'phya ba la brten nas bcas so/
/gnyis pa yod de/ bcas ldan dge slong gis rang gi 'tsho ba'i yo
byad du

byin gyis brlabs pa'i chos gos kyi gtso bo gsum gang rung yod
pa'i gnas nas mtshams tha dad du gnas te skya rengs shar ba na
spang ltung du 'gyur ba yin pa'i phyir/ ltung ba skyed pa la
chos gos byin gyis brlabs pa dang/ snam sbyar gyi cha nas mi
'bral ba'i gnang

ba ma thob pa zhig dgos te/ de gnyis ltung ba 'di'i byed pa po
yin pa'i phyir/ snam sbyar dang mi 'bral ba'i gnang ba ni 'od
srung chen po la sbyin pa yin la/ de yang snam sbyar lci ba'i
cha nas yin te/ snam sbyar yang ba dang bla gos dang mthang gos
la mi 'bral ba'i

@073b gnad ba mi chags pa'i phyir/ gnang ba'i rten kyang rgan pa
dang/ nad pa gang rung yin pa zhig dgos te/ gzhan zhing nad med
pa la gnang ba de ster mi dgos pa'i phyir dang/ nad las grol nas
gnang ba byin yang 'jig pa yin pa'i phyir/ ster tshul ni sbyor
ba'i skabs su snam

sbyar dge 'dun la bstan cing/ rang gis gsol ba lan gsum 'debs pa
dang/ dngos gzhi'i skabs su gsol gnyis kyi las kyis sbyin par
bya ba yin pa'i phyir/ chos gos gsum la sogs pa la bral spang
'byung zhing/ gding ba lta bu la de mi 'byung ste/ de la

de 'byung ba'i sangs rgyas kyi bcas pa med pa'i phyir/ 'on kyang
gding pa ma khyer par gnas gzhan du mtshan 'das na mi rung ste/
spyir btang la nyes pa skyed cing/ rkyen dbang gis 'da' dgos pa
byung na'ang gding ba brnyes te gnas par bya ba dang ma rnyed na

bla gos bzhi blta ba byas pa'i steng du yun mi ring bar nyal bar
bya ba yin pa'i phyir/ gsum pa zla 'jog gi spang pa ni/ gzhan du
na de ni zhag sum cu 'das na'o/ /zhes sogs kyis 'chad/ 'di'i
skabs su gnyis las/ dang po ni/ de'i tshe dge

slong rab tu mang po la chos gos kyi rgyur bsngos pa'i gos sngon
po dang/ ser po dang/ dmar po la sogs pa grangs mang po yun ring
du 'jog cing/ de dag gi kha skong gi gos la rtsel ba cher byas
pa'i stobs kyis thos bsam gyi bar chad du gyur pas na de

ltar bcas so/ /gnyis pa yod de/ bcas ldan dge slong gis kha
skong gi gos la re ba dang bcas pa'i kha sogs kyi gos khru gang
yan chad 'khor gsum khebs pa'i tshad du ma longs pa byin gyis ma
brlabs par bzhag na rang stobs dang shan stobs gang

rung gis zla ba gcig gi mtshan mo'i mtha' 'das pa na spang ltung
du 'gyur ba'i phyir/ kha skong gi gos dang kha sogs kyi gos kha
dog rigs mthun pa cig spyir btang la dgos kyi/ dmigs bsal kha
sogs tsam ma yin kyang kha skong gi gos kha dog

@074a @#/ /dkar bo 'os pa kho na yin te/ dkar po ni kha dog thams
cad du bsgyur du rung ba'i phyir/ dge slong gi kha skong gi gos
la re ba dang bcas te bzhag pa'i kha sogs kyi gos byin gyis ma
brlabs par zla ba'i bar du bcangs pa la zhag sum cu'i snga rol
du

ltung ba mi 'byung ba dang 'das nas zla 'jog gi spang ba skyed
pas ma khyab ste/ tshes gcig lta bu la kha sogs kyi gos rnyed/
tshes lnga lta bu la kha skong gi gos tshang bar rnyed pa byin
gyis ma brlabs par zla bar bzhag pa na zla 'jog gi rigs las log
nas zhag bcu 'chang

spang gi rigs su 'gyur ba'i phyir te/ snga ma la rang stobs dang
phyi ma la shan stobs kyi zhag bcu 'chang spang skyed pa'i
phyir/ de rnyed na zhag bcu pa de'i dang po la bag la slon pa
nyid do/ zhes kha skong gi chos gos de kha sogs kyi gos de'i bag
la slon pa nyid de gcig lta bur bya

bar gsungs pa'i phyir/ de yang snga ma kha cig bag la slon zhes
pa rigs zlog pa la 'chad pa mi 'thad de/ rigs zlog na shan mi
'byung bas ma khyab pa'i phyir/ shan 'byung ba'i don du bshad pa
de kho na legs so/ /des na zhag sum cu yan lag tu dgos pa'i
ltung ba yin na zla

'jog gis spangs pa yin pas ma khyab ste/ yang ngo'i tshes gcig
lta bu la kha sogs kyi gos rnyed nas mar ngo'i tshes bcu lta bu
la kha skong gi gos rnyed pa byin gyis ma brlabs par tshes bco
lnga'i mtshan mo 'das pa'i tshe byung ba'i ltung byed de zla 'jog
gi spang ba ma yin

pa'i phyir te/ de zhag bcu 'chad spang yin pa'i phyir te/ de'i
tshe snga ma la rang stobs phyi ma la shan stobs kyi zhag bcu
'chang spang 'byung ba yin pa'i phyir/ de ltar na rigs zlog pa
dang shan 'byung ba la mu bzhi yod de/ rigs zlog la shan mi
'byung ba/ shan 'byung la

rigs mi zlog pa/ shan kyang 'byung rigs kyang bzlog pa/ gnyis ka
mi 'byung ba dang bzhi yod pa'i phyir/ dang po ni/ tshes gcig la
kha sogs kyi gos rnyed tshes lnga la kha skong gi gos rnyed pa/
tshes drug lta bu la 'tshig pa 'am bor ba'i sgo nas med par gyur
pa'am ma

@074b rnyed kyang re ba chad na zhag bcu 'das pa'i tshe zhag bcu
'chang spang skyed pa lta bu zla 'jog gi spang ba las rigs zlog
gi shan brdeg bya med pas shan 'byung don med pa'i phyir/ gnyis
pa ni/ tshes gcig la kha sogs kyi gos rnyed nas/ tshes lnga la kha
skong gi gos rnyed

kyang tshad du ma long par byin gyis ma brlabs par re ba dang
bcas te zhag sum cu 'das pa na spang ltung skyed pa lta bu yin
te/ snga ma la rang stobs dang phyi ma la shan stobs kyi zla
'jog gi spang ba 'byung ba'i phyir/ gsum pa ni rigs 'gre /bzhi
pa sla/ ! /bzhi pa 'khrur 'jug pa'i

spang ltung ni/ byin gyis brlabs pa rang gi rnying pa 'khrur
'jug par 'os pa chos gos dang gding ba dag las 'ga' zhig bsgo
bas 'khrur bcug gam 'tshed du bcug gam 'chag tu bcug pa dag na'o/
/zhes sogs kyis 'chad 'di'i skabs su gnyis las/ dang po ni/ ston

pa mnyan yod na bzhugs pa'i tshe/ dge slong 'char gas rang gi sa
bon gyis gos pa'i chos gos rnying pa dge slong ma sped ma la
'khrur bcug pa na chags pa'i rkyen gyis chos gos la gos pa'i sa
bon rang gi mngal du blug pas khye'u chags pa na gzhan dag ma
dad pa la

brten nas bcas so/ /gnyis pa yod de/ bcas ldan dge slong gi dge
slong ma nye du ma yin pa la byin gyis brlabs pa'i rang gi 'tsho
ba'i yo byad chos gos gsum dang gding ba gang rung 'khrur 'os pa
'khrur bcug pa las byung ba'i ltung ba dngos gzhi de 'khrur 'jug
pa'i

spang ltung yin pa'i phyir/ nye du ma yin pa yan lag tu dgos
pa'i ltung ba yang nyer drug yod de/ lung las gsungs pa nyi shu
bstan bcos las gsungs pa lnga/ de rnams dang rgyu mtshan mtshungs
pa mdor bsdus pa rnams su yod pa'i phyir/ dang po yod de/ 'khrur
'jug pa

dang len pa dang/ /slong dang stod g.yogs smad g.yogs dang/
/rin thang so sor smel 'jug dang/ /mngon mtshan nyo chong lhung
bzed 'tshol/ /tha ga gnyis dang chos gos gnyis/ /'dug gnas za
dang gsod pa nyid/ /gcer bu 'gron gnyer grong dang ni/ /khyim
gzhan nyid dang nyi shu 'o

@075a @#/ /zhes pa ltar yod pa'i phyir/ gnyis pa yod de/ dben par
'dug 'greng gnyis/ sbyor du bcug ba za ba/ yang yang za ba/
lhung bzed do gsum las lhag pa len pa rnams yin pa'i phyir/ nye
du yang/ pha ma dag gi bdun rgyud tshun chad las gang yang

rung ba snga ma gcig las skyes pa yang nye du yin no/ /zhes
gsungs pa ltar/ pha bam ma nas 'dun rgyud tshun du gang yang rung
ba zhig la bya'o/ /! //lnga ba len pa'i spang ltung ni/ len
na'o/ /rnam par rig byed kyis so/ /gos so zhes sogs kyi skabs su
gnyis las/ dang po ni/ dge slong

ma utpa la'i mdog can la ded dpon gyis ras yug phul ba 'phags
pa nyer dgas nan gyis bslangs pas dge slong ma'i chos gos shin
tu rnying par gyur pa na gzhan dag kha zer ba la brten nas bcas
so/ /gnyis pa yod de/ bcas ldan dge slong gis dge slong ma chos
brgyad

ldan la gos rung ba tshad ldan blangs te thob pa las byung ba'i
ltung ba dngos gzhi de len pa'i spang ltung yin pa'i phyir/ !
/drug pa slong ba'i spang ltung ni/ thob na dngos gzhi'o/ /zhes
sogs kyi skabs su gnyis las/ dang po ni/ khyim bdag gcig gis ras
yug zung dang

bcas te ston pa rgyal byed tshal du bzungs pa la phyag 'tshal du
phyin pa na 'phags pa nyer dgas kha chos kyis bslus te nan gyis
blangs pas khyim bdag ma dang pa la brten nas bcas so/ /gnyis pa
yod de/ bcas ldan dge slong gis khyim bdag nye du ma yin pa la
gos

rung ba tshad ldan blangs te/ thob pa na spang ltung du 'gyur
ba'i phyir ro/ /! //bdun pa slong bar rigs pa slong ba'i spang
ltung ni/ thob na dngos gzhi'o/ /sbyin par bya ba mi sbyin na
yang ngo/ /zhes sogs kyi skabs su/ gnyis las/ dang po ni/ ston
pa mnyan yod na bzhugs pa'i tshe

grong khyer phreng ba can gyi dge slong bzhi bcu chom rkun gyis
bcom pa sbyin bdag la gos slong du gnang ba'i tshe nyer dgas 'di
dag la brten nas rnyed pa rgya chen po sgrub po snyam du bsams
nas de dag dang bcas te/ khyim pa las gos grangs mang du bslangs
te dge slong

@075b so so la stod g.yogs smad g.yogs tsam byin nas gzhan
nyer dga' rang gi khyer ba na gzhan dag smod pa la brten nas
bcas pa'i phyir/ gnyis pa yod de/ bcas ldan dge slong gis khyim
pa nye du ma yin pa la gos blangs pas rab byung gi chos gos zung
gcig las lhag ba thob pa

las byung ba'i ltung ba dngos gzhi de slong bar rigs ba slong
ba'i spang ltung yin pa'i phyir/ ! /brgyad pa spags pa slong
ba'i spang ltung ni spags ba ma phul bar shes pa ni/ zhes sogs
kyi skabs su gnyis las/ dang po yod de/ de'i tshe khyi ma bdag
bza' mi gnyis phan tshun log g.yem

spyad pas khyim kyi 'byor ba srab ba dang phan tshun 'thab pa
dang/ bran mo zhig yod pa la yang brdeg 'tshog sna tshogs byed pa
la/ nyer dgas de gnyis la log g.yem gyi nyes dmigs dang/ spangs
pa'i phan yon brjod nas dge 'dun gyi bslab pa'i gzhi la bkod pa
la brten nas

de dag gi khyim gyi 'byor ba yang rgyas phan tshun mthun zhing
bran mo yang bde zhing skyid par gyur to/ /de gnyis kyis nyer
dga' la ras yug gcig 'bul bar glengs pa dang/ bran mos thos te
nyer dga' la brjod/ nyer dgas khyim bdag gi khyim du phyin nas
ras yug phul bas

'di las bzang ba'i ras yug dgos zer ba dang/ khyim bdag gis chod
dus nas ras yug phun sum tshogs pa gcig nyos nas 'bul bar khas
blangs/ de'i rin ma khyer ba na khyim bdag la brdeg 'tshog byung
ba la brten nas bcas pa'i phyir/ gnyis pa yod de/ bcas

ldan dge slong gis khyim pa chos drug ldan gyi gos sbyin par
spags pa las lhag pa'i gos bslangs te/ thob na spang ltung du
'gyur ba'i phyir/ de yang dge slong des khyim pas rdzas de rang
la spags bar shes pa gcig dgos te/ mi shes na slong ba'i spags
pa'i yul ma

yin pa'i phyir/ ! /dgu pa so so nas spags pa slong ba'i spang
ltung ni/ sbyin par byed pa spungs che ba yang ngo/ /zhes sogs
kyis skabs su gnyis las/ dang po yod de/ de ltar nyer dga' la
brten nas bcas pa'i phyir/ gnyis pa yod de spags pa slong ba'i
spang ltung

@76a @#/ /dang 'dra ba la/ gos slong ba'i yul gyi khyad par cung
zad yod de/ snga ma khyim pa pho mo gnyis ka sdoms pas gos spags
pa yin la/ phyi ma ni khyim pa pho mo gnyis ka so so nas gos re
re spags pa yin pa'i phyir/ ! /bcu pa bskur ba'i

spang ltung ni/ bskul ba dang bsdad pa lhag gam khas ma blangs
na'o/ /zhes sogs kyi skabs su gnyis las/ dang po yod de/ ston pa
rgyal po'i khab tu bzhugs pa'i tshe/ nyer dgas yi ge slob pa'i
grogs byas pa'i bram ze dbyar tshul zhes bya ba la rnyed pa

slongs so/ /de'i tshe ston pa 'khor bcas mnyan yong du gshegs pa
dang/ bram zes mnyan yod du 'gro ba'i tshong ba la ba na drug cu
rgyas btab ste bskul nas nyer dga' la phul zhig ces bsgo ba
dang/ tshong pa de dag gis mnyan yod du nyer dga' la phul/ nyer
dgas

de spos tshong gi khye'u dad pa dang ldan pa gcig la bcol te ston
pa'i drung du song/ /tshong pa rnams kyis nyi ma shar ba'i dus su
tshong khang du ma 'dus pa la ba na drug cu'i chad pa bcad pa la/
sang nyer dgas spos tshong gi drung du 'ongs nas pa na'i rgya la
lta ba sogs snyad

mang du byas te/ nyi ma shar te khye'u la chad pa bcad pa dang
gzhan dag ma dad pa la brten nas bcas pa'i phyir/ gnyis pa yod
de/ bcas ldan dge slong gis chos gos kyi rin rin po che sbyin
bdag khyim pas pho nya ba khyim pa la bskur ba pho nya bas dge
slong gi zhal ta

ba khyim pa la gtad pa'i chos gos 'od rgyu de bskul sdad drug
lhag byas kyang ma sprad pa'i tshe sbyin bdag la sbran pa slar
rang la sprad pa zhal ta ba rang gis sbyin bdag gi sems mgu bar
khas ma blangs ba na spang ltung du 'gyur ba'i phyir/ ! /bcu
tshan gnyis pa ni/ sdoms

las/ srin pa la 'ba' zhig cha gnyis dang/ /drug dang mtho gang
lam dang ni/ /'khru ba dang ni gser dngul len/ /mngon mtshan can
dang nyo tshong ngo/ /zhes gsungs ba ltar bcu yod pa'i/ /dang po
srin bal gyi spang ltung ni/ srin bal gyi byas sam byed du bcug
na'o/ /stan

@76b la ni bkram pa nyid byed pa mthar thug pa'i dang po yin no/
/zhes sogs kyi skabs su gnyis las/ dang po yod de/ mnyan yod du
dge slong rab tu mang pos srin bal gyi gdan byas pas khyim ba ma
dad pa la brten nas bcas pa'i phyir/ gnyis pa ngo bo yod de/
bcas

ldan dge slong gis srin bal gyi stan rang ngam bskos pa gang
rung gi lus ngag du grub cing bkram pa rdzogs pa na spang ltung
du 'gyur pa'i phyir// ! //gnyis pa bal nag 'ba' zhig gi spang
ltung ni/ lug gi bal nag po 'ba' zhig dag go /rang bzhin gyis
so/ /

zhes sogs kyi skabs su gnyis las/ dang po yod de/ dge slong rab
tu mang pos/ de rjes bal nag 'ba' zhig gi gdan byas pas khyim pa
ma dad pa la brten nas bcas pa'i phyir/ gnyis pa yod de/ snga ma
de dang 'dra ba la srin bal gyi tshab tu bal nag

bcug pa'o// ! //gsum pa cha gnyis bsres pa'i spang ltung ni/ de
dag phyed pas lhag pa nyid na'o/ /zhes sogs kyi skabs su gnyis
las/ dang po yod de/ des de rjes cha gnyis nag po dang/ cha gcig
dkar po byas pa'i gdan byas pas khyim bdag ma

dad pa la brten nas bcas pa'i phyir/ gnyis pa yod de/ gzhan
sngar bzhin la lug bal nag po nyid gzhan dkar po sogs las byed
pas lhag pa na der 'gyur ba yin pa'i phyir/ ! /bzhi pa lo drug
na stan byed pa'i spang ba ni/ /gnang ba ma thob pa gzhan

yod pa'am rang dgar btang bas lo drug ma lon par stan byas pa
nyid na'o/ /zhes sogs kyi skabs su gnyis las/ dang po yod de/
des de'i tshe gang na ring ba dang thung ba mang po byas pas klog
pa dang bsam gtan gyi bar chad du 'gyur ba la brten nas bcas

pa'i phyir/ gnyis pa yod de/ bcas ldan dge slong gis stan snga
ma byas nas lo drug ma lon zhing gnang ba ma thob par stan gzhan
yod pa'am med kyang rang dgar stan rang dam bskos pa gang rung
gis zin par byas te bkram pa rdzogs pa na spang ltung du 'gyur

@77a @#/ /ba'i phyir/ ! /lnga pa mtho gang gi spang ltung ni/
gding ba rnying pa las bde bar gshegs pa'i mtho gang gis ma glan
pa'i gding pa gsar ba bcos na'o/ /zhes sogs kyi skabs su gnyis
las/ dang po yod de/ des gding ba rnying pa'i tshogs gtsug

lag khang bla gab med par spungs te bzhag gsar pa 'ba' zhig la
longs spyod pa na rnying pa'i tshogs rul zhing srin bus gang ba'i
rang bzhin du gyur pa ston pas gzigs nas sbyin bdag gi dad rdzas
chung mi za bar bya ba'i phyir du/ rnying pa nas gsar pa la bde

bar gshegs pa'i mtho gang glan dgos par bcas pa'i phyir/ gnyis
pa yod de/ bcas ldan dge slong gis gding pa gsar du bcos pa la
gding ba rnying pa nas bde bar gshegs pa'i mtho gang gis ma glan
par longs spyod pa las byung ba'i ltung ba dngos gzhi de de

yin pa'i phyir/ drug pa la bal thog pa'i spang ltung ni/ khyer
ba med na dpag tshad gsum las 'das par lug gi bal khyer na'o/
/zhes sogs kyi skabs su gnyis las/ dang po yod de/ drug sdes
rnyed pa 'dod pa'i phyir du bal yul du tshong pa dang lhan cig
phyin slar

rgya gar du 'ong ba'i shing rta bal gyis bkang ba'i srog shing
chag nas bal gyi phung po lam du spungs pa drug sdes bal gyi
khur chen be ri bo lta bu khur nas 'ongs pa'i tshe gang zag kha
cig skrag 'ga' zhig ma dad pa la brten nas bcas pa'i phyir/
gnyis pa yod

de; bcas ldan dge slong gis lam nas bal khur te rgyang grags
gcig 'das pa na spang ltung du 'gyur ba'i phyir/ de yang bsnyen
par ma rdzogs pa'i khur grogs med par dpag tshad gsum tshun la
ltung ba med cing de nas rgyang grags re re la yang spang ltung
re re dang

khur grogs yod na rgyang grags gi mthar yang ltung ba nges par
'byung ngo/ /'o na rgyang grags dang dpag tshad kyi tshad gang zhe
na/ yod de/ 'di nyid du rdul phra rab dang/ rdul phra mo dang/
chu rdul dang/ lcags dang/ ri bong dang/ lug dang/ glang dang/
nyi zer dang/ sro ma dang/ shig dang/

@77b nas dang/ sor mo rnams snga ma snga ma las phyi ma phyi ma
drug 'gyur dang/ sor nyer bzhi la khru gang dang/ khru phyed
dang bzhi la mi'i srid dang/ khru bzhi la gzhu 'doms gang/ de
lnga brgya la rgyang grags/ de nyid dgon pa'i tshad dang/ de
brgyad la dpag tshad du 'jog par bshad do// ! //bdun

pa 'khru ba ste bal smel du 'jug pa'i spang ltung ni/ chos gos
rnying pa'i gnas su lug gi bal dag go /'chags par smel ba'i 'o/
/zhes sogs kyi skabs su gnyis las/ dang po yod de/ des dge slong
ma rnams la bal 'khru ba ste smel ba dang 'tshed du bcug pas dge
slong ma rnams

kyi lag pa btso lag mkhan gyi pag pa bzhin du gyur pa sten pas
gzigs nas de ltar bcas pa'i phyir/ gnyis pa yod de/ bcas ldan
dge slong gis dge slong ma la bal smel du bcug pa na spang ltung
du 'gyur ba'i phyir/ ! /brgyad pa gser dngul len pa'i spang
ltung ni/ rin po che

bdag gir byas na'o/ /lcog pa nyid na de rdzogs so/ /zhes sogs
kyi skabs su gnyis las/ dang po yod de/ des rin po che rang gis
len pa dang gzhan len du bcug pa na mu stegs can dag 'phya ba la
brten nas bcas pa'i phyir/ gnyis pa yod de/ bcas ldan dge slong
gis rung ba ma

byas pa'i rin po che la rang gi lus kyis reg pa'am gzhan reg tu
bcug pa la bdag gir byas na spang ltung du 'gyur ba'i phyir/
rung ba byed tshul yod de/ sbyin bdag bdag po nyid du mos su
gzhug pa dang zhal ta byed pa bdag po nyid du khas len du gzhug
pa dang/ byin gyis brlabs

pa zhes bya ba ni rung ba dag yin no/ /zhes gsungs pa ltar ro/
/de yang bdag po nyid du mos su gzhug pa dang/ khas len du gzhug
pa ni rim pa bzhin du de la yid gtad de bcang ba dang/ de'i ming
nas 'chang ba yin la/ byin gyis brlobs pa ni dge slong zhig gi
mdun du rin po

che bzhag ste sngags tshig brjod pa'o// ! //dgu pa mngon mtshan
can gyi spang ltung ni/ bskyed byin na'o/ /zhes sogs kyi skabs
su gnyis las/ dang po yod de/ des rin po che'i tshogs gzhan la
khe spogs byed du bcug pa na mu stegs can 'phya bas na de ltar
bcas pa'i phyir/

@78a @#/ /gnyis pa yod de/ bcas ldan dge slong gis rang dbang
ba'i rin po che khyim pa la skyed du btang ba las yul dus der
grags pa'i skyed thob pa na spang ltung du 'gyur ba'i phyir/ !
/bcu pa nyo tshong byed pa'i spang ltung ni/ gong du bskyed byin
na'o/ /zhes 'byung ba 'dir

gzhan gyis so/ /zhes pa nyo tshong spyod pa la khe thob na/ zhes
sogs kyi skabs su gnyis las/ dang po yod de/ des rin po che las
gzhan pa'i yo byad la khe spogs byas pas gzhan ma dad pa la
brten nas bcas pa'i phyir/ gnyis pa yod de/ bcas ldan dge slong
gis khyim

pa la gos sogs nyo tshing byas pa las yul dus der grags pa'i/ be
thob pa na spang ltung du 'gyur ba'i phyir// ! //bcu tshan gsum
pa ni/ sdom las/ lhung bzed gnyis dang tha gnyis/ /byin phrog
ston zla tha chung dang/ /dgon pa ba dang ras chen dang/ /bsngos
pa dang ni gsog

'jog go /zhes gsungs pa ltar bcu yod pa'i/ dang po lhung bzed
'chad ba'i spang ltung ni/ lhung bzed kyi'o/ /zhes sogs kyi
skabs su gnyis las/ dang po yod de/ des lhung bzed grangs mang
du bsags shing longs spyod byed pa med par 'chang ba na gzhan

dag ma dad pa la brten nas bcas pa'i phyir/ gnyis pa yod de/
bcas ldan dge slong gis rang dbang byar yod pa'i lhung bzed rung
ba tshad ldan byin gyis ma brlabs par bzhag na rang stobs dang
shan stobs gang rung gis zhag bcu 'das pa na spang ltung 'byung

ba'i phyir/ ! /gnyis pa lhung bzed 'tshol ba'i spang ba ni/ khyim
pa nye du ma yin pa las bslangs pas yongs su bcal na'o/ /zhes
sogs kyis skabs su gnyis las/ dang po yod de/ spos 'tshong gi
khye'u zhig lhung bzed rnyed pa bsod snyoms pa zhig la phul bas

mi 'dod zer ba nyer dgas tshor nas/ des de la lhung bzed blangs
pas dge slong hral por shes nas ma byin no/ /de'i tshe nyer dgas
lhung bzed 'di kho bos ma thob na nyer dga'i ming 'dor zer nas
khyim bdag dad pa can gcig la rin ster du bcug nas thob pa na
khye'us lhung bzed ga re zhes

@78b mi mdzes pa'i tshig sna tshogs brjod pas gzhan ma dad pa la
brten nas bcas pa'i phyir/ gnyis pa yod de/ bcas ldan dge slong
gis rang la lhung bzed rung ba tshad ldan yod bzhin du khyim pa
nye du ma yin pa la lhung bzed blangs te thob pa na spang ltung
du 'gyur ba'i phyir/ lhung bzed

lhag po 'di dge slong rang gis spangs pas mi chog gi /dge 'dun
la spangs dgos la spang lugs sngar bshad pa ltar gral mgo nas
rim pa bzhin du brims nas snyigs ma'i lhung bzed de bcad dgos
pa'i chad las 'byung/ de la ni lhung bzed 'brel med ces bya ste/
rang dbang ba dang

byin gyis brlabs pa'i 'brel med pa'i phyir/ /gsum pa 'thag 'jug
gi spang ba ni/ rin med par bsgo bas sam/ gzhan gyis kyang 'thag
tu bcug na'o/ /zhes sogs kyi skabs su gnyis las/ dang po yod de/
nye dgas dog pa'i tshogs mang du rnyed pa tha ga pa spyi ther gyi

drung du phyin nas/ mkhas pa rgyang nas rab gsal ba/ /gangs dang
ldan pa'i ri bo 'dra/ /mi mkhas rnam par mi gsal ba/ /mun pa'i
nang du mda' 'phang 'dra/ /zhes bstod pas/ tha ga pa na re/
'phags pa dog pa yod na kho bos 'thag go zer ba dang dog pa
'thag tu bcug

gla rngan ma byin pa dang gzhan ma dad pa la brten nas bcas pa'i
phyir/ gnyis pa yod de bcas ldan dge slong gis khyim pa nye du
ma yin pa la gos 'thag tu bcug ste khru gang yan chad btags zin
zhing gla mi ster bar thag bcad pa na spang ltung 'byung ba yin
pa'i

phyir/ ! /bzhi pa 'thag pa skyed pa'i spang ltung ni grub pa na
dngos gzhi'o/ /zhes sogs kyi skabs su gnyis las/ dang po ni/
khyim bdag pho mo gnyis so sor mi mthun pa'i rkyen gyis 'byor pa
srab pa nyer dgas phan tshun mthun par byas pa'i bka' drin gsab
phyir

du ras yug btags nas 'bul lo zhes smras pa nyer dgas thos te/
tha ga pa'i drung du phyin te/ ras yug 'di dkyus ring ba dang
zheng che ba thags bzang ba gyis shig ces smras pa la brten nas
khyim bdag gi dog pa mang du zad pas gzhan ma dad pa la brten
nas bcas

@79a @#/ /pa'i phyir/ gnyis pa yod de/ bcas ldan dge slong gis
rang la sbyin bdag khyim pas bsngos pa'i chos gos kyi rgyu tha
ga pa khyim pa la 'thag tu bcug pa sbyin bdag gi bsngos tshod las
zheng dkyus gang rigs cher skyed du bcug zhing thag

bzang du byed du bcug ste lag tu thog pa na dngos gzhir 'gyur
ba'i phyir/ ! /lnga pa byin phrogs kyi spang ltung ni/ lus las
tha dang pa'i dngos por gyur pa mthar thug pa na mtha' 'i/ /zhes
sogs kyi skabs su gnyis las/ dang po yod de/ mnyan yod du nyer
dgas rang

dang lhan cig gnas pa'i dge slong chos zhes bya ba la gos byin
nas phyi bzhin 'brang ma thub pa na/ ngas glen pa khyod la bsams
nas gos byin pa min pas nga'i rjes su mi 'brang na tshur thong
zer nas 'phrogs pas gzhan ma dad pa la brten nas bcas pa'i
phyir/

gnyis pa yod de/ bcas ldan dge slong gis gos sam lhung bzed
gzhan la byin pa yid bcugs dang rku sems med par phrogs te thob
blo skyes pa na spang ltung 'byung ba yin pa'i phyir/ phrogs
pa'i dngos po la 'dir gos zhes bya ba mtshon ba tsam ste/ rgya

cher 'grel las/ 'dir gos zhes smos pa ni mtshon pa ste/ dge slong
gis dge slong gi 'tsho ba'i yo byad gzhan yang 'phrogs na dngos
gzhi'i kha na ma tho bar 'gyur ro/ /zhes gsungs/ gang la 'phrogs
pa'i yul de yang dge slong yin pa gcig dgos te/ dge

tshul sogs kyi yin na nyes byas tsam skye ba'i phyir/ ! /lung gi
sngo ma tshig dang bstun na skabs 'dir ston zla tha chung gi
spang ba 'chad rigs na'ang/ 'dir zhu ba dang bstun nas dgon pa'i
'bral spang 'chad pa la/ lhag pa la ni bag yangs med do/ /zhes
sogs

kyi skabs su gnyis las/ dang po yod de/ ston pa mnyan yod na
bzhugs pa'i tshe dge slong 'ga' zhig gi sar brag tu dbyar gnas
bar khas blangs/ sbyin bdag gis rnyed pa rgya chen po phul ba
chom rkun pa dag gis bcom nas dge slong rnams mtshan mo'i dus

@79b su sgren mor mnyan yod du lhags pa ston pas gsan nas dgon
par gnas pa'i dge slong gis zhag drug tshun du chos gos dang bral
kyang nyes pa med par gnang ngo/ /zhes gsungs pa dang/ drug sdes
de las kyang lhag par 'das pa la brten nas bcas so/ /

gnyis pa yod de/ dge slong dgon pa bas 'jigs pa'i dbang gis byin
gyis brlabs pa'i chos gos gsum las gang rung zhig grong du bzhag
ste/ chos ldan gyi bya ba yin na dgos pa dang grong te 'khor
dang bcas pa'i phyi rol du zhag drug sdod par gnang ba yin

pa la zhag bdun pa'i skyer ngas shar ba na dngos gzhir 'gyur
pa'i phyir/ ! /bdun pa ras chen gyi spang ba ni/ sngon dang phyi
ma gnyis las de ma yin pa'i dus gnyis ni byed pa po nyid do/
/ces dang/ grub na mtha'i 'o/ /zhes sogs kyi skabs su gnyis las/
dang po yod de/

dge slong rab tu mang po dbyar gnas pa'i tshe zla ba gcig las
kyang lhag pa'i gong du dbyar gyi gos ras chen pa tsal pa dang
dgag dbye byas pa'i rjes su zla ba phyed las lhag par ras chen
dgos med du bcangs pas gzhan ma dad pa la brten nas bcas pa'i
phyir/

gnyis pa yod de/ ras chen btsal sngas kyi spang ltung bzhag
phyis gyi spang ltung gnyis su yod pa'i phyir/ dang po yod de/
gnas par khas blangs pa'i zla ba gcig gi snga rol du dbyar gyi
ras chen btsal zhing thob pa na der 'gyur ba'i phyir/ gnyis pa
yod de/ de

rang dbyar zla ba gsum gnas pa'i dgag dbye byas pa'i dus las zla
ba phyed 'das par ras chen bcangs pa las der 'gyur ba'i phyir/ !
/brgyad pa brtad pa'i spang ltung ni/ dbyar gyi nang logs su
bdag gir byed na'o/ /zhes dang/ de bgos na yang ngo sham

bgos na yang ngo/ /zhes sogs kyi skabs su gnyis las/ dang po yod
de/ de'i tshe ri brag gi dgon par tshong pas dbyar gyi rnyed pa
phul pa na drug sdes dbyar rnyed rnams kha zas su byas nas zad
par byas pa dang tshong pa rnams ma dad pa la brten nas bcas pa'i

@80a @#/ /phyir/ gnyis pa la gsum yod der byar rnyed bdag gis
dbyar pa sngas pa'i spang ba/ dbyar rnyed bgo ba sngas pa'i
spang pa/ dbyar rnyed bzhag phyis kyi spang pa rnams su yod la/
dang po yod de/ bcas ldan dge slong gis dbyar gyi nang logs su

dbyar rnyed kyi rgyu sbyin bdag las spyi tshom du bdag gir byas
pa na der 'gyur pa'i phyir/ gnyis pa yod de/ rnyed pa de dbyar
gyi nang logs su so sor bgos pa na der 'gyur ba'i phyir/ gsum pa
yod de/ dge slong gis dbyar rnyed sbed pa po ma bskos par dgag
dbye'i/

phyi de nyin mar ngo'i tshe gcig gi mtshan mo 'das pa na der 'gyur
ba'i phyir/ spang ba gsum ga'i rgyu thun mong ba ni dbyar rnyed
yin te/ dbyar gyi rnyed pa ni byed pa po nyid do/ /zhes pa ltar
ro/ /ltung bde rnams la ston zla tha chung gi ltung ba zhes
brjod pa'i rgyu mtshan yod de/ dbyar

snga phyi gang bas blangs pa yin kyang dbyar rnyed bdag gi 'byed
pa dang bgo ba sogs ston zla tha chung gi chos gcig gam nya'i
phyi de nyin par bya dgos rgyu ma byas pa las byung ba'i spang
ltung yin pa'i cha nas de ltar brjod pa'i phyir/ ! /dgu pa sngos
bsgyur gyi spang ltung ni/ gzhan

gyi gang zag gzhan nam dge 'dun la bsngos pa'i gos shes bzhin du
bdag nyid la bsgyur te thob na bo/ /zhes sogs kyis skabs su
gnyis las/ dang po yod de/ de'i tshe bsod snyoms pa zhig gis
khyim bdag 'ga' zhig dang par byas pa la brten nas dge 'dun la
ras yul

'bul bar bsngos pa na nyer dgas bdag nyid la bsgyur ba dang
gzhan dag kha zang ba la brnyen nas bces pa'i phyir/ gnyis pa
yod de/ bcas ldan dge slong gis sbyin bdag gi gos sam/ lhung
bzed gang rung dge slong gzhan la bsam pa thag pa nas bsngos pa
dge

slong rang nyid la bsgyur bas thob pa na der 'gyur ba yin pa'i
phyir/ ! /bcu pa gsog 'jog gi spang ba ni/ bza' ba'i phyir 'char
na'o/ /de'o/ /skya rengs brgyad pa shar na'o/ /zhes sogs kyi
skabs su gnyis las/ dang po yod de/ de'i tshe dge slong rab tu
mang pos sman byin

@80b gyis brlabs nas yun ring du bzhag brul ba dang myags pa la
sogs pa la brten nas bcas pa'i phyir/ gnyis pa yod de/ bcas ldan
dge slong gis sman gyi rigs bzhi po byin len byas bam gshig par
rang gi dus kyi mtha' las 'das pa na der 'gyur ba'i phyir/ snga
dro byin len

byas pa phyi dro dang/ phyi dro byin len byas pa srod thun gyi
mtha' dang/ zhag bdun pa skya rengs brgyad pa shar ba dang/ ji
srid 'tsho bcang gi sman gyi nam 'tsho ba'i mtha' las 'das pa na
ltung ba skyed pa yin pa'i phyir/ ! /gnyis pa bshags pa tsam
dang 'brel pa ltung byed 'ba' zhig

pa la/ bcu tshan dgu yod pa'i dang po ni/ sdom las/ rdzun skyon
dge slong pha ma dang/ /skyo sdogs byed dang ston pa dang/ /'don
dang gnas ngan len chos dang/ /bshes dor byed dang khyad du
gsod/ /zhes gsungs pa ltar bcu yod pa'i dang po rdzun smra ba'i
ltung byed ni/ de gnyis dang

pham par 'gyur pa dang dge 'dun lhag mar 'gyur pa gnyis las
gzhan ba'i rdzun du smra ba'i/ /zhes sogs kyi skabs su gnyis
las/ dang po yod de/ byung la ma bcas pa dang/ byung la bcas pa
gnyis yod pa'i phyir/ dang po ni/ sgra gcan 'dzin de de yin pa'i
phyir dang

gnyis pa yod de/ sh'kya lag rgyud kyi bram za rig pa shin tu
mkhas pa gcig dang rtsod par khas blangs nas bdag gal te pham na
bdag theg pa nyams par 'gyur ro snyam du bsams nas rtsod pa'i
dus las 'das te shes bzhin du rdzun smras pa la brten nas bcas
pa'i

phyir/ gnyis pa ngo bo yod de/ bcas ldan dge slong gis rang las
gdan pa'i tha snyad lnga ldan la rdzun bzhi las gzhan pa'i rdzun
ngag mtshan nyid lnga ldan gyis smras pa pha rol pos don go ba na
der 'gyur ba'i phyir/ rdzun bzhi ni/ pham pa/ lhag ma/ sbom po/
nyes rgyas su gyur

pa'i rdzun rnams yin la/ dang po gnyis sngar bshad zin la/ phyi
ma gnyis ni/ rdzun smra ba'i ltung byed kyi skabs 'dir 'chad
pa'i rgyu mtshan yod de/ rdzun bzhi las gzhan du dge slong gis
rdzun smras pa thams cad rdzun smra'i ltu dbyed du rtogs par bya
ba'i ched yin pa'i phyir/ sbom

@081a @#/ /bor gyur ba'i rdzun smra ni/ 'dir
dge 'dun 'dus ba las
shes bzhin du chos ma yin ba chos dang chos la chos ma yin par
ston pa ni nyes pa sbom bo'o/ /zhes gsungs pas bstan te/ dper
na/ shed bu ser skyas mi'i ngo ma zlog par chos log smras pa lta
bu'o/ /nyes byas su gyur pa'i rdzun

smra ni/ 'dir gso sbyong la ci 'di la khyed yongs su dgag ma
zhes lan gsum gyi bar du dris pa las ma dag par shes bzhin du
cang mi smra bas 'da' bar byed na nyes byas so/ /zhes gsungs pas
bstan te/ dris pa'i tshe rnam par gyur pa la sogs pa'i lus kyi
rnam par rig

byed yod pa'i phyir na nyes byas yin no// ! //gnyis pa skyon
smra ba'i ltung byed ni/ dge slong gi ngo/ /zhes dang smras
na'o/ /zhes sogs kyi skabs su gnyis/ dang po yod de/ drug sdes
dge slong gzhan rnams la yan lag nyams pa dang rigs rus sogs kyi
sgo nas skyon brjod pa na

de dag yid mi bde bar gyur pa la brten nas bcas pa'i phyir/
gnyis pa yod de/ bcas ldan dge slong gis gzhan la yul der skyon
du grags pa gang yang rung pa smras pa don go ba na der 'gyur
ba'i phyir/ ! /gsum pa phra ma byed pa'i ltung byed ni/ 'og ma
la yang ro/ /zhes

dang/ smras pa na'o/ /gal te ming nas so/ /zhes sogs kyi skabs
su gnyis pas/ dang po yod de/ drug sdes dge slong rnams la bar
du phra ma sna tshogs byas bas bsam gtan dang klog pa'i bar chad
du gyur ba la brten nas bcas pa'i phyir/ gnyis pa yod de/ bcas

ldan dge slong gis dge slong phan tshun dbye ba'i bsam pas phra
ma'i tshig ngag tu smras pa'i don go ba na der 'gyur pa'i phyir/
! /bzhi ba skye sdogs byed pa'i ltung byed ni/ /dge slong gnyis
kyi rtsod pa nyid dge 'dun gyi legs par zhi bar byas pa nyid
pa'o/ /skyo dogs so/ /zhes

sogs kyi skabs su gnyis las/ dang po yod de/ dge slong de dag
rtsod par gyur pa ni dge slong gzhan dag gi rtsod pa chos phyogs
su zhi par byas pa dang/ drug sdes rtsod pa 'di ni legs par zhi
bar ma byas so zer nas phan tshun rtsod par 'gyur ba la brten nas
bcas pa'i phyir/

@081b gnyis pa yod de/ bcas ldan dge slong gis dge slong gnyis
yan chad kyi rtsod pa bzhi po gang rung dge 'dun gyi chos phyogs
su zhi bar byas pa la rang nyid zhi byed kyi khongs su gtogs
bzhin du skyo sngogs byed ba na der 'gyur ba'i phyir/ ! /lnga pa
bud med la chos ston pa'i ltung

byed ni/ ston pa la'o/ /chos so/ /tshig drug las lhag par ro/
/zhes sogs kyi skabs su gnyis las/ dang po yod de/ 'char gas bud
med la chos ston pa na bud med kyi nu ma dang sha mtshan la reg
pa sogs byas pas gzhan ma dad pa la brten nas bcas pa'i phyir/
gnyis pa yod de/

bcas ldan dge slong gis rig pa'i skyes pa med par phyim pa mo la
chos tshig lnga 'am drug las lhag pa bstan nas don go ba na der
'gyur ba'i phyir/ ! /drug pa 'don pa'i ltung byed ni/ bsnyen par
ma rdzogs pa dang gcig char ram mjug thogs su ston byed du gyur
ba'i chos

dang yi dge yang 'don na'o/ /zhes sogs kyi skabs su gnyis las/
dang po yod de/ drug sdes bsnyen par ma rdzogs pa dang lhan cig
rgod bag gi bsam pas kun nas bslangs nas skad kyi gdangs sna
tshogs 'don pa na gzhan ma dad pa la brten nas de ltar bcas pa'i
phyir/

gnyis pa yod de/ bcas ldan dge slong gis rgod bag gyi bsam pas
bsnyen par ma rdzogs pa dang mnyam por ram mjug thogs su gsung
rab kyi tshig sho lo ka gcig gi tshad du longs pa'i yi ge skad kyi
gdangs mthon pos 'don par byas na der 'gyur ba'i phyir/

! bdun pa gnas dan len brjod pa'i ltung byed ni/ nyan pa po mi
shes pa nyid dang bsnyen par ma rdzogs pa nyid dag dang ldan pa
la'o/ /smras na'o/ /zhes sogs kyi skabs su gnyis las/ dang po
yod de/ dge slong rgan bu 'ga' zhig dge 'dun lhag ma'i ltung ba
byung spo

mgu spyod pa na dge 'dun gyi gnas mal phyag dar byed pa sogs la
drug sdes 'di dag dad ba che las de ltar byed pa ma yin gyi dge
'dun lhag ma phyir 'chos pa'i phyir yin no/ /zhes smras pas
gzhan dag gi gnas brtan rgan po dag kyang 'di 'dran/ gzhon pa
lta

@082a @#/ /smros kyang ci dgos ces 'gyad pa la brten nas bcas
pa'i phyir/ gnyis pa yod de/ bcas ldan dge slong gis bsnyen par
ma rdzogs pa'i gang zag la dge slong gzhan gyi pham lhag gi
ltung ba gang rung brjod pas don go ba na der 'gyur

ba'i phyir/ ! /brgyad pa mi chos bla ma bden par brjod pa'i
ltung byed ni/ bden pa nyid na'o/ /bden pa ma mthong ba bsnyen
bar ma rdzogs ba la'o/ /zhes sogs kyi skabs su gnyis las/ dang
po yod de/ nya ba las rab tu byung ba'i dge slong lngas dgra
bcom gyi 'bras bu thob

pa'i tshe/ mu ge'i dus shig tu nya ba'i drung du mi chos bla ma
thob bar khas blangs shing brjod pa la brten nas 'tsho ba'i yo
byad grangs mang bar blangs te longs spyad ba na gzhan dag ma
dad pa la brten nas bcas pa'i phyir/ gnyis pa yod de/ bcas ldan
dge slong

gis mi chos bla ma thob pa ste yul bsnyen par ma rdzogs ba la
sogs ba la brjod pa'i don go ba na der 'gyur ba'i phyir/ ! /dgu
pa bshes ngor byas so zhes skur pa 'debs pa'i ltung byed ni/ dge
slong gi dge 'dun gyi zas kyi rnyed pa ma yin pa/ zhes sogs

kyi skabs su gnyis/ dang po yod de/ dge slong gyad bu nor dge
'dun gyi bya ba la brtson par gyur bas/ chos gos ngan par gyur
ba na/ dge 'dun gyi ras yug gcig rnyed ba chos gos kyi rgyur
byin pa'i tshe mdza' bo dad sa las skyes kyi dge 'dun 'di dag ni

bshes ngor byed pa yin no/ /dag 'dun gyi spyi rdzas chud son pa
yin no/ /zhes dge 'dun la skur ba btab pa la brten nas bcas pa'i
phyir/ gnyis pa yod de/ bcas ldan dge slong gis dag 'dun gyi
rnyed ba gang zag la sogs par bsngos so zhes skur

ba btab pa'i don go ba na der 'gyur ba'i phyir/ ! /bcu ba khyad
du g.yod pa'i ltung byed ni/ 'dul ba dang ldan pa nyid do/
/zhes sogs kyi skabs su gnyis las/ dang po yod de/ drug sdes so
thar gyi mdo 'don pa'i tshe bslab ba'i gzhi phra zhing phra ba

@082b 'di dag gis ci zhig bya zhes zer nas bslab pa khyed du
bsad pa la brten nas bcas pa'i phyir/ gnyis pa yod de/ bcas ldan
dge slong gis 'dul ba'i tshig khyad du gsod ba'i dag gzhan la
smras pa'i don go ba na der 'gyur ba'i phyir/ ! /bcu

tshan gnyis pa ni/ /sngo ma las/ sa bon 'phya ba bsgo ba dang/
/khri dang gding dang skrod pa dang/ /phyis gnon 'byung ba 'debs
pa dang/ /rim pa gnyis su brtsigs pa'o/ /zhes gsungs pa ltar bcu
yod pa'i dang pos bon dang skye ba 'jig ba'i ltung byed ni/

mnyams pa nyid la'o/ /zhes dang/ der 'dun pas so/ /rang ngam
gzhan gyis kyang rung ngo/ /nyams bar gyur ba na dngos gzhi dag
go/ zhes sogs kyi skabs su gnyis las/ dang po yod de/ drug sdes
shing ljon pa rang gis gcod cing gzhan gcod du bcug

ba na gzhan dag 'phya ba la brten nas bcas pa'i phyir/ gnyis pa
yod de/ bcas ldan dge slong gis sa bon dang skye ba yongs su
rdzogs pa'i shing ljon pa gang yang rung ba ma nyams par kun
slong nyams 'dod pas rang ngam bskos pa gang rung gis nyams

 bar byas pa na der 'gyur ba'i phyir/ ! /gnyis pa 'phya ba'i
ltung byed ni/ gang zag bcu gnyis bo dag byed pa po nyid yin no/
/zhes sogs kyi skabs su gnyis las/ dang po yod de/ mdza' bo dang
sa las skyes gnyis nyer dga' dang lhan cig gtam byed ba

na tshe dang ldan pa nyer dga' khyod kyang dge 'dun gyi gnas mal
stobs pa na tshe dang ldan bgyad bu nor bzhin du kho bo cag la
mtho 'tshams bar ma byed cig ces gzhan dag 'phya ba la brten nas
bcas pa'i phyir/ gnyis pa yod de/ bcas ldan dge slong

gis dge 'dun gyi las byed ba'i tshe gang zag bcu gnyis po gang
rung la ming nas smos te mngon sum du 'phya ba dang/ ming nas ma
smos kyang zur nas gzhogs 'phyas byas na der 'gyur ba'i phyir/
gang zag bcu gnyis yod de/ gnas khang zas la bsko ba

@083a @#/ /gnyis/ /thug pa bag tshos brim pa gnyis/ /phran tshogs
brim par byed pa dang/ /snod spyad bris dang gos kyi gnyis/
/dbyar gyi ras chen sbed dang 'gyed/ /mngag zhug pa dang mdzes
chos te/ /gang zag bcu dang gnyis po dag /ston pa'i yang dag

bshad pa yin/ zhes pa rnams yin pa'i phyir/ ! /gsum pa bsgo ba
rna la gzon pa'i ltung byed ni/ dge slong gi bsgo ba rna la gzon
na'o/ /der 'dun pas so/ /gzhan brjod pas so/ /zhes sogs kyi
skabs su gnyis las/ dang po yod de/ 'dun pa la phan pa'i bsams

pas ltung ba glengs pa na/ 'dun pa na re/ khyod la kho bo ltung
ba mi gleng ngo/ /khyod kyang kho bo la ltung ba ma gleng zhig
/khyod dang kho bo mi 'dra ste/ kho bo'i ston pas byang chub
brnyes pa yin no/ /zhes zer ba na/ gzhan dag 'phya ba la brten
nas bcas pa'i phyir/ gnyis

pa yod de/ bcas ldan dge slong gis rang la chos ldan gyi tshig
gis bsgo ba'i lan log par smras pa'i don go ba na der 'gyur ba'i
phyir/ ! /bzhi pa khri ces pa gnas mal ma bsdus par 'gro ba'i
ltung byed ni/ phan phun du gyur pa dang 'das pa la ni mtha'o/ /

zhes sogs kyi skabs su gnyis las/ dang po yod de/ dge slong rab
tu mang pos dge 'dun gyi gnas mal ma bsdus par bla gab med par
bzhag nas chud zos pa ston pas gzigs nas sbyin bdag dad pa can
gyi rdzas chus son par byed do/ /zhes gsungs

nas de ltar bcas pa'i phyir/ gnyis pa yod de/ bcas ldan dge
slong gis dge 'dun gyi gnas mal ma bsdus par bla gab med par
bzhag ste phan phun du gyur pa 'am/ 'dom bzhi bcu rtsa dgu 'das
pa na der 'gyur ba'i phyir/ ! /lnga pa gding ba'i ltung

byed ni/ gnas nas 'phags par 'gyur ba na zhes bya ba yan chad
sngar thal ba'o/ /zhes sogs kyi skabs su gnyis las/ dang po yod
de/ dge slong rgan zhugs gnyis kyis dge 'dun gyi gtsug lag khang
du rtsa dang lo ma'i tshogs mang du pa ting ste ma bsdus par

@083b song pa na/ phyogs de nyid srog chags kyi yongs su gang ba
la brten nas de ltar bcas pa'i phyir/ gnyis pa yod de/ bcas ldan
dge slong gis dge 'dun gyi gtsug lag khang du rtsa 'am lo ma'i
tshogs bting ba zhes bya ba sngar gnas mal la bshad pa bzhin yin
pa'i phyir/

! drug pa skrod pa'i ltur byed ni/ skrod pa la'o/ /gzhan gyis
kyang ngo/ /zhes sogs kyi skabs su gnyis las/ dang po yod de/
'char gas rang dang lhan cig gnas pa'i dge slong gsar bu gtsug
lag khang gi phyi ru bton pa dang mtshan mo thog thag sdug bsngal
ba la brten nas

bcas pa'i phyir/ gnyis pa yod de/ bcas ldan dge slong gis grogs
dge slong gzhan dge 'dun gyi gnas nas bskrad te nye 'khor 'das
pa na nger 'gyur ba'i phyir/ ! /bdun pa phyis gnon byed pa'i
ltung byed ni/ phyis gnon byed pa la'o/ /de ni dpe ste/ zhes
sogs

kyi skabs su gnyis las/ dang po yod de/ 'char gas rang gi grogs
dge slong gsar bu sngar 'ongs pa dag la gru mo dang pus mo la
sogs pas brdzi bar byas pa la brten nas bcas pa'i phyir/ gnyis
pa yod de/ bcas ldan dge slong gi dge 'dun gyi nang du sngar
bzhugs

pa'i dge slong la mtho 'tsham pa'i phyis gnon byas na der 'gyur
ba'i phyir/ ! /brgyad pa rtsa ba 'byung ba la 'dug pa'i ltung
byed ni/ gnon pa la'o/ /zhes sogs kyi skabs su gnyis las/ dang
po yod de/ nyer dga' dang bsod snyoms pa gcig lhan cig ljongs
rgyu ba na nyer dgas

kho bo'i khur 'di khur cig ces smras pa dang/ bsod snyoms pa na
re/ don med pa'i yo byad 'di kho bo la mi dgos zer ro/ /de'i tshe
ri brag gi gtsug lag khang du bsod snyoms pa de gnas shing sgo
shin tu dam por bcad de yod pa na/ nyer dgas de yod pa'i steng
gi thad so nas

khri'i rkang pa rno bar byas te lus kyi lcid kyis mnan pas de'i
dpral ba gzhom par byas pa la brten nas bcas pa'i phyir/ gnyis
pa yod de/ bcas ldan dge slong gis mtho 'tsham pa'i bsam pas dge
'dun gyi gtsug lag khang gi steng gi thog tu khri'i rkang

@084a @#/ /pa btsugs nas mnan te 'dug pa na der 'gyur pa'i phyir/
! /dgu pa dud 'gro 'debs ba'i ltung byed ni/ rang spyod pa'i don
nyid de las gzhan pa la'o/ /zhes sogs kyi skabs su gnyis las/
dang po yod de/ 'dun pas srog chags

dang bcas pa'i chu la lo ma la sogs pa yang yang 'debs pas srog
chags mang du shi ba las gzhan ma dad pas de ltar bcas pa'i
phyir/ gnyis pa yod de/ bcas ldan dge slong gi rang gzhan thun
mongs pa'am gzhan kho na'i don du chu shing la

sogs ba srog chags dang bcas pa la dud 'gro'i srog la ltos med
kyi bsam pas spyad pas dud 'gro shi ba na der 'gyur ba'i phyir/
! /bcu pa pha gu'i rim pa gsum las lhag par brtsigs ba'i ltung
byed ni/ pha gu rim pa gsum las lhag bar brtsig

pa byas pa la'o/ /gzhan gyis kyang ngo/ /nyi ma de la'o/ /gzhan
la yang 'jim pa med pa las so/ /zhes sogs kyi skabs su gnyis
las/ dang po yod de/ drug sdes nyi ma gcig la gtsug lag khang
yongs su rdzogs pa gcig brtsigs pas de'i nub mo zhig pa

la brten nas bcas pa'i phyir/ gnyis pa yod de/ bcas ldan dge
slong gis gtsug lag khang brtsigs pa na nyin zhag gcig la pha gu
rim pa gsum las lhag pa ma brtsigs kyang nyi ma gzhan la 'jim pa
med par brtsigs na der 'gyur ba'i phyir/

! bcu tshan gsum pa ni/ /sdoms las/ ma bskos nyi ma nub pa dang/
/zas dang chos gos gnyis dag dang/ /don mthun gru dang dben pa
gnyis/ /dge slong ma yis sbyor bcug pa'o/ /zhes gsungs pa ltar
bcu yod pa'i/ /dang po ma bskos par ston pa'i ltung

byed ni/ bskos pa de dag las gcig dang yang mi ldan pa dang ma
bskos par dge slong ma la chos stan na'o/ /zhes sogs kyi skabs
su gnyis las/ dang po yod de/ ston pas dge slong ma rnams la dge
slong gnas brtan rnams kyis chos bstan par bya'o/ /zhes

@084b gsungs pa dang/ drug sdes chos ston pa na dge slong ma
dang kun tu rtse ba lus la sogs pa byed pa na/ gzhan ma dad pa
la brten nas bcas pa'i phyir/ gnyis pa yod de/ bcas ldan dge
slong gis dge slong ma'i ston par tshul bzhin du bskos pa ma yin
par/ dge slong

ma la chos ston pa na der 'gyur ba'i phyir/ dge slong ma'i ston
par bsko 'os pa'i dge slong yod de/ rgyal tshab lta bu'i dge
slong bsko bar bya ba yin pa'i phyir/ bsko ba'i gnas dang dus
yod de/ 'tshams kyi nang du dang/ gso sbyong bco lnga'i nyin mo
bsko bar bya ba

yin pa'i phyir/ rgyal tshab lta bu'i dge slong med na ston par
bsko 'os pa yang yod de/ so thar gyi mdo thon pa'i dge slong
rnam dag sogs bsko bar bya ba yin pa'i phyir/ ! /gnyis pa nyi ma
nub kyi bar du chos ston pa'i ltung byed ni/ nyi ma nub pa nyid
la'o/ /zhes

sogs kyi skabs su gnyis las/ dang po yod de/ dge slong dga' byed
kyis dge slong ma u ta pa la'i mdog can 'khor dang bcas pa la
nyi ma nub kyi bar du chos bstan pas dge slong ma 'khor bcas
mnyan yod du phyin pa dang sgo bcad par gyur te phyi rol tu

gnas pa na chom rkun pa lnga brgyas dge slong ma 'khor bcas bcom
par brtsams pa dang/ dge slong mas dmag gi tshogs sprul/ bcom par
ma nus kyang chos ston pa po la gzhan dag 'phya ba la brten das
bcas pa'i phyir/ gnyis pa yod de/ bcas ldan

dge slong gis dge slong ma la nyi ma nub gyi bar du chos ston pa
na der 'gyur ba'i phyir/ ! /gsum pa zas cung zad tsam gyi phyir
du chos ston to/ /zhes skur pa 'debs pa'i ltung byed ni/ dge
slong de ltar gyur ba ma yin pa la zas cung zad tsam gyi phyir
du dge

slong ma la chos ston to zhes smras na'o/ /zhes sogs kyi skabs
su gnyis las/ dang po yod de/ dga' byed dge slong ma la chos
ston pa na dge slong mas zas cung zad phul ba nyer dgas mthong
nas/ dga' byed ni zas kho na'i phyir du chos ston to zhes zer

@085a @#/ /ba la brten nas bcas pa'i phyir/ gnyis pa yod de/ bcas
ldan dge slong gis dge slong gzhan zas gsogs ba'i ched du chos
ston pa min pa la de ltar ston to zhes skur pa btabs pas der
'gyur pa'i phyir/ ! /bzhi pa gos byed pa'i

ltung byed ni/ dge slong ma nye du ma yin pa nyid la'o/ /gos
byed na'o/ /zhes sogs kyi skabs su gnyis las/ dang po yod de/
'char gas dge slong ma sbed ma'i snam sbyar la sogs pa'i gos
mang du bcom ba na gzhan dag 'phya ba la brten nas de ltar

bcas pa'i phyir/ gnyis pa yod de/ bcas ldan dge slong gis nye du
ma yin pa'i dge slong ma'i gos bzo byas te zin pa na der 'gyur
ba'i phyir/ ! /lnga pa gos sbyin pa'i ltung byed ni/ gos sbyin
na'o/ /zhes sogs kyi skabs su gnyis las/ dang po yod

de/ tshong dpon las rab tu byung ba'i dge slong gcig gis rang gi
chung ma rnying pa yin pa'i dge slong ma la snam sbyar sbyin pas
bcom ldan 'das 'khor bcas ljongs rgyu ba'i tshe/ dge slob de la
snam sbyar med pas gzhan dag 'phya ba la brten

nas bcas pa'i phyir gnyis pa yod de/ bcas ldan dge slong gis nya
du ma yin pa'i dge slong la gos byin pa la yul des thob blo
skyes pa na der 'gyur ba'i phyir/ ! /drug pa dge slong ma dang
lhan cig 'gron lam du 'jug pa'i ltung byed ni/ dge slong

ma gcig dang yang lam las 'da' shing 'gro na'o/ /rgyang grags re
re'o/ /zhes sogs kyi skabs su gnyis las/ dang po yod de/ drug
sdes gzhon nu bcu gnyis sde dang lhan cig pham ring po'i bar du
byin pa la gzhan dag 'phya bar byed pas de ltar bcas pa'i

phyir/ gnyis pa yod de/ bcas ldan dge slong gis dge slong ma
dang lhan cig gis lam la rgyang grags gcig phyin pa na der 'gyur
ba'i phyir/ ! /bdun pa dge slong ma dang lhan cig grur 'jug pa'i
ltung byed ni/ 'thams nas cig car gru gcig

@085b gis lam las 'da' shing 'gro na'o/ /zhes sogs kyi skabs su
gnyis las/ dang po yod de/ de de dang lhan cig grur 'jug pa na
gzhan dag 'phya ba las bcas pa'i phyir/ gnyis pa yod de/ bcas
ldan dge slong gis dge slong ma dang lhan cig chu'i nang du grur

gzhugs te rgyun phyogs sam zlog phyogs gang rung du rgyang
grags
gcig 'das par phyin pa na der 'gyur ba'i phyir/ ! /brgyad pa
dpen pa na 'dug pa'i ltung byed ni/ 'dug pa la'o/ /zhes sogs kyi
skabs su gnyis las/ dang po yod de/ 'char gas sbed

ma dang lhan cig dpen bar 'dug ste kho bo cag gis sngon 'di dang
'di byas pa dran nam zhes smras pa bsod snyoms pa gcig gis thos
te 'phya ba la brten nas bcas pa'i phyir/ gnyis pa yod de/ bcas
ldan dge slong gis khrims grogs med par bud

med dang lhan cig dpen ba skyabs yod par 'dug pa na der 'gyur
ba'i phyir/ ! /dgu pa dpen par 'greng ba'i ltung byed ni/ dge
slong ma dang ngo/ /'greng ba la'o/ /zhes sogs kyi skabs su
gnyis las/ dang po yod de/ 'char gas de dang lhan cig dpen par
lus

'greng byas pa las de ltar bcas pa'i phyir/ gnyis pa yod de/
bcas ldan dge slong gis khrims grogs med par dge slong ma dang
lhan cig 'greng ba byas na de ba 'gyur ba'i phyir/ ! /bcu pa dge
slong mas sbyor du bcug pa'i ltung byed ni/ dge slong mas sbyor
du

bcug pa la'o/ /zhes sogs kyi skabs su gnyis las/ dang po yod de/
drug sde ljongs rgyu ru 'gro ba gzhon nu bcu gnyis sdes mthong
nas/ ming po dag khyod rnams bshos gsol cig ces smras pa dang/
sring mo dag des mi chog 'tsho ba khyim bdag dang ba can bsong

snyoms sbyor du chu gcig zer bcu gnyis sdes khyim bdag dad pa
can la yang dag pa ma yin pa'i yon tan brjod de 'tsho ba sbyor du
btug pa na gzhan dag 'phya ba la brten nas bcas pa'i phyir/
gnyis pa yod de/ bcas ldan dge slong gis dge slong mar

