(kha)

glegs bam gnyis pa/

@#/ /mnyam med rje btsun tsong kha pa chen pos mdzd pa'i byang
chub lam rim chen mo'i dka' ba'i gnad rnams mchan bu bzhi'i sgo
nas legs par bshad pa theg chen lam gyi gsal sgron zhes bya ba
las zhi lhag gnyis bzhugs so/ /

@01a {dd} @##/ /rje btsun dam pa thugs rje chen po dang ldan pa
rnams kyi zhabs la gus pas phyag 'tshal lo/ /(nga/ zhes pa ste
chos 'di gang las brgyud pa'i rje bla ma rang nyid kyi dngos
brgyud

ba/ gnyis pa phar phyin tha ma gnyis la slob tshul 'chad pa'i sgo
nas mchod par brjod pa'i tshul ni/ kyi bla ma rnams te/ de yang
sngar bshad pa ltar thub pa'i dbang po nyid nas byams pa thogs
med sogs rgya chen spyod brgyud dang/ 'jam

'byangs klu sgrub zhi ba lha sogs zab mo lta brgyud kyi bla ma
rnams/ khyad par rje nyid kyi zhal nas/ bla ma'i drin gyis
mthong pa'i tshe/ bdag gi yid kyi ngal bso thob/ /ces gsungs pa
ltar don la rje bla ma nying mgon po 'jam dbyangs dang

gnyis su ma mchis kyang gdul bya thun mong pa'i ngor zab mo dbu
ma'i lta ba 'jam dpal dbyangs las dngos su gsan pa'i tshul mdzad
pas de la sogs pa la'o)/ /khyad par du phar phyin tha ma gnyis
la bslab pa ni/ zhi gnas dang {dd}

@01b

@02a {dd} @##/ /lhag mthong bsgom pa'i tshul te/ de gnyis rim pa
ltar bsam gtan dang shes rab kyi phar phyin gyis bsdus pa'i
phyir ro/ /'di la drug /zhi gnas dang

lhag mthong bsgoms pa'i phan yon/ de gnyis ting nge 'dzin kun
gyi sdud byed du bstan pa/ zhi gnas dang lhag mthong gi ngo bo/
gnyis ka bsgom dgos pa'i rgyu mtshan go rim nges

pa'i tshul so so'i bslab tshul lo/ /(nga/ dang po la theg pa che
chung gi yon tan thams cad zhig lhag gi 'bras bur bstan pa/ de
la dogs pa bsal nas phyogs 'dra'i sgo nas de'i phan yon du bstan
pa/ theg pa gnyis kyi yon tan thams

cad bsgrub pa'i phan yon/ spang bya spong pa'i phan yon/ des
mtshon nas phan yon gzhan yang shes par bya ba dang lnga las/)
dang po ni/ theg pa che chung gi yon tan 'jig rten pa dang/ 'jig
rten las 'das pa thams {dd}

@02b cad zhi gnas dang lhag mthong gi 'bras bu yin te/ 'phags pa
dgongs pa nges 'grel las/ byams pa/ yang nyan thos rnams kyi'am/
byang chub sems dpa' rnams kyi'am/ de bzhin gshegs

pa rnams kyi dge ba'i chos 'jig rten pa dang 'jig rten las 'das
pa thams cad kyang/ zhi gnas dang/ lhag mthong gi 'bras bu yin
par rig par bya'o zhes gsungs pa'i phyir ro/ /(nga/ gnyis pa de
la dogs pa dang/

lan gnyis las/ dang po ni)/ zhig gnas dang lhag mthong ni bsgoms
byung thob pa'i rgyud kyi yon tan ma yin nam/ yon tan de dag
thams cad de gnyis kyi 'bras bur ji ltar mthad snyam na/ (nga/
gnyis pa la lan dngos

bshad pa dang/ de nyid mdo sde'i lung dang sbyar ba'o/ /dang po
ni)/ zhi gnas dang lhag mthong dngos ni 'chad par 'byur ba ltar/
bsgoms byung thob pa'i rgyud kyi yon tan yin pas theg pa che
chung gi yon tan thams cad de

gnyis kyi 'bras bu ma yin kyang/ dge ba'i dmigs pa la sems rtse
gcig pa yan chad kyi ting nge 'dzin rnams zhi gnas kyi phyogs
'du la/ ji lta ba'am ji snyed pa'i don so sor 'byed pa'i shes
rab dge ba

rnams lhag mthong gi phyogs su 'du bas/ de la dgongs nas theg pa
gsum gyi yon tan thams cad zhi lhag gi 'bras bur gsungs pas 'gal
ba med do/ /(nga/ gnyis pa lung dang sbyar ba ni)/ de la dgongs
nas theg pa

@03a @#/ /chen po la dad pa bsgom pa'i mdo las kyang/ rigs kyi bu
rnam grangs 'dis kyang 'di ltar byang chub sems dpa' rnams kyi
theg pa chen po la dad pa (ba/ ste bsam pa phun

tshogs de dang/) theg pa chen po las 'byung ba (ba/ ste sbyor ba
phun tshogs)/ gang ci yang rung/ de thams cad ni rnam par ma
g.yengs pa'i sems kyis don dang chos yang dag par bsams pa las
byung bar rig par

bya'o zhes gsungs te/ ma g.yengs pa'i sems ni zhi gnas kyi
phyogs sems rtse gcig pa yin la/ don dang chos yang dag par sems
pa ni lhag mthong gi phyogs so sor rtog pa'i shes rab bo/ /(nga/
gsum pa

theg pa che chung gnyis kyi yon tan thams cad bsgrub pa'i phan
yon rigs pas kyang bsgrub pa ni)/ des na theg pa gnyis kyi yon
tan thams cad so sor rtog pa'i shes rab kyis dpyad nas skyong ba
dang/ dmigs pa la sems rtse

gcig pa gnyis kyis bsgrub dgos pa yin gyi 'jog sgom dang dpyad
sgom phyogs re bas bsgrub pa min no/ /(nga/ bzhi pa la spang bya
spong ba'i phan yon dgongs 'grel gyi lung dang sbyar ba dang/
de'i lung don bshad pa'o/ /dang po ni)/ yang

dgongs 'grel las/ skye ba po yis (ba/ te skye bo gang gis) lhag
mthong (ba/ goms par byas pa 1) dang/ 3 /zhi gnas goms par byas
na ni/ 2 /gnas ngan len gyi 'ching ba (ba/ nyon mongs bskyed
pa'i nus pa sems rgyud la gnas pa'i bag chags

@03b te sa bon las rnam par grol bar 'gyur ba) dang/ mtshan ma'i
'ching (ba/ bste nyon mongs kyis bon la gsos 'debs byed dam snon
pa rgyag mkhan nyon mongs mngon gyur ba) las rnam (ba/ par) grol
(ba/ bar) 'gyur (ba/ ro/ /mdor na lhag mthong gis nyon mongs kyi
sa bon spong/ zhi gnas kyi sa mngon gyur pa

spong zhes pa'o)/ /zhes gsungs so/ /(nga/ gnyis pa lung don
bshad pa ni)/ de la gnas ngan len ni/ yul can phyin ci log gong
nas gong du bskyed pa'i nus pa sems rgyud la gnas pa'i bag chags
dang mtshan ma ni yul phyin ci log la mngon par zhen

pa snga phyir 'byung ba bag chags de gso ba dang/ snga ma lhag
mthong gis spong la/ phyi ma zhi gnas kyis spong bar sher phyin
mang ngag tu bshad do/ /de dag ni zhi lhag gi tha snyad btags
pa'i phan yon yin gyi/ (nga/ lnga pa des mtshon nas phan yon
gzhan

yang shes par bya ba ni)/ zhi lhag gi tha snyad ma btags kyang
don 'dra ba bsam gtan dang shes rab kyi phan yon gsungs pa rnams
kyang 'di gnyis kyi phan yon du shes par bya'o/ /gnyis pa (nga/
de gnyis ting nge 'dzin kun gyi sdud byed du bstan pa la gnyis/

dpe'i sgo nas theg pa che chung gi yon tan thams cad kyi rtsa ba
yin pas de gnyis su 'du bar bstan pa dang/ des na bsam gtan pa
rnams kyis ting nge 'dzin gyi spyi chings gnyis rtsad gcod dgos
par bstan pa'o/ /dang po la gnyis/ dpe 'god cing don bshad pa
dang/ de nyid lung dang sbyar ba'o/ /dang po la dpe don gnyis
las/

dang po) ni/ dper na shing sdong po la yal ga dang 'dab ma dang
me tog dang 'bras bu mtha' yas pa zhig yod kyang/ de dag gang la
'dus pa'i gnad ni rtsa ba yin pa ltar/ (nga/ gnyis pa don bshad
pa ni)/ theg pa che chung gi ting nge

@04a @#/ /'dzin mtha' yas pa zhig bka' stsal pa thams cad gang du
'dus pa'i gnang dam pa ni zhi gnas dang/ lhag mthong yin te/
(nga/ gnyis pa de nyid lung dang sbyar ba ni)/ dgongs 'grel las/

ngas nyan thos rnams dang byang chub sems dpa' rnams dang de
bzhin gshegs pa rnams kyi ting nge 'dzin rnam pa du ma bstan pa
gang yin pa de dag thams cad zhig gnas dang/ lhag mthong gis
bsdus par rig par bya'o/ /zhes gsungs so/ /

(nga/ gnyis pa des na bsam gtan pa rnams kyis ting nge 'dzin gyi
spyi chings gnyis rtsad gcod dgos par bstan pa dang/ de gnyis
sgom rim gnyis kyi lung dang sbyar ba'o/ /dang po ni)/ des na
ting nge 'dzin don du gnyer ba rnams kyis gsal ba'i dbye ba
mtha' yas pa rtsad bcad par

mi nus pas ting nge 'dzin kun gyi spyi chings zhi lhag gnyis kyi
skyong tshul legs par rtsd bcad la dus kun tu bstan par bya ste/
(nga/ gnyis pa sgom rim gnyis kyi lung dang sbyar ba ni)/ sgom
rim tha ma las/ de la bcom ldan 'das kyis byang chub

sems dpa' rnams kyi ting nge 'dzin tha dad pa tshad med pa dpag
tu med pa la sogs pa bstan du zin kyang/ zhi gnas dang lhag
mthong gnyis kyis ting nge 'dzin thams cad la khyab pas na/ zhi
gnas dang lhag mthong zung du 'brel

par 'jug pa'i lam de nyid brjod par bya'o/ /(nga/ mdo las ring
nge 'dzin gyi ming gi rnam grangs mi 'dra ba sna tshogs pa gsungs
pa thams cad kyang zhi lhag gnyis po 'di nyid khyad gzhir byas
nas de'i khyad par gyi dbye ba yin pas 'dir zhi lhag gnyis po
nyid 'chad ces pa'o)/ /zhes pa dang/

@04b sgom rim par pa las/ de gnys kyis ting nge 'dzin thams cad
bsdus pa'i phyir rnal 'byor pa thams cad kyis dus thams cad du
nges par zhi gnas dang lhag mthong bsten par bya ste zhes gsungs
pa ltar ro/ /gsum pa la zhi

gnas kyi ngo bo ni/ dgongs 'grel las/ (ba/ zhi gnas bsgom pa po)
2 de gcig pu 1 (nga/ ra gnas) dben par (ba/ rang) 3 'dug ste/
(ba/ sems) nang du yang dag (ba/ par te mnyam par) gzhag nas
(ba/ dmigs pa sngar) ji ltar (ba/ thos pa'i don) legs par bsams

pa'i chos (nga/ gang yang rung) de dag nyid la (ba/ dmigs nas de
nyid) yid la byed cing/ sems gang gis yid la byed pa'i sems de
nang du (ba/ bying rgod kyi dbang du ma song bar) rgyun chags su
yid la byed pas yid la byed do/ /de ltar zhugs shing de la lan

mang du gnas pa (ba/ sa) de la (ba/ mthar) lus shin tu sbyangs
pa dang sems shin tu sbyans pa 'byung (ba/ zhing de ltar 'byung)
ba gang yin pa (ba/ 'i ting nge 'dzin)/ de ni zhi gnas (ba/ yin
no) zhes bya ste/ de ltar na byang chub sems dpa' zhi gnas yongs
su

tshol bar byed pa yin no (nga/ zhi gnas kyi ngo bo ston pa'i
dgongs 'grel gyi mdo 'dis zhi gnas grub pa'i tshad dang bcas pa
yongs rdzogs par bstan kyang lhag mthong gi ngo bo ston pa'i mdo
las lhag mthong sgrub tshul bstan kyang grub tshul bstan kyang
grub pa'i tshad yongs su rdzogs par dngos su ma bstan no)/ /zhes
gsungs

pa ltar ro/ /de'i don gsung rab yan lag bcu gnyis kyi don gang
nges par byas pa phung po la sogs pa'i don gang yang rung ba
zhig dmigs yul du byas nas/ de la dmigs pa'i sems de gzhan du mi
g.yeng bar dran shes kyis

@05a @#/ /rgyun chags su dmigs pa de la btags pas sems dmigs pa
la rang gi ngang gis gnas te/ lus sems shin tu sbyangs pa'i dga'
bde skyes pa na ting nge 'dzin de zhi gnas su 'gyur te/ 'di ni

sems dmigs pa las mi g.yeng bar nang du bzung ba tsam las skye
bar 'gyur gyi dngos po'i de kho na nyid khong du chud pa la mi
bltos so/ /lhag mthong gi ngo bo ni/ mdo de nyid las/ (ba/ ting
nge 'dzin bsgom pa po) de lus shin tu sbyangs pa dang

sems shin tu sbyangs pa de thob nas de nyid la gnas te (ba/ yul
gzhan la dmigs pa'i sems kyi rnam pa (ba/ gzhan) spangs nas/
(ba/ zhi lhag gnyis dmigs pa gcig pas sngar thos bsam gyis) ji
ltar (ba/ gtan la phab nas) bsams pa'i (ba/ don sngar zhi gnas
kyi dmigs par

byas pa'i) chos de dag nyid nang du ting nge 'dzin gyi spyod yul
gzugs brnyan du (ba/ ste de'i don spyi blo la shar ba la dmigs
nas/ so sor rtog par byed mos par byed do/ /de ltar ting nge
'dzin gyi spyod yul gzugs brnyan de dag la shes bya'i don de
rnam

par 'byed pa dang rab tu rnam par 'byed pa dang/ yongs su rtog
pa dang yongs dpyod pa dang/ bzod pa dpa' dang 'dod pa dang bye
brag 'byed pa dang lta ba dang rnam par rtog pa gang yin pa de
ni lhag mthong zhes bya ste/ de ltar na byang chub sems dpa'

lhag mthong la mkhas pa yin no zhes gsung pa ltar ro/ /mdo 'dis
lhag mthong so sor rtog pa'i shes rab la bsnyon sa med par shin
tu gsal bar bshad pa 'di mthong nas/ rgya nag gi mkhan po hwa
shang gis 'di mdo sde e yin mi shes zhes

@05b smras nas rkang pas dril zhes grags te/ des ni rtog pa gang
yin thams cad mtshan 'dzin du bzung nas so sor rtog pa'i shes rab
ngor te ci yang yid la mi byed pa zab mo'i don bsgom par 'dod pa
dang ma mthun pas de ltar byas pa'o/ /

lugs 'di'i rjes su 'brang ba ni shin tu mang bar snang ngo/ /de
la rnam par 'byed pa ni ji snyed pa 'byed pa'o/ /rab tu rnam par
'byed pa ni ji lta ba 'byed pa'o/ /shes rab dang ldan pa'i yid
byed rtog pa dang bcas pas mtshan mar 'dzin pa'i

tshe ni yongs rtog pa dang/ yang dag par rtog pa'i tshe ni yongs
su dpyod pa yin par 'phags pa thogs med kyis bshad de/ rtog pa
ni rtsing bar rtog pa yin la/ dpyod pa ni zhib par dpyod pa'o/
/mtshan mar 'dzin pa ni bden 'dzin

ma yin gyi yul gyi spu ris 'byed pa'o/ /de ltar na ji lta ji
snyed 'byed pa re re la yongs su rtog pa dang dpyod pa gnyis
gnyis yod do/ /dgongs 'grel dang mthun par/ 'phags pa dkon mchog
spyin las kyang/ zhi gnas ni sems rtse

gcig pa'o/ /lhag mthong ni yang dag par so sor rtog pa'o zhes
gsal bar gsungs so/ /rje btsun byams pas kyang mdo sde'i rgyan
las/ chos (ba/ rnams)  kyi ming ni bsdoms pa (ba/ 'i 'sdus pa)
'ang 'di/ /zhi gnas (ba/ kyi) lam du (ba/ ste dmigs par)

shes par bya/ /(ba/ ba dang/ de yang chos rnams ming gi sgo nas
bsdu zhes pa'i don ni zhi gnas kyi dmigs par gang 'jog na'ang
bsdus nas 'jog dgos par gsungs pas dper na 'dus byas thams cad
mi rtag ces pa'i ming gi sgo nas bsdus pa'i mthar mi rtag pa
tsam la sems 'jog pa lta bu'o)/ /lhag mthong

