@001a @#/ /tshad ma'i gzhung don 'byed pa'i bsdus grwa'i rnam par
bshad pa rigs lam 'phrul gyi lde 'u mig las rigs lam che ba
rtags rigs kyi skor bzhugs so/ /

@001b @#/ /bla ma dang mgon po 'jam dpal dbyangs la phyag 'tshal
lo/ /'dir rigs pa'i sgo 'byed bsdus grwa'i rnam par bshad pa
rigs lam 'phrul gyi lde mig las rigs lam che ba rtags rigs

kyi rnam bzhag bshad pa la/ tshad mar gyur pa 'gro la phan bzhed
pa/ ston pa bde gshegs skyob la phyag 'tshal lo/ /zhes pa'i
gzhung 'dis bdag cag gi ston pa phyi rol pa'i ston pa las khyad
par du 'phags

pa'i ston pa tshad mar bstan te/ 'gro la phan bzhed pa/ zhes pas/
rang rgyu bsam sbyor phun tshogs las 'khrungs pa'i phyir zhes
bstan/ 'o na rang re'i ston pa la yon tan ji lta bu mnga' zhe
na/ bde gshegs

skyob zhes pas/ rang don spangs pa phun tshogs dang/ gzhan don
rtogs pa phun tshogs gnyis mnga' bas na skyob pa bla na med par
bstan pa yin te/ rnam 'grel las/ rtog pa'i dra ba rnam bsal
zhing/ /zhes

gsungs pa'i phyir/ de ltar rang re'i ston pa ni ston pa tshad ma/
de'i lung rtogs kyi bstan pa ni bstan pa rnam dag /de'i lung las
gsung pa'i tshad ma mngon rjes gnyis ni 'jug bya'i tshad ma rnam
dag / /rgyu bsam sbyor phun tshogs ni

nyams su blang bya'i lam rnam dag tu rtog ge'i tshig don brgyad
kyi sgo nas sgrub par mdzad/ des na sgrub ngag dang/ sun 'byin
gyi rnam bzhag la mkhas pa'i sgo nas rgyal ba'i bstan pa 'dzin
pa de ni/ bstan 'dzin gyi

@002a @#/ /gtso bo yin te/ rigs gter las/ de lta sgrub dang sun
'byin gyi/ /rigs pa'i gzhung lugs gang gis shes/ /mkhas pa de ni
rdzogs pa yi/ /sangs rgyas kyi ni bstan pa 'dzin/ /zhes gsungs

pa'i phyir/ des na 'dir sgrub ngag dang/ sun 'byin sogs kyi rnam
gzhag bshad pa la/ phyogs chos de chos khyab pa yi/ /gtan tshigs/
zhes sogs gsungs/ gzhung 'di'i skabs su gtan tshigs bshad pa

la; rtags kyi mtshan nyid/ rtags kyi dbye ba/ rtags dpe phyogs
gsum gyi skyon yon bshad pa dang gsum/ dang po la/ rtags su bkod
pa/ rtags kyi mtshan nyid/ de sgrub kyi rtags su bkod pa/ de
sgrub kyi

rtags kyi mtshan nyid/ yod med gang rung yin na/ de sgrub kyi
rtags yin pas khyab ste/ de yin na/ de sgrub kyi rtags su bkod
pas khyab pa'i phyir te/ ri bong rwa de/ de chos can/ mi rtag
ste/ ri bong rwa yin

pa'i phyir zhes pa'i rtags su bkod pa'i phyir/ sgra mi rtag par
sgrub par byed pa'i rtags su bkod pa/ sgra mi rtag par sgrub par
byed pa'i rtags kyi mtshan nyid/ byas rtags kyi sgra mi rtag par
sgrub pa'i rtags

su bkod pa/ byas rtags kyi sgra mi rtag par sgrub pa'i rtags kyi
mtshan nyid/ de bzhin du gzhan la yang sbyor tshul rigs 'dra'o/
/gnyis pa dbye ba bshad pa la/ rtags yang dag bshad pa/ de'i
ldog phyogs

@002b rtags ltar snang bshad pa gnyis/ dang po la/ rtags yang
dag gi ltos gzhi dang/ mtshan nyid/ dbye ba bshad pa dang gsum/
dang po la/ phyogs chos kyi ltos gzhi shes 'dod chos can bshad
pa dang/ khyab pa'i

ltos gzhi mthun phyogs dang mi mthun phyogs bshad pa gnyis/ dang
po la/ shes 'dod chos can gyi mtshan nyid/ mtshan gzhi/ zhar la
bsgrub bya'i chos ngos bzung ba dang gsum/ dang po la/ khyod
byas pa'i rtags kyis

sgra mi rtag par sgrub pa'i rtsod gzhir bzung ba yang yin/ khyod
byas par tshad mas nges nas/ khyod mi rtag pa yin min la shes
'dod zhugs pa'i gang zag srid pa yang yin pa'i gzhi mthun par
dmigs pa/ khyod byas pa'i

rtags kyis sgra mi rtag par sgrub pa'i shes 'dod chos can skyon
med yin pa'i mtshan nyid/ gnyis pa mtshan gzhi ni/ sgra de de yin/
de 'dra'i shes 'dod chos can de yin na sgra dang gcig yin pas
khyab bo/ /gsum pa ni/

bsgrub bya'i chos su bzung ba/ bsgrub bya'i chos kyi mtshan nyid/
bdag med yin na/ bsgrub bya'i chos yin pas khyab ste/ bdag med
yin na/ khyod sgra khyod du sgrub pa'i bsgrub bya'i chos yin pas
khyab pa'i phyir/ des na

bsgrub bya'i chos yin na/ chos yin pas ma khyab bo/ /sgra mi
rtag par bsgrub pa'i bsgrub bya'i chos su bzung ba/ sgra mi rtag
par sgrub pa'i bsgrub bya'i chos kyi mtshan nyid/ de la dbye na/
de sgrub kyi dngos kyi bsgrub bya'i

@003a @#/ /chos dang/ de sgrub kyi shugs kyi bsgrub bya'i chos
gnyis/ mtshan nyid rim pa bzhin/ de sgrub kyi dngos kyi bsgrub
bya'i chos su bzung ba/ de sgrub kyi dngos kyi bsgrub bya'i chos
kyi mtshan nyid/ de sgrub

kyi shugs kyi bsgrub bya'i chos su bzung ba/ de sgrub kyi shugs
kyi bsgrub bya'i chos kyi mtshan nyid/ mtshan gzhi rim pa bzhin/
mi rtag pa dang po dang/ mi rtag pa ma yin pa las log pa gnyis
pa yin/ yang mi

rtag pa dang skad cig ma gnyis re re nas byas pa'i rtags kyi de
sgrub kyi dngos kyi bsgrub bya'i chos dang/ de gnyis ma yin pa
las log pa gnyis re re nas de sgrub kyi shugs kyi bsgrub bya'i
chos yin no/ /sgra chos can/

mi rtag ste/ byas pa'i phyir/ zhes bkod pa'i tshe/ sgra sbyor ba
de sgrub kyi rtsod gzhi/ mi rtag pa de sgrub kyi bsgrub bya'i
chos/ sgra mi rtag pa bsgrub bya/ byas pa rtags yang dag /rtag
pa dgag bya'i chos/ sgra rtag pa

sbyor ba de sgrub kyi dgag byar 'jog /des gzhan la yang rigs
'gre/ /sgrub byed ni/ mi rtag pa chos can/ khyod sgra mi rtag
par sgrub pa'i dngos kyi bsgrub bya'i chos yin te/ mtshan nyid
de'i phyir ro/ /skad cig

ma chos can/ sgra mi rtag par sgrub pa'i dngos kyi bsgrub bya'i
chos ma yin te/ de sgrub kyi rtags yang dag yin pa'i phyir/
gnyis pa khyab pa'i ltos gzhi mthun phyogs dang mi phyogs gnyis
bshad pa la/ dngos bshad pa dang/

@003b zhar la mthun dpe dang mi mthun dpe bshad pa gnyis/ dang
po la/ mtshan nyid/ dbye ba/ sgra bshad 'jug gi mu bzhi rtsi ba/
mthun phyogs dang mi mthun phyogs gnyis dngos 'gal yin min la
dpyad pa dang bzhi/ dang

po la sgra mi rtag par sgrub pa'i bsgrub tshul dang mthun par mi
rtag pas mi stong pa/ sgra mi rtag par sgrub pa'i mthun phyogs
kyi mtshan nyid/ mi rtag pa dang de sgrub kyi mthun phyogs gnyis
yin khyab mnyam yin/ de sgrub kyi bsgrub

tshul dang mi mthun par mi rtag pas stong pa/ de sgrub kyi mi
mthun phyogs kyi mtshan nyid/ mi rtag pa ma yin pa dang de gnyis
yin khyab mnyam yin/ gnyis pa de la dbye na/ de sgrub kyi med pa
mi mthun phyogs/ gzhan pa

mi mthun phyogs/ 'gal ba mi mthun phyogs dang gsum/ ri bong rwa
dang po/ /shes bya gnyis pa/ rtag pa gsum pa yin/ gsum pa ni/ de
sgrub kyi mthun phyogs yin na/ de sgrub kyi mthun phyogs kyi
sgra bshad du

yod pas khyab pa ma zhe na/ 'di la mu gsum ste/ de sgrub kyi
mthun phyogs yin la/ de sgrub kyi mthun phyogs kyi sgra bshad du
med pa'i mu/ gnyis ka yin pa'i mu/ gnyis ka ma yin pa'i mu dang
gsum/ 'dus ma

byas kyi nam mkha' de/ sgra rtag par sgrub pa'i mthun phyogs yin
la/ de sgrub kyi mthun phyogs kyi sgra bshad du med pa'i mu yin/
de sgrub pa ni/ de chos can/ de sgrub kyi mthun phyogs yin par
thal/ rtag pa yin

@004a @#/ /pa'i phyir/ de sgrub kyi mthun phyogs kyi sgra bshad
du med de/ de dang sgra gnyis rtag par chos mi mthun pa'i phyir/
gnyis ka yin pa'i mu ni/ bum pa de sgra mi rtag par sgrub pa'i
mthun phyogs dang/ de sgrub kyi

mthun phyogs kyi sgra bshad du yod pa'i mu gnyis ka yin/ de
sgrub pa ni/ bum pa chos can/ de sgrub kyi mthun phyogs yin par
thal/ mi rtag pa yin pa'i phyir/ de chos can/ de'i sgra bshad du
yod de/ khyod dang sgra gnyis mi

rtag par chos mthun pa'i phyir te/ khyod kyang mi rtag pa yin/
sgra yang mi rtag pa yin pa'i phyir/ gnyis ka ma yin pa'i mu ni/
'dus ma byas kyi nam mkha' de/ sgra mi rtag par sgrub pa'i mthun
phyogs ma yin pa dang/ de

sgrub kyi mthun phyogs kyi sgra bshad du med pa'i mu gnyis ka
yin/ de sgrub pa ni/ de chos can/ de sgrub kyi mthun phyogs ma
yin par thal/ mi rtag pa ma yin pa'i phyir/ de chos can/ de'i
sgra bshad du med de/ khyod dang

sgra gnyis mi rtag par chos mi mthun pa'i phyir te/ khyod rtag
pa gang zhig /sgra mi rtag pa yin pa'i phyir/ de sgrub kyi mthun
phyogs kyi sgra bshad du yod la/ de sgrub kyi mthun phyogs ma
yin pa'i mu ni med de/ de sgrub kyi

mthun phyogs kyi sgra bshad du yod na/ de sgrub kyi mthun phyogs
yin dgos pa'i phyir/ de sgrub kyi mthun phyogs zhes pa'i phyogs
de yin na de sgrub kyi bsgrub bya'i chos yin pas ma khyab ste/
sgra mi rtag par sgrub par

@004b byed pa'i mthun phyogs zhes pa'i phyogs dang de sgrub kyi
mthun phyogs la yod ces pa'i phyogs gnyis mi 'dra bar 'jog dgos
pa'i phyir/ ma khyab na sla/ ma grub na/ der thal/ sgra mi rtag
par sgrub par byed pa'i phyogs kyi rjes

su dpag bya 'am phyogs kyi sgra'i 'jug gzhi de la gsum yod pa
las/ de sgrub kyi phyogs chos zhes pa'i phyogs de de sgrub kyi
shes 'dod chos can la byed/ de sgrub kyi mthun phyogs la yod med
ces pa'i phyogs de dang de

sgrub kyi khyab pa'i 'brel yul gyi phyogs de gnyis de sgrub kyi
bsgrub bya'i chos sam mi rtag pa'i spyi ldog la byed kyang/ de
sgrub kyi mthun phyogs zhes pa'i phyogs de la mi rtag pa'i spyi
ldog dang gzhi ldog thams cad

'jog dgos pa'i phyir/ de sgrub kyi mi mthun phyogs kyi sgra
bshad du yod na/ de sgrub kyi mi mthun phyogs yin pas khyab pa
ma zhe na/ 'di la mu gsum yod de/ 'dus ma byas kyi nam mkha' de
sgra rtag par sgrub pa'i mi mthun

phyogs kyi sgra bshad du yod la/ de sgrub kyi mi mthun phyogs ma
yin pa'i mu yin/ bum pa de sgra mi rtag par sgrub pa'i gnyis ka
ma yin pa'i mu yin/ 'dus ma byas kyi nam mkha' de sgra mi rtag
par sgrub pa'i mi mthun phyogs kyi

sgra bshad du yod la/ de sgrub kyi mi mthun phyogs kyang yin
pa'i mu yin/ de sgrub kyi mi mthun phyogs yin la/ de sgrub kyi
mi mthun phyogs kyi sgra bshad du med pa'i mu ni med de/ de
sgrub kyi mi mthun phyogs yin na/ de sgrub kyi mi