@086a @#/ /dge slong rang nyid kyi yang dag pa ma yin pa'i yon
tan khyim pa la brjod pa'i sgo nas sbyor du bcug pa'i zas zos pa
na der 'gyur ba'i phyir/ ! /bcu tshan bzhi pa ni/ sdoms su/ yang
yang za dang 'dug gnas gcig phye dang bca' dang stobs

pa dang/ 'dus dang dus min gsog 'jog dang/ kha nas mid dang bsod
pa nyid/ /ces gsungs pa ltar bcu yod pa'i/ /dang po yang yang za
ba'i ltung byed ni/ zos na dngos gzhi'o/ /zhes sogs kyi skabs su
gnyis las/ /dang po yod de/ ston pa 'khor bcas khyim

bdag drag shul can gyi gdugs tshod la spyan drangs ba'i tshe/ drug
sdes khyim bdag gzhan gcig gi nang du song ste a mra'i khur ba
blangs te longs spyad/ slar yang drag shul can gyi khyim du song
ste bsod snyoms la longs spyod pa na gzhan ma dad pa la brten
nas bcas

pa'i phyir/ gnyis pa yod de/ bcas ldan dge slong gis nyi ma gcig
la khyim pas mgron du bos pa lan gnyis byung na zas phyi ma la
gos sam gos kyi rin gyi rnyed pa med par zos na der 'gyur ba'i
phyir/ ! /gnyis pa 'dug gnas su za ba'i ltung byed ni/ chos 'di
pa'i

ma yin pa bdag po khyim pa dang bcas pa ya mtshan can thams cad
ma yin pa'i 'dug gnas so/ /zhes sogs kyi skabs su gnyis las/
dang po yod de/ ri dwag pa zhig gi khyim du mu stegs pa'i rab tu
byung ba gnas pa la/ drug sdes der song ste/ thog mar gzhan
spyod

kyis khyim pa dad par byas/ phyis rang spyod kyis ma dad par
byas pa dang gcer bu pa drug cu dbyug pa'i rig pas pham par byas
te gzhan dag 'phya ba la brten nas de ltar bcas pa'i phyir/
gnyis pa yod de/ bcas ldan dge slong gis khyim pa dad pa'i mu
stegs can

gyi 'dug gnas su mu stegs mchod pa'i gnas der zhag gcig gnas te/
zas zos pas der 'gyur ba'i phyir/ ! /gsum pa lhung bzed do gsum
tsam las lhag pa len pa'i ltung byed ni/ zos pa na'o/ /zhes sogs
kyi skabs su gnyis las/ dang po yod de/ drug sdes

@086b mnyan yod du khyim bdag dad pa can gyi bu mo bag ma la
rdzong rgyu'i khur pa'i tshogs nan gyis blangs te longs spyod pas
bag mar 'gro ba'i thebs bcag pas gzhan dag ma dad pa la brten
nas bcas pa'i phyir/ gnyis pa yod de/ bcas ldan dge slong gis
dus rung

gi zas g.yos su byas pa lhung bzed do gsum las lhag blangs te
gzhan du khyer te zos pa na der 'gyur ba'i phyir/ de yang lhung
bzed 'di rnyed cig bzhes shig tshod yongs su ma spags pa dang ji
ltar bzhed pa bzhes shig ces ci bder ma byas pa stobs pa ltung
ba'i

byed pa po yin gyi gzhan du lhung bzed brgya blangs kyang nyes
pa med do// ! //bzhi pa spangs pa za ba'i ltung byed ni/ spang
ba nyid dang lhag por ma byas pa nyid dag la'o/ /zos na'o/ /zas
tsam mo/ /zhes sogs kyi skabs su gnyis las/ dang po yod de/ bcom
ldan 'das kyis

zas spangs pa za bar mi bya'o/ /zhes gsungs/ drug sdes de dang
'gal bar byed pa na gzhan dag 'phya ba la brten nas bcas pa'i
phyir/ gnyis pa yod de/ bcas ldan dge slong gis dus rung gi zas
spangs pa lhag por ma byas par zos pa na der 'gyur ba'i phyir/

! /lnga pa spangs pa stobs pa'i ltung byed ni/ stobs na'o/ /dge
slong la'o/ /zhes sogs kyi skabs su gnyis las/ dang po yod de/
dge slong rgan zhugs gcig la ltung ba yang yang byung ba slob
dpon gyi drung du phyir 'chos su bcug pa na/ rgan zhugs kyi rtog
pa la slob

dpon 'di yang bdag gi drung du ltung ba bshags par byed pa'i
thabs shig bya'o snyam nas slob dpon gyis spangs pa'i zas la
lhag por byas so/ /zhes zer nas slob dpon la byin pas longs
spyad pa na/ rgan zhugs na re/ spangs pa za ba'i ltung byed
phyir chos shig zer

slob dpon na re/ 'di ni kho bo la ltung bar mi 'gyur gyi khyod
nyid la ltung bar 'gyur ro zhes smras pa la gzhan dag ma dad pa
la brten nas bcas pa'i phyir/ gnyis pa yod de/ bcas ldan dge
slong gzhan gyis spangs pa'i zas lhag por ma byas bzhin du lhag
por byas

@087a @#/ /so zhes dge slong gzhan la stob par byed pa na der
'gyur ba'i phyir/ ! /drug pa 'dus shing za ba'i ltung byed ni/
lhan cig ma yan pa nyid la'o/ /lhan cig pa'i 'o/ /cig car za ba
dang ngo/ /gsum la sogs pa dang ngo/ /zhes sogs kyi skabs su

gnyis las/ dang po yod de/ ston pa rgyal po'i khab tu bzhugs
pa'i tshe lhas byin 'khor bcas kyi dge 'dun 'byed pa'i phyir ltan
cig tu 'dus nas kha zas ia longs spyod pa na gzhan dag ma dad pa
la brten nas bcas pa'i phyir/ gnyis pa yod de/ bcas ldan dge

slong gis mtshams nang gcig tu dge 'dun dang mnyam du za dgos
pa'i zas na ba sogs kyi rkyen med par logs shig tu dge slong
bzhir longs te 'dus shing zos ba na der 'gyur pa'i phyir/ !
/bdun bdus ma yin pa'i zas za ba'i ltung byed ni/ /rang gi gling
gi nyi ma

phyed yol nas skya rengs ma shar ba'i par du ni dus ma yin no/
/da nyid la shes gtse'o/ /bca' bar bya ba dang bza' bar bya ba
zos na'o zhes sogs kyi skabs su gnyis las/ dang po yod de/ gzhon
nu bcu bdun sdes snga dro'i dus su bsod snyoms ma rnyed/ phyi
dro'i dus su

cung zad rnyed ba la longs spyad pas gzhan dag ma dad pa la
brten nas bcas so/ /gnyis pa yod de/ bcas ldan dge slong gis
rang gnas pa'i gling gi nyi ma phyed yol nas skya rengs ma shar
ba'i bar du dus rung gi zas zos na der 'gyur ba'i phyir/ !
/brgyad pa

gsog 'jog byas pa za pa'i ltung byed ni/ snga dro'i zas byin len
byas ba phyi dro'i zas su dang de thun tshod las 'das pa lta bu
ni gsog 'jog byas pa yin no/ /de nyid la shes gtso bo'o/ /zhes
sogs kyi skabs su gnyis las/ dang po yod de/ dge

slong nag po bas 'bras chen mang du blangs te gsog 'jog byas pa
la brten nas bcas pa'i phyir/ gnyis pa yod de/ bcas ldan dge
slong gis sman bzhi po gang rigs rang gi gsog 'jog tu bzhag
pa'am rang dang cho ga gcig pa'i gsod

@087b 'jog tu bzhag pa kham gcig yan chad zes na der 'gyur ba'i
phyir/ ! /dgu pa byin len ma byas par za ba'i ltung byed ni/
byin len ma bstabs pa nyid la'o/ /zhes sogs kyi skabs su gnyis
las/ dang po yod de/ dge slong nag po pas dur khrod kyi

zas gos rang dgar blangs nas longs spyad pa la brten nas bcas
pa'i phyir/ gnyis pa yod de/ bcas ldan dge slong gis byin len
bya dgos pa'i zas la rang ngam rang dang cho ga gcig pa'i gang
zag gis byin len ma byas par kham gcig

lan chad zos na der 'gyur pa'i phyir/ zhar byung brtsams ldang
gi nyes byas kyi ngo bo bzhag tu yod de/ gnang ba'i rkyen dang
mi ldan zhing chog par ma zos pa'i dge slong gi sman bzhi po
gang rung byin len byas zin nas za ba'i dus su ma btang bar

langs na der 'gyur ba'i phyir/ kha cig /byin len bshig pas
brtsams ldang gi nyes pa khags zer na/ mi 'thad de/ za ba'i nye
rgyu bshig pa tsam las ltung ba so na gnas pa'i phyir/ spangs pa
za ba'i nyes byas kyi ngo bo bzhag tu yod de/ chog go ces

pa lta bu'i tshig smras pa'i sgo nas zas spangs pa zos na ltung
ba nyes byas skye pa'i phyir/ kha cig /byin len stobs pa po
'greng ba dang/ len pa po 'dug dgos zer ba mi 'thad de/ sa ga
lhas/ 'greng ba nye bar gnas pa dang/ /mdun na 'dug pa cho ga
shes/ /

zhes gsungs pa'i phyir/ byin len byed pa po yang 'greng ba la
chags par lung du grub pa'i phyir/ cha la brten pa'i nyes byas
kyang yod de/ lag nya ba tshams btsos zhag lon dge slong gis
brtsos pa'i nyes byas sogs yin pa'i phyir/ de rnams la cha

la brten pa'i nyes byas zhes bya ste/ TI kar/ de dag gsog 'jog
byed pa'i cha la brten pa yin pa'i phyir/ zhes gsungs pa ltar
gsog 'jog dang de rnams skyed pa'i rgyu cha 'dra ba'i cha nas
yin pa'i phyir te/ gsog 'jog byas pa za ba'i ltung ba'i

@088a @#/ /rgyur rang ngam rang dang 'dra bas gsog 'jog byas pa
yan lag tu dgos pa ltar/ ? gnyar blangs pa za ba'i nyes pa'i
rgyur yang rang ngam rang dang 'dra bas lag nyar blangs pa dgos
pa'i phyir/ zhib tu phyen chal brten pa'i nyes pa

brgyad du yang 'gyur te/ /lag nywa sogs nyes pa bzhi dang/ de
zos pa'i nyes pa bzhir 'gyur ba'i phyir/ dang po ni/ lag nywa
dang de zos pa'i nyes ba 'chad pa la/ 'dul 'dzin kha cig /byin
len la lag nywa 'gog byed kyi byin len dang/ bza' ched gyi byin
len gnyis

su phye nas/ dang po ni/ za ba'i ched ma yin par sman bzhi po
gang rung la reg dgos pa'i tshe byin len byed pa lta bu dang/
gnyis pa ni/ da lta'i mthong ba brgyud pa 'di nyid yin zhes
gsungs kyang/ gnyis pa de las logs su dang po de 'jog pa mi
'thad de/

bza' ba'i ched ma yin par byin len mi chags pa'i phyir/ lung
las/ rnam pa lngas ni byin len byas kyang byas par mi 'gyur te
ma brtags par len pa dang bza' par mi sems par len pa dang/
gzhan du 'dug ste len pa dang/ mdun du mi 'dug par

len pa dang/ shes pa rang bzhin mi gnas pas blangs pa'o/ /zhes
gsungs pa'i phyir/ rigs pas kyang gnod de/ lag nywa rkyang pa
'gog byed kyi byin len yod na chu klung brgal pa'i tshe dge tshul
gyis ma theg pa'i bza' ba'i khur po dge slong rkyang pas dge

tshul gyi lus dang 'brel thag chad par khur chog dgos pa la de mi
chog pa'i phyir te/ de'i tshe khur po la thag pa btags pa'i sne
mo la dge tshul gyis bzung dgos par gsungs pa'i phyir/ kho na re/
lung des mi gnod de/ /bza' bar mi sems par bza'

ched kyi byin len med ces pa'i don yin/ zhes zer ba mi 'thad de/
spyir byin len chags pa'i yan lag tu bza' ba'i sems pa dgos zhes
go ba ston pa bor nas/ bza' ba'i bsam pa med par bza' ba'i bsam
pa med ces pa dang

@088b 'dra'o/ /kho na re/ rigs pas mi gnod de/ lag nywa 'gog
pa'i byi na len byed pa la dge tshul gyis khur po gyen 'degs mi
nus par thag pa bzung ba'i dbang du byas zhes pa 'am/ byin len
byed nus kyang de mi spro bar thag gu nas bzung spro ba'i dbang
du byas

zhes zer ba yang mi 'thad de/ dge tshul gyis gyen du 'degs mi nus
na dge slong gis khur mi nus pas thag gu nas bzung ba dgos pa
med pa'i phyir/ kho na re/ byin len yin na bza' ched kyi byin
len yin pas khyab pa mi 'thad de/ bam po lnga bcu pa las/ gal te
dus

ma yin pa'i phyir rung ba'i rdzas la de sbyor na ni bsnyen par
ma rdzogs pas de'i byin len byas te/ sbyar zhing bzhag la gang
gi tshe de lta bu'i tshe na chu grang mos gdab pa dang bstab du
bcug nas btung bar bya'o/ /zhes gsungs pas byin len snga ma de
bza' cher gyi byin

len ma yin pa'i phyir te/ de de yin na/ sbyar chogs byas pas
byin len ma zhig pas byin len phyi ma byed don med pa'i phyir/
sbyar tshags byas pas byin len ma zhig ste/ de zhig na lag nywar
song dgos pa la der ma song ba'i phyir zer na/ byin len phyi ma
byed dgos te/

bsnyen par ma rdzogs pas rung chu btab pa nyid kyi nges par byin
len byed dgos pa'i phyir te/ chu grang mos gdab par bya'o/ /zhes
gsungs pa'i phyir/ byin len snga ma bza' ched kyi byin len ma
yin pa mi 'thad de/ de de'i rgyud nas bza' ched kyi byin len yin
pa'i phyir dang/

de'i dgos pa ni sbyar tshags dge slong gis byed dgos pa byung na
bza' rung ba'i phyir du lag nya 'gog byed kyi byin len dang bza'
ched kyi byin len gnyis mi 'gal yang lag nywa rkyang ba 'gog
pa'i byin len mi 'thad de/ ces gsungs so/ /kho na re/ smar blugs

pa la byin len mi dgos par thal/ de la bza' ched kyi byin len mi
chags pa'i phyir na/ ma grub ste/ khar 'gro ba'i tshe na byin len
chags pa'i phyir/ khar gtan mi 'gro ba'i dbang du byed na mi
chags te/ sku mnye byed pa'i mar la de bya mi dgos pa lta bu yin

@089a @#/ /pa'i phyir/ 'o na byin len gang zhe na/ bstan tshul gyi
dbang du byed na/ mngon sum du mtshams kyi nang du 'thob pa'i
phyogs na gnas pas lag pa bkan pas lus sam de dang 'brel bar
gyen du 'degs nus pa bsnyen par ma rdzogs pa mi

ma yin pa las kyang sbyin par 'dod pas yan lag gis sam de dang
'brel pas byin pa mnos pa ni byin len no/ /zhes gsungs/ don ni/
gang gis stobs pa/ gang gis len pa/ dngos po gang len pa/ gnas
gang na blang ba/ tshul ji ltar du len pa/

byin len 'jig pa'i rgyu dang drug las/ dang po ni/ lta ba phun
sum tshogs pa mtshan gsum gang rung gi sgo nas byin len bstab par
'os pa bsam pa thag pa nas bstod par 'dod pa zas gyen du 'degs
nus pa rnams dgos/ gnyis pa ni/ bsnyen

par rdzogs pa'i dge slong ma yan chad la gnas pa shes pa gtad
thub yod pa/ lus tha mal du gnas pa rnams yin no/ /mtha' gcig tu
ma nges so/ /gsum pa ni/ sman bzhi po gang rung rang dang cho ga
gcig pas byin len byas pa dang

ma 'brel ba gcig dgos/ byin len byas ma byas the tshom za na 'du
shes 'khrul pa yin pas byin len bya dgos/ bzhi pa ni/ 'tshams kyi
nang yin pa/ mdun lta bu'i mngon sum yin pa/ thob pa'i phyogs
yin pa rnams dgos/ /lnga

pa ni/ lag pa bkan pas blang bar bya zhing/ rgya cher 'grel gyi
dgongs pa la lag pa gnyis kas blang dgos te/ rgya cher 'grel
las/ lag pa gnyis bkan te blangs na byin len yin gyi gzhan ni ma
yin no/ /zhes gsungs/ drug pa ni/ 'phro ga dang

shong 'gril por ba dang/ babs dang shi dang gzhan reg dang/
/dngos por 'gyur dang skye bar 'gyur/ /gzhan la dngos po nyid
kyang ngo/ /zhes gsungs pa ltar yod/ byin len byas pa'i dgos pa
yang gtso bor zas la dbang bar 'gyur ba'i

@089b ched yin pa'i phyir te/ rnam 'byed las/ byin len byed du
bcug ste za na de nyid zas la dbang bar 'gyur ro/ /zhes gsungs/
! /gnyis pa 'tshams bcos kyi nyes byas dang de zos pa'i nyes byas
yod de/ rung khang ma yin pa'i rang bzhin gyi mtshams nang dang

de'i nye 'khor gang rung du dge slong gi longs spyod pa na
bsnyen par rdzogs pas rjen pa me dang 'brel bas reg pas na der
'gyur ba'i phyir/ rung khang ma yin pa de yang rang dam rang
dang 'dra ba dbang ba zhig dgos te/ khyim pa dbang ba sogs su
'tshams

bcos mi 'byung ba'i phyir/ de bzhin du rjen pa'i dnges po de
yang rang dam rang dang 'dra ba la dbang ba zhig dgos/ gsum pa
zhag lon gyi nyes byas kyang yod de/ dge slong gi rung khang ma
yin pa'i rang bzhin gyi mtshams de'i nye 'khor du sman bzhi po
gang

rung gcig bzhag mtshan mo 'das phan de 'byung ba'i phyir/ bzhi pa
rjen bcos kyi nyes byas yod de/ dge slong gis rjen pa longs
spyod pa'i ched du me la reg par byed na/ der 'gyur ba'i phyir/
spros bas chog go/ ! /bcu pa bsod pa slong pa'i ltung

byed ni/ sbyin par byed pa nye du ma yin pa'i khyim pa nyid
kyang ngo/ /rang gi blangs te zos na'o/ /zhes sogs kyi skabs su
gnyis las/ dang po yod de/ khyim bdag gcig gi ston pa 'khor bcas
gdugs tshod la sbyan drangs nas gsol zin pa dang drug sde phyis

lhags pa la lhag ma 'ga' zhig sbyin pas ma mgu ste/ khyim bdag
gzhan la zas bzang po slong bar byas pa na gzhan dag 'phya ba la
brten nas bcas pa'i phyir/ gnyis pa yod de/ bcas ldan dge slong
gis khyim pa nye du ma yin pa la yul dus der zas bsod

par grags pa blangs te zos pa na der 'gyur ba'i phyir/ ! /bcu
tshan lnga pa ni/ sdom las/ srog chags dang bcas nyal bar 'dug
/'greng dang bcer bu dmag dang ni/ /zhag gnyis bshams bkrugs
'gro ba dang/ brdeg dang gzas dang gnas ngan len/ /zhes

@090a @#/ /gsungs pa ltar bcu yod ba'i/ dang po srog chags dang
bcas pa'i chu la longs spyod pa'i ltung byed ni/ shes gtso'o/
/srog chags dang bcas pa nyid la'o/ /zhes sogs kyi skabs su
gnyis las/ dang po yod de/ 'dun pas srog chags

dang bcas pa'i chu la longs spyod pa la gzhan dag ma dad pa la
brten nas bcas pa'i phyir/ gnyis pa yod de/ bcas ldan dge slong
gis rang kho na'i ched du chu la sogs pa la srog chags yod med
ma brtags par ltos med kyi bsam pas longs spyad pas srog

chags shi ba na ltung bar 'gyur ba'i phyir/ chu la srog chags
yod med brtag pa la yang rnam pa bzhi ste/ gang la brtag pa'i
gzhi ni chu mi g.yo zhing rnyog pa med pa/ snod gang du brtag
na nya phyis la sogs pa gsal ba'i nang du'o/ /gang zag gang gis
brtag na

dge slong snying rje can gyis so/ /mig gang gis brtag na tha mal
ba'i mig gis so/ /tshul ji ltar brtag na chu'i steng dang bar
dang gting du'o/ /tshad ji tsam brtag na/ 'dom gang khor yug
tu'o/ /yun ji tsam na med par yid ches kyi bar du'o/ /longs
spyod pa'i 'du

shes kyi dbang du byas na lan cig brtag pa na phyi de nyi ma
'char ga tshun chad du longs spyad par bya ba yin no// ! //gnyis
pa nyal po byed par shom pa'i khyim na gnas pa'i ltung byed ni/
zhugs pa'am phyogs pa la'o/ /sprod pa la'o/ /skyes pa dang bud
med

gyi'o/ /zhes pa dang/ mngon sum du brnags pas 'dug na'o/ /zhes
sogs kyi skabs su gnyis las/ dang po yod de/ 'char gas spos
'tshong gi khyi'u rang gi chud ma dang lhan cig nyal po byed pa'i
bar chad byas pa na gzhan dag 'phya ba la brten nas bcas pa'i

phyir/ gnyis pa yod de/ bcas ldan dge slong gis khyim pa pho mo
nyal po byed pa la zhugs pa 'am de'i sta gon du gnas pa la mngon
sum du 'dom gang gi nang du 'dug pa pho mo gnyis kyis go ba na
der 'gyur ba'i phyir/ ! /gnyis pa de'i khyim na 'greng ba'i

@090b ltung byed ni/ dben par brnags pas 'greng na'o/ /skyabs
yod par ro/ /zhes sogs kyi skabs su gnyis las/ dang po yod de/
des de'i khyim du 'greng ba'i sgo nas de'i bar chad byas pas
gzhan dag 'phya ba la brten nas bcas pa'i phyir/ gnyis pa yod
de/ sngar

'dug ces pa'i dod 'dir 'greng ba dang/ sngar skyabs med pa dgos
pa'i dod du 'dir dge slong dang de gnyis kyi bar du skyabs yod
pa'o/ /gzhan 'dra/ ! /bzhi pa gcer bu pa la zas sbyin pa'i ltung
byed ni/ rang gis sbyin na'o/ /zhes sogs kyi skabs su

gnyis las/ dang po yod de/ gcer bu ma rgan gzhon gnyis kyis kun
dga' po la zas bslangs pas kun dga' bos rgan pa la khur ba gcig
/gzhon pa la gnyis sbyin pas/ rgan mo na re/ 'di ni khyod la
dga' ba yin no/ /zhes skur pa btab pa la brten

nas bcas pa'i phyir/ gnyis pa yod de/ bcas ldan dge slong gis mu
stegs kyi rab tu byung ba la dgos pa khyad par can med par zas
sbyin cing des blangs pa na der 'gyur ba'i phyir/ ! /lnga pa
dmag la lta ba'i ltung byed ni/ 'phags pa'i nye 'khor gyi

mtha' las 'das te mthong na'o/ /zhes sogs kyi skabs su gnyis
las/ dang po yod de/ rgyal po gsal rgyal gyid mag gi tshogs ri
brag la 'dren pa'i tshe drug sdes dmag gi tshogs la/ bkren pa dag
/khyed kyis ri brag kyi rgyal po mi thub ste/ bkren

pa khyed ni dman pa yin la de dag ni mchog dang gtso bor gyur pa
yin no zhes zer ba dang rgyal po 'khor bcas ma dga' ba las bcas
pa'i phyir/ gnyis pa yod de/ bcas ldan dge slong gis rgyal po la
sogs pas bos pa'i rkyen med par khyim pa'i

dmag bzhir longs pa yan chad la rang gang na gnas pa'i nye 'khor
las 'das te bltas pa na der 'gyur ba'i phyir/ ! /drug pa dmag
nang du gnas pa'i ltung byed ni/ de dag med par der nyin mtshan
gnyis las lhag pa 'dug na'o/ /zhes sogs kyi skabs

@091a @#/ /su gnyis las/ dang po yod de/ rgyal po 'khor bcas kyi
dmag gis ri brag ma thub pa na slob dpon dag na re/ khyim bdag
mgon med zas sbyin bsod nams dang ldan pas de bos na thub par
'gyur ro/ /zhes zer nas khyim bdag dmag

nang du gnas pa na dge slong dang phrad par 'dod nas dge slong
pos pas gzhan 'gror ma thub drug sdes phyin nas dmag la 'phyas
pas gzhan dag ma dad pa la brten nas bcas pa'i phyir/ gnyis pa
yod de/ bcas ldan dge slong gis dmag mtshan nyid pa'i

nang du dgos pa med par mtshan mo gnyis las lhag pa 'das na der
'gyur ba'i phyir/ ! /bdun pa dpung gi yan lag nyams su myong
ba'i lhung byed ni/ reg pa dang bshams pa dkrug pa dang blta
ba'i phyir 'phags shing nye 'khor gyi mtha' las 'das te mthong

ba lta bu ni dngos dag yin no/ /zhes sogs kyi skabs su gnyis
las/ dang po yod de/ ri brags su rgyal po'i dmag gi nang du drug
sde gnas pa'i tshe dpung gi tshogs dang go cha'i tshogs rgyal po
'khor bcas kyis bshams pa las logs su dkrug par byed

pa na gzhan dag ma dad pa la brten nas bcas pa'i phyir/ gnyis pa
la gsum yod de/ dmag la reg pa'i ltung byed/ bshams pa dkrugs
po'i ltung byed/ dmag la lta ba'i ltung byed dang gsum yod pa'i
phyir/ dang po yod de/ bcas ldan dge

slong gis dmag mtshan nyid pa la reg pa na der 'gyur pa'i phyir/
gnyis pa ni/ dpung bshams pa dkrugs pa na der 'gyur pa'i phyir/
gsum pa ni/ rgyal po la sogs pas ma bos pa dge slong gis dmag la
blta ba'i phyir du nye 'khor las

'phags te mthong ba na de ltar 'gyur pa'i phyir/ ! /brgyad pa
brdeg pa'i ltung byed ni/ rnyog pa can gyi sems nyid kyis dge
slong pha rol la lus sam des 'phangs pa'am de dang 'brel ba dag
gang yang rung ba tha na rkang pa'i mthe bo 'am yungs

@091b kar ram rtswa dang/ gis brdegs na'o/ /zhes sogs kyi skabs
su gnyis las/ dang po yod de/ 'char gas gzhon nu bcu bdun sde la
phan tshun bcol ba dang gcig la gcig brdeg tu bcug pa na phan
tshun 'dus shing 'gyel ba la brten nas bcas pa'i

phyir/ gnyis pa yod de/ bcas ldan dge slong gi sems rnyog pa can
gyis dge slong gzhan la brdeg pa'am brdeg tu 'jug pa na de ltar
'gyur pa'i phyir/ ! /dgu pa brdeg par gzas pa'i ltung byed ni/
brdeg par gzas na'o/ /rdzas re re la'o/ /zhes sogs kyi skabs su

gnyis las/ dang po gleng gzhi ni/ 'char gas gzhon nu bcu bdun
sde la phan tshun bcol ba dang gcig la gcig brdag par gzas su
bcug pa na/ phan tshun 'dus shing 'gyel ba la brten nas de ltar
bcas pa'i phyir/ gnyis pa ni/ ngo bo yod de/ bcas ldan dge slong

gis gnod sems kyi sgo nas dge slong gzhan la brdeg par gzar bcug
pa na der 'gyur ba'i phyir/ ! /bcu pa gnas ngan len 'chab pa'i
ltung byed ni/ pham par 'gyur ba dang dge 'dun lhag ma dag bcabs
na'o/ /nyin mtshan gyi mthar ro/ /zhes sogs kyi skabs su gnyis

las/ dang po yod de/ nyer dgas rgyal byed kyi tshal du bu mo zhig
la lus kyis reg pa sna tshogs byed pa dge slong chos kyis mthong
pa na/ nyer dgas su la yang ma smra zhig ces 'chab tu bcug pa la
brten nas de ltar bcas pa'i phyir/ gnyis pa yod de/ bcas ldan
dge

slong gis mthol yul mtshan nyid dang ldan pa yod pa'i gnas su dge
slong gzhan gyis pham lhag gang rung bcabs te mtshan mo 'das pa
na der 'gyur ba'i phyir/ ! /bcu tshan drug pa ni/ sdom las/ bde
dang me dang 'dun pa dang/ /bsnyen par ma rdzogs chos smra dang/
/dge

tshul kha dog bsgyur ba dang/ /rin po che dang tsha ba'i dus/
/zhes gsungs pa'i/ ! /dang po zan gcod pa'i ltung byed ni/ ched
du bsams te khyim pa sbyin pa po zan gcod du bcug na'o/ /zhes
sogs kyi skabs su gnyis las/ dang po yod de/ dge slong chos kyi
nyer

@092a @#/ /dga'i gnas ngan len brjod pa na nyer dgas de la gnod
pa bya bar brtsams te dang por nyer dga' rang gi zas la longs
spyad nas dge slong chos la snga dro'i dus su gdugs chod kyi dus
la ma babs sa zer te nas bshad pa dang/ grib chad gzhal te khyim

bdag gi nang du zas za bar 'gro bar brtsams pas nyer dga' na re/
glen pa khyod rus ma yin par zas la longs spyod dam khyod dang
kho bo lhan cig tu 'dug pa bde ba ma yin gyis gzhan du song zhig
zer ba dang/ des zan bgag par rig nas gcug lag khang du song ste
lus

mdangs ma yal ba de srid du dge sbyor la brtson par byas/ ma nus
pa'i dus su blos phab ste nyal ba na gzhan dga' phyab la brten
nas bcas pa'i phyir/ gnyis pa yod de/ bcas ldan dge slong gis
phan sems med par dge slong la khyim pas zas 'dren bdag gi

rig byed kyis gtsod du bcug pa khyim pas go pa na der 'gyur ba'i
phyir/ ! /gnyis pa me reg gi ltung byed ni/ reg na'o/ /rang ngam
bskos pas so/ /zhes sogs kyi skabs su gnyis las/ dang po yod de/
drug sdes me zer dum 'phen ba dang mgal me la nyi ma zla ba lta
bu'i 'khor

lo byed pa na mu stegs can dag 'phya ba la brten nas bcas pa'i
phyir/ gnyis pa yod de/ bcas ldan dge slong gis dus dran ma byas
par me la reg gam reg tu bcug na der 'gyur pa'i phyir/ dus dran
byas na ltung ba med pa ni/ dus byin gyis ma brlabs pa'i dge
slong

zhes sogs te/ spyir dus dran bya ba'i gzhi la yang dus dang/
dngos po dang/ gang zag dang/ lus nges pa ste nges pa bzhi dang
bral ba gcig dgos/ dmigs bsal ni/ sgra mi snyan du byin len ma
byas par za ba dang/ a ma pa ran ltar khrus byed pa gnyis la
dus dran bya

dgos par yang gsungs so/ /rten ni gnang ba'i rkyen can pa dang/
ched du bya ba ni chos ldan gyi don du dang/ dus ni bya ba de la
'jug pa'i snga rol du dang/ yun ni ji tsam dgos kyi bar du'o/
/byin gyis brlab tshul gnyis su bshad de/ dgag bya nyes dmigs
'gog pa'i

@092b dus dran dang/ brgyud la rgyur 'gro 'gog pa'i dus dran
gnyis yod pa'i phyir/ dang po la yang gsum yod de/ bud med chus
khyer ba 'dzin pa na ma sring gi 'du shes 'jog pa lta bu nang
sems can la chags pa 'gag pa'i dus dran dang/ rin po che'i khri
la 'dug pa na myur

du ldang bar bya'o snyam pa'i 'du shes 'jog pa lta bu phyi rol
gyi yo byang la chags pa 'gog pa'i dus dran dang/ ltung ba gling
dran byed pa na phan pa'i 'du shes 'jog pa zhe sdang 'gog pa'i
dus dran rnams su yod pa'i phyir/ gnyis pa la/ me la reg pa lta
bu spyir bdag

kyang chos ldan gyi bya ba 'di lta bu la ston pa thugs rje can
gyis gnang snyam du dran par byed pa lta bu yin no/ /dus dran
'jig pa'i rgyu yod de/ zhag 'das pa/ rten babs pa/ shi ba/ bya
ba chos min du gyur pa rnams yin pa'i phyir/ ! /gsum pa bdun ba
phyir

bsgyur gyi ltung byed ni/ /dge slong gi don gyi ched kyi las
byas pa la 'dun pa phul ba phyir bsgyur pa'i phyir smras na'o/
/zhes sogs kyi skabs su gnyis las/ dang po yod de/ 'char gas
dgra bcom pa thob/ 'dun pa ko'u she lting thugs ngal bar bzhugs

nam so dang 'gro 'gyogs tshe'i dus byas/ dga' bo dang nyer dga'
gnyis dge 'dun gyi nang du gnas pa'i tshe bcu bdun sdes sngon gyi
nyes pa byas pa dran nas nyer dga' gnas nas dbyung ba'i ched du
dga' bo la chos gos dri ma can 'khru bar bgyi'o/ /

zhes smras nas 'gyur byed kyi chus spangs pa na/ dNDe brdungs
nas dga' po la dge 'dun gyi las la 'dus shig ces smras pa dang/
dga' bo na re/ kho bo 'di 'drar gyur bas 'dun pa 'bul lo zer/ de
nas bcu bdun sde sa nyer dga' la/ bcu bdun

sde'i lta ba 'phral te sgyu mas rgyal byed kyi tshal bskor bar
bya'o/ /zhes pa la sogs pa'i nyes pa smras pa rnams dran nam
zhes smras te nyer dga' nan gyis gnas nas phyung ba'i tshe nyer
dgas dga' bo'i drung du song ste kho bo gnas nas dbyung ngo zhes
smre sngags

@093a @#/ /sna tshogs 'don pa na re/ nu po gnas nas 'byin pa la
'dun pa mi ster bas 'dun pa phyir byin cig ces zer ba la gzhan
dga' phya ba la brten nas bcas pa'i phyir/ gnyis pa yod de/ bcas
ldan dge slong gis dge 'dun las la

'dus pa la 'dun pa phul zin pa'i rjes su phyir bsgyur ba'i tshig
smras na der 'gyur ba'i phyir/ ! /bzhi pa bsnyen par ma rdzogs
pa dang lhan cig nyal ba'i ltung byed ni/ bsnyen par ma rdzogs
pa dang lhan cig gnas gcig tu mtshan mo gsum pa la nyal na'o/
/mthar

ro/ /zhes sogs kyi skabs su gnyis las/ dang po yod de/ nye dgas
rang gis dge tshul dang lhan cig nub mo gnyis las lhag par gnas
gcig tu nyal ba na gzhan dag gis de ltar mi bya bar gsungs pa ma
yin nam zhes zer pa'i tshe nyer dgas nub gnyis rung na

gsum ci'i phyir mi rung/ gsum par chang btungs sam/ kun dong zos
sam zer ba la gzhan dag 'phya ba la brten nas bcas pa'i phyir/
gnyis pa yod de/ bcas ldan dge slong gis bsnyen par ma rdzogs pa
dang lhan cig gnas gcig tu gnyid log ste mtshan mo gsum

'das na der 'gyur ba'i phyir/ ! /lnga pa sdig pa can gyi lta
ba'i rnam pa mi gtong ba'i ltung byed ni/ tshig mi gtong ba la'o/
/zhes sogs kyi skabs su gnyis las/ dang po yod de/ bong rdzi'i
rigs las rab tu byung ba'i dge slong 'chi ltas kyis bcom ldan
'das kyis gsungs

pa'i las 'bras la yid mi ches pa'i sdig lta byung ba/ zlog byed
kyi rkyen gyis bzlog kyang mi gtong ba la brten nas bcas pa'i
phyir/ gnyis pa yod de/ bcas ldan dge slong gis rang la sdig lta
skyes pa gzham bsgo dang gsol bzhi'i las kyis bzlog kyang ma
gtang ba na der

'gyur ba'i phyir/ ma btang ba yang tshig gis ma btang ba yang
dgos so/ /de'i tshul ni/ bcom ldan 'das kyis chos bstan ba bdag
gi shes so/ /zhes ma btang ba'o/ /kha cig /'dir bstan sdig lta'i
tshig smras pa tsam yin gyi sdig lta skyes pa ma yin te/ de skyes
na

@093b sdom pa gtong ba'i phyir te/ log lta skyes na de gtong
ba'i phyir zer na/ ma khyab ste/ 'dir bstan sdig lta log lta ma
yin par 'grel bar gsungs pa'i phyir/ ! /drug pa spangs pa rjes
phyogs kyi ltung byed ni/ gdam ngag byin na'o/ /lta bsmra na'o/
/zang zing gi longs spyod byed na'o/ /

zhes sogs kyi skabs su gnyis las/ dang po yod de/ dge 'dun gyi
'chi ltas gnas nas dbyung ba'i tshe nyer dgas de dang lhan cig
gnas nas phan tshun mthun par byed pa na gzhan dag 'phya ba la
brten nas bcas pa'i phyir/ gnyis pa yod de/ bcas ldan dge slong
gis dge

'dun gyi gnas nas dbyung ba'i dge slong dang/ chos dang zang
zing gi longs spyod lhan cig tu byas pa na der 'gyur pa'i phyir/
! /'dun pa dge tshul bsnyil bsdud pa'i ltung byed ni/ dge tshul
bsnyil ba nyid do/ /zhes sogs kyi skabs su gnyis las/ dang po
yod de/ nyer dgas dge

tshul tshor ma ta dang chem ta chen po gnyis kyi 'char g.yang gi
spyod pa sna tshogs byed pa na gnas nas dbyung bas nyer dga'i
drung du song ste smre sngags sna tshogs 'don pa dang nyer dgas
de dag dang lhan cig tu gnas te spyod lam mthun par byas pa na
gzhan dag 'phya ba la brten nas bcas

pa'i phyir/ gnyis pa yod de/ bcas ldan dge slong gis dge 'dun
gyi bsnyil ba'i dge tshul dang chos dang zang zing gi longs spyod
lhan cig tu byas pa bzhams bsgo sogs kyi mthar ma btang ba na de
'gyur ba'i phyir/ ! /brgyad pa kham bsgyur ba'i gos gyon pa'i
ltung byed ni/

sngon po 'am dmar po 'am ngur smrig gis/ zhes sogs kyi skabs su
gnyis las/ dang po yod de/ drug sdes gar mkhan gyi chas su zhugs
nas spyod lam sna tshogs byed pa na gzhan dag ma dad pa la brten
nas bcas pa'i phyir/ gnyis pa yod de/ bcas ldan dge slong

gis rang gi gos kha dog dkar po sogs kham bsgyur ba la longs
spyad na der 'gyur pa'i phyir/ khang sgyur tshul ni sngon po dang
dmar po dang ngur smig gang rung gis kha bsgyur dgos gsungs pa'i
ngur smig ni phran tshogs las ser por bshad cing/ tshon chen ni
'chang

@094a @#/ /du mi rung ste/ sum brgya pa las/ mtshal dang de bzhin
rgya skyegs brtsod rnams dang/ /gur kum dag dang mthing shi li
khri dang/ /rma shing le brgan rtsi rnams mi rung ste/ /brgyad
po tshon chen yin pas bkag phyir ro/ /zhes gsungs pa ltar ro/ /

! /dgu pa longs pa gzhir gtogs kyi ltung byed ni/ rin po che
rang gi ma yin pa dang der smros pa la reg gam reg tu bcug na
byed pa po yin no/ /zhes sogs kyi skabs su gnyis las/ dang po
yod de/ drug sdes bsod snyoms la zhugs pa na rol mo'i cha

byad blangs te bro brdungs pa na gzhan dag ma dad pa la brten
nas bcas pa'i phyir/ gnyis pa yod de/ bcas ldan dge slong gis
rang gi ma yin pa'i rin po che dang der smos pa'i rol mo'i cha
byad sogs la rang ngam bskos pa gang rung gis mngon sum du reg
pa na

der 'gyur ba'i phyir/ 'di la longs ba gzhir gtogs pa'i ltung ba
zhes bya ba'i rgyu mtshan yod de/ rgya cher 'grel las/ longs pa
ni rgyags pa yin la zhes gsungs pa ltar/ rgyags pa skyed par
byed pa'i gzhir gtogs pas de ltar brjod pa'i phyir/ ! /bcu pa
khrus

byed pa'i ltung byed ni/ gzhan gyi dus su khrus kyi nyin mo ma
yin pa na zhag bco lnga'i mdun rol du khrus byed na'o/ /zhes
sogs kyi skabs su gnyis las/ dang po yod de/ rgyal po gzugs can
snying pos rang gi khrus kyi rdzing bu bcom ldan 'das la phul
te/ dge slong rnams khrus

byed par zhugs pa'i tshe drug sdes der yun ring du gnas nas khrus
byas pas rgyal po 'khor bcas kyi khrus kyi bar chad du gyur pa
na tsha ba'i dus kyi zla ba phyed phyed 'das rjes su khrus phyed
par bcas pa'i phyir/ gnyis pa yod de/ bcas ldan dge slong tsha
ba'i dus ma yin

par 'jig rten na grags pa'i chu la khrus byas te lus khyab pa na
der 'gyur ba'i phyir/ tsha ba'i dus ni/ dbyar zlar ba'i zla
phyed/ 'bring po/ thung du ste zla ba phyed dang gsum gyi dus de
de yin pa'i phyir/ zlar khrus byas nas zla ba phyed ma 'das pa
gcig dgos te

@094b 'das nas dngos gzhi mi skyed pa'i phyir/ tsha ba'i dus ma
yin pa gcig dgos te/ de'i dus zla ba phyed kyi gong du khrus lan
mang du byas kyang ltung ba mi 'byung ba'i phyir/ 'on kyang nyin
gcig la khrus mang du byar mi rung ngo// ! //bcu tshan bdun pa
ni/ sdom las/ dud 'gro

'gyong dang sor mo dang/ /rtse dang lhan cig dngangs byed dang/
/sbed dang gdengs med gzhi med dang/ /skyes pa med par lam 'gro
ba'o/ /zhes gsungs pa ltar bcu yod pa'i/ ! /dang po dud 'gro
gsod pa'i ltung byed ni/ gsod pa'i sems kyi dud 'gro la bsnun
na'o/ /gzhi

des de'i tshe 'am gzhan gyi tshe shi na'o/ /zhes sogs kyi skabs su
gnyis las/ dang po yod de/ 'char gas mnga' 'phangs te nam mkha'
la bya rog rgyu ba gsad pas gzhan dag ma dad pa la brten nas
bcas pa'i phyir/ gnyis pa yod de/ bcas ldan dge slong gis

gzhan gyi zhar la ma yin par gsong par gsod par 'dod pas/ rang
ngam bskos pas dud 'gro bsad pa na der 'gyur ba'i phyir/ !
/gnyis pa 'gyod pa bskyed pa'i ltung byed ni/ dge slong ma yin
pa'i don gyis 'gyod pa bskyed na'o/ /dge slong la'o/ /zhes sogs
kyi skabs su gnyis

las/ dang po yod de/ bcu bdun sdes dge ba'i phyogs la brtson pa
na/ 'char gas phrag dog gi bsam pa gzhon nu de ltar brtson pas
ci bya mang du thos ba dang dgra bcom par nam yang mi 'gyur te/
lo nyi shu ma lon pa la bsnyen par rdzogs par yang mi 'gyur la/
mkhan

po smad par byas pa yin no/ /zhes smras pas de dag sems khong du
chud par gyur pa la brten nas bcas pa'i phyir/ gnyis pa yod de/
bcas ldan dge slong gis dge slong gzhan la dge slong rnam dag ma
yin pa'i don gyi 'gyod pa skyed pa na der 'gyur ba'i phyir/ ! /

gsum pa ga ga tshil byed pa'i ltung byed ni/ reg na'o/ /skyi
g.ya' bar bya ba'i sems kyis so/ /zhes sogs kyi skabs su gnyis
las/ dang po yod de/ bcu bdun sdes rang gi dge ba'i grogs byed
pa'i dge slong gi thugs dang 'gal bar byas ba bzod par gsol

@095a @#/ /bas cang mi smra bar 'dug pa dang/ gzhon nu gcig gis
ga ga tshil byas pas dge slong de rgod par brtsams pas/ thams cad
kyis de ltar byas pas rlung gyen du 'tshubs te tshe'i dus byas pa
la brten nas bcas pa'i phyir/ gnyis pa yod de/

bcas ldan dge slong gis skyi g.ya' bar 'dod pa'i bsam pas dge
slong gi lus la reg pa na der 'gyur ba'i phyir/ ! /bzhi pa chu
la rtse ba'i ltung byed ni/ chu'i yul la rtse ba rjes su sgrub
na'o/ /zhes sogs kyi skabs su gnyis las/ dang po yod de/ bcu
bdun sdes

chu'i nang du zhugs te rtsed sna mang du byas pa na rgyal po
gsal rgyal 'khor bcas ma dad pa la brten nas bcas pa'i phyir/
gnyis pa yod de/ bcas ldan dge slong gis 'jig rten la grags pa'i
chu la rtse ba 'am rtser bcug pa na der 'gyur ba'i phyir/ !
/lnga pa

bud med dang lhan cig nyal ba'i ltung byed ni/ bud med dang lhan
cig gnas gcig tu gnyid log na'o/ /mtshan mo'i mthar ro/ /zhes
sogs kyi skabs su gnyis las/ dang po yod de/ dgra bcom pa ma
'gag pas ri brag su khye'u spyi brdol bden pa mthong ba la 'god

phyir du de dang lhan cig tu gnas nas de nyid la chos bstan nas
bden pa mthong ba la bkod kyang gzhan dag 'phya ba la brten nas
bcas pa'i phyir/ gnyis pa yod de/ bcas ldan dge slong gis bud
med dang lhan cig gnas gcig tu nyal ba'i spyod lam gyis gnyid
log

cing mtshan mo'i mtha' 'das pa na der 'gyur pa'i phyir/ ! /drug
pa dngangs par byed pa'i ltung byed ni/ yid du mi 'ong ba la ni
dngos gzhi'o/ /zhes sogs kyi skabs su gnyis las/ dang po yod de/
'char ga mchen mo'i dus su bcu bdun sde'i nang du song nas la ba
phyir

log tu gyon nas me khar bcug ste 'byung po 'byung po zhes smras
pa na gzhon nu dag skrag pa la brten nas bcas pa'i phyir/ gnyis
pa yod de/ bcas ldan dge slong gis dge slong gzhan la dngangs
bar byed pa'i tshig smras pas don go ba na der 'gyur pa'i phyir/
! /bdun pa

@095b sbed pa'i ltung byed ni/ dge slong gi 'tsho ba'i yo byad
sbed ngam sbed du bcug na'o/ /zhes sogs kyi skabs su gnyis las/
dang po yod de/ drug sdes bcu bdun sde la khyed rnams kho bo cag
la dus rgyun du 'gran pa yin na/ chu yi nang du rgyun ring du
'dug pa'i nus pa 'gran no zer te chu'i nang du

zhugs pa dang nyer dgas chu nang nas byung ste gzhon nu dag gis
gos rnams sbas/ drug sdes gos gyon nas gnas gzhan du dong ngo/
/de nas gzhon nu rnams kyi drug sdes gos sbas pa ma rnyed/ tho
'tsham par shes nas thang gcig tu 'khod nas gnas pa na shA ri'i
bu 'khor bcas

byon nas gos rnams btsal te byin nas cis nyes smras pas sngar
gyi lo rgyus rnams bshad pas gzhan dag 'phya ba la brten nas
bcas pa'i phyir/ gnyis pa yod de/ bncas ldan dge slong gis chos
'di ba'i rab byung gi 'tsho ba'i yo byad sbed dam sbeng du bcug
pa na der 'gyur ba'i

rphyir/ ! /brgyad pa gdengs med par spyod pa'i ltung byed ni/
dge slong la gos blang ba med par byin pa des gnang ba med par
longs spyad na'o/ /zhes sogs kyi skabs su gnyis las/ dang po yod
de/ nyer dga' rgas shing khogs pa'i dus chos gos dri ma can
'khru bar ma nus pa na thabs shig

bya'o snyam ste nye gnas la gos byin pas des legs par bkrus
shing kha bsgyur nas nyer dga' la bcol ba'i tshe nyer dgas gdengs
med par phug gi rang gis longs spyod pa na gzhan dag 'phya ba la
brten nas bcas pa'i phyir/ gnyis pa yod de/ bcas ldan dge slong
gis rang gi dge slong

la sbyin pa'i gos sam lhung ba zed la sri ba med par longs spyad
na der 'gyur ba'i phyir/ ! /dgu pa skur pa 'debs pa'i ltung byed
ni/ skur ba 'debs par 'dod pas dge slong la 'du shes bsgyur te
dge 'dun lhag mas skur ba brjod na'o/ /zhes sogs kyi skabs su
gnyis las/ dang po

yod de/ mdza' bo dngas las skyes gnyis kyis gyad bu nor la dge
'dun lhag ma'i skur ba btab pa la brten nas bcas pa'i phyir/
gnyis pa yod de/ bcas ldan dge slong gis dge slong la gzhi med
par dge 'dun lhag ma'i skur pa btab pa na der 'gyur pa'i phyir/
! /bcu pa

@096a @#/ /bud med dang lhan cig lam du 'gro ba'i ltung byed
ni/ 'dod pas lam du 'gro na'o/ /rgyang grags re re'o/ /zhes
sogs kyi skabs su gnyis las/ dang po yod de/ thag spyi ther
bas rang gi chung ma la bdud 'tshog mang du byas bas bu mo de
dge

slong bsad snyams pa gcig dang 'grogs te mnyan yod du phyin pa
dang/ spyi ther bas tha ga ba lnga brgya tsam sbran nas pu mo
dang dge slong brdung pa dang/ lhung bzed chag chos gos ral ba
la brten nas bcas pa'i phyir/ gnyis pa yod de/ bcas ldan dge
slong gis

khrim grogs med par bud med dang lhan cig tu lam du rgyang
grags gcig 'das par phyin na der 'gyur ba'i phyir/ ! /bcu tshan
brgyad pa ni/ sdom las/ /rku dang nyi shu ma lon dang/ /rko
dang 'gron dang bslab pa dang/ /'thab dang mi smra 'gro ba
dang/ /ma gus chang 'thung

dus min pa'o/ /zhes gsungs pa'i/ ! /dang po rkun ma dang lhan
cig lam du 'gro ba'i ltung byed ni/ grong 'joms par byed ba'i
chos rkun pa dag gam sho gam 'dral ba'i tshong pa dag dang lhan
cig 'gro ba la'o/ /zhes sogs kyi skabs su gnyis las/ dang po

yod de/ mnyan yod pa'i dge slong 'ga' zhig gis sho gam ma byin
pa'i tshong pa dang mnyam du gos lar phyin pa shog ma pas tshor
nas tshong pa dang dge slong lhan cig tu bcoms ba la brten nas
bcas pa'i phyir/ gnyis pa yod de/ bcas ldan dge slong gis rkun

ma dang lhan cig tu rgyang grags 'das par phyin pa na der
'gyur ba'i phyir/ 'dis sho gam 'dral ba'i tshong pa dang lhan
cig 'grogs pa'i ltung byed kyang bsdus so/ ! /gnyis pa nyi shu
ma lan pa bsnyen par rdzogs pa'i ltung byed ni/ shes gtso
bo'o/ bsnyen

par rdzogs par bya ba lo nyi shu ma lon pa nyid la'o/ /mkhan
po nyid kyis so/ /zhes sogs kyi skabs su gnyis las/ dang po
yod de/ 'phags pa mo'u 'gal gyi bus bcu bdun sde bsnyen par
rdzogs pa'i tshe de dag gis tho rangs kyi dus su bkres pa'i
dbang gis sme

@096b sngags sna tshogs 'don pa las de ltar bcas pa'i phyir/
gnyis pa yod de/ bcas ldan dge slong gis gzhon nu lo nyi shu
ma lon pa dge slong gi ngor bsnyen par rdzogs na der 'gyur
ba'i phyir/ ! /gsum pa sa brkos pa'i ltung byed ni/ rko 'am
rkor bcug pa la'o/

sa'i sa'o/ /zhes sogs kyi skabs su gnyis las/ /dang po yod de/
mnyan yod na drug sdes sa rko zhing yur ba 'dren pa sogs byas
pa na mu stegs can gyi khyim pa dang khyad ci yod ces 'phya pa
la brten nas bcas pa yin pa'i phyir/ gnyis pa yod de/ bcas
ldan

dge slong gis 'jig rten na grags pa'i sa sor bzhi yan chad
brkos sam rkor bcug ste brkos na der 'gyur ba'i phyir/ ! /bzhi
pa mgron gnyer ring 'dug gi ltung byad ni/ dus thams cad du
yang ngo/ /tshig rnam par gzhag pa med par mgron du gnyer ba
dang ldan pa la

las phyis gzhan nam yang dang yang du 'am dus kyis mgron du
gnyer ba ma byas bar zla ba bzhi pa yongs su rdzogs pa'i 'og
tu ba shams pa zos na'o/ /zhes sogs kyi skabs su gnyis las/
dang po yod de/ shAkya ming chen gyis ston pa 'khor bcas zla
ba bzhir

mgron du bos te zas bsod pa mang po sta gon byas pa dang/ drug
sdes zas bzang po rgyun ring du thob pa'i phyir du dga' po
dang nyer dga' bos nas rdzu byas nas sman pa la bstan pas sman
pas shes nas 'phags pa dag snum bag gi rnyed pa rgya chen po
gsol cig

zer ba dang/ drug sde dga' nas gnyis kyi nad pa dang bzhis nad
g.yog byas te zla ba bzhi las lhag par zas la longs spyad pa
na gzhan dag 'phya ba la brten nas bcas pa'i phyir/ gnyis pa
yod de/ bcas ldan dge slong gis mgron du bos pa po'i khyim pas
dus

tshigs su bcad pa las lhag par zos pa dang dus med kyang zla ba
bzhi las lhag par zas zos pa na der 'gyur ba'i phyir/ ! /lnga
pa bslab pa nye bar 'jog pa spangs pa'i ltung byed ni/ smra ba
po la'o/ /bslab ba la'o/ /zhes dang/ tshig brjod na'o/ /zhes
sogs kyi

@097a @#/ /skabs su gnyis las/ dang po yod de/ bslab pa'i gzhi
bca' ba mdzad pa na der 'dus pa rnams la sgrogs pa yin cing/
kun dga' bos tshe dang ldan pa lam pa la mgron du gnyer ba las
ring du 'dug na ltung byed do/ /zhes bca' ba mdzad pas dge
slong rgyus

med pa rnams la 'grogs shig ces smras pa dang/ das dge slong
ma'i dbyar khang du song nas bcu bdun sde dang drug sde lhan
cig 'dug pa na de dag gis de ltar bcas pa ma thos sam snyam
nas bsam pa'i gzhi 'di ltar bcas pas de la bslab par bya'o
zhas smras pa dang/ de dag na re

mi mkhas pa khyod kyi tshig tsam la slob par mi byed do/ /zhes
smras pa na gzhan dag 'phya ba la brten nas bcas pa'i phyir/
gnyis pa yod de/ bcas ldan dge slong gis bslab pa'i sgo nas
bsgo ba la tshig tshig gis spangs te don go ba na der 'gyur ba'i
phyir/ ! /drug pa

nyan rna byed pa'i ltung byed ni/ dge slong dag rtsod par gyur
ba dge slong dag gros byed pa na nyan pa'i phyir rna gtod na
ces dang/ don la ni dngos gzhi'o/ /zhes sogs kyi skabs su
gnyis las/ dang po yod de/ bcu bdun sde sde snod 'dzin par
gyur nas nyer dgas 'tho 'tshams pa 'di tsam

sus kyang ma byas pas nyer dga' gnas nas dbyung ngo zhes gros
byed pa na nyer dgas nyan mo byas te thos pa'i dbang gis phan
tshun mi mthun pa las bcas pa'i phyir/ gnyis pa yod de/ bcas
ldan dge slong gis dge slong gnyis yan chad gros byed pa shes
bzhin du rtsod pa spel

ba'i ched du phag nyan byas pa na de ltar 'gyur ba'i phyir/ !
/bdun pa las gral nas ma smras par 'gro ba'i ltung byed ni/
thos pa'i nye 'khor las 'das na dngos gzhi'o/ /zhes sogs kyi
skabs su gnyis las/ dang po yod de/ bcu bdun sdes drug sde nus
pa chung du'i

dus su gnas nas dbyung ba'i las brtsams pa'i tshe dga' bos de
zlog par brtsams pas de dag na re gang phyir zlog pa de gnas
nas dbyung bar bya'o/ /zhes zer ba dang/ dga' bos rang nyid
gnas nas phyung gi dogs nas cang mi smra bar stan las langs
nas song

@097b ba nyer dga' gnas nas phyung ba dga' bo'i drung du song
smre sngags sna tshogs ston pa dang dga' bos nga'i nu bo gnas
nas phyin pa de dag khams gsum nas phyung zhig /gzhan yang las
mi chags kho bo cag ma 'dus so/ /zhes zer ba na gzhan dga'
phya ba la brten nas bcas pa'i phyir/

gnyis pa yod de/ bcas ldan dge slong gi dge 'dun gyis chos
ldan gyi las la 'dus nas dge slong la ma smras par thos pa'i
nye 'khor 'das par phyin pa na der 'gyur ba'i phyir/ ! /brgyad
pa ma gus pa'i ltung byed ni/ bsgo ba'i don la ma gus pas chos
dang ldan par

bshad kyis sbyang ba med par de las zlog ste 'gal bar byed pa
la'o/ /zhes sogs kyi skabs su gnyis las/ dang po yod de/ rab
tu mang pos rtsod pa chos phyogs su zhi bar byas pa na/ dge
slong glang chen zhes bya bas dge slong rab tu mang po dang mi
mthun par byas te

rtsod par byed pa na gzhan dag 'phya ba la brten nas de ltar
bcas pa'i phyir/ gnyis pa yod de/ bcas ldan dge slong gis
sangs rgyas sam dge 'dun nam dge 'dun gyi tha snyad kyi rang
la chos dang ldan pa bsgo ba'i lan la shad sbyangs med par
'gal bar byas pas der

'gyur ba'i phyir/ ! /dgu pa myos 'gyur 'thung ba'i ltung byed
ni/ myos par 'gyur ba 'thung na'o/ /zhes sogs kyi skabs su
gnyis las/ dang po yod de/ dge slong legs 'ongs kyis khyim
bdag gi chang phul ba btungs pas sa la 'gyel ba ston pas gzigs

nas de ltar bcas pa'i phyir/ gnyis pa yod de/ bcas ldan dge
slong gis chang mtshan nyid dang ldan pa ma gul du mid pa na
der 'gyur ba'i phyir/ ! /bcu pa dus ma yin par grong du 'gro
ba'i ltung byed ni/ dus ma yin pa nyid la'o/ /dge slong 'khod
pa la ma smras

pa la'o/ /grong du zhugs na'o/ /zhes sogs kyi skabs su gnyis
las/ dang po yod de/ 'char gas shA ri'i bu la gdam dag zhus
te bsgoms/ dgra bcom pa'i 'bras bu thob pas/ sangs rgyas kyi
khyim pa dang pa'i mchog tu lung bstan pa ston pa'i drin lan
bsab snyam

@098a @#/ /nas grong du phyin nas skye bo mang po bden pa la
bkod/ mthar khyim bdag gi chung ma ma rung mo zhig yod pa chom
rkun pa'i dmag dpon gcig dang 'dod log byed pa la 'dod log gi
nyes pa bshad pa dang/ bud med des chom rkun pa'i dmag dpon la
'di sod

cig ces bsgo ba na/ de ma ral gri thogs te dbu bcad de bgrongs
pa la brten nas de ltar bcas pa'i phyir/ gnyis pa yod de/ bcas
ldan dge slong gis rang gi gling gi nyi ma phyed yol nas/ skya
rengs ma shar ba'i bar der khyim pa'i gnas su rab byung sde
lnga gang rung

lam smras par phyin pa na der 'gyur ba'i phyir/ ! /bcu tshan
dgu pa ni/ sdom las/ zas bcas skya rengs da gdod dang/ /khab
ral dang ni khri rkang dang/ /bal dang gding dang g.yan pa
dang/ /ras chen bde gshegs chos gos so/ /zhes gsungs pa ltar
bcu yod

pa'i/ /dang po grong du rgyu ba'i ltung byed ni/ de'i tshig gis
dge 'dun spyan drangs pa na sbyin bdag la kho bo ma 'ongs pa'i
dbang gis brim pa yol bar ma bya zhig ces ma sgo bar gsum pa
la sogs par rgyu ba la yang ngo/ /zhes sogs kyi skabs su gnyis
las/ dang

po yod de/ nyer dga'i tshig gi ston pa 'khor bcas gdugs chod la
sbyan drangs pa dang/ sbyin bdag la nyer dgas nga ma 'ongs kyi
bar du gdugs tshod ma 'dren zer nas grong gzhan dang gzhan du
brgyus pas yun ring du 'khor ba na ston pas gdugs tshod

drongs shig gsungs kyang btsun pa nyer dga' ma byung zhes
smras pa'i tshe/ ston pas gzhan dbang thams cad sdug bsngal te/
rang dbang thams cad bde ba yin/ /zhes gsungs nas bcas pa
mdzad pa'i phyir/ gnyis pa yod de/ bcas ldan dge slong gis

rang gi tshig gi dge 'dun zas la spyan drangs pa'i tshe zas brim
pa yol bar ma byed cig ces sbyin bdag la ma bsgo bar khyim
gsum du longs bar brgyus na der 'gyur ba yin pa'i phyir/ !
/gnyis pa rgyal po'i pho brang du nub mo 'gro ba'i ltung byad
ni/

@98b shes gtso bo'o nam ma langs pa nyid la'o/ /'dir ni skya
rengs tha ma ma shar ba nyid de yin no/ /zhes sogs kyi skabs
su gnyis las/ dang po yod de/ ko sa la'i rgyal po gsal rgyal
gyi chung ma 'phreng ldan ma dang/ dbyar tshul ma'i slob dpon
du shA ri'i bu 'char ga

gnyis gyur pa'i tshe pho brang du chos ston pa la 'jug pa na
shA ri'i bu 'jug pa la mkhas pas dus su 'jug/ 'char ga de
ltar ma yin pa'i mtshan mo'i dus su btsun mo 'khor bcas la chos
ston bsod snyoms kyang blangs te nyi ma

ma shar gong du phyir byung ba la gzhan dag kha zer ba na de
ltar bcas pa'i phyir/ gnyis pa yod de/ bcas ldan dge slong gis
'od dmar po 'das pa nas skya rengs tha ma ma shar gyi bar du
btsun mo'i 'khor gyi gnas sam/ rgyal po'i pho brang du phyin
pa na der 'gyur ba'i phyir/

