@#/ /rgyas pa'i bstan bcos tshad ma rnam 'grel gyi don 'grel rgyal tshab dgongs pa rab gsal zhes bya ba le'u dang po'i dka' ba'i gnas la dogs pa gcod pa 'di ni rje btsun chos kyi rgyal mtshan dpal bzang po'i gsung rgyun lags so/ / @01a @##/ /rje btsun bla ma dmigs pa med pa'i thugs rje chen po dang ldan pa rnams kyi zhabs kyi {padmo} la gus pa chen pos phyag 'tshal lo/ /'dir rgyas pa'i bstan bcos tshad ma rnam 'grel gyi don thar lam gsal byed kyis bkral ba las/ gzhung spyi'i 'chad tshul dang/ spyi don gyi dka' gnas rnams la dogs pa bcad pa ni gang bshad par bya ba'i chos yin no/ /mtshan dang dpe byad bzang pos brgyan pa'i sku/ /zab cing rgya che'i legs bshad sgrogs pa'i gsung/ ji lta ji snyed chos kun gzigs pa'i thugs/ /mnyam med thub pa'i dbang po gtsug gis mchod/ /tshogs gnyis gangs ri'i spo la gnas byas nas/ /thub pa'i bstan dang ston pa skyon med ces/ /dngos stobs rigs pa'i nga ro cher sgrog pa/ /smra ba'i sengge chos kyi grags pa rgyal/ /sde bdun mdzad pa'i dgongs don yongs rdzogs pa/ /dri med rigs pa'i spyan gyis legs gzigs nas/ /gzhung de gdams pa'i mchog tu 'doms @02a @##/ /mdzad pa/ /smra ba'i nyi ma tsong kha pa la 'dud/ /rigs lam rtsi bas stong ldan pa'i 'khor lo yis/ /thub bstan sa chen bzhi la dbang bsgyur zhing/ /phas rgol gzhan sde dgra las rnam rgyal ba/ /blo bzang 'khor los bsgyur rgyal de la 'dud/ /mgon de'i chos kyi cod paN dri ma med/ /gang gi dbu la rnam par 'chings pa las/ /thub dbang bstan pa'i bdag por mnga' gsol ba/ /rgyal tshab dam pa dar ma'i zhabs la 'dud/ /chos kyi grags pa'i ring lugs bla na med/ /khyod kyis phyogs 'dir rgyas par byed nus zhes/ /rgyal ba gnyis pa'i lung bstan brnyes gyur pa/ /bstan pa'i bdag po dge 'dun grub la 'dud/ /dam chos 'dzin pa'i smon lam mthu grub pas/ /zhing 'dir 'chad rtsod rtsom pa'i bya ba yis/ /thub pa'i bstan pa phyogs bcur spel ba la/ /byang phyogs mkhas pa'i khrod na lham me ba/ /kun mkhyen gnyis pa chos 'byor dpal bzang dang/ /mkhas pa'i dbang po dpal 'byor lhun grub @02b zhabs; /smra ba'i seng ge don yod dpal ldan sogs/ /bka' drin can gyi yongs 'dzin rnams la 'dud/ /rgyal dang rgyal sras rang rgyal slob ma'i tshogs/ /dngos stobs rigs pas sgrub byed grags pa'i gzhung/ /rnam 'grel legs par bshad pa'i gter chen po/ /rgyal tshab dar ma'i lugs bzhin dbye bar bya/ /'dir rgyas pa'i bstan bcos tshad ma rnam 'grel gyi don 'grel rgyal tshab dgongs pa rab gsal blo gsal gyi mgul rgyan zhes bya ba 'chad pa la/ rgya gar na skad rigs mi 'dra ba bzhi yod pa'i legs par sbyar ba saM kri ta'i skad du/ bstan bcos 'di'i mtshan la/ pra ma Na war ti ka kA ri ka/ zhes pa bod skad du bsgyur na/ tshad ma rnam 'grel gyi tshig le'ur byas pa zhes brjod de/ de yang pra ma Na zhes pa bra dang po dang/ rab dang/ gtso bo la sogs pa du ma la 'jug pas/ ngo bo nyid med par smra ba thal 'gyur ba rnams ni/ tshad ma'i skad dod pra zhes pa gtso bo la 'jug pa'i dbang du byas nas/ rang yul gyi gtso bo la mi bslu ba'i rig pa'am/ rang gi 'dzin stangs kyi yul la mi bslu ba'i rig pa tshad ma'i don du bzhed la/ 'dir pra zhes pa dang po dang/ ma Na zhes pa 'jal ba la 'jug pas/ dang po 'jal ba zhes pa don 'gyur du byas nas/ gsar du mi bslu ba'i rig pa tshad ma'i don du bzhed/ 'o na/ tshad ma rnam 'grel zhes pa'i tshad ma de gang/ de'i don rnam par 'grel @03a @#/ /tshul ji lta bu zhe na/ bstan bcos 'di chos can/ tshad ma rnam 'grel zhes brjod pa'i rgyu mtshan yod de/ thub pa'i gsung rab dang tshad ma kun btus kyi dgongs pa phyin ci ma log par 'grel ba'i rgyu mtshan gyis de ltar brjod pa'i phyir/ thub pa'i gsung rab dang tshad ma kun btus chos can/ khyod la tshad ma zhes ming gi btags nas brjod pa'i rgyu mtshan yod de/ bden gnyis la gsar du mi bslu ba'i rig pa tshad ma yin la/ khyod kyis de brjod byar byed pa'i rgyu mtshan gyis de ltar brjod pa'i phyir/ de chos can/ tshig le'ur byas pa zhes brjod pa'i rgyu mtshan yod de/ rjes su bsngags pa'i sdeb sbyor can gyi tshigs bcad du yod pa'i rgyu mtshan gyis de ltar brjod pa'i phyir/ rjes bsngags kyi sdeb sbyor de gang zhe na/ tshigs su bcad pa yig 'bru bdun pa gcig la byed par legs bshad gser gyi phreng ba las bshad pa'i phyir; bstan bcos 'dis thub pa'i gsung rab dang tshad ma kun btus kyi dgongs ba 'grel tshul de gang zhe na/ rtog pa'i dra ba rnam bsal cing/ /zhes pa nas/ 'di la dga' ba skyes zhes pa'i bar gyis mdo don bshad pa la 'jug pa'i bya ba bstan/ phyogs chos de chas khyab pa yi/ /zhes pa nas/ med pa can gyi tshogs pa bzhin zhes pa'i bar gyi mdo don 'chad tshul dngos bstan/ blo yi nus pa chung ba med pa de dag gis kyang @03b zhes sogs kyis bshad pa mthar phyin pa'i tshul de bstan no/ /'o na/ rtog pa'i dra ba rnam bsal cing/ zhes sogs kyis mdo don bshad pa la 'jug pa'i bya ba bstan tshul de gang zhe na/ rtog pa'i dra ba rnam bsal cing/ /zhes sogs shlau ka gcig gis/ khyad par gsum gyi sgo nas thub pa sangs rgyas bcom ldan 'das la bstod phyag mdzad nas/ mdo don bshad pa la 'jug pa'i bya ba mchod brjod bstan/ skye bo phal cher zhes sogs kyis/ mdo don bshad pa la 'jug pa'i bya rtsom par dam bca' de bstan no/ /'o na/ rtog pa'i dra ba zhes sogs kyis thub pa'i dbang po la khyad par gsum gyi sgo nas bstod phyag mdzad pa'i tshul de gang zhe na/ 'di la {shAkya} blo'i lugs dang/ bram ze chen po'i lugs dang/ thar lam gsal byed kyi lugs so/ /dang po la/ sangs rgyas bcom ldan 'das la bstod phyag mdzad pa'i dbang du byas pa dang/ byang chub sems dpa' kun tu bzang po la mchod brjod mdzad pa'i dbang du byas pa gnyis/ dang po la dgos don/ bsdus don/ tshig gi don dang gsum/ dang po ni/ rtog pa'i dra ba rnam bsal cing zhes sogs kyis bstod phyag mdzad pa chos can/ dgos pa yod de/ dpal ldan chos grags rang nyid skyes bu dam par bstan par bya ba dang/ bstan bcos rtsom pa mthar phyin par bya ba dang/ bstan bcos rnam 'grel la 'chad nyan byed pa rnams kyang sngar bstod nas zhugs pa las bsod nams skye ba'i ched yin pa'i phyir/ de ltar yang {shAkya} blos/ ya rabs dag ni phal cher bstan bcos rtsom pa'i thog mar bdag nyid 'dod pa'i lha la phyag byed do/ /de bas na slob dpon 'di yang bdag nyid dam pa rnams dang spyod pa mthun par bya ba dang/ khyad par du 'phags pa'i lha la bstod pas bsod nams 'phel la/ bsod nams 'phel bas kyang bstan bcos rtsom pa la @04a @#/ /bgegs med par mthar phyin pa dang/ 'chad par byed pa dang/ nyan par byed pa rnams kyang sngar bstod nas zhugs pas bsod nams skye ba'i phyir/ gzhan gyi don du gzigs nas rtog pa'i dra ba rnam bsal cing/ zhes bya ba la sogs pas khyad par du 'phags pa'i lha la mchod pa brtsams so zhes gsungs/ gnyis pa bsdus don la/ bstod pa dang/ phyag 'tshal ba gnyis/ dang po la rang don phun tshogs kyi sgo nas bstod pa/ gzhan don phun tshogs kyi sgo nas bstod pa/ gzhan don sgrub pa'i thabs phun tshogs kyi sgo nas bstod pa dang gsum/ dang po ni/ rtog pa'i dra ba zhes sogs tshig rkang dang po gnyis kyis 'chad/ gnyis pa ni/ kun tu bzang po zhes pas bstan/ gsum pa ni/ 'od zer dag kun nas 'phro zhes pas bstan/ gnyis pa phyag 'tshal ba ni/ phyag 'tshal zhes pas bstan/ de skad du {shAkya} blos/ gang gi tshe kun tu bzang po zhes pa'i sgra grags pas/ byang chub sems dpa' yin par mi bzung ba de'i tshe na/ 'di sangs rgyas bcom ldan 'das la mchod pa yin no/ /'di yang bstod pa dang phyag 'tshal ba gnyis te/ phyag 'tshal zhes pa'i sgra ni phyag 'tshal ba'o/ /lhag ma rnams kyis ni bstod pa'o/ /bstod pa yang rang gi don phun sum tshogs pa dang gzhan gyi don phun sum tshogs pa dang/ gzhan don phun sum tshogs pa'i thabs rnam pa gsum mo zhes gsung/ rang don phun sum tshogs pa la ngo bo nyid sku/ longs sku/ sprul sku dang gsum las/ dang po ni/ rtog pa'i dra ba rnam bsal cing zhes pas bstan/ gnyis pa ni/ zab pa'i sku mnga' zhes pas bstan/ gsum pa ni/ rgya che'i sku mnga' zhes pas bstan te/ {shAkya} blos/ rang gi don phun sum tshogs pa gsum gyi mtshan nyid kyang/ sgrib pa spangs pa'i khyad par dang/ zab ba'i khyad par dang/ rgya che ba'i khyad par dang rnam pa gsum gyis khyad par du 'phags pa bstan te zhes @04b gsungs pa'i phyir/ 'dir rang don phun tshogs sngar bstan nas/ gzhan don phun tshogs rjes su 'chad pa'i rgyu mtshan yod de/ rang don phun sum tshogs na gzhan don bya bar nus pa'i rgyu mtshan gyis de ltar brjod pa'i phyir/ {shAkya} blos/ rang gi don phun sum tshogs na gzhan gyi don bya bar nus par 'gyur pas dang por 'chad de gong mas rang gi don phun sum tshogs pa bshad do/ /zhes gsungs/ gsum pa tshig gi don ni/ thub pa sangs rgyas bcom ldan 'das chos can/ rang don phun sum tshogs pa mnga' ste/ sku gsum dang ldan pa'i phyir/ de chos can/ rang don spangs pa phun tshogs kyis bsdus pa'i ngo bo nyid kyi sku mnga' ste/ gang zag dang chos la bdag tu 'dzin pa'i rnam par rtog pa'i dra ba bag chags dang bcas pa slar mi skye ba'i chos can du byas pa'i phyir; bdag 'dzin gnyis chos can/ dra ba zhes brjod pa'i rgyu mtshan yod de/ lus can 'khor bar 'ching byed yin pa'i rgyu mtshan gyis de ltar brjod pa'i phyir te/ de ltar yang {shAkyas}/ rtog pa ni sems dang sems las byung ba/ khams gsum pa bdag dang bdag gi ba la sogs pa'i rnam par zhugs pa dang/ gzung ba dang 'dzin pa'i rnam par zhugs pa rnams so/ /de nyid ni dra ba ste/ 'ching ba'i bdag nyid yin pa'i phyir/ /sku gang dag la de rnam par bsal cing dra ba bag chags dang bcas pa yang mi skye ba'i chos nyid du byas pa yod pa de dag la de skad ces bya'o/ /'dis ni sgrib pa spangs pa'i khyad par bshad do/ /zhes gsungs/ longs sku la zab pa dang/ sprul sku la rgya che ba zhes brjod pa'i rgyu mtshan gang zhe na/ longs sku chos can/ zab pa zhes brjod pa'i rgyu mtshan yod de/ gnas gzugs khams kho nar bzhugs/ gdul bya so skye dang nyan rang rnams kyi mngon sum gyi spyod yul ma yin zhing/ sar gnas kyi byang chub sems dpa' yan chad kho na'i mngon sum gyi spyod yul yin pa'i rgyu mtshan gyis de ltar bshad pa'i phyir/ sprul @05a @#/ /sku chos can/ rgya che ba zhes brjod pa'i rgyu mtshan yod de/ gnas 'dod khams dang/ gzugs khams ci rigs su bzhugs zhing/ gdul bya rigs can gsum ka'i don dngos su mdzad pa'i rgyu mtshan gyis de ltar bshad pa'i phyir te/ {shAkyar}/ zab pa dang rgya che ba'i khyad par dag ni/ zab cing rgya che zhes pa'i tshig gnyis kyi bstan to/ /zhes dang/ nyan thos dang rang sangs rgyas la sogs pa'i yul ma yin pa'i phyir/ zab pa dang shes bya mtha' dag dang sems can gyi don mtha' dag la khyab pa'i phyir/ rgya che ba'i sku mnga' zhes gsungs/ de chos can/ gzhan don phun sum tshogs pa mnga' ba yin te/ gdul bya rnams skal pa ji lta ba bzhin du mngon mtho dang nges legs kyi sar 'god par mdzad pa'i phyir/ {shAkyar}/ bzang po ni dge legs te/ mngon par mtho ba dang nges par legs pa'i mtshan nyid do/ /gang la de don du gnyer ba dag la kun tu ste/ ma lus par skal pa ji lta ba bzhin du 'byung ba de ni kun tu bzang po'o/ /'dis ni gzhan gyi don phun sum tshogs pa ma tshang ba med par bshad do/ /zhes gsungs/ de chos can/ gzhan don sgrub pa'i thabs phun tshogs mnga' ste/ gdul bya rnams la skal pa dang 'tshams par chos bstan pas mngon mtho dang nges legs bskrun par mdzad pa'i phyir/ {sha'kyar}/ gzhan gyi don phun sum tshogs pa 'di 'grub pa'i thabs ni/ 'od zer dag kun nas 'phro zhes bya ba 'dis bshad de/ 'od zer dag ni 'od zer rnams so/ /'dir ni dngos po ji ltar gnas pa bzhin du rab tu gsal bar byed pa chos mthun pa'i phyir chos ston pa mngon par mtho ba dang nges par legs pa 'grub pa'i yul can dag kho na 'od zer dang 'dra bas na/ 'od zer dag ces bya'o zhes gsungs/ gnyis pa ni/ kun tu bzang po zhes pa'i sgra grags pa'i dbang du byas na/ byang chub sems dpa' kun tu bzang po la mchod @05b brjod byed pa yin la/ 'di la yang bstod pa dang/ phyag 'tshal ba gnyis/ dang po la yang rang don phun tshogs kyi sgo nas bstod pa/ gzhan don phun tshogs kyi sgo nas bstod pa/ gzhan don sgrub pa'i thabs phun tshogs kyi sgo nas bstod pa gsum/ dang po ni/ rtog pa'i dra ba zhes sogs tshig rkang gnyis kyis 'chad/ gnyis pa ni/ kun tu bzang po zhes pas 'chad/ gsum pa ni/ 'od zer dag ces sogs kyis 'chad/ gnyis pa phyag 'tshal ba ni phyag 'tshal zhes pas 'chad/ tshig don ni/ byang chub sems dpa' kun tu bzang po chos can/ rang don phun sum tshogs pa mnga' ste/ sku gsum rjes su mthun pa thob pa'i sems dpa' yin pa'i phyir/ de chos can/ ngo bo nyid sku rjes mthun pa thob ste/ rang gi ngo skal gyi spang byar gyur pa'i byang sems kyi sa'i sgrib pa spangs pa'i phyir/ byang chub sems dpa' kun tu bzang po'i rgyud kyi longs sku rjes mthun pa chos can/ khyod la zab pa zhes brjod pa'i rgyu mtshan yod de/ nyan rang dang so skye rnams kyi mngon sum gyi spyod yul du ma gyur pa'i rgyu mtshan gyis de ltar brjod pa'i phyir/ de'i rgyud kyi sprul sku rjes mthun pa chos can/ rgya che ba zhes brjod pa'i rgyu mtshan yod de/ phyin drug nyams len rgya chen po dang ldan pa'i rgyu mtshan gyis de ltar bshad pa'i phyir/ {shAkyar}/ gang gi tshe grags pa la ltos pa de'i tshe ni/ kun tu bzang po zhes bya ba'i sgra 'di theg pa chen po las byang chub sems dpa'i khyad par zhig la grags pas 'di byang chub sems dpa' la mchod pa yin no/ /tshig ni snga ma bzhin du sbyar bar bya'o/ /khyad par ni 'di yod de/ rtog pa'i dra ba rnam par bsal ba nyid ni/ byang chub sems dpa'i sa'i sgrib pa spangs pa las lta bar bya'o/ /zab pa ni nyan thos dang rang sangs rgyas dang so skye rnams kyi spyod yul ma yin pa nyid las so/ /rgya che ba ni byang chub sems dpa'i che ba'i bdag nyid las @06a @#/ /so; /byang chub sems dpa' rnams la yang rjes su mthun pa'i sku gsum ni yod pa kho na ste/ mthar phyin pa'i phyir na sangs rgyas rnams kyi yin par rnam par bzhag par mdzad do/ zhes gsungs/ gnyis pa/ bram ze chen po'i 'grel pa las bshad tshul ni/ rtog pa'i dra ba zhes sogs tshig rkang gnyis kyis rang don phun tshogs dang/ kun tu bzang po zhes sogs kyis gzhan don phun tshogs bstan/ bram ze las/ phyed snga mas ni rang gi don phun sum tshogs pa brjod la; phyi mas ni gzhan gyi don phun sum tshogs pa'o/ /zhes gsungs/ de yang rtog pa'i dra ba zhes sogs kyis bdag 'dzin gnyis bag chags dang bcas pa spangs pa'i 'gog bden ngo bo nyid skur dngos su bstan pa'i sgo nas ye shes chos sku shugs la bstan te/ bram ze las/ rtog pa'i dra ba rnam par bsal ba nyid kyis ni gnyis su med pa'i rang bzhin tsam gyi sku'i bdag nyid dang mi 'bral bar brjod pa yin no/ /de nyid kyi phyir/ shes rab pha rol phyin gnyis med/ /ye shes de ni de bzhin gshegs/ /zhes gsungs; zhes pas bshad/ zab cing zhes pas longs sku dang/ /rgya che zhes pas sprul sku bstan te/ bram ze las/ zab pas ni gzhan gyi shes par byar med pa thams cad mkhyen pa nyid la sogs pa'i yon tan dpag tu med pa'i rten 'di nyid du brjod do zhes dang; rgya che bas ni gzhan dang mtshungs pa med pas bla na med pa nyid du brjod de/ lam gzhan med pa'i phyir ro/ /re shig nyon mongs pa dang bral ba la ni/ de la mi 'am lha gang gis kyang bskrun du med pa nyid do zhes gsungs/ kun tu bzang po zhes sogs kyis gzhan don phun tshogs bstan te/ bram ze las/ kun tu bzang po zhes bya bas ni gzhan gyi don grub par brjod do/ /kun tu legs pa ni de las 'byung pa'i phyir/ bcom ldan 'das kyi legs pa ni legs pa ma yin pa dang ma 'dres pa yin no/ /zhes bya ba'i tha @06b tshig go/ /gzhan la gnod pa snying por gyur pa'i phan 'dogs pa mngon par mi 'grub pa'i phyir te/ thugs rjes 'jug pa'i phyir dang/ de yang thams cad la khyad par mi mnga' ba'i phyir ro/ /gnod pa byed pa'i snying por gyur pa'i phan 'dogs pa ni 'dod chags las skyes pa nyid de/ 'ga' zhig lhas byin bsad pas mchod sbyin la sogs pa dga' bar byed pa bzhin no/ /gang la de lta bu'i rang bzhin mnga' ba de brjod pa ni/ 'od zer dag kun nas 'phro zhes bya ba ste/ 'dis ni don thams cad khyab pa'i gsal ba nyid brjod do/ /thams cad mkhyen pa zhes bya ba'i tha tshig go zhes gsungs/ gsum pa/ thar lam gsal byed las gsungs pa'i tshul la/ dgos don/ bsdus don/ tshig gi don dang gsum/ dang po ni/ lha dang klu dang drang srong la sogs pa rnams kyis zhabs kyi {padmo} la phyag byas pa sangs rgyas bcom ldan 'das kyi yon tan brjod nas skyabs su song ba chos can/ dgos pa yod de/ gnas skabs bstan bcos rtsom pa'i bar chad zhi ba dang/ mthar thug gdul bya rnams kyis thar pa dang thams cad mkhyen pa thob pa'i dgos pa yod pa'i phyir/ gnyis pa la/ bstod pa dang phyag 'tshal ba gnyis/ dang po la/ rang don phun tshogs kyi sgo nas bstod pa dang/ gzhan don phun tshogs kyi sgo nas bstod pa dang gnyis las/ dang po la/ rang don spangs pa phun tshogs kyi sgo nas bstod pa dang/ rang don rtogs pa phun tshogs kyi sgo nas bstod pa dang gnyis/ dang po ni/ rtog pa'i dra ba rnam bsal cing zhes pas bstan/ gnyis pa la/ ji lta ba mkhyen pa'i rtogs pa phun tshogs kyi sgo nas bstod pa dang/ ji snyed pa mkhyen pa'i rtogs pa phun tshogs kyi sgo nas bstod pa dang gnyis/ dang po ni/ zab pa'i sku mnga' zhes pas bstan/ gnyis pa ni/ rgya che ba'i sku mnga' zhes pas bstan/ gnyis pa/ gzhan don phun tshogs kyi sgo nas bstod pa la/ gzhan don gyi ngo bo dang/ de sgrub pa'i thabs phun @07a @#/ /tshogs gnyis/ dang po ni/ kun tu bzang po zhes pas bstan/ gnyis pa ni/ 'od zer dag kun nas 'phro zhes pas bstan/ gnyis pa/ phyag 'tshal ba ni phyag 'tshal zhes pas bstan/ ngag 'di bstan bcos kyi lus rnam gzhag kyang yin te; bstan bcos 'di'i brjod bya la rigs sgo nas bshad pa ltar/ mngon sum dang ni rjes su dpag/ ltar snang bcas pa bdag rig byed/ /sgrub pa dang ni sun 'byin ngag /ltar snang bcas pa gzhan rtogs phyir/ /zhes gsungs pa ltar/ rang gi gzhal bya nges pa'i thabs dang/ nges nas gzhan rjes su 'dzin pa'i thabs gnyis su 'du la/ rang gi gzhal bya nges pa'i thabs le'u dang po gsum dang/ nges nas gzhan rjes su 'dzin pa'i thabs le'u bzhi pas bstan cing/ rtog pa'i dra ba rnam bsal cing zhes sogs kyi tshig rkang dang po gnyis kyis rang don phun tshogs bstan nas le'u dang po gsum gyi lus rnam gzhag bstan/ kun tu bzang po zhes sogs rkang pa phyed gnyis kyis gzhan don phun tshogs bstan pa'i sgo nas gzhan don le'u'i lus rnam gzhag bstan pa'i phyir/ le'u dang po gsum gyis rang don spangs pa phun tshogs ji ltar bstan zhe na/ de bstan te/ gang zag gi bdag med rtogs pa'i shes rab dang/ gang zag gi bdag 'dzin spangs pa'i spangs pa le'u gnyis pas bstan/ chos kyi bdag med rtogs pa'i shes rab dang/ chos kyi bdag 'dzin spangs ba'i spangs ba le'u gsum pas bstan/ rgya che ba ji snyed pa mkhyen pa'i rtogs pa phun tshogs le'u dang po gsum kas bstan pa'i phyir/ de la kho na re/ rtsom par dam bca' ba'i snga rol du lus rnam gzhag 'byung mi rigs te/ rtsom par dam bca' ba'i snga rol du yan lag rgyas bshad mi 'byung ba'i phyir/ snyam na skyon med de/ ngag 'di bstan bcos 'di'i lus rnam gzhag ma yin na/ bstan bcos 'di'i lus rnam gzhag med par @07b thal ba'i skyon yod pa'i phyir/ gsum pa/ tshig don ni thub pa sangs rgyas bcom ldan 'das chos can/ rang don spangs pa phun tshogs mnga' ba yin te/ lus can 'ching bar byed pa gang zag gi bdag dang chos kyi bdag tu zhen cing rnam par rtog pa'i dra ba bag chags dang bcas pa drung phyung ba'i tshul gyis rnam par bsal cing spangs pa'i phyir/ de chos can/ rtogs pa phun tshogs mnga' ba yin te/ zab pa ji lta ba dang rgya che ba ji snyed pa mkhyen pa'i rtogs pa phun tshogs mnga' ba'i phyir/ gang zag dang chos la bdag med pa'i stong nyid chos can/ zab pa zhes brjod pa'i rgyu mtshan yod de/ 'phags pa rnams kyi mnyam gzhag so so rang gi mngon sum du rig par bya ba yin gyi/ chos ston pa'i sgra tsam las ji lta ba bzhin du nges mi nus pa'i rgyu mtshan gyis de ltar bshad pa'i phyir/ yang na gzung 'dzin rdzas gzhan gyis stong pa'i stong nyid chos can/ zab pa zhes brjod pa'i rgyu mtshan yod de/ nyan thos dang rang sangs rgyas rnams kyi spyod yul du ma gyur pa'i de kho na nyid yin pa'i rgyu mtshan gyis de ltar brjod pa'i phyir/ shes bya ji snyed pa chos can/ rgya che ba zhes bya ste/ yul dang dus dang mtshan nyid dang dbye ba mtha' yas pa'i sgo nas rgya che ba'i phyir/ thub pa sangs rgyas bcom ldan 'das chos can/ gzhan don phun tshogs mnga' ste/ kun tu bzang po'i gzugs sku gnyis mnga' ba'i phyir/ gzugs sku gnyis chos can/ gzhan don phun tshogs zhes bya ste/ gdul bya'i rgyud kyi mngon mtho dang nges legs gzhan don yin la/ khyod kyis mngon mtho dang nges legs 'grub par mdzad pa'i phyir; gzugs sku gnyis chos can/ kun tu bzang po zhes bya ste/ gdul bya la legs pa dang phan pa 'ba' zhig byed pa dang/ legs pa ma yin pa cung zad kyang ma 'dres pa dang/ rgya yongs su ma chad par legs pa'i rigs rnam pa thams cad du @08a @#/ /yongs su rdzogs pas de ltar brjod pa'i phyir/ thub pa sangs rgyas bcom ldan 'das chos can/ gzhan don sgrub pa'i thabs phun tshogs mnga' ste/ nyi ma'i 'od zer gyis gzugs gsal bar byed pa dang/ mun pa sel bar byed pa de bzhin du/ khyod kyis kyang shes bya'i de kho na nyid gsal bar byed cing/ mi shes pa'i mun pa sel bar byed pa'i dam pa'i chos bstan pa'i gsung gi 'od zer gdul bya la kun nas 'phro zhing khyab par mdzad pa'i phyir/ des na dag pa gnyis dang ldan pa'i dbyings mthar thug ngo bo nyid sku'i mtshan nyid/ ji lta ba dang ji snyed pa la ltos nas gzigs pa mthar thug pa'i ye shes/ ye shes chos sku'i mtshan nyid/ nges pa lnga ldan gyi mthar thug gi gzugs sku longs sku'i mtshan nyid/ nges pa lnga dang mi ldan pas rab tu phye ba'i mthar thug gi gzugs sku de sprul sku'i mtshan nyid/ rang gi rgyur gyur pa'i ye shes chos skus bdag rkyen byas pa las byung ba'i rnam dkar gyi yon tan/ sangs rgyas kyi 'phrin las kyi mtshan nyid/ thar lam gsal byed las/ nyan thos dang rang sangs rgyas rnams kyi spyod yul du ma gyur pa'i gnyis stong gi de kho na nyid ni zab mo yin la/ zhes pa'i don la mkhas pa'i dbang po kha cig nyan rang 'phags pas gzung 'dzin rdzas gzhan gyis stong pa'i stong nyid rigs pa'i rnam grangs mtha' yas pa'i sgo nas ma rtogs pa la dgongs nas de ltar gsungs ba yin gyi/ rang rgyal 'phags pas gzung 'dzin rdzas gzhan gyis stong pa'i stong nyid mngon sum du rtogs te/ rnam bshad snying po rgyan las/ sems tsam pa'i 'dod pa brjod pa'i skabs su/ gzung ba rang bzhin med pa'i chos man chad tsam thos pas gso bar bya ba rang sangs rgyas kyi rigs dang zhes gsungs pa'i phyir/ rang sangs rgyas dang sems tsam pa gnyis kyi bsgom bya'i gtso bo'i lta ba @08b la mtho dman gyi khyad par med pa'i phyir te/ snying po rgyan las/ rang sangs rgyas dang sems tsam pa'i lta ba la mtho dman gyi khyad par med pa'i phyir dang zhes gsungs pa'i phyir/ zhes gsungs/ rang lugs ni/ dang po nas theg dman du rigs nges pa'i nyan rang 'phags pa la gzung 'dzin rdzas gzhan gyis stong pa'i stong nyid mngon sum gyi spyod yul ma yin pa'i de kho na nyid yin pa'i rgyu mtshan gyis de ltar bshad pa'i phyir/ rang sangs rgyas dang sems tsam pa gnyis kyi bsgom bya'i lta ba la mtho dman gyi khyad par yod de/ rang rgyal slob pa 'phags pas gzung 'dzin rdzas gzhan gyis stong pa'i stong nyid gtso bor sgom na/ des gzung 'dzin rdzas gzhan du 'dzin pa'i rtog pa spang bya'i gtso bor byed dgos pas/ rang rgyal dgra bcom pas shes sgrib rtog pa spangs par thal ba dang/ rang rgyal slob pa 'phags pas chos kyi bdag med gtso bor sgom na/ gang zag gi bdag med gtso bor mi sgom par 'gyur bas/ des 'khor ba spang bya'i gtso bor mi byed par thal ba'i skyon yod pa'i phyir; rnam bshad snying po rgyan gyi lung de'i don gang zhe na/ de'i don yod de/ rnal 'byor spyod pa'i dbu ma rang rgyud pa'i skabs su/ rang sangs rgyas dang sems tsam pa gnyis lta ba mtshungs pa de'i don yin pa'i phyir/ 'o na/ spang bya gcig car ba'i rgyun zhugs rang rgyal lam du zhugs pa yod dam med/ med na mngon pa kun btus las/ sangs rgyas 'byung ba med na rang rgyal bar 'gyur ro/ /zhes gsungs pa dang 'gal/ yod na spang bya gcig car ba'i rgyun zhugs kyi rtogs pa sngon du song ba'i rang rgyal gyi mthong lam bar chad med lam gyi ngos skal gyi spang bya gang yin zhe na/ skyon med de/ de'i rtogs pa sngon du song pa'i rang rgyal gyi mthong lam bar chad med lam dang/ rnam grol lam gyi rnam gzhag mi byed pa'i phyir/ yang na gzung 'dzin rdzas gzhan @09a @#/ /du 'dzin pa'i rtog pa kun btags de/ de'i ngos skal gyi spang bya'i gtso bo yin kyang de'i spang bya'i gtso bo ma yin pas skyon med do/ /sems tsam pa'i lugs la chos kyi bdag 'dzin 'khor ba'i rtsa ba yin nam ma yin zhe na/ kha cig ma yin zer ba mi 'thad de/ thar lam gsal byed las/ lus can 'ching bar byed pa gang zag dang chos kyi bdag tu zhen cing/ rnam par rtog pa'i dra ba bag chags dang bcas pa drung phyung ba'i tshul gyis rnam par bsal cing/ spangs pa dang zhes chos kyi bdag 'dzin lus can 'khor bar 'ching byed du bshad pa dang 'gal ba'i phyir dang/ {shAkyar} yang/ rtog pa ni sems dang sems las byung ba/ khams gsum pa bdag dang bdag gi ba la sogs pa'i rnam par zhugs pa dang/ gzung ba dang 'dzin pa'i rnam par zhugs pa rnams so/ /de nyid ni dra ba ste/ 'ching ba'i bdag nyid yin pa'i phyir/ zhes gsungs pa'i phyir/ gal te chos kyi bdag 'dzin 'khor ba'i rtsa ba ma yin par thal/ nyan thos dgra bcom pas 'khor ba'i rtsa ba spangs pa'i phyir/ des 'khor ba spangs pa'i phyir na/ 'khor ba spangs na 'khor ba'i rtsa ba spangs dgos pa drang nges rnam 'byed kyi dgongs pa ma yin te/ sems tsam pa'i skabs kyi drang nges rnam 'byed las/ de ltar na chos rnams la ngo bo dang khyad par du btags pa rang gi mtshan nyid kyis grub par 'dzin pa'i chos kyi bdag 'dzin gyis 'jig lta'i rtsa ba byed par bzhed la/ chos kyi bdag 'dzin gyis gang zag gi bdag 'dzin gyi gzhi byed pa ni nyan rang la chos kyi bdag med rtogs pa med par bzhed pa'i dbu ma pa rnams kyis kyang bzhed la/ de la ni chos kyi bdag 'dzin zad na/ gang zag gi bdag 'dzin zlog kyang chos kyi bdag 'dzin ma zad na gang zag gi bdag 'dzin mi zlog pa ma yin pas/ 'khor ba'i gzhi rtsa mthar thug pa ma log kyang 'khor ba las grol ba mi @09b 'gal lo zhes gsungs pa'i phyir/ de ltar ma yin na/ nyan rang dgra bcom pa chos can/ 'jig lta'i rtsa ba spangs par thal/ 'jig lta spangs pa'i phyir/ khyab pa khas/ 'dod na/ de chos can/ chos kyi bdag 'dzin spangs par thal/ 'dod pa gang zhig chos kyi bdag 'dzin 'jig lta'i rtsa ba yin pa'i phyir/ rtags phyi ma drang nges rnam 'byed drangs ma thag pa dang 'gal lo/ /'o na/ skye bo phal cher/ zhes sogs kyis mdo don bshad pa la 'jug pa'i bya ba bstan tshul gang zhe na/ rtog pa'i dra ba rnam bsal cing zhes sogs kyis khyad par gsum ldan gyi sgo nas thub pa sangs rgyas bcom ldan 'das la bstod phyag byas pa la kho na re/ rtogs pa sngon du gtong ba dag bya ba 'ga' yang ma mthong bar yul khyad par can la phyag mi byed pas bya ba gang rtsom pa yin zhe na/ bstan bcos rtsom pa'i bya ba la 'jug byas pa la/ rtogs ldan gyi bya ba la dgos pa yod pas khyab pas dgos pa ci zhig mthong zhe na/ de'i lan ston pa la skye bo phal cher zhes sogs gsungs te/ shAkyar/ bstan bcos rnam 'grel zhes bya ba ni len par byed pa ni mkhas pa dag yod pa kho na yin mod kyi 'on kyang nyan pa po'i snod kyi skyon mang bas phan pa yod bzhin du lang med pa skad du byas nas legs par bshad pa la goms pas bsgos pa'i sems kho na bstan bcos rtsom pa'i rgyu yin par bstan pa dang/ don chen po nyams par 'gyur ba'i rgyu'i nyes pa 'di ni dor bar rigs so zhes bya bar 'di yang tshig zur gyis bstan pa'i phyir/ tshigs su bcad pa gnyis pa skye bo phal cher zhes bya ba la sogs pa smos so zhes gsungs/ des na 'di la gnyis/ dngos bstan nyan pa po'i snod kyi skyon ngos bzung nas rang la ltos pa'i dgos pa dang/ shugs bstan snod kyi mtshan nyid ngos bzung nas gzhan la ltos pa'i dgos pa bshad pa'o/ /dang po ni/ skye bo phal cher zhes sogs kyis nyan pa po'i snod kyi skyon bzhi @10a @#/ /dngos su bstan nas/ bstan bcos rnam 'grel rang don du rtsom zhes bstan te/ skye bo phal cher phal la chags shing zhes pas/ snod kyi skyon bstan bcos phal pa dang/ bya ba phal pa la chags pa'i shes rab ngan pa de bstan/ shes rab rtsal med pas na zhes pas legs nyes 'byed pa'i shes rab kyi rtsal med pa de bstan/ legs bshad rnams don du mi gnyer zhes pas/ nyan pa po'i snod kyi skyon legs bshad la don gnyer med pa de bstan/ phrag dog dri ma dag gis sdang bar yang zhes pas/ nyan pa po'i skyon blo gzu bor mi gnas pa de bstan/ sems ni yun ring zhes pa nas/ 'di la dga' ba skyes zhes pa'i bar gyi chos grags rang nyid kun btus la sogs pa'i legs bshad la goms pa 'phel ba'i phyir du rnam 'grel rtsom zhes bstan/ de ltar yang {shAkyar}/ 'dir nyan pa po'i skyon rnam pa bzhi ste shes rab ngan pa nyid dang/ mi shes pa nyid dang/ don du mi gnyer ba nyid dang/ gzu po min pa nyid do zhes gsungs/ gnyis pa ni skye bo phal cher phal la ma chags shing shes rab rtsal yod pas na legs bshad rnams/ don du gnyer ba kho nar ma zad legs bshad goms pa lhur len skye bo rnams la phrag dog dri ma dag gis mi sdang par/ yongs gyur phyir na bdag la 'di ni gzhan la phan pa yin zhes/ sems pas 'di la dga' ba skyes/ /zhes 'don nas/ skye bo phal cher zhes sogs kyi gzhung 'don pa bsgyur nas/ gzhung 'dis tshad ma kun btus gzhan la phan pa rgya chen po ji ltar 'gyur snyam pa'i sems pa dang/ slob dpon phyogs glang la smod pa'i gang zag rnams sdug bsngal gyi rgyu dang bral bar 'dod pa'i snying rjes kun nas blangs te/ bstan bcos rnam 'grel gzhan don du rtsom par bstan pa yin te/ {shAkyar}/ gzhan dag ni gzhan du 'chad de/ slob dpon chos kyi grags pa 'di ci'i phyir tshad ma kun las btus pa @10b rnam 'grel gyi tshul du 'chad par byed kyi/ rang 'ga' kho na'i bstan bcos min zhes dri ba'i skabs 'dir skye bo phal cher zhes bya ba la sogs pa smos so/ /tshigs su bcad pa 'di'i bsdus pa'i don ni bdag ni sems pa dang/ snying rjes tshad ma kun nas btus pa bshad par sems la 'dod pa skye 'o zhes bya ba yin no/ /sems pa dang snying rje dag ni slob dpon phyogs kyi glang pos mdzad pa'i bstan bcos phan pa chung pa nyid kyi phyir dang/ phan pa chung ba yang nyan pa po'i skye bo yi nyes pa las gyur pas so zhes dang/ yang ci'i phyir phal la chags zhe na shes rab rtsal med pas na zhes bya ba smos te/ de'i phyir na 'di nyes par bshad pa la yang legs par bshad pa yin no/ /zhes bya bar bzung nas phal pa la chags par byed do/ /shes rab kyi mthu med pa nyid kyi phyir na/ bdag nyid slob dpon gyi legs par bshad pa rnams ji bzhin du khong du chud par mi nus pas slob dpon gyi legs par bshad pa de dag don du mi gnyer zhing slob dpon la yang zhe sdang bar 'gyur bar ma zad zhes bya ba la sogs pa smos te/ slob dpon gyi legs par bshad pa rnams/ don du mi gnyer ba 'ba' zhig tu ma zad kyi/ gzhan yang slob dpon phyogs kyi glang po la phrag dog gi dri ma dag gis sdang bar yang yongs su 'gyur ba yin no/ /ji lta bu zhig la zhe na/ legs bshad rnams goms pa lhur len skyed pa la 'o/ /bar du chod kyang 'brel ba kho na yin te/ lung las/ gang zhig gang dang 'brel ba de/ /ring na 'dug kyang de dang der/ /zhes 'byung ba'i phyir zhes gsungs/ skye bo phal cher zhes sogs kyis dngos su nyan pa po'i skyon bzhi bstan nas shugs la bstan bcos rnam 'grel gyi ched du bya ba'i gdul bya ngos 'dzin pa yin te/ skye bo phal cher phal la chags shing shes rab rtsal med pas na zhes pas/ dngos su nyan pa po'i snod kyi skyon shes rab ngan pa dang mi shes pa de bstan nas/ shugs la bstan @11a @#/ /bcos rnam 'grel gyi ched du bya ba'i gdul bya yin na/ legs nyes 'byed pa'i shes rab kyi rtsal dang ldan pa cig dgos zhes bstan/ legs bshad rnams don du mi gnyer zhes pas/ dngos su nyan pa po'i skyon legs bshad la don gnyer med pa de bstan nas/ shugs la bstan bcos rnam 'grel gyi ched du bya ba'i gdul bya yin na legs bshad la don gnyer dang ldan pa cig dgos zhes bstan/ phrag dog dri ma dag gis sngang bar yang zhes pas/ dngos su nyan pa po'i skyon blo gzu por mi gnas pa de bstan nas/ shugs la bstan bcos 'di'i ched du bya ba'i gdul bya de yin na/ blo gzu bor gnas pa cig dgos zhes bstan/ phyogs chos de chas khyab pa yi zhes sogs kyis mdo don 'chad tshul dngos bshad pa ni 'di la dga' ba skyes zhes pa'i skabs su/ kun btus kyi dgongs 'grel du gyur pa'i bstan bcos rnam 'grel rtsom pa la dga' ba skyes zhes bshad pa la/ kho na re/ bstan bcos 'dis kun btus kyi dgongs pa 'grel tshul de gang zhe na/ le'u dang pos tshad ma mdo'i don 'chad byed kyi thabs rang don rjes dpag de bstan nas/ le'u phyi ma gsum gyis thabs de la brten nas mdo don 'chad pa yin te/ le'u gnyis pa'i mtshams sbyar du lha dbang blos/ slob dpon gyi tshad ma'i mtshan nyid gyi bstan bcos 'chad pa'i rgyu rjes su dpag pa rnam par bzhag nas skabs su babs pa'i tshad ma zhes bya ba la sogs pas phyag 'tshal ba'i tshigs su bcad pa'i bshad pa mdzad par rtsom pa'o/ /zhes gsungs pa'i phyir/ kho na re/ bstan bcos 'dir rang don rjes dpag dang por 'chad mi rigs par thal/ bstan bcos 'di kun btus kyi 'grel pa gang zhig /kun btus su mngon sum dang por bstan pa'i phyir/ zhe na skyon med de/ kun btus su rgyud la skye pa'i rim pa'i dbang du byas nas mngon sum dang por bshad/ bstan bcos 'dir dgos @11b pa la ltos pa'i rims pa'i dbang du byas nas rang don rjes dpag dang por bshad pa'i phyir/ tshad ma mdo'i don bde blag tu rtogs pa'i phyir du rang don rjes dpag dang por 'chad pa la dgos pa yod de/ mdo don bde blag tu rtogs pa la don dang don ma yin pa rnam par 'byed dgos/ tshur mthong rnams kyis don dang don ma yin pa rnam par 'byed pa rjes dpag la rag las pa'i phyir/ de ltar yang rang 'grel las/ don dang don ma yin pa rnam par 'byed pa rjes su dpag pa la rten pa can yin la/ zhes dang/ shAkyar/ gal te slob dpon chos kyi grags pa tshad ma kun btus 'chad par byed na/ ci'i phyir rang 'gar rjes su dpag pa 'di rnam par 'jog snyam pa'i the tshom bsal ba'i phyir/ don dang don ma yin pa zhes bya ba la sogs pa smos te/ zhes gsungs; 'o na don dang don ma yin pa de gang/ de rnam par 'byed pa rjes dpag la rag las pa'i rgyu mtshan de gang zhe na/ de'i lan la shAkya blo'i lugs dang/ bram ze chen po'i lugs gnyis/ dang po ni/ slob dpon phyogs kyi glang pos mdzad pa'i tshad ma'i mtshan nyid dang/ bstan bcos rnams chos can/ don zhes bya ste/ rigs pa dang ldan pa'i rgyu mtshan gyis de ltar 'dod pa'i phyir/ mu stegs byed kyis btags pa'i tshad ma'i mtshan nyid la sogs pa chos can/ don ma yin pa zhes bya ste/ rigs pa dang mi ldan pa'i rgyu mtshan gyis de ltar 'dod pa'i phyir/ slob dpon phyogs glang gis mdzad pa'i tshad ma'i mtshan nyid la sogs pa rigs pa dang ldan pa dang/ mu stegs byed kyis btags pa'i tshad ma'i mtshan nyid la sogs pa rigs pa dang mi ldan par rnam par 'byed pa ni don dang don ma yin pa rnam par 'byed pa yin la/ tshur mthong rnams kyis de rnam par 'byed pa rjes dpag la rag las te/ tshur mthong rnams kyis mngon sum gyi de ltar 'byed mi nus pa'i phyir/ tshur mthong gi mngon sum de de gnyis rnam @12a @#/ /par 'byed byed ma yin pa'i phyir/ shAkyar/ de bas na gzhan du rnam par bshad par bya ste/ don ni slob dpon phyogs kyi glang pos mdzad pa'i tshad ma'i mtshan nyid la sogs pa yin te/ rigs pa dang ldan pa'i phyir/ don ma yin pa ni mu stegs byed kyis byas pa yin te/ rigs pa dang mi ldan pa'i phyir/ de gnyis rnam par 'byed pa ni rigs pa dang ldan pa dang/ rigs pa dang mi ldan pa nyid du rnam par 'jog pa'o/ /de ni rjes su dpag pa la rten pa yin pa'i phyir te/ rjes su dpag pa kho na nyid la rten nas mtshan nyid kyi tshigs rnams rigs pa dang ldan pa dang rigs pa dang mi ldan pa nyid du rnam par bzhag par bya ba yin gyi/ mngon sum la brten pa ni ma yin te/ de ni rnam par dpyod par byed pa ma yin pa'i phyir/ zhes gsungs pa'i phyir/ gnyis pa ni/ don ni don dam du yod pa dang/ don ma yin pa ni kun rdzob tu yod pa la bshad de/ bram ze las/ don ni don dam du yod pa'i ngo bo/ don ma yin pa ni de las zlog pa ste/ gzugs la sogs pa kun rdzob tu yod pa'am/ gtso bo dang/ dbang phyug dang/ ri bong gi rwa la sogs pa med pa nyid du zhes gsung/ kho na re/ bstan bcos 'dir rang don rjes dpag 'chad mi dgos par thal/ kun btus su rang don rjes dpag bshad zin pa'i phyir na ma khyab ste/ kun btus su bshad pa'i rang don rjes dpag de la ldog phyogs yod pas de bsal nas rjes dpag rang gi ngo bo rtogs pa'i phyir du bstan bcos 'dir rang don rjes dpag dang por bshad pa'i phyir/ rang 'grel las/ de la log par rtog pa de rnam par bzhag pa'i phyir bshad pa zhes dang/ shAkyar/ gal te rjes su dpag pa'i mtshan nyid bshad zin to zhe na/ de la yang log par rtog pa zhes bya ba la sogs pa smos te rjes su dpag pa de la rmongs pas de rnam par bzhag pa'i phyir/ rjes su dpag pa de log par rtog pa bsal bas rnam par bzhag pa'i bstan bcos mdzad @12b pas bshad pa'o/ /zhes gsungs/ rang don rjes dpag dang por 'chad na/ de'i mtshan nyid dbye ba la sogs pa dang por mi 'chad par/ rtags yang dag gi mtshan nyid dang dbye ba la sogs pa dang por 'chad pa'i rgyu mtshan ci yin zhe na/ de'i rgyu mtshan yod de/ rjes su dpag pa de ni rten rtags yang dag gi gtan tshigs la brten nas rang gi gzhal bya go bar byed pa yin la/ de la yang tshul gcig dang gnyis dang/ bzhi la sogs pa log par rtog pa du ma mthong bas/ de bsal na rjes su dpag pa 'bad med du 'grub pas/ dang por gtan tshigs yang dag gi 'chad pa'i phyir zhes thar lam gsal byed las legs par bshad cing/ shAkyar yang/ gal te rjes su dpag pa rnam par bzhag par bya ba yin na/ ci'i phyir phyogs chos zhes bya ba la sogs pa smos pas rtags yang dag gi gtan tshigs kho na rnam par 'jog ce na/ de ni nyes pa med de/ gtan tshigs bye brag tu bshad pa'i sgo kho nas de rnam par bzhag par bya ba yin pa'i phyir/ zhes gsungs/ 'o na/ le'u dang pos/ gtan tshigs gyi rnam bzhag 'chad tshul/ gang zhe na/ 'di la rjes dpag gi gtan tshigs bshad pa dang/ ldog phyogs blun po'i rtags su bstan pa/ dang po ni/ phyogs chos de chas khyab pa yi zhes pa nas/ mi dmigs pas ni mi 'grub po/ /zhes pa'i bar gyis 'chad/ gnyis pa ni/ rig byed tshad ma dang ni 'gas byed smrar/ /zhes sogs kyis 'chad/ dang po la yang thar lam gsal byed dang/ sh'kya blos gsungs tshul dang/ gsung sgros las byung ba'i tshul lo/ /dang po ni/ phyogs chos de chas khyab pa yi zhes sogs kyis rtags yang dag gi rnam bzhag 'chad tshul yod de/ phyogs chos zhes sogs sho lo ka gcig gi /rtags yang dag gi mtshan nyid dang mtshan bzhi'i sgo nas mdor bstan/ rgyu la rang bzhin ji snyed cig zhes sogs kyis de nyid rgyas par bshad pa'i phyir/ phyogs chos de chas khyab pa yi gtan tshigs @13a @#/ /zhes pas rtags yang dag gi mtshan nyid bstan/ de ni rnam gsum nyid ces pas grangs nges bstan/ med na mi 'byung nges phyir ro/ /zhes pas grangs nges pa'i rgyu mtshan bstan/ gtan tshigs ltar snang de las gzhan zhes pas log phyogs gtan tshigs ltar snang de bstan pa'i phyir/ sh'kyar/ tshigs su bcad pa 'di las ni rtags kyi mtshan nyid dang/ grangs nges pa dang/ nges pa'i rgyu mtshan dang/ mi mthun pa'i phyogs las zlog pa bshad de/ phyogs chos de chas khyab pa yi zhes bya ba ni mtshan nyid do/ /phyogs de'i cha ni bsgrub par 'dod pa'i chos te/ des khyab pa kho na zhes nges par bzung ba yin no/ /rnam gsum zhes bya ba ni grangs nges pa'o/ /med na mi 'byung nges phyir ro/ /zhes bya ba ni grangs nges pa'i rgyu ste/ med na mi 'byung ba ni gsum kho na la nges pa'i phyir ro zhes bya ba'i tha tshig go /gtan tshigs ltar snad de las gzhan/ zhes bya ba ni/ mi mthun pa'i phyogs las zlog pa ste/ gtan tshigs gsum po de las gzhan pa ni/ gtan tshigs ltar snang ba dag yin no/ /zhes gsungs/ de las gzhan zhes pa 'chad tshul gsum las/ rtags chos med na mi 'byung ba'i 'brel pa grub pa de las gzhan zhes par 'chad pa dang/ 'bras rang ma dmigs pa'i gtan tshigs gsum po de las gzhan zhes par 'chad pa dang/ tshul gsum de las gzhan zhes bshad pa'i tshul gsum las/ lugs dang po mi rigs te/ gtan tshigs ltar snang de las gzhan zhes pas/ rtags yang dag gi zlog phyogs su gyur pa'i gtan tshigs ltar snang thams cad spyir bstan pa yin la/ rtags chos med na mi 'byung ba'i 'brel pa ma grub pas rtags ltar snang thams cad la khyab pa ma yin pa'i phyir/ gnyis pa ni/ 'grel bshad gnyis kyi lugs yin te/ sh'kyar/ gtan tshigs gsum po de las gzhan pa ni gtan tshigs ltar snang ba dag yin no zhes dang/ bram ze las/ 'o na/ bsgrub par mi @13b nus pa bzhi pa la sogs pa'i dngos po la de'i chas khyab pa yod par 'gyur ro/ zhen ma yin no zhes bshad pa ni/ gtan tshigs ltar snang rnam pa gsum las gzhan bzhi pa la sogs pa yin no/ 'di'i de srid pa'i rgyu mtshan du brjod pa gang yin pa de ni rnam gsum nyid la yod kyi/ gzhan dag la ni min pas gtan tshigs ltar snang ba dag yin no zhes gsungs/ gsum pa ni/ thar lam gsal byed las/ tshul gsum de las gzhan pa la bshad de/ de nyid las/ /tshul gsum de las gzhan pa'i gtan tshigs rnams chos can/ gtan tshigs ltar snang yin te/ rtags su bkod pa gang zhig /tshul gsum ma yin pa'i phyir/ zhes gsungs/ gnyis pa gsung sgros las byung tshul ni/ phyogs chos de chas khyab pa yi zhes pas rtags yang dag gi rnam bzhag mdor bstan gyi tshul gyis 'chad tshul la/ rtags yang dag gi mtshan nyid dang/ mtshan gzhi dbye ba/ dang po ni/ phyogs chos de chas khyab pa yi/ zhes pas 'chad/ gnyis pa la/ dam bca' dang/ bsgrub byed gnyis las/ dang po ni/ de ni rnam gsum zhes pas 'chad/ gnyis pa la rjes 'gro'i sgo nas bsgrub pa dang/ ldog pa'i sgo nas bsgrub pa gnyis/ dang po ni/ med na mi 'byung nges phyir ro zhes pas 'chad/ gnyis pa ni/ gtan tshigs ltar snang de las gzhan zhes pas 'chad/ zhes gsungs/ rgyu la rang bzhin ji snyed cig zhes sogs kyis; phyogs chos de chas khyab pa yi zhes sogs rgyas par 'chad tshul ji lta bu zhe na yod de/ phyogs chos de chas khyab pa yi/ /gtan tshigs zhes pa/ rgyu la rang bzhin ji snyed cig zhes pa nas/ mi dmigs pas ni mi 'grub po/ /zhes pa'i bar gyi rang don le'u'i gzhud lhag ma rnams kyis rgyas par 'chad/ de ni rnam gsum nyid/ ces pa/ rgyu la rang bzhin ji snyed cig ces pa nas/ de ni 'bras bu'i rtags las skyes/ /zhes pa'i bar gyis rgyas par 'chad/ gtan tshigs ltar snang de las gzhan zhes pa/ rgyu ma tshogs pa'i 'bras bu @14a @#/ /ni zhes pa nas/ de la lhag ma ldan zhes brjod/ ces pa'i bar gyis rgyas par 'chad/ med na mi 'byung nges phyir ro zhes pa/ gtan tshigs kyi ni tshul gsum la 'ang zhes pa nas mi dmigs pas ni mi 'grub bo zhes pa'i bar gyis rgyas par 'chad/ mkhas pa kha cig /phyogs chos de chas khyab pa yi zhes pa la/ rgyas bshad mi 'thad de/ de'i rgyu mtshan tshul gsum sos so'i mtshan nyid tshad ma mdor rgyas par bshad zin pa'i phyir dang/ tshul gsum so so'i mtshan nyid 'chad pa'i tshig zur du des pa smos pa'i dgos pa ni/ med na mi 'byung nges phyir ro zhes pa'i rgyas bshad gyi skabs su 'chad pa'i phyir zhes gsungs pa mi 'thad de/ phyogs chos de chas khyab pa yi/ /zhes pa la rgyas bshad med na/ 'di rang don le'u'i lus rnam bzhag ma yin par thal ba'i skyon yod pa'i phyir/ kho na re/ rgyas bshad kyi skabs su gtan tshigs ltar snang de las gzhan zhes pa'i gzhung gi rgyas bshad sngar smos nas/ med na mi 'byung nges phyir ro zhes pa'i gzhung gi rgyas bshad phyis smos pa mi 'thad par thal/ de mdor bstan gyi go rims dang mi mthun pa'i phyir/ zhe na/ mdor bstan gyi skabs su med na mi 'byung nges phyir ro zhes pa'i gzhud sngar gsungs nas/ gtan tshigs ltar snang de las gzhan zhes pa'i gzhung rjes su smos pa'i rgyu mtshan yod de/ sde ba sbyor gyi dbang gis de ltar bstan pa'i phyir/ rgyas bshad kyi skabs su gtan tshigs ltar snang de las gzhan zhes pa'i rgyas bshad sngar gsungs nas/ med na mi 'byung nges phyir ro zhes pa'i gzhung gi rgyas bshad phyis gsungs ba'i rgyu mtshan yod de/ gtan tshigs ltar snang de las gzhan zhes pa'i gzhung de med na mi 'byung nges phyir ro zhes pa'i gzhung las brjod bya nyung pa'i rgyu mtshan gyis de ltar brjod pa'i phyir/ rgyu la rang bzhin ji snyed cig zhes sogs kyis de ni rnam gsum nyid ces rgyas par 'chad tshul gang zhe na/ de ni rnam gsum @14b zhes pa rgyas par bshad pa'i sgo nas rtags gsum so so'i ngo bo ngos 'dzin par byed pa la/ rgyu la zhes sogs kyis 'chad/ nyid ces pa'i nges bzung gi tshig la rtsod pa spang ba/ rgyu tshogs pa las 'bras skye bar zhes sogs kyis 'chad/ dang po la yang 'bras bu'i gtan tshigs bshad pa/ rang bzhin gyi gtan tshigs bshad pa/ ma dmigs pa'i gtan tshigs bshad pa/ dang po ni/ rgyu la rang bzhin ji snyed cig ces sogs kyis 'chad/ gnyis pa ni/ rang bzhin yod tsam dang zhes sogs kyis 'chad/ gsum pa la/ mi snang ba ma dmigs pa'i rtags yang dag bshad pa dang/ snang rung ma dmigs pa'i rtags yang dag bshad pa gnyis/ dang po ni/ tshad ma rnams ni mi 'jug pa zhes sogs kyis bshad/ gnyis pa la/ mtshan nyid dbye ba rtsod pa spang ba'o/ /dang po ni/ gtan tshigs bye brag la ltos nas zhes sogs kyis 'chad/ gnyis pa ni/ 'gal dang 'bras bu dag grub dang zhes sogs kyis bshad/ gsum pa ni/ de dang 'gal ba yi ni rgyu zhes sogs kyis bshad/ skabs 'dir/ 'bras rang gi rtags yang dag gi dbye ba so sor ma phyi bar/ ma dmigs pa'i rtags yang dag la mi snang ba ma dmigs pa dang/ snang rung ma dmigs pa gnyis dang/ snang rung ma dmigs pa la yang/ 'brel zla ma dmigs pa dang/ 'gal zla dmigs pa'i rtags yang dag gi dbye ba so sor phye nas 'chad pa'i rgyu mtshan gang zhe na/ de'i rgyu mtshan yod de/ 'bras bu'i rtags thams cad 'bras bu rtags su bkod nas/ rgyu bsgrub par rigs gcig pa dang/ rang bzhin gyi rtags thams cad rang bzhin rtags su bkod nas rang bzhin can bsgrub par rigs gcig pas/ skabs 'dir 'bras rang gi dbye ba so sor phye nas dngos su ma bshad cing/ mi snang ba ma dmigs pa'i rtags yang dag dang/ snang rung ma dmigs pa'i rtags la dgag bya 'gog tshul dang/ bsgrub bya bsgrub tshul rigs mi 'dra ba'i khyad par yod @15a @#/ /pas so sor phye nas bshad/ snang rung ma dmigs pa la yang/ dgag bya'i chos kyi 'brel yul bkag nas dgag bya 'gog pa dang/ 'gal zla sgrubs nas dgag bya 'gog tshul gnyis yod pas de shes pa'i phyir du dbye ba so sor phye nas gsung pa'i phyir/ rgyu tshogs pa las 'bras skye bar zhes sogs kyis nyid ces pa'i nges bzung gi tshig la rtsod spong 'chad tshul/ thar lam gsal byed ltar na/ yang dag gi khyad par gsum du ma 'dus pa dgag pa/ ltar snang gi khyad par yang dag du 'dus pa dgag pa'o/ /dang po la/ snga phyi la brten pa'i rtsod pa spang ba/ dus mnyam pa la ltos pa'i rtsod pa spang ba'o/ /dang po ni/ rgyu tshogs pa las zhes sogs kyis bshad/ gnyis pa ni/ tshogs pa gcig la rag las pa'i zhes sogs kyis bshad/ gnyis pa ltar snang gi khyad par yang dag du 'dus pa dgag pa ni/ rgyu ma tshogs pas 'bras bu ni zhes sogs kyis bshad/ kho na re/ rgyu ma tshogs pas 'bras bu ni zhes pa nyid ces pa'i nges bzung gi tshig la rtsod spong 'chad byed kyi gzhung du mi 'thad de/ rgyu ma tshogs pas zhes sogs gtan tshig ltar snang de las gzhan zhes pa'i rgyas bshad kyi gzhung yin pa'i phyir snyam na skyon med de/ gzhung 'di rnams gtan tshigs ltar snang de las gzhan zhes pa'i rgyas bshad kyi gzhung yin pa dang/ nyid ces pa'i nges bzung gi tshig la rtsod spong 'chad byed yin pa mi 'gal te/ gtan tshigs ltar snang de las gzhan zhes pa/ rtags yang dag gi grangs nges ldog pa'i sgo nas sgrubs pa'i gzhung yin pa'i phyir/ zhes gsung sgros las bshad pa thar lam gsal byed kyi dgongs pa yin pa'i phyir dang/ mtha' dpyod pa'i rigs pa'i 'brel gyi dbang du byas nas/ rgyu ma tshogs pas zhes sogs kyis/ grangs nges la dogs pa gcod pa'i gzhung du rigs par thar lam gsal byed las gsungs pa ltar rigs pa'i phyir/ de'i don rdzas tha dad la dus mnyam pa dang/ mi mnyam pa gnyis las rtags chos gyi gzhi ldog dus mnyam rdzas tha dad yin pa'i gtan tshigs rnams rtags yang dag ma yin zhes pa tshogs pa gcig la rag las pa'i zhes sogs kyis bshad/ dus mi mnyam pa la rgyu 'bras min pa dang/ yin @15b la gnyis las/ rtags chos kyi gzhi ldog rdzas tha dad dus mi mnyam zhing/ rgyu 'bras ma yin pa rnams rtags yang dag du mi rigs zhes pa la mi mthun phyogs la ma mthong ba/ tsam gyis 'khrul pa med pa min/ /zhes sogs kyis bshad/ rgyu 'bras yin pa la/ 'bras bu rtags su bkod pa dang/ rgyu rtags su bkod pa gnyis/ dang po la 'bras bu spyis rgyu'i khyad par dpog pa rtags su mi rigs zhes pa/ mi mthun phyogs lam mthong ba/ tsam gyis 'bras spyi mthong ba las/ /zhes sogs kyis bshad/ rgyu la tshogs pa dang ma tshogs pa gnyis las phyi mas rang phyogs kyi chos su grub pa'i gzhir 'bras bu skye rung tsam yang sgrub mi nus zhes 'chad pa la/ rgyu ma tshogs pas 'bras bu ni zhes gsungs/ rgyu tshogs pa rtags su bkod pa la/ 'bras bu skye rung dang skye pas bsgrub pa gnyis las/ rgyu tshogs pa rang phyogs kyi chos su grub pa'i gzhir 'bras bu skye rung sgrub pa'i rtags de rang bzhin gyi rtags kyi nang du 'dus pas/ grangs nges la mi gnod ces pa rgyu tshogs pa las 'bras skye bar zhes sogs kyis bshad/ rgyu tshogs pas rang phyogs kyi chos su grub pa'i gzhir 'bras bu skye nges bsgrubs mi nus zhes 'chad pa la/ tshogs pa'i 'bras bu nus pa rnams zhes gsungs/ de rnams kyi nang nas phyogs chos de chas khyab pa yi/ /gtan tshigs zhes pa'i skabs su thar lam gsal byed las/ gtan tshigs kyi mtshan nyid 'chad pa na rtsod gzhi la phyogs kyi sgras ston pa mi rigs par thal/ khyad par gyi gzhi phyogs ma grub na rtags de la rten pa'i chos su mi 'thad la/ grub na slar yang rtags bkod pa don med pa'i phyir zhes pa nas/ rtsod gzhi bde blag tu go ba'i phyir/ zhes pa'i bar gyi don la/ dgag bzhag gnyis las/ dang po ni/ mkhas pa kha cig /kho na re/ rtags tshul dang po la phyogs kyi chos zhes brjod mi rigs te/ de la rigs pas gnod pa'i phyir/ des na chos can gyi chos su grub @16a @#/ /pa rtags tshul dang por brjod rigs so zhe na/ chos can gyi chos su grub pa rtags tshul dang por brjod mi rigs par thal/ chos can zhes pa'i sgra rtsod gzhi chos can dang/ mthun dpe chos can dang/ mi mthun dpe chos can dang gsum ka la 'jug pas dpe gnyis kyi chos su gyur pa'i mig shes kyi bzung bya sgra mi rtag pa dang sgra rtag par bsgrub pa la tshul dang por grub pa mi khegs la/ de ma khegs na tshul gsum la yang dag gis khyab pa bsgrub pa'i nus pa med par 'gyur ba'i phyir/ ji ltar 'gyur na/ mig shes kyi bzung bya chos can/ sgra mi rtag par bsgrub pa'i rtags tshul dang po yin par thal/ de sgrub kyi mthun dpe chos can bum pa'i chos su grub pa'i phyir/ khyab pa khas/ 'dod na/ de chos can/ de sgrub kyi tshul gsum yin par thal/ de sgrub kyi rtags tshul dang po gang zhig/ /de sgrub kyi khyab ba'i tshul gnyis yin pa'i phyir dang po khas/ gnyis pa tshad mas grub/ 'dod na/ sgra mi rtag par sgrub pa'i tshul gsum yin na/ sgra mi rtag par sgrub pa'i rtags yang dag yin pas ma khyab par thal/ 'dod pa'i phyir/ zhes pa'i don yin/ des na lung 'dis mig shes kyi bzung bya sgra mi rtag par sgrub pa'i rjes khyab du bstan pa yin te/ de ltar ma yin na/ thar lam gsal byed las dpe gnyis kyi chos su gyur pa'i zhes sogs kyi lung don ma grub par thal/ mig shes kyi bzung bya sgra mi rtag par sgrub pa'i rtags tshul dang por khas len pa'i gang zag de la/ mig shes kyi bzung bya chos can/ de sgrub kyi tshul gsum yin par thal/ de sgrub kyi rtags tshul dang po gang zhig/ de sgrub kyi khyab pa'i tshul gnyis yin pa'i phyir zhes pa'i thal 'gyur gnod byed rnam dag du mi 'jug pa'i phyir/ ma grub na song/ der thal/ thal 'gyur de'i rtags phyi ma tshad mas kyang ma grub/ thal 'gyur de 'phangs yul gyi gang zag @16b gis khas kang ma blangs pa'i phyir/ dang po khas/ zhes gsungs/ 'o na/ dpe de gnyis kyi chos su gyur pa'i zhes sogs kyi lung de'i don ma grub par thal/ mig shes kyi bzung bya sgra mi rtag par sgrub pa'i rtags tshul dang por khas blangs pa'i gang zag de la/ mig shes kyi bzung bya chos can/ sgra mi rtag par sgrub pa'i tshul gsum yin par thal/ de sgrub kyi rtags tshul dang po gang zhig/ de sgrub kyi khyab pa'i tshul gnyis yin pa'i phyir/ zhes pa'i thal 'gyur gnod byed rnam dag du mi 'jug pa'i phyir/ khyab pa khas/ ma grub na/ der thal/ thal 'gyur de'i rtags phyi ma tshad mas kyang ma grub/ thal 'gyur de'i 'phangs yul gyi gang zag gis khas kyang ma blangs pa'i phyir/ 'khor gsum mo/ /dpe gnyis kyi chos su gyur pa'i mig shes kyi bzung bya zhes sogs kyi lung 'dis/ mig shes kyi bzung bya sgra mi rtag par sgrub pa'i rjes khyab du bstan na/ 'dis mig shes kyi bzung bya sgra rtag par sgrub pa'i rjes khyab du yang bstan dgos te/ dpe gnyis kyi chos su gyur pa'i mig shes kyi bzung bya sgra mi rtag pa dang rtag par bsgrub pa la/ zhes rtag mi rtag gnyis ka sbyar ba'i phyir/ kho na re/ rtag par sgrub pa la zhes pa'i don ni/ mig shes kyi bzung bya chos can/ sgra rtag par sgrub pa'i rtags tshul dang po yin par thal/ sgra rtag par sgrub pa'i mi mthun dpe chos can bum pa'i steng du grub pa'i phyir/ khyab pa khas/ 'dod na/ de chos can/ sgra rtag par sgrub pa'i 'gal rtags yin par thal/ 'dod pa gang zhig/ khyod kyi rtags kyi sgra rtag par sgrub pa'i rjes su 'gro ldog gi khyab pa phyin ci log tu nges pa'i phyir/ dang po khas/ gnyis pa tshad grub byed/ zhes gsungs zhing/ sgra rtag par sgrub pa'i rjes khyab med par thar lam gsal byed kyi dgongs pa yin pa'i phyir zer na mi 'thad de/ mig shes kyi bzung bya sgra mi rtag par sgrub pa'i rjes khyab yin na/ chos dang skad @17a @#/ /cig ma ma yin pa'i gzhi mthun pa sgra rtag par sgrub pa'i rjes khyab yin dgos pa'i phyir dang/ 'gal rtags su thal ba'i phul mtshams Tika na med pa'i bshad pa yin pa'i phyir/ yang mkhas pa kha cig/ thar lam gsal byed kyi don ni/ kho na re/ gtan tshigs yang dag gi mtshan nyid 'chad pa'i skabs su rtsod gzhi la phyogs kyi sgras ston pa mi rigs par thal/ chos can zhes pa'i khyad par gyi gzhi phyogs ma grub na rtags de la rten pa'i chos su mi 'thad la grub na slar yang rtags bkod pa don med pa'i phyir/ des na chos can rang ming gis slos rigs so zhe na/ 'o na/ gtan tshigs yang dag gi mtshan nyid 'chad pa'i skabs su rtsod gzhi la chos can gyi sgras ston pa mi rigs par thal/ chos can zhes pa'i sgra rtsod gzhi chos can/ mthun dpe chos can/ mi mthun dpe chos can gsum ka la 'jug pas rim pa bzhin du dpe gnyis kyi chos su gyur pa'i mig shes kyi bzung bya sgra mi rtag par sgrub pa'i rtags tshul dang po yin pa dang/ skad cig ma ma yin pa dang chos kyi gzhi mthun sgra rtag par sgrub pa'i rtags tshul dang po yin pa mi khegs la de ltar na/ /tshul gsum la rtags yang dag gis khyab pa bsgrub pa'i nus pa med par 'gyur pa'i phyir/ ji ltar 'gyur na mig shes kyi bzung bya chos can/ sgra mi rtag par sgrub pa'i rtags yang dag yin par thal/ sgra mi rtag par sgrub pa'i tshul gsum yin pa'i phyir/ ma grub na/ de chos can/ der thal/ de sgrub kyi rtags tshul dang po gang zhig/ de sgrub kyi rjes khyab yin pa'i phyir/ gnyis pa tshad sgrub byed/ dang po ma grub na/ der thal/ de sgrub gyi mthun dpe chos can bum pa'i chos su grub pa'i phyir/ khyab pa khas/ de bzhin du chos dang skad cig ma ma yin pa'i gzhi mthun ba chos can/ sgra rtag par sgrub pa'i rtags yang dag yin par thal/ de sgrub gyi tshul gsum yin pa'i phyir/ ma grub na song/ de chos @17b can; der thal/ de sgrub kyi rtags tshul dang po gang zhig/ de sgrub kyi rjes khyab yin pa'i phyir/ dang po ma grub na song/ der thal/ sgra rtag par sgrub pa'i mthun dpe chos can nam mkha'i chos su grub pa'i phyir/ khyab pa khas/ zhes pa'i don yin zhes gsungs; 'di yang Tika'i tshig don la ma zhugs te/ dpe gnyis kyi chos su gyur pa'i mig shes kyi bzung byas sgra mi rtag pa dang rtag par sgrub pa la zhes sgra rtag par bsgrub pa dang mi rtag par sgrubs pa gnyis ka mig shes kyi bzung bya la sbyar nas bshad pa'i phyir dang/ lung don 'chad tshul de ltar mdzad pa ni/ mthun dpe chos can gyi chos su grub pa