@001a @#/ /byang rtse grwa tshang gi brtsi bzhags tu gnang ba'i rtags
rigs brjod don bsal ba'i me long zhes bya ba bzhugs so/ /

@001b @#/ /rVi gga rdza pVA dVa da ra ma nydzu g+ho Sh H sVa tVa tra bi
nde Shu tsa d+ha rma ki rtteH 'jam dpal dbyngs dang phyogs glang
chos grags kyi/ /zhabs kyi pad mor gus pas phyags byas nas/

@002 dznyA ma nya nA pa Ta pa rA dzi tA NAM pA ts+yaM pra de wa
sya su b+hA Shi tA dra H mkhas rlom gzhon gyis 'gran pa'i zla bral
ba'i/ /mkhas grub mchog lha'i legs bshad brjod par bya/

@002b zhes mchod par brjod pa dang bshad par dam bca' ba sngon du
btang nas/ ! 'dir rten gtan tshigs bshad pa la/ rtags kyi mtshan nyid/
rtags kyi dbye ba/

rtags dpe phyogs gsum gyi skyon yon bshad pa dang gsum las/ dang
po ni/ rtags su bkod pa rtags kyi mtshan nyid/ bdag med yin na rtags
yin pas/

khyab ste/ ri bong rVa rtags yin pa'i phyir te/ de rtags su bkod pa'i
phyir/ ma grub na/ ri bong rVa chos can/ rtags su bkod par thal/ sgra
mi rtag par

bsgrub pa'i rtags su bkod pa'i phyir te/ sgra chos can/ mi rtag ste/
khyod yin pa'i phyir/ zhes pa'i sbyor ba yod pa'i phyir te/ bdag med yin
pa'i

@003a @#/ /phyir/ ! sgra mi rtag par bsgrub pa'i rtags su bkod pa sgra mi
rtag par sgrub pa'i rtags kyi mtshan nyid/ bdag med yin na de yin pas
khayb/ byas pi rtags kyis sgra

mi rtag par bsgrub pa'i rtags su bkod pa/ byas pa'i rtags kyis sgra mi
rtag par bsgrub pa'i rtags kyi mtshan nyid/ bdag med yin na de yin pas
ma khyab ste/ de yin na/ byas pa'i ldog pa

yin dgos pa'i phyir/ ! ri bong rVa'i rtags kyis sgra mi rtag par bsgrub
pa'i rtags su bkod pa/ ri bong rVa'i rtags kyis sgra mi rtag par bsgrub
pa'i rtags kyi mtshan nyid ma yin te/ de bkod kyi

rtags med pa'i phyir/ ! gnyis pa rtags la sgra'i brjod rigs kyi sgo nas
dbye na/ rtags yang dag bshad pa dang/ de'i ldog phyogs rtags ltar
snang bshad pa gnyis/ dang po la/

rtags yang dag gi ltos gzhi bshad pa/ mtshan nyid/ dbye ba bshad pa
dang gsum/ dang po la phyogs chos kyi ltos gzhi shes 'dod chos can
bshad pa dang/ khyab pa'i ltos gzhi

mthun phyogs dang/ mi mthun phyogs bshad pa gnyis/ dang po la/
shes 'dod chos can gyi mtshan nyid bshad pa/ mtshan gzhi/ sgrub byed
kyi rigs pa 'god pa/ zhar la

@003b bsgrub bya'i chos ngos bzung ba dang bzhi/ dang po ni/ khyod
byas pa'i rtags kyis sgra mi rtag par bsgrub pa'i rtsod gzhir bzung ba
yang yin/ khyod byas par tshad mas nges nas/ khyod mi rtag pa

yin min la shes 'dod zhugs pa'i gang zag srid pa yang yin pa'i gzhi
mthun par dmigs pa de/ khyod byas pa'i rtags kyis sgra mi rtag par
bsgrub pa'i shes 'dod chos can skyon med yin

pa'i mtshan nyid/ ! gnyis pa mtshan gzhi ni/ sgra de de yin/ sgra ma yin
pa las log pa dang/ mnyan bya gnyis re re nas de ma yin/ ! gsum pa
sgrub byed kyi rigs pa 'god pa ni/ sgra

chos can/ khyod byas pa'i rtags kyis sgra mi rtag par bsgrub pa'i shes
'dod chos can yin par thal/ mtshan nyid de'i phyir/ dang po grub ste/
sgra chos can/ mi rtag ste/ byas pa'i phyir/

zhes pa'i sbyor ba yod pa'i phyir/ gnyis pa grub ste/ sgra byas par tshad
mas nges nas/ sgra mi rtag pa yin min la the tshom za ba'i gang zag
yod pa'i phyir/ sgra ma yin pa las log pa dang/

mnyan bya gnyis re re nas de ma yin te/ gal te yin na/ sgra ma yin pa
las log pa chos can/ sgra mi rtag par bsgrub pa'i shes 'dod chos can
yin par thal/ byas pa'i rtags kyis de bsgrub

@004a @#/ /kyi shes 'dod chos can yin pa'i phyir/ 'dod na/ de chos can/
sgra bsgrub par sgrub pa'i shes 'dod chos can yin par thal/ 'dod pa'i
phyir/ 'dod na/ de chos

can/ de bsgrub kyi rtags yang dag gi shes 'dod chos can yin par
thal/ de bsgrub kyi rtags yang dag yod pa gang zhig /'dod pa'i phyir/
'dod na/ de chos can/ sgrub pa

yin par thal/ 'dod pa'i phyir/ 'dod na/ de chos can/ sgrub pa ma yin
par thal/ dgag pa yin pa'i phyir/ gzhan yang/ de chos can/ de bsgrub
kyi shes 'dod chos can

ma yin par thal/ de bsgrub kyi phyogs chos yin pa'i phyir/ khyab ste/
de bsgrub kyi shes 'dod chos can yin na/ de bsgrub kyi phyogs chos
ma yin dgos pa'i phyir/ rnam 'grel las/

chos can gtan tshigs dngos gyur ni/ /shes byed nyid du ma grub phyir/
zhes gsungs pa'i phyir/ gong gi rtags grub ste/ sgra de khyod kyi
rtags kyis sgra mi rtag par bsgrub pa'i shes 'dod chos can

skyon med yin/ khyod sgra dang phan tshun tha dad pa'i tshul gyi
sgra'i steng du 'god tshul dang mthun par yod pa nyid du tshad mas
nges pa'i phyir/ gzhan yang/ mnyan bya chos can/ sgra mi rtag par
bsgrub

@004b pa'i shes 'dod chos can yin par thal/ byas pa'i rtags kyis de
bsgrub kyi shes 'dod chos can yin pa'i phyir/ 'dod na/ de chos can/
sgra mtshon byar bsgrub pa'i shes 'dod chos can yin par

 thal; 'dod pa'i phyir/ 'dod na/ de chos can/ de bsgrub kyi rtags yang
dag gi shes 'dod chos can yin par thal/ de bsgrub kyi rtags yang dag
yod pa gang zhig /'dod pa'i phyir/

'dod na/ de chos can/ mtshon bya yin par thal/ 'dod pa'i phyir/ 'dod na/
de chos can/ mtshon bya ma yin par thal/ mtshan nyid yin pa'i phyir/
gzhan yang/ de chos can/ de

bsgrub kyi shes 'dod chos can ma yin par thal/ de bsgrub kyi phyogs
chos yin pa'i phyir/ khyab ba bsgrub zin/ rtags der thal/ de bsgrub kyi
thun mong ma yin pa'i ma nges pa'i gtan tshigs

yin pa'i phyir/ de la kho na re/ skad cig ma chos can/ sgra mi rtag par
bsgrub pa'i sgrub bya'i chos yin par thal/ byas pa'i rtags kyis de sgrub
kyi bsgrub bya'i chos yin pa'i phyir/ khyab

pa song zer na/ 'o na shes bya chos can/ byas pa'i rtags kyis de sgrub
kyi rtags yang dag yin na/ de bsgrub kyi rtags yang dag yin pas ma
khyab par thal/ byas pa'i rtags kyis de bsgrub kyi

@005a @#/ /sgrub bya'i chos yin na/ de bsgrub kyi sgrub bya'i chos yin pas
ma khyab pa'i phyir/ khyab pa 'grig ! kha cig /sgrub pa ma yin pa las
log pa chos can/ sgra sgrub par sgrub pa'i

sgrub bya'i chos yin par thal/ de bsgrub kyi shugs kyis sgrub bya'i
chos yin pa'i phyir/ 'dod na/ de chos can/ sgrub pa yin par thal/ 'dod
pa'i phyir zer na/ ma khyab/ 'dod na/

de chos can/ sgrub pa ma yin par thal/ dgag pa yin pa'i phyir/ ! kha
cig /de sgrub kyi chos can yod na/ de bsgrub kyi shes 'dod chos can
yod pas khyab zer na/ shes bya chos can/

sgra sgrar bsgrub pa'i shes 'dod chos can yod par thal/ de bsgrub kyi
chos can yod pa'i phyir te/ sgra yod pa'i phyir/ 'dod mi nus te/ sgra
tshad mas nges nas/ sgra sgra yin min la the

tshom za ba'i gang zag med pa'i phyir te/ sgra tshad mas nges pa'i gang
zag yin na/ sgra sgrar tshad mas nges pa'i gang zag yin dgos pa'i
phyir/ ! kha cig /sbyor ba skor gcig gi shes

'dod chos can yod na/ sbyor ba skor gcig gi phyogs chos yod pas
khyab zer na/ sgra'i rtags kyis sgra mi rtag par sgrub pa'i phyogs
chos yod par thal/ de skor gyi shes 'dod chos can yod pa'i

@005b phyir te/ sgra de de yin pa'i phyir/ ma grub na/ sgra chos can/
sgra'i rtags kyis de bsgrub kyis shes 'dod chos can yin par thal/ de
skor gyi rtsod gzhir bzung ba gang zhig /khyod sgra yin par

tshad mas nges nas khyod mi rtag pa yin pa la shes 'dod zhugs pa'i
gang zag srid pa'i phyir/ dang po ma grub na/ shes bya chos can/ sgra
der thal/ sgra chos can/ mi rtag ste/ sgra yin pa'i phyir

zhes pa'i sbyor ba yod pa'i phyir/ rtags gnyis pa der thal/ byas pa'i
rtags kyis sgra mi rtag par bsgrub pa'i phyir rgol yang dag de de yin
pa'i phyir/ rtsa bar 'dod mi nus te/ chos de'i

rtags kyis chos de gzhi der sgrub pa'i gtan tshigs yin na/ chos de'i
rtags kyis chos de gzhi der bsgrub pa'i gzhi rtags tha dad med nas
ma grub pa'i gtan tshigs yin dgos pa'i phyir/ !

bzhi pa la/ sgrub bya'i chos su bzung ba bsgrub bya'i chos kyi mtshan
nyid/ bdag med yin na sgrub bya'i chos yin pas khyab ste/ bdag med
yin na khyod sgra khyod du sgrub pa'i sgrub bya'i chos

yin pas khyab pa'i phyir/ sgra mi rtag par sgrub pa'i sgrub bya'i chos
su bzung ba/ sgra mi rtag par sgrub pa'i sgrub bya'i chos kyi mtshan
nyid/ de la dbye na/ de bsgrub kyi dngos kyi sgrub bya'i chos

@006a@#/ /dang; de sgrub kyi shugs kyis sgrub bya'i chos gnyis/ mtshan nyid
rim pa ltar/ de bsgrub kyi dngos kyi sgrub bya'i chos su bzung ba/ de
sgrub kyi dngos kyi sgrub bya'i chos kyi

mtshan nyid/ de sgrub kyi shugs kyi sgrub bya'i chos su bzung ba de
sgrub kyi shugs kyis sgrub bya'i chos kyi mtshan nyid/ mtshan gzhi rim
pa bzhin/ mi rtag pa dang po dang/ mi rtag pa ma yin pa

las log pa gnyis pa yin/ ! kha cig gis/ rtag pa ma yin pa de de sgrub kyi
shugs kyis sgrub bya'i chos yin zer na/ de chos can/ de bsgrub kyi
sgrub bya'i chos yin par thal/ de sgrub

kyi shugs kyis bsgrub bya'i chos yin pa'i phyir/ 'dod na/ sgra rtag pa
ma yin par bsgrub pa'i sgrub bya'i chos yin na/ sgra mi rtag par
bsgrub pa'i sgrub bya'i chos yin dgos par thal/

'dod pa'i phyir/ 'dod na/ sgra rtag pa ma yin par bsgrub pa'i rtags
yang dag gi bsgrub bya'i chos yin na/ sgra mi rtag par bsgrub pa'i
rtags yang dag gi bsgrub bya'i chos yin dgos par

thal/ 'dod pa'i phyir/ 'dod na/ chos de'i rtags kyis sgra rtag pa ma yin
par bsgrub pa'i rtags yang dag gi sgrub bya'i chos yin na/ chos de'i
rtags kyis sgra mi rtag par bsgrubs

@006b pa'i rtags yang dag gi bsgrub bya'i chos yin dgos par thal/ 'dod
pa'i phyir/ 'dod na/ rtag pa ma yin pa chos can/ chos dang skad cig
ma ma yin pa'i gzhi mthun pa ma yin pa'i rtags

kyis sgra mi rtag par bsgrub pa'i rtags yang dag gi sgrub bya'i chos
yin par thal/ chos dang skad cig ma ma yin pa'i gzhi mthun pa ma yin
pa'i rtags kyis sgra rtag par ma yin par sgrub pa'i rtags

yang dag gi sgrub bya'i chos yin pa'i phyir/ khyab pa khas/ 'dod mi nus
te/ chos dang skad cig ma ma yin pa'i gzhi mthun pa ma yin pa'i rtags
kyis sgra mi rtag par bsgrub pa'i rtags yang dag

med pa'i phyir/ de'i rtags kyis de bsgrub kyi rjes khyab med pa'i phyir/
ma grub na/ ri bong rVa chos can/ mi rtag pa yin par thal/ chos dang
skad cig ma ma yin pa'i gzhi mthun pa ma

yin pa'i phyir/ ma grub na/ de chos can/ chos yin par thal/ ma grub pa
de'i phyir/ byas pa'i rtags kyis sgra mi rtag par bsgrub pa'i bsgrub bya'i
chos su bzung ba/ byas pa'i rtags kyis

sgra mi rtag par bsgrub pa'i sgrub bya'i chos kyi mtshan nyid/ de la
dbye na/ byas pa'i rtags kyis de bsgrub kyi dngos kyi sgrub bya'i chos
dang/ byas pa'i rtags kyis de sgrub kyi shugs kyis sgrub

@007a @#/ /bya'i chos gnyis/ mtshan nyid rim pa bzhin/ byas pa'i rtags kyis
de sgrub kyi dngos kyis sgrub bya'i chos su bzung ba dang po'i mtshan
nyid/ byas pa'i rtags kyis de bsgrubs

kyi shugs kyis sgrub bya'i chos su bzung ba/ gnyis pa'i mtshan nyid/
mtshan gzhi rim pa bzhin/ mi rtag pa dang/ skad cig ma gnyis re re nas
dang po yin/ mi rtag pa ma yin pa

las log pa dang/ skad cig ma ma yin pa las log pa gnyis re re nas
gnyis pa yin/ skad cig ma byas pa'i rtags kyis sgra mi rtag par bsgrub
pa'i sgrub bya'i chos su bzung ba yin kyang/

de bsgrub kyi sgrub bya'i chos su bzung bya ma yin te/ de de sgrubs
kyi rtags yang dag yin pa'i phyir te/ de de sgrub kyi tha snyad 'ba'
zhig sgrub kyi rtags yang dag yin pa'i phyir/ gnyis

pa khyab pa'i ltos gzhi mthun phyogs dang mi mthun phyogs gnyis
bshad pa la/ dngos bshad pa dang/ zhar la mthun dpe bshad pa dang/
mi mthun dpe bshad pa gnyis/ dang po la/

mtshan nyid/ dbye ba/ sgra bshad 'jug gi mu bzhi brtsi ba/ mthun
phyogs dang mi mthun phyogs gnyis dngos 'gal yin min dpyad pa
dang bzhi/ dang po la/ sgra mi rtag par sgrub

@007b pa'i sgrub tshul ltar mi rtag pas mi stong ba/ sgra mi rtag par
sgrub pa'i mthun phyogs kyi mtshan nyid/ mi rtag pa dang/ de sgrub
kyi mthun phyogs gnyis yin khyab mnyam yin/ de sgrub kyi sgrub

tshul ltar mi rtag pas stong pa/ de sgrub kyi mi mthun phyogs kyi
mtshan nyid/ de dang mi rtag pa ma yin pa gnyis yin khyab mnyam yin/
gnyis pa de la dbye na/ de sgrub kyi med pa mi mthun

phyogs/ gzhan pa mi mthun phyogs/ 'gal ba mi mthun phyogs dang
gsum/ ri bong rVa dang po yin/ shes bya gnyis pa/ rtag pa gsum pa yin/
gsum pa ni/ de sgrub kyi

mthun phyogs yin na/ de sgrub kyi mthun phyogs kyi sgra bshad du
yod pas khyab bam zhe na/ 'di la mu gsum ste/ de sgrub kyi mthun
phyogs yin la de sgrub kyi mthun phyogs kyi sgra bshad du

med pa'i mu/ gnyis ka yin pa'i mu/ gnyis ka ma yin pa'i mu dang gsum
yod/ dang po ni/ 'dus ma byas kyi nam mkha' de/ sgra rtag par sgrub
pa'i mthun phyogs yin la/ mthun

phyogs kyi sgra bshad du med pa'i mu yin/ de bsgrub pa ni/ de chos
can/ de dag gi mthun phyogs yin par thal/ rtag pa yin pa'i phyir/ de
sgrub kyi mthun phyogs kyi sgra bshad du med de/

@008a @#/ /de sgra dang rtag par chos mi mthun pa'i phyir/ gnyis ka yin
pa'i mu ni/ bum pa de sgra mi rtag par sgrub pa'i mthun phyogs yin la/
de sgrub kyi mthun phyogs kyi sgra bshad du

yod pa'i mu yin/ de bsgrub pa ni/ bum pa chos can/ de sgrub kyi mthun
phyogs yin par thal/ mi rtag pa yin pa'i phyir gnyis pa der thal/ sgra
mi rtag pa gang zhig /khyod yang

mi rtag pa yin pa'i phyir/ gnyis ka ma yin pa'i mu ni/ 'dus ma byas kyi
nam mkha' de/ sgra mi rtag par sgrub pa'i mthun phyogs ma yin la/ de
sgrub kyi sgra bshad du med pa'i mu yin/

de bsgrubs pa ni/ de chos can/ de sgrub kyi mthun phyogs ma yin par
thal/ mi rtag pa ma yin pa'i phyir/ de chos can/ de sgrub kyi sgra
bshad du med de/ khyod dang sgra gnyis mi

rtag par chos mi mthun pa'i phyir te/ khyod rtag pa gang zhig /sgra
mi rtag pa yin pa'i phyir/ de bsgrubs kyi mthun phyogs kyi sgra bshad
du yod la/ de bsgrub kyi mthun phyogs ma yin

pa'i mu ni med de/ de sgrub kyi mthun phyogs kyi sgra bshad du yod
na/ de sgrub kyi mthun phyogs yin dgos pa'i phyir/ de bsgrub kyi mi
mthun phyogs kyi sgra bshad du yod na/ de bsgrub

@008b kyi mi mthun phyogs yin pas khyab zhe na/ 'di la yang mu gsum
yod de/ de bsgrub kyi mi mthun phyogs kyi sgra bshad du yod la/ de
sgrub kyi mi mthun phyogs ma yin pa'i mu/ gnyis ka ma

yin pa'i mu/ gnyis ka yin pa'i mu gsum/ dang po ni/ 'dus ma byas kyi nam
mkha' de/ sgra rtag par sgrub pa'i mi mthun phyogs kyi sgra bshad du
yod la/ sgra rtag par bsgrub pa'i mi

mthun phyogs ma yin pa'i mu yin/ de bsgrub pa ni/ de chos can/ sgra
rtag par bsgrub pa'i mi mthun phyogs kyi sgra bshad du yod par
thal/ khyod dang sgra gnyis rtag par chso mi mthun pa'i

phyir; de chos can/ sgra rtag par sgrub pa'i mi mthun phyogs ma yin
te/ sgra rtag par sgrub pa'i mthun phyogs yin pa'i phyir te/ rtag pa
yin pa'i phyir/ ! gnyis ka ma yin pa'i mu ni

bum pa de sgra mi rtag par bsgrub pa'i de gnyis ka ma yin pa'i mu yin/
de bsgrub pa ni/ bum pa chos can/ sgra mi rtag par bsgrub pa'i mi
mthun phyogs kyi sgra bshad du med de/ khyod dang

sgra gnyis mi rtag par chos mi mthun pa ma yin pa'i phyir te/ khyod
dang sgra gnyis mi rtag par chos mthun pa'i phyir te/ sgra mi rtag
pa gang zhig /khyod mi rtag pa yin pa'i phyir/ de chos can/

@009a @#/ /sgra mi rtag par bsgrub pa'i mi mthun phyogs ma yin te/ sgra
mi rtag par bsgrub pa'i mthun phyogs yin pa'i phyir te/ mi rtag pa yin
pa'i phyir/ gnyis ka yin pa'i mu ni/ 'dus

ma byas kyi nam mkha' de/ sgra mi rtag par bsgrub pa'i mi mthun
phyogs kyi sgra bshad du yod la/ sgra mi rtag par bsgrub pa'i mi
mthun phyogs yang yin pa'i mu yin/ de bsgrub pa ni/

de chos can/ sgra mi rtag par bsgrub pa'i mi mthun phyogs kyi sgra
bshad du yod de/ khyod dang sgra gnyis mi rtag par chos mi mthun
pa'i phyir te/ sgra mi rtag pa gang zhig /khyod rtag pa yin

pa'i phyir/ de chos can/ sgra mi rtag par bsgrub pa'i mi mthun phyogs
yin te/ mi rtag pa ma yin pa'i phyir/ de bsgrub kyi mi mthun phyogs yin
la/ de bsgrub kyi mi mthun phyogs

kyi sgra bshad du med pa'i mu ni med de/ de bsgrub kyi mi mthun
phyogs yin na/ de sgrub kyi mi mthun phyogs kyi sgra bshad du yod
pas khyab pa'i phyir/ mthun phyogs dang mi mthun phyogs

gnyis dngos 'gal yin min dpyod pa la/ mthun phyogs de/ mi mthun
phyogs dang dngos 'gal yin kyang/ mi mthun phyogs de/ mthun
phyogs dan dngos 'gal ma yin te/