@06a @#/ /(ba/ gi) lam (ste dmigs pa) ni de (ba/ 'i) don rnams/
/(ba/ la rgyas par spros nas)/ rnam par dpyod par shes par bya/
/zhes dang/ /zhes dang/ yang dag gnas pa la brten nas/ /sems la
sems ni 'jog phyir dang/ /chos

rab rnam par 'byed pa'i phyir/ /zhi gnas dang ni lhag mthong
yin/ /zhes yang dag pa'i ting nge 'dzin la brten nas sems 'jog
pa zhi gnas dang/ chos rab tu rnam par 'byed pa'i shes rab la
lhag mthong du gsungs te/ mdo nas

de ltar gsungs pa'i dgongs pa de bzhin du bkral bas mdo sde'i
don gzhan du drang du mi rung bar mdzad do/ /byang chub sems
dpa'i sa las kyang/ brjod du med pa'i dngos po (ba/ ste dmigs pa
de'i khyad gzhi) tsam dangdon (ba/ kyi ngo bo) mdo tsam gyi

dmigs pa la sems nges par gtad nas/ (ba/ bzung ste de'i khyad
par sogs)/ spros (ba/ la gtogs pa'i g.yeng ba) thams cad dang
bral ba dang/ (ba/ zhes pa'am yang na so sor rtog pa'i spros pa
dang bying rgod kyis) sems yongs su g.yeng ba thams cad dang
bral ba'i 'du

shes yid la byed pas (ba/ te yid byed kyis) dmigs pa thams cad
la mos pa (ba/ ste dmigs pa bsgom pa) ni/ nang gi ting nge 'dzin
gyi mtshan ma (ba/ ste rgyu de'i dmigs pa de) rnams la sems 'jog
pa dang bsdus te (ba/ 'am brlan te) 'jog pa (ba/ 'i yid byed)
nas (ba/ bzung

ste;) rgyas par rgyud gcig tu byed pa (ba/ 'i yid byed) dang
ting nge 'dzin du byed pa'i (ba/ ste mnyam par bzhag pa'i yid
byed kyi) bar 'di ni zhi gnas zhes bya'o/ /(ba/ zhes zhig gnas
bsgrub tshul dang)/ lhag mthong gang zhe na/ zhi gnas yongs su
bsgoms pa'i yid la byed pa de nyid

@06b kyis ji ltar bsams pa (ba/ ste dmigs pa) 'i chos de dag
nyid kyi mtshan ma yid la byed cing 'byed pa dang rab tu rnam par
'byed pa dang chos rab tu rnam par 'byed pa nas (ba/ bzung ste
mdo las) rgyas par mkhas pa dang shes rab kyis 'jug pa'i bar

(ba/ gsungs pa) gang yin pa 'di ni lhag mthong zhes bya'o/ /zhes
snga ma rnams dang mthun par gsungs te/ 'dis ni mdo dang rje
btsun gnyis ka'i dgongs pa sngar bzhin bkral nas sngar gyi zhi
lhag gi ngos 'dzin la nges pa brtan par mdzad do/ /

sgom rim par pa las kyang/ (ba/ dmigs pa bsgoms pas sems) phyi
rol gyi yul la rnam par g.yng ba zhi nas nang du dmigs pa la
(ba/ mi spyod par) rgyun du rang gi ngang gis 'jug (ba/ nus) pa
la (ba/ brten nas sems la) dga' ba dang (ba/ lus) shin tu
sbyangs pa

dang ldan pa'i sems nying la gnas pa ni zhi gnas zhes bya'o/
/zhi gnas de nyid la gnas pa'i tshe (ba/ yul) de kho na la (ba/
dmigs nas shes rab kyis) rnam par dpyod pa gang yin pa de ni
lhag mthong yin te zhes pa dang/ (ba/ slob dpon shAnti pas
mdzad pa'i) sher

phyin man ngag las kyang/ de la ji snyed yod par gyur pa (ba/
ste ji snyed pa) dang/ ji lta ba bzhin du gyur pa (ba/ ste ji
lta ba gnyis ka) la (ba/ dmigs par byed kyi blo so sor rtog pa'i
shes rab kyis) rnam par mi rtog pa'i (ba/ blo la) gzugs brnyan
du gyur pa (ba/ ste don dpyi shar ba) ni zhi

gnas kyi dmigs pa'o/ /(nga/ yang dmigs yul) ji snyed yod par
gyur pa (ba/ ji snyed pa) dang ji lta ba bzhin du gyur pa (ba/
ste ji lta ba) la rtog pa dang bcas pa'i gzugs brnyan du gyur pa
(ba/ ste so sor dpyod pa'i blo la don spyi shar ba) ni lhag
mthong gi dmigs pa'o/ /zhes

@07a @#/ /(ba/ don spyi yid la shar ba'i) ji lta ba dang ji snyed
pa'i don la mi rtog par 'jog pa ni zhi gna sdang yul de gnyis la
rnam par dpyod pa ni lhag mthong du gsungs te/ dgongs 'grel las
kyang/ bcom lan 'das (ba/ la gsol

pa) du zhig zhi gnas kyi dmigs pa lags/ (ba/ bcom ldan 'das
kyis) bka' stsal pa gcig ste 'di lta ste (ba/ dmigs byed sor
rtog pa'i shes rab kyis) rnam par mi rtog pa'i (ba/ don spyi yid
la shar ba'i) gzugs brnyan no/ /(ba/ gsol pa) du zhig lhag
mthong gi dmigs

pa lags/ (ba/ bcom ldan 'das kyis) bka' stsal pa gcig khon ste/
(ba/ gang zhe na dmigs byed kyi blo so sor rtog pa'i shes rab
kyis) rnam par rtog pa dang bcas pa'i (ba/ blo la don dpyi shar
ba'i) gzugs brnyan no/ /(ba/ gsol pa) du zhig de gnyis ka'i
dmigs pa lags/

(ba/ bcom ldan 'das kyis) bka' stsal pa gnyis te/ 'di lta ste/
dngos po'i mtha' dang dgos pa yongs su grub pa'o zhes (ba/ 'di
gnyis spyi'i dbang du byas pa'i dmigs par) gsungs pa'i dgongs pa
yin no/ /kun las btus las dngos pI mtha' la

ji lta ba dang ji snyed pa gnyis su gsungs pas/ shAnti pas
sngar bshad pa ltar zhi gnas dang lhag mthong re re la'ang ji
snyed gnyis ka la dmigs pa yod pa'i phyir/ zhi lhag gnyis dmigs
yul gyi sgo nas so sor mi byed cing stong

nyid rtogs pa'i zhi gnas kyang yod la/ stong nyid ma rtogs pa'i
lhag mthong yang yod do/ /de yang sems phyi rol gyi yul la rgyug
pa zhi nas nang du dmigs pa la gnas pas na zhi gnas zhes bya la/
lhag pa ste khyad par du mthong

@07b bas na lhag mthong zhes bya'o/ /gang dag sems mi rtog par
gnas pa rig pa'i gsal cha'i ngar med pa zhi gnas dang/ gsal
cha'i ngar yod pa lhag mthong du 'dod pa ni rigs pa ma yin te/
rgyal ba'i bka' dang rgyal tshab kyi

bstan bcos dang/ thogs med kyi gzhung dang/ bsgom pa'i rim pa la
sogs pa'i gzhung zhi gnas dang lhag mthong gi mtshan nyid rgya
cher gtan la 'bebs pa rnams las sems dmigs pa la rtse gcig pa'i
ting nge 'dzin la

zhi gnas dang/ shes bya'i don yang dag par rab tu 'byed pa'i
shes rab la lhag mthong du gsungs pa dang 'ga' ba'i phyir dang/
khyad par du sems mi rtog pa rig pa'i gsal cha'i ngar yod med ni
ting nge 'dzin bying ba yod med

kyi khyad par yin gyi zhe lhag gi khyad par du gtan nas mi rigs
te/ zhi gnas kyi ting nge 'dzin thams cad la'ang bying ba sangs
pa nges par dgos la bying ba dang bral ba'i ting nge 'dzin thams
cad la sems kyi dwags cha des par 'ong

ba'i phyir ro/ /des na ji lta ba la dmigs pa'i ting nge 'dzin
dang shes rab ni yul bdag med pa gnyis gang yang rung ba blo des
rtogs ma rtogs kyi sgo nas ngos bzung ba bya yi/ sems bde gsal
dang bcas pa'i mi rtog par gnas

mi gnas kyi sgo nas ngos zin par mi 'gyur te/ yul bdag med pa'i
de kho na nyid la blo kha ma phyogs pa'i bde gsal mi rtog pa'i
ting nge 'dzin dpag tu med pa yod pa'i phyir ro/ /'di ltar yin
lugs rtogs pa'i lta ba ma rnyed kyang

@08a @#/ /sems cir yang mi rtog par bzung bas chog pa mgnon sum
gyis 'grub pas stong nyid ma go yang mi rtog pa'i ting nge 'dzin
skye ba la 'gal ba cung zad kyang med la/ de'i sgo nas sems ring
du zin na sems

zin pa'i mthus rlung las su rung ba skye la de skyes pa na lus
dang sems la dga' bde skye ba chos nyid yin pas bde ba skye ba
mi 'gal zhing/ de skyes pa na dga' bde'i tshor ba rnam pa gsal
ba'i mthus sems la gsal cha 'ong bas na/ bde

gsal mi rtog pa'i ting nte 'dzin thams cad kyis de kho na nyid
rtogs par bsgrub pa la shes byed yang dag pa ci yang med do/
/des na stong nyid rtogs pa'i ting nge 'dzin la'ang bde gsal mi
rtog pa 'ong la stong nyid la blo kha ma phyogs pa'i ting

nge 'dzin la'ang bde gsal mi rtog pa 'byung ba ches mang bas de
gnyis kyi khyad phyed dgos so/ /bzhi pa zhi lhag gnyis ka bsgom
dgos pa'i rgyu mtshan ni/ ci'i phyir zhi gnas dang lhag mthong re
re bsgom pas mi chog par gnyis ka

bsgom dgos pa yin snyam na/ bshad par bya ste/ dper na mtshan mo
log ris lta ba'i don du mar me sbar ba na/ mar me shin tu gsal b
dang rlung gis mi g.yo ba gnyis dang ldan na bris sku rnams
shin tu gsal bar mthong la/ mar

me mi gsal ba'am gsal yang rlung gis bskyod na gzugs rnams gsal
por mi mthong ba de bzhin du/ zab mo'i don blta ba lAng de kho
na nyed kyi don phyin ci ma log par nges pa'i shes rab dang sems
dmigs pa la ji ltar 'dod pa

@08b bzhin du gnas pa'i mi g.yo ba gnyis dang ldan na de kho na
nyid gsal bar mthong gi /sems gzhan du mi 'phro bar gnas pa'i mi
rtog pa'i ting nge 'dzin yong kyang yin lugs rtogs pa'i shes rab
med na de kh9o na nyid blta ba'i mig dang bral

bas ting nge 'dzin la ji tsam goms kyang yin lugs rtogs pa mi
srid la/ bdag med pa'i de kho na nyid khong du chud pa'i lta ba
yod kyang sems rtse gcig tu gnas pa brtan pa'i ting nge 'dzin
med na/ rang dbang med par g.yo ba'i rnam rtog gi

rlung gis dkrugs pas yin lugs kyi don gsal bar mthong ba mi srid
pa'i phyir/ zhi lhag gnyis ka dgongs pa yin te/ sgom rim bar pa
la/ zhi gnas dang bral ba'i lhag mthong 'ba' zhig gis ni rnal
'byor pa'i sems yul la rnam par

g.yeng bar 'gyur gyi rlung gi nang na 'dug pa'i mar me bzhin du
brtan par mi 'gyur ro/ /de bas na ye shes kyi snang ba shin tu
gsal bar mi 'byung ste de lta bas na gnyis ka 'dra bar bsten par
bya'o/ /de'i phyir 'phags pa yongs su myang ngan las

'das pa chen po'i mdo las kyang/ nyan thos rnams kyis ni de
bzhin gshegs pa'i rigs (ba/ de bzhin nyid rgyas par) ma mthong
ste/ (ga) ting nge 'dzin shas che ba'i phyir dang (kha) (ka)
(nga/ de NGA la rigs pa'i rnam grangs mtha' las pa'i sgo nas
dpyod pa'i) shes rab chung ba (ba/ ste med pa)

'i phyir ro/ /(ba/ de la bltos te) byang NGA chub sems dpa'
rnams kyis ni (ba/ de bzhin nyid rgyas par) mthong mdo kyi (ba/
dus rtag tu mnyam rjes res 'jog med par ma mthong bas) mi gsal
te (ba/ rigs pa'i rnam grangs mtha' yas pa'i sgo nas) shes rab
kyis (ba/ dpyod pa) shes che ba'i phyir dang/ (ba/ de la

@09a @#/ /(bltos te) ting nge 'dzin (ba/ shas) chung ba'i phyir
ro/ /(ba/ byang sems kyis rigs pa'i rnam grangs mtha' yas pa'i
sgo nas stong nyid la dpyod pa skyon ma yin kyang mnyam gzhan
thams cad kyi mthar ldang dgos pa de'i lag rjes las byung bas
mnyam rjes ngo bo gcig

tu ma song ba'i phyir te/ sprin mthong mkha' la nyi bzhin du/
/'dir dpyod blo gros phyogs gcig tu/ /zhes pa ltar ro)/ /de
bzhin gshegs pas ni thams cad gzigs te (ba/ mnyam rjes ngo bo
gcig tu gyur nas) zhi gnas dang lhag mthong mtshungs par ldan
pa'i phyir ro (nga/ zhes

pa spyod 'jug dar TIka las 'byung ba ltar bkod kyang rje bla ba
rang nyid kyis mdzad pa'i 'bru snon mi 'dug pas dpyod gsung)/
zhes bka' stsal te/ zhi gnas kyi stobs kyis ni mar me rlung med
par bzhag pa bzhin du rnam par rtog pa'i rlung rnams kyis sems
g.yo

bar mi 'gyur ro/ /lhag mthong gis ni lta ba ngan pa'i dra ba
mtha' dag spangs pas gzhan dag gis mi phyed de/ zla ba sgron
ma'i mdo las ji skad du/ /zhi gnas (ba/ kyi) stobs kyis (ba/
sems dmigs pa las) g.yo ba med par 'gyur/ /lhag

mthong gis ni (ba/ so sor dpyad pas rjes thob kyi gnas skabs su
'ang nges shes 'drongs nas phyin ci log gi blos gzhan du drangs
mi nus pas)/ ri dang 'dra bar 'gyur/ /zhes gsungs pa lta bu'o/
/zhes so/ /des nas sems dmigs pa las mi g.yeng bar gar bzhag

tu lhan lhan sdod pa ni zhi gnas kyi lag rjes yin la/ bdag mid
pa'i de kho na nyid rtogs nas bdag tu lta ba la sogs pa'i lta ba
ngan  pa rnams spangs te phas kyi rgol bas bsgul mi nus pa'i ri
dang 'dra ba ni lhag mthong gi lag rje yin

