@#/ /tshad ma'i gzhung don 'byed pa'i bsdus grwa'i rnam bzhag rigs
lam 'phrul gyi lde mig ces bya ba las rigs lam chung ngu'i rnam
par bshad pa bzhugs so/ /

@01a @##/ /bla ma dang mgon po 'jam dpal dbyangs la phyag 'tshal
lo/ /yang dag don gzigs ston pa tshad ma des/ /legs

gsungs rigs lam tshad mas gsal mdzad pa'i/ /bdag nyid chen po
phyogs glang chos grags sogs/ /sngon byon 'phags bod mkhas

grub rnams la 'dud/ /'dir rigs pa'i lam gyi sgo 'byed bsdus
grwa'i rnam bzhag bshad pa la/ rigs lam chung ngu'i rnam bzhag
bshad

pa; rigs lam 'bring gi rnam bzhag bshad pa/ rigs lam chen po'i
rnam bzhag bshad pa dang gsum/ dang po rigs lam chung ngu'i

@02a @#/ /nang tshan kha dog dkar dmar sogs kyi rnam bzhag bshad
pa la/ dgag bzhag spong gsum las/ dang po ni/ kha cig na re/ kha
dog yin na dmar po

yin pas khyab zer na/ chos dung dkar po'i kha dog chos can/ dmar
po yin par thal/ kha dog yin pa'i phyir/ khyab pa khas/ ma grub
na/ chos dung dkar po'i kha dog chos

can/ kha dog yin par thal/ dkar po yin pa'i phyir/ ma grub na/
chos dung dkar po'i kha dog chos can/ dkar po yin par thal/ chos
dung dkar po'i kha dog dang gcig

yin pa'i phyir/ rtsa bar 'dod na/ chos dung dkar po'i kha dog
chos can/ dmar po ma yin par thal/ dkar po yin pa'i phyir/ ma
khyab na khyab pa yod par thal/ dkar po dang

@02b dmar po gnyis kyi gzhi mthun med pa'i phyir te/ de gnyis
'gal ba yin pa'i phyir/ kha cig na re/ kha dog yin na dkar po
yin pas khyab zer na/ sangs rgyas tshe dpag med kyi kha dog chos
can/ dkar po yin par thal/ kha

dog yin pa'i phyir/ khyab pa khas/ ma grub na/ sangs rgyas tshe
dpag med kyi kha dog chos can/ kha dog yin par thal/ mdog tu
rung ba yin pa'i phyir/ ma khyab na/ de la khyab pa yod par
thal/ mdog tu rung ba kha dog gi

mtshan nyid yin pa'i phyir/ rtsa bar 'dod na/ sangs rgyas tshe
dpag med kyi kha dog chos can/ dkar po ma yin par thal/ dmar po
yin pa'i phyir/ ma grub na/ sangs rgyas tshe dpag med kyi kha dog
chos can/ dmar po yin

par thal/ sangs rgyas tshe dpag med kyi kha dog gi ldog pa yin
pa'i phyir/ ma grub na/ sangs rgyas tshe dpag med kyi kha dog
chos can/ khyod khyod kyi ldog pa yin par thal/ khyod gzhi grub
pa'i phyir/ kha cig na re/ kha dog yin na/

ser po yin pas khyab zer na/ indra ni la'i kha dog chos can/
der thal/ de'i phyir/ khyab pa khas/ ma grub na/ de chos can/
der thal/ rtsa ba'i kha dog yin pa'i phyir/ ma grub na/ de chos
can/ der thal/ sngo ser dkar dmar bzhi

po gang rung yin pa'i phyir/ rtsa bar 'dod na/ de chos can/ ser
po ma yin par thal/ sngon po yin pa'i phyir/ khyab te/ sngo ser
gnyis 'gal ba yin pa'i phyir/ kha cig na re/ kha dog yin na/
sngon po yin pas khyab zer na/ gser btso

@03a @#/ /ma'i kha dog chos can/ der thal/ de'i phyir/ khyab pa
khas/ ma grub na/ de chos can/ der thal/ kha dog gi bye brag yin
pa'i phyir/ rtsa bar 'dod na/ de chos can/ sngon po ma yin par
thal/ ser po yin pa'i phyir

ma grub na/ de chos can/ der thal/ gser btso ma'i kha dog yin
pa'i phyir/ ma grub na/ gser btso ma'i kha dog gser btso ma'i
kha dog yin par thal/ gser btso ma'i kha dog yod pa'i phyir/ kha
cig na re/ kha dog yin na/ rtsa

ba'i kha dog yin pas khyab zer na/ don yod grub pa ljang khu'i
kha dog chos can/ der thal/ de'i phyir/ ma grub na/ de chos can/
der thal/ chos can de yin pa'i phyir/ rtsa bar 'dod na/ de chos
can/ rtsa ba'i kha dog ma yin par thal/ yan lag

gi kha dog yin pa'i phyir/ der thal/ sngo ser gnyis kyi yan lag
gi kha dog yin pa'i phyir/ der thal/ ljang khu yin pa'i phyir
te/ sngo ser 'dres pa'i kha dog yin pa'i phyir/ khyab ste/ sngo
ser 'dres pa las ljang khu/ dmar ser 'dres pa

las li khri/ dmar sngon 'dres pa las nag por 'jog pa'i phyir/
kha cig na re/ yan lag gi kha dog yin na/ yan lag gi kha dog
brgyad po gang rung yin pas khyab zer na/ 'jam dbyangs dmar ser
gyi kha dog chos can/ yan lag gi

kha dog brgyad po gang rung yin par thal/ yan lag gi kha dog yin
pa'i phyir/ khyab pa khas/ ma grub na/ 'jam dbyangs dmar ser gyi
kha dog chos can/ yan lag gi kha dog yin par thal/ dmar ser
gnyis kyi yan lag gi kha dog yin

@03b pa'i phyir/ rtsa bar 'dod na/ 'jam dbyangs dmar ser gyi kha
dog chos can/ yan lag gi kha dog brgyad po gang rung ma yin par
thal/ sprin dang du ba/ rdul dang khug sna'i kha dog bzhi po
gang rung ma yin pa gang zhig /snang ba dang mun pa/ grib

ma dang nyi ma'i 'od zer gyi kha dog bzhi po gang rung yang ma
yin pa'i phyir/ rtags re re nas grub ste/ 'jam dbyangs dmar ser
gyi kha dog dang gcig yin pa'i phyir/ kha cig na re/ gzugs yin
na/ dbyibs kyi gzugs yin pas khyab

zer na/ kha dog gi gzugs chos can/ der thal/ de'i phyir/ khyab
pa khas/ ma grub na/ de chos can/ der thal/ bem po yin pa'i
phyir/ ma grub na/ de chos can/ der thal/ rdul du grub pa yin
pa'i phyir/ rtsa bar 'dod na/ de chos can/ dbyibs

kyi gzugs ma yin par thal/ kha dog gi gzugs dang gcig yin pa'i
phyir/ ma grub na/ de chos can/ khyod khyod dang gcig yin par
thal/ khyod yod pa yin pa'i phyir/ kha cig na re/ gzugs yin na/
kha dog gi gzugs yin pas khyab

zer na/ zlum po'i gzugs chos can/ der thal/ de'i phyir/ khyab pa
khas/ ma grub na/ de chos can/ der thal/ gzugs kyi skye mched
yin pa'i phyir/ ma grub na/ de chos can/ der thal/ mig shes kyi
bzung bya yin pa'i phyir/ rtsa bar 'dod na/

de chos can/ kha dog gi gzugs ma yin par thal/ kha dog ma yin
pa'i phyir/ khyab ste/ kha dog gi gzugs dang/ kha dog don gcig
/dbyibs kyi gzugs dang/ dbyibs gnyis don gcig yin pa'i phyir/
rang gi lugs la/ gzugs kyi mtshan

@04a @#/ /nyid yod de/ gzugs rung de de yin pa'i phyir/ gzugs
dang bem po gnyis don gcig /gzugs la dbye na/ gzugs kyi skye
mched dang/ sgra'i skye mched dang/ dri'i skye mched dang/ ro'i
skye mched dang/ reg bya'i

skye mched dang lnga yod/ gzugs kyi skye mched kyi mtshan nyid
yod de/ mig shes kyi bzung bya de de yin pa'i phyir/ gzugs kyi
skye mched la dbye na gnyis yod de/ dbyibs dang kha dog gnyis
yod pa'i phyir/ dbyibs kyi mtshan nyid yod de/

dbyibs su bstan du rung ba de de yin pa'i phyir/ de la dbye na
brgyad yod de/ ring ba dang thung ba/ mtho ba dang dma' ba/ lham
pa dang zlum po/ phya le ba dang phya le ba ma yin pa'i gzugs
dan bcas pa brgyad yod pa'i phyir/ lhan pa ni grub bzhi/

zlum po ni gor mo'am hril po/ phya le ba ni ngos mnyam pa'i
dbyibs lta bu la byed rigs pa'i phyir/ mdog tu bstan du rung ba/
kha dog gi mtshan nyid/ kha dog la dbye na gnyis yod de/ rtsa
ba'i kha dog dang/ yan lag gi kha dog gnyis yod pa'i

phyir; rtsa ba'i kha dog la dbye na bzhi yod de/ sngo ser dkar
dmar bzhi yod pa'i phyir/ yan lag gi kha dog la dbye na brgyad
yod de/ der gyur pa'i sprin dang du ba/ rdul dang khug sna/
snang ba dang mun pa/ grib ma dang nyi ma'i 'od zer gyi kha dog

dang brgyad yod pa'i phyir/ sgra'i skye mched kyi mtshan nyid yod
de/ rna shes kyi nyan bya de de yin pa'i phyir/ sgra la dbye na
gnyis yod de/ zin pa'i 'byung ba las gyur pa'i sgra dang/ ma zin
pa'i 'byung ba las gyur pa'i sgra gnyis yod ba'i phyir/ dri'i

@04b skye mched kyi mtshan nyid yod de/ sna shes kyi myong bya de
de yin pa'i phyir/ dri la dbye na gnyis yod de/ lhan skyes kyi
dri dang sbyar byung gi dri gnyis yod pa'i phyir/ ro'i skye
mched kyi mtshan nyid yod de/ lce shes kyi myong bya de de yin
pa'i/ rol dbye na drug yod

de; mngar ba dang skyur ba/ kha ba dang bska ba/ tsha ba dang lan
tsha ba ste drug yod pa'i phyir/ reg bya'i skye mched kyi mtshan
nyid yod de/ lus shes kyi myong bya de de yin pa'i phyir/ reg
bya la dbye na gnyis yod de/ 'byung bar gyur pa'i reg bya dang/
'byung

'gyur gyi reg bya gnyis yod pa'i phyir/ 'byung bar gyur pa'i reg
bya la dbye na bzhi yod de/ sa chu me rlung bzhi po de de yin
pa'i phyir/ sa'i mtshan nyid yod de/ sra zhing 'thas pa de de yin
pa'i phyir/ chu'i mtshan nyid yod de/ brlan zhing gsher ba de de

yin pa'i phyir/ me'i mtshan nyid yod de/ tsha zhing sreg pa de de
yin pa'i phyir/ rlung gi mtshan nyid yod de/ yang zhing g.yo ba
de de yin pa'i phyir/ 'byung 'gyur gyi reg bya la dbye na bdun
yod de/ der gyur pa'i 'jam pa dang rtsub pa/ lci ba dang yang

ba; grang ba dang bkres pa/ skom pa dang bdun po de de yin pa'i
phyir/ rtsod pa spong ba la/ kha cig na re/ chos dung dkar po
chos can/ kha dog yin par thal/ dkar po yin pa'i phyir/ ma grub
na/ de chos can/ der thal/ chos dung dkar po yin pa'i

phyir na/ 'gal khyab la 'bud/ 'o na kho rang la/ rta dkar po
chos can/ dkar po yin par thal/ rta dkar po yin pa'i phyir/
khyab pa 'grig 'dod mi nus te/ bem po ma yin pa'i phyir te/ gang
zag yin pa'i phyir te/ rta yin pa'i phyir/ gzhan yang/