@005a @#/ /mthun phyogs kyi sgra bshad du yod pas khyab pa'i
phyir/ bzhi pa mthun phyogs dang mi mthun phyogs gnyis dngos
'gal yin min la dpyad pa ni/ mthun phyogs de ni mi mthun phyogs
dang dngos 'gal yin kyang/

mi mthun phyogs mthun phyogs dang dngos 'gal ma yin te/ mi mthun
phyogs med pa'i phyir/ gzhi grub na/ mthun phyogs yin pas khyab
pa'i phyir te/ gzhi grub na/ rtags yang dag gi mthun phyogs yin
pas khyab pa'i phyir te/ gzhi

grub na/ sgra shes byar sgrub pa'i rtags yang dag gi mthun
phyogs yin pas khyab pa'i phyir/ de la kho na re/ mi mthun
phyogs yod par thal/ sgra mi rtag par sgrub par byed pa'i mi
mthun phyogs yod pa'i phyir dang/ chos mi mthun sbyor

gyi sgrub ngag yang dag kyang yod pa'i phyir na ma khyab bo/
/gnyis pa zhar la mthun dpe dang mi mthun dpe bshad pa la/ mthun
dper bzung ba/ mthun dpe'i mtshan nyid/ bdag med yin na/ de yin
pas khyab ste/ gzhi grub na/ de

yin pas khyab/ gzhi ma grub na yang de yin pas khyab pa'i phyir/
dang po der thal/ bum pa de de yin pa gang zhig /mtshungs pa'i
phyir/ gnyis pa der thal/ ri bong gi rwa de de yin pa gang zhig
/mtshungs pa'i phyir/ dang po ma

grub na/ ri bong rwa chos can/ der thal/ sgra mi rtag par sgrub
pa'i mthun dper bzung ba'i phyir te/ sgra chos can/ mi rtag ste/
byas pa'i phyir/ dper na khyod bzhin zhes pa'i sbyor ba yang
yod/ byas na/ mi rtag pas khyab/ dper na/

@005b khyod bzhin zhes pa'i sgrub ngag kyang yod pa'i phyir/
sgra mi rtag par sgrub pa'i mthun dper bzung ba/ sgra mi rtag
par sgrub pa'i mthun dpe'i mtshan nyid/ bdag med yin na/ de yin
pas khyab ste/ gzhi grub na zhes sogs rigs

'gre/ byas pa'i rtags la yang sbyar bar bya'o/ /mi mthun dper
bzung ba/ mi mthun dpe'i mtshan nyid ma yin te/ mi mthun dpe med
pa'i phyir te/ gzhi grub na/ mthun dpe yang dag yin pas khyab
pa'i phyir/ 'on kyang sgra mi rtag par

sgrub pa'i mi mthun dpe yang dag ni yod pa gong du bsgrubs zin/
gnyis pa rtags yang dag gi mtshan nyid bshad pa la/ tshul gsum yin
pa/ de'i mtshan nyid/ tshul gsum gang zhe na/ phyogs chos/ rjes
khyab/ ldog khyab gsum

mo; /de rnams so so'i mtshan nyid/ mtshan gzhi/ sgrub byed kyi
rigs pa dang gsum/ dang po ni/ de sgrub kyi shes 'dod chos can
skyon med kyi steng du 'god tshul dang mthun par yod pa nyid du
tshad mas nges pa/ de sgrub kyi phyogs chos kyi mtshan

nyid; de sgrub kyi mthun phyogs kho na la 'god tshul dang mthun
par yod pa nyid du tshad mas nges pa de/ de sgrub kyi rjes khyab
kyi mtshan nyid/ de sgrub kyi dngos kyi bsgrub bya'i chos kyi don
ldog dang 'brel stobs kyis de sgrub kyi mi mthun phyogs

la 'god tshul dang mthun par med pa nyid du tshad mas nges pa de/
de sgrub kyi ldog khyab kyi mtshan nyid/ 'on kyang mtshan nyid de
ldag ni go ba gtso bor byas pa yin gyi der nges pa ni ma yin te/
sgra de sgra mi rtag par sgrub par byed pa'i

@06a @#/ /mtshan nyid de gsum ka yin kyang mtshon bya de rnams re
re nas ma yin pa'i phyir/ gzhi la sbyar te rgyas par 'god na/
sgra de khyod kyi rtags kyis sgra mi rtag par sgrub pa'i shes
'dod chos can

skyon med kyang yin/ khyod sgra dang phan tshun tha dad pa'i tshul
gyis sgra'i steng du 'god tshul dang mthun par yod pa nyid du
tshad mas nges pa/ khyod sgra mi rtag par sgrub pa'i phyogs chos
yin pa'i mtshan nyid/ khyod kyi rtags

kyis sgra mi rtag par sgrub pa'i rtags chos gnyis ldan gyi mthun
dpe yang dag yod/ khyod mi rtag pa la 'brel/ khyod sgra mi rtag
par sgrub pa'i mthun phyogs kho na la 'god tshul dang mthun par
yod pa nyid du tshad mas nges pa

khyod sgra mi rtag par sgrub pa'i rjes khyab yin pa'i mtshan
nyid/ khyod kyi rtags kyis sgra mi rtag par sgrub pa'i rtags
chos gnyis dang ldan pa'i mi mthun dpe yang dag yod/ khyod mi
rtag pa la 'brel/ khyod de sgrub kyi mi mthun phyogs

la med pa kho nar tshad mas nges pa/ khyod de sgrub kyi ldog
khyab yin pa'i mtshan nyid/ mtshan gzhi ni/ byas pa de byas pa'i
rtags kyis sgra mi rtag par sgrub pa'i phyogs chos/ rjes khyab/
ldog khyab gsum ka yin/ sgrub byed kyi rigs

pa ni/ byas pa chos can/ sgra mi rtag par sgrub pa'i phyogs chos
yin par thal/ mtshan nyid de yin pa'i phyir/ rtsa rtags dang po
ma grub na/ sgra chos can/ byas pa'i rtags kyis sgra mi rtag par
sgrub pa'i shes 'dod

@06b chos can skyon med yin par thal/ khyod byas pa'i rtags kyis
sgra mi rtags par sgrub pa'i rtsod gzhir bzung ba gang zhig/
khyod byas par tshad mas nges nas khyod mi rtag pa yin min la
shes 'dod zhugs pa'i gang zag srid

pa'i phyir/ dang po der thal/ sgra chos can/ mi rtag ste/ byas
pa'i phyir zhes pa'i sbyor ba yod pa'i phyir/ gnyis pa der thal/
sgra byas par tshad mas nges nas sgra mi rtag par tshad mas ma
nges pa'i gang zag yod

pa'i phyir/ rtsa rtags gnyis pa ma grub na/ byas pa chos can/
der thal/ khyod sgra dang phan tshun tha dad gang zhig khyod
sgra'i steng du 'god tshul dang mthun par yod pa nyid du tshad mas
nges pa'i phyir/ gnyis pa der

thal/ khyod kyi rtags kyis de sgrub kyi 'god tshul yin 'god yin/
sgra khyod yin/ sgra chos can gyi steng du khyod yin pa'i phyir/
rtags rnams sla/ byas pa chos can/ khyod sgra mi rtag par sgrub
pa'i rjes khyab yin par

thal/ mtshan nyid de yin pa'i phyir/ rtsa rtags dang po der thal/
bum pa de khyod kyi rtags kyis sgra mi rtag par sgrub pa'i rtags
chos gnyis ldan gyi mthun dpe yang dag yin pa'i phyir/ ma grub
na/ bum pa chos can/ khyod

byas pa'i rtags kyis de sgrub kyi rtags chos gnyis ldan gyi
mthun dpe yang dag yin par thal/ khyod byas pa'i rtags kyis de
sgrub kyi mthun dper bzung ba gang zhig /sgra'i steng du byas na
mi rtags pas khyab pa

@07a @#/ /tshad mas ma nges pa'i snga rol du khyod kyi steng du
byas na mi rtag pas khyab pa tshad mas nges pa'i de sgrub kyi
phyi rgol yang dag yod pa'i phyir te/ de byas pa'i bye brag yin
pa'i phyir/ dang po der thal/ sgra

chos can/ mi rtag ste/ byas pa'i phyir/ dper na bum pa bzhin
zhes pa'i sbyor ba yod pa'i phyir/ gnyis pa ma grub na/ shes bya
chos can/ der thal/ sgra mi rtag par tshad mas ma nges pa'i snga
rol du bum pa mi rtag par tshad

mas nges pa'i de sgrub kyi phyi rgol yang dag yod pa'i phyir/
sgra mi rtag par sgrub pa'i phyi rgol yang dag yod pa'i phyir/
sgra mi rtag par sgrub pa'i phyi rgol yang dag de de yin pa'i
phyir/ de sgrub kyi phyi rgol yang dag des sgra

mi rtag par tshad mas ma nges pa gang zhig /de bum pa mi rtag par
tshad mas nges pa'i gang zag yin pa'i phyir/ rtags gnyis chos can
gyis sgrub/ rtsa rtags gnyis pa der thal/ khyod mi rtag pa la
bdag gcig tu 'brel

ba'i phyir/ rtsa rtags gsum pa der thal/ khyod kyi rtags kyis de
sgrub kyi 'god tshul yin 'god gang zhig /sgrub tshul yin sgrub
yin/ khyod mi rtag pa yin/ khyod yin na/ mi rtag pa yin dgos
pa'i phyir/ dang po sla/ gnyis

pa der thal/ khyod kyi rtags kyis de sgrub kyi sgrub tshul yin
sgrub dang/ yod grub gang rung gang zhig /phyi ma ma yin pa'i
phyir/ dang po der thal/ khyod de sgrub kyi rtags su bkod pa'i
phyir/ gnyis pa ma grub na/ byas pa sgra mi

@07b rtag par yod par sgrub pa'i mthun phyogs la khyab byed du
'jug pa'i rtags yin par thal/ de sgrub kyi mthun phyogs la khyab
byed du 'jug pa'i rtags yod pa'i phyir/ 'dod na/ shes bya chos
can/ byas

pa yin par thal/ mi rtag pa yod pa'i phyir/ rtags gsum pa der
thal/ byas pa yin pa'i phyir/ rtags bzhi pa 'bud do/ /byas pa
chos can/ sgra mi rtag par sgrub pa'i ldog khyab yin par thal/
mtshan nyid de

yin pa'i phyir/ rtsa rtags dang po grub te/ 'dus ma byas kyi nam
mkha' de yin pa'i phyir/ rtsa rtags gnyis pa sgrub zin/ rtsa
rtags gsum pa grub ste/ mi rtag pa ma yin pa la byas pa med pa'i
phyir/ gsum pa rtags yang

dag gi dbye ba bshad pa la/ ngo bo'i sgo nas dbye ba/ bsgrub
bya'i chos kyi sgo nas dbye ba/ bsgrub tshul gyi sgo nas dbye ba/
bsgrub bya'i sgo nas dbye ba/ mthun phyogs la 'jug tshul gyi sgo
nas dbye ba/ rgol ba'i sgo nas dbye ba dang drug /

dang po la/ 'bras rtags yang dag /rang bzhin gyi rtags yang dag
/ma dmigs pa'i rtags yang dag dang gsum/ dang po la/ mtshan nyid/
dbye ba/ mtshan gzhi'i steng du mtshan nyid nges byed kyi tshad ma
bshad pa/ rtags chos don

gsum ngos bzung ba dang bzhi/ dang po ni/ khyod de sgrub kyi
sgrub kyi sgrub rtags yang dag gang zhig /khyod kyi rtags kyis
de sgrub kyi dngos kyi bsgrub bya'i chos su gzung bya yang yin/
khyod kyi rgyu yang yin pa'i gzhi mthun srid pa de/ khyod de
sgrub kyi

@08a @#/ /'bras rtags yang dag yin pa'i mtshan nyid/ rtsod pa'i
tshe na/ 'bras bu'i tshul gsum yin pa/ 'bras rtags yang dag gi
mtshan nyid/ de dang 'dus byas gnyis don gcig /de sgrub kyi 'bras
bu'i tshul

gsum yin pa/ de sgrub kyi 'bras rtags yang dag gi mtshan nyid/ go
ba dang sbyar na/ khyod de sgrub kyi rtags yang dag gang zhig
khyod kyi rtags kyis de sgrub kyi dngos kyi bsgrub bya'i chos su
bzung bya'i gtso bo yang yin/ khyod kyi rgyu yang

yin pa'i gzhi mthun srid pa de/ khyod de sgrub kyi 'bras rtags
yang dag gi mtshan nyid/ gnyis pa de la dbye na/ rgyu dngos sgrub
kyi 'bras rtags yang dag /rgyu sngon song sgrub kyi 'bras rtags
yang dag /rgyu spyi sgrub kyi 'bras

rtags yang dag /rgyu khyad par sgrub kyi 'bras rtags yang dag
/rgyu chos rjes dpog gi 'bras rtags yang dag dang lnga/ mtshan
gzhi rim pa ltar/ du ldan gyi la la chos can/ me yod de/ du ba
yod pa'i phyir/ zhes bkod pa'i tshe/

du ba de du ldan la la me yod par sgrub pa'i rgyu dngos sgrub
kyi 'bras rtags yin/ bar snang gi du ba sngo long po chos can/
rang rgyu me snga ma sngon du song ba yin te/ du ba yin pa'i
phyir/ zhes bkod pa'i tshe/ du ba de bar snang gi du

ba sngo long po rang rgyu me snga ma sngon du song bar sgrub
pa'i rgyu sngon song sgrub kyi 'bras rtags yang dag /nyer len
gyi phung po chos can/ rang rgyu dang bcas pa yin te/ res 'ga'
skye pa'i dngos po yin pa'i phyir/ zhes bkod pa'i tshe/