! /gsum pa khyad du gsod pa'i ltung byed ni/ so sor thar pa'i
mdo gdon pa 'don pa'i tshe lan gnyis nyams su myong zhing yid
rmongs ba ma yin pas 'di la chos 'di yod par bdag gis da gzod
shes so/ /zhes zer ba de la'o/ /zhes sogs kyi skabs su gnyis
las/ dang po yod

de/ so sor thar pa'i mdo 'don pa'i che drug sdes gus pa'i mi
nyan/ rgyu thabs kyi mdo 'di'i nang du ltung ba phra mo 'di
'dra yod pad gzod shes so/ /zhes zer nas/ bslab pa khyad du
gsod pa na gzhan dag 'phya ba la brten nas bcas pa'i phyir/
gnyis pa yod de/ bcas ldan dge slong gis

gso sbyong gi so thar gyi mdo 'don pa'i tshe rang gi chul
khrims gyi bslab pa'i gzhi khyad du bsad de pha rol pos don go
ba na dar 'gyur ba'i phyir/ de yang tshig don gnyis kyi nang
nas don khyad du gsod pa yin te/ dper na sa brkos pa la ltung
byed skye mi skyed da gzong shes so/ /

zhes khyad du gsod pa lta bu yin pa'i phyir/ ! /bzhi pa khab
ral 'chos pa'i ltung byed ni/ bso dang rus pa dang rwa'i khab
ral byed dam byed du bcug pa la'o/ /zhes sogs kyi skabs su
gnyis las/ dang po yod de/ so mkhan chos shes bya ba bsod
snyoms pa zhig gis

@099a @#/ /dad par byas nas dge slong rab tu mang pos ba so'i
khab ral byed du bcug ste blangs pa'i de'i 'tsho ba chad pa na
gzhan dag 'phya ba la brten nas bcas pa'i phyir/ gnyis pa yod
de/ bcas ldan dge slong gis bdag nyid kyi ched du rang ngam
bskos

pa gang rung gis khab ral gyi bzo byas pa na der 'gyur ba yin
pa'i phyir/ ! /lnga pa khri rkang 'chos pa'i ltung byed ni/
tshad las lhag par byed dam byed du 'jug pa la'o/ /zhes sogs
kyi skabs su gnyis las/ dang po yod de/ dge slong zhig khri
dma' ba la 'dug ste nyid

log pa na dug sgrul gyi dpral ba nas gzung ste tshe'i dus byas
pa dang/ ston pas khri dma' ba la nyal bar mi bya'o/ /zhes
gsungs pas/ drug sdes khri rkang pa bcu gnyis pa byed pa na
gzhan dag kha zer ba la brten nas ltung bar bcas pa'i phyir/
gnyis pa yod de/ bcas ldan

dge slong gis khri rkang khru gang gi tshad las lhag pa rang
ngam bskos pa gang rung gis bzo byed bar zin pa na der 'gyur
ba yin pa'i phyir/ drug pa shing bal gyi gos par byed pa'i
ltung byed ni/ shing bal gyis gos par byed pa la'o/ /rang ngam
bskos pas so/ /zhes sogs kyi skabs

su gnyis las/ dang po yod de/ nyer dgas khri gzhan gyis
'phrogs kyi dogs nas bdag nyid 'dug par bya'o snyam ste/ khri
khar shing ba la bkab ste bzhag pa der dge slong zhig gis ma
brtags par nyal bas gos thams cad skya bor gyur pa na gzhan
dag kha zer ba la

brten nas de ltar bcas pa'i phyir/ gnyis pa yod de/ bcas ldan
dge slong gis dge 'dun dbang ba'i gnas ma la shing ba la gyi
gos par byas na der 'gyur ba'i phyir/ ! / /bdun pa gding ba
tshad las lhag pa byed pa'i ltung byed ni gding ba'i 'o/ /zhes

sogs kyi skabs su gnyis las/ dang po yod de/ dge slong rab tu
mang pos gding ba shin tu rgya chen po byas pa na gzhan dag
kha zer bas der bcas pa'i phyir/ gnyis pa yod de/ bcas ldan
dge slong gis gding ba ji ltar bshad pa'i tshad las lhag

@099b par byas te zin pa na der 'gyur ba'i phyir/ ! /brgyad pa
g.yan pa dga' ba tshad las lhag par byed pa'i ltung byed ni/
g.yan pa dga' pa'i 'o/ /zhes sogs kyi skabs su gnyis las/
dang po yod de/ rab tu mang pos g.yan pa dgab pa tshad las
lhag pa byas

pas na der bcas pa'i phyir/ gnyis pa yod de/ bcas ldan dge
slong gis g.yan pa dgab pa ji ltar bshad pa'i tshad las lhag
par byas te zin pa na der 'gyur pa'i phyir/ ! /dku pa ras chen
tshad las lhag pa byed pa'i ltung byed ni/ dbyar gyi ras chen
gyi'o/ /

zhes sogs kyi skabs su gnyis las/ dang po yod de/ rab tu mang
pos ras chen tshad las lhag pa byas pa na der bcas pa'i phyir/
gnyis pa yod de/ bcas ldan dge slong gis dbyar gyi ras chen
tshad las lhag par byas te zin pa na der 'gyur pa'i phyir/

! / /bcu pa bde bar gshegs pa'i chos gos kyi tshad las lhag par
gyur pa'i ltung byed ni/ de'i lus tsam med par de'i tshad dam
lhag pa'i chos gos byed dam byed du 'jug pa la'o/ /zhes sogs
kyi skabs su gnyis las/ dang po yod de/ nyer dgas

ston pa'i chos gos kyi tshad dang mnyam pa'i chos gos byed du
bcug ste byon pas lus kyis ma rdzogs pa na gzhan dag 'phya ba
la brten nas der bcas pa'i phyir/ ! /gnyis pa yod de/ bcas
ldan dge slong gis chos gos kyi tshad bde bar gshegs

pa'i chos gos dang mnyam pa'am de las lhag pa byed dam byed du
bcug ste zin pa na der 'gyur pa yin pa'i phyir te/ de yang dge
slong thams cad ma yin la gang la na bde bar gshegs pa'i sku
lus kyi tshad med pa dgos so/ /bde bar gshegs pa'i

chos gos kyi tshad kyang srid du ston pa'i khru lnga phal pa'i
khru bco lnga zheng du ston pa'i gru gsum phal ba'i khru dgu
yin no/ / ! / /bzhi pa smre sngags kyi sgo nas so sor bshags
dgos pa sor bshags kyi sde la/ sngom las/ grong dang khyim
gzhan nyid dang ni/

@100a @#/ /bslab pa rnams dang dgon pa ni/ /sangs rgyas phan
par gsungs pa yis/ /so sor bshags pa bya bar gsungs/ zhes
gsungs pa'i/ ! /dang po dge slong ma la zas len pa'i sor
bshags ni/ shes gtso bo/ /dge slong ma nye du ma yin

pa nyid la'o/ /zhes sogs kyi skabs su gnyis las/ dang po yod
de/ yul grong khyer rdo 'jeg na phyug po rnam thos kyi bu dang
'gran ba gcig yod pa la bu mo gzugs bzang ba utapla'i dri
dang ldan pa gcig btsas pas/ de'i ming yang utapla'i mdog can
zhes

btags so/ /de chen por gyur te khyim so bzung nas gnas pa na
mo'u 'gal gyi bu chen pos btul te rgyun tu zhugs pa'i 'bras bu
la bkod/ de nas skye dgu'i bdag mos rab tu byung zhing bsnyen
par rdzogs par byas nas dgra bcom pa'i 'bras bu mngon

du byas so/ /de'i spyod lam ni bsod snyoms thog mar blangs nas
dge 'dun la 'bul/ phyis rang 'tsho bas bsod snyoms cung zad
byed pa yin pa la nam zhig rang 'tsho ba'i bsod snyoms blangs
nas 'ongs pa dang dge slong bsod snyoms ma rnyed pa

zhig dang phrad de de la phul lo/ /de'i nang par rang 'tsho
nga'i bsod snyoms blangs nas 'ongs pa dang nyar dga' dang
'phrad de 'phags ma bdag la bsnyen bkur gyis shig ces zer te/
bsod snyoms blangs te nyer dga' la phul te nyi ma gnyis su
de'i zas

rgyun chad pas 'phags ma sa la 'gyel ba na gzhan dag ma dad pa
la brten nas de ltar bcas pa'i phyir/ ! /gnyis pa yod de/ bcas
ldan dge slong gis dge slong ma grong ngam grong gi nye 'khor
ram lam po che na 'dug pa la rnag nyid kyang de gsum

gang rung na gnas pas zas blangs te zos pa na der 'gyur ro// !
//gnyis pa gral rims su ma phebs par 'brim du 'jug pa ma bzlog
pa'i sor ba shags ni/ ma bsgo bar dge slong gsum la sogs pa
mgron du bos pas zos na'o//

@100b khyim du'o/ /zhes sogs kyi skabs su gnyis las/ dang po
yod de/ mu ges nyam nga chen po yod pa'i dus su drug sdes
gzhon nu bcu bdun sde la gang du dge 'dun spyan drangs pa'i sa
der khyed cag gis zhal ta gyis la kho bo cag la zas mang du
'brim du chug cig

ces smras pa dang/ sbom dga' mo na re/ de ltar rung na ngos
kyi de ltar bgyi'o zer nas kha zas gral rim bzhin du mi 'brim
par sbyin bdag la 'di ni 'phags pa dga' bo yin te/ sde snod
gsum la mkhas pa rigs pa dang ldan pa'i grol pa'i spobs pa

can yin pas kha zas phun sum tshogs pa byin cig ces dang/ de
bzhin nyer dga' la sogs la smras pa dang/ drug sdes de dag ma
zlog par zas la longs spyad pa na gzhan dag ma dad pa la brten
nas bcas pa yin pa'i phyir/ gnyis pa yod de/ bcas

ldan dge slong gis khyim pas mgron du bos pa la dge slong mas
gral rims su ma phebs par 'grim pa ma bzlog par zas zos na der
'gyur ba yin pa'i phyir/ gsum pa bslab pa dral te khyim du
'jug pa'i sor bshags ni/ bslab pa'i sdom pa

byin pa'i khyim nas bca' ba dang bza' ba dag blangs shing zos
pa la ste/ zhes sogs kyi skabs su gnyis las/ dang po yod de/
dmag dpon sengge zhes bya ba mu stegs pa la dad pa cig bcom
ldan 'das kyis bden pa mthong ba la bkod pas longs sbyod

thams cad dge 'dun la btang ste zad pa'i tshe mu stegs pa dag
dad la dad pa'i tshe longs sbyod dang ldan pa la da lta der med
ngo zer ba la brten nas de'i khyim du shA ri'i bu dang mo'u
'gal gyi bu gnyis las gzhan pa'i dge slong gis zas mi blangs
pa'i khyim gyi

bslab pa'i sdom pa byin pa drug sdes de'i nang du zas yang
yang longs spyad nas khyim bdag 'khor bcas 'tsho bar ma nus pa
la brten nas bcas pa'i phyir/ gnyis pa yod de/ bcas ldan dge
slong gis khyim gyi bslab pa'i sdom pa byin pa'i khyim bdag la
ha 

@101a @#/ /cad mod pa ma yin pa'i zas blangs te zos pa na der
'gyur ba yin pa'i phyir/ ! //bzhi pa nags brtags pa las gyur
ba'i sor bshags ni/ shes gtso bo/ nags mnyul ba nyid la'o/ /zhes
sogs kyi skabs su gnyis las/ dang po gleng

gzhi yod de/ dgag dbye byed pa'i skabs su/ ShA kya'i bu mo dag
gis zas khyed te 'ongs pa na/ drug sdes de dag bsu ru phyin nas
nags nang na chom rkun yod med ma nyul bar lam kha gcig tu
bsdad
pa na chom rkun bas bcom pa la brten nas bcom ldan 'das kyis
bslab

pa bcas pa yin pa'i phyir/ gnyis pa yod de/ bcas ldan dge slong
gis 'jigs pa dang bcas pa'i sar nags ma nyul bar sbyin bdag
khyim pas zas blangs te zos pa na der 'gyur ba yin pa'i phyir/ !
/lnga pa bslab bya nyes byas kyi sde bshad pa la/ gos bgo ba

las 'gyur ba'i sde tshan/ khyim du 'gro ba'i sde tshan/ khyim du
'dug pa'i sde tshan/ zas blangs ba'i sde tshan/ zas za ba'i sde
tshan/ lhung bzed du spyad ba'i sde tshan chos ston pa'i sde tshan/
sgrub pa'i sde tshan/ rgyu ba'i sde tshan dang dgu las/ ! /dang po
la/ sdom las/ sham thabs

la ni rnam 'dun dang/ /stod ga logs la yang rnam gsum dang/
/zhes gsungs pa ltar bcu yod pa'i sham thabs ha cang 'jol ga ha
cang brjes pa/ phyogs gcig glang po che'i sna ltar brkyangs pa/
lte 'og tu mgo lte ba ba/ lte 'og tu sbrul mgo ltar gdengs pa/
ma

mtha'i kha mnyam par 'dug par ma bgos pa/ ska rags kyi bar du
'bras bu'i thum bu ltar 'dug par bgo ba rnams la nyes byas te
bdun dang/ chos gos ha cang brdzes pa/ ha cang 'jol ba/ zlum bor
ma bgos pa'i nyes byas gsum ste bcu yod pa'i

phyir/ ! /gnyis pa la/ sdom las/ shin tu bsdams la sogs pa lnga/
/mgo g.yogs la sogs rnam pa lnga/ /mchong ba la sogs rnam pa
lnga/ /lus la sogs pa rnam pa lnga/ /zhes gsungs pa ltar nyi shu
yod de/ khyim du 'gro ba'i tshe rkang ba rkyong ba sogs

@101b dran shes kyis ma bsdams pas 'zhug pa dang/ bla gos dang
mthang gos tshul bzhin du ma bgos pa dang/ ca co'i sgra ma
bskyangs pa dang/ mig g.yeng bag tu lta ba dang/ gnya' shing
gang yan la lta zhing byin pa la nyes byas te lnga/ mgo ras sogs
kyis g.yogs pa dang/ chos

gos pa rje ma ta 'gro ba dang/ phrag pa gnyis kar gzar ba dang/
lag pa mdun du gtang nas gnya' gong du bsnol ba dang/ ltag par
bsnol ba la nyes byas te lnga dang/ mchong zhing 'gro ba dang/
sgyid pa gnyis brkyang bsku ma byed cing 'gro ba dang/ cog pus
'gro ba dang/ rting pa brteg ste

drang pas 'gro ba dang/ gru mo gnyis snyung por byas te 'gro ba
la nyes byas te lnga dang/ lus sgyur cing 'gro ba dang/ lag pa
skyod cing 'gro ba dang/ mgo sgyur cing 'gro ba dang/ gzhan dang
phrag pa gnyis sprad cing 'gro ba dang/ gzhan dang lag pa sbrel
te 'gro ba la nyes byas te lnga rnams su

yod pa'i phyir/ ! /gsum pa la/ sdom las/ 'dug par bya ba dgu dag
dang/ zhes gsungs pa ltar dgu yod de/ khyim bsam bsgos par stan
la 'dug pa dang/ srog chags yod med ma brtags par stan la 'dug
pa dang/ lus kyi lcing pham ste 'dug pa dang/ rkang pa'i steng
du rkang pa

bzhag ste 'dug pa dang/ brla'i steng du brla bzhag ste 'dug pa
dang/ lod bu'i steng du long bu bshad ste 'dug pa dang/ rkang pa
khri la sogs pa'i 'og tu bcug cing 'dug pa dang/ byin bkang pa
gnyis par thag ring du byas te 'dug pa dang/ 'doms snang bar
byas te 'dug pa

rnams la nyes byas te dgu rnams su yod pa'i phyir/ ! /bzhi pa
la/ sdom las/ byin len bya ba brgyad rnams so/ /zhes gsungs pa
ltar brgyad yod de/ zas legs par ma blangs pa dang/ mu dang
khang chad du blangs pa dang/ tshod ma dang zan dang phye la
sogs
pa mnyam du blangs

pa dang/ gral mthar chags su ma blangs pa dang/ lhung bzed la
yid gnyed de ma blangs pa dang/ zas sngon du ma 'ongs par lhung
bzed bzed pa dang/ bya sna dang bye la sogs pa gcig gis gcig gab
pa dang/ zas kyi steng du zas kyi snod bzhag pa rnams nyes

@102a @#/ /byas te brgyad yod pa'i phyir/ ! /lnga pa ni/ sdom
las/ zas la legs par bya ba drug /tsug tsug la sogs rnam pa
lnga/ /'phru nas tha dad byed pa lnga/ /lag pa blngag la sogs pa
lnga/ /zhes gsungs pa ltar nyer gcig yod

de/ zas legs par ma zos pa dang/ kham ha cang che ba dang/ ha
cang chung ba dang/ kham ran par ma zos pa dang/ zac la kha
gdangs pa dang/ kha zas kyis bkang ste tshig smras pa la nyes
byas te drug /tsug tsug zer ba dang/ lcag lcag dang/ hu hu dang/
phu phu zer zhing

za ba dang/ lce phyir phyung ste za ba la nyes byas te lnga/
'bras chen sogs re re nas btus shing za ba/ zas la 'phya smod
byed cing za ba/ khur ba gcig nas gcig tu sbo ba/ rkan tog pa/
kham 'phror bcad nas za ba la nyes byas te lnga/ lag pa la zas
chags pa

blngag pa dang/ zas kyi snod sor mo dang lces 'jog pa dang/ lag
pa la zas chags pa sprug pa dang/ zas snod skyom pa dang/ lhung
bzed sogs lag brang la gdab pa/ zas la mchod rten gyi dbyibs
'dra bar byas te gzhoms shing za ba la nyes

byas te nyer gcig rnams yod pa'i phyir/ ! /drug pa ni/ sdom las/
'phyas la sogs pa rnam pa bzhi/ /lhung bzed la yang rnam pa bcu/
/zhes gsungs pa ltar bcu yod de/ /gzhan gyi lhung bzed la 'phyas
mi btags/ lag pa

zas kyis spags pas snod la bzung ba dang/ zas kyis spags pas chu
gtor ba dang/ khyim pa la ma dris par lhung bzed bkrus pa'i chu
sogs khyim du pho ba la nyes byas te bzhi/ lhung bzed du zas
lhag blug pa/ 'og gzhi med

par lhung bzed gzhag pa/ ngam grog gi khar gzhag pa/ g.yang sar
gzhag pa/ bang rim gzhol por gzhag pa/ 'greng ste bkru ba/ gong
gi bzhi de bzhing lhung bzed bkru ba la nyes byas te bcu gcig
yod pa'i phyir/ ! /bdun pa ni/

@102b sdoms las/ 'greng bar byed la sogs pa lnga/ /mgo g.yogs
la sogs rnam pa lnga/ /dog ba can la sod/ sa ba lnga/ /glang
chen la sogs zhon pa lnga/ /lag na dbyug pa la sod sa drug /ces
gsungs ba ltar nyer drug yod de/ 'chad pa pos 'greng te chos
'chad ba dang

nyal ba la bshad pa dang/ sa phyogs mthon po dang/ ltan bzang po
la 'dug pa sa phyogs dma' ba dang stan ngan pa la 'dug ste bshad
par mi bya'o/ /mdun du 'gro ba la phyi nas 'gro zhing bshad pa
dang/ lam nas 'gros la lam 'gram nas 'gro zhing bshad pa la nyes
byas

te lnga/ mgo ras sogs kyis g.yogs pa/ gos brdzas pa/ chos gos
phrag pa gnyis la gzar ba/ lag pa gnyis gta' gong du bsnol ba/
ltag par bsnol ba rnams la chos bshad pa la nyes byas te lnga/
skra'i thor cog can dang/ zhwa gyon pa/ cod pan bcings

pa/ phreng pa bcings pa/ thod kyis bkris pa rnams la chos bshad
pa'i tes byas te lnga/ nyan pa po glang po la zhon pa/ rta la/
khyogs na gnas pa/ sngam gnyis las gzhan pa'i bzhon pa'i steng
na 'dug pa dang/ mchil lham gyon pa rnams

la chos bshad pa la nyes byas te lnga/ lag na 'khar ba thogs pa/
'dugs/ mtshon/ ral gri/ dgra sta/ go cha gyon pa la chos bshad pa
la nyes byas drug ste nyer drug tu yod pa'i phyir/ ! /brgyad pa
dang/ dgu pa ni/

sdoms las/ na pa rnam pa bzhi rnams so/ /zhes sogs gsungs pa
ltar/ 'grer ste bshad gci byas pa dang/ chu yi nang du mi gtsang
ba dang mchil ma sogs dor ba dang/ rtsa sngon po'i phyogs su de
dor ba la nyes byas te gsum dang

rang dgar shing la mi gang tsam las mtho bar 'jogs pa la nyes
byas te bzhi rnams su yod pa'i phyir/ nyes byas de rnams 'chad
pa la/ sham thabs ci nas kyang zhes sogs gsungs/ 'di rnams kyi
gleng gzhi tshig mangs su dogs nas ma bkod do//

@103a @#/ ! /gnyis pa zhul spyir bstan pa bshad pa la/ go rims la
skyon spong phyir da spyir bstan rjes su bstan pa'i 'thad pa
bshad pa/ rang bzo'i nyes pa spang ba'i phyir du lung gang las
gsungs pa 'dir bsdus te bstan pa/ 'bras bu med ba'i dogs pa
spang pa'i phyir

du spyir bstan gyi dgos don bshad pa/ de nyid bde blag tu rtogs
pa'i phyir du spyir bstan gyi bsdus don bshad pa'o/ /dang po ni/
lung gi go rims las rnam 'byed gsungs pa'i rdzas su zhu ba
gsungs ba'i zhu ba spyir bstan nyid 'dir 'chad pas/ 'di dag rnam
'byed kyi shan

'brel ba 'ang yin te/ rgya cher 'grel las/ de ni rnam bar 'byed
pa'i shan yin pa'i phyir/ rnam par 'byed pa bstan zin pa'i 'og
tu spyir bstan pa nyid kyi rnam par 'byed pa bkod de/ zhes
gsungs/ gnyis pa ni/ spyir bstan gyi mdo chan drug cu rtsa bzhi
rnams lung las ma

gsungs pa'i skyon med de/ /rdzas bkag pa bas bzang po la yang de
dang ldan pa nyid yin no/ /'dra ba la yang ngo/ mi la dud 'gro
yang ngo/ /yan lag thams cad dang du blang du rung ba nyid ni
brten pa'i phyir mthu dang ldan pa nyid yin no/ /zhes gsungs pa
bzhi lung rnam 'byed nas btus

rdzu 'phrul gyi chos can nyid ma yin par ga ba ma yin pa'i yan
lag yin no/ /zhes pa 'dul byed las btus/ gzhan rnams zhu ba las
btus ba yin no/ /kho na re/ gzhan rnams zhu ba las btus pa mi
'thad de/ nyes pa de med pa nyid la ni 'ongs pa ni tha dad do/
/zhes pa

zhu ba na med pa'i phyir/ zer na mi 'thad de/ de bod na yod pa'i
zhu ba na ma bzhugs kyang rgya gar na yod pa'i zhu ba na yod
pa'i phyir te/ /rgya cher 'grel las/ nge zhu ba na yod par
gsungs pa'i phyir/ gsum pa na/ spyir bstan gyi dgos don yod de/
rdzu 'phrul gyi chos can nyid

ma yin pa ni reg pa ma yin pa'i yan lag yin no/ /zhes pa la dur
ma thun rtogs pa'i dgos pa yod rnam par rigs byed la ni don go
ba'o/ /zhes pa'i tshig tshogs bskyur ba'i dgos pa yod/ tshigs snga
mar sbyor ba byas pa la yang ngo/ /zhes pa la de gnyis ka'i

@103b dgos pa yod pa'i phyir/ ngang pa grub ste/ lung 'dul byed
las/ rdzu 'phrul kyi chos can nyid ma yin pa 'khrig tshig smra
ba'i dge 'dun lhag ma'i yul du dngos su bstan nas/ gzhan rnams
la dngos su ma bstan kyang bsnyen bkur bsngags pa'i dge 'dun

lhag ma sogs yul mtshan mi mthun pa sogs dgos pa'i ltung ba thams
cad la de ltar dgos par 'di la brten nas rtogs nus pa'i phyir/
gnyis pa grub ste/ lung zhu ba las/ don go ba yan lag tu dgos
pa'i ltung ba sum cu po thams cad la don go ba yan lag

tu re re nas dgos par bstan pa de/ 'dir tshig gcig gis bsdus nas
bstan pa'i phyir/ gsum pa/ tshigs snga mar sbyor ba byas pa la
yang ngo/ /zhes pa la tshig tshogs bskyung ba'i dgos pa yod de/
zhu ba las/ sor bshags yan chad kyi ltung ba sde lnga'i skabs su
rdzun

smra ba'i pham pa sogs ltung ba bzhi bcu rtsa gnyis ma gtogs
pa'i ltung ba thams cad la bslab tshigs gcig pa yan lag tu re re
nas dgos par dngos su bstan pa de/ 'dir tshigs gcig gis bsdus nas
bstan pa'i phyir/ de la rung mthun rtogs pa'i

dgos pa yod de/ lung las/ rdzun smra'i pham pa sogs ltung ba
bzhi bcu rtsa gnyis la bslab tshigs gcig pa yan lag tu dgos par
dngos su ma bstan kyang de dgos par lung 'di la brten nas rtogs
nus pa'i phyir/ bzhi pa la/ spyir bstan gyi

sgra bshad ba/ yan lag gi rtsi ba rnam par bzhag pa/ ltung ba
skyed tshul bshad pa gsum las/ dang po ni/ de la spyir bstan zhes
rjod pa'i rgyu mtshan yod de/ nyams pa dang ma chags pa ltung ba
la sbyar na nyes byas so/ /bsnyen par ma rdzogs shing rab tu
byung bas

blangs pa las 'das pa la yang ngo/ /de'i phyogs dang mthun pa la
ni yid kyi'o/ /zhes pa ltung ba thams cad la spyir bstan pa'i
rgyu mtshan gyis de ltar brjod pa'i phyir/ bslab pa byin pa na
'dra ba nyid do/ /zhes pa 'di ltung ba phal che ba la spyir
bstan pa'i rgyu mtshan

@104a @#/ /gyis de ltar brjod/ mgu ba spyad pa ni don med pa nyid
yin no/ /reg par bya ba nyid ni ma nyams pa'o/ /ga ga tshil byed
pa la yang ngo/ /sen mo dang so dang sha med pa'i rus pa dang
spu dag ni gzhan dang ldan pa nyid do/ /yang dag par len par
byed pa dag la ni

der ma zad do/ /de ni snod yin no/ /zhes pa rnams spyir bstan
gyi zhar la byung ba'i rgyu mtshan gyis de ltar brjod pa'i phyir/
gnyis pa la/ thun mong ba dang thun mong ma yin pa'i yan lag
gnyis las/ dang po la/ ltung ba kun gyi thun mong ba dang/ phal
che ba'i thun mong ba'i

yan lag gnyis/ dang po la bsla ba'i yan lag dang/ bsam pa'i yan
lag go /dang po ni/ ltung ba kun gyi thun mong ba'i bslab pa'i
yan lag de la bzhi yod de/ bsnyen rdzogs kyi sdom pa gso rung
dang ldan pa/ bslab tshigs gcig pa/ bslab rgyun gcig pa/ las

dang po ba ma yin pa rnams su yod pa'i phyir/ dang po la/ bsnyen
rdzogs kyi sdom pa gsor rung dang ldan pa'i don bshad pa/ de'i
sel ba bshad pa/ des ltung ba sde lnga'i rgyu la sbyar na cir
'gyur bshad pa dang gsum/ dang po yod de/ bsnyen rdzogs kyi sdom
pa blangs

la skyes shing/ pham pa 'chab bcas kyis ma nyams pa de de'i don
yin pa'i phyir/ gnyis pa yod de/ bsnyen rdzogs kyi sdom pa ma
blangs pa 'am blangs kyang ma skyes pa'am skyes kyang pham pa
'chab bcas kyis nyams pa rnams de'i sel ba yin pa'i phyir/

gsum pa la/ gsum yod pa'i nang nas/ dang po bsnyen rdzogs kyi
sdom pa ma blangs pa'i gang zag gi ltung bsde lnga'i rgyu la
sbyar na cir 'gyur bshad pa la/ de la khyim pa dang rab byung
gnyis las/ dang po la sdom pa gtan nas ma blangs pa'i khyim pa
dang dge bsnyen

sogs kyi sdom pa blangs pa'i khyim pa'o/ /dang po des ltung ba
sde lnga'i rgyu la sbyar na ltung ba mi skyed kyi sdig pa tsam
du 'gyur te/ khyim pa rnams la ni bsod nams ma yin pa mang ngo/
/zhes gsungs pa'i phyir/ de la ltung ba mi skyed de/ ltung ba
skyed pa la bcom ldan 'das

@104b kyis bcas pa'i 'tshams bzhag pa la ltos pa gang zhig /de la
bcas pa ma mdzad pa'i phyir/ gnyis pa des de la sbyar na ltung
ba skyed de/ mdzod las/ bcas pa'i kha na ma tho ba/ myos 'gyur
las gzhan bsrung phyir ro/ /zhes gsungs pa'i phyir/ ! gnyis pa
rab tu byung ba

gsum gyi ltung ba sde lnga'i rgyu la sbyar na dngos gzhi rdzogs
par mi skyed kyi/ nyes byas tsam zhig skyed de/ de gsum gyi
mkhan slob kyi drung du dngos su khas blangs pa las 'das na
blang 'das kyi ltung ba dang/ de'i phyogs mthun las 'das na yid
kyi bsdam bya'i nyes byas

skyed pa'i phyir ta/ bsnyen par ma rdzogs shing rab tu byung bas
khas blangs pa las 'das pa la yang ngo/ /de'i phyogs dang mthun
pa la ni yid kyi'o/ /zhes gsungs pa'i phyir/ gnyis pa bsnyen
rdzogs kyi sdom pa blangs kyang ma skyes pa'i gang zag des de la
sbyor na dngos gzhi rdzogs

par mi skyed kyi nyes byas tsam skyed de/ de'i rgyud la bsnyen
rdzogs kyi sdom pa med kyang/ de la bsnyen rdzogs kyi tha snyad
byed pa'i phyir dang/ de'i rgyud la bsnyen rdzogs kyi sdom pa
blangs pa la brten nas thob pa'i bar ma'i dge ba yod pa'i phyir
te/ ma chags pa ltung ba la sbyor na nyes byas

so; ;zhes gsungs pa'i phyir/ ! gsum pa pham pa 'chab bcas kyis
nyams pa'i dge slong gis ltung ba sde lnga'i rgyu la sbyar na
dngos gzhi rdzogs par mi skyed par nyes byas tsam zhig skyed pa
yin te/ de dgos pa drug dang ldan pa'i dgos pa sgrub nus kyi
bsnyen rdzogs kyi sdom pa de las

nyams pa'i phyir te/ rgya cher 'grel las/ dge slong pham par
gyur pa la ni sdom pa yod du zin kyang de lta mod kyi dgos pa
med pa nyid du 'gyur te/ tshangs bar mtshungs par spyod pa rnams
dang lhan gcig gnas pa dang longs spyod pa dag med pa'i phyir
ro/ /sdom pa yang dag par blangs

ba ni rnam par grol ba thob pa'i phyir yin na des rnam par grol
ba thag ring du spang ba'i phyir/ des na de'i sdom pa ni med pa
dang 'dra ba yin no/ /zhes gsungs pa'i phyir/ dgos pa drug ni/
tshul khrism ranm par dag pa'i gang zag dang chos kyi longs spyod
lhan cig byed pa dang/ de dang zang zing

@105a @#/ /gi longs spyod lhan cig tu byed pa dang/ ltung ba
phyir bcos pas 'dag ba dang/ gnas skabs lha mi'i go 'phang 'thob
ba dang/ mthar thug byang chub 'thob pa dang/ sdom pa gong ma
blangs na skye ba yin no/ /kha cig /pham pa 'chab med kyis nyams
pa'i dge slong gi ltung ba sde

lnga'i rgyu la sbyar na dngos gzhi rdzogs par mi skyed kyi nyes
byas tsam skyed zer na mi 'thad de/ bslab byin dge slong gis
ltung ba sde lnga'i rgyu la sbyar na dngos gzhi rdzogs par skyed
pa'i rten dge slong rnam dag dang 'dra ba'i phyir/ bslab ba byin
pa ni 'dra ba nyid do/ /zhes gsungs gnyis

pa la/ ltung ba sde lnga'i dngos gzhi skyed pa la sbyor ba nas
mthar thug gi bar bslab tshigs gcig pa dgos kyi/ tshigs snga ma
dge tshul gyi rten la sbyor ba byas nas/ tshigs phyi ma dge slong
gi rten la mthar thug grub pa na dngos gzhi rdzogs par mi skyed
de/ tshigs snga mar sbyor ba

byas pa la yang ngo/ /zhes gsungs pa'i phyir/ kho na re/ bsnyen
rdzogs kyi rten la rku ba'i sbyor ba byas nas dge tshul du babs
pa'i rten la mthar thug grub na dngos gzhi mi skyed par thal/ de
skyed ba la bslab tshigs gcig pa dgos pa gang zhig dge tshul dang
dge slong bslab

tshigs mi gcig pa'i phyir/ 'dod mi nus te/ phyi ma la yang de
dang ldan pa nyid yin no/ /zhes gsungs pa'i phyir na/ rtsa bar
ma khyab ste/ dge slong gi rten la dge tshul gyi bslab pa yod
pas/ bslab pa de mthar thug gi dus su dge tshul gyi bslab pa dang
bslab tshigs gcig

ba'i phyir/ gsum pa la/ yang de'i dngos gzhi skyed pa la sbyor
ba nas mthar thug gi par bslab pa'ir gyung cig pa dgos te/ bslab
rgyun snga ma la khang chen gyis byor ba byas nas bslab rgyun
phyi ma la mthar thug grub na dngos gzhi mi skyed pa'i phyir te/
nyes pa de med pa nyid la ni 'das pa ni

tha dad do/ /zhes gsungs pa'i phyir/ bzhi pa la yang de'id ngos
gzhi skyed pa la las dang po ba ma yin pa zhig dgos te/ de la
ltung ba mi skyed pa'i phyir/ de skyed pa la bcas pa'i 'tshams la
ltos pa gang zhig de la bcas pa ma mdzad pa'i phyir te/ ma bcas
pa nyid la yang ngo/ /zhes gsungs

@105b ba'i phyir/ gnyis pa de dag gis bsam pa'i yan lag ni sde
lnga skye ba la sbyor ba nas mthar thug gi bar bsam pa rang
bzhin du gnas pa dgos te/ bsam pa rang bzhin du mi gnas pa smyo
ba dang sems 'khrug pa dang sdug bsngal gyi tshor bas gzir ba
rnams la ltung ba mi

skyad pa'i phyir te/ de rnams bcas pa'i rten du mi rung ba'i
phyir te/ tha snyad du rung ba'i 'du shes las nyams pa nyid la
ni pham par 'gyur ba man chad kyi ltung ba yang mi 'byung ngo/
/zhes gsungs pa'i phyir/ gnyis pa phal che ba'i thun mong ba'i
yan lag la/ lus kyi yan lag dang

mtshan gyi yan lag gnyis las/ dang po la ltung ba phal che bi
thun mong ba'i lus kyi yan lag yod de/ lus tha mal du gnas pa de
de yin pa'i phyir te/ srog gcod bzhi pham pa dang po gnyis lha
ma dang po dang bdun ma gtogs pa'i ltung ba rnams skyed pa la
sbyor ba

nas mthar thug gi bar lus gzhan du bsgyur ba 'am mi snang bar
byas pa ma yin pa dgos te/ zhu ba las/ rdzu 'phrul gyi bal khur
na cir 'gyur nyes byas su 'gyur/ zhes dang/ dge slong gis sngags
sam sman gyis rang nyid mi snang bar byas te mi chos bla mar
gyur ba smras

na cir 'gyur sbom por gyur rok /zhes gsungs pa'i phyir/ ! bdun
po de skyed pa la lus tha mal du gnas pa mid gos te/ dge slong
gi lus gzhan du bsgyur ba 'am mi snang bar byas te ltung ba bdun
po de'i rgyu la sbyar na dngos gzhi rdzogs par skyed pa'i phyir
te/ 'gro ba

gzhan gyi rnam pa bsten pa na/ dge slong gi 'du shes yod pa
la'o/ /zhes gsungs pa'i phyir/ ! gnyis pa de'i mtshan gyi yan lag
yod de/ mtshan gzhan du ma gyur ba de de yin pa'i phyir te/ mtshan
nyid spyi 'dra'i ltung ba lnga bcu rtsa bdun ma gtogs ltung ba
gzhan rnams

skyed pa la sbyor ba nas mthar thug gi bar mtshan gzhan du ma
gyur pa yan lag tu dgos pa'i phyir/ lnga bcu rtsa bdun po skyed
pa la mtshan gzhan du ma gyur pa yan lag tu mi dgos te/ de rnams
idge slong pha ma gang rung gi rten la sbyor ba byas na mtshan
'gyur ba'i rten la

@106a @#/ /mthar thug grub na yang dngos gzhi skyed pa'i phyir/
dge slong pha ma gang rung gi rten la sbyar ba dang mthar thug
gnyis ka grub nas mchan gyur ba'i rten la dngos gzhi so na gnas
pa'i phyir/ mtshan gyur pa ni de'i zhing nyid yin no/ /zhes
gsungs pa'i phyir/

'o na mtshan nyid spyi 'dra ba'i ltung ba de rnams gang zhe na/
de yod de/ pham pa bzhi dang gnyen dang gzhi med dang/ /bag tsam
'chang ba dang ni 'jog pa dang/ /slong la sogs pa lnga dang gser
dngul dang/ /mngon mtshan lhung bzed chos gos 'tshol sogs gsum/
/rdzun dang

'don dang mi chos bden smra dang/ /sems can 'debs dang rim gnyis
phyogs gcig dang/ /'dug nas las sogs gsum dang dus men za/ /byin
len ma byas srog chags bcas spyod dang/ /gcer bu dmag dang me
reg ma rdzogs dang/ /kham bsgyur ba longs pa khrus

byed dang/ /dud 'gro rtsa dang sbed dang gzhi med dang/ /rkun ma
rko dang mgron gnyer ring 'dug dang/ /ma gus phyogs gcig chad
dang dus min 'gro/ phyi dro grong rgyu rgyal po'i pho brang 'jug
/khang ral gding dang g.yan ba bde gshegs chos/ /zhes pa rnams
yin pa'i phyir/ de rnams

la mtshan nyid spyi 'dra zhes brjod pa'i rgyu mtshan yod de/ de
rnams dge slong pha ma gnyis ka'i rten la ltung ba che chung
mnyam zhing thun mong pa yin pa'i rgyu mtshan gyis de ltar brjod
pa'i phyir/ lnga bcu rtsa bdun ma gtogs ltung ba gzhan rnams
skyed pa sbyor ba nas mthar thug

gi bar mtshan gzhan du ma gyur pa dgos te/ dge slong pha'i thun
mong ma yin pa'i ltung ba so brgyad skyed pa la sbyor ba dang
mthar thug gnyis ka dge slong nga'i rten la grub dgos/ dge slong
ma'i thun mong ma yin pa'i ltung ba brgya dang lnga bcu rtsa
gsum skyed pa la sbyor ba

mthar thug gnyis ka dge slong ma'i rten la grub dgos/ rjes su
mthun pa ming tsam gyi ltung ba thun mong ba zhe dgu skyed pa la
mtshan gang gi rten la sbyor ba byas pa'i rten de la mthar thug
grub dgos pa'i phyir/ dge slong pa'i thun mong ma yin pa'i ltung
ba so brgyad yod de/ 'byin

@106b pa nas ni bsnyen bkur bsngags pa'i bar/ khang pa khang
chen nas ni srin bal nas/ /smel ba'i bar dang lhung zed 'chang
ba dang/ /gtad pa las byung dgon pa'i 'bral spang dang/ /ras
chen skrod dang ma bskos la sogs bcu/ /yang yang za dang bsod pa
slong ba dang/ /nyal shoms

khyim na 'dug dang 'greng ba dang/ /gdengs med rtse dang ma lon
bsnyen par rdzogs/ /ras chen so sor bshags pa rnam pa gsum/ zhes
pa rnams yin pa'i phyir/ dge slong ma'i thun mong ma yin pa'i
ltung ba brgya dang lnga bcu rtsa gsum yod de/ pham pa thun
mong
ma yin

rnam bzhi dang/ /lhag ma thun mong ma yin bcu gsum dang/ /spang
ltung thun mong ma yin bcu bzhi dang/ /ltung byed thun mong ma
yin brgya dang brgyad/ /so sor bshags pa bcu dang nyes byas
bzhi/ /zhes pa rnams yin pa'i phyir/ rjes su mthun pa ming tsam
gyi ltung ba zhe

dgu ni/ bsgo ba las gyur bzhi dang 'bral ba dang/ /'khrur 'jug
pa dang len dang byin 'phrogs dang/ /bsngos pa bsgyur dang gsog
'jog spangs pa dang/ /rdzun smra 'don dang mi chos bden smra
ste/ /'di gsum ma gtogs bcu tshan dang po dang/ /'phya ba bsgo ba
khri dang gding

ba dang/ /phyis gnon 'byung ba rim gnyis phyogs gcig dang/
/spangs pa stobs dang 'dus shing za ba dang/ /gsog 'jog za dang
brdeg dang gzas pa dang/ /gnas ngan len dang zas gcod 'dun pa
bsgyur/ /sdig lta mi gtong spangs pa rjes phyogs dang/ /bsnyil
pa sdud dang

'gyod skyed ga ga tshil/ /lhan cig nyal dang dngangs byed lam
'gro dang/ /bslab pa nyer 'jog spong dang nyan rna dang/ /mi
smra 'gro dang ma gus phyogs gcig dang/ /snga dro grong rgyu
bslab pa khyad gsod dang/ /khri rkang gdal ba sor mo gsum pa
ste/ /zhes pa rnams yin

pa'i phyir/ de dag la rjes su mthun pa ming tsam gyi ltung ba
zhes brjod pa'i rgyu mtshan yod de/ dge slong pha ma gnyis ka'i
rten la dgag bya che chung mnyam bar bcas shing yul thun mong
pa
yin pa'i rgyu mtshan gyis de ltar brjod pa'i phyir// ! gnyis pa
thun mong

@107a @#/ /ma yin pa'i yan lag la/ gzhi/ bsam pa/ sbyor ba/ mthar
thug gi yan lag go/ /dang po la/ sems can gyis skyed pa dang/
sems can ma yin pas skyed pa dang/ de gnyis gas bskyed pa dang
gsum las/ dang po la/ sems can spyis skyed pa dang/ bye brag pas
skyed pa gnyis las/ dang po

ni/ pham lhag dang po gnyis lta bu/ gnyis pa la/ mis skyed pa
dang/ dud 'gros skyed pa gnyis /mi ma yin pas skyed pa'i dngos
bcas kyi ltung ba med de/ de dngos bcas kyi ltung ba 'cha' ba'i
rten du mi rung ba'i phyir/ 'on kyang de bsad pa la sbom po dang
nyes byas

skyed pa yod do/ /mis skyed pa la mi spyis skyed pa dang/ mi bye
brag pas skyed pa gnyis las/ dang po ni/ srog gcod kyi pham pa
lta bu/ gnyis pa la/ rdzun smra'i pham pa lta bu tha snyad dang
ldan pa spyis skyed/ reg pa'i lhag ma lta bu bud med kyis skyed
pa dang/ 'don pa'i lhung

byed lta bu bsnyen par ma rdzogs pa spyis skyed/ skur 'debs kyi
dge 'dun lhag ma sogs bsnyen par rdzogs pa spyis skyed/ byin
'phrogs kyi spang ltung lta bu dge slong phas skyed/ 'khrur 'jug
pa'i spad ltung lta bu dge slong mas skyed/ bsnyil ba sdud pa
lta bu dge tshul gyis skyed/

sbed pa'i ltung byed lta bu rab byung sde lngas skyed/ gcer bum
la zas byin pa'i ltung byed lta bu mu stegs byed kyis skyed/
slong ba'i spang ltung lta bu khyim pas skyed pa rnams su yod
do/ /khyim pas skyed pa de la yang khyim pa spyis skyed/ de phos
skyed/ de mos skyed/ de gnyi kas

skyed pa rnams su yod/ gnyis pa dud 'gros skyed pa la/ dud 'gro
'debs pa/ spyod pa/ gsod pa rnams so/ /gnyis pa sems can ma yin
pas skyed pa la/ 'byung bas skyed pa dang/ 'byung 'gyur gyis
skyed pa gnyis las/ dang po ni/ sa rko ba lta bu sas skyed pa/
chu la rtse ba

lta bu chus skyed pa/ me reg lta bu mos skyed pa/ rlung gis
skyed pa'i dngos bcas kyi ltung ba med kyang/ rdzi phyogs dang
rdzi phyogs ma yin par bsdad pa la sbom po skye ba yod do// !
gnyis pa 'byung 'gyur gyis skyed pa la/ rdzun smra lta bu kha na
ma tho bas skyed pa/ khang pa

@107b khang chen gyi dge 'dun lhag ma lta bu gnas kyis skyed pa
gos zhag bcu 'chang spang lta bu gos kyis/ phyi dro'i kha zas
zos pa lta bu zas kyis/ lhung bzed zhag bcu 'chang spang lta bu
snod spyad kyis/ myos 'gyur 'thung ba lta bu btung bas/ gser
dngul len pa lta bu nor gyis/ sa

bon gyis skyed pa la/ sa bon skye ba 'joms pa lta bu phyi'i sa
bon gyis/ 'byin pa'i lhag ma lta bu nang gi sa bon gyis skyed pa
rnams su yod do/ /gsum pa gnyis kas skyed pa ni/ ma byin len gyi
pham pa lta bu'o/ /'di rnams la gzhi'i yan lag ces brjod pa'i
rgyu

mtshan yod de/ 'du shes dmigs pa'i gzhi/ kun slong skyed pa'i
gzhi/ sbyor ba 'jug pa'i gzhi yin pas de ltar brjod pa'i phyir/
gnyis pa bsam pa'i yan lag la 'du shes dang/ kun slong gnyis
las/ dang po la/ nges pa'i 'du shes dang/ gzhi'i yan lag gi

rnam pa ma dor ba'i the tshom za ba'i 'du shes gnyis phyi ma 'dis
ltung ba skyed pa'i 'du shes kyi go chod de/ thams cad la the
tsom za bas zhugs pa ni bsam pa dang bcas pa yin no/ / zhes
gsungs/ gnyis pa la/ rdzogs par byed pa'i kun slong/ rigs 'byed
pa'i

kun slong/ ched du bya ba'i kun slong dang gsum las/ dang po ni/
btang pa yang ngo/ /zhes pas bstan/ gnyis pa ni/ de'i cha ni der
gtogs so/ /zhes pas bstan/ gsum pa ni/ rang gi don nyid gtso
cher yod pa'o/ /zhes pas bstan/ ltung ba thams cad la kun slong
gsum

po de tshang mi dgos te/ rang gi don go yan lag tu dgos pa'i
ltung ba so drug la de gsum tshang dgos kyang/ ltung ba gzhan
rnams la de tshang mi dgos pa'i phyir te/ de la dang po gnyis
chang bas chog pa'i phyir/ ! /

gsum pa sbyor ba'i yan lag la rang kho nas byed dgos pa dang/
gzhan la bcol bas 'grub pa gnyis las/ dang po la/ rang gi lus
kho nas byed dgos pa dang/ dag kho nas byad dgos pa dang/ gang
rung re res byed dgos pa dang/ gnyis kas byed dgas pa

@108a @#/ /dang bzhi las/ dang po ni/ pham lhag dang po gnyis lta
bu/ gnyis pa ni/ rdzun smra'i pham pa lta bu/ gsum pa ni/ byin
phrogs kyi spang ltung lta bu/ bzhi pa ni/ zas bsod pa blangs
pa'i spang ltung lta bu/ gnyis pa ni/ pham pa bar pa gnyis lta
bu'o/

bzhi pa mthar thug gi yan lag yod de/ don go ba sogs de yin pa'i
phyir te/ rnam par rig byed la ni don go ba'o/ /zhes gsungs pa'i
phyir/ ! gsum pa ltung ba skyed tshul la/ gcig tu skyed pa dang/
tha dad du skyed pa gnyis las/ dang po ni/ rnam 'byed kyi skabs
las shes so/ /gnyis

pa la/ bslab rgyun tha dad bas ltung ba tha dad du skye tshul/
bsam rgyun tha dad pas/ bcas pa tha dad pas/ kun slong tha dad
pas/ gzhi tha dad pas/ sbyor ba tha dad pas ltung ba tha dad du
skye tshul dang drug go/ dang po ni/ nyes pa de med pa nyid la ni
'ong ba ni tha dad do/ /zhes pas bstan/ gnyis

pa ni/ btang ba yang do/ /zhes bas bstan/ gsum pa ni/ gzhi gcig
la du ma nyid bcas pa la ni ji snyed pa de snyed kyi nyes par
'gyur ro/ /zhes pas bstan/ bzhi pa ni/ de'i cha ni der gtogs so/
/zhes pas bstan/ phyi ma gnyis ni/ bya ba du ma'i 'bras bu ltung
ba rnam par mi

gzhag go /zhes pas bstan/ spyi'i don bshad zin to/ /gzhung gi
don la/ ltung ba skyed pa rten gyi yan lag /sbyor pa 'jug pa yul
gyi yan lag /ltung ba tha dad du skyed tshul zhar byung dang bcas
te bshad pa/ 'du shes kyi yan lag zhar byung dang bcas te bshad
pa/

sel ba dang yan lag rnams bshad pa dang lnga/ dang po la/ bslab
pa'i yan lag zhar byung dang bcas te bshad pa/ 'du shes kyi yan
lag sel ba dang bcas te bshad pa/ tshigs kyi yan lag zhar byung
dang bcas te bshad pa/ mtshan gyi yan lag zhar byung dang bcas te
bshad

pa bzhi/ dang po la/ dngos dang zhar byung gnyis las/ dang po
la/ nyams pas ltung ba la sbyar na nyes byas su 'gyur tshul/ ma
chags pas ltung ba la sbyar na nyes byas su 'gyur tshul/ bsnyen
par ma rdzogs shing rab tu byung bas blangs pa las 'das na nyes
byas su

@108b 'gyur tshul gsum las/ dang po ni/ nyams pa dang/ zhes pa
bshad pa'i gzhi yin la/ gang nyams pa/ gang las nyams pa/ gang
gi stobs kyis nyams pa/ tshul ji ltar du nyams pa/ des sde lnga'i
rgyu la sbyar na cir 'gyur bshad pa/ dgag sgrub kyi don la dpyad
pa/

shes byed kyi lung dang sbyar ba'o/ /dang po ni/ gang nyams na
rtsa ltung kun tu spyod pa'i dge slong de nyams/ gang las nyams
na/ dgos pa drug sgrub nus kyi bsnyen rdzogs kyi sdom pa las
nyams/ gang gi stobs kyis nyams na/ pham pa 'chab bcas byung
ba'i stobs kyis nyams/ /

de la mkhas pa kha cig/ rang rgyud la tshe de la dge slong gi
sdom pa mi skye bar thal/ khyod so thar gyi rtsa ltung 'chab
bcas byung ba'i gang zag yin pa'i phyir/ zhes pa'i thal 'gyur la
khyab pa yod par thal/ gang nyams na rtsa ltung kun tu spyod
pa'i dge slong de nyams/ zhes

'chad rig pa'i phyir/ 'dod na/ dge bsnyen gyi sdom pa'i rtsa
ltung 'chab bcas byung ba'i khyim pa chos can/ der thal/ de'i
phyir te/ chos can de'i phyir/ 'dod mi nus te/ de 'dra'i khyim
pa de'i rgyud la dge bsnyen dge tshul dge slong gsum ga'i sdom pa
skye ba yod pa'i phyir

te; de'i rgyud la dge bsnyin gyi sdom pa skye ba yod pa gang
zhig /mtshungs pa'i phyir/ dang po grub ste/ sngom pa brgyad pa
las/ sdom pa slar yang blang bar bya/ /de 'dra'i dge bsnyen nyid
la'o/ /zhes gsungs pa'i phyir zer/ tshul ji ltar du nyams pa la/
mdo sde pa'i lugs

dgag pa/ bod snga rabs pa'i lugs dgag pa/ bye brag pa'i rang
lugs bzhag pa dang gsum las/ dang po ni/ 'dod pa brjod pa dang/
de dgag pa gnyis las/ dang po ni/ mdo sde pa na re/ ji ltar
nyams pa'i tshul yod de/ 'chab sems pham pa'i yan lag tu dgos pa
dang/

pham pa byung na sdom pa kun gtong ba dang/ sdom pa slar blangs
kyang mi skye ba dang/ ltung ba phyir bcos byas kyang mi 'dag
pa'i tshul gyis nyams pa'i phyir/ dang po grub ste/ dge slong
dga' ba can la 'chab sems ma gtogs pham pa'i yan lag gzhan rnams
byung

@109a @#/ /yang pham pa ma byung ba'i phyir/ lung phran tshegs
las/ dge slong dag dge slong dga' ba can gyis spyad bar bya ba
ma yin pa spyad kyang sems skad cig gis kyang ma bcabs bas pham
par ma gyur gyi 'di la ji srid 'tsho'i bar du

bslab pa sbyin par bya'o/ /zhes gsungs pa'i phyir/ 'o na de la
bslab pa byin pa la dgos pa gang yod ce na/ pham pa'i sder gtogs
kyi sbom po lci ba zhig byung bas de dag pa'i phyir du bslab pa
byin pa yin pa'i phyir/ pham pa byung na sdom pa kun gtong ba
sogs yin

te/ lung gzhi las/ dge slong gis de byas na byas ma thag tu dge
slong du mi rung bar 'gyur/ dge sbyong du mi rung/ shA kya'i
sras kyang mi rung/ dge sbyong gi dngos po las nyams par 'gyur
te/ de'i dge slong gi tshul zhig par 'gyur zhing/ nyams pa bcom
pa ltung

pa pham par gyur pa ste dge sbyong gi tshul phyir blang du med
par 'gyur ro/ /'di lta ste/ dper na shing tA la'i mgo bo bcad
na sngon por 'gyur du mi rung la/ 'phel zhing rgyas pa dang
yangs par 'gyur du mi rung ba bzhin no/ /zhes gsungs pa'i phyir/
gnyis pa la/ 'chab

sems pham pa'i yan lag tu dgos pa dang/ pham pa sdom pa'i gtong
rgyu yin pa dgag pa gnyis las/ dang po ni/ 'od ldan du lung ma
mo drangs pa las/ pham pa byung nas bslab pa byin pa gang zhe
na/ gal te mi tshangs par spyod pa byas nas/ tha na se gol gtog
pa tsam

yang 'chab pa'i sems ma skyes pa yin te/ zhes gsungs pa mi 'thad
par thal/ 'chab sems pham pa'i yan lag tu dgos pa'i phyir/ rtags
khas/ gzhan yang/ rnam 'byed las/ dge slong ma skyong mas chom
rkun pa drug cu 'chi bar byas te 'chab pa'i sems

gtan med kyang skyod ma pham par 'gyur ro/ /zhes gsungs pa mi
'thad par thal/ rtags de'i phyir/ des na dge slong dga' ba can
la pham pa ma byung bar gsungs pa ni 'chab sems dang bcas pa'i
pham pa ma byung ba la dgongs so/ /gnyis pa ni/ snga rabs pa
dang

@109b lhan cig tu dgag par bya'o/ /gnyis pa la/ 'dod pa brjod pa
dang/ de dgag pa gnyis las/ dang po ni/ snga rabs pa kha cig na
re/ ji ltar nyams pa'i tshul yod de/ 'chab sems pham pa'i yan lag
tu mi dgos pa dang/ 'chab sems ma skyes na pham pas sdom pa
gtong yang sdom bslab

blang kyang skye ba dang/ ltung ba phyir bcos byas pas 'dag pa
dang/ 'chab sems dang bcas pas pham pa byung na sdom pa slar
blangs kyang mi skye ba dang/ ltung ba phyir bcos byas kyang mi
'dag pa'i tshul gyis nyams pa'i phyir/ pham pas sdom pa gtong ba
yin te/ de mi gtong na bslab byin

dge slong gi rgyud la sdom pa yod dgos pa la de med pa'i phyir/
lung zhu ba las/ bslab byin dge slong bsnyen rdzogs ma yin par
bshad pa'i phyir dang/ phran tshegs las/ de bsnyen par ma rdzogs
pa dang 'dra bar bshad pa'i phyir/ dang po grub ste/ de nyid
las/ bsnyen par

ma rdzogs pa la lhag mar 'gyur ba mchis sam/ bka' stsal pa/ de
yod de/ bslab pa byin pa las 'gyur ro/ /zhes gsungs pa'i phyir/
gnyis pa grub ste/ de nyid las/ bslab pa byin pa ni bsnyen par
ma rdzogs pa dang 'dra'o/ /zhes gsungs pa'i phyir/ zhes zer/
gnyis pa ni/

bslab byin dge slong dge slong ma'i chos ston par ma bskos pa
des dge slong ma la chos ston na tshas ston pa'i ltung byed mi
skyed par thal/ de'i rgyud la dge slong gi sdom pa med pa'i
phyir/ 'dod na/ de bskyed par thal/ rnam 'byed las/ ji ltar tshul
khrims dang ldan pa ma yin

zhe na pham par 'gyur ba bzhi po dag las gang yang rung ba'i
ltung ba byung ba ste/ tshul khrims dang ldan pam yin pa de dge
slong ma'i ston par ma bskos pa des dge slong ma la chos ston
par byed na ltung byed du 'gyur/ zhes gsungs pa'i phyir/ gzhan
yang/ mi tshangs spyod

kyi pham pa byung ba'i dge slong la dge slong gzhan zhig gis
pham pa'i skur ba btab na skur 'debs kyi lhag ma mi skyed par
thal/ de'i rgyud la dge slong gi sdom pa med pa'i phyir/ rtags
khas/ 'dod mi nus te/ zhu ba las/ dge slong rang nyid na re/
bdag gis mi tshangs par

@110a @#/ /sbyod par byas so/ /zhes zer ba de la/ dge slog gzhan
zhig gis gsum po gzhan dag gis skur ba 'debs par byed na dge
'dun lhag ma'o/ /zhes gsungs pa'i phyir/ kho na re/ de mi skyed
par thal/ de ltar skyed pa la skur ba 'debs pa'i yul

de la dge slong rnam dag cig dgos pa'i phyir/ so sor thar pa las
dge slong dag pa ltung ba med pa la/ zhes gsungs pa'i phyir na
ma khyab ste/ de'i don skur 'debs kyi lhag ma bskyed pa'i yul
dge slong de la/ gang gis skur pa 'debs pa'i ltung ba des

ma gos pa cig dgos pa'i don to/ /yang gang zag cig la pham pa
bzhi rim gyis byung ba cig mi srid par thal/ pham pa sdom pa'i
gtong rgyu yin pa'i phyir/ rtags khas/ 'dod mi nus te/ zhu ba
las/ gcig la yang mthar 'gyur ba bzhi yang 'byung ngo/ /

zhes gsungs pa'i phyir/ de la kha cig/ ma khyab ste/ de ni pham
pa bzhi cig car du byung ba la dgongs pa'i phyir zer ba de mi
'thad de/ de bzhi cig car du byung ba mi srid pa'i phyir te/ mi
tshangs sbyod gyi mthar thug gi yan lag bcug reg nyams su myong
zhing reg pa'i

bde ba bdag gir byas pa dang/ ma byin len gyi mthar thug gi yan
lag thob blo skyes pa gnyis cig car du byung ba mi srid pa'i
phyir te/ gang zag gcig gi rgyud la rtog pa rdzas tha dad pa
gnyis cig car du 'byung ba mi srid pa'i phyir/ zhes zer/ gzhan
yang/ bslab byin

dge slong gis dgra bcom pa'i 'bras bu thob pa'i tshe sngon gyi
gral 'tshams su 'khong bas chog par bshad pa mi 'thad par thal/
de'i rgyud la dge slong gi sdom pa med pa'i phyir/ rtags khas/
'dod mi nus te/ phran tshegs las/ gang gis zag ba zad pa de'i tshe

sngon gyi gral du 'dug bar bya'o/ /zhes gsungs pa'i phyir/ gzhan
yang/ pham pa byung ba'i gang zag gis bslab pa phul ba la dgos
pa med par thal/ pham bas sdom pa kun gtong ba'i phyir/ rtags
khas/ 'dod mi nus te/ lung gtam gyi gzhi las/ pham pa'i nyas

@110b ba byung ba la des bslab pa phul te bab na/ zhes gsungs
pa'i phyir/ des na bsnyen par ma rdzogs pa la lhag mar 'gyur ba
mchis sam/ zhes sogs kyi zhu ba'i mdo des/ bslab byin dge slong
bsnyen rdzogs pa ma yin par bstan pa ma yin gyi/ mdo des/ bslab
byin dge slong gis dge

slong rnam dag la byin len chags pa dang/ nub lhag nyal bskyed
pa'i cha nas de bsnyen rdzogs ma yin pa dang 'dra bar bstan pa
tsam yin pa'i phyir/ gsum pa bye brag tu smra ba'i rang lugs la/
ji ltar nyams pa'i tshul yod de/ 'chab sems pham pa'i yan lag tu
'jog mi

dgos pa dang/ 'chab sems skyes kyang rung ma skyes kyang pham
pas sdom pa mi gtong ba dang/ 'chab sems dang bcas pa'i pham pa
byung na sdom pa slar blangs kyang mi skye ba dang/ ltung ba
phyir bcos byas kyang mi 'dag pa'i tshul gyis nyams pa'i phyir/
dang po yin te/ de ltar

lung gis 'grub/ rigs pas kyang 'grub pa'i phyir/ dang po grub
ste pham pa byung yang 'chab sems skyes pa dang/ ma skyes pa'i
dbang gis pham pa tshe 'di la 'dag pa dang mi 'dag pa'i khyad par
bshad pa de 'thad pa'i phyir te/ 'chab pa'i sems ma skyes na
mtha' las ldang

bar 'gyur ro/ /bslab pa sbyong bas so/ /zhes gsungs pa'i phyir/
gnyis pa grub ste/ bcas ldan dge slong la mi tshangs spyod kyi
mthar thug grub pa'i de ma thag tu mi tshangs spyod kyi pham pa
byung ba ma yin par thal/ mi tshangs spyod kyi pham pa'i rgyur
'chab sems dgos pa gang

zhig /mi chengs spyod kyi mthar thug dang/ 'chab sems cig car du
byung ba med pa'i phyir/ dang po grub ste/ de'i yan lag tu 'chab
sems dgos pa gang zhig/ de'i pham pa'i yan lag ces pa de de'i
pham pa'i rgyu'i don yin pa'i phyir/ gnyis pa grub ste/ bcug reg

gi bde ba nyams su myong zhig bdag gir byas ba de de'i yan lag
gang zhig/ de dang 'chab sems cig car du 'byung ba med pa'i
phyir/ zhes zer ro/ /pham pas sdom pa mi gtong ste/ pham pa
byung ba'i dge slong gi rgyud la dge slong gi sdom pa yod pa'i
phyir te/ de yod par lung

@111a @#/ /gis 'grub/ /rigs pas kyang 'grub pa'i phyir/ dang po
grub ste/ zhu ba las/ pham pa byung bas bslab pa phul ste bsnyen
par rdzogs par byas na bsnyen par rdzogs zhes bgyi 'am nye ba
'khor/ 'chab pa'i sems ma skyes pas bslab pa phul te/ bsnyen par
rdzogs

par byed na bsnyen par rdzogs zhes bya'o/ /zhes gsungs pa'i
phyir/ rigs pas 'grub ste/ pham pa byung ba'i gang zag des rang
rgyud la ltung ba 'byung ba'i rten byed/ gzhan rgyud la skur pa
'debs pa'i lhag ma skyed pa'i rten byed pa dang/ pham pa bzhi
rim gyis byung ba'i gang zag yod

pa dang/ bslab byin dge slong gis dgra bcom pa'i 'bras bu thob
pa'i tshe sngar gyi gral la 'khod pas chog pa'i phyir/ pham pa
'chab bcas byung na sdom pa blangs kyang mi skye ba sogs yin te/
pham pa 'chab bcas kyis nyams pa'i gang zag de sangs rgyas kyi
bstan pa las