tsam gyis rtags tshul dang por grub pa la skyon brjod pa yin zhing/ mi mthun dpe chos can gyi chos su grub pa tsam gyis rtags tshul dang por grub pa la skyon brjod pa ma yin pas/ skabs 'dir dpe gnyis kyi chos su gyur pa zhes de gnyis ka la gnod byed brjod par gsungs pa'i phyir/ gzhan yang chos dang skad cig ma ma yin pa'i gzhi mthun pa sgra rtag par sgrub pa'i rjes khyab ma yin par thal/ de yin na; don byed nus pa gtso bo'i sgra don dngos por sgrub pa'i rjes khyab yin dgos pa gang zhig/ don byed nus pa gtso bo'i sgra don dngos por bsgrub pa'i rjes khyab ma yin pa'i phyir/ gtso'i sgra don dngos por bsgrub pa'i rjes khyab ma grub pa'i phyir/ de sgrub kyi phyogs chos tshad mas ma grub/ sgrub bya tshad mas bsal ba'i phyir/ khyab ste/ gtan tshigs rjes 'gro med can 'gyur zhes dang/ de'i thad kyi thar lam gsal byed las/ rtags de phyogs chos grub na/ khyab pa mi 'grub/ khyab pa grub na/ phyogs chos mi 'grub ste/ dam bca' la tshad mas gnod pa'i phyir/ phyogs khyab gnyis ka grub na/ sgra don dngos por khas len dgos par 'gyur ro/ /zhes gsungs pa'i phyir/ de'i don bsdu na/ sgra rtag par sgrub pa'i phyogs @18a @#/ /chos grub na/ sgra rtag par sgrub pa'i khyab pa mi 'grub/ de sgrub kyi khyab pa grub na/ de sgrub kyi phyogs chos mi 'grub ste/ sgra rtag pa la tshad mas gnod pa'i phyir/ de ltar ma yin na/ sgra rtag pa yin par thal/ sgra rtag par sgrub pa'i phyogs khyab gnyis ka tshad mas grub pa'i phyir zhes pa'i don yin/ gzhan yang/ chos dang skad cig ma ma yin pa'i gzhi mthun pa sgra rtag par sgrub pa'i rjes khyab ma yin par thal/ de sgrub kyi rjes khyab yin na/ rang nyid kyi rtags kyis de sgrub kyi mthun dpe yang dag yod dgos la/ de'i rtags kyis de sgrub kyi mthun dpe yang dag yod na/ rig byed kyi sgra rtag par sgrub pa'i mthun dpe yang dag yod dgos la/ de yod na/ dpe med can yin dngos rnams ni/ /skad cig gis ni 'jig phyir ro/ /zhes dang/ de'i thad kyi thar lam byed las/ dngos po rtag par sgrub pa'i mthun dpe med pa can yin par thal/ dngos po rnams skad cig gis 'jig pa'i phyir/ zhes pa dang 'gal lo/ /'o na de sgrub kyi rjes khyab yin na/ rang nyid kyi rtags kyis de sgrub kyi mthun dpe chos can yang dag yod pas khyab na/ de sgrub kyi rjes khyab yin na/ rang nyid kyi rtags kyis de sgrub kyi rtags chos gnyis ldan gyi mthun dpe yang dag yod pas khyab bam zer na/ ma khyab ste/ mig shes zhes pa'i ngag las thun mong ma yin par go nus kyi rtags kyis; rang gi thun mong ma yin pa'i bdag rkyen du gyur pa'i dbang po gzugs can pa las skyes pa'i gzugs gsal bar snang ba'i gzhan rig gi shes pa la/ mig shes zhes pa'i tha snyad sbyar 'os par bsgrub pa'i/ rtags chos gnyis ldan gyi mthun dpe yang dag med pa'i phyir/ gnyis pa rang lugs bzhag pa la/ bshad bya'i lung 'gos pa dang/ lung gi don bshad pa'o/ /dang po ni thar lam gsal byed las/ gtan tshigs kyis mtshan nyid 'chad pa na/ zhes pa nas rtsod gzhi bde blag tu go ba'i phyir zhes pa'i @18b bar gyis 'chang/ gnyis pa la rtsod pa dang/ lan/ de'i nyes spong dgag pa'o/ /dang po ni/ kho na re/ rtags tshul dang po la phyogs chos zhes pa mi 'thad par thal/ de la gnod byed yod pa'i phyir/ ji ltar yod na/ byas rtags kyis sgra mi rtag par sgrub pa'i phyir rgol rnam dag des/ byas rtags kyis sgra mi rtag par sgrub pa'i phyogs grub bam/ ma grub/ dang po ltar na/ de la byas rtags kyis sgra mi rtag par sgrub pa'i rtags bkod pa don med par thal/ de byas rtags kyis sgra mi rtag par sgrub pa'i phyogs tshad mas grub pa'i phyir/ gnyis/ pa ltar na/ des byas pa sgra mi rtag par sgrub pa'i phyogs kyi chos su mi grub par thal/ des byas rtags kyis sgra mi rtag par sgrub pa'i phyogs ma grub pa'i phyir/ bsal ba khas blangs /des na chos can gyi chos su grub pa rtags tshul dang por brjod rigs so zhen/ gnyis pa ni/ rtags tshul dang po la phyogs kyi chos zhes mi brjod par chos can gyi chos zhes brjod pa mi rigs par thal/ de ltar na chos can gyi sgra rtsod gzhi dang mthun dpe chos can dang/ mi mthun dpe chos can gsum ka la 'jug pas dpe gnyis kyi chos su gyur pa'i mig shes kyi bzung bya sgra mi rtag par sgrub pa'i mthun dpe chos can bum pa'i chos su grub pas sgra mi rtag par sgrub pa'i rtags tshul dang po yin nam snyam du dogs pa dang/ mig shes kyi bzung bya sgra rtag par sgrub pa'i mi mthun dpe chos can bum pa'i chos su grub pas sgra rtag par sgrub pa'i rtags tshul dang po yin nam snyam du dogs pa skye ba'i sgo nas rtags tshul dang po ji lta ba bzhin du rtogs mi nus la/ de ma rtogs na tshul gsum la yang dag gi khyab pa grub pa'i nus pa med par 'gyur ba'i phyir/ rnam bshad kyi don 'di kho na yin gyi/ dpe gnyis kyi chos su gyur pa'i zhes sogs kyis/ mig shes kyi bzung bya sgra mi rtag par sgrub pa'i rjes khyab du bstan pa 'os med du byas nas thar lam gsal byed kyi dgongs @19a @#/ /pa 'chad pa rnams 'brel med kyi bshad pa yin te/ mig shes kyi bzung bya chos can/ sgra mi rtag par sgrub pa'i phyogs chos yin par thal/ sgra mi rtag par sgrub pa'i mthun dpe chos can bum pa'i chos su grub pa'i phyir/ zhes sogs kyi thal 'gyur gnyis kyi khyab pa sus khas blangs/ de sgrub kyi mthun dpe chos can bum pa'i chos su grub na de sgrub kyi chos can gyi chos su grub pas khyab pa rang la khas len nam mi len zhes dris na lan med pa'i phyir/ legs par gzigs shig/ 'dir smras pa/ rgyal tshab gsung ngag rdo rje'i tshig bzhin brling/ sa 'og gter bzhin shin tu rtogs dka' ba/ rje btsun mkhyen pa'i gter gyi byin rlabs kyis/ 'khrul med ji bzhin go ba ngo mtshar che/ /gsum pa la/ nyes spong dang/ de dgag pa'o/ / dang po ni/ rtags tshul dang po la phyogs kyi chos zhes ma brjod par/ /chos can gyi chos zhes brjod pa la/ mthun dpe chos can dang/ mi mthun dpe chos can gnyis kyi chos su grub pa tsam gyis rtags tshul dang por grub bam snyam pa'i dogs pa skye ba'i sgo nas rtags tshul dang po mi rtogs pa'i skyon med de/ chos can gyi chos zhes pa'i chos kyi sgra mthun dpe chos can la 'jug na/ rjes khyab bstan pa'i rang gi rtags mthun phyogs kho na la yod par bstan pa dang/ skra zlos pa'i skyon du 'gyur zhing/ de mi mthun dpe chos can la 'jug na/ ldog khyab ston pa'i ngag gis/ rtags mi mthun phyogs mtha' dag la med par bstan pa dang/ sgra 'gal ba'i skyon du 'grur ba'i shugs dang/ rtsod gzhi la nye ba'i shugs kyis kyang/ rtod gzhi kho na la go bar 'gyur ba'i phyir/ zhes zer gnyis pa la/ mgo mtshungs dang/ rigs pa gzhan no/ dang po ni/ 'o na/ rtags tshul dang po la phyogs kyi chos zhes brjod pa la yang nyes pa med par thal/ sgra mi rtag par sgrub pa'i phyogs kyi chos zhes pa'i tshig zur gyi phyogs kyi sgra de sgra dang mi rtag pa'i tshogs don la 'jug na/ byas @19b pa sgra mi rtag par sgrub pa'i bsgrub byed yang dag bstan pa'i sgra dang sgra 'gal bar 'gyur ba dang/ mi rtag pa la 'jug na sgra mi rtag par sgrub pa'i rjes khyab bstan pa'i sgra dang zlos par 'gyur ro/ /gnyis pa la/ rtsod gzhi kho na la 'jug pa mi 'thad/ grub zin lan du mi rung ba/ rang lan no/ /dang po ni/ chos can gyi chos zhes pa'i chos can gyi ming rtsod gzhi kho na la nye ba mi 'thad par thal/ mthun dpe chos can yang chos can gyi ming can du nye ba'i phyir/ 'di'i don yang 'di ltar dogs kyi/ de sgrub kyi mthun dpe chos can yin na/ de sgrub kyi chos can yin dgos pa'i don ma yin te/ bum pa sgra mi rtag pa sgrub par byed pa'i chos can yin na bum pa de sgrub kyi rtags sbyor dang de sgrub kyi bsgrub byed 'phen pa'i thal 'gyur sogs kyi chos can du 'gyur bas thal 'gyur thams can kyi chos can du 'gyur ba'i skyon yod pa'i phyir ro/ /'o na/ thar lam gsal byed las/ de'i sgra rtsod gzhi dang mthun dpe chos can dang/ mi mthun dpe chos can gsum ka la 'jug pas zhes de gsum ka la chos can gyi sgra 'jug pa dang/ mthun dpe chos can de chos can khyab par can du bshad pa dang 'gal lo/ /zhes na skyon med de/ mthun dpe chos can dang mi mthun dpe chos can la chos can gyi ming sbyar ba la dgongs pa'i phyir/ gnyis pa la/ grub zin mi 'thad pa grub zin kyang zlos pa'i skyon du mi 'thad pa'o/ /dang po ni/ byas pa sgra mi rtag par sgrub pa'i mthun phyogs kho na la yod par tshad mas grub pa'i gang zag yin na/ byas pa mthun dpe'i bum pa la yod par tshad mas grub pa'i gang zag yin mi dgos par thal/ byas pa mi rtag pa kho na la yod par tshad mas grub pa'i gang zag yin na/ byas pa bum pal yod par tshad mas grub pa'i gang zag yin mi dgos pa'i phyir/ bsal ba khas/ ma grub na/ mi rtag pa mi rtag pa kho na la yod par tshad mas grub pa'i gang zag de yin na/ mi @20a @#/ /rtag pa bum pa la yod par tshad mas grub pa'i gang zag yin dgos par thal/ ma grub pa de'i phyir/ 'dod na/ byas pa'i rtags kyis bum pa mi rtag pa bsgrub par byed pa'i rjes khyab tshad mas grub pa'i gang zag de yin na/ byas pa'i rtags kyis bum pa mi rtag par bsgrub pa'i bsgrub bya tshad mas grub pa'i gang zag yin dgos par thal/ de yin na/ mi rtag pa mi rtag pa kho na la yod par tshad mas grub pa'i gang zag yin dgos/ de yin na/ bum pa mi rtag par tshad mas grub pa'i gang zag yin dgos pa'i phyir/ rtags snga phyi gnyis 'bud/ yang na 'di'i skabs kyi Ti ka'i don ni/ byas ba sgras mi rtag par sgrub pa'i mthun phyogs kho na la yod par tshad mas grub pa'i gang zag yin na/ byas pa bum ba la yod par tshad mas grub pa'i gang zag yin mi dgos par thal/ byas pa mi rtag pa kho na la yod par tshad mas grub pa'i gang zag yin na/ byas pa bum pa la yod par tshad mas grub pa'i gang zag yin mi dgos pa'i phyir/ bsal ba khas/ ma grub na/ byas pa mi rtag pa kho na la yod par tshad mas grub pa'i gong zag yin na/ bum pa mi rtag par tshad mas grub pa'i gang zag yin dgos par thal/ ma grub pa gang zhig/ rgyu mtshan mtshungs pa'i phyir/ 'dod mi nus te/ byas rtags kyis bum pa mi rtag pakr bsgrub par byed pa'i rjes khyab tshad mas grub pa'i gang zag yin na/ byas rtags kyis bum pa mi rtag par bsgrub pa'i bsgrub bya tshad mas grub pa'i gang zag yin mi dgos pa'i phyir/ gnyis pa ni/ rjes dpag bya dang de mtshungs la zhes sogs tshul gsum ston pa'i sgra zlos pa'i skyon can yin par thal/ tshul gnyis pa ston pa ni byas pa mthun phyogs kho na la yod par bstan pas byas pa mi mthun phyogs la med par grub zin pa'i phyir/ khyab pa khas/ kho na re/ grub zin kyang rjes su 'gro ldog gi khyab pa gang @20b rung gcig dngos su brjod pas/ gnyis pa 'phen pa'i tshul gyis sbyor ba'i dbye ba bstan pa'i don du yin pa'i phyir/ zer na/ 'o na/ chos can gyi chos zhes pa'i chos can gyi sgras mthun dpe bzung na de chas khyab zhes rjes khyab bstan pa'i sgra las rtags mthun phyogs kho na la yod par grub zin pa dang/ zlos pa'i skyon med par thal/ mthun dpe la yod par grub zin kyang de nyid yang bsnan nas nges pa'i phyir du bstan nam mnyam pa'i dogs pa mi chod pa'i phyir/ gsum pa rang lan ni rtags tshul dang po la phyogs kyi chos zhes brjod rigs kyi chos can gyi chos zhes chos can rang ming gis ston mi rigs par thal/ chos can rang ming gis smos na skyon de dag rim par spong dgos pas rtogs dka' la/ phyogs kyi sgra smos na skyon de dag 'bad med du spangs nas rtsod gzhi bde blag tu go ba'i phyir/ rgyu la rang bzhin ji snyed cig zhes sogs kyis 'bras rtags 'chad tshul ji lta bu zhe na/ de ni rnam gsum nyid ces pa'i skabs gyi rang 'grel las/ de dag ni 'bras bu dang/ rang bzhin dang/ ma dmigs pa'i mtshan nyid can gyi gtan tshigs gsum yin te/ dper na/ du ba las ni 'di na me yod do/ /shing sha pa yin pa'i phyir/ 'di ni shing yin no/ /phyogs kyi khyad par 'ga' zhig na bum pa med de/ dmigs pa'i mtshan nyid kyi gzhir gyur pa las ma dmigs pa'i phyir/ zhes bya ba lta bu zhes gsungs/ skabs 'dir du ba du ldan la la me yod par bsgrub pa'i 'bras rtags yang dag du bstan pa la/ kho na re/ du ba me las skyes pa'i rgyu mtshan gyis du ba du ldan la la me yod par bsgrub pa'i 'bras rtags yang dag yin na/ skyar rdzas de yang du ldan la la me yod par rab sgrub pa'i 'bras rtags yang dag yin par thal/ de mi las skyes pa'i phyir/ gzhan yang/ du ba de du ldan la la rtsa'i me dang sog ma'i me yod par grub pa'i 'bras @21a @#/ /rtags yang dag yin par thal/ /rtsa'i me dang sog ma'i me las du ba skyes pa'i phyir/ gzhan yang/ la'i du ba yang du ldan la la me yod par sgrub pa'i 'bras rtags yang dag yin par thal/ de la'i me las skyes pa'i phyir/ 'dod mi nus te/ tshang mang la sogs pa'i mthun dpe la rjes su 'gro ldog mi byed pa'i phyir/ yang na /du ba du ldan la la me yod par sgrub pa'i 'bras rtags yang dag ma yin par thal/ du ba yod na/ me yod par 'gal ba'i phyir/ me grub dus du ba ma skyes/ du ba skyes dus me 'gag pa'i phyir/ des na rgyu 'bras la skyed bya skyed byed yod kyang go bya go byed ni rtog pa phyin ci log gis sgro btags pa yin pas/ rgyu 'bras la go bya go byed du 'dod pa'i tshig gi tshul 'di mi rigs so/ /zhes zer de skad du yang/ rang 'grel las gal te de las skyes pa'i phyir 'bras bur go bar byed pa yin na/ rnam pa thams cad du go bar bya ba dang go bar byed pa'i ngo bo yin te/ rnam pa thams cad du ba skyed par bya ba dang/ bskyed par byed pa yod pa'i phyir zhe na/ zhes gsungs/ de'i lan ni thal 'gyur dang po de'i don/ du ba'i skyar rdzas de du ldan la la me yod par sgrub pa'i 'bras rtags yang dag yin par thal/ de me las skyes pa'i phyir/ zhes pa'i don yin nam/ skyar rdzas tsam du ldan la la me yod par sgrub pa'i 'bras rtags yang dag yin par thal/ de me las skyes pa'i phyir zhes pa'i don gang yin/ dang po ltar na/ de 'dra'i thal 'gyur de dpal ldan chos grags la gnod byed kyi thal 'gyur rnam dag ma yin par thal/ de 'dra'i thal 'gyur la dpal ldan chos grags kyis 'dod lan don mthun thebs pa'i phyir/ de ltar yang rang 'grel las/ rtags kyis bye brag gi khyad par gyi spyi rnams gzung na ni yin par 'dod do zhes gsungs/ gnyis pa ltar na skyar rdzas chos can/ khyod du ldan la la me yod par sgrub pa'i 'bras rtags yang dag ma yin par thal/ khyod kyi rtags kyis de sgrub kyi @21b khyab pa 'khrul pa'i phyir/ rang 'grel las/ spyi khyad par du ma byas pa brjod par 'dod na ni/ 'khrul pa'i phyir mi 'dod do/ /zhes gsungs/ skyar rdzas de me'i 'bras bu ma yin te/ me phan 'dogs byed du med par skyar rdzas 'byung ba'i phyir/ de bzhin du rtsod pa gnyis pa'i lan ni/ rtsa'i me dang sog ma'i me la sogs pa du ba'i rgyu ma yin par thal/ de rnams phan 'dogs byed du med par du ba 'byung ba'i phyir te/ rang 'grel las/ min te/ de med par 'byung ba ni/ de las skye ba'i nges pa med pa'i phyir/ zhes gsungs/ 'o na/ 'bras rtags yang dag de ji lta bu zhe na/ de ston par byed pa la rgyu la rang bzhin ji snyed cig /med na mi 'byung 'bras bu ni/ gtan tshigs zhes gsungs/ rgyu me la me ma yin pa las log pa'i me dang rtsa'i me dang sog ma'i me la sogs pa'i rang bzhin ji snyed cig yod pa'i nang nas me min pa las ldog pa'i rang bzhin ji snyed cig phan 'dogs byed du med na mi 'byung ba'i 'brel ba can gyi 'bras bu du ba de ni chos can/ du ldan la la me yod par sgrub pa'i 'bras rtags yang dag yin par thal/ de sgrub kyi sgrub rtags yang dag gang zhig /me'i 'bras bu yin pa'i phyir/ gong gi rtsod pa gsum pa'i lan ni/ thal lam gsal byed las/ la'i du ba yang rtags su kho bo mi 'dod de/ des na la'i me nyid bsgrub bya'i chos su 'gyur ba dang/ la'i du ba tshang mang la rjes su mi 'gro bas/ rjes khyab nges pa na bsgrub bya sgrub par thal ba dang/ yang dag 'gal rtags su thal ba dang/ thun mong ma yin pa'i rtags yang dag du thal ba'i nyes pa gsum mo/ /mngon sum gyis la la dmigs pa'i du ba rtags su 'dod pa yang la la yod pa'i du ba rtags su 'dod pa dang khyab che chung med pas nyes pa snga mar 'gyur ro/ /rtags 'god pa'i tshe du ba tsam bkod la/ song ba ni la'i du ba song bar 'dod pa de la yang rtags su gang song ba de la nyes pa gsum po de zlog tu med do/ /khyod @22a @#/ /kyis rtags su 'di song zhes smras pa don med par thal/ khyod kyis gang smras pa de rtags su ma song gang song ba de smra mi nus pa'i phyir/ rtags bsal khas blangs/ gang song ba de smra nus na yang de nyid bkod pas chog mod nad 'ong bar mthong nas ma bkod dam/ yang 'god pa'i tshe la'i du ba rang mtshan bkod la/ rtags su spyi mtshan song bar 'dod pa des kyang sman gyi sbyor bas rna ba'i dbang po ma nyams par byas la legs par nyan dgos so zhes gsungs/ de rnams kyi don ni/ kho na re/ du ldan gyi la la chos can/ me yod de/ du ba yod pa'i phyir/ zhes bkod pa'i tshe du ldan la'i du ba de du ba'i rtags kyis du ldan la la me yod par sgrub pa'i gtan tshigs yin pa'i phyir zer na/ du ldan la'i me de du ba'i rtags kyis du ldan la la me yod par sgrub pa'i dngos kyi bsgrub bya'i chos yin par thal/ du ldan la'i du ba du ba'i rtags kyis du ldan la la me yod par sgrub pa'i gtan tshigs yin pa'i phyir/ 'dod na du ldan la'i me chos can/ du ba'i rtags kyis du ldan la la me yod par sgrub pa'i rjes khyab tshad mas grub pa'i gang zag yin na/ khyod tshad mas grub pa'i gang zag yin dgos par thal/ khyod de'i rtags kyis de sgrub kyi dngos kyi bsgrub bya'i chos yin pa'i phyir/ 'dod na/ du ba'i rtags kyis de sgrub kyi rjes khyab tshad mas grub pa'i gang zag yin na/ du ba'i rtags kyis de sgrub kyi bsgrub bya tshad mas grub pa'i gang zag yin dgos par thal/ 'dod pa'i phyir/ de ni rjes khyab nges pa na bsgrub bya grub par thal ba dang/ zhes pa'i don no/ /gnyis pa/ yang dag 'gal rtags su thal pa ni/ du ba du ldan la la me yod par sgrub pa'i 'gal rtags su thal/ de sgrub kyi phyogs chos dang tshang mang de sgrub kyi mthun dpe yang dag yin pa gang zhig/ /de sgrub kyi dngos kyi bsgrub bya'i chos yin na/ mthun dpe tshang mang la rjes 'gro mi byed pas khyab pa'i phyir/ rtags phyi ma song/ der @22b thal/ du ldan la'i me de sgrub kyi bsgrub bya'i chos gang zhig /du ldan la'i du ba dang du ldan la'i me mthun dpe tshang mang la rjes 'gro mi byed pa'i phyir/ rtags dang po khas/ gsum pa/ thun mong ma yin pa yang dag du thal ba ni/ /du ldan la'i du ba chos can/ khyod du ldan la la me yod par sgrub pa'i rtags yang dag ma yin par thal/ khyod de sgrub pa la phyogs chos can du song ba'i gang zag des/ khyod de sgrub kyi mthun phyogs la yod par tshad mas ma grub pa'i phyir/ ma grub na/ de de sgrub pa la phyogs chos can du song pa'i gang zag chos can khyod kyi du ldan la'i du ba me yod du tshad mas nges par thal/ khyod kyis du ldan la'i du ba de sgrub kyi mthun phyogs la yod par tshad mas grub pa'i phyir/ rtags khas/ 'dod na/ de chos can/ khyod kyis du ldan la la me yod par tshad mas grub par thal/ 'dod pa'i phyir/ rtsa bar ma khyab na/ de sgrub kyi thun mong ma yin pa'i ma nges pa'i gtan tshigs yin na/ de sgrub kyi rtags yang dag yin dgos par thal/ khyod de sgrub pa la phyogs chos can du song ba'i gang zag gis khyod de sgrub kyi mthun phyogs la yod par tshad mas ma nges na/ khyod de sgrub kyi rtags yang dag ma yin pas ma khyab pa'i phyir/ kha cig mngon sum gyis la la dmigs pa'i du ba de/ du ba'i rtags kyis du ldan la la me yod par sgrub pa'i rtags yang dag yin zer ba mi 'thad de/ de la bshad ma thag pa'i skyon gsum 'jug pa'i phyir/ yang kha cig /du ldan gyi la la chos can/ me yod de/ du ba yod pa'i phyir zhes bkod pa'i tshe na/ du ba du ba'i rtags kyis du ldan la la me yod par sgrub pa'i bkod tshod kyi gtan tshigs/ la'i du ba de du ba'i rtags kyis du ldan la la me yod par sgrub pa'i song tshod kyi gtan tshigs yin zer ba mi 'thad de/ la'i du ba du ba'i rtags kyis du ldan la la me yod par sgrub pa'i song tshod kyi gtan tshigs yin pa la yang sngar bshad pa'i nyes pa gsum 'jug pa'i phyir/ de skad smra ba'i rgol @23a @#/ /ba chos can/ khyod kyis du ba'i rtags kyis du ldan la la me yod par sgrub pa'i rtags su 'di song zhes smra mi nus par thal/ khyod kyis du ba'i rtags kyis de sgrub kyi rtags su bkod na/ du ba'i rtags kyis de sgrub kyi rtags su ma song bas khyab/ du ba'i rtags kyis de sgrub kyi rtags su song na/ khyod kyis du ba'i rtags kyis de sgrub kyi rtags su smra mi nus pas khyab pa'i phyir/ rtags khas blang te/ du ba'i rtags kyis de sgrub kyi rtags su bkod na/ de'i rtags kyis de sgrub kyi rtags su ma song bas khyab/ de'i rtags kyis de sgrub kyi rtags su song na/ de'i rtags kyis de sgrub kyi rtags su ma bkod pas khyab pa'i phyir/ ma grub na song/ der thal/ du ba du ba'i rtags kyis de sgrub kyi bkod tshod kyi gtan tshigs yin/ song tshod kyi gtan tshigs min/ du ldan la'i du ba de de'i rtags kyis de sgrub kyi song tshod kyi gtan tshigs yin/ bkod tshod kyi gtan tshigs ma yin pa'i phyir/ rtags khas/ rigs gter gyi rjes 'brang kha cig /du ldan lar chos can/ me yod de du ba yod pa'i phyir/ zhes bkod pa'i tshe/ la'i du ba rang mtshan pa du ba'i rtags kyis du ldan la la me yod par sgrub pa'i rtags su bkod kyang la'i du ba'i don spyi de du ba'i rtags kyis du ldan la la me yod par sgrub pa'i gtan tshigs su song ba yin pa'i phyir zer/ 'di 'gog pa la Tikar/ sman gyi sbyor bas rna ba'i dbang po ma nyams par byas la legs par nyan dgos so zhes gsungs/ de'i don ni/ du ldan lar chos can/ me yod de/ du ba yod pa'i phyir zhes bkod pa'i tshe la'i du ba rang mtshan pa rtags sbyor de'i rtags su bkod pa mi 'thad de rtags sbyor de thos pa'i nyan shes des/ du ldan lar chos can/ me yod de/ du ba yod pa'i phyir zhes pa'i rtags sbyor thos kyi/ du ldan lar chos can/ me yod de/ du ba rang mtshan pa yod pa'i phyir/ zhes pa'i rtags sbyor ma thos pa'i phyir/ 'dod na/ dam bca' 'thad pa bud/ yang na de'i don de ltar bkod pa'i tshe/ la'i du ba @23b rang mtshan pa du ba'i rtags kyis du ldan la la me yod par sgrub pa'i rtags su bkod pa mi 'thad de/ de ltar na la'i me rang mtshan pa du ba'i rtags kyis de sgrub kyi dngos kyi bsgrub bya'i chos su gzung bya yin par thal ba la sogs pa'i sngar bshad pa'i skyon rnams 'jug pa'i phyir/ sngar gyi rtsod pa bzhi pa'i lan ni/ du ba chos can/ 'bras bu yin te/ phan 'dags bya yin pa'i phyir/ zhes bkod pa'i tshe phan 'dags bya du ba 'bras bur sgrub pa'i rtags yang dag ma yin par thal/ de'i rtags kyis de sgrub kyi phyogs chos ma grub pa'i phyir/ der thal/ du ba yod na'ang/ de'i rtags kyis de sgrub kyi phyogs chos ma grub dgos/ du ba med na'ang de'i rtags kyis de sgrub kyi phyogs chos ma grub dgos pa'i phyir dang po song/ der thal/ du ba yod na/ du ba phan 'dags bya ma yin dgos pa'i phyir/ ma grub na song der thal/ du ba yod na/ du ba me'i phan 'dags bya ma yin dgos pa'i phyir/ ma grub na song der thal/ du ba yod na/ me med dgos pa'i phyir/ rtags khas/ yang Tikar/ rdzas tha dad mi srid pa dang/ khas blangs kyis bsal ba bstan mi nus pa sogs nyes pa du mar 'gyur bas ltag chod 'ba' zhig go /zhes gsungs pa'i don ni/ du ba yod na du ba me dang rdzas tha dad ma yin dgos par thal/ du ba'i dus su yang du ba me dang rdzas tha dad min/ me'i dus su yang du ba me dang rdzas tha dang ma yin pa'i phyir/ ma khyab na/ me grub dus na/ du ba ma skyes shing/ du ba skyes dus me 'gag na/ du ba yod na/ me med dgos pas/ khyab pa yod pa bud/ sgra rtag par khas blangs pa'i gang zag yin na/ sgra mi rtag par khas blangs pa'i gang zag ma yin dgos par thal/ sgra rtag mi rtag gnyis kar khas blangs pa'i gang zag des sgra rtag par khas blangs pa'i dus su'ang sgra mi rtag par khas ma blangs/ sgra mi rtag par khas blangs pa'i dus su'ang des sgra rtag par khas ma blangs pa'i phyir/ ma khyab na/ dgag gzhi bcad nas/ me grub dus su du ba mi skyes/ du ba skyes dus me 'gag na/ du ba yod na me med dgos/ @24a @#/ /pas/ khyab pa yod pa bud/ des na pha gi na du ba 'dug pas me 'dug snyam yang la'i du ba dang du ba yod pa sogs du ldan la la me yod par sgrub pa'i rtags yang dag du song ba ma yin gyi/ du ba nyid du ldan la la me yod par sgrub pa'i rtags yang dag du song ba/ sde bdun gyi dgongs pa rma med pa'o/ /de bzhin du du ldan la la chos can/ me yod de/ du ba yod pa'i phyir zhes bkod pa'i tshe me yod pa du ldan la la me yod par sgrub pa'i dngos kyi bsgrub bya'i chos su gzung bya ma yin gyi/ /me nyid du ldan la me yod par sgrub pa'i dngos kyi bsgrub bya'i chos yin pa sde bdun gyi dgongs pa rma med pa'o/ /'o na/ 'bras rang gi rtags gnyis po dgag rtags dang sgrub rtags gang yin zhe na/ de sgrub kyi 'bras rtags dang de sgrub kyi rang bzhin gyi rtags yang dag gang rung yin na/ de sgrub kyi sgrub rtags yang dag yin dgos te/ rang 'grel las de la gnyis ni dngos po grub pa yin la/ gcig ni dgag pa'i gtan tshigs so/ /zhes dang/ {shA kyar}/ gtan tshigs gsum po de las rang bzhin dang 'bras bu'i gtan tshigs dngos po grub pa yin te/ dngos po grub pa ni yod pa sgrub pa yin no/ /gnyis kho na zhes nges par gzung bar bya'i dngos po grub pa kho na zhes pa ni ma yin no/ /'di gnyis kyis dgag pa yang sgrub pa'i phyir zhes gsungs pa'i phyir dang/ des na dngos po'i yul can gyi/ rjes su dpog pa rnam gnyis te zhes pas 'bras rang gi rtags yang dag sgrub rtags yang dag du gsal bar bstan pa'i phyir/ 'o na/ rnam nges dar Tik las/ 'bras rtags kyi mtshan nyid la tshul gsum gang zhig /rang gi bsgrub bya'i chos su dngos su gzung bya yin na/ rang dang rdzas tha dad yin pas khyab pa zhes dang/ rang bzhin gyi rtags kyi mtshan nyid la/ tshul gsum gang zhig /rang gi bsgrub bya'i chos su gzung bya yin na/ rang dang rdzas tha dad ma yin zhing sgrub pa yin pas khyab pa'o @24b zhes gsungs pa dang 'gal lo zhe na skyon med de/ rnam nges dar Tika las de ltar bshad kyang/ thar lam gsal byed dang/ rigs thig Tik chen las/ de sgrub kyi 'bras rtags yin na/ de sgrub kyi sgrub rtags yin dgos par bshad pa'i phyir te/ thar lam gsal byed las/ rtags kyis bsgrub bya la dgag bsgrub gnyis su nges la sgrub pa go bar byed pa la/ bsgrub bya'i chos dang ngo bo tha dad dang tha mi dad gnyis su nges pa'i dang po ni 'bras bu'i gtan tshigs so/ /zhes gsungs pa'i phyir dang/ rigs thig dar Tik las/ {shAkya} blos de gnyis ni dngos po sgrub pa kho na zhes bya yi/ /dngos po kho na sgrub ces mi bya ste/ /dgag pa yang sgrub pa'i phyir/ gcig ni dgag pa kho na'i gtan tshigs zhes bshad pa ltar/ 'bras rang gnyis kyis kyang dgag bsgrub cing/ de la rten pa'i rjes dpag gis dgag pa 'jal la/ dgag rtags dang dgag rtog zhes mi bya ste/ de ni dngos kyi yul la ltos pa'i phyir zhes gsungs pa'i phyir/ kho na re/ du ba du ldan la la grang reg gis stong pa'i me yod par sgrub pa'i 'bras rtags yang dag ma yin par thal de sgrub kyi dgag rtags yang dag yin pa'i phyir/ khyab pa khas/ zhes zer/ de skad du yang rigs thig Tikkar/ 'o na/ du ba dang ldan pa'i la la chos can/ grang reg gis stong pa'i me yod de/ du ba yod pa'i phyir zhes pa yang dgag rtags su 'gyur la/ 'dod na/ 'bras rtags yang dag ma yin par 'gyur ro zhe na zhes gsungs/ de'i lan du rigs thig Tika las/ phyi rgol gyi shes 'dod dang/ rgol ba'i dpag 'dod grang reg gis stong pa la gtso bor zhugs na/ me yod pa sbyor tshul tsam yin gyi don dgag rtags su 'gyur bas so/ /me mi rtogs par 'gyur ro zhe na/ khyab pa med la/ me la gtso bor shes 'dod zhugs na 'bras rtags yin gyi/ grang reg gis stong pa sbyor tshul tsam du zad do/ /zhes gsungs/ 'di'i don la mkhas pa kha cig /du ldan la'i steng du grang reg gis stong pa la gtso bor @25a @#/ /shes 'dod zhugs pa'i rgol ba'i ngor du ldan la la chos can/ me yod de/ du ba yod pa'i phyir zhes bkod pa'i tshe/ du ba du ldan la la me yod par sgrub pa'i dgag rtags yang dag yin/ du ldan la'i steng du me yo tsam la tshad mas shes 'dod zhugs pa'i phyi rgol gyi ngor/ du ldan lar chos can/ grang reg gis stong pa'i me yod de/ du ba yod pa'i phyir zhes bkod pa'i tshe/ du ba du ldan la la grang reg gis stong pa'i me yod par sgrub pa'i sgrub rtags yang dag yin pa lung de'i don yin zer ba mi 'thad de/ de ltar na/ du ba'i rtags kyis du ldan la la me yod par sgrub pa'i dngos kyi bsgrub bya'i chos dang dgag pa'i gzhi mthun pa yang yod/ de dang sgrub pa'i gzhi mthun pa yod par khas len dgos pas/ du ba du ldan la la me yod par sgrub pa'i dgag rtags yang dag dang sgrub rtags yang dag gnyis kar thal ba'i skyon yod pa'i phyir/ rang lugs ni/ lung de'i don/ du ldan la'i steng du grang reg gis stong pa la gtso bor shes 'dod zhugs pa'i rgol ba'i ngor/ du ldan lar chos can/ me yod de/ du ba yod pa'i phyir zhes bkod pa'i tshe/ du ldan la la grang reg gis stong pa'i me yod par sgrub pa'i dgag rtags yang dag du phyir rgol de la song ba dang/ yang du ldan la'i steng du me yod tsam la gtso bor tshad mas shes 'dod zhugs pa'i phyi rgol gyi ngor du ldan lar chos can/ grang reg gis stong pa'i me yod de/ du ba yod pa'i phyir/ zhes bkod pa'i tshe 'god tshul de ltar bkod kyang/ phyir rgol de la du ba du ldan la la me yod par sgrub pa'i 'bras rtags su song ba lung de'i don yin no/ /mkhas pa kha cig /dgag pa yin na/ med dgag yin dgos te/ ma yin dgag dang sgrub pa don gcig pa'i phyir/ sgra mi rtag pa dang/ du ldan la la me yod pa sogs ma yin dgag yin te/ 'di ni dngos la dngos po'i tshe/ khas blangs med par dgag pa nyid/ /sgrub byed snga ma dag gis ni/ ma yin sgrub par @25b byed phyir ro/ /zhes snga ma 'bras rang gi rtags kyis ma yin dgag dngos su sgrub par bshad pa'i phyir/ zhes gsungs ba mi 'thad de/ bsgrub byed snga ma dag gis ni zhes sogs kyi don/ 'bras rang gi rtags kyis ma yin dgag shugs la sgrub par bstan pa yin gyi/ dngos su sgrub par bstan pa ma yin pa'i phyir/ dgag pa yin na/ med dgag yin pas khyab par bstan pa rigs thig dang 'gal te/ rigs thig las/ de la gnyis ni dngos po sgrub pa kho na zhes bya yi/ dngos po kho na sgrub ces ni mi bya ste/ dgag pa yang sgrub pa'i phyir/ zhes gsung ba 'dis sgra mi rtag pa ma yin pa las log pa dang/ du ldan la la me yod pa ma yin pa las log pa dgag par bshad pa'i phyir/ 'di la sgra mi rtag pa ma yin pa las log pa dang/ du ldan gyi la la me yod pa ma yin pa las log pa rim pa bzhin du/ 'bras rang gi rtags kyis shugs kyi bsgrub byar 'gyur ba'i med dgag yin pas skyon med ces lan gdab par mi nus te/ de lta na rang brjod pa'i sgras rang gi dgag bya dgag shul du rang gi 'phang byar gyur pa'i chos gzhan sgrub pa 'phen pa'i med dgag yod par thal ba'i skyon yod pa'i phyir/ 'o na/ 'bras rtags yang dag gi don gang zhe na/ 'bras rtags yang dag la mtshan nyid dang dbye ba gnyis/ dang po ni/ de sgrub kyi bsgrub rtags yang dag gang zhig / de sgrub kyi dngos kyi bsgrub bya'i chos su gzung bya yang yin/ khyod kyi rgyu yang yin pa'i gzhi mthun srid pa de sgrub kyi 'bras rtags yang dag yin pa'i mtshan nyid/ du ldan la la me yod par sgrub pa'i dngos kyi bsgrub bya'i chos su gzung bya yin na/ du ba'i rgyu yin dgos te/ rnam nges dar Tika las/ tshul gsum gang zhig /rang gi dngos kyi bsgrub bya'i chos yin na/ rang dang rdzas tha dad yin pas khyab pa 'bras rtags yang dag gi mtshan nyid du bshad pa'i phyir/ kha cig/ me yod pa de du ldan la la me yod par @26a @#/ /sgrub pa'i dngos kyi bsgrub bya'i chos yin/ me de yang de sgrub kyi dngos kyi bsgrub bya'i chos yin zer ba mi 'thad de/ de ltar na du ba du ldan la la me yod pa ma yin pa las log par sgrub pa'i dgag rtags yang dag dang sgrub rtags kyi gzhi mthun du thal ba dang du ba du ldan la la tsha zhing bsreg pa yod par sgrub pa'i don sgrub kyi rtags yang dag dang/ de sgrub kyi tha snyad sgrub pa'i rtags yang dag gi gzhi mthun du thal ba dang/ du ba du ldan la la me tshad mas dmigs par sgrub pa'i don sgrub kyi rtags yang dag /de sgrub kyi tha snyad sgrub pa'i rtags yang dag gnyis kar thal ba'i skyon yod pa'i phyir/ 'o na/ du ba du ldan la la me yod pa ma yin pa las log par sgrub pa'i dgag rtags dang sgrub rtags yang dag gang yin zhe na/ de de sgrub kyi sgrub rtags yang dag yin te/ de'i rtags kyis de sgrub kyi dngos kyi bsgrub bya'i chos su gzung bya dang sgrub pa'i gzhi mthun yod pa'i phyir/ de de sgrub kyi sgrub rtags yang dag yin kyang/ de'i rtags kyis de sgrub kyi rtags can rjes dpag dgag rtog yin te/ dper na/ 'dus ma byas kyi nam mkha' yod par sgrub pa la tshad mas dmigs pa rtags su bkod pa bzhin no gnyis pa ni 'bras rtags yang dag la dbye na/ rgyu dngos sgrub kyi 'bras rtags yang dag dang/ rgyu sngon song sgrub pa/ rgyu spyi sgrub pa/ rgyu khyad par sgrub pa/ rgyu chos rjes dpog sgrub pa'i 'bras rtags yang dag dang lnga/ dang po ni du ldan la la chos can me yod de/ du ba yod pa'i phyir zhes pa lta bu/ gnyis pa ni/ bar snang gi du ba sngo long po chos can/ rang gi rgyur gyur pa'i me snga ma sngon du song ste/ du ba yin pa'i phyir zhes pa lta bu/ gsum pa ni/ nyer len gyi phung po chos can/ rang rgyu dang bcas pa yin te/ res 'ga' ba'i dngos po yin pa'i phyir/ zhes pa lta bu/ bzhi pa ni/ gzugs 'dzin dbang shes chos @26b can/ dbang yid gnyis las gzhan pa'i rang gi rgyu yod de/ de gnyis yod kyang mi skye ba srid/ res 'ga' skye ba'i phyir/ zhes pa lta bu/ lnga pa ni/ kha nang bu ram gong bu'i steng na chos can/ bu ram gyi ro snga mas bu ram gyi gzugs da ltar ba phyi ma skyed pa'i nus pa yod de/ bu ram gyi ro da ltar ba yod pa'i phyir zhes pa lta bu/ tshad ma rnams ni mi 'jug pa zhes sogs kyi skabs su/ mi snang ba ma dmigs pa'i rtags yang dag gi rnam gzhag bshad pa dang/ mi snang ba ma dmigs pa'i rtags yang dag gsungs pa'i dgos pa bshad pa'o/ /dang po la/ mtshan gzhi la dpyad pa/ mtshan nyid la dpyad pa/ dang po la/ bod snga rabs pa'i lugs dgag pa dang/ rang lugs bzhag pa gnyis/ dang po ni/ bod snga rabs pa rnams ni/ sha za tshad mas ma dmigs pa de/ mdun gyi gzhi 'dir sha za yod pa ma yin pa dang/ yod nges ma yin pa dang/ yod nges kyi dpyad shes don mthun mi 'jug par sgrub pa'i mi snang ba ma dmigs pa'i rtags yang dag yin zer na/ mdun gyi gzhi 'dir sha za med nges yin par thal/ mdun gyi gzhi 'dir sha za yod na/ mdun gyi gzhi 'dir sha za tshad mas dmigs dgos pa gang zhig /mdun gyi gzhi 'dir sha za tshad mas ma dmigs pa'i phyir/ snga ma ma grub na/ mdun gyi gzhi 'dir sha za yod na/ mdun gyi gzhi 'dir sha za kun mkhyen ye shes kyis dmigs pas ma khyab par thal/ ma grub pa de'i phyir/ 'dod na/ kun mkhyen ye shes kyis shes bya thams cad ji ltar yod pa de ltar mngon sum du ma gzigs par thal/ 'dod pa gang zhig /mdun gyi gzhi 'dir sha za kun mkhyen ye shes kyis ma dmigs na/ mdun gyi gzhi 'dir sha za med pas ma khyab pa'i phyir/ rtags gnyis ka khas/ gzhan yang/ kun mkhyen ye shes chos can/ mdun gyi gzhi 'dir sha za yod na/ mdun gyi gzhi 'dir sha za khyod kyis dmigs dgos par thal/ spyir sha za yod na/ sha za @27a @#/ /khyod kyis mngon sum du gzigs dgos pa'i phyir/ gzhan yang/ mdun gyi gzhi 'dir sha za kun mkhyen ye shes kyis dmigs pa khegs par thal/ mdun gyi gzhi 'dir sha za tshad mas dmigs pa khegs pa'i phyir/ der thal/ mdun gyi gzhi 'dir sha za tshad mas ma dmigs pa'i phyir/ kho na re/ mdun gyi gzhi 'dir sha za med nges yin min the tshom mi za bar thal/ mdun gyi gzhi 'dir sha za med nges ma yin pa'i phyir/ rtags la the tshom za zer na/ dngos 'gal yin te/ mdun gyi gzhi 'dir sha za med nges yin par thal zhes bsal ba tshad bsal du 'phangs pas/ mdun gyi gzhi 'dir sha za med nges ma yin par khas blangs/ de ltar khas blangs pas/ mdun gyi gzhi 'dir sha za med nges yin min the tshom mi za bar khas blangs pa'i phyir/ gzhan yang/ mdun gyi gzhi 'dir sha za tshad mas dmigs ma dmigs the tshom za bar thal/ mdun gyi gzhi 'dir sha za yod med the tshom za ba'i phyir/ 'dod na/ dngos 'gal yin te/ mdun gyi gzhi 'dir sha za tshad mas ma dmigs pa la skyon brjod pas/ mdun gyi gzhi 'dir sha za tshad mas dmigs par khas blangs/ de ltar khas blangs pas/ mdun gyi gzhi 'dir sha za tshad mas dmigs ma dmigs the tshom mi za bar khas blangs pa'i phyir/ zhes bkag nas/ de rnams kyi lugs kyis Ti ka'i don 'chad tshul ni/ rtsa ba'i phyogs snga sngar ltar khas len pa la/ mdun gyi gzhi 'dir sha za yod dam med dris nas yod do zhe na mdun gyi gzhi 'dir sha za med nges yin par thal/ mdun gyi gzhi 'dir sha za yod na/ mdun gyi gzhi 'dir sha za tshad mas dmigs dgos pa gang zhig /mdun gyi gzhi 'dir sha za tshad mas ma dmigs pa'i phyir/ zhes sngar bzhin 'phen pa yin zhes zer ba mi 'thad de/ de ltar smra ba la sngar gyi skyon thams cad zlog na 'khor gsum dngos 'gal du 'gyur pa'i phyir/ kho na re/ mdun gyi gzhi 'dir sha za yod med the tshom za bar khas len pa la rtsa ba'i thal 'gyur gyi gsal ba dngos 'gal du song bas tshad @27b bsal du bzhag par ma song ba'i phyir zer na/ 'o na/ snga ma la yang khyod kyi skyon de rnams mi 'jug par thal/ phyogs snga smra ba po des mdun gyi gzhi 'dir sha za yod nges kyang ma yin/ med nges kyang ma yin par khas blangs pas bsal ba dngos 'gal la ma song ba'i phyir/ thal 'gyur phyi ma de mi 'thad de/ mdun gyi gzhi 'dir sha za tshad mas ma dmigs pa dang/ mdun gyi gzhi 'dir sha za med nges ma yin pa gnyis kar khas blangs pa la skyon brjod pa yin gyi/ mdun gyi gzhi 'dir sha za tshad mas ma dmigs par khas blangs pa la skyon brjod pa ma yin pa'i phyir/ kha cig /shes bya thams cad yod na/ bum pa yod pas khyab zhes smra ba mi 'thad de/ rnam bshad snying po rgyan dang/ skabs 'di'i thar lam gsal byed las/ spyi ni khyad par mi spong phyir/ /zhes sogs kyi gzhung dang 'gal ba'i nyes pa du ma yod pa'i phyir/ kho na re/ mdun gyi gzhi 'dir sha za med nges yin par thal/ mdun gyi gzhi 'dir sha za yod na/ mdun gyi gzhi 'dir sha za tshad mas dmigs dgos pa gang zhig /mdun gyi gzhi 'dir sha za tshad mas ma dmigs pa'i phyir zhe na/ /rtags phyi ma la the tshom za nas nged kyis ma grub te/ mdun gyi gzhi 'dir sha za yod med the tshom za ba bzhin du/ mdun gyi gzhi 'dir sha za tshad mas dmigs ma dmigs dang/ mdun gyi gzhi 'dir sha za kun mkhyen ye shes kyis gzigs ma gzigs kyang the tshom za nas ma grub pa'i phyir/ kho na re/ the tshom za ba'i lan gyis lan gyi go chod dam zhe na/ the tshom za ba'i lan gyis lan thebs pa dang mi thebs pa gnyis ka yod de/ skye bo gnag rdzi mo la sgra rtag gam mi rtag 'dri ba'i tshe the tshom za zhes pa'i lan lan rnam dag min kyang/ mdun gyi gzhi 'dir chos can/ sha za yod par thal/ sha za yod pa'i phyir/ zhes pa'i thal 'gyur gyi rtags bsal la the tshom za zhes pa'i mdun gyi skyes bu lan 'debs pa'i lan de lan rnam dag yin pa'i phyir/ yod med the tshom za ba yod dam zhe na/ yod med the tshom za ba yod med the @28a @#/ /tshom za ste/ mdun gyi gzhi 'dir sha za yod med the tshom za pa'i phyir/ yod med the tshom za na yod pas khyab bam med pas khyab ce na/ kha cig /yod med the tshom za na yod pas khyab pa la the tshom za/ de yin na med pas khyab pa la yang the tshom za/ de bzhin du mdun gyi gzhi 'dir sha za yod med the tshom za na/ mdun gyi gzhi 'dir sha za yod pas khyab pa la the tshom za/ de yin na mdun gyi gzhi 'dir sha za med pas khyab pa la the tshom za/ zhes gsungs pa me 'thad de/ khyab pa rnams kyi ldog khyab la the tshom mi za bas/ yod med the tshom za na yod pas khyab/ de yin na med pas khyab ste/ khyab pa de gnyis ka la dngos skyon rnam dag med pa'i phyir/ yod med the tshom za ba dang yod pa min pa'i gzhi mthun med pa'i phyir dang/ thal 'gyur de gnyis ka la dngos skyon gtong pa'i tshe rtags ma grub dang bsal ba la the tshom gang rung gi len thebs pa'i phyir/ de bzhin du mdun gyi gzhi 'dir sha za yod med the tshom za na mdun gyi gzhi 'dir sha za yod pas khyab/ de yin na mdun gyi gzhi 'dir sha za med pas khyab bo/ /'di la mkhas pa kha cig /mdun gyi gzhi 'dir sha za yod med the tshom za na der sha za yod med the tshom mi za bas khyab par thal/ mdun gyi gzhi 'dir sha za yod med the tshom za na/ mdun gyi gzhi 'dir sha za yod pas khyab/ mdun gyi gzhi 'dir sha za yod na der sha za yod nges yin pas khyab/ der sha za yod nges yin na der sha za yod med the tshom mi za bas khyab pa'i phyir/ zhes rtags phyi ma gnyis tshad grub mdzad nas/ rang lugs la/ mdun gyi gzhi 'dir sha za yod med the tshom za na/ der sha za yod pas khyab pa la yang the tshom za/ de yin na/ der sha za med pas khyab pa la yang tshe tshom za zhes gsungs pa dang/ yang kha cig gis/ yod med the tshom za na yod pas khyab pa dang/ de yin na med pas khyab pa la the tshom za ste/ khyab pa de gnyis la mdun gyi sha za dngos skyon du 'jug mi @28b 'jug the tshom za ba'i phyir/ de la de dngos skyon du btang ba'i tshe rtags tshad mas grub cing bsal ba la 'dod lan thebs mi thebs tshe tshom za ba'i phyir zhes zer/ lugs dang po mi 'thad de/ thal 'gyur de'i ldog khyab tshad mas grub na/ thal 'gyur de'i rjes khyab la the tshom mi za dgos pa'i phyir/ lugs gnyis pa yang mi 'thad de/ thal 'gyur de la mdun gyi sha za dngos skyon du btang ba'i tshe/ rtags tshad mas grub cing bsal ba la 'dod lan thebs mi thebs the tshom za yang/ khyab pa tshad mas ma grub pa'i thal 'gyur du ma yod pa'i phyir dang/ khyod ltar na/ yod na yod med the tshom mi za bas khyab pa la the tshom za bar 'gyur te/ de la mdun gyi sha za dngos skyon du btang ba'i tshe rtags la the tshom za zhing bsal ba tshad bsal la 'jog pa'i phyir/ khyab pa khas/ kho na re/ gong gi thal 'gyur gyi rtags phyi ma the tshom za nas nged kyis ma grub bo zhes smra ba mi 'thad de/ mdun gyi gzhi 'dir sha za tshad mas dmigs par thal/ mdun gyi gzhi 'dir sha za tshad mas ma dmigs pa ma grub pa'i phyir/ rtags khas/ 'dod na/ mdun gyi gzhi 'dir sha za yod nges yin par thal/ 'dod pa'i phyir zer na/ mdun gyi gzhi 'dir sha za yod par thal/ mdun gyi gzhi 'dir sha za yod pa'i phyir zer na/ lan gang yin/ rtags bsal la the tshom za zhe na/ 'o na/ khyod kyi thal 'gyur la yang mtshungs so/ /kho na re/ bskal don la mi snang ba ma dmigs pa zhes brjod pa mi 'thad par thal/ mdun gyi gzhi 'dir sha za yod na/ mdun gyi gzhi 'dir sha za tshad mas dmigs dgos pa'i phyir/ zhes na/ skyon med de/ mdun gyi gzhi 'dir sha za yod na rang gang la bskal don du song ba'i gang zag de'i rgyud kyi tshad ma la snang du mi rung bas de la mi snang ba ma dmigs pa zhes brjod pa yin gyi/ der de yod na tshad mas dmigs su mi rung bas de ltar brjod pa ma yin pa'i phyir/ gnyis pa rang lugs ni/ mi snang ba ma dmigs pa'i rtags yang dag la dbye na/ rgyu mi snang ba ma dmigs pa'i rtags yang @29a @#/ /dag dang/ khyab byed mi snang ba ma dmigs pa'i rtags yang dag gnyis/ dang po ni/ mdun gyi gzhi 'dir chos can/ sha za la sha za bskal don du song ba'i gang zag gis sha za yod nges kyi dpyad shes don mthun mi 'jug te/ sha za la sha za bskal don du song ba'i gang zag gi tshad mas ma dmigs pa'i phyir/ zhes pa lta bu'o/ /de bzhin du chags bral khyod bskal don du song ba'i gang zag gis khyod yod ces dam bca' mi rigs te de'i rgyud la khyod 'jal byed kyi tshad ma med pa'i phyir zhes pa dang/ de chos can/ rgyang 'phen gyis khyod med ces dam bca' mi rigs te de'i rgyud la khyod 'gog byed kyi tshad ma med pa'i phyir/ zhes pa lta bu/ gnyis pa ni/ mdun gyi gzhi 'dir chos can/ sha za yod ces sha za bskal don du song ba'i gang zag gis dam bca' mi rigs te/ sha za la sha za bskal don du song ba'i gang zag gis tshad mas ma dmigs pa'i phyir/ zhes pa lta bu/ rtags de gnyis kyi tshul gsum nges byed kyi tshad ma yod de rtags de gnyis kyi phyogs chos rang rig mngon sum gyis grub cing/ khyab pa 'grub pa la tshad ma gsum dgos pa'i phyir/ kho na re/ sha za la sha za bskal don du song ba'i gang zag gi tshad mas ma dmigs pa de/ mdun gyi gzhi 'dir sha za la sha za yod nges kyi dpyad shes don mthun mi 'jug par sgrub pa'i rtags yang dag ma yin par thal/ sha za bskal don du song ba'i gang zag gi rgyud kyi sha za 'jal ba'i tshad ma de de'i rgyud kyi sha za 'jal ba'i dpyad shes kyi rgyu ma yin pa'i phyir/ de bzhin du khyab byed ma dmigs pa'i rtags yang dag gi mtshan nyid mi 'thad par rigs 'dra'o zhe na/ du ldan la la chos can/ me yod de du ba yod pa'i phyir zhes bkod pa'i tshen du ba du ldan la la me yod par sgrub pa'i 'bras rtags yang dag ma yin par thal/ du ba me yod pa'i 'bras bu ma yin pa'i phyir/ khyab pa khas/ kho na re/ skyon med de de ni 'god tshul tsam yin gyi/ me nyid smra ba po'i 'dod pas dmigs pa'i de sgrub kyi bsgrub bya'i chos yin no zhe na/ khyod kyi thal 'gyur de la yang khyab pa med par @29b thal/ 'dir yang 'god tshul de ltar yin kyang sha za nyid smra ba po'i 'dod pas dmigs pa'i de sgrub kyi dgag bya'i chos su btags pa'i don dang/ sha za 'jal ba'i tshad ma sha za 'jal ba'i dpyad shes kyi rgyu yin pa'i phyir/ sha za bskal don du song ba'i gang zag gis sha za tshad mas ma dmigs pa de mdun gyi gzhi 'dir sha za bskal don du song ba'i gang zag gi rgyud la sha za yod nges kyi dpyad shes don mthun med par sgrub pa'i rtags yang dag ma yin te/ mdun gyi gzhi 'dir sha za bskal don du song ba'i gang zag gis sha za tshad mas rtogs pa'i phyir/ mdun gyi gzhi 'dir med pa'i gang zag gis sha za tshad mas rtogs pa'i phyir/ de bzhin du mdun gyi gzhi 'dir sha za bskal don du song ba'i gang zag de sha za bskal don du song ba'i gang zag ma yin par thal/ mdun gyi gzhi 'dir med pa de med pa ma yin pa'i phyir/ gal te kho na re/ mdun gyi gzhi 'dir chos can/ sha za bskal don du song ba'i gang zag med par thal/ sha za bskal don du song ba'i gang zag de sha za bskal don du song ba'i gang zag ma yin pa'i phyir zer na/ chos can skyon can yin byas pa la kho na re/ de 'dra'i thal 'gyur gyi chos can de chos can skyon can yin zhes len 'debs mi rigs par thal/ de ltar na rtags yang dag gi shes 'dod chos can dang/ chos can skyon can gyi gzhi mthun yod par thal ba'i skyon yod pa'i phyir/ zhes zer ba mi 'thad de/ de 'dra'i thal 'gyur la chos can skyon can yin zhes pa'i lan thebs kyang/ mdun gyi gzhi 'dir chos can skyon can du khas mi len pa'i phyir/ de 'dra'i thal 'gyur gyi chos can de chos can skyon du khas mi len te/ rtags yang dag gi shes 'dod chos can dang chos can skyon can gyi gzhi mthun med pa'i phyir/ dper na/ sgra chos can/ ma byas par thal/ rtag pa'i phyir zhes pa'i thal 'gyur la rtags ma grub kyi lan btab pa'i tshe/ thal 'gyur de rtags ma grub pa la bsam nas rtags ma grub kyi lan btab pa yin gyi/ spyi ldog nas rtags @30a @#/ /ma grub par smra ba ma yin pa bzhin du/ chos can skyon can yin zhes lan btab pa'i tshe/ thal 'gyur de la ltos nas chos can skyon can du smras pa yin gyi/ chos can du gang bzung ba de chos can skyon can du khas blangs pa ma yin no/ /thal lam gsal byed las/ mi snang ba ma dmigs pa'i rtags yang dag gi mtshan nyid 'di ltar bshad pa la/ phyis kyi sa skya pa kha cig /sha za 'jal byed kyi tshad ma rgyud la 'gag /sha za 'jal ba'i tshad mas drangs pa'i dpyad shes rang rgyud la ldan pa'i gang zag yod dam med/ med na sha za 'jal pa'i tshad ma de sha za 'jal ba'i dpyad shes kyi rgyu ma yin par 'gyur la/ yod na de 'dra ba'i gang zag gi rgyud la sha za 'jal ba'i dpyad shes med par thal/ de 'dra'i gang zag gi rgyu la sha za 'jal ba'i tshad ma med pa'i phyir/ khyab pa khas zer na de 'dra'i gang zag khas mi len te/ de yod na tshad ma de rang rgyud la mi ldan pa'i gang zag dang/ shes pa rang rgyud la mi ldan pa'i gang zag yod par thal ba'i skyon yod pa'i phyir/ gnyis pa mtshan nyid la dpyad pa la/ snga rabs pa kha cig /de sgrub kyi ma dmigs pa'i rtags yang dag gang zhig /de sgrub kyi dgag bya'i chos kyi yul yod/ de yod kyang/ khyod de sgrub pa la phyogs chos can du song ba'i gang zag gi tshad ma la snang du mi rung ba de de sgrub kyi mi snang ba ma dmigs pa'i rtags yang dag gi mtshan nyid zer na/ 'di thar lam gsal byed las/ sha za la sha za bskal don du song ba'i gang zag gi tshad mas ma dmigs pa chos can/ mdun gyi gzhi 'dir sha za la sha za bskal don du song ba'i gang zag gi sha za yod nges kyi dpyad shes don mthun med par sgrub pa'i dgag bya'i chos kyi yul med par thal/ de sgrub kyi dgag bya'i chos med pa'i phyir/ bsal pa khas zhes bkag nas/ thar lam gsal byed las/ rang lugs la/ khyod de sgrub kyi ma dmigs pa'i rtags yang dag gang zhig /de sgrub kyi dgag bya'i chos su btags pa'i don de spyir yod de yod kyang khyod de @30b sgrub kyi phyogs chos can du song ba'i gang zag gi tshad ma la snang du mi rung ba de khyod de sgrub kyi mi snang ba ma dmigs pa'i rtags yang dag gi mtshan nyid du bshad pa la/ de sgrub kyi dgag bya'i chos su btags pa'i don de spyir yod ces smos pa la dgos pa ci yod ce na/ rigs rgyan las de ltar smos dgos te/ de ma smos na gang zag gi bdag tshad mas ma dmigs pa de nyer len gyi phung po gang zag gi bdag med du sgrub pa'i mi snang ba ma dmigs pa'i rtags yang dag tu thal ba'i skyon yod pa'i phyir/ ji ltar yod na gang zag gi bdag tshad mas ma dmigs pa chos can/ nyer len gyi phung po gang zag gi bdag med du sgrub pa'i mi snang ba ma dmigs pa'i rtags yang dag yin par thal/ de sgrub kyi ma dmigs pa'i rtags yang dag gang zhig /gang zag gi bdag yod kyang khyod de sgrub pa la phyogs chos can du song ba'i gang zag gi tshad ma la snang du mi rung ba'i phyir/ khyab pa khas/ rtags gnyis pa ma grub na/ de sgrub pa la phyogs chos can du song ba'i gang zag gis gang zag gi bdag med rtogs par thal/ gang zag gi bdag yod na des dmigs su rung ba las/ des gang zag gi bdag tshad mas ma dmigs pa'i phyir/ khyab pa khas/ 'dod na/ de chos can/ khyod nyer len gyi phung po gang zag gi bdag med du tshad mas rtogs pa'i gang zag yin par thal/ khyod gang zag gi bdag med par tshad mas nges pa'i gang zag yin pa'i phyir/ zhes gsungs shing/ phyis kyi mkhas pa kha cig kyang/ rigs rgyan gyi lugs de zhal gyis bzhes pa rnams la dpyad na/ gang zag gi bdag tshad mas ma dmigs pa'i rtags kyis nyer len gyi phung po gang zag gi bdag med du sgrub pa'i phyir rgol yang dag des gang zag gi bdag med tshad mas rtogs par thal/ thar lam gsal byed las/ rtags yang dag gi rjes su 'gro ldog gi khyab ba tshad mas nges pa la/ tshad ma gsum sngon du 'gro dgos par @31a @#/ /gsungs pa'i phyir dang de 'dra'i phyir rgol yang dag gis gang zag gi bdag tshad mas ma dmigs pa gang zag gi bdag med kho na la yod par tshad mas grub pa'i phyir/ 'dod na/ byas rtags kyis sgra mi rtag par sgrub pa'i tshul gsum gyi rtags kyis byas pa byas rtags kyis sgra mi rtag par sgrub pa'i rtags yang dag tu sgrub pa'i phyir rgol rnam dag de/ byas pa byas rtags kyis sgra mi rtag par sgrub pa'i rtags yang dag tu tshad mas nges pa dang/ sgra mi rtag par sgrub pa'i ngo bo'i don sogs chos lnga tshang pa'i rtags kyis sgra mi rtag pa sgra mi rtag par sgrub pa'i gzhan don bsgrub bya yang dag du tshad mas nges par 'gyur ro zhe na/ skyon med de/ de 'dra'i phyir rgol yang dag khas mi len pa'i phyir/ rang lugs ni/ thar lam gsal byed du/ de sgrub kyi dgag bya'i chos su btags pa'i don de spyir yod ces smos pa la dgos pa yod de/ de ma smos na/ gang zag gi bdag tshad mas ma dmigs pa nyer len gyi phung po gang zag gi bdag med du sgrub par byed pa'i mi snang ba ma dmigs pa'i rtags yang dag yin par thal/ de sgrub kyi ma dmigs pa'i rtags yang dag gang zhig /gang zag gi bdag yod kyang khyod de sgrub pa la phyogs chos can du song ba'i gang zag gi tshad ma la snang du mi rung ba'i phyir/ phyi ma der thal/ gang zag gi bdag de'i tshad ma la snang du mi rung ba'i phyir/ ma grub na/ gang zag gi bdag de'i tshad ma la snang du rung bar thal/ gang zag gi bdag yod kyang de'i tshad ma la snang du rung ba'i phyir/ rtags khas/ kho na re/ de chos can/ khyod la gang zag gi bdag yod kyang snang du mi rung ba ma yin par thal/ gang zag gi bdag yod na khyod la snang du rung ba'i phyir zhe na/ ma khyab bo/ /thar lam gsal byed las de ltar bshad pa la/ kha cig /mdun gyi gzhi 'dir sha za bskal don du song ba'i gang zag gi sha za yod nges kyi dpyad shes don mthun mi @31b 'jug par sgrub pa'i dgag bya'i chos su btags pa'i don med par thal/ de sgrub kyi dgag bya'i chos med pa'i phyir/ bsal ba khas zer na/ sgra rtag par btags pa'i don med par thal/ sgra rtag pa med pa'i phyir/ khyab pa khas/ 'dod mi nus te/ sgra rtag par sgrub pa'i gzhi yod pa'i phyir/ sgra rtag par sgrub pa'i shes 'dod chos can yod pa'i phyir/ thar lam gsal byed kyi mtshan nyid de la mkhas pa kha cig mi 'thad de/ sha za la sha za bskal don du song ba'i gang zag gi tshad mas ma dmigs pa mdun gyi gzhi 'dir sha za la sha za bskal don du song ba'i gang zag gi sha za yod nges kyi dpyad shes don mthun mi 'jug par sgrub pa la phyogs chos can du song ba'i gang zag gi tshad ma la de sgrub kyi dgag bya'i chos su btags pa'i don snang du rung pa'i phyir/ de'i tshad ma la sha za snang du rung ba'i phyir/ des sha za tshad mas grub pa'i phyir/ byas pa sgra mi rtag par sgrub pa la phyogs chos can du song ba'i gang zag gis rtag pa tshad mas grub pa'i phyir/ zhe na 'dir ma khyab/ rigs rgyan gyi lugs de rang lugs su khas len pa kha cig /gang zag gi bdag tshad mas ma dmigs pa'i rtags kyis nyer len gyi phung po gang zag gi bdag med du sgrub pa'i phyir rgol yang dag des gang zag gi bdag med tshad mas grub kyang/ des gang zag gi bdag med par tshad mas ma grub ste/ gang zag gi bdag med par tshad mas rtogs pa'i gang zag yin na/ nyer len gyi phung po gang zag gi bdag med du tshad mas rtogs pa'i gang zag yin dgos pa de bzhin du/ grangs can gyis kyang gang zag gi bdag med par ma rtogs kyang/ des gang zag gi bdag med tshad mas rtogs te/ des bum pa gang zag gi bdag med du tshad mas rtogs pa'i phyir zhes zer ba mi 'thad de/ de ltar na gang zag gi bdag med rtogs pa'i shes rab rgyud la ldan @32a @#/ /pa'i phyir rol pa yod par thal ba'i skyon yod pa'i phyir/ kha cig /de sgrub kyi ma dmigs pa'i rtags yang dag gang zhig /khyod de sgrub pa la phyogs chos can du song pa'i gang zag la de sgrub kyi shes 'dod chos can gyi steng du de sgrub kyi dgag bya'i chos su btags pa'i don yod kyang snang du mi rung ba de sgrub kyi mi snang ba ma dmigs pa'i rtags yang dag gi mtshan nyid zer ba dang/ kha cig /de gang zhig /de la de sgrub kyi shes 'dod chos can gyi steng du de sgrub kyi dgag bya'i chos su btags pa'i don bskal don du song ba/ de sgrub kyi mi snang ba ma dmigs pa'i rtags yang dag gi mtshan nyid zer ba mi 'thad de/ de ltar smra ba la rim pa bzhin du me med pa me med mtshan mo'i rgya mtshor du ba med par sgrub pa'i mi snang ba ma dmigs pa'i rtags yang dag du thal ba dang/ byas pa sgra rtag pa ma yin par sgrub pa'i mi snang ba ma dmigs pa'i rtags yang dag du thal ba'i skyon yod pa'i phyir/ kho na re/ mi snang ba ma dmigs pa'i rtags yang dag ma grub ste/ dgag rtags yang dag yin na snang rung ma dmigs pa'i rtags yang dag yin dgos pa'i phyir te/ rang bzhin dang ni 'bras bu'am/ /snang ba mthong ba min nyid rtags zhes gsungs pa'i phyir/ zhes zer ba mi 'thad de/ 'o na/ grub mtha' la blo kha ma phyogs pa'i skye bo dag gis shes bya mtha' dag gi gnas lugs 'di ltar zhes dam bca' rigs sam mi rigs/ dang po ltar na smra ba thams cad bden pa'i don can yin par thal/ dam bca' de'i phyir/ gnyis pa ltar na/ de ltar smra mi rigs pa'i rgyu mtshan gang yin zhe na/ kho na re/ de 'dra'i skye bo chos can/ khyod kyi shes bya thams cad kyi gnas lugs de ltar yin no/ /zhes dam bca' ba mi rigs te/ khyod kyi rgyud la shes bya mtha' dag gi gnas lugs 'jal ba'i tshad ma med pa'i phyir zer na/ mi snang ba ma dmigs pa'i rtags yang @32b dag yod par thal/ shes bya mtha' dag gi gnas lugs 'jal ba'i tshad ma rang rgyud la mi ldan pa de/ grub mtha' la blo kha ma phyogs pa'i skye bo rnams kyis shes bya mtha' dag gi gnas lugs 'di ltar yin no zhes dam bca' mi nus par sgrub pa'i mi snang ba ma dmigs pa'i rtags yang dag yin pa'i phyir/ rang lugs ni/ thar lam gsal byed las gsungs pa ltar/ de sgrub kyi dgag bya'i chos su btags pa'i don yod/ khyod de sgrub pa la phyogs chos can du song ba'i gang zag la de sgrub kyi dgag bya'i chos su btags pa'i don yod kyang snang du mi rung ba gang zhig /de sgrub kyi ma dmigs pa'i tshul gsum yin pa/ de sgrub kyi mi snang ba ma dmigs pa'i