@296a @#/ /bshad do/ /de yang phal che ba'i dbang du byas kyi res
'ga' ni dgra bo'i bde sdug la dmigs nas kyang zhe sdang dang
'dod chags rgyas par 'gyur ro/ /de yang rang rgyud kyi bde sdug
la ni dmigs pa dang mtshungs ldan gnyis kas rgyas la gzhan rgyud
kyi la ni dmigs

pa'i sgo nas so/ /btang snyoms la'ang chags sdang gnyis ka'ang
rgyas mod kyi gti mug dang gnyis mi gsal bar mthun pas lhag par
rgyas par 'gyur ro zhes slob dpon gang spel 'chad do/ /bdun pa
nye ba'i nyon mongs pa bshad pa ni rtsa ba'i nyon mongs pa drug
po las gzhan pa'i nyon

mongs pa can gyi sems las byung ba 'du byed kyi phung po zhes pa
gang yin pa de yang rtsa ba'i nyon mongs pa dang nye bar 'dug
pas na nye ba'i nyon mongs te/ de dag la rtsa ba'i nyon mongs pa
zhes ni mi bya ste/ rtsa ba ma yin pa'i phyir ro/ /de dag kyang
kun nas dkris pa dang/ dri ma dang/ gzhi phran

tshegs las 'byung ba mi dga' ba dang/ glal byed pa dang/ sems
zhum pa nyid dang/ smya ba dang/ zas kyi drod mi zin pa nyid
dang/ tha dad pa'i 'du shes dang/ yid la mi byed pa dang/ lus
kyi gnas ngan len dang/ ru gdug dang/ 'phya smod dang/ gnam pa
nyid dang/ mi gnam pa nyid dang/

rang bzhin du mi 'dug pa nyid dang/ 'dod pa'i rnam par rtog pa
dang/ 'tshe ba'i rnam par rtog pa dang/ nye du'i rnam par rtog pa
dang/ yul mi'i rnam par rtog pa dang/ mi 'chi ba'i rnam par rtog
pa dang/ brnyas pa dang ldan pa'i rnam par rtog pa dang/ rigs
snyems pa dang ldan pa'i rnam par rtog pa

dang/ mya ngan dang/ sdug bsngal ba dang/ yid mi bde ba dang/
'khrug pa zhes bya ba nyer bzhi po dag ste/ 'di dag gi don ni
rin po che'i phreng ba dang/ gzhi bsdu pa las 'byung ba ltar
shes par bya'o/ /brgyad pa kun nas dkris pa bshad pa ni 'di dag
gis srid pa'i btson rar kun nas 'khri

ba'am/ 'di dag yod na spyod pa ngan pa dag ldang bas na kun
dkris so/ /de dag kyang gang zhe na/ ngo tsha med pa nas gnyid
kyi bar kun nas dkris pa ni rnam pa brgyad yin par bstan bcos
rab tu byed pa las bshad do/ /bye brag tu smra ba ni brgyad po
de dag dang khro ba dang 'chab pa ste bcu'o zhes

@296b 'dod do/ /de dag gi ngo bo ni bshad zin la/ 'dir 'gyod pa
kun nas dkris par 'gyur ba ni 'gyod pa mi dge ba yin no/ /de dag
kyang rtsa nyon gyis skyed pa las rtsa ba'i nyon mongs pa gang
gis skyed ce na/ 'dod chags kyis ngo tsha med pa dang rgod pa
dang ser sna bslang zhing bskyed pa yin te/ rang gi chos la

chags pas gzhan pa ma gus pa'i phyir dang/ 'dod pa'i yon tan la
chags pas sems rnam par 'phro ba'i phyir dang/ yo byad la sogs
pa la chags pas dam du 'dzin pa'i phyir ro/ /'chab pa ni kha cig
'dod chags kyis skyed par 'dod la/ gzhan dag ni gti mug gis
bskyed bar 'dod do/ /

la la ni gnyis kas bskyed pa yin te/ nyes ba byung bar shes pa
rnams kyi 'dod chags dang/ byung bar ma shes pa rnams kyi gti
mug las skyes so zhes zer te mi mthun par rtsod do/ /'on kyang
rnyed bkur dang tshigs su bcad ba nyams kyis dwogs nas 'chab pa'i
phyir 'dod chags las skyes

pa nyid rigs so/ /ma rig pa las sems rmugs pa dang gnyid dang
khrel med rnams skye ste/ dmigs pa gsal bar 'jug pa la rmugs pa
dang gnyid med pa'i phyir dang/ sdig pa'i 'bras bu sdug bsngal
yin par ma shes pas sdig pa la mi 'jigs ba'i phyir ro/ /the tshom
las 'gyod pa mi

dge ba 'byung ste/ dge ba'i 'bras bu bde ba yin par the tshom za
ba dag dge ba byas pa la 'gyod pa'i phyir ro/ /khro ba dang
phrag dog ni khong khro'i rgyu las byung ba yin te/ zhe sdang
las kun nas mnar sems skye ba'i phyir dang/ gzhan gyi phun sum
tshogs pa la sems 'khrugs nas mi bzod pa'i

phyir ro/ /dgu pa dri ma bshad pa ni gzhan yang mdo las nyon
mongs pa'i dri ma rnam pa drug gsungs te/ de dag kyang sgyu nas
rnam par 'tshe ba'i bar ro/ /'di dag gi yang ngo bo ni bshad zin
la/ rtsa ba'i nyon mongs pa gang las skyes pa ni sgyu dang
rgyags pa ni 'dod chags las skyes te/ rnyed pa la

sogs pa nyams gyis dwogs nas sgyu byed ba'i phyir dang/ rang gi
chos la chags pas yid bde pa'i phyir ro/ /kho na du 'dzin pa
dang rnam par 'tshe ba ni zhe sdang gis kun nas bslang nas khon
'dzin dang sems can la rnam par 'tshe ba 'byung bas na khong khro
las skyes so/ /'tshig pa ni lta ba mchog

@297a @#/ /tu 'dzin pa las skyes te/ rang gi lta ba la dam du
bzung nas gzhan la 'tshig pa'i phyir ro/ /mdo las/ gya gyu ci yin
sdig can lta zhes 'byung ba'i phyir g.yo ni log par lta bas kun
nas bslang pa yin te/ (las 'bras las/) log par lta ba dang ldan
pa sems (sdig

pa mi 'chags par) gya gyu ba'i phyir ro/ (/mdo las kyang/ rtag
pa ci zhig mya ngan 'das/ /mi rtag ci zhig 'dus byas chos/
/drang po ci zhig 'phags pa'i lam/ /gya gyu ci zhig sdig can
lta/ /zhes so/) /bcu po de dag gi khyad par gyi chos bshad pa ni
kun nas dkris pa bcu bshad pa gang dag yin pa de dag las ngo tsha
med pa dang

khrel med pa dang rmugs pa dang gnyid dang rgod pa ste lnga ni
mthong spang dang sgom spang dang mtshungs par ldan pa rnams rim
pa ltar mthong spang dang sgom spang yin pas rnam pa gnyis ka
yin te/ de la ngo tsha med pa dang khrel med gnyis ni mi dge ba
thams cad dang mtshungs par ldan zhing/

rmugs rgod gnyis ni nyon mongs pa thams cad dang mtshungs par
ldan la/ gnyid ni yid kyi sa pa 'dod pa na spyod pa thams cad
dang mtshungs par ldan no/ /lnga po de dag las gzhan pa nye nyon
kun dkris kyis bsdus pa phrag dog dang ser sna dang 'gyod pa
dang khro ba dang 'chab pa ni bden pa la

dngos dang brgyud nas log par mi 'jug pas bsgom pas spang bar
bya ba kho na dang/ rang dbang can yang yin te/ sgom spang gi ma
rig pa tsam dang mtshungs par ldan pa'i phyir ro/ /gal te gang
zhig ma rig pa tsam dang mtshungs par ldan pa de rang dbang can
yin no zhes bya ba 'di la rigs

ba ci yod ce na/ de dag 'jug pa la (cing yul la 'jug) ni rang
nyid gtso bo yin gyi 'dod chags la sogs pa nyon mongs pa gzhan
la mi ltos la/ ma rig pa tsam dang mtshungs par ldan yang ma rig
pa ni glen pa'i phyir 'jug par byed pa ma yin no zhes slob dpon
gang spel 'chad do/ (/de dag ni rang

nyid dbang che'i/ ma rig pa la sogs pa ltar chags sogs kyi dbang
du mi 'gyur bas so/) /ji ltar nye nyon phrag dog la sogs pa sgom
spang dang rang dbang can yin pa de bzhin du dri ma drug po
rnams kyang sgom spang dang rang dbang can yin no/ /kun nas
dkris pa ngo tsha med pa la sogs pa bdun dang dri ma drug po

@297b rnams ni 'dod pa'i khams na mi dge ba yin no/ /rmugs pa
dang rgod pa dang gnyid gsum ni gnyid la dge ba yod kyang kun
nas dkris pa'i skabs yin pas (dge ba ma yin gyi) bsgribs la lung
ma bstan dang mi dge ba rnam pa gnyis ka yin no/ /'dod pa'i
khams de yan chad khams gong

ma gnyis na yod pa'i nye nyon rnams ni bsgribs la lung ma bstan
yin no/ /yang nye nyon de dag khams dang sa gang na du zhig yod
ce na/ 'dod pa dang bsam gtan dang po na ni g.yo sgyu yod de/
tshul khrims kyi phung po'i mdo las/ 'phags pa rta thul gyis
tshangs pa la 'byung ba chen po

bzhi po 'di dag ma lus par gang du 'gag par 'gyur zhes dris pa
na/ de ma shes par bdag ni tshangs pa'o/ /tshangs pa chen po'o/
/dbang phyug go/ byed pa po'o/ /sprul pa po'o/ /'byin pa po'o/
/'byin byed do/ /dngos po rnams kyi phar gyur pa yin no zhes
tshangs pa chen po'i g.yo sgyus gtam rlung la

bskur te 'phags pa rta thul 'drid par bshad pa'i phyir ro/
/rmugs pa dang rgod pa dang rgyags pa gsum ni khams gsum ga na
yod do/ /gsum po de dag dang g.yo sgyu gnyis te lnga las gzhan
bcu gcig po dag ni 'dod pa'i khams las skyes pa dag kho na yin
no/ /yang rtsa ba dang nye ba'i nyon

mongs pa de dag las mthong pas spang par bya ba thams (nyon
mongs kyi sa pa yin pas/) cad dang (gang na yang mi 'gal bas/)
sgom spang yin yang gnyid dang nga rgyal dang bcas pa ni yid kyi
rnam shes kyis pa yin te/ rtog bcas dang mi gsal pas yid kyi
rnam shes las gzhan gyi 'khor du mi 'byung ba'i

phyir ro/ /de bzhin du nye ba'i nyon mongs pa rang dbang can bcu
gcig po yang sgom spang yin yang rtog bcas yin (ni kha nang ltas
yin pas/) pas yid kyi sa pa yin no/ /mthong spang dang sgom
spang gi gnyid dang nga rgyal las gzhan ba'i nyon mongs pa dang
nye ba'i nyon mongs pa sgom spang gi ma nges pa'i chags

sdang gnyis/ mi dge ba'i sa pa gnyis/ nyon mongs pa chen po'i sa
pa drug po ni rnam par shes pa drug car gyi rten can yin no/
/yang nyon mongs pa nye ba'i nyon mongs pa de dag tshor ba lnga
po gang dang mtshungs par ldan zhe na/ bde ba dang yid bde bdag
dang dga' ba'i rnam par 'jug pas 'dod chags

@298a @#/ /su mtshungs par ldan te/ rnam shes drug car gyi 'khor
du 'byung bas sgo lnga'i rnam shes dang yid shes kyi 'khor du
byung ba ni rim pa ltar lus kyi bde ba dang yid bde dang mtshungs
par ldan pa'i phyir ro/ /zhe sdang ni skyo ba'i rnam par 'jug
pas 'dod chags bde

bdag dang mtshungs par ldan pa las bzlog pa sdug bsngal dang yid
mi bde ba dang mtshungs par ldan pa'o/ /de yang rnam shes lnga
dang yid shes kyi 'khor du byung ba ni rim pa ltar sdug bsngal
dang yid mi bde ba dang mtshungs par ldan pa'i phyir ro/ /spang
bya ris lnga'am 'dres pa dang ma 'dres

pa'i ma rig pa dag ni tshor ba lnga po thams cad dang ci rigs
mtshungs par ldan te/ rnam shes thams cad dang nyon mongs pa
thams cad dang mtshungs par ldan pa'i phyir ro/ /bden bzhi med
par lta ba'i log lta ni log lta can sdig pa dang bsod nams byas
pa rnams rim pa ltar sdig pa dang

bsod nams byas pa'i 'bras bu mi 'byung ba dang 'bad pa don med
par mthong bas yid bde ba dang sdug bsngal te yid mi bde ba dag
dang mtshungs par ldan no/ /yid mi bde ba dang the tshom mtshungs
par ldan te/ (nges pa/) gang zhig don du gnyer ba de la 'jug pa
la the tshom za ba na yang mi

bde ba'i phyir ro/ /de dag las gzhan pa'i nyon mongs pa lta ba
bzhi dang nga rgyal ni yid bde ba dang mtshungs par ldan te/ de
dag yid kyi sa pa kho na yin la dga' ba'i rnam pas 'jug pa'i
phyir ro/ /de dag kyang 'dod pa las skyes pa'i dbang du byas pa
yin gyi khams gong ma na sdug bsngal

med pa'i phyir dang/ bde ba'ang bsam gtan bzhi pa nas med pa'i
phyir ro/ /btang snyoms dang ni nyon mongs pa kun mtshungs par
ldan te/ nyon mongs pa rgyun chad pa na gzhan pas nges (chad
lta'ang dga' rnam can yin no/ /) par btang snyoms yod pa'i phyir
te/ 'grel pa las/ (khong khro dang yid mi bde dang/)

phra rgyas 'di dag thams cad ni btang snyoms kyi dbang po dang
mtshungs par ldan te/ nyon mongs pa rnams rgyun chad pa'i dus na
gdon mi za bar btang snyoms kun du gnas so zhes pa dang/ chos
mngon pa kun las btus las kyang/ ci'i phyir nyon mongs pa thams
cad ni btang snyoms

@298b dang mtshungs par ldan zhe na/ tha mal par 'dug pa la brten
nas nub par 'gyur ba'i phyir ro zhes bshad do/ /sa gong ma gzugs
dang gzugs med pa dag gis nyon mongs pa rnams ni sa ji bzhin du
sa rang rang gi rnam shes dang tshor ba'i dbang po gang yod pa de
dang mtshungs par ldan te/ sa

gang na rnam shes dang tshor ba du yod pa ni bshad zin to/ /nye
ba'i nyon mongs par rnams las 'gyod pa nas 'tshig pa'i bar drug
po dag ni yid mi bde ba dang mtshungs par ldan te/ 'di dag skyo
ba'i rnam par 'jug pa'i tshor ba yin pa'i phyir dang/ dga' ba'i
rnam par mi 'jug pas yid bde

dang mtshungs par mi ldan la yid kyi sa pa kho na yin pa'i phyir
sdug bsngal dang yang mtshungs par mi ldan pa'i phyir ro/ /ser
sna ni yid mi bde dang mtshungs par ldan pa drug po de dag las
bzlog pa chags pa'i rgyu las byung bas dga' ba'i rnam par 'jug
cing yid kyi sa pa kho na yin pas

yid bde dang mtshungs par ldan pa yin no/ /g.yo dang sgyu dang
'chab pa dang gnyid rnams ni g.yo sgyu dang bcas pa'i bya ba
'grub pa dang ma grub pa na rim pa ltar yid bde ba dang mi bde
bar 'gyur zhing gnyid ni kun la mi 'gal la thams cad yid shes
kyis pa yin pas yid bde yid mi bde

gnyis ka dang mtshungs par ldan no/ /dga' ba'i rnam par 'jug cing
yid kyis pa kho na yin pas bsam gtan gsum pa'i sems bde dang
gnyis pa man chad kyi yid bde dag dang rgyags pa mtshungs par
ldan la/ bzhi pa yan chad na bde ba med pa'i phyir btang snyoms
kho na dang mtshungs

bar ldan te/ ji ltar ma rig pa nyon mongs pa dang nye ba'i nyon
mongs pa gang la'ang mtshungs par ldan par rung ba ltar btang
snyoms kyang sa dang rnam shes dang nyon mongs pa dang nye ba'i
nyon mongs pa thams cad la kun du 'gro ba'i phyir ro/ /de'i
phyir TI ka byed dag gis kyang ma rig

pa dang btang snyoms gnyis ni nyon mongs pa dang nye ba'i nyon
mongs pa gang dang yang mtshungs par ldan pa bkag pa med do zhes
bshad do/ /kun dkris gzhan ngo tsha khrel med dang rmugs rgong
bzhi po ni tshor ba'i dbang po lnga dag dang mtshungs par ldan par
srid de/ dang po gnyis mi dge

@299a @#/ /ba'i sa pa dang phyi ma gnyis nyon mongs pa'i sa pa
chen po yin la/ de dag kyang rnam shes drug car gyi 'khor du
'byung zhing drug car la mi dge ba dang nyon mongs pa'ang srid
pa'i phyir ro/ /bcu gcig pa sgrib pa lnga bshad pa ni mdo las
'dod pa la 'dun pa dang/

gnod sems dang/ rmugs pa dang/ gnyid dang/ rgod pa dang/ 'gyod
pa dang/ the tshom dag sgrib pa lngar gsungs na/ 'dod 'dun dang
gnod sems dang gnyid dang 'gyod pa rnams 'dod pa pa yin mod kyi
rmugs rgod dang the tshom rnams khams gsum ga na yod pas de dag
khams gsum

char gyi gzung ngam zhe na/ ma yin te/ bsam gtan dang rnam par
thar pa dang ting nge 'dzin dang snyoms par 'jug pa la sgrib pas
na sgrib pa lnga po rnams ni 'dod pa'i khams kho na na yod de/
mdo las/ dge slong dag sgrib pa lnga ni mi dge ba'i phung po yin
no zhes smra ba de dag ni yang dag

par smra ba smra bar 'gyur ro/ /ci'i phyir zhe na/ dge slong dag
'di ni mi dge ba'i phung po ma 'dres pa yongs su rdzogs pa yin
te/ 'di lta ste sgrib pa lnga'o zhes sgrib pa lnga gcig tu mi
dge pa kho nar gsungs pa'i phyir ro/ /yang ci'i phyir rmugs
gnyid gnyis dang rgod 'gyod gnyis sems byung

tha dad yin bzhin du sgrib pa re rer bshad ce na/ rmugs gnyid
gnyis yod kyang sgrib pa gcig tu bshad de/ de gnyis kyi mi mthun
phyogs gnyen po gcig pa'i phyir dang/ zas te skyed byed kyi rgyu
gcig pa'i phyir dang/ bya ba'ang gcig pa'i phyir ro/ /de la
gnyis ka'i mi mthun

phyogs snang ba'i 'du shes te gnyen po dang zas ma yin pa zhes
kyang brjod do/ /zas ni lnga ste/ smya ba dang/ mi dga' ba dang/
bya smyangs dang/ kha zas kyi drod mi zin pa dang/ sems zhum pa
nyid de/ de dag gis de gnyis rgyas par byed pa'i phyir ro/
/gnyis po de'i bya ba ni sems zhum

par byed pa'o/ /de bzhin du rgod 'gyod gnyis kyang sgrib pa gcig
tu bzhag ste/ mi mthun phyogs dang zas dang bya ba gcig pa'i
phyir ro/ /de la 'di gnyis kyi mi mthun phyogs ni zhi gnas yin
la/ zas ni bzhi ste/ nye du'i rnam par rtog pa dang/ yul gyi
rnam par rtog pa dang/ mi 'chi ba'i

@299b rnam par rtog pa dang/ sngon dgod pa dang rtses pa dang
dga' mgur spyad pa rnams rjes su dran pa'o/ /bya pa ni gnyis kas
sems rnam par ma zhi par byed pa'o/ /gal te nyon mongs pa dang
nye ba'i nyon mongs pa thams cad kyang sgrib pa yin na ci'i
phyir lnga po kho na sgrib par bstan zhe na/ 'dod pa la

'dun pa dang gnod sems kyis ni 'dod pa dang sdig ba las mi 'bral
zhing/ rmugs gnyid dang rgod 'gyod kyis ni rim ba ltar lhag
mthong dang zhi gnas ring du byed bas rim pa ltar tshul khrims
dang shes rab dang ting nge 'dzin gyi phung po gsum la gnod pa
byed pa'i phyir dang/ ting nge 'dzin dang shes

rab med na the tshom gyis ting nge 'dzin dang shes rab kyi phung
po'ang bden pa dag la the tshom za ba'i phyir na sgrib ba lnga
nyid du bshad do/ /gzhan dag ni de ltar ma yin pa'i phyir ro
zhes bye brag tu smra ba phal che ba 'dod do/ /kha cig de lta na
mdo las rmugs gnyid kyi sngar rgod 'gyod smos par 'gyur na

de lta'ang ma yin pas rmugs gnyid dang rgod 'gyod kyis ni rim pa
bzhin du ting nge 'dzin dang shes rab kyi phung po la gnod de/
ting nge 'dzin dang shes rab la brtson pa rnams de dag gis 'jigs
te de dag dang cha 'dra bas bslu ba'i phyir ro/ /de bzhin du the
tshom yang shes rab la gnod byed yin te/ langs

nas chos la nges par rtog pa'i tshe bar chad byed pa'i phyir ro
zhes 'dod de gzhan ni snga ma bzhin no/ /sngon gyi slob dpon dag
ni sgom pa bo de bsod snyoms la brgyus pa na yul sdug mi sdug la
mtshan mar bzung bas chags sdang 'byung bsan thog mar ting nge
'dzin la 'jug pa'i sbyor ba la/

'dod pa la 'dun ba dang gnod sems dang/ de'i 'og ting nge 'dzin
la zhugs pa na dngos gzhi'i zhi gnas la rmugs gnyid dang/ rgod
'gyod dang the tshom gyis ltag mthong dang/ the tshom gyis ni rjes
ting nge 'dzin las langs nas chos la nges par rtog pa la'ang bar
du gcod pas na lngar bstan to

zhes bzhed do/ (/de dag gis dkrugs pa'i sems la de nyid mthong
ba'i skabs med pa'i phyir rlung gis dkrugs ba'i chu la gzugs
brnyan snang ba'i skabs med do/ /) gnyis pa phra rgyas ji ltar
spong tshul la dngos dang/ zhar la gnyen po'i dbye ba gnyis las
dang po ni spyir spang bya spong tshul la bzhi las re zhig mthong
spang rnams ni dmigs

@300a @#/ /pa'i yul yongs su shes pas spong ba dang/ yul de dag
la dmigs pa'i yul can yang dag par zad pa de spangs pas spong ba
dang/ dmigs pa'i yul spangs pas yul can spong ba gsum las dang
po ni mthong spang brgyad cu rtsa brgyad las sdug bsngal mthong
spang

'dod pa'i rang sa la dmigs pa skal ba mnyam pa'i khams kun 'gro
lta ba dang po gnyis dang/ kun 'gro ma yin pa 'dod chags khong
khro nga rgyal gsum dang/ kun 'byung mthong spang kun 'gro ma
yin pa 'dod chags la sogs pa gsum po de dag nyid de de ltar
brgyad dang/ khams gong ma gnyis na khong khro

ma gtogs pa sdug bsngal mthong spang dgu dgu dang/ kun 'byung
mthong spang drug drug ste sum cu dang/ khams gsum gyi 'gog lam
mthong spang gi ma rig pa drug ma gtogs pa zag med la dmigs pa
log lta dang the tshom bzhi gsum bcu gnyis te lnga bcu po rnams
ni dmigs pa bden

bzhi la log par zhugs pa na mthor shes pas mir 'dzin ldog pa
ltar mthong lam gyis bden bzhi'i rang mtshan yongs su shes pas
spong ste/ rnam pa 'gal ba'i phyir ro/ /gnyis pa ni de dag las
dgu gong du dmigs zhes pa'i 'dod pa'i sdug bsngal dang kun
'byung mthong spang skal

ba mi mnyam pa'i khams kun 'gro dgu po rnams te/ de dag ni de
dag la dmigs pa'i yul can 'dod pa'i skal ba mnyam pa'i khams kun
'gro rnams spangs pas spong ste/ skal ba mnyam pa'i khams kun
'gro'i dmigs pa ni skal ba mi mnyam pa'i khams kun 'gro yin pa'i
phyir ro/ /

gal te dmigs pa yin kyang spong bar ma nges so zhe na/ yul can
skal ba mnyam pa'i khams kun 'gro snga mas bskyed pa'i skal ba
mi mnyam pa'i khams kun 'gro rnams dmigs pa yin pa na/ sdug
bsngal dang ('di ni 'dod pa la bsams kyi gong ma'i de dag ni
dmigs pa shes pas spong ba'o zhes so/ /) kun

'byung la chos bzod chos shes kyi rgyu 'dod pa'i skal ba mnyam
pa'i khams kun 'gro rnams spangs pas de dag gis skyed pa'i 'bras
bu skal ba mi mnyam pa'i khams kun 'gro rnams kyang spong ste/
rgyu med pa'i 'bras bu mi srid pa'i phyir ro/ /gsum pa ni khams
gsum gyi 'gog lam

@300b mthong spang zag bcas la dmigs pa log pa la log zhugs 'dod
pa na 'gog pa mthong spang bzhi dang/ lam mthong spang lnga ste
dgu dang/ khams gong ma gnyis na khong khro ma gtogs pa bdun te
nyi shu rtsa gsum po rnams ni de dag gi dmigs pa'i yul dngos su
log zhugs

'gog lam mthong spang zag med la dmigs pa log lta la sogs pa de
dag spangs pas yul can lta ba mchog 'dzin la sogs pa zag bcas la
dmigs pa log pa la log zhugs de dag kyang spangs par 'gyur te/
'gog lam la chos bzod chos shes dang rjes bzod rjes shes kyis
yul zag

med la dngos su dmigs pa log lta la sogs pa de dag dmigs yul
shes pas spangs pa na yul med pa'i yul can mi srid pa'i phyir
ro/ /khams gsum gyi 'gog lam mthong spang gi ma rig pa drug ni
dngos su log zhugs zag med la dmigs pa dang log pa la log zhugs
zag

bcas la dmigs pa ni rim pa ltar dmigs pa yongs su shes pa dang
dmigs yul spangs pas spong ngo/ /de bzhin du khams gong ma gnyis
kyi spang bya cig car spong zhing bden pa cig car mthong bas
gzugs khams kyi skal ba mi mnyam pa'i khams kun 'gro rnams kyang
dmigs pa

shes pas spong la/ sngar bshad pa'i 'dod pa'i kun 'gro dgu'i
skal ba mnyam pa'i khams kun 'gro'i cha rnams kyang dmigs pa
shes pas spong ngo/ /de ltar na thams cad kyang dmigs pa yongs
su shes pas spong ba'i rtsa ba can yin te/ 'dod pa'i skal ba mi
mnyam pa'i khams kun

'gro rnams kyang lam gyis dmigs yul bden pa shes pas yul can
skal ba mnyam pa'i khams kun 'gro rnams spangs pas spong ba'i
phyir dang/ khams gsum gyi 'gog lam mthong spang zag bcas la
dmigs pa rnams kyang 'gog lam shes pas dmigs yul zag med la

dmigs pa rnams spangs pa'i stobs kyis spong ba'i phyir ro/ /de
dag rang rang gi dmigs pa shes pa tsam gyis ni mi spong ste/
skal ba mi mnyam pa'i khams kun 'gro rnams kyi dmigs pa ni khams
gong ma gnyis yin la/ gong ma gnyis ni sdug bsngal kun 'byung la
rjes bzod rjes shes

@301a @#/ /kyis shes pa yin pa na skal ba mi mnyam pa'i khams kun
'gro rnams ni sngar 'dod pa'i sdug bsngal kun 'byung la chos
bzod chos shes kyi yul can spangs pa'i tshul gyis spangs zin pa'i
phyir ro/ /de bzhin 'gog lam mthong spang zag bcas la dmigs

pa rnams kyis dmigs pa zag med la dmigs pa log lta la sogs pa de
dag ni sdug bsngal dang kun 'byung gis bsdus pa yin pas sdug
bsngal kun 'byung la chos dang rjes su shes bzod kyis shes kyang
de'i tshe mi spong ste/ de dag 'gog lam mthob spang yin pas phyis
'gog lam

la chos dang rjes su shes bzod kyi zag med la dmigs pa de dag
spangs pas na yul spangs pas spong ba'i phyir ro/ /spong tshul
gsum po de dag kyang rang rgyud kyi mthong spang spong tshul yin
gyi gzhan rgyud kyi mthong spang thams cad ni/ gang la de skyes
ma spangs pa'i/ /dngos po de dang

ldan pa yin/ /zhes 'byung bas yul can rang rgyud kyi kun 'gro
rnam pa gnyis spangs pa kho nas spong ngo/ /spong tshul bzhi pa
sgom spang rnams ni sa re re'i nyon mongs pa'i rnam pa dgu dgur
byas te chen po'i chen po la sogs pa gang gi gnyen po lam chung
ngu'i chung ngu la sogs pa gang yin

pa de skyes pas nyon mongs pa de zad cing spangs par 'gyur gyi
mthong lam gyis dmigs pa bden bzhi shes kyang sgom spang mi
spong bas dmigs pa shes pas kyang ma yin zhing/ dang po'i rnam
pa spangs kyang de'i/ /yul can dri ma lhag rnams kyis/ /zhes bas
yul can kun 'gro dang sgom

spang dang po brgyad kyi bar du spangs kyang yul sgom spang phyi
ma mi spong bas dmigs byed zad bas kyang ma yin la/ dmigs (ste
bden pa rnams sngar shes par byas zin/) yul sgom spang snga ma
brgyad spangs kyang yul can phyi ma dgu pa mi spong bas dmigs
yul spangs pas kyang ma yin no/ (/de ltar na)

(sgom spang ni rang rang gi gnyen po skyes bas spong ba dang/
rang rgyud kyi sgom spang nyon mongs can gzugs can dang nyon
mongs can ma yin pa dang/ gzhan rgyud kyi thams cad ni yul can
zad pas spong bas sgom spang spong tshul ni rnam pa gnyis yin
no//) gnyis pa ni 'o na gnyen po nyid du yod ce na/ gnyen po ni
rnam pa bzhi ste/ spong ba'i gnyen po dang

@301b gzhi gnyen po dang/ thag srid pa'i gnyen po nyid dang/
rnam par sun 'byin pa'i gnyen po zhes bya'o/ /de la dang po ni
gang gis nyon mongs pa'i thob pa gcod pa ste bar chad med pa'i
lam (thams cad de/) sdug bsngal la chos shes pa'i bzod pa la
sogs pa'o/ /gnyis pa ni bar chad

med pa'i lam gyis spangs pa'i bral thob 'jin pa ste bar chad med
pa'i lam dang po ma gtogs pa sdug bsngal la chos shes pa la sogs
pa rnam par grol ba'i lam (la sogs pa thams cad do//) mo/ /des
na bar chad med lam dang po ni spong ba gnyen po kho na yin gyi
gzhi gnyen po ni ma yin no/ /

gsum pa ni rnam grol gyi lam dang po sdug bsngal la chos shes ma
gtogs pa de yan chad kyi khyad par gyi lam ste thob pa thag
sring pa'i phyir ro/ /des na rnam grol gyi lam dang po sdug
bsngal la chos shes de ni gzhi gnyen po kho na yin no/ /kha cig
na re rnam grol gyi lam dang po des kyang thob

pa thag sring bas thag sring gi gnyen po'ang yin no zhes zer ro/
/bzhi pa ni bden pa dang po gnyis la dmigs pa'i lam gang gis
dmigs pa de mi rtag pa la sogs pa'i rnam par sun 'byin pa'o/
/des na 'di skad du bden pa dang po gnyis la dmigs pa'i spong ba
gnyen po la sogs pa ni sun 'byin

pa'i gnyen po'ang yin no zhes bstan pa yin no/ /slob dpon gyis
ni them skas kyi tshul la brten nas skye ba'i rim pa dang mtshan
nyid mi 'chol ba thugs la bzhag nas dang po ni bden pa dang po
gnyis la dmigs pa'i sbyor lam drod la sogs pa kho na yin la/
gnyis pa ni bar chad med pa'i

lam brgyad cu rtsa dgu po thams cad do/ /gsum pa ni rnam grol
gyi lam thams cad de rnam grol gyi lam ni dang po nas gzhi kho
na yin gyi thag sring ba'i gnyen po ni ma yin no/ /bzhi pa ni
khyad par gyi lam ste snga ma gsum las gzhan pa'i lam thams cad
de/ des na go rim 'di ni ches legs

pa yin no zhes bshad do/ /gnyen po de dag gis gang las spong zhe
na/ dmigs pa'i yul sun byung ba las ni nyon mongs pa spang byar
'dod kyi (gnyen po dang spang bya/) mtshungs par ldan pa las ni
ma yin te/ (mtshungs ldan yin na de gnyis) phan tshun med na mi
'byung bar skyes pas rang gi tshogs dbye bar mi nus

@302a @#/ /pa'i phyir dang/ dmigs pa las dbye bar nus pa'i phyir
ro/ /ji tsam gyis na nyon mongs pa spangs par brjod ce na/ de
yang rang gi rgyud la yod pa'i nyon mongs pa ni thob pa chad pa
dang bral thob skyes pa'i tshul gyis spong la/ rang gi rgyud la
yod pa'i nyon mongs pa can ma

yin pa dge ba zag bcas dang ma bsgribs lung ma bstan gzugs can
dang gzugs can ma yin pa/ (lam gyi bus na rang rgyud kyi phra
rgyas da ltar ba med pas de spong gsung ste/ 'gag par 'gyur ba'i
lam gyis nyon mongs 'das ma 'ongs dmigs yul du byas nas spong
la/ de yang yul de'i gnas lugs shes pas spong ste yul kha cig gi
gnas lugs)

(ma shes na rgyud la de'i yul can gyi nyon mongs ba'i stobs gyis
de'i yul can min pa'i nyon mongs rnams kyi thob pa yang 'byung
ste/ de yul sun dbyung med par ni/ /de blo spong bar nus ma yin
zhes pas so/) /thams cad ni de dag la dmigs pa'i yul can rang gi
rgyud la yod pa'i nyon mongs pa 'dun pa'i 'dod chags spangs pa
la de dag

spangs pa'i tha snyad du byed de/ shes par byed pa'i lung dang
bcas te bshad zin to/ /thag sring pa'i ngo bo ring ba nyid kyang
rnam pa bzhi yin te/ tshogs pa gcig na gnas kyang mtshan nyid mi
mthun pa tha dad pas ring ba ni sa la sogs pa'i 'byung ba bzhi
lta bu dang/ mi mthun phyogs dang gnyen pos

ring ba ni tshul khrims dang 'chal ba'i tshul khrims lta bu dang/
yul (de yang mthong spang cig car dang sgam spang rim gyis spong
la mthong spang yang byis pas spong na rim gyis spong gsung/)
rnam par chad pas ring ba ni shar nub kyi rgya mtsho la sogs pa
phyogs tha dad pa lta bu dang/ dus kyis ring ba ni chos mngon ba
las/ chos

ring ba dag gang zhe na/ 'das pa dang ma 'ongs pa'i chos rnams
so/ /chos nye ba dag gang zhe na/ da ltar byung ba'i chos rnams
dang/ 'dus ma byas so zhes 'byung bas 'das pa dang ma 'ongs pa'i
dus gnyis ring ba nyid lta bu'o/ /gal te dus gnyis po gang las
ring ba yin zhe na/ bye brag tu smra ba

rnams na re da ltar las so zhe'o/ /'o na 'das ma thag pa dang
skye ba la mngon du phyogs pa'i ma 'ongs pa'ang nye bar 'gyur
te/ da ltar la gzhan gyis bar du ma chod pa'i phyir ro/ /gal te
bar du chod ma chod kyis nye ring du bzhag pa ma yin gyi 'on
kyang dus tha dad pas ring bar bzhag go zhe na/ de lta na

@302b da lta yang ring bar 'gyur te/ 'das ma 'ongs las dus tha
dad pa'i phyir ro/ /'o na ni dus gnyis byed pas ring ba yin te/
byed pa zhig pa dang ma thob pa'i phyir ro zhe na/ de lta na
'dus ma byas kyang ring bar 'gyur te/ byed pa med pa'i phyir ro/
/'dod par mi nus te/ bstan bcos las nye bar bshad

ba'i phyir ro/ /gal te 'gog gnyis kyi zhes pas 'dus ma byas 'gog
pa gnyis kyi thob pa yul thams cad du skye ba'i phyir nye ba yin
no zhe na/ de lta na dge mi dge gzugs can ma yin ba'i 'das ma
'ongs nye ba dang 'dus ma byas nam mkha' ring bar 'gyur te/ dus
gsum pa yi rnam pa gsum

zhes pas dus gnyis kyi thob pa'ang yul thams cad du 'byung ba'i
phyir dang/ nam mkha' la thob pa med pa'i phyir ro/ /gal te 'das
ma 'ongs ni da ltar gyis bar du chod pas phan tshun ring ba yin
zhing/ da ltar ni dus gnyis kyis bar du mchod pas dus gnyis la
ltos nas nye pa yin la/ 'dus

ma byas ni gang gis kyang bar du ma chod pas nye ba yin no zhe
na/ de ltar na'ang 'das ma 'ongs ni nye ring gnyis kar 'gyur te
'das pa ma 'ongs pa la ltos nas ring ba dang da ltar la ltos nas
nye ba dang ma 'ongs pa'ang da ltar la ltos nas nye ba dang 'das
pa la ltos nas ring ba'i phyir ro/ /'dod

par mi nus te/ 'das ma 'ongs ring ba kho nar 'dod pa dang 'gal
ba'i phyir ro zhes da ltar slob dpon gyis bye brag tu smra ba'i
lugs bkag nas rang nyid ni 'das ma 'ongs ni rang gi ngo bo zhig
pa dang mthob pas chos kyi rang gi mtshan nyid kyi dngos po las
ring ba yin no zhes bzhed do/ /gsum pa

spangs pa'i 'bras bu yongs shes bshad pa ni gal te lam khyad par
du 'gro na nyon mongs pa rnams kyi spangs pa'ang khyad par du
'gro ba yod dam zhe na/ nyon mongs pa thams cad ni rang rang gi
gnyen po spong lam gang yin pa de kho nas spong zhing thob pa
chad pas spangs pa lan cig tu

zad (pas khyad par mad/) kyi/ 'on kyang nyon mongs pa de dag gis
bral pa'i thob pa ni yang dang yang du khyad par du 'gro'o/
(/dus drug tu ste/) gang du zhe na/ gal te dbang po rtul po yin
na rang rang gi gnyen po skyes pa dang/ rgyun zhugs la sogs pa'i
dge sbyong gi tshul gyi 'bras bu bzhi thob pa dang/

@303a @#/ /dbang po rtul po las dbang po rnon por rnam bar 'phel
ba'i dus dang drug po rnams su'o/ /dbang po rnon po yin na dbang
po 'pho ba med pas dus lngar khyad par du 'gro'o/ /de la gnyen
po skyes pa ni bral thob dang lhan cig skyes pas rnam grol gyi
lam yin te/ bar

chad med pa'i lam gyi tshe bral ba'i thob pa skye ba la mngon du
phyogs pa tsam las da ltar du ma skyes pa'i phyir ro/ /bral ba
des ni gnas skabs de dag tu yongs su shes pa'i ming 'thob bo/
/de la spyir yongs su shes pa ni ye shes kyi yongs su shes pa
dang/ spangs pa'i yongs su shes

pa gnyis las dang po ni zag med (rnam grol) kyi ye shes yin la/
gnyis pa ni de'i yul spang bya dang bral ba so sor brtags 'gog
yin no/ /de ltar gnyis las 'dir ni phyi ma yin te/ de la yongs
shes su gzhag pa ni yul la yul can gyis btags pa'am/ 'bras bu
spangs pa la

rgyu ye shes kyis btags pa'i phyir dang/ mdo las kyang/ yongs su
shes pa gang zhe na/ 'di la 'dun pa'i 'dod chags spangs pa dang/
'dun pa'i 'dod chags las yang dag par 'das pa ste 'di ni yongs
su shes pa zhes bya'o zhes gsungs pa'i phyir ro/ /de lta bu'i
yongs su shes

pa de yang spang bya spangs pa'i sgo nas dbye nA rnam pa dgu
ste/ 'di ltar 'dod pa'i khams na bden pa dang po gnyis kyi
mthong bas spang bya rnam pa gnyis zad pa la ni 'dod pa'i sdul
bsngal dang kun 'byung mthong spang spangs pa'i yongs shes gcig
dang/ 'gog lam mthong spang rnam

pa gnyis zad pa ni 'gog pa mthong spang spangs pa'i yongs shes
dang/ lam mthong spang spangs pa'i yongs shes de gnyis so/ /ji
ltar 'dod pa'i mthong spang spangs pa la yongs shes gsum yin pa
de bzhin du khams gong ma gnyis po'i mthong spang spangs pa'i
yongs su shes

pa de yang gsum nyid de/ gong ma gnyis po'i bden pa dang po
gnyis kyi mthong spang la sogs pa'o/ /de ltar na khams gsum gyi
mthong spang sdangs pa ni yongs shes drug tu bzhag go  / sgom
spang spangs pa la yongs su shes pa sngar gyi drug po las gzhan
gsum ste/ khams gsum gyi

@303b sgom spang spangs pa las rim pa ltar tha ma'i cha dang
mthun pa zad cing spangs pa dang/ gzugs khams kyi (nyon mongs
zad par spangs pa/) zag pa'am 'dod chags zad pa dang/ zag pa kun
zad pa'am kun sbyor thams cad yongs su gtugs pa'i yongs su shes
pa'o/ /gal te khams gong ma

gnyis kyi mthong spang spangs pa'i ('dod pa'i dgu pa zad pas
spangs pa na/) yongs shes gcig tu bsdoms la sgom spang spangs
pa'i tha dad du phye zhe na/ sgom (gzugs med kyi nyon mongs zad
par spangs pa/) spang ni khams gong ma gnyis na sa dang sa na
sgom spang dgu dgu'i gnyen bor bar chad med pa dang rnam grol
gyi

lam nyer bsdogs mi lcogs med la sogs pa zag med dang zag bcas
gnyis pa'i nyer bsdogs la sogs pas bsdus pa dgu dgu yod pas
gnyen po tha dad pa'i phyir dang/ mthong spang rnams kyi ni
gzugs na spyod pa'i gnyen po rjes bzod la sogs pa de dag kho na
gzugs med kyi

mthong spang gi yang gnyen po yin pas gnyen po gcig pa'i phyir
yin no/ /yongs su shes pa dgu po de las dang po drug ni bzod
pa'i 'bras bu yin te/ mthong lam bar chad med pa'i lam gyi 'bras
bu yin pa'i phyir ro/ /gal te yongs shes ni bzod pa'i 'bras bu
ma yin te/ de ni zag

med kyi shes pa'i 'bras bu yin la dri med bzod rnams shes pa min
zhes pas bzod pa ni shes pa ma yin pa'i phyir ro zhe na/ yongs
shes bzod pa'i 'khor shes pa'i 'bras bu yin yang shes bzod gnyis
'bras bu gcig pas shes pa'i 'bras bu la bzod pa'i 'bras bur
bstan

pa yin te/ dper na rgyal po'i 'khor gyis byas pa la rgyal pos
byas so zhes brjod pa bzhin no zhes pa'am/ yang na shes pa gtso
bo dang bzod pa 'khor yin pas dngos su gtso bo shes pa'i 'bras
bu yin yang 'khor la rgyal por btags pa ltar 'khor bzod pa'i
'bras bur

btags pa yin no zhes slob dpon gang spel 'chad do/ /yongs shes
drug gi lhag ma tha ma gsum po rnams ni shes pa'i 'bras bu yin
te/ sgom lam gyi 'bras bu yin pa'i phyir dang/ sgom lam la bzod
pa med pa'i phyir ro/ /yang yongs shes de dag bsam gtan dang
po'i nyer

@304a @#/ /bsdogs mi lcogs pa med pa ni spang bya thams cad kyi
gnyen por 'gyur ba srid pas de'i 'bras bu ni yongs shes dgu po
thams cad do/ /bsam gtan dngos gzhi zag med rnams kyi 'bras bu
ni khams gong ma gnyis kyi mthong spang spangs pa'i yongs shes

gsum dang/ sgom spang spangs pa'i yongs shes phyi ma gnyis te
lnga yin la/ (bsam gtan ni dngos gzhi la brten nas de dag gi
nyon mongs spong ba srid pa'i phyir te chags bral sngon 'gro la
bsams so//) gzhan dag ('dod pa'i nyon mongs spangs pa'i yongs
shes/) ni mi lcogs med kyi 'bras bu yin no zhes bye brag tu smra
ba phal che ba

'dod la/ (de yang dngos gzhi'i 'dod pa'i gnyen po ma yin pa'am/
'dod pa la 'dod chags dang ma bral ba dngos gzhi la mi 'jug pa'i
phyir zhes 'chad do/ /des na chags bral sngon 'gro la 'dod pa'i
mthang spang gi bral thob zag med yod kyang de'i 'bras bu ma yin
te/ tha ma'i cha mthun spangs pa'i yongs shes bzhin no zhes
so//) 'am zhes bya ba ni lugs tha dad ston pa ste/

btsun pa dbyangs sgrogs na re bsam gtan dngos gzhi'i 'bras bu ni
yongs shes brgyad yin te/ 'dod pa'i mthong spang spangs pa'i
yongs shes gsum yang chags bral sngon 'gro'i phyir mi 'ong dag
gis mthong lam thob pa'i bsam gtan gyi stobs kyis bral ba'i thob
pa zag med rnyed pa'i phyir dang/

tha ma'i cha mthun spangs pa'i yongs shes (chags bral sngon
'gros 'dod pa'i mthong spang spangs pa gsum bsnan nas/) gcig pu
ni mi lcogs med kyi 'bras bu kho nar nges pa'i phyir ro zhes zer
ro/ /bsam gtan khyad par can yang bsam gtan gyi dngos gzhi dang
'bra bar shes par bya'o/ /gzugs med nam mkha'

mtha' yas skye mched kyi nye bar bsdogs pa'i 'bras bu ni yongs
shes brgyad pa gcig pu yin te/ de zag bcas yin (dang de'i bral
thob ni gong ma'i lam mthong spang spangs pa'i yongs shes dang
gcig tu 'dus so//) yang 'phags pas de la brten nas yongs shes
'di 'thob pa srid pa'i phyir ro/ /nam mkha' mtha' yas skye mched

la sogs pa gzugs med dngos gzhi zag med dang po gsum gyi 'bras
bu yang zag pa kun zad kyi yongs shes gcig kho na yin no/ (/de
dag kyang zag med kyi yin gyi gzhan gyi gongs las mi rgyal bas
so//) des na 'dod pa dang srid rtse'i sems ni zag med kyi lam
gyi rten du mi rung ba'i phyir yongs shes kyi

@304b rgyur mi 'gyur ro/ /yongs shes dgu po thams cad ni 'phags
pa'i lam gyi 'bras bu yin te/ dang po drug dang phyi ma gsum rim
pa ltar mthong lam dang sgom lam gyi 'bras bu yin pa'i phyir ro/
/zag bcas 'jig rten pa'i sgom lam gyi 'bras bu ni yongs shes
bdun pa dang brgyad pa gnyis yin

te/ 'phags pa dag 'jig rten pa'i lam gyis 'dod gzugs las 'dod
chags dang bral ba srid pa'i phyir ro/ /sgom lam gyis bsdus pa'i
rjes shes kyi 'bras bu yang yongs shes tha ma gnyis yin la/ sgom
lam gyis bsdus Ba'i chos shes pa'i 'bras bu ni sgom pa'i lam la
'gog

pa'am/ /lam la chos shes gang yin de/ /khams gsum gyi ni gnyen
po yin/ /zhes 'byung bas yongs shes tha ma gsum yin no/ /chos
shes de'i phyogs dang mthun pa chos shes pa'i bzod pa dang shes
pa rnams kyi 'bras bu ni yongs shes drug yin te/ dang po ('dod
pa'i) gsum chos bzod

kyi 'bras bu dang/ tha ma gsum (sgom spang spangs pa'i/) chos
shes kyi 'bras bu yin pa'i phyir ro/ /de yang sgom lam gyis (de
yang de khams gsum gyi gnyen po yin pas so//) bsdus pa'i sdug
bsngal dang kun 'byung shes pas bsdus pa'i ni tha ma'i cha mthun
spangs pa'i yongs shes gcig pu yin la 'gog lam

shes pa'i ni yongs shes gsum char yin no/ /rjes shes de'i phyogs
dang mthun pa rjes su shes pa'i bzod pa dang shes pa'i 'bras bu
ni yongs shes lnga yin te/ khams gong ma gnyis kyi mthong spang
spangs pa'i yongs shes gsum rjes bzod kyi 'bras bu dang/ tha ma
gnyis rjes shes kyi 'bras

bu yin pa'i phyir ro/ /gal te la lar ni spangs pa mang po bsdoms
nas yongs shes re rer 'jog la/ la lar ni spangs pa re re la
yongs shes re rer 'jog pa la rgyu mtshan ci yod ce na/ de la shes
bzod rnams kyi 'bras bu bral ba ni rgyu gsum gyis yongs shes su
bzhag ste zhes sbyar te/

gang zhe na bral ba'i thob pa zag med gsar du rnyed pa dang/
srid rtse'i nyon mongs pa nyams par byas ba dang/ rgyu sdug
bsngal dang kun 'byung mthong spang gi kun 'gro gnyis kun du
bcom pa'i phyir ro/ /de la so so'i skye bo la ni rgyu gnyis bcom
pa yod kyang (snga ma gnyis med pas 'di spangs pa la)

@305a @#/ (/yongs shes kyi ming mi thob la 'phags pa la'ang ji
srid/) sdug bsngal la chos shes pa la ni dang po yod kyang phyi
ma gnyis med de sdug bsngal la rjes su shes pa la ni dang po
gnyis yod kyang phyi ma (rgyun gyi bcom pa/) med de/ kun 'byung
mthong spang gi kun 'gro ma spangs

pa'i phyir ro/ /kun 'byung la chos shes pa'i gnas skabs na ni
gsum ga yod pa'i phyir 'dod pa'i sdug bsngal dang kun 'byung
mthong (rgyu gnyis bcom pa dang srid rtse nyams pa med pa'i
phyir ro//) spang spangs pa'i yongs shes gcig tu gzhag go  / de
bzhin du khams gong ma gnyis kyi la'ang shes

par bya'o/ /'dod pa'i 'gog lam la chos shes pa gnyis ni re re
la'ang rgyu gsum ga tshang ba'i phyir yongs shes re rer gzhag gi
bzod pa rnams ni ma yin te/ bral thob zag med gsar du ma rnyed
pa'i phyir ro/ /de dag ni bzod pa'i 'bras bu yongs shes drug tu
'jog pa'i rgyu yin no/ /sgom

lam la bzod pa med pas shes pa'i 'bras bu yongs shes tha ma gsum
ni rgyu gsum po de dag dang/ bzhi pa 'dod pa la sogs pa'i khams
gsum las 'das pa las kyang rim pa ltar gzhag go  / chos mngon pa
pa gang dag dmigs par bya ba'i nyon mongs pa dang dmigs par byed

pa'i nyon mongs pa gnyis dang bral ba'i rgyu lnga pa 'dod pa ni
'dir ma brjod de/ rgyu gnyis kun du bcom pa dang/ khams las 'das
pa'i nang du 'dus pa'i phyir ro/ /'o na yongs shes de dag gang
zag gang la du zhig ldan zhe na/ gcig ste so so'i skye bo ni
yongs shes dang ldan pa min

te/ ye shes kyis spangs pa med pas bral thob zag med med pa'i
phyir ro/ /der ma zad sdug bsngal la chos shes pa'i bzod pa nas
bzung ste kun 'byung la chos shes pa'i bzod pa'i bar ye shes
skad cig ma lnga la gnas pa'ang rgyu gnyis kun du ma bcom pa'i
phyir yongs shes dang

mi ldan no/ /de las gzhan pa'i 'phags pa mthong lam la gnas pa
ni gcig nas lnga'i bar dang yang dag par ldan te/ 'di ltar kun
'byung la chos shes pa dang kun 'byung la rjes su shes pa'i bzod
pa gnyis la gnas pa ni 'dod pa'i sdug bsngal dang kun 'byung
mthob spang spangs

@305b pa'i yongs shes gcig dang ldan no/ /kun 'byung la rjes su
shes pa dang 'gog pa la chos shes pa'i bzod pa gnyis la gnas pa
la ni yongs su shes pa snga ma dang khams gong ma gnyis kyi sdug
bsngal dang kun 'byung mthong spang spangs pa'i yongs shes te
gnyis dang ldan no/ /'gog pa

la chos shes pa dang 'gog pa la rjes su shes pa'i bzod pa la
gnas pa la ni snga ma gnyis dang 'dod pa'i 'gog pa mthong spang
spangs pa'i yongs shes te gsum dang ldan no/ /'gog pa la rjes su
shes pa dang lam la chos shes pa'i bzod pa la gnas pa la ni gsum
po de dag dang

gong ma gnyis kyi 'gog pa mthong spang spangs pa'i yongs shes te
bzhi dang ldan no/ /lam la chos shes pa dang lam la rjes su shes
pa'i bzod pa la gnas pa la ni bzhi po de dag dang 'dod pa'i lam
mthong spang spangs pa'i yongs shes te lnga dang ldan no/ /lam
la rjes shes ni sgom lam yin pas 'di'i

nang du mi gtogs so/ /sgom lam la gnas pa ni yongs shes drug gam
sta lam la rjes shes thob pa nas bzung ste 'dod pa la 'dod chags
dang ma bral ba sgom spang dang po nas brgyad pa spangs pa'i bar
la gnas pa yang sngar gyi lnga dang gong ma gnyis kyi lam mthong
spang spangs pa'i

yongs shes te drug dang ldan la/ 'dod pa las 'dod chags dang
bral ba las nyams na'ang drug po de dag nyid dang ldan no/ /gal
te lam la rjes shes thob pa na yongs shes drug dang ldan par mi
'gyur te/ 'bras bu bzhir rnam gzhag pa ni/ /rgyu lnga dag ni
srid phyir ro/ /'bras la sngon

lam btang ba dang/ /gzhan thob pa dang zad bsdoms dang/ /shes pa
brgyad tshan thob pa dang/ /rnam pa bcu drug ('di ni mthar gyis
par nges so/) thob pa'o zhes (skad cig bcu drug pa'i tshe zhugs
lam btang ba la sogs pa'i rgyu tshang bas/) spangs pa bsdoms par
bshad pa'i phyir ro zhe na/ (de'i tshe) spangs pa bsdoms

pa yin gyi yongs shes bsdoms pa ni ma yin pas 'gal ba med do
zhes TI ka byed dag 'chad do/ /yang bsgom pa'i lam la gnas pa
kha cig ni yongs su shes pa gcig gam ste 'phags pa thog mar 'jig
rten pa'i lam gyis 'dod pa las 'dod chags dang bral bar byas te
phyis

@306a @#/ /nges pa la 'jug pa'am/ thog mar mthong lam thob nas
phyis 'dod pa las 'dod chags dang bral bar byed pa'i 'phags pa
phyir mi 'ong yin kyang rung ste lam la rjes shes kyi tshe snga
ma rnams bsdoms te (tha ma'i cha mthun spangs pa/) bdun pa gcig
pu dang ldan

la/ ('phags pa) gzugs las 'dod chags dang bral ba las nyams
na'ang de nyid dang ldan no/ /dgra bcom pa thob pa'i tshe yang
yongs shes snga ma thams cad bsdoms pa'i phyir yongs shes tha ma
gcig bu dang ldan no/ /sgom lam la gnas pa yang na gnyis dang
ngo ste gzugs kyi 'dod

chags dang bral ba'i 'phags pa phyir mi 'ong de nyid gzugs kyi
'dod chags dang bral ba thob pa dang/ gzugs med pa'i nyon mongs
pas dgra bcom pa las nyams na'ang bdun pa dang brgyad pa gnyis
dang ldan no/ /gal te gzugs kyi 'dod chags dang ma bral ba'i
phyir mi 'ong dang dgra bcom

pa'i 'bras bu thob pa'i tshe spangs pa mang po yod bzhin du yongs
shes gcig tu ('am re re kho nar) ji ltar 'gyur zhe na/ gzugs kyi
'dod chags dang ma bral ba'i phyir mi 'ong dang dgra bcom thob
pa'i tshe ni rim pa ltar 'dod pa dang khams gsum las 'dod chags
dang bral ba'i (gi 'bras gnas tsam po/)

phyir dang/ phyir mi 'ong dang dgra bcom pa'i 'bras bu thob pa'i
rgyu gnyis gnyis kyi phyir spangs pa dang yongs shes de dag
bsdoms nas tha ma'i cha mthun spangs pa dang zag pa kun zad kyi
yongs shes re rer bzhag go  / rgyun zhugs dang lan cig phyir
'ong la ni 'bras bu thob pa yod kyang khams

las 'dod chags dang bral ba med pa'i phyir dang/ gzugs kyi 'dod
chags dang bral ba'i phyir mi 'ong la khams las 'dod chags dang
bral ba yod kyang 'bras bu sngar med thob ba med pa'i phyir
dang/ gzhan dag la ni gnyis ka med pa'i phyir yongs shes sdom
par mi byed do/ /yang gang

zhig yongs shes du zhig gtong ba'am 'thob ce na/ la la ni yongs
shes gcig gtong ste/ dgra bcom las nyams na sngar yongs shes tha
ma gcig bu dang ldan pa de nyid gtong ba'i phyir dang/ de bzhin
du gzugs kyi 'dod chags dang ma bral ba'i 'phags pa phyir mi
'ong 'dod pa las

@306b 'dod chags dang bral ba las nyams na'ang bdun pa gcig pu
gtong ngo/ /la la ni gnyis gtong ste/ phyir mi 'ong gzugs kyi
'dod chags dang bral ba 'dod pa'i nyon mongs mngon du byas te
nyams pa'am des dgra bcom thob pa na bdun pa deng brgyad pa
gnyis gtong ba'i phyir ro/ /kha cig ni lnga

gtong ste/ chags bral sngon 'gros skad cig ma bcu drug pa lam la
rjes shes thob pa na 'dod pa'i mthong spang spangs ba'i yongs
shes gsum dang/ khams gong ma'i mthong spang spangs pa'i yongs
shes gnyis te lnga gtong ba'i phyir ro/ /khams gong ma gnyis kyi
lam mthong spang spangs pa'i yongs

shes ni mi gtod mod kyi khams las (sdang) 'dod chags dang bral
ba ('i phyir) dang (de'i tshe) 'bras bu thob pa'i (phyir de gnyis
gyi) sgo nas tha ma'i cha mthun spangs pa'i yongs shes kyi nang
du bsdoms pa'i phyir de las tha dad du bshad du med do/ /la la
ni drug gtong ste/ 'phags pa mthar gyis pa

'dod pa las 'dod chags dang bral ba na bdun pa thob pas snga ma
drug gtong ba'i phyir ro/ /de bzhin du 'thob pa ni gcig dang
gnyis dang drug 'thob pa yod kyi lnga 'thob pa ni yod pa min no
zhes bya'o/ /de la gcig 'thob pa ni mthong lam la gnas pas kun
'byung la chos shes pa'i gnas skabs na

sngar med pa las dang po gcig pu ('thob pa) dang/ de bzhin du
chags bral sngon 'gros 'dod pa las 'dod chags dang bral nas lam
la rjes shes kyi tshe bdun pa gcig pu dang/ mthar gyis pas kyang
'dod pa las 'dod chags dang bral ba'i rnam grol gyi lam dgu pa
la bdun pa gcig pu dang/ dgra

bcom pa thob pa na'ang tha ma gcig pu 'thob bo/ /gnyis thob pa
ni gzugs med las 'dod chags dang bral ba gzugs med kyi nyon
mongs pas nyams na bdun pa dang brgyad pa gnyis 'thob ba lta
bu'o/ /drug 'thob pa ni 'phags pa la mthar gyis pa phyir mi 'ong
las nyams na yongs shes dang po

drug 'thob pa yin no/ (/'o na chags bral sngon 'gro tha ma'i cha
mthun spangs pa las nyams na dang po lngas ci'i phyir mi thob ce
na/ de ni lam gnyis kyis 'thob pa'i phyir yongs su nyams pa mi
srid de/) des na lnga 'thob pa ni 'ga' yang med do/ /zag bcas
las dang yang srid 'grub pa yi/ /rtsa ba phra rgyas spang bya
rnam gnyis dang/ /de dag

@307a @#/ /spong tshul spangs pa'i 'bras bu sogs/ /shes par 'dod
pas gnas 'di mnyan par gyis/ /chos mngon pa'i mdzod kyi 'grel pa
mngon pa'i rgyan las phra rgyas bstan pa zhes bya ba ste gnas
lnga ba'i bshad pa'o// ! //da ni gnas drug ba las dang gang

zag bstan pa 'chad pa na mtshams sbyar ba'i tshul gyis mdor bstan
ba dang/ dmigs ba'i yul bden ba bshad pa dang/ mngon par rtogs
pa'i rim pa dang/ sgom pa po'i gang zag rnam par bzhag ba dang/
mngon par rtogs pa'i lam bshad pa lnga las dang po ni gal te
gnas lnga par 'bras bu

la rgyu nye bar btags pa'i phyir spangs pa ni yongs su shes ba'i
ming 'thob bo zhes pa dang/ spong ba'i gnyen por yang/ de dag
bcu dang bdun bdun brgyad/ /lta ba gsum gnyis ma gtogs pa/ /'dod
na sdug bsngal la sogs pa/ /mthong bas rim bzhin spong bar byed/
/bzhi ni bsgom pas

spang bya yin/ /zhes bden pa mthong ba dang mthong don bsgoms pa
las mthong sgom gyi spang bya nyon mongs pa rnams spangs pa'am
spong ngo zhes bshad pa'i gnyen po mthong sgom gyi lam de dag
nyid zag bcas zag med gang yin zhe na/ bsgom pa'i lam ni zag
bcas zag med rnam pa gnyis yin/

te/ 'jig rten pa'i sgom lam zag bcas kyi bsam gtan gzugs med la
zag pa rgyas par 'gyur ba'i phyir dang/ 'jig rten las 'das ba'i
sgom lam bden pa'i rnam pa can bden pa mthong don goms par byed
pa la zag ba rgyas pa med pa'i phyir ro/ /mthong ba'i lam zhes
bya ba ni gcig

tu zag pa med pa yin te/ khams gsum pa'i (mthong spangs/) gnyen
po yin pa'i phyir dang/ mthong sbang chen po'i chen po la sogs
pa rnams dgu ci gcar spong ba'i phyir dang/ (de zag med yin pas
khyab ste/) 'jig rten pa la ni de 'dra ba'i mthu med pa'i phyir
ro/ /gnyis pa ni 'o na bden pa mthong dang bsgoms

pa las zhes bshad pa'i bden pa de dag gang zhe na/ mthong ba
dang bsgom par bya ba'i bden pa dag ni bzhir bshad do/ /gang du
bshad ce na/ 'di nyid kyi gnas dang por zag med lam gyi bden pa
dang zhes pas lam dang/ so sor (sgom spang ni bstan bas bzhi
dang bcas pa'i phyir cig car mi spong ngo/ /mthong)

@307b (sgom gnyis khyad bar ni mang ste/ ngo bo las ni zag med
kho na dang/ zag bcas zag med gnyis ka dang/ dmigs pa las bden
bzhi dang gong sa 'ogs gnyis ka la dmigs pa dang/ rnam pa las
bden pa dang zhi rags kyang yin pa dang/ ngo bo'i dbye ba las
bzod shes gnyis dang shes pa kho na yin pa dang/ spang bya spong
tshul las dmigs pa shes pas cig car spong ba dang/ gnyen po goms
pas rim gyis)

(spong ba dang/ rten las 'dod pa dang khams gsum ga dang/ rgyud
las 'phags pa kho na dang/ skye 'phags gnyis ka dang/ skye tshul
las stan gcig las skye ba dang skye ba gzhan la'ang skye ba'o//)
brtags pas 'gog ba gang/ /bral ba'o zhes pas 'gog pa dang/ /sdug
bsngal kun 'byung 'jig rten dang zhes bya bas de gnyis kyang
bshad cing/

mdo las kyang gsungs pa'i phyir ro/ /ci 'di dag gi rim pa gnas
dang por bstan pa de kho na ltar yin nam zhe na/ ma yin no/ /'o
na ji lta bu zhe na/ sdug bsngal dang/ sdug bsngal kun 'byung ba
dang/ de bzhin du 'gog pa dang/ lam 'phags pa'i bden pa ste de
ltar na bzhi po de dag gi rim pa ni 'di yin

no/ /'grel pa las/ de bzhin zhes bya ba'i sgra ni rang gi ngo bo
ni gnas dang por ji skad bshad pa de kho na bzhin no zhes rab tu
bstan par bya ba'i phyir ro zhes 'byung ngo/ /go rim de kho na
ltar ston pa'i rgyu ni 'grel bar dran pa nyer gzhag bzhi dang/
mthar gyis gnas pa'i snyoms 'jug lta bu skye ba dang/

mthun pa rgyu 'bras kyi go rim dang/ yang dag spong bzhi lta bu
rtogs sla ba dang mthun pa'i go rim dang/ yul ji ltar mngon par
rtogs pa dang mthun pa'i go rim gsum bshad pa las 'dir bden pa
de dag ni dang por ji ltar mngon par rtogs pa dang mthun pa'i
rim pa ltar bstan te/ mthong lam

du dang por sdug bsngal mngon par rtogs pa la sogs pa'i phyir
ro/ /skye ba'i rim pa ltar ston na ni rgyu yin ba'i phyir kun
'byung dang lam dang por ston par thal pa'i phyir ro/ /mthong
lam du de ltar mngon par rtogs pa la'ang dkyus sa bstan pa'i rta
thags thogs med par rgyug pa ltar tshogs sbyor du yongs

su rtog pa'i rim pa ltar skye ba'i phyir te/ dper na nad mthong
bas de'i rgyu dang/ nad zad pa dang/ de'i thabs sman 'tshol ba
ltar dang po kho na gang la chags pa dang/ gang gis gnod pa
dang/ gang las thar par 'dod pas sdug bsngal dang/ de'i rgyu ni
gang zhig ces de'i 'og tu kun 'byung dang/

@308a @#/ /sdug bsngal 'gog pa ni ci zhig ces de nas 'gog pa
dang/ de thob pa'i thabs ni ci zhig ces lam la rtog pas de ltar
na yongs su rtog pa'i rim pa ni de yin te/ ji skad du rgyud bla
ma las/ nad ni shes bya nad kyi rgyu ni spang bya la/ /bder gnas
thob bya sman ni bsten par bya ba

ltar/ /sdug bsngal rgyu dang de 'gog pa dang de bzhin lam/ /shes
bya spang bya rig par bya zhing bsten par bya/ /zhes gsungs pa
bzhin no/ /de la bden pa bzhi'i ngo bo ni sngar bshad zin la/
nges tshig ni ci'i phyir bden pa zhes bya zhe na/ 'phags pa rnams
kyi yul du sdug bsngal la sogs par

bden pa'i phyir te/ byis pa ni sdug bsngal la bde ba dang/ kun
'byung la bde ba'i rgyu dang/ 'gog pa la kha cig ma zhi ba dang/
kha cig bdag chad pas 'jigs pa dang/ lam la lam ma yin pa dang
dka' thub sdug bsngal gyi rgyur 'dzin pa'i phyir ro/ /de nyid
kyi phyir mdo las/ 'phags

pas bde bar gang gsungs pa/ /de ni gzhan gyis sdug bsngal rig
/gzhan gyis bde bar gang smras pa/ /de ni 'phags pas sdug bsngal
rig ces gsungs so/ /des na 'dir zag bcas 'bras bu'i cha thams
cad ni sdug bsngal dang/ de nyid rgyur gyur pa'i cha ni kun
'byung dang/ 'gog

pa ni 'dus ma byas so sor brtags 'gog dang/ lam ni zag med 'dus
byas mthong sgom mi slob pa'i lam gsum yin te/ 'grel pa las/ nye
bar len pa'i phung po 'bras bur gyur pa rnams ni sdug bsngal (de
yang dgra bcom dang sred bral gyi phung po tha ma sdug bsngal
kho nar 'dod do//) gyi bden pa

yin no/ /rgyur gyur pa rnams ni kun 'byung gi bden pa yin te/
'di las sdug bsngal kun 'byung ba (kha cig dang po gnyis 'phags
pa'i bden ba yin yang 'phags pa min te zag bcas yin pas so phyi
ma gnyis dge ba dang zag med gzhi mthun pa yin pas gnyis ka yin
no zhes so//) 'i phyir ro/ /de nyid kyi phyir 'di gnyis ni rgyu
dang

'bras bur gyur pas ming gi sgo nas bye brag yod kyi rdzas su ni
ma yin no/ /'gog pa dang lam ni rdzas su yang bye brag yod do
zhes 'byung bas bye brag tu smra ba bden pa dang po gnyis khyab
mnyam par 'dod do/ /gal te sdug bsngal (dang yin mi bde) ni tshor
ba'i phung po'i phyogs gcig yin na ji

@308b ltar zag bcas thams cad sdug bsngal gyi bden pa yin zhe
na/ zag bcas ma lus pa ni sdug bsngal lo zhes sbyar ro/ /ci'i
phyir zhe na/ ci rigs par sdug bsngal dang/ 'gyur ba'i sdug
bsngal dang/ 'du byed kyi sdug bsngal nyid gsum dang ldan pa'i
phyir ro/ /gang rnams sdug bsngal dang

ldan zhe na/ yid du 'ong ba tshor ba bde ba dang yid du mi 'ong
ba sdug bsngal dang gnyis po de las gzhan pa'i zag pa dang bcas
pa btang snyoms chogs dang bcas pa rnams so zhes sbyar ro/
/'grel pa las / de'i dbang gis bde ba myong bar 'gyur ba la sogs
pa'i 'du byed rnams

kyang yid du 'ong ba la sogs pa'i ming 'thob bo zhes 'byung bas
tshor ba de dag gi dbang gis de dag dang mtshungs ldan gyi sems
dang sems byung gzhan rnams dang/ mtshungs ldan ma yin pa bdag
rkyen dang/ dmigs rkyen rnams kyang yid du 'ong ba la sogs pa'i
ming du brjod do/ /de

la ci rigs zhes pa ni 'gyur ba dang 'du byed kyi sdug bsngal
gyis sdug bsngal ba yin te/ ngo bo bde ba yin yang 'gyur pa na
sdug bsngal ba dang zag bcas yin pa'i phyir ro/ /yid du mi 'ong
ba rnams ni 'du byed dang sdug bsngal gyis sdug bsngal ba yin
te/ zag bcas yin pa dang skyes

pa nyid nas sdug bsngal du myong ba'i phyir ro/ /gnyis po de las
gzhan pa'i 'du byed zag bcas rnams ni 'du byed kyi sdug bsngal
kho nas sdug bsngal ba yin te/ las dang nyon mongs pa'i gzhan
dbang can yin pas 'phags pa rnams dang mi mthun pa'i phyir dang/
skad cig ma nyid kyis

gnod pa'i phyir ro/ /yang na ci rigs zhes bya ba ni 'dod pa na
sdug bsngal gsum dang/ bsam gtan gsum pa man chad na gnyis dang/
bzhi pa yan chad na 'du byed kyi sdug bsngal 'ba' zhig gis sdug
bsngal ba'i phyir ro/ /gal te mi rtag pa nyid kyis 'du byed kyi
sdug bsngal yin na lam

bden yang sdug bsngal du 'gyur ro zhe na/ ma yin te/ lam ni sdug
bsngal thams cad 'gags pa'i bde ba 'dren pa'i rgyu zag med yin
pa'i khyir 'phags pa dang mthun pas sdug bsngal du mi brjod de/
sdug bsngal gyi don ni zag bcas gang zhig mi rtag cing 'phags pa
dang mi mthun pas

@309a @#/ /gnod pa yin pa'i phyir ro/ /zag bcas kyi 'du byed
gzhan ni mdo las/ gang mi rtag pa de ni sdug bsngal ba yin no
zhes gsungs pa'i phyir dang/ srid pa thams cad ni thar pa'i mi
mthun phyogs yin pas 'phags pa dang mi mthun pas gnod pa'i phyir
sdug bsngal

du 'dod de/ de'i phyir slob dpon gyis/ lag mthil spu nyag gcig
'dug pa/ /mi rnams kyis ni mi rtogs la/ /de nyid mig tu song na
ni/ /mi dga' ba dang gnod skyed ltar/ /byis pa lag mthil 'dra ba
yis/ /'du byed sdug bsngal spu mi rtogs/ /'phags pa mig dang
'dra ba ni/ /de yis

shin tu yid de kyang 'byung zhes ba dang/ ji ltar 'phags pa
rnams srid pa'i rtse mo bdag la'ang sdug bsngal gyi blo 'jug pa
ltar byis pa rnams ni mnar med pa'i phung po rnams la yang de
ltar sdug bsngal gyi blo mi 'jug go zhes gsungs so/ /'dir btsun
pa gzhon nu len gyis bde ba

('du byed kyi sdug bsngal ni 'phags pa rnams kho nas gzigs te/)
nyung ba'i sgrub byed du/ sdug bsngal bdun cu pa las/ sdug
bsngal gyi ni rgyu phyir dang/ /sdug bsngal mang pos bskyed
phyir dang/ /sdug bsngal yod (zag bcas thams cad sdug bsngal du
mi 'thad de bde ba yang yod ba'i phyir ro zhe na/) na de 'dod
phyir/ /

bde ba sdug bsngal zhes rtogs so/ /zhes bshad pa ni yang dag pa
ma yin te/ (sdug bsngal gyi rgyu) de ni kun 'byung gi rnam pa
yin pa'i phyir (des ji ltar duH khar grub pa/) dang/ (phyi ma
gnyis ltar na'ang/) khams gong ma gnyis kyi phung po ni sdug
bsngal gyi tshor ba'i rgyu ma yin pas khams de dag

tu skyes pa'i 'phags pa rnams phung po la sdug gyi blo mi 'jug
par thal ba'i phyir ro/ /gang yang btsun ba dpal len gyis (bde
tshor ni med de/) tshor ba thams cad kyang sdug bsngal gyi sdug
bsngal kho na yin te/ bcom ldan 'das kyis gang ci tshor yang rung
de ni 'dir sdug bsngal lo zhes

pa dang/ bde ba'i tshor ba ni sdug bsngal du blta bar bya'o zhes
pa dang/ mu bzhi'i tshoms kyi phyin ci log bzhi bstan pa'i mdo
las/ sdug bsngal la bde ba'o snyam du 'du shes phyin ci log go
zhes bya ba la sogs ba gsungs pa'i lung dang/ rigs pas kyang bde
ba'i rgyur mngon par 'dod

@309b pa'i zas gos la sogs pa dag kyang ha cang spyad pas sdug
bsngal bskyed pas bde ba'i rgyu rnam par mi gnas pa'i phyir
dang/ mi mkhas pa rnams sdug bsngal gyi gnyen po la bde ba'i blo
skye ba'i phyir dang/ phrag khur spong pa ltar sdug bsngal chung
ba la bde ba la bde bar 'dzin pa'i phyir 'jig rten

pas bde par gang smra pa de yang don la ni sdug bsngal yin no
zhes bya bar rtogs so zhes smras pa de yang rigs pa ma yin te/
re (bkres skom gyis ma bcos btsam gyi) zhig lung dang po ni bcom
ldan 'das nyid kyis dgongs ba can du bshad de/ 'phags pa kun
dga' pos bcom ldan 'das la

bcom ldan 'das kyis bde ba dang sdug bsngal ba dang bde ba yang
ma lags sdug bsngal ba yang ma lags pa dang tshor ba 'di gsum
yang gsungs la/ bcom ldan 'das kyis gang ci tshor yang rung de ni
'dir sdug bsngal lo zhes kyang gsungs na bcom ldan 'das kyis ci
las dgongs

nas gang ci tshor yang rung de ni 'dir sdug bsngal lo zhes zhus
pa na/ bcom ldan 'das kyis kun dga' po gang ci tshor yang rung de
ni 'dir sdug bsngal lo zhes bya ba ni ngas 'du byed mi rtag pa
nyid dang/ 'du byed rnam par 'gyur ba nyid la dgongs nas bshad
do zhes gsungs pa'i phyir ro/ /bde ba'i

tshor ba ni sdug bsngal du blta bar bya'o zhes pa ni 'gyur ba'i
sdug bsngal dang 'du byed kyi sdug bsngal gyi dbang du byas nas
gsungs pa yin te/ lung bar ma'i dge slong ma chos sbyin gyi mdo
las/ bde ba'i tshor ba ni skye ba na yang bde/ gnas pa na yang
bde la 'gyur ba na sdug bsngal lo/ /sdug

bsngal gyi tshor ba ni skye ba na yang sdug bsngal la gnas pa na
yang sdug bsngal lo zhes pa dang/ skye mched drug gi tshogs kyi
mdo las/ gang mi rtag pa de ni sdug bsngal ba yin no zhes gsungs
pa'i phyir ro/ /de'i phyir mdo las kyang/ rdzogs pa'i sangs
rgyas rab mkhyen gyis/ /'du byed

mi rtag nyid dang ni/ /rnam par 'gyur ba nyid mkhyen nas/ /tshor
ba sdug bsngal bar gsungs so zhes gsungs so/ /sdug bsngal la bde
ba'o snyam du 'du shes phyin ci log go zhes pa ni 'jig rten pa
rnams tshor ba dang 'dod yon dang skye ba la sdug bsngal yang yod
pa la gcig tu bde bar shes

@310a @#/ /pa ni 'du shes phyin ci log yin te/ de dag phal cher
sdug bsngal ba'i phyir ro zhes dgongs pa ni de yin pa'i phyir
ro/ /gzhan yang bcom ldan 'das kyis tshor ba gsum dang/ tshor ba'i
dbang po lnga la sogs pa gsungs pa dang 'gal ba'i phyir dang/
(gzhan yang sdug bsngal)

(gyi don gang yin/) gnod pa dang mi 'dod pa sdug bsngal yin (no
zhe) na ('o na) phan pa dang 'dod pa ci'i phyir bde bar mi 'dod/
sdug bsngal chung ngu la sogs pa la bde ba la sogs pa'i blo
skye'o zhes bya ba'ang rigs pa ma yin te/ bde ba chung ngu la
sogs pa la'ang sdug bsngal gyi blo la sogs pa skye

par thal bar mtshungs pa'i phyir dang/ sdug bsngal gyi gnyen po
la bde ba'i blo skye'o zhes bya ba'ang ma yin te/ gnyen po ni
res 'ga' bde ba dang res 'ga' btang snyoms kyis byed pa'i phyir
ro/ /gang yang bde ba'i rgyu rnam par mi gnas pa'i phyir ro zhes
bya ba de yang rigs pa ma yin te/

zas la sogs pa yul 'ba' zhig ni bde ba'i rgyu ma yin gyi lus
dang goms pa la sogs pa'ang yin te/ gzugs la sogs pa khyad bar
med pa nyid 'gro ba tha dad la bde ba dang sdug bsngal dang
btang snyoms su 'gyur ba dmigs pa'i phyir dang/ gal te zas la
sogs pa ha cang

spyad drags pas sdug bsngal skye ba tsam gyis bde ba'i rgyu med
par smra na sdug bsngal gyi rgyu yang rnam par mi gnas par 'gyur
te/ sdug bsngal gyi rgyu dag kyang la lar bde ba'i rgyur 'gyur
ba'i phyir ro/ /rab tu smra ba 'di bde ba'i tshor ba myong ba'i
mngon sum gyis bkag pa'i phyir 'bad par mi bya

ba zhig na sngon gyi slob dpon gyis mdzad pa'i phyir kho bos
kyang byas so/ /mdo sde pa la sogs pa na re bye brag tu smra bas
kun 'byung gi bden pa gang yin pa de nyid sdug bsngal gyi bden
pa'ang yin no zhes smras pa ni mdo dang 'gal te/ mdo las ni kun
'byung gi bden pa gang zhe na/ gang 'di dga'

ba'i 'dod chags dang lhan cig pa'i sred pa ste de dang de la
mngon bar dga' ba can yin no zhes sred pa kho na kun 'byung du
gsungs pa dang 'gal ba'i phyir ro zhes zer ro/ /bye brag tu smra
ba ni lung de ni gtso che ba'i phyir dang/ rten 'brel gyi 'grel
pa las/ sred dang bral la yang srid med ces pa

@310b ltar skye ba mngon par 'grub pa'i rgyu'i dbang du byas nas
gsungs pa'i phyir te/ mdo las/ las ni skye ba'i rgyu yin la/
/sred pa ni mngon par 'grub pa'i rgyu yin no zhes bya ba dang/
skye mched drug gi tshogs kyi mdo las/ las dang sred pa dang ni
ma rig pa/ /phyi ma'i tshe la 'du byed rnams kyi rgyu zhes

gsungs pa'i phyir ro/ /de lta na'ang de gsum ga kun 'byung du
ston par 'gyur ba zhig na sred pa kho na ci'i phyir bstan zhe
na/ sred pa dang bcas pa kho na 'khor bar skye ba'i phyir dang/
rgyud gzhol ba'i phyir dang/ lus dam du 'dzin pa'i phyir gtso
che bas yin gyi gzhan dag kyang kun 'byung yin te/ des na sdug
bsngal

dang kun 'byung ni khyab mnyam mo zhes 'dod do/ /mdo sde pa ni
dgra bcom pa'i phung po tha ma sdug bsngal yin yang kun 'byung
ma yin no zhes bya bar 'dod de/ kun las btus las kyang/ dgra
bcom pa tha ma ba'i mig nas yid kyi bar ni mig nas yid kyi bar
du yin gyi de dag gi khams ni ma yin

no zhes bshad do/ /kha cig ni sred pa dang bral ba'i phung po
dang snod kyi 'jig rten yang sdug bsngal yin yang kun 'byung ma
yin no zhes zer ro/ /de dag la'ang sdug bsngal gyi rgyu la kun
'byung zhes zer na ni de dag kyang kun 'byung du 'gyur te/ de
dag kyang phyi ma ni sdug bsngal yin la de skyed pa'i rgyu yin
pa'i

phyir ro/ /de ltar yin yang kun 'byung ma yin na sred pa dang
bcas pa'i phung po'ang kun 'byung ma yin par thal ba'i phyir ro/
/spros pas chog go  / 'o na bcom ldan 'das kyis bden pa bzhi
zhes kyang gsungs/ kun rdzob dang don dam pa'i bden pa gnyis
zhes kyang gsungs na gnyis po'i don ci yin zhe na/

chos gang la tho ba la sogs pas bcom pa dang blos gzhan bsal na
chos de'i blo mi 'jug pa dang/ yang gang la bcom pas de'i blo mi
'dor yang blo yis chos gzhan bsal na chos de'i blo mi 'jug pa de
dag ni rim pa ltar dper na bum pa la gyo mor bcom na de'i blo mi
'jug pa dang chu las

la sogs pa'i rdzas brgyad kyi cha shas kyi chos rnams blos so
sor bsal na chu'i blo mi 'jug pas kun rdzob yin pa bzhin du kun
rdzob tu yod par 'dod de/ cha shas dang bcas pa'i phyir ro/
/'dir dpe gnyis bkod pa ni 'joms pas 'jig pa dang/ blos 'jig pa
gnyis sam/ dbyibs kyi kun rdzob

@311a @#/ /dang/ tshogs pa'i kun rdzob gnyis sam/ kun rdzob gzhan
la brten pa dang/ rdzas gzhan la brten pa'i kun rdzob gnyis yod
pa'i phyir ro zhes TIka byed dag 'chad do/ /des na 'di skad du
rgyun dang rags pa ni kun rdzob yin te/ bcom mam blos bsal na
de'i blo mi 'jug pa'i

phyir ro zhes bstan pa yin no/ /don dam par yod pa ni gang la
bcom pa dang blos gzhan bsal na de'i blo mi 'jug pa las gzhan
gang la bcom ba dang blos chos gzhan bsal ba na'ang de'i blo
'jug pa ste gzugs kyi rdul dang skad cig (bum pa dang chu yod do
byas na kun rdzob bden pa'i phyir dang/) ma la sogs

pa lta bu yin no/ /'di dag theg pa gong ma pa dag ni shar la
sogs pa dang skye ba la sogs pa'i blos bsal na de dag gi blo mi
'jug pa'i phyir kun rdzob kho na yin gyi don dam pa ni ma yin no
zhes zer ro/ /sngon gyi slob dpon kha cig ni 'jig rten las 'das
pa'i ye shes kyi spyod yul dang

de'i rjes (tshor sogs gis ? kyi'ang tshogs pa dang/ rgyun ni kun
rdzob skad cig ni don dam mo/ /) thob de bzhin nyid du snang
ba'i yul ni don dam par yod pa yin la/ 'jig rten pa'i blo'i yul
na yod pa ni kun rdzob yin no zhes 'chad do/ /gsum pa mngon par
rtogs pa'i rim pa la gnyis las mdor bstan pa ni dang po kho nar

bden pa mngon par rtogs par 'dod pas rnam par mi g.yeng ba'i
rgyu so sor thar pa ris bdun gyi tshul khrims gang yang rung ba
la gnas te/ mi rmongs pa'i rgyu bden pa mthong ba dang mthun
ba'i thos pa la brtson par byed pa dang/ de nas gtan la phebs
pa'i rgyu de'i don phyin ci ma log par sems par

byed do/ /don bsam pa dang ldan pas ni 'bral ba'i rgyu don de
sgom pa'i ting nge 'dzin la rab tu sbyor bar byed pa yin te/ mdo
las/ dge slong rtun cing rtag 'grus pa/ /tshul khrims yang dag
blangs byas nas/ /sems dang shes rab sgom byed pas/ /sdug bsngal
zad pa thob par 'gyur zhes pa dang/ tshul

khrims la rten cing tshul khrims la gnas te chos bsgom par bya'o
zhes pa dang/ btsun pa dge slong mang du thos pa zhes bgyi na ji
ltar na mang du thos pa lags/ ji tsam gyi sa na de bzhin gshegs
pas dge slong mang du thos par 'dogs par mdzad/ dge slong dge
slong gis phung po lnga la skyo ba dang/ 'dod

@311b chags dang bral ba dang/ 'gog par bya ba'i phyir chos thos
par gyur na dge slong mang du thos pa zhes brjod par nus so zhes
gsungs pa'i phyir ro/ /'o na thos byung gi shes rab la sogs pa
nyid gang zhe na/ bye brag tu smra ba ni thos pa las byung ba'i
blo ste shes rab dang/ sogs pas bsdus pa bsam byung dang/ /

sgom byung gi shes rab rnams ni rim pa ltar ming dang/ res 'ga'
yi ges don 'dren la res 'ga' don gyis yi ge 'dren pas ming don
gnyis ka dang/ yi ge la mi ltos par don la 'jug pas don kho na'i
yul can yin te/ dper na rgyal legs par ma lobs pa dang/ cung zad

lobs pa dang/ legs par lobs pa dag shing leb la sogs pa'i 'ju
bya la ltos pa dang/ res 'ga' ltos res 'ga' mi ltos pa dang/ ye
mi ltos ba bzhin no zhes 'dod do/ /slob dpon ni de lta na ming
la dmigs pa thos byung dang don la dmigs pa sgom byung yin pa'i
phyir (gnyis po las/)

bsam byung mi 'grub par 'gyur bas bdag rkyen yid ches pa'i lung
dang/ rigs pas dpyad pa dang/ ting nge 'dzin la mnyam bar bzhag
ba las don rtogs pa ni rim pa ltar shes rab gsum yin no zhes
'chad do/ /rgyas par bshad pa la tshogs lam dang/ sbyor lam dang/
mthong lam gsum

las dang po la lam sgom pa po ni gcig pur gnas pas lus 'du 'dzi
dang/ sems mi dge ba la sogs pa nyon mongs pa can gyi rnam rtog
las bsrings pa gnyis dang ldan pa zhig gis bsgom par bya'o/
/bsrings pa gnyis dang ldan pa de yang 'dod pa chung ba dang
chog shes pa la yin gyi chog mi shes pa dang

'dod chen can la ni ma yin no/ /gnyis po de yang gang zhe na/
chos mngon pa ba rnams na re chos gos la sogs pa gya nom pa
rnyed pa la yang dang yang du sred cing 'dod pa ni chog mi shes
pa yin la/ de dag ma rnyed pa la 'dod pa ni 'dod chen can yin no
zhes zer te/ chos gos la sogs pa la yang dang yang

du sred pa de yang ma rnyed pa kho na la yin pa'i phyir de yang
'dod chen can du thal bar 'gyur bas des na ngan nyung rnyed pas
yid mi bde ba ni chog mi shes pa dang/ bzang mang ma rnyed pa la
'dod pa ni 'dod chen can yin no zhes slob dpon 'chad do/ /yang
na sngon ma rnyed pa la 'dod pa ni 'dod chen pa yin la/ rnyed

@312a @#/ /pa na de bas bzang mang 'dod pa ni chog mi shes pa yin
no/ /chog mi shes pa dang 'dod chen las bzlog pa ni de gnyis
po'i gnyen po chog shes ba dang 'dod chung dag yin no/ /gnyen po
'dod chung chog shes de gnyis ni 'dod ba la sogs pa'i khams gsum
du

gtogs pa dang dri ma med pa dag yin la/ chog mi shes pa dang
'dod pa che ba ni chags pa mi dge ba yin pas 'dod khams pa yin
no/ /'dod chung chog shes de dag gi ngo bo ni ma chags pa'i dge
ba dag yin no/ /ma chags pa de dag ni 'phags pa rnams kyi rigs
yin te/ de dag las 'phags

pa rnams skye ba'i phyir ro/ /'phags pa'i rigs de yang dbye na
mdo las/ 'phags pa'i rigs ni bzhi ste/ chos gos la ma chags pa
dang/ bsod snyoms la ma chags pa dang/ mal cha dang stan la ma
chags pa dang/ spong ba dang bsgom pa la dga' ba'o zhes gang
gsungs pa de dag las dang

po gsum ni chog shes pa'i bdag nyid do/ /gal te 'phags pa'i rigs
bzhi pa ji ltar na ma chags pa'i rang bzhin yin te/ chog shes
pa'i ngo bo ma yin pa'i phyir ro zhe na/ bzhi pa'ang 'dod pa
dang srid pa la rgyab kyis phyogs pa'i phyir ma chags pa yin te/
spong ba ni 'gog pa dang bsgom pa

ni lam yin la de dag la dga' ba ni ma chags pa dang/ mtshungs
ldan gyi dad pa nyid yin no/ /'on 'phags pa'i rigs bzhis ci zhig
bstan zhe na/ de la dang po gsum gyis ni thar pa sgrub par byed
pa'i kun tu spyod pa'i tshul bstan la/ tha mas ni bya ba'i las
bstan te/ de ltar na mdo las/ rang

gi tshul dang las kyi mtha' yongs su spangs shing thar pa don du
gnyer bar khas 'ches pa'i slob ma rnams la tshul dang las gnyis
bcas te/ 'phags pa'i rigs dang po gsum gyis ni tshul bcas so/
/bzhi bas ni las bcas te/ khyed tshul 'dis las 'di byed na ring
por mi thogs par

thar pa thob par 'gyur ro zhes gsungs pa'i phyir tshul dang las
gnyis 'phags pa'i rigs bzhis bstan te/ gos zas la sogs pa la
'dod pa che zhing chog mi shes pa'i rang gi tshul dang/ zhing las
dang nyo tshong la sogs pa'i las kyi mtha' ngan pa de dag spangs
nas yang dag pa'i tshul

@312b dang las 'dod pa chung zhing chog shes pa dang/ spong
bsgom la dga' zhing brtson pas thar pa 'thob par 'gyur pa'o/
/dgos pa ci'i phyir tshul dang las 'di lta bu bcas she na/ mdo
las/ sred pa skye ba bzhi gsungs pa'i gnyen po'i phyir 'phags
pa'i rigs bzhi bstan te/ mdo las/ dge slong

sped pa skye ba na chos gos kyi phyir dang/ bsod snyoms kyi
phyir dang/ mal cha dang stan gyi phyir skye'o/ /gnas pa na gnas
so/ /mngon par zhen pa na mngon par zhen to/ /dge slong sred pa
skye ba na 'byung ba dang 'jig pa ste de lta bu'i phyir skye'o
zhes gsungs te/ de la sred pa skye ba ni dang por ro/ /gnas

pa ni rgyun gnas pa'o/ /mngon par zhen pa ni spang dka' bas dam
du 'dzin pa'o/ /'byung ba dang 'jig pa de lta bu'i phyir sred pa
skye ba dang gnas pa dang mngon par zhen pa ni kye ma bdag dbang
po dang 'khor los bsgyur bar gyur kyang ci ma rung snyam pa la
sogs pa 'byung ba la sred pa skye ba la chags

pa dang/ ngan pas 'jigs nas kye ma bdag shi yang ci ma rung/ med
pa dang ma byung yang ci ma rung snyam pa la sogs pa 'jig pa la
sred pa ste chad pa la chags pa'o/ /de la 'byung 'jig la sred
pa'i gnyen por ni tha ma bstan la/ snga ma dag ni rang rang gi
gnyen por ro/ /yang na bdag

gir 'dzin pa'i dngos po chos gos la sogs pa gsum 'dod pa'i sred
pa de'i dus su zhi bar bya ba'i phyir dang po gsum bstan la/
bdag tu 'dzin pa'i dngos po lus la 'dod cing sred pa dang bdag
gir 'dzin pa'i dngos po chos gos la sogs pa 'dod pa gnyis ka
gtan du zhi bar

bya ba'i phyir rigs bzhi pa bstan pa yin te/ de la de'i dus su
zhi ba ni re zhig spong ba yin la/ gnyan du zhi ba ni ye mi skye
bar byed pa'o/ /gnyis pa bsgom bya'i lam la zhi gnas ni snod du
rung ba'i sgom pa pos bsgom pa de la 'jug pa ni gang nas 'jug
pa'i mtha' tshogs lam yin

la/ de la'ang zhi gnas bsgrub pa'i phyir 'dod chags lhag par
spyod pa'i gnyen por mi sdug pa dang/ rnam par rtog pa lhag par
spyod pa rnams kyi gnyen por dbugs te lus kyi rlung nang du
rngub pa dang dbugs phyir 'byung ba dran pa yis 'jug cing sgom
par byed do/ /de dag so sor 'jug

@313a @#/ /pa ci ste zhe na/ dbugs rngub pa dang 'byung ba rjes
su dran pa ni rlung la kha dog dang dbyibs sna tshogs med cing
kha nang du bltas pas dmigs pa gcig la 'jug pa'i phyir rnam rtog
gi gnyen po byed la/ mi sdug pa ni dmigs pa kha dog dang dbyibs
kyi bye brag sna

tshogs la 'jug cing kha phyir bltas pa'i phyir rnam rtog 'dren
pas rnam rtog gi gnyen po mi byed kyi 'on kyang 'dod chags kyi
gnyen po byed de/ mdo las/ dge slong slob pa gzhon pa'i rabs/
/sems ma byung ba gang zhig ni/ /gal te 'dod chags 'joms 'dod
na/ /des ni dur khrod 'gro bar

gyis/ /de nas rnam par sngos pa ltos/ /de nas rnam par rnags pa
ltos/ /de nas rnam bam rus pa yis/ /rus gong la sogs blta bar
gyis zhes gsungs pa'i phyir ro/ /kha cig na re/ mi sdug pa ni
mig gi yul la nye bar rtog pas kha phyir bltas pa'i phyir rnam
rtog gi gnyen po ma yin

la/ dbugs 'byung rngub rjes su dran pa ni kha nang du bltas pa'i
phyir rnam rtog gi gnyen po yin no zhes zer ro/ /'o na mi sdug
pas ji ltar 'dod chags kyi gnyen po byed ce na/ 'dod chags ni
bzhi ste/ kha dog dang/ dbyibs dang/ reg pa dang/ bsnyen bkur
gyi 'dod chags so/ /de la dang po'i

gnyen por ni rnam par sngos pa dang/ rnam par rnags pa dang/
rnam par dmar ba gsum la dmigs nas mi sdug pa'i 'du shes sgom
par byed do/ /gnyis pa'i gnyen por ni rnam par zos pa dang rnam
par 'thor ba gnyis la dmigs nas mi sdug pa'i 'du shes sgom par
byed do/ /gsum

pa'i gnyen por ni rnam par 'bus gzhigs pa dang/ rgyus pas brang
breng du sprel ba'i keng rus gnyis la dmigs nas mi sdug pa'i 'du
shes sgom par byed do/ /bzhi pa'i gnyen por ni shi ba'i ro g.yo
ba med pa la dmigs nas mi sdug pa'i 'du shes sgom par byed do/
/bye brag med

par keng rus kyi 'du shes ni chags bcas thams cad la shis shing
bsngags pas thams cad kyi gnyen por sgom par byed do/ /keng rus
la kha dog la sogs pa chags pa'i gzhi rnam pa bzhi med pa'i
phyir ro/ /de ltar na mi sdug pa'i 'du shes ni rnam pa dgu'o/
/de la mi sdug pa sgom pa