@009b mi mthun phyogs med pa'i phyir te/ gzhi grub na/ mthun phyogs
yin pas khyab pa'i phyir/ gzhi grub na rtags yang dag gi mthun
phyogs yin pa'i khyab pa'i phyir/ gzhi grub na/ sgra shes

byar sgrub pa'i rtags yang dag gi mthun phyogs yin pas khyab pa'i
phyir/ de la kho na re/ gzhi ma grub na yang/ mthun phyogs yin pas
khyab par thal/ gzhi ma grub na bum pa gang zag

gi bdag med du bsgrub pa'i mthun phyogs yin pas khyab pa'i phyir te/
gzhi ma grub na/ gang zag gi bdag med yin pas khyab pa'i phyir/ rtsa
bar 'dod na/ mi mthun phyogs chos can/

mthun phyogs yin par thal/ gzhi ma grub pa'i phyir/ 'dod na/ de chos
can/ gzhi grub par thal lo/ /zer na/ ma khyab/ 'o na/ kho rang la/ bum
pa gang zag gi bdag med du bsgrub

pa'i mi mthun phyogs chos can/ gzhi grub par thal/ mthun phyogs
yin pa'i phyir/ khyab pa khas/ rtags grub ste/ bum pa gang zag gi bdag
med du bsgrub pa'i mthun phyogs yin pa'i

phyir/ 'dod na/ gang zag gi bdag med ma yin pa yod par thal lo/ /des
na/ gang zag gi bdag med yin na/ mthun phyogs yin pas kyab ste/ yod
na mthun phyogs yin pas

@010a @#/ /khyab pa gang zhig /med na mthun phyogs yin pas khyab pa'i
phyir/ dang po der thal/ bum pa mthun phyogs yinpa'i phyir te/ de
rtags yang dag gi mthun phyogs yin

pa'i phyir te/ de sgra mi rtag par bsgrub pa'i rtags yang dag gi mthun
phyogs yin pa'i phyir te/ de bsgrub kyi rtags yang dag yod pa gang
zhig /de de bsgrub kyi mthun phyogs yin pa'i phyir/

gnyis pa grub ste/ ri bong rVa mthun phyogs yin pa'i phyir te/ de bum
pa gang zag gi bdag med du bsgrub pa'i mthun phyogs yin pa'i phyir
te/ de gang zag bdag med yin pa'i phyir/ kho

na re/ mi mthun phyogs yod par thal/ mi mthun dpe yang dag yod
pa'i phyir/ chos mi mthun sbyor gyi sgrub ngag yang dag yod pa'i
phyir zer na/ ma khyab/ 'o na/ khyod rang la shes bya chos

can; 'dus ma byas kyi nam mkha' de/ mi mthun dpe yang dag yin par
thal/ gang rtag na ma byas pas khyab/ dper na/ 'dus ma byas kyi nam
mkha' bzhin/ sgra ni byas so zhes

pa'i sgrub ngag de chos mi mthun sbyor gyi sgrub ngag yang dag yin
pa'i phyir/ khyab pa 'grig /'dod na/ de chos can/ mi mthun dpe yang
dag ma yin par thal/ mthun dpe yang

@010b dag yin pa'i phyir te/ bum pa shes byar bsgrub pa'i mthun dpe
yang dag yin pa'i phyir te/ /chos can de'i ldog pa yin pa'i phyir/ yang
kho na re/ mi mthun phyogs yod par thal/ mi mthun

phyogs kyi gzhi shes yod pa'i phyir/ zer na ma khyab/ mi mthun
phyogs kyi gzhi shes de mi mthun phyogs ma yin pa'i phyir te/ de
mthun phyogs yin pa'i phyir/ de sgra mi rtag par sgrub pa'i

mthun phyogs yin pa'i phyir/ de mi rtag pa yin pa'i phyir/ yang kho na
re/ mi mthun phyogs yod par thal/ ldog khyab kyi ltos gzhi yod pa'i
phyir zer na/

ma khyab/ 'o na bum pa gang zag gi bdag med du sgrub pa'i mi mthun
phyogs yod par thal/ de sgrub kyi ldog khyab kyi ldos gzhi yod pa'i
phyir/ khyab pa khas/ rtags der thal/ de sgrub

kyi ldog khyab yod pa'i phyir te/ de sgrub kyi rtags yang dag yod pa'i
phyir/ kha cig /mthun phyogs dang mi mthun phyogs gnyis dngos
'gal yin zer na/ de gnyis yod par thal/ de

gnyis dngos 'gal yin pa'i phyir/ 'dod na/ mi mthun phyogs yod par
thal lo/ /rig pa 'di la brten nas yod med gnyis dngos 'gal yin zer na
yang khegs so/ /kha cig /sgra

@011a @#/ /mi rtag par sgrub pa'i mthun phyogs dang mi mthun phyogs
gnyis dngos 'gal yin zer na/ de ma yin par thal/ sgra mi rtag par sgrub
pa'i mthun phyogs ma yin na/ mi mthun

phyogs yin pas ma khyab pa'i phyir/ ma grub na/ 'dus ma byas kyi nam
mkha' chos can/ der thal/ de'i phyir/ 'dod na/ de chos can/ mi mthun
phyogs ma yin par thal/ mthun

phyogs yin pa'i phyir/ de sgrub kyi mthun phyogs dang/ de bsgrub kyi
mi mthun phyogs gnyis dngos 'gal yin kyang/ de sgrub kyi rtags
yang dag gi mthun phyogs dang/ de sgrub kyi rtags yang

dag gi mi mthun phyogs gnyis dngos 'gal ma yin te/ gal te yin na/ de
sgrub kyi rtags yang dag gi mthun phyogs ma yin na/ de sgrub kyi
rtags yang dag gi mi mthun phyogs yin pas

khyab par thal/ 'dod pa'i phyir/ 'dod na/ bum pa med pa'i sa phyogs
chos can/ bum pa mi rtag par sgrub pa'i rtags yang dag gi mthun
phyogs yin par thal/ de sgrub kyi rtags yang

dag gi mi mthun phyogs ma yin pa'i phyir te/ de sgrub kyi rtags yang
dag med pa'i phyir/ 'dod mi nus te/ bum pa mi rtag pa ma yin pa'i phyir/
sgra mi rtag par sgrub pa'i mthun phyogs

@011b dang; sgra mi rtag par bsgrub pa'i mi mthun phyogs gnyis
dngos 'gal yin te/ byas pa sgra mi rtag par sgrub pa'i mthun phyogs
kho na la yod par nges pa'i tshad ma yin na/ byas pa de sgrub kyi

mi mthun phyogs la med par nges pa'i tshad ma yin dgos pa'i phyir/
byas pa de sgrub kyi mi mthun phyogs la med par des pa'i tshad ma yin
na/ byas pa de sgrub kyi mthun phyogs kho na la yod

par nges pa'i tshad ma yin dgos pa'i phyir/ byas pa'i rtags kyi de sgrub
kyi ldog khyab nges pa'i tshad ma yin na/ de bkod kyi rjes khyab nges
pa'i tshad ma yin dgos pa'i phyir/ sgra mi rtag par sgrub pa'i phyi

rgol yang dag gi ngo bor sgra mi rtag par sgrub pa'i mthun phyogs
dang/ sgra mi rtag par sgrub pa'i mi mthun phyogs gnyis dngos 'gal
yin te/ de'i ngo bor mi rtag pa dang mi rtag pa ma yin pa gnyis

dngos 'gal yin pa'i phyir/ ! kha cig gis/ sgra de sgra mi rtag par sgrub
pa'i mthun phyogs ma yin te/ de de sgrub kyi phyi rgol yang dag gis
mi rtag par ma nges pa'i phyir de de sgrub kyi mi

mthun phyogs ma yin te/ de de sgrub kyi phyi rgol yang dag gis mi
rtag pa ma yin par ma nges pa'i phyir zer na/ sgra chos can/ sgra mi
rtag par sgrub pa'i mthun phyogs yin par thal/ mi rtag pa

@012a @#/ /yin pa'i phyir/ ! kha cig gis/ de sgrub kyi sgrub bya'i chos yin
na/ de sgrub kyi mthun phyogs yin pas khyab zer na/ sgrub pa ma yin
pa las log pa chos can/ sgra  sgrub par

sgrub pa'i mthun phyogs yin par thal/ de sgrub kyi sgrub bya'i chos
yin pa'i phyir te/ de sgrub kyi shugs kyis sgrub bya'i chos yin pa'i phyir/
ma grub na/ der thal/ sgrub

pa de de sgrub kyi dngos kyi sgrub bya'i chos yin pa'i phyir/ rtsa bar
'dod na/ de chos can/ sgrub pa yin par thal/ 'dod pa'i phyir/ 'dod mi
nus te/ dgag pa yin pa'i phyir/

! kha cig gis/ de sgrub kyi dngos kyis sgrub bya'i chos su bzung bya
yin na/ de sgrub kyi mthun phyogs yin pas khyab zer na/ mtshan nyid
chos can/ lto ldir pa mtshan nyid du

sgrub pa'am mthun phyogs yin par thal/ de sgrub kyi dngos kyi sgrub
bya'i chos su bzung bya yin pa'i phyir/ ma grub na/ de chos can/
khyod lto ldir ba khyod du bsgrub pa'i dngos kyi sgrub

bya'i chos su bzung bya yin par thal/ khyod bdag med yin pa'i phyir/
rtsa bar 'dod na/ de chos can/ mtshan nyid yin par thal/ 'dod pa'i
phyir/ 'dod mi nus te/ mtshon

@012b bya yin pa'i phyir/ ! kha cig gis/ de sgrub kyi dngos kyi sgrub
bya'i chos su bzung bya yod na/ de sgrub kyi mthun phyogs yod pas
khyab zer na/ sgra ka bum gnyis su sgrub pa'i mthun phyogs

yod par thal/ de sgrub kyi dngos kyi sgrub bya'i chos su bzung bya
yod pa'i phyir te/ ka bum gnyis yod pa'i phyir/ 'dod mi nus te/ bdag med
yin na/ sgra ka bum gnyis su sgrub

pa'i mthun phyogs ma yin pas khyab pa'i phyir/ H gnyis pa zhar zhar la
mthun dpe dang mi mthun dpe bshad pa la/ mthun dper bzung ba
mthun dpe'i mtshan nyid/ bdag med yin na mthun

dpe yin pa'i khyab ste/ gzhi grub na/ mthun dpe yin pas khyab/ gzhi ma
grub na'ang/ mthun dpe yin pas khyab pa'i phyir/ dang po grub ste/
bum pa mthun dpe yin pa gang

zhig/ /mtshungs pa'i phyir/ gnyis pa grub ste/ ri bong rVa mthun dpe yin
pa gang zhig/ /mtshungs pa'i phyir/ dang po ma grub na/ bum pa chos
can/ mthun dpe yin par thal/ mthun

dper bzung ba yin pa'i phyir te/ sgra mi rtag par bsgrub pa'i mthun
dper bzung ba yin pa'i phyir te/ sgra chos can/ mi rtag ste/ byas pa'i
phyir/ zhes pa'i sbyor ba yang yod/ byas

@013a @#/ /na mi rtag pas khyab/ dper na/ khyod bzhin/ zhes pa'i sgrub
ngag kyang yod pa'i phyir/ sgra mi rtag par sgrub pa'i mthun dper
bzung ba/ sgra mi rtag par sgrub pa'i

mthun dpe'i mtshan nyid/ bdag med yin na/ de yin pas khyab ste/ gzhi
grub na/ zhes sogs sngar bzhin no/ /byas pa'i rtags la yang sbyar nas
shes par bya'o/ /mthun

dpe ltar snang du bzung ba/ mthun dpe ltar snang gi mtshan nyid ma
yin te/ de med pa'i phyir/ gzhi grub na/ mthun dpe yang dag yin pas
khyab pa'i phyir/ ! gnyis pa

rtags yang dag gi mtshan nyid bshad pa la/ tshul gsum yin pa rtags
yang dag gi mtshan nyid/ tshul gsum gang zhe na/ phyogs chos/ rjes
khyab/ ldog khyab dang gsum/

de rnams so so'i mtshan nyid/ mtshan gzhi/ sgrub byed kyi rig pa dang
gsum/ dang po ni/ sgra de khyod kyi rtags kyis sgra mi rtag par sgrub
pa'i shes 'dod chos can skyon med

yin; khyod sgra dang phan tshun tha dad pa'i tshul gyis sgra'i steng
du 'god tshul dang mthun par yod pa nyid du tshad mas nges pa/
khyod sgra mi rtag par bsgrub pa'i phyogs chos yin pa'i

@013b mtshan nyid/ khyod kyi rtags kyis sgra mi rtag par bsgrub pa'i
rtags chos gnyis ldan gyi mthun dpe yang dag yod/ khyod mi rtag
pa la 'brel/ khyod sgra mi rtag par bsgrub pa'i mthun

phyogs kho na la 'god tshul dang mthun par yod pa nyid du tshad mas
nges pa/ khyod sgra mi rtag par bsgrub pa'i rjes khyab yin pa'i mtshan
nyid/ khyod kyi rtags kyis sgra mi rtag par bsgrub

pa'i rtags chos gnyis dang mi ldan pa'i mi mthun dpe yang dag yod/
khyod mi rtag pa la 'brel/ khyod sgra mi rtag par sgrub pa'i mi
mthun phyogs la med pa kho nar tshad mas nges

pa; khyod sgra mi rtag par sgrub pa'i ldog khyab yin pa'i mtshan nyid/
! gnyis pa mtshan gzhi ni/ byas pa de/ sgra mi rtag par sgrub pa'i
phyogs chos rjes khyab ldog khyab

gsum ka yin/ ! gsum pa sgrub byed kyi rig pa ni/ byas pa chos can/ sgra
mi rtag par sgrub pa'i phyogs chos yin par thal/ mtshan nyid de yin
pa'i phyir/ dang po ma grub na/  

sgra chos can/ byas pa'i rtags kyis sgra mi rtag par sgrub pa'i shes
'dod chos can skyon med yin par thal/ khyod byas pa'i rtags kyis
sgra mi rtag par sgrub pa'i rtsod gzhir bzung pa gang

@014a @#/ /zhig /khyod byas pas tshad mas nges nas/ khyod mi rtag pa yin
min la shes 'dod zhugs pa'i gang zag srid pa'i phyir/ dang po der
thal/ sgra chos can/ mi rtag ste/

byas pa'i phyir/ zhes pa'i sbyor ba yod pa'i phyir/ gnyis pa der thal/
sgra byas pas tshad mas nges nas/ sgra mi rtag pa yin min la the tshom
za ba'i gang zag yod pa'i phyir/ rtsa

rtags gnyis pa der thal/ khyod sgra dang phan tshun tha dad gang
zhig /khyod sgra'i steng du 'god tshul dang mthun par yod pa nyid
du tshad mas nges pa'i phyir/ dang po sla/ gnyis pa

der thal/ khyod kyi rtags kyis sgra mi rtag par sgrub pa'i 'god tshul
yin 'god yin/ sgra khyod yin/ sgra chos can gyi steng du khyod yin
pa'i phyir/ rtags rnams sla/ ! /byas

pa chos can/ sgra mi rtag par bsgrub pa'i rjes khyab yin par thal/
mtshan nyid de yin pa'i phyir/ dang po der thal/ bum pa de khyod kyi
rtags kyis sgra mi rtag par sgrub pa'i rtags

chos gnyis ldan gyi mthun dpe yang dag yin pa'i phyir/ ma grub na/
bum pa chos can/ byas pa'i rtags kyis sgra mi rtag par sgrub pa'i rtags
chos gnyis ldan gyi mthun dpe yang dag

@014b yin par thal/ byas pa'i rtags kyis sgra mi rtag par sgrub pa'i
mthun dper bzung ba gang zhig /sgra'i steng du byas na mi rtag pas
khyab pa tshad mas ma nges pa'i snga rol du/ khyod kyi steng

du byas na mi rtag pas khyab pa tshad mas nges pa'i sgra mi rtag par
sgrub pa'i phyi rgol yang dag yod/ khyod byas pa'i bye brag yin pa'i
phyir/ dang po der thal/ sgra chos can/ mi rtag ste byas

pa'i phyir/ dper na bum pa bzhin zhes pa'i sbyor ba yod pa'i phyir/ gnyis
pa ma grub na/ shes bya chos can/ der thal/ sgra mi rtag par tshad
mas ma nges pa'i snga rol du bum pa mi

rtag par tshad mas nges pa'i sgra mi rtag par sgrub pa'i phyi rgol
yang dag yod pa'i phyir/ sgra mi rtag par sgrub pa'i phyir rgol yang
dag de de yin pa'i phyir te/ sgra mi rtag par sgrub pa'i phyi

rgol yang dag des/ sgra mi rtag par tshad mas ma nges pa gang zhig
/de bum pa mi rtag par tshad mas nges pa'i gang zag yin pa'i phyir/
rtags gnyis chos can gyis sgrub/ rtsa rtags

gnyis pa der thal/ khyod mi rtag pa dang bdag gcig tu 'brel ba yin
pa'i phyir/ rtsa rtags gsum pa der thal/ khyod kyi rtags kyi sgra mi
rtag par sgrub pa'i 'god tshul yin 'god

@015a @#/ /dang/ sgrub tshul yin sgrub yin/ khyod mi rtag pa yin/ khyod
yin na/ mi rtag pa yin dgos pa'i phyir/ dang po der thal/ khyod kyi
rtags kyis sgra mi rtag par sgrub pa'i

'god tshul yin 'god yin pa gang zhig /sgrub tshul yin sgrub yin pa'i
phyir/ dang po sla/ gnyis pa der thal/ khyod kyi rtags kyis sgra mi
rtag par sgrub pa'i sgrub tshul yin

sgrub dang/ yod sgrub gang rung gang zhig /yod sgrub ma yin pa'i
phyir/ dang po der thal/ khyod sgra mi rtag par sgrub pa'i rtags su
bkod pa'i phyir/ gnyis pa ma grub na/ byas

pa sgra mi rtag par sgrub pa'i mthun phyogs la khyab byed du 'jug
pa'i rtags yang dag yin par thal/ sgra mi rtag par sgrub pa'i mthun
phyogs la khyab byed du 'jug pa'i rtags yang dag

yod pa'i phyir/ 'dod na/ shes bya chos can/ byas pa yin par thal/ mi
rtag pa yod pa'i phyir/ rtsa rtags gnyis pa der thal/ byas pa yin pa'i
phyir/ rtags gsum

pa 'bud do/ /byas pa chos can/ sgra mi rtag par sgrub pa'i ldog khyab
yin par thal/ mtshan nyid de yin pa'i phyir/ rtags rnams sla/ ! /gsum pa
rtags yang dag gi

@015b dbye ba bshad pa la/ ngo bo'i sgo nas dbye ba/ sgrub bya'i chos
kyi sgo nas dbye ba/ sgrub tshul gyi sgo nas dbye ba/ sgrub bya'i sgo
nas dbye ba/ mthun phyogs la 'jug tshul gyi sgo nas dbye ba/

rgol ba'i sgo nas dbye ba dang drug /dang po la 'bras rtags yang
dag /rang bzhin gyi rtags yang dag /ma dmigs pa'i rtags yang dag
dang gsum/ dang po la/ mtshan nyid/ dbye ba/

mtshan gzhi'i steng du mtshan nyid nges byed kyi tshad ma bshad pa/
rtags chos don gsum ngos bzung ba dang bzhi las/ dang po la dgag
gzhag gnyis/ dang po ni/ kha cig gis/ de

sgrub kyi sgrub rtags yang dag gang zhig /de sgrub kyi dngos kyi
sgrub bya'i chos su bzung bya yang yin/ khyod kyi rgyu yang yin pa'i
gzhi mthun pa srid pa de/ khyod de sgrub kyi 'bras rtags

yang dag gi mtshan nyid zer na/ du ba chos can/ du ldan gyi la la me
yod par sgrub pa'i dngos kyi sgrub bya'i chos su bzung bya yang yin/
khyod kyi rgyu yang yin pa'i gzhi mthun pa srid par thal/

khyod du ldan la la me yod par sgrub pa'i 'bras rtags yang dag yin
pa'i phyir/ 'dod na/ me de de yin par thal/ 'dod pa'i phyir/ 'dod na/ me
de du ldan la la me yod par sgr

@016a @#/ /ba'i dngos kyi sgrub bya'i chos su bzung bya yin par thal/
'dod pa'i phyir/ 'dod na/ du ldan la la'i me de/ du ldan la la me yod
par sgrub pa'i sgrub bya yang dag 

yin par thal/ 'dod pa'i phyir/ 'dod na/ du ldan la la'i me chos can/
khyod de ma yin par thal/ du ldan la la me yod par sgrub pa'i phyi
rgol yang dag gis khyod tshad mas rtogs

pa'i phyir te/ me tshad mas dmigs pa'i rtags kyis du ldan la la me yod
bar sgrub pa'i phyi rgol yang dag gis khyod tshad mas rtogs pa'i
phyir/ ma grub na/ der thal/ de khyod tshad

mas rtogs pa'i gang zag yin pa'i phyir/ ma grub na/ de 'dra'i phyi rgol
yang dag chos can/ khyod du ldan la la'i me tshad mas rtogs pa'i
gang zag yin par thal/ khyod du ldan

la la'i me tshad mas dmigs par tshad mas rtogs pa'i gang zag yin pa'i
phyir te/ chos can de yin pa'i phyir/ ma grub na/ de yod pa'i phyir/ me
tshad mas dmigs pa de du ldan la la

me yod par sgrub pa'i rtags yang dag yin pa'i phyir/ H yang kha cig gis/
du ba du ldan la la rtag dngos gnyis kyis stong pa'i me yod par
sgrub pa'i 'bras rtags yang dag yin

@016b zer na/ du ba chos can/ du ldan la la rtag dngos gnyis kyis
stong pa'i me yod par sgrub pa'i sgrub rtags yang dag yin par thal/
de sgrub kyi 'bras rtags yang dag yin pa'i phyir/ khyab  

ste/ gtan tshigs de ni rnam gsum nyid/ /ces pa'i thad kyi/ rang 'grel las/
de la gnyis ni/ dngos po sgrub pa yin la/ gcig ni dgag pa'i gtan tshigs
so zhes gsungs pa'i

phyir; 'dod na/ du ba chos can/ du ldan la la rtag dngos gnyis kyis
stong pa'i me yod par sgrub pa'i sgrub rtags yang dag ma yin par
thal/ de sgrub kyi dgag rtags yang dag pa'i yin

pa'i phyir te/ de sgrub kyi rtags yang dag gang zhig /rtag dngos
gnyis kyis stong pa'i me dgag pa yin pa'i phyir/ dang po der thal/ de
sgrub kyi 'bras rtags yang dag yin pa'i phyir/

rtags dngos/ gnyis pa ma grub na/ rtag dngos gnyis kyis stong pa'i
me chos can/ dgag pa yin par thal/ rang gi dngos ming la dgag tshig
sbyar ba'i chos yin pa'i phyir/ ; gnyis

pa rang lugs bzhag pa la/ khyod de sgrub kyi sgrub rtags yang dag
yin pa gang zhig khyod kyi rtags kyis de sgrub kyi dngos kyi sgrub
bya'i chos su bzung bya yang yin/ khyod kyi rgyu yang yin pa'i