rtags yang dag gi mtshan nyid/ gnyis pa dgos ba bshad pa ni/ mi snang pa ma dmigs pa'i rtags yang dag gi rnam gzhag gsungs pa la dgos pa yod de/ rgyu mtshan yang dag ma mthong bzhin du/ gang zag 'di skyon 'di lta bu dang bcas so/ /yon tan cung zad kyang med do zhes skur ba 'debs pa dgag pa dang/ sems can thams cad la phan pa dang bde ba'i sems dang ldan par bya dgos par don gyi go bar bya ba'i ched yin pa'i phyir/ 'gal dang 'bras bu dag grub dang/ /zhes sogs kyi skabs su ma dmigs pa'i rtags yang dag 'jug pa'i dus bshad pa dang/ ma dmigs pa'i rtags yang dag gi dbye ba la dogs pa dpyad pa'o/ /dang po ni/ dgag pa byed pa'i tshe dgag gzhi phyir rgol gyi mngon sum la snang du rung ba dang snang du mi rung ba gnyis su nges pa las/ mi rung na mngon sum gyis dgag pa byed pa mi srid ste/ dgag gzhi dang bral ba'i med dgag yan 'gar ba tshu rol mthong ba'i mngon sum la snang mi srid pa'i phyir/ dper na/ dgag gzhi phyir rgol gyi mngon sum la snang du mi rung ba dgag pa byed pa'i tshe rjes dpag gis dgag pa byed dgos te/ de @33a @#/ /mngon sum gyis dgag pa mi srid pa'i phyir/ dgag gzhi phyir rgol gyi mngon sum la snang du rung ba la yang/ dgag bya'i chos su btags pa'i don de yod na/ phyir rgol gyi mngon sum la snang du rung ba dang/ mi rung ba gnyis su nges pa las/ dgag bya'i chos su btags pa'i don de sbyir yod de yod kyang phyir rgol gyi mngon sum la snang du mi rung nas rtags kyis dgag pa byed pa'i tshe/ mdun gyi gzhi 'dir chos can/ sha za la rang gang la bskal don du song ba'i gang zag gis sha za yod nges kyi dpyad shes don mthun mi 'jug ste/ sha za la sha za bskal don du song ba'i gang zag gis tshad mas ma dmigs pa'i phyir/ /zhes pa lta bu'i mi snang ba ma dmigs pa'i rtags yang dag 'jug /dgag bya'i chos su btags pa'i don/ phyir rgol gyi mngon sum la snang du rung ba la yang/ dgag gzhi der dgag bya'i chos su btags pa'i don de phyir rgol gyi mngon sum la snang du rung ba dang mi rung ba gnyis su nges pa las/ rung nas rtags kyis dgag pa byed pa na/ bum pa tshad mas ma dmigs pa'i sa phyogs chos can/ bum pa med de/ bum pa tshad mas ma dmigs pa'i phyir/ zhes pa lta bu'i rang bzhin ma dmigs pa'i gtan tshigs 'jug /dgag bya'i chos su btags pa'i don de spyir snang du rung nas/ dgag gzhi der phyir rgol gyi mngon sum la snang du mi rung ba la dgag gzhi der dgag bya'i chos kyi 'brel zla phyir rgol gyi mngon sum la snang rung dang/ 'gal zla phyir rgol gyi mngon sum la snang du rung ba gnyis su nges/ dgag bya'i chos kyi 'brel yul la ngo bo rgyu 'bras gsum du nges shing/ ngo bo la khyab chung ba dang/ che ba dang/ mnyam pa gsum du nges la/ khyab chung ba bkag pas 'gog mi nus shing/ khyab che ba mngon sum la snang du rung nas mi snang nas brtags kyis dgag pa byed pa'i tshe/ shing med kyi brag rdzong na @33b chos can/ sha ba med de/ shing med pa'i phyir/ zhes pa lta bu'i khyab byed ma dmigs pa'i rtags yang dag 'jug /khyab mnyam snang du rung nas mi snang nas rtags kyis dgag pa byed pa'i tshe/ bum pa tshad mas ma dmigs pa'i sa phyogs chos can/ bum pa med de/ bum pa tshad mas ma dmigs pa'i phyir/ zhes pa lta bu'i sngar bshad pa'i rang bzhin ma dmigs pa'i gtan tshigs 'jug /'di'i don yang 'di kho na ltar yin gyi/ skabs 'dir rang bzhin ma dmigs pa'i gtan tshigs 'jug dus/ gnyis pa zhig ston pa ma yin te/ thar lam gsal byed las/ khyab mnyam snang du rung na sngar bshad pa ltar rang bzhin ma dmigs pa 'jug pa'o/ /zhes dang/ rnam nges Tik chen las/ khyab mnyam dgag pas 'gog pa ni/ sngar bshad pa'i rang bzhin ma dmigs pa'i gtan tshigs dang/ 'chad par 'gyur ba'i dngos 'bras ma dmigs pa'i gtan tshigs kyang 'chad par 'gyur ba'i dus yin no/ /zhes dang/ khyab mnyam pa dgag pas 'gog pa ni rang bzhin ma dmigs pa'i gtan tshigs dngos dang/ de dang 'dra ba rnams 'jug pa'i dus yin no/ /zhes gsungs pa'i phyir/ kho na re/ khyab mnyam snang du rung na sngar bshad pa ltar rang bzhin ma dmigs pa 'jug pa'o zhes pa'i don/ bum pa tshad mas ma dmigs pa'i sa phyogs chos can/ bum pa med de/ bum pa tshad mas ma dmigs pa'i phyir/ zhes pa'i rang bzhin ma dmigs pa'i gtan tshigs 'jug pa'i dus la 'chad rigs par thal/ lung de'i don dgag gzhi der dgag bya'i chos su btags pa'i don spyir yod kyang phyir rgol gyi mngon sum la snang du mi rung ba'i rang bzhin ma dmigs pa'i rtags yang dag 'jug pa'i dus la 'chad rigs pa gang zhig bum pa tshad mas ma dmigs pa bum pa tshad mas ma dmigs pa'i sa phyogs su bum pa @34a @#/ /med par sgrub pa la phyogs chos can du song ba'i gang zag la phyogs der bum pa yod na snang du rung ba yin pa'i phyir zhes zer na skyon med de/ khyab mnyam snang du rung na zhes sogs kyi don rang bzhin ma dmigs pa'i gtan tshigs de rtags yang dag de'i dgag bya'i chos kyi khyab mnyam pa'i 'brel yul bkag nas rtags de'i dgag bya 'gog ces pa'i don yin gyi/ spyir snang du rung nas dgag gzhi der mngon sum la snang du mi rung ba la zhes pa nas rtsis pa'i rang bzhin ma dmigs pa'i gtan tshigs 'jug dus la sogs pa ston pa ma yin pa'i phyir/ de lta ma yin na/ rang las khyab chung ba'i rang gi 'brel yul la 'brel ba yod par thal/ rnam nges Tik chen las/ 'brel yul ngo bo rgyu 'bras gsum du nges shing/ ngo bo la khyab chung ba dang/ che ba dang/ mnyam pa gsum du nges pa la zhes gsungs pa'i phyir/ khyab pa khas/ gzhan yang/ rang dang ngo bo gcig rang gi khyab mnyam pa'i 'brel yul tshig gis zin par 'gog pa'i dngos 'bras ma dmigs pa'i rtags yang dag yod par thal/ rnam nges Tik chen las/ khyab mnyam pa bkag pas 'gog pa ni/ sngar bshad pa'i rang bzhin ma dmigs pa'i gtan tshigs dang 'chad par 'gyur pa'i dngos 'bras ma dmigs pa'i gtan tshigs kyang 'jug pa'i dus yin no/ /zhes bshad pa'i phyir/ des na 'chad par 'gyur pa'i dngos 'bras ma dmigs pa'i gtan tshigs kyang 'jug pa'i dus yin no zhes pa'i don/ dngos 'bras ma dmigs pa'i gtan tshigs de rang gi dgag bya'i chos kyi khyab mnyam pa'i 'brel yul 'gog pa'i rtags yin zhes pa'i don yin gyi/ 'brel yul la ngo bo rgyu 'bras gsum du nges zhes pa'i ngo bo gcig pa'i 'brel yul 'gog pa la 'chad mi nus pa bzhin du khyab mnyam pa bkag pas 'gog ces pa rang bzhin ma dmigs pa'i rtags @34b de rang gi dgag bya'i chos kyi khyab mnyam pa'i 'brel yul 'gog ces pa'i don yin gyi/ dgag gzhi der dgag bya'i chos su btags pa'i don phyir rgol gyi mngon sum la snang du mi rung ba zhes pa nas/ /'brel rtsis pa'i rang bzhin ma dmigs pa'i gtan tshigs 'jug dus gnyis pa ston pa ma yin te/ rnam nges Tika chen las/ sngar bshad pa'i rang bzhin ma dmigs pa'i gtan tshigs 'jug pa'i dus so zhes dang/ thar lam gsal byed las/ sngar bshad pa ltar/ zhes gsungs pa'i phyir/ de'i phyir/ kha cig/ khyab mnyam snang du rung na zhes pa'i don/ bum pa tshad mas ma dmigs pa'i sa phyogs chos can/ bum pa'i steng gi skyes pa med de/ bum pa tshad mas ma dmigs pa'i phyir zhes pa lta bu'i rang bzhin ma dmigs pa'i gtan tshigs 'jug dus gnyis pa ston par 'dod pa yang mi 'thad par shes par bya'o/ /phas rgol glang po'i spobs pa 'phrog byed cing/ /smra ngan wa skyes tshogs rnams zil gnon pa'i/ /smra ba'i sengge gang de byang phyogs 'dir/ /rgyal tshab gsung rab gangs ri'i bdag por 'gyur/ /zhes bya ba ni bar skabs kyi tshigs su bcad pa'o/ /dgag gzhi der dgag bya'i chos gyi rgyu snang du rung nas mi snang nas rtags kyis dgag pa byas tshe/ me med mtshan mo'i rgya mtshor chos can/ du ba med de/ me med pa'i phyir/ zhes pa lta bu'i rgyu ma dmigs pa'i gtan tshigs 'jug go/ dgag gzhi der dgag bya'i chos kyi dngos 'bras snang du rung nas mi snang nas rtags kyis dgag pa byas pa'i tshe/ du bas dben pa'i dang ra bla gab med pa na chos can/ du ba'i dngos rgyu nus pa thogs med med de/ dngos 'bras du ba med pa'i phyir/ zhes pa lta bu'i dngos 'bras ma dmigs pa'i rtags 'jug go/ du ba'i dngos rgyu du ba la de byung du 'brel te/ thar lam gsal byed dang/ rnam nges Tik chen sogs las/ dgag bya'i chos kyi 'brel yul @35a @#/ /ngo bo rgyu 'bras gsum du nges la zhes bshad cing/ rigs thig Tikar/ chos de la de byung du 'brel na/ chos de las byung mi dgos par kho bos tshad ma rnam par nges pa'i Tikar bshad zin to zhes dang/ rnam nges Tikar yang de ltar gsungs pa'i phyir dang/ dngos po dang rdzas tha dad dngos po'i 'bras bu ma yin gyi/ dngos po la de byung du 'brel ba'i phyir/ dgag gzhi der dgag bya'i chos kyi 'gal zla snang du rung nas rtags kyis dgag pa byed pa la/ 'brel yul la ngo bo rgyu 'bras gsum du nges pa bzhin du/ 'gal zla la yang ngo bo rgyu 'bras kyi 'gal zla gsum du nges la/ ngo bo'i 'gal zla la yang khyab mnyam pa dang/ khyab che ba'i 'gal zla gnyis su nges la/ dang po la yang rang gi 'gal zla dngos dang 'gal zla'i 'bras bu gnyis su nges la/ rang gi 'gal zla dngos snang du rung nas mi snang nas rtags kyis dgag pa byed pa'i tshe/ me stobs chen pos khyab par non pa'i shar gyi gzhir chos can/ grang reg rgyun chags su yun ring du gnas pa med de/ me stobs chen pos khyab par non pa'i phyir/ zhes pa lta bu'i rang bzhin 'gal dmigs kyi rtags yang dag 'jug /rang bzhin ma dmigs pa'i rtags yang dag 'jog tshul la/ kha cig /me stobs chen pos khyab par non pa'i shar gyi gzhir chos can/ grang reg stobs chen po med de/ me stobs chen pos khyab par non pa'i phyir/ zhes zer ba mi 'thad de/ gzhi de me stobs chen pos khyab pa yin par nges na gzhi de na grang reg stobs chen po med par nges dgos pa'i phyir/ dgag gzhi der dgag bya'i chos kyi 'gal zla'i 'bras bu snang du rung nas mi snang nas rtags kyis dgag pa byed pa'i tshe/ du ba drag 'phyur bas khyab par non pa'i shar gyi gzhir chos can/ grang reg rgyun chags su gnas pa med de/ du ba drag 'phyur bas khyab par non pa yin pa'i @35b phyir/ zhes pa lta bu'i rang bzhin dang 'gal ba'i 'bras bu dmigs pa'i rtags yang dag 'jug /gzhi der dgag bya'i chos kyi khyab che ba'i 'gal zla snang du rung nas mi snang nas rtags kyis dgag pa byed pa'i tshe/ me stobs chen pos khyab par non pa'i shar gyi gzhir chos can/ kha ba'i reg pa rgyun chags su gnas pa med de/ me stobs chen pos khyab par non pa'i phyir/ zhes pa lta bu'i khyab byed 'gal dmigs kyi rtags yang dag 'jug/ rgyu'i 'gal zla la yang/ dgag bya'i chos kyi rgyu'i 'gal zla dngos dang/ 'gal zla'i 'bras bu rtags su bkod pa gnyis las/ dgag gzhi der dgag bya'i chos kyi rgyu'i 'gal zla dngos snang du rung nas mi snang nas rtags kyis dgag pa byed tshe/ me stobs chen pos khyab par non pa'i shar gyi gzhir chos can/ grang 'bras spu long byed rgyun chags su gnas pa med de/ me stobs chen pos khyab par non pa'i phyir zhes pa lta bu'i rgyu 'gal dmigs kyi rtags yang dag 'jug /dgag gzhi der dgag bya'i chos kyi 'gal zla'i 'bras bu snang du rung nas mi snang nas rtags yang dag gis dgag pa byed pa'i tshe/ du ba drag 'phyur bas khyab par non pa'i shar gyi gzhir chos can/ grang 'bras spu long byed rgyun chags su gnas pa med de/ du ba drag 'phyur bas khyab par non pa'i phyir/ zhes pa lta bu'i rgyu dang 'gal ba'i 'bras bu dmigs pa'i rtags yang dag 'jug /dgag gzhi der dgag bya'i chos kyi 'bras bu 'gal zla snang du rung nas mi snang nas rtags yang dag gis dgag pa byed pa'i tshe/ me stobs chen pos khyab par non pa'i shar gyi gzhir chos can/ grang reg gi dngos rgyu'i nus pa mthu can med de/ me stobs chen pos khyab par non pa'i phyir/ zhes pa lta bu'i 'bras bu 'gal dmigs kyi rtags yang dag 'jug pa yin no/ /gnyis pa grangs nges la @36a @#/ /dogs pa dpyad pa ni/ ma dmigs pa'i rtags yang dag bcu gcig du grangs nges pa yin gyi/ de las gzhan du dgag rtags la nyi shur grangs nges pa dang/ bcu drug du grangs nges pa sogs sde bdun gyi dgongs pa ma yin te/ sde bdun las lhan cig mi gnas 'gal la brten pa'i ma dmigs pa'i rtags yang dag bcu dang/ phan tshun spangs 'gal la brten pa'i ma dmigs pa'i rtags yang dag gcig ste/ bcu gcig tu bshad cing/ de las mang pa ma bshad pa'i phyir/ lhan cig mi gnas 'gal la brten pa'i ma dmigs pa'i rtags yang dag de la bcu bshad de/ de las 'gal dmigs drug dang/ 'brel zla ma dmigs pa bzhi ste/ bcu yod par tshad ma rnam nges las gsungs pa'i phyir/ rnam nges las/ de ltar na ma dmigs pa 'di ni sbyor ba'i bye brag gis rnam pa bcu yin no/ /zhes gsungs pa'i phyir/ spyir bsdoms na bcu gcig tu grangs nges te/ rigs thig las/ de ni sbyor ba'i bye brag gis rnam pa bcu gcig ste/ zhes gsungs pa'i phyir dang/ 'thad ldan che ba las kyang 'di skad brjod pa yin te/ rgyu la sogs pa ma dmigs pa'i sbyor ba tha dad ba ste/ rang bzhin ma dmigs pa dang/ rgyu ma dmigs pa dang/ khyad byed ma dmigs pa dang/ 'bras bu ma dmigs pa'o/ /de bzhin du de dang 'gal dmigs kyi sbyor ba yang tha dad de/ rang bzhin 'gal ba dmigs pa dang/ 'gal ba'i 'bras bu dmigs pa dang/ khyab par byed pa 'gal ba dmigs pa dang/ 'bras bu 'gal ba dmigs pa dang/ rgyu 'gal ba dmigs pa dang/ rgyu dang 'gal ba'i 'bras bu dmigs pa ste/ de ltar sbyor ba rnam pa bcu'o/ /bcu gcig pa 'gal bas khyab pa dmigs pa ni le'u gsum bar 'chad bar 'gyur ro zhes dang/ rnam nges Tik chen las/ 'og nas de ltar na ma dmigs pa 'di ni sbyor ba'i bye @36b brag gis rnam pa bcu yin no/ /zhes gsungs pas lhan cig mi gnas 'gal la brten pa bcur nges pa dang/ 'og nas gtan tshigs ltar snang gi skabs su phan tshun spangs 'gal la brten pa'i 'gal khyab dmigs pa'i dgag rtags yang dag dang bcu gcig tu gsungs kyi/ de las mang ba ma gsungs pas/ kha cig gis/ grang reg dang grang reg gi 'bras bu dang/ bdag gcig pa'i khyab bya dang/ grang reg gi dngos rgyu nus pa tha ma rgyun chags su gnas pa med par sgrub pa re re la yang/ tsha reg dang/ tsha reg gi 'bras bu dang/ tsha reg gi bdag gcig pa'i khyab bya dang/ tsha reg gi dngos rgyu nus pa tha mas khyab pa bzhi bzhi rtags su bkod nas lhan cig mi gnas 'gal la brten pa'i dgag rtags bcu drug du bzhed pa dang/ gzhan dag gis de'i nang nas/ bcu gnyis yang dag yin la bzhi ltar snang yin no/ /zhes zer ba yang dgag rtags 'jug pa'i tshul la dpyad na 'thad par mi sems te 'chad par 'gyur ro zhes gsungs/ de la kha che dznyA na shrI dang/ lo chen sogs kyi lugs brjod pa dang/ rtsang nag pa dang chos rje sa paN gyi lugs brjod pa dang/ rgyal tshab chos rjes de rnams la dgag bzhag mdzad tshul lo/ /dang po ni/ me dang tsan dan gyi me dang/ du ba dang me'i dngos rgyu nus pa thogs med kyis khyab par non pa'i shar gyi gzhir grang reg dang/ ba mo'i reg pa dang grang 'bras spu long byed dang/ grang reg gi dngos rgyu nus pa thogs med rgyun chags su gnas pa med par sgrub pa re re la yang me dang tsandan gyi me dang/ du ba dang/ me'i dngos rgyu nus pa thogs med kyis khyab par non pa rtags su bkod pa dang/ tsha reg skor bzhi/ grang reg skor bzhi bkag pa'i lhan cig mi gnas 'gal la brten pa'i 'gal dmigs kyi rtags yang dag gi sbyor ba bcu drug yod zer/ gnyis pa ni/ chos rje sa paN na re/ me'i dngos rgyu nus @37a @#/ /pa thogs med rtags su bkod nas/ rang gi phyogs kyi chos su grub pa'i gzhir/ grang reg skor bzhi 'gog mi nus par thal/ me'i dngos rgyu nus pa thogs med me ma yin pas de grang reg la dngos su gnod pa min zhing/ de la rigs 'dra ba'i rgyun med pas de mngon sum gyi nges mi nus pa'i phyir/ des na gzhung las rnam gzhag mang du gsungs kyang/ lhan cig mi gnas 'gal la brten pa'i 'gal dmigs kyi rtags yang dag la bcu gnyis su grangs nges te/ 'gal ba'i rang bzhin dmigs pa bzhi/ 'gal ba'i khyab bya dmigs pa bzhi/ 'gal ba'i 'bras bu dmigs pa bzhi rnams su grangs nges pa'i phyir/ dang po ni/ rang bzhin dang 'gal ba'i rang bzhin dmigs pa/ rgyu dang 'gal ba'i rang bzhin dmigs pa/ khyab byed dang 'gal ba'i rang bzhin dmigs pa/ 'bras bu dang 'gal ba'i rang bzhin dmigs pa rnams la zer/ mtshan gzhi ni/ mes khyab par non pa'i shar gyi gzhir chos can/ grang reg dang/ grang 'bras spu long byed dang/ ba mo'i reg pa dang/ grang rgyu nus pa thogs med rgyun chags su gnas pa med pa'i gzhi yin te/ mes khyab par non pa'i gzhi yin pa'i phyir zhes pa lta bu/ 'gal ba'i khyab bya dmigs pa bzhi ni/ rang bzhin dang 'gal ba'i khyab bya dmigs pa/ rgyu dang 'gal ba'i khyab bya dmigs pa/ khyab byed dang 'gal ba'i khyab bya dmigs pa/ 'bras bu dang 'gal ba'i khyab bya dmigs pa rnams la zer/ mtshan gzhi rim pa bzhin/ tsandan gyi mes khyab par non pa'i shar gyi gzhir chos can/ grang reg dang/ grang 'bras spu long byed dang/ ba mo'i reg pa dang/ grang rgyu nus ba thogs med rgyun chags su gnas pa med pa'i gzhi yin te/ tsandan gyi mes khyab par non pa'i gzhi yin pa'i phyir/ zhes pa lta bu/ gsum pa 'gal ba'i 'bras bu dmigs pa bzhi ni/ rang bzhin dang 'gal ba'i @37b 'bus bu dmigs pa/ rgyu dang 'gal ba'i 'bras bu dmigs pa/ khyab byed dang 'gal ba'i 'bras bu dmigs pa/ 'bras bu dang 'gal ba'i 'bras bu dmigs pa rnams la zer/ mtshan gzhi rim ba bzhin/ du ba drag phyur bas khyab par non pa'i shar gyi gzhir chos can/ grang reg dang/ grang 'bras spu long byed dang/ ba mo'i reg pa dang/ grang rgyu nus pa thogs med rgyun chags su gnas pa med pa'i gzhi yin te/ du ba drag 'phyur bas khyab par non pa'i gzhi yin pa'i phyir/ zhes pa lta bu/ de skad du yang rigs gter las/ tsha reg skor bzhis grang reg bzhi/ /bkag pas sbyor ba bcu drug zer/ /gzhung las rnam gzhag mang bshad kyang/ /'gog nus snga ma bcu gnyis yin/ /zhes gsungs/ de bzhin du sngon gyi mkhas pa chen po rtsang nag brtson 'grus seng ge yang/ dza ta ri dgra las rnam rgyal gyi dgongs par mdzad nas/ lhan cig mi gnas 'gal la brten pa'i 'gal dmigs kyi rtags yang dag la bcu gnyis kho nar grangs nges zhes gsungs/ gsum pa de rnams la rgyal tshab chos rjes dgag bzhag mdzad tshul ni/ lugs dang po 'gal rgyu dmigs pa bzhi'i rtags yang dag gi rnam gzhag mi 'thad de/ me'i dngos rgyu nus pa thogs med snang rung gi gzhi la me snang du mi rung na/ me'i dngos rgyu nus pa thogs med yang snang du mi rung bar 'gyur zhing/ de la me snang du rung ba'i tshe/ rtags su 'god dgos na rang bzhin 'gal dmigs kyi rtags 'god rigs kyi 'gal ba'i rgyu dmigs pa'i rtags 'god mi rigs pa'i phyir/ lugs gnyis pa la lhan cig mi gnas 'gal la brten pa'i 'gal dmigs kyi rtags yang dag la bcu gnyis kyi grang res 'byed pa mi 'thad par thal/ mes rang phyogs kyi chos su grub pa'i gzhir/ grangs nges 'gog pa'i rang bzhin 'gal dmigs las logs su tsandan gyi mes rang phyogs kyi chos su grub @38a @#/ /pa'i gzhir grang reg 'gog pa'i 'gal dmigs kyi rtags yang dag logs su smos pa la dgos pa med cing/ me stobs chen po rtags su bkod pa las logs su tsandan gyi me stobs chen po rtags su bkod pa'i 'gal dmigs kyi rtags yang dag sde bdun gyi gzhung gang du yang ma gsungs pa'i phyir dang/ tsandan gyi me'i spu ris ma zin na/ tsandan gyi mes rang phyogs kyi chos su grub pa'i gzhir grang reg 'gog pa'i rtags su 'gyur ba mi rigs zhing/ tsandan gyi spu ris zin pa'i sgo nas tsandan gyi me rang phyogs kyi chos su grub pa'i gzhir grang reg 'gog ba'i rtags su song na yang/ mes grang reg 'gog pa'i rang bzhin 'gal dmigs kyi rtags kyi nang du 'dus pas/ de las logs su bshad pa la dgos pa lhag po med cing/ gzhan las kyang logs su ma bshad cing/ med pa'i phyir dang/ tsandan gyi me rang phyogs kyi chos su grub pa'i gzhir grang reg 'gog pa'i 'gal dmigs logs su 'chad dgos na/ tsandan gyi du bas rang phyogs kyi chos su grub pa'i gzhir grang reg 'gog pa'i 'gal dmigs kyi gtan tshigs kyang logs su 'chad dgos pas/ lhan cig mi gnas 'gal la brten pa'i 'gal dmigs kyi gtan tshigs bcu gnyis su grangs nges par khas blangs pa dang nang 'gal ba'i skyon yod pa'i phyir/ tsandan gyi mes khyab par non pa rang phyogs kyi chos su grub pa'i gzhir grang reg med par sgrub pa'i rtags yang dag du yang mi rigs te/ de yin na tsandan gyi du ba dang ldan pa'i la la tsandan gyi me yod par sgrub pa'i rtags yang dag yin dgos pa gang zhig /de de sgrub kyi rtags yang dag ma yin pa'i phyir te/ tsandan gyi me lkog tu gyur pa'i tshe/ tsandan gyi du ba'i spu ris mi zin pa'i phyir/ des na kha che dznyAn shrI sogs kyis lhan cig gyi du ba mi gnas 'gal la brten pa'i 'gal dmigs kyi rtags yang dag la bcu drug tu phye nas dgag rtags nyi shur 'chad pa dang @38b mkhas pa chen po rtsang nag pa dang/ chos rje sa paN sogs kyis lhan cig mi gnas 'gal la brten pa'i 'gal dmigs kyi rtags yang dag la bcu gnyis su bshad nas/ 'brel zla ma dmigs pa bzhi bsnan te bcu drug gi grangs nges bzhed pa mi 'thad par thal/ sde bdun gyi gzhung las lhan cig mi gnas 'gal la brten pa'i 'gal dmigs kyi rtags yang dag la drug tu bshad cing/ de las mang ba cung zad kyang ma bshad pa'i phyir dang/ me rgyu nus pa thogs med kyis rang phyogs kyi chos su grub pa'i gzhir grang reg 'gog pa'i 'gal rgyu dmigs pa'i rtags yang dag ston byed kyi tshad ldan gyi lung 'dren rgyu med pa'i phyir dang/ mes rang phyogs kyi chos su grub pa'i gzhir grang reg 'gog pa'i 'gal dmigs las logs su tsandan gyi mes rang phyogs kyi chos su grub pa'i gzhir grang reg 'gog pa'i 'gal dmigs kyi rtags yang dag 'chad pa rtog btags 'ba' zhig yin gyi sde bdun gyi gzhung gang nas kyang bshad pa med pa'i phyir/ kho na re/ dgag rtags de la bcu gcig tu grangs nges na/ 'gal dang 'bras bu dag grub dang zhes sogs kyi gzhung 'di las ma dmigs pa'i rtags yang dag la gzhir grangs nges par bshad pa dang/ de'i phyir rgyu dang rang bzhin dag ces sogs kyis ma dmigs pa'i rtags yang dag la gsum du bshad pa dang/ de dang 'gal ba yi ni rgyu/ /zhes sogs kyi thad kyi rang 'grel las/ de ltar na ma dmigs pa 'di ni sbyor ba'i bye brag gis rnam pa brgyad yin no zhes gsungs pa ji lta bu zhe na/ skyon med de/ 'gal dang 'bras bu dag grub dang zhes sogs kyis ma dmigs pa'i rtags yang dag la bzhir bshad pa ni/ gang la gang 'dus pa'i bsdu byed kyi dbye ba shes pa'i phyir du yin/ de'i phyir rgyu dang rang bzhin dag ces sogs kyis gsum du bshad pa ni/ 'brel pa la ltos pa'i dgag rtags kyi gtso bo ston @39a @#/ /pa'i dbang du byas nas bshad/ de ltar na mi dmigs pa 'di ni sbyor ba'i bye brag gis rnam pa brgyad yin no zhes pa/ 'gal dang 'bras bu dag grub dang zhes dang/ de dang 'gal ba yi ni rgyu/ /zhes sogs rtsa 'brel gyi skabs su ma dmigs pa'i sbyor ba brgyad bstan pa la dgongs pa'i phyir/ rtags dang po grub ste/ 'gal dmigs kyi gtan tshigs thams cad dngos su gnod pa'i 'gal zla rtags su bkod ba dang/ brgyud nas dngos su gnod byed bsgrub pa'i sgo nas dgag bya 'gog pa'i 'gal dmigs kyi gtan tshigs gnyis su 'dus par nges pa'i phyir du/ skabs 'dir rang bzhin 'gal dmigs dang/ 'gal 'bras dmigs pa'i rtags gnyis bstan pa'i phyir/ 'brel zla ma dmigs pa'i gtan tshigs thams cad 'brel yul don gzhan dang don gzhan ma yin pa 'gog pa'i 'brel zla ma dmigs pa'i gtan tshigs gnyis su nges la/ dang po thams cad rgyu ma dmigs pa dang/ gnyis pa rang bzhin ma dmigs par 'dus so zhes shes pa'i phyir du/ rgyu ma dmigs pa dang/ rang bzhin ma dmigs pa gnyis bstan pa'i phyir/ gong gi rtags gnyis pa grub ste/ spyir ma dmigs pa'i gtan tshigs la dgag bya'i chos de yod na dgag gzhi der shes pa gcig la 'drer rung bar snang ba dang/ mi rung bar snang ba gnyis su nges la/ dang po rang bzhin ma dmigs pa'i gtan tshigs su nges shing/ gnyis pa la/ de byung dang bdag gcig tu 'brel pa rang dbang du yod med gnyis su nges la/ dang po la rgyu dang khyab byed ma dmigs pa gnyis su nges la/ 'gal zla dmigs pa dang/ 'brel zla ma dmigs pa gzhan rnams la bdag gcig dang de byung gi 'brel pa rang dbang du med pas rgyu khyab byed ma dmigs pa gnyis su bsdus te bstan pa'i phyir/ 'o na/ skabs 'dir ma dmigs pa'i gtan tshigs brgyad bstan tshul ji lta bu zhe na/ 'di la 'grel bshad shAkya blo'i lugs dang/ @39b thar lam gsal byed kyi lugs gnyis/ dang po ni/ 'gal dang 'bras bu dag grub dang zhes sogs kyis ma dmigs pa'i gtan tshigs brgyad bstan pa yin te/ 'gal dang zhes pas rang bzhin 'gal dmigs dngos su bstan nas khyab byed 'gal dmigs shugs la bstan/ rgyu ltar rung ba'i bdag nyid dag ni ma grub pa zhes pas rgyu ma dmigs pa'i rtags yang dag dngos su bstan nas/ rgyu 'gal dmigs dang/ rgyu dang 'gal ba'i 'bras bu dmigs pa'i rtags yang dag gnyis shugs la bstan/ ngo bo ltar rung pa'i bdag nyid dag ni ma grub pa zhes pas rang bzhin ma dmigs pa'i rtags yang dag dngos su bstan nas/ khyab byed ma dmigs pa'i rtags yang dag shugs la bstan/ 'bras bu dag grub dang zhes pas/ 'gal 'bras dmigs pa'i rtags yang dag dngos su bstan pa'i phyir/ de ltar yang 'grel bshad las/ de ltar na mi dmigs pa 'di ni zhes bya ba la sogs pa ni rtsa ba'i rab tu dbye bas rnam pa bzhi yin kyang bar skabs kyi sbyor ba'i rab tu dbye bas rnam pa brgyad du 'gyur te/ 'di ltar rang bzhin 'gal dmigs kyi rab tu dbye ba ni khyab par byed pa 'gal ba dmigs pa yin par bshad do/ /rang bzhin ma dmigs pa ni khyab par byed pa mi dmigs pa'o/ /rgyu mi dmigs pa yi ni/ rgyu 'gal ba dmigs pa dang/ rgyu 'gal ba'i 'bras bu dmigs pa'o/ /'gal ba'i 'bras bu dmigs pa ni rnam pa gcig ste/ de ltar na rnam pa brgyad yin no/ /re shig 'dir rnam pa brgyad du bshad kyi 'di ni rnam pa bcu gcig yin no zhes gsungs/ gnyis pa thar lam gsal byed kyi lugs ni/ 'gal dang 'bras bu dag grub dang zhes sogs kyi sho lo ka gcig gis snang rung ma dmigs pa'i rtags yang dag la rtsa ba'i sgo nas dbye na bzhir yod par bstan ste/ rang 'grel las/ 'gal ba grub bas ni/ dper na/ 'di na grang ba'i reg pa med de/ me yod pa'i @40a @#/ /phyir zhes bya ba lta bu'o zhes dang/ 'gal ba'i 'bras bu grub pas ni/ dper na/ 'di na grang ba'i reg pa med de/ du ba yod pa'i phyir zhes pa lta bu/ rgyu ma grub pa ni/ dper na/ 'di na du ba med de/ me med pa'i phyir zhes bya ba lta bu'o/ / rang bzhin ma grub pa ni/ dper na 'di na du ba med de/ mi dmigs pa'i phyir zhes bya ba lta bu'o zhes gsungs/ snang rung ma dmigs pa'i gtan tshigs la yan lag gi sgo nas brgyad/ 'gal dang zhes pas rang bzhin 'gal dmigs kyi rtags yang dag dngos su bstan nas/ khyab byed 'gal dmigs shugs la bstan/ 'bras bu dag grub dang zhes pas 'gal 'bras dmigs pa'i rtags yang dag dngos su bstan nas rgyu ltar rung ba'i bdag nyid dag ni ma grub pa zhes pas rgyu ma dmigs pa'i rtags yang dag dngos su bstan/ ngo bo ltar rung ba'i bdag nyid dag ni ma grub pa zhes pas rang bzhin ma dmigs pa'i rtags yang dag dngos su bstan nas/ khyab byed ma dmigs pa'i rtags yang dag shugs la bstan/ rgyu mtshan dag ni 'gal ba nyid/ /med na 'khrul pa can yin no/ /zhes pas rgyu 'gal dmigs dang/ rgyu dang 'gal ba'i 'bras bu dmigs pa'i rtags yang dag shugs la bstan pa'i phyir/ des na 'grel bshad las/ 'gal dang 'bras bu dag grub dang zhes sogs sho lo ka gcig gis dngos su snang rung ma dmigs pa'i gtan tshigs bzhi dang/ shugs la bzhi bstan pas skabs 'dir ma dmigs pa'i sbyor ba brgyad bstan par bshad/ thar lam gsal byed las/ 'gal dang 'bras bu dag grub dang zhes sogs sho lo ka gcig gis dngos su snang rung ma dmigs pa'i gtan tshigs bzhi dang/ shugs la bstan pa gnyis te drug /rgyu mtshan dag ni 'gal ba nyid/ /zhes sogs kyi rgyu 'gal dmigs dang/ rgyu dang 'gal ba'i 'bras bu dmigs pa gnyis te/ skabs 'dir ma dmigs pa'i sbyor ba brgyad bstan par bshad/ lugs phyi @40b ma rang 'grel gyi dgongs pa yin te/ rang 'grel las/ 'gal ba grub pas ni dper na 'di na grang ba'i reg pa med de/ me yod pa'i phyir zhes bya ba lta bu'o/ /'dis ni khyab par byed pa 'gal ba grub pa yang bshad pa yin pa'i phyir dang/ rgyu mtshan dang ni 'gal ba nyid ces pa'i skabs kyi/ rang 'grel las rgyu mtshan dag 'gal na ni go bar byed pa kho na yin te/ dper na 'di na ba spu ldang ba la sogs pa'i khyad par med de/ me khyad par nye ba can nyid yin pa'i phyir/ zhes bya ba lta bu'o/ /'di ni de'i 'bras bu las kyang de dang 'gal ba'i 'bras bu med par rtogs par bshad pa yin te/ dper na phyogs 'di na ba spu ldang ba la sogs pa dang ldan ba'i skyes bu can med de/ du ba yod pa'i phyir zhes bya ba lta bu'o/ /de dang 'gal ba grub pa 'di yang gong du ma grub pa kho nas bstan pa nyid do/ /'di ltar ma dmigs pa 'di ni/ sbyor ba'i bye brag gis rnam pa brgyad do zhes gsungs pa'i phyir/ kho na re/ rang 'grel las/ de dang 'gal ba grub pa 'di yang gong du ma grub pa kho nas bstan pa nyid do zhes bshad pas 'grel bshad kyi lugs ltar khas len rigs kyi/ thar lam gsal byed kyi lugs de khas len mi rigs so zhe na/ skyon med de/ rgyu ltar rung ba'i bdag nyid dag ni ma grub pa/ /zhes pas rgyu 'gal dmigs dang/ rgyu dang 'gal ba'i 'bras bu dmigs pa'i rtags yang dag gnyis shugs la bstan kyang/ ma dmigs pa'i sbyor ba brgyad kyi grangs 'dren tshul/ sngar ltar rigs pa'i phyir te/ 'gal dang 'bras bu dag grub dang/ /zhes pa'i/ rang 'grel las/ shugs bstan gnyis bshad cing de las mang ba ma bshad pa'i phyir/ de ltar yang thar lam gsal byed las/ 'grel par gnyis ka kha bskang ba ni/ rang bzhin 'gal dmigs dang/ rang bzhin ma dmigs pa gnyis ni/ rtags gzhan 'phen tshul shes pa'i phyir du mtshon te bstan pa yin no zhes gsungs pa yin no/ /rgyu tshogs pa las 'bras skye bar/ /zhes sogs kyi skabs su/ /bod snga @41a @#/ /rabs pa'i lugs dgag pa dang/ rang lugs bzhag pa/ de la rtsod pa spang ba'o/ /dang po la snga ma/ kha cig /nas myug gi rgyu tshogs grangs tshang de/ nas sa chu lud drod gsher tshogs pa tshang ba'i dpyid dus kyi zhing shar ma rang 'bras nas myug 'byung rung du bsgrub pa'i rtags yang dag yin zer ba/ mi 'thad de/ de 'dra ba'i dpyid dus kyi zhing shar ma nas myug gi rgyu tshogs grangs tshang du tshad mas nges pa'i gang zag yin na/ de nas myug 'byung rung du tshad mas nges pa'i gang zag yin dgos pa'i phyir te/ de nas myug gi rgyu tshogs grangs tshang du tshad mas nges pa'i gang zag yin na/ de nas myug gi rgyur tshad mas grub pa'i gang zag yin dgos/ de nas myug gi rgyur tshad mas grub pa'i gang zag yin na/ de nas myug gi skyed byed du tshad mas grub pa'i gang zag yin dgos/ de yin na de nas myug skye rung du tshad mas nges pa'i gang zag yin dgos pa'i phyir/ rtags snga phyi gnyis 'bud/ rtags bar pa grub ste rang 'bras skyed byed rgyu'i mtshan nyid yin pa'i phyir/ gnyis pa ni/ nas sa chu lud drod gsher tshogs pa tshang ba'i zhing chos can/ khyod nas sa chu lud drod gsher tshogs pa tshang ba'i lug lo'i dpyid kyi zhing/ rang 'bras nas myug 'byung rung du bsgrub pa'i rang bzhin gyi rtags yang dag yin te/ khyod de sgrub kyi bsgrub rtags yang dag gang zhig /khyod rang 'bras nas myug 'byung rung la/ bdag gcig tu 'brel ba'i phyir/ nas sa chu lud drod gsher sogs tshogs pa tshang ba'i zhing dang/ de 'dra pa'i lug lo'i dpyid kyi zhing de rang 'bras myug gu bskyed nges yin kyang/ de dag yin na rang 'bras myug gu bskyed nges yin pas khyab pa ma nges shing/ rang 'bras myug gu skye rung yin pas khyab pa nges so/ /gsum pa la kho na re/ zhing de dag chos can/ khyod kyi rang 'bras nas myug bskyed pa la 'gal rkyen gyi gegs mi srid par thal/ khyod rang 'bras nas myug @41b bskyed nges yin pa'i phyir zer na/ ma khyab ste/ bum pa yod pa la 'gal rkyen gyi gegs mi srid par thal/ bum pa yod nges yin pa'i phyir/ gzhan yang/ rang 'bras nas myug bskyed nges yin na/ khyod kyi rang 'bras nas myug mi bskyed pa mi srid pas khyab par thal/ de yin na/ khyod kyi de skyed pa la 'gal rkyen gyi gegs mi srid pas khyab pa'i phyir/ rtags khas/ 'dod na/ bum pa med pa mi srid par thal/ bum pa yin na yod nges yin pas khyab pa'i phyir/ khyab pa khas/ byang sems sa brgyad pa pa 'tshang rgya nges ma yin par thal/ de 'tshang rgya ba la 'gal rkyen gyi gegs dang bcas pa'i phyir/ khyab pa khas/ kho na re/ zhing de dag gis nas myug bskyed pa yin kyang de dag rang 'bras nas myug bskyed nges min no zhe na/ tshad ma zhen yul la 'khrul par thal/ nas dang chu lud drod gsher sogs tshogs pa tshang ba'i zhing de rang 'bras nas myug bskyed par tshad ma'i stobs kyis nges pa gang zhig /de rang 'bras nas myug bskyed nges ma yin pa'i phyir/ dang po der thal/ des rang 'bras nas myug bskyed pa yin pa'i phyir/ yang kho na re/ nas dang chu lud drod gsher tshogs pa tshang ba'i zhing yang yin/ rang 'bras nas myug mi bskyed pa yin pa'i gzhi mthun srid dam mi srid/ mi srid na/ rang 'bras nas myug bskyed pas khyab pa ma nges pa dang 'gal/ srid na de 'dra'i gzhi mthun par gyur pa'i zhing chos can/ rang 'bras nas myug skye rung yin par thal/ nas dang chu lud drod gsher sogs tshang ba'i zhing yin pa'i phyir/ rtags khyab khas blangs/ 'dod na/ de chos can/ de ma yin par thal/ khyod rang 'bras nas myug mi bskyed par nges pa'i zhing yin pa'i phyir/ ma grub na/ der thal/ chos can de yin pa'i phyir/ ma grub na/ de de yin par thal/ de yod pa'i phyir/ de srid pa'i phyir/ zhes zer/ 'di la gzhan gyi lan 'debs tshul dgag pa/ rang lan 'debs tshul/ de dag la dogs pa spang ba/ dang po ni/ kha cig/ rtsa @42a @#/ /pa'i thal 'gyur dang po la 'dod lan/ gnyis pa khyab pa la the tshom za ba'i lan dang/ lnga pa la/ khyab pa la the tshom za ba'i lan 'debs so/ /de sgrub pa ni/ rang 'bras nas myug mi bskyed par nges na/ de bskyed rung ma yin pas khyab pa la the tshom za bar thal/ de'i ldog khyab la the tshom za ba'i phyir/ rang 'bras nas myug bskyed pa srid na/ de bskyed nges yin pas khyab pa la the tshom za ba'i phyir/ der thal/ srid na yod pas khyab pa la the tshom za ba'i phyir/ der thal/ de la dngos skyon du sha za 'jug mi 'jug the tshom za ba'i phyir/ de la de dngos skyon du btang ba'i tshe/ rtags tshad mas grub cing/ bsal ba la 'dod lan thebs mi thebs the tshom za ba'i phyir/ de bzhin du rang 'bras nas myug bskyed rung yin na/ de bskyed nges yin pa'i khyab pa la the tshom za bar thal/ nas sa chu lud drod gsher sogs tshogs pa tshang ba'i zhing yin na/ rang 'bras nas myug bskyed nges yin pas khyab pa la the tshom za ba'i phyir/ khyab ste/ de 'dra'i zhing yin na/ rang 'bras nas myug bskyed rung yin dgos pa'i phyir/ des na gong gi rtsod pa de la chos can la the tshom za ba'i lan 'debs so/ /zhes zer ba mi 'thad de/ yod na yod med the tshom za bas khyab pa la the tshom za bar thal/ de'i ldog khyab la the tshom za ba'i phyir/ yod na yod med the tshom za bas khyab pa la the tshom za ba'i phyir/ de la mdun gyi sha za dngos skyon du 'jug mi 'jug the tshom za ba'i phyir/ de la de dngos skyon du btang ba'i tshe/ rtags tshad mas grub cing/ bsal ba la 'dod lan thebs mi thebs theg tshom za ba'i phyir/ 'khor gsum/ rtsa bar 'dod na/ ha cang thal te/ yod na yod nges ma yin pas khyab pa la the tshom za bar thal/ 'dod pa'i phyir/ 'di dag gi dogs dpyod gzhan rnams gong du bshad zin to/ /srid na yod pas khyab pa la the tshom mi za na/ de 'dra'i khyab pa yod dam med zer na/ srid na yod pas khyab/ yod med the tshom za na yod pas khyab byas pa la/ kho na re/ mdun gyi sha za chos can/ yod par @42b thal/ srid pa'i phyir/ zhes zer na/ bsal pa la the tshom za'o/ /mkhas pa kha cig /srid na yod med the tshom mi za bas khyab par thal/ srid na yod pas khyab/ yod na yod nges yin pas khyab/ yod nges yin na yod med the tshom mi za bas khyab pa'i phyir/ rtags dang po khas/ zhes gsungs shing/ srid na yod pas ma khyab zhes gsungs/ de yang mi 'thad de/ srid na yod pas khyab pa la dngos skyon rnam dag yod par thal/ srid na yod pas khyab pa med pa'i phyir/ 'dod na/ de la mdun gyi sha za dngos skyon rnam dag du 'jug par thal/ 'dod pa'i phyir/ 'dod na/ mdun gyi gzhi 'dir sha za yod med the tshom mi za bar thal/ 'dod pa'i phyir/ mkhas pa kha cig /nas dang chu lud drod gsher sogs tshogs pa tshang pa'i zhing yang yin rang 'bras nas myug mi bskyed pa yang yin pa'i gzhi mthun pa yod med the tshom za/ nas dang chu lud drod gsher sogs tshogs pa tshang ba'i zhing yin na rang 'bras nas myug bskyed nges yin pas khyab/ 'di thar lam gsal byed kyi lugs yin zhes gsungs pa ni/ dam bca' gnyis nang 'gal bar dogs so/ /gnyis pa/ rang lugs kyi lan la/ thar lam gsal byed las bshad tshul /rnam nges TIk chen las bshad tshul lo/ /dang po ni/ sngar gyi rtsod pa de mi 'thad de/ mdun gyi gzhi 'dir bskal don sha za srid dam mi srid mi srid na/ mdun gyi gzhi 'dir bskal don sha za chos can/ bskal don ma yin par thal/ med nges yin pa'i phyir/ ma grub na/ der thal/ mi srid pa'i phyir/ gal te mdun gyi gzhi 'dir bskal don sha za srid do zhe na/ de chos can/ bskal don ma yin par thal/ yod pa'i phyir te/ srid pa'i phyir/ 'khor gsum/ gal te mdun gyi gzhi 'dir bskal don sha za yod pa'ang srid/ med pa'ang srid par khas blangs kyang/ mdun gyi gzhi 'drir sha za tshad mas grub par khas len mi dgos pas chos can nyid la the tshom za'o/ /zhe na/ 'o na/ nas sa chu lud drod gsher tshogs pa tshang ba'i zhing des rang 'bras nas myug bskyed @43a @#/ /pa'ang srid/ mi bskyed pa'ang srid pas zhing de dang rang 'bras nas myug mi bskyed pa'i gzhi mthun srid pa tshad mas grub kyang/ de 'dra'i gzhi mthun tshad mas grub par khas len mi dgos pas chos can nyid la the tshom za ba kun nas mtshungs so/ /mkhas pa kha cig /thar lam gsal byed las/ de 'dra'i zhing yang yin rang 'bras nas myug mi bskyed pa'ang yin pa'i gzhi mthun pa yod med the tshom za bar gsungs pa'i don ni/ chu po chen po'i 'gram gyi nas sa chu lud drod gsher sogs tshogs pa tshang ba'i zhing khyad par ba gcig dang/ rang 'bras nas myug mi bskyed pa'i gzhi mthun yod med the tshom za ba la dgongs pa yin gyi/ de 'dra'i gzhi mthun yod med the tshom mi za ste/ de 'dra'i gzhi mthun yod pa'i phyir/ zhes gsungs so/ /kha cig /nas dang chu lud drod gsher sogs tshogs pa tshang ba'i zhing yang yin/ rang 'bras nas myug mi bskyed pa'ang yin pa'i gzhi mthun yod med the tshom za na/ ma nges pa ni nyid yin te/ /zhes de 'dra'i tshogs pa tshang pa'i zhing yin na/ rang 'bras nas myug bskyed pas khyab pa ma nges par bshad pa dang 'gal lo zhe na skyon med de/ de 'dra'i khyab pa the tshom za nas/ de 'dra'i khyab pa mdun gyi skyes bu lan 'debs pa pos nges mi nus pa lung de'i don yin/ gnyis pa/ rnam nges TIk chen las gsungs tshul ni/ gong gi rtsod pa de'i thal 'gyur gnyis pa la ma khyab ste/ bum pa chos can/ zla ba zhes pa'i sgras brjod rung ma yin par thal/ zla ba zhes pa'i sgras ma brjod par nges pa'i phyir/ ma khyab na/ rang 'bras nas myug mi bskyed par nges na rang 'bras nas myug bskyed rung ma yin pas khyab pa yod pa 'bud/ des na nas sa chu lud drod gsher sogs tshogs pa tshang ba'i zhing yang yin/ rang 'bras nas myug mi bskyed pa'ang yin pa'i gzhi mthun yod med the tshom mi za ste/ de 'dra'i gzhi mthun yod pa'i phyir/ de ltar yang rnam nges Ti'k chen las/ 'o na nas la sogs pa'i tshogs pa tshang ba @43b yin na/ nas kyi myu gu bskyed rung yin pas khyab pa yang ma nges par 'gyur te/ tshogs pa tshang ba'ang yin/ nas kyi myu gu mi bskyed pa'ang yin pa'i gzhi mthun tshad mas grub pas/ gzhi mthun des nas kyi myu gu bskyed pa khegs pa na/ bskyed par rung ba yang khegs par 'gyur ro zhe na/ 'o na/ rtog yul na yod na zla ba zhes pa'i sgras brjod rung gis khyab pa khegs par thal/ zla ba zhes pa'i sgras brjod pas khyab pa khegs pa'i phyir/ des na tshogs ba tsam ni rang grub tsam nas bskyed rung rang chas su 'brel ba yin no/ /'di dag gi spros pa rnam 'grel gyi rnam bshad du bshad zin to zhes gsungs/ rang lugs ni/ rnam nges TIkka'i rjes su 'brangs nas/ nas dang chu lud drod gsher tshogs pa tshang ba'i zhing yang yin/ rang 'bras nas myug mi bskyed pa'ang yin pa'i gzhi mthun pa khas len rigs te/ skad cig gnyis par sa bon bya rog gis 'don par nges pa'i nas dang chu lud drod gsher sogs tshogs pa tshang ba'i zhing de rang 'bras nas myug mi bskyed par nges pa'i zhing yin pa'i phyir te/ de 'dra'i zhing chos can/ rang 'bras nas myug mi bskyed par nges par thal/ skad cig gnyis par sa bon bya rog gis zos par nges pa'i zhing yin pa'i phyir/ gsum rtsod pa spong ba la/ thar lam gsal byed las gsungs tshul la rtsod pa spong ba dang/ rnam nges TIk ka las gsungs tshul la rtsod pa spong ba'o/ /dang po ni/ kho na re/ nas dang chu lud drod gsher sogs tshogs pa tshang ba'i zhing yang yin/ rang 'bras nas myug mi bskyed pa'ang yin pa'i gzhi mthun pa yod med the tshom za ba mi rigs te/ thar lam gsal byed las/ rtags dang rtsod gzhir bzung ba de dag rang 'bras nas myug bskyed nges yin kyang/ de dag yin na bskyed pas khyab pa ma nges shing/ rung ba tsam gyi khyab pa nges so zhes gsungs pa'i phyir/ zhe na/ 'di'i lan la mkhas pa kha cig /nas dang chu lud drod gsher sogs tshogs pa tshang pa'i zhing yin na/ rang 'bras nas myug bskyed pas khyab pa la the @44a @#/ /tshom za nas ma nges pa lung de'i don yin no zhes zer ba mi 'thad de/ de 'dra'i khyab pa nges ma nges the tshom za bar thal/ de 'dra'i khyab pa rnal mar nges ma nges the tshom za ba'i phyir te/ de 'dra'i khyab pa la the tshom za ba'i phyir/ rang lugs ni mdun gyi skyes bu lan 'debs pa pos de 'dra'i khyab pa la the tshom za bas mdun gyi skyes bu lan 'debs pa pos de 'dra'i khyab pa ma nges pa lung de'i don yin no/ /thar lam gsal byed las/ sngar bshad pa'i zhing des myu gu bskyed pa'ang srid/ mi bskyed pa'ang srid pas/ zhing de dang myu gu mi bskyed pa'i gzhi mthun srid pa tshad mas grub kyang/ de 'dra'i gzhi mthun tshad mas grub par khas len mi dgos pas chos can nyid la the tshom za ba kun nas mtshungs so/ /zhes bshad pa la kho na re/ de 'dra'i gzhi mthun chos can/ tshad mas grub par thal/ yod pa'i phyir/ 'khor gsum/ de bzhin du de 'dra'i gzhi mthun chos can/ tshad mas grub ma grub the tshom za bar thal/ yod med the tshom za ba'i phyir/ 'khor gsum/ zhes zer ba mi 'thad de/ thar lam gsal byed las/ de ltar gsungs pa'i don de 'dra'i gzhi mthun srid kyang tshad mas grub ces pa'i don min te/ de 'dra'i gzhi mthun srid par khas blangs pas/ de 'dra'i gzhi mthun tshad mas grub par khas blangs par ma song zhes pa'i don yin pa'i phyir/ gnyis pa rnam nges TIk ka las bshad tshul la rtsod pa spong ba ni/ mkhas pa kha cig /nas dang chu lud drod gsher sogs tshogs pa tshang pa'i zhing yang yin/ rang 'bras nas myug mi bskyed pa'ang yin pa'i gzhi mthun med par thal/ de 'dra'i zhing yin na/ rang 'bras nas myug bskyed nges yin pas khyab pa'i phyir/ de 'dra'i zhing yin na rang 'bras nas myug 'byung rung yin pas khyab/ de yin na rang 'bras nas myug gi rgyu yin pas khyab/ de yin na rang 'bras nas myug skyed byed yin pas khyab/ de yin na rang 'bras nas myug skyed nges yin pas khyab pa'i phyir/ @44b rtags rnams 'bud/ zhes gsungs/ de la re shig de rnams mi 'thad de/ skad cig gnyis par sa bon bya rog gis zos par nges pa'i nas sa chu lud drod gsher sogs tshogs pa tshang ba'i zhing de yod/ de rang 'bras nas myug bskyed nges ma yin pa'i phyir/ yang kha cig /TI kka las/ nas dang chu lud drod gsher tshogs pa tshang ba'i zhing yang yin/ rang 'bras nas myug mi bskyed pa'ang yin pa'i gzhi mthun yod med the tshom za bar bshad pas/ skad cig gnyis par sa bon bya rog gis zos par nges pa'i zhing yod med the tshom za ste/ skad cig gnyis par sa bon bya rog gis zos par nges shing/ skad cig gsum pa la sa bon skyar ma btab nas rang 'bras nas myug bskyed nges yin pa'i gzhi mthun yod med the tshom za ba'i phyir/ de ltar ma yin par de 'dra'i zhing yod na/ de chos can/ rang 'bras nas myug bskyed nges ma yin par thal/ skad cig gnyis par sa bon bya rog gis zos par nges pa'i zhing yin pa'i phyir/ zhes zer ba mi 'thad de/ skad cig gnyis par sa bon bya rog gis zos par nges shing skad cig gsum pa la sa bon skyar ma btab nas rang 'bras nas myug bskyed nges kyi zhing gzhi ma grub pa'i phyir te skad cig gsum pa rang gi 'bras bu'i rgyu yin pa'i dngos po gzhi ma grub pa'i phyir/ gang zhig ma mthong ba tsam gyis zhes sogs kyi skabs su/ mkhas pa snga ma'i lugs la dpyad pa dang/ rang lugs bzhag pa'o/ /dang po ni thar lam gsal byed las/ ma nges pa'i rtags khyab pa la the tshom za bar ma nges te/ dngos kyi ma nges pa ni/ khyab ba med nges yin pas khyab la/ lhag ldan khyab pa la the tshom za bar 'dod na yang gang la ngag smra pa'i skyes bu pha rol po chags bral du sgrub pa'i 'gal ba lhag ldan du song ba'i gang zag de'i ngo bor mi mthun phyogs la tshad mas mthong zhing/ mthun phyogs la the tshom za ba dgos pas/ rtags dang dgag bya'i chos kyi gzhi mthun de nyid kyis rtags de yin na bsgrub @45a @#/ /bya'i chos de yin pas khyab pa nges pa la sun 'byin yang dag tu mthong bas khyab pa'i phyir ro/ /des na mthun phyogs la the tshom dang bcas pa zhes bya yi/ rjes khyab la the tshom za ba min no/ zhes pas bstan/ 'di'i don ni/ rigs gter las/ ma nges the tshom skyed pa'i rtags zhes gsungs pa la brten nas/ rjes 'brang kha cig /de sgrub kyi ma nges pa'i gtan tshigs yin na/ rang nyid de sgrub pa la phyogs chos can du song ba'i gang zag gi rgyud la rang nyid kyi rtags kyis de sgrub kyi khyab 'brel la the tshom skyed byed yin pas khyab ce na/ gzhal bya chos can/ rang nyid sgra rtag par sgrub pa la phyogs chos can du song ba'i gang zag gi rgyud la rang nyid kyi rtags kyis de sgrub kyi khyab khyab 'brel la the tshom skyed byed yin par thal/ de lhar sgrub pa'i ma nges pa'i gtan tshigs yin pa'i phyir/ khyab pa khas/ 'dod mi nus te/ rang nyid sgra rtag par sgrub pa la phyogs chos can du song ba'i gang zag des rang nyid kyi rtags kyis sgra rtag par sgrub pas khyab pa med nges su rtogs pa'i phyir/ des rang nyid sgra rtag par sgrub pa'i mthun phyogs la yod par rtogs pa'i phyir/ sgra rtag par sgrub pa'i dngos kyi ma nges pa'i gtan tshigs yin pa'i phyir/ gzhan yang/ ngag smra chos can/ rang nyid ngag smra'i skyes bu pha rol po chags bral du sgrub pa la phyogs chos can du song ba'i gang zag gi rgyud la rang nyid kyi rtags kyis de sgrub kyi khyab 'brel la the tshom skyed byed yin par thal/ de sgrub kyi ma nges pa'i gtan tshigs yin pa'i phyir/ khyab pa khas/ 'dod na/ de chos can/ de ma yin par thal/ rang nyid de sgrub pa la phyogs chos can du song ba'i gang zag des rang nyid kyi rtags kyis de sgrub kyi khyab pa med par nges pa'i phyir/ des rang nyid de sgrub kyis mi mthun phyogs la yod par nges pa'i phyir te/ de sgrub kyi 'gal ba lhag ldan gyi ma nges pa'i gtan tshigs yin pa'i phyir/ 'dod na/ de ni the tshom rgyu yin phyir zhes gsungs pa dang 'gal lo zhe na skyon med de lung des/ de sgrub @45b kyi 'gal ba lhag ldan gyi ma nges pa'i gtan tshigs yin na/ rang nyid de sgrub pa la phyogs chos can du song ba'i gang zag des rang nyid de sgrub kyi mthun phyogs la yod med the tshom za ba gcig dgos pa'i don yin gyi/ des rang nyid kyi rtags kyis de sgrub kyi rjes khyab la the tshom za dgos pa'i don ma yin pa'i phyir/ kha cig /rigs gter gyi lung de'i don du bsam nas/ de sgrub kyi phyogs chos gang zhig /de sgrub kyi bsgrub bya la the tshom skyed byed/ de sgrub kyi ma nges pa'i gtan tshigs kyi mtshan nyid ces gsungs ba mi 'thad de/ de ltar smra ba ni the tshom rgyu yin phyir/ zhes pa'i don ma yin pa'i tshul sngar bshad zin pa'i phyir dang de las gzhan pa'i shes byed kyi lung med pa'i phyir/ gzhan yang/ de mi 'thad de/ bsgrub bya la the tshom rgyud la snga ma nas ldan bzhin pa'i ma nges pa'i rtags 'god yul gyi phyi rgol du ma yod pa'i phyir/ lugs snga phyi gnyis ka mi 'thad de/ dngos med kyis 'bras bu skyed pa mi srid pa'i phyir/ dbye ba la dogs pa dpyad na/ rigs gter las/ phyogs las gzhan la ma grub pa/ /dbye na dngos dang lhag ldan gnyis// mthun phyogs la mthong mi mthun la/ /ma mthong yang dag lhag ldan yin/ /mi mthun phyogs mthong mthun phyogs la/ /ma mthong 'gal ba lhag ldan yin/ /zhes gsungs pa'i don du bsam nas/ kha cig /khyod de sgrub kyi ma nges pa'i gtan tshigs gang zhig /khyod de sgrub pa la phyogs chos can du song ba'i gang zag des/ khyod de sgrub kyi phyogs chos de shes 'dod chos can las gzhan mthun phyogs la ma mthong/ mi mthun phyogs la'ang ma mthong ba/ de sgrub kyi thun mong ma yin pa'i ma nges pa'i gtan tshigs kyi mtshan nyid/ thun mong ma yin pa'i ma nges pa'i gtan tshigs la dbye na/ mthun phyogs mi mthun phyogs gnyis ka la med nas ma mthong ba/ gnyis ka la yod kyang ma mthong ba/ mi mthun phyogs la med/ mthun phyogs la yod kyang ma mthong ba/ mthun phyogs la med/ @46a @#/ /mthun phyogs yod kyang ma mthong ba'i thun mong ma yin pa'i ma nges pa'i gtan tshigs bzhi/ dang po'i mtshan gzhi/ sgra chos can/ mi rtag ste/ nyan bya yin pa'i phyir/ zhes pa lta bu/ gnyis pa ni/ skyes bu pha rol po 'di chos can/ lha las tshe 'phos te/ mig dang ldan pa'i phyir/ zhes pa lta bu/ gsum pa ni/ byas pa sgra rtag sgrub la phyogs chos can du song zhing/ byas mi rtag gi 'brel pa mi shes pa'i rgol pa'i ngo bor/ sgra chos can/ mi rtag ste/ byas pa'i phyir/ zhes pa lta bu/ bzhi pa ni/ de 'dra'i rgol ba'i ngo bor/ sgra chos can/ rtag ste/ byas pa'i phyir/ zhes bkod pa lta bu/ de sgrub kyi ma nges pa'i gtan tshigs gang zhig /rang nyid de grub pa la phyogs chos can du song ba'i gang zag des khyod de sgrub kyi mthun phyogs dang mi mthun phyogs gang rung la tshad mas mthong ba; de sgrub gyi thun mong gi ma nges pa'i gtan tshigs kyi mtshan nyid/ dbye na dngos kyi ma nges pa dang/ lhag ldan gyi ma nges pa'i gtan tshigs gnyis/ dang po la mtshan nyid dbye ba gnyis/ dang po ni/ de gang zhig khyod de sgrub la phyogs chos can du song ba'i gang zag des khyod de sgrub kyi mthun phyogs mi mthun phyogs gnyis ka la tshad mas mthong ba de'i mtshan nyid/ gnyis pa de la dbye na mthun phyogs mi thun phyogs gnyis ka la khyab byed du 'jug pa/ gnyis ka la rnam gnyis su 'jug pa/ mthun phyogs la khyab byed mi mthun phyogs la rnam gnyis su 'jug pa/ mi mthun phyogs la khyab byed/ mthun phyogs la rnam gnyis su 'jug pa dang bzhi/ dang po'i mtshan gzhi rigs gter 'grel par/ sgra mi rtag par bsgrub pa la gzhal bya rtags su bkod pa zhes bshad cing/ rjes 'brang kha cig / gzhal bya sgra rtag par bsgrub pa la phyogs chos can du song zhing/ rtag mi rtag gnyis dang gzhal bya'i 'brel pa nges pa'i phyir rgol gyi ngo bor/ sgra rtag par bsgrub pa la gzhal bya rtags su bkod pa lta bu/ zhes zer/ gnyis pa'i mtshan gzhi bye brag pa'i ngo bor sgra rtag @46b par bsgrub pa la lus can min pa rtags su bkod pa lta bu/ rtags 'di'i don la cha gnyis su 'jug pa ma yin te/ rtag pa yin na/ lus can ma yin dgos pa'i phyir/ des na bye brag pa'i blo ngo la ltos nas/ mthun phyogs la cha gnyis su 'jug par bshad pa yin te/ bye brag bas rtag pa yin la/ lus can yin pa'ang 'dod/ rtag pa yin la/ lus can ma yin pa'ang 'dod pa'i phyir/ rtags dang po grub ste/ des 'byung bzhi'i rdul phran rtag par yang 'dod/ de lus can du'ang 'dod pa'i phyir/ gsum pa'i mtshan gzhi/ dung sgra rtsol byung du bsgrub pa la mi rtag pa rtags su bkod pa lta bu/ bzhi pa'i mtshan gzhi/ dud sgra rtsol byung ma yin par bsgrub pa la mi rtag pa rtags su bkod pa lta bu/ gnyis pa lhag ldan gyi ma nges pa'i gtan tshigs la/ yang dag lhag ldan dang/ 'gal ba lhog ldan gnyis/ dang bo ni/ khyod de sgrub kyi ma nges pa'i gtan tshigs gang zhig /khyod de sgrub pa la phyogs chos can du song ba'i gang zag gis/ khyod de sgrub kyi mthun phyogs la mthong /mi mthun phyogs la ma mthong ba'o/ /mtshan gzhi ni/ skyes bu pha rol bo chos can/ thams cad mkhyen pa ma yin te/ ngag smra ba'i phyir/ zhes pa lta bu/ gnyis pa'i mtshan nyid/ de gang zhig /khyod de bsgrub pa la phyogs chos can du song ba'i gang zag des khyod de sgrub kyi mi mthun phyogs la tshad mas mthong mthun phyogs la ma mthong ba/ mtshan gzhi ni/ skyes bu pha rol po chos can/ thams cad mkhyen pa yin te/ dag smra ba'i phyir zhes pa lta bu/ de rnams ni chos rjes paN gyi bzhed pa rigs gter 'grel par bkod pa rjes 'brang gis bkral ba bzhin bris pa yin la/ de dag dar Tik gi rjes su 'brangs nas 'god tshul ni/ thun mong ma yin pa'i ma nges pa'i dbye ba dang po mi 'thad de/ sgra mi rtag par grub pa'i mthun phyogs la med nas ma mthong/ mi mthun phyogs la yang med nas ma mthong ba'i de sgrub kyi thun mong ma yin pa'i ma nges pa'i gtan tshigs gzhi ma grub pa'i @47a @#/ /phyir; sgra mi rtag par sgrub pa'i thun mong ma yin pa'i ma nges pa'i gtan tshigs yin na/ sgra mi rtag par bsgrub pa'i mthun phyogs kho na la yod dgos pa'i phyir/ don bsdu na/ mnyan bya chos can/ khyod sgra mi rtag par sgrub pa'i mthun phyogs la yod par thal/ khyod dang sgra mi rtag par bsgrub pa'i mthun phyogs kyi gzhi mthun yod pa'i phyir/ khyod dang mi rtag pa'i gzhi mthun yod pa'i phyir/ gzhan yang /mtshan nyid de rnams mi 'thad de/ mnyan bya sgra rtag bsgrub la phyogs chos can du song ba'i gang zag des/ mnyan bya sgra mi rtag par bsgrub pa'i mthun phyogs la mthong ba'i phyir/ des mnyan bya mi rtag pa la mthong pa'i phyir/ de'i rgyud kyi sgra 'dzin dbang po'i mngon sum gyis mnyan bya mi rtag par mthong ba'i phyir/ des sgra mi rtag par mthong ba'i phyir; de sgra mi rtag pa la sgrub 'jug yin pa'i phyir/ de la rigs gter ba rnams na re/ mnyan bya sgra mi rtag par bsgrub pa'i mthun phyogs la yang gtan med/ mi mthun phyogs la yang gtan med du bshad pa'i rgyu mtshan yod de/ mnyan bya sgra mi rtag par sgrub pa'i mthun phyogs bum pa la yang gtan med/ mi mthun phyogs nam mkha' la yang gtan nas med pa'i phyir/ des na gong gi thal 'gyur de thams cad gnod byed du mi 'jug ste/ sgra mi rtag par bsgrub pa'i mthun phyogs dang /sgra mi rtag par sgrub pa'i mthun dpe yang dag don gcig /sgra mi rtag par sgrub pa'i mi mthun dpe yang dag dang /sgra mi rtag par sgrub pa'i mi mthun phyogs don gcig pa'i phyir dang/ sgra mi rtag par sgrub pa'i mthun phyogs la yang gtan med pa'i sgra mi rtag par sgrub pa'i ma nges pa'i gtan tshigs med na phyogs chos mthun phyogs yod med dang zhes sogs kyi gzhung sgra ji bzhin du khas blang du mi rung ba'i skyon yod pa'i phyir/ zhes zer ba mi 'thad de/ phyogs chos 'khor lo las/ mnyan @47b bya sgra mi rtag par bsgrub pa'i mthun phyogs la yang gtan med/ mi mthun phyogs la yang gtan med kyi thun mong ma yin pa'i ma nges pa'i gtan tshigs su bshad pa'i rgyu mtshan yod de/ mnyan bya sgra mi rtag sgrub la phyogs chos can du song pa'i gang zag des mnyan bya sgra mi rtag par sgrub pa'i mthun phyogs la yang yod par ma grub/ mi mthun phyogs la yang yod par ma grub pa la dgongs nas de ltar bshad pa'i phyir/ de sgrub kyi mthun phyogs dang de sgrub kyi mthun dpe yang dag don gcig pa dang/ ma nges pa'i gtan tshigs kyi rnam bzhag sngar ltar khas len pa nang 'gal gyi phung po yin te/ gzhal bya'i rtags kyis sgra mi rtag par sgrub pa'i mthun dpe yang yod par thal/ gzhal bya'i rtags kyis sgra mi rtag par bsgrub pa'i mthun phyogs yod pa'i phyir/ rtags khyab khas blangs/ dag smra'i rtags kyis ngag smra'i skyes bu pha rol po thams cad mkhyen pa ma yin par bsgrub pa'i mthun dpe yang dag yod par thal/ de'i rtags kyis de sgrub kyi mthun phyogs yod pa'i phyir/ rtags khyab/ khas blangs/ rtsol byung gi brag ri chos can/ rtsol byung gi rtags kyis dung sgra mi rtag par sgrub pa'i mthun dpe yang dag yin par thal/ de'i rtags kyis de sgrub kyi mthun phyogs yin pa'i phyir/ khyab pa khas/ ma grub na/ rtsol byung dud sgra mi rtag par bsgrub pa'i mthun phyogs la cha gnyis su 'jug pa ma yin par thal/ ma grub pa de'i phyir/ 'di thams cad 'khor gsum gyi 'phreng ba yin no/ /yang rigs gter 'grel pa rjes 'brang dang bcas pa bye brag pas 'byung bzhi'i rdul phran lus can du 'dod par bshad pa mi 'thad de/ bye brag pa'i ngo bor reg bya can gyi ming lus can zhes pa 'byung bzhi'i rdul phran la 'jug pa ma grub kyang/ bye brag pas reg bya can gyi rtags kyis 'byung bzhi'i rdul phran mi rtag par sgrub pa'i phyogs chos grub pa'i phyir/ sgra ma grub kyang dngos po ni zhes sogs bstan pa dang 'gal @48a @#/ /pa'i phyir dang/ bye brag pas 'byung bzhi'i rdul phran rdzas dang/ lus can yon tan du 'dod cing/ rdzas dang yon tan 'gal bar bye brag pas khas len pa'i phyir/ yang rigs gter ba rnams gzhal bya la mi rtag pas khyab pa khas len pa mi 'thad de/ skabs 'dir rigs