@#/ /tshad ma'i gzhung don 'byed pa'i bsdus grwa'i rnam gzhag rigs
lam 'phrul gyi lde mig ces bya ba las rigs lam che ba'i skor gyi
rnam par bshad pa bzhugs so/ /

@56a @##/ /bla ma dang mgon po 'jam dpal dbyangs la phyag 'tshal
lo/ /'dir bsdus grwa'i rnam gzhag rigs lam 'phrul gyi lde mig
las/ rigs lam che ba thal 'gyur sogs kyi rnam gzhag bshad pa

la; ;thal 'gyur chung ba zhar byung dang bcas pa'i rnam gzhag
bshad pa/ thal 'gyur che ba'i rnam gzhag bshad pa/ gzhan sel
dgag sgrub kyi rnam gzhag bshad pa/ sel 'jug sgrub 'jug gi rnam
gzhag bshad pa'o//

dang po la dngos dang/ zhar byung gnyis las/ dang po la/ kha cig
na re/ khyod rtags gsal dang bcas pa'i thal 'gyur yin na/ khyod
kyi rtags gsal khyab gsum gang rung grub pas khyab zer na/ bum
pa

chos can/ rtag pa yin par thal/ mtshan nyid yin pa'i phyir zhes
pa'i thal 'gyur chos can/ der thal/ de'i phyir/ ma grub na/ de
'dra'i thal 'gyur chos can/ khyod rtags gsal dang bcas pa'i thal

'gyur yin par thal/ khyod rtags gsal rtsod gzhi gsum ka dang
bcas pa'i thal 'gyur yin pa'i phyir/ der thal/ khyod bum pas
rtsod gzhi/ rtag pas gsal ba/ mtshan nyid kyis rtags byas pa'i
thal 'gyur

yin pa'i phyir/ rtsa bar 'dod na/ de 'dra'i thal 'gyur chos can/
khyod kyi rtags gsal khyab gsum gang rung ma grub par thal/
khyod kyi rtags ma grub pa gang zhig /gsal ba ma grub/ khyab pa
ma grub pa'i phyir/

@57a @#/ /dang po ma grub na/ de 'dra'i thal 'gyur gyi rtags ma
grub par thal/ de 'dra'i thal 'gyur gyi rtags la rtags ma grub
kyi lan btab pa'i tshe/ bum pa mtshan nyid yin pa rtags ma grub
ces lan 'debs

rigs pa gang zhig /bum pa mtshan nyid yin pa rtags ma grub ces
lan thebs pa'i phyir/ rtsa rtags gnyis pa ma grub na/ de 'dra'i
thal 'gyur gyi gsal ba ma grub par thal/ de 'dra'i thal 'gyur
gyi gsal ba la 'dod

lan btab pas bum ba rtag pa yin par 'dod ces rtsi rigs pa gang
zhig/ bum pa rtag pa yin par 'dod ces lan mi thebs pa yin pa'i
phyir/ rtsa rtags gsum pa ma grub na/ de 'dra'i thal 'gyur gyi
khyab pa ma

grub par thal/ mtshan nyid yin na/ rtag pa yin pas khyab pa de
'dra'i thal 'gyur gyi khyab pa yin pa gang zhig /mtshan nyid yin
na/ rtag pa yin pas khyab pa ma grub pa'i phyir/ des rtags gsal
khyab gsum ka

ma grub pa dang/ rtags gsal khyab gsum gang rung re re ma grub
pa rnams la rigs 'gre bar bya'o/ /kha cig na re/ khyod thal
'gyur gang zhig /khyod kyi rtags grub na/ khyod kyi bkod tshod
kyi rtags grub pas khyab zer

na; ;sgra chos can/ mi rtag pa ma yin par thal/ dngos po yin
pa'i phyir/ zhes pa'i thal 'gyur chos can/ der thal/ de'i phyir/
rtags grub ste/ de 'dra'i thal 'gyur gyi rtags la rtags ma grub
kyi lan mi thebs pa'i phyir

@57b te; ;sgra dngos po yin pa rtags ma grub ces lan mi thebs
pa'i phyir/ rtsa bar 'dod na/ dngos po yin par grub par thal/ de
'dra'i thal 'gyur gyi bkod tshod kyi rtags grub pa'i phyir/ rtags
khas/ ma khyab na khyab

pa yod par thal/ dngos po yin pa de de 'dra'i thal 'gyur gyi
bkod tshod kyi rtags dang/ sgra dngos po yin pa de de 'dra'i thal
'gyur gyi song tshod kyi rtags yin pa'i phyir/ der thal/ rtags
gsal rtsod gzhi gsum ka dang bcas

pa'i thal 'gyur gang dang gang gi yang bkod song gi rtags ngos
'dzin dang grub ma grub sogs 'di dang rigs 'dra zhing /rtsod
gzhi med cing rtags gsal gnyis ka dang ldan pa'i thal 'gyur
rnams la yang song tshod kyi rtags

med kyang bkod tshod kyi rtags ngos 'dzin tshul dang grub ma grub
sogs rigs 'dra ba yin pa'i phyir/ kha cig na re/ shes bya chos
can/ ka ba chos can/ bum pa chos can/ dngos po yin par thal/
dngos po yin pa'i phyir zhes pa'i

thal 'gyur gyi gsal ba la 'dod lan btab pas/ shes bya chos can/
ka ba chos can/ bum pa chos can/ dngos po yin par 'dod ces rtsi
rigs zer na/ de mi rigs par thal/ de 'dra'i thal 'gyur gyi gsal
ba la 'dod lan btab

pas; ;ka ba chos can/ bum pa chos can/ dngos po yin par 'dod ces
rtsi rigs pa'i phyir/ der thal/ de 'dra'i thal 'gyur de/ shes
byas rtsod gzhi/ bum pa chos can/ ka ba chos can/ dngos pos gsal
ba/ dngos pos rtags byas

@58a @#/ /pa'i thal 'gyur yin pa'i phyir/ der thal/ chos can
gnyis nas brgya'i bar du brtsegs pa'i thal 'gyur gang dang gang
bkod kyang/ chos can dang po de rtsod gzhir bzhag nas/ chos can
lhag ma gang yod gsal ba

la sbyor dgos pa'i phyir/ yang kha cig na re/ bum pa chos can/
yod pa chos can/ khyod khyod dang gcig yin par thal/ khyod yod
pa yin pa'i phyir zhes pa'i thal 'gyur gyi gsal ba la 'dod lan
btab pa'i tshe/ bum ba

chos can/ yod pa chos can/ khyod khyod dang gcig yin par 'dod
ces rtsi rigs zer na/ de mi rigs par thal/ de 'dra'i thal 'gyur
gyi gsal ba la 'dod lan btab pa'i tshe/ yod pa chos can/ bum pa
bum pa dang gcig yin

par 'dod ces rtsi rigs pa'i phyir/ der thal/ de 'dra'i thal
'gyur de bum pas rtsod gzhi/ yod pa chos can/ khyod khyod dang
gcig yin pas gsal ba/ khyod yod pas rtags byas pa'i thal 'gyur
yin pa gang zhig /khyod khyod

dang gcig yin par thal/ zhes pa'i khyod gnyis po de rtsod gzhi
bum pa la sbyor dgos pa'i phyir/ kha cig na re/ yod pa yin par
thal/ dngos po yin par thal/ mi rtag pa yin par thal/ mi rtag pa
yin pa'i phyir zhes pa'i

thal 'gyur gyi gsal ba la 'dod lan btab ba'i tshe/ yod pa yin par
thal/ dngos po yin par thal/ mi rtag pa yin par 'dod ces rtsi
rigs zer na/ de mi rigs par thal/ de 'dra'i thal 'gyur gyi gsal
ba la 'dod lan

@58b btab ba'i tshe/ yod pa yin par thal/ dngos po yin par 'dod
ces rtsi rigs pa'i phyir/ der thal/ gsal sbungs kyi thal 'gyur
gang dang gang bkod pa'i tshe/ thal ngag gnyis dang/ rtags gcig
byung na/ thal ngag gnyis gsal

ba dang/ thal ngag gsum byung na/ thal ngag gnyis gsal ba dang/
thal ngag gcig rtags/ thal ngag bzhi byung na/ thal ngag gsum
gsal ba dang/ gcig rtags/ thal ngag lnga byung na gsum gsal ba
dang/ gnyis rtags/ mdor

na rtags gsal cha byung che mnyam par bgo zhing/ cha ma byung na
gcig tsam gyis gsal ba mang bar 'jog dgos pa'i phyir/ yang rang
res/ shes bya yin par thal/ dngos po yin na/ gang dran yin pas
khyab/ ma byas pa

yin par thal/ dngos po yin na/ yod med gang rung ma yin pas
khyab byas pa la kho na re/ bum pa chos can/ gang dran dran yin
par thal/ shes bya yin par thal dngos po yin pa'i phyir zer na
'dod lan thebs pa yin te/

de 'dra'i thal 'gyur gyi gsal ba la 'dod lan btab pa'i tshe/ gang
dran dran yin par thal shes bya yin par 'dod ces rtsi rigs pa
gang zhig /gang dran dran yin par thal/ shes bya yin pa'i phyir/
dam bca' gnyis pa

la; ;shes bya chos can/ yod med gang rung ma yin par thal/ ma
byas pa yin par thal/ dngos po yin pa'i phyir zer na khyab pa ma
grub ste/ de 'dra'i thal 'gyur la khyab med kyi lan btab pa'i
tshe/ dngos po yin na/ yod med

@59a @#/ /gang rung ma yin par thal ma byas pa yin pas khyab pa
med ces lan 'debs rigs pa gang zhig /de ltar du lan thebs pa'i
phyir/ dang po ma grub na/ der thal/ de 'dra'i thal 'gyur de/
shes byas rtsod gzhi/

yod med gang rung ma yin par thal ma byas pas gsal ba/ dngos pos
rtags byas pa'i thal 'gyur yin pa'i phyir/ rtags gnyis pa sla/
yang kha cig na re/ rnam mkhyen chos can/ shes bya yin par thal/
yod pa yin par thal/

byas pa yin par thal/ blo'i yul du bya rung ba yin pa'i phyir
zhes pa'i thal 'gyur la khyab pa yod pa'i byir zhes pa'i thal
'gyur gyi rtags grub pa'i phyir zhes pa'i thal 'gyur gyi gsal ba
la 'dod lan btab pas/ shes bya

yin par thal yod pa yin par 'dod ces rtsi rigs zer na/ de mi
rigs par thal/ de 'dra'i thal 'gyur gyi gsal ba la 'dod lan btab
pa'i tshe/ rnam mkhyen shes bya yin par 'dod ces rtsi rigs pa'i
phyir/ der thal/ de 'dra'i

thal 'gyur de/ rnam mkhyen gyis rtsod gzhi/ shes byas gsal ba/
yod pa yin par thal man chad kyis rtags byas pa'i thal 'gyur yin
pa'i phyir/ yang kha cig gis/ bum pa chos can/ dngos po yin par
thal/ shes bya yin

par thal/ 'dus ma byas yin par thal/ byas pa yin par thal/ yod
pa yin pa'i phyir zhes pa'i thal 'gyur la khyab pa yod pa'i
phyir zhes pa'i thal 'gyur gyi gsal ba la 'dod lan thebs pa'i
phyir zhes pa'i thal 'gyur

@59b gyi rtags grub pa'i phyir zhes pa'i thal 'gyur gyi gsal ba
la 'dod lan btab pa'i tshe/ dngos po yin par thal/ shes bya yin
par thal/ 'dus ma byas yin par 'dod ces rtsi rigs zer na/ de mi
rigs par thal/ de 'dra'i

thal 'gyur gyi gsal ba la 'dod lan btab pa'i tshe/ bum pa dngos
po yin par 'dod ces rtsi rigs pa'i phyir/ de thal/ der 'dra'i
thal /gyur de bum pas rtsod gzhi/ dngos pos gsal ba/ shes bya
yin par thal man

chad kyis rtags byas pa'i thal 'gyur yin pa'i phyir/ der thal/
thal 'gyur de'i phyir sgra gsum yas rim gyis gsal ba phyi ma
gsum mas rim nas sbubs su drangs pa gang zhig /de ltar sbubs su
drangs pa'i tshe/ dngos

po de rtsa ba'i gsal bar lus pa'i phyir/ der thal/ gsal spungs
dang/ rtags spungs kyi thal 'gyur ji ltar bkod kyang/ phyir sgra
re res gsal ba re rer sbubs su 'dren la/ phyir sgra ji tsam yod
na'ang rtsa ba'i

gsal ba gcig po de sbubs su 'dren mi thub pa yin pa'i phyir/ des
na rang lugs la thal 'gyur 'gong tshul la lnga yod de/ rtags chos
don gsum re re ba'i 'god tshul/ chos can du ma brtsegs

pa'i 'god tshul/ gsal sbungs kyi 'god tshul/ rtags spungs kyi 'god
tshul/ sbubs 'tshang gi 'god tshul dang lnga yod pa'i phyir/ dang
po'i mtshan gzhi yod de/ bum pa chos can/ mi rtag pa yin par
thal/ skad cig ma yin

@60a @#/ /pa'i phyir zhes pa'i thal 'gyur de de yin pa'i phyir/
gnyis pa'i mtshan gzhi yod de/ bum pa chos can/ ka ba chos can/
dngos po chos can/ byas pa yin par thal/ mi rtag pa yin pa'i

phyir zhes pa'i thal 'gyur de de yin pa'i phyir/ gsum pa'i mtshan
gzhi yod de/ shes bya chos can/ ma byas pa yin par thal/ rtag pa
yin par thal/ dngos med yin par thal/ don byed nus stong yin
pa'i phyir zhes

pa'i thal 'gyur de de yin pa'i phyir/ bzhi ba'i mtshan gzhi yod
de/ rnam mkhyen chos can/ dngos po yin par thal/ 'dus byas yin
pa'i phyir/ don byed nus pa yin pa'i phyir/ skad cig ma yin pa'i
phyir/ zhes pa'i thal 'gyur de de yin pa'i

phyir; lnga pa sbubs 'tshang gi thal 'gyur la gnyis yod de/ chos
can sbubs 'tshang gi thal 'gyur dang/ gsal ba sbubs 'tshang gi
thal 'gyur gnyis yod pa'i phyir/ dang po'i mtshan gzhi yod de/
bum pa chos can/ gzugs chos can/ shes bya

chos can/ yod pa yin par thal/ yod pa yin pa'i phyir zhes pa'i
thal 'gyur gyi rtags grub par thal/ tshad mas dmigs pa yin pa'i
phyir zhes pa'i thal 'gyur la khyab par yod par thal/ tshad mas
dmigs pa yin pa'i

phyir zhes pa'i thal 'gyur de de yin pa'i phyir/ gnyis pa'i
mtshan gzhi yod de/ ka ba chos can/ mi rtag pa yin par thal/ skad
cig ma yin par thal/ dngos po yin par thal/ 'dus byas yin pa'i
phyir zhes pa'i thal 'gyur gyi

@60b rtags grub pa'i phyir/ zhes pa'i thal 'gyur la khyab pa yod
pa'i phyir zhes pa'i thal 'gyur de de yin pa'i phyir/ /! gnyis
pa zhar byung la drug sgra'i rnam gzhag bshad pa dang/ khas len
song tshul gyi rnam gzhag bshad

pa; ;dgag gzhi dris 'phangs kyi rnam gzhag bshad pa'o/ /dang po
la/ kha cig na re/ rnam mkhyen chos can/ yod par rtogs pa'i tshad
ma yin par thal/ dngos bor rtogs pa'i tshad ma yin pa'i phyir
zhes pa'i thal 'gyur

gyi gsal ba la 'dod lan btab pas/ rnam mkhyen yod par rtogs pa'i
tshad ma yin par 'dod ces rtsi rigs zer na/ de mi rigs par thal/
de 'dra'i thal 'gyur gyi gsal ba la 'dod lan btab pas/ rnam
mkhyen rnam

mkhyen yod par rtogs pa'i tshad ma yin par 'dod ces rtsi rigs
pa'i phyir/ yang kha cig na re/ rnam mkhyen chos can/ dngos por
rtogs pa'i tshad ma yod par thal/ tshad ma yin pa'i phyir zhes
pa'i thal

'gyur gyi gsal ba la 'dod lan btab pas/ rnam mkhyen rnam mkhyen
dngos por rtogs pa'i tshad ma yod par 'dod ces rtsi rigs zer na/
de mi rigs par thal/ de 'dra'i thal 'gyur gyi gsal ba la 'dod

lan btab pa'i tshe/ rnam mkhyen dngos por rtogs pa'i tshad ma yod
par 'dod ces rtsi rigs pa'i phyir/ der thal/ yod 'god dang/ yin
'god gnyis la rtsod gzhi 'phar mi 'phar gyi khyad par yod

@061a @#/ /pa'i phyir/ yang kha cig na re/ rnam mkhyen chos can/
dngos por rtogs pa'i tshad ma yin par rtogs pa'i tshad ma yin par
thal/ dngos por rtogs pa'i tshad ma yin pa'i phyir zhes pa'i thal
'gyur gyi

gsal ba la 'dod lan btab pa'i tshe/ rnam mkhyen rnam mkhyen dngos
por rtogs pa'i tshad ma yin par rtogs pa'i tshad ma yin par 'dod
ces rtsi rigs zer na/ de mi rigs par thal/ de 'dra'i thal 'gyur
gyi gsal ba la

'dod lan btab pa'i tshe/ rnam mkhyen de/ rnam mkhyen rnam mkhyen
dngos por rtogs pa'i tshad ma yin par rtogs pa'i tshad ma yin par
'dod ces rtsi rigs pa'i phyir/ der thal/ rnam mkhyen chos can/
dngos por rtogs pa'i

tshad ma yin par rtogs pa'i tshad ma yin par rtogs pa'i tshad ma
yin par thal/ dngos por rtogs pa'i tshad ma yin par rtogs pa'i
tshad ma yin pa'i phyir/ zhes pa'i thal 'gyur gyi gsal ba la 'dod
lan btab pa'i tshe/

rnam mkhyen de/ rnam mkhyen rnam mkhyen rnam mkhyen dngos por
rtogs pa'i tshad ma yin par rtogs pa'i tshad ma yin par rtogs pa'i
tshad ma yin par 'dod ces rtsi rigs pa'i phyir/ der thal/ rnam
mkhyen gyis rtsod gzhi byas nas/ dngos por

rtogs pa'i tshad ma yin par rtogs pa'i tshad ma yin 'god byas te/
bzhi brtsegs na/ rnam mkhyen lnga 'phar dgos la/ lnga brtsegs na
rnam mkhyen drug 'phar dgos pa sogs rigs 'gre par bya ba yin
pa'i phyir/ yang kha cig na re/