@017a @#/ /gzhi mthun pa srid par dmigs pa de/ khyod de sgrub kyi 'bras
rtags yang dag yin pa'i mtshan nyid/ rtsod pa'i tshe na/ 'bras bu'i tshul
gsum yin pa/ 'bras rtags

yang dag gi mtshan nyid/ du ldan la la me yod par sgrub pa'i 'bras bu'i
tshul gsum yin pa/ du ldan la la me yod par sgrub pa'i 'bras rtags
yang dag yin pa'i mtshan nyid/ 'bras rtags

yang dag la dbye na/ rgyu dngos sgrub kyi 'bras rtags yang dag
dang/ rgyu sngon song sgrub kyi 'bras rtags yang dag dang/ rgyu
spyi 'am rang ldog sgrub kyi 'bras rtags yang dag dang/ rgyu

khyad par sgrub kyi 'bras rtags yang dag dang/ rgyu chos rjes dpog
gi 'bras rtags yang dag dang lnga/ mtshan gzhi rim pa ltar/ du ba du
ldan la la me yod par sgrub pa'i rgyu dngos

sgrub kyi 'bras rtags yang dag dang/ du ba de/ bar snang gi du ba
sngo long pa po rang rgyu me snga ma sngon du song bar sgrub pa'i
rgyu sngon song sgrub kyi 'bras rtags yang dag dang/ res

'ga' ba'i dngos po de/ nyer len gyi phung po rang rgyu dang bcas par
sgrub pa'i rgyu spyi 'am rang ldog sgrub kyi 'bras rtags yang dag
dang/ rang gi dmigs rkyen med na mi skyes pa'i dngos

@017b po de/ sngon snang dbang shes rang gi dmigs rkyen dang bcas
par sgrub pa'i rgyu khyad par sgrub kyi 'bras rtags yang dag dang/
bu ro da lta ba de kha nang bu ram gong bu'i steng du bu ro snga
mas bur

gzugs phyi ma skyed pa'i nus pa yod par sgrub pa'i rgyu chos rjes
dpog gi 'bras rtags yang dag yin/ ! kha cig gis/ bu ro da lta ba de kha
nang bu ram gong bu'i steng du bur gzugs da ltar

ba yod par sgrub pa'i rgyu chos rjes dpog gi 'bras rtags yang dag yin
zer na/ bu ro da ltar ba chos can/ de sgrub kyis 'bras rtags yang dag
yin par thal/ dam bca' 'thad pa'i phyir/

'dod na/ de chos can/ de ma yin par thal/ bur gzugs da ltar ba'i 'bras
bu ma yin pa'i phyir te/ de dang dus mnyam yin pa'i phyir/ ma grub na/
bu ram chos can/ khyod kyi ro da

ltar ba de khyod kyi gzugs da ltar ba dang dus mnyam yin par thal/
khyod rdul rdzas brgyad 'dus kyi gong bu yin pa'i phyir/ ! yang 'bras
rtags yang dag la dbye na/ mthun phyogs la

khyab byed du 'jug pa'i 'bras rtags yang dag dang/ mthun phyogs la
rnam pa gnyis su 'jug pa'i 'bras rtags yang dag gnyis mtshan gzhi rim
pa ltar/ du ba de/ du ldan la la du

@018a @#/ /ba'i dngos rgyu yod par bsgrub pa'i mthun phyogs la khyab
byed du 'jug pa'i 'bras rtags yang dag dang/ du ba de du ldan la la
me yod par sgrub pa'i mthun phyogs la rnam

gnyis su 'jug pa'i 'bras rtags yang dag yin/ dang po gang zhig /gnyis
pa yin pa'i phyir/ dang po grub ste/ du ba de sgrub kyi 'bras rtags
yang dag gang zhig /du ba'i

dngos rgyu yod na/ du ba yod pas khyab pa'i phyir/ gnyis pa grub ste/
du ba de sgrub kyi 'bras rtags yang dag gang zhig me yod na du ba
yod pas ma khyab pa'i phyir/ H kha cig

gis/ du ba yod na me yod pas ma khyab zer na/ shes bya chos can/ du
ba du ldan la la me yod par sgrub pa'i 'bras rtags yang dag yin par
thal/ du ba yod na du ldan la la me yod

par sgrub pa'i 'bras rtags yang dag yod pa'i phyir/ 'dod na/ du ba yod
na me yod pas khyab par thal/ 'dod pa'i phyir/ 'khor gsum/ ! kha cig
gis/ me yod na

du ba yod pas khyab zer na/ shes bya chos can/ du ba du ldan la la
me yod par sgrub pa'i mthun phyogs la rnam gnyis su 'jug pa'i 'bras
rtags yang dag yin par thal/ shes bya

@018b dang gcig gang zhig /de phyir 'bras rnam gnyis su 'jug /zhes pa'i
lung don grub pa'i phyir/ 'dod na/ shes bya chos can/ me yod na/ du
ba yod pas ma khyab par thal/ 'dod

pa'i phyir/ 'khor gsum/ ! mtshan gzhi'i steng du mtshan nyid nges byed
kyi tshad ma bshad pa la/ du ba chos can/ du ldan la la me yod par
sgrub pa'i 'bras rtags yang dag yin par

thal; de sgrubs kyi sgrub rtags yang dag gang zhig /du ba me'i 'bras
bu yin pa'i phyir/ dang po grub ste/ khyod de sgrub kyi rtags yang
dag gang zhig /me sgrub pa yin pa'i phyir/ ; rtags

chos don rnams ngos bzung ba la/ dam bca' bzhag pa dang/ sgrub
byed 'god pa gnyis/ dang po ni/ du ba du ba'i rtags kyis du ldan la la
me yod par sgrub pa'i gtan tshig yin/ du

ba ma yin pa las log pa/ du ba yod pa/ du ldan la la'i du ba rnams/ du
ba'i rtags kyis du ldan la la me yod par sgrub pa'i gtan tshigs ma yin/
me yod pa de/ du ldan la la me

yod par sgrub pa'i dngos kyi sgrub bya'i chos su bzung bya dang/ du
ba'i rtags kyis du ldan la la me yod par sgrub pa'i dngos kyi sgrub
bya'i chos su bzung bya gnyis ka yin/ me tshad mas

@019a @#/ /dmigs pa/ me tsha zhing bsreg pa rnams du ba'i rtags kyis du
ldan la la me yod par sgrub pa'i dngos kyi sgrub bya'i chos su bzung
bya yin kyang/ du ldan la la me yod par

sgrub pa'i dngos kyi sgrub bya'i chos su bzung bya ma yin/ ! gnyis pa
sgrub byed 'god pa ni/ du ba chos can/ khyod khyod kyi rtags kyis du
ldan la la me yod par sgrub pa'i gtan tshigs

yin par thal/ khyod bdag med yin pa'i phyir/ du ba ma yin pa las log
pa/ du ba yod pa/ du ldan la ya'i du pa rnams du ba'i rtags kyis du
ldan la la me yod par sgrub pa'i gtan

tshigs ma yin te/ gal te yin na/ de rnams re re nas chos can/ du ba
dang gcig yin par thal/ 'dod pa'i phyir/ gzhan yang du ba yod pa
chos can/ khyod du ba'i rtags kyis de

sgrub kyi gtan tshigs ma yin par thal/ du ba'i rtags kyis de sgrub kyi
gtan tshigs yang dag kyang ma yin/ du ba'i rtags kyis de sgrub gyi
gtan tshigs ltar snang yang ma yin pa'i phyir/ dang po

sgrub ste/ du ba'i rtags kyis de sgrub kyi 'bras rang ma dmigs pa'i
rtags yang dag gsum po gang rung ma yin pa'i phyir te/ du ba'i rtags
kyis de sgrub kyi 'bras rtags yang dag kyang ma yin

@019b de sgrub kyi rang bzhin gyi rtags yang dag kyang ma yin/ de
sgrub kyi ma dmigs pa'i rtags yang dag kyang ma yin pa'i phyir/ dang
po grub ste/ khyod me'i 'bras bu ma yin pa'i phyir/ gnyis pa ma

grub na/ de chos can/ du ba'i rtags kyis de sgrub kyi rang bzhin gyi
rtags yang dag ma yin par thal/ de bkod kyi rang bzhin gyi rtags
yang dag med pa'i phyir/ ma grub na/ du ba chos can/

khyod kyi rtags kyis de sgrub kyi rang bzhin gyi rtags yang dag med
par thal/ khyod de sgrub kyi 'bras rtags yang dag yin pa'i phyir/ gsum
pa grub ste/ du ba'i rtags kyis de sgrub kyi ma dmigs

pa'i rtags yang dag med pa'i phyir/ rtsa rtags gnyis pa ma grub na/ du
ba yod pa chos can/ du ba'i rtags kyis de sgrub kyi gtan tshig ltar
snang yod par thal/ khyod yod khyod de yin pa'i

phyir; 'dod na/ de chos can/ khyod kyi rtags kyis de sgrub kyi rtags
ltar snang med par thal/ khyod de sgrub kyi rtags yang dag yin pa'i
phyir/ du ldan la la'i du ba de du ba'i rtags kyi

de sgrub kyi gtan tshig ma yin te/ gal te yin na/ de chos can/ du ba'i
ldog pa yin par thal/ 'dod pa'i phyir/ gzhan yang/ du ldan la la'i me
de du ba'i rtags kyis de sgrub 

@020a @#/ /kyi dngos kyi sgrub bya'i chos su bzung bya yin par thal/ du
ldan la la'i du ba de/ de bkod kyi gtan tshigs yin pa'i phyir/ 'dod na/
gong du bkag zin pa'i phyir/

du ba yod pa de/ du ba'i rtags kyis de sgrub kyi sgrub bya'i chos su
bzung bya yin te/ de yin pa gong du bsgrubs zin pa'i phyir/ me yod pa
de/ du ldan la la me yod par

bsgrub bya'i dngos kyi sgrub bya'i chos su bzung bya yin te/ de de
sgrub kyi dngos kyi sgrub bya'i chos su bzung bya yang yin/ me tshad
mas dmigs pa'i mtshon bya yang

yin pa'i phyir/ me tshad mas dmigs pa de/ du ldan la la me yod par
sgrub pa'i dngos kyi sgrub bya'i chos su bzung bya ma yin te/ de de
sgrub kyi rtags yang dag yin pa'i phyir te/

de de sgrub kyi tha snyad 'ba' zhig sgrub kyi rtags yang dag yin pa'i
phyir/ me tshad mas dmigs pa de/ du ba'i rtags kyi de sgrub kyi dngos
kyi sgrub bya'i chos su bzung bya yin te/ du ba'i

rtags kyis de sgrub kyi dngos kyi sgrub bya'i chos su bzung bya yang
yin/ mtshan nyid kyang yin pa'i gzhi mthun pa yod pa'i phyir/ ma grub
na/ du ba chos can/ khyod kyi rtags kyis de sgrub

@020b dngos kyi sgrub bya'i chos su bzung bya yang yin/ mtshan nyid
kyang yin pa'i gzhi mthun pa yod par thal/ khyod de sgrub kyi don
grub kyi rtags yang dag yin pa'i phyir/ ma grub na/ shes bya chos

can; de de sgrub kyi don grub kyi rtags yang dag yin par thal/ de
sgrub kyi don sgrub kyi rtags yang dag yod pa'i phyir/ ma grub na/
gzhi de mtshon bya yin na/ chos de gzhi der sgrub pa'i

don grub kyi rtags yang dag med dgos par thal/ ma grub pa de'i
phyir/ 'dod na/ tsha zhing sreg pa mtshan nyid ma yin par thal/ tsha
zhing bsreg par yod pa mtshon bya ma yin pa'i phyir/ ma

grub na/ du ba chos can/ khyod du ldan la la tsha zhing bsreg pa yod
par sgrub pa'i 'bras rtags yang dag yin par thal/ khyod de sgrub kyi
sgrub rtags yang dag gang zhig /khyod tsha zhing bsreg pa'i

'bras bu yin pa'i phyir/ 'dod na/ song/ du ba chos can/ khyod kyi rtags
kyis de sgrub kyi dngos kyi sgrub bya'i chos su bzung bya yang yin/
khyod kyi rgyu yang yin pa'i gzhi mthun pa yod par thal/

khyod de sgrub kyis 'bras rtags yang dag yin pa'i phyir/ 'dod na/ tsha
zhing bsreg pa de de 'dra ba'i gzhi mthun pa yin par thal/ 'dod pa'i
phyir/ 'dod na/ du ba chos can/ tsha zhing 

@021a @#/ /bsreg pa de khyod kyi rtags kyis de sgrub kyi dngos kyi sgrub
bya'i chos su bzung bya yin par thal/ 'dod pa'i phyir/ 'dod na/ du ba
chos can/ khyod kyi rtags kyis de sgrub kyi dngos

kyi sgrub bya'i chos su bzung bya yang yin/ mtshan nyid kyang yin pa'i
gzhi mthun pa yod par thal/ 'dod pa gang zhig /tsha zhing bsreg pa
mtshan nyid yin pa'i phyir/ 'dod na/

du ba chos can/ khyod de sgrub kyi don grub kyi rtags yang dag yin
par thal/ khyod de sgrub kyi rtags yang dag gang zhig /'dod pa'i
phyir/ 'dod mi nus te/ du ldan la la tsha

zhing bsreg pa yod par sgrub pa'i don grub kyi rtags yang dag med
pa'i phyir/ tsha zhing bsreg pa yod pa mtshan bya yin pa'i phyir/ 'khor
gsum/ me de/ du ba'i rtags

kyi de sgrub kyi dngos kyi sgrub bya'i chos su bzung bya yin te/ du
ba'i rtags kyis de sgrub kyi dngos kyi sgrub bya'i chos su bzung bya
yang yin/ du ba'i rgyu yang yin pa'i gzhi mthun pa

yod pa'i phyir/ ma grub na/ du ba chos can/ khyod kyi rtags kyis du
ldan la la me yod par sgrub pa'i dngos kyi sgrub bya'i chos su bzung
bya yang yin/ khyod kyi rgyu yang yin pa'i

@021b gzhi mthun pa yod par thal/ khyod de sgrub kyi 'bras rtags
yang dag yin pa'i phyir/ me de/ du ldan la la me yod par sgrub pa'i
dngos kyi sgrub bya'i chos su bzung bya yin te/ de yin

pa ni gong du bsgrubs zin pa'i phyir/ tsha zhing bsreg pa de/ du ba'i
rtags kyis de sgrub kyi dngos kyi sgrub bya'i chos su bzung bya yin
te/ du ba'i rtags kyis de sgrub kyi dngos kyi sgrub bya'i

chos su bzung bya yang yin/ mtshan nyid kyang yin pa'i gzhi mthun pa
yod pa'i phyir/ ma grub na/ du ba chos can/ khyod kyi rtags kyis de
'dra'i gzhi mthun yod par thal/ khyod

de sgrub kyi don grub kyi rtags yang dag yin pa'i phyir/ tsha zhing
bsreg pa de/ du ldan la la me yod par sgrub pa'i dngos kyi sgrub bya'i
chos su bzung bya ma yin te/ de de sgrub kyi rtags

yang dag yin pa'i phyir/ ! gnyis pa rang bzhin gyi rtags yang dag
bshad pa la/ mtshan nyid/ dbye ba/ mtshan gzhi'i steng du mtshan nyid
nges byed kyi tshad ma bshad pa/ rtags

chos don gsum ngos bzung ba dang bzhi/ dang po la/ kha cig na re/
khyod de sgrub kyi rtags yang dag gang zhig/ de sgrub kyi dngos kyi
sgrub bya'i chos su bzung bya yang yin/ khyod

@022a @#/ /kyi rgyu yang yin pa'i gzhi mthun pa mi srid pa de/ khyod de
sgrub kyi rang bzhin gyi rtags yang dag gi mtshan nyid zer na/ du ba
chos can/ mtshon bya der thal/ mtshan

nyid de'i phyir/ dang po sla/ gnyis pa der thal/ me de de 'dra'i gzhi
mthun pa ma yin pa'i phyir/ me de du ldan la la me yod par sgrub pa'i
dngos kyi sgrub bya'i chos su bzung bya ma

yin pa'i phyir/ rtsa bar 'dod mi nus te/ de sgrub kyi 'bras rtags yang
dag yin pa'i phyir/ byas pa la/ kho na re/ gang du ba yod na me yod
pas khyab/ dper na/ rung

khang tshang mang bzhin/ du ldan la la yang du ba yod do/ /zhes pa'i
sgrub dag chos can/ khyod de sgrub kyi rang bzhin gyi rtags yang
dag gi sgrub ngag yang dag ma yin par thal/ khyod

de sgrub kyi 'bras rtags yang dag gi sgrub ngag yang dag yin pa'i
phyir/ khyab pa khas zer na/ mi mtshungs so/ /ma grub na/ der thal/ de
sgrub kyi 'bras rtags yang dag gi sgrub

ngag yod pa'i phyir te/ du ba de sgrub kyi 'bras rtags yin pa'i phyir/
rtsa bar 'dod na/ de 'dra'i sgrub ngag chos can/ khyod de sgrub gyi
rang bzhin gyi rtags yang dag gi sgrub ngag

@022b yang dag yin par thal/ khyod du ba yod pa'i rtags kyis de sgrub
kyi rang bzhin gyi rtags yang dag gi sgrub ngag yang dag yin pa'i
phyir/ ma grub na/ shes bya chos can/ der thal/ shes

bya dang gcig gang zhig /du ba yod pa'i rtags kyis de sgrub kyi rang
bzhin gyi rtags yang dag yod pa'i phyir/ du ba yod pa de de yin pa'i
phyir/! kha cig gis/ de sgrub kyi rtags

yang dag gang zhig /de sgrub kyi dngos kyi sgrub bya'i chos su
bzung bya yang yin/ khyod dang rdzas tha dad kyang yin pa'i gzhi
mthun pa mi srid pa de/ de sgrub kyi rang bzhin gyi rtags yang dag
gi

mtshan nyid zer na/ du ba chos can/ du ldan la la me yod par sgrub
pa'i rang bzhin gyi rtags yang dag yin par thal/ mtshan nyid de'i
phyir/ gnyis pa ma grub na/ me de de 'dra ba'i

gzhi mthun pa yin par thal/ ma grub pa de'i phyir/ 'dod na/ sngar
ltar ro/ ! /rang lugs ni/ khyod de sgrub kyi sgrub rtags yang dag yin
pa gang zhig khyod kyi rtags kyis de sgrub

gyi dngos kyi sgrub bya'i chos su bzung bya yang yin/ khyod kyi rgyu
yang yin pa'i gzhi mthun pa mi srid pa de/ khyod de sgrub kyi rang
bzhin gyi rtags yang dag yin pa'i mtshan nyid/ yang na/

@023a @#/ /rang bzhin gyi tshul gsum yin pa zhes sogs 'bras rtags kyis
mtshon par gyis/ sgra mi rtag par sgrub pa'i rang bzhin gyi rtags yang
dag la dbye na/ sgra mi rtag par bsgrub

ba'i khyad par ltos pa pa'i rang bzhin gyi rtags yang dag dang/ sgra
mi rtag par bsgrub ba'i khyad par dag pa pa'i rang bzhin gyi rtags
yang dag gnyis/ de gnyis kyi khyad par la/ kha

cig gis/ de sgrub kyi rang bzhin gyi rtags yang dag gang zhig /rang
gi don spyi 'char ba/ rang gi khyad par byed chos kyi don spyi 'char
ba la ltos pa/ dang po'i mtshan nyid/ de gang

zhig /de las log pa gnyis pa'i mtshan nyid/ zer na/ kha cig gis/ dngos
po chos can/ sgra mi rtag par sgrub pa'i khyad par ltos pa pa'i rang
bzhin gyi rtags yang dag yin

par thal/ mtshan nyid de'i phyir/ dang po sla/ gnyis pa ma grub na/
dngos po chos can/ der thal/ rang gi don spyi 'char ba rang gi
khyad par byed chos don byed nus pa'i don spyi

'char ba la ltos pa'i phyir zer na/ shes bya chos can/ dngos po'i don
spyi 'char ba dngos po'i khyad par byed chos don byed nus pa'i don
spyi 'char ba la mi ltos par thal/ dngos po'i sgra spyi

@023b rkyang pa 'dzin pa'i rtog pa yod pa'i phyir/ rang gis skyon 'phen
na/ sgra mi rtag par bsgrub pa'i khyad par ltos pa pa'i rang bzhin gyi
rtags yang dag gi mtshan gzhi ngos bzung byas pa la/ byas

pa de de yin zer na/ byas pa chos can/ rang gi don spyi 'char ba rang
gi khyad par byed chos kyi don spyi 'char ba la ltos par thal/ mtshon
bya de'i phyir/ 'dod na/ byas pa chos can/ rang

gi don spyi 'char ba rang nyid byed pa po'i don spyi 'char ba la ltos
par thal/ 'dod pa'i phyir/ 'dod na/ de de la mi ltos par thal/ byas pa
byed pa po'i don spyi ma shar bar byas pa'i don spyi

shar ba yod pa'i phyir te/ byas pa 'dzin pa'i rtog pa la byas pa'i don
spyi shar ba gang zhig /de la byas pa byed pa po'i don spyi ma shar ba'i
phyir/ dang po ma grub na/ byas pa chos can/

khyod 'dzin pa'i rtog pa la khyod kyi don spyi shar ba thal/ khyod
bdag med yin pa'i phyir/ gnyis pa ma grub na/ byas pa 'dzin pa'i rtog
pa la byas pa byed pa po dngos su snang bar thal/

de la byas pa byed pa po'i don spyi shar ba'i phyir/ 'dod na/ byas pa
zhes brjod pa'i sgras byas pa byed pa po dngos su brjod par thal/ 'dod
pa'i phyir/ 'dod mi nus te/ des de shugs

@024a @#/ /la brjod pa'i phyir/ ! /kha cig gis de sgrub kyi rang bzhin gyi
rtags yang dag gang zhig /rang gi dngos ming las rang gi ngo bo
nges pa/ rang gi dngos ming las rang gi

khyad par byed chos nges pa la ltos pa dang po'i mtshan nyid/ de
gang zhig /de la mi ltos pa gnyis pa'i mtshan nyid/ zer na/ gnyis pa'i
mtshan gzhi ngos bzung byas pa la dngos po

de de yin/ zer na/ dngos po chos can/ sgra mi rtag par bsgrub pa'i
khyad par ltos pa po'i rang bzhin gyi rtags yang dag yin par thal/
mtshan nyid de'i phyir/ dang po sla/

gnyis pa ma grub na/ dngos po chos can/ rang gi dngos ming las
rang gi ngo bo nges pa/ rang gi dngos ming las rang gi khyad par
byed chos nges pa la ltos par thal/ rang gi

dngos ming las rang gi ngo bo nges pa/ rang gi dngos ming las rang
gi khyad par byed chos rang ma yin pa las log par nges pa la ltos
pa'i phyir te/ khyod kyi yin pa yod pa'i

phyir/ kha cig gis/ de sgrub kyi rang bzhin gyi rtags yang dag gang
zhig /rang zhes brjod pa'i sgras rang gi khyad par byed chos 'phen
pa/ dang po'i mtshan nyid/