gter 'grel par/ gzhal bya sgra mi rtag par bsgrub pa'i dngos kyi ma nges pa'i gtan tshigs su bshad pa dang 'gal ba'i phyir/ gnyis pa rang lugs bzhag pa la/ ma nges pa'i gtan tshigs la mtshan nyid/ dbye ba gnyis ! dang po ni/ khyod de sgrub kyi phyogs chos gang zhig /khyod de sgrub pa la phyogs chos can du song pa'i gang zag des/ khyod kyi rtags kyi de sgrub kyi rjes khyab rnal mar ma nges khyod kyi rtags kyi de sgrub kyi rjes khyab phyin ci log tu yang ma nges pa/ khyod de sgrub kyi ma nges pa'i gtan tshigs kyi mtshan nyid/ skyon gcod na gzhi mthun bsdus nas 'jog go/ yang na de sgrub kyi phyogs chos can gyi gtan tshigs ltar snang yang yin/ de sgrub kyi 'gal rtags ma yin pa'i gzhi mthun pa de sgrub kyi ma nges pa'i gtan tshigs kyi mtshan nyid/ gnyis pa ni ma nges pa'i gtan tshigs la dbye na/ thun mong ma yin pa'i ma nges pa'i gtan tshigs dang/ thun mong gi ma nges pa'i gtan tshigs gnyis/ dang po la/ mtshan nyid/ dbye ba/ thun mong ma yin pa'i ma nges pa'i don la dpyad pa'o/ /dang po ni/ khyod de sgrub kyi ma nges pa'i gtan tshigs gang zhig ! khyod de sgrub pa la phyogs chos can du song pa'i gang zag des/ khyod de sgrub kyi mthun phyogs la yang yod par ma nges/ khyod de sgrub kyi mi mthun phyogs la yang yod par ma nges pa/ khyod de sgrub kyi thun mong ma yin pa'i ma nges pa'i gtan tshigs kyi mtshan nyid/ skyon gcod na gzhi mthun bsdus nas 'jog /gnyis pa thun mong ma yin pa'i ma nges pa'i gtan tshigs la dbye na/ mthun phyogs la med nas ma mthong zhing/ mi mthun phyogs la yod kyang yod pa ltar ma mthong pa'i thun mong ma yin pa'i ma nges pa'i gtan tshigs/ mi @48b mthun phyogs la med nas ma mthong zhing/ mthun phyogs la yod kyang yod pa ltar ma mthong ba'i thun mong ma yin pa'i ma nges pa'i gtan tshigs/ mthun phyogs mi mthun phyogs gnyis ka la yod kyang yod pa ltar ma mthong ba'i thun mong ma yin pa'i ma nges pa'i gtan tshigs dang gsum/ dang po ni/ sgra chos can/ rtag ste/ nyan bya yin pa'i phyir/ zhes pa lta bu/ gnyis pa ni/ sgra chos can/ mi rtag ste/ nyan bya yin pa'i phyir/ zhes pa lta bu/ gsum pa ni/ skyes bu pha rol po chos can/ lha las tshe 'phos pa yin te/ mig dang ldan pa'i phyir zhes pa lta bu/ gsum pa ni/ nyan bya chos can/ khyod la sgra mi rtag par sgrub pa'i thun mong ma yin pa'i ma nges pa'i gtan tshigs zhes brjod pa'i rgyu mtshan yod de/ khyod sgra mi rtag par sgrub pa la phyogs chos can du song ba'i gang zag des khyod de sgrub kyi rtsod gzhi dang mthun phyogs dang/ mi mthun phyogs gsum gyi nang nas/ rtsod gzhi la yod par nges/ des de sgrub kyi rtsod gzhi dang mthun phyogs la thun mong du yod par ma nges/ rtsod gzhi dang mi mthun phyogs la thun mong du yod par ma nges pa'i rgyu mtshan gyis de ltar brjod pa'i phyir/ gnyis pa la/ mtshan nyid dang/ dbye ba'o/ /dang po ni/ khyod de sgrub kyi ma nges pa'i gtan tshigs gang zhig /khyod de sgrub pa la phyogs chos can du song pa'i gang zag des khyod de sgrub kyi shes 'dod chos can dang; de sgrub kyi mthun phyogs la thun mong du yod par nges pa dang/ des khyod de sgrub kyi shes 'dod chos can dang de sgrub kyi mi mthun phyogs la thun mong du yod par nges pa gang rung yang yin pa'i gzhi mthun pa de de sgrub kyi thun mong gi ma nges pa'i gtan tshigs kyi mtshan nyid/ de la dbye na/ dngos kyi ma nges pa'i gtan tshigs dang /lhag ldan gyi ma nges pa'i gtan tshigs gnyis/ dang po ni/ khyod de sgrub kyi thun mong gi ma nges pa'i gtan tshigs gang zhig /khyod de sgrub pa la phyogs chos can du song pa'i gang zag des khyod de @49a @#/ /sgrub kyi mthun phyogs mi mthun phyogs gnyis ka la yod par nges pa de/ khyod de sgrub kyi dngos kyi ma nges pa'i gtan tshigs kyi mtshan nyid/ dngos kyi ma nges pa'i gtan tshigs la dbye na/ mthun phyogs mi mthun phyogs gnyis ka la khyab byed du 'jug pa'i dngos kyi ma nges pa'i gtan tshigs/ mthun phyogs la khyab byed mi mthun phyogs la rnam gnyis su 'jug pa'i dngos kyi ma nges pa'i gtan tshigs/ mi mthun phyogs la khyab byed/ mthun phyogs la rnam gnyis su 'jug pa'i dngos kyi ma nges pa'i gtan tshigs/ mthun phyogs mi mthun phyogs gnyis ka la rnam gnyis su 'jug pa'i dngos kyis nges pa'i gtan dang bzhi/ dang po ni/ phyogs chos 'khor lo las/ sgra chos can/ rtag ste/ gzhal bya yin pa'i phyir zhes bshad kyang/ don ni/ sgra chos can/ rtag ste/ ri bong rwa med pa'i phyir zhes pa lta bu/ gnyis pa ni/ dud sgra chos can/ rtsol ba las byung ste/ mi rtag pa'i phyir zhes pa lta bu/ gsum pa ni/ dud sgra chos can/ rtsol ba las ma byung ste/ mi rtag pa'i phyir/ zhes pa lta bu/ bzhi pa ni/ phyogs chos 'khor lo las; sgra chos can/ rtag ste/ reg bya can ma yin pa'i phyir/ zhes bshad pa ni/ bye brag pa'i blo ngo la ltos nas bshad pa yin gyi/ reg bya can ma yin pa sgra rtag par bsgrub pa'i mthun phyogs la rnam gnyis su mi 'jug ste/ rtag pa yin na reg bya can ma yin dgos pa'i phyir/ bye brag pa'i ngo bor reg bya can ma yin pa sgra rtag par bsgrub pa'i mthun phyogs la rnam gnyis su 'jug ste/ bye brag pa'i reg bya can yin la rtag pa yin pa'ang 'dod/ des rtag pa yin la reg bya can ma yin pa'ang 'dod pa'i phyir/ dang po grub ste/ des 'byung bzhi'i rdul phran rtag par 'dod/ reg bya can du'ang 'dod pa'i phyir/ des na/ mthun phyogs mi mthun phyogs gnyis ka la cha gnyis su 'jug pa'i rtags dngos ni/ sgra chos can/ rtag ste/ mtshon bya yin pa'i phyir/ zhes pa lta bu/ @49b gnyis pa lhag ldan gyi ma nges pa'i gtan tshigs la/ mtshan nyid/ dbye ba/ sgra bshad pa dang gsum/ dang po ni/ khyod de sgrub kyi thun mong ba'i ma nges pa'i gtan tshigs gang zhig /khyod de sgrub la phyogs chos can du song ba'i gang zag des/ khyod de sgrub kyi mthun phyogs dang mi mthun phyogs gnyis ka la yod par ma nges mnges pa de sgrub kyi lhag ldan gyi ma nges pa'i gtan tshigs kyi mtshan nyid/ gnyis pa/ de la dbye na/ yang dag lhag ldan dang /'gal ba lhag ldan gnyis/ dang po'i mtshan nyid/ khyod de sgrub kyi thun mong gi ma nges pa'i gtan tshigs gang zhig /rang nyid de sgrub pa la phyogs chos can du song ba'i gang zag gis/ rang nyid de sgrub kyi mthun phyogs la yod par nges rang nyid de sgrub kyi mi mthun phyogs la yod med the tshom za ba/ dper na/ dag smra'i skyes bu pha rol po chos can/ kun mkhyen ma yin te/ ngag smra ba'i phyir/ zhes pa lta bu/ gnyis pa'i mtshan nyid/ de gang zhig /rang nyid de sgrub pa la phyogs chos can du song ba'i gang zag gis/ rang nyid de sgrub kyi mi mthun phyogs la yod par nges/ rang nyid de sgrub kyi mthun phyogs la yod med the tshom za ba/ dper na/ ngag smra pa'i skyes bu pha rol po chos can/ kun mkhyen yin te/ ngag smra pa'i phyir/ zhes pa lta bu/ gsum pa ni/ ngag smra chos can/ khyod la ngag smra'i skyes bu pha rol po kun mkhyen ma yin par bsgrub pa'i yang dag lhag ldan gyi ma nges pa'i gtan tshigs zhes brjod pa'i rgyu mtshan yod de/ khyod de sgrub kyi rtags yang dag tu 'gyur ba la/ khyod de sgrub pa la phyogs chos can du song ba'i gang zag gis/ khyod de sgrub kyi mi mthun phyogs la yod med the tshom za bar lhag mar lus pa'i de sgrub kyi ma nges pa'i gtan tshigs yin pa'i rgyu mtshan gyis de ltar brjod pa'i phyir/ dag smra chos can/ khyod la dag smra'i skyes bu pha rol po kun mkhyen du bsgrub pa'i 'gal ba lhag lhan gyi ma nges pa'i gtan tshigs zhes brjod pa'i rgyu mtshan yod de/ khyod de sgrub kyi 'gal rtags su 'gyur ba la/ khyod de sgrub pa la phyogs chos can du song @50a @#/ /ba'i gang zag gis/ khyod de sgrub kyi mthun phyogs la yod med the tshom za ba lhag mar lus pa'i de sgrub kyi ma nges pa'i gtan tshigs yin pa'i rgyu mtshan gyis de ltar brjod pa'i phyir/ gtan tshigs kyi ni tshul gsum la'ang/ zhes pa nas/ mi dmigs pas ni mi 'grub bo/ /zhes pa'i bar gyis/ med na mi 'byung nges phyir ro/ /zhes pa'i gzhung rgyas par 'chad tshul ji lta bu zhe na/ med na mi 'byung nges phyir ro/ /zhes pa'i skabs su/ rtags yang dag gi rjes su 'gro ldog gi khyab pa tshad mas nges pa rtags chos med na mi 'byung ba'i 'brel pa tshad mas nges pa la rag las byas pa la/ rang snge slob dpon dbang phyug sde la sogs pa na re/ de mi 'thad de/ rtags mi mthun phyogs la ma thong ba tsam gyis ldog khyab grub pa'i phyir/ zhes zer/ de 'gog pa la/ gtan tshigs kyi ni tshul gsum la'ang/ zhes pa nas/ mi dmigs pas ni mi 'grub bo/ /zhes pa'i bar gsungs/ gzhung de rnams kyang don tshan gsum du 'du ba yin te/ rtags mi mthun phyogs la ma mthong ba tsam gyis ldog khyab grub pa 'gog pa dang/ rtags yang dag gi rjes su 'gro ldog gi khyab pa tshad mas nges pa rtags chos med na mi 'byung ba'i 'brel ba tshad mas nges pa um la'ang/ /zhes sogs gsungs/ rtags m byed kyi tshad ma rgyas par bstan pa rnam pa gsum du 'du ba'i phyir/ dang po ni/ gtan tshigs kyi ni tshul gsum la'ang /zhes pa nas/ gtan tshigs med sgrub yin nam ci/ /zhes pa'i bar gyis 'chad/ gnyis pa ni/ de phyir de tsam dang 'brel pa'i/ /zhes pa nas/ 'bras bu na yang ga la nges/ /gnes pa'i bar gyis 'chad/ gsum pa la/ bsgrub rtags kyi 'brel pa nges byed kyi tshad ma bshad pa dang /dgag rtags kyi 'brel pa nges byed kyi tshad ma bshad pa gnyis/ dang po la/ gnyis yod pa'i 'bras rtags kyi 'brel ba nges byed kyi tshad ma 'chad pa la/ me yi 'bras bu du ba ste/ /zhes pa nas/ de phyir mi mthun las mi 'byung/ /zhes pa'i bar gsungs/ rang bzhin gyi rtags yang dag gi 'brel pa nges byed kyi tshad ma @50b rgyas par 'chad pa la/ rang bzhin la yang med mi 'byung/ /zhes pa nas/ gzhan la'ang ngo bo nyid kyis 'gyur/ /zhes pa'i bar gsungs/ de gnyis kyi don bsdu ni/ des na dngos po'i yul can gyi/ /zhes sogs kyis 'chad/ gnyis pa dgag rtags kyi 'brel ba nges byed kyi tshad ma bshad pa la gnyis yod pa'i nang nas mi snang ba ma dmigs pa'i rtags yang dag gi 'brel pa nges byed kyi tshad ma 'chad pa ni/ 'jug pa blo sngon can nyid phyir/ /zhes pa nas/ phyir na tshad ma nyid mi 'gyur/ /zhes pa'i bar gyis 'chad/ snang rung ma dmigs pa'i rtags yang dag gi 'brel pa nges byed kyi tshad ma 'chad pa ni/ rtags kyi phul byung yod pa can/ /zhes pa nas/ yod pa nyid du nges par 'gyur/ /zhes pa'i bar gyis 'chad/ de rnams la rtsod pa spang pa ni/ /thog med bag chags las byung ba'i/ /zhes pa man chad kyis 'chad/ 'o na/ gtan tshigs kyi ni tshul gsum la'ang/ /zhes sogs kyis rtags mi mthun phyogs lam mthong ba tsam gyis ldog khyab grub pa 'gog tshul gang zhe na/ 'di la gsum/ rtags mi mthun phyogs la ma mthong ba tsam gyis ldog khyab grub par 'dod pa'i rang sde rnams dgag pa/ de ltar 'dod pa'i rang sde dang gzha sde la thun mong du dgag pa dang/ de ltar 'dod pa'i gzhan sde dgag pa dang gsum/ dang po ni/ rtags mi mthun phyogs la ma mthong ba tsam gyis ldog khyab grub pa slob dpon phyogs glang mi bzhed ces 'chad pa la/ gtan tshigs kyi ni tshul gsum la'ang/ /zhes sogs gsungs/ rtags mi mthun phyogs la ma mthong ba tsam gyis ldog khyab grub pa slob dpon phyogs glang gis bzhed par 'dod pa'i rang sde la lung 'gal drug gis 'gag byed 'chad pa la/ 'khrul pa can gyi gnyen por ni/ /zhes pa nas/ mi ldan 'khrul pa med pa can/ /zhes pa'i bar gsungs/ gnyis pa/ de ltar 'dod pa'i rang sde dang/ gzhan sde la thun mong du mngon sum gyi gnod byed bstan pa la/ yul la sogs pa'i khyad par las/ zhes sogs kyi 'chad/ gsum pa/ de @51a @#/ /ltar 'dod pa'i gzhan sde la khas blangs nang 'gal gyi sgo nas 'gog pa ni/ bdag dang sa la shes yod sogs/ /zhes sogs kyis 'chad/ 'khrul pa can gyi gnyen por ni/ /zhes sogs kyis rtags mi mthun la ma mthong ba tsam gyis ldog khyab grub pa slob dpon phyogs glang gis bzhed par 'dod pa'i rang sde la slob dpon gyis lung 'gal bstan pa'i sgo nas 'gog tshul ji lta bu zhe na/ thar lam gsal byed ltar na/ rigs sgo'i ngag nyams par thal ba/ lhag ldan 'khrul ba can du gsungs pa mi 'thad par thal pa/ ldog pa can tsam du bshad pa rtags su thal ba/ ldog pa la the tshom za ba rtags yang dag yin pa ma log par thal ba/ khyad par mnyan bya rtags su rigs par thal ba/ slob dpon gyis bye brag pa'i sbyor ba bkag pa mi rigs par thal ba/ dang po la/ dgag pa dngos ni/ 'khrul pa can gyi gnyen por ni/ /zhes sogs kyis 'chad/ de'i skyon spong dgag pa ni/ gal te ma mthong 'bras can de/ /zhes sogs kyis 'chad/ gnyis pa ni/ gal te ma mthong bas ldog 'gyur/ /zhes sogs kyis 'chad/ gsum pa ni/ ldog pa can yang gtan tshigs 'gyur/ /zhes sogs kyis 'chad/ bzhi pa ni/ ma grub sbyar ba brjod bya min/ /zhes pas 'chad/ lnga pa la dgag pa dngos ni/ khyad par rnam par gcod pa yi/ /zhes sogs kyis 'chad/ drug pa ni/ ma mthong phyir reg mthong ba las/ /zhes sogs kyis 'chad/ lung 'gal drug po de yang bsdu na gsum du 'du ba yin te/ rigs sgo dang 'gal tshul/ kun btus kyi rang 'grel dang 'gal tshul/ rlung gi rab dbye dang 'gal tshul gsum du 'du ba'i phyir/ dang po ni/ 'khrul pa can gyi gnyen por ni/ /zhes sogs kyis 'chad/ de'i don ni/ byas pa sgra mi rtag par sgrub pa'i ma nges pa'i gtan tshigs yin pa bcad pa'i phyir du byas pa'i rtags kyis sgra mi rtag par sgrub pa'i chos mi mthun sbyor gyi sgrub ngag yang dag smos pa ma yin par thal/ rtags mi mthun phyogs la ma mthong ba tsam gyis @51b ldog khyab grub pa'i phyir/ 'dod na/ rigs sgo las/ re zhig 'gal ba dang ma nges pa'i gnyen por gnyis ka brjod pa gang yin pa de ni rigs so zhes pa dang 'gal lo/ /gnyis pa la/ thun mong gi ma nges pa yang dag du thal ba/ thun mong ma yin pa yang dag du thal ba'o/ / dang po ni/ gal te ma mthong zhes sogs kyis 'chad/ de'i don ni/ zos pa'i shing thog dang gzugs smug por mtshungs pa de zos pa'i shing thog dang gzugs smug por mtshungs pa'i shing thog lhag ma rnams ro mngar ba dang ldan par sgrub pa'i rtags yang dag yin par thal/ de de sgrub kyi phyogs chos gang zhig /ldog khyab yin pa'i phyir/ gnyis pa grub ste/ rtags mi mthun phyogs la ma mthong ba tsam gyis ldog khyab grub pa'i phyir/ 'dod na/ mdo rang 'grel las/ gzugs la sogs pa mtshungs pas ro la sogs pa yang gdon mi za par mtshungs par 'gyur ba de yang rigs pa ma yin no/ /zhes gsungs pa dang 'gal lo/ /gnyis pa thun mong ma yin pa yang dag tu thal ba la/ srog ldan yang dag tu thal ba dang/ thun mong ma yin pa thams cad yang dag tu thal ba dang/ khyad par mnyan bya yang dag tu thal ba dang gsum/ dang po ni/ ldog pa can yang zhes sogs kyis 'chad/ de'i don ni/ srog ldan chos can/ gson lus gang zag gi bdag bcas su sgrub pa'i rtags yang dag yin par thal/ de sgrub kyi phyogs chos gang zhig /de sgrub kyi ldog khyab yin pa'i phyir/ gnyis pa grub ste/ skabs kyi phyi rgol gyis rtags mi mthun phyogs la ma mthong ba tsam gyis ldog khyab grub pa'i phyir/ 'dod na/ mdo rang 'grel las/ bdag ltar mi mtshungs pa'i phyir/ bum pa la sogs pa bden par med pa nyid du ma grub ste/ ma dmigs pa tsam ni the tshom gyi rgyu yin pa'i phyir/ zhes pa dang 'gal lo/ /gnyis pa ni/ ma grub sbyar ba zhes sogs kyis 'chad/ don ni byas rtags kyis sgra mi rtag par sgrub pa'i mi mthun phyogs la yod med the tshom za yang byas rtags kyis sgra mi rtag par sgrub pa'i ldog khyab grub pa srid par thal/ @52a @#/ /skabs kyi phyi rgol gyis byas pa sgra mi rtag par sgrub pa'i mi mthun phyogs la ma mthong ba tsam gyis de sgrub kyi ldog khyab grub pa'i phyir/ rtags khas/ 'dod na/ mdo rang 'grel las/ phyogs kyi chos ni rgol ba dang phyi rgol ba gnyis ka nges par bzung ngo/ /de bzhin du mthun pa'i phyogs la yod pa dang/ med pa la sogs pa dag la yang ci rigs par brjod par bya'o zhes gsungs pa dang 'gal/ gsum pa ni/ khyad par rnam par gcod pa yi/ /zhes sogs kyis 'chad/ don ni/ mnyan bya chos can/ sgra rtag mi rtag gnyis kar sgrub pa'i rtags yang dag yin par thal/ de sgrub kyi phyogs chos gang zhig de sgrub kyi ldog khyab yin pa'i phyir/ gnyis pa grub ste/ skabs kyi phyi rgol gyis mnyan bya rtag mi rtag gang rung ma yin pa la ma mthong ba tsam gyis ldog khyab grub pa'i phyir/ khyab pa khas/ 'dod na/ mdo rang 'grel las/ khyad par ni rnam par gcod pa'i gtan tshigs ma yin no/ /zhes gsungs pa dang 'gal/ de'i skyon spong dgag pa ni/ tshad ma gzhan gyis gnod ce na/ /zhes sogs kyis 'chad/ gsum pa rlung gi rab dbye dang 'gal tshul ni/ ma mthong phyir reg mthong ba las/ /zhes sogs kyis 'chad/ don ni/ reg bya btang snyoms pa dang mi ldan pa bye brag pas ma mthong ba chos can/ mthong ba'i sa chu me gsum la reg bya btang snyoms pa med par sgrub pa'i rtags yang dag yin par thal/ de sgrub kyi phyogs chos gang zhig de sgrub kyi ldog khyab yin pa'i phyir/ gnyis pa grub ste/ skabs kyi phyi rgol gyis rtags mi mthun phyogs la ma mthong ba tsam gyis ldog khyab grub pa'i phyir/ 'dod na/ rlung gi rab dbye las/ gal te ma mthong ba tsam gyis mthong ba la 'gog par byed na/ de yang rigs pa ma yin no zhes gsungs pa dang 'gal/ de yang bye brag pa na re/ reg bya btang snyoms pa rlung gi yon tan yin te/ de 'byung pa'i yon tan gang zhig sa chu me gsum la reg bya btang snyoms pa mi ldan pa'i phyir/ snang rung gi sa chu me gsum la'ang @52b reg bya btang snyoms pa mi ldan na/ snang mi rung gi sa chu me gsum la'ang reg bya btang snyoms pa mi ldan pa'i phyir/ snang rung gi sa chu me gsum la chos can/ reg bya btang snyoms pa mi ldan te/ reg bya btang snyoms pa bye brag pas ma mthong ba'i phyir/ zhes zer/ de 'gog pa la rlung gi rab dbye las/ gal te ma mthong ba tsam gyis zhes sogs gsungs/ de dang 'gal tshul ma mthong phyir reg ces sogs kyis 'chad/ snang mi rung gi sa chu me la chos can/ reg bya btang snyoms pa mi ldan te/ reg bya btang snyoms pa bye brag pa'i dbang mngon gyis ma mthong ba'i phyir/ zhes zer/ de 'gog pa la/ rang 'grel las/ gal te mi snang ba tsam gyis snang ba dag 'gog par byed na/ de yang rigs pa ma yin no zhes gsungs/ skabs 'dir dogs pa dpyad pa la kha cig slob dpon dbang phyug sdes rtags mi mthun phyogs la ma mthong ba tsam gyis ldog khyab grub par khas blangs pa la/ lung gi gnod pa bstan pa yin no zhes zer ba mi 'thad de/ dngos stobs rjes dpag gi yul gyi log rtog la lung gnod byed yang dag du 'jug par thal/ slob dpon dbang phyug sdes rtags mi mthun phyogs la ma mthong ba tsam gyis ldog khyab grub par khas blangs pa'i dam bca'i zhen don la lung gis gnod pa'i phyir/ rtags khas/ de ltar yang rnam nges dar Tik las/ 'di la mkhas pa snga ma kha cig rang sde la lung gis gnod pa bstan pa yin no zhes zer ba ni/ rigs pa'i gnad chen po 'chugs pa yin te/ dngos po stobs zhugs kyi skabs su lung gnod bsgrub bzhed pa'i shing rta chen po su yang med pa'i phyir/ zhes gsungs/ gtan tshigs kyi ni tshul gsum la'ang/ /zhes pa'i skabs su rjes su 'gro ldog gi khyab pa tshad mas nges pa la tshad ma du dgos dpyad pa/ rtags mi mthun phyogs la ma mthong ba tsam gyis ldog khyab grub par 'dod pa ji ltar yin bshad pa dang/ rjes su 'gro ldog gi khyab pa nges pa 'brel ba nges pa la ltos par gsungs pa'i @53a @#/ /don bshad pa/ tshul gsum ngo bo gcig dang tha dad gang yin dpyad pa'o/ /dang po ni/ byas rtags kyis sgra mi rtag par sgrub pa'i rjes khyab tshad mas nges pa la tshad ma rnam pa gsum sngon du 'gro dgos te/ rtag mi rtag dngos 'gal du nges pa'i tshad ma/ rtags kyi mtshan gzhi byas pa nges pa'i tshad ma/ rtag pa la byas pa 'gog byed kyi tshad ma rnams sngon du 'gro dgos pa'i phyir/ tshad ma dang po 'gro mi dgos na/ dung ser po kho na la 'jug par thal/ dung tshad mas grub/ dung sngon po la 'jug pa khegs pa'i phyir/ ma khyab na/ byas rtags kyi sgra mi rtag par sgrub pa'i rjes khyab tshad mas nges pa la rtag mi rtag dngos 'gal du nges pa'i tshad ma sngon du 'gro mi dgos pa dang 'gal/ tshad ma gnyis pa mi dgos na/ shes bya ma yin pa mi rtag pa kho na la yod par thal/ rtag mi rtag dngos 'gal du nges/ des rtag pa la 'jug pa khegs pa'i phyir/ ma khyab na/ sngar ltar de skor gyi rjes khyab tshad mas nges pa la tshad ma gnyis pa mi dgos pa dang 'gal lo/ /kho na re/ gzhi ma grub kyi rtag pa khegs na nyes pa der 'gyur yang/ mo gsham gyi bu la sogs pa rtag pa'o zhe na/ ri bong mgo'i rwa rtag par tshad mas dmigs par thal/ de rtag pa yin pa'i phyir/ rtags khas/ 'dod na/ ri bong gi mgo la rwa rtag par tshad mas dmigs par thal/ 'dod pa'i phyir/ 'dod na/ de la rwa rtag par yod par thal/ 'dod pa'i phyir/ 'dod mi nus te/ de la rwa yod na tshad mas dmigs dgos pa las ma dmigs pa'i phyir/ tshad ma gsum pa mi dgos na/ gzhal bya mi rtag pa kho na la yod par thal/ mtshan gzhi gzhal bya tshad mas nges rtag mi rtag dngos 'gal du tshad mas nges pa'i phyir/ ma khyab na/ de skor gyi rjes khyab tshad mas nges pa la tshad ma gsum pa sngon du 'gro mi dgos pa dang 'gal/ gnyis pa ni/ slob dpon phyogs glang gi slob ma gzhung legs par mi shes pa dag dang/ gzhan sde pa dag /rtags mi mthun @53b phyogs la ma mthong ba tsam gyis ldog khyab grub pa yin gyi/ ldog khyab grub pa rtags mi mthun phyogs mtha' dag la med par nges pa la ltos mi dgos te/ mi mthun phyogs mtha' dag yod kyang skabs kyi phyi rgol la snang du mi rung ba'i phyir/ des na phyogs chos dang mi mthun phyogs la ma mthong ba tsam gyis ldog khyab dang/ mthun phyogs la mthong ba tsam gyis rjes 'gro dang/ ldog phyogs sgrub pa'i tshad ma med par brjod par 'dod pa'i grangs gcig pa can dang/ dam bca' la tshad mas gnod pa med pa dang lnga po de blo yul du nges pa'i shes pa nyid kyi tshul dang/ tshul drug rtags yang dag gi mtshan nyid yin zhes zer/ gsum pa la bshad bya'i lung 'god/ lung gi don bshad pa gnyis/ dang po ni/ rang 'grel las/ mi dmigs pa thams cad ni med pa rtogs par byed pa ma yin no/ / de'i phyir gcig ldog pas gzhan ldog par 'dod pa ni/ de gnyis rang bzhin 'brel pa 'ga' zhig kyang 'dod par bya dgos te/ de ltar ma yin na/ gtan tshigs go bar byed pa ma yin par 'gyur ro/ /gtan tshigs kyis ni tshul gsum la'ang/ /de yi ma 'grub bzlog don du/ /'khrul pa can gyi gnyen por ni/ /nges pa brjod par mdzad pa yin/ /'brel pa nges pa med par ni rjes su 'gro ba dang ldog pa nges pa med de/ nges na de nyid ston par mdzad pa na nges pa bshad pa yin no/ /de la yang rjes su 'gro ba nges pas ni 'gal ba dang de'i phyogs dang mthun pa rnams bsal to/ /ldog pa nges pas ni ma nges pa dang de'i phyogs dang mthun pa lhag ma dang ldan pa la sogs pa'o/ /gnyis ka la zhes bya ba ni gcig la grub pa dgag pa yin no/ /rab tu grub pa zhes smos pas ni/ mthun pa'i phyogs dang mi mthun pa'i phyogs dag la lhag ma dang ldan ba dang/ thun mong ma yin pa'i the tshom za ba dag kyang ngo/ /zhes gsungs/ gnyis pa la lung don bshad pa dngos dang/ 'brel pa nges byed kyi tshad ma bshad pa gnyis/ dang po ni/ byas rtags kyis sgra mi rtag par sgrub pa'i rjes su @54a @#/ /'gro ldog gi khyab pa tshad mas nges pa la/ byas mi rtag gi 'brel pa tshad mas nges pa la rag las te/ skabs kyi phyi rgol gyis rtags mi mthun phyogs la ma mthong ba tsam gyis ldog khyab mi grub pa'i phyir/ de ltar ma yin par byas mi rtag 'brel med yin na/ byas pa sgra mi rtag par sgrub pa'i rtags yang dag ma yin par thal/ byas rtags kyis sgra mi rtag par sgrub pa'i khyab pa ma nges pa'i phyir/ der thal/ byas mi rtag 'brel med yin pa'i phyir/ shAkyas/ gang gi phyir/ de ltar ma mthong ba tsam gyis ldog pa ma yin pa de'i phyir/ gcig ldog pas bsgrub par bya ba la sogs pa gzhan ldog par 'dod pa de ni/ bsgrub par bya ba dang bsgrub par bya ba de gnyis/ de'i bdag nyid dang de las byung ba'i mtshan nyid kyi 'brel pa 'ga' zhig kyang 'dod par bya dgos te/ ldog pa tsam 'ba' zhig gis ni mi chog go /de ltar ma yin te/ 'brel bar mi 'dod na/ gtan tshigs go bar byed pa ma yin par 'gyur te khyab pa ma nges pa'i phyir zhes gsungs/ slob dpon phyogs glang gis rjes su 'gro ldog gi khyab pa 'chad pa na/ nges pa 'chad pa'i rgyu mtshan yod de/ rtags chos kyi 'brel pa ma nges par rjes su 'gro ldog gi khyab pa nges mi nus pa'i rgyu mtshan gyis de ltar bshad pa'i phyir/ de ltar yang/ shAkyas/ rjes su 'gro ba dang ldog pa nges pa med par brjod par mdzad pa ni/ don gyis na 'brel pa yang bstan pa kho na yin te/ 'di ltar 'brel pa med par ni rjes su 'gro ba dang ldog pa nges pa med de/ gtan tshigs des na de'i bdag nyid dang de las byung ba'i mtshan nyid kyi 'brel ba de nyid ston par mdzad pas na nges pa bshad pa yin no/ /zhes gsungs/ log rtog gang dgag pa'i ched du nges brjod mdzad ce na/ rjes khyab kyi mtshan nyid 'chad pa'i tshig zur du nges brjod mdzad pa chos can/ dgos pa yod de/ byas pa sgra mi rtag par sgrub pa'i 'gal rtags dang/ 'gal ba @54b lhag ldan gyi ma nges pa'i gtan tshigs yin pa bcad par bya ba'i ched yin pa'i phyir/ de ltar yang shAkyas/ nyes pa gang zhig gi gnyen por tshul gang zhig nges par bshad ce na/ de bstan pa'i phyir de la zhes bya ba la sogs pa smos so/ /'gal ba dang de'i phyogs dang mthun pa rnams zhes bya ba ni 'gal ba rnams dang de'i phyogs dang mthun pa rnams te/ 'gal ba'i phyogs dang mthun pa ni gang dag mi mthun pa'i phyogs la yod par nges la/ mthun pa'i phyogs la med par ni the tshom za ba'o zhes gsungs/ ldog khyab kyi mtshan nyid 'chad pa'i tshig zur du nges brjod mdzad pa chos can/ dgos pa yod de/ byas pa sgra mi rtag par sgrub pa'i dngos kyi ma nges pa'i gtan tshigs dang/ yang dag lhag ldan gyi ma nges pa'i gtan tshigs yin pa bcad par bya ba'i ched yin pa'i phyir/ de ltar yang shAkyas/ ldog pa nges pas ni zhes bya bar skabs dang sbyor ro/ /ma nges pa zhes bya ba ni/ thun mong gi ma nges pa'o/ /de'i phyogs dang mthun pa ni ma nges pa'i phyogs dang mthun pa ste/ lhag ma dang ldan pa la sogs pa'o/ /zhes gsungs/ gnyis ka la rab tu grub pa ni sgrub pa'o zhes gnyis ka la smos pa chos can/ dgos pa yod de/ de sgrub kyi gzhan don skabs kyi rtags yang dag yin na/ de sgrub kyi rjes su 'gro ldog gi khyab pa de sgrub kyi rgol phyi rgol gnyis kas tshad mas grub pa gcig dgos so zhes shes par bya ba'i ched yin pa'i phyir/ de ltar yang shAkyas/ gnyis ka zhes bya bas ni gcig la grub pa dgag pa yin no/ /zhes bya ba ni gnyis ka la yang rab tu sgrub pa ni zhes bya ba 'dis ni rgol ba'am phyi rgol ba gcig la grub pa gang yin pa de bkag pa yin no/ /zhes gsungs/ rab tu sgrub pa zhes smos pa chos can/ dgos pa yod de/ byas pa sgra mi rtag par sgrub pa'i yang dag lhag ldan dang/ thun mong ma yin pa'i ma nges pa'i gtan tshigs yin pa bcad par bya ba'i ched yin pa'i phyir/ de ltar yang shAkyas/ @55a @#/ /rab tu grub pa zhes smos pa ste/ rab tu grub pa zhes bya ba 'dis ni lhag ma dang ldan pa dang/ thun mong ma yin pa'i the tshom za ba dag kyang bkag go zhes bya bar sbyor ro/ /gang la the tshom za ba dag ce na mthun pa'i phyogs dang/ mi mthun pa'i phyogs dag la zhes bya ba smos te lhag ma dang ldan pa ni mi mthun pa'i phyogs la the tshom za ba'o/ /thun mong ma yin pa ni mthun pa'i phyogs dang mi mthun pa'i phyogs dag la'o/ /de lta bas na slob dpon gyis nges pa smos pa'i phyir 'brel ba bzhed pa kho na zhes gsungs/ 'o na 'gal rtags dang/ 'gal ba lhag ldan gyi ma nges pa'i gtan tshigs rnams rtags yang dag yin pa bcad par bya ba'i phyir du/ rjes khyab kyi mtshan nyid 'chad pa'i tshigs zur du nges pa smos pa dang/ dngos kyi ma nges pa dang yang dag lhag ldan gyi ma nges pa'i gtan tshigs rnams rtags yang dag yin pa bcad pa'i phyir du ldog khyab kyi mtshan nyid 'chad pa'i tshig zur du nges pa smos pa yin nam min/ phyi ma mi rigs te/ rang 'grel las/ de la rjes su 'gro ba nges pas ni 'gal ba dang de'i phyogs dang mthun pa rnams bsal lo/ /ldog pa nges pas ni ma nges pa dang de'i phyogs dang mthun pa lhag ma dang ldan pa la sogs pa'o zhes gsungs pa dang 'gal/ dang po ltar na/ thar lam gsal byed las/ 'gal ma nges ma grub pa'i gtan tshigs gsum po rtags yang dag yin pa ldog pa'i phyir du tshul gsum gyi mtshan nyid kyi tshig zur du nges pa smos par 'dod pa ni rnam par 'khyams te de ltar na byas pa 'dus ma byas kyi nam mkha'i steng du bum pa 'gog pa'i rtags yang dag tu khas blangs pa la nyes pa med par 'gyur ro zhes gsungs pa dang 'gal zer na/ 'gal ma nges ma grub pa'i gtan tshigs gsum po rtags yang dag yin pa bcad pa'i phyir du tshul gsum so so'i mtshan nyid kyi zur du nges pa smos pa yin te/ sgra mi rtag par sgrub @55b pa'i phyi rgol yang dag gis tshad mas grub zin pa rnams sgra mi rtag par sgrub pa'i gzhan don bsgrub bya yang dag yin pa bcad pa'i phyir du kun btus su gzhan don bsgrub bya yang dag gi mtshan nyid 'chad pa'i tshig zur du ngo bo zhes pa'i tshig smos pa'i phyir dang/ snga rgol gyis khas ma blangs kyang bstan bcos mkhan po'i 'dod pa rnams gzhan don bsgrub bya yang dag yin pa bcad pa'i phyir du kun btus su gzhan don bsgrub bya yang dag gi mtshan nyid 'chad pa'i tshig zur du rang nyid ces pa'i tshig smos pa'i phyir dang/ sgrub byed du bkod bzhin pa'i dpe rtags ma grub pa gzhan don bsgrub bya yang dag yin pa bcad pa'i phyir du kho na zhes pa'i tshig smos pa'i phyir/ blo skyon can gyi sgrub ngag rnams sgrub ngag yang dag yin pa bcad pa'i phyir du mthong ba zhes pa'i tshig smos/ don skyon can gyi sgrub ngag rnams sgrub ngag yang dag yin pa bcad pa'i phyir du don zhes pa'i tshig smos pa'i phyir/ rtags rnams grub ste/ dus gzhan bcad phyir gsungs pa yin/ /zhes dang/ log par rtog pa bsal ba'i phyir/ /'dir ni rang nyid sgrar mdzad do zhes dang/ de spang phyir bdag mthong ba'i tshig zhes dang/ bdag nyid min par grub don ni/ /zhes gsungs pa'i phyir/ 'o na thar lam gsal byed kyi lung don de gang zhe na/ yod de/ yang dag ltar snang yin pa bcad pa'i phyir du tshul gsum so so'i mtshan nyid 'chad pa'i tshig zur du nges brjod ma mdzad par/ ltar snang yang dag yin pa kho na bcad pa'i phyir du de'i zur du nges pa smos na/ byas pa 'dus ma byas kyi nam mkha'i steng du bum pa 'gog pa'i rtags yang dag tu 'gyur ba lung de'i don yin pa'i phyir/ 'gyur tshul ni/ mig shes kyi gzung bya chos can/ sgra mi rtag par sgrub pa'i phyogs chos ma yin te/ sgra'i steng du 'god tshul dang mthun par yod pa'i phyir zhes pa'i sbyor ba de/ rjes dpag bya dang de mtshungs la/ /yod dam med nyid la med pa'o/ / @56a @#/ /zhes pa'i gzhung gi nang tshan du gyur pa'i/ rjes su dpag bya la yod ces pa'i gzhung gi don sbyor rnam dag yin par thal/ de yin pa'am/ byas pa chos can/ sgra mi rtag par sgrub pa'i ma grub pa'i gtan tshigs ma yin te/ sgra'i steng du 'god tshul dang mthun par yod pa nyid du nges pa'i sgra mi rtag par sgrub pa'i rtags kyi tshul gsum yin pa'i phyir zhes pa'i sbyor ba de gzhung de'i don sbyor rnam dag yin pa gang rung gang zhig /phyi ma de de ma yin pa'i phyir/ phyi ma ma grub na/ byas pa sgra mi rtag par sgrub pa'i ma grub pa'i gtan tshigs yin pa bcad pa'i phyir du sgra mi rtag par sgrub pa'i phyogs chos kyi mtshan nyid 'chad pa'i tshig zur du sgra'i steng du 'god tshul dang mthun par yod pa nyid du nges pa zhes pa'i tshig smos rigs par thal/ ma grub pa de'i phyir/ 'dod na/ khas blangs/ rtsa bar 'dod na/ sgra'i steng du 'god tshul dang mthun par grub pa de/ mig shes kyi gzung bya sgra mi rtag par sgrub pa'i phyogs chos yin pa 'gog pa'i rtags yang dag du thal/ 'dod pa'i phyir/ 'dod na/ byas pa 'dus ma byas kyi nam mkha'i steng du bum pa 'gog pa'i rtags yang dag tu thal lo/ /kha cig skabs 'di'i rnam bshad tshig don 'gog /la la 'brel med bshad pas dgongs pa 'chad/ /gzhan dag rab rib dag gis gsung 'di 'dor/ /rgyal tshab dgongs pa ji bzhin kho bos bshad/ /ces bya ba 'di bar skabs kyi tshigs su bcad pa'o/ /'o na slob dpon phyogs glang gis tshul gsum so so'i mtshan nyid 'chad pa'i tshig zur du nges brjod mdzad pa'i gzhung de gang zhe na/ kha cig /rjes dpag bya dang de mtshungs la/ /yod dang med la med par ni/ /nges pa zhes pa'i gzhung 'di de yin/ gsungs/ kha cig /gang zhig gnyis ka la rab tu grub pa ni sgrub pa'o zhes pa'i lung de yin gsung/ lugs dang po mi rigs te/ mdo rtsa bar tshul gsum so so'i mtshan nyid @56b 'chad pa'i tshe nges pa zhes pa'i tshig dngos su ma smos pa'i phyir/ tshad ma kun btus kyi Tikka las tshul gsum so so'i mtshan nyid kyi zur du nges pa zhes pa rtsa ba'i tshig gis dngos su ma bstan kyang sbyar dgos par shes pa'i ched du yin no zhes gsungs pa'i phyir/ kho na re/ thar lam gsal byed las/ des na kun btus las/ rjes dpag bya dang de mtshungs la/ /yod dang med la med par ni/ /nges pa zhes pa 'dis tshul gsum gyi mtshan nyid ston pa yin la/ zhes gsungs pa dang 'gal zer na skyon med de/ kun btus rnam nges su drangs pa'i gzhung gi tshig la nges pa zhes pa'i tshig byung ba la dgongs pa yin gyi mdo rtsa ba'i tshig la de ltar mi 'byung ba'i phyir/ mdo rtsar/ rjes dpag bya dang de mtshungs la/ /yod dang med nyid la med pa'o/ /'di rgyu shes pa'ang thob pa nyid/ /shes byed skabs kyi dbang byas phyir/ /zhes 'byung ba'i phyir/ mkhas pa kha cig /mdo rang 'grel 'gyur gsal las/ de la dus phyis chos kyi spyi'i tshul gyis mngon sum mam/ rjes su dpag pas mthong ba'o de'i rigs pa yang mtha' dag gam/ phyogs gcig la nyid do/ /de gang las shes zhe na/ de mtshungs pa kho na la yod pa zhes nges par bzung ba yin gyi/ yod pa kho na zhes ni ma yin no/ /zhes dang/ 'gyur rnying las/ de la mngon sum mam rjes su dpag pas mthong gi/ rjes la de'i rigs dang mthun pa la yang spyi'i tshul kyi phyogs thams cad dang/ phyogs gcig la yod par grub po zhes pa'i gzhung 'di slob dpon phyogs glang gis tshul gsum so so'i mtshan nyid kyi zur du nges brjod mdzad pa'i gzhung yin zhes gsungs zhing/ rjes dpag bya dang de mtshungs la/ /yod dang med nyid la med pa'o/ /'di rgyu shes pa'ang thob pa nyid/ /zhes pa'i gzhung 'di tshul gsum so so'i mtshan nyid 'chad pa'i tshig zur du nges brjod mdzad pa'i gzhung ma yin te/ kun btus kyi dar Tika las @57a @#/ /mdo rtsar tshul gsum so so'i mtshan nyid kyi zur du nges pa zhes pa rtsa ba'i tshig las dngos su ma bstan yang/ zhes gsungs pa'i phyir/ zhes gsungs pa yang mdo rtsa 'grel gyi dgongs pa ma yin te/ rjes dpag bya dang de mtshungs la/ /zhes sogs/ rtsa ba skabs 'dir nges brjod mdzad pa'i gzhung ma yin na/ de'i 'grel pa nges brjod mdzad pa'i gzhung ma yin dgos pa'i phyir/ gal te kho na re/ rjes dpag bya dang de mtshungs la/ /zhes sogs rtsa ba nges brjod mdzad pa'i gzhung ma yin te/ rtsa ba la nges pa zhes pa'i tshig dngos su mi byung ba'i phyir zhe na/ 'o na/ gang zhig gnyis ka la rab tu grub pa ni sgrub pa'o zhes pa'i gzhung de/ de sgrub kyi rtags yang dag yin na/ de sgrub kyi tshul gsum tshad mas grub pa gcig dgos so zhes nges brjod mdzad pa'i gzhung ma yin par thal/ de la nges pa zhes pa'i tshig dngos su mi 'byung ba'i phyir/ de bzhin du/ mdo rang 'grel las/ de la mngon sum mam rjes su dpag pas mthong gi/ /rjes la de'i rigs dang mthun pa la yang spyi'i tshul gyis phyogs thams cad dang phyogs gcig la yod par grub po zhes pa'i gzhung 'di'ang skabs 'dir nges brjod mdzad pa'i gzhung ma yin par thal/ de la yang nges pa zhes pa'i tshig dngos su mi 'byung ba'i phyir/ gal te kho na re/ mngon sum mam rjes su dpag pas mthong gi zhes pa'i mthong ba nges pa la 'chad dgos pas skyon med do/ /zhe na/ 'o na/ rjes dpag bya dang de mtshungs la/ /zhes pa'i rtsa ba yang nges brjod mdzad pa'i gzhung yin par thal/ 'di rgyu shes pa'ang thob pa nyid/ /ces pa'i shes pa tshul gsum tshad mas nges pa la byed rigs pa'i phyir/ rang gi lugs ni/ rjes dpag bya dang de mtshungs la/ /yod dang med nyid la med pa/ /'di rgyu shes pa'ang thob pa nyid/ /ces pa'i gzhung skabs 'di'i tshul gsum so so'i mtshan nyid 'chad pa'i tshig zur du @57b nges brjod mdzad pa'i gzhung yin te/ de ltar ma yin na/ rnam nges su mdo drangs par/ rjes dpag bya dang de mtshungs la/ /yod dang med la med par ni/ /nges pa zhes 'byung ba 'brel med du 'gyur ba'i phyir/ kha cig na re/ de mi 'thad de/ gang zhig gnyis ka la rab tu grub pa ni sgrub pa'o zhes pa'i gzhung 'di skabs 'di'i nges brjod mdzad pa'i gzhung yin gyi/ rjes dpag bya dang de mtshungs la/ /zhes sogs rtsa 'grel de ma yin te/ gtan tshigs kyis ni tshul gsum la'ang/ /zhes pa'i rang 'grel du/ gang zhig gnyis ka la rab tu grub pa zhes sogs drangs nas/ rjes dpag bya dang de mtshungs la/ /zhes sogs kyi rtsa 'grel ma drangs pa la rgyu mtshan yod pa'i phyir/ zhes gsungs/ 'di'i lan la mkhas pa kha cig /skabs 'di'i nges brjod mdzad pa'i gzhung la gnyis yod de/ gang zhig gnyis ka la rab tu grub pa zhes sogs gzhan don skabs kyi rtags yang dag yin na/ tshul gsum tshad mas nges pa gcig dgos so zhes nges brjod mdzad pa'i gzhung yin/ de la mngon sum mam rjes su dpag pas mthong gi zhes sogs tshul gsum so so'i mtshan nyid 'chad pa'i tshig zur du nges brjod mdzad pa'i gzhung yin pa'i phyir/ gang zhig gnyis ka la rab tu grub pa zhes sogs tshul gsum so so'i mtshan nyid 'chad pa'i tshig zur du nges brjod mdzad pa'i gzhung ma yin te/ des tshul gsum so so'i mtshan nyid ma bstan pa'i phyir/ shAkyas/ gang zhig gnyis ka la rab tu grub pa ni sgrub pa yin no zhes bya ba la sogs pas nges pa bshad pa yin no zhes pa'i gnyis kyi sgras tshul gsum so so'i mtshan nyid 'chad pa'i tshig zur du nges brjod bsdud pa yin cing/ bram zes kyang/ de ltar rjes su 'gro ba dang ldog pa nges pa'i bsal bya gang yin bstan nas/ da ni gnyis ka la zhes bya ba'i bsal bya bstan pa'i phyir/ rjes su 'gro ldog gi mtshan nyid kyi zur gyi bsal bya dang/ gang zhig gnyis @58a @#/ /ka la zhes sogs kyi bsal bya so sor bstan pas skabs 'di'i nges brjod mdzad pa'i gzhung la gnyis yod par grub pa yin no/ /zhes gsungs/ de yang mi 'thad de/ rang 'grel dang/ rnam nges las 'brel pa nges pa med par ni rjes su 'gro ba dang ldog pa nges pa med de/ des na de nyid ston par mdzad pa na nges pa bshad pa yin no zhes dang/ rnam nges Tik chen las/ slob dpon phyogs kyi glang pos khyab pa nges pa 'brel ba nges pa la ltos par bzhed pa yin te/ don de nyid ston par mdzad pa na tshad ma kun btus su gnyis ka la rab tu grub pa ni sgrub pa'o zhes pa'i tshul gsum so so'i mtshan nyid kyi zur du nges pa dgos par bshad pa yin pa'i phyir ro/ /zhes gsungs ba'i phyir/ rang lugs ni/ rjes dpag bya dang de mtshungs la/ zhes sogs dang/ gang zhig gnyis ka la rab tu grub pa ni zhes sogs kyi gzhung gnyis ka tshul gsum so so'i mtshan nyid 'chad pa'i tshig zur du nges brjod mdzad pa'i gzhung yin te/ rjes dpag bya dang de mtshungs la/ /zhes pa'i skabs su/ sgra mi rtag par sgrub pa'i phyogs chos yin na/ sgra'i steng du 'god tshul dang mthun par yod pa nyid du tshad mas nges pa dang/ sgra mi rtag par sgrub pa'i rjes khyab yin na/ sgra mi rtag par sgrub pa'i mthun phyogs kho na la yod par tshad mas nges pa dang/ sgra mi rtag par sgrub pa'i ldog khyab yin na/ sgra mi rtag par sgrub pa'i mi mthun phyogs la med pa kho nar tshad mas nges pa gcig dgos zhes bstan nas/ rgol ba gang gis nges pa gcig dgos zhe na/ sgra mi rtag par sgrub pa'i rgol phyi rgol gnyis kas tshad mas nges pa gcig dgos zhes ston pa la/ gang zhig gnyis ka la rab tu grub pa ni sgrub pa'o zhes pa'i gzhung gsungs pa'i phyir/ 'o na/ phyogs chos kyi mtshan nyid 'chad pa'i tshig gi zur du yod pa dang nyid dang nyid yod pa'i sngar ma smos par phyis smos pa @58b dang/ nges pa smos pa dang/ rjes khyab kyi mtshan nyid 'chad pa'i tshig zur du yod pa dang/ nyid dang/ nyid yod pa'i phyis ma smos par sngar smos pa dang/ nges pa smos pa dang/ ldog khyab kyi mtshan nyid 'chad pa'i tshig zur du/ med pa dang/ nyid dang/ nyid med pa'i sngar ma smos pa dang/ nges pa smos pa la dgos pa gang yod ce na/ phyogs chos kyi mtshan nyid 'chad pa'i tshig zur du yod pa zhes pa'i tshig smos pa chos can/ dgos pa yod de/ mig shes kyi gzung bya'i rtags kyis sgra mi rtag par sgrub pa bzhin du/ byas pa sgra mi rtag par sgrub pa'i ma grub pa'i gtan tshigs yin pa bcad par bya ba'i ched yin pa'i phyir/ de'i mtshan nyid 'chad pa'i tshig zur du nyid ces pa'i tshig smos pa chos can/ dgos pa yod de/ mtshan mo lo ma 'khums te nyal ba'i rtags kyis shing sems ldan du sgrub pa bzhin du/ byas pa sgra mtha' dag gi steng du 'god tshul dang mthun par ma grub pa bcad par bya ba'i ched yin pa'i phyir/ de'i mtshan nyid 'chad pa'i tshig zur du nyid yod pa'i sngar ma smos par phyis smos pa chos can/ dgos pa yod de/ byas pa sgra mi rtag par sgrub pa'i phyogs chos su bstan par bya ba'i ched yin pa'i phyir/ de'i mtshan nyid 'chad pa'i tshig zur du nges pa brjod pa chos can/ dgos pa yod de/ sgra mi rtag par sgrub pa'i phyogs chos yin na/ rang nyid sgra mi rtag par sgrub pa la phyogs chos can du song ba'i rgol ba des/ rang nyid sgra'i steng du 'god tshul dang mthun par yod pa nyid du tshad mas nges pa gcig dgos zhes shes par bya ba'i ched yin pa'i phyir/ de ltar 'thad ldan las/ de la yod pa'i tshig gis ni/ /mig gis gzung bar bya ba yin pa'i phyir zhes bya ba la sogs pa'i ma grub pa bsal ba yin no/ /nyid kyi tshig gis ni phyogs gcig la ma grub pa bsal ba yin no/ /ji ltar ljon shing ni srog dang bcas pa yin te/ @59a @#/ /nyal ba'i phyir zhes ljon shing phyogs su byas pa la lo ma 'khums pa'i mtshan nyid kyi nyal ba phyogs gcig la ma grub pa yin te/ 'di ltar shing thams cad ni mtshan mo lo ma 'khums pa la brten pa ma yin gyi/ 'ga' 'ga' tsam kho nar zad pa lta bu/ yod pa'i tshig gi rjes la nyid smos pas ni/ thun mong ma yin pa'i chos bsal lo/ /ci ste rjes su dpag par bya ba nyid la yod pa zhes smras na ni/ nyan par bya ba kho na gtan tshigs yin par 'gyur ro/ /nges pa smos pas ni the tshom za ba'i ma grub pa thams cad bsal ba yin no zhes gsung/ rjes khyab kyi mtshan nyid 'chad pa'i tshig zur du yod pa smos pa chos can/ dgos pa yod de/ byas pa sgra mi rtag par sgrub pa'i 'gal rtags yin pa bcad par bya ba'i ched yin pa'i phyir/ de la brten nas de gcod nus te/ de sgrub kyi 'gal rtags yin na/ de sgrub kyi mthun phyogs la med dgos pa'i phyir/ de'i mtshan nyid 'chad pa'i tshig zur du nyid smos pa chos can/ dgos pa yod de/ byas pa sgra mi rtag par sgrub pa'i dngos kyi ma nges pa'i gtan tshigs yin pa bcad par bya ba'i ched yin pa'i phyir/ de la brten nas de gcod nus te de sgrub kyi dngos kyi ma nges pa'i gtan tshigs yin na/ de sgrub kyi mthun phyogs kho na la med dgos pa'i phyir te/ sgra mi rtag par sgrub pa'i dngos kyi ma nges pa'i gtan tshigs yin na/ sgra mi rtag par sgrub pa'i mthun phyogs mi mthun phyogs gnyis ka la yod dgos pa'i phyir/ de'i mtshan nyid 'chad pa'i tshig zur du nyid yod pa'i phyis ma smos par sngar smos pa la dgos pa yod de/ rtsol byung dung sgra mi rtag par sgrub pa'i rjes khyab tu bstan pa'i ched yin pa'i phyir/ de'i mtshan nyid 'chad pa'i tshig zur du nyid yod pa'i sngar ma smos par phyis smos na/ rtsol byung dung sgra mi rtag par sgrub pa'i rjes khyab min nam snyam pa'i log rtog skye @59b par 'gyur te/ de ltar smos na/ de sgrub kyi rjes khyab yin na/ de sgrub kyi mthun phyogs mtha' dag la yod dgos sam snyam pa'i dogs pa skye ba'i phyir/ nges pa smos pa la dgos pa yod de/ ngag smra'i rtags kyi ngag smra'i skyes bu pha rol po chags bral du sgrub pa bzhin du/ byas pa sgra mi rtag par sgrub pa la phyogs chos can du song ba'i rgol ba de/ byas pa sgra mi rtag par sgrub pa'i mthun phyogs la yod med the tshom za ba bcad pa'i ched yin pa'i phyir/ de ltar yang/ 'thad ldan las/ 'dir yang yod pa smos pas ni 'gal ba bsal ba yin no/ /de ni mthun pa'i phyogs la yod pa ma yin no/ /nyid smos pas ni thun mong gi ma nges pa bsal te/ de ni mthun pa'i phyogs kho na la yod pa ma yin gyi/ 'o na ci zhe na/ gnyis ga la yang yod pa yin no/ yod pa smos pa las sngar nges par bzung ba smos pas ni yod pa yin kyang mthun pa'i phyogs la ma khyab pa rtsol ba las byung ba dag kyang gtan tshigs su bstan pa yin no/ /phyis nges par bzung bar byas nas ni don 'dir 'gyur te/ gang zhig mthun phyogs la yod pa nyid gtan tshigs yin no zhes bya bar 'gyur pas/ rtsol ba las byung ba nyid gtan tshigs ma yin par 'gyur ro/ /nges pa'i tshig gis rjes su 'gro ba la the tshom za ba'i ma nges pa nyid bsal ba yin te/ ji ltar smra ba'i phyir 'ga' zhig ni thams cad mkhyen pa yin no zhes bya ba ni mthun pa'i phyogs thams cad mkhyen pa nyid la smra ba nyid the tshom za ba yin no zhes gsungs/ ldog khyab kyi mtshan nyid 'chad pa'i tshig zur du med pa zhes pa'i tshig smos pa la dgos pa yod de/ byas pa sgra mi rtag par sgrub pa'i 'gal rtags yin pa bcad par bya ba'i ched yin pa'i phyir/ de la brten nas de gcod nus te/ de sgrub kyi 'gal rtags yin na/ de sgrub kyi mi mthun phyogs la yod dgos pa'i phyir/ de'i mtshan nyid 'chad pa'i tshig zur du nyid smos pa la dgos pa yod de/ mi rtag pa'i rtags kyis dung sgra rtsol @60a @#/ /byung du sgrub pa bzhin du/ byas pa sgra mi rtag par sgrub pa'i mi mthun phyogs 'ga' zhig la yod pa bcad pa'i ched yin pa'i phyir/ de'i zur du nyid med pa'i sngar ma smos par phyis smos pa la dgos pa yod de/ rtsol byung dung sgra mi rtag par sgrub pa'i ldog khyab tu bstan pa'i ched yin pa'i phyir/ nyid med pa'i sngar smos na rtsol byung dung sgra mi rtag par sgrub pa'i ldog khyab ma yin nam snyam pa'i dogs pa skye bar 'gyur te/ de ltar smros na rtsol byung dung sgra mi rtag par sgrub par byed pa'i mthun phyogs su gyur pa'i nags kyi me tog sogs la med pas/ de de sgrub kyi mi mthun phyogs kho na la med pa min nam snyam pa'i dogs pa skye ba'i phyir/ de'i mtshan nyid 'chad pa'i tshig zur du nges pa smos pa la dgos pa yod de/ ngag smra'i rtags kyis ngag smra'i skyes bu pha rol po kun mkhyen ma yin par sgrub pa bzhin du/ byas pa sgra mi rtag par sgrub pa'i 'gal ba lhag ldan gyi ma nges pa'i gtan tshigs yin pa bcad pa'i ched yin pa'i phyir/ de ltar yang/ 'thad ldan las/ de la med pa smos pas ni 'gal ba bsal ba yin no/ /'gal ba ni mi mthun pa'i phyogs la yod pa yin no/ /nyid smos pas ni mi mthun pa'i phyogs gcig la thun mong du yod pa bsal ba yin no/ /rtsol ba las byung ba nyid bsgrub par bya ba la/ mi rtag pa nyid ni mi mthun pa'i phyogs gcig glog la sogs pa la ni yod pa yin la nam mkha' la sogs pa la ni med pa yin no/ /de bas na nges par byed pa 'di bsal lo/ /med pa'i sgra'i snga rol du nges par bzung bar byas na ni/ don 'dir 'gyur te/ mi mthun pa'i phyogs nyid la med pa gang yin pa de gtan tshigs yin la/ de ltar na/ rtsol ba las byung ba nyid mi mthun pa'i phyogs la yang med do/ /de phyir gtan tshigs ma yin par 'gyur bas de ltar sngar ma byas pa'o/ /nges pa smos pas ni mi mthun pa'i @60b phyogs las ldog pa la the tshom za ba bsal to zhes gsungs/ gnyis pa 'brel ba nges byed kyi tshad ma bshad pa la/ 'brel ba'i rang ldog sgrub byed ltos med kyi gtan tshigs dang/ don ldog sgrub byed gnod pa can gyi gtan tshigs bshad pa/ ltos med kyi gtan tshigs gnod pa can gyi gtan tshigs kyi lam sbyangs su bshad pa la rtsod pa spang ba'o/ /dang po la/ rtags 'god pa dang/ tshul sgrub pa'o/ /dang po ni/ byas pa chos can/ rang grub tsam nas 'jig nges yin te/ rang las phyis byung ba'i rang nyid 'jig rgyu don gzhan la ltos med kyi dngos po yin pa'i phyir/ gnyis pa ni/ khyab pa sgrub pa la tshad ma gsum dgos la/ phyogs chos sgrub pa ni/ byas pa las phyis byung ba'i byas pa'i 'jig rgyu chos can/ khyod kyi byas pa'i 'jig pa mi bskyed par thal/ khyod kyi byas pa'i 'jig pa dngos med kyang mi bskyed/ khyod kyi byas pa'i 'jig pa dngos po yang mi bskyed pa'i phyir/ dang po grub te/ byas pa'i 'jig pa dngos med la khyod kyi byed pa mi 'jug pa'i phyir/ gnyis pa grub te/ khyod kyis byas pa'i 'jig pa byas pa dang rdzas gcig pa yang mi bskyed/ khyod kyis byas pa'i 'jig pa byas pa dang rdzas tha dad pa yang mi bskyed pa'i phyir/ dang po ma grub na/ byas pa chos can/ khyod kyis 'jig pa rang dang rdzas gcig pa de rang las phyis byung ba'i 'jig rgyu don gzhan gyis bskyed mi dgos par thal/ de rang rgyu las rdzogs par grub zin pa'i phyir/ gnyis pa ma grub na/ byas pa las phyis byung ba'i byas pa'i 'jig rgyu chos can/ khyod kyis byas pa'i 'jig pa mi bskyed par thal/ khyod kyis byas pa'i 'jig pa rang dang rdzas tha dad pa bskyed pa'i phyir/ rtags khas so/ /gnyis pa la/ rtags 'god pa dang/ tshul sgrub pa'o/ dang po ni/ rtag pa chos can/ byas pas stong ste/ rim dang gcig char gyi don byed nus pa gang rung gis stong pa'i phyir/ gnyis pa khyab pa sgrub pa la tshad @61a @#/ /ma gsum dgos la/ phyogs chos sgrub pa ni/ rtag pa chos can/ rim dang gcig car ba'i don byed nus pa gang rung gis stong ste/ rim gyis don byed nus pas kyang stong/ gcig char ba'i don byed nus pas kyang stong ba'i phyir/ dang po ma grub na/ rang gi 'bras bu thams cad gcig char du bskyed par thal/ rang gi 'bras bu bskyed pa gang zhig /rtag pa yin pa'i phyir/ dang po dngos 'dod na rim gyis don byed nus pa dang 'gal/ rtag kyang rkyen la ltos nas 'bras bu rim can du bskyed do zhe na/ de mi 'thad de/ rtag pa la rkyen gyis khyad par byar med pa'i phyir/ rtsa ba'i rtags gnyis pa ma grub na/ 'bras bu thams cad gcig char du 'byung bar thal/ rtag pas 'bras bu thams cad gcig char du bskyed pa'i phyir/ rtags khas/ 'dod na/ 'bras bu gcig bskyed pa'i skad cig gnyis pa tshun chad 'bras bu skye ba'i rgyun chad par thal/ 'dod pa'i phyir/ gsum pa la/ slob dpon chos mchog gis ltos med kyi gtan tshigs gnod pa can gyi gtan tshigs kyi lam sbyongs su gsungs pa la/ chos rje sa paN la sogs pa'i mkhas pa kha cig /gnod pa can gyi gtan tshigs kyi lam sbyong du ltos med kyi gtan tshigs 'chad pa mi 'thad par thal/ gnod pa can gyi gtan tshigs dang ltos med kyi gtan tshigs gnyis gtan tshigs so so ba yin pa'i phyir/ des na gtan tshigs so sor gsungs pa la dgos pa yod de/ mu stegs pa kha cig /dngos po rnams 'jig rgyu dang 'phrad nas 'jig la/ ma 'phrad na mi 'jig par 'dod pa dang/ rkyen dang 'phrad kyang mi 'jig par 'dod pa'i log rtog rnam pa gnyis kyi gnyen por gtan tshigs rnam pa gnyis gsungs pa'i phyir/ de skad du yang/ rigs gter las/ gnod pa can gyi lam sbyong du/ /ltos med 'chad pa dgongs pa min/ /des na log rtog rnam gnyis kyi/ /gnyen por gtan tshigs rnam gnyis @61b gsungs/ /zhes gsungs/ rang lugs ltos med kyi gtan tshigs gnod pa can gyi gtan tshigs kyi lam sbyong du gsungs pa yin te/ rtag pa chos can/ byas pas stong ste/ don byed nus pas stong pa'i phyir/ zhes gnod pa can gyi gtan tshigs bkod pa la gzhan sde kha cig/ rtag pa'i ngo bo lhan cig byed rkyen gyis khyad par cung zad mi bskyed kyang/ rtag pas lhan cig byed rkyen la ltos nas 'bras bu rim gyis bskyed pa yin te/ tho ba la sogs pa'i bum pa'i 'jig rgyus bum pa'i ngo bo la/ khyad par mi bskyed kyang/ bum pa'i 'jig pa bskyed pa bzhin zhes zer na/ de 'gog pa la ltos med kyi gtan tshigs gsungs pa'i phyir/ yang kha cig /rtag pa byas stong du sgrub pa'i rtags la/ byas mi rtag gi 'brel pa'i don ldog sgrub byed gnod pa can gyi gtan tshigs dang/ byas pa mi rtag par sgrub pa'i rtags la/ byas mi rtag gi 'brel pa'i rang ldog sgrub byed ltos med kyi gtan tshigs kyi rnam gzhag byed pa mi 'thad par thal/ rtag pa byas stong du tshad mas nges pa'i gang zag yin na/ byas pa mi rtag par tshad mas nges pa'i gang zag yin dgos pa'i phyir/ rtag pa byas stong du tshad mas nges pa'i gang zag yin na/ byas pa rtag stong du tshad mas nges pa'i gang zag yin dgos pa'i phyir/ rtag pa byas pas stong pa dang/ byas pa rtag pas stong pa gnyis la tshig gi brjod tshul tsam ma gtogs don la khyad par med pa'i phyir/ zhes zer ba la/ thar lam gsal byed las/ 'o na/ rim dang gcig char ba'i don byed nus pa gang rung gis stong ba chos can/ byas pa rtag pa la med par sgrub pa'i rtags yang dag yin par thal/ rtag pa byas stong du sgrub pa'i rtags yang dag yin pa'i phyir/ zhes gsungs pa'i don ni/ rtag pa byas stong du tshad mas nges pa dang/ byas pa rtag stong du tshad mas nges pa gnyis la tshig gi brjod tshul tsam ma gtogs khyad par med na/ rtag pa byas stong du sgrub pa'i rtags yang dag dang/ byas pa rtag stong du sgrub pa'i rtags yang dag gnyis la'ang khyad par med @62a @#/ /dgos zhes spu ris 'byed pa'i 'gro gleng yin gyi/ 'di'i 'phul mtshams la/ kha cig /rtag pa byas stong du sgrub pa'i rjes dpag yin na/ byas pa rtag stong du sgrub pa'i rjes dpag yin dgos par thal/ rtag pa byas stong du tshad mas nges pa'i gang zag yin na/ byas pa rtag stong du tshad mas nges pa'i gang zag yin dgos pa'i phyir/ 'dod na/ don byed nus stong gi rtags kyis rtag pa byas stong du rtogs pa'i rjes dpag chos can/ der thal de'i phyir/ zhes 'phangs nas/ rang gi lugs la/ byas pa mi rtag pa kho na la yod par tshad mas nges pa la/ rtag pa la byas pa 'gog byed kyi tshad ma sngon du 'gro dgos zhes zer ba ni/ rang la 'khor gsum khas len pa'o/ /rgyas par gzhan du bshad zin to/ /rtag pa chos can/ byas pas stong ste/ don byed nus pas stong pa'i phyir/ zhes pa'i rtags 'di byas rtags kyis sgra mi rtag par sgrub pa'i ldog khyab sgrub byed gnod pa can gyi rtags su khas blangs pa la/ rtsod spang rim pa gnyis thar lam gsal byed las gsungs te/ de'i gsung tshul/ kho na re/ de 'dra'i sbyor ngag de byas rtags kyis sgra mi rtag par sgrub pa'i ldog khyab sgrub byed gnod pa can gyi gtan tshigs kyi sbyor ngag tu khas len pa mi 'thad de/ rtag pa la byas pa 'gog pa'i khyad gzhi'i ngos nas kyang/ gnod pa can gyi rtags la brten pa'i rjes dpag gis sgro 'dogs gcod tshul de dpyad mi bzod cing/ bsgrub bya'i chos byas pas stong pa'i ngos nas brtag na'ang/ gnod pa can gyi rtags la brten pa'i rjes dpag gis sgro 'dogs gcod tshul de dpyad mi bzod pa'i phyir/ dang po la dogs pa bkod pa/ de'i lan gdab pa/ de la rtsod pa spang ba'o/ dang po ni/ gzhan yang/ rtag pa byas stong du nges pa'i gnod pa can gyi rjes dpag des/ rtag pa'i gsal ba'i dbye ba mtha' dag la byas stong gi khyab pa nges sam ma nges/ zhes pa nas/ rjes khyab nges pa'i tshad mas bsgrub bya la sgro 'dogs @62b chod par 'gyur ro zhe na zhes pa'i bar gyis 'chad/ de'i don ni/ kho na re/ byas rtags kyis sgra mi rtag par sgrub pa'i phyi rgol yang dag gi rgyud kyi rtag pa byas stong du rtogs pa'i rjes dpag des/ rtag pa'i gsal ba'i dbye ba mtha' dag la byas stong gi khyab pa nges sam ma nges/ dang po ltar na/ rtsol byung gi rtags kyis dung sgra mi rtag par sgrub pa'i phyi rgol yang dag gi rgyud kyi rtsol byung la mi rtag pas khyab pa 'jal ba'i tshad ma nges/ rtsol byung gi gsal ba'i dbye ba mtha' dag la mi rtag pas khyab pa nges par thal/ dam bca' 'thad pa'i phyir/ 'dod na/ des rtsol ba las byung ba la mi rtag pas khyab pa nges par thal/ 'dod pa'i phyir/ 'dod na/ rtsol byung gi rtags kyis rtsol sgra mi rtag par sgrub pa'i rjes khyab tshad mas nges pa'i gang zag yin na/ de sgrub kyi bsgrub bya tshad mas nges pa'i gang zag yin dgos par thal/ 'dod pa'i phyir/ gnyis pa ltar na/ byas rtags kyi sgra mi rtag par sgrub pa'i phyi rgol yang dag gi rgyud kyi rtag pa byas stong du rtogs pa'i rjes dpag des/ rtag pa'i gsal ba'i dbye ba 'ga' zhig la byas pa 'jug par dogs par thal/ de'i rgyud kyi rtag pa byas stong du rtogs pa'i tshad ma nges/ rtag pa'i gsal ba'i dbye ba mtha' dag la byas stong gis khyab pa ma nges pa'i phyir/ 'dod na/ de 'dra'i rjes dpag des byas pa sgra mi rtag par sgrub pa'i mi mthun phyogs 'ga' zhig la 'jug par dogs par thal/ 'dod pa'i phyir/ 'dod na/ phyi rgol de'i rgyud kyi rtag pa byas stong du rtogs pa'i tshad ma des byas rtags kyi sa sgra mi rtag par sgrub pa'i ldog khyab ma rtogs par thal lo/ /'dod na/ rtag pa chos can/ byas pas stong ste don byed nus pas stong pa'i phyir/ zhes pa'i sbyor ba de/ byas rtags kyis sgra mi rtag par sgrub pa'i ldog khyab sgrub byed gnod pa can gyi rtags sbyor ma yin par thal/ @63a @#/ /'dod pa'i phyir/ rtsa bar ma khyab na/ phyi rgol de'i rgyud kyi rtag pa byas stong du rtogs pa'i rjes dpag des/ rtag pa'i gsal ba'i dbye ba mtha' dag la byas pa 'jug par 'dzin pa'i sgro 'dogs bcad par thal/ des rtag pa'i gsal ba'i dbye ba 'ga' zhig la byas pa 'jug par mi dogs pa'i phyir/ 'dod na/ rtsol byung gi rtags kyis rtsol