@061b rnam mkhyen chos can/ dngos por rtogs pa'i tshad ma yod par
rtogs pa'i tshad ma rtag par rtogs pa'i tshad ma yin par thal/
tshad ma yin pa'i phyir zhes pa'i thal 'gyur gyi gsal ba la 'dod
lan btab pa'i tshe/ rnam mkhyen

de rnam mkhyen rnam mkhyen rnam mkhyen dngos por rtogs pa'i tshad
ma yod par rtogs pa'i tshad ma rtag par rtogs pa'i tshad ma yin
par 'dod ces rtsi rigs zer na/ de mi rigs par thal/ de 'dra'i
thal 'gyur gyi gsal ba la 'dod

lan btab pas/ rnam mkhyen rnam mkhyen dngos por rtogs pa'i tshad
ma yod par rtogs pa'i tshad ma rtag par rtogs pa'i tshad ma yin
par 'dod ces rtsi rigs pa'i phyir/ der thal/ rnam mkhyen gyis
rtsod gzhi byas nas dngos

por rtogs pa'i tshad ma yod par rtogs pa'i tshad ma rtag par rtogs
pa'i tshad ma ci tsam brtsegs nas yin 'god byas kyang/ rnam
mkhyen gnyis las 'phar mi nus pa yin pa'i phyir/ gnyis pa khas
len song tshul gyi rnam

gzhag bshad pa la/ kho na re/ rtag dngos gang rung yin par thal/
gzhi grub pa'i phyir zer na/ 'dod byas pa la/ rtag pa yin par
thal/ rtag dngos gang rung gang zhig /dngos po ma yin pa'i
phyir/ phyi ma ma grub na/ 'o na/ rang

rgyu las skyes pa yin par thal/ dngos po yin pa'i phyir/ rtags
khas/ 'dod na/ khyod kyi rgyu yod par thal/ khyod rang rgyud las
skyes pa yin pa'i phyir/ 'dod na/ khyod khyod kyi rgyu la de
byung 'brel yin par thal/ khyod khyod kyi rgyu la 'brel

@062a @#/ /ba gang zhig /khyod khyod kyi rgyu la bdag gcig 'brel
ma yin pa'i phyir/ 'dod na/ khyod kyi rgyu med na khyod med dgos
par thal/ khyod khyod kyi rgyu la de byung 'brel yin pa'i phyir/
'dod na/ rtag pa chos can/ khyod med

par thal/ khyod kyi rgyu med pa'i phyir/ zer na/ rtsa bar 'dod
pa yin no/ /kha cig na re/ med pa yin na/ khyod yin par gyur
pa'i rtag pa yin pas khyab zer na/ rtag pa kho na chos can/ der
thal/ de'i phyir/ ma grub na/ rtag pa

kho na med par thal/ dngos po gzhi grub pa'i phyir/ rtsa bar
'dod na/ rtag pa kho na yin par gyur pa'i rtag pa yin par thal/
rtag pa yin pa'i phyir/ kha cig na re/ yod med gnyis kyi nang
nas med pa yin zer na/ de mi 'thad

par thal/ yod med gnyis kyi nang nas yod pa yin pa'i phyir/ der
thal/ yod pa yin pa'i phyir/ der thal/ rtag pa yin pa'i phyir/
yang kha cig na re/ yin min gnyis kyi nang nas ma yin pa yin zer
na/ de mi 'thad par

thal; yin min gnyis kyi nang nas yin pa yin pa'i phyir/ der
thal/ yin pa yin pa'i phyir/ der thal/ spyir gang yin dris pa na
yod pa yin ces lan 'debs dgos pa'i phyir/ byas pa la kho na re/
ma yin pa yin par thal/

gang min ces dris na med pa min ces lan 'debs dgos pa'i phyir
zer na skyon med de/ med pa min byas pas yod pa yin par khas
blangs song ba yin pa'i phyir/ yang kha cig na re/ tha dad dang
tha mi dad gnyis kyi nang nas

@062b tha dad yin zer na/ de mi 'thad par thal/ tha dad dang tha
mi dad gnyis kyi nad nas tha mi dang yin pa'i phyir/ der thal/
gcig dang du ma gnyis kyi nang nas gcig yin pa'i phyir/ der
thal/ gcig yin pa'i phyir/ des na rang lugs la

rtag dngos gnyis kyi nang nas rtag pa dang/ yod med gnyis kyi
nang nas yod pa yin/ yin min gnyis kyi nang nas yin pa yin/ tha
dad dang tha mi dad gnyis kyi nang nas tha mi dad yin/ spyi bye
brag gnyis kyi nang nas bye brag yin/ shes

bya yin par khas blangs pas spyir shes bya yin par khas blangs
par song/ shes bya ma yin par khas blangs pas spyir shes bya ma
yin par khas blangs par song/ shes bya yin pa dang yin pa gnyis
kar khas blangs pas/ spyir shes bya

de yin pa dang/ shes bya yin pa gnyis ka yin par khas blangs par
song/ de bzhin du shes bya min pa dang/ min pa gnyis ka yin par
khas blangs pa sogs rigs 'gros kyis shes bar bya'o// ! gsum pa
dgag gzhi dang dris

'phangs kyi rnam gzhag bshad pa la/ dgag gzhi'i rnam gzhag bshad
pa dang/ dris 'phangs kyi rnam gzhag bshad pa gnyis/ dang po ni/
kha cig na re/ ka ba'i dgag gzhi chos can/ khyod khyod dang gcig
yin par thal/ khyod yod pa'i phyir

zhes pa'i thal 'gyur gyi gsal ba la 'dod lan btab pas/ ka ba'i
dgag gzhi ka ba'i dgag gzhi dang gcig yin par 'dod ces rtsi rigs
zer na/ de mi rigs par thal/ de 'dra'i thal 'gyur gyi gsal ba la
'dod lan btab pas/ ka ba'i

@063a @#/ /dgag gzhi chos can gyi steng du ka ba'i dgag gzhi/ ka
ba'i dgag gzhi chos can gyi steng du ka ba'i dgag gzhi dang gcig
yin par 'dod ces rtsi rigs pa'i phyir/ der thal/ ka ba'i dgag
gzhi chos can/ ka ba'i dgag gzhi/

yin par thal/ khyod yod pa gang zhig /ka ba med pa'i phyir zhes
pa'i thal 'gyur gyi gsal ba la 'dod lan btab pas/ ka ba'i dgag
gzhi chos can gyi steng du ka ba'i dgag gzhi/ ka ba'i dgag gzhi
chos can gyi steng du

ka ba'i dgag gzhi yin par 'dod ces rtsi rigs pa'i phyir/ der
thal/ ka ba'i dgag gzhi chos can/ ka ba med par thal/ ka ba'i
dgag gzhi yin pa'i phyir zhes pa'i thal 'gyur gyi gsal ba la
'dod lan

btab pas/ ka ba'i dgag gzhi chos can gyi steng du ka ba/ ka ba'i
dgag gzhi chos can gyi steng du med par 'dod ces rtsi rigs pa'i
phyir/ der thal/ ka ba tshad mas ma dmigs pa'i sa phyogs chos
can/ byas pa

yin par thal/ skyes pa yin pa'i phyir zhes pa'i thal 'gyur gyi
gsal ba la 'dod lan btab pas/ ka ba tshad mas ma dmigs pa'i sa
phyogs chos can gyi steng du ka ba tshad mas ma dmigs pa'i sa
phyogs/

ka ba tshad mas ma dmigs pa'i sa phyogs chos can gyi steng du
byas pa yin par 'dod ces rtsi rigs pa'i phyir/ des rtags la rigs
'gre zhing dgag gzhi chos can du byas kyang drug sgra med ba'i
thal

@063b 'gyur rnams kyi rtags gsal la lan 'debs tshul shes par
bya'o/ /kha cig na re/ sgra'i dgag gzhi chos can/ dngos por
rtogs pa'i tshad ma'i dgag gzhi yin par thal/ rtag pa yin pa'i
phyir zhes pa'i thal

'gyur gyi gsal ba la 'dod lan btab pas/ sgra'i dgag gzhi chos
can gyi steng du sgra'i dgag gzhi/ sgra'i dgag gzhi chos can gyi
steng du dngos por rtogs pa'i tshad ma'i dgag gzhi yin par 'dod
ces rtsi rigs

zer na/ de mi rigs par thal/ de 'dra'i thal 'gyur gyi gsal ba la
'dod lan btab pas/ sgra'i dgag gzhi chos can gyi steng du sgra'i
dgag gzhi/ sgra'i dgag gzhi chos can gyi steng du sgra'i dgag
gzhi/

sgra'i dgag gzhi chos can gyi steng du dngos por rtogs pa'i tshad
ma'i dgag gzhi yin par 'dod ces rtsi rigs pa'i phyir/ yang kha
cig na re/ sgra'i dgag gzhi chos can/ yod pa dngos por rtogs
pa'i tshad

ma'i dgag gzhi yin par thal/ khyod yod pa gang zhig /yod pa
dngos por rtogs pa'i tshad ma med pa'i phyir/ zhes pa'i thal
'gyur gyi gsal ba la 'dod lan btab pas/ sgra'i dgag gzhi chos
can gyi

steng du sgra'i dgag gzhi/ sgra'i dgag gzhi chos can gyi steng
du yod pa/ sgra'i dgag gzhi chos can gyi steng du yod pa dngos
por rtogs pa'i tshad ma'i dgag gzhi yin par 'dod ces rtsi rigs
zer na/ de mi

@064a @#/ /'thad par thal/ de 'dra'i thal 'gyur gyi gsal ba la
'dod lan btab pas/ sgra'i dgag gzhi chos can gyi steng du sgra'i
dgag gzhi/ sgra'i dgag gzhi chos can gyi steng du yod pa dngos
por

rtogs pa'i tshad ma'i dgag gzhi yin par 'dod ces rtsi rigs pa'i
phyir/ yang kha cig na re/ bum pa'i dgag gzhi chos can gyi steng
du yod pa chos can/ bum pa'i dgag gzhi yin par thal/ rtag pa yin
pa'i

phyir zhes pa'i thal 'gyur gyi gsal ba la 'dod lan btab pas/ bum
pa'i dgag gzhi chos can gyi steng du yod pa/ bum pa'i dgag gzhi
chos can gyi steng du yod pa chos can gyi steng du bum pa'i dgag
gzhi

yin par 'dod ces rtsi rigs zer na/ de mi rigs par thal/ de
'dra'i thal 'gyur gyi gsal ba la 'dod lan btab pas/ bum pa'i
dgag gzhi chos can gyi steng du yod pa chos can gyi steng du bum
pa'i dgag gzhi

chos can gyi steng du yod pa/ bum pa'i dgag gzhi chos can gyi
steng du yod pa chos can gyi steng du bum pa'i dgag gzhi yin par
'dod ces rtsi rigs pa'i phyir/ des bum pa'i dgag gzhi chos can
gyi steng du shes

bya'i rigs gang brtsegs kyang rtsi tshul shes par bya'o/ /'di
skor la 'god rgyu mang du 'dug kyang tshig gi spros pa che dogs
nas de tsam las ma bkod do// ! gnyis pa dris 'phangs kyi rnam
gzhag bshad pa ni/

@064b rang res/ bum pa'i dgag gzhi chos can/ khyod khyod dang
gcig yin par thal/ gzhi grub pa'i phyir/ zhes pa'i thal 'gyur
gyi gsal ba la 'dod lan btab pas/ bum pa'i dgag gzhi chos can
gyi steng du

bum pa'i dgag gzhi/ bum pa'i dgag gzhi chos can gyi steng du bum
pa'i dgag gzhi dang gcig yin par 'dod ces rtsi rigs byas pa la
kho na re/ bum pa'i dgag gzhi chos can/ khyod khyod dang gcig
yin par thal/

gzhi grub pa'i phyir zhes pa'i thal 'gyur gyi gsal ba la 'dod
lan btab pas/ bum pa'i dgag gzhi chos can gyi steng du bum pa'i
dgag gzhi/ bum pa'i dgag gzhi chos can gyi steng du bum pa'i
dgag gzhi dang

gcig yin par 'dod ces rtsi mi rigs par thal/ bdag med yin pa'i
phyir zer na/ 'dod byas pa la/ dngos 'gal du 'gro zer na mi 'gro
ste/ sngar dris pa'i tshe na de ltar yin kyang 'dod lan btab pas/
bum pa'i dgag

gzhi chos can gyi steng du bum pa'i dgag gzhi/ bum pa'i dgag
gzhi chos can gyi steng du bum pa'i dgag gzhi dang gcig yin par
thal/ bum pa'i dgag gzhi chos can gyi steng du gzhi grub pa'i
phyir zhes pa'i thal 'gyur

gyi gsal ba la 'dod lan btab pas/ bum pa'i dgag gzhi chos can
gyi steng du bum pa'i dgag gzhi chos can gyi steng du bum pa'i
dgag gzhi/ bum pa'i dgag gzhi chos can gyi steng du bum pa'i
dgag gzhi chos can gyi

@065a @#/ /steng du bum pa'i dgag gzhi dang gcig yin par 'dod ces
rtsi mi rigs par 'dod ces rtsi rigs shing/ de ltar brtsis pas
dngos 'gal du mi 'gro ba yin pa'i phyir/ mdor na dris 'phangs
kyi

khyad par ni/ bum pa chos can/ rtag pa yin par thal zhes dris
na/ bum pa chos can/ rtag pa yin par 'dod ces rtsi rigs shing
'dod lan kyang thebs la/ bum pa chos can/ rtag pa yin par thal
zhes 'phangs na bum

pa rtag pa yin par 'dod ces rtsi dgos pas/ 'dod lan mi thebs pa
yin no/ /dris 'phangs kyi khyad par tsam ni de ltar yin zhing
gzhan 'di skor rigs pa'i 'byung gnas stag tshang rwa bstod pa'i
bsdus grwa sogs na rgyas par

'dug pas de tsam las ma bris so// ! gnyis pa thal 'gyur che ba'i
rnam gzhag bshad pa la gnyis/ dngos dang/ zhar la rgol phyi rgol
dpang po gsum gyi rnam gzhag bshad pa'o/ /dang po la/ dgag bzhag
spong

gsum las/ dang po ni/ kha cig na re/ lan gyis ldog par mi nus
pa'i thal ngag de/ thal 'gyur yang dag gi mtshan nyid yin zer na/
sgra chos can/ ma byas par thal/ rtag pa yin pa'i phyir zhes
pa'i thal 'gyur

chos can/ lan gyis ldog par mi nus pa'i thal ngag yin par thal/
thal 'gyur yang dag yin pa'i phyir/ khyab pa khas/ ma grub na/
de 'dra'i thal 'gyur chos can/ thal 'gyur yang dag yin par thal/
rang rgyud

@065b 'phen pa'i thal 'gyur yang dag yin pa'i phyir/ der thal/
tshul gsum 'phen nus kyi thal 'gyur yang dag yin pa'i phyir/ der
thal/ sgra chos can/ mi rtag ste/ byas pa'i phyir/ zhes pa'i
sbyor ba yang dag

'phen nus kyi thal 'gyur yang dag yin pa'i phyir/ rtsa bar 'dod
na/ de 'dra'i thal 'gyur chos can/ lan gyis zlog par mi nus pa'i
thal dag ma yin par thal/ lan gyis zlog par nus pa'i thal dag
yin pa'i phyir/

der thal/ lan btab na lan don mthun thebs pa'i thal ngag yin
pa'i phyir/ der thal/ de 'dra'i thal 'gyur gyi rtags la rtags ma
grub kyi lan don mthun thebs pa'i phyir/ der thal/ de 'dra'i
thal 'gyur gyi

rtags la rtags ma grub kyi lan btab pa'i tshe sgra rtag pa yin pa
rtags ma grub ces lan 'debs rigs pa gang zhig /sgra rtag pa ma
yin pa'i phyir/ kha cig na re/ rang nyid kyis 'phangs pa'i rang
rgyud kyi rtags yang

dag yod pa/ thal 'gyur yang dag gi mtshan nyid yin zer na/ sgra
chos can/ mi rtag pa yin par thal/ byas pa yin pa'i phyir zhes
pa'i thal 'gyur chos can/ mtshan nyid der thal/ mtshon bya de'i
phyir/ ma grub na/

de 'dra'i thal 'gyur chos can/ thal 'gyur yang dag yin par thal/
rang rgyud kyi 'phen pa'i thal 'gyur yang dag yin pa'i phyir/
rtsa bar 'dod na/ de 'dra'i thal 'gyur chos can/ rang rgyud
'phen pa'i thal 'gyur

@066a @#/ /yang dag yin par thal/ khyod rang nyid kyis 'phangs
pa'i rang rgyud kyi rtags yang dag yod pa'i thal 'gyur yin pa'i
phyir/ rtags khas/ 'dod mi nus te/ khyod tshul gsum 'phen mi

nus pa'i thal ngag rnam dag yin pa'i phyir/ kha cig na re/ rtags
gsal gang rung bkod pa'i ngag yin na/ thal 'gyur yang dag yin
pas khyab zer na/ sgra chos can/ mi rtag ste/ byas pa'i phyir
zhes pa'i sbyor ba chos

can; der thal/ de'i phyir/ ma grub na/ de 'dra'i rtags sbyor
chos can/ rtags gsal gang rung bkod pa'i ngag yin par thal/ byas
pa rtags su bkod pa'i ngag yin pa'i phyir/ der thal/ byas pa
rtags su bkod pa'i rtags

sbyor rnam dag yin pa'i phyir/ rtsa bar 'dod mi nus te/ rtags
sbyor dang thal 'gyur yang dag gi gzhi mthun mi srid pa yin pa'i
phyir/ kha cig na re/ pha rol po la mi 'dod pa'i thal ba ston
pa'i ngag yin na/ thal 'gyur

yang dag yin pas khyab zer na/ bstan bcos tshad ma rnam 'grel
chos can/ der thal/ de'i phyir/ ma grub na/ de chos can/ pha rol
po la mi 'dod pa'i thal ba ston pa'i ngag yin par thal/ khyod
kyi bstan don du gyur pa'i

pha rol pos mi 'dod pa'i thal ngag rnam dag yod pa'i phyir/ der
thal/ khyod kyi bstan don du gyur pa'i sgra chos can/ ma byas pa
yin par thal/ rtag pa yin pa'i phyir zhes pa'i thal 'gyur yod
pa'i phyir/ rtsa bar 'dod