@024b de gang zhig de mi 'phen pa gnyis pa'i mtshan nyid/ mtshan gzhi
rim pa ltar/ byas pa dang po dang/ dngos po gnyid pa yin zer na/
dngos po chos can/ sgra mi rtag par sgrub

pa'i khyad par ltos pa po'i rang bzhin gyi rtags yang dag yin par
thal/ mtshan nyid dang po de'i phyir/ dang po ma grub na/ der thal/
sgra mi rtag par sgrub pa'i khyad par dag pa

pa'i rang bzhin gyi rtags yang dag yin pa'i phyir/ 'khor gsum/ gnyis
pa ma grub na/ dngos po chos can/ rang zhes brjod pa'i sgras rang
gi khyad par byed chos rang ma yin pa

las log pa 'phen pa'i phyir te/ khyod kyi yin pa yod pa'i phyir/ rtsa bar
'dod na/ dngos po chos can/ rang zhes brjod pa'i sgras rang gi
khyad par byed chos 'phen par thal/ 'dod

pa'i phyir/ khyab pa las/ 'dod na/ mi 'phen par thal/ de sgrub kyi khyad
par dag pa po'i rang bzhin gyi rtags yang dag yin pa'i phyir/ 'khor
gsum/ kha cig /de gang

zhig /rang zhes brjod pa'i skas rang nyid byed pa po 'phen pa dang
po'i mtshan nyid/ de gang zhig /de mi 'phen pa gnyis pa'i mtshan nyid/
mtshan gzhi sngar ltar zer na/ shes bya

@025a @#/ /chos can/ sgra mi rtag par sgrub pa'i rang bzhin gyi rtags
yang dag gang zhig /rang zhes brjod pa'i sgras byas pa byed pa po
'phen na/ sgra mi rtag par sgrub pa'i khyad par ltos pa po'i rang
bzhin gyi rtags yang

dag yin dgos par thal/ mtshan nyid dang po 'thad pa'i phyir/ 'dod na/
byas pa'i bye brag chos can/ der thal/ de'i phyir/ dang po sla/ gnyis pa
ma grub na/ byas pa'i bye brag zhes brjod pa'i sgras byas

pa byed pa po 'phen par thal/ byas pa zhes brjod pa'i sgras byas pa
byed pa po 'phen pa'i phyir/ ma grub na/ byas pa chos can/ rang zhes
brjod pa'i sgras rang nyid byed pa po 'phen par thal/ sgra mi rtag par
bsgrub pa'i

khyad par ltos pa'i rang bzhin gyi rtags yang dag yin pa'i phyir/
'khor gsum/ rtsa bar 'dod na/ byas pa'i bye brag chos can/ rang zhes
brjod pa'i sgras rang nyid byed pa po 'phen par thal/ 'dod pa'i phyir/
khyab

pa khas/ 'dod na/ byas pa'i bye brag chos can/ rang nyid byed pa po
yod par thal/ 'dod pa gang zhig /rang zhes brjod pa'i sgra de sgra
don mthun pa'i phyir te/ khyod yod pa'i phyir/ 'dod mi nus te/ khyod
rtag pa yin pa'i

phyir; !/rang lugs ni/ rang zhes brjod pa'i sgras rang gi khyad chos
su 'phang ba yang yin/ rang gi khyad chos kyang yin pa'i gzhi mthun
pa srid pa yang yin/ sgra mi rtag par sgrub pa'i rang bzhin gyi

@025b rtags yang dag kyang yin pa'i gzhi mthun pa de/ rang nyid
sgra mi rtag par sgrub pa'i khyad par ltos pa po'i rang bzhin gyi
rtags yang dag yin pa'i mtshan nyid/ rang zhes brjod pa'i sgras

rang gi khyad chos su 'phangs pa yang yin/ rang gi khyad chos
kyang yin pa'i gzhi mthun pa mi srid pa yang yin/ sgra mi rtag par
sgrub pa'i rang bzhin gyi rtags yang dag kyang yin pa'i gzhi

mthun pa de/ rang nyid sgra mi rtag par sgrub pa'i khyad par dag pa
pa'i rang bzhin gyi rtags yang dag yin pa'i mtshan nyid/ dang po la
dbye na/ rang zhes brjod pa'i sgras rang gi khyad chos rang

dang rdzas gzhan 'phen pa'i sgra mi rtag par sgrub pa'i khyad par
ltos pa pa'i rang bzhin gyi rtags yang dag dang/ rang zhes brjod pa'i
sgras rang gi khyad chos rang dang rdzas gzhan mi 'phen

pa'i sgra mi rtag par sgrub pa'i khyad par ltos pa pa'i rang bzhin gyi
rtags yang dag gnyis/ dang po la/ rang zhes brjod pa'i sgras rang
nyid khyad chos rang dang rdzas gzhan dngos su

'phen pa dang/ de shugs la 'phen pa gnyis/ mtshan gzhi ni/ rtsol byung
de/ dung sgra mi rtag par sgrub pa'i dang po yin/ byas pa de rang
zhes brjod pa'i sgras rang gi khyad chos

@026a @#/ /rang dang rdzas gzhan shugs la 'phen pa'i sgra mi rtag par
sgrub pa'i khyad par ltos pa'i rang bzhin gyi rtags yang dag dang/ dngos
po de/ sgra mi rtag par sgrub pa'i

khyad par dag pa pa'i rang bzhin gyi rtags yang dag yin/ ! /yang sgra
mi rtag par bsgrub pa'i rtags yang dag la dbye na/ sgra mi rtag par
bsgrub pa'i mthun phyogs la khyab byed

du 'jug pa'i rang bzhin gyi rtags yang dag dang/ sgra mi rtag par
bsgrub pa'i mthun phyogs la rnam gnyis su 'jug pa'i rang bzhin gyi
rtags yang dag gnyis/ ! mtshan

gzhi rim pa ltar/ byas pa dang po dang/ byas pa'i bye brag gnyis pa
yin/ ! de bsgrub pa ni/ byas pa de dang po yin te/ byas pa de sgra mi
rtag par sgrub pa'i rang bzhin gyi

rtags yang dag gang zhig /mi rtag pa yin na/ byas pa yin pas khyab
pa'i phyir/ byas pa'i bye brag de/ gnyis pa yin te/ byas pa'i bye brag sgra
mi rtag par sgrub pa'i rang bzhin

gyi rtags yang dag gang zhig /mi rtag pa yin na/ byas pa'i bye brag
yin pas ma khyab pa'i phyir/ ! de la kho na re/ byas pa'i bye brag chos
can/ mi rtag pa yin par thal/ sgra

@026b mi rtag par sgrub pa'i rtags yang dag yin pa'i phyir zer na/ ma
khyab te/ btags yod chos gsum tshang ba chos can/ mtshon bya yin par
thal/ bum pa mtshon byar sgrub pa'i rtags yang dag

 yin pa'i phyir/ khyab pa khas/ ! mtshan gzhi'i steng du mtshan nyid nges
byed kyi tshad ma bshad pa la/ byas pa chos can/ sgra mi rtag par
sgrub pa'i rang bzhin gyi rtags yang dag yin par

thal; mtshan nyid de'i phyir/ ! rtags chos don gsum ngos bzung ba la/
byas pa byas pa'i rtags kyi sgra mi rtag par sgrub pa'i gtan tshigs yin/
byas pa ma yin pa las log pa/ skyes

pa/ sgra byas pa rnams re re nas/ byas pa'i rtags kyi sgra mi rtag par
sgrub pa'i gtan tshigs ma yin pa'i phyir te/ gal te yin na/ de rnams re
re nas chos can/ byas pa'i ldog pa

yin par thal/ dam bca' 'thad pa'i phyir/ khyab ste/ byas pa'i rtags kyis
sgra mi rtag par sgrub pa'i gtan tshigs yin na/ byas pa'i ldog pa yin
dgos pa'i phyir te/ de yin

na; byas pa'i rtags kyis sgra mi rtag par sgrub pa'i rtags chos tha
dad med na ma grub pa'i gtan tshigs yin dgos pa'i phyir/ de la kho na
re/ byas pa ma yin pa las log pa de/ byas pa'i

@027a @#/ /rtags kyis sgra mi rtag par sgrub pa'i gtan tshigs yin par thal/
mi rtag pa ma yin pa las log pa de/ byas pa'i rtags kyis sgra mi rtag
par sgrub pa'i sgrub bya'i chos

yin pa'i phyir/ zer na ma khyab ste/ shes bya chos can/ sgra ma yin pa
las log pa de/ byas pa'i rtags kyis sgra mi rtag par sgrub pa'i shes
'dod chos can yin par thal/ mi

rtag pa ma yin pa las log pa de/ byas pa'i rtags kyis sgra mi rtag par
bsgrub pa'i sgrub bya'i chos yin pa'i phyir/ khyab pa khas/ 'dod na/
rtags sngar ltar byed do/ ! mi rtag

pa de/ byas pa'i rtags kyis sgra mi rtag par sgrub pa'i dngos kyi sgrub
bya'i chos su bzung bya dang/ sgra mi rtag par sgrub pa'i sgrub bya'i
chos su bzung bya gnyis ka yin/ ! skad cig ma/

byas pa'i rtags kyis sgra mi rtag par sgrub pa'i dngos kyi sgrub bya'i
chos su bzung bya yin te/ byas pa'i rtags kyis sgra mi rtag par sgrub
pa'i dngos kyi sgrub bya'i chos su bzung bya yang yin/

mtshan nyid kyang yin pa'i gzhi mthun pa yod pa'i phyir/ ma grub na/
byas pa chos can/ khyod kyi rtags kyis sgra mi rtag par sgrub pa'i
dngos kyi sgrub bya'i chos su bzung bya yang yin/

@027b mtshan nyid kyang yin pa'i gzhi mthun yod par thal/ khyod
sgra mi rtag par sgrub pa'i don grub kyi rtags yang dag yin pa'i phyir
te/ khyod sgra skad cig mar sgrub pa'i rtags yang dag gang zhig /

skad cig ma mi rtag pa'i don ldog yin pa'i phyir/ skad cig ma sgra mi
rtag par sgrub pa'i dngos kyi sgrub bya'i chos su bzung bya ma yin te/
skad cig ma sgra mi rtag par sgrub pa'i rtags yang

dag yin pa'i phyir/ ! //gsum pa ma dmigs pa'i rtags yang dag bshad pa
la/ mtshan nyid/ dbye ba/ mtshan gzhi'i steng du mtshan nyid nges byed
kyi tshad ma bshad pa/

rtags chos don gsum dgag chos dang bcas pa ngos bzung ba dang
bzhi/ dang po ni/ khyod de sgrub kyi ma dmigs pa'i rtags yang dag yin
pa gang zhig /khyod kyi rtags kyis de sgrub kyi

dngos kyi sgrub bya'i chos su bzung bya yang yin/ dgag pa yang yin
pa'i gzhi mthun pa srid pa de/ khyod de sgrub kyi ma dmigs pa'i rtags
yang dag yin pa'i mtshan nyid/ ! kha cig

gis; rtags dngos gnyis kyis stong pa'i me dgag pa yin kyang/ du ba du
ldan la la rtags ngos gnyis kyis stong pa'i me yod par sgrub pa'i
'bras rtags yang dag yin zer na/ mi

@028a @#/ /mi 'thad de/ de de sgrub kyi dgag rtags yang dag yin pa'i
phyir/ ma grub na/ du ba chos can/ /khyod du ldan la la rtags dngos
gnyis kyis stong pa'i me yod par sgrub

pa'i dgag rtags yang dag yin par thal/ khyod de sgrub kyi rtags
yang dag gang zhig /kyod kyi rtags kis de sgrub kyi dngos kyi sgrub
bya'i chos su bzung bya yang yin/ dgag pa yang

yin pa'i gzhi mthun srid pa'i phyir/ ma khyab na/ khyod rang gi lugs
la dgag rtags yang dag dang/ sgrub rtags yang dag gi mtshan nyid
bzhog byas pa la/ kho na re/ khyod de sgrub kyi rtags yang dag
gang zhig /khyod na re/ khyod de

sgrub kyi rtags yang dag gang zhig /khyod kyi rtags kyis de sgrub
kyi dngos kyi sgrub bya'i chos su bzung bya yang yin/ me dgag kyang
yin pa'i gzhi mthun pa srid pa de/ dang po'i

mtshan nyid/ de gang zhig /khyod kyi rtags kyis de sgrub kyi dngos
kyis sgrub bya'i chos su bzung bya yang yin/ ma yin dgag dang sgrub
pa gang rung yang yin pa'i gzhi mthun pa srid pa

de; gnyis pa'i mtshan nyid zer na/ byas pa chos can/ khyod bum pa
gang zag gi bdag med yod par sgrub pa'i dgag rtags yang dag yin
par thal/ khyod de sgrub kyi rtags

@028b yang dag gang zhig /khyod kyi rtags kyis de sgrub kyi dngos
kyi sgrub bya'i chos su bzung bya yang yin/ med dgag kyang yin pa'i
gzhi mthun pa yod pa'i phyir te/ gang zag gi bdag med de

de 'dra'i gzhi mthun pa yin pa'i phyir te/ dang po gang zhig /phyi ma
yin pa'i phyir/ dang po ma grub na/ shes bya chos can/ der thal/ rtag
dngos gnyis kyis stong pa'i me de/ du ba'i

rtags kyis du ldan la la rtags dngos gnyis kyis stong pa'i me yod apr
agrub ba'i dngos kyi sgrub bya'i chos su bzung bya yin pa'i phyir/ rtsa
bar 'dod na/ byas pa chos can/ khyod de sgrub kyi dgag

rtags yang dag ma yin par thal/ sgrub rtags yang dag yin pa'i phyir
te/ khyod de sgrub kyi rtags yang dag gang zhig /khyod kyi rtags kyi
de sgrub kyi dngos kyi sgrub bya'i chos su bzung bya

yang yin/ ma yin dgag dang sgrub pa gang rung yang yin pa'i gzhi
mthun pa yod pa'i phyir/ ma grub na/ gang zag gi bdag med chos can/
khyod yod pa ma yin dgag yin par thal/

khyod med dgag yin pa'i phyir/ ! gnyis pa ma dmigs pa'i rtags yang
dag la dbye na/ mi snang ba ma dmigs pa'i rtags yang dag dang/
snang rung ma dmigs pa'i rtags yang

@029a @#/ /dag gnyis/ dang po la/ mtshan nyid dang/ dbye ba gnyis/ dang
po la/ ! kha cig gis/ khyod de sgrub kyi ma dmigs pa'i rtags yang dag
gang zhig /khyod

de sgrub pa la phyogs chos can du song ba'i gang zag la de sgrub
kyi shes 'dod chos can gyi steng du de sgrub kyi dgag bya'i chos su
btags pa'i don bskal don yin pa/ khyod de sgrub kyi mi

snang ba ma dmigs pa'i rtags yang dag gi mtshan nyid zer na/ byas pa
sgra rtag pa ma yin par sgrub pa la/ phyogs chos can du song ba'i
gang zag chos can/ khyod la sgra rtag pa bskal

don yin par thal/ khyod sgra rtag mi rtag the tshom za ba'i gang zag
yin pa'i phyir/ 'dod na/ de chos can/ khyod la sgra'i steng du rtags
bskal don yin par thal/ 'dod pa'i phyir/

'dod na/ byas pa sgra rtag pa ma yin par sgrub pa'i snang rung ma
dmigs pa'i rtags yang dag yin par thal/ de de sgrub kyi rtags yang
dag yin pa'i phyir/ 'dod na/ byas pa

chos can/ de sgrub kyi snang rung ma dmigs pa'i rtags yang dag ma
yin par thal/ de sgrub kyi mi snang ba ma dmigs pa'i rtags yang dag
yin pa'i phyir te/ khyod de sgrub kyi ma

@029b dmigs pa'i rtags yang dag gang zhig /khyod de sgrub la phyogs
chos can du song ba'i gang zag la sgra'i steng du rtag pa bskal don
yin pa'i phyir/ 'khor gsum/ ! rang lugs ni/

de sgrub kyi ma dmigs pa'i rtags yang dag kyang yin/ de sgrub pa la
phyogs chos can du song ba'i gang zag la de sgrub kyi dgag bya'i
chos su btags pa'i don bskal don yang yin pa'i

gzhi mthun pa de/ de sgrub kyi mi snang ba ma dmigs pa'i rtags yang
dag gi mtshan nyid/ de la dbye na/ de sgrub kyi mi snang ba'i 'brel zla
ma dmigs pa'i rtags yang dag dang/ de

sgrub kyi mi snang ba'i 'gal zla dmigs pa'i rtags yang dag gnyis/
/mtshan nyid rims pa ltar/ khyod de sgrub kyi mi snang ba ma dmigs
pa'i rtags yang dag kyang yin/ med dgag

kyang yin pa'i gzhi mthun pa de dang po'i mtshan nyid/ de gang zhig
/ma yin dgag dang/ sgrub pa gang rung yang yin pa'i gzhi mthun pa
de gnyis pa'i mtshan nyid/ dang po la

dbye na/ mi snang ba'i rgyu khyab byed rang bzhin ma dmigs pa'i
rtags yang dag gsum/ mtshan gzhi rim pa ltar/ sha za bskal don du
song ba'i gang zag gi rgyud la sha za dmigs byed

@030a @#/ /kyi tshad med pa de/ mdun gyi gzhi 'dir sha za bskal don du
song ba'i gang zag gi rgyud la sha za nges pa'i bcad shes don mthun
med par sgrub pa'i dang po yin/ sha za yod pa

bskal don du song ba'i gang za gis sha za yod pa tshad mas ma dmigs
pa de/ mdun gyi gzhi 'dir sha za bskal don song ba'i gang zag gis/ sha
za yod ces dam bca' mi rigs

par sgrub pa'i gnyis pa yin/ sha za bskal don du song ba'i gang zag
gi rgyud la sha za nges pa'i bcad shes don mthun tshad mas ma dmigs
pa de/ mdun gyi gzhi 'dir sha za bskal

don du song ba'i gang zag gi rgyud la sha za nges pa'i bcad shes
don mthun med par sgrub pa'i gsum pa yin/ yod pa de/ mdun gyi gzhi
'dir sha za bskal don du song ba'i gang

zag gi rgyud la sha za nges pa'i bcad shes don mthun med par sgrub
pa'i mi snang ba'i 'gal zla dmigs pa'i rtags yang dag yin/ ! /snang rung
ma dmigs pa'i rtags yang dag

la; mtshan nyid dang/ dbye ba gnyis las/ dang po ni/ de sgrub kyi ma
dmigs pa'i rtags yang dag kyang yin/ de sgrub pa la phyogs chos can
du song ba'i gang zag la de

@030b sgrub kyi dgag bya'i chos su btags pa'i don bskal don ma yin pa
yang yin pa'i gzhi mthun pa de/ de sgrub kyi snang rung ma dmigs pa'i
rtags yang dag gi mtshan nyid/ /de la dbye na/

snang rung gi 'brel zla ma dmigs pa'i rtags yang dag dang/ snang
rung gi 'gal zla dmigs pa'i rtags yang dag gnyis/ mtshan nyid rim pa
ltar/ de sgrub kyi snang rung ma dmigs

pa'i rtags yang dag kyang yin/ med dgag kyang yin pa'i gzhi mthun
pa de/ dang po'i mtshan nyid/ de sgrub kyi snang rung ma dmigs pa'i
rtags yang dag yang yin/ ma yin dgag

dang sgrub pa gang rung yang yin pa'i gzhi mthun pa de/ gnyis pa'i
mtshan nyid/ dang po la/ dbye na/ snang rung gi rgyu/ khyab byed/
rang bzhin/ dngos 'bras ma dmigs pa'i

rtags yang dag dang bzhi/ mtshan nyid rim pa ltar/ snang rung gi
rgyu ma dmigs pa'i tshul gsum yin pa/ snang rung gi rgyu ma dmigs pa'i
rtags yang dag gi mtshan nyid/ /

des 'og ma rnams la rigs 'gre/ ! mtshan gzhi rim pa ltar me med pa de
mtshan mo'i rgya mtshor du ba med par sgrub pa'i dang po dang/ ! shing
med pa de/ shing tshad mas ma dmig

@031a @#/ /pa'i brag rdzod du sha ba med par sgrub pa'i gnyis pa yin
pa/ bum pa tshad mas ma dmigs pa de/ bum pa tshad mas ma dmigs pa'i sa
phyogs su bum pa med par sgrub

pa'i gsum pa dang/ ! dngos 'bras du ba med pa de/ du bas dben pa'i
rtsig skor du du ba'i dngos rgyu med par sgrub pa'i bzhi pa yin/ ! kha
cig gis/ me med dang po

dang; shing med pa gnyis pa yin zer na/ ri bong rVa chos can/ du ba
med par thal/ me med yin pa'i phyir/ yang ri bong rVa chos can/ sha
ba med par thal/ shing med yin pa'i

phyir; khyab pa khas/ rtags gnyis ka grub ste/ gzhi ma grub pa'i phyir/
'dod mi nus te/ du ba me'i dngos 'bras dang/ sha ba shing gi khyab bya
yin pa'i phyir/ ! snang rung

gi 'gal zla dmigs pa'i rtags yang dag la dbye na/ lhan cig mi gnas
'gal la brtan pa'i snang rung 'gal dmigs kyi rtags yang dag dang/
phan tshun spangs 'gal la bsten pa'i

snang rung 'gal dmigs kyi rtags yang dag gnyis/ dang po la/ mtshan
nyid dang/ dbye ba gnyis las/ dang po ni/ me stobs chen pos khyab par
non pa'i shar gyi dngos po'i steng

@031b du grang reg rgyun chags med par bsgrubs pa'i snang rung
'gal dmigs kyi rtags yang dag kyang yin/ grang reg rgyun chags
dang lhan cig mi gnas 'gal yang yin pa'i gzhi mthun pa de/

me stobs chen pos khyab par non pa'i shar gyi dngos po'i steng du
grang reg rgyun chags med par sgrub pa'i lhan cig mi gnas 'gal la
brten pa'i snang rung 'gal dmigs kyi rtags yang dag

gi mtshan nyid/ de la dbye na/ rang bzhin dang 'gal ba'i rang bzhin
dmigs pa'i rtags yang dag /rgyu dang 'gal ba'i rang bzhin dmigs pa'i
rtags yang dag /khyab byed dang