@313b 'di ni sgro btags nas mos pa yid la byed pa'i phyir dang/
(gzugs phung gi phyogs gcig  /) kha dog dang dbyibs nyi tshe la
dmigs pa'i phyir nyon mongs pa rnam par gnon pa tsam yin gyi
gtan nas spong ba ni ma yin no/ /mi sdug pa bsgom pa'i rnal
'byor de ni rnam pa gsum du rig par bya ste/ las dang po

pa dang/ yongs su sbyang ba byas pa dang/ yid la byed pa yongs
su rdzogs pa'i rnal 'byor ro/ /de la rang gi lus kyi rkang pa'i
mthe bong dam dpral ba'i dbyes la sogs pa gang mos pa nas sha
'theb gang myags te bo gnas rus ba nyid du sems shing goms par
byed la/ de nas rim gyis (rang gi)

lus ril po dang/ gnas khang dang/ mthar gyis phyi'i rgya mtsho'i
bar du (keng rus su) spro zhing/ yang (dmigs pa mtha' nas/) rim
gyis rang gi lus 'ba' zhig rus pa yin pa la (sems) sdud (nas
sgom) pas ni las dang po ba'i rnal 'byor ro/ /de nas (spro
bsngar bzhin la/) sems bsdu ba khyad par du bya ba'i

phyir rkang pa'i rus pa rnams bor zhing lus lhag ma rus pa nyid
du dmigs pa nas bzung nas (yun ring du sgom/) ni rim gyis lus
phyed dang de nas thod pa'i phyed kyi bar du rus par btang zhing
bor nas thod pa'i phyed rus pa nyid yin pa la sems 'dzin pas ni
yongs su sbyang ba byas pa'i rnal 'byor yin par

bshad do/ /de thod pa phyed kyang rus pa yin pa'i dmigs pa bor
nas (sngar bzhin spros nas sdud pa na/) smin ma gnyis po'i bar
du rus par 'theb gang tsam la sems 'dzin pas ni yid la byed pa
yongs su rdzogs pa'i rnal 'byor yin no zhes bye brag tu smra ba
'chad do/ (/de'i chos kyi khyad bar la/) mi sdug pa'i rnam par

yid la byed pa 'di'i ngo bo ni ma chags pa'i dge ba dang 'khor
dang bcas na phung po lnga'am bzhi yin no/ /sa ni bsam gtan gyi
dngos gzhi bzhi khyad par can nyer bsdogs bzhi dang bcas pas dgu
'dod pa ste bcu dang/ dmigs pa ni 'dod pa'i snang ba'i chos kha
dog dang dbyibs la dmigs pa'o/ /gang zag ni

gling gsum gyi mi kho nas skyed do/ /gzhan na ni med de/ byang
gi sgra mi snyan pa ni blun pa'i phyir dang/ gnyen po yid la
byed pa med pa'i phyir ro/ /'gro ba gzhan dang khams gzhan
na'ang med do/ (/de yang lta ni dbang rtul gyis bden pa mi rtogs
la dbang rnon 'di mi sgom pas so/) /rnam pa ni mi sdug pa'i rnam
pa yin no/ /dus

@314a @#/ /ni 'das pa'i mi sdug pa 'das pa la dmigs pa la sogs
pa'o/ /mi skye ba'i chos can ni dus gsum la dmigs pa'o/ /mos pa
yid la byed pa kho na'i phyir zag bcas yin no/ (/thog med nas)
sngar 'dris pa ('i byis pa) rnams kyis ni 'dod chags dang bral
ba

tsam gyis 'thob la/ sngar ma 'dris pa ('i 'phags pa) rnams kyis
ni sbyor ba'i stobs kyis 'thob bo/ /dbugs rngub pa dang dbugs
'byung ba rjes su dran pa'i rang bzhin ni 'byung rngub ji lta
bar shes pa'i shes rab yin no/ /de la dran pa zhes brjod pa ni
rgyu dran pa'i stobs kyis 'bras bu shes ('dod pa las) rab de
skyed cing

('di 'dod chags dang 'bral lam yin pa'i phyir/) 'jug pas na
rgyu'i ming gis 'bras bu la (bsam gtan thob kyang 'di sbyor bas
bskyed dgos so/ /) btags pa ste dran pa nyer gzhag bzhin no/
(/de'i khyad par gyi chos la/) sa ni lnga pa yin te/ bsam gtan
dang po gsum gyi nyer bsdogs gsum dang/ bsam gtan khyad par can

dang; 'dod pa'i sa pa yin pa'i phyir te/ 'di ni rnam rtog gi
gnyen po dang mthun pas tshor ba btang snyoms dang mtshungs par
ldan pa'i phyir dang/ dngos gzhi dang po gsum na yid bde dang
bde ba yod pa'i phyir dang/ rnam rtog gi gnyen po dbugs 'byung
rngub dran pa ni tshor ba bde sdug dang mtshungs par mi ldan

pa'i phyir dang/ bzhi pa yan chad (na) rlung rgyub dang bral
ba'i phyir ro/ /kha cig ni dngos gzhi dang po gsum la mnyam par
bzhag pa na (nyer bsdogs gsum yang btang snyoms kyi sa pa yin
pa'i phyir dang/) btang snyoms dang mtshungs par ldan pa'ang srid
pas sa brgyad pa yin no zhes 'dod do/ /de'i spyod yul te

dmigs pa ni rlung yin no/ /sngar 'dris pa dang ma 'dris pa'i
phyir (rim pa ltar) 'dod chags dang bral ba dang sbyor bas 'thob
la 'di ni de kho na yid la byed pa'ang yin no/ /'dod khams pa'i
rten can yin te/ rnam par rtog pa mang ba'i phyir ro/ /de yang
blo gsal bas lha dang gling gsum gyi mi yin te/

('gro ba) gzhan (dang sgra mi snyan pa/) dag ni blo mi gsal ba
dang mthong lam gyi rten ma yin pa'i phyir ro/ /dbugs rngub pa
dang 'byung ba dran pa 'di ni chos 'di pa kho na'i yin gyi
('phags lam gyi rgyu/) yang dag par ston pa'i lung med pa'i
phyir dang/ (lung med par) rang nyid kyis chos zab mo mi rtogs
pa'i phyir phyi pa mu stegs

@314b pa'i ni ma yin no/ /zab mo nyid (drug) gang zhe na/ bgrang
ba dang/ sogs pas bzung ba rjes su 'gro ba dang/ 'jog pa dang/
nye bar rtog pa dang/ bsgyur ba dang/ yongs su dag pa ste rgyu
rnam pa drug dang ldan pa'i man ngag go/ de la bgrang ba ni ('du
bya ba med par lus sems rnal du 'dug ste/) dbugs rngub pa dang
'byung ba dag

la sems gtad nas gcig nas bcu'i bar du yid kyis bgrang ba'o/ /de
las nyungs na bying ba dang mangs na rgod par dwogs pa'i phyir
mi bgrang ngo/ /de yang gnyis la gcig tu 'dzin na ma tshang bar
bgrangs pa dang/ gcig la gnyis su 'dzin na lhag par bgrangs pa
dang/ rngub pa la 'byung ba dang 'byung ba la rngub

bar bgrangs na 'chol par bgrangs pa'i skyon gsum dang bral bar
bgrang ba ni yang dag par bgrang ba'o/ /rjes su 'gro ba ni 'di
dag 'jug pa ni lkog ma dang snying kha dang lte ba dang rked pa
dang brla dang byin pa dang rkang mthil dang sa la stobs che
chung gis 'dom gang dang mtho gang gi par du rim gyis 'jug go/
'byung

ba na ni rkang pa'i mthil nas rim gyis sna'i bu gnas stobs chung
na mtho gang dang chen 'dom gang gi bar du 'byung ngo zhes shes
par bya'o/ /kha cig na re 'jug pa na rlung gi dkyil 'khor dang
'byung ba na rnam par 'thor byed rlung gi bar du'o zhes zer ba
ni ma yin te/ 'di ni de kho na nyid yid la byed pa yin pa na

de ni mi srid pa'i phyir ro/ /'jog pa ni nor bu'i thag pa bzhin
du sna'i rtse mo nas rkang pa'i mthil gyi bar du gnas par lta
zhing lus la phan 'dogs pa'am/ gnod pa'am/ grang pa'am/ dro ba
dag ces rtog ba'o/ /nye bar rtog pa ni dbugs 'byung rngub 'di
dag rlung 'ba' zhig ni ma yin gyi 'on kyang 'byung

ba dang 'byung gyur gyi gzugs rdzas brgyad kyi rang bzhin yin
la/ de la rten pa'i sems sems byung gi chos dang bcas na phung
po lnga pa yin no zhes nye par rtog pa'o/ /bsgyur ba ni rlung la
dmigs pa'i blo bsgyur nas dro ba nas chos mchog gi bar du gong
nas gong du dge ba'i rtsa ba rnams la yang dag bar

sbyor ba'o/ /yongs su dag ba ni mthong sgom gyi lam la 'jug
pa'o/ /kha cig na re bsgyur ba ni dran pa nye gzhag nas rdo rje
lta bu'i ting nge 'dzin gyi bar du yin la/ yongs su dag pa ni
zad pa dang mi skye ba shes pa dang mi slob pa'i yang dag pa'i
lta ba yin no (/ /bslang ba ni dri ma lhag ma dang bcas pa'o/ /)
zhes zer ro/ /de nyid kyi phyir

@315a @#/ /slob dpon gyis 'grel par/ dbugs rngub dbugs 'byung
dran pa ni/ /bgrang dang rjes 'gro 'jog pa dang/ /rtog pa dang
ni bsgyur ba dang/ /yongs dag rnam pa drug tu 'dod ces bsdu ba'i
tshigs bcad mdzad pa yin no/ /dbugs rngub pa dang dbugs 'byung ba
sa gang las yin zhe na/

lus kyi phyogs gcig yin pa'i phyir sems gang la rten pa'i lus sa
gang yin pa de'i sa par rig par bya ste/ 'dod pa'i sems la rten
na 'dod pa'i sa pa yin la bsam gtan dang po la brten na bsam
gtan dang po'i sa pa nas gsum pa la rten na gsum pa'i sa pa'i
rlung yin pa'i bar du'o/ /

bsam gtan bzhi pa na rlung rgyu ba med pa'i phyir de'i sa pa ma
yin no/ /de yang lus sems khyad par can spubs dang bcas pa dang
sems dang bcas pa la rten pas nur nur po la sogs pa dang sems
med pa dang gzugs med pa rnams la ni ma yin no/ /skye ba dang
bsam gtan bzhi pa las ldang ba na rlung

'jug pa kho na dang/ 'chi ba dang bsam gtan bzhi pa la snyems
par 'jug pa na rlung 'byung ba kho na yin no/ (/mi sdug pa
dang/) dbugs rngub pa dang 'byung ba ni sems can zhes bya ba'i
grangs su gtogs kyi rgyud kyis ma bsdus pa ni ma yin/ 'on kyang
dbang po dang tha dad par 'jug pas na sems kyis ma zin

pa zhes bya'o/ /rlung de dag skal mnyam gyi rgyus bskyed pas
rgyu mthun pa las byung ba yin gyi rnam smin dang rgyas pas
byung ba ni ma yin no/ /chad nas mtshams sbyor ba'i phyir dang/
rnam smin gyi gzugs la ni chad nas mtshams sbyor (te thob ma thob
dang ldan pa'i phyir ro/) ba med pa'i phyir dang/ lus rgyas pa
na rlung

'grib pa'i phyir ro/ /de'i phyir 'grel pa las/ lus rgyas pas
rlung 'grib par 'gyur ba'i phyir rgyas pa las byung ba ma yin
no/ /dbugs rngub pa dang 'byung ba rnams chad nas yang nying
mtshams sbyor ba'i phyir rnam par smin pa las skyes pa ma yin no/
/rnam par smin pa'i gzugs la ni de

lta bu med do zhes 'byung ba la TI ka byed dag gis kyang rnam
par smin pa'i bdag nyid kyi gzugs mig la sogs pa la ni yang
nying mtshams sbyor ba 'di med kyi/ sems dang sems las byung ba
la ni yang nying mtshams sbyor ba mi bzlog go zhes sems dang sems
byung ni rnam smin skyes yin kyang

@315b chad nas yang mtshams sbyor ba la 'gal ba med par bshad do/
/de bzhin du mi ldan pa'i 'du byed rnam smin skyes kyang gzugs
dang 'dra bar mngon no/ /rlung de gnyis kyang rang gi sa pa dang
sa gong ma'i sems kyis rtogs kyi 'og ma'i yid kyis ni rlung de
gnyis mi rtogs so/ /gong ma'i lus la 'og

ma'i sems ji ltar 'byung zhe na/ 'dod pa nas bsam gtan bzhi ba'i
bar dus gong ma thob pa'i lus la 'og ma 'dod pa la sogs pa'i
sprul sems dang spyod lam pa'i sems gnyis 'byung bar 'dod de/ de
gnyis kyis mi rtogs so zhes bya ba'i don to/ /gnyis pa lhag
mthong bskyed ba ni de ltar

'jug pa'i sgo gnyis kyis zhi gnas kyi ting nge 'dzin grub kyang
lhag mthong gi shes rab med na nyon mongs pa rnams rtsa ba nas
mi spong ste/ mdo las/ nyon mongs pa rnams ni ye (de gnyis kyis
kyang mi rtogs na nyon mongs can gyis lta ci smos zhes pa'o/
(/de la mi sdug pa dang dbugs dran pa ni lam la 'jug pa'i sgo
yin no/ /)

shes kyis gzhom par bya ba yin no zhes 'byung ba'i phyir ro/
/de'i phyir zhi gnas grub par gyur pa yis nyon mongs rtsa ba nas
spang zhing lhag mthong gi shes rab skyed pa'i phyir dran pa nye
bar bzhag pa bzhi bsgom par bya'o/ /de la dran pa nyer gzhag
bsgom pas lhag mthong 'grub par yang mdo

(zhi gnas sems gnas pa'i thabs dgu ni sems mi gnas pa gnas pa'i
thabs gsum gnas par brtan par byed pa'i thabs gsum brtan pa'i
'bras bu la dbang bsgyur ba'i thabs gsum mo/ /de la dang bo'i
gsum ni sems 'jog pa dang/ rgyun du 'jog pa dang/ nges par 'jog
pa ste/ mdo sde'i rgyan las/ dmigs pa la ni sems gtad nas zhes
dang/ de'i rgyun rnam par g.yeng

mi bya zhes dang/ rnam g.yeng myur du rtogs byas nas/ /de la
slar ni glen par bya zhes pas rim pa ltar bstan te/ dang por
dmigs pa la sems rtse gcig tu gtod pa dang/ mi 'phro bar 'dzin
pa dang/ shor na ldon pa'o/ /gnyis pa'i gsum ni nye bar 'jog pa
dang/ 'dul bar byed pa dang/ zhi bar byed pa ste/ de nyid las/
blo ldan gong nas gong du yang/ /sems ni nang du bsdu bar bya
zhes

dang/ de nas yon tan mthong ba'i phyir/ /ting nge 'dzin la sems
'dul lo zhes dang/ rnam g.yeng nyes pa mthong ba'i phyir/ /de
la mi dga' zhi bar bya zhes pas rim pa ltar bstan te/ sems gnas
pa ste brtan par byed pa dang/ 'dul ba'i yon tan mthong bas
brtan pa nus pa mthu can du byed pa dang/ rnam g.yeng gi nyes
pa mthong bas g.yeng ba'i rkyen gyis mi 'phrogs par byed pa'o/ /

@316a @#/ (/gsum pa'i gsum ni nye bar zhi bar byed pa dang/ rgyud
gcig tu byed pa dang/ mnyam par 'jog par byed pa ste/ de nyid
las/ brnab sems yid mi bde la sogs/ /langs pa de bzhin zhi bar
bya zhes pa dang/ de nas sdom brtson can gyis ni/ /sems la mngon
par 'du byed bcas/ /rang gi ngang gis 'byung ba 'thob ces pa
dang/ de goms pa)

(las 'du mi byed ces pas rim pa ltar bstan te/ g.yeng ba'i rgyu
can gyis nye nyon rnams zhi ba dang/ rtsol ba dang bcas pas rang
gi sems la dbang thob pa dang/ 'bad rtsol med par rang gi sems
la dbang thob pa'o/ /spyod 'jug las kyang/ zhi gnas rab tu ldan
pa'i lhag mthong gis/ /nyon mongs rnam par 'joms par shes byas
nas/ /thog mar zhi gnas btsal)

(bya de yang ni/ /'jig rten chags pa med la mngon dgas 'grub ces
gsungs pas/) las/ dge slong dag bgrod pa gcig pa'i lam ni 'di
yin no/ /'di lta ste dran pa nye bar bzhag pa rnams so/ /dge
ba'i phung po ma 'dres pa ni 'di yin te/ 'di lta ste dran pa nye
bar bzhag pa bzhi'o zhes 'byung ba'i phyir

ro/ /ji ltar bsgom zhe na/ lus gzugs gyi phung po dang/ tshor
ba'i phung po dang/ sems rnam shes tshogs drug dang/ chos 'du
shes dang 'du byed dang 'dus ma byas rnams la rim pa ltar 'byung
ba dang 'byung gyur ram gzugs su rung ba dang/ rang stobs kyis
don gyi khyad par myong ba dang/

rang stobs kyis don gyi ngo bo tsam myong ba dang/ mtshan mar
'dzin pa la sogs pa rang gi mtshan nyid dang/ 'dus byas thams cad
mi rtag pa dang/ zag bcas thams cad sdug bsngal ba dang/ chos
thams cad stong pa dang/ bdag med pa ste spyi'i mtshan nyid gnyis
su yongs su brtags pas

bsgom par bya'o/ /de la dran pa nyer gzhag ni dbye na rang bzhin
dang/ 'brel ba dang/ dmigs pa'i dran pa nyer gzhag gsum las dang
po'i ngo bo ni shes rab yin no/ /de yang thos pa las byung ba la
sogs pa sbyor ba las byung ba yin gyi skye bas thob pa tsam ni
ma yin no/ /shes rab dran

pa nye bar bzhag par ji ltar 'gyur zhe na/ bye brag tu smra ba
na re dran pa'i stobs bskyed pas shes rab de dag skyed cing 'jug
pa'i phyir dran pa nye bar bzhag pa ste rgyus 'bras bu la btags
pa'i phyir ro zhes 'chad do/ /slob dpon ni shes rab 'dis dran pa
nye bar 'jog pa'i phyir dran pa nye

@316b bar bzhag pa ste 'bras bus rgyu la btags pa'i phyir ro
zhes 'chad do/ /de dag kyang dbye na mdo las/ nang gi lus dang
phyi'i lus dang phyi nang gi lus la lus kyi rjes su lta zhing
gnas so zhes bya ba la sogs pa gsungs pas gsum gsum du 'gyur te/
de la nang gi lus la sogs pa ni rim pa ltar

rang dang/ phyi snod dang/ gzhan rgyud kyi gzugs so/ /phyi'i
tshor ba la sogs pa ni phyi la sogs pa la dmigs pa'i tshor ba la
sogs pa'o/ /rjes su lta ba ni lhag mthong dang gnas pa ni zhi
gnas yin par shes par bya'o/ /yang na nang gi lus la sogs pa ni
rim pa ltar rang gi nang gi skye mched

gzugs can dang rang gi phyi'i skye mched gzugs can dang/ phyi
snod dang/ gzhan rgyud kyi nang gi skye mched gzugs can dang
rang gi nang gi skye mched gzugs can gyi tshogs pa na yod pa'i
phyi'i skye mched rnams yin la/ tshor ba la sogs pa gsum ni lus
gsum po de dag la brten nas 'byung ba rnams

so zhes slob dpon thogs med kyis bshad do/ /rang bzhin dran pa
nyer gzhag las gzhan ni shes rab de dang mtshungs par ldan pa'i
sems sems byung rnams 'brel ba dran pa nyer gzhag dang/ snga ma
gnyis po de dag gi dmigs pa'i yul du gyur pa las lus la sogs pa
bzhi la'ang yul can

gyis btags nas dmigs pa'i dran pa nyer gzhag ces bya'o/ /de la
shes rab dang dran pa ni dran pa nyer gzhag gi ngo bo nyid dang/
'brel pa mtshungs ldan gyi sems sems byung rnams ni grogs dang/
lus la sogs pa ni dmigs pa yin no zhes kun las btus las bshad
do/ /dran

pa nyer gzhag de dag gi rim pa ni ji ltar skye ba'i rim pa bzhin
yin te/ rags pa'i rim pas sngar rtogs pa'i phyir ro zhes bye
brag tu smra ba rnams 'dod do/ /slob dpon ni 'dod pa'i 'dod
chags kyi rten ni lus yin la/ de yang tshor ba bde ba 'dod pa'i
phyir dang/ de yang sems ma zhi

pa'i phyir dang/ de yang nyon mongs pa'i chos ma spangs pa'i
phyir ro zhes 'jug pa'i rim pa ltar bstan par bzhed do/ /grangs
nges pa ni lus la gtsang ba dang/ tshor ba la bde ba dang/ sems
la rtag pa dang/ chos la bdag tu 'dzin pa'i phyin ci log gi rtog
pa bzhi'i gnyen por lus la sogs pa dran pa

@317a @#/ /nyer gzhag bzhi bstan to/ /dbus mtha' las ni/ gnas
ngan len phyir sred rgyu'i phyir/ /gzhi yi phyir dang ma rmongs
phyir/ /bden pa bzhi la 'jug bya bas/ /dran pa nye bar bzhag pa
bsgom zhes/ bden bzhi la 'jug par bya ba'i phyir de dag bsgom
par gsungs te/

de la lus ni gnas ngan len 'du byed kyi sdug bsngal dang ldan pa
yin pas de la brtags pas sdug bsngal gyi bden pa la 'jug la/
tshor ba la sred pa'i rgyur brtags pas kun 'byung gi bden pa la
'jug go  / bdag tu zhen pa'i gzhi sems yin pas de la brtags pas
'gog bden la

'jug ste/ bdag chad par dwogs pa'i 'jigs pa med pa'i phyir ro/
/'du shes la sogs pa'i chos rnams la so sor brtags pas lam bden
la 'jug ste/ kun nas nyon mongs dang rnam byang gi chos rnams la
rmongs pa med pa'i phyir ro/ /de ltar na de dag gis ni dgos
pa'ang bstan to/ /de la

dang po gsum ni rang rang gi dmigs pa lus la sogs pa so so la
dmigs pas ma 'dres pa la dmigs pa yin la/ bzhi pa ni chos thams
cad la dmigs na 'dres pa dang/ 'du shes dang 'du byed dang 'dus
ma byas kho na la dmigs na ma 'dres pa la dmigs pa yin no/ /de
ltar lus la

sogs pa ma 'dres pa la dmigs pa'i dran pa nyer gzhag la goms par
byas nas/ de la goms pa de ni chos dran pa nye bar bzhag pa
dmigs yul spyi lus dang tshor ba dang sems dang chos rnams spyir
bsdus te 'dres pa la dmigs pa la sems gnas te spyi'i dmigs pa de
dag la ni

rnam pa mi rtag pa dang sdug bsngal ba dang stong pa dang bdag
med par lta zhing dpyod par byed pa'o/ (/rang mtshan dang spyi
mtshan dang 'dres pa la dmigs pa gsum ni tshogs lam che 'bring
gsum yin no zhes gsung ngo/) /de ltar zhi gnas dang lhag mthong
gnyis ni tshogs lam gyi gtso bo yin pa'i phyir 'dir bstan gyi/
gzhan du na rang rang

gi sems bskyed pa'i dge ba sbyor lam gyi snga rol na yod pa
thams cad kyang tshogs lam yin no/ /de la 'dir lam gyi spyi'i don
rnam par bzhag pa la lam spyi'i rnam par bzhag pa dang/ tshogs
lam bye brag tu bshad pa gnyis las dang po la'ang gsum gyi mtshan
nyid ni kha cig thar pa la brtson pa'i dge

@317b ba zhes zer ba ni mi slob pa'i lam la ma khyab ste/ sangs
rgyas rnams ni thar pa la 'bad pa dang rtsol ba med pa'i phyir
te/ dge mthar phyin pa khyod la ni/ /sbyor byung dge ba 'ga' ma
mchis/ /khyod ni gang zhig bzhed na yang/ /bzhed pa tsam la rag
las so zhes bshad pa'i phyir dang/ nyan rang mi slob pa dag

kyang thar pa thob zin pas de la brtson pa med pa'i phyir ro/
/kha cig gis thar bar phyin byed ces zer ba ni gang zag la khyab
ches par 'gyur ro/ /de'i phyir rnam par grol ba'i 'jug ngogs su
gyur pa yin te/ mi slob pa'i lam yang lhag med myang 'das kyi
'jug ngogs yin pa'i phyir ro/ /dbye ba gnyis

las dang po ni tshogs lam nas mi slob pa'i lam gyi bar lnga'o/
/dbye don la kha cig lam dang po gnyis ni lam gyi rgyu la 'bras
bu'i ming gis btags pa dang/ phyi ma ni 'bras bu la rgyu'i ming
gis btags pa yin gyi mtshan nyid pa ni mthong sgom gnyis kho na
yin no zhes zer ba ni ma yin te/ mi

slob pa'i lam mtshan nyid pa ma yin na lam gyi bden par mi 'du
bar 'gyur la/ de lta na bden bzhir ma 'dus pa'i 'dus byas yod
par thal ba la lan med do/ /lam bden yin yang lam ma yin na
'phags pa rnams 'khrul par 'gyur te/ lam ma yin pa la lam bden
du gzigs pa'i phyir

ro; ;kha cig gis tshogs sbyor gyi lam yang mtshan nyid par 'dod pa
ni rigs pa ma yin te/ de dag lam bden mtshan nyid pa yin na ni
zag med du 'gyur na de lta na'ang lam de dag thob ban 'phags par
'gyur te/ zag med kyi lam rgyud la skyes pa'i phyir ro/ /zag med
skad cig ma dang po sdug bsngal la

chos shes pa'i bzod pa kho nar yang dang yang du bshad pa dang
yang 'gal ba'i phyir ro/ /de'i phyir kha cig bden pa dang po
gnyis kyis bsdus pa'i phyir dang/ rtog bcas phyin ci log yin
pa'i phyir dang/ zag bcas spang bya yin pa'i phyir dang po gnyis
mtshan nyid pa ma yin no zhes zer ba dang/ kha cig rgyud bla

ma las/ (kun las btus las bden pa rnams la rnam pa bcu drug ni
'jig rten pa yang yod/ 'jig rten las 'das pa yang yod de/ 'jig
rten pa rnams dang/ 'jig rten las 'das pa dag sa bye brag ci yod
ce na/ shes bya la legs par ma zhugs pa dang/ legs par zhugs pa
dang/ sgrib pa dang bcas pa dang/ sgrib pa med pa dang/ rnam par
rtog pa dang bcas pa dang/ rnam par rtog pa)

@318a @#/ (/med pa'i phyir te/ 'di ni bye brag go zhes pa'i 'grel
par de la 'jig rten pa rnams ni shes bya la legs par ma zhugs pa
dang/ sgrib pa dang bcas pa dang/ rnam par rtog pa dang bcas pa
ste bden bzhi'i de bzhin nyid ma rtogs pa dang/ nyon mongs pa'i
bag la nyal yod pa dang/ mngon par brjod pa ming don bsre ba'i
ldog pa'i sgo nas spros)

(pa'i phyir te go rim bzhin no/ /bzlog pa ni 'jig rten las 'das
pa ste shes bya la legs par zhugs pa dang/ sgrib pa med pa dang/
rnam par mi rtog pas 'jig rten pa rnams las khyad par du 'gyur
ro/ /gal te de dag rnam par mi rtog pa yin na ji ltar shes bya
la legs par zhugs pa yin zhe na/ zhes pa dang/ 'di ltar 'jig
rten las 'das pa'i mi rtag)

(pa la sogs pa'i rnam par 'jug pa na mi rtag pa la sogs pa'i don
rang mtshan mngon sum du mthong gi mi rtag pa nyid ces bya bar
rtog bcas su mthong ba ni ma yin no/ /zhes pa'i 'grel par 'di
ltar de dag ni/ 'di la gnas pa na mi rtag pa'i don mthong zhing
mngon du myong gi mi rtag go zhes mngon par brjod pa dang spros
pa'i sgo nas mthong ba ni ma yin te/ de bzhin)

(du sdug bsngal la sogs pa'i rnam pa lhag ma rnams la'ang sbyar
bar bya'o zhes bshad do//) dag gsal gnyen po'i phyogs nyid kyis
zhes gsungs pa'i lam gyi bden pa'i chos gsum dang/ lam dang rigs
pa dang sgrub pa dang nges par 'byin pa'i chos bzhi med pa'i
phyir dang po gnyis lam bden mtshan nyid pa ma

yin no zhes zer ba'ang rigs par blta'o/ /des na lam dang po
gnyis ni rim pa ltar lam dngos la 'jug pa'i sgo dang dngos su
sbyor ba yin pas lam du btags pa yin la/ phyi ma gsum ni rim pa
ltar bden pa mngon sum du mthong ba dang/ de'i rgyun goms par
byed pa dang/ goms pa

mthar phyin pa'i phyir lam mtshan nyid pa yin no/ /sgra'i don ni
thar par 'gro ba'i phyir lam yin no/ /gnyis pa tshogs lam bye
brag tu bshad pa la gsum las mtshan nyid ni rnam grol la 'jug
pa'i sgo sbyor lam gyi snga rol tu byung ba'i dge ba'i tshogs so/
/mtshan gzhi ni khyad par can dang/ phal

pa gnyis las dang po ni thar pa cha mthun te 'og nas 'chad par
'gyur ro/ /gnyis pa ni las dang po bas thar par bsngos pa'i sgo
gsum gyi las dge ba thams cad yin te/ de yang 'di nyid las/ tshul
gnas thos dang bsam ldan pas zhes pa nas zhi gnas kyi lam gnyis
kyi bar du bshad pa

@318b dang/ kun las btus las/ tshogs kyi lam gang zhe na/ so so
skye bo'i tshul khrims dang/ dbang po'i sgo bsdams pa dang/ zad
kyi tshod shes pa dang/ nam gyi cha stod dang nam gyi cha smad la
mi nyal bar rnal 'byor la brtson pa dang/ shes bzhin du mngon
par dga' ba'o/ /yang gang rgyur gyur pa'i dge ba gzhan dang/

thos pa las byung ba dang/ bsams pa las byung ba dang/ bsgoms pa
las byung ba'i shes rab kyang rung ste zhes pa dang/ nyan thos
kyi sa las/ bdag dang gzhan gyi 'byor pa dang/ /'dun dang chul
khrims dbang po dang/ /de bzhin zas dang mi nyal dang/ /shes
bzhin du ni spyod pa dang/ /de bzhin dge ba'i bshes

gnyen dang/ /dam chos nyan cing sems pa dang/ /bar chad med dang
gtong ba dang/ /dge sbyong rgyan ni tha ma yin zhes 'jig rten
dang 'jig rten las 'das pa'i lam gnyis kyis 'dod chags dang
'bral bar 'gyur ba'i rgyu tshogs bcu gsum bshad pa la sogs pa
rnams so/ /khyad par gyi chos la lnga

las rtogs pa'i khyad par ni thos bsam gyi shes rab kyis chos
thams cad bdag med par spyi'i tshul du rtogs pa'o/ /kha cig na re
sgom byung gis rtogs pa'ang yod de/ kun las btus las/ bsgoms pa
las byung ba'i shes rab kyang rung ste zhes bshad pa'i phyir ro
zhes 'chad do/ /spangs pa'i khyad

par ni nyon mongs pa la dgrar lta ba'i sgo nas sun 'byin bar
byed do/ /yon tan ni spangs rtogs kyi chos de dag dang/ gzhan
yang zag bcas kyi mngon par shes pa dag kyang ci rigs par yod
do/ /sgra don ni thar par 'jug pa'i tshogs sgrub pa'i phyir tshogs
kyi lam mo/ /lus kyi rten ni kha cig gling

gsum gyi skyes pa dang bud med kyi rten la skye'o zhes zer ro/
/'on kyang klu la sogs pa la'ang skyabs su 'gro ba yod par bshad
la/ 'dod gzugs na spyod pa'i lha'i bu rnams la'ang tshogs lam
skye ba la 'gal ba med pa'i phyir de dag kyang rten du rung ngo/
/(samb+ha ra mArga zhes pa la san tan rgyun du/ b+ha)

(wa sgom pa/ rati ni yang nas yang du/ mArga lam ste rgyun mi
chad par yang nas yang du sgom pa dang/ bgrod bya'i 'jug ngogs
yin pas tshogs lam mo/ /yang na tshogs gnyis goms pas thar ba cha
mthun gyi lam la 'jug pas tshogs lam mo/) /gzugs med pa dang
byang gi sgra mi snyan pa la ni ma yin te/ skyes bu dam pa la
yang dag par gdams pa

@319a @#/ /nod pa med pa'i phyir ro/ /dmyal ba ni sdug bsngal
gyis rnam par g.yengs pas skabs mi rnyed pa'i phyir thar pa'i
lam mi skye ba kho na yin no/ /gnyis pa sbyor ba'i lam ni (bra
yo ga nA nra zhes pa sbyor lam ste/ pra ni ba ra ma acwa ni
don dam pa yo ga sbyor ba ste/ mthong lam don dam mngon sum du)

(mthong ba la sbyor bar byed pas sbyor lam mo/) /chos dran pa
nyer gzhag spyi la dmigs ba de las ni dro bar gyur pa'i ye shes
'byung ste/ mthong spang gi nyon mongs pa'i bud shing sreg byed
mthong lam gyi me'i snga ltas su gyur pa'i phyir dro ba zhes
bya'o/ /ye shes de ni skad cig gcig gis bzhi ga la dmigs

par mi nus kyi rgyun chags pa yin pas sdug bsngal la sogs pa
'phags pa'i bden bzhi'i spyod yul can yin no/ /des na tshogs lam
ni bden bzhi la mi dmigs la sbyor lam drod nas bden bzhi la
dmigs par shes par bya'o/ /gal te tshogs lam na phung po la dmigs
pas bden

pa la'ang dmigs par 'gyur ro zhe na/ mi 'gyur te/ de ni bden par
ma phye ba'i phung po la dmigs la/ sbyor lam nas bden bzhir phye
nas dmigs pa'i phyir ro/ /rnam pa ni 'og nas 'chad pa'i mi rtag
pa la sogs pa bcu drug tu lta ba ste de yang zag ba dang bcas
pa'o/ /dro ba'i ye shes de nyid

chung 'bring chen por 'phel ba las ni rtse mo'i ye shes 'byung
la/ rtse mo de yang dmigs rnam dro ba de dang 'dra bar bden bzhi
dang zag bcas bcu drug dang ldan pa yin no/ /gal te dmigs rnam
'dran logs shig tu ston par mi rigs so zhe na/ ches mchog tu
gyur pas na ming gzhan du

btags so/ /'di ni dro ba'i ye shes mngon par 'phel ba'i rtse
mo'am/ de dag las nyams pa'am bzod ba mngon du 'gyur bas dge
ba'i rtsa ba g.yo ba'i rtse mo yin pa'i phyir de skad brjod do/
/de la drod rtse gnyis ni nyams pa srid pas g.yo ba yin la/ de
la yang g.yo ba chung ngu ni dro ba

dang chen po ni rtse mo'o/ /(che chung ni drod rtse gnyis rim pa
ltar yin la/) bzod pa dang chos mchog ni nyams pa mi srid pas mi
g.yo ba yin la/ de yang mi g.yo ba chung ngu ni bzod pa dang
chen po ni chos mchog go  / drod rtse gnyis ka'ang chos dran pa
nyer gzhag nyid kyis dmigs pa la 'jug cing rnam pa gtong

@319b par byed pa yin te/ (lam gyi dmigs rnam thams cad nyer
gzhag bzhir 'du bas so/) /dang por mi rtag pa la sogs pa'i rnam
pa 'god cing 'jog ces bya ba'i tha tshig go  / phyis 'phel ba ni
chos dran pa nyer gzhag tu ma zad lus la sogs pa dran pa nyer
gzhag gzhan gsum po dag gis kyang 'phel bar te goms shing byang
bar

byed do/ /des na rnam pa gtod pa ni thog mar sgom pa yin la/
'phel ba ni bsgom pa de goms sing byang bar byed pa yin te dper
na bzod pa 'bring (snga ma dman pa ni 'phel nas sngon du mi byed
do/) /dmigs rnam phri nas yang yang bsgom pa lta bu'o/ /rtse mo
de chung 'bring chen por rim gyis 'phel ba las bzod pa'i

ye shes skye ste/ drod rtse'i gnas skabs na rim pa ltar bden pa
la chung ngu dang 'bring du bzod pa/ bzod pa ni mi nyams pa'i
sgo nas rtse mo'i mngon par rtogs pa goms pa'i rim gyis bden pa
la cher bzod pa'i phyir ro/ /bzod pa la'ang gsum yod pa las
chung 'bring rnam pa gnyis ni ji ltar drod

rtse thog mar bden pa rnams la rnam pa gtod cing 'god pa chos
dran pa nyer gzhag gis rnam pa gtod cing 'god pa de bzhin du
chos dran pa nyer gzhag kho nas bden pa rnams la thog mar rnam
pa gtod cing 'god par byed do/ /'phel ba la ni drod rtse las
khyad par yod de/ bzod pa ni chung 'bring

chen po thams cad chos dran pa nyer gzhag nyid kyis 'phel bar
byed kyi lus dran pa nyer gzhag la sogs pa gzhan gyis ma yin te/
de ni chos mchog dang nye zhing chos mchog (bas chos dran pa
nyer gzhag gi ngo bor skye bar byed/) mthong lam dang nye la
mthong lam chos dran pa nyer gzhag gi ngo bo yin

pas 'dra bar bstan pa'i phyir ro/ /de la bzod pa chung ngu ni
'dod pa'i bden pa bzhi la rnam pa bcu drug dang khams gong ma
gnyis dril ba'i bden bzhi la rnam pa bcu drug ste rnam pa'i skad
cig ma sum cu rtsa gnyis tshang bar sgom pa yin la/ bzod pa
'bring ni 'grel pa las/ gang gi tshe gzugs

dang gzugs med pa'i gnyen po la sogs pa'i bden pa'i rnam pa
dmigs pa re re nas phri nas 'dod ba na spyod pa'i sdug bsngal
kho na la skad cig ma gnyis su yid la byed pa'i bar de thams cad
ni bzod pa 'bring yin la/ gang gi tshe skad cig ma gcig kho na
yin pa de'i tshe ni chen po yin no zhes 'byung

@320a @#/ /pa'i TI kar thog mar rnam pa re re nas phri nas mthar
dmigs pa'ang dor nas sgom pa dang/ dmigs yul bden pa dang rnam
pa dus mnyam du phri nas lhag ma sgom pa'i lugs gnyis bshad pa'i
dang po ni kha cig bden pa'i rnam pa re re nas phri ba dang
dmigs pa re re nas phri nas zhes

bya ba slob dpon gyi dgongs pa yin pas bzod pa chung ngu'i rnam
pa sum cu rtsa gnyis tshang bar bsgoms pa'i rjes la thog mar
khams gong ma gnyis kyi gnyen po lam bden gyi rnam pa bzhi'i
dang po lam bor te lhag ma sum cu rtsa gcig sgom pa dang/ de
bzhin du de nas rigs pa bor te sum cu dang/ de

nas sgrub pa bor te lhag ma nyi shu rtsa dgu dang/ de nas nges
par 'byin pa bor te lhag ma nyi shu rtsa brgyad dang/ de nas lam
bden la dmigs pa bor te khams gong ma'i 'gog pa dang kun 'byung
dang sdug bsngal gyi bden pa rnams kyi rnam pa dang dmigs pa
rnams snga ma ltar rim gyis re re nas dor nas lhag

ma sgom pa dang/ de nas 'dod pa'i gnyen po lam bden nas sdug
bsngal gyi bden pa'i bar gyi rnam pa rnams kyang snga ma ltar re
re nas dor nas mthar 'og nas 'byung ba ltar gang zag bzhi'i
gnyen po'i dbang gis sdug bsngal gyi bden pa'i rnam pa bzhi las
gang rung gcig lan gnyis su bzlas te

sgom ba rnams te/ de ltar na khams gong ma'i gnyen po lam bden
gyi rnam pa gcig phri nas sgom pa nas bzung ste mthar 'dod pa'i
sdug bsngal gyi bden pa'i rnam pa gcig lan gnyis su sgom pa'i
bar rnams bzod pa 'bring yin pas de ni skad cig ma bzhi brgya
dang dgu bcu rtsa bdun yin

no zhes 'dod do/ /de'i phyir 'di'i grangs kyi dbang du mdzad nas
dang po gsum la dgu bcu ste/ de nas dgu nyid phri ba dgu/ /tha
ma'i rnam pa gnyis bsnan pa/ /'di yis grangs su nges par bzung
zhes gsung ngo/ /gnyis pa ni kha cig na re dmigs yul bden pa yod
bzhin du rnam pa 'dor ba mi

'thad cing dmigs yul bden pa dor na dmigs pa med pa'i rnam pa mi
'thad pas thog mar dmigs pa 'dor ba nyid 'thad pas slob dpon gyi
dgongs pa'ang bden pa'i rnam pa re re dang dmigs pa re re nas
zhes bya ba ni ma yin gyi 'on kyang bden pa re re'i rnam pa gang
dag yin pa de dag gi dmigs pa

@320b phri nas zhes bya ba yin la/ bstan bcos las kyang bzod pa
'bring skad cig ma brgya rtsa bcu dgu yin no zhes bshad pas na
bzod pa 'bring ni skad cig ma brgya dang bcu dgu yin te/ 'di
ltar bzod pa chung ngu snga ma ltar rnam pa sum cu rtsa gnyis
tshang bar bsgoms pa'i rjes la khams gong ma gnyis bsdoms

pa'i gnyen po lam bden rnam pa bzhi dang bcas pa bor te lhag ma
nyi shu rtsa brgyad sgom pa dang/ de nas 'dod pa'i gnyen po lam
bden rnam pa bzhi dang bcas pa bor te lhag ma nyi shu rtsa bzhi
sgom pa dang/ de nas khams gong ma gnyis kyi 'gog bden rnam pa
bzhi dang bcas pa bor te lhag ma nyi shu sgom

pa dang/ de nas 'dod pa'i 'gog bden rnam pa bzhi dang bcas pa
bor nas lhag ma bcu drug sgom pa dang/ de nas khams gong ma
gnyis kyi kun 'byung gi bden pa rnam pa bzhi dang bcas pa bor te
lhag ma bcu gnyis sgom pa dang/ de nas 'dod pa'i kun 'byung gi
bden pa rnam pa bzhi dang bcas pa

bor nas lhag ma brgyad sgom pa dang/ de nas khams gong ma gnyis
kyi sdug bsngal gyi bden pa rnam pa bzhi dang bcas pa bor nas
lhag ma 'dod pa'i sdug bsngal gyi bden pa'i rnam pa bzhi sgom pa
dang/ de nas sgom pa po de yang dbang po rnon po lta ba spyad pa
dang rtul po sred pa spyad pa gnyis yod pa

las dang po yin na 'dod pa'i sdug bsngal gyi bden pa'i rnam pa
dang po gnyis gang rung gcig dor nas lhag ma gsum sgom pa dang/
de nas rnam pa snga ma gnyis dor nas phyi ma gnyis sgom pa dang/
de nas lta ba spyad pa de la'ang bdag tu lta ba spyad pa dang
bdag gir lta ba spyad pa gnyis yod pa las dang po

yin na bdag tu lta ba'i gnyen po bdag med pa'i rnam pa lan gnyis
su sgom la/ gnyis pa yin na bdag gir lta ba'i gnyen po stong
pa'i rnam pa lan gnyis su sgom mo/ /sred pa spyad pa yin na 'dod
pa'i sdug bsngal gyi bden pa'i rnam pa bzhi las rnam pa phyi ma
gnyis gang rung gcig dor nas

lhag ma dang po gsum sgom pa dang/ de nas rnam pa phyi ma gnyis
dor nas dang po gnyis sgom pa dang/ de nas sred pa spyad pa de
la'ang nga'o snyam pa'i nga rgyal shas che ba dang le lo shas
che ba gnyis las dang po yin na nga rgyal gyi gnyen po mi rtag
pa'i rnam pa lan gnyis su sgom la/ gnyis pa yin na le

@321a @#/ /lo'i gnyen po sdug bsngal gyi rnam pa lan gnyis su
sgom pa rnams te/ de ltar na khams gong ma gnyis kyi gnyen po
lam bden rnam pa dang bcas pa bor nas lhag ma nyi shu rtsa
brgyad sgom pa nas bzung ste 'dod pa'i sdug bsngal gyi bden pa'i
rnam pa bzhi'i gang rung gcig lan

gnyis su sgom pa'i bar rnams bzod pa 'bring yin pas skad cig ma
brgya dang bcud gur 'gyur ro zhes zer ro/ /'dir yang/ nyer
brgyad rtsa bzhi nyi shu dang/ /bcu drug bcu gnyis brgyad dang
bzhi/ /gsum gnyis rnam pa tha ma gcig  /lan gnyis bsnan pa 'di
yi grangs zhes bya'o/ /de ltar bzod pa 'bring

la skad cig gi grangs mang nyung gi lugs gnyis bshad kyang 'grel
pa'i dgongs pa ni phyi ma nyid yin par mngon no zhes mkhas ba
dag gsung ngo/ /'o na bzod pa chung ngu la dmigs rnam tshang bar
sgom la 'bring la rim gyis phri nas mthar 'dod pa'i sdug bsngal
gyi bden pa kho na la dmigs shing de'i

rnam pa kho na sgom pa nyid ji ltar zhe na/ khams gsum sun 'byin
par byed pa na des dang por ni gnyen bo mtha' dag la dmigs la
phyis ni 'dod khams kho na dang por shes shing spang bar bya ba
yin pas de kho na la dmigs pa yin no zhes TIka byed dag 'chad
do/ /ji ltar bzod pa 'bring gi mthar snga

ma ltar na skad cig ma drug dang phyi ma ltar na skad cig ma bcu
gcig 'dod pa'i sdug bsngal gyi bden pa kho na la dmigs pa ltar
bzod pa chen po yang 'dod par gtogs pa'i sdug bsngal gyi bden pa
kho na dmigs yul du byed pa yin la/ khyad par du bzod pa chen po
de ni skad cig ma gcig yin gyi

snga ma rnams ltar rgyun chags pa ni ma yin no/ /ji ltar bzod pa
chen po 'dod pa'i sdug bsngal gyi bden pa kho na la dmigs ba
dang skad cig ma gcig yin pa de bzhin du 'jig rten pa'i chos kyi
mchog kyang 'dod pa'i sdug bsngal gyi bden pa kho na la dmigs
shing skad cig ma gcig yin no/ /de

ni zag bcas yin zhing sngar zag med med bas skal mnyam gyi rgyu
med par rang gi rtsal gyis mthong lam dngos su 'dren pas na 'jig
rten pa'i chos kyi mchog ces bya'o/ /de ltar na 'dir bzod pa
chen po dang chos mchog (dang sdug bsngal la chos bzod dang/)
gsum 'dod pa'i sdug bsngal gyi bden pa kho na la

@321b dmigs shing skad cig re re yin par bstan pas dro bar gyur
pas na bzod pa 'bring phal che ba'i bar ni khams gsum gyi bden
bzhi la ci rigs par dmigs shing rgyun chags pa yin par shes par
bya'o/ (/gzhan yang bzod pa chen po dang/ chos mchog skad cig ma
re rer bstan pas dro bar gyur pa nas bzod pa 'bring gi bar la
rnam pa

gtod 'phel gyi khyad par yod kyi bzod pa chen po dang/ chos
mchog gnyis la ni rnam pa gtod 'phel gyi khyad par med par mngon
te/ 'grel pa las/ rnam pa gtod pa ni dang po nyid du bden pa
rnams la rnam pa dag 'god pa'o/ /zhes pa dang/ TIka las 'phel
bar byed pa ni goms pas byang bar byed pa'o/ /zhes dang po sgom
pa dang de'i rgyun goms par byed pa la brjed pa na skad cig ma
la de dag

mi rung ba'i phyir ro/) /rnam pa ni ji ltar dang por shes shing
spang bya yin pas bzod pa 'bring gi skad cig ma tha ma gnyis
dang bzod pa chen po dang chos mchog dang sdug bsngal la chos
bzod chos shes rnams kyi dmigs pa 'dod pa'i sdug bsngal gyi bden
pa kho na yin pa ltar bzod pa 'bring gi skad cig ma tha ma gnyis

dang bzod pa chen po dang chos mchog dang sdug bsngal la chos
bzod chos shes rnams kyi rnam pa rnams kyang mthun te/ de yang
sngar bshad pa ltar gang zag gi bye brag gis bdag tu lta ba dang
bdag gir lta ba spyad pa dang nga'o snyam pa'i nga rgyal dang le
lo shas che ba yin na rim pa ltar thams cad bdag med pa dang

stong pa dang mi rtag pa dang sdug bsngal gyi rnam pa can yin
te/ TIka byed dag gis bzod pa chen po ni gang zag gis ji ltar
dpyad pa bzhin du mi rtag pa'i rnam pa dang/ sdug bsngal gyi
rnam pa dang/ stong pa'i rnam pa dang/ bdag med pa'i rnam pa
dang mtshungs par ldan pa yin no zhes pa dang/ de la dmigs pa
nyid skad

cig ma gsum pa la ni bzod pa chen po yin no/ /de la dmigs pa
nyid skad cig ma bzhi pa la ni chos kyi mchog yin no zhes pa
dang/ bdag tu lta ba spyad pa'i rnam pa tha ma gnyis kyi skabs
su de'i 'og tu sdug bsngal la chos shes pa'i bzod pa dang sdug
bsngal la chos shes pa dang 'dra bas bdag med pa'i

rnam pa gcig la lan gnyis su mngon du byed de zhes gang zag gang
yang rung bas bzod pa 'bring gi skad cig ma gnyis la rnam pa
gang yid la byas pa de nyid bzod pa chen po la'ang yid la byed
par bshad cing/ bzod pa 'bring gi skad cig ma gnyis kyi rjes kyi
skad cig ma gsum pa dang bzhi pa nyid bzod pa

@322a @#/ /chen po dang chos mchog tu bshad la/ bzod pa 'bring gi
skad cig ma tha ma gnyis dang sdug bsngal la chos bzod chos shes
kyang rnam pa 'dra bar bshad pa'i phyir dang/ 'grel pa las
kyang/ bzod pa chen po 'dod pa'i sdug bsngal la dmigs pa'i rgyu
mtshan du de ni chos kyi mchog dang nye ba'i

phyir 'dod pa'i sdug bsngal la dmigs pa kho na'o zhes pa dang/
TIka byed dag gis kyang bzod pa chen bo chos mchog dang nye la
chos mchog mthong lam dang nye ba'i phyir de dag dran pa nyer
gzhag dang dmigs rnam mthun par bshad pa'i phyir ro/ /de yang
bzod pa chung 'bring gnyis dang yang dmigs rnam la

sogs pa 'dra bar thal bar 'gyur bas chos mchog dang nye ba tsam
gyis ni der mi 'grub kyi 'on kyang chos mchog mthong lam dang
nye la mthong lam gyi shes bzod dang po gnyis kyi dmigs rnam de
dag yin pa nyid rgyu mtshan du 'gyur ro/ /de ltar bye brag tu
smra bas drod rtse mo bzod pa rnams la chung 'bring chen

po gsum gsum yod kyi chos mchog ni skad cig ma gcig kho na yin
no zhes 'dod pa ni mi rigs te/ de la'ang chung 'bring chen po'i
dbye ba yod pa la gnod pa med pa'i phyir dang/ thams cad kyang
bden pa bzhi char la dmigs pa dang de dag gi rnam pa'ang yid la
byed pa 'gal ba med pa'i phyir ro/ /des na 'di

ni bye brag tu smra bas kun brtags pa'o zhes theg pa gong ma pa
dag 'chad do/ /slob dpon seng ge bzang pos ni brgyad stong 'grel
pa las/ ji ltar bzod chen skad cig ma/ /gcig yin de bzhin chos
kyi mchog  /ces gang bshad pa de ni rang don gyi dbang du byas
pa yin la 'dir bzod ba chen po skad cig ma du ma yin par

bstan pa dang/ chos kyi mchog la chung 'bring chen po'i dbye ba
bshad pa ni gzhan gyi don la brten pa'i chung 'bring chen bo'i
dbye pa bshad pa yin te/ gzhan gyi don la brtson pa la ni rab
dang mchog rab la sogs pa'i gnas skabs srid ba'i phyir ro zhes
pa la sogs pa ni nyan thos rang don byed pa dang byang chub

sems dpa' gzhan don byed pa'i dbang du byas nas 'dir bzod pa
chen po dang chos mchog skad cig ma re re dang/ gzhung gzhan du
bzod pa chen po la skad cig mang po dang chos mchog la'ang chung
'bring chen po'i dbye ba byas par bshad do/ /dro ba la sogs pa'i
ye shes bzhi po thams cad kyang dran pa nyer gzhag

@322b gi ngo bo nyid yin pa'i phyir gtso bo shes rab yin la
grogs ni dad pa la sogs pa dang mtshungs par ldan no/ /'khor dang
bcas na ni bzhi po thams cad kyang phung po lnga pa yin te/ 'di
dag mnyam gzhag gi sa pa yin pas 'di dag la gzugs ni bsam gtan
gyi sdom pa yin la gzhan dag ni shes par sla'o/ /dro ba

la sogs pa'i thob pa ni dro ba la sogs par ma gtogs te gtogs na
'phags pa mthong lam pas dro ba la sogs pa mngon du byas par
'gyur ro/ (/de la yang/) de dag gi thob pa (sa ma bor gyi bar
du) mngon du gyur pa'i phyir ro zhes bye brag tu smra ba 'dod
mod kyi 'di la thob pa rdzas su med pa'i phyir dpyad pa ni don
med pa

kho na yin no/ /sngar bshad pa de ltar na nges par 'byed ba'i
cha dang mthun pa ni dro ba la sogs pa rnam pa bzhi yin no/
/ci'i phyir de dag la nges par 'byed pa'i cha dang mthun pa zhes
bya zhe na/ mthong spang thams cad spong yang spang bya'i gtse
bos mtshon nas the tshom spong ba'i phyir bden pa nges pa dang/
bden pa rnams

la 'di ni sdug bsngal lo zhes bya ba nas 'di ni lam mo zhes bya
ba'i bar du rnam par 'byed ba'i phyir nges par 'byed pa ni
mthong lam yin la/ de'i cha ni mthong lam gyi phyogs gcig sdug
bsngal la chos shes pa'i bzod pa ste/ de nyid dro ba la sogs pas
dngos dang brgyud nas 'dren par byed pa nyid kyis

de la phan 'dogs pa'i phyir cha dang mthun pa zhes bya'o/ /nges
'byed cha mthun bzhi char yang (mnyam gzhag yin pas/) bsgoms pa
las byung ba yin gyi thos bsams las byung ba ni ma yin no/ /sa
ni bsam gtan dang po'i nyer bsdogs mi lcogs pa med pa dang bsam
gtan khyad par can dang bsam

gtan gyi dngos gzhi bzhi ste drug gi sa pa ste/ mthong lam gyi
'khor yin pa'i phyir dang/ mthong lam gzugs med la mi rten ('dod
pa ni thos bsam gyi sa pa yin pas de ni nges 'byed du mi rung
ngo zhes kha cig ste 'dod pa la mi dmigs) pa'i phyir ro/ /ci'i
phyir gzugs med la mi rten zhe na/ dang por shes shing spang bya
yin pas

mthong lam 'dod pa la dmigs pa la gzugs med pas 'dod pa la mi
dmigs pa'i phyir ro/ /drod rtse gnyis ni 'og ma 'dod pa'i khams
na'ang yod pa'am zhes bya ba ni btsun pa dbyangs sgrogs kyi lugs
te sa bdun pa yin no/ /de dag lus gang la brten zhe na/ nges
'byed cha mthun bzhi po thams cad

@323a @#/ /kyang 'dod khams pa'i lus la brten pa yin gyi khams
gong ma la rten pa ni med do zhes bye brag tu smra ba rnams 'dod
de/ de yang dang po gsum ni thog mar gling gsum gyi mi'i nang du
bskyed cing sngon bskyed zin ba rnams ni lha'i nang du yang
mngon du byed do/ (/bzod chen dang/) chos

mchog ni lha dag gi nang du yang dang po skyed par byed do/
/dang po gsum ni skyes pas kyang bud med kyi rten can dang bud
med kyis kyang skyes ba'i rten can yang thob pas gnyis ka'i rten
can thob par 'gyur ('di dag gi dus su phan tshun mtshan gyur pa
dang 'chol bar skye ba la dgongs/) la/ chos mchog ni bud med
kyis skyes pa

dang bud med gnyis ka'i rten can thob par 'gyur gyi skyes pas ni
gnyis ka'i rten can thob pa ma yin te/ chos mchog thob pa'i
skyes pa ni bud med so sor brtags min gyi 'gog pa thob pas bud
med du mi skye ba'i phyir ro/ /nges 'byed cha mthun rnams ni
gzugs na spyod pa'i dge ba zag bcas yin pa la de

dag gi rnam smin ni gzugs khams kyi phung po lnga yin no/ /de
dag gis mi rtag pa la sogs pa'i rnam pas sun 'byin pas srid pa'i
gnyen po yin pas rdzogs byed yin gyi ris mthun 'phen byed ni ma
yin no/ (/chos mchog gi de ma thag mthong lam skye la de skyes
pa dang bud med du skye ba med do zhes pa ni grub pa'i mtha'o/)
/nyams pa

cha mthun gyi bsam gtan ni 'phen byed yin no zhes slob dpon gang
spel 'chad do/ /nges bar 'byed pa rnams ji ltar gtong zhe na/
'phags pa rnams kyis ni nges 'byed cha mthun de dag sa gang la
brten nas thob pa'i sa de bor nas (gong du skyes pa'i sa 'phos
pas sa de'i thob pa/) gtong ste/ bsam gtan dang bo'i sa

bas bsdus pa ni bsam gtan gnyis par 'phos pas (te skyes pas de'i
thob pa/) gtong ba lta bu'o/ /de yang shi ste gong du 'phos pas
gtong gi 'dod chags dang bral (pa'i sa 'phos/) bas ni ma yin no/
(/gzhan yang skye bo ltar 'chi ba'am/ yongs su nyams pas kyang
ma yin te/ de'i dge ba'i rtsa ba'i rgyud ni mthong lam gyis nye
bar brtan par byas

pas so/ /'di 'og tu sa 'phos pas gtong ba ni med de/ gong ma'i
rten la sbyor lam med pas so zhes gsung ngo/) /'phags min so
so'i skye bo ni sa bor ram ma bor yang rung ste 'chi ba (ste ris
mthun 'dor ba/) kho nas gtong bar 'gyur gyis 'phos pas ni ma yin
(/ma 'dris bas mi brtan pa'i phyir ro/ /slob dpon 'dun bzang gis
kyang/ so so'i skye bo ni gong du 'phos

@323b pa'i tshe nges 'byed cha mthun dag 'dor ba ma yin nam zhe
na de ni med de ris mthun gtong ba kho nas bor ba'i phyir ro/
/'chi ba'i srid ba la gnas bas de dag 'dor bar srid pa bar ma la
gnas pas bor zin te/ de'i gang du skye ba na 'dor bar 'gyur ba
gang yin pa de ni med pas 'chi ba kho nas bshad do zhes gsung
ngo/ /gal te de lta ma yin na 'di la thob pa dang mngon gyur
lhan cig tu yod pas khams gong

na sbyor lam yod par thal bar mi spongs so/ /'phags pa la mi
mtshungs te/ thob pa ni sbyor lam ma yin par bshad zin bas so/ /)
nges 'byed cha mthun dang po gnyis ni (bsam gtan gtogs pa'i dge
ba ni/ /sa 'phos nyams pa dag gis gtong zhes pas/) so so'i skye
bo dag yongs su nyams pas kyang gtong gi 'phags pa la ni de dag
las (mi mthun

phyogs kyis) nyams pa med pa'i phyir dang/ phyi ma gnyis so so'i
skye bo la'ang nyams pa med pa'i ('phags lam gyi sbyor ba ma
bskyed pas/) phyir ro/ /gang zhig gis nges 'byed cha mthun de
dag bsam gtan dngos gzhi la brten nas skyed pa yin na ni des tshe
de nyid la bden pa mthong bar 'gyur te/ yid 'byung ba shas

che ba'i phyir ro/ /gal te sngar (bzod 'bring man chad/ /'thob
pa ni sa 'phos pas gtong ba'i phyir ro/) /thob pa (las) rnam par
nyams pa dag gis yang (phyis) thob pa yin na ni so so thar pa'i
sdom pa ltar sngon med pa (kho na) gsar du thob pa yin gyi 'das
pa thob pa ni ma yin te/ sngon ('phags lam gyi sbyor ba ma skyed
pas/) yang nas yang du

(mi lcogs med dang bsam gtan khyad par can la rten pa'i sbyor
lam gyis ni tshe de nyid la bden pa mthong par ma nges te nyams
bsrid bas so/ /des na dngos gzhi'i sbyor lam thams cad 'phags
pas gtong par nges so gsung ngo/) /mgoms pa dang ('dod chags
dang bral bas mi thob pa'i phyir ro/) /'bad pas bsgrub par bya
ba yin (pas sngon rang sa mi 'thob) pa'i phyir ro/ (/smon nas

shes pa gcig gis sos 'debs mkhan yod na 'phro nas skye la med na
gzhi nas skyed do/) /'o na rnam par nyams pa dang yongs su nyams
pa dag la khyad ci yod ce na/ nyams pa gnyis ni (chos) mi ldan
pa'i rang bzhin yin par ni khyad par ci yang med do/ /'on kyang
yongs su nyams pa ni log lta skyes pa na dge rtsa nyams pa

lta bu nyon mongs pa'i nyes pa byas pa kho nas nyams pa yin la
rnam par nyams pa ni snga ma (log lta skyes pa/) lta bu nyes pas
nyams pa dang/ mthong lam skyes pa na so so'i skye bo nyams pa
lta bu dang lam la rjes shes skyes pa na mthong lam gtong ba lta
bu yon tan gyis nyams pa'ang yin pas nyams pa

@324a @#/ /spyir smos pa yin te/ des na yongs nyams la rnam nyams
kyis khyab kyang rnam nyams la yongs nyams kyis ma khyab pa (yod
de bcu drug pa thob pa na mthong lam lta bu'o des na/) bye brag
dang spyi'i khyad bar yod do zhes shes par bya'o/ /de la drod
(kyi yon tan) thob pa ni yongs su nyams kyang

nges par mya ngan las 'da' ba'i chos can yin la/ thar pa cha
mthun dang gnyis kyi khyad par ni bar chad byed pa med na bden
pa mthong ba la ches nye ba yin te/ (tshe 'di la bden pa mthong
ba srid pa'i phyir ro/) /rtse mo thob pa dag ni yongs su nyams
kyang dge ba'i rtsa ba kun tu mi chad pa yin/ (te dkon mchog la
mi byed pa'i dad pa

brtan po thob pas rten lhag pa'i phyir ro/) /de ni ngan song du
yang 'gro ba srid la mtshams med pa byed pa dag kyang srid do/
/bzod pa thob pa ni rnam par nyams kyang ngan song gsum du mi
'gro ste/ der 'gro ba'i rgyu las dang nyon mongs pa spangs ba'i
phyir ro/ /de ltar na 'gro ba gsum dang/ des mtshon nas sgong
dang drod gsher

las skye ba'i skye gnas gnyis dang/ 'du shes med pa'i sems can
dang byang gi sgra mi snyan dang tshangs pa chen po ste skye ba
gsum dang/ za ma dang ma ning dang mtshan gnyis pa ste lus gsum
dang/ brgyad pa phan chad la sogs pa'i srid pa dang/ mthong
spang gi nyon mongs pa ste/ 'gro ba dang skye gnas dang skye ba
dang

lus dang srid pa dang nyon mongs pa ('di dag la so sor brtags
min thob pas de dag) mi skye ba'i chos nyid drug 'thob pa'i
phyir ro/ /de yang bzod pa chung ngu dang 'bring pos ni ngan
song gi 'gro bar mi skye ba 'thob la/ chen bos ni thams cad mi
skye ba'i chos nyid 'thob mod kyi rtsa bar ni ngan song du mi
'gro ba gcig

pu smos so/ /de la spyir rigs gsum yod pa las dang po srid pa
tha ma pa'i bar du slob dpon la slob ba la ltos pas slob ma nyan
thos kyi rigs ni drod rtse gnyis thob pa dag kyang nyan thos las
bzlog nas ni sangs rgyas su 'gyur ba srid kyi bzod pa thob nas
ni sangs rgyas kyi rigs su 'gyur ba mi srid

de/ bzod pa thob pa nas ngan song du mi 'gro la byang chub sems
dpa' ni gzhan don du ngan song du 'gro ba'i phyir ro/ /nyan thos
kyi rigs de nyid sangs rgyas las gzhan pa rang sangs rgyas su ni
chos mchog ma gtogs pa gsum yang nyan thos kyi rigs las bzlog
nas kyang 'gyur te/ de ni (rang don gtso

@324b pas) gzhan don du yang ngan song du mi 'gro ba'i phyir ro/
/chos mchog las ni rang sangs rgyas su yang mi 'gyur te/ de ni
skad cig ma gcig yin pa'i phyir dang/ de'i de ma thag par mthong
lam skye bas de nas rigs nges pa'i phyir ro/ /rang rgyal dang
sangs rgyas kyi rigs gnyis ni gzhan du bzlog par mi nus te/

ston pa sangs rgyas dang bse ru lta bu'i rang sangs rgyas (kyi
lam) ni skyon brgyad las grol bas ting nge 'dzin mi g.yo ba
dang dbang po rno bas gsal zhing sbyangs pas nges 'byed cha
mthun nam mi sdug ba nas gzung ste byang chub zad mi skye shes
pa'i bar gyi lam kun bsam gtan gyi ya mtha' bzhi pa la

brten nas stan gcig kho na la bskyed pa'i phyir te/ de la ni bar
skabs (der shes pa mi mthun pa mi 'byung ba dang rang gi 'bras
bu de ma thag tu thob pas sgyid lug pa/) med pas rigs gzhan du
(theg pa 'og mar/) 'gyur ba mi rigs pa'i phyir ro zhes bye brag
tu smra pa zer ro/ /de'i phyir nyan thos ni chos mchog nas phyir
mi ldog pa dang/

rang sangs rgyas bse ru lta bu dang sangs rgyas ni sbyor lam ma
mtshogs lam nas phyir mi ldog pa yin la/ chos mngon pa ba gang
dag gi ltar na bse ru lta bu las gzhan pa tshogs shing spyod pa'i
rangs sangs rgyas kyang yod par 'dod pa de dag gi ltar na ni
nyan thos ltar drod rtse gnyis thob nas kyang rang sangs rgyas
kyi

rigs las bzlog nas sangs rgyas su 'gyur ba srid de/ de'i lam
bgrod tshul ni nyan thos dang mtshungs pa'i phyir ro/ /bse ru lta
bu'i rigs kho na bsgyur bar mi nus par dmigs kyis bkar ba'i
phyir ro/ /des na 'di ni nyan thos sngon du 'gro ba'i rang sangs
rgyas te sngar nges 'byed cha mthun bskyed pa zhig

yin no zhes slob dpon gang spel 'chad de de dag ni sde pa dag gi
lugs so/ /theg pa gong ma pa dag ni de las gzhan du 'chad de
'dir ni skabs ma yin pas kho bos ma bshad do/ /sbyor ba'i lam de
yang rgyu gang las shes na/ sbyor ba'i lam de'i sngon du ni nges
par thar pa'i cha dang mthun pa'i dge ba

'gro ba yin no/ /de nas ji srid na thar zhe na/ thams cad pas
shin tu myur ba ni srid pa gsum gyis thar te sa bon 'debs pa
dang/ myu gu skye ba dang 'bras bu 'chags pa ltar skye ba dang
po la thar pa'i cha mthun dang gnyis pa la nges 'byed cha mthun
dang gsum pa la dge sbyong gi tshul gyi 'bras bu rnams skyed par

@325a @#/ /byed de/ 'grel pa las kyang/ chos nyid 'di la ni rgyud
rim gyis 'jug pa dang yongs su smin pa dang rnam par grol bar
'gyur ro zhes 'byung ste/ de la 'jug pa (dang smin pa dang grol
pa/) la sogs pa ni rim ba ltar thar pa'i cha mthun dang nges
'byed cha mthun dang 'phags pa'i lam yin pa'i

phyir ro/ /de yang dbang po rnon po brtson pa dang ldan pa rnams
kyi dbang du byas kyi gzhan dag gis ni ma nges pa'i phyir ro/
/de bas kyang shin tu myur ba gang zhig gi tshe snga ma la thar
pa'i cha mthun gyi tshogs bsags pa de ni (de'i phyi ma la/) tshe
gcig kho na las nges 'byed cha mthun dang 'phags pa'i lam skyed
par byed do zhes

bya bar khong du chud par bya'o zhes tshe gnyis la'ang thar par
TIka (rgyal sras ma) las bshad de/ lung las kyang 'di nyid mang
du gsungs shing/ dngos gzhis de nyid la bden mthong zhes pa dang
mthun pas de nyid rigs so zhes gsungs ngo/ /nyan thos kyi sa las
ni snga ma dang mthun par bshad do/ /thar pa'i

cha mthun de yang thos pa dang bsams pa las byung ba yin gyi
bsgoms pa las byung ba ni ma yin te/ de ni rnam g.yeng gi sa pa
yin pa'i phyir ram/ yang na phyi rol pa'i sgom byung (bsod nams
kyi cha'i sgom byung ni/) thar char mi rung zhing/ nang pa'i da
dung ma skyes pa'i phyir ro/ /dge ba de yang yid gtsor gyur

pa'i sgo gsum gyi las gsum yin no/ /de'i tshad ni ma nges te/
'grel pa las/ la la zhig gis zas 'ga' tsam byin nas sam bslab pa
'ga' tsam yang mnos nas thar pa 'dod pa'i stobs bskyed pas thar
pa'i cha dang mthun pa 'phen par 'gyur ro zhes pa dang/ slob
dpon gang spel gyis kyang

gang zhig la bsam pa thag pa nas 'khor ba (de yang thar pa thob
bar bya snyam pa'i dge ba ni yid gtso bas/ des kun nas bslang
pa'i lus ngag gis las kyang thar char 'gyur ro/ /) 'dor ba'i blo
dang mya ngan las 'das pa la mos pa 'jug pa yod pa des ni sbyin
pa dang tshul khrims dang thos pa dang bsams pa las byung ba
nyung zad kyis kyang thar

pa'i chad dang mthun pa 'phen gyi de las bzlog pas ni mang pos
kyang mi 'phen no zhes pa dang/ slob dpon rgyal po'i sras kyis
kyang 'di ni chung ngu zin kyang thar pa 'dod pa'i stobs bskyed
pas thar pa'i cha dang mthun pa 'phen par 'gyur ro zhes bshad
pa'i phyir ro/ /nges tshig ni thar pa mya ngan las 'das ba yin

@325b zhing de'i cha ni de 'thob byed kyi rgyu nges 'byed cha
mthun yin la de la phan pas na de skad ces bya'o/ /dge ba de ni
gling gsum gyi mi'i nang kho na nas dang po 'phen par byed kyi
lha rnams la shes rab yod kyang skyo ba shas chung zhing ngan
song ba la skyo ba yod kyang shes rab mi gsal la sgra mi snyan
pa la gnyis ka

med pa'i phyir mi 'phen no/ /'o na sbyor lam gyi mnyam gzhag gi
blo de chos kyi dbyings la blo'i rigs ci yin zhe na/ kha cig gis
rnal 'byor mngon sum dang/ kha cig gis yid kyi mngon sum du 'dod
pa ni mi rigs te/ de dag gi mtshan nyid med pa'i phyir dang/ bden
ba mthong ba dang/ zag pa med pa'i ye shes

su thal ba'i phyir dang/ rgyud bla ma las/ so so'i skye bo phyin
ci log  /bden pa mthong ba bzlog pa ste/ /zhes pa dang/ dbus
mtha' las/ rjes su mthun la phyin ci log ces pa dang/ mngon par
rtogs pa'i rgyan las kyang/ rnam rtog bzhi po ldan bsten pa zhes
gsungs pa dang 'gal ba'i phyir ro/ /gang yang

brgyad stong pa'i 'grel pa las gsal snang yod par bshad pa de
yang nges par rtog pa'i dbang du byas nas gsungs pa yin no/
/de'i phyir 'di ni chos kyi dbyings la sngar thos bsam las byung
ba'i shes rab kyis rtogs pa'i don ji lta bar dran pa nyid yin
la/ spyi la phyi rol tu rlom ba'i cha nas ni

log shes nyid yin no/ /kha cig gis bcad shes dang/ kha cig gis
(kha cig shes rab gsum gyis goms par byas pa'i rang rig mngan
sum yin te/ dper na 'dod chags la sogs pa goms pa'i rang rig
bzhin no zhes 'dod do/ /) yid dpyod du 'dod pa la'ang 'gal ba
med de/ dran pa yang dag bcad shes kyi nang du bsdus pa'i phyir

dang; dmigs rnam sngar ma gtogs pa la mos pa yid la byed pa'i
phyir ro/ /spangs rtogs kyi khyad par la sogs pa ni bshad zan
la/ theg pa chen po'i rnam gzhag ni 'dir mi 'dod pa nyid do/
/mthong ba'i lam bshad pa ni 'jig rten pa'i chos kyi mchog gi yi
shes las ni chos shes kyi bzod pa

zag pa med pa'i ye shes skye'o/ /chos bzod de gang la dmigs she
na/ chos mchog dang 'dra bar 'dod pa na spyod pa'i sdug bsngal
la dmigs (nas sred pa spyad pa la sogs pa'i gang zag gi bye brag
gis rnam pa bzhi po gang rung/) pa yin no/ /de'i phyir sdug
bsngal la chos shes pa'i bzod pa zhes bya ste/ sdug bsngal gyi
chos

@326a @#/ /nyid shes shing de la mi skrag pa'i phyir ro/ /yang na
'bras bu chos shes ba'i rgyu yin pas na 'bras bus mtshon nas chos
shes pa'i bzod pa zhes bya ste me tog dang 'bras bu'i shing
bzhin no/ /de skyes na 'phags pa'i gang zag dang/ yang dag pa
myang 'das nyid du nges par

'gro bas na nges par 'jug pa zhes kyang bya'o/ /de'i phyir de ni
so so'i skye bo bzlog par byed pa zhes kyang bya'o/ /kha cig na
re so so'i skye bo ni 'jig rten chos mchog gis bzlog par byed de
zhes zer te/ de'i ltar na chos mchog so so'i skye bo ma yin par
thal ba'i phyir ro/ /kha cig na re chos mchog dang sdug bsngal

la chos shes pa'i bzod pa ni so so'i ('di ma 'ongs pa skye bzhin
pas ni so skye zlog par byed pa'i phyir/) skye bo zlog pa la bar
chad med pa dang rnam grol gyi lam dang rjes su mthun pa yin no
zhes zer te/ rnam pa 'gal ba tsam yin pa'i phyir rjes su mthun
pa'i sgra sbyar te don du na so so'i skye bo ni sgom spang yin
pas mthong

lam gyis ni spong ba ma yin no zhes bye brag tu smra ba rnams
'dod do zhes 'chad mod kyi bye brag tu smra ba'i 'dod pa ni chos
mchog gis spong yang so so'i skye bo ma yin par thal ba'i nyes
pa med de/ 'gag par 'gyur ba'i lam gyis ni/ /de yi sgrib pa rab
tu spong/ /zhes 'byung bas chos mchog gis

spong bzhin pa yin gyi spangs zin pa ma yin pa'i phyir ro/
/gzhan yang de sgom spang yin kyang ngan song skyed byed kyi las
rkyen ma tshang bas mthong lam thob pa na 'gag pa ltar chos bzod
skye bzhin pa na rkyen ma tshang bas so so'i skye bo'i thob pa
chad pas spong ste/ de lta ma yin na mthong lam pa 'phags pa

ma yin par thal ba'i phyir ro/ /des na 'di'i don ni 'grel pa las
ma 'ongs pas ni so so'i skye bo nyid zlog par byed do/ /ma 'ongs
pa de'i bya ba ni de kho na yin par khas len gyi gzhan ni ma yin
te/ mar me dang skye ba bzhin no zhes pa dang/ slob dpon gang
spel gyis kyang ma 'ongs pa byed pa dang ldan pa ni

gsum ste/ skye ba dang mar me dang sdug bsngal la chos shes pa'i
bzod pa'o/ /ji ltar skye bzhin pa'i mar mes mun pa sel zhing
'gag bzhin pas sdong bu dang mar sreg pa bzhin du sdug bsngal la
chos shes pa'i bzod pa skye bzhin pas so so'i skye bo nyid spong
la 'gag bzhin pas phra rgyas bcu spong ngo zhes pa dang/

@326b slob dpon rgyal po'i sras kyis kyang 'phags pa'i chos ma
thob pa ni so so'i skye bo yin la/ de ni 'phags pa'i chos thob
pa na rnam par nyams pa'i sgo nas thob pa chad pas ldog gi /
nyon mongs pa can ma yin pas gnyen pos dngos su spangs pa ni ma
yin te/ nyon mongs pa can gzugs min ni/ /gnyen po skyes bas rnam

nyams 'gyur zhes 'byung bas nyon mongs can gzugs can ma yin na
gnyen po skyes pas spang ba yin pa la 'di ni ma bsgribs lung ma
bstan yin pa'i phyir ro/ /'o na rnam par nyams pa dang spangs pa
dag la khyad par ci yod ce na/ dang po ni rkyen ma tshang ba tsam
gyis thob pa chad pa yin la/ gnyis pa ni gnyen po

skyes pas spangs pa yin no/ /des na thob pa chad pa so so'i skye
bo dang mi ldan pa'i phyir chos bzod kyi gnas skabs na 'phags pa
kho na yin gyi so so'i skye bo ni ma yin no zhes bshad pas sdug
bsngal la chos bzod skye bzhin pa na so so'i skye bo'i brtags
min thob pas spangs pa yin no zhes bya ba 'di

yin no/ /sdug bsngal la chos shes pa'i bzod pa skyes pa de nas
ni 'dod pa'i sdug bsngal de nyid la dmigs pa'i chos shes pa'i ye
shes skye'o/ /'di ni dang por 'dod pa'i chos kyi de nyid shes pa
na chos shes pa yin gyi bzod pa ni ma yin te/ sngar gyi ye shes
kyis skrag pa bcom zin pa'i phyir ro/ /ji

ltar 'dod pa'i sdug bsngal la dmigs pa'i bzod shes zag med skye
ba de bzhin du sdug bsngal chos shes kyi mjug thogs su 'dod pa'i
sdug bsngal gyi lhag ma khams gong ma gnyis kyi sdug bsngal gyi
bden pa la dmigs pa'i rjes su shes pa'i bzod ba dang shes pa
skye'o/ /ye shes de dag ni chos

shes pa'i rjes su skyes pa'i phyir rjes su shes pa dang/ gong
ma'i sdug bsngal gyi chos nyid la mi skrag pa'i phyir bzod pa
dang/ skrag pa bcom zin la 'jug pa'i phyir shes pa yin no/ /sdug
bsngal gyi bden pa la dmigs pa'i ye shes bzhi skye ba ji lta ba
bzhin du kun 'byung la sogs pa'i bden pa gsum

la'ang de bzhin du shes par bya'o/ /de ltar na bden pa mngon par
rtogs pa'i lam 'di ni sems kyi skad cig ma (zag med) bcu drug go
/ mngon par rtogs pa zhes bya ba ni mngon sum du mthong ba'o/
/'dir dpyad pa 'di yod de bden pa rnams cig car rtogs sam/ 'on
te rim gyis yin/ dang

@327a @#/ /po ltar na bden pa mngon par rtogs pa bcu drug ma yin
par 'gyur la/ gnyis pa ltar na spang bya rim gyis spong bar
'gyur na stong chen mo rab tu 'joms pa las/ lta ba 'di la sbyang
ma thag tu ni/ /'jigs tshogs lta dang tshul khrims brtul zhugs
dang/ /the tshom dang ni nyon mongs

gsum po dag  / cig car spangs te 'phags pa'i bden mthong ba zhes
gsungs pa dang 'gal lo zhe na/ 'phags pa gnas brtan ba dang chos
srung ba'i sde pa la sogs pa rnams na re bden ba ni cig car
mngon par rtogs te/ ye shes kyi rnam pa bcu drug bshad pa ni
bden pa bzhi la chos kyi rnam pa bcu drug

bshad pa'i dbang du mdzad pa yin te/ gzhan du na sngar smos pa'i
mdo dang 'gal ba'i phyir ro zhes 'dod do/ /'di la thams cad yod
par smra ba la sogs pa rnams ni bden pa mngon par rtogs pa ni
bcu drug rim gyis rtogs pa yin gyi cig car ni ma yin no/ /gal te
bden bzhi cig car mngon par rtogs na

zhugs pa dang gnas pa'i rnam gzhag mi rung bar thal ba'i phyir
dang/ bcom ldan 'das kyis dpe dang bcas ba'i mdo gsum gsungs pa
dang 'gal ba'i phyir ro/ /de la mdo dang po ni yang dag par ldan
pa'i mdo las/ khyim bdag mgon med zas sbyin gyis btsun pa ci
lags/ 'phags pa'i

bden pa bzhi po mthar gyis mngon par rtogs sam/ 'on te mngon bar
rtogs pa gcig lags zhes zhus pa dang/ khyim bdag 'phags pa'i
bden pa bzhi ni mthar gyis mngon par rtogs kyi mngon par rtogs
pa gcig ba ni med do/ /khyim bdag gang zhig 'di skad du bdag gis
sdug

bsngal 'phags pa'i bden pa mngon par ma rtogs par kun 'byung ba
'phags pa'i bden pa mngon par rtogs par bya'o zhes bya ba nas
rgyas par sdug bsngal 'gog ba 'phags pa'i bden pa mngon par ma
rtogs par sdug bsngal 'gog par 'gro ba'i lam 'phags pa'i bden pa
mngon par

rtogs par bya'o zhes bya ba'i bar du smra na de skad du ni ma
smra zhig ces brjod par bya'o/ /de ci'i phyir zhe na/ sdug
bsngal 'phags pa'i bden pa mngon par ma rtogs par kun 'byung ba
'phags ba'i bden pa mngon par rtogs par 'gyur ba gang yin pa da
ni gnas med cing go skabs med do/ /sdug bsngal

@327b 'phags pa'i bden pa mngon par rtogs nas kun 'byung ba
'phags pa'i bden pa mngon par rtogs pa 'di ni gnas yod cing go
skabs yod do zhes bya ba nas/ de bzhin du bden pa gzhan la'ang
sbyar nas dpe ni khang pa brtsegs ma'am khang pa brtsegs pa chen
po'i rmang dang rtsig pa dang phyam so dang g.yogs ma

rnams snga ma snga ma la rkang pa ma bzhag par phyi ma phyi ma
la rkang pa gzhag par bya ba'i gnas med cing go skabs med pa
dang/ snga ma snga ma la bzhag nas phyi ma phyi ma la gzhag pa'i
gnas dang go skabs yod pa'i sgo nas gsungs so/ /mdo gnyis pa ni
dge slong zhig la don snga ma bzhin la dpe ni bang rim bzhi

pa'i them skas la 'dzeg pa'i sgo nas gsungs so/ /mdo gsum pa ni
'phags pa kun dga' bo la don snga ma bzhin la dpe ni gdang bu
bzhi pa'i skas la 'dzegs te khang bzang gi steng du 'jog pa'i
dpe'i sgo nas gsungs ba yin no/ /bden pa cig car mngon par rtogs
par gsungs pa ni bya ba'i mngon par rtogs

pa gcig pa'i dbang du mdzad nas gsungs pa yin te/ sdug bsngal
mthong ba na de'i kun 'byung spong zhing 'gog pa mngon du byed
la de dag kyang lam goms pas yin pa'i phyir ro/ /'dir rim gyis
mngon par rtogs pa ni mthong ba'i mngon par rtogs pa yin no/ /'o
na mngon par rtogs pa du ma yod dam zhe

na; mngon par rtogs pa de ni rnam pa gsum ste/ mthong ba'i mngon
par rtogs pa dang/ dmigs pa'i mngon par rtogs pa dang/ bya ba'i
mngon par rtogs pa zhes bya ba'o/ /de la dang po ni zag med kyis
shes rab kyis bden bzhi'i rnam pa bcu drug mngon sum du mthong
ba ste/ mdo las/ dge slong dag zag

pa med pa'i shes rab kyis mthong ba gang yin pa de ni mthong
ba'o zhes 'byung bas shes rab nyid mthong ba yin no/ /gnyis pa
ni shes rab mtshungs ldan (gyi sems sems byung) dang bcas pa'o/
/gsum pa ni shes rab mtshungs ldan dang bcas pa dang/ ldan pa ma
yin pa tshul khrims dang mtshan nyid dang thob

pa la sogs pa dag kyang yin te/ de dag gis sdug bsngal shes par
bya ba dang/ kun 'byung spang par bya ba dang/ 'gog pa mngon du
bya ba dang/ lam rgyud la bsten pa'i bya ba bzhi po byed pa'i
phyir ro zhes bya bar 'dod do/ /des na shes rab gsum chang dang/
shes rab las gzhan pa'i mtshungs ldan rnams

@328a @#/ /ni phyi ma gnyis dang/ shes rab dang lhan cig pa'i
mtshungs ldan ma yin pa rnams ni tha ma kho na'o/ /mngon par
rtogs pa bcu drug po de dag ni chos mchog dang sa gcig cing chos
mchog ni/ mi lcogs med pa dang/ khyad par bsam gtan sa pa'o zhes
'byung ba'i phyir 'di dag

kyang sa drug la rten ba yin no/ /bcu drug po de'i bzod pa
brgyad dang shes pa brgyad po de dag ni go rim bzhin du (nyon
mongs kyi thob pa gcod pas/) rkun bo 'byin pa ltar spang bya la
gnod pa byed pa la gzhan gyis bar chad bya bar mi nus pa'i phyir
dang/ sgo 'phar gcod pa ltar sang bya las rgyal ba'i bral thob
dang lhan cig skye

(bzod 'bring man chad ni bsam gtan la rten yang bye brag gi sa
mi mtshungs pa srid do/ /bcu drug tu grangs nges pa ni/) ba'i
phyir bar chad med pa'i lam dang rnam par grol ba'i lam yin no/
/skad cig ma yang shes bya la shes pa skye ba'i bya ba rdzogs
pa'i skad cig yin gyi dus mtha'i skad cig ma ni ma yin te/ kun
las btus las/ sems

kyi skad cig ni shes bya la shes ba 'byung ba yongs su rdzogs
par rig bar bya'o zhes bshad ba'i phyir ro/ /kha cig chos mchog
nyid mthong spang la gnod byed yin bar 'dod pa la ni chos mchog
bar chad med pa'i lam dang mthong lam rnam grol gyi lam 'ba'
zhig par thal ba'i skyon yod do/ /gang dag shes

pa thams cad sgom lam du 'dod pa de dag la'ang mthong lam skad
cig bco lnga ma yin par 'gyur ro/ /gang dag 'dir theg ba gong
ma'i mthong lam gyi rnam gzhag du ma 'chad ba de dag ni skabs
las 'das pa yin no/ /ye shes skad cig ma bcu drug po de dag las
skad cig ma dang po bco lnga ni mthong ba'i

lam yin te/ (gal te bzod pas nyon mongs spong na bstan bcos las
kun sbyor ni dgu ste/ chos shes pas spang bar bya ba bzhi dang/
rjes su shes pas spang bar bya ba bzhi dang/ sgom pas spang bar
bya ba'o zhes pa dang 'gal zhe na/ bzod pa rnams ni shes pa'i
'khor yin pas bzod pas spang bya la shes pa'i spang byar bshad
de 'khor gyis bcom pa la rgyal pos bcom zhes pa bzhin no/ /sgom
spang ni shes pa kho nas te/)

(de la bar chad mad lam yang shes pa'i ngo bo yin pa'i phyir
ro//) bden pa rnams sngar ma mthong ba mngon sum du mthong ba'i
phyir ro/ (/zhe na rtags de chos can gyi phyogs gcig la ma grub
ste/ shes pa ni bzod pa'i dmigs pa 'dzin pa'i phyir ro zhe na/
de dag kyang mthong lam gyi bar na yod pa'i shes pa yin pa'i
phyir rgyud la bsams pa'am/ yang nam mthong ba'am mthong ba'i
phyir te/)

@328b (gang zag 'di'i ma mthong ba mthong ba 'jug pa ste de srid
du mthong ba'i lam mo/ /lam la rjes shes ni sgom lam yin te dge
sbyong tshul gyi 'bras bu 'dus byas yin pa'i phyir dang/ shes pa
brgyad dang rnam pa bcu drug thob pa'i phyir dang/ lam snga ma
nyams pa'i phyir dang/ rgyun chags pa phyin pa'i phyir ro/ /'di
sgom lam yin na nyams pa srid par 'gyur ro zhe na/ ma yin te
mthong sdang gi spangs pa)

('dzin pa'i gzhi'i gnyen po yin pas so zhes zer te de lta na
sgom lam thams cad kyang mthong lam du ha cang thal bas mi 'thad
do/ /ci'i phyir shes pa bdun mthong lam yin zhe na/ bden pa
mthong ba thams cad ma rdzogs pas bzod pa gnyis kyi bar mar gyur
pa'i phyir ro/ /kha cig mthong lam gyi skal mnyam gyi rgyu yin
pa'i phyir zhes zer ro/) /bcu bzhi pa man chad kyis ni khams

gong ma'i lam ma mthong ba'i phyir mthong lam du ma bshad do/
/bcu drug pa ni snga ma rnams kyis mthong zin pa'i bden pa la
dmigs nas lam goms par byed ba'i phyir sgom lam yin no/ /shes pa
snga ma bdun ni mthong ba'i bya ba ma rdzogs pa'i phyir mthong
lam du bshad kyi sgom lam ni ma yin no/ /'o na bcu drug

pa'ang lam la nges par 'byin pa'am/ lam la rjes bzod sngar ma
mthong ba mthong ba'i phyir mthong lam du 'gyur ro zhe na/
mthong ma mthong ni bden pa mthong ba dang ma mthong ba'i dbang
du byas kyi rnam pa'i dbang du ma byas pas (shes pa'i) rnam pa
gcig ma mthong bas ni ma mthong bar mi 'gyur te nyag ma

gcig ma brngas kyang zhing ma brngas par mi 'gyur ba bzhin no/
/mthong lam skad cig ma bco lngar bshad pa gang dag yin pa de
dag tu dbang po rnon po ni sngon rang nyid kyi mdo la sogs pa'i
chos kyi don gyi rjes su 'brang bas na chos kyi rjes su 'brang
ba dang/ rtul po ni sngon gzhan gyi lung la brten nas dad pas

tshig gi rjes su 'brang bas na dad pas rjes su 'brang ba zhes bya
ba'i ming 'thob bo/ /don de ltar gnas pa na spyi'i don ni gsum
yin te/ mthong lam gyi rten dang/ lam dang/ 'bras bu'o/ /de la
dang po la'ang lus kyi rten ni gling gsum gyi skyes pa dang bud
med dang 'dod khams pa'i lha ris drug la skye'i

gzhan la ni ma yin te/ ngan song gsum dang byang gi sgra mi
snyan pa ni rnam smin gyi sgrib pas bsgribs pa'i phyir dang/ za
ma dang ma ning dang mtshan gnyis pa rnams rten dman pa'i phyir
dang/ khams gong ma'i skye bo dag ni 'khor ba la skyo ba med
pa'i phyir ro/ /sems kyi rten ni bsam gtan sa drug pa yin

@329a @#/ /te /zag med yin zhing gzugs med 'dod pa la mi dmigs
la/ de ni chos mchog dang sa gcig ces bshad pa'i phyir ro/
/gnyis pa la'ang bzhi las mthong lam gyi mtshan nyid ni bden
bzhi'i de kho na nyid sngar ma mthong ba mngon sum du mthong ba
yin no/ /gang dag bdag med

mngon sum du mthong ba mthong spang gi gnyen po byed ba zhes zer
ba de ngag gi ltar na gten po mtshan nyid pa la 'dod na shes pa
rnams mthong lam ma yin bar 'gyur te/ gnyen bo mtshan nyid pa ni
bar chad med pa'i lam yin pa'i phyir ro/ /'on te gnyen po tsam
la 'dod na ni sgom lam yang der 'gyur te/

mthong spang thag sring ba'i gnyen po yin pa'i phyir ro/ /kha
cig chos mchog chen po'i rjes su bdag med mngon sum du mthong ba
sgom lam chung ngu'i rgyur gyur ba zhes zer ba de la'ang gal te
sgos lam chung ngu'i dngos kyi rgyu yin na ni lam la rjes bzod
ma gtogs ba rnams mthong lam ma yin par 'gyur la/

brgyud pa'i rgyu yin na ni bzod pa phyi ma de nyid mthong lam ma
yin par 'gyur ro/ /dngos dang brgyud ba'i rgyu ci rigs ba zhes
bya bar 'dod na ni mtshan nyid ma nges ba yin bar 'gyur ro/ /de
bzhin du chos mchog gi rjes su 'byung ba la'ang de ma thag gam
brgyud nas zhes brjod bar bya'o/ /de'i phyir bshad ba snga ma
nyid

skyon med pa yin no/ /rab tu dbye ba ni gang zag gis ni nyan
thos la sogs pa gsum dang/ yul gyis ni sdug bsngal mthong ba la
sogs pa bzhi dang/ ngo bos ni bzod ba dang shes ba gnyis dang/
rnam pa las ni sdug bsngal la chos shes pa'i bzod ba la sogs pa
bco lnga dang/ khams kyi gnyen

po las ni chos shes dang rjes shes gnyis yin no/ /sngon gyi slob
dbon dag gis ye shes mthong ba dang/ bden pa mthong ba gnyis su
bshad pa ni 'dir mi 'dod de/ ye shes kyang lam bden gyi nang du
'dus pa'i phyir ro/ /mang pos bkur ba bdag mthong lam skad cig
ma bcu gnyis su smra ba'ang gal te

bden pa ma mthong ba mthong ba mthong lam yin na bco lnga ba man
chad mthong lam du 'gyur te/ bden bzhi sngar ma mthong ba ni ye
shes de dag yin pa'i phyir ro/ /'on te rnam ba ma mthong ba
mthong ba tsam gyis yin na ni skad cig ma dang po kho na mthong
lam du 'gyur ro/ /bden ba dang rnam pa tshogs pa