@09b pas de rnams so sor byed par bya'o/ /zhi gnas ma grub pa'i
sngon du ni so sor rtog pa'i shes rab kyis bdag med pa'i don la
dpyad kyang rlung nang gi mar me bzhin du sems kha cang g.yo
bas bdag med pa'i don gyi spyi yang gsal bar mi 'gyur

la; gang gi tshe zhi gnas grub pa'i tshe dpyad na ni ha cang g.yo
ba'i skyon bzlog pas bdag med pa'i don spyi gsal bar 'gyur bas
lhag mthong gi sems mi g.yo ba'i cha mi rtog pa'i zhi gnas las
skye ba yin gyi yin lugs rtogs pa'i cha

zhi gnas las skye ba min te/ dper na mar mes gzuggs gsal bar
byed pa'i cha sdong bu dang me snga ma las skye yi rlung skyob
pa'i yol ba sogs las mi skye yang mar me mi g.yo ba'i brtan
pa'i cha de yol ba sogs las skye ba bzhin no/ /de

ltar sems bying rgod kyis mi mnyam pa med pa'i zhi gnas kyi
mnyam gzhag dang ldan pa'i shes rab kyis brtags na yang dag pa'i
don shes par 'gyur ba la dgongs nas/ chos yang dag par sdud pa
las/ sems mnyam par bzhag

na yang dag pa ji lta ba bzhin shes par 'gyur ro zhes gsungs te/
sgom rim dang po las/ sems chu bzhin du g.yo ba'i phyir zhi
gnas kyi gzhi med par gnas pa med de mnyam par ma gzhag pa'i
sems kyis ni yang dag pa ji lta ba

bzhin du shes par mi nus te/ bcom ldan 'das kyis kyang mnyam par
bzhag pas yang dag pa ji lta ba bzhin du rab tu shes so zhes
bka' stsal to zhes so/ /(nga/ de yang chu la brten nas dri ma
'khrud pa sogs kyi bya ba byed pa la chu de sdod pa'i snod gcig
dgos


@10a @#/ /pa bzhin du sems mi g.yo ba'i zhi gnas la brten nas
shes rab kyis brtags na gnas lugs kyi don shes par 'gyur ba'i
don yin gyi lhag mthong gis gnas lugs rtogs pa'i cha sems mnyam
par bzhag pa'i lag rjes kyang min la sems bzhag pa tsam gyis de

rtogs pa'ang min no)/ /zhi gnas grub na bdag med pa la tshul
bzhin du dpyod pa'i shes rab kyis g.yo ba'i skyon bzlog par ma
zad mi rtag pa dang las 'bras dang 'khor ba'i nyes dmigs dang
byams pa dang snying rje dang byang chub kyi sems

sbyong ba la sogs pa'i so sor rtog pa'i shes rab kyis dpyad sgom
byed pa thams cad kyang dmigs pa la g.yeng ba'i skyon log nas
rang rang gi dmigs pa gang yin la gzhan du mi g.yeng bar 'jug
pas dge ba gang byed thams cad shin tu stobs che

la; zhi gnas ma rnyed pa'i sngon du ni shas cher dmigs pa gzhan
la g.yeng bas dge sbyonr byas pa thams cad stobs cung ste/
spyod 'jug las/ (ba/ bying dang rgod pa sogs kyis) sems ni rnam
par g.yeng pa'i mi/ /nyon mongs (nga/ pa gcan gzan

'dug pa dang 'dra ba'i) mche bi phrag na gnas/ /(ba/ te des
myur du  'joms par nges so)/ /zhes dang/ (ba/ gzungs sngags kyi)
bzals brjod dang ni (nga/ smyung bar gnas pa sogs kyis) dka'
thub sogs/ /yun ring dus su spyad byas kyang/ /sems gzhan (ba/
du) g.yengs

pas byas pa ni/ /de nyid rig pa (ba/ sangs rgyas kyi) sa (ba/
mdo las BA dge slong dag 'dod pa la sems g.yeng ba'i dka' thub
dang kha ton la sogs pa ni 'bras bu med par 'gyur ro/ /zhes sogs
'dod pa'i 'bras bu mi 'byin pas)/ don med (ba/ par) gsungs/ zhes
gsungs pa ltar ro/ /de ltar

@10b na dmigs pa gcig la sems gzhan du mi g.yeng bar mi rtog
par 'jog pa'i ting nge 'dzin bsgrubs pa'i dgos pa ni sems dge
ba'i dmigs pa la ji ltar 'dod 'dod du bkol du rung ba'i las rung
bsgrub pa'i phyir yin la/ de yang

sems dmigs pa gcig la btags na'ang sdod thub la/ btang na'ang
yur ba bde mo la chu drangs pa ltar dge ba'i dmigs pa mtha' yas
pa la ji ltar 'dod pa ltar 'gro ba zhig yin pas/ zhi gnas grub
nas ji lta ba dang ji snyed pa'i

yul la dmigs pa'i shes rab dang gtong ba'i sems dang sdom sems
dang bzod pa dang brtson 'grus dang dad pa dang skyon shas la
sogs pa mtha' yas pa'i dge bsdud pa dang mtha' yas pa'i skyon
bzlog pa'i dmigs rnams skyong dgos pa yin

gyi; dus rgyun du dmigs pa gcig la btags nas 'jog pas ni zhi
gnas bsgrubs pa'i dgos pa ma shes pas dge sbyor la bogs chen po
mi 'byung bar shes par bya'o/ /(nga/ des na zhi gnas 'jog sgom
dang lhag mthong dpyod sgom yin no)/ /de ltar spyod

phyogs dang/ lta ba'i phyogs kyi so sor rtogs pa'i shes rab kyis
dpyad sgom dor na sems rtse gcig pa'i ting nge 'dzin bsgom pa
shin tu bogs chung la/ khyad par du bdag med pa'i don la nges pa
shugs drag la rgyun ring ba bskyed pa'i thabs so

sor rtog pa'i shes rab kyis dpyad nas skyong ba'i ji lta ba la
dmigs pa'i lhag mthong med na zhi gnas la yun ji tsam goms par
byas kyang nyon mongs mngon gyur mgo gnon pa tsam srid kyi de'i
sa bon rtsad nas spong ba mi srid pas zhi gnas tsam

@11a @#/ /bsgom par mi bya yi lhag mthong yang bsgom dgos te/
sgom rim bar pa la/ zhi gnas tsam 'ba' zhig gosm par byas pas ni
rnal 'byor pa rnams kyi sgrib pa ni mi spongs kyi te zhig nyon

mongs rnam par gnon pa tsam du zad de/ shes rab kyi snang ba
byung ba med par bag la nyal legs par choms par mi 'gyur ro/ /de
bas na 'phags pa dgongs pa nges par 'grel pa de nyid las/ bsam
gtan gyis ni nyon mongs pa

rnam par gnon no/ /sehs rab kyis ni bag la nyal legs par 'joms
par byed do/ /zhes bka' stsal to/ /(nga/ zhi gnas grub pa na de
tsam gyis chog par ma 'dzin par lhag mthong sgrub dgos te/ de ma
sgrubs na zhi gnas kyis nyon mongs mngon gyur re zhig mgo gnon
pa tsam

yin gyi bag la nyal lam sa bon spng mi nus pa'i phyir)/ 'phags
pa ting nge 'dzin gyi rgyal po las kyang/ (ba/ phyi rol pa sogs
zhi gnas gyi) ting nge 'dzin de bsgom par byed mod kyi/ /des ni
(ba/ te de tsam kho nas) bdag tu 'du shes 'jig mi byed/ /(ba/ de
bdag 'dzin spong

mi nus pas re zhig nyon mogs mngon gyur ma skyes kyang) de yi
nyon mongs (ba/ slar yang) phyir zhing rab 'khrug ste/ /(ba/
skye ba ni dper na mu stegs) lhag spyod 'di na ting 'dzin bsgom
pa bzhin/ /(ba/ des na zhi gnas thob nas) gal te chos la bdag
med so sor rtog /so sor de

brtags gal te bsgom pa ni/ /de ni mya ngan 'das thob 'bras bu'i
rgyu/ /(ba/ ste bdag med pa'i don la dmigs pa'i lhag mthong
bsgrub na thar pa 'thob)/ rgyu gzhan gang yin nges ni zhi (ba/
ba mya ngan 'das thob pa) ra mi 'gyur/ /zhes gsungs so/ /byang
chub sems

@11b pa'i sde snod las kyang/ gang dag byang chub sems dpa'i sde
snod kyi (ba/ theg pa chen po'i) chos kyi rnam grangs 'di ma
thos 'phags pa'i chos 'dul ba (ba/ ste sde snod gsum/ ma thos
par ting nge 'dzin tsam gyis chog par 'dzin pa thob pa ni nga
rgyal gyi dbang

gis mngon pa'i nga rgyal du lhung zhing skye ba dang rga ba dang
na ba dang 'chi ba dang smre sngags 'don pa dang/ sdug bsngal ba
dang yid mi bde ba dang 'khrug pa las yongs mi grol/ 'gro drug
gi 'khor ba las yongs su mi grol sdug

bsngal gyi phung po las kyang yongs su mi grol te/ de la dgongs
nas de bzhin gshegs pas 'di skad ces gzhan (ba/ dge ba'i bshes
gnyen) las (ba/ thar pa dang) rjes su mthun pa (ba/ 'i gdams
ngag) thos pa ni rga shi las grol bar 'gyur ro/ /zhes bka' stsal

to zhes gsungs so/ /de lta bas na sgrib pa mtha' dag spangs nas
yongs su dag pa'i ye shes 'byung bar 'dod pas zhi gnas la gnas
nas shes rab bsgom par bya'o/ /de skad du 'phags pa dkon mchog
brtsegs pa las kyang bka'

stsal te/ tshul khrims la ni gnas nas ting nge 'dzin 'thob ste/
/ting nge 'dzin thob nas kyang shes rab sgom par byed/ /shes rab
kyis ni ye shes rnam par dag pa 'thob/ /ye shes rnam par dag pas
tshul khrims phun sum tshogs/

zhes bka' stsal to/ /'phags pa theg pa chen po la dad pa bsgom
pa'i mdo las kyang/ rigs kyi bu shes rab nye bar mi gnas na
byang chub sems dpa' rnams kyi theg pa chen po la dad pa (ba/
ste bsam pa phun tshogs dang) theg pa chen po la

@12a@#/ /ji ltar yang 'byung (ba/ ba ste sbyor ba phun sum tshogs
pa 'byung) bar ng mi smra'o zhes bka' stsal to zhes gsungs pa'i
phyir ro/ /(nga/ des na zhi gnas grub nas dge rtsa gang byed
kyang kha bsgyur ba tsam gyis chog pas sa chod che bas/ dang por
'grub dgos pa

tsam yin gyi de grub pa rkyang bas mi chog ste/ des ni spang
bya'i sa bon 'joms mi nus par ma zad thar lam tsam yang ma yin
te phyi nang thun mong ba yin pa'i phyir/ des na de thob nas zhi
rags kyi rnam pa can dang bden pa'i rnam pa can gnyis las grol
ba don gnyer gyis ni phyi ma la brten nas lhag mthong bsgrub
dgos te

lhag mthong la brten nas 'khor ba las grol bar byed pa yin no/
/des na so thar gyi bslab bya bsrung pa sogs rang gi ngo bo'i
dbang du byas na'ang thar pa'i rgyur 'gro bas zhi gnas las ngo
bo'i sgo nas ches lhag pas nyams len ma nor ba dgos so/ /snga
ma'i dpe yang mi zhig gis rta bzang po zhig nyos te de ola brten
nas lho

len byang 'gugs kyi khe spogs byas na gzhan las shogs che ba yin
kyang/ de ltar ma byas par bzhag na dgos med pa lta bu'o/ /ba/
zhes gsungs so)/ /go rim nges pa'i tshul ni/ spyod 'jug las/
(nga/ dge ba'i dmigs pa la rtse gcig tu bsgom par byas pas bying
rgod dang bral te

lus sems shin sbyangs kyi bde ba 'dren pa'i) zhi gnas (ba/ kyi
rta dang) rab tu ldan pa'i (stong nyid rtogs pa'i) lhag mthong
gis/ /(ba/ khams gsum gyi) nyon mongs (ba/ sa bon dang bcas pa)
rnam par 'joms par shes byas nas/ /(ba/ gnas lugs rtogs pa'i
lhag mthong bsgrub par bya la

de'i rten) thog mar zhi gnas btsal bya/ (ba/ ste zhi gnas med
par lhag mthong mi skye ba'i phnyir ro)/ /zhes gsungs pa ltar
sngon la zhig gnas bsgrubs nas de nas de la brten te lhag mthong
bsgom pa yin no/ /(nga/ lhag mthong la zhi gnas sngon du 'gro
dgos par bstan pa la zhi lhag gi

@12b khyad par du yul stong nyid rtogs ma rtogs la 'dod pa kha
cig na re/ de mi 'thad de zhi lhag gnyis ka'i dmigs pa la bden
pa gnyis char 'ong bas de'i tshe dang po nas bdag med pa'i don
gtan la phab nas de la dmigs pa'i zhi gnas sgrub pa na yul stong
nyid rtogs pa'i lhag mthong yang dus gcig tu skye ba'i phyir

zhes zer na yul stong nyid rtogs pa tsam gyis lhag mthong du
'jog mi nus pa'i rgyu mtshan yang yang gsungs so)/ /de la 'di
snyam du sgom rim dang po las/ de'i dmigs pa la nges pa med do
zhes zhi gnas kyi dmigs pa la nges pa med par gsungs shing sngar
bshad

pa ltar zhi gnas kyi dmigs pa la chos can dang chos nyid gnyis
yod pas dang po bdag med pa'i don go bar byas nas de la dmigs te
bsgoms pas/ sems gzhan du mi g.yang ba'i zhi gnas dang stong
nyid la dmigs pa'i lhag mthong gnyis

ka kus gcig tu bskyed pas chog mod ci'i phyir sngon la zhi gnas
btsal nas de nas lhag mthong sgom par byed ce na/ de la zhig
gnas lhag mthong gi sngon du 'gro lugs ni/ bdag med rtogs pa'i
lta ba'i go ba skye ba la zhi gnas sngon du 'gro mi

dgos te zhi gnas med pa la'ang lta ba skye bar mthong ba'i phyir
ro/ /lta ba de la yid 'gyur ba'i myong ba skye ba lAng zhi gnas
sngon du 'gro mi dgos te zhi gnas med kyang so sor rtog pa'i
shes rab kyis yang yang dpyad de goms par byas pas yid

'gyur ba skye bar mi 'gal ba'i phyir te/ 'gal na mi rtag pa dang
'khor ba'i nyes digs dang byang chub kyi sems sbyong ba la'ang
yid 'gyur ba'i myong ba skye ba zhi gna sla rag las par ha cang
thal bar 'gyur te rgyu mtshan kun nas mtshungs pa'i

@13a @#/ /phyir ro/ /'o na zhi gnas lhag mthong la dgos lugs de
gang yin snyam na/ 'di la dgongs 'grel nas/ so sor rtog pa'i
shes rab kyis rnam par 'byed pa dang rab tu rnam par 'byed pa'i

bsgom pa de ji srid du lus sems shin tu sbyangs pa bskyed par mi
nus pa de srid du lhag mthong dang rjes su mthun pa'i yed byed
yin la/ de las shin sbyangs skyes pa na lhag mthong du gsungs
pas zhig gnas ma thob na so sor rtog pa'i shes

rab kyis dpyad sgom ji tsam byas kyang des mthar lus sems shin
tu sbyangs pa'i dga' bde bskyed par mi nus la/ zhi gnas thob nas
ni so sor rtog pa'i shes rab kyi dpyad sgom gyis kyang rang gi
mthar shin sbyangs skyed par byed pas

de la zhi gnas rgyur dgos te 'og tu bshad par bya'o/ /des na so
sor rtog pa'i shes rab kyis dmigs pa gcig la ma bzhag par dpyad
pa'i stobs kyis shin sbyangs bskyed nus pa na lhag mthong du
'gyur bas yul stong pa nyid la

dmigs kyang sems dmigs pa gcig la bzhag pa'i dbang gis shin
sbyangs bskyed pa ni zhi gnas bsgrub lugs las mi 'da' bas de
tsam gyis lhag mthong thob par mi 'jog ste/ 'di ltar dang por
bdag med pa'i go ba btsal nas

de'i don la yang dang yang du dpyod par byed na ni sngon du zhi
gnas ma grub pas de la brten nas zhi gnas 'grub mi srid la/ mi
dpyod par 'jog sgom byed na ni de la brten nas zhig gnas 'grub
kyang zhi gnas kyi skyong tshul las ma gtogs pa'i