'gal ba'i rang bzhin dmigs pa'i rtags yang dag /rang bzhin dang 'gal
ba'i 'bras bu dmigs pa'i rtags yang dag /rgyu dang 'gal ba'i 'bras bu
dmigs pa'i rtags yang dag dang lnga/

mtshan gzhi rim pa ltar/ me stobs chen pos khyab par non pa'i dngos
po de/ me stobs chen pos khyab par non pa'i shar gyi dngos po'i steng
du grang reg rgyun chags med par sgrub pa'i dang po

dang; me stobs chen pos khyab par non pa'i dngos po de/ me stobs
chen pos khyab par non pa'i shar gyi dngos po'i steng du grang 'bras
spu long byed rgyun chags med par sgrub pa'i gnyis

@032a @#/ /pa dang/ me stobs chen pos khyab par non pa'i dngos po de/
me stobs chen pos khyab par non pa'i shar gyi dngos po'i steng du
kha ba'i reg pa rgyun chags med par sgrub

pa'i gsum pa dang/ du ba drag phyur ba'i khyab par non pa'i dngos po
de/ du ba drag phyur ba'i khyab par non pa'i shar gyi dngos po'i
steng du grang reg rgyun chags med par sgrub pa'i gzhi

pa dang/ du ba drag phyur ba'i khyab par non pa'i dngos po de/ du ba
drag phyur ba'i khyab par non pa'i shar gyi dngos po'i steng du
grang 'bras spu long rgyun chags med par sgrub pa'i lnga pa'i

mtshan gzhi yin/ ! sgra rtag pa ma yin par sgrub pa'i 'gal dmigs kyi
rtags yang dag kyang yin/ rtag pa dang lhan cig mi gnas 'gal ma yin
pa yang yin pa'i gzhi

mthun pa de/ sgra rtag pa ma yin par sgrub pa'i phan tshun spang 'gal
la brten pa'i snang rung 'gal dmigs kyi rtags yang dag gi mtshan
nyid/ byas pa de/ de'i mtshan gzhi yin/

mdun gyi gong bu rVa can rta ma yin par sgrub pa'i 'gal dmigs kyi
rtags yang dag kyang yin/ rta dang lhan cig mi gnas 'gal ma yin pa
yang yin pa'i gzhi mthun pa de/ mdun gyi

@032b gong bu rVa can rta ma yin par sgrub pa'i phan tshun spang 'gal
la brten pa'i 'gal dmigs kyi rtags yang dag gi mtshan nyid/ rVa can de
de'i mtshan gzhi yin/ de la dbye na/ ltos pas

nges pa 'gog pa'i rtags yang dag dang/ nges pas ltos pa 'gog pa'i
rtags yang dag gnyis/ mtshan gzhi rim pa ltar/ gos dkar po chos can/
rang grub tsam nas tshon can du ma nges te/

rang nyid tshon can du 'grub ba rang las phyis 'gyur gi rgyu la ltos
dgos pa'i phyir/ zhes brjod pa'i tshe na de de sgrub kyi ltos pas nges pa
'gog pa'i rtags yang dag yin/ byas pa chos can/

rang nyid 'jig pa rang las phyis 'byung gi rgyu rkyen gzhan la mi
ltos te/ rang grub tsam nas 'jig nges yin pa'i phyir/ zhes brjod pa'i tshe
na/ de de sgrub kyi nges pas ltos pa 'gog

pa'i rtags yang dag yin/ rigs pa 'di la brtan nas mi rtag pa de sgra
byas par sgrub pa'i rtags yang dag ma yin par thal/ byas pa de sgra
mi rtag par sgrub pa'i rtags yin pa'i phyir zer pa

yang legs te/ shes bya chos can/ rang grub tsam nas 'jig nges te/ byas
pa rang nyid 'jig pa rang las phyis 'byung gi rgyu don gzhan la mi
ltos par sgrub pa'i rtags yang dag ma yin

@033a @#/ /par thal/ rang nyid 'jig pa rang las phyis 'byung gi rgyu don
gzhan la mi ltos pa'i dngos po de/ byas pa rang grub tsam nas 'jig
nges su sgrub pa'i rtags yang dag

yin pa'i phyir/ byas pa la kho na re/ rVa can chos can/ mdun gyi gong
bu rVa can rta ma yin par sgrub pa'i lhan cig mi gnas 'gal la brten
pa'i 'gal dmigs kyi rtags yang dag yin

par thal/ de sgrub kyi 'gal dmigs kyi rtags gang zhig /rta dang rdzas
tha dad yin pa'i phyir zer na ma khyab/ 'o na/ khyod rang la shes bya
chos can/ rdzas tha dad yin na

lhan cig mi gnas 'gal yin dgos par thal/ 'dod pa'i phyir/ 'dod na/ me
du ba gnyis chos can/ de thal/ de'i phyir/ 'dod na/ de gnyis chos can/
gnod bya

gnod byed yin par thal/ 'dod pa'i phyir/ 'dod mi nus te/ phan 'dogs
bya 'dogs byed yin pa'i phyir te/ rgyu 'bras yin pa'i phyir/ ! /mtshan gzhi'i
steng du mtshan nyid

nges byed kyi tshad ma bshad pa la/ sha za bskal don du song ba'i
gang zag gi rgyud la sha za dmigs byed kyi tshad ma med pa chos can/
mdun gyi gzhi 'dir sha za bskal don du song ba'i

@033b gang zag gi rgyud la sha za nges pa'i bcad shes don mthun
med par sgrub pa'i ma dmigs pa'i rtags yang dag yin te/ de sgrub kyi
rtags yang dag gang zhig /mdun gyi gzhi 'dir sha

za bskal don du song ba'i gang zag gi rgyud la/ sha za nges pa'i bcad
shes don mthun med pa dgag pa yin pa'i phyir/ yang de chos can/ de
sgrub kyi mi snang ba ma dmigs pa'i rtags

yang dag yin te/ de sgrub kyi ma dmigs pa'i rtags yang dag gang zhig
/khyod de sgrub pa la phyogs chos can du song ba'i gang zag la sha
za bskal don yin pa'i phyir/ phyi ma ma grub na/

mdun gyi gzhi 'dir sha za bskal don du song ba'i gang zag chos can/
khyod la sha za bskal don yin par thal/ khyod chos can de yin pa'i
phyir/ gzhan yang sha za bskal don du

song ba'i gang zag gi rgyud la sha za dmigs byed kyi tshad ma med pa
chos can/ mdun gyi gzhi 'dir sha za bskal don du song ba'i gang zag
gi rgyud la sha za nges pa'i bcad shes don mthun med

par sgrub pa'i mi snang pa'i 'brel zla ma dmigs pa'i rtags yang dag yin
te/ de sgrub kyi mi snang ba ma dmigs pa'i rtags yang dag gang zhig
/de med dgag yin pa'i phyir/ shes bya

@034a @#/ /chos can/ sha za bskal don du song ba'i gang zag gi rgyud
la sha za dmigs byed kyi tshad ma med pa de/ mdun gyi gzhi 'dir sha za
bskal don du song ba'i gang zag gi rgyud

la sha za nges pa'i bcad shes don mthun med par sgrub pa'i mi snang
ba'i 'brel zla'i rgyu ma dmigs pa'i rtags yang dag yin te/ de de sgrub
kyi mi snang ba'i 'brel zla ma dmigs pa'i rtags yang

dag gang zhig /sha za dmigs byed kyi tshad ma de/ sha za nges pa'i
bcad shes don mthun gyi rgyu yin pa'i phyir/ des phyi ma gnyis la rigs
'gre'o/ /yod pa chos can/ mdun gyi gzhi 'dir

sha za bskal don du song ba'i gang zag gi rgyud la sha za nges pa'i
bcad shes don mthun med pa sgrub pa'i 'gal zla dmigs pa'i rtags yang
dag yin par thal/ de de sgrub kyi ma dmigs

pa'i rtags yang dag gang zhig /ma yin dgag dang sgrub pa gang
rung yin pa'i phyir te/ sgrub pa yin pa'i phyir/ byas pa chos can/ sgra
rtag pa ma yin par sgrub pa'i snang rung ma dmigs

pa'i rtags yang dag yin par thal/ de sgrub kyi ma dmigs pa'i rtags
yang dag gang zhig /khyod de sgrub pa la phyogs chos can du song
ba'i gang zag la rtags la bskal don yin pa'i phyir/

@034b dang po sla/ phyi ma ma grub na/ byas pa sgra rtag pa ma yin
par sgrub pa la phyogs chos can du song ba'i gang zag chos can/
khyod la rtag pa bskal don ma yin par thal/ khyod chos can de yin

pa'i phyir/ me med pa chos can/ mtshan mo'i rgya mtshor du ba med par
sgrub ba'i snang rung gi 'grel zla ma dmigs pa'i rtags yang dag yin
te/ de sgrub kyi snang rung ma dmigs pa'i rtags

yang dag gang zhig /med dgag yin pa'i phyir/ shes bya chos can/ me
med pa de mtshan mo'i rgya mtshor du ba med par sgrub pa'i snang
rung gi rgyu ma dmigs pa'i rtags yang dag yin te/ de de

sgrub kyi snang rung ma dmigs pa'i rtags yang dag gang zhig /me du
ba'i rgyu yin pa'i phyir/ des gzhan rnams la rigs 'gre'o/ /yang byas pa
chos can/ sgra rtag pa ma yin par sgrub

pa'i snang rung gi 'gal zla dmigs pa'i rtags yang dag yin par thal/ de
sgrub kyi snang rung ma dmigs pa'i rtags yang dag gang zhig /ma yin
dgag dang sgrub pa gang rung yin pa'i phyir

te/ sgrub pa yin pa'i phyir/ shes bya chos can/ me stobs chen pos khyab
par non pa'i dngos po de/ me stobs chen pos khyab par non pa'i shar
gyi dngos po'i steng du grang reg rgyun

@035a @#/ /chags med par sgrub pa'i lhan cig mi gnas 'gal la brten pa'i
'gal dmigs kyi rtags yang dag yin par thal/ de sgrub kyi 'gal dmigs
kyi rtags yang dag gang

zhig; /me stobs chen pos khyab par non pa'i dngos po de grang reg
rgyun chags dang lhan cig mi gnas 'gal yin pa'i phyir/ byas pa chos
can/ khyod sgra rtag pa ma yin par sgrub pa'i

phan tshun spangs 'gal la brten pa'i 'gal dmigs kyi rtags yang dag yin
par thal/ khyod de sgrub kyi 'gal dmigs kyi rtags yang dag gang
zhig /khyod rtag pa dang lhan cig mi

gnas 'gal ma yin pa'i phyir te/ khyod rtag pa dang rdzas tha dad ma
yin pa'i phyir/ ! /rtags chos don gsum ngos bzung ba la/ dam bca'
bzhag pa dang/ sgrub byed 'gog pa

gnyis; dang po ni/ me med pa de/ me med pa'i rtags kyis mtshan mo'i
rgya mtshor du ba med par sgrub pa'i gtan tshigs yin/ me med de de'i
rtags kyis de sgrub kyi gtan tshigs ma

yin; du ba med pa de/ me med pa'i rtags kyis de sgrub kyi dngos kyi
dngos kyi sgrub bya'i chos su bzung bya dang/ de sgrub kyi dngos kyi
sgrub bya'i chos su bzung bya gnyis ka yin/ du med

@035b de de gnyis ka ma yin/ des shing med sogs la rigs 'dre'o/ /bum pa
tshad mas ma dmigs pa de/ bum pa tshad mas ma dmigs pa'i sa phyogs su
bum pa med par sgrub pa'i gtan

tshigs yin/ bum pa med pa de/ bum pa tshad mas ma dmigs pa'i rtags kyis
de sgrub kyi dngos kyi sgrub bya'i chos su bzung ba dang/ de sgrub
kyi dngos kyi sgrub bya'i chos su bzung bya gnyis

ka yin/ bum pa med pa de de gnyis ka ma yin/ grang reg rgyun chags
med pa de/ me stobs chen pos khyab par non pa'i dngos po'i rtags kyis
me stobs chen pos khyab par non pa'i shar gyi

dngos po'i steng du/ grang reg rgyun chags med par sgrub pa'i
dngos kyi sgrub bya'i chos su bzung bya dang/ de sgrub kyi dngos kyi
sgrub bya'i chos su bzung bya gnyis ka yin/ grang reg rgyun chags

tshad mas ma dmigs pa de/ me stobs chen pos khyab par non pa'i dngos
po'i rtags kyis de sgrub kyi dngos kyi sgrub bya'i chos su bzung bya
yin kyang/ de sgrub kyi dngos kyi sgrub bya'i chos su

bzung bya ma yin/ rtag pa ma yin pa de/ byas pa'i rtags kyis sgra rtag
pa ma yin par sgrub pa'i dngos kyi sgrub bya'i chos su bzung bya
dang/ de sgrub kyi dngos kyi sgrub bya'i chos su bzung bya

@036a @#//gnyis ka yin/ chos dang skad cig ma ma yin pa'i gzhi mthun
pa ma yin pa de/ byas pa'i rtags kyis de sgrub kyi dngos kyi sgrub
bya'i chos su bzung bya yin kyang/ de sgrub

kyi dngos kyi sgrub bya'i chos su bzung bya ma yin/ sha za de/ mdun
gyi gzhi 'dir sha za bskal don du song ba'i gang zag gi rgyud la sha
za nges pa'i bcad shes don mthun med par sgrub pa'i

dgag bya'i chos su btags pa'i don yin kyang/ de sgrub kyi dgag bya'i
chos ma yin/ sha za bskal don du song ba'i gang zag gi rgyud la sha
za nges pa'i bcad shes don mthun de yang/

de sgrub kyi dgag bya'i chos su btags pa'i don yin kyang/ de sgrub kyi
dgag bya'i chos ma yin/ sha za bskal don du song ba'i gang zag gi
rgyud la sha za nges pa'i bcad shes don mthun

yod pa de/ de sgrub kyi dgag bya'i chos dang/ de sgrub kyi dgag bya'i
chos su btags pa'i don gnyis ka yin/ du ba de mtshan mo'i rgya mtshor
du ba med par sgrub pa'i dgag bya'i chos

su btags pa'i don yin kyang/ de sgrub kyi dgag bya'i chos ma yin/ du
ba yod pa de/ mtshan mo'i rgya mtshor du ba med par sgrub pa'i dgag
bya'i chos su btags pa'i don dang/

@036b de sgrub kyi dgag bya'i chos gnyis ka yin/ rtag pa de/ sgra rtag
pa ma yin par sgrub pa'i dgag bya'i chos su btags pa'i don dang/ de
sgrub kyi dgag bya'i chos gnyis ka yin na/!/sgrub

byed kyi rig pa 'god pa ni/ me med pa chos can/ khyod khyod kyi
rtags kyis mtshan mo'i rgya mtshor du ba med par sgrub pa'i gtan tshigs
yin par thal/ khyod gang zag gi bdag med

yin pa'i phyir/ me med de de ma yin/ gal te yin na/ me med chos can/
khyod de sgrub kyi rtags yang dag yin par thal/ khyod me med pa'i
rtags kyis de sgrub kyi rtags yang dag

yin pa'i phyir/ 'dod na/ ri bong rVa chos can/ du ba med par thal/ me
med yin pa'i phyir te/ med pa'i phyir/ 'dod mi nus te/ du ba me'i 'bras bu
yin pa'i phyir/ gzhan

yang; me med chos can/ me med pa'i rtags kyis de sgrub kyi gtan tshigs
ltar snang yin par thal/ me med pa'i rtags kyis de sgrub kyi gtan
tshigs gang zhig /me med pa'i rtags

kyis de sgrub kyis gtan tshigs yang dag ma yin pa'i phyir/ dang po
dngos/ phyi ma ma grub zer na/ de bkod kyi gtan tshigs ltar snang
yod par thal/ 'dod pa'i phyir/ 'dod na/

@037a @#/ /gong du bkag zin pa'i phyir/ 'dis gzhan rnams la'ang rigs
'gra'o/ /du ba tshad mas ma dmigs pa de/ me med pa'i rtags kyis mtshan
ma'i rgya mtshor du ba med

par sgrub pa'i dngos kyis sgrub bya'i chos su bzung bya yin te/ me med
pa'i rtags kyis de sgrub kyi dngos kyi sgrub bya'i chos su bzung bya
yang yin/ mtshan nyid kyang yin pa'i gzhi mthun pa

yod pa'i phyir/ ma grub na/ me med pa chos can/ khyod kyis rtags kyis
de sgrub kyi dngos kyi sgrub bya'i chos su bzung bya yang yin/ mtshan
nyid kyang yin pa'i gzhi mthun pa yod par thal/

khyod de sgrub kyi don grub gyi rtags yang dag yin pa'i phyir/
gzhan yang/ me med pa de/ de sgrub kyi don grub kyi rtags yang dag
yin par thal/ de sgrub kyi don grub kyi rtags yang

dag yod pa'i phyir/ ma grub na/ gzhi de mtshon bya yin na/ /zhes sogs
sngar ltar 'phen/ sha za de mdun gyi gzhi 'dir sha za bskal don du
song ba'i gang zag gi rgyud la sha za

nges pa'i bcad shes don mthun med par sgrub pa'i dgag bya'i chos su
brtags pa'i don yin te/ mdun gyi gzhi 'dir sha za bskal don du song
ba'i gang zag gi rgyud la sha za nges pa'i

@037b bcad shes don mthun med par sgrub pa'i phyi rgol yang dag
des/ mdun gyi gzhi 'dir sha za yod med the tshom za ba'i phyir/ sha za
chos can/ de sgrub kyi dgag bya'i chos ma yin te yod pa'i

phyir; mdun gyi gzhi 'dir sha za bskal don du song ba'i gang zag gi
rgyud la sha za nges pa'i bcad shes don mthun de/ de sgrub kyi dgag
bya'i chos su btags pa'i don yin te/ de sgrub kyi phyi

rgol yang dag des mdun gyi gzhi 'dir sha za bskal don du song ba'i
gang zag gi rgyud la sha za nges pa'i bcad shes don mthun yod med
the tshom za ba'i phyir/ de de sgrub kyi dgag bya'i chos ma yin

te; bum pa de/ bum pa tshad mas ma dmigs pa'i sa phyogs su bum pa med
par sgrub pa'i dgag bya'i chos ma yin pa'i phyir/ sha za bskal don du
song ba'i gang zag gi rgyud la sha za nges

pa'i bcad shes don mthun yod pa de/ de sgrub kyi dgag bya'i chos su
btags pa'i don yin te/ de de sgrub kyi dgag bya'i chos yin pa'i phyir/
sha za bskal don du song ba'i gang zag gi rgyud

la sha za nges pa'i bcad shes don mthun med pa de de'i sgrub bya'i
chos yin pa'i phyir/ du ba de/ mtshan mo'i rgya mtshor du ba med par
sgrub pa'i dgag bya'i chos su btags pa'i don yin te/ de

@038a @#/ /ltar bsgrub pa'i phyi rgol yang dag des/ mtshan mo'i rgya
mtshor du ba yod med the tshom za ba'i phyir/ de de sgrub kyi dgag
bya'i chos ma yin te/ du ba dang phan tshun tha dad de/ du

ba dang phan tshun tha dad tshad mas ma dmigs pa'i sa phyogs su du
ba dang phan tshun tha dad med par sgrub pa'i dgag bya'i chos ma yin
pa'i phyir/ ma grub na/ du ba dang phan tshun tha dad chos can/

de sgrub kyi rtags yang dag gi dgag bya'i chos yin par thal/ de sgrub
kyi rtags yang dag yod/ khyod de sgrub kyi dgag bya'i chos yin pa'i
phyir/ dang po ma grub na/ de chos can/ de

sgrub gyi rtags yang dag yod par thal/ khyod tshad mas ma dmigs pa
de/ de sgrub kyi rtags yang dag yin pa'i phyir/ rtsa bar 'dod na/ du ba
dang phan tshun tha dad chos can/ du ba dang phan

tshun tha dad tshad mas ma dmigs pa'i sa phyogs de/ khyod ma yin par
thal/ khyod de sgrub kyi rtags yang dag gi dgag bya'i chos yin pa'i
phyir/ 'dod na/ du ba chos can/ khyod dang

phan tshun tha dad tshad mas ma dmigs pa'i sa phyogs de/ khyod dang
phan tshun tha dad yin par thal/ khyod de dang tha dad de yang
khyod dang tha dad yin pa'i phyir/ rtags gnyis ka grub ste

@038b du ba'i ldog pa yin pa'i phyir/ gnyis pa rtags yang dag la bsgrub
bya'i chos kyi sgo nas dbye na/ dgag rtags yang dag dang/ sgrub
rtags yang dag gnyis las/ mtshan nyid rim pa ltar/

khyod de sgrub kyi rtags yang dag kyang yin/ khyod kyi rtags kyis
de sgrub kyi dngos kyi sgrub bya'i chos su bzung bya yang yin/ dgag
pa yang yin pa'i gzhi mthun pa srid pa de/ khyod de sgrub kyi

dgag rtags yang dag yin pa'i mtshan nyid/ de dang ma dmigs pa'i rtags
yang dag don gcig /khyod de sgrub kyi rtags yang dag kyang yin/
khyod kyi rtags kyis de sgrub kyi dngos kyi sgrub bya'i chos su
bzung bya yang yin/

sgrub pa yang yin pa'i gzhi mthun srid pa de/ khyod de sgrub kyi
sgrub rtags yang dag yin pa'i mtshan nyid/ de la dbye na/ 'bras rtags
yang dag dang rang bzhin gyi rtags yang dag gnyis/ de gnyis

gang rung yin na/ sgrub rtags yang dag yin pas khyab/ de sgrub kyi
dgag rtags yang dag dang/ de sgrub kyi sgrub rtags yang dag 'gal
yang/ dgag rtags yang dag dang/

sgrub rtags yang dag gnyis mi 'gal te/ byas pa de de gnyis ka yin pa'i
phyir/ byas pa sgra rtag pa ma yin par sgrub pa'i dgag rtags yang dag
dang/ sgra mi rtag par sgrub pa'i sgrub

@039a @#/ /rtags yang dag gnyis ka yin pa'i phyir/ de la kho na re/ dgag
pa dang sgrub pa gnyis mi 'gal bar thal/ dgag rtags yang dag dang
sgrub rtags yang dag gnyis mi

'gal ba'i phyir/ zer na ma khyab/ 'o na/ kho rang la/ dgag pa ma dmigs
pa dang mi 'gal par thal/ dgag rtags yang dag dang/ ma dmigs pa'i
rtags yang dag gnyis mi

'gal ba'i phyir/ khyab pa 'grig /rtags der thal/ dgag rtags yang dag
yin na/ ma dmigs pa'i rtags yang dag yin dgos pa'i phyir/ 'dod na/
dgag pa chos can/

ma dmigs pa dang 'gal bar thal/ gzhi grub pa'i phyir/ de la kho na re/
ma dmigs pa chos can/ ma dmigs pa dang 'gal bar thal/ gzhi grub pa'i
phyir/ der thal khyod

kyi rtags yang dag yod pa'i phyir zer na ma khyab/ yang kho na re/
dgag rtags yang dag gi dngos kyi sgrub bya chos su bzung bya
dang/ sgrub rtags yang dag gi dngos kyi sgrub bya'i

chos su bzung bya gnyis mi 'gal bar thal/ dgag rtags yang dag dang
sgrub rtags yang dag gnyis mi 'gal ba'i phyir zer na ma khyab/ 'dod
na/ de gnyis 'gal bar thal/

@039b dang po de yin na dgag pa yin dgos/ phyi ma de yin na sgrub pa
yin dgos pa'i phyir/ zer na ma khyab mtshams la/ shes bya chos can/
sgra rtag pa ma yin par sgrub pa'i dngos kyi sgrub

bya'i chos su bzung bya dang/ sgra mi rtag par bsgrub pa'i dngos kyi
sgrub bya'i chos su bzung bya gnyis mi 'gal bar thal/ sgra rtag pa ma
yin par sgrub pa'i rtags yang dag dang/ sgra mi rtag

par sgrub pa'i rtags yang dag gnyis mi 'gal ba'i phyir/ khyab pa khas/
rtags grub ste/ byas pa de de gnyis ka yin pa'i phyir/ 'dod mi nus te/
dang po de yin na/ dgag pa

yin dgos/ phyi ma de yin na/ sgrub pa yin dgos pa'i phyir/ gsum pa
rtags yang dag la/ sgrub tshul gyi sgo nas dbye na/ don grub kyi
rtags yang dag /tha snyad sgrub kyi rtags

yang dag /don 'ba' zhig sgrub kyi rtags yang dag /tha snyad 'ba' zhig
sgrub kyi rtags yang dag /don dang tha snyad gnyis ka bsgrub kyi
yang dag dang lnga las/ de rnams so so'i mtshan

nyid/ mtshan gzhi/ sgrub byed kyi rig pa dang gsum/ dang po la/ dgag
gzhag gnyis las/ dang po la/ kha cig gis/

@040a @#/ /khyod de sgrub kyi rtags yang dag gang zhig /khyod kyi
rtags kyis de sgrub kyi dngos kyi sgrub bya'i chos su bzung bya yin
na mtshan nyid yin pas khyab pa dang po'i mtshan nyid/ de

gang zhig /khyod kyi rtags kyis de sgrub kyi dngos kyi sgrub bya'i
chos su bzung bya yin na/ mtshon bya yin pas khyab pa gnyis pa'i
mtshan nyid/ de gang zhig /khyod kyi rtags kyis de sgrub

kyi dngos kyi sgrub bya'i chos su bzung bya yin na/ khyod kyi mtshan
nyid yin pas khyab pa gsum pa'i mtshan nyid/ de gang zhig /khyod kyi
rtags kyis de sgrub kyi dngos kyi sgrub bya'i chos su

bzung bya yin na/ khyod kyi mtshon bya yin pas khyab pa bzhi pa'i
mtshan nyid zer na/ rim pa ltar/ byas pa chos can/ khyod rtags kyis
sgra mi rtag par sgrub pa'i dngos kyi sgrub bya'i chos

su bzung bya yin na/ mtshan nyid yin pas khyab par thal/ khyod sgra
mi rtag par sgrub pa'i don grub kyi rtags yang dag yin pa'i phyir/
khyab pa khas/ rtags der thal/ khyod sgra

skad cig mar sgrub pa'i rtags yang dag gang zhig /skad cig ma mi
rtag pa'i don ldog yin pa'i phyir/ byas pa la/ kho na re/ byas pa chos
can/ sgra mi rtag par sgrub pa'i

@040b dgag rtags yang dag yin par thal/ sgra rtag pa ma yin par
sgrub pa'i dgag rtags yang dag gang zhig /rtag pa ma yin pa dgag pa
yin pa'i phyir/ /khyab pa khas/ zer na mi mtshungs

so; /gzhan yang/ byas pa sgra mi rtag par sgrub pa'i don grub kyi
rtags yang dag yin par thal/ sgra mi rtag par sgrub pa'i don grub kyi
rtags yang dag yod pa'i phyir/ ma grub na/

gzhi de mtshon bya yin na chos de'i rtags kyis chos de gzhi der sgrub
pa'i dngos kyi sgrub bya'i chos su bzung bya yang yin/ mtshan nyid
kyang yin pa'i gzhi mthun pa med dgos par thal/ sgra

mi rtag par sgrub pa'i don grub kyi rtags yang dag med pa'i phyir/
'dod na/ gong du bgags zin/ rtsa bar 'dod na/ mi rtag chos can/ der
thal/ de'i phyir/ ma grub na/ de chos

can/ khyod byas pa'i rtags kyis sgra khyod du sgrub pa'i dngos kyi
sgrub bya'i chos su bzung bya yin par thal/ khyod gang zag gi bdag
med yin pa'i phyir/ 'dod mi nus te/ mtshon bya yin

ba'i phyir/ gzhan yang/ shes bya chos can/ de sgrub kyi tha snyad
sgrub kyi rtags yang dag yod na/ de sgrub kyi don grub kyi rtags
yang dag med dgos par thal/ sgra mi rtag par sgrub pa'i don

@041a @#/ /grub kyi rtags yang dag med pa'i phyir/ 'dod na/ du ldan
la la tsha zhing bsreg pa yod par sgrub pa'i tha snyad sgrub kyi
rtags yang dag yod par thal/ tsha zhing bsreg

pa tshad mas dmigs pa de de yin pa'i phyir/ ma grub na/ de chos can/
der thal/ de sgrub kyi tha snyad 'ba' zhig sgrub kyi rtags yang dag
yin pa'i phyir/ khyod de sgrub kyi rtags yang

dag gang zhig /khyod tsha zhing bsreg pa yod pa'i mtshan nyid yin pa'i
phyir/ dang po grub ste/ tsha zhing bsreg pa me'i mtshan nyid yin pa'i
phyir/ rtsa bar 'dod na/ shes bya chos can/

du ldan la la tsha zhing bsreg pa yod par sgrub pa'i rtags yang dag
med par thal/ de sgrub kyi tha snyad sgrub kyi rtags yang dag yod
pa'i phyir/ khyab pa khas/ 'dod na song/ gzhan

yang/ byas pa chos can/ sgra mi rtag par sgrub pa'i don grub kyi
rtags yang dag yin par thal/ de sgrub kyi tha snyad sgrub kyi rtags
yang dag gang zhig /de sgrub kyi tha snyad 'ba'

zhig sgrub kyi rtags yang dag ma yin pa'i don grub kyi dang po der
thal/ de sgrub kyi rtags yang dag gang zhig /mi rtag pa mtshon bya
yin pa'i phyir/ gnyis pa ma grub na/ byas pa chos

@041b can/ khyod kyi rtags kyis de sgrub kyi phyi rgol yang dag des/
sgra skad cig mar tshad mas nges pa'i gang zag yin par thal/ 'dod pa'i
phyir/ 'dod mi nus te/ chos can de dang gcig

yin pa'i phyir/ gzhan yang/ du ba chos can/ khyod kyi rtags kyis du
ldan la la tsha zhign bsreg pa yod par sgrub pa'i dngos kyi sgrub bya'i
chos su bzung bya yin na/ mtshan nyid yin pas

khyab par thal/ khyod de sgrub kyi don grub kyi rtags yang dag yin
pa'i phyir/ khyab pa khas/ ma grub na/ der thal/ khyod de sgrub kyi
rtags yang dag gang zhig /khyod kyi rtags kyis

de sgrub kyi dngos kyi sgrub bya'i chos su bzung bya yang yin/ mtshan
nyid kyang yin pa'i gzhi mthun pa yod pa'i phyir te/ tsha zhing bsreg
pa tshad mas dmigs pa de de yin pa'i phyir te/

dang po gang zhig /phyi ma yin par phyir/ rtsa bar 'dod na/ tsha zhing
bsreg pa yod pa chos can/ der thal/ de'i phyir/ ma grub na/ shes bya
chos can/ der thal/ du ba'i

rtags kyis de sgrub kyi dngos kyi sgrub bya'i chos su bzung bya yang
yin/ tsha zhing bsreg pa tshad mas dmigs pa'i mtshon bya yang yin pa'i
gzhi mthun pa yod pa'i phyir/ tsha zhing bsreg pa

@042a @#/ /tshad mas dmigs pa'i rtags kyis de yod pa'i phyir/ ma grub na/
tsha zhing bsreg pa tshad mas dmigs pa chos can/ khyod kyi rtags kyis
de sgrub kyi dngos kyi sgrub

bya'i chos su bzung bya yang yin/ khyod kyi mtshon bya yang yin pa'i
gzhi mthun pa yod par thal/ khyod de sgrub kyi tha snyad 'ba' zhig
sgrub kyi rtags yang dag yin pa'i phyir/ mtshan nyid

gnyis pa las/ byas pa chos can/ khyod kyi rtags kyis sgra mi rtag par
sgrub pa'i dngos kyi sgrub bya'i chos su bzung bya yin na/ mtshon bya
yin pas khyab par thal/ khyod sgra mi

rtag par sgrub pa'i tha snyad sgrub kyi rtags yang dag yin pa'i phyir
te/ khyod de sgrub kyi rtags yang dag gang zhig /mi rtag pa mtshon
bya yin pa'i phyir/ rtsa bar 'dod na/ skad cig

ma chos can/ der thal/ de'i phyir/ ma grub na/ shes bya chos can/ skad
cig ma de bya'i pa'i rtags kyis sgra mi rtag par sgrub pa'i dngos kyi
sgrub bya'i chos su bzung bya yin par

thal; byas pa'i rtags kyis sgra mi rtag par sgrub pa'i dngos kyi sgrub
bya'i chos su bzung bya yang yin/ mtshan nyid kyang yin pa'i gzhi
mthun pa yod pa'i phyir/ ma grub na/ byas

@042b pa chos can/ khyod kyi rtags kyis sgra mi rtag par sgrub pa'i
dngos kyi sgrub bya'i chos su bzung bya yang yin/ mtshan nyid kyang
yin pa'i gzhi mthun pa yod par thal/ khyod sgra mi rtag par sgrub

pa'i don grub kyi rtags yang dag yin pa'i phyir/ rtsa bar 'dod mi nus
te/ mtshan nyid yin pa'i phyir/ mtshan nyid gsum pa la/ byas pa chos can/
khyod kyi rtags kyis sgra skad cig

mar sgrub pa'i dngos kyi sgrub bya'i chos su bzung bya yin na/ khyod
kyi mtshan nyid yin pas khyab par thal/ khyod sgra skad cig mar
sgrub pa'i don 'ba' zhig sgrub kyi rtags yang dag yin

pa'i phyir te/ khyod de sgrub kyi don grub kyi rtags yang dag gang
zhig /khyod de sgrub kyi tha snyad sgrub kyi rtags yang dag ma yin
pa'i phyir/ dang po sla/ gnyis pa ma grub na/ der thal/

khyod kyi rtags kyis de sgrub kyi dngos kyi sgrub bya'i chos su
bzung bya yang yin/ mtshon bya yang yin pa'i gzhi mthun pa med pa'i
phyir/ rtags sla/ rtsa bar 'dod na/ skad cig ma chos

can; byas pa'i mtshan nyid yin par thal/ byas pa'i rtags kyis sgra skad
cig mar sgrub pa'i dngos kyi sgrub bya'i chos su bzung bya yin pa'i
phyir/ mtshan nyid bzhi pa la/ skad cig

@043a @#/ /ma ma yin las log pa chos can/ khyod kyi rtags kyis sgra mi
rtag par sgrub pa'i dngos kyi sgrub bya'i chos su bzung bya yin na/
khyod kyi mtshon bya yin pas khyab par thal/

khyod sgra mi rtag par sgrub pa'i tha snyad 'ba' zhig sgrub kyi rtags
yang dag yin pa'i phyir/ khyab pa khas/ ma grub na/ der thal/ khyod
de sgrub kyi tha snyad sgrub kyi rtags yang dag gang

zhig khyod de sgrub kyi don grub kyi rtags yang dag ma yin pa'i
phyir/ dang po grub ste/ khyod de sgrub kyi rtags yang dag gang
zhig /mi rtag pa mtshon bya yin pa'i phyir/ gnyis pa ma

grub na/ de chos can/ sgra skad cig mar sgrub pa'i rtags yang dag
yin par thal/ sgra mi rtag par sgrub pa'i don grub kyi rtags yang dag
yin pa'i phyir/ 'dod mi nus te/ sgra khyod du

tshad mas nges pa'i gang zag yin na/ sgra skad cig mar tshad mas nges
pa'i gang zag yin dgos pa'i phyir/ gzhan yang/ skad cig ma ma yin pa
las log pa chos can/ khyod de

sgrub kyi tha snyad 'ba' zhig sgrub kyi rtags yang dag yin par thal/
khyod de sgrub kyi rtags yang dag gang zhig khyod kyi rtags kyis
de sgrub kyi phyir rgol yang dag yin na/ sgra skad cig

@043b mar tshad mas nges pa'i gang zag yin dgos pa'i phyir te/ khyod
kyi rtags kyis de sgrub kyi phyi rgol yang dag de/ sgra skad cig mar
tshad mas nges pa'i gang zag yin pa'i phyir te/ khyod kyi rtags

kyis de sgrub kyi phyi rgol yang dag de/ sgra skad cig ma ma yin pa
las log par tshad mas nges pa'i gang zag yin pa'i phyir/ rtsa bar 'dod
na/ mi rtag pa chos can/ skad cig ma ma yin pa las

log pa'i mtshon bya yin par thal/ skad cig ma ma yin pa las log pa'i
rtags kyis sgra mi rtag par sgrub pa'i dngos kyi sgrub bya'i chos su
bzung bya yin pa'i phyir/ khyab pa khas/ ma grub na/

mi rtag pa chos can/ khyod skad cig ma ma yin pa las log pa'i rtags
kyis sgra khyod du sgrub pa'i dngos kyi sgrub bya'i chos su bzung
bya yin par thal/ khyod bdag med yin pa'i phyir/ 'dod

na; mi rtag pa 'dzin pa'i rtog pa de/ skad cig ma ma yin pa las log pa'i
rnam pa shar ba'i zhen rig yin par thal/ 'dod pa'i phyir/ 'dod na/ mi
rtag pa 'dzin pa'i rtag pa chos

can; rang yul du gyur pa'i dgag pa'i rnam pa shar ba'i zhen rig yin
par thal/ 'dod pa'i phyir/ 'dod na/ mi rtag pa chos can/ dgag pa yin
par thal/ khyod yod/ khyod

@044a @#/ /'dzin rtog pa dgag rtog yin pa'i phyir/ de la kho na re/ dgag
pa chos can/ dgag pa yin par thal/ khyod 'dzin rtog pa dgag rtogs
yin pa'i phyir/ ma grub na song/

de chos can/ der thal/ khyod 'dzin rtog pa rang yul du gyur pa'i
dgag pa'i rnam pa shar pa'i zhen rig yin pa'i phyir/ ma grub na/ dgag
pa 'dzin pa'i rtog pa chos can/ der thal/

dgag pa'i rnam pa shar ba'i zhen rig yin pa'i phyir/ ma grub na/ dgag
pa chos can/ khyod 'dzin pa'i rtog pa khyod kyi rnam pa shar ba'i
zhen rig yin par thal/ khyod bdag med yin pa'i

phyir; kha cig gis/ dgag pa dgag par byas nas/ dgag pa ma yin dgag
yin zer na/ dgag pa chos can/ ma yin dgag ma yin par thal/ med dgag
yin pa'i phyir te/

dgag pa gang zhig /rang zhes brjod pa'i sgras/ rang gi dgag bya bkag
shul du rang gi 'phang byar gyur pa'i chos gzhan sgrub pa mi 'phen
pa'i phyir/ phyi ma ma grub na/ dgag

pa sgrub pa yin par thal/ ma grub pa de'i phyir/ gzhan yang/ skad cig
ma ma yin pa las log pa chos can/ byas pa'i rtags kyis sgra mi rtag
par sgrub pa'i dgos kyi sgrub bya'i

@044b chos su bzung bya yin par thal/ mi rtag pa'i mtshan nyid yin pa'i
phyir te/ mi rtag pa khyod kyi mtshon bya yin pa'i phyir/ rtags khas/
'dod na/ byas pa chos can/ khyod kyis rtags kyis sgra

mi rtag par sgrub pa'i dngos kyi sgrub bya'i chos su bzung bya yang
yin/ dgag pa yang yin pa'i gzhi mthun pa yod par thal/ 'dod pa'i phyir/
'dod na/ byas pa chos can/ de sgrub

kyi dgag rtags yin par thal/ de sgrub kyi rtags yang dag gang zhig
/'dod pa'i phyir/ 'dod mi nus te/ khyod de sgrub kyi sgrub rtags yang
dag yin pa'i phyir/ rig pa 'di

la brten nas dgag pa dgag par sgrub ste/ dgag pa chos can/ dgag pa
yin par thal/ khyod yod/ khyod 'dzin rtog pa dgag rtog yin pa'i
phyir/ ! rang lugs ni/

khyod de sgrub kyi rtags yang dag gang zhig /khyod kyi rtags kyis
de sgrub kyi dngos kyi sgrub bya'i chos su bzung bya yang yin/ mtshan
nyid kyang yin pa'i gzhi mthun pa srid pa de/ khyod

de sgrub kyi don grub kyi rtags yang dag yin pa'i mtshan nyi/ de gang
zhe na/ khyod kyi rtags kyis de sgrub kyi dngos kyi sgrub bya'i chos
su bzung bya yang yin/ mtshon bya yang yin pa'i

@045a @#/ /gzhi mthun pa srid pa de/ khyod de sgrub kyi tha snyad
sgrub kyi rtags yang dag gi mtshan nyid/ de gang zhig /khyod kyi
rtags kyis de sgrub kyi dngos kyi sgrub bya'i chos su bzung bya

yang yin/ mtshon bya yang yin pa'i gzhi mthun mi srid/ mtshan nyid
kyang yin pa'i gzhi mthun pa srid pa de/ khyod de sgrub kyi don 'ba'
zhig sgrub kyi rtags yang dag gi mtshan nyid/

de gang zhig /khyod kyi rtags kyis de sgrub kyi dngos kyi sgrub bya'i
chos su bzung bya yang yin/ mtshan nyid kyang yin pa'i gzhi mthun pa
mi srid/ mtshon bya yang yin pa'i gzhi mthun pa

srid pa de/ khyod de sgrub kyi tha snyad 'ba' zhig sgrub kyi rtags
yang dag gi mtshan nyid/ de gang zhig /khyod kyi rtags kyis de sgrub
kyi dngos kyi sgrub bya'i chos su bzung bya yang yin/

mtshan nyid kyang yin pa'i gzhi mthun pa srid/ mtshon bya yang yin pa'i
gzhi mthun pa srid pa de/ khyod de sgrub kyi don dang tha snyad
gnyis ka sgrub kyi rtags yang dag gi mtshan nyid

don grub kyi rtags yang dag la dbye na/ don grub kyi 'bras rang ma
dmigs pa'i rtags yang dag gsum las/ mtshan gzhi rim pa ltar/ du ba du
ldan la la me yod par sgrub

@045b pa'i don grub kyi 'bras rtags yang dag dang/ byas pa sgra mi
rtag par sgrub pa'i don grub kyi rang bzhin gyi rtags yang dag
dang/ me med pa de/ mtshan mo'i rgya mtshor du ba med par sgrub pa'i

don grub kyi ma dmigs pa'i rtags yang dag yin/ gnyis pa la yang gsum
las/ mtshan gzhi sngar ltar ro/ gsum pa la yang gsum las/ byas pa'i
'bras bu de/ byas pa'i 'bras bu

'gyur ba'i gzugs skad cig mar sgrub pa'i don 'ba' zhig sgrub kyi 'bras
rtags yang dag dang/ byas pa de/ sgra skad cig mar sgrub pa'i don
'ba' zhig sgrub kyi rang bzhin gyi rtags yang

dag dang/ byas pa de/ sgra skad cig ma ma yin pa las log par sgrub
pa'i don 'ba' zhig sgrub kyi ma dmigs pa'i rtags yang dag yin/ bzhi pa
la yang gsum las/ mtshan gzhi

ni; byas pa'i 'bras bur gyur pa'i skad cig ma de/ byas pa'i 'bras bur gyur
pa'i gzugs mi rtag par sgrub pa'i tha snyad 'ba' zhig sgrub kyi 'bras
rtags yang dag dang/ skad cig ma de/

sgra mi rtag par sgrub pa'i tha snyad 'ba' zhig sgrub kyi rang bzhin
gyi rtags yang dag dang/ skad cig ma de sgra mi rtag pa ma yin pa
las log par sgrub pa'i tha snyad 'ba' zhig sgrub kyi ma dmigs

@046a @#//pa'i rtags yang dag yin/ lnga pa la yang gsum las/ mtshan
gzhi ni/ du ba du ldan la la me yod par sgrub pa'i don dang tha snyad
gnyis ka sgrub kyi 'bras rtags

yang dag dang/ byas pa sgra mi rtag par sgrub pa'i don dang tha
snyad gnyis ka sgrub kyi rang bzhin gyi rtags yang dag dang/ me
med pa de/ mtshan mo'i rgya mtshor du ba med par sgrub pa'i

don dang tha snyad gnyis ka sgrub kyi ma dmigs pa'i rtags yang dag
yin pa'i phyir/ kha cig gis/ de sgrub kyi rtags yang dag yin na/ de
sgrub kyi don grub kyi rtags yang dag dang/

de sgrub kyi tha snyad sgrub kyi rtags yang dag gang rung yin pas
khyab zer na/ byas pa chos can/ sgra skad cig ma dang/ /mi rtag pa
gnyis kar sgrub pa'i don grub kyi rtags yang dag

dang; de sgrub kyi tha snyad sgrub kyi rtags yang dag gang rung
yin par thal/ de sgrub kyi rtags yang dag yin pa'i phyir te/ sgra skad
cig mar sgrub pa'i rtags yang dag yin pa'i phyir/

rtsa bar 'dod na/ de ma yin par thal/ dang po yang ma yin/ phyi ma
yang ma yin pa'i phyir/ dang po ma grub na/ byas pa chos can/ khyod
kyi rtags kyis de sgrub kyi dngos kyi

@046b sgrub bya'i chos su bzung bya yang yin/ mtshan nyid kyang yin
pa'i gzhi mthun pa yod par thal/ khyod de sgrub kyi don grub kyi
rtags yang dag yin pa'i phyir/ 'dod na/ skad cig ma de de

yin par thal/ de yod pa'i phyir te/ 'dod na/ byas pa chos can/ skad cig
ma de/ khyod kyi rtags kyis de sgrub kyi dngos kyi sgrub bya'i chos
su bzung bya yin par thal/ 'dod pa'i

phyir; 'dod na/ skad cig ma ma yin pa las log pa de/ byas pa'i rtags
kyis sgra skad cig ma ma yin pa las log pa dang/ mi rtag pa gnyis kar
sgrub pa'i dngos kyi sgrub bya'i chos su

bzung bya yin par thal/ 'dod pa'i phyir/ 'dod na/ mi rtag pa de byas
pa'i rtags kyis de sgrub kyi dngos kyi sgrub bya'i chos su bzung bya
yin par thal/ 'dod pa'i phyir/ 'dod na/ byas

pa chos can/ khyod sgra skad cig ma ma yin pa las log pa dang/ mi
rtag pa gnyis kar sgrub pa'i dgag rtags yang dag yin par thal/
khyod de sgrub kyi rtags yang dag gang zhig /khyod

kyi rtags kyis de sgrub kyi dngos kyi sgrub bya'i chos su bzung bya
yang yin/ dgag pa yang yin pa'i gzhi mthun pa yod pa'i phyir/ dang po
sgrub ste/ khyod de sgrub kyi don grub kyi rtags

@047a @#/ /yang dag yin pa'i phyir/ gnyis pa grub ste/ skad cig ma ma yin
pa las log pa de de yin pa'i phyir/ 'dod na/ byas pa chos can/ de ma yin
par thal/

de sgrub kyi bsgrub rtags yang dag yin pa'i phyir te/ khyod de sgrub
kyi rtags yang dag gang zhig /khyod kyi rtags kyis dngos kyi sgrub
bya'i chos su bzung bya yang yin/ sgrub pa 

yang yin pa'i gzhi mthun pa yod pa'i phyir/ gnyis pa grub ste/ mi rtag
pa de de yin pa'i phyir/ rtsa bar 'dod mi nus te/ de sgrub kyi tha snyad
sgrub kyi rtags yang dag ma yin

pa'i phyir/ ma grub na/ byas pa chos can/ khyod kyi rtags kyis de
sgrub kyi dngos kyi sgrub bya'i chos su bzung bya yang yin/ mtshon
bya yang yin pa'i gzhi mthun pa yod par thal/

khyod de sgrub kyi tha snyad sgrub kyi rtags yang dag yin pa'i phyir/
'dod na/ mi rtag pa de de yin par thal/ 'dod pa'i phyir/ 'dod na/ skad
cig ma ma yin pa las log

pa de/ byas pa'i rtags kyis sgra skad cig ma ma yin pa las log pa dang/
mi rtag pa gnyis ka yod par sgrub pa'i dngos kyi sgrub bya'i chos su
bzung bya yin par thal/ 'dod pa'i

@047b pa'i phyir/ 'dod na/ sngar ltar ro/!/bzhi pa rtags yang dag la
sgrub bya'i sgo nas dbye na/ dngos stobs kyi rtags yang dag /grags
pa'i rtags yang dag /yid ches kyi rtags yang

dag dang gsum las/ de sgrub kyi rtags yang dag gang zhig /de sgrub
kyi sgrub bya dngos stobs rjes dpag tshad mar song ba'i gzhal bya yin
pa de/ dang po'i mtshan nyid/ de gang zhig /de

sgrub kyi sgrub bya grags pa'i rjes dpag tshad mar song ba'i gzhal bya
yin pa de gnyis pa'i mtshan nyid/ de gang zhig /de sgrub kyi sgrub bya
yid ches rjes dpag tshad mar song ba'i gzhal

bya yin pa de gsum pa'i mtshan nyid/ dang po la/ /dbye na/ dngos stobs
kyi 'bras rang ma dmigs pa'i rtags yang dag gsum las/ mtshan gzhi rim
pa ltar du ba du ldan la la

me yod par sgrub pa'i dngos stobs kyi 'bras rtags yang dag dang/
byas pa sgra mi rtag par sgrub pa'i dngos stobs kyi rang bzhin gyi
rtags yang dag dang/ me med pa de/ mtshan mo'i

rgya mtshor du ba med par sgrub pa'i dngos stobs kyi ma dmigs pa'i
rtags yang dag yin/ gnyis pa la gnyis las/ mtshan gzhi ni/ rtog yul na
yod pa de/ ri bong can zla ba

@048a @#/ /zhes pa'i sgras brjod rung du sgrub pa'i grags pa'i rang bzhin
gyi rtags yang dag dang/ rtog yul na yod pa de/ ri bong can dngos
dbang gis zla ba zhes pa'i sgras brjod rung

ma yin par sgrub pa'i grags pa'i ma dmigs pa'i rtags yang dag yin/
gsum pa la yang gsum las/ mtshan gzhi rim pa ltar/ dpyad gsum gyi
dag ba'i lung de/ sbyin pas longs

spyod khrims kyis bde/ zhes pa'i lung rang gi bstan don rtogs pa'i
tshad ma snga ma sngon du song bar bsgrub pa'i yid ches kyi 'bras
rtags yang dag dang/ de de 'dra'i lung rang gi bstan bya'i

don la mi bslu bar sgrub pa'i yid ches kyi rang bzhin gyi rtags yang
dag dang/ de de 'dra'i lung rang gi bstan bya'i don la bslu ba ma yin
par sgrub pa'i yid ches kyi ma dmigs pa'i rtags

yang dag yin/!/lnga pa rtags yang dag la/ mthun phyogs la/ 'jug tshul
gyi sgo nas dbye na/ mthun phyogs la khyab byed du 'jug pa'i rtags
yang dag dang/ mthun phyogs

la rnam gnyis su 'jug pa'i rtags yang dag gnyis las/ mthun phyogs la
khyab byed du 'jug pa'i tshul gsum yin pa dang po'i mtshan nyid/ mthun
phyogs la rnam gnyis su 'jug

@048b ba'i tshul gsum yin pa/ gnyis pa'i mtshan nyid/ byas pa de/ sgra mi
rtag par sgrub pa'i dang po'i mtshan gzhi dang/ byas pa'i bye brag de/
sgra mi rtag par sgrub pa'i gnyis pa'i mtshan gzhi

yin; ! /drug pa rtags yang dag la rgol ba'i sgo nas dbye na/ rang don
skabs kyi rtags yang dag dang/ gzhan don skabs kyi rtags yang dag
gnyis las/ khyod sgra mi rtag par sgrub pa'i

rtags yang dag kyang yin/ khyod kyi rtags kyis sgra mi rtag par
sgrub pa'i phyi rgol yang dag med pa yang yin pa'i gzhi mthun pa de/
khyod sgra mi rtag par sgrub pa'i rang don skabs kyi rtags yang

dag yin pa'i mtshan nyid/ byas pa sgra mi rtag par sgrub pa'i rang don
skabs kyi rtags yang dag tu song ba'i gang zag gi ngor/ byas pa sgra
mi rtag par sgrub pa'i rang don skabs kyi rtags yang dag

yin; khyod sgra mi rtag par sgrub pa'i rtags yang dag yang yin/
khyod kyi rtags kyis sgra mi rtag par sgrub pa'i phyi rgol yang dag
yod pa yang yin pa'i gzhi mthun pa de/ khyod sgra mi rtag par

sgrub pa'i gzhan don skabs kyi rtags yang dag yin pa'i mtshan nyid/
byas pa sgra mi rtag par sgrub pa'i gzhan don skabs kyi rtags yang
dag yin/ kha cig gis/ byas pa sgra mi rtag par

@049a @#/ /sgrub pa'i rang don skabs kyi rtags yang dag dang/ de sgrub
kyi gzhan don skabs kyi rtags yang dag gnyis ka yin zer na/ byas pa
chos can/ khyod kyi rtags kyis sgra mi

rtag par sgrub pa'i phyi rgol yang dag med par thal/ khyod de sgrub
kyi rang don skabs kyi rtags yang dag yin pa'i phyir/ 'dod na/ de chos
can/ de yod par thal/ khyod de sgrub

kyi gzhan don skabs kyi rtags yang dag yin pa'i phyir/ yang kha cig
/rang don skabs kyi rtags yang dag med zer na/ mi 'thad de/ byas pa
sgra mi rtag par sgrub pa'i rang don skabs

kyi rtags yang dag tu song ba'i tshe/ byas pa sgra mi rtag par sgrub
pa'i/ rang don skabs kyi rtags yang dag yin pa'i phyir/ rang don skabs
kyis rtags yang dag yod par thal/ sgra mi

rtag par sgrub pa'i rang don skabs kyi rtags yang dag yod pa'i phyir/
ma grub na/ shes bya chos can/ sgra mi rtag par sgrub pa'i rtags
yang dag yin na/ de sgrub kyi rang don skabs

kyi rtags yang dag ma yin pas khyab par thal/ ma grub pa de'i phyir/
'dod na/ byas pa sgra mi rtag par sgrub pa'i rang don skabs kyi rtags
yang dag tu song ba'i tshe/ byas pa chos can/  

@049b de sgrub kyi rtags yang dag yin par thal/ de sgrub kyi rang
don skabs kyi rtags yang dag yin pa'i phyir/ 'dod na/ de chos can/ de
sgrub kyi rang don skabs kyi rtags yang dag ma yin par

thal; de sgrub kyi rtags yang dag yin pa'i phyir/ 'khor gsum/ gzhan
yang/ byas pa sgra mi rtag par sgrub pa'i rang don skabs kyi rtags
yang dag ma yin par thal/ de de sgrub kyi

gzhan don skabs kyi rtags yang dag yin pa'i phyir te/ sgra chos can/
mi rtag ste/ byas pa'i phyir/ zhes pa'i sbyor ba de gzhan don skabs kyi
rtags yang dag gi sbyor ba rnam dag yin

pa'i phyir/ de la kho na re/ byas pa'i rtags kyis sgra mi rtag par sgrub
pa'i phyi rgol yang dag med pa'i tshe/ byas pa'i rtags kyis sgra mi rtag
par sgrub pa'i phyi rgol yang dag yod par thal/ byas pa'i

sgra mi rtag par sgrub pa'i rang don skabs kyi rtags yang dag tu
song ba'i tshe/ byas pa sgra mi rtag par sgrub pa'i gzhan don skabs kyi
rtags yang dag yin pa'i phyir/ 'dod na/ byas pa

med pa'i tshe/ byas pa yod par thal/ byas pa'i rtags kyis sgra mi rtag par
sgrub pa'i phyi rgol yang dag med pa'i tshe/ byas pa'i rtags kyis sgra mi
rtag par sgrub pa'i phyi rgol yang dag

@050a @#/ /yod pa'i phyir zer na/ ma khyab ste/ byas pa med pa'i tshe/ byas
pa yod par thal/ byas pa brjod byed kyi sgra med pa'i tshe/ byas pa
brjod byed kyi sgra yod pa'i phyir/ khyab

pa 'grig /rtags sla/ kha cig gis/ rang don skabs kyi rtags yang dag
med zer ba dang/ byas pa sgra mi rtag par sgrub pa'i rang don skabs
kyi rtags yang dag tu song ba'i tshe/ byas

pa sgra mi rtag par sgrub pa'i rang don skabs kyi rtags yang dag yin
zer ba mi 'thad de/ rang don skabs kyi rtags yang dag yod par thal/
sgra mi rtag par sgrub pa'i rang don skabs kyi

rtags yang dag yod pa'i phyir te/ byas pa sgra mi rtag par sgrub pa'i
rang don skabs kyi rtags yang dag tu song ba'i tshe/ byas pa yod pa
gang zhig /de'i tshe byas pa sgra mi rtag par sgrub

pa'i rang don skabs kyi rtags yang dag yin pa'i phyir/ rtags khas/
gzhan yang/ sgra mi rtag par sgrub pa'i rang don skabs kyi rtags
yang dag yod par thal/ byas pa sgra mi rtag

par sgrub pa'i rang don skabs kyi rtags yang dag tu song ba yod pa'i
phyir/ byas pa de sgrub kyi rang don skabs kyi rtags yang dag tu
song ba'i gang zag yod pa'i phyir/ du ba du ldan la

@050b la me yod par sgrub pa'i rang don skabs kyi rtags yang dag tu
song ba'i gang zag yod pa'i phyir/ du ldan la la me slong ba'i gang
zag yod pa'i phyir/ hehung/ gnyis pa rtags yang dag gi

log phyogs gtan tshigs ltar snang bshad pa la/ mtshan nyid dang/
dbye ba gnyis las/ dang po la/ dgag gzhag gnyis las/ dang po la/ kha
cig gis/ tshul gsum ma yin

pa; gtan tshigs ltar snang gi mtshan nyid zer na/ mi 'thad de/ gtan
tshigs ltar snang med pa'i phyir te/ gzhi grub na rtags yang dag yin
pas khyab pa'i phyir/ gnyis pa rang lugs

ni; de sgrub kyi tshul gsum ma yin pa/ de sgrub kyi gtan tshigs ltar
snang gi mtshan nyid/ gnyis pa dbye ba bshad pa ni/ spyir gtan tshigs
ltar snang med kyang/ gzhi la sbyar na/ de

sgrub kyi 'gal ba'i gtan tshigs/ ma nges pa'i gtan tshigs/ ma grub pa'i
gtan tshigs dang gsum/ dang po la/ mtshan nyid/ dbye ba/ mtshan gzhi/
sgrub byed kyi rig pa 'god pa

dang bzhi/ dang po ni/ sgra rtag par sgrub pa'i phyogs chos kyang
yin/ sgra rtag pa ma yin par sgrub ba'i rjes khyab kyang yin pa'i gzhi
mthun pa de/ sgra rtag par sgrub pa'i 'gal rtags kyi mtshan nyid

@051a @#/ /gnyis pa dbye ba ni/ mi mthun phyogs la khyab byed du 'jug
pa'i 'gal rtags dang/ mi mthun phyogs la rnam gnyis su 'jug pa'i 'gal
rtags gnyis/ gsum pa mtshan gzhi ni/ byas pa sgra mi

rtag pa ma yin par sgrub pa'i mi mthun phyogs la khyab byed du 'jug
pa'i 'gal rtags dang/ byas pa'i bye brag de sgrub kyi mi mthun phyogs
la rnam gnyis su 'jug pa'i 'gal rtags yin/ bzhi pa sgrub byed 'god pa ni/

byas pa chos can/ sgra mi rtag pa ma yin par sgrub pa'i mi mthun
phyogs la khyab byed du 'jug pa'i 'gal rtags yin par thal/ de sgrub kyi
'gal rtags yin par gang zhig mi rtags pa yin na/ khyod yin pas khyab
pa'i

phyir/ ma grub na/ byas pa'i bye brag chos can/ sgra mi rtag pa ma yin
par sgrub pa'i 'gal rtags yin par thal/ sgra rtag par sgrub pa'i 'gal
rtags yin pa'i phyir te/ de sgrub kyi phyogs chos gang zhig /khyod kyi
rtags

kyis de sgrub kyi rjes khyab phyin ci log tu nges pa'i phyir/ gzhan
yang/ de chos can/ sgra rtag par sgrub pa'i 'gal rtags yin par thal/
sgra mi rtag par sgrub pa'i rtags yang dag yin pa'i phyir/ kho na re/
sgra mi rtag par sgrub

pa'i 'gal rtags yod par thal/ sgra rtag par sgrub pa'i 'gal rtags yod
pa'i phyir zer na/ ma khyab/ 'dod mi nus te/ sgra mi rtag par sgrub pa'i
gtan tshigs ltar snang yin na/ de sgrub kyi ma nges pa'i gtan

@051b tshigs dang/ de sgrub kyi ma grub pa'i gtan tshigs gang rung yin
dgos pa'i phyir/ kha cig gis/ de sgrub kyi tshul gsum yod na/ de sgrub
kyi rtags yang dag yod pas khyab zhes zer na/ shes

bya chos can/ sgra rtag par sgrub pa'i rtags yang dag yod par thal/
sgra rtag par sgrub pa'i tshul gsum yod pa'i phyir/ khyab pa khas/ ma
grub na/ der thal/ de sgrub kyi phyogs chos

yod pa gang zhig /de sgrub kyi rjes khyab yod/ de sgrub kyi ldog
khyab yod pa'i phyir/ dang po grub ste/ byas pa de sgra rtag par
sgrub pa'i phyogs chos yin pa'i phyir/ ma grub na/ de chos

can; der thal/ de sgrub kyi 'gal rtags yin pa'i phyir te/ sgra mi rtag
par sgrub pa'i rtags yang dag yin pa'i phyir/ gnyis pa grub ste/ chos
dang skad cig ma ma yin pa'i gzhi

mthun pa de/ sgra rtag par sgrub pa'i rjes khyab yin pa'i phyir/ ma
grub na/ de chos can/ der thal/ khyod kyi rtags kyis de sgrub kyi
rtags chos gnyis ldan gyi mthun dpe yang dag yod

pa gang zhig /khyod sgra rtag par sgrub pa'i mthun phyogs kho na
la 'god tshul dang mthun par yod pa nyid du tshad mas nges pa'i phyir/
dang po grub ste/ 'dus ma byas kyi nam mkha' de/ khyod

@052a @#/ /kyi rtags kyi de sgrub kyi rtags chos gnyis ldan gyi mthun
dpe yang dag yin pa'i phyir/ gnyis pa grub ste/ khyod de sgrub kyi
mthun phyogs kho na la 'god tshul dang

mthun par yod pa'i phyir te/ rtag pa yin pa'i phyir/ gong gi gsum pa
grub ste/ chos dang skad cig ma ma yin pa'i gzhi mthun pa de de yin
pa'i phyir/ ma grub na/ de chos can/ sgra

rtag par sgrub pa'i ldog khyab yin par thal/ khyod kyi rtags kyis de
sgrub kyi rtags chos gnyis dang mi ldan pa'i mi mthun dpe yang dag
yod/ khyod de sgrub kyi mi mthun phyogs la med pa kho

nar tshad mas nges pa'i phyir/ rtsa bar 'dod na/ sgra chos can/ khyod
rtag par sgrub pa'i rtags yang dag med par thal/ khyod rtag pa ma
yin pa'i phyir/ kho na re/ sgra rtag par sgrub pa'i

tshul gsum yin pa yod par thal/ de sgrub kyi phyogs chos yin pa yod/
de sgrub kyi rjes khyab yin pa yod/ de sgrub kyi ldog khyab yin pa
yod pa'i phyir/ zer na ma khyab/ khyab 'grig

shes bya'o/!/gnyis pa ma nges pa'i gtan tshigs bshad pa la/ mtshan nyid
dang/ dbye ba gnyis/ dang po ni/ sgra rtag par sgrub pa'i phyogs chos
kyang yin/ sgra rtag par

@052b sgrub pa'i rjes khyab ma yin pa yang yin/ sgra rtag pa ma yin
par sgrub pa'i rjes khyab ma yin pa yang yin pa'i gzhi mthun pa de/
sgra rtag par sgrub pa'i ma nges pa'i gtan tshigs gyi mtshan

nyid/ gnyis pa dbye ba la/ de sgrub kyi thun mong ma yin pa'i ma nges
gtan tshigs dang/ de sgrub kyi thun mong ba'i ma nges pa'i gtan tshigs
gnyis/ dang po la/ mtshan nyid dang/ mtshan

gzhi gnyis las/ dang po ni/ khyod de sgrub kyi ma nges pa'i gtan tshigs
gang zhig /khyod de sgrub pa la phyogs chos can du song ba'i gang
zag gis/ khyod de sgrub kyi mthun phyogs la yod par

ma nges pa yang yin/ gang zag des khyod de sgrub kyi mi mthun
phyogs la med par ma nges pa yang yin pa'i gzhi mthun pa de/ khyod
de sgrub kyi thun mong ma yin pa'i ma nges pa'i gtan tshigs yin

pa'i mtshan nyid/ gnyis pa mtshan gzhi ni/ mnyan bya/ sgra ma yin pa las
log pa/ sgra'i ldog pa rnams re re nas/ sgra rtag par sgrub pa'i thun
mong ma yin pa'i ma nges pa'i gtan

tshigs dang/ sgra mi rtag par sgrub pa'i thun mong ma yin pa'i ma nges
pa'i gtan tshigs gnyis ka yin/ gnyis pa thun mong ba'i ma nges pa'i gtan
tshigs la mtshan nyid dang/ dbye ba gnyis

@053a @#/ /las/ dang po ni/ khyod de sgrub kyi ma nges pa'i gtan tshigs
gang zhig /khyod de sgrub pa la phyogs chos can du song ba'i gang
zag gis khyod de sgrub kyi mthun

phyogs la yod par nges pa dang/ gang zag des/ de sgrub kyi mi mthun
phyogs la yod par nges pa gang rung yang yin pa'i gzhi mthun pa de/
khyod de sgrub kyi thun mong ba'i ma nges

pa'i gtan tshigs/ gnyis pa ni/ de la dbye na/ de sgrub kyi dngos kyi ma
nges pa'i gtan tshigs dang/ lhag ldan gyi ma nges pa'i gtan tshigs/ de
gang rung ma yin

pa'i ma nges pa'i gtan tshigs dang gsum las/ dang po la/ mtshan nyid
dang/ dbye ba gnyis/ dang po ni/ khyod de sgrub kyi ma nges pa'i

gtan tshigs gang zhig /khyod de sgrub pa la phyogs chos can du
song ba'i gang zag gis/ khyod de sgrub kyi mthun phyogs dang/ mi
mthun phyogs gnyis ka la yod par nges pa de/ khyod de sgrub kyi

dngos kyi ma nges pa'i gtan tshigs yin pa'i mtshan nyid/ gnyis pa dbye ba
ni/ de la dbye na/ de sgrub kyi mthun phyogs la khyab byed dang/ mi
mthun phyogs la khyab byed du 'jug pa'i dngos kyi

@053b ma nges pa'i gtan tshigs dang/ de sgrub kyi mthun phyogs la
khyab byed dang/ mi mthun phyogs la rnam gnyis su 'jug pa'i de
dang/ de sgrub kyi mi mthun phyogs la khyab byed dang/ mthun
phyogs

la rnam gnyis su 'jug pa'i de dang/ de sgrub kyi mi mthun phyogs
dang mthun phyogs gnyis ka la rnam gnyis su 'jug pa'i de dang bzhi/
mtshan gzhi rim pa ltar ri bong rVa med de/ sgra rtag par

sgrub pa'i mthun phyogs la khyab byed dang/ de sgrub kyi mi mthun
phyogs la yang khyab byed du 'jug pa'i dngos kyi ma nges pa'i gtan
tshigs dang/ mi rtag pa de/ dung sgra rtsol byung du sgrub pa'i

mthun phyogs la khyab byed dang/ mi mthun phyogs la rnam gnyis
su 'jug pa'i de dang/ yang/ mi rtag pa de/ dung sgra rtsol byung ma
yin par sgrub pa'i mi mthun phyogs la khyab byed dang/

mthun phyogs la rnam gnyis su 'jug pa'i de dang/ dbang shes de/ zla
ba gnyis snang gi dbang shes mngon sum du sgrub pa'i mthun phyogs
dang mi mthun phyogs gnyis ka la rnam gnyis su