@05a @#/ /chos dung dkar po chos can/ kha dog yin par thal/ dkar
po yin pa'i phyir/ rtags khas/ 'dod na/ de chos can/ kha dog ma
yin par thal/ 'byung 'gyur ma yin pa'i phyir/ der thal/ 'byung
ba yin pa'i phyir te/ chos dung

yin pa'i phyir/ yang kho na re/ rlung chos can/ 'byung 'gyur yin
par thal/ 'byung 'gyur gyi rig bya bdun po gang rung yin pa'i
phyir/ ma grub na/ rlung chos can/ 'byung 'gyur gyi reg bya bdun
po gang rung yin par thal/ yang ba'i reg bya yin pa'i

phyir; der thal/ yang ba dang reg bya gnyis ka yin pa'i phyir
zer na ma khyab/ de bzhin tu sa chu me la yang rigs 'gre'o/ kho
na re/ shes bya chos can/ dbyibs yin par thal/ phya le ba dang
phya le ba ma yin pa gnyis po gang rung yin pa'i phyir na

ma khyab/ ma grub na/ shes bya chos can/ phya le ba dang phya le
ba ma yin pa gnyis po gang rung yin par thal/ phya le ba ma yin
pa yin pa'i phyir/ ma grub na/ shes bya chos can/ phya le ba ma
yin pa yin par thal/ phya le ba ma yin pa'i phyir/ rtsa bar

'dod na/ shes bya chos can/ dbyibs ma yin par thal/ rtag pa yin
pa'i phyir ro/ ! /gnyis pa gzhi grub kyi rnam bzhag bshad pa la/
dgag bzhag spong gsum las/ dang po la/ kha cig na re/ gzhi grub
na/ rtag pa yin pas khyab

zer na/ bum pa chos can/ rtag pa yin par thal/ gzhi grub pa'i
phyir/ khyab pa khas/ ma grub na/ de chos can/ der thal/ tshad
mas grub pa yin pa'i phyir/ khyab ste/ tshad mas grub pa/ gzhi
grub kyi mtshan nyid yin pa'i phyir rtsa bar 'dod na/

@05b bum pa chos can/ rtag pa ma yin par thal/ mi rtag pa yin
pa'i phyir/ ma grub na/ de chos can/ der thal/ skad cig ma yin
pa'i phyir/ khyab ste/ skad cig ma/ mi rtag pa'i mtshan nyid yin
pa'i phyir/ der thal/ don byed nus pa/ dngos po'i mtshan nyid

'jig pa/ 'dus byas kyi mtshan nyid/ skyes pa/ byas pa'i mtshan
nyid yin pa'i phyir/ kha cig na re/ yod pa yin na/ dngos po yin
pas khyab zer na/ 'dus ma byas kyi nam mkha' chos can/ der thal/
de'i phyir/ khyab pa khas/ ma grub na/ de chos can/

der thal/ tshad mas dmigs pa yin pa'i phyir/ ma khyab na/ de la
khyab pa yod par thal/ tshad mas dmigs pa/ yod pa'i mtshan nyid
yin pa'i phyir/ rtsa bar 'dod na/ de chos can/ dngos po ma yin
par thal/ dngos med yin pa'i phyir/ ma grub na/ de

chos can/ der thal/ don byed nus stong yin pa'i phyir/ khyab
ste/ don byed nus stong dngos med kyi mtshan nyid/ mi 'jig pa
'dus ma byas kyi mtshan nyid/ ma skyes pa/ ma byas pa'i mtshan
nyid yin pa'i phyir/ kha cig na re/ shes bya yin na/ yin pa srid
pa'i

shes bya yin pas khyab zer na/ ka bum gnyis chos can/ der thal/
de'i phyir/ ma grub na/ de chos can/ der thal/ yod pa yin pa'i
phyir/ khyab ste/ shes bya/ yod pa/ gzhal bya/ gzhi grub rnams
don gcig yin pa'i phyir/ rtsa bar 'dod na/ de chos can/

yin pa srid pa'i shes bya ma yin par thal/ yin pa mi srid pa'i
shes bya yin pa'i phyir/ ma grub na/ de chos can/ der thal/ shes
bya yin pa gang zhig khyod kyi yin pa med pa'i phyir/ gnyis pa
sla/ dang po ma grub na/ de chos can/ shes bya yin par thal/

@06a @#/ /gcig dang tha dad gang rung yin pa'i phyir/ ma grub na/
de chos can/ der thal/ tha dad yin pa'i phyir/ ma grub na/ de
chos can/ der thal/ phan tshun tha dad yin pa'i phyir/ ma grub
na/ ka bum gnyis phan tshun tha dad yin par thal/ ka ba

bum pa dang tha dad/ bum pa ka ba dang tha dad yin pa'i phyir/
dang po ma grub na/ ka ba chos can/ bum pa dang tha dad yin par
thal/ yod pa gang zhig bum pa dang gcig ma yin pa'i phyir/ kha
cig na re/ yod pa yin na/ yin pa mi srid pa'i yod pa yin

pas khyab zer na/ dngos po chos can/ der thal/ de'i phyir/ khyab
pa khas/ ma grub na/ de chos can/ der thal/ rtag dngos gang rung
yin pa'i phyir te/ dngos po yin pa'i phyir/ rtsa bar 'dod na/ de
chos can/ yin pa mi srid pa'i yod pa ma yin par thal/

yin pa srid pa'i yod pa yin pa'i phyir/ ma grub na/ de chos can/
der thal/ yod pa gang zhig bem shes ldan min 'du byed gsum khyod
yin pa'i phyir/ phyi ma ma grub na/ bem shes ldan min 'du byed
gsum chos can/ dngos po yin par thal/ yod pa

gang zhig rtag pa ma yin pa'i phyir/ kha cig na re/ dngos po ma
yin na/ rtag pa yin pas khyab zer na/ ri bong rwa chos can/ der
thal/ de'i phyir/ khyab pa khas/ ma grub na/ de chos can/ der
thal/ rtag dngos gang rung ma yin pa'i phyir/ ma grub na/ de
chos

can/ der thal/ yod pa ma yin pa'i phyir/ ma grub na/ de chos
can/ der thal/ med pa yin pa'i phyir/ ma grub na/ de chos can/
der thal/ tshad mas ma grub pa'i phyir/ rtsa bar 'dod na/ de chos
can/ rtag pa ma yin par thal/ yod pa ma yin pa'i phyir/ ma

@06b grub na/ de chos can/ der thal/ khyod kyi ngo bo med pa'i
phyir/ ma grub na/ de chos can/ der thal/ rang gi ngo bo 'dzin
pa ma yin pa'i phyir/ ma grub na/ de chos can/ der thal/ chos ma
yin pa'i phyir/ khyab ste/ rang gi ngo bo 'dzin pa/ chos kyi
mtshan nyid yin pa'i

phyir/ kha cig na re/ chos yin na/ dgag gzhi can gyi chos ma yin
pas khyab zer na/ bum pa chos can/ der thal/ de'i phyir/ khyab
pa khas/ ma grub na/ de chos can/ der thal/ 'dus byas kyi chos
yin pa'i phyir/ ma grub na/ de chos can/ der thal/ dngos

po yin pa'i phyir/ ma grub na/ de chos can/ der thal/ don byed
nus pa yin pa'i phyir/ ma grub na/ de chos can/ der thal/ lto
ldir zhabs zhum chu skyor gyi don byed nus pa yin pa'i phyir/
der thal/ bum pa yin pa'i phyir/ khyab ste/ de bum pa'i mtshan
nyid

yin pa'i phyir/ rtsa bar 'dod na/ de chos can/ dgag gzhi can gyi
chos yin par thal/ khyod kyi dgag gzhi yod pa gang zhig khyod
chos yin pa'i phyir/ gnyis pa sla/ dang po ma grub na/ bum pa'i
dgag gzhi yod par thal/ bum pa med pa'i sa phyogs yod

pa'i phyir/ ma grub na/ der thal/ bdag med yin na/ bum pa yod
pas ma khyab pa'i phyir/ kha cig na re/ rang mtshan yin na/ shes
pa yin pas khyab zer na/ bem shes gnyis chos can/ der thal/ de'i
phyir/ khyab pa khas/ ma grub na/ de chos can/ der

thal; mngon sum gyi snang ngor grub pa yin pa'i phyir/ ma grub
na/ de chos can/ der thal/ mngon sum gyi snang yul yin pa'i
phyir/ ma grub na/ de chos can/ der thal/ dngos po yin pa'i
phyir/ khyab ste/ mngon sum gyi snang yul dang/ dngos po don
gcig /rtog

@07a @#/ /pa'i snang yul dang/ rtag pa don gcig yin pa'i phyir/
rtsa bar 'dod na/ de chos can/ shes pa ma yin par thal/ ldan min
'du byed yin pa'i phyir/ khyab ste/ bem shes ldan min 'du byed
gsum po nang phan tshun 'gal ba kho na yin

pa'i phyir/ kha cig na re/ lkog gyur yin na/ spyi mtshan yin pas
khyab zer na/ gser bum chos can/ der thal/ de'i phyir/ khyab pa
khas/ ma grub na/ de chos can/ der thal/ rang 'dzin rtog pas
lkog tu gyur pa'i tshul gyis rtogs par bya ba yin

pa'i phyir/ khyab ste/ de de'i mtshan nyid yin pa'i phyir/ gong
du ma grub na/ de chos can/ rang 'dzin rtog pas lkog tu gyur
pa'i tshul gyis rtogs par bya ba yin par thal/ rang 'dzin rtog
pa'i gzhal bya yin pa'i phyir/ ma grub na/ de chos can/ der

thal; gzhi grub pa'i phyir/ rtsa bar 'dod na/ de chos can/ spyi
mtshan ma yin par thal/ rang mtshan yin pa'i phyir/ ma grub na/ de
chos can/ der thal/ dngos po yin pa'i phyir/ khyab ste/ dngos
po/ rang mtshan/ don dam bden pa rnams don gcig /rtag

pa; spyi mtshan/ kun rdzob bden pa rnams don gcig yin pa'i phyir/
kha cig na re/ mngon gyur yin na/ lkog gyur ma yin pas khyab zer
na/ ka ba chos can/ der thal/ de'i phyir/ ma grub na/ de chos
can/ der thal/ mngon sum gyi tshad mas dngos su

rtogs par bya ba yin pa'i phyir/ khyab ste/ mngon sum gyi tshad
mas dngos su rtogs par bya ba/ mngon gyur gyi mtshan nyid yin
pa'i phyir/ gong du ma grub na/ de chos can/ mngon sum gyi tshad
mas dngos su rtogs par bya ba yin par thal/ dngos po

@07b yin pa'i phyir/ rtsa bar 'dod na/ de chos can/ lkog gyur
yin par thal/ rang 'dzin rtog pas lkog tu gyur pa'i tshul gyis
rtogs par bya ba yin pa'i phyir/ rtags bsgrub zin/ gnyis pa rang
gi lugs la/ gzhi grub kyi mtshan nyid yod de/ tshad mas grub

pa de de yin pa'i phyir/ gzhi grub la dbye na gnyis yod de/ rtag
pa dang/ dngos po gnyis yod pa'i phyir/ rtag pa'i mtshan nyid yod
de/ chos dang skad cig ma ma yin pa'i gzhi mthun pa de/ rtag
pa'i mtshan nyid yin pa'i phyir/ rtag pa la dbye na gnyis

yod de/ yin pa srid pa'i rtag pa dang/ yin pa mi srid pa'i rtag
pa gnyis yod pa'i phyir/ yin pa srid pa'i rtag pa bzhag tu yod
de/ shes bya de de yin pa'i phyir/ yin pa mi srid pa'i rtag pa
bzhag tu yod de/ rtag dngos gnyis de yin pa'i phyir

dngos po'i mtshan nyid yod de/ don byed nus pa de de yin pa'i
phyir/ dngos po la dbye na gsum yod de/ bem shes ldan min 'du
byed gsum yod pa'i phyir/ bem po'i mtshan nyid yod de/ rdul du
grub pa de de yin pa'i phyir/ bem po la dbye na gnyis yod de/

phyi'i bem po dang/ nang gi bem po gnyis yod pa'i phyir/ phyi'i
bem po'i mtshan nyid yod de/ skyes bu'i rgyud kyi ma bsdus pa'i
rdul du grub pa de de yin pa'i phyir/ mtshan gzhi yod de/ bum pa/
ka ba/ sa chu me rlung bzhi po de de yin pa'i phyir/ nang gi bem
po'i

mtshan nyid yod de/ skyes bu'i rgyud kyi bsdus pa'i rdul du grub
pa de de yin pa'i phyir/ mtshan gzhi yod de/ zag bcas nyer len
gyi gzugs phung de de yin pa'i phyir/ shes pa'i mtshan nyid yod
de/ gsal zhing rig pa de de yin pa'i phyir/ mtshan gzhi yod de/

@08a @#/ /mig shes de de yin pa'i phyir/ ldan min 'du byed kyi
mtshan nyid yod de/ bem shes gang rung ma yin pa'i 'dus byas de
de yin pa'i phyir/ mtshan gzhi yod de/ dngos po dang/ mi rtag pa
dang/ rta dang ba glang sogs gang zag rnams de

yin pa'i phyir/ yang gzhi grub la dbye na/ gnyis yod de/ gcig
dang tha dad gnyis yod pa'i phyir/ gcig gi mtshan nyid yod de/ so
so ba ma yin pa'i chos de de yin pa'i phyir/ mtshan gzhi yod de/
shes bya/ rtag pa/ dngos po rnams re re nas de yin pa'i

phyir/ tha dad kyi mtshan nyid yod de/ so so ba'i chos de de yin
pa'i phyir/ mtshan gzhi yod de/ rtag dngos gnyis/ mtshan mtshon
gnyis/ ka bum gnyis/ gser bum dang zangs bum gnyis rnams de yin
pa'i phyir/ yang shes bya la dbye na gnyis su yod de/ rang

mtshan dang spyi mtshan gnyis yod pa'i phyir/ rang mtshan gyi mtshan
nyid yod de/ sgra rtog gis btags tsam ma yin par rang gi mtshan
nyid kyi grub pa'i chos de de yin pa'i phyir/ spyi mtshan gyi
mtshan nyid yod de/ sgra rtog gis btags pa tsam yin gyi rang
mtshan du

ma grub pa de/ spyi mtshan gyi mtshan nyid yin pa'i phyir/ de
bzhin du don dam par don byed nus pa'i chos/ don dam bden pa'i
mtshan nyid/ don dam par don byed mi nus pa'i chos/ kun rdzob
bden pa'i mtshan nyid yin no/ rtsod pa spong ba la kho na re/
blo'i yul du bya rung/

shes bya'i mtshan nyid ma yin par thal/ yin pa srid pa'i blo'i
yul du bya rung/ yin pa srid pa'i shes bya'i mtshan nyid ma yin
pa'i phyir/ zer na ma khyab ste/ gzhi grub na yin pa srid pa'i
blo'i yul du bya rung dang/ yin pa mi srid pa'i blo'i yul du bya

@08b rung gnyis ka yin pas khyab pa'i phyir te/ gzhi grub na/
yin pa srid pa'i rnam mkhyen dang/ yin pa mi srid pa'i rnam
mkhyen gnyis ka'i gzhal bya yin pas khyab pa'i phyir/ yang kho
na re/ mi rtag pa dang/ rtag pa'i gzhi mthun yod par thal/ sgra
mi rtag pa dang/

rtag pa gnyis ka yin pa'i phyir/ der thal/ sgra mi rtag pa yin
pa gang zhig rtag pa yin pa'i phyir zer na/ sdoms rtags ma grub
kyi lan 'debs so/ /yang kha cig 'dus ma byas kyi nam mkha' chos
can/ don dam bden pa yin par thal/ mngon sum gyi

snang ngor grub pa yin pa'i phyir/ ma grub na/ de chos can/ der
thal/ mngon sum gyi snang ngor yod pa'i phyir/ ma grub na/ de
chos can/ der thal/ mngon sum gyi nges ngor yod pa'i phyir na ma
khyab/ rtags grub ste/ mngon sum gyi gzhal bya yin pa'i phyir
te/ rnam

mkhyen gyi gzhal bya yin pa'i phyir/ gong du 'dod na/ de chos
can/ don dam bden pa ma yin par thal/ kun rdzob bden pa yin pa'i
phyir/ ma grub na/ de chos can/ der thal/ rtag pa yin pa'i
phyir/ ! gsum pa ldog pa ngos 'dzin gyi rnam bzhag bshad

pa la dgag bzhag spong gsum las/ dang po la/ kha cig na re/
dngos po'i ldog pa dang yin khyab mnyam yin na/ mtshan nyid yin
pas khyab zer na/ don byed nus pa'i mtshon bya chos can/ der
thal/ de'i phyir/ khyab pa khas/ ma grub na/ de chos can/ der

thal; khyod dngos po'i ldog pa dang tha dad gang zhig /khyod yin
na dngos po'i ldog pa yin pas khyab/ dngos po'i ldog pa yin na/
khyod yin pas khyab pa'i phyir/ dang po ma grub na/ de chos can/
der thal/ yod pa gang zhig /dngos po'i ldog pa dang gcig ma

@09a @#/ /yin pa'i phyir/ rtags gnyis pa ma grub na/ don byed nus
pa'i mtshon bya yin na/ dngos po'i ldog pa yin pas khyab par
thal/ de yin na/ dngos po dang gcig yin pas khyab pa'i phyir/
rtags gsum pa ma grub na/ dngos po'i ldog

pa yin na/ don byed nus pa'i mtshon bya yin pas khyab par thal/
dngos po de/ don byed nus pa'i mtshon bya yin pa'i phyir/ rtsa
bar 'dod na/ de chos can/ mtshan nyid ma yin par thal/ mtshon bya
yin pa'i phyir/ ma grub na/ de chos can/ mtshon bya yin par

thal; don byed nus pa'i btags yod chos gsum tshang ba'i mtshon bya
yin pa'i phyir/ ma grub na/ don byed nus pa chos can/ khyod kyi
mtshon bya de/ khyod kyi btags yod chos gsum tshang ba'i mtshon bya
yin par thal/ khyod mtshan nyid yin pa'i phyir/

kha cig na re/ dngos po'i ldog pa dang yin khyab mnyam yin na/
mtshon bya yin pas khyab zer na/ don byed nus pa'i btags yod chos
gsum tshang ba chos can/ der thal/ de'i phyir/ ma grub na/ de
chos can/ dngos po'i ldog pa dang yin khyab mnyam

yin par thal/ khyod dngos po'i ldog pa dang tha dad gang zhig
/khyod yin na/ dngos po'i ldog pa yin pas khyab/ dngos po'i ldog
pa yin na/ khyod yin pas khyab pa'i phyir/ dang po ma grub na/
sgrub byed gong dang rigs 'gre/ gnyis pa ma grub na/ don

byed nus pa chos can/ khyod kyi btags yod chos gsum tshang ba yin
na/ dngos po'i ldog pa yin pas khyab par thal/ dngos po khyod
kyi btags yod chos gsum tshang ba yin pa'i phyir/ gsum pa ma grub
na/ dngos po chos can/ khyod kyi

@09b ldog pa yin na/ don byed nus pa'i btags yod chos gsum tshang
ba yin pas khyab par thal/ khyod kyi ldog pa yin na/ don byed
nus pa'i mtshon bya yin pas khyab pa'i phyir/ rtsa bar 'dod na/
don byed nus pa'i btags yod chos gsum tshang ba

chos can/ mtshon bya ma yin par thal/ mtshan nyid yin pa'i phyir/
ma grub na/ de chos can/ der thal/ don byed nus pa'i mtshon bya'i
mtshan nyid yin pa'i phyir/ ma grub na/ don byed nus pa chos can/
khyod kyi btags yod chos gsum tshang ba/ khyod kyi

mtshon bya'i mtshan nyid yin par thal/ khyod mtshan nyid yin pa'i
phyir/ kha cig na re/ don byed nus pa'i ldog pa dang yin khyab
mnyam yin na/ mtshan nyid yin pas khyab zer na/ dngos po'i mtshan
nyid chos can/ der thal/ de'i phyir/ ma grub na/ de

chos can/ der thal/ don byed nus pa'i ldog pa dang tha dad gang
zhig khyod yin na/ don byed nus pa'i ldog pa yin pas khyab/ don
byed nus pa'i ldog pa yin pas khyab/ don byed nus pa'i ldog pa
yin na/ khyod yin pas khyab pa'i phyir/ dang po sla/ gnyis pa ma
grub na/ dngos po chos can

khyod kyi mtshan nyid yin na/ don byed nus pa'i ldog pa yin pas
khyab par thal/ khyod don byed nus pa'i mtshon bya yin pa'i
phyir/ gsum pa ma grub na/ don byed nus pa chos can/ khyod kyi
ldog pa yin na/ dngos po'i mtshan nyid yin pas khyab par

thal; khyod dngos po'i mtshan nyid yin pa'i phyir/ rtsa bar 'dod
na/ dngos po'i mtshan nyid chos can/ mtshan nyid ma yin par thal/
mtshon bya yin pa'i phyir/ ma grub na/ de chos can/ der thal/
dngos po'i rdzas yod chos gsum tshang ba'i mtshon bya

@10a @#/ /yin pa'i phyir/ ma grub na/ dngos po chos can/ khyod
kyi mtshan nyid de/ khyod kyi rdzas yod chos gsum tshang ba'i
mtshon bya yin par thal/ khyod btags yod chos gsum tshang ba yin
pa'i phyir/ ma grub na/ de chos can/ der

thal; mtshon bya yin pa'i phyir/ khyab ste/ btags yod chos gsum
tshang ba mtshon bya'i mtshan nyid/ rdzas yod chos gsum tshang ba
mtshan nyid kyi mtshan nyid yin pa'i phyir/ kha cig na re/ don
byed nus pa'i ldog pa dang yin khyab mnyam yin na/

mtshon bya yin pas khyab zer na/ dngos po'i rdzas yod chos gsum
tshang ba chos can/ der thal/ de'i phyir/ ma grub na/ de chos
can/ der thal/ don byed nus pa'i ldog pa dang tha dad gang zhig
/khyod yin na/ don byed nus pa'i ldog pa yin pas khyab/ don

byed nus pa'i ldog pa yin na/ khyod yin pas khyab pa'i phyir/
dang po sla/ gnyis pa ma grub na/ dngos po chos can/ khyod kyi
rdzas yod chos gsum tshang ba yin na/ don byed nus pa'i ldog pa
yin pas khyab par thal/ khyod don byed nus pa'i btags yod

chos gsum tshang ba yin pa'i phyir/ gsum pa ma grub na/ don byed
nus pa chos can/ khyod kyi ldog pa yin na/ dngos po'i rdzas yod
chos gsum tshang ba yin pas khyab par thal/ khyod dngos po'i
rdzas yod chos gsum tshang ba yin pa'i phyir/ rtsa bar

'dod na/ de chos can/ mtshon bya ma yin par thal/ mtshan nyid yin
pa'i phyir/ ma grub na/ de chos can/ der thal/ dngos po'i mtshan
nyid kyi mtshan nyid yin pa'i phyir/ ma grub na/ dngos po chos
can/ khyod kyi rdzas yod chos gsum tshang ba de/ khyod kyi mtshan

@10b nyid kyi mtshan nyid yin par thal/ khyod btags yod chos gsum
tshang ba yin pa'i phyir/ kha cig na re/ dngos po'i ldog pa dang
yin khyab mnyam yin na/ rtag pa yin pas khyab zer na/ dngos po
dang gcig tu gyur pa'i dngos po chos can/ der thal/

de'i phyir/ khyab pa khas/ ma grub na/ de chos can/ der thal/
khyod dngos po'i ldog pa dang tha dad/ khyod yin na/ dngos po'i
ldog pa yin pas khyab/ dngos po'i ldog pa yin na/ khyod yin pas
khyab pa'i phyir/ dang po dang/ gnyis pa sla/ gsum pa ma grub

na; dngos po'i ldog pa yin na/ dngos po dang gcig tu gyur pa'i
dngos po yin pas khyab par thal/ de yin na dngos po dang gcig
yin pas khyab pa gang zhig /dngos po dang gcig yin na dngos po
yin pas khyab pa'i phyir/ rtsa bar 'dod na/ de chos can/

rtag pa ma yin par thal/ mi rtag pa yin pa'i phyir/ ma grub na/
de chos can/ der thal/ 'dus byas yin pa'i phyir/ kha cig na re/
dngos po'i gzhi ldog yin na/ dngos po'i ldog pa yin pas khyab
zer na/ sgra chos can/ dngos po'i ldog pa yin par thal/

dngos po'i gzhi ldog yin pa'i phyir/ khyab pa khas/ ma grub na/
sgra chos can/ dngos po'i gzhi ldog yin par thal/ dngos po'i
mtshan gzhi yin pa'i phyir/ rtsa bar 'dod na/ sgra chos can/
dngos po'i ldog pa ma yin par thal/ dngos po dang tha dad

yin pa'i phyir/ kha cig na re/ dngos po'i don ldog yin na/ dngos
po'i ldog pa yin pas khyab zer na/ don byed nus pa chos can/
dngos po'i ldog pa yin par thal/ dngos po'i don ldog yin pa'i
phyir/ khyab pa khas/ ma grub na/ don byed nus pa

@011a @#/ /chos can/ dngos po'i don ldog yin par thal/ dngos po'i
mtshan nyid yin pa'i phyir/ rtsa bar 'dod na/ don byed nus pa
chos can/ dngos po'i ldog pa ma yin par thal/ dngos po dang gcig
ma yin pa'i phyir/ kha cig na re/ dngos

po'i spyi ldog yin na/ dngos po'i gzhi ldog yin pas khyab zer
na/ dngos po chos can/ der thal/ de'i phyir/ ma grub na/ de chos
can/ der thal/ dngos po'i rang ldog yin pa'i phyir/ khyab ste/
de gnyis don gcig yin pa'i phyir/ rtsa bar 'dod na/ de

chos can/ dngos po'i gzhi ldog ma yin par thal/ dngos po'i mtshan
gzhi ma yin pa'i phyir/ ma grub na/ dngos po chos can/ khyod
khyod kyi mtshan gzhi ma yin par thal/ khyod tshad mas nges nas/
dngos po tshad mas ma nges pa mi srid pa'i phyir/ kha cig

na re/ bum pa dang gcig tu gyur pa'i bum pa de/ bum pa'i ldog pa
yin zer na/ bum pa dang gcig tu gyur pa'i bum pa chos can/ bum
pa'i ldog pa ma yin par thal/ bum pa dang gcig ma yin pa'i
phyir/ ma grub na/ bum pa dang gcig tu gyur

pa'i bum pa chos can/ bum pa dang gcig ma yin par thal/ bum pa
dang tha dad yin pa'i phyir/ ma khyab zer na/ bum pa chos can/
khyod dang tha dad yin na/ khyod dang gcig ma yin pas khyab par
thal/ khyod gang zag gi bdag med yin pa'i phyir/

gong gi ma khyab 'tshams la/ rtags ma grub zer na/ bum pa dang
gcig tu gyur pa'i bum pa bum pa dang tha dad yin par thal/ bum
pa dang gcig tu gyur pa'i bum pa bum pa dang tha dad du gyur
pa'i bum pa yin pa'i phyir/ yang kha cig na re/ bum pa dang

@011b gcig de/ bum pa'i ldog pa yin zer na/ bum pa dang gcig
chos can/ bum pa'i ldog pa ma yin par thal/ bum pa dang gcig ma
yin pa'i phyir/ ma grub na/ bum pa dang gcig chos can/ bum pa
dang gcig ma yin par thal/ bum pa dang tha dad yin pa'i

phyir/ ma grub na/ bum pa dang gcig chos can/ bum pa dang tha
dad yin par thal/ rtag pa yin pa'i phyir/ ma grub na/ bum pa
chos can/ khyod dang gcig rtag pa yin par thal/ khyod gzhi grub
pa'i phyir/ kha cig na re/ bum pa'i ldog pa de/ bum pa'i ldog

pa yin zer na/ bum pa'i ldog pa chos can/ bum pa'i ldog pa ma
yin par thal/ bum pa ma yin pa'i phyir/ ma grub na/ bum pa'i
ldog pa chos can/ bum pa ma yin par thal/ rtag pa yin pa'i
phyir/ ma grub na/ bum pa chos can/ khyod kyi ldog pa

rtag pa yin par thal/ khyod gzhi grub pa'i phyir/ kha cig na re/
bum pa ma yin pa las ldog na/ bum pa'i ldog pa yin pas khyab zer
na/ gser bum zangs bum gnyis chos can/ bum pa'i ldog pa yin par
thal/ bum pa ma yin pa las ldog pa'i

phyir/ der thal/ bum pa yin pa'i phyir/ rtsa bar 'dod na/ gser
bum zangs bum gnyis chos can/ bum pa'i ldog pa ma yin par thal/
bum pa dang tha dad las mi ldog pa'i phyir/ ma grub na/ de der
thal/ de bum pa dang tha dad yin pa'i phyir te/ de

dang 'gal ba yin pa'i phyir/ kha cig na re/ bum pa dang tha dad
las ldog na bum pa'i ldog pa yin pas khyab zer na/ ri bong rwa
chos can/ bum pa'i ldog pa yin par thal/ bum pa dang tha dad las
ldog pa'i phyir/ khyab pa khas/ ma grub na/ ri

@012a @#/ /bong rwa chos can/ bum pa dang tha dad las ldog par
thal/ bum pa dang tha dad ma yin pa'i phyir/ ma grub na/ ri bong
rwa chos can/ bum pa dang tha dad ma yin par thal/ bum pa dang
tha mi dad yin pa'i phyir/ ma grub na/ ri bong rwa

chos can/ bum pa dang tha mi dad yin par thal/ med nges yin pa'i
phyir/ rtsa bar 'dod na/ ri bong rwa chos can/ bum pa'i ldog pa
ma yin par thal/ bum pa dang gcig ma yin pa las mi ldog pa'i
phyir/ de der thal/ de bum pa dang gcig ma

yin pa yin pa'i phyir te/ de bum pa dang gcig ma yin pa'i phyir/
der thal/ de med pa yin pa'i phyir/ gnyis pa rang lugs la/ bum
pa'i ldog pa bzhag du yod de/ bum pa de de yin pa'i phyir/ bum
pa'i ldog pa dang/ bum pa dang gcig

gnyis yin khyab mnyam yin/ gzhi grub na/ khyod khyod kyi ldog pa
yin pas khyab pa yin te/ gzhi grub na/ khyod khyod dang gcig yin
pas khyab pa'i phyir/ ma grub na/ gzhi grub na/ khyod khyod dang
gcig yin pas khyab par thal/ gzhi grub na/ khyod

khyod dang tha dad ma yin pas khyab pa'i phyir/ gsum pa rtsod
spong la/ kha cig dngos po dang don byed nus pa gcig yin par
thal/ de gnyis don gcig yin pa'i phyir/ zer na ma khyab ste/
dngos po dang don byed nus pa tha dad yin pa'i phyir te/ don

byed nus pa tshad mas nges la/ dngos po tshad mas ma nges pa yod
pa'i phyir te/ dngos po tshad mas nges pa la/ don byed nus pa
tshad mas nges pa sngon du 'gro dgos pa'i phyir/ yang kha cig
dngos po/ mi rtag pa/ byas pa/ 'dus byas rnams ming gi rnam

@012b grangs tsam las gcig yin cing/ de bzhin du shes bya yod
pa/ gzhi grub/ gzhal bya rnams kyang gcig yin te/ dper na/ mnyam
med zas gtsang sras po/ kun mkhyen nyi ma'i gnyen/ kun mkhyen bu
ram shing pa rnams bzhin no/ zer na/ de mi 'thad de/ zas gtsang

sras po dang/ nyi ma'i gnyen/ bu ram shing pa rnams tha dad yin
pa'i phyir/ ma grub na/ der thal/ zas gtsang sras po zhes pa'i
sgra gzhi gang la 'jug tshad mas nges kyang/ nyi ma'i gnyen dang/
bu ram shing pa zhes pa'i sgra gzhi gang la 'jug tshad mas ma
nges pa srid

pa'i phyir ro/ /des na zas gtang sras po/ nyi ma'i gnyen/ bu ram
shing pa zhes pa'i sgra 'jug pa'i 'jug gzhi gcig yin kyang/ de
dag gcig ma yin te/ gcig yin na sgra don gnyis ka nas gcig yin
dgos pa'i phyir/ ! /bzhi pa yin log min log

gi rnam bzhag bshad pa la/ dgag bzhag spong gsum las/ dang po
la/ kha cig na re/ dngos po yin pa las log pa yin na/ rtag pa
yin pa las log pa yin pas khyab zer na/ shes bya chos can/ der
thal/ de'i phyir/ khyab pa khas/ ma grub na/ de chos can/

der thal/ dngos po ma yin pa'i phyir/ khyab ste/ dngos po yin pa
las log pa dang/ dngos po ma yin pa don gcig yin pa'i phyir/
rtsa bar 'dod na/ de chos can/ rtag pa yin pa las log pa ma yin
par thal/ rtag pa ma yin pa las log pa yin pa'i phyir/

ma grub na/ de chos can/ der thal/ rtag pa yin pa'i phyir/ khyab
ste/ rtag pa ma yin pa las log pa dang/ rtag pa gnyis don gcig
yin pa'i phyir/ kha cig na re/ dngos po yin pa las log pa yin pa
las log pa yin na/ dngos po yin pa las

@013a @#/ /log pa yin pas khyab zer na/ bum pa chos can/ der
thal/ de'i phyir/ khyab pa khas/ ma grub na/ de chos can/ der
thal/ dngos po yin pa las log pa ma yin pa'i phyir/ ma grub na/
de chos can/ der thal/ dngos po ma yin pa las

log pa yin pa'i phyir/ ma grub na/ de chos can/ der thal/ dngos
po yin pa'i phyir/ khyab ste/ de gnyis don gcig yin pa'i phyir/
rtsa bar 'dod na/ de chos can/ dngos po yin pa las log pa ma yin
par thal/ khyod dngos po yin par gnas pa'i

phyir/ kha cig na re/ rtag pa yin pa las log pa ma yin pa las
log pa yin pa las log pa ma yin pa las log pa yin na/ rtag pa ma
yin pa las log pa yin pa las log pa yin pas khyab zer na/ ka
ba'i ldog pa chos can/ der thal/ de'i

phyir; khyab pa khas/ ma grub na/ de chos can/ der thal/ rtag pa
yin pa las log pa ma yin pa las log pa yin pa las log pa yin
pa'i phyir/ ma grub na/ de chos can/ der thal/ rtag pa yin pa
las log pa ma yin pa las log pa ma yin pa'i

phyir; ma grub na/ de chos can/ der thal/ rtag pa yin pa las log
pa yin pa las log pa yin pa'i phyir/ ma grub na/ de chos can/
der thal/ rtag pa yin pa las log pa ma yin pa'i phyir/ ma grub
na/ de chos can/ der thal/ rtag pa ma yin pa

las log pa yin pa'i phyir/ ma grub na/ de chos can/ der thal/
rtag pa yin pa'i phyir/ rtsa bar 'dod na/ ka ba'i ldog pa chos
can/ rtag pa ma yin pa las log pa yin pa las log pa ma yin par
thal/ rtag pa ma yin pa las log pa ma yin pa

@013b las log pa yin pa'i phyir/ ma grub na/ de chos can/ der
thal/ rtag pa ma yin pa las log pa yin pa'i phyir/ kha cig na
re/ yin par gyur pa'i rtag pa yin na/ rtag pa yin pas khyab zer
na/ rtag pa kho na chos can/ rtag pa yin par thal/ yin par gyur

pa'i rtag pa yin pa'i phyir/ ma grub na/ de chos can/ der thal/
yin pa dang rtag pa gnyis ka yin pa'i phyir/ ma grub na/ rtag pa
kho na yin pa dang/ rtag pa gnyis ka yin par thal/ rtag pa yin
pa'i phyir/ ma grub na/ rtag pa yin par thal/ yod pa gang

zhig /dngos po ma yin pa'i phyir/ dang po sla/ gnyis pa ma grub
na/ khyod dngos po yin par thal/ dngos po yin pa'i phyir/ 'dod
na/ khyod kyi rgyu yod par thal/ khyod dngos po yin pa'i phyir/
'dod na/ khyod khyod kyi rgyu las skyes par thal/ khyod kyi

rgyu yod pa'i phyir/ 'dod na/ khyod khyod kyi rgyu'i 'bras bu
yin par thal/ khyod khyod kyi rgyu las skyes pa yin pa'i phyir/
'dod na/ khyod khyod kyi rgyu dang de byung 'brel yin par thal/
'dod pa'i phyir/ 'dod na/ khyod kyi rgyu med na/ khyod med dgos
par thal/ khyod

khyod kyi rgyu dang de byung 'brel yin pa'i phyir/ 'dod na/ shes
bya chos can/ khyod med par thal/ khyod kyi rgyu med pa'i phyir/
ma grub na/ de chos can/ der thal/ khyod rtag pa yin pa'i phyir/
rtsa bar 'dod na/ rtag pa kho na chos can/ yod par thal/ rtag pa
yin

pa'i phyir/ 'dod na/ rtag pa kho na med par thal/ dngos po yod
pa'i phyir/ ma grub na/ dngos po yod par thal/ bdag med yin pa'i
phyir/ kha cig na re/ ma yin par gyur pa'i rtag pa yin na/ rtag
pa yin pas khyab zer na/ ka ba chos can/ der thal/ de'i phyir/
ma

@014a @#/ /grub na/ ka ba chos can/ der thal/ ma yin pa dang/
rtag pa gnyis ka yin pa'i phyir/ ma grub na/ ka ba ma yin pa
dang/ rtag pa gnyis ka yin par thal/ ka ba ma yin pa dang/ rtag
pa'i gzhi mthun yin pa'i phyir/ ma grub na/ der thal/ rtag

pa yin pa'i phyir/ rtsa bar 'dod na/ ka ba chos can/ rtag pa ma
yin par thal/ mi rtag pa yin pa'i phyir/ rtags sla/ kha cig na
re/ bdag med yin na/ yin par gyur pa'i blo'i yul du bya rung
dang/ ma yin par gyur pa'i blo'i yul du bya rung gnyis ka ma

yin pas khyab zer na/ mtshon bya chos can/ der thal/ de'i phyir/
rtags sla/ 'dod na/ mtshon bya chos can/ yin par gyur pa'i blo'i
yul du bya rung dang/ ma yin par gyur pa'i blo'i yul du bya rung
gnyis ka yin par thal/ dang po yin pa gang zhig gnyis

pa yang yin pa'i phyir/ dang po ma grub na/ mtshon bya yin par
gyur pa'i blo'i yul du bya rung yin par thal/ blo'i yul du bya
rung yin pa gang zhig /blo mtshon bya yin pa'i phyir/ gang gi
gnyis pa ma grub na/ mtshon bya ma yin par gyur pa'i blo'i

yul du bya rung yin par thal/ mtshan nyid du gyur pa'i blo'i yul
du bya rung yin pa'i phyir/ der thal/ rig pa'i yul du bya rung
yin pa gang zhig /rig pa blo'i mtshan nyid yin pa'i phyir/ gnyis
pa rang lugs la/ ma yin pa las log pa dang/ yin

pa gnyis don gcig /yin pa las log pa dang/ ma yin pa gnyis don
gcig /ma yin pa las log pa du brtsegs kyang/ ma yin pa las log
pa gcig pu dang don gcig /yin pa las log pa cha dang/ ma yin pa
las log pa don gcig /yin pa

@014b las log pa ya dang bcas na/ yin pa las log pa gcig pu dang
don gcig yin pa'i phyir ro// //gsum pa rtsod pa spong ba la/ kho
na re/ dngos po ma yin pa las log pa rtag pa yin par thal/ dngos
po ma yin pa las log pa yod pa gang zhig ma

yin pa las log pa rtag pa yin pa'i phyir/ zer na ma khyab/ rtags
grub ste/ yin pa las log pa dang/ ma yin pa las log pa gnyis re
re nas rtag pa yin pa'i phyir/ yang kho na re/ ma yin pa ma yin
pa dang/ yin pa gnyis don gcig ma yin par thal/ ma

yin pa ma yin pa dang/ yin pa gnyis ka yin na/ gang dran dran
yin dgos pa'i phyir zer na/ rtags ma grub ste/ shes bya ma yin
pa ma yin pa dang/ yin pa gnyis ka yin pa'i phyir/ der thal/
shes bya ma yin pa ma yin pa gang zhig /shes bya yin pa'i phyir/
rtags

gnyis ka re re nas grub ste/ yod pa yin pa'i phyir/ ! /lnga pa
rgyu 'bras chung ngu'i rnam bzhag bshad pa la/ dgag bzhag spong
gsum las/ dang po la/ kha cig na re/ gzhi grub na/ rgyu 'bras
gang rung yin pas khyab zer na/ shes bya chos can/ der thal/

de'i phyir/ ma grub na/ de chos can/ der thal/ tshad mas grub pa
yin pa'i phyir/ rtsa bar 'dod na/ de chos can/ rgyu 'bras gang
rung ma yin par thal/ dngos po ma yin pa'i phyir/ ma grub na/ de
chos can/ der thal/ rtag pa yin pa'i phyir/ kha cig na re/ rgyu
yin na/

'bras bu ma yin pas khyab zer na/ dngos po chos can/ der thal/
de'i phyir/ khyab pa khas/ ma grub na/ de chos can/ der thal/
khyod kyi 'bras bu yod pa'i phyir/ ma grub na/ de chos can/ der
thal/ dngos po'i phyi logs su byung ba de/ khyod kyi 'bras bu
yin

@015a @#/ /pa'i phyir/ ma grub na/ de chos can/ khyod kyi phyi
logs su byung ba khyod kyi 'bras bu yin par thal/ khyod 'dus
byas yin pa'i phyir/ rtsa bar 'dod na/ de chos can/ 'bras bu yin
par thal/ khyod kyi rgyu yod pa'i phyir/ ma grub na/ de chos
can/ der

thal; khyod kyi snga logs su byung ba de/ khyod kyi rgyu yin
pa'i phyir/ ma grub na/ de chos can/ der thal/ khyod dngos po
yin pa'i phyir/ kha cig na re/ dngos rgyu yin na/ brgyud rgyu ma
yin pas khyab zer na/ dngos po chos can/ der thal/ de'i phyir/
ma grub na/

de chos can/ der thal/ dngos po'i phyi logs su byung ba'i dngos
rgyu yin pa'i phyir/ ma grub na/ de chos can/ khyod khyod kyi
phyi logs su byung ba'i dngos rgyu yin par thal/ khyod dngos po
yin pa'i phyir/ rtsa bar 'dod na/ de chos can/ brgyud rgyu yin
par thal/

dngos po'i phyi logs su byung ba'i phyi logs su byung ba'i
brgyud rgyu yin pa'i phyir/ ma grub na/ de chos can/ khyod khyod
kyi phyi logs su byung ba'i phyi logs su byung ba'i brgyud rgyu
yin par thal/ khyod 'dus byas yin pa'i phyir/ kha cig na re/
dngos

'bras yin na/ brgyud 'bras ma yin pas khyab zer na/ dngos po
chos can/ der thal/ de'i phyir/ ma grub na/ de chos can/ der
thal/ dngos po'i snga logs su byung ba'i dngos 'bras yin pa'i
phyir/ ma grub na/ de chos can/ khyod khyod kyi snga logs byung
ba'i

dngos 'bras yin par thal/ khyod byas pa yin pa'i phyir/ rtsa bar
'dod na/ de chos can/ brgyud 'bras yin par thal/ dngos po'i snga
logs su byung ba'i snga logs su byung ba'i brgyud 'bras yin pa'i
phyir/ ma grub na/ de chos can/ khyod khyod kyi snga logs

@015b su byung ba'i snga logs su byung ba'i brgyud 'bras yin par
thal/ khyod 'dus byas yin pa'i phyir/ kha cig na re/ dngos po'i
rgyu yin na/ dngos po'i dngos rgyu yin pas khyab zer na/ dngos
po'i snga logs su byung ba'i snga logs su byung ba chos can/ der
thal/

de'i phyir/ khyab pa khas/ ma grub na/ de chos can/ der thal/
dngos po'i snga logs su byung ba yin pa'i phyir/ rtsa bar 'dod
na/ de chos can/ dngos po'i dngos rgyu ma yin par thal/ dngos
po'i brgyud rgyu yin pa'i phyir/ ma grub na/ de chos can/ der
thal/ dngos

po khyod kyi brgyud 'bras yin pa'i phyir/ ma grub na/ dngos po
rang gi snga logs su byung ba'i snga logs su byung ba'i brgyud
'bras yin par thal/ dngos po rnams rang gi snga logs su byung
ba'i snga logs su byugn ba'i brgyud 'bras dang rang gi snga 

logs su byung ba'i dngos 'bras su 'jog cing/ dngos po rnams rang
gi snga logs su byung ba'i snga logs su byung ba rang gi brgyud
rgyu dang/ rang gi snga logs su byung ba rang gi dngos rgyur
'jog dgos pa'i phyir/ kha cig na re/ dngos po'i dngos 'bras

yin na/ dngos po las dngos su skyes pa'i 'bras bu yin pas khyab
zer na/ dngos po'i phyi logs su byung ba chos can/ der thal/
de'i phyir/ khyab pa khas/ ma grub na/ dngos po chos can/ khyod
kyi phyi logs su byung ba khyod kyi dngos 'bras yin par thal/
khyod

mi rtag pa yin pa'i phyir/ rtsa bar 'dod na/ dngos po'i phyi
logs su byung ba chos can/ dngos po las dngos su skyes pa'i
'bras bu ma yin par thal/ dngos po las dngos su skyes pa dang
dus mnyam du byung ba yin pa'i phyir/ ma grub na/ de chos can/
der thal/

@016a @#/ /dngos po'i dngos 'bras dang dus mnyam du skyes pa yin
pa'i phyir/ der thal/ dngos po'i phyi logs su byung ba grub na/
dngos po'i dngos 'bras ma skyes pa'i dus kyang med/ dngos po'i
dngos 'bras grub na/ dngos po'i phyi logs

su byung ba ma skyes pa'i dus kyang med pa'i phyir/ kha cig na
re/ bum pa'i rgyu yin na/ bum pa'i nyer len yin pas khyab zer
na/ bum pa'i rgyur gyur ba'i skyes bu chos can/ bum pa'i nyer
len yin par thal/ bum pa'i rgyu yin pa'i phyir/ khyab pa khas/
ma grub na/

de chos can/ der thal/ bum pa'i lhan cig byed rkyen yin pa'i
phyir/ ma grub na/ de chos can/ der thal/ bum pa rang gi lhan
cig byed 'bras rang gi rdzas rgyun ma yin par gtso bor skyed
byed yin pa'i phyir/ rtsa bar 'dod na/ bum pa'i rgyur gyur pa'i
skyes bu

chos can/ bum pa'i nyer len ma yin par thal/ bum pa rang gi
rdzas rgyun du gtso bor skyed byed ma yin pa'i phyir/ ma grub
na/ de chos can/ der thal/ khyod kyi rdzas rgyun phyi mar gyur
pa'i bum pa med pa'i phyir/ ma grub na/ de chos can/ der thal/
khyod gang zag

yin pa'i phyir/ kha cig na re/ bum pa'i rgyu yin na/ bum pa'i
lhan cig byed rkyen yin pas khyab zer na/ bum pa'i rgyur gyur
pa'i 'jim pa chos can/ der thal/ de'i phyir/ khyab pa khas/ ma
grub na/ de chos can/ der thal/ bum pa khyod kyi 'bras bu yin
pa'i phyir/

ma grub na/ bum pa chos can/ khyod rang gi rgyur gyur pa'i 'jim
pa'i 'bras bu yin par thal/ khyod kyi rgyur gyur pa'i 'jim pa
yod pa'i phyir/ rtsa bar 'dod na/ de chos can/ bum pa'i lhan cig
byed rkyen ma yin par thal/ bum pa'i nyer len yin pa'i phyir/
kha

@016b cig na re/ rgyu yin na/ nyer len yin pas khyab zer na/ mar
me skad cig tha ma chos can/ der thal/ de'i phyir/ khyab pa
khas/ ma grub na/ de chos can/ der thal/ dngos po yin pa'i
phyir/ rtsa bar 'dod na/ mar me skad cig tha ma chos can/ nyer
len ma yin par thal/ rang gi

nyer 'bras rang gi rdzas rgyun phyi mar gtso bor skyed byed ma
yin pa'i phyir/ ma grub na/ de chos can/ der thal/ khyod kyi
rdzas rgyun phyi ma med pa'i phyir/ ma grub na/ de chos can/ der
thal/ khyod rdzas rgyun chad kha ma'i dngos po yin pa'i phyir/
kha cig na re/ grub bde gcig

yin na/ grub bde rdzas gcig yin pas khyab zer na/ tsan dan gyi
kha dog dang/ tsan dan gyi dri gnyis chos can/ der thal/ de'i
phyir/ khyab pa khas/ ma grub na/ de chos can/ der thal/ khyod
gnyis grub pa dus mnyam/ gnas pa dus mnyam/ 'jig pa dus mnyam
pa'i phyir/ khyab ste

de grub bde gcig pa'i don yin pa'i phyir/ rtsa bar 'dod na/ tsan
dan gyi dri dang/ tsan dan kyi kha dog gnyis chos can/ grub bde
rdzas gcig ma yin par thal/ rdzas gcig ma yin pa'i phyir/ ma
grub na/ tsan dan gyi dri dang/ tsan dan gyi kha dog gnyis chos
can/ rdzas gcig ma yin

par thal/ ngo bo so so bar skyes pa'i chos yin pa'i phyir/ kha
cig na re/ rdzas rigs gcig yin na/ rdzas gcig yin pas khyab zer
na/ nyer len nas rdog gcig las skyes pa'i nas 'bru che chung
gnyis chos can/ rdzas gcig pa yin par thal/ rdzas rigs

gcig yin pa'i phyir/ khyab pa khas/ ma grub na/ de chos can/ der
thal/ rang gi nyer len gcig las skyes pa'i tha dad pa'i 'dus
byas yin pa'i phyir/ khyab ste/ rdzas rigs gcig mi gcig gi don/
rang gi nyer len gcig mi gcig la byed dgos pa'i phyir

@017a @#/ /te; rdzas rigs gcig mi gcig gi don bshad tshul yod pa'i
phyir/ rtsa bar 'dod na/ de gnyis chos can/ rdzas gcig ma yin
par thal/ ngo bo gcig par skyes pa'i chos ma yin pa'i phyir te/
ngo bo tha dad yin pa'i phyir/ kha cig na re/ rigs

gcig yin na/ bdag nyid gcig yin pas khyab zer na/ rtsa dkar nag
gnyis chos can/ bdag nyid gcig yin par thal/ rigs gcig yin pa'i
phyir/ khyab pa khas/ ma grub na/ de chos can/ der thal/ ldog pa
rigs gcig yin pa'i phyir/ ma grub na/ de chos can/

der thal/ gang zag gang gis yid gtad pas mthong tsam nyid nas
'di dang 'di 'dra'o snyam pa'i blo ngang gi skyed nus pa'i chos
yin pa'i phyir/ khyab ste/ ldog pa rigs gcig gi don yod pa'i
phyir/ rtsa bar 'dod na/ de chos can/ bdag nyid gcig ma yin

par thal/ ngo bo tha dad yin pa'i phyir te/ phan tshun 'brel med
don gzhan yin pa'i phyir/ kha cig na re/ dngos po'i nyer len gyi
'bras bu yin na/ dngos po'i nyer 'bras yin pas khyab zer na/
dngos po chos can/ dngos po'i nyer 'bras yin par thal/ dngos

po'i nyer len gyi 'bras bu yin pa'i phyir/ khyab pa khas/ ma
grub na/ de chos can/ rang gi nyer len gyi 'bras bu yin par
thal/ khyod kyi nyer len de/ khyod kyi rgyu yin pa'i phyir/ rtsa
bar 'dod na/ de chos can/ dngos po'i nyer 'bras ma yin par thal/

dngos po'i 'bras bu ma yin pa'i phyir/ ma grub na/ de chos can/
khyod khyod kyi 'bras bu ma yin par thal/ bdag med yin pa'i
phyir/ gnyis pa rang gi lugs la/ rgyu'i mtshan nyid yod de/ skyed
byed de de yin pa'i phyir/ rgyu 'bras bu dngos po gsum

@017b don gcig /dngos po'i rgyu'i mtshan nyid yod de/ dngos po'i
skyed byed de de yin pa'i phyir te/ dngos po yin na/ khyod kyi
skyed byed khyod kyi rgyu'i mtshan nyid yin pas khyab pa'i phyir/
dngos po'i rgyu la dbye na gnyis yod de/ dngos po'i dngos rgyu
dang/ dngos po'i

brgyud rgyu gnyis yod pa'i phyir/ dngos po'i dngos rgyu'i mtshan
nyid yod de/ dngos po'i dngos su skyed byed de de yin pa'i
phyir/ mtshan gzhi yod de/ dngos po'i snga logs su byung ba de de
yin pa'i phyir/ dngos po'i brgyud rgyu'i mtshan nyid yod de/
dngos po'i

brgyud nas skyed byed de de yin pa'i phyir/ mtshan gzhi yod de/
dngos po'i snga logs su byung ba'i snga logs su byung ba de de
yin pa'i phyir/ des dngos po thams cad kyi dngos rgyu dang
brgyud rgyu la rigs 'gre/ yang dngos po'i rgyu la dbye na/ gnyis
yod de/

dngos po'i nyer len dang dngos po'i lhan cig byed rkyen gnyis
yod pa'i phyir/ dngos po'i nyer len gyi mtshan nyid yod de/ dngos
po rang gi rdzas rgyun du gtso bor skyed byed de de yin pa'i
phyir/ mtshan gzhi yod de/ dngos po'i rgyur gyur pa'i byas pa de
de yin

pa'i phyir/ dngos po'i lhan cig byed rkyen gyi mtshan nyid yod
de/ dngos po rang gi rdzas rgyun ma yin par rdzas su gtso bor
skyed byed de de yin pa'i phyir/ mtshan gzhi yod de/ dngos po'i
rgyur gyur pa'i gang zag de de yin pa'i phyir/ 'bras bu'i mtshan
nyid

yod de/ bskyed bya de de yin pa'i phyir/ dngos po'i 'bras bu'i
mtshan nyid yod de/ dngos po'i bskyed bya de de yin pa'i phyir/
mtshan gzhi yod de/ dngos po'i phyi logs su byung ba de de yin
pa'i phyir/ dngos po'i 'bras bu la dbye na gnyis yod de/ dngos
po'i

@018a @#/ /dngos 'bras dang dngos po'i brgyud 'bras gnyis yod
pa'i phyir/ dngos po'i dngos 'bras kyi mtshan nyid yod de/ dngos
po'i dngos su bskyed bya de de yin pa'i phyir/ mtshan gzhi yod
de/ dngos po'i phyi logs su byung ba de de yin pa'i phyir/

dngos po'i brgyud 'bras kyi mtshan nyid yod de/ dngos po'i brgyud
nas bskyed byed de de yin pa'i phyir/ mtshan gzhi yod de/ dngos
po'i phyi logs su byung ba'i phyi logs su byung ba de de yin
pa'i phyir/ des dngos po gzhan gyi dngos 'bras dang brgyud

'bras la rigs 'gre/ gsum pa rtsod spong la/ kha cig na re/ dngos
po'i nyer len med par thal/ dngos po'i snga logs su byung ba de
de ma yin pa'i phyir/ ma grub na/ dngos po'i snga logs su byung
ba chos can/ dngos po'i nyer len ma yin par thal/ khyod

dngos por 'gyur nges ma yin pa'i phyir/ ma grub na/ dngos po'i
snga logs su byung ba chos can/ dngos por 'gyur nges ma yin par
thal/ dngos por gyur zin pa'i phyir/ zer na ma khyab/ ma grub
na/ dngos po'i snga logs su byung ba chos can/ dngos por gyur
zin

par thal/ dngos po yin pa'i phyir/ kha cig na re/ ka bum gnyis
chos can/ khyod kyi nyer len yod par thal/ khyod dngos po yin
pa'i phyir/ khyab pa khas/ 'dod na/ ka bum gnyis chos can/ khyod
du 'gyur nges yod par thal/ khyod kyi nyer len yod pa'i phyir/
rtags

khas; 'dod na/ ka bum gnyis chos can/ khyod kyi yin pa yod par
thal/ khyod du 'gyur nges yod pa'i phyir zer na/ gong du ma
khyab/ dngos po yin na/ rang gi rgyu'i 'bras bu yin pas khyab/
byas pa la kho na re/ rang gi rgyu chos can/ der thal/ de'i
phyir zer na/ rtags ma

@018b grub ste/ rang gi rgyu med pa'i phyir te/ rang rtag pa yin
pa'i phyir/ kho na re/ bum pa chos can/ rgyu 'bras yin par thal/
rgyu 'bras gnyis ka yin pa'i phyir/ zer na/ ma khyab ste/ bum pa
chos can/ rgyu 'bras ma yin par thal/ tha dad ma yin pa'i phyir
te/ gcig yin

pa'i phyir/ kha cig /rtag pa ma yin pa'i rgyu yod par thal/ rgyu
yin na rtag pa ma yin pa'i rgyu yin pas khyab pa'i phyir zer na/
mi 'thad de/ rgyu yin na rtag pa ma yin pa'i rgyu ma yin pas
khyab pa'i phyir/ der thal/ gzhi grub na/ rtag pa ma yin pa'i
rgyu ma yin pas khyab pa'i

phyir; der thal/ gzhi grub na/ rtag pa ma yin pa 'bras bu ma yin
pas khyab pa'i phyir/ der thal/ gzhi grub na/ rtag pa ma yin pa
dngos po ma yin pas khyab pa'i phyir/ yang kho na re/ dngos po'i
rgyu dang/ dngos po'i 'bras bu'i gzhi mthun yod par thal/ dngos
po'i

rgyur gyur pa'i dngos po'i 'bras bu yod pa'i phyir zer na/ ma
khyab ste/ dngos po'i rgyur gyur pa'i dngos po'i 'bras bu yod
par thal/ dngos po'i rgyur gyur pa'i dngos po rgyu yin pa'i
phyir/ der thal/ de dngos po yin pa'i phyir/ gzhan yang/ dngos
po'i rgyur

gyur pa'i dngos po'i 'bras bu yod par thal/ dngos po de/ dngos
po'i rgyur gyur pa'i dngos po'i 'bras bu yin pa'i phyir te/ de
dngos po'i rgyur gyur pa'i dngos po'i phyi logs su byung ba yin
pa'i phyir/ ma grub na/ dngos po chos can/ khyod khyod kyi rgyur
gyur

pa'i dngos po'i phyi logs su byung ba yin par thal/ khyod 'dus
byas yin pa'i phyir/ byas pa la/ kho na re/ dngos po chos can/
khyod kyi rgyur gyur pa'i khyod kyi 'bras bu med par thal/ khyod
kyi rgyu dang khyod kyi 'bras bu'i yin pa med pa'i phyir zer na/
ma

@019a @#/ /khyab ste/ dngos po chos can/ khyod kyi rgyur gyur
pa'i khyod kyi 'bras bu yod par thal/ khyod kyi rgyur gyur ba'i
khyod yod pa gang zhig de rtag pa ma yin pa'i phyir/ ! /drug pa
spyi dang bye brag gi rnam bzhag bshad pa la/ dgag bzhag

spong gsum las/ dang po la/ kha cig na re/ spyi yin na bye brag
ma yin pas khyab zer na/ dngos po chos can/ bye brag ma yin par
thal/ spyi yin pa'i phyir/ khyab pa khas/ ma grub na/ dngos po
chos can/ spyi yin par thal/ khyod kyi bye brag yod pa'i phyir/
ma grub

na; dngos po chos can/ khyod kyi bye brag yod par thal/ bum pa
de de yin pa'i phyir/ ma grub na/ bum pa chos can/ khyod dngos
po'i bye brag yin par thal/ khyod dngos po yin/ khyod dngos po
dang bdag gcig tu 'brel khyod ma yin zhing dngos po yang yin

pa'i gzhi mthun pa du ma grub pa'i phyir/ rtags gnyis pa ma grub
na/ bum pa chos can/ dngos po dang bdag gcig 'brel yin par thal/
dngos po dang bdag nyid gcig yin pa gang zhig /dngos po dang tha
dad kyang yin/ dngos po med na khyod med

dgos pa'i phyir/ rtags dang po ma grub na/ bum pa chos can/
dngos po dang bdag nyid gcig yin par thal/ dngos po dang rang
bzhin gcig yin pa'i phyir/ rtags gnyis pa ma grub na/ bum pa
chos can/ dngos po dang tha dad yin par thal/ gzugs yin

pa'i phyir/ rtags gsum pa ma grub na/ bum pa chos can/ dngos po
med na khyod med dgos par thal/ dngos po med na gang dran dran
yin dgos pa'i phyir/ gong gi rtags gsum pa ma grub na/ bum pa
chos can/ khyod ma yin zhing dngos po yang yin pa'i

@019b gzhi mthun pa du ma grub par thal/ tsan dan gyi ka ba de
yang de yin/ shug pa'i ka ba de yang de yin pa'i phyir/ rtsa bar
'dod na/ dngos po chos can/ bye brag yin par thal/ shes bya'i
bye brag yin pa'i phyir/ ma grub na/ dngos po chos can/ shes
bya'i bye brag

yin par thal/ khyod shes bya yin/ khyod shes bya dang bdag gcig
tu 'brel/ khyod ma yin zhing shes bya yang yin pa'i gzhi mthun
pa du ma grub pa'i phyir/ kha cig na re/ dngos po'i spyi yin na/
don byed nus pa'i spyi yin pas khyab zer na/ mtshon bya chos can/
don

byed nus pa'i spyi yin par thal/ dngos po'i spyi yin pa'i phyir/
khyab pa khas/ ma grub na/ mtshon bya chos can/ khyod dngos po'i
spyi yin par thal/ dngos po khyod kyi bye brag yin pa'i phyir/
ma grub na/ dngos po chos can/ mtshon bya'i bye brag yin par
thal/

khyod mtshon bya yin/ khyod mtshon bya dang bdag gcig tu 'brel/
khyod ma yin zhing mtshon bya yang yin pa'i gzhi mthun pa du ma
grub pa'i phyir/ rtsa bar 'dod na/ don byed nus pa chos can/
khyod mtshon bya'i bye brag ma yin par thal/ mtshan nyid yin pa'i
phyir te/

dngos po'i mtshan nyid yin pa'i phyir/ kha cig na re/ dngos po'i
spyi yin na/ mi rtag pa'i spyi yin pas khyab zer na/ mi rtag pa
dang tha dad chos can/ mi rtag pa'i spyi yin par thal/ dngos
po'i spyi yin pa'i phyir/ khyab pa khas/ ma grub na/ mi rtag pa
dang tha dad

chos can/ khyod dngos po'i spyi yin par thal/ dngos po khyod kyi
bye brag yin pa'i phyir/ rtsa bar 'dod na/ mi rtag pa dang tha
dad chos can/ mi rtag pa'i spyi ma yin par thal/ mi rtag pa
khyod kyi bye brag ma yin pa'i phyir/ ma grub na/ mi rtag pa
chos can/ mi rtag pa dang

@020a @#/ /tha dad gyi bye brag ma yin par thal/ mi rtag pa dang
tha dad ma yin pa'i phyir/ ma grub na/ mi rtag pa chos can/
khyod khyod dang tha dad ma yin par thal/ khyod gang zag gi bdag
med yin pa'i phyir/ kha cig na re/ spyi'i spyi yang yin/ bye
brag gi bye

brag kyang yin pa'i gzhi mthun pa med zer na/ de yod par thal/
rtag pa de de yin pa'i phyir/ ma grub na/ rtag pa chos can/
khyod spyi'i spyi yang yin/ bye brag gi bye brag kyang yin pa'i
gzhi mthun pa yin par thal/ khyod spyi'i spyi yin pa gang zhig
bye brag gi bye brag

yin pa'i phyir/ rtags dang po ma grub na/ rtag pa chos can/
khyod spyi'i spyi yin par thal/ spyi khyod kyi bye brag yin pa'i
phyir/ rtags gnyis pa ma grub na/ rtag pa chos can/ bye brag gi
bye brag yin par thal/ khyod bye brag yin khyod bye brag dang
bdag gcig tu 'brel

khyod ma yin zhing bye brag kyang yin pa'i gzhi mthun pa du ma
grub pa'i phyir/ kha cig /rtag pa'i spyi yin na/ rtag pa'i bye
brag ma yin pas khyab zer na/ spyi chos can/ der thal/ de'i
phyir/ der thal/ rtag pa khyod kyi bye brag yin pa'i phyir/ der
thal/ rtag pa spyi yin/

rtag pa spyi dang bdag gcig tu 'brel/ rtag pa ma yin zhing spyi
yang yin pa'i gzhi mthun pa du ma grub pa'i phyir/ rtsa bar 'dod
na/ spyi chos can/ rtag pa'i bye brag yin par thal/ khyod rtag
pa yin/ khyod rtag pa dang bdag gcig tu 'brel/ khyod ma yin

zhing rtag pa yang yin pa'i gzhi mthun du ma grub pa'i phyir/
kha cig /dngos po'i spyi yin na/ dngos po'i bye brag ma yin pas
ma khyab zer na/ mi 'thad de/ dngos po'i spyi dang dngos po'i
bye brag gnyis ka yin pa med pa'i phyir/ der thal/ der gyur pa'i
rtag pa

@020b yang med/ der gyur ba'i mi rtag pa yang med pa'i phyir/
dang po der thal/ rtag pa yin na dngos po'i bye brag ma yin pas
khyab pa'i phyir te/ rtag pa yin na/ dngos po ma yin pas khyab
pa'i phyir/ gang gi rtags gnyis pa grub ste/ dngos po'i spyir
gyur pa'i dngos po yin

na; gang dran dran yin pas khyab pa'i phyir/ rang res dngos po
yin na/ dngos po'i spyi ma yin pas khyab byas pa la/ kha cig na
re/ sgra mi rtag pa chos can/ der thal/ de'i phyir zer na rtags
ma grub po/ 'dod mi nus te/ sgra mi rtag pa dngos po'i spyi yin
pa'i phyir te/ /

dngos po sgra mi rtag pa'i bye brag yin pa'i phyir/ der thal/
dngos po sgra mi rtag pa yin/ dngos po sgra mi rtag pa dang bdag
gcig tu 'brel/ dngos po ma yin zhing sgra mi rtag pa yang yin
pa'i gzhi mthun du ma grub pa'i phyir/ rtags phyi ma der thal/
shes bya yang de yin/

rtag pa de yang de yin pa'i phyir/ der thal/ bdag med yin na/
sgra mi rtag pa yin pas khyab pa'i phyir/ kha cig na re/ blo'i
bye brag yin na/ dngos po'i bye brag yin pas khyab zer na/ dngos
po'i rgyur gyur pa'i tshad ma dang bcad bshes gnyis chos can/ der
thal/

de'i phyir/ khyab pa khas/ ma grub na/ de chos can/ der thal/
khyod blo yin/ khyod blo dang bdag gcig tu 'brel khyod ma yin
zhing/ blo yang yin pa'i gzhi mthun pa du ma grub pa'i phyir/
dang po dang gnyis pa sla/ gsum pa ma grub na/ de 'dra ba'i gzhi
mthun pa du ma grub par

thal; rnam mkhyen de yang de yin/ tshad ma de yang de yin/ de
gnyis phan tshun tha dad du grub pa'i phyir/ rtsa bar 'dod na/ de
chos can/ dngos po'i bye brag ma yin par thal/ dngos po dang
bdag gcig tu 'brel pa ma yin pa'i phyir/ ma grub na/ de chos
can/ der thal/ dngos

@021a @#/ /po'i rgyu yin pa'i phyir/ rtags sla/ gnyis pa rang
lugs la/ spyi'i mtshan nyid yod de/ rang gi gsal ba la rjes su
'gro ba'i chos de de yin pa'i phyir/ spyi la sgras brjod rigs
kyi sgo nas dbye na gsum yod de/ rigs spyi/ don spyi/ tshogs spyi

dang gsum yod pa'i phyir/ rigs spyi'i mtshan nyid yod de/ rang gi
rigs can du ma la rjes su 'gro ba'i chos de de yin pa'i phyir/
mtshan gzhi yod de/ shes bya de de yin pa'i phyir/ bum pa'i don
spyi'i mtshan nyid yod de/ bum 'dzin rtogs pa la bum pa ma yin

bzhin du bum pa lta bur snang ba'i sgro btags kyi cha de de yin
pa'i phyir/ mtshan gzhi yod de/ bum 'dzin rtog pa skad cig ma
gnyis pa la bum pa skad cig gnyis pa ma yin pa las log par snang
ba de de yin pa'i phyir/ tshogs spyi'i mtshan nyid yod de/ rang

gi cha shas du ma 'dus pa'i gzugs rags pa de de yin pa'i phyir/
mtshan gzhi yod de/ bum pa dang ka ba lta bu de yin pa'i phyir/
tshogs spyi dang/ rigs spyi'i gzhi mthun yod de/ bum pa de de yin
pa'i phyir/ tshogs spyi ma yin pa dang/ rigs spyi'i gzhi mthun
yod

yod de/ shes bya de de yin pa'i phyir/ rigs spyi ma yin pa dang/
tshogs spyi'i gzhi mthun yod de/ ka bum gnyis de yin pa'i phyir/
rigs spyi ma yin pa dang/ tshogs spyi ma yin pa'i gzhi mthun yod
de/ rtag dngos gnyis de yin pa'i phyir/ bye brag gi mtshan nyid

yod de/ khyab byed du 'jug pa'i rang gi rigs yod pa can gyis
chos de/ rang nyid bye brag yin pa'i mtshan nyid yin pa'i phyir/
gsum pa rtsod pa spong ba la kho na re/ ka bum gnyis chos can/
spyi yin par thal/ tshogs spyi yin pa'i phyir na ma khyab/ rtags
grub ste/

@021b rdul rdzas brgyad 'dus kyi gong bu yin pa'i phyir/ 'dod
na/ de chos can/ spyi ma yin par thal/ khyod kyi bye brag med
pa'i phyir/ ma grub na/ de chos can/ der thal/ khyod yin pa mi
srid pa'i shes bya yin pa'i phyir/ yang kho na re/ shes bya de
spyi ma yin par thal/ de shes

bya yin pa'i spyi ma yin pa'i phyir na ma khyab/ ma grub na/ de
shes bya yin pa'i spyi ma yin par thal/ shes bya yin pa'i spyi
med pa'i phyir/ ma grub na/ der thal/ shes bya'i spyi med pa
gang zhig /shes bya dang/ shes bya yin pa gnyis don gcig yin
pa'i phyir/ gong du

'dod na/ shes bya chos can/ spyi yin par thal/ rang gi gsal ba
la rjes su 'gro ba'i chos yin pa'i phyir/ ma grub na/ de chos
can/ der thal/ rang gi rigs can du ma la rjes su 'gro ba'i chos
yin pa'i phyir/ ma grub na/ de chos can/ der thal/ rang gi rigs
can du ma

la rjes su 'gro ba'i phyir/ ma grub na/ de chos can/ der thal/
rtag dngos thams cad khyod kyi rigs su gtogs pa'i phyir/ yang
kho na re/ shes bya ma yin pa'i spyi yin par thal/ ma yin pa
shes bya'i bye brag yin pa'i phyir zer na ma khyab/ 'dod na/
shes

bya ma yin pa'i spyi ma yin par thal/ shes bya ma yin pa'i spyi
yin na gang dran dran yin pas khyab pa'i phyir/ yang kho na re/
bye brag ma yin pa'i bye brag yod par thal/ spyi ma yin pa'i
spyi yod pa'i phyir na ma khyab/ rtags grub ste/ shes bya de
spyi ma yin/

pa'i spyi yin pa'i phyir/ ma grub na/ shes bya chos can/ spyi ma
yin pa'i spyi yin par thal/ spyi ma yin pa khyod kyi bye brag
yin pa'i phyir/ yang kho na re/ shes bya chos can/ spyi ma yin
pa'i spyi ma yin par thal/ spyi yin pa'i spyi yin pa'i phyir zer
na ma khyab/

@022a @#/ /rtags grub ste/ spyi yin pa khyod kyi bye brag yin
pa'i phyir/ yang kho na re/ rtag pa sgra mi rtag pa'i bye brag
ma yin par thal/ dngos po sgra mi rtag pa'i bye brag yin pa'i
phyir zer na ma khyab ste/ rtag pa sgra mi rtag pa'i bye brag
yin par thal/

sgra mi rtag pa rang gi gsal ba rtag pa la rjes su 'gro ba'i
chos yin pa'i phyir/ der thal/ de'i gsal ba la rtag pa yod pa'i
phyir te/ de'i gsal ba la rtag dngos gnyis ka yod pa'i phyir/
kho na re/ yod pa chos can/ bye brag yin par thal/ khyab byed du

'jug pa'i rang gi rigs yod pa can gyi chos yin pa'i phyir/ der
thal/ khyab byed du 'jug pa'i yod pa yod pa'i phyir zer na ma
khyab ste/ mtshan nyid kyi zur du rang gi rigs yod pa zhes smos
pa la dgos pa yod pa'i phyir/ ! /bdun pa rdzas ldog gi

rnam bzhag bshad pa la/ kha cig na re/ rdzas chos yin na/ ldog
chos yin pas khyab zer na/ bum pa chos can/ der thal/ de'i
phyir/ khyab pa khas/ ma grub na/ de chos can/ der thal/ khyod
gzhi grub/ khyod khyod rang yin/ khyod ma yin pa khyod ma yin/
khyod kyi ldog

pa rdzas chos dang mi 'gal ba yin pa'i phyir/ dang po grub ste/
yod pa'i phyir/ gnyis pa ma grub na/ bum pa bum pa yin par thal/
bum pa yod pa'i phyir/ gsum pa ma grub na/ bum pa ma yin pa bum
pa ma yin par thal/ bum pa ma yin pa rtag pa yin pa'i

phyir/ bzhi pa ma grub na/ bum pa'i ldog pa rdzas chos dang mi
'gal ba yin par thal/ bum pa'i ldog pa dang rdzas chos kyi gzhi
mthun yod pa'i phyir/ ma grub na/ der thal/ bum pa de de yin
pa'i phyir/ rtsa bar 'dod na/ de chos can/ ldog chos ma yin

@022b par thal/ ldog chos dang po gsum po gang rung ma yin/ rjes
mthun bzhi po gang rung ma yin pa'i phyir/ dang po ma grub na/
de chos can/ der thal/ rang yin pa'i ldog chos ma yin/ rang ma
yin pa'i ldog chos ma yin/ ldog chos phung sum tsam po ba yang
ma

yin pa'i phyir/ dang po ma grub na/ de chos can/ khyod ma yin pa
khyod yin par thal/ khyod rang yin pa'i ldog chos yin pa'i
phyir/ rtags khas/ khyab ste/ khyod gzhi grub/ khyod khyod rang
yin/ khyod ma yin pa khyod yin/ khyod kyi ldog pa rang yin pa'i
ldog

chos dang mi 'gal ba yang yin pa'i gzhi mthun pa de/ khyod rang
yin pa'i ldog chos kyi mtshan nyid yin pa'i phyir/ 'dod na/ bum
ba ma yin pa bum pa ma yin par thal/ bum pa ma yin pa dngos po
ma yin pa'i phyir/ rtags gnyis pa ma grub na/

bum pa chos can/ khyod khyod rang ma yin par thal/ khyod rang ma
yin pa'i ldog chos yin pa'i phyir/ rtags khas/ khyab ste/ khyod
gzhi grub/ khyod khyod rang ma yin/ khyod ma yin pa khyod ma
yin/ khyod kyi ldog pa rang ma yin pa'i ldog chos dang mi

'gal ba yang yin pa'i gzhi mthun pa de/ khyod rang ma yin pa'i
ldog chos kyi mtshan nyid yin pa'i phyir/ 'dod na/ bum pa bum pa
yin par thal/ bum pa yod pa'i phyir/ rtags gsum pa ma grub na/
bum pa chos can/ khyod ma yin pa khyod yin par thal/

khyod ldog chos phung sum tsam po pa yin pa'i phyir/ rtags khas/
khyab ste/ khyod gzhi grub/ khyod khyod rang ma yin/ khyod ma
yin pa khyod yin/ khyod kyi ldog pa ldog chos phung sum tsam po
ba dang mi 'gal ba yang yin pa'i gzhi mthun pa de/ khyod

@023a @#/ /ldog chos phung sum tsam po ba'i mtshan nyid yin pa'i
phyir/ 'dod na/ bum pa ma yin pa bum pa ma yin par thal/ bum pa
ma yin pa bem po ma yin pa'i phyir/ gong gi rtsa rtags gnyis pa
ma grub na/ bum pa chos can/ rjes mthun bzhi

po gang rung ma yin par thal/ rang yin pa'i ldog chos kyi rjes
mthun ma yin/ rang ma yin pa'i ldog chos kyi rjes mthun ma yin/
ldog chos phung sum tsam po ba'i rjes mthun ma yin/ rdzas chos
kyi rjes mthun yang ma yin pa'i phyir/ dang po ma grub

na; bum pa chos can/ khyod ma yin pa khyod yin par thal/ khyod
rang yin pa'i ldog chos kyi rjes mthun yin pa'i phyir/ rtags
khas/ khyab ste/ khyod gzhi grub/ khyod khyod rang yin/ khyod ma
yin pa khyod yin/ khyod kyi ldog pa rang yin pa'i ldog chos kyi

rjes mthun dang mi 'gal ba yang yin pa'i gzhi mthun pa de/ khyod
rang yin pa'i ldog chos kyi rjes mthun gyi mtshan nyid yin pa'i
phyir/ 'dod na/ gong du bkag zin/ gnyis pa ma grub na/ bum pa
chos can/ khyod khyod rang ma yin par thal/ khyod rang ma yin

pa'i ldog chos kyi rjes mthun yin pa'i phyir/ rtags khas/ khyab
ste/ khyod gzhi grub/ khyod khyod rang ma yin/ khyod ma yin pa
khyod ma yin/ khyod kyi ldog pa rang ma yin pa'i ldog chos kyi
rjes mthun dang mi 'gal ba yang yin pa'i gzhi mthun pa de/ khyod
rang

ma yin pa'i ldog chos kyi rjes mthun gyi mtshan nyid yin pa'i
phyir/ 'dod na/ gong du bkag zin/ gsum pa ma grub na/ bum pa
chos can/ khyod khyod rang ma yin par thal/ khyod ldog chos
phung sum tsam po ba'i rjes mthun yin pa'i phyir/ khyab ste/

@023b khyod gzhi grub/ khyod khyod rang ma yin/ khyod ma yin pa
khyod yin/ khyod kyi ldog pa ldog chos phung sum tsam po ba'i
rjes mthun dang mi 'gal ba yang yin pa'i gzhi mthun pa de/ khyod
ldog chos phung sum tsam po ba'i rjes mthun gyi mtshan nyid yin

pa'i phyir/ 'dod na/ gong du bkag zin/ gzhi pa ma grub na/ bum
pa chos can/ khyod kyi ldog pa rdzas chos kyi rjes mthun dang mi
'gal ba yin par thal/ khyod rdzas chos kyi rjes mthun yin pa'i
phyir/ rtags khas/ khyab ste/ khyod gzhi grub/ khyod

khyod rang yin/ khyod ma yin pa khyod ma yin/ khyod kyi ldog pa
rdzas chos kyi rjes mthun dang mi 'gal ba yang yin pa'i gzhi
mthun pa de/ khyod rdzas chos kyi rjes mthun gyi mtshan nyid yin
pa'i phyir/ gzhan yang/ bum pa chos can/ rdzas chos kyi rjes

mthun ma yin par thal/ rdzas chos dngos gnas pa yin pa'i phyir/
ma grub na/ de chos can/ der thal/ rdzas chos yin pa'i phyir/ ma
khyab zer na/ rdzas chos chos can/ khyod yin na/ khyod dngos
gnas pa yin pas khyab par thal/ khyod bdag med yin

pa'i phyir/ des na rang yin pa'i ldog chos yod de/ mtshon bya/
rtag pa/ spyi dang/ bye brag sogs de yin pa'i phyir/ rang ma yin
pa'i ldog chos yod de/ mtshan nyid/ tha dad/ bum pa dang gcig /ka
bum gnyis sogs yin pa mi srid pa'ic hos rnams

de yin pa'i phyir/ ldog chos phung sum tsam po ba yod de/ dngos
po'i bye brag dang/ dngos po'is pyi sogs de yin pa'i phyir/
rdzas chos kyi rjes mthun yod de/ ldog chos su gyur pa'i dngos
po de de yin pa'i phyir/ rang yin pa'i ldog chos kyi rjes

@024a @#/ /mthun yod de/ rang yin pa'i ldog chos ma yin pa de de
yin pa'i phyir/ rang ma yin pa'i ldog chos kyi rjes mthun yod
de/ rang ma yin pa'i ldog

chos de de yin pa'i phyir/ ldog chos phung sum tsam po ba'i rjes
mthun yod de/ ldog chos phung sum tsam po ba de de yin pa'i
phyir// ! /rnam grol zhi ba'i rgya mtshor

ro gcig tu/ /gzhol pa'i mtha' yas chos tshul dal 'bab klung/
/tshig gi gzegs ma res kyang dug gsum gyi/ /dri ma legs 'khrud
legs bshad bdud rtsi 'di/ /par du bskrun pa'i rnam

dkar phung po'i mthus/ /yang dag chos kyi sgo mo stong phrag
brgya/ /gdangs te rgyu lnga'i 'gro ba ma lus pa/ /nges legs nor
bu'i mdzod la dbang 'byor shog /ces pa 'di yang deng dus

@024b yid srub kyis rgyud brlabs pa'i kla klo'i sdig spyod mi
bzad pas gangs ljongs chos ldan gyi zhing du thub pa'i bstan pa
rin po che nyi mo'i snang ba ltar 'bar ba de ni ming gi lhag ma
tsam du nyam nyes par byas/

phyogs phyogs na rdul phran gyi mtshon cha sogs gdug pa'i gnod
'tshe gya gyu'i sbyor ba ni nyin re bzhin du dar ba sogs sgo kun
nas lda bdo'i rgyud tshogs mtsho ltar brdol ba 'di dag lhag med du
zhi zhing/ byang

phyogs bod kha ba can du bstan pa'i me ro slar yang sngar bzhin
gsos te rgya gar 'phags pa'i ljongs 'dir yang thub pa'i bzhed
dgongs dri ma med pa dar rgyas su 'phel ba dang/ 'dzam gling
yangs

pa'i khyon la 'tshe med zhi ba'i lam ston rnam 'dren shAkya seng
ge'i ring lugs sgo kun nas rgyas slad du/ rgyal ba'i bstan pa la
mi phyed pa'i dad stobs yangs pa ser byes bya bral dge slong
mkhyen

@025a @#/ /rab 'phags pa nas dus 'dir blo gsal gsar bu rnams la
mkho gnad shin tu che bar brten yongs 'dzin rdo rje 'chang phur
lcog byams pa tshul khrims rgya mtsho dpal bzang pos

mdzad pa'i bsdus gra'i rnam bzhag rigs lam chung ngu'i shing par
gsar du bskrun pa dang/ gzhan yang nang bstan grub mtha' ris med
kyi gsung rab dpar du bskrun dang bskrun 'gyur gang la'ang

sbyar chog pa'i dge bsngo'i smon tshig tu/ shAkya'i dge sbyong
chos smra ba ngag dbang blo bzang bstan 'dzin rgya mtshos sbyar
ba'o// //dge 'o/ /dge 'o/ /dge 'o// /

dge legs 'phel// srba mangga laM// //