@329b sngar ma mthong ba mthong ba yin na ni lam la chos shes pa
la sogs pa gsum yang mthong lam du thal bar 'gyur ro/ /khyad par
gyi chos ni mthong spang ma lus pa spangs pa dang/ bden pa'i
chos nyid mngon sum du rtogs pa dang/ mi skye ba'i chos nyid
drug gam brgyad thob pa la sogs pa'i yon tan dang

ldan no/ /ming gi rnam grangs ni chos rnams la chos kyi mig rdul
med cing dri ma dang bral ba thob pa dang/ mi skye ba'i chos la
bzod pa thob pa dang/ byang chub sems dpa'i mthong lam gyi dbang
du byas nas byang chub sems dpa'i skyon med pa la zhugs pa la
sogs pa mdo las rnam pa mang du bshad

do; ;'bras bu ni sgom lam 'dren par byed pa'o/ /da ni gang zag
bshad par bya ste/ de la gang zag ces bya ba ni phung po bzhi'am
lnga'i rgyun la btags pa yin te/ lung sil bu las/ rgyun la gang
zag ces bya ste/ /mtshan nyid 'dzin la chos zhes brjod/ /'di la
gang yang 'khor ba med/ /su yang mya ngan

'das pa med/ /ces ba dang/ mdo las kyang/ phung po rnams la gang
zag ces bya'o zhes gsungs pa'i phyir dang/ dgra bcom ma brag gis
kyang ji ltar yan lag tshogs rnams la/ /shing rta'i ming du bshad
pa ltar/ /de bzhin phung po rnams brten nas/ /kun rdzob sems can
zhes bya'o/ /zhes pa dang/

btsun ba gzhon nu len gyis kyang/ /phung po'i rgyun ni gang la
dge  /mi dge'i 'bras bu yod ba nyid/ /de la srog ces bya ste de/
/srog med bstan pas med par 'gyur ? zhes bshad pa'i phyir ro/
/kha cig na re phung po lnga tshogs pa la gang zag tu brjod na
gzugs med na gang zag med par 'gyur la/ kha yar

ba la brjod na bum pa'ang gang zag tu 'gyur bas sa bon thams cad
pa'i rnam par shes pa'i rgyun ni gang zag yin te/ rgyud gsum gyi
rnam par nges pa las/ kha yar ba dang tshogs pa zhes/ /brtags na
phung po lnga'i rgyun/ /gang zag ma yin de yi phyir/ /sa bon kun
gyi rnam shes kyi/ /rgyun ni gang

zag yin par 'dod/ /ces bshad pa'i phyir ro zhes zer ba ni rnal
'byor spyod pa pa'i lugs yin no/ /des na 'phags pa'i gang zag ni
zag med kyi ye shes dang ldan pa'i phung po bzhi 'am lnga'i
rgyun la brjod pa yin no/ /de 'chad pa na brgyad du dbye ba
dang/ bdun du dbye ba dang/ gnyis su dbye ba gsur

@330a @#/ /las dang po la'ang 'dod chags dang bral ba sngon du
'gro ba dang/ mthar gyis ba dang/ khyad par bshad pa gsum gyi
dang po ni 'jig rten pa'i sgom lam gyis srid rtse ma gtogs ba'i
sa brgyad po las ci rigs par 'dod chags bral ba sngon du song
nas mthong lam thob par

byed pa ste/ de yang 'grel pa las phal cher las 'dod chags dang
bral ba dang 'dod pa las 'dod chags dang bral ba gnyis bshad pa
las dang po ni 'dod pa'i rnam pa drug pa nas brgyad pa'i bar
spangs pa dang/ gnyis pa ni 'dod pa'i rnam pa dgu pa spangs pa
nas ci yang med pa'i skye mched kyi dgu

pa spangs pa'i bar la TIkas bshad kyi rnam pa lnga pa spangs
nas mthong lam thob pa ni chags bral sngon 'gror ma bshad la/
'jig rten pa yis thob 'bras ni zhes ba'i 'grel par yang 'jig
rten pa'i lam gyis thob pa'i 'bras bu gnyis zhes 'byung ba'i
phyir 'bras bu bar ba gnyis la yod kyi snga phyi

gnyis la ni chags bral sngon 'gro med do/ /kun las btus las
kyang/ phal cher las 'dod chags dang bral ba ni yang dag pa nyid
du nges par gyur pa la zhugs nas lan cig phyir 'ong bar 'gyur
ro/ /'dod ba rnams las 'dod chags dang bral ba ni yang dag pa
nyid du nges par gyur ba la zhugs nas

(nyan sa las kyang/ dang po nas 'dod pa la 'dod chags dang bral
ba zhig yin ni de mthong lam thob ma thag tu phyir mi 'ong bar
'gyur ro/ /gal te shas cher la 'dod chags dang bral pa zhig yin
na ni/ de mthong lam thob ma thag tu lan cig phyir 'ong bar
'gyur ro/ /de 'dod pa la 'dod chags dang ma bral ba zhig yin na
ni rgyun du zhugs par 'gyur ro/ /zhes 'byung zhing/ 'di'i bzhugs
gnas ni rdzas tha dad do/ /

phyir mi 'ong bar 'gyur ro zhes gnyis po kho na bshad cing/ yang
dag pa nyid du nges par gyur pa la zhugs pa ni mthong lam nyid
la bshad do/ /gnyis pa ni sngar mthong sgom gyi spang bya ma
spangs bas 'ching ba mtha' dag dang ldan pa zhig dang por mthong
lam gyis mthong spang rnams spangs nas de nas 'jig rten

las 'das pa'am 'jig rten pa'i sgom lam yang rung ste sdom spang
rnams rim gyis spong ba'o/ /de la mthong lam skad cig bco lnga
man chad la zhugs ba'i dad ba dang chos kyi rjes su 'brang ba de
dag gal te sngon 'jig rten ba'i lam gyis sgom pas spang bar bya
ba gcig kyang ma spangs pa'i 'ching ba mtha'

@330b dag dang ldan pa yin na 'bras bu dang po rgyun zhugs kyi
'bras bu la zhugs pa yin no/ /yang skad cig bco lnga man chad la
gnas pa'i gnyis po de nyid sngar 'jig rten pa'i lam gyis 'dod
pa'i sgom spang gcig nas rnam pa lnga ba 'bring gi 'bring po'i
bar du bcom pa gang yin pa de yang 'bras bu dang po la zhugs pa

yin no/ (/'bras bu dang po thob pa'i ched du brtson bzhin pa'i
'phags pa yin pa'i phyir 'ching ba kun ldan bzhin no//) yang de
gnyis 'bras bu gnyis ba lan cig phyir 'ong la zhugs pa ni sngar
'dod pa'i sgom spang drug pa nas dgu ba tshun chad ni dgu pa ma
gtogs pa ste/ brgyad pa chen po'i 'bring gi bar 'jig rten ba'i
lam gyis zad cing

spangs pa skad cig ma bca lnga pa la gnas pa yin no/ /yang de
gnyis sngar 'jig rten pa'i lam gyis 'dod pa'i nyon mongs pa ma
lus pa las (zhes pa 'di la ni smra sgo las/ la ni gnyis pa bzhi
pa dang/ /bdun pa sdud dang sbyor ba dang/ /smon dang tshad 'dzin
gzhi dang ni/ /tshe skabs dag tu 'dod pa yin/ /zhes 'byung bas
shing la gcod ces pa lta bu gnyis pa dang/ shing la chu 'dren
zhes)

(pa lta bu bzhi pa dang/ shing la bya gnas zhes pa lta bu bdun
pa dang/ lag pa bsnyal la zan bza' zhes pa lta bu sdud pa dang/
gang na du ba yod pa 'di na ni/ me yod la 'di na ni me med do/
/zhes pa lta bu sbyar ba dang/ /bdag nam zhig na 'di lta bu zhig
tu gyur la gyur nas kyang zhas pa lta bu smon pa dang/ gzhi de
tsam du bya ba la ji tsam la de tsam la zhes pa lta bu tshad
'dzin pa'i gzhi dang/ dus de la'am der zhes)

(pa lta bu tshe skabs la 'jug pa dang/ brgyad las 'bras bu gnyis
pa'i phyir zhes bzhi ba dgos ched kyi la yin par 'grel TIka gis
bshad do/) /'dod chags dang bral ba'am yang na de nas bzung ste
gong ma ci yang med pa'i skye mched kyi bar gang yang rung ba
las 'dod chags bral ba zhig gis mthong lam skad cig ma bco lnga
thob pa ni

'bras bu gsum pa phyir mi 'ong la zhugs pa yin no/ /dad ba dang
chos kyi rjes su 'brang ba gang zhig 'bras bu dang po rgyun
zhugs la sogs pa gang la zhugs pa'i skad cig ma bco lnga pa la
gnas pa de ni skad cig ma bcu drug ba la ni rgyun zhugs la sogs
pa de'i 'bras bu la gnas par 'gyur gyi zhugs

pa dang dad pas rjes 'brang dang chos kyi rjes 'brang du ni mi
'gyur ro/ /de'i phyir chags bral sngon 'gro'i zhugs gnas la
rtogs pa la khyad par yod kyi spangs pa la khyad par med de/ ye
shes skad cig ma bco lnga pa dang bcu drug pas phye ba'i phyir
dang/ spangs pa ni 'dra ba'i phyir ro/ /dgra bcom pa la ni

@331a @#/ /chags bral sngon 'gros thob pa med de/ srid rtse'i
sgom spang ma spangs par dgra bcom mi thob cing mthong lam gyis
sgom spang mi spong ba'i phyir dang/ zag (pa dang) bcas (ba'i)
'og sa dang rang sas mi spong la de bas mtho ba'i 'jig rten ba'i
sa med pas srid rtse'i sgom spang spong

ba'i 'jig rten pa'i lam yang med pa'i phyir ro/ /gang zhig
mthong lam skad cig bco lnga pa man chad la 'dod pa'i sgom spang
lnga pa man chad spangs nas (te bzod pas gzhom min sgom kho nas/
zhes 'jig rten ba'i sgom lam gyis spang ngo zhe na/) bcu drug pa
la drug pa spong ba ni mi srid de/ de ni bco lnga pa man chad
zhi gnas gang

(rgyun zhugs la'ang chags bral sngon 'gro med de/ bden ba thams
cad ma mthong bar srid rtse'i mthong spang mi spong bas sngar
'jig rten pa'i lam gyis rang gi spang bya thams cad spangs pa mi
srid pa'i phyir ro/ /) la brten pa de la bcu drug pa yang rten
gyi sa gzhan la brten ba med pa'i phyir ro/ /de bzhin du bco
lnga ba la brgyad pa man chad spangs nas bcu drug pa la

dgu pa spong ba'ang mi srid par shes par bya'o/ /de'i phyir 'dod
chags dang bral ba sngon du 'gro ba'i 'phags pa ni bar ma gnyis
kho nar zad do/ /gang gi tshe mthong lam gyi 'bras bu skad cig ma
bcu drug pa thob pa de'i tshe sngar gyi dbang po rnon po chos kyi
rjes 'brang dang rtul bo dad bas rjes 'brang dag ni

rim pa ltar mthong bas thob pa dang dad pas mos pa zhes bya ba'i
ming 'thob ste/ de nas gzung nas dgra bcom pa'i 'bras bu la
zhugs pa'i bar du yang de bzhin du shes bar bya'o/ (/rgyun zhugs
kyi dbye ba la zhugs gnas gnyis las/ zhugs pa ni lam gyis phye
na mthong lam skad cig bco lnga la gnas pas bco lnga'o/ /de re

re'ang 'dod chags dang bal bas drug ste/ sgom spang ma spangs pa
nas lnga pa spangs ba'i bar ro/ /de re re yang gnyis gnyis te
dad pa'i rjes 'brang ni rigs kyis lnga ste/ nyams pa'i chos can
nas rtogs pa'i skal pa can gyi bar ro/ /de re re'ang dbang pos
gsum mo/ /de re re yang rten gyis dgu dgu ste gling gsum dang
lha drug go/ de ltar bsdoms pas khri nyis stong bdud

brgya lnga bcu'o/ /de bzhin du chos kyi rjes 'brang la rigs la
dbye ba med pas nyis stong bzhi brgya sum bcu'o/ /'bras gnas la
dad mos ni gzhan pa'i rjes 'drang dang 'dra la lam gyi dbye ba
med de thams cad bcu drug par zad bas na brgyad brgya dang bcu
yod do/ /mthong thob ni gzhan chos kyi rjes 'brang dang 'dra la/
kham gyis dbye ba med bas brgya dang drug cu rtsa gnyis te

@331b rgyun zhugs kyi dbye ba ni de lta bu yin no/ /chags bral
sngon 'gro'i phyir 'ong la zhugs gnas gnyis las/ zhugs pa la'ang
gnyis las dad pas rjes 'brang ni gzhan rgyun zhugs dang 'dra la/
'dod chags dang bral bas gsum ste/ bzhi stong brgyad brgya drug
cu'o/ /chos kyi rjes 'brang ni rigs la dbye ba med la gzhan chos
rjes 'brang ba snga ma dang 'dra bas stong nyis brgya bco
lnga'o/ /de'i

gnas pa la dad mos ni rigs la dbye ba med cing gzhan dad pa'i
rjes 'brang bzhin te bzhi brgya dang lnga bcu'o/ /gnas pa gnyis
pa mthong thob ni lam la dbye ba med la gzhan ni chos kyi rjes
'brang bzhin te brgyad cu rtsa gcig go/ chags bral sngon 'gro'i
phyir mi 'ong la zhugs gnas gnyis las/ zhugs pa gnyis ni rigs
lnga dang gcig yin pa dang dbang po gsum gsum du

'gyur par dang rten gyi sa dgu yin pa ni snga ma kho na bzhin
yin la/ bye brag tu dad pas rjes 'brang ni 'dod chags dang bral
bas drug cu re bzhi ste bsam gtan bzhi dang gzugs med dang po
gsum gyis phye ba drug cu re gsum dang/ 'dod pa'i chung ngu
spangs pa'am/ bsam gtan dang po'i 'ching ba mtha' dag dang ldan
pa gang rung ngo/ /de ltan 'bum nyi khri dgu stong drug brgya
yod do/ /

chos kyi rjes 'brang ni rigs kyis dbye ba med la gzhan de dang
'dra ste nyi khri lnga stong dgu brgya nyi shu'o/ /'di'i gnas pa
ni bye brag mang bas brjod pa mang por 'gyur te bal cheng 'og gi
mthar gyis ba dang 'dra bar sbyor gsung ngo/) /'o na ci'i phyir
'dod pa'i sgom spang lnga pa'i par du spangs kyang sems bcu drug
pa la rgyun du zhugs pa kho na zhes bya'i lan cig

phyir 'ong la zhugs pa zhes mi bya zhe na/ gang gi phyir rgyun
du zhugs pa'i 'bras bu (tsam po) thob ba'i sems bcu drug ba la
gnas pa des de dus na 'bras bu khyad par can gyi lam phyir 'ong
la zhugs pa thob pa med pas so de'i phyir de ni de la zhugs pa
ma yin no zhes sbyar ro/ /ci'i phyir zhe na/ rgyun

zhugs kyi 'bras bu la gnas pa khyad par can thob par bya ba'i
phyir (nyon mongs ba spong ba'i sbyor ba la) mi brtson pa (de
srid du zhugs pa ma) yin pa'i phyir ro/ (/shugs kyis na gnyen po
la sbyor ba dang bral thob zag med skyes nas zhugs pa yin no/)
/'di ltar 'bras bu snga ma la gnas pa rnams ni phyi ma thob par
bya ba'i phyir mi brtson pa na

sems kyi skad cig bcu drug pa de'i tshe 'bras bu la gnas pa tsam
yin gyi 'bras bu la gnas pa khyad par can ma yin pa'i phyir ro/
/gnas pa khyad par can ni phyi ma thob par bya ba'i phyir brtson
pa'o/ /'dis ni 'dod pa'i sgom spang brgyad pa spangs pa sems bcu
drug pa la gnas pa dang/ 'dod pa'am ci

@332a @#/ /yang med pa'i skye mched las 'dod chags dang bral pa
sems bcu drug pa la gnas pa de dag kyang rim pa bzhin phyir mi
'ong dang dgra bcom pa'i 'bras bu la zhugs par mi 'gyur ba'i
rgyu mtshan yang bshad ba yin no/ /de dag kyang 'bras bu la gnas
pa khyad bar can nas ni phyi ma

la zhugs pa yin no zhes bshad par bya'o/ /des ni sems bco lnga
la gnas ba de dag 'dod pa'i sgom spang lnga pa spangs kyang
phyir 'ong la zhugs par mi 'gyur ba'ang shes par bya ste/ 'bras
bu thob pa'i tshe phyir 'ong mi thob pa'i phyir ro/ /de nyid ji
ltar zhe na/ sems bcu drug pa thob pa na 'bras bu la

gnas pa thob ba yin na de ni phyir 'ong ma yin te/ phyir 'ong ni
'dod pa'i sgom spang drug pa spangs pa'i phyir dang/ de ni lnga
pa spangs pa yin pa'i phyir ro/ /de bzhin du brgyad pa spangs pa
sems bco lnga pa la gnas pa phyir mi 'ong la zhugs par mi 'gyur
ba dang/ ci yang med pa'i skye mched man chad las

'dod chags dang bral ba sems bco lnga pa la gnas pa dgra bcom la
zhugs par mi 'gyur ba la sogs pa'ang shes par bya'o/ /des na
chags bral sngon 'gro ni 'phags pa snga ma gsum gyi zhugs 'bras
rdzas tha dad cing phyir mi 'ong khyad par can nyid dgra bcom la
zhugs pa'ang yin

pas rdzas bdun du 'gyur ro/ /kha cig 'di bye brag tu smra bas
kun brtags par 'chad pa ni ma yin te/ kun las btus las kyang
bshad pa'i phyir ro/ /gal te kun las btus las bshad pa ni 'di
dang mthun pa ma yin te/ 'dod pa'i sgom spang drug ba spangs pa
sems bco lnga pa la gnas pa

phyir 'ong la zhugs pa dang/ de nyid sems bcu drug pa la gnas pa
phyir 'ong gi 'bras bu la gnas pa dang/ 'dod pa'i sgom spang
thams cad spangs pa sems bco lnga pa la gnas pa phyir mi 'ong la
zhugs pa dang/ sems bcu drug pa la gnas pa phyir mi 'ong gi
'bras bu la gnas par

bshad pa'i phyir ro zhe na/ der ni spang bya'i nyung ba'i mtha'
dngos su bshad nas 'dir smos pa mang ba'i mtha' shugs la go bar
bya ba'i phyir yin la/ 'dir ni mang ba'i mtha' dngos su bshad
nas de las bshad pa'i nyung ba'i mtha' spangs pa shugs la go bar
bya ba'i phyir sgo gnyis su bstan

@332b pa yin pa'i phyir gnyis kas kyang gnyis ka 'dod do/ /gal
te 'jig rten pa'i lam gyis sgom spang spong na khams las 'dod ?
chags dang bral ba'i so so'i skye bo slar mi ldog pa dang/ phyis
de las 'og ma'i nyon mongs pa kun du mi 'byung bar 'gyur te/
sngar spangs zin pa'i phyir ro/ /gal te spangs kyang

'byung na 'phags pa de dag la'ang 'byung bas phyir mi 'ong la
sogs par mi 'gyur ro zhe na/ 'di la bye brag tu smra ba ni
'phags pa rnams la'ang nyams pa yod na so so'i skye bo rnams la
lta ci smos/ 'on kyang 'dod chags dang bral ba sngon du 'gro
ba'i 'phags pa de dag la ni nyams pa mi srid de/

'jig rten dang 'jig rten las 'das pa'i lam gnyis kyis brtan par
byas pa'i phyir ro zhes zer ro/ /mdo sde ba la sogs pa ni 'jig
rten pa'i lam gyis spang bya'i mngon gyur spong ba dang sa bon
nyams smad bar byed pa tsam yin gyi rtsa ba nas mi spong bas
'dod chags dang bral ba'ang slar ldog la/

'on kyang 'dod chags dang bral ba sngon du 'gro ba'i 'phags pa
de dag ni 'jig rten pa'i lam gyis sgom spang gi nyon mongs ba'i
mngon gyur spangs pa'i phyir dang/ sa bon yang de ma thag bar
skye ba'i 'jig rten las 'das ba'i sgom lam gyis spang ba'i phyir
de phyin chad 'dod par lan cig las 'ong mi srid ba dang phyir mi
'ong ba'i phyir

de dang der brjod do zhes 'chad do/ /kun las btus las/ rgyun du
zhugs pa cig car nges par 'byin ba zhes gsungs pa ni bsam gtan
dang po'i nyer bsdogs mi lcogs med la brten nas mthong lam thob
pas mthong spang spangs te rgyun zhugs kyi 'bras bu thob par
byas te/ de'i rjes la 'jig

rten las 'das pa'i sgom lam gyis khams gsum gyi bden pa la cig
car dmigs nas sgom pas 'dod pa'i sgom spang chung ngu'i chung
ngu la sogs pa spangs pa ni srid rtse'i yang chung ngu'i chung
ngu la sogs pa spong bas phyir 'ong dang phyir mi 'ong thob pa
med par dgra bcom pa mngon du byed pa'o/ /da

ni mthar gyis pa brjod par bya ste/ de ni sngar mthong sgom gyi
spang bya gcig kyang ma spangs pa 'ching ba mtha' dag dang ldan
pa zhig dang por mthong lam gyis khams gsum gyi mthong spang
spangs te/ de nas sgom lam zag bcas zag med gang rung gis sgom
spang spangs te 'bras bu bzhi rim gyis tshang bar

@333a @#/ /thob pa dang gsum mam gnyis 'thob pa'ang yod do/ /de
la rgyun zhugs dang/ lan cig phyir 'ong dang/ phyir mi 'ong
dang/ dgra bcom pa la zhugs pa dang gnas pa bshad pa bzhi las
dang po ni ji ltar 'dod khams na sgom spang gi nyon mongs pa
rnam pa dgu yod pa de bzhin

du bsam gtan dang po nas srid rtse'i bar gyi sa dang sa brgyad
po re re na yang spang bar bya ba'i nyes pa chen po 'bring chung
ngu gsum gsum dang de dag re re la'ang chen po'i chen po nas
chung ngu'i chung ngu'i bar rnam pa dgu dgu yod pas spyir brgyad
bcu rtsa gcig yod do/ /ji ltar sa de dag re re na spang bya dgu

dgu yod pa de bzhin du gnyen po yon tan sgom pa'i lam bar chad
med pa dang rnam grol gyi lam rnams kyang dgu dgu ba rgyad cu
rtsa gcig yod do/ /ji ltar zhe na/ de dag re re na sgom lam
chung ngu dang 'bring dang chen po rnam pa gsum gsum yod la de
rnams kyi re re zhing yang chung ngu'i chung ngu la sogs pa'i
dbye bas

tha dad pa'i phyir ro/ /de la spang bya chen po'i chen po ni
spang sla ba'i phyir gnyen po sgom lam chung ngu'i chung ngus
spong ba yin te gos kyi (mi lcogs med nas bzung ste/) dri ma
rags pa 'bad ba chung ngus spong ba bzhin no/ /de bzhin du spang
bya chung ngu'i chung ngu ni sgom lam chen po'i chen pos spong
ba la sogs pa'ang shes

par bya ste/ dang po ni lam chen bo mi srid pa'i phyir dang/ lam
chen po skyes pa na nyon mongs pa chen po mi srid pa'i phyir ro/
/de la mthong lam skad cig ma bco lnga ni 'bras bu dang po la
zhugs pa dang bcu drug pa ni gnas pa tsam po yin par sngar bshad
la/ rgyun zhugs kyi 'bras gnas gang zhig sngar

sgom pas spang bar bya ba'i nyon mongs pa gcig kyang ma zad de
ma spangs na de ni re ltar te rab tu thogs na lan bdun skye ba
srid pa'i phyir srid pa lan bdun pa zhes bya ste/ mdo 'ga' zhig
las po zos na lan bdun pa dang/ (spyir dad mos tsam la dbye na
dbang pos gsum mo rigs kyis lnga'o/ /spangs bas 'ching ba kun

ldan nas lnga ba spangs pa'i bar drug go/ rten gyis dgu'o/ /lam
gyis dbyer med de thams cad kyang bcu drug bar zad pa'o/ /spyir
brgyad brgya dang bcu'o/ /mthong thob kyang rigs kyis dbyer med
gzhan ni snga ma dang 'dra ste spyir brgya dang drug cu rtsa
gnyis so/) /mchog tu thogs na lan bdun pa zhes bshad do/ /bye
brag tu smra ba rnams na re lha'i srid pa bdun

@333b dang mi'i srid pa bdun dang bar do'i srid pa bdun tshan
gnyis te nyi shu rtsa brgyad lan kyang bdun tshan du chos mthun
pa'i phyir srid pa bdun pa zhes bya ste shing lo ma bdun pa
bzhin no zhes zer ro/ /mdo sde ba la sogs pa na re de lta na
khams mang po'i mdo las/ gang zag lta ba phun sum tshogs pa srid
pa brgyad

mngon par 'grub pa gang yin pa de ni gnas ma yin zhing go skabs
med de 'di ni gnas med do zhes bshad pa dang 'gal lo zhes zer
ro/ /bye brag tu smra ba na re de ni 'gro ba ris mthun gcig tu
mi skye ba'i dbang du byas pa yin te/ de lta ma yin par sgra ji
bzhin du brtag na ni mdo las/ lha dang mi rnams kyi nang

du lan bdun 'khor zhing song nas sdug bsngal kyi mthar byed do
zhes 'byung bas bar srid kyang med par 'gyur ro zhes zer ro/ /'o
na de lta na gnas thams cad du 'chi ba mi rung bar 'gyur ro zhe
na/ mdo las srid pa lan bdun par gsungs ba ni 'dod pa'i srid
pa'i dbang du byas pa'i phyir nyes pa med do

zhes zer ro/ /'di ni las gyi stobs kyis 'phangs pa'i phyir dang/
dus de srid kyis rgyud smin pas srid pa bdun las lhag par yang
mi skye la de'i gong du (bar skabs su lam gong ma dang/) yang
dgra bcom pa mngon du mi byed de sprul gom pa bdun pas zin pa
dang rims (de la dgongs nas gsungs pas/) nyin

bzhi pa bzhin no/ /de ni sangs rgyas (kyi bstan pa dang sangs
rgyas/) 'jig rten du mi 'byung ba na ni khyim pa'i rten nyid la
chos nyid kyis thob pa'i dgra bcom thob pas dge slong yin no/
/kha cig na re phyi rol pa la sogs (de srid du myong bar nges
pa'i las yod pa'i phyir/ 'di ni re ltar thogs na zhes pa dang
'gal lo/ /) pa'i dge

(rgyun zhugs 'bras gnas tsam po ni srid pa lan bdun pa yin te/
gong ma'i lhar bskyed pa ni mir skye ba med de/ 'bras bu la
nyams bzhin du 'chi ba la sogs par thal ba'i skyon yod pas so/
/gang zhig mi'i rten la rgyun zhugs su gyur pa de ni mthar de
kho nar 'ongs nas mya ngan las 'da' la/ lha'i nang du de thob
pa'ang mthar lha'i rten la mya ngan las 'da'o/ /srid pa brgyad
pa mi 'byung

ba ni lam de'i rang bzhin de yin pa'i phyir te de srid kyis nges
par rgyud smin pa'i phyir sprul gom bdun pas zin pa bzhin no/
/de srid du skye ba 'grub ste/ tha ma'i cha mthun gnyis dang
gong ma'i cha mthun lnga ste kun sbyor bdun lus pa'i phyir ro/
/so skye rgyud smin pa kha cig yang lan bdun pa yod do/ /)
sbyong gi tshul gyis dgra bcom thob bo zhes zer ro/ /rgyun zhugs
kyi

@334a @#/ /'bras gnas gang zhig sgom lam zag bcas zag med gang
rung gis 'dod pa'i sgom spang gi nyon mongs pa'i rnam pa gsum
mam rnam pa bzhi'i bar las rnam par grol ba (ste 'di ni bden pa
mthong ba'i sngon nam phyis spangs kyang rung ngo/ /gang zag) de
ni (bzhi spangs na/) tsho

gnyis sam (gsum spangs na) gsum du rigs nas rigs su skye ba ste/
de la'ang lha'i rigs nas rigs su skye ba dang/ mi'i rigs nas
rigs su skye ba gnyis so/ /nyon mongs pa gcig dang gnyis spangs
pa de ni tshe drug gam sngar rigs nas rigs su skye ba yin no zhes
ma smos kyang shugs la go'i zhes

sngon gyi slob dpon kha cig 'chad do/ /kha cig na re de yang lan
gnyis sam gsum du rigs nas rigs su skye ba yin pa'i phyir logs
su ma bshad do zhes zer ro/ /ci'i phyir lnga pa spangs pa'ang
rigs nas rigs su skye bar ma smos she na/ 'dod pa'i nyon mongs
pa lnga pa spangs pa ni drug pa'ang (tshe de nyid la/)

nges par spong ba'i phyir rigs nas rigs su skye ba ma yin te/
rnam pa drug pa gcig pus ni phyir 'ong gi 'bras bu la gegs bya
bar mi nus pa'i phyir ro/ /de lta na bar chad gcig pa'i rnam pa
dgu pa gcig pus kyang phyir mi 'ong ba'i 'bras bu la gegs byed
par mi 'gyur ro/ (/khams las mi 'da' ba'i phyir ro/ /)

zhe na/ de ni mi mtshungs te/ bar chad gcig pa ni 'dod khams las
'da' dgos pas dka' ba'i phyir rnam pa gcig gis kyang gegs bya
bar nus la/ phyir 'ong ni khams las 'da' mi dgos pas rnam pa
drug pa gcig pus gegs bya par mi nus pa'i phyir ro/ /gnyis pa
phyir 'ong bshad pa ni rgyun

zhugs kyi 'bras gnas 'dod pa'i sgom spang rnam pa lnga'i bar du
bcom pa gang ('grel par ni lta dag gi nang du song nas mi'i 'jig
rten du lan cig 'ong ba'i phyir/ phyir 'ong ba ste/ phan chad
skye ba med pa'i phyir ro zhes 'dod lhar song nas mir lan cig
phyir 'ong du bshad la mdo las 'dod chags dang zhe sdang dang
gti mug rnams bsrabs pa'i phyir lan cig phyir 'ong ba

zhes 'byung ba ni sgom spang chung gsum lus pa yin la/? gcig
nas) yin pa de ni 'bras (dang drug pa spong ba'i bar chad med
lam la gnas pa/) bu dang po la gnas par ma zad 'bras bu gnyis pa
phyir 'ong la zhugs pa'ang yin no/ /lan cig phyir 'ong 'bras
gnas tsam po ni bden pa mthong nas 'dod pa'i sgom spang rnam pa

@334b drug pa zad par gyur pa gang yin pa de ni lan cig phyir
'ong ba ste/ nyon mongs pa chung ngu gsum gyis ni 'dod par lan
cig las skye ba mi srid pa'i phyir ro/ /phyir 'ong gi 'bras gnas
'dod pa'i sgom spang gi nyes pa'i cha bdun dang brgyad zad pa
gang yin pa de ni (dgra bcom thob pa la) tshe gcig pa dang (phyir
mi 'ong

thob pa la nyon mongs kyi/ ? 'i rnam grol la gnas pa/) bar chad
gcig pa zhes bya ste gnas pa khyad par can no/ (/'di la dbye na
zhugs pa la dad mos mthong thob gnyis ka yang dbang pos gsum
gsum dang/ rten gyis dgu dgu dang/ spangs pa dang lam gyis lnga
lnga'o/ /dad mos ni ris kyis lnga ste spyir drug brgya dang bdun
cu rtsa lnga'o/ /mthong thob ni rigs kyis dbyer med pas brgya
dang

sum cu rtsa lnga'o/ /gnas pa gnyis ni gzhan dang snga ma 'dra la
spangs pa dang lam gyis gsum gsum ste/ dad mos ni brgyad cu rtsa
lnga dang/ mthong thob ni nyi shu rtsa bdun yod do/ /) tshe gcig
gis phyir mi 'ong la bar chad byed pa ni sngar bshad pa ltar 'di
ni 'dod khams las 'da' dgos shing khams las 'da' ba ni/ bzod
dang phyir mi 'ong

dgra bcom/ /'thob la las gegs shin tu byed ces 'byung la/ nyon
mongs pa'ang las dang 'dra bas spang dka' ba'i phyir nyon mongs
pa gcig gis kyang bar chad byed pa'i phyir ro/ /gsum pa phyir mi
'ong bshad ba ni phyir 'ong gi 'bras gnas khyad par can de nyid
'bras bu gsum pa phyir mi 'ong ba'i

'bras bu la zhugs pa'ang yin no/ /phyir 'ong gi 'bras gnas de
nyid 'dod pa'i sgom spang dgu pa zad pas phyir mi 'ong ba yin
te/ (mthong lam ma thob kyi sngon du gsum dang bzhi spangs pa
dang bdun dang brgyad spangs pa 'bras bu tsam thob pa ni rigs
skye'am bar chad gcig pa ma yin te/ de dag gi gnyen po zag med
kyi dbang po ma thob pa'i phyir ro/ /de

dag gam de dag gi gong ma'i gnyen po 'bras bu khyad par can
mngon sum du byas na yin no/) /'dod par phyir skye ba len pa mi
srid pa'i phyir ro/ /phyir mi 'ong gi 'bras bu la gnas pa de
nyid ni gsum du dbye ste/ gzugs su nye bar 'gro ba dang/ gzugs
med par nye bar 'gro ba dang/ tshe 'di la mya ngan las 'da' ba'o/
/de la gzugs

su nye bar 'gro ba de ni rnam pa lnga ste/ bar ma dor mya ngan
las 'da' ba dang/ skyes nas mya ngan las 'da' ba dang/ mngon par
'du byed pa dang bcas pa dang/ mngon par 'du byed pa med par
yongs su mya ngan las 'da' ba dang/ gong du 'pho ba rnams so/
/de la dang po ni 'di nas shi 'phos te gzugs kyi (gnas bcu

@335a @#/ /drug gang rung gi/) bar dor (lhag med) dgra bcom thob
par byed pa'o/ ('di chos nyid kyis bar dor yun ring gnas la skye
ba'i nyen mongs pa med pas so/) /gnyis pa ni (bar dor 'da' ma
nus pa de) lam sgom pa la mngon par brtson pa dang lam ngang gis
'byung ba gnyis ka yod pas tshangs ris la sogs par skyes

ma thag tu dgra bcom thob par byed pa'o/ (/kha cig phung po lhag
med du 'da' zer ba ni mi rigs te/ tshe 'dor ba'i dbang med pa'i
phyir ro/ /de la dbang thob pa la rab mtha'i bsam gtan bzhi pa
thob pa'i mi dgra bcom dbang rnon dgos pa'i phyir ro/ /de lta na
bar dor 'da' ba de tshe la dbang bar 'gyur ro zhe na mi dbang
yang bar dor gnas par byed pa'i las ni skyes nas myong 'gyur lta
bu'i mthu

can med pas myur du lhag med du 'da' la/ 'di ni tshad de rdzogs
nas so/ /des na ni mtshungs so/) /gsum pa ni brtson pa yon kyang
lam ngang gis 'byung ba med pas de lam sgom pa la rtsol ba dang
bcas pas dgra bcom thob par byed pa'o/ /bzhi pa ni brtson pa
dang lam ngang gis 'byung ba gnyis ka med pas tshangs ris la

sogs par skyes nas yun ring po lon nas lam sgom pa la rtsol ba
med par dgra bcom thob par byed pa'o zhes bye brag tu smra ba
'dod la/ slob dpon ni mdo las/ mngon par 'du byed pa med par
yongs su mya ngan las 'da' ba dang/ mngon par 'du byed pa dang
bcas pas yongs su mya ngan las 'da'

ba zhes mngon par 'du byed med par myang 'das sngar 'byung bas
de dang mthun par 'bad rtsol med pa dang yong pas 'thob pa'i sgo
nas mngon par 'du byed pa med pa dang 'du byed pas bsgrub par
bya ba yin pas lam ngang gis 'byung ba dang ngang gis 'byung ba
ma yin pas 'du byed med pa gsum par

bzhed do/ /lam ngang gis 'byung bar 'dra yang skyes nas dang
khyad par med par mi 'gyur te/ skyes nas myang 'das ni lam ches
ngang gis 'byung ba dang/ rgyu bsags pa'i sgo nas lam ches che
ba dang/ lam ches che ba nyid kyis zad par byas pas phra rgyas
ches chung ba yin la/ 'du byed med pa ni de lta

ma yin pa'i phyir ro/ /lnga pa ni tshangs ris la sogs pa bsam
gtan dang po'i gnas gzhan dag tu dgra bcom ma thob par 'od chung
la sogs pa gong du 'phos nas dgra bcom thob par byed pa ste/
gong du 'pho ba (ni 'dir phyir mi 'ong thob kyang lan grangs
gzhan la myong 'gyur gyi las kyi mthus bar do dang skyes gnas

@335b 'da' mi nus pa ste/) de ni rgyu'i sgo nas shes rab la dga'
bas lhag mthong spyad pa bsam gtan spel ba dang/ ting nge 'dzin
la dga' bas zhi gnas spyad pa bsam gtan ma spel ba gnyis las
dang po rgyu'i sgo nas bsam gtan spel ma bsgoms na 'bras bu'i
sgo nas 'og min gyi mthar thug par 'gro bde yang dbye na 'phar
ba dang phyed du

'phar ba dang gnas thams cad du 'chi 'pho ba gsum las dang po ni
'dod par skye ba'i 'phags pas bsam gtan bzhi pa goms par byas pa
zhig bsam gtan dang po'i bde ba'i ro myangs pas gong ma gsum las
nyams te shi 'phos pa na tshangs ris la sogs par skyes nas sngon
goms pa'i shugs kyi

bsam gtan bzhi pa (bco lnga) spel te 'og min du skyes nas dgra
bcom thob par byed pa'o/ /gnyis pa ni (tshangs ris kyi rten la
gsum spel lam drug spel goms nas/) rgyun snga ma la gtsang ma
ris kyi lha lnga'i 'og ma gang rung gcig tu skyes nas de nas
(bco lnga pa bsgoms nas) 'og min du skyes te dgra bcom thob par
byed pa'o/ /

gsum pa ni tshangs chen ma (bsgoms) gtogs pa gnas ris bcu drug po
thams cad du song ste 'og min gyi lus la dgra bcom thob par byed
pa'o/ /tshangs chen du mi skye ba ni lta ba'i gnas yin pa dang/
gtso bo gcig pa'i gnas yin pas 'phags pa rnams kyis spangs pa'i
phyir ro/ /gang dag 'od gsal man

chad du rim gyis skyes nas de'i rten la dgra bcom thob pa la
sogs pa'ang yod par rigs pa'i phyir 'di gsum du nges pa ni ma
yin par gsal lo/ /phyir mi 'ong ba zhes bya ba'ang 'dod pa kho
nar phyir mi 'ong ba ni ma yin gyi 'on kyang sa gang du skyes
pa'i 'phags pa de sa de dang 'og mar phyir mi 'ong (bas phyir

mi 'ong rdzogs) pa'i phyir te/ bsam gtan dang por skyes pa'i
phyir mi 'ong ba 'dod pa dang bsam gtan dang por phyir mi 'ong
ba la sogs pa lta bu ste/ 'phags ba de dag yang na ni rten de la
dgra bcom thob par byed la/ der ma thob na ni gong du 'pho pa
yin te/ khyad par du 'gro ba yin pa'i phyir ro/ (/spel ma nyams
nas

sprin med la sogs par skye ba ni med de/ spel ma'i ting nge
'dzin bzhi pa'i sa pa yin la de rang sa'i nyon mongs kyis nyams
par mi 'gyur la ma nyams na gnas gtsang du skye ba'i phyir ro/)
/gnyis pa rgyu'i sgo nas bsam gtan spel ma bsgoms pa las gzhan
rgyu'i sgo nas bsam gtan ma spel ba ni srid pa'i rtse mo'i mthar
thug par 'gro ba yin te/ bsam gtan

@336a @#/ /dang po nas bzhi pa'i gnas gtsang ma lnga ma gtogs pa
rnams su rim gyis song ste/ de nas gzugs med pa rnams su song
nas srid rtser dgra bcom thob par byed pa'o/ /gong du 'pho ba de
dag la bar skabs sa 'ogra ? ma dag tu dgra bcom thob pa'ang yod
mod kyi 'og min

dang srid rtse'i mthar thug pa zhes bya ba ni de dag las gong du
'gro ba med pa'i phyir te/ dper na rgyun zhugs la srid pa gnyis
sam gsum mngon bar grub nas mya ngan las 'da' ba srid kyang
phyin chad srid pa brgyad pa mi 'grub pas na mchog tu thogs na
lan bdun pa zhes bshad pa bzhin no/ /

gal te srid rtse'i mthar thug par 'gro ba gzugs su 'gro bar ji
ltar 'gyur te/ de ni gzugs med du 'gro ba yin pa'i phyir ro zhe
na/ bden mod kyi gnas gtsang ma ma gtogs pa rnams su rim gyis
'ongs nas gzugs med par 'gro ba'i phyir de skad du brjod do/
/'di dag gnas gtsang mar

mi 'gro ba ni gnas gtsang ma dag ni 'phags pa'i gnas yin pas de
nas shi 'phos nas gzugs med byis pa'i gnas su mi skye ba'i phyir
dang/ skye ba de dag kyang 'phags pa'i gnas su mi 'gro ba ni
chos nyid yin pa'i phyir ro/ /gzugs su nye bar 'gro ba las gzhan
ni gzugs med

par nye bar 'gro ba'i phyir mi 'ong ba ste/ 'dod par phyir mi
'od thob pa gzugs las 'dod chags dang bral ba dag ni gzugs med
du skyes nas dgra bcom 'thob pa'i phyir ro/ /de yang dbye na
skyes nas dang/ mngon par 'du byed bcas dang/ byed pa med par
mya ngan las 'da' ba dang/ gong

du 'pho ba dang rnam ba bzhi'o/ /de na bar srid med pas bar ma
dor mya ngan las 'da' ba ni med do/ /rnam pa bzhi zhes bya
ba'ang ci yang med pa'i skye mched man chad kyi dbang du byas
kyi srid rtse la ni gong du 'pho ba'ang med pa'i phyir ro/
/phyir mi 'ong sngar gyi de dag las gzhan ni mthong chos tshe 'di
nyid

la dgra bcom thob nas mya ngan las 'da' ba'o/ (/mthong chos la
'da' ba la rten gyis dbye na dgu dang/ spangs pas bsam gtan dang
bzugs med bzhi'i sgom spang dgu bzhi so drug phrag gnyis las
srid rtse'i dgu pa spangs pa bor te bdun cu rtsa gcig ngo/ /dbye
ba gzhan ni 'dra ste spyir chig stong drug brgya dang drug cu re
gnyis yod do//) de ltar gzugs su 'gro

@336b pa'i phyir mi 'ong ba lnga dang gzugs med par 'gro ba dang
mthong ba'i chos la mya ngan las 'da' ba ste phyir mi 'ong bdun
yin no/ /gzugs su 'gro ba gcig tu bgrangs na ni gsum yin no/
;bar ma dor mya ngan las 'da' ba la sogs pa lnga po de dag re re
la'ang gnas gzhan gyis phye na bsam gtan sa bzhi

la kha che ba ltar na mdun na 'dod las gnas gzhan tha dad med pa
dang/ lta ba'i gnas yin pas tshangs chen ma gtogs pa bcu drug bcu
drug dang/ rigs kyis phye na nyams pa'i chos can la sogs pa drug
drug dang/ 'dod chags dang bral bas phye na 'ching ba mtha' dag
dang ldan pa nas rang sa'i rnam pa brgyad las

'dod chags dang bral ba'i bar dgu dgu dang/ dbang pos phye na
dbang po rnon po la sogs pa gsum gsum du 'gyur bas de lta na bar
ma dor mya ngan las 'da' ba la dbye na nyis stong lnga brgya dgu
bcu rtsa gnyis su 'gyur ro/ /de bzhin du skye nas mya ngan las
'da' ba la sogs pa bzhi la'ang sbyar te sbyir phyir mi

'ong ba khri nyis stong dgu brgya rtsa drug cur 'gyur ro/ /gzugs
med du 'gro ba la'ang rten gyis bzhi dang/ dbang pos gsum dang/
rigs kyis drug dang/ 'dod chags dang bral bas dgu dgu dang/ ngo
bos bar ma dor mya ngan las 'da' ba ma gtogs pa bzhi ste/ re re
la drug brgya bzhi bcu rtsa brgyad brgyad yod pas

bsdoms na nyis stong lnga brgya dgu bcu rtsa gnyis kyi dbye ba
shes par bya zhing/ de dag thams cad kyi 'og sa'i rnam pa dgu pa
las 'dod chags dang bral ba gang yin pa de ni gong ma'i 'ching
ba mtha' dag dang ldan pa yin pas 'dod pa'i dgu pa spangs pa de
nyid bsam gtan dang po'i 'ching ba mtha' dag

dang ldan pa yin pa la sogs par sbyar ro/ /mthong ba'i chos la
mya ngan las 'da' ba la rigs kyis drug dang/ dbang pos gsum gyis
dbye ba shes par bya'i rten dang 'dod chags dang bral ba'i dbye
ba ni med de/ rten ni 'dod pa gcig tu zad pa'i phyir dang/ 'dod
pa'i nyon mongs pa ma spangs pa ni

phyir mi 'ong ma yin pa'i phyir ro zhes 'chad mod kyi/ rten gyis
gling gsum gyi mi dang lha ris drug ste dgu dang/ 'dod chags
dang bral bas bsam gtan dang po dang srid rtse'i bar gyi dgu
brgyad bdun cu rtsa gnyis spangs pas khri chig stong drug brgya
drug cu rtsa bzhir 'gyur ro zhes gsung ngo/ (/sa re na spang bya
dgu dgu

@337a @#/ (/'ching ba kun ldan dang bsdoms nas rer bcu bcur 'gyur
ro zhe na mi 'gyur te/ 'og sa'i dbu pa spangs ma thag pa dang
de'i gong ma'i 'ching ba kun ldan gnyis gcig tu brtsi ste/ rang
sa'i dgu pa spangs pa ni der srid pa 'grub pa mi rung bas de'i
dbye ba yin no zhes gsung ngo/ /de ltar na gnas dang rigs dang
'dod chags dang bral da dang dbang pa'i bye)

(brag gis dbye na khri nyis stong dgu brgya drug cu'o/ /de ltar
na gnas gcig na rigs drug go  / rigs re re la'ang spangs pas dgu
dgu ste dgu drug lnga bcu bzhi'o/ /lnga bcu nga bzhi ba bcu drug
ni brgyad brgya drug cu rtsa bzhi'o/ /de dbang po'i bye brag gis
sum 'gyur du byas pa'o/ /'chad par 'gyur ba lnga'ang de bzhin du
sbyar bas thams cad bsdoms nas gzugs su 'gro ba'i phyir mi 'ong)

(khri nyis stong dgu brgya drug cu yod do//) 'o na mdo las gzugs
su nye bar 'gro ba'i phyir mi 'ong dgur bshad pa'i don ci zhe
na/ bar ma dor mya ngan las 'da' ba la zhogs ma'i me stag chung
ngu mngon par grub bzhin du 'chi ba dang/ lcags kyi tshwa tshwa
steng du yar bzhin du 'chi ba dang/ lcags kyi tshwa tshwa steng du
yar nas

sa la ma lhung bar 'chi ba'i dpe gsum gyis myur ba dang/ myur ba
ma yin pa dang/ yun ring mo zhig nas mya ngan las 'da' ba gsum
dang/ skyes nas mya ngan las 'da' ba la skyes ma thag dang/ 'du
byed bcas dang/ byed pa med pa gsum dang/ gong du 'pho ba la
'phar ba la sogs

pa gsum ste/ de ltar gsum po re re la'ang rnam pa gsum gsum du
phye nas gzugs su nye bar 'gro ba'i phyir mi 'ong ba ni dgur
bshad do/ /('byed pa'i rgyu mtshan ni/) phyir mi 'ong ba gsum
dang dgu po de dag gi khyad par rnam ni rang rang gi las bar
srid 'grub pa dang/ skyes nas myong

'gyur dang/ lan grangs gzhan la myong 'myur gsum dang/ dbang po
rno 'bring rtul po gsum dang/ nyon mongs pa chung 'bring chen po
gsum dang/ dbang po dang nyon mongs pa la'ang rnon po'i rnon po
dang/ spang sla ba'i sla ba chung ngu'i chung ngu la sogs pa'i
bye brag las yin te/ bar mdor myur

ba la sogs pa rnams la'ang de bzhin du brjod par bya'o/ /de yang
gsum tshan dang po gnyis la ni dbang po dang nyon mongs pa'i bye
brag yod kyi las kyi bye brag ni med de/ dang po gsum ni mngon
par 'grub ba'i las su mtshungs la/ gnyis pa gsum ni skyes nas
myong 'gyur du mtshungs pa'i phyir ro/ /

@337b gsum tshan tha ma la ni las dbang nyon mongs gsum ga'i bye
brag yod do/ /'o na lung bar ma las skyes bu dam pa'i 'gro ba
bdun gsungs pa ji lta bu zhe na/ de ni gzugs su nyer 'gro'i
phyir mi 'ong ba dgu po de las gong du 'pho ba gsum du ma phye
bar bgrangs pa las ni skyes bu dam pa'i

'gro ba bdun du 'dod pa yin no/ (/gong 'pho mi 'byed pa ci zhe
na/ de ni bsam gtan spel ma spel dang/ khams gcig dang gnyis su
'gro ba dang/ 'phar ba la sogs pa shin tu mang bas bdul bya'i
blo 'khrug bsam phye zhes so/) /ci'i phyir (slob pa'i nang na)
'di dag kho na dam par brjod ce na/ las dam pa dge ba la 'jug
pa'i phyir dang/

('dod pa la 'dod chags dang bral bas mi dge ba spangs pa'i
phyir/) dam min mi dge ba la mi 'jug pa'i phyir dang/ 'gro ba
'di dag tu son pa phyir mi 'ong pa'i phyir de dag kho na skyes
bu dam pa'i 'gro ba yin gyi so so'i skyes bo dang slob pa chags
bcas la ni de dag med pa'i phyir dang/ mi slob pa'i 'phags

pa dag dam pa yin kyang khams gong mar 'gro ba ma yin pa'i phyir
ro/ /'o na mdo las/ skyes bu dam pa gang zhe na/ slob ba'i yang
dag pa'i lta ba nas ting nge 'dzin gyi par dang ldan pa'o zhes
gsungs pa ji ltar zhe na/ de ni srog gcod pa nas chang 'thung
pa'i bar sdig pa lnga po gtan mi byed ba'i

sdom pa thob pa'i phyir dang/ sdig pa gzhan yang mthong spang
dang 'dod pa'i sgom spang ci rigs pa spangs pas phal cher spangs
pa'i phyir de tsam gyis rnam grangs pa'i dam par bshad pa yin
la/ 'dir ni rnam grangs ma yin pa'i dam par bstan pa'i phyir ro/
/gal te 'dod par (tshe dang po la)

'phags pa'i bden pa mthong ba tshe rjes nas phyir mi 'ong thob pa
la'ang bar ma dor mya ngan las 'da' ba la sogs pa'i dbye ba yod
dam zhe na/ med de/ gang zhig 'dod par tshe yongs su gyur pa'i
'phags pa de ni gzugs la sogs pa'i khams gzhan du 'gro ba med
(de phyir mi 'ong thob pa'i)

(tshe de la mya ngan las 'da') ba'i phyir ro/ (/de yang 'dod pa
sdug bsngal mang bas skyobs so/) /de la 'dod par tshe yongs su
gyur pa'i 'phags pa zhes bya ba ni 'dod par tshe dang po la rgyun
zhugs sam lan cig phyir 'ong thob ste shi 'phos nas slar yang
tshe gnyis par 'dod par skyes pa'o/ /de ni khams gzhan du 'gro

@338a @#/ /ba ma yin te/ 'dod pa sdug bsngal mang bas sdug bsngal
gyis shin tu skyo zhing yid 'byung bas tshe de nyid dam/ yang na
tshe gnyis pa la 'dod par skyes te phyir mi 'ong thob par byas
nas dgra bcom thob par byed pa'i phyir ro/ /gzugs kyi tshe yongs
su gyur pa'i phyir mi

'ong ba ni res 'ga' khams gzhan gzugs med du yang 'gro ste gong
du 'pho ba srid rtse'i mthar thug bar 'gro ba bzhin no/ /'o na
brgya byin gyis zhus ba'i mdo las/ brgya byin gyis/ bdag ni tha
mar nyams na lha gang 'og min zhes/ rnam par grags pa der ni
skye bar 'gyur bar shog  /

bcom ldan bdag ni rgyun zhugs bde gshegs rgyun zhugs te/ ('di ni
mthar gyis pa'i 'bras bu la dka' bar bshad pas chags bral sngon
'gro'i phyir mi 'ong gong du 'gro bar srid par gsal lo zhes sher
'od gsung ngo//) zhes rang nyid rgyun zhugs yin par yang bshad
cing/ de nas mir skyes nas mya ngan las 'da' bar gyur cig  /

der myang 'das ma thob na gzugs khams su skye bar gyur cig ces/
de nas gzugs khams su skye bar smon lam btab la/ ston pas kyang/
legs so brgya byin bag yod par ni gnas par gyis zhes gsungs nas
dgag pa ma mdzad pa'i phyir de dang 'gal te/ brgya byin ni mir
skyes na

'dod par tshe yongs su gyur pa'i 'phags pa yin pa'i phyir ro zhes
na/ de ni brgya byin gyis chos mngon pa ma shes pa'i phyir yin
la/ ston pas ma bkag pa ni brgya byin ('chi ltas kyi skyo ba
las) dga' bar bya ba'i phyir (ca yin ? gyi smad pa'i phyir ni
ma) yin no zhes bye brag tu smra ba 'chad do/ /'dod par

tshe yongs su gyur pa'i 'phags pa de dang khams gong ma gnyis por
skyes pa'i 'phags pa rnams ni yongs su nyams par mi 'gyur te/
lam mngon du 'gyur ba dang mthun pa'i (lam gyi) rten (lus) khyad
par can thob pa'i phyir (yongs su mi nyams pa) dang/ skye ba du
mar lam la 'dris

par byas pas shes rab la sogs pa'i dbang po rnams kyi rgyu mthun
gyi 'bras bu khyad par can du gyur (pas dbang po 'pho ba'ang
med) pa'i phyir ro/ /de nyid kyis na dbang po yongs su smin pas
dbang po 'pho ba'ang mi rten la khams gzhan du yang mi 'gro'o/
/ci'i phyir slob pa chags bcas ngag

@338b bar ma dor mya ngan las mi 'da' zhe na/ slob dpon ni khams
gong ma'i gnyen po rnams ma 'dris pas mngon sum du mi 'gyur ba'i
phyir dang/ nyon mongs pa'i phra rgyas rnams shin tu chung ba ma
yin pa'i phyir chags bral kho na la bshad pa yin no zhes bzhed
do/ /bye brag tu smra ba rnams na re 'dod pa'i

khams las 'da' bar dka' ba'i phyir te/ mya ngan las 'da' bas ni
'dod pa'i mi dge ba dang khams gong ma'i bsgribs la lung ma
bstan gyi nyon mongs pa thams cad spangs pa dang/ khams gsum las
'da' ba dang/ dge sbyong gi tshul gyi 'bras bu rgyun zhugs kyis
gsum mam phyir 'ong gis

gnyis thob pa la sogs pa bya ba mang po zhig bya dgos pa la de
dag dka' ba'i phyir bar mdo pas mi nus so zhes zer ro/ /'o na
bsam gtan spel nas 'og min 'gro zhes bshad pa ji ltar spel zhe
na/ spel ba ni bsam gtan zag bcas dang zag med spel ba ste/ de
yang dang por ni bsam gtan

bzhi pa ('i dngos gzhi) spel bar byed de/ de ni skyon brgyad las
grol bas mchog yin pa'i phyir ro/ /de yang dang por dgra bcom
mam phyir mi 'ong yang rung bsam gtan bzhi pa zag med rgyun ldan
dang/ de yang zag bcas rgyun ldan dang/ yang zag med rgyun ldan
te rgyun dang ldan par spel la/

de nas snga ma ltar skad cig ma gnyis gnyis pa spel nas sgom ste
de dag ni sbyor ba yin no/ /gang gi tshe zag med kyi skad cig ma
gcig dang zag bcas kyi skad cig ma gcig dang yang zag med kyi
skad cig ma gcig ste/ de ltar skad cig ma gsum ni bsres nas
snyoms par 'jug nus pas

de'i tshe spel ma'i dngos gzhi grub pa yin te/ (skad cig ma) de
la dang po gnyis ni bar chad med lam dang gsum pa ni rnam grol
gyi lam lta bu yin no zhes bye brag tu smra ba 'dod do/ /slob
dpon ni skad cig ma spel ba ni sangs rgyas ma gtogs pas mi nus
pa'i phyir ro/ /rgyun spel ba la rung ngo zhes

'dod do/ /de ltar dang po bsam gtan bzhi pa spel nas phyis goms
nas dang po la sogs pa'i (dngos gzhi'ang spel bar byed do/
(/rten ni) de yang dang por 'dod khams kyi gling gsum du spel
bar byed la phyis nyams pa dag gis ni gzugs su yang spel bar
byed do/ /spel ba'i dgos pa ni gsum

@339a @#/ /ste/ phyir mi 'ong ba dbang po rnon po rnams ni gnas
gtsang mar skye bar bya ba'i phyir dang/ mthong ba'i chos la bde
bar gnas par bya ba'i phyir (gnyis bo de'i don du) /spel bar
byed kyi de dag las nyams pa mi srid pas nyon mongs pas 'jigs
pa'i phyir ni ma yin no/ /

rtul po rnams ni de dag gi steng du nyon mongs pas 'jigs ba'i
phyir yang ste/ ro myang ba dang mtshungs par ldan pa'i bsam gtan
thag bsring ba'i sgo nas 'bras thu ? las mi nyams par bya ba'i
phyir ro/ /dgra bcom pa dbang po rnon po ni (gzhan gnyis mi
'byung bas/) mthong ba'i chos la bde bar gnas

pa (kho na'i ched du/) dang/ rtul po ni (mthong chos la bder
gnas dang 'bras bu las mi nyams pa'i ched du spel te de/) 'bras
bu las nyams pa'i rkyen nyon mongs pas 'jigs pa'i phyir yin no/
/rgyun zhugs dang phyir 'ong gis ni spel ba mi srid de/ de dag
gis bsam gtan gyi dngos gzhi ma thob pa'i phyir ro/ /yang

ci'i phyir gnas gtsang ma lngar nges she na/ rgyu spel ma sgom
pa de ni zag med gnyis gnyis kyi bar du zag bcas re re spel ba'i
chung ngu gsum spel dang/ 'bring drug dang/ chen po dgu dang/
shin tu chen po bcu gnyis dang/ shin tu ches chen po bco lnga
spel du sgom pa rnam pa lnga yin pa'i phyir rim pa

ltar 'bras bu gnas gtsang ma'i skye ba'ang mi che ba la sogs pa
lnga kho na yin no/ /de dag tu skye ba ni zag bcas kyi (rdzogs
byed kyi) dbang gis skye ba yin gyi ('phen byed min no) zag med
ni srid pa'i gnyen po yin pas 'phen byed ma yin no/ /(drug spel
man chad kyi zag med ni bskyar nas sgom pa'o/ /gang spel ni)

(dad sogs che 'bring lngas da dag tu skye bar 'dod do/) /btsun
pa dpal len na re/ gnas gtsang ma dang po dad pa'i dbang po lhag
pa nas lnga pa shes rab lhag pa'i bar lnga yin pas lngar nges so
zhes zer ro/ /slob dpon gang spel na re de ni mi rigs te/ dad pa
la sogs pa lnga char yang rtswa sbams pa'i tshul du rnam

pa lngar byas te chung ngu la sogs pa rnam pa lngar phye ba'i
phyir gnas gtsang ma lngar nges pa yin gyi re re lhag pa ni ma
yin no zhes zer ro/ /'gog pa thob pa'i phyir mi 'ong ma ni mya
ngan las 'das pa dang 'dra ba'i sems zhi ba mngon du byed nus
pa'i phyir lus kyis mngon sum du byed pa zhes bya bar

@339b 'dod de/ 'gog pa la snyoms par zhugs pa na sems med pas
lus la brten nas skye ba'i phyir lus kyis mngon sum du byed
pa'o/ /slob dpon ni 'gog pa la snyoms par zhugs pa'i dus na de
dang mthun pa'i lus kyis 'gog pa thob pa mngon sum du byed pa'i
phyir dang/ de las langs pa na rnam

shes dang bcas pa'i lus zhi ba thob pas kye ma 'gog pa'i snyoms
'jug ni myang 'das dang 'dra bar zhi ba yin no snyam du langs
pa'i sems kyis de so sor yang dag par myong ba'i shes pas mngon
sum du byed pas na lus kyis mngon sum du byed pa zhes bya'o zhes
bzhed do/ /'o na ci'i phyir

mdo las slob pa bco brgyad ces gsungs pa der lus kyis mngon sum
du byed pa ma gsungs she na/ slob par 'jog pa'i rgyu zag med kyi
bslab pa gsum dang de'i 'bras bu bral ba'i rang bzhin yin pa la
'gog pa'i snyoms 'jug ni spong lam gyi rang bzhin ma yin pas
slob pa'ang ma yin la/

bral ba'i rang bzhin so sor brtags 'gog ma yin pas slob pa'i
'bras bu'ang ma yin pa'i phyir ro/ /de la slob pa bco brgyad ni
mdo las/ bcom ldan 'das la khyim bdag mgon med zas sbyin gyis
zhus pa/ gtsun pa 'jig rten na yon gnas du zhig mchis lags/ bka'
stsal pa/

khyim 'dag yon gnas ni gnyis te/ slob pa dang mi slob pa'o/
/khyim bdag de la slob pa ni bco brgyad do/ /mi slob pa ni
dgu'o/ /slob pa bco brgyad gang zhe na/ rgyun du zhugs pa'i
'bras bu mngon du bya ba'i phyir zhugs pa nas dgra bcom pa'i
'bras bu mngon du bya ba'i phyir zhugs pa'i bar bdun

dag dad pas rjes su 'brang ba dang/ chos kyi rjes su 'brang ba
dang/ dad bas mos ba dang/ mthong bas thob pa dang/ rigs nas
rigs su skye ba dang/ (zhugs gnas zung gsum ya gcig dang/ rno
rtul zung gnyis rigs su skye/ /che gcig phyir mi 'ong lnga ste/
/yon gnas slob pa bco brgyad do zhes mkhan chen pas sdom tshig
mdzad de/) bar chad

gcig pa dang/ bar ma dor yongs su mya ngan las 'da' ba nas gong
du 'pho ba'i bar lnga ste de dag ni slob pa bco brgyad yin no/
/mi slob ba dgu gang zhe na/ yongs su nyams pa'i chos can dang/
'chi bar sems pa'i chos can dang/ rjes su bsrung ba'i chos can
dang/ gnas pa las mi bskyod pa dang/

@340a @#/ /rtogs pa'i skal ba can dang/ mi g.yo ba'i chos dang/
yongs su mi nyams pa'i chos can dang/ shes rab kyis rnam par
grol ba dang/ gnyis ka'i cha las rnam par grol ba ste/ de dag ni
mi slob pa dgu yin no zhes 'byung ba rnams so/ /bzhi pa dgra
bcom pa 'chad

pa la zhugs pa dang/ gnas pa gnyis las dang po ni phyir mi 'ong
ba de nyid bsam gtan dang po'i rnam pa gcig las 'dod chags dang
bral ba nas bzung ste srid pa'i rtse mo'i nyon mongs pa'i cha
brgyad kyi bar du zad pa ni dgra bcom pa nyid la zhugs pa yin
no/ /der ma zad srid rtse'i nyon

mongs pa dgu pa spong ba'i bar chad med pa'i lam la gnas pa de
yang dgra bcom la zhugs pa yin no/ /dgu pa'i bar chad med pa'i
lam de ni rdo rje lta bu'i ting nge 'dzin yin te/ khams gsum gyi
phra rgyas 'joms par nus pa'i phyir dang/ de ni mi mthun phyogs
kyis gzhom par mi nus pa'i

phyir ro/ /rdo rje lta bu'i ting nge 'dzin de yang sa'i sgo nas
dbye na dgu ste/ bsam gtan gyi sa drug dang/ gzugs med dang po
gsum la brten pa'i phyir ro/ /(sngar gyi lam thams cad kyi skal
mnyam gyi rgyu rgyas bas bar chad med lam thams cad las nus pa
che ba'i bar chad med lam yin pa'i phyir ro/) /dmigs pa'i sgo
nas dbye

na bzhi ste/ bden bzhi la dmigs pa'i phyir ro/ /rnam pa'i sgo
nas dbye na bcu drug ste/ bden bzhi'i mi rtag pa la sogs pa rnam
par byed pa'i phyir ro/ /sa dang dmigs pa dang rnam pa gsum char
gyis dbye na ni rnam pa shin tu mang ste/ mi lcogs med la brten
pa'i rdo rje lta bu de nyid 'og sa'i

zag bcas la mi dmigs kyi srid rtse kho na'i sdug bsngal dang kun
'byung la dmigs pa'i rjes shes phyogs kyi rnam pa brgyad yin te
srid rtse'i sdug bsngal la mi rtag pa la sogs pa rjes su shes
pa'i rnam pa bzhi dang/ kun 'byung la rgyu la sogs pa rjes su
shes pa'i rnam pa bzhi

yin pa'i phyir ro/ /'gog pa'i bden pa la dmigs pa ni sum cu rtsa
drug yin te/ sa thams cad kyi 'gog pa la dmigs pa srid pas 'dod
pa'i 'gog pa la dmigs pa'i chos shes bzhi dang sa gong ma brgyad
kyi 'gog pa la dmigs pa'i rjes shes bzhi tshan brgyad yin pa'i
phyir ro/ /

@340b lam la dmigs pa ni rgam pa brgyad yin te/ 'dod pa'i lam la
dmigs pa'i chos shes bzhi dang/ gong ma'i lam spyi la dmigs pa'i
rjes shes bzhi yin pa'i phyir ro/ /de ltar na bsam gtan dang
po'i nyer bsdogs kyis bsdus pa'i rdo rje lta bu'i ting nge 'dzin
ni lnga bcu rtsa gnyis yin no/ /de bzhin

dus lhag ma lnga la brten pa'ang shes par bya'o/ /gzugs med dang
po gsum gyis bsdus pa ni rim pa bzhin du nyi shu rtsa brgyad
dang rtsa bzhi dang nyi shu yin te/ de dag ni 'dod pa'i lam dang
sa 'og ma'i 'gog pa la'ang mi dmigs pa'i phyir dang lam ni phan
tshun rgyu yin pas/ sa drug sa dgu'i lam ni

de'i/ ;spyod yul can gyi yul yin no zhes 'byung bas 'og ma gzugs
khams pa'i gnyen po lam spyi la dmigs pa'i phyir ro/ /de ltar na
bsam gtan sa drug gis bsdus pa la sum brgya bcu gnyis dang/
gzugs med dang po gsum la bdun cu rtsa gnyis te bsdoms pas sum
brgya brgyad

cu rtsa bzhir 'gyur la/ de dag rigs drug dang dbang po gsum gyis
bsgyur na drug stong dgu brgya rtsa bcu gnyis su 'gyur ro/ /chos
mngon pa ba gang dag lam gyi bden pa'ang 'gog pa'i bden pa dang
'dra bar sa re re la dmigs par 'dod pa ltar na gong ma'i lam
spyi la dmigs pa'i rjes shes bzhi

mi 'byung bas sa dgu'i lam bden la dmigs pa'i chos shes bzhi
dang rjes shes sum cu rtsa gnyis te bsam gtan sa drug po re re
la brgyad cu brgyad cu ste/ bsdoms pas bzhi brgya brgyad cu
dang/ gzugs med med dang po gsum la rang sa dang gong sa'i lam
bden pa dmigs pa bcu gnyis dang

brgyad dang bzhi bsnan pas go rim bzhin du bzhi bcu dang sum cu
rtsa gnyis dang nyi shu rtsa bzhi yin pas dgu bcu rtsa drug tu
'gyur bas thams cad bsdoms na lnga brgya bdun cu rtsa drug tu
'gyur la/ de dag snga ma ltar rigs dang dbang po'i bye brag gis
drug 'gyur dang sum 'gyur du bsgyur na rdo rje lta bu khri

sum brgya dang drug cu rtsa brgyad du 'gyur ro zhes shes par
bya'o/ /rdo rje lta bu'i dmigs pa sdug bsngal dang kun 'byung ni
srid pa'i rtse mo pa kho na yin la 'gog lam ni spang bya'i dbang
gis sa dgu char gyi yin no/ /zhes bya ba ni grub pa'i mtha' las
yin te/ bsgom pa'i lam la 'gog pa'am/ /

@341a @#/ /lam la chos shis gang yin de/ /khams gsum gyi ni gnyen
po yin zhes 'byung ba'i phyir ro/ /gnyis pa ni srid rtse'i sgom
spang rnam pa dgu po de (rdor ting gis) zad pa'i thob pa dang de
zad pa shes pa'i rnam grol gyi lam lhan cig tu skye ste (/'di ni
rnam grol tha ma yin no/ /) de'i tshe

'phags pa de mi slob pa zhes kyang bya/ dgra bcom pa'i 'bras bu
la gnas pa zhes kyang bya ste/ 'bras bu thob par bya ba'i phyir
bslab pa gsum la slob mi dgos pa'i phyir dang/ rang don rdzogs
nas gzhan gyi don byed pa dang/ so so'i skye bo dang slob pa
thams cad kyis mchod par 'os pa'i (zad pa shes pa skyes pa/)

phyir dang/ khams gsum gyi nyon mongs pa thams cad pham par byas
pa'i phyir ro/ /sngar bshad pa'i 'phags pa gzhan bdun ni slob pa
yin te/ zag pa zad par bya ba'i phyir bslab pa gsum la rtag tu
slob pa'i phyir ro/ /so so'i skye bo rnams ni slob pa ma yin te/
bden pa yang dag pa ji lta ba

(dgra bcom la dbye na dus kyi rnam grol ni rigs kyis lnga'o/
/dbang pos gsum mo/ /rten gyis nyer dgu ste spyir bzhi brgya
dang sum cu rtsa bdun no/ /dus mi sbyor ni rigs kyis dbyer med
la/ dbang po dang rten gyis bsgyur bas brgyad cu gya bdun no/
/shes rab kyis rnam grol la'ang dbang pos gsum/ /rigs kyis drug
/rten gyis nyer dgu ste/ spyir lnga brgya dang nyi shu rtsa
gnyis so/ /gnyis ka'i

cha las rnam grol yang de bzhin no/ /) bzhin mi shes pas (shes
rab kyi bslab pa med pa'i) phyir dang/ bslab pa (gzhan gnyis
kyang) gtong ba'i phyir ro/ /de'i phyir kun du rgyu zhi byed
kyis zhus pa'i mdo las/ go'u ta ma slob ba zhes brjod pa ci'i
phyir slob pa slob pa zhes bya zhe na/ zhi byed bslab pa la slob
cing bslab

pa la slob pas na de'i phyir slob pa zhes bya'o zhes lan gnyis
su bzlas te gsungs so/ (/'phags pa ni slob pa cung zad gtong
yang thams cad gtong ba mi srid de 'phags pa mnyam par ma bzhag
kyang slob pa'i bsam pa mi 'dor ba'i sgo nas der brjod de 'gron
po lam na 'dug pa bzhin no yang slob pa gsum gyi thob pa dang
yang ldan pa'i phyir ro/ /slob pa'i chos

ni mthong sgom mo/ /mi slob pa'i chos ni mi slob lam mo/) /mya
ngan las 'das pa ni slob mi slob gnyis ka ma yin te/ de ni so
sor brtags 'gog yin na so so'i skye bo dang slob mi slob thams
cad la ci rigs par ldan pa'i phyir ro/ /de ltar na nyan thos
'phags (pa mthar gyis) pa'i gang zag ni zung bzhi ya brgyad kho
na

@341b yin la/ de dag kyang ming gis brgyad yin gyi rdzas su ni
mthar gyis pa la zhugs pa dang po dang 'bras bu la gnas pa bzhi
dang lnga yin te/ zhugs pa phyi ma gsum ni 'bras bu la gnas pa
dang po gsum la btags pa yin pa'i phyir ro/ /chags bral sngon
'grol phyir mi 'ong khyad par can nyid dgra

bcom la bzhugs pa'ang yin la zhugs pa snga ma gsum dang 'bras
gnas bzhi ste bdun du 'gyur ro/ /ming gis brgyad du rnam par
bzhag pa'ang mthar gyis thob pa'i dbang du byas pa yin gyi 'dod
chags dang bral ba sngon du 'gro ba la ni ma yin te/ phal cher
dang 'dod pa las 'dod chags dang bral ba

bden pa mngon rtogs skad cig bco lnga dang bcu drug pa thob pa
ni rim pa ltar phyir 'ong dang phyir mi 'ong la zhugs gnas kho
na yin gyi rgyun zhugs dang phyir 'ong zhugs gnas ma yin pa'i
phyir ro/ /gsum pa khyad par gyi chos 'chad pa na sa dang lam
gyi khyad par dang/ zad pa dang mi skye ba shes pa'i

khyad par dang/ 'bras bu'i rnam par bzhag pa'i khyad par dang/
chos kyi 'khor lo'i khyad par dang/ khams dang dbye ba'i khyad
par dang/ rigs dang nyams pa'i khyad par dang/ dbang po 'pho
ba'i khyad par bdun las dang po ni gal te 'phags pa dag sa dang
sa las 'dod chags dang bral na gnyen po

gang gis sa gang las 'dod chags dang 'bral zhe na/ 'di ltar sgom
pa'i lam ni 'jig rten dang de las 'das pa gnyis las 'jig rten
las 'das ba'i lam gyis srid pa'i rtse mo las 'dod chags dang
bral bar 'gyur gyi 'og sa dman zhing gong ma med la rang nyid
gnyen por mi 'gyur bas (te de

yi nyon mongs rgyas par 'gyur bas) 'jig rten pas ni ma yin te/
gal te yin na dang po nas grol bar thal ba'i phyir ro/ /srid
rtse las gzhan pa'i sa (brgyad po) thams (kho na) cad las ni
'jig rten dang de las 'das pa'i lam rnam pa gnyis kyis ci rigs
par 'dod chags dang bral bar 'gyur te/ 'jig rten pa ni

gong ma'i nyer bsdogs dang/ 'jig rten las 'das pa ni bden pa'i
rnam pa can rang sa dang 'og sa'i lam mthong zin sgom pa'o/
(/bral thob kyi bye brag ni/) zhi gnas spyad pa 'jig rten pa'i
lam gyis 'dod chags dang bral ba'i 'phags pa la (rnam pa re re
zhing) bral ba'i thob pa ni 'jig rten pa dang 'jig

@342a @#/ /rten pa las 'das pa rnam pa gnyis gnyis skye bas byis
pa ltar spangs pa slar ldog par mi 'gyur ro/ /sde pa kha cig na
re 'jig rten las 'das ba'i lam gyis kyang bral ba'i thob pa zag
bcas dang zag med gnyis ka 'dren (bar snga ma dang 'dra/) te/
gal te des 'jig rten pa'i

bral thob mi 'dren na sngon 'jig rten las 'das pa'i lam gyis ci
yang med pa'i skye mched las 'dod chags (de yang nyon mongs
spong ba'i bya ba gcig yin pa'i phyir ro/ /) dang bral ba'i
phyir mi 'ong dbang po rtul po zhig bsam gtan gyi sems la brten
nas dbang po rnon por 'pho ba na lam snga ma (zad par) btang

pa'i phyir dang/ 'jig rten pa'i bral thob kyang med pa'i phyir
nam mkha' mtha' yas la sogs pa gong ma'i (sa brgyad kyi) nyon
mongs pa dang ldan par 'gyur te/ de 'dra ba'i 'phags pa des 'jig
rten las 'das ba'i bral thob btang ba la gong ma'i nyon mongs pa
mi ldan pa'i phyir 'jig rten pa'i

bral ba'i thob pa yod do zhas zer ro/ /thal ba de ni mi 'gyur
te/ dper na khyed rang ltar na 'jig rten las 'das pa'i lam gyis
srid pa'i rtse mo'i phyed ni (de dag gis bral thob zag med btang
la zag bcas med pa'i phyir/ des na/) mtshon pa ste nyon mongs pa
brgyad pa man chad ci rigs pa las rnam par grol ba'i 'phags

pa phyir mi 'ong ba dbang po rtul po bsam gtan la brten nas
dbang po 'pho ba la srid rtse'i gnyen po 'jig rten pa'i lam med
pa'i phyir 'jig rten pa'i bral thob kyang med la/ 'jig rten las
'das pa'i bral thob kyang bsam gtan la brten nas dbang po 'phobs
btang bas bral thob gnyis ka med kyang

srid rtse'i nyon mongs mi ldan par 'dod pa bzhin dang/ yang dper
na bsam gtan dang po las gong du bsam gtan gnyis pa la sogs par
skyes pa'i byis pa rnams la'ang bsam gtan gtogs pa'i dge ba ni/
sa 'phos nyams pa dag gis gtong zhes pas 'dod pa'i nyon mongs
spangs

pa'i bral thob gnyis ka (skye ba'i sa 'phos bas btang na/) med
kyang 'dod pa'i nyon mongs mi ldan pa bzhin ('dir yang gong ma'i
nyon mongs dang mi ldan) te 'di ni gnod ba'i dpe gnyis pa yin
no/ /'dir yang 'phags pa 'jig rten las 'das pa'i lam gyis gzugs
med las 'dod chags dang bral ba bsam

@342b gtan la brten nas dbang po 'pho ba dag la gong ma'i nyon
mongs mi ldan pa ni sa bon spangs pa'i phyir yin la/ bsam gtan
dang po la sogs par skyes pa la 'dod pa la sogs pa 'og ma'i nyon
mongs mi ldan pa ni sa bon yod kyang mngon du 'gyur pa'i rkyen
ma tshang bas yin gyi bral ba'i thob pa yod pas

ni ma yin no zhes mdo sde pa la sogs pa 'dod do/ (/'phags pa ni
sa 'phos pas bral thob zag bcas gtong yang/ zag med ni 'bras bu
thob sbyangs nyams pa las zhes pa'i rgyu med par mi gtong ngo/)
/'o na sa gang gis sa gang las 'dod chags dang 'bral zhe na/ de
la zag med bsam gtan dang po'i nyer bsdogs mi lcogs pa

med pa yis ni snyobs che zhing (rang gong dang) 'og sa las kyang
'dod chags dang 'bral nus pas sa dgu po thams cad las 'dod chags
'bral bar 'gyur ro/ /gal te nyer bsdogs la brten nas 'og sa las
'dod chags dang 'bral na rnam grol gyi lam tha ma de thams cad
du nyer bsdogs kyi ngo bor

skye'am 'on te dngos gzhi'i ngo bor skye zhe na/ gang zhig (skye
ba'i sa dgu la/) 'dod pa dang bsam ('ogs ste 'dod pa la 'di zag
bcas dang zag med gnyis las gzhan pa'i gnyen po med la/ pa gzhan
gyi la 'di las gzhan yang yod do/ /) gtan dang po dang gnyis pa
ste sa gsum gyi nyon mongs pa las nyer bsdogs kyis rgyal ba la

ni gang zag de gal te dbang po rnon po yin na bsam gtan gyi
dngos gzhi las rnam grol gyi lam tha ma skye ste/ nyer bsdogs
kyi tshor ba btang snyoms de dngos gzhi'i yid bde dang bde bar
spo nus pa'i (phyir dang nyer bsdogs la dga' ba chung ba'i)
phyir ro/ /'on te dbang po rtul po yin na ni nyer bsdogs las

mtha'i rnam grol gyi lam dgu pa skye'i dngos gzhi las ni ma yin
te/ bsam gtan gsum na ni nyer bsdogs dang dngos gzhi tshor ba tha
dad pas tshor ba spo bar mi nus pa'i (phyir dang btang snyoms kyi
rjes su bde ba ? dang yid bde skye dka' ba'i) phyir ro/ /sa gsum
gyi gong ma bsam gtan gsum pa la sogs pa las

'dod chags dang 'bral ba bzhi pa yan chad kyis ni nyer bsdogs
las rnam grol tha ma skye ba min gyi 'on kyang sa de dag gi
dngos gzhi las skye ste/ nyer bsdogs dang dngos gzhi tshor ba
btang snyoms su tha dad med pa'i phyir rtsol ba la ma ltos par
dngos gzhi skye ba'i phyir ro/ (/de yang sngar 'dod chags dang
bral

@343a @#/ /ba'i sa la gus pa'i phyir ro/ /'on kyang 'og sa'i
dngos gzhi la ma yin te/ de'i nyer bsdogs kyis 'dod chags dang
bral zin pas so/) /zag med kyi sa dang pos 'dod chags dang bral
ba'i tshul bshad zin nas lhag ma bshad pa ni 'phags pa ste zag
med kyi sa lhag ma brgyad kyis ni rang sa dang gong sa'i nyon
mongs

pa las rgyal bar 'gyur gyi 'og sa las ni ma yin te/ nyer bsdogs
kho nas rgyal zin pa'i phyir ro/ /de la 'phags pa brgyad ni bsam
gtan dang po'i nyer bsdogs ma gtogs pa rnams te/ sa de dag gi
bar chad med pa dang rnam grol gyi lam rnams ni mi rtag pa la
sogs pa bden pa'i rnam pa can du

skyes pa dag yin no/ /'o na 'jig rten las 'das pa'i lam bden
pa'i dmigs rnam can yin na 'jig rten pa'i lam gang zhe na/ 'jig
rten pa'i bar chad med pa'i lam ni go rim bzhin du gong sa las
ltos nas mngon par 'du byed pa shin tu ches chen pos bsgrub par
bya ba yin pas rags pa dang/ sogs

pa'i sgras gzung pa gnas ngan len shin tu ches mang bas mi mthun
par gyur pas tha pa ngan pa dang/ rtsig pas rtsig ba de nyid las
nges par mi 'byung ba ltar sa de nyid kyis sa de nyid las nges
par mi 'byung bas rtsig pa stug po lta bur lta ba'i rnam pa can
dang 'og ma'i spyod yul can te sa 'og ma la

dmigs pa yin no/ /rnam par grol ba'i lam ni go rim bzhin du snga
ma las bzlog pa zhi ba dang/ sogs pa gya nom pa dang/ nges par
'byung ba'i rnam pa can dang/ gong ma'i spyod yul can te sa gong
ma la dmigs pa yin no/ /gnyis pa ni 'o na zad pa shes pa'i mjug
thogs su shes pa gang skye zhe

na gal te dgra bcom pa dbang po rnon po mi g.yo ba'i chos can
zhig yin na ni mi nyams pas zad pa shes pa las mi skye ba'i blo
gros te shes pa skye la/ gal te mi g.yo ba'i chos can min na ni
zad pa shes pa las zad pa shes pa ('i rgyun tsam) kho na'am/
yang na mi slob pa'i yang dag pa'i lta ba skye'i mi skye

ba shes pa ni ma yin te/ nyon mongs pa skye ba'i skabs yod pas
nyams pa srid pa'i phyir dang/ mi skye ba shes pa las nyams pa
med pa'i phyir ro/ /mi slob pa'i yang dag ba'i lta ba de ni dgra
bcom pa thams cad la skye ste/ mi g.yo ba'i chos can la'ang res
'ga' mi skye ba shes pa las mi skye ba shes pa kho

@343b na dang/ res 'ga' mi slob pa'i yang dag pa'i lta ba skye
ba'i phyir ro/ /gsum pa ni gal te dge sbyong gi tshul gyi 'bras
bu bzhi zhes brjod na dge sbyong ni gang/ tshul ni gang/ 'bras bu
ni gang zhe na/ dge sbyong ni nyon mongs pa ci rigs par gtan du
zhi ba'i rgyud de/ 'phags pa'i gang zag yin la/ nyon mongs pa

gtan du zhi bar byed pa'i thabs dge sbyong gi tshul ni dri ma med
pa'i bar chad med lam ste rnam grol gyi lam ni dge sbyong gi
tshul gyi 'bras bu yin pa'i phyir ro/ /de'i phyir lung bar ma
las/ ji ltar na dge sbyong du 'gyur zhe na/ 'dis sdig pa mi dge
ba'i chos yang srid par kun nas nyon mongs pa can nad dang bcas

shing rnam par smin pa sdug bsngal ba ma 'ongs pa'i skye ba nas
'chi ba'i bar rnams zhi bar byas pa ste/ 'di ltar na dge sbyong
du 'gyur ro zhes gsungs pas zag med kyi lam yin gyi zag bcas
kyis ni (lci yang las grol yang nyes pa'i 'phro dang bcas pas/)
gtan du zhi bar byed pa ma yin pa'i phyir ro/ /dge sbyong gi

tshul de'i 'bras bu ni 'dus byas dang 'dus ma byas gnyis yin te
de dag kyang dbye na re re la'ang brgyad cu rtsa dgu dgu'o/
/gang zhe na/ khams gsum gyi mthong spang las rnam par grol ba'i
lam brgyad dang sgom spang dgu dgu brgyad cu rtsa gcig las rnam
par grol ba'i lam brgyad cu rtsa gcig ste/ de ltar rnam

grol gyi lam brgyad cu rtsa dgu dang/ de dag gi bar chad med
pa'i lam yang brgyad cu rtsa dgu dang/ spang bya zad pa'i 'gog
pa brgyad cu rtsa dgu rnams dang bcas pa ste/ de ltar na bar
chad med pa'i lam brgyad cu rtsa dgu ni dge sbyong gi tshul yin
la/ rnam par grol ba'i lam brgyad cu rtsa dgu ni dge sbyong gi

tshul gyi 'bras bu 'dus byas dag yin te/ rgyu mthun rgyu dang
'dra ba'o zhes pa dang/ gang gi stobs kyis gang skye ba/ /'bras
de skyes bu byed las skyes zhes 'byung bas bar chad med pa'i lam
dang 'dra ba dang/ de'i stobs kyis skye ba'i phyir bar chad med
pa'i lam gyi rgyu mthun dang skyes bu byed pa'i 'bras

bu yin pa'i phyir ro/ /spang bya zad pa'i 'gog pa brgyad cu rtsa
dgu ni dge sbyong tshul gyi 'bras bu 'dus ma byas dag yin te/
gang gi stobs kyis gang 'thob pa/ /de ni skyes bu byed pa'i
'bras zhes 'bras bu 'dus ma byas kyang bar chad med pa'i lam gyi
skyes bu byed pa'i 'bras bu yin pa'i phyir ro/ /

@344a @#/ /de dag bsdus nas mdo las dge sbyong tshul gyi 'bras bu
bzhir bshad do/ /de'i phyir slob dpon 'phags pas kyang/ dge
sbyong gang zhe na/ nyon mongs pa zhi ba'i rgyud do/ /tshul gang
zhe na/ lam snga ma'o/ /tshul gyi 'bras bu gang zhe na/ lam phyi
ma dang 'dus ma byas so zhes

bshad do/ /gal te de ltar 'bras bu rnam pa mang po yod na 'o na
'bras bu bzhir ji ltar gzhag ce na/ 'bras bu mang mod kyi de dag
mdo las 'bras bu bzhir rnam par bzhag pa ni rgyu mtshan rnam pa
lnga dag srid pa'i phyir ro/ /lnga gang zhe na/ rgyun zhugs la
sogs pa'i 'bras bu re rer 'jog pa la ni

sngon gyi zhugs pa'i lam snga ma btang ba dang/ de las gzhan
pa'i 'bras bu la gnas pa'i lam thob pa dang/ spang bya zad pa
bsdoms pa'i thob pa gcig rnyed pa dang/ sdug bsngal la chos shes
pa la sogs pa chos shes pa bzhi dang sdug bsngal la rjes su shes
pa la sogs pa rjes su shes pa

bzhi ste/ shes pa brgyad tshan thob pa (ste cig car du ldan pa/)
dang/ mi rtag pa la sogs pa ye shes kyi rnam pa bcu drug tshang
bar thob pa'o/ /de la mthong lam skad cig ma bco lnga pa man
chad (zhugs pa dang po) la ni rgyu mtshan lnga ga med pa'i phyir
dang zhugs pa phyi ma gsum la ni rgyu mtshan phyi ma gnyis yod

(de yang zad pa sdom bzhi spangs pa so so ba rnams btang nas
thams cad sdom pa'i bral thob zag med gcig rnyed pa ste/ 'bras
bu dang po la mthong spang gi zad pa sdom pa gcig rnyed pa dang/
gnyis pa la mthong spang dang 'dod pa'i sgom spang drug zad pa
sdom pa la sogs pa'o/ /) kyang snga ma gsum med pa'i phyir 'bras
bur ma bshad do zhes bye brag tu smra ba 'dod

do/ (/nyan thos kyi sa las ni/ nyon mongs pa rnam pa bzhi spangs
pa'i phyir/ gnyen po 'bras bu bzhi bzhag ste/ nyon mongs pa ngan
song du 'gro bar 'gyur ba'i rgyu spangs pa'i phyir rgyun zhugs
kyi 'bras bu bzhag go/ lha dang mi'i srid pas bsdus pa'i skye
ba'i rgyun gyi nyon mongs spangs pa'i phyir lan cig phyir 'ong
gi 'bras bu bzhag go/ 'dod bar skye zhing phyir 'ong ba'i nyon
mongs pa spangs shing

lha'i srid pa kho na mngon par bsgrub pa'i phyir phyir mi 'ong
gi 'bras bu bzhag go/ khams gsum gyi srid bar skye ba'i nyon
mongs pa thams cad zad par spangs pa'i phyir dgra bcom pa'i
'bras bu bzhag go/) zhes 'byung ngo/ /kha cig 'bras bu dang po
gnyis la gnas pa la'ang spangs pa bsdoms pa med de/ bral ba'i
thob pa zag med dang/ /srid rtse nyams par

@344b byas pa dang/ /rgyu gnyis kun tu bcom pa'i phyir/ /yongs
shes khams las 'das pa las zhes khams las 'das pa las spangs pa
sdom par bshad pa la khams las 'das pa med pa'i phyir ro zhes
'chad pa ni ma yin te/ lung de ni yongs shes su 'jog pa'i rgyu
mtshan yin pa'i phyir dang/ 'grel pa las/

spangs pa bsdoms pa ni thams cad kyi thob pa gcig rnyed pa'i
phyir ro zhes bya ba dang/ rgyu lnga po de dag ni 'bras bu re re
la yod do zhes bshad pa'i phyir ro/ /gal te zag med kyi lam kho
na dge sbyong gi tshul yin na chags bral sngon 'gros 'jig rten
pa'i lam gyis 'bras bu bar pa gnyis thob pa srid pas de dag ji
ltar

dge sbyong gi tshul gyi 'bras bu yin zhe na/ 'phags pa 'jig rten
pa'i lam gyis thob pa'i 'bras bu bar pa gnyis ni (chos can dge
sbyong gi 'bras bu yin te/ lam gnyis kyi 'bras bu spangs pa'i
thob pa rang rang gi 'bras bur bsdus pa gcig rnyed pa'i phyir
dang/) sgom lam zag bcas (kyi spangs pa kho na min gyi) mthong
lam zag med kyi spangs

pa ('ang der) bsris nas thob pa'i phyir dang/ 'bras bu bar pa
gnyis kyis bsdus pa'i zag med kyi thob pa gcig 'dzin pa'i phyir
dge sbyong gi tshul gyi 'bras bu yin no/ /de nyid kyi phyir mdo
las/ lan cig phyir 'ong ba'i 'bras bu gang zhe na/ kun du sbyor
ba gsum spangs pa dang 'dod chags dang zhe sdang dang gti mug

rnams bsrabs pa gang yin pa de yin no/ /phyir mi 'ong ba'i 'bras
bu gang zhe na/ (bral thob zag med kyi stobs kyis yongs su nyams
pa'ang mi 'chi'o/ /'jig rten pa'i chags bral ba'i/ 'phags la
bral ba'i thob rnam gnyis zhes pa/ zag med gyi thob pa 'jig rten
pa'i lam gyis skyes pa da ltar yod la/ 'phags lam brgyad/ de'i
stobs kyis ma 'ongs pa thob pas

'dus byas de la dge sbyong tshul gyi 'bras bur byas na yang mi
'gal lo/) /kun du sbyor ba tha ma'i cha dang mthun pa lnga
spangs pa gang yin pa de yin no zhes gsungs te/ gal te spangs pa
'dren mar 'jug pa ma yin na 'bras bu de dag tu gzhag par mi nus
te/ kun sbyor gsum dang kun sbyor tha ma'i cha mthun lnga'i
phyogs gcig kun

sbyor gsum po mthong lam gyis spangs pa'i phyir ro/ /des na
spangs pa 'dren mar 'jug pa de skad du gsungs so/ /de'i phyir
'jig rten pa yis chags bral ba'i/ /'phags la bral ba'i thob rnam
gnyis/ /zhes pas bral thob zag med de'i stobs kyis 'jig rten
pa'i lam gyis thob pa'i spangs pa de 'dzin par

@345a @#/ /byed pas yongs su nyams kyang mi 'chi ste/ 'bras las
nyams pa 'chi ba med/ /ces 'gyur ba'i phyir ro/ /bzhi pa dge
sbyong gi tshul du bshad pa bar chad med pa'i lam zag med rnam
grol 'dus byas dang bcas pa gang yin pa de nyid ni sdig pa mi
dge ba'i chos rnam pa du ma spangs bas tshangs

pa dang/ nyon mongs pa spong ba'i zag med kyi lam yin pas tshangs
pa'i tshul yang yin te/ brgya byin gyi mdo las/ bcom ldan 'das de
ni tshangs pa zhes kyang bya/ zhi ba dang/ bsil bar gyur pa zhes
kyang bya'o zhes kyang gsungs pa'i phyir ro/ /des na tshangs pa
dang/ zhi ba dang/ bsil bar gyur pa zhes bya ba

ni bcom ldan 'das yin te/ tshangs pa'i tshul zag med kyi lam bla
na med pa dang ldan pa'i phyir dang/ nyon mongs pa tshangs pa
dang zhi ba dang bsil ba'i phyir ro/ /tshul ni nyon mongs pa
spong ba de'i thabs zag med kyi lam yin pa'i phyir ro/ /de ni
tshangs pa'i 'khor lo'ang yin te/ 'khor lo dang 'dra ba'i phyir
dang

tshangs pa bcom ldan 'das kyis bskor ba'i phyir ro/ /de la chos
kyi 'khor lo ni mthong ba'i lam de nyid yin te/ myur bar 'gro ba
dang/ sogs pas bsdus pa 'dor ba dang 'jug pa dang/ ma rgyal ba
las rgyal bar byed pa dang rgyal ba rnal du 'god pa dang/ 'phar
ba dang 'bab pa zhes bya ba 'khor lo ra ni po

che dang chos mthun pa'i phyir ro/ /de la mthong lam gyi ye shes
skad cig ma bco lngas bden pa mngon par rtogs pa'i phyir ram
skad cig ma snga ma snga ma'i rjes rjes thogs su phyi ma phyi ma
myur du skye ba'i phyir dang/ bden pa'i dmigs pa dang ye shes
kyi rnam pa dang dang bar chad med pa'i lam snga ma rnams 'dor

ba'i phyir dang/ bden pa'i dmigs pa dang ye shes kyi rnam pa
dang rnam grol gyi lam phyi ma rnams la 'jug pa'i phyir dang/ ma
rgyal ba las rgyal bar byed pa ni bar chad med pa'i lam gyis
mthong spang rnams kyi thob pa gcod pa'i sgo nas spong ba'i
phyir ro/ /rgyal ba rnal du 'god pa ni rnam grol gyi lam gyis
bral

thob 'dzin pa'i phyir ro/ /'phar ba ni rnam grol gyi lam mam
khams gong ma'i bden pa la 'jug pa'i phyir ro/ /'bab pa ni bar
chad med pa'i lam mam 'dod pa'i bden pa la 'jug pa'i phyir ro/
/btsun par byangs sgrogs na re mthong lam 'phags lam yan lag
brgyan ni 'khor lo'i rtsibs dang sogs

@345b kyis bzung ba lte ba dang mu khyud dang 'dra ba'i phyir
chos kyi 'khor lo yin no/ /de la shes rab kyi bslab pa yang dag
pa'i lta ba dang rtog pa dang rtsol ba dang dran pa rnams ni
rtsi bas lta bu yin te/ phan tshun 'jug pa'i phyir dang/ mthong
spang gcod pa'i phyir ro/ /yang dag pa'i ngag dang las kyi mtha'
dang 'tsho ba

rnams ni lte ba dang 'dra ste/ de dag ni tshul khrims kyi bslab
pa yin pas de la brten nas sems kyi bslab pa ting nge 'dzin
'thob la de thob pas shes rab kyi bslab pa skye ba'i phyir ro/
/ting nge 'dzin ni mu khyud dang 'dra ste/ des gzhan dag nye bar
'dzin pa'i phyir ram/ dmigs pa la sems sdud pa'i

phyir ro zhes zer ro/ /chos kyi 'khor lo mthong lam la zer ba
yang mdo las/ bcom ldan 'das kyis lnga snge rnams la bka' stsal
ba/ dge slong dag sngon ma thos pa'i chos rnams la 'di ni sdug
bsngal 'phags pa'i bden pa'o zhes tshul bzhin du yid la byed pa
na mig skyes so/ /shes pa dang rig pa

dang blo skyes so/ /nga sngon ma thos pa'i chos rnams la 'di ni
sdug bsngal kun 'byung ba'o/ /'di ni sdug bsngal 'gog pa'o/ /'di
ni sdug bsngal 'gog bar 'gyur ba'i lam 'phags pa'i bden pa'o
zhes tshul bzhin du yid la byed pa na mig skyes so/ /shes pa dang
rig pa dang blo skyes so zhes bya ba dang/

dge slong dag nga sngon ma thos pa'i chos rnams la sdug bsngal
'phags pa'i bden pa de bdag gis mngon par shes pas yongs su shes
par bya'o/ /kun 'byung spang bar bya'o/ 'gog pa mngon du bya'o/
/sdug bsngal 'gog par 'gro ba'i lam 'phags pa'i bden pa de bsgom
par bya'o zhes tshul bzhin du

yid la byed pa na mig la sogs pa skyes so zhes bya ba dang/ de
bzhin du dge slong dag nga sngon ma thos pa'i chos rnams la sdug
bsngal 'phags pa'i bden pa de bdag gis mngon par shes pas yongs
su shes so/ /kun 'byung spangs so/ /'gog pa mngon du byas so/
/lam bsgoms so/ /zhes

tshul bzhin du yid la byed pa na mig la sogs pa skyes so zhes bya
ba la sogs pa rgya cher gsungs nas/ chos kyi rnam grangs 'di
bshad pa na tshe dang ldan pa kun shes ko'u Di n+ya dang lta
brgyad khri la chos rnams la chos kyi mig rdul med cing dri ma
dang bral ba skyes so/ /de nas bcom ldan 'das kyis

@346a @#/ /tshe dang ldan pa kun shes ko'u Di n+ya la bka' stsal
pa/ kun shes ko'u Di n+ya khyod kyis chos kun shes sam/ bcom
ldan 'das bdag gis chos kun 'tshal to/ /bde bar gshegs pa bdag
gis chos kun 'tshal to zhes gsol ba dang/ sa bla ba'i gnod sbyin
rnams

kyis tshe dang ldan pa kun shes ko'u Di n+ya chos kun shes so
zhes sgra bsgrags te/ grogs po dag bcom ldan 'das kyis yul ba ra
na se drang srong lhung ba ri dwags kyi gnas 'dir chos kyi 'khor
lo chos dang mthun pa dge sbyong nga ma bram ze'am lha'am bdud
dam tshangs pa'am sus kyang 'jig

rten na skye po mang po la phan par bya ba'i phyir chos dang
mthun par ma bskor ba lan gsum du bzlas te rnam pa bcu gnyis pa
bskor to zhes kun shes ko'u Di n+ya la mthong lam skyes pa na
chos kyi 'khor lo bskor bar gsungs pa'i phyir ro/ /de la lan
gsum du bzlas pa ni bye brag tu smra ba na re 'di

ni sdug bsngal 'phags pa'i bden pa'o zhes sdug bsngal gyi ngo bo
la bzlas pa gcig dang/ sdug bsngal yongs su shes bar bya'o zhes
bya ba la bzlas pa gcig dang/ sdug bsngal yongs su shes so zhes
mthar thug pa la bzlas pa gcig ste gsum mo/ /rnam pa bcu gnyis
ni bzlas pa de dag re re

la'ang sdug bsngal gyi ngo bo mngon sum du gyur pas mig dang/
the tshom med pas shes pa dang/ yang dag pa'i don shes pas rig pa
dang/ rnam par dag pa'i phyir blo zhes ba bzhi bzhi dang/ de
bzhin du bden pa gzhan gsum po re re la'ang bzlas pa gsum gsum
dang/ bzlas pa re re la'ang mig

skyes pa la sogs pa rnam pa bzhi bzhi yod pas rnam pa bcu gnyis
bcu gnyis yin no/ /'o na ni bden pa bzhi po re re la'ang bzlas
pa gsum gsum bcu gnyis dang/ bzlas pa re re la'ang rnam pa bzhi
bzhi dang ldan pas rnam pa bzhi bcu rtsa brgyad yod pa'i phyir
bzlas pa gsum dang rnam pa bcu

gnyis su ji ltar 'gyur zhe na/ bden mod kyi bden pa re re la'ang
bzlas pa gsum dang rnam pa bcu gnyis bar 'dra ba'i phyir lan
gsum du bzlas te rnam pa bcu gnyis zhes brjod de dper na gnyis
bstan pa dang gnas bdun la mkhas pa bstan pa bzhin no/ /de la
gnyis bstan pa ni mdo

@346b las/ dge slong dag khyed la gnyis bstan par bya'i/ de legs
par rab tu ston pa nyon la yid la zung zhig dang bshad do/
/gnyis gang zhe na/ mig dang gzugs rnams zhes bya ba nas yid
dang chos rnams so zhes bya ba'i bar du sbyar te gnyis tshan drug
yod kyang gnyis gnyis su chos mthun pa'i phyir

gnyis su gsungs pa dang/ gnas bdun ni mdo las/ dge slong gnas
bdun la mkhas pa ni chos 'dul ba 'di la myur du zag pa zad pa
'thob par 'gyur ro/ /bdun gang zhe na/ gzugs yang dag pa ji lta
ba bzhin du rab tu shes so/ /gzugs kun 'byung ba dang/ gzugs
'gog pa dang/

gzugs 'gog par 'gyur ba'i lam dang/ gzugs kyi ro myang ba dang/
nyes dmigs dang/ nges par 'byung ba'ang yang dag pa ji lta ba
bzhin rab tu shes so zhes pa dang/ de bzhin du tshor ba la sogs
pa'i phung po la'ang sbyar nas bdun lnga gsum bcu rtsa lnga yod
kyang bdun tshan du 'dra bas bdun du

gsungs pa bzhin no/ /de la bden pa bzhi char gyi bzlas pa gsum
gyis rim pa ltar mthong sgom mi slob ba'i lam gsum bstan to zhes
zer ro/ /slob dpon ni de lta na mthong lam kho na chos kyi 'khor
lo ma yin par 'gyur te/ bzlas pa gcig dang rnam pa bzhi las med
pas lan gsum du bzlas

pa dang rnam pa bcu gnyis ma tshang ba'i phyir ro/ /des na chos
kyi rnam grangs de nyid chos kyi 'khor lo rab tu ston pa'i phyir
chos kyi 'khor lo dang/ bzlas ba gsum dang rnam pa bcu gnyis kyi
don rab tu ston pas lan gsum du bzlas pa dang rnam pa bcu gnyis
dang/ gdul bya'i rgyud la de'i don shes

par byed pa'i sgo nas gtod cing go bar byed pa'i phyir bskor
ba'ang yin no/ /yang na mthong sgom mi slob pa'i lam gsum ga'ang
gdul bya'i rgyud la 'jug pas chos kyi 'khor lo yin no/ /kun shes
ko'u Di n+yas mthong lam thob pa na chos kyi 'khor lo bskor bar
gsungs pa ni kun shes ko'u Di n+ya

la sogs pa'i rgyud la mthong lam bskyed pa'i phyir dang por
bskor bar brtsams pa'i phyir bskor ba zhes bya'o/ /bzlas pa gsum
ni sdug bsngal 'phags pa'i bden pa'o zhes pa nas lam 'phags pa'i
bden pa'o zhes pa'i bar ni bden bzhi'i rang gi ngo bo la bzlas
pa dang/ sdug bsngal yongs su

@347a @#/ /shes bar bya'o zhes pa nas lam bsgom par bya'o zhes
pa'i bar ni bya ba la bzlas pa dang/ sdug bsngal yongs su shes
so zhes pa nas lam bsgoms so zhes pa'i bar ni mthar thug pa la
bzlas pa'o/ /rnam pa bcu gnyis ni bden bzhi'i dbang du byas nas
'di ni sdug

bsngal lo zhes pa nas/ 'di ni lam mo zhes pa'i bar du bden
bzhi'i rang gi ngo bo la dmigs pa'i rnam pa bzhi dang/ yongs su
shes par bya ba nas bsgom par bya ba'i bar ni bya ba la dmigs
pa'i rnam pa bzhi dang/ yongs su shes so nas bsgoms so'i bar ni
mthar thug pa la dmigs pa'i

rnam pa bzhi yin no zhes bzhed do/ /de ltar na bye brag tu smra
ba ltar na bden pa bzhi po re re la'ang bzlas pa gsum gsum dang
rnam pa bcu gnyis bcu gnyis su 'dod la/ slob dpon ni bden pa
bzhi ga bsdoms pa la bzlas pa gsum dang rnam pa bcu gnyis su
bzhed do/ /lnga pa ni 'o na khams gang

du dge sbyong gi tshul gyi 'bras bu gang 'thob ce na/ 'dod par ni
'bras bu dang po gsum sngar ma thob pa 'thob par 'gyur la 'bras
bu tha ma dgra bcom pa ni khams gsum char du 'thob par 'gyur ro/
/gal te 'bras bu dang po gnyis ni 'dod pa las 'dod chags dang ma
bral bas thob par bya

ba yin pa'i phyir de ltar rigs na khams gong mar skyes ba zhig
nges pa la 'jug pa na skad cig ma bcu drug pa la phyir mi 'ong
du 'gyur bas na de khams gong mar ji ltar 'thob par mi 'gyur zhe
na/ khams gong ma dag na mthong lam med pa'i phyir dang/ sngar
mthong lam skyes pa med par ni

'dod pa las 'dod chags dang bral yang phyir mi 'ong ba'i 'bras
bu thob pa med pa'i phyir ro zhes bsams so/ /mthong lam med pa
ni mthong lam khams gsum char la dmigs pa yin pa la gzugs med pa
ni/ gzugs med dngos gzhi dge rnams kyi/ /spyod yul zag bcas 'og

ma min/ /zhes khams 'og ma la mi dmigs pa'i phyir dang/ (chos
mthos par skye ba yang yod bas so zhe na/) gzugs med na rang
byung gnyis mi srid cing srid pa'i nyan thos kyi mngon rtogs
kyang gzhan las ma thos par mi 'thob pas te de na skyes bu dam
pa la chos nyan pa med pa'i (phyir dang 'dod pa la mi dmigs

@347b pa'i) phyir ro/ /gzhan yang mdo las/ skyon 'dod chags dang
bral bar 'gyur ro zhes gsungs na/ gzugs khams su skyes pa'i so
so'i skye bo ni snyoms 'jug gi bde ba la chags pa'i phyir dang/
sdug bsngal gyi tshor ba med pa'i phyir 'khor ba la yid mi skyo
la/ skyo ba med par yang 'phags lam

(mthong lam ni dang por 'dod pa'i sdug bsngal la dmigs dgos la
gzugs med pas de la mi dmigs pa'i phyir ro/ /) 'thob par mi nus
pa'i phyir ro zhes pa'i rigs pa dang/ bcu tshan bcu pa'i lung las
kyang gang zag ni bcu ste/ bcu gang zhe na/ rigs nas rigs su
skye pa dang/ mchog tu thogs na lan bdun pa dang/ bar

chad gcig pa dang/ lan cig phyir 'ong ba dang/ bar ma dor mya
ngan las 'da' ba nas gong du 'pho ba'i bar lnga dang/ dgra bcom
pa'o/ /gang zag bcu po de dag las dang po bzhi dang dgra bcom pa
ni 'dir rtsom zhing 'dir mthar phyin par 'gyur ro/ /bar ma dor
mya ngan las 'da' ba nas gong du 'pho ba'i

bar gang zag lnga ni 'dir rtsom zhing der mthar phyin par 'gyur
ro zhes 'byung ba'i phyir ro/ /de la 'dir zhes bya ba ni 'dod
pa'i khams yin la/ rtsom pa ni myang 'das kyi thabs kyis 'go
'dzugs pa'o/ /der zhes bya ba ni khams gong ma yin no/ /re zhig
khams kyis ni de lta bu yin no/ /gal

te mi g.yo'i zad shes las/ /mi skye'i blo gros gal te min/
(/'phags pa ma yin pa ni der rtsom par ma gsungs so/) /zhes
bshad pa de ci dgra bcom pa la'ang dbye ba yod dam zhe na/ yod
de/ dgra bcom pa'i dbye ba ni mdo las/ dge slong dag drug po 'di
dag ni dgra bcom pa ste/ drug gang zhe na/ yongs su

nyams pa'i chos can dang/ 'chi bar sems pa'i chos can dang/ rjes
su bsrung ba'i chos can dang/ gnas ba las mi skyod pa dang/
rtogs pa'i skal ba can dang/ mi g.yo ba'i chos can no/ /zhes
gsungs pas drug tu 'dod de/ de dag ni rim pa ltar dang po lnga
char la nyams pa srid kyang rkyen chung ngus

rang gi rtogs pa las nyams pa dang/ nyams par drogs pas mya ngan
las 'da' bar sems pa dang/ nyams par dwogs pas lam bsrung pa la
brtson pa dang/ rkyen chung ngus rtogs pa las mi bskyod pa dang/
dbang po 'phos te mi g.yo ba rtogs pa'i skal ba dang ldan pa
dang/ dbang po rno bas rtogs pa

@348a @#/ /las nyams mi srid pa rnams so/ /de ltar dbang po rnon
po la'ang rang bzhin gyis rno ba dang dbang po 'phos pas rno ba
gnyis su 'gyur ro/ /de ltar dgra bcom pa drug po de dag las dang
po lnga ni sgom lam gyi tshe dbang po brtul po dad pas mos pa las
skyes pa yin la/ lnga

po de dag gi sems kyi rnam par grol ba ni dus dang sbyor ba yin
te/ zas gos dang gnas la sogs pa'i mthun rkyen tshang ba dang nad
dang dgra'i tsher ma la sogs pa'i 'gal rkyen med pa la ltos pa'i
phyir dus kyi rnam par grol ba zhes bya'o/ /drug pa mi g.yo
ba'i chos can ni rtogs pa las mi nyams

pas mi g.yo ba de nyid kyi phyir de ni mthun rkyen dang 'gal
rkyen yod med la mi ltos (te 'dod dgur ting nge 'dzin mngon du
'gyur) pas dus dang mi sbyor bar rnam par grol ba yin la/ de ni
sgom lam gyi dus kyi dbang po rnon po mthong bas thob pa'i rgyu
las byung ba yin te/ 'bras bu'i khyad par ni rgyu'i khyad

par la ltos pa'i phyir ro/ /de yang slob pa'i tshe dad mos mthong
thob tu dbang po 'phos pa'am rang bzhin gyis dbang po rnon po
las byung ba'i mi g.yo ba'i chos can ni mthong thob kyi rgyu
las byung ba yin gyi mi slob pa'i tshe dbang po brtul po rnon po
mi g.yo ba'i chos can du dbang po 'phos pa'i mi

g.yo ba'i chos can de ni mthong thob kyi rgyu las byung ba ma
yin no zhes TI ka las 'chad do/ /rnam par grol ba dus dang
sbyor ba dang mi sbyor ba ni 'dod dgur ting nge 'dzin mngon du
'gyur ba dang mi 'gyur ba'am/ yang na rtogs pa nyams pa srid pa
dang mi srid pa'i phyir dus gzhan gyi bar du rnam par grol

ba dang gtan du rnam par grol ba nyid yin par shes par bya'o/
/drug pa ni dgra bcom pa de dag dang po nas de dag gi rigs can
du nges pa'am 'on te phyis de dag tu gyur pa yin zhe na/ kha cig
ni dang po nas yongs su nyams pa'i chos can la sogs pa de'i rigs
su nges pa'ang yod la kha cig

ni phyis rigs (sam dbang po/) sbyangs pa las gyur pa'ang yod de
yongs su nyams pa'i chos can gyi rigs dbang po sbyangs pas 'chi
bar sems pa'i chos can du 'gyur ba la sogs (dbang po ma 'phos
pa/) pa bzhin no/ /de dag ris drug tu 'gyur ba'i rgyu ni rim pa
ltar slob pa'i tshe lam sgom pa la rgyun

@348b sbyor gus sbyor gnyis ka med pa dang/ gnyis ka med la
khyad par du gus sbyor med pa dang/ rgyun sbyor tsam dang ldan
pa dang/ gus sbyor dang ldan pa dang/ sbyor ba gnyis ka dang
ldan pa'i dbang po brtul po dang/ sbyor ba gnyis ka dang ldan
pa'i dbang po rnon po las gyur ba'i phyir ro/ /yongs su nyams
pa'i

chos can la sogs pa'ang de ltar srid pa'i phyir yin gyi nges pa
ni ma yin no/ /de ltar na khams gsum char na dgra bcom pa drug
gi dbye ba yod par rung ngo/ /gang dag nges par yongs su nyams
par 'gyur ba la sogs pa 'dod pa de dag gi ltar na 'dod pa na
drug gi dbye ba yod kyi gong ma gnyis

na ni bzhi pa dang drug pa las gzhan ni ma yin te/ de dang gong
mar skyes pa ni/ /yongs nyams dbang po 'pho mi bsten/ zhes pas
de gnyis (kyi 'phags pa ni dbang po smin pa dang/ skyo ba dang/
rang gzhan la gnod pa med pa des/) na yongs su nyams pa med pas
dang po gsum med la/ dbang po 'pho ba med pas lnga

pa'ang med pa'i phyir ro/ /gal te 'di dag thams cad rang gi
'bras bu dang rigs las nyams par 'gyur ram zhe na/ bar pa bzhi
ni rang rang gi rigs las nyams par 'gyur gyi dang po ni rang gi
rigs las nyams pa ma yin te/ rigs de bcos ma ma yin pa'i phyir
dang/ de bas dman pa'i

rigs med pa'i (phyir dang de la sbyangs pa las gyur pa mi srid
pa'i) phyir ro/ /dang po lnga po thams cad kyang 'bras bu las
nyams par 'gyur te/ sgom spang gzhi dang bcas shing 'bras bu glo
bur ba yin pas yongs su nyams pa'i chos can yang 'bras bu las
nyams pa srid do/ /'on kyang dang po nas rigs

nges pa las ni thams cad kyang nyams pa ma yin te/ dgra bcom pa
'chi bar sems pa la sogs par nges pa ni slob pa dang mi slob
pa'i lam gnyis kyis brtan por byas pa'i phyir dang/ (slob pa'i
dus na dbang po sbyangs ba'i mi slob pa yang ma nyams par slob
dpon 'dun bzang gis gsungs so/ /slob pa'i rigs dang po'ang

'das ma 'das kyi lam gnyis kyis brtan par byas pas mi nyams kyi
sbyangs pas thob pa las ni nyams par 'gyur ro/ /de lta na 'bras
bu dang po nyams par 'gyur te 'jig rten pa'i lam gyis brtan par
ma byas pas so zhe na/ gtan tshigs de ni rigs kyi phyir bshad kyi
'bras bu'i phyir ma bshad pa skyon med do/ /'bras bu 'das ma
'das kyi lam gyi cig car thob pa ni mi srid

@349a @#/ /la; rigs lam gnyis kyis brtan pa ni tshe 'di pa'i drod
la sogs pa dang phyi ma'i spong lam mam/ 'di nyid las gnyis ka
sgom pa'ang yod do/ /zhes so/) /slob pa na nges pa'ang 'jig rten
dang 'jig rten las 'das pa'i lam gnyis kyis brtan por byas pa'i
phyir ro/ /'on kyang nyams pa'i chos can phyis

'chi par sems par dbang po sbyangs pa la sogs pa las ni nyams pa
yod do/ /'bras bu dang po rgyun du zhugs pa las kyang nyams pa
ma yin te/ de ni (rigs ? 'i rigs de) mthong spang spangs pas rab
tu phye ba yin zhing de yang 'jig tshogs la lta ba'i rtsa ba can
yin la de yang gzhi med pa can yin

pa'i phyir ro/ /gzhi ni 'dir yul yin te/ bden pa la dmigs nas
bdag med pa la bdag tu rtogs pa'i phyir dang/ bdag med par mngon
sum du shes na bdag tu rtogs pa'ang mi srid pa'i phyir ro/ /'dod
chags la sogs pa sgom spang rnams ni gzugs la sogs pa bden pa la
dmigs

pa'i phyir gzhi dang bcas pa yin pas spangs kyang slar skye ba
srid pa'i phyir 'bras bu phyi ma rnams las ni nyams pa srid do/
/gzhan yang 'phags pa nges par mi rtog pa dag la dran pa nyams
pas nyon mongs pa skye bar 'gyur na nges par rtog pa la ni ma
yin te /thag pa la thag par

rtogs pa la sprul du 'dzin pa mi skye ba bzhin no/ /nges par mi
rtog pa'i 'phags pa la'ang mthong spang rnams mi skye ste/ de
dag ni nges par rtogs pa'i bdag nyid yin pa'i phyir zhes bye
brag tu smra ba rnams 'dod do/ (/bye brag tu smra ba rigs ni/
de'i rigs can yin la/ der rigs gtan du nges pa ni min pa/ de ni

rigs de las nyams nas gzhan du 'gyur ba yod la dang po nas de
rigs nges pa ni gzhan du mi 'gyur ro/ /dgra bcom dang po lnga
ga'ang 'bras bu bar ba gsum las nyams pa srid par 'dod do/ /mdo
sde pa ni 'bras bu bar ba gnyis 'jig rten pa'i lam gyis thob pa
la nyams pa srid kyi 'das lam gyis thob ba la mi srid par 'dod
do/) /mdo sde pa la sogs pa rnams

ni 'bras bu dang po las nyams pa med par ma zad dgra bcom pa las
kyang nyams pa med de/ des nyon mongs pa'i sa bon rtsa ba nas
spong ba'i gnyen po thob pas gtan du mi skye ba'i phyir ro/ /de
lta ma yin na zag pa zad pa ma yin par 'gyur pa'i phyir ro/ /re
zhig nyon mongs pa thams cad log pas

@349b dgra bcom par 'dod na ni sems med pa'i gnas skabs thams
cad der 'gyur ba'i phyir ro/ /bcom ldan 'das kyis kyang/ dge
slong dag 'phags pa'i shes rab kyis spangs pa gang yin pa de ni
spangs pa yin no zhes gsungs pa'i phyir dang/ slob pa la bag yod
pa la bag yod par bya'o zhes nga

smra'o zhes gsungs kyi dgra bcom pa la ni ma gsungs pa'i phyir
dang/ chos mngon pa las kyang/ gnas gsum gyis 'dod pa'i 'dod
chags kyi phra rgyas skye bar 'gyur te/ 'dod pa'i 'dod chags
kyis phra rgyas ma spangs shing yongs su ma shes pa yin/ 'dod
pa'i 'dod chags kyi kun nas dkris par

gyur pa'i chos rnams snang bar gyur pa yin/ de la'ang tshul bzhin
ma yin pa yid la byed pa yin zhes gsungs la dgra bcom pa la de
dag med pa'i phyir ro/ /gang yang mdo las/ kun dga' bo dgra bcom
pa la'ang rnyed pa dang bkur sti bar chad byed pa yin no zhes
nga smra'o zhes gsungs ba de ni bsam

gtan dngos gzhi la snyoms par 'jug pa mthong ba'i chos la bde
bar gnas pa la bar du gcod par gsungs pa yin la/ bcu las 'phros
pa'i mdo las/ bskyed par bya ba'i chos ni gcig ste/ sems rnam
par grol ba dus dang sbyor ba pa yid du 'ong ba yin no zhes
gsungs pa ni slob pa'i dbang du

mdzad pa yin la/ dgra bcom pa drug tu gsungs pa ni mthar gyis
gnas pa'i snyoms 'jug gi yon tan la sogs pa las nyams pa la
nyams pa'i chos can la sogs par gsungs pa'i phyir dang/ mdo
gzhan las/ tshe dang ldan pa gnag tshogs can dus kyis sems rnam
par grol ba yid

du 'ong ba lus kyis mngon sum du byas pa las lan drug gi bar du
yang dang yang du yongs su nyams pa dang yi chad nas lus dang
srog la mi lta ba'i phyir mtshon gyis 'debs par byed la 'chi ba'i
dus kho nar dgra bcom pa nyid thob cing yongs su mya ngan las
'das par gyur to zhes gsungs pa yang

slob pa'i dus kho na na nyams pa yin pa'i phyir dang/ sol ba'i
phung po lta bu'i mdo las/ 'phags pa nyan thos thos pa dang ldan
pa de ltar spyod cing de ltar gnas pa de la rgya la res 'ga'
zhig dran pa nyams pa las sdig pa mi dge ba'i rnam par rtog pa
dag skye bar 'gyur ro zhes gsungs ba'ang slob pa'i

@350a @#/ /dbang du mdzad nas gsungs pa'i phyir ro zhes zer ro/
/gang dag theg pa gong ma'i rjes su smra ba rnams ni 'jig rten
las 'das pa'i lam gyis nyon mongs pa dang rnam par rtog pa'i sa
bon spangs pa rnams ni slob pa'i 'phags pa la'ang nyams pa med
de rgyu med pa'i phyir

ro/ /gang yang de dang de las nyams par bshad pa ni sgom spang
gi sa bon ma spangs pa rnams yin la/ slob pa dang mi slob pa
thams cad la'ang dus dang sbyor ba dang mi sbyor ba dang nyams
pa dang ma nyams pa la sogs pa ni dbang po brtul po dang rnon po
gzungs dang ting nge 'dzin dang rnam par

thar pa la sogs pa la 'jug pa'i dbang du byas nas gsungs pa yin
no zhes 'dod de/ rigs pa mkhyen pa dag gis/ bdag lta'i sa bon
spangs pa'i phyir/ /slar mi ldog pa nyid yin no zhes gsungs pa
bzhin no/ /ci dgra bcom pa de dag kho na rigs drug dang ldan
nam/ /'on te gzhan

dag kyang rigs drug dang ldan zhe na/ ji ltar dgra bcom pa la
rigs drug yod pa de bzhin du 'phags pa slob pa dang 'phags min
so so'i skye bo rnams kyang yongs su nyams pa'i chos can la sogs
pa rigs drug dang ldan te/ dgra bcom pa'i rigs de dag kyang
dngos dang brgyud nas de dag sngon du 'gro ba'i

phyir dang/ 'bras bu rgyu la mi 'khrul pa'i phyir ro/ /bdun pa
gal te dbang po brtul po rnon por 'pho ba na gnas skabs gang du
'pho zhe na/ mthong ba'i lam la ni dbang po 'pho ba med de/ de
ni mnyam gzhag gi rgyun gcig kho na yin pas (bya ba de ma gtogs
pa gzhan la ldang ba dang/) sbyor ba med pa'i phyir ro/ /

des na so so'i skye bo dang/ slob pa dad mos dang/ mi slob pa
dus sbyor gyi gnas skabs na dbang po 'pho ba yod do/ /gang yang
mdo las/ 'dis mthong ba'i chos la bde bar gnas pa lhag pa'i sems
las byung ba bzhi thob pa gang dag yin pa de las gang yang rung
ba zhig las 'di yongs su nyams

(dad mos ni zag med 'kho na las 'pho la/ byis pa ni zhi rags kyi
rnam pa can gang la rten yang mi 'gal te ci nas kyang bdag gi
dbang po dag rnon por bya'o/ /zhes bsams nas sbyor bas bar chad
med pa dang rnam grol gyi lam rim gyis dbang po 'pho'o/ /) par
'gyur par ni nga smra'i/ 'di gcig bus sems kyi rnam par grol ba
mi g.yo ba'i bar du

@350b lus kyis mngon sum du byas pa gang yin pa de las ni 'di
rnam grangs gang gis kyang yongs su nyams par 'gyur bar nga mi
smra'o/ /zhes dgra bcom pa mi g.yo ba'i chos can la'ang mthong
ba'i chos la bde par gnas pa las nyams par bshad pa de ji ltar
mi g.yo bar 'gyur zhe na/ yongs su nyams

pa ni rnam pa gsum du shes par bya'o zhes sbyar ro/ /gang yin
zhe na/ yon tan thob pa las nyams pa dang ma thob pa las nyams
pa dang thob pa nye bar spyad pa las nyams pa'o/ /de la dang po
ni rnyed pa las nyams pa yin la phyi ma gnyis ni ldan pa las
nyams pa yin te rang bzhin gyis blun pa la blo

gros nyams pa zhes brjod pa bzhin no/ /nyams pa gsum po de dag
las ston pa sangs rgyas la ni nyams pa tha ma yod de/ gdul bya'i
don la zhugs pas mthong chos la bde bar gnas pa'i yon tan 'gog
pa'i snyoms 'jug la sogs pa thob kyang mngon du mi byed pa'i
phyir ro/ /dgra bcom pa mi g.yo

ba'i chos can la ni nyams pa bar ma dang tha ma'ang yod de/
sangs rgyas kyi chos ma 'dres pa la sogs pa ma thob pa'i phyir
ro'ang gi sgras ni nye bar spyad pa las nyams pa sdud pa'o/
/dgra bcom pa gzhan lnga dang slob pa sgom lam pa dang so so'i
skye bo dbang po rtul po la ni nyams pa rnam pa gsum

ga yod do/ /de'i phyir dgra bcom pa mi g.yo ba'i chos can
mthong ba'i chos la bde bar gnas pa las nyams par bshad pa ni
nye bar spyad pa las nyams pa yin la mi g.yo ba las gzhan ni
rnam par grol ba las yin no/ /dgra bcom pa gzhan ni mdo las/
rkyen lnga dang rgyu lngas dus kyis rnam par

grol ba'i dgra bcom pa yongs su nyams par 'gyur ro/ /lnga gang
zhe na/ las kyi mtha' la zhugs pa yin/ smra ba la zhugs pa yin/
rtsod pa la zhugs pa yin/ ring du rgyu ba'i sbyor ba dang ldan
pa yin/ nad kyi rnam pa yun ring pos thebs pa yin zhes 'byung
bas mthong ba'i chos la bde bar gnas

pa dang/ rnam par grol ba gnyis ka las nyams pa yin no zhes bye
brag tu smra ba rnams zer ro/ /mdo sde pa la sogs pa ni mdo las/
mthong ba'i chos la bde par gnas pa lhag pa'i sems las byung ba
bzhi zhes bya ba ni bsam gtan gyi dngos gzhi bzhi'o/ /bzhi po de
dag las gang yang rung ba zhig

@351a @#/ /las 'di yongs su nyams par 'gyur ba ni nga smra'i zhes
gsungs pa ni yongs su nyams pa'i chos can la sogs pa lnga'i
dbang du byas pa yin no/ /'di gcig pus sems kyi rnam par grol ba
mi g.yo ba'i bar du lus kyis mngon sum du byas pa gang yin pa
de las ni

'di rnam grangs gang gis kyang yongs su nyams par 'gyur bar nga
mi smra'o zhes gsungs pa ni rnam par grol ba las ni dgra bcom pa
thams cad la nyams pa med par ston pa yin la/ ma thob pa las
nyams pa dang nye bar spyad pa las nyams pa ni ma thob pa dang
ma spyad pa la nyams pa'i

ming gis btags pa tsam yin la nyams pa don dam pa ni thob pa las
nyams pa yin no zhes 'dod do/ /de lta mod kyis bye brag tu smra
ba dgra bcom pa la'ang rnam par grol ba la nyams pa 'dod pas
dgra bcom pa nyams pa'i phyir shi nas 'khor par skye bar 'gyur
ro zhe na mi 'gyur te/ 'bras bu las

yongs su nyams pa ni 'ga' yang nyams bzhin du 'chi 'pho ba med
de/ dran pa dang shes bzhin gyis myur ba kho nar sor chud par
byed pa'i phyir te/ mdo las/ dge slong dag 'phags pa nyan thos
thos pa dang ldan pa la dran pa nyams pa chung ngu 'byung mod
kyi 'on kyang yang kho nar nub pa dang yongs su

zad pa dang yongs su gtugs par 'gyur ro zhes 'byung ba'i phyir
ro/ /de lta ma yin na tshangs par spyod pa yid brtan du mi rung
bar 'gyur ro/ /gal te 'bras bu la gnas pa dang 'gal ba'i bya ba
byed pa srid pa'i phyir yongs su nyams pa sor chud par mi 'gyur
ba dag kyang srid par 'gyur ro zhe na/ 'bras

bu la gnas pa de ni bya ba ma yin pa srog gcod pa la sogs pa
gang yin pa de mi byed de/ zag pa med pa'i lam mngon du gyur pas
dran pa dang shes bzhin myur ba kho nar skye ba'i phyir rtsal bo
che 'gred kyang rdeg mi 'cha' ba bzhin no/ /yang gal te dbang po
'pho ba dag bar chad med pa dang rnam

grol gyi lam dus 'pho zhe na/ rtogs pa'i skal ba dang ldan pa
zhig mi g.yo bar 'pho na rnam par grol ba'i lam dgu dang bar
chad med pa'i lam dgu ste bco brgyad kyis 'pho ste/ mi slob pa
dbang po rtul po'i rigs de slob pa dang mi slob pa'i lam gnyis
kyis shin tu bsten cing goms par byas

@351b pas spang dka' ba'i phyir ro/ /rgyu mtshan de mtshungs pa'i
phyir nyams pa'i chos can la sogs pa 'chi bar sems pa la sogs
par 'pho ba la'ang rnam grol gyi lam dgu dang bar chad med pa'i
lam dgu yin par gsal lo/ (/slob pa) dad pas mos pa zhig mthong
bas thob pa rtogs par byed pa

la ni bar chad med pa dang rnam grol gyi lam re re (kho na la
skye ba) yin te/ goms pa chung bas spang sla ba'i phyir ro/
(/slob mi slob gang yin yang) sbyor ba'i lam ni mi g.yo bar
'pho ba dang mthong thob tu 'pho ba thams cad kyi yang gcig kho
na yin no/ /dbang po sbyong ba'i bar chad med pa dang rnam grol

gyi lam de yang 'phags pa yin na zag med kho na yin te/ dor bar
bya pa'i (dbang po'am) lam yang zag med yin na zag bcas kyis
'dor ba mi srid pa'i phyir (te dman pas mchog las nges par mi
'byung bas so/ /) so so'i skye bo ni zag bcas kyis 'pho ba yin
no/ /dbang po 'pho ba de yang (rten) mi kho na'i

nang du (nyams pa srid pas/) 'phel zhing 'pho'i gzhan du ni ma
yin te/ ngan song ba la lam mi rten pa'i phyir dang/ khams gong
ma na nyams pa med pa'i phyir dang/ nyams pas 'jigs nas dbang po
(mthong ba las 'pho ba med ces) 'pho ba yin pa la/ 'dod pa'i lha
bden pa mthong ba rnams ni dbang po rnon

po kho na yin te/ yul bzang po dag gis yid byung nas lam goms
pas de la dmigs nas nyon mongs pa mi 'byung bas nyams pa med
pa'i phyir ro/ /de yang khams gsum char na dgra bcom pa drug gi
dbye ba yod par 'dod pa ltar na khams gong ma na'ang dbang po
sbyong ba yod de/ nyams pa'i

chos can la sogs pa srid pa'i phyir dar/ nyams bzhin du dgra
bcom pa mya ngan las 'da' ba'ang mi srid pa'i phyir ro/ /gal te
nyams par dwogs pa dang bcas pa yin gyi nyams pa ni ma yin no
zhes bya bar 'dod na de ni 'chi bar sems pa dang rjes su bsrung
ba'i chos can yin no/ /nyams

pa'i chos can med na rjes su bsrung ba'i chos can dang 'chi bar
sems pa'ang mi srid de/ de dag ni nyams pas 'jigs pa yin na de
yang khams gong ma na mi srid pa'i phyir zhes bya ba'ang dpyad
par bya'o/ /dbang po sbyong ba de yang mi slob pa zhig dbang po
sbyong ba yin na bsam gtan sa drug dang

@352a @#/ /gzugs med dang po gsum ste zag med kyis dgu la brten
te sbyong ba yin/ slob pa ni (phyir 'ong yin na mi lcogs med
dang phyir mi 'ong yin na/) bsam gtan gyi sa drug la rten pa yin
gyi/ gang gi phyir dbang po brtul po rnon por 'phel ba ni dbang
po rtul pos bsdus pa'i phyir 'ong

dang phyir mi 'ong gi 'bras bu tsam po dang khyad par can btang
ste dbang po rnon pos bsdus pa'i phyir 'ong (te de'i 'bras bu sa
dgus bsdus pa srid pa'i phyir ro/ /'di 'bras bu thob pa dang
tshul 'dra'o/ /) dang phyir mi 'ong ba'i 'bras (gzugs med la mi
rten te/) bu tsam po 'thob par 'gyur ba'i phyir dang/ phyir mi
'ong tha ma'i cha mthun

spangs pas rab tu phye ba'i phyir dang/ 'dod pa la mi dmigs pas
de na mthong lam med pa'i phyir (dang phyir mi 'ong gi 'bras bu
tsam po la sogs) de dag gzugs med pas bsdus pa'ang med ba'i
phyir ro/ /yang dgra bcom pa de dag ni rnam pa dgur dbye ste/
sangs rgyas dang rang sangs rgyas gnyis dang/ nyan

thos yongs su nyams pa'i chos can la sogs pa lnga dang/ mi g.yo
ba la sbyangs pa las gyur pa dang/ dang po nas mi g.yo pa'i
chos can te mi g.yo ba gnyis te bdun no/ /de la sangs rgyas
gnyis ni mi g.yo ba'i bye brag kho na yin la gnyis ka'i cha las
rnam grol yang yin no/ /'phags pa'i

gang zag de dag dgur bzhag pa ni dbang po rtul po dang 'bring po
dang rnon po gsum po re re la'ang gsum gsum du phye bas rnam pa
dgu can yin pa'i phyir ro/ /de la nyams pa'i chos can dang 'chi
bar sems pa dang rjes su bsrung ba'i chos can gsum ni dbang po
rtul po'i chung ngu 'bring chen po gsuM

dang; gnas pa las mi bskyod pa dang rab tu rtogs pa'i skal ba
can dang sbyangs ba las gyur pa'i mi g.yo ba gsum ni 'bring
po'i chung ngu 'bring chen po gsum dang/ dang po nas mi g.yo
ba'i chos can dang rang sangs rgyas dang sangs rgyas gsum ni
rnon po'i chung ngu 'bring chen po gsum yin no/ /gnyis

pa gang zag bdun du bsdu ba ni 'phags pa'i gang zag ni bdun te/
dad pas rjes 'brang dang/ chos kyi rjes 'brang dang/ dad pas mos
pa dang/ mthong bas thob pa dang/ lus kyis mngon sum du byed pa
dang/ shes rab kyis rnam par grol ba dang/ (sangs rgyas gnyis
kyang 'dir 'dus so) gnyis ka'i cha

@352b las rnam par grol ba'o/ /gang zag bdun po de dag kyang
sbyor bas byas pa las ni dang po gnyis te/ dang po sbyor lam la
sogs pa'i dus nas gzhan gyi dring la 'jog pa dang mi 'jog pa'i
phyir ro/ /dbang pos byas pa las ni gsum pa dang bzhi pa ste/
gnyis ka la gnyis ka yod kyang dad pas mos pa

lhag pa dang shes rab lhag par yod pa'i sgo nas rim pa ltar
dbang po rtul ba dang rno ba'i phyir ro/ /snyoms 'jug gis byas
pa las ni lnga pa ste/ 'gog pa'i snyoms 'jug lus kyis ('don la
sbyor bas thob pa) mngon sum du byed nus (pas 'jog) pa'i phyir
ro/ /rnam par grol bas byas pa las ni drug

pa ste/ bdag med rtogs pa'i shes rab kyis khams gsum gyi nyon
mongs pa (bas der 'jog) las grol ba'i phyir ro/ /snyoms par 'jug
pa dang rnam par grol ba gnyis kas byas pa las ni bdun pa ste/
ting nge 'dzin dang shes rab kyi stobs kyis (nyon mongs las) rim
pa ltar snyoms 'jug

dang nyon mongs pa'i sgrib pa'i cha gnyis ka las grol ba'i phyir
ro/ /de ltar na ming gi sgo nas bdun yin la bdun po de dag kyang
rdzas su ni drug yin te/ 'di ltar mthong sgom mi slob pa'i lam
gsum po la dbang po rno rtul gyis rim pa ltar dad pas rjes
'brang dang chos kyi rjes 'brang dang/ dad mos mthong

thob dang/ dus dang sbyor ba dang mi sbyor ba'i gang zag gnyis
gnyis yin pa'i phyir ro/ (/gzhan dag ni rdzas logs su med do/)
/de la dad pas rjes 'brang la dbang bos dbye na rno rtul 'bring
po gsum dang/ rigs kyis nyams pa'i chos can la sogs pa lnga
dang/ lam gyis shes bzod bco lnga dang/

'dod chags dang bral bas ni bdun cu rtsa gsum ste/ 'dod pa'i
sgom spang gcig kyang ma spangs pa 'ching ba mtha' dag dang ldan
pa dang 'dod pa nas ci yang med pa'i bar sa brgyad la nyon mongs
pa dgu dgu las 'dod chags dang bral pa'o/ /rten gyi sa dgu ste/
sgra mi snyan na lam med pas rten du mi

rung ba'i phyir gling gsum gyi mi dang 'dod pa'i lha drug go/ de
ltar na dbang po dang rigs dang lam dang 'dod chags dang bral ba
dang rten gyi sgo nas dbye na 'bum bzhi khri bdun stong brgyad
brgya nyi shu rtsa lngar 'gyur te gang zag gzhan dag kyang ci
rigs par de bzhin du dbye bar bya'o/ /de yang chos kyi rjes
'brang dang

@353a @#/ /mthong thob dang dus dang mi sbyor bar grol ba rnams
la ni rigs kyis dbye ba med la/ dad mos dang dus kyis rnam grol
gnyis la ni rigs lnga'i dbye ba yod do/ /yang dad mos mthong
thob la lam gyi sgo nas ni slob dpon rgyal po'i sras ltar na
'bras bu la gnas pa'i

sems kyi skad cig bcu drug pa lam la rjes shes kyi dbang du byas
nas dbye ba med la/ skal ldan khyad par can ni sa dgu la rten
pa'i lam dgur 'dod do/ /lus kyis mngon sum du byed pa ni dad mos
mthong thob tu 'dus pas logs su brtsir med do/ /gal te brtsin
dbang po'i sgo nas

gsum dang/ rigs kyi sgo nas dad mos yin na lnga dang/ mthong
thob yin na dbye ba med do/ /lam dang 'dod chags dang bral ba
la'ang dbye ba med do/ /rten ni skal ldan khyad par can ni 'dod
pa nas srid rtse'i bar du 'dod la rgyal po'i sras ni gling gsum
gyi mi dang lha ris drug ste dgu dang/

gzugs na gnas bcu drug dang/ srid rtse dang nyi shu rtsa drug tu
'dod do/ /shes rab kyis rnam grol kyang dus kyis rnam grol yin
na rigs lnga dang/ dus dang mi sbyor ba yin na ni rigs la dbye
ba med do/ /de las gzhan ni dad pas rjes 'brang bzhin no/ (/chos
kyi rjes 'brang la rigs kyis dbye ba med pas

dbang po dang lam dang 'dod chags dang bral ba dang/ rten rnams
snga ma ltar gsum dang bco lnga dang 'dun cu rtsa gsum dang dgu
yin pas dad pas rjes 'brang gi lnga cha ste/ nyi khri dgu stong
lnga brgya drug cu rtsa lngar 'gyur ro/ /dad mos la ni lam skad
cig bcu drug pa kho na yin pas dbye ba med la/ dbang po dang
rigs dang 'dod chags dang bral ba dang rten rnam gsum dang lnga
dang bdun cu rtsa gsum

dang dgu yin pas dgu stong brgyad brgya lnga bcu rtsa lngar
'gyur ro/ /mthong thob la rigs dang lam la dbye ba med cing
dbang po dang 'dod chags dang bral ba dang/ rten rnams gsum dang
bdun cu rtsa gsum dang dgu yin pas dad mos kyi lnga cha ste/
stong dgu brgya bdun cu rtsa gcig tu 'gyur ro/) /'di dag gi dbye
ba ni grangs zhib tu TIka las 'byung mod kyi 'dir ma

bkod do/ /'o na gnyis ka'i cha las rnam par grol ba dang shes
rab kyis rnam par grol ba gang zhe na/ gang zhig bsam gtan dngos
gzhi la brten nas 'gog pa'i snyoms 'jug thob pa ('i dgra bcom
pa) de ni gnyis ka'i cha las rnam par grol pa yin te/ shes rab
kyis nyon mongs pa'i sgrib pa

@353b dang ting nge 'dzin gyis rnam par thar pa'i sgrib pa las
kyang grol ba'i phyir ro/ /de la rnam par thar pa'i sgrib pa ni
(le la dang) dmigs pa brjed pa dang bying ba dang rgod pa dang
rtsol ba dang mi rtsol pa'i nyes pa lnga la sogs pa ste/ TIka
byed dag gis rnam par thar ba'i sgrib pa ni gang gis rnam par
thar pa dang

bsam gtan dag skyed par mi nus pa ste lus dang sems las su mi
rung ba nyid do zhes pa dang/ snyems par 'jug pa'i sgrib pa ni
gang zhig yod na sems las su mi rung bas khams gsum gyi 'dod
chags dang bral ba dag gis kyang bsam gtan dang po'i dngos gzhi
yang bskyed par mi nus pa ste

zhes bshad pas bsam gtan dang po'i nyer bsdogs kho na la brten
pa yin la/ de yang gang zag ni nyan thos la srid kyi sangs rgyas
gnyis ni gnyis ka'i cha las rnam grol kho na yin pas rnam thar
dang snyoms 'jug gi sgrib pa ma spangs pa mi srid pa'i phyir ro/
/de yang rgyud bla ma las/ nyon mongs

shes bya snyoms 'jug gi/ sgrib gsum las ni nges grol te/ /zhes
sgrib pa gsum par bshad pa'am/ yang na dbus mtha' las/ nyon
mongs ba'i sgrib pa dang/ shes bya'i sgrib pa nyid du bstan/
/der ni sgrib pa thams cad de/ /de zad nas ni grol bar 'dod ces
gsungs pa ltar na shes bya'i sgrib par

'dus so/ /de lta na nyan rang gis shes sgrib spangs par 'gyur ro
zhe na/ shes sgrib mtha' dag spang pa la ni khyab pa med la shes
sgrib kyi bye brag 'ga' zhig spangs pa ni 'dod pa nyid de/ dper
na nyer bsdogs la 'jug mi shes pa shes sgrib yin kyang des
spangs pa bzhin no/ /de nyid kyi phyir rnam par

gtan la dbab pa bsdu ba las kyang rnam thar rnams ni shes bya'i
sgrib pa las rnam par thar pas rab tu phye ba yin te/ shes bya'i
sgrib pa ji tsam las nyan thos dang rang sangs rgyas rnams kyi
sems rnam par grol bar 'gyur ba yin no/ /zhes bshad do/ /gang
zhig bsam gtan dang po'i nyer bsdogs

tsam la brten nas bdag med rtogs pa'i shes rab kyi stobs kyis
nyon mongs pa'i sgrib pa 'ba' zhig las rnam par grol ba de ni
gnyis ka'i cha las rnam grol las cig shos shes rab kyis rnam par
grol ba ste/ de dag las dgra bcom pa rgyan can dang/ rgyan med
ces bya bar grags so/ /gsum

@354a @#/ /pa gnyis su dbye ba ni gal te slob pa dang mi slob pa
rdzogs pa gnyis bshad na de dag ji ltar yin zhe na/ snyoms par
'jug pas slob pa rdzogs pa ni 'gog pa lus kyis mngon sum du byed
pa'i phyir mi 'ong ba'o/ /dbang pos rdzogs pa ni mthong bas thob
pa'o/ /'bras

bus rdzogs pa ni phyir mi 'ong ba'i 'bras bu la gnas pa'o/ /de
ltar na chos gsum po rnams kyis slob pa yongs su rdzogs pa zhes
bya ste/ mdo las/ 'di la gang zhig nyon mongs lnga spangs te/
/mi 'phrogs chos ldan slob pa yongs su rdzogs/ /zhes gsungs te/
de la nyon mongs ni tha ma'i cha

mthun lnga ste/ de spangs pas ni 'bras bus rdzogs pa bstan to/
/gzhan gyis bslab pa mi 'phrog pas ni mthong thob yin pas dbang
pos rdzogs pa'o/ /mthong ba'i chos la bde bar gnas pa 'gog pa
lus kyis mngon sum du byed pa dang ldan pas ni snyoms 'jug gis
rdzogs pa'o/ /'di la'ang

phyir mi 'ong gi 'bras bu ma thob par 'gog pa'i snyoms 'jug mi
'thob pas na 'bras bus rdzogs pa ni khyab che la dbang po dang
snyoms 'jug gis rdzogs pa ni khyab chung ba yin no/ /de'i phyir
'bras bus rdzogs pa ni phyir mi 'ong ba'i 'bras bu thob pa thams
cad yin la/ dbang po dang gnyis kyis

rdzogs pa ni phyir mi 'ong ba'i 'bras bu la gnas pa mthong thob
lus kyis mngon sum du mi byed pa'o/ /snyoms 'jug dang gsum gyis
rdzogs pa ni phyir mi 'ong ba'i 'bras bu la gnas pa mthong thob
lus kyis mngon sum du byed pa'o/ /'bras bu dang snyoms 'jug
gnyis kyis rdzogs pa ni phyir mi 'ong

dad mos lus kyis mngon sum du byed pa'o/ /dbang po kho nas
rdzogs pa ni mthong thob 'dod pa las 'dod chags dang ma bral
ba'i 'phags pa'o/ /'bras bu kho nas rdzogs pa ni phyir mi 'ong
dad mos lus kyis mngon sum du mi byed pa'o/ /dbang po dang
snyoms 'jug gnyis kho nas rdzogs pa dang

snyoms 'jug kho nas rdzogs pa ni mi srid de/ mthong thob yin
kyang phyir mi 'ong gi 'bras bu ma thob par slob pa rdzogs pa mi
srid pa'i phyir dang/ 'dod pa las 'dod chags dang ma bral bar
phyir mi 'ong gi 'bras gnas mi 'thob la de ma thob par 'gog pa
la snyoms par 'jug pa mi srid pa'i phyir

@354b dang; 'dod pa las 'dod chags dang bral ba'i slob pa'ang
phyir mi 'ong ba'i 'bras bu la gnas par nges pa'i phyir ro/
/dbang po dang snyoms 'jug gnyis kyis ni mi slob pa yongs su
rdzogs pa yin te/ 'bras bus yongs su ma rdzogs ba'i mi slob pa
mi srid pas 'bras bu rdzogs pa zhi ma bshad do/ /

dbang pos rdzogs pa ni shes rab kyis rnam par grol ba dus dang
mi sbyor ba'o/ /snyoms 'jug gis rdzogs pa ni gnyis ka'i cha las
grol ba dus kyi rnam par grol ba'o/ /dbang po dang snyoms 'jug
gnyis kas rdzogs pa ni gnyis ka'i cha las rnam par grol ba dus
dang mi sbyor ba'o/ /lnga pa mngon par rtogs

pa'i lam ston pa na lam gyi dbye ba dang/ byang chub kyi phyogs
dang mthun pa'i lam bshad pa gnyis las dang po ni 'o na 'jig
rten pa dang/ 'jig rten las 'das pa dang/ mthong ba dang/ sgom
pa dang/ mi slob pa'i lam dang/ sbyor ba dang/ bar chad med pa
dang/ rnam grol dang/ khyad par gyi lam zhes bya

ba mang po zhig bshad pa de dag bsdu na du zhig yin zhe na/ mdor
bsdu na lam thams cad ni 'chad pa na 'don pa bsgyur te/ sbyor
dang bar chad med pa dang/ rnam grol khyad par can zhes bya ba
rnam pa bzhir rig par bya ste/ de la dang po ni bar chad med
pa'i lam gyi rgyu yin no/ /gnyis pa ni sgrib pa la dongs su

gnod pa byed pa'o/ /gsum pa ni grib pa las grol ba dang por
skyes pa'o/ /bzhi pa ni de phyin chad kyi rnam par grol ba'i lam
ste/ de yang mthong ba'i lam lta bu la dper brjod na go rim
bzhin du nges 'byed cha mthun rnams dang/ bzod pa brgyad dang/
shes pa rnams dang/ sgom pa'i lam rnams sbyor ba

la sogs pa bzhi yin pa bzhin no/ /de la dang po gnyis ni rnam
par grol ba'i khang bzang du 'gro ba'i phyir lam yin la/ phyi ma
gnyis ni de dang 'dra ba'i phyir rgyu bsags pa'i sgo nas snga ma
bas ches khyad par du 'gro ba'i phyir dang/ gong nas gong du
phyin par byed pa'i phyir ram/ de dag skyes na lhag

med du 'jug pa'i phyir lam mo/ /yang mdo las/ dge slong dag lam
ni rnam pa bzhi ste/ mngon par shes pa bul la dka' ba'i lam
dang/ mngon par shes pa myur la dka' pa'i lam dang/ mngon par
shes pa bul la sla pa'i lam dang/ mngon par shes pa myur la sla
pa'i lam mo zhes gsungs

@355a @#/ /pa de la bsam gtan gyi dngos gzhi bzhi la brten pa dag
gi lam rnams ni goms par sla ba yin te/ yan lag gis yongs su zin
pa dang/ zhi gnas dang lhag mthong cha mnyam par 'jug pas 'bad
mi dgos bar ngang gis 'jug pa'i phyir ro/ /sa gzhan mi lcogs med

dang bsam gtan khyad par can dang gzugs med pa rnams la btren pa
dag gi lam rnams ni goms par dka' ba yin te/ gzugs med thams cad
kyang yan lag gis ma zin pa'i phyir dang/ dang po gnyis lhag
mthong shas che la gzugs med zhi gnas shas che bas 'bad pas
bsgrub

dgos pa'i phyir ro/ (/lam de'ang gnyis te) gang zag blo gros
rtul po ni lam dka'am sla yang rung ste shes bya mngon par shes
pa bul ba yin la/ blo gros rtul po las cig shos rnon po rnams
kyi ni lam dka' ma sla yang rung ste shes bya mngon par shes pa
myur ba yin no/ /des na dbang po rnon po sa

gzhan la brten pa ni lam dka' la mngon shes myur ba dang/ dbang
po rtul po bsam gtan gyi dngos gzhi la brten pa ni lam sla la
mngon shes bul ba dang/ dbang po rnon po bsam gtan gyi dngos
gzhi la brten pa ni lam yang sla la mngon shes kyang myur ba
dang/ dbang po rtul po sa gzhan la brten pa ni lam

yang dka' la mngon shes kyang bul ba yin no/ /gnyis pa la rdzas
yod dang brtags yod kyi khyad par dang/ go rim gyi khyad par
dang/ ngo bo dang sa'i khyad par dang/ shes nas dad pa'i khyad
par dang/ mi slob pa'i chos bcu'i khyad par bshad pa lnga las
dang po ni lam 'di dag gis ni byang chub kyi phyogs

mthun zhes bya ba'i ming 'thob bo/ /de dag kyang dran pa nyer
gzhag nas 'phags lam yan lag brgyad pa'i bar sum cu rtsa bdun
no/ /ci'i phyir de dag la byang chub kyi phyogs dang mthun pa
zhes bya zhe na/ sgrib pa zad pa dang phyin chad kyang mi skye
ba shes pa ni (gang zag gi dbye bas/) byang chub (gsum/) ces

bya ste/ sgrib pa zad cing byang ba'i phyir dang/ zad cing mi
skye bar chub cing rtogs pa'i phyir ro/ /de la zad shes kyis ni
bdag gis sdug bsngal shes so zhes pa nas bdag gis lam bsgoms so
zhes pa'i bar du yang dag pa ji lta ba bzhin rab tu shes so zhes
bya bar rang gi don byas pa yang dag pa ji lta ba

@355b bzhin rtogs pa'i phyir byang chub yin la/ mi skye ba shes
pas ni bdag gis sdug bsngal yongs su shes te yang yongs su shes
par byar med do zhes pa nas bdag gis lam bsgoms te yang sgom du
med do zhes pa'i bar du yang dag pa ji lta ba bzhin rab tu shes
so zhes bya bar yang byar med pa nyid yang dag pa ji lta ba
bzhin rtogs

pa'i phyir byang chub yin no/ /de lta bu'i byang chub ni nyan
thos la sogs pa'i bye brag gis gsum yin no/ /byang chub de dang
dngos dang brgyud pa'i sgo nas rjes su mthun pa'i rgyu nyid yin
pa'i phyir mdo las dran pa nyer gzhag bzhi la sogs pa sum cu
rtsa bdun po la byang chub de'i phyogs dang mthun pa zhes 'byung
ngo/ /sum cu

rtsa bdun zhes bya ba'ang ming gi sgo nas yin gyi kha cig gi
gzhung lugs ltar na (mtshan nyid kyi sgo) nas/ rdzas su ni bcu
yin te/ gang zhe na/ rnam par dpyad na dad pa dang brtson 'grus
dang dran pa dang shes rab dang ting nge 'dzin dang btang snyoms
dang dga' ba dang rtog ba dang tshul khrims dang shin tu sbyangs
pa zhes

bya ba'i rang bzhin yin pa'i phyir ro/ /ji ltar zhe na/ (yang
dag pa'i lta ba chos rab tu rnam 'byed dbang stobs kyi shes rab
ste bzhi dang/) dran pa nyer gzhag bzhi (ste brgyad/) na shes
rab kyi rang bzhin yin pa'i phyir dang/ brtson 'grus la yang dag
par 'jog cing spong ba bzhi zhes bya bar brjod pa'i phyir dang/
rdzu 'phrul gyi rkang pa bzhi

(shes rab brgyad dang/ yang dag spong bzhi/ brtson 'grus kyi
dbang stobs gnyis/ brtson 'grus yang dag byang chub kyi yan lag
/yang dag pa'i rtsol ba dang brgyad brtson 'grus so/ /dbang
stobs kyi dran pa gnyis/ dran pa yang dag byang chub yan lag
/yang dag pa'i dran pa dang bzhi dran pa/ dbang stobs kyi ting
nge 'dzin gnyis rdzu 'phrul rkang bzhi/ ting nge 'dzin yang dag
byang chub kyi yan lag  /yang dag pa'i ting

nge 'dzin dang brgyad ting nge 'dzin/ dbang stobs kyi dang ba
gnyis dang ba ste rdzas lnga dang/ yang dag pa'i ngag las mtha'
'tsho ba gsum tshul khrims te rdzas gcig dang/ btang snyoms dga'
ba/ rtog pa shin tu sbyangs ba rnams rdzas re re spyir rdzas
bcur 'dod la/) ni ting nge 'dzin gyi rang bzhin yin pa'i phyir
dang/ byang chub kyi yan lag bdun gyi nang nas chos rab tu rnam
par 'byed pa yang dag byang

chub kyi yan lag dang/ 'phags lam brgyad kyi nang nas yang dag
pa'i lta ba gnyis shes rab yin zhing/ yang dag pa'i rtsol ba
dang brtson 'grus yang dag byang chub kyi yan lag gnyis brtson
'grus yin la/ yang dag pa'i ngag dang las kyi mtha' dang 'tsho ba
gsum tshul khrims kyi rang bzhin yin pa'i phyir dang/ (rdzas gcig

@356a @#/ /dbang po lnga dang stobs lnga dang byang chub kyi yan
lag gi nang nas dga' ba dang shin tu sbyangs pa dang btang
snyoms yang dag byang chub kyi yan lag gsum dang 'phags lam
brgyad kyi nang nas yang dag pa'i rtog pa ste dgu po de dag ni
rang rang gi ming gis bstan pa'i phyir ro/ /bye brag tu smra bra
? ltar na

tshul khrims kyi yan lag lus ngag gi las rdzas tha dad cing rigs
mi mthun pa'i phyir rdzas bcu gcig yin no/ /gzhan dag ni tshul
khrims spong ba'i sems pa la 'dod la de gcig yin pa'i phyir
rdzas gcig tu 'dod do/ /kha cig na re rnam par gtan la dbab pa
bsdu ba las/ dad sogs lnga dang byang chub kyi

phyogs dang mthun pa'i chos sum cu rtsa bdun po dag phan tshun
bsdus sam zhe na/ sum cu rtsa bdun gyis lnga bsdus kyi lngas ni
sum cu rtsa bdun ma bsdus so/ /gang dag ma bsdus she na/ yang
dag pa'i ngag dang/ las kyi mtha' dang/ 'tsho ba dang/ dga' ba
dang/ shin tu sbyangs pa dang/

btang snyoms te drug po rnams so zhes 'byung bas slob dpon
'phags pa ni yang dag pa'i rtog pa shes rab kyi nang du 'dus
pa'i phyir dang/ tshul khrims lus ngag gi las gnyis tha dad par
byas nas rdzas bcu yin par bzhed do zhes zer ro/ /de ltar dran
pa nyer gzhag shes rab dang/ yang dag

par 'jog pa brtson 'grus dang rdzu 'phrul gyi rkang pa ting nge
'dzin yin no zhes bya ba'ang gtso bo smos pa yin gyi de dag
kyang 'khor dang bcas na ni skyes thob kyi yon tan dad pa la
sogs pa ma gtogs pa sbyor ba las byung ba'i yon tan thos pa dang
bsam pa dang sgom byung zag bcas

zag med dang dga' ba dang shin tu sbyangs pa dang btang snyoms
dang yang dag pa'i rtog pa dang dad pa dang dran pa dang tshul
khrims la sogs pa kun kyang dran pa nyer gzhag la sogs pa yin
no/ /de la dran pa nyer gzhag bzhi ni bshad zin la/ yang dag par
spong ba la sogs pa ma

bshad pas 'dir bshad par bya ste/ de la sdig pa mi dge ba'i chos
skyes pa rnams spang ba'i phyir 'dun pa skyed do/ /'bad do/ (/de
dag gi mtshan nyid dang thob pa dab ? mnyam gzhag gi rig byed ma
yin pa yod na'ang de'i skal mnyam yin pas deb 'dus la/ sbyor
byung smos pa ni skyes thob kyi dad sogs der mi 'dod pa'o/ /)
brtson

@356b 'grus rtsom mo/ /sems rab tu 'dzin to/ /yang dag par rab
tu 'jog go zhes bya ba dang/ de bzhin du ma skyes pa rnams mi
skyes pa'i phyir zhes bya ba dang/ dge ba'i chos ma skyes pa
rnams bskyed pa'i phyir zhes bya ba dang/ skyes pa rnams gnas pa
dang/ mi brjed pa dang/ bsgom pa

yongs su rdzogs par bya ba dang/ phyir zhing goms pa dang/ 'phel
zhing rgyas pa dang/ ye shes kyi mngon sum du bya ba'i phyir
'dun pa bskyed do/ /'bad do/ /brtson 'grus rtsom mo/ /sems rab
tu 'dzin to/ /yang dag par rab tu 'jog go zhes mdo las gsungs
te/ de la 'dun pa ni

bsam pa'o/ /'bad pa ni sbyor ba'o/ /brtson 'grus ni dngos
gzhi'o/ /sems rab tu 'dzin pa dang/ yang dag par rab tu 'jog pa
ni rjes so/ /sdig pa skyes pa spong ba ni mi 'chab pa dang 'gyod
pa dang bdag la rnam par smod pa dang bshags pa'i rang bzhin dag
yin no/ /de'i phyir 'dun

pa la sogs pa ni brtson 'grus so/ /ma skyes pa mi bskyed pa ni
dran pa dang shes bzhin dang ldan pas spong bar sems pa'o/ /dge
ba ma skyes pa skyed pa ni dge ba'i bshes gnyen bsten pa la sogs
pa'o/ /skyes pa gnas shing 'phel ba ni de'i yon tan shes nas
dga' ba'o// theg pa

gong ma pa dag ni yang dag par spong ba bzhin ni gnyen pa stobs
bzhi'i rang bzhin yin te/ sdig pa skyes pa spong ba ni rten gyi
stobs dang rnam par sun 'byin pa'i stobs so/ /ma skyes pa mi
bskyed pa ni nyes pa las ldog pa'i stobs so/ /phyi ma gnyis ni
gnyen po kun du spyod pa'i stobs yin

no zhes bzhed do/ /rdzu 'phrul gyi rkang pa'i dbang du byas nas
mdo las 'dun pa'i ting nge 'dzin spong ba'i 'du byed dang ldan
pa'i rdzu 'phrul gyi rkang pa dben pa la gnas pa/ 'dod chags
dang bral ba la gnas pa/ 'gog pa la gnas pa/ rnam par spong ba/
yongs su bsgyur ba/ phyogs

gcig tu mos par byas te khyab par byed do zhes pa dang/ de bzhin
du brtson 'grus dang/ sems dang dpyod pa la'ang sbyar nas gsungs
te/ de la 'dun pa ni zhi gnas don du gnyer bas gus par sbyor
ba'o/ /brtson 'grus ni de la spro bas rgyun du sbyor ba'o/ /sems
ni sngar goms par byas pa'i

@357a @#/ /sems kyi nus pa dang ldan pa'o/ /dpyod pa ni dmigs pa
dang rnam pa la rnam par dpyod pa'i shes rab bo/ /bzhi po de dag
las byung ba'i ting nge 'dzin la ni 'dun pa'i ting nge 'dzin
spong ba'i 'du byed dang ldan pa zhes bya ba la sogs par bshad
de rnga'i sgra dang nas kyi myu

gu la sogs pa bzhin no/ /rnam pa gcig tu na 'dun pa la sogs pa
dang mtshungs par ldan pa la de dang der brjod de ba lang dang
ldan pa'i shing rta la ba lang gi shing rta zhes brjod pa bzhin
no/ /de yang spong ba'i 'du byed ni dbus mtha' las/ der gnas las
su rung ba nyid/ /don rnams thams

cad 'byor par 'gyur/ /nyes pa lnga spong 'du byed brgyad/ /bsten
pa'i rgyu las byung ba'o/ /zhes bshad pa'i nyes pa lnga ni de
nyid las/ /le lo dang ni gdams ngag rnams/ /brjed dang bying
dang rgod pa dang/ /'du mi byed dang 'du byed de/ /'di dag nyes
pa lngar 'dod do zhes bshad do/ /de la bying rgod ni gcig

tu byas la/ 'du mi byed pa ni ting nge 'dzin la snyoms par zhugs
pa na bying rgod du gyur pa na de dag spong ba la g.yel bar
gyur ba'o/ /'du byed pa ni zhi gnas dang lhag mthong 'brel bar
'jug pa na dmigs rnam la rtsol ba na rnam g.yeng du 'gyur ba'i
phyir skyon yin no/ /le lo dang gdams

ngag brjed pa ni sla'o/ /spong ba'i 'du byed brgyad ni de nyid
las/ /gnas dang de la gnas pa dang/ /rgyu dang 'bras bu nyid
du'o/ /dmigs pa brjed par ma gyur dang/ /bying dang rgod pa
rtogs pa dang/ /de spong mngon par 'du byed dang/ /zhi tshe rnal
du 'jug pa'o zhes bshad de/ de la le lo'i

gnyen po rtsol ba'i gnas ni gang la 'dun pa de la brtson 'grus
'byung bas 'dun pa'o/ /de la gnas pa ni rtsol ba'o/ /yid ches
par gyur na mngon par 'dod pa'i 'dun pa 'byung bas rtsol ba'i
gnas 'dun pa de'i rgyu ni dad pa'o/ /gnas pa rtsol ba de'i 'bras
bu ni shin tu sbyangs

pa ste bzhi po des ni le lo sel bar byed do/ /dmigs pa brjed par
ma gyur pa ni dran pa ste des brjed ngas spong bar byed do/
/bying dang rgod pa rtogs pa ni shes bzhin te dran pa ma brjed
par gyur nas bying rgod rtogs par byed do/ /de spong mngon par
'du byed ni sems pa ste bying rgod rtogs nas

@357b de spang ba'i phyir 'du byed pas 'du mi byed pa sel bar
byed do/ /zhi tshe rnal du 'jug pa ni btang snyoms te bying rgod
zhi ba na sems btang snyoms su byed pas 'du byed drags pa sels
bar byed do/ /rdzu 'phrul ni med ba 'phrul pa dang yod pa bsgyur
pa la sogs pa yin la/ rkang pa ni ting nge 'dzin

yin te/ yon tan thams cad 'byor ba'i rdzu 'phrul gyi rten yin
pa'i phyir ro/ /de ltar byas na mdo las/ dge slong dag ngas
khyed la rdzu 'phrul yang bshad/ rdzu 'phrul gyi rkang pa rnams
kyang bshad par bya'o zhes bya ba nas rdzu 'phrul gang zhe na/
'di na dge slong rdzu 'phrul gyi yul rnam pa du

ma nyams su myong bar byed cing gcig tu gyur nas mang por 'gyur
zhes bya ba la sogs pa dang/ de bzhin du tshangs pa'i 'jig rten
gyi bar du lus kyis dbang bsgyur bar byed de 'di ni rdzu 'phrul
zhes bya'o/ /rdzu 'phrul gyi rkang pa dag gang zhe na/ 'dun pa'i
ting nge 'dzin dang/ brtson 'grus kyi

ting nge 'dzin dang/ sems kyi ting nge 'dzin dang/ dpyod pa'i
ting nge 'dzin te 'di dag ni rdzu 'phrul gyi rkang pa zhes bya
ba'i bar du gsungs pa'ang legs par drangs par 'gyur ro/ /des na
bye brag tu smra ba gang dag rdzu 'phrul ni ting nge 'dzin kho
na yin la/ rkang pa ni 'dun pa dang sems dang brtson

'grus dang byed pa bzhi yin no zhes zer pa de dag gi ltar na de
lta bu'i mdo dang yang 'gal zhing/ byang chub kyi phyogs dang
mthun pa'ang rdzas bcu gsum du 'gyur te/ 'dun pa dang sems kyang
byang chub kyi phyogs dang mthun par 'gyur ba'i phyir ro/ /dben
pa la gnas pa ni 'dod pas dben pa'o/ /'dod

chags dang bral ba ni khams las 'das pa'o/ /'gog pa ni sdug
bsngal 'gog pa'o/ /rnam par spong ba ni kun 'byung spong ba'o/
/yongs su bsgyur ba ni thar par byed pa'o/ /phyogs gcig tu mos
par byas te zhes bya ba ni yul lo/ /khyab par byed pa ni dmigs
ba'o/ /'di dag ni tshad

med pa dang byang chub kyi yan lag bdun la sogs pa la'ang shes
par bya'o/ /dbang po lnga ni dbus mtha' las/ /thar ba'i cha dang
mthun bskyed nas/ /'dun dang sbyor ba dbang byed de/ /dmigs pa
brjed par ma gyur dang/ /mi 'phro rnam par 'byed kyang ngo zhos
bshad pas dad pa dang/ brtson

@358a @#/ /'grus dang/ dran pa dang/ ting nge 'dzin dang/ shes
rab ste rnam par byang ba la dbang byed pa'i phyir ro/ /stobs
lnga yang de dag nyid yin te/ khyad par ni mi mthun phyogs kyis
mi brdzi ba'i phyir te/ de nyid las/ mi mthun phyogs ni bsrabs
pa'i phyir//

stobs ldan 'bras bu phyi ma yin zhes bshad do/ /des na dbang po
rnams ni mi mthun phyogs ma dad pa dang le lo dang brjed ngas
dang rnam g.yeng dang shes bzhin ma yin pa rnams bar skabs su
'byung bas mi mthun phyogs kyis brdzi ba'i phyir chung ngu yin
la/ stobs rnams ni mi

mthun phyogs kyis mi brdzi ba'i phyir chen po yin no/ /de dag gi
go rim ni dad par 'gyur na 'bras bu'i don du brtson 'grus rtsom
la/ brtson 'grus brtsams na dran pa nye bar gnas par 'gyur ba
dang/ dran pa gnas na rnam par mi g.yeng bas sems mnyam par
'jog cing/ mnyam par

bzhag pas yang dag pa ji lta ba bzhin rab tu shes par 'gyur ba'i
phyir ro/ /byang chub kyi yan lag bdun la byang chub ni chos
nyid rtogs pa yin la/ yan lag ni 'dir cha shas la brjod pa yin
no/ /yan lag rnam pa bdun yang de nyid las/ rang bzhin yan lag
gnas yan lag  / gsum pa nges 'byung yan

lag ste/ bzhi pa phan yon yan lag yin/ /rnam gsum nyon mongs med
yan lag ces bshad de/ de la rang bzhin gyi yan lag ni chos rab
tu rnam par 'byed pa ste/ de kho na nyid rtogs pa'i phyir ro/
/gnas kyi yan lag ni dran pa ste/ shes rab ni dran pa la gnas
pa'i phyir ro/ /nges par 'byung ba'i

yan lag ni brtson 'grus ste/ so so'i skye bo'i sa la sogs pa 'og
ma las nges par 'byung ba'i phyir ro/ /phan yon gyi yan lag ni
dga' ba ste/ zag med ba'i bde bas lus sems la phan 'dogs pa'i
phyir ro/ /nyon mongs pa med pa'i yan lag ni de nyid las/ /'di
la gzhi dang gnas dang ni/ /ngo

bo nyid du bstan pa yin zhes 'byung bas shin tu sbyangs pa dang
ting nge 'dzin dang btang snyoms te/ nyon mongs ba'i gnas ngan
len gyi gnyen po yin pas gsum po rim pa ltar nyon mongs pa med
pa'i gzhi dang gnas dang ngo bo yin pa'i phyir ro/ /des na chos
rab tu rnam par 'byed pa ni byang chub dang yan lag gnyis

@358b ka yin la/ gzhan dag ni byang chub kyi yan lag ste 'khor
yin pa'i phyir lhas byin gyi ril ba zhes brjod pa bzhin no/
/'phags lam yan lag brgyad ni de nyid las/ yongs su gcod dang go
byed dang/ /rnam gsum gzhan yid ches par byed/ /mi mthun phyogs
kyi gnyen por ni/ /lam gyi yan lag de brgyad do zhes

gsungs te/ de la yongs su gcod pa ni yang dag pa'i lta ba ste/
rjes thob na yang dag pa'i lta bas mnyam gzhag gi dus kyi rtogs
pa nges par 'byed pa'i phyir ro/ /go bar byed pa ni yang dag
pa'i rtog pa dang ngag ste/ rtog pa kun slong dang bcas pa'i
ngag gis rtogs pa'i don de gzhan la go bar byed pa'i phyir ro/
/gzhan

yid ches par byed pa'i yan lag ni de nyid las/ lta dang tshul
khrims yo byad bsnyungs/ /gzhan la rnam par rig byed 'dod ces
'byung bas yang dag pa'i ngag dang las kyi mtha' dang 'tsho ba
gsum yin te/ yang dag pa'i ngag gis 'bel gtam nges par byed pa
dang/ bya ba ma yin pa mi byed pa dang/ chos gos la sogs

pa tshod zin par 'tshol bas rim pa bzhin lta ba dang tshul khrims
dang yo byad bsnyungs pa 'dod pa chung bar yid ches par byed
ba'i phyir ro/ /mi mthun phyogs spong ba'i gnyen po'i yan lag ni
de nyid las/ nyon mongs nye ba'i nyon mongs dbang/ /mi mthun
phyogs kyi gnyen bo'o zhes 'byung bas yang dag pa'i rtsol ba
dang

dran pa dang ting nge 'dzin te gsum gyi rim pa bzhin brtson
'grus brtsams shing dran pa nye bar gnas la bsam gtan la brten
nas mngon shes la sogs pa'i yon tan sgrub pas le lo'i nyon mongs
pa dang/ nye ba'i nyon mongs pa bying rgod dang/ dbang snyoms
'jug gi sgrib pa rnams spong ba'i phyir ro/ /'di la'ang yang

dag pa'i lta ba ni shes rab yin pas 'phags pa'i lam yang yin la
yan lag kyang yin la/ gzhan dag ni de'i 'khor yin bas 'phags
pa'i lam yan lag brgyad pa yin no zhes bye brag tu smra ba 'dod
do/ /gnyis pa ni dran pa nyer gzhag la sogs pa'i sde tshan bdun
ni gnas skabs de dang der gtso bo yin

pas go rim bzhin du las dang po pa tshogs lam pa dag dang nges
'byed cha mthun bzhi po rnams dang ni sgom lam dang mthong lam
la gnas pa'i gnas skabs kyis rab tu phye zhing bzhag ste/ de la
las dang po pa tshogs lam du dran ba nyer gzhag bzhi bshad de/
dbus mtha' las/ gnas ngan len phyir sred

@359a @#/ /rgyu'i phyir/ /gzhi yi phyir dang ma rmongs phyir/
/bden pa bzhi la 'jug bya bas/ /dran pa nye bar bzhag pa sgom
zhes pa dang/ 'di nyid las/ phyin ci log gi gnyen por bzhi zhes
'byung bas lus la sogs pa la phyin ci log bzhi spangs nas bden
pa la 'jug par bya ba'i ched du nye bar brtag pa'i phyir

ro; ;nges 'byed cha mthun dro bar gyur pa'i gnas skabs su ni
yang dag par spong pa bzhi ste/ dmigs pa dang rnam pa'i khyad
par thob ba'i rgyus brtson 'grus spel ba'i phyir ro/ /rtse mo la
ni rdzu 'phrul gyi rkang pa rnams te/ rtse mo thob pa rtsa mi
chad ces pas thob pa'i dge ba'i rtsa ba mi nyams pa'i bzod pa la
'jug

bar bya ba'i phyir ro/ /bzod pa la ni dbang po rnams te/ snga ma
gnyis la ni nyams pa srid cing 'di la nyams pa mi srid pas mi
nyams pa la dbang thob par bya ba'i phyir ro/ /chos mchog la ni
stobs rnams te/ mi mthun phyogs nyon mongs pa dang/ 'jig rten
pa'i chos gzhan dag gis mi brdzi bar bya ba'i phyir ro/

sgom lam la ni byang chub kyi yan lag rnams te/ mthong lam ni
sgom lam gyis bar du chod pas ring la sgom lam ni lam gzhan gyis
bar du mchod pas byang chub zad mi skye shes pa dang nye ba'i
rgyu yin pa'i phyir ro/ /mthong lam du ni 'phags lam yan lag
brgyad de/ sgom lam ni sa'i dbye ba yod pas myur du 'gro ba

ma yin gyi mthong lam la ni sa'i dbye ba med pas myur du 'gro
ba'i phyir ro/ /mdo las/ byang chub kyi yan lag sngon la bstan
pa ni bdun dang brgyad grangs kyi rim pa dang mthun par bstan pa
yin no zhes bye brag tu smra ba rnams 'dod do/ /slob dbon la
sogs ba gzhan dag ni mdo las gsungs pa'i go rim dang

mthun par re zhig dang por yul gzugs sgra la sogs pa dang de dag
gi bye brag kha dog dang dbyibs la sogs pa mang po la g.yeng
ba'i blo tshar bcad par bya ba'i phyir de'i gnyen por dran ba
nyer gzhag bzhi sgom ste/ dbus mtha' las/ mi mthun pa dang gnyen
po rnams/ /rnam pa thams cad yongs shes nas/ /

de dag spang phyir brtson 'grus ni/ /rnam pa bzhi dag rab tu
'byung zhes 'byung ba ltar dran pa nyer gzhag gi stobs kyis
brtson 'grus 'phel bas dgos pa brtson 'grus bzhi bskyed pa'i
phyir sems yang dag bar rab tu 'jog pas yang dag par spong ba
rnams so/ /de nas ting nge 'dzin rnam par sbyong ba'i phyir

@359b rdzu 'phrul gyi rkang pa rnams so/ /ting nge 'dzin la
brten nas 'jig rten las 'das pa'i chos rnams 'dren pa'i bdag por
gyur pa'i dad sogs lnga ni dbang po rnams so/ /de dag nyid mi
mthun phyogs las rgyal ba ni stobs rnams so/ /dang po nyid du
chos rnams kyi de kho na nyid mngon sum du rtogs pa'i phyir

mthong lam la byang chub kyi yan lag rnams so/ /mthong sgom gyi
lam gnyis ka la bsgom pa'i phyir 'phags lam yan lag brgyad pa
ste/ skye mched drug gi tshogs chen po'i mdo las/ 'phags pa'i lam
yan lag brgyad pa bsgom pa yongs su rdzogs par gyur na dran pa
nye bar bzhag pa bzhi bsgom pa

yongs su rdzogs par 'gyur ba nas byang chub kyi yan lag bdun gyi
bar du yongs su rdzogs par 'gyur ro zhes sgom lam la'ang yan lag
brgyad yod par gsungs la/ yang mdo las/ dge slong yang dag pa ji
lta ba bzhin gyi tshig brjod pa zhes bya ba 'di ni 'phags pa'i
bden pa bzhi'i tshig bla dags so/ /dge slong

ji ltar rtogs pa'i lam gyi 'jug ces bya ba 'di ni 'phags pa'i
lam yan lag brgyad kyi tshig bla dags yin no zhes gsungs te/ tshig
de gnyis gyis ni rim pa ltar mthong sgom gyi lam bstan pa yin
te/ ji ltar rtogs pa'i lam gyis byang chub kyi bar du 'jug cing
'byung ba'i phyir ro/ /de ltar na mthong lam

la'ang lam gyi yan lag yod par gsungs pa'i phyir mdo las bstan
pa'i go rim rnam par dkrug par mi bya'o zhes 'dod la/ theg pa
gong ma ba rnams ni dbus mtha' las/ dbang po rnams dang stobs
rnams la/ /nges 'byed cha mthun gnyis gnyis so zhes 'byung bas
sde tshan bdun po mdo las gsungs

pa'i go rim ltar tshogs lam chung ngu dang/ 'bring dang/ chen po
dang/ drod rtse dang/ bzod mchog dang/ mthong lam dang/ sgom lam
rnams su rim pa ltar sgom ste/ 'di ni 'jug pa bde ba'i lam yin
no zhes bzhed do/ /gsum pa ni 'o na byang chub phyogs mthun du
zhig zag bcas dang du zhig zag med yin la de dag

sa gang pa yin zhe na/ byang chub kyi yan lag bdun dang 'phags
pa'i lam yan lag brgyad ni zag pa med pa yin te/ gnas skabs
khyad par can (mthong sgom) dang khyad par can ma yin (pa mi
slob) pa'i sgo nas mthong sgom mi slob pa'i lam gsum gyis bsdus
pa'i phyir ro/ /de dag las gzhan dran pa nyer gzhag

@360a @#/ /nas stobs kyi bar dag ni gnas skabs khyad par can dang
khyad par can ma yin pa'i sgo nas zag bcas dang zag med rnam pa
gnyis yin te/ so so'i skye bo'i rgyud la yod pa sbyor lam gyis
bsdus pa dag ni zag bcas dang/ 'phags pa'i rgyud la yod pa lam
gsum gyis bsdus pa

dag ni zag med yin pa'i phyir ro/ /sa ni bsam gtan dang po na
sum cu rtsa bdun po thams cad yod la/ bsam gtan dang po'i nyer
bsdogs mi lcogs pa med pa na ni dga' 'a yang dag byang chub kyi
yan lag ma gtogs pa sum cu rtsa drug yod de/ bde blag tu 'thob
pa dang/ dwogs pa med na dga' bar 'gyur ba yin

pa la nyer bsdogs ni rtsol ba'i stobs kyis bskyed dgos pa'i
phyir dang/ sa 'og mar nyams kyis dwogs pa dang bcas pa'i phyir
dang/ tshor ba btang snyoms pa yin pa'i phyir ro/ /bsam gtan
gnyis pa na ni yang dag pa'i rtog pa ma gtogs pa sum cu rtsa
drug yod de/ yang dag pa'i rtog pa ni rtog pa yin la

de ni gnyis pa bas spangs zin pa'i phyir ro/ /bsam gtan gsum pa
dang bzhi pa gnyis na ni dga' ba dang rtog pa de gnyis ma gtogs
pa sum cu rtsa lnga yod de/ rtog pa sngar nas nub la dga' ba las
'dod chags dang bral ba'i phyir ro/ /bsam gtan dang po'i dngos
gzhi tsam po dang gnyis pa'i bar ma bsam

gtan dang po'i dngos gzhi (phyir dang de las 'das pa'i sa yin
pa'i) khyad par can na'ang rtog pa dang dga' ba ma gtogs pa sum
cu rtsa lnga yod de/ rtog pa spangs la tshor ba btang snyoms kyi
sa pa yin pa'i phyir ro/ /nam mkha' mtha' yas la sogs pa gzugs
med pa dang po gsum na'ang rtog pa dang

dga' ba de gnyis dang tshul khrims kyi yan lag gsum med de/ rtog
pa spangs shing tshor ba btang snyoms pa yin pa'i phyir dang/ de
dag na lus ngag gi las med pa'i phyir ro/ /gzhan sum cu rtsa
gnyis ni yod do/ /byang chub kyi yan lag 'dun dang 'phags pa'i
lam yan lag brgyad ma gtogs pa nyi

shu rtsa gnyis ni 'dod pa'i khams dang srid pa'i rtse mo na yod
de/ (bsod nams cha mthun gyi dad sogs kyis 'di'i ming mi thob bo
bco lnga po/) de dag med pa ni 'dod pa mnyam par ma bzhag pa
dang srid rtse sems kyi rgyu ba mi gsal bas sa de gnyis la zag
med kyi lam mi brten pa'i phyir ro/ /'o na gzugs med na lus dran

@360b pa nyer gzhag ji ltar yod par 'gyur te/ lus dran pa nyer
gzhag ni lus la dmigs pa'i shes rab yin na de dag rang sa na med
pa'i phyir dang/ gzugs med dngos gzhi dge rnams kyi/ /spyod yul
zag bcas 'og ma min zhes 'byung bas 'og sa la mi dmigs pa'i
phyir ro zhe na/ gzugs med rang sa na

gzugs med kyang nam mkha' mtha' yas kyi nyer bsdogs la brten
pa'i dran pa nyer gzhag dge ba zag bcas kyis bsam gtan bzhi pa'i
gzugs zag bcas la dmigs pa'i phyir dang/ 'og ma la mi dmigs par
bshad pa ni dngos gzhi'i dge bas zag bcas la mi dmigs pa yin la/
gzugs med

dang po gsum gyi dngos gzhi dge ba zag bcas zag med kyis bsam
gtan sa drug la brten pa'i zag med kyi sdom pa la dmigs pa'i
phyir dang/ srid rtse'i shes rab dge ba zag bcas kyis bsam gtan
la brten pa'i zag med kyi sdom pa la dmigs pa'i phyir dang/ de
yang 'byung gyur gyi gzugs su 'dod

pa'i phyir ro zhes rgyal po'i sras (grags pa'i bshes gnyen)
'chad do/ /yang gal te khams gong ma gnyis na mi dge ba med pa'i
phyir de dag skyes pa spong ba dang ma skyes pa mi bskyed pa'i
phyir brtson pa'i yang dag par spong ba gnyis ji ltar yod par
'gyur zhe na/ de lta mod kyi nyon mongs pa dang snyoms 'jug gi
sgrib pa

dang zag bcas kyi chos la sdig pa'i skra brjod de don dam pa'i
mi dge ba yin pa'i phyir ro zhes bya bar bsams so/ /bzhi pa ni
mdo las/ sangs rgyas dang chos dang dge 'dun la shes nas dad pa
thob cing 'phags pa dgyes pa'i tshul khrims thob pa zhes shes nas
dad pa thob pa bzhi bshad na byang chub kyi phyogs

mthun la gnas pa de dag gnas skabs gang du shes nas dang pa ji
ltar thob cing de dag gi ngo bo yang gang zhe na/ mthong lam du
sdug bsngal la sogs pa'i bden pa dang po gsum mngon sum mthong
na de dag chos yin pa'i phyir dang/ sangs rgyas dang dge 'dun
gyi ngo bo ma yin pas 'phags pa dgyes pa'i tshul khrims

dang chos la shes nas dad pa 'thob/ (ste zag med kyi spong bdun
thob cing shes rab kyi bden ba bdag med par mngon sum du mthong
bas chos tsam du yid ches pa'i phyir ro/) /sangs rgyas dang dge
'dun la shes nas dad pa mi 'thob la/ lam gyi bden pa mngon sum
du rtogs na (mi slob pa dang slob pa dang mi slob pa'i) lam bden
ni (sangs rgyas dang dge 'dun) de gnyis

@361a @#/ /su byed pa'i chos yin pas sangs rgyas dang sangs rgyas
de'i nyan thos kyi dge 'dun dag la yang shes nas dad pa 'thob
bo/ (/ste slob mi slob kyi lam bden la yid ches 'thog) yang gi
sgra ni tshul khrims dang chos la shes nas dad pa 'thob pa'ang
sdud pa'o/ /'dir 'di la 'phags pa rnams dgyes

shing mnyes par gyur pas na 'phags pa dgyes pa'i tshul khrims ni
zag med kyi sdom pa yin la shes nas dad pa ni bden pa rnams yang
dag pa ji lta ba bzhin mngon sum du rtogs nas yid ches pa'o/
/bden pa dang po gsum mthong ba na ji ltar chos la shes nas dad
pa 'thob par 'gyur te/ chos ni slob

pa dang mi slob pa yin la de yang lam gyi bden pa yin pa'i phyir
ro/ /gal te bden pa de kho na la chos su 'dod na sdug bsngal
mthong ba tsam na chos la shes nas dad pa 'thob par 'gyur ro/
/de lta na'ang bden gsum mthong na zhes ji ltar brjod ce na/
'dir chos kyi sgra ni bden pa dang po gsum la

brjod de/ de dag gi de kho na nyid ni chos yin pa'i phyir dang/
'gog pa ni chos rnams kyi mchog kyang yin pa'i phyir ro/ /de'i
phyir bden pa gsum mthong na chos la shes nas dad pa 'thob ces
bya ba'ang bden pa gsum ci rigs par mthong ba la 'dod kyi tshogs
pa ni ma yin no/ /de bzhin du rang sangs rgyas

kyi slob mi slob kyi lam dang/ byang chub sems dpa'i slob pa'i
gnas skabs kyi lam zag pa med pa'ang chos yin te/ de dag gi
mngon par rtogs pa'i chos yin zhing tshogs pa ma yin pas dge 'dun
ma yin la sangs rgyas kyang ma yin pa'i phyir ro/ /des na rang
sangs rgyas dang byang chub sems dpa'i

lam chos yin pas bden pas bzhi char yang chos yin pa'i phyir
bden pa bzhi char mngon par rtogs na chos la shes nas dad pa
'thob par 'gyur ba yin no/ (/bse ru lta bu ni 'dus pa med la/
de'i lam yang gzhan gyi sgral mi rten cing/ byang chub sems
dpa'i lam yang gzhan gyi drin la mi 'jig pas dge 'dun min zhes
zar ro/ /gal te

lam gyi bden pa mngon par rtogs na sangs rgyas dang de'i nyan
thos kyi dge 'dun la ji ltar yid ches pa'i dad pa 'thob par
'gyur te/ de ni chos yin pa'i phyir ro zhe na/ sangs rgyas dge
'dun byed pa'i chos/ mi slob pa dang gnyis ka dang zhes 'byung
bas sangs rgyas su byed pa'i chos mi slob pa dang dge bdun du
byed pa'i chos slob pa dang mi slob pa'i lam de dag ni sangs
rgyas dang de'i nyan thos kyi dge 'dun kyi lam gyi bden pa yin

@361b pa'i phyir de gnyis kyi lam la ni chos zhes mi brjod de/
de dag mngon sum du shes na sangs rgyas dang dge 'dun la shes
nas dad pa 'thob pa'i phyir ro zhes rgyal bo'i sras 'chad do/)
/shes nas dad pa bzhir gsungs pa de dag kyang dad pa'i yul lam
gzhi dkon mchog gsum gyi bye brag gis ming gi sgo nas bzhi yin
gyi rjas su ni gnyis yin te/ dkon

mchog gsum la dad pa ('i dad pa gsum) ni dad pa'i rang bzhin
dang 'phags pa dgyes pa'i chul khrims ni tshul khrims kyi rang
bzhin no/ /'di yang sems dang ba'i stobs kyis tshul khrims kyang
dag pa yin pa'i phyir rgyu'i ming gis 'bras bu la btags nas shes
nas dad pa'i ming gis btags

so; ;dad pa dang tshul khrims de gnyis ka'ang dri ma ste zag pa
med pa yin te/ zag pa'i gnyen po yin pa'i phyir ro/ /gal te gzhi
la ltos nas shes pas dad pa rnam par 'jog na chos la shes nas
dad pa sngar gdon dgos par 'gyur te/ bden pa dang po gsum mthong
ba na chos la shes nas dad

pa 'thob pa'i phyir ro zhe na/ 'di dag gi rim pa ni ting nge
'dzin las langs nas ji ltar mngon du byed pa ltar bkod pa yin
te/ ji ltar mngon du byed ce na/ kye ma bcom ldan 'das ni yang
dag par rdzogs pa'i sangs rgyas yin no/ /de'i chos 'dul ba ni
legs par gsungs pa yin no/ /de'i nyan thos kyi

dge 'dun ni legs par zhugs pa yin no zhes mngon du byed de/ rim
pa ltar chos kyi sman ston ba dang/ nyon mongs pa'i nad gso
zhing mya ngan las 'das pa nad med pa thob par byed ba dang/ mya
ngan las 'das pa nad med pa 'thob pa'i grogs byed pa'i phyir
sman pa dang sman dang nad g.yog lta bur gyur ba'i

phyir dang/ dang ba'i stobs kyis tshul khrims kyang dang bar gyur
ba'i sgrub pa yin pa'i phyir mtha' bzhi par bshad do/ /yang na
dkon mchog gsum ni sngar bstan pa ltar sman pa la sogs pa lta bu
yin la tshul khrims ni nad med pa lta bur gyur ba yin pas sam/
yang na bzhi po de dag rim pa ltar lam ston

par byed pa dang lam dang lam gyi grogs dang bzhon pa lta bu yin
pas sems rab tu dad pa'i phyir ro/ /lnga pa ni 'o na ci'i phyir
mdo las/ slob pa ni slob pa'i yang dag pa'i lta ba nas yang dag
pa'i ting nge 'dzin gyi bar yan lag brgyad dang ldan no/ /mi
slob pa ni mi slob ba'i yang dag pa'i lta ba nas ting nge 'dzin

@362a @#/ /gyi bar pa rgyad dang/ mi slob pa'i yang dag pa'i rnam
par grol pa dang/ mi slob pa'i yang dag pa'i shes pa ste yan lag
bcu dang ldan no zhes gsungs pa'i slob pa la yang dag pa'i rnam
par grol pa dang mang dag pa'i shes pa ma bshad ce na/ nyon
mongs pa'i 'ching ba las gtan du nges par

grol ba dang grol ba de so so rang gis shes pas de gnyis su 'jog
pa la/ slob pa rnams ni da dung nyon mongs pas bcings pa'i phyir
slob pa'i yan lag tu yang dag pa'i rnam grol dang yang dag pa'i
shes pa ma bshad do/ /'ching ba'i phyogs gcig las rnam par grol
bas ni yang dag pa'i rnam grol gyi yan lag tu

mi 'gyur ro/ /rnam par grol ba de yang 'dus byas dang 'dus ma
byas rnam pa gnyis yod pa las nyon mongs pa bcom pa so sor
brtags 'gog ni rnam grol 'dus ma byas yin la/ rnam par grol ba
la der nges pa mi slob pa'i mos pa ni rnam grol 'dus byas yin
la/ gang zhig mi slob pa'i yan lag tu gsungs pa'i

yang dag pa'i rnam grol ni rnam grol 'dus byas mos pa de yin te/
yan lag bcu char 'dus byas yin pa'i phyir ro/ /'dus ma byas ni
skal ba mi mnyam pa'i phyir dang/ slob pa dang mi slob pa gnyis
ka ma yin pa'i phyir yan lag ma yin no/ /rnam par grol ba'i yan
lag 'dus byas de nyid ni mdo las sems