@066b na; bstan bcos tshad ma rnam 'grel chos can/ rtags gsal
rtsod gzhi gsum ka dang ldan par thal/ thal 'gyur yang dag yin
pa'i phyir/ 'dod mi nus te/ khyod kyi rtags gsal rtsod gzhi gsum
ka ngos 'dzin rgyu med

pa'i phyir/ kha cig na re/ thal 'gyur yang dag yin na/ sgrub
byed mi 'phen pa'i thal 'gyur yang dag yin pas khyab zer na/
sgra chos can/ ma byas pa yin par thal/ rtag pa yin pa'i phyir/
zhes pa'i thal 'gyur chos

can; der thal/ de'i phyir/ ma grub na/ de 'dra'i thal 'gyur chos
can/ thal 'gyur yang dag yin par thal/ rang gi chos log rang gi
shes 'dod chos can gyi steng du rang gi rtags log sgrub pa la
tshul gsum 'phen pa'i

thal ngag rnam dag yin pa'i phyir/ der thal/ rang gi chos log
byas pa'i rtags kyis rang gi shes 'dod chos can sgra'i steng du
rang gi rtags log mi rtag pa sgrub pa la tshul gsum 'phen pa'i
thal 'gyur yang dag yin

pa'i phyir/ der thal/ sgra chos can/ mi rtag ste/ byas pa'i
phyir zhes pa'i sbyor ba 'di/ de 'dra'i thal 'gyur gyi chos log
byas pa'i rtags kyis/ de 'dra'i thal 'gyur gyi shes 'dod chos
can sgra'i steng du/ de 'dra'i thal

'gyur gyi rtags log mi rtag pa sgrub pa'i sbyor ba yang dag yin
pa'i phyir/ gnyis pa rang lugs la/ thal 'gyur la mtshan nyid/
dbye ba/ rtags chos don gsum ngos bzung ba/ lan gdab pa'i tshul
bshad pa dang bzhi/

@067a @#/ /dang po thal 'gyur gyi mtshan nyid yod de/ thal 'gyur
du bkod pa de de yin pa'i phyir/ de la dbye na du mar dbyer yod
de/ thal 'gyur yang dag dang ltar snang gnyis su dbye ba/ bkod
chod

kyi sgo nas bzhir dbye ba rnams su yod pa'i phyir/ thal 'gyur
yang dag gi mtshan nyid yod de/ rang nyid thal 'gyur yang dag tu
song ba'i rgol ba yod pa yang yin/ rang nyid thal 'gyur yang dag
tu song pa'i

rgol bas/ rang nyid la lan don mthun mi thebs pa yang yin pa'i
gzhi mthun par gyur pa'i thal ngag rnam dag tu dmigs pa de de
yin pa'i phyir/ dbye na gnyis yod de/ sgrub byed 'phen pa'i thal
'gyur

yang dag dang/ sgrub byed mi 'phen pa'i thal 'gyur yang dag
gnyis yod pa'i phyir/ sgrub byed 'phen pa'i thal 'gyur yang dag
gi mtshan nyid yod de/ thal 'gyur yang dag gang zhig /bzlog don
tshul gsum

tshang ba de de yin pa'i phyir/ sgrub byed 'phen pa'i thal 'gyur
yang dag yin na/ rang nyid kyi song tshod kyi rtags rang 'god pa
skabs su bab pa'i phyi rgol yang dag gis khas blangs shing/ tshad
mas ma grub

pa dang/ khyab pa tshad mas grub cing/ dam bca' la tshad mas bsal
ba zhugs pa gcig dgos te/ sgrub byed 'phen pa'i thal 'gyur yang
dag gang dang gang gi song tshod kyi rtags tshad mas grub na/ des

@67b 'phangs pa'i sbyor ba yang dag gi dam bca' la tshad mas bsal
ba 'bab cing/ khyab pa tshad mas ma grub na/ des 'phangs pa'i
sbyor ba yang dag gi ldog khyab mi 'grub la/ dam bca' la tshad
mas bsal ba ma zhugs

na; des 'phangs pa'i sbyor pa'i phyogs chos mi 'grub pa'i phyir/
sgrub byed 'phen pa 'am rang rgyud 'phen pa'i thal 'gyur yang
dag la dbye na gnyis yod de/ ldog pa rang rigs 'phen pa'i thal
'gyur yang dag dang/

ldog pa gzhan rigs 'phen pa'i thal 'gyur yang dag gnyis yod pa'i
phyir/ dang po ldog pa rang rigs 'phen pa'i thal 'gyur yang dag
gi mtshan nyid yod de/ thal 'gyur yang dag gang zhig /ldog pa
rang rgyud

rang dang rigs gcig pa 'phen pa de de yin pa'i phyir/ de la dbye
na bzhi yod de/ rang bzhin dang 'gal ba'i rang bzhin dmigs pa'i
rang rgyud 'phen pa'i rang bzhin dang 'gal pa'i rang bzhin dmigs
pa'i thal

'gyur; rgyu dang 'gal ba'i 'bras bu dmigs pa'i rang rgyud 'phen
pa'i rgyu dang 'gal pa'i 'bras bu dmigs pa'i thal 'gyur/ khyab
byed dang 'gal ba'i khyab bya dmigs pa'i rang rgyud 'phen pa'i
khyab byed dang

'gal ba'i khyab bya dmigs pa'i thal 'gyur/ 'gal khyab dmigs pa'i
rang rgyud 'phen pa'i 'gal khyab dmigs pa'i thal 'gyur dang bzhi
yod pa'i phyir/ dang po'i mtshan gzhi yod de/ me stobs chen pos
khyab par non pa'i gzhir

@068a @#/ /chos can/ me stobs chen pos khyab par non pa ma yin
par thal/ grang reg stobs chen pos khyab par non pa'i phyir zhes
pa'i thal 'gyur de de yin pa'i phyir/ de 'dra'i thal 'gyur de

chos can/ khyod rang bzhin dang 'gal pa'i rang bzhin dmigs pa'i
rang rgyud 'phen pa'i rang bzhin dang 'gal ba'i rang bzhin dmigs
pa'i thal 'gyur yin par thal/ khyod kyis 'phangs pa'i me stobs
chen pos

khyab par non pa de/ me stobs chen pos khyab par non pa'i gzhir
grang reg stobs chen pos khyab par non pa ma yin par sgrub par
byed pa'i rang bzhin dang 'gal ba'i rang bzhin dmigs pa'i rang
rgyud kyi rtags yang

dag yin pa gang zhig /khyod rang bzhin dang 'gal ba'i rang bzhin
dmigs pa'i thal 'gyur yin pa'i phyir/ gnyis pa ma grub na/ de
'dra'i thal 'gyur chos can/ khyod rang bzhin dang 'gal ba'i rang
bzhin dmigs pa'i

thal 'gyur yin par thal/ khyod kyi chos log tu me stobs chen pos
khyab par non pa de song/ de'i rang bzhin du tsha zhing sreg pa
stobs chen pos khyab par non pa de song/ de dang 'gal bar bsil
rig stobs chen pos

khyab par non ba de song/ de'i rang bzhin du grang reg stobs
chen pos khyab par non pa de song/ khyod grang reg stobs chen
pos khyab par non pa rtags su bkod pa'i thal 'gyur yang dag yin
pa'i phyir/ gnyis pa'i mtshan

@068b gzhi yod de/ du ba drag phyur bas khyab par non pa'i gzhir
chos can/ du ba drag phyur bas khyab par non pa ma yin par thal/
grang 'bras spu long byed rgyun chags su gnas pa yod pa'i phyir/
zhes pa'i thal

'gyur de de yin pa'i phyir/ de 'dra'i thal 'gyur chos can/ rgyu
dang 'gal ba'i 'bras bu dmigs pa'i rang rgyud 'phen pa'i rgyu
dang 'gal ba'i 'bras bu dmigs pa'i thal 'gyur yin par thal/
khyod kyis 'phangs pa'i

du ba drag phyur bas khyab par non pa de/ du ba drag phyur bas
khyab par non pa'i gzhir/ grang 'bras spu long byed rgyun chags
su gnas pa med par sgrub par byed pa'i rgyu dang 'gal ba'i 'bras
bu dmigs pa'i rang

rgyud kyi rtags yang dag yin pa gang zhig /khyod rgyu dang 'gal
ba'i 'bras bu dmigs pa'i thal 'gyur yin pa'i phyir/ gnyis pa ma
grub na/ de 'dra'i thal 'gyur chos can/ rgyu dang 'gal ba'i
'bras bu dmigs pa'i

thal 'gyur yin par thal/ khyod kyi chos log tu du ba drag phyur
bas khyab par non pa de song/ de'i rgyur me stobs chen pos khyab
par non pa de song/ de dang 'gal bar grang reg rgyun chags su
gnas pa de song/ de'i

'bras bur grang 'bras spu long byed rgyun chags su gnas pa de
song/ khyod grang 'bras spu long byed rgyun chags su gnas pa
rtags su bkod pa'i thal 'gyur yin pa'i phyir/ gsum pa'i mtshan
gzhi yod de/

@069a @#/ /tsan dan gyi me stobs chen pos khyab par non pa'i
gzhir chos can/ tsan dan gyi me stobs chen pos khyab par non pa
ma yin par thal/ kha ba'i reg pa rgyun chags su gnas pa yod pa'i

phyir zhes pa'i thal 'gyur de de yin pa'i phyir/ de 'dra'i thal
'gyur de chos can/ khyod khyab byed dang 'gal ba'i khyab bya
dmigs pa'i rang rgyud 'phen pa'i khyab byed dang 'gal ba'i khyab
bya dmigs pa'i thal

'gyur yin par thal/ khyod kyis 'phangs pa'i tsan dan gyi me
stobs chen pos khyab par non pa de/ tsan dan gyi me stobs chen
pos khyab par non pa'i gzhir kha ba'i reg pa rgyun chags su gnas
pa med

par sgrub par byed pa'i khyab byed dang 'gal ba'i khyab bya
dmigs pa'i rang rgyud kyi rtags yang dag yin pa gang zhig /khyod
khyab byed dang 'gal ba'i khyab bya dmigs pa'i thal 'gyur yin
pa'i phyir/ gnyis

pa ma grub na/ de 'dra'i thal 'gyur chos can/ khyod khyab byed
dang 'gal ba'i khyab bya dmigs pa'i thal 'gyur yin par thal/
khyod kyi chos log tu tsan dan gyi me stobs chen pos khyab par
non pa de song/ de'i

khyab byed du me stobs chen pos khyab par non pa de song/ de
dang 'gal bar grang reg rgyun chags su gnas pa de song/ de'i
khyab byar kha ba'i reg pa rgyun chags su gnas pa de song/ khyod
kha ba'i reg pa rgyun

@069b chags su gnas pa rtags su bkod pa'i thal 'gyur yin pa'i
phyir/ rtags dang po sla/ gnyis pa ma grub na/ me stobs chen pos
khyab par non pa de/ tsan dan gyi me stobs chen pos khyab par
non pa'i khyab

byed yin par thal/ de de'i spyi yin pa'i phyir/ gsum pa sla/
bzhi pa ma grub na/ kha ba'i reg pa rgyun chags su gnas pa de/
grang reg rgyun chags su gnas pa'i khyab bya yin par thal/ de
de'i bye brag yin pa'i phyir/

bzhi pa'i mtshan gzhi yod de/ sgra chos can/ ma byas pa yin par
thal/ rtag pa yin pa'i phyir/ zhes pa'i thal 'gyur de de yin
pa'i phyir/ de 'dra'i thal 'gyur de chos can/ khyod 'gal khyab
dmigs pa'i rang rgyud

'phen pa'i 'gal khyab dmigs pa'i thal 'gyur yin par thal/ khyod
kyis 'phangs pa'i byas pa de/ sgra mi rtag par sgrub par byed
pa'i 'gal khyab dmigs pa'i rang rgyud kyi rtags yang dag yin pa
gang zhig /

khyod 'gal khyab dmigs pa'i thal 'gyur yin pa'i phyir/ gnyis pa
grub ste/ de 'dra'i thal 'gyur gyi chos log tu byas pa de song/
de dang 'gal bar ma byas pa de song/ de'i khyab byar rtag pa de
song/ khyod rtag

pa rtags su bkod pa'i thal 'gyur yin pa'i phyir/ dang po sla/
gsum pa ma grub na/ rtag pa de ma byas pa'i khyab bya yin par
thal/ ma byas pa rtag pa'i khyab byed yin pa'i phyir te/ khyod
kyis rtag pa la khyab cid khyod

@70a @#/ /la rtag pas ma khyab pa'i phyir/ gnyis pa ldog pa gzhan
rigs 'phen pa'i thal 'gyur yang dag gi mtshan nyid yod de/ thal
'gyur yang dag gang zhig /ldog pa rang rgyud rang dang rigs mi

mthun 'phen pa de de yin pa'i phyir/ de la dbye na/ bcu drug yod
de/ rgyu dang 'gal ba'i rang bzhin dmigs pa'i rang rgyud 'phen
pa'i rang bzhin dang 'gal ba'i 'bras bu dmigs pa'i thal 'gyur/
khyab

byed dang 'gal ba'i rang bzhin dmigs pa'i rang rgyud 'phen pa'i
rang bzhin dang 'gal ba'i khyab bya dmigs pa'i thal 'gyur/ rang
bzhin dang 'gal ba'i 'bras bu dmigs pa'i rang rgyud 'phen pa'i
rgyu

dang 'gal ba'i rang bzhin dmigs pa'i thal 'gyur/ khyab byed dang
'gal ba'i 'bras bu dmigs pa'i rang rgyud 'phen pa'i rgyu dang
'gal ba'i khyab bya dmigs pa'i thal 'gyur/ rang bzhin dang

'gal ba'i khyab bya dmigs pa'i rang rgyud 'phen pa'i khyab byed
dang 'gal ba'i rang bzhin dmigs pa'i thal 'gyur/ rgyu dang 'gal
ba'i khyab bya dmigs pa'i rang rgyud 'phen pa'i khyab byed dang

'gal ba'i 'bras bu dmigs pa'i thal 'gyur/ rgyu ma dmigs pa'i
rang rgyud 'phen pa'i 'bras bu dmigs pa'i thal 'gyur/ khyab byed
ma dmigs pa'i rang rgyud 'phen pa'i rang bzhin dmigs pa'i thal

@070b 'gyur ste brgyad dang/ de dag las ldog pa 'bras bu dang
'gal pa'i rang bzhin dmigs pa'i rang rgyud 'phen pa'i rang bzhin
dang 'gal ba'i rgyu dmigs pa'i thal 'gyur/ 'bras bu dang 'gal
ba'i khyab bya

dmigs pa'i rang rgyud 'phen pa'i khyab byed dang 'gal ba'i rgyu
dmigs pa'i thal 'gyur/ rang bzhin dang 'gal ba'i rgyu dmigs pa'i
rang rgyud 'phen pa'i 'bras bu dang 'gal ba'i rang bzhin dmigs
pa'i

thal 'gyur/ khyab byed dang 'gal ba'i rgyu dmigs pa'i rang rgyud
'phen pa'i 'bras bu dang 'gal ba'i khyab bya dmigs pa'i thal
'gyur/ 'bras bu dang 'gal ba'i rgyu dmigs pa'i rang rgyud 'phen
pa'i

rgyu dang 'gal ba'i 'bras bu dmigs pa'i thal 'gyur/ 'di dang
mtshan gzhi gnyis ka mi 'grigs ba 'dra yang rwa stod bsdus grwa
sogs la yod pa bzhin bkod pa yin/ rgyu dang 'gal ba'i rgyu dmigs
pa'i rang rgyud 'phen pa'i 'bras bu dang 'gal ba'i 'bras bu
dmigs pa'i thal 'gyur/ 'bras bu ma dmigs

pa'i rang rgyud 'phen pa'i rgyu dmigs pa'i thal 'gyur/ rang
bzhin ma dmigs pa'i rang rgyud 'phen pa'i khyab byed dmigs pa'i

thal 'gyur dang brgyad de bcu drug yod pa'i phyir/ dang po'i
mtshan gzhi yod de/ me stobs chen pos khyab par non pa'i gzhir
chos can/ me stobs chen pos khyab par non pa ma yin par thal/
grang 'bras spu long

@071a @#/ /byed rgyun chags pa yod pa'i phyir zhes pa'i thal
'gyur de de yin pa'i phyir/ de 'dra'i thal 'gyur chos can/ khyod
rgyu dang 'gal ba'i rang bzhin dmigs pa'i rang rgyud 'phen pa'i
rang

bzhin dang 'gal ba'i 'bras bu dmigs pa'i thal 'gyur yin par
thal/ khyod kyis 'phangs pa'i me stobs chen pos khyab par non pa
de/ des khyab par non pa'i gzhir/ grang 'bras spu long byed
rgyun chags

med par sgrub par byed pa'i rgyu dang 'gal ba'i rang bzhin dmigs
pa'i rang rgyud kyi rtags yang dag yin pa gang zhig /khyod rang
bzhin dang 'gal ba'i 'bras bu dmigs pa'i thal 'gyur yin pa'i
phyir/ gnyis pa

ma grub na/ de 'dra'i thal 'gyur chos can/ khyod rang bzhin dang
'gal ba'i 'bras bu dmigs pa'i thal 'gyur yin par thal/ khyod kyi
chos log tu me stobs chen pos khyab par non pa de song/ de'i
rang

bzhin du tsha zhing sreg pa stobs chen pos khyab par non pa de
song/ de dang 'gal ba grang reg rgyun chags pa de song/ de'i
'bras bur grang 'bras spu long byed rgyun chags pa de song/
khyod grang 'bras spu

long byed rgyun chags pa rtags su bkod pa'i thal 'gyur yin pa'i
phyir/ gnyis pa'i mtshan gzhi yod de/ me stobs chen pos khyab par
non pa'i gzhir chos can/ me stobs chen pos khyab par non pa ma
yin

@071b par thal/ kha ba'i reg pa rgyun chags pa yod pa'i phyir
zhes pa'i thal 'gyur de de yin pa'i phyir/ gsum pa'i mtshan gzhi
yod de/ du ba drug phyur bas khyab par non pa'i gzhir chos can/
du ba drag phyur bas khyab

par non pa ma yin par thal/ grang reg rgyun chags su gnas pa yod
pa'i phyir zhes pa'i thal 'gyur de de yin pa'i phyir/ bzhi pa'i
mtshan gzhi yod de/ du ba drag phyur bas khyab par non pa'i gzhir
chos can/ du ba

drag phyur bas khyab par non pa ma yin par thal/ kha ba'i reg pa
rgyun chags su gnas pa yod pa'i phyir zhes pa'i thal 'gyur de de
yin pa'i phyir/ lnga pa'i mtshan gzhi yod de/ tsan dan gyi me
stobs chen pos

khyab par non pa'i gzhir chos can/ tsan dan gyi me stobs chen
pos khyab par non pa ma yin par thal/ grang reg rgyun chags su
gnas pa yod pa'i phyir/ zhes pa'i thal 'gyur de de yin pa'i
phyir/ drug pa'i

mtshan gzhi yod de/ tsan dan gyi me stobs chen pos khyab par non
pa'i gzhir chos can/ tsan dan gyi me stobs chen pos khyab par
non pa ma yin par thal/ grangs 'bras sbu long byed rgyun chags
su gnas pa yod

pa'i phyir zhes pa'i thal 'gyur de de yin pa'i phyir/ bdun pa'i
mtshan gzhi yod de/ me med mtshan mo'i rgya mtshor chos can/ me yod
par thal/ du ba yod pa'i phyir zhes pa'i thal 'gyur de de yin
pa'i phyir/ brgyad ba'i