'on mes tshig pa ltar slar skye mi rung gi chos can du song ba'i
phyir/ de la dgongs nas dge slong gis de byas na byas ma thag tu
dge slong du mi rung/ zhes sogs gsungs pa'i phyir/ lnga pa ni/
pham pa 'chab bcas kyis nyams pa'i gang zag des sde lnga'i rgyu
la sbyar na nyes

byas tsam skyed de/ de la dgos pa sgrub nus kyi dge slong gi
sdom pa med kyang/ de sgrub mi nus pa'i dge slong gi sdom pa yod
pa'i phyir drug pa ni/ de 'dra'i gang zag gi ltung ba la sbyar
na nyes byas tsam skyed pa de dgag pa'i don can yin nam/ sgrub
ba'i don can yin zhe na/ dgag pa'i

don can yin te/ nyams pas ltung ba sde lnga'i rgyu la sbyar na
dngos gzhi rdzogs par skyed dam snyam pa'i log rtog dgag pa'i
ched yin pa'i phyir/ bdun pa ni/ nyams pa'i ltung ba la sbyar na
nyes byas skyed pa'i shes byed yod de/ rgya cher 'grel du zhu ba
drangs pa las/ sngar ltung ba

byung ba dang brku thabs su gnas pa dang/ dang po 'khrug pa
dang/ ma ning dang dge slong ma sun phyung bas nyams par byas pa
ni nyes byas su 'gyur ro/ /zhes gsungs pa'i phyir/ gnyis pa ma
skyed pa zhes pa bshad pa'i gzhi yin la/ dang po gang la ma
skyes na dngos po

@111b dang bsam pa'i sgo nas lo nyi shu ma lon pa'i skyes pa
sogs la ma skyes/ gnyis pa gang ma skyes na/ bsnyen par rdzogs
pa'i sdom pa de ma skyes/ gsum pa gang gi stobs kyis ma skyes
na/ bsnyen par rdzogs pa'i sdom pa skye bo'i 'gal rkyen tshang
zhing mthun rkyen ma tshang

ba'i stobs kyis ma skyes/ bzhi pa tshul ji ltar du ma skyes na/
bsnyen rdzogs kyi sdom pa ji ltar khas blangs pa'i tshul gyis ma
skyes so/ /de yang dngos sam bsam pa'i sgo nas lo nyi shu ma lon
pa'i ma skyes pa la bsnyen rdzogs kyi sdom pa skye ba'i mthun
rkyen ma tshang ste/ de 'dra

ba'i skyes pa des bsnyen rdzogs kyi sdom pa skye ba'i lo tshod ma
lon pa'i phyir te/ skyes pa'i rten la bsnyen rdzogs kyi sdom pa
skye ba'i ma mtha'i lo tshad de la lo nyi shu lon pa cig dgos
pa'i phyir/ kha cig /dngos bsam gyi sgo nas lo tshad nyi shu ma
lon pa'i skyes pa la

bsnyen rdzogs kyi sdom pa dang ldan pa med par thal/ dam bca'
'thad ba'i phyir/ 'dod na/ lo bcu gnyis kyi rten la bsnyen
rdzogs kyi sdom pa thob pa'i dge slong ma lo bcu gsum lon pa'i
rten la mtshan 'gyur ba'i skyes pa'i rgyud la bsnyen rdzogs kyi
sdom pa med par thal lo/ /

'dod na/ dang po gnyis la mi nyams so/ /zhes gsungs pa mi 'thad
par thal lo/ /zer na/ rtsa bar ma khyab/ lnga pa/ bsnyen rdzogs
kyi sdom pa blangs kyang ma skyes pa'i gang zag des ltung ba la
sbyar na nyes byas skyed de/ de'i rgyud la de med kyang de
blangs pa la brten nas thob pa'i bar

ma'i dge ba yod pa'i phyir/ drug pa/ ma chags pas ltung ba la
sbyor na nyes byas su bshad pa de sgrub pa'i don can yin te/
rgya cher 'grel las/ ma skyes pa zhes bya ba ni/ sdom pa ma thob
pa ste/ zhes gsungs pa'i phyir/ bdun pa yod de/ sngon rab tu
byung ba dang/ zhes sogs

gsungs pa'i phyir/ gsum pa la/ blangs 'das kyi nyes byas bshad
pa dang/ phyogs mthun gyi nyes byas bshad pa gnyis las/ dang po
la/ blangs 'das kyi dbye ba/ bsdu pa/ mtshan nyid/ grangs nges/
go rim nges tshul/ sgra bshad pa/ rab byung gsum gyi ltung ba
thams cad nyes byas

@112a @#/ /su 'jog pa'i rgyu mtshan bshad pa'o/ /dang po la/ che
long rags rim kyi sgo nas dbye ba dang/ zhib mo rnam 'thag gi
sgo nas dbye ba gnyis las/ dang po'i sgo nas nyer lnga yod de/
dge tshul pha ma gnyis ka'i rten la thun mong du bcas pa bcu
gsum/

dge slong ma'i rten la bcas pa bcu gnyis yod pa'i phyir/ dang po
grub ste/ slob dpon gyi drung du khas blangs pa bcu/ mkhan po'i
drung du khas blangs pa gsum du yod pa'i phyir/ dang po grub
ste/ sum brgya pa las/ gang zhig srog gcod gzhan gyi nor 'phrog
dang/ /mi

tshangs spyod rdzun bcos ma'i chang la sogs/ /gar sogs phreng
sogs mal che mthon po dang/ phyi dro'i kha zas gsar dngul len pa
spong/ dge tshul brtul zhugs bcu lon brtsegs pa yin/ /zhes gsungs
pa ltar ro/ /gnyis pa grub ste/ mkhan por gsol ba

btab pa las nyams pa/ khyim pa dang mu stegs kyi rtags spong ba
las nyams pa/ rab tu byung ba'i rtags len par khas blangs pa las
nyams pa rnams yin pa'i phyir/ gnyis pa grub ste/ rtsa ba'i chos
drug dang/ rjes mthun gyi chos drug las 'das pa rnams yin pa'i

phyir/ gnyis pa'i dbang du byas na/ zhe brgyad yod de/ dge tshul
pham gnyis ka'i rten la thun mong du bcas pa so drug /dge slob
ma'i sngar gyi bcu gnyis po de yin pa'i phyir/ so drug ni/ srog
gcod bzhi dang ma byin len/ mi tshangs spyod dang rdzun du smra/
/gzhi med

bag tsam dge 'dun dbyen/ /de rjes phyogs dang khyim sun 'byin/
/shes bzhin bshes dor 'phya ba dang/ /zas cung lhag mas skur
'debs dang/ /bslab pa spong dang 'bras chen 'gebs/ /chang dang
glu gar rol mo byed/ /rgyan dang kha dog spos nyug phreng/ khri
dang stan ni che

mtho dang/ phyi dro'i kha zas gser dngul len/ nyams pa rnam pa
gsum dag ste/ /sum cu drug ni blangs las 'das/ /zhes gsungs pa
rnams yin pa'i phyir/ kho na re/ nyams pa rnam pa gsum blang
'das kyi dbye bar 'chad pa mi 'thad de/ de gsum la blangs 'das
kyi

@112b dngos gzhi mi skyed par phyogs mthun gyi nyes byas tsam
skyed pa'i phyir te/ sum brgya ba las/ de nyams phyogs mthun
yongs su spang bya ste/ /khyim pa 'dra bar sham thabs mi bgo
zhing/ kha dog gcig pa kha tshar can dkar min/ /zhes dang/ bye
brag bshad mdzod

las/ sa bon 'joms dang bslab pa'i gzhi/ /bcu po dag ni ma gtogs
pa/ /de dag phyogs dang mthun pa yin/ /zhes gsungs pa'i phyir
zer na/ de gsum gyis bshags bya'i nyes byas skyed par thal/ nyid
kyi rnam bshad las/ mu stegs can gyi rtags 'chang ba ni ji ltar

khyim pa'i rtags 'chang ba bzhin du rab tu byung bas yang dag
par blangs pa las 'das pa yin pas/ de la ni bshags bya'i nyes
byas su 'gyur ro/ /zhes gsungs pa'i phyir/ gzhan yang/ de gsum
la blangs 'das kyi nyes byas skyed par thal/ de gsum yul khyad

pang can mkhan po'i drung du gnyen po lus ngag gi dngos su
blangs pa las 'gal par zhugs pa'i phyir/ khyab pa grub ste/
bsnyen par ma rdzogs shing rab tu byung bas blangs pa las 'das
pa la yang ngo/ /zhes gsungs pa'i phyir/ 'od ldan gyi lung de'i
don rab byung gi ?

khyim pa'i rtags la sogs pa'i sham thabs mi bgo ba dang bla gos
dang mthang gos kha dog cig pa dang/ kha tshar can dang kha dog
dkar po 'chang ba rnams la phyogs mthun gyi nyes byas skyed par
bstan pa'i phyir/ bshad mdzod kyi lung des gos zhag bcu 'chang
spang

sogs ltung med du gsungs pa rnams dang/ bslab pa'i bzhi bcu po
dag tu ma gtogs pa rnams la phal cher phyogs mthun gyi nyes byas
skyed par bstan pa tsam yin pa'i phyir/ 'o na thun mong ba'i
blangs 'das yin na/ so drug po gang rung yin pas khyab po zhe
na/

ma khyab ste/ dge tshul gyi gnas kyi bla ma bsten byar yod bzhin
du ma bsten par zhag gcig 'das na bshags bya'i ltung ba skyed/
des rang gi khyim byed 'dod kyi bsam pas kun nas bspangs te
khang pa khang chen brtsigs pa la nyes byas skyed pa'i phyir/
dang po grub ste/ rgya

@113a @#/ /cher 'gral las/ mi gnas par 'dug pa las sogs pas bdag
nyid kyi tshul khrims rnam par dag par mi byed bste/ gzhi de las
byung ba'i nyes ba ni mi spyod pa'i gzhi las byung ba zhes
bya'o/ /zhes gsungs pa'i phyir/ gnyis pa grub ste/ de

nyid las/ khang pa dang khang chen brtsig pa yang 'dod pa'i gzhi
las byung ba yin ste/ 'di ltar khyim byed pa ni khyim nas rab tu
byung ba yang dag par blangs pa las 'das pa nyid yin pas dal ni
bshags par bya ba'i nyes byas su 'gyur pa yang yod/ /zhes gsungs
pa'i phyir

kho na re/ 'od ldan las/ 'dod pa'i gzhi las byung ba ni khu ba
'byin pa la sogs pa dag khang pa dang lha khang du gtogs pa ste/
zhes sogs gsungs ba mi 'thad par thal/ dge tshul gyi khang pa
dang khang chen brtsigs na bshags bya'i nyes byas skyed pa'i
phyir zer na/ ma

khyab ste/ de'i don rab tu byung ba rnam pa gsum gyi rang gi
khyim byed 'dod kyi bsam pas kun nas ma bslangs par khang pa
khang chen brtsigs na phyogs mthun gyi nyes byas skyed pa dang/
des bslangs nas de ltar brtsigs na bshags bya'i nyes byas skyed
pa lung de'i don

yin pa'i phyir/ gnyis pa la/ yul gyi sgo nas dang/ dngos po dang
bsam pa'i sgo nas dang/ byed las kyi sgo nas/ ngo bo'i sgo nas/
mi mthun phyogs su gyur pa'i sgo nas bsdu ba dang lnga'o/ /dang
po la/ mkhan po'i drung du blangs pa las 'das pa'i ltung ba
dang/ slob

dpon gyi drung du blangs pa las 'das pa'i de gnyis las/ nyams pa
rnam gsum dang po dang/ gzhan rnams gnyis pa yin no/ /gnyis pa
la/ dngos po gtso che ba'i ltung ba dang/ 'du shes gtso che ba'i
de gnyis las/ dang po ni/ mi tshangs spyod kyi pham 'dra'i ltung
ba

lta bu dang/ gzhan rnams gnyis pa yin no/ /gsum pa la/ sdom pa
gso ba'i lhag ma med pa'i ltung ba dang/ de yod pa'i ltung ba
gnyis las/ 'chab sems dang bcas pa'i pham 'dra'i nyes byas bzhi
dang po dang /gzhan rnams gnyis pa yin no/ /bzhi pa la/

@113b bcas rang gi kha na ma thob gnyis su 'du yang pham 'dra'i
nyes byas dang/ bshags bya'i nyes byas gnyis su yang 'du'o/
/lnga pa la/ tshul khrims kyi yan lag gi mi mthun phyogs su gyur
pa'i ltung ba/ bag yod kyi de dang brtul zhugs kyi mi mthun
phyogs su gyur pas ltung

ba'o; ;rtsa ba bzhi po de dang po dang/ myos 'gyur 'thung ba
gnyis pa dang/ gzhan rnams gsum pa yin no/ /de yang dge tshul gyi
rtsa ba bzhi spong dgos te/ de ma spangs na dge tshul gyi sdom pa
las nyams par 'gyur cing phyis des blangs kyang mi skyed pa'i
phyir te/ sum cu

pa las/ mi gsod la sogs bzhi rnams kyis/ /dge tshul las ni nyams
'gyur zhing/ /dge slong bzhin du dge tshul yang/ /phyis nas sdom
skye'i skal pa med/ /ces gsungs pa'i phyir/ dge tshul gyis myos
'gyur spang dgos te/ myos 'gyur 'thung ba de mchos

med la sogs pa'i nyes pa du ma'i gnas yin zhes bag med kyi gtso
bo yin pa'i phyir/ des na yan lag phyi ma rnams spong dgos te/
bro/ gar/ glu/ rol me rnams 'khor ba'i phun tshogs la zhen pas
sbug bsngal gyir gyu yin pa'i phyir te/ sum brgya ba las/

bro gar glu dang rol mo'i sgra yang rung/ brtul zhugs can gyis
rang ngam gzhan mi bya/ /de las 'khor ba la chags rgyu yin no/
/zhes gsungs pa'i phyir/ gsum pa bsnyen par ma rdzogs shing rab
tu byung bas mkhan slob gang rung gi drung du lus ngag gang
rung
gis dgos

su yang dag par blangs pa las 'das pa'i kha na ma tho ba blangs
'das kyi ltung ba'i mtshan nyid/ /blangs 'das kyi ltung ba gang
zhig byed las pham pa dang 'dra ba'i sgo nas bzhag pa pham
'dra'i nyes byas kyi mtshan nyid/ de gang zhig rang gi ngo bo kha
na ma tho ba ming rigs kyi

sgo nas so sor phyir bcos pas 'dag tu rung ba/ blangs 'das su
gyur pa'i bshags bya'i nyes byas kyi mtshan nyid/ bzhi pa ni/
thun mong pa'i blangs 'das de la bcur grang nges te/ mi mthun
phyogs las ldog pa'i rim pa de la bcur grangs nges pa'i phyir
dang/

@114a @#/ /rgya gar gyi bu bzhin du bslab pa'i gnas mang po srung
mi nus so snyam pa'i zhum pa spong ba'i phyir du de ltar bzhag
pa'i phyir/ lnga pa ni/ tshul khrims bag yod brtul zhugs kyi yan
lag gsum ni mi mthun phyogs lci rim gyi dbang du byas nas

bzhag pa yin te/ dang por rtsa ba bzhi lci/ de nas mos 'gyur
'thung ba lci/ de nas gzhan rnams de la ltos te yang ba yin pa'i
phyir/ pham 'dra'i nyes byas bzhi'i go rim 'di ltaqr 'chad pa'i
rgyu mtshan yod de/ mid ge ba bcu'i dang po bzhi'i go rim dang
bstun nas

bzhag ;phyim brtul zhugs kyi yan lag lnga'i go rim ni 'jig rten
pa rnams 'dod yin la longs spyod pa'i go rim dang mthun par
bstan pa yin te/ 'jig rten na rgyal po la sogs pa spyan 'dren
pa'i tshe dang por bro gar dang glu dang rel mo'i sgra la sogs
pas bsu

bar byed/ de'i rjes su phreng ba 'dogs pa dang/ me tog 'thor ba
dang/ spos nyug par byed/ de nas mal stan mthon po dang chen po
la bzhag nas bza' btung la sogs pa 'bul bar byed/ de nas rin po
che la sogs pa 'bul bar byed pa bzhin no/ /drug pa yod de/ mkhan
slob gang

rung gi drung du dngos su yang dag bar blangs pa las 'das pa'i
ltung ba yin pa'i rgyu mtshan gyis de ltar brjod pa'i phyir/ bdun
pa yod de/ bsnyen par rdzogs pa dang/ ma rdzogs pa'i khyad par
shes par bya ba dang/ dge tshul sangs rgyas kyi bstan pa la zhugs
pa yin kyang

rdzogs pa ma yin par shes par bya ba'i phyir du yang de dag nyes
byas su bzhag pa'i phyir/ bsnyen par ma rdzogs shing zhes sogs
la/ bsnyen par ma rdzogs pa'i rab byung ba gsum gyi sde lnga'i
ltung ba'i rgyu la sbyar na dngos gzhi rdzogs par mi skyed de/
nyes byas tsam

skyed ba'i phyir/ gnyis pa phyogs mthun gyi nyes byas bshad pa
la/ spyi don dang/ gzhung don gnyis las/ dang po la/ phyogs
mthun bde blag tu rtogs pa'i phyir du nyes med dang por bshad pa
dang/ phyogs mthun dngos bshad pa gnyis/ dang po ni/ dge slong
pha ma gang rung

@114b gi rten la dngos bcas kyi ltung ba yod la/ dge tshul pham
gang rung gi rten la ltung med du gsungs pa de la phyed dang bco
brgyad yod de/ /'chang ba dang ni bral dang/ /de bzhin sa ni rko
ba dang/ /rin chen reg dang me la reg /spangs te za bar byed pa
dang/ /byin

len ma byas za ba dang/ de bzhin gsog 'jog za da dang/ ljon
shing 'dzeg dang shing gcod dang/ /rtsa sngon mi gtsang 'dor ba
dang/ /sa bon 'joms dang bslab pa'i gzhi/ /zla 'jog dgon pa'i
bral spang dang/ /gsog 'jog byed dang dge tshul nyal/ /mi smra
'gre dang bco brgyad do/ /zhes

pa rnams yin/ /ltung med phyed ni/ dge tshul gyi khyim pa dang
lhan cig nyal na nub lhag nya la skyed la/ dge tshul nang phan
tshun la mi skyed pas/ dge tshul nyal zhes phyed du bgrang bar bya
ba yin pa'i phyir/ kho na re/ dge tshul gyi shing gcod pa dang sa
bon 'joms pa gnyis gcig tu 'dren

rigs kyi so sor 'dren mi rigs te/ dge slong gi shing gcod pa
dang sa bon 'joms pa gnyis 'ba' zhig ba dgu bcu'i nang du grangs
'dzin gcig tu 'dren pa'i phyir na ma khyab ste/ dge slong mas
shing bcad na bshags bya'i nyes byas dang/ sa bon bcom na ltung
byed du 'gyur ba'i rim

pa dang bstun nas/ de gnyis ltung ba so sor bshad pa yin pa'i
phyir/ gnyis pa phyogs mthun dngos ni/ rgya cher 'grel las/
dbyar gnas gcig tu gnas pa dang/ /gso spyod dgag dbye bcas pa
dang/ /de la sogs pa de yin no/ /blangs pa'i phyogs dang mthun
pa yin/

rtags dang slong dang snod dang ni/ /longs spyod phyar g.yeng
'dod pa dang/ /gnod pa dang ni gnas pa dang/ /mi gus mi sbyong
gzhi las byung/ /zhes gsungs pa ltar gyi bcu yod pa las/ /dang
po ni/ rtags kyi gzhi la/ lus kyi rtags/ gos kyi rtags/ snod
spyad kyi rtags gsum/ dang po la

blangs 'das ni/ skra dang kha spu tshad lhag 'jog pa ni khyim
pa'i rtags spong bar khas blangs pa las 'das pa'i bshags bya yin
te/ bar ma'i skabs su de dag spong bar khas blangs pa'i phyir/
skra ba glang gi spu ltar 'dreg pa dang/ ma gnang ba'i phyogs
kyi spu

@115a @#/ /breg pa ni/ de'i phyogs 'thun gyi nyes byas yin te/
khyim pa'i rtags kyi spang bya dang phyogs mthun pas bsdam bya'i
nyes byas su 'gyur ba'i phyir/ sgrub byed 'di 'og ma rnams la'ng
shes par bya'o/ /gnyis pa la blangs 'das ni/ khyim pa dang mu
stegs

can gyi gos 'chang ba/ bla gos mthar gos gding ba g.yang potshun
chad kyis med pa'o/ /de'i phyogs mthun ni/ khyim pa dang gos cha
'dra ba dang/ rab byung gi gos yin kyang kha dog tshad dbyibs
gyon lugs la skyon chags pa'o/ /gsum ba blangs 'das ni/ lhung
bzed

rung ba tshad ldan med pa'o/ /de'i phyogs mthun ni kha dog dang
dbyibs la sogs pa la skyon chags pa'i lhung bzed 'chang ba dang/
li dang ko ba sogs las byas pa'i snod spyad 'chad pa'o/ /gnyis
pa slong ba'i gzhi las blangs 'das ni rang don du rin po che
'char

ba lta bu'o/ /de'i phyogs mthun ni/ khyim pa nye du min pa la
slong mi rigs pa'i zas gos slong ba ltu bu'o/ /gsum pa snod
spyad kyi gzhi las blangs 'das ni/ rin po che'i khab ral byed du
bcug pa lta bu'i/ /de'i phyogs mthun ni ba so'i khab ral byed pa
lta bu'o/ /

bzhi pa longs spyod kyi gzhi las blangs 'das ni/ phyi dro'i kha
zas dang myos 'gyur 'thugn pa lta bu/ de'i phyogs mthun ni sgog
tsong la sogs pa za ba lta bu'o/ /lnga pa phyar g.yed kyi gzhi
las blangs 'das ni/ /gar sogs phreng sogs mal che mtho la longs
spyod ba'o/ /de'i

phyogs mthun ni chu la rkyal ba rtse ba las sogs pa lta bu'o/
/drug pa 'dod pa la brten pa'i blangs 'das ni/ mi tshangs spyod/
ma byin len/ khang pa khang chen gyi gzhi las gyur pa/ rduzn du
smra ba'o/ /dang po'i phyogs mthun ni khu ba 'byin pa dang/
'khrig tshig smra ba las sogs ba lta

bu'o; ;gnyis pa'i de ni/ dge slong ma khas zas gos len pa lta
bu'o/ /bzhi pa'i de ni phra ma tshig rtsu bar ga 'khyal lo/ /bdun
pa gnod pa'ig zhi las blangs 'das ni/ srog gcod/ dge 'dun gyi
dbye na/ de rjes phyogs/ /khyim sun 'byin lta bu'o/ /de'i phyogs
mthun ni/ skrod

@115b pa phyis gnon/ 'gyod pa/ ga ga tshil dang dangs par byed pa
lta bu'o/ /brgyad pa gnas pa'i gzhi las blangs 'das ni/ dge 'dun
gyi gnas nas dbyang ba'i mtshan mi mthun pa dang lhan cig gnas pa
lta bu'o/ /de'i phyogs mthun ni khyim pa dang mu stegs can la
sogs dang lhan

cig yun ring gnas pa lta bu'o/ /dgu pa ma gus pa'i gzhi las
blangs 'das ni/ mkhan slob dang/ dkon mchog sogs la ma gus par
byed pa'o/ /de'i phyogs mthun ni grogs tshangs par mtshungs par
spyod pa rnams la ma gus pa'o/ /bcu pa mi spyod pa'i gzhi

las blangs 'das ni/ gso spyod dbyar gnas dgag dbye mi byed pa
dang/ gnas kyi bla ma la ma brten par 'dug pa lta bu'o/ /de'i
phyogs mthun ni dbyar gyi dam tshig ma bsrungs pa dang dbyar ral
bar byed pa lta bu'o/ /gnyis pa gzhung don ni/ dge tshul pha ma
dang dge slong

ma rnams gyi phyogs mthun gyi bslab pa de dag las na/ yid kyi
bsngam bya'i nyes byas su 'gyur te/ sngar byas la 'gyod sems
dang/ phyin chad mi byed pa'i sdom sems tsam gyis 'dag par nus
pa'i phyir ro/ /gnyis pa zhar byung la/ bslab pa byin pa'i don
bshad pa/ de'i

ngo bo bshad pa 'dra ba'i don bshad pa dang gsum las/ dang po
la/ mdo sde'i pa'i lugs bshad pa/ snga rabs pa'i lugs bshad pa/
bye brag smra ba'i rang lugs bshad pa'i/ /dang po ni/ mde sde ba
na re/ pham pa'i sder gtogs pa'is bom po lci ba de dag pa'i
phyir du

bslab pa byin pa yin no/ /zhes gsungs/ snga rabs pa na re/ pham
pas sdom pa gtod bas sdom pa gtong byed gyi pham pa dag pa'i
phyir de byin pa yin no/ /zhes gsungs/ bye brag tu smra ba ni/
pham pas sdom pa mi gtong yang pham pas sdom pa nyams par byed
pas sdom pa

nyams byed kyi pham pa dang 'dra ba'i nyes byas 'chab med de dag
pa'i phyir du bslab pa byin pa yin no/ /pham pa dang pham 'dra'i
nyes byas 'chab bcas dag pa'i phyir du bslab pa ni mi sbyin de/
de ltar byin pa la dgos pa med cing/ de ltar byin kyang rtsa
ltung 'chab bcas

@116a @#/ /tshe 'di la dag par mi nus ba'i phyir/ dang po grub
ste/ pham pa dang pham 'dra'i nyes byas 'chab bcas byung ba'i
gang zag de/ tshul khrims rnam par dag pa'i gang zag rnams kyi
chos dang zang zing gnyis ka'i sgo nas spang bar bya ba yin pa'i
phyir te/ tshul

khrims 'chal ba bskrad par bya'o/ /'di la dge 'dun dbang ngo/
/de yal bar mi 'dor ro/ /zhes gsungs pa'i phyir/ gnyis pa grub
ste/ rtsa ltung 'chab bcas byung ba'i gang zag de sangs rgyas
gyi bstan pa las bon mes tshig pa ltar slar skye mi rung du byas
pa'i phyir/ gnyis

pa ngo bo la/ snga rabs pa rnams na re/ sdom pa gtong byed kyi
pham pa dang pham 'dra'i nyes byas 'chab med dag pa'i phyir byin
pa'i sdom pa yin no/ /zhes gsungs/ bye brag smra ba na re/ sdom
pa nyams byed kyi pham pa dang pham 'dra'i nyes byas 'chab med
dag pa'i phyir/ sa gzhan

na gnas pa spyod/ tshe ji srid 'tsho'i bar du gsol bzhi'i las kyis
byin pa'i bar ma'i dge ba yin par 'dod do/ gsum pa la/ gang
'dra/ gang dang 'dra/ gang las 'dra/ tshul ji ltar du 'dra ba'o/
/dang po ni bslab byin dge slong de 'dra/ gnyis pa ni/ dge slong
rnam dag dang 'dra/ gsum

pa ni/ ltung ba spa lnga skyed pa'i rten du 'dra/ bzhi pa ni/
dge slong rnam dag des ltung ba sde lnga'i rgyu la spyar na
dngos gzhi rdzogs par skyed pa ltar du bslab byin dge slong des
sde lnga'i rgyu la sbyar na dngos gzhi rdzogs par skyed pa'i
rten du byed pa la 'dra'o/ /dmigs kyis bsal

na ltung ba thams cad skyed pa ma yin te/ 'dun pa phyir sgyur
gyi ltung ba dang/ las kyi nang nas mi smra bar 'gro ba'i ltung
byed dang/ dgra bcom bden smra'i ltung ba rnams mi 'byung ba'i
phyir/ de la dang po gnyis mi 'byung ste/ de las kyi kha skong
du mi 'os pa'i phyir/ gsum

pa mi 'byung ste/ des dgra bcom pa thob pa na bslab byin las
grol ba'i phyir/ 'dra yul gyi dge slong rnam dag la kha cig
/'chal tshul kyi dri mas cung zad kyang ma gos pa zhig dgos ste/
rnam dag gi tshul khrims la de dgos pa'i phyir te/ mdzod las/
rnam dag yon

@116b tan bzhi ldan no/ /'chal khrims de rgyus gnam byung/ /de
gnyen po dang gzhi la brten/ /zhes gsungs pa'i phyir zer na/ 'o
na bsnyen rdzogs kyi sdom pa rnam dag dang ldan pa'i dge slong
de la 'chal tshul gyi dri mas ma gos pa zhig dgos par thal/ dam
bca'

'thad pa'i phyir/ 'dod na/ bsnyen rdzogs kyi sdom pa rnam dag
dang ldan pa yang yin sa gzhan na gnas pa yang yin pa'i gzhi
mthun med par thal lo/ /'dod na/ de yod par thal/ dge slong chos
drug ldan gyis khyad chos su bsnyen rdzogs kyi sdom pa rnam dag
dang ldan

pa dang/ sa rang bzhin du gnas pa gnyis so so smros ba la dgos
pa yod pa'i phyir/ gzhan yang/ lhag mas gos pa'i dge slong rnam
dag mi srid par thal/ dam bca' 'thad pa'i phyir/ 'dod mi nus te/
'di ba'i tshul khrims pa tshul khrims 'tshal

pa'i skabs med do/ /zhes pa'i rgya cher 'grel gyi tshig des lnga
phrugs kyi yan lag gi tshul khrims rnam dag de la rang bzhin gyi
kha na ma tho bsam gos ba dgos par bstan gyi bcas rkyang gi lhag
ma sogs kyi gos ba yang yod do/ /zhes shugs la bstan pa'i

phyir/ kha cig /bslab byin dge slong de dge slong rnam dag yin
gsungs pa mi 'thad de/ byang chub gzhung lam gyi shog bu bzhi
bcu zhe dgu pa'i rgyab shog las/ byang sems la ni slar blangs
pas sdom pa rnam dag skye la/ theg pa dman pa'i rten la na slar

blangs kyang dge slong gi sdom pa rnam dag mi skye ba'i phyir
te/ yul rten la ltos nas bsnyen par rdzogs pa dang ma rdzogs pa
gnyis kar gsungs pa'i phyir/ zhes dang/ TIk chen rin chen
phreng ba'i shog bu brgya dang nga gcig pa'i rgyab shog las
kyang/ sdom pa

mchog dang ldan pa dge slong lta bu dang/ mchog min pa bslab pa
sbyin pa lta bu de gcig pas dge slong gi byin len gsog 'jog gis
bslab byin gyi byin len gsog 'jog tu 'gyur ro/ /zhes gsungs pa
rnams la sbyin gyis las thugs rtog mdzad pa zhu/

@117a @#/ /rang lugs la de yod de/ pham pa 'chab bcas dang 'chab
med gang gis kyang ma gos pa'i dge slong de 'dra yul gyi dge
slong rnam dag yin te/ tshul khrims rnam par dag pa dang ldan
pa'i dge slong yan lag tu dgos pa'i skabs thams cad du

pham pas ma gos pa dgos par bstan pa'i phyir ro/ /gzhung don ni/
bslab byin dge slong chos can/ dge slong rnam dag dang 'dra ba
yin te/ de dang ltung ba sde lnga skyed pa'i rten du 'dra ba yin
pa'i phyir/ de chos can/ khyod kyis dge slong rnam dag la byin
len chags pa

la sogs pa'i cha nas bsnyen par ma rdzogs pa dang ldan pa nyid
kyang yin te/ de la khyod kyi byin len chags pa'i phyir/ bslab
byin dge slong nang phan tshun gyi byin len mi 'chags te/ de
rnams zas kyi cho ga gcig pa'i phyir/ bslab byin dge slong phas
dge slong ma la byin

len mi 'chags te/ des bslab byin dge slong la byin len mi 'chags
pa'i phyir te/ de la ni ma yin no/ /dge slob ma la yang ngo/
/zhes gsungs/ /gsum pa la sde lnga'i dngos gzhi skyed pa la
sbyor ba dang dngos gzhi gnyis ka dge slong gi rten la grub dgos
te/ khyim pa dge

bsnyen dge tshul gang rung gi rten la sbyor ba byas nas dge slong
gi rten la dngos gzhi grub kyang ltung ba 'og ma na smad pa'i
phyir te/ tshigs snga mar sbyor ba byas pa la yang ngo/ /zhes
gsungs pa'i phyir/ dge slong gi rten la sbyor ba byas nas khyim
pa 'am dge tshul du babs pa'i rten la

dngos gzhi grub kyang de mi skyed de/ de skyed pa la bsnyen
rdzogs pa yin dgos pa'i phyir/ 'on kyang bsnyen rdzogs kyi rten
la mi gsod pa'i sbyor ba byas te dge tshul du babs pa'i rten la
dngos gzhi grub na/ srog gcod kyi pham 'dra'i ltung bar 'gyur
te/ bsnyen rdzogs kyi rten la dge

tshul gyi sdom pa dang ldan pa'i phyir/ phyi ma la yang de dang
ldan pa nyid yin no/ /zhes gsungs/ gnyis pa zhar byung ni srin
bal dang lug gi bal nag po 'ba' zhig la gdan byed pa bkag pas/
mon dar sogs de las bzang ba dang/ de dang cha 'dra ba sogs
kyang

@117b bkag pa yin te/ rdzas bkag pa bas bzang po la yang de dang
ldan pa nyid yin no/ /'dra ba la yang ngo/ /zhes gsungs/ dge
slong pha mar mtshan 'gyur ba'i dbang gis/ ma byin len gyi pham
pa lta bu mtshan nyid spyi 'dra'i ltung ba thun mong ba yod med
che chung du 'gyur ba med de

de gnyis ga ma byin len sogs kyi zhing ste rten du mtshungs pa'i
phyir/ mtshan gyur pa ni de'i zhing nyid yin no/ /zhes gsungs/
mtshan gyur pa'i dbang gis sbyor ba byed bzhin pa'i ltung ba che
ba chung bar 'gyur ba yod de/ dge slong mas skyes pa'i lus la
reg pa'i

sbyar pa sbom po/ dge slong gis skyes pa gzhan gyi lus la chags
sems kyis reg pa'i sbyor ba la nyes byas yin cing dge slong mas
skyes pa'i lus la reg pa'i sbyor ba byed bzhin pa'i ding nas
mtshan 'gyur te/ skyes pa gzhan gyi lus la reg pa'i sbyor pa grub

pa na nyes byas su 'gyur gyi spom por mi 'gyur ba'i phyir/ mtshan
'gyur ba'i dbang gis sbyor ba byed bzhin pa'i nyes pa chung ba
che bar mi 'gyur te/ dge slong gis skyes pa gzhan gyi lus la reg
pa'i sbyor ba rtsom bzhin pa'i ngang nas mtshan 'gyur te/ skyes
pa

gzhan gyi lus la reg pa'i sbyor ba grub na nyes byas su 'gyur
te/ na smad pa'i don gyi sbyor ba gang yin pa nyid las so/ /zhes
gsungs/ de'i dbang gis mtshan snga ma snga ma grub zin pa'i sbyor
ba'i ltung ba che ba chung bar 'gyur gyi chung ba che ba mi
'gyur te/ dge

slong ma reg pham gyi sbyor ba can mtshan gyur pa'i tshe dge 'dun
lhag mar gtogs pa'i nyes byas su 'gyur ba'i phyir te/ byas pa ni
de nyid yin no/ /zhes gsungs so/ /mtshan gyur pa'i dbang gis
dngos gzhi'i ltung ba mnyam par 'gyur ba yod kyang chung ba che

bar mi 'gyur te/ dge slong ma khu ba 'byin pa'i ltung byed can
mtshan 'gyur ba na 'byin pa'i ltung byed can du 'gyur gyi 'byin
pa'i lhag ma can du mi 'gyur ba'i phyir te/ na smad pa ni rang
nyid do/ /zhes gsungs/ mtshan 'gyur ba'i dbang gis ltung ba med
pa yod par

@118a @#/ /mi 'gyur te/ dge slong mas lhung bzed lhag po zhag dgu
las lhag pa bcangs pa na spang ltung du 'gyur ba dang/ dge slong
gis bcu las lhag pa bcangs na spang ltung du 'gyur kyang/ dge
slong gi rten la zhag dgu bcangs pa'i zhag dgu ba de nyid la dge
slong mar

mtshan 'gyur kyang spang ltung du mi 'gyur te/ sngar gyi zhag dgu
po de dge slong mar mtshan 'gyur ba'i zhag de'i cha shas su ma
gtogs pa'i phyir te/ zhag bcur ma lon pa ni cha nyid do/ /zhes
gsungs pa'i phyir/ mtshan 'gyur ba'i dbang gis ltung ba thun mong
ma yin pa rnams yod pa

med par 'gyur te/ dge slong bud med la chos ston pa'i ltung byed
can dge slong mar mtshan 'gyur ba na ltung byed de gtan med du
'gyur/ dge slong ma 'khor mang po 'jog pa'i ltung byed can mchan
'gyur ba na ltung ba de gtan med du 'gyur ba'i phyir te/ zhing
ma yin

pa nyid la ni nyams so/ /zhes gsungs/ dge slong pha ma la lhag
ma bcabs pa'i nyes byas dang ldan pa yin na/ mtshan 'gyur rjes su
de dag pa'i phyir du spo mgu spyod mi dgos te/ de'i dbang gis
bcabs nyes nyams pa'i phyir te/ de la nyes pa bcabs pa ma yin

pa ma yin no/ /zhes gsungs/ dge slong pha'i lhag ma'i dngos gzhi
dag pa'i phyir du mgu ba spyad pa mtshan 'gyur ba'i dbang gis don
med par 'gyur ba yod de/ dge slong pha'i lhag ma'i dngos gzhi
dag pa'i phyir du mgu ba zhag drug spyod dgos shing /

dge slong mas zla ba phyed spyod dgos pa yin la/ zhag lnga'i bar
du mgu ba spyad pa'i dge slong pha dge slong mar mchan 'gyur ba
na mgu ba zla ba phyed spyod dgos /zhag bcu bzhi'i bar du mgu ba
spyod pa'i dge slong ma dge slong phar

mtshan gyur pa na slar zhag drug gi bar du mgu ba spyod dgos pa'i
phyir te/ mgu ba spyad pa ni don med pa nyid yin no/ /zhes
gsungs/ 'das ma 'ongs da ltar gyi lus gsum las da ltar gyi lus
ltung ba'i byed pa po yin te/ de'i tshe'i lus byed pa po nyid yin
no/ /zhes

@118b gsungs/ de'i don yang dge slong gis skyes pa gzhan dang
sha la reg pa dang bcas te mtshan mo lhan cig nyal na dngos gzhi
la sbom po/ sbyor ba la nyes byas/ des bud med dang sha reg pa
dang bcas te lhan cig nyal na/ dngos gzhi la lhag ma sbyor ba la
spom po/ dge slong mas sha reg

pa dang bcas te bud med gzhan dang lhan cig nyal na dngos gzhi
la ltung byed/ sbyor ba la nyes byas/ des skyes pa dang sha reg
pa dang bcas te lhan cig tu nyal na/ dngos gzhi la pham pa/
sbyor ba la sbom po/ des na ltung ba skyes pa'i dus de'i tshe
gang la ltung ba 'byung ba'i de'i da ltar gyi

lus ltung ba'i byed pa po yin gyi 'das ma 'ongs kyi lus de ma
yin te/ dper na/ dge slong gis skyes pa gzhan dang de ltar nyal
ba na mthar thug grub pa dang dus mnyam du skyes pa de bud med
du mtshan gyur pa na/ dge slong la sbyor ba'i dus su nyes byas
dang/ dngos gzhi'i dus

su lhag mar 'gyur ba'i phyir/ ltung ba skyed pa'i dus kyi lus da
ltar ba ltung ba'i byed pa po gang zhig /sbyor ba'i dus su lus
de nyid skyes pa'i lus yin/ dngos gzhi'i dus su mtshan 'gyur zin
pa'i phyir/ de bzhin du de gnyis ka dngos gzhi grub pa dang dus
mnyam du bud med du

mtshan 'gyur na/ sbyor ba la nyes byas/ dngos gzhi la ltung byed
yin no/ /dge slong gis bud med gzhan dang de ltar nyal ba na/
mthar thug grub pa dang dus mnyam du bud med de nyid skyes par
mtshan 'gyur na/ sbyor ba la reg pa'i lhag mar gtogs pa'i sbom
po/ dngos gzhi la yang

sbom po/ de bzhin du dge slong mas bud med gzhan dang de ltar
nyal ba na mthar thug grub pa dang dus mnyam du bud med de nyid
skyes par mchan 'gyur na/ sbyor ba la nyes byas/ dngos gzhi la
reg pham yin la/ gnyis ka dngos gzhi'i dus su skyes par mtshan
'gyur na/ sbyor

ba la nyes byas dngos gzhi la sbom po/ dge slong mas skyes pa
gzhan dang de ltar nyal ba'i sbyor ba byed pa na/ dngos gzhi
grub pa dang dus mnyam du skyes pa de nyid bud med du mtshan
'gyur na/ sbyor ba la sbom po/ dngos gzhi la ltung byed yin no/
/rang 'gro ba gang du gtogs

@119a @#/ /ba'i lus de nyid ltung ba'i byed pa po yin gyi/ pha ma
la sogs pa'i rigs rgyud ltung ba'i byed pa po ma yin te/ dud
'gro 'am mi ma yin pa las skyes pa'i mi bsad pa na pham pa dang/
mi las skyes pa'i dud 'gro 'am mi ma yin pa bsad na rim

pa bzhin du ltung byed sbom por 'gyur ba'i phyir te/ gzhan las
skyes pa ni rang gi 'gro ba nyid ma yin pa ma yin no/ /zhes
gsungs/ shes rgyud gang du gtogs pa'i lus de nyid ltung ba'i
byed pa po yin gyi/ 'gro ba gzhan gyi kha dog dang dbyibs sogs
bzung ba'i

lus 'di nyid ltung ba'i byed pa po ma yin te/ 'gro ba gzhan gyi
rnam pa brten pa bsad pa la yang ngo/ /zhes gsungs/ dper na/
mi'i 'gro ba bas rdzu 'phrul gyi sgo nas 'gro ba gzhan gyi tshul
bzung ba la/ mi 'am mi ma yin pa 'am dud 'gro 'am sems can ma
yin par

'du shes pa'i sgo nas bsad na mthar thug thams cad la pham pa
yin te/ dngos gzhi'i dus su mi'i 'gro ba pa bsad pa'i phyir/ de
dag gi sbyor ba la khyad par yod de/ dang po'i sbyor ba la sbom
po/ phyi ma gsum gyi sbyor ba la sbom po dang ltung byed nyes
byas kyi

sbyor bar 'gyur ba'i nyes byas su 'gyur ba'i phyir/ de bzhin du
lha'i 'gro ba pas de ltar du bsgyur ba la de dag tu 'du shes
pa'i sgo nas bsad na mthar thug sbom por 'gyur te/ dngos gzhi'i
dus su lha'i 'gro ba pa bsad pa'i phyir/ de bzhin du dud 'gro la
de

ltar bsad na mthar thug ltung byed/ sems can ma yin pa tho yor
lta bu la de 'du shes pa'i sgo nas bsad na dngos gzhi'i dus su
ltung ba med de/ bsad bya gang yang ma bsad pa'i phyir/ sbyor ba
dang po la sbom po/ phyi ma gsum la nyes byas yin te/ sbyor ba
la

'du shes gtso bo yin pa'i phyir/ mir 'phen byed kyi las kyis
'phangs pa'i mi'i lus de nyid srog gcod kyi pham pa'i byed pa po
yin te/ slob pa'i mi'i rten la gsod pa'i sbyor ba byas nas/ dgra
bcom thob pa'i tshe mthar thug grub na srog gcod kyi pham pa

@119b ji lta ba bzhin bskyed de/ sngon slob pa'i gnas skabs kyi
lus dang/ phyis dgra bcom pa'i 'bras bu thob lus gnyis 'phen
byed gcig gis 'phangs pa'i mi'i lus su rigs gcig pa'i phyir te/
gnas skabs gzhan thob pa ni gzhan nyid ma yin no/ /zhes gsungs/

slob pa'i rten la gsod pa'i sbyor ba gros byed pa rtsams nas
dgra bcom pa'i rten la thar thug grub pa la mtshams med du 'gyur
ba yod par rgya cher 'grel las gsungs/ mdzod las/ bsnun 'og dgra
bcom pa la min/ /zhes slob pa'i rten la 'chi bar des pa'i

mtshon bsnun pa'i 'og tu dgra bcom thob pa la mchams med du mi
'gyur bar bstan no/ /bslab rgyun tha dad pas ltung ba tha dang
du 'gyur ba yod de/ dang por lo drug gi nang du stan nang tshangs
can gnyis pa byed par brtsams/ de nas nyes ba de med pa'i khyim
par

babs/ slar yang bsnyen par rdzogs te/ gnyis pa byed pa'i sbyor
ba'i ltung ba tha dad pa gnyis dang/ dngos gzhi'i ltung ba gcig
'byung bas bshags pa tha dad du byed dgos pa'i phyir te/ nyes pa
de med pa nyid la ni 'ong ba ni tha dad do/ /zhes gsungs/ kun
slong bsam

rgyun tha dad las ltung ba tha dad du 'gyur ba yod de/ dang por
tshad lhag gi khang pa byed pa'i sbyor ba brtsams nas de rjes
de'i bsam pa btang slar yang de byed 'dod kyi bsam pas rdzogs
par byed na/ sbyor ba'i ltung ba tha dad pa gnyis/ /dngos gzhi
lhag ma gcig byung bas

bshags pa tha dad du byed dgos pa'i phyir te/ btang ba yang ngo/
/zhes gsungs/ bcas pa'i rigs tha dad pas ltung ba tha dad du
'gyur ba yod de/ dge slong gis phyi dro sgog pa byin len ma byas
par zos pa la gzhi sgog pa de la brten pa'i ltung ba gsum skyed
pa'i phyir te/

gzhi gcig la du ma nyid bcas pa la ni ji snyed pa de snyed kyi
nyes par ro/ /zhes gsungs/ kun slong gi rnam pa tha dad pas
ltung ba tha dad du 'gyur ba yod de/ cha can gyi ltung ba dang
de'i char gtogs pa'i ltung ba rnams kun slong gi bsam pa'i dbang
gis ltung ba tha dad du 'gyur ba

@120a @#/ /yod pa'i phyir te/ mi tshangs spyod kyi pham pa dang/
/bu ba 'byin pa'i lhag ma gnyis cha can gyi ltung ba dang char
gtogs kyi ltung ba gnyis ka yin kyang ltung ba tha dad du bshad
pa'i phyir te/ de'i cha ni der gtogs so/ /byung ba thams cad la
mtha' nyid ma gtogs

pa ni dge 'dun lhag ma'o/ /zhes gsungs/ des na cha can gyi ltung
ba dang/ cha'i ltung ba'i khyad par yod de/ pham pa bzhi/ bka'
blo mi bde ba'i lhag ma/ gsog 'jog za ba'i ltung byed rnams cha
can dang/ pham pas skur ba 'debs pa'i lhag ma dang/ dbyen byed
kyi lhag

ma gnyis ka yin/ gzhan rnams cha'i ltung ba kho na yin pa'i
phyir/ mi tshangs spyod kyi char gtogs ni 'byin pa'i lhag ma
dang/ gnyen byed kyi lhag ma sogs yin/ rku ba'i char gtogs ni
byin phrogs dang bsngos bsgyur sogs yin/ gsod pa'i char gtogs ni
sa bon

dang skye ba 'jig pa'i ltung byed dang srog chags dang bcas pa'i
chu la longs spyod pa'i ltung byad rnams yin/ rdzun smra'i char
gtogs ni/ dgra bcom bden smra'i ltung byed dang/ pham pas skur
ba 'debs pa'i lhag ma dang/ dbyen gyi lhag ma rnams yin/ pham
pas skur pa

'debs pa'i char gtogs ni lhag mas skur pa 'debs pa'i ltung byed
yin/ dbyen byed kyi lhag ma'i char gtogs ni 'dus shing za ba'i
ltung byed yin/ bka' blo mi bde ba'i char gtogs ni bslab pa nye
bar 'jog pa spong ba de yin/ gsog 'jog za ba'i ltung byed kyi

char gtogs ni lag nya 'tshams bcos sogs yin no/ /des na 'byin
pa'i lhag ma chos can/ mi tshangs spyod kyi pham pa'i char gtogs
yin te/ de dang dgag bya rigs gcig cing kun slong rigs tha dad
pa yin pa'i phyir/ sbyor ba tha dad pas ltung ba tha dad du
'gyur

pa yod de/ sbyor ba tha dad pa'i sgo nas lan du ma brkus pa la
mthar rin thang tshang yang dngos gzhi'i dus su pham par mi 'gyur
gyi/ spyor ba nyes byas so so dang dngos gzhi'i dus su sbom po
'byung bas bshags pa tha dad du byed dgos pa'i phyir/ bya ba du
ma'i

@120b 'bras bus ltung ba rnam par mi gzhag go /zhes gsungs/ gang
zag gzhan gyis phal cher byas pa'i khang pa dang gdan la sogs pa
dge slong rang nyid de'i 'phro byed pa la ltung ba'i dngos gzhi
mi skyed de/ phyed byas pa la byed pa ni phyed nyid do/ /zhes
gsungs/ ltung ba de skyed pa

la gang dgos pa'i yan lag ma tshang ba de la ltung ba 'og ma na
smad pa yin te/ kha na ma tho ba na smad pa dag gis cha nyid ni
na smad pa yin no/ /zhes gsungs/ sde lnga'i dngos gzhi skyed pa
la the tshom za bas kyang 'du shes kyi go chod pas de la der 'du
shes pa mi dgos te/ 'di mi dang

dud 'gro gang yin snyam pa'i the tshom dang bcas pa'i sgo nas
bsad pa la/ mi'i 'gro ba pa yin na pham pa dang/ dud 'gro yin na
ltung byed du 'gyur ba'i phyir te/ thams cad la the tshom za bas
zhugs pa ni bsam pa dang bcas pa yin no/ /zhes gsungs/ sbyor
ba'i ltung ba skyed pa

la 'du shes gtso bo yin gyi dngos gzhi gtso bo ma yin te/ dud
'gro la ni mir 'du shes pa'i sgo nas srog bcad na sbyor ba la
sbom po/ /dngos gzhi la ltung byed/ mi la dud 'gror 'du shes
pa'i sgo nas bsad na/ sbyor ba la nyes byas/ dngos gzhi la pham
par 'gyur ba'i phyir te/

sbyor ba la ni 'du shes yan lag yin no/ /zhes gsungs/ dngos
gzhi'i ltung ba skyed pa la gang bsam pa'i dngos po de nyid yan
lag tu dgos te/ mi gsad par bya'o snyam du bsams nas mi ma yin
pa bsad pa dang/ mi ma yin pa gsad par bya'o snyam du bsams nas

mi bsad pa la dang po'i sbyor ba sbom po'i nyes byas su 'gyur/
dngos gzhi'i ltung ba gtan med pa'i phyir/ gnyis pa sla/ bsam pa
la ni de nyid do/ /zhes gsungs/ mi tshangs spyod khu ba 'byin pa
la gang bsam pa'i dngos po yan lag tu mi dgos te/ dkar sham la
ni

mi tshangs par spyad par bya'o snyam du bsams nas sngo bsangs la
de spyad pa dang/ lag bas khu ba dbyung bar bya'o snyam du bsam
nas yan lag gzhan la khu ba 'byin pa la dngos gzhi skyed pa'i
phyir te/ mi tshangs par spyod pa dang khu ba 'byin pa gnyis la
ni der ma zad

@121a @#/ /do; ;zhes gsungs/ rdzun smras pa la gang bsam pa de
yan lag tu mi dgos te/ lha sbyin la rdzun smra snyam du bsam nas
de las gzhan pa la smras na ltung bskyed pa'i phyir te/ mi bden
pa la ni nyan pa pa yang do/ /zhes gsungs/ mi tshangs

spyod 'khrig tshig smra ba la sogs pa'i yul dud med la/ 'khrig pa
bsten pa'i yul mthu dang ldan pa zhig dgos te/ yan lag thams cad
dang du blang du rung ba nyid ni bsten pa'i phyir mthu dang ldan
pa nyid yin no/ /zhes gsungs/ ltung ba gcig skyed pa la

yan lag 'di dang 'di dgos so zhes bshad pa'i nang nas yan lag
gang rung gcig ma tshang na na smad du 'gyur zhing/ gnyis la sogs
du ma ma tshang na ches na smad du 'gyur te/ mi yan lag tu dgos
pa la dud 'gro yan lag tu byas na ches na smad du 'gyur

ba'i phyir te/ 'og ma dag la ni gzhan la na smad pa nyid do/ /du
ma ma tshang ba la ni de bas kyang ngo/ /mi la dud 'gro yang ngo/
/zhes gsungs/ bud med kyis bskyed ba'i ltung ba mi tshangs sbyod
reg pa bsnyen bkur bsngags pa la sogs ba'i nang nas 'khrig tshig
smra ba

la sogs la rdzu 'phrul ma thob ba'i bud med yan lag tu dgos te/
rdzu 'phrul dang ldan ba'i bud med la 'khrig tshig sogs smras
kyang dngos gzhi ji lta ba bzhan mi skyed ba'i phyir te/ rdzu
'phrul gyi chos can nyid ma yin pa ni reg pa ma yin pa'i yan lag
yin no/ /zhes gsung

reg pa'i lhag ma dang 'byin pa'i lhag ma dang ga ga tshil byed
ba'i lhung byed dag la reg bya reg byed gnyis ka ma nyams pa
dgos te/ nyams na sel bar 'gyur ba'i phyir te/ rag par bya ba
nyid ni ma nyams pa'o/ /ga ga tshil byed pa la yang ngo/ /zhes
gsungs/ sen mo la

sogs pa yang nyams pa dang cha 'dra bas reg pa'i ltar ba ji lta
ba bzhin mi skyed de/ sen mo dang so dang sha med pa'i rus pa
dang spu dag ni gzhan dang ldan pa nyid do/ /zhes gsungs/ gzhi
med bag tsam dge 'dun dbyen/ /mi chos dbyen byed khang pa dang/
/shes bzhin

@121b bshes ngor 'phya ba dang/ sdig lta lhag mas skur 'debs so/
/zhes ba 'di dag skyed pa la spyir mi yin ba/ bsam pa rang bzhin
du gnas pa/ ma ning dang mtshan gnyis ma yin ba/ smra shes don go
ba ste tha snyad lnga ldan yan lag tu dgos te/ mi'i 'gro ba na
tha snyad du bya ba nyid

yin no/ /rang bzhin nyams pa ni ma yin no/ /ma ning dang mtshan
gnyis pa dag ni de dang ldan pa nyid do/ /don go ba'o/ /smra ba
po nyid la yod pa ste/ zhes gsungs/ reg ba'i lhag ma skyed pa'i
yul la tha snyad kyi yul sngar dang 'dra ba mi yin pa sogs dgos
te/ rag pa ni tha

snyad dang 'dra'o/ /zhes gsungs/ slong ba dang slong rigs pa'i
spang ba sogs khyim pas skyed pa'i ltung ba la rang dang nor
gcig pa'i khyim pa tha snyad lnga ldan dgos te/ phyi rol pa'i
rab byung dang/ sdom pa blangs kyang ma chags pa dang chags
kyang nyams pa lan smad

du 'gyur ba'i phyir te/ phyi rol pa'i rab tu byung ba dang ma
chags pa dang nyams pa dag ni phyed nyid khyim pa'o/ /zhes
gsungs/ dbyen sogs sgo gyur bzhi po dang/ /byin phrogs brtad pa
sngos bsgyur dang/ /skyon dang phra ma sbyor ba dang/ /gnas ngan
len dang bshes ngor

'phya/ /zhes pa'i ltung ba skyed pa'i yul du dge slong mtshan
dang lta ba mthun pa zhig dgos te/ dge slong dang dge slong ma
bsnyen par rdzogs pa can ma nyams pa nyid ni bslab pa dag la yan
lag yin no/ /mtshan dang lta ba khas blangs pa dag gis ni rang gi
phyogs

nyid kyi khongs su gtogs so/ /zhes gsungs/ khrur 'jug gos len
bal smel dang/ /ma bskos nyi ma nub pa dang/ /zas dang chos gos
gnyis dag dang/ /don mthun gru dang sbyor bcug pa'o/ /zhes pa'i
ltung ba 'di dag skyed pa'i yul la dge slong ma bsnyen par
rdzogs

shing ma nyams pa dang lta ba mthun ba zhig dgos te/ dge slong
ma bsnyen par rdzogs ba can ma nyams pa nyid bslab pa dag la yan
lag yin no/ /lta ba khas blangs pa dag gis ni rang gi phyogs
nyid kyi yongs su gtogs so/ /zhes gsungs/ /'don dang gnas ngan
len

@122a @#/ /dang chos/ /nub lhag ma yon bsnyen rdzogs byed/ /ces
pa'i ltung ba 'di dag skyed pa la bsnyen par ma rdzogs pa tsam
yul du dgos la/ bsnyil ba sdud pa'i ltung byed la khyim pa sogs
yul du byas na na smad du 'gyur te/ 'dir gtogs pa la

khyim pa la ni rtags can nyid kyi bsam smad do/ /zhes gsungs/
'chab 'bral 'jog gsum cogs gos dang snod spyad kyis bskyed ba/
gsog 'jog dang spangs nas za ba sogs zas kyis skyed pa'i ltung
ba'i yul la/ spyir rab byung la rung zhing tshad dang ldan pa'i
zas

yin pa zhig dgos te/ rab tu byung ba'i rdzas dag la ni rung ba
nyid tshad dang ldan pa las sogs pa nyid do/ /zhes gsungs/ rdzun
smra/ 'phya ba/ zas sbyor du bcug pa/ yang yang za ba/ mu stegs
can gyi 'dug gnas su za ba ltung bzed do gsum las lhag pa

len pa'i ltung byed/ sor bshags bzhi rnams la rang kho na'i bsam
ba dang ldan pa zhig dgos te/ rang gi don nyid gtso cher yod
pa'o/ /zhes gsungs/ rku ba dang/ gsod pa ma gtogs ba'i bcol ba
las sogs pa'i ltung bskyed pa'i yul pho nya ba la smra shes don
go

ba gcig dgos shing/ gsod chu gnyis kyi yul la don go ba tsam
gyis yan lag tu rung ste/ rnam par rig byed la ni don go ba'o/
/smra ba po nyid la yod ba ste gsod pa dang rang gi don du rku
ba dag la gzhan pa'i 'o/ /zhes gsungs/ sngom pa len pa'i rten la
smra shes

don go nges par mi dgos te/ smra mi shes kyang don go ba tsam
gyis sdom pa'i rten du rung ba'i phyir te/ yang dag par len bar
byed ba dag la ni der ma zad do/ /zhes gsungs/ dge slong rang
las rgyud gzhan pa'i smra shes don go med pa'i dus su ltung ba
ma mthol ba

bcabs ba'i nyes pa mi 'byung ste/ ltung ba mthol ba'i snod la
smra shes don go nges par dgos pa'i phyir ro/ /de ni snod yin
no/ /zhes gsungs/ mi chos bla ma dang 'khrig tshig smra ba sogs
kyi ngag gi rig byed kyi bsdus pa'i ltung ba'i dngos gzhi skyed
pa la sbyir ngag

@122b yin pa/ rang gi yin pa/ bdag nyid dang 'brel pa smra ba
gsal po yin pa/ ma nor par mngon sum du smra ba'i yan lag drug
ldan dgos te de las gzhan du na na smad du 'gyur ba'i phyir/
zhes dang bo gsum dngos su bstan nas phyi ma gsum shugs la ston
pa ni/ ngag gi'o/

rang gi'o/ /bdag nyid dang 'brel ba'o/ /zhes gsungs/ gsod rku
gnyis dbyen dang gsum ma gtogs ba'i bcol sogs kyi ltung ba
bskyed ba la phe nya ba rang gis bskos nas dngos su bcol ba gcig
dgos te/ rang gis bskos pa nyid byed du bcug pa yin no/ /zhes

gsungs/ de gsum la pho nya ba rang gis dngos su bskos pa mi dgos
te/ rang gis bsgos ba'i pho nya ba des brgyud nas gzhan bskos
pas kyang ltung ba'i dngos bzhi skyed bar rgya cher 'grel las
bshad pa'i phyir/ de rnams kyi don bsdu ba ni mdo tshan drug cu
rtsa

bzhi yod pa las/ rnam 'byed las btus pa bzhi/ 'dul byed las btus
ba gcig /gzhi'i zhu ba nas btus pa gnyis te/ bdun ma gtogs lhag
ma lnga bcu rtsa bdun/ rnam 'byed gtan la 'bebs ba'i zhu ba nas
btus pa yin no/ /zhes ston pa ni/

rnam par 'byed pa rtogs pa phal che ba spyir bstan rnams rdzogs
so/ /zhes gsungs/ kha cig /bcas ldan dge slong gis 'gro ba gzhan
gyi rnam pa bstan pa'i mi la gang du 'du shes kyang rung bsad na
pham par 'gyur te/ gzhon nu gtsug phud can gyis rang gi pha
utra

fyan la dgra bcom du 'du shes pa med kyang de bsad pas dgra bcom
pa bsad pa dang pha bsad pa gnyis ka'i 'tshams med gcig car du
byung ba'i phyir/ zhes gsungs/ de la kha cig /de mi 'thad de/ de
ltar bsad na sbom po tsam skyed ba'i phyir te/ zhu ba las/ mi la

mi lags par 'du shes te 'gum na cir 'gyur sbom bor 'gyur/ zhes
gsungs pa'i phyir/ rtags de yang mi 'thad de/ mtshams med rdzas
tha dad pa gnyis cig car du 'byung ba mi srid pa'i phyir te/
mdzod 'grel las/ gang zhig gis pha dgra bcom