'dod chags las rnam par grol ba dang/ shes rab ma rig pa las
rnam par grol ba gnyis su gsungs te/ rnam grol 'dus byas de nyid
tshul khrims kyi phung po la sogs lnga'i nang nas rnam par grol
ba'i phung po'ang yin no zhes bye brag tu smra ba rnams 'dod do/
/slob dpon ni mos pa 'ba' zhig rnam par grol

ba ma yin gyi sems rnam par grol ba dang shes rab rnam par grol
ba dang 'dod chags la sogs pa las rnam par grol ba'i zag med kyi
sems dang sems byung 'dun pa dang brtson 'grus la sogs pa gzhan
dag kyang yin te/ mdo las/ stag gi byang chub kyi bu dag rnam
par grol bar yongs

su dag pa'i gtso bo gang yin zhe na/ 'di dag dge slong 'dod
chags las sems 'dod chags dang bral zhing rnam par grol ba yin/
zhe sdang dang gti mug las sems 'dod chags dang bral zhing rnam
par grol ba yin te/ 'di ltar rnam par grol ba'i phung po yongs
su ma rdzogs pa yongs su rdzogs par byed

@362b pa'am/ yongs su rdzogs pa rjes su 'dzin par byed pa 'dun
pa dang brtson 'grus gang yin pa zhes gsungs pa'i phyir ro zhes
'chad do/ /gal te yang dag pa'i shes pa ni yan lag bcu pa ma yin
te/ yang dag pa'i lta ba'i nang du 'dus pa'i phyir ro zhe na/ ma
yin te/ byang chub sngar ji skad bshad pa'i zad pa dang

mi skye ba shes pa gang yin pa de nyid yang dag pa'i shes pa yin
la de yang dag pa'i lta ba ni ma yin te/ zad dang mi skye'i blo
lta min zhes 'chad par 'gyur ba'i phyir ro/ /yang dag pa'i shes
pa de ni rnam par grol ba'i ye shes gzigs pa'i phung po'ang yin
te/ rang gi byang chub shes pa'i phyir ro/ /gal te sems

rnam par grol na sems 'das pa'am/ ma 'ongs pa'am/ da ltar byung
ba gang zhig rnam par grol bar 'gyur zhe na mi slob pa'i sems ni
skye bar 'gyur ba ma 'ongs pa sgrib pa las rnam par grol bar
'gyur ba yin te/ 'das pa'i sgrib pa yod pa yin la da ltar ba ni
sgrib pa la dngos su gnod pa rdo rje lta

bu yin te/ de sgrib pa'i thob pa dang dus mnyam pa'i phyir dang/
de'i rjes thogs su sgrib pa las rnam par grol ba'i sems skye
ba'i phyir ro/ /'o na mi skye ba'i chos can dag ji ltar sgrib pa
las grol ba yin zhe na/ de dang 'dra ba'i phyir yin no/ /de nyid
kyi phyir bstan 'chos las mi slob pa'i sems ma

'ongs pa sgrib pa rnams las rnam par grol bar 'gyur ro zhes
bshad do/ /'o na lam 'das pa la sogs pa gang gis sgrib pa de
spong zhe na/ (nyon mongs pa ni de'i thob pa la bzhag ste de
skye ba la gegs byed pas so/) /'gag par 'gyur ba de 'gag pa la
mngon du phyogs pa da ltar ba'i lam gyis ni da ltar pa de'i
sgrib pa rab

tu spong ba yin te/ 'di ltar spong ba ni bya ba 'gal ba'i sgo
nas gnod pa byed pa yin na 'das pa dang ma 'ongs pa ni bya ba
'gags pa dang ma skyes pa'i phyir ro/ /gal te da ltar ba'i lam
gyis da ltar ba'i sgrib pa spong ba ni ma yin te/ rgyud gcig la
nyon mongs pa dang ye shes kyi shes pa rgyud gnyis su thal ba'i
phyir dang/

'gal ba lhan cig tu 'byung bar thal ba'i phyir dang/ ye shes
nyon mongs pa'i 'jig rgyur thal ba'i phyir ro zhe na/ de lta ma
yin te/ nyon mongs pa'i thob pa'am sa bon spang byar 'dod pas
yun ring du mi gnas shing gnod pa byed bzhin pa'i lhan cig pa
yin pa'i phyir dang/ spang bya phyi ma bskyed pa'i nus pa dang
mi

@363a @#/ /ldan par bskyed pa la gnod par brjod pa'i phyir skyon
med do/ /'o na nyon mongs bcom pa 'dus ma byas zhes rnam grol
'dus ma byas su bshad pa gang yin pa de dang mdo'am bstan bcos
las spangs pa'i khams dang/ 'dod chags dang bral ba'i khams
dang/ 'gog pa'i khams

zhes khams gsum bshad pa de dag la khyad par ci yod ce na/ rnam
grol 'dus ma byas su bshad pa gang yin pa de nyid spangs pa la
sogs pa'i khams gsum du shes par bya ste/ 'di ltar spang bya
(khams gsum gyi) 'dod chags kun zad cing spangs pa ni 'dod chags
dang bral ba'i khams yin

la/ spangs pa'i khams zhes bya ba ni 'dod chags las gzhan pa'i
nyon mongs pa zhe sdang la sogs pa dag yang dag par zad cing
spangs pa'o/ /'gog pa'i khams zhes bya ba ni nyon mongs pa'i
gzhi yang dag par zad pa ste/ gzhi'i sgra yang 'dir yul dang
rgyu la brjod par 'dod pa ste nyon mongs pa las gzhan pa'i

gzugs la sogs pa zag pa dang bcas pa dag go/ ('di ni 'dun pa'i
'dod chags dang bral ba la 'dod do/) /'o na dngos po gang gis
yid 'byung bar 'gyur ba'i dngos po des 'dod chags dang 'bral bar
'gyur ram zhe na/ sdug bsngal dang rgyu kun 'byung la dmigs pa'i
bzod pa dang shes pa rnams kyis ni bden pa de gnyis

zag bcas yin pas yid 'byung bar 'gyur la/ bzod pa (bzhi) dang
(sgom lam) shes pa gang gis dngos su nyon mongs pa spong bar
'gyur ba de ni bden pa bzhi po gang la dmigs kyang rung kun gyi
'dod chags dang 'bral bar 'gyur ro/ /de lta na ni yid 'byung ba
dang 'dod chags dang bral ba la mu bzhi srid de/

yid 'byung bar 'gyur la 'dod (yul dman pa la skyon du brtag
pas/) chags dang 'bral bar mi 'gyur ba ni sdug bsngal dang kun
'byung la dmigs pa'i sgom lam yin yang rung sbyor ba dang rnam
grol dang khyad par can gyi lam dang/ chags bral sngon 'gro'i
bden pa dang po gnyis la dmigs pa'i chos shes pa'i bzod

pa dang shes pa rnams te/ thams cad kyang yid 'byung ba'i dngos
po la dmigs pas yid skyo bar byed pa'i phyir dang/ sbyor ba'i
lam la sogs pa gsum ni spong lam ma yin pa'i phyir dang/ chags
bral sngon 'gro'i bden pa dang po gnyis la dmigs pa'i chos shes
pa'i bzod pa spong lam yin yang 'jig rten

@363b ba'i sgom lam gyis sngar du spangs zin pa'i phyir dang/
shes pa ni spong lam ma yin pa'i phyir ro/ /rjes su shes pa'i
bzod pa dag gis ni nges par nyon mongs pa rnams spong ste/ 'jig
rten pa'i lam gyi srid rtse las 'dod chags dang mi 'bral ba'i
phyir ro/ /'dod chags dang 'bral bar 'gyur la yid 'byung bar mi
'gyur

ba ni 'gog lam la dmigs pa'i spang bya dngos su spong ba'i bar
chad med pa'i lam chags bral sngon 'gro'i 'gog lam la chos shes
pa'i bzod pa ma gtogs pa rnams te/ de dag ni 'jig rten pa'i sgom
lam gyis sngar du spangs zin pa'i phyir dang/ gzhan ni spang bya
la dngos su gnod byed yin pa'i phyir dang/ de dag gi

dmigs pa 'gog lam zag med la yon tan du lta bas mchog tu dga'
ba'i dngos po la dmigs pa'i phyir ro/ /gnyis ka yin pa ni bden
pa dang po gnyis la dmigs pa'i bar chad med pa'i lam chags bral
sngon 'gro'i bden pa dang po gnyis la dmigs pa'i chos shes pa'i
bzod pa las gzhan pa rnams te/ yid 'byung

ba'i dngos po la dmigs pa'i phyir dang/ nyon mongs pa dngos su
spong bar byed pa'i phyir ro/ /gnyis ka ma yin pa ni 'gog lam la
dmigs pa'i sbyor ba dang rnam grol dang khyad par can gyi lam
dang/ chags bral sngon 'gro'i 'gog lam la chos shes pa'i bzod pa
dang shes pa rnams dang/ bar chad med pa'i lam yin yang

nyon mongs pa mi spong ba dbang po 'pho ba la sogs pa'i gnas
skabs kyi bar chad med pa'i lam kha cig kyang yin no/ /dmigs pa
shes dang bsgom pa'i rim/ /sgom pa po dang de yi lam/ /ji bzhin
shes nas der 'jug 'dod/ /dge slong gnas 'di mnyan par rigs/
/chos mngon pa'i mdzod kyi 'grel pa mngon pa'i rgyan

(de la 'dod pa'am ci yang med pa'i bar la chags pa dang bral ba
zhig bden pa rnams la lta na chos shes chos bzod rnams kyis nyon
mongs mi spong ste/ 'jig rten pa'i sgom lam gyis sngar spangs
zin pa'i phyir bral thob zag med skye ba 'ba' zhig tu zad do/
/rjes shes rjes bzod dag gis ni nges par nyon mongs spong ste/
'jig rten pa'i lam gyis srid rtse la chags pa dang mi 'bral ba'i
phyir ro/ /lan cig phyir 'ong chags

bral sngon 'gro bden pa la lta ba ni mthong spang spong dgos pas
de dang mi 'dra'o/ /shes pa rnams kyi sgom lam la sbyor ba dang/
rnam grol dang/ khyad par gyi lam dang/ kha cig gis kyang mi
spong ngo/ /) las lam dang gang zag bstan pa zhes bya ba ste
gnas drug pa'i bshad pa'o// ! //da ni gnas bdun pa 'chad pa na
bzod pa dang shes pa dang lta ba'i khyad par bshad pa dang/

@364a @#/ /shes pa bye brag tu bshad pa dang/ de dag gi yon tan
bshad pa gsum las dang po ni gal te bzod pa dang shes pa dang
yang dag pa'i lta ba dang yang dag pa'i shes pa rnams la khyad
par ci zhig yod ce na/ dri ma med pa'i bzod pa brgyad po rnams
ni shes pa min te/ shes pa ni nges pa'i bdag nyid can yin

na bzod pa rnams ni bar chad med pa'i lam yin pas de'i tshe rang
gi spang bya (the tshom dang) phra rgyas ma spangs pas rang gi
yul la the tshom dang bcas pa'i phyir ro/ (/rang gi smos pa ni
shes pa dang po bdun shes pa ma yin par thal pa spang ba'i phyir
ro/) /bzod pa de dag yang dag par rtogs pa'i bdag nyid yin pas
lta ba ni yin no/ /zad pa shes pa dang

mi skye ba shes pa'i bla ni lta ba min te/ yang dag par rtog pa
med pa'i phyir dang/ dmigs pa dang rnam pa 'tshol ba'i bsam pa
can ma yin pa'i phyir ro/ /de ni yang dag pa'i shes pa zhes
bya'i shes pa tsam yang ma yin no/ /bzod pa brgyad dang (bden pa
bzhi la mi rtag pa la sogs par/) zad pa dang mi skye ba shes pa
(dri med ces smos bas bzod pa zag

bcas ni shes pa yin no/ /shes pa zag med ni the tshom spangs pas
khyab bo/ /the tshom spangs pa shes par ma nges te chags bral
sngon 'gro'i bzod pa bzhin no/ /zad mi skye shes lta ba min te/
bya ba byar med pa tsam du rtogs kyi bden bzhi la mi rtog pa'i
phyir dang 'bras bu rdzogs zin pa'i phyir ro/) /de dag las gzhan
pa'i 'phags pa zag pa med pa'i blo ste sdug bsngal la chos shes
pa nas lam

la rjes su shes pa'i bar gyi shes rab rnams ni shes pa dang yang
dag pa'i lta ba gnyis ka yin te/ rnam grol gyi lam yin pas rang
gi yul la the tshom spangs pas nges pa'i bdag nyid can yin pa'i
phyir dang/ yang dag par rtog pa'i bdag nyid can yang yin pa'i
phyir ro/ /'phags pa'i blo las gzhan zag bcas

'jig rten pa'i shes rab thams cad ni kun rdzob shes pa yin te/
zag bcas la shes pa ma yin pa'i shes rab mi srid pa'i phyir ro/
/de yang sgo lnga'i rnam shes kyi 'khor du byung ba'i shes rab
dge mi dge lung ma bstan thams cad dang ye shes kyi 'khor du
byung ba'i shes rab lta ba drug po ma gtogs pa nyon

mongs pa can dang ma bsgribs lung ma bstan rnams ni shes pa kho
na yin no/ /yid shes kyi 'khor du byung ba'i shes rab (phyir
dang shes rab gang yin yang shes pa yin pa'i) 'jig tshogs la lta
ba la sogs pa nyon mongs pa can lnga dang 'jig rten pa'i yang
dag pa'i lta ba ste drug ni kun rdzob shes pa yin par ma zad

@364b lta ba'ang yin te/ nges par rtog pa'i bdag nyid yin pa'i
phyir ro/ /gnyis pa shes pa bye brag tu bshad pa la shes pa'i
ngo bo'i dbye ba dang/ grangs nges pa dang/ rnam pa dang/ sa
dang brten pa dang/ dran pa nyer gzhag tu bzhag pa dang/ dmigs
pa dang/ ldan pa'i tshul dang/ thob pa'i tshul brgyad yod pa las
dang po ni mdo bas ?

shes pa ni bcu ste/ 'di lta ste/ chos shes pa dang/ (des na lta
ba kho na yin pa ni med do/) /rjes su shes pa dang/ kun rdzob
shes pa dang/ pha rol kyi sems shes pa dang/ sdug bsngal shes pa
dang/ kun 'byung shes pa dang/ 'gog pa shes pa dang/ lam shes pa
dang/ zad pa shes pa dang/ mi skye ba shes pa'o zhes gsungs pa'i

(chos dang rjes dang kun rdzob dang/ /gzhan gyi sems dang sdug
bsngal dang/ /kun 'byung ba dang 'gog pa dang/ /lam dang zad
dang mi skye zhes/ zhes pa bsdu tshig go/) shes pa thams cad rnam
pa gnyis su 'dus te zag pa dang bcas pa dang zag pa med pa'o/
/de la dang po zag bcas ni kun rdzo ba shes pa zhes bya ba yin
te/ res 'ga' rang dang spyi'i mtshan nyid kyang

'dzin la phal cher bum pa snam bu dang skyes ba bud med la sogs
pa kun rdzob tu yod pa'i dngos po la dmigs pa'i phyir ro/ /zag
med ni chos shes pa dang rjes su shes pa rnam pa gnyis kho na
yin te/ sdug bsngal shes pa la sogs pa ni 'di gnyis su 'dus pa'i
phyir ro/ /de la kun rdzob shes pa'i

yul ni 'dus byas dang 'dus ma byas kyi chos thams cad yin te/
mig shes kyis gzugs shes ba la sogs pa ci rigs par thams cad la
'jug pa'i phyir ro/ /chos shes pa zhes bya ba'i spyod yul ni
'dod pa'i sdug bsngal dang sogs pas bsdus pa kun 'byung dang
'gog pa dang lam rnams yin no/ /rjes su shes

pa'i spyod yul ni khams gong ma gnyis po'i sdug bsngal (bsam
gtan dge yul yod dgu yin zhes pa dang/) dang sogs pas bsdus pa
kun 'byung dang 'gog pa dang lam rnams yin pas (nam mkha' dang
so sor brtags min ni bden bzhir ma 'dus pas de dag gi dmigs ba
min no/ /) de lta na shes pa gsum yin no/ /chos shes pa dang
rjes su shes

pa de dag nyid sdug bsngal shes pa la sogs pa bzhi yin te/ yul
bden bzhi la dmigs pa'i bye brag gis so (dgur dbye ba ni) chos
shes rjes shes las lta ba'i rang bzhin ma yin pa bden bzhi la
dmigs pa'i bye brag gis sdug bsngal shes pa la sogs pa (lta ba'i
ngang bzhin ma yin pa'i/) rnam pa bzhi po de dag nyid ni mi skye

@365a @#/ /ba shes pa dang zad pa shes pa gnyis su 'gyur te/ rdo
rje lta bu'i ting nge 'dzin gyi rjes su skyes pa'i bden bzhi
shes pa gang yin pa'o/ /zad pa dang mi skye ba shes pa de gnyis
dang por skyes pa ni sdug bsngal dang rgyu kun 'byung la rjes su
shes pa yin te/ srid rtse'i phung pos bsdus pa'i sdug bsngal
dang kun 'byung la

mi rtag pa la sogs pa dang rgyu la sogs par dmigs pa'i phyir ro/
/dang por skyes pa las gzhan de phyin chad kyi zad pa dang mi
skye ba shes pa ni bden ba gzhan dag la'ang dmigs so/ /rdo rje
lta bu'i ting nge 'dzin ni srid rtse'i bden bzhi la dmigs la zad
pa dang mi skye ba shes pa dang por skyes pa sdug bsngal dang
kun 'byung la dmiD

so zhes bya ba ni bye brag tu smra ba'i grub pa'i mtha' ste
khyad par med pa la khyad par rtog pa yin no/ /'o na rdo rje lta
bu'i ting nge 'dzin dang zad pa dang mi skye ba shes pa dmigs pa
gcig gam tha dad ce na/ rdo rje lta bu'i ting nge 'dzin gal te
srid rtse'i sgom spang chung ngu'i chung ngu'i ngo bor gyur ba
bden pa dang po gnyis la dmigs na ni gcig

la 'on te/ bsgom pa'i lam la 'gog pa'am/ /lam la chos shes shes
gang yin te/ /khams gsum gyi ni gnyen po yin zhes pas 'gog lam
la dmigs na ni mi gcig ste/ shes pa gnyis po ni dang por srid
rtse'i phung po khon la nges par dmigs pa'i phyir te dper na dug
mdas phog ste 'chi ba na thog mar dug yan lag thams

cad la khyab nas mthar shi ma thag rma'i phyogs kho nar 'du ba
bzhin no/ (/bcur dbye ba ni) chos shes rjes shes dang lam shes
pa dang kun rdzob shes pa bzhi las ni pha rol kyi sems rig pa
bzhag ste/ (gzhan sems) zag bcas (la dmigs pa ni) kun rdzob shes
pa dang/ zag med (la dmigs pa) ni lam shes pa dang gnyen

po'i bye brag gis chos shes rjes shes kyang yin pa'i phyir ro/
(/ji ltar zhe na/ 'di ltar zag bcas kyi gzhan gyi sems shes ni
so so'i skye bo rnams kyis bsam gtan la brten nas sems 'dod
chags dang bcas bral la sogs pa 'jig rten pa'i rnam pa can gyi
shes pa dang/ 'phags pa rnams kyi rjes las thob pa'i tshe bsam
gtan la brten nas shes pa ste kun rdzob shes pa yin no/ /'phags
pa'i zag med kyi sems shes

pas gzhan gyi zag med kyi sems shes na de ni lam shes pa yin pas
las gyi rnam pa can kho na yin te/ des zag bcas mi shes pa'i
phyir dang/ sems shes pas 'gog pa shes par 'gyur ba'ang med de
'gog pa sems ma yin pa'i phyir/ shes pa gzhan yang min te/ de
dag gi rnam pa can ma yin pa'i phyir/ lam shes pa'ang cos dang
rjes su shes par gzhag pa'i phyir sems shes pa zag med ni shes
pa gsum po yin no/ /)

@365b sems shes des ni sa 'das pa mi shes te/ bsam gtan dang po
la sogs pa 'og ma'i sa pas bsam gtan gnyis pa la sogs pa gong
ma'i sa pa mi shes pa'i phyir ro/ /dbang po 'das pa'ang mi shes
te/ dad mos pa'i lam gyis mthong thob pa'i lam mi shes pa dang/
dus dang sbyor ba'i lam gyis dus dang mi sbyor ba'i lam mi shes
(te dbang po

'das) pa'i phyir ro/ /gang zag 'das pa mi shes pa ni phyir mi
'ong gi lam gyis dgra bcom gyi lam mi shes la/ nyan thos kyi lam
gyis rang sangs rgyas kyi lam (de yang dman pa'i yul mchog ma
yin pa'i phyir/ des na bzhi pa'i sems pa zag bcas kyi yul ni sa
lnga yin pa nas zag med kyi yul sa bzhi yin pa'i bar du'o/ /) mi
shes pa la sogs pa'i phyir ro/ /'das

pa'i sgra ni 'dir gong ma la brjod par 'dod pa yin no/ /de'i
phyir mnyam pa dang 'og ma ni shes par bstan to/ /gzhan yang pha
rol sems shes ni gzhan gyi sems da ltar ba kho na'i yul can yin
pa'i phyir dus zhig pa 'das pa dang ma skyes pa ma 'ongs pa'ang
mi rig go/ ci'i phyir zhe na/ 'das pa dang (de yang rang stobs
kyis mi shes pa la bsams kyi/ sangs

rgyas la sogs pas byin gyis brlabs na gang zag dang dbang po
'das kyang shes so/ /'dir 'phags pa chags bcas ma smos pa ni de
dag la sems shes bkag pas so/ /) ma 'ongs pa shes pa ni rim pa
ltar sngon gnas rjes dran dang 'chi 'pho skye shes yin la de dag
kyang kun rdzob shes pa yin pa'i phyir ro/ /chos shes dang rjes
shes kyi phyogs dang mthun pa'i sems shes pa'i

blo yang (rang rang gi rigs mthun ma yin pa/) phyogs phan tshun
(gcig gis gcig) rig pa min te/ sems shes pa de gnyis 'dod pa
dang khams gong ma'i gnyen po tha dad la dmigs pa'i phyir ro/
(/gang la rgyab kyis phyogs bde la mi dmigs par 'dod pas so/)
/de yang mthong lam la ni pha rol kyi sems shes pa med de/
mthong lam yun thung bas sems shes kyi

sbyor ba bya ba'i skabs med pa'i phyir dang/ de ni bden pa la
mnyam par bzhag pa (zag med bar ma chad) yin pa'i phyir ro/ /'on
kyang sangs rgyas dang dge 'dun la shes nas dad ba ni bden pa
mngon sum du shes nas yid ches pa yin gyi pha rol kyi sems mngon
sum du shes pa ni med do zhes bya ba ni grub pa'i mtha' yin no/
/theg pa gong

ma pa ni 'jig rten gyi khams brgya shes pa la sogs pa skad cig
ma la skye ba'i yon tan du ma bzhed pa yin no/ /mthong lam ni
pha rol sems shes kyi yul du 'gyur bas de'i khyad par bshad par
bya ste/ de la 'phags pa nyan thos kyi sems shes pas ni dbang po
rtul bas mthong ba'i lam skad cig ma bco lnga las

@366a @#/ /skad cig ma dang po gnyis rig ste/ rjes su shes pa'i
phyogs ni de shes par 'dod pa na sbyor ba gzhan gyis sgrub dgos
pa'i phyir dang/ grub pa na'ang sems bcu drug pa (thob par 'gyur
la de) thob nas 'das pa'i phyir dang/ 'das pa'ang mi rig pa'i
phyir ro/ /'o na ni skad cig ma dang po gnyis kyang mi rig par
'gyur te/ de

shes par 'dod nas sbyor ba brtsams te grub pa na skad cig ma
gnyis po'ang 'gag pa'i phyir ro zhe na/ skad cig ma gnyis po 'di
shes par bya'o zhes sbyor ba rtsom (de'i bar la yun ring 'gor
bas) pa ni ma yin gyi (skad cig ma gsum pa sogs) gang zag 'di'i
sems shes par bya'o zhes sbyor ba rtsom pa na mngon shes grub pa
dang mnyam par skad

cig dang po gnyis skyes pa dag shes par 'gyur ro zhes bye brag
tu smra ba 'dod mod kyi/ de lta na ni rjes su shes pa'i bzod pa
la sogs pa rnams kyang shes par 'gyur ro/ /de'i phyir sbyor ba
ni spyi la dmigs pa yin gyi bye brag ni ma yin gyi/ mi shes pa'i
phyir ro/ /de'i phyir 'di dag kyang khyad par med pa la rnam par
rtog pas khyad par du rtog pa

kho nar zad do/ /rang sangs rgyas bse ru lta bu'i sems shes pas
ni skad cig ma dang po gnyis dang brgyad pa gsum rig ste/ nyan
thos kyi ni sbyor ba chen pos bsgrub dgos la 'di ni sbyor ba la
rtsol ba chung bas dang po gnyis shes nas yang skad cig ma
lnga'i bar la mngon shes 'grub pa'i phyir ro/ /des kyang skad
cig ma dgu pa

la sogs pa ni mi rig ste/ yang sbyor ba gzhan gyis sgrub dgos
pa'i phyir dang/ de nas dub pas skad cig ma bdun la'ang sbyor ba
mi rdzogs pa'i phyir ro/ /kha cig skad cig ma dang po gnyis shes
nas yang sbyor ba gzhan byas nas skad cig ma bco lnga pa dang
gsum shes so zhes bya bar 'dod do/ /nyan rang gnyis ka la yang
skad cig

ma dang po gnyis shes par bshad pa ni mtshon pa ste/ nyan thos
kyis ni rigs mthun pa'i skad cig ma gnyis ci rigs par shes par
'gyur la rang rgyal gyis ni rigs mthun pa gnyis dang mi mthun pa
gcig ste gsum ci rigs par shes par 'gyur ro/ /sangs rgyas bcom
ldan 'das ni mdzad pa thams cad lhun gyis grub pas

sbyor ba las byung ba'i 'bad rtsol med par mthong lam gyi ye
shes kyi skad cig ma kun shes par 'gyur ba yin te/ ji skad du/
dge mthar phyin pa khyod la ni/ /sbyor byung dge ba 'ga' ma
mchis/ /khyod ni gang zhig bzhed na yang/ /bzhed pa tsam la rag
las so zhes bshad pa bzhin no/ /'o na zad pa shes pa dang mi
skye ba

@366b shes pa dag la khyad par ci yod ce na/ bstan bcos las/ zad
pa shes pa gang zhe na/ bdag gis sdug bsngal shes so zhes bya
bar shes pa dang/ kun 'byung spangs so/ /'gog pa mngon du byas
so/ /lam bsgoms so zhes bya bar shes pa de'i rgyu las byung ba'i
shes pa dang mthong ba dang rig pa dang blo dang rtog pa dang
shes rab dang snang ba dang

mngon par rtogs pa gang yin pa 'di ni zad pa shes pa zhes bya'o/
/mi skye ba shes pa gang zhe na/ bdag gis sdug bsngal yongs su
shes te yang yongs su shes par byar med do zhes bya par shes pa
nas bdag gis lam bsgoms te yang sgom du med do zhes bya ba'i bar
du shes pa de'i rgyu las byung ba'i shes pa dang zhes pa nas 'di
ni mi skye ba shes

pa zhes bya'o zhes bya ba'i bar du 'byung ba'i phyir zad pa shes
pa ni sdug bsngal la sogs pa'i bden pa rnams la bdag gis sdug
bsngal yongs su shes so zhes pa dang/ sogs pas gzung ba kun
'byung spangs so/ /'gog pa mngon du byas so/ /lam bsgoms so zhes
mnyam gzhag gi dus su shes pa las byung ba'i rjes

kyi shes pas nges ba'o/ /de bzhin du mnyam gzhag tu bdag gis
sdug bsngal yongs su shes par byas te yang yongs su shes par
byar med do zhes bya ba la sogs par rtogs pa las langs pa'i rjes
las thob pa'i shes pas nges pa ni mi skye ba shes pa'i blor kha
che bas 'dod do/ /nyi 'og pa ni mnyam gzhag na zag med kyi

rnam pa bcu drug las gzhan yang yod pas des de ltar nges so zhes
'dod do/ /'o na bstan bcos las mthong ba zhes bshad pa'i phyir
shes pa de gnyis lta bar 'gyur te/ lta ba dang mthong ba gnyis
don gcig pa'i phyir ro/ /'dod na zad dang mi skye'i blo lta min
zhes pa dang 'gal lo zhe na/ mi 'gal te/ mthong ba ni shes pas

'phangs pa'i rnam grangs sam/ tha snyad tsam mam/ yang na lung
dang rtags las ma ltos par mig shes kyis gzugs ltar mngon sum du
rtogs pas na sdug bsngal shes pa la sogs pa dang shes te yang
shes par byar med pa la sogs par shes pa nyid la mthong ba zhes
brjod kyi rtog pa'i bdag nyid ma yin zhing

mthong ba la lta bas ma khyab pas (snga ma ni dgra bcos dbang bo
rno rtul gnyis ka la yod la phyi ma ni mi g.yo ba'i chos can
kho na'o/ /) lta ba ni ma yin no/ /de'i phyir bstan bcos las
kyang/ re zhig shes pa gang yin pa de ni mthong ba yang yin no
zhes shes ba dang mthong ba rnam grangs su bshad kyi mthong ba
yin la shes pa ma yin pa yang yod de mngon

@367a @#/ /par rtogs pa'i khongs su gtogs pa'i bzod pa brgyad lta
bu'o zhes 'byung ngo/ /mthong ba dang lta ba ni rnam grangs su
ma bshad do/ /shes pa dag gi sdom gyi tshigs su bcad pa ni/ kun
rdzob chos dang rjes su shes/ /gsum yin de dag bcur bshad de/
/kun rdzob shes pa rang dang ni/ /sems shes cha'o chos shes

ni; ;rang dang bden pa bzhi shes dang/ /zad dang mi skye sems
shes brgyad/ /rjes shes kyang yin bden gsum shes/ /rang dang zad
dang mi skye shes/ /chos shes rjes su shes pa dang/ /lnga yin
zad dang mi skye zhes/ /rang rang bden pa bzhi shes dang/ /chos
shes rjes su shes dang bdun/ /sems shes chos shes

rjes shes dang/ /lam shes kun rdzob shes pa dang/ /rang dang
lnga yin lam shes ni/ /rang dang chos shes rjes shes dang/ /sems
shes zad dang mi skye zhes/ /rnam pa drug tu yang dag brjod ces
bya'o/ /gnyis pa ni ci'i phyir shes pa gsum po de dag bcur phye
zhe na/ zag bcas kyi rang bzhin las ni kun rdzob shes pa

ste; des kun rdzob shes kyi don dam mi shes pa'i phyir ro/
/gnyen po las ni chos shes dang rjes shes gnyis te/ rim pa ltar
'dod pa dang gong ma'i gnyen po byed pa'i phyir ro/ /rnam pa las
ni sdug bsngal dang kun 'byung shes pa phye ste gnyis ka'ang
nyer len gyi phung po la dmigs pas dmigs pa tha dad med pa'i
phyir

dang/ rnam pa mi rtag pa la sogs pa dang rgyu la sogs pa mi 'dra
bas bzhag pa'i phyir ro/ /rnam pa dang spyod yul te dmigs pa
gnyis ka (tha dad pa) las ni 'gog pa dang lam shes pa dag phye
ste/ 'gog pa la sogs pa dang lam la sogs pa'i rnam pa'ang tha
dad cing dmigs pa 'dus ma byas dang 'dus byas kyang

tha dad pa'i phyir ro/ /sbyor ba las ni pha rol kyi sems shes pa
phye ste/ des sems byung yang shes mod kyi gzhan gyi sems shes
par bya'o zhes sbyor gyi sems byung shes par bya'o zhes mi sbyor
ba'i phyir ro/ /bya ba byas pa nyid las ni zad pa shes pa ste/
bya ba byas pa'i rgyud la dang po nyid du skye ba'i phyir ro/
/sgal mnyam gyi rgyu

(gzhan sems shes par bya'o zhes/) rgyas pa las ni mi skye ba
shes pa ste/ zag med kyi shes pa (sngar bskyed pa) thams cad kyi
'bras bu yin pa'i phyir ro/ /des na rgyu bdun po de dag gis shes
pa bcur rnam par bzhag pa yin no zhes bye brag tu smra ba 'chad
do/ /'on kyang 'di dag  /rang bzhin dang ni gnyen po dang/ /yul
dang shes pa'i rnam pa las/ /

@367b kun rdzob shes sogs rnam pa bcu'o/ /'dren pas rab tu
gsungs pa yin zhes shes par bya'o/ /chos shes 'dod pa'i gnyen po
yin no zhes bya ba'ang 'dod pa'i spang bya ris lnga po thams cad
kyi gnyen po yin pa'i phyir dang/ gnyen po chos shes mthong sgom
gyi lam gyis bsdus ba bden bzhi la dmigs pa thams cad yin pa'i

phyir bshad pa yin gyi/ der ma zad gzhan yang chos shes kyis
khams gong ma gnyis kyi gnyen po byed pa'ang yod de/ gang zhe
na/ sgom pa'i lam la 'gog pa la chos shes pa'am/ lam la chos
shes pa gang yin pa de dag ni 'dod pa la sogs pa khams gsum char
gyi gnyen po yin te/ 'dod pa'i rten can gyi 'phags

pas 'dod pa'i sgom spang dgu chos shes pas rim gyis spangs nas
khams gong ma'i sgom spang yang sngar 'dris pa'i lam de nyid
bskyed nas spong ba dag srid pa'i phyir ram yang na 'gog lam la
chos shes kyi dmigs pa 'gog lam gnyis ni zag med yin pas khams
su ma gtogs pas dmigs pa dman pa ma

yin pas de dag la dmigs pa'i chos shes ni khams gsum ga'i gnyen
po yin pa srid pa'i phyir ro/ /'o na sdug bsngal dang kun 'byung
la chos shes pa yang khams gong ma'i gnyen por 'gyur ro zhe na/
ma yin te/ sdug bsngal dang kun 'byung la chos shes pa'i dmigs
pa ni 'dod pa'i bden pa dang po gnyis zag bcas yin pas dmigs pa

dman pas de dag la dmigs pa'i chos shes ni khams gong ma gnyis
kyi gnyen po ma yin te/ rnam par sun 'byin pa yid la byed pa yin
pa'i (phyir dman pas mchog sun 'byin mi nus pa'i) phyir ro zhes
TIka byed dag 'chad do/ /kha cig spang bya spong ba la de la
dngos su gnod pa'am yang na spang bya de dang 'gal ba la yon tan
du lta ba'i shugs la spong

ba yin pa na sdug bsngal dang kun 'byung la chos shes pa ni de
lta ma yin te/ khams gong ma'i spang bya la dngos su mi dmigs
pa'i phyir dang/ 'gal zla yon tan du lta ba'ang ma yin te/ 'og
ma'i bden pa la dmigs nas yid skyo bar byed pa'i phyir ro/ /'gog
lam la dmigs pa'i chos shes ni khams gong ma'i spang bya dang

'gal ba la yon tan du lta ba'i phyir shugs la spong ba yin no
(sgom pa'i zhes smos kyi mthong lam ma smos pa ni/) zhes 'chad
do/ /mthong lam gyi la 'gog lam la chos shes pa dag gong ma'i
gnyen po ma yin pa ni bden pa la dmigs pa'i log zhugs tha dad
pa'i phyir te/ mtho la mir 'dzin pa'i log rtog thag ba la der
shes pas mi spong ba

@368a @#/ /bzhin no/ /de'i phyir TIka byed dag gis sgom pa'i lam
la zhes smos pa ni khams gong ma gnyis kyi mthong spang rnams ni
rjes su shes pa'i bzod pas gzhom par bya ba yin no zhes bshad
do/ /'o na 'gog lam la rjes shes sgom lam gyis bsdus bas kyang
'dod pa'i gnyen po byed bar 'gyur ro zhe na/ 'dod pa'i khams kyi
spang bya'i

gnyen po ni rjes su shes pa sgom lam gyis bsdus pa'ang rnam pa
thams cad du ma yin te/ ('dod ba'i spang bya) chos shes pas
spangs zin pa'i phyir dang/ 'og ma'i spang bya ma spangs par
gong ma'i gnyen po skye ba'ang mi srid pa'i phyir ro/ /gang yang
slob dpon gang spel na re chos shes pas ni gong ma'i sgom spang
spong ste/ de'i yul can 'dod pa'i kun

'gro spangs pa'i phyir dgra bcom nas yul 'jig par byed pa bzhin
no/ /rjes su shes pa la ni de lta bu'i bya ba med pa'i phyir ro
zhes zer ba de yang mi rigs te/ de lta na sdug bsngal dang kun
'byung la chos shes pa'ang gong ma'i sgom spang gi gnyen por
'gyur te/ yul can 'dod pa'i kun 'gro'i nyon mongs pa'i gnyen po
byed pa'i phyir ro zhes

bya ba 'di spang dgos so/ /gsum pa ni shes pa bcu po de dag las
chos shes pa dang rjes su shes pa ni mi rtag pa la sogs pa rnam
pa bcu drug can yin no/ /kun rdzob shes pa ni sbyor lam na yod
pa dag gnyis po de bzhin du rnam pa bcu drug can yang yin la/
gnas skabs gzhan na yod pa ni rnam pa gzhan du'ang yin te/ mi
sdug pa dang dbugs

'byung rngub dang byams sogs sgom pa na rang dang spyi'i mtshan
nyid 'dzin pa'i phyir ro/ /de dag tu ma zad bum pa dang snam bu
dang zo zhig 'thung zhig song zhig 'dug cig ces pa la sogs pa
rang spyi'i mtshan nyid las gzhan pa'i rnam pa can yang yod do
zhes TIka byed dag 'chad do/ /bden pa bzhi shes pa ni rang rang
gi bden pa'i rnam pa

can du 'jug pas rnam pa bzhi bzhi pa yin no/ (/gzhan sems shes
pa'i yul gyi) pha rol yid shes dri med kyang lam shes pa yin pas
lam shes pa de bzhin du lam bden gyi rnam pa bzhi can yin zhing/
dri ma dang bcas pa'i pha rol yid shes ni shes bya sems dang
sems las byung ba'i rang gi mtshan nyid kyi rnam pa can yin la/
de yang

sems 'dzin pa'i tshe sems byung dang sems byung 'dzin pa'i tshe
sems mi 'dzin la/ tshor ba 'dzin pa'i 'du shes la sogs pa phan
tshun mi 'dzin pas pha rol sems shes zag bcas zag med gnyis
ka'ang sems dang sems byung rdzas re re zhig spyod yul du byed
pa yin no/ /'o na bcom ldan (te 'dod chags dang bcas pa la sogs
pa shes

@368b pa yin/) 'das kyis gnas mang po las 'dod chags dang bcas
pa'i sems la yang 'dod chags dang bcas pa'i sems so zhes bya bar
yang dag pa ji lta ba bzhin du rab tu shes so/ /'dod chags dang
bral ba'i sems la yang 'dod chags dang bral ba'i sems so zhes
bya bar yang dag pa ji lta ba bzhin du rab tu shes so zhes bya
ba nas de

bzhin du zhe sdang dang gti mug dang bcas bral dang/ kun tu
bsdus pa dang rnam par g.yengs ba dang/ zhum pa dang rab tu
bzung ba dang/ chung ngu dang chen por gyur pa dang/ rgod pa
dang/ de ma yin pa dang/ nye bar ma zhi ba dang nye bar zhi ba
dang/ mnyam par ma bzhag pa dang bzhag ba dang/ ma bsgoms pa
dang bsgoms pa dang/ rnam par ma grol ba dang rnam

par grol ba'i sems la rnam par grol pa'i sems so zhes bya bar
yang dag pa ji lta ba bzhin du rab tu shes so zhes ba'i bar du
gsungs pa dang 'gal bar 'gyur ro zhe na bye drag tu smra ba ni
de dag rdzas re re ba'i spyod yul can yin pa'i phyir mtshungs
ldan gnyis cig car 'dzin pa ni ma yin te/ dper na shes pas gos
so snyam du 'dzin pa'i

tshe dri ma mi 'dzin la dri ma'o snyam du 'dzin pa'i tshe gos mi
'dzin pa bzhin no/ /mdo las 'dod chags dang bcas pa'i sems zhes
gsungs pa'i 'dod chags dang bcas pa ni 'dod chags dang mtshungs
par ldan pa 'dres pa'i 'dod chags dang bcas ba dang/ de dang
mtshungs par mi ldan yang 'dod chags kyi thob pa dang bcas pa'am
'dod chags rgyas

'gyur gyi dmigs pa yin pas ldan pa'i 'dod chags dang bcas pa
gnyis las dang po ni 'dres pa dang ldan pa gnyis kas 'dod chags
dang bcas pa yin la/ gnyis pa ni de las gzhan ba'i zag bcas
thams cad de/ de ni bden ba kho nas 'dod chags dang bcas pa yin
no/ /de ltar gnyis las 'dir ni ldan pa'i 'dod chags dang bcas pa
nyid la der dgongs

pa yin no/ /bral ba ni gnyis ka dang bral ba ste zag pa med pa'i
sems so zhes 'dod do/ /kha cig na re mdo 'dir ni 'dod chags dang
mtshungs par ldan pa'i sems ni 'dod chags dang bcas pa yin la
'dod chags kyi gnyen po ni 'dod chags dang bral bar bshad pa yin
te/ gal te 'dod chags dang mtshungs par mi ldan pa 'dod chags

dang bral ba yin pa na ni zhe sdang la sogs pa nyon mongs pa
gzhan dang mtshungs par ldan pa'i sems kyang 'dod chags dang bral
ba yin par 'gyur ba zhig na 'dod chags dang mtshungs par mi ldan
pa de 'dod chags dang bral ba ni ma bshad de/ zhe sdang dang
bcas pa dang gti mug dang bcas ba zhes bya ba la sogs ba 'byung
ba'i phyir ro zhes zer so/ /chos

@369a @#/ /mngon pa bdag na re de lta na sems nyon mongs ba can
ma yin pa ma bsgribs lung ma bstan ni 'dod chags dang bcas bral
gnyis ka ma yin par 'gyur te/ rim pa ltar 'dod chags dang
mtshungs par mi ldan zhing/ gnyen po'ang ma yin pa'i phyir ro/
/'dod chags

dang mtshungs par mi ldan pa tsam chags bral du mi 'dod pas nyon
mongs pa gzhan dang mtshungs par ldan pa chags bral du'ang mi
'gyur ro/ /des na mtshungs par ldan pa dang/ mi ldan pa'i 'dod
chags dang bcas pa gnyis las mdo 'dir ni ldan pa'i 'dod chags
dang bcas pa nyid la bshad

par rig par bya'o zhes zer ro/ /de bzhin du zhe sdang dang gti
mug dang bcas pa dang bral ba'ang shes par bya'o/ /kun du bsdus
pa dang rnam par g.yengs pa ni bye brag tu smra ba rnams na re
rim pa ltar rnam g.yeng dang mtshungs par mi ldan pa dang ldan
pa'i bye brag gis dmigs pa la sems

mngon par sdud pa'i phyir dge pa dang nyon mongs can yin no zhes
zer ro/ /nub phyogs pa rnams na re de gnyis ni rim pa ltar gnyid
nyon mongs can dang gnyid las gzhan pa'i nyon mongs dang mtshungs
par ldan pa yin pas gnyis ka'ang nyon mongs can yin no zhes zer
ro/ /kha che ba na re de ni mi rigs

te/ de lta na sems de nyid nyon mongs can gyi gnyid dang mtshungs
par ldan pa'i phyir bsdus pa'ang yin la/ nyon mongs can yin pa'i
phyir rnam par g.yengs pa'ang yin par 'gyur bas de gnyis mtshan
nyid 'chol pa'i skyon du 'gyur ba'i phyir dang/ bstan bcos las/
sems kun du

bsdus pa yang dag pa ji lta ba bzhin du rab tu shes so/ /de shes
pa'i shes pa ni bzhi ste/ chos shes pa dang/ rjes su shes pa
dang/ kun rdzob shes pa dang/ lam shes pa'o zhes 'byung ba dang
'gal ba'i phyir te/ gal te kun du bsdus pa gnyid dang mtshungs
ldan la 'dod na rjes shes

dang lam shes pas kun du bsdus pa'i sems la mi dmigs par 'gyur
te/ khams gong ma na gnyid med cing/ 'dod khams na gnyid yod
kyang rjes shes 'dod khams la mi dmigs pa'i phyir dang/ lam shes
pa ni lam bden kho na la dmigs la lam bden ni gnyid dang mtshungs
par mi

@369b ldan ba'i phyir ro/ /des na khyod ltar na bstan bcos las
'di skad du de shes pa'i shes pa ni gnyis te/ chos shes pa dang/
kun rdzob shes pa'o zhes brjod dgos par 'gyur te/ rjes shes dang
lam shes pas de mi shes pa'i phyir ro/ /kho bo cag ltar na ni
kun du bsdus pa'i sems ni dge ba kho na

yin pas mtshan nyid 'chol ba'i nyes bar yang mi 'gyur la/ bstan
bcos dang 'gal ba'ang med de/ kun du bsdus pa'i sems dge ba ni
khams gsum gyis bsdus pa zag bcas dang ma bsdus pa zag med gnyis
ka yin pas khams gong ma gnyis kyi sems dge ba zag bcas la dmigs

pa zag med kyi shes pa ni rjes shes yin la/ lam bden gyis bsdus
pa'i sems dge ba zag med la dmigs pa ni lam shes pa'ang yin pas
rjes shes dang lam shes kyi dmigs par yang grub pa'i phyir ro
zhes zer ro/ /de bzhin du zhum pa ni le lo dang mtshungs par ldan
pa'i phyir nyon

mongs can no/ /rab tu bzung pa ni brtson 'grus dang mtshungs par
ldan pa'i phyir dge ba'o/ /chung ngu ni chags sdang gnyis
mtshungs par mi ldan pas gti mug dang chags sdang gnyis po gang
rung re'i rtsa ba gnyis dang mtshungs par ldan pa dang/ 'bad pas
bsgrub par bya ba ma yin pa dang/ de dang 'dra ba ma 'ongs

pa thob pa med pa dang/ rjes su 'brang ba'i gzugs med pas rnam
shes la tshor ba la sogs pa phung po gsum gyi rjes su 'brang ba
dang bcas pa dang/ log ltas kyang dge ba gtan du gcod mi nus pas
rim pa ltar rtsa ba dang rin dang 'khor dang rjes su 'brang ba
dang stobs chung bas dge ba chung ngu dag

gis bsten ba'i phyir nyon mongs can no/ /chen po ni ma chags pa
la sogs pa gsum phan tshun med na mi 'byung bas rtsa ba gsum dang
mtshungs par ldan pa dang/ tshogs chen pos bsgrub par bya ba yin
pa dang/ rnyed dang bsten ces bya ba ni/ /dge ba 'dus byas thob
pa'o zhes pas dge ba 'dus byas

la de dang 'dra ba ma 'ongs pa thob pa yod pa dang/ rnam shes la
'khor tshor ba la sogs pa gsum dang gzugs kyi phung bo bsam gtan
zag med kyi sdom bas bsdus pa dang bcas pas phung po (sa rin che
ba) bzhi'i rjes su 'brang ba dang bcas pa dang/ sdug bsngal la
chos shes pa'i

@370a @#/ /bzod pa gcig gis kyang mthong spang gi phra rgyas bcu
gtan du 'joms pas rim pa ltar rtsa ba dang rin dang 'khor dang
rjes su 'brang ba dang stobs che bas dge ba chen po dag gis
bsten pa'i phyir dge ba yin no/ /rgod pa dang rgod pa ma yin pa
ni rim pa ltar rgod pa

dang mtshungs bar ldan pa dang de'i gnyen po yin pa'i phyir nyon
mongs can dang dge ba'o/ /rnam par ma zhi ba dang zhi ba'ang de
dang 'dra'o/ /mnyam par ma bzhag pa dang bzhag pa ni rim pa ltar
rnam g.yeng dang mtshungs par ldan pa dang de'i gnyen po yin
pa'i phyir nyon mongs can dang dge ba'o/ /ma bsgoms

pa ni sngon ma thob pa las 'thob pa dang/ thob zin mngon du byed
pa'i bsten pa'i sgom pa dag gi ma bsgom pa'i phyir nyon mongs
can no/ /bsgom pa ni de gnyis kyis bsgoms pa'i phyir dge ba'o/
/rnam par ma grol ba ni nyon mongs pa dang mtshungs par ldan pa
dang/ nyon mongs pa zad pa'i rgyud la mi skye bas go

rim bzhin du rang bzhin dang rgyud rnam par grol ba dag gis rnam
par ma grol bas nyon mongs can dang/ rnam par grol ba ni nyon
mongs pa dang mtshungs par mi ldan pa dang nyon mongs pa zad pa'i
rgyud la skye bas rim pa ltar rang bzhin dang rgyud rnam par
grol ba dag gis rnam par grol bas dge

ba yin no zhes 'dod do/ /slob dpon ni de ltar byas na mdo dang
mi mthun pa dang/ so so'i khyad par ma bshad pa yin te/ de la
dang po ni mdo las/ ji ltar na sems nang du kun du bsdus ba yin
zhe na/ sems gang rmugs pa dang gnyid dang lhan cig par gyur
cing nang du kun du 'gog pa dang lhan cig par

gyur la lhag mthong dang mtshungs par mi ldan pa yin no/ /ji ltar
na phyi rol tu rnam par g.yengs pa yin zhe na/ sems gang 'dod
pa'i yon tan lnga rnams la rjes su g.yengs pa yin zhing rnam
par 'phros pa yin no zhes kun du bsdus pa ni rmugs gnyid dang
mtshungs ldan la bshad pas gnyis ka'ang nyon mongs

can du bshad pa'i phyir ro/ /'o na bstan bcos las sems kun du
bsdus pa yang dag pa bzhin rab tu shes so zhes pa nas lam shes
so zhes pa'i bar du bshad pa dang 'gal lo zhe na/ sangs rgyas
kyis ma gsungs pas bstan bcos dang 'gal ba ni sla'i mdo'i don
spong ba ni rigs pa ma yin no/ /so

@370b so'i khyad par ma bshad pa ni rnam par g.yengs ba dang
zhum pa dang chung ngu dang rgod pa dang rnam par ma zhi ba dang
mnyam par ma bzhag ba dang ma bsgoms pa dang rnam par ma grol ba
zhes bya ba brgyad po thams cad nyon mongs can dang/ kun du
bsdus ba dang rab tu bzung ba dang chen po dang rgod pa ma yin
pa dang

rnam par zhi ba dang mnyam par bzhag pa dang bsgoms pa dang rnam
par grol ba zhes bya ba brgyad dge ba kho nar bshad pas so so'i
mtshan nyid tha dad ma bshad pa'i phyir ro/ /bye brag tu smra ba
na re de dag nyon mongs can dang dge bar mtshungs kyang so so'i
nyes pa dang yon tan gyi khyad par bshad

zin pa'i phyir so so'i mtshan nyid ma bshad par ma grub bo zhes
zer mod kyi 'on kyang mdo dang 'gal ba'i nyes ba ni yod do/
/de'i phyir mdo'i don ni 'dod chags dang mtshungs par ldan pa
dang mtshungs par mi ldan pa'i sems ni rim pa ltar 'dod chags
dang bcas pa dang bral ba yin no zhes bya ba la sogs

par shes par bya ste/ ting nge 'dzin mi rtsom pa dang/ rtsom lam
thob ba dang/ thob pa'i dbang du byas nas drug dang bcu gnyis
dang bzhi rim pa bzhin du gsungs so zhes 'chad do/ /gzhan yang
pha rol sems shes kyis sems 'di chags pa dang bcas pa'o zhes bya
bar shes kyi gzugs 'di la chags pa

dang bcas pa'o zhes sems de'i dmigs yul ni mi shes te/ gal te
shes na gzugs la dmigs bas pha rol sems shes ma yin par 'gyur
ba'i phyir dang/ gzhan gyi sems des rang gi sems la dmigs pa na
rang gi sems kyi ngo bo'ang 'dzin bar 'gyur ba'i phyir ro/ /des
na pha rol sems shes

thams cad ni yul zag bcas zag med kyi mtshungs ldan dang/ rang gi
mtshan nyid 'dzin pa dang/ de yang dus da ltar byung ba dang/ pha
rol gyi rgyud kyis bsdus pa dang/ sa bsam gtan gyi dngos gzhis
bsdus pa dang/ gzugs la brten nas bsgrub par bya ba yin pas rten
khams 'og ma gnyis

kyis bsdus pa dang/ lam sgom lam gyi sbyor ba dang rnam grol
dang khyad par can gyi lam gyis bsdus pa yin gyi gzug la sogs pa
dang/ spyi'i mtshan nyid dang/ 'das ma 'ongs dang/ rang gi rgyud
dang/ gzugs med la dmigs pa ma yin no/ /de bzhin du bsam gtan
gyi dngos gzhi ma thob

@371a @#/ /pas chags bcas la'ang pha rol sems shes med de/ gzhan
yid shes pa bsam gtan bzhi zhes 'chad par 'gyur ba'i phyir ro/
/yul can yang mthong lam dang bsam gtan gyi nyer bsdogs dang/
bar chad med pa'i lam dang/ zad pa dang mi skye ba shes pa rnams

la gzhan gyi sems shes bkag ste/ de dag ni spyi'i mtshan nyid la
dmigs pa dang/ bar chad med lam la bkag pa dang/ zad pa dang mi
skye ba shes pa ni rtog cing 'tshol ba'i bsam pa can ma yin pa'i
phyir dang/ de ni de lta ma yin pa'i phyir ro/ /rnam pa'ang zag
med ni lam bden gyi rnam pa can

yin pas smon pa med pa'i rnam pa can yin gyi stong pa dang mtshan
med kyi rnam pa can ni ma yin te/ de gnyis ni rim pa ltar sdug
bsngal dang 'gog pa shes pa'i rnam pa can yin pa'i phyir ro zhes
byar 'dod do/ /'di dag gi rgyu mtshan yang bye brag tu smra bas
rnam par brtags pa kho na yin

te; yi ge mangs pas 'jigs pas rnam par dpyad pa ni ma bris so/
/de ltar zhar la 'ongs pa bshad nas skabs su babs pa bshad pa ni
sngar shes pa brgyad yan chad bshad pa'i lhag ma zad pa dang mi
skye ba shes pa ni mi rtag pa la sogs pa rnam pa bcu bzhi can
yin te/ shes

pa de dag don dam pa'i yul can yin yang bdag gi skye ba zad do/
/tshangs par spyod pa bsten to/ /'di las srid pa gzhan mi shes so
zhes bya ba la sogs pa rjes thob kyi shes pas bdag gi tha snyad
'dogs shing bdag stong pa ma yin la rjes thob kyang kun rdzob
kyi yul can yin pa'i phyir dang/ mnyam

gzhag kyang de dang mthun par bya ba'i phyir stong pa dang bdag
med gnyis mi bsgom pas stong pa dang bdag med pa'i rnam pa gnyis
ma gtogs so/ /ci zag med la rang gi mtshan nyid kyi rnam pa gzhan
yod dam med ce na/ re zhig kha che ba rnams na re dri ma med pa
la ni bcu drug las gzhan pa'i rnam pa

med do (bden pa'i rnam pa can 'dir 'dus la/ 'dus ma byas gzhan
gnyis ni kun rdzob shes pa'i yul lo//) zhes zer ro/ /gzhan nyi
'og pa dag ni bcu drug las gzhan yang yod ces pa 'dod de/ bstan
bcos rnam shes kyi tshogs las mi ldan pa'i sems kyis 'dod pa dang
ldan pa'i chos rnams shes

@371b par 'gyur ba yod dam zhen/ shes par 'gyur te/ rigs pas
bskyed pa'i sgo nas mi rtag pa dang/ sdug bsngal ba dang/ stong
pa dang/ bdag med pa dang/ rgyu dang/ kun 'byung ba dang/ rab tu
skye ba dang/ rkyen dang/ 'di ni gnas yod do/ /'di ni gzhi yod
do zhes bya bar shes par 'gyur ro zhes 'byung

ba'i phyir ro/ /de la mi ldan pa'i sems ni zag pa med pa'o/
/rigs pas bskyed pa ni phyin ci ma log pa'o/ /gnas ni mtshan nyid
do/ /gzhi ni rgyu'o/ /gal te de ni mi rtag pa la sogs par shes
par 'gyur ba gang yin pa 'di ni gnas dang gzhi yod do zhes ston
pa yin gyi bden pa'i rnam pa ni

ma yin no zhe na/ ma yin te/ tshig de gnyis bstan bcos kyi gzhung
gi cha gzhan nas mi 'byung ba'i phyir te/ 'di ltar bstan bcos de
nyid las/ mthong bas spang bar bya ba'i sems kyis 'dod pa dang
ldan pa'i chos rnams shes par 'gyur ba yod dam zhe na/ shes par
'gyur te/ rigs pa ma yin

pas bskyed pa'i sgo nam bdag dang/ bdag gi dang/ chad pa dang/
rtag pa dang/ rgyu med pa dang/ byed pa med pa dang/ skur ba
'debs pa dang/ mchog dang/ gtso bo dang/ khyad par du 'phags pa
dang/ dam pa dang/ dag pa dang/ grol pa dang/ nges par 'byin par
byed pa dang/ nem nur dang/ yid gnyis dang/ the tshom du

shes par 'gyur zhing/ chags pa dang/ sdang ba dang/ rlom pa
dang/ rmongs par 'gyur ro zhes gang gsungs pa der yang 'di skad
du 'di ni gnas yod do/ /'di ni gzhi yod do/ /zhes 'byung bar
'gyur ba zhig na der ma gsungs pa'i phyir ro zhes zer ro/ /'di
yang mdo sde pa la sogs pa kha cig ni rnam pa bcu

drug tu bshad pa ni ming gi sgo nas yin gyi rdzas su ni sdug
bsngal gyi bden pa'i rnam pa bzhi dang bden pa gzhan gsum ni
rgyu dang 'gog pa dang lam gyi rnam pa re re ba yin pas bdun yin
te/ rnam pa phyi ma dag ni dang po dag gi rnam grangs tsam yin
pa'i phyir dper na dbang po dang brgya byin dang grong khyer

'jig ces bya ba bzhin no zhes 'dod do/ /bye brag tu smra ba ni
don dam par ni rdzas su rnam pa bcu drug go zhes 'dod de/ de la
rkyen la rag lus pa'i phyir mi rtag pa'o/ /gnod pa'i bdag nyid
yin pa'i phyir sdug bsngal pa'o/ /bdag gir lta ba'i mi mthun
phyogs yin pas stong pa'o/ /

@372a @#/ /bdag tu lta ba'i mi mthun phyogs yin pas bdag med
pa'o/ /sdug bsngal gyi sa bon gyi chos kyi tshul gyi rgyu'o/ /de
ma thag tu 'byung bas na kun 'byung ba'o/ /rgyun gyi 'brel bas
na rab tu skye ba'o/ /rgyu rkyen mang pos mngon par bsgrubs pas
rkyen no/ /sdug bsngal gyi phung po zhig pas

'gog pa'o/ /'dod chags la sags pa dug gsum gyi me gsum zhi ba'i
phyir zhi ba'o/ /sdug bsngal gyi 'cho ba med pas gya nom pa'o/
/las dang nyon mongs pa'i skyon thams cad dang bral bas nges par
'byung ba'o/ /thar par bgrod par byed pas lam mo/ /thabs kyi
rigs pa dang ldan pas rigs

pa'o/ /myang 'das yang dag par sgrub bas sgrub pa'o/ /gtan du
yang dag par 'da' bar byed pas nges par 'byin pa'o/ /rnam pa
gcig tu na rtag pa dang/ bde ba dang/ bdag gir dang/ bdag tu lta
ba dang/ rgyu med pa dang/ rgyu gcig pu dang/ rang bzhin rtag la
gnas skabs rnam par 'gyur ba dang/ blo sngar

btang bar lta ba dang/ thar pa med pa dang/ sdug bsngal la thar
par lta ba dang/ bsam gtan gyi bde ba gya nom pa dang/ yang dang
yang nyams par 'gyur bas thar pa gtan du ba ma yin par lta ba
dang/ lam med do/ /lam 'di ngan no/ /'di las gzhan yang lam yin
no/ /lam 'di yang ldog go

snyam pa'i lta ba dpyad pa bcu drug gi gnyen por go rim bzhin du
mi rtag pa la sogs bcu drug yin no/ /yang rnam pa nyid gang zhe
na/ rnam pa ni shes rab yin la de yang yul 'dzin pa na shes rab
kho nas 'dzin pa ma yin gyi shes rab de dang bcas pa'i dmigs pa
dang bcas pa thams cad kyis 'dzin par

byed de/ shes rab ni sa mang po pa yin pa'i phyir ro/ /gzugs la
sogs pa (rdzas dang btags par) yod pa thams cad kyang gzung bya
yin (te de dag gi mi 'dzin pa gang yang med pa yin) no/ /de ltar
na shes rab ni rnam pa dang 'dzin pa dang gzung bar bya ba gsum
ga dang/ shes rab las gzhan pa'i dmigs bcas

thams cad ni 'dzin pa dang gzung bar bya ba gnyis dang/ dmigs pa
med pa rnams ni gzung bar bya ba kho na yin no zhes bye brag tu
smra ba rnams 'dod do/ /mdo sde pa la sogs pa rnams na re gal te
shes rab rnam par 'dod na de nyid grogs su ldan pa'am ngo bo yin
pas rnam pa dang bcas pa yin/ dang po ltar

@372b na shes rab nyid rnam pa dang bcas par mi 'gyur te/ shes
rab shes rab dang mtshungs par mi ldan pa'i phyir ro/ /gnyis pa
ltar na shes rab las gzhan pa'i mtshungs ldan rnams rnam pa dang
bcas pa ma yin par 'gyur ro/ /de dag gang yang rung bas rnam pa
dang bcas pa ma yin par 'dod na yang/ sems dang

sems byung dang/ /rten dang dmigs dang rnam bcas dang/ /mtshungs
par ldan pa'ang rnam pa lnga/ /zhes 'dod pa dang 'gal bar 'gyur
ro/ /de'i phyir dmigs pa ni yul dang/ rnam pa ni blo'i 'dzin
stangs te yul gyi rnam pa can (gyi sems sems byung thams cad) la
'dod do zhes zer ro/ /yang shes pa bcu po 'di

dag gi ngo bo dge mi dge lung ma bstan gang yin zhe na/ dang po
kun rdzob shes pa ni ci rigs dge mi dge lung ma bstan rnam pa
gsum char yin la/ shes pa gzhan dgu po rnams ni dge ba 'ba' zhig
pa yin no/ /gzhi pa ni shes pa dang po kun rdzob shes pa ni 'dod
pa nas sring rtse'i bar gyis rnams thams

cad na yod de/ bsam gtan dang po'i nyer bsdogs la sogs pa bsam
gtan sa drug na chos shes pa zhes bya ba yod de/ sa de dag 'dod
pa'i sdug ('dir sems shes zag bcas kyang sgom byung gzung la
lhag ma ni lam bden gyis bsdus so zhes gsung ngo//) bsngal la
sogs pa ('i bden pa) la dmigs pa'i phying dang/

(khams gsum la dmigs pa thams cad der 'dod pas so//) gzugs med
'dod pa la mi dmigs pa'i phyir med do/ /bsam gtan drug dang
gzugs med dang po gsum ste zag med sa dgu na rjes su shes pa
zhes bya ba yod la/ de yang gzugs med dang po gsum na ni rjes
shes sgom lam gyis bsdus

pa kho na yod do/ /ji ltar rjes shes sa dgu na yod pa de bzhin
du bden pa bzhi shes pa dang zad pa dang mi skye ba shes pa
gnyis te drug kyangs dgu po de dag na yod do/ /'dir yang chos
shes kyis bsdus pa sa drug dang rjes shes kyis bsdus pa sa dgu
char na yod la de yang gzugs med dang po

gsum na yod pa'i bden pa bzhi shes pa ni rjes shes kyi phyogs
sgom lam gyis bsdus pa kho na yod do/ /gzhan gyi yid shes pa ni
bsam gtan gyi dngos gzhi bzhi kho na na yod kyi gzhan na med
do// ('di mngon shes kyis bsdus la/ rnam gnas ni gzugs la rtsom
pas de nyer bsdogs dang)

@373a @#/ (/gzugs med na med do//) gzhan gyi sems shes de ni 'dod
pa dang gzugs kyi rten can yin gyi gzugs med pa la rten pa ni ma
yin te/ gang zag phan tshun yul ma yin pa'i phyir ro/ /chos shes
pa zhes bya ba ni 'dod pa'i rten can kho na yin te/ 'dod ba'i
gnyen po

yin pa'i phyir khams gong ma gnyis su ni chos shes mngon du mi
byed de/ chos shes 'dod pa la dmigs pa la gzugs med 'dod pa la
mi dmigs pa'i phyir dang/ chos shes ni gtsor 'dod ba sun dbyin
ba yin na gzugs khams su skyes pa na 'dod pa la 'dod chags dang
bral ba dang/ sa 'phos

pas btang bas de sun mi 'byin pa'i phyir ro/ /'dod par skyes pa
ni 'dod chags dang bral yang 'dod khams kyi phung po'i lhag ma
lus pa'i phyir chos shes mngon du byed do zhes kha cig zer ro/
/slob dpon 'dun bzang na re chos shes ni 'dod pa kho nar mngon
du byed kyi khams gong ma gnyis su

ni ma yin te/ chos shes de la snyoms par 'jug ldang gi sems
rnams 'dod pa kho nan yod pa'i phyir ro/ /yang na chos shes kyi
rjes su 'brang ba'i tshul khrims kyi rten 'dod ba'i 'byung bzhi
yin pas de dag khams gong ma gnyis na med pa'i phyir chos shes
'dod pa'i rten can kho na

yin no zhes zer ro/ /khams gsum pa'i rten can ni pha rol sems
shes dang chos shes las gzhan pa'i shes pa brgyad po dag yin no/
/lnga pa ni 'o na shes pa 'di dag dran pa nyer gzhag gang gi ngo
bo yin zhe na/ 'gog pa shes pa'i blo ni dran pa nye bar bzhag pa
gcig kho na ste/ dran

pa nyer gzhag bstan pa las/ chos ni lus dang tshor ba dang sems
dag las gzhan pa yin no zhes 'byung bas chos dran pa nyer gzhag
kho na yin pa'i phyir ro/ /pha rol kyi sems shes pa'i blo ni lus
la mi dmigs pas dran pa nyer gzhag phyi ma gsum mo/ /'gog pa
dang pha rol sems

shes las gzhan pa shes pa lhag ma brgyad ni ci rigs par sdug
bsngal shes ba la sogs pa de dag res 'ga' lus nas res 'ga' chos
kyi bar la dmigs shing/ lam shes pa'ang gal te zag med kyi sdom
pa la dmigs na de lus dran pa nyer gzhag tu 'ang 'gyur bas dran
pa nyer gzhag

@373b bzhi ga yin no/ /drug pa ni 'o na shes pa de dag phan tshun
gang gis dmigs par gang gyur zhe na/ chos shes pa'i blo'i spyod
yul te dmigs pa ni shes pa dgu yin te/ lam la chos shes pas rjes
shes ma gtogs pa'i zag med kyi shes pa bdun la dmigs pa'i phyir
dang/ sdug bsngal dang kun

(kun rdzob shes pa ni thams cad kyi yul can yin pa'i phyir/)
'byung shes pas bsdus pa'i chos shes pas kun rdzob shes pa dang
gzhan gyi sems shes zag bcas la dmigs pa'i phyir ro/ /lam shes
pa'i blo'i dmigs pa'ang shes pa dgu yin te/ de ni zag med kho na
la dmigs par nges pas

kun rdzob shes pa ma gtogs pa'i phyir ro/ /rjes su shes pa'i
blo'i dmigs pa'ang chos rjes blo phyogs phan tshun min zhes
'byung bas chos shes ma gtogs pa'i shes pa dgu yin no/ /sdug
bsngal dang de'i rgyu kun 'byung shes pa'i blo'i spyod yul ni
bden pa dang po gnyis kyis bsdus pa'i

kun rdzob shes pa dang pha rol sems shes zag bcas gnyis yin no/
/kun rdzob shes pa dang gzhan gyi sems shes dang zad pa shes pa
dang mi skye ba shes pa bzhi'i spyod yul ni shes pa bcu char yin
te/ ci rigs par thams cad la dmigs pa'i phyir ro/ /de yang gzhan
ni go sla la pha

rol sems shes zag med kyi dmigs pa ni shes pa dgu yin la/ zag
bcas kyi ni kun rdzob shes pa dang pha rol sems shes zag bcas
yin no/ /gcig gi ste 'gog pa shes pa gcig pu'i dmigs pa ni shes
pa thams cad min te/ de ni so sor brtags 'gog kho na la dmigs la
de ni

shes pa'i rang bzhin ma yin pa'i phyir ro/ /shes bya'i chos
thams cad rnam pa bcur phye la chos bcu po dag ni shes pa du
zhig gi yul du 'gyur ba sbyar te shes par bya'o/ /chos bcu po
gang dag ce na/ chos 'dus byas la 'dod pa dang gzugs dang gzugs
med pa ste khams gsum pa'i chos dang

dri ma med pa'i chos te rnam pa bzhi dang/ 'dus ma byas kyi chos
rnams te lnga la re re la'ang rnam pa gnyis gnyis su phye bas
so/ /ji ltar zhe na dang po bzhi la mtshungs ldan dang mtshungs
ldan ma yin pa gnyis gnyis te brgyad dang/ 'dus ma byas la so
sor brtags 'gog dge pa dang na mkha'

@374a @#/ /dang brtags min lung ma bstan yin pas gnyis su 'gyur
ba'i phyir ro/ /ji ltar sbyar zhe na/ kun rdzob shes pa'i yul du
bcu po thams cad dang/ chos shes kyi yul du 'dod pa ('i chos
gnyis) dang zag med 'dus byas kyi gnyis gnyis te (chos shes zag
med)

(gyi cha gnyis te/) bzhi dang 'dus ma byas dge ba ste lnga dang/
rjes shes kyi yul du khams gong ma gnyis dang zag med 'dus byas
kyi (mtshungs ldan yin min) gnyis gnyis te drug dang 'dus ma byas
dge ba ste bdun dang/ sdug bsngal dang kun 'byung shes ba'i yul
du khams gsum gyi chos drug drug

dang/ 'gog pa shes pa'i yul du 'dus ma byas dge ba gcig pu dang/
lam shes pa'i yul du zag med 'dus byas kyi gnyis dang/ pha rol
sems shes kyi yul du 'dod gzugs dang zag med kyi mtshungs ldan
gsum dang/ zad pa dang mi skye ba shes pa'i yul du 'dus ma byas
lung ma bstan ma

gtogs pa dgu 'gyur te/ shes pa de dag gi dmigs yul shes bya de
dag yin pa'i phyir ro/ /des na bye brag tu smra ba ltar na nam
mkha' dang brtags min gyi 'gog pa ni bden bzhir ma 'dus bar 'dod
de/ TI ka byed dag gis kyang zad pa dang mi skye ba shes pa dag
ni bden pa bzhi la dmigs pa'i

phyir la/ 'dus ma byas lung du ma bstan pa ni bden pa bzhi la ma
gtogs pa'i phyir ro zhes bshad do/ /gal te shes pa gcig gis chos
thams cad cig car shes bar 'gyur ba yod dam zhe na/ de ni med
de/ mdo las/ dge sbyong ngam bram ze yang rung gang cig car
thams cad shes ba'am mthong

ba de ni 'ga' yang med do zhes 'byung ba'i phyir ro/ /'on kyang
kun rdzob shes pa gcig pus rang gi ngo bo dang rang gi tshogs te
rang dang lhan cig 'byung ba'i chos mtshungs ldan dang de ma yin
ba las gzhan pa'i chos thams cad ni bdag med pa nyid du skad cig
ma gcig la rig par 'gyur te/ mos

bas spyod pa'i sa dag thos bsam las byung ba'i kun rdzob shes
pas chos thams cad bdag med do zhes yid la byed pa'i phyir ro/
/skad cig ma gnyis pa'i yul du dang po'ang 'gyur bas skad cig ma
gnyis kyi yul du ni chos thams cad 'gyur ro/ /de yang 'dod pa na
thos bsam gnyis ka dang gzugs

@374b na thos byung kho na'o/ /rang nyid ni yul du mi byed de/
yul dang yul can la tha dang ? kyis khyab pa la yul dang yul can
tha dad med pa'i phyir dang/ rang nyid la byed pa 'gal ba'i
phyir te/ ral gris rang nyid mi gcod pa bzhin no/ /rang dang
lhan cig 'byung ba'i mtshungs ldan rnams kyang mi 'dzin te/ de
dag dang dmigs

pa ka ? cig pas rang nyid la'ang dmigs par 'gyur ba'i phyir ro/
/rang dang lhan cig 'gyung pa ldan pa ma yin pa rnams kyang mi
'dzin te ha cang nye ba'i phyir mig sman dang mig sman gyi thur
ma bzhin no/ /kun rdzob shes pa bsgoms pa las byung bas ni chos
thams cad cig car shes pa ma yin te/ gong dang 'og ma'i

spyod yul can zhes pa rnam par chad pa la dmigs pa'i phyir dang/
gal te cig car dmigs nas thams cad las cig car 'dod chags dang
bral bar 'gyur ba'i phyir ro/ /des na kun rdzob shes pa sgom
byung gis nis tha dad pa'i bden pa la so sor nges pa nyid du
dmigs so zhes bye brag tu smra ba

'dod do/ /mdo sde pa la sogs pa ni rang rig 'dod pas rang gi
tshogs pa'ang bdag med par shes par 'dod la/ theg pa gong ma pa
ni sgom byung gis kyang chos thams cad bdag med pa nyid du shes
pa yin la cig car 'dod chags dang bral ba'ang kho bo cag 'dod pa
yin te/ 'di la bsam pa'ang

bcal bar bya dgos so zhes 'dod do/ /bdun pa ni 'o na gang zag
gang zhig shes pa du dang ldan zhe na/ re zhig so so'i skye bo
chags bcas dang gzugs med kyi byis pa rnams ni kun rdzob shes pa
gcig bu dang ldan la ('dod gzugs kyi) chags bral zhig yin na ni
pha rol sems shes dang yang ldan no/ /'phags

pa ni chags can te 'dod pa las 'dod chags dang ma bral ba zhig
yin na zag med kyi ye shes kyi skad cig ma dang po sdug bsngal
la chos shes ba'i bzod pa dang ldan pa la ni dri med bzod rnams
shes pa min zhes 'byung bas bzod pa ni shes pa ma yin la shes pa
gzhan yang mi ldan pas kun rdzob shes pa

gcig pu dang ldan no/ /ye shes skad cig ma gnyis pa sdug bsngal
la chos shes pa la ni kun rdzob shes pa dang chos shes pa dang
sdug bsngal shes pa ste gsum dang ldan te/ 'dod pa'i sdug bsngal
shes pa de nyid chos shes kyang yin pa'i phyir ro/ /de yan chad
kyi skad cig ma sdug bsngal la rjes shes dang

@375a @#/ /kun 'byung dang 'gog pa dang lam la chos shes bzhi la
ni sngar gyi steng du rim pa ltar gong ma'i sdug bsngal dang
'dod pa'i kun 'byung dang gnyen po 'gog lam gsar du shes pas
rjes shes dang kun 'byung dang 'gog pa dang lam shes pa re re
'phel bas rim pa

ltar bzhi dang lnga dang drug dang bdun dang ldan no/ /gal te
'dod pa las 'dod chags dang bral ba zhig yin na ni sdug bsngal
la chos bzod nas lam la chos shes kyi bar thams cad du pha rol
sems shes bsnan te ldan par shes par bya'o/ /bzod pa phyi ma
bdun dang rjes shes phyi ma gsum la

ni shes ba sngar med gsar du 'phel ba med de/ bzod pa shes pa ma
yin zhing rjes shes ni sngar du bgrangs zin pa'i phyir ro/ /kha
cig lam la rjes shes kyi tshe na chags bcas la lam shes pa de
nyid dang chags bral la pha rol sems shes dang gnyis ldan gyi
gzhan ni ma yin te/ 'bras bu

thob pas shes pa snga ma rnams btang ba'i phyir te/ 'phags pa/
'bras bu thob sbyangs nyams pa las zhes gsungs pa'i phyir ro/
/zhes 'chad mod kyi/ TI ka las ni/ lam la rjes su shes pa la ni
'dod chags dang ma bral ba zhig yin na bdun po de dag dang ldan
no/ /'dod chags dang bral ba zhig yin

na brgyad de/ de dag dang gzhan gyi sems shas pa dang ldan no
zhes bshad do/ /de bzhin du sgom lam la gnas pa'ang chags bcas
yin na pha rol sems shes dang zad pa dang mi skye ba shes pa ma
gtogs bdun dang/ chags bral yin na pha rol sems shes bsnan te
brgyad dang ldan no/ /

mi slob pa'i lam la gnas pa ni shes rab kyis rnam grol la pha
rol sems shes ma gtogs dgu dang/ gnyis ka'i cha las rnam grol la
bcu dang ldan no zhes shes par bya'o/ /brgyad pa ni 'o na gnas
skabs gang du shes pa du 'thob ce na/ mthong ba'i lam la ni bzod
pa brgyad dang

shes pa bdun po ji ltar skyes pa rnams rang rang gi rigs 'dra ba
ma 'ongs pa 'thob par 'gyur te/ 'di ltar sdug bsngal la chos
shes pa'i bzod pa skyes pa nas gang la brten nas skyes pa de ni
da ltar ba dang ma 'ongs pa 'thob ba las gzhan la rten pa ni ma
'ongs pa kho na 'thob ste/ de

@375b yang mi skye ba'i chos can dag yin gyi skye ba'i chos can
ni ma yin te/ mthong lam lan du ma skyes par thal ba'i phyir ro/
/'grel pa las/ mthong pa'i lam la bzod pa'am shes pa gang dang
gang skyes pa de dang 'dra ba ma 'ongs pa de'i rnam pa bzhi kho
na 'thob par 'gyur ro zhes 'byung ba'i rnam pa bzhi

ni dran pa nyer gzhag bzhi yin te/ rnam pa rnams ni dran pa nyer
gzhag tu bshad pa'i phyir ro zhes gsungs mod kyi TI ka las ni
ji ltar skyes ba rnams 'thob ces bya ba ni gang dang gang skyes
pa de dag 'thob bo zhes bya ba'i tha tshig ste/ dper na sdug
bsngal la chos shes pa'i bzod pa skyes na de dang 'dra

ba'i bzod pa ma 'ongs pa kho na 'thob po/ /de'i rnam pa bzhi
zhes bya ba ni skal ba 'dra ba'i phyir bzod pa'i rnam pa ste mi
rtag pa la sogs pa'i rnam pa bzhi yin gyi gzhan ni ma yin gyi
gzhan ni ma yin no/ /de bzhin du sdug bsngal la chos shes pa
skyes na de nyid ma 'ongs pa 'thob cing de'i (mi rtag pa la sogs
pa'i) rnam

pa bzhi kho na 'thob bo/ /de bzhin du sdug bsngal la rjes su
shes pa'i bzod pa la sogs pa la'ang sbyar bar bya'o zhes bden pa
gang dang gang gis shes bzod yin pa'i bden pa de dang de'i rnam
pa mi rtag pa la sogs pa kho na 'thob cing/ de yang bzod shes
rnams ni skal mnyam gyi rgyu ma thob pas de dang 'dra

ba kho na 'thob la rnam pa ni bzhi ga'ang dmigs yul bden pa
mtshungs shing 'dra bas bzhi char gyi rigs 'thob par bshad do/
/sgom lam la ni shes pa rigs 'dra ba dang mi 'dra ba dang de dag
gi rnam pa'ang thams cad mngon sum du 'gyur ba'i phyir thams cad
kyi rgyu 'thob pas mthong lam las khyad par

'phags pa'i rnam pa ma 'ongs pa 'thob par 'gyur ro/ /'o na
mthong ba'i lam la rigs mi 'dra ba mi 'thob ba ma zhe na/ mthong
ba'i lam de nyid la sdug bsngal dang kun 'byung dang 'gog pa la
rjes su shes pa gsum la ni sngon ma thob pa las kun rdzob shes
pa'ang 'thob pa'i phyir mi 'dra ba'ang 'thob bo/ /gsum

po de'i chos shes la ni 'thob pa ma yin te/ khams gong ma gnyis
kyi sdug bsngal ma shes shing kun 'byung ma spangs la 'gog pa
mngon du ma byas pas bden pa zad par ma rtogs pa'i phyir ro/
/bden pa gsum po re re zad par rtogs pa'i rjes la thob pa de
nyid kyi phyir kun rdzob shes pa de ni mngon

@376a @#/ /par rtogs pa'i mtha' las byung bzhes bya'o/ /'di
la'ang sdug bsngal dang kun 'byung dang/ 'gog pa la rjes su shes
pa rnams la rim pa ltar bden pa gsum po de dag la dmigs pa'i
rjes su shes pa thob bo zhes shes bar bya'o/ /lam la rjes shes
la ni kun rdzob shes pa

mi 'thob ste/ sngon 'jig rten pa'i lam gyis bden ba dang po gsum
rtogs kyi kun rdzob shes pas lam bden ni nam yang rtogs mi srid
pa'i phyir ro/ /'di ni bden ba zad par mngon par rtogs pa'i
mtha' las byung ba yin na lam ni zad bar sgom par mi nus te/
nyan rang sangs rgyas gsum gyi lam gyi rigs

mang zhing de dag re re la'ang chung 'bring la sogs pa'i dbye ba
mang bas mtha' med pa'i phyir dang/ de dag gang zag gcig gis
(dus gcig tu) sgom pa'ang mi srid pa'i phyir ro/ /mngon par
rtogs pa zhes bya ba'ang sngag bsngal shes pa nas lam sgom pa'i
bar rang gi bya ba byas pa yin no/ /'o na ni kun

'byung la rjes su shes ba la'ang mi 'thob bar 'gyur te/ kun
'byung mtha' dag ma spangs (gang rung gcig bsgoms na gang rung
brtags min 'thob pas) pa'i phyir ro zhe na/ kun 'byung mthong
spang ni mtha' dag spangs pa'i phyir 'thob bo/ /lam ni rigs mang
pa'i phyir mthong spang gi gnyen po mtha' dag sgom

par mi nus pa'i phyir mi 'thob bo/ /kha cig na re mngon bar
rtogs pa'i mtha' las byung ba'i kun rdzob shes pa 'di ni mthong
lam gyi 'khor yin pa'i phyir mthong lam la bden pa gsum gyi rjes
kho na la 'thob kyi lam gyi rjes la ni ma yin te/ lam la rjes
shes ni sgom lam yin

pa'i phyir ro zhes zer ba ni mi rigs te/ de ni sgom lam gyi
'khor yang yin pas mthong lam kho na'i 'khor yin pa'i sgrub byed
med pa'i phyir ro/ /'o na kun rdzob shes pa mngon par rtogs pa'i
mtha' las byung ba de res 'ga' mngon du byed dam zhe na/ kun
rdzob shes pa de ni gcig tu mi skye

ba'i chos can yin bas nam yang mngon du byed pa ni ma yin no/
/des na mi skye ba'i chos can dag de dang der 'thob bo zhes 'dod
de/ mi skye ba'i chos can dag yin na ji ltar 'thob par 'gyur/
'thob na'ang ji ltar skye bar mi 'gyur te/ chos med pa 'thob pa
'gal ba'i phyir ro/ /de'i phyir

@376b mthong lam la mnyam par bzhag pas bden bzhi la dmigs pa'i
kun rdzob shes pa rjes las thob pa skye bar nus pa'i phyir kun
rdzob shes pa rnyed pa zhes brjod do zhes sngon gyi slob dpon
dag 'chad do/ /de'i phyir kun las btus las kyang/ mthong ba'i
lam la bden pa rnam par 'jog pa

mngon par rtogs pa'i mtha' las byung ba'i kun rdzob shes pa
rnams 'thob ste/ mngon du byed pa ni ma yin no/ /de dag ni sgom
pa'i lam la mngon du byed do zhes bshad do/ /bye brag tu smra ba
rnams (sems tsam gyis 'dod par) na re de ni mthong lam gyis
'thob pa yin pas sgom lam la mngon du byed

par mi rigs la/ kho bo cag ltar na mthong lam du de dag skye
ba'i go skabs med pas mi skye ba'i chos can yin no zhes brjod do
zhes zer ro/ /sa yang mthong lam sa gang dag yin pa de rang gi
sa pa'i kun rdzob shes pa dang 'og sa'i kun rdzob shes pas 'thob
ste/ gal te mthong lam mi lcogs med la brten

na 'dod pa dang mi lcogs med kyis bsdus pa gnyis kyis kun rdzob
shes pa 'thob pa nas bsam gtan bzhi pa la brten na 'dod pa dang
bsam gtan sa drug ste sa bdun gyis bsdus pa'i kun rdzob shes pa
thob pa'i bar du sbyar ro/ /'o na de dran pa nyer gzhag du dag
cig yin zhe na/ 'gog pa mngon par

rtogs pa'i mtha' las byung ba'i kun rdzob shes pa ni dran pa
nyer gzhag bzhi'i tha ma chos dran pa nyer gzhag yin te/ de ni
'gog bden la dmigs la de yang chos kho nar nges pa'i phyir ro/
/sdug bsngal dang kun 'byung mngon par rtogs pa'i mtha' las
byung ba ni de dag la lus la sogs pa yod pas

dran pa nyer gzhag bzhi ga yin no/ /mngon par rtogs pa'i mtha'
las byung ba'i kun rdzob shes pa de ni sdug bsngal nas 'gog pa'i
bar gyi bden pa gang zhig mngon par rtogs pas thob pa'i rang
rang gi bden pa de'i rnam pa can dang dmigs pa'ang rang rang gi
bden pa de nyid yin te/ sdug bsngal mngon par rtogs

ba'i mtha' las byung ba'i rnam pa mi rtag pa la sogs pa dang
dmigs pa'ang sdug bsngal nyid yin pa la sogs pa'o/ /de yang
skyes thob ma yin gyi sbyor ba 'bad rtsol las byung ba yin te/
mthong lam sgom pa'i stobs kyis 'thob pa'i phyir ro/ /de yang
'khor dang bcas na ni 'dod pa dang gzugs na spyod pa'i

@377a @#/ /kun rdzob shes pa gnyis rim pa ltar bsam gtan gyi sdom
pa'i gzugs rjes su 'brang ba med pa dang yod pa'i phyir phung po
bzhi pa dang lnga pa yin no/ /bsgom pa'i lam la shes pa du 'thob
bshad pa ni 'dod pa las 'dod chags dang bcas pa skad cig ma bcu
drug pa

lam la rjes shes la gnas pa la ni bden pa bzhi shes dang chos
shes rjes shes dang drug 'thob ste/ de yang mthong spang las
rnam par grol ba'i shes pa yin gyi sgom spang las grol ba ni ma
yin te/ 'bras bu la gnas ba tsam po yin pa'i phyir ro/ /de yang
lam la rjes shes ni lam shes pa dang

rjes shes gnyis ka'i ngo bo yin pa'i phyir lam shes pa dang rjes
shes gnyis ni da ltar byung ba yin la shes pa gzhan bzhi ni ma
'ongs pa kho na 'thob bo/ /sa ni chags bcas yin bas mi lcogs med
kyis bsdus pa yin la/ mthong ba rdzogs pas bskyed pa'i phyir
skal mnyam gyi rgyu

rgyas ba las 'thob bo/ /pha rol sems shes dang kun rdzob shes pa
dang zad ba dang mi skye ba bzhi mi 'thob pa ni rim pa ltar 'dod
pa las chags bcas yin pa'i phyir dang/ sngon rnyed mi 'thob bo
zhes pas sngon rnyed zin pa'i phyir ram/ yang na mngon par rtogs
pa'i mtha' med pa'i

phyir dang/ slob pa yin pa'i phyir ro/ /'dod pa las 'dod chags
dang bral ba nas ci yang med pa las 'dod chags dang bral ba'i
bar ci rigs pa'i gang zag skad cig ma bcu drug pa lam la rjes
shes la gnas pas ni sngar gyi drug dang pha rol sems shes dang
bdun 'thob ste/ de la'ang sa

ni gang la rten ba de'i rang sa dang 'og sas bsdus pa 'thob par
shes par bya'o/ /snga ma ltar na da ltar ba ni gnyis dang lnga
ni ma 'ongs pa 'thob bo/ /sngon rnyed zin pa dang slob pa yin
pas gzhan gsum ni mi 'thob bo/ /skad cig ma bcu drug pa lam la
rjes su shes pa de'i gong ma 'dod pa la

chags bcas kyi bsgom pa'i lam la ni sbyor ba dang bar chad med
pa dang rnam grol dang khyad par can gyi lam thams cad la chos
shes rjes shes dang bden pa bzhi shes dang kun rdzob shes pa
dang bdun 'thob bo/ /de yang gal te sgom lam 'jig rten bzhi rags
kyi rnam pa can zhig

@377b yin na ni kun rdzob shes pa da ltar byung ba dang/ 'on te
'jig rten las 'das pa zhig yin na ni rjes shes 'dod pa'i gnyen
po ma yin la chos shes 'dod pa'i gnyen po yin pas chos shes dang
bden pa bzhi shes gang rung gcig da ltar byung ba yin la gzhan
dag ni ma 'ongs pa 'thob ste/

rang rang gi rigs kyi skal mnyam gyi rgyu rgyas pa'i phyir ro/
/chags bcas dang slob pa yin pas gzhan gsum ni mi 'thob bo/
/slob pa bsam gtan bzhi dang gzugs med pa gsum stes bdun gyi
nyon mongs pa las rgyal ba ste 'dod chags dang 'bral bar byed
pa'i bar chad med pa'i lam la ni

shes pa sngar bshad ba bdun po kho na 'thob ste/ de yang gal te
'jig rten pa'i sgom lam yin na ni kun rdzob shes pa da ltar
byung ba gzhan drug ma 'ongs pa 'thob la/ pha rol sems shes dang
zad pa dang mi skye ba shes pa mi 'thob ste/ bar chad med pa'i
lam la bkag pa'i phyir dang slob pa yin

pa'i phyir ro/ /'on te 'jig rten las 'das pa'i lam yin na ni 'di
gnyis ci rigs khams gsum gyi gnyen por rung bas 'gog pa dang lam
la chos shes pa gang yang rung ba'am/ khams gong ma'i gnyen po
yin pas rjes shes dang bden pa bzhi shes las gang rung zhig da
ltar ba dang gzhan

dag ni ma 'ongs pa 'thob bo/ /bar chad med pa'i lam dang slob pa
yin pas gzhan gsum ni mi 'thob bo/ /slob pa zhig mngon par shes
pa dang po lnga thob par byed pa'i bar chad med pa'i lam la'ang
shes pa bdun 'thob ste/ de yang 'dod pa las 'dod chags dang bral
ba zhig gis 'thob na

sngar bshad pa ltar yin la sbyor ba'i stobs kyis 'thob na ni kun
rdzob shes pa da ltar ba yin no/ /mi slob pas mngon par shes pa
'thob par byed pa la ni mi g.yo ba la dgu dang gzhan la ni
brgyad 'thob par 'gyur ro/ /rab tu rtogs pa'i skal ba can zhig
mi g.yo ba 'thob par byed pa'i

bar chad med pa'i lam la'ang chos shes rjes shes dang bden pa
bzhi shes dang zad shes dang bdun 'thob pa las chos shes rjes
shes gang rung zhig dang bden pa bzhi shes gang rung zhig dang
zad pa shes pa dang gsum da ltar ba dang gzhan ni ma 'ongs pa
'thob bo/ /snying po zag med kyi dbang

@378a @#/ /po 'pho ba'i phyir dang/ bar chad med lam yin pas
gzhan gsum ni mi 'thob ste/ kun rdzob shes pa zag bcas yin pas
dbang po rtul po dang srid rtse'i gnyen po ma yin ba dang/ shes
pa gzhan gnyis rnam grol gyi lam yin pa'i phyir ro/ /slob pa
zhig

bsam gtan zag bcas dang zag med spel mar bsgom pa'i bar chad med
pa'i lam dag la'ang bdun 'thob ste/ 'di la'ang zag med la ni
'gog lam la chos shes pa gnyis gang rung ngam rjes shes dang
bden pa bzhi shas las gang rung zhig da ltar byung ba dang gzhan
ni ma 'ongs pa 'thob bo/ /zag

bcas la ni kun rdzob shes pa da ltar byung ba yin no/ /sa bdun
las 'dod chags dang bral ba'i gong ma srid rtse las 'dod chags
dang bral ba'i rnam par grol ba'i lam brgyad la'ang chos shes
rjes shes dang bden pa bzhi shes dang pha rol sems shes dang
bdun 'thob ste/ bdun po de

la'ang 'gog lam la chos shes gnyis gang rung ngam rjes shes dang
bden pa bzhi shes las gang rung zhig da ltar byung ba yin la
gzhan dag ni ma 'ongs pa 'thob bo/ /srid rtse'i gnyen po ma yin
pa dang/ slob pa yin pas gzhan gsum ni mi 'thob bo/ /slob pa
zhig dbang po rtul po rnon por sbyong ba'i

rnam par grol ba'i lam la ni gal te chags bcas yin na chos shes
rjes shes dang bden pa bzhi shes te shes pa drug dang 'on te
chags bral zhig yin na pha rol sems shes bsnan nas bdun 'thob
cing/ da ltar byung ba ni chos shes dang bden pa bzhi shes las
gang yang rung ba zhig

dang gnyis yin la gzhan dag ni ma 'ongs pa 'thob bo/ /'am zhes
bya ba ni lugs gzhan ston pa ste/ kha cig 'di ni mthong lam dang
'dra ba'i phyir ji ltar mthong lam gyis 'bras bu gsum dang kun
rdzob shes pa 'thob pa ltar 'di la'ang mngon par rtogs pa'i
mtha' las byung ba'i kun rdzob

shes ba'ang 'thob pa'i phyir (de gnyis kyis) bdun (dang brgyad)
'thob bo zhes 'dod pa bstan pa'i phyir ro/ /kha cig ni sngar
rtogs zin pas mngon par rtogs pa'i mtha' med pa'i phyir dang/
mthong lam ni 'thob par byed nga yin la 'di ni thob zin pa'i
phyir mthong lam dang 'dra ba'ang ma yin no/ /

@378b 'on kyang sbyor ba'i lam la ni chags bcas dang chags bral
gnyis kas kyang kun rdzob shes pa'ang 'thob bo zhes 'dod do/
/slob pa dbang po sbyong pa'i bar chad med pa'i lam la ni chags
bcas chags bral gnyis kas chos shes rjes shes dang bden pa bzhi
shes dang drug 'thob kyi/ 'dir yang bar chad med lam dang slob

pa yin pas shes pa gsum mi 'thob la/ kun rdzob shes pa'ang mi
'thob ste/ mthong lam dang 'dra ba'i phyir ro/ /ji ltar 'dra zhe
na/ ji ltar mthong lam gyis 'bras bu dang po gsum gang rung zhig
'thob pa ltar 'dis kyang bar chad med pa'i lam gyis slob pa
dbang po sbyong ba na 'bras bu dang po gsum po

dbang po rnon pos bsdus pa 'dus byas gang rung zhig 'thob la/
yang mthong lam bar chad med pa'i lam bzod pa rnams la kun rdzob
shes pa mi 'thob pa ltar 'dir yang de dang 'dra'o/ /ji ltar slob
pa dbang po sbyong ba'i bar chad med pa'i lam la shes pa drug
'thob pa de bzhin du srid rtse'i nyon mongs pa las

rnam par rgyal ba ste 'dod chags dang bral bar byed pa'i bar
chad med pa'i lam rnams la'ang shes pa drug po de dag nyid 'thob
kyi srid rtse'i gnyen po ma yin zhing slob pa'i bar chad med lam
yin pas gzhan mi 'thob pa ni sngar bzhin no/ /srid rtse'i rnam
grol gyi lam dgu pa zad pa shes pa la ni dbang po

rtul po la nyams pa srid pas mi skye ba shes pa ma gtogs pa shes
pa dgu 'thob cing/ mi g.yo ba'i chos can gyis ni mi skye ba
shes pa'ang 'thob pas bcu 'thob la/ mi g.yo ba der dbang po
'pho ba'i rnam par grol ba'i lam tha ma la'ang bcu po thams cad
'thob bo/ /'di dag la sdug bsngal dang

kun 'byung shes pa gang rung zhig dang rjes shes dang zad pa
dang mi skye ba shes pa gang rung zhig ste gsum ni da ltar byung
ba yin la gzhan dag ni ma 'ongs pa 'thob 'o/ /sngar bshad pa'i
lhag ma 'dod pa las 'dod chags dang bral ba'i rnam grol gyi lam
dgu pa dang/ sa bdun las 'dod chags dang

bral ba'i rnam par grol ba dang/ mngon par shes pa dang/ spel ma
sgom pa dang/ mi g.yo ba rtogs par byed pa gsum gyi rnam par
grol ba'i lam dang po brgyad po rnams dang/ de bzhin du sngar ma
smos pa 'dod pa las 'dod chags dang bral ba'i phyir mi 'ong ba'i
sbyor ba dang khyad par can gyi lam rnams la

@379a @#/ /ni zad pa dang mi skye ba shes pa ma gtogs pa shes pa
brgyad brgyad ma 'ongs pa 'thob ste slob pa'i dbang du byas
pa'o/ /mi slob pa ni mngon par shes pa dang spel ma sgom pa dang
mi g.yo ba rtogs par byed pa'i bar chad med pa'i lam la dus kyi
rnam grol yin na pha rol sems

shes dang mi skye ba shes pa ma gtogs pa brgyad 'thob la/ mi
g.yo pa'i chos can zhig yin na ni bar chad med lam la bkag pas
pha rol sems shes ma gtogs pa dgu 'thob bo/ /mngon par shes pa
dang spel mar sgom pa dang mi g.yo ba rtogs par byed pa'i sbyor
ba dang rnam par grol pa dang khyad par

can gyi lam rnams la dus kyi rnam grol gyis mi skye ba shes pa
ma gtogs pa dgu dang/ mi g.yo bas bcu po thams cad 'thob bo/
/de yang/ mig dang rna ba'i mngon shes ni/ /lung du ma bstan
zhes 'byung bas lha'i mig dang rna pa'i mngon shes gnyis kyis ni
rnam grol gyi lam yang lung ma

bstan (yin la lung ma bstan) la ni ma 'ongs pa 'thob pa med do/
/de dag ni mi slob pa'i dbang du byas pa'o/ /so so'i skye po
'dod pa dang bsam gtan snga ma gsum las 'dod chags dang bral
ba'i rnam grol gyi lam tha ma rnams la ni rim pa ltar bsam gtan
dang po dang gnyis pa dang gsum pa dang

bzhi pa'i sas bsdus pa'i kun rdzob shes pa dang pha rol sems
shes ma 'ongs pa 'thob bo/ /bsam gtan bzhi ba las 'dod chags
dang bral ba'i rnam grol gyi lam dgu pa la ni nam mkha' mtha'
yas skye mched kyi dngos gzhis bsdus pa'i kun rdzob shes pa
'thob kyi pha rol sems shes ni mi

'thob ste/ de ni gzugs la brten nas bsgrub par bya ba yin pas
gzhan gyi sems shes gzugs med kyi sas bsdus ba med pa'i phyir
ro/ /de bzhin du gzugs med lhag ma rnams la'ang shes par bya'o/
/bsam gtan gyi dngos gzhi'i sa pa'i sbyor ba'i lam rnams dang/
lha'i mig dang rna ba'i mngon

shes ma gtogs pa'i mngon shes gsum gyi rnam grol gyi lam dang
tshad med dang rnam thar zil gnon dang zad par gyi skye mched la
sogs pa yon tan mngon par sgrub pa'i rnam grol gyi lam la ni kun
rdzob shes pa dang pha rol sems shes gnyis ka 'thob ste/ de dag
ni bsam gtan

@379b gyi dngos gzhi la rten pa'i phyir ro/ /mngon shes sprul pa
ma gtogs so zhes bya ba ni bsam gtan dge ba'i stobs kyis de dag
ma 'ongs pa 'thob par bshad pa yin la/ 'dir de dag gi ma 'ongs
pa mi 'thob par 'dod do/ /nges 'byed cha mthun dag la ni bsam
gtan gyi sa pa dag gis kyang pha rol

sems shes 'thob pa med de/ mthong lam gyi 'khor yin pa'i phyir
te/ ji ltar mthong lam la pha rol sems shes mi 'thob pa ltar
de'i 'khor la'ang mi 'thob bo snyam du bsams pa'o/ /de yang so
so'i skye bo 'dod pa dang bsam gtan snga ma gsum las 'dod chags
dang bral

ba'i rnam grol gyi lam tha ma ma gtogs pa dang sbyor ba dang par
chad med pa dang khyad par can gyi lam dang mngon shes gsum dang
tshad med pa la sogs pa yon tan mngon par sgrub pa dag gi bar
chad med pa'i lam rnams la ni kun rdzob shes pa kho na ma 'ongs
pa 'thob kyi gnyen po ma yin

pas pha rol sems shes ni mi 'thob bo zhes TI ka las 'chad do/
/'o na zag bcas zag med kyi lam gang las du pa'i shes pa 'thob
ce na/ de la lam gnyis las dang po 'jig rten pa'i lam la ni mi
lcogs med la brten nas 'dod pa las 'dod chags dang bral nas bsam

gtan dang po'i dngos gzhi 'thob pa na rnam grol gyi lam dgu pa
la bsam gtan dang po'i nyer bsdogs dang dngos gzhis bsdus ba'i
kun rdzob shes pa 'thob ba nas srid rtse'i nyer bsdogs la brten
nas ci yang med pa las 'dod chags dang bral nas srid rtse'i
dngos gzhis 'thob pa na rnam

grol gyi lam dgu pa la srid rtse'i nyer bsdogs dang dngos gzhis
bsdus pa'i kun rdzob shes pa 'thob pa'i bar du sbyar ro/ /gnyis
pa 'jig rten las 'das pa'i lam la ni sa bsam gtan gnyis pa lta
bu gang las 'dod chags dang bral bar bya ba'i phyir gnyis pa'i
sas bsdus pa'i zag

med kyi bsam gtan gnyis pa gang zhig thob pa der yang 'og ma
bsam gtan dang po'i nyer bsdogs dang dngos gzhi dang dngos gzhi
khyad par can dang rnam grol dgu pa'i tshe bsam gtan gsum pa'i
sas bsdus pa'i zag pa med pa'ang 'thob ste/ gnyen po'i rigs
rgyas pa'i phyir ro/ /de bzhin du sa

@380a @#/ /gzhan gyi zag med la'ang sbyar par bya'o/ /gang gis
zad pa shes pa 'thob pa de la ni zag pa dang bcas pa'i yon tan
mi sdug pa dang dbugs 'byung rngub dran ba dang dran pa nyer
gzhag dang tshad med dang rnam thar zil gnon dang zad par la sogs
pa rnams kyang 'thob

bo; ;de yang sa kun gyis bsdus pa'i yon tan 'thob ste/ de yang
'dod chags dang bral pas thob ba rnams 'thob kyi sbyor bas thob
pa rnams ni ma yin te/ de dag ni bsam gtan gyi stobs kyis bskyed
par bya ba yin pa'i phyir ro/ /'dod chags dang bral bas thob pa
rnams ni dar gyi sprog ma

thag pa bcad pa'am rgyal srid chen po thob na 'bul ba dang bcas
bas yul mi rnams kyis bsu ba byed ba bzhin du rdo rje lta bu'i
ting nge 'dzin gyis nyon mongs pa'i thob pa bcad pa dang sems
kyi rgyal srid chen po thob pa la yon tan gyi tshogs rnams kyi
thob pas bsu ba'i phyir ro/ /yon tan de dag kyang

'dod pa dang gzugs dang gzugs med pa'i rten can gyi dgra bcom
yin na ni rim pa ltar khams gsum char gyis bsdus pa dang khams
gong ma gnyis dang gzugs med kyis bsdus pa kho na 'thob la de
bzhin du sa'i sgo nas kyang rtogs par bya'o/ /de yang sngon
rnyed zin pa ni mi 'thob ste/ de ni

thob zin pa'i phyir dang/ (dman pa'i phyir dang/) thob pa btang
ba yin na 'das pa mi 'thob pa'i phyir ro/ /slob dpon 'dun bzang
ni thob pa btang pa de dag sngon 'dris par byas pas sngon du
'gyur kyang ma 'ongs pa ni mi 'thob ste stobs nyams pa'i phyir
ro zhes 'dod do/ /slob dpon dbyig bshes ni sngon

rnyed pa dag da lta mi ldan pa las rnyed na btang yang ma 'ongs
pa 'thob par 'dod la/ kha cig ni btang ba rnams ni ma 'ongs pa
mi 'thob kyi/ ma btang na ma 'ongs pa 'thob bo zhes 'dod de/ 'di
dag ni gzhi med par khyad par gyi chos la dpyod pa yin no/ /ci
thob pa rnyed pa kho na yin nam zhe na/ thob pa ni

rnam pa bzhi ste/ rnyed pa dang/ bsten pa dang/ gnyen po dang/
thag sring pa 'thob pa'o/ /de la rnyed pa 'thob pa zhes bya ba
ni dge ba 'dus byas rnams (goms pas de dag ma 'ongs pa rnams/)
kyis gsar du rnyed pa'o/ (/lta bu) bsten pa 'thob pa zhes bya ba
ni dge ba 'dus byas (thob zin) rnams kyis yang

@380b dang yang du mngon du byas pa'i thob pa'o/ /de yang da
ltar ba'i chos la ni rnyed pa dang bsten pa gnyis yod la ma
'ongs pa la rnyed pa 'ba' zhig dang 'das pa la gnyis ka med do/
/gnyen po 'thob pa dang thag srid ba 'thob pa ni zag pa dang
bcas pa'i chos rnams kyis gnyen po 'thob pa dang de dag spangs
pa thag srid pa yin te/

rim pa ltar lus sems la 'dod chags dang bral bar byed pa dang/
nyon mongs pa'i thob pa gcod pa'o/ /de ltar na dge ba zag bcas
rnams kyis ni thob pa bzhi char yin no/ /de yang dang po gnyis
ni dge ba zag bcas rang gis 'thob pa yin la phyi ma gnyis ni de
dag gi gnyen po dang rnam grol thob pa la de dag gi thob

pa zhes btags nas brjod pa yin no/ /zag med kyi ni 'thob pa dang
po gnyis yin gyi phyi ma gnyis ni ma yin te/ zag med la gnyen po
med pa'i phyir dang/ de nyid kyis thag srid ba'ang med pa'i
phyir ro/ /nyon mongs can bsgribs la lung ma bstan rnams kyis ni
gnyen bo 'thob pa dang spangs pa thag sring ba'i thob pa gnyis

yin te/ shes pa kha cig ni de dag gi gnyen po yin pa'i phyir
dang/ kha cig ni de dag thag sring ba yin pa'i phyir dang/ 'dir
gang cung zad bshad pa'i thob pa'i dbye ba ni shes pa'i thob pa
la brtsams nas bshad pa'i phyir dang/ spyir thob pa'i dbye ba
yang sngar bshad zin pa'i phyir ro/ /'o na ni kun rdzob shes pa

mi dge ba dang lung ma bstan yod pas de dag rnyed pa dang bsten
pa'i thob pa'ang yod pa'i phyir de dag gi thob pa bzhir 'gyur ro
zhe na/ de lta mod kyi phal che ba'i dbang du byas nas de dag gi
thob pa gnyis yin par bstan to/ /nyi 'og pa rnams ni sdom pa
'thob pa dang/ rnam par 'jig pa 'thob pa gnyis

bsnan nas drug tu 'dod de/ dang po ni mdo las/ dbang po drug po
'di dag shin tu dul ba dang shin tu bsgoms pa zhes gsungs pa mig
sogs dbang po drug gi sgo sdom pa dran shes bzhin gyi bdag nyid
yin la/ gnyis pa ni lus la dmigs pa'i nyon mongs pa thag sring
ba ste phyi nang gi lus dran pa nyer gzhag

'thob pa yin no/ /kha che ba rnams ni de dag kyang rim pa ltar
phyi ma gnyis kyi nang du 'dus so zhes zer ro/ /yang na gnyis
ka'ang gnyis ka'i khongs su 'dus so zhes byas kyang 'gal ba med
do zhes rgyal po'i sras 'chad do/ /da ni gsum pa de dag gi yon
tan ston te/ de yang sngar ni zad pa shes la zag bcas

@381a @#/ /kyang zhes nyan rang sangs rgyas rnams kyi zad shes
kyi skad cig la thob pa'i yon tan spyir bshad la/ 'dir ni sangs
rgyas kyi yon tan thun mong ma yin pa dang thun mong gnyis las
dang po la'ang gsum las mdor bstan pa ni rnam bshad rigs

ba las/ gti mug gnyid gnyis sangs phyir dang/ /blo rgyas phyir
na sangs rgyas pa zhes 'byung bas ma rig pa'i gnyid sangs pa
dang ye shes kyi snang brgyas pa'i sangs rgyas kyis zad pa
mkhyen pa'i tshe brnyes pa'i yon tan gyi chos nyan thos la sogs
pa gzhan dad thun mong ma

yin pas ma 'dres pa'i stobs bcu dang sogs pa'i sgras gzung ba mi
'jigs pa bzhi dang dran pa nyer gzhag gsum dang thugs rje chen
po ste bco brgyad do/ /mdo gzhan las de bzhin gshegs pa la
'khrul pa mi mnga' ba la sogs pa bco brgyad gsungs pa ni mdo
sde'i rgyan du/

spyod pa dang ni rtogs pa dang/ /ye shes dang ni phrin las kyis/
/nyan thos rang sangs rgyas kun gyi/ /bla ma khyod la phyag
'tshal lo/ /zhes bzhir bsdus ba ni theg pa gong ma pa'i lugs yin
no/ /rgyas par bshad pa la bzhi las dang po stobs bcu bshad pa
ni gnas dang gnas min pa ni sred

pa dang mi srid pa ste/ de la gnas dge ba las mtho ris 'byung ba
dang mi dge ba las ngan song 'byung ba dang skyes pa rang sangs
rgyas su 'gyur ba la sogs pa dang/ gnas ma yin pa dge bas ngan
song du 'gro ba gnas ma yin pa la sogs pa rgyu dang rgyu ma yin
pa thams cad mngon sum du

mkhyen pa'i stobs ('dus byas dang 'dus ma byas kyi chos thams
cad do//) ni shes pa rnam pa bcu ste/ de la gnas dang gnas ma
yin pa ni bsdu na 'dus byas dang 'dus ma byas gnyis yin la/ 'dus
byas la khams gsum dang zag med la mtshungs ldan dang de ma yin
pa gnyis gnyis su

phye bas brgyad dang/ 'dus ma byas la dge ba dang lung ma bstan
gnyis su phye bas bcur 'gyur/ de la kun rdzob shes pa'i yul ni
bcu char yin la/ chos shes pa'i ni 'dod (gnas mkhyen pas ni rgyu
med par smra ba 'gog la/ gnas ma yin pa mkhyen pas ni mi mthun
brgyud smra ba 'gog go  /) pa dang

@381b zag med 'dus byas gnyis gnyis dang 'dus ma byas dge ba ste
lnga dang/ rjes su shes pa'i ni khams gong ma gnyis dang 'dus
byas zag med gnyis gnyis dang 'dus ma byas dge ba ste bdun dang/
sdug bsngal dang kun 'byung shes ba'i ni khams gsum gyi drug go
/'gog pa shes pa'i ni 'dus

ma byas dge ba kho na'o/ /lam shes pa'i ni 'dus byas zag med
gnyis so/ /pha rol sems shes kyis ni 'dod gzugs dang 'dus byas
zag med kyi mtshungs ldan gsum mo/ /zad pa dang mi skye ba shes
pa'i ni 'dus ma byas lung ma bstan ma gtogs pa dgu'o/ /zag bcas
gyi las dang (de'i) 'bras bu

rnam par smin pa sna tshogs (ni bden pa dang po gnyis yin la de/)
mkhyen pa'i stobs la ni 'gog lam shes pa ma gtogs pa shes pa
brgyad yin te/ 'gog lam shes pa ni zag med kho na la dmigs la
las de'i rnam smin ni zag bcas bden pa dang po gnyis kyis bsdus
pa'i phyir ro/ (/kun rdzob)

(shes pa ni khams gsum ga'i las 'bras la dmigs so//) bsam gtan
bzhi dang/ sogs pas gzung ba rnam thar brgyad dang/ stong pa
nyid la sogs pa'i ting nge 'dzin gsum dang/ 'du shes med pa dang
'gog pa'i snyoms 'jug gnyis dang/ mthar gyis gnas (sems shes kyi
khams 'og ma)

(gnyis kyi sems sems byung dge mi dge shes la/ chos shes cha
dang bcas pas 'dod pa dang rjes shes cha dang bcas pas gong ma
gnyis shes so//) pa'i snyoms 'jug dgu dang/ gzugs med snyoms
'jug bzhi'i rang bzhin dang thob pa dang phan 'dogs pa dang ro
myang ldan la sogs ba dang nyams pa cha mthun la

sogs pa'i (nyon mongs dang rnam byang gi  /) don rnams thogs pa
med bar mkhyen pa'i stobs ni shes pa dgu yin te/ de dag 'dus
byas zag bcas zag med kho na la dmigs pa'i phyir dang 'gog pa
shes pa ma gtogs pa'i phyir ro/ /de bzhin du dad pa la sogs pa'i
dbang po mchog dang mchog

ma yin pa dang/ nyan thos la sogs pa la mos pa sna tshogs dang/
nyan thos la sogs pa'i khams sna tshogs mkhyen pa'i stobs rnams
la ni 'gog pa shes pa ma gtogs pa shes pa dgu dgu yin te/ de la
dbang po dang mos pa ni sems byung yin zhing khams ni slob dpon
'dun bzang gis

@382a @#/ /sems can rnams kyi sngon goms pa'i bag chags kyis yang
dag bar grub pa'i bsam pa la 'dod pas de yang sems dang sems
byung khyad par can yin la/ de dag kyang zag bcas zag med 'dus
byas kho na la dmigs pa'i phyir ro/ /dmyal ba nas 'gog pa'i

bar thams cad du 'gro ba'i lam mkhyen pa'i stobs dag la ni shes
pa bcu yin te/ lam ni rgyu yin la de nyid 'bras bu dang bcas pa
mkhyen par 'dod na ni 'gog pa shes (de yang bden pa dang po
gnyis dang lam mo//) pa'ang yod pa'i phyir te/ 'gog pa ni lam
gyi skyes bu byed ba dang

bral ba'i 'bras bu yin pa'i phyir ro/ /lam 'ba' zhig mkhyen pa
stobs su 'dod na ni lam 'dus byas yin pas 'gog shes ma gtogs pa
shes pa dgu yin no/ /de ltar lugs tha dad pa'am zhes smos pa yin
no/ /sngon gyi gnas rjes su dran pa dang 'chi 'pho dang skye ba
mkhyen pa'i stobs gnyis

ni kun rdzob shes pa yin gyi gzhan ni ma yin te/ 'di dag bden pa
la mi dmigs pa'i phyir ro/ /'di ltar sngon gyi gnas rjes su dran
pa ni rang gzhan gyi skye ba snga ma dran pa yin la/ 'chi ba
dang 'pho ba bar do dang skye ba mkhyen pa ni rang gzhan gyi ma
'ongs pa'i srid pa mkhyen pa ste/ 'di dag

rang gi mtshan nyid la dmigs kyi spyi'i mtshan nyid bdag med pa'i
rnam par ma zhugs pa'i phyir bden pa la mi dmigs so/ /zag pa zad
pa mkhyen pa'i stobs kyis gal te zag pa zad pa 'gog bden 'ba'
zhig mkhyen par 'dod na ni chos shes rjes shes dang 'gog pa shes
pa dang zad mi skye

shes pa dang kun rdzob shes pa dang drug yin te/ 'gog pa shes
pa'i rigs kho na chos shes la sogs pa'i bye brag gis tha dad du
byas pa'i phyir dang/ 'dus ma byas yin pas bden pa gzhan gsum
shes pa dang pha rol sems shes mi srid pa'i phyir ro/ /'on te
zad pa shes pa zag pa

zad pa'i rgyud la yod pa'i shes pa la 'dod na ni de'i rgyud la
ni shes pa thams cad 'byung bas shes pa bcu yin no/ /da ni de
dag gang la brten pa'i sa bshad par bya ste/ de la sngon gyi
gnas rjes su dran pa dang 'chi 'pho dang skye ba mkhyen pa'i
stobs gnyis ni bsam gtan gyi dngos

@382b gzhi bzhi po dag na yod de/ 'di dag zhi gnas dang lhag
mthong zung du 'brel ba'i ting nge 'dzin la brten nas skyed par
bya ba yin pa nas gzhan ni de lta ma yin pa'i phyir ro/ /stobs
lhag ma brgyad po ni nyer bsdogs phyi ma bdun ma gtogs pas rnams
kun na yod de/ bskyed sla ba'i phyir zag med rnams ni

ci rigs par zag med kyi sa rnams la rten la/ kun rdzob shes pas
bsdus pa'i stobs rnams ni sa thams cad la rten par 'dod do/ /'on
kyang 'di dag yongs su dag pa'i ting nge (de dag 'og sa spong ba
yin gyi yon tan bskyed pa'i sa min pas/) 'dzin la brten nas
mkhyen pa'i phyir bsam gtan bzhi pa'i sems

la phal cher rten pa yin no/ /lus kyi rten ni gling gzhan dang
khams gzhan dang 'gro ba gzhan gyi rten la sangs rgyas mi 'byung
ba'i phyir dang/ bud med rten dang bsam sbyor dman pa'i phyir
'dzam bu'i gling gi skyes pa kho na la rten par 'dod do/ /'o na
shes pa bcu po de dag nyan rang la sogs pa la'ang ci riD

par yod bzhin du ci'i phyir sangs rgyas kho na'i la stobs zhes
bya zhe na/ sangs rgyas la mnga' ba'i shes pa bcu po 'di dag ni
stobs yin te/ gang gi phyir 'di'i mkhyen pa shes bya thams cad
la thogs pa mi mnga' bar 'jug pa de'i phyir ro/ /de'i phyir
sangs rgyas las gzhan la'ang gnas dang gnas ma

yin pa mkhyen pa la sogs pa nyi tshe ba yod mod kyi/ 'ga' zhig
shes kyang 'ga' zhig mi shes pas shes bya la thogs ba dang bcas
pa'i phyir stobs zhes bya ba'i ming mi 'thob ste/ gnas brtan
shA ri'i bus khang bdag dpal skyes kyi thar pa'i cha mthun gyi
dge ba ma shes pas rab tu ma phyung ba dang

bya zhig khras gtses pa'i skye 'chi'i mtha' ma shes pa lta bu'o/
/de ltar na mkhyen ba la thogs nga ? mi mnga' ba'i phyir sangs
rgyas kyi thugs kyi stobs ni shes bya bzhin du mtha' yas pa yin
no/ /'o na thugs kyi stobs de ltar thogs pa mi mnga' na sku'i
stobs ji ltar zhe na/ sangs rgyas kyi

sku la ni sred med kyi bu'i stobs mnga'o/ /de la sred med kyi bu
zhes bya ba ni stobs kyi ming ste dper na grangs kyi gnas gzhan
drug cu pa la grangs med ces brjod pa bzhin no/ /sngon gyi slob
dpon gzhan dag na re sku'i rus pa'i tshigs dang tshig re re na'ang
sred med kyi bu'i stobs mnga'o

@383a @#/ /zhes zer ro/ /dpes ston pa'i gnas brtan btsun pa na re
thugs kyi stobs mtha' yas ba ltar sku'i stobs kyang mtha' yas
te/ de lta ma yin na thugs kyi stobs ji ltar bzod par 'gyur zhes
zer ro/ /de'i phyir rus pa'i tshigs kyi khyad par ni sangs rgyas
dang

rang sangs rgyas dang 'khor los (byangs las kyang/ sku'i tshigs
thams cad kyi tshigs re re la'ang sred med kyi bu'i stobs mngal
ba dang zhes 'gyung ngo//) bsgyur ba rnams kyi rim ba ltar klu'i
mdud pa dang lu gu rgyud dang gzer bus btab pa ltar sra ba yin
no/ /'o na sred med kyi bu'i stobs kyi tshad ji tsam zhe

na/ glang chen phal ba dang/ sogs pas bsdus pa spos kyi glang po
che dang/ tshan po che chen po dang/ rab gnon dang/ yan lag mchog
dang/ stobs mchog dang/ sred med kyi bu rnams te bdun po de dag
snga ma snga ma bcus glags shing bsgyur ba ni phyi ma phyi ma'i
stobs yin no/ /kha cig na re stobs

mchog bcu'i stobs ni sred med kyi bu'i stobs phyed yin la de
gnyis su bsgyur ba ni sred med kyi bu'i stobs yin no zhes zer
ro/ /slob dpon ni gnas brtan btsun pa'i gzhung gzugs ba'i phyir
sku'i stobs ji ltar ches che pa de ltar rung ste/ de lta ma yin
na mkhyen pa'i stobs mtha' yas

pa bzod par mi 'gyur ba'i phyir dang/ gzhan du na lhas byin gyis
bsad pa'i glang po che'i ro zhabs kyi mthe bos ra ba dang 'obs
bdun zlo par yang mi 'gyur ba'i phyir ro zhes 'dod do/ /de lta
bu'i sku'i stobs de'i ngo bo ni reg bya'i skye mched de 'byung
ba chen po'i khyad par kho na yin gyi 'byung

ba las gyur pa ni ma yin no/ /kha cig na re stobs de ni 'byung
ba ma yin gyi sngar bshad pa'i 'bras bu'i reg bya 'jam pa nyid
la sogs pa bdun las don gzhan du gyur pa rgyur byas pa'i reg bya
brgyad pa zhig yin no zhes zer ro/ /gnyis pa mi 'jigs pa bshad
pa ni mi

'jigs pa ni rnam pa bzhi yin par mdo las/ kye mang mngon par
rdzogs par sangs rgyas pa la 'di na chos 'di dag mngon par
rdzogs par sangs ma rgyas so zhes nga la dge sbyong ngam bram
ze'am lha'am bdud dam tshangs ('khregs pa la 'dod par mngon no//)
pa yang rung ste

@383b 'ga' yang chos dang mthun pas rgol zhing gleng bar byed
pa'i rgyu mtshan yang dag par rjes su ma mthong ngo/ /de ltar
ngas rgyu mtshan yang dag par rjes su ma mthong bas bdag bde ba
dang/ bag tsha ba med pa dang/ mi 'jigs pa thob par gnas te khyu
mchog rlabs po che'i gnas su zhal

gyis 'che zhing 'khor gyi nang du seng ge'i sgra sgrogs so/
/chongs pa'i 'khor lo 'jig rten na dge sbyong la sogs pa gang
gis kyang ma bskor ba'i chos kyi 'khor lo bskor ba 'di ni mi
'jigs pa dang po zhes pa dang/ de bzhin du nga nyid kyis zag pa
rnams zad do zhes zhal gyis bzhes pa dang/ nyan

thos rnams la 'dod chags la sogs pa bar du gcod pa'i chos su
bstan pa dang/ lam nges par 'byung ba nyid du bstan pa la rgol
ba ma mthong ba la sogs pa rgya cher gsungs so/ /de la bdag nyid
mngon par rdzogs par sangs rgyas pa ni shes bya thams cad mngon
sum du mkhyen pa ste/ ji

ltar stobs dang po gnas dang gnas ma yin pa mkhyen pa'i stobs
shes pa bcu dang sa thams cad kyis bsdus pa de bzhin du mi 'jigs
pa dang po 'di yang yin no/ /bdag nyid kyi zag pa rnams zad pa
nyid du zhal gyis bzhes ba ni sgrib pa ma lus pa spangs pa nyid
mkhyen pa ste/ ji ltar stobs bcu

ba zag pa zad pa mkhyen pa shes pa drug gam bcu dang sa bcu gcig
gis bsdus pa de bzhin du mi 'jigs pa gnyis pa 'di yang yin no/
/bar du gcod pa'i chos su bstan pa ni nyon mongs pa'i bdud la
sogs pa lam la bar du gcod pa nyid du mkhyen pa ste/ ji ltar
stobs gnyis pa las bdag gir

bya ba mkhyen pa ('gog shes cha mthun dang bcas pa/) 'gog lam
shes pa ma gtogs brgyad dang sa thams cad kyis bsdus pa de bzhin
du mi 'jigs pa gsum pa 'di yang yin te/ bden pa dang po gnyis
kyis bsdus pa kho nas bar du gcod pa'i phyir ro/ /lam (las de ni
sdug kun du 'das pas/)

nges par 'byung ba nyid du bstan pa ni nyan thos la sogs pa'i
lam mkhyen pa ste/ ji ltar stobs bdun pa thams cad du 'gro ba'i
lam mkhyen pa shes pa bcu'am dgu dang sa thams cad kyis bsdus pa
de bzhin du mi 'jigs pa bzhi pa 'di yang yin te/ zag bcas zag
med kyi lam 'bras dang bcas pa

@384a @#/ /bzung na bcu dang 'bras bu med pa bzung na dgu yin
pa'i phyir ro/ /bye brag tu smra ba ni shes pa nyid mi 'jigs par
'dod la/ slob dpon ni mi 'jigs pa ni mi skrag pa yin pas shes pa
nyid ma yin gyi shes pa'i 'bras bu yin te/ shes pa la brten nas
mi skrag

pa 'byung ba'i phyir 'bras bu'i ming gis rgyu la btags pa yin te
steng ka rkang nad ces bya ba bzhin no zhes bzhed do/ /don 'di
nyid mdo sde'i rgyan las kyang/ rang gzhan don du ye shes dang/
/spangs dang nges 'byung gegs mdzad pa/ /ston mdzad mu stegs
gzhan dag gis/ /mi rdzi khyod la phyag

'tshal lo zhes gsungs so/ /gsum pa dran pa nye bar bzhag pa gsum
bstan pa ni mdo las/ dge slong dran pa nye bar bzhag pa gsum po
'di dag ni gang dag 'phags pa bsten par byed pa ste 'phags pas
de dag bsten na 'khor la rjes su ston par 'os so/ /gsum gang zhe
na/ dge slong dag 'di na

ston pa thugs brtse ba/ thugs (stobs ni gzhan gyi zil gyis mi
gnon pa yin la mi 'jigs pa ni gzhan slar zil gyis gnon pa'o//)
rje can/ don bzhed pa/ phan par bzhed pa/ thugs rje chen po dang
ldan pas nyan thos rnams la 'di ni khyed la phan par byed pa/
'di ni khyed la bde bar byed pa/ 'di ni khyed la phan pa dang
bde bar

byed pa'o zhes chos ston par mdzad cing/ nyan thos de dag de la
nyan par byed/ rna ba gtod par byed/ kun shes pa'i sems nye bar
'jog par byed/ chos kyi rjes su mthun pa'i chos sgrub par byed/
ston pa'i bstan pa las mi 'gal bar byed na/ des de bzhin gshegs
pa kun du dgyes par yang mi 'gyur/

yid bde ba dang thugs ya ya bor yang mi 'gyur gyi/ de la de
bzhin gshegs pa dran pa dang shes bzhin du btang snyoms su
bzhugs te/ 'di ni gang dag 'phags pa bsten par byed pa ste
'phags pas de dag bsten na tshogs la rjes su ston par 'os pa'i
dran pa nye bar bzhag pa dang po yin no

zhes pa dang/ de bzhin du ston pa chos ston pa na nyan thos de
dag de la nyan par mi byed pa nas ston pa'i bstan pa las 'gal
par byed pa'i bar du gyur na/ des de bzhin gshegs pa kun du mi
dgyes pa dang yid mi bde ba dang thugs ya ya po dang kun nas
mnar sems su mi 'gyur la/

@384b mi bzod pa dang 'tshig pa dang thugs ma rangs pa mi mnga'
bar de la de bzhin gshegs pa dran pa dang shes bzhin du btang
snyoms su bzhugs pa ni dran pa nyer gzhag gnyis ba dang/ de
bzhin du nyan thos kha cig ni de la nyan par byed pa nas ston
ba'i bstan pa las mi 'gal ba'i bar du byed la/ kha cig

ni nyan par mi byed pa nas ston pa'i bstan pa las 'gal pa'i bar
du byed kyang des de bzhin gshegs pa dgyes pa dang mi dgyes pa
gnyis kar mi 'gyur bar dran pa dang shes bzhin du btang snyoms
su bzhugs pa ni dran pa nyer gzhag gsum pa'o zhes 'khor gus par
nyan pa dang mi nyan pa dang gnyis ka'i bye

brag gis gsum gsungs la gsum po 'di dag ni dran pa dang shes
bzhin nam shes rab kyi bdag nyid dag yin la/ shes rab kyi cha ni
kun rdzob shes pa yin no/ /'o na nyan thos nyon mongs pa spangs
pa rnams la'ang 'khor gus bar nyan mi nyan dang gnyis ka la
chags sdang mi 'byung ba yod pa'i phyir sangs

rgyas kyis ma 'dres par ji ltar 'gyur zhe na/ nyan thos kyi ni
chags sdang gi bag chags ma spangs la sangs rgyas kyis spangs
pa'i phyir ro/ /de la bag chags ni rgyal po'i sras dang gang
spel ni nyan thos la sngon nyon mongs pa spyad pa'i mthus lus
ngag gi g.yo ba 'gyur ba'i rgyu nus pa'i khyad par sems la yod
pa la

'dod cing/ btsun pa go cha mtha' yas ni/ lung du ma bstan pa'i
sems kyi khyad par yin no zhes zer bas nyan thos la chags sdang
dngos med kyang lung du ma bstan pa'i sems kyi khyad par yod la/
ston pa ni dran pa dang shes bzhin gyi bdag nyid dge ba yin pa'i
phyir ro mnyam du bsam pa'o/ /slob dpon no nyan thos dag

ni gus par nyan pa dang mi nyan pa dang nyis ka la yid bde ba
dang mi bde ba dang gnyis kar 'gyur ba kho na yin pa'i phyir 'di
ni sangs rgyas kho na'i chos su bstan pa'am/ yang na chags sdang
gnyis ni nyan thos la'ang med mod kyi 'on kyang nyan thos rnams
ni sangs rgyas kyi phyir rab tu byung bas de'i slob ma

yin pas nyan thos kyi yon tan ni sangs rgyas la brten nas thob
pa'i phyir ma 'dres par mi bzhag la snags rgyas kyi ni de lta ma
yin pa'i phyir ma 'dres par bzhag go zhes 'chad do/ /bzhi pa
thugs rje chen po bshad pa la thugs rje chen po ni sangs rgyas
bcom ldan 'das kyis 'jig rten la nyin lan gsum

@385a @#/ /mtshan lan gsum du su ni dar/ su ni rgud/ su gdul bar
bye ba'i dus la bab ces bya ba la sogs pas sems can thams cad la
sdug bsngal gsum gyi rnam pa can du gzigs pas kun rdzob shes
pa'i bdag nyid yin te/ (de lta min na khams gsum la)

(dmigs nas sdug bsngal gyi rnam pa can du mi 'grub bo//) de yang
gti mug med pa'i rang bzhin no/ /'o na ci'i phyir 'di la thugs
rje chen po zhes chen po'i sgrar brjod ce na/ bsod nams dang ye
shes kyi tshogs chen pos yang dag par 'grub pa'i phyir dang/ rnam
pa sdug bsngal gsum la rtog pa'i rnam

pa can yin pa'i phyir dang/ spyod yul khams gsum gyi sems can
thams cad la dmigs pa'i phyir dang/ khams gsum gyi sems can
thams cad la 'du byed kyi sdug bsngal can du dran par mnyam pa
nyid du 'jug pa'i phyir dang/ shes rab kyi ngo bo yin pas shin
tu rno ba'i phyir de bas

ches che ba gzhan med pas ches che ba yin pa'i phyir ro/ /'o na
snying rje dang thugs rje chen po gnyis la khyad par ci yod ce
na/ ngo bo nyid la sogs pa tha dad du bya ba ste khyad par rnam
pa brgyad yod de/ de la snying rje ni zhe sdang med pa'i ngo bo
nyid dang/ sdug bsngal gyi sdug bsngal gyi rnam pa can dang/

'dod pa'i khams kyi sems can kho na la dmigs pa dang/ mi lcogs
med dang bsam gtan khyad par can yang yin mod kyi/ de gnyis ni
bsam gtan dang (ngo bo dmigs rnam sa dang rgyud/ /thob dang
skyob pa 'dra mi 'dra zhes pa'i) por bsdus te bsam gtan dang po
la sogs pas bzhi dang/ nyan rang

dang so so'i skye bo'i rgyud la yod pa dang/ 'dod pa las 'dod
chags dang bral bas thob pa dang/ nyan thos la sogs pas ni
snying rje ba 'ba' zhig tu zad kyi 'khor ba'i sdug bsngal las
yongs su mi skyob pa dang/ sdug bsngal gyi sdug bsngal can kho
na la snying rje skye bas sems can thams

cad la mi 'dra bar snying rje ba yin no/ /thugs rje chen po ni
gti mug med pa'i ngo bo nyid dang/ sdug bsngal gsum gyi rnam pa
can dang/ khams gsum gyi sems can thams cad la dmigs pa dang/
ting nge 'dzin las su rung ba nyid kyis de kho nas de bskyed bar
nus pa'i phyir bsam

@385b gtan bzhi pa'i sa pa kho na dang/ sangs rgyas kyi rgyud la
yod pa dang/ srid rtse las 'dod chags dang bral bas thob pa
dang/ sems can thams cad la thugs rje mdzad pa na 'khor ba'i
'jigs pa chen po las yongs su skyob pa dang/ sdug bsngal can
dang de ma yin pa'i sems can thams cad la 'dra bar

thugs brtse ba yin no/ /gsum pa mnyam mi mnyam gyis mjug bsdu ba
ni ci sangs rgyas thams cad rnam pa thams cad kyis mnyam pa yin
nam zhe na/ sangs rgyas thams cad ni rgyu sngon gyi bsod nams
dang ye shes kyi tshogs rdzogs pas yang dag par 'grub pa dang/
'bras bu zag med kyi chos kyi

rgyun gyi tshogs sam sems gnas gyur pa chos kyi sku 'grub pa
dang/ 'phrin las 'gro ba'i mtho ris dang byang grol gyi don
sgrub par spyod pa'i rgyu thugs rje chen po thob pa gsum gyis ni
mnyam pa nyid de/ sku tshe dang rigs dang gdung dang sku'i bongs
tshod kyis ni mnyam pa min te/ skyed gu rnams kyi tshe ring pa
dang

thung ba dang/ 'jig rten na rgyal rigs dang bram ze gang bkur ba
dang/ gdung 'od srung dang go'u ma la sogs pa gang bkur ba dang/
'jig rten pa lus pongs tshod che ba dang chung ba'i tshe dus ji
lta ba bzhin du sangs rgyas rnams kyang sku tshe dang rigs dang
gdung dang sku'i bongs tshod rnams de dag dang mthun par ston

pas khyad par yod pa'i phyir ro/ /'dir smras pa/ rgyu dang 'bras
bu phan 'dogs pa/ /gsum po re re'ang bzhi bzhi ste/ /tshogs kun
yun ring bar chad med/ /gus byas goms pa bzhi ni rgyu/ /ye shes
dang ni spangs pa dang/ /mthu dang gzugs sku phun tshogs pa/
/rnam bzhi 'bras bu de dag kyang/ /rnam

pa bzhi bzhir shes bya ste/ /ma bstan mkhyen dang thams cad
mkhyen/ /rnam kun ma 'bad mkhyen pa bzhi/ /ye shes phun tshogs
nyon mongs kun/ /gtan du spangs dang bag chags bcas/ /ting 'dzin
snyoms 'jug sgrib kun spangs/ /rnam bzhi spangs pa phun tshogs
so/ /phyi'i yul

sprul bsgyur byin rlabs pa/ /yul la mnga' brnyes stong byin
rlob/ /tshe la'o thogs bcas thogs med dang/ /ring la myur gshegs
chung ngur ni/ /mang 'jug spyod lam mnga' brnyes pa'o/ /ya mtshan
nar ma sna tshogs pa/ /ston la mnga' brnyes rnam pa bzhi/ /rgyal
ba'i mthu ni phun

@386a @#/ /tshogs pa'o/ /mtshan dang dpe byad stobs dang ni/ /sku
gdung ring bsrel rdo rje ltar/ /sra pa gang yin sangs rgyas kyi/
/gzugs sku phun tshogs rnam bzhi'o/ /dmyal ba yi dwags dud 'gro
dang/ /'khor ba'i sdug bsngal dag las ni/ /gtan du thar mdzad
rnam pa bzhi/ /

phan 'dogs pa de rnam gcig tu/ /bde 'gro dang ni theg gsum 'god/
/bzhi yin 'gro ba'i bla ma de'i/ /yon tan rgya mtsho dpag med
gyir/ /rab tu dbye na mtha' yas mod/ /che ba'i bdag nyid mdor
bsdus pa'o/ /gang dag skyob pa kun mkhyen gyi/ /yon tan dam pa
gang shes nas/ /rgyal dang de'i dam

chos dang/ /de yi rjes 'jug dge 'dun la/ /rab dad de dag mkhas
pa yin zhes bya'o/ /de lta bu'i yon tan dang ldan pa'i sangs
rgyas dang de'i chos la dad pa tsam gyis kyang rnam smin ma nges
pa'i sdig pa thams cad zil gyis mnan nas lam gyi rten mtho ris
lha mi'i legs pa du ma brgyud de bgrod

par bya ba'i mchog mya ngan las 'da' bar 'gyur te/ lung sman gyi
gzhi las/ gang dag rgyal ba rnam 'dren la/ /bya ba chung ngu
byed 'gyur ba'ang/ /de dag mtho ris sna tshogs dag  / bgrod nas
bdud rtsi'i go 'phang thob ces pa dang/ 'grel pa las kyang/ de
nyid kyi phyir de bzhin gshegs pa rnams ni

bsod nams kyi zhing bla na med pa zhes bya ste/ nges par 'byin
pas 'bras bu med pa ma yin pa dang/ de yang gnas skabs mtho ris
su 'byin pas yid du 'ong ba dang/ lan mang du 'byin pas mchog tu
gyur pa dang/ mthong chos la sogs pa la myong bas myur ba dang/
mthar myang 'das 'thob pas

mtha' bzang ba'i phyir ro zhes bshad do/ /gnyis pa thun mong gi
yon tan la'ang gnyis las mdor bstan pa ni ma 'dres pa bco brgyad
ma gtogs pa sangs rgyas kyi yon tan gyi chos gzhan ni slob ma
nyan thos dang des mtshon nas rang rgyal dang yang thun mong pa
yin la/ yon tan gyi chos kha

cig ni so so'i skye bo dang yang thun mong ba yin no/ /chos de
dag kyang gang zhe na/ nyon mongs pa med pa dang/ smon nas shes
pa dang/ so so yang dag par rig pa bzhi dang/ mngon shes drug
dang/ sogs pas gzung ba bsam gtan bzhi dang/ gzuD med bzhi dang/
tshad med bzhi dang/ rnam thar brgyad

@386b dang/ zil gyis gnon pa'i skye mched brgyad dang/ zad par
gyi skye mched bcu dang/ ting nge 'dzin gsum la sogs pa'o/ /de
la nyon mongs pa med pa nas so so yang dag par rig bzhi'i bar
dang/ zag zad kyi mngon shes dang/ 'gog ba'i rnam thar dang/
rnam par thar pa'i sgo gsum ni 'phags

pa kho na dang thun mong ba dang/ lhag ma rnams ni so so skye bo
dang yang thun mong ba yin no/ /gnyis pa rgyas par bshad pa la
gnyis las 'phags pa kho na dang thun mong ba nyon mongs pa med
pa la sogs pa bshad pa la bzhi las dang po nyon mongs pa med pa
ni dgra bcom pa dag sems can

rnams kyi sdug bsngal ni nyon mongs las byung pa dang rang nyid
kyang yon gnas kyi khyad par du rig nas pha rol po'i nyon mongs
pa spang par 'dod nas bdag mthong ba dang bdag la dmigs nas
gzhan dag la nyon mongs pa chags sdang dang nga rgyal dang bag
med pa skye bar ma gyur cig

snyam du mnyam par bzhag nas/ de las langs na'ang de dang rjes
su mthun par de lta bu'i shes pa skyed par byed pa ste de ni kun
rdzob shes pa'i bdag nyid yin no/ (/gzhan rgyud kyi sgom spang
gi nyon mongs ma 'ongs pa kho na'i yul can yin pa'i phyir te zag
med ni de lta bu med do//) sa ni lam sla ba rnams kyi mchog yin

pas bsam gtan rnams kyi ya (lam 'dis su yang nyon mongs par mi
byed pas na nyon mongs pa med pa'i/ /'di ni gzhan gyi sems
bsrung ba'i thabs mkhas kyi khyad par ro//) mtha' bzhi pa kho na
na yod la/ gang zag ni dgra bcom pa mi g.yo pa'i chos can yin
gyi nyams pa'i chos can la sogs pa dgra bcom gzhan

gyi ni ma yin te/ de dag la nyams pa srid pas rang gi rgyud
kyi'ang res 'ga' nyon mongs spang par mi nus (na gzhan gyis lta
ci smos/) pa'i phyir ro/ /lus kyi rten ni gling gsum gyi mi kho
nas skyed par byed pa yin te/ (grogs nyon mongs mang ba dang
den/) blo gsal ba'i phyir ro/ /'di'i dmigs pa ni pha rol chags
sdang can dag

la nyon mongs skye bar ma gyur cig ces sgom ba'i phyir nyon
mongs pa 'dod par gtogs pa dang ma skyes pa ma 'ongs pa gzhir
bcas 'dod chags la sogs pa sgom spang rnams kyi spyod yul can
yin te/ khams gong ma pa dag 'phags pa la dmigs nas nyon mongs
pa skye ba shas chung ba'i phyir dang/

@387a @#/ /sngar skyes pa rnams spang par mi nus pa'i phyir dang/
mthong spang gzhi med pa brtags pa la dmigs pa kun 'gro rnams ni
rang gis thams cad la dmigs pas gzhan rgyud la dmigs pa'ang yod
pas spang bar mi nus pa'i phyir dang/ sgom spang ni bden pa dang
po gnyis la

dmigs pas gzhi dang bcas pa spang par nus pa'i phyir ro/ /gnyis
pa smon nas shes pa ni ji ltar nyon mongs pa med pa'i ngo bo kun
rdzob shes pa dang sa bsam gtan bzhi pa dang gang zag mi g.yo
ba'i chos can dang rten gling gsum gyi mi'i rten can yin pa de
bzhin du smon nas shes pa'i ngo bo la sogs

pa'ang yin no/ /'on kyang smon nas shes pa de'i dmigs pa ni nyon
mongs pa gzhi dang bcas pa kho na ma yin gyi gzugs la sogs pa
chos thams cad do/ /de la smon nas shes pa ni 'di dang 'di shes
par bya'o snyam du smon pa sngar btang nas rab mtha' bzhi pa la
mnyam par bzhag nas de'i

yul du ji tsam gyur pa shes pa'o/ /de yang bye brag tu smra ba
na re gzugs med pa ni mngon sum du mi shes te/ 'di ni bsam gtan
bzhi pa'i sa pa yin pas gong ma gzugs med pa yul ma yin pa'i
phyir te/ 'di ni mngon shes dang 'dra ba yin la de ni rang dang
'og sa'i yul can yin zhes 'chad bar

'gyur ba'i phyir ro/ /'on kyang lus dang sems dman zhing zhi
pa'i rgyu mthun pa las ni gzugs med nas skyes so zhes bya ba
dang/ snyoms 'jug gi spyod pa dang ldan pa las gzugs med skyes
so zhes bya ba dang/ gzugs med kyi ting nge 'dzin thob la ma
nyams pa dang ldan pas gzugs med du skye bar

'gyur ro zhes bya bar shes te zhing pa rnams kyis 'bru las zhing
dang zhing las 'bru dpog pa bzhin no zhes zer ro/ /gzhan dag gi
gzhung lugs ltar na ni sangs rgyas rnams kyi mngon sum gyi yul
du ma gyur pa ni 'ga' yang med pas gzugs med pa'ang mngon sum du
mkhyen par 'dod do/ /

mngon par rtogs pa'i rgyan las ni/ nyan thos nyon mongs med pa'i
lta/ /mi yi nyon mongs yongs spong nyid/ /grong sogs su de'i
nyon mongs rnams/ /rgyun gcod rgyal ba'i nyon mongs med ces nyan
rang gi nyon mongs pa med pa'i ting nge 'dzin ni bdag la dmigs
nas mi 'ga' zhig gi rgyud la

@387b nyon mongs pa skyes par gyur na mi rung ngo zhes mi'i nyon
mongs skye ba yongs su spong pa'i thabs la 'bad pa yin pas nyi
'tshe ba dang re zhig pa dang/ sangs rgyas kyi nyon mongs pa med
pa'i ting nge 'dzin ni grong la sogs par sems can nyon mongs pa
can thams cad kyi nyon mongs pa'i sa bon rtsa ba nas 'byin

par bzhed pas khyab pa dang gtan du ba yin par bshad la/ smon
nas shes pa'ang nyan thos la sogs pa rnams 'bad pa dang bcas pa
dang/ mtshan mar 'dzin pa dang/ shes sgrib dang bag chags ma
spangs pas thogs pa dang bcas pa dang/ lhag med du 'jug bas res
'ga' ba dang/ shes sgrib ma spangs

pas 'dri ba thams cad kyi lan mi ldon pa yin la/ sangs rgyas kyi
ni mtshan ma med par rang gi ngang gis 'jug pas 'bad pa med pa
dang/ dngos po la mngon par ma zhen bas gzugs sogs la chags pa
dang bral ba dang/ sgrib gnyis bag chags dang bcas pa spangs pas
shes bya thams cad la thogs

pa med pa dang/ 'khor ba ji srid par gnas pas rtag tu gnas pa
dang/ yang dag pa'i so so rig bzhi brnyes pas 'dri ba kun gyi
lan ldon pa yin te/ de nyid las/ sangs rgyas smon nas mkhyen pa
ni/ /lhun gyis grub dang chags spangs dang/ /thogs pa med dang
rtag gnas dang/ /'dri ba kun

lan 'debs par bzhed ces bshad do/ /gsum pa so so yang dag rig
bzhi ni ji ltar nyon mongs pa med pa'i ting nge 'dzin gang zag
mi g.yo ba'i chos can gyi yin pa dang gling gsum gyi mis skyed
pa de bzhin du chos dang don dang nges pa'i tshig dang spobs pa
so so yang dag par rig pa dag kyang de dab ? 'dra'o/ /

de dag gi dmigs pa dang sa dang ngo po la ni khyad par yod de/
de dag las dang po gsum ni go rim bzhin du ming dang don dang
ngag rnams la gzhan gyis bzlog par mi nus pas thogs pa med par
shes pa yin te/ de la chos so so yang dag par rig pa ni sgrub
pa'i chos 'phags lam brgyad dang/

'bras bu'i chos myang 'das rig pa ma yin gyi chos rnams kyi ming
tshig yi ge'i tshogs rig pa ste don rnams kyi rjod byed yin pa'i
phyir na bstan pa'i chos so/ /don so so yang dag par rig pa ni
chos rnams kyi rang gi mtshan nyid dam mya ngan las 'das pa rig
pa ste/ brjod par bya ba'i don nam don gyi

@388a @#/ /mchog yin pa'i phyir ro/ /nges pa'i tshig so so yang
dag par rig pa ni chos rnams kyis bshad pa'i rgyu mtshan can gyi
ngag rig pa ste/ don gyi rgyu mtshan can gyi tshig yin pas nges
pa'i tshig go  /bzhi pa spobs pa so so yang dag par rig pa ni don
rnams kyis 'gal

ba dang 'brel ba don dang 'brel ba'i rigs pa dang/ gzhan la
thags thogs med par mngon par brjod pa la thogs pa med par shes
pa dang/ rang nyid yid la byed pas zhi gnas lhag mthong gi ting
nge 'dzin mi brjed pas lam la dbang ba nyid la thogs pa med par
shes pa ste/ dang po ni 'bel

gtam la mkhas pa yin la/ gnyis pa ni rang nyid yid la byed pa la
mkhas pa yin no/ /'di ni spobs pa'ang yin la so so rig pa'ang
yin pa'i phyir spobs pa so sor rig pa'o/ /yang na spobs pa ni
rig pa dang grol bar smra ba ste/ de shes pa'i phyir spobs pa so
sor yang dag par rig

pa'o/ /spobs pa so so yang dag par rig pa de'i dmigs pa ni ngag
dang lam yin te/ ngag dang mngon par brjod pa la dbang ba ni
ngag la dmigs pa yin la lam la dbang ba ni lam la dmigs pa'o/
/de'i ngo bo ni shes pa dgu yin te/ ngag la dmigs pa ni kun
rdzob dang sdug bsngal kun 'byung

('di bzhi ka'ang ming dang don la mnyam rjes gnyis kar dmigs la/
smra ba ni de'i rjes la thob pa kho na yin no zhes rgyal sras
gsung ngo/) /chos shes rjes shes zad mi skye shes (lam yang zag
bcas zag med gang rung yin no de lta min na/ sa thams cad par mi
'gyur ro zhes 'dod do// (?ngag ni bden pa dang po gnyis yin
pas/) pa'i rang bzhin

yin zhing/ lam la dmigs pa ni lam dang chos shes rjes shes zad
mi skye shes pa dang pha rol sems shes kyi (shes pa drug gi)
rang bzhin yin la/ 'dus ma byas la mi dmigs pas 'gog shes ma
gtogs pa'i phyir ro/ /gal te ngag dang lam la dmigs pa'i phyir
sdug (shes pa bdun gyi)

bsngal dang kun 'byung shes par ji ltar 'gyur zhe na/ ngag de
nyid zag bcas yin pa'i phyir sdug bsngal yin la/ phyi ma bskyed
pa'i phyir kun 'byung yang yin pas de shes pa na de dag shes par
gzhag go  /sa ni 'dod pa nas srid rtse'i bar thams cad na ci
regs par yod de/ ngag dang lam gang yang

@388b rung ba la dmigs pa'i phyir ro/ /don so so yang dag par
rig pa ni gal te don chos thams cad rig pa la 'dod na ni shes pa
bcu'i dmigs par mi 'gyur ba'i chos gang yang med pas shes pa bcu
yin pa'am/ 'on te myang bdas rig pa la 'dod na 'gog pa shes pa
ni sdug bsngal dang kun 'byung dang

lam dang sems shes pa bzhi las gzhan pa drug gi rang bzhin yin
pa'i phyir ro/ /don so so yang dag par rig pa de ni sa kun na
yod la/ de dag las gzhan chos dang nges pa'i tshig so so yang dag
par rig pa gnyis ni kun rdzob shes pa'i rang bzhin yin te/ rim
pa ltar ming gi tshogs la sogs pa bstan pa'i chos

dang ngag la dmigs pa'i phyir ro/ /de yang chos so so yang dag
par rig pa nis 'dod pa dang bsam gtan bzhi po dag (sto sa lnga)
na yod de/ de yan chad na ni rjod byed ming tshig yi ge'i tshogs
med ba'i phyir ro/ /dag ste nges pa'i tshig so so yang dag bar
rig pa ni 'dod pa dang bsam gtan dang po kho na na yod

de/ mdo las/ brtags shing dpyad nas tshig tu smra'o zhes 'byung
bas ngag ni rtog pas kun nas bslang ba'i bdag nyid yin na bsam
gtan gnyis pa yan chad na rtog pa med pa'i phyir ro/ /so so yang
dag par rig pa de dag gcig thob na thams cad 'thob bas gang rung
gcig ma tshang bar ni de dag 'thob pa med de/ 'di dag

gi rgyu sngon gyi sbyor ba ni kha cig go rim bzhin du rtsis
dang/ sangs rgyas kyi bka' dang/ sgra rig pa dang/ gtan tshigs
rig pa la mkhas par byas pas 'thob par 'dod la/ bye brag tu smra
ba rnams ni thams cad kyi sbyor ba sangs rgyas kyi bka' kho na'i
rnam grangs ngo bo nges tshig dbye ba la mkhas par byas (lam gcig
gi 'bras bu yin ba'i phyir ro/)

pas 'di dag 'thob par 'dod do/ /go rim yang tshig yi ge'i rjes su
'brangs nas/ don rtogs pas chos so sor rig nas don dang/ don las
ming gi rnam grangs shes pa 'byung bas nges pa'i tshig dang/ de
dag las ni rig grol gyi spobs pa thogs pa med par 'gyur ba'i
phyir de ltar bstan to/ /nyon mongs pa med pa dang

(rnam bshad rig pa'i 'grel pa las kyang/ rnam grangs kyis ni
chos so so yang dag par rig pa'i nye rgyu byas pa yin no/ de
bzhin du sbyar te mtshan nyid kyis ni don so so yang dag par rig
pa yin/ nges pa'i tshig gis ni nges pa'i tshig so so yang dag par
rig pa yin/ rab tu dbye bas ni spobs pa so so yang dag par rig
pa yin no zhes 'byung ba dang mthun no/ /'di dag gi go rim ni
tshig dang yi ge'i rje su 'brangs nas)

@389a @#/ (/don rtogs la/ don gyi gcig gnyis la sogs pa'i tshig
bla dwags dang/ de dag la thogs pa med pa'i phyir ro/ /zhes
gdags pa las so//) smon nas shes pa dang so so yang dag rig bzhi
ste drug po de dag ni rab kyi mtha' pa bsam gtan bzhi pa'i stobs
kyis 'thob la/ rab kyi mtha' pa zhes bya

ba'i bsam gtan bzhi pa de ni nyon mongs pa med pa dang/ smon nas
shes pa dang/ chos dang/ don dang/ spo 'as ? pa so so yang dag
par rig pa gsum dang/ rab kyi mtha' pa'i bsam gtan bzhi pa de
nyid dang rnam pa drug gi bdag nyid yin la/ bsam gtan bzhi pa la
la ni nyon mongs pa med pa dang/ la la ni

smon nas shes pa dang/ la la ni so so yang dag par rig pa gsum
dang/ la la ni de dag ma gtogs pa rab kyi mtha' pa 'ba' zhig yin
pa'i phyir ro/ /nges pa'i tshig so so yang dag par rig pa ni rtog
dpyod kyis kun nas slong ba'i phyir 'dod pa dang bsam gtan dang
po'i sa pa yin no/ /'o na drug po de dag rab

mtha' bas zhes khyad par med par bshad ce na/ de ni rab kyi
mtha' pa'i bsam gtan gyi stobs kyis 'thob pa'i phyir de skad
bshad kyi bsam gtan bzhi pa'i sa pa ni ma yin no/ /de la rab kyi
mtha' pa zhes bya ba ni bsam gtan gyi ya mtha' bsam gtan bzhi pa
yin no/ /ji ltar zhe na/ rab mtha' bsam

gtan bzhi pa de ni 'dod pa'i sems las bsam gtan dang po la
snyoms par 'jug pa nas ci yang med pa las srid rtse la snyoms
par 'jug pa'i bar dang/ yang srid rtse las langs nas ci yang med
pa'i skye mched la snyoms par 'jug pa nas bsam gtan dang po las
langs nas 'dod

pa'i sems la gnas pa'i bar dang/ de nas yang 'dod pa'i sems las
bsam gtan dang po la snyoms par 'jug pa nas bsam gtan gsum pa
las langs nas bsam gtan bzhi pa la snyoms par 'jug pa'i bar sa
kun gyis lugs dang mthun pa dang mi mthun pa'i snyoms par 'jug
pas

mthun par byas ba'i phyir dang/ bsgom pa chung ngu bsam gtan
dang po las 'bring gnyis pa las chen po gsum pa la snyoms par
'jug pas gsum pa ni 'phel ba'i mchog tu gyur pas 'phel ba'i rab
yin la/ rab de'i ya mtha' yin pas na bzhi pa ni 'phel ba'i rab
tu phyin pa yin pa'i phyir ro/ /nyon

@389b mongs pa med pa la sogs pa yon tan drug po de dag kyang
sangs rgyas las gzhan pa'i gang zag gi rgyud la yod pa rnams ni
sbyor ba 'bad rtsol las skyes pa yin gyi 'dod chags dang bral ba
tsam gyis 'thob pa ni ma yin no/ /sangs rgyas kyi ni chos thams
cad kyi dbang phyug yin pa'i

phyir yon tan thams cad mngon du 'gyur ba ni bzhed pa tsam las
rag las pa yin gyi sbyor ba las byung ba ni cung zad kyang med
do/ /gnyis pa phal cher byis pa dang thun mong ba la mngon par
shes pa ni rnam pa drug tu shes par bya'o/ /gang zhe na/ rdzu
'phrul gyi yul sprul pa dang 'gro ba shes

pa dang/ lha'i rna ba dang/ gzhan gyi yid dug gsum bcas bral la
sogs pa'i khyad par dang/ res 'ga' chags res 'ga' sdang ngo zhes
pa la sogs pa'i go rim shes pa dang/ rang gzhan gyi sngon gyi
tshe rabs rjes su dran pa dang/ 'chi 'pho dang skye ba shes pa
dang/ zag pa zad pa shes pa

mngon sum du bya ba ste byed pa'i mngon par shes pa'o zhes thams
cad la sbyar ro/ /drug po de dag las dang po lnga ni/ so so'i
skye bo dang thun mong ba yin la drug pa ni 'phags pa kho na'i
rgyud la yod do/ /ngo bo ni mngon shes drug po de dag thams cad
ni dper na dge sbyong gi tshul gyi 'bras bu 'dus byas rnam

grol gyi lam gyi rang bzhin yin pa ltar rnam par grol ba'i lam
gyi blo shes rab kyi rang bzhin yin no/ /gsum pa dang drug pa ma
gtogs pa bzhi'i ngo bo ni kun rdzob shes pa ste/ zag bcas kho na
yin pa'i phyir ro/ (/de yang gsum gyis ni zag med dang gcig
sngon gyi mtha' la dmigs pas so//) gzhan gyi sems

(gal te bar chad med lam gyis bsdus na dgra bcom gnyis ka'i cha
las rnam grol la mngon shes med par 'gyur te bar chad med lam
btang nas med pa'i phyir ro/ /lha'i mig dang rna ba'i mngon shes
ni dbang shes yin pas rnam grol lam ji ltar yin zhe na/ lam
gzhan gyi rnam grol du de dag 'gal yang mngon shes kyi rnam grol
yin pas skyon med do/ /de lta min)

(na sgom byung gi mngon shes su 'gal te rnam grol gyi lam min
bas so//) la dmigs nas de'i khyad par shes pa ni rdzas kyi rang
gi mtshan nyid pa dmigs pa dang/ kun du rtog cing 'tshol ba'i bsam
ba can dang/ zag med lam gyi rnam pa can dang/ zag bcas pha rol
kyi sems chags bcas dang chags bral

@390a @#/ /la sogs pa'i rnam pa can yin na zad pa dang mi skye ba
shes pa ni de lta bu ma yin pa'i phyir dang/ 'gog pa mtshungs
ldan ma yin zhing sdug bsngal dang kun 'byung shes ba'i rnam pa
can yang ma yin pas shes pa lnga po de dag ma yin gyi 'od kyang
zag med kyi cha chos shes rjes

shes dang lam dang pha rol sems shes yin la/ zag bcas kyi cha
kun rdzob shes pa dang pha rol sems shes gnyis yin pas shes pa
lnga yin no/ /zag pa zad pa'i mngon par shes pa ni ji ltar zad
pa mkhyen pa'i stobs shes pa drug gam bcu'i rang bzhin dang sa
bcu gcig gis bsdus pa de bzhin

du zag ba zad pa 'ba' zhig la dmigs pa yin na shes pa drug dang/
zag pa zad pa'i rgyud la yod pa'i shes pa yin par 'dod na ni
de'i rgyud la shes pa bcu ka yod pa'i phyir shes pa bcu char yin
no/ /sa yang ci rigs par bcu gcig po thams cad yin par shes par
bya'o/ /mngon shes dang po

lnga ni bsam gtan gyi dngos gzhi bzhi dag na yod la/ gzugs med
na ni med de/ rdzu 'phrul dang lha'i rna ba dang 'chi 'pho dang
skye ba shes pa gsum ni gzugs la dmigs pa'i phyir dang/ sems kyi
rnam grangs dang sngon gyi gnas rjes su dran pa'ang gzugs kyi
dmigs pa la brten nas bsgrub dgos pa'i phyir te/

'di ltar bsam gtan pa dag bsam gtan la (mngon shes 'di dag bsam
gtan khyad par can na med de lhag mthong shas che bas lam sla ba
ma yin pa'i phyir ro//) brten nas gzugs 'di 'dra bas na sems 'di
'dra bar 'gyur ro zhes dang/ lus 'di la sems kyi rnam pa ci 'dra
ba zhig ces pha rol la yid

gtod de/ gang gi tshe gzugs la ma ltos par pha rol kyi sems shes
pa de'i tshe sems shes pa grub pa yin no/ /yang bsam gtan la
brten nas bdag gzhan gyi yid kyi rnam par shes pa 'gags ma thag
pa'i mtshan ma bzung nas de'i snga ma snga ma la yid gtad de
mthar

nyid mtshams sbyor ba'i sems dang/ de nas snga ma'i bar do'i gnas
skabs dang/ de nas snga ma'i 'chi ba'i srid pa dang/ de nas snga
ma'i sngon dus kyi srid pa la yid gtod de/ gang gi tshe bar srid
dran pa de'i tshe sngon gnas rjes dran grub pa yin no/ /de yang
dang po ni rim gyis dran la mngon par

@390b grub nas ni tshe gcig dang gnyis la sogs pa rgal te thod
rgal du yang dran la/ de yang sngon nyams su myong ba kho na
dran no/ /gal te snyon nyams su myong ba kho na dran na 'o na
rten 'dod pa pa'i sngon gnas rjes dran gyis gnas gtsang ma rnams
ji ltar dran te phyir mi 'ong yin pas de dag 'dir mi skye zhing
so

so'i skye bo rnams der mi skye ba'i phyir ro zhe na/ nyams su
myong ba ni mthong ba dang thos pas nyams su myong ba gnyis las
gnas gtsang ma pa rnams ni 'di lta bu yin no zhes thos pas nyams
su myong ba'i phyir ro/ /des na sngon gnas rjes dran ni rang
gzhan gyi sngon 'dod pa la sogs pa'i gnas

gzhan dag rjes su dran pas bsgrub dgos pa la gzugs med dngos
gzhi dge rnams kyi/ /spyod yul zag bcas 'og ma min zhes 'dod pa
la sogs pa'i gnas gzhan 'og ma la mi dmigs pa'i phyir dang/ mdo
las/ bdag ming 'di zhes bya rigs ni 'di lta bur kha zas ni 'di
lta bu

za za/ bde ba dang sdug bsngal ni 'di lta bu zhi ga ? nyams su
myong/ tshe ni 'di tsam zhig thub/ bdag gnas de nas shi 'phos nas
che ge mo zhig tu skyes so/ /de nas shi 'phos nas ni 'dir skyes
so zhes pa dang/ sngon gyi gnas rnam pa du ma rnam pa dang bcas/
yul phyogs dang bcas/ gleng gzhi dang

bcas pa rjes su dran no zhes gsungs pas sa 'og ma'i sngon gyi
gnas dang rus dang rigs dang ming dang kha zas la sogs pa dran
dgos pa'i phyir gzugs la ltos pa yin pa la gzugs med 'og sa la
mi dmigs pa'i phyir ro/ /de yang mngon shes grub nas ni gzugs
lam ltos par

shes so/ /rdzu 'phrul dang lha'i rna ba dang mig gi mngon shes
gsum gyi sbyor ba ni bsam gtan la brten nas rim pa ltar lus yang
pa dang 'phar pa la sogs pa dang/ chung ngu dang thag ring po'i
sgra dang/ snang ba yid la byed pa yin la/ zag zad kyi mngon
shes kyi sbyor ba ni gnas drug par tshul

gnas thos dang bsam gtan pa zhes nyon mongs pa spong ba'i thabs
rgyas par bstan pa'i phyir yang 'dir mi brjod do zhes slob dpon
gang spel 'chad do/ /de dag ni/ rnam gnas kyi rgyu yin la/ rnam
par smin pa'i rgyu ni rin po che'i phreng ba las gsungs pa bzhin
du shes par bya'o/ /mngon shes

@391a @#/ /lnga po 'di dag ni rangs dang 'og sa'i spyod yul can
yin gyi gong ma'i ni ma yin te/ dman pa'i yul mchog ma yin pa'i
phyir ro/ /de'i phyir gzugs med pa'i sems ni sems kyi rnam
grangs shes pa dang sngon gnas dran pa'i mngon shes kyis mi
'dzin te/ de ni gong ma'i

sems yin pa'i phyir ro/ /de lta na gzugs med nas shi 'phos nas
'dir skyes pa ji ltar sngon gyi gnas dran pa'i mngon shes kyis
dran (rdzu 'phrul gyi sa de'ang 'og mar 'gro zhing sprul gyi
gong du ma yin pa sogs gzhan la'ang sbyar ro/ /) te/ de ni bsam
gtan bzhi pa'i sa pa yin pas des gong ma gzugs med

kyi sems mi 'dzin pa'i phyir ro zhe na/ de ni pha rol po'i rgyud
la brten nas bskyed de/ pha rol po'i yid shes 'gags ma thag pa'i
mtshan ma bzung nas bskyed pa'i phyir ro/ /gang dag gzugs med nas
shi 'phos pa ma yin pa de dag ni sla ba'i phyir dang rang gi
rgyun la brten nas skyed par byed do/ /

de yang bar do tshun chad du dran par 'dod kyi gzhan ni mi dran
no zhas bya ba ni grub pa'i mtha'o/ /de dag 'thob pa'i tshul ni
mngon par shes pa bye brag can sngon ma bskyed pas ma 'dris pa
rnams ni sbyor bas 'thob par bya ba yin la/ gang dag tshe rabs
snga ma la goms shing 'dris pa rnams ni 'dod chags

dang bral ba tsam gyis 'thob bo/ /de dag mngod sum du 'gyur ba
ni 'dris pa dang ma 'dris pa gnyis ka'ang sbyor ba'i stobs kho
nas 'thob par bya ba yin no/ /dran pa nye bar bzhag par bshad pa
ni mngon par shes pa (khyad par can ni 'phags lam dang 'bral
ba'o/ /) gsum pa sems kyi rnam grangs shes

pa ni mtshungs ldan kho na la dmigs pas tshor ba dang sems dang
chos dran pa nyer gzhag gsum yin te gzhan gyi sems dang sems las
byung ba la dmigs pa'i phyir ro/ /rdzu 'phrul gyi yul shes pa
dang lha'i rna ba dang lha'i mig gi mngon shes gsum ni dran pa
nyer gzhag dang po lus dran

pa nyer gzhag yin te/ rdzu 'phrul gyi mngon par shes pa ni 'dod
par gtogs pa'i sprul pa ni/ phyi'i skye mched bzhi nas 'chad par
'gyur bas sgra ni rgyun chad pas sprul par mi byed pas gzugs dri
ro reg bya bzhi la dmigs pa'i phyir dang/ lha'i rna ba ni bskal
ba dang ma bskal ba'i sgra la dmigs

@391b pa'i phyir dang/ lha'i mig gis ni 'chi ba dang bar do dang
skye ba'i srid pa'i kha dog bzang ngan la sogs pa'i gzugs la
dmigs pa'i phyir dang/ de thams cad kyang gzugs can yin pa'i
phyir ro/ /gal te lha'i mig gi mngon shes kyi dmigs yul gzugs
kyi skye mched kho na yin na/ 'o na mdo las 'chi

'pho skye shes kyis sems can 'di dag ni lus kyi nyes par spyod
pa dang ldan no zhes pa la sogs pa sgo gsum gyi las dang ldan pa
shes par gsungs pa dang 'gal te/ lus kyi rig byed ma yin pa dang
ngag dang yid kyi las gzugs kyi skye mched ma yin pa'i phyir ro
zhe na/ bye brag tu smra ba dag de dag

lha'i mig gi mngon shes kyis mi shes kyi 'on kyang lha'i mig gi
mngon shes kyi 'khor du gyur pa'i yid kyi rnam shes kyis shes pa
yin pas sgo gsum gyi las dang ldan pa shes pa ni yid shes yin no
zhes 'dod pa ni mi rigs te/ yid shes de mngon shes drug tu ma
'dus na drug las tha dad

pa'i mngon shes yin pas mngon shes bdun par thal bar 'gyur la/
'dus na 'khor du rnam par bzhag pa mi 'thad par 'gyur ro/ /des
na lus ngag gi nyes spyod ni lha'i mig dang rna ba'i mngon shes
kyis shes la yid kyis nyes sbyod de dag las dpog pa'am sems kyi
rnam grangs shes pas

shes pa yin no zhes bya bar rigs so/ /sngon gnas rjes dran ni
gzugs dang sems dang sems byung gsum ga la dmigs pas dran pa
nyer gzhag bzhi ka'i bdag nyid yin la/ zag zad kyi mngon shes
kyang gal te zag pa zad pa 'ba' zhig la dmigs pa yin na ni chos
dran pa nyer

gzhag dang/ 'on te de'i rgyud la dmigs pa yin na ni shes pa
bcu'i ngo bo yin pas dran pa nyer gzhag bzhi ka yin no/ /yang na
zag pa zad pa 'ba' zhig la dmigs pas shes pa drug gi ngo bo yin
yang dran pa nyer gzhag gzhan gsum yang ma 'ongs pa 'thob pas

dran pa nyer gzhag bzhi char gyi rang bzhin zhes TI ka byed dag
'chad de 'grel pa'i dgongs pa'ang de nyid du gsal lo/ /yang
mngon shes de dag las lha'i mig dang rna ba'i mngon shes gnyis
ni nyon mongs pa can ma yin zhing dge ba bzhir yang ma 'dus pas
ma bsgribs

@392a @#/ /la lung du ma bstan pa kho na yin no/ /de dag kyang
mig dang rna ba'i rnam shes dang mtshungs par ldan pa'i shes rab
yin no/ /'o na de dag bsam gtan bzhi pa'i sa par mi 'gyur te/
gnyis pa sogs na lus mig dang/ /rna ba'i rnam shes rnam rig

slong/ /gang yin de ni dang por gtogs zhes 'chad par (de dag
skyes thob min la/ sbyor byung yang min te de ni thos bsam sgom
gsum gyis bsdus la de la skyes thob dang sbyor byung gnyis ka mi
srid pas so/ /) 'gyur bas mig dang rna ba'i rnam shes de dag
bsam gtan gnyis pa yan chad na med la/ de dag med par de dag
dang

mtshungs ldan gyi shes rab mi 'thad pa'i phyir ro zhe na/ de lta
mod kyi 'on kyang gzugs kyi khams na bcu bzhi'o zhes 'byung bas
rnam shes de dag gi rten mig dang rna ba'i dbang po bsam gtan
bzhi pa'ang yin pas rten dag gi dbang gis bsam gtan bzhi par
brjod do/ /yang na bar chad med pa'i lam gyi dbang

gis de skad brjod de/ thog mar sgrub pa na lam sla ba'i mchog
yin pas bar chad med lam bsam gtan bzhi pa la brten nas bsgrub
dgos pa'i phyir ro/ /mngon shes lhag ma bzhi po rnams ni dge ba
kho na yin no/ /'o na rab tu byed pa las/ mngon par shes pa gang
zhe na/ shes rab

dge ba yin no zhes bshad pa ji lta bu zhe na/ de ni mngon shes
dge ba gtso bor gyur ba'am/ yang na mngon shes phal cher dge ba
yin pa'i dbang du byas nas de skad du bshad pa yin te dper na
mon sran rde'u la sogs pa (de yang bsam gtan gyi sa bsdus pa'i
rnam grol gyi lam yin pas so/ /) yod bzhin du

mon sran gre'u phal che bas de'i phung por brjod pa bzhin no/
/mngon shes drug po 'di dag las phyi ma gsum ni mi slob pa'i rig
pa gsum zhes bya'o/ /ci'i phyir gsum po de dag kho na rig pa yin
gyi dang po gsum ma yin zhe na/ de gsum gyis sngon gyi mtha'
dang sogs pas gzung ba phyi ma'i mtha'

dang bar la kun du rmongs pa'i ma rig pa rnam par bzlog pa'i
phyir ro/ /'di la skal ldan khyad par can la sogs pa ni zag zad
kyi mngon shes kyi skabs su mdo las 'di las srid pa gzhan mi
shes so zhes 'byung ba dang/ 'das pa dang da ltar byung ba dang
ma 'ongs pa'i dus zhes bya ba'i rim pa

@392b dang mthun par sngon gnas rjes dran dang 'chi 'pho skye
shes dang zag pa zad pa shes pa gsum gyis rim pa ltar sngon dang
bar dang phyi ma'i mtha' la kun du rmongs pa bzlog par byed do
zhes 'chad mod kyi/ slob dpon 'dun bzang dang pos rang gzhan gyi
rgud pa mthong la/ bar mas gzhan gyi rgud pa

mthong nas skyo ba skye la/ de ltar skyo na gsum pas yang dag
pa'i don rtogs pas na de gsum gyis rim pa ltar sngon dang phyi
ma'i mtha' dang bar da ltar byung ba la kun du rmongs pa bzlog
go zhes 'chad pas nyid rigs te/ 'grel pa las/ sngon gyi gnas
dang 'chi 'pho ba dang skye ba dang zag pa

zad pa shes pa mngon sum du bya ba rnams ni mi slob pa'i rig pa
gsum zhes bya'o zhes bshad nas/ 'di dag gis ni go rim bzhin du
sngon gyi mtha' dang phyi ma'i mtha' dang bar la kun du rmongs
pa bzlog par byed do zhes bshad pa'i phyir slob dpon gyi dgongs
pa'ang de nyid yin par mngon

no zhes rgyal po'i sras 'chad do/ /mngon shes gsum po de dag kho
na rig pa gsum yin par ni yang mdo las/ mi slob pa'i rig pa ni
gsum ste/ mi slob pa'i sngon gyi gnas rjes su dran pa shes pa
mngon du byed pa'i rig pa dang/ mi slob pa'i 'chi 'pho dang skye
ba shes pa mngon du byed pa'i rig pa dang/

mi slob pa'i zag pa zad pa shes pa mngon du byed pa'i rig pa'o
zhes pa dang/ sde snod gsum pa yin/ rig pa gsum pa yin zhes
kyang gsungs pas gsum po de dag las kyang don dam par mi slob
pa'ang yin la de'i rig pa'ang yin pa ni zag med yin pas tha ma
zag zad kyi mngon shes kho na

yin la/ dang po gnyis ni mi slob pa de'i rgyud la skyes pa'i
phyir mi slob pa de'i rig pa zhes bya'i dngos su na de gnyis ni
zag bcas yin pas slob mi slob gnyis ka ma yin pas mi slob pa ma
yin no/ /gal te mngon shes 'di dag slob pa la'ang yod bzhin du
ci'i phyir slob pa'i rig par mi

brjod ce na/ mngon shes 'di dag slob pa la'ang yod par 'dod de
'on kyang de dag rig par ni ma bshad do zhes sbyar ro/ /ci'i
phyir zhe na/ rgyud ma rig pas zil gyis mnan pa dang bcas pa'i
phyir dang/ (langs pa na sgom spang gi/) ma rig pa dang bcas
bzhin du rig par 'os pa ma yin pa'i phyir ro/ (/bcings

@393a @#/ /bas rnam grol ma bshad do/) /yang drug gi tshogs kyi
bzhi pa reg pa bzhi ba'i mdo'i ral pa can stong rab tu byung
ba'i dge slong rnams la gdams pa las rdzu 'phrul gyi cho 'phrul
dang kun brjod pa'i cho 'phrul dang rjes su bstan pa'i cho
'phrul rnam pa gsum gsungs

pa las mngon par shes pa drug gi dang po rdzu 'phrul gyi yul
shes pa'i mngon par shes pa dang/ gsum pa sems kyi rnam grangs
shes pa dang/ drug pa zag zad kyi mngon shes rnams ni rim pa
bzhin du rdzu 'phrul dang khyod kyi sems ni 'di 'dra'o zhes kun
brjod pa dang lam yang dag pa ji

lta ba bzhin ston pas rjes su bstan pa'i cho 'phrul rnams yin
no/ /ci'i phyir cho 'phrul zhes bya zhe na/ dang por gdul bya
gzhan gyi yid 'phrog par byed pa'i phyir te ha ra'i don to/ /de
la dang pos ni pha rol kyi yid 'dun pa'i sgo nas 'phrog par byed
cing/ gnyis pas ni pha rol kyi bsam

pa shes nas chos bstan pa'i sgo nas yid 'phrog par byed la/ gsum
pas ni bstan pa bzhin bsgrubs pas smin cing grol ba'i sgo nas
yid 'phrog pa'i phyir ro/ /yang na 'di dag gis rim pa ltar bstan
pa la zhe 'gras pa dang bar mar gnas pa dang zhugs pa rnams kyis
yid 'phrog pa'i phyir ram/

yang na 'dun pa dang 'jug pa dang zhugs pa rnams kyis yid 'phrog
pa'i phyir ro/ /cho 'phrul gsum po 'di dag gi nang na rjes su
bstan pa'i cho 'phrul kho na mchog yin te/ nyon mongs pa zad pa
med na mi 'byung zhing/ bar chad med pa'i lam zag med kho na las
skyes pas rgyu de la ma 'khrul

ba'i phyir dang/ 'dir nyon mongs pa dang bral bas phan pa'i
phyir dang/ phyi mar sdug bsngal gyi khur dang bral bas gtan du
yid du 'ong ba'i 'bras bu la sbyor bar byed pa'i phyir ro/ /cho
'phrul dang po gnyis ni g+han d+ha ri zhes bya ba'i rig sngags
kyis nam mkha' la 'gro ba dang/ rtog byed ces bya ba'i rig

sngags kyis pha rol kyi sems shes pa dang/ sman dang mi ma yin
pa'i nus pas kyang de ltar 'gyur ba'i phyir zag med kyi rgyu la
mi 'khrul ba'ang ma yin la/ gdul bya 'dun pa dang bsam pa shes
pa tsam gyis dngos su phan pa dang yid du 'ong ba'i 'bras bu la
mi sbyor bas mchog ma yin

@393b no/ /'o na rdzu 'phrul zhes bya ba 'di ci zhig ce na/ bye
brag tu smra ba rdzu 'phrul ni ting nge 'dzin yin no zhes 'dod
de/ 'dis 'byor zhing 'grub par byed pa'i phyir ro/ /ci zhig
'byor zhing 'grub ce na/ rdzu 'phrul ting nge 'dzin de las ni
yul sprul pa dang 'gro ba dbang 'byor ba 'grub pa'i phyir ro/
/de la rdzu

'phrul gyis 'gro ba ni rnam pa gsum te/ bya bzhin du rim gyis
lus kyis mgyogs por phyin par byed pa lus phyin byed dang/ lam
thag ring po'ang thung ngur mos pa byas pas myur du sleb pa mos
pa las byung ba dang/ yid kyis bsams pa tsam gyis der sleb pa'i
yid mgyogs so/ /

de dag las yid bzhin du mgyogs pas na yid mgyogs kyis 'gro ba ni
ston pa sangs rgyas kho na la mnga' ste/ yul thag shin tu ring
bar yang thugs bskyed pa tsam gyis byon pa'i phyir ro/ /de nyid
kyi phyir bzhi las 'phros pa'i mdo las/ sangs rgyas rnams kyi
sangs rgyas kyi yul ni bsam gyis

mi khyab po zhes gsungs so/ /'gro ba gzhan gnyis ston pa la
mnga' bar dngos su ma bshad kyang mnga' bar grub (yid la bsams
pa tsam gyis der phyin pas yid mgyogs so/ /) po/ /sangs rgyas
las gzhan nyan rang la sogs pa dag la ni lus phyin byed kyi 'gro
ba'ang yod la mos pa las byung ba yang yod

do; ;sprul pa ci lta bu zhe na/ sprul pa ni rten 'dod gzugs kyi
sprul pa gnyis las dang po la yang gnyis las re zhig dang po
('dod pa'i rten can gyis/) 'dod par gtogs pa'i sprul pa ni
phyi'i skye mched gzugs dri ro reg bya bzhi sprul gyi nang gi
skye mched ni sprul par mi byed de/ de sprul na sngon med pa'i
sems

can 'byung bar thal ba'i phyir ro/ /sgra ni rgyun med pa'i phyir
mi sprul lo/ /de yang bdag nyid seng ge dang glang po che la
sogs par bsgyur bas bdag gi lus dang 'brel ba dang/ bdag nyid
las phyi rol tu seng ge dang glang po che la sogs par sprul pas
gzhan gyi lus dang 'brel ba rnam pa gnyis so/ /

gnyis pa rtan 'dod pa ba des gzugs su gtogs pa ni de na dri ro
med pas gzugs dang reg bya'i skye mched gnyis kho na sprul zhing
de yang snga ma ltar bdag gzhan gyi lus dang 'brel ba gnyis
gnyis bzhi'o/ /de ltar na 'dod pa'i rten can gyi ('dod pa dang
gzugs kyi gnyis gnyis te/) sprul pa rnam pa bzhi

@394a @#/ /yin no/ /de bzhin du gnyis pa rten gzugs khams pas
kyang rang sa dang 'dod pa'i skye mched gnyis dang bzhi sprul
zhing de gnyis ka re re zhing bdag gzhan gyi lus dang 'brel par
sprul pas spyir sprul pa ni rnam pa brgyad yin no/ /gal te des
'dod par bdag gi lus dang

'brel ba'i dri ro sprul na de de gnyis dang ldan par 'gyur ro
zhe na/ de dag las sred pa med pas sprul kyang ldan par mi 'gyur
te dper na gos dang rgyan lus dang 'brel kyang sems can du mi
bgrang bas sems dang ldan par mi 'gyur ba bzhin no/ /yang ci
mngon shes kho nas sprul pa sprul bar byed

dam zhe na/ ma yin te/ mngon shes kyi 'bras bu sprul pa'i sems
dag gis sprul par byed la/ sprul sems de dag kyang dbye na ni
bcu bzhi'o/ /gang zhe na/ bsam gtan dang po'i 'bras bu sprul
sems ni 'dod pa dang bsam gtan dang po'i sa pa'i gnyis yin pa
nas bsam gtan gnyis pa'i

'bras bu sa 'og ma pa gnyis dang rang gi sa pa ste gsum dang/
gsum pa'i sa 'og ma pa gsum dang rang gi sa pa ste bzhi dang/
bzhi pa'i sa 'og ma pa bzhi dang rang gi sa pa dang lnga yin
pa'i bar du rim pa bzhin du shes par bya'o/ /des na bsam gtan
gyi 'bras bu sprul sems ni rang sa dang 'og sa pa'i yin

gyi bsam gtan 'og ma'i sa pa dag gi 'bras bu sa gong ma las
skyes pa'i sprul sems ni min te (yin na 'og sa la brten nas gong
sa sprul nus par thal bas so/ /) gong sa ma thob na bskyed mi
nus la thob na de nyid kyi 'bras bu yin pa'i phyir ro/ /de ltar
na 'dod pa'i sprul sems bsam gtan bzhi po kho

na'i 'bras bu yin pa las bsam gtan 'og ma'i 'bras bu 'dod pa'i
sprul sems kyis sprul pa'i 'dod pa'i sprul pa bas bsam gtan gong
ma'i 'bras bu 'dod pa'i sprul sems kyis sprul pa'i 'dod pa'i
sprul pa 'gro ba'i sgo nas khyad par du 'phags te/ bsam gtan
dang po'i 'bras bu 'dod pa'i

sprul sems kyis sprul pa'i 'dod pa'i sprul pa des bsam gtan dang
po'i sa pa'i bar du 'gro nus kyi gnyis pa la sogs par 'gro mi
nus la/ bsam gtan gnyis pa'i 'bras bu 'dod pa'i sprul sems kyis
sprul pa'i 'dod pa'i sprul pa des bsam gtan gnyis pa'i bar du
'gro nus pa'i

@394b phyir ro/ /de bzhin du bsam gtan gsum pa la sogs pa'i
'bras bu 'dod pa'i sprul sems kyis sprul pa la'ang sbyar te shes
par bya'o/ /sprul sems de dag rnyed pa'i tshul ni bsam gtan gyi
dngos gzhi bzhin du 'og sa las 'dod chags dang bral ba'i sgo nas
rnyed do/ /'o na sprul sems de rang

nyid kyi rjes kho na las 'byung zhing ldang ngam gzhan las kyang
'byung zhing gzhan yang 'byung zhe na/ sprul sems de ni thog mar
mngon du byed cing sprul sems la 'jug pa na bsam gtan dag pa pa
dang rgyun gyi tshe sprul sems rang nyid las skye bar 'gyur la/
sprul sems la gnas pa de ldang ba na

ting nge 'dzin la ma zhugs par ldang ba med pas sprul sems de
las kyang sprul sems las langs pa'i tshe bsam gtan dag pa pa
dang/ rgyun gyi tshe sprul sems rang nyid dang gnyis skye bar
'gyur gyi gzhan dang gzhan las ni 'byung ba med do/ /sprul pa
thams cad kyang rang rang gi sa pa'i

sprul pa'i sems kyis rang sa'i sprul pa sprul par byed kyi sa
gzhan pa'i sprul sems kyis ni sa gzhan gyi sprul pa sprul par mi
byed do zhes spyir btang (des na sprul sems kho na las 'dod pa'i
sems lta bus ldang ba ni mi srid de bya 'phur ba dang 'bab pa
nges par 'dab ma la brten pa bzhin na/ /) nas dmigs

bsal bsam gtan gnyis pa yan chad pa dag gi sprul pa ngag smrar
'jug pa ni rang sa nas rtog dpyod med cing ngag smra ba kun
slong rtog dpyod la nges par ltos pas sa 'og ma bsam gtan dang
po'i sa pa'i smra sems kho nas smrar 'jug la/ kyang zhes pa ni
'dod pa dang bsam gtan dang

po na ni rang gis pa'i sems kho nas smrar 'jug go zhes pa bsdu
ba'i phyir ro/ /ngag smra ba de yang lha dang bcas pa'i ston pa
sangs rgyas min pa'i sprul pa ni sprul pa po dang bcas nas smra
bar byed de/ lung ring po las/ gcig gis smra bar byed pa na/
/sprul pa thams cad smra bar byed/ /gcig mi

smra bar gyur pa dang/ /de dag thams cad smra mi 'gyur zhes
'byung ba'i phyir ro/ /sangs rgyas kyi sprul pa ni thams cad
bzhed pa tsam gyis 'byung ba'i phyir snga phyi ji ltar bzhed par
smra bas nges pa med de/ las gdags pa las/ ci'i phyir sangs
rgyas bcom ldan 'das kyis sprul pa skyes bu chen

@395a @#/ /po'i mtshan sum cu rtsa gnyis dang ldan pa sprul pa ni
gang gi tshe sangs rgyas bcom ldan 'das gsung ba de'i tshe sprul
pa mi smra la sprul pa smra ba de'i tshe sangs rgyas mi gsung ba
dang/ nyan thos kyi sprul pa nyan thos kyi cha byad can sprul pa
ni nyan thos smra ba'i tshe

sprul pa'ang smra la nyan thos mi smra ba'i tshe sprul pa'ang mi
smra zhe na/ sangs rgyas bcom ldan 'das ni sems dang ting nge
'dzin la mnga' brnyes pas myur du snyoms par 'jug cing bzhengs
te dmigs pa'ang mi gtong la nyan thos ni de lta ma yin pa'i
phyir ro/ /gzhan yang sangs rgyas

bcom ldan 'das ni thams cad mkhyen pa yin te/ ye shes dang dbang
gi pha rol tu phyin pa yin la nyan thos ni de lta ma yin pa'i
phyir ro zhes 'byung ba'i phyir ro/ /'di la gal te smra ba'i
ngag mang po sprul na ni sgra yang sprul par 'gyur bas phyi'i
skye mched bzhi zhes pa dang/ 'gal bar

'gyur la/ 'on te ngag gcig las med na mang po smra bar byed pa
mi 'thad do/ /gal te mang por smra bar snang ba yin gyi ngag
gcig las med do zhe na/ de ni phyi'i skye mched bzhi la'ang
mtshungs pa'i phyir ro/ /de'i phyir bye brag tu smra bas sems can
gsar skye med pas dbang po lnga mi sprul la/

sgra la rgyun med pas mi sprul lo zhes bya ba'ang sprul pa 'di
dag sems kyi snang ba ma gtogs pa don la yod pa'i chos yin na ni
ji ltar sprul pa yin/ med na'ang gsar du skye ba dang rgyun med
pa dag kyang shes pa la snang bar 'gyur ro zhes brtag par bya'o/
/'o na rgyud gcig la sems gnyis cig

car mi 'byung pas smra sems yod pa'i tshe sprul sems med la sprul
sems yod pa'i tshe smra sems med pas ji ltar sprul pa smrar 'jug
ce na/ dang po sbyor pa'i tshe sprul sems kyis sprul pa sprul nas
bdag gi sprul pa 'di yun ring du gnas par gyur cig  /de nas smra
sems

kyis smra bar gyur cig ces rim pa ltar 'byung bar byin gyis
brlabs nas ji ltar byin gyis brlabs pa ltar phyis sprul sems las
gzhan smra sems kyis smrar 'jug pa'i phyir skyon med do/ /ci
gson po kho na la byin rlabs yod dam/ 'on te shi ba la'ang yod
ce na/ (sprul pa

@395b po) shi ba la yang byin gyis brlabs nas yun ring du 'jug
pa yod de/ lung phran tshegs las/ ston pa 'das nas 'phags pa kun
dga' bo dang nye bar 'khor gyis mdo sde dang 'dul ba bsdus pa'i
rjes la 'phags pa 'od srungs chen pos mngon pa'i sde snod bsdus
te/ kye ma stobs bcu mnga'

ba'i gsung ni tshad med pa/ /'gro la phan phyir chos kyi bstan
bcos 'di bsdus pas/ /gang na 'jig rten blo ngan mun byed chung
zos pa/ /blo gros rab rib bsal bas sgron mer yang dag ldan zhes
smras nas/ 'di snyam du bdag gis ston pa'i bka' drin mtha' dag
bsab par mi nus mod kyi 'on kyang sde

snod gsum bsdus na bstan pa yun ring du gnas par 'gyur ro zhes
gsung pa'i ston pa'i gsung bsgrubs shing bstan pa yun ring du
gnas par byas pas 'jig rten la phan btags shing tshangs spyod yun
ring du spyad pas da ni lus rnag can 'dis skyo bas bdag mya ngan
'da' ba'i dus la bab bo

snyam nas/ bdag gi thub pa'i mdo sde ni/ /yang dag bsdus nas
chos lam gzhag  /gcig nas gcig tu yun ring bar/ /ston pa'i gsung
rab 'di gnas 'gyur/ /ngo tsha med rnams chad pas bcad/ /ngo tsha
byed ni yongs su gzung/ /bdag gis phan dang dge byas pas/ /bdag
ni mya ngan 'das dus

bab ces smras te/ kun dga' bo la bstan pa gtad nas ston pa'i sku
gdung gi mchod rten brgyad kyi drung du song ste mchod cing/
klu'i gnas dang sum cu rtsa gsum du'ang song nas ston pa'i mche
ba la mchod pa byas te/ slar rgyal po'i khab tu 'ongs nas rgyal
po ma skyes dgra la mya ngan las

'da' bar smra bar 'dod pa na rgyal po gnyid du song bas ma phrad
par gyur to/ /de nas 'od spungs chen po ri bya rkang can du song
ste ri gsum gyi dbus su rtsa bting ba la 'dug nas bdag gi lus
'di sangs rgyas byams pa'i slob ma rnams skyo bar bya ba'i phyir
byams pa'i

bstan pa rgyas kyi bar du ri kha zum ste ri'i dbus su ma nyams
par gnas par gyur cig  /rgyal po ma skyes dgra lus bltar 'ongs
na ri rnams bye nas mthong bar gyur cig  /tshe'i 'du byed btang
ma thag tu sa g.yo ba la sogs pa'i ltas sna tshogs 'byung bar
gyur cig snyam du

@396a @#/ /bsams nas glog 'byin pa la sogs pa'i cho 'phrul sna
tshogs bstan te rang gi lus byin gyis brlabs nas ston pas gnang
ba'i na bza' phyag dar khrod kyis lus dang gsil byed dang lhung
bzed rnams btums te glo g.yas pa pha ba rkang pa'i

steng du rkang pa bzhag nas nyal te mya ngan las 'das so/ /gang
gi tshe sangs rgyas byams pa byon pa de'i tshe byams pa 'dus pa
dang po'i nyan thos kyi dge 'dun bye ba phrag dgu bcu rtsa drug
dang bcas par byi rkang can du gshegs nas ri gsum bsal te byams
pas 'od srungs chen po'i rus pa

phyag tu bsnams nas chos bstan pas nyan thos bye ba phrag dgu
bcu rtsa drug gis dgra bcom 'thob par gsungs la/ snying rje chen
po padma dkar po'i mdo las ni byams pa'i 'dus pa gnyis pa nyan
thos bye ba phrag dgu bcu rtsa bzhi dang/ 'dus pa gsum pa nyan
thos bye ba phrag dgu bcu rtsa

gnyis te/ 'dus pa gsum char la 'od srungs chen po'i lus byams
pas bstan nas gdul bya mang po'i don byed par gsungs pa'i phyir
ro/ /kha cig 'od srungs chen po mya ngan las 'das par bshad pa
ni theg chung nga'i lugs yin gyi theg chen pa ni 'gog pa la
snyoms par zhugs

par bzhed do/ /zhes gsungs pa ni mi rigs te/ snying rje chen po
padma dkar po las kyang mya ngan las 'das pa kho nar gsungs pa'i
phyir ro/ /shi nas byin gyis brlabs pa de yang kha che ba rus pa
lta bu brtan pa la yod kyi mi brtan pa sha khrag dang pags pa la
sogs pa la med de/ de'i phyir 'od srungs

kyi yang keng rus 'ba' zhig gnas kyi shal sogs pa byin gyis ma
brlabs pa'i phyir ro zhes 'dod la/ gzhan dag na re shi ba las ni
byin rlabs yod pa min gyi 'od srungs kyi keng rus gnas pa ni
gnas gtsang ma'i lha rnams kyi mthus gnas pa yin no zhes 'dod
do/ /'o na sprul sems

gcig gis du ma sprul lam gcig gis gcig kho na sprul zhe na/ dang
por te ma byang pa'i tshe ni sprul sems du mas sprul pa gcig
sprul pa yin te/ yun ring du 'bad dgos pa'i phyir ro/ /phyis
mngon shes byang bar gyur nas ni snga ma las bzlog pa sprul sems
gcig gis du ma sprul bar

@396b byed do/ /zhes sprul sems thams cad lung ma bstan yin nam
zhe na/ bsgoms pa las skyes pa'i sprul sems gang yin pa de ni
nges par lung ma bstan yin la/ lha klu dang sha za la sogs pa'i
skye ba las skyes shing thob pa'i sprul sems ni phan pa dang
gnod pa bya ba'i phyir sprul par byed

pa dang btang snyoms pa yin pa'i phyir dge mi dge lung ma bstan
rnam pa gsum mo/ /lha klu la sogs pa de dag gis byas pa'i (sa
gong mar skyes pas kyang 'og ma'i de mngon du byed pa'i phyir
ro/ /) sprul pa rang dang gzhan gyi rgyu dang 'brel ba ni sgra
ma gtogs pa'i gzugs can gyi skye mched thams cad yin

pa'i phyir skye mched dgu pa yin no/ /dbang po dang tha mi dad
pa'i phyir de skad du brjod kyi dbang po ni dngos su na sems can
du ston pa kho na yin pas sngon med pa'i sems can 'byung bar
thal bar 'gyur ba'i phyir sprul par mi byed do/ /sprul pa sems
med yin pa'i phyir yid dang chos kyi

skye mched dag kyang sprul par mi byed do/ /sprul pa sems med
yin par ni gdags pa las/ sprul pa de 'byung ba chen po bzhi las
gyur pa zhes brjod par bya'am/ 'byung ba chen po bzhi las gyur
pa ma yin zhes brjod par bya/ smras pa/ 'byung ba chen po bzhi
las gyur pa'o zhes brjod par bya'o/ /rgyur byas pa'i gzugs

can nam/ rgyur byas pa'i gzugs can ma yin pa zhes brjod par bya/
smras pa/ rgyur byas pa'i gzugs can no zhes brjod par bya ste/
sems med pa zhes kyang brjod par bya'o/ /sprul pa gang gi sems
kyi dbang gis 'jug par bya zhes brjod par bya/ smras pa/ sprul
pa ni gnyis te/ skyes nas thob pa dang/

bsgoms pa las byung ba'o/ /de la dang po ni sems can de'i sems
kyi dbang gis 'gyur la/ gnyis pa ni sprul pa po'i sems kyi dbang
gis 'jug go zhes brjod par bya'o zhes 'byung ba'i phyir ro/ /des
na 'di ni sgom byung gi dbang du byas kyi skyes thob ni de nyid
las/ sprul pa sems yod pa

zhes bya'am med pa zhes bya zhe na/ sprul pa ni gnyis te/ skyes
nas thob pa dang/ bsgoms pa las byung ba'o/ /de la skyes thob ni
sems yod pa zhes bya la/ sgom byung ni sems med pa zhes bya'o/
/zhes skyes thob la sems yod par bshad do/ /de bzhin du sprul
pas kha zas zos pa na skyes

@397a @#/ /thob kyi ni sprul pa nyid kyi ltor 'ju la sgom byung
gi ni sprul pa po'i ltor 'ju bar bshad do/ /des na rang gzhan
gyi lus dang 'bral pa'i sprul pa ni skye mched dgu pa yin la/
rang gzhan gyi lus dang ma 'brel ba'i sprul pa ni sngar bshad pa
ltar skye mched bzhi pa

kho na yin no zhes shes par bya'o/ /ci rdzu 'phrul sgom byung
dang skyes thob kho nar zad dam zhe na ma zad de/ rdzu 'phrul ni
snga ma gnyis po de dag dang/ g+han d+ha ri la sogs pa'i gsang
sngags las skyes pa dang/ rus sbal gyi ze ba dang rma bya'i
mdongs la sogs pa'i sman dag las skyes pa

dang/ rgyal po nga las nu dang bar srid pa rnams kyi lta bu las
las skyes pa dang rnam pa lnga yin no zhes shes par bya'o/
/lha'i rna ba dang mig tu bshad pa gang yin pa de dag ci lha'i
dngos yin nam/ 'on te byang chub sems dpa' dang 'khor los bsgyur
ba dang khyim bdag rin po che rnams kyi mig ltar

lha'i dang 'dra bas btags nas de skad du brjod ce na/ de gnyis
ni lha'i mig dang lha'i rna ba dngos kho na yin te/ bsam gtan pa
dag bsam gtan la mnyam par bzhag nas sgra dang snang ba la gtod
pa'i sbyor ba'i stobs kyis mig dang rna ba'i thon kor du bsam
gtan gyi sa pa'i 'byung bzhi rgyur

byas pa'i gzugs can dang ba (sha dang pags pa dang rus pa dang
khrag dang ma 'brel zhing/ lha'i mig gis rgyab phyogs su'ang
mthong la shas mi mthong ba khyad par ro/ /) thag ring po na
gnas pa dang chod pa dang phra ba'i gzugs dang sgra thos pa'i
rgyur gyur pa'i dbang po 'grub pas bsam gtan gyi sa pa yin pa'i

phyir ro/ /lha'i mig dang rna ba de gnyis kyang gzugs nyams su
myong ba'i sgo nas bsgrubs pa'i phyir rtag tu rnam shes dang
bcas pas brten pa dang bcas pa kho na yin la/ gtan med pa'i zhar
ba dang nong pa yo ba dang 'on pa lta bu ma yin pas mtshang ba
med pa'ang yin no/ /de gnyis kyi

kyi yul ni gzugs sgra thag ring ba dang phra ba dang sogs pas
bsdus pa bsgribs pa'i spyod yul can yang yin pas sha'i mig las
khyad par du 'phags te/ gang phyir sha'i mig gis gzugs/ /thag
ring gnas dang sgrib pa dang/ /phra dang thams cad mi mthong ba/
/de phyir lha yis

@397b mthong bar 'dod ces 'grel pa las 'byung ba bzhin no/ /'o
na lha'i mig gis ji tsam mthong zhe na/ bsam gtan dang po'i
lha'i mig gis 'dod pa dang bsam gtan dang po mthong ba la sogs
pa sngar bshad zin to/ /nyan rang sangs rgyas gsum gyi lha'i mig
mngon par 'du byed pa med pas ni rim pa ltar stong

dang stong gnyis dang stong gsum gyi 'jig rten gyi khams mthong
la/ mngon par 'du byed ba'i stobs kyis ni rim pa ltar dgra bcom
pa rnams kyis stong gnyis dang bseru lta bu'i rang rgyal rnams
kyis stong gsum dang ston pa sangs rgyas rnams kyis ni ji tsam
bzhed pa'i 'jig rten gyi khams grangs med pa

mthong ngo/ /ci rdzu 'phrul kho na skyes thob yin nam/ 'on te
gzhan yang skyes thob yin zhe na/ rdzu 'phrul las gzhan lha'i
mig dang rna ba dang sngon gnas rjes dran dang pha rol sems shes
bzhi la yang skye bas thob pa yod mod kyi (de ni 'gro ba de
thams cad kyis skyes ba'i dus nyid na rang bzhin gyis thob pa
yin gyi

kha cig gam bya nam mkha' la 'gro ba ltar skyes pa'i 'og tu thob
pa ni ma yin no/ /rdzu 'phrul ni lnga ste 'di rtog ges byas pa
med do/ /mig dang rna ba'i mngon shes gsum ste/ sngags dang sman
las byung ba ma gtogs so/ /sems shes ni bzhi ste sman las byung
ba med do/ /dge ba 'dis sems can thams cad sangs rgyas thob pa'i
rgyur cis kyang gyur

cig  /'di bzhi skye bas thob ba ni ma yin no/ /'di bzhi skyes
pas thob pa ni 'dod pa'i lha klu dang gzugs kyi lha rnams la yod
do/ /) 'on kyang skyes thob kyis ni cung zad kyang mngon shes
kyi ming mi 'thob bo/ /skyes thob kyi lha'i mig gang yin pa des
ni srid pa bar ma mi mthong ste/ de ni skyon bcu gcig dang bral
ba

mngon par shes pa'i lha'i mig rnam par dag pa kho na'i yul yin
pa'i phyir ro/ /de la lha'i mig skyes thob ni klu dang 'dod
gzugs kyi lha rnams la yod do/ /gzugs med na ni mngon shes lnga
dang skyes thob kyang med de/ TI ka las/ gzugs med na mngon
shes lnga dang skyes thob thams cad med de/

gzugs med pa'i phyir dang/ de lta bu'i lus yang dag par mi 'grub
pa'i phyir ro/ /zhes 'byung ba'i phyir ro/ (/skyes thob kyi chos
kyi khyad par la/) pha rol sems shes skyes thob de ni dge mi dge
lung ma bstan rnam pa gsum mo/ /gang yang rtog ge ba rnams kyi
mtshan ma las sems shes pa dang rig sngags kyis

@398a @#/ /byas pa'i sems shes pa de yang dge mi dge lung ma
bstan rnam pa gsum yin la sems shes sgom byung ni dge ba kho na
yin no/ /pha rol sems shes dang sngon gnas rjes dran skyes thob
ni dmyal ba pas ni dang po skyes nas ji srid du sdug bsngal gyi
tshor

bas ma nyen pa de srid du pha rol kyi sems dang sngon gyi gnas
shes kyi phyis ni sdug bsngal gyi tshor bas nyen pas yid nyams
par byas pa'i phyir mi shes so/ /'gro ba gzhan lha dang dud 'gro
dang yi dwags kyi pha rol sems shes dang sngon gnas rjes dran
skyes thob kyis ni sdug bsngal

gyi tshor bas ma nyen pas rtag tu shes so/ /de la re zhig lhas ni
mdo las/ drang srong tshogs kyis bsten pa dang/ /chos kyi rgyal
po bzhugs gyur (bdag kyang mi dran/) cing/ /bdag la dga' ba
bskyed pa yi/ /rgyal byed tshal de 'di yin no zhes pa dang/ bdag
gang nas shi 'phos gang du skyes gang

gis skyes zhes gnas gsum shes par bshad pa lta bu'o/ /dud 'gros
kyang shes te klu la sogs pa bzhin no/ /yi dwags kyis kyang shes
te/ ji skad du/ bdag gi mthun dang mi mthun pas/ /longs spyod
dag ni gang bsags pa/ /de dag gzhan gyis longs spyad de/ /kho bo
cag ni sdug

bsngal bsten zhes 'byung ba bzhin no/ /mi rnams la ni rdzu
'phrul la sogs pa sngar ji skad bshad pa de dag bsgoms pa las
byung ba dang rtog ge dang rig sngags dang sman dang las las
skyes pa rnams yod kyi de dag skye bas thob pa ni med de/ skyes
pa tsam gyis mi ldan pa'i phyir ro/ /

'o na rang bzhin gyis tshe rab dran pa de ji lta bu zhe na/ de ni
las kyi khyad par las skyes pa yin te/ rin po che'i phreng ba
las/ chos kyi ched dang de bzhin du/ /gzhung gi don dag dran pa
dang/ /chos kyi sbyin pa dri med pas/ /tshe rabs dran pa thob par
'gyur zhes 'byung ba bzhin no/ /de'i phyir

sngon gnas rjes dran ni bsgoms pa las byung ba dang/ skyes thob
dang las las skyes pa dang gsum yod par rig par bya'o/ /bzod
dang shes pa lta ba'i bye brag dang/ /shes pa'i rang bzhin ji
snyed ldan tshul dang/ /shes pas bsdus pa'i yon tan rnam pa
gnyis/ /shes shing thob

@398b 'dod gnas 'di mnyan par gyis// //chos mngon pa'i mdzod kyi
'grel pa mngon pa'i rgyan las ye shes bstan pa zhes bya ba ste
gnas bdun pa'i bshad pa'o// ! //gnas brgyad pa 'chad pa na de
ltar shes pa'i rang bzhin gyi yon tan rnams bshad nas/ (de

dag kyang mnyam par bzhag pa las 'byung bas/) da ni bsam gtan
dang gzugs med la sogs pa shes pa las gzhan ting nge 'dzin la
sogs pas bsdus pa'i yon tan rnams bshad par bya ste/ de la'ang
bsam gtan dang gzugs med bshad pa dang/ de la brten pa'i yon tan
bshad pa (stobs nas mngon shes kyi bar/)

gnyis las dang po la'ang ngo bo dang/ dbye ba dang/ yan lag rnam
par bzhag pa dang/ 'thob pa'i tshul dang/ khyad par gyi chos
dang/ nyer bsdogs dang/ ting nge 'dzin gyi dbye ba bshad pa bdun
las dang po la'ang gzugs med rnams kyang yon tan gyi rten yin
mod kyi yon tan thams cad kyi rten ma yin

la/ bsam gtan rnams ni yon tan thams cad kyi rten yin pa'am dang
por bshad pa la bsam gtan dag ni mdor ba sdus na 'bras bu skye
ba dang/ rgyu snyoms par 'jug pa rnam pa gnyis yin la/ de dag re
re zhing yang sa'i sgo nas rgyas par dbye na bsam gtan dang po
nas bzhi pa'i bar rnam pa

bzhi bzhi yin no/ /de la 'bras bu bsam gtan dang po la sogs
(skyes rim ltar/) pa der skye ba'i bsam gtan dag ni gnas gsum
('di gnyis kyi khyad par 'ong kha cig  /rang sa kho nar mngon du
'gyur ba ni 'bras bu'o/ /'og sar mngon du byed pa ni rgyu'o/
/mnyam gzhag kho na yin pa ni rgyu'o/ /gnyis ka yin pa ni 'bras
bu'o/ /dge ba kho na

yin pa ni rgyu'o/ /dge ba dang lung ma bstan yang yin pa ni
'bras bu'o/ /sgom byung kho na yin pa ni rgyu'o/ /deng thos
byung dang skyes thob kyang yin pa ni 'bras bu'o/ /tshe ji srid
par rgyun chags pa ni 'bras bu'o/ /res 'ga' ba ni rgyu'o/ /nyer
bsdogs dang bcas pa ni rgyu'o/ /dngos gzhi kho na yin pa ni
'bras bu'o/ /'og ma'i rten la'ang gong ma'i ting nge 'dzin skye
rung ba ni rgyu'o/ /

di'i 'bras bu gong ma'i phung po snod dang bcas pa ni 'bras bu'o
zhes so/ /) par so sor yi/ /bsam gtan sa ni gsum pa yin/ /bzhi
pa sa ni brgyad pa yin zhes rab tu ste dang por bshad zin la/
rgyu snyoms 'jug gi bsam gtan thams cad kyang gtso bo ting nge
'dzin gyi rang bzhin

@399a @#/ /yin zhing/ ting nge 'dzin thams cad kyi rang bzhin
mtshan nyid kyang rtse gcig pa yin pas nyon mongs can dang (g.yo
ba'i dge ba dang/) ma bsgribs lung ma bstan gyi sems rtse gcig
pa'ang yod pas de dag bcas pa'i phyir dge ba'i sems rtse ste
dmigs pa gcig par byed

pa'i sems byung yin gyi sems dmigs pa gcig pa tsam ni ma yin no/
/de nyid rjes su 'brang ba'i 'khor dang bcas na ni gzugs bsam
gtan zag med kyi sdom pa gang rung yang yod pas phung po lnga'i
rang bzhin no/ /ting nge 'dzin dang mtshungs ldan thams cad dmigs
pa la rtse gcig bzhin du

sems kho na la dmigs pa la rtse gcig pa zhes brjod pa ni gtso bo
yin pa'i phyir ro zhes TI ka byed dag 'chad do/ /gal te sems
thams cad skad cig ma yin pas dmigs pa 'pho long med pa'i phyir
rtse gcig pa ma yin nam gang gis de dag rtse gcig par byed pa'i
(khyad par byed chos) ting nge 'dzin (don

gzhan/) brtags pa ni don med do zhe na ma yin te/ skad cig dang
po'i sems la mi dgos kyang skad cig ma gnyis (slob dpon gyis/)
pa'i sems (dang po dmigs pa'am/) ting nge 'dzin de'i sgo nas
dmigs pa las rnam par mi g.yeng bar byed pas don dang bcas pa'i
phyir ro/ /'on de lta na sems dang po

ting nge 'dzin dang mtshungs ldan de la ting nge 'dzin don med
par 'gyur ba'i phyir dang/ skad cig dang po'i ting nge 'dzin
gnyis pa'i dus na 'gags na gnyis pa la byed pa 'jug pa 'gal ba'i
phyir dang/ ma 'gags na sems snga ma dang dus mi mtshungs par
'gyur ba'i (zhe na/) phyir dang/ gzhan yang dran

pa ma nyams pa la sogs pa'i rgyu mtshan gang kho nas ting nge
'dzin rtse gcig (te de'i bya ba mi byed pa'i phyir/) tu 'dod
pa'i rgyu mtshan de kho nas sems rtse gcig par byed nus na de'i
rgyur ting nge 'dzin don gzhan btags pa la dgos pa med la/ mi
nus na ting nge 'dzin la'ang mtshungs pa'i phyir dang/

gzhan yang ting nge 'dzin ni sems kyi sa mang po ba yin pas sems
(thams cad/) rtse gcig par thal par 'gyur ba'i phyir ro zhe na
mi 'gyur te/ ting nge 'dzin stobs che ba dang mtshungs par ldan
pa'i sems rtse gcig pa yin zhing/ stobs chung ba dang mtshungs
par ldan pa'i sems ni rtse gcig pa ma yin

@399b la; ting nge 'dzin sa mang po tsam ni dge ba kho nar ma
nges pa dang stobs chung ba'i phyir ro zhes bye brag tu smra bar
'dod do/ /mdo sde pa na re sems rtse gcig pa kho na ting nge
'dzin yin gyi sems las don gzhan du gyur pa'i ting nge 'dzin ni
med de/ lam gyi tshogs kyi bslab pa'i sgo'i mdo las/ lhag pa'i
sems kyi

bslab pa gang zhe na/ bsam gtan bzhi'o zhes pa dang/ stag gi
byang chub kyi bu'i mdo dang/ nyan thos kyi rnam par bshad pa
las/ sems yongs su dag pa'i gtso bo ni bsam gtan bzhi yin no
zhes ji ltar tshul khrims dang shes rab kyi bslab pa tshul khrims
dang shes rab kho na yin pa ltar sems kyi

bslab pa'ang sems kho nar gsungs so zer ro/ /sgra'i don ci'i
phyir bsam gtan zhes bya zhe na/ 'dis mchog tu sems par byed pas
bsam gtan te mnyam par bzhag na yang dag pa ji lta ba bzhin rab
tu shes pa'i phyir rab tu shes pa'i byed ces bya ba'i tha tshig
go/ gal te sems par byed pa

bsam gtan yin na ting nge 'dzin thams cad bsam gtan du thal bar
'gyur ro zhe na/ ma yin te/ phul du phyin pa dang ldan pa'i sems
par byed pa'i ting nge 'dzin la bsam gtan du brjod de nyi ma la
snang ldan zhes brjod pa bzhin no/ /phul du phyin pa'i sems bar
byed pa'ang 'dir yan

lag dang ldan pas rta gnya' (nyon mongs can sogs/) sbrel bas
'dren pa'i shing rta ltar zhi gnas dang lhag mthong zung du
'brel bar ngang gis 'byung ba la 'dod de/ de'i phyir mdo las/
mthong ba'i chos la bde bar gnas pa dang/ lam sla ba zhes gsungs
so/ /'o na mchog tu sems pa med

pas nyon mongs can bsam gtan du mi 'gyur ro zhe na/ de la'ang
log par nges par sems pa yod bas de dang 'dra ba tsam la de skad
du brjod de sa bon rul ba bzhin no/ /bcom ldan 'das kyis kyang
tshangs pa'i tshogs kyi mdo las/ mi dge ba'i bsam gtan sgrib pa
lnga las skyes shing nges par

'byung ba mi shes la de dag gis par du gcod cing bsgom ste
bsngags par mi 'os pa'i bsam gtan gyi bsngags pa mi gsung ngo
zhes gsungs so/ /'o na bsam (mi dge ba'i bsam gtan yod pa/) gtan
dang po la sogs pa de dag ji lta bu zhe na/ bsam gtan dang po ni
sa de na du bal mes khyab

@400a @#/ /ba ltar lhan cig spyod pa yin pas rtog pa med par dga'
bde dang ldan pa'i dpyod pa mi srid pas dpyod pa dang des mtshon
pa'i rtog pa dang dga' ba dang bde ba dang mtshungs par ldan pa'i
dge ba rtse gcig pa'o/ /de lta na lhan cig dpyod pas rtog pas
dpyod

pa'ang go bas rtog dang dga' dang bde dang ldan zhes ci'i phyir
mi smos zhe na/ yan lag snga snga spangs pa yi zhes brjod pa na
bsam gtan khyad par can yang gnyis par thal bar 'gyur ba spang
ba'i phyir ro/ /bsam gtan lhag ma gsum ni rim pa ltar yan lag
snga ma snga ma rtog dpyod spangs

shing dga' bde dang ldan pa dang/ rtog dpyod dang dga' ba spangs
shing bde ba dang ldan pa dang/ rtog dpyod dang dga' bde spangs
pa'i gzugs kyi dge ba rtse gcig pa'o/ /ji ltar bsam gtan rnams
'bras bu skye ba dang rgyu snyoms 'jug gnyis dang re re la'ang
bzhi bzhi yin pa de bzhin du gzugs

med kyang rnam pa gnyis dang bzhi bzhi pa yin no/ /de la 'bras
bu skye ba'i gzugs med ni gzugs med pa na gnas med do/ /skye ba
las ni rnam pa bzhi zhes bshad zin la/ rgyu snyoms 'jug gi gzugs
med kyang gzugs las 'dod chags dang bral ba'i snyoms 'jug dge ba
rtse gcig pa'o/ /rjes

su 'brang ba'i gzugs med pas 'khor dang bcas na ni phung po
bzhi'o/ /bzhi po'i khyad par ni lam gang gis bsam gtan bzhi pa
la sogs pa 'og ma'i sa las dben pa ste rnam par 'byed cing 'dod
chags dang 'bral ba'i nyer bsdogs bar chad med lam las skyes pa
ni rim pa ltar nam mkha'

mtha' yas skye mched la sogs pa'o/ /gzugs med pa de dag kyang
dngos gzhi bzhi nyer bsdogs phyi ma gsum dang bcas par ni (dngos
gzhi ni/) rang sa na gzugs med cing 'og sa'i zag bcas kyi gzugs
la mi dmigs pas gzugs kyi 'du shes ba shig pa zhes bya ste/ nam
mkha'

('di dag gi par chad med lam gyi 'og sa las rgyal bar byed pa
tsam du ma zad dmigs pa las kyang 'da' bar byed de gzugs med
dmigs pa las nges par 'byung bas so/ /) mtha' yas kyi nyer
bsdogs na ni bsam gtan bzhi pa'i gzugs la (la nyer bsdogs ni
rang gi 'og sa la dmigs kyang sa rgal nas mi dmigs/)

@400b dmigs nas rags sogs su lta ba'i phyir gzugs kyi 'du shes
yod pa'i phyir ro/ (/'di dag na'ang rjes shes pa drug gi rigs
min pa la dmigs ba ni yod do/) /'dir dge 'dun phal chen pa'i bye
brag 'jig rten las 'dras par smra ba'i sde pa dang/ thams cad
yod smra'i bye brag gos

dmar ba'i sde pa dang/ mang bos (bas gang la dmigs bde'i 'du
shes 'byung/) bkur ba pa rnams gzugs med na'ang gzugs cung zad
yod de/ lung bar ma'i bsus po che'i mdo las/ tshe dang ldan pa
gsus po che tshe gang yin pa dang drod gang yin pa'i chos 'di dag
ni 'dres

pa ste ma 'dres pa ma yin no zhes tshe dang drod gnyis 'dres par
gsungs shing/ gzugs med na'ang tshe yod la tshe yod na drod kyang
yod la drod ni gzugs yin pa'i phyir dang/ de bzhin du tshe dang
ldan pa shA ri'i bu dper na 'dam bu'i shog gnyis gnam du bsgred
ste phan tshun brten cing

'dug pa de la 'ga' zhig gis gcig bor na cig shos 'gyel par 'gyur
la/ cig shos bor na'ang cig shos 'gyel par 'gyur ro/ /tshe dang
ldan pa shA ri'i bu de bzhin du ming dang gzugs dang kyang phan
tshun rten cing gnas so zhes pa dang/ yang rten cing 'brel bar
'byung ba'i

mdo las kyang nying mtshams sbyor ba'i mtshan nyid kyi skabs su
rnam par shes pa'i rkyen gyis ming dang gzugs zhes ming gzugs
phan tshun brten ba dang/ rnam shes kyis mid gzugs bskyed bar
gsungs shing/ gzugs med na'ang ming dang rnam shes yod pa'i
phyir dang/ rnam shes

gnas pa bzhi ston pa'i mdo las/ dge slong dag rnam par shes pa
gzugs su nye bar 'gro ba/ gzugs la dmigs pa/ gzugs la brten pa
gnas so/ /dge slong dag gang la la zhig 'di skad du bdag ni
gzugs dang tshor ba nas 'du byed kyi bar ngag las gzhan du rnam
par

shes pa 'gro ba'am 'ong bar smra'o zhes zer na de'i dag de ni
de'i tshig tsam du zad do zhes gsungs te/ phung po bzhi las gzhan
du rnam shes 'gro 'ong bkag pa'i phyir ro/ /gzugs med par bshad
pa ni bu dan ba dang rked pa phra ba la bu med pa dang rked med
ces dman pa'am phra ba la

@401a @#/ /dgag pa'i sgra brjod pa bzhin no zhes zer ro/ /kha che
ba la sogs pa dag 'di ni rigs pa ma yin te/ lung dang po gnyis
ni mdo las/ tshe dang drong dang rnam shes kyis/ /gang tshe lus
'di 'dor byed cing zhes gsungs pas gzugs med na lus nyid kyang

med na de 'dor ba ga la yod/ /phan tshun brtan ba'ang gnyis ka
yod na phan tshun brten pa nyid srid pas 'dod gzugs na spyod pa'i
dbang du byas nas gsungs pa'i phyir dang/ gsum pa ni 'dod gzugs
kyi ming gzugs rnam shes kyi rkyen can yin gyi gzugs med kyi
rnam shes ni ming kho na'i rkyen

yin pa'i phyir ming gzugs thams cad rnam shes kyi rkyen can du
gsungs kyi rnam shes thams cad ming gzugs kyi rkyen du ston pa
ma yin pa'i phyir dang/ phung po bzhi las gzhan du rnam shes
'gro 'ong bkag pa ni phung po bzhi po las gang yang rung ba zhig
med na rnam shes 'gro 'ong bkag pa yin gyi

gzugs la sogs pa thams cad dus gcig tu tshogs pa med par bkag pa
ma yin pa'i phyir ro/ /de la tshe snga ma nas bar srid kyi rgyun
gyis 'dir skye ba ni 'ong ba yin la/ bar srid kyi rgyun gyis 'di
nas phyi mar skye ba ni 'gro ba'o/ /gal te gzugs med na gzugs
cung zad yod bar 'dod na de ji lta bu zhig

yod bar 'dod/ gal te lus ngag gi sdom pa tsam zhig yod par 'dod
na ni mi rigs te/ rten lus ngag med par de dag gi sdom pa mi
rigs pa'i phyir ro/ /sdom pa ni 'byung 'gyur yin na gzugs med na
rten 'byung ba med pas 'bras bu 'byung gyur mi rung ba'i phyir
ro/ /gal te dper na zag med kyi

'byung ba med kyang zag med kyi sdom pa 'byung gyur gyi gzugs
yod pa ltar gzugs med rang sa na 'byur ba med kyang gzugs kyi
'byung ba rgyur byas pa bsam gtan gyi sdom pa yod do zhe na/ de
ni mi mtshungs te/ zag med la 'byung ba med kyang zag med kyi
sdom pa ni gang du skyes pa de na

yod pa'i zag bcas kyi 'byung ba rgyur byas nas skye la bsam gtan
gyi sdom ba ni zag bcas yin pas de lta ma yin pa'i phyir ro/
/gzhan yang lus dang dbang po dang gnas dang yul rnams yod na ni
ji ltar gzugs cung zad yod par 'gyur/ gal te rdul phra rab tsam
gyi gzugs shig yod

@401b pas bongs tshod chung ba'i phyir gzugs med na cung zad yod
do zhes bya bar 'dod na ni chu'i skye bo phra mo'i gzugs ltar mi
snang ba dag kyang gzugs med du thal par 'gyur ba'i phyir dang/
srid rtse ba'ang sems med par ji ltar mi 'gyur/ srid rtse ba de
kho na gzugs med du ji ltar mi 'gyur te/ shin

tu cha phra ba'i phyir ro/ /gal te gzugs dang ba'i phyir gzugs
med bar 'dod na ni dang pa'i phyir rdo rje'i ri la'ang thogs pa
med par 'gro bas gzugs na spyod pa dang srid pa bar ma'ang gzugs
med par 'gyur ro/ /gal te gang las ches mchog tu dang ba gzhan
med ba zhig gzugs med yin no zhe

na; de ltar na snyoms 'jug gis khyad par du 'phags pa ltar skye
bas kyang ches mchog tu dang bas srid rtse ba kho na gzugs med
du 'gyur ro/ /gal te gzugs med na gzugs yod kyang de ni dang bas
sa 'og ma'i dbang pos gzung bar mi nus bas gzugs med du brjod do
zhe na/ de lta na

bsam gtan bzhi bar skyes pa'i gzugs kyang gzugs med du 'gyur te/
gong ma gong ma'i gzugs rnams dang bas 'og ma 'og ma'i dbang pos
mi zin pa'i phyir ro/ /gal te 'dod pa'i yon tan gyis rab tu phye
ba ni 'dod khams yin la/ gzugs kyis rab tu phye ba ni gzugs
khams pa yin

pas de gnyis kyi ming ni don dang mthun ba yin gyi gzugs med ces
pa'i ming ni 'dod rgyal ba yin no zhe na/ snga ma gnyis don
mthun yin la phyi ma 'dod rgyal yin pa la rigs pa ci yod/ bcom
ldan 'das kyis kyang gzugs med pa rnams ni gzugs rnams las nges
par byung ba

yin no zhes bya ba dang/ lung bar ma las gzugs med ba'i rnam par
thar pa zhi ba gang dag gzugs rnams las 'das nas zhes bya ba
dang/ rnam par shes pa'i gnas bdun dang/ sems can gyi gnas dgu
bstan pa'i mdo las/ gzugs can ma yin pa'i sems can dag yod

ches bya ba dang/ rnam pa thams cad du gzugs kyi 'du shes rnams
las yang dag par 'das te zhes bya ba la sogs pas rgyu snyoms
'jug la gzugs bkag nas 'bras bu skye ba la'ang gzugs dgag pa
gsungs pa'i phyir/ gzugs med pa na gzugs cung zad kyang med do/
/

@402a @#/ /gal te yod na ji ltar gzugs kyi 'du shes su mi 'gyur
zhes rang gi phyogs gzhung 'dzugs par byed do/ /'o na gzugs med
nas shi 'phos te khams 'og mar skyes ba dag la ji ltar gzugs
'byung bar 'gyur te/ de na gzugs med cing gzugs kyi nye bar na
ba

ni gzugs kho na yin pa'i phyir ro zhe na/ de'i tshe gzugs ni lhan
cig byed pa'i rkyen las kyis 'phangs (de'i gbugs de ni mdo sde
pa sems la gzugs kyi sa bon yod pas de las skye bar 'dod/ bye
brag smra ba gzugs med du skyes ba dag gzugs kyi sems mngon du
gyur na de'i 'chi ltas kyang gzugs kyi rkyen yin la/ rnam smin
dang skal

mnyam gyi rgyu ni 'das pa'i gzugs rdzas grub tu 'dod do/ /) pa'i
sems las skye bar 'gyur la/ nye bar len pa'i rgyu ni 'dod gzugs
na yod pa'i 'byung bzhi nyid yin no/ /de'i phyir kha cig mdo sde
pa lus sems phan tshun sa bon can yin no zhes bya ba dang/ bye
brag tu smra ba gnas skabs de'i gzugs 'das

pa'i gzugs las skye'o zhes bya ba dang/ sems tsam pa kun gzhi
las skye bar 'dod do zhes 'chad pa ni legs pa ma yin te/ dang po
ni tshu rol mdzes pa pa'i lugs yin pa'i phyir dang/ gnyis pa ni
da ltar ba'i gzugs yod bzhin du 'das pa la ltos mi dgos pa'i
phyir dang/ gsum pa

ni gzugs rdzas su med par 'dod pas de'i rgyu la 'bad pa don med
pa'i phyir ro/ /gzugs med pa'i snyoms 'jug bzhi'i sgra'i don ni
'o na nam mkha' mtha' yas skye mched la sogs pa de dag nam mkha'
la sogs pa kho na la dmigs pas ming de skad ces bya'am/ 'on te
sbyor ba'i ming gis

btags she na/ sbyor ba'i ming gis te/ 'di ltar sbyor ba'i tshe
nam mkha' mtha' yas so zhes bya ba dang/ rnam shes mtha' yas so
zhes bya ba dang/ ci yang med do zhes bya ba de ltar sbyor ba'i
phyir nam mkha' mtha' yas la sogs pa de skad brjod kyi gzhan na
ni ci rigs par

chos gzhan dag la'ang dmigs so/ /bzhi pa ni 'du shes chung zhing
mi gsal bas dman pa'i phyir 'du shes med pa zhes kyang bya la/
'du shes cung zad yod pa'i phyir 'du shes med pa'ang ma yin no
zhes brjod do/ /srid pa gsum na de bas mtho ba'i sa med pas srid
rtse zhes

@402b kyang bya'o/ /yang na sbyor ba'i tshe 'du shes ni nad do/
/'bras so/ /zug rngu'o zhes 'du shes rags pa la'ang skyon du lta
la/ 'du shes med pa pa ni kun tu rmongs pa'o zhes 'du shes med
pa'ang kun du rmongs pa'i rgyu yin no zhes pa dang/ 'du shes med
'du shes med min skye mched

'di ni zhi ba dang gya nom pa'o zhes sbyor ba'i phyir yang de
skad du brjod do/ /gnyis pa dbye ba ni gong du smos pa'i tshul de
ltar na yan lag ma gtogs pa bsam gtan bzhi dang gzugs med bzhi
ste snyoms par 'jug pa'i dngos gzhi'i rdzas ni rnam pa brgyad
yin la/ brgyad po de dag las srid rtse ma

gtogs pa bdun ni rnam pa gsum gsum yin te/ ro myang ba dang
mtshungs par ldan pa dang/ dag pa ba dang/ zag pa med pa rnams
so/ /brgyad pa srid rtse ni ro myang ldan dang dag pa ba rnam pa
gnyis yin gyi 'du shes dam na zhing rgyu ba ('dis yan lag dang
nyer bsdogs dang khyad par can ma bstan bar 'dod do/ /)

mi gsal bas de la 'phags pa'i lam mi rten pas zag med ni ma yin
no/ /de la ro myang ldan ni mtshungs ldan gyi grogs sred pa dang
bcas ba'o/ /zag bcas 'jig rten pa'i snyoms 'jug dge ba ni ma
chags pa la sogs pa dang mtshungs par ldan pas dag ba zhes bya'o/
/ro myang ldan

des ci zhig ro myang bar byed ce na/ dag pa ba de ni ro myang
ldan des ro myang bar bya ba yin te/ dag pa ba 'di ni bzang ngo
zhes de la zhen cing sred pa'i phyir ro/ /des na ro myang ldan
ni bsam gtan nyon mongs can yin pas dag pa ba las langs pa dang
ro myang ldan la snyoms par zhugs ba yin

no; ;lta ba dang nga rgyal la sogs pa dang ldan pa'i bsam gtan
yang yod mod kyi sred bcas kho na ro myang ldan du bshad pa ni
de kho na dmigs pa la zhen pas de las nges bar ma byung na gong
mar 'gyur mi srid pa'i phyir de skad ces bshad do/ /zag med ni
'jig rten las 'das pa'i snyoms

'jug bden ba'i rnam pa can no/ /gsum pa yan yag rnam bar bzhag
pa la gnyis las spyi'i don la gsum gyi dang po gzugs med la yan
lag mi ston pa'i rgyu mtshan ni ci bsam gtan ltar gzugs med pa
dag la'ang yan lag yod dam zhe na med de/ 'grel ba las/

@403a @#/ /snyoms par 'jug pa'i rdzas de dag las bsam gtan rnams
kho na yan lag dang ldan pa yin gyi gzugs med pa rnams ni ma yin
no zhes 'byung ba'i phyir ro/ /de'i rgyu mtshan ni kun las btus
las/ gzugs med pa rnams na ni zhi gnas su ro gcig

pa nyid kyi phyir yan lag rnam par bzhag pa med do zhes bshad
cing/ slob dpon rgyal po'i sras kyis kyang de kho na ltar bshad
la/ de'i don yang slob dpon gang spel gyi TI ka las kha cig na
re zhi gnas su ro gcig pa'i phyir te/ gang dang gang na rgyu ba
rags pa de dag ni der yan lag tu bzhag na

gzugs med na ni nye bar zhi ba lhag pas sems dang sems byung de
dag rgyu bzhan pas de dag la yan lag rnam par bzhag pa mi srid
pas ting nge 'dzin shas che ba de dag na ni sems las byung ba
gzhan 'ga' yang gtso bo ma yin pas gzugs med du yan lag rnam par
mi gzhag go zhes zer ro/ /

gzhan dag na res gang du sems byung tshar phyin par 'gag pa der
yan lag bzhag ste/ de ltar bsam gtan dang po ni sdug bsngal dang
yid mi bde 'gag cing/ de bzhin du gnyis par rtog dpyod dang/
gsum par dga' ba dang/ bzhi par ni bde ba 'gag la/ de man chad
na ni sems byung gang

yang tshar phyin par 'gag pa med do zhes bshad do/ /de ltar na
chos mngon pa las ni bsam gtan dngos gzhi bzhi po ma gtogs pa la
yan lag med par bshad cing/ 'phags pa rnam par grol ba'i sdes ni
gzugs med pa dag btang snyoms dang rtse gcig pa'i yan lag gnyis
dang

ldan zhing snal ma phra sbom las byas pa'i ras ltar sems zhi ma
zhi'i khyad par gong nas gong du yod par bshad la/ brang ti ni
gzugs med bzhi po dran pa dang shes bzhin dang btang snyoms dang
ting nge 'dzin te yan lag bzhi bzhi dang ldan no zhes zer ro/
/slob dpon ka ma la shI

las ni bsgom pa'i rim pa dang po las bsam gtan dang po'i nyer
bsdogs mi lcogs med kyang tshor ba btang snyoms dang rtog dpyod
dang rtse gcig pa'i yan lag bzhi dang ldan par bshad do/ /gnyis
pa grangs nges pa ni gal te 'du shes dang reg pa la sogs pa sems

@403b las byung ba gzhan dag kyang yod bzhin du ci'i phyir rtog
dpyod la sogs pa kho na yan lag tu bzhag ce na/ 'di'i lan la
gzhan lugs dang/ rang lugs gnyis las dang po ni kha cig na re
gang dag bsam gtan snga ma la yod pa phyi mas spangs shing bor
ba de dag yan lag tu bshad kyi 'du shes la sogs pa ni snga ma la
yod

kyang phyi mas bor ba med pa'i phyir yan lag tu ma bshad de/ 'di
ltar bsam gtan dang po la yan lag lnga yod pa'i rtog dpyod gnyis
bor nas gnyis par bzhag la/ dang po'i rtog dpyod gnyis dang
gnyis pa'i dga' ba dang gsum bor nas gsum pa dang/ de gsum dang
gsum pa'i bde ba dang bzhi bor nas bsam

gtan bzhi par bshad pa'i phyir ro/ /de lta na ting nge 'dzin
kyang yan lag ma yin par 'gyur ro zhe na/ ting nge 'dzin snyoms
'jug gi gtso bo yin pa'i phyir mi mtshungs so/ /yang na bsam gtan
dang po la sogs pa'i yan lag lnga la sogs pa kho nar bzhag ste/
yan lag de dag bsam gtan dang po la

sogs pa la ches phan pa'i phyir ro zhes zer ro/ /de lta na bsam
gtan dang po la rtog dpyod yan lag tu mi 'jog par dran pa dang
shes rab dag yan lag tu 'jog par 'gyur te/ dran pa nye bar gnas
pa dang yang dag pa ji lta ba bzhin du shes pa la zhum rgod la
sogs pa mi 'byung bas rtog dpyod gnyis

pas dran pa dang shes rab ches phan pa'i phyir ro/ /gnyis pa ni
'grel pa las/ kha cig de skad du rgol ba yod mod kyi/ sngon gyi
slob dpon rnams ni ji snyed mden pa de ltar mi ston te/ de lta
bas na 'di ni dpyad par bya ba yin no zhes 'byung ba la TI ka
byed dag 'di ni rnal 'byor spyod pa'i sa

mthong bas dpyad par bya ba yin no zhes slob dpon gyis der blta
bar khungs 'byin pa yin pas de dang mthun par bshad par bya'o
zhes 'chad do/ /'o na de las ji ltar 'byung zhe na/ 'di ltar
bsam gtan rnams la 'du shes la sogs pa'i chos gzhan dag yod
kyang rtog dpyod la sogs pa kho

na yan lag tu bzhag pa ni so sor gnyen po dang phan yon dang de
gnyis ka'i rten nam gnas kyi yan lag gi phyir ro zhes 'byung bas
de dag gi dbang du byas te grangs nges bsam par bya'o/ /gsum pa
yan lag dang yan lag can gyi don ngos gzung ba ni bye brag tu
smra ba ting nge 'dzin bsam gtan

@404a @#/ /dang bsam gtan gyi yan lag gnyis ka yin la gzhan dag
na yan lag kho na yin no/ /zhes zer ro/ /slob dpon ni yan lag
las don gzhan du gyur pa ma yin yang yan lag bzhi pa'i dmag ces
brjod pa ltar tshogs pa'i spyi dang bye brag yin no zhes 'dod do/
/gnyis pa

gzhung don la bsam gtan dang po la ni yan lag lnga ste/ mi mthun
phyogs 'dod pa'i 'dod chags dang gnod sems dang rnam 'tshe la
sogs pa spong bas gnyen po'i yan lag rtog pa dang dpyod pa dang/
rtog dpyod kyi mi mthun phyogs spangs nas dben pa las skyes pa'i
dga' bde 'thob pas phan

yon gyi yan lag dga' ba dang bde ba dang/ sems rtse gcig pa'i
stobs kyis snga ma de dag 'grub pas de gnyis ka'i rten gyi yan
lag ting nge 'dzin rnams so/ /bsam gtan gnyis pa la ni yan lag
bzhi ste/ mi mthun phyogs dang po'i rtog dpyod spong pas gnyen
po'i yan lag nang rab tu dang ba

dang/ phan yon dang gnas sam rten gyi yan lag ni snga ma ltar
dga' ba dang sogs pas gzung ba bde ba gnyis dang ting nge 'dzin
to/ /bsam gtan gsum pa la ni yan lag lnga ste/ mi mthun phyogs
'og sa'i dga' ba sngong bas gnyen po'i yan lag dga' ba la rtsel
ba med pas dmigs pa la

lhun gyis grub pa'i mtshan nyid can 'du byed kyi btang snyoms
dang btang snyoms kyi rgyu mtshan mi brjed pa'i dran pa dang dran
pa mi brjed pa'i shes bzhin gsum dang phan yon dang rten gyi yan
lag ni rim pa ltar bde ba dang sems gnas pa ting nge 'dzin rnams
so/ /sems gnas pa ting nge 'dzin yin

par lam gyi tshogs kyi mdo las/ yang dag pa'i ting nge 'dzin gang
zhe na/ gang sems gnas pa dang/ yang dag par gnas pa'o zhes
'byung ba'i phyir ro/ /bsam gtan rnams kyi mtha' bzhi pa na ni
yan lag bzhi ste/ mi mthun phyogs 'og sa'i bde ba spong bas
gnyen po'i yan lag gnyis ka'ang

sa 'og ma'i skyon brgyad dang bral bas dran pa yongs su dag pa
dang 'du byed btang snyoms yongs su dag pa gnyis dang/ phan yon
dang rten gyi yan lag ni rim pa ltar bde ba yang min sdug bsngal
yang min pa'i tshor ba btang snyoms dang/ ting nge 'dzin yongs su
dag pa rnams so/ /de ltar na

@404b de dag ni bsam gtan gyi yan lag bco brgyad do/ (/'di dag
gi gnyen po ni thag sring gi gnyen por 'dod pa nyid legs so/)
/rnam par gtan la dbab pa bsdu ba las ni/ bsam gtan dang po'i mi
mthun phyogs ni 'dod pa'i 'dod chags dang/ gnod sems dang rnam
par 'tshe ba'i rnam par rtog pa rnams gcig tu byas pa dang/

sdug bsngal dang/ yid mi bde ba dang/ 'chal pa'i tshul khrims
dang/ rnam par g.yeng ba dang lnga yin la/ bsam gtan gnyis pa'i
mi mthun phyogs ni bsam gtan dang po'i 'dod chags dang/ rtog
dpyod gnyis gcig tu byas pa dang/ sdug bsngal dang/ rgod pa
dang/ ting nge 'dzin ma rdzogs pa dang lnga yin no/ /bsam gtan

gsum pa'i mi mthun phyogs ni bsam gtan gnyis pa'i 'dod chags
dang/ yid bde ba dang/ dga' ba dang/ ting nge 'dzin ma rdzogs pa
dang bzhi'o/ /bsam gtan bzhi pa'i mi mthun phyogs ni dbugs
'byung rngub dang/ bsam gtan gsum pa'i 'dod chags dang/ bde ba
dang/ bde ba la rtsol ba dang/ ting nge

'dzin ma rdzogs pa dang lnga yin no zhes pa dang/ gnyen po'i yan
lag gi skabs su bsam gtan dang po'i mi mthun phyogs rnam pa lnga
spong ba'i gnyen po dran shes bzhin dang btang snyoms gsum yin
kyang rtog dpyod kyi sgos mngon par bsgrubs pas na de gsum gyi
ming gis ma bstan par rtog dpyod gnyis

gnyen po'i yan lag tu bstan la/ de bzhin du bsam gtan gnyis pa'i
mi mthun phyogs rnam pa lnga spong ba'i gnyen po'ang dran pa
dang shes bzhin dang btang snyoms gsum yin yang sems dga' ba'i
nye ba'i nyon mongs pas kun nas dkris pa'i phyir de dag rang
ming gis ma bstan par rtog dpyod kyi 'khrug pa zhi

bas nang rab tu dang ba'i ming gis bstan te/ des na 'di'i nang
rab tu dang ba ni dran pa dang shes bzhin dang btang snyoms kyi
ngo bo nyid yin no/ /bsam gtan gsum pa la ni sems dga' ba'i nye
ba'i nyon mongs pa dang bral ba'i phyir btang snyoms dang dran
shes bzhin gsum rang gi mtshan nyid kho nas bstan to/ /

de'i phyir gnyen po la sogs pa yan lag gsum gyi dbang du byas te
bsam gtan de dag yan lag lnga pa dang bzhi par bzhag la/ bsam
gtan bzhi'i khyad par ni dang po dang gnyis pa la ni ting nge
'dzin yongs su rdzogs pa'i khyad par yod do/ /gnyis pa dang gsum
pa la ni phan 'dogs pa yongs su rdzogs

@405a @#/ /pa'i khyad padr yod do/ /gsum pa dang bzhi pa la ni
yongs su dag pa yongs su rdzogs pa'i khyad par yod do zhes bshad
do/ /bco brgyad po de dag kyang ming gi sgo nas yin gyi rdzas su
ni bcu gcig yin te/ 'di ltar bsam gtan dang po'i yan lag lnga
dang/ gnyis pa'i nang rang tu dang ba dang/

gsum pa'i ting nge 'dzin ma gtogs pa bzhi dang/ bzhi pa'i tshor
ba btang snyoms rnams so/ /gal te rtog dpyod dang dran par dang
'du byed btang snyoms dang sems bde dang tshor ba btang snyems
rnams ni rdzas re re zhing yan lag tu rung mod kyi bsam gtan
snga ma gnyis kyi bde ba bsam gtan gyi yan lag tu ji ltar 'gyur
te/ sa

de gnyis na dga' ba las 'dod chags dang ma bral bas sems kyi bde
ba med pa'i phyir dang/ lus kyi bde ba'ang mnyam par bzhag pa na
bsam gtan gyi yan lag tu mi 'gyur te/ de ni sgo lnga'i rnam shes
kyi 'khor du byung ba yin na de yang ngo bo nyid kyis rnam par
g.yeng ba yin pas mnyam gzhag tu mi 'byung ba'i phyir

ro; ;gzhan yang bsam gtan gsum pa'i bde ba rdzas gzhan du mi
'grub par 'gyur te/ bsam gtan dang por bgrangs zin pa'i phyir
dang/ der bgrangs kyang rdzas gzhan du bgrang na gnyis pa'i bde
ba'ang rdzas gzhan du bgrang bar thal bar 'gyur ba'i phyir ro
zhe na/ skyon med do/ /bsam gtan gsum

pa'i bde ba ni sems bde (yin pas tshor ba) yin la/ bsam gtan dang
po dang gnyis pa dag na ni dge ba'i sa mang po pa'i sems shin tu
sbyangs pa la bde ba zhes brjod pa yin no/ /bsam gtan snga ma
gnyis na ni tshor ba bde ba mi srid de/ tshor ba bde ba la lus
sems kyi tshor ba gnyis las med cing/

de la lus tshor ni ma yin te/ snyoms par zhugs pa la rnam par
shes pa'i tshogs lnga med pa'i phyir ro/ /sems tshor yang ma yin
te/ yan lag dga' ba zhes bgrangs zin pa'i phyir dang/ dga' ba ni
yid bde yin na bde ba dang yid bde gnyis cig car mi 'byung ba'i
phyir ro/ /de gnyis rnam grangs

kyi yan lag yin par yang mi rigs te/ yan lag lnga zhes tshogs pa
gcig la 'byung bar bshad pa'i phyir ro zhes bye brag tu smra ba
rnams 'dod do/ /dpes ston ba na re bstan bcos bye brag tu bshad
pa las/ mdo sde pa btsun pas chos mngon pa ba rnams kyi ltar na
zo chun 'khyud mo ltar mig gi rnam par

@405b shes pa la sogs pa 'og nas gong du 'dren te zhes bshad de/
de'i 'dod pa ni mig shes la sogs pa ni bsam gtan gnyis pa la
sogs pa'i sa pa'ang yod do zhes bya ba yin no zhes TIkar bshad
cing/ bsam gtan ston pa'i mdo las kyang bsam gtan gsum pa ston
pa na de dga' ba las 'dod chags

dang bral nas btang snyoms dang dran pa dang shes bzhin du gnas
shing bde ba lus kyi myong la zhes gsungs pas lus bde ni 'dod pa
dang bsam gtan dang po'i sa pa kho nar ma zad kyi/ gnyis pa dang
gsum pa'i sa pa'ang yod pas des na bsam gtan gsum char na'ang
lus bde kho na yan lag yin no zhes

zer ro/ /'o na lam gyi tshogs kyi mdo las/ bde ba'i dbang po gang
zhe na/ bde ba myong bar 'gyur ba'i reg pas reg pa la lus kyi
dang sems las byung ba'i tshor ba tshor ba'i rnam pa bde bsim pa
skye ba gang yin pa de ni bde ba'i dbang po zhes bya'o zhes
gsungs pa dang 'gal lo zhe na/ mi 'gal te/ sde pa

gzhan thams cad kyi gzhung las lus kyi tshor bzhes pa kho na
'byung bas sems las byung ba'i zhes pa ni 'ga' zhig gis sgro
btags pa yin pa'i phyir dang/ mdo las kyang bde ba lus kyis
myong la zhes rang gi sgras gsungs pa'i phyir ro/ /gal te de ni
yid kyi lus kyis zhes bya ba yin no zhe na/ ma

yin te/ de lta na bde ba yin kyis myong la zhes gsungs pas chog
gi lus kyis zhes gsungs pa la dgos pa med pa'i phyir ro/ /gzhan
yang bsam gtan snga ma gnyis su shin tu sbyangs pa la bde bar
brjod na snga ma gnyis kyi bas shin tu sbyangs pa khyad par du
'phags pa yod pas bsam gtan

bzhi pa la'ang yan lag bde ba smos par 'gyur na der ma smos pas
na dang po gsum na tshor ba bde ba yod pas de yan lag tu bshad
kyi bzhi pa na tshor ba bde ba med pas de yan lag tu ma bshad do/
/gal te bsam gtan snga ma gnyis kyi shin tu sbyangs pa ni bde
ba'i tshor ba dang mthun pas bde

bar bshad kyi bzhi pa'i shin tu sbyangs pa ni bde ba'i tshor ba
dang mi mthun pas bde bar ma bshad do zhe na/ 'o na bde ba'i
tshor ba dang mthun pas gsum pa'i shin tu sbyangs pa'ang ci'i
phyir bde bar ma bshad/ gal te bde ba'i tshor ba dang mthun mod
kyi las su rung ba'i mtshan nyid can gyi btang snyoms

@406a @#/ /kyis bcom pas der bde bar ma bshad do zhe na ma yin
te/ bsam gtan snga ma gnyis kyis shin du sbyangs pa bas gsum
ba'i shin du sbyangs pa khyad par du 'phags pas btang snyoms kho
nas de 'phel ba'i phyir ro/ /gzhan yang bsam gtan snga ma gnyis

na shin tu sbyangs pa kho na bde ba ma yin te/ mgon med zas
spyin gyis zhus pa'i mdo las/ gang gi tshe 'phags pa nyan thos
rab tu dben pa las skyes pa'i bde ba lus kyis mngon sum du byas
nas rdzogs par byas te gnas pa de'i tshe 'di'i 'dod pa nye bar
sdud pa'i yid bde gnyis dang/ mi

dge ba nye bar sdud pa'i yid bde mi bde btang snyoms gsum ste
chos lnga ni spong bar 'gyur la/ chos lnga po nang rab tu dang
ba dang dga' ba dang shin tu sbyangs pa dang bde ba dang ting
nge 'dzin ni bsgom pa yongs su rdzogs par 'gyur ro zhes shin tu
sbyangs ba dang bde ba tha dad du gsungs pa'i

phyir dang/ gsungs kyang tha dad ma yin na lngar mi rung zhing
tha dad yin na bsam gtan gsum char gyi bde ba lus bder grub pa'i
phyir ro/ /'o na sgo lnga'i shes pa rang bzhin gyis g.yeng ba'i
phyir kha phyir lta yin pas mnyam gzhag tu lus kyi rnam shes ji
ltar 'byung la/ gal te 'byung

na'ang phyi rol tu g.yengs pa dang lus shes skyes pas ting nge
'dzin las nyams pa dang/ gnas pa las langs par yang 'gyur ba
dang/ lus bde mnyam gzhag tu mi 'byung bas bsam gtan gyi yan lag
tu mi 'thad cing/ gzhan yang 'dod pa'i rten can zag bcas zag

med kyi bsam gtan la mnyam par bzhag pa nas bsam gtan gyis pa
yin pas rim pa ltar 'dod pa'i lus shes kyis gzugs kyi reg bya
'dzin mi nus pas reg bya dang lus shes gzugs kyi sa pa yin pas
'dod pa'i lus dbang gi gzugs na spyod pa'i reg bya 'dzin

pa'i lus shes skyed mi nus pa'i phyir dang/ tshogs pa gcig la yan
lag zag bcas zag med gnyis mi rung bas shin tu sbyangs ba'i reg
bya dang lus shes kyang zag med du 'gyur ro zhe na/ nyes pa de
dag med de/ mnyam par bzhag pa na ting nge 'dzin gyi khyad par
las skyes pa shin tu

@406b sbyangs pa'i reg bya zhes pa lus yang zhing zo mdog bde
bar byed cing bde ba'i tshor ba dang mthun pa'i rlung gis lus la
rgyas shing khyab pas de'i mthus shin tu sbyangs pa'i reg bya la
dmigs pa'i ting nge 'dzin dang mthun pa'i lus shes mtshungs ldan
dang bcas pa 'byung ba'i phyir dang/ ting nge

'dzin las skyes pa'i lus shes mtshungs ldan dang bcas pa de nyid
lus kyi nang du 'byung bas phyi rol tu g.yengs par yang mi
'gyur la/ ting nge 'dzin dang mthun pa'i phyir de skyes pa na
ting nge 'dzin las nyams pa dang/ langs par yang mi 'gyur ba'i
phyir dang/ spyir 'dod ba'i lus dbang gis

gzugs kyi reg bya la dmigs pa'i lus shes skyed pa'i khyab pa med
kyang/ 'dir ting nge 'dzin gyis stobs bskyed pa'i mthus mnyam
gzhag gi 'dod pa'i lus dbang gis gzugs kyi shin tu sbyangs pa'i
reg bya la dmigs pa shin tu sbyangs pa'i lus shes mtshungs ldan
dang bcas pa bskyed nus

shing/ de nyid kyis na lus bde bsam gtan gyi yan lag tu'ang grub
la/ shin tu sbyangs pa'i reg bya dang lus shes zag med du thal
ba ni 'dod pa nyid de/ lam gyi tshogs kyi mdo las/ lus shin tu
sbyangs pa yang dag byang chub kyi yan lag mngon par shes pa
dang/ rdzogs par byang

chub pa dang/ mya ngan las 'da' bar 'gyur ba gang yin pa dang/
sems shin tu sbyangs pa yang dag byang chub kyi yan lag mngon
par shes pa dang/ rdzogs par byang chub pa dang/ mya ngan las
'da' bar 'gyur ba gang yin pa zhes lus shin tu sbyangs pa byang
chub kyi yan lag tu gsungs pa'i phyir

ro; ;'o na skye mched drug gi tshogs kyi mdo las/ zag pa dang
bcas pa'i chos rnams gang zhe na/ mig ngi ? snyed pa dang gzugs
rnams ji snyed pa dang mig gi rnam par shes pa ji snyed pa dang
zhes pa nas lus ji snyed pa dang reg bya rnams ji snyed pa dang
lus kyi rnam par shes pa ji snyed pa'o zhes bya ba'i bar du

khams bco lnga po thams cad zag bcas kho nar gsungs pa dang 'gal
lo zhe na/ dpes ston pa na re de ni shin tu sbyangs pa'i reg bya
dang lus shes ma gtogs pa'i reg bya dang lus shes gzhan la
dgongs nas gsungs pa'i phyir nyes pa med do zhes zer ro/ /bsam
gtan gnyis pa'i yan lag

@407a @#/ /nang rab tu dang ba ni rgyu bsam gtan dang po'i rtog
dpyod kyi 'khrug pa dang bral zhing dang pos 'dod pa las nges
par 'byung bar ma zad 'dis mnyam gzhag gi sa dang po las kyang
nges par 'byung bas de la yid ches pa'i dad pa yin no/ /'dir
skal ldan khyad par can na re sems

kyi gnas skabs rtog dpyod zhi ba tsam nang rab tu dang ba yin
la/ de bzhin du rtog dpyod dang ting nge 'dzin la sogs pa'ang
sems las rdzas gzhan ma yin gyi sems kyi gnas skabs la btags pa
yin no zhes zer ba ni mi rigs te/ de dag rgyu 'bras yin pas
rdzas tha dad pa'i phyir ro/ /yang gal

te bsam gtan snga ma gnyis kyis dga' ba yid bder 'dod pa ni mi
rigs te/ sde pa gzhan dag dga' ba sems byung gi chos gzhan yin
la yid bde bsam gtan gsum char gyi'ang bde bar 'dod pa ltar bsam
gtan gsum char gyi bde pa ni dga' ba las gzhan pa'i yid bde

yin no zhe na/ bsam gtan snga ma gnyis na ni dga' ba las 'dod
chags dang ma bral bas nye bar ma zhi bas dga' ba kho na yid bde
(yid kyi sa pa kho na) ba yin la/ gsum pa ni dga' ba las 'dod
chags dang bral bas nye bar zhi bas sems bde kho na yin gyi yid
bde ni ma yin

te; bsam gtan yan lag las nges 'byung yin pas rnam par bsgyur
ba'i mdo las bsam gtan gsum pa bka' stsal nas/ 'dir 'di'i yid
bde ba'i dbang po skyes ba ma lus par 'gag par 'gyur ro zhes pa
dang/ bsam gtan bzhi pa la ni bde ba'i dbang po 'gag par

'gyur ro zhes pa dang/ bsam gtan gyi yan lag ston pa'i mdo las/
de 'dod pas dben sdig to mi dge ba'i chos kyis dben pa rtog pa
dang bcas shing dpyod pa dang bcas pa dben pa las skyes pa'i
dga' ba dang bde ba can bsam gtan dang po nye bar bsgrubs te
gnas so/ /de rnam par

rtog pa dang rnam par dpyod pa nye bar zhi nas nang yongs su
dang ste sems kyi rgyud gcig tu gyur pas rtog pa med pa dpyod pa
med pa ting nge 'dzin las skyes pa'i dga' ba dang bde ba can
bsam gtan gnyis pa nye bar bsgrubs te gnas so/ /de dga' ba las
'dod chags dang bral bas dran pa

@407b dang ldan zhing shes bzhin du btang snyoms la gnas te/ bde
ba lus kyis myong la 'phags pa rnams kyi sa de la dran pa dang
ldan pa bde ba la rnam par spyod pa btang snyoms pa'o zhes brjod
pa ste dga' ba med pa'i bsam gtan gsum pa nye bar bsgrubs te
gnas so/ /de bde ba yang spangs

sdug bsngal ba yang spangs shing yid bde ba dang yid mi bde ba
snga nas kyang nub pas bde ba yang med sdug bsngal ba yang med
pa btang snyoms dang dran pas yongs su dag pa'i bsam gtan bzhi
pa nye bar bsgrubs te gnas so zhes lung rnam pa gnyis las gsum
par yid bde 'gag

cing bzhi par bde ba de ma thag (pa sems bde) dang yid bde ni
snga ma (bsam gtan) gsum pa nas spangs par gsungs pa'i phyir ro/
/des na bsam gtan snga ma gnyis kyis bde ba ni shin tu sbyangs
pa dang yid bde ni dga' ba yin la/ gsum pa la ni sems kyi sim pa
nyid bde bar bzhag

go zhes bye brag tu smra ba 'dod cing/ kha cig yid bde ni yid
dga' ba yin la/ bsam (dga' bde gnyis tshor ba bde bar 'dra yang
dga' bas sems ma zhi bar byed la/) zhi (sar gyur ba'i tshes gzhan
thob na de'i rigs can gyi tshor ba la bde ba zhes brjod do/)
/gtan la bde ba yan lag tu bshad pa ni lus bde yin te/ de yang

lus shin tu sbyangs pa las skyes pa'i bde ba yin par 'dod la/
bzhi pa la ni de yang spangs par 'dod do/ /ci nyon mongs can gyi
bsam gtan la'ang (sngar bshad pa'i) yan lag de dag yod dam zhe
na/ kha cig yod la kha cig med de/ 'di ltar nyon mongs pa can
gyi bsam gtan dang po la ni de'i sa pa'i

nyon mongs las dben pa ma yin (zhing de dang mtshungs par ldan)
pas dben pa las skyes pa'i dga' ba dang bde ba med cing/ gnyis
pa la ni de'i sa pa'i nyon mongs pas brnyogs pas rab tu ma dang
bas nad rab tu dang ba med la/ gsum pa la ni nyon mongs can gyi
bde bas kun tu rmongs shing

bslad pas shes bzhin dang dran pa med cing/ (dge ba'i sa mang po
pa yin pas btang snyoms kyang med do/) /bzhi pa la ni de'i sa
pa'i nyon mongs pas dri ma can du byas pas btang snyoms dang
dran pa yongs su dag pa med do/ /grub mtha' 'dzin pa kha cig na
re nyon mongs can gyi bsam gtan dang po dang gnyis

@408a @#/ /pa na ni shin tu sbyangs pa med la/ gsum pa dang bzhi
pa na ni 'du byed btang snyoms med de/ de dag ni nyon mongs can
yin la shin tu sbyangs pa dang btang snyoms ni dge ba'i sa mang
po ba yin pa'i phyir ro zhes zer ro/ /des na dga' ba ni 'dod

pas dben pa las skyes pa'i dga' ba dang/ nang rab tu dang ba ni
rtog dpyod zhi ba dang/ dran pa dang shes bzhin ni dmigs pa ma
brjed pa dang shes rab tsam la 'dod pa'i phyir nyon mongs can
la'ang yod do zhes bya bar 'dod do/ /'o na lugs snga ma ltar na
(gnyis pa'i) shin tu

sbyangs pa dang (gsum pa'i) btang snyoms yod dam med ce na/ kha
cig na re de dag dge ba yin pas dngos su med par ma bshad kyang
med par grub bo zhes zer ro/ /kha cig na re de dag med par ma
bshad pas yod do zhes zer ro/ /gzhan yang bcom ldan 'das kyis
lung bar ma las/

bsam gtan dang po gsum ni skyon dang bcas pa'i phyir g.yo ba
dang bcas pa dag yin no zhes gsungs pas bsam gtan bzhi pa ni
g.yo ba med pa yin te/ 'og (gnyis pa'i shin tu sbyangs pa dang/
gsum pa'i btang snyoms kha cig de gnyis dge ba yin pas med par
'dod la kha cig med par ma bshad)

(pas yod par 'dod do//) sa'i skyon brgyad las grol ba'i phyir
ro/ /de la skyon brgyad ni rtog pa dang dpyod pa gnyis dang
dbugs rngub pa dang 'byung ba dag ste gnyis dang bde ba dang/
sogs pas gzung ba sdug bsngal dang/ yid bde dang yid mi bde dang
bzhi ste brgyad yin no/ /gzhan dag na re

bsam gtan dang po ni rtog dpyod dang gnyis pa ni dga' ba dang/
gsum pa ni bde bas g.yo bas skyon dang bcas la bzhi pa ni de
dag dang bral bas mi g.yo ba yin te/ lu hi ta'i mdo las/ bsam
gtan bzhi pa ni dper na rlung med pa'i mar me rlung gis mi g.yo
ba de dang 'dra'o

zhes rlung med pa'i mar me dper mdzad nas gsungs pa'i phyir ro
zhes zer ro/ /'o na snga ma gnyis na yid bde dang gsum pa na bde
ba dang bzhi pa na btang snyoms kho na yod par bshad na ci rgyu
snyoms 'jug bsam gtan dang po na bde ba dang gnyis pa na yod
pa'i tshor ba yid bde dang

@408b gsum pa na bde ba dang bzhi pa na yod pa'i btang snyoms de
dag 'bras bu skye ba na'ang yod dam zhe na/ bzhi ba na de lta
yin mod kyi gzhan na ni de lta ma yin te/ skye ba'i bsam gtan
bzhi po dag las bsam gtan dang po na ni yid kyi sa pa'i yid bde
dang mig rna lus kyi rnam shes gsum dang mtshungs ldan

gyi bde ba dang rnam shes bzhi char gyi btang snyoms dang/ gnyis
pa na ni rnam shes gzhan med bas yid kyi sa pa kho na'i btang
snyoms dang yid bde dang/ gsum pa na ni yid kyi sa pa'i sems kyi
bde ba dang btang snyoms dang/ bzhi pa na ni yid kyi sa pa'i
btang snyoms kyi tshor ba kho na yod do/ /gal te bsam

gtan gnyis pa la sogs pa na mig shes la sogs pa gsum dang rtog
dpyod med na gzugs dang sgra dang reg bya 'dzin pa dang lus ngag
gi rnam par rig byed slong bar ji ltar 'gyur zhe na/ gnyis pa la
sogs par skyes pa rnams la mig shes la sogs pa de dag med pa'ang
ma yin la rang gi

sa pa'ang ma yin no/ /'o na ji lta bu zhe na/ bsam gtan gnyis pa
la sogs pa sa gong ma gsum po dag na lus dang mig dang rna ba'i
rnam shes gsum dang lus dang ngag gi rnam bar rig byed kun slong
rtog dpyod la nges par ltos shing rang sa na de med pas kun nas
slong bar byed pa'i rtog dpyod gang

yin pa de ni bsam gtan dang po'i sar gtogs pa yin te dper na sa
gong ma pa dag 'og sa'i sprul pa sprul par 'dod pa na 'og sa'i
sprul sems gong ma'i rten la mngon du byed pa bzhin no zhes bye
brag tu smra ba 'dod la/ de yang gong sar mngon du byed pa'i mig
la sogs pa'i rnam shes

dang rtog dpyod gang yin pa de ni ma bsgribs lung ma bstan yin
gyi de dag mi dgos pa'i dman pa yin pa'i phyir dge ba ma yin
pa'am/ yang na dang po'i dge ba ni rnam (des na sa des bsdus pa
med kyi rten de la yod la/ des bslang ba'i chos de dag kyang
dang po'i sa pa dang ma bsgribs lung ma bstan yin no gsung ngo/
/)

smin dang bcas pa yin na dang po'i rnam smin ni gnyis pa la sogs
pa don du mi gnyer bas de'i rgyu dge ba'i sems mngon du bya ba
la 'bad pa mi byed do zhes rgyal po'i sras 'chad do/ /'og sa las
'dod chags dang bral (zhing dang po'i de dag spangs) ba'i phyir
nyon mongs can yang

@409a @#/ /min te sprul pa'i sems bzhin no/ /bsam gtan dang po'i
lung ma bstan de dag ni dman pa yin yang dgos ba'i phyir mngon
du byed kyi de yang gus bas ni ma yin no/ /dpes ston pa la sogs
pa ni bsam gtan phyi ma gsum na'ang rnam shes chogs

gsum ga yod bar 'dod do/ /bzhi pa 'thob tshul la gsum las dang po
dag pa ba ni 'og sa las 'dod chags dang bral ba dang/ gong
(mthong thos sogs la/) nas 'og tu skye ba dang/ sbyor ba dang/
chags bral las nyams pa bzhis 'thob pa las dag pa ba de dang
sngar gtan mi ldan pa ni 'og

sa las 'dod chags dang bral ba'am/ srid rtse ma gtogs pa gong sa
nas 'og sar skye ba las ni nges 'byed cha mthun gyi dag pa ba ma
gtogs pa gsum 'thob kyi/ srid rtse ni de bas mtho ba'i sa med
cing 'og sa nas der skye ba na (rgyu snyoms 'jug  /) de sngar
nas ldan pa skye bas gsar 'thob

med pas 'ogs las 'dod chags dang bral ba kho nas 'thob kyi skye
bas 'thob pa med do/ /de yang sngar mi ldan pa'i dbang du byas
kyi dag pa ba dang sngar nas ldan pa ni nges 'byed cha mthun gyi
bsam gtan dag pa pa chags bral dang skye bas mi 'thob kyi sbyor
bas 'thob la/ gnas pa cha mthun

las nyams na nyams pa'i cha mthun dang/ bsam gtan dang po las
'dod chags ('dod chags dang bral bas 'thob pa de yang nges 'byed
cha mthun ma gtogs so//) dang bral ba las nyams pa las dang po'i
nyams ba'i cha mthun 'thob pa lta bu nyams pa las kyang 'thob
bo/ /de nyid kyi phyir bstan bcos

las/ bsam gtan dag pa ba 'dod chags dang bral bas 'thob par
'gyur la/ 'dod chags dang bral bas 'dor bar 'gyur ba dang/ de
bzhin du yongs su nyams pa dang skye ba las 'thob pa dang 'dor
bar 'gyur pa yod dam zhe na/ yod de/ bsam gtan dang po nyams
pa'i cha dang mthun

pa'o/ /de ni 'dod pa las 'dod chags dang bral bas 'thob la/
tshangs pa'i 'jig rten las 'dod chags dang bral bas 'dor ro/
/tshangs pa'i 'jig rten las 'dod chags dang bral ba las yongs su
nyams pa las 'thob la/ 'dod pa las 'dod chags dang bral ba las
yongs su nyams

@409b pa las 'dor ro/ /gong nas tshangs pa'i 'jig rten du skye ba
na 'thob la/ de nas 'dod pa'i khams su skye ba na 'dor ro zhes
'byung ngo/ /tshangs pa'i 'jig rten ni bsam gtan dang po'o/ /des
na bsam gtan dang po las 'dod chags dang bral bas ni dang po'i
nyams pa'i cha mthun 'dor te/ dang po'i nyon mongs dang mthun

pa'i phyir dang po'i nyon mongs bzhin no/ /gnyis pa snyams ?
'jug zag med ni rgyu bzhi po de dag las sngar mi ldan pa las ni
'dod chags dang bral ba yis 'thob cing sngar nas zag med dang
ldan pa ni sbyor ba'i stobs kyis zad shes las kyang mi slob pa
dngos gzhis bsdus pa 'thob la/ dbang po rtul

po rnon por 'sos na rnon pos bsdus pa'i (bsam gtan gzugs med
kyi) slob pa dang mi slob pa 'thob bo/ /phyir mi 'ong chags bral
(de yang lam ni zag bcas zag med gang gis bral yang rung ngo/
/de ni phyir mi 'ong kho na ste/ 'bras bu dang po gnyis ni dngos
gzhis ma bsdus pas so/ /de dag) sngon 'gros bsam gtan gyi dngos

gzhi la brten nas nges pa la 'jug pa las kyang zag med kyi bsam
gtan dngos gzhi 'thob kyang mthar gyis pa mi lcogs med kho na la
brten nas nges pa la 'jug na dngos gzhi mi 'thob pas thams cad
kyis 'thob par ma nges pas des pa la 'jug pas 'thob pa ma bshad
cing/ mi slob pa nyams

na slob pas bsdus pa'i snyoms 'jug dngos gzhi 'thob kyang snyoms
'jug zag med kyi rigs tsam sngar nas ldan pas gsar thob med pas
nyams pas 'thob pa'ang ma bshad la/ zag med la skye bas 'thob pa
ni med do/ /gsum pa snyoms 'jug nyon mongs can ni sngar de dang
mi ldan pa las

bsam gtan dang po las 'dod chags dang bral ba las yongs su nyams
na bsam gtan dang po nyon mongs can 'thob pa lta bu yongs su
nyams pas 'thob (sa de dag tu skyes pa'i byis pa'ang zag med
dang ldan par thal bas/) pa dang srid rtse ma gtogs pa bsam gtan
gnyis pa yan chad nas

dang por skyes na dang po'i nyon mongs can 'thob pa lta bu gong
sa nas 'og sar skye ba yis 'thob pa gnyis yod kyi ('di 'og nas
gong du skye ba'am chags bral gyis mi 'thob ste 'di) sngar nas
ldan pas sbyor ba dang 'dod chags dang bral bas 'thob pa ni med
do/ /lnga pa khyad par gyi chos bshad pa ni

@410a @#/ /'o na snyoms 'jug gi rdzas de dag gang gi mjug tu du
zhig skye zhe na/ zag pa med pa'i bsam gtan dang gzugs med pa'i
mjug thogs su rang sa dang (bcas na) ltag gi sa gnyis te sa gsum
gyi bar gyi dge ba (zag bcas) zag med dang/ (rang dang) 'og ma
(gnyis te sa)

gsum pa'i bar gyi dge ba zag bcas zag med dag skye'o/ /'di yang
spyir bstan pa tsam zhig yin gyi thams cad du ni ma yin te/ bsam
gtan dang po zag pa med pa'i 'jug thogs su 'og ma'i snyoms 'jug
dag pa pa dang zag med skye ba med pa'i phyir dang/ ci yang med
pa'i skye mched zag

med kyi mjug thogs su yang gong ma'i zag med skye ba med pa'i
phyir ro/ /des na zag med kyi bsam gtan dang po'i mjug thogs su
drug skye ste/ rgyun gyi tshe rang gi sa pa'i zag med dang/
snyoms mjug las langs pa'i tshe rang gis pa'i dag pa pa dang/ zag
bcas dang spel nas lugs bzhin

snyoms par 'jug pa'i tshe bsam gtan gnyis ba'i dag pa pa dang/
zag bcas dang ma spel bar lugs bzhin snyoms bar 'jug pa dang
thod rgal gyi sbyor ba'i tshe ma spel bar lugs dang mthun par
snyoms par 'jug pa na bsam gtan gnyis pa'i zag med dang/ spel
nas ris mi mthun pa gsum

par 'gro ba'i tshe thod rgal dngos bsam gtan gsum pa'i dag pa ba
dang/ ma spel bar gsum par 'gro ba na nye ba'i sbyor ba gsum
pa'i zag med skye ba'i phyir ro/ /gong 'og gi bzhi pa phan chad
ni skye ba mi srid de/ shin tu ring pa'i phying ? dang/ 'dod pa
na zag med mi srid pa'i phyir dang/ 'dod pa'i dge ba tsam

skye yang snyoms 'jug ma yin pa'i phyir ro/ /bsam gtan gnyis
ba'i zag med kyi mjug thogs su ni brgyad skye ste/ rgyun gyi tshe
dang/ de las langs pa'i tshe rim pa ltar rang gi sa ba'i zag med
dag pa pa dang/ ma spel bar lugs dang mthun par snyoms par 'jug
pa'i tshe bsam gtan gsum pa'i zag

med dang/ spel nas lugs dang mthun par snyoms par 'jug pa'i tshe
bsam gtan gsum pa'i dag pa pa dang/ ma spel bar gsum par 'gro ba
na nye sbyor bzhi pa'i zag med dang spel na thod rgal dngos bzhi
ba'i dag pa pa dang/ lugs dang mi mthun par snyoms bar 'jug pa'i
tshe ma spel na dang po'i

@410b zag med dang/ spel na dag pa ba'ang skye pa'i phyir ro/
/de bzhin du bsam gtan gsum pa'i zag med kyi mjug thogs su bcu
'byung ste/ rang sa'i gnyis dang/ bzhi pa'i gnyis dang/ nam
mkha' mtha' yas skye mched kyi gnyis dang/ bsam gtan gnyis pa'i
gnyis dang/ lugs dang mi mthun par

gsum par 'gro ba na bsam gtan dang po'i gnyis kyang 'byung ba'i
phyir ro/ /de bzhin du bsam gtan bzhi pa dang/ nam mkha' mtha'
yas skye mched kyi mjug tu bcu bcu 'byung ba'ang ci rigs par
shes par bya'o/ /rnam shes mtha' yas skye mched zag med kyi mjug
thogs su ni dgu 'byung

ste rang sa'i gnyis dang/ lugs dang mthun par snyoms par 'jug pa
na ci yang med pa'i skye mched kyi gnyis dang/ lugs dang mthun
par ris mi mthun pa gsum par 'gro ba na snyoms 'jug las langs
pa'i tshe srid rtse'i dag pa pa kho na 'byung ste/ de na rgyu ba
zhan pas zag med med pa'i phyir ro/ /

lugs dang mi mthun par snyoms par 'jug pa na nam mkha' mtha' yas
skye mched dang bsam gtan bzhi pa'i sa pa'i dag pa pa dang zag
med gnyis gnyis dang/ ci yang med pa'i skye mched kyi rjes su ni
rang sa dang 'og sa rnam shes dang nam mkha' mtha' yas skye
mched kyi dag pa pa dang/ zag

med gnyis gnyis dang/ gong sa srid rtse'i dag pa pa kho na dang
bdun 'byung ngo/ /de yang rjes shes kyi mjug thogs su ni gzugs
med la snyoms par 'jug gi chos shes kyi mjug thogs su gzugs med
la snyoms par mi 'jug ste/ gzugs med 'dod pa la mi dmigs shing/
chos shes 'dod

pa'i rten can dang/ 'dod pa'i sdug bsngal la sogs pa la dmigs
pa'i phyir ro/ /snyoms 'jug dag pa pa las dag pa pa dang zag med
skye ba'ang dag pa pa yi mjug thogs su/ ltag 'og gsum pa'i bar
dge ba/ /skye'o zhes ji ltar zag med las du 'byung bshad pa de
bzhin du rig par bya'o/ /'on kyang khyad par

ni 'di yod de/ dag pa pa las ni sngar 'byung ba de dag gi steng
du lhag par snyoms 'jug nyon mongs can gyis gzir ba'i tshe ('am
ro myang ba na/) rang rang gis pa'i nyon mongs can gyi bsam tan
yang 'byung gi zag med kyi 'jug thogs su ni nyon mongs can
'byung ba med do/ /snyoms 'jug nyon mongs can las ni

@411a @#/ /gal te shes bzhin dang dran pas zin na langs pa'i tshe
rang sa'i dag pa ba dang/ rgyun gyi tshe rang sa'i nyon mongs can
dang/ de dag tu ma zad (rang sa'i nyon rangs) des gzir ba las
'og ma'i dag pa ba la dga' bar 'gyur bas langs pa nas 'og ma'i
dag pa ba ('am

dge ba kha) gcig kyang 'byung bar 'gyur ro/ /gal te bdag gis
bsam gtan 'di ni nyon mongs can zhig ste de bas ni 'og ma bzang
ngo zhes rang sa'i nyon mongs can la skyon du shes nas 'og mar
'phon ni dge ba las 'phos pa yin la/ 'on te nyon mongs can du ma
shes na ni de las

ji ltar 'og ma'i dge bar 'pho zhe na/ dang po snyoms par 'jug
pa na gong ma'i nyon mongs can pas ni 'og ma'i dag pa ba bzang
bas gong ma'i sems nyon mongs can du gyur na de ma thag tu 'og
ma'i dag pa ba la gnas par gyur cig snyam du 'phangs pa'i phyir
gong ma'i nyon mongs can

gyi mjug thogs su 'og ma'i dag pa ba 'byung ste dper na dus 'di
tsam na ldang bar bya'o snyam du bsams nas gnyid log pa 'dod
pa'i dus su sang par 'gyur pa bzhin no/ /zag med ni nyon mongs
can gyi mjug thogs su rang sa dang 'og sa pa'ang rnam pa thams
cad du mi skye'o/ /de yang

snyoms par 'jug pa'i dus kyi dbang du byas nas dag pa ba dang
nyon mongs can gyi mjug tu rang sa'i nyon mongs can kho na
skye'i gzhan sa'i nyon mongs can mi 'byung ngo zhes bshad kyi
'chi 'pho ba'i tshe ni skye ba'i bsam gtan dag na skyes thob kyi
dge ba mnyam gzhag ma yin pas kyang bsam gtan dag

pa ba'i ming thob pas snyoms 'jug dang/ pa ba las ni rang sa
dang gong 'og gi sa gang du skye ba de dag thams cad kyi nying
mtshams sbyor sems nyon mongs pa can kun 'byung ba srid de/ 'di
ltar bsam gtan dang po ba lta bu'i dge ba skyes thob la gnas te
rang sa dang gong 'og thams cad du skye ba srid la/ skye ba'i

srid pa nyon mongs can zhes 'byung bas skye ba'i sems thams cad
nyon mongs can du nges ba'i phyir ro/ /de yang 'chi 'pho'i tshe
snyoms 'jug nyon mongs can las ni rang sa dang 'og sa'i nyon
mongs can skye'i sa gong ma'i nyon mongs can mi 'byung bas gong
ma skye ba min no/ /'og sa'i nyon mongs

@411b ma spangs par gong mar mi skye bas na des der nying mtshams
sbyor ba 'gal ba'i phyir ro/ /ci snyoms 'jug dag pa ba thams cad
kyi mjug thogs su rang sa dang gong 'og gi nyon mongs can dang
dag pa ba dang zag med kyi snyoms 'jug 'byung ngam zhe na/ ma
yin te/ srid rtse ma gtogs pa'i snyoms 'jug dag

pa ba de dag ni nyams pa'i cha dang mthun pa dang/ sogs pas
bsdus pa gnas pa'i cha dang mthun pa dang/ khyad par gyi cha
dang mthun pa dang/ nges par 'byed pa'i cha dang mthun pa dang/
rnam pa bzhi bzhi pa yin la/ srid rtse la ni gong nas gzhan med
pas khyad par gyi cha mthun med pa'i phyir gsum yin no/ /nyams

pa'i cha mthun la sogs pa de dag ni go rim bzhin du nyon mongs
pa skye ba dang rjes su mthun pa dang/ rang gi sa pa dang rjes
su mthun pa dang/ sa gong ma'i sems skye ba dang rjes su mthun
pa dang/ de las zag med skye bas zag med kyi lam (mthong lam
dang mthun pa'i nges 'byed cha mthun ni gzugs med na med do/ /)
skye ba

dang rjes su mthun pa'o/ /de la rjes su mthun pa zhes bya ba'ang
de dang de skye ba la phyogs pa tsam ('phel 'grib med par) yin
gyi dngos su skyes pa ni ma yin te/ thams cad kyang dag pa ba
yin pa'i phyir ro/ /'on kyang gnas pa'i cha dang mthun pa ni
skyes pa'i ngo bo nyid yin no/ /des na zag med kyi bsam gtan

gzugs med ni nges 'byed cha mthun gyi bsam gtan gzugs med dag pa
ba las skye ba yin no/ /'o na nyams pa cha mthun la sogs pa bzhi
po de dag gang gi mjug thogs su du 'byung zhe na/ nyams pa'i cha
mthun gyi mjug thogs su rgyun gyi dus su nyams pa'i cha mthun
rang nyid dang/ khyad par du 'gro

ba'i dus su gnas pa'i cha mthun te gnyis gnyis dang/ sogs pas
gzung ba gnas pa'i cha mthun gyi mjug thogs su nges 'byed cha
mthun ma gtogs pa gsum dang/ khyad par cha mthun gyi mjug thogs
su nyams pa'i cha mthun ma gtogs pa gsum dang/ nges 'byed cha
mthun gyi mjug thogs

su zag med 'byung yang dag pa ba ma yin pas rgyun gyi tshul gyis
nges 'byed cha mthun de gcig pu 'byung ste/ de ltar na rang sa'i
nyon mongs pa dang dag pa ba dang gong sa'i dag pa ba dang zag
med 'byung ba ni go rim bzhin du nyams pa'i cha mthun dang gnas
('di las nyams kyang gnas pa ma btang na de nyid skyer rung ba'i
phyir ro/ /)

@412a @#/ /pa'i cha mthun dang khyad par gyi cha mthun dang nges
'byed cha mthun kho na yin par shes par bya'o/ /'o na thod rgal
gyi snyoms 'jug ji ltar skyed ce na/ de la bzhi las dang po gang
la snyoms 'jug bya ba'i gzhi ni/ bsam gtan bzhi dang gzugs med
bzhi ste zag bcas kyi sa brgyad

dang zag med kyi sa bdun te de ltar zag bcas zag med rnam pa
gnyis so/ /gnyis pa ji ltar snyoms par 'jug (zag med las ldang
ba'i tshe nyams pa'i cha mthun ma gtogs pa gang rung mngon du
byed do gsung ngo/ /) pa'i tshul la sbyor ba dngos gzhi gnyis kyi
dang po la'ang gnyis las ring ba'i sbyor ba ni 'brel ba ste thog
mar zag

bcas kyi sa brgyad dang zag med kyi sa bdun pa dang ris ma bor
bar lugs dang mthun par go rim bzhin du song zhing lugs dang mi
mthun par go rim bzhin du 'ongs nas snyoms par 'jug pa dang/ de
nas phyis nye ba'i sbyor ba ni zag bcas su ris mthun pa'i bsam
gtan dang po nas gsum pa dang/ de

nas nam mkha' mtha' yas skye mched dang/ de nas ci yang med pa'i
skye mched la snyoms par 'jug pa sa re re rgal nas lugs dang
mthun par yar song zhing/ de bzhin du zag bcas su ris mthun pa'i
ci yang med pa'i skye mched nas bsam gtan dang po'i bar du yang
sa re re rgal nas lugs

dang mi mthun par snyoms par 'jug pas mar 'ongs pa dang/ de
bzhin du zag med du ris mthun pa'i bsam gtan dang po nas gsum pa
dang/ de nas nam mkha' mtha' yas skye mched dang/ de nas ci yang
med pa'i skye mched la snyoms par 'jug pas re re rgal nas lugs
dang mthun par

yar song zhing/ de bzhin du zag med du ris mthun pa'i ci yang
med pa'i skye mched nas bsam gtan dang po'i bar du'ang sa re re
rgal nas lugs dang mi mthun par snyoms par 'jug pas mar 'ongs pa
ste/ de ltar zag bcas dang zag med du ris mthun pa'i sa gcig ste
re re rgal nas lugs dang

mthun par yar song zhing ris mthun pa'i sa re re rgal nas lugs
dang mi mthun par mar 'ongs ba'i sgo nas byang bar byas nas/
gnyis pa dngos gzhi ni gang gi tshe zag bcas kyi bsam gtan dang
po nas zag med kyi bsam gtan gsum pa dang/ de nas zag bcas kyi
nam mkha' mtha' yas skye

@412b mched dang/ de nas zag med kyi ci yang med pa'i skye mched
la lugs dang mthun par sa re re rgal zhing ris mi mthun pa gsum
pa la snyoms par 'jug pa dang/ de bzhin du zag bcas kyi ci yang
med pa'i skye mched nas zag med kyi bsam gtan dang po'i bar du
lugs dang mi mthun par sa re re rgal zhing

ris mi mthun pa gsum par 'gro ba dang/ de bzhin du zag med kyi
bsam gtan dang po nas zag bcas kyi ci yang med pa'i skye mched
kyi bar du lugs dang mthun par sa re re brgal zhing ris mi mthun
pa gsum par 'gro ba dang/ de bzhin du zag med kyi ci yang med
pa'i skye mched nas zag bcas kyi bsam

gtan dang po'i bar du lugs dang mi mthun par sa re re brgal
zhing ris mi mthun pa gsum par 'gro ba ste/ de ltar zag bcas sam
zag med ris mi mthun pa gsum par 'gro ba ste spel mar snyoms par
'jug nus pa de'i tshe thod rgal gyi snyoms 'jug dngos gzhi grub
pa yin no/ /de bzhin du zag bcas zag

med kyi bsam gtan gnyis pa nas srid rtse'i bar dang/ srid rtse
nas gnyis pa'i bar du lugs dang mthun pa dang mi mthun par sa ra
re brgal nas ris mi mthun pa gsum par 'gro ba'i thod rgal la
sogs pa'ang sbyar te shes par bya'o/ /sngar bshad pa ltar shin
tu ring ba'i phyir bzhi pa la ni snyoms par mi 'jug

go/ gsum pa rten ni de lta bu'i thod rgal de yang blo gsal bas
gling gsum gyi skyes pa bud med dang/ bzhi pa gang zag ni mthong
thob dbang po rno bas ting nge 'dzin la dbang yang nyon mongs pa
med pa ma yin la/ dus kyis rnam grol nyon mongs pa med pa yin
yang dbang po rtul bas ting nge 'dzin la dbang ba ma yin pas

dus dang mi sbyor bar rnam par grol ba'i dgra bcom pa mi g.yo
ba (gnyis ka'i cha las rnam grol/) kho nas skyed par byed de/ mi
slob pa yin pas nyon mongs pa med pa'i phyir dang/ dbang po rno
zhing bsam gtan dngos gzhi thob pas ting nge 'dzin la dbang
'byor pa'i phyir ro/ /sangs rgyas rnams kyi thod rgal yang tshul

'di nyid yin par sde pas 'dod la/ shin tu rgyas pa'i sde snod
ltar na ni mngon par rtogs pa'i rgyan las/ 'gog dang bcas pa'i
snyoms 'jug dgur/ /rnam pa gnyis su song 'ongs nas/ /'dod par
gtogs pa'i rnam par shes/ /mnyam gzhag min pa'i mtshams (ting nge
'dzin ni zag pa bcas ma bcas gnyis ka'o/ /) gzung

@413a @#/ /ste/ /gcig dang gnyis gsum bzhi dang lnga/ /drug dang
bdun dang brgyad rgal nas/ /'gog pa'i bar du mi 'drar 'gro/
/thod rgal gyi ni snyoms 'jug yin zhes tshul gzhan du bshad do/
/lus kyi rten yang bsam gtan dang gzugs med pa'i snyoms 'jug de
dag ni rang gi sa pa'i lus

dang 'og sa'i lus kyi rten can yin te/ srid rtse'i snyoms 'jug
ni srid rtser yang mngon sum du byed la 'og ma 'dod khams kyi
bar du yang mngon sum du byed pa (po sa dgu pa yin pa/) nas bsam
gtan dang po'i snyoms 'jug dang po rang sa dang 'og ma 'dod pa'i
rten la mngon sum du byed (pas sa gnyis pa yin)

pa'i bar du sbyar ro/ /'o na ci'i phyir gong du skyes pa'i rten
la snyoms 'jug 'og ma mngon sum du mi byed ce na/ 'di ltar gong
du skyes pa de la rang sa na mchog yod pas 'og ma'i dman pas
dgos pa byed pa med pa'i phyir ro/ /de ltar spyir bstan nas
dmigs kyis bsal ba ni srid pa'i rtse mor skyes

(de yang zag bcas ni 'bras bu rang sa dang rgyu 'og sa la brten
par ngas so/ /) pa'i phyir mi 'ong ba ni 'phags pa ste zag pa
meng pa'i ci yang med pa'i skye mched kyi ting nge 'dzin mngon
sum du byas nas srid rtse'i zag pa zad par byas te dgra bcom
thob par byed de/ ci'i phyir zhe na/ srid rtse rang sa na zag
med kyi lam med pa'i

phyir dang/ ci yang med pa'i skye mched zag med de yang srid
rtse la thag nye ba'i phyir ro/ /bsam gtan gnyis pa la sogs par
dang po'i mig shes la sogs pa mngon du byed pa ni de dag ma
bsgribs lung ma bstan yin pas bsam gtan dang gzugs med pa'i ting
nge 'dzin ma yin pa'i phyir dang/ 'dir

ni de dag gi rten bsam pa skabs su bab ba'i phyir ro/ /yang na
de dag dman yang rang sa na med pa'i phyir lta ba la sogs pa la
dgos pa yod pas mngon du byed do zhes shes par bya'o/ /yang
snyoms 'jug de dag gi dmigs pa gang zhe na/ sred pa dang bcas pa
ro myang ba dang mtshungs par ldan pa'i snyoms

'jug rnams ni rang rang gi sa pa'i srid pa zag bcas kyi phung
po'i dpos po kho na la dmigs pa yin gyi/ rang gi ngo bo nyon
mongs can yin zhing 'og sa las 'dod chags dang bral (ba'i nyon
mongs can yin/) bas 'og sa la dmigs pa'ang ma yin la/ (de la
dmigs nas sred pa skye na de 'dod chags dang ma bral

@413b bar thal bas so/) /sa gang gi sred pa gang yin pa de ni sa
de kho na la rgyas par 'gyur bas gong 'og rang rang gi sred pas
yongs su bcad pa'i phyir sa gong ma la'ang dmigs pa ma yin no/
/de lta ma yin na de gong ma nyid du mi 'grub ste/ sa tha dad du
ma bcad pa'i phyir sa gcig pa'i gnas gzhan bzhin no/ /de nyid

kyi phyir gnas gzhan gsum gsum pa rnams dang brgyad po dag ltag
'og tu 'dug kyang sa gcig pa nyid du 'grub po zhes rgyal po'i
sras 'chad do/ /zag med la dmigs pa'ang ma yin te/ zag med don
du gnyer na dge ba'i chos la 'dun par 'gyur ba'i phyir ro/ /bsam
gtan dge ba dag pa ba dang zag med kyi

dmigs yul ni ci rigs par yod dgu cog yin te/ 'dus byas dang 'dus
ma byas gang yang rung ba la dmigs nas sems nye bar 'jog pa'i
phyir ro/ /gzugs med kyi nyer bsdogs kyis 'og sa'i zag bcas la
dmigs shing dngos gzhi nyon mongs can yang yod la dngos gzhi dge
bas chos shes phyogs

mthun gyi lam dang 'og sa'i 'gog pa la (dag pa pas gong ma rtogs
pa yang mngon shes min gyi bsam gtan gyi sems kyis sems de gnyis
kyi dmigs pa ni/) ma dmigs kyang zag med 'og sa'i gnyen po rjes
shes phyogs mthun gyi lam bden dang rang sa dang gong sa la
dmigs bas de rnams las khyad par du bya ba'i phyir dang/ bsam

gtan rnams ni kun tu lta ba pa yin pas dngos gzhis kyang 'og
sa'i zag bcas la dmigs kyang gzugs med pa'i dngos gzhi dge ba
dag pa ba dang zag med rnams kyi spyod yul ni sa 'og ma'i zag
bcas min te/ gzugs med pa'i dngos gzhi rnams ni dmigs pa las
nges par byung ba yin pa'i phyir ro/ /

gong ma la dmigs so zhes bya ba'ang srid rtse'i 'phags pa ci
yang med pa'i sems mngon du byas pa'i dbang du byas kyi thams
cad ni ma yin no zhes shes par bya'o/ (/shugs la 'og sa'i lam
zag med la gong sa'i rjes shes phyags mthun gyi dmigs par bstan
no de yang sa dbu'i lam na phan tshun du zhes pa'i tshul du'o/)
/bsam gtan

dang gzugs med dag pa ba la sogs pa gsum po 'di dag las zag pa
med pa'i dngos gzhi rnams kyis sa rang sa dang gong sa'i nyon
mongs pa rnams spong gi (dag pa ba ni/) nyer bsdogs kyis 'dod
chags dang bral zin pa'i phyir dang/ (nyon mongs can ni/) srid
pas srid pa las nges par mi 'byung bas rang sa'i gnyen po

@414a @#/ /ma yin pa'i phyir dang/ 'og sa'i dag pa ba bas gong
sa'i nyon mongs can ches khyad par du 'phags pas (sun mi 'byin
pas/) dman pas khyad par can spang bar mi nus pa'i phyir go rim
bzhin du dag pa ba'i dngos gzhis kyang 'og sa dang rang sa dang
gong sa'i nyon mongs pa rnams mi

spong na nyon mongs can gyis lta smos kyang ci dgos/ bsam gtan
dang gzugs med gong sa gong sa'i nyer bsdogs ni sa 'og ma 'og
ma'i gnyen po yin pas zag med kyis spong bar ma zad (nyer
bsdogs/) dag ba pas kyang nyon mongs pa rnams spong ngo zhes
sbyar ro/ /drug pa nyer bsdogs bshad pa ni/

'o na nyer bsdogs du yod ce na/ snyoms 'jug dngos gzhi (brgyad
yod pas/) brgyad po de dag la ni gang gis 'jug pa'i sbyor ba
nyer bsdogs kyang brgyad yod la/ thams cad kyang nyon mongs can
la 'bras lam med pas sred pa dang mtshungs ldan gyi lam gyis nyon
mongs spang bar mi nus la

'di dag ni 'dod chags dang 'bral bar byed pa'i lam yin pa'i
phyir ngo bo re myong ba dang mtshungs ldan ma yin gyi ngag pa ba
kho na mngon par 'du bya ba med par 'byung ba dang/ 'og sa las
yid byung ba dang bral na dga' bde dang mtshungs par ldan pa yin
na de dag ni 'bad de drang dgos pas mngon

(yin te nyon mongs can ni 'og sa'i gnyen po ma yin pa'i phyir
ro/ /phyi ma bdun mi gsal bas zag med med do/ /rgyu mnyam gzhag
gi bsam gtan gzugs med la nyon mongs can med pas/ 'bras bu'i de
dag tu skye ba na nying mtshams sbyor sems ni rang rang gi nyer
bsdogs mnyam par ma bzhag pa nyon mongs can gyis sbyor ro zhes
pa ni grub mtha'o/ /) par 'du bya

ba dang bcas pa dang/ 'og sa las yid byung ba dang ma bral bas
tshor ba'ang bde ba yang min sdug bsngal yang min pa btang snyoms
kyi dbang po kho na dang mtshungs bar ldan pa yin no/ /yang na
'bad de drang bar bya ba yin pas btang snyoms dang mtshungs par
ldan la/ 'og sa las yid byung ba dang ma

bral ba dang/ 'dod chags dang 'bral ba'i lam yin pas dag pa ba
yin gyi ro myang ba dang mtshungs ldan ma yin no zhes bya'o/
/slob dpon 'phags pas ni snyoms 'jug dngos gzhi brgyad po de dag
la 'jug pa'i yid la byed pa bdun bdun bshad de/ de las 'og ma
rnams tshe thung zhing sdug bsngal

@414b mang ba la sogs pa'i sgo nas rags sogs dang gong ma rnams
de las zlog pa zhi sogs su lta ba'i sgo nas spang bya dang thob
bya shes par byas shing spang ba dang thob par bya ba'i phyir
sems gtod par byed pa thos bsam dang 'dres pa mtshan nyid so sor
rig pa'i yid la byed pa dang/ spang bya dang thob

bya'i sbyor ba rtsom par byed pa'i rtse gcig pa zhi rags kyi
mtshan ma la mos pa thos bsam las 'das pa mos pa las byung ba'i
yid la byed pa dang/ 'og sa'i nyon mongs pa che gsum spong bar
byed pa rab tu dben pa yid la byed pa dang/ dben pa la dga' ba
rgyas sha'i nyon mongs pa 'bring gsum

spong bar byed pa dga' ba sdud pa'i yid la byed pa dang/ 'og
ma'i nyon mongs mngon du rgyu dang bral bas de zad ma zad brtag
pa'i phyir de skye ba'i mtshan ma yid la byed pa dang thob pa la
mngon pa'i nga rgyal med pa la sems 'jog par byed pa dpyod pa'i
yid la byed pa dang/ de ltar brtags pas nyon mongs pa

chung gsum yod par rtogs nas chung gsum spong zhing dngos gzhi'i
dngos rgyur gyur pa sbyor ba mthar thug pa'i yid la byed pa
dang/ gong ma'i dngos gzhi thob pa ni sbyor ba mthar thug pa'i
'bras bu yid la byed pa'o/ /de rnams kyi'ang dang po drug sbyor
ba dang bdun pa ni dngos gzhi'o/ /de ltar gong ma pas 'jig

rten pa'i gong ma'i nyer bsdogs kyis 'og sa'i sgom spang dgu car
spangs par bshad pa de ni gong ma pa'i lugs yin gyi bye brag
smra ba'i lugs ni ma yin te/ gal te yin na gang zhig bsam gtan
gyi dngos gzhi ma thob pa mi lcogs med la brten nas mthong lam
thob pa des dang po'i nyer bsdogs thob pa'i

phyir 'dod pa'i sgom spang mtha' dag spangs par 'gyur na bsgom
pas spang bya ma spangs na/ /'bras bu dang po la zhugs pa zhes
bya ba'i 'grel par 'dod pa la chags bcas kyi mthong lam pa de
khams gsum gyi sgom spang gcig kyang ma spangs pa 'ching ba
mtha' dag dang ldan par bshad pa'i phyir ro/ /nyer bsdogs

brgyad po de dag las dang po bsam gtan dang po'i nyer bsdogs mi
lcogs med ni dag pa ba yin par ma zad 'phags pa zag pa med
pa'ang yin te/ ('di ni gsal bas rang 'og gong gsum gyi nyon
mongs las rgyal lo/) /bsam gtan gyi dngos gzhi ma thob pa dag
'jig rten las 'das pa'i lam de la brten nas bskyed

@415a @#/ /pa'i phyir ro/ /nyer bsdogs gzhan dag ni 'og ma'i
dngos gzhi la brten pa'i phyir de dag la/ 'jig rten las 'das
pa'i lam mi brten to/ /nyer bsdogs gzhan rnams la'ang mnyam par
bzhag pa dang ma 'zhag pa gnyis yod pa las dang po ni dge ba dag
pa ba kho na yin la/ gnyis

pa ni TI kar bsam gtan gzugs med brgyad car gyi nyer bsdogs
nyon mongs pa can mnyam gzhag ma yin pas nying mtshams sbyor ro
zhes bya ba 'di ni grub pa'i mtha' yin no zhes 'byung bas nying
mtshams sbyor sems kyang yin pas nyon mongs can yang yin te/
'grel pa las/ nyes bsdogs

kyi sems kyis nying mtshams sbyor ba nyon mongs can yin mod kyi
mnyam par bzhag pa la ni nyon mongs pa can nyid dgag go zhes
bshad pa'i phyir ro/ /sngon gyi slob dpon kha cig bsam gtan dang
po'i nyer bsdogs mi lcogs med ni gsal ba'i phyir dag pa ba dang
zag med dang ro myang ldan dang gsum ga

yod do zhes 'dod la/ slob dpon 'dun bzang na re mi lcogs med ni
dngos gzhi la snyogs pa'i phyir ro/ /myang ldan gyi snyoms 'jug
kyang yod do zhes zer ro/ /'o na nyer (ste 'dun bzang ni/)
bsdogs zhes kyang 'byung/ bsam gtan khyad par can zhes kyang
'byung na gcig gam tha dad ce na/ tha dad de/ nyer

bsdogs ni 'dod chags dang 'bral ba'i lam yin la/ bsam gtan dang
po'i dngos gzhi de nyid rtog pa dang bral bas khyad par du
'phags pas rtog ('di la'ang nying mtshams sbyor sems 'dod na de
srid do/ /) pa med la dpyod pa dang bcas pa ni bsam gtan khyad
par can yin la/ de ni ('bras lam min gyi bral zin yin

pas de la dbye na/) dag pa ba dang zag med dang ro myang ldan
dang rnam pa gsum ga dang/ (mi lcogs med de ni/) 'bad nas skyed
par bya ba yin pas tshor ba'ang bde ba yang min sdug bsngal yang
min pa btang snyoms kho na dang mtshungs par ldan pa yin no/ /de
nyid kyis na (bde ba dang mi ldan pas/) lam bskyed dka' ba zhes

bya'o; ;des na bsam gtan dang po la rtog dpyod gnyis ka dang
bcas pa'i dngos gzhi tsam dang rtog pa med la dpyod pa tsam dang
ldan pa'i khyad par can gyi dbye ba yod kyi gnyis pa la sogs pa
la ni de lta bu'i khyad par med pas dngos gzhi la dbye ba med
do/ /bsam gtan khyad par cad zag bcas

@415b gang yin pa de ni bsgoms na tshangs chen du skye bas tshangs
pa chen po'i 'bras bu can yin no/ /des na byams pa la sogs pa ni
rdzogs byed yin pa'i phyir tshangs pa'i gnas pa zhes kyang bya'o/
/bdun pa ting nge 'dzin gyi dbye ba ni yang ting nge 'dzin thams
cad mdor bsdus te mdo las/ ting nge 'dzin ni rnam pa gsum

ste; rtog pa dang bcas shing dbyed pa dang bcas pa dang/ rtog pa
med la dpyod pa tsam dang/ rtog pa yang med la dpyod pa yang med
pa'i ting nge 'dzin to zhes ting nge 'dzin gsum gsungs pa la
bsam gtan khyad par can de ni rtog pa tsam zhig bkag pas rtog
med dpyod tsam gyi ting de 'dzin yin la/ khyad par can de man

chad bsam gtan dang po'i dngos gzhi tsam po dang nyer bsdogs mi
lcogs med gnyis ni rtog pa dang bcas shing dpyod pa dang bcas
pa'i ting nge 'dzin to/ /khyad par can de yan chad bsam gtan
gnyis pa'i nyer bsdogs nas srid rtse'i bar rnams ni sa de bsdus
kyi rtog dpyod gnyis ka med pa'i ting nge 'dzin to/ /

yang mdo las/ ting nge 'dzin rnam pa gsum ste/ stong pa nyid
dang smon pa med pa dang mtshan ma med pa'i ting nge 'dzin to
zhes ting nge 'dzin gsum gsungs pa las yul myang 'das so sor
brtags 'gog ni yul lnga dang pho mo dang 'dus byas kyi mtshan
nyid gsum mam bzhi'i mtshan ma (ste bcu) dang bral bas mtshan

med yin la/ de la dmigs pa'i ting nge 'dzin yin pas mtshan ma med
pa'i ting nge 'dzin ni mtshan ma thams cad zhi ba 'gog pa'i rnam
pa bzhi dang mtshungs par ldan pa dang/ stong pa nyid kyi ting
nge 'dzin ni stong pa'am bdag med la dmigs nas sdug bsngal gyi
bden pa'i bdag med pa dang stong pa nyid du 'jug pa'i

('dir dbang po rnams mtshan mar ma smos pa ni dbang po ni yul
ltar yid 'phrog par byed pa min pas so/ /) rnam pa nyid dang
mtshungs par ldan (pa'o/ /'di yang 'jig lta'i gnyen po'o/ /) smon
pa med pa'i ting nge 'dzin ni yul smon bya ma yin pa'i 'dus byas
la dmigs nas yid 'byung ba'i rnam pa can yin la/ stong pa dang
bdag med pas kyang sdug

bsngal gyi bden pa la stong pa dang bdag med kyi rnam par dmigs
mod kyi de gnyis ni chos thams cad kyi mtshan nyid yin pas myang
'das kyi mtshan nyid kyang yin na de dag gis myang 'das las yid
mi 'byung ba ltar sdug bsngal las kyang yid mi 'byung la 'gog
bden gyis kyang yid mi 'byung gi/ mi rtag pa dang sdug bsngal

@416a @#/ /gyi rnam pa gnyis dang kun 'byung gi bden pa dang lam
gyi bden pa ('i rnam brgyad po'i nang nas lam gyi rnam pa bzhi)
'di lung bar ma las re zhig blang bya yin yang 'dus byas yin bas
chu rgal ba'i gzings ltar lhag med du 'jug pa na nges par 'dor
bas spang byang gsungs pas sdug bsngal

gyi bden pa'i rnam pa phyi ma gnyis dang 'gog bden gyi rnam pa
bzhi ste drug po de dag las gzhan pa sdug bsngal gyi bden pa'i
rnam pa dang po gnyis dang kun 'byung dang lam gyi bden pa'i
rnam ba brgyad de rnam ba bcu dang mtshungs par ldan pa'i ting
nge 'dzin no/ /slob dpon thogs med dang seng ge bzang po la

sogs pas ni mtshan ma med pa ni zhi ba'i ngo bo yin pa'i phyir
'gog lam gyi rnam pa brgyad dang/ smon pa med pa ni de dag gis
khams gsum la smon pa ldog ba'i phyir mi rtag pa dang sdug
bsngal ba dang kun 'byung gi rnam pa bzhi ste drug ldan (ni smon
med kyi ting nge 'dzin) du bshad do/ /ting nge 'dzin gsum po

de dag ni zag bcas 'jig rten pa dag pa pa dang/ 'jig rten las
'das ba dri ma med pa gnyis yin la/ de dag sa ni dang po 'dod pa
dang bsam gtan sa drug dang gzugs med bzhi ste bcu gcig na yod
la/ gnyis pa ni zag med kyi lam gang na yod pa'i sa 'dod pa dang
srid rtse dang bsam gtan

gnyis pa la sogs pa'i (de yang nges 'byed cha mthun dang 'phags
lam gyi sbyor rjes kha cig gis bsdus la/) nyer bsdogs bdun ma
gtogs pa zag med sa dgu na yod do/ /de ltar dag pa ba dang zag
med gnyis las ting nge 'dzin gsum po de dag dri ma med pa ni
thar pa'i rgyu dang nger 'jug pa'i sgo yin pas mdo

las rnam bar thar pa'i sgo stong pa nyid la sogs pa rnam par
thar pa'i sgo gsum zhes kyang gsungs so/ /yang mdo las/ stong pa
nyid stong pa nyid ces bya ba'i ting nge 'dzin dang/ sogs pas
gzung ba smon pa med pa smon pa med pa dang/ mtshan ma med pa
mtshan ma med pa'i ting nge 'dzin to zhes snga ma gsum

las gzhan yang ting nge 'dzin gsum gsungs te/ rim pa ltar stong
pa nyid la sogs pa snga ma gsum la dmigs ba'i phyir ming de skad
ces bya'o/ /de ltar gsum po de dag las dang bo gnyis ni rim pa
ltar mi slob pa'i stong pa nyid dang smon pa med pa'i ting nge
'dzin la dmigs nas de gnyis la bdag 'dzin

@416b dang srid pa'am dga' ba dgag pa'i phyir mi slob pa'i stong
pa nyid kyi ting nge 'dzin 'di ni bdag gi ma yin no zhes stong
pa'i rnam pa dang mi slob pa'i smon pa med pa'i ting nge 'dzin
'di ni mi rtag ba'o zhes mi rtag pa'i rnam par yid la byed pa
yin no/ /'o na stong nyid stong nyid kyi ting nge 'dzin de stong
nyid gyi ting nge 'dzin

ltar stong bdag med gnyis kar mi dmigs par stong nyid kyi rnam
pa kho nar dmigs she na/ stong nyid kyi ting nge 'dzin stong
bdag med kyi rnam pa gnyis pa can yin yang stong nyid stong nyid
kyi ting nge 'dzin 'di stong nyid kyi rnam par zhugs pa'i stong
nyid kyi rjes kho na la bskyed pa'i phyir dang/ lam du zhugs pa

grogs dang bral ba na 'gron po ngo mi shes pa mthong pas kyang
dga' la gcig (stong pa nyid kyi ting nge 'dzin ni nyer len gyi
phung po stong nyid du yid la byed la/ stong nyid stong nyid ni/
stong nyid kyi ting nge 'dzin de nyid yang sun 'byin bas na 'dus
byas thams cad las yid 'byung ba'o//) bu ni grogs kyi sa stong
pas mi dga' ba ltar srid pa la bdag

med par mthong yang stong par ma mthong na dga' bar 'gyur gyi/
stong par mthong na mi dga' zhing skyo bar 'gyur bas des na skyo
ba dang mthun pas stong pa'i rnam pa kho nar dmigs kyi bdag med
pa'i rnam par ni ma yin no/ /de bzhin du ting nge 'dzin gnyis po
de dag bden pa dang po'i sdug bsngal gyi rnam pa dang

kun 'byung dang 'gog lam gyi rnam pa bcu gnyis su'ang dmigs pa
ma yin te/ go rim bzhin du dmigs yul ting nge 'dzin de dag zag
med yin pas zag bcas 'phags pa dang mi mthun pa'i sdug bsngal
dang/ sdug bsngal bskyed pa'i rgyu la sogs pa'i mtshan nyid ma
yin pa'i phyir dang/ 'gog bden ma

yin pa'i phyir dang/ lam bden yin pas sun dbyung bya yin la sun
dbyung bya de nyid sun 'byin byed du mi 'thad pa'i phyir ro/
/mtshan ma med pa mtshan ma med pa'i ting nge 'dzin ni mi slob
pa'i mtshan med las langs pa'i rjes la zag bcas sam zag med kyi
shes pa gzhan ma skyes na mtshan med kyi rgyun

'byung bar 'gyur pa las/ mtshan med las langs pa'i rjes la zag
bcas sam zag med skye ba na mtshan med 'byung ba'i rkyen ma tshang
bas 'gag bar 'gyur zhing 'gag pa de ni so sor brtags min gyi
'gog pa yin gyi so sor brtags 'gog ni ma yin te/ zag bcas gnyen
pos gral ba ni so sor

@417a @#/ /brtags 'gog yin pa la mi slob pa'i mtshan med ni zag
med yin pas 'phags pa dang mi mthun pa med pas gnyen los bral ba
mi srid pa'i phyir ro/ /des na dmigs pa mi slob pa'i mtshan ma
med pa'i ting nge 'dzin gyi so sor ma brtags pas zad pa ste 'gog
pa la

dmigs nas zhi ba'i rnam pa kho nar yid la byed ba yin gyi/ 'gog
pa dang gya nom pa dang nges par 'byung ba'i rnam bar ni yid la
byed pa ma yin te/ rim pa ltar 'gog pa ni mi rtag pa'i 'gog pa
dang thun mong ma yin pas mi rtag pa'i 'gog par dmigs na brtags
min rtag pa sun phyung bar 'gyur la/

de sun phyung na mtshan med sun 'byin byed sun phyung bas sun
dbyung bya'i mtshan med sun phyung bar mi 'gyur ba'i phyir dang/
gya nom pa ni dge ba yin na brtags min lung ma bstan yin pa'i
phyir dang/ gnyen pos spang bya dang bral nas 'khor ba las nges
par byung ba ni nges 'byung yin na brtags

min ni gnyen po'i stobs kyis bral pa ma yin pa'i phyir ro/ /ting
nge 'dzin phyi ma gsum po 'di dag ni gcig tu zag pa dang bcas pa
yin te/ zag med 'phags lam la (yon tan du lta bas de la/) mi
sdang gi 'di dag ni ting nge 'dzin snga ma gsum la rgyab kyis
phyogs pas 'phags pa'i lam la sdang

bas dor bya nyid du lta ba'i phyir ro/ /de nyid kyi sa na 'di
dag la rnam par thar pa sun 'byin pa'i ting nge 'dzin zhes kyang
grag go  /rten ni blo gsal bas (gling gsum gyi) mi'i nang kho
nar skyed par byed la/ gang zag ni dbang po rno bas de skyed
pa'i mthu yod pa'i phyir dgra bcom pa mi g.yo ba'i chos can kho
na la

skye'i dbang po rtul bas dgra bcom pa gzhan la ni ma yin te/
bskyed par mi nus pa'i phyir ro/ /des na 'phags (ste mi'i lus ni
na rgas 'chi ba la sogs pa'i rten du byur pas nad la sogs pa
dang 'dra bar 'du byed zag med 'jug pa la yang mi mthun pa'i 'du
shes 'dren la/ lha la ni ma yin te phal cher lus kha na ma thob
med pa'i phyir)

ro; ;pa dag mthong chos la bde bar gnas par bya ba (slob pa ni
bya ba lhag ma dang bcas pas 'phags lam la mi sdang la/ dus gyi
rnam grol ni 'phags lam rjes su srung ba la brtson pas de sun mi
'byin no/ /sa ni bsam gtan bzhi gzugs med gsum 'dod pa dang bcas
pa na yod/) dang/ kun tu chags pa'i gnas su gyur pa mi slob

@417b pa'i stong nyid la sogs pa'i ting nge 'dzin de dag la
rgyab kyis phyogs par bya pa'i phyir ting nge 'dzin gzhan dang
gzhan dag la snyoms par 'jug go zhes sde pas 'dod la/ theg pa
gong ma pa rnams ni rnam snang mngon byang las/ sems ni rang
dngos med phyir dang/ 'bras bu rgyu rnams spangs phyir dang zhes
'byung

ba bzhin du chos rnams kyi rang gi ngo bo dang 'bras bu dang
rgyus stong pa la mnyam par bzhag pa'i ting nge 'dzin ni stong
pa nyid kyi ting nge 'dzin la sogs par 'dod la/ de dag kyang
chos rnams kyi rang gi ngo bos stong pa la sogs pa'am/ stong pa
nyid kyang stong pa nyid du shes pa'i ting nge 'dzin la sogs pa
la 'dod

pa'i phyir zag med du 'dod do/ /rnam par gtan la dbab pa bsdu ba
las ni kun brtags dang gzhan dbang dang yongs grub kyi yul can
gsum gyi dbang du byas nas stong nyid smon med mtshan med kyi
ting nge 'dzin gsum gsungs so/ /des na thos bsem las byung ba
dang/ 'jig rten pa'i sgom byung dang 'jig rten

las 'das pa'i sgom byung gi ting nge 'dzin gsum rim pa ltar
stong pa nyid la sogs pa dang/ stong pa nyid kyi ting nge 'dzin
la sogs pa dang/ rnam par thar pa'i sgo stong pa nyid la sogs pa
yin no zhes gsungs so/ /sa ni bsam gtan gnyis pa nas srid rtse'i
bar gyi nyer bsdogs bdun ma gtogs pa 'dod

pa dang bsam gtan gyi sa drug dang gzugs med pa sa bzhi ste bcu
gcig na yod do/ /yang bcom ldan 'das kyis ting nge 'dzin bsgom
pa ni rnam pa bzhi ste/ ting nge 'dzin bsgom pa kun du bsten (na
nyer bsdogs bdun gong 'og la zhi rags su dmigs nas 'og sa sun
'byin gyi 'phags lam sun mi 'byin bas so//) goms par

byas lan mang du byas na mthong ba'i chos la bde bar gnas par
'gyur pa'ang yod ces bya ba nas ting nge 'dzin bsgom pa kun tu
bsten goms bar byas lan mang du byas na shes pa mthong bar 'gyur
pa'ang yod/ shes rab rab tu rnam par 'byed par 'gyur ba'ang yod/
zag pa zad par 'gyur pa'ang yod ces bya

ba'i bar du gsungs pa de la zag bcas sam zag med kyang rung ste/
dge (ba dag pa pa'am zag pa med/) ba'i bsam gtan dang po la
mnyam par 'jog pa ni mthong ba'i chos la bde bar gnas par 'gyur
ba'i ting nge 'dzin bsgom pa yin no/ /'di ni 'dod pa las 'das
pa'i dang po yin pas de skad du bshad kyi bsam

@418a @#/ /gtan gzhan dag kyang mthong chos la bder gnas yin no/
/slob dpon gang spel gyi TI ka las kyang gal te bsam gtan thams
cad mthong ba'i chos la bde bar gnas ba yin bzhin du mdo las
dang po kho na der bshad ce na/ rnal 'byor pa ni 'dod khams nyes
pa mang ba las 'das bas

de'i bde bas blo lhag par yongs su tshim pas yin te dper na 'brog
tu ngal zhing skom pa chu rnyog pa can gyis tshim ba bzhin no
zhes bshad do/ /phyi ma la bde ba myong bar nges pa ni med de/
nyams pa dang/ (de spangs nas/) phyi ma la bsam gtan gnyis pa la
sogs par skyes pa dang/ mthong chos la mya ngan

las 'das pa rnams la tshe phyi ma la bde bar gnas ba med pa'i
phyir dang/ zag med la rnam smin kyang med ba'i phyir ro/ /'chi
'pho dang skye ba shes pa'i lha'i mig gi mngon shes dang de'i
rjes su byung ba'i yid shes dang mtshungs ldan gyi shes rab ni
shes pa mthong bar 'gyur ba'i ting nge 'dzin bsgom bar

'dod do/ /skye ba shes bar 'gyur ba dang mthong bar 'gyur ba
gnyis las dang po ni sems can 'di dag ni lus kyi nyes par spyod
pa dang ldan pa'o zhes bya ba la sogs pa shes pa mig gi mngon
shes kyi rjes su rgyu ba yid kyi rnam shes dang mtshungs ldan gyi
shes rab rtog bcas yin la/ gnyis pa ni da

ltar gyi gzugs kyi skye mched la dmigs pa mig gi rnam shes dang
mtshungs ldan gyi shes rab rtog pa med pa'o/ /'o na mdo las lha'i
mig gi mngon shes shes pa mthong 'gyur gyi ting nge 'dzin du
bshad pa dang 'gal te/ mngon shes ni shes rab yin la de ni ting
nge 'dzin bsgom pa ma yin pa'i

phyir ro zhe na/ ting nge 'dzin gyi 'bras bu la rgyu ting nge
'dzin gyi ming gis btags pa ste lteng ka rkang nad ces brjod pa
bzhin no/ /kha cig na re/ mngon shes rnam drug rnam grol blo/
/zhes pas 'di ni rnam grol gyi lam bsam gtan gyis bsdus pa mnyam
gzhag kho na yin pas ting nge 'dzin sgom pa dngos

yin pas mdo dang 'gal ba med do zhes zer ro/ /TI ka byed dag ni
phyogs snga ma ni chos mngon pa'i mdzod sems pa rnams kyi lugs
yin te/ mngon shes mtshan nyid pa dang ting nge 'dzin (mngon
shes/ ?yid) bsgom pa btags pa bar 'dod la/ lugs phyi ma ltar na
mig gi mngon shes ting nge 'dzin yin pas

@418b ting nge 'dzin bsgom pa dngos su 'dod par 'chad do/ /sbyor
ba las byung ba'i yon tan khams gsum gyis bsdus pa mi sdug pa
dang/ dbugs 'byung rdub dran pa dang/ nyon mongs pa med pa dang/
smon nas shes pa dang/ so so yang dag par rig pa dang/ mngon
shes dang po lnga dang/ zag bcas kyi rnam thar dang/

zil gnon la sogs pa zag bcas dang zag med rnam thar sgo gsum
dang/ thod rgal gyi snyoms 'jug dang/ zag zad kyi mngon shes la
sogs pa rnams la'ang ting nge 'dzin dang mtshungs par ldan pa'i
phyir ting nge 'dzin gyi ming gis btags nas blo ste shes rab tu
rnam par dbye bar 'gyur ba'i ting nge 'dzin

ces bya ste/ ting nge 'dzin gyi stobs kyis gong nas gong du phul
du phyin par chos rab tu rnam par 'byed pa'i shes rab khyad par
du 'gyur ba'i phyir ro/ /bsam gtan gyi ya mtha' bzhi pas bsdus
pa'i rdo rje lta bu'i ting nge 'dzin gang yin pa de ni des zag
pa ma lus par zad par 'gyur bas zag pa thams cad zad par 'gyur

ba'i ting nge 'dzin sgom pa zhes bya'o/ /ting nge 'dzin bzhi po
'di dag bye brag tu smra ba ni bcom ldan 'das nyid kyi thugs
rgyud la ji ltar bskyed pa'i dbang du mdzad nas gsungs pa yin
te/ 'di ltar las kyi mtha' la gzigs pa'i ched du zhing pa'i
grong du byon pa na shing 'dzam bu'i drung du bsam gtan dang po
bskyed pa

dang; de nas byang (sa gzhan la brten pa'i rdor ting yang de yin
mod kyang/) chub kyi shing drung du thun dang po la lha'i bu'i
bdud btul ba'i rjes la lha'i spyan gyis sems can gyi 'chi 'pho
dang skye ba nyam nga bar gzigs pa dang/ de nas de dag bskyab
pa'i phyir gung thun la bsam gtan dang rnam par thar pa dang
snyoms par

'jug pa rnams bskyed pa dang/ de'i rjes la thun gsum pa la bsam
gtan bzhi pa la brten te rdo rje lta bu'i ting nge 'dzin bskyed
nas des kun sbyor thams cad spangs pa rnams ni rim pa ltar
mthong chos la bde bar gnas par 'gyur pa'i ting nge 'dzin bsgom
pa la sogs pa yin pa'i phyir ro/ /nges na ting nge

'dzin bzhi kho nar gsungs so zhes 'dod do/ /gnyis pa de la brten
pa'i yon tan bshad pa la dngos dang/ khyad par gyi chos bshad pa
gnyis kyi dang po la bzhi las yul sems can tshad med pa la dmigs
shing 'bras bu bsod nams tshad med 'byung ba'i tshad med pa ni
byams pa dang snying rje dang dga' ba dang/

@419a @#/ /btang snyoms te rnam pa bzhi yin no/ /de dag bzhir
nges pa ni rim pa ltar gnod sems dang/ sogs pas bsdus pa rnam
par 'tshe ba dang/ gzhan gyi phun sum tshogs ba la mi dga' ba
dang/ 'dod pa'i 'dod chags dang gnod sems mang ba rnams kyi
gnyen po yin ba'i

phyir ro/ /gal te btang snyoms kyis 'dod pa'i 'dod chags kyi
gnyen po phyed pa ltar mi sdug pas kyang byed na de gnyis la
khyad par ci yod ce na/ kha dog gi 'dod chags dang 'khrig pa'i
'dod chags kyi gnyen por go rim bzhin du mi sdug pa dang btang
snyoms so zhes bye brag tu smra ba rnams 'dong la/ slob

dpon ni 'khrig pa'i 'dod chags kyi gnyen por mi sdug pa dang/
nye du la'ang 'brel med ltar sgom pas pha ma la sogs ba nye du'i
'dod chags kyis gnyen por btang snyoms so zhes bzhed do/ /tshad
med pa'i ngo bo ni sems can la zhe sdang med pa'i dge ba'i rtsa
ba ni byams pa yin la/ snying rje yang de dang 'dra

bar zhe sdang med pa'i dge ba'o/ /gzhan bde ba dang ldan par
shes na yid bde ba ni dga' ba tshad med pa yin la/ btang snyoms
ni ma chags pa'i rang bzhin gyi dge ba'o/ /'o na de gnad sems
kyi gnyen por ji ltar 'gyur zhe na/ de'i spang bya'i gnod sems
ni chags pas drangs pa'i gnod sems yin pa'i phyir

'gyur ro/ /slob dpon ni 'dod chags dang gnod sems gnyis ka'i
gnyen por 'gyur ba ni ma chags pa dang zhe sdang med pa gnyis
ka'i rang bzhin yin na rung bas gnyis ka'i rang bzhin du bzhed
do/ /de yang chos gcig la gnyis ka'i rang bzhin yin par ni mi
gzung gi ma chags pa dang zhe sdang med pa so

so la btang snyoms su brjod pa'o/ /de dag gi rnam pa ni go rim
bzhin du kye ma sems can rnams bde ba dang ldan par gyur cig
/sdug bsngal las grol bar gyur cig snyam pa dang/ yid dga' ba
dang ldan par gyur cig  /nye ring dang chags sdang med bar mnyam
par bya'o (bar mar gnas pa'i) snyam du yid la

byed cing de dag la snyoms par 'jug pa'o/ /gal te sems can rnams
bde ba la sogs pa dang mi ldan pa la bde ba la sogs par yid la
byed pa'i phyir phyin ci log yin la/ phyin ci log kyang mi dge
ba yin ba'i phyir ji ltar dge bar 'gyur zhe na/ sdug bsngal la
sogs pa la bde ba'o snyam du shes pa la

@419b sogs pa ni ma yin gyi/ 'o na kyang sdug bsdal ba'i sems
can 'di dag bde bar gyur cig ces mos pa yid 'khyed pa'i phyir
dge ba yin no/ /de lta na'ang sems can thams cad bde ba dang
ldan pa mi srid pa'i phyir phyin ci log par mos pa yin no zhe
na/ de lta mod kyi bsam pa bzang ba'i phyir dang/ gnod sems

la sogs pa mi dge ba'i gnyen po byed pa'i phyir dang/ gcig tu
sems can la phan par zhugs pa'i phyir dge ba yin te/ rin po
che'i phreng ba las/ gzhan la gcig tu phan pa bde/ /mi phan
phyir na cig shos min zhes gsungs pa bzhin no/ /gal te sems can
thams cad bde bar gyur cig snyam pa la sogs pa

ni mos pa'am 'dun pa'i rang bzhin yin pa'i phyir dang/ byams pa
la sogs pa'ang zhe sdang med pa la sogs pa sems las byung ba
gzhan la 'dod pa'i phyir ji ltar de dag gi rnam par 'gyur zhe
na/ bden mod kyi sems can thams cad bde ba dang ldan par gyur
cig ces 'dun pa dang mtshungs par ldan pa'i zhe

sdang med pa la 'dod pa'i phyir skyon med do/ /tshad med pa 'di
dag gi spyod yul te dmigs pa ni/ 'dod pa'i khams kyi sems can
rnams yin te/ 'dod pa'i sems can la dmigs pa'i gnod sems la sogs
pa'i gnyen po yin pa'i phyir ro/ /mdo las/ de byams pa dang ldan
pa'i sems kho na med pa/

'gran zla med pa/ gnod pa med pa/ yangs pa/ rgya chen por gyur
pa/ tshad med pa/ shin du bsgoms pa/ phyogs gcig tu mos te khyab
par byas nas rdzogs par byas te gnas so zhes bya ba la sogs pa
gsungs pa'i don ni byams pa dang mtshungs ldan gyi sems ni byams
pa dang ldan pa'i sems yin

la; de nyid rim pa ltar nye ba'i nyon mongs pa kho na 'dzin
dang/ phrag dog dang/ zhe sdang gi gnyen po yin pas kho na med
pa la sogs pa gsum dang/ de nyid kyi 'bras bu che bas yangs pa
dang/ sa gzugs na spyod pa yin pas rgya chen por gyur pa dang/
sems can tshad med pa la dmigs pas tshad med pa dang/ mi

mthun phyogs spangs pas shin tu bsgoms pa'o/ /de ltar na kho na
med pa la sogs pa tshigs gsum dag gcig dang/ gcig dang/ gcig
dang/ gcig gis rim pa ltar mi mthun phyogs kyi gnyen po byed pa
dang/ 'bras bu dang/ sa dang/ dmigs pa dang/ rnam par dag pa'i
phan yon gyi sgo nas byams pa de

@420a @#/ /bstan pa yin no/ /phyogs gcig tu zhes pa ni gnas
phyogs kyis mtshon nas gnas pa po phyogs can gyi sems can ston
pa'o/ /mos pa yid la byed pa yin pas mos te'o/ /sems can thams
cad la cig car mos par byed pas khyab par byas nas so/ /dngos
gzhi'i snyoms 'jug

thob pas na rdzogs par byas te'o/ /dus yun ring bor rjes su 'jug
pas na gnas so zhes gsungs so zhes rnam bshad rigs ba las bshad
do/ /de dag gi sa ni dga' ba tshad med pa ni yid bde yin pas bsam
gtan snga ma gnyis na yod la/ tshad med pa gzhan gsum ni mnyam
gzhag kho na yin pas

mi lcogs med kyang gsal bas dngos gzhi dang 'dra bas bsam gtan
gyi sa drug na yod par kha cig 'dod cing/ kha cig dngos gzhi kho
na yin pas bsam gtan khyad par can dang dngos gzhi bzhi ste lnga
na yod par 'dod la/ kha cig mnyam par ma bzhag pa dang sbyor
ba'ang smos te/ 'dod pa dang bsam gtan

gyi nyer bsdogs bzhi dang dngos gzhi lnga ste bcu na yod par
'dod do/ /'o na gnod sems la sogs gnyen po'i phyir zhes gang
bshad pa ci byams pa la sogs pas nyon mongs pa dngos su spong
ngam zhe na/ mtshad med bzhi po de yis gnod sems la sogs pa dngos
su mi spong ste/ bsam gtan dag pa pa

dngos gzhi'i sa pa yin la/ dag pa ba'i dngos gzhis ni nyon mongs
pa mi spong ngo zhes bshad zin pa'i phyir dang/ de kho na nyid
yid la byed pas nyon mongs spong ba yin pa la 'di dag mos pa yid
la byed pa yin pa'i phyir dang/ chos thams cad kyi spyi'i mtshan
nyid yid la byed pas nyon mongs spong pa yin pa la 'di

dag sems can la dmigs pas nyi tshe ba yin pa'i phyir te/ rnam
'grel las kyang/ byams sogs (spong lam min pa'i phyir dang/)
rmongs dang 'gal med phyir/ /nyes pa shin tu tshar gcod min zhes
bshad do/ /'on kyang de dag gi sbyor bas gnod sems la sogs pa
rnam par gnon pa'i phyir dang/ dngos gzhis

spangs pa thag sring bar byed pa'i phyir gnod sems la sogs pa'i
gnyen por bshad do/ /nyon mongs pa spong ba ni gal te 'jig rten
pa'i lam gyis spong na ni nyer bsdogs kyis spong ba yin la/ 'on
te (mgo mnan pa de dag  /) 'jig rten las 'das pa'i lam gyis
spong na ni bden pa rtogs pa'i spong lam gyis (dngos su)

@420b (rtsa ba nas/) spong ba yin pa'i phyir ro/ /'on kyang
byams sogs gsum 'dod pa dang nyer bsdogs na yod par 'dod pa ltar
na ni sbyor ba dang dmigs rnam dang ngo bo dngos gzhi'i tshad med
dang 'dra zhing/ de dag gi sbyor bas nyon mongs pa rnams rnam
par mnan nas speng lam bar chad med ba'i lam

('dod chags dang bral te dngos gzhi thob nas dngos gzhis bsdus
pa'i tshad med rnyed pa'i phyir gnod sems la sogs pa'i rkyen
stobs ldan gyis kyang mi rdzi'o//) rnams kyis dngos su spong
ngo/ /'di sgom pa'i tshul ni sgom pa po nyon mongs pa chung na ji
ltar rang nyid gyi rgyud la bde ba yod pa'am/ gzhan sangs rgyas
dang byang chub sems dpa'

dang 'phags pa dgra bcom pa la sogs pa'i rgyud la bde ba mnga'
bar thos pa de bzhin du sems can thams cad kyang de lta bu'i bde
ba dang ldan par gyur cig ces cig car mos par byed do/ /gal te
nyon mongs pa'i 'jug pa shas che bas sems can thams cad la de
ltar mos par mi nus na ni

sems can la mdza' bo dang/ tha mal pa dang/ dgra bo'i phyogs
gsum du dbye zhing/ mdza' bo'ang che 'bring chung ngu gsum du
phye la/ dang por bskyed sla bas mja' bo che 'bring chung ngu
gsum la rim gyis mos bar byed la/ gal te gsum gal byams pa mnyam
por thob na de nas tha mal pa dang/ de nas dgra

po'i phyogs la'ang chung 'bring chen po gsum du phye nas chung
'bring chen po gsum la rim gyis khyab par byed cing gal te dgra
bo chen po la mdza' po chen po ltar bde bar mos pa mi ldog par
gyur na/ de nas rim gyis khyim dang grong dang yul phyogs gcig
gi sems can dang/ de nas rim gyis phyogs gcig

nas 'jig rten thams cad kyi bar du byams pas rgyas shing khyab
par byed do/ /de yang dge rtsa chad pa dang rang rgyal la'ang
sngon gyi bsod nams dang de ma yin pa'i dbang gis rim pa ltar
(rang sangs rgyas) gzugs bzang ngan la sogs pa dmigs pas sems
can rnams la skyon yon gnyis ka yod kyang yon tan

gyi cha nas bsams na byams pa myur du skye bas skyon ni bsam par
mi bya ste/ 'grel pa las/ gang zhig thams cad du yon tan 'dzin
pa de ni byams pa myur du skyed par byed do/ /sngon gyi bsod
nams dang bsod nams ma yin pa'i 'bras bu snang ba'i sgo nas dge
ba'i rtsa ba kun du chad pa la'ang yon tan gzung

@421a @#/ /bar nus la/ rang sangs rgyas la'ang skyon gzung bar
nus so zhes bshad pa'i phyir ro/ /de bzhin du sems can sdug
bsngal rnam pa mang po'i chu bor bying zhing mngon par dga' ba
dang mi ldan pa 'di rnams sdug bsngal las myur du thar pa dang/
mngon par dga' ba dang ldan par gyur na ci ma

rung snyam du mos pas snying rje dang dga' ba la'ang sgom par
byed la/ btang snyoms ni dang po tha mal pa'i phyogs la brtsams
nas mthar dgra dang gnyen la mtshungs par lta ba yin no/ /tshad
med pa bzhi po 'di dag ni dang po blo gsal bas mi dag gi nang du
bskyed kyi gzhan du ni ma yin te/ de dag blo mi

gsal bas bskyed par mi nus pa'i phyir ro/ /ci tshad med de dag
gcig dang ldan pa de nges par thams cad dang ldan nam zhe na/
thams cad ni ma yin gyi 'on kyang dga' ba ma gtogs pa gsum ni
gcig ldan na gzhan gnyis kyang ldan pas gcig yod na nges par
gsum gsum dang ldan la/ dga'

ba ni yid bde yin pas de ni bsam (dang gzhan gyis 'doms pa la
ltos pa'i phyir/) gtan gsum pa dang bzhi pa'i sa pa la mi ldan
pa'i phyir ro/ /'di yang thob ba la bsams kyi mngon gyur ni rnam
pa 'gal bas re re dang ldan pa yin no/ /yang mdo las/ nang gzugs
su 'du shes pas phyi rol kyi gzugs

rnams la lta ba 'di ni rnam par thar pa dang po'o/ /nang gzugs
med par 'du shes pas phyi rol kyi gzugs rnams la lta ba 'di ni
rnam par thar pa gnyis ba'o/ /sdug pa'i rnam par thar ba lus kyi
mngon sum du byas te rdzogs par byas nas gnas pa 'di ni rnam par
thar pa gsum ba'o zhes pa

dang; de bzhin du gzugs med pa bzhi dang/ rnam pa thams cad du
'du shes med 'du shes med min skye mched las yang dag par 'das
te/ 'du shes dang tshor ba 'gog pa lus kyis mngon sum du byas te
rdzogs par byas nas gnas pa 'di ni rnam bar thar pa brgyad pa'o
zhes rnam par thar pa brgyad

gsungs pa las rnam thar dang po gnyis ni rnam par sngos pa la
sogs pa'i rnam par lta ba'i phyir mi sdug pa'i rang bzhin yin
te/ 'di'i ngo bo ma chags pa dang/ dmigs pa 'dod par gtogs pa'i
gzugs kyi skye mched yin par ni (mi sdug ma chags pa sogs su)
sngar mi sdug par bshad pa bzhin

@421b no/ /khyad par ni 'di yin te/ mi sdug pa ni sa bcu pa yin
la/ rnam thar dang po gnyis ni bsam gtan gnyis pa yan chad na
mig shes med pas kha dog gi 'dod chags med de/ gang yul la 'dod
chags dang bral ba de ni yul can shes pa las kyang 'dod chags
dang bral te sna lce'i rnam shes bzhin no/ /

bsam gtan gnyis pa la sogs pa na'ang mig shes med bas kha dog gi
'dod chags dang bral ba yin no zhes TI kar bshad bas go rim
bzhin du 'dod pa dang bsam gtan dang po'i sa pa'i kha dog gi
'dod chags kyi gnyen po yin pas bsam gtan snga ma (bsam gtan
phyi ma gsum na nang gi dbang po gzugs

can la chags pa yod do/ /rnam thar 'di gsum bsam gtan gsum par
ci'i phyir ma bzhag chen/ rang gi spang bya gnyis pa'i kha dog
gi 'dod chags med pas mi sdug pa'i rnam thar med la/) gnyis kho
na na yod do/ /de yang dngos gzhis bsdus pa'i dag pa ba dang/
mos pa yid la byed pa yin pas rnam par gnon pa tsam mam thag
sring ba'i

gnyen po yin gyi dngos su spong ba ni ma yin no/ /de la nang
gzugs dang gzugs med par 'du shes pa ni gzugs las 'dod chags
dang ma bral ba dang bral ba'am/ TI kar rang nyid kyi gzugs kyi
'du shes ma bshig pa dang bshig nas phyi rol kyi gzugs la lta ba
yin par bshad pa'am/ yang na

kun las btus kyi 'grel par gzugs med pa'i snyoms 'jug la brten
nas ltab po bdag gnyid la (gzugs gyis sems thob pa gang zhig  /)
gzugs su 'du shes mngon du byed pa dang gzugs kyi 'du shes
spangs nas ming bzhi'i 'du shes mngon du byed pa la rim pa bzhin
bshad do/ /gsum pa sdug pa'i

rnam thar ni bsam gtan gyi ya mtha' bzhi pa na yod cing/ de yang
ngo bo chags pa'i gnyen po yin pas gtso bo ma chags pa yin gyi
sdug pa'i rnam pa can yin pas mi sdug pa ni ma yin no/ /des na
gzugs yid du 'ong ba sprul nas sdug par lta zhing de nyid ting
nge 'dzin gyi lus kyis mngon sum du byed pas na ming

de skad ces bya'o/ (/sngam gnyis te gsum po/) de dag 'khor dang
bcas na ni rjes 'brang gi gzugs yod pas phung po lnga'i rang
bzhin yin no/ (/bde bas g.yo bar byas pas bde bas rgyab kyis
phyogs pa mi srid pas sdug pa'i rnam thar yang med pa'i phyir
ro/ /'o na gsum pa'i kha dog la chags pa med pas bzhi par yang
de ji ltar yod ce na/ de

@422a @#/ /na de skyed pa'i/) dgos pa ni mi sdug pa bsgoms pas
yid zhum pa rab tu dga' bas ga zengs bstod pa dang/ sdug pa
sprul ba la chags pa skyen rnam thar dang po gnyis ma grub pa
yin la mi skyen grub pa yin pas de brtag pa'i yang phyir ro/
/bsam gtan dang po gsum du sdug

pa'i rnam thar mi ston pa nis de dag na dga' ba dang bde ba yod
pas sdug par yid la byas na yul de la dga' ba dang sred na ma
chags par mi 'grub pa'i phyir ram/ skyon dang bcas pa'i bsam
gtan yin pas de mi 'grub pa'i phyir ro snyam du bsams so/ /gzugs
med pa'i mnyam gzhag dge

ba dag pa ba dang zag med rnams kho na rnam thar yin gyi nyon
mongs can dang mnyam par ma bzhag pa 'chi ba'i srid pa'i sems
lta bu'ang ma yin no/ (/'di dge ba kho na yin pas so/) /kha cig
gzugs med de dag na rnam smin skyes kyi sems dang (rnal 'byor pa
rnams rgyu mtshan gnyis kyis rnam thar dang zil gnon la

sogs pa bskyed de/ nyon mongs thag sring pa'i phyir dang/ snyoms
'jug la dbang 'byor bar bya ba'i phyir ro/ /de la dbang nas sa
la sogs pa gser la sogs par bsgyur ba dang/ dngos po brtan pa
dus 'di srid du gnas par gyur cig ces mos pa ltar 'grub bas byin
gyis rlob pa dang/ tshe gtong 'jog dang/ rdul phran du ri rab
'jug pa la sogs pa byed la/ gnyis kas

kyang nyon mongs med dang smon nas shes dang yang dag rig bzhi
la sogs dang 'phags pa'i rdzu 'phrul 'grub par byed do/ /) sems
byung rnams la bsams nas 'chi ba'i sems las gzhan pa'i mnyam par
ma bzhag pa'i sems kyang yod par 'dod do/ /phyogs snga ma ltar
na ni gzugs med mnyam par ma bzhag pa ni 'chi

ba'i srid pa'i gnas skabs kyi sems dang sems byung kho na yin
par 'dod do/ /gzugs med kyi dngos gzhir ma zad nyer bsdogs kyi
rnam grol gyi lam gyis kyang rnam thar gyi ming thob kyi bar
chad med pa'i lam gyis ni rnam thar gyi ming mi 'thob ste/ rnam
thar ni 'og sa la rgyab kyis phyogs pa yin na de ni

sa 'og ma la dmigs pa'i phyir ro/ (/de yang dang po gnyis kha
dog gi 'dod chags la dang/ gsum pa ni mi sdug pa la dang/ gzugs
med ni dmigs pa 'og ma dag la rgyab kyis phyogs pa'i phyir ro/
/rnam thar brgyad pa 'gog pa'i rnam thar ni gnas gnyis par bshad
pa'i 'gog pa'i snyoms par 'jug pa'o/ /'di dag la

@422b ci'i phyir rnam par thar pa zhes bya zhe na/ dang po gnyis
dang gsum pa dang gzugs med rnams dang 'gog pa rnams ni go rim
bzhin du kha dog gi 'dod chags dang/ zhum zhing chags pa dang/
gzugs kyi 'du shes dang/ 'du shes dang tshor ba'am/ 'du byed
thams cad la rgyab kyis phyogs pa'i phyir ro/ /gzhan

dag na re 'gog pa ni snyoms 'jug gi sgrib pa las rnam par thar
pa'i phyir rnam par thar pa zhes bya'o zhes zer ro/ /de la
snyoms 'jug gi sgrib pa ni sgrib pa gang zhig yod na sems las su
mi rung bas khams gsum pa'i 'dod chags dang bral ba dag gis
kyang bsam gtan dang po'i dngos gzhi'ang skyed

par mi byed pa de yin no zhes TI ka byed dag 'chad do/ /'gog pa
de la 'jug pa'i sems ni khams gsum na shin tu phra ba srid rtse
yin la de nyid kyang ('gog pa la dmigs nas/) ches phra bar byas
pa'i 'jug thogs su snyoms par 'jug ste (sems rgyun gcod dgos
pa'i phyir ro/ /) ldang ba na ni 'phen pa ji lta ba bzhin

du srid rtse rang gi sa pa'i dag pa ba dang 'og ma ci yang med
pa'i skye mched kyi sa pa'i 'phags pa zag pa med pa'i sems kyis
'gog pa de las ldang bar 'gyur te/ de ltar na 'gog pa'i snyoms
'jug dang de la snyoms bar 'jug sems ni srid rtse ba yin pas zag
bcas kho na yin la/ ldang sems ni

zag bcas zag med gnyis ka yin no/ /rnam thar 'di dag las dang po
gsum las snga ma gnyis ni 'dod par gtogs pa'i snang ba gzugs kyi
skye mched yid du mi 'ong ba dang gsum pa ni yid du 'ong ba'i
yul can yin no/ /gal te 'di dag ting nge 'dzin la brten nas
sprul pa ma yin nam zhe na/ yin mod kyi 'dod

par gtogs pa sprul pa yin no/ /gang dag gzugs can min pa'i rnam
thar bzhi po de dag gi spyod yul te dmigs pa ni sa gong ma pa
dang rang gi sa pa'i sdug bsngal dang/ sogs pas bsdus pa kun
'byung dang 'gog pa dang/ rjes su shes pa'i phyogs dang mthun
pa'i lam gyi bden pas gong ma dang 'og ma dang

rang gi sa pa'i thams cad dang/ rtsa bar ma smos kyang gzugs med
kyi rnam thar de dag mtshan ma med pa mtshan ma med pa'i ting nge
'dzin yin pa de dag mi ('di ni nyer bsdogs gong ma bdun ma gtogs
pa sa bcu par bshad/) slob pa'i mtshan ma med pa'i ting nge 'dzin
gyi so sor ma brtags pas 'gog pa la dmigs ba'i

@423a @#/ /phyir so sor ma brtags pas 'gog pa'ang yin la/ nam
mkha' mtha' yas skye mched kyi dmigs pa ni 'dus ma byas nam
mkha' yin no/ /bsam gtan gsum par rnam thar ma bzhag pa ni bsam
gtan gnyis pa'i sa pa'i kha dog gi 'dod chags med pa'i phyir
dang/

bde ba mchog tu gyur pa'i snying pos bskyod pas g.yo ba'i phyir
ro/ /de ltar na bsam gtan gsum pa na'ang kha dog gi 'dod chags
med pas bsam gtan bzhi par sdug pa'i rnam thar ci'i phyir skyed
ce na/ de ni mi sdug pas rgyud zhum pa rab tu dga' bar bya ba
dang brtag pa'i phyir ro zhes bshad zin to/ /gzugs

med dang po gsum ni zag bcas zag med gnyis ka yin te/ de dag
mnyam gzhag dge ba yin pas de la gnyis ka yod pa'i phyir dang/
bden pa la dmigs par bshad pa'i phyir ro/ /'o na rnam thar dang
zil gnon la sogs pa 'di dag la dgos pa ci'i phyir snyoms par
'jug ce na/ thag sring gi gnyen

po yin pas nyon mongs pa thag sring pa dang/ snyoms 'jug la
dbang thob par bya ba gnyis kyi phyir te/ nyon mongs pa thag ma
bsrings shing snyoms 'jug la dbang ma thob na nyon mongs pa med
pa la sogs pa'i yon tan dang/ gang gi sa la sogs pa gser la sogs
par yod pa'i dngos po bsgyur ba dang/ de

nyid dus ring por gnas par byin gyis rlob pa dang/ sku tshe gtong
'jog dang/ ri rab rdul phran du 'jug par byed pa la sogs pa
'phags pa'i rdzu 'phrul mi 'grub pas de dag mngon par sgrub par
bya ba'i ched du'o/ /yang ci'i phyir rnam thar gsum pa dang
brgyad pa kho na la lus kyis mngon sum du byas te rdzogs

par byas nas gnas zhes bshad la/ gzhan dag la ni ma yin zhe na/
go rim bzhin du rnam thar dang po gnyis dang gzugs med dang po
gsum pos gzugs can dang gzugs med kyi rnam thar gyi sgrib pa
mtha' dag spangs pas gtso bo yin pa'i phyir dang/ gzugs dang
gzugs med pa'i khams dang sa'i

mtha' na gnas pa'i phyir ro zhes 'grel par 'byung mod kyi/ 'o na
kyang de gnyis rim pa ltar gzugs dang gzugs med kyi sa pa'i rnam
thar rdzogs par mngon du byas pa yin pas de skad bstan to zhes
gzung ngo/ /yang na 'phags pa rnams de gnyis la lan mang du gnas
pas na de skad ces gsungs

@423b so zhes kun las btus kyi 'grel par bshad do/ /yang brgyad
las 'phros pa'i mdo las/ nang gzugs su 'du shes las phyi rol gyi
gzugs chung ngu kha dog bzang po dang kha dog ngan pa rnams la
lta zhing gzugs de dag zil gyis mnan nas shes pa zil gyis mnan
nas mthong ste de lta bur 'du shes par gyur pa 'di

ni zil gyis gnon pa'i skye mched dang po'o/ /de bzhin du nang
gzugs su bdu shes pas phyi rol kyi gzugs chen po kha dog bzang
po dang kha dog ngan pa rnams la lta zhing zhes bya ba nas rgyas
par 'di ni zil gyis gnon pa'i skye mched gnyis pa'o zhes bya
ba'i bar dang/ de bzhin du nang gzugs med par 'du shes

pas phyi rol kyi gzugs chung ba dang che ba la lta ba gnyis te
bzhi dang/ nang gzugs med par 'du shes pas phyi rol kyi gzugs
sngon po/ kha dog sngon po lta bur ston pa/ 'od sngon po 'byung
ba dper na zar ma'i me tog gam/ yul ba na ra se'i ras phun sum
tshogs pa sngon po/ kha dog sngon po/ sngon po

lta bur ston pa/ 'od sngon po 'byung ba rnams la lta zhing gzugs
de dag zil gyis mnan nas shes zil gyis mnan nas mthong ste/ de
lta bur 'du shes par gyur pa 'di ni zil gyis gnon pa'i skye
mched lnga pa'o zhes pa dang/ de bzhin du ser po dang dmar po
dang dkar po rnams la de ltar lta ba

bzhi ste zil gyis gnon pa'i skye mched brgyad gsungs pa'i nang
gzugs su 'du shes pa dang de med par 'du shes pa ni rnam thar
gyi dang mtshungs la/ chung ngu dang chen po ni sems can dang
snod kyi gzugs sam/ phra rags so/ /kha dog bzang ngan ni yid du
'ong mi 'ong ngam/ yang na lha dang mi'i gzugs

so/ /zil gyis mnan nas zhes bya ba ni dbang bsgyur nas so/ /shes
pa ni zhi gnas dang mthong ba ni lhag mthong yin no zhes 'phags
pa thogs med kyis bshad la/ kha dog bzhi'i dpe don gnyis ka'i
skabs su re re zhing sngon po la sogs pa tshig bzhi bzhi smos pa
ni go rim bzhin du mdor bstan pa dang

lhan skyes dang/ bcos ma dang/ lhan skyes dang bcos ma gnyis
ka'i thun mong gi kha dog yin la zar ma dang dong ga dang ban du
ji ba ka'i me tog dang skar ma pa ba sangs dang ras ni rim pa
ltar lhan skyes dang bcos ma'i dpe'o/ /de lta bur 'du shes par
gyur pa ni zil gyis non nam ma non kyang rung ste de la mngon

@424a @#/ /pa'i nga rgyal gyi 'du shes med pa'o/ /slob dpon gang
spel ni shes pa ni dang po shes pa tsam ste bar chad med pa'i
lam mo/ /mthong ba ni de'i rgyu mtshan can gyi rnal 'byor rdzogs
pa ste rnam grol gyi lam mo zhes 'chad do/ /de dag kyang dang po
bzhi ni kha dog dang dbyibs gnyis

ka la chags sdang skye ba'i gnyen po dang/ lhag ma bzhi ni gzhan
gyi kha dog la chags pa dang yid rnam par zhum pa'i gnyen po yin
no/ /de ltar brgyad po de dag las zil gnon dang po gnyis kyi ngo
bo dang/ sa dang/ gang gi gnyen po yin pa dang/ dmigs pa ni ji
ltar rnam thar dang po gzugs can

gzugs la lta ba de bzhin du shes par bya'o/ /de bzhin du zil
gnon gsum pa dang bzhi pa gnyis kyi ngo bo dang/ sa dang/ gang
gi gnyen po yin pa dang/ dmigs pa ni rnam thar gnyis pa gzugs
med gzugs la lta ba ji lta ba bzhin no/ /gzhan kha dog gi zil
gnon bzhi'i sa dang ngo bo la sogs

pa'ang rnam thar gsum pa sdug pa'i rnam par thar pa ji lta ba
bzhin du shes par bya'o/ /rnam thar zil gnon gyi khyad par ni
rnam thar gyis ni dmigs pa la rgyab kyis phyogs pa tsam du zad
kyi zil gyis mi non la/ zil gnon gyis ni ji ltar 'dod pa bzhin
du skad cig la sngon po la sogs pa'am/ rnam

par sngos pa la sogs pa yid du mi 'ong bar mos pa'i phyir dang/
kun nas nyon mongs pa'i dngos po sdug par dmigs kyang nyon mongs
pa mi skye bar dmigs pa zil gyis gnon pa'i phyir ro/ /gzugs med
la zil gnon ma bshad pa ni gzugs zil gyis non na de yang non
pa'i phyir ma bshad do/ /

'phags pa rnams ni gzugs kyi de bzhin nyid dang mtshan ma yid la
byed pas zil gyis non par byed la/ byis pa rnams ni sdug pa dang
mi sdug pa phan tshun ltos pa dang/ phan tshun gcig la gcig rjes
su 'brel ba dang des na gzugs thams cad phan tshun bsres te sdug
par ro gcig pa'i 'du shes kyis mos

par byas nas zil gyis gnon par byed do zhes 'phags pa thogs med
'chad la/ slob dpon gang spel ni kha cig kha dog bzang ngan la
chags sdang med par dmigs pa zil gyis gnon par byed do zhes zer
la/ kha cig na re de lta na zil gyis gnon pa'i skye mched 'di
dag zhe sdang med pa'i rang bzhin du'ang 'gyur nam

@424b chags pa'i rang bzhin can du bshad pa'i phyir bzang ngan
gnyis ka zil gyis mnan nas mi sdug par ro gcig tu mthong ba yin
no zhes zer ro zhes sngon gyi slob dpon rnams kyi lugs ston par
byed do/ /yang bcu las 'phros pa'i mdo las/ zad par sa dang chu
dang med dang rlung dang sngon po dang ser po dang dmar

po dang dkar po dang nam mkha' dang rnam par shes pa ste bar
chad med par zad par sa la sogs par rgyas par khyab par byed
pa'i zad par gyi skye mched bcu'o zhes bshad pa'i dang po brgyad
ni chags pa'i gnyen po ma chags pa'i rang bzhin yin la/ sa ni
bsam gtan gyi ya mtha' bzhi kho na na yod de/ (zil gnon

phyi ma bzhi'i sbyor ba las byung bas so/) /dang po brgyad kyi
spyod yul te dmigs pa ni 'jig rten gyi ni tha snyad du/ kha dog
dbyibs la sa zhes brjod/ /chu me yang ngo rlung tshogs khams/
/nyid yin de dang 'dra ba'ang yin zhes 'byung bas 'dod pa na (de
yang sngo sogs bzhi ni zil gnon phyi ma bzhi'i 'bras bu yin pas
so/ /) spyod pa'i gzugs

kyi skye mched yin la/ gang dag rlung gzugs kyi skye mched yin
('byung bzhi yang kha dog dang dbyibs la 'dod ba'ang yod de/)
par mi 'dod ba de dag na re zad par rlung gi dmigs pa ni reg
bya'i skye mched yin no zhes zer ro/ /zad par nam mkha' dang
rnam shes gnyis ni gzugs med dang po gnyis dag pa ba'i rang
bzhin

yin la/ de gnyis kyi spyod yul ni rang gi sa pa'i phung po bzhi
yin no/ (/zag med ni yul thams cad du rgyas par byed mi nus pas
'di dag gi dmigs pa yin no/) /skye mched gzhan la zad par du mi
'jog pa ni mig sogs bdun gyis snod kyi 'jig rten la (de'i rigs
med pas/) ma khyab cing dri ros gzugs khams su ma

khyab la sgra la rgyun med pas zag par du mi bzhag go zhes pa
las 'byung la/ ci yang med pa dang srid rtse gnyis zad par du mi
bzhag pa ni (dmigs par mi gsal ba dang spro bsdu dang mi mthun
pa'i phyir ro/ /) bsdu ba las nam mkha' dang rnam shes mtha' yas
kyis zad par mtha' yas shing tshad med pa grub pas de

dag las bogs 'byung du med pa'i phyir ro zhes bshad pa'am/ kha
cig na re de gnyis zad par gyi 'bras bu yin pas zad par du mi
bzhag go zhes zer ro/ /rnam thar la sogs pa gsum gyi khyad par
ni yon tan rnams rim gyis 'jog pas dang por dmigs pa la rgyab
kyis phyogs/ de nas zil gyis gnon/

@425a @#/ /de nas khyab par byed pas snga ma snga ma rdzogs shing
dag pa las phyi ma phyi ma 'byung bas gong nas gong du khyad par
du 'phags pa'i phyir chung ngu dang 'bring dang chen po dang/
rgyu dang rgyu 'bras gnyis ka dang 'bras bu kho na'o zhas 'grel
pa dang TI kar bshad do/ /de dag las 'gog pa'i rnam thar las

gzhan rnams ni so so skye bo dang yang thun mong ba yin la/ 'gog
pa'i snyoms 'jug ni 'phags pa kho na la yod pa yin na zhes kyang
gnas gnyis par bshad zin la/ thams cad kyang thag sring gi gnyen
po yin no/ /gnyis pa khyad par gyi chos bshad pa ni rnam thar la
sogs pa 'di dag ji

ltar 'thob ce na/ nyi shu rtsa drug las 'gog pa'i rnam thar gyis
thob pa dang rten la sogs pa ni gnas gnyis par bshad zin la lhag
ma nyi shu rtsa lnga po rnams ni sngar 'dris pa yin na 'dod
chags dang bral ba tsam dang ma 'dris pa rnams ni sbyor ba 'bad
rtsol gyis 'thob ste/ goms

pa dang ma goms pa'i mthu las byung pa'i phyir ro/ /yang gzugs
med ces bya ba'i rnam thar bzhi dang zad par gnyis ni khams gsum
gyi rten can yin la/ de dag gi lhag ma bcu dgu po rnams ni mi
las skye 'bris pa ni dang po nas srid rtse'i bar sngar thob ba
btang ba dag go/ bas mi'i rtan can kho na yin te/

lha la sogs pa'i 'gro ba gzhan lung med pa'i phyir dang/ 'di dag
ni lung gi stobs kyis bskyed par bya ba yin pa'i phyir ro/ /'o
na lung med pas bsam gtan rnam thar dang po gsum zil gnon brgyad
zad par brgyad de/ gzugs med dag khams gong ma gnyis su ji ltar
skye zhe na/ bsam gtan gzugs

med kyi snyoms 'jug ni spyir lung dang rgyu dang/ las dang/ chos
nyid kyi stobs dang bzhi las skye ba las khams gong ma gnyis po
dag tu ni lung med kyang gzugs med pa'i snyoms 'jug rgyu dang
las kyi stobs gnyis kyis skye'o/ /de la gzugs rang rang gi gong
ma gong ma/ su rgya'i stobs kyis skye ba ni sngon

mi'i rten la gzugs med kyi snyoms 'jug goms par byas pa las
nyams pa dag gzugs khams su skyes te/ der sngon goms pa'i skal
mnyam gyi rgyu stobs dang ldan (ba nye) pas gzugs med kyi ting
nge 'dzin skye la/ las kyi stobs kyis skye ba ni sngon mi'i

@425b rten la gzugs med kyi snyoms 'jug thob nas nyams pa de
nyid lan grangs gzhan la myong 'gyur gyi las su gyur pa'i stobs
kyis gzugs khams su skyes pa na'ang gzugs med kyi ting 'dzin
thob nas yang gzugs med par skye ste/ 'og ma ('i sa) las 'dod
chags dang ma bral bar gong

mar mi skye ba'i phyir ro/ /ji ltar gzugs med gzugs su skye ba
ltar gzugs med gzugs med nyid du skye ba'ang rgyu dang las kyi
stobs gnyis las skye ste/ de la rgyu'i stobs kyis skye ba ni
gong ma'i nyer bsdogs sgom par byed pa la yin la/ las kyis stobs
kyis skye ba ni skye bas thob pa'i gzugs

med do/ /gzugs kyi khams su bsam gtan rnams ni rgyu dang las kyi
stobs de dag dang chos nyid kyi stobs kyis kyang skye'o/ /de la
chos nyid kyis skye ba ni 'jig rten 'jig pa'i tshe bsam gtan 'og
ma'i sems can la dge ba'i chos rnams kyis 'jug pa shas che bas
bsam gtan gong ma'i sems

ngang gis skye ba bzhin te/ bsam gtan gyi gdams ngag ston pa'i
lung la ma ltos par sngon bsam gtan goms pa'i bag chags kyis
skye ba la chos nyid kyis skye ba zhes brjod do/ /bye brag tu
smra ba bag chags kyi rnam gzhag mi 'dod pas sngon bsam gtan
goms pa'i skal mnyam gyi rgyu las 'byung ba

la 'dod do/ /'dod pa'i khams su ni lha la rgyu gsum po de dag
dang/ mi la de dag gi steng du yid la byed pa bdun dang sems
gnas pa'i thabs dgu la sogs pa lung gi stobs las kyang skye'o/
/'di yng legs par dpyad na las kyi stobs kyis skye ba de gal te
las kyi rnam smin gyi 'bras bur 'dod na

ni 'dod khams su bsam gtan gzugs med dang/ gzugs su gzugs med
kyi sems las kyi stobs kyis mi skye bar 'gyur te/ de dag ni
gzugs dang gzugs med kho nar rnam par smin pa'i phyir ro/ /'on
te las kyi rgyu mthun gyi 'bras bur 'dod na ni de'i rgyu dang
chos nyid kyis skye ba'ang yin pas rnam

pa gsum gyi dbye ba mi 'thad par 'gyur mod kyi 'on kyang gtso
che chung gi bye brag la dgongs nas 'di'i rnam dbye mdzad do/
/'jig rten 'jig pa na de'i rkyen gyis bsam gtan bzhi pa la gzugs
med kyi ting nge 'dzin mi skye bas gzugs med la chos nyid kyi
stobs kyis skye ba ma bshad la/ rang sa'i ting nge 'dzin skye

@426a @#/ /ba ni chos nyid ma yin pas 'jig rten 'jig pa na lung
med par 'og sa'i rten la gong sa'i ting nge 'dzin skye ba kho na
la 'dir chos nyid ces bya'o/ /las dang chos nyid la'ang rgyu yod
mod kyi de dag gtso che bas de skad bstan to/ /spyi'i don gsum
pa bshad pa yongs su rdzogs pa'i bya

ba la bstan pa dang de 'dzin pa bshad pa dang/ bdag nyid kyis
bstan pa bzung ba la skyon dor ba dang/ gzhan bstan pa 'dzin pa
rnams la bag yod par gdams pa gsum las dang po ni ston pa sangs
rgyas bcom ldan 'das kyi bstan pa dam pa'i chos ni rnam pa gnyis
te/ lung gi chos dang/ mngon par

rtogs pa'i chos kyi bdag nyid do/ /de la lung gi chos ni mdo sde
dang 'dul ba dang mngon pa'i sde snod gsum yin te/ rim pa ltar
dang pos ni bslab pa gsum dang/ gnyis pas ni tshul khrims dang
ldan na 'gyod pa med pa la sogs pa'i rim gyis ting nge 'dzin
'thob pa'i phyir sems kyi bslab pa dang tshul khrims kyi

bslab pa dang/ gsum pas ni don phyin ci ma log par rab tu 'byed
pas shes rab kyi bslab pa sgrub pa'i phyir dang/ blang dor gyi
gnas la the tshom za ba dang/ spyod pa mtha' gnyis la sbyor ba
dang/ lta ba mchog tu 'dzin pa'i gnyen po byed pa'i phyir dang/
blang dor gyi gnas ston pa dang/ de blang dor gyis sgrub pa

dang; 'bel gtam la mkhas par byed pa'i phyir ro/ /de skad du
yang mdo sde'i rgyan las/ sde snod dag ni gsum mam gnyis kyang
rung/ /bsdus pa'i phyir de'i rgyu ni dgus 'dod do zhes bshad do/
/sde snod gsum po de dag la thos pa dang bsam pa dang zhi gnas
dang lhag mthong gi sgom pa byas pas rim pa ltar

sems la bag chags 'jog pa dang/ rtogs par byed pa dang/ sems zhi
bar byed pa dang/ rab tu rtogs pa'i sgo nas spang bya las rnam
par grol par byed de de nyid las/ de ni bag chags rtogs dang zhi
ba dang/ /rab tu rtogs pas rnam par grol bar byed ces 'byung
ngo/ /lung gi chos kyi ngo bo dang tshad la sogs

pa ni gnas gnyis par bshad zin to/ /mngon par rtogs pa'i chos ni
byang chub kyi phyogs dang mthun pa'i chos sum cu rtsa bdun dang
'bras bu rnam grol gyi lam zad pa dang bcas pa ste de dag kyang
gnas drug par bshad zin to/ /de ltar na bstan pa dam pa'i chos
ni lung dang/ sgrub pa dang/ 'bras bu'i chos

@426b gsum du'ang 'gyur ro/ /'o na chos de dag 'dzin pa gang zhe
na/ de la lung gi chos de 'dzin par byed pa ni lung bzhin du
shes nas nyon mongs pa can ma yin pa'i bsam bas gzhan la smra
bar byed pa yin pa'i phyir sde snod 'dzin pa dang/ lung gi chos
'dzin pa dang/ bstan pa 'dzin pa zhes kyang bya'o/ /

rtogs pa'i chos de 'dzin par byed pa ni byang chub kyi phyogs
dang mthun pa'i chos rang gi rgyud la sgrub cing nyams su len
par byed pa yin pa'i phyir bslab ba gsum la slob pa de dag ni
ston pa'i bstan pa dam pa'i chos 'dzin pa yin no/ /de gnyis las
gzhan pa ni dam pa'i chos 'dzin pa ma yin pas

na kho na'i sgra smos so/ /de'i phyir skyes bu dam pa kha cig ni
lung gi chos gtsor 'dzin par byed la/ skyes bu dam pa kha cig ni
mngon bar rtogs pa'i chos 'dzin par byed do/ /skyes bu dam pa
kha cig ni gnyis ka'ang 'bad pas 'dzin par byed de/ des na de
dag ji srid du gnas pa de srid du bstan pa dam

pa'i chos gnas par rig par bya'o/ /'o na shAkya'i rgyal po'i
bstan pa dus ji srid du gnas she na/ 'grel pa las/ de dag kyang
lo stong du gnas so zhes bshad do/ /gzhan dag na re rtogs pa ni
de lta bu yin gyi lung ni yun ring du gnas so zhes zer ro zhes
'byung ba la/ TIka byed dag yun ring du

gnas pa ni lo stong gi 'og tu'ang gnas so zhes bya ba ste phyogs
'di nyid rigs par blta'o/ /zhes 'chad do/ /de yang bskal pa
bzang po'i mdo las ni lugs snga ma dang mthun par de bzhin
gshegs pa shAkya thub pa'i dam pa'i chos ni lo lnga brgya'i bar
du gnas so/ /lo lnga brgya'i

bar du ni dam pa'i chos ltar snang ngo/ /zhes lo stong gnas par
gsungs pa/ lung phran tshegs las kyang lo stong kho na gnas par
gsungs so/ /gang dag lung phran tshegs las bstan pa lo bdun stong
du gnas pa las skye dgu'i bdag mo la sogs pa bud med rab tu
byung bas nyis

stong 'gribs nas lo lnga stong gnas par gsungs so zhes 'chad pa
de dag gis ni lung phran tshegs ma mthong bar zad de/ phran tshegs
kyi skye dgu'i bdag mo go'u tam la sogs pa la bla ma'i chos
brgyad gsungs pa'i skabs dang/ 'phags pa kun dga' bo mya ngan
las 'da' bar bzhed nas sha

@427a @#/ /na'i gos can la bstan pa gtod pa'i skabs dang/ 'phags
pa nyi ma'i gung pas ri spos kyi ngad ldang gi klu btul ba'i
skabs la sogs ba rnams las bstan pa lo stong kho na gnas par
gsungs kyi lo nyis stong 'grib pa dang lnga stong gnas par
gsungs pa med pa'i phyir

ro/ /'bum TIka las ni lugs phyi ma dang mthun par lnga stong la
phyed phyed du byas nas lnga brgya pa phrag bcu las dang po la
dgra bcom pa dang/ gnyis pa la phyir mi 'ong ba dang/ gsum pa la
rgyun zhugs mang du 'byung bas 'bras bu'i dus kyi le'u gsum
dang/ bzhi pa la shes rab kyi bslab pa dang/ lnga

pa la sems kyi bslab pa dang/ drug pa la tshul khrims kyi bslab
pa la gnas pa mang du 'byung bas sgrub pa'i dus kyi le'u gsum
dang/ bdun pa la mngon pa dang/ brgyad pa la mdo sde dang/ dgu
pa la 'dul ba 'dzin pa mang du 'byung bas lung gi dus kyi le'u
gsum dang/ bcu pa ni rtags tsam

'dzin pa'i dus kyi le'u zhes bya ste/ de nyid la lnga brgya pa
tha ma zhes bya'o zhes bshad do/ /de nas dam pa'i chos nub par
'gyur te/ de'i dus na 'dzam bu'i gling pa'i mi'i tshe tshad lnga
bcu pa yin la/ da ltar ni tshe tshad drug cu pa dang mngon pa'i
dus yin par mkhas pa dag gsung ngo/ /zla ba'i

(de dag tu gtso che bas de skad bshad kyi thams cad la thams cad
med pa ma yin gsungs so/ /) snying pos zhus pa'i mdo las ni lo
nyis stong gnas par gsungs so/ /gnyis pa ni bdag gis mngon pa'i
chos 'di phal cher ni kha che bye brag tu smra ba'i tshul grub pa
dang mthun par bshad la/ cung zad ni mdo sde pa dang nyi

'og bye brag tu smra ba'i 'dod pa'i tshul yang bshad pa'i phyir
phal cher zhes smos so/ /de ltar bshad pa la gzhung 'dir tshig
dang don gyi cha la nyes par mkhas pa rnams kyis zin te mkhyen
pa gang yin pa de ni rtsom pa po bdag gis nyes pa yin pas mkhas
pa rnams kyis bzod par mdzod

cig ces pa'o/ /gal te kha che bye brag tu smra ba'i slob dpon
mkhas pa rnams gcig nas gcig tu brgyud pa'i lung bzhin bshad pas
na nyes pa med de snyam na/ lung dang rtogs pa'i dam pa'i chos
kyi tshul te mtshan nyid brjod pa la ni thub pa sangs rgyas bcom
ldan 'das dang/ de'i sras

@427b sha ri'i bu la sogs pa rnams kho na tshad ma yin gyi gzhan
la ni 'khrul ba srid pa'i phyir ro/ /gsum pa ni slob ma rnams la
rnam grol gyi lam dang lam yin pa'i rnam dbye ston pas na ston
pa 'jig rten pa rnams kyi mig lta bur gyur ba'i sangs rgyas bcom
ldan 'das ni zum ste mya ngan las

'das par gyur cing/ sangs rgyas las gzhan chos kyi dbang por
gyur pa 'phags pa 'od srung la sogs pa 'phags pa'i skye bo rnams
kyang phal cher mya ngan las 'das te zad par gyur pa na thub
pa'i bstan pa 'di tshig dang don gyi sgo nas dkrugs so zhes sbyar
ro/ /gang gis dkrugs she na/ bden

pa ma mthong zhing ma rig pa'i mun pas bsgribs bas chos rnams
kyi de kho na nyid kyang ma mthong la/ ston pa'i lung la mi rten
zhing gzhan gyis bcos su mi btub bas rang dgar gyur pa'i ngan
pa'i rtog pa dang ldan pa rnams kyis so/ /ji ltar dkrugs she na/
sangs rgyas mya ngan las 'das nas lo brgya

dang bcu lon pa na grong khyer yangs pa can gyi dge slong de kho
na nyid ma mthong ba rnams kyis hu lu hu lu ka'i cho ga la sogs
pa rung ba ma yin pa'i gzhi bcu bcas nas bstan pa rnam par
dkrugs pa na/ de dag gnas brtan kun dga' bo'i lhan cig gnas pa
gnas brtan thams cad 'dod pa dang grags

pa nas zla skur dang zhi ldan gyi bar dgra bcom pa bdun brgyas
yangs pa can du 'dus te bsdu ba gnyis pa mdzad nas rnam par bsal
to/ /de nas ston pa 'das nas lo brgya dang drug cu na grong
khyer me tog gis rgyas pa zhes bya bar rgyal po mya ngan med
byung ba'i tshe dgra bcom pa rnams legs par sbyar ba dang

tha mal pa dang zur bcag pa dang sha za'i skad kyis ston ba'i
gsung rab 'don par byed cing/ de dag gi slob ma rnams so sor
gyes ba las sde pa bco brgyad du gyur te phan tshun grub mtha' mi
mthun pa sna tshogs kyis bstan pa dkrugs par gyur pa na dgra bcom
pa dang so so'i skye bo mkhas par gyur pa

rnams dzwa lan d+ha ra'i dgon par 'dus te bstan pa bsdus nas
rtsod pa de dag nye bar zhi bar byas te/ de'i tshe ston pa 'das
nas lo sum brgya lon no zhes grag go/ kha cig ston pa 'das nas
lo brgya dang sum cu rtsa bdun lon pa na rgyal po dga' po dang
bad ma chen po zhes bya ba byung ba na grong khyer pa Ta

@428a @#/ /li pu tra'i nang du gnas brtan 'od srung chen po dang
bla ma la sogs pa bzhugs pa'i dus su bdud sdig can bzang po zhes
bya ba dge slong gi cha byad du byas nas rdzu 'phrul sna tshogs
bstan te dge 'dun rnams phye nas bstan pa rnam par dkrugs te/
de'i tshe gnas brtan klu sde dang

yid 'ong gi dus su sde pa so sor gyes nas lo drug cu rtsa gsum
na gnas brtan gnas ma'i bus bstan pa bsdus so zhes zer ro/
/gzhan yang rang byung rdzogs pa'i sangs rgyas dang rang byung
de'i bstan pa gces par 'dzin pa rnams kyang 'khor ba las mchog
tu gyur pa sdug bsngal rgyu dang bcas

pa zhi ba'i mya ngan las 'das par gshegs te/ 'gro ba rnams la
skyob par byed pa'i mgon med par gyur pa na yang dag pa'i gdams
ngag 'doms par byed pa med pas sngar bshad pa'i yon tan rnams
'joms par byed cing bstan pa nub par byed pa'i rgyu lta pa la
sogs pa'i dri ma rnams kyis

dga' mgur te rang dgar dus deng sang 'jig rten 'di na spyod par
byed do/ /gong du bstan pa'i tshul de ltar na thub pa sangs rgyas
ngag gi bstan pa ni dper na 'chi ba'i dus na lkog mar srog phyin
pan 'chi pa la nye ba dang 'dra bar ring du mi gnas pa'i phyir
dang/ lta ba ngan pa la sogs pa'i dri ma rnams

kyang stobs dang ldan pa'i dus su rig par byas nas ni thar pa
'dod bdag gis bag yod par gyis la bstan pa 'dzin pa la rnam par
brtson par gyis shig ces 'doms pa ste/ ji skad du so so thar pa
las/ tshe dang ldan pa dag rga ba dang 'chi ba mngon par 'ong
zhing ston pa'i bstan pa yang 'jig par 'gyur

bas tshe dang ldan pa dag gis bag yod pas rnal 'byor du bya'o/
/de bzhin gshegs pa dgra bcom pa yang dag par rdzogs pa'i sangs
rgyas rnams kyi byang chub dang/ gzhan yang gang dag de lta bu
dang mthun pa dge ba'i chos byang chub kyi phyogs rnams kyang
bag yod pas thob bo zhes gsungs pa lta

bu'o; ;gang phyir yon tan rten gyur yan lag nyer bsdogs dang
bcas pa'i/ /bsam gtan dang ni gzugs med snyoms 'jug rab dbye
'thob tshul dang/ /de dag la brten yon tan ting 'dzin tshad med
rnam thar sogs/ /ji bzhin rtogs pa gnas 'di las yin de phyir 'di
mnyan rigs/ /chos mngon pa'i mdzod kyi

@428b 'grel pa mngon pa'i rgyan las snyoms par 'jug pa bstan pa
zhes bya ba ste gnas brgyad pa'i bshad pa'o// //brtan dang g.yo
ba'i 'gro ba'i rang bzhin gang yin de sgrub byed/ /skye ba dang
ni skyed byed de dag rnam pa ma lus las/ /rnam grol de yang de
bzhin nyid yin dpag yas yon tan la/ /thogs med

spobs pa'i 'byung gnas chos mngon 'di ni sangs rgyas gsungs/
/gnas brtan ka tya'i bu sogs sde bdun gzhung gi rjes 'brang
zhing/ sdom brtson dam pa chu dbus pa dang nye spas la sogs pa/
/'phags tshogs rnams kyi grub chen bye brag bshad mtsho chen po
yi/ /don gyi rin chen ma lus mdzod gyur 'di

ni mdzad pa gang/ /dbyig gnyen zhes bya sangs rgyas bstan pa ma
lus mkhyen pa yi/ /nyi ma nyid gyur de yis thub dang de sras
zhir gshegs shing/ /bsdu ba'i gzhi yang nyams gyur gsung rab
rnam par bslang mthong nas/ /snyigs dus bstan pa'i dbang gyur
gzhung mang mdzad par gyur pa yin/ /de ltar phan

bde'i 'byung gnas brtan pa'i mig gyur gzhung bzang 'di ni slob
dpon gyis mdzad pa'i/ /rab gsal 'grel chen nyi 'od la brten rnam
par phye ba'i bshad sbyar dag kyang mthong gyur cing/ /mkhas
dang mkhas pa rim nas rim par brgyud pa'i man ngag nyer thob
legs bshad goms pa'i mthus/ /'jam

dbyangs zhes byas sangs rgyas bstan la mos pa lhur byas rnam
bshad 'di ni byas ba yin/ /dge ba dri med rgya chen bsags pa
gang des mun par 'khyams pa yi/ /'gro ba 'di dag ma lus thar
pa'i snang ldan 'phags lam bzang por ni/ /kun nas 'khrid byed
thub mchog nyid du gyur nas skyabs med

sems can rnams/ /srid dang zhi ba'i 'jigs pa kun las ma lus rab
tu sgrol bar shog  /sa chen mnga' ba rkang gnyis rnams kyi rje/
/skyabs gsum rin chen dbu yi cod pan gyis/ /nyer mdzes sras dang
bcas pa snyun med cing/ /yun ring zhabs brtan chab srid bde bar
gyur/ /skye dgu rnams kyang phan

tshun byams ldan zhing/ /yams dang nye bar 'tshe ba kun zhi ste/
/tshe dang 'byor pas brgyan pa'i dal 'byor dag  /'bras bu yod par
kun du spyod par shog  /bdag kyang skye ba kun du mi yi lus/
/tshul khrims gtsang ma'i gos kyis rab brgyan pa/ /thob nas sangs
rgyas gsung rab ma lus pa/ /ji bzhin rtogs

@429a @#/ /nas gzhan la ston gyur cig  /don mang phra dang tshig
kyang brling ba dang/ /shin tu mphas pa rnams kyis rnam dpyad
pa'i/ /tshul yang tha dad sna tshogs 'gro ba'i slad/ /sangs rgyas
gsung yang rnam pa mang mthong bas/ /gzhung 'dir ji bzhin min
par

bdag gis ni/ /bshad gyur nyes pa gang de rgyal rnams dang/
/rgyal ba'i sras sogs mkhas rnams spyan sngar ni/ /ci zhig gyur
zhes yid ni gnong bar gyur/ /gang dag rang gzhan gzhung la ma
sbyangs shing/ /phyogs re'i don la mos pa lhur byed pa/ /de dag
blo dang 'tsham par ma byur

pa; ;de dag gang yin shes pas brtag dgos so// //chos mngon pa'i
mdzod kyi 'grel pa mngon pa'i rgyan zhes bya ba rgyal ba'i bstan
pa lnga brgya phrag bdun pa'i mthar nye ba na/ shes bya rnam par
'byed pa'i blo gros mtshungs pa med pas thub pa'i bstan pa'i
rgyal mtshan

'dzin cing/ thugs rje dang 'phrin las kyi dpal 'byor bzang bos
skye dgu rnams smin cing grol bar mdzad pa bla ma dam pa chos
kyi rgyal po rin po che dang/ shes bya'i nam mkha' la mkhyen
pa'i dkyil 'khor rab tu rgyas shing snyan grags kyi 'od zer gyi
sa phyogs ma lus pa khyab par gyur pas

sdom brtson mkhas pa rnams kyi gtsug gi nor bur gyur cing/ gangs
can gyi rgyud kyi gnas brtan chen po mchims thams cad mkhyen pa
la sogs pa'i zhabs kyi rdul rnyog pa med pa spyi bos len pa mang
du thos pa shAkya'i dge slong 'jam pa'i dbyangs kyis/ dpal sa
skya'i chos gra chen por

dbu brtsams nas/ sa'i dbang phyug rgyal po chen po'i pho brang
cong tu'i mkhar du legs par grub par byas pa'o// // ! na mo mu
ni indra ya/ blang dang dor bya'i gzhir gyur 'phags pa'i bden
pa bzhi po las/ /brtsams te chos kyi 'khor lo dang po

bskor ba tsam nyid na/ bye ba phrag brgya'i zhing khams dgra
bcom tshogs kyis khyab mdzad pa'i/ /ston mchog yang yang dran
bzhin dang pa'i spu long rtag tu g.yo/ /shin tu dang po'i las
can gdul bya'i mos pa dang 'tsham par/ /dgra bcom bdun gyis legs
bsdus mngon pa sde bdun

@429b mdzod kyi sgo/ /phye ste spel la mkhas pa'i mchog gyur
dbyig gnyen zhes bya ba/ /'dzam gling mdzes byed rgyan gyur de
yang gtsug gi rgyan du 'dzin/ /gang de'i legs gsung 'grel mkhas
rgyal ba'i sras dang gang spel gyi/ /

gzhung bzhin ljongs 'dir mngon pa'i sde snod 'chad la mkhas pa'i
mchog  /mchims kyi rigs 'khrungs 'jam pa'i dbyangs zhes snyan pa
phyogs khyab can/ /des gsungs 'grel pa mngon pa'i rgyan 'di
mkhas rnams bsngags

'os che/ /'di ltar chos mngon 'grel chen 'di/ /sngon nas par du
bkod 'dug kyang/ /kun phan bsam sbyor dge ba yis/ /slar yang
gsal dag par du bskrun/ /tshul 'dis shAkya'i rgyal po yi/ /ljags
kyi padmo skyod pa

las; ;legs 'ongs bdud rtsi'i zil mngar la/ /skal bzang bung ba'i
tshogs 'dus te/ /'di snang srid pa'i phun tshogs la/ /snying po
med pa'i chu shing ltar/ /mthong ste bsam sbyor rnam dag pas/
/thos bsam sgom

la rab brtson shog  /chos kun blta ba'i blo mig gsal/ /nyes pa'i
rdul gyi dri mas dben/ /don gnyis bsgrub la mi ngal ba'i/ /skyes
bus sa steng khyab gyur cig  /'gro ba kun gyi nyer 'tsho'i gzhi/
/rgyal ba'i lugs bzang

phyogs bcur rgyas/ /'jig rten rgud pa brungs phyung ste/ /chos
'byor bde dges 'tsho bar shog  /'das dang ma 'das dkar po'i chos/
/gang dag mthar thug 'bras bzang gi/ rgyu las gzhan du mi 'da'
bar/ /'gro

@430a @#/ /{dd} kun byang chen myur thob shog (/chu 'brug lor
'dul ba'i rnam bshad nyi ma'i 'od zer dang/ chu sprul lor mdo
rtsa mchan 'grel mthong ba don 'grub par gsar brkos dang mu
mthud/ mdzod 'grel

mngon pa'i rgyan 'di nyid slar yang par brkos bgyi ba legs par
grub mtshams/ mdzod 'grel 'di nyid par bzhengs bgyi sa pa'i dge
ba rdzogs byang du bsngo ba'i smon pa'i tshigs su bcad pa 'di
nyid thub pa'i chos tshul 'dzin cing chos bzhin

smra ba'i btsun pa ngag dbang blo bzang thub bstan rgya mtsho
'jigs bral dbang phyug phyogs kun las rnam par rgyal ba'i sdes
smras pa 'di yang rgyal bstan rin po che phyogs kun tu dar zhing
rgyas la yun ring du gnas pa'i rgyur gyur cig  / //

par 'di ngo mtshar lhun grub zil gnon rje 'bum lha khang du
bzhugs/ /gsung par 'di gra chos gra pa rnams la phan phyir
bzhengs pas par yon sprod len mi chog  /dge'o//{dd}

@430b {bp}