@08b res 'ga' skye ba'i dngos po de/ nyer len gyi phung po rang
rgyu dang bcas par sgrub pa'i rgyu spyi'am rang ldog sgrub kyi
'bras rtags yang dag /sngon snang dbang shes chos can/ rang gi
dmigs rkyen dang bcas pa yin te/ rang gi

dmigs rkyen med par mi skye ba'i dngos po yin pa'i phyir/ zhes
bkod pa'i tshe/ rang gi dmigs rkyen med par mi skye ba'i dngos po
de sngon snang dbang shes rang gi dmigs rkyen dang bcas par
sgrub pa'i rgyu'i khyad par

sgrub kyi 'bras rtags yang dag /kha nang bu ram gong bu'i steng
na chos can/ bu ro snga mas bur gzugs phyi ma skyed pa'i nus pa
yod de/ bu ro da lta ba yod pa'i phyir/ zhes bkod pa'i tshe/ bu
ro da ltar ba de kha nang bu ram gong

bu'i steng du bu ro snga mas bur gzugs phyi ma bskyed pa'i nus
pa yod par sgrub pa'i rgyu chos rjes dpog gi 'bras rtags yang
dag yin no/ /yang de la dbye na gnyis yod de/ du ba de du ldan
la la du ba'i dngos rgyu yod par sgrub pa'i

mthun phyogs la khyab byed du 'jug pa'i 'bras rtags dang/ du ba
de du ldan la la me yod par sgrub pa'i mthun phyogs la rnam
gnyis su 'jug pa'i 'bras rtags yin pa'i phyir/ de sgrub kyi
mthun phyogs la khyab byed du 'jug

pa'i don ni/ du ba'i dngos rgyu yod na du ba yod pas khyab pa'i
don dang/ de la rnam gnyis su 'jug pa'i don ni/ me yod na/ du ba
yod pas ma khyab pa'i don yin no/ /sgrub byed ni/ du ba chos
can/ khyod du ba dang ldan pa'i la la me

@09a @#/ /yod par bsgrub pa'i 'bras rtags yin te/ khyod de sgrub
kyi rtags yang dag gang zhig /khyod me'i 'bras bu yin pa'i
phyir/ zhes pa ni mtshon pa tsam mo/ /du ba de du ldan la la me
yod par sgrub pa'i

rtags yang dag dang de sgrub kyi bkod tshod dang song tshod kyi
rtags gnyis ka dang du ba'i rtags kyis rtags yang dag yin/ du ba
yod pa de de sgrub kyi rtags yang dag dang bkod tshod kyi rtags
yin kyang/ de sgrub kyi song tshod kyi

rtags dang du ba'i rtags kyis rtags yang dag ma yin/ me de du
ba'i rtags kyis de sgrub kyi bsgrub bya'i chos dang bkod tshod
dang song tshod kyi bsgrub bya'i chos yin/ me yod pa de de sgrub
kyi bsgrub bya'i chos dang bkod tshod kyi bsgrub

bya'i chos dang/ du ba'i rtags kyis de sgrub kyi bsgrub bya'i
chos yin kyang/ de sgrub kyi song tshod kyi de ma yin no/ /me
tshad mas dmigs pa dang tsha zhing bsreg pa gnyis po de re re nas
du ldan la la me yod par bsgrub pa'i dngos kyi bsgrub

bya'i chos su gzung bya ma yin te/ de sgrub kyi rtags yang dag
yin pa'i phyir/ 'on kyang de gnyis re re nas du ba'i rtags kyis
de sgrub kyi dngos kyi bsgrub bya'i chos su bzung bya yin te/
de'i rtags kyis de sgrub kyi dngos kyi bsgrub

bya'i chos su gzung bya yang yin mtshan nyid kyang yin pa'i gzhi
mthun pa yod pa'i phyir ro/ /gnyis pa rang bzhin gyi rtags yang
dag bshad pa la/ mtshan nyid/ dbye ba/ mtshan gzhi dang gsum/ dang
po ni/ rang bzhin gyi tshul

@09b gsum yin pa/ rang bzhin gyi rtags yang dag gi mtshan nyid/
de sgrub kyi rang bzhin gyi tshul gsum yin pa/ de sgrub kyi rang
bzhin gyi rtags yang dag gi mtshan nyid/ yang na khyod de sgrub
kyi rtags yang dag gang zhig /khyod kyi rtags

kyis de sgrub kyi dngos kyi bsgrub bya'i chos su bzung bya yin
na/ khyod dang bdag nyid gcig yin dgos pa'i cha nas bzhag pa de/
khyod de sgrub kyi rang bzhin gyi rtags yang dag gi mtshan nyid/
gnyis pa de la dbye na/ de sgrub

kyi khyad par ltos pa ba'i rang bzhin kyi rtags yang dag dang/
de sgrub kyi khyad par dag pa ba'i rang bzhin gyi rtags yang dag
gnyis/ dang po'i mtshan nyid ni/ de sgrub kyi rang bzhin gyi
rtags yang dag gang zhig /rang brjod pa'i

sgras rang gi byed pa po 'phen pa'i cha nas bzhag pa/ dang po'i
mtshan nyid/ de gang zhig /rang brjod pa'i sgras rang gi byed pa
po mi 'phen pa'i cha nas bzhag pa/ gnyis pa'i mtshan nyid/ dang
po la yang/ rang gi byed pa po dngos su

'phangs pa dang/ de shugs la 'phangs pa gnyis yod/ gsum pa mtshan
gzhi ni/ rtsol byung dang/ skyes pa/ dung sgra mi rtag par sgrub
pa'i dang po dang/ byas pa sgra mi rtag par sgrub pa'i gnyis pa/
dngos po sgra mi rtag par sgrub

pa'i khyad par dag pa ba'i rang bzhin gyi rtags yang dag go /
yang sgra mi rtag par sgrub pa'i rang bzhin gyi rtags yang dag
la dbye na/ de sgrub kyi mthun phyogs la khyab byed du 'jug pa'i
de sgrub kyi rang bzhin gyi rtags yang

@10a @#/ /dag dang/ de sgrub kyi mthun phyogs la rnam gnyis su
'jug pa'i de sgrub kyi rang bzhin gyi rtags yang dag gnyis/
mtshan gzhi rim pa ltar/ byas pa dang po dang/ byas pa'i bye brag
gnyis pa yin/ de

gnyis sgrub pa ni/ /byas pa de dang po yin te/ de de sgrub kyi
rang bzhin gyi rtags yang dag gang zhig mi rtag pa yin na/ de
yin pas khyab pa'i phyir/ byas pa'i bye brag gnyis pa yin te/ de
de sgrub kyi rang bzhin gyi rtags

yang dag gang zhig /mi rtag pa yin na/ de yin pas ma khyab pa'i
phyir/ ! gsum pa ma dmigs pa'i rtags yang dag bshad pa la/ mtshan
nyid/ dbye ba/ mtshan gzhi'i steng du mtshan nyid nges byed kyi
tshad ma bshad pa

dang gsum/ dang po ni/ khyod de sgrub kyi rtags yang dag gang
zhig /khyod kyi rtags kyis de sgrub kyi dngos kyi sgrub bya'i
chos su bzung bya yang yin/ dgag pa yang yin pa'i gzhi mthun
srid pa de/ khyod de sgrub kyi ma dmigs pa'i

rtags yang dag gi mtshan nyid/ gnyis pa ma dmigs pa'i rtags yang
dag la dbye na/ mi snang ba ma dmigs pa'i rtags yang dag dang/
snang rung ma dmigs pa'i rtags yang dag gnyis/ dang po ni/ mdo
las/ gang zag gis gang zag

gi tshod gzung bar mi bya ste/ nyams par gyur te re/ zhes rang la
mi snang ba tsam gyis gzhan la yon tan de lta bu med ces 'chad
mi rigs pa'i don ston pa la/ rnam 'grel las/ tshad ma rnams ni mi
'jug pa/ med la

@10b mi 'jug 'bras bu can/ zhes sogs kyis bstan/ de sgrub kyi ma
dmigs pa'i rtags yang dag kyang yin/ rang nyid kyi rtags kyis de
sgrub kyi dgag bya'i chos su brtags pa'i don de spyir yod kyang/
rang nyid de sgrub kyi phyogs

chos can du song ba'i gang zag gi tshad ma la mi snang ba de/
khyod de sgrub kyi mi snang ba ma dmigs pa'i rtags yang dag gi
mtshan nyid/ de la dbye na/ de sgrub kyi mi snang ba'i 'brel zla
ma dmigs pa'i rtags yang dag /de sgrub kyi

mi snang ba'i 'gal zla dmigs pa'i rtags yang dag gnyis/ mtshan
nyid rim pa ltar/ khyod de sgrub kyi mi snang ba ma dmigs pa'i
rtags yang dag kyang yin/ med dgag kyang yin pa'i gzhi mthun pa/
dang po'i mtshan nyid/ de sgrub

kyi mi snang ba ma dmigs pa'i rtags yang dag kyang yin/ ma yin
dgag dang sgrub pa gang rung yang yin pa'i gzhi mthun pa/ gnyis
pa'i mtshan nyid/ dang po la dbye na/ mi snang ba'i rgyu/ khyab
byed/ rang bzhin ma dmigs pa'i

rtags yang dag gsum/ mtshan gzhi rim pa ltar/ mdun gyi gzhi 'dir
chos can/ sha za bskal don du song ba'i gang zag gi rgyud la sha
za nges pa'i dpyad shes don mthun med de/ sha za bskal don du
song ba'i gang zag gi rgyud la sha za

dmigs byed kyi tshad ma med pa'i phyir/ zhes bkod pa'i tshe/ sha
za bskal don du song ba'i gang zag gi rgyud la sha za dmigs byed
kyi tshad ma med pa de/ mdun gyi gzhi 'dir sha za bskal don du
song ba'i gang zag gi rgyud la sha

@11a @#/ /za nges pa'i dpyad shes don mthun med par sgrub pa'i
dang po yi na/ sha za yod pa la bskal don du song ba'i gang zag
gis sha za yod pa tshad mas ma dmigs pa de/ mdun gyi gzhi 'dir
sha za bskal

don du song ba'i gang zag gis sha za yod ces dam bca' mi rigs
par sgrub pa'i gnyis pa yin/ sha za bskal don du song ba'i gang
zag gi rgyud la sha za nges byed kyi dpyad shes don mthun tshad
mas ma dmigs pa de/ /

mdun gyi gzhi 'dir de 'dra'i gang zag gi rgyud la sha za nges
byed kyi dpyad shes don mthun med par sgrub pa'i gsum pa yin/
dgos pa ni/ mdun gyi gzhi 'dir lha'i bar srid dang/ sha za yod
med the tshom za ba'i

sgo nas bskal don du song ba'i gang zag gis gzhi 'dir de gnyis
yod ces sam med ces thag gcod du mi rung ba dper mdzad nas/ don
la gang zag gang dang gang gi skyon yon rang gi tshad mas ma nges
bzhin du sgro bkur byar mi rung bar

shes pa'i ched du'o/ /de sgrub kyi dgag bya'i chos su btags pa'i
don yin na/ de sgrub kyi dgag bya'i chos yin pas ma khyab ste/
mdun gyi gzhi 'dir sha za bskal don du song ba'i gang zag gi
rgyud la sha za nges byed kyi dpyad

shes don mthun yod pa de de 'dra'i dpyad shes don mthun med par
sgrub pa'i dgag bya'i chos su btags pa'i don dang de'i dgag
bya'i chos gnyis ka yin gyi/ sha za dang de nges pa'i dpyad shes
don mthun gnyis re re nas

@11b de sgrub kyi dgag bya'i chos su btags pa'i don yin kyang
de'i dgag bya'i chos ma yin pa'i phyir/ dang po sla/ phyi ma ma
grub na/ sha za dang de nges pa'i dpyad shes don mthun gnyis re
re nas de sgrub kyi dgag bya'i chos su

btags pa'i don yin te/ de sgrub kyi phyi rgol yang dag des mdun
gyi gzhi 'dir sha za yod med the tshom za ba'i phyir dang/ des de
'dra ba'i dpyad shes don mthun yod med the tshom za ba'i phyir/
de gnyis re re nas de sgrub kyi dgag

bya'i chos ma yin te/ spyir sha za yod pa'i phyir dang/ du ba de
mtshan mo'i rgya mtshor du ba med par sgrub pa'i dgag bya'i chos
ma yin pa'i phyir/ yod pa de/ mdun gyi gzhi 'dir sha za bskal
don du song ba'i gang zag gi rgyud la sha za

nges byed kyi dpyad shes don mthun med par sgrub pa'i mi snang
ba'i 'gal zla dmigs pa'i rtags yang dag yin no/ /spyir blo la
ltos pa'i bskal don la gsum yod de/ yul dang dus dang ngo bo'i
bskal don gsum yod pa'i phyir/

dang po ni/ rang dang phyogs thag shin tu ring ba na yod pa'i
snod bcud kyi khyad par lta bu/ gnyis pa ni/ bskal pa 'das zin
pa dang 'byung ba'i dus na ji 'dra byung ba dang 'byung ba'i
khyad par lta bu ste/ de rnams ni spyir

bskal don mi yang rang gi blo la ltos pa'i bskal don no/ /gsum
pa ni/ rang dang nye ba na yod kyang ngo bo phra ba'i dbang gis
bskal don du song ba mdun gyi sha za lta bu dang/ lha mi'i bar
srid pa rnams dang de'i phung po lta