@072a @#/ /mtshan gzhi yod de/ shing gis dben pa'i brag rjod na
chos can/ shing yod par thal/ sha ba yod pa'i phyir zhes pa'i
thal 'gyur de de yin pa'i phyir/ gzhan rnams kyi sgrub byed gong
gi rigs

'gros kyis shes nus shing/ bdun pa dang brgyad pa'i sgrub byed
ni/ me med mtshan mo'i rgya mtshor chos can/ me yod par thal/ du
ba yod pa'i phyir zhes pa'i thal 'gyur chos can/ rgyu ma dmigs
pa'i rang

rgyud 'phen pa'i 'bras bu dmigs pa'i thal 'gyur yin par thal/
khyod kyis 'phangs pa'i me med pa de/ me med mtshan mo'i rgya
mtshor du ba med par sgrub par byed pa'i rgyu ma dmigs pa'i rtags
yang

dag yin pa gang zhig /khyod 'bras bu dmigs pa'i thal 'gyur yin
pa'i phyir/ gnyis pa ma grub na/ de 'dra'i thal 'gyur chos can/
khyod 'bras bu dmigs pa'i thal 'gyur yin par thal/ khyod du ba

rtags su bkod pa'i thal 'gyur yang dag yin pa gang zhig /du ba
me'i 'bras bu yin pa'i phyir/ shing gis dben pa'i brag rdzong na
chos can/ shing yod par thal/ sha pa yod pa'i phyir zhes pa'i
thal 'gyur chos

can; khyab byed ma dmigs pa'i rang rgyud 'phen pa'i rang bzhin
dmigs pa'i thal 'gyur yin par thal/ khyod kyis 'phangs pa'i
shing med pa de/ shing gis dben pa'i brag rdzong du sha pa med
par sgrub par

@072b byed pa'i khyab byed ma dmigs pa'i rtags yang dag yin pa
gang zhig /khyod rang bzhin dmigs pa'i thal 'gyur yin pa'i
phyir/ gnyis pa ma grub na/ de 'dra'i thal 'gyur chos can/ khyod
rang bzhin dmigs

pa'i thal 'gyur yin par thal/ khyod sha pa rtags su bkod pa'i
thal 'gyur yang dag yin pa gang zhig /sha pa shing dang rang
bzhin gcig yin pa'i phyir/ de dag las ldog pa'i thal 'gyur
brgyad

po de'i mtshan gzhi yang rim pa bzhin du bzhag tu yod de/ me
stobs chen pos khyab par non pa'i gzhir chos can/ me stobs chen
pos khyab par non pa ma yin par thal/ grang reg gi dngos rgyu'i

nus pa mthu can yod pa'i phyir zhes pa'i thal 'gyur lta bu dang
po dang/ tsan dan gyi me stobs chen pos khyab par non pa'i gzhir
chos can/ tsan dan gyi me stobs chen pos khyab par non pa ma yin
par

thal; grang reg gi dngos rgyu'i nus pa mthu can yod pa'i phyir
zhes pa'i thal 'gyur lta bu gnyis pa dang/ me stobs chen pos
khyab par non pa'i dngos rgyur gyur pa'i tsha zhing sreg pa stobs
chen pos khyab

par non pa'i gzhir chos can/ des khyab par non pa ma yin par
thal/ grang reg rgyun chags su gnas pa yod pa'i phyir zhes pa'i
thal 'gyur lta bu gsum pa dang/ yang gzhir der chos can/ des
khyab par

@073a @#/ /non pa ma yin par thal/ kha pa'i reg ba rgyun chags su
gnas pa yod pa'i phyir zhes pa'i thal 'gyur lta bu bzhi pa dang/
yang gzhi der chos can/ des khyab par non pa ma yin par thal/

grang reg gi dngos rgyu'i nus pa thogs med yod pa'i phyir/ zhes
pa lta bu lnga pa dang/ yang gzhi der chos can/ des khyab par
non pa ma yin par thal/ grang 'bras spu long byed rgyun chags
yod pa'i phyir zhes

pa'i thal 'gyur lta bu drug pa dang/ du bas dben pa'i sa phyogs
na chos can/ du ba yod par thal/ du ba'i dngos rgyu yod pa'i
phyir zhes pa'i thal 'gyur lta bu bdun pa dang/ bum pa tshad mas
ma

dmigs pa'i sa phyogs chos can/ bum pa tshad mas dmigs par thal/
bum pa yod pa'i phyir zhes pa'i thal 'gyur lta bu brgyad pa'i
mtshan gzhi yin pa'i phyir/ de rnams kyi sgrub byed ni gong gi

rigs 'gros kyis shes par bya'o/ /gnyis pa sgrub byed mi 'phen
pa'i thal 'gyur yang dag gi mtshan nyid yod de/ thal 'gyur yang
dag gang zhig /don bzlog na tshul gsum ma tshang ba de de yin pa'i
phyir

mtshan gzhi yod de/ sgra chos can/ mi rtag pa yin par thal/ byas
pa yin pa'i phyir zhes pa'i thal 'gyur de de yin pa'i phyir/
thal 'gyur ltar snang gi mtshan nyid yod de/ skabs su bab pa'i
lan

@073b gyis ldog par nus pa'i thal ngag de yin pa'i phyir/ mtshan
gzhi yod de/ sgra chos can/ rtag pa yin par thal/ mig shes kyis
bzung bya yin pa'i phyir zhes pa'i thal 'gyur de de yin pa'i
phyir/ yang thal

'gyur la bkod chod kyi sgo nas dbye na bzhi yod de/ rtags khyab
gnyis ka ma grub pa'i thal 'gyur/ rtags ma grub pa'i thal 'gyur/
khyab pa ma grub pa'i thal 'gyur/ rtags khyab gnyis ka grub pa'i
thal 'gyur

dang bzhi yod pa'i phyir/ de bzhi so so'i mtshan gzhi rnams rim
pa bzhin du bzhag tu yod de/ sgra chos can/ gzhal bya ma yin par
thal/ rtag pa yin pa'i phyir zhes pa'i thal 'gyur lta bu dang po
dang/

sgra chos can/ ma byas pa yin par thal/ rtag pa yin pa'i phyir
zhes pa'i thal 'gyur lta bu gnyis pa dang/ sgra chos can/ rtag
pa yin par thal/ gzhal bya yin pa'i phyir zhes pa'i thal 'gyur
lta bu gsum pa'i

mtshan gzhi yin cing/ rtags khyab gnyis ka grub pa'i thal 'gyur
la/ khyab rtags gnyis ka tshad mas grub pa/ khyab rtags gnyis ka
khas blangs kyis grub pa/ rtags tshad mas grub cing khyab pa khas
blangs kyis

grub pa/ khyab pa tshad mas grub cing rtags khas blangs kyis grub
pa'i thal 'gyur dang bzhi yod pa'i phyir/ dang po'i mtshan gzhi
yod de/ sgra chos can/ mi rtag pa yin par thal/ byas pa yin pa'i
phyir zhes

@074a @#/ /pa'i thal 'gyur de de yin pa'i phyir/ de yang yin te/
thal 'gyur 'di 'god ba skabs su bab pa'i rgol ba des sgra rtag
par khas blangs na thal 'gyur de'i rtags khyab gnyis ka tshad

mas grub cing dam bca' la khas blangs kyis bsal ba 'babs pas
thal 'gyur 'di rgol ba de la thal 'gyur yang dag tu song la/
rgol ba des sgra rtag par khas ma blangs na rtags khyab gnyis ka
tshad mas grub

kyang dam bca' la khas blangs kyis bsal ba mi 'bab pas/ thal
'gyur 'di rgol ba de la thal 'gyur ltar snang du song ba yin
pa'i phyir/ gnyis pa'i mtshan gzhi yod de/ sgra mig shes kyi
bzung bya dang/ mig shes

kyi bzung bya yin na rtag pa yin pas khyab pa khas len pa'i gang
zag gi ngor/ sgra chos can/ rtag pa yin par thal/ mig shes kyi
bzung bya yin pa'i phyir zhes pa'i thal 'gyur de de yin pa'i
phyir/ de yang yin te/ de

ltar khas len pa'i gang zag des sgra mi rtag par tshad mas grub
na/ thal 'gyur de'i rtags khyab gnyis ka khas blangs kyis grub
cing/ dam bca' la tshad mas bsal ba 'babs pas thal 'gyur 'di gang
zag de la

thal 'gyur yang dag tu song la/ gang zag des sgra mi rtag par
khas blangs na/ thal 'gyur de'i rtags khyab gnyis ka khas blangs
kyis grub cing/ dam bca' la khas blangs kyi bsal ba yang 'babs
pas/ gang

@074b zag de la thal 'gyur 'di thal 'gyur yang dag tu song
zhing/ gang zag des sgra mi rtag par tshad mas kyang ma grub/
khas blangs pa'ang min na/ rtags khyab khas blangs kyis grub
kyang/ dam bca' la bsal ba mi

'babs pas/ gang zag de la thal 'gyur ltar snang du song ba yin
pa'i phyir/ gsum pa'i mtshan gzhi yod de/ sgra byas pa dang/ byas
na rtag pas khyab pa khas len pa'i gang zag gi ngor/ sgra chos
can/ rtag pa

yin par thal/ byas pa yin pa'i phyir zhes pa'i thal 'gyur de de
yin pa'i phyir/ de yang yin te/ gang zag des sgra mi rtag par
tshad mas grub na/ rtags tshad ma dang khyab pa khas blangs kyis
grub cing/ dam bca'

la tshad mas bsal ba 'babs pas/ gang zag de la thal 'gyur yang
dag dang/ de 'dra'i gang zag des sgra mi rtag par khas blangs
na/ rtags tshad ma dang khyab pa khas blangs kyis grub cing/ dam
bca' la khas

blangs kyis bsal ba 'babs pas/ gang zag de la thal 'gyur yang
dag dang/ gang zag des sgra mi rtag par tshad mas kyang ma grub/
khas blangs pa'ang min na/ thal 'gyur de'i rtags tshad ma dang
khyab pa khas

blangs kyis grub kyang/ dam bca' la bsal pa mi 'babs pas/ gang
zag de la thal 'gyur ltar snang du song ba yin pa'i phyir/ bzhi
pa'i mtshan gzhi yod de/ sgra rtag pa dang/ rtag pa yin na ma
byas pa yin pas khyab

@075a @#/ /pa khas len pa'i gang zag gi ngor/ sgra chos can/ ma
byas pa yin par thal/ rtag pa yin pa'i phyir zhes pa'i thal
'gyur de de yin pa'i phyir/ de yang yin te/ de 'dra'i gang zag
des sgra byas par

tshad mas grub na/ khyab pa tshad ma dang/ rtags khas blangs kyis
grub cing/ dam bca' la tshad mas bsal ba 'babs pas/ gang zag de
la thal 'gyur yang dag dang/ gang zag des sgra byas par tshad mas
kyang ma grub/ khas

khyab pa tshad ma dang/ rtags khas blangs kyis grub cing/ dam
bca' la khas blangs kyis bsal ba 'babs pas/ gang zag de la thal
'gyur yang dag dang/ gang zag des sgra byas par tshad mas kyang
ma grub/ khas

blangs pa'ang min na/ khyab pa tshad ma dang/ rtags khas blangs
kyis grub kyang dam bca' la bsal ba mi 'babs pas/ gang zag de la
thal 'gyur ltar snang du gyur ba yin pa'i phyir/ de ltar na thal
'gyur la

bkod tshod kyi sgo nas dbye na bcu bzhi yod de/ khyab rtags gnyis
ka ma grub pa dang/ rtags ma grub pa dang/ khyab pa ma grub pa
dang/ khyab rtags gnyis ka tshad mas grub la/ dam bca' la bsal ba
med pa dang/

khyab rtags gnyis ka khas blangs kyis grub la/ dam bca' la bsal
ba med pa dang/ rtags tshad ma dang khyab pa khas blangs kyis
grub la/ dam bca' la bsal ba med pa dang/ khyab pa tshad ma dang
rtags khas blangs

@075b kyis grub la/ dam bca' la bsal ba med pa'i thal 'gyur bdun
ni rang 'god yul gyi rgol ba la ltos te ltar snang bdun dang/
rtags khyab gnyis ka tshad mas grub cing dam bca' la khas blangs
kyis bsal ba

'babs pa'i thal 'gyur dang/ rtags khyab gnyis ka khas blangs
kyis grub cing/ dam bca' la tshad mas bsal ba 'bab pa'i thal
'gyur dang/ rtags khyab gnyis ka khas blangs kyis grub cing/ dam
bca' la

khas blangs kyis bsal ba 'bab pa'i thal 'gyur dang/ rtags tshad
ma dang/ khyab pa khas blangs kyis grub cing dam bca' la tshad
mas bsal ba 'bab pa'i thal 'gyur dang/ rtags tshad ma dang khyab
pa khas blangs

kyis grub cing dam bca' la khas blangs kyis bsal ba 'bab pa'i
thal 'gyur dang/ khyab pa tshad ma dang/ rtags khas blangs kyis
grub cing/ dam bca' la tshad mas bsal ba 'bab pa'i thal 'gyur
dang/ khyab

pa tshad ma dang/ rtags khas blangs kyis grub cing/ dam bca' la
khas blangs kyis bsal ba 'bab pa'i thal 'gyur bdun ni rang 'god
pa skabs su bab pa'i rgol ba la ltos te yang dag bdun te bcu
bzhi yod

pa'i phyir/ skabs bab kyi rgol ba la ltos te yang dag bdun gyi
dang po lnga rang rgyud mi 'phen pa dang/ phyi ma gnyis rang
rgyud 'phen pa'i thal 'gyur yang dag yin no/ /gzhan yang thal
'gyur gang dang gang gi dam

@076a @#/ /bca' la tshad mas bsal ba 'bab ces pa'i skabs kyi tshad
mas bsal ba 'bab tshul bzhag tu yod de/ thal 'gyur de'i bsal ba
la 'dod lan btab pas/ khas blangs pa'i don

tshad mas bsal ba zhig la/ thal 'gyur de'i dam bca' la tshad mas
bsal ba 'bab pa zhes zer ba yin cing/ dper na/ sgra chos can/
rtag pa yin par thal/ zhes bkod pa lta bu la 'dod lan

btab na/ sgra rtag par khas len dgos la/ sgra rtag pa ni tshad
mas bsal ba yin pa'i phyir/ thal 'gyur de'i dam bca' la khas
blangs kyis bsal ba bab na/ thal 'gyur de'i dam bca' la tshad

mas bsal ba 'bab dgos pa yang min te/ dper na/ sgra rtag par
khas blangs shing/ byas par yang khas blangs pa la/ sgra chos
can/ rgyu las skyes pa yin par thal/ byas pa yin pa'i phyir zhes

pa'i thal 'gyur bkod pa'i tshe/ 'dod lan btab pas dam bca' de la
khas blangs kyis bsal ba 'bab kyang tshad mas bsal ba mi 'bab
pa'i phyir/ thal 'gyur kyi rtags tshad mas grub ces pa ni/

thal 'gyur de'i rtags thal 'gyur de'i shes 'dod chos can gyi
steng du tshad mas grub pa zhig la 'dod dgos so/ /gsum pa rtags
chos don gsum ngos 'dzin tshul yod de/ thal 'gyur gcig la

@076b mtshon na/ rtag pa de/ sgra chos can/ ma byas pa yin par
thal/ rtag pa yin pa'i phyir zhes pa'i thal 'gyur de'i rtags
dang/ mi rtag pa de de 'dra'i thal 'gyur gyi rtags log dang/ ma
byas pa de de 'dra'i thal

'gyur gyi thal chos dang/ byas pa de de 'dra'i thal 'gyur gyi
chos log dang/ sgra thal 'gyur de'i rtsod gzhi yin zhing/ de
gzhan la yang rigs 'dra ba yin pa'i phyir/ bzhi pa thal 'gyur
gyi lan gdab tshul bshad pa ni/

thal 'gyur de'i bsgrub bya'i chos chos can gyi steng du tshad mas
grub cing/ rang la khas len 'gal ba'i nyes pa mi 'byung tshe/
'dod ces lan gdab par bya zhing/ thal 'gyur de'i rtags chos can
gyi steng du tshad mas

ma grub cing/ rang la khas len 'gal ba'i nyes pa mi 'byung tshe/
rtags ma grub ces lan gdab par bya'o/ /thal 'gyur de'i dngos
khyab tshad mas ma grub cing rang gis kyang khas ma blangs na/
khyab pa ma grub

ces lan gdab par bya dgos so/ /gsum pa rtsod pa spong ba la kho
na re/ sgra chos can/ ma byas pa yin par thal/ rtag pa yin pa'i
phyir zhes pa'i thal 'gyur chos can/ lan gyis zlog par mi nus
pa'i thal

'gyur yin par thal/ rang 'god pa skabs su babs pa'i rgol bas lan
gyis zlog par mi nus pa'i thal 'gyur yin pa'i phyir zer na ma
khyab/ rtags grub ste/ sgra rtag pa dang byas par khas blangs
shing/ rtag

@077a @#/ /na ma byas pas khyab pa khas len pa'i rgol bas lan don
mthun mi thebs pa'i phyir/ 'dod mi nus tshul gong du bsgrubs zin/
yang kho na re/ de 'dra'i thal 'gyur de chos can/ thal

'gyur ltar snang yin par thal/ thal 'gyur ltar snang bdun po
gang rung yin pa'i phyir zer na ma khyab/ ma grub na/ de 'dra'i
thal 'gyur chos can/ thal 'gyur ltar snang bdun po gang rung yin
par thal/

rtags ma grub pa'i thal 'gyur yin pa'i phyir/ 'dod mi nus te/
thal 'gyur yang dag yin pa'i phyir/ der thal/ rang rgyud 'phen
pa'i thal 'gyur yang dag yin pa'i phyir/ yang kho na re/ sgra
chos can/ rtag pa yin par

thal; mig shes kyi bzung bya yin pa'i phyir zhes pa'i thal 'gyur
chos can/ thal 'gyur yang dag yin par thal/ sgra mig shes kyi
bzung byar khas blangs/ mig shes kyi bzung bya yin na rtag pa
yin pas

khyab pa khas blangs/ sgra mi rtag par tshod mas ma grub kyang/
sgra mi rtag par khas blangs pa'i rgol ba'i ngor thal 'gyur yang
dag yin pa'i phyir zer na ma khyab/ rtags grub ste/ de 'dra'i
thal 'gyur de rgol

pa de la thal 'gyur yang dag tu song zhing/ rgol ba des kyang
lan gyis zlog par mi nus pa yin pa'i phyir/ 'dod mi nus te/ thal
'gyur ltar snang yin pa'i phyir/ yang kho na re/ de 'dra'i thal
'gyur de chos can/