@123a @#/ /pa bsad na yang de la mtshams med pa ni gcig kho nar
'gyur te/ rten gcig pa'i phyir ro/ /zhes gsungs pa'i phyir na ma
khyab ste/ pha dgra bcom pa bsad pa la gang zag gcig kho na bsad
pa'i mtshams med kyi las 'byung ba lung

de'i don yin pa'i phyir/ kho na re/ de ltar bsad pa la dgra bcom
pa bsad pa'i mtshams med kyi las mi 'byung ste de'i tshe na 'gra
bcom pa gsod 'dod med pa'i phyir/ /gzhon nu gtsug phud can la
dgra bcom pa bsad pa dang pha bsad ba'i mtshams med

gnyis 'byung ngo/ /zhes springs pa la rgyu mtshan yod de/ de
'gyod pa skyes nas bshags pa la bskul bar bya ba'i ched yin pa'i
phyir/ zhes zer/ kho na re/ de 'dra mi 'byung bar thal/ des
phyir mi 'ong gi rten la pha gsod pa'i sbyor ba byas dgra bcom
pa'i 'bras bu thob

nas 'chi nges kyi mtshon bsnun nas bsad pa na pha bsad pa dang
dgra bcom pa bsad pa'i 'tshams med kyi las mi 'gyur te/ mdzod las
bsnun 'og dgra bcom pa la min/ /zhes gsungs pa'i phyir na ma
khyab ste/ phyir mi 'ong gi rten la 'chi nges kyi mtshon bsnun
nas

dgra bcom pa'i 'bras bu thob nas shi ba na pham pa dang dgra
bcom pa bsad pa'i 'tshams med kyi las mi 'byung ba lung de'i don
yin pa'i phyir/ des na rang res pha dgra bcom pa bsad pa la
mtshams med gyi las gnyis 'byung ste/ de la pha bsad pa'i mtshams
med kyi las

dang/ dgra bcom ba bsad pa'i mtshams med kyi las gnyis ka 'byung
ba'i phyir te/ gzhon nu gtsug phud can gyi rtogs brjod las/
rgyal bo utra ya na bsad pa na khyod kyi 'tshams med gnyis byas
te/ pha bsad pa'i phyir dang dgra bcom pa bsad pa'i phyir dang/
zhes

gsungs pa'i phyir/ des na 'dir so thar gyi sdom pa ni gzugs can
yin la/ de la rnam par rig byed dang rnam par rig byed ma yin
pa'i gzugs gnyis yod de/ mdzod 'grel las/ yang dag par blangs
pa'i tshul khrims ni rnam par rig byed la rag las ba'i

@123b phyir las kyi lam gzugs can bdun mi za bar rnam par rig
byed dang/ ma par rig byed ma yin pa gnyis ka yin no/ /zhes
gsungs pa'i phyir/ so thar gyi sdom pa thob nas ma btang ba de
srid du da ltar ba'i rnam bar rig byed ma yin ba'i ngo bo dang
ldan te/ mdzod las/

so so thar gnas ji srid du/ /ma btang bar dag da ltar gyi/ /rnam
rig mi ldan skad cig mas dang bo phyin chad 'das pa dang/ /zhes
gsungs pa'i phyir/ da ltar gyi cho ga la brten nas thob pa'i so
thar gyi sdom ba skad cig dang po la lus ngag gi rnam par rig
byed

gnyis ka yod de/ de la mkhan slob kyi brda' sprad pa ltar srung
bar khas len pa'i lus ngag gi rnam par rig byed gnyis ka yod
pa'i phyir te/ mdzod las/ dang po'i rnam rig rnam rig min/ /so
so thar dang bya ba'i lam/ /zhes gsungs pa'i phyir/ de'i skad
cig gnyis

pa phan chad kyi ngo bor gyur ba'i ngag gi rnam par rig byed med
de/ /skra la rgyun med pa'i phyir/ lus la mi 'tshungs te/ lus kyi
rig byed ngo bor gyur ba'i sdom pa snga ma las phyi ma 'byung
ba'i rgyun yod pa'i phyir/ lus kyi reg byed ni kun slong gi sems
gzhan la

rig par byed pa'i lus gyi dbyibs yin te/ lus rnam rig byed
dbyibs su 'dod/ /ces gsungs pa'i phyir/ ngag gi rig byed ni kun
slong gi sems gzhan la rig par byed pa'i ngag gi sgra yin te/
ngag rnam rig byed ni ngag sgra/ /zhes gsungs pa'i phyir/

rnam par rig byed ma yin pa'i gzugs kyi ngo bo ni khyad chos
gsum ldan gyi bstan med thogs med kyi gzugs so/ /khyad chos gsum
ni 'byung ba chen po bzhi rgyur byas pa las byung ba dang/ ngo
bo dge mi dge gang rung gis bsdus shing rigs 'dra'i rgyun dang

bcas pa dang/ gnas skabs ma g.yengs pas sems bcas kyi gnas
skabs su 'byung bar ma zad sems gzhan du g.yengs pa dang sems
med ba'i snyom 'jug gnyis kyi gnas skabs su yang 'byung ba'i
phyir te/ mdzod las/ g.yengs dang sems

@124a @#/ /med pa yi yang/ /dge dang mi dge rjes 'brel gang/
/'byung ba che rnams rgyur byas pa/ de ni rnam rig byed min
brjod/ /ces gsungs pa'i phyir/ /de la dbye na/ sdom pa/ sdom
min/ /bar ma'i ngo bor gyur ba'i rig byed ma yin pa'i

gzugs dang gsum/ dang po la/ so thar bsam gtan zag med kyi sdom
pas bsdus pa'i rnam par rigs byed ma yin pa'i gzugs dang gsum
yod/ rig byed ma yin pa'i gzugs lung ma bstan med de/ rnam rigi
gi min lung bstan min med/ /ces

gsungs pa'i phyir/ rig byed ma yin pa'i gzugs yod de/ mdzod
'grel las/ bstan yod thogs bcas kyi gzugs bstan med thogs bcas
kyi gzugs/ bstan med thogs med kyi gzugs gsum gsungs pa'i phyir
dang/ dri ma med pa'i

gzugs gsungs pa'i phyir/ rdzas las byung ba'i bsod nams bdun
gsungs pa dang/ dge mi dge las rang nyid kyi lus ngag gi rig
byed kyi sgo nas dngos su ma byas kyang dge mi dge'i las rang
rgyud la 'byung ba yod pa'i phyir te/ rnam gsum dri med gzugs

gsungs dang/ /'phel dang ma byas lam sogs phyir/ /zhes gsungs
pa'i phyir/ 'dod pa'i sas bsdus kyi rnam par rig byed ma yin
pa'i gzugs skad cig ma dang po ni da ltar gyi 'byung ba rgyur
byas pa las skyed/ skad cig gnyis pa yan chad 'das pa'i 'byung
bas

'phen pa'i rgyu dang/ /dang ltar gyi 'byung bas bsten pa'i rgyu
byas nas skye/ zag bcas kyi rig byed ma yin pa'i gzugs ni rang
sa'i 'byung ba rgyur byas pa las skye/ zag med kyi de ni rten
gyi gang zag gang du skyes pa'i sa de'i 'byung ba rgyur byas pa
las skye ba yin te/ mdzod

las/ 'dod gtogs rnam rig min skad cig /phyin chad 'das pa'i
'byung las skye/ /zhag bcas lus dang ngag gi las/ /rang gi
'byung ba dag rgyur byas/ zag med gang du skyes pa'i yin/ zhes
gsungs pa'i phyir/ rdzas las byung ba'i bsod nams bdun ni/

@124b kun dga' ra ba gtsug lag khang/ /mal stan 'tsho ba nar ma
dang/ glo bur nang pa nad g.yog dang/ /yul ngan dus su sbyin
pa'o/ /zhes gsungs pa ltar ro/ /sdom pa gtong ba'i tshul la/ kun
gtong dang/ gso shor gnyis las/ /dang po ni/ kha cig/ so thar
gyi sdom pa kun

gtong yin te/ dge slong gi srog gcod kyi pham pa 'chab bcas
spyad pa'i tshe sdom pa'i dgos pa sgrub nus thams cad gtong ba'i
phyir zer ro/ /gnyis pa la/ rdzas/ nus pa/ nyams pa/ gso shor du
'dod pa gsum/ dang po la/ smad 'dul ba kha cig/ /ltung ba nyis
brgya dang

lnga bcu rtsa gsum gyi nang nas gang rung gcig byung na de'i ngo
skal gyi gnyen po sngom pa rtsa ba nas gtong zhing sdom pa lhag
ma rnams tshang bar yod la/ de yang 'chab sems skyed na sdom pa
lhag ma rnams kyi dgos pa sgrub mi nus shing phyir bcos su med
cing gang btang ba de

slar blangs su med do/ /'chab sems ma skyed na sdom pa lhag ma
rnams kyi dgos pa sgrub nus shing gang btang zin ba'i sdom pa de
phyir bcos pa'i sgo nas gso tshab tu bzhugs su rung ba yin no/
/zhes zer na/ lhag ma man chad kyi ltung bas rang gi do skal gyi
sdom pa thams

cad gtong ba mi srid pa'i phyir te/ de ltar tshad ldan gyi gzhung
gang las kyang ma gsungs pa'i phyir dang/ sdom pa rtsa ba nas
nyams pa la sdom pa byin pas gsar du skye ba mi srid pa'i phyir
te/ de 'dra'i gang zag la sdom pa slar skye mi rung du gsungs
pa'i phyir dang/ dge

slong ma mtshan gyur ba'i dbang gis sdom pa gtong ba yod par
thal/ de'i dbang gis thun mong ma yin pa'i ltung ba byung ngas
gtong ba yod pa'i phyir/ khyab pa khas/ spong ba drug pa'i dge
slong gi sdom pa yod par thal/ srog gcod kyi pham pa 'chab bcas
kyis nyams

pa'i dge slong la srog gcod kyi ltung ba spong ba'i sdom pa'i
rdzas med pa'i phyir/ rtags khas/ 'dod na/ de spong bdun pa shad
pa dang 'gal lo/ /dge slong pha ma'i sdom pa rdzas gcig tu bshad
pa mi 'thad bar thal/ de gnyis kyi sdom pa'i rdzas la grangs
mang nyung

@125a @#/ /gi khyad par yod pa'i phyir te/ de gnyis kyi ltung
ba'i rdzas la grangs mang nyung gi khyad par yod pa'i phyir/
rtags khas/ 'byin pa'i lhag ma de mi tshangs sbyod kyi pham pa'i
char gtogs su bshad pa mi 'thad par thal/ mi tshangs spyod kyi
pham

pa'i gnyen po sdom pa btang zin pa'i rgyud la 'byin pa'i lhag
ma'i gnyen po sdom pa tshang ba yod pa'i phyir/ rtags khas/ dge
slong gcig la me reg dang sa rko sogs kyi ltung ba grangs med
'byung bshad pa mi 'thad par thal/ me reg gi ltung ba dngos de'i

ngo skal gyi sdom pa btang zin cing sdom pa med pa la ltung ba
'byung mi srid pa'i phyir/ gnyis pa nus pa gso shor la/ kha cig
/ltung ba de dang de byung ba'i tshe sdom pa'i rdzas mi gtong
yang sdom pa'i nus pa gtong zhing phyir bcos na nus pa thob tu
rung ngo/ /zhes zer

ba mi 'thad de/ sdom pa dang/ sdom pa'i nus pa gzhan du med pa'i
phyir ro/ /gsum pa nyams pa gso shor la/ 'dul 'dzin kha cig
;ltung ba de dang de byung ba'i tshe sdom pa rdzas dang nus pa
gso shong min yang nyams tshul gso shor yin te/ ltung ba de dang
de byung

ba'i tshe rang gi ngos skal gyi gnyen po sdom ba mtha' dag las
nyams par byed cing sdom pa lhag ma tshang bar yod la/ de yang
'chab bcas kyi rnam dag dang dgos pa sgrub nus gnyis ka la nyams
shing 'chab med kyi rnam dag tsam las nyams par byed do/ /mkhas
pa

dmar ston na re/ spyir sdom pa'i gtong rgyu la ltos nas sdom pa
kun gtong ba yin te/ bslab pa phul ba/ shi 'phos ba/ mtshan gnyis
cig car du byung ba'i tshe sdom pa thams cad tsa ba nas gtong
ba'i phyir/ pham bsdom pa'i gtong shong dang/ kun gtong gang gi

sgo nas kyang gtong rgyu ma yin te/ pham pa byung ba'i dge slong
la dge slong pha ma'i sngom pa'i rdzas tshang ba yod pa'i phyir/
nyams tshul la ltos nas kun nyams pa yin te/ srig gcod kyi pham
pa 'chab bcas byung ba'i tshe sdom pa mtha' dag dgos pa sgrub nus
las

@125b nyams pa'i phyir/ ma grub na/ srog gcod kyi pham pa 'chab
bcas tsam byung ba'i dge slong chos can/ tshul khrims 'chal ba'i
gang zag ma yin par thal/ dge slong gi sdom pa rnam dag rgyud
ldan gyi gang zag yin pa'i phyir te/ ma byin len gyi rtsa ltung
sbong

ba'i dge slong gi sdom pa rnam dag rgyud ldan gyi gang zag yin
pa'i phyir/ rtags khas/ gzhan yang/ de chos can/ khyod gyi dge
ba'i phyogs la brtson pa byas pas tshe 'dir byang chub thob tu
rung ba'i skal ba yod par thal/ khyod dgos pa sgrub nus kyi dge

slong gi sdom pa rgyud ldan gyi gang zag yin pa'i phyir/ rtags
khas/ 'dod mi nus te/ pham pa 'chab bcas kyi rgyud nyams pa'i
gang zag yin pa'i phyir/ khyab ste/ rgya cher 'grel las/ dge
slong pham par gyur ba la ni/ zhes gsungs pa'i phyir ro/ /kho na
re/

srog gcod kyi pham pa byung ba'i dge slong gi sdom pa dang/ ma
byin len spong ba'i dge slong gi sdom pa gnyis rdzas tha dad ma
yin par thal/ srog gcod kyi pham pas ma byin len gyi pham pa
spong ba'i dge slong gi sdom pa rnam dag las nyams par byed pa
yin pa'i phyir zer

na/ dge bsnyen dge tshul/ dge slong gi sdom pa gsum rim pas ma
nos pa'i dge slong gi rgyud kyi srig gcod kyi rtsa ltung spong
ba'i dge slong gi sdom pa dang/ de'i rgyud kyi srog gcod kyi
rtsa ltung spong ba'i dge tshul gyi sdom pa gnyis rdzas tha dad
pa ma yin par thal/ dge slong gi

srog gcod kyi pham pa de dge slong rang rgyud kyi srog gcod
spong ba'i dge tshul gyi sdom par rnam dag las nyams par byed
pa'i phyir ma grub na/ srog gcod kyi pham pa 'chab bcas byung
zhing/ srog gcod kyi rtsa ltung spong ba'i dge tshul gyi sdom pa
ranm dag rgyud ldan gyi

dge slong chos can/ khyod srog gcod gyi pham pa 'chab bcas byung
ba'i gang zag ma yin par thal/ srog gcod kyi rtsas ltung spong
ba'i sdom pa rnam dag las ma nyams pa'i gang zag yin pa'i phyir
te/ srog gcod kyi rtsa ltung spong ba'i dge tshul gyi sdom pa
rnam dag

@126a @#/ /las mnyams pa'i gang zag yin pa'i phyir te/ chos can
de'i phyir/ de yod pa'i phyir te/ dge bsnyen nyid dang/ dge tshul
nyid dang/ dge slong nyid dag gis snga ma bsnyen par ma rdzogs
pa la phyi ma mi bya'o/ /zhes gsungs/ gzhan yang/ srog

gcod kyi pham pa 'chab bcas tsam byung ba'i dge slong chos can/
khyod kyis rin thang tshang ba'i dngos po ma byin par blangs pa
la brten nas khyod la ma byin len gyi pham ba 'byung ba srid par
thal/ khyod ma byin len gyi pham pa spong pa'i dge slong gi sdom

ba rnam dag dang ldan bzhin pa'i bcas ldan dge slong gang zhig
/khyod gyis rin thang tshang ba'i dngos po ma byin par len pa yod
pa'i phyir/ 'dod mi nus te/ de ltar byas pa la brten nas khyod
la nyes byas tsam 'byung ba'i phyir te/ khyod pham pa 'chab bcas

kyis nyams pa'i dge slong yin pa'i phyir/ khyab ste/ nyams pa
ltung ba la sbyar na nyes byas so/ /zhes gsungs pa'i phyir/
gzhan yang/ de chos can/ pham pa'i ngo bor gyur pa'i tshul khrims
'chal pa rgyud la ldan bzhin pa'i gang zag ma yin par thal/ tshul

khrims 'chal bas ma gos pa'i dge slong gi sdom pa rnam dag rgyud
la ldan bzhin pa'i gang zag yin pa'i phyir rtags khas/ gzhan
yang/ de chos can/ dgos pa sgrub nus gyi dge slong gi sdom pa
rnam dag rgyud la ldan bzhin pa'i gang zag ma yin par 

thal/ pham pa 'chab bcas kyis nyams pa'i gang zag yin pa'i
phyir/ des na spang bya ltung ba rdzas kyi sgo nas grangs med
yin te/ ltung ba 'byung ba'i gzhi grangs med pa 'byung ba'i
dbang gis gang zag gcig la yang ltung ba rigs gcig pa grangs
mang du

'byung ba yod pa'i phyir te/ dper na/ srog gcod kyi pham pa
byung ba'i bslab byin dge slong gcig nyid la/ slar yang srog
gcod kyi pham pa gnyis pa dang gsum pa las sogs pa grangs med
'byung srid pa bzhin no/ /gnyen po sdom pa ldog pa'i sgo nas
grangs med

@126b yin te/ sdom pa gcig nyid spang bya spong tshul gyi ldog
pa'i sgo nas du mar bzhag rung ba'i phyir/ dge slong gi sdom pa
rdzas bdun dang ldan te/ dge slong gis lus ngag gi mi dge ba
bdun spong bar khas blangs shing/ sdom pa yang ji ltar khas
blangs pa bzhin du

thob dgos pa'i phyir/ dge tshul gyi sdom pa rdzas kyi sgo nas
bzhir 'du ba yin te/ dge tshul gyi lus kyi mi dge ba gsum dang
brdzun spong bar khas blangs kyi phra ma tshig rtsub ngag 'khyal
spong bar khas ma blangs ba'i phyir/ mdzod las/ sdom pa ji ltar
khas blangs bzhin/ /thob

kyi rgyud la ma yin no/ /zhes dang/ 'dul ba lung las/ sngon gyi
dge slong rnams kyi sdom pa ni spong ba bdun gyi rang bzhin du
gnas so/ /zhes dang/ 'od ldan las/ dge slong gi sdom pa ni spong
ba bdun gyi mtshan nyid can yin te/ lus kyi rnam pa gsum ngag gi
bzhi zhes

bya bar nges so/ /zhes gsungs/ /de yang sdom pa'i gtong tshul kun
gtong yin te/ dge slong gi sdom pa spong bdun gyi nang nas gcig
btang nas gzhan ma btang ba mi srid pa'i phyir dang/ dge tshul
gyi sdom pa la spong ba bzhi'i nang nas gcig btang nas gzhan ma
btang ba mi

srid pa'i phyir/ nyams tshul yang/ kun nyams yin te/ srog gcod
kyi pham pa 'chab bcas kyis nyams pa'i dge slong de srog gcod
spong ba'i sdom pa rnam dag dang dgos pa sgrub nus gnyis ka las
nyams pa bzhin du/ spong ba gzhan drug rnam dag dang dgos

pa sgrub nus gnyis ga las nyams pa'i phyir ro/ /so thar gyi sdom
pa'i gtong rgyu la bslab pa phul bas gtong ste/ sdom pa'i mi
'thun phyogs khas blang pa'i phyir/ shi 'phos pas gtong ste/ de
khas blang ba'i dus las 'das pa'i phyir/ mtshan gnyis

gcig car du byung ba dang/ mtshan lan gsum gyur pas gtong ste/
sdom pa'i rten nyams pa'i phyir/ dge ba'i rtsa ba chad pas gtong
ste/ sdom pa'i rten gzhi med pa'i phyir/ bsnyen gnas kyi sdom pa
mtshan mo'i mtha'i skad cig ma 'das pa

@127a @#/ /las gtong ste/ khas blang ba'i dus las 'das pa'i
phyir/ mdo sde ba na re/ rtsa lhung 'chab bcas byung bas kyang
gtong ste/ rgyud ngo tsha med pa dang khrel med pas gang bar byas
pa'i phyir/ gos dmar ba'i sde pa na re/ lung gi dam chos nub bas

kyang gtong ste/ nges bslab pa'i mtshams rnam par dag pa med pa'i
phyir/ thogs med sku mched ni/ lung gi dam chos nub pa tsam gyis
sdom pa sngar yod mi gtong ste/ lung gi dam chos nub kyang rtogs
pa'i dam chos ma nub ba'i phyir/ 'on kyang de'i tshe sdom pa

sngar med gsar du mi skye ste/ sdom pa 'bogs pa'i cho ga rnam
dag med pa'i phyir/ zhes gsungs pa'i phyir/ kha che bye brag
smra ba na re/ rtsa ltung 'chab bcas byung ba'i dge slong de
tshul khrims dang ldan pa dang tshul khrims 'chal ba gnyis ka yin
te/ rgyud la sdom pa'i

rdzas tshang par yod/ sems rgyud rtsa ltung 'chab bcas kyi gos
par byas pa yin pa'i phyir/ dper na/ mi kha cig la nor yang yod
la bu lon yang yod pa bzhin no/ /zhes zer/ de ltar yang mdzod
las/ bslab pa phul dang shi 'phos dang/ mtshan gnyis ngag ni
byung ba dang/ rtsa

ba chad dang mtshan las 'das/ /so sor thar pa'i 'dul ba gtod/
/kha cig ltung bar 'gyur la smra/ /gzhan dag dam chos nub pa
las/ /kha che rnams ni byung ba las/ /bu lon nor bzhin gnyis su
'dod/ /ces gsungs/ bsam gtan gyi sdom pa gtong tshul

ni; bsam gten dang po nas gnyis par shi 'phos pa'i tshe dang po'i
sas bsdus kyi sdom pa btang nas gnyis pa'i sas bsdus kyi sdom pa
mngon du 'gyur gyi/ shi 'phos pa tsam gyis bsam gtan gyi sdom pa
mi gtong ste/ bsam gtan dang po nas der skyes

pa'i tshe gtod ba med pa'i phyir/ khams 'og ma'i rten can gyi
sdom pa dang ldan pa'i gang zag gzugs med du shi 'phos pas bsam
gtan gyi sdom pa gtong/ 'dod pa'i nyon mongs mngon du gyur pa'i
stobs kyis bsam gtan gyi nyer bsdogs dang dngos gzhi

@127b las nyams nas bsam gtan gyi sdom pa gtor/ /zag med kyi
sdom pa mi mthun phyogs kyis nyams pa'i dbang gis thob ba rtsa
ba nas gtor pa med de/ mthong lam gyi rtogs pa las nyams nas
'jig rten par 'gyur ba med pa'i phyir/ /rgyud so so la ltos

nas zag med kyi sdom pa gtong pa yod de/ zhugs pas 'bras gnas
gyi rtogs pa thob pa'i tshe zhugs pa'i rgyud kyis bsdus pa'i zag
med kyi sdom pa gtong/ dbang rtul gyis dbang rnon thob pa'i tshe
de'i rgyud kyis bsdus pa'i de gtong/ dgra bcom gyi 'bras bu las
nyams

nas slob par gyur ba'i tshe dgra bcom gyi de gtong bar 'dod/
/mdzod las/ bsam gtan gtogs pa'i dge ba ni/ /sa 'phos nyams pa
dag gis gtong/ /de bzhin gzugs med gtogs 'phags ba/ /'bras bu
thob sbyangs nyams pa las/ /zhes gsungs pa'i phyir/ des na mi

bsad pa la pham pa/ lha bsad pa la spom po/ /dud 'gro bsad pa la
ltung byed du 'gyur ba'i rgyu mtshan yod de/ mi'i 'gro ba pa sdom
pa gsum ga'i rten du rung/ lha'i 'gro ba pa bsam gtan dang zag
med kyi rten du rung/ dud 'gro sdom pa gang gi yang rten du mi
rung ba'i phyir te/ mdzod

las; za ma ma ning sgra mi snyan/ /mtshan gnyis ma gtogs mi rnams
la/ spom min sdom pa'ang de bzhin la/ /lha la'ang mi rnams la
gsum mo/ /'dod dang gzugs skyes lha rnams la/ /bsam gtan skyes
yod zag med ni/ /bsam gtan khyad par 'du shes med/ /sems can

ma gtogs gzugs med na'ang/ /zhes gsungs pa'i phyir dang tshul
khrims/ legs spyad/ las/ sdom pa rnams ming gi rnam grangs yin
te/ mdzod las/ tshul khrims dang ni legs spyad dang/ /las dang
sdom pa zhes bya'o/ /zhes gsungs pa'i phyir/ des na

spyir bstan gyi tshig don legs shar gtan la phab pa la chos can/
dgos pa yod de/ ltung ba skyed tshul bcas 'tshams so sor shes
shing/ de la blang dor tshul bzhin du byas pas tshul khrims rnam
par dag pa'i dbang gis kun mkhyen rgyal ba'i go 'phang thob

@128a @#/ /par 'gyur ba'i dgos pa yod pa'i phyir/ /gnyis pa nyams
su blang ba'i bslab bya bshad pa la/ spyi don dang/ gzhung don
gnyis/ dang po la/ gzhi'i dbye ba/ sgra 'jug pa'i rgyu mtshan/
bsdu ba/ grangs nges/ go rim dang lnga/ dang po ni/ gzhi la bcu

bdun yod de/ lung gzhi'i spyir sdom las/ rab byung gso sbyong
gzhi dang ni/ /dgag dbye dbyar dang ko lpags dang/ /sman dang
gos dang sra brkyang dang/ /ko'u sham b+hi dang las kyi gzhi/
/dmar ser can dang gang zag dang/ /spo dang gso sbyor bzhag pa
dang/ /gnas ma la dang

ni rtsod pa dang/ /dge 'dun dbyen rnams bsdu ba yin/ /zhes pa
dang/ gzhung dam pa las/ gzhi bco brgyad/ ces gsungs pa ltar na
rnam 'byed de'i gzhi zhes gcig tu bzhed pa 'am/ yang na phyir
bcos kyi gzhi la/ ltung ba phyir bcos dang/ rtsod pa phyir bcos
gnyis

su phye nas gzhi gco brgyad du mdzad pa yin no/ /gzhi bcu bdun
la lung du gsungs pa dang/ mdo rtsa bar gsungs pa mi mthun pa
bum sod kyang/ 'gal ba med de/ lung du ko'u sham bti'i gzhi zhes
gsungs pa dang/ dmar ser can gyi gzhi zhes pa/ 'dir phyir

bcos kyi bzhi zhes gcig tu bsdus nas bstan/ lung du gang zag gi
gzhi zhes gsungs pa/ 'dir dus dang dus ma yin pa bsdus pa 'byung
ba'i gzhi zhes bstan/ lung du spo ba'i gzhi zhes gsungs pa/ 'dir
sa gzhan na gnas pa spyod pa'i gzhi zhes bstan/ lung

du gso sbyong bzhag ba'i gzhi zhes gsungs pa/ 'dir yongs su
sbyong ba'i gzhi zhes bstan ba yin te/ brjod bya'i ming gis rjod
byed la btags pa yin pa'i phyir/ lung dung dge 'dun dbyen zhes
gcig tu bsdus pa/ 'dir las bye ba'i gzhi dang/ 'khor lo bya ba'i

gzhi gnyis su phye nas gzhi bcu bdun du mdzad pa yin no/ /gnyis
pa ni/ gzhi bcu bdun po 'di la gzhi zhes rjod pa'i rgyu mtshan
yod de/ bcu bdun po 'di'i brjod bya lhag ba tshul khrims kyi
bslab bdes bslab pa gong ma gnyis sogs yon tan kun gyi gzhi rten
byed

@128b pas gzhi zhes gsungs/ de bcu bdun po 'di'i rjod byed bcu
bdun bo la yang gzhi zhes rjod pa'i phyir/ las bya ba'i gzhi la
ko'u sham b+hi'i gzhi zhes rjod pa'i rgyu mtshan yod de/ ko'u sham
b+hi'i dge slong dang/ yangs ba can gyi dge slong gnyis las tha
dad du bye bsang

ltar brjod pa'i phyir/ phyir bcos kyi gzhi la dmar ser can gyi
gzhi zhes brjod pa'i rgyu mtshan yod de/ dge slong dmar ser can
la nan cur gyi sgo nas phyir bcos byed du bcug pa'i cha nas de
ltar brjod pa'i phyir/ dus dang dus ma yin pa bsdus pa bas
'byung ba'i gzhi la

gang zag gi gzhi zhes brjod ba'i rgyu mtshan yod de/ gang zag 'di
la brten nas 'di tsam bcas kyi grangs shes dgos pa'i cha nas de
ltar brjod pa'i phyir/ sa gzhan na gnas pa spyod ba'i gzhi la/
spo ba'i gzhi zhes brjod pa'i rgyu mtshan yod de/ spo ba spyod pa
ma bu

ba spyod pa sogs dman pa'i sa la gnas pa rnam gyi spyod pa'i
khyad par ston bas de ltar brjod pa'i phyir/ yongs su sbyod ba'i
gzhi la/ gso sbyong gzhag ba'i gzhi zhes brjod pa'i rgyu mtshan
yod de/ ltung ba glengs par sgo ba rnal gzon na de dang lhan cig
tu gso

sbyong byed ba bzhag /des ma dul na dgag dbye bzhag pa sogs kyi
sgo nas nyes pa sbyong bas phyogs gcig gi ming gis bsnyad pa'i
phyir/ gzhan rnams go sla'o/ /gsum pa ni/ gzhi bcu bdun po 'di
bsdu na gsum du 'dus te/ lhag la tshul khrims gyi bslabs

ma thob pa thob par byed pa/ thob pa ni nyams ba srungs par byed
pa/ nyams na phyir bcos pa'i thabs ston pa gsum du 'du ba'i
phyir/ bzhi pa ni/ gzhi la bcu bdun bo der grangs nges te/ mdor
so thar kyi sdom pa gtan la 'bebs pa la gzhi bcu bdun po der

dbyer yod/ de rnams las mang mi dgos shing nyung na mi 'du pa
yin pa'i phyir/ lnga pa ni/ mdo rtsa ba 'dir gzhi bcu bdun po
'de'i go rim 'di ltar ston ba'i rgyu mtshan yod do/ phal cher
lung gi go rim ltar bstan cing dbyar dgag gnyis rgyu 'bras kyi
rim par

@129a @#/ /dbyar gnas kyi gzhi sngar bstan/ dgag dbye'i gzhi de'i
rjes su bstan/ gos sman gnyis kyi nang nas gos yo byad kyi gtso
bo yin pas dang por gos gzhi bstan/ de'i rjes su sman gzhi
bstan/ gos gzhi gsum gyi nang nas sra brkyang rgyu lta

bu dang dgag dbye dang dus 'brel bas dang por bstan/ de nas gos
kyi gzhi dang/ ko lpags kyi gzhi sbyir btang dmigs bsal gyi rim
pas gos gzhi sngar bstan/ de'i rjes su ko lpags kyi gzhi bstan/
las gzhi thams cad la mkho ba'i cha nas ston pas dbus

su bstan/ rtsod gzhi gsum brjod bya mthun pas phyogs gcig gi
bstan/ 'khor lo bye ba brjod bya nyung bas rtsod gzhi'i gong du
bstan/ gnas mal gyi gzhi de thams cad kyi rten byed pas phyis
bstan pa'i phyir ro/ /gnyis pa gzhung don ni/ rab byung gi gzhi
sngar bshad

zin la/ lhag ma rnams la/ bslab pa yongs su sbyong ba'i gzhi/
bde bar gnas pa'i rkyen bsten pa'i gzhi/ bya ba'i thabs las kyi
gzhi/ gso pa phyir bcos kyi gzhi/ de thams cad kyi rten gnas mal
gyi gzhi dang lnga las/ dang po la/ gso sbyong gi sgo nas dang/
dbyar gyi sgo

nas dang/ dgag dbye'i sgo nas bslab pa yongs su sbyong ba dang
gsum/ dang po la/ spyi don dang/ gzhung don gnyis/ dang po la
gso spyong gi mtshan nyid/ dbye ba/ bsdu ba/ grangs nges pa/ go
rim/ sgra bshad pa'o/ /dang po ni/ rab tu byung ba'i bslab pa
yongs su sbyor bar byed

pa'i thabs gang zhig phyir bcos kyi dngos gzhis ma bsdus shing
dgag dbye dang dbyar tshul las rnam bcad kyi ngo bor gnas pa/ rab
byung gi gso spyong gi mtshan nyid yin no/ /gnyis pa ni/ gso
sbyong la dbye na du ma yod de/ zhi gnas kyi gso sbyong/ mthun
pa'i

gso sbyong/ gso sbyong bcu bzhi pa/ gso sbyong bco lnga ba/ gnod
pa zlog pa'i gso sbyong/ dbye ba bsdum pa'i gso sbyong/ bkra
shis kyi gso sbyong rnams su yod pa'i phyir/ gsum pa ni/ bdun po
de gnyis su 'du ba yin te/ zhi gnas kyi de dang/ mthun pa'i de
gnyis su

@129b 'du ba'i phyir te/ phyi ma lnga mthun pa'i de yin pa'i
phyir/ bzhi pa ni/ gso sbyong la bdun po der grangs nges te/
sngon bsags pa'i las sgrib sbyong pa'i phyir du zhi gnas kyi gso
sbyong gsungs/ tshe 'di'i zag pa/ gnod pa/ rtsod pa/ bkra mi shis
pa bzhi las/ dang

po'i gnyen por dus kyi bye brag gis 'bang gis gso sbyong bcu
bzhi pa dang bco lnga pa gsungs/ gnyis pa'i gnyen por gnod pa
zlog pa'i gso sbyong gsungs/ gsum pa'i gnyen por bye ba bsdum
pa'i gso sbyong gsungs/ bzhi pa'i gnyen por bkra shis kyi gso

sbyong gsungs pa yin pa'i phyir/ yang de la zhi gnas kyi gso
sbyong dang mthun pa'i de gnyis su 'ang grangs nges te/ spang
bya sal ba la ltos nas kyang der nges/ bslab bya sgrub pa la
ltos nas kyang der nges pa'i phyir/ dang po grub ste/ spang bya
sngar bsags pa 'dag

pa'i dbang du byas nas zhi gnas kyi gso sbyong bzhag phyi ma
bsam pa'i dbang du byas nas phyi ma bzhag pa'i phyir/ gnyis pa
grub ste/ rab tu byung ba rnams kyis nyams su blangs par bya ba
ni bslab pa gsum sgrub pa yin la/ tshul khrims kyi bslab pa gtso
bor sgrub

pa'i dbang du byas nas mthun ba'i gso sbyong bzhag /ting nge
'dzin dang shes rab kyi bsalb pa sgrub pa'i dbang du byas nas
zhi gnas kyi gso sbyong bzhag pa'i phyir/ lnga pa ni/ mdo rtsa
ba 'dir zhi gnas gyi gso sbyong dang por ston pa'i rgyu mtshan
yod de/ de mthun pa'i

gso sbyong las brjod bya nyung bas bstan pa'i phyir te/ sdeb
sbyor gyi bstan bcos las/ gnyis las dang po mchod 'os sam/ /yang
na yi ge rab nyung ba'o/ /zhes pa dang/ 'grel pa don gsal las/
brjod par bya ba nyung ba nyid dang/ zhes gsungs pa ltar/ rgya

cher dgrel las/ de la gtso bo yin pa'i phyir dang brjod pa dbye
ba nyung ba'i phyir te dang por zhi gnas kyi gso sbyong rnam par
bshad par bya'o/ /zhes gsungs pa'i phyir/ drug pa ni/ ci'i phyir
gso sbyong zhes bya zhe na/ gnyen po bslab pa gsum gso zhing

@130a @#/ /spang bya sgrib pa gnyis sbyong bar byed pas na/ gso
sbyong zhes brjod do/ /bslab pa gsum gso ba yin te/ mthun pa'i
gso sbyong gis tshul khrims kyi bslab pa gso/ zhi gnas kyi gso
sbyong gis sems dang shes rab kyi bslab pa gso bar byed

pa'i phyir/ da ltar bam po lnga bcu pa las/ gso sbyong zhes bya
ba ni/ bslab pa gsum gso zhing sbyong bar byed pa'o/ de yang
rnam pa gnyis te/ mthun pa'i gso sbyong dang/ zhi gnas kyi gso
sbyong ngo/ /de la mthun pa'i gso sbyong ni/ lhag pa tshul khrims
kyi dbang du

byas te/ gnas dang/ tshogs pa dang/ cho ga mthun bar bya'o/ /zhi
gnas kyi gso sbyong ni/ lhag pa'i sems dang ldan pa'i shes rab
kyi dbang du byas te/ spong ba'i yin lag sgom pa'o/ /zhes
gsungs/ gnyis pa gzhung don la/ gzhi'i skabs nas byung ba dang/
rnam

'byed la sogs pa'i skabs nas byung ba'o/ /dang po la/ zhi gnas
kyi gso sbyong dang mthun pa'i de gnyis/ dang po la rnal 'byor
sgom pa'i gnas ma yin pa dang/ gnas yin pa dang/ bde bar gnas
pa'i rkyen bstan pa/ brtson 'grus rtsom pa'i tshul/

spong ba pa'i zhal ta ba bsko zhing des ji ltar bya ba'i tshul
lo/ /dang po ni/ spyod yul du zhugs pas rnal 'byor bsgom par mi
bya'o/ /mngon par 'du bar yang mi bya'o/ /rnam par g.yeng bar
byed pa dang/ gtum po dang/ btum po dang/ gya tshom pa dag yongs
sus pong bar rigs

so; ;zhes bshad/ ngag don ni/ dge slong spyod yul grong du zhugs
pa dang lam du 'gro bas lam du ting nge 'dzin sgom zhing bsdad
par mi bya/ der ma zad/ mi mang po mngon par 'du ba'i sgo khang
dang/ kyal ka can la sogs pa yod pa'i khyabs dang

ca co la sogs pa'i sgras sems rnam par g.yeng ba'i gnas khang
dang/ seng ge dang stag la sogs pa'i srog chags gtum po yod pa'i
dgon pa dang/ chom rkun pa dang smyo thabs can la sogs pa'i gya
tshom pa yod pa'i gnas rnams su rnal

@130b 'byor bsgom par mi bya ste/ dgos pa chung zhing nyes dmigs
che ba yod pa'i phyir/ gnyis pa ni/ 'o na gnas gang du sgom zhe
na/ spong khang brtsig par bya'o/ /zhes gsungs/ ngag don ni/
dngos su bying rgod slong ba dang/ rgyud nas nyon mongs mtha'
dag spong ba'i

spong khang brtsig par bya ste/ des khyad par du byas pa'i dgos
pa mthong ba'i phyir/ rten gyi gang zag gang gis sgom na/ rten
gyi gang zag chos bzhi dang ldan pa zhig dgos te/ tshul khrims
dag cing mang du thos pa/ 'dod pa chung zhing chog shes pa/
/gdam ngag dang ldan pa

lus sems dbyen pa dang bcas pa zhig dgos pa'i phyir/ dang po
grub ste/ mdzod las/ tshul gnas thos dang bsam ldan pas/ /sgom pa
la ni rab tu sbyor/ /zhes dang/ so sor thar ba'i mdo las/ mang
du thos pa nags kyi nang dag tu/ /lang tsho yol ba rnams kyis

gnas pa bde gzhes gsungs pa'i phyir/ gnyis pa grub ste/ 'dod pa
che zhing chog mi shes pa ni ting nge 'dzin la mnyam par 'jog mi
nus pa'i phyir te/ mdzod las/ srid gnyis ldan chog mi shes dang/
/'dod chen can lam yin no/ /zhes gsungs pa'i phyir/

gsum pa grub ste/ gdam ngag med par sgom par mi bya'o/ /zhes
gsungs pa'i phyir/ bzhi pa grub ste/ mngon par 'du bar yang mi
bya'o/ /zhes gsungs pa'i phyir/ dngos po gang gis sgom pa yod
de/ mos pa yid byed kyi sgom pa dang/ de kho na nyid yid byed
kyi sgom pa

gnyis yod pa'i phyir dang po grub ste/ 'dod chags kyi gnyen por
mi sdug pa sgom pa/ zhe sdang gi gnyen por byams pa sgom pa/ gti
mug gi gnyen por rab dbye dang rten 'brel sgom par gsungs pa lta
bu te/ mdzod las/ keng rus chags bcas thams

cad la/ /zhes sogs gsungs/ gnyis pa grub ste/ gang zag rang skya
thub pa'i rdzas yod kyis stong bar sgom pa lta bu yin pa'i
phyir/ rtsa rtags gsum pa ni/ 'dug pa'i ched du sa'i stegs dang/
khri'u yang ngo/ /zhes sogs kyis 'chad/ rtsa rtags bzhi pa ni/

@131a @#/ /gnyid bro na gdos bu gdags par bya'o/ /zhes sogs kyis
'chad/ rtsa rtags lnga pa ni/ spong ba ba'i phyir zhal ta ba
bsko bar bya'o/ /zhes gsungs/ ngag don ni/ dge slong spong ba
rnams kyi phyir dge 'dun gyi spong ba pa'i zhal tab gsol

gnyis kyi las kyis bsko bar bya ste/ bde bar bsam gtan 'phel
ba'i dgos pa yod pa'i phyir/ spong ba'i zhal ta bsko ba'i tshul
ji lta bu zhe na/ 'di la yul gang bsko ba/ bsko ba bo ji lta bu
zhig gis/ tshul ji ltar bsko ba/ bskos pa'i bslab bya bshad pa
rnams

su yod la/ dang po ni/ bsko yul chos bcu gcig dang ldan pa gcig
bsko bar bya ba yin no/ /chos bcu gcig ni/ dge slong chos drug
ldan gyis steng du mtshams kyi nang na gnas pa/ 'gro ba bzhi dang
bral ba/ spro 'am zhes dris pas spro ba dang ldan pa/ tshogs su
ma

longs pa/ sngar bskos pa dang ma 'brel ba rnams so/ /'gro ba
bzhi ni/ 'dun pas 'gro ba/ zhe sdang gis 'grog 'jigs pas 'gro
ba/ gti mug gis 'gro ba rnams yin no/ /de yang 'gro ba zhes pa
ni/ brjod pa 'am smra ba la bya ba yin te/ brjod pa dang 'gro ba
ni skad

dod gcig pa'i phyir/ gnyis pa ni/ mtshan nyid bzhi ldan gyi dge
'dun gyis bsko bar bya'o/ /gsum pa ni/ sbyor ba sbro ba dri ba/
dngos bzhi gsol gnyis kyi las kyis bsko ba/ mjug las kyi mjug
sdud brjod pa rnams yin no/ /bzhi pa ni/ de'i bya ba ni langs ma
thag kho

nar chag chag gdab pa dang/ phyag dar bya ba dang/ zhes sogs
gsungs pa ltar yin no/ /spong ba'i zhal ta ba'i bya ba ston par
byed pa la/ bsdu ba'i phyir gan d+he brdung ngo/ /de'i gnas ni
khang steng ngo/ /dge 'dun bsdu ba'i phyir ni rgyud gsum dang de
snyed kyi tog

dag go/ las bya ba'i don du ni/ rgyud gcig dang tog gsum mo/
/zhes sogs kyi skabs su/ spyi don dang/ gzhung don gnyis/ dang
po la/ gan d+he'i rgyu/ tshang/ dbyibs/ bzhag pa'i gnas brdung
ba'i gnas/ rab gnas ji ltar bya ba/ tshul ji ltar brdung ba/

@131b tshul dang mi mthun par brdung ba'i nyes dmigs/ /tshul dang
mthun par brdungs pa'i phan yon dang dgu'o/ /dang po ni/ gan
d+he'i mdo las/ sbyor ba 'dod pa'i shing rnams ni/ /rab tu 'bad
de brtag par bya/ /tsan dan bil pa pa la sha/ /a shwang tha
dang tsan dan dmar/

rgya star ta la ked shu ka/ shing sha ba dang ta ma la/ /a ma
star bu skyu ru ra/ /stir ti sa ra a shwa ka/ 'di dag thams cad
med na yang/ /'o se la ni 'bad de bya/ /zhes gsungs ba ltar bya
zhing/ /'o se ni seng ldeng ngo/ /gnyis pa ni/ che tshad srid du
sor brgya dang brgyad/ chung tshad

srid du sor gya bzhi pa/ de'i bar 'bring tshad do/ /gan d+he'i mdo
las/ /tshad ni chung ngur sor tshad ni/ /brgyad cu rtsa bzhi nyid
bya zhing/ /zhes gsungs/ de yang zheng du sor drug dang/ dpangs
su sor gnyis 'chang bzung sor bcu gnyis pa bya ba ste/ de nyid
las/ zheng du sor drug

bya ba ste/ dpangs su yang ni gnyis bya'o/ /zhes gsungs/ gsum pa
ni/ ngos legs par mnyam pa/ shin tu gsal ba/ rtse mo gnyis spal
ba'i mgo lta bu dbyibs su bya ste/ de nyid las/ legs mnyam nyid
dar shin tu gsal/ /rtse gnyis spel pa'i mgo bo bzhin

zhes gsungs/ gan ba/ log tu grags pa/ gan d+ha brdung ba'i shing
de'i rgyu dang tshad nge dang dbyibs rnams bzhag tu yod de/ gan
d+he gang las grub pa'i shing de nyid las grub pa/ tshad srid du
sor bcu gnyis pa/ dbyibs zlum po rtse gnyis ne'u le'i mgo bo lta
bu

bya ba yin te/ de nyid las/ de nas brdung bar byed pa yang/
/shing de nyid la 'bad de bya/ /sor bcu gnyis kyi tshad dgal/
/zlum zhing rtse gnyis ne'u le'i mgo /spong ba pa'i gan d+he sor
bcu gnyis pa dang/ sor nyer bzhi pa dag kyang bshad do/ /bzhi pa
ni/ gtsug lag

khang gi sgo khang gi steng/ yang na gtsug lag khang dbus ma'i
steng du gzhag par bya ste/ de nyid las/ gang phyir de brdung
bzhag dgos pas/ /'og tu yang ni khri byas pa/ /gtsug lag khang
gi sgo stengs sam/ /yang na dbus ma'i steng du bya/ /zhes
gsungs/ lnga pa ni/

@132a @#/ /gtsug lag khang gi steng sogs thams cad kyis thos sa
gcig tu brdung bar bya ba yin no/ /drug pa ni/ gan d+he yum chen
mor bskyed pa'i sgo nas bya ba yin te/ de nyid las/ de yi rab
gnas bya ba ni/ /shin tu mi zad chos kyi sku/ /

zhes gsungs pa dang/ gleng gzhi las/ de'i tshe yum chen mo shes
rab kyi pha rol tu phyin pa gan d+he'i rnam par bzhugs/ zhes
gsungs pa'i phyir/ bdun pa la/ bsam pa ji lta bus brdung ba/
sbyor ba'i lta bus brdung ba/ /gang zag gang gis brdung

ba; dus nam gyi tshe brdung ba'o/ /dang po ni/ gan d+he yum chen
mor mos pa dang/ gan d+he brdung ba'i chos kyi 'khor lo bskor bar
bskul ba dang/ gan d+he'i sgra zab mo stong nyid dang pha rol tu
phyin pa'i sgrar mos pa dang/ bstan pa dang sems can la phan

par 'dod pa'i bsam pas brdung bar bya'o/ /gnyis pa ni/ dang por
dkon mchog gsum la phyag bya/ de nas spyir btang la shang tsha
lan gsum/ de nas rgyud gsum dang tog sgra chen po gsum bya ba'i
sgo nas brdung bar bya ste/ de nyid las/ der 'gro

dkon mchog gsum la ni/ /phyag 'tshal nas ni brdung bya ste/
/shang tsha lan gsum brjud nas ni/ /chos kyi rnga rnams brdung
bar bya/ /zhes gsungs/ de yang dge 'dun zas dang gso sbyong sogs
la bsdu ba'i don du yin na/ rgyud re re la sum cu so lnga re

rgyud gsum gyi steng du tog gsum byas pa'i steng brgya rtsa
brgyad kyi tshul du zla ba nya ba ltar brdung bar bya ste/ gcig
nas bco brgyad kyi bar du je cher skyed/ de nas so drug gi bar
je chung du btang/ phyi ma gnyis la'ang de bzhin du brdung bar
bya ste/ dge

'dun bsdu ba'i phyir rgyud gsum dang de snyed kyi tog dag go/
/zhes gsungs pa'i phyir/ las bya ba'i don du rgyud gcag dang
mjug tu tog gsum bya/ ro dbyung ba'i don du rgyud gcig dang mjug
tu tog med pa'i gan d+he brdung bar bya'o/ /zhes bya ba brdung
lugs dang/

@132b ser ba la sogs pa'i gdod pa byung ba bzlog pa'i don du ji
tsam chog gi bar du brdung bar bya ste/ las bya ba'i don du ni
rgyud gnyis dang tog gsum mo/ /zhes pa dang/ shi ba la phrag pa
dbyung ba'i don du ni byi bo'o/ /zhes pa dang/ gnod pa byung ba
la ni ji tsam

gyis chog pa'o/ /zhes gsungs/ gsum pa ni/ dge bsnyen gtsang ma
yan chad so thar gyi sngom ldan gyis brdung bar bya ste/ gan
d+he'i mdo las/ dag slong rnams dang dge tshul gyis/ /dus rnams
rtag tu brdung bya zhing/ /gso sbyong la ni gnas pa'i tshe/ /

dge bsnyen gyis kyang brdung bar bya zhes gsungs/ gso sbyong la
gnas pa zhes pa bsnyen gnas bsrungs pa 'am dge bsnyen la bya'o/
/bzhi pa ni/ spyir btang la nyen re la lan gsum brdung/ dmigs
bsal la gang skabs su bab pa na bcung

bar bya ste/ de nyid las/ zan za nyi ma 'char nub tshe/ /dus gsum
la ni lan gsum ste/ /zhes sogs gsungs pa'i phyir/ brgyad pa ni/
gan d+he'i mdo las/ tshad min shing ngan las byas dang/ /brdungs
na sgra ni mi 'byung bas/ /sangs rgyas yum 'di

brdungs na ni/ /yul 'khor 'tshe ba nges par 'byung/ /gtsug lag
khang du dge 'dun rnams/ /de bzhin blo ni mi mthun dang/ nyes
ltung dag ni 'byung 'gyur zhing/ /rnam pa du mar rtsod par
'gyur/ /mu stegs can gyis dbang bsgyur zhing/ /bdung kyang
'byung bar

'gyur ba yin/ gdug pa'i blu ni du ma yis/ /'bru rnams kyang ni
nyams bar byad/ /ces gsungs pa ltar/ /nyes dmags 'byung ngo/
/dgu pa ni/ gan d+he tshul dang mthun par brdung ba la chos can/
/phan yon bsam gyis mi khyab ste/ gnas skabs

dpal dang grags bas/ byas pa dang/ gang bsam pa'i don 'grub pa
dang chos dang zang zing gi longs spyod 'phel bar 'gyur ba'i
phan yon yod pa'i phyir te/ de nyid las/ rgyal po gang gi yul
'khor du/ /gan d+he de ni grag gyur pa/ /deng ni dpal dang

@133a @#/ /grags pa dang/ /'dod pa dang ni lo legs 'gyur/ /zhes
sogs gsungs pa'i phyir/ gnyis pa gzhung don ni/ /rnal 'byor sgom
pa'i gnas der gan d+he brdung ba la chos can/ /dgos pa yod de/
spong ba pa'i dge slong chos

dang zang zing gi longs spyod la bsdu bar bya ba'i ched yin pa'i
phyir/ gnyis pa mthun pa'i gso sbyong ston par byed pa la/ /gang
du gso sbyong bya ba gnas kyi skabs/ gang dag bya ba tshogs pa'i
skabs/ ji ltar bya ba cho ga'i skabs so/ /dang po la/ blo mthun

par bya ba dge 'dun gyi gnas/ mtshams bcad pa'i gnas/ mtshams med
pa'i gnas dang gsum/ dang po ni/ gso sbyong gi gnas la blo mthun
par bya'o/ /zhes sogs la/ ngag don ni/ gang du gso sbyong bya
ba'i gnas la dge 'dun gyi gsol

gnyis kyi las kyis blo mthun bya ste/ de ma byas pas nyes pa mi
'byung ba dang/ las kyi gnas su ca co mi 'byung bar bya ba'i
tshad yin pa'i phyir/ gnas kyi blo mthun 'jig rgyu la gsum yod
de/ dge slong dang bral ba/ las kyis zhig pa/ re ba med

pa rnams su yod pa'i phyir/ gnas gang la blo mthun par bya ba
yod de/ gnas gsum gang rung gi ngo bor grub pa/ nyen bor bdom
gang dang bcas pa/ dge 'dun bzhed pa yin pa/ sngar blo mthun ma
byas pa rnams su dgos pa'i phyir/ gnas gsum

yod de/ grub pa byas pa zin pa rnams yin/ rten gyi dang zag gang
gis bya ba yod de/ mtshan nyid bzhi ldan gyi dge 'dun gyis bya ba
yin pa'i phyir/ cho ga ji lta bus bya ba yod de/ gsol gnyis kyi
las kyi bya ba yin pa'i phyir/ 'jig rgyu yod de/ gnas der dge

slong med par skya rengs shar brten zhing ma yin bar gyur pa
gnas zhing ma yin par gyur pa rnams kyi tshe 'jig pa'i phyir/
gnas grub pa ni/ bskal pa chags pa'i tshe rang grub pa re'i bya
skyibs lta bu/ byas pa ni skyes bu'i rtsol bsags sbyong la sogs
pa'i ched

@133b du gsar du byas pa lta bu/ zin pa ni sngar gzhan gyis byas
zin pa dang gso sbyong la sogs ba byar rung ba'i gnas so/ /gnyis
pa ni mtshams bcad par bya'o/ /zhes pa ste/ dag don ni/ gso
sbyong la sogs pa'i ched du gsol gnyis kyi las kyis mtshams/

po che bcad par bya ba gnang ste/ las la mi 'du bcad gag pa
dang/ gso sbyong la sogs pa mtshams po de'i nang du bya bar
gsungs pa dang mi 'ga' la dang snam sbyar dang mi 'dul ba'i
gnang ba dang chags pa dang/ rnyed pa dang sra brgyad 'dir ba
dang/

gnas med kyi nyes pa legs pa'i gnas gcig tu 'gyur pa'i dgos pa
yod pa'i phyir/ mtshams po che 'jig pa'i rgyu la lnga yod de/
mtshams gzhan gyur pa dang/ las kyis zhig pa dang/ dge slong dang
bral ba dang/ re ba med par mtshan ma zhig

brnams su yod pa'i phyir/ tshad ci tsam du mtshams po che gcod pa
bzhag tu yod de/ dbus nas bzung ste dpag tshad phyed dang gsum
gyi mtha' tshun chad du gang 'os pa bcad par bya ba yin pa'i
phyir/ tshul ji ltar du bcad par bya ba yod de/ phyogs phyogs

su pha bong la sogs pa'i mtshan ma brtan po yod pa brjod pa'i sgo
nas bcad par bya ba yin pa'i phyir/ gnas de yang phyogs bzhir
mtshan ma brtan po btsugs pa/ chu bo la sogs pa'i mtshan ma gzhan
byung ba min pa/ sngar mtshams bcad pa

dang ma 'brel ba/ gzhan gyis mtshams gcad pa'i phyir du mtshan ma
btsugs pa ma yin pa dgos pa'i phyir/ mtshams po che bcad pa der
chos gos dang mi bral ba'i gnang ba byas na chos gos dang mi
'bral bar 'gyur gyi/ mtshams po che btsad

pa tsam gyis chos gos dang mi 'bral ba ma yin te/ mdo rtsa bar/
deng gnang ba rgyas na chos bos dag dang 'bral bar mi 'gyur ro/
/zhes gsungs pa'i phyir/ mtshams du/ chung ba bcad pa'i tshul ston
pa la/ thams cad kyi ched du dkyil 'khor bar blo mthun

@134a @#/ /par bya'o/ /zhes pa ste/ ngag don ni/ gso sbyong 'ba'
zhig tu ma zad 'dul ba dang ldan pa'i las thams cad kyi ched du
dge 'dun gyi gsol gnyis kyi las kyis mtshams bu chung bcad cing
dkyil 'khor bar blo mthun par bya bar gnang ste

ha cang 'du ba thal ches pas bya ba nyams par 'gyur ba spang bar
bya ba'i ched yin pa'i phyir/ tshad ji tsam du gcod pa bzhag tu
yod/ chung tshad dge slong bzhi bcu'i gding ba shong ba nas che
tshad skad phal pas thos pa 'am rgyang grags gcig tshun chad du
gcad par bya ba

yin pa'i phyir te/ zhu ba las/ dkyil 'khor gang du grangs bzhi
bcur shong ba'o/ /zhes pa dang/ bu TIk las/ rgyang grags sogs
nas/ chung tshad gding ba bzhi bcur shong ba yin la/ zhes gsungs/
de yang mtshams po che bcad pa de ma grol bar mtshams bu

chung bcad ba mi chags te/ snga ma bag yangs su ma byas par bcad
pa gzhan mi chags so/ /zhes gsungs/ dkyil 'khor ba yin na/
mtshams bu chung yin pas khyab kyang/ mtshams bu chung de la des
ma khyab bo/ /gsum pa ni/ dgon pa ni phyogs su rgyang grags

kyi mtha' tshun chad do/ zhes so/ /gnyis pa gang dag bya ba tshogs
pa'i skabs la/ 'dun pa 'bul ba dogs gcod dang bcas pa/ yongs dag
'bul ba bslab bya dang bcas pa'o/ /dang po ni/ 'dun pa 'bul na
las la mthun pa 'grub bo/ /zhes sogs kyis/ ngag don

ni/ /las la mthun pa 'grub pa las kyi gral du nges par 'du dgos
bsam khyab ste/ dge 'dun gyi las la 'dun pa phul bas dge slong
de dang las byed pa'i dge slong rnams blo mthun grub pa'i phyir/
'tshams che chung gcod pa'i las la 'dun pa phul bas

mthun pa'i las mi grub ste/ mi 'du ba dgag ba'i ched du 'tshams
gcod pa yin pas/ de la lus kyis mi 'du ba mi rigs pa'i phyir/
yul gang la 'dun pa 'bul na/ gso sbyong dang rab byung bsnyen
rdzogs la 'dus pa'i dge 'dun la 'bul/ gang gis 'bul na/

@134b kha skong gi chos bcug cig dang ldan pa'i dge slong 'tshams
nang der yod pa yin pa/ na ba sogs kyi dgag dgos dang ldan pa/
smye ba'i gnang ba ma thab cing / rgyud tshogs su ma tshang bas
'bul/ dus nam gyi tshe 'bul na/ gso sbyong la/ tshe dang ldan pa
dag ma lhags pa rnams la 'dun ba

dang yongs su dag pa dris shig dang/ dris nas kyang brjod par
bya'o/ /zhes pa'i dus dang/ las gzhan rnams la las kyi snga rol
du len/ 'dun pa len pa po dge slong chos bdun ldan/ dge 'dun gyi
'dun pa len par bskos pa/ blangs nas 'bul ba'i cho ga la mkhas
pa

gcig gis len no/ /cho ga ji lta bus len na/ len pa pos de'i thad
du song ste/ dge 'dun 'di dang 'dis phrin las mdzad pa la 'dun
pa 'bul lam zhes brjod/ 'bul ba pos sngags tshig lan cig brjod
pa'am/ de tsam mi nus na 'dun pa 'bul zhes pa tsam dang/ de tsam
yang mi

nus na lus kyi brda' tsam byas te 'bul lo/ /dgos pa ci'i phyir
du nam 'dus pas mi mthun pa dgag pa'i phyir du'o/ /'dun pa
blangs pa'i yul la dge slong rang bzhin du gnas pas ma khyab
ste/ bslab pa byin pa las des blangs su rung ngo/ /zhes gsungs
pa'i phyir/ gnyis

pa ni/ yongs su dag pa phul pa dang yang gcig pa nyid do/ /zhes
sogs kyis/ mdo gnyis la/ yang zhes bas 'dun pa phul bas mthun pa
grub par ma zad/ yongs su dag pa phul bas kyang mthun pa 'grub
bo/ /gang dang mthun pa 'grub na/ yongs su dag pa'i dge 'dun
dang

mthun pa 'grub bo/ /dngos po gang la yongs su dag pa dbul na/
gso sbyong dang dgag dbye la'ang 'bul/ 'bul ba po sngar bzhin/
cho ga ji lta bus 'bul na sngags tshig lan gsum bzlas pas so/
/dgos pa ci'i phyir du na/ gso sbyong dang dgag dbye chags

pa'i phyir du'o/ /gsum pa ji ltar bya ba cho ga'i skabs la/ mdor
bstan pa dang/ rgyas bar bshad pa gnyis/ dang po ni/ gso sbyong
bya'o/ /zhes sogs kyi skabs su/ spyi don dang/ gzhung don gnyis
las/ dang po la/ gnas dang du bya ba/ /dus nam gyi tshe bya

@135a @#/ /pa/ rten gyi gang zag gang gis bya ba/ cho ga ji lta
bus bya ba/ dgos pa ci'i phyir du bya'o/ /dang po ni/ gnas la
blo mthun byas la ma zhig pa der bya ste/ gso sbyong gi gnas la
blo mthun par bya'o/ /zhes sogs gsungs/ gnyis pa ni/ spyir btang

la gso sbyong bcu bzhi pa dang bco lnga pa nya shi gnyis kyi dus
su bya te/ byin gyis brlab pa'i dus yin pa dang/ mtshan ma gsal
ba'i phyir te/ zla ba phyed phyed kyi tshes bco lnga la'o/ /zhes
gsungs/ tshes bco lnga pa smos pas gso sbyong bcu bzhi pa yang
bsdus pa yin te

nyin zhag la ltos pa'i gso sbyong bcu bzhi pa yin na/ tshes zhag
la ltos pa'i gso sbyong bco lnga pa yin dgos pa'i phyir te/ rgya
cher 'grel las/ gso sbyong bcu bzhi pa zhes bya ba'i nyi ma de
nyid tshes bco lnga pa yin pa'i phyir ro/ /zhes dang/ bam lngar/
tshes grangs kyi yang dag

ba la ltos nas ni thams cad kyang bco lnga pa yin no/ /zhes
gsungs/ dmigs kyis bsal na nam dgag dgos nye bar gnas pa na
bya'o/ /gsum pa ni/ rab byung sde lngas bya zhing dge tshul pha
mas gso sbyong bya dgos te/ ma byas na nyes byas su 'gyur ba'i
phyir te/ bye brag

bshad mdzod las/ dbyar gnas gcig tu gnas pa dang/ gso sbyong
dgag dbyer bcas pa dang/ /de la sogs pa de yis ni/ /blangs pa'i
phyogs dang mthun pa yin/ /zhes gsungs/ bzhi pa la/ sbyor/
dngos/ mjug gsum las/ dang po ni/ chag chag phyag dar

sogs stan thabs nyams par mi bya ba/ gnas mal/ mchod pa dang
bcas pa'i ston pa'i sku gzugs bzhugs su gsol pa/ dkar gtor cha
bzhi bsham pa/ dge 'dun 'du ba'i phyir gan d+he brdung ba/ thams
cad kyis ltung ba phyir bcos bya ba/ /nang du tshogs

nas bskul ba pos mdo skul ba/ dge 'dun gyis mdo 'don pa/ gtor ma
cha bzhi byin gyis brlabs te/ dang po dkon mchog /gnyis pa chos
skyong srung ma/ gsum pa gzhi bdag/ bzhi pa rigs drug la bsngo
ba/ gnas brtan gyis chos bsgrags kyi mdo 'don pa/

@135b thams cad kyis ltung ba spyi bshags bya ba rnams yin no/
/gnyis pa la/ dge tshul gyi gso sbyong dang/ bsnyen rdzogs kyi
gso sbyong gnyis/ dang po ni/ dge slong chos bdun ldan gyi mdun
du sngags tshig lan gsum bzlas pa'i sgo nas bya ba yin no/ /dge
tshul

la gso sbyong gsungs te/ dge tshul pha ma la dgag dbye gsungs pa
gang zhig /de la brten nas gas sbyang byed dges par 'grub pa'i
phyir te/ sum brgya ba las/ gal te mngon sum gsungs pa med gyur
kyang/ /dgag dbye gsungs phyir 'dir ni gso sbyong yod/

ces gsungs pa'i phyir/ mngon sum gsungs pa med ces pa'i don las
brgya rtsa gcig gi nang nas dge tshul gyis gso sbyong byed pa'i
sngags tshig 'di med ces pa'i don no/ /gnyis pa ni/ gnas brtan
gyis so thar gyi mdo 'don pa yin te/ so sor thar pa'i mdo