@13b lhag mthong gi skyong tshul med pas phyi nas lhag mthong
btsal dgos pas/ zhi gnas sngon du btsal nas de la brten nas lhag
mthong bsgom pa'i rim pa las ma 'das pa'i phyir ro/ /de ltar na
lhag mthong bskyed pa'i tshul ni so sor rtog pa'i

dpyad sgom gyis shin sbyangs bskyed pa la mi byed na zhi gnas
sngon du btsal nas de la brten nas lhag mthong bsgom pa la rgyu
mtshan yang dag cung zad kyang med la/ rim pa de ltar sgom par mi
byed na'ang ches mi rigs te dgongs 'grel nas/

zhi gnas thob pa la brten nas lhag mthong bsgom par sngar drangs
pa ltar gsungs shing/ snga ma la brten phyi ma skye/ /zhes phyin
drug gi bsam gtan dang shes rab kyi rim pa dang lhag pa ring nge
'dzin gyi bslab pa la brten nas lhag pa shes

rab kyi bslab pa skye ba'i rim pa rnams zhi gnas sngon la bsgoms
nas lhag mthong phyis bsgom pa'i rim pa yin la/ sngar byangs
drangs pa ltar dang/ nyan sa las kyang zhi gnas la brten nas
lhag mthong bsgom par gsungs shing/

dbu ma snying po dang spyod 'jug dang sgom rim gsum dang ye shes
grags pa dang shAnti pa rnams kyis sngon du zhi gnas btsal nas
lhag mthong bsgom par gsungs pa'i ro/ /(nga/ zhi gnas lhag
mthong gi sngon du 'gro dgos lugs ni dmigs pa la mnyam par

bzhag stobs kyis drangs pa'i shin sbyangs zhi gnas la'ang yod
kyang/ so sor rtog pa'i shes rab kyis dpyad stobs kyis drangs
pa'i shin sbyangs skyes pa lhag mthong skyes pa'i tshsad du
gsungs shing/ sngon du zhi gnas ma grub na de skye ba gtan mi
srid cing/ zhi gnas grub na dpyad stobs kyis shin

@14a @#/ /sybangs 'dren nus pa'o)/ /des na rgya gar ba'i slob
dpon kha cig zhi gnas zur du mi 'tshol bar dang po nas so sor
rtog pa'i shes rab kyis dpyad pa las lhag mthong bskyed par
bzhed pa ni shing rta chen

po rnams kyi gzhung dang 'gal bas blo dang ldan pa rnams kyis
yid brtan pa'i gnas su mi rung gno/ /zhi gnas dang lhag mthong
gi go rim de yang dang por gsar du bskyed pa'i cha de ltar byed
kyi phyis ni lhag mthong sngon du bsgoms nas

zhi gnas bsgom pa'ang byed pas go rim nges pa med do/ /'o na kun
las btus las/ la la ni lhag mthong thob pa yin gyi zhi gnas ni
mthob ste de lhag mthong la brten nas zhig gnas la brtson par
byed de zhes gsungs pa ji ltar

yin zhe na/ de ni bsam gtan dang po'i nyer bsdogs kyis bsdus
pa'i zhi gnas ma thob pa min gyi bsam gtan dang po'i dngos gzhi
yan chad kyi zhi gnas ma thob pa ste/ de yang (ba/ dper na phyir
'ong lta bus bsam gtan dang po'i nyer bsdogs

la brten nas) bden pa bzhi mngon sum du rtogs nas (ba/ sam bdag
med mngon sum du rtogs pa'i lhag mthong grub pa'i rjes su)/ de
la brten nas bsam gtan dang po yan chad kyi (ba/ dngos gzhis
bsdus pa'i zhi rags kyi rnam pa can gyi) zhi gans (ba/ bar skabs
gcig nas gsar

du) bsgrub pa (ba/ lta bu ste)/ sa'i dngos gzhi las/ gzhan yang
(ba/ bsam gtan dang po'i nyer bsdogs la brten nas) sdug bsngal
nas lam gyi bar du'ang yang dag pa ji lta ba zhin du rab tu shes
(ba/ pa'i lhag mthong grub) la bsam gtan dang po (ba/ 'i dngos
gzhi)

@14b la sogs pa (ba/ sa bsdus pa'i zhi gnas) ni ma thob ste de
(ba/ nang du sems bsdus te) 'dug ma thag tu (ba/ dmigs pa la)
sems 'jog ste chos (ba/ rab tu) rnam par 'byed pa (ba/ 'i shes
rab kyis dpyod pa) ra mi byed do/ /(ba/ bsam gtan gyi dngos
gzhis bsdus pa'i zhi gnas grub pa na) de

(ba/ sngar gyi) lhag pa'i shes rab (ba/ lhag mthong grub pa) de
nyid (ba/ kyis grogs byas pa) la brten nas (nga/ dngos gzhis
bsdus pa'i) lhag pa'i sems (ba/ zhi gnas) la sbyor ba (ba/ ste
'grub pa) ra byed do zhes gsungs pa'i phyir ro/ /spyir tha snyad
zor yang bar bya ba'i phyir du

sems dgu la zhi gnas dang rnam par 'byed pa sogs bzhi la lhag
mthong du gsungs pa yod kyang zhi lhag dngos ni 'chad par 'gyur
pa ltar/ shin sbyangs skyes pa nas bzhag dgos so/ /so so'i bslab
tshul la gsum/ zhi gnas la bslab

tshul; lhag mthong la bslab tshul/ de gnyis zung du 'brel ba'i
tshul lo/ /dang po la gsum/ zhi gnas kyi tshogs bsten pa/ de la
brten nas zhi gnas bsgom pa'i tshul bsgoms pas zhi gnas grub pa'i
tshad do/ /dang po ni/ rnal

'byor pas thog mar bde zhing myur du zhi gnas 'grub par 'gyur
ba'i rgyu zhi gnas kyi tshegs la bsten par bya'o/ /'di la drug
las/ mthun pa'i yul na gnas pa ni/ yon tan lnga dang ldan pa'i
yul te/ zas gos la sogs pa tshegs

med par rnyed pas rnyed sla ba dang/ gcan gzan la sogs pa'i skye
bo mi bsrun pa dang dgr la sogs pa mi gnas pas gnas bzang ba
dang nad mi bskyed pa'i sa yin pas sa bzang po dang/ tshul khrims
dang lta ba mtshungs pa'i grogs dang

@15a @#/ /ldan pas grogs bzang ba dang nyin mo skye bo mang po
med cing mtshan mo sgra chung bas legs par ldan pa'o/ /mdo sde'i
rgyan las kyang/ blo ldan gyang du bsgrub pa'i yul/ /legs par
rnyed dang gnas

bzang dang/ sa bzang ba dang grogs bzang dang/ /rnal 'gyor bde
ba'i yo byad ldan/ /zhes gsungs so/ /'dod pa chung ba ni/ chos
gos la sogs pa bzang po'am mang po la lhag par chags pa med
pa'o/ /chog shes pa ni/ chos gos la sogs

pa ngan ngon tsam rnyed pas rtag tu chog shes pa'o/ /bya ba mang
po yongs su spangs pa ni/ nyo tshong la sogs pa'i bya ba ngan pa
dang khyim pa dang rab byung rnams dang ha cang 'dris bshes byed
pa dang sman byed pa dang skar ma brtsi ba sogs yongs su spangs

pa'o; ;tshul khrims rnam par dag pa ni/ so thar dang byang sems
kyi sdom pa gnyis ka la rang bzhin dang bcas pa'i kha na ma tho
ba'i bslab pa'i gzhi mi 'dral ba dang bag med pas ral na'ang/
skyen par 'gyod pas chos bzhin du phyir 'chos

par byed pa'o/ /'dod pa la sogs pa'i rnam rtog yongs su spangs
pa ni/ 'dod pa rnams la gsod pa dang 'ching ba la sogs pa tshe
'di'i nyes dmigs dang ngan 'gror 'gro ba sogs phyi ma'i nyes
dmigs bsgoms nas sam/ yang na 'khor ba'i

dngos po yid du 'ong mi'ong thams cad ni 'jig pa'i chos can mi
rtag pa ste nges par de dag thams cad dang bdag ring por mi
thogs par 'bral bar 'gyur na bdag de la ci zhig lhag par chags
pa la sogs par 'gyur snyam du bsgoms la 'dod pa'i

@15b rnam rtog thams cad spang bar bya'o/ /'di dag ni sgom rim
bar pa'i dgongs pa ltar bshad pa ste/ rgyas par ni nyan thos
kyis las shes par bya'o/ /de lta bu'i chos drug ni ting nge
'dzin bzang po gsar du skye ba dang skyes zin pa mi nyams par

gnas pa dang gong nas gong du 'phel ba'i rgyu rkyen gyi gnad
bsdus pa ste khyad par du tshul khrims dag pa dang 'dod pa la
nyes dmigs su blta ba dang mthun pa'i yul na gnas pa gtso bo yin
no/ /dge bshes ston pa'i zhal nas/ rang cag man

ngag kho nas lhan snyam yin man ngag kho na btsal bas ting nge
'dzin skyer mi 'dod pa de tshogs la gnas pa med pas lan pa yin
gsungs te/ tshogs ni sngar bshad pa drug la sogs pa yin no/
/gzhan yang phyar phyin dang po bzhi ni lnga pa bsam gtan

gyi tshogs su 'gro ba yin te/ sgom rim dang po las/ zhi gnas ni
rnyed pa la sgos pa 'dod pa la mi blta zhing tshul khrims la legs
par gnas la sdu bsngal la sogs pa dang du len pa'i ngang tshul
can du gyur la brtson 'grus brtsoms na myur

du 'grub bo/ /de bas na 'phags pa dgongs pa nges par 'grel pa la
sogs pa las kyang sbyin pa la sogs pa gong ma gong ma'i rgyu
nyid yin par bstan to zhes gsungs so/ /lam sgron las kyang/ zhi
gnas yan lag rnam nyams pas//

rab tu 'bad de bsgoms byas kyang/ /lo ni stong phrag dag gis
kyang/ ting 'dzin 'grub par mi 'gyur ro/ /zhes gsungs pas zhi
lhag gi ting nge 'dzin snying thag pa nas bsgrub par 'dod pa
rnams kyis zhi gnas kyi yan lag gam

@16a @#/ /tshogs nyan sa nas gsungs pa'i bcu gsum la sogs pa la
'bad pa shin tu gal che'o/ /de la brten nas zhi gnas bsgom pa'i
tshul la gnyis/ sbyor ba dang dngos gzhi'o/ /dang po ni/ sngar

bshad pa'i sbyor ba'i chos drug dang khyad par du byang chub kyi
sems ring du bsgom zhing de'i yan lag tu skyes bu chung 'bring
dang thun mong pa'i dmigs pa'i ngo bo rnams kyang sbyar bar
bya'o/ /gnyis pa la gnyis/ /lus kyi spyod lam

ji 'dra bas bsgom pa dang/ bsgom pa'i rim pa nyid bshad pa'o/
/dang po ni/ sgom rim bar pa dang tha ma las gsungs pa ltar stan
shin tu 'jam po bde ba la lus kyi kun spyod chos brgyad dang
ldan par bya'o/ /de la rkang pa ni/ rje

btsun rnam par snang mdzad kyi skyil mo krung lta bu skyil mo
krung yongs su rdzogs pa'am yang na skyil krung phyed pa'ang
rung ste de ltar bya'o/ /mig ni ha cang yang mi dbye ha cang
yang mi zum par sna'i rtse mor gtad do/ /lus ni ha cang yang
rgyab

tu mi dgye ha cang yang mdun du mi dgu bar drang por bsrangs la
dran pa nang du bzhag ste 'dug par bya'o/ /phrag pa ni thad kar
mnyam par bzhag go /mgo ni/ mi mtho mi dma' zhing phyogs gcig tu
ma yo bar bzhag ste sna nas lte bar brang

por bzhag go /so dang mchu ni rang lugs su tha mal par bzhg go
/lce ni ya so'i drung du gzhar ro/ /dbugs ni/ phyi nang du rgyu
ba sgra can dang rngams pa dang rgos bag chan du mi gtang gi ci
nas kyang phar rgyu tshul rgyu mi tshor bar dal bu dal

@16b bus 'bad pa med par 'jug pa de ltar bya'o/ /nyan sar sangs
rgyas kyis gnang pa'i khri'am khri'u 'am (ba/ ma gnang ba ni
'bring pa'i dra khri dang so ma'i dra ba can sogs yin gsungs)/
rtsa bting ba'i sting du skyil mo krung bcas te 'dug pa la rgyu
mtshan lnga gsungs te

lus legs par bsgrims na spyod lam de shin tu sbyangs pa skye ba
dang rjes su mthun pas myur ba myur ba shin tu sbyangs pa skye
ba dang/ bdug pas dus yun ring po 'da' bar byed nus shing spyod
lam des de'i lus shin tu ngal bar mi 'gyur ba dang

spyod lam de mu stegs dang phas kyi rgol ba dag dang thun mong
ma yin pa dang gzhan gyis spyod lam des 'dug pa mthong na shin
tu dang bskye ba dang/ spyod lam de sangs rgyas dang sangs rgyas
kyi nyan thos rnams kyis gnang zhing bsten pa ste rgyu mtshan de
lang

mthong nas skyil mo krung bcas te gnas par gsungs so/ /lus drang
por bsrang ba ni rmugs pa dang gnyid mi 'byung ba'i don du
gsungs so/ /de ltar na thog mar lus kyi kun spyod brgyad dang
khyad par du rlung cham la dbab pa ji ltar bshad pa

bzhin bsgrub par bya'o /bsgom pa'i rim pa nyid bshad pa ni/
(nga/ bsgom pa'i rim pa la rje nyid kyi zhal nas klu sgrub thogs
med gnyis nas rim bzhin tu/ /legs brgyud byang chub lam gyi zhes
sogs gsungs pa ltar byang chub lam gyi rim pa 'dir lhag mthong
chen mo'i skabs su mgon

po klu sgrub kyi lugs dang/ de ma gtogs pa rgya che ba'i lam
rnams 'phags pa thogs med kyi lugs byang sa sogs kyi gzhung
bsrang bar mdzad cing/ skabs 'dir ni dbus mtha' las 'gyur pa'i
nyes pa lnga spong pa'i 'du byed brgyad kyi sgo nas zhi gnas
bsgrub tshul 'di nyid la gzhung bsrangs

@17a @#/ /nas; de la sems gnas pa'i thabs dgu tshang lugs dang/
dgu po de yid byed bzhir 'du lugs dang stobs drug gis 'grub lugs
sogs 'chad par mdzad pa yin no)/ /lam rim phal mo cher dbus
mtha' nas gsungs

pa'i nyes pa lnga spong ba'i 'du byed brgyad kyi sgo nas zhi
gnas bsgrub par gsungs la/ dge bshes lag sor ba nas brgyud pa'i
gdams ngag rnams las/ de'i steng du nyan sa nas bshad pa'i stobs
drug dang yid byed bzhi dang sems

dgus bsgrub dgos par bshad cing/ mkhas pa (nga/ chen po sha ra
ba) yon tan grags kyis ni sems gnas pa'i thams dgu yid la byed
pa bzhir bsdus pa dang/ nyes pa drug dang de'i gnyer po 'du byed
brgyad po 'di ni ting nge 'dzin

thams cad kyi thabs yin par/ mdo sde du ma dang mdo sde rgyan
dang dbus mtha' dang 'phags pa thogs med kyis sde dang dbu ma
sgom rim gsum la sogs pa bsam gtan gyi thabs ston pa thams cad
las mthun par gsungs te/

dang po ting nge 'dzin gyi tshogs la gnas pas thbas 'di dag gis
'bad na ting nge 'dzin nges par 'thob par 'gyur ro/ /deng sang
bsam gtan gyi man ngag zab par grags pa dag la thabs 'di dag gi
ming tsam yang mi snang ste ting

nge 'dzin gyi tshogs dang mi ldan pa dang thabs 'di dag med par
ni yun ring por 'bad kyang ting nge 'dzin 'grub par ma gsungs so
zhes rang gi lam rim las 'chad de/ 'di ni gzhung chen mo rnams
kyi ting nge 'dzin bsgrubs tshul la nges