@077b rang nyid thal 'gyur yang dag tu song ba'i rgol ba yod pa
yang yin/ rang nyid thal 'gyur yang dag tu song ba'i rgol bas
rang nyid la lan don mthun mi thebs pa yang yin pa'i gzhi mthun
par gyur pa'i

thal ngag rnam dag yin par thal/ de 'dra'i gzhi mthun par gyur
pa'i thal ngag yin pa'i phyir zer na ma khyab/ rtags grub ste/
de de 'dra'i gzhi mthun par gyur pa gang zhig /thal ngag yin
pa'i phyir/ dang

po grub ste/ de 'dra'i thal 'gyur de/ rang nyid thal 'gyur yang
dag tu song ba'i rgol ba yod pa gang zhig /rang nyid thal 'gyur
yang dag tu song ba'i rgol bas rang nyid la lan don mthun mi
thebs pa yin pa'i

phyir; gong du 'dod na/ de 'dra'i thal 'gyur chos can/ de 'dra'i
gzhi mthun par gyur pa'i thal ngag rnam dag ma yin par thal/ de
'dra'i gzhi mthun pa'i thal ngag ltar snang yin pa'i phyir/
gnyis pa

zhar la/ rgol phyi rgol dbang po gsum gyi rnam gzhag bshad pa la
gnyis/ dngos dang/ rtsod pa byed pa'i rnam gzhag go/ dang po ni/
snga rgol gyi mtshan nyid yod de/ rgol ba gang zhig /sgrub byed
'god par

khas len pa'i gang zag de de yin pa'i phyir/ de la dbye na gnyis
yod de/ snga rgol yang dag dang/ snga rgol ltar snang gnyis yod
pa'i phyir/ dang po'i mtshan nyid yod de/ snga rgol gang zhig
/rang gi sgrub byed 'god

@078a @#/ /par khas blangs pa'i don de gzhan gyis sun 'byin mi
nus pa de de yin pa'i phyir/ gnyis pa'i mtshan nyid yod de/ snga
rgol gang zhig /rang gi sgrub byed 'god par khas blangs pa'i don
de gzhan

gyis sun 'byin nus pa de de yin pa'i phyir/ phyi rgol gyi mtshan
nyid yod de/ rgol ba gang zhig /sum 'byin brjod par khas len
pa'i gang zag de de yin pa'i phyir/ dbye na gnyis yod de/ yang
dag dang/

ltar snang gnyis yod pa'i phyir/ dbang po'i mtshan nyid yod de/
snga rgol phyi rgol rgyal pham shan 'byed pa'i grwar zhugs pa'i
gang zag de de yin pa'i phyir/ dbye na gsum yod de/ shan 'byed
pa'i dbang

po; rjes su brjod pa'i dpang po/ tshar gcod pa'i dpang po dang
gsum yod pa'i phyir/ mtshan gzhi rim pa bzhin du bzhag tu yod de/
blo gzu bor gnas pa'i sgo nas rtsod pa legs nyes so sor 'byed

pa'i gang zag lta bu dang po dang/ blo gzu por gnas pa'i sgo nas
legs nyes shan mi 'byed par de dag ma 'khrug par so sor brjod
pa'i gang zag lta bu gnyis pa dang/ de gnyis kyi nang nas legs
pa la

gzengs bstod pa dang/ nyes pa la smad pa'i sgo nas grub mtha' de
'dor du 'jug cing/ grub mtha' la zhen pas mi 'dor na yul nas
skrod pa la sogs pa'i sgo nas tshar gcod pa'i gang zag lta bu
gsum

@078b pa'i mtshan gzhi yin pa'i phyir/ gnyis pa rtsod pa byed
pa'i rnam gzhag la/ gang la rtsod pa'i gnas dang/ ji ltar rtsod
pa'i tshul dang/ rtsod pa byas pa'i 'bras bu dang gsum/ dang po
gang la rtsod pa'i

gnas la gsum yod de/ myong bas rtogs par bya pa'i mngon 'gyur
dang/ rtags la brten nas rtogs par bya ba'i lkog gyur dang/ yid
ches pa'i rtags la brten nas rtogs par bya pa'i shin tu lkog

gyur dang gsum yod pa'i phyir/ de dag la rtsod pa'i grub mtha'
yang gsum du yod de/ yod pa la med par 'dzin pa'i skur 'debs
dang/ med pa la yod par 'dzin pa'i sgro 'dogs dang/ yod

med ji lta ba bzhin du 'dzin pa'i dbu ma'i grub mtha' dang gsum
yod pa'i phyir/ de dag gi nang nas lkog gyur gtan la 'bebs byed
la gnyis yod de/ sgrub byed dang sun 'byin gnyis yod pa'i

phyir; dang po la gnyis yod de/ bsgrub bya go byed kyi gtan
tshigs dang/ bsgrub bya gzhan la 'doms byed kyi sgrub ngag gnyis
yod pa'i phyir/ gnyis pa sun 'byin la yang gnyis yod de/ yang
dag dang

ltar snang gnyis yod pa'i phyir/ dang po yod de/ gzhan gyi blo
ngor rtags bkod pa dang/ rjes su 'gro ldog gang rung brjod cing
'dod pa'i don la bsal pa 'bab pa'i ngag lta bu de de yin pa'i
phyir/ gnyis

@079a @#/ /pa sun 'byin ltar snang la gsum yod de/ rtags med pa
mtshon cha khri sbyogs dang/ khyab pa med pa dpa' po lag rdum
dang/ gsal ba med pa rma bya dug 'joms kyi thal 'gyur dang

gsum yod pa'i phyir/ gnyis pa ji ltar rtsod pa'i tshul la gnyis
yod de/ rtsod tshul dngos dang/ rtsod tshul gyi yan lag gnyis yod
pa'i phyir/ ? lo rtsod tshul yod de/ rtsod pa'i rang bzhin rjes
par bya ba dang/

brda 'phrod par bya ba'i don du chog gi lam sbyong bar byed pa
dang/ des grub pa'i skabs don sems par byed pa rnams de yin pa'i
phyir/ gnyis pa de'i yan lag la bzhi yod de/ dri ba dang lan
'debs pa'i tshul

dang; rtsod pa la mkhas pa'i rgyu dang/ mdzos pa'i rgyan dang/
rtsod pa'i bsam pa dang/ rtsod pa'i dpe dang bzhi yod pa'i
phyir/ dang po la gnyis yod de/ dri pa'i tshul dang/ lan 'debs
pa'i tshul gnyis yod pa'i

phyir; dang po rtsod pa'i tshe dri ba'i rigs gsum yod de/ khyad
par gyi gzhi 'dri ba dang/ de'i steng du khyad par gyi chos 'dri
ba dang/ de'i sgrub byed 'dri ba dang gsum yod pa'i phyir/ gnyis
pa lan 'debs pa'i tshul

la gsum yod de/ mgo gcig pa dang/ rnam par phye ba dang/ btang
snyoms su bzhag par bya ba dang gsum yod pa'i phyir/ gnyis pa
rtsod pa la mkhas pa'i rgyu dang/ mdzos pa'i rgyan bzhag tu yod
de/ skyes

@079b thob kyi shes rab che ba dang/ sgra tshad la blo sbyang ba
dang/ rang dang gzhan gyi gzhung la legs par sbyang pa rnams ni
rtsod pa la mkhas pa'i rgyu dang/ rtsod pa'i tshe bzhin gyi dkyil
'khor 'dzum pa dang/

don dang ldan zhing gsal la 'jam pa'i ngag dang ldan pa dang/
sgyid lug pa dang/ nga rgyal med pa rnams ni rtsod pa mdzos pa'i
rgyan yin pa'i phyir/ gsum pa rtsod pa'i bsam pa la rtsod pa'i
bsam pa tha

shal dang/ phul du byung ba gnyis yod de/ pha rol po dma' bar
'dod pa'i zhe sdang dang/ rang nyid mtho bar 'dod pa'i 'dod
chags dang/ rigs lam 'dor bar 'dod pa'i g.yo sgyu rnams ni
rtsod pa'i

bsam pa tha shal dang/ rang gis rtogs par 'dod pa'i gus pa dang/
gzhan gyis log rtog bsal bar 'dod pa'i snying rje dang/ pha rol
po la zab mo'i chos ston par 'dod pa'i byams pa rnams ni

rtsod pa'i bsam pa phul du byung ba yin pa'i phyir/ bzhi pa
rtsod pa'i dpe la yang rtsod pa ngan pa'i dpe dang/ rnam par dag
pa'i dpe gnyis yod de/ rtab pa'i tshig dgra bos nye bar gtugs pa
lta bu

dang; bzhin 'gyur ba'i mdog mtshon cha kha phye ba lta bu dang/
nga ro mi snyan pa sha zas thebs ba lta bu rnams ni rtsod pa
ngan pa'i dpe dang/ rang dang gzhan gyi gti mug gcod pa 'khor lo
lta bu dang/ sun

@080a @#/ /'byin pa'i rlung gis mi g.yo ba lhun po lta bu dang/
tshig dang don la ma rmongs pa thub pa'i dbang po'i sras lta bu
rnams ni rtsod pa rnam par dag pa'i dpe yin pa'i phyir/ gsum

pa rtsod pa'i 'bras bu la yang ma dag pa'i rtsod pa'i 'bras bu
dang/ rnam par dag pa'i rtsod pa'i 'bras bu gnyis yod de/ rang
nyid nyon mongs pas yid dkrugs pa dang/ skye po brgya phrag mang
pos smod

par byed pa dang/ tshe rabs gzhan du rnam smin yid du mi 'ong ba
myong bar 'gyur ba rnams ni ma dag pa'i rtsod pa'i 'bras bu
dang/ rtogs pa 'phel bas rang rgyud tshim pa dang/ snyan pa'i
grags

pas phyogs kun tu khyab pa dang/ bstan pa bsrung ba'i chos kyi
rgyal po thob par 'gyur ba rnams ni rnam par dag pa'i rtsod pa'i
'bras bu yin pa'i phyir/ de ltar na sngar bshad pa'i rtsod pa'i
skyon yon

sogs ji lta ba bzhin shes par byas nas rtsod pa'i skyon gyi rigs
thams cad spangs te/ rgyal ba'i gsungs rab dgongs 'grel dang
bcas pa thams cad kyi tshig don mtha' dag dgag sgrub dang brgal

rtags sogs kyi sgo nas gtan la phab na sangs rgyas kyi bstan pa
'dzin par 'gyur gyi/ rang nyid mtho bar 'dod pa dang/ pha rol po
dma' bar 'dod pa sogs kun slong phyin ci log dang ldan pa'i sgo
nas

@080b dgag sgrub dang brgal rtags sogs byed pa ni thar pa'i
rgyur mi 'gyur bar ma zad slar yang 'khor bar 'ching byed kyi
rgyu chen por 'gyur bas na/ bdag bde legs su 'dod pa rnams kyis
ni gnas 'di

dag la blang dor ma 'chug par byed pa la shin tu gzabs dgos te/
rigs rgyan las/ de ltar na ji skad bshad pa'i rtsod pa'i skyon
rnams legs par shes par byas te/ rtsod pa'i skyon rnams spangs
nas bde

par gshegs pa'i gsung rab kyi don la dgag sgrub byas nas sangs
rgyas kyi bstan pa 'dzin par 'gyur pa yin gyi/ kun slong phyin
ci log dang ldan pas dgag sgrub byed pa ni 'khor bar 'ching ba'i
rgyu chen

por 'gyur ba yin pas/ bdag legs su 'dod pa rnams kyis gnas 'di
dag la gzabs par bya'o zhes gsungs pa'i phyir/ ! gsum pa gzhan
sel dgag sgrub kyi rnam gzhag bshad pa la/ dgag bzhag

spong gsum las/ dang po la kha cig na re/ chos de'i don rang
mtshan gyi gzhan sel yin na/ chos de'i gzhan sel yin pas khyab
zer na/ blo ma yin pa las log pa chos can/ blo'i gzhan sel yin
par thal/ blo'i don

rang mtshan gyi gzhan sel yin pa'i phyir/ khyab pa khas/ ma grub
na/ blo chos can/ khyod ma yin pa las log pa/ khyod kyi don rang
mtshan gyi gzhan sel yin par thal/ khyod yin pa srid pa'i dngos
po yin pa'i phyir/

@081a @#/ /gong du 'dod na/ de chos can/ rtog pas sgro btags yin
par thal/ blo'i gzhan sel yin pa'i phyir/ rtags khas/ 'dod na/
de chos can/ rtog pas sgro btags ma yin par thal/ spyi mtshan

ma yin pa gang zhig /med pa ma yin pa'i phyir/ dang po ma grub
na/ de chos can/ spyi mtshan yin par thal/ dang po ma grub pa
de'i phyir/ 'dod na/ de chos can/ spyi mtshan ma yin par thal/
rang mtshan

yin pa'i phyir/ ma grub na/ de chos can/ der thal/ blo'i don
rang mtshan gyi gzhan sel yin pa'i phyir/ kha cig na re/ chos
de'i blo'i gzhan sel yin na/ chos de'i gzhan sel yin pas khyab
zer na/ don rang

mtshan 'dzin pa'i rtog pa la don rang mtshan ma yin pa las log par
snang ba chos can/ don rang mtshan gyi gzhan sel yin par thal/
don rang mtshan gyi blo'i gzhan sel yin pa'i phyir/ khyab pa
khas/ ma

grub na/ der thal/ bum 'dzin rtog pa la bum pa ma yin pa las log
par snang ba/ bum pa'i blo'i gzhan sel yin pa'i phyir/ ma grub
na/ bum pa chos can/ khyod 'dzin rtog pa la khyod ma yin pa las
log

par snang ba/ khyod kyi blo'i gzhan sel yin par thal/ khyod bdag
med yin pa'i phyir/ rtsa bar 'dod na/ de chos can/ rang mtshan
yin par thal/ don rang mtshan gyi gzhan sel yin pa'i phyir/ 'dod
na/ de

@081b chos can/ rang mtshan ma yin par thal/ spyi mtshan yin pa'i
phyir/ ma grub na/ de chos can/ der thal/ rtag pa yin pa'i
phyir/ kha cig na re/ chos de'i med dgag gi gzhan sel yin na/
chos de'i gzhan sel

yin pas khyab zer na/ don rang mtshan dang don rang mtshan ma yin
pa'i gzhi mthun pas stong pa chos can/ don rang mtshan gyi gzhan
sel yin par thal/ don rang mtshan gyi med dgag gi gzhan sel yin

pa'i phyir/ khyab pa khas/ ma grub na/ don rang mtshan chos can/
khyod dang khyod ma yin pa'i gzhi mthun pas stong pa khyod kyi
med dgag gi gzhan sel yin par thal/ khyod bdag med yin pa'i
phyir/ gong du

'dod na/ de chos can/ don rang mtshan gyi gzhan sel ma yin par
thal/ med dgag gi gzhan sel yin pa'i phyir/ kha cig na re/ chos
de'i gzhan sel yin na/ chos de'i gzhan sel gsum po gang rung yin

pas khyab zer na/ bum pa ma yin pa las log pa chos can/ don rang
mtshan gyi gzhan sel gsum po gang rung yin par thal/ don rang
mtshan gyi gzhan sel yin pa'i phyir/ khyab pa khas/ ma grub na/
de

chos can/ der thal/ bum pa'i don rang mtshan gyi gzhan sel yin
pa'i phyir/ rtsa bar 'dod na/ bum pa ma yin pa las log pa chos
can/ don rang mtshan gyi gzhan sel gsum po gang rung ma yin par
thal/

@082a @#/ /don rang mtshan gyi don rang mtshan gyi gzhan sel ma yin
pa gang zhig /don rang mtshan gyi gzhan sel phyi ma gnyis po gang
rung ma yin pa'i phyir/ rtags dang po ma grub na/ bum pa ma yin
pa

las log pa chos can/ don rang mtshan gyi don rang mtshan gyi gzhan
sel ma yin par thal/ ldan min 'du byed ma yin pa'i phyir te/ bem
po yin pa'i phyir/ rtags gnyis pa ma grub na/ bum pa ma yin pa
las

log pa chos can/ don rang mtshan gyi blo'i gzhan sel dang/ don
rang mtshan gyi med dgag gi gzhan sel gnyis po gang rung ma yin
par thal/ khyod rang mtshan yin pa'i phyir/ ma khyab na/ khyab pa
yod par

thal; de gnyis po gang rung yin na/ rtog pas sgro btags yin dgos
pa'i phyir/ kha cig na re/ chos de'i gzhan sel gsum ka yod na/
chos de'i gzhan sel la chos de'i don rang mtshan gyi gzhan sel

sogs gsum du grangs nges pas khyab zer na/ don rang mtshan gyi
gzhan sel la/ don rang mtshan gyi don rang mtshan gyi gzhan sel
sogs gsum du grangs nges par thal/ don rang mtshan gyi gzhan sel
gsum

ka yod pa'i phyir/ khyab pa khas/ ma grub na/ der thal/ don rang
mtshan gyi gzhan sel gsum po re re nas yod pa'i phyir/ ma grub
na/ der thal/ don rang mtshan ma yin pa las log pa/ don rang
mtshan gyi don rang

@082b mtshan gyi gzhan sel yin pa gang zhig /don rang mtshan 'dzin
pa'i rtog pa la don rang mtshan ma yin pa las log par snang ba/
don rang mtshan gyi blo'i gzhan sel yin/ don rang mtshan dang/ don
rang mtshan ma

yin pa'i gzhi mthun pas stong pa/ don rang mtshan gyi med dgag gi
gzhan sel yin pa'i phyir/ rtags re re nas sla/ gong du 'dod na/
don rang mtshan gyi gzhan sel la/ don rang mtshan gyi don rang
mtshan gyi gzhan

sel sogs gsum du grangs ma nges par thal/ don rang mtshan gyi
gzhan sel gsum po gang rung yin na/ don rang mtshan gyi gzhan sel
yin pas ma khyab pa'i phyir/ ma grub na/ der thal/ don rang
mtshan gyi gzhan

sel phyi ma gnyis po gang rung yin na/ don rang mtshan gyi gzhan
sel ma yin dgos pa'i phyir/ ma grub na/ der thal/ de gnyis po
gang rung yin na/ don rang mtshan ma yin dgos pa'i phyir/ ma grub
na/ der

thal; de gnyis po gang rung yin na/ spyi mtshan yin dgos pa'i
phyir/ kha cig na re/ khyod med na/ khyod kyi blo'i gzhan sel
med pas khyab zer na/ ri bong rwa chos can/ khyod kyi blo'i
gzhan sel med

par thal/ khyod med pa'i phyir/ khyab pa khas/ 'dod na/ ri bong
rwa chos can/ khyod kyi blo ri gzhan sel yod par thal/ khyod
'dzin rtog pa la khyod ma yin pa las log par snang ba/ khyod kyi
blo'i gzhan

@083a @#/ /sel yin pa'i phyir/ ma grub na/ de chos can/ der thal/
khyod 'dzin rtog pa la khyod ma yin pa las log par snang ba
khyod kyi don spyi yin pa'i phyir/ ma grub na/ de chos can/ der
thal/

khyod bdag med yin pa'i phyir/ kha cig na re/ khyod med na/
khyod kyi med dgag gi gzhan sel med pas khyab zer na/ ri bong
rwa chos can/ khyod kyi med dgag gi gzhan sel med par thal/
khyod med pa'i phyir/

khyab pa khas/ 'dod na/ ri bong rwa chos can/ khyod kyi med dgag
gi gzhan sel yod par thal/ khyod dang khyod ma yin pa'i gzhi
mthun pas stong pa/ khyod kyi med dgag gi gzhan sel yin pa'i
phyir te/ khyod

yod med gang rung yin pa'i phyir/ kha cig na re/ dgag pa'i rnam
pa shar ba/ dgag pa'i mtshan nyid zer na/ rjes dpag chos can/
dgag pa yin par thal/ dgag pa'i rnam pa shar ba yin pa'i phyir/
khyab pa

khas; ma grub na/ de chos can/ der thal/ dgag pa'i rnam pa shar
nas/ dgag pa la gsar du mi bslu ba'i rig pa yin pa'i phyir/ ma
grub na/ de chos can/ der thal/ dgag pa dngos su rtogs pa'i tshad
ma

yin pa'i phyir/ khyab pa yod de/ dgag pa'i rnam pa shar nas dgag
pa la gsar du mi bslu ba'i rig pa de/ dgag pa dngos su rtogs
pa'i tshad ma'i 'jog byed rnam dag yin pa'i phyir te/ de phyir
gzhal bya rtogs

@083b pa yis/ /sgrub byed gzhal bya'i rang bzhin nyid/ /ces
gsungs pa'i phyir/ gong du 'dod na/ rjes dpag chos can/ dgag pa
ma yin par thal/ sgrub pa yin pa'i phyir/ ma grub na/ de chos
can/ der

thal; chos can/ de dang gcig yin pa'i phyir/ byas pa la kho na
re/ rjes dpag yin na/ dgag pa ma yin pas khyab par thal/ rjes
dpag dgag pa ma yin pa'i phyir zer na ma khyab/ 'dod na/ rjes

dpag ma yin pa las log pa chos can/ dgag pa ma yin par thal/
rjes dpag yin pa'i phyir/ khyab pa khas/ ma grub na/ de chos
can/ der thal/ rjes dpag ma yin pa las log pa yin pa'i phyir/ ma

grub na/ rjes dpag ma yin pa las log pa kho kho rang yin par
thal/ kho yod pa'i phyir/ gong du 'dod na/ rjes dpag ma yin pa
las log pa chos can/ dgag pa yin par thal/ ma yin dgag yin pa'i
phyir/

ma grub na/ de chos can/ der thal/ rang zhes brjod pa'i sgras
rang gi dgag bya bkag shul du rang gi 'phangs byar gyur pa'i
chos gzhan sgrub pa 'phen pa'i ma yin dgag yin pa'i phyir/ ma
grub na/ de der thal/

rjes dpag ma yin pa las log pa zhes pa'i ngag des/ rjes dpag ma
yin pa las log pa'i dgag bya rjes dpag ma yin pa dngos su bkag
nas/ rang gi 'phangs byar gyur pa'i chos gzhan sgrub pa rjes

@084a @#/ /dpag shugs la 'phen pa'i phyir/ ma grub na/ der thal/
de 'dra'i ngag des/ rjes dpag ma yin pa las log pa'i dgag bya
rjes dpag ma yin pa dngos su bkag pa gang zhig /

des rang gi 'phangs byar gyur pa'i chos gzhan sgrub pa rjes dpag
shugs la 'phen pa'i phyir/ dang po ma grub na/ der thal/ de
'dra'i ngag des/ rjes dpag ma yin pa dngos su bkag pa'i phyir/

ma grub na/ rjes dpag chos can/ khyod ma yin pa las log pa zhes
pa'i ngag des/ khyod ma yin pa dngos su bkag par thal/ khyod yin
pa srid pa'i dngos po yin pa'i phyir/ gong gi rtags gnyis pa

ma grub na/ de 'dra'i ngag des chos gzhan sgrub pa rjes dpag
shugs la 'phen par thal/ de 'dra'i ngag des rjes dpag shugs la
'phen pa'i phyir te/ de ltar shugs la brjod pa'i phyir/ ma grub
na/

rjes dpag chos can/ khyod ma yin pa las log pa zhes pa'i ngag
des khyod shugs la brjod par thal/ khyod yin pa srid pa'i sgrub
pa yin pa'i phyir/ kha cig na re/ rang gi dngos ming gi mthar
dgag

tshig sbyar ba/ dgag pa'i mtshan nyid zer na/ bum pas dag pa'i sa
phyogs chos can/ mtshan nyid der thal/ mtshon bya de'i phyir/ ma
grub na/ de chos can/ der thal/ rang gi dngos ming la dgag tshig

@084b sbyar ba yin pa'i phyir/ ma grub na/ de chos can/ der
thal/ rang gi dngos ming la bum pas dag zhes pa'i tshig sbyar
ba'i phyir/ rtsa bar 'dod na/ sa phyogs zhes pa'i tshig de dgag
tshig yin par thal/ bum

pas dag pa'i sa phyogs de rang gi dngos ming gi mthar dgag tshig
sbyar ba yin pa'i phyir/ rtags dngos/ 'dod na/ tshig yin na/ dgag
tshig yin dgos par thal/ 'dod pa'i phyir/ kha cig na re/ rang gi

dngos ming gi tshig zin la dgag tshig sbyar ba'i mtshan nyid zer
na/ de la skyon 'phen par kho na re/ chos nyid chos can/ mtshan
nyid der thal/ mtshon bya de'i phyir/ ma grub na/ de chos can/
der

thal; khyod la mnyam par gzhag pa'i rtog pa dgag rtog yin pa'i
phyir/ gong du 'dod na/ chos nyid rang gi dngos ming gi tshig zin
la dgag tshig sbyar ba'i chos ma yin par thal/ chos zhes pa'i
tshig de yang

dgag tshig ma yin/ nyid ces pa'i chig de yang dgag tshig ma yin
pa'i phyir zer na/ rtags gnyis pa ma grub ste/ nyid ces pa'i
tshig de dgag tshig yin pa'i phyir/ ma grub na/ der thal/ dgag
tshig de la/ med

tshig gi dgag chig dang/ stong tshig gi dgag tshig /nyid tshig gi
dgag tshig sogs du ma zhig yod pa'i phyir/ gzhan yang/ chos nyid
chos can/ rang gi dngos ming gi tshig zin la dgag tshig sbyar ba'i
chos yin

@085a @#/ /par thal/ khyod zhes pa'i tshig de/ khyod kyi dngos
ming yin pa gang zhig /khyod zhes pa'i tshig de dgag tshig yin
pa'i phyir/ dang po ma grub na/ de chos can/ der thal/ khyod yod
pa'i phyir/

rtags gnyis pa ma grub na/ chos nyid chos can/ khyod zhes pa'i
tshig de dgag tshig yin par thal/ khyod 'dzin rtog pa de dgag rtog
yin pa'i phyir/ ma grub na/ de chos can/ der thal/ khyod dgag pa
yin

pa'i phyir/ kha cig na re/ sgrub chos der ma gyur pa'i chos dgag
pa'i mtshan nyid yin zer na/ sgrub pa ma yin pa'i chos dgag pa'i
mtshan nyid yin par thal/ dam bca' de'i phyir/ 'dod na/ rtag pa

ma yin pa'i chos mi rtag pa'i mtshan nyid yin par thal/ 'dod pa'i
phyir/ 'dod mi nus te/ rtag pa ma yin pa'i chos tshad mas nges
pa'i gang zag yin na/ mi rtag pa tshad mas nges pa'i gang zag yin

dgos pa'i phyir/ ma grub na/ der thal/ sgra rtag pa ma yin pa'i
chos su tshad mas nges pa'i gang zag yin na/ sgra mi rtag par
tshad mas nges pa'i gang zag yin dgos pa'i phyir/ ma grub na/ der
thal/

rtag pa ma yin pa sgra mi rtag pa sgrub par byed pa'i rtags yang
dag ma yin pa'i phyir/ ma grub na sla'o/ /yang kha cig na re/
blos rang gi dgag bya dngos su bcad pa'i tshul gyis rtogs par bya
ba/ dgag pa'i

@085b mtshan nyid zer na/ sgra mi rtag pa chos can/ mtshon bya der
thal/ mtshan nyid de'i phyir/ ma grub na/ de chos can/ der thal/
blos rang gi dgag bya sgra rtag pa dngos su bcad pa'i tshul gyis
rtogs par bya ba yin

pa'i phyir/ ma grub na/ shes bya chos can/ sgra mi rtag pa der
thal/ blos sgra mi rtag pa'i dgag bya sgra rtag pa dngos su bcad
pa gang zhig /blos sgra mi rtag par rtogs pa yin pa'i phyir/
dang po ma grub na/ der thal/

blos sgra rtags pa ma yin pa dngos su rtogs pa'i phyir/ ma grub
na/ der thal/ tshad mas sgra rtag pa ma yin pa dngos su rtogs
pa'i phyir/ gnyis pa ma grub na/ blos sgra mi rtag pa rtogs pa
yin par thal/ sgra mi

rtag pa blo'i yul yin pa'i phyir/ sgra mi rtag pa blo'i yul du
bya rung yin pa'i phyir/ rtsa bar 'dod na/ sgra mi rtag pa chos
can/ dgag pa ma yin par thal/ sgrub pa yin pa'i phyir/ kha cig
na re/ dgag pa gang

zhig /rang brjod pa'i sgras rang gi dgag bya bkag shul du chos
gzhan 'phen pa de/ ma yin dgag gi mtshan nyid dang/ dgag pa gang
zhig /rang brjod pa'i sgras rang gi dgag bya bkag shul du chos
gzhan mi 'phen

pa de/ med dgag gi mtshan nyid zer na/ de la kha cig gis/ ri bong
rwa chos can/ mtshan nyid dang po ma yin par thal/ ma yin dgag ma
yin pa'i phyir/ ma grub na/ de chos can/ der thal/ med pa

@86a @#/ /yin pa'i phyir/ gong du 'dod na/ ri bong rwa chos can/
rang brjod pa'i sgras rang gi dgag bya bkag shul du chos gzhan
mi 'phen pa yin par thal/ de ltar 'phen pa ma yin pa'i

phyir zer na ma khyab/ 'dod na/ de chos can/ khyod dgag pa yin
par thal lo/ /rang lugs kyi skyon ni/ bdag med ma yin pa las log
pa'i bdag med chos can/ mtshon bya dang po der thal/ mtshan

nyid de'i phyir/ rtags gsal gnyis ka sgrub ste/ rang zhes brjod
pa'i sgras rang gi 'phangs byar gyur pa'i chos gzhan dgag pa
'phen pa'i med dgag yin pa'i phyir/ der thal/ chos can de yin

pa'i phyir/ yang kha cig na re/ dgag pa gang zhig /rang brjod
pa'i sgras rang gi dgag bya bkag shul du chos gzhan dngos su
'phen pa de/ ma yin dgag gi mtshan nyid/ dgag pa gang zhig /rang

zhes brjod pa'i sgras rang gi dgag bya bkag shul du chos gzhan
dngos su mi 'phen pa de/ med dgag gi mtshan nyid yin no zer na/
de la skyon 'phen pa kha cig gis lhas byin tshon po nyin par zas
mi za ba

chos can/ rang zhes brjod pa'i sgras rang gi dgag bya bkag shul
du chos gzhan dngos su 'phen pa yin par thal/ ma yin dgag yin
pa'i phyir/ ma grub na/ de chos can/ der thal/ dgag pa gang zhig
/

@86b dngos po yin pa'i phyir zer na/ mi 'thad de/ de rtag pa yin
pa'i phyir/ rtsa bar 'dod na/ lhas byin tshon po nyin par zas mi
za zhes pa'i ngag des/ lhas byin tshon po mtshan mo zas za ba de
dngos su 'phen pa yin par

thal; lhas byin tshon po nyin par zas mi za ba de rang brjod pa'i
sgras rang gi dgag bya bkag shul du chos gzhan dngos su 'phen pa
yin pa'i phyir/ 'dod na/ de 'dra'i ngag des/ lhas byin tshon po
mtshan mo zas za

ba dngos su brjod par thal/ 'dod pa'i phyir/ 'dod mi nus so/
/gzhan yang khyod kyi mtshan nyid de mi 'thad par thal/ rang
brjod pa'i sgras rang gi dgag bya bkag shul du rang gi 'phangs
byar gyur ba'i chos

gzhan sgrub pa shugs la 'phen pa'i ma yin dgag gcig yod pa'i
phyir/ ma grub na/ der thal/ dgag pa don gyis bstan pa dang/
zhes pa'i gzhung gi bstan don grub pa'i phyir/ gzhan yang/ bdag
med ma

yin pa las log pa'i bdag med chos can/ ma yin dgag yin par thal/
dgag pa yin pa gang zhig /rang brjod pa'i sgras rang gi dgag bya
bkag shul du chos gzhan dngos su 'phen pa yin pa'i phyir/ rtags

dang po grub cing/ 'dod mi nus te/ med dgag yin pa'i phyir/
rtags gnyis pa ma grub na/ bdag med ma yin pa las log pa'i bdag
med chos can/ der thal/ rang brjod pa'i sgras rang gi dgag bya
bdag med ma

@87a @#/ /yin pa bkag shul du chos gzhan dngos su 'phen pa yin
pa'i phyir/ ma grub na/ de chos can/ der thal/ rang brjod pa'i
sgras rang gi dgag bya bdag med ma yin pa bkag shul du chos
gzhan

bdag med dngos su 'phen pa yin pa'i phyir/ ma khyab na/ de la
khyab pa yod de/ bum pas dag pa'i sa phyogs de/ rang brjod pa'i
sgras rang gi dgag bya bkag shul du chos gzhan sa phyogs dngos
su 'phen na/ de rang

brjod pa'i sgras rang gi dgag bya bkag shul tu chos gzhan dngos
su 'phen pas khyab pa'i phyir/ ma grub na/ der thal/ bum pas dag
pa'i sa phyogs de/ rang zhes brjod pa'i sgras rang gi dgag bya
bkag

shul du chos gzhan dngos su 'phen pa yin pa'i phyir/ ma grub na/
bum pas dag pa'i sa phyogs chos can/ der thal/ ma yin dgag yin
pa'i phyir/ khyab pa rtsa ba'i mtshan nyid la song/ ma khyab

mtshams kyi rtsa rtags ma grub na/ bdag med ma yin pa las log
pa'i bdag med de/ rang zhes brjod pa'i sgras rang gi dgag bya
bdag med ma yin pa bkag shul du chos gzhan dngos su 'phen pa yin

par thal/ des rang gi dgag bya bdag med ma yin pa bkag pa gang
zhig /des bdag med dngos su 'phen pa'i phyir/ rtags gnyis pa ma
grub na/ de der thal/ bum pa ma yin pa las log pa'i bum pa

@87b zhes brjod pa'i sgra des/ bum pa dngos su 'phen pa'i phyir/
kha cig na re/ dgag pa gang zhig /rang brjod pa'i sgras rang gi
dgag bya bkag shul du chos gzhan sgrub pa 'phen pa de/ ? dgag ga
mtshan

nyid dang/ dgag pa gang zhig /rang brjod pa'i sgras rang gi dgag
bya bkag shul du chos gzhan sgrub pa mi 'phen pa de/ med dgag gi
mtshan nyid yin zer na/ bum pa ma yin pa las log pa chos can/
mtshan

nyid dang po'i zur phyi ma der thal/ ma yin dgag yin pa'i phyir/
ma grub na/ de chos can/ der thal/ dgag pa dang dngos po'i gzhi
mthun yin pa'i phyir/ dgag pa gang zhig /dngos po yin pa'i
phyir/ rtags

phyi ma ma grub na/ de chos can/ der thal/ bum pa yin pa'i phyir
te/ bum pa ma yin pa las log pa yin pa'i phyir/ ma grub na/ bum
pa ma yin pa las log pa kho kho rang yin par thal/ bum pa bum pa
yin

pa'i phyir/ rtsa bar 'dod na/ bum pa ma yin pa las log pa chos
can/ rang zhes brjod pa'i sgras chos gzhan sgrub pa brjod par
thal/ rang zhes brjod pa'i sgras rang gi dgag bya bkag shul du
chos

gzhan sgrub pa brjod pa'i phyir/ ma grub na/ de chos can/ der
thal/ rang zhes brjod pa'i sgras rang gi dgag bya bkag shul du
chos gzhan sgrub pa 'phen pa'i phyir/ rtags dngos/ 'dod na/ bum
pa brjod na/

@88a @#/ /sgrub pa brjod pas khyab par thal/ bum pa brjod pa'i
sgras chos gzhan sgrub pa brjod pa'i phyir/ rtags khas/ 'dod na/
bum pa tshad mas rtogs pa'i gang zag yin na/ sgrub pa tshad mas

rtogs pa'i gang zag yin dgos par thal/ 'dod pa'i phyir/ 'dod mi
nus te/ bum pa sgrub par mtshon pa'i mtshon sbyor rnam dag 'god
dgos kyi gang zag yod pa'i phyir/ gzhan yang/ rtag dngos gnyis
kyis

stod pa'i bum pa chos can/ rang brjod pa'i sgras rang gi dgag
bya bkag shul du chos gzhan sgrub pa 'phen pa yin par thal/ ma
yin dgag yin pa'i phyir te/ dgag par gyur pa'i dngos po yin pa'i
phyir/ gong

du 'dod na/ de 'dra'i bum pa chos can/ rang brjod pa'i sgras
rang gi dgag bya bkag shul du chos gzhan sgrub pa mi 'phen par
thal/ rang zhes brjod pa'i sgras chos gzhan sgrub pa mi 'phen
pa'i phyir te/

rang zhes brjod pa'i sgras sgrub pa mi 'phen pa'i phyir/ ma grub
na/ de chos can/ der thal/ khyod zhes brjod pa'i sgras sgrub pa
ma brjod pa'i phyir/ byas pa la kho na re/ rtag dngos gnyis kyis
stong pa'i bum

pa chos can/ rang brjod pa'i sgras chos gzhan sgrub pa 'phen par
thal/ rang brjod pa'i sgras rang gi 'phangs byar gyur pa'i chos
gzhan sgrub pa 'phen pa'i phyir zer na ma khyab/ 'o na/ kho rang
la/ rtag dngos