@12a @#/ /bu'o/ /snang rung ma dmigs pa'i rtags yang dag la mtshan
nyid dbye ba gnyis/ dang po ni/ de sgrub kyi ma dmigs pa'i rtags
yang dag kyang yin/ de sgrub pa la phyogs chos can du song ba'i
gang zag la de sgrub

kyi dgag bya'i chos su brtags pa'i don bskal don min pa yang yin
pa'i gzhi mthun pa/ de'i mtshan nyid/ de la dbye na/ snang rung
gi 'brel zla ma dmigs pa'i rtags yang dag dang/ snang rung gi
'gal zla dmigs pa'i rtags yang dag

gnyis/ mtshan nyid rim bzhin/ de sgrub kyi snang rung ma dmigs
pa'i rtags yang dag kyang yin/ med dgag kyang yin pa'i gzhi
mthun pa/ dang po'i mtshan nyid/ de sgrub kyi snang rung ma dmigs
pa'i rtags yang dag kyang yin/ ma yin dgag

dang sgrub pa gang rung yang yin pa'i gzhi mthun pa/ gnyis pa'i
mtshan nyid/ dang po la dbye na/ snang rung gi rgyu/ khyab byed/
rang bzhin/ dngos 'bras ma dmigs pa'i rtags yang dag dang bzhi/
mtshan nyid rim pa ltar/ snang rung gi

rgyu ma dmigs pa'i tshul gsum yin pa/ dang po'i mtshan nyid/ des
'og ma rnams la rigs 'gre/ mtshan gzhi rim pa ltar/ me med pa de
mtshan mo'i rgya mtshor du ba med par sgrub pa'i dang po dang/
shing med pa de/ shing tshad

mas ma dmigs pa'i brag rdzong du sha pa med par sgrub pa'i gnyis
pa yin/ bum pa tshad mas ma dmigs pa de/ bum pa tshad mas ma dmigs
pa'i sa phyogs su bum pa med par sgrub pa'i gsum pa dang/ dngos
'bras du ba med

@12b pa de/ du bas dben pa'i rtsig skor du du ba'i dngos rgyu
med par sgrub pa'i bzhi pa yin no/ /kha cig gis/ me med dang po
dang/ shing med gnyis pa yin zer na/ ri bong rwa chos can/ du ba
med par thal/ me med yin pa'i phyir/ yang ri bong

rwa chos can/ sha pa med par thal/ shing med yin pa'i phyir/
khyab pa khas/ rtags gnyis ka grub ste/ gzhi ma grub pa'i phyir/
'dod mi nus te/ du ba me'i dngos 'bras dang/ sha pa shing gi
khyab bya yin pa'i phyir/ snang rung gi 'gal

zla dmigs pa'i rtags yang dag la dbye na/ lhan cig mi gnas 'gal
la brten pa'i snang rung 'gal dmigs kyi rtags yang dag dang/
phan tshun spangs 'gal la brten pa'i snang rung 'gal dmigs kyi
rtags yang

dag gnyis/ dang po la/ mtshan nyid dang/ dbye ba gnyis las/ dang
po ni/ me stobs chen pos khyab par non pa'i shar gyi dngos po'i
steng du grangs reg rgyun chags med par sgrub pa'i snang rung
'gal dmigs kyi rtags yang

dag kyang yin/ grang reg rgyun chags dang lhan cig mi gnas 'gal
yang yin pa'i gzhi mthun pa de/ me stobs chen po'i khyab par non
pa'i shar gyi dngos po'i steng du grang reg rgyun chags med par
sgrub pa'i lhan cig mi gnas 'gal

la brten pa'i snang rung 'gal dmigs kyi rtags yang dag gi mtshan
nyid/ de la dbye na/ rang bzhin dang 'gal ba'i rang bzhin dmigs
pa'i rtags yang dag/ rgyu dang 'gal ba'i rang bzhin dmigs pa'i
rtags yang dag/ khyab byed dang

@13a @#/ /'gal ba'i rang bzhin dmigs pa'i rtags yang dag/ rang
bzhin dang 'gal ba'i 'bras bu dmigs pa'i rtags yang dag/ rgyu
dang 'gal ba'i 'bras bu dmigs pa'i rtags yang dag dang lnga/
mtshan gzhi rim

pa ltar/ me stobs chen pos khyab par non pa'i dngos po de/ me
stobs chen pos khyab par non pa'i shar gyi dngos po'i steng du
grang reg rgyun chags med par sgrub pa'i dang po dang/ me stobs
chen pos khyab par non pa'i dngos po de/ me

stobs chen pos khyab par non pa'i shar gyi dngos po'i steng du
grang 'bras spu long byed rgyun chags med par sgrub pa'i gnyis
pa dang/ me stobs chen pos khyab par non pa'i dngos po de/ me
stobs chen pos khyab par non pa'i

shar gyi dngos po'i steng du kha ba'i reg pa rgyun chags med par
sgrub pa'i gsum pa dang/ du ba drag tu phyur bas khyab par non
pa'i dngos po de/ du ba drag phyur bas khyab par non pa'i shar
gyi dngos po'i steng du grang reg rgyun chags med par

sgrub pa'i bzhi pa dang/ du ba drag phyur bas khyab par non pa'i
dngos po de/ du ba drag phyur bas khyab par non pa'i shar gyi
dngos po'i steng du grang 'bras spu long byed rgyun chags med
par sgrub pa'i lnga pa'i mtshan gzhi yin/ de dag ni bem

por gyur ba'i lhan cig mi gnas 'gal la brten pa'i 'gal dmigs kyi
rtags yang dag yin la/ shes par gyur pa'i lhan cig mi gnas 'gal
la brten pa'i 'gal dmigs kyi rtags yang dag ni/ dper na/ gang
zag gi bdag

@13b 'dzin gyi dngos gnyen du gyur pa'i nyan thos kyi sgom lam
bar chad med lam chos can/ gang zag gi bdag 'dzin dang gnod med
du lhan cig tu mi gnas te/ gang zag gi bdag 'dzin gyi dngos
gnyen yin pa'i phyir/ zhes

bkod pa lta bu'o/ /ldan min 'du byed du gyur pa'i lhan cig mi
gnas 'gal la brten pa'i 'gal dmigs kyi rtags yang dag ni/ shar
phyogs kyi bya rog chos can/ 'ug pa dang gnod med du lhan cig tu
mi gnas te/ bya

rog yin pa'i phyir/ zhes bkod pa'i tshe na de lta bu'o/ /sgra
rtag pa ma yin par sgrub pa'i 'gal dmigs kyi rtags yang dag
kyang yin/ rtag pa dang lhan cig mi gnas 'gal ma yin pa yang yin
pa'i gzhi mthun pa de/ sgra rtag pa ma

yin par sgrub pa'i phan tshun spang 'gal la brten pa'i snang rung
'gal dmigs kyi rtags yang dag gi mtshan nyid/ byas pa de/ de'i
mtshan gzhi yin/ mdun gyi gong bu rwa can rta ma yin par sgrub
pa'i 'gal dmigs kyi rtags yang dag

kyang yin/ rta dang lhan cig mi gnas 'gal ma yin pa yang yin
pa'i gzhi mthun pa de/ mdun gyi gong bu rwa can rta ma yin par
sgrub pa'i phan tshun spang 'gal la brten pa'i 'gal dmigs kyi
rtags yang dag gi mtshan nyid/ rwa can de de'i

mtshan gzhi yin/ de la dbye na/ ltos pas nges pa 'gog pa'i rtags
yang dag dang/ nges pas ltos pa 'gog pa'i rtags yang dag gnyis/
mtshan gzhi rim pa ltar/ gos dkar po chos can/ rang grub tsam nas
tshon can du ma nges te/

@14a @#/ /rang nyid tshon can du 'gyur ba rang las phyis 'byung gi
rgyu la ltos dgos pa'i phyir/ zhes brjod pa'i tshe na de de sgrub
kyi ltos pas nges pa 'gog pa'i rtags yang dag yin/ byas pa chos
can/ rang nyid 'jig pa

rang las phyis 'byung gi rgyu rkyen gzhan la mi ltos te/ rang
grub tsam nas 'jig nges yin pa'i phyir/ zhes brjod pa'i tshe na/
de de sgrub kyi nges pas ltos pa 'gog pa'i rtags yang dag yi na/
rigs pa 'di la brten nas kha cig mi rtag

pa de sgra byas par sgrub pa'i rtags yang dag ma yin par thal/
byas pa de sgra mi rtag par sgrub pa'i rtags yang dag yin pa'i
phyir/ zer ba yang khegs te/ shes bya chos can/ rang grub tsam
nas 'jig nges de/ byas pa rang nyid 'jig

pa rang las phyis 'byung gi rgyu don gzhan la mi ltos par sgrub
pa'i rtags yang dag ma yin par thal/ rang nyid 'jig pa rang las
phyis 'byung gi rgyu don gzhan la mi ltos pa'i dngos po de/ byas
par rang grub tsam nas 'jig nges su

sgrub pa'i rtags yang dag yin pa'i phyir/ byas pa la kho na re/
rwa can chos can/ mdun gyi gong bu rwa can rta ma yin par sgrub
ba'i lhan cig mi gnas 'gal la brten pa'i 'gal dmigs kyi rtags
yang dag yin par thal/

de sgrub kyi 'gal dmigs kyi rtags yang dag gang zhig /rta dang
rdzas tha dad yin pa'i phyir zer na ma khyab/ 'o na/ khyod rang
la/ shes bya chos can/ rdzas tha dad yin na lhan cig mi gnas
'gal yin dgos par thal/ 'dod

@14b pa'i phyir/ 'dod na/ me dang du ba gnyis chos can/ der
thal/ de'i phyir/ 'dod na/ de gnyis chos can/ gnod bya gnod byed
yin par thal/ 'dod pa'i phyir/ 'dod mi nus te/ phan 'dogs bya
'dogs byed yin pa'i phyir te/ rgyu 'bras yin pa'i phyir/

mtshan gzhi'i steng du mtshan nyid nges byed kyi tshad ma bshad pa
la/ sha za bskal don du song ba'i gang zag gi rgyud la sha za
dmigs byed kyi tshad ma med pa chos can/ mdun gyi gzhi 'dir sha
za bskal don du song ba'i gang zag gi rgyud

la sha za nges pa'i dpyad shes don mthun med par sgrub pa'i ma
dmigs pa'i rta gas yang dag yin te/ de de sgrub kyi rtags yang
dag gang zhig /mdun gyi gzhi 'dir sha za bskal don du song ba'i
gang zag gi rgyud la/ sha za nges pa'i dpyad

shes don mthun med pa dgag pa yin pa'i phyir/ yang de chos can/
de sgrub kyi mi snang ba ma dmigs pa'i rtags yang dag yin te/ de
sgrub kyi ma dmigs pa'i rtags yang dag gang zhig /khyod de sgrub
pa la phyogs chos can du song

ba'i gang zag la sha za bskal don yin pa'i phyir/ phyi ma ma
grub na/ mdun gyi gzhi 'dir sha za bskal don du song ba'i gang
zag chos can/ khyod la sha za bskal don yin par thal/ khyod chos
can de yin pa'i phyir/ gzhan yang sha za

bskal don du song ba'i gang zag gi rgyud la sha za dmigs byed
kyi tshad ma med pa chos can/ mdun gyi gzhi 'dir sha za bskal don
du song ba'i gang zag gi rgyud la sha za nges pa'i dpyad shes
don mthun med par sgrub pa'i mi snang ba'i 'brel zla

@15a @#/ /ma dmigs pa'i rtags yang dag yin te/ de sgrub kyi mi
snang ba ma dmigs pa'i rtags yang dag gang zhig /de med dgag yin
pa'i phyir/ shes bya chos can/ sha za bskal don du song ba'i
gang zag gi rgyud la sha za dmigs

byed kyi tshad ma med pa de/ mdun gyi gzhi 'dir sha za bskal don
du song ba'i gang zag gi rgyud la sha za nges pa'i dpyad shes
don mthun med par sgrub pa'i mi snang ba'i 'brel zla'i rgyu ma
dmigs pa'i rtags yang dag yin te/ de de sgrub kyi mi snang ba'i

'brel zla ma dmigs pa'i rtags yang dag gang zhig /sha za dmigs
byed kyi tshad ma de/ sha za nges pa'i dpyad shes don mthun gyi
rgyu yin pa'i phyir/ des phyi ma gnyis la rigs 'gre'o/ /yod pa
chos can/ mdun gyi gzhi 'dir sha za bskal don du

song ba'i gang zag gi rgyud la sha za nges pa'i dpyad shes don
mthun med par sgrub pa'i 'gal zla dmigs pa'i rtags yang dag yin
par thal/ de de sgrub kyi ma dmigs pa'i rtags yang dag gang zhig
/ma yin dgag dang sgrub pa gang rung yin pa'i

phyir te/ sgrub pa yin pa'i phyir/ byas pa chos can/ sgra rtag
pa ma yin par sgrub pa'i snang rung ma dmigs pa'i rtags yang dag
yin par thal/ de sgrub kyi ma dmigs pa'i rtags yang dag gang
zhig /khyod de sgrub pa la phyogs chos can du song ba'i gang

zag la rtag pa bskal don ma yin pa'i phyir/ dang po sla/ phyi ma
ma grub na/ byas pa sgra rtag pa ma yin par sgrub pa la phyogs
chos can du song ba'i gang zag chos can/ khyod la rtag pa bskal
don ma yin par thal/ khyod chos can de yin pa'i phyir/