@17b pa rnam par dag pa rnyed pa'i gtam du snang ngo/ /de la
spyir theg pa gsum gyi lam gyi rim pa'i 'khrid tshul rnams ni
'phags pa thogs med kyis sa sde lngar rgyas par gtan la phab pas
nyams len ston pa'i gzhung ni de shin tu rgyas so/ /der

yang gzhung gcig tu rgyas par bshad pa gzhung gzhan du rgyas par
mi 'chad pas zhi gnas dang lhag mthong gnyis ni gtan la dbab pa
bsdu ba las nyan thos kyis las shes dgos par gsugs pas nyan sa
shin tu rgyas pa yin no/ /rje btsun

byams pas kyang mdo sde'i rgyan dang dbus mthar sems gnas pa'i
thabs dgu dang spong ba'i 'du byed brgyad gsungs la/ de rnams
kyi rjes su 'brangs nas slb dpon seng ge bzang po dang ka ma la
shI la (nga/ padma'i ngang tshul) dang sh'nti pa la sogs

pa'irgya gar gyi mkhas pa rnams kyis kyang ting nge 'dzin bsgrub
pa'i rim pa mang du mdzad de/ lha sku dang thig le dang ye ge
sogs la dmigs pa'i dmigs pa mi 'dra ba ma gtogs pa ting nge
'dzin gyi spyi'i khog rnams ni sngar gyi gzhung chen mo de

dag nas bshad pa dang sngags nas bshad pa rnams shin tu mthun
la/ khyad par du ting nge 'dzin gyi nyes pa lnga la sogs pa'i
skyon rnams dang de rnams ji ltar sel ba'i tshul rnams ni mdo
sde'i phyogs rnams shin tu rgyas par snang ngo/ /'on kyang

gzhung che ba rnams kyi steng nas nyams su len shes pa nyin mo'i
skar ma ltar snang bas rang gi blo skyon gyi dri ma gzhung de
dag la bkal nas de rnams phyi'i go rgya gcod pa tsam yin gyi
snying po'i don ston pa'i gdams ngag zur du yod par bzung nas

@18a @#/ /de dag nas bshad pa'i ting nge 'dzin bsgrub pa'i rim pa
la nyams su len pa'i tshe na ji ltar yin gyi the tshom yang mi
skye bar snang ngo/ /gdams ngag 'di ni dbu zhabs kyi nyams len
thams cad gzhung chen

mo rnams nas 'byung ba kho na la rtsigs su byed pas 'dir yang
ting nge 'dzin gyi bsgrub tshul rnams gzhung che ba rnams gzhung
che ba rnams nas blangs te bshad par bya'o/ /'di la gnyis/ ting
nge 'dzin skyon med bskyed pa'i tshul dang/ de la brten nas sems

gnas skye ba'i rim pa'o/ /dang po la gsum/ sems dmigs pa la gtod
pa'i sngon du ji ltar bya ba dang/ dmigs pa la gtod pa'i dus su
ji ltar bya ba dang/ dmigs pa la gtad pa'i 'og tu ji ltar bya
bo/ /(bsgom pa la 'jug pa'i tshe

thog mar rlung cham la dbab pa 'gro 'ong yer gcig sogs bgrang ba
ni rtog pa phyir rol du g.yeng ba ldog pa'i grabs dam pa'o)/
/dang po ni/ ting nge 'dzin bsgom pa la mi spro zhing de'i mi
mthun phyogs la dga' ba'i le lo 'gog ma nus na dang po nas ting
nge 'dzin la

'jug tu mi ster zhing lan cig thob kyang rgyun 'thud mi nus pas
myur du nyams par 'gyur ro/ /de'i phyir thog mar le lo 'gog pa
gnang du che'o/ /de la lus dang sems dga' bdes rgyas pa'i shin
tu sbyangs pa thob na nyin mtshan kun tu

dge ba la sbyor ba la skyo dub mi 'byung bas le lo bzlog go /de
bskyed pa la shin sbyangs bskyed pa'i rgyu ting nge 'dzin la
brtson 'grus rgyun ldan du rtsom nus pa dgos so/ /de bskyed pa
la ting nge 'dzin la don du gnyer ba'i 'dun pa drag po

@18b rgyu ldan pa dgos so/ /de'i rgyur ni ting nge 'dzin gyi yon
tan mthong bas yid 'phrog pa'i dad pa brtan po dgos pas thog mar
ting nge 'dzin gyi yon tan sems pa'i dad pa yang dang yang du
bsgom par bya'o/ /dI dag gi go rim ni nyams su blangs

nas bltas na chos shin tu gsal bar nges pas gnad dam par bzung/
dbus mtha' las/ (ba/ rtsol ba'i) gnas (ba/ ting nge 'dzin don du
gnyer ba'i 'dun pa) dang de la gnas pa (ba/ brtson 'grus) dang/
/(ba/ 'dun pa'i) rgyu (ba/ yon tan mthong ba'i dad pa) dang (ba/
rtsol ba'i)

'bras bu (ba/ shin sbyangs) nyid du'o/ /zhes gsungs so/ /de la
gnas ni 'dun pa ste rtsol ba'i gnas so/ /gnas pa ni rtsol ba'am
brtson 'grus so/ /(nga/ sems dmigs pa la gtod pa'i sngon du ji
ltar bya ba 'di la thog mar le lo 'gog dgos shing/ de yang le lo
rtsa ba nas

ldog ching brtson 'grus yongs su rdzogs pa la shin sbyangs thob
dgos/ de la de'i rgyur rtsol ba'am brtson 'grus dgos/ de la ting
nge 'dzin la don gnyer gyi 'dun pa dgos/ de la de'i yon tan
mthong ba'i dad pa dgos pas dang por 'dun pa'i rgyu ting nge
'dzin gyi yon tan bsam pa'i dad pa bsgom/ de nas

rtsol ba'i gnas ting nge 'dzin la don gnyer gyi 'dun pa sbyangs/
de nas 'dun pa de la gnas pa'i brtson 'grus rtsom/ de la brten
nas rtsol ba'i 'bras bu shin sbyangs skye ba yin no)/ /'dun pa'i
rgyu ni yon tan la yid ches pa'i dad pa'o/ /rtsol ba'i 'bras bu
ni shin tu

sbyangs pa'o/ /'dir bsgom par bya ba'i ting nge 'dzin gyi yon
tan ni/ zhi gnas grub na sems la dga' ba dang lus la bde ba
rgyas pas mthong chos la bde bar gnas pa dang lus sems shin tu
sbyangs pa rnyed pas sems dge ba'i

@19a @#/ /dmigs pa la gang 'dod du bkol du rung ba dang/ rang
dbang med par phyin ci log gi yul la g.yeng ba zhi bas nes
spyod mang po mi 'byung zhing dge ba gang byed stobs che ba dang
zhi gnas la

brten nas mngon shes dang rdzu 'phrul sogs kyi yon tan rnams
bsgrub nus pa dang/ khyad par du de la brten nas ji ltar rtogs
pa'i lhag mthong gi rtogs pa skye bas 'khor ba'i rtsa ba myur du
gcod nus pa sogs kyi yon tan gang

bsams na ting nge 'dzin bsgom pa la spro shugs 'phel bar 'gyur
ba rnams shes par byas la bsgom ste/ 'di skyes na nang nas ting
nge 'dzin bsgom pa la rgyun du bskul bas/ ting nge 'dzin thob
par sla zhing thob zhin nas kyang yang yang

bsgom pa la 'jug pas nyams par dka' ba yin no/ /gnyis pa la
gnyis/ sems gang la 'jug pa'i gzhi dmigs pa ngos bzung ba dang/
de la sems ji ltar gtod pa'i tshul lo/ /dang po la gnyis/ dmigs
pa spyi'i rnam par

bzhag pa dang/ skabs su bab pa'i dmigs pa ngos bzung ba'o/ /dang
po la gsum/ dmigs pa dngos bstan pa dang/ gang zag gang gis gang
la dmigs par bya ba bstan pa dang/ dmigs pa'i rnam grangs

po ni; (nga/ gnyis pa sems dmigs pa la gtad pa'i dus su ji ltar
bya ba la/ zhi lhag gi dmigs pa la bzhi yod pa'i dang po khyab
pa'i dmigs pa la'ang bzhi yod pa'i rnam par rtog pa yod med ni
zhi gnas kyi tshe so sor rtog pa'i shes rab kyis dpyod pa mi byed
pas de'i dmigs pa la rnam par

@19b rtog pa med pa dang/ lhag mthong gi tshe so sor rtog pa'i
shes rab kyis dpyod pa yod pas rnam par rtog pa dang bcas pa
zhes gsungs kyi spyir gzhi grub na zhi lhag gi dmigs pa yin pas
khya pas de gnyis ka'ang yin pas khyab bo)/ /bcom ldan 'das kyis
rnal 'byor pa'i dmigs pa

bzhi gsungs te/ 'di ltar khyab pa'i dmigs pa dang dpyod pa rnam
par sbyong ba'i dmigs pa dang/ mkhas pa'i dmigs pa dang/ nyon
mongs pa rnam par sbyong ba'i dmigs pa'o/ /de la khyab pa'i
dmigs pa la ni bzhi yod de/ rnam

par rtog pa dang bcas pa'i gzugs brnyan dang rnam par rtog pa
med pa'i gzugs brnyan dang dngos po'i mtha' dang dgos pa yongs
su grub pa'o/ /de la dmigs byed kyi sgo nas bzhag pa ni gzugs
brnyan gnyis te/ dang po ni lhag

mthong gi dmigs pa yin la gnyis pa ni zhi gnas kyi dmigs pa'o/
/gzugs brnyan ni gang la dmigs pa'i dmigs pa rang mtshan pa nge
dngos min par de'i rnam pa blo la snang ba'o/ /de la dmigs nas
dpyod par byed pa'i tshe dpyod

byed kyi rnam rtog yod pas rnam rtog dang bcas pa'i gzugs brnyan
no/ /yang de la dmigs nas mi dpyod par sems 'jog pa'i tshe dpyod
byed kyi rtog pa med pas rnam par mi rtog pa'i gzugs brnyan zhes
bya'o/ /gzugs brnyan de dmigs

pa gang gi gzugs brnyan yin snyam na/ spyod pa rnam sbyong gi
dmigs pa lnga dang mkhas pa'i dmigs pa lnga dang nyon mongs pa
rnam par sbyong ba'i dmigs pa gnyis kyi gzugs brnyan nam rnam pa
yin no/ /dmigs bya yul gyi sgo nas

@20a @#/ /bzhag pa ni dngos po'i mtha' yin te (nga/ dngos po'i
mtha' ni phung po lngar 'dus byas thams cad dang bden pa bzhir
grol ba don gnyer gyi blang dor gyi gzhir gyur pa'i shes bya
thams cad 'dus lugs bsams nas/ de'i rjes su der grangs

nges par thag bcad nas de la sems 'jog pa lta bu'o/ /de yang ji
lta ji snyed gang yin kyang zhi lhag gang bsgrub pa'i skabs
stobs kyi tshur de'i nang du 'dus lugs bsams nas de nyid la 'jog
pa dang/ rgyas par spros shing dpyad nas 'jog pa'i khyad par
shes dgos so)/ /'di tsam du

zad kyi 'di las gzhan pa med do zhes pa'i ji snyed pa'i dngos
pI mtha' dang 'di kho na ltar gnas kyi gzhan du mi gnas so/
/zhes pa'i ji lta ba'i dngos po'i mtha' gnyis so/ /de la ji
snyed pa ni phung po lngar 'dus byas thams cad

dang khams bco brgyad dang skye mched bcu gnyis su chos thams
cad dang bden bzhir shes bya'i dngos po thams cad 'dus kyi de
phan chad du gzhan med pa'o/ /ji lta ba ni dmigs pa de dag gi
yang dag pa nyid dang de bzhin nyid rigs

pas grub pa'i don no/ /'bras bu'i sgo nas bzhag pa ni dgos pa
yongs su grub pa ste dmigs pa de dag gi gzugs brnyan la zhi lhag
gis dmigs pa'i yid la byed pa de kun tu bsten/ goms par byas/
lan mang du byas pa'i

mthus rang rang gi gnas ngan len dang bral nas gnas gyur pa'o/
/(nga/ dgos pa yongs su 'grub pa ni dmigs pa de goms pas shin
sbyangs skye ba sogs dgos pa 'grub lugs kyi 'bras bu'i sgo nas
bzhag pa'o/ /'di bzhi ga yang dmigs pa 'og ma rnams las logs na
med cing

@20b thams cad la khyab pa yin no)/ /spyad pa rnam par sbyong ba
ni/ 'dod chags sogs la shas cher spyad pa rnam par sbyong ba'i
dmigs pa ste mi sdug pa dang byams pa dang rten 'brel dang khams
kyi rab dbye dang dbugs 'byung rdub ste lnga'o/ /(nga/ spyir
spyad pa rnam

sbyong la lnga las dang po ni mi sdug pa'i rnam pa yid la shar
nas de la sems 'dzin pa sogs te 'di la yul yul can so so ba
gnyis yod la/ byams pa lta bu la ni rang gi blo byams pa'i ngo
bor bskyed nas de nyid la sems 'dzin pa yin pas so sor med do
rten 'brel la dmigs pa 'di la ni/ rten 'brel tshe

gsum la rdzogs pa lta bu'i dbang du byas na de la dus gsum ga'i
cha yod pas de dag las ma gtogs pa'i rang dbang ba'i gang zag gi
bdag yod pa 'gog pa'i dmigs pa yin cing/ mkhas pa'i dmigs pa
lnga yang 'di'i khog tu 'du'o)/ /de la mi sdug pa la dmigs pa ni
skra dang spu la

sogs pa so drug ni nang gi mi sdug pa dang rnam par sdos pa la
sogs pa ni phyi rol gyi mi sdug pa ste mi gtsang ba'i mi sdug
pa'i rnam pa blo la shar ba la sems 'dzin pa'o/ /mdza' bo dang
dgra bo dang bar ma gsum la dmigs nas mnyam par

bzhag pa'i sa pa'i phan bde bsgrub pa'i bsam pa ni byams pa ste
byams pa'i 'dzin stangs de'i sgo nas sems dmigs pa de dag la
'dzin pa la byams pa la dmigs pa zhes yul dang yul can gnyis ka
la byams par gsungs pa'o/ /rten

'brel la dmigs pa ni/ dus gsum du 'byung ba'i rten 'brel gyi
chos tsam la brten nas chos tsam gyi 'bras bu 'byung ba tsam du
zad kyi de dag las ma gtogs pa'i las byed pa po dang 'bras bu
nyams su myong ba po med pa'i don la de ltar

@21a @#/ /dmigs te sems 'dzin pa'o/ /khams kyi rab dbye la dmigs
pa ni/ sa dang chu dang me dang rlung dang nam mkha' dang rnam
shes kyi khams drug gi cha rnams so sor phye ste de rnams la
dmigs nas

sems 'dzin pa'i/ /dbugs 'byung rdub pa la dmigs pa ni/ rlung
phyi nang du 'gro ba la bgrang ba dang lta ba'i sgo nas sems
gzhan du mi g.yeng bar dmigs pa'o/ /mkhas pa'i dmigs pa'ang
lnga ste/ (nga/ de lnga la phung po lnga'i steng du de lnga po
der ma gtogs

pa'i bdag yod pa 'gog pa dang/ de la med kyang khams bco brgyad
kyi rgyu'i khrod na rang dbang ba'i bdag yod dam snyam pa la/
mig la sogs pa'i khams rnams rang rang gis bon las byung ba yin
gyi/ de las don gzhan pa'i bdag med par shes pa dang/ de ltar
med kyang rkyen gyi khrod na

bdag yod dam snyam pa la mig sogs kye mched bcu gnyis po rnams
kyis rkyen gsum gyi rnam gzhag shes nas de las don gzhan pa'i
bdag med par shes pa dang/ de bzhin du rten 'brel bcu gnyis la
mi rtag sdug bsngal sogs su shes kyi/ gang zag gi bdag tu med pa
dang rgyu dge sdig las