@88b gnyis kyis stong pa'i bum pa chos can/ khyod brjod pa'i
sgras bdag med brjod par thal/ khyod brjod pa'i sgras rang gi
'phangs byar gyur pa'i bdag med brjod pa'i phyir/ khyab pa khas/
ma grub na/

rtag dngos gnyis kyis stong pa'i bum pa chos can/ khyod brjod
pa'i sgras rang gi 'phangs byar gyur pa'i bdag med brjod par
thal/ khyod brjod pa'i sgras rang gi brjod byar gyur pa'i bdag
med

brjod pa'i phyir/ ma grub na/ de chos can/ der thal/ khyod brjod
pa'i sgra yod pa'i phyir/ gong du 'dod na/ rjod byed kyi sgra
yin na/ bdag med brjod pas khyab par thal/ 'dod pa'i phyir/ 'dod
mi nus

te; bdag med ma brjod pa'i rjod byed kyi sgra yod pa'i phyir/ ma
grub na/ der thal/ bdag med tshad mas ma nges pa'i gang zag yod
pa'i phyir/ yang kho na re/ khyod khyod rang yin na/ khyod ma
yin pa las log pa

khyod ma yin pa las log pa yin pas khyab par thal/ bum pa bum pa
yin na/ bum pa ma yin pa las log pa bum pa ma yin pa las log pa
yin dgos pa'i phyir zer na/ ma khyab/ 'dod na/ sgrub par

gyur pa'i bum pa chos can/ khyod ma yin pa las log pa khyod ma
yin pa las log pa yin par thal/ khyod khyod rang yin pa'i phyir/
khyab pa khas/ ma grub na/ sgrub par gyur pa'i bum pa chos can/
sgrub par

@89a @#/ /gyur pa'i bum pa yin par thal/ sgrub pa dang bum pa
gnyis ka yin pa'i phyir/ rtsa bar 'dod na/ sgrub par gyur pa'i
bum pa ma yin pa las log pa chos can/ sgrub par gyur pa'i

bum pa ma yin pa las log pa ma yin par thal/ sgrub par gyur pa'i
bum pa ma yin pa'i phyir/ ma grub na/ de chos can/ der thal/
dgag par gyur pa'i bum pa yin pa'i phyir/ ma grub na/ sgrub par
gyur pa'i

bum pa ma yin pa las log pa chos can/ dgag bar gyur pa'i bum pa
yin par thal/ dgag pa dang bum pa gnyis ka yin pa'i phyir/ ma
grub na de der thal/ bum pa ma yin pa las log pa de/ dgag pa
dang bum pa

gnyis ka yin pa'i phyir/ gong gi mtshan nyid de la skyon 'phen pa
kha cig /ka bum gang rung gang zhig /bum pa ma yin pa chos can/
ma yin dgag yin par thal/ dgag pa gang zhig /rang brjod pa'i
sgras rang gi

dgag bya bkag shul du chos gzhan sgrub pa 'phen pa'i phyir/ ma
grub na/ ka bum gang rung gang zhig /bum pa ma yin pa de/ rang
zhes brjod pa'i sgras rang gi dgag bya bkag shul du chos gzhan
sgrub pa 'phen pa

yin par thal/ ka bum gnyis yod pa gang zhig /rgyal rigs dang
bram za'i rigs gang rung gang zhig /rgyal rigs ma yin pa de/
rang zhes brjod pa'i sgras rang gi dgag bya bkag shul du chos
gzhan sgrub pa 'phen

@89b pa yin pa'i phyir/ ma grub na/ der thal/ rgyal rigs dang
bram ze'i rigs gang rung gang zhig /rgyal rigs ma yin pa zhes
pa'i sgra des/ rgyal rigs bkag shul du bram ze'i rigs 'phen pa
gang zhig /bram ze'i rigs

sgrub pa yin pa'i phyir na ma khyab/ dang po sgrub ste/ des bram
ze'i rigs skabs stobs kyis 'phen pa'i phyir te/ gzhi gcig rgyal
rigs dang bram ze'i rigs gang rung du nges zhing/ rgyal rigs
bkag pas

bram ze'i rigs yin pa skabs stobs kyis nges nus pa'i phyir/ rtsa
bar 'dod na/ de chos can/ de ma yin par thal/ med dgag yin pa'i
phyir/ ma grub na/ ka bum gang rung gang zhig /bum pa chos can/
khyod ma yin

pa med dgag yin par thal/ khyod ma yin pa yod pa gang zhig
/khyod sgrub pa yin pa'i phyir na ma khyab/ kha cig na re/ ma
yin dgag gi gzhan sel la/ don rang mtshan gyi gzhan sel dang/
blo'i gzhan sel gnyis

yod pa las/ ma yin dgag gi gzhan sel yang yin/ don byed nus pa
yang yin pa'i gzhi mthun pa de/ don rang mtshan gyi gzhan sel gyi
mtshan nyid yin zer na/ ma yin dgag gi gzhan sel yang yin/ don
byed nus

pa yang yin pa'i gzhi mthun pa chos can/ ngo bo nyid med par
smra ba'i thal 'gyur pas khyod khas mi len par thal/ khyod don
rang mtshan gyi gzhan sel gyi mtshan nyid yin pa'i phyir/ ma khyab
na/ de la khyab pa yod

@90a @#/ /par thal/ don rang mtshan gyi gzhan sel gyi mtshan nyid
yin na/ ngo bo nyid med par smra ba'i thal 'gyur bas khyod khas
mi len dgos pa'i phyir/ rtsa bar 'dod na/ ngo bo nyid med

par smra ba'i thal 'gyur ba des/ ma yin dgag gi gzhan sel yang
yin/ don byed nus pa yang yin pa'i gzhi mthun pa khas len par
thal/ des rtags dngos gnyis kyi stong ba'i bum pa de/ de

'dra'i gzhi mthun du khas len pa'i phyir te/ des rtag dngos
gnyis kyis stong pa'i bum pa de/ ma yin dgag gi gzhan sel du
yang khas len/ des rtag dngos gnyis kyis stong pa'i bum pa de/
don byed nus

par yang khas len pa'i phyir/ gnyis pa rang lugs bzhag pa la/
dgag pa dang gzhan sel gnyis/ byas mi rtag lta bu'i don gcig yin
pa gzhir bzhag nas/ mtshan nyid bshad pa dang/ dbye ba bshad pa

gnyis; dang po ni/ rang 'dzin rtog pas dgag bya dngos su bcad
pa'i tshul gyi rtogs par bya ba/ rang nyid dgag pa yin pa'i mtshan
nyid/ yang na/ rang 'dzin rtog pas rang gi dgag bya bcad pa'i
sgo nas

dngos su rtogs par bya ba/ rang nyid dgag pa yin pa'i mtshan
nyid/ gnyis pa dbye ba bshad pa la/ gzhan sel la dbye na/ ma yin
dgag gi gzhan sel dang/ med dgag gi gzhan sel gnyis yod/ de
gnyis so

@90b so'i mtshan nyid ni/ rang zhes brjod pa'i sgras rang gi dgag
bya bkag shul du rang 'dzin rtog pa'i gzhal byar 'phangs pa yang
yin/ sgrub pa yang yin pa'i gzhi mthun pa yod pa yang yin/ dgag
pa yang

yin pa'i gzhi mthun par dmigs pa de/ rang nyid ma yin dgag gi
gzhan sel gyi mtshan nyid/ ma yin dgag gi gzhan sel dang ma yin
dgag gnyis don gcig /ma yin dgag gi gzhan sel la/

don rang mtshan gyi gzhan sel dang/ blo'i gzhan sel gnyis yod/ de
so so'i mtshan nyid ni/ ma yin dgag gi gzhan sel yang yin/ don
dam par don byed nus pa yang yin pa'i gzhi mthun par dmigs

pa de/ don rang mtshan gyi gzhan sel gyi mtshan nyid/ mtshan gzhi
ni/ bum pa ma yin pa las log pa lta bu/ ma yin dgag gi gzhan sel
yang yin/ rtog pas sgro btags kyang yin pa'i gzhi mthun pa 

blo'i gzhan sel gyi mtshan nyid/ ma yin dgag la dbye na/ rang
zhes brjod pa'i sgras rang gi 'phangs byar gyur pa'i chos gzhan
sgrub pa dngos su 'phen pa'i ma yin dgag dang/ rang zhes brjod
pa'i

sgras rang gi 'phangs byar gyur pa'i chos gzhan sgrub pa shugs
la 'phen pa'i ma yin dgag dang/ rang zhes brjod pa'i sgras rang
gi 'phangs byar gyur pa'i chos gzhan sgrub pa dngos shugs gnyis
ka

@091a @#/ /la 'phen pa'i ma yin dgag dang/ rang zhes brjod pa'i
sgras rang gi 'phangs byar gyur pa'i chos gzhan sgrub pa skabs
stobs kyis 'phen pa'i ma yin dgag dang bzhi/ mtshan gzhi

ni; rim pa ltar du/ bum pa tshad mas ma dmigs pa'i sa phyogs
dang/ ri med pa'i thang gnyis dang po'i mtshan gzhi yin/ bum pa
ma yin pa las log pa dang/ lhas byin tshon po nyin

par zas mi za ba gnyis gnyis pa'i mtshan gzhi yin/ nyin par zas
mi za ba'i lhas byin tshon po rid pa ma yin par yod pa de/ gsum
pa'i mtshan gzhi yin/ rgyal po don grub rgyal rigs

dang bram ze'i rigs gang rung yin zhing/ bram ze'i rigs ma yin
pa de/ bzhi pa'i mtshan gzhi yin pa'i phyir/ bum pa'i ma yin dgag
gi gzhan sel yang yin/ rtog pas sgro btags kyang

yin pa'i gzhi mthun pa/ bum pa'i blo'i gzhan sel gyi mtshan nyid/
mtshan gzhi ni/ bum 'dzin rtog pa la bum pa ma yin pa las log par
snang ba dang/ rtog pa la bum pa ma yin pa las log

par snang ba lta bu'o/ /rang zhes brjod pa'i sgras rang gi dgag
bya bkag shul du rang 'dzin rtog pa'i gzhal byar 'phangs pa yang
yin/ sgrub pa yang yin pa'i gzhi mthun pa med pa yang yin/

@091b dgag pa yang yin pa'i gzhi mthun par dmigs pa de/ rang
nyid med dgag gi gzhan sel gyi mtshan nyid yin/ mtshan gzhi ni/
bum pa dang bum pa ma yin pa'i gzhi mthun pas stong pa lta bu/
med

dgag dang med dgag gi gzhan sel gnyis don gcig /med dgag la dbye
na/ rang gi dgag bya shes bya la srid pa'i med dgag dang/ rang
gi dgag bya shes bya la mi srid pa'i med dgag gnyis/ de gnyis

so so'i mtshan gzhi yod de/ bum pa med pa dang/ dngos po med pa
gnyis dang po dang/ gang zag gi bdag med gnyis pa yin pa'i
phyir/ dang po'i sgrub byed ni/ bum pa med pa rang gi dgag bya
shes bya

la srid pa'i med dgag yin par thal/ bum pa yod pa bum pa med
pa'i dgag bya yin pa gang zhig /bum pa yod pa shes bya la srid
pa'i phyir/ dang po ma grub na/ der thal/ bum pa med pa zhes

brjod pa'i sgras/ bum pa med pa'i dgag bya bum pa yod pa dngos
su bkag nas/ bum pa med pa dngos su brjod pa'i phyir te/ bum pa
ma yin pa las log pa zhes brjod pa'i sgras/ bum pa ma yin

pa las log pa'i dgag bya bum pa ma yin pa dngos su bkag nas/ bum
pa ma yin pa las log pa dngos su brjod pa'i phyir te/ bum pa ma
yin pa zhes pa'i ngag des/ de'i dgag bya bum pa dngos su

@092a @#/ /bkag nas/ bum pa ma yin pa dngos su brjod pa'i phyir
te/ de 'dra'i ngag des/ bum pa dngos su bkag pa gang zhig /des
bum pa ma yin pa dngos su brjod pa'i phyir/

dang po ma grub na/ bum pa chos can/ khyod ma yin pa zhes pa'i
ngag des/ khyod dngos su bkag par thal/ khyod dngos po yin pa'i
phyir/ gnyis pa ma grub na/ bum pa ma yin pa chos can/ khyod

zhes pa'i ngag des/ khyod dngos su brjod par thal/ khyod bdag
med yin pa'i phyir/ des dngos po med pa sogs la rigs 'gre/ ri
bong rwa med pa gnyis pa yin pa'i sgrub byed ni/ ri bong rwa

med pa/ rang gi dgag bya shes bya la mi srid pa'i med dgag yin
par thal/ ri bong rwa yod pa ri bong rwa med pa'i dgag bya yin
pa gang zhig /ri bong rwa yod pa shes bya la mi srid pa'i phyir/

dang po ma grub na/ ri bong rwa chos can/ khyod yod pa khyod med
pa'i dgag bya yin par thal/ khyod med nges yin pa'i phyir/ gsum
pa rtsod pa spong ba ni/ sgra rtag pa ma yin pa chos can/ rang
'dzin

rtog pas rang gi dgag bya dngos su bcad pa'i tshul gyi rtogs par
bya ba yin par thal/ dgag pa yin pa'i phyir/ ma grub na/ de chos
can/ der thal/ gzhan sel yin pa'i phyir/ ma grub na/ de

@092b der thal/ rtag pa ma yin pa gzhan sel yin pa'i phyir/ gong
du 'dod na/ sgra rtag pa ma yin pa chos can/ rang 'dzin rtog pas
rang gi dgag bya dngos su bcad par thal/ 'dod pa'i phyir/ 'dod
na/ de

chos can/ rang zhes brjod pa'i sgras rang gi dgag bya la dngos
su gnod par thal/ 'dod pa'i phyir zer na/ 'dir ma khyab/ 'dod
na/ sgra rtag pa ma yin pa zhes pa'i sgra des/ sgra rtag pa la
dngos su gnod

par thal/ des sgra rtag pa ma yin pa'i dgag bya la dngos su gnod
pa'i phyir/ rtags khas/ 'dod na/ sgra rtag pa ma yin par rtogs
pa'i dngos stobs rjes dpag gi yul gyi log phyogs la lung rnam

dag gnod byed du 'jug par thal/ sgra rtag pa la/ sgra rtag pa ma
yin par ston pa'i lung gnod byed du 'jug pa'i phyir/ ma grub na/
der thal/ sgra rtag pa la/ sgra rtag pa ma yin pa zhes brjod
pa'i sgra

de gnod byed du 'jug pa'i phyir/ ma grub na/ der thal/ sgra rtag
pa ma yin pa zhes pa'i sgra des/ sgra rtag pa la dngos su gnod
pa'i phyir/ rtags khas/ rtsa bar 'dod na/ sgra rtag pa ma yin
par

rtogs pa'i dngos stobs rjes dpag gi yul la lung sgrub byed rnam
dag tu 'jug par thal/ rtsa bar 'dod pa de'i phyir/ 'dod mi nus
te/ rnam 'grel las/ rjes su dpag pa'i yul la tshig /tshad ma nyid

@093a @#/ /du 'dod ma yin/ /zhes pa'i don grub pa'i phyir/ gzhan
yang/ sgra rtag pa ma yin par rtogs pa'i rtog pa des/ sgra rtag
pa dngos su bcad par thal/ sgra rtag pa ma yin par

rtogs pa'i rjes dpag des/ sgra rtag pa dngos su bcad pa'i phyir/
ma grub na/ der thal/ sgra rtag pa ma yin par rtogs pa'i rjes
dpag de/ sgra rtag pa ma yin par dngos su rtogs pa'i tshad ma yin

pa'i phyir/ gong du 'dod na/ sgra rtag pa ma yin par rtogs pa'i
rtog pa des/ sgra rtag pa la dngos su gnod par thal/ des sgra
rtag pa dngos su bcad pa'i phyir/ 'dod na/ sgra rtag pa ma yin
pa zhes pa'i sgra

des; sgra rtag pa la dngos su gnod par thal/ 'dod pa de'i phyir
na ma khyab/ 'dod na/ bsgrubs zin to/ /kha cig /bum pa chos can/
sgrub pa ma yin par thal/ dgag pa yin pa'i phyir/ ma grub na/ de
chos

can; dgag pa yin par thal/ gzhan sel yin pa'i phyir/ ma grub na/
de chos can/ der thal/ khyod 'dzin rtog pa de/ gzhan sel gyi yul
can yin pa'i phyir/ ma grub na/ bum pa chos can/ der thal/ khyod

'dzin rtog pa'i yul yang yin/ gzhan sel yang yin pa'i gzhi mthun
yod pa'i phyir zer na ma khyab/ ma grub na/ de chos can/ der
thal/ khyod ma yin pa las log pa de/ khyod 'dzin rtog pa'i yul
yang

@093b yin; gzhan sel yang yin pa'i gzhi mthun pa yin pa'i phyir
te/ khyod yin pa srid pa'i shes bya yin pa'i phyir/ gong du ma
khyab mtshams la/ ri bong rwa chos can/ dgag pa yin par thal/
khyod 'dzin

rtog pa de/ dgag pa'i yul can yin pa'i phyir/ ma grub na/ de
chos can/ der thal/ khyod 'dzin rtog pa'i yul yang yin/ dgag pa
yang yin pa'i gzhi mthun yod pa'i phyir/ khyab pa khas/ ma grub
na/ de chos

can; der thal/ khyod kyi don spyi ma yin pa las log pa de/ de
'dra'i gzhi mthun pa yin pa'i phyir te/ khyod bdag med yin pa'i
phyir/ kho na re/ gzhan sel la/ don rang mtshan gyi gzhan sel
dang/ blo'i gzhan

sel dang/ med dgag gi gzhan sel gsum rnams su med par thal/ don
rang mtshan gyi gzhan sel med pa'i phyir te/ gzhan sel yin na/
blo'i gzhan sel yin pas khyab pa'i phyir te/ bem po yin na/

blo'i gzhan sel ma yin pas khyab pa'i phyir zer na/ de mi 'thad
par thal/ gzhan sel la dbye na/ ma yin dgag gi gzhan sel dang/
med dgag gi gzhan sel gnyis su yod cing/ ma yin dgag gi gzhan

sel la/ blo'i gzhan sel dang/ don rang mtshan gyi gzhan sel gnyis
su grangs nges pa'i phyir/ rtags gong du bsgrubs zin/ yang kho
na re/ gang zag gi bdag yod par thal/ de dgag pa yin pa'i phyir/
ma

@094a @#/ /grub na/ der thal/ gang zag gi bdag 'dzin pa'i rtog pa
dgag rtog yin pa'i phyir/ zer na ma khyab/ tshig zin 'di la dpyad
dgos so/ /ma grub na/ gang zag gi bdag chos can/

khyod 'dzin rtog pa de/ dgag rtog yin par thal/ khyod 'dzin rtog
pa de/ rang yul du gyur pa'i dgag pa'i rnam pa shar ba'i zhen
rig yin pa'i phyir/ ma grub na/ de chos can/ der thal/ khyod med
nges

yin pa'i phyir/ zhes zer/ gong du 'dod na/ gang zag gi bdag med
par thal/ gang zag gi bdag med yin pa'i phyir/ de la yang kho na
re/ bdag med par thal/ bdag med yin pa'i phyir

zer na ma khyab/ ma grub na/ der thal/ dngos med yin pa'i phyir
te/ rtag pa yin pa'i phyir/ rtsa bar 'dod na/ bdag yod par thal/
nga yod pa'i phyir te/ gang zag yod pa'i phyir/ byas pa la kho
na

re; bum 'dzin rtog pa la bum pa ma yin pa las log par snang ba/
bum pa'i blo'i gzhan sel ma yin par thal/ bum 'dzin rtog pa la
bum pa ma yin pa las log par snang ba/ gzhan sel ma yin 

pa'i phyir te/ de med pa'i phyir/ ma grub na/ der thal/ bum
'dzin rtog pa la bum pa ma yin pa las log par mi snang ba'i
phyir/ ma grub na/ der thal/ bum 'dzin rtog pa la bum pa ma yin
pa las log pa de

@094b mi snang ba'i phyir zer na ma khyab/ ma grub na/ bum pa ma
yin pa las log pa chos can/ bum 'dzin rtog pa la khyod kyi rnam
pa shar bar thal/ 'dod pa'i phyir/ 'dod na/ bum pa chos can/
khyod 'dzin

rtog pa de/ rang yul du gyur pa'i dgag pa'i rnam pa shar ba'i
zhen rig yin par thal/ khyod 'dzin rtog pa de/ rang yul du gyur
pa'i bum pa ma yin pa las log pa'i rnam pa shar ba'i zhen rig
yin pa'i

phyir; rtags khas/ 'dod na/ bum pa chos can/ khyod dgag pa yin
par thal/ khyod yod pa gang zhig /khyod 'dzin rtog pa dgag rtog
yin pa'i phyir/ rtags khas/ 'dod mi nus te/ sgrub pa yin pa'i
phyir/

byas pa la kho na re/ ri bong rwa 'dzin rtog pa la/ ri bong rwa
ma yin pa las log par snang ba/ ri bong rwa'i blo'i gzhan sel ma
yin par thal/ ri bong rwa'i blo'i gzhan sel med pa'i phyir te/
ri bong

rwa'i blo med pa'i phyir zer na ma khyab/ ma grub na/ der thal/
ri bong rwa med pa'i phyir/ gong du 'dod na/ de chos can/ khyod
'dzin rtog pa la khyod ma yin pa las log par snang ba/ khyod kyi
blo'i gzhan

sel yin par thal/ khyod 'dzin rtog pa la khyod ma yin pa las log
par snang ba de khyod kyi don spyi yin pa'i phyir/ kha cig /de'i
gzhan sel yod par thal/ re'i blo'i gzhan sel yod pa'i phyir/
'dod na/

@095a @#/ /med pa'i gzhan sel yod par thal/ ri bong rwa'i gzhan
sel yod pa'i phyir/ 'dod na/ med pa dang med pa ma yin pa'i gzhi
mthun pas stong pa med pa'i gzhan sel yin

par thal/ 'dod pa'i phyir/ 'dod na/ de chos can/ med pa'i gzhan
sel ma yin par thal/ yod pa'i gzhan sel yin pa'i phyir/ ma grub
na/ de chos can/ der thal/ yod pa dang gzhan sel

gnyis ka yin pa'i phyir zer na ma khyab/ ma grub na/ de chos
can/ der thal/ gzhan sel yin pa'i phyir te/ med pa'i med dgag gi
gzhan sel yin pa'i phyir/ ma grub na/ med pa chos can/ khyod
dang

khyod ma yin pa'i gzhi mthun pas stong pa/ khyod kyi med dgag gi
gzhan sel yin par thal/ khyod bdag med yin pa'i phyir/ med pa'i
gzhan sel yod ces gsung tshul 'dug pa la dpyad par

bya'o; /yang kha cig na re/ ka bum gnyis ma yin pa las log pa/
ka bum gnyis kyi don rang mtshan gyi gzhan sel yin par thal/ ka
ba ma yin pa las log pa/ ka ba'i don rang mtshan gyi gzhan

sel yin pa gang zhig /bum pa ma yin pa las log pa/ bum pa'i don
rang mtshan gyi gzhan sel yin pa'i phyir zer na ma khyab/ dang po
ma grub na/ ka ba chos can/ khyod ma yin pa las log pa khyod

@095b kyi don rang mtshan gyi gzhan sel yin par thal/ khyod yin
pa srid pa'i dngos po yin pa'i phyir/ gnyis pa la yang rigs
'gre/ gong du 'dod na/ ka bum gnyis ma yin pa las log pa chos
can/ de'i don rang

mtshan gyi gzhan sel ma yin par thal/ khyod don rang mtshan gyi
gzhan sel ma yin pa'i phyir te/ khyod med pa'i phyir/ ma grub
na/ ka bum gnyis chos can/ khyod ma yin pa las log pa med par
thal/ khyod kyi

yin pa med pa'i phyir/ ma grub na/ ka bum gnyis chos can/ khyod
kyi yin pa med par thal/ khyod yin pa mi srid pa'i shes bya yin
pa'i phyir/ gzhan yang/ ka bum gnyis ma yin las log pa/ ka bum
gnyis kyi

don rang mtshan gyi gzhan sel yin par thal/ rtag dngos gnyis kyis
stong pa'i ka bum gnyis/ ka bum gnyis kyi don rang mtshan gyi
gzhan sel yin pa'i phyir na ma khyab/ ma grub na/ ka bum gnyis

chos can/ rtag dngos gnyis kyis stong pa'i khyod de/ khyod kyi
don rang mtshan gyi gzhan sel yin par thal/ khyod yin pa mi srid
pa'i dngos po yin pa'i phyir/ byas pa la kho na re/ rtag dngos
gnyis kyis

stong pa'i ka bum gnyis chos can/ khyod yin pa mi srid pa'i
dngos po ma yin par thal/ khyod yin pa srid pa'i dngos po yin
pa'i phyir/ ma grub na/ de chos can/ der thal/ ka ba'i don rang
mtshan gyi gzhan

@096a @#/ /sel yin pa'i phyir/ ma grub na/ de chos can/ der thal/
ka ba dang bum pa gnyis ka'i don rang mtshan gyi gzhan sel yin
pa'i phyir zer na ma khyab/ ma grub na/ de chos can/ der

thal; ka bum gnyis kyi don rang mtshan gyi gzhan sel yin pa'i
phyir/ ma grub na/ de de yin par thal/ ka bum gnyis kyi don rang
mtshan gyi gzhan sel yod pa'i phyir/ ma grub na/ ka bum gnyis
chos can/

khyod kyi don rang mtshan gyi gzhan sel yod par thal/ khyod dngos
po yin pa'i phyir/ des na gzhan sel gyi rnam gzhag gtan la phab
pa la dgos pa yod de/ gang zag gi bdag med rtogs pa'i rjes dpag

gi dngos kyi gzhal bya yin na/ med dgag yin pas khyab kyi/ ma
yin dgag dang/ sgrub pa gang rung ma yin pa cig dgos so/ /zhes
shes par bya ba'i ched yin pa'i phyir/ !bzhi pa sel/

'jug sgrub 'jug gi rnam gzhag bshad pa la/ kha cig na re/ rang
yul la cha shas su phye nas 'jug pa'i rig pa/ sel 'jug gi mtshan
nyid/ rang yul la cha shas su ma phye bar 'jug

pa'i rig pa/ sgrub 'jug gi mtshan nyid zer na/ dang po la/ bum pa
zhes brjod pa'i sgra chos can/ mtshan nyid der thal/ mtshon bya
de'i phyir/ ma grub na/ de chos can/ der thal/ rjod byed

@096b kyi sgra yin pa'i phyir te/ chos can de yin pa'i phyir/
rtsa bar 'dod na/ bum pa zhes brjod pa'i sgra chos can/ rang yul
la cha shas su phye nas 'jug pa'i rig pa ma yin par thal/ rig pa
ma

yin pa'i phyir/ ma grub na/ de chos can/ der thal/ bem po yin
pa'i phyir/ gnyis pa la/ sangs rgyas 'phags pa chos can/ mtshan
nyid der thal/ mtshon bya de'i phyir/ ma grub na/ de chos can/

der thal/ sgrub 'jug gi skyes bu yin pa'i phyir te/ chos can de
yin pa'i phyir/ rtsa bar 'dod na/ de chos can/ rang yul la cha
shas su ma phye bar 'jug pa'i rig pa ma yin par thal/ rig pa ma
yin

pa'i phyir te/ shes pa ma yin pa'i phyir te/ chos can de yin
pa'i phyir/ rtsa bar 'dod na/ de chos can/ rang yul la cha shas
su ma phye bar 'jug pa'i rig pa ma yin par thal/ rig pa ma yin

nyid; rang yul la cha shas su ma phye bar 'jug pa'i rig pa/
sgrub 'jug gi blo'i mtshan nyid zer ba la/ skyon 'phen pa kha cig
/rtog pa chos can/ mtshan nyid dang po der thal/ mtshon bya de'i
phyir/

ma grub na/ rtog pa chos can/ sel 'jug gi blo yin par thal/ rtog
pa yin pa'i phyir/ rtsa bar 'dod na/ rtog pa chos can/ rang yul
la cha shas su phye nas 'jug pa'i rig pa yin par

@097a @#/ /thal; 'dod pa'i phyir/ 'dod na/ rtog pa chos can/ rang
yul 'ga' zhig la 'jug /rang yul 'ga' zhig la mi 'jug par thal/
rang yul la cha shas su phye nas

'jug pa'i phyir zer na ma khyab/ 'dod na/ rtog pa chos can/ rang
yul 'ga' zhig la mi 'jug pa yin par thal/ 'dod pa'i phyir/ 'dod
mi nus te/ gzhi grub na/ khyod kyi yul yin pas

khyab pa'i phyir/ gong gi ma khyab mtshams la/ rang yul la cha
shas su phye nas 'jug pa'i rig pa kho kho rang yin par thal/ kho
yod pa'i phyir/ 'dod na/ de chos can/ rang yul la cha shas su

phye nas 'jug par thal/ 'dod pa'i phyir/ 'dod na/ de chos can/
rang yul 'ga' zhig la 'jug /'ga' zhig la mi 'jug par thal/ rang
yul la cha shas su phye nas 'jug pa'i phyir/

khyab pa khas/ 'dod na/ de chos can/ rang yul 'ga' zhig la mi
'jug par thal/ 'dod pa'i phyir/ 'dod na/ de chos can/ rang yul
'ga' zhig la mi 'jug pa ma yin par thal/ gzhi

grub na/ khyod kyi yul yin dgos pa'i phyir/ ma grub na/ der
thal/ de yod pa gang zhig /gzhi grub na/ rtog pa'i yul yin dgos
pa'i phyir/ kha cig na re/ sgra rtog sel 'jug yin zer na/ de

@097b ma yin par thal/ sgra sel 'jug gi sgra ma yin pa'i phyir/
ma grub na/ der thal/ sgra de brjod byed kyi sgra ma yin pa'i
phyir/ ma grub na/ der thal/ chu'i sgra de sgra yin pa'i phyir/
kha cig na re/

gzugs dngos su rtogs pa'i yul can yin na/ sgrub 'jug yin dgos/
gzugs don spyi'i tshul gyi rtogs pa'i yul can yin na/ sel 'jug
yin dgos zer na/ dang po la so so'i skye bo chos

can; der thal/ de'i phyir/ ma grub na/ de chos can/ der thal/
khyod gzugs gzugs 'dzin mngon sum gyis dngos su rtogs pa'i yul
can yin pa'i phyir/ rtsa bar 'dod na/ de chos

can; de ma yin par thal/ sel 'jug yin pa'i phyir te/ gzugs don
spyi'i tshul gyi rtogs pa'i yul can yin pa'i phyir te/ khyod
gzugs gzugs 'dzin rtog pa'i sgo nas rtogs pa'i yul

can yin pa'i phyir/ des na rang gi lugs la/ de gnyis so so'i
mtshan nyid dang/ dbye ba/ rtsod spong dang gsum las/ dang po la/
rang yul la cha shas su phye nas 'jug pa/ sel 'jug gi

mtshan nyid/ de la dbye na/ sel 'jug gi sgra/ sel 'jug gi blo/
de'i skyes bu dang gsum las dang po la/ mtshan nyid dang/ dbye ba
gnyis/ rang yul la cha shas su phye nas 'jug pa'i mnyan bya/

@098a @#/ /sel 'jug gi sgra'i mtshan nyid/ de la dbye na/ de'i
sgra don mthun dang/ de'i sgra don mi mthun gnyis/ rang yul la
cha shas su phye nas/ 'jug pa'i mnyan bya don mthun

de; dang po'i mtshan nyid/ mtshan gzhi ni/ bum pa zhes pa'i sgra
lta bu/ de 'dra'i mnyan bya don mi mthun de/ gnyis pa'i mtshan
nyid/ mtshan gzhi ni/ ri bong rwa zhes pa'i sgra lta bu/ sel 'jug
gi

sgra dang/ rjod byed kyi sgra gnyis don gcig /de'i sgra don
mthun dang/ rjod byed kyi sgra don mthun gnyis don gcig /de'i
sgra don mi mthun dang/ rjod byed kyi sgra don mi mthun gnyis
don gcig /sel

'jug gi blo la mtshan nyid dang/ dbye ba gnyis/ rang yul la cha
shas su phye nas 'jug pa'i rig pa/ de'i mtshan nyid/ de dang rtog
pa gnyis don gcig /de la dbye na/ de'i blo don mthun dang/ de'i

blo don mi mthun gnyis/ rang yul la cha shas su phye nas 'jug
pa'i rig pa don mthun de/ de don mthun gyi mtshan nyid/ de dang
rtog pa don mthun gnyis don gcig /mtshan gzhi ni/ dper na/ bum

'dzin rtog pa lta bu/ rang yul la cha shas su phye nas 'jug pa'i
rig pa don mi mthun de/ gnyis pa'i mtshan nyid/ de dang rtog pa
don mi mthun gnyis don gcig /mtshan gzhi ni/ dper na/

@098b ri bong rwa 'dzin rtog pa lta bu/ rang yul la cha shas su
phye nas 'jug pa'i skyes bu de/ sel 'jug gi gang zag gi mtshan
nyid/ mtshan gzhi ni/ dper na/ tshur mthong lta bu/ gnyis pa sgrub
'jug bshad

ba la/ rang yul la cha shas su ma phye bar 'jug pa/ de'i mtshan
nyid/ de la dbye na/ de'i blo dang/ de'i skyes bu gnyis/ dang po
la/ mtshan nyid dang/ dbye ba gnyis/ rang yul la cha shas su ma
phye

bar 'jug pa'i rig pa/ de'i mtshan nyid/ de la dbye na/ de'i blo
don mthun dang/ de'i blo don mi mthun gnyis las/ rang yul la cha
shas su ma phye bar 'jug pa'i rig pa don mthun/ dang

po'i mtshan nyid/ de dang mngon sum gnyis don gcig /rang yul la
cha shas su ma phye bar 'jug pa'i rig pa don mi mthun de/ gnyis
pa'i mtshan nyid/ de dang rtog med log shes gnyis

don gcig /mtshan gzhi ni/ dper na/ zla ba gnyis snang gi dbang
shes lta bu/ rang yul la cha shas su ma phye bar 'jug pa'i skyes
bu/ sgrub 'jug gi gang zag gi mtshan nyid/ mtshan gzhi

ni; sangs rgyas 'phags pa lta bu/ rtsod pa spong pa la/ kho na
re/ gong 'og kun tu rtsod pa'i tshe/ zla ba gnyis snang gi dbang
shes zhes pa/ zla gcig zla gnyis su snang ba'i dbang shes

@099a @#/ /zhes bya bar go dgos so/ /de yang/ zla ba gnyis snang
gi dbang shes chos can/ sgrub 'jug gi blo yin par thal/ rtog med
log shes yin pa'i phyir/ 'dod na/

de chos can/ zla ba gcig la sgrub 'jug gi blo yin par thal/ 'dod
pa gang zhig /khyod sgrub 'jug gi blo yin na/ khyod zla ba gcig
la sgrub 'jug gi blo yin dgos pa'i phyir/ 'dod

na; de chos can/ khyod la zla ba gcig snang par thal/ khyod zla
ba gcig la sgrub 'jug gi blo yin pa'i phyir/ 'dod na/ de chos
can/ khyod la zla gcig zla gcig yin pa snang bar thal/

zla gcig zla gcig yin pa dang/ zla gcig gnyis po de yul dus rang
bzhin gang la ltos te grub sde rdzas gcig gang zhig /'dod pa
de'i phyir/ dang po ma grub na/ zla gcig chos

can; khyod khyod yin pa dang/ khyod gnyis po yul dus rang bzhin
gang la ltos te grub sde rdzas gcig yin par thal/ khyod zla gcig
yin pa'i phyir/ gong du 'dod na/ de

'dra'i dbang shes chos can/ khyod la zla gcig zla gcig yin pa mi
snang bar thal/ khyod la zla gcig zla gcig yin par mi snang ba'i
phyir zer na ma khyab/ 'o na/ kho rang la/ zla ba gnyis

@099b snang ba'i dbang shes chos can/ khyod la zla gcig mi snang
bar thal/ khyod la zla gcig zla gcig yin par mi snang ba'i
phyir/ khyab pa 'grig /ma grub na/ de chos can/ der thal/ khyod

la zla gcig zla gnyis su snang ba'i phyir/ rtsa bar 'dod na/ de
chos can/ khyod la zla gcig snang bar thal/ khyod la zla gcig
zla gnyis su snang ba'i phyir/ yang kho na re/ de chos can/
khyod la

zla gcig zla gcig tu snang bar thal/ khyod la zla gcig zla gcig
yin pa snang ba'i phyir zer na ma khyab/ ma grub na/ der thal/
khyod la zla gcig snang ba'i phyir/ gong du 'dod na/ de chos
can/

khyod la zla gcig zla gcig tu mi snang bar thal/ khyod la zla
gcig zla gnyis su snang ba'i phyir/ ma grub na/ de chos can/ der
thal/ khyod zla gcig zla gnyis su snang ba'i dbang shes yin pa'i

phyir;; //^skyabs mgon rgyal dbang sku phreng bcu gsum pa chen
po'i yongs 'dzin byams pa tshul khrims rgya mtshos mdzad pa'i
bsdus grwa che ba'i par shing 'di bzhin ser

byes dpe mdzod khongs nas/ 1996 lor par gsar bskrun bgyis pa'o//