'don pas so/ /zhes gsungs/ dgag dbye'i nyin par dgag dbye las
logs su gso sbyong mi bya ste/ dgag dbye byas na 'di ma grub pa
nyid ma yin no/ /zhes dang/ dgag dbye byas nas yang gso sbyong
mi bya'o/ /zhes dang/ me tog phreng rgyud las/ sdig pa dman gyi

gso sbyong ni/ dgag dbye byas nas yang mi bya/ /gso sbyong dgag
dbyer bya phyir te/ /dgag dbye yang ni de nyid yin/ /zhes
gsungs/ pu TIk las/ nyin gcig la de gnyis ka byas na nyes byas
so/ /zhes gsungs/ gsum pa ni/ bstan pa rgyas shing sems can la
phan pa

'byung ba'i phyir du klu'i rgyal po dga' bo dang nyer dga' bo
gnyis kyi ming nas smos te bsngo bar bya ba sogs yin no/ /lnga
pa ni/ lhag pa ting nge 'dzin gyi bslab pa dang/ lhag pa shes
rab kyi bslab pa rnam par sbyong ba'i phyir du zhi gnas kyi gso
sbyong byed/ lhag pa tshul khrims

kyi bslab pa rnam par sbyong ba'i phyir du mthun pa'i gso sbyong
byed pa yin pa'i phyir/ bsdus na tshul khrims gso zhing sdig pa
sbyong ba'i phyir du gso sbyong byed pa yin te/ dri tshig gi
TIkar/ gso sbyong ni tshul khrims gso ba'i phyir dang/ sdig pa
rnam par sbyong

@136a @#/ /ba'i phyir 'di ltar dge ba mtha' dag yang dag byed
cing/ sdig pa mtha' dag yang dag 'dir sbyong pa de dag gso ba'i
phyir dang sdig pa rnams sbyong phyir de bas gso sbyong zhes
dang/ bam lngar/ gso sbyong zhes bya ba ni bslab ba gsum

gso zhing sbyong bar byed do/ /de yang rnam pa gnyis te zhes
sogs gsungs ba'i phyir/ /gzhan yang/ ston pa'i bcas pa dang
mthun pa dang/ gnas skabs mngon mtho dang/ mthar thug byang
chub
rnam pa gsum thob pa'i phan yon yod de/ /'o na dge slong bzhi ma
tshang na

ji ltar bya snyam na/ 'di la gso sbyong byin rlabs bya dgos pas/
de'i tshul la/ sbyor ba/ dngos gzhi/ zhar byung ngo/ /dang po ni/
bzhi pas nyung pa nyid la yang gtsug lag khang gi bya ba gnas pa
kho na yin no/ /zhes sogs te/ dge slong bzhir ma tshang na/ gso
sbyong

gi nyin gtsug lag khang la sogs chag chag dang phyag dar bya ba/
khri stan shom pa sogs byas te phyogs bzhir blta bar bya ba dang
dge slong gzhan 'ongs pa mthong na de dang lhan cig dge 'dun gyi
gso sbyong dang dgag dbye bya ba yin pas myur bar byon cig ces

brjod par bya ba yin no/ /gnyis pa ni/ bzhir ma tshang na dus kyi
bar du bsdad de byin gyis brlab par bya'o/ /zhes sogs te/ de
ltar bsgugs pas dge slong ma byung na gso sbyong byin rlabs bya
la/ de'i tshul bzhag tu yod de/ dge slong gsum yod na gcig gi
mdun du

gnyis kyis byin rlabs/ gnyis yod na de mos kyis byin gyis
brlabs/ gcig las med na gcig bus byin gyis brlab par bya ba yin
pa'i phyir/ sngags tshig ni dgongs su gsol/ deng dge 'dun gyi gso
sbyong bcu bzhi pa 'am bco lnga pa yin la/ bdag

dge slong ming 'di zhes bgyi ba'i gso sbyong yang bcu bzhi pa'am
bco lnga pa yin te/ bdag dge slong ming 'di zhes bgyi ba bar
chad kyi chos rnams yongs su dag go /zhes kyang bdag smra zhing/
gso sbyong byin gyis brlabs so/ /gang gi tshe dge 'dun tshogs

@136b brnyed pa de'i tshe tshul khrims yongs su rdzogs par bya
ba'i phyir dge 'dun dang lhan cig gso sbyong bya'o/ /zhes lan
gsum bzlas shing/ yul yod na tshe dang ldan pa sogs dgongs su
gsol/ yul med na lha dgongs su gsol/ zhes dang/ thabs legs bya
zhing/ yul med na dgongs gsol bya

mi dgos par yang bzhed do/ /gsum pa ni/ bzhi'i dgag dbye yang de
bzhin no/ /zhes sogs te/ gso sbyong la bshad pa bzhin no/ /gnyis
pa gzhung don ni/ rab byung sde lngas gso sbyong bya bar gnang
ste/ des khyad par du byas pa'i dgos pa yod pa'i phyir/ gnyis pa

rgyas par bshad pa ni/ zla ba phyed phyed kyi tshes bco lnga
la'o/ /zhes sogs kyi zhar la bstan pa/ bkur sti bya ba'i rim pa
bshad pa ni/ /mdo sde 'dzin pa 'ongs na gdugs dang rgyal mtshan
dang ba dan la sogs pa dag gis bsu bar bya'o/ /zhes sogs ma do
gsum

gyi ngag don ni/ dge slong sde snod 'dzin pa mthong ngam thos
na/ dge 'dun gyis gdugs dang rgyal mtshan dang rol mo la sogs pas
dpag tshad phyed dang gsum tshun nas bsu bar byas te/ bstan pa la
bkur sti bya ba'i ched yin pa'i phyir/ gnyis pa rnam 'byed la
sogs

pa'i skabs nas 'byung ba la/ zhi gnas kyi gas sbyong gi spros
pa/ thun mong gi spros pa/ mthun pa'i gso sbyong gi spros pa'o/
/dang po ni/ ting nge 'dzin las bslang bar mi bya'o/ /zhes sogs
mdo gnyis kyis 'chad/ ngag don ni/ dge slong ting nge 'dzin la
snyom par zhugs

pa la don gang dang gang gi phyir yang bslang par mi bya/ ti nge
'dzin sgom pa'i lung ngam gdam ngag med par ting nge 'dzin bsgom
par mi bya ste/ lta ba phyin ci log 'byung ba dang/ sems 'khrugs
pa spong ba'i ched yin pa'i phyir/ gnyis pa la/ chos bshad pa'i

tshul/ rtsom pa'i tshul/ rtsod pa'i tshul lo/ /dang po ni/ dge
slong gis chos bshad par bya'o/ /zhes sogs te/ dge slong gis mya
ngan las 'das pa la sogs pa'i chos sengge'i khri la sogs pa la
'dug ste/ rgyun chags gsum gyi tshul gyis bstan par bya ste/

@137a @#/ /des khyad par du byas pa'i dgos pa mthong ba'i phyir/
rgyun chags gsum ni/ dang por dkon mchog la phyag 'tshal ba/ bar
du mdo 'don pa/ mthar bsngo ba bya ba dang gsum mo/ /gnyis pa
ni/ don bsdus te brjod par yang ngo/ /zhes pas 'chad/

gsum pa ni/ gal gzung ba dang gzhung gzugs pa yang ngo/ /zhes
pas 'chad/ gsum pa ni/ dge 'dun gyi gnas brtan gyi smig ma'i
zhes sogs kyis 'chad/ ngo bo'i dbye bas so/ /zhes yar ngo dang
mar ngo gnyis su phye nas bstan pa la/ kho na re/ tshes grangs

brjod pa'i tshe zla ba'i ngo thams cad bco lngar brjod par bya
'am zhe na/ de'i lan ston pa la/ nyin zhag gcig gis mi chog par
bya'o/ /zhes sogs kyis 'chad/ 'o na mi chog pa ste gang gi tshe
bya zhe na/ de'i lan ston pa ni/ dus tshigs rnams kyi zla ba
phyed lus pa nyid la'o/

zhes sogs kyis 'chad/ 'o na zla shol 'don tshul ji lta bu zhe na/
de ston pa ni/ zla ba shol 'don pa ni rgyal po'i rjes su 'brang
pas so/ /zhes sogs mdo gsum gyi ngag don ni/ rim pa bzhin/ /tshe
grangs brjod pa'i tshe bco lnga pa kho nar brjod

bsam khyab ste/ nyin gcig mi chog pa'i gso sbyong bcu bzhi pa
gcig yod pa'i phyir te/ tshes zhag gis nyin zhag gi dod mi thub
pa'i phyir te/ nyin zhag ni rnam pa thams cad du yud tsam sum cu
tshad par gnas/ tshes zhag yud tsam phyed sum cu tshad

pa tsam du gnas pa'i phyir/ des na zhag la gsum yod de/ tshes
zhag /nyin zhag /khyim zhag gsum yod pa'i phyir/ dang po ni/ zla
ba 'phel 'grib kyi cha la nag cha 'phel ba'i cha bco lnga/ dkar
cha 'phel ba'i cha bco lnga ste sum cur byas pa'i cha gcig gam/

gza' bdun tshes la spyod pa'i yud tshad do/ /gnyis pa ni/ da nang
nam langs nas sang nam ma langs kyi bar la bya/ 'di nyin mtshan
mnyam pa'i dus na nyin mo la yud tsam bco lnga/ mtshan mo la yud
tsam bco lnga/ lho bgrod mthar thug pa'i tshe mtshan mo la yud

@137b cam bco brgyad/ nyin mo la yud tsam bcu gnyis yod/ byang
bgrod mthar thug pa'i tshe de las zlog pa yod/ gzhan gyi tshe yud
tsam re re ring thung du 'gyur ro/ /gsum pa ni/ lug glang 'khrig
pa kar ka Ta/ seng ge bu mo srang sdig pa/ gzhu dang chu srin
bum

pa nya/ /zhes gsungs pa ltar/ khyim bcu gnyis po re re la nyi ma
ji tsam gnas pa'i sum cu'i cha gcig la 'jog pa yin no/ /des na
nyin zhag las tshes zhag yud tsam phyed kyi myur bar 'das pas
tshes zhag drug cu song ba'i tshe nyin zhag nga dgu pa yin pas
zhag

mi thub pa zhes bya'o/ /de ltar na gso sbyong mi thub pa'am/ /mi
chog pa 'am/ bcu bzhi pa bya ba'i dus yod de/ dus tshigs la drug
tu byas pa'i dus re re la zla ba gnyis gnyis su byas pa'i zla ba
phyed pa dang po gsum 'das/ phyed pa bzhi pa slad du lus pas

zla ba phyed pa gsum po re re la gso sbyong bcu bzhi pa re re
bya ba yin pa'i phyir/ mdzod las/ zhag mi thub dang bcas pa yi/
/zla ba bcu gnyis la lo gcig/ ces gsungs pa ni zla shol ma
brtsis pa'i dbang du byas pa yin no/ /zla shol 'don pa'i tshul
bzhag

tu yod de/ rgyal po dus tshod la mkhas pa'i brtsis pa drung na
rtag tu sdod pa de'i rjes su 'brangs nas 'don par bya ba yin
pa'i phyir te/ tshes 'di la rgyu skar du babs skar mkhan gyi rjes
su 'brangs nas shes par bya ste/ dgos pa 'jig rten tha snyad la

mkhas pa dang/ tshes 'das pa sems la bzhag pa dang gso sbyong gi
nyi ma yongs su shes par bya ba'i ched yin pa'i phyir/ spyi don
dus tshigs kyi skabs las shes par bya'o/ /gnyis pa dbyar gnas kyi
sgo nas bslab pa yongs su sbyong ba la/ gzhi'i skabs nas byung
ba dang/

gleng gzhi la sogs pa'i skabs nas 'byung ba'o/ /dang po ni/
dbyar gnas par khas blang bar bya'o/ /zla ba gsum du'o/ /zhes
sogs mdo lnga'i skabs su/ spyi don dang/ gzhung don gnyis/ dang
po la/ dgos pa ci'i phyir du dbyar gnas par khas blang ba/ rten
gyi gang zag gang

@138a @#/ /gis khas blang ba/ yun ji tsam du/ dus nam gyi tshe/
gnas gang du/ cho ga ji lta bus khas blang ba/ dbyar khas blang
ba'i dam tshig bshad pa dang bdun/ dang po ni/ gnas ral ba dang/
drum pa bcos pa dang/ gzhan 'phya ba spong ba dang/ rab

gzhan gyi lus srog la gnod pa spong ba dang/ don dang bya ba
mang ba sbong ba dang/ bsam gtan dang klog pa 'phel ba dang/
dgag dbye dang sra brkyang 'byung ba'i ched du khas blang bar
bya ba yin no/ /gnyis pa ni/ rab byung sde lngas khas blang bar
bya ste/ mdo rtsa bar gleng

gzhi'i skabs nas 'byung ba bkod pa las/ sde pa lnga char gyis
kyang gnas par khas blang bar bya ba nyid yin no/ /dge tshul dag
'ba' zhig gis ma yin no/ /zhes gsungs/ gsum pa ni/ zla ba gsum
khas blang bar bya ste/ zla ba gsum du'o/ /zhes gsungs//

bzhi pa ni/ dbyar snga ma yar ngo sngon 'gro'i dbang du byas
pa'i dbyar zla 'bring bo'i tshes bcu drug dang/ dbyar phyi ma
de'i dbang du byas ba'i dbyar zla tha chung gi tshes bcu drug la
khas blang par bya ba yin te/ tshes bcu drug la'o/ /dbyar zla
'bring po'i nya'i phyi de nyin bar gyi'o//

dbyar zla tha chung nya'i bo/ /zhes gsungs/ mar ngo sngon 'gro'i
dbang du byas na dbyar snga ma gro bzhin zla ba'i tshes gcig
dang/ phyi ma khrums stod zla ba'i tshes gcig la khas blang bar
bya ba yin te/ me tog 'phreng rgyud las/ gro bzhin zla ba'i tshes
gcig nas/ /snga ma'i

dbyar de gtso bo yin/ /de nyid khrums stod zla ba yi/ /tshes gcig
nas ni phyi mar grags/ /zhes gsungs/ de rnams don gcig ste/
dbyar zla 'bring po'i tshes bcu drug /gro bzhin zla ba'i tshes
gcig /'jig rten ba'i hor zla drug ba'i tshes bcu drug rnams don
gcig

dbyar bla tha chung gi tshes bcu drug /khrums stod zla ba'i tshes
gcig /'jig rten pa'i hor zla bdun pa'i tshes bcu drug rnams don
gcig pa'i phyir te/ de ltar yang gzhi gsum cho ga las/ de ltar
skar ma'i dbang gis mar ngo sngon 'gro dang/ ra ba tha chung gi
dbang

@138b gis yar ngo sngon 'gro byas na lung de gnyis don mi mthun
pa med par legs par bshad par 'gyur ro/ /zhes gsungs/ lnga pa
ni/ dbyar khas len pa'i gnas de la khyad chos bdun dang ldan pa
dgos te/ phan pa dang bde ba'i rkyen nye bar gnas pa yin pa/
steng g.yogs

dang bcas pa/ dge slong gi drung du yin pa/ gtsug lag khang gcig
nyid yin pa/ las byed nus pa'i dge slong sgo glegs dang bcas pa
yod pa/ thams cad la 'phral du thun mong du mkho ba'i gnas ma
yin pa/ nam mkha' sogs 'tshams gzhan ma yin pa rnams dang ldan pa

dgos pa'i phyir te/ 'gyod pa dang/ zhes sogs dang/ g.yogs par
dge slong gi mdun du'o/ /zhes dang/ gtsug lag khang du mar mi
bya'o/ /zhes dang/ 'di'i don yang dbyar rnyed kyi phyir mtshams
tha dad pa'i gtsug lag khang du mar dge slong gcig nyid kyi
dbyar

khas mi len zhes pa'o/ /gang na dge slong med pa nyid dang/ sgo
glegs med pa nyid/ ces sogs dang/ sgo khang dang/ them skas kyi
lkog dang/ zhes sogs dang/ nam mkha' la gnas par khas blangs par
mi 'chags so/ /zhes gsungs/ drug pa la/ sbyor ba'i cho ga

dang/ dngos gzhi'i cho ga'o/ /dang po la gsum yod de/ gnas khang
byi dor bya dang/ gnas mal sta gon bya ba'i tshul dang/ byed pa
po bsko zhing des ji ltar bya ba dang gsum yod pa'i phyir/ de
yang ring sbyor gyi dbang du byas na/ zhag bcu 'am zla ba phyed
kyi 'byung bar 'gyur ba

nyid na gtsug lag khang byi dor bya'o/ /zhes 'byung ba ltar
dang/ nye sbyor gyi dbang du byas na/ nyi ma snga ma tshes bco
lnga'i dus su gnas mal dang/ gang zag sta gon bya ba/ tshul shing
gi bam bo rgan pa'i mtha' logs su bzhag ste khrims su bca' ba
brjod pa/ gnas

brtan gyi gsol ba 'ba' zhig gi las brjod nas tshul shing brims
pa'i skabs gyi bya ba sgrub pa/ dge 'dun la gnas khang dang mal
stan stobs pa/ sang nang bar dbyar zhal gyis bzhes par 'gyur bar
brjod ba rnams su yod pa'i phyir/ nye sbyor lnga po mdo las
gsungs tshul

@139a @#/ /yod de/ dang po ni/ nyi ma snga ma la gnas mal bsdog
go /khre'u dang chol zangs yan chad do/ /de stobs pa bsko bar
bya'o/ /mi nus na du ma'o/ /zhes pas 'chad/ gnyis pa ni/ tshul
shing gzeb kyi sprog mar ras dkar po bting bas

dkris pa dag rgan rims su bzhag nas tshe dang ldan pa dag gnas
'di na/ zhes sogs kyis 'chad/ gsum pa ni/ gzhan gyis blang ba
dang khas blang ba'i phyir du dge 'dun la gsol bar bya'o/ /zhes
pas 'chad/ bzhi pa ni/ gnas kyi gzhi stobs par bya'o/ /

zhes pas 'chad/ lnga pa ni/ dge 'dun sang sbyin bdag che ge mo
dang zhal ta pa che ge mo dang spyod yul gyi grong che ge mo/
zhes sog skyis 'chad/ gnyis pa dngos gzhi ni/ hor zla drug pa
'am/ bdun pa'i mar ngo'i tshes gcig gi nang bar skya rengs dang
po shar 'tshams yul dge slong

chos dgu ldan gyi mdun du sngags tshig lan gsum bzlas ba'i sgo
nas khas blang bar bya ba yin no/ /de yang tshes bcu drug gi skya
rengs dang po shar nas ji tsam snga ba tsam gyis bsod nams che
ba yin gyi/ rkyen dbang gis ma grub na tshes bcu drug gi nyi ma
ma

shar gong yan chad du dbyar khas len chags te/ las la ni 'das na
nyi ma ma shar ba'o/ /zhes gsungs pa'i phyir/ bdun pa la dbyar
ral ba spong ba dang/ ral yang nyes pa med pa'o/ /dang po ni/
byin gyis ma bslabs par mtshams kyi phyi rol du skya rengs 'char
bar

mi bya'o/ /zhes sogs kyi so/ 'di la yang gnang ba ma thob ba ste
rang don du byin gyis brlabs pa dang/ gnang ba thob pa ste gzhan
don du byin gyis brlabs pa gnyis las/ dang po ni/ yul dge slong
chos drug ldan gyi mdun du byin gyis brlabs/ rten dbyar khas

blangs la ma zhig pa/ chos ldan gyi bya ba la mtshams kyi phyi
rol du 'gro dgos pa'i rab byung des/ dngos po dbyar khas blangs
pa nyid do/ /dus dbyar zla ba gsum tshang bar khas blangs pa'i
mtha'i zhag drug ma gtogs so/ /mtha'i zhag drug la byin gyis
brlab pa mi

@139b 'chags so/ /zhes gsungs/ 'on kyang de lta bu'i mtha' zhag
drug la zhag bdun gyi byin rlabs mi chags zhes bshad nas/ nam
dgag dgos nye bar gnas pa na byin gyis brlabs so/ /yun ni spyir
btang la rang don du zhag gcig nas bdun gyi bar dang/ dge 'dun

gyi don du gnang na zhag bzhi bcu yin la/ dmigs kyis bsal na
rang don du yang zhag bzhi bcu tshun chad kyi byin gyis brlab dge
'dun gyi don du gnang na zhag bzhi bcu yin la/ dmigs kyis dge
tshul pho mo dang/ dge slob ma lnga zhag bzhi bcur 'gro ba cho ga

mthar thug ces dang/ gzhi gsum cho gar/ zhag bzhi bcu ring mtha'
yin pas brgyad nas bzhi bcu'i bar ji tsam dgos pa de tsam gyi
zhag grangs smos te/ zhes dang/ gang zag gi chos ldan gyi bya ba
zhag bdun gyis mi 'grub pa rnams la 'ang zhag brgyad nas

bzhi bcu phan chad byin gyis brlab pa sngar bzhin/ zhes gsungs/
des na da lta rang 'tshams kyi phyir log nas nang du log na'ang
zhag gcig dang gnyis nas log na zhag gsum sogs byin brlabs
bya'o/ /gnas gang du byin gyis rlob na/ dbyar khas

blangs pa'i mtshams nang de nyid du'o/ /cho ga ni sngags tshig lan
gsum bzlas pas so/ /dgos pa ni dbyar mi ral ba ston pa'i bcas pa
dang mthun pa'i phyir du'o/ /dge 'dun gyi don du yin na dge 'dun
khyad par gsum ldan gyi cho ga gsol gnyis kyi las bya'o/ /

de nas dbyar khas blangs nas bsrung bar bya ba'i dam tshig la
drug yod de/ dam bca' gnas su 'grel dgos pa/ dbyar nang du
'khrug long mi skyed pa/ thos bsam sgom gsum la 'bad pa/ gnas
ral ba dang 'grum pa 'chos pa/ yun ring du gnas par bya ba/

dbyar ral pa spong ba rnams yin pa'i phyir/ bdun par la yang
nyes ba med pa ni/ zas dang sman dang nad g.yog ngag med la/ de
dag med par 'tsho mi nus na de las 'da' bar bya'o/ /zhes sogs kyi
so/ dge slong gi tshul dang srog dang tshangs spyod kyi bar chad
dang nang

@140a @#/ /'dom na dbyar ral ba la nyes pa med de/ bcom ldan 'das
rang nyid kyis gnang ba'i phyir/ dbyar byin rlabs 'jig rgyu yod
de/ zhag grangs kyi 'phen pa zad pa/ bya ba med par shes pa/ bya
ba chos min ldan du shas

pa rnams yin pa'i phyir/ dang po nas mtshams kyi phyi rol du 'gro
ba spong dgos par ma zad/ dbyar nang du rnyed pa bgod pa dang/
ltung ba gleng dran dang/ nan tur byed pa sogs kyang dbyar ral
pa'i rgyu yin pas spong bar bya'o/ /gnyis pa gzhung don ni/ rab
byung

spe lngas dbyar gzhi gcig tu cho ga sngon du btang bas dbyar
gnas par khas blang bar bya ste/ des khyad par du byas pa'i dgos
pa mthong ba'i phyir/ gnyis pa gleng gzhi la sogs pa'i skabs nas
'byung ba ni/ sde pa lnga char gyis kyang gnas par khas blangs

par bya ba nyid yin no/ /zhes sogs dang/ dbyar khas len gyi
gleng gzhi ni/ bcom ldan 'das mnyan yod na rgyal bu rgyal byed
kyi tshal mgon med zas sbyin gyi kun dga' ra ba na bzhugs so/
/de'i tshe dge slong dag dbyar gyi nang du ljong rgyu zhing song
ba

na mu stegs can rnams shes ldan shAkya'i bu'i dge slong 'di dag
ni srog gcod pa yin te/ de dag de las phyir ma log pas 'dir
dbyar gyi nang du ljongs rgyu zhing 'gro ban srog chags mang po
rdog pas brdzis nas srog dang bral ba byas so/ /re

zhig bye'u khug rta yang dbyar zla ba bzhi'i ring tshang du zhum
zhum por bskum nas 'dug na/ dge sbyong mgo reg ni dbyar khas len
tsam yang mi shes pa 'di dag la bsod snyoms byin par sems pa lta
su zhig yod/ ces kha zer ba'i skabs dge slong

rnams kyi gsol ba dang/ bka' stsal ba de ltar bas na rjes su
gnang ste/ dge slong gis dbyar gnas dam bca' bar bya'o/ /zhes
gsungs/ ! gsum pa dgag dbye'i sgo nas bslab pa yongs su sbyong
ba la/ gzhi'i skabs nas 'byung ba dang/ phran chegs

@140b la sogs pa'i skabs nas 'byung ba gnyis/ dang po la/ yi dam
ran pa dgag pa dang/ dgag dbye dngos so/ /dang po ni/ mi smra
ba'i yi dam bca' bar mi bya'o/ /zhes sogs kyis bshad do/ /gnyis
pa ni dbyar gnas pas dge 'dun la mthong ba dang thos ba dang

dogs pa dag gis dgag dbye bya'o/ /dbyar rnams kyi tha ma'i nyi
ma la'o/ /zhes sogs kyi skabs su/ gnyis las/ dang po la/ yul
gang dag la dgag dbye bya ba/ rten gang gis bya ba/ byed pa po
gang gis tshul ji ltar bya ba/ dngos po gang gi bya ba/ gnas

gang du bya ba/ dus nam gyi tshe bya ba/ cho ga ji lta bus bya
ba/ dgos pa gang gi phyir du bya ba dgag dbye sgra bshad pa'o/
/dang po ni/ phyogs bcu'i dge 'dun la bya ste/ dbyar gnas pa'i
dge 'dun la mthong ba dang thos pa dang dogs bdag gis dgag dbye
bya'o/ /

zhes dang/ bu TIka las/ phyogs bcu'i dge 'dun mtha' dag la'o/
/zhes gsungs gnyis pa ni/ rab byung sde lnga po des bya ba yin
la/ dgag dbye byed pa la dbyar gnas khas blangs pa'i dbyar ma
ral pa mi dgos te/ dbyar khas ma blangs pa dang/ dbyar

ral pa'i dge tshul dge slong su yin kyang dgag dbye'i nyin gso
sbyong bya bar skabs su bab pa yin pa'i phyir/ de'i nyin par
dgag dbye las logs su gso sbyong mi 'byung ba'i phyir/ gsum pa
ni/ gzhan rnams kyis bskos pa'i dge slong gi mdun du

bya/ bskos pa'i dge slong des bskos pa'i dge slong gzhan yod na
de'i mdun du bya/ med na las gral de na yod pa'i dge slong gang
yang rung ba'i mdun du bya'o/ /bzhi pa la spyir btang dang/
dmigs bsal lo/ /dang po ni/ rang la ltung ba mthong thos dogs

gsum gyi dgag dbye byed/ gnyis pa la/ pham pa ma gtogs pa gzhi
dang gang zag gnyis ka 'jog pa/ gzhi 'jog la gang zag mi 'jog
pa/ gang zag 'jog la gzhi mi 'jog pa'o/ /de'i don ni/ gang zag
'di ma btogs pas gleng/ ltung ba 'di ma gtogs

@141a @#/ /ba gleng zhes ba yin la/ pham pa ni bzhag tu mi rung
ste/ pham pa 'chab bcas byung na gnas nas bskrad par bya ba yin
pa'i phyir/ lnga pa ni/ gnas gang du bya ba yod de/ mtshams po
che bcad pa yin pa/ gnas la blo mthun byas pa/

gcang zhing yongs pa sogs dgos pa'i phyir/ drug pa la/ dus kyi
dgag dbye dang/ dus ma yin pa'i dgag dbye'o/ /dang po ni/ dbyar
snga ma khas blangs pa yin na/ ston zla 'bring po'i tshes bco
lnga dang/ phyi ma khas blangs pa yin na/ ston zla tha chung ga
tshes

bco lnga la dgag dbye bya snyen dbyar rnams kyi tha ma'i nyi ma
la'o/ /zhes gsungs/ gnyis pa la/ dus kyi snga rol du bya ba
dang/ dus kyi phyi nas bya ba dang gnyis las/ dang po la/ dbyar
gyi nang du chos ldan gyi bya bas 'gro dgos pa byung na gso
sbyong gnyis

sam gsum mthal te nya shi gcig dang bstun nas dgag dbye bya/
de'i long med par thug thub tu 'gro dgos pa byung na nam skabs
su bab pa na tshogs kyi dgag dbye bya/ sngar byin gyis brlabs te
song ba na gzhan dgag dbye byed pa dang thug na/ de dang lhan

cig tu dgag dbye bya/ 'thab krol can 'ong ba thos pas 'jigs pa
na gso sbyong gnyis sam gsum thal ba na 'thab krol can ma sleb
ba'i snga rol du dgag dbye bya ba'o/ /dang po ni/ dbyar gyi nang
du bya bas 'gro dgos na dgag dbye'o/ /zhes pas 'chad/

gnyis pa ni/ gnas par mi nus pa nyid yin na spyod yul du gyur
pa'i dge slong la tshogs gyi dgag dbye go bar bya'o/ /zhes pas
'chad/ gsum pa ni/ byin gyis brlabs te song ba la der sngar dgag
dbye byad na de dag dang lhan cig byas nas dgag dbye

byas pa nyid yin no/ /zhes pas 'chad/ bzhi pa ni/ gal te gnas
par khas blangs pa dag gis dge slong 'thab krol byed pa dag 'ong
ba thos par gyur na/ gal te gso sbyong gnyis sam gsum thal bar
gyur na dgag dbye bya'o/ /zhes pa'o/ /gnyis

@141b pa ni/ gal te dus kyi dgag dbye byed pa'i nyin dge slong
'thab krol can sleb na/ de'i nyin gso sbyong byas nas/ 'thab
krol can song ba'i 'og tu nya shi gcig dang bstun nas dgag dbye
bya ste/ dong ba dag na dgag dbye bya'o/ /zhes gsungs/ bdun pa
la/ sbyor

ba/ dngos gzhi/ mjug gi cho ga'o/ /dang po ni/ zhag bcu 'am/ zla
ba phyed nas dgag dbye 'byung ba na spyod yul gyi grong du brjod
pa dang/ de nyin nas gtsug lag khang rgyan cing byi dor bya ba
dang/ tshes bcu bzhi'i mtshan thog thag tu chos bshad nyan bya ba

dang; tshes bco lnga'i tshe las kyi mdun rol tshun chad du 'bel
ba'i gtam gyis dus 'da' bar bya ba dang/ gso sbyong gi sbyor ba
las bshad pa bzhin gyi steng du 'dus pa na phan tshun phyag zing
po byas nas dbyar gyi nang du dge 'dun gyi thugs dang 'gal ba
byung ba rnams

bzod par mdzad pa zhu zhes brjod par bya ba yin no/ /gnyis pa
la/ dgag dbye byed pa po bsko ba/ bskos pa'i dge slong gi mdun
du dgag dbye bya ba/ dgag dbye'i go rims so/ /dang po ni/ dge
'dun khyad par gsum ldan gyis spro ba dris te/ gsol ba

'ba' zhig pa'i las kyis dgag dbye'i cho ga la mkhas pa'i dag
slong chos bdun ldan gsum mam gnyis sam gcig la sogs pa bsko bar
bya ba yin no/ /gnyis pa ni/ ltung ba'i dgag dbye ni bskos pa'i
dge slong gi mdun du bkra shis kyi rtsa bsnol nas

bzung ste/ sngags tshig lan gsum bzlas pa'i sgo nas bya ba yin
no/ /rdzas kyi dgag dbye ni/ rang gi rdzas gang yang rung ba tha
na khab dang a ru ra yan chad kyis bya ba yin no/ /gsum pa ni/
dang por dge slong rnams kyis/ de nas dge tshul rnams kyis/ de
nas

dge slong ma rnams kyis/ de nas dge slob ma rnams kyis/ de nas
dge tshul ma rnams kyis dgag dbye bya ba yin no/ /gsum pa ni/
sngags tshig kyi rjes su thabs legs brjod pa dang bsngo ba smon
lam sogs gso sbyong las bshad pa bzhin bya'o/ /

@142a @#/ /brgyad pa ni/ /chos rnam par dag par bya ba'i phyir du
ltung ba'i dgag dbye gsungs pa ni/ ltung ba gleng pa'i skabs
dbye ste/ ltung ba glengs pa las spyir ltung ba yin min/ bye
brtag tu ltung ba gang yin 'bel ba'i gtam gyis gtan

la 'bebs pa 'byung/ de la brten nas chos rnam par dag pa 'byung
ba'i phyir te/ 'di ltar bcom ldan 'das kyi tshul khrims rnam bar
dag par bya ba'i phyir ni gso sbyong gsungs la chos rnam par dag
par bya ba'i phyir ni dgag dbye gsungs pas

gal te 'dod na dgag dbye gyis shig ces so/ zhes gsungs/ dgag
dbye byas pa la dgos pa yod de/ rnyed pa'i sgo phye bar bya ba'i
ched yin pa'i phyir/ des na dgag dbye'i nyin/ dge 'dun la bkur
sti byed pa'i phan yon bsam gyis mi khyab ste/ 'gog pa

las lngas ma thag pa la bkur sti byas pa lta bu'i phan yon thob
pa'i phyir/ dgu pa ni ci'i phyir dgag dbye zhes brjod do zhe na/
dbyar gyi nang du ltung ba glengs pa bkags pa las/ ltung ba
glengs pa'i skabs dbye bas dgag dbye zhes bshad do/ /dmigs bsal
la/

yul gyi dang/ dus kyi dang/ rten gyi dang/ gnas kyi/ cho ga'i
dmigs bsal lo/ /dang po ni/ gzhi 'am gang zag 'jog pa'i dgag
dbye lta bu yin/ de'i mtshan gzhi yang yod de/ /bdag la bslab
pa'i gzhi dge 'dun lhag ma ma gleng zhig /gang zag lhas byin

gyis ma gleng zhig ces pa lta bu yin pa'i phyir/ gnyis pa ni/
sngar bshad pa ltar tshes bco lnga rdzogs nas mar ngo'i tshes gcig
gi skya rengs shar nas dgag dbye bya rung ba dang/ dus kyi snga
rol du dge slong 'thab krol can 'ong ba nas gso sbyong gnyis sam

gsum thal nas dgag dbye byed pa dang/ de yang ma grub na dgag
dbye'i dus su gso sbyong byas nas 'thab krol can gnas gzhan du
song ba'i 'og tu dgag dbye byas pa lta bu yin/ gsum ba dge tshul
slong gi sdom pa blangs kyang ma skyes ba bdag

@142b nyid de gnyis gang rung gi sdom ldan du shes pas kyang
dgag dbye bya rung ba lta bu'o/ /bzhi pa ni/ mtshams ma bcad pa
sogs su yang bya rung ba'o/ /lnga pa ni/ sngags tshig lan gsum
brjod ba ma byung na gnyis sam lan cig brjod pa'am yongs dag
'dul

ba dang dgag dbye byin gyis brlabs pas de ma byas pa'i nyes pa
khegs pa'i phyir/ gnyis pa gzhung don ni/ mi smra ba'i yi dam
bca' bar mi bya'o/ /zhes sogs kyis 'chad/ mdo gnyis kyi ngag
don/ dgos med du ci yang mi smra ba'i brtul zhugs la gnas

bar mi bya ste/ de mu stegs can gyi brtul zhugs yin pa'i phyir/
de 'dra'i brtul zhugs bsten nas sdig pa dag pa dang grol ba thob
du bsam par mi bya ste/ de ltar bsams na dge 'dun dbyen du gtogs
ba'i nyes pa sbom po 'byung ba'i phyir/ dbyar

gnas pas dge 'dun la mthong ba dang/ zhes sogs kyi don ni/ rab
byung sde lngas dgag dbye bya bar gnad ste/ des khyad par du
byas pa'i dgos pa mthong ba'i phyir/ ! gnyis pa ni/ gnang ba
dang bcas pa bde bar gnas pa'i rkyen bsten pa'i sgo nas bsrung
tshul

la/ gos bsten pa dang/ sman bsten pa gnyis kyi dang po la sra
brkyang dang/ gos kyi gzhi dang/ ko lpags kyi gzhi dang gsum
las/ dang por sra brkyang gi gzhi 'chad/ de yang dbyar khas
blangs pa dang dgag dbye bshad pa'i rjes su sra brkyang gding
ba'i tshul

bshad par bya ba yin te/ de gding ba ni dbyar dgag gnyis kyi
rjes su 'byung ba'i don gyis rim pa yod pas so/ /de'i dbang du
mdzad nas mdor sra brkyang gding bar bya'o/ /zhes sogs gyi don
bshad du yod de/ dgos pa'i dbang du byas nas sra brkyang gding
ba'i phan

yon mthong nas dge 'dun rnams dbyar khas len la 'jug par 'gyur
ba dang/ 'chang 'bral 'jog gsum gyi ltung ba mi 'byung bas dge
slong rnams bde ba la gnas par bya ba dang/ de bting la rnyed pa
mang po 'do bas sbyin bdag bsod nams rgya chen po thob pa'i

@143a @#/ /dgos pa yod cing/ bsdus don gyi dbang du byas na sra
brkyang gi sgra bshad pa/ rten gyi gang zag gis bya ba/ dngos po
gang gis bya ba/ gnas gang du bya ba/ dus nam gyi che bya ba/
yun ji tsam du bya ba/ cho ga ji lta bus bya ba/ sra brkyang

bting ba'i tshul/ brkyang nas dbyung ba'i tshul dang dgu yod pa'i
phyir/ dang po yod de/ gzhan gyis longs ma spyad pa'i gsar pa
yin pas sra ba dang/ gzeb kyi sprog mar brkyang bas na de skad
brjod pa dang/ yang na gtan pa zhes bya ba 'dogs pa'i rgyu
mtshen/ btags

ba'i dgos pa/ dngos la gnod byed gsum yod pa'i phyir/ dang po
yod de/ gtan pa dang 'dra ba'i phyir/ dper na sman bya rog rkang
bzhin no/ /gnyis pa yod de/ rnam pa bzhi'i sgo nas btags pa'i
dgos pa yod pa'i phyir/ 'og gzhi gtan pa'i steng du chos gos

btings pas kha dog gcig tu byung ba ltar/ 'dis kyang 'ding ba po
rnams blo gcig tu sdud pa dang/ gtan pa'i steng du snam phran
dang glegs bu du ma gnas pa ltar 'di la gding ba po du ma'i chos
gos kyi byin rlabs gnas pas ro gcig tu 'gyur ba

dang; gtan pa'i steng chos gos mi 'khums pa ltar 'dis kyang
gdong ba po bag yangs su byed pa dang/ gtan pas chos gos la
khyab pa ltar 'dis kyang gding ba po mtha' dag rnyed pa 'dra ba
sogs kyi dgos pa yod pa'i phyir/ gsum pa dngos la gnod

byed yod de/ 'og gzhir gyur pa'i spang leb dngos ma yin pa'i
phyir/ gnyis pa gang zag gang gis bting ba yod de/ mdor/ dbyar
gnas par khas ma blangs pa dang/ dbyar ral ba dang/ dbyar phyi
mar gnas par khas blangs pa dang dbyar gnas

gzhan du gnas par khas blangs pa dag la de mi 'byung ngo/ /sa
gzhan na gnas pa dag la yang ngo/ /de dag nyid thob pa yin na mi
'byung ngo/ /zhes byung ba las na/ spyir dbyar khas blangs pa
khyad par snga ma khas blangs pa/ dbyar ma ral ba gnas gzhan du

@143b khas ma blangs pa/ sa gzhan na gnas pa ma yin pa/ de thob
pa ma yin pa gcig dgos par grub cing/ de'i steng du bsnyen par
rdzogs par byas pa gnas nas byung ba ma yin pa/ bye ba na chos
ma yin pa'i phyogs su ma song ba yang dgos par gsungs

pa'i phyir/ lus gzhan du bsgyur ba cho ga'i rten ma yin par lus
tha mal du gnas pa yin pa yang dgos so/ /btang pa ma byung yang
rnyed pa la dbang ba yod de/ mdor tha ma ma gtogs pa dag dang sa
gzhan na gnas pa dag dang dge tshul ni rnyed pa dbang ngo/

ces 'byung bas na tha ma dbyar gnas pa gzhan du khas blangs pa
ma gtogs dbyar khas blangs pa sogs dang po gsum dag dang/ sa
gzhan na gnas pa dang/ dge tshul rnyed pa la dbang bar 'dod dgos
pa'i phyir/ dge tshul gyi dbyar khas blangs nas sra brkyang

gding khar bsnyen par rdzogs na gting du rung ba yin te/ zhu ba
las/ dge tshul dbyar tshul du zhugs pa bsnyen par rdzogs te zla ba
gsum 'das pas gtan pa bting na gtan pa bting zhes bya'o/ /zhes
gsungs pa'i phyir/ de bzhin du shar nub kyi gtsug lag

khang du dbyar so sor khas blangs nas sra brkyang 'ding khar
gnyis ka mtshams po che gcig gis bskor nas gding na gang rung
gcig tu bting bas chog ste/ de ni bting ba'i tshe de na gnas pa
de nyid yin no/ /zhes pa'i mdo las so/ /kha cig /dbyar phyi ma
khas

ma blangs pa dgos par gsungs pa yang/ dbyar snga ma'i sra
brkyang bting ba por mi rung ba'i dbang du byas kyi/ phyi ma
khas blangs pa nyid phyi ma de'i gding ba por rung ste mgo zla
ba'i mar ngo'i tshes gcig la sra brkyang bting ba yod pa'i phyir/
zhes gsungs te brtag go /

gsum pa dngos po gang bting ba la khyad chos bzhi dang ldan pa
gcig dgos te/ rgyu'i khyad par/ ngo bo'i khyad par/ grangs kyi
khyad par/ bdag po'i khyad par dang bzhi dgos pa'i phyir/ dang
po la khyad chos gsum dang ldan pa dgos te/ dbyar gyi rgyu las
byung ba/ bting

@144a @#/ /ba'i nyi ma yan chad du grub pa chos gos gsum gyi ngo
bor gnas pa de gsum dgos pa'i phyir/ /'di 'chad ba la mdor/
dngos gzhi'i dus kyi dgag dbye'i mthar dbyar gyi rgyu las byung
ba gding ba'i nyi ma'i mthar grub pa

gos gyi rnyed par bgrangs pa'i chos gos gsum mo/ /zhes gsungs/
gnyis pa ngo bo'i khyad par la/ rung ba dang/ tshad dang ldan ba
gnyis las/ dang po la rgyu rung ba/ dbyibs rung ba/ kha dog rung
ba/ gnas skabs rung ba rnams dgos/ gnyis pa

chos gos gsum gyi che tshad dam/ de bas lhag pa rung ba yin te/
bshad brdab ma byas pa dang/ yar yor ma gyur pa dang/ ma dmugs
pa dang ma zegs pa'o/ /kha bsgyur ba'o/ /zhes sogs kyis/ gnyis
pa ni lnga ba'o/ /lhag ba yod do/ /zhes pa las

so/ /gsum pa grangs kyi khyad par yod de/ chos gos gsum phrugs
gcig gam/ du ma yang rung ba'i phyir dang/ snam sbyar lta bu
gcig la'ang gding ba chags pa'i phyir/ kho na re/ de mi 'byung
de/ snam sbyar du ma la byin rlabs du ma mi chags pa'i phyir te/
'tsho

ba'i yo byad re re bar nges pa'i phyir/ zhe na ma khyab ste/
sbyir btang la de ltar yin kyang/ 'di bag yangs kyi gos yin pas/
snam sbyar lta bu re re la ltos pa'i byin rlabs re re yod pa'i
phyir/ dper na/ skabs 'dir chos gos gsum phrugs gcig la dge

slong mang po'i 'tsho ba'i yo byad kyi byin rlabs chags pa bzhin
no/ /bzhi pa bdag po'i khyad par yod/ dge 'dun gyi'o cas ba'i
mdo 'byung ba las/ dge 'dun spyis dbang ba cig dgos kyi gang zag
re re pa'i yin na bting du mi rung bar lung gzhi las gsungs pa'i
phyir/ bzhi pa gnas gang du

bting ba yod de/ mtshams kyi nang du blo mthun par bya'o/ /zhes
pa'i mdo 'byung ba las na/ gang du dbyar gnas pa'i mtshams nang
der gding dgos pa'i phyir/ lnga pa dus nam gyi tshe bting ba yod
de/ tshes bcu drug la'o/ /ston zla 'bring po'i

@144b 'o zhes pa'i mdo 'byung ba las na/ ston zla tha chung gi
mar ngo'i tshes gcig la bting ba yin pa'i phyir/ kha cig /dus de
kho nar ma nges te/ dbyar phyi ma khas blangs pa yin na/ dgun
zlar ba'i mar ngo'i chos gcig la bting ba yin pa'i phyir/ zhes

gsungs/ tshes bcu drug ces 'byung ba ni sngar bshad pa ltar 'gyur
skyon no/ /drug pa yun ji srid du gding ba yod de/ de'i dus ni
dbyid zla ra ba'i nya'o zhes pa'i mdo dang/ zhu bar ji srid gtan
pa gding bar bgyi/ zla ba yang lngar ro/ /zhes 'byung ba

yin pa'i phyir/ bdun pa cho ga ji lta bus gding ba yod de/ sbyor
ba dngos gzhi mjug gsum gyi sgo nas gding ba yin pa'i phyir/
dang po yod de/ gang zag so so'i sbyor chog/ dge 'dun tshogs pa'i
sbyor chog dang/ gding bar bskos pa'i dge

slong gi sbyor cho ga dang gsum yod pa'i phyir/ dang po yod de/
mdor/ de ni chos gos gzhan byin gyis brlabs pa yin pas/ de'i
phyir byin gyis brlab pa dog phyung nas so/ /ces 'byung ba las/
dge slong rnams kyi rang rang gi chos gos byin rlabs dbyung

bar bya ba yin pa'i phyir/ gnyis pa la bzhi yod de/ zhag ma lon
bar tshogs pas mos par bya ba dang/ mtshams kyi nang du blo mthun
par bya ba dang/ gsol gnyis kyi las kyis sra brkyang gding ba bo
bsko ba dang/ gsol ba

'ba' zhig pa'i las kyis de la gtad pa dang bzhi yod pa'i phyir/
de bzhi mdo las bstan tshul yod de/ zhag ma lon bar tshogs pas mos
par bya'o/ /mtshams kyi nang du blo mthun par bya'o/ /gding ba
yang ngo/ /gang la de 'byung ba'o/ /de la

gtang bar bya'o/ /gsol bar byas te'o/ /zhes sogs kyis bstan pa'i
phyir/ don yang bshad du yod de/ dbyar nang du sra brkyang gi
rnyed ba grub pa ni/ 'di las sra brkyang bting ngo snyam du dge
'dun gyis mos shing/ dag slong gcig gis

@145a @#/ /chos gos 'di dbyar gnas pa'i dge 'dun gyi rnyed par
grub pa lags te/ gal te dge 'dun gyis bzhed na chos gos 'di dge
'dun gyi sra brkyang du gding bar 'gyur ro/ /zhes sems skyed
cing ngag tu yang lan

cig brjed bar bya/ zhes pa'i don yin pa'i phyir/ gsum pa gding
bar bskos pa'i dge slong gi sbyor chog yod de/ las gsum grub pa/
mos pa gsum dang/ dge 'dun la brjod pa/ dge 'dun 'du ba'i skabs
rjes su sgrub pa dang

bzhir yod pa'i phyir/ de bzhi mdo las gsungs tshul yod de/ bkru
ba dang drub ba dang kha bsgyur ba dag la des sngon du 'gro bar
bya'o/ /zhes pa'i dang po/ gding bar 'gyur ro/ /gding ngo bting
ngo/ /snyam du sems bskyed par bya'o/ /zhes pas gnyis pa

dang/ tshe dang ldan pa dag bdag sang sra brkyang gding bar 'gyur
gyis/ khyed cag gis rang rang gi chos gos rnams dbyung bar
bya'o/ /zhes tshogs la brjod par bya'o/ /zhes bas gsum pa dang/
'du ba'i skabs rje su bsgrub par bya'o/ /zhes pas bzhi pa bstan
pa'i phyir/ gnyis

ba dngos gzhi yod de/ sra brkyang 'ding bar bskos pa'i dge slong
des gzeb kyi sbrog ma'i nang du chos gos gsum brkyang nas byin
gyis brlabs pa'i sngags tshig lan gsum brjod par bya ba yin pa'i
phyir/ mdor/ lan gsum bzlas pas so/ /gding ngo zhes so/

zhes dge 'dun thams cad la gding ngo zhes sngags tshig lan gsum
zla ba yin no/ /gsum pa 'jug chog yod de/ mdor/ dge slong re
re'i mdun du 'dug ste bting ngo/ /zhes go bar bya'o/ /zhes
gsungs pa las/ bskos pa'i dge slong gis sra brkyang dge slong

re re'i mdun du bzhag nas bting ngo/ /zhes lan gsum brjod par
bya ba yin pa'i phyir/ dge slong gzhan rnams kyis brjod par bya
ba yang yod de/ mdor/ gzhan gyis ni legs par bting ngo/ shin tu
bting ngo/ /'di la rnyed ba dang phan yon gang

@145b yod ba de bdag gi yang yin no/ /zhes gsungs pa ltar brjod
par bya ba yin pa'i phyir/ phan yon ni 'chang 'bral 'jog gsum
gyi ltung ba mi 'byung ba bzhin/ yang yang za ba dang 'dus pa
sogs mi 'byung rnyed pa thob pa sogs yod pa'i phyir/ brgyad pa
brkyang ba'i tshul

yod de/ gang gis brkyang ba'i dbang du byas na bskos pa'i das
bskyang bar bya zhing/ de nyid gal te shi ba'am babs par gyur na
sa brkyang sbed ba bo'i dge slong gcig bskos nas des sra brkyang
gang du brkyang ba'i dbang du byas na bting ba'i gnas de nyid du
brkyang/ yun ji tsam brkyang

ba'i dbang du byas na zla ba lngar brkyang/ tshul ji ltar brkyang
pa'i dbang du byas na/ mdor dus dus su bsang bar bya/ bsrang bar
bya'o/ /sgrug par bya'o/ /khyim du ba can dang/ rdul can du pa
zhag par mi bya'o/ /zhes sogs 'byung ba ltar bya'o/ /dgu pa
brkyang nas dbyung ba'i tshul la dbye

ba; ngo po/ gang dbyung ba'i dngos po/ cho ga ji lta bus/ gnas
gang du/ dgos pa ci'i phyir dus gang gi tshe/ gang zag gang gis
dbyung tshul dang brgyad yod de/ dang po ni mdor/ dbyung ba ni
rnam pa gnyis te/ rang 'jug pa dang bral ba dang bcos ma'o/ /ces
byung ba

las dbyung ba'i blo sngon du med par byin rlabs rang zhig tu
song ba'i dbyung ba dang/ dbyung ba'i blos bcos pa bcos ma las
kyi dbyung ba dang gnyis yod pa'i phyir/ dang po la gnyis yod
de/ dge 'dun thams cad kyi rang 'jug bral gyi dbyung ba dang/
gang zag sgos kyi rang 'jug bral

gyi dbyung ba dang gnyis yod pa'i phyir/ dang po la bdun yod de/
sra brkyang mtshams gzhan du khyer ba dang/ srung ba po'i dge
slong med par mtshams nang du skye reng shar ba dang/ bting nas
zla ba lnga lhag pa dang/ dus ma yin par shes nas go sbyong byas
ba dang/ sa brkyang

mes 'tshig pa lta bu dngos po zhing ma yin par 'gyur ba dang/
bting bar gtogs pa'i dge 'dun rnams shi ba'am babs pa lta bu
rten zhing ma yin par gyur ba dang/ dge 'dun thams cad dkyil
'khor gyi khongs su gtogs pa chad ba rnams su yod pa'i phyir/ de

@146a @#/ /rnams mdo las bstan tshul ni/ sra brkyang gis mtshams
gzhan du phyin pa dang/ zhes sogs gsungs/ gnyis pa gang zag so
so'i rang 'jug bral gyi dbyung ba la gnyis su yod de/ ma ma sum
cus rang 'jug bral gyi dbyung

ba dang/ gang zag so so zhing ma yin par gyur pa'i sgo nas
dbyung ba gnyis su yod pa'i phyir/ ma ma sum cu yod de/ mtshams
la re ba med pa'i ma ma brgyad/ mtshams la yid gnyis za ba'i ma
ma brgyad/ mtshams la re ba yod pa'i ma ma brgyad/

rnyed ba la yid gnyis za ba'i ma ma drug rnams su yod pa'i
phyir/ /dang po grub ste/ de la sbyor bas 'gro ba'i ma ma bzhi
dang/ nges par 'byin ba'i ma ma bzhi rnams su yod pa'i phyir/
dang po yod de/ 'brel med gcig dang 'brel bcas gsum rnams

su yod pa'i phyir/ sbyor bas 'gro ba'i ma ma 'brel med kyi mtshan
gzhi yod de/ dge slong gis mtshams nang du bdag zla ba lngar
mtshams nang 'dir mi zlog cing/ rnyed pa byung na yang mi blang
snyam du bsams nas yul gzhan du phyin pa'i tshe mtshams las

'das ma thag de'i chos gos kyi byin rlabs rang zhig tu gyur pa
lta bu yin pa'i phyir/ 'di la 'brel med ces brjod pa'i rgyu
mtshan yod de/ sra brgyad gi rnyed pa blang ba'i bsam pa med pas
de ltar brjod pa'i phyir/ phyi ma gsum yod de/ dge slong gis
bdag zla

ba lnga tshun chad du mtshams nang du mi ldog cing rnyed pa byung
na/ blang snyam du bsam nas yul gzhan du phyin pa'i tshe rnyed
pa'i skal ba lag tu thob pa/ rnyed pa mes 'tshig pa sogs thos pa/
rnyed pa la re ba'i bsam brgyun chad ba'i tshe chos gos byin
rlabs rang zhig

tu 'gyur ba lta bu yin/ gnyis pa des par 'byin pa'i de bzhi yod
de/ sngar bzhin 'brel med gcig dang/ 'brel bcas bsum yod pa'i
phyir/ dang po yod de/ dge slong mtshams kyi phyi rol du song ste
der sleb pa na bdag zla ba lnga'i nang du mi 'ong/ rnyed pa yang
mi blang snyam pa'i

@146b bsam pa skyes pa'i tshe de rang zhig tu 'gyur ba lta bu/
gnyis pa la gsum yod de/ sngar bzhin song nas rnyed pa blangs/
mtshams nang du ldog gam snyam pa'i blo skyes pa'i tshe rnyed pa
lag tu thob pa sogs gsum byung na der 'gyur ba'i phyir/ gnyis pa
mtshams la

yid gnyis za ba'i de brgyad ni/ yid gnyis ni nges pas 'byin par
byed pa dang 'dra'o/ /zhes gsungs pas/ mtshams la yid gnyis za
zhes brjod pa ma gtogs mtshams la re ba med pa dang 'dra ba yin
la/ 'di la yang bsam pa skyes pa'i sbyor bas

'gro ba dang/ phyir skyes pa nges par byed pa gnyis gnyis su
byed dgos te re re la 'brel med re dang/ 'brel bcas gsum gsum
sngar bzhin no/ /gsum pa mtshams la re ba yod pa'i de brgyad ni
yod de/ de la 'brel med gnyis dang 'brel bcas drug yod

ba'i phyir/ dang po yod de/ mtshams la re ba yod cing rnyed pa la
re ba med pas mtshams kyi phyi rol du sra brkyang phyung ba'i
gtam thos pa dang/ nang du thos pa gnyis kyi de'i chos gos byin
rlabs rang zhig tu 'gyur ba'i phyir te/ rjes su 'brel ba med

na'o/ /zhes gsungs pa'i phyir/ phyi ma drug yod de/ mtshams dang
rnyed pa gnyis ka la re ba yod pas mtshams kyi phyi rol du rnyed
pa'i skal pa lag tu thob pa sogs gsum dang/ mtshams kyi nang du
de gsum byung bas na der 'gyur ba'i phyir/ yod na byed

par 'gyur ba nyid chad na'o/ /zhes gsungs pa'i phyir/ mtshams
dang rnyed pa gnyis ka la re ba yod/ yul gzhan du song ba dge
'dun gyis dbus su sngar byin rlabs phyung ba ma thes kyi bar du
byin rlabs mi 'jig cing/ phan yon rjes su 'jug ste/

der nyams su myong ba dang ldan pa la ni ma thos kyi bar du phan
yon rjes su 'jog go /zhes gsungs pa'i phyir/ bzhi ba la drug yod
de/ dang po 'gro ba'i tshe mtshams dang rnyed pa gnyis ka la yid
gnyis za bas mtshams las 'das pa dang/ dang po de med

@147a @#/ /kyang mtshams kyi phyi rol du yid gnyis za ba gnyis po
de skyes pa dang/ dang po 'gro ba'i tshe mtshams la re ba med cing
rnyed pa la yid gnyis za bas mtshams las 'das pa dang/ mtshams kyi
phyi rol du yid gnyis skyes pa gnyis

te drug gi chos gos byin rlabs rang zhig tu 'gyur ba'i phyir/
gnyis pa gang zag so so zhing ma yin par gyur pa ni/ shi ba'am
babs pa na rten zhing ma yin par gyur ba yin pa'i phyir/ gnyis
pa ni/ sra brkyang bting ba yang yin sra brkyang 'byin pa'i las

la ma ltos par sra brkyang la bsam pas gnas pa dang bral ba yang
yin ba'i gzhi mthun par dmigs pa de/ rang 'jug bral gyi dbyung
pa'i ma chen nyid/ sra brkyang bting ba yang yin/ sra brkyang
'byin pa'i las la ltos pa'i sgo nas sra brkyang la

bsam pas gnas dang bral ba yang yin pa'i gzhi mthun par dmigs pa
de/ bcos mas dbyung ba'i mtshan nyid/ gsum pa ni/ dngos po gang
dbyung na bting la ma zhig pa'i sra brkyang de dbyung ngo/ /bzhi
pa ni/ cho ga ji lta bus na gsol gzhi'i las kyis so/ /lnga pa
ni/

gnas gang du na/ sra brkyang bting ba'i mtshams nang de nyid du
dbyung ste/ mtshams kyi phyi rol du khyer na rang zhig tu 'gyur
ba'i phyir/ drug pa ni/ dgos pa ci'i phyir du dbyung na bags
yangs su yun ring dgag pa dang ston pa'i bcas pa dang mthun pa'i

phyir du'o/ /bdun pa ni/ dus nam kyi tshe dbyung na/ dus kyi snga
rol du dbyung ba dang/ dus su dbyung ba gnyis las/ dang po ni/
chom rkun la sogs pas bcom pa'i dgag bya yod na/ zla ba lnga ma
lon pa'i nang du nya shi gcig dang bstun nas dbyung ngo/ /gnyis
pa ni/ dbyid zlar

ba'i tshes bco lnga la dbyung ste/ de'i dus ni dbyid zla ra ba'i
nya'o/ /zhes gsungs/ dbyar phyi ma las 'das pa'i rjes su bting
na/ dbyid zla 'bring po'i tshes bco lnga la dbyud do/ /dbyung ba
'di gso sbyong byas pa'i mod la dbyung bar bya ste/ mod la'o/
/zhes gsungs/ brgyad pa ni/ gang

@147b thag gang gis na/ dge 'dun khyad par gsum ldan gyis so/
/gnyis pa gzhung don la/ gding ba/ brkyang ba/ dbyung ba'o/
/dang po ni/ sra brkyang gding bar bya'o/ /zhes te/ ngag don ni/
gding ba dbyung rung gi dge 'dun no/ /chos gos sra ba brkyang
bar gnang ste/ des khyad par du

byas pa'i dgos pa mthong ba'i phyir/ gnyis pa ni dus dus su
bsang bar bya/ zhes sogs mdo gsum gyi so/ ngag don ni/ sra
brkyang gding ba'i tshul bzhag tu yod de/ rlung la bsang ba dang
nyi ma la bsrang ba'i tshul gyis brkyang bar bya ba yin pa'i
phyir/

gsum pa la/ dbyung ba ni rnam pa gnyis te/ rang 'jug pa dang
bral ba dang bcos ma'o/ /zhes te/ ngag don ni/ sra brkyang dbyug
ba bzhag tu yod de/ rang 'jug bral gyi dbyung ba dang bcos ma
dbyung ba gnyis yod pa'i phyir/ gnyis pa ni/ dgag dbye ji lta ba
bzhin du

gding ngo/ /zhes te/ shol 'don ba rgyal po'i rjes su 'brangs nas
ston zla 'bring po gnyis byung na sra brkyang de gang la gding
zhen shol gyi rjes su 'brangs nas mi gdings kyi dbyar zla ba
gsum khas blangs pa'i mthar dgag dbye ji lta ba bzhin de'i phyi

de'i nyin ston zla 'bring po'i chos bcu drug la gding bar bya
yi/ de las gzhan snga phyi gang la yang gding par mi bya ste/
rgya cher 'grel las/ de nas ston zla 'bring po'i tshes bcu drug
ma yin pa'i dus gzhan la sra brkyang gding bar mi bya'o/ /zhes
gsungs/

de'i tshe sra brkyang gding ba'i yun zla ba drug tu 'gyur te/
dmigs bsal lo/ ! /gnyis pa 'tsho ba'i yo byad dang 'brel ba gos
kyi gzhi la/ spyi don dang/ gzhung don gnyis las/ dang po la/
dad rdzas la longs spyod pa'i tshul spyir bstan pa/

gos kyi spyi don bye brag tu bshad pa'o/ /dang po la/ bdag po'i
tshul gyis longs spyod pa/ byin pa len pa'i tshul gyis/ rjes su
gnang ba'i tshul gyis/ lcags gong dmar 'bar ba'i tshul gyis/ bu
lon gyi tshul gyis longs spyod pa'o/ /dang po ni/ mi slob

@148a @#/ /pa dgra bcom pa lta bu/ gnyis pa ni/ slob pa rgyun du
zhugs pa lta bu/ gsum pa ni rab tu byung bas tshul khrims rnam
par dag pa dang ldan pa bstan pa la thos bsam byed pa la brtson
pa rnams lta bu ste/ me tog 'phreng rgyud

las; mi slob pas ni bdag por bshad/ /slob pa byin len spyod
pa'o/ /bsam gtan 'don dang ldan pa ni/ /rjes su gnang ba dka'
thub can/ /zhes gsungs pa'i phyir/ bzhi pa ni/ rab tu byung ba
tshul khrims 'chal ba lta bu ste/ rnam 'byed las/

lcags gong me lce 'bar ba dag /zos par gyur pa mchog yin gyi/
/tshul 'chal yang dag mi sdom pas/ /yul 'khor bsod snyoms za ma
yin/ /zhes gsungs/ me tog 'phreng rgyud las/ lcags gong 'bar bar
gyur pa dag/ zos par gyur pa

mchog yin gyi/ /tshul 'chal yang dag mi sdom pas/ /yul 'khor bsod
snyoms spyod ma yin/ /zhes gsungs/ lnga pa ni/ rab tu byung ba'i
tshul khrims rnam par dag pa dang ldan yang thos bsam la mi
brtson pa'i le lo can lta bu de/ le lo can la ni blangs

ba dang nye bar spyad pa bu lon du 'gyur ro/ /zhes gsungs/ rab
byung tshul khrims rnam par dag pa gang la spyod kyang sred zhen
mi skye ba rnams/ dngos po la ci dgar longs spyod pa gnang ste/
de yon gnas khyad par can yin pa'i phyir/ mya ngan las 'da' ba'i
bsam

pas rab tu byung ba tshul khrims dang ldan pa la ni/ gos stong
phrag brgya pa dang bas ro brgya pa dang khang ba brtsegs pa
lnga brgya pa yang 'os so/ /zhes gsungs pa'i phyir/ gnyis pa la
gos rgyu gang las sgrub pa/ tshul ji ltar sgrub pa/ de las
bsgrubs pa'i gos/ dngos kyi rnam gzhag go/ /dang

po ni; ;log pa'i 'tsho ba lnga char gtogs dang bcas pa spang nas
yang dag pa'i 'tsho bas bsgrub par bya ba yin la/ log pa'i 'tsho
ba lnga ni/ sum brgya pa las/ rnyed phyir spyod lam tshul 'chos
yin par bstan/ /chags pas gzhan la smod pa 'thob kyis 'jal/ /

@148b chung du byin nas mang po 'tshol byed dang/ gzhan gyi
bsngags pa byed po gzhogs slong yin/ rnyed pa'i phyir ni gcam
dang snyan par smra/ /thams cad kha gsag yin par thub pas
gsungs/ /zhes dang/ rin chen phreng bar/ tshul 'chos rnyed dang
bkur sti'i phyir/ /dbang po

sdom par byad pa ste/ kha gsag rnyed dang bkur sti'i phyir/
/tshig 'jam sngar ni smra ba'o/ /gzhogs slongs de ni thob bya'i
phyir/ /gzhan gyi rdzas la bsngags byed pa/ /thob kyis 'jal ba
rnyed pa'i phyir/ mngon sum gzhan la smod byed pa/ /rnyed pas
rnyed pa rnams

'dod pa/ sngar thob pa la bsngags byed pa'o/ /zhes gsungs/ gnyis
pa yod de/ bkru ba dang/ dra ba dang/ drub pa dang/ kha bsgyur
ba/ yang na lhan thabs su glan pa sogs kyi sgo nas bsgrub par
bya ba yin pa'i phyir/ gsum pa la/ gos kyi dbye ba/ byin gyis

brlab tshul/ 'chang ba'i bsam pa/ bye brag tu chos gos gsum dras
drub ji ltar bya tshul lo/ /dang po la/ 'tsho ba'i yo byad kyi gos
lhag pa'i yo byad kyi gos/ mkho ba'i yo byad kyi gos dang gsum
las/ dang po la/ dngos dang/ phran tshegs gnyis/ dang po la/ bcu
gsum

yod de/ snam sbyar/ bla gos/ mthang gos/ sham thabs kyi gzan/
rngul gzan gyi gzan/ gdong phyis/ rnag gzan/ g.yan pa dga' ba/
skra bzed/ gding ba/ dbyar gyi gos ras chen no/ /snam sbyar dang
bla gos rab tshad spangs su khru gsum/ zheng du khru lnga/

chung tshad spangs su khru phyed dang gsum/ zheng du sham thabs
khru phyed dang lnga/ de gnyis kyi bar 'bring tshad yin te/ chen
po dag ni rang gi khru gsum dang lnga dag go/ chung du dag ni
gnyis ka las khru phyed phyed bri ba'o/ /'bring rnams kyi tshad
ni bar ma'o/ /zhes gsungs/ mthang gos ni

spangs su khru do/ /zheng du khru lnga'am bzhi yang bya/ ma
'byor na pus mo gnyis dang rgyab nas g.yogs ba'i lte ba'i dkyil
'khor gsum kheb pa tsam dang/ lus che bas mthang gos kyi lus ma
'dum na ral ga dpung bcad bya ste/ mthang gos ni do dang lnga
yang

@149a @#/ /yang yin/ do dang bzhi yang yin no/ /'khor gsum khebs
pa nyid yan chad kyang ngo/ /mi g.yog na ral ga dpung bcad
bya'o/ /zhes gsungs/ 'di'i khru gang rang gi spyi gtsug nas
rkang mthil gyi bar cha bdun du btang ba'i cha

gnyis la bya ste/ /khru'i don ni lus kyi cha bdun las gnyis so/
/zhes gsungs/ ral ga dpung bcad kyi tshad kyang khru do man chad
de mthang gos kyi khru lnga'i steng du de'i khru do btang pas
bdun no/ /sham thabs kyi tshad mthang gos dang

mnyam pa mthang gos kyi nang du nyin mo smad la bsgo bar bya'o/
/sham thams kyi gzan mthang gos dang mnyam pa/ mtshan mo smad la
bgo bar bya'o/ /rdul gzan ni tshad bla gos dang mnyam pa nyin mo
stod la bgo bar bya'o/ /rdul gzan gyi gzan ni tshad de dang 'dra

la mtshan mo stong la bgo bar bya'o/ /gdong phyis ni tshad khru
gang rung ba'i tshon gyis kha bsgyur ba'o/ /rnag gzan ni rnag nad
can gyi bla gos rdul gzan dang bcas pa'i nang du sha la bcar ste
bgo bar bya ba ched ji tsam dgos pa'o/ /g.yan pa dgab ba ni

g.yan pa'i nad can gyi sha la bcang te bgo bar bya ba tshad srid
du khru gsum/ skra bzed ni skra 'breg ba'i tshe stod la bgo bar
bya ba tshad spangs su khru phyed dang do/ /srid du khru gsum pa
bya ste/ me tog 'phreng rgyud las/ bsrung ba'i don du skra bzed
ni/ /rgyar ni phyed dang

gnyis khru la/ /srid du khru ni gsum yin te/ /zhes gsungs/ gding
ba ni gnas mal bskyab phyir du gding bar bya ba chad srid du
khru gsum/ zheng du do dang sor drug la glegs bu phyed dang
gnyis pa bya ste/ 'di'i tshad ni srid du khru gsum mo/ /'di'i

zheng du khru do dang sor drug go/ ces dang/ de la glegs bu'i
'phro bya'o/ /'og rol gyi sum cha'i ngang por ro/ /glegs bu gcig
pa byin gyis brlab par mi bya'o/ /zhes gsungs/ dbyar gyis gos
ras chen ni/ char chu las bskyab phyir du bgo pa/ tshad srid

@149b du khru dgu/ spangs su khru gsum dang sor bco brgyad bya
ste/ dbyar gyi ras chen gyi'o/ /dgu dang gsum dang sor bco
brgyad do/ /zhes gsungs/ gnyis pa ni/ zhwa dang ska rags dang
lham sgrog /gtur bu/ khrus ras/ lhung bzed kyi shung sa la sogs
ba'o/ /kha cig /gdong phyis

'tsho ba'i yo byad kyi phran tshegs la 'dren pa mi 'thad de/ sngon
yig mkhan las rab tu byung ba'i gdong phyis snag bum bcad par
bya'o/ /zhes snag bum la gsungs pa'i phyir /gnyis pa la yang
dngos dang/ phran tshegs gnyis las/ /dang po ni/ snam sbyar la
sogs pa 'tsho ba'i

yo byad bcu gsum lhag pa rnams so/ /gnyis pa ni/ zha thebs la
sogs pa'o/ /gsum pa la'ang dngos dang/ phran tshogs gnyis/ dang
po ni/ ras yug dang/ dar yug sogs dang/ ring 'gag/ bem po/
dbyibs rung ba sogs khrur longs pa'o/ /gnyis pa ni/

ras kha phyed dang dar phyed la sogs pa rnams so/ /gnyis pa byin
gyis brlab tshul ni/ gang gi mdun du na/ spyir btang la dge slong
chos bdun ldan gyis so/ /dmigs kyis bsal na rang nyid gcig pus
byin gyis brlab tu rung ba yod de/ gnas nas phyung ba yod de/

bzhin no/ /zhes gsungs/ rten gyi gang zag gang gis na/ spyir
btang la bsnyen par rdzogs pas so/ /dmigs bsal bsnyen rdzogs
sgrub pa'i tshe dge tshul gyi rten la chos gos gsum byin gyis
rlobs pa dang/ bsnyen rdzogs kyi sdom pa blangs kyang ma skyes
ba/ skyes

kyang pham pa 'chab bcas kyis nyams pas kyang byin gyis brlab
dgos pa'i phyir/ dngos po gang na chos gos gsum dngos dang phran
tshegs thams cad do/ /spyir btang la rung ba tshad dang ldan pa
sngar byin gyis ma brlabs pa zhig dgos la/ dmigs bsal ni kha dog
gi sgo

nas mi rung ba dkar po 'am/ khyim pa'i gos la snam spyar gyi
byin rlabs chags pa yod de/ snam rten dkar po kha gang la snam
sbyar gyi byin rlabs chags pa yod pa'i phyir/ cho ga ci lta bus
na/ sbyor ba ni/ mchil lham phud phyag 'tshal ba sogs so/ /dngos

@150a @#/ /gzhi btsun pa'am slob dpon dgongs su gsol/ zhes sogs
sngags tshigs lan gsum brjod pa'i sgo nas byin gyis rlob/ mjug
chog ni/ thabs legs brjod par bya ba yin no/ /dgos pa gang gi
phyir du na/ 'chang 'jog gi ltung ba mi

'byung ba dang/ gos byin rlabs can med pa'i nyes pa khegs par
'gyur pa'i phyir du yin no/ /byin rlabs 'jig pa'i rgyu la bzhi
yod de/ sngags tshig gi dbyung ba dang/ rten zhing ma yin par
gyur pa dang/ gos zhing ma yin par gyur ba dang/ gzhan la byin
pa rnams su yod

pa'i phyir/ gsum pa 'chang ba'i bsam pa ni/ 'tsho ba'i yo byad
rnams rang gi len pa'i bsam pas rang don du 'chang/ gos phyi ma
gnyis rang gzhan gnyis ka'i don du 'chang de/ /lhag pa'i yo byad
gnang ba'i rten gyi gang zag ni rgyal po'i bu gcig lta bu sogs
skyid

bde ba las rab tu byung ba dang sro shig dang/ rdul dang dri ma
mang pa la sogs pa'i dge slong rnams la gnang ba yin no/ /bzhi
pa chos gos gsum la dras drub ji ltar bya ba'i tshul ni/ tshad che
ba brgya dang/ chung ba nyer lnga ste/ bya spu snon gyi tshul
gyis bsgrigs te grub par

bya zhing/ gung nas rim bzhin ltag sprod gyis tshul gyis kha phyi
rgyud du lta pa'i tshul gyis bya zhing/ snam sbyar che tshad gsum
la snam phran nyer lnga nyer gsum nyer gcig bya/ 'bring tshad
gsum la bcu dgu bcu bdun bco lnga bya/ chung tshad gsum la bcu
gsum

bcu gcig dgu bya/ dang po gsum la glegs bu phyed dang lnga re/
'bring gsum la phyed dang bzhi re/ chung ba gsum la phyed dang
gsum re bya'o/ /de ltar snam sbyar gyi snam phran dag ni dgu
chad nyi shu rtsa lnga man chad de zung ma gtogs so/ /chen po
skor gsum

la glegs bu phyed dang lnga/ 'bring po skor gsum la glegs bu
phyed dang bzhi bya/ chung du skor gsum la glegs bu phyed dang
gsum bya ba yin no/ /gnyis pa gzhung don ni/ gzhi'i skabs nas
'byung ba dang/ phran tshegs zhu ba dang bcas pa'i skabs nas
'byung

@150b pa'o; ;dang po ni/ mtshon gyis ma dras pa'i ges bcang bar
mi bya'o/ /zhes te/ ngag don ni/ kha tshar dang phun tshar mtshon
gyis ma dras pa'i gos rab tu byung bas longs par mi bya ste/
khyim pa dang rtags 'dres pa'i nyes pa spang bar bya ba'i ched
yin pa'i phyir/ 'o na ji ltar bya snyam na/ dras

shing drubs pa chos gos nyid du byin gyis brlab par bya'o/ /zhes
te/ glegs bu dang glegs bu phyed par dras shing drubs pa/ chos
gos nyid du byin gyis brlab par bya ste/ des khyad par du byas
pa'i dgos pa mthong ba'i phyir/ rnam pa ji ltar dras drub bya
snyam na/ snam phran

smel zhi nyid dang lhag ma/ zhes sogs te/ ngag dan/ drus drubs
ji ltar bya tshul yod de/ snam phran srid du btang ba'i chal bu
dag gis sna mtho dman mnyam pa'i dras thabs su 'dug pa'i smel
zhi nyid dang/ zheng du thal rangs su btang ba'i snam phran dag
gi 'phro nas non

pa'i lhag ma phan tshun srid du mnyam gnyid dang/ zheng du btang
ba'i snam phran dbus ma gnyis kyi bar gyi glegs bu ni dbus te de
nas g.yas g.yon gzhan du snam phran gyis glegs bu'i 'phro kha
phyogs phyogs su phyi rgyud du lta ba nyid dang/ mtha' lcags ris
bskor

ba nyid dag gis sgo nas bya ba yin pa'i phyir/ chos gos ji ltar
byin gyis brlab pa dang dras drubs bya snyam na/ mthang ges dang
bla gos dang snam sbyar la'o/ /zhes te/ de bzhag du yod de/ chos
gos gsum dras drubs dang/ gsum pos mtshon pa'i gos thams cad

byin gyis brlab par bya ba yin pa'i phyir/ chos gos gsum dras
drub ji ltar bya ba'i tshul ni/ glegs bu dang glegs bu phyed dag
mnyam par bya'o/ /zhes sogs te/ ngag don ni/ glegs bu mnyam pa
dang/ glegs bu phyed pa dag kyang mnyam pa kho nar bya ste/
mdzes par bya ba'i ched

yin pa'i phyir/ de'i tshul ni/ snam sbyar la snam phran nyer lnga
glegs bu phyed dang lnga ba/ bla gos la snam phran bdun glegs bu
phyed dang gsum mo/ mthar gos la snam phran lnga glegs bu phyed
dang gnyis bya zhing/ chos gos gsum ka'i mtha' skor lcags

@151a @#/ /ra dang/ chal bu de'i zheng gi tshe tshang bya rog mtho
gang rtsa sar bzha/ chung chad rtsa sor gnyis sam mthe ba sor
gcig /de'i bar 'bring tshad do/ ! /gnyis pa dmigs bsal dang 'brel
ba ko lbags kyi gzhil yul dbus dang mtha' 'khob

kyis tshigs bstan pa/ mchi lham rung mi rung gi bye brag bstan
pa/ ko lpags rung mi rung gi bye brag bstan pa/ chu la 'jug pa'i
bya ba gzhan bstan pa'o/ /dang po ni/ yul dbus kyi 'tshams so/
/zhes sogs te/ yul dbus las tshigs kyis phye ba'i

yul dang/ chos tshigs kyis phye ba'i yul gnyis las/ dang po/
bzhag tu yod de/ rdo rje gdan dbus su bzhag pa'i/ shar du ni li
kha ra shing 'phel gyi mdun gyi nags li kha ri'i shing chang
ching can zhes bya ba tshun chad dbus dang/ de phan chad mtha'
khob yin

lho ni grong khyer 'dam bu can gyi lho na chu klung 'dam bu can
zhes bya ba yod pa tshun chad dbus dang de phan mtha' 'khob yin/
nub na ni bram ze'i grong kab dang nye ba'i ka pa zhes bya ba
yod pa de tshun dbus dang des na mtha' 'khob yin/ byang du u shu
ri'i

ri zhes bya ba yod pa de phan chad mtha' 'khob yin/ de bzhi dang
rdo rje gdan gyi bar thag tu dpag tshad drug cu yod par lo tstsha
ba mang pos bzhed kyang bcu drug yod pa 'dra ste dpyad par
bya'o/ /gnyis pa bzhag tu yod de/ gzhung sher phyin bzhugs pa
dang/

'khor rnam bzhi tshang ba dang/ sar gnas kyi byang sems bzhugs
pa'i sa phyogs de yul dbus dang/ de las log pa mtha' 'khob yin
pa'i phyir/ gnyis pa ni/ mtha' 'khab tu mchil lham dag bcang par
bya'o/ /zhes te/ ngag don sa tshigs kyis phye ba'i mtha'

'khob du mchil lham bcang par gnad ste/ rkang pa la ma rungs ba
dang/ lus la gnod pa spang bar bya ba'i ched yin pa'i phyir/
gnas mal ba skyab pa'i phyir yang ngo/ /zhes pa'i ngag don/
dmigs bsal la yul dbus su yang mchil lham gnang ba

@151b yod de/ gnas mal bskyab phyir du der de gnang ba'i phyir
ro/ /gsum pa ni/ khyim gzhan du gzhan med na ko lpags la 'dug
par bya'o/ /zhes sags te/ ngag bon/ spyir btang la yul dbus su
ko lpags la longs spyod du mi rung/ mtha' 'khob tu longs

spyod du rung ba'i phyir/ dmigs bsal du yul dbus su yang de la
longs spyod rung ba yod de/ der mig nad can gyis dom lpags dang/
rlung nang can gyis dom lpags kyi stan la longs spyod du rung
ba'i phyir/ bzhi pa ni rkyal bska ba can bcad par bya'o/ /zhes
sogs te/ ngag

don; chu la 'jug pa'i thabs yod de/ dpen pa'i gnas su rkyal
bslab pa dang/ chu'i gting la mi mngon par 'gro ba'i tshe/ khyu
mchog las gzhan pa'i dud 'gro dman pa la brten par bya ba ma yin
pa'i phyir/ ! gnyis pa bde bar gnas pa'i rkyen sman bsten

pa la/ spyi don dang/ gzhung don gnyis/ dang po la/ sman gyi
rgyu gang las tshul ji ltar sgrub pa/ de ltar sgrub pa'i sman
dngos kyi rnam gzhag bshad pa/ gang zag gang gis bcad pa/ sman
bzhag pa'i gnas/ rung khang gi rnam gzhag /sman la longs spyod
pa la 'jug pa'i

tshul; sman gyi rgyu mthun zag pa 'dor ba'i thabs bstan pa'o/
/dang po ni/ log pa'i 'tsho ba lnga char gtogs dang bcas pa
spangs nas yang dag pa'i 'tsho bas bsgrub par bya ba yin no/
/gnyis pa la/ dbye ba/ so so'i mtshan nyid/ sman so so'i rnam
bzhag /sman bsten

pa'i dgos pa/ sgra bshad pa/ sman bsten pa'i tshul lo/ /dang po
ni/ sman la dbye na bzhi yod de/ dus rung gi sman/ thun tshod du
rung ba'i sman/ zhag bdun pa'i sman/ ji srid 'tsho bcang gi sman
rnams su yod pa'i phyir/ de ni rnam pa bzhi'o/ /dus su rung ba
dang/ thun tshod du

rung ba dang/ zhag bdun pa dang/ 'tsho ba'i bar du bcad bnyid do/
/zhes gsungs pa'i phyir/ gnyis pa ni/ dri ro reg bya'i skye
mched gyi bdag nyid can gyi khams zas su dmigs pa/ skabs 'dir
bstan gyi sman gyi mtshan nyid/ gtso bor bkres pa'i nang sel
phyir du 'du ba'i

@152a @#/ /rigs su gnas pa yang yin/ bcas ldan dge slong gis snga
dro'i dus kho nar bsten par bya ba'i rigs su gnas pa yang yin
pa'i gzhi mthun par dmigs pa dus rung gi sman gyi mtshan nyid
gtso bor skom pa'i nad sel ba'i phyir du 'du ba'i rigs su gnas
pa yang yin/ ngo po 'tung

ba yang yin pa'i gzhi mthun par dmigs pa/ thun tsho du rung ba'i
sman gyi mtshan nyid/ thun tsho du rung ba ni btung ba dag go
/shin tu sla ba'o/ /zhes gsungs pa'i phyir/ gtso bor 'des pa'i
nang sel ba'i phyir du 'du ba'i rigs su gnas pa yang yin/ bcas
ldan dge slong gis byin gyis brlab pa'i dus thung ngur dmigs pa

yang yin pa'i bzhi 'thun par dmigs pa/ zhag 'dun pa'i sman gyi
mtshan nyid/ de yang yin/ bcas ldan dge slong gis byin gyis
brlabs pa'i dus ring por dmigs pa yang yin pa'i gzhi mthun par
dmigs pa/ ji srid 'tsho bcang gi sman gyi mtshan nyid/ gsum pa ni/
dus rung gi sman la dbye na bza' ba lnga/ bca'

ba lnga yod ge dang po ni/ zan dron/ 'bras zan/ nya sha/ sha/
snum khur ro/ /rgya cher 'grel las/ nya sha'i steng du lde gu
drangs so/ /des mtshon nas skyo ma dang/ thug pa sogs dang/ zho
dar dang/ thung la sogs pa yang dus rung gi sman yin te/ me tog
'phreng rgyud las/ rgun 'brum pa la se'u 'bra

go dang/ ud ba la la sogs rtsa ba dag /mkhas pas dus su rung
bar gsungs/ /zhes gsungs pa'i phyir/ kha cig /mar dus rung gi
sman yin te/ rgya cher 'grel las/ dus su rung ba mar dang/ zhes
gsungs pa'i phyir zer ba mi 'thad de/ des ni mar dus thams cad
du rung ba'i sman du

bshad pa yin pa'i phyir te/ des na mar zhag bdun pa'i sman yin
no/ /kho na re/ mar chos can/ dus rung du thal/ dus thams cad du
rung ba'i phyir zer na/ bu ram chos can/ der thal/ de'i phyir/
gnyis pa ni/ rtsa gsdong pu/ 'dab ma/ me tog /'bras bu ste
lnga'o/ /dang po na/ la phug dang nyung

ma lta bu/ gnyis pa ni/ bur shing lta bu/ gsum pa ni/ la bug gi
lo ma lta bu/ bzhi pa ni/ padma ud pa la lta bu/ lnga pa ni/
rgun 'brum dang kham star lta bu'o/ /thun tshod du rung ba'i sman
la dbyen/ dus rung gi sman gyi rgyu las byung ba'i thun tshod du
rung ba'i sman/ thun tshod du rung ba'i sman gyi rgyu las

@152b byung ba'i de dang/ zhag bdun pa'i sman gyi rgyu las byung
ba'i de dang/ ji srid 'tsho bcang gi sman gyi rgyu las byung ba'i
de dang bzhi las/ dang po ni/ rtsam thang dang/ rus thang shin
tu sla ba tshags dam po la 'dzag thub pa lta bu/ gnyis pa ni/
bcos pa'i tsha sogs shin tu sla pa 'dam bu'i mdog lta bu gsum

pa ni/ sbrang bur gi khu ba shin tu sla ba lta bu/ bzhi pa ni/
a ru ra'i khu ba shin tu sla ba lta bu/ zhag bdun pa'i sman ni/
zhun mar/ 'bru mar dang/ sbrad rtsi dang/ li khar dang/ bu ram
gyi dbu ba lta bu/ ji srid 'tsho bcang gi sman la dbye na/ gtso
bo lnga/ gtso bo ma yin pa lnga las/ dang po la/ rtsa ba/

sdong bu/ 'dab ma/ me tog 'bras bu dang lnga las/ dang po ni/
gla sgang dang shu dag dang yung ba la sogs lta bu'o/ /gnyis pa
ni/ tsan dan dang sle tres lta bu/ gsum pa ni/ ba sha ka'i 'dab
ma lta bu/ bzhi pa ni/ klu shing gi me tog lta bu/ lnga ba ni/
a par skyur gsum lta bu'o/ /

'o na dus rung gi rtsa ba sogs dang/ 'di'i rtsa ba sogs lnga'i
khyad par ji lta bu snyam na/ de yod de/ dus rung gi lnga po de
'jig rten na zas su grags sman du ma grags/ 'di'i lnga po 'jig
rten na sman du grags pa tsam yin gyi zas sum grags pa'i khyad
par 'thar pa'i phyir/

gnyis pa ni/ spyi'i sman dang/ 'gyur byed kyi sman dang/ lan
tsha'i sman dang/ btung ba'i sman dang/ dug sman rnams yin no/
/'o na thun tshod kyi mtha' de gang la byed snyam na srod kyi
thun tshed kyi mtha' la byed pa yin te/ rgya cher 'grel las/ nam
gyi thun dang po 'das

nas bcang bar mi bya/ zhes gsungs pa'i phyir dang/ lung ma mo
las/ nyin bar dang srod kyi bar du bcang ste/ zhes gsungs/ 'o na
ji srid 'tsho bcang gi ji srid 'tsho de gang la byed snyam na tshe
ji srid 'tsho la byed rigs te/ sum brgya pa las/ ma shi'i bar
bcab sman du

gsungs/ /zhes dang/ shes rab byed par/ cho gcig pa'o/ /zhes
dang/ zhu ba las/ ji srid 'tsho ba'i bar bcad pa ni ji srid
'tsho'i bar du yongs su spyad par bya'o/ /zhes gsungs/ bzhi pa
dgos pa ni lus stobs rgyas pa dang/ nad sel ba'i ched du'o/ lnga
pa ni/ phan

@153a @#/ /bar byed pas na sman zhes brjod do/ /gung tshigs kyi
dus yan chad du bsten par byed pas na dus rung ba dang/ srod kyi
thun tshod kyi mtha' yan chad du bstan par byed pas na thun tshod
du rung ba dang/ zhag bdun gyi bar byin gyis brlabs ste bsten
par bya bas na zhag bdun

pa dang/ ji srid 'tsho ba'i bar du byin gyis brlabs te bsten par
bya ba'i sman yin pas na ji srid 'tsho bcad gi sman zhes brjod
do/ /drug pa la/ lus la bsten pa'i tshul dang/ khar bsten pa'i
tshul gnyis las/ dang po la/ min ba'i lus la bsten pa'i tshul
dang/ na ba'i lus la

bsten pa'i tshul lo/ /dang po la/ du ma yod de/ bsro khang bsten
pa dang/ legs sbyar gyis khrus bsten pa/ mig la phan pa'i phyir
du dom lpags bsten pa/ me tog dri zhim po bsten pa rnams su yod
pa'i phyir/ dang po ni/ bsro khar bsten par bya'o/ /zhes bstan/
gnyis pa ni/ legs

sbyar gyi khrus kyis bkru'o/ /zhes bstan/ gsum pa ni/ mig la
phan pa'i phyir dom lpags bcad par bya'o/ /zhes bstan/ bzhi pa
ni/ mig la phan pa'i me tog dri zhib po bsten par bya'o/ /zhes
bstan/ gnyis pa la/ mig sman bsten pa/ reng bu'i du ba bsten pa/
sma'i shal sman bsten

ba; mtshon gyis gso ba bsten pa/ 'dom gyis gso ba bsten pa/ pags
pa dang kha'i nang chang gis bkru ba/ sman khu ji ltar bsten
pa'o/ /dang po ni/ mig sman bsten par bya'o/ /zhes bstan/ gnyis
pa ni/ gso ba'i phyir reng bu'i du ba rdub par bya'o/ /zhes
bstan/ gsum pa ni/ snar

blugs pa'i las bya'o/ /zhes bstan/ bzhi pa ni/ mtshon gyis gso ba
yang de dang 'dra'o/ /zhes bstan/ lnga pa ni/ 'dom gso ba bsten
par bya'o/ /zhes bstan/ drug pa ni/ me tog 'phreng rgyud las/
sman pa'i ngag gis btung ba ni/ /srog la babs kyang ma gnang
ste/ /kha'i nang du khur

phugs su/ /bsres pa tsam la nyes pa med/ /ces dang/ 'di nyid las
chang gi sred pa dang bral bar bya ba'i phyir/ zhes sogs kyis
bstan/ bdun pa ni/ grags tshod ltar ro/ /gnyis pa khar bsten pa'i
tshul la/ min bas khar bsten tshul dang/ na ba'i khal bsten tshul/
'phongs

@153b pa'i dus kyi dmigs bsal lo/ /dang po la dus rung kho nar
bsten pa dang/ sman gzhan gsum byin gyis brlabs pa dus thams cad
du bsten tshul lo/ /dang po ni/ snga dro'i dus kho nar bsten par
bya ba yin zhing/ phyi dro longs spyad na phyi dro'i kha zas zos
ba'i nyes par 'gyur

ro; ;gnyis pa ni/ byin gyis brlabs pa'i sman phyi ma gsum dus
thams cad du longs spyod cing bstan pa la nyas pa med la/ byin
gyis brlabs pa'i sman phyi ma gsum min pas bsten par mi bya ste/
min pas de dag byin gyis brlab tu mi rung zhing/ byin gyis
brlabs pa

bzar yang mi rung ba'i phyir/ dang po ma yin pa nyid dag ni nad
pa'i phyir ro/ /zhes gsungs/ gnyis pa na bas khar bsten tshul la/
dus rung gi sman dus ma yin par bsten pa'i tshul/ zhun mar dang
'dres pa'i chang gi sman bsten tshul/ sman phyi ma gsum byin gyis
brlabs te bsten

pa'i tshul lo/ /dang po la/ nas kyi sman bsten tshul/ sha'i sman
bsten tshul/ sgog pa'i sman bsten tshul lo/ /dang po ni/ sman pas
bsgo pa bzhin phyi dro'i kha zas bsten pa'o/ /gnyis pa ni/ sman
gyi phyir sha rlon pa bsten par bya'o/ /zhes sogs kyi don ni/
spyir rab byung gis rnam gsum

dag pa'i sha bza' rung bar gnad ste/ sngo ma gsum rab dbye las/
nyan thos rnam gsum phag pa'i sha/ /bza' rung gal te mi za na/
/lhas byin gyi ni brtul zhugs 'gyur/ /zhes dang/ 'dir sha'i byin
len stobs pa la spyad pa las byung ba nyid ma yin nam/ zhes
brjod

par bya'o/ /zhes dang/ rgya cher 'grel las/ de dag las byung ba
ma yin na bza' bar bya'o/ /zhes dang/ 'dir yang zan dren dang
lde gu dang/ sha dang snum 'khur dang 'o ma dang zho dang mar
dang nya sha dang sha skam dag ni mi rung ba nyid ma yin no/
/zhes dang/ rgya cher 'grel las/

za ba po'i phyir sbyin bdag gis sha bsdos par za ba bos mthong
ba dang thos pa dang dogs pa'i sgo nas shes na des sha de bza'
bar mi bya ba ste/ de bas na rab tu byung ba rnams kyis ni shan
pa'i gnas sam tshong 'dus nas sha rung ba dge bsnyen dad ba can
gyis blangs te bza' bar

@154a @#/ /rjes su gnang ngo/ /zhes gsungs pa'i phyir/ gsum pa
ni/ sgog skya dang/ kun dong dang/ ke'u za bar mi bya'o/ /zhes
spyir btang nas/ nad pas ni dben pa'i phyogs su'o/ /zos nas sgog
skya ni zhag bdun kun dong ni zhag gsum ke'u ni zhag gcig

ma lon par gtsug lag khang du 'jug par mi bya'o/ /zhes dang/ nad
pas chang ni rtsa chog gis kyang mi btung ngo/ /zhes srog gyi
phyir yang ma gnang ba'i phyir te/ rang bzhin gyi kha na ma tho
ba dang bcas pa las gzhan pa thams cad la gso ba'i don nyid ma

gtogs so/ /zhes bya ba'i lhag ma'o/ /zhes pa'i lhag ma ni chang
bkag pa 'di yin pa'i phyir ro/ /rgyud rdo rje rtse mo las/ phung
krol kun gyi rtsa ba ni/ /chang ni rnam par spang bar bya/ /zhes
bkags pas so/ /'o na brtag gnyis las/ de la ga bur rgyu ba'i
phyir/

sha ni shin tu bza' bar bya/ khyad par du yang chang nyid do/
/zhes dang/ gtor ma myos byed med pa rnams/ /sgrub kyang 'grub
par mi 'gyur ro/ /zhes gsungs pa ji lta bu zhe na/ de ni bde
chen ye shes god nas gong du rgyas par 'dod pas bstan pa la gnod
pa'i dgag

bya med cing bde ba'i rten kun ta lta bu'i khams rgyas pa la
brten nas bde chen gyi ye shes rgyas par byed pa'i gang zag
khyad par can gcig la dgongs pa yin gyi chang gang byung la
gnang ba ma yin no/ /kho na re/ nad pas chang btung du rung bar
thal/ des chang zhun mar

dang 'dres pa btung du rung ba'i phyir zer na/ rab byung gis
phyi dro zho dang 'o ma btung du rung ba dang 'bras phye bzar
rung bar thal/ des phyi dro 'o ma jal btab pa btung du rung/
'bras bye bu ram dang 'dres pa bzar rung ba'i phyir/ khyab pa
khas/ der thal/ mi mngon

pa yod pa'i grangs nyid ma yin no/ /zhes dang/ 'gor gyi gzungs
ni bu ram nyid du shes par bya'o/ /zhes gsungs pa'i phyir/ gsum
pa sman phyi ma gsum byin gyis brlabs te bsten tshul la/ dngos po
gang byin gyis brlab pa/ rten gyi gang zag gang gis/

@154b yul gang gi mdun du/ dus nam gyi tshe/ yun ji srid du cho
ga ji lta bus/ dgos pa ci'i phyir du/ tshul ji ltar du spyod
pa'o/ /dang po la/ khyad chos lnga dang ldan pa gcig dgos te/
sman phyi ma gsum gang rung yin pa/ rung ba yin pa/ rang gi yin
pa tshad dang ldan pa/ mngon sum

du yod pa/ sngar byin gyis brlabs ma zin pa rnams dgos pa'i
phyir/ dang po grub ste/ dang po ma yin pa nyid dag ni de'o/
/zhes gsungs pa'i phyir/ gnyis pa grub ste/ lag nywa song ba
sogs mi rung ba la byin rlabs mi chags pa'i phyir/ gsum pa grub
ste/ gzhan

gyi sman rang gi byin gyis brlab tu mi rung ba'i phyir/ bzhi ba
grub ste/ byin len byed dgos pa zhig tshad dang mi ldan na byin
len mi chags pa'i phyir/ lnga pa grub ste/ bskyar nas byin rlabs
byas pa la dgos pa med pa'i phyir/ gnyis pa ni/ bsnyen rdzogs
kyi sdom pa

gso rung yan chad dang ldan pas bya ste/ bsnyen rdzogs ba nad pa
kho na ste/ nad pa'i ched du longs spyod pa'i phyir ro/ /zhes
gsungs/ gsum pa ni/ dge slong chos dgu ldan gyi mdun du bya
zhing/ yul med na rang nyid gcig pus kyang byin gyis brlab par
gsungs

so; ;bzhi pa ni/ snga dro za ba'i gong du byin gyis brlab ste/
thun tshod kyi sman ni thun tshod kyi mtha' tshun chad du byin gyis
brlab par bya ba dang/ zhag bdun pa'i sman zhag bdun gyi mtha'
tshun chad du byin gyis brlab par bya ba dang/ ji srid 'tsho bcang
gi sman ni ji

srid 'tsho'i dus kyi mtha' tshun chad du byin gyis brlab par bya
ba yin pa'i phyir/ skabs 'di'i thun tshod kyi mtha' yang yod de/
nyi ma nub pa'i 'og tu 'od dmar po 'char ba'i dmar thag 'das ma
thag pa de mtshan mo'i thun dang po dang/ skabs 'di'i thun tshod
kyi phyi ma'i mtha' yang

yin pa'i phyir/ 'di 'das ma thag byin len ma bshig na gsog 'jog
tu 'gyur ro/ /des na gsar du byin len byas pa yang/ gung chags
ma yol par du gsog 'jog med pas longs spyod du rung bar 'dul
'dzin rin po ches bshad do/ drug pa la/ sbyor dngos mjug

@155a @#/ /gsum las/ dang po ni/ lag pa bkru bas byin len byas
te/ gnyis ka'i lag pa g.yon pa'i steng du sman bzhag g.yas pas
kha bkab pa'i tshul gyis bya ba sogs so/ /gnyis pa ni/ rang rang
gi sngags tshig lan gsum bzlas pas so/ /de yang

btsun ba'am tshe dang ldan pa dgongs su gsol/ bdag dge slong ming
'di zhes bgyi ba'i sman thun tshod du rung ba 'di dag bdag dang
tshangs par mtshungs par spyod pa rnams kyis bgyi bar thun tshod du
rung bar byin gyis brlab tu gsol/ zhes brjod cing sman gzhan

rnams la rigs 'gre'o/ /gsum pa ni thabs legs dang/ sman byin
rlabs kyi cho ga la thugs gtang ba bka' drin che'o/ /zhes brjod
pa'o/ /bdun pa dgos pa yod de/ gsog 'jog char gtogs dang bcas pa
dgag pa'i phyir du yin pa'i phyir te/ byin gyis

brlab pa la gsog 'jog mi 'byung/ zhes gsungs pa'i phyir/ nad pa
dang lam zhugs sogs la byin rlabs gnang ba'i rgyu mtshan yod de/
de rnams la gsog 'jog kyi nyes pa 'byung nye ba'i cha nas yin
pa'i phyir/ brgyad pa ji ltar du longs spyod pa yod de/ 'di la
byin

gyis brlab pa 'og ma dang lhan cig tu longs mi spyod pa/ sman
gzhan 'dres pa la cho ga sngon ma 'jug pa/ sman byin rlabs 'jig
pa'i rgyu bshad pa'o/ /dang po ni/ byin gyis brlabs pa'i ji srid
'tsho bcad gi sman/ byin gyis brlabs pa'i zhag 'dun pa'i sman
dang

lhan cig longs spyod par mi bya/ de byin gyis brlabs pa'i thun
tshod du rung ba'i sman dang lhan cig longs spyod par mi bya/ de
dus rung gi sman dang lhan cig longs spyod par mi bya ste/ byin
gyis brlab pa 'og ma dang lhan cig yongs su longs spyod bar mi
bya'o/ /

zhes gsungs/ gnyis pa ni/ dus rung gi sman gzhan dang 'dres na
dus rung kho nar spyad par bya la des gzhan gsum la yang mtshon
te/ gzhan dang bcas pa la de lhag par spyad pa yod de/ /de'i
phyir de dang bcas pa la cho ga snga mas 'jug

@155b par bya'o/ /zhes gsungs/ gsum pa ni/ gyin len 'jig rgyu
rnams 'di'i yang 'jig rgyu yin no/ /gsum pa 'phongs pa'i dus kyi
dmigs bsal ni/ mu ge dang de dang 'dra ba'i dus dang na ba'i tshe
lag nywa/ mtshams bcos zhag lon/ rjen tshos/ gsog 'jog brtsam
lngang/ sa bon skye ba 'joms pa/

spangs pa za ba byin len ma byas par za ba rnams ltung med du
gnang ba'i phyir ro/ /bzhi pa gang zag gang gis bcad pa na/ dad
rdzas la longs spyod tshul gong du bshad pa bzhin gyi steng du/
yam dang nad pa la sogs par dge 'dun gyis zas dang gos rnams
byin kyang ltung

ba med do/ /lnga pa sman bzhag pa'i gnas rung khang gi rnam
gzhag la/ dgos pa ci'i phyir du rung khang byin gyis rlob pa/
gnas gang du rung khang bcad pa/ rten gang gis bcad pa/ dus nam
gyi tshe bcad pa/ cho ga gang gis bcad pa/ rung khang gis byed
las/ sgra

bshad pa/ rung khang bcad pa 'jig pa'i rgyu bshad pa'o/ /dang po
ni/ dgos pa yod de/ mtshams chos dang/ zhag lon char gtogs dang
bcas pa mi 'byung ba'i ched yin pa'i phyir/ gnyis pa ni/ mtshams
nang nye 'khor dang bcas pa yin pa/ rang ngam rang dang cho ga
gcig

pa rang dbang ba kun la mkho ba'i sgo khang sogs ma yin pa/ dkon
mchog gi pho brang ma yin pa/ 'og gzhi sra ba dang 'brel pa/ bla
gab med pa sogs zas chud za ba'i gnas ma yin pa/ gtsogs pa'i
gnas ma yin pa/ sngar rung khang bcad zin pa ma yin pa'o/ /gsum

pa ni/ spyir dge 'dun gyis bcad par bya zhing bye brag rdo 'degs
pa'i mtha' las byung ba'i rung khang ni dge slong lag gi gla
'ba' zhig ba'o/ /sems bsdus pa'i mtha' las byung ba'i rung khang
ni/ de dang dge slong rab tu mang pos bcad do/ /las kyi mtha'
olas byung

ba'i rung khang ni/ dge 'dun khyad par gsum ldan gyis so/
/'phral gyi mtha' las byung ba'i rung khang ni/ dge slong gnas
der ji snyed phyin pas so/ /bzhi pa ni/ rung khang dang po 'gram
rdo 'jog pa'i dus dang/ gnyis pa byed 'phro zin par las gsar pa
byed pa'i dus dang/

@156a @#/ /gsum pa grub zin pas dge slong gnas bzhin pa'i dus
dang/ bzhi pa gnas stong par phyin pa na bya ba gzhan ma brtsams
zhing sleb 'phral du byin gyis brlabs so/ /lnga pa ni/ rung
khang dang po de dge slong lag gi blas 'gram rdo 'jog pa

na gzhi 'di dge 'dun gyi rung ba'i khang par 'gyur ro/ /zhes pa
yid la bsam zhing/ ngag tu brjod pa'i sgo nas byin gyis brlab
par bya ste/ 'di la rdo 'degs pa'i mtha' las byung ba'i rung
khang zhes bya ba yin no/ /gnyis pa de dge slong rab tu mang po
sa la 'khod de che dang

ldan pa dag gzhi 'di rnams dge 'dun gyi rung ba'i khang par
'gyur ba'i sems bsdus pa zhes yid la bsam zhing ngag tu brjod
pa'i sgo nas byin gyis brlab par bya ste/ 'di la sems bsdus pa'i
mtha' las byung ba'i rung khang zhes bya ba yin ne/ /gsum pa 'di
dge

'dun gyi gsol gnyis kyi las kyis byin gyis brlab par bya ste/
'di la las kyi mtha' las byung ba'i rung khang zhes bya ba yin
no/ /bzhi pa 'di gcig car phyin pa'i dge slong de snyed kyi gzhi
'di dge 'dun gyi rung ba'i khang par 'gyur ro/ /zhes yid la bsam
zhing dag

tu brjod pa'i sgo nas byin gyis brlab par bya ste/ 'di la 'phral
gyi mtha' las byung ba'i rung khang zhes bya ba yin no/ /rung
khang bzhi po de gang yang ma grub pa'i tshe ji ltar bya ba yod
de/ 'phags pa thog med kyis gsungs pa ltar shes pa chung dus
rung khang byin gyis brlab par

bya ba yin pa'i phyir te/ 'di skad du/ bdag ni bslab pa rnams la
mi gus pa ma lags so/ /ji ltar sangs rgyas bcom ldan 'das rnams
mkhyen pa dang/ gzigs pa dang ldan pa de dag gi rung ba'i khang
pa dang zas kyi khang par yongs su longs spyod pa mkhyen cing/

bzod pa de ltar na bdag gis phyir dran pa nye bar 'jog go /de
dag gi tshangs par spyod par rjes su 'jug par gyur cig /ces lan
gsum brjod pa'i sgo nas byin gyis brlab par bya ba yin pa'i
phyir/ drug pa ni/ rung khang bzhi po des mtshams nang de na gnas

@156b pa'i rung ba thams cad kyis bya ba byed nus pa yin te/
gcig gis gtsug lag khang du ma'i bya ba byed pa la mi mdzes pa
med do/ /zhes gsungs/ 'dun pa ni/ mtshams nang du zas btso ba
dang/ zhag lon par bzhag tu rung bas na rung khang zhes brjod
do/ /brgyad pa ni/ mtshas

la re ba med pa/ mtshan ma brtan po zhig pa/ mtshams gzhan byung
ba/ las kyis zhig pa/ mtshams nang gi dge slong mtshan gyur pa/
bsrung ba med par zhag lon ba/ dngos po nyams par 'gyur ba rnams
so/ /drug pa sman la longs spyod pa la 'jug pa'i tshul la/ zas la
'jug pa'i tshul

dngos dang/ zas gyi gral du ji ltar bya ba/ stan gang la 'dug
ste za ba/ gos gang gis za ba/ zas slong ba'i cho ga/ dngos po
gang za ba/ snod gang du za ba/ zas za ba'i cho ga dang brgyad
do/ /dang po la /bsod nams 'jug pa'i tshul /mgron du bos pa

la 'jug pa'i tshul /thun mong du 'jug pa'i tshul rnams su yod do
/de rnams kyi nang nas gos gang gis za ba ni /mchil lham dang
bcas bzhin du mi bza' ste/ nad pas mnan nas za ba tsam gnang
zhing /bla gos dang

bcas bzhin du bza' bar bya ste/ rgya cher 'grel las/ nus na rdul
rdul gzan la brten par bya'o/ /zhes bya ba ni/ nad pas nus na
rdul gzan la brten par bya'o/ /gal te ma nus na chos gos steng
ma med par bza' bar mi bya'o/ /zhes gsungs/ snod gang gis bza'
ba ni/ rung

ba tshad dang ldan pa'i lhung bzed du nges par bza' bar bya'o/
/zas za ba'i cho ga la/ bsam pa/ sbyor ba/ mjug tu ji ltar bya
ba'o/ /dang po ni/ bdag nyid la nad pa'i 'du shes/ zas la sman
gyis 'du shes /zos pa la brten nas rang gi lus kyi srin bu rnams

da lta zang zing gi sbyin pas tshim par byas/ ma 'ongs pa na chos
kyi sbyin pas tshim par bya'o snyam pa dang/ rol chags ba'i gnyen
por 'du shes bcu bsten pa'i sgo nas dam pa'i chos spyod pa'i lus
'tsho ba'i gyir du bza' par bya'o/ /gnyis pa ni/ lag pa gnyis
bskrus/ snga cha ba

@157a @#/ /phyi cha ba len pa dang/ /zas la cha bzhir bgos byas
la/ dad por lha la bshos gtsang 'bul/ /der rjes chos skyong
srung ma la/ /gtor ma bzhin du rgya cher bya/ /rang gis zos
shing 'thungs pa yi/ /lhab ma 'byung po rnams la sbyin/ /

zhes jo bo rjes spyod bsdus las gsungs pa ltar bza' bar bya'o/
/gsum pa ni/ de rjes phan yon bshad/ bsngo ba bya ba sogs yin
no/ /bdun pa sman gyi rgyu mthun zag pa 'dor pa'i thabs bstan pa
la/ kha sna'i zag pa 'dor tshul dang/ bshang gci'i

zag ba 'dor tshul lo/ /dang po ni/ snam phyis la sogs pas bya la/
gnyis pa ni/ gtsug lag khang gi rgyab bam g.yon phyogs su
bshang gci'i khang ba brtsigs te bag yangs pa'i sgo nas dor bar
bya'o/ /gnyis pa gzhung don la/ gzhi'i skabs nas 'byung ba dang/

phran tshogs la sogs pa'i skabs nas 'byung ba'o/ /dang po la
bstan bshad gnyis las/ dang po ni/ sman bsten par bya'o/ /zhes
sogs so/ /ngag don/ phan par byed bas ni sman dri ro reg bya'i
skye mched kyi bdag nyid can gyi khams kyi zas bza' btung gi sgo
nas bsten

par bya ste/ des khyad par du byas pa'i dgos pa mthong ba'i
phyir/ gnyis pa ni/ de ni rnam pa bzhi'o/ /dus su rung ba dang/
thun tshod du rung ba dang/ zhag pa bdun pa dang 'tsho ba'i bar du
bcad pa nyid do/ /zhes te/ nga don/ sman la rnam pa bzhi yod de/
dus rung gi

sman/ thun tshod kyi sman/ zhag bdun pa'i sman/ ji srid 'tsho ba'i
bar gyi sman rnams su yod pa'i phyir/ gzhan nyid yin na de'i
gang yin pa'o/ /zhes sogs kyi skabs su/ bu ram las sbyar ba'i
btung ba de zhag bdun gyi sman du byin gyis brlab par bya ba
dang/ a ru ra'i khu

ba lta bu ji srid 'tsho'i bar du byin gyis brlabs ba'i sman du
khas blangs pa la rgya gar gyi 'dul 'dzin kha cig/ mdo rtsa bar/
ngo bo ma gyur na de yin gyi gyur na gang tshun chad de yin dgos
pa'o/ /zhes gsungs bas/ khyod kyi dam bca' de mi 'thad de/ bu
ram las sbyar ba'i

@157b btung ba de zhag bdun gyi snga rol du ro sla bar ma gyur
na de ltar yin kyang/ ro sla bar gyur na gang ro sla bar gyur pa
de tshun chad du byin gyis brlab par bya ba yin gyi/ de phan chad
du byin rlabs mi chags te/ dus lhag ba la byin rlabs mi chags
pa'i phyir/ zhes zer 'o na zhag

bdun gyi snga rol du ro sla bar gyur nges pa'i bu ram la sbyar
ba'i btung ba de byin gyis brlab par bya ba'i sman ma yin par
thal/ zhag bdun par byin gyis brlab par bya ba'i sman ma yin pa
gang zhig /de zhag lngar yang byin gyis brlab par bya ba'i sman
ma yin pa'i phyir/

dang po ma grub na/ de mi 'thad de/ dus lhag ba bsten pas byin
rlabs mi chags par 'gyur ba'i phyir zhes gsungs bas/ zhag lnga
nas re sla bar 'gyur nges kyi bu ram la sbyar ba'i btung ba zhag
bdun par byin gyis brlab par bya ba ma yin par thal/ dus lhag pa
la byin rlabs mi

chags pa'i phyir/ gsum ga khas/ gnyis pa ma grub na/ de 'byung
bar 'gyur ba'i phal pa rnams kyis bgrod pa ma yin par byin gyis
brlab par bya ba ma yin par 'gyur ba'i phyir/ zhes gsungs bas/
zhag lnga nas ro sla bar 'gyur nges kyi bu ram la sbyar ba'i
btung

pa de chos can/ khyod bcas ldan dge slong mngon shes dang mi
ldan pa rnams kyis byin gyis brlab par bya ba ma yin par thal/
khyod zhag lnga pa kho nar byin gyis brlab dgos pa gang zhig
/khyod zhag lnga nas ro sla bar 'gyur bar bcas ldan dge slong
mngon shes dang mi ldan pas khyod byin gyis

rlob pa'i dus na mi shes pas sgra brjod pa'i yul ma yin pa'i
phyir/ byin gyis rlob pa la gsog 'jog mi 'byung ngo/ /zhes ba
la/ dag don ni/ sman byin gyis brlab pa la/ dgos pa yod de/ gsog
'jog mi 'byung bar bya ba'i ched yin pa'i phyir/ ro dang sla ba
nyid yongs su gyur na gsog 'jog byas pa nyid

yin no/ /zhes pa'i don la/ ro sla bar gyur na gsog 'jog mi 'thad
de/ rten byin rlabs zhig pa'i phyir/ zhes zer/ 'di'i lan la kha
cig /gnas skabs 'gyur bas byin len zhing/ /dngos po 'gyur bas
gsog 'jog 'byung/ zhes zer ba mi 'thad de/ gnas skabs 'gyur bas
gsog 'jog mi

@158a @#/ /'byung bar thal/ des byin len 'jig pa gang zhig /rgyu
mtshan mtshungs pa'i phyir/ gzhan yang/ dngos po 'gyur bas byin
len mi 'jig par thal/ des /sog 'jog 'byung ba gang zhig /mtshungs
pa'i phyir/ rang lan ni/ ro sla 'gyur bas

byin len zhig pa bzhin gsog 'jog tu ma song ba yin kyang gsog
'jog byas pa dang 'dra bar bzar mi rung ba yin no/ /gnyis pa ni/
rgyal srid dang de'i phyed nod par mi bya'o/ /zhes sogs de rjes
blon po yul 'khor ljongs/ /mdzod dang dpung dang mdza' bshes
kyis/

yan lag bdun ldan rgyal srid de/ sems can blo la brten pa yin/
/zhes pa'i rgyal srid dang/ rgyal srid kyi ched lta bu/ /dge
'dun nam dge slong la phul na nod par mi bya ste/ dngos su bkag
cing gnang ba'i skabs med pa'i phyir/ ! /gsum pa bya ba'i thabs
las kyi gzhi bstan pa la/ spyi

don dang/ gzhung don no/ /dang po la/ dge 'dun dang 'brel ba'i
las dngos dang/ gang zag dang 'brel ba'i las kyi ming can no/
/dang po la/ sbyor dngos mjug gsum las/ dang po ni/ las thams
cad kyi sngon du 'gro dgos pa 'du ba'i skabs su sgrub pa zhes
bya ba chag chag dang phyag dar byed gnas mal la sogs bsham

ba; gan d+he rdung ba dang dris pa'i chig lan 'debs pa rnams so/
/gnyis pa la/ las chags pa gzhi'i mtshan nyid/ las chags pa bsam
pa'i mtshan nyid/ las brjod pa ngo bo'i mtshan nyid/ las nyams su
myong ba'i mtshan nyid/ las chags pa dus kyi mtshan nyid dang
lnga'o/ /dang po la/ bdag po'i rkyen gyis gtsau blo mthun

bar byed pa'i dge 'dun/ brjod par byed pa'i las mkhan/ bsgrub
bya'i do na no/ /dang po ni/ dge 'dun khyad par gsum ldan nam/
chos gsum ldan tshang dgos te/ chos gsum ni grangs tshang ba/ kha
skong ba'i chos dang ldan pa/ mi mthun pa gnyis dang bral ba
dgos pa'o/ /'o na las gang byed pa la dge

'dun du'i grangs tshad dgos she na/ 'di la bcu gcig yod de/ bzhi
bcu'i brangs tshang gnyer gnyis kyi/ nyi shu'i/ bcu gnyis kyi/
bcu gcig gi /bcu'i/ dgu'i/ brgyad kyi/ drug gi/ lnga'i/ bzhi'i/
grangs tshad ba dgos pa rnams su yod pa'i phyir/ dang po grub
ste/ yul dbus su

@158b dge slong ma spo ma gu dbyung gsum gyi dbyung ba'i las
byed pa la dge slong pa nyi shu/ dge slong ma nyi shu ste bzhi
bcu'i grangs tshang dgos pa'i phyir/ gnyis pa grub ste/ yul dbus
su bud med bsnyen rdzogs byed pa la/ dge slong pha bcu/ dge
slong ma bcu gnyis te nyer gnyis kyi grangs tshang dgos

pa'i phyir/ gsum pa grub ste/ yul mtha' 'khob tu dge slong ma
dbyung ba'i las byed pa la/ dge slong pha bcu dang/ dge slong ma
bcu ste nyi shu tshang dgos pa'i phyir/ der ma zad yul dbus su
dge slong pha spo mgu dbyung gsum gyi las byed pa la dge slong
pha nyi shu tshang dgos pa'i phyir/ bzhi ba

grub ste/ yul dbus su snga rol gyi sdom pa gnyis/ 'khor dang
'khor mang po 'jog pa'i gnang ba sbyin pa rnams la dge slong ma
bcu gnyis tshang dgos pa'i phyir/ snga rol gyi sdom pa gnyis ni
dge slob ma'i sdom pa dang/ tshangs spyod la nyer gnas kyi sdom
pa'o/ /lnga pa grub ste/ yul mtha' 'khob tu

bud med bsnyen par rdzogs pa la/ dge slong pha lnga dang ma drug
ste bcu gcig tshang dgos pa'i phyir/ drug pa grub ste/ yul dbus
skyes pa bsnyen par rdzogs pa la dge slong pa bcu'i grangs tshang
dgos pa'i phyir/ bdun pa grub ste/ dge slong ma'i dgag dbye byed
pa la/ dge slong pha lnga dang ma

bzhi ste dgu tshang dgos pa'i phyir/ brgyad pa grub ste/ dge
slong ma'i spo mgu spyod pa la dge slong pha bzhi dang ma bzhi
ste brgyad tshang dgos pa'i phyir/ de bzhin du gnyis sbyin pa la
yang ngo/ /dgu pa grub ste/ yul mtha' 'khob tu snga rol gyi sdom
pa gnyis dang/ 'khor dang 'khor mang po

'jog pa'i gnang ba sbyin pa la dge slong ma drug tshad dgos pa'i
phyir/ bcu pa grub ste/ dge slong gi dgag ba bye la dge slong
lnga tshang dgos pa'i phyir/ 'di dang brgyad dang/ dgu dang/ nyi
shu dang/ bzhi bcu tshang ba dgos pa ni nges pa can yin te/ gzhan
du na las de rnams mi chags pa'i phyir/ nyer gnyis/ bcu

gnyis/ bcu gcig /bcu/ drug gi grangs tshang dgos pa de las nyung
na las chags kyang bya mi rung ste/ byed pa po la nyes byas su
'gyur ba'i phyir/ bcu gcig pa grub ste/ bzhi las nyung na las mi
chags te/ dge 'dun du mi gyur pa'i phyir ro/ /gnyis pa

@159a @#/ /kha skong gi chos dang ldan pa ni/ kha skong gi chos
la du ma yod de/ gzhi'i skabs nas bstan pa bcu/ zhu ba'i skabs
nas bstan pa gsum/ rung mthun sbyar pa gnyis rnams su yod pa'i
phyir/ dang po bcu ni/ mi 'dug par 'greng ba ma yin pa/ gang

la las bya ba'i yul min pa/ 'dun pa dang yongs dag phul ba ma
yin pa/ bsnyen par ma rdzogs pa ma yin pa/ pham pa 'chab bcas
kyis nyams pa ma yin pa/ mtshams med byung ba ma yin pa/ sdig lta
can ma yin pa/ sa gzhan na gnas pa ma yin pa/ tha dad du gnas pa

ma yin pa/ 'khrul bcas ma yin pa rnams so/ /de yang tha dad du
gnas pa sdig lta can du bshad pa yod kyang/ 'dir bya ba chos min
phyogs su song ba la 'jog dgos pa yin no/ /gnyis pa gsum ni/
mtshams nang der yod pa yin pa/ sangs rgyas thab pa las gzhan yin
pa/

mtshan mthun pa rnams so/ /gsum pa gnyis ni tha snyad gsum dang
ldan pa/ lus tha mal du gnas pa'o/ /'di rnams kyi nang nas
'khrul bcas ma yin pa zhes pa/ bsngam bya'i nyes byas 'phra mo
yan chad kyis ma gos pa yin la/ 'di shin tu dka' na'ang/ las
gang byed pa'i

sngon du dge 'dun gyi ltung ba bshags 'os ba rnams bshags bsdam
'os pa rnams bsdam/ byin gyis brlab 'os pa rnams byin gyis
brlabs pas de dang de la mi sgrib pa'i tshul gyis 'dag par 'gyur
te/ bsdam par bya bas kyang yin gyi bshags par bya ba 'ba' zhig
gis yin

par ma zad do/ /zhes dang/ des na dge slong rang bzhin du gnas
pa yin na las kyi kha skong du 'os pa'am/ kha skong gi chos dang
ldan pas ma khyab ste/ mchog gi sprul sku yin na dkon mchog
gzhan yin pa ste/ sangs rgyas thob pa'i gang zag yin dgos pa'i
phyir/ gsum pa la ma

'dus pas mi mthun pa dang/ 'dus pa phyir log gi mi mthun pa
gnyis dang bral ba dgos so/ /dang po ni/ las byed pa'i mtshams
nang du gtogs pa yin pa/ kha skong du 'os pa yin pa/ lus sam
'dun pa phul ba gang rung gis 'dus pa yin pa/ smyos pa'i gnang
ba ma thob

@159b ba yin pa/ nang zhe khon pa dang bcas pa ma yin pa/ mtshams
nang de na yod par las gral na yod pa'i dge slong gang rung gcig
yan chad kyi nges de/ yid gnyis za ba ma yin pa rnams so/ /gnyis
pa ni/ las gral der gtogs pa'i dge slong gcig gis las gral der
da lan las 'di

byas kyang mi 'chags zhes pa'am/ las 'di byar mi rung zhes sogs
smras pa'o/ /der ma zad spyod lam mi mthun pa ma yin pa gcig
kyang dgos so/ /gnyis pa brjod par bya ba'i las mkhan ni/ dge
slong chos bdun ldan gyi steng du las de dang de byed pa la
mkhas pa gcig

dgos so/ /gsum pa bsgrub bya'i don la/ sems can ma yin pa la bya
ba dang/ sems can la bya ba'o/ /dang po ni/ sems can ma yin pa
la gsol ba 'ba' zhig pa'i las kyis sgrub pa dang/ de la gsol
gnyis kyi dang/ de la gsol bzhi'i las kyis sgrub pa rnams su yod
la/ dang po ni/

shi ba'i yo byad byin gyis rlob pa lta bu/ gnyis pa ni/ mtshams
po che gcod pa'i las lta bu/ gsum pa ni/ sra brkyang dbyung ba'i
las lta bu'o/ /gnyis pa ni/ khyim pa la bya ba dang/ rab byung
la bya ba gnyis/ dang po la lnga yod/ mu stegs can gyi khyim pa
dge bsnyen du sgrub ba la

gsol bzhi'i las kyi gnas pa sbyin pa dang/ khyim gyi bslab pa'i
sdom pa sbyin pa dang/ gzhig par byed pa'i las dang/ lhung bzed
kha sbub pa'i las dang/ srang bar byed pa'i las rnams su yod
pa'i phyir/ gnyis pa la/ bsnyen par ma rdzogs pa'i rab byung la
bya ba dang/

bsnyen par rdzogs pa la bya'o/ /dang po la gsum yod de/ de la
sbyin pa'i las kyis sgrub pa dang/ sgo ba'i las kyi sa dang/
chad pa'i las kyis sbyin par bya ba sogs so/ /sbyin pa la sngon
gyi sdom pa gnyis dang/ dge tshul gyi sdom pa sbyin pa sogs su
so/ /gnyis pa bsnyen rdzogs

kyi rten la bya ba la bzhi yod de/ sbyin pa'i las kyis sgrub pa
dang/ de bsko ba'i las kyis sgrub pa dang/ de la chad ba'i las
kyis sgrub pa dang/ de la rnam dag gi las kyis sgrub pa rnams
yod pa'i phyir/ dang po ni/ khang pa khang chen gyi gnang ba
byin pa lta bu/ gnyis pa ni/ gsang

@160a @#/ /ston bsko ba dang/ dgag dbye byed pa po dang/ gnas mal
stobs pa po bsko ba la sogs so/ /gsum pa ni/ nan tur bcu bzhi'i
las la sogs pa'o/ /de dang rjes su mthun pa'i las ni/ sgo gyur
bcu gcig gi las lta bu'o/ /bzhi pa la/ gso sbyong gi

las kyis sgrub pa dang/ dgag dbye'i las kyis sgrub pa gnyis yod
do/ /gnyis pa las chags pa bsam pa'i mtshan nyid la/ dngos po
gtso che ba dang/ bsam pa gtso che ba'i las so/ /dang po ni/
mtshams che chung gcod pa'i las lta bu/ gnyis pa la/ 'du shes
dang/ kun slong

gnyis las/ dang po ni/ dge 'dun gyi 'du shes gtso che ba dang/
gang zag gi 'du shes gtso che ba'o/ /dang po ni/ nan tur bcu bya
ba'i las lta bu/ gnyis pa ni/ bsnyen rdzogs sgrub pa'i las lta
bu/ gnyis pa ni/ las de dang de byed 'dod snying thag pa nas
dgos te/ bzhad gad kyi

dngos po ni gang gis kyang mi 'gyur ro/ /zhes sangs rgyas kyi
bstan pa dang sems can la phan par 'dod pa'i byams snying rje
nges 'byung gi bsam pas zin pa dgos te/ bstan pa rnam par dag pa
bsrungs/ zhes sogs dang/ byams pa dang snying rje dang/ zhes
sogs dang/ nges par

'byung ba'i tshul khrims sdug bsngal spong/ zhes dang/ nges par
'byung ba'i tshul khrims kyi dbang du byas te/ zhes gsungs/ gsum
pa las brjod pa'i ngo bo'i mtshan nyid ni/ las tshang ba/ ma nor
ba/ ma 'khrugs pa dgos la/ dang po ni/ sbyir las la brgya rtsa
gcig gsungs pa ste/

slob dpon yon tan 'od kyis bsngoms su bsdus te/ gsol ba 'ba'
zhig ba'i las nyi shu rtsa bzhi dang/ gsol ba dang gnyis kyi las
bzhi bcu rtsa bdun/ gsol bzhi'i las sum cu ste brgya dang gcig
gsungs pa'i phyir/ lung gang las las brgya rtsa gcig gsungs

she na/ lung gtam gyi gzhi las gsungs/ gnyis pa ni/ las brgya
rtsa gcig po de la las ma nor ba gcig spyir btang la dgos la las
nor kyang chags pa yod de/ dge slong pha ma phan tshun du skub
pa'i las nor kyang chags pa'i phyir ro/ /gsum pa ma 'khrugs pa
la/ spyod

@160b lam/ tshig/ go rims ma 'khrugs pa las/ dang po ni/ langs pa
dang lag pa brkyang ba'i phrag ba g.yas gos kyis phur ba/ kha
gtums byas pa gnyid du song ba lta bu ma yin pa dgos so/ /gnyis
pa ni/ tha mal pa'i tshig gzhan gyis bar mchod par bya ba yin no/
/gsum

pa ni/ las gang dang gang gis go rims ma nor ba dgos pa yin no/
/bzhi pa las nyams su myong ba'i mtshan nyid la/ gang zag gang
gis nyams su myong ba/ tshad ji tsam du nyams su myong ba/ shes
pa gang gis nyams su myong ba'o/ /dang po ni/ las gang la dge
'dun du dgos

pa de thams cad kyis las de nyams su myong ba dgos te/ de ltar
ma myong na las de mi chags pa'i phyir/ gnyis pa ni/ gsol ba
'ba' zhig gi las la las gral thams cad kyis gsol ba tshang ba
thos ba dgos/ gzhan gnyis la de thams cad kyis gsol ba dang/
mjug sdud tshang ba

thos ba dgos so/ /gsum pa ni/ rna bas tshag thos shing don yid
kyis go ba dgos pa yin no/ /lnga pa las chags pa'i dus kyi mtshan
nyid ni/ gsol ba 'ba' zhig gi las la gsum gnyis tshang ban dang/
gsol gnyis kyi las brjod pa'i cha gsum yod pa'i sum gnyis tshang
ba

na dang/ gsol bzhi'i las la brjod pa gsum yod pa'i cha gsum pa'i
sum gnyis tshang ba na las de dang de chags pa yin no/ /phal cher
byas ba ni byas ba nyid yin zhes pa'i don to/ /gsum pa mjug chog
ni/ dge rtsa byang chub tu bsngo ba sogs so/ /gnyis pa gang zag
dang 'brel ba'i

las kyi ming can ni/ dri ba dang/ lan byin pa sogs so/ /gnyis pa
gzhung don ni/ gzhi'i skabs nas 'byung ba dang/ zhu ba la sogs
pa'i skabs nas 'byung ba'o/ /dang po ni/ cho ga las 'das na las
mi chags so/ /zhes te/ ngag don/ rgyur gyur ba'i chog las 'das
bste ma tshang na

'bras bur gyur ba'i las rnam dag dang/ de dag gi 'bras bu bsnyen
rdzogs mi 'chags te/ rgyu ma tshang ba'i phyir/ 'on cho ga rang
gang snyam na/ 'dir cho ga dge 'dun tshang ba dang las brjod pa
dang las byed pa nyid do/ /zhes te ngag don las kyi chog bzhag
tu yod de/ las rang rang la

@161a @#/ /dgos pa'i dge 'dun grangs tshang
ba/ las rang rang gi
cho ga'i tshig brjod pa/ las rang rang gi las byed pa rnams kyi
sgo nas shes par bya ba yin pa'i phyir/ gnyis pa la/ spyir bstan
pa dang/ thun mong ba'o/ /dang po ni/ brjod pa lhag pa bdag gis
ma byas pa

nyid ma yin no/ /zhes sogs te/ chog las 'das pa ste ma tshad na
las mi chags pa ltar/ las lhag na yang mi chags sam snyam na/
las brjod pa lhag pa dag gis ni mi 'chags pa nyid ma yin te/
nyams bcung zad kyang med pa'i phyir/ gnyis pa ni/ bsgo ba las
byang ba'i phyir

ma bcos pas zhes sogs so/ /rab byung bsnyen rdzogs kyi las yin
na/ bsgrub bya de dang de dngos su yod pa kho na la bya dgos pas
khyab bam zhe na/ ma khyab ces ston pa la/ skal pa dang ldan
pa'i rang bzhin can la mngags pa dang 'dra bas na/ rab tu sbyin
du gzhug na ni cho ga ma yin

pa ma yin no/ /zhes sogs te ngag don ni/ 'phrin chog gi sgo nas
rab tu byung ba bsnyan rdzogs su sgrub pa'i bsgrub bya de la
khyad chos gsum dang ldan pa dgos te/ che de la mthong lam
rgyud
la skye bar nges pa/ mkhan slob dge 'dun dang bcas pa'i drung du
'gro ba la rang dbang med

pa'i bar chad dang ldan pa/ de ltar du mkhan slob dge 'dun dang
bcas pas shes pa gcig dgos pa'i phyir// ! //bzhi pa gso ba phyir
bcos kyi gzhi la/ ltung ba phyir bcos dang/ rtsod pa phyir bcos
gnyis las/ dang po la/ phyir bcos kyi gzhi dngos dang dus dang
dus ma yin

pa bsdus pa 'byung pa'i gzhi/ sa gzhan na gnas pa spyod pa'i
gzhi/ yongs su spyod pa'i gzhi/ las bye ba'i/ 'khor lo bye ba'i
gzhi'o/ /dang po la/ rang mi spro ba nan tur gyi sgo nas phyir
bcos tshul dang/ rang spro ba mthol bshags kyi sgo nas phyir bcos
tshul gnyis/ dang po ni/ gzhi

ma zhi bar shes nas gleng ba bos so sor shas bar byas shing/
mngon sum du 'jog pa la nan tur gyi las bya'o/ /zhes sogs kyis
'chad/ de'i don la/ nan tur gyi dbye ba/ bsdu ba/ mtshan nyid/
nan tur sngon 'gro'i bya ba/ mdor bsdus sbyar ba/ nan tur gang
ltung ba'i rgyur 'dra

@161b ba bstan pa/ nan tur gyi sgra bshad pa/ nan tur ji ltar
bya ba'i tshul rnams su yod la/ dang po la bco lnga yod de/
bsdigs pa nan tur/ smad pa nan tur/ bskrad pa nan tur/ phyir
'gyed pa nan tur/ ma mthong ba gnas nas dbyung ba nan tur/ phyir
mi bcos pa gnas nas dbyung ba nan

tur/ sdig lta mi gtong pa gnas nas dbyung ba nan tur/ 'thab krol
la 'bad pa mi gtong ba las sogs pa gnas nas dbyung ba nan tur/
rnam par gtan la 'bebs pa nye bar gyur ba nam zhi ba gnas nas
dbyung ba nan tur/ 'thab krol gyi rgyu nye bar sgrub pa la gnas
nas 'byung ba

nan tur/ dge slong rnams dang lhan cig 'dre zhing gnas pa gnas
nas dbyung ba nan tur/ gso sbyong bzhag pa'i nan tur/ dgag dbye
bzhag pa'i nan tur/ dge tshul bsnyil ba'i nan tur/ lhung bzed ba
spub pa'i nan tur rnams su yod pa'i phyir/ gnyis pa yod de/ ngo
bo'i

sgo nas/ cho ga'i sgo nas/ yul gyi sgo nas bsdu ba dang gsum yod
pa'i phyir/ dang po grub ste/ smad pa nan tur/ spangs pa nan
tur/ rnam dag gi las bzhag pa'i nan tur rnams su 'du ba'i phyir/
gnyis pa grub ste/ gsol ba 'ba' zhig gi las kyis bsgrub par bya
ba

dang/ gsol bzhi'i las kyis bsgrub par bya ba rnams su 'du ba'i
phyir/ gsum pa grub ste/ khyim pa kho na la bya ba'i nan tur/
rab byung kho na la bya ba'i nan tur gnyis su 'du ba'i phyir/
gsum pa ni/ mi 'dod bzhin du las kyi chad pas bcad pa la mjug
bzod pa gsol rung du

yod pa de nan tur gyi mtshan nyid yin no/ /bzhi pa yod de/ phyir
mi 'chos pa gnas nas dbyung ba la ltung ba khas len pa dang/
sdig lta mi gtong ba gnas nas dbyung ba la zlog pa lnga byed pa
dang/ 'thab krol la 'bad pa la sogs pa gnas nas dbyung ba la
bsdigs pa nan tur du

byed pa dang/ rnam par gtan la 'bebs pa nye bar gyur pa gnas nas
dbyung ba la mngon sum brgyad sngon 'gro'i chos su gsungs pa
bzhin du gnas dbyung gzhan rnams la yang gzham sgo la sogs pa'i
zlog pa sngon du 'gro bas chos su rang mthun sbyar bar bya yin
pa'i

@162a @#/ /phyir/ lnga pa ni/ sdig pa nan tur byas nas ma log na
mjug tu gnas nas dbyung bar dngos su gsungs pa bzhin du/ smad pa
dang bskrad pa phyir 'gyed nan tur rnams la bzlog kyang mi gtong
na mjug tu gnas nas dbyung bar bya bar mdor bsdus sbyar bar

bya ba yin pa'i phyir/ drug pa ni/ khyim pa sun 'byin pa'i dge
slong la dge 'dun gyi bskrad pa nan tur byas pa des dge 'dun la
skur pa 'debs pa de'i tshe gzhams bsgo sogs kyis bzlog par bya
zhing des ma bzlog na 'jug tu lhag ma skyed par lung las dngos
su gsungs pa

bzhin khyim pa la brnyas pa byed pa'i dge slong la dge 'dun gyis
phyir 'gyed nan tur byas pa des dge 'dun la skur pa 'debs par
byed pa de'i tshe gzhams bsgo sogs kyis bzlog kyang ma bzlog na
mjug tu lhag ma bskyed par rung mthun du sbyar bar bya ba yin
pa'i phyir dang/ des

bsdigs smad la'ang shes par bya ba yin pa'i phyir/ bdun pa ni/
dge 'dun gyis mi 'dod bzhin du chad las kyis bcad pa'i rgyu
mtshan gyis nan tur zhes brjod do/ /brgyad pa nan tur ji ltar bya
ba las/ dgos pa ci'i phyir du bya ba/ yul gang la nan tur bya
ba/ rten gyi gang

zag gang gis bya ba/ dus nam gyi tshe bya ba/ cho ga ji lta bus
bya ba/ nan tur bya ba'i bslab bya/ des grol ba'i rgyu bshad
pa'o/ /dang po ni/ dgos pa yod de/ nyes pa lam zhugs pa mi 'jug
pa dang/ zhugs zin 'phro gcod par bya ba'i chad yin pa'i phyir/
gnyis pa ni/ yul chos

bcu dang ldan pa gcig dgos so/ /gsum pa ni/ mtshan nyid bzhi ldan
gyi dge 'dun gyis bya ba yin no/ /bzhi pa ni/ dbyar tshul gyi
nang min pa bya ba gzhan gyis yid ma yengs pa'i dus su bya ba
yin pa'i phyir/ lnga pa la/ sbyor/ dngos mjug gsum las/ dang po
ni/ dge

'dun 'du ba'i skabs rjes su sgrub pa dang/ ltung ba gleng dran
bya ba dang/ gleng pa po rang gi ma glengs na dge 'dun gyis
bskos bas gleng dran bya ba yin pa'i phyir/ gnyis pa ni/ gsol
bzhi'i las kyis bya ba yin no/ /gsum pa ni/ las kyi mjug sdud
brjod pa dang/ gzhi

@162b 'di nyid du ltung ba phyir bcos gyis shig /dge 'dun 'di
snyed ? dgag gis khyod bag yangs su byas so/ /zhes brjod par bya
ba yin pa'i phyir/ drug pa ni/ bsdigs smad bskrad pa phyir 'gyed
bzhi byas pas ni/ khyad par can gyi spyod pa lnga spong pa dang/
khyad par bskrad pa nan tur byas pas

gang nas bskrad pa'i gnas der mi gnas pa la bslab par bya ba
dang/ gnas dbyung bdun dang bsnyil ba nan tur byas pas khyad par
can gyi spyod pa lnga spong ba dang chos 'di'i rab byung rang
bzhin du gnas pa rnams dang chos dang zang zing longs spyod
lhan
cig tu mi bya ba la bslab par

bya zhing/ gso sbyong dgag dbye bzhag pas ni rab byung rang
bzhin du gnas pa dang gso sbyong dgag dbye gnyis lhan cig tu
byed pa spong pa dang/ lhung bzed kha spub pa la ni/ rab byung
rnams kyi chos dang zang zing gi longs spyod byed pa rnams spong
ba rnams yin pa'i phyir/ bdun pa la/

thun mong ba'i grol rgyu dang/ bya brag gi grol rgyu gnyis las/
dang po ni/ dgra bcom pa'i go 'phang thob pa dang/ bzod pa gsol
zin pa nan tur thams cad las grol ba yin no/ /gnyis pa ni/ gso
sbyong dang dgag dbye 'jog par byed pa de'am/ des bskos pa'i dge
slong

dang lhan cig gso dgag gi lam byas pa'i tshe de gnyis bzhag pa'i
nan tur las grol ba dang/ nan tur snga ma'i steng du phyi ma
byung na snga ma las grol ba yin no/ /gnas dbyung bdun ni ma
gtogs so/ /de la nan tur phyi ma mi byed pa'i phyir te/ de dang
chos dang zang zing gi

longs spyod lhan cig tu byed pa spangs zin pa'i phyir/ gnyis pa
rang spro pa la mthol bshags gi sgo nas phyir bcos pa'i tshul ni/
ltung ba bcab par mi bya'o/ /tha na ming gis go bar bya ba nyid
do/ /zhes sogs kyis 'chad/ 'di la ltung ba phyir bcos pa'i dgos
pa/ ltung ba phyir

bcos byed tshul gnyis las/ dang po ni/ dgos pa yod de/ dngos su
ltung ba dgag par 'gyur ba dang/ brgyud nas tshul khrims rnam par
dag pa'i phan yon bcu thob par bya ba'i ched du yin pa'i phyir/
gnyis pa la/ bsam pa'i sgo nas phyir bcos pa dang/ sbyor ba'i
sgo nas dgag par

@163a @#/ /sgrub pa'o/ /dang po la bzhi yod de/ nyes ba snga ma
la 'gyod sems dang/ phyi ma la sdom sems dang/ da lta phyir bcos
par 'gyur pa dang/ mya ngan las 'das pa'i bsam pa brtan po dang
ldan pa rnams dgos pa'i phyir/ gnyis pa la gnyis yod de/

ltung ba bcabs pa'i nyes pa mi 'byung ba'i phyir mthol ba dang/
ltung ba bshags pa dngos gnyis las/ dang po la yul gang la mthol
ba/ mthol yul gyi grang/ rten gyi gang zag gang gis mthol ba/
dngos po gang mthol ba/ cho ga ji lta bus mthol ba'o/ /dang po
ni/

dge slong chos drug ldan gyi steng du mtshams kyi nang na gnas pa
gcig la mthol lo/ /de yang phun sum tshogs pa'i yan lag yin gyi/
nges pa ma yin te/ dge bsnyen dang dge tshul dang/ dge slong ma
la'ang mthol bas chog pa'i phyir/ gnyis pa ni/ bsgo gyur gyi
ltung ba

rnams ni ngang la bsgo ba mdzad pa'i dge slong thams cad la
mthol/ sor bshags kyi ltung ba rnams ni/ gnas der dge slong ji
snyed yod pa de snyed la mthol/ gzhan rnams ni re re'i mdun du
mthol bar bya ba yin no/ /gsum pa ni/ chos bzhi ldan gyi dge
slong gis mthol ba yin

no/ /chos bzhi ldan ni sde lnga gang rung gi sdom pa gso rung
yan chad dang ldan pa lus tha mal du gnas pa/ shes pa rang bzhin
du gnas pa/ gnas nas ma phyung ba'o/ /bzhi pa ni/ ltung ba yin
pa/ rang gi rgyud dang 'brel par yod pa/ ngo bo shes shing dran
par nus pa/ sngar mthol ba dang

ma 'brel ba de'o/ /lnga pa la/ sbyor dngos/ mjug gsum las/ dang
po ni/ mthol yul rang las bslab pa nan na phyag 'tshal ba dang/
thugs gtad par zhu ba dang/ lham phud de chog pur 'dug pa la
sogs pa'i spyod lam bsten pa'o/ /gnyis pa ni/ spyir btang la
sngags tshig lan

gsum brjod pa dang/ dmigs bsal bdag la ltung ba bde byung ngo
zhes thams pa'i tshig gis lan gcig mthol bas kyang chog go /gsum
pa ni/ thabs legs bya'o/ /gnyis pa la bsnyen par ma rdzogs pa
rnams kyi ltung ba bshags tshul dang/ bsnyen par rdzogs pa rnams
kyi ltung ba

@163b bshags tshul lo/ /dang po la/ yul gang la bshags pa/ rten
gyi gang zag gang gis bshags pa/ dngos po gang bshags ba/ cho ga
ji lta bus bshags pa'o/ /dang po ni/ chos brgyad ldan gyi dge
slong gi mdun du'o/ chos brgyad ldan ni/ bshags yul thun mong ba
bdun gyi steng du

ltung ba ming rigs mthun bsam gos pa'o/ /gnyis pa ni/ bsnyen par
ma rdzogs pa'i rab byung gi sdom pa gso rung ba/ lus tha mal du
gnas pa/ bsam pa rang bzhin du gnas pa des so/ /gsum pa ni/
bshags bya'i nyes byas yin pa/ bdag nyid kyi rgyud dang 'brel
ba/ ngo bo shes shing

dran par nus pa'o/ /bzhi pa la/ sbyor dngos/ mjug gsum las/ dang
po ni/ yid kyi sdams pa sngon du btang nas bshags yul la phyag
'tshal pa dang thugs gtad zhu bsogs so/ /gnyis pa ni/ ming rigs
dang grangs brjod pa'i sgo nas sngags tshig lan gsum brjod par
bya ba yin no

gsum pa ni/ mthong sdom dris nas lan 'debs pa dang/ thabs legs
bya'o/ /gnyis pa bsnyen par rdzogs pas ltung ba bshags tshul yod
de/ dang por ltung ba bcabs pa'i nyes pa de mthol bshags byed/
de'i rjes su ltung ba dngos bzhi de mthol bshags bya ba yin pa'i
phyir te/ ltung

ba bcabs pa'i nyes pa ma dag par dngos gzhi'i ltung ba dag par
mi 'gyur ba'i phyir/ bcabs nyes de yang mthol ba dang bshags
pa'i sgo nas dag par bya dgos pa'i phyir/ dang po mthol ba la/
dgos pa ci'i phyir du/ yul gang la/ rten gang gis/ dngos po
gang/ cho ga ji lta bus mthol

ba'o/ /dang po ni/ bcabs nyes bshags pa'i rten du rung ba dang/
khyad par lhag ma bcabs pa'i nyes pa mthol ba spo ba chags pa'i
rten du rung bar bya ba'i ched du'o/ /gnyis pa ni/ dge slong
chos bdun ldan gyi mdun du bya ba yin no/ /gsum pa ni/ bsnyen
rdzogs kyi sdom pa gso rung yan

chad dang ldan pa/ lus tha mal du gnas pa/ bsam pa rang bzhin du
gnas pa/ gnas nas ma byung ba des bya ba yin no/ /bzhi pa ni/
rang rgyud kyi ltung ba bcabs pa'i nyes pa yin pa/ bsdam bya'i
nyes byas dang/ pham pa bcabs pa'i nyes pa las gzhan yin pa/
rang gi rgyud du 'brel par yod

@164a @#/ /pa/ ngo bo shes shing dran nus pa/ sngar mthol ba dang
ma 'brel ba de mthol bar bya'o/ /lnga pa la/ sbyor dngos/ mjug
gsum las/ dang po ni/ sngar bzhin/ gnyis pa ni/ mthol ba mu bcu
dgu po gang rung gi sgo nas bya ba yin pa'i phyir/ ltung ba gcig
dang

gnyis dang/ gsum nas/ grangs nges kyi bar byung ba dang/ mi shes
ba nas dpag tu med pa byung ba ste bzhi po rnams la ltung ba
byung ba zhag gcig dang zhag gnyis dang/ zhag mang por bcabs
pa'i nyes pa'i grangs shes pa dang/ de grangs mi shes par bcabs
pa'i nyes pa dpag tu

med pa dang/ zhag dpag tu med pa bcabs pa'i nyes pa mthol ba ste
mu lnga dang/ de bzhin du ltung ba gnyis byung ba la mu lnga
dang/ ltung ba mang po byung ba la mu lnga/ ltung ba dpag tu med
pa byung ba la mu bzhi ste bcu dgu'i sgo nas mthol bar bya ba
yin no/ /phyi ma 'di la ltung ba

grangs mi shes pa 'ba' zhig yin dgos pa'i phyir/ gsum pa ni/
mthong sdom dri ba thabs legs bya'o/ /gnyis pa ltung ba bcabs
nyes bshags tshul la/ dgos ba ci'i phyir du bshags pa/ nyes pa
gang bshags pa/ yul gang la bshags pa/ rten gang gis

bshags pa/ cho ga ji lta bus bshags pa'o/ /dang po ni/ nyes pa
de dag pa'i phyir du'o/ /gnyis pa ni/ ltung ba bcabs pa'i nyes
pa yin pa/ bsdam bya'i nyes byas dang/ pham lhag bcabs pa'i nyes
pa las gzhan yin pa/ rang nyid kyi rgyud dang 'brel par yod pa/
ngo bo shes

shing dran nus pa de'o/ /gsum pa ni/ dge slong chos brgyad ldan
gyi mdun du bshags par bya'o/ /bzhi pa ni/ sngar bzhin dge slong
chos bzhi ldan cig dgos so/ /lnga pa la/ sbyor dngos/ mjug gsum
las/ dang po ni/ spyir btang bshags pa thams cad la

bshags yul bslab ba rgan pa dang/ dge 'dun longs na phyag bya ba
dang/ ma longs pa'i bslab pa gzhon na 'dud ba sogs kyi spyod lam
bsten par bya ba yin la/ khyad par spang ltung phyir bcos pa la
spar rgyu'i dngos po de zhag gcig gi spang 'bral sngon du btang
dgos la/

@164b dmigs bsal la gang zag khyad par can la sngon du ma btang
kyang bshags pas 'dag go /gnyis pa ni/ sngags tshig lan gsum
brjod pa'i sgo nas bya ba yin la/ mthol ba sngon du song na
bshags brkyang bas chog /ma song na mthol bshags dus gcig tu
bya'o//

gsum pa ni/ sngar bzhin no/ /ltung ba bcabs nyes bshags pa'i
rjes su ltung ba dngos kyis bshags pa la'ang gnyis te/ bshags
yul gyi dge 'dun gyi grangs dang/ lhag ma pham pa phyir bcos
pa'i tshul gnyis yod la/ dang po ni/ pham pa'i sder gtogs pa'i
sbom po lci

ba dge slong drug gi mdun du dang/ lhag ma'i sder gtogs pa'i
sbom po lci ba dge slong lnga'i mdun du dang/ pham pa'i sder
gtogs pa'i sbom po yang pa dge slong bzhi'i mdun du bshags/
gzhan rnams dge slong re re'i mdun du bshags par bya ba yin no/
/gnyis pa la gnyis/

dang po lhag ma phyir bcos tshul la/ dge slong khyad par can gyis
lhag ma phyir bcos tshul dang/ de ma yin pa'i de phyir 'chos tshul
lo/ /dang po ni/ spo mgu dbyung gsum spyad mi dgos par dge slong
gcig gi mdun du ming rigs kyi sgo nas bshags bas 'dag par 'gyur
la/

gnyis pa la spo ba'i sgo nas lhag ma'i bcabs nyes phyir bcos bya
ba dang/ lhag ma dngos gzhi phyir bcos bya tshul lo/ /de yang spo
ba la spo ba nod pa dang/ spo ba spyod pa gnyis las/ dang po la/
yul gang la/ rten gang gis/ gang gi don du/ yun ji srid du/ cho
ga ji lta bus nod pa/

sgra bshad pa'o/ /dang po ni/ dge 'dun mtshan nyid gsum ldan gyi
mdun du'o/ /gnyis pa ni/ thun mong ba chos brgyad ldan gyi steng
du gang zag khyad par can ma yin pa gcig dgos so/ /gsum pa ni/
lhag ma'i bcabs nyes dag pa'i phyir du'o/ /bzhi pa ni/ bcabs
pa'i zhag

grangs ji snyed pa de snyed du'o/ /lnga pa la/ sbyor dngos mjug
gsum las/ dang po ni/ 'du ba'i skabs sgrub pa dang/ rgan pa'i
mtha' logs nas phyag 'tshal pa dang/ lham phud de tsog pur 'dug
pa sogs spyod lam bsten pa dang/ rang gi gsol ba lan gsum gdab
pa rnams so//

@165a @#/ /gnyis pa ni/ gsol ba'i las kyi sbyin par bya ba yin
no/ /gsum pa ni/ sngar bzhin no/ /drug pa ni/ rang bzhin gyis
gnas nas dman pa'i gnas su spo bas de skad ces bya'o/ /gnyis pa
la/ yul gang la spyod pa/ rten gang gi /gnas gang du/ gang gi

don du/ yun ji srid du/ tshul ji ltar spyod pa'o/ /dang po ni/
dge 'dun longs pa mtshams nang der gnas pa las zur du spyod pa ma
yin pa/ rang bzhin du gnas pa/ mtshan lta pa mthun pa de la spyod
pa yin no/ /gnyis pa ni/ spo ba nod pa'i gang zag des spyod par
bya ba yin no/ /gsum

pa ni/ spo ba nod pa'o gnas der spyad par bya'o/ /bzhi pa ni/
lhag ma bcabs pa'i nyes pa de dag pa'i phyir du'o/ /lnga pa ni/
spo ba nod pa'i zhag grangs de snyed du'o/ /drug pa ni/ khyad
par can gyi spyod pa lnga spang ba dang/ dman pa'i spyod pa lnga
dang du len pa dang/ dus 'das pa dang 'byung bar 'gyur

par brjod pa dang/ 'thab khrol gyis rkyen btang zhing bral ba na
bslang pa yin no/ /khyad par can gyi spyod pa lnga spong ba yod
de/ gus pa'i las bdag gir bya ba spang ba dang/ mnyam pa dang
lhag pa'i bsam pa spong ba dang/ dge slong bla ma'i gnas lta bu
spong ba dang/ chad las su gtogs pa'i

bya ba spong ba dang/ ston pa'i khyad par dang nye ba rnams
spong bar bya ba yin pa'i phyir/ dman pa'i spyod pa lnga yod de/
nang bar gyi dus su ji ltar sgrub pa dang/ chos ston pa'i dus su
ji ltar sgrub pa dang/ gdugs tshod la 'du ba'i dus su ji ltar
sgrub pa dang/ dus thams cad du ji ltar sgrub pa

dang/ dgongs ka'i dus ji ltar sgrub pa rnams su yod pa'i phyir/
gnyis pa lhag ma dngos gzhi phyir 'chos tshul la/ mgu bas phyir
'chos tshul dang/ dbyung bas phyir 'chos tshul lo/ /dang po la/
mgu ba nod pa dang/ mgu ba spyad pa gnyis yod/ de ni phal cher
spo ba dang 'dra ba

la/ de yang dgos pa gang gi ched du bya ba dang/ grangs kyi
tshad/ sgra bshad kyi khyad par ro/ /spo mgu gnyis la dgos pa
dang ched du bya ba'i khyad par yod de/ spo ba nod pa dang spyad
pa'i dgos pa lhag ma bcabs pa'i nyes bdag pa'i phyir du yin la/
mgu ba nod pa dang spyad pa'i dgos pa ni/ dbyung

@165b 'chags pa'i rten du bya ba'i ched dang/ lhag ma dngos gzhi
dag pa'i ched du yin pa'i phyir dang/ dge slong mas ni lci ba'i
chos brgyad dag pa'i ched du yin pa'i phyir/ de la zhag grangs
kyi khyad par yod de/ spob nod spyod gnyis lhag ma bcab pa'i
zhag grangs de snyed du bya dang mgu ba dge slong

gi zhag drug dang/ dge slong mas zla ba phyed du yin pa'i phyir/
de gnyis kyi sgra bshad kyi khyad par yod de spo ba bshad zin
la/ mgu ba'i sgra don ni lhag ma'i dbyung ba chags pa'i ched du
dge 'dun thugs mgu bar byed pas mgu ba dang/ lci ba'i chos
brgyad las 'das pa'i ltung ba dag pa'i phyir

du dge slong pha ma gnyis ka'i dge 'dun thugs mgu bar byed pas
de skad ces brjod pa'i phyir/ gnyis pa dbyung bas phyir 'chos
tshul la/ dgos pa gang gi ched du dbyung ba/ yul gang la dbyung
ba nod pa/ rten gang gis nod pa/ ltung ba gang dag pa'i don du
nod pa/ cho ga gang gis dbyung ba/

sgra bshad pa'o/ /dang po ni/ lhag ma'i ltung ba dag pa'i phyir
du'o/ /gnyis pa ni/ bzhi bcu'am nyi shu'i grangs tshang ba'i dge
'dun mtshan nyid bzhi dang ldan pa la dbyung ba nod par bya'o/
/gsum pa ni/ thun mong ba'i chos brgyad ldan gyi steng du/ gang
zag khyad par can ma yin pa/ mgu

pa spyod pa'i dge slong des nod par bya'o/ /bzhi pa ni/ lhag
ma'i ltung ba dngos gzhi yin pa gang zag khyad par can ma yin
pa'i rgyud dang 'brel par yod de/ pa/ ngo bo shes shing dran par
nus pa/ bcabs pa dang mi ldan pa'i ltung ba de dag par bya ba
yin no/ /lnga pa la gsum las/ sbyor ba ni

sngar bzhin no/ /dngos gzhi gsol bzhi'i las kyis bya la/ khyad
par ni/ gsol ba dang brjod pa dang po'i bar du sdig pa 'dags par
gsungs shing/ mjug gzengs bstod par bya'o/ /gnyis pa pham pa
phyir 'chos tshul la pham pa 'chab bcas byung na ji ltar bya ba'i
tshul/ 'chab med

byung na ji ltar phyir 'chos tshul lo/ /dang po ni/ de byung na
gnas nas dbyung bar bya ba yin te/ tshul khrims 'chal ba bskrad
par bya'o/ /zhes gsungs pa'i phyir/ gnyis pa ni/ bslab pa nod
tshul dang/ spyod pa'i tshul gnyis/ dang po la yul gang las/ rten
gang gis/ ltung ba gang dag pa'i don du/

@166a @#/ /yun ji srid du/ chog ji lta bus nod/ sgra bshad ba'o/
/dang po ni/ mtshan nyid bzhi ldan gyi dge 'dun la nod bar bya ba
yin no/ /gnyis pa ni/ sbyin yul thun mong ba'i chos brgyad ldan
la bya ba yin no/ /gsum pa ni/ pham pa yin pa/ bdag

gi rgyud dang 'brel par yod pa/ ngo bo shes shing dran par nus
pa/ bcab pa'i nyes pa dang mi ldan pa de dag pa'i phyir du bya
ba yin no/ /bzhi pa ni/ ji srid 'tsho ba'i bar du'o/ /lnga pa la/
sbyor dngos mjug gsum las/ dang po ni/ spo ba'i skabs bzhin no/
/gnyis pa ni gsol

bzhi'i las kyi dang/ gsum pa ni/ las kyi mjug sdud brjod pa'i
sgo nas bya ba yin no/ /drug pa ni/ 'pham pa 'chab med dag pa'i
don du khyad par can gyi spyod pa lnga spong ba dang/ dman pa'i
chos lnga dang du blangs pa'i bslab bya nyams su len pa'i rgyu
mtshan gyis de ltar brjod do/ /

gnyis pa bslab pa spyod pa'i tshul la/ yul gang la rten gang gis/
gnas gang du/ ltung ba gang dag pa'i phyir du/ yun ji srid du/
tshul ji ltar bslab pa spyod pa rnams so/ /dang po ni/ mtshan nyid
bzhi ldan gyi dge 'dun la spyad par bya'o/ /gnyis pa ni/ bslab
pa nod pa'i dge slong

des bya ba yin no/ /gsum pa ni/ phal cher spo ba spyod pa'i gnas
dang 'dra'o/ /bzhi pa ni/ pham pa 'chab med dge ba'i phyir du'o/
/lnga pa ni/ spyir btang la ji srid 'tsho'i bar du dang/ dmigs
bsal la dgra bcom pa'i 'bras bu thob pa dang/ thun mong ma yin
pa'i pham pa 'chab

med byung ba'i bslab byin dge slong ma mtshan gyur pa'i tshe bslab
byin las grol pa'i phyir/ drug pa ni/ khyad par gyis spyod pa
lnga spong zhed dman pa'i chos lnga dang du blangs pa sogs kyi
sgo nas bya ba yin no// ! //gnyis pa dus dang dus ma yin pa
bsdus pa 'byung ba'i gzhi bshad

pa la/ 'di nas dge 'dun lhag ma'i bcab nyes rdzogs par skyed
cing/ 'di la/ gzhi/ bsam pa/ sbyor ba/ mthar thug go /dang po
la/ gang bcab pa'i dngos po/ gnas kyi dbang du byas pa'o/ /dang
po ni/ lhag ma bcab pa'i nyes pa yin pa/ bdag nyid kyi rgyud
dang 'brel par yod pa ngo bo

@166b shes shing the tshom za ba de yin/ gnyis pa ni/ mthol yul
chos bdun ldan yod pa'i gnas der bcab pa'o/ /gnyis pa la 'du
shes kun slong dang bcas pa gnyis las/ dang po ni/ ma 'khrul ba
dang/ gnyis pa ni/ nyes pa de brjod 'dod med pa'i bsam pa rgyun
ma chad pa'o/ /!

gsum pa ni/ lus ngag tu grub pa mi dgos kyi nyes pa mi 'thol ba
nyid de yin no/ /bzhi pa ni/ mtshan mo mtha'i skad cig ma la bcab
nyes 'byung ba'o/ /! //gsum pa sa gzhan na gnas pa spyod pa'i
gzhi la/ dbye ba/ bsdu ba/ mtshan nyid/ bslab bya/ sgra bshad/ de
las

grol ba'i dus so/ /dang po la/ cha long rags rim gyi sgo nas
dbye ba/ zhib mo rnam 'thag gi sgo nas dbye ba'o/ /dang po la/
spo ba spyod pa gsum/ mgu ba spyod pa gsum/ spo ldan gsum/ mgu
ldan gsum/ bsdigs pa/ smad pa/ bskrad pa/ phyir 'gyed pa bzhi/
gnas dbyung bdun/ dge

tshul bsnyil ba/ ngo bo nyid 'tshol/ bslab pa byin pa ste nyer
drug tu yod do/ /gnyis pa la/ spo ba spyod pa/ gzhi nas spyod
pa/ yang gzhi nas bslangs ta spo ba spyod pa dang gsum/ mgu ba
spyod pa/ gzhi nas mgu ba spyod pa/ yang gzhi nas bslangs te mgu
ba spyod pa dang gsum/ spo ba spyad nas

mgu ba spyod pa gsum/ gzhi nas spo ba spyad nas mgu ba spyod pa
gsum/ yang gzhi nas bslangs te spo ba spyad nas mgu ba spyod pa
gsum ste bco lnga/ spo ldan gsum/ mgu ldan gsum/ spo ba spyad
nas mgu ba dang ldan pa gsum/ gzhi nas spo ba spyad nas mgu ba
dang ldan pa gsum/ yang

gzhi nas bslangs te spo ba spyad nas mgu ba dang ldan pa gsum
bsdigs pa sogs bzhi/ gnas dbyung bdun/ bsnyil ba nan tur/ ngo bo
nyid 'tshol ba bslab pa byin pa rnams ste zhe bzhi yod do/ /gnyis
pa ni/ ngo bo'i sgo nas bsdu ba dang/ rnam grangs kyi sgo nas
bsdu ba dang/ che chung gi sgo nas

bsdu ba dang gsum/ dang po la'ang gsum yod de/ spangs pas gzhan
na gnas pa dang/ smad pas gzhan na gnas pa dang/ rnam par dag
pas gzhan na gnas pa dang gsum las/ dang po ni/ gnas dbyung bdun
dang bsnyil ba nan tur ro/ /gnyis pa ni/ bsdigs sogs bzhi'o/
/gsum

@167a @#/ /pa ni/ gzhan rnams so/ /gnyis pa las gzhan na gnas pa
la nan tur byas pa dang/ ma byas pa gnyis su 'du/ dang po ni/
bsdigs sogs bzhi/ gnas dbyung bdun/ bsnyil ba nan tur rnams so/
/gnyis pa ni/ gzhan rnams so/ gsum pa ni/ gzhan na

gnas pa chen po dang/ chung du gnyis su 'du ba yin no/ /gsum pa
mtshan nyid ni/ dman par byed pa'i chos las kyi cho ga'i sgo nas
khyad par can gyi spyod pa lnga spang dgos rung du gnas pa de de
yin no/ /bzhi pa ni/ sa gzhan na gnas pa chen po rnams kyi khyad
par can gyi spyod pa lnga

spong ba dang dman pa'i spyod pa lnga dang du blang bar bya ba
yin/ chung du rnams kyi dman pa'i spyod pa lnga dang du mi len
yang khyad par can gyi spyod pa lnga spang ba la bslab par bya
ba yin no/ /sa gzhan na gnas pa chen po ni spo ba spyod pa dang
mgu ba spyod pa bco lnga/ ngo bo nyid 'tshol ba

bslab pa byin pa rnams so/ /chung ngu ni spo ldan bco lnga nan
tur bcu gnyis so/ /lnga pa ni/ rang bzhin du gnas pa'i sa las
dman pa'i sa na gnas pa'i rgyu mtshan gyis de skad ces rjod do/
/drug pa ni/ dgra bcom pa'i 'bras bu thob pa na gzhan na gnas pa
thams cad las

grol/ bzod pa byas pas nan tur las grol/ spo mgu spyad pas spo
spyod las grol/ mgu ba byin pas spo ldan las grol/ dbyung ba
byin bas mgu ldan las grol/ ltung ba gleng ba bzod par bya ba'i
las byas pas ngo bo nyid tshol ba las grol/ gnas dbyung ma gtogs
nan tur sngon ma'i rjes su phyi ma byas

pas sngon ma las grol ba yin no/ /bzhi pa/ yongs su spyod ba'i
gzhi la/ ltung ba gleng dran byed pa yin la/ de la yang yul gang
la gleng ba/ rten gang gi gleng ba/ gnas gang du gleng pa/ dus
nam gyi tshe gleng ba/ gzhi gang la gleng ba/ tshul ji ltar du
gleng ba/ gleng ba'i bya ba ji

ltar du sgrub pa/ dgos pa ci'i phyir du gleng ba'o/ /dang po ni/
chos brgyad ldan zhig la gleng bar bya ba yin la/ chos brgyad na
rab byung sde lnga gang rung gi sdom pa gso rung yan chad dang
ldan pa dang/ bsam pa rang bzhin du gnas pa/ lus tham la du gnas
pa/ gnas nas

@167b ma phyung ba/ chos ma yin phyogs su ma song ba/ nad pa ma
yin pa/ dge 'dun tha dad par bya ba ma yin pa/ gleng ba po dang
zhe 'gras pa ma yin pa rnams so/ /gnyis pa ni/ chos dgu ldan
zhig gis gleng bar bya la/ chos dgu ni bsnyen rdzogs kyi sdom pa
rnam dag dang ldan pa/ lta ba mthun

pa/ dge slong mas gleng na mtshan mthun pa/ tha snyad gsum dang
ldan pa/ lus tha mal du gnas pa/ bsam pa rang bzhin du gnas pa/
nad pa'am des bskos pa'i pho nya mo ma yin pa/ gleng yul de dang
zhe 'gras pa ma yin pa/ byams pa dang ldan pa rnams yin no/
/gsum pa ni/ spyir btang la/ /

mtha' ma yin par mi bya'o/ /zhes gsungs pas/ dben pa'i gnas su
gleng bar bya ba yin la/ dmigs bsal/ dge 'dun gyi dbus su byung
ba'i nyes pa dge 'dun gyi dbus su gleng bar bya ba yin te/ zhu
ba las/ btsun ba chos bzhin du gang du gleng bar bgyi nye ba
'khor dge 'dun gyi nang du'o/

zhes gsungs pa'i phyir/ bzhi pa ni/ dbyar tshul gyi nang ma yin
pa/ bya ba gzhan gyis sems yengs pa'i dus su bya ba ma yin no/
/lnga pa ni/ tshul khrims dang/ lta ba dang/ cho ga dang/ 'tsho ba
bzhi nyams pa tha mal pa'i shes pas mthong thos dogs kyi gzhi
dang bcas pa de gleng bar bya ba yin no/ /

drug pa ni/ bsam bya'i gnas la bsam/ brtag bya'i gnas la brtags/
dran pa dang shes bzhin sngon du btang/ byams pa dang snying
rje'i sems nye bar bzhag nas gleng ba'i skabs dbye ba'i sgo nas
gleng bar bya ba yin no/ /bdun pa la nyes pa gleng ba'i skabs
phye zhig ces brjod pa'i tshe skabs mi

'byed pa dang/ 'byed pa gnyis/ dang po la/ phyogs mtha' dag la
skabs mi 'byed pa dang/ phyogs 'ga' zhig la mi 'byed pa gnyis
las/ dang po la/ gzhams bsgo sogs kyis ma btang na bka' blo ma
bde ba'i dge 'dun lhag ma skye bas de nyid gzhi bstud du byed
cing ma btang na gnas dbyung

bya ba'o/ /gnyis pa ni/ phyogs 'ga' la skabs mi 'byed na brjod
pa dang bcas pas nan tur byed/ des ma thul na gdams ngag gso
sbyong dgag dbye bzhag par bya ba dang/ des ma thul na gnas
dbyung bya'o/ /gnyis pa skabs 'byed pa la/ mi snyan par byed pa
dang/ snyan par byed pa gnyis/ dang po la/

@168a @#/ /phur bcas byad/ des ma thul na gdams ngag 'jog pa nas
gnas dbyung byed pa'i bar byed/ phur bcas pa yang rtad mu rgod
phur pa dang bcas pa btang ba na rta phur bcas su grags par
'gyur ba ltar dge slong ltung ba dang bcas par grags su gzhugs
pa yin no//

gnyis pa skabs snyan par byed na ltung ba gleng zhing glengs pa
na ltung ba khas mi len pa dang len pa gnyis las/ dang po la
yang brjod nas/ khas mi len na/ ngo bo nyid 'tshol ba sbyin/ shes
bzhin du khas mi len na ma mthong gnas dbyung bya ba dang/
chang 'thung ba'i ltung ba lta bu'i rgyu khas blangs

nas de la ltung ba mi 'byung zer nas/ ltung ba'i ngo bo khas mi
len na gzhams bsgo sogs kyis bzlog /bzlog kyang ma btang na gnas
dbyung bya zhing/ gnyis pa ltung ba khas len yang/ ltung ba
phyir bcos mi byed pa dang/ byed pa gnyis/ dang po ltar na gnas
dbyung byed/ gnyis pa

ltar na tshul bzhin du phyir 'chos su gzhug go /brgyad pa ni
ltung ba sngar ma dran pa rnams dran par bya ba dang/ dran pa
rnams phyir 'chos par bya ba dang/ de la brten nas tshul khrims
rnam par dag par 'gyur par byed pa yin no/ /lnga pa dbye ba la
yang/ gzhi/ bsam pa/ sbyor

ba; mthar thug gi yan lag go /dang po la/ gang du dbye ba'i
gnas/ gang dag dbye ba'i dge 'dun/ gang gi las tha dad par 'byed
pa'i byed pa po gsum las/ dang po ni/ mdzod las/ las kyi dbyen
ni gling gsum na/ /zhes gsungs ba ltar yin no/ /sgra mi snyan na
las kyi dbyen mi 'byung

de; der sangs rgyas kyi bstan pa med pa'i phyir/ mtshams gcig gi
nang yin pa dgos te/ mtshams tha dad la de mi 'byung ba'i phyir/
gnyis pa ni/ brgyad yan chad kyi grangs tshang ba/ kha skong 'os
ba/ so so skye bo yin pa rnams dgos so/ /dang po grub ste/ de ni
brgyad dag yan chad

kyis; zhes gsungs pa'i phyir/ gnyis pa grub ste/ kha skong du mi
'os na tshul shing brim par mi chags pa'i phyir/ gsum pa grub
ste/ 'phags pa'i dge 'dun dbye bar mi nus pa'i phyir te/ slob pa
'phags pa yin na skyabs gnas la dad pa byed pas khyab pa'i
phyir/ gsum pa ni/

@168b chos ma yin par smra ba dag gis 'byed pa yin no/ /gnyis pa
la/ 'du shes dang kun slong gnyis las/ dang po ni/ ma 'khrul ba
gcig dgos so/ /gnyis pa ni/ chos 'dul ba gnyis dang mi ldan par
shes bzhin du chos ma yin la mngon par zhen pa las tha dad du
'byed par 'dod

ba rgyun ma chad pa'o/ /gsum pa ni/ las tha dad du 'byed pa de
yin no/ /bzhi pa ni/ gang yang rung ba'i phal cher byas zin
pa'o/ /drug pa/ 'khor lo bye ba'i gzhi la/ khyad par gyi gzhi
'khor lo'i don dang/ khyad par chos kyi 'khor lo'i dbyen gyi don
bshad pa'o/ /dang po la/ gzhung chen me'i

lugs dang/ btsun pa dbyangs sgrog pa'i lugs gnyis su yod pa las
gnyis kas lung gi dkyil 'khor bden bzhi'i chos 'khor dang/ rtogs
pa'i chos 'khor mthong lam kho na'i steng nas 'jog go /gnyis pa
ni/ phal cher sngar dbyen gyi skabs su bshad zin/ ma bshad pa
nyes dmigs

kyi dbang du byas na/ dbyen 'di grub nas lo gsum gyi bar du ston
pa gcig gi zhing khams kyis bsdus pa'i stong gsum gyi stong chen
po'i 'jig rten gyi khams na gnas pa'i chos byed rnams la lam
lnga gang yang rgyud la mi skye bar lung gzhi las gsungs so/
/yun ched kyi dbang du byas

na mi gnas zhes pa'i thad kyi mdzod 'gral las dge 'dun dbye ba
de ni gdon mi za bar nam langs pa nyid du 'gyur ro/ /zhes gsungs
pa ltar/ zhag gcig ma longs tsam du gnas pa yin pa'i phyir/
gnyis pa rtsod pa phyir bcos la/ dgos pa/ rgyu ngo bo/ dbye ba/
rtsod pa zhi byed/ rtsod pa 'khrul

ma'i don/ zhi byed 'khrul ma'i don/ rtsod pa mthar skyel ba'i
don no/ /dang po ni/ rtsod pa zhi bar byed pa'i ched du'o/
/gnyis pa la nang gi rgyu dang/ phyi'i rgyu'o/ /dang po ni/ 'dod
chags zhe sdang gti mug gsum po de de yin no/ /gnyis pa la/
dngos po'i de kho na nyid la log par sgrub pa dang/ spong pa

dang/ ltung ba dang bcas pa dang/ las la mthun pa mi byin pa'o/
/dang po ni/ 'gyed phyir rtsod pa'i rgyu yin/ gnyis pa ni/ mi
gdam phyir rtsod pa'i rgyu yin/ gsum pa ni/ ltung ba'i phyir
rtsod pa'i rgyu yin/ bzhi pa ni/ bya ba las kyi phyir rtsod pa'i
rgyu yin/ gsum pa ni/ gzhan gyis mi mthun par

@169a @#/ /smras pa'i tshig gis sems gzhol zhing 'khon du 'dzin
pa'i shes pa gcig gi steng nas 'jog go /'o na/ 'thab pa dang/
rtsod pa dang/ mtshang 'bru ba dang/ 'gyed pa sogs rtsod par
bshad pa mi 'thad par thal lo na/ skyon med de/ de rnams rtsod
pa'i 'bras bu

yin pa la dgongs ba'i phyir te/ dper na/ nyi ma'i 'od zer la nyi
ma zhes brjod pa bzhin no/ /bzhi pa sngar ltar 'gyed phyir rtsod
pa sogs bzhi yod la/ zhib mor phye na bcu gcig tu yod de/ mi gad
ma phyir rtsod pa la/ rgyu dang bcas pa'i rtsod pa dang/ rgyu
med pa'i rtsod pa gnyis yod cing/

phyi ma la gzhi med pa'i rtsod pa dang/ gzhi gzhan dang rjes su
'brel pa'i rtsod pa/ phyir bcos la mi ltos pa'i rtsod pa/ bsnyon
pas byas pa'i rtsod pa bzhir yod/ ltung ba'i phyir rtsod pa la
ltung ba rang gi ngo bo shes pa'i rtsod pa/ mi shes pa'i rtsod
pa gnyis las/ dang po la phyir 'phro ba med ba'i rtsod pa

dang/ phyir 'phro ba nyi tshe ba dang 'brel ba'i rtsod pa dang/
dge 'dun mtha' dag dang 'brel ba'i rtsod pa rnams su yod pa'i
phyir/ lnga pa la rtsod pa thams cad la zhi byed du 'jug pa'i
zhi byed ngos bzung ba dang/ rtsod pa gang la zhi byed du 'jug
pa/ rtsod pa so so'i zhi byed bshad pa'o/ /dang po ni/ dge

slong 'chi bzhin ba'am bslab pa phul ba de de yin te/ de dag gi
tshe rtsod pa thams cad las grol ba'i phyir/ gnyis pa ni/ zhi
byed thams cad bya ba las phyir gyi rtsod pa'i zhi byed du 'jug
go /las la mthun pa byin pa ni dngos su zhi byed dang gzhan
rnams brgyud nas zhi byed yin pa'i phyir/

gsum pa la/ 'gyed phyir rtsod bzhi byed dang/ mi gdam phyir
rtsod pa zhi byed dang/ ltung phyir rtsod pa zhi byed/ bya ba
las phyir rtsod pa zhi byed dang bzhi las/ dang po la/ mngon sum
gyi zhi byed/ gang mang gi zhi byed gnyis/ dang po ni/ zhi byed
mngon sum brgyad ngos bzung ba dang/ des rtsod pa ji ltar zhi

bar byed pa'i tshul lo/ /dang po ni/ rgol phyir rgol gyi mngon
sum/ gzu bo'i mngon sum/ dge 'dun zhi bo'i mngon sum/ gsal ba'i
mngon sum/ gsal ba'i gsal ba'i mngon sum/ dge 'dun gzhan gyi
mngon sum/ sde snod 'dzin pa'i mngon sum/ gnas brtan mthu dang
ldan pa'i mngon sum

@169b rnams so/ /gnyis pa ni/ dang por/ rgol phyir rgol gyi
mngon sum gyi rtsod pa de zhi bar byed/ des zhi ma nus na/
phyogs sum lhung zhing chos dang zang zing gi longs spyod gzhan
la rag ma las pa'i dge slong gzu bor bskos pa zhig gis zhi bar
byed/ des zhi ma nus na/ dge 'dun zhi bo'i mngon sum gyis zhi

bar byed/ des zhi ma nus na/ gzu bo las yon tan gsal ba der lhag
pa'i dge slong bzhi yan chad bskos pas zhi bar byed/ des zhi ma
nus na/ gsal ba de las yon tan tshes gsal ba shes rab lhag pa'i
dge slong bzhi yan chad bskos nas zhi bar byed/ des ma zhi na
gsal ba'i gsal ba

des gsal ba'i dge slong rnams la gtang/ des dge slong bzhi po la
gtad/ des rtsod pa sbed par bskos pa'i dge slong zhig la gtang/
des dge 'dun gyi sde gzhan la sngar gyi lo rgyus brjod nas zla
ba gsum gyi bar du phul te nges mngon sum gyis zhi bar byed/ des
ma zhin/ rtsod pa sbed pa po la gtad/

des sde snod 'dzin pa la zla ba drug gi bar phul nas de'i mngon
sum gyis zhi bar byed/ des ma zhi na yang/ rtsod pa sbed pa po
la gtad nas/ des gnas brtan mthu dang ldan pa la thug pa med par
phul/ des de mngon sum gyis zhi bar byed pa yin no/ /gnyis pa
gang mang gi zhi bar byed tshul yod de/ snga ma

rnams kyis ma zhin/ gnas brtan mthu dang ldan pa des rtsod pa
sbed pa po la gtad/ des dge 'dun bzhi po la gtod/ des gang mang
byas te zhi bar byed pa yin pa'i phyir/ gang mang bya tshul la/
gzhi gang la bya ba/ rten gang gi byed pa/ tshul ji ltar du bya
ba'o/ /dang po ni/ chos rnam par gtan la 'bebs pa

yin pa'i phyir/ rgol phyir rgol gnyis kas dam du bzung ba/ dge
'dun bye bar 'gyur ba'i dogs pa dang bcas pa/ mngon sum brgyad
sngon du song ba de la bya'o/ /gnyis pa ni/ dge 'dun bzhi bos
bya'o/ /gsum pa la/ sbyor dngos/ mjug gsum las/ dang po ni/ tshul
shing brim pa po bsko ba dang/ des dge 'dun

'du ba'i don du gsol ba 'debs pa dang/ dge 'dun 'du ba'i skabs
kyi bya ba rjes su sgrub pa rnams so/ /gnyis pa la/ tshul shing
brim pa pos ji ltar bya ba dang/ len pa pos ji ltar bya ba'o/
/dang po ni/ brim pa pos lus ngag yid gsum gyi bya ba gnyis
gnyis ste drug bya ste/ de'i chos kyi tshul shing lag ba g.yas

@170a @#/ /pa dang chos ma yin gyi tshul shing g.yon du bzung
ste/ steng 'og phye ba dang ma phye ba'i sgo nas chos kyi tshul
shing len pa grangs mang bar 'gyur ba'i thabs byas te lus kyi
gnyis dang/ chos kyi tshul shing gi bsngags pa brjod pa dang/ de
nyid len dgos pa'i gtam gsar bu'i rna lam

thos par byas te ngag gi gnyis dang/ dge 'dun dbye bar ma 'gyur
ba dang rtsod pa chos phyogs su zhin snyam pa ste yid kyi gnyis
bya ba yin no/ /gnyis pa la mi len pa lnga/ len pa drug ste chos
ma yin gyi tshul shing mi len pa dang/ the tshom byung na ma dris
par mi lan pa dang/ dge 'dun gyi dbyen du 'gyur

pa'i bsam pa mi len pa dang/ rtsod pa chos ma yin phyogs su zhi
bar 'dod pa'i bsam pas mi len pa dang/ de gnyis 'byung ba shes
nas mi len pa ste lnga dang/ mi len pa lnga po de las zlog pa
lnga'i ste 'du/ /mnyam na nyan thos chen po'i tshul shing gcig
len pa dang drug go/ gsum pa ni/ skyo sngogs

mi bya ba la bslab par bya'o/ /gnyis pa rgyu gnyis pa spong ba
las byung ba mi bsdams phyir rtsod pa zhi byad yod de/ rgyud
dang bcas pa'i rtsod pa ni mngon sum gyis zhi bar byed/ rgyu med
pa'i rtsod pa ni dag pa byin pas zhi bar byed pa'i phyir/ /phyi
ma de la sngar bzhin bzhi yod pa las/ dang po gsum du dran

pas 'dul ba byin pas zhi bar byed/ phyi ma la myos pas 'dul ba
byin pas zhi bar byed pa'i phyir/ gsum pa ltung phyir rtsod pa
zhi byed la/ ltung ba rang gi ngo bo shes ba'i rtsod pa zhi byed
dang/ de mi shes pa'i rtsod pa zhi byed gnyis las/ dang po la
gsum yod pa'i phyir 'phro ba med pa'i rtsod pa ni ltung ba

khas len pas zhi bar byed/ phyir 'phro ba'i nyi tshe ba dang
'brel ba'i rtsod pa mngon sum gyis zhi bar byed/ dge 'dun mtha'
dag dang 'brel ba'i de rnams rtsa bkram blta bus zhi bar byed/
de'i don ni/ dge 'dun rnams phan tshun 'dud pas ltung ba gleng
bar bya'o/ /gnyis pa ni/ ngo bo nyid 'tshol bas zhi

bar byed do/ /bzhi pa bya ba las phyir rtsod pa zhi byed ni/ las
la mthun pa sbyin pa ni rtsod pa po de'i dngos su zhi byed dang/
gzhan rnams brgyud nas zhi byed yin no drug bzhi/ ltung phyir
rtsod pa de la phyir 'phro ba med pa'i rtsod pa gsum gyi dbye ba
dngos su gsungs pa bzhin du/ mi bsdams phyir rtsod pa la yang de

@170b gsum gyi dbye ba sbyar rung ba dang/ rgyu med pa'i rtsod
pa la gzhi med pa'i rtsod pa sogs bzhi'i dbye ba dngos su gsungs
pa bzhin du/ ltung phyir rtsod pa la de ltar sbyar du rung bar
rgyu mtshan mtshungs zhes pa'i don no/ /bdun pa ni/ phyir 'phro ba
med pa'i rtsod pa la ltar ba khas len pa zhi byed du dngos su
gsungs pa bzhin

du phyir 'phro nyi tshe ba dang bcas pa'i de la yang sbyar du
rung ba dang/ phyir 'phro nyi tshe dang 'brel ba'i de la mngon
sum zhi byed du gsungs pa bzhin du/ phyir 'phro med pa'i de la
yang sbyar du rung bar rgyu mtshan mtshungs zhes pa'i don no/
/brgyad pa ni/ gnas nas dbyung ba dang ltung ba phyir bcos pa'i
sgo nas rtsod pa mthar bskyel

ba yin no/ /lnga pa de thams cad kyi rten gnas mal gyi bzhi
'chad pa la/ gzhi'i skabs nas 'byung ba dang/ phran tshegs la
sogs pa'i skabs nas 'byung ba'o/ /dang po ni/ so sor thar pa'i
sdom pa'i mchog la rab tu byung bas phyag bya'o/ /zhes sogs kyi
skabs su spyi don dang/ gzhung don las/ dang po la/

phyag bya ba'i rnam gzhag /gtsug lag khang brtsegs pa'i gnas
brtan pa/ khang pa'i rtsig par tshon ji ltar du byug pa/ sgo
khang du 'khor ba'i 'khor lo cha lnga bri tshul/ mchod rten bya
tshul lo/ dang po la/ yul gang la/ rten gang gis/ ji ltar du
phyag bya bya ba'o/ /dang po ni/ dkon mchog gsum dang so sor
thar pa'i sdom

pa mchog dang/ sdom pa mnyams na bslab ba rgan pa la phyag bya
lan migs bsal yod de/ dge slong dag gis bslab pa rgan yang dge
slong nyams ba la phyag mi bya/ mtshan mi mthun pa dang/ sa gzhan
na gnas ba dang/ nyal ba dang/ snyoms par 'jug pa dang/ 'bags pa
la mi bya'o/ /gnyis pa ni/ gcer bu

dang/ gos gcig pa dang 'bags pa ma yin pa gcig gis bya'o/ /gsum
pa ni/ yan lag lnga sa la gtugs pa'i phyag gam skyid pa nas
'khyud pa'i phyag gang rung bya'o/ /gnyis pa la/ sams can mang
po bsod nams gsog pa'i phyir du dang/ rang nyid bsam gtan 'phel
ba'i phyir du'o/ /dang po ni/ skye bo

mang po 'du ba'i sar brtsig go /gnyis pa ni/ skye bo'i rgyun
lugs nyung ba dang klags cor chung ba'i gnas su brtsig par
bya'o/ /gsum pa ni khyad par gyi ting nge 'dzin skye sla ba'i
phyir du sdon po la sogs bas byug par bya'o/ /bzhi pa ni/ sgo
khang du 'khor ba'i 'khor lo'o/ /cha lngar bya'o/ /steng du lha
dang mi rnams so/ /gling

@171a @#/ /bzhi bdag go /rdzus te skye ba'i sems can zo chun
rgyud mo bzhin du 'ching pho bskye bdag kyang ngo/ /dbus su 'dod
chags zhe sdang dang gti mug phug ron dang sbrul phag gi rnam
par ro/ /sngam de gnyis gti mug gis za bar ro/ khor khor yug tu
rten cing 'brel bar 'byung ba man lag bcu gnyis

dang/ thams cad ma rig pa nyid kyis bzung bar ro/ /yongs su mya
ngan las 'das pa'i dkyil 'khor dkar po nye bar ston pa'o/ /'og
tu brtsam par bya zhing zhes tshigs su bcad pa gnyis so/ /de ston
par byed par bzhag par bya'o/ /zhes gsungs pa ltar bri bar
bya'o/ /lnga pa ni/ mchod rten ni rnam pa gnyis te gtsang khang

can nyid dang ka ba lta bu nyid do/ /zhes gsungs pa ltar ro/
/ngag don ni/ dge slong la rab tu byung ba thams cad kyi phyab
bya ste/ dge slong gi sdom pa de so thar gyi sdom pa mchog yin
pa'i phyir/ gnyis pa ni/ phyag 'tshal ba'i gnas mun khrod du
phyag dang bcas pa'i tshig brjod par bya'o/ /zhes sogs kyis
'chad/ 'dul ba

mdor bsdus te bstan pa ni/ mi rung ba dang mthun la rung ba dang
'gal ba ni rung ba ma yin par bsdu'o/ phyi ma dang mthun snga ma
dang 'gal ba ni rung bar ro/ /zhes te/ ngag don ni/ dngos su
bkag pa mi rung ba dang dgag bya mthun la/ dngos su sgrub gnang
du gsungs pa rung ba dang rgyu mtshan 'gal pa ni rung pa ma yin

bar bsdu bar bya ste rgyu mtshan 'dra ba'i phyir/ rung ba dang
rgyu mtshan mthun zhing snga ma bkags ba dang 'gal ba ni rung bar
bsdu bar bya ste/ rgyu mtshan mthun pa'i phyir ro/ /ces 'dul ba
brgya mtsho'i snying po'i yang snying mdor bsdus skal bzang slob
ma'i re ba kun skong zhes bya ba/ rje btsun chos kyi rgyal mtshan
dpal bzang

po'i gsungs rgyun ltar zin bris su bkod pa 'dis kyang sangs
rgyas kyi bstan pa rin po che la phan brgya chen po byed nus par
gyur cig/ //skal ldan slob ma'i re skong legs bshad 'dir brte
nas/ /gzhi dang rnam 'byed phran tshogs dang ni gzhan dam pa'i/
/dgongs don khongs chud khrims ldan

sde snod 'dzin pa'i tshogs/ /nyi ltar sal ba zla ltar 'phel zing
thub bstan yar rgyas shog/ //dge legs 'phel// /