'bras bu bde sdug 'byung gi de las don gzhan pa'i gang zag gi
bdag med par shes nas de da gla sems 'dzin pa'o)/ /phung po dang
khams dang skye mched dang rten 'brel dang gnas dang gnas ma yin
pa la mkhas pa'o/ /de la phung po ni gzugs kyi phung po sogs
lnga

yin la de la mkhas pa ni phung po las ma gtogs pa'i bdag dang
bdag gi ba med par shes pa'o/ /khams ni mig la sogs pa'i khams
bco brgyad yin la de la mkhas pa ni khams de rnams rang rang gis
bon las 'byung ba'i rgyu'i rkyen

@21b shes pa'i/ /skye bched ni mig la sogs pa'i skye mched bcu
gnyis yin la de la mkhas pa ni nang gi skye mched drug ni rnam
shes drug gi bdag pI rkyen dang phyi'i skye mched drug ni dmigs
pa'i rkyen dang 'gags ma thag pa'i yid ni de ma thag pa'i

rkyen du shes pa'o/ /rten 'brel ni yan lag bcu gnyis yin la de
la mkhas pa ni de dag la mkhas pa ni de dag la mi rtag pa dang/
sdug bsngal ba dang bdag med par shes pa'o/ /gnas dang gnas ma
yin pa nidge ba las rnam smin yid du 'ong ba 'byung ba

gnas yin la mi dge ba las rnam smin yid 'ong 'byung ba gnas min
pa sogs yin la de la mkhas pa ni de ltar shes pa'o/ /'di ni rten
'brel la mkhas pa'i bye brag yin te khyad par ni 'dis mi 'dra
ba'i rgyu rnams shes par byed do/ /(nga/ rten 'brel

gyi skabs su las las 'bras bu 'byung ba spyir bstan nas/ 'dir
las kyi khyad par 'di las 'bras bu'i khyad par 'di 'byung bar
bstan pas/ gnas dang gnas ma yin pa la mkhas pa 'di rten 'brel
la mkhas pa'i bye brag gam cha gcig yin no/ /gang zag gang gis
gang la dmigs pa ni

chags sogs lnga shas cher goms pa zhig yin na/ spyad pa rnam
sbyong gi dmigs pa bye brag pa rnams la nges par ma dmigs na
zhig gnas mi skye la chags sogs shas chung ba dang cha mnyam pa
sogs la ni dmigs pa de dag gang la mos pa'am/ /khyad par du bdag
chag gi ston pa'i sku

gzugs la dmigs na dgos pa shin tu che bar gsungs so/ /dmigs pa
'di dag la zhi gnas bsgrub pa'i tshe bsdus nas sems 'jog cing
lhag mthong gi tshe rgyas par phye nas dpyod pa'i yul yin pa tsam
ma gtogs zhi lhag gnyis ka'i dmigs par 'dra la/ spyad pa rnams
sbyong gi

@22a @#/ /dmigs pa rnams dang mkhas pa'i dmigs pa rnams ni zhi
gnas gsar du bsgrub pa'i dmigs pa shas che la/ nyon mongs rnam
sbyong gi dmigs pa ni grub zin khyad par du byed pa shas che'o)/
/'di dag zhi gnas kyi dmigs par byed

pa'i tshe ni phung po la sogs pa de dag gang du nges pa'i 'dzin
stangs gcig gi sgo nas sems 'dzin pa'o/ /nyon mongs pa rnam par
sbyong ba ni nyon mongs kyi sa bon nyams smad par byed pa tsam
dang sa bon rtsad nas spong ba ste/ dang po'i dmigs pa ni

'dod pa'i sa nas ci yang med pa'i skye mched kyi bar gyi sa 'og
ma'i rags pa dang gong ma'i zhi ba yin la gnyis pa'i dmigs pa ni
bden pa bzhi'i mi rtag pa la sogs pa bcu drug go /'di dag kyang
zhi gnas kyi dmigs par byed pa'i tshe ni

mi dpyod par yul de dag gi rnam pa shar ba la sems kyi nges pa
gang yang rung ba zhig gi sgo nas sems 'dzin pa'o/ /sgom rim bar
pa las dmigs pa gsum gsungs te/ gsung rab yan lag bcu gnyis po
thams cad de bzhin nyid

la gzhol ba dang 'bab pa dang bab pa'o zhes thams bsdus te de la
sems 'jog pa dang/ dri tsam gyis chos rnams bsdus par 'gyur ba'i
phung po sogs la dmigs pa dang mthong ba dang thos pa'i sangs
rgyas kyi sku gzugs la sems

'jog pa'o/ /phung po sogs la 'jog tshul ni 'dus byas thams cad
phung po lngar 'du lugs shes par byas la de nas de dag gi nang
du rim gyis bsdus zin pa dang/ de la dmigs nas sems 'dzin pa
ste/ ji ltar so sor 'byed pa la

@22b goms na so sor rtog pa'i shes rab bskye ba ltar sdud pa la
goms par byas na'ang yul gzhan la mi 'phro bar dmigs pa la sems
sdud pa'i ting nge 'dzin skye'o/ /'di ni chos mngon pa'i mang
ngag go /de bzhin du chos thams cad khams

dang skye mched du 'du tshul shes par byas la der bsdus zin pa
dang sems 'dzin pa'o/ /de la spyad pa rnam sbyong gi dmigs pa
rnams ni 'chad pa ltar chags sogs lhag par spyad pa rnams kyi
chags sogs bzlog sla zhing de la brten nas

ting nge 'dzin 'thob par sla bas dmigs pa khyad par can yin la/
(ba/ 'di dag la mkhas pa'i dmigs pa zhes bshad kyang dmigs pa
'di dag bsgoms pas mkhas par 'gyur ba la dgongs nas de ltar
gsungs pa yin gyi/ da lta 'di dag bsgom pa po'i gang zag de ni
gti mug shas

che ba zhig yin gyi mkhas pa ni ma yin no)/ /mkhas pa'i dmigs pa
rnams ni chos de dag las ma gtogs pa'i gang zag gi bdag 'gog pas
bdag med rtogs pa'i lhag mthong skye ba dang rjes su mthun pas
zhi gnas kyi dmigs pa shin tu

bzang zhing nyon mongs sbyong ba'i dmigs pa rnams ni nyon mongs
spyi'i gnyen por 'gro bas don che ba yin no/ /khyab pa'i dmigs
pa ni dmigs pa snga ma de dag las zur na med do/ /de'i phyir
dgos pa khyad par can dang ldan pa'i zhi

gnas kyi dmigs pa la brten nas ting nge 'dzin bsgrub dgos pa yin
pas gang dag rde'u (nga/ dmigs pa 'di dag ni shing bu rde'u sogs
dang sems gsal rig tsam la dmigs pa sogs dang/ zhi gnas 'grub pa
tsam la ni khyad par med cing/ de'i zhar la nyon mongs gang

@23a @#/ /shas che ba'i gnyen por 'gyur ba dang/ sangs rgyas rjes
su dran pa sogs dgos pa lhag po yod pas khyad par 'phags so/
/dper na mi zhig gis don gcig gcod pa'i zhar la brel ba gzhan
mang po chod pa lta bu'o/ /des na sngar bshad pa'i gang zag de
dag gis

dmigs pa so so la dmigs pa nges bzung dgos mi dgos ni/ dper na
rlung nad med pa'i mi la tshad pa'i sman gtong na de kho nas chog
la rlung nad yod pa'i mi la gtong na de'i kha gnon dgos pa lta
bu'o)/ /dang shing bu sogs la dmigs rten byas nas ting nge 'dzin
bsgrub pa ni

ting nge 'dzin gyi dmigs pa'i rnam par bzhag pa mi shes pa yin
par gsal lo/ /kha cig dmigs pa'i gtad so byas nas de la sems
bzung na mtshan 'dzin du 'gro snyam nas de lta bu'i dmigs pa'i
yul la mi gtong par rten med du

'jog pa nyid stong nyid bsgom par 'dod pa ni stong nyid bsgom
tshul gtan ma go ba'i rnam 'gyur yin te/ 'di ltar de'i tshe shes
pa med na ni stong nyid bsgom pa'i ting nge 'dzin yang med par
'gyur la/ yod na ni ci zhig shes pas shes

par 'jog pa'i shes bya 'dod dgos so/ /shes bya yod na ni de nyid
blo de'i dmigs pa yin te yul dang dmigs pa dang shes bya rnams
don gcig pa'i phyir ro/ /de ltar na ting nge 'dzin de yang mtshan
'dzin du 'dod dgos pas lugs

de ni rigs pa ma yin no/ /gzhan yang stong pa nyid kyi bsgom du
'gro mi 'gro ni yin lugs rtogs pa'i lta ba'i thog tu bzhag nas
bsgom mi bsgom gyis 'jog pa yin gyi yul la cir yang mi rtog pa
dang rtog pa'i sgo nas 'jog

@23b pa min te rgya par 'og nas ston no/ /dmigs yul med par 'jog
par 'dod pa des kyang rang gi sems 'di ci nas kyang yul gang
la'ang mi 'phro ba de ltar bzung ngo snyam pa sngon du btang nas
sems 'dzin dgos pas dmigs pa

sems tsam zhig la dmigs nas rnam pa gang du'ang mi 'phro par
'dzin pa nges par bya dgos pas dmigs pa med par 'dod pa rang gi
myong ba dang 'gal ba yin no/ /des na ting nge 'dzin bsgrubs
pa'i gzhung che ba rnams nas dmigs

pa mang du bshad la de dag gi dgos pa'ang sngar bshad pa ltar
yin pas sems 'jog pa'i dmigs rten la mkhas par bya'o/ /sgom rim
las/ zhi gnas kyi dmigs pa la nges pa med par bshad pa dang/ lam
sgron las/ 

dmigs pa gang rung gcig dag la/ /zhes gsungs pa ni dmigs pa bye
brag pa zhig nges gzung du mi dgos ces pa'i don yin gyi dmigs pa
gang 'dug tshad la bya bar ston pa min no/ /gang zag gang gis
gang la dmigs par bya

ba bstan pa ni/ 'dod chags shas che ba nas rnam rtog shas che
ba'i bar gyi gang zag yin na ni/ nam grus zhus pa nyan sar
drangs pa las/ nam gru gal te dge slong rnal 'byor pa rnal 'byor
spyod pa de 'dod chags spyad pa

kho na zhig yin na ni dmigs pa mi sdug pa la sems nye bar gtod
par byed do/ /zhe sdang spyad pa zhig yin na ni byams pa la'o/
/gti mug spyad pa zhig yin na ni rkyen 'di nyid kyi rten cing
'brel bar 'byung ba la'o/ /nga rgyal spyad pa

@24a @#/ /zhig yin na ni khams kyi rab tu dbye ba la sems nye bar
gtod par byed do zhes dang/ rnam par rtog pa spyad pa kho na
zhig yin na ni dbugs rdub pa dang dbugs 'byung ba dran pa la
sems nye bar gtod par byed

de de ltar na de rjes su mthun pa'i dmigs pa la sems nye bar
gtod par byed pa yin no zhes gsungs shing/ nyan sa las kyang/ de
la gang zag gang 'dod chags dang zhe sdang dang gti mug dang nga
rgyal dang rnam par rtog pa spyad pa de dag

gis ni re zhig dang po kho nar spyad pa rnam par sbyong ba'i
dmigs pa la spyad pa rnam par sbyang bar bya ste/ de'i 'og tu
sems gnas pa rtogs par 'gyur zhing de dag gi dmigs pa de yang so
sor nges pa kho nar 'gyur bas na de dag gis

ni gdon mi za bar dmigs pa des brtson par bya'o zhes gsungs pas
nges par dmigs pa de dag la brtson par bya'o/ /cha mnyam par
spyad pa dang nyon mongs pa chung ba'i gang zag yin na ni sngar
bshad pa'i dmigs pa de dag las

gang la dga' bar 'gyur ba zhig la sems bzung bas chog gi nges pa
can mi dgos te/ nyan sa las/ cha mnyam par spyad pa des ni sems
gnas pa nyi tshe tsam gyi phyir gang la dga' bar 'gyur ba de la
brtson par bya yi spyad pa

rnam par sbyang ba'i phyir ni ma yin no/ /cha mnyam par spyad pa
ji lta ba bzhin du nyon mongs pa chung ba'ang de bzhin du rig
par bya'o zhes gsungs so/ /de la chags sogs lnga shas che ba ni
skye ba snga mar chags sogs lnga kun tu

@24b bsten; goms par byas/ lan mang du byas pas chags sogs
lnga'i yul chung du la'ang chags sogs lnga drag po dang rgyun
ring skye ba'o/ /cha mnyam par spyod pa ni skye ba sng ama rnams
su chags sogs kun tu ma bsten/ goms

par ma byas/ lan mang du ma byas kyang de dag la nyes dmigs su
ma bltas/ sun ma phyung bas de dag gi yul la chags sogs shas
chen po dang rgyun ring mi skye yang chags sogs lnga mi 'byung
ba ma yin pa'o/ /nyon mongs pa chung

ba ni skye ba gzhan tu chags sogs kun tu bsten pa sogs ma byas
shing nyes dmigs su blta ba sogs byas pas chags sogs kyi yul
chen po dang mang po dang lhag pa la chags sogs bul bar skye la/
yul 'bring dang chung du la

gtan mi skye ba'o/ /de yang chags sogs lnga shas che bas ni yun
ring po dang cha mnyam par spyad pas ni ha cang yun ring po ma
yin pa dang nyon mongs pa chung bas ni myur ba myur bar sems
gnas pa rtogs par 'gyur ro/ /mkhas pa'i

dmigs pa la gang zag gang gis brtson pa'ang/ nam grus zhus pa
las/ nam gru gal te dge slong rnal 'byor pa rnal 'byor spyod pa
de 'du byed thams cad kyi rang gi mtshan nyid la kun tu rmongs
pa'am bdag dang sems can

dang srog dang skye ba po dang gso ba dang gang zag gi dngos po
la kun tu rmongs pa zhig yin na ni phung po la mkhas pa la sems
nye bar gtod par byed do/ /rgyu la kun tu rmongs pa zhig yin na
ni khams la mkhas pa la'o/ /rkyen la kun

@25a @#/ /tu rmongs pa zhig yin na ni skye mched la mkhas pa
la'o/ /mi rtag pa dang sdug bsngal ba dang bdag med pa la kun
rmongs pa zhig yin na ni rten cing 'brel bar 'byung ba la mkhas
pa dang/ gnas dang

gnas ma yin pa la sems nye bar gtod par byed do zhes gsungs pa
ltar te dmigs pa 'di lnga gas gtso bor rmongs pa zlog par byed
do/ /nyon mongs pa rnam par sbyong ba'i dmigs pa la gang zag
gang gis sems gtod pa'ang

mdo de nyed las/ 'dod pa'i khams kyi 'dod chags dang 'bral bar
'dod pa zhig yin na ni 'dod pa rnams kyi rigs pa nyid dang gzugs
rnams kyi zhi ba nyid la'o/ /gzugs rnams las 'dod chags dang
'bral bar 'dod pa

zhig yin na ni gzugs rnams kyi rags pa nyid dang gzugs med pa
rnams kyi zhi ba nyid la sems nye bar gtod par byed do/ /'jig
tshogs thams cad las sems skyo bar 'dod cing rnam par grol bar
'dod pa zhig yin na ni

bden pa sdug bsngal dang bden pa kun 'byung dang bden pa 'gog pa
dang bden pa lam la sems nye bar gtod par byed do zhes gsungs
so/ /dmigs pa 'di rnams ni lhag mthong gis dpyad sgom byed pa
dang zhi gnas kyis 'jog

sgom byed pa gnyis ka'i dmigs par 'gro bas zhi gnas kho na'i
dmigs pa ma yin kyang kha cig ni zhi gnas gsar du bsgrub pa'i
dmigs par rung la/ kha cig ni zhi gnas grub zin khyad par can du
byed pa'i dmigs par 'gyur