@15b me med pa chos can/ mtshan mo'i rgya mtshor du ba med par
sgrub pa'i snang rung gi 'brel zla ma dmigs pa'i rtags yang dag
yin te/ de sgrub kyi snang rung ma dmigs pa'i rtags yang dag
gang zhig /med dgag yin pa'i phyir/ shes bya

chos can/ me med pa de mtshan mo'i rgya mtshor du ba med par sgrub
pa'i snang rung gi rgyu ma dmigs pa'i rtags yang dag yin te/ de
de sgrub kyi snang rung ma dmigs pa'i rtags yang dag gang zhig
/me du ba'i rgyu yin pa'i phyir/ des gzhan rnams la rigs

'gre'o/ yang byas pa chos can/ sgra rtag pa ma yin par sgrub
pa'i snang rung gi 'gal zla dmigs pa'i rtags yang dag yin par
thal/ de sgrub kyi snang rung ma dmigs pa'i rtags yang dag gang
zhig /ma yin dgag dang sgrub pa gang rung yin

pa'i phyir te/ sgrub pa yin pa'i phyir/ shes bya chos can/ me
stobs chen pos khyab par non pa'i dngos po de/ me stobs chen pos
khyab par non pa'i shar gyi dngos po'i steng du grang reg rgyun
chags med par sgrub pa'i lhan cig mi

gnas 'gal la brten pa'i 'gal dmigs kyi rtags yang dag yin par
thal/ de sgrub kyi 'gal dmigs kyi rtags yang dag gang zhig /me
stobs chen pos khyab par non pa'i dngos po de grang reg rgyun
chags dang lhan cig mi gnas 'gal

yin pa'i phyir/ byas pa chos can/ khyod sgra rtag pa ma yin par
sgrub pa'i phan tshun spang 'gal la brten pa'i 'gal dmigs kyi
rtags yang dag yin par thal/ khyod de sgrub kyi 'gal dmigs kyi
rtags yang dag gang zhig /khyod

@016a @#/ /rtag pa dang lhan cig mi gnas 'gal ma yin pa'i phyir
te/ khyod rtag pa dang rdzas tha dad ma yin pa'i phyir/ rtags
chos don gsum ngos bzung ba la/ dam bca' bzhag pa dang/ sgrub
byed 'god pa gnyis

dang po ni/ me med pa de/ me med pa'i rtags kyis mtshan mo'i rgya
mtshor du ba med par sgrub pa'i gtan tshigs yin/ me med de de'i
rtags kyis de sgrub kyi gtan tshig ma yin/ du ba med pa de/ me
med pa'i rtags kyis de sgrub kyi sgrub

bya'i chos dang/ de sgrub kyi dngos kyi sgrub bya'i chos su
bzung bya gnyis ka yin/ du med de de gnyis ka ma yin/ des shing
med sogs la rigs 'dra'o/ /bum pa tshad mas ma dmigs pa de/ bum pa
tshad mas ma dmigs pa'i sa phyogs su bum

pa med par sgrub pa'i gtan tshigs yin/ bum pa med pa de/ bum pa
tshad mas ma dmigs pa'i rtags kyis de sgrub kyi dngos kyi sgrub
bya'i chos dang/ de sgrub kyi dngos kyi sgrub bya'i chos su
bzung bya gnyis ka yin/ des gzhan rnams la rigs

'gre'o/@ /sha za de/ mdun gyi gzhi 'dir sha za bskal don du song
ba'i gang zag gi rgyud la sha za des pa'i dpyad shes don mthun
med par sgrub pa'i dgag bya'i chos su btags pa'i don yin kyang/
de sgrub kyi dgag bya'i chos ma yin/ sha za bskal

don du song ba'i gang zag gi rgyud la sha za nges pa'i dpyad
shes don mthun yod pa de/ de sgrub kyi dgag bya'i chos dang/ de
sgrub kyi dgag bya'i chos su btags pa'i don gnyis ka yin/ du ba
de mtshan mo'i rgya mtshor du ba med par sgrub pa'i dgag

@016b bya'i chos su btags pa'i don yin kyang/ de sgrub kyi dgag
bya'i chos ma yin/ der du ba yod pa de/ mtshan ma'i rgya mtshor du
ba med par sgrub pa'i dgag bya'i chos su btags pa'i don dang/ de
sgrub kyi dgag bya'i chos gnyis ka yin/ /

rtag pa de/ sgra rtag pa ma yin par sgrub pa'i dgag bya'i chos
su btags pa'i don yin kyang/ de sgrub kyi dgag bya'i chos ma yin
no/ / ! gnyis pa rtags yang dag la bsgrub bya'i chos kyi sgo nas
dbye na/ sgrub rtags yang dag dang/ dgag

rtags yang dag gnyis/ mtshan nyid rim pa ltar/ khyod de sgrub kyi
rtags yang dag gang zhig /khyod kyi rtags kyis de sgrub kyi
dngos kyi bsgrub bya'i chos su bzung bya yang yin/ sgrub pa yang
yin pa'i gzhi mthun srid pa/ khyod de sgrub kyi sgrub

rtags yang dag gi mtshan nyid/ de la dbye na/ 'bras rtags yang
dag dang/ rang bzhin gyi rtags yang dag gnyis yod/ de gnyis gang
rung yin na/ sgrub rtags yang dag yin pas khyab/ khyod de sgrub
kyi rtags yang dag gang zhig /

khyod kyi rtags kyis de sgrub kyi dngos kyi bsgrub bya'i chos su
bzung bya yang yin dgag pa yang yin pa'i gzhi mthun srid pa/
khyod de sgrub kyi dgag rtags yang dag yin pa'i mtshan nyid/ dgag
rtags yang dag dang/ ma dmigs pa'i

rtags yang dag gnyis don gcig /de sgrub kyi dgag rtags yang dag
dang/ de sgrub kyi sgrub rtags yang dag 'gal yang/ dgag rtags
yang dag dang/ sgrub rtags yang dag mi 'gal te/ byas pa de de
gnyis ka yin pa'i phyir te/ de sgra

@017a @#/ /rtag pa ma yin par sgrub pa'i dgag rtags yang dag
dang/ sgra mi rtag par sgrub pa'i sgrub rtags yang dag gnyis ka
yin pa'i phyir/ gsum pa rtags yang dag la sgrub tshul gyi sgo nas
dbye na/ don sgrub kyi rtags yang

dag/ tha snyad sgrub kyi rtags yang dag/ don 'ba' zhig sgrub kyi
rtags yang dag/ tha snyad 'ba' zhig sgrub kyi rtags yang dag/
don dang tha snyad gnyis ka sgrub kyi rtags yang dag dang lnga
las/ de rnams so so'i mtshan nyid/ mtshan gzhi/

sgrub byed kyi rigs pa dang gsum/ khyod de sgrub kyi rtags yang
dag gang zhig /khyod kyi rtags kyis de sgrub kyi dngos kyi
bsgrub bya'i chos su bzung bya yang yin/ mtshan nyid kyang yin
pa'i gzhi mthun srid pa/ khyod de sgrub kyi don sgrub kyi rtags

yang dag gi mtshan nyid/ de gang zhig/ khyod kyi rtags kyis de
sgrub kyi dngos kyi bsgrub bya'i chos su bzung bya yang yin/
mtshon bya yang yin pa'i gzhi mthun srid pa/ khyod de sgrub kyi
tha snyad sgrub kyi rtags yang dag gi mtshan nyid/ de gang zhig
/khyod

kyi rtags kyis de sgrub kyi dngos kyi bsgrub bya'i chos su bzung
bya yang yin/ mtshon bya yang yin pa'i gzhi mthun mi srid/ mtshan
nyid kyang yin pa'i gzhi mthun srid pa/ khyod de sgrub kyi don
'ba' zhig sgrub kyi rtags yang dag gi mtshan nyid/ de gang

zhig /khyod kyi rtags kyis de sgrub kyi bsgrub bya'i chos su
bzung bya yang yin/ mtshan nyid kyang yang yin pa'i gzhi mthun mi
srid/ mtshon bya yang yin pa'i gzhi mthun srid pa/ khyod de sgrub
kyi tha snyad 'ba' zhig sgrub kyi rtags yang dag gi

@017b mtshan nyid/ de gang zhig /khyod kyi rtags kyis de sgrub
kyi dngos kyi bsgrub bya'i chos su bzung bya yang yin/ mtshan
nyid kyang yin pa'i gzhi mthun srid/ mtshon bya yang yin pa'i
gzhi mthun srid pa/ khyod de sgrub kyi don dang tha snyad gnyis
ka

sgrub kyi rtags yang dag gi mtshan nyid/ skad cig ma de sgra mi
rtags par sgrub pa'i tha snyad 'ba' zhig sgrub kyi rtags yang
dag yin kyang/ byas pa'i rtags kyi de sgrub kyi rtags yang dag
ma yin te/ de 'dra'i rtags yang dag yin na/ byas pa dang

gcig yin dgos pa'i phyir/ byas pa de sgra skad cig mar tshad mas
grub zin kyi rgol ba yang dag kyi ngor sgra mi rtag par sgrub
pa'i tha snyad 'ba' zhig sgrub kyi rtags yang dag yin kyang/
spyir de sgrub kyi don dang tha snyad gnyis ka sgrub kyi rtags

yang dag yin te/ sgra skad cig mar tshad mas ma nges pa'i rgol
ba'i ngor don dang tha snyad gnyis ka sgrub kyi rtags yang dag
yin pa'i phyir/ bzhi pa rtags yang dag la bsgrub bya'i sgo nas
dbye na/ dngos stobs kyi rtags yang dag /yid ches kyi

rtags yang dag /grags pa'i rtags yang dag dang gsum/ de sgrub
kyi rtags yang dag gang zhig /de sgrub kyi bsgrub bya la dngos
stobs kyi rjes dpag tshad ma skyed byed de/ dang po'i mtshan nyid/
de gang zhig /de sgrub kyi bsgrub bya la yid

ches kyi rjes dpag tshad ma bskyed byed de/ gnyis pa'i mtshan
nyid/ de gang zhig / /de sgrub kyi bsgrub bya la grags pa'i rjes
dpag tshad ma bskyed byed de/ gsum pa'i mtshan nyid/ dang po la/
'bras rang ma dmigs pa'i rtags yang

@018a @#/ /dag gsum las/ mtshan gzhi rim pa ltar/ du ba du ldan la
la me yod par sgrub pa'i dngos stobs kyi 'bras rtags yang dag
/byas pa sgra mi rtag par sgrub pa'i dngos stobs kyi rang bzhin
gyi rtags yang dag /me med pa de

mtshan mo'i rgya mtshor du ba med par sgrub pa'i dngos stobs kyi
ma dmigs pa'i rtags yang dag yin/ gnyis pa la yang 'bras rang ma
dmigs pa'i rtags yang dag gsum las/ dpyad gsum gyis dag pa'i
lung de/ sbyin pas longs

spyod khrims kyis bde/ zhes pa'i lung rang gi bstan bya'i don
rtogs pa'i tshad ma snga ma sngon du song bar sgrub pa'i yid ches
kyi 'bras rtags yang dag /de de 'dra'i lung rang gi bstan bya'i
don la mi bslu bar sgrub pa'i yid ches kyi rang bzhin gyi rtags
yang

dag /de de 'dra'i lung rang gi bstan bya'i don la bslu ba ma yin
par sgrub pa'i yid ches kyi ma dmigs pa'i rtags yang dag yin no/
/gsum pa la gnyis las/ rtog yul na yod pa de/ ri bong can la zla
ba zhes pa'i sgras brjod rung du sgrub pa'i

grags pa'i rang bzhin gyi rtags yang dag /rtog yul na yod pa de/
ri bong can la dngos dbang gis zla ba zhes pa'i sgras brjod rung
ma yin par sgrub pa'i grags pa'i ma dmigs pa'i rtags yang dag
yin no/ lnga pa rtags yang dag la mthun phyogs la

'jug tshul gyi sgo nas dbye na/ mthun phyogs la khyab byed du
'jug pa'i rtags yang dag dang/ de la rnam gnyis su 'jug pa'i
rtags yang dag gnyis las/ sgra mi rtag par sgrub pa'i mthun
phyogs la khyab byed du 'jug pa'i tshul gsum

@018b yin pa/ de sgrub kyi dang po'i mtshan nyid/ de la rnam
gnyis su 'jug pa'i tshul gsum yin pa/ de sgrub kyi gnyis pa'i
mtshan nyid/ byas pa dang po'i mtshan gzhi dang/ byas pa'i bye
brag gnyis pa'i mtshan gzhi yin/ ! drug pa rtags yang

dag la rgol ba'i sgo nas dbye na/ rang don skabs kyi rtags yang
dag dang/ gzhan don skabs kyi rtags yang dag gnyis/ /khyod sgra
mi rtag par sgrub pa'i rtags yang dag kyang yin/ khyod kyi rtags
kyis de sgrub kyi phyi rgol yang dag med pa yang yin

pa'i gzhi mthun pa/ dang po'i mtshan nyid/ snga rgol rang gis
rang nyid la byas pa sgra mi rtag par sgrub pa'i rtags su bkod
de sgrub pa'i tshe/ byas pa sgra mi rtag par sgrub pa'i rang don
skabs kyi rtags yang dag yin/ khyod de sgrub kyi rtags yang

dag kyang yin/ khyod kyi rtags kyis de sgrub kyi phyi rgol yang
dag yod pa yang yin pa'i gzhi mthun pa/ gnyis pa'i mtshan nyid/
byas pa sgra mi rtag par sgrub pa'i gzhan don skabs kyi rtags
yang dag yin no/ kha cig gis/ byas pa sgra mi rtag par

sgrub pa'i rang don skabs kyi rtags yang dag dang/ de sgrub kyi
gzhan don skabs kyi rtags yang dag gnyis ka yin zer na/ byas pa
chos can/ khyod kyi rtags kyis sgra mi rtag par sgrub pa'i phyi
rgol yang dag med par thal/ khyod de sgrub kyi rang don skabs

kyi rtags yang dag yin pa'i phyir/ 'dod na/ de chos can/ de yod
par thal/ khyod de sgrub kyi gzhan don skabs kyi rtags yang dag
yin pa'i phyir/ yang kha cig /rang don skabs kyi rtags yang dag
med zer na/ mi 'thad de/ byas pa sgra mi rtag par sgrub

@019a @#/ /pa'i rang don skabs kyi rtags yang dag tu song pa'i
tshe/ byas pa sgra mi rtag par sgrub pa'i rang don skabs kyi
rtags yang dag yin pa'i phyir/ gzhan yang rang don skabs kyi
rtags yang dag yod par thal/ sgra mi rtag par sgrub pa'i

rang don skabs kyi rtags yang dag yod pa'i phyir/ ma grub na/
shes bya chos can/ sgra mi rtag par sgrub pa'i rtags yang dag
yin na/ de sgrub kyi rang don skabs kyi rtags yang dag ma yin
pas khyab par thal/ ma grub pa de'i phyir/ 'dod na/ byas pa sgra

mi rtag par sgrub pa'i rang don skabs kyi rtags yang dag tu song
ba'i tshe/ byas pa chos can/ de sgrub kyi rang don skabs kyi
rtags yang dag ma yin par thal/ de sgrub kyi rtags yang dag yin
pa'i phyir/ 'khor gsum/ gzhan yang/ byas pa sgra mi

rtag par sgrub pa'i rang don skabs kyi rtags yang dag ma yin par
thal/ de de sgrub kyi gzhan don skabs kyi rtags yang dag yin
pa'i phyir te/ sgra chos can/ mi rtag ste/ byas pa'i phyir/ zhes
pa'i sbyor ba de/ gzhan don skabs kyi rtags yang dag gi

sbyor ba rnam dag yin pa'i phyir/ de la kho na re/ byas pa'i
rtags kyis sgra mi rtag par sgrub pa'i phyi rgol yang dag med
pa'i tshe/ byas pa'i rtags kyis sgra mi rtag par sgrub pa'i phyi
rgol yang dag yod par thal/ byas pa sgra mi rtag par sgrub pa'i
rang don

skabs kyi rtags yang dag tu song ba'i tshe/ byas pa sgra mi rtag
par sgrub pa'i gzhan don skabs kyi rtags yang dag yin pa'i phyir
zer na ma grub bo/ /'dod na/ byas pa med pa'i tshe/ byas pa yod
par thal/ byas pa'i rtags kyis sgra mi rtag par sgrub pa'i

@019b phyi rgol yang dag med pa'i tshe/ byas pa'i rtags kyis sgra
mi rtag par sgrub pa'i phyi rgol yang dag yod pa'i phyir/ rtags
khas/ kha cig gis/ rang don skabs kyi rtags yang dag med kyang/
byas pa sgra mi rtag par sgrub pa'i rang don skabs kyi

rtags yang dag tu song ba'i tshe/ byas pa sgra mi rtag par sgrub
pa'i rang don skabs kyi rtags yang dag yin zer pa mi 'thad de/
rang don skabs kyi rtags yang dag yod par thal/ sgra mi rtag par
sgrub pa'i rang don skabs kyi rtags yang dag yod pa'i

phyir/ byas pa sgra mi rtag par sgrub pa'i rang don skabs kyi
rtags yang dag tu song ba'i tshe/ byas pa yod pa gang zhig /de'i
tshe byas pa sgra mi rtag par sgrub pa'i rang don skabs kyi rtags
yang dag yod pa'i phyir/ rtags khas/ gzhan yang/ sgra mi rtag

par sgrub pa'i rang don skabs kyi rtags yang dag yod par thal/
byas pa sgra mi rtag par sgrub pa'i rang don skabs kyi rtags
yang dag tu song ba yod pa'i phyir/ byas pa de sgrub kyi rang
don skabs kyi rtags yang dag tu song ba'i gang zag yod pa'i

phyir te/ du ba du ldan la la me yod par sgrub pa'i rang don
skabs kyi rtags yang dag tu song ba'i gang zag yod pa'i phyir/
yang skye ba snga phyi yod par sgrub pa'i rtags sbyor ni/ so
skye 'chi kha ma'i sems skad cig tha ma chos can/ khyod kyi nyer
'bras su

gyur pa'i rig pa phyi ma yod de/ khyod chags bcas rgyun ldan gyi
rig pa yin pa'i phyir/ dper na/ da lta'i blo bzhin/ byis pa
btsas ma thag pa'i blo chos can/ rang gi rigs 'dra ba'i blo snga
ma sngon du song ste/ rig pa yin pa'i phyir/ dper na/ rgan po'i
blo bzhin

@020a @#/ /zhes pa lta bu'o/ /gnyis pa rtags yang dag gi log
phyogs gtan tshigs ltar snang bshad pa la/ mtshan nyid dang/ dbye
ba gnyis/ dang po la/ dgag bzhag gnyis las/ dang po la/ kha cig
gis tshul gsum ma yin pa/

gtan tshigs ltar snang gi mtshan nyid zer na/ mi 'thad de/ gtan
tshigs ltar snang med pa'i phyir te/ gzhi grub na/ rtags yang dag
yin pas khyab pa'i phyir/ gnyis pa rang lugs ni/ de sgrub kyi
tshul gsum ma yin pa/ de sgrub kyi gtan tshigs ltar

snang gi mtshan nyid/ gnyis pa dbye ba bshad pa ni/ spyir gtan
tshigs ltar snang med kyang/ gzhi la sbyar na/ de sgrub kyi 'gal
ba'i gtan tshigs/ ma nges pa'i gtan tshigs/ ma grub pa'i gtan tshig
dang gsum/ dang po la/ mtshan nyid/ dbye ba/ mtshan gzhi

sgrub byed kyi rigs pa 'god pa dang bzhi/ dang po ni/ sgra rtag
par sgrub pa'i phyogs chos kyang yin/ sgra rtag pa ma yin par
sgrub pa'i rjes khyab kyang yin pa'i gzhi mthun pa de/ sgra rtag
par sgrub pa'i 'gal rtags kyi mtshan nyid/ gnyis pa dbye ba ni/
mi

mthun phyogs la khyab byed du 'jug pa'i 'gal rtags dang/ mi
mthun phyogs la rnam gnyis su 'jug pa'i 'gal rtags gnyis/ gsum
pa mtshan gzhi ni/ byas pa sgra mi rtag pa ma yin par sgrub pa'i
mi mthun phyogs la khyab byed du 'jug

pa'i 'gal rtags dang/ byas pa'i bye brag de sgrub kyi mi mthun
phyogs la rnam gnyis su 'jug pa'i 'gal rtags yin/ bzhi pa sgrub
byed 'god pa ni/ byas pa chos can/ sgra mi rtag pa ma yin par
sgrub pa'i mi mthun phyogs la khyab byed du

@020b 'jug pa'i 'gal rtags yin par thal/ de sgrub kyi 'gal rtags
yin pa gang zhig /mi rtag pa yin na/ khyod yin pas khyab pa'i
phyir/ byas pa'i bye brag chos can/ sgra mi rtag pa ma yin par
sgrub pa'i 'gal rtags yin par thal/ sgra rtag par

sgrub pa'i 'gal rtags yin pa'i phyir te/ de sgrub kyi phyogs
chos gang zhig /khyod kyi rtags kyis de sgrub kyi rjes khyab
phyin ci log tu nges pa'i phyir/ gzhan yang/ de chos can/ sgra
rtag par sgrub pa'i 'gal rtags yin par thal/ sgra mi rtag par
sgrub pa'i

rtags yang dag yin pa'i phyir/ kho na re/ sgra mi rtag par sgrub
pa'i 'gal rtags yod pa thal/ sgra rtag par sgrub pa'i 'gal rtags
yod pa'i phyir zer na ma khyab/ 'dod mi nus te/ sgra mi rtag par
sgrub pa'i gtan tshigs ltar snang yin na/ de sgrub kyi ma nges
pa'i

gtan tshigs dang/ de sgrub kyi ma grub pa'i gtan tshigs gang rung
yin dgos pa'i phyir/ kha cig gis/ de sgrub kyi tshul gsum yod na/
de sgrub kyi rtags yang dag yod pas khyab ces zer na/ shes bya
chos can/ sgra rtag par sgrub pa'i rtags yang dag yod

par thal/ sgra rtag par sgrub pa'i tshul gsum yod pa'i phyir/
khyab pa khas/ ma grub na/ der thal/ de sgrub kyi phyogs chos
yod pa gang zhig /de sgrub kyi rjes khyab yod/ de sgrub kyi ldog
khyab yod pa'i phyir/ dang po grub ste/ byas pa de sgra /rtag
par sgrub pa'i

phyogs chos yin pa'i phyir/ ma grub na/ de chos can/ der thal/
de sgrub kyi 'gal rtags yin pa'i phyir te/ sgra mi rtag par
sgrub pa'i rtags yang dag yin pa'i phyir/ gnyis pa grub ste/
chos dang skad cig ma ma yin pa'i gzhi mthun pa de/ sgra rtag
par sgrub

@21a @#/ /pa'i rjes khyab yin pa'i phyir/ ma grub na/ de chos
can/ de thal/ khyod kyi rtags kyis de sgrub kyi rtags chos
gnyis ldan gyi mthun dpe yang dag yod pa gang zhig /khyod sgra
rtag par sgrub pa'i mthun phyogs kho na la

'god tshul dang mthun par yod pa nyid du tshad mas nges pa'i
phyir/ dang po grub ste/ 'dus ma byas kyi nam mkha' de/ khyod
kyi rtags kyis de sgrub kyi rtags chos gnyis ldan gyi mthun
dpe yang dag yin pa'i phyir/ gnyis pa grub ste/ khyod de sgrub
kyi mthun

phyogs kho na la 'god tshul dang mthun par yod pa'i phyir te/
khyod rtag pa'i mtshan nyid yin pa'i phyir/ gong gi gsum pa
grub ste/ chos dang skad cig ma ma yin pa'i gzhi mthun pa de
de yin pa'i phyir/ ma grub na/ de chos can/ sgra rtag par
sgrub pa'i

ldog khyab yin par thal/ khyod kyi rtags kyis de sgrub kyi
rtags chos gnyis dang mi ldan pa'i mi mthun dpe yang dag yod/
khyod de sgrub kyi mi mthun phyogs la med pa kho nar tshad mas
nges pa'i phyir/ rtsa bar 'dod na/ sgra chos can/ khyod rtag

par sgrub pa'i rtags yang dag med par thal/ khyod rtag pa ma
yin pa'i phyir/ kho na re/ sgra rtag par sgrub pa'i tshul gsum
yin pa yod par thal/ de sgrub kyi phyogs chos yin pa yod/ de
sgrub kyi rjes khyab yin pa yod/ de sgrub kyi ldog khyab yin
pa

yod pa'i phyir/ zer na ma khyab bo/ /gnyis pa ma nges pa'i
gtan tshigs bshad pa la/ mtshan nyid dang/ dbye ba gnyis/ dang
po ni/ sgra rtag par sgrub pa'i phyogs chos kyang yin/ sgra
rtag par sgrub pa'i rjes khyab ma yin pa yang yin/ sgra rtag
pa

@21b ma yin par sgrub pa'i rjes khyab ma yin pa yang yin pa'i
gzhi mthun pa de/ sgra rtag par sgrub pa'i ma nges pa'i gtan
tshigs kyi mtshan nyid/ gnyis pa dbye ba la/ de sgrub kyi thun
mong ma yin pa'i ma nges pa'i gtan tshigs dang/ de sgrub kyi
thun

mong ba'i ma nges pa'i gtan tshigs gnyis/ dang po la mtshan nyid
dang/ mtshan gzhi gnyis las/ dang po ni/ khyod de sgrub kyi ma
nges pa'i gtan tshigs gang zhig /khyod de sgrub pa la phyogs
chos can du song ba'i gang zag gis/ khyod de sgrub kyi

mthun phyogs la yod par ma nges pa yang yin/ gang zag des
khyod de sgrub kyi mi mthun phyogs la yod par ma nges pa yang
yin pa'i gzhi mthun pa de/ khyod de sgrub kyi thun mong ma yin
pa'i ma nges pa'i gtan tshigs yin pa'i mtshan nyid/ gnyis pa

mtshan gzhi ni/ mnyan bya/ sgra ma yin pa las log pa/ sgra'i
ldog pa rnams re re nas/ sgra rtag par sgrub pa'i thun mong ma
yin pa'i ma nges pa'i gtan tshigs dang/ sgra mi rtag par sgrub
pa'i thun mong ma yin pa'i ma nges pa'i gtan tshigs gnyis ka

yin/ gnyis pa thun mong pa'i ma nges pa'i gtan tshigs la/ mtshan
nyid/ dbye ba gnyis las/ dang po ni/ khyod de sgrub kyi ma
nges pa'i gtan tshigs gang zhig /khyod de sgrub pa la phyogs
chos can du song ba'i gang zag gis khyod de sgrub kyi mthun
phyogs la yod

par des pa dang/ gang zag des de sgrub kyi mi mthun phyogs la
yod par nges pa gang rung yang yin pa'i gzhi mthun pa de/
khyod de sgrub kyi thun mong ba'i ma nges pa'i gtan tshigs kyi
mtshan nyid/ gnyis pa ni/ de la dbye na/ de sgrub kyi dngos kyi
ma nges pa'i

@22a @#/ /gtan tshigs/ lhag ldan gyi ma nges pa'i gtan tshigs/ de
gang rung ma yin pa'i ma nges pa'i gtan tshigs dang gsum las/
dang po la/ mtshan nyid dang/ dbye ba gnyis/ dang po ni/ khyod
de sgrub kyi ma nges pa'i gtan tshigs

gang zhig /khyod de sgrub pa la phyogs chos can du song pa'i
gang zag gis/ khyod de sgrub kyi mthun phyogs dang/ mi mthun
phyogs gnyis ka la yod par nges pa de/ khyod de sgrub kyi
dngos kyi ma nges pa'i gtan tshigs yin pa'i mtshan nyid/

gnyis pa dbye ba ni/ de la dbye na/ de sgrub kyi mthun phyogs
la khyab byed dang/ mi mthun phyogs la khyab byed du 'jug pa'i
dngos kyis ma nges pa'i gtan tshigs dang/ de sgrub kyi mthun
phyogs la khyad byed dang/ mi mthun phyogs la rnam

gnyis su 'jug pa'i de dang/ de sgrub kyi mi mthun phyogs la
khyab byed dang/ mthun phyogs la rnam gnyis su 'jug pa'i de
dang/ de sgrub kyi mi mthun phyog dang mthun phyogs gnyis ka
la rnam gnyis su 'jug pa'i de dang bzhi/ mtshan gzhi rim pa
ltar/ ri  

bong rwa med pa de/ sgra rtag par sgrub pa'i mthun phyogs la
khyab byed dang/ de sgrub kyi mi mthun phyogs la yang khyab byed
du 'jug pa'i dngos kyi ma nges pa'i gtan tshigs dang/ mi rtag pa
de/ dung sgra rtsol byung du sgrub pa'i mthun phyogs la khyab
byed dang/

mi mthun phyogs la rnam gnyis su 'jug pa'i de dang/ mi rtag pa
de/ dung sgra rtsol byung ma yin par sgrub pa'i mi mthun
phyogs la khyab byed dang/ mthun phyogs la rnam gnyis su 'jug
pa'i de dang/ dbang shes de/ zla ba gnyis snang gi dbang shes
mngon

@22b sum du sgrub pa'i mthun phyogs dang/ mi mthun phyogs
gnyis ka la rnam gnyis su 'jug pa'i dngos kyi ma nges pa'i
gtan tshigs yin/ ! gnyis pa lhag ldan gyi ma nges pa'i gtan
tshigs la yang/ mtshan nyid dang/ dbye ba gnyis las

dang po ni/ khyod de sgrub kyi thun mong ba'i ma nges pa'i
gtan tshigs gang zhig /khyod de sgrub pa la phyogs chos can du
song ba'i gang zag gis/ khyod de sgrub kyi mthun phyogs la yod
par nges nas/ mi mthun phyogs la yod med the tshom za ba dang/
khyod

de sgrub kyi mi mthun phyogs la yod par nges nas/ mthun phyogs
la yod med the tshom za ba gang rung yin pa de/ khyod de sgrub
kyi lhag ldan gyi ma nges pa'i gtan tshigs yin pa'i mtshan nyid/
gnyis pa dbye ba ni/ yang dag lhag ldan gyi ma nges pa'i gtan

tshigs dang/ 'gal ba lhag ldan gyi ma nges pa'i gtan tshigs
gnyis las/ khyod de sgrub kyi lhag ldan gyi ma nges pa'i gtan
tshigs gang zhig /khyod de sgrub pa la phyogs chos can du song
ba'i gang zag gis/ khyod de sgrub kyis mthun phyogs la yod

par nges nas/ mi mthun phyogs la yod med the tshom za ba de/
khyod de sgrub kyi yang dag lhag ldan gyi ma nges pa'i gtan
tshigs yin pa'i mtshan nyid/ khyod de sgrub kyi lhag ldan gyi ma
nges pa'i gtan tshigs gang zhig /khyod de sgrub pa la phyogs
chos

can du song ba'i gang zag gis/ khyod de sgrub kyi mi mthun
phyogs la yod par nges nas/ mthun phyogs la yod med the tshom
za ba de/ khyod de sgrub kyi 'gal ba lhag ldan gyi ma nges
pa'i gtan tshigs yin pa'i mtshan nyid/ mtshan gzhi rim pa ltar/
ngag smra

@23a @#/ /ba de/ ? kun mkhyen la the tshom za ba'i gang zag gi
ngor/ ngag smra ba'i lhas byin kun mkhyen ma yin par sgrub
pa'i dang po dang/ yang de de'i ngor ngag smra ba'i lhas
spyin kun mkhyen du sgrub pa'i gnyis pa yin/ gsum pa de gnyis
gang rung ma

yin pa'i thun mong ba'i ma nges pa'i gtan tshigs la yang/ mtshan
nyid dang/ mtshan gzhi gnyis las/ dang po ni/ khyod de sgrub
kyi thun mong ba'i ma nges pa'i gtan tshigs gang zhig /khyod de
sgrub pa la phyogs chos can du song ba'i gang zag gis/ khyod
de

sgrub kyi mthun phyogs kho na la yod par nges pa dang/ khyod
de sgrub kyi mi mthun phyogs kho na la med par nges pa gang
rung yin pa de/ khyod de sgrub kyi de gnyis gang rung ma yin
pa'i thun mong ba'i ma nges pa'i gtan tshigs yin pa'i mtshan
nyid/ gnyis

pa mtshan gzhi ni/ bu ro da lta ba de/ kha nang bu ram gong
bu'i steng du bur gzugs da lta ba yod par sgrub pa'i de gnyis
gang rung ma yin pa'i thun mong ba'i ma nges pa'i gtan tshigs
kyi mtshan gzhi yin// //gsum pa ma grub pa'i gtan tshigs la/ /

mtshan nyid dang/ dbye ba gnyis las/ dang po ni/ de sgrub kyi
rtags su bkod pa gang zhig /de sgrub kyi phyogs chos ma yin pa
de/ de sgrub kyi ma grub pa'i gtan tshigs kyi mtshan nyid/ gnyis
pa dbye ba la/ don la ltos nas ma grub pa'i gtan tshigs/ blo la

ltos nas ma grub pa'i gtan tshigs/ rgol ba la ltos nas ma grub
pa'i gtan tshigs dang gsum las/ dang po la/ rtags kyi ngo bo
med nas ma grub pa'i gtan tshigs/ chos can gyi ngo bo med nas
ma grub pa'i gtan tshigs/ rtags chos tha dad med

@23b nas ma grub pa'i gtan tshigs/ gzhi rtags tha dad med nas
ma grub pa'i gtan tshigs/ gzhi chos tha dad med nas ma grub
pa'i gtan tshigs/ rtags shes 'dod chos can gyi steng du 'gong
tshul dang mthun par med nas ma grub pa'i gtan

tshigs/ gtan tshigs kyi phyogs gcig shes 'dod chos can la med
nas ma grub pa'i gtan tshigs dang bdun/ mtshan gzhi rim pa ltar/
skyes bu chos can/ sdug bsngal ba yin te/ ri bong rwas rbo
phug pa'i phyir/ zhes bkod pa'i tshe/ de sgrub

kyi dang po dang/ ri bong rwa chos can/ mi rtag ste/ byas pa'i
phyir/ zhes bkod pa'i tshe/ de sgrub kyi gnyis pa dang/ sgra
chos can/ mi rtag ste/ mi rtag pa yin pa'i phyir/ zhes bkod
pa'i tshe/ de sgrub kyi gsum pa dang/ sgra chos can/ mi rtag
ste/ sgra yin pa'i

phyir/ zhes bkod pa'i tshe/ de sgrub kyi bzhi pa dang/ sgra
chos can/ sgra yin te/ byas pa'i phyir/ zhes bkod pa'i tshe/ de
sgrub kyi lnga pa dang/ sgra chos can/ mi rtag ste/ mig shes
kyis bzung bya yin pa'i phyir/ zhes bkod pa'i tshe/ de sgrub
kyi drug pa dang/ ljon

shing chos can/ sems ldan yin te/ mtshan mo lo ma khum nas nyal
ba'i phyir/ zhes bkod pa'i tshe/ de sgrub kyi bdun pa yin no/
/gnyis pa blo la ltos nas ma grub pa'i gtan tshigs la/ rtags
kyi ngo bo la the tshom zos nas ma grub pa'i gtan tshigs

chos can gyi ngo bo la the tshom zos nas ma grub pa'i gtan
tshigs/ gzhi rtags kyi 'brel ba la the tshom zos nas ma grub
pa'i gtan tshigs/ shes 'dod chos can med nas ma grub pa'i gtan
tshigs dang bzhi/ mtshan gzhi rim pa ltar/ sha za bskal don du
song ba'i gang zag gi ngor/ sgra chos can/ mi rtag ste/ sha za
tshad ma'i

@24a @#/ /gzhal bya yin pa'i phyir/ zhes bkod pa'i tshe/ de
sgrub kyi dang po dang/ dri za bskal don du song ba'i gang zag
gi ngor/ /dri za'i glu dbyangs chos can/ mi rtag ste/ byas
pa'i phyir/ zhes bkod pa'i tshe/ de sgrub kyi gnyis pa dang/
rma bya gang na

yod ? ma shes pa'i gang zag gi ngor/ ri sul gsum gyi dbus na
chos can/ rma bya yod de/ rma byas sgra sgrogs pa yod pa'i
phyir/ zhes bkod pa'i tshe/ de sgrub kyi gsum pa dang/ dpal
ldan chos grags kyi ngor/ sgra chos can/ mi rtag ste/ byas
pa'i phyir/

zhes bkod pa'i tshe/ de sgrub kyi bzhi pa yin no/ gsum pa rgol
ba la ltos nas ma grub pa'i gtan tshigs la/ snga rgol la ltos
nas ma grub pa'i gtan tshigs/ phyi rgol la ltos nas ma grub
pa'i gtan tshigs/ snga rgol phyi rgol gnyis ka la ltos

nas ma grub pa'i gtan tshigs dang gsum las/ mtshan gzhi rim pa
ltar/ grangs can pas sangs rgyas pa'i ngor/ blo chos can/ sems
med yin te/ skye 'jig can yin pa'i phyir/ zhes bkod pa'i tshe/
de sgrub kyi dang po dang/ gcer bu pas/ sangs rgyas pa'i

ngor/ ljon shing chos can/ sems ldan yin te/ shun bshus na
'chi ba'i phyir/ zhes bkod pa'i tshe/ de sgrub kyi gnyis pa
dang/ grangs can gyis rgyang 'phen pa'i ngor/ sgra chos can/
mi rtag ste/ mig shes kyis bzung bya yin pa'i phyir/ zhes bkod
pa'i tshe/ de

sgrub kyi gsum pa yin no/ /'dir nges par mkho ba'i 'phros don
la gnyis/ sgrub dag bshad pa dang/ 'phros don gzhan bshad
pa'o/ dang po la gnyis/ yang dag dang/ ltar snang ngo/ /dang
po la dbye na/ 'bras rang ma dmigs pa'i sgrub ngag gsum

@24b dang po la chos mthun sbyor dang/ chos mi mthun sbyor gyi
sgrub ngag gnyis las/ dang po ni/ sbyor ba bkod rjes su/ du ba
yod na/ me yod pas khyab/ dper na/ tshangs mang bzhin/ du ldan
gyi la la yang du ba yod do/ zhes pa lta bu/ gnyis pa ni/ me
med na/ du ba med

pas khyab/ dper na/ chu klung bzhin/ du ldan gyi la la ni du
ba yod do zhes pa lta bu'o/ /gnyis pa rang bzhin gyi sgrub
ngag la chos mthun sbyor dang mi mthun sbyor gnyis yod pa las/
dang po ni/ byas na/ mi rtag pas khyab/ dper na/ bum pa bzhin/
sgra yang

byas so zhes pa lta bu/ gnyis pa ni/ rtag na/ ma byas pas
khyab/ dper na/ 'dus ma byas kyi nam mkha' bzhin/ sgra ni byas
so zhes pa lta bu'o/ /gsum pa ma dmigs pa'i sgrub dag la gnyis
las/ dang po ni/ shing med na/ shug pa med pas khyab/ dper

na/ shing med pa'i thang bzhin/ shing ma dmigs pa'i brag ngos
na yang shing med do/ /zhes pa lta bu/ gnyis pa ni/ shug pa
yod na/ shing yod pas khyab/ dper na/ /nags tshal bzhin/ shing
ma dmigs pa'i brag ngos na ni shing med do zhes pa lta bu/
spyir sgrub ngag yang dag

la/ tshul gsum dpe dang bcas pa lhag chad med par ston pa zhig
dgos te/ mtshon tsam brjod na/ sgra chos can/ mi rtag ste/ byas
pa'i phyir zhes bkod nas/ byas na mi rtag pas khyab/ dper na
bum pa bzhin/ sgra yang byas so zhes pa'i ngag

'dis byas na mi rtag pas khyab ces pas rjes khyab dngos su
brjod nas ldog khyab shugs la 'phen cing/ sgra yang byas zhes
pas chos can dang 'brel ba'i phyogs chos dngos su brjod/ dper
na bum pa bzhin zhes pas mthun dpe dngos su brjod pa  

@25a @#/ /lta bu yin pa'i phyir/ phyogs chos dang ldog khyab
dngos su brjod nas rjes khyab shugs la 'phen ba ni/ rtag na ma
byas pas khyab/ dper na/ nam mkha' bzhin/ sgra ni byas so zhes
ba lta bu'o/ /'on kyang/ byas na mi rtag pas khyab pa dang/
rtag na ma byas pas

khyab pa gnyis ni/ sbyor ba de'i rjes khyab dang ldog khyab ma
yin gyi/ byas pa nyid de'i rjes khyab dang ldog khyab yin
zhing/ phyogs chos kyang yin te/ de'i tshul gsum yin pa'i phyir
ro/ /gnyis pa 'phros don gzhan la/ 'o na/ gzhi ma grub pa chos
can du bzung ba'i

rtags yang dag yod dam med/ yod na de'i phyogs chos ji ltar
grub/ med na ni/ ri bong rwa chos can/ bdag med yin te/ yod
med gang rung yin pa'i phyir zhes pa 'di/ rtags sbyor yang dag
ji ltar yin zhe na/ 'di la bzhed pa mi mthun pa yod

kyang rgyal tshab rin po ches ni/ sgrub rtags la gzhi ma grub
pa rtsod gzhir bzung ba'i rtags yang dag med kyang/ dgag rtags
la de yod par bshad pas dpyad rgyu mang yang bzhag go /dbu
ma'i lugs kyi rten 'brel gyi rtags dang/ cha can gyi

rtags/ gcig tu bral gyi rtags/ mu bzhi skye 'gog gi rtags
rnams sngar bshad pa'i rtags gsum gang rung du 'dus sam ma
'dus zhe na/ spyi rtags yang dag thams cad 'bras rang ma dmigs
pa'i rtags gsum du 'dus la/ 'bras rang gi rtags ? gnyis ni

gtso bor sgrub rtags yin zhing/ ma dmigs pa'i rtags la dgag
rtags gtso che yang/ de sgrub kyi dgag rtags yin na/ dgag pa
yin mi dgos te/ byas pa de sgrub pa yin kyang/ de sgra mi rtag
par sgrub par byed pa'i rang bzhin gyi rtags yang

@25b dag dang/ sgra rtag stong du sgrub par byed pa'i ma dmigs
pa'i rtags yang dag yin pa'i phyir/ phyi ma grub ste/ de de
sgrub kyi 'gal zla dmigs pa'i rtags yang dag yin pa'i phyir
te/ sgra chos can/ rtag pas stong ste/ byas pa yin pa'i phyir/
zhes bkod

pa'i tshe de ltar yin pa'i phyir/ dbu ma'i lugs kyi rten 'brel
gyi rtags ni/ de'i lugs la rten 'brel de dngos po bden med du
sgrub pa'i 'gal zla dmigs pa'i rtags yin par rje nyid kyis
bshad cing/ cha can gyi rtags kyang de dang 'dra'o/ /de'i lugs

la bden med sgrub pa'i rtags yang dag thams cad kyang de sgrub
kyi 'gal dmigs su 'gyur te/ de yang snang rung ma dmigs pa'i
rtags gtso che'o/ /mtshon na/ bum pa chos can/ bden par med de/
bden par tshad mas ma dmigs pa'i phyir/ zhes pa'i

rtags 'di lta bu rang bzhin ma dmigs pa'i rtags dang/ bum pas
dag pa'i sa phyogs na chos can/ gser bum med de/ bum pa med
pa'i phyir zhes pa'i rtags 'di lta bu khyab byed ma dmigs pa'i
rtags dang/ mes dben pa'i rtsig skor na chos can/ du ba

med de/ me med pa'i phyir zhes pa'i rtags 'di lta bu rgyu ma
dmigs pa'i rtags dang/ myu gu chos can/ bden pas stong ste/
rten 'brel yin pa'i phyir zhes pa'i rtags 'di lta bu 'gal zla
dmigs pa'i rtags yang dag yin pa de bzhin du gzhan la sbyar

nas shes par bya'o/ /gzhi gcig la ltos pa'i rtags gsum 'gal yang
sgrub gzhi so so la ltos nas mi 'gal te/ mtshon na/ skyes pa de/
myur gu rang gi rgyu las byung bar sgrub par byed pa'i 'bras
rtags yang dag yin kyang/ myu gu mi rtag par

@26a @#/ /sgrub pa'i rang bzhin gyi rtags dang/ de gang zag gi
bdag med du sgrub par byed pa'i ma dmigs pa'i rtags yang dag
yin pa'i phyir ro/ byas pa'i rtags kyis sgra mi rtag par sgrub
pa'i rtags chos don gsum po spyi mtshan rtog

pas btags tsam yin yang/ de sgrub kyi rtags chos don gsum po
gang rung yin na/ rang mtshan yin dgos te/ de yin na/ dngos po
yin dgos pa'i phyir te/ de sgrub kyi rtsod gzhi yin na sgra
yin dgos pa'i phyir te/ de sgrub kyi rtsod gzhi yin na sgra
dang

gcig yin dgos shing/ dngos kyi sgrub bya'i chos yin na mi rtag
pa yin dgos/ rtags la byas pa nyid dgos pa'i phyir ro/ /des na
de sgrub kyi rtags chos don gsum ni de sgrub kyi rtags chos
don gsum min zhes bya ste/ de bzhin du gzhan la yang

sbyar nas shes par bya dgos so/ /! zhar byung mtshon sbyor gyi
rnam gzhag bshad pa la/ dgag bzhag gnyis las/ dang po ni/ kha
cig na re/ shug pa'i ka ba mtshan gzhi/ ka ba yin par mtshon/
gdung 'degs kyi don byed nus pa yin pa zhes pa'i mtshon

sbyor 'di mtshon sbyor rnam dag yin zer na/ de mi 'thad par
thal/ shug pa'i ka ba tshad mas nges nas/ ka ba tshad mas ma
nges pa'i gang zag med pa'i phyir/ ma grub na/ der thal/ shug
pa'i ka ba tshad mas nges pa'i gang zag yin na/ shug pa'i ka ba
de ka bar

tshad mas nges pa'i gang zag yin dgos pa'i phyir/ ma grub na/
de thal/ shug pa'i ka ba tshad mas nges pa'i gang zag yin na/
shug pa'i ka ba/ shug pa'i ka bar tshad mas nges pa'i gang zag
yin dgos pa'i phyir/ yang kha cig na re/ gser bum mtshan gzhi

@26b bum pa yin par mtshon/ lto ldir zhabs zhum chu skyor ba'i
don byed nus pa zhes pa'i mtshon sbyor 'di mtshon sbyor rnam dag
yin zer na/ de mi 'thad par thal/ gser bum tshad mas nges nas/
bum pa tshad mas ma nges pa'i gang zag med pa'i phyir/ zhes
sogs

sgrub tshul gong dang rigs 'gre bar bya'o/ /yang kha cig na re/
gser bum mtshan gzhi/ bum pa yin par mtshon/ lto ldir ba yin pa
zhes pa'i mtshon sbyor 'di mtshon sbyor rnam dag yin zer na/ de
mi 'thad par thal/ lto ldir ba de bum pa'i mtshan nyid ma

yin pa'i phyir/ ma grub na/ lto ldir ba yin na/ bum pa yin
dgos par thal/ lto ldir ba bum pa'i mtshan nyid yin pa'i phyir/
rtags khas/ 'dod na/ bum pa zhabs rdol ba chos can/ bum pa yin
par thal/ lto ldir ba yin pa'i phyir/ ma grub

na/ de chos can/ lto ldir ba yin par thal/ lto ldir ba yin par
mngon sum du grub pa'i phyir/ 'dod na/ bum pa'i mtshan nyid kyi
zur du chu skyor ba'i don byed nus pa zhes smos pa la dgos pa
med par thal/ bum pa zhabs rdol bum pa yin pa'i phyir/

'dod mi nus so/ /gnyis pa rang lugs bzhag pa ni/ gser gyi lto
ldir zhabs zhum chu skyor ba'i don byed nus pa mtshan gzhi/ bum
pa yin par mtshon/ lto ldir zhabs zhum chu skyor ba'i don byed
nus pa zhes pa'i mtshon sbyor lta bu mtshon sbyor rnam

dag yin no/ /de yang don de blo la shar yang/ de la tha snyad
ci 'dogs mi shes pa'i ngor/ don 'di 'dra'i rigs la/ ming gi
tha snyad 'di ltar zer zhes brda' sbyor zhing mtshon par byed
dgos la/ dper na gdung 'degs kyi don byed nus pa blo la nges

@27a @#/ /zin kyang/ de la ka ba zhes pa'i tha snyad sbyor mi
shes pa'i gang zag la/ gdung 'degs kyi don byed nus pa/ ka
ba'i mtshan nyid dam don yin no zhes smras pa na/ gdung 'degs
kyi don byed nus pa la ka ba'o snyam du ming

don gyi 'brel ba shes nus pa ltar ro/ /de'i phyir mtshan mtshon
gnyis las/ mtshan nyid go sla zhing/ de la ltos te mtshon bya go
dka' ba cig dgos pa yin no/ /gzhan yang/ sgra mtshan gzhi/ mi
rtag pa yin par mtshon/ skad cig ma yin pa zhes pa'i mtshon

sbyor dang/ bum pa mtshan gzhi/ dngos po yin par mtshon/ don
byed nus pa yin pa zhes pa'i mtshon sbyor dang/ sngon 'dzin
dbang mngon skad cig dang po mtshan gzhi/ tshad ma yin par
mtshon/ gsar du mi slu ba'i rig pa yin pa zhes pa'i mtshon sbyor
'di

rnams kyang mtshon sbyor rnam dag yin cing/ de'i rigs 'gros
kyis gzhan rnams kyang shes par bya'o/ /'di ltar rtags yang
dag dang/ ltar snang/ zhar la mtshon sbyor gyi rnam gzhag bcas
pa bshad pa la chos can/ dgos pa yod de/ rigs pa 'di

dag gi sgo nas/ blang dor phyin ci ma log par rtogs shing
nyams su blangs ba la rten nas thar pa dang thams cad mkhyen
par bgrod pa'i lam la bde blag tu 'jug pa'i ched yin pa'i
phyir/ 'dzam gling mdzes byed phyogs glang chos grags kyi/ /

gzhung bzhin ma nor gtan tshigs rigs pa yi/ /rnam bshad tshig
nyung don gsal sgron me 'dis/ /thub gzhung dgongs don ma lus
gsal byed shog // //(tshad ma'i gzhung don 'byed pa'i lde'u mig
rigs lam che ba rtags rigs kyi rnam bzhag bshad pa 'di ni/
7gong ? sa skyabs

@27b mgon rgyal dbang thams cad mkhyen gzigs chen po mchog
nas/ bsdus grwa'i gsan bzhes bka' drin skyangs skabs yongs
'dzin phur lcog pa byams pas sgrigs te phul ba'o//) ! //oM
swa sti/ /bde gshegs bstan dang ston par rigsO tshul 'bum/
/yang

dag lamO las ji bzhin gtan la 'bad/ /thar 'dod rnam dpyod
'phrul gyi lde mig gis/ /mdo rgyud mdzod dkrogs slad du par
bskrun dges/ /dpal ldan 'jam mgon ring lugs padmo'i tshal/
/rnam par bzhad pa'i

dge mtshan nor 'dzin khyab/ /blo gsal mkhas mang rkang drug rig
rtsal gyis/ /'chad rtsod rtsom pa'i dbyangs snyan srid gsum
sgrogs/ /rgyal kun snying rje'i bcu drug yongs rdzogs mgon/
/gsang gsum 'od phreng thub bstan  

ku mud 'byed/ /bdud sde'i 'dab chags tshogs kyang bag ldan
gyur/ /mkha' khyab bstan 'gro'i dpal mgon rabs gsal shog /rgyu
sbyor nyid kyang theg mchog bshes dang mjal/ /zab rgyas gdams
pa'i ngagO la

dbangO 'byor te/ /rlabs chen spyod pa rgya mtsho'i 'jing zhugs
nas/ /rmad byung zung 'jug rdoO rje'iO sa thob shog // // (ces
pa 'di yang ser byes tre hor sku gshegs dge bshes ngag dbang
rdo rje de nyid kyi thugs dgongs

rdzogs slad dang gsar zhugs slob gnyer ba rnams kyi gzigs dper
dgos gal che bas 7skyabs ? mgon rgyal pa'i yongs 'dzin phur
lcog byams pa tshul khrims rgya mtshos mdzad pa'i rigs lam che
gras rtags rigs kyi rnam gzhag bshad pa 'di nyid phyi lo chig
stong dgu brgya

@28a @#/ /don brgyad lor shing par gsar bskrun skabs rjes 'jug
rnams kyis ji ltar bskul ba'i ngor dge bsdo'i ? smon tshig tu
ser byes tre hor bka' 'gyur dge bshes blo bzang thub bstan pas
sbyar ba'o// //sarba manggalaM/

par 'di ser byes dpe mdzod khang du bzhugs/ /