'jug gi dngos kyi ma nges pa'i gtan tshigs yin/ ! /gnyis pa lhag ldan gyi
ma nges pa'i gtan tshigs la yang/ mtshan nyid dang/ dbye ba gnyis las/
dang po ni/ khyod

@054a @#/ /de sgrub kyi thun mong ba'i ma nges pa'i gtan tshigs gang
zhig /khyod de sgrub pa la phyogs chos can du song ba'i gang zag
gis/ khyod de sgrub kyi mthun phyogs la yod par nges nas/

mi mthun phyogs la yod med the tshom za ba dang/ khyod de sgrub
kyi mi mthun phyogs la yod par nges nas/ mthun phyogs yod med
the tshom za ba gang rung yin pa de/ khyod de sgrub kyi lhag ldan
gyi ma nges

pa'i gtan tshigs yin pa'i mtshan nyid/ gnyis pa dbye ba ni/ yang dag lhag
ldan gyi ma nges pa'i gtan tshigs dang/ 'gal ba lhag ldan gyi ma nges
pa'i gtan tshigs gnyis las/ khyod

de sgrub kyi lhag ldan gyi ma nges pa'i gtan tshigs gang zhig khyod
de sgrub pa la phyogs chos can du song ba'i gang zag gis/ khyod de
sgrub kyi mthun phyogs la yod par nges nas/ mi mthun phyogs

la yod med/ the tshom za ba de/ khyod de sgrub kyi yang dag lhag
ldan gyi ma nges pa'i gtan tshigs yin pa'i mtshan nyid/ khyod de sgrub
kyi lhag ldan gyi ma nges pa'i gtan tshigs gang zhig /

khyod de sgrub pa la phyogs chos can du song ba'i gang zag gis/
khyod de sgrub kyi mi mthun phyogs la yod par nges nas/ mthun
phyogs la yod med the tshom za ba de/ khyod de sgrub kyi 'gal ba

@054b lhag ldan gyi ma nges pa'i gtan tshigs yin pa'i mtshan nyid/ mtshan
gzhi rim pa ltar/ ngag smra ba de/ kun mkhyen la the tshom za ba'i
gang zag gi ngor/ ngag smra ba'i skyes bu/ kun mkhyen

ma yin par sgrub pa'i dang po dang/ yang de de'i ngor ngag smra ba'i
skyes bu kun mkhyen du sgrub pa'i gnyis pa yin/ gsum pa de gnyis
gang rung ma yin pa'i thun mong ma nges pa'i gtan

tshigs la yang/ mtshan nyid dang/ mtshan gzhi gnyis las/ dang po ni/
khyod de sgrub kyi thun mong ba'i ma nges pa'i gtan tshigs gang zhig
/khyod de sgrub la phyogs chos can du song

ba'i gang zag gis/ khyod de sgrub kyi mthun phyogs kho na la yod
par nges pa dang/ khyod de sgrub kyi mi mthun phyogs kho na la
med par nges pa gang rung yin pa de/ khyod de sgrub kyi de gnyis
gang

rung ma yin pa'i thun mong ba'i ma nges pa'i gtan tshigs yin pa'i mtshan
nyid/ gnyis pa mtshan gzhi ni/ bu ro da lta ba de/ kha nang bu ram
gong bu'i steng du bur gzugs da lta ba yod par

sgrub pa'i de gnyis gang rung ma yin pa'i thun mong ba'i ma nges pa'i
gtan tshigs kyi mtshan gzhi yin/ /gsum pa ma grub pa'i gtan tshigs la/
mtshan nyid dang/ dbye ba gnyis

@055a @#/ /la; dang po ni/ de sgrub kyi rtags su bkod pa gang zhig /de
sgrub kyi phyogs chos ma yin pa de/ de sgrub kyi ma grub pa'i gtan
tshigs kyi mtshan nyid/ gnyis pa dbye ba la/

don la ltos na ma grub pa'i gtan tshigs/ blo la ltos nas ma grub pa'i
gtan tshigs/ rgol ba la ltos nas ma grub pa'i gtan tshigs dang gsum
las/ dang po la/ rtags kyi ngo bo med nas

ma grub pa'i gtan tshigs/ chos can gyi ngo bo med nas ma grub pa'i
gtan tshigs/ rtags chos tha dad med nas ma grub pa'i gtan tshigs/ gzhi
rtags tha dad med nas ma grub pa'i gtan tshigs/

gzhi chos tha dad med nas ma grub pa'i gtan tshigs/ rtags shes 'dod
chos can gyi steng du 'god tshul dang mthun par med nas ma grub
pa'i gtan tshigs/ gtan tshigs kyi phyogs gcig

shes 'dod chos can la med nas ma grub pa'i gtan tshigs dang bdun/
mtshan gzhi rim pa ltar/ skyes bu chos can/ sdug bsngal ba yin te/ ri
bong rVas rbo phug pa'i phyir/ zhes bkod

pa'i tshe/ de sgrub kyi dang po dang/ ri bong rVa chos can/ mi rtag ste/
byas pa'i phyir/ zhes bkod pa'i tshe/ de sgrub kyi gnyis pa dang/ sgra
chos can/ mi rtag ste/ mi rtag pa yin

@055b pa'i phyir/ zhes bkod pa'i tshe/ de sgrub kyi gsum pa dang/ sgra
chos can/ mi rtag ste/ sgra yin pa'i phyir/ zhes bkod pa'i tshe/ de sgrub
kyi bzhi pa dang/ sgra chos can sgra yin te/ byas

pa'i phyir/ zhes bkod pa'i tshe/ de sgrub kyi lnga pa dang/ sgra chos
can/ mi rtag ste/ mig shes kyis bzung bya yin pa'i phyir/ zhes bkod pa'i
tshe/ de sgrub kyi drug pa dang/ ljon shing chos

can; sems ldan yin te/ mtshan mo lo ma khum nas nyal ba'i phyir/ zhes
bkod pa'i tshe/ de sgrub kyi bdun pa yin no/ ! /gnyis pa blo la ltos nas
ma grub pa'i gtan tshigs la/ rtags

kyi ngo bo la the tshom zos nas ma grub pa'i gtan tshigs/ chos can gyi
ngo bo la the tshom zos nas ma grub pa'i gtan tshigs/ gzhi rtags kyi
'grel pa la the tshom zos nas ma grub pa'i gtan tshigs/

shes 'dod chos can med nas ma grub pa'i gtan tshigs dang bzhi/ mtshan
gzhi rim pa ltar/ sha za bskal don du song ba'i gang zag gi ngor/
sgra chos can/ mi rtag ste/ sha za tshad

mas gzhal bya yin pa'i phyir/ zhes bkod pa'i tshe/ de sgrub kyi dang po
dang/ dri za bskal don du song ba'i gang zag ngor/ dri za'i glu
dbyangs chos can/ mi rtag ste byas pa'i phyi

@056a @#/ /zhes bkod pa'i tshe/ de sgrub kyi gnyis pa dang/ rma bya
gang na yod ma shes pa'i gang zag gi ngor/ ri sul gsum gyi dbus ma
na chos can/ rma bya yod de/ rma byas sgra

sgrogs pa yod pa'i phyir/ zhes bkod pa'i tshe/ de sgrub kyi gsum pa
dang/ dpal ldan chos grags kyi ngor/ sgra chos can/ mi rtag ste/
byas pa'i phyir/ zhes bkod pa'i tshe/ de sgrub kyi bzhi pa yin no/

gsum pa rgol ba la ltos nas ma grub pa'i gtan tshigs la/ snga rgol la
ltos nas ma grub pa'i gtan tshigs/ phyi rgol la ltos nas ma grub pa'i
gtan tshigs/ snga rgol phyi rgol gnyis ka

la ltos nas ma grub pa'i gtan tshigs dang gsum las/ mtshan gzhi rim pa
ltar/ grangs can pas sangs rgyas pa'i ngor/ blo chos can/ sems med
yin te/ skye 'jig can yin pa'i

phyir; zhes bkod pa'i tshe/ de sgrub kyi dang po dang/ gcer bu pas/
sangs rgyas pa'i ngor/ ljon shing chos can/ sems ldan yin te/ shun pa
bshus na 'chi pa'i phyir/ zhes bkod

pa'i tshe/ de sgrub kyi ngag gnyis pa dang/ sgra chos can/ mi rtag ste/
mig shes kyis bzung bya yin pa'i phyir/ zhes bkod pa'i tshe/ de sgrub kyi
gsum pa yin no/ ! /gsum pa rtags

@056b dpe phyogs gsum gyi skyon yon bshad pa la/ rtags kyi skyon/
dpe'i skyon/ phyogs kyi skyon/ rtags kyi yon tan/ dpe'i yon tan/
phyogs kyi yon tan dang drug las/ de rnams so so'i

mtshan nyid/ mtshan gzhi sgrub byed kyi rig pa 'god pa/ rtsod pa spong
ba dang bzhi/ dang po ni/ sgra mi rtag par sgrub pa'i rtags skyon can
gyi 'jog byed/ sgra mi rtag par sgrub pa'i rtags skyon

gyi mtshan nyid/ sgra mi rtag par sgrub pa'i rtags su bkod pa gang
zhig /sgra mi rtag par sgrub pa'i tshul gsum ma yin par dmigs pa de de
yin/ de sgrubs pa ni/ de chos can/ sgra mi rtag

par sgrub pa'i rtags skyon yin par thal/ sgra mi rtag par sgrub pa'i
rtags skyon can gyi 'jog byed yin pa'i phyir te/ sgra mi rtag par sgrub
pa'i rtags skyon can gyi mtshan nyid yin pa'i phyir/

sgra mi rtag par sgrub pa'i phyogs chos ma yin pa/ sgra mi rtag par
sgrub pa'i rjes khyab ma yin pa/ sgra mi rtag par sgrub pa'i ldog
khyab ma yin pa rnams re re nas sgra mi rtag par sgrub pa'i rtags
skyon

ma yin pa'i phyir te/ gal te yin na/ de rnams re re chos can/ sgra mi
rtag par sgrub pa'i rtags skyon can gyi 'jog byed yin par thal/ sgra
mi rtag par sgrub pa'i rtags skyon yin pa'i phyir/

@057a @#/ /'dod na/ de rnams chos can/ sgra mi rtag par sgrub pa'i rtags
skyon can gyi mtshan nyid de yin par thal/ 'dod pa'i phyir/ 'dod na/
gzhal bya chos can/ sgra mi rtag par

sgrub pa'i phyogs chos ma yin par thal/ sgra mi rtag par sgrub pa'i
rtags skyon can yin pa'i phyir te/ phal sgra mi rtag par sgrub pa'i
rtags ltar snang yin pa'i phyir/ rtags sla/ 'dod mi

nus te/ sgra mi rtag par sgrub pa'i ma nges pa'i gtan tshigs yin pa'i
phyir/ sgra mi rtag par sgrub pa'i dpe skyon can gyi 'jog byed/ sgra mi
rtag par sgrub pa'i dpe skyon gyi mtshan nyid/ sgra mi rtag

par sgrub pa'i dper bzung ba gang zhig /sgra mi rtag par sgrub pa'i
dpe yang dag gi mtshan nyid dang mi ldan ba de de yin/ sgrub byed ni
de chos can/ sgra mi rtag par sgrub pa'i dpe skyon yin

te; sgra mi rtag par sgrub pa'i dpe skyon can gyi mtshan nyid yin pa'i
phyir/ sgra mi rtag par sgrub pa'i mthun dpe skyon can gyi 'jog byed/
sgra mi rtag par sgrub pa'i mthun dpe skyon gyi

mtshan nyid/ sgra mi rtag par sgrub pa'i mthun dper bzung ba gang
zhig /sgra mi rtag par sgrub pa'i mthun dpe yang dag gi mtshan nyid
dang mi ldan pa de de yin/ sgrub byed ni/ de chos

@057b can; sgra mi rtag par sgrub pa'i mthun dpe'i skyon yin te/ sgra
mi rtag par sgrub pa'i mthun dpe skyon can gyi 'jog byed yin pa'i
phyir te/ sgra mi rtag par sgrub pa'i mthun dpe skyon can gyi

mtshan nyid yin pa'i phyir/ sgra mi rtag par sgrub pa'i phyogs skyon
gyi 'jog byed dam/ sgra mi rtag par sgrub pa'i phyogs skyon gyi mtshan
nyid ni med de/ sgra mi rtag par sgrub pa'i phyogs skyon

can med pa'i phyir te/ sgra mi rtag par sgrub pa'i phyogs ltar snang
med pa'i phyir/ ma grub na/ sgra mi rtag par sgrub pa'i phyogs ltar
snang med par thal/ sgra mi rtag par sgrub pa'i phyogs

yin na/ sgra mi rtag par sgrub pa'i phyogs yang dag yin dgos pa'i
phyir/ sgra mi rtag par sgrub pa'i sgrub bya yin na/ sgra mi rtag par
sgrub pa'i sgrub bya yang dag yin dgos pa'i phyir/

rtags kyi yon tan can gyi 'jog byed dam/ rtags kyi yon tan gyi mtshan
nyid ni/ tshul gsum yin par dmigs pa de de yin/ sgrub byed ni/ de chos
can/ rtags kyi yon tan yin te/

rtags kyi yon tan can gyi 'jog byed yin pa'i phyir/ sgra mi rtag par
sgrub pa'i rtags yon tan can dang/ sgra mi rtag par sgrub pa'i rtags
yang dag don gcig /des gzhan rnams la

@058a @#/ /rigs 'dra/ sgra mi rtag par sgrub pa'i dpe'i yon tan can gyi
'jog byed/ sgra mi rtag par sgrub pa'i dpe'i yon tan gyi mtshan nyid/
sgra mi rtag par sgrub pa'i mthun

dper bzung ba gang zhig /sgra mi rtag par sgrub pa'i dpe yang dag
gi mtshan nyid dang ldan pa de de yin/ sgrub byed rigs 'dra/ sgra mi
rtag par sgrub pa'i phyogs yon tan can gyi 'jog

byed; sgra mi rtag par sgrub pa'i phyogs kyi yon tan gyi mtshan nyid/
sgra mi rtag par sgrub pa'i phyogs su bzung ba yang yin/ sgra mi rtag
par sgrub pa'i phyogs yang dag gi mtshan

nyid dang ldan pa yang yin pa'i gzhi mthun pa de de yin/ phyogs
yang dag du song ba yang yin/ phyogs yang dag gi mtshan nyid dang
ldan pa yang yin pa'i gzhi mthun pa de/ phyogs

yang dag gi mtshan nyid/ de la dbye na gnyis las/ rang don phyogs
yang dag gi 'jog byed/ rang don phyogs kyi yon tan gyi mtshan nyid/
phyogs yang dag kyang yin/ ngo bo don

sogs chos lnga ma tshang ba yang yin pa'i gzhi mthun pa de de yin/
gzhan don phyogs yang dag gi 'jog byed gzhan don phyogs kyi yon
tan gyi mtshan nyid/ phyogs yang dag kyang

@058b yin; ngo bo don sogs chos lnga tshang ba yang yin pa'i gzhi
mthun pa de de yin/ ! /bzhi pa rtsod spong ba la/ kho na re/ rtags dpe
phyogs gsum gyi skyon yod par thal/ sgra mi rtag par

sgrub pa'i rtags dpe phyogs gsum gyi skyon yod pa'i phyir zer na/ mi
'thad de/ sgra mi rtag par sgrub pa'i rtags dpe'i skyon yod kyang/
sgra mi rtag par sgrub pa'i phyogs skyon med pa'i

phyir; kho na re/ gtan tshigs ltar snang yod par thal/ sgra mi rtag
par sgrub pa'i gtan tshigs ltar snang yod pa'i phyir zer na/ ma khyab/
khyod gtan tshigs ltar snang du song ba'i sbyor ba

yod na/ khyod gtan tshigs ltar snang yin pas khyab par thal/ khyod
rtags yang dag tu song pa'i sbyor ba yod na/ khyod rtags yang dag
yin pas khyab pa'i phyir/ khyab pa don gyis song/

byas pa la/ kho na re/ sgra rtag par sgrub pa'i phyogs skyon can yod
par thal/ rtag pa de/ sgra rtag par sgrub pa'i phyogs skyon can yin
pa'i phyir te/ rtag pa de/ sgra rtag par sgrub pa'i

phyogs ltar snang yin pa'i phyir/ ma grub na/ rtag pa chos can/ sgra
rtag par sgrub pa'i phyogs ltar snang yin par thal/ sgra rtag par
sgrub pa'i phyogs btags pa ba yin pa'i phyir zer

@059a @#/ /na ma khyab/ zer 'gro ste/ de ltar ma yin na/ rtag pa chos
can/ sgra rtag par sgrub pa'i phyogs su bzung ba yang yin/ sgra rtag
par sgrub pa'i phyogs yang dag gi

mtshan nyid dang mi ldan pa yang yin pa'i gzhi mthun pa yin par thal/
sgra rtag par sgrub pa'i phyogs ltar snang yin pa'i phyir/ 'dod na/ de
chos can/ sgra rtag par sgrub

pa'i phyogs su bzung bar thal/ 'dod pa'i phyir/ 'dod na/ de chos can/
sgra rtag par sgrub pa'i phyogs yin par thal/ sgra rtag par sgrub pa'i
phyogs su bzung ba'i phyir/

'dod na/ mi rtag pa de/ sgra mi rtag par sgrub pa'i phyogs yin par
thal/ 'dod pa'i phyir/ 'dod na/ sgra de sgra mi rtag par sgrub pa'i
phyogs yin par thal/ 'dod pa'i phyir/

'dod na/ de chos can/ de gnyis ka la 'dod mi nus te/ sgra mi rtag par
sgrub pa'i phyi rgol yang dag gis/ sgra dang mi rtag pa gnyis ka
rtogs pa'i phyir/ khyab ste/ spyi don rig

rgyan las so/ /rtsod gzhi sgra lta bu chos can/ phyogs mtshan nyid
pa ma yin te/ phyir rgol gyis sgrub bya ma grub pa'i snga rol tu grub
zin pa'i phyir/ zhes sgra mi rtag par sgrub pa'i

@059b phyi rgol yang dag gis rtogs na/ sgra mi rtag par sgrub pa'i
phyogs ma yin pas khyab pa bshad pa'i phyir/ de bzhin du gzhan la
yang rigs 'gro'o/ /gzhan yang/ rtag pa chos can/ sgra rtag

par sgrub pa'i phyogs ma yin par thal/ sgra rtag par sgrub pa'i
phyogs btags pa ba yin pa'i phyir/ ma grub na/ rtag pa de sgra rtag
par sgrub pa'i phyogs btags pa ba yin par thal/ mi rtag pa de/

sgra mi rtag par sgrub pa'i phyogs btags pa ba yin pa'i phyir te/ sgra
dang mi rtag pa gnyis re re nas sgra mi rtag par sgrub pa'i phyogs
btags pa ba yin pa'i phyir/ ma grub na/ sgra dang mi rtag pa gnyis re

re nas sgra mi rtag par sgrub pa'i phyogs btags pa ba yin par thal/ de
gnyis re re nas sgra mi rtag par sgrub pa'i sgrub bya btags pa ba yin
pa'i phyir te/ tshad ma kun btus las/ rtags kyi

sgrub bya tshogs pa nyid/ yin phyir chos dang chos can dag /gtso bo
min par phyogs pa'i phyir/ sgrub bya nyid du 'dogs pa yin/ zhes gsungs
pa'i phyir ro/ /zhes rtags rigs brjod don

gsal ba'i me long zhes bya ba 'di yang sngar nas grwa tshang rang gi
brtsi bzhag tu gnang ba'i 'jam dbyangs mchog lha 'od zer gyi gsungs
rgyun de nyid phal cher gzhir bzhag /bar dang mjug

@060a @#/ /nas dgos nges med pa 'ga' zhig dor te/ mjug tu dgos nges kyi
cha 'ga' zhig la lung rigs cung zad kyis brgyan nas/ byang rtse thos
bsam gling gi bla thog bco brgyad pa

blo bzang bstan pa zhes bya bas rang gi slob bu don gnyer can
mang po la phan don du bsgrigs pa'o/ /'dir mi gsal ba'i gal che ba 'ga'
zhig 'di kha'i zur rgyan zhig yod pa der bltas

nas shes par bya'o// //smras pa/ rig pa'i dbang phyug phyogs glang
chos grags kyi/ /mdo dang sde bdun gzhung gi dgongs pa'i don/ /ma
nor ma 'dres ji bzhin brjod pa yis/ /

kun mkhyen dge 'dun grub dang mtshungs par shog /sngon byon
mkha' pa'i drin las rtags rigs kyi/ /tshig don shes nas legs cha bsgrigs
pa 'di/ /dga' ldan mkhas mang byang rtse

grwa tshang du/ /rnam dpyod mi dman blo bzang bstan pas phul/ /dge
bas dpal ldan thos bsam gling pa yi/ /mkhas mang 'dus sde srid mthar
rgyas pa dang/ /bdag dang pha mas gtso

byas 'gro ba kun/ /rnam 'dren rgyal ba'i go 'phang myur thob shog/
//@#/ /oM sVa sti/ chos kyi mnga' bdag zla med shAkya'i tog /chos kyi
mdzod 'dzin phyogs glang chos

@060b grags zhabs/ /chos kyi rgyal po kun mkhyen tsong kha pa/
/chos kyi rgyal mtshan bsgreng mdzad rnams la 'dud/ /yid ldan yongs
kyi rnam dpyod nam mkha'i rgyan/ /yid gdung sel byed bdud rtsi'i bsil
sbyin pa/ /

yid 'phrog legs bshad rgya mtsho'i mar gsar 'di/ /yid dga' chos 'dzin
gling 'dir dpar du bsgrubs/ /gang 'dir 'bad pa'i rnam dkar gang ga'
ma/ /gang tshe bstan 'dzin yongs  

kyi thugs smon mtsho/ /gang der 'dres te lha lam ji srid du/ /gang
gang nyer 'tsho'i dpal du rtag rol shog/ //ces pa 'di ni btsun gzugs kyi
na pa zhig gis sus bris su bgyis pa dza yantu// //

! /chos kyi rgyal po tsong kha pa'i/ /chos tshul rnam par 'phel pa la/
/bgegs kyi mtshan ma zhi ba dang/ /mthun rkyen ma lus tshang bar
shog/ ! /bdag dang gzhan gyi

dus gsum dang/ /'brel ba'i tshogs gnyis la brten nas/ /rgyal ba blo
bzang grags pa yi/ /bstan pa yun ring 'bar gyur cig/ ! /mdo rgyud
dgongs 'grel 'o ma'i mtsho/ /srub

byed gtan tshigs rig pa'i gnas/ /kun gsal rtags rigs mtha' dpyod par/
/dad ldan rdo rje tshe ring dang/ /thub bstan pad pa'i nang tshang gis/
/legs par bzhengs dgos 'gro ba kun/ /tshad ma'i

@061a @#/ /lam gyi bgrod pa la/ /brten nas sangs rgyas myur thob shog