@25b bas zhi gnas kyi dmigs pa'i skabs su bshad pa yin no/
/dmigs pa'i rnam grangs bstan pa ni/ gang la sems bzung ba'i
gzhi ting nge 'dzin gyi dmigs rten sngar bshad pa'i dmigs pa
rnams kyi gzugs brnyan nam

rnam pa blo la snang ba de'i ming gi rnam grangs ni/ nyan sa
las/ gzugs brnyan de yang gzugs brnyan zhes kyang bya ting nge
'dzin gyi mtshan ma dang ting nge 'dzin gyi spyod yul gyi (nga/
zhes pa gzhi mthun bsdus pa'i tshig yin gyi spyod yul yul

can du ston pa ni min no)/ /yul dang ting nge 'dzin gyi thabs
dang ting nge 'dzin gyi sgo dang yid la byed pa'i rten dang nang
du rnam par rtog pa'i lus dang snang brnyan zhes kyang bya ste/
de dag ni shes bya'i dngos po dang mthun pa'i gzugs brnyan de'i

ming gi rnam grangs yin par rig par bya'o zhes gsung spa ltar
ro/ /skabs su bab pa'i dmigs pa ngos bzung ba ni/ 'o na dmigs pa
du ma bshad pa de dag las 'dir dmigs pa gang la brten nas zhi
gnas bsgrub snyam na/ de

ni sngar drangs pa'i mdo sde ltar gcig tu ma nges te gang zag gi
bye brag gis dmigs pa so so la bya dgos la khyad par du zhi gnas
ma mtha' zhig nges par bsgrub na 'dod chags shas che ba la sogs
pa yin na ni dmigs pa nges pa

can la bya dgos te/ de ma byas na zhi gnas rjes mthun pa'i ting
nge 'dzin thob pa srid kyang zhi gnas dngos mi 'thob pa'i phyir
te/ spyad pa rnam sbyong gi dmigs pa la sbyangs kyang yun shin
tu ring po ma gtogs par zhi gnas mi 'grub

@26a @#/ 51/ /par gsungs na spyad pa rnam sbyong gi dmigs pa dor
bas mi 'grub pa lta ci smos pa'i phyir ro/ /khyad par du rnam
rtog shas che bas ni nges par rlung bsgom par bya dgos so/ /gang
zag cha mnyam par

spyad pa'am nyon mongs chung ba'i gang zag yin na ni sngar bshad
pa ltar dmigs pa rnams kyi nang nas yid gang spro ba la dmigs
rten bya'o/ /gzhan yang da ltar gyi sangs rgyas mngon sum du
bzhugs pa'i ting nge 

'dzin dang ting nge 'dzin gyi rgyal po'i rjes su 'brangs nas/
sgom rim bar pa dang tha ma las/ de bzhin gshegs pa'i sku la
dmigs nas ting nge 'dzin bsgrub pa gsungs la/ slob dpon byang
chub bzang pos kyang/ 'dir zhi

gnas ni gnyis te kha nang du bltas pas 'thob pa dang kha phyir
bltas pa la dmigs pa'o/ /de la kha nang du bltas pa la'ang gnyis
te lus la dmigs pa dang lus la brten pa la dmigs pa'o/ /de la
lus la dmigs pa la'ang

gsum ste/ lus nyid la lha'i rnam par dmigs pa dang/ keng rus la
sogs pa mi sdug par dmigs pa dang/ kha TwAM ga la sogs pa mtshan
ma khyad par can la dmigs pa'o/ /lus la brten pa la'ang lnga
ste/ dbugs la

dmigs pa dang mtshan ma phra mo la dmigs dang thig le la dmigs pa
dang 'od zer gyi yan lag la dmigs pa dang dga' ba dang bde ba la
dmigs pa'o/ /kha phyir bltas pa la dmigs pa la gnyis te khyad
par can dang phal pa'o//

@26b de la khyad par can la gnyis te sku la dmigs pa dang gsung
la dmigs pa'o zhes mang po zhig bshad de/ lam sgron 'grel par
yang de drangs so/ /de la sangs rgyas kyi sku la sems 'dzin pa
ni sangs rgyas rjes su dran pa yin pas bsod

nams mtha' yas pa skye ba dang/ sku de rnam pa gsal zhing brtan
na phyag dang mchod pa dang smon lam la sogs pa tshogs gsog pa'i
zhing dang bshags bsdam la sogs pa sgrib pa sbyong ba'i zhing
dmigs pa byed pa la khyad shin tu che

ba dang/ sngar ting nge 'dzin gyi rgyal po'i mdo drangs pa ltar
'chi ba'i tshe sangs rgyas rjes su dran pa las mi nyams pa la
sogs pa'i yon tan dang gsang sngags kyi lam bsgom na lha'i rnal
'byor la shin tu khyad che ba la sogs pa'i dgos

pa mang po snang ste/ 'di'i phan yon dang sangs rgyas yid la bya
tshul rgyas par da ltar gyi sangs rgyas mngon sum du bzhugs pa'i
ting nge 'dzin gyi mdo na ches gsal bar bzhugs pas/ sgom rim tha
ma las gsungs pa ltar nges par

der shes par bya yi 'dir ni tshig mangs su dogs nas ma gris so/
/des na ting nge 'dzin yang 'grub la dgos pa khyad par can gzhan
yang zhar la 'thob pa'i dmigs rten 'tshol ba ni thabs la mkhas pa
yin no/ /de bzhin gshegs pa'i

sku ji 'dra ba zhig la dmigs pa'i rten byed ce na/ sgom rim tha
ma las/ de la rnal 'byor pas thog mar de bzhin gshegs pa'i sku
gzugs ji ltar mthong ba dang ji ltar thos pa la sems bzhag nas
zhi gnas bsgrub par bya ste/ de bzhin

@27a @#/ /gshegs pa'i sku gzugs de yang gser btso ma'i mdog bzhin
du ser la mtshan dang dpe byad bzang pos brgyan pa 'khor gyi nang
na bzhugs shing thabs sna tshogs kyis sems can gyi don mdzad par 

rgyun du yid la byed pas/ de'i yon tan la 'dod pa bskyed cing
bying ba dang rgod pa la sogs pa zhi bar byas la ji srid du de
mdun na 'zhugs pa bzhin du gsal bar mthong bar gyur pa de srid
du bsam gtan bya'o zhes gsungs shing/ ting

nge 'dzin rgyal po las kyang/ gser gyi kha dog lta bu'i sku lus
kyis/ /'jig rten mgon po kun tu mdzes pa ste/ /dmigs pa de la
gang gi sems 'jug pa/ /byang chub sems dpa' de mnyam gzhag ces
bya/ /zhes gsungs pa lta bu la

dmigs pa'i rten bya'o/ /de yang gsar du blos bskyed pa dang rang
bzhin gyis bzhugs pa gsal 'debs pa gnyis las/ phyi ma ni dad pa
skye ba la khyad che zhing theg pa thun mong ba'i skabs dang
yang mthu pas rang bzhin gyis grub zin gsal

'debs pa'i rnam par bya'o/ /sngon du sems gang la 'dzin pa'i
gzhi dmigs rten tshol ba na bris sku dang lugs ma la sogs pa'i
ston pa'i sku shin tu legs pa zhig btsal la yang yang blta zhing
de'i mtshan ma bzung nas yid kyi yul du

'char ba la goms su gzhug /yang na bla mas legs par brda sprad
pa thos pa'i don bsam zhing yid ngor 'char du gzhug la dmigs
rten btsal bar bya'o/ /dmigs rten yang bris sku dang lugs ma
sogs kyi rnam pa mi bya bar sangs rgyas

@27b dngos kyi rnam pa can du 'char ba la bslab bo/ /kha cig sku
gzugs mdun du gzhag pa la mig gis bltas nas har sgom byed pa/
slob dpon ye shes sdes bkag pa ni shin tu legs te/ ting nge
'dzin dbang po'i shes pa la mi bsgrub kyi

yid kyi shes pa la bsgrub pa yin pas ting nge 'dzin gyi dngos
kyi dmigs pa ni yid kyi shes pa'i dngos kyi yul yin pas de la
sems bzung dgos pa yin pa'i phyir dang/ sngar bshad pa ltar
dmigs yul dngos kyi don spyi'am gzugs

brnyan shar ba la dmigs dgos par gsungs pa'i phyir ro/ /sku'i
cha phra rags gnyis kyang dang por rags pa la dmigs nas de la
brtan pa na phyis phra ba la dmigs dgos par phyogs gzhan nas
gsungs shing myong ba la'ang rags pa shin

tu 'char sla bas sku'i rags rim nas dmigs rten bya dgos la/
khyad par du gal che ba ni 'chad pa ltar gyi ting nge 'dzin 'dod
'dra zhig ma grub par du dmigs pa rigs mi mthun mang po la spos
nas ting nge 'dzin byed pa rnma pa thams cad

du mi rung ste/ dmigs pa mi 'dra ba mang po la 'phos kyin ting
nge 'dzin bsgoms na zhi gnas 'grub pa'i gegs chen por 'gyur ba'i
phyir ro/ /de bas na ting nge 'dzin bsgrub pa'i gzhung tshad ldan
sa sde dang sgom rim gsum la sogs par

thog mar ting nge 'dzin bsgrub pa'i tshe dmigs pa gcig kho na'i
dbang du byas nas bsgrub par bshad kyi dmigs pa mang po la spo
bar ma gsungs so/ /'phags pa dpa' bos kyang gsal bar gsungs te/
dmigs pa gcig la brten

@28a @#/ /tshul du/ /yid kyi bsam pa brtan par bya/ dmigs pa mang
po brgyud pa las/ /yid ni nyon mongs 'khrug par 'gyur/ /zhes
bsam gtan bsgrub pa'i skabs su gsungs la/ lam sgron las

kyang; dmigs pa gang rung gcig dag la/ /yid ni dge la bzhag par
bya/ /zhes gcig dag la zhes gsungs pa'i nges bzung gi tshig gis
gsungs so/ /des na dang po dmigs pa gcig la dmigs nas zhi gnas
rnyed nas phyis ni mang

po la yang dmigs pa yin te/ sgom rim dang po las/ gang gi tshe
yid la byed pa khugs par byed pa de'i tshe phung po dang khams la
sogs pa'i byed brag gis rgyas par dmigs par byed pa kho na ste/
de skad du dgongs pa nges par

'grel pa la sogs pa las kyang/ rnal 'byor pa rnams kyis stong pa
nyid bco brgyad la dmigs pa la sgos pa'i bye brag gis dmigs pa'i
rnam pa mang du bka' stsal to/ /zhes gsungs so/ /de ltar thog
mar sems gang la

'dzin pa'i dmigs rten rnyed pa'i tshad ni/ dbu dang phyag gnyis
dang sku'i khog gzhan dang zhabs gnyis rim pa bzhin du lan 'ga'
zung gsal gdab la/ de'i mthar sku'i spyi yid la byas pa na yid
ngor yan lag rags pa rnams

cha phyed tsam zhig 'char thub pa byung na 'od dang bcas pa'i
gsal po ma byung yang de tsam zhig gis chog shes byas nas de la
sems bzung dgos so/ /de'i rgyu mtshan ni 'di ltar de tsam gyis
chog shes byas nas sems mi 'dzin

@28b par de las kyang gsal ba zhig 'dod nas yang yang gsal btab
na dmigs pa cung zad gsal du 'gro yang sems gnas che'i ting nge
'dzin mi rnyed par ma zad rnyed pa'i gegs su 'gyur la/ dmigs pa
cher mi gsal yang cha phyed

tsam gyi dmigs pa de nyid la sems bzung na ting nge 'dzin myur
du rnyed cing/ de nas gsal ba la bogs bton pas gsal cha bde blag
tu 'grub pa'i phyir ro/ /'di ni slob dpon ye shes sde'i gdams pa
la 'byung ste ga la che

bar snang ngo/ /dmigs rten 'char lugs la mu bzhi tshan gnyis kyi
rnam gzhag mdzad pa snang mong kyang gang zag gi rigs kyis rnam
pa 'char dka' sla dang shar pa la yang gsal mi gsal dang de
gnyis kyang brtan mi brtan sna tshogs

pa zhig snang bas nges pa med do/ /gsang sngags kyi lha'i rnal
'byor bsgrub pa'i skabs yin na lha'i rnam pa gsal po nges par
bsgrub dgos pas de ma shar gyi bar du thbs du ma nas de bskyed
pa'i thabs bya dgos kyi/ 'dir ni lha'i

rnam pa ches 'char bar dka' na sngar bstan pa'i dmigs pa gang
rung gcig la byas nas sems bzung bas chos ste/ zhi gnas kyi ting
nge 'dzin tsam zhig grub pa dgos pa'i gtso bo yin pa'i phyir ro/
/'dir yang lha sku la dmigs

nas bsgrub na ni de'i rnam pa ma shar yangs sems bzung na 'dod
don mi 'grub pas rnam pa shar ba'i steng du sems bzung dgos la/
de yang byung tshad kyis sku'i spyi la bzung zhing sku de'i cha
shas 'ga' zhig ches gsal bar snang na de la

@29a @#/ /bzung; de mi gsal bar song na yang spyi la bzung ngo/
/de'i tshe ser po bsgom 'dod pa la dmar po shar ba lta bu'i kha
dog ma nes pa dang bzhugs pa'i dbyibs can bsgom 'dod pa la
bzhengs pa'i

dbyibs can shar ba lta bu'i dbyibs ma nges pa dang/ gcig bsgom
par 'dod pa la gnyis shar ba lta bu'i grangs ma nges pa dang/
che ba bsgom par 'dod pa la shin tu chung ba shar ba lta bu'i
che chung ma nges pa byung na/ de dag gi rjes su

'brang du ye mi rung bas rtsa ba'i dmigs pa gang yin pa de kho
na la dmigs rten bya dgos so/ /gnyis pa de la sems ji ltar gtod
pa'i tshul la gsum/ skyon med pa'i lugs bzhag pa dang/ skyon dang
bcas pa'i lugs bsal ba

dang/ thun gyi tshad bstan pa'o/ /dang po ni/ (nga/ sems dmigs pa
la gtod pa'i tshul 'di la rang lugs ni 'dir bsgrub par bya ba'i
ting nge 'dzin skyon med na yul can gsal cha'i ngar dang ldan pa
dang/ dmigs pa la rtse gcig tu gnas pa'i khyad par gnyis ldan
yin gyi/ de'i steng du bde ba mi

snon pa ni bsam gtan dang po'i nyer bsdogs kyi ting nge 'dzin
dang mtshungs ldan du mi 'byung ba dang/ khyad par lam gyi sems
rten mchog tu gyur pa bsam gtan bzhi pa'i ting nge 'dzin la de
med pa'i phyir byas pa la kho na re// 'o na gsal cha'i ngar che
ba yang 'dren mi rigs te/ de gzugs med kyi ting

nge 'dzin 'ga' zhig la med pa'i phyir zhes zer na mi mtshungs te/
'dir ni byang sems kyis lam bsgrub pa'i sems rten gyi ting nge
'dzin zhig 'chad pa yin la/ gzugs med na shas cher lam bsgom
pa'i sems rten du mi rung zhing khyad par gzugs med spangs pa'i
bsam gtan dang/ zhes