sgra mi rtag par sgrub pa'i phyi rgol yang dag gi rgyud kyi rtsol byung la mi rtag pas khyab pa 'jal ba'i tshad ma des rtsol byung mtha' dag la rtag 'dzin gyi sgro 'dogs bcad par thal/ 'dod pa'i phyir/ 'dod na/ rtsol byung gi rtags kyis rtsol sgra mi rtag par sgrub pa'i phyi rgol yang dag gi rgyud kyi de sgrub kyi rjes khyab 'jal ba'i tshad mas/ de'i rtags kyis de sgrub kyi bsgrub bya la sgro 'dogs bcad par thal/ 'dod pa'i phyir/ zhes zer na/ gnyis pa lan ni/ 'dod pa kho na 'o/ /zhes pas 'chad/ don ni/ thal 'gyur de rnams gnod byed du mi 'jug ste thal 'gyur phyi ma la 'dod lan thebs pa'i phyir/ 'dod pa kho na 'o zhes pa'i don de ltar yin gyi/ spyir rjes khyab 'jal ba'i tshad mas bsgrub bya la sgro 'dogs chod pa'i don ma yin te/ sgra chos can/ ma byas par thal/ rtag pa'i phyir/ zhes pa'i thal 'gyur sgrub byed 'phen pa'i thal 'gyur yang dag tu song ba'i rgol ba'i rgyud la byas rtags kyis sgra mi rtag par sgrub pa'i rjes khyab 'jal ba'i tshad ma yod pa'i phyir/ mdo rang 'grel las/ brjod pa gang zhig gnyis ka la nges pa kho na sgrub pa'am sun 'byin pa yin gyi/ zhes sogs gsungs pa'i phyir/ rtsa shes Tik chen dang rnam bshad snying po rgyan las/ byas rtags kyis sgra mi rtag par sgrub pa'i phyi rgol yang dag gi rgyud kyi byas rtags kyis sgra mi rtag par sgrub pa'i tshul gsum 'jal ba'i tshad mas sgra la rtag 'dzin gyi sgro 'dogs ma chod par bshad pa yin te/ rtsa shes Tik chen las/ 'di dper brjod @63b na/ sgra mi rtag par sgrub pa'i tshul gsum 'jal ba'i tshad ma skyes pa na/ tshad ma gzhan rgyud pa la mi ltos par/ sgra rtag 'dzin gyi sgro 'dogs dang 'dzin stangs dngos su 'gal ba'i blo bskyed nus kyang sgra mi rtag pa tshad ma snga ma'i shugs la grub pa dang/ sgra rtag 'dzin gyi sgro 'dogs tshad ma snga mas bcad pa ma yin pa bzhin no zhes dang/ rnam bshad snying po rgyan nas/ rigs pa'i rnam gzhag la ma sbyangs pa kha cig /yod na gcig dang du ma gang rung du nges pa'i khyab pa 'dzin pa'i tshad ma des/ bden par yod na bden pa'i gcig dang du ma gang rung gis ma khyab par 'dzin pa'i sgro 'dogs chod pa yin no zhes zer/ de ltar na byas na mi rtag pas khyab pa nges pa'i tshad ma des/ sgra byas na mi rtag bsa ma khyab par 'dzin pa'i sgro 'dogs gcod dgos pas rtags de la brten pa'i rjes dpag gis sgro 'dogs gsar du mi gcod par 'gyur ro zhes gsungs pa'i phyir/ 'o na/ lugs de rnams gang gi rjes su 'brang zhe na/ thar lam gsal byed kyi rjes su 'brang rigs te/ de lta ma yin na/ sgra mi rtag rtogs kyi rjes dpag gis sgra la rtag 'dzin gyi sgro 'dogs gsar du ma bcad par thal/ des sgra la rtag 'dzin gyi sgro 'dogs kun btags gsar du ma bcad pa gang zhig /des sgra la rtag 'dzin gyi sgro 'dogs lhan skyes gsar du ma bcad pa'i phyir/ byas rtags kyis sgra mi rtag par sgrub pa'i phyi rgol yang dag gi rgyud kyi rtag pa byas stong du rtogs pa'i rjes dpag gis byas rtags kyis sgra mi rtag par sgrub pa'i ldog khyab rtogs sam ma rtogs zhe na/ rtag pa chos can/ byas pas stong ste/ don byed nus pas stong pa'i phyir/ zhes pa'i sbyor ba 'di byas rtags kyis sgra mi rtag par sgrub pa'i ldog khyab sgrub byed kyi rtags sbyor rnam dag yin kyang/ byas rtags kyis sgra mi rtag par sgrub pa'i phyi rgol rnam dag gi rgyud kyi/ rtag pa byas @64a @#/ /stong du rtogs pa'i rjes dpag gis byas rtags kyis sgra mi rtag par sgrub pa'i ldog khyab ma rtogs te/ des byas rtags kyis sgra mi rtag par sgrub pa'i rjes khyab ma rtogs pa'i phyir/ des byas pa rtag stong du ma rtogs pa'i phyir/ de'i rgyud kyi rtag pa sgra'i byas stong du rtogs pa'i rjes dpag gis sgra byas ba rtag stong du ma rtogs pa'i phyir/ de ltar yang/ rnam nges dar Tik las/ gnod pa can gyi rtags la brten pa'i rjes dpag 'dis sngar bshad pa'i 'brel pa'i phyogs gcig nges pa yin kyang/ byas pa gzhir bzung nas rtag pa la med nges su rtogs pa ma yin te/ de'i rten gtan tshigs de byas pa'i 'god tshul la ma grub pa'i phyir/ zhes dang/ rtag pa la byas pa med par ston pa'i sgra des/ byas pa rtag pa la med par ston yang/ rtag pa byas stong du rtogs pa'i tshad ma des/ byas pa rtag pa la med par rtogs nus pa ma yin pas gzhi byas pa dang tshogs dgos pa yin no zhes gsungs/ byas rtags kyis sgra mi rtag par sgrub pa'i phyi rgol yang dag gis byas pa'i gsal ba'i dbye ba mtha' dag la mi rtag pas khyab pa nges sam ma nges zhe na/ des byas pa'i gsal ba'i dbye ba mtha' dag la mi rtag pas khyab pa nges ma nges kyi lugs gnyis rnam nges dar Tik las bshad cing/ rnam 'grel Tik kar ma nges pa dag bshad kyang/ des byas pa'i gsal ba'i dbye ba mtha' dag la mi rtag pas khyab pa nges pa dgongs pa yin te/ rnam nges dar Tik las/ yang na byas na mi rtag pas khyab pa nges pa'i tshad ma des byas pa'i gsal ba'i dbye ba mtha' dag la mi rtag pas khyab pa nges su chug kyang/ sgra'i byas pa la mi rtag pas khyab pa nges mi dgos te/ sgra dang sgra'i byas pa dngos shugs gang la yang blo kha phyogs pa med pa'i phyir/ zhes gsungs pa'i phyir/ de 'dra'i phyi rgol des byas pa'i @64b gsal ba'i dbye ba mtha' dag la mi rtag pas khyab pa ma nges na/ des byas ba'i gsal ba'i dbye ba 'ga' zhig dang rtag pa'i gzhi mthun yod par dogs par khas len dogs/ de ltar na des byas pa dang rtag pa'i gzhi mthun yod par dgos par thal ba'i skyon yod pa'i phyir/ gsum pa rtsod pa spang ba ni 'o na zhes sogs kyis 'chad/ kho na re/ rtsol byung gi rtags kyis rtsol sgra mi rtag par rtogs pa'i rjes dpag chos can/ bcad shes yin par thal/ rang 'dren byed kyi tshad ma snga mas sgro 'dogs bcad zin gyi don de nyid la bsnan nas sgro 'dogs chod pa'i shes pa yin pa'i phyir zhes zer na ma khyab ste/ bcad shes su 'gyur ba la/ tshad ma snga mas rtogs zin gyi don la 'jug pa dgos kyi/ sgro 'dogs bcad zin dpyod pa tsam gyis bcad shes su mi 'gyur ba'i phyir/ kho na re/ rtogs zin gyi don la 'jug par yang khas len dgos te/ rtsol byung gi rtags kyis rtsol byung gi sgra mi rtag par sgrub pa'i phyi rgol yang dag gi rgyud kyi rtsol byung gi rtags kyis rtsol sgra mi rtag bar sgrub pa'i tshul gsum 'jal ba'i tshad ma chos can/ rtsol byung gi sgra rtag stong du rtogs par thal/ rtsol ba las byung ba'i sgra la blo kha phyogs de la rtag 'dzin gyi sgro 'dogs chod pa'i phyir/ rtags dang po grub ste/ de'i rgyud kyi rtsol byung gi rtags kyis rtsol byung gi sgra mi rtag par sgrub pa'i phyogs chos 'jal ba'i tshad mas de la blo kha phyogs zhing de'i rgyud kyi rjes khyab 'jal ba'i tshad mas sgro 'dogs chod pa'i phyir zer na/ rtsa bar ma khyab ste/ rtsol sgra rtag stong du rtogs ba la/ rtsol sgra de la rtag pas stong pa'i khyab par gyi gzhi chos can gyi tshul gyis blo kha phyogs dgos pa yin gyi/ de'i rgyud kyi de skor gyi tshul gsum 'jal ba'i tshad mas rtsol sgra de la rtag pas stong pa'i khyad par gyi gzhi'i chos can gyi tshul gyis blo kha phyogs pa ma yin pa'i phyir/ @65a @#/ /kho na re/ byas rtags kyis sgra mi rtag par sgrub pa'i phyi rgol yang dag gi rgyud kyi byas rtags kyis sgra mi rtag par sgrub pa'i rjes khyab 'jal ba'i tshad mas sgra la rtag 'dzin gyi sgro 'dogs chod pa thar lam gsal byed kyi dgongs pa ma yin te/ sgra don snyon pa med rnams kyi/ /zhes pa'i skabs kyi Tikka las/ sgro 'dogs chod pa yin gyi rjes dpag ma skyes so zhes khas len par 'gyur te/ lugs de la rjes dpag gi 'dzin stangs cung zad kyang mi rnyed pa'i phyir/ zhes gsungs pa'i phyir snyam na/ skyon med de/ blo des sgra la rtag pas stong pa'i khyad par gyi gzhi chos can gyi tshul du blo kha phyogs pa'i sgo nas sgra la rtag 'dzin gyi sgra 'dogs chod na blo des sgra rtag stong du rtogs dgos zhes pa'i don yin pa'i phyir/ dogs pa gnyis pa bsgrub bya'i chos byas pas stong ba'i ngos nas brtag na yang dpyad mi bzod pa la dogs pa dang/ lan gnyis/ dang po ni/ kho na re/ byas rtags kyis sgra mi rtag par sgrub pa'i phyi rgol yang dag gi rgyud kyi rtag pa byas stong du rtogs pa'i rjes dpag des rtag pa byas pa'i gsal ba'i dbye ba mtha' dag gi stong par nges sam ma nges/ nges na/ byas rtags kyis sgra mi rtag par sgrub pa'i phyi rgol yang dag gi rgyud kyi byas pa rtag stong du rtogs pa'i rjes dpag des/ byas pa rtag pa'i gsal ba'i dbye ba mtha' dag gis stong par rtogs par thal/ dam bca' 'thad pa'i phyir/ 'dod na/ tshad ma des byas ba sgra'i rtag stong du rtogs par thal/ 'dod pa'i phyir/ 'dod na/ byas rtags kyis sgra mi rtag par sgrub pa'i rjes khyab tshad mas nges pa'i gang zag yin na sgra rtag pa tshad mas khegs pa'i gang zag yin dgos par thal/ 'dod pa'i phyir/ gnyis pa ltar na/ de 'dra'i phyi rgol des byas pa'i khyad par 'ga' zhig rtag pa la 'jug par dogs par thal/ de'i rgyud kyi rtag ba byas stong du rtogs pa'i tshad ma des @65b rtag pa byas pa'i gsal ba'i dbye ba mtha' dag gis stong pa ma rtogs pa gang zhig /de'i rgyud la byas pa'i khyad par 'ga' zhig rtag pa la 'jug par 'dzin pa'i sgro 'dogs gcod byed kyi tshad ma gzhan med pa'i phyir/ 'dod na/ phyir rgol des byas ba sgra mi rtag par sgrub pa'i mi mthun phyogs la 'jug par dogs par thal/ 'dod pa'i phyir/ 'dod na/ de'i rgyud kyi rtag pa byas stong du rtogs pa'i rjes dpag des/ byas rtags kyis sgra mi rtag par sgrub pa'i ldog khyab ma rtogs par thal/ 'dod pa'i phyir zhes zer na/ gnyis pa ni skyon med de/ zhes sogs kyis 'chad/ dogs pa de'i skyon med de/ de 'dra'i phyi rgol gyi rgyud kyi byas pa rtag stong du rtogs pa'i tshad ma des khyad gzhi byas pa'i steng du sgra'i rtag bas stong pa grub kyang/ sgra khyad gzhir bzung ba'i steng du rtag pa ma khegs pa'i phyir/ byas pa rtag stong du rtogs pa'i tshad ma des/ byas pa rtag pa'i gsal ba'i dbye ba mtha' dag gi stong par ma rtogs so zhes zer ba la/ thar lam gsal byed las/ gnod byed kyi rigs pa bzhi gsungs ba'i/ dang po ni/ byas rtags kyis sgra mi rtag par sgrub pa'i phyir rgol yang dag des/ byas pa rtag pa'i gsal ba'i dbye ba 'ga' zhig la 'jug par dogs par thal/ de'i rgyud kyis byas pa rtag stong du rtogs pa'i rjes dpag des/ byas pa rtag pa'i gsal ba'i dbye ba mtha' dag gis stong par ma rtogs pa'i phyir/ rtags khas/ 'dod na/ des byas pa dang rtag pa'i gzhi mthun yod par dogs par thal/ 'dod pa'i phyir/ kho na re/ phyi rgol des/ rtag pa'i gsal ba'i dbye ba 'ga' zhig la byas pa 'jug par dogs par 'gyur te/ des sgra'i rtag pa la byas pa 'jug par dogs pa'i phyir/ zhe na/ skyon med de/ phyi rgol de sgra yi byas pa dang rtag pa'i gzhi mthun dogs kyang/ des byas pa'i gsal ba'i dbye ba 'ga' zhig dang rtag pa'i gzhi mthun yod par dogs dgos pa ma yin pa'i phyir/ rigs @66a @#/ /pa gnyis pa ni/ sgra 'jal ba'i tshad ma des sgra de sgra kho na yin par ma nges par thal/ des sgra de sgra ma yin pa las log par ma nges pa'i phyir/ der thal/ des sgra de sgra ma yin pa'i bum pa las log par ma nges pa'i phyir/ der thal/ byas pa rtag stong du rtogs pa'i rjes dpag des byas pa sgra'i rtag stong du ma rtogs pa'i phyir/ rtags khas so/ /gzhan yang/ byas pa rtag pa thams cad kyis stong par rtogs pa de/ rtag pa thams cad tshad mas nges pa la ltos par thal/ byas pa rtag stong du rtogs pa'i rjes dpag gis/ byas pa rtag pa'i gsal ba'i dbye ba mtha' dag gis stong par ma rtogs pa'i phyir/ rtags khas/ 'dod na/ byas pa sgra mi rtag par bsgrub pa'i mi mthun phyogs mtha' dag la med par tshad mas nges pa de sgra mi rtag par bsgrub pa'i mi mthun phyogs mtha' dag tshad mas nges pa la ltos par thal/ 'dod pa'i phyir/ 'dod na/ rtags mi mthun phyogs la ma mthong ba tsam gyis ldog khyab grub par 'dod pa'i gzhung 'dzug rigs par thal/ 'dod pa'i phyir/ de bzhin du tshad mas sgro 'dogs bcad tshul gla ba'i ma che ba ltar 'dod rigs par thal/ byas pa rtag stong du rtogs pa'i rjes dpag des/ byas pa sgra'i rtag par 'dzin pa'i sgro 'dogs dang/ bum pa'i rtag par 'dzin pa'i sgro 'dogs gcod mi nus par sgro 'dogs de dag gcod byed kyi tshad ma logs su dgos pa'i phyir/ rtags khas/ rigs pa gsum pa ni shing du gyur pa'i sha ba de sha sgur kyog bo shing du bsgrub pa'i rtags yang dag tu khas blangs na nyes pa ci yod byas pa la kho na re/ gzhi de shing du gyur pa'i sha bar nges na gzhi de shing tu nges dgos pas rtags grub na bsgrub bya la the tshom med par 'gyur ro zhe na/ 'o na/ gzhi der shing med par grub pa'i gang zag yin na/ gzhi der shing sha ba med par tshad mas grub pa'i gang zag yin dgos par thal/ gzhi de shing du gyur pa'i sha bar tshad mas nges pa'i gang zag yin na/ gzhi de @66b shing du tshad mas nges pa'i gang zag yin dgos pa'i phyir/ 'dod na/ sgra yang yin rtag pa yang yin pa'i gzhi mthun mi srid par tshad mas nges pa'i gang zag yin na/ sgra yang yin shar na yod pa'i rtag pa yang yin pa'i gzhi mthun mi srid par tshad mas nges pa'i gang zag yin dgos par thal/ 'dod pa'i phyir/ 'dod na/ byas pa rtag stod du tshad mas nges pa'i gang zag yin na/ byas pa sgra'i rtag stong du tshad mas nges pa'i gang zag yin dgos par thal/ 'dod pa'i phyir/ des na/ rigs pa de rnams la brten nas spyis stor bar nges na/ bye brag gis stong par nges pas khyab pa grub pa yin no/ /bzhi pa ni/ de ltar na zhes sogs kyis 'chad/ 'di la Tikka par ma 'di la rtag na shes bya ma yin pas khyab pa nges na/ shes bya yin na mi rtag pa yin pas khyab par 'gyur bas zhes bshad pa ni/ yi ge ma dag pa yin gyi don ni/ rtag na ma byas pas khyab pa nges na/ byas na mi rtag pas khyab pa nges par 'gyur bas zhes pa'i don yin te/ rtsod pa'i skabs su rjes khyab nges pa la tshad ma du dgos dpyad pa dang 'gal lo zhe na/ lan gyi skabs su rtag na ma byas pas khyab pa nges na/ byas na mi rtag pas khyab pa nges dgos par mi 'dod zhes gsung ba'i phyir/ des na rtsod pa de'i don/ kho na re/ rtag na ma byas bas khyab pa tshad mas nges pa'i gang zag yin na/ byas na mi rtag pas khyab pa tshad mas nges pa'i gang zag yin dgos par thal/ nam mkha' rtag par tshad mas nges pa'i gang zag yin na/ nam mkha' ma byas par tshad mas nges pa'i gang zag yin dgos na/ sgra byas par tshad mas nges pa'i gang zag yin na/ sgra mi rtag par tshad mas nges pa'i gang zag yin dgos pa'i phyir/ der thal/ gzhi de shing du gyur pa'i sha bar tshad mas nges pa'i gang zag yin na/ gzhi de shing du tshad mas nges pa'i gang zag yin dgos pa'i phyir/ gzhi der shing med par tshad mas nges pa'i gang zag @67a @#/ /yin na gzhi der shing sha ba med par tshad mas nges pa'i gang zag yin dgos pa'i phyir/ zhes zer/ rtsa bar ma khyab ste/ nam mkha' rtag par tshad mas nges pa'i gang zag yin na/ nam mkha' ma byas par tshad mas nges pa'i gang zag yin dgos na/ sgra byas bar tshad mas nges pa'i gang zag yin na/ sgra mi rtag par tshad mas nges pa'i gang zag yin dgos par 'dod kyang/ rtag na ma byas pas khyab pa tshad mas nges pa'i gang zag yin na/ byas na mi rtag pas khyab pa tshad mas nges pa'i gang zag yin dgos par mi 'dod pa'i phyir/ bzhi pa/ tshul gsum ngo bo gcig tha dad gang yin dpyad pa la/ lugs gzhan dag ga pa/ 'thad pa'i phyogs rnam par bzhag pa'o/ /dang po la mtshan gzhi dgag pa dang/ mtshan nyid dgag pa'o/ /dang po la; rig gter ba rnams dang/ snga rabs pa'i tshad ma pa rnams na re/ byas rtags kyis sgra mi rtag par bsgrub pa'i chos mthun sbyor gyi sgrub ngag yang dag gis dngos su bstan pa'i byas na mi rtag pas khyab pa byas rtags kyis sgra mi rtag par bsgrub pa'i rjes khyab kyi mtshan gzhi dang/ byas rtags kyis sgra mi rtag par bsgrub pa'i chos mi mthun sbyor gyi sgrub ngag yang dag gis dngos su bstan pa'i rtag na ma byas pas khyab pa mi mthun dpe'i steng du grub par bstan pa/ byas rtags kyis sgra mi rtag par bsgrub pa'i ldog khyab kyi mtshan gzhi yin gyi/ ldog pa de gnyis las gzhan du gyur pa'i sbyor ba de skor gyi khyab pa'i mtshan gzhi med do zhes zer na/ de ni mi 'thad de/ dngos po'i rtags kyis mnyan bya'i dngos po mi rtag par bsgrub pa'i rjes khyab tshad mas nges pa'i gang zag yin na/ dngos po'i rtags kyis mnyan bya'i dngos po mi rtag par bsgrub pa'i bsgrub bya tshad mas nges pa'i gang zag yin dgos par thal/ dngos po yin na/ mi rtag pas khyab pa tshad mas nges pa'i gang zag yin na/ rtag na dngos po ma yin pas khyab pa @67b tshad mas nges pa'i gang zag yin dgos/ de yin na/ rtag na mnyan bya'i dngos po ma yin pas khyab pa tshad mas nges pa'i gang zag yin dgos/ de yin na mnyan bya'i dngos po yin na mi rtag pas khyab pa tshad mas nges pa'i gang zag yin dgos pa'i phyir/ rtags snga phyi gnyis khas blangs dgos te/ de'i rgyu mtshan ni/ rtags snga ma der thal/ dngos po yin na mi rtag pa yin pas khyab pa tshad mas nges pa'i gang zag yin na/ dngos po'i rtags kyis mnyan bya'i dngos po mi rtag par bsgrub pa'i rjes khyab tshad mas nges pa'i gang zag yin dgos/ de yin na rtag na dngos po ma yin pas khyab pa tshad mas grub pa'i gang zag yin dgos pa'i phyir/ 'di rtags dang po rtsa ba'i khas blangs dang dngos 'gal yin no/ /rtags gnyis pa ma grub na song/ der thal/ rtag na ma byas bas khyab pa tshad mas grub pa'i gang zag yin na/ byas na mi rtag pas khyab pa tshad mas grub pa'i gang zag yin dgos pa'i phyir/ ma grub na song/ der thal/ rtag na ma byas pas khyab pa tshad mas grub pa'i gang zag yin na/ byas rtags kyis sgra mi rtag par bsgrub pa'i ldog khyab tshad mas grub pa'i gang zag yin dgos/ de yin na de'i rtags kyis de sgrub kyi rjes khyab tshad mas grub pa'i gang zag yin dgos/ de yin na byas na mi rtag pas khyab pa tshad mas grub pa'i gang zag yin dgos pa'i phyir/ rtags dang po sngar ltar khas blangs pa la dngos 'gal yin no/ /rtsa ba'i rtags par pa ma grub na/ der thal/ rtag pa dngos pos stong par tshad mas grub pa'i gang zag yin na/ rtag pa mnyan bya'i dngos pos stong par tshad mas grub pa'i gang zag yin dgos pa'i phyir/ rtags gong du grub zin/ gzhan yang/ byas rtags kyis sgra mi rtag par bsgrub pa'i ldog khyab yin ni/ byas rtags kyis sgra mi rtag par bsgrub pa'i mi mthun phyogs kho na la grub pas ma khyab par thal/ de sgrub kyi ldog khyab kyi don ldog yin na/ byas rtags kyis sgra mi rtag @68a @#/ /par bsgrub pa'i mi mthun phyogs kho na'i steng du grub pas ma khyab pa'i phyir/ 'dod na/ byas rtags kyis sgra mi rtag par bsgrub pa'i ldog khyab kyi mtshan gzhi sngar bshad pa de kho nar zad pa nyams so/ /rtsa ba'i rtags gsum pa ma grub na/ byas pa sgra mi rtag par bsgrub pa'i ma nges pa'i gtan tshigs yin pa bzlog pa'i phyir du byas rtags kyis sgra mi rtag par bsgrub pa'i chos mi mthun sbyor gyi sgrub ngag yang dag smos pa mi rigs par thal/ sgra mi rtag par bsgrub pa'i ldog khyab kyi mtshan gzhi yin na byas ba'i steng du 'god tshul dang mthun par ma grub pas khyab pa'i phyir/ rtags khas so/ /'dir smras pa/ mkhas pa'i sde dpon dag las 'ongs pa yi/ /legs bshad dbang gi rgyal bo rgyang bsrings te/ 'ching bu bzung nas nor bu 'di'o zhes/ /smra ba'i skye bo 'di kun; sem mtshar/ /zhes bya ba ni bar skabs kyi tshigs su bcad pa'o/ /kho na re/ 'dod pa yin te/ 'gal ma nges ma grub pa'i gtan tshigs gsum po rtags yang dag yin pa bzlog pa'i ched du tshul gsum so so'i mtshan nyid kyi zur du nges brjod smos pa yin gyi/ yang dag ltar snang yin pa bcad pa'i ched du nges pa smos pa ma yin pa'i phyir/ zhes zer/ de 'gog pa la thar lam gsal byed las/ de ltar na byas pa 'dus ma byas kyi nam mkha'i steng du bum pa 'gog pa'i rtags yang dag tu khas blangs pa la nyes pa med par 'gyur ro; /zhes gsungs/ de'i don ni/ rgyal tshab dam pa'i dgongs pa ji bzhin du kho bos gong du bshad zin to/ /thal 'gyur phyi ma de la mkhas pa chen po chos rje kun mkhyen pa na re/ rtag na ma byas pas khyab pa bum pa'i steng du ma grub par thal/ de byas rtags kyis sgra mi rtag par bsgrub pa'i ldog khyab yin cing/ de las gzhan pa'i de sgrub kyi ldog khyab med/ byas rtags kyis sgra mi rtag par bsgrub pa'i ldog khyab yin na/ sgra mi rtag par bsgrub pa'i mi mthun phyogs kho na la grub dgos pa'i phyir/ 'dod na/ khyed rang gis rtag na @68b ma byas pa'i khyab pa bum pa'i steng du grub par khas blangs pa dang dngos su 'gal/ zhes zer na/ skyon med de/ thar lam gsal byed las/ ldog khyab kyi mtshan gzhi ldog pa de kho nar zad pa nyams so zhes pa'i don ni/ thal 'gyur de la 'dod na/ rtag na ma khyab pas khyab pa byas rtags kyis sgra mi rtag par bsgrub pa'i mi mthun dpe kho na'i steng du grub pa'i byas rtags kyis sgra mi rtag par bsgrub ba'i ldog khyab yin pa nyams zhes pa'i don yin te/ gong du phyogs snga ma brjod pa na/ chos mi mthun sbyor gyi sgrub ngag gis dngos su bstan pa'i rtag na ma byas bas khyab pa/ mi mthun dpe'i steng du grub par bstan pa ldog khyab kyi mtshan gzhi yin gyi zhes bshad pa'i phyir/ gnyis pa mtshan nyid dgag pa ni/ de sgrub kyi khyab pa'i tshul gang zhig /de sgrub kyi dpe gnyis kyi nang nas mi mthun dpe yang dag kho na'i steng du grub pa/ de sgrub kyi ldog khyab kyi mtshan nyid/ de gang zhig /de sgrub kyi dpe gnyis kyi nang nas/ mthun dpe yang dag kho na'i steng du grub pa de sgrub kyi rjes khyab kyi mtshan nyid zhes zer na/ de la rgyal tshab chos rjes dgag tshul ni/ blo'i yul du bya rung ba'i rtags kyis bum pa shes byar bsgrub pa'i ldog khyab ma grub par thal/ de sgrub kyi dpe gnyis kyi nang nas mi mthun dpe kho na'i steng du grub pa mi srid pa'i phyir/ khyab pa khas/ lan gyis ldog par mi nus pa'i thal 'gyur ro/ /bum pa mi rtag par bsgrub pa'i mi mthun dpe yang dag kho na'i steng du grub pa med ces mi gsung ste/ de sgrub kyi mthun dpe yang dag yod pa'i phyir/ gzhan yang/ khyod kyi mtshan nyid de mi 'thad de/ khyod rang gi lugs la rtags yang dag gi mtshan nyid ji lta bu/ mtshan gzhi gang byas pa la/ byas pa mtshan gzhir bzung nas/ sgra mi rtag bsgrub kyi rtags yang dag tu mtshon pa la/ de sgrub kyi tshul gsum tshang ba'i gtan tshigs kyi mtshan nyid de zhe na/ byas pa'i steng du sgra mi @69a @#/ /rtag par bsgrub pa'i tshul gsum tshang ba ma grub par thal/ byas pa'i steng du sgra mi rtag par bsgrub pa'i tshul gsum ma grub pa'i phyir/ ma grub na song/ sgra mi rtag par bsgrub pa'i ldog khyab yin na sgra mi rtag par bsgrub pa'i mi mthun dpe yang dag kho na'i steng du grub pas ma khyab par thal/ ma grub pa de'i phyir/ rtags khyab khas/ rtsa ba'i gsal ba yang khas blangs so/ /kha cig /de sgrub kyi tshul gsum tshad ma'i stobs kyis nges pa de sgrub kyi rtags yang dag gi mtshan nyid zer na/ sgra mi rtag par bsgrub pa'i phyi rgol yang dag chos can/ sgra mi rtag par bsgrub pa'i rtags yang dag yin par thal/ sgra mi rtag par bsgrub pa'i tshul gsum tshad ma'i stobs kyis nges pa'i phyir/ khyab pa khas so/ /de sgrub kyi tshul gsum tshad ma'i stobs kyis nges pa'i gtan tshigs/ de sgrub kyi rtags yang dag gi mtshan nyid zer na/ sgra mi rtag par bsgrub pa'i tshul gsum chos can/ tshad ma'i stobs kyis nges pa yin te/ tshad ma'i stobs kyis gzhal ba'i phyir/ zhes bkod pa'i tshe na/ tshad ma'i stobs kyis gzhal ba chos can/ der thal/ sgra mi rtag par bsgrub pa'i tshul gsum tshad ma'i stobs kyis nges pa'i gtan tshigs yin pa'i phyir/ khyab pa khas/ der thal/ de sgrub kyi tshul gsum tshad ma'i stobs kyis nges par bsgrub pa'i gtan tshigs yin pa'i phyir/ 'di'i rtags bsgrub tshul 'di ltar yin gyi/ sgra mi rtag par bsgrub tshul tshad ma'i stobs kyis nges par bsgrub pa'i gtan tshigs yin pa'i phyir/ zhes mi bya ste/ de ltar na ri bong gi rwa mi rtag par bsgrub pa'i tshul gsum tshad ma'i stobs kyis nges pa'i gtan tshigs yod par thal ba'i skyon yod pa'i phyir/ des na 'dis kyang bkod tshe ma nus med bstan to/ /gzhan yang/ sgra mi rtag par bsgrub pa'i mi mthun dpe kho na la grub pa'i ldog khyab de gang yin byas pa la kho na re/ rtag na ma byas pas @69b khyab pa de yin no/ /zhe na/ bum pa'i steng du rtag na ma byas pas khyab pa mi srid par thal/ rtag na ma byas pas khyab pa bum pa'i steng du ma grub pa'i phyir/ ma grub na/ rtag na ma byas pas khyab pa de sgra mi rtag par bsgrub pa'i mi mthun dpe yang dag kho na'i steng du ma grub par thal/ khyab pa de bum pa'i steng du yod pa'i phyir/ rtags khas blangs/ de la kha cig /rtag na ma byas pas khyab pas khyab pa de sgra mi rtag par bsgrub pa'i mi mthun dpe yang dag kho na la grub pa'i ldog khyab kyi mtshan gzhi yin kyang/ rtag na ma byas pas khyab ba de sgra mi rtag par bsgrub pa'i mi mthun dpe kho na la grub pa'i ldog khyab kyi mtshan gzhi ma yin pas skyon med do zhes gsung/ de 'gog pa la/ thar lam gsal byed las/ rtag na ma byas pa dang/ rtag na ma byas pas khyab pa dang/ des khyab ba'i khyab pa rnams bum pa'i steng du yod med khyad par 'byed na/ ri bong gi rwa'i rtse mor skyil krung bcas par zad do/ /zhes gsung/ de la mkhas pa kha cig /ri bong gi rwa chos can/ khyod rtag na ma byas pas khyab pas khyab par thal/ khyod rtag na ma byas pa yin pa'i phyir/ 'dod na/ de chos can/ don khyod kyi rnam pa blo la shar ba na/ don spyi tha dad pa gnyis blol shar bar thal/ rtag pa dang/ ma byas pa tha dad gang zhig /'dod pa'i phyir/ zhes gsungs pas ni/ mi gnod do/ /skyon de dag 'jug par mthong nas/ kha cig /rtag na ma byas pas khyab pa mi 'dzin gyi/ rtag na ma byas pas khyab pa'i khyab pa de/ de sgrub kyi mi mthun dpe yang dag kho na la grub pa'i ldog khyab kyi mtshan gzhi yin no/ /zhe na/ mi mthun dpe nam mkha' rtag pa la ma byas bas khyab pa'i khyab pa dngos su 'jal ba'i tshad ma chos can/ mi mthun dpe nam mkha'i steng du byas rtags kyis sgra'i mi rtag par bsgrub pa'i rjes khyab dngos shugs gang rung la gzhal bar thal/ mi mthun dpe nam mkha'i steng du byas rtags kyis sgra mi rtag @70a @#/ /par bsgrub pa'i ldog khyab dngos su gzhal ba'i phyir/ rtags dngos/ 'dod na/ byas rtags kyis sgra mi rtag par bsgrub pa'i rjes khyab de mthun dpe yang dag kho na'i steng du ma grub par thal/ de mi mthun dpe nam mkha'i steng du grub pa'i phyir/ rtags bsal khas blangs/ rtsa bar ma khyab na/ don gyi go bas cig shos la/ dran pa yang dag skye bar 'gyur/ /zhes gsung pa'i don ji ltar yin byas pa la/ snga rabs pa phal che ba rnams na re/ gzhung de'i don mi mthun dpe la khyab pa gnyis dngos shugs 'jal ba'i don ma yin gyi ldog khyab mi mthun dpe la yod par dngos su 'jal na rjes khyab gzhi gzhan mthun dpe la grub pa'i don yin no/ /zhe na/ lho kha na stag yod par 'jal ba'i tshad ma yin na/ byang kha na 'brong yod par 'jal ba'i tshad ma yin dgos par thal/ ldog khyab mi mthun dpe la yod pa 'jal ba'i tshad ma yin na/ rjes khyab mthun dpe la yod par 'jal 'jal ba'i tshad ma yin dgos pa'i phyir/ nya dpon kun dga' dpal na re/ tshad ma gcig gis 'jal ba ma yin gyi/ ldog khyab 'jal ba'i tshad mas ldog khyab mi mthun dpe steng du 'jal pa na/ rjes khyab nges pa'i tshad mas mthun dpe chos can gyi steng du rjes khyab nges pa'i don yin no zhe na/ bum 'dzin gyi bum pa 'jal ba snam bu 'dzin pa'i tshad ma'i shugs rtogs su 'dod rigs par thal/ ldog khyab 'jal ba'i tshad mas ldog khyab mi mthun dpe steng du dngos su 'jal ba'i shugs la/ rjes khyab 'jal ba'i tshad mas mthun dpe chos can gyi steng du gzhal ba'i phyir/ rtags khas/ de rnams kyi lan la mkhas pa kha cig na re/ rtag na ma byas pas khyab/ dper na nam mkha' bzhin/ sgra ni byas so zhes pa'i bsgrub ngag yang dag chos can/ nam mkha'i steng du byas rtags kyis sgra mi rtag par bsgrub @70b pa'i rjes khyab dngos shugs gang rung la bstan par thal/ des de sgrub kyi ldog khyab dngos su bstan pa'i phyir/ khyab pa khas/ 'dod na/ nam mkha' chos can/ de sgrub kyi mthun dpe yang dag yin par thal/ de sgrub kyi dpe gang zhig /de sgrub kyi rjes khyab gtan la 'bebs pa'i gzhir bzung ba'i phyir/ don gyi go bas cig shos la/ /zhes sogs kyi lung gi sgrub byed kyang mi 'thad de/ 'o na/ sgra mi rtag par bsgrub pa'i tshul gsum 'jal ba'i tshad mas sgra mi rtag par bsgrub pa'i bsgrub bya shugs la rtogs par thal/ don gyis de ni 'jig blor 'gyur/ /zhes gsungs pa'i phyir/ khyab pa khas/ zhes gsungs/ kho bo cag la thal 'gyur dang po de gnod byed du mi 'jug ste/ de 'dra'i bsgrub ngag de byas rtags kyis sgra mi rtag par bsgrub pa'i chos mi mthun sbyor gyi bsgrub ngag yang dag yin kyang mi mthun dpe nam mkha'i steng du byas rtags kyis sgra mi rtag par bsgrub pa'i ldog khyab bstan pa ma yin pa'i phyir/ nam mkha' de byas rtags kyis sgra mi rtag par bsgrub pa'i ldog khyab gtan la 'bebs pa'i gzhi ma yin pa'i phyir/ de byas rtags kyis sgra mi rtag par bsgrub pa'i ldog khyab ma yin pa'i phyir/ gzhan yang/ khyed kyi bzhed pa ltar na/ don gyi go bas cig shos la/ /zhes pa'i don ji ltar yin byas pa la/ byas rtags kyis sgra mi rtag par bsgrub pa'i rjes khyab dang ldog khyab gnyis gcig dngos su rtogs pa'i tshad ma'i byed pa la brten nas cig shos kyang rtogs zhes pa'i don yin nam snyam mo zhes gsungs/ 'o na byas rtags kyis sgra mi rtag par bsgrub pa'i rjes khyab dngos su ston pa'i ngag yin na/ de sgrub kyi ldog khyab dngos shugs gang rung la ston pa'i ngag yin mi dgos par thal/ de sgrub kyi rjes khyab dngos su 'jal ba'i tshad ma yin na/ de sgrub kyi ldog khyab dngos shugs gang rung la @71a @#/ /'jal ba'i tshad ma yin mi dgos pa'i phyir/ khyab pa bzhi sgrigs la 'grag /rtags khas/ 'dod na/ byas na mi rtag pas khyab/ dper na bum pa bzhin sgra yang byas so zhas pa'i bsgrub ngag yang dag 'dis/ byas rtags kyis sgra mi rtag par bsgrub pa'i ldog khyab dngos shugs gang rung la ma brjod par thal/ 'dod pa'i phyir/ 'dod na/ byas pa sgra mi rtag par bsgrub pa'i mthun phyogs kho na la yod pa dang/ de de sgrub kyi mi mthun phyogs la med pa gnyis dngos shugs kyi rtogs bya rtogs byed ma yin par thal/ byas rtags kyis sgra mi rtag par bsgrub pa'i rjes khyab dang ldog khyab gnyis dngos shugs kyi rtogs bya rtogs byed ma yin pa'i phyir/ rtags khas/ 'dod na/ byas pa sgra mi rtag par bsgrub pa'i mthun phyogs kho na la yod par dngos su rtogs pa'i tshad mas/ byas pa de sgrub kyi mi mthun phyogs la med par shugs la ma rtogs par thal/ 'dod pa'i phyir/ byas pa la/ 'o na/ sgra'i ston tshul yang mtshungs pas/ byas pa sgra mi rtag par bsgrub pa'i mi mthun phyogs la med pa chos can/ khyod med dgag ma yin par thal/ rang zhes brjod pa'i sgras rang gi dgag bya bkag shul du chos gzhan bsgrub pa 'phen pa'i phyir/ zhes gsungs pa la 'dod lan 'debs dgos te/ sgra rtag pa ma yin pa ma yin dgag yin pa dang/ byas pa rtag pa la med pa ma yin dgag yin pa gang zhig /rgyu mtshan mtshungs pa'i 3phyir/ khong gi thal 'gyur gnyis ba des mi gnod de/ de'i rgyu mtshan rang lugs kyi skabs su 'chad do/ /kho na re/ khyed rang gi lugs la rtags kyi mtshan nyid gang mtshan gzhi ji lta bu zhe na/ sgra mi rtag par bsgrub pa'i tshul gsum yin pa sgra mi rtag par bsgrub pa'i rtags yang dag gi mtshan nyid/ byas pa sgra mi rtag par bsgrub pa'i rtags yang dag gi mtshan gzhi @71b yin byas pa la/ snga rabs pa rnams na re/ byas pa chos can/ khyod dngos su rtogs pa'i tshad mas byas pa shugs la rtogs par thal/ khyod byas rtags kyi sgra mi rtag par bsgrub pa'i rjes khyab dang/ de sgrub kyi ldog khyab yin pa'i phyir/ rtags khas; khyab pa khas blangs te/ byas rtags kyis sgra mi rtag par bsgrub pa'i rjes khyab dngos su rtogs pa'i tshad mas/ de sgrub kyi ldog khyab shugs la rtogs pa'i phyir/ 'dod na/ ldog ba gcig dngos shugs su 'gal lo zhe na/ 'di'i lan la thar lam gsal byed las/ bsgrub ngag yang dag gnyis kyis dngos su bstan pa'i khyab pa gnyis dngos shugs kyi rtogs bya rtogs byed yin gyi tshul gsum yin na/ des khyab pa ma yin no zhes gsung/ 'di don la mkhas pa kha cig /byas na mi rtag pa'i khyab pa dang/ rtag na ma byas pa'i khyab ba gnyis dngos shugs kyi rtogs bya rtogs byed yin pa lung de'i don du 'chad pa mi 'thad de/ rtag na ma byas pas khyab pa tshad mas nges pa'i gang zag yin na/ byas na mi rtag pas khyab pa tshad mas nges pa'i gang zag yin dgos par thal ba'i skyon yod pa'i phyir/ kha cig /byas pa sgra mi rtag par bsgrub pa'i mthun phyogs kho na la yod pa de/ byas rtags kyis sgra mi rtag par bsgrub pa'i chos mthun sbyor gyi sgrub ngag yang dag gi dngos bstan gyi rjes khyab dang/ byas pa sgra mi rtag par bsgrub pa'i mi mthun phyogs la med pa kho nar tshad mas nges pa byas rtags kyis sgra mi rtag par bsgrub pa'i bsgrub ngag yang dag gi dngos bstan gyi ldog khyab dang/ de gnyis dngos shugs kyi rtogs bya rtogs byed yin pa gzhung de'i don yin zer ba mi 'thad de/ byas pa sgra mi rtag par bsgrub pa'i mthun phyogs kho na la yod ce sa pa'i ngag des/ byas rtags kyis sgra mi rtag par bsgrub pa'i chos mthun sbyor gyi bsgrub @72a @#/ /ngag yang dag gis dngos su bstan pa'i rjes khyab rdzogs par ma brjod par Tikka las bshad pa dang 'gal ba'i phyir dang/ byas rtags kyis sgra mi rtag par bsgrub pa'i chos mi mthun sbyor gyi sgrub ngag yang dag gis byas pa sgra mi rtag par bsgrub pa'i mi mthun phyogs la med par dngos su ma bstan pa'i phyir/ phyogs snga smra ba po des kyang byas rtags kyis sgra mi rtag par bsgrub pa'i sgrub ngag yang dag gis byas rtags kyis sgra mi rtag par bsgrub pa'i tshul gsum ma brjod par khas blangs pa dang nang 'gal ba'i phyir/ rang lugs kyi lung de'i don yod de/ byas rtags kyis sgra mi rtag par bsgrub pa'i rjes khyab de byas rtags kyis sgra mi rtag par bsgrub pa'i chos fmthun sbyor gyi bsgrub ngag yang dag gis dngos bstan gyi rjes khyab dang/ byas rtags kyis sgra mi rtag par bsgrub pa'i ldog khyab de de sgrub kyi chos mi mthun sbyor gyi bsgrub dag yang dag gi dngos bstan gyi ldog khyab yin cing/ byas rtags kyis sgra mi rtag par bsgrub pa'i rjes khyab dang ldog khyab gnyis dngos shugs kyi rtogs bya rtogs byed yin pa lung de'i don yin pa'i phyir/ byas rtags kyis sgra mi rtag par bsgrub pa'i rjes khyab de de sgrub kyi chos mthun sbyor gyi bsgrub ngag yang dag gis dngos bstan gyi sgra mi rtag par bsgrub pa'i rjes khyab yin zhes mi bya ste/ byas rtags kyis sgra mi rtag par bsgrub pa'i phyogs chos de sgra mi rtag par bsgrub pa'i chos mi mthun sbyor gyi bsgrub dag yang dag gi dngos bstan gyi phyogs chos ma yin pa'i phyir/ yang mkhas pa kha cig /dngos shugs kyi rtogs bya rtogs byed du gyur pa'i byas rtags kyis sgra mi rtag par bsgrub pa'i rjes su 'gro ldog gi khyab pa'i mtshan gzhi gang yin zhes dar Tik pa la dri @72b ba mi 'thad de/ dri ba de ltar mdzad pa ni/ rtags yod chos gsum tshang ba mtshon bya'i mtshan nyid du bzhag pa'i tshe/ mtshon bya'i mtshan nyid du gyur pa'i btags yod chos gsum tshad ba gang yin zhes dri ba dang mtshungs pa'i phyir/ byas pa khyab pa yin na 'bud mi shes pa'i khyab pa yod par 'gyur zhes mkhas pa snga ma kha cig gsung pa mi 'thad de/ 'o na/ byas pa rtag na ma byas pa'i khyab pa yin nam min/ min na 'bud/ yin na 'bud mi shes pa'i khyab pa yod par thal/ byas pa rtag na ma byas pas khyab pa'i phyir/ 'khor gsum/ gnyis pa rang lugs ni thar lam gsal byed las/ sngar bshad pa de ltar khyab pa gnyis dngos su nges pa'i shugs la nges par byed pas phan tshun mi 'khrul ba gzhung gi don no zhes sogs dang tshad ma kun las btus bar/ rjes dpag bya dang de mtshungs la/ /yod dang med la med par ni/ nges pa zhes gsung pa ni tshul gsum so so'i mtshan nyid bstan pa yin la/ zhes sogs kyi don ni/ byas rtags kyis sgra mi rtag par bsgrub pa'i rjes khyab dang ldog khyab 'gal ba ma yin te/ don gyi go bas cig shos la/ /zhes sogs kyis gzhi byas pa lta bu'i steng du/ byas rtags kyis sgra mi rtag par bsgrub pa'i rjes su 'gro ldog gi khyab pa gang rung gcig dngos su bngal ba'i tshad mas cig shes shugs la rtogs par bshad pa'i phyir/ des na byas pa de byas rtags kyis sgra mi rtag par bsgrub pa'i rjes khyab dang ldog khyab gnyis ka yin te/ tshad ma mdor/ rjes dpag bya dang de mtshungs la// zhes sogs gsung pa/ byas rtags kyis sgra mi rtag par bsgrub pa'i phyogs chos rjes khyab ldog khyab gsum gyi mtshan nyid bstan pa yin pa'i phyir dang/ lung 'dis byas pa sgra mi rtag par bsgrub pa'i tshul gsum gang rung du song ba'i @73a @#/ /rgol bas/ byas pa sgra'i steng du 'god tshul dang mthun par yod par tshad mas nges pa'i cha nas byas pa sgra mi rtag par bsgrub pa'i phyogs chos dang/ de 'dra'i rgol bas byas pa sgra mi rtag par bsgrub pa'i mthun phyogs kho na la yod par tshad mas nges pa'i cha nas/ byas pa sgra mi rtag par bsgrub pa'i rjes khyab dang/ des byas pa sgra mi rtag par bsgrub pa'i mi mthun phyogs la med pa kho nar tshad mas nges pa'i cha nas byas pa de sgrub kyi ldog khyab tu gsal bar bstan pa'i phyir/ lung 'dis byas na mi rtag pas khyab pa sgra mi rtag par bsgrub pa'i mthun phyogs kho na la yod pa'i cha nas/ byas rtags kyis sgra mi rtag par bsgrub pa'i rjes khyab dang/ rtag na ma byas pas khyab pa byas rtags kyis sgra mi rtag par bsgrub pa'i mi mthun phyogs la med pa kho nar nges pa'i cha nas de sgrub kyi ldog khyab tu bstan pa ma yin te/ byas na mi rtag pas khyab pa byas rtags kyis sgra mi rtag par bsgrub pa'i mthun phyogs kho na la yod pa dang/ rtag na ma byas pas khyab pa byas rtags kyis sgra mi rtag par bsgrub pa'i mi mthun phyogs kho na la med par sus kyang bsgrub mi nus pa'i phyir/ tshad ma kun btus las/ rjes dpag bya dang de mtshungs la/ /zhes sogs kyis tshul gsum so so'i mtshan nyid bstan pa yin te/ rnam nges las/ tshul gsum po de ni rjes dpag bya dang de mtshungs la/ /zhes pa nas/ nges pa zhes dang/ rigs thig las/ tshul gsum pa nyid rtags ni/ rjes su dpag par bya ba la yod pa dang/ mthun pa'i phyogs nyid la yod pa dang; mi mthun phyogs la med pa nyid du nges pa'o/ /zhes gsungs pa'i phyir/ kho na re/ rjes dpag bya dang de mtshungs la/ /zhes sogs kyis rtags yang dag gi mtshan nyid dngos su bstan pa yin gyi/ tshul gsum so so'i mtshan nyid dngos su ma @73b bstan te/ rigs thig las/ rjes su dpag par bya ba la yod pa nyid dang zhes gsungs pa'i phyir zer ba mi 'thad de/ rjes dpag bya dang de mtshungs la/ /zhes sogs/ tshul gsum so so'i mtshan nyid 'chad pa'i tshig zur du nges pa zhes pa'i tshig dngos su smos dgos par bstan gyi/ rtags yang dag gi mtshan nyid 'chad pa'i tshig zur du nges pa zhes pa'i tshig dngos su smros dgos par ma bstan pa'i phyir/ de ltar yang rnam nges las sgrub par bya ba dang rigs mthun pa la yod ba'i gtan tshigs de'i med pa la med pa nyid ni tshul gsum pa ste/ de yang nges pa yin no/ /tha mar smos pa'i nges pa nyid ni tshul gsum ka la'o zhes gsung pa'i phyir/ phyis kyi kha cig /gzhung las tshul gsum so so'i mtshan nyid dngos su ma bshad ces zer ba ni/ nor pa chen po'o/ /des na/ rang lugs dar Tik pa rnams kyi lugs la/ rjes dpag bya dang dang de mtshungs la/ /zhes sogs kyis gzhung tshul gsum so so'i mtshan nyid bstan pa'i gzhung du byas nas mtshan nyid 'di ltar 'jog par bya ste/ rang nyid sgra mi rtag par bsgrub pa la rtags tshul dang por song ba'i gang zag gis/ rang nyid sgra'i steng du 'god tshul dang mthun par yod pa nyid du tshad mas nges pa/ rang nyid sgra mi rtag par bsgrub pa'i phyogs chos yin pa'i mtshan nyid/ rang nyid sgra mi rtag par bsgrub pa la rtags tshul gnyis par song ba'i gang zag des/ rang nyid sgra mi rtag par bsgrub pa'i mthun phyogs kho na la yod par tshad ma nges pa/ rang nyid sgra mi rtag par bsgrub pa'i rjes khyab yin pa'i mtshan nyid/ rang nyid sgra mi rtag bsgrub la rtags tshul gsum par song ba'i gang zag des rang nyid sgra mi rtag par bsgrub pa'i mi mthun phyogs la med pa kho nar tshad mas nges pa/ rang nyid sgra mi rtag par bsgrub pa'i @74a @#/ /ldog khyab yin pa'i mtshan nyid/ mtshan nyid phyi ma 'di de sgrub la sbyar na tshig skyon 'jug pas/ yang na/ byas pa sgra mi rtag par bsgrub pa la rtags tshul gsum par song ba'i gang zag des sgra mi rtag par bsgrub pa'i mi mthun phyogs la byas pa med pa kho nar tshad mas nges pa/ byas pa sgra mi rtag par bsgrub pa'i ldog khyab yin pa'i mtshan nyid des snga ma gnyis 'don pa bsgyur nas 'jog /yang na/ rang nyid sgra mi rtag par bsgrub pa la rtags tshul gsum par song ba'i gang zag des/ rang nyid de sgrub kyi mi mthun phyogs la 'god tshul dang mthun par med pa kho nar tshad mas nges pa/ rang nyid sgra mi rtag par bsgrub pa'i ldog khyab yin pa'i mtshan nyid/ thar lam gsal byed las/ phyogs chos ma brjod gong gi dpe gnyis la dngos su bstan pa ni/ 'brel ba'i rang ldog dang/ don ldog gi phyogs gnyis khyab pa nges pa'i rgyur bstan pa yin gyi/ de tsam gyis bsgrub dag yang dag gis dngos su bstan pa'i khyab ba rdzogs pa ma yin te/ de ston pa rtags yang dag gi mtshan nyid brjod pa la nges par ltos pa yin te/ zhes gsungs pa'i don gang yin zhe na/ 'di'i don zhib tu bshad na grub mtha'i gnad chen po zhig go 'ong ste/ de'i don ni/ byas rtags kyis sgra mi rtag par bsgrub pa'i chos mthun sbyor gyi bsgrub ngag yang dag gi tshig zur gyis byas na/ mi rtag pas khyab/ dper na bum pa bzhin zhes pa'i ngag dang/ byas rtags kyis de sgrub kyi chos mi sbyor gyi bsgrub ngag yang dag gi tshig zur gyi mi rtag pa ma yin na/ byas pa ma yin pas khyab/ dper na 'dus ma byas kyi nam mkha' bzhin zhes pa'i ngag gnyis kyis rim pa bzhin byas rtags kyis sgra mi rtag par bsgrub pa'i rjes khyab dang ldog khyab kyi sgrub byed bstan pa yin gyi/ ngag de gnyis ni byas rtags kyis sgra mi rtag par bsgrub pa'i rjes khyab dang ldog khyab @74b rdzogs par brjod pa ma yin te/ byas rtags kyis sgra mi rtag par bsgrub pa'i rjes khyab ldog khyab rdzogs par brjod pa'i bsgrub ngag yang dag yin na/ byas rtags kyis sgra mi rtag par bsgrub pa'i phyogs chos brjod pa'i ngag yin dgos pa'i phyir/ de ltar ma yin na/ mi rtag pa ma yin na byas pa ma yin pas khyab/ dper na/ nam mkha' bzhin sgra ni byas so zhes pa'i ngag 'dis byas rtags kyis sgra mi rtag par bsgrub pa'i ldog khyab kyi sgrub byed ma bstan par thal/ byas na mi rtag pas khyab/ dper na bum pa bzhin zhes pa'i ngag dang/ mi rtag pa ma yin na byas pa ma yin pas khyab/ dper na nam mkha' bzhin zhes pa'i ngag gnyis ni rim pa bzhin byas rtags kyis sgra mi rtag par bsgrub pa'i rjes khyab dang ldog khyab rdzogs par brjod pa'i phyir; rtags khas dper na/ sgra mi rtag zhes pa'i ngag gis sgra mi rtag par bsgrub pa'i sgrub byed ma bstan pa bzhin/ 'dod na/ ji ltar med rig de brjod na zhes sogs kyis gzhung dang 'gal lo/ /'di yang rgyal tshab chos rje'i legs bshad kho bos rtogs pa'o/ /byas na mi rtag pas khyab/ dper na bum pa bzhin zhes pa'i ngag gis byas rtags kyis sgra mi rtag par bsgrub pa'i rjes khyab rkyang pa ma brjod na/ rjes khyab rkyang pa brjod pa'i bsgrub ngag yang dag gis mtshan gzhi gang yin zhe na/ byas rtags kyis sgra mi rtag par bsgrub pa'i rjes khyab rkyang pa brjod pa'i sgrub ngag yang dag med de/ byas rtags kyis sgra mi rtag par bsgrub pa'i rjes khyab brjod pa'i bsgrub ngag yang dag yin na/ de sgrub kyi ldog khyab brjod pa'i bsgrub ngag yang dag yin dgos pa'i phyir/ 'o na yan lag mtshang ba'i bsgrub ngag skyon can med par 'gyur ro zhe na/ skyon med de/ sgra ni mi rtag ste/ byas pa'i phyir/ dper na bum pa bzhin bum pa byas pa de bzhin du sgra yang byas de'i phyir sgra mi rtag zhes pa'i bsgrub @75a @#/ /dag ni/ lhag pa'i skyon can dang/ chad pa'i skyon can gnyis ka yin pa'i phyir/ kho na re/ rtag na ma byas pas khyab/ dper na 'dus ma byas kyi nam mkha' bzhin zhes pa'i ngag 'dis byas rtags kyis sgra mi rtag par bsgrub pa'i ldog khyab brjod par thal/ des rtag pa la byas pa med par brjod pa'i phyir zhe na/ ma khyab ste byas rtags kyis sgra mi rtag par bsgrub pa'i phyogs chos ma brjod par/ de sgrub kyi rjes su 'gro ldog gi khyab pa rdzogs par brjod pa'i bsgrub ngag yang dag med de/ byas rtags kyis sgra mi rtag par bsgrub pa'i rjes su 'gro ldog gi khyab pa rdzogs par brjod pa'i bsgrub ngag yang dag yin na/ sgra ni byas zhes sogs/ byas rtags kyis sgra mi rtag par bsgrub pa'i phyogs chos brjod pa'i sgo nas/ byas pa sgra mi rtag par bsgrub pa la gzhir bzung ste/ rtag pa la byas pa med par brjod pa gcig dgos pa'i phyir/ skabs 'di'i/ thar lam gsal byed las/ byas pa brjod pa gzhir bzung nas rtag pa la byas pa med par brjod dgos pas/ zhes gsungs pa 'dis/ rtag na ma byas pas khyab/ dper na 'dus ma byas kyi nam mkha' bzhin zhes pa'i ngag gis byas pa ma brjod par bstan pa ma yin pa'i phyir/ des byas pa brjod pa'i phyir/ des byas pa mi rtag pa kho na la yod par brjod pa'i phyir/ des byas na mi rtag pas khyab pa brjod pa'i phyir/ des rtag na ma byas pas khyab pa brjod pa'i phyir/ thar lam gsal byed kyi lung 'di rnams kyis/ byas na mi rtag pas khyab/ dper na bum pa bzhin zhes pa'i ngag dang; rtags na ma byas pas khyab/ dper na nam mkha' bzhin zhes pa'i ngag gnyis/ byas rtags kyis sgra mi rtag par bsgrub pa'i bsgrub ngag tsam yang ma yin par bstan/ byas rtags kyis sgra mi rtag par bsgrub pa'i bsgrub ngag yang dag dang @75b ltar snang gang yin kyang byas rtags kyis sgra mi rtag par bsgrub pa gzhir byas pa'i bsgrub ngag yin dgos pa'i phyir dang/ gzugs mi rtag par bsgrub 'dod nas byas na mi rtag pas khyab zhes pa'i ngag smra ba yod pa'i phyir/ de bzhin du sgra byas zhes pa'i ngag 'di yang/ byas rtags kyis sgra mi rtag par bsgrub pa'i phyogs chos rkyang pa brjod pa'i bsgrub ngag yang dag kyang ma yin te/ 'di byas rtags kyis sgra mi rtag par bsgrub pa'i bsgrub ngag yang dag ma yin pa'i phyir/ sgra bdag med du sgrub 'dod nas/ sgra ni byas zhes pa'i ngag 'god pa yod pa'i phyir/ tshad ma'i 'jug tshul dang/ sgra'i brjod tshul mi 'dra ba du ma yod de/ rtag na byas pas khyab zhes pa'i ngag gis byas na mi rtag pas khyab pa brjod kyang rtag na ma byas khyab pa 'jal pa'i tshad mas/ byas na mi rtag pas khyab pa ma rtogs pa'i phyir/ snga rabs pa cig gis byas pa sgra mi rtag par bsgrub pa'i tshul gsum ka'i mtshan gzhir 'dzin pa mi 'thad de/ byas rtags kyis sgra mi rtag par bsgrub pa'i rjes su 'gro ldog gi khyab pa phan tshun spangs 'gal gyi dngos 'gal yin pa'i phyir/ rnam nges las/ 'o na rtags tshul gnyis par 'gyur ro zhen mi 'thad de/ rjes su 'gro ba dang ldog pa tshul gsum tha dad pa yin pa'i phyir/ zhes dang/ rigs thig las kyang/ rjes su 'gro ba dang ldog pa dag phan tshun rnam bar gcod pa'i ngo bo yin no zhes gsungs pa'i phyir/ zhes zer ba mi 'thad de/ 'o na/ gzhi byas pa'i steng du byas rtags kyis sgra mi rtag par bsgrub pa'i rjes khyab yod par bsgrub pa'i stobs kyis/ de'i steng du de sgrub kyi ldog khyab yod par shugs la 'grub pa dang/ de'i steng du byas rtags kyis sgra mi rtag par bsgrub pa'i ldog khyab yod par 'grub pa'i stobs kyis/ de'i steng du byas rtags kyis sgra mi rtag par bsgrub pa'i rjes khyab yod par shugs la 'grub pa ma yin @76a @#/ /par thal/ dam bca' 'thad pa'i phyir/ 'dod na/ rjes khyab gcig pu can dang ldog khyab gcig pu can gyi rtags 'dod pa dgag mi rigs par thal zhing/ don gyi go bas gcig shos la/ /dran pa yang dag skye bar 'gyur/ /zhes sogs dang 'gal lo/ /kho na re/ mthun dpe'i steng du rjes khyab grub par rtogs pa ni/ mi mthun dpe'i steng du ldog khyab grub par shugs la rtogs pa mi 'khrul ba'i don yin no/ /zhe na/ 'dus ma byas kyi nam mkha' rtag par dngos su rtogs pa'i tshad ma des; sgra mi rtag par shugs la rtogs par thal/ mthun dpe'i steng du rjes khyab 'jal ba'i tshad mas/ mi mthun dpe'i steng du ldog khyab shugs la rtogs pa'i phyir/ 'dod na/ byas rtags kyis sgra mi rtag par bsgrub pa'i ldog khyab tshad mas nges pa'i gang zag yin na/ byas rtags kyis de sgrub kyi bsgrub bya tshad mas grub pa'i gang zag yin dgos par thal/ 'dod pa'i phyir/ rnam nges las/ tshul gsum tha dad du bshad pa dang yang mi 'gal ste/ de ltar bshad pa rjes su 'gro ldog gi khyab pa gnyis dngos shugs la go ba'i sbyor ngag mi 'dra ba gnyis yod ces pa'i don yin gyi/ khyab pa gnyis 'gal ba'i don ma yin pa'i phyir/ rigs thig las/ de ltar bshad pa dang yang mi 'gal ste/ de'i don/ srog ldan bdag med las ldog na; bdag la rjes su 'gro dgos la/ de yang bdag la rjes su 'gro ba dang ldog pa gnyis ka mi srid pa'i phyir/ zhes pa'i don yin pa'i phyir/ snga rabs pa rnams/ shes 'dod chos can/ phyogs chos kyi ltos gzhi/ mthun phyogs rjes khyab kyi ltos gzhi/ mi mthun phyogs ldog khyab kyi ltos gzhi yin zhes gsung/ rang lugs dar Tik pa'i lugs la de ltar khas blangs rgyu ma yin pa 'dra ste/ mi mthun phyogs ldog khyab kyi ldog gzhi yin gyi/ ltos gzhi ma yin pa'i phyir dang /rjes khyab mthun dpe'i @76b steng du grub pa dang/ ldog khyab mi mthun dpe'i steng du grub pa'i khyad par mi 'thad pa'i phyir/ byas pa byas rtags kyis sgra mi rtag par bsgrub pa'i rjes khyab gtan la 'bebs pa'i gzhi dang/ de de sgrub kyi ldog khyab gtan la 'bebs pa'i gzhi skyon med yin pa'i phyir/ 'dir smras pa/ sde bdun mdo dang bcas pa'i dka' ba'i gnad/ /rgyal tshab dar mas ji ltar bkral ba bzhin/ /gtan tshigs tshul gsum 'khrul med kho bos bshad/ /shes ldan zhing ba'i tshogs rnams de ring nas; /legs bshad dbyid kyi dpal mos dga' bar byos/ de phyir 'di la rgyun du bsten byed pa'i/ /blo gsal de la mkhas pa ga la ring/ /zhes bya ba 'di bar skabs kyi tshigs su bcad pa'o/ /ma grub sbyar ba brjod bya min/ /zhes pa'i skabs su; mdo rang 'grel las/ phyogs kyi chos ni rgol ba dang/ phyi rgol ba gnyis ka la nges par bzung ngo/ /de bzhin du mthun pa'i phyogs la yod pa dang/ med pa la sogs pa dag la yang ci rigs par brjod par bya'o/ /zhes gsung/ lung 'di'i don bshad pa la/ rang lugs bzhag pa dang/ zhar la gzhan gyi lung don 'chad tshul dgag pa'o/ /dang po thar lam gsal byed las gsung tshul/ rnam nges Tikka las gsungs tshul/ dang po ni/ thar lam gsal byed las/ don 'di ltar yin te zhes sogs kyis 'chad/ de dag gi don ni/ ci rigs pa zhes smos pa'i don gang zhe na/ de'i don yod de/ gzhan don skabs kyi rtags yang dag gi phyogs chos rgol phyir rgol gnyis ka la ma grub pa dang/ gang rung la ma grub pa dang/ phyogs chos la the tshom za ba dang/ ga zhi ma grub chos can du bzung na phyogs chos mi 'grub pa'i dpe bzhi dang mthun phyogs la khyab byed du yod pa dang/ khyab byed du med pa dang/ rnam gnyis su 'jug pa'i phyogs chos can dgu'i rjes su 'gro ldog gi khyab pa rgol phyir rgol gnyis @77a @#/ /ka la ma grub pa dang/ gang rung la ma grub pa dang/ rjes su 'gro ldog gi khyab pa la the tshom za ba dang/ gzhi ma grub mi mthun dper bzung na/ rjes su 'gro ldog gi khyab pa mi 'grub pa dang bzhi ci rigs pa dpe'i don du sbyar te/ dang po gsum dpe don du sbyor la phyi ma gnyis dpe don du mi sbyor ba lung de'i don yin pa'i phyir/ dpe don sbyor tshul ni/ gzhan don skabs kyi rtags yang dag gi phyogs chos rgol phyir rgol gnyis ka la ma grub na/ gzhan don skabs kyi bsgrub rtags kyi phyogs chos mi 'grub pa bzhin du/ phyogs chos can dgu'i 'gal rtags gnyis kyi rjes su 'gro ldog gi khyab pa rgol phyir rgol gnyis ka la ma grub na/ 'gal rtags gnyis kyi rjes su 'gro ldog gi khyab pa mi 'grub ces ba'i don du sbyor ro/ /de bzhin du gzhan don skabs kyi bsgrub ngag yang dag gi phyogs chos rgol phyir rgol gang rung la ma grub na/ de'i phyogs chos mi 'grub pa bzhin du/ phyogs chos can dgu'i nang gi thun mong gi ma nges pa'i rtags bzhi po'i rjes su 'gro ldog gi khyab pa rgol phyir rgol gang rung la ma grub pas/ de bzhi'i rjes su 'gro ldog gi khyab pa ma grub pa dpe don du sbyor/ gzhan don skabs kyi bsgrub ngag yang dag gi phyogs chos la the tshom za na/ de'i phyogs chos ma grub pa dang/ phyogs chos can dgu'i nang gi thun mong ma yin pa'i ma nges pa'i rtags kyi khyab pa la the tshom za bas/ de'i rjes su 'gro ldog gi khyab pa mi 'grub pa dpe don du sbyar ro/ /gzhi ma grub chos can du bzung na phyogs chos mi 'grub pa dang/ /gzhi ma grub mi mthun dper bzung na/ ldog khyab mi 'grub pa dpe don du mi sbyor te/ bsgrub ngag yang dag la gzhi ma grub chos can du bzung na/ de'i phyogs chos mi 'grub pa 'thad kyang/ gzhi ma grub mi mthun dper bzung bas ldog khyab 'grub pa la mi gnod pa'i phyir/ mi rtag pa ma yin na/ byas pa ma yin pas @77b khyab; dper na ri bong gi rwa bzhin/ sgra ni byas zhes pa'i ngag la brten nas kyang byas rtags kyi sgra mi rtag par bsgrub pa'i ldog khyab rtogs nus pa'i phyir dang/ me med na/ du ba meng pas khyab/ dper na rtags chos dang ldan pa'i mdun gyi sa phyogs bzhin du/ du ldan gyi la la ni/ du ba yod do zhes pa'i ngag la brten nas du ba'i rtags kyis du ldan la la me yod par bsgrub pa'i ldog khyab rtogs nus pa'i phyir/ de ltar yang/ thar lam gsal byed las/ chos can ma grub pa'i phyogs chos ma grub pa dang/ dgu'i nang gi rtags gnyis po la gzhi ma grub mi mthun dper bzung na ldog khyab mi 'grub pa dpe don du mi sbyor ba'i don no zhes gsung/ bsgrub ngag yang dag gi mi mthun dpe yang dag gzhi ma grub pas ldog khyab 'grub pa la mi gnod de/ blo'i yul du bya rung gi rtags kyis bum pa shes byar bsgrub pa'i mi mthun dpe yang dag gzhi ma grub kyang/ de'i rtags kyis de'i ldog khyab grub pa'i phyir dang/ gang zag gi bdag tshad mas ma dmigs pa'i rtags kyis nyer len gyi phung po gang zag gi bdag med du bsgrub pa'i mi mthun dpe gzhi ma grub kyang/ de'i rtags kyis de sgrub kyi ldog khyab grub pa'i phyir/ de sgrub kyi mthun dpe yang dag yin na gzhi grub pas ma khyab ste/ gang zag gi bdag tshad mas ma dmigs pa yin na/ gang zag gi bdag med yin pas khyab/ dper na ri bong gi rwa pa bzhin/ sgra yang gang zag gi bdag med yin no zhes pa'i bsgrub ngag ni bsgrub yang dag yin pa'i phyir/ mi rtag pa ma yin na/ byas pa ma yin pas khyab/ dper na dngos gyur gyi nam mkha' bzhin; sgra ni byas zhes pa'i bsgrub ngag ni bsgrub ngag yang dag yin pa'i phyir/ /de ltar 'grel bshad gnyis las bshad pa bzhin/ thar lam gsal byed kyi dgongs pa yin pa'i phyir/ mdo rang 'grel las/ 'di ltar bshad @78a @#/ /pa rnams gzhan don skabs kyi rtags yang dag gi dbang du byas pa yin gyi/ rtags thams cad kyi dbang du byas pa ma yin te/ rgol phyir rgol gnyis ka la ltos mi dgos pa'i rang don skabs kyi rtags yang dag yod pa'i phyir/ gzhan don skabs kyi rtags yang dag gi nang nas kyang sgrub rtags kyis dbang du byas pa yin gyi/ gzhan don skabs kyi rtags thams cad kyi dbang du byas pa ma yin te/ gzhi ma grub chos can du bzung ba'i gzhan don skabs kyi rtags yang dag yod pa'i phyir; cha bcas kyi dngos po ma yin pa de/ ba lang gi spyi rtag dngos rang gi gsal ba du ma la don dam par 'phrod 'du ma 'brel bar bsgrub pa'i gzhan don skabs kyi rtags yang dag yin pa'i phyir/ gzhi ma grub chos can du bzung ba'i rtags yang dag yod kyang/ de sgrub kyi rtags yang dag yin na rang nyid kyi rtags kyis de sgrub kyi shes 'dod chos can/ gzhi grub dgos te/ de sgrub kyi rten shes 'dod chos can la tshad mas gnod na/ de sgrub kyi skabs kyi bsgrub bya la tshad mas gnod pas khyab pa'i phyir/ kun tu rgol ba'i bdag nyid kyi zhes sogs kyi skabs las mkhas pa kha cig /gzhi ma grub chos can du ba zung ba'i bsgrub rtags yang dag yod de/ skyes bu 'di chos can/ sdug bsngal ba yin te/ ri bong gi rwas phug pa'i phyir/ zhes bkod pa'i tshe ri bong gi rwas phug pa chos can/ skyes bu sdug bsngal bar bsgrub pa'i gtan tshigs ltar snang yin te/ de sgrub kyi rtags su bkod pa gang zhig /de sgrub kyi phyogs chos ma yin pa'i phyir zhes bkod pa'i tshe/ de sgrub kyi rtags su bkod pa gang zhig /de sgrub kyi phyogs chos ma yin pa de/ ri bong gi rwas phug pa skyes bu sdug bsngal bar bsgrub pa'i rtags ltar snang du bsgrub pa'i rtags yang dag yin pa'i phyir/ zhes gsung ba ni/ rnam nges dar Tik gi dgongs pa yin srid na'ang/ thar lam gsal byed kyi dgongs pa ma yin te/ thar lam gsal @78b byed las/ bsgrub rtags la gzhi ma grub chos can du bzung na/ phyogs chos mi 'grub la/ gzhi ma grub mi mthun dper bzung yang/ ldog khyab 'grub pa la mi gnod pa'i phyir dang/ ri bong gi rwas phug pa de sgrub kyi rtags lhar snang du bsgrub pa'i rtags yang dag yod na/ gang zag gi bdag med par bsgrub pa'i rtags yang dag kyang yod dgos pas/ gang zag gi bdag tshad mas ma dmigs pa gang zag gi bdag med par bsgrub pa'i rtags yang dag yin par thal ba'i skyon yod pa'i phyir/ kha cig /tshad mas dmigs pa'i rtags kyis sgra yod par bsgrub pa'i phyir rgol yang dag gis/ de'i rtags kyis de sgrub kyi phyogs chos tshad mas ma nges zhes zer ba mi 'thad de/ phyogs kyi chos rgol ba dang phyir rgol ba gnyis ka la nges par bzung ngo zhes sogs kyi tshig don gnyis ka dang 'gal ba'i phyir/ kho na re/ skyon med de lung de'i don/ gzhan don skabs kyi rtags yang dag rgol phyi rgol gnyis ka la ma grub na/ de'i phyogs chos ma grub dgos pa lung de'i don yin/ zhes rdzas spyi smra ba la 'chad pa nang 'gal ste/ tshad mas dmigs pa'i pa'i rtags kyis sgra yod par bsgrub pa'i gzhan don skabs kyi rtags yang dag la sbyar nas gshags na 'khor gsum dngos 'gal du 'gyur ba'i phyir ro/ /gnyis pa/ rnam nges ngar Tik las gsungs tshul ni/ ci rigs pa zhes pa'i don yod de/ gzhan don skabs kyi rtags yang dag gi phyogs chos rgol phyir rgol gnyis ka la ma grub na/ gzhan don skabs kyi rtags yang dag gi phyogs chos mi 'grub pa dang/ gzhan don skabs kyi rtags yang dag gi phyogs chos rgol phyir rgol gang rung la ma grub na/ de'i phyogs chos mi 'grub ba dang/ gzhan don skabs kyi rtags yang dag gi phyogs chos la the tshom za na/ de'i phyogs chos mi 'grub pa dang/ gzhan don skabs kyi rtags yang dag gi shes 'dod chos can gzhi ma grub na/ de'i phyogs chos mi mthun pa'i @79a @#/ /dpe bzhi dang/ phyogs chos can dgu'i nang gi 'gal rtags gnyis kyi rjes su 'gro ldog gi khyab pa rgol phyir rgol gnyis ka la ma grub pa'i de gnyis kyi rjes su 'gro ldog gi khyab pa mi 'grub pa dang/ phyogs chos can dgu'i nang gi dngos kyi ma nges pa'i gtan tshigs bzhi'i rjes su 'gro ldog gi khyab pa rgol phyir rgol gang rung la ma grub pas/ de bzhi'i rjes su 'gro ldog gi khyab pa mi 'grub pa dang/ dgu'i nang gi thun mong ma yin pa'i gtan tshigs kyi rjes su 'gro ldog gi khyab pa la the tshom za bas/ de'i rjes su 'gro ldog gi khyab pa mi 'grub pa dang/ dgu'i nang gi rtags yang dag gnyis po la ldog gzhi mi mthun phyogs mtha' dag la tshad mas ma grub pas kyang/ de gnyis kyi ldog khyab mi 'grub pa rnams ci rigs par dpe don du sbyar te/ dang po gsum dpe don du sbyor la/ phyi ma gnyis dpe don du mi sbyor ba de'i don yin pa'i phyir/ dang po gsum dpe don du sbyor tshul sngar dang 'dra/ phyi ma gnyis dpe don du mi sbyor te/ shes 'dod chos can gzhi ma grub na phyogs chos mi 'grub la/ ldog gzhi mtha' dag phyir rgol gyi tshad mas ma nges kyang/ gzhan don skabs kyi rtags yang dag gi rjes su 'gro ldog gi khyab pa des nus pa'i phyir/ phyogs kyi chos ni rgol ba dang zhes sogs bsgrub rtags kho na la sbyar ba yang mi 'thad de/ bsgrub rtags yang dag yin na/ rang nyid rtags kyis shes 'dod chos can gzhi grub pas khyab pa dgos kyi/ bsgrub rtags yang dag gi shes 'dod chos can yin na/ gzhi grub mi dgos pa'i phyir/ gzhi ma grub chos can du bzung ba'i tha snyad 'ba' zhig bsgrub kyi rtags yang dag gzhi grub pa'i phyir/ de gang zhe na/ ri bong gi rwas phug pa skyes bu sdug bsngal bar bsgrub pa'i rtags ltar snang du sgrub pa'i rtag yang dag /sngar bshad pa de'i bzhod pa yin nam dpyod/ /de ltar Tik gnyis ka la mi mthun pa'i khyad par cung zad 'dug pa sngon chad ma grags pa ltar 'dug pas/ kho bos bkod @79b pa yin no/ /gnyis pa zhar la gzhan gyi lung don 'chad tshul dgag pa ni/ thar lam gsal byed las/ 'di dgag sgrub kyi rtags spyi'i dbang du byas pa dang/ rjes su 'gro ldog gi khyab pa yang phyogs snga mar bkod pa ltar 'dod pa 'gal ba yin te/ 'bras rtags kyi mthun dpe bzhi ma grub na/ khyed rang 'dod pa ltar gyi rjes khyab gzhi ma grub pas khyab na/ rgyu ma dmigs pa'i rtags kyi mi mthun dpe gzhi ma grub na/ khyed rang 'dod pa ltar gyi/ de'i ldog khyab ma grub pas ma khyab pa nyams so zhes pas 'chad/ de'i don ni kha cig na re/ shes 'dod chos can gzhi ma grub na phyogs chos ma grub dgos pa dang/ mi mthun dpe gzhi ma grub na ldog khyab mi 'grub pa dpe don du mi sbyor bar gsung pa dgag sgrub kyi rtags spyi'i dbang du byas zhes zer ba dang/ byas na mi rtag pas khyab pa byas rtags kyis sgra mi rtags par bsgrub pa'i rjes khyab dang/ rtag na ma byas pas khyab pa byas rtags kyis sgra mi rtag par bsgrub pa'i ldog khyab yin zer ba nang 'gal ba yin te/ me med pa'i rtags kyis me med mtshan mo'i rgya mtshor du ba med par bsgrub pa'i me mthun dpe yang dag gzhi ma grub na/ de'i rtags kyis de sgrub kyi ldog khyab ma grub pas khyab par thal/ me med pa'i rtags kyis de sgrub kyi mi mthun dpe yang dag gzhi ma grub na/ du ba'i rtags kyis du ldan la la me yod par bsgrub pa'i mi mthun dpe yang dag gzhi ma grub dgos/ du ba'i rtags kyis du ldan la la me yod par bsgrub pa'i rjes khyab ma grub na/ me med pa'i rtags kyis me med mtshan mo'i rgya mtshor du ba med par bsgrub pa'i ldog khyab ma grub dgos pa'i phyir/ rtags phyi ma song/ der thal/ du ba'i rtags kyis du ldan la la me yod par bsgrub pa'i rjes khyab yin na/ me med pa'i rtags kyis me med mtshan mo'i rgya mtshor du ba med par bsgrub pa'i ldog khyab yin dgos/ me med pa'i rtags kyis de sgrub kyi ldog khyab yin na/ du ba'i rtags kyis du ldan la la me yod par @80a @#/ /bsgrub pa'i rjes khyab yin dgos pa'i phyir/ rtags gnyis ka song/ der thal/ du ba yod na me yod pas khyab pa du ba'i rtags kyis du ldan la la me yod par bsgrub pa'i rjes khyab dang/ me med pa'i rtags kyis me med mtshan mo'i rgya mtshor du ba med par bsgrub pa'i ldog khyab yin/ me med na du ba med pas khyab pa de me med mtshan mo'i rgya mtshor du ba med par bsgrub pa'i rjes khyab dang/ du ba'i rtags kyis du ldan la la me yod par bsgrub pa'i ldog khyab yin pa'i phyir/ rtags rnams khas blangs/ rtsa bar 'dod na/ mi mthun dpe gzhi ma grub kyang ldog khyab grub par gsungs pa dgag sgrub kyi rtags spyi'i dbang du byas pa ma yin par thal/ 'dod pa'i phyir/ khyad par rnam par gcod pa yi/ /zhes sogs kyi skabs su mtha' dpyad pa la/ rang lugs bzhag pa dang rtsod pa spang ba/ dang po ni/ mnyan bya chos can/ khyod sgra rtag mi rtag gnyis kar bsgrub pa'i rtags yang dag yin par thal/ khyod de gnyis kar bsgrub pa'i phyogs chos gang zhig /ldog khyab yin pa'i phyir/ phyi ma ma grub na song/ der thal/ de sgrub pa la phyogs chos can du song ba'i gang zag des/ mnyan bya rtag mi rtag gang rung yin pa la tshad mas ma mthong tsam yin pa'i phyir/ khyab pa song/ rtsa bar 'dod na/ mdo rang 'grel las/ khyad par ni rnam par gcod pa'i gtan tshigs ma yin no/ /zhes gsungs pa dang 'gal/ yang na gzhung 'di'i don ni mnyan bya chos can/ khyod sgra rtag pa ma yin par bsgrub pa'i rtags yang dag yin par thal/ khyod de gnyis kar bsgrub pa'i ldog khyab gang zhig khyod de sgrub kyi phyogs chos yin pa'i phyir/ rtags dang po ma grub na song/ der thal/ mnyan bya de sgrub pa la phyogs chos can du song ba'i gang zag des mnyan bya rtag pa la tshad mas ma mthong ba'i phyir/ khyab pa khas/ de bzhin du/ mnyan bya chos can/ khyod sgra mi rtag pa ma yin par bsgrub pa'i rtags yang dag yin par thal/ khyod de sgrub kyi phyogs chos gang zhig / @80b ldog khyab yin pa'i phyir/ phyi ma ma grub na song/ der thal/ mnyan bya sgra mi rtag pa ma yin par bsgrub pa la phyogs chos can du song ba'i gang zag des mnyan bya mi rtag par tshad mas ma mthong ba'i phyir/ khyab pa khas/ thal 'gyur de gnyis kyi rtsa bar 'dod na/ mdo rang 'grel las/ khyad par ni rnam par gcod pa'i gtan tshigs ma yin no zhes gsungs pa mi 'thad par thal/ mnyan bya sgra la rtag mi rtag gnyis ka rnam par gcod pa'i rtags yang dag yin pa'i phyir/ rtags khas/ gnyis pa ni/ thar lam gsal byed las mnyan bya'i rtags kyis sgra mi rtag par bsgrub pa'i ldog khyab ma grub par thal/ mnyan bya mi rtag pa kho na la gnas kyi/ rtag pa la nam yang med pa'i phyir zhes sogs kyis 'chad/ de rnams kyi don ni/ mnyan bya sgra mi rtag par bsgrub pa'i rtags yang dag yin par thal/ mnyan bya'i rtags kyis sgra mi rtag par bsgrub pa'i phyogs chos grub pa gang zhig /de'i rtags kyis de sgrub kyi rjes su 'gro ldog gi khyab pa tshad mas grub pa'i phyir/ dang po grub sla/ gnyis pa ma grub na/ mnyan bya'i rtags kyis sgra mi rtag par bsgrub pa'i rjes khyab tshad mas grub par thal/ mnyan bya yin na/ mi rtags pa yin pas khyab pa de mnyan bya'i rtags kyis sgra mi rtag par bsgrub pa'i rjes khyab yin pa'i phyir/ der thal/ mnyan ba'i rtags kyis sgra mi rtag par bsgrub pa'i rjes khyab rnal mar nges pa'i phyir/ mnyan bya mi rtag pa kho na la yod pa'i phyir/ ma grub na/ sgra mi rtag pa kho na la med par thal/ ma grub pa de'i phyir/ de bzhin du mnyan bya'i rtags kyis sgra mi rtag par bsgrub pa'i ldog khyab tshad mas grub par thal/ rtag na/ mnyan bya ma yin pas khyab pa de/ mnyan bya'i rtags kyis sgra mi rtag par bsgrub pa'i ldog khyab yin pa'i phyir dang/ ldog khyab tshad mas grub/ mnyan bya rtag pa la med pa kho nar tshad mas grub pa'i phyir/ ma grub na/ sgra mi rtag pa kho na la yod pa ma yin par thal/ ma grub pa de'i phyir/ zhes @81a @#/ /zer na/ 'o na/ gtan tshigs mar me bzhin du blo'i yul du song ba tsam gyis go byed du 'gyur ram/ dpe la 'brel pa nges pa la ltos/ dang po ltar na byas pa blo yul du song ba tsam gyis sgra mi rtag pa dang/ gang zag gi bdag med go nus par thal/ yul rung bar mar me blo'i yul du song ba tsam gyis gzugs gsal par byed pa dang go byed kyi tshul mtshungs pa'i phyir/ 'dod na/ byas pa blo yul du song ba tsam gyis gang zag rtag stong du go nus par thal/ 'dod pa'i phyir/ 'dod na/ byas ba blo yul du song ba tsam gyis gang zag rtag gcig rang dbang can gyi gang zag gi bdag gis stong par go nus par thal/ 'dod pa'i phyir/ 'dod na/ 'gro ba 'ga' yang gang zag gis dag med la rmongs pa mi srid par thal/ 'dod pa'i phyir/ 'dod na/ sems can thams cad 'bad med du grol bar thal/ 'dod pa'i phyir/ gnyis pa ltar na/ mnyan bya'i rtags kyis sgra mi rtag par bsgrub pa'i tshul gsum ma grub par thal/ sgra mi rtag par ma grub pa'i sngar mnyan bya dang sgra'i ming don gyi 'brel pa nges pa'i steng du mnyan bya sgra mi rtag bsgrub la phyogs chos can du song pa'i gang zag med pa'i phyir/ 'di la mkhas grub shinta pa na re/ rmongs pa la 'brel pa ston pa dpe la ltos pa yin gyi/ mkhas pas ni dpe med par yang sngar mnyan bya la mi rtag pas khyab pa mngon sum gyis grub nas/ sgra mnyan byar nges ma thag /sngar gyi khyab pa tshad mas nges pa dran nas/ de rjes de ma thag sgra la mi rtag pas khyab pa go nus pa'i phyir/ shinta pas nang gi khyad par bzhed do/ /mnyan bya sgra mi rtag par bsgrub pa'i rtags yang dag tu song pa'i skabs yod med rtogs dka' bas mkhas pa rnams la bzhed pa mi 'dra ba du ma 'byung ste/ rgya gar du mkhas grub shinta pa dang/ mkhas pa rgyal dbang blo sogs/ mnyan bya sgra mi rtag par bsgrub pa'i rtags yang dag tu bzhed/ bdag gi bla ma mkhas @81b pa'i dbang po kha cig mnyan bya sgra mi rtag par bsgrub pa'i rtags yang dag tu bzhed/ rnam nges dar Tik tu mnyan bya sgra mi rtag par bsgrub pa'i rtags yang dag tu song ba'i rgol pa yod par 'thad ldan gyi dgongs par bshad/ thar lam gsal byed las; de ltar song ba'i rgol ba med par bshad pa'i phyir/ de ltar yang nya Tik las/ chos bram ze gnyis kyis mnyan bya sgra mi rtag par bsgrub pa'i rtags yang dag ma yin par bshad/ rgyal dbang blo dang shinta pas rtags yang dag tu bshad do/ /zhes dang/ yang nya Tik las mkhas grub shinta pa yang rmongs pa la dpe dgos/ mkhas pa la mi dgos pas mnyan bya sgra mi rtag par bsgrub pa'i rtags yang dag yin par mkhas pa rnams la ni/ gtan tshigs 'ba' zhig brjod par zad ces pas bstan zhes nang gi khyad par bshad de/ legs sam snyam mo zhes bshad/ shinta pa'i lugs de thar lam gsal byed las/ 'gog tshul ni/ mnyan bya sgra mi rtag par bsgrub pa'i rtags yang dag ma yin par thal/ mnyan bya mi rtag par tshad mas nges rjes su/ mnyan bya dang sgra'i ming don gyi 'brel pa tshad mas nges pa'i gang zag yin na/ sgra mi rtag par tshad mas nges pa'i gang zag yin dgos pa'i phyir/ kho na re/ mnyan bya sgra'i mtshan nyid ma yin par thal/ mnyan bya tshad mas nges pa'i gang zag yin na/ sgra tshad mas nges pa'i gang zag yin dgos pa'i phyir/ der thal/ mnyan bya mi rtag par tshad mas grub pa'i gang zag yin na/ sgra mi rtag par tshad mas grub pa'i gang zag yin dgos pa'i phyir/ der thal/ mnyan bya mi rtag par tshad mas grub cing/ mnyan bya dang sgra'i ming don gyi 'brel pa tshad mas grub pa'i gang zag yin na/ sgra mi rtag par tshad mas grub pa'i gang zag yin dgos pa'i phyir/ zer na ma khyab ste/ mnyan bya dang sgra'i ming don gyi 'brel pa tshad mas grub cing /mnyan bya mi rtag par tshad mas nges pa'i gang zag yin na/ sgra mi rtag par tshad mas @82a @#/ /nges pa'i gang zag yin dgos par thal/ mnyan bya la mi rtag pas khyab pa tshad mas nges shing/ mnyan bya dang sgra'i ming don gyi 'brel pa tshad mas nges nas/ sgra mi rtag par tshad mas ma nges pa'i gang zag med pa'i phyir/ der thal/ mnyan bya la mi rtag pas khyab pa tshad mas nges shing/ mnyan bya dang sgra'i ming don gyi 'brel pa tshad mas nges nas sgra mi rtag par rtogs dgos kyi gang zag med pa'i phyir/ mnyan bya sgra'i mtshan nyid yin pa'i phyir/ 'di'i thad kyi thar lam gsal byed las dang por; mnyan bya la mi rtag pas khyab pa tshad mas nges/ de'i rjes su mnyan bya sgra mi rtag par bsgrub pa la phyogs chos can du song ba'i gang zag med par bstan no/ /gang dag mtshon bya la tha snyad bya rung nges par sbyar dgos par smra ba de dag ces sogs kyi don ni; nya dpon sogs kha cig/ shinta pa'i lugs de legs shing/ mtshon bya la tha snyad bya rung nges par sbyar dgos zhes zer/ mnyan bya sgra'i tha snyad bya rung mi rtag par bsgrub pa'i rtags yang dag yin par thal/ mnyan bya'i rtags kyis sgra'i tha snyad bya rung mi rtag par bsgrub pa'i phyogs chos dang rjes khyab snga phyir nges/ de yang rjes khyab sngar nges zin ma brjed pa'i dang nas/ mnyan bya'i rtags kyi sgra'i tha snyad bya rung mi rtag par bsgrub pa'i bsgrub bya la dmigs pa'i the tshom can gyis phyogs chos rjes nas nges par bya rung pa'i phyir/ ma grub na song/ der thal/ mnyan bya'i rtags kyis sgra'i tha snyad bya rung mi rtag par bsgrub pa'i phyogs chos tshad mas grub pa gang zhig/ de'i rtags kyis de sgrub kyis rjes khyab tshad mas grub pa'i phyir/ dang po ma grub na/ sgra'i tha snyad bya rung chos can/ mnyan bya khyod mi rtag par bsgrub pa'i rtags yang dag yin par thal/ khyod mnyan bya'i mtshon bya yin pa'i phyir te/ rtags khas/ ma khyab na/ mnyan bya sgra mi rtag par bsgrub pa'i rtags yang dag yin pa bud/ de'i phyir de tsam dang 'brel ba'i/ /zhes sogs kyi skabs @82b su; rtags mi mthun phyogs la ma mthong ba tsam gyis ldog khyab grub pa bkag pa/ de'i grub don bshad pa'i sgo nas rang lugs kyis khyab pa'i 'grub tshul 'chad par byed pa la/ de'i phyir de tsam dang 'brel pa'i/ /zhes sogs gsungs pa yin te/ sh'kya blos gang gi phyir ma mthong ba tsam gyis ldog pa med pa de'i phyir/ de tsam dang 'brel ba ste/ zhes gsung/ de yang de'i phyir de tsam zhes sogs kyis rang lugs kyi bsgrub rtags kyi khyab pa'i 'grub tshul 'chad par byed/ de phyir rgyu dang rang bzhin dag/ ces sogs kyis rang lugs kyi dgag rtags kyi khyab pa'i 'grub tshul 'chad par byed/ de yang de phyir de tsam zhes sogs kyis 'bras rang gi rtags yang dag gi rjes su 'gro ldog gi khyab pa 'grub pa rtags chos kyi 'brel pa la ltos par grub ces bstan nas/ de lta ma yin par rtags chos 'brel med yin na/ ldog khyab ma grub bar thal ba 'phen pa la/ de lta ma yin gcig ldog pas/ /zhes sogs dang/ rjes khyab ma grub par thal ba 'phen pa la/ de bzhin gcig gcig nye ba'i phyir/ /zhes sogs gsungs nas/ de phyir chos mi mthun dpe la zhes sogs kyis/ de la rtsod spong de 'chad par byed/ de la kho na re/ de'i phyir chos mi mthun dpe la zhes sogs kyis de la rtsod spong 'chad tshul ji ltar yin zhe na/ 'di la 'grel bshad gnyis kyi lugs dang/ thar lam gsal byed kyi lugs gnyis/ dang po gzhi spang pa'i lung dang sbyar ba dran pa skye ba'i lung dang sbyar ba/ dang po ni/ slob dpon dbang phyug sde na re/ byas rtags kyis sgra mi rtag par bsgrub pa'i bsgrub ngag yang dag gi yan lag tu dpe bkod ba don med par thal/ byas mi rtag gi 'brel pa rtogs pa la brten nas byas rtags kyis sgra mi rtag par bsgrub pa'i ldog khyab rtogs dgos pa'i phyir/ zhe na ma khyab ste/ bsgrub ngag yang dag gi yan lag tu dpe bkod pa 'brel pa dran pa'i ched yin pa'i phyir/ 'brel pa dran pa'i ched du bsgrub ngag yang dag gi @83a @#/ /yan lag tu dpe bkod pa don yod pa la dgongs nas ci rigs pa'i don 'chad pa'i tshe/ sgrub rtags gnyis kyi ldog khyab nges pa la mi mthun dpe gzhi grub pa nges par 'god mi dgos par kun btus las gsungs/ rigs sgo las kyang/ bsgrub rtags gnyis kyi ldog khyab nges pa la/ mi mthun dpe gzhi grub pa nges par 'god mi dgos par gsungs pa'i phyir/ 'o na/ bsgrub rtags gnyis kyi ldog khyab nges pa la mi mthun dpe gzhi grub pa nges par 'god mi dgos pa'i rgyu mtshan ci yin zhe na/ de'i rgyu mtshan 'chad pa la/ de'i phyir chos mi mthun dpe la zhes sogs gsungs te/ med ma mi 'byung ba de'i dpe dag gis rab tu bstan no/ /zhes pa'i 'gril bshad shAkya blor/ rang bzhin 'brel ba med pa na mi 'byung ba zhes bya ba de nyid/ chos mthun pa dang/ mi mthun pa'i dpe dag gis rab tu bstan no/ /zhes dang/ bram ze las/ de phyir de yi bdag nyid dang/ de las byung ba'i rgyu mtshan gyi rjes su 'gro ba dang/ ldog ba dag ston pa ni/ chos mthun pa dang mi mthun pa'i dpe dag gis bya pa yin no// slob dpon phyogs kyi glang po'i dgongs pa yang 'di nyid yin no/ /zhes ston pa ni/ de phyir zhes bya ba'o/ /zhes gsungs/ bsgrub rtags gnyis kyi ldog khyab nges pa la mi mthun dpe gzhi grub pa nges par 'god mi dgos bar kun btus dang/ rigs sgro las ji ltar bshad ce na/ kun btus las/ phyogs kyi chos ni rgol ba dang phyir rgol ba gnyis ka la nges par bzung ngo/ /de bzhin du mthun pa'i phyogs la yod pa dag med pa la sogs pa dag la yang ci rigs par brjod bar bya'o/ /zhes dang rigs sgo las/ de'i the tshom nyid kyang med de/ de med pas de la mi 'jug pa'i phyir zhes pas bstan/ lung 'di gnyis gzhi spang ba'i lung du 'gyur tshul gang zhe na/ kun btus las/ phyogs kyi ni zhes pa nas/ ci rigs par brjod par bya'o/ zhes pa'i bar gyi lung ni gzhi spang pa'i lung yin te/ des @83b bsgrub rtags gnyis kyi ldog khyab grub pa la mi mthun dpe gzhi grub pa nges par 'god mi dgos par bstan pa'i phyir/ des ci rigs par dang po gsum dpe don du sbyor zhing/ phyi ma gnyis dpe don du mi sbyor bar gsungs pa'i phyir/ de'i tshul ni gong du bshad zin rigs sgo las/ de'i the tshom nyid kyang med de zhes pa ni gzhi spang ba'i lung yin te/ des byas rtags kyis sgra mi rtag par bsgrub pa'i ldog khyab nges pa la mi mthun dpe gzhi grub pa nges par 'god mi dgos par bstan pa'i phyir/ des rtag na ma byas pas khyab/ dper na dngos gyur gyi nam mkha' bzhin/ sgra ni byas so zhes pa'i bsgrub ngag la brten nas/ byas rtags kyis sgra mi rtag par bsgrub pa'i ldog khyab rtogs nus par bstan pa'i phyir/ de 'dra'i dag la brten nas de rtogs nus te/ de 'dra'i ngag bkod pa'i tshe/ dngos gyur gyi nam mkha' byas pa la 'jug gam snyam pa'i the tshom rgol ba dbang rnon la med pa'i phyir/ de skad du yang rang 'grel las/ de la rab tu bstan na yang/ chos mi mthun pa'i dpe gzhis ci zhig bya snyam du dogs shing gzhi spang par mdzad do/ /ces bshad shAkyar/ de'i phyir slob dpon chos mi mthun pa'i dpe gzhis ci zhig bya snyam du dgongs shing/ rigs ba'i sgo la sogs pa las gzhis spang par mdzad do/ /'di lhar de'i phyir 'di skad du/ 'o na/ gang gi tshe phyi rgol ba nam mkha' la sogs pa rtag pa khas mi len pa de'i tshe/ ji ltar rtag pa la byas pa nyid zlog ces brgal ba dang/ de la slob dpon gyis gzhi spang ba'i phyir/ de phyir the tshom nyid kyang med de/ de med pas de la mi 'jug pa'i phyir zhes brjod/ ces gsungs/ skabs 'di'i nam mkha' zhes ba dngos gyur gyi nam mkha' la byed de/ de lha min na/ rigs sgo las de med pas de la mi 'jug pa'i phyir zhes pa dang 'gal ba'i phyir/ shAkyar 'di la zhes bya ba ni rang bzhin dang 'bras bu'i gtan tshigs la'o/ /rang bzhin ma dmigs pa la ni 'dod pa kho na ste/ de las ni zlog ste/ dmigs pa bstan par @84a @#/ /bya ba yin no zhes pa'i don gang zhe na/ 'di la phyis kyi mkhas pa kha cig/ 'grel bshad las de ltar bshad pa mi 'thad de/ gang zag gi bdag tshad mas ma dmigs pa chos can/ khyod kyi rtags kyis nyer len gyi phung po gang zag gi bdag med du bsgrub pa'i mi mthun dpe yang dag yod par thal/ khyod nyer len gyi phung po gang zag gi bdag med du bsgrub pa'i rtags yang dag yin pa'i phyir/ rtags 'grel bshad pa la dngos 'gal zhes zer ba mi 'thad de/ de bsgrub kyi rang bzhin gyi rtags yang dag dang/ de bsgrub kyi 'bras rtags yang dag gang rung yin na/ de bsgrub kyi mi mthun dpe yang dag yod mi dgos ba dang/ de bsgrub kyi rang bzhin ma dmigs pa'i rtags yang dag yin na/ de bsgrub kyi mi mthun dpe yang dag yod dgos pa lung de'i don ma yin pa'i phyir/ 'o na lung de'i don gang zhe na/ byas pa'i rtags kyis sgra mi rtag par bsgrub pa'i ldog khyab rtogs pa la/ byas rtags kyis sgra mi rtag par bsgrub ba'i chos mi mthun sbyor gyi bsgrub ngag yang dag gi mi mthun dpe gzhi grub pa nges par 'god mi dgos te/ mi rtag pa ma yin na/ byas pa ma yin pas khyab/ dper na dngos gyur gyi nam mkha' bzhin sgra mi byas zhes pa'i bsgrub ngag la brten nas kyang byas rtags kyis sgra mi rtag par bsgrub pa'i ldog khyab rtogs pa srid pa'i phyir dang/ mi rtag pa ma yin na/ byas pa ma yin pas khyab/ sgra ni byas zhes pa'i ngag la brten nas kyang byas rtags kyis sgra mi rtag par bsgrub pa'i ldog khyab rtogs pa srid pa'i phyir/ du ba'i rtags kyis du ldan la la me yod par bsgrub pa'i ldog khyab rtogs pa la/ du ldan la la me yod par bsgrub pa'i bsgrub dag gi yan lag tu mi mthun dpe gzhi grub pa nges par 'god mi dgos te/ me med na/ du ba med pas khyab/ dper na ri bong gi rwa bzhin/ du ldan gyi la la ni du ba yod do zhes pa'i ngag la brten nas du ba'i rtags kyis du ldan la la me yod par bsgrub pa'i ldog khyab rtogs ba srid pa'i phyir/ bum pa tshad mas ma @84b dmigs pas rtags kyis bum pa tshad mas ma dmigs pa'i sa phyogs su bum pa med par bsgrub pa'i bsgrub ngag gi yan lag tu gzhi ma grub kyi mi mthun dpe yang dag bkod ba la brten nas bum pa tshad mas ma dmigs pa'i rtags kyis bum pa tshad mas ma dmigs pa'i sa phyogs su bum pa med par sgrub pa'i ldog khyab rtogs pa mi srid de/ bum pa tshad mas ma dmigs pa'i rtags kyis bum pa tshad mas ma dmigs pa'i sa phyogs su bum ba med par sgrub ba'i mi mthun dpe yang dag yin na/ gzhi grub dgos zhes pa ni sh'kya blo'i dgongs pa yin no/ /kha cig/ 'grel bshad las/ rang bzhin ma dmigs pa la 'dod pa kho na ste/ zhes sogs kyi don ni/ bum pa tshad mas ma dmigs ba'i rtags kyis bum pa tshad mas ma dmigs ba'i sa phyogs su bum pa med par grub pa'i ldog khyab rtogs pa la/ bum pa tshad mas ma dmigs ba'i rtags kyis bum pa tshad mas ma dmigs pa'i sa phyogs su bum pa med par sgrub pa'i bsgrub ngag yang dag gi yan lag tu mi mthun gzhi grub pa nges par 'god dgos pa'i don yin zer ba mi 'thad de/ bum pa yod na/ bum pa tshad mas dmigs pas khyab/ bum pa tshad mas ma dmigs pa'i sa phyogs su ni bum pa tshad mas ma dmigs so/ /zhes ba'i ngag la brten nas kyang bum pa tshad mas ma dmigs pa'i rtags kyis bum pa tshad mas ma dmigs pa'i sa phyogs su bum pa med par sgrub pa'i ldog khyab rtogs pa srid ba'i phyir dang/ bum pa tshad mas ma dmigs na/ bum pa med pas khyab/ dper na gzugs med khams bzhin/ bum pa tshad mas ma dmigs pa'i sa phyogs ni bum pa tshad mas ma dmigs so zhes pa'i ngag la brten nas kyang/ bum ba tshad mas ma dmigs pa'i rtags kyis bum pa tshad mas ma dmigs pa'i sa phyogs su bum pa med par sgrub pa'i ldog khyab rtogs ba srid pa'i phyir/ snga rabs pa kha cig/ 'bras rang gi rtags yang dag gi mi mthun dpe rdzas su grub pa yod na ldog khyab grub pa la gnod pas/ @85a @#/ /'bras rang gi rtags yang dag gi ldog khyab grub pa la mi mthun dpe rjas su grub pa mi dgos pa de phyir chos mi mthun dpe la zhes sogs kyi don du 'chad mi rigs te/ chu klung chos can/ rjas su ma grub par thal/ du ldan la la me yod par grub pa'i mi mthun dpe yin pa'i phyir/ khyab khas zhes thar lam gsal byed las bshad do/ /des na/ 'grel bshad gnyis kyi lugs la/ de phyir chos mi mthun dpe la zhes pa nas/ gtan tshigs 'ba' zhig brjod par zad ces pa'i bar gyis gzhi spang ba'i lung don 'chad par byed la/ de'i tshul ni/ byas rtags kyis sgra mi rtag par bsgrub pa'i ldog khyab 'grub pa la byas rtags kyis sgra mi rtag par sgrub pa'i bsgrub ngag gi yan lag tu gyur pa'i mi mthun dpe gzhi grub pa nges par 'god mi dgos te/ mi rtag pa ma yin na byas pa ma yin pas khyab/ dper na/ dngos gyur gyi nam mkha' bzhin/ sgra ni byas zhes pa'i ngag la brten nas byas rtags kyis sgra mi rtag mi rtag par sgrub pa'i ldog khyab rtogs pa'i phyir ro/ /zhes 'chad pa la/ de phyir chos mi mthun dpe la zhes sogs gsungs/ sh'kyar/ chos mi mthun pa brjod pa las kyang/ de rtogs phyir ldog pa rtogs pa'i phyir ro zhes gsungs/ bram ze ltar na/ gzhung de'i don gsal ba sngar bzhin la/ mi rtag pa ma yin na byas pa ma yin pas khyab/ sgra ni byas zhes pa'i ngag la brten nas/ byas rtags kyis sgra mi rtag par sgrub pa'i ldog khyab rtogs pa srid pa'i phyir/ bram ze las/ dpe ni 'brel pa ston pa'i don du 'jug pa yin na/ de ni dpe med par brjod pas 'grub pa kho na yin no/ /des na med pa'i dpe la brten pa'i ngag dang/ dpe med pa'i ngag khyad par 'ga' yang med de/ de'i phyir brjod pa las kyang de rtogs phyir/ zhes sogs gsung zhes bshad/ yang byas rtags kyis sgra mi rtag par sgrub pa'i ldog khyab rtogs pa la byas rtags kyis sgra mi rtag par sgrub pa'i bsgrub dag gi yan lag tu mi mthun dpe gzhi grub pa nges par 'god mi dgos te/ byas na mi rtag @85b bas khyab/ dper na bum pa bzhin/ sgra yang byas so zhes pa'i chos mthun sbyor gyi bsgrub ngag yang dag bkod pa la brten nas kyang/ byas rtags kyis sgra mi rtag par sgrub pa'i ldog khyab rtogs pa srid pa'i phyir zhes ston pa la/ dpe la de'i ngo bo dang zhes sogs gsungs/ sh'kyar de nyid bsgrub pa'i phyir/ 'di ltar zhes bya ba la sogs pa smos te zhes dang/ bram ze las/ de dag med na de med ces bya ba gzhung gsung mi mkhas pa'i dbang du byas te zhes sogs gsungs/ yang byas rtags kyis sgra mi rtag par sgrub pa'i ldog khyab grub pa la byas rtags kyis sgra mi rtag par sgrub pa'i bsgrub ngag gi yan lag tu mi mthun dpe gzhi grub pa nges par 'god mi dgos te byas rtags kyis sgra mi rtag par sgrub pa'i khyab 'brel shes zin ma brjed/ sgra byas pa yin min the tshom za ba'i phyi rgol mkhas pa la sgra yang byas zhes pa'i ngag brjod pa la brten nas kyang byas rtags kyis sgra mi rtag par sgrub pa'i ldog khyab rtogs pa yod pa'i phyir/ zhes 'chad pa la/ mkhas pa rnams la ni gtan tshigs 'ba' zhig brjod par zad ces gsungs/ sh'kyar gang dag de'i ngo bo dang rgyu'i dngos po dag rang gi tshad mas de lta ba rab tu grub la/ phyogs kyi chos tsam ma nges pa'i mkhas pa de rnams la ni/ de'i ngo bo dang rgyu'i dngos po'i phyir/ gtan tshigs 'ba' zhig ces bya ba ste/ phyogs kyi chos kho na zhes dang/ bram ze las kyang/ mkhas pa la ni brjod pa dang/ /dpe' 'ma de'i gzhi yang rung ste; /'di thams cad dgos pa med ces gang gi don du zhes bya ba la sogs pas 'chad par byed ces gsungs/ gnyis pa dran pa skye ba'i lung dang sbyar ba ni/ byas rtags kyis sgra mi rtag par sgrub pa'i ldog khyab nges pa/ byas mi rtag gi 'brel pa nges pa la ltos te/ byas rtags kyis sgra mi rtag par sgrub pa'i chos mthun sbyor gyi bsgrub ngag dang/ byas rtags kyis sgra mi rtag par sgrub pa'i chos mi mthun sbyor gyi bsgrub ngag gang rung gcig smos pas kyang/ byas rtags kyis sgra mi rtag par sgrub pa'i rjes su 'gro ldog gi khyab pa gnyis ka la dran pa skye nus 9 @86a @#/ /pa'i phyir/ de ltar kun btus dang rigs sgo las gsungs pa'i phyir zhes 'chad pa la/ de nyid kyi phyir 'brel shes na zhes sogs gsungs/ rang 'grel las/ yang na don gyi go bas gang yang rung ba gnyis ka rab tu bstan pa'i phyir/ zhes bshad pa gang yin pa ste zhes sogs kyi 'grel bshad shA kya las/ 'di la slob dpon gyi tshig dang sbyor ba'i phyir/ yang na don gyi go bas zhes bya ba la sogs smos te/ gzhung 'di rnams rigs pa'i sgo las 'byung pa yin no/ /gzhung der yang slob dpon dpes rang bzhin gyi gtan tshigs dang/ 'bras bu'i gtan tshigs la go rim bzhin du/ de'i ngo bo dang rgyu'i ngo bo la rab tu ston par byed kyi mthong ba dang/ ma mthong ba tsam ni min no snyam du dgongs te/ don gyi go bas dpe gcig brjod pas gcig shos grub par bshad do; ;zhes gsungs/ gnyis pa thar lam gsal byed kyi lugs la/ gzhi spang ba'i lung dang sbyar ba/ dran pa skye ba'i lung dang spyar pa gnyis/ dang po ni/ de phyir chos mi mthun dpe la zhes pa nas/ gtan tshigs 'ba' zhig brjod par zad ces pa'i bar 'chad zhes gsungs pa yin te/ mkhas pa rnams la ni zhes sogs kyi 'grel par de rab tu bstan na yang/ chos mi mthun pa'i dpe gzhis ci zhig bya snyam du dgongs shing gzhi spang ba mdzad do/ /gnyis pa ni/ de nyid kyi phyir 'brel shes na/ zhes sogs shlau ka gcig gis 'chad par byed do/ /rang 'grel las/ yang don gyi go bas gang yang rung ba gnyis ka rab tu bstan pa'i phyir zhes pa gang yin pa ste/ de phyir yang dpe'i ngo bo dang rab tu bstan par dgongs te/ don gyi go bas gcig brjod pas gcig shos grub par bshad do/ /zhes gsungs pa'i phyir/ de phyir chos mi mthun dpe la zhes sogs shlau ka gnyis kyi don ni/ gtan tshigs kyi ni tshul gsum la'ang zhes sogs kyi skabs su/ byas rtags kyis sgra mi rtag par sgrub pa'i ldog khyab tshad mas nges ba/ byas pa sgra mi rtag par sgrub pa'i mi mthun phyogs mtha' dag la med par tshad mas nges pa la ltos zhes 'chad pa la/ @86b slob dpon dbang phyug sde na re/ byas rtags kyis sgra mi rtag par sgrub pa'i ldog khyab tshad mas nges pa de/ ldog gzhi byas rtags kyis sgra mi rtag par sgrub pa'i mi mthun phyogs mtha' dag tshad mas des pa la ltos par thal/ byas rtags kyis sgra mi rtag par sgrub pa'i ldog khyab tshad mas nges ba byas pa de sgrub kyi mi mthun phyogs mtha' dag la med par tshad mas nges pa la ltos pa'i phyir zhe na rtsod pa de la khyab pa med kyi lan ston pa la/ de phyir chos mi mthun dpe la zhes sogs gsungs/ des na rang 'grel las gzhi spang ba zhes gsungs pa'i don yod de/ byas rtags kyis sgra mi rtag par sgrub pa'i ldog khyab tshad mas nges pa de ldog gzhi de sgrub kyi mi mthun phyogs mtha' nges pa la ltos mi dgos pa de gzhi spang ba'i don yin pa'i phyir/ 'o na/ de phyir chos mi mthun dpe la zhes pa ji lta bu zhe na skyon med de/ skabs 'di'i mi mthun dpe dang/ mi mthun pa'i gzhi dang/ mi mthun phyogs rnams rnam grangs yin pa'i phyir/ des na thar lam gsal byed kyi lugs la gzhung 'di rnams gtan tshigs kyi ni tshul gsum la'ang zhes pa las 'phros nas dbang phyug sde pa'i rtsod spang 'chad byed yin cing/ byas rtags kyis sgra mi rtag par sgrub pa'i mi mthun phyogs mtha' dag tshad mas ma grub kyang/ byas rtags kyis sgra mi rtag par sgrub pa'i ldog khyab grub pa yod ces pa gzhi spang pa'i don yin pa'i phyir/ 'grel bshad gnyis kyi lugs la ma grub sbyar ba brjod bya min zhes bya ba las 'phros nas dogs pa gcod cing gzhi ma grub mi mthun dper bzung ba dang/ mi mthun dpe ma bkod par yang ldog khyab rtogs pa yod pa gzhi spang ba'i don du bzhed/ de ltar thar lam gsal byed las gzhung 'di/ gtan tshigs kyi ni tshul gsum la'ang zhes pa las 'phros nas sngar ltar dogs pa gcod pa yin gyi/ gang dag mi mthun dpe ni/ dper bkod pa kho na la bzung nas/ rjes su grub pa la ltos mi dgos par bsgrub pa de'i don min ste zhes dang/ ma grub sbyar pa'i 'phros rkyang par sbyar na cung zad bshad @87a @#/ /du yod kyang/ skabs don dor bar 'gyur bas sngar ltar bshad do ces gsungs/ des na/ de phyir chos mi mthun dpe la zhes sogs kyi don/ dbang phyug sde'i rtsod pa de'i skyon med de/ byas rtags kyis sgra mi rtag par sgrub pa'i mi mthun phyogs tshad mas ma nges kyang/ byas mi rtag gi 'brel ba dpe'i steng du bstan pas kyang byas rtags kyis sgra mi rtag par sgrub pa'i ba'i ldog khyab rtogs nus ba'i phyir/ kho na re/ dpe la 'brel pa bstan pa la dgos pa ci yod ce na/ de 'chad pa la dpe la de'i bo ngo dang zhes sogs gsungs/ kho na re/ mi shes pa la ston de zhes bshad na/ byas mi rtag gi 'brel pa shes zin ma brjed/ sgra byas bar tshad mas mi shes pa'i phyi rgol gyi ngor byas mi rtag gi 'brel pa brjod pa'i dgos pa med dam zhe na/ byas mi rtag gi 'brel pa shes zin ma brjed par/ sgra byas pa shes 'dod kyi the tshom dang ldan pa'i phyi rgol mkhas pa'i ngor byas mi rtag gi 'brel pa brjod dgos pa yod kyang de'i ngor byas mi rtag gi 'brel pa bsgrub mi dgos te/ de'i ngor byas mi rtag gi 'brel pa dang/ sgra byas pa gnyis kyi nang nas sgra byas par bsgrub pa'i gtan tshigs 'ba' zhig brjod par bya ba yin pa'i phyir/ de ltar yang rang gi don du dpe brjod ba'i don de grub pa kho na yin pas/ de'i tshe de brjod pas ci zhig bya zhes gsungs/ kha cig /rtsa 'grel 'di rnams kyis byas mi rtag gi 'brel pa tshad mas shes zin ma brjed/ byas rtags kyis sgra mi rtag par sgrub pa'i phyogs chos shes kyang/ dran lam du med ba'i rgol ba la/ sgra byas zhes pa'i ngag bsgrub ngag yang dag du bstan zhes zer/ yang phyis kyi kha cig /byas rtags kyis sgra mi rtag par sgrub pa'i phyogs chos tshad mas nges/ kyang dran lam du med/ byas rtags kyis sgra mi rtag par sgrub pa'i khyab 'brel shes zin ma brjed/ gang du yang byas na mi rtag pas khyab zhes brjod pa'i phyi rgol mkhas pa la/ snga rgol rnams kyis 'o na sgra yang byas zhes pa'i ngag bsgrub ngag yang dag yin pa gzhung 'di'i rtsa 'grel rnams kyis bstan zhes zer ba mi 'thad @87b de; mkhas pa rnams la ni/ gtan tshigs 'ba' zhig brjod par zad ces pa'i mkhas pa de sgra byas pa la shes 'dod kyi the tshom dang ldan zhing/ byas mi rtag gi 'brel pa shes bzhin ma brjod pa'i gang zag gcig la yin gyi/ de byas rtags kyis sgra mi rtag par sgrub pa'i phyogs chos tshad mas nges pa'i gang zag du ma bshad pa'i phyir/ de byas rtags kyis sgra mi rtag par sgrub pa'i phyogs chos tshad mas nges pa'i gang zag ma yin par bshad pa'i phyir/ shA kyar/ gang dag la de'i ngo bo dang/ rgyu'i ngo bos rang gi tshad mas ji lta ba grub la/ phyogs kyi chos tsam ma nges pa'i mkhas pa de rnams la ni zhes gsungs pa'i phyir/ des na gzhung 'di rnams kyis byas rtags kyis sgra mi rtag par sgrub pa'i phyogs chos sgrub ba'i bsgrub ngag yang dag bstan pa yin gyi/ byas rtags kyis sgra mi rtag par sgrub pa'i phyogs chos rkyang pa brjod pa'i bsgrub ngag yang dag yod par bstan pa ma yin par rgyal tshab chos rjes bkral ba ni legs par bshad pa'o/ /kho na re/ byas rtags kyis sgra mi rtag par sgrub pa'i khyab 'brel tshad mas nges zin ma brjed pa'i byas rtags kyis sgra mi rtag par sgrub pa'i phyi rgol yang dag gi ngo ra byas mi rtag gi 'brel pa brjod mi dgos par thal/ des byas mi rtag gi 'brel pa shes zin ma brjed pa'i phyir zhes zer na/ ma khyab ste/ de'i ngor byas rtags kyis sgra mi rtag par sgrub pa'i khyab pa dran pa'i yan lag tu byas mi rtag gi 'brel pa brjod dgos pa'i phyir/ kho na re/ byas rtags kyis sgra mi rtag par sgrub pa'i phyi rgol yang dag gi ngor byas rtags kyis sgra mi rtag par sgrub pa'i rjes su 'gro ldog gi khyab pa gnyis ka dngos su brjod dgos sam zhe na/ de gnyi ma ka dngos su brjod mi dgos te/ de'i ngor byas rtags kyis sgra mi rtag par sgrub pa'i rjes su 'gro ldog gi khyab pa gang rung gcig dngos su brjod pas/ de gnyis ka dran pa'i dran shes skye nus pa'i phyir/ zhes ? par byed pa la/ de nyid kyi phyir 'brel shes na zhes gsungs/ gzhung 'di'i thad kyi thar lam gsal byed las/ 'brel pa dang rtags kyi tshul du @88a @#/ /gyur pa'i khyab pa nges dka' sla med par don gcig tu 'dod pa de la/ 'di 'dri bar bya ste/ zhes sogs kyi don rtogs dga' par yod pas/ de bshad na 'di'i don la mkhas pa kha cig /kho na re/ byas mi rtag gi 'brel pa dang byas rtags kyis sgra mi rtag par sgrub pa'i khyab pa des dka' sla'i khyad par med zer na/ 'o na/ byas mi rtag gi 'brel pa shes zin ma brjed/ sgra byas par mi shes shes rung du yod pa'i rgol ba la byas mi rtag gi 'brel ba shes pa'i yan lag tu byas rtags kyis sgra mi rtag par sgrub pa'i khyab pa brjod dgos sam mi dgos/ dgos na de 'dra'i rgol ba la byas mi rtag gi 'brel pa shes pa'i phyir du byas mi rtag gi 'brel ba brjod dgos par thal/ dam bca' 'thad pa gang zhig /byas mi rtag gi 'brel pa dang/ byas rtags kyis sgra mi rtag par sgrub pa'i khyab pa gnyis nges dka' sla med pa'i phyir/ 'dod na/ mkhas pa rnams la ni/ gtan tshigs 'ba' zhig brjod par zad/ ces pa'i don ma grub par thal/ 'dod pa'i phyir/ mi dgos na/ de nyid kyi phyir 'brel shes na zhes pa'i bstan don ma grub par thal/ de 'dra'i rgol ba la byas mi rtag gi 'brel ba shes pa'i yan lag tu/ byas rtags kyis sgra mi rtag par sgrub pa'i khyab pa brjod dgos pa'i phyir/ zhes pa'i don yin zhes gsungs/ mkhas pa rnams la 'di lta bu'i 'khrul pa rags pa 'byung ba ngo 'tshar che ste/ 'o na shes bya chos can/ de nyid kyi phyir 'brel shes na/ zhes sogs kyis don ma grub par thal/ byas mi rtag gi 'brel ba shes zin ma brjed/ sgra byas par mi shes shes rung du yod pa'i rgol ba la/ byas mi rtag gi 'brel pa shes pa'i yan la gtu byas rtags kyis sgra mi rtag par sgrub pa'i khyab pa brjod mi dgos pa'i phyir/ khyab pa zhal gyis bzhes/ ma grub na/ der thal/ des byas mi rtag gi 'brel ba shes zin ma brjed pa'i phyir/ ma khyab na/ de 'dra'i rgol ba la byas mi rtag gi 'brel pa shes pa'i yan lag tu 'brel ba brjod bar khas blangs pa la nyes pa ci yod/ gzhan yang/ de 'dra'i rgol ba la byas mi rtag gi 'brel pa shes pa'i yan lag tu 'brel @88b pa brjod dgos par thal/ /de 'dra'i rgol ba la byas mi rtag gi 'brel pa shes pa'i yan lag tu byas rtags kyis sgra mi rtag par sgrub pa khyab pa brjod dgos pa gang zhig /byas rtags kyis de sgrub kyi khyab pa brjod pa'i ngag yin na/ byas mi rtag gi 'brel pa brjod pa'i ngag yin dgos pa'i phyir/ yang 'di'i don la/ sngar gyi rgol ba de la/ byas rtags kyis sgra mi rtag par sgrub pa khyab pa dran pa'i yan lag tu/ byas rtags kyi sgra mi rtag par sgrub pa khyab pa brjod dgos sam mi dgos/ dgos na/ de 'dra'i rgol ba la byas mi rtag gi 'brel ba dran ba'i yan lag tu 'brel pa brjod dgos par thal/ dam bca' 'thad pa gang zhig /byas mi rtag gi 'brel pa dang/ byas rtags kyis sgra mi rtag par sgrub pa'i khyab pa gnyis des dka' sla'i khyad par med pa'i phyir/ rtags gnyis ka khas/ 'dod na/ mkhas pa rnams la ni/ zhes sogs kyi gzhung dang 'gal/ gnyis pa ltar na/ de nyid kyi phyir 'brel shes na zhes sogs kyi gzhung dang 'gal/ zhes pa'i don yin zhes zer ba byas na rung tsam snang na yang/ dogs pa 'di yod de/ byas mi rtag gi 'brel pa shes zin ma brjed pa'i gang zag la/ byas mi rtag gi 'brel pa dran pa'i yan lag tu byas mi rtag gi 'brel pa brjod dgos par thal/ byas rtags kyis sgra mi rtag par sgrub pa'i khyab pa shes zin ma brjed pa'i gang zag la byas rtags kyis sgra mi rtag par sgrub pa'i khyab pa dran pa'i yan lag tu khyab pa brjod dgos pa'i phyir/ der thal; byas rtags kyis sgra mi rtag par sgrub pa'i bsgrub ngag 'god pa skabs su bab pa'i phyi rgol yang dag la/ byas rtags kyis sgra mi rtag par sgrub pa'i khyab pa dran pa'i yan lag tu khyab pa brjod dgos pa gang zhig /de byas rtags kyis de sgrub kyi khyab ba shes zin ma brjed pa'i gang zag yin pa'i phyir/ rtags phyi ma grub ste/ de byas rtags kyis de sgrub kyi khyab pa tshad mas shes pa'i gang zag gang zhig /byas rtags kyis de sgrub kyi khyab pa brjod pa'i gang zag yin na/ byas rtags kyis de sgrub kyi khyab pa shes pa'i gang zag ma yin dgos pa'i phyir/ rang @89a @#/ /lugs ni/ kho na re/ byas mi rtag gi 'brel ba dang/ byas rtags kyis sgra mi rtag par sgrub pa'i khyab pa la nges dka' sla'i khyad par med do zhes zer na/ de rnam bshad kyis 'gog tshul ni/ byas mi rtag gi 'brel pa shes zin ma brjed par dran lam du yod pa'i gang zag la byas rtags kyis sgra mi rtag par sgrub pa'i khyab pa dran pa'i yan lag tu khyab pa brjod dgos sam mi dgos/ dgos na/ de la byas mi rtag gi 'brel ba dran pa'i yan lag tu byas mi rtag gi 'brel pa brjod dgos par thal/ de la de sgrub kyi khyab pa dran pa'i yan lag tu de sgrub kyi khyab pa brjod dgos pa gang zhig /byas mi rtag gi 'brel pa dran pa'i gang zag yin na/ byas rtags kyis de sgrub kyi khyab pa dran pa'i gang zag yin dgos pa'i phyir/ dang po khas/ gnyis pa ma grub na song/ der thal/ byas mi rtag gi 'brel pa tshad mas nges ba'i gang zag yin na/ byas rtags kyis sgra mi rtag par sgrub pa'i khyab pa tshad mas nges pa'i gang zag yin dgos pa'i phyir/ rtags khas/ 'dod na/ shes bya chos can/ byas mi rtag gi 'brel pa shes zin ma brjed pa'i gang zag la/ byas mi rtag gi 'brel pa shes pa'i phyir du byas mi rtag gi 'brel ba brjod dgos par thal/ 'dod ba'i phyir/ 'dod na/ mkhas pa rnams la ni zhes sogs kyi gzhung snga ma dang 'gal/ dri ba gnyis pa la/ byas mi rtag gi 'brel ba shes zin ma brjed par dran lam du yod pa'i gang zag la/ byas rtags kyis de sgrub kyi khyab pa dran pa'i yan lag tu khyab pa brjod dgos pa med do zhe na/ de yod par thal/ byas mi rtag gi 'brel pa shes zin ma brjed par dran lam du yod pa'i gang zag la/ byas rtags kyis sgra mi rtag par sgrub pa'i khyab pa dran pa'i phyir du khyab pa gnyis ka brjod mi dgos kyang gang rung gcig brjod dgos pa'i phyir/ de nyid kyi phyir 'brel shes na zhes sogs kyi don grub pa'i phyir/ kho na re/ gzhung de byas mi rtag gi 'brel pa shes nas brjod pa'i dbang du byas pa yin no zhes zer ba yang mi 'thad de/ byas mi rtag gi 'brel pa brjod pa'i gang zag yin na/ de tshad mas nges pa'i gang zag @89b ma yin dgos pa'i phyir/ kho na re/ byas mi rtag gi 'brel pa shes zin ma brjed pa'i gang zag la byas rtags kyis sgra mi rtag par sgrub pa'i khyab pa brjod mi dgos par thal/ de la byas mi rtag gi 'brel pa brjod mi dgos pa'i phyir/ der thal/ des byas mi rtag gi 'brel pa shes zin ma brjed pa'i phyir/ rtsa bar 'dod na/ gzhung phyi ma dang 'gal lo zhes zer na/ thal 'gyur phyi ma la ma khyab ste/ byas mi rtag gi 'brel pa shes zin ma brjed pa'i gang zag la byas mi rtag gi 'brel pa shes ba'i phyir du bstan mi dgos kyang/ shes zin de nyid sgra mi rtag par sgrub pa'i khyab pa go ba'i yan lag tu bstan dgos pa yod pa'i phyir/ grub zin pa bsgrub byar 'gal yang/ sgrub byed du mi 'gal ba'i phyir/ legs par bshad pa'o// ! //de phyir rgyu dang rang bzhin dag zhes sogs 'gal rtags kyi khyab ba'i 'grub tshul ji ltar 'chad ce na/ de phyir de tsam zhes sogs kyis 'bras rang gi rtags yang dag gi khyab pa 'grub pa rtags chos kyi 'brel pa nges pa la ltos par grub pa la brten nas rgyu khya ba byed ma dmigs pa'i rtags yang dag gi rjes su 'gro ldog gi khyab pa nges pa rtags chos kyi 'brel ba nges pa la ltos par grub ces bshad pa la/ de phyir rgyu dang zhes sogs gsungs/ /dgag rtags yang dag gi gtso bo gnyis po der 'dus sam ma 'dus zhe na/ dgag rtags yang dag gi gtso bo gnyis po der ma 'dus te/ bum pa tshad mas ma dmigs ba'i rtags kyis bum pa tshad mas ma dmigs pa'i sa phyogs su bum pa med par bsgrub pa lta bu'i rang bzhin ma dmigs pa'i rtags yang dag yod pa'i phyir zhes bshad pa la/ dmigs par ni rigs ldan de mi dmigs par yang zhes gsungs/ dgag rtags yang dag gi gtso bo de bsdu na gsum du 'dus kyang/ sbyor ba 'god tshul gyi sgo nas du mar dbye rung zhes 'chad pa la/ de ltar mi dmigs 'di rnam gsum zhes sogs shlau ka gcig gis 'chad/ gtan tshigs kyi ni tshul gsum la'ang zhes sogs kyis rtags mi mthun phyogs la ma mthong ba tsam gyis ldog khyab dang/ mthun phyogs la @90a @#/ /mthong ba tsam gyis rjes khyab grub pa bkag nas/ rjes su 'gro ldog gi khyab pa 'grub pa rtags chos kyi 'brel pa nges pa la ltos pa rgyas par bshad pa de'i don bsdus nas 'chad pa la/ rgyu dang 'bras bu'i dngos po 'am zhes sogs gsungs/ de yang/ rgyu dang 'bras bu'i dngos po'am zhes sogs kyis/ rgyu yi ni/ 'bras bu 'khrul pa med pa'i phyir zhes pa'i don bsdu dang/ rang bzhin nges par byed pa las zhes sogs kyis/ de phyir de tsam dang 'brel zhes sogs kyi don bsdu 'chad par byed/ ma mthong las min mthong las min zhes pas/ /gtan tshigs kyi ni tshul gsum la'ang zhes pa nas/ gtan tshigs med bsgrub yin nam ci zhes pa'i bar gyi don bsdu 'chad/ 'dir gsung sgros rnams su/ ma mthong las min mthong las min zhes pas/ mi mthun phyogs la ma mthong ba zhes pa nas; gtan tshigs med bsgrub yin nam ci/ /zhes pa'i bar gyi don bsdu 'chad ces gsung ba/ Tika'i dgongs pa min zhing gzhung gi thob tshad kyang min par mngon te/ gzhung 'dir mtshan gzhi la mtshan nyid nges byed kyi tshad ma 'chad pa'i skabs kyi don bsdu yin gyi/ log phyogs gtan tshigs ltar snang 'chad pa'i skabs kyi don bsdu ma yin pa'i phyir/ des 'brel pa la ltos pa'i don bsdus nas/ mi ltos na ha cang thal ba'i don bsdu ni/ gzhan du gzhan ni gzhan dag dang zhes sogs kyis 'chad/ de yang de ltar min na gcig ldog pas ces pa'i don bsdu ba'i sgo nas/ 'bras rtags yang dag gi rjes su 'gro ldog gi khyab pa nges pa 'brel ba nges pa la mi ltos na/ ha cang thal ba'i don bsdu 'chad pa la/ /gzhan du gzhan ni gzhan dag dang/ /zhes sogs gsungs/ de bzhin gcig gcig nye ba'i phyir/ zhes sogs kyi don bsdu ba'i sgo nas; rang bzhin kyi rtags yang dag gi khyab pa nges pa rtags chos kyi 'brel pa nges pa la mi ltos na/ ha cang thal ba'i don bsdu 'chad pa la/ /don gzhan rgyu mtshan can gyi chos/ /zhes sogs gsungs/ chos don gzhan gyi rgyu mtshan phyir/ /yin par gyur na de gzhan nyid/ /ces @90b pa'i rang 'grel las/ gal te de dag kyang 'thad par byed pa min na/ gang yang gang las 'thad pa med pas ril rdzas gcig tu 'gyur ro/ /des na lhan cig skye ba dang 'jig pa dag dang/ thams cad la thams cad nye bar sbyor bar 'gyur ro/ /de lta min na gcig ces bya ba nyid du mi 'gyur ba'am/ mi 'thad par zad de/ don khas blangs nas de skad du brjod pa'i phyir/ zhes pa'i don gang zhe na/ 'di'i don la chos rjes paN sogs mkhas pa kha cig /dngos po bum pa dang rdzas gcig ma yin te/ gal te yin na/ bum snam gcig yin par thal/ dngos po bum pa dang rdzas gcig yin pa'i phyir/ de snam bu dang yang rdzas gcig yin pa'i phyir/ rtags khas/ 'dod na/ bum snam gnyis skye 'jig gcig car byed pa dang/ rgyu thams cad kyis 'bras bu thams cad la phan 'dogs par thal/ 'dod pa'i phyir/ des na khyab che chung la rdzas gcig mi srid do/ /zhes gsungs/ de ltar yang rig gter las/ spyi dang bye brag rdzas gcig na/ yan lag can yang ji ltar dgag zhes sogs gsungs/ de ni mi 'thad de/ dngos po dang bum pa rdzas su ma grub par thal/ de gnyis rdzas gcig kyang min/ de gnyis rdzas tha dad kyang ma yin pa'i phyir/ ma khyab na/ 'di las gzhan pa'i rnam pa'ang med/ ces sogs chos kyi grags pa'i gzhung dang 'gal/ rtags phyi ma ma grub na/ spyi gsal rdzas gzhan du 'dod pa'i bye brag ba'i lugs tshugs par 'gyur ro/ /gzhan yang khyod kyi bzhed pa ltar na/ sha shug gnyis ngo bo gcig yin par thal/ de shug pa dang ngo bo gcig yin pa'i phyir khyab pa khas/ ma grub na/ rang 'grel las/ de ni de'i rang gi ngo bo yin no/ /rang gi ngo bo yongs su por nas kyang ji ltar yod par 'gyur te/ rang gi ngo bo kho na ngo bo yin pa'i phyir/ zhes dang/ de'i 'grel bshad shAkyar/ shing de ni shing sha pa zhes bya ba de'i ngo bo/ rang gi ngo bo yongs su bor nas ji ltar shing zhes bya ba yod par 'gyur ba ci'i phyir zhe na/ rang gi ngo bo kho na shing gi rang gi bdag nyid kho na ngo bo yin pa'i phyir/ shing sha ba'i ngo bo yin pa'i phyir zhes pa dad 'gal/ rang lugs/ chos de don de @91a @#/ /zhes sogs rtsa 'grel gyi don ni/ byas mi rtag rdzas tha dad yin par thal/ de gnyis rgyu rkyen rdzas tha dad las snga phyir skyes pa'i phyir/ rtags khas ma khyab na/ dngos por ril rdzas gcig yin par thal/ byas mi rtag snga phyir skyes kyang rdzas gzhan ma yin pa'i phyir/ grang can na re/ 'dod de/ dngos po thams cad spyi gtso bo'i ngang du rang bzhin gcig yin pa'i phyir/ zer na/ 'o na/ dngos po thams cad skye 'jig gcig car du byed pa dang/ rgyu thams cad kyis 'bras bu thams cad la phan 'dogs par thal/ dngos po thams cad rang bzhin gcig yin ba'i phyir/ zhes pa'i don yin no/ /de ltar yang shA kyar/ yon tan gsum rang bzhin du khyad par med par 'dod do zhes gsungs/ ! /de phyir rgyu dang rang bzhin dag zhes sogs kyi skabs su/ gzhung snga phyi 'gal ba spang ba dang /'brel zla ma dmigs pa'i gtan tshigs kyi rnam bzhag bye brag tu bshad pa/ zhar la don bsgrub kyi rtags dang tha snyad bsgrub kyi gtan tshigs kyi rnam bzhag bshad pa'o/ /dang po ni/ kho na re/ 'dir ma dmigs pa'i rtsa ba'i dbye ba gsum du bstan pa mi 'thad par thal/ 'gal dang 'bras bu dag bsgrub dang zhes par ma dmigs pa'i rtags thams cad bsdus nas bshad pa dang 'gal ba'i phyir dang/ yang 'dir khyab byed ma dmigs pa dang/ rang bzhin ma dmigs pa so sor bstan pa mi 'thad par thal/ rgyu dang ngo bo ltar rung ba'i zhes par khyab byed ma dmigs pa rang bzhin ma dmigs par bsdus nas bstan pa dang 'gal ba'i phyir/ gzhan yang/ skabs 'dir ma dmigs pa'i rtags yang dag gi dbye ba bstan pa mi 'thad par thal/ 'gal dang 'bras bu dag sgrub dang zhes par ma dmigs pa'i rtags yang dag gi dbye ba bstan pa dang zlos pa'i skyon yod pa'i phyir zhe na skyon med de/ 'dir bshad pa'i gsum pa ni/ 'brel ba la ltos pa'i dgag rtags kyi dbye ba gtso bor bstan pa'i dbang du byas la/ 'gal dang 'bras bu dag grub dang/ zhes sogs bzhi gsungs pa ni/ gang gang du 'du ba'i bsdu byed kyi dbye ba shes pa'i ched du yin pa'i phyir/ @91b 'brel ba la ltos pa'i dgag rtags yang dag gi dbye ba gtso bor bstan pa'i dbang du byas nas/ rgyu khyab byed rang bzhin ma dmigs pa gsum du gsungs pa yin te/ spyir ma dmigs pa'i rtags la dgag bya'i chos de yod na/ dgag gzhi dang shes pa gcig la 'dres par rung ba dang/ mi rung ba gnyis su nges la/ dang po'i dbang du byas nas rang bzhin ma dmigs pa'i gtan tshigs gsungs shing/ gnyis pa la bdag gcig dang /de byung du 'brel ba rang dbang du yod pa ni/ rgyu khyab byed ma dmigs pa gnyis su nges pas/ rgyu khyab byed ma dmigs pa gnyis dngos su gsungs nas/ 'gal dmigs dang 'brel zla ma dmigs pa gzhan rnams/ bdag gcig dang/ de byung gi 'brel par rang dbang du med pas/ de gnyis kyi nang du bsdus nas bstan pa'i phyir/ gnyis pa 'brel zla ma dmigs pa'i rtags kyi rnam bzhag bshad pa ni/ thar lam gsal byed las/ bum med don du byas nas/ de phyir rgol gyi grub zin pa'i tha snyad 'ba' zhig sgrub pa yin la/ 'god tshul la yang/ bum pa med pa'i tha snyad byar rung ste zhes 'god pa ni zhib tu ma dpyad pa ste zhes sogs gsung ba rnams kyi don rim pa bzhin du bshad par bya ste/ thog mar rang bzhin ma dmigs pa'i rtags yang dag gi mtshan gzhi la dpyad na/ rang bzhin ma dmigs pa'i rtags yang dag gi tha snyad 'ba' zhig bsgrub na/ grub zin gyi don dang/ grub brgyu'i tha snyad gang zhe na/ 'di'i lan la snga rabs pa kha cig /bum pas dag pa'i sa phyogs su bum med ni grub zin gyi don dang/ sa phyogs der bum pa med pa'i tha snyad byar rung ni/ sgrub rgyu'i tha snyad yin la/ 'god tshul yang/ sa phyogs de chos can/ bum pa med pa'i tha snyad byer rung ste/ bum ba snang rung ma dmigs pa'i phyir/ zhes 'god par bya ba yin gyi/ bum pa med de/ bum pa snang rung ma dmigs pa'i phyir zhes mi dgod de/ rtags de'i phyogs chos grub tshe/ bsgrub bya yang grub dgos pa'i phyir/ bum pa med pa'i tha snyad byar rung ba'i don/ bum med du @92a @#/ /sgra blo ma 'khrul pas zhen rung tsam la byed kyi bum med kyi sgras brjod rung tsam la mi byed do/ /zhes chu mig pa dang/ sa skya gong ma rnams gsungs/ lugs de dar Tik pas 'gog tshul ni/ bum pa tshad mas ma dmigs pa'i rtags kyis bu pa tshad mas ma dmigs pa'i phyogs su bum pa med par bsgrub pa'i tha snyad byar rung du bsgrub dgos kyi phyir rgol yang dag chos can/ khyod kyi bum pa tshad ma dmigs pa'i sa phyogs su bum pa med par 'dzin pa'i blo de zhe na yul la ma 'khrul bar nges par thal/ khyod bum pa tshad mas ma dmigs pa'i sa phyogs su bum pa med par tshad mas nges pa'i gang zag gang zhig /khyod blo don mthun dang don mi mthun gyi brda' la byang ba'i gang zag yin pa'i phyir/ rtags dang po khas/ 'dod na/ de chos can/ khyod de 'dra'i sa phyogs su bum pa med pa sgra blo ma 'khrul pas zhen rung du tshad mas nges pa'i gang zag yin par thal/ 'dod pa'i phyir/ 'dod na dngos/ gzhan yang de chos can/ sa phyogs der bum pa med ces pa'i sgra de sgra don mthun du tshad mas nges pa'i gang zag yin par thal/ sa phyogs der bum pa med par tshad mas grub pa'i gang zag gang zhig /sgra don mthun dang don mi mthun gyi rnam dbye la ma rlongs ba'i gang zag yin pa'i phyir/ rtags dang po khas/ 'dod na/ de chos can/ de 'dra'i sa phyogs der bum pa med pa sgra blo ma 'khrul bas zhen rung du tshad mas nges pa'i gang zag yin par thal/ 'dod pa'i phyir/ thar lam gsal byed kyi don 'di ltar yin gyis phyogs der bum pa med par tshad mas grub pa'i gang zag yin na/ der bum pa med par nges pa'i blo'i tha snyad dang brjod bsgra'i tha snyad tshad mas bsgrub dgos zhes mi bya ste/ des na skye bo gnag rji mo chos can/ der thal de'i phyir/ rtags grub ste/ gnag rji mo bar grags phyir ro/ /zhes gsungs pa'i phyir/ 'dod na/ mngon sum gyis bsal lo/ /kho na re/ rang 'grel las/ de dgag ba'i yul can gyi gtan tshigs la de'i gtan tshigs zhes bshad ces dang/ rgyu mtshan gyi sgra shes bsgrub @92b ces dang/ blo sgra the tshom med par grub ces pa ji ltar yin zhe na/ rgyu mtshan gyi sgra shes grub ces sogs sbyor ba 'chad pa'i skabs yin gyi/ sbyor ba 'god pa'i tshe bum pa tshad mas ma dmigs pa'i sa phyogs chos can/ bum pa med de/ bum pa tshad mas ma dmigs pa'i phyir zhes 'god dgos te/ rang 'grel las/ phyogs kyi khyad par 'ga' zhig na/ bum pa med de/ dmigs pa'i mtshan nyid/ kyi spyir gyur ba ma dmigs pa'i phyir/ zhes dang/ rigs thig las/ rang bzhin ma dmigs pa ni/ dper na/ 'di na bum pa med de/ dmigs pa'i rig byar gyur pa las mi dmigs ba'i phyir zhes bya ba lta bu zhes dang/ 'di yang dper na/ sreg bar byed ba ma yin ba'i phyir/ me min zhes bya ba bzhin/ zhes gsungs pa'i phyir/ des na rang lugs ni/ bum pas dag pa'i sa phyogs chos can/ bum pa med de/ bum pa tshad mas ma dmigs pa'i phyir/ zhes bkod ba'i tshe/ gzhi der bum pa tshad mas ma dmigs pa grub zin gyi don dang gzhi der bum pa med par bsgrub rgyu'i snyad yin no/ /mkhas pa chen po nya dpon kun dga' dpal na re/ rang bzhin ma dmigs pa'i rtags la yul gyi dbang du byas pa dang/ yul can gyi dbang du byas pa gnyis; dang po ni/ mdun gyi gzhi 'dir chos can/ bum pa med pa'i tha snyad 'jug tu rung ste/ snang rung bum pa tshad mas ma dmigs pa'i sa phyogs yin pa'i phyir/ zhes pa lta bu'o/ /gnyis pa ni/ mdun gyi sa phyogs 'dzin pa'i dbang po'i mngon sum chos can/ mdun gyi sa phyogs 'di la bum pa med pa'i tha snyad skye rung yin te/ mdun gyis sa phyogs 'di la snang rung bum pa tshad mas ma dmigs pa 'dzin pa'i mngon sum yin pa'i phyir/ zhes pa lta bu/ rtags rgyu tshogs grangs tshang gis 'bras bu 'byung rung bsgrub pa'i rtags yang dag yin gsungs; de 'gog ba la thar lam gsal byed las/ rgyu tshogs grangs tshang gis 'bras bu 'byung rung bsgrub pa'i rtags su 'dod pa ni cher 'khrul lo/ /zhes gsungs te/ don ni/ rang bzhin ma dmigs pa'i rtags yang dag gi mtshan nyid de mi 'thad par thal/ de grub kyi rgyu @93a @#/ /khyab byed rang bzhin ma dmigs pa'i rtags yang dag gsum po gang rung gi dngos kyi bsgrub bya'i chos yin na/ med dgag yin dgos pa'i phyir/ 'di ni dngos la dngos po'i cha/ /khas blangs med par dgag pa nyid/ /ces gsungs pa'i phyir/ kho na re/ rgyu las 'bras bu grub pa na/ /'di 'am rang bzhin nang 'dus phyir/ /zhes 'chad pa'i don gang zhe na/ skyon med de/ rnam par 'jog byed kyi rgyu bum pa tshad mas ma dmigs pa de/ rang phyogs kyi tshes su grub pa'i gzhi/ bum pa tshad mas ma dmigs pa'i sa phyogs su rnam par bzhag bya'i 'bras bu bum pa med par bsgrub pa'i rtags yang dag yin pa lung de'i don yin pa'i phyir/ khyed ltar na/ de sgrub kyi rang bzhin ma dmigs pa'i rtags yang dag yin na/ de sgrub kyi bsgrub rtags yang dag yin dgos par thal/ de yin na de sgrub kyi rang bzhin gyi rtags yang dag yin dgos/ de sgrub kyi rang bzhin gyi rtags yang dag yin na/ de sgrub kyi bsgrub rtags yang dag yin dgos pa'i phyir/ dang po dngos/ phyi ma grub cing 'dod mi nus te/ rang 'grel las/ de la gnyis ni dngos po grub pa yin la/ gcig ni dgag pa'i gtan tshigs so/ /zhes gsungs pa'i phyir/ thar lam gsal byed las/ 'brel yul la yang ngo bo rgyu 'bras gsum du nges la/ ngo bo la yang khyab ches pa dang/ khyab mnyam pa gnyis su nges la/ khyab byed snang rung yin na/ khyab byed ma dmigs pa 'jug ba'i dus dang/ khyab mnyam snang rung yin na sngar bshad pa ltar rang bzhin ma dmigs pa 'jug pa'i dus so/ /zhes sogs gsungs pa'i don la dpyad na/ kha cig /lung 'di'i tshig zin ltar na/ de sgrub kyi khyab byed ma dmigs pa'i rtags yang dag yin na/ de sgrub kyi dgag bya'i chos las khyab che ba'i de sgrub kyi dgag bya'i chos kyi bdag gcig pa'i khyab byed bkag pa rtags su sbyor ba yin dgos ba dang/ de sgrub kyi dgag bya'i chos dang khyab mnyam pa'i dgag bya'i chos kyi rang bzhin bkag pa rtag su sbyar ba'i de sgrub kyi 'brel zla ma dmigs pa'i tshul gsum yin na/ de sgrub kyi rang bzhin ma dmigs @93b pa'i rtags yang dag yin pas khyab ces pa'i don yin nam min/ zhe na/ tshig zin ltar na khyab ba de gnyis zhal gyis bzhes pa 'dran 'ang/ dogs pa 'di yod de/ bden pa'i gcig dang bden pa'i du ma gang rung du ma grub pa chos can/ spyi mtshan bdag med du bsgrub pa'i dgag bya'i chos las khyab che ba'i de sgrub kyi dgag bya'i chos kyi bdag gcig pa'i khyab byed bkag pa rtags su sbyar ba yin par thal/ /de sgrub kyi khyab byed ma dmigs pa'i rtags yang dag yin pa'i phyir/ rtags sgrub ste/ de sgrub kyi khyab byed ma dmigs pa'i rtags yang dag tu mdo sde pas khas len pa'i phyir te/ bden pa'i gcig dang bden pa'i du ma gang rung ma grub ba de/ gzhi lam rnam gsum bden med du bsgrub pa'i khyab byed ma dmigs pa'i rtags yang dag tu ngo bo nyid med par smra ba rang rgyud pas khas len pa'i phyir/ de ltar rnam bshad snying po rgyan las bshad pa'i phyir/ rtsa bar 'dod mi nus te/ bden pa'i gcig dang bden pa'i du ma gang rung du grub pa dang/ bden grub la yang khyab che chung med/ gcig dang du ma gang rung du yod pa dang yod pa la yang khyab che chung med pa'i phyir/ de bzhin du mi snang ba ma dmigs pa'i khyab byed ma dmigs pa sogs kyang/ dgag bya'i chos las khyab che ba'i khyab che ba'i khyab byed bkag ba rtags su sbyar ba ma yin par mngon no/ /'o na/ thar lam gsal byed las/ de ltar gsungs ba'i don gang zhe na/ de'i don skabs 'dir dngos su bstan pa'i khyab byed ma dmigs pa dang/ rang bzhin ma dmigs pa'i rtags 'jug dus kyi dbang du byas pa'am yang na/ dgag rtags bcu gcig tu phye ba'i 'brel zla ma dmigs pa bzhi'i 'jug dus kyi dbang du byas ba'o/ /des na/ de sgrub kyi ma dmigs pa'i tshul gsum gang zhig /de sgrub kyi dgag bya'i chos kyi 'brel yul bkag pa'i med dgag rtags su sbyar ba/ de sgrub kyi 'brel zla ma dmigs pa'i rtags yang dag gi mtshan nyid/ 'brel zla ma dmigs pa'i rtags yang dag la dbye na bzhi las/ so so'i mtshan gzhi ni/ rigs thig dar Tik las/ dgun mtsho chen po mi g.yo ba rlangs pa @94a @#/ /thul ba dus nam mkha' 'o zi tsam du gyur pa na/ du ba dang rlangs pa'i khyad par mi shes shing/ me yod na nges nus pa'i tshe/ mes dben pa'i mtsho chen po 'di chos can/ du ba med de/ me med ba'i phyir/ zhes pa lta bu/ gnyis pa ni/ shing yod na mngon sum du nges nus shing/ sha ba med pa la mngon sum gyi nges pa 'dren mi nus pa'i tshe/ shing gis dag pa'i brag rdzong na chos can/ sha ba med pa'i phyir shes pa lta bu/ gsum pa ni/ bum pa tshad mas ma dmigs pa'i sa phyogs chos can/ bum pa med de/ bum pa tshad mas ma dmigs pa'i phyir zhes pa lta bu/ bzhi pa ni/ steng gi char du ba yod na mngon sum la snang du rung zhing/ 'og gi char me yod kyang phyir rgol gyi mngon sum la snad du mi rung ba'i dngos gzhi kun nas bskor ba'i du bas dben pa'i dang ra bla gab med pa na chos can/ du ba'i dngos rgyu nus pa thog med med de/ dngos 'bras du ba med pa'i phyir zhes pa lta bu/ so so'i mtshan gzhi gzhan du dpyad par bya'o/ /gsum pa ni/ rang 'grel las/ rgyu dang khyab byed ma dmigs pa ni/ gnyis ka'i yang gtan tshigs so zhes gsungs pa dang/ de'i 'grel bshad shA kyar; gnyis ka'i yang zhes bya ba ni/ dgag pa dang dgag pa'i tha snyad kyi'o zhes dang/ 'thad ldan las/ 'bras bu dang khyad par bya ba ltar mi rung ba ni/ rgyu dang khyab par byed pa mi dmigs pas dngos po med pa dang/ med pa'i tha snyad gnyis ka go bar byed la/ 'bras bu dang khyab par bya ba ltar rung ba la ni/ med pa'i tha snyad 'ba' zhig tu zad do/ /zhes gsungs pa'i don snga rabs pa phal che ba dang/ khyad par du nya dpon sogs mkhas pa rnams na re/ gzhung 'di rnams kyis me med pa de me med mtshan mo'i rgya mtshor du ba med par bsgrub pa'i don bsgrub kyi rtags yang dag dang/ me med pa de me med mtshan mo'i rgya mtshor du ba med pa'i tha snyad byar rung du bsgrub pa'i rtags su bstan pa yin gyi/ me med pa de gzhi de du ba med par bsgrub pa'i don grub kyi rtags dang/ tha snyad bsgrub pa'i rtags gnyis ka yin par ston pa min te/ me med @94b pa de sgrub kyi don sgrub kyi rtags yang dag yin na/ de de sgrub kyi tha snyad bsgrub kyi rtags yang dag ma yin dgos pa'i phyir/ me med pa de sgrub kyi don sgrub kyi rtags yang dag yin na/ de de sgrub kyi dgag rtags yang dag yin dgos/ de'i tha snyad bsgrub kyi rtags yang dag yin na/ de de sgrub kyi ba sgrub rtags yang dag yin dgos pa'i phyir/ zer ba med 'thad de/ khyed ltar na/ me med pa de me med mtshan mo'i rgya mtshor du ba med pa'i tha snyad byar rung du bsgrub pa'i bsgrub rtags su 'dod dgos la/ de yang mi 'thad de/ du ba med pa'i tha snyad byar rung dgag pa yin pa'i phyir dang/ me med pa de de sgrub kyi tha snyad bsgrub kyi rtags yang dag yin na/ de de sgrub kyi sgrub rtags yang dag yin dgos pa'i shes byed cung zad kyang med pa'i phyir/ 'o na/ don bsgrub kyi rtags yang dag dang/ tha snyad bsgrub kyi rtags yang dag 'gal lam mi 'gal zhe na/ kho na re/ de gnyis 'gal te/ don dang tha snyad 'gal ba'i phyir/ mtshon bya dang mtshan nyid gnyis 'gal ba'i phyir/ rtsa bar ma khyab na/ dgag pa dang bsgrub pa gnyis 'gal ba'i cha nas/ dgag rtags dang bsgrub rtags gnyis 'gal bar 'jog pa ma yin par thal lo/ /'on te/ don bsgrub kyi rtags dang tha snyad bsgrub kyi rtags mi 'gal te/ me med pa de ma med mtshan mo'i sgra skad ci rgya mtshor du ba med pa'i don dang tha snyad gnyis ka bsgrub ba'i phyir/ zer na/ ngag rtags dang bsgrub rtags mi 'gal bar thal/ byas pas sgra mi rtag par yang bsgrub/ des sgra rtag pa ma yin par yang bsgrub pa'i phyir zhes zer/ 'di'i don la mkhas pa kha cig /de gnyis mi mtshungs te/ dgag rtags dang bsgrub rtags gnyis dngos kyi bsgrub bya'i chos dgag pa dang bsgrub pa yin min gyi cha nas 'byed/ don bsgrub kyi rtags dang tha snyad bsgrub kyi rtags dngos kyi bsgrub bya'i chos don dang tha snyad yin min gyi cha nas 'byed pa ma yin pa'i phyir/ zhes gsungs shing/ sngar gyi rang 'grel dang/ 'thad ldan rnams kyi don yang/ me med pa de me med mtshan mo'i rgya mtshor du ba med par bsgrub pa'i don bsgrub kyi rtags dang/ tha snyad @95a @#/ /bsgrub kyi rtags yang dag gnyis ka yin pa dang/ shing med pa de shing med kyi brag rdzong na sha ba med par bsgrub pa'i don bsgrub kyi rtags yang dang/ /tha snyad bsgrub kyi rtags yang dag gnyis ka yin par bstan pa yin te/ lung de rnams kyis de sgrub kyi rgyu ma dmigs pa'i rtags yang dag dang/ de sgrub kyi khyab byed ma dmigs pa'i rtags yang dag gang rung yin na/ de sgrub kyi don dang tha snyad gnyis ka bsgrub pa'i rtags yang dag yin dgos pa dang/ de sgrub kyi rang bzhin ma dmigs pa'i rtags yang dag yin na/ de sgrub kyi tha snyad 'ba' zhig bsgrub kyi rtags yang dag yin pas khyab par bstan pa'i phyir/ zhes gsungs shing /rtags de rnams kyi khyad par ni/ de sgrub kyi tshul gsum gang zhig /rang nyid de sgrub pa la phyogs chos can du song ba'i gang zag gis/ rang nyid de sgrub kyi shes 'dod chos can kyi steng du/ de sgrub kyi bsgrub bya'i chos kyi don grub ma zin pa/ de sgrub kyi don bsgrub kyi rtags yang dag gi mtshan nyid/ de gang zhig /rang nyid de sgrub pa la phyogs chos can du song ba'i gang zag gis/ de sgrub kyi shes 'dod can gyi steng du/ de sgrub kyi bsgrub bya'i chos kyi tha snyad grub ma zin pa/ de sgrub kyi tha snyad bsgrub kyi rtags yang dag gi mtshan nyid/ de gang zhig /rang nyid de sgrub pa la phyogs chos can du song ba'i gang zag gis/ de sgrub kyi shes 'dod chos can gyi steng du de sgrub kyi bsgrub bya'i chos kyi don grub zin pa de sgrub kyi tha snyad 'ba' zhig bsgrub kyi rtags yang dag gi mtshan nyid/ dang po gnyis kyi mtshan gzhi ni/ me med mtshan mo'i rgya mtshor chos can/ du ba med de/ me med pa'i phyir/ zhes pa lta bu/ gsum pa'i mtshan gzhi ni/ bum pa tshad mas ma dmigs pa'i sa phyogs na chos can/ bum pa med de/ bum pa chos mas ma dmigs pa'i phyir/ zhes pa lta bu/ zhes gsungs shing 'di la cung zad dpyad na/ bzhed pa de ltar na/ de sgrub kyi don bsgrub kyi rtags yang dag yin na/ rang nyid de sgrub pa la phyogs chos can du song ba'i gang zag la de sgrub kyi shes 'dod chos can gyi steng du/ de sgrub kyi bsgrub bya'i chos gcig grub pas @95b khyab dgos par 'gyur la/ de ltar na byas pa sgra skad cig mar bsgrub pa'i don bsgrub kyi rtags yang dag ma yin par 'gyur bas rang 'grel gyi don 'chad tshul mi 'thad par 'gyur ro snyam du dogs so/ /rang lugs ni/ rgyu dang khyab byed ma dmigs pa ni gnyis ka'i yang gtan tshigs yin no zhes dang/ de'i 'grel bshad dang/ sdang drangs pa'i 'thad ldan rnams kyi don ni/ rgyu ma dmigs pa'i rtags yang dag la don bsgrub kyi rtags yang dag dang/ tha snyad bsgrub kyi rtags yang dag gnyis ka yod de/ me med pa de me med mtshan mo'i rgya mtshor du ba tshad mas ma dmigs par bsgrub pa'i don bsgrub kyi rtags yang dag dang/ de bzhi der du ba med par bsgrub pa'i tha snyad bsgrub kyi rtags yang dag yin pa'i phyir/ khyab byed ma dmigs pa'i rtags yang dag la yang don bsgrub kyi rtags yang dag dang/ tha snyad bsgrub kyi rtags yang dag gnyis ka yod de/ shing med pa de shing med kyi brag rdzong na sha ba med par bsgrub pa'i tha snyad bsgrub kyi rtags yang dag dang/ de gzhi der sha pa tshad mas ma dmigs pa bsgrub pa'i don bsgrub kyi rtags yang dag yin pa'i phyir/ de sgrub kyi rang bzhi ma dmigs pa'i rtags yang dag yin na/ de sgrub kyi don sgrub kyi rtags yang dag ma yin dgos te/ de yin na/ de sgrub kyi tha snyad 'ba' zhig bsgrub kyi rtags yang dag yin dgos ba'i phyir/ zhes pa lung de rnams kyi don yin no/ /'bras bu dang khyab par bya ba ltar rung ba la ni med pa'i tha snyad 'ba' zhig tu zad do/ /zhes pa la kha cig /du ba tshad mas ma dmigs pa/ me med mtshan mo'i rgya mtshor du ba med par bsgrub pa'i rtags yang dag du song ba'i dus yod pa la 'chad pa mi 'thad de/ me med mtshan mo'i rgya mtshor du ba med par bsgrub pa'i rtags yang dag 'god pa skabs su babs pa'i phyir rgol yang dag yin na/ mtshan mo'i rgya mtshor du ba tshad mas ma dmigs pa la mngon sum gyi stobs kyi nges pa 'dren mi nus pas khyab pa'i phyir/ 'o na/ don bsgrub kyi rtags dang/ tha snyad bsgrub kyi rtags kyi khyad par gang zhe na/ khyod de sgrub kyi tshul gsum gang zhig /khyod kyi rtags kyis de @96a @#/ /sgrub kyi dngos kyi bsgrub bya'i chos su bzung bya yang yin/ mtshan nyid yang yin pa'i gzhi mthun srid pa/ de sgrub kyi don bsgrub kyi rtags yang dag gi mtshan nyid/ de gang zhig /khyod kyi rtags kyis de sgrub kyi dngos kyi bsgrub bya'i chos su bzung bya yang yin mtshon bya yang yin pa'i gzhi mthun srid pa/ de sgrub kyi tha snyad bsgrub kyi rtags yang dag gi mtshan nyid/ don bsgrub kyi rtags yang dag la dbye na/ don bsgrub kyi 'bras rang ma dmigs pa'i rtags yang dag gsum yod/ mtshan gzhi ni/ du ba du ldan la la tsha zhing sreg pa yod par sgrub pa'i don bsgrub kyi 'bras rtags yang dag dang/ byas pa sgra skad cig mar bsgrub pa'i don bsgrub kyi rang bzhin gyi rtags yang dag dang/ me med pa me med mtshan mo'i rgya mtshor du ba tshad mas ma dmigs par bsgrub pa'i don bsgrub kyi ma dmigs pa'i rtags yang dag gi mtshan gzhi yin/ tha snyad bsgrub kyi rtags yang dag la dbye na/ tha snyad bsgrub kyi 'bras rang ma dmigs pa'i rtags yang dag gsum/ mtshan gzhi ni/ du ba du ldan la la me yod par sgrub pa'i tha snyad bsgrub kyi 'bras rtags yang dag /byas pa sgra mi rtag par sgrub pa'i tha snyad bsgrub kyi rang bzhin gyi rtags yang dag dang/ bum pa tshad mas ma dmigs pa bum pa tshad mas ma dmigs pa'i sa phyogs su bum pa med par sgrub pa'i tha snyad bsgrub kyi ma dmigs pa'i rtags yang dag gi mtshan gzhi yin/ don bsgrub kyi rtags yang dag dang tha snyad bsgrub kyi rtags yang dag gnyis spyir mi 'gal yang/ bsgrub bya gcig la ltos nas 'gal ba yin te/ de sgrub kyi don bsgrub kyi rtags yang dag yin na/ de sgrub kyi don 'ba' zhig bsgrub kyi rtags yang dag yin dgos/ de sgrub kyi tha snyad bsgrub kyi rtags yang dag yin na/ de sgrub kyi tha snyad 'ba' zhig bsgrub kyi rtags yang dag yin dgos pa'i phyir/ byas pa sgra skad cig mar bsgrub pa'i don bsgrub kyi rtags yang dag yin kyang/ du ba du ldan la la me tshad mas dmigs par sgrub pa'i don bsgrub kyi rtags yang dag ma yin te/ du ldan gyi la la chos can/ me tshad mas dmigs @96b pa yin te/ du ba yod pa'i phyir zhes bkod pa'i tshe/ me tshad mas dmigs pa 'god tshul tsam yin gyi/ me nyid smra ba po'i 'dod pas dmigs pa'i bsgrub bya'i chos yin pa'i phyir/ du ba du ldan la la me yod par sgrub pa'i tha snyad bsgrub kyi rtags yang dag yin gyi/ du ba du ldan gyi la la tsha zhing sreg pa yod par sgrub pa'i tha snyad bsgrub kyi rtags yang dag ma yin te/ tsha zhid sreg pa yod pa 'god tshul tsam yin gyi/ tsha zhing sreg pa nyid de sgrub kyi dngos kyi bsgrub bya'i chos yin pa'i phyir/ de bzhin du/ du ba du ldan la la me yod pa ma yin pa las log par bsgrub pa'i sgrub rtags yang dag dang/ me ma yin pa las log pa yod par sgrub pa'i dgag rtags yin pa'i khyad par rnam nges kyi dgongs par bya'o/ /'di dag gi dgos dpyod logs su bshad pa las shes bar bya'o/ ! /me yi 'bras bu du bste/ zhes sogs kyis 'bras rtags yang dag gi 'brel pa nges byed kyi tshad ma 'chad tshul ji lta bu zhe na/ kho na re/ rtags mthun phyogs la mthong ba tsam gyis rjes khyab dang/ mi mthun phyogs la ma mthong ba tsam gyis ldog khyab mi 'grub na/ du ba'i rtags kyis du ldan la la me yod par sgrub pa'i rjes su 'gro ldog gi khyab pa 'grub tshul de gang zhe na yod de/ me du'i 'brel pa nges byed kyi tshad ma la brten nas/ du ba'i rtags kyis du ldan la la me yod par sgrub pa'i rjes su 'gro ldog gi khyab pa 'grub pa'i phyir/ 'o na/ me du'i 'brel ba nges byed kyi tshad ma de gang zhe na/ de 'chad pa la/ me'i 'bras bu du ba ste zhes gsungs/ rang 'grel las/ gal te mthong ba dang ma mthong ba dag rjes su 'gro ba dang ldog pa rtogs pa'i rten ma yin na/ ji ltar du bas me ma 'khrul zhes bya bar rtogs zhe na/ 'di ltar me yi 'bras bu du ba ste/ /zhes gsungs so/ /de yang/ me yi 'bras bu du ba ste zhes sogs shlau ka gnyis me du'i rgyu 'bras kyi 'brel pa nges byed kyi tshad ma rgyas par bshad nas/ gal te brgya byin spyi bo'i me zhes sogs kyi don bsdu 'chad pa yin te/ rang 'grel las/ gal te brgya byin spyi bo'i me/ rang bzhin yin na de nyid me/ /'o na te de me'i rang bzhin yin/ /ji ltar de las du ba @97a @#/ /'byung; /du ba du ba'i rgyu min las/ /'byung na de ni rgyu med 'gyur/ /ces bya ba ni/ bsdu ba'i tshigs su bcad pa'o/ /zhes gsungs pa'i phyir/ gal te brgya byin spyi bo'i me zhes sogs kyis/ me du ma nges pa'i rgyu 'bras su thal ba dang/ de med par ni de yod na; /zhes pas sgos kyi don bsdu pa dang/ de'i don 'chad pa la/ du ba du ba'i rgyu min las zhes sogs tshig rkang gnyis dang/ spyi don bsdu ba ni/ rjes su 'gro dang ldog pa las zhes sogs shlau ka gcig gis 'chad de/ thar lam gsal byed kyi lugs so/ /sbyor Tik las mkhas pa kha cig; du ba du ba'i rgyu min las zhes sogs rgyu med bkag pa'i don bsdu dang/ rjes su 'gro dang ldog pa las zhes sogs kyi mthun pa'i rgyu las skye bar bstan pa'i don bsdu dang/ de phyir mi mthun las mi 'byung zhes pas/ mi mthun pa'i rgyu las mi 'byung ba'i don bsdu yin gsung pa mi 'thad de/ ga la te brgya byin spyi bo'i me zhes sogs rgyu med 'gog pa'i rtags rgyas bshad ma yin pa'i phyir dang/ du ba du ba'i rgyu min las zhes sogs kyi du ba me med brgya byin spyi bo nas 'byung ba la gnod byed 'chad pas/ gal te brgya byin spyi bo'i me/ /zhes pa'i don 'chad byed du rigs pa'i phyir/ ! /me yi 'bras bu du ba ste zhes sogs kyi skabs su/ 'bras rtags yang dag gi 'brel pa nges byed kyi tshad ma bshad pa dang/ rang bzhin gyi rtags yang dag gi 'brel ba nges byed kyi tshad ma bshad pa'o/ /dang po la rgyu 'bras nges byed kyi tshad ma du dgos dpyad pa dang; rgyun dang skad cig ma gang la des dpyad pa gnyis/ dang po ni/ me du rgyu 'bras su nges pa la/ tshad ma phrug gsum la sogs pa nges par dgos pa ma yin te/ du ba me las skye bar mthong ba'i mngon sum gcig gis kyang me du rgyu 'bras su nges pa yod ba'i phyir/ kho na re/ du ba me las skye bar mthong ba'i mngon sum gcig gis me du rgyu 'bras su grub na/ me du rgyu 'bras su nges pa la tshad ma phrug gsum la sogs pa gsungs ba la dgos med du 'gyur ro zhe na mi 'gyur te/ du ba rgyu med du 'dzin pa dang/ du ba rang dang rigs mi mthun pa'i rgyu las skye bar 'dzin pa'i log @97b rtog rgyas par 'gog pa'i dbang du byas nas tshad ma phrug gsum la sogs pa gsungs ba'i phyir/ 'o na/ de lta bu'i tshad ma de gang yin zhe na/ kha cig /dang por me du gnyis ka dmigs pa'i mngon sum gcig /de'i rjes su me dmigs pa'i mngon sum gcig /de'i rjes su du ba dmigs pa'i mngon sum gcig /de'i rjes su me du gnyis ka ma dmigs pa'i mngon sum gcig /de'i rjes su me ma dmigs pa'i mngon sum gcig /de'i rjes su du ba ma dmigs pa'i mngon sum gcig ste tshad ma phrug drug la brten nas me du rgyu 'bras su 'grub pa yin zhes zer/ de la tshad ma phrug drug mi 'thad de/ phrug ni zung yin la/ de la tshad ma drug yod pa yin gyi/ zung drug med pa'i phyir/ gzhan yang/ rta bor gnyis rgyu 'bras yin par thal/ dang por rta bong gnyis ka dmigs pa'i mngon sum gcig /de'i rjes su rta dmigs/ de'i rjes su bong bu dmigs/ de'i rjes su rta bong gnyis ka ma dmigs de'i rjes su rta ma dmigs/ de'i rjes su bong bu ma dmigs pa'i mngon sum gcig srid pa'i phyir/ khyab pa khas/ zhes slob dpon shA kya blos gsungs/ rang lugs ni/ dang por me du gnyis ka ma dmigs pa'i sa phyogs 'dzin pa'i dbang po'i mngon sum gcig /de'i rjes su me'i rdzas kho na gsar du 'dzin pa'i dbang po'i mngon sum gcig /de'i rjes su yul gzhan nas 'ongs pa lta bu ma yin bar gzhi der du ba gsar du dmigs pa'i mngon sum gcig /de'i rjes su me du gnyis ka dmigs pa'i mngon sum gcig /de'i rjes su me ma dmigs pa'i mngon sum gcig /de'i rjes su du ba yul gzhan du song ba lta bu ma yin par gzhi der du ba gsar du ma dmigs pa'i mngon sum gcig ste/ tshad ma phrug gsum la brten nas/ du ba rgyu med du 'dzin pa dang/ mi mthun pa'i rgyur 'dzin pa'i log rtog khegs pa yin te/ sngar du ba ma dmigs pa dang/ de'i rjes su du ba dmigs pa'i mngon sum gyi tshad ma gnyis kyi byed pa la brten nas/ du ba rgyu med las skye ba khegs pa yin te/ de gnyis kyi byed pa la brten nas du ba res 'ga' ba'i dngos por 'grub pa'i phyir/ tshad ma @98a @#/ /zung phyi ma gnyis kyi byed pa la brten nas/ du ba mi mthun pa'i rgyu las skye ba khegs pa yin te/ de gnyis kyi byed pa la brten nas/ du ba mes phan btags pa'i stobs kyis me yod med kyi rjes su 'gro ldog byed par 'grub pa'i phyir/ me du'i rgyu 'bras kyi 'brel ba de yang/ mngon sum gyi tshad ma'i stobs kyis 'grub pa yin gyi/ mngon sum gyi tshad mas dngos su 'dzin pa ma yin te/ me du'i rgyu 'bras kyi 'brel brtogs pa rtags la ltos pa'i phyir/ gnyis pa ni/ me du'i rgyu 'bras kyi 'brel pa de/ rgyun la ltos nas nges pa yin gyi/ skad cig re re la mngon sum gyis nges mi nus pa'i phyir te/ dus mtha'i skad cig ma tshur mthong gi mngon sum gyis nges mi nus pa'i phyir/ ! gnyis pa rang bzhin gyi rtags yang dag gi 'brel pa nges byed kyi tshad ma bshad pa la/ rang bzhin la yang med mi 'byung zhes pa nas gzhan la ngo bo nyid kyis 'gyur zhes pa'i bar gsungs/ gzhung de rnams kyis rang bzhin gyi rtags yang dag gi 'brel pa nges byed kyi tshad ma 'chad tshul ni/ kho na re/ du ba me las rjes su 'gro ldog ma 'khrul bas 'bras rtags kyis rtags chos la med na mi 'byung ba'i 'brel pa grub mod/ rang bzhin gyi rtags yang dag gi rtags chos med na mi 'byung ba'i 'brel pa ji ltar yod ce na/ de'i lan 'chad pa la rang bzhin la yang med mi 'byung zhes sogs gsungs te/ rang 'grel las/ 'bras bu ni de las skyes pa'i phyir/ rgyu med na mi 'byung ba yin pa la rag las na/ rang bzhin ji ltar med na mi 'byung ba yin zhe na/ rang bzhin la yang med mi 'byung zhes dang/ shA kyar/ gzhan gyi 'bras bu ni zhes bya ba la sogs pa smras te zhes bya ba ni rgyu dang 'bras bu med na mi 'byung ba ni bsgrubs zin pas/ rang bzhin gyi gtan tshigs la ji ltar med na mi 'byugn ba yin zhes bya'o gsungs/ kho na re/ rang bzhin yod tsam dang/ 'brel pa can gyi ngo bor yang/ zhes sngar bshad pa dang/ yang 'dir/ rang bzhin la yang med mi 'byung zhes bshad pa gnyis zlos skyon yod do zhen med de/ rang bzhin yod tsam dang zhes sogs kyis/ rang bzhin gyi rtags yang dag gi rtags chos med na mi @98b 'byung ba'i 'brel pa yod pa'i dam bca' tsam zhig bstan zhing/ rang bzhin la yang med mi 'byung zhes sogs kyis rang bzhin gyi rtags yang dag gi rtags chos kyi 'brel pa nges pa mdor bsdus te 'chad pa'i phyir dang/ sngar rang bzhin yod tsam dang zhes sogs kyis/ rang bzhin gyi rtags yang dag ngos bzung nas 'dir de la rtsod pa spangs nas/ gzhan sel gyi rnam bzhag rgyas par bstan pa'i 'phros stsal ba'i phyir du yang rang bzhin la yang med mi 'byung/ zhes sngar bshad pa'i dam bca' zlos nas bshad pa'i phyir/ de ltar yang/ thar lam gsal byed las/ sngar bshad pa dam bca' tsam dang/ 'dir ni 'brel ba'i sgrub byed mdor bsdus te bstan pas mi zlos na yang sngar rang bzhin gyi rtags ngos bzung nas 'dir de la rtsod pa spang ba dang/ gzhan sel gyi rnam bzhag rgyas par bstan pa'i 'phros stsal ba'i phyir dang/ bdag gcig 'brel gyi 'brel pa'i rang ldog dang/ don ldog ngos bzung ba'i ched du yin zhes dang/ shA kyar yang/ rang bzhin yod tsam dang 'brel pa can gyi ngo bo yang gtan tshigs yin te/ byas pa la sogs pa nyid du rang bzhin gyi rtags yang dag gi med na mi 'byung ba grub zin pa ma yin nam/ zhe na/ bden na/ gzhan 'di snyam du rang bzhin de tsam dang 'brel pa ji lta ba bzhin du gyur pa la med na mi 'byung ba brjod pa de la dam bcas pa'i don gyi phyogs gcig gtan tshigs su 'gyur ro snyam du sems pa las grub pa'i mtha' sma ba yang; gzhan sel ba rang tu grub pa mjug thogs su 'byung bas/ dam bcas pa'i don gyi phyogs gcig pa nyid yin pa yongs su spang bar sems shing/ de tsam dang 'brel pa kho na med na/ sngar bshad pa las zlos te/ rang bzhin la yang med mi 'byung/ /zhes bya ba la sogs pa smos te zhes gsungs/ de yang/ rang bzhin gi rtags yang dag gi 'brel ba nges 'byed gyi tshad ma mdor bstan gyi tshul gyis 'chad pa la/ rang bzhin la yang med mi 'byung zhes sogs shAu ka gcig gsungs/ de la rtsod pa spangs nas gzhan sel gyi rnam bzhag 'chad par byed pa la/ gang @99a @#/ /phyir dngos kun rang bzhin gyi zhes pa nas/ rnam gcod brjod par byed par 'grub/ /ces pa'i bar gsungs/ 'brel pa de lta bu dang ldan pa'i rang bzhin gyi rtags yang dag gi sbyor ba de ji lta bu zhe na/ de 'chad pa la/ rang bzhin khyad par bye brag las/ /zhes pa nas; ma byas pas ni mi 'jig bzhin/ /zhes pa'i bar gsungs/ de yan gyis 'brel pa nges byed kyi tshad ma mdor bstan pa 'phros dang bcas pa bshad nas/ rang bzhin gyi rtags yang dag gi 'brel pa nges byed kyi tshad ma rgyas par 'chad pa la/ rgyu med phyir na 'jig pa ni/ zhes pa nas/ gzhan la ngo bo nyid kyis 'gyur ces pa'i bar gsungs/ gang phyir dngos kun rang bzhin gyis/ zhes sogs kyis rtsod spang 'chad tshul gang zhe na/ tha dad med phyir zhes pa'i skabs su/ byas mi rtag rdzas tha dad ma yin par bstan pa la/ kho na re/ byas pa'i rdzas dang/ mi rtag pa'i rdzas tha dad ma yin par thal/ byas mi rtag rdzas tha dad ma yin pa'i phyir/ 'dod na/ byas pa sgra mi rtag par sgrub pa'i dam bca' phyogs gcig rtags su bkod pa'i ma grub pa'i gtan tshigs yin par thal/ 'dod pa'i phyir/ zhes zer/ rtsod pa de'i lan mdor bstan gyi tshul gyis 'chad pa la; gang phyir dngos kun rang bzhin gyis/ /zhes pa nas/ des na tha dad pas rnam par gnas/ /zhes pa'i bar gsungs/ rgyas bshad kyi tshul gyis 'chad pa la/ don gyi rang gi ngo bo gcig /zhes pa nas/ rnam gcod brjod par byed par grub zhes pa'i bar gsungs/ de ltar yang 'grel las/ 'o na ni tha dad pa med pa'i phyir/ byas pa gang yin pa de nyid/ mi rtag pa yin pas dam bcas pa'i don gyi phyogs gcig gtan tshigs su 'gyur ro/ /zhe na nyes pa med de/ gang phyir dngos kun rang bzhin gyis/ /zhes dang/ des na tha dad rnam par gnas zhes pa'i skabs kyi rang 'grel las/ de bas dam bcas pa'i don gyi phyogs gcig gtan tshigs ma yin no zhes dang/ rnam gcod brjod par byed par 'grub ces pa'i skabs kyi rang 'grel las/ de bas na dam bcas pa'i don gyi phyogs gcig tan tshigs su 'gyur ba ma yin no/ /zhes gsungs/ gang phyir dngos kun zhes @99b sogs kyi rtsod pa de'i lan mdor bstan gyi tshul gyis 'chad tshul gang zhe na/ sngar gyi rtsod pa de gzhan sel gyi rnam dbye ma shes pa'i rtsod pa yin pas/ thog mar gzhan sel gyi rnam bzhag 'chad pa la/ de yang dngos po'i gnas lugs bstan pa nyid kyis gzhan sel gyi rnam bzhag 'bad me du grub ces 'chad pa la/ gang phyir dngos kun zhes pa nas/ rtogs 'gyur ba dag rab tu byed ces pa'i bar gsungs/ sgra rtog sel 'jug yin cing/ sgrub 'jug ma yin pa'i phyir/ gzhan sel gyi rnam bzhag rigs pas 'grub pa des na/ sngar gyi rtsod pa de'i skyon med ces lan dngos 'chad pa la de phyir khyad par gang zhig chos zhes sogs gsungs/ de yang gang phyir dngos kun zhes sogs shlau ka gcig gis sgra de rang dang dngos por rigs mthun pa/ sgra ma yin pa'i bum pa la sogs pa las kyang log /rang dang dngos por rigs mi mthun pa ma byas pa dang rtag pa la sogs pa las kyang log /ces ston pa'i sgo nas yul dngos po'i gnas lugs de bstan/ de phyir gang dang gang las don zhes sogs/ /tshig rkang phyed dang gsum gyis dngos po'i gnas lugs bstan pa de nyid kyis sgra'i steng du sgra ma yin pa las ldog pa dang/ ma byas pa dang rtag pa la sogs pa las log pa khyab che chung dang/ go dka' sla du ma yod par grub ces bstan/ de'i khyad par gyi/ rtogs 'gyur ba dag rab tu byed ces pas/ sgra'i khyad chos de rnams la khyab che chung dang go dka' sla yod par grub pas/ sgra'i khyad chos mi rtag sogs yul du byed pa'i brjod byed kyi sgra dang rtog pa rnams kyis khyad chos/ de rnams rim gyis yul du byed dgos kyi/ cig car du yul du byed mi nus pa'i sel 'jug gi rnam bzhag de grub ces bstan/ de phyir khyad par gang zhig chos zhes sogs shlau ka gcig gi don ni/ sgra'i khyad chos de rnams yul du byed pa'i tshe sgra rtog de rnams kyis khyad chos de rnams rim can du yul du byed par grub pas/ byas pa zhes pa'i sgra las/ ma byas pa las log pa'i byas pa go yang/ mi rtag pa mi go ba dang/ mi rtag pa zhes pa'i sgra las mi rtag pa go yang/ byas pa go mi nus pa grub/ de grub bas byas mi rtag @100a @#/ /gnyis dngos ming tha dad kyis so sor go bya yin par grub/ de grub pas byas mi rtag tha dad yin par grub pas sngar bshad kyi rtsod pa de'i skyon las grol ba yin zhes bstan pa yin/ sngar gyi rtsod pa de'i lan rgyas par 'chad par byed pa la/ don gyi rang gi ngo bo gcig zhes pa nas/ rnam gcod brjod par byed par 'grub ces pa'i bar gsungs/ de yang sgrub pa'i yul can gyi sgra rtog rnams sgrub 'jug yin nam snyam pa'i dogs pa shas che bas/ don gyi rang gi ngo bo gcig zhes pa nas/ /blo sgra tha dad par mi 'gyur/ de zhes pa'i bar gyis bsgrub pa'i sgra rtog sel 'jug du bsgrub pa'i rigs pa rgyas par 'chad par byed/ dngos de ngo bo med par ni zhes sogs kyis rigs pa snga ma la brten nas dgag pa'i sgra rtog rnam gcod kyi yul can du bsgrub tshul de 'chad/ sgra ni de dag nyid/ rnam gcod brjod par byed par 'grub/ zhes pas de thams cad kyi don bsdus nas 'chad par byed de/ dang po la sgrub pa'i sgra rtog sel 'jug tu bsgrub pa la/ sgra rtog bsgrub 'jug yin pa la gnod byed kyi rigs pa rgyas par 'chad pa la/ don gyi rang gi ngo bo gcig zhes pa nas/ rkyen yod de ni rtogs par 'gyur zhes pa'i bar gsungs/ sel ba smra ba la/ sgra rtog rdzas gcig pa dang rdzas tha dad la brtag pa'i skyon mtshungs pa'i rtsod pa spangs nas sgra rtogs la 'jug tu bsgrub pa'i rigs pa 'chad pa la/ de la 'ang gzhan las bzlog pa dang zhes pa nas bya ba 'di la rgyu ci yod ces pa'i bar gsungs; sgra rtog gzhan sel bas 'jug na gzhan sel gang yin snyam na/ de'i lan du gzhan sel spyi'i rnam bzhag bshad pa'i sgo nas/ sgra rtog sel 'jug tu grub pa'i rigs pa rgyas par 'chad pa la/ tha dad dngos rnams la brten nas/ zhes pa nas/ spyi nyid du ni 'jug phyir ro/ /zhes pa'i par gsungs/ gzhan gyi lugs kyi brda' sbyor bkag nas de min rnam par bcad pa'i gzhan sel gyi sgo nas brda' sbyor tshul 'chad pa la/ sgra rnams kyis ni brda' btags ston zhes pa nas/ de byed brten pa'i ngo bo'i phyir zhes pa'i bar gsungs/ sgra rtog sel 'jug tu @100b bstan pa la rtsod pa spang ba ni/ shing ma yin las bzlog pa yis zhes pa nas/ blo sgra tha dad par mi 'gyur/ /zhes pa'i bar gyis 'chad don gyi rang gi ngo bo gcig ces sogs kyis sgra rtog bsgrub 'jug la gnod byed kyi rigs pa 'chad tshul ji ltar zhe na/ rang 'grel las/ yang sgra dang rtags dag gis rnam par bcad pa rtogs par byed kyi sgrub pas dngos po'i rang gi ngo bo kho na min zhes bya ba ji ltar shes zhe na/ tshad ma gzhan dang sgra gzhan 'jug pa'i phyir/ zhes gsungs/ de'i don ni/ gang phyir dngos kun rang bzhin gyis/ /zhes sogs shlau ka gsum gyis brjod byed gyi sgra dang rtog pa sel 'jug tu bstan pa la/ kho na re/ brjod byed gyi sgra dang rtog pa sel 'jug yin gyi/ sgrub 'jug min pa'i rgyu mtshan ci yin zhes pa'i dri ba de/ yang sgra dang/ rtags dag gis zhes sogs kyis 'chad/ lan ni/ sgra chos can/ khyod la 'jug byad kyi sgra dang/ rtog pa sel 'jug yin te/ khyod kyi steng du tshad ma gzhan dang sgra gzhan 'jug pa'i phyir/ zhes pa'i sgrub rtags dang/ yang de chos can/ khyod la 'jug pa'i sgra dang rtog pa bsgrub 'jug ma yin te/ khyod kyi steng du tshad ma dang/ sgra gzhan 'jug pa'i phyir/ zhes pa'i dgag rtags gnyis ston pa la/ tshad ma gzhan dang sgra gzhan 'jug pa'i phyir/ zhes gsung/ 'o na don gyi rang gi ngo bo gcig zhes sogs kyis/ sgra rtog sel 'jug tu grub pa'i rtags dang thal 'gyur gang bstan ce na/ de'i lan la/ thar lam gsal byed las/ de'i rtags bsgrub pa ni zhes pa 'di nas bzung ste ston pa la/ khyab pa bsgrub pa ni/ cha shas sgro 'dogs zhes pa nas ston to zhes gsungs pa la mkhas grub Ti ka tshen rigs pa'i rgya mtsho las/ dgag pa 'di ltar mdzad de/ rang 'grel du sgra chos can/ khyod la 'jug pa'i sgra dang rtog pa sel 'jug yin te/ khyod kyi steng du tshad ma gzhan dang sgra gzhan 'jug pa'i phyir/ zhes rang 'grel du brjod pa de'i rtags bsgrub pa/ don gyi rang gi ngo bo gcig zhes sogs kyis 'chad pa dang/ khyab pa sgrub pa ni/ cha shas sgro 'dogs ji snyed pa/ /zhes sogs kyis 'chad pa mi 'thad par thal/ chos can @101a @#/ /'jal ba'i tshad ma de las tshad ma gzhan 'jug par phyi rol pa'i ngo bor bsgrub mi dgos shing/ gzhung gi don la yang ma zhugs pa'i phyir/ gzhung 'dis sgra rtog sgrub pas 'jug na/ rtags dang rjes dpag don med du 'gyur zhes sgras zin la bstan gyi/ chos can 'jal ba'i tshad ma de las tshad ma gzhan dang sgra gzhan 'jug pa'i bsgrub byed ci yang ma bstan pa'i phyir/ gzhan yang sgra chos can/ mi rtag ste/ byas pa'i phyir zhes pa'i sbyor ba 'di byas pas sgra mi rtag par sgrub pa'i rtags sgrub yin par thal/ sgra chos can/ khyod la 'jug pa'i sgra dang rtog pa sel 'jug yin te/ khyod kyi steng du tshad ma gzhan dang sgra gzhan 'jug pa'i phyir/ zhes pa'i sbyor ngag 'di gzhung 'dis bstan pa gang zhig/ gzhung 'dis sbyor ba de'i rtags bsgrub 'chad byed kyi gzhung yin pa'i phyir/ rtags dang po khas blangs; cha shas sgro 'dogs ji snyed pa/ /zhes pa yang rtags de'i khyab sgrub 'chad pa yang mi 'thad de/ de ltar na/ sgra chos can/ mi rtag ste/ byas pa'i phyir zhes pa byas rtags kyis sgra mi rtag par bsgrub ba'i khyab sgrub yin par thal/ cha shas sgro 'dogs ji snyed pa/ /zhes sogs rtags de'i khyab bsgrub 'chad byed gang zhig/ cha shas sgro 'dogs ji snyed pa/ /zhes sogs kyis sgra rtogs sel 'jug yin te/ sgra la ma byas pa rtag pa sogs sgro 'dogs ji snyed yod pa bsal ba'i phyir du tshad ma yang de snyeng 'jug dgos pa'i phyir/ zhes bstan pa'i phyir; dper na/ don gyi rang gi ngo bo gcig/ zhes pa dang/ rjes su dpag pa las kyang dngos/ /zhes sogs gzhung snga phyi rnams kyi don sgril na/ sgra rtog bsgrub 'jug yin pa la gnod byed kyi thal 'gyur dngos su bstan nas/ rang rgyud kyi rtags shugs la bstan pa yin te/ thal 'gyur ni sgra 'jal ba'i tshad ma ma yin pas sgra'i byas mi rtag sogs bsgrub pa'i rtags dang/ de rnams 'jal ba'i rjes dpag don med par thal/ sgra rtog yul la sgrub pas 'jug pa'i phyir/ zhes pa'i thal 'gyur gcig/ gzhung snga phyi gnyis kyis bstan pa yin la/ des 'phangs pa'i rang @101b rgyud ni/ sgra rtog yul la sel bas 'jug pa yin te/ chos can 'jal ba'i tshad ma de las tshad ma gzhan dang/ de brjod pa'i sgra las sgra gzhan 'jug pa la don yod pa'i phyir/ zhes pa yin cing/ gzhung snga phyi gnyis kyis bstan pa'i thal 'gyur so sor phral nas sgra rtog bsgrub pas 'jug na/ sgra'i byas mi rtag sogs ma mthong ba mthong bar bya ba'i phyir du sgra mi rtag par sgrub pa'i rtags dang rjes dpag 'jug pa don med de/ sgra'i byas mi rtag sogs ma nges pa nges par bya ba'i phyir du rtags dang rjes dpag 'jug pa yang don med pa'i phyir/ rtags dang bo bsgrub pa ni; sgra'i byas mi rtag sogs ma mthong ba mthong bar bya ba'i phyir/ sgra mi rtag par sgrub pa'i rtags dang rjes dpag 'jug pa med par thal/ sgra 'dzin mngon sum gyis sgra'i byas mi rtag mthong ba'i phyir/ zhes pa'i thal 'gyur 'phangs nas/ de nyid rang la mi mtshungs pa'i rtsod pa ston pa ni/ don gyi rang gi ngo bo gcig/ zhes sogs kyis 'chad/ gnyis pa bsgrub pa ni sgra rtog bsgrub pas 'jug na/ sgra mi rtag pa ma nges pa de par bya ba'i phyir du sgra mi rtag par sgrub pa'i rtags dang rjes dpag 'jug pa don med par thal/ sgra rtog sgrub pas 'jug na sgra'i chos gcig nges pa'i blo de sgra'i chos kun nges dgos pa'i phyir/ zhes pa'i thal pa 'phangs nas/ de nyid rang la mi mtshungs pa'i tshul/ rtsod spong dang bcas pa 'chad pa la rjes su dpag pa las kyang dngos/ /zhes sogs gsungs/ de ltar yang/ bsgrub pa rab tu 'jug pa yin/ /zhes pa'i rang 'grel las/ de lta bas na mthong ba la ma mthong ba bzung ba'i phyir/ tshad ma gzhan 'jug pa ni ma yin no/ /zhes dang/ rjes su dpag pa las kyang dngos/ /zhes pa'i skabs kyi rang 'grel las/ 'ga' zhig mngon sum gyi mthong ba la tshad ma gzhan mi 'jug pa 'ba' zhig tu ma zad/ gang gi tshe rjes su dpag pa las kyang bsgrub pas dngos po rtogs par byed kyi rnam par gcod pa min pa de'i tshe/ chos gcig nges na de dang tha mi dad pa'i phyir/ chos thams cad nges pas tshad ma gzhan mi 'jug ste/ de nges na de'i bdag nyid ma nges pa ni rigs pa ma yin @102a @#/ /no; /zhes bshad pa'i phyir zhes mkhas grub Tik chen rigs pa'i rgya mtshor bshad/ 'o na thar lam gsal byed kyi lugs 'dzin pa rnams kyis dgag pa de rnams la lan ji ltar 'debs/ gzhung de rnams kyi don 'chad tshul ji ltar byed ce na/ don gyi rang gi ngo bo gcig ces sogs kyi rang 'grel du bshad pa'i dgag rtags dang/ bsgrub rtags gnyis po de'i rtags bsgrub ces 'chad pa'i rgyu mtshan yod de/ yang sgra dang rtags dag gis rnam par gcad pa rtogs par byed kyi bsgrub pas dngos po rang gi ngo bo kho na ma yin no/ /zhes bya ba ji ltar shes zhe na/ tshad ma gzhan dang sgra gzhan 'jug pa'i phyir 'di ltar don gyi rang gi ngo bo gcig/ zhes sngar gyi rtags de gnyis kyi rtags bsgrub ltar bshad 'dug pa'i phyir/ de ltar yang/ don gyi rang gi ngo bo gcig/ ces sogs chos can 'jal ba'i tshad ma las tshad ma gzhan 'jug pa dang/ de brjod pa'i sgra las sgra gzhan brjod par bsgrub pa'i sgrub byed kyi rigs pa dngos su bstan pa yin te/ de 'dra ba'i rigs pa gzhung 'dis dngos su bstan pa ches gsal zhing bstan pa la dgos pa yod pa'i phyir; des na don gyi rang gi ngo bo gcig ces sogs kyis sngar gyi rtags gnyis po de'i rtags bsgrub 'chad byed du rang 'grel dang/ thar lam gsal byed las gsungs pa'i don yod de/ rang 'grel du bkod pa'i rtags de gnyis skyon med du gzhung 'di dag gis bsgrub pa la dgongs nas rtags bsgrub ces bshad pa'i phyir/ de bzhin du cha shas sgro 'dogs ji snyed pa/ /zhes sogs kyis sngar gyi rtags gnyis kyi khyab pa bsgrub pa zhes pa'i don yod de/ rtags gnyis po de'i khyab pa bsgrub pa gsal bar bstan pa la khyab bsgrub ces bshad pa'i phyir/ des na sngar gyi dgag pa de rnams thar lam gsal byed la mi 'jug ste/ gal te 'jug na rang 'grel la yang dgag pa de rnams 'jug par 'gyur ba'i phyir/ des na thar lam gsal byed kyi lugs la yang/ don gyi rang gi ngo bo gcig/ ces sogs @102b kyis sgra rtog sgrub 'jug la gnod byed kyi thal 'gyur dngos su bstan nas/ rang rgyud shugs la bstan te/ thar lam gsal byed las/ gzhung 'di'i don bsdu na thal 'gyur dngos su bstan nas rang rgyud shugs la 'phen pa yin te/ zhes dang/ sgra rtog sel bas mi 'jug na/ /sgra 'dzin mngon sum gyis sgra'i khyad chos mtha' dag mngon sum mthong ba bzhin du/ des grangs pa'i skra nges pa'i nges shes des sgra'i khyad chos mtha' dag nges par 'gyur la/ de ltar na tshad ma gzhan don med par 'gyur ba las/ tshad ma gzhan 'jug par mthong pa'i phyir zhes pa'i don te/ des na thar lam gsal byed kyi lugs/ gzhung 'dis sgra 'dzin mngon sum gyis sgra mthong ba'i tshe sgra mi rtag pa mthong ba bzhin du/ sgra nges pa'i nges shes chos can/ khyod kyis sgra nges pa'i tshe/ sgra mi rtag pa nges par thal/ sgra la bsgrub bas 'jug pa'i nges shes gang zhig/ sgra dang sgra'i steng gi byas mi rtag rnams yul dus rang bzhin gang la ltos nas kyang grub bde rjas gcig yin pa'i phyir/ 'dod na/ sgra nges pa'i des shes kyi rjes su sgra mi rtag par sgrub pa'i rtags dang rjes dpag 'jug pa don med par thal/ 'dod pa'i phyir/ zhes pa'i thal 'gyur gcig gzhung 'dis dngos su bstan nas/ rang rgyud shugs la 'phen par byed pa yin te/ rang rgyud ni/ sgra chos can/ khyod la 'jug pa'i sgra dang rtog pa sel 'jug yin te/ khyod kyi steng du tshad ma gzhan dang sgra gzhan 'jug pa'i phyir/ zhes pa'o/ /de yang sgra nges pa'i nges shes sgrub 'jug yin pa bkag pa'i sgo nas/ sgra rtog bsgrub 'jug yin pa 'gog pa'i rigs pa spyir bshad pa ni/ don gyi rang gi ngo bo gcig ces sogs kyis 'chad/ de la rtsod pa spang ba ni/ gzugs chos mthun pa mthong ba las zhes sogs kyis 'chad/ don bsdu ni/ 'khrul pas nges par mi byed pas zhes sogs kyis 'chad/ sgra nges pa'i nges shes bsgrub 'jug yin pa la skyon yod yod par ma zad/ sgra'i steng gi byas mi rtag sogs 'jal ba'i rjes dpag bsgrub 'jug yin pa la yang tshad ma @103a @#/ /phyi ma don med du 'gyur ba'i skyon yod ces bye brag tu bstan pa la/ rjes su dpag pa las kyang dngos/ /zhes sogs gsungs/ de la rtsod pa spang ba na/ sel ba la/ nyes ba der ni thal mi 'gyur/ /zhes pas 'chad/ de rnams kyi don bsdu ni/ de phyir de ltar rtags sel ba'i/ /zhes sogs kyis 'chad/ de yang sel 'jug tu bsgrub pa'i don bsdu ba/ de phyir de rtags sel ba'i phyir/ zhes sogs kyis 'chad/ bsgrub 'jug bkag pa'i don bsdu ba/ /gzhan du chos gzhan grub gyur na/ /zhes sogs tshig rkang gnyis kyis 'chad; nges shes sel 'jug tu bstan pa la rtsod spang ni/ mthong ba 'ga' las shes pa gang/ /zhes sogs kyis 'chad/ sngar bshad pa rnams kyi grub don 'chad ba la/ cha shas sgro 'dogs ji snyed pa/ /zhes sogs tshig rkang gnyis kyis 'chad/ de la skyon spang bgag pa ni/ gang gi ltar na blos khyad par/ /zhes sogs kyis 'chad/ cha shas sgro 'dogs ji snyed pa/ /zhes sogs shlauka gnyis po 'di/ sngar bshad pa rnams kyi grub don 'chad byed yin gyi don bsdu 'chad byed ma yin te/ rang 'grel du shlauka 'di drangs nas/ zhes bya ba ni bar skabs kyi tshigs su 'cad pa dag go zhes sogs kyi bsdu ba'i tshigs su bcad pa'o/ /zhes gsungs pa yin pa'i phyir/ 'o na sa bcad chen mor don bsdur sbyar ba dang 'gal lo zhe na/ grub don 'chad pa la dgongs ba yin te/ thar lam gsal byed las/ de grub na gzhan sel gyi yul can du grub par bstan pa zhes pa'i sa bcad med pas de 'chad pa la gzhung 'di gsungs pa'i phyir/ mkhas grub chos kyi rje'i zhal sngas kyis thar lam gsal byed la dogs pa bkod pa rnams kho bos rigs lam dang mthun par lan hu la te yab sras gnyis phal cher dgongs pa gcig tu bsgrub pa'o/ /bram ze chen po las/ don gyi rang gi ngo bo gcig/ zhes sogs kyi rtags bkod pa dang/ rjes su dpag pa las kyang dngos/ /zhes dang/ gzhan du dngos po cig pu la/ /zhes sogs khyab bsgrub tu mdzad pa yin te/ bram ze las/ des na don @103b gyi rang gi ngo bo gcig zhes gsungs pa'i gzhung 'di dang mthun par gtan tshigs su bkod pa yin no zhes dang/ rjes su dpag pa las kyang dngos/ /zhes bya ba dang/ gzhan du dngos po gcig nyid la/ sgra'am blo gcig gis khyab na/ /zhes bya ba la ltos so/ /brgal zhing brtag pa'i sgra dang rtags dag ni sgra dang tshad ma gzhan 'jug pa nyid kyis gzhan sel ba'i yul can du bsgrub pa yin no/ /sgra dang rtags de dag gzhan sel brtogs pa yin te/ gang gi de yod pa la/ sgra dang tshad ma gzhan 'jug pa'i phyir zhes sogs gsungs/ Tik chen rigs pa'i rgya mtsho las gsungs pa'i rigs pa de la/ bram ze lugs 'dzin pa rnams kyis kyang len gang ba dgos so/ ! /de rnams kyi nang nas/ gang phyir dngos kun ngang bzhin gyis/ /zhes sogs kyi skabs su dogs pa cung zad dpyad pa la/ gang phyir dngos kun rang bzhin gyis/ /zhes pa'i dngos de gsal bo rang mtshan kho na la byed dam/ de la spyi yin pa yang yod dam ji ltar yin zhe na/ de la spyi gsal gnyis ka yod de/ bram ze'i 'grel pa las/ gang phyir dngos kun rang bzhin de/ /gsal ba 'ba' zhig tu ni ma zad de/ spyi yang yin no zhes bya ba'i don to/ / zhes gsungs pa'i phyir/ lung 'dis spyi dang dngos po'i gzhi mthun yod par bstan te/ chos rje g.yag pa dang/ rgyal tshab chos rjes rtsod pa mdzad pa'i rtsod yig las/ bram ze'i lung de dang/ le'u gsum pa'i/ de ltar 'dod phyir skyon yod min zhes pa'i lung de dang/ spyi yang yin rang gi mtshan nyid yin par 'dod pa de ltar na skyon med do/ /zhes sogs shes byed du drangs nas/ sde bdun du spyi dang dngos po'i gzhi mthun bstan pa rgyal tshang rjes shes byed du drangs par bshad pa'i phyir/ gsung sgros su lung 'dis bram ze'i lugs la gzhan gyi 'dod pa la ? spyi rtag rdzas bstan par bshad pa ni bsgrub dka' bas dgongs pa min no/ /des na bram ze'i lugs la yang 'di'i skabs kyi dngos po na rang mtshan kho na yin pas gsung sgros su bram ze'i lugs la/ 'di'i skabs kyi dngos po la rang @104a @#/ /mtshan dang spyi mtshan gnyis ka yod par bshad pa ni bram ze'i dgongs pa min nam snyam pas rgyal tshab chos rjes bkral ba ltar khas blangs so/ /rang bzhin zhes pa smos pa dgos pa gang yod ce na/ ngo bo nyid med par smra ba thal 'gyur ba'i lugs las thun mong ma yin pa'i khyad par gzhan bstan pa'i phyir du yin te/ sgra byas mi rtag gsum ldog pa tha dad las log pa'i tha dad pa'i cha de don dam par ma grub kyang rang bzhin gyis grub bo zhes thun mong ma yin pa'i rnam bzhag rtogs pa'i phyir du/ rang bzhin zhes smos pa'i phyir/ 'o na/ sgra byas mi rtag gsum tha dad pa'i cha de rang bzhin gyis grub na/ de rang gis mtshan nyid kyis grub dgos la/ de ltar na de gsum tha dad pa'i cha bden grub tu 'gyur ro zhe na/ mkhas pa kha cig/ rang bzhin gyis grub na/ rang gis mtshan nyid kyi grub mi dgos pa lung de'i don yin gsungs/ rang lugs ni rang bzhin gyis grub na rang gi mtshan nyid kyis grub dgos te/ chos thams cad rang ge mtshan nyid kyis grub pa'i phyir/ 'khor lo dang por gzugs nas lam gyi yan lag gi bar gyi chos thams cad rang gi mtshan nyid kyi grub par gsungs pa sgra ji bzhin du khas len pa'i skabs yin pa'i phyir/ gzhan yang/ chos thams cad rang gi mtshan nyid kyi grub ste/ chos thams cad rang 'dzin rtog pa'i zhen gzhir rang gi mtshan nyid kyi grub par mdo sde pas khas len pa'i phyir/ drang nges rnam 'byed las/ don smra gnyis kyi gzugs sogs brda' 'dogs pa'i gnas dang/ rtog pa'i zhen gzhir rang gi mtshan nyid kyi grub pa khegs na/ de dag yod par 'jog mi shes pas tshad ma pa la grags pa'i rang mtshan ni min no zhes dang/ gzugs sogs brda' 'dogs pa'i gnas dang rtog pa'i zhen gzhir rang gi mtshan nyid kyis grub pa'i khas len kyang nyan thos sde ba la yod do/ /zhes dang/ gang la brda' 'dogs pa'i dngos kyi yul de don de'i ngo bor rang mtshan gyis grub na/ brda' 'brel sbyar ba la mi ltos @104b par; ming gi blo skye ba sogs kyi skyon yod mong/ gzugs sogs brda' 'dogs pa'i gnas dang/ rtog pa'i zhen gzhi yin pa rang gi mtshan nyid kyi grub ba la skyon der mi 'gyur ro zhes nyan thos sde pa dag smra mod kyang don/ 'dra'o zhes gsungs pa'i phyir/ rang gi mtshan nyid kyis grub na/ don dam par grub dgos na/ brjod bya nyid phyir de dngos min/ /zhes pa'i thad kyi thar lam gsal byed kyi skyon bzlog tu med pa'i phyir dang/ mdo sde pa'i lugs 'di la/ nam mkha' nam mkha' 'dzin pa'i rtog pa'i zhen gzhir rang gi mtshan nyid kyis grub ste/ lugs 'di la nam mkha' chos bdag tu khas len rigs pa'i phyir/ lugs 'di la gzugs chos bdag tu khas len rigs pa gang zhig/ rgyu mtshan mtshungs pa'i phyir/ dang po grub ste/ lugs 'di la chos bdag yod par khas len rigs pa'i phyir te/ chos bdag khas len pa'i sangs rgyas pa'i grub mtha' smra ba'i gang zag yod pa'i phyir te/ de ltar drang nges rnam 'byed las bshad pa'i phyir/ des na lugs 'di la rnam mkhyen chos kyi bdag 'dzin yin te/ rnam mkhyen de bden 'dzin yang yin/ de phyi rol gyi don yod par 'dzin pa'i blo yang yin pa'i phyir/ gzugs sogs rang 'dzin rtog pa'i zhen gzhir rang gi mtshan nyid kyis grub par 'dzin pa'i blo yang yin pa'i phyir/ khyab ste/ gsung rab las/ chos kyi bdag 'dzin de rnams ma gtogs pa gzhan ma bshad pa'i phyir/ sangs rgyas 'phags pa'i rgyud la chos kyi bdag 'dzin yod kyang/ de'i rgyud la bdag 'dzin med de/ dper na/ nyan thos dgra bcom pa bzhin/ rgyas par drang nges rnam 'byed kyi don zhib tu bshad pa las shes par bya'o/ /kho na re/ sgra byas mi rtag gsum rang bzhin gyis grub na/ de phyir rang bzhin med par grub ces/ sbyi mtshan rang bzhin gyis ma grub par bshad pa dang 'gal lo zhe na/ skyon med de/ spyi mtshan bden pa'i rang bzhin gyis ma grub pa lung de'i don yin pa'i phyir/ de ltar ma yin na/ spyi mtshan la ngo bo med pa yin par thal/ ngo bo med pas brjod bya min zhes gsungs @105a @#/ /pa'i phyir/ yang kho na re/ skabs 'di'i thar lam gsal byed las dper brjod na/ rtog pa la bum pa ma yin pa las log par snang ba rang gi mtshan nyid kyis grub pa bkag nas rang gi mtshan nyid kyis grub pa'i bum pa ma yin pa las log par snang ba yang khegs par 'jog mi shes par 'gyur/ bum pa ma yin pa las log par snang ba'i rang mtshan yod par grub pa na/ rtog pa la bum pa ma yin pa las log par snang ba yang rang gi mtshan nyid kyis grub pa mi khegs shing/ rang gi mtshan nyid kyis grub par khas len dgos la/ rtog pas btags tsam du 'jog mi shes par 'gyur ro/ /spyi mtshan dngos po yin pa khegs na/ ngo bo nyid kyang khegs nas tshad mas bsgrub mi shes bar 'gyur zhing/ dngos por khas blangs na/ spyi yang dngos por khas len dgos pas; kun rdzob tsam du yod pa dang/ don dam par yod pa'i chos gnyis gcig tshad mar bzung nas gcig shos sun 'byin pa'i 'gal 'du 'bal zhig tu 'gyur ba 'di gzhung lugs 'di'i rtogs dka'i gnad kyi gtso bo dam pa yin no/ /zhes dang/ yang de nyid las; spyi mtshan rtog pa la rang gi mtshan nyid kyis grub par snang zhing/ snang ba ltar rang gi mtshan nyid kyis grub pa ma khegs na/ de kun rdzob tu ma grub pas/ de 'gog pa'i rnam bzhag rgyas par 'chad cing/ zhes gsungs pa mi 'thad par thal/ yod na rang gi mtshan nyid kyis grub dgos pa'i phyir zhes zer na/ skyon med de/ rtog pa la bum pa ma yin pa las log par snang ba don dam pa grub pa bkag pa na don dam par grub pa'i bum pa ma yin pa las log par snang ba khegs na/ kun rdzob kyis don dam sun 'byin bar 'gyur ba lung dang po'i don dang/ spyi mtshan rtog pa la don dam par grub par snang zhing snang ba ltar don dam par grub pa ma khegs na/ spyi mtshan kun rdzob tu ma grub pas/ de 'gog pa'i rnam bzhag rgyas par bshad ces pa'i don yin pa'i phyir/ 'o na/ @105b rang mtshan dang/ spyi mtshan gyi khyad par gang yin zhe na/ kha cig/ gzhung 'di'i don du bsam nas yul dus rang bzhin ma 'dras par gnas pa'i dngos po rang mtshan gyi mtshan nyid/ yul dus thun mong du rjes 'gro byed pa'i chos spyi mtshan gyi mtshan nyid/ yul ma 'dres pa'i don ni/ shar na yod na/ nub na med dgos pa dang/ dus ma 'dres pa'i don snga dro skyes na/ phyi dro ma skyes dgos pa dang/ rang bzhin ma 'dres pa'i don ni khra bo la yod pa'i dngos po yin na/ ser po la med dgos pa la byed ces zer/ de rnams mi 'thad de/ dus ma 'dres par 'dzin pa'i blo lhan skyes des/ snga dro yong na/ phyi dro med pas khyab par bzung bar thal/ dus ma 'dres pa'i don de 'thad pa'i phyir/ des gzhan gnyis la'ang rigs 'dra/ gzhan yang/ dngos po chos can/ snga dro'i dus na med par thal/ phyi dro'i dus na yod pa'i phyir/ khyab pa khas/ rtags bsal la lan 'debs na/ chos can the tshom za bar gsal bas/ chos can ma grub ces smras na mdzes so/ /gzhan yang/ khra bo yi ni ngo bo gang/ /zhes sogs rkang pa snga ma gnyis la phyi ma gnyis kyis gnod par thal/ khra bo yi zhes sogs rkang pa snga ma gnyis kyis/ ba glang khra po'i ngo bo yin na/ ser skya'i ngo bo ma yin dgos par bstan/ de 'bras can min las ldog pa/ /zhes pas/ ba glang ma yin ba las log pa de/ ba glang khra bo dang ser skya gnyis ka dang ngo bo gcig tu bstan pa'i phyir; yul dus rang bzhin ma 'dres pa'i ngo bo chos can/ khyod ngo bo nyid med par smra ba thal 'gyur ba dang/ rang rgyud pa gnyis kyis khas len mi rigs par thal/ khyod rang mtshan gyi mtshan nyid yin pa'i phyir/ /de ltar yang thar lam gsal byed las/ gzhi rnams la rang mtshan gyi don tshang mas khegs na ngo bo nyid med par smra ba'i lugs kyi lta ba go bar 'gyur la/ yul dang dus dang ngo bo ma 'dres pa tsam zhig dngos po rnams la ngo bo nyid med par smra bas kyang 'dod pa yin te/ zhes gsungs/ mkhas pa kha cig/ rtog pas @106a @#/ /sgro ma btags par rang ngos nas grub pa de rang mtshan gyi mtshan nyid ma yin te/ de gzhi gcig gi steng du tshad mas khegs na/ de la brten nas gzhi gzhan gyi steng na yang tshad mas khegs dgos la mdo sde pas kyang/ rang mtshan gyi mtshan nyid don spyi'i steng du tshad mas khegs pa'i phyir/ des na don dam par don byed nus pa rang mtshan gyi mtshan nyid/ don dam par don byed mi nus pa'i chos spyi mtshan gyi mtshan nyid/ zhes gsungs pa la dogs pa 'di ltar ro/ /mdo sde pas bum pa rtog pas btags tsam ma yin par rang ngos nas ma grub par rtogs par thal/ mdo sde pas spyi mtshan rtog pas sgro ma btags par rang ngos nas ma grub par rtogs pa'i phyir/ 'dod mi nus te/ mdo sde pas bum pa rtog pas btags tsam ma yin par rang ngos nas grub par 'dod pa'i phyir/ gzhan yang/ don dam par don byed nus pa chos can/ ngo bo nyid med par smra ba rang rgyud pas khas len par thal/ khyod rang mtshan gyi mtshan nyid yin pa'i phyir/ khyab pa rnam bshad kyi dgongs pa'o/ /rang lugs ni/ thar lam gsal byed las bshad pa ltar/ rtog pas btags pa tsam ma yin par yul rang gi sdod lugs kyi ngos nas grub pa rang mtshan gyi mtshan nyid/ rtog pas brtags tsam du grub pa'i chos spyi mtshan gyi mtshan nyid/ rang mtshan rnams yul dus ma 'dres par gsungs pa'i don gang zhe na/ yul 'dres par 'dzin pa'i blo des bum pa lta bu'i rang gi shar nub kyi rdzas la dus gcig tu reg pa na/ shar na reg pa des nub na yang reg par 'dzin pas/ bum pa'i shar la reg pa'i cha des/ nub la reg pa ma yin pa yul ma 'dres pa'i don no/ /de bzhin du ngo bo 'dres par 'dzin pa'i blo des ba glang khra bo'i ngo bo de nyid ser skya'i ngo bo yin par bzung bas ba glang khra bo'i ngo bo ser skya la med pa/ ba glang khra bo dang ser skya gnyis ngo bo ma 'dres pa'i don no/ /dus 'dres par 'dzin pa'i blos/ snga dro'i dus kyi dngos po dang/ phyi dro'i dus kyi dngos po gcig tu @106b bzung gi snga dro'i dus na yod na/ phyi dro'i dus na yod pas khyab par bzung ba ma yin pas/ snga dro'i dus kyi dngos po/ phyi dro'i dus na med pa/ dngos po rnams dus ma 'dres pa'i don no/ /bum pa de rang mtshan yin gyi/ spyi mtshan min kyang/ de yul du thun mong du rjes 'gro byed pa yin te/ bum pa de bum pa'i shar nub kyi phyogs gnyis ka la'ang khyab/ bum pa de snga dro'i dus dang phyi dro'i dus gnyis kar yod pa'i phyir// ! //de phyir dngos po mthong ba yi zhes sogs kyi skabs su gzhung gi tshig don la dpyad pa/ zhar la sel 'jug sgrub 'jug gi khyad par bshad pa/ de rnams la rtsod pa spang ba'o/ /dang po ni/ kho na re/ sgra 'dzin mngon sum gyis sgra bzung ba na/ des sgra'i mi rtag pa yang bzung bas khyab ste/ sgra dang sgra'i mi rtag gnyis khyab mnyam rdzas gcig yin pa'i phyir/ zhes zer na/ de thar lam gsal byed kyis 'gog tshul ni/ bum pa'i mchu 'dzin pa'i dbang po'i mngon sum gyis bum pa ri zhabs bzung par thal/ des bum pa bzung ba gang zhig/ bum pa dang bum pa'i zhabs gnyis khyab mnyam rdzas gcig yin pa'i phyir; ma khyab na sbyor ba de gzhung de'i don sbyor rnam dag yin pa bud/ rtags snga ma ma grub na/ bum pa'i phyi nang gi rdul phran rnams ma mthong par bum pa mi mthong bar thal/ ma grub pa de'i phyir/ rtsa bar 'dod na/ des bum pa'i phyi nang gi rdul phran kun mthong bar thal; 'dod pa'i phyir/ de ltar bshad pa la Tik chen rigs pa'i rgya mtsho las/ bum pa'i mchu 'dzin pa'i dbang po'i mngon sum chos can/ khyod lto ldir zhabs zhum pa'i rnam pa shar ba'i mngon sum yin par thal/ khyod bum pa 'dzin pa'i mngon sum yin pa'i phyir; 'dod na/ khyod kyi bum pa'i zhabs ma bzung ba bud/ des na bum pa mthong ba la lto ldir zhabs zhum pa'i rnam pa 'char ba dgos kyang/ bum pa'i phyi nang gi rdul phran kun gyi rnam pa 'char mi dgos zhes gsungs/ rtsa bar ma khyab ste/ bum pa'i rnam pa shar ba la/ @107a @#/ /lto ldir zhabs zhum mcho skyor gyi don byed nus pa'i rnam pa 'char dgos kyang/ lto ldir zhabs zhum pa'i rnam pa 'char mi dgos pa'i phyir/ yang dogs pa la/ rten mthong med par gang las rtogs/ /zhes bshad pa mi 'thad par thal/ rten bum pa'i phyi nang gi rdul phran kun tshogs pa mthong na/ brten pa bum pa'i phyi nang gi rdul phran kun mthong bas ma khyab pa'i phyir/ ma grub na/ bum pa'i mchu 'dzin pa'i mig shes chos can/ der thal/ de'i phyir/ rtags grub ste/ bum pa'i phyi nang gi rdul phran kun tshogs pa de bum pa yin pa'i phyir/ bum pa'i yan lag tshogs tsam de bum pa yin pa'i phyir/ rgyu min pa ni rnam gcod la/ /bum pa'i sgra ni 'jug par 'gyur/ /zhes gsungs pa'i phyir/ gzhan yang/ bum pa'i phyi nang gi rdul phran kun tshogs pa mthong na/ bum pa'i phyi nang gi rdul phran kun mthong bas khyab ste/ brten mthong med par gang las rtogs/ /zhes pa'i thad kyi thar lam gsal byed las/ 'dis ni dbang shes kyis rdul phran mi mthong/ rdul phran bsags pa mthong zhes smra ba dag legs par bkag pa yin no zhes gsungs pa'i phyir/ de bzhin du/ bkod pa can ni ma bzung bar/ bkod pa 'dzin par mi rung phyir/ /zhes sogs kyi dgongs pa yin no zhe na/ bum pa'i phyi nang gi rdul phran kun tshogs pa mthong na/ bum pa'i phyi nang gi rdul phran kun mthong bas ma khyab ste; mdun gyi skyes bu lan 'debs pa'i phung po lnga tshogs pa mthong na/ mdun gyi skyes bu lan 'debs pa'i phung po lnga mthong mi dgos pa'i phyir/ mdun gyi skyes bu lan 'debs ba mthong na/ bem rig gnyis tshogs kyi skyes bu mthong dgos pa'i phyir/ 'o na; rten mthong med par gang las rtogs/ /zhes dang/ de'i thad kyi thar lam gsal byed kyi lung sngar drangs pa de rnams kyi don gang zhe na/ de rnams kyi don yod de/ bum pa'i rdul phran gcig kyang ma mthong bar/ bum pa'i phyi nang gi rdul phran kun tshogs pa mthong @107b ba mi srid pa lung de'i don yin pa'i phyir/ legs par bshad pa'o/ /dbang yul de phyir rdul phran min/ /zhes pa'i don la bsam nas/ rdul phran yin na/ tshur mthong gi dbang shes kyi yul ma yin pas khyab par smra ba rnams ni/ gzhung 'di rnams kyi don ye ma rtogs pa'i rnam 'gyur du gsal lo/ /yang kha cig /sgra 'dzin dbang po'i mngon sum chos can/ sgra'i steng gi byas mi rtag mngon sum du mthong ste/ sgra la sgrub pas 'jug pa'i mngon sum gang zhig/ sgra dang sgra'i steng gi byas mi rtag grub bde rdzas gcig yin pa'i phyir zhes pa/ de phyir dngos po mthong ba yis/ /zhes sogs kyi don du smra ba mi 'thad de/ de ltar na tshur mthong gi rgyud kyi bum 'dzin mig shes kyis bum pa'i reg bya mngon sum du mthong ba dang/ tshur mthong gi rgyud kyi bum pa'i reg bya 'dzin pa'i dbang po'i mngon sum gyis bum pa mngon sum du mthong bar thal ba'i skyon yod pa'i phyir/ rang lugs ni/ sgra 'dzin dbang po'i mngon sum chos can/ sgra'i steng gi byas mi rtag mngon sum du mthong ste/ sgra la sgrub pas 'jug pa'i mngon sum gang zhig/ sgra dang sgra'i steng gi byas mi rtag yul dus rang bzhin gang la ltos nas kyang grub bde rdzas gcig yin pa'i phyir/ zhes pa gzhung 'di'i don yin te/ thar lam gsal byed las/ des na dus dang ngo bo dang yul go sa gnon pa'i nus pa yod na/ de khyab che chung med pa'i rdzas gcig pa dgos so/ /zhes dang/ rang 'grel las/ cha shas med pa la phyogs gcig mthong ba mi rung ba'i phyir/ zhes gsungs/ 'o na/ grub bde rdzas gcig zhes bshad pa'i don gang yin zhe na/ sgra dang sgra'i mi rtag pa skye ba dus mnyam pa'i sgo nas rdzas gcig yin pa/ de gnyis gnas pa dus mnyam pa'i sgo nas de gnyis rdzas gcig pa/ de gnyis 'jig pa dus mnyam pa'i sgo nas rdzas gcig yin pa de de gnyis grub bde rdzas gcig yin pa'i don yin te sh'kyas/ grub pa ni chos ma mthong ba las rjes su 'brel ba'o/ /bde ba @108a @#/ /ni thob pa rjes su 'jug pa'o/ zhes gsungs/ sgra dang sgra'i byas mi rtag skye gnas 'jig gsum gcig car du byed pa'i sgo nas rdzas gcig pa/ de rnams grub bde rdzas gcig yin pa'i don yin te/ grub bde rdzas gcig yin pa'i don skye ba rdzas gcig dang/ gnas pa rdzas gcig pa la bshad pa gang zhig/ des 'jig pa rdzas gcig yin pa shugs la 'phen pa'i phyir/ grub bde rdzas gcig yin na/ yul dus rang bzhin gang la ltos nas kyang rdzas gcig yin mi dgos te/ dper na/ bum pa dang bum pa'i reg bya dang/ utpal sngon po dang/ de'i dri la sogs pa bzhin no/ /des na sgra dang sgra'i mi rtag pa la mtshon na/ de gnyis yul dus rang bzhin gang la ltos nas kyang grub bde rdzas gcig yin te/ sgra dang sgra'i mi rtag pa rdzas gcig gang zhig/ sgra grub pa'i dus yin na sgra'i mi rtag pa grub pa'i dus yin dgos/ sgra'i mi rtag pa grub pa'i dus yin na sgra grub pa'i dus yin dgos pa'i phyir/ sgra dang rang bzhin gcig yin na'ang/ sgra'i mi rtag pa dang rang bzhin gcig yin dgos/ sgra'i mi rtag pa dang rang bzhin gcig yin na'ang; sgra dang rang bzhin gcig yin dgos pa'i phyir te/ sgra grub pa'i dus yin na'ang/ sgra'i mi rtag pa grub pa'i dus yin dgos/ sgra'i mi rtag pa grub pa'i dus yin na yang sgra grub pa'i dus yin dgos pa'i phyir/ 'dir sgra'i mi rtag zhes drug sgra sbyor dgos kyi/ gzhan du na bya 'theng gi skyon 'jug go/ mkhas pa mang po 'di'i yul bzung yul la byed pa mi 'thad de/ de ltar na yul dus rang bzhin ma 'dres bzhes pa'i yul yang bzung yul la byed par 'gyur ba'i phyir dang/ thar lam gsal byed las kyang/ dus dang dngos po dang yul go sa gnon pa'i nus pa yod na/ de yang khyab che chung med pa'i rdzas gcig pa dgos zhes gsungs pa dang 'gal ba'i phyir/ yang mkhas pa kha cig /rdzas gcig yin na grub bde rdzas gcig yin pas khyab pa rang 'grel las ril gcig tu 'gyur ro zhes @108b pa'i don du 'chad pa gong du bkag zin/ 'dir yang dran par bya'o/ /skabs 'dir Tikkar rang lugs sngar ltar bzhag pa la skyon spong mdzad pa'i don ni/ kho na re/ bum 'dzin rtog pa chos can/ rang gi bzung rnam la rang rig mngon sum yin par thal/ rang gi 'dzin rnam la rang rig mngon sum gang zhig/ khyod kyi bzung rnam dang/ 'dzin rnam gnyis yul dus rang bzhin gang la ltos nas kyang grub bde rdzas gcig yin pa'i phyir/ 'di'i thad kyi thar lam gsal byed las/ 'dir shes pa yin na/ rang gi ngo bo la rang rig mngon sum yin pas khyab par 'dod pa dag gis lan gdab par dka' bas/ kho bo rtags snga ma ma grub ste/ 'og tu 'chad do zhes gsungs/ de'i don ni shes pa yin na/ rang gi ngo bo la rang rig yin pas khyab par 'dod pa rnams kyis thal 'gyur de la lan mi thebs te/ de ltar smra ba rnams kyis bum 'dzin rtog pa sogs kha nang lta la rang rig dang/ /kha phyi lta la gzhan rig tu khas blangs dgos pa'i phyir dang/ gzhan yang/ bum 'dzin rtog pa rang gi 'dzin rnam la rang rig ma yin na/ rang gi gzung rnam la yang rang rig ma yin dgos pas/ rang gi ngo bo la rang rig yin pa'i dam bca' dang 'gal zhing/ gal te rang gi gzung rnam la rang rig mngon sum ma yin zhe na rtsa ba'i grub mtha' dang 'gal tshul bshad ma thag pa'i skyon yod pa'i phyir dang/ gzhan yang/ de chos can/ rang gi bzung rnam rang rig ma yin par thal; khyod la rang gi bzung rnam phyi rol don du snang ba'i phyir/ rtags grub mtha' la dngos/ rang lugs kyi lan ni Tikka'i tshig la gsal ba bzhin no/ /gzhung 'di'i don sngar ltar khas blangs pa la/ bum 'dzin rtog pa nyams myong gi rang rig la/ bum 'dzin rtog pa'i mi rtag pa snang mi snang dpyad pas kyang mi gnod de/ bum 'dzin rtog pa nyams myong gi rang rig mngon sum/ bum 'dzin rtog pa'i mi rtag pa la rang rig tu khas mi len pa'i phyir de bzhin du rnam mkhyen mi rtag par rtogs pa'i byang 'phags kyi ye shes la rnam mkhyen snang mi @109a @#/ /snang dpyad pas mi gnod de/ 'dus byas thams cad mi rtag par mngon sum du rtogs pa'i byang 'phags kyi ye shes yod kyang/ rnam mkhyen mi rtag par rtogs pa'i byang 'phags kyi mngon sum gyi ye shes khas mi len pa'i phyir/ de bzhin du/ bum 'dzin mngon sum la bum pa ma yin pa las log pa snang mi snang gi dpyad pa byas pas kyang mi gnod de/ bum 'dzin mngon sum gyis bum pa ma yin pa las log pa mngon sum du mthong ba'i phyir/ gnyis pa sel 'jug dang/ sgrub 'jug gi khyad par bshad pa la mkhas pa kha cig/ rnam nges Tikka'i dgongs par mdzad nas/ rang yul du gyur pa'i rang mtshan gsal bar snang ba'i rig pa sgrub 'jug gi mtshan nyid/ de dang mngon sum don gcig /yul mi gsal bar yul du byed pa'i yul can sel 'jug gi mtshan nyid; dbye na/ brjod byed kyi sgra dang/ rtog pa gnyis yod ces gsungs pa mi 'thad de/ zla ba gnyis snang gi dbang shes kyi snang yul du gyur pa'i rang mtshan yod/ sgrub 'jug dang mngon sum don gcig pa gang zhig de mngon sum ma yin pa'i phyir/ dang po grub ste; de la zla ba gnyis su snang ba rang mtshan yin pa'i phyir/ de yod/ de spyi mtshan ma yin pa'i phyir/ rtags phyi ma grub ste/ de spyi mtshan bzung yul du byed pa'i shes pa ma yin pa'i phyir/ mkhas pa kha cig /rang yul la brda'i dbang gis 'jug pa sel 'jug gi mtshan nyid/ rang yul la dngos dbang gis 'jug pa sgrub 'jug gi mtshan nyid/ rtog med kyi shes pa dang sgrub 'jug don gcig gsungs pa yang mi 'thad de/ de 'thad na zla ba gnyis snang gi dbang shes rang yul la dngos dbang gis 'jug dgos la/ de ltar na zla gcig zla gnyis yin par thal/ zla ba gnyis snang gi dbang shes la zla gcig zla gnyis su snang ba'i phyir/ ma khyab na/ sgra rtog dngos dbang gi sa 'jug par khas len pa'i gang zag la sgra rtag pa yin par thal/ sgra rtag zhes pa'i tshig 'jug pa'i phyir @109b zhes pa'i khyab pa dngos 'gal la ? 'gro bar 'gyur ro/ /snga rabs pa dag rang yul la rnam bcad kyi sgo nas 'jug pa sel 'jug gi mtshan nyid/ rang yul la yongs gcod gyi sgo nas 'jug pa sgrub 'jug gi mtshan nyid zer ba dang/ yang kha cig /rang yul la de min rnam par bcad pa'i sgo nas 'jug pa sel 'jug gi mtshan nyid/ rang yul la de min rnam par ma bcad par 'jug pa sgrub 'jug gi mtshan nyid gsung ba rnams mi 'thad de/ mngon sum gyi tshad ma de sgra rtag pa rnam par bcad pa'i sgo nas sgra mi rtag pa la 'jal byed du 'jug pa'i phyir/ des sgra rtag pa rnam par bcad pa gang zhig/ de sgra mi rtag pa la 'jug pa'i phyir/ dang po grub ste/ de sgra rtag pa rnam bcad la/ khegs pa'i tshad ma yin pa'i phyir te/ de sgra mi rtag pa yongs gcod la grub pa'i tshad ma yin pa'i phyir; rang lugs ni/ rigs brgyan las bshad pa ltar/ rang yul la cha shas su phye nas 'jug pa sel 'jug gi mtshan nyid/ de ma phye bar 'jug pa'i rigs la sgrub 'jug gi mtshan nyid du khas len pa'am/ yang na rang yul du gyur pa'i rang mtshan gsal bar snang ba'i rigs pa sgrub 'jug gi mtshan nyid sgrub 'jug dang rtog med kyi shes pa don gcig /gang zag dang sgrub 'jug gi gzhi mthun yod de/ sangs rgyas 'phags pa'i rgyud kyi yid kyi rnam par shes pa sgrub 'jug yin pa'i phyir te/ gang zag dang sel 'jug gi gzhi mthun med de/ sel 'jug dang blo'i gzhi mthun yin na rtog pa yin dgos pa'i phyir/ sel 'jug la dbye na brjod byed kyi sgra dang rtog pa gnyis yod/ gsum pa ni/ de la yang/ gzhan las bzlog pa dang zhes sogs kyis log rtog dang; spyi gsal mtshungs pa'i rtsod pa spang ba'i sgo nas sgra rtog sel 'jug tu sgrub pa'i tshul ji lta bu zhe na/ 'di la gang la rtsod pa'i gzhi/ gang zag gang gis rtsod pa/ tshul ji ltar rtsod pa/ rtsod pa sel byed kyi lan/ dang po ni/ gang phyir dngos kun rang bzhin @110a @#/ /gyis; /zhes sogs kyi skabs su/ sgra rtog sel 'jug tu bstan pa la rtsod/ gnyis pa ni/ spyod pa pa' ston pa gzhon nu ma len sogs kyis rtsod/ gsum pa ni/ slob dpon phyogs kyi glang pos/ gzhan sel ba zhes bya ba dngos po las rdzas tha dad pa dngos po med pa'i mtshan nyid can sgra'i don du 'dod par go nas/ gzhon nu ma len na re/ log pa dang ldog pa rdzas gcig gam tha dad/ dang po ltar na/ de gnyis la sgra rtog tha dad pa mi 'jug par thal/ de gnyis rdzas tha dad ma yin pa'i phyir/ gnyis pa ltar na/ spyi gsal rdzas can du thal/ dam bca' 'thad pa'i phyir/ 'dod na/ rang dbang min phyir de ldan min/ /zhes pa'i nyes pa khyod rang la yang mtshungs so/ /zhes zer/ de ltar yang/ bram ze las/ da ni gzhon nu ma len la sogs pa gang dag/ slob dpon phyogs kyi glang pos gzhan sel ba zhes bya ba dngos po las tha dad pa dngos med kyi mtshan nyid sgra'i don du gsungs par rtogs nas sun 'byin pa brjod pa zhes gsungs/ bzhi pa ni/ rtsod pa de'i thal 'gyur dang po la khyab med kyi lan 'chad par byed pa la/ de la'ang gzhan las ldog pa dang zhes sogs shlau ka gcig gsungs te/ bram ze las/ de dag gi 'dod pa bsal ba'i phyir/ de la'ang zhes bya ba la sogs pa'i rab tu byed pas rang gi gzhung ston par byed do zhes gsungs/ skabs 'di'i thar lam gsal byed las/ ldog pa ni ldog pa tshig rkyang spyi dang/ log pa zhes bya ba ni ldog pa gnyis tshogs kyi bye brag ces pa'i don gang zhe na/ rta ma yin pa chos can/ khyod la ldog pa tshig rkyang spyi zhes bya ste khyod ldog pa tshig rkyang yang yin/ spyi yang yin pa'i phyir/ rta ma yin pa de ldog ba tshig rkyang yin te/ de rta las ldog tsam gyi med dgag yin pa'i phyir/ de spyi yin te/ de sha shug gnyis kyi spyi yin pa'i phyir/ ba glang ma yin pa las log pa chos can/ khyod la ldog pa gnyis tshogs kyi bye brag zhes bya ste/ khyod ldog pa gnyis tshogs pa yang yin/ bye brag yang yin pa'i phyir/ @110b khyod ldog pa gnyis tshogs pa yin te/ khyad rta las log pa ma yin pa las kyang ldog pa yin pa'i phyir/ khyod bye brag yin te/ khyod rta ma yin pa'i bye brag yin pa'i phyir/ zhes pa'i don yin no/ /kho na re/ sgra dang mi rtag pa rdzas tha dad yin par thal/ sgra'i mi rtag pa zhes pa drug pa 'brel pa ston pa'i sgras rdzas tha dad du brjod pa'i phyir/ dper na/ lhas byin gyi ril ba zhes pa bzhin zhe na/ de'i lan 'chad pa la/ gnyis kas gcig gcig brjod mod kyi/ /zhes sogs gsungs/ yang kho na re/ sgra'i mi rtag pa zhes chos brjod kyi sgra dang/ sgra mi rtag zhes pa'i chos can brjod pa'i sgra gnyis tha dad du sbyar ba don med par thal/ sgra dang mi rtag pa rdzas gzhan ma yin pa'i zhe na/ de la khyab med kyi lan 'chad pa la/ khyad par gzhan ni spong ba dang/ zhes sogs gsungs/ ldog pa gcig la ma zad/ yul gang la sbyar yang gzhi gcig la ltos pa'i chos can brjod pa'i sgra dang chos brjod kyi sgra gnyis brjod bya rdzas gzhan gyi dbang gis ma yin zhes 'chad pa la/ kun la rdzas dang dngos brjod pa'i/ /zhes sogs gsungs/ rkyen gyi sbyor tshul ji ltar byas kyang gzhi gcig la ltos pa'i chos can brjod pa'i sgra dang chos ba rjod kyi sgra gnyis brjod bya rdzas gzhan gyi dbang gis mi 'jug ces ston pa la/ don de shes par byed 'dod pas/ /zhes sogs gsungs/ des na rang lugs la/ slob dpon phyogs glang gis spyi gsal rdzas gzhan la bkod pa'i nyes pa mi 'jug par grub ces 'chad pa la/ de phyir gzhan sel yul la ni/ /zhes sogs gsungs/ bye brag pa la slob dpon phyogs glang gis spyi gsal rdzas gzhan la bkod pa'i nyes pa/ 'jug ces bshad pa la/ rig dang de dag ldan dag/ ces sogs gsungs/ der ma zad bye brag pa la gcig tshig dang mang tshig la sogs pa'i tshig gi dbye ba mi rung ba'i skyon yod ces 'chad pa la/ gang dag gis tshig dngos po'i dbang/ /zhes sogs @111a @#/ /gsungs/ sel ba smra pa la nyes pa de mi mtshungs zhes bshad pa la/ phyi rol don la mi ltos pa'i/ /zhes sogs gsungs/ dpyod pa pa la nyes pa 'jug tshul ji lta bu zhe na/ de 'chad pa la/ btsun mo rnams grong drug la sogs/ /zhes sogs gsungs/ /khyad par gzhan ni spong ba dang zhes sogs kyi skabs su/ sgra'i rnam dbye brgyad kyi rnam gzhag spyir bshad pa/ chos brjod kyi sgra dang/ chos can brjod pa'i khyad par bye brag tu bshad pa gnyis/ dang po ni/ sgra'i rnam dbye de la brgyad yod de/ dang po don ston pa/ gnyis pa las su bya ba/ gsum pa byed pa/ bzhi pa dgos ched/ lnga pa 'byung khungs/ drug pa 'brel ba/ bdun pa gnas gzhi/ brgyad pa 'bod pa rnams su yod pa'i phyir/ dang po ni bum pa zhes pa lta bu/ gnyis pa ni/ bum par byas zhes pa lta bu/ gsum pa ni/ bum pas zhes pa lta bu/ bzhi pa ni/ chu'i ched du zhes pa lta bu/ lnga pa ni/ bum pa las zhes pa lta bu/ drug pa ni/ bum pa'i zhes pa lta bu/ bdun pa la gnas gzhi bdun pa ni bum pa la zhes pa lta bu/ dus kyi bdun pa ni/ bum pa'i dus na zhes pa lta bu/ brgyad pa ni/ kyai zhes pa lta bu/ gnyis pa chos brjod kyi sgra dang chos can brjod pa'i sgra'i khyad par bye brag tu bshad pa la/ kha cig /sgra mi rtag pa tsam shes par 'dod nas dris pa'i tshe sgra'i mi rtag pa zhes pa'i sgra chos can/ chos brjod kyi sgra yin te/ khyad par gzhan spong gi sgra yin pa'i phyir te/ rtog pa la sgra de mi rtag pa las khyad chos gzhan byas pa sogs kyi steng du rung bar snang ba'i sgo nas sgra la mi rtag pa go byed kyi ngag yin pa'i phyir/ des na/ bum pa zhes pa'i sgras bum pa'i khyad chos thams cad mi spang bar brjod par byed la/ bum pa'i gzugs zhes pa'i sgras bum pa'i dri ro sogs khyad chos gzhan rnams brjod byar spang zhing/ bum pa brjod byar mi spang zhes zer/ 'o na/ bum pa'i khyad chos yin na/ bum 'dzin rtog pas rtogs pas khyab par thal /de yin na/ bum pa zhes pa'i sgras brjod @111b dgos pa'i phyir/ khyab ste/ sgra rtog yul la 'jug pa gcig pa'i phyir/ spyi brjod dang tshul can sgra dang/ /rtog pa'ang de dang don gcig na/ /zhes gsungs pa'i phyir/ 'dod na/ bum pa tshad mas grub pa'i rjes su bum pa mi rtag pa dang/ bdag med la sogs pa sgrub pa'i rtags dang rjes dpag 'jug pa don med par thal lo/ /gzhan yang/ bum pa zhes pa'i sgra chos can/ khyod kyis bum pa'i gzugs brjod byar byed pa ma yin par thal/ khyod bum pa'i gzugs la ltos te tshogs brjod kyi sgra yin pa'i phyir/ khyab ste/ rigs brjod kyi sgras rigs gzhan brjod byar mi spang zhing/ tshogs brjod kyi sgras tshogs pa can brjod byar spang ba/ rigs brjod kyi sgra dang tshogs brjod kyi sgra'i khyad par yin pa'i phyir/ kha cig /chos brjod kyi sgra dang/ chos can brjod pa'i sgra'i khyad par gzhi de/ khyad chos gzhan gyi rten du mi rung bar brjod pa dang/ rung bar brjod pa la 'dod pa mi rigs te/ chos brjod kyi sgra yin na/ sgra don mi mthun pa yin pas khyab par thal/ chos brjod kyi sgra yin na/ gzhi de khyad chos gzhan gyi rten du mi rung bar brjod pas khyab pa gang zhig /dngos su brjod pa'i khyad chos gcig pu de las gzhan pa'i khyad chos kyi rten du mi rung ba'i chos mi rigs pa'i phyir/ rang lugs ni/ smra ba po'i 'dod pa dang/ nyan pa po'i 'dod pas dmigs pa'i don de nyid/ khyad chos lta bur ston pa'i sgra de/ smra ba po dang nyan pa po'i 'dod pas dmigs pa'i don de la ltos te chos brjod kyi sgra'i mtshan nyid/ ba glang gi dkar po zhes pa'i sgra chos can/ ba glang la ltos te khyad par gzhan spong gi sgra yin te/ ba glang de khyad chos gzhan gyi rten byed pa'i khyad gzhi lta bur blo yul du 'char ba spangs nas khyad chos lta bur go bar byed pa'i sgra yin pa'i phyir/ de yang nyan pa pos dkar po zhes pa tsam zhig thos pa'i tshe/ dkar po de dung dang/ ba glang sogs gang gi dkar po yin snyam du shes par 'dod nas dris @112a @#/ /pa na/ 'chad pa pos ba glang gi dkar po zhes brjod pa'i tshe/ dkar po khyad gzhi ba glang khyad chos su bstan pa yin te/ ba glang de'i dkar po dung gi dkar po sogs las khyad par byed pa'i byed chos su ston pa'i phyir/ smra ba bo dang nyan pa po'i 'dod pas dmigs pa'i don de nyid/ khyad gzhi lta bur ston pa'i sgra de/ smra ba po dang nyan pa po'i 'dod pas dmigs pa'i don de la ltos pa'i chos can brjod pa'i sgra'i mtshan nyid/ dper na/ ba glang dkar po zhes pa'i sgra lta bu/ ba glang dkar po zhes pa'i sgra chos can/ ba glang la ltos te khyad par gzhan mi spong gi sgra yin te/ ba glang de khyad chos gzhan gyi rten byed pa'i khyad gzhi lta bur blo yul du 'char ba mi spong bar khyad gzhi lta bur go bar byed pa'i sgra yin pa'i phyir/ de yang nyan pa pos ba glang zhes pa tsam zhig thos pa'i tshe/ ba glang sngon po dang ser po gang yin snyam du shes par 'dod nas dris pa na/ 'chad pa pos ba glang dkar po zhes brjod pa'i tshe ba glang khyad gzhi dang/ dkar po khyad chos su ston pa yin te/ dkar po de ba glang sngon po las khyad par du byed pa'i byed chos su ston pa'i phyir/ gzhi de la ltos te chos brjod kyi sgra yin na/ gzhi de la ltos te khyad par gzhan spong gi sgra yin dgos pa dang/ gzhi de la ltos te chos can brjod pa'i sgra yin na/ gzhi de la ltos te khyad par gzhan mi spong ba'i sgra yin pas khyab ces mi bya ste/ don 'di khyad gzhi dang khyad chos gnyis kar ston pa'i sgra du ma yod pa'i phyir/ don 'di rnams la rigs gter ba kha cig /ba glang gi dkar po zhes pa'i sgras ba glang khyad gzhi dang/ dkar po khyad chos su brjod bas/ de ba glang la ltos te chos can brjod pa'i sgra yin zhes smra ba dang/ rig ba'i dbang phyug cha pa na re/ sgra'i mi rtag pa brjod pa'i tshe sgra'i mi rtag pa de sgra'i khyad par byas pa sogs la dmigs kyis bkar nas go bar byed pas/ khyad par gzhan spong ba dang/ sgra zhes brjod pa'i tshe/ sgra'i mi rtag pa khyad par byas pa sogs la dmigs kyis bkar ba med par go bar byed @112b pas/ khyad par gzhan mi spong ba zhes bya zhes gsungs/ de rnams mi 'thad de/ ba glang gi dkar po zhes brjod pa'i tshe sgra des ba glang de dkar bo dung gi dkar po sogs las khyad par du byed pa'i byed chos su go bar bya ste/ de ba glang la ltos te chos brjod kyi sgra dang/ khyad par gzhan spong gi sgrar 'jog cing/ ba glang dkar po zhes brjod pa'i sgra ba glang la ltos te chos can brjod pa'i sgra dang/ khyad par gzhan mi spong ba'i sgrar 'jog rigs pa'i phyir te/ bum pa'i gzugs zhes brjod pa'i sgras gzugs khyad gzhi dang/ bum pa khyad chos su brjod pas/ bum pa la ltos te chos brjod kyi sgra dang/ gzugs la ltos te chos can brjod pa'i sgrar 'jog rigs pa'i phyir/ le'u gnyis par/ de spyi yan lag tu bya ste/ bum pa yi ni gzugs so zhes/ /de nus khyad par ston par byed/ /phyogs ni gzhan la'ang brjod par bya/ /zhes gsungs pa'i phyir/ gzhan sel gyi spyi ngos bzung ba'i sgo nas sgra rtog sel 'jug tu sgrub pa 'chad par byed pa la/ /tha dad dngos rnams la brten nas/ zhes pa nas/ 'di nyid du ni 'jug phyir ro/ /zhes pa'i bar gsungs/ sgra'i yul ngos bzung ba'i sgo nas sgra rtog sel 'jug tu sgrub par byed pa la/ sgra rnams kyis ni brdar btags ston/ /zhes pa nas/ de byed brten pa'i ngo bo'i phyir/ /zhes pa'i bar gsungs/ sgra rtog sel 'jug tu bstan ba la rtsod pa spong ba 'chad pa la/ rtogs pa phan tshun brten par thal ba spang ba/ rjod byed kyi tshig la rnam gcod kyi yul can gyis ma khyab par thal ba spang ba dang/ dngos po sgras brjod na/ sgra dang tshad ma phyi ma don med par thal ba spang ba/ dang po ni/ shing ma yin las log pa yis/ /zhes pa nas/ 'khrul pas dngos po ji ltar rtogs/ /zhes pa'i bar gyis 'chad/ gnyis pa ni/ blang dor 'ga' las rnam bzlog las/ /zhes pa nas/ tha dad ces ni brjod phyir ro/ /zhes pa'i par gyis 'chad/ gsum pa la rtsod pa dang/ lan gnyis/ dang po ni/ gong du gzhan sel khas blangs nas spyi don gzhan bkag pa la/ kho na re/ @113a @#/ /spyi don gzhan med na/ rang mtshan sgra'i brjod byar 'gyur la/ de ltar na rang mtshan brjod pa'i sgra des rang mtshan gyi cha kun brjod par 'gyur te/ rang mtshan sgra'i brjod bya gang zhig /rang mtshan cha med yin pa'i phyir/ 'dod na/ sgra rtog phyi ma don med du 'gyur ro zhes zer/ gnyis pa de'i lan bshad pa'i sgo nas sel ba smra ba la sgra rtog phyi ma 'thad tshul ston pa la/ 'dres pa'i don gcig dpyod pa na/ /zhes sogs gsungs/ de ltar yang rang 'grel las/ ji ltar dngos po tha dad pa med pa sgras brjod pa na/ de nyid gzhan las tha dad pa med pa'i phyir/ cha med tha dad pa med pa gcig brjod pa na/ tha dad pa thams cad rtogs pa med pa de la sgra dang tshad ma gzhan don med par ji ltar mi 'gyur zhe na/ 'di la nyes pa med de/ gang gi phyir 'dris pa'i don gcig dpyod pa na zhes sogs gsungs/ sel ba smra ba la/ sgra rtog phyi ma don yod pa'i rnam gzhag 'thad par ma zad spyi'i gzhi mthun sogs kyi rnam gzhag 'thad par ston pa la/ rnam gcod gcig gcig ston pa na/ /zhes pa nas/ dngos la de dag mi srid phyir/ /zhes pa'i bar gsungs/ sgra rtog dngos dbang gis 'jug par khas len pa la/ spyi'i gzhi mthun sogs kyi rnam gzhag mi 'thad ces ston pa la/ dngos po ngo bo cig nyid phyir/ /zhes sogs gsungs/ de la yang gzhi mthun mi srid pa dang/ spyi sgra mi 'thad pa dang/ spyi blo mi 'thad pa dang gsum las/ dang po ni/ dngos po'i ngo bo gcig nyid phyir/ /zhes pa nas brda' las byung ba bsnyad par bya/ /zhes pa'i bar gyis 'chad/ gnyis pa ni/ gal te gcig gnas pa yin phyir/ /zhes pa nas/ ba glang nyid sogs de ldan thob/ /ces pa'i bar gyis 'chad/ gsum pa la/ grangs can dang bye brag pa'i spyi'i 'dod tshul thun mong du dgag pa la/ gang dag rigs ni gsal ba las/ /zhes sogs shlau ka gnyis kyis 'chad/ so sor dgag ba ni/ mi 'gro des na yod pa'ang min/ /zhes sogs kyis bye brag pa'i lugs 'gog par byed/ gal te ldog pa spang ba yi/ /zhes sogs kyis/ grangs @113b can gyi lugs 'gog par byed/ bye brag pa'i lugs dgag pa la/ 'dod pa brjod pa ni/ phyi rol pa'i ston pa drang srong gzeg zan gyis/ spyi ni tha dad du song ba'o zhes smras pa la/ gzeg zan gyi slob ma dpe tha re dang/ dpe lug gnyis de'i don 'chad tshul mi mthun te/ dpe tha re na re/ spyi de rang gi don gsal ba kho na la gnas te/ de ltar gzeg zan gyi lung las bshad pa'i phyir zhes zer/ dpe lug pa na re/ spyi de rang gi gsal ba yod med kun la gnas te/ de ltar gzeg zan gyi lung las bshad pa'i phyir/ zhes zer/ lugs dang po 'gog pa ni de na mi 'gro yod pa'ang min zhes pa nas/ ci ga de ni ngo mtshar che/ /ces pa'i bar gyis 'chad/ lugs gnyis pa 'gog pa ni/ gal te kun la rigs yod na/ /zhes pa nas/ ci yi phyir na bzlog par 'dod/ /zhes pa'i bar gyis 'chad/ kho na re/ spyi don gzhan yod de/ gsal ba du ma la spyi sgra spyi blo skye ba mthong ba'i phyir/ zhes pa'i sgrub byed skyon spang dang bcas pa rgyas par 'gog pa ni/ tha dad med don med par yang/ /zhes pa nas/ skad cig nyid phyir byas gang las/ /zhes pa'i bar gyis 'chad/ kho na re/ spyi don gzhan med na/ shing gsal du ma la shing sgra 'jug pa'i rgyu mtshan gang zhe na/ shing min las log pa shing gsal rang mtshan pa kun la rjes su 'gro ba'i rgyu mtshan gyis shing gsal rang mtshan pa kun la shing sgra 'jug ces ston pa la/ tha dad mtshungs pa yin na rigs/ /zhes sogs shlau ka gcig gsungs/ grangs can gyi lugs 'gog pa ni/ gal te bzlog ba spang ba yi/ /zhes sogs kyis grangs can gyi lugs 'gog tshul ji ltar yin zhe na/ gal te bzlog pa spang ba yi/ /zhes pa nas/ 'jug pa la sogs thal 'gyur phyir/ /zhes pa'i bar gyis grangs can gyi lugs 'gog tshul dngos 'chad par byed/ grangs can 'gog pa'i rigs pa des/ gcer bu pa yang zhar la khegs/ /zhes ston pa la/ de nyid kyi phyir 'dzem med ba/ /zhes pa nas/ tha dad phyir blo sna tshogs 'gyur/ /zhes pa'i bar gsungs/ de rnams kyi nang nas @114a @#/ /grangs can gyi lugs dgag pa ni/ 'dod pa brjod ba dang/ de dgag pa gnyis/ dang po la/ sel ba smra ba la gnod byed brjod pa dang/ grangs can rang nyid kyi lugs brjod pa'o/ /dang po ni/ gal te bzlog ba spang ba yi/ /zhes sogs kyi shlau ka gcig gsungs/ gnyis pa ni/ gal te bdag nyid gcig pa yi/ /zhes sogs tshig rkang gnyis kyis 'chad/ dang po rtsod pa'i don ni grangs can na re/ spyi gtso bo med na/ sa bon gyi 'bras bu myu gu de sa bon sogs kyi 'bras bu ma yin par thal/ sa bon gyis myu gu skyed pa'i nus pa dang/ sa sogs kyis myu gu skyed pa'i nus pa shin tu tha dad yin pa'i phyir/ der thal/ sa bon gyis myu gu skyed pa'i nus pa dang/ sa sogs kyis myu gu skyed pa'i nus pa gnyis ka'i rang bzhin du gyur pa'i spyi gtso bo med pa'i phyir/ zhes zer/ 'o na khyod rang gi lugs la rgyu du mas 'bras bu gcig thun mong du skyed tshul ji ltar yin dris pas/ grangs can na re/ sa bon dang sa sogs kyis myu gu thun mong du bskyed pa yin te/ sa bon gyis myu gu bskyed pa'i nus pa'i rang bzhin dang/ sa sogs kyis myu gu bskyed pa'i nus pa'i rang bzhin gcig yin pa'i phyir/ sa bon dang sa sogs spyi gtso bo'i ngang du rang bzhin cha med gcig yin pa'i phyir/ des na spyi gtso bo de chos rnams kyi rang bzhin dang/ gnas lugs dang/ don dam par yod pa yin no/ /zhes zer/ de ltar yang/ gal te bdag nyid gcig pa yi/ /zhes sogs dang/ rang 'grel las/ gal te ldog pa ma gtogs pas rjes su 'gro ba can gyi rang bzhin 'ga' zhig gis dngos po de dag stong pa yin na/ mang po de dag gis ni 'bras bu gcig nyid du mi 'gyur ro/ /zhes dang/ gal te rang bzhin gcig pa nyid kyi phyir du ma gcig byed pa yin na/ zhes gsungs/ shAkya blos/ 'dir grangs can gyis gal te ldog pa zhes bya ba la sogs pa smros pa la/ dngos po'i rjes 'gro ni/ dngos po rnams kyi ngo bo nyid do/ /gzhan zhes bya ba ni dngos por gyur pa'o/ /de'i tshe gcig gi 'bras bu gang yin pa de ni/ gzhan pa @114b la sogs pa yin par mi 'gyur ro/ /ci'i phyir zhen/ sa bon dang sa de dag ni shin tu tha dad pa yin pa'i phyir/ zhes gsungs/ gnyis pa de dgag pa la/ rgyu du ma don med du thal ba dang/ rgyu 'bras 'chol bar thal ba/ /'jug pa 'chol bar thal ba'o/ /dang po ni/ bdag nyid gcig la'ang de yod phyir/ /zhes pa nas/ chos nyid kyi 'ga' byed por 'gyur/ zhes pa'i bar gyis 'chad/ gnyis pa ni/ tha dad med na'ang gcig nyid kyi/ /zhes pa nas/ spyi dang khyad par can mi 'gyur/ /zhes pa'i bar gyis 'chad/ gsum pa ni/ gang gi bdag nyid mdun byas nas/ /zhes pa nas/ 'jug pa la sogs thal 'gyur phyir/ /zhes pa'i bar gyis 'chad/ dang po la/ spyi gtso bos 'bras bu bskyed pa la gnod byed brjod pa ni/ bdag nyid gcig la'ang de yod phyir/ /zhes sogs tshig rkang drug gis 'chad/ spyi gtso bos 'bras bu mi bskyed pa'i sgrub byed ni/ don byed nus pa gang yin pa/ /zhes sogs sho lo ka gcig gis 'chad/ spyi gtso bos 'bras bu bskyed pa dgag pa la rtsod pa spang pa ni/ des na bdag nyid tha dad kyang/ /zhes sogs kyis 'chad/ dang po ni/ spyi gtso bos 'bras bu bskyed pa la gnod byed brjod tshul ni/ bdag nyid gcig la'ang de yod phyir/ /zhes sogs kyis 'chad/ don ni/ myu gu bskyed pa la chu lud don med par thal/ sa bon gcig pu la myu gu bskyed nus kyi spyi gtso bo rdzogs par yod pa'i phyir/ 'dod mi nus te/ myu gu skye ba gang zhig /chu lud phan 'dogs byed du med par myu gu mi 'byung ba'i phyir/ de ltar yang rang 'grel las/ rgyu tshogs tha dad pa med pa'i bdag nyid la gang gis skyed par byed pa nyid du 'dod pa'i bdag nyid de ni rgyu de dag gi nang nas rgyu gcig la yod pa'i phyir/ gcig po de nyid 'bras bu byas pa'i phyir/ lhan cig byed pa don med 'gyur/ /zhes gsungs/ gnyis pa spyi gtso bos 'bras bu mi bskyed pa'i sgrub byed ni/ don byed nus pa gang yin pa/ /zhes sogs la/ spyi gtso bo de chos rnams kyi rang bzhin dang/ gnas lugs dang/ don dam par yod pa ma yin par thal/ spyi gtso bo don @115a @#/ /byed mi nus pa gang zhig /don byed nus pa kho na don dam par yod pa'i phyir/ rtags dang po sgrub pa ni/ gsal ba rnams la rang bzhin 'dres pa'i tshul gyis yod pa'i spyi gtso bo las 'bras bu mi 'byung ba'i phyir/ sa bon dang chu lud sogs kyi gsal ba rnams rang bzhin phan tshun rjes su mi 'gro ba'i phyir te/ sa bon dang chu lud sogs rdzas tha dad yin ba'i phyir/ de ltar yang rang 'grel las/ de bas na khyad par bskyed par byed pa yin gyi spyi ni ma yin no/ /de'i phyir de kho na dngos po yin no/ / zhes dang/ spyi thams cad ni don byed par rung ba med pa nyid kyis/ dngos po med pa yin la/ dngos po ni khyad par kho na yin la/ de kho na nyid la de grub pa'i phyir/ zhes gsungs/ kha cig /'grel bshad 'di rnams kyis spyi yin na/ dngos med yin pas khyab pa bstan zer ba mi 'thad de/ gzhung 'di dag gis grangs can 'dod pa'i spyi gtso bo rang 'bras mi bskyed par bstan gyi/ spyi yin na/ dngos med yin pas khyab pa ma bstan pa'i phyir/ shAkyas/ de bas na de dag gi rtags rjes su 'gro ba can gyi ngo bos bskyed par byed pa nyid ma yin bar bstan pa yin no/ /zhes gsungs pa'i phyir/ gsum pa spyi gtso bos 'bras bu bskyed pa bkag pa la rtsod pa spang ba la/ rang bzhin tha dad pa la nyes pa med pa dang/ rang bzhin gcig yin pa la nyes pa yod pa/ tha dad pa nyes pa'i don bsdu ba'o/ / dang po ni/ kho na re/ nas kyi sa bon dang/ sa lu'i sa bon gnyis nas myug gi nyer len yin par mtshungs par thal/ de gnyis rang bzhin tha dad yin pa'i phyir/ des na rgyu 'bras 'chol bar 'gyur ro zhe na/ 'di'i lan 'chad pa la/ des na bdag nyid tha dad kyang/ /zhes sogs tshig rkang phyed dang gsum gsungs/ thal 'gyur de la khyab pa med de/ nas kyi sa bon dang/ sa lu'i sa bon gnyis rang bzhin tha dad yin kyang/ nas kyi sa bon nas kyi myu gu'i rgyu dang/ sa lu'i sa bon nas myug gi rgyu ma yin par rang rgyu las skye ba'i phyir/ @115b de ltar rang 'grel las/ de bas na rang bzhin de ni 'di'i rang gi rgyu las zhes brjod par bya'o zhes sogs gsungs/ des na rang bzhin 'di yin na zhes ba'i rang bzhin de rang rgyu las skye ba la rang 'grel las bshad cing/ de yang rten 'brel gyi chos nyid la 'chad rigs te/ don bsdu ba'i skabs su/ tha dad na yang dngos po yi/ /chos nyid kyi 'ga' byed por 'gyur/ /zhes gsungs pa'i phyir/ gnyis pa rang bzhin gcig yin pa la nyes pa yod tshul ni/ tha dad ba med na cig car skye 'jig 'gyur zhes sogs kyis bshad/ don ni/ nas dang sa lu'i sa bon skye 'jig gcig car du byed par thal/ nas kyi sa bon gyi rang bzhin dang sa lu'i sa bon gyi rang bzhin gcig yin pa'i phyir/ ma grub na song/ der thal/ nas dang sa lu'i sa bon gnyis spyi gtso bo'i ngang du rang bzhin cha med gcig yin pa'i phyir/ rtags khas/ de ltar yang rang 'grel las/ rang bzhin la yang tha dad ba med pa nyid kyi phyir/ rang gi bdag nyid gzhi mthun du ma sna tshogs pa'i rnam bar dbye bas skye ba dang/ gnas pa dang/ 'gag pa la sogs par mi 'gyur ro/ /de las tha dad pas de ltar zhes sogs kyi don ni/ kho na re/ rtsa bar ma khyab ste/ rnam 'gyur rnams spyi gtso bo'i ngang du rang bzhin cha med gcig kyang/ gnas skabs rdzas tha dad yin pa'i phyir/ zhes zer/ de 'gog pa la/ gcig 'jig tshe/ rtag gnas na ni de'i yi min bdag ces sogs gsungs don ni/ spyi gtso bo de rnam 'gyur rnams kyi rang bzhin ma yin par thal/ rnam 'gyur rnams 'jig pa'i tshe/ spyi gtso bo mi 'jig par rtag dngos su gnas pa'i phyir/ rtags khas/ 'dod na/ spyi gtso bo dang rnam 'gyur rnams la spyi dang khyad par gyi blo mi skye bar thal/ 'dod pa'i phyir/ rtags bsal khas/ ma khyab na/ sgra rtog dngos dbang gis 'jug pa dang 'gal/ rang 'grel las/ 'di spyi'i khyad par 'di zhes bya ba'i sgra rigs pa ma yin no zhes gsungs/ kho na re/ gcig 'jig tshe zhes pa'i thal ba sel ba smra ba la yang mtshungs te/ shing gi gsal pa @116a @#/ /dang; shing gzhan sel ba'i spyi gnyis skye 'jig cig car byed par thal/ de gnyis rang bzhin gcig yin pa'i phyir/ gal te shing gsal 'jig pa'i tshe/ shing gi gzhan sel ba'i spyi mi 'jig par rtag par gnas na/ de gnyis spyi gsal ma yin par thal; shing gi gsal ba 'jig pa'i tshe/ shing gi gzhan sal ba mi 'jig par rtag par gnas pa'i phyir/ 'khor gsum/ zhes zer/ de ltar yang/ rang 'grel las/ gal te gzhan sel ba la yang de mtshungs par thal bar 'gyur ro zhe na zhes gsungs de'i lan 'chad pa la/ ldog pa ngo bo nyid med phyir/ /zhes sogs gsungs/ don ni/ shing gi gzhan sel ba'i spyi de gang la byed/ shing gi med dgag gi gzhan sel la byed dam/ shing gi blo'i gzhan sel la byed dam/ shing gi don rang mtshan gyi gzhan sel la byed/ dang po ltar na/ sha pa dang shing gi med dgag gi gzhan sel skye 'jig cig car byed par thal/ de gnyis rang bzhin gcig yin pa'i phyir/ zhes pa'i thal 'gyur chos can/ khyod dpal ldan chos grags la gnod byed kyi thal 'gyur yang dag ma yin te/ des khyod la khyab med kyi lan don mthun thebs pa'i phyir/ des shing gi med dgag gi gzhan sel dngos med du khas len pa'i phyir/ gnyis pa ltar na/ sha pa dang shing gi blo'i gzhan sel skye 'jig cig car du byed par thal/ de gnyis rang bzhin gcig yin pa'i phyir zhes pa'i thal 'gyur chos can; khyod dpal ldan chos grags la gnod byed kyi thal 'gyur ma yin te/ des khyod la khyab med kyi lan don mthun thebs pa'i phyir te/ nges shing gi blo'i gzhan sel rtog pas btags tsam du khas len pa'i phyir/ gsum pa ltar na/ shing gi don rang mtshan gyi gzhan sel de gang la byed shing ma yin pa las log pa la byed dam/ sha pa ma yin pa las log pa la byed/ dang po ltar na sha pa dang shing ma yin pa las log pa skye 'jig cig car du byed par thal/ de gnyis rang bzhin gcig yin pa'i phyir zhes @116b pa'i thal 'gyur chos can/ khyod dpal ldan chos grags la gnod byed kyi thal 'gyur yang dag ma yin te/ des khyod la khyab med kyi lan don mthun thebs pa'i phyir/ gnyis pa ltar na/ sha pa dang sha pa ma yin pa las log pa skye 'jig cig car du byed par thal/ de gnyis rang bzhin gcig yin pa'i phyir/ zhes pa'i thal 'gyur chos can/ khyod dpal ldan chos grags la gnod byed kyi thal 'gyur yang dag ma yin par thal/ des khyod la 'dod lan don mthun thebs pa'i phyir/ de yan gyis gal te bdag nyid gcig pa yis/ /du ma 'bras bu gcig byed na/ /zhes grangs can rang gi lugs rnam par bzhag pa de nyid la dgag pa mdo tsam bshad nas/ gcig gi 'bras bu gzhan gyi min/ /shin tu tha dad phyir zhe na/ /zhes sel ba sma ba la skyon brjod pa de nyid mi 'jug par bstan pa ni/ de yi bskyed byed ngo bo gang/ /zhes sogs kyis 'chad/ de ltar yang rang 'grel las/ gang yang 'di skad du/ de'i bskyed pa po de ni de'i rang bzhin yin na/ de yi bskyed pa'i ngo bo gang/ /de yang ji ltar skye mched yin/ /zhes smras pa de la zhes sogs gsungs/ de la yang rtsod pa dang lan gnyis/ /dang po ni/ de'i bskyed byed ngo bo gang/ /zhes sogs kyis 'chad/ don ni/ kho na re/ chu lud chos can/ khyod kyis myu gu mi bskyed par thal/ khyod myu gu'i rgyu sa bon las rang bzhin gzhan yin pa'i phyir zhes zer/ de 'gog pa la/ tha dad khyad par nyid bskyed byed; /ces gsungs/ sa bon dang rdzas gzhan yin na/ myu gu mi bskyed pas ma khyab ste/ rdzas tha dad pa'i chu lung sogs kyi rang mtshan kho nas myu gu bskyed pa'i phyir/ kho na re/ rdzas tha dad pa'i sa bon dang/ chu lud sogs kyi rang mtshan kho nas myu gu bskyed pa mi 'thad de/ spyi gtso bos kyang myu gu bskyed pa'i phyir zhe na/ gnyis pa/ 'di bshad zin gyi rigs pas dgag pa ni/ ce na des de bskyed min brjod/ zhes pas 'chad/ rigs pa gzhan gyis dgag pa ni/ /snang ba'ang gzhan la mi bsten pas/ /zhes sogs kyis 'chad/ de ltar yang rang @117a @#/ /'grel las/ gzhan yang/ gzhan la mi bsten pa'i snang ba yang/ tha dad byed yin zhes gsungs/ don ni/ spyi gtso bo de rnam 'gyur rnams la rang bzhin 'dres pa'i tshul du med de/ sa myug sogs blo ma 'khrul pa la rang bzhin tha dad du snang ba'i phyir/ khyab ste/ blo ma 'khrul pas rdzas tha dad du dmigs pa rdzas tha dad kyi 'jog byed yin pa'i phyir/ sngar bshad pa rnams kyi grub don ni/ de nyid don zhes sogs kyis 'chad/ de yang don byed nus pa gang yin pa zhes sogs kyi grub don ni/ de nyid don zhes sogs kyis 'chad/ ldog pa ngo bo nyid med phyir/ /zhes sogs kyis grub don ni/ de ni gzhan las log pa yin ces pas 'chad/ de ltar yang shAkyas/ spyi'i chos gzhan gang dag yin pa de nyid ni de dag nyid kyi ldog pa yin par btags pa yin no/ /zhes bshad; bdag nyid gcig la'ang de yod phyir/ /zhes dang/ de yang rjes 'gro med gang gi/ ces sogs dang / tha dad khyad par nyid bskyed byed/ /ces sogs kyi grub don ni/ de ni rgyu dang 'bras bur bshad/ /ces pas 'chad/ tha dad pa/ med na cig car skye 'jig 'gyur; /ces sogs dang snang ba'ang gzhan la mi brten pas zhes sogs kyi grub don ni/ de ni rang gi mtshan nyid 'dod/ /ces sogs kyis bshad/ de ni blang dor 'bras can pas/ /skyes bu thams cad 'jug pa yin/ /ces pa gzhung snga ma rnams kyis don gyis bstan cing/ gang gi bdag nyid mdun byas nas/ /zhes sogs kyis slar yang gsal bar 'chad/ gsum pa/ mgo mtshungs kyi sgo nas nges na bdag nyid tha dad kyang/ 'ga' zhig rgyu yin gzhan la min/ /rang bzhin 'di yin zhes pa'i don bsdu ba ni/ ji ltar tha dad med khyad med/ /ces sogs shlau ka phyed dang gnyis kyis 'chad/ gnyis pa rgyu 'bras 'tshel bar thal ba la/ rgyu 'bras la bya byed 'tshol bar thal ba dang/ spyi gsal gcig dang tha dad 'tshol bar thal ba gnyis/ dang po ni/ tha dad med na'ang gcig @117b nyid kyi/ /zhes sogs kyis bshad/ gnyis pa ni/ de ldan dngos po shin tu ni/ /zhes sogs kyis bshad/ gsum pa 'jug pa 'tshol bar thal ba ni/ gang gi bdag nyid mdun byas nas/ /zhes sogs kyis 'chad/ ! /ldog pa ngo bo nyid med phyir/ /zhes sogs kyi skabs su/ spyi don gyi sgo nas mtha' dpyad pa la/ gzhan sel gyi rnam bzhag spyir bshad pa/ gzhan sel gyi ngo bo ngos bzung ba/ dang po ni/ gzhan sel dang/ dgag pa don gcig yin te/ shAkyas/ gang sngon gyi slob dpon dag gis thams cad la khyab par med par rnam par bzhag pa yin te/ thams cad la dgag pa tsam la khyad par med pa'i phyir/ zhes bshad/ tshad ma'i de kho na nyid bsdus pa las/ 'dir ni sel ba rnam gnyis te/ ma yin pa dang med pa'o/ /ma yin pa yang rnam gnyis te/ /blo dang don gyi dbye bas so/ /zhes dang de'i 'grel par/ slob dpon kA ma la shI las/ /ma yin pa dang med pa'o/ /zhes bya ba ni/ ma yin par dgag pa dang/ med par dgag ba'i mtshan nyid/ ces bya pa'i tha tshig go zhes gsung pa'i phyir/ snga rabs pa kha cig/ bum pa la sogs pa'i rang mtshan kun don gyi gzhan sel du 'dod pa mi 'thad de/ gzhan sel yin na/ dgag pa yin dgos pa'i phyir/ gal te bum pa chos can/ gzhan sel yin par thal/ rang gi gsal bya rigs mi mthun sel byed yin pa'i phyir/ zhes zer/ 'o na/ bum pa chos can dgag pa yin par thal/ rang gi dgag bya rigs mi mthun 'gog byed yin pa'i phyir/ 'khor gsum/ kho na re/ bum pa dgag pa ma yin par thal/ dgag pa yin na/ dgag bya bcad pa'i rnam pa can du 'char dgos pa'i phyir zhes zer/ 'o na/ bum pa gzhan sel ma yin par thal/ gzhan sel yin na/ de ma yin pa bsal ba'i rnam pa can du blo la 'char dgos pa'i phyir/ 'khor gsum/ kha cig/ gzhan sel gyi don rtog pas sgro 'dogs la 'jog/ de la dbye na/ yod pa gzhan sel dang/ med pa @118a @#/ /gzhan sel dang/ de gnyis las gzhan pa'i gzhan sel dang gsum/ dang po ni/ bum pa'i yul can gyi rtog pa'i dngos kyi gzhal bya lta bu/ gnyis pa ni/ nam mkha'i dngos kyi yul can gyi dngos kyi gzhal bya lta bu/ gsum pa ni/ shes bya dang gzhal bya sogs lta bu/ don 'di yang/ dngos dang dngos med gnyis ka la/ /brten phyir spyi yang rnam pa gsum/ /zhes sogs kyis bstan zhes zer zhing/ bum pa ma yin pa las log pa lta bu/ don rang mtshan gyi gzhan sel rnams gzhan sel ma yin te/ gzhan sel dang bem po'i gzhi mthun med pa'i phyir zhes zer/ de ltar yang/ rig gter las/ gzhan sel blo'i 'jug tshul yin/ bem po'i don la gzhan sel med/ /zhes sogs gsungs pa rnams kyi don yin zhes zer ba mi 'thad de/ tshad ma'i de kho na nyid bsdus pa sngar drangs ba rtsa 'grel rnams dang/ de kho na nyid bsdus pa'i 'grel par/ slob dpon kA ma la shI las/ rang gi mtshan nyid sel bar bstan pa ni/ gzhan sel ba dngos po yin la/ zhes gsungs pa dang 'gal ba'i phyir; 'grel bshad sh'kya blos/ gzhan sel gsum bya byed gsum dang sbyar nas gzhan sel mtshan nyid bar bshad pa'i phyir/ gsungs tshul 'og tu 'chad/ gnyis pa gzha sel gyi ngo bo ngos gzung ba la/ mtshan nyid dang dbye ba gnyis/ dang po la; rnam 'grel dang Tik las/ de ma yin pa bsal ba'i rnam pa dngos su shar ba'i sgo nas dngos su rtogs par bya ba gzhan sel gyi mtshan nyid du bshad pa dang/ rnam nges Tikkar/ rang gi gsal bya tshig gis zin par bcad pa'i tshul gyi rtogs par bya ba/ gzhan sel gyi mtshan nyid du bshad/ 'jug Tik dgongs pa rab gsal las/ chos nyid lta bu sgras rang gi dgag bya dngos su ma bcad kyang/ de'i don blo la 'char ba na/ spros pa bcad pa'i rnam pa can du 'char ba rnams dgag pa yin te/ @118b zhes gsungs pa rnams tshig zin la dgongs pa mi gcig pa lta bur snang na yang/ don la dgongs pa gcig pas/ de thams cad kyi don bsdus te bshad na/ blo don mthun la rang gi rnam pa 'char ba'i tshe/ de ma yin pa bsal ba'i rnam pa can du 'char ba de/ gzhan sel gyi mtshan nyid/ gzhan sel dang dgag pa don gcig/ blo don mthun la rang gi rnam pa 'char ba'i tshe/ dgag pa'i rnam pa can du 'char ba dgag pa'i mtshan nyid/ gnyis dbye ba la/ dbye ba dngos dang/ so so'i mtshan gzhi/ sgra bshad pa/ grangs nges dang bzhi/ dang po ni/ gzhan sel la dbye na/ med dgag gi gzhan sel dang/ ma yin dgag gi gzhan sel gnyis/ de gnyis kyi khyad par thar lam gsal byed las/ dgag bya dngos su bcad pa'i tshul gyis rtogs par bya ba gang zhig/ chos gzhan 'phangs pa med par dgag pa byed pa dang/ de gang zhig chos gzhan 'phangs pa med pa ma yin par dgag pa byed pa/ zhes bya ba de shin tu legs pas/ 'di'i don ni/ gzhan sel yang yin/ rang gi dgag bya bkag shul du 'phangs pa'i sgrub/ pa med pa yang yin pa'i gzhi mthun pa/ med dgag gi gzhan sel gyi mtshan nyid/ gzhan sel yang yin/ rang gi dgag bya bkag shul du 'phangs pa'i sgrub pa med pa ma yin pa yang yin pa'i gzhi mthun pa/ ma yin dgag gi gzhan sel gyi mtshan nyid/ dang po la dbye na/ dgag bya shes bya la srid pa'i med dgag gi gzhan sel dang/ dgag bya shes bya la mi srid pa'i med dgag gi gzhan sel gnyis/ dang po ni/ bum med lta bu/ gnyis pa ni/ ri bong rwa med lta bu/ de bzhin du rtags yang dag ma yin pa las log pa de yang dang po'i mtshan gzhi yin no/ /rig gter las/ yod pa gzhan sel dang/ med pa gzhan sel zhes gsungs pa'i don/ rig gter dar Tik las/ dgag bya shes bya la yod pa'i med dgag dang/ dgag bya shes bya la med pa'i med dgag la bshad @119a @#/ /pa ni/ rtsa ba'i dgongs pa mthar thug pa yin la/ rjes 'brangs rnams kyis phyin ci log kho nar bshad de/ /ma yin dgag gi gzhan sel la dbye na/ rang zhes brjod pa'i sgras rang gi dgag bya bkag shul du rang gi 'phangs byar gyur pa'i chos gzhan bsgrub pa dngos su 'phen pa/ shugs la 'phen pa/ dngos shugs gnyis ka la 'phen pa/ skabs stobs kyis 'phen pa'i ma yin dgag pa dang bzhi/ dang po ni/ bdag med pa yod pa lta bu/ gnyis pa ni/ lhas byin tshon po nyin par zas mi za ba lta bu/ gsum pa ni/ lhas byin tshon po nyin par zas mi za ba rid pa ma yin pa yod pa lta bu/ bzhi pa ni/ skyes bu gcig rgyal rigs dang/ bram ze'i rigs gang rung du nges shing/ khyad par ma nges pa'i tshe/ skyes bu rgyal rigs ma yin pa lta bu/ de ltar yang/ shes rab sgron ma'i 'grel ba spyan ras gzigs brtul zhugs su lung drangs pa las/ dgag pa don gyis bstan pa dang/ tshig gcig bsgrub par 'phen pa dang/ de ldan rang tshig mi ston pa/ /ma yin gzhan pa gzhan yin no/ /zhes gsungs/ thar lam gsal byed las/ ma yin dgag la chos gzhan 'phen tshul gyi dbye ba gsum las ma bshad pas/ gzhir dbye ba dgongs pa yin min dpyad par bya'o/ /ma yin dgag gi gzhan sel la ngo bo'i sgo nas dbye na/ blo'i gzhan sel dang/ don rang mtshan gyi gzhan sel gnyis/ ma yin dgag gi gzhan sel gang zhig/ rtog pas btags tsam du grub pa blo'i gzhan sel gyi mtshan nyid/ de gang zhig/ rtog pas btags tsam ma yin par/ /yul rang gi sdod lugs kyi ngos nas grub pa/ don rang mtshan gyi gzhan sel gyi mtshan nyid/ gnyis pa/ so so'i mtshan gzhi la/ thar lam gsal byed las/ mtshan gzhi ngos bzung ba ni/ bum pa ma yin pa las log pa ni don rang mtshan gyi gzhan sel dang/ bum 'dzin rtog pa la shar ba'i rnam pa bum pa ma yin pa las log par snang @119b ba; blo'i gzhan sel dang/ gzhi bum pa la bum pa ma yin pa med pa med dgag gi gzhan sel lo/ /bram ze chen bos/ bum pa ma yin pa la bum pa med pa bum pa'i med dgag gi gzhan sel du mdzad par snang ngo/ /zhes gsungs/ don ni bum pa ma yin pa las log pa bum pa'i don rang mtshan gyi gzhan sel gyi mtshan gzhi/ bum 'dzin rtog pa la bum pa ma yin pa las log par snang ba bum pa'i blo'i gzhan sel gyi mtshan gzhi/ bum pa'i med dgag gi gzhan sel gyi mtshan gzhi ni/ thar lam gsal byed las/ bum pa la bum min med pa med dgag gi gzhan sel lo/ /zhes gsungs nas/ bum min la bum pa med pa bum pa'i med dgag gi gzhan sel du bram ze chen pos bshad kyang/ rang lugs la mi bzhed pa lta bur gsungs pa'i don gang zhe na/ de'i don bum pa yang yin bum pa ma yin pa yang/ yin pa'i gzhi mtshan med pa bum pa'i med dgag gi gzhan sel yin bum pa ma yin pa yang yin bum pa yang yin pa'i gzhi mtshan med pa bum pa'i med dgag gi gzhan sel ma yin pa/ de'i don yin/ bum pa la bum min med pa tsam bum pa'i med dgag gi gzhan sel ma yin te/ bum pa bum min du med pa/ bum pa med dgag ma yin pa'i phyir/ te/ de bum pa yin pa'i phyir te/ bum min ma yin pa bum pa yin pa'i phyir te/ bum pa ma yin pa las log pa bum pa yin pa'i phyir/ bum pa ma yin pa yang yin/ bum pa yang yin pa'i gzhi mthun med bu bum pa'i med dgag gi gzhan sel ma yin te/ de bum pa ma yin pa'i med dgag gi gzhan sel yin pa'i phyir/ bram ze'i lugs rang lugs su mi bzhed pa 'di la dgongs pa'o/ /gong du blo'i gzhan sel gyi mtshan nyid de ltar bshad pa la/ kha cig /bum 'dzin rtog pa la bum pa ma yin pa las log pa snang bar thal/ de la bum pa bum min las log par snang ba'i phyir/ zhes zer/ 'di la gzhan sel chen mor/ 'o na dbang po'i mngon sum gyis med dgag bzung yul du byed @120a @#/ /par thal/ dbang mngon la rang mtshan rnams yul dus ngang bzhin ma 'dres par snang ba'i phyir/ khyab pa khas/ zhes gsungs pa ni/ lan gyis bzlog par mi nus pa'i thal 'gyur ro/ /dbang mngon la rang mtshan 'dre ba med par snang yang/ rang mtshan rnams 'dres pa mang pa dbang mngon la mi snang ba bzhin du/ bum 'dzin rtog pa la bum pa ma yin pa las log par snang yang/ bum pa ma yin pa las log pa de la mi snang ngo/ /gsum pa sgra bshad pa ni/ bum pa ma yin pa las log pa lta bu la/ ci'i phyir gzhan sel zhes bya zhe na/ gzhan sel bar byed pa'i gzhi yin pas/ de la gzhan sel zhes bya ste/ sh'kyas/ re shig gcig ni 'di las gzhan dang gzhan sel bar byed pa'i phyir/ rang gi mtshan nyid ldog pa kho na yin no/ zhes gsungs; bum pa yang yin/ bum pa ma yin pa yang yin pa'i gzhi mthun med pa chos can/ khyod la ci'i phyir gzhan sel zhes bya zhe na/ gzhan bsal ba'i cha yin pas gzhan sel zhes bya ste/ shAkyas/ gzhan gcod pa'i phyi gzhan rnam par gcod pa tsam yin zhing/ gang sngon gyi slob dpon dag gis thams cad la khyad par med par rnam par gzhan pa yin te/ thams cad la dgag pa tsam gyi khyad par med pa'i phyir/ zhes dang/ bum 'dzin rtog pa la bum pa ma yin pa las log par snang pa la gzhan sel zhes brjod pa'i rgyu mtshan gang zhe na 'dis gzhan sel bar byed pa'i phyir/ gzhan sel zhes bya ste/ sh'kyas/ 'dis gzhan sel bar byed pa'i phyir/ rnam par rtog pa'i blo la snang ba yin te/ gang bstan bcos mdzad pas sgra'i brjod par bya ba nyid du bzhed pa zhes bya ba 'di yin no/ /zhes gsungs pa'i phyir/ lung 'dis bum 'dzin rtog pa la bum par snang ba bum pa'i blo'i gzhan sel du bstan pa ma yin te/ de bum pa'i blo'i gzhan sel ma yin pa'i phyir te/ de dgag pa ma yin pa'i @120b phyir; lung 'dis bum 'dzin rtog pa'i dngos kyi yul du gyur pa'i dgag pa yod par bstan te/ lung 'dis bum pa'i blo'i gzhan sel yin na/ bum 'dzin rtog pa la snang ba gcig dgos par bstan pa'i phyir/ bum pa'i blo'i gzhan sel yin na/ bum 'dzin rtog pa'i dngos yul yin dgos par 'thad ldan che ba las kyang gsungs te/ 'thad ldan las/ sgra rtog gtags pa'i gzhan sel ba/ dngos su rnam par rtog pa'i don nye bar bzung nas/ spyi yi blo yang bslad pa yin/ /des na sun dbyung ba yang med/ /ces gsungs zhes bshad pa'i phyir/ des na khyod 'dzin rtog pa la rang yul du gyur pa'i dgag pa'i rnam ba shar na/ khyod 'dzin rtog pa dgag rtog yin pas khyab ces smra ba rnams 'khrul pa kho nar zad do/ /'o na bum pa'i gzhan sel gsum ka bum pa'i gzhan sel mtshan nyid/ pa yin nam zhe na/ nya dbon na re/ bum pa'i blo'i gzhan sel yin na/ bum pa'i gzhan sel btags pa ba yin dgos te/ de ltar slob dbon ka ma la shI las bshad pa'i phyir/ bum pa'i med dgag gi gzhan sel yang; bum pa'i gzhan sel mtshan nyid par bshad pa med pas/ bum pa'i gzhan sel yin na/ bum pa'i don rang mtshan gyi gzhan sel yin pas khyab/ de yang bum pa des bum min sel bas bum pa'i gzhan sel yin zhes gsungs pa mi 'thad de/ gzhan sel la dgag pas khyab pa gong du bsgrubs zin pa'i phyir/ mkhas grub Tik chen las/ bum pa'i gzhan sel yin na/ bum pa'i don rang mtshan gyi gzhan sel yin pas khyab ste/ de yin na/ bum pa yin pas khyab pa'i phyir te/ de yin na/ bum min rnam par bcad pa dngos yin dgos pa'i phyir/ zhes gsungs pa shin tu legs pas/ re shig de'i rjes su 'brang byas pa la/ 'o na blo'i gzhan sel yin na/ blo ma yin pa rnam par bcad pa dngos yin dgos par 'gyur te/ bum pa'i gzhan sel yin na/ bum min rnam @121a @#/ /bar bcad pa dngos yin dgos pa'i phyir/ des na bum pa'i gzhan sel gsum ka bum pa'i gzhan sel mtshan nyid pa yin gsungs pa mi 'thad de/ de ltar na blo'i med dgag gi gzhan sel yin na/ blo'i gzhan sel yin dgos par thal/ bum pa'i med dgag gi gzhan sel yin na/ bum pa'i gzhan sel yin dgos pa'i phyir/ rtags khyab khas blangs/ kho na re/ ka bum gnyis kyi steng du gzhan sel gsum gyi rnam bzhag ji ltar byed/ ka bum gnyis kyi gzhan sel yod dam med ce na/ rtag dngos kyis stong pa'i ka bum gnyis ka bum gnyis kyi don rang mtshan gyi gzhan sel/ ka bum gnyis 'dzin pa'i rtog pa la/ ka bum gnyis ma yin pa las log par snang ba/ ka bum gnyis kyi blo'i gzhan sel/ ka bum gnyis yang yin/ ka bum gnyis ma yin pa yang yin pa'i gzhi mthun med pa/ ka bum gnyis kyi med dgag gi gzhan sel yin zhes zer ba sogs yod kyang/ rang lugs la ka bum gnyis kyi gzhan sel med de/ ka bum gnyis ma yin pa rnam par bsal ba'i cha med pa'i phyir/ 'dir ma 'thus pa'i dogs dpyod lhag ma rnams logs su shes par bya'o/ /bzhi pa grangs nges ni/ gzhan sel la/ blo'i gzhan sel/ don rang mtshan gyi gzhan sel/ med dgag gi gzhan sel gsum du grangs nges te/ gzhan sel la ma yin dgag dang/ med dgag gi gzhan sel gnyis su grangs nges pa'i phyir/ dang po la/ rtog pas btags tsam du grub pa dang/ rtog pas btags tsam ma yin par yul rang gi sdod lugs kyi ngos nas grub pa gnyis su grangs nges pa'i phyir// // kun mkhyen gsung rab 'dab brgya dkar po'i tshal/ /chos 'byor nyin byed zer gyis kha phye bas/ /dpal bzang ze'u 'bru'i 'dzum dkar rgod pa'i rtser/ /legs bshad sbrang rtsi 'dzin pas 'gro 'di skyongs/ /thub pa'i gsung dang tshad ma mdo yi don/ /rigs pa'i @121b dbang phyug chos kyi grags pa sogs/ /mkhas grub rnams kyis legs par bkral ba bzhin/ /zla med chos kyi rgyal mtshan dpal bzang pos/ /slar yang lung rigs man ngag gis brgyan pa'i/ /rgyal tshab dgongs pa rab gsal spel ba'i tshe/ /legs bshad 'dod dgu'i chu rgyun 'dir tshogs pas/ /rnam grol nor bu'i gzhi rten rgya mtshor gyur/ /de tshe dam chos grub char 'bebs mkhas pa'i/ /blo bzang gsung skyes chu rgyal klu dbang gis/ /bslu med thugs rje'i phyag ring brkyang ba las/ /legs 'ongs rang don le'u'i legs bshad gang; /legs lam rtogs phyir brtson pas grub pa yang/ /legs par khyod kyi drin du bdag gi go/ /legs snyam spro dgas lus sems khyab par gyur/ /'di ltar 'bad pas bdag gis thob gyur pa'i/ /zla ba'i phung po lta bu'i dge ba des/ /'khor bar 'khyams pa'i sems can ma lus pa/ /rgyal pa'i go 'phang myur du thob par shog /rgyas pa'i bstan bcos tshad ma rnam 'grel gyi dgongs don rgyal tshab dgongs pa rab gsal zhes bya ba las le'u'i dang po'i don rnams la ma rtogs pa dang log par rtog pa'i the tshom gyi dri mas dben zhing/ rje btsun thams cad mkhyen pa blo bzang grags pa yab sras dang/ phyogs glang yab sras rnams kyi dgongs pa ji lta ba bzhin bkod pa/ rang dang gzhan gyi grub mtha' smra ba kun gyi log rtog 'joms byed lta ba ngan pa'i tshang tshing kun bsreg par byed pa 'di ni/ rje btsun dam pa chos kyi rgyal mtshan dpal bzang po'i gsung rgyun mkhas pa mgu ba skyed byed lags so// //oM swa sti/ /tshul gsum rigs pa'i tsha zer 'od rnon gyis/ /tshul min log smra'i ku mud sdum byed cing/ /tshul bzang theg gsum lam 'bras 'dab brgya'i phreng/ /tshul bzhin 'byed pa'i gzhung bzang srid pa'i mig/ /sa 'dir thub bstan yongs 'du dga' ba'i tshal/ /blo ldan skal bzang legs bris sman yon du/ /mi 'gyur phan dang bde ba'i 'bras bu'i char/ /mdzad med @122a @#/ /'bebs slad par du bskrun pa'i dges/ /thub pa'i lugs bzang yongs dag bsil zer can/ /bshad sgrub 'od dkar zegs ma 'bum grol bas/ /srid zhi'i bde dga' rab 'byams kun da'i klung/ /bzhad pa'i ngo mtshar dus ring gsal gyur cig /rgyal kun mkhyen brtse nus pa'i rin chen rdul/ /mthong grol lhun por spungs ba'i yid bzhin nor/ /chos srid nyi zla'i rtse dga' stong 'bar ba'i/ /dge mtshan gling bzhi'i dpal du rtag 'char shog /gangs ljongs dus ngan rgud pa'i smag rum gyis/ /yongs non mtshan mo'i thun gsum mthar bskrad de/ /rdzogs ldan snang ba gsar pa dang 'grogs pa'i/ /bde gshegs bstan pa'i nyi gzhon gsal gyur cig /rgyu sbyor 'brel thogs 'das gson thams cad kyang/ /thub gsung rgya mtshor 'jug pa'i rnam dpyod rtsal/ /chos grags chos kyi seng ge'i dpal thob nas/ /chos sgra chen pos 'gro kun dbugs 'byin shog /ces pa 'di yang bstan pa bstan 'dzin dang bcas par mi phyed dad dam rdo rje'i mched zlar bstan pa sku ngo rim bzhi sa 'du ba blo bzang 'gyur med gang nas ser byes rje btsun chos kyi rgyal mtshan gyis mdzad pa'i rnam 'grel le'u dang po'i mtha' dpyod par du bskrun gnang mdzad pa'i dge sngo'i smon tshig tu yongs 'dzin/ bri byang sprul ming pas sbyar ba'o// // mangga lam/