@29b shas cher byang sems kyis gzugs med lam gyi sems rten du
byed pa spangs shing bsal nas bsam gtan la byed pa'i phyir)/
'dir bsgrub par bya ba'i ting nge 'dzin ni khyad par gnyis dang
ldan pa zhig yin te/ 'di ltar sems shin tu gsla ba'i gsal cha'i
ngar 

dang ldan pa dang dmigs pa la rtse gcig tu gnas pa'i mi rtog
pa'i gnas cha dang ldan pa'o/ /'di la kha cig bde ba bsnan nas
gsum du byed la/ gzhan dag dwangs pa yang bsnan nas bzhir byed
kyang dwangs pa ni khyad par dang por 'dus

pas zur du smos mi dgos la/ tshor ba sim pa'i rnam pa can gyi
dga' bde ni skabs 'dir bsgrub par bya ba'i ting nge 'dzin gyi
'bras bu la 'byung yang/ bsam gtan dang po'i nyer bsdogs kyis
bsdus pa'i ting nge 'dzin dang mtshungs ldan

du mi 'byung zhing/ theg pa gsum ga'i yon tan bsgrub pa'i rten
la mchog tu gsungs pa'i bsam gtan bzhi pa'i ting nge 'dzin kyang
lus bde dang sems bde gang dang yang mtshungs ldan du mi 'byung
bas 'dir ma bgrangs so/ /gsal cha'i 

ngar che ba yang gzugs med kyi sas bsdus pa'i ting nge 'dzin
'ga' zhig la med kyang/ mdo sde'i rgyan las/ gzugs med spangs
pa'i bsam gtan dang/ /zhes gsungs pa ltar byang sems dbang thob
pa 'ga' zhig ma gtogs pa'i byang

sems rnams bsam gtan gyi sas bsdus pa'i ting nge 'dzin la brten
nas yon tan bsgrub par gsungs pas gsal ba'i khyad par bshad pa
la skyon med do/ /de lta bu'i gsla cha'i ngar thon pa la ni
bying bas bar du gcod la/ rtse gcig

@30a @#/ /pa'i mi rtog pa la ni rgod pas bar du gcod pas bying
rgod gnyis ting nge 'dzin rnam dag 'grub pa'i gegs kyi gtso bor
'ong ba'i rgyu mtshan ni de yin no/ /des na bying rgod phra rags
rnams legs par

ngos zhin pa zhig dang ngos zin nas de gnyis 'gog par byed pa'i
ting nge 'ddzin gyi skyong lugs rnam dag cig mi shes na/ lhag
mthong lta ci smos te zhi gnas kyang skye ba mi srid pas ting
nge 'dzin don du gnyer ba'i blo ldan rnam skyis tshul de la

mkhas par bya'o/ /de la bying rgod ni zhi gnas 'grub pa'i 'gal
rkyen yin cing/ 'gal rkyen ngos 'dzin pa dang 'gog tshul dngos ni
'og tu ston pas 'dir ni zhi gnas 'grub pa'i mthun rkyen ting nge
'dzin bskyed tshul brjod par bya'o/ /'di la ting nge

'dzin ni sems dmigs pa la rtse gcig tu gnas pa'i cha yin la de
yang dmigs pa la rgyun ldan du sdod pa zhig dgos so/ /de la ni
sems rtsa ba'i dmigs pa gang yin pa de las g.yeng bar mi byed
pa'i thabs gcig dang/ g.yengs ma g.yengs dang g.yeng

bar 'gyur mi 'gyur ji lta ba bzhin shes pa gnyis dgos pa'i/ dang
po ni dran pa dang gnyis pa ni shes bzhin yin te/ mdo sde'i
rgyan gyi 'grel pa las/ dran pa dang shes bzhin ni nye bar gtod
bar byed pa ste gcig gis sems dmigs pa

las mi 'phro bar byed pa'i phyir dang/ gnyis pas sems 'phro ba
rab tu shes pa'i phyir ro/ /zhes gsungs so/ /dran pa nyams nas
dmigs pa brjed na yengs nas de ma thag tu dmigs pa stong par
'gyur bas dmigs pa ma brjed pa'i dran pa rtsa

@30b ba yin no/ /dran pa des sems dmigs pa la nye bar gtod tshul
ni sngar bshad pa ltar dmigs rten gsal btab nas ma mtha' zhig
shar byung ba na de shes pas tshir gyis bzung ba'i 'dzin stangs
shugs can zhig bskyed la/ sems kyi 'phangs

mtho bar byas te gsar du gang la yang mi dpyod par 'jog pa'o/
/dran pa ni kun las btus las/ dran pa gang zhe na 'dris pa'i
dngos po la sems kyi brjed pa med pa ste rnam par mi g.yeng
ba'i las can no/ /zhes khyad par gsum dang ldan par

gsungs so/ /de la dmigs pa yul gyi khyad par ni/ sngar ma 'dres
pa'i yul la dran pa mi skye bas 'dris pa'i dngos po la zhes
gsungs te/ skabs 'dir ni sngar nges par byas pa'i dmigs rten gyi
rnam pa shar ba'o/ /rnam pa'am 'dzin stangs kyi

khyad par ni/ sems kyi brjed pa med pa zhes pa yul de sems kyis
ma brje dpa'i cha ste/ skabs 'dir ni dmigs rten ma brjed pa'o/
/ma brjed pa'i tshul ni gzhan gyis dris pa dang rang gis de la
rtog pa bcug pa na dmigs rten de ni 'di 'dra ba

yin no/ /zhes bla mas bstan pa dran thub pa tsam la mi zer gyi/
sems dmigs pa la gtags pa de thu te dran nas cung zad kyang me
yengs pa ste/ yengs na nam de byung tsam gyis dran pa stor pa
yin no/ /des nas sems dmigs rten la sngar ltar bzhag

zin pa dang 'di ltar du dmigs pa la btags so snyam pa zhig
bskyed la/ de nas gsar du mi rtog par blo de nyid kyi shugs
mchad par rgyun skyong ba ni dran pa bsten tshul gyi gnad dam pa
yin no/ byed las kyi khyad par ni/ dmigs pa las sems

@31a @#/ /gzhan du mi g.yeng bar bya ba'o/ /de ltar sems dmigs
pa la gtags te 'dul ba ni glang po che 'dul ba'i dpes gsungs te/
dpr na sdong po'am ka ba shin tu brtan pa la zhags thag shin tu
sra ba du

mas mi bsrun pa'i glang po btags te glang rdzis ji ltar bslabs
pa ltar byed na legs/ mi byed na lcags kyu rnon pos yang yang
btab nas tshar bcad de 'dul ba ltar/ sems glang po che ma dul ba
dang 'dra ba 'di yang sngar bshad pa'i

dmigs pa'i ka ba brtan po la dran pa'i thag pas bcing zhing de
la sdod du ma btub na shes bzhin gyi lcags kyus gtsags nas khad
kyis dbang du bya ste/ dbu ma snying po las/ (ba/ thog mar 'dod
pa'i sems ma zhi zhing ma dul ba'i yid

kyi glang po (ba/ dge ba'i bya ba la ji ltar 'dod 'dod du 'jug
du mi ster ba lam) log (ba/ par) 'gro ba/ /(ba/ 'di 'dul ba la)
dmigs pa'i (ba/ rten) ka ba (ba/ 'dra ba) brtan po la/ /(ba/
'dogs byed) dran pa'i thag pa (ba/ rgyun ldan gyi) sa nges
bcings nas/ /(ba/ shes bzhin gyi bya ras bying rgod

'byung mi 'byung legs par brtags nas myur du rig pa'i) shes rab
lcags kyus rim (ba/ gyis) dbang (ba/ du) bya/ /zhes gsungs
shing/ sgom rim bar pa las kyang/ dran pa dang shes bzhin gyi
thag pas yid kyi glang po che dmigs pa'i sdong po de nyed la

gdags par bya'o/ /zhes gsungs so/ /lung snga ma las shes bzhin
lcags kyu dang 'dra bar gsungs la/ lung phyi mas thag pa dang
'dra bar gsungs pa ni mi 'gal te/ sems dmigs pa la rgyun ldan du
'dogs pa dngos ni dran pa yin la/ shes bzhin yang brgyud nas
sems 

@31b dmigs pa la gtong byed yin te/ bying ba dang rgod pa dngos
sam bying rgod du 'gyur ba shes bzhin gyis rig pa la brten nas
de dag gi dbang du mi gtong bar rtsa ba'i dmigs pa la 'jog pa'i
phyir dang/ sngar drangs pa ltar slob dpon dbyeg gnyen gyis
kyang/ dran

shes gnyis ka dmigs pa la nye bar gtod byed du gsungs pa'i phyir
ro/ /dran pa la brten nas ting nge 'dzin 'grub par gsungs pa
dang dran pa thag pa dang 'dra bar sems dngos su dmigs pa la
rgyun ldan du 'dogs byed du gsungs pas ting nge

'dzin gyi sgrub byed kyi gtso bo'i skyong tshul ni dran pa'i
skyong tshul yin la/ (nga/ sgom gyi gtso bo dran pa yin cing/ de
yang nges pa'i rnam pa can gyi 'dzin stangs can yin pas/ ting
nge 'dzin skyong ba na nges shes kyi 'dzin stangs dam po med na
sems dwangs pa'i gsal cha 'ong yang/ nges shes kyi ngar

thon pa'i blo shugs can mi 'ong bas dran pa stobs can mi skye
zhing/ bying ba phra mo'ang mi khegs pas sems cir yang mi rtog
par bzhag pas zhi gnas grub pa'i lugs la'ang bying rgod sel shes
na zhi gnas tsam 'grub kyang/ de la'ang dran shes kyi bsten tshul
nges par gal che'o)/ /dran pa yang nges pa'i rnam pa

can gyi 'din stangs can yin pas ting nge 'dzin skyong ba na nges
shes kyi 'dzin stangs dam po med par had de 'jog pa la sems
dwangs pa'i gsal cha 'ong yang/ nges shes kyi ngar thon pa'i
gsal cha mi thon pas dran pa stobs can skye bar mi 'gyur

la; de'i phyir bying ba phra mo yang mi khegs pas ting nge 'dzin
skyon can kho nar 'gyur ro/ /lha sku la sogs pa'i dmigs rten
gzhan mi 'jog par sems mi rtog pa tsam skyong bas kyang sems yul
gang la yang cir yang mi rtog par bzhag par bya'o//

@32a @#/ /zhes pa'i gdmas ngag dran nas de nas sems mi 'phro ba
la ma yengs par bya dgos la/ ma yengs pa de yang dmigs pa ma
brjed pa'i dran pa dang don gcig yin pas dran pa'i skyong tshul
las ma 'das pas de ltar bsgom

pa des kyang nges shes kyi shugs thon pa'i dran pa bstan dgos pa
yin no/ /skyon dang bcas pa'i lugs bsal ba la/ bsal bya'i log
rtog 'di lta bu yod de/ sngar bshad pa ltar shes pa 'phangs legs
par bstod de bsgrims nas mi rtog

par bzhag pa na bying ba'i skyon cung zad kyang med mod kyi rgod
shas che bas gnas cha rgyun 'thud thub pa mi 'ong ba mthong nas
rig pa'i gzengs kyang smad/ legs par bsgrim pa yang glod pas
gnas cha myur por skye ba mthong nas thabs de ni gdams

ngag chen po yin no snyam du nges pa rnyed nas glod pa rab la
sgom rab ces skad gsangs mthon pos sgrog par snang ngo/ /'di ni
bying bskyes pa dang sgom skyes pa gnyis ma phyed pa'i gtam yin
te/ 'di ltar ting nge 'dzin skyon med de ni sngar bshad

pa ltar khyad par gnyis dang ldan pa dgos kyi/ sems mi rtog pa'i
gnas cha brtan pa gcig pus mi chog go /gal te de 'dra ba de la
sems nyog nyog por song ba'i 'thibs pa yod na bying pa yin
kyang/ de med par sems dwangs pa'i

gsal cha yod pas ting nge 'dzin skyon med yin no snyam na/ de ni
rmugs pa dang bying ba gnyis ma phyed pa'i gtam snang bas 'di
rnams rgyas par 'og tu bstan par bya'o/ /des na bsgrims drags
pa'i rig pa ngar ldan du byas pa na

@32b gsal cha yod kyang rgod shas che bas gnas cha skye dka' la/
de ha cang glod nas bskyangs pa na gnas cha yod kyang bying shas
che bas ngar thon pa'i gsla ba med do/ /grims drags pa dang lhod
drags pa gang du yang ma song ba'i dam lhod ran pa'i

mtshams kyang shin tu zin dka' ba'i phyir bying rgod dang bral
ba'i ting nge 'dzin skye dka' ba la dgongs nas/ slob dpon
tsandra gau mis/ (ba/ bshags bstod las) brtson pa bsten na (ste
sems bsgrims drags ni) rgod pa 'byung 'gyur zhing/ de spangs

na ni zhum pa skye bar 'gyur/ /(ba/ bsgrims lhod ran pa'i mtshams
zin dka' bas) 'di yi (ba/ bying rgod kyis mi mnyam pa med pa'i)
rigs par (ba/ rab 'tshams par) mnyam (ba/ par) 'jug (ba/ pa'i
ting nge 'dzin ni) rnyed (ba/ par) dka' na/ /bdag gi sems dkrugs
pas ni ci zhig

bgyi; ;zhes gsugs te brtson pa bsten pa ni bsgrims drags pa ste
de byas na ni rgod pa 'byung la/ bsgrim pa de spangs shing glod
drags na sems nang du sdod pa'i zhum pa skye bar snang bas bying
rgod dang bral nas cha mnyam par gnas pa'i

sems rigs par mnyam du 'jug pa rnyed dka' zhes pa'i don no/ /de
ltar yang de'i 'grel pa sangs rgyas zhi bas mdzad pa las/ brtson
pa ni 'dir dge ba'i phyogs la mngon par spro bas bsgrims te 'jug
pa la bya yi/ zhes dang/ rgod

par 'gyur ba'i nyes pa mthong nas brtson pa de spangs te rtsol
ba btang bar gyur na sems nang du zhum zhing/ zhes gsungs pas
so/ /yang bshags bstod las/ 'bad pas 'jug na rgod pa 'byung
'gyur zhing/ /de glod na ni zhum pa skye bar

@33a @#/ /'gyur; ;'di yi dbu mar bsgrub pa'ang rnyed dka' na/
/bdag gi sems dkrugs bas ni ci zhig bgyi/ /zhes gsungs shing
de'i 'grel par yang/ shin tu 'bad pas bsgrims te 'jug cing rtsol
ba

na ni sems de rgod cing g.yeng ba 'byung bar 'gyur bas bcom pas
rtsol ba las kyang sems gnas pa mi rnyed la/ de ltar de nyes pa
nyed yin pas de bzlog pa'i phyir 'bad pas 'jug pa'i sems de glod
cing rtsol ba btang bar gyur na

ni dmigs pa'i yul brjed pa la sogs pa'i skyon gyis sems nang du
zhum zhing bying ba skye zhing 'byung bar 'gyur bas zhes gsal
bar gsungs so/ /des na bying rgod kyi mtha' gnyis dang bral ba'i
dbu mar bsgrub pa'am rigs par mnyam

'jug gi ting nge 'dzin rnyed dka'o/ /zhes gsungs pas glod par
rab byas pas chog na dka' rgyu ci yang med pa'i phyir dang de
las bying ba skye bar gsungs pas tshul des ting nge 'dzin bsgrub
pa mi rigs par gsal lo/ shin tu glod pa'i sems 

dwangs pa tsam gyi gsal chas mi chog par 'dzin stangs kyi grims
cha dgos par ni/ 'phags pa thogs med kyis/ de la 'jog par byed
pa dang yang dag par 'jog par byed pa la ni bsgrims te 'jug pa'i
yid la byed pa yod do/ /zhes

sems gnas pa'i thabs dgu'i sems dang po gnyis kyi skbas su de
ltar gsungs shing/ (nga/ de yang ting nge 'dzin de la sems
dwangs pa'i gsla cha dang yul gsal ba tsam yod pa dang/ yul can
nam blo'i 'dzin stangs gsal ba don mi gcig te/ snga ma yod kyang
bying ba gcod mi

@34b nus la phyi ma la ni)/ sgom rim dang po las kyang byig ba
bsal la dmigs pa de nyed dam du bzung ngo/ /zhes dang/ sgom rim
bar pa las kyang/ de nas bying ba zhi bar byas nas ci nas kyang
dmigs pa de nyid sems kyis shin tu gsal bar

mthong bar 'gyur ba de ltar bya'o/ /(zhe na dmigs pa de nyid dam
du bzung zhes dang/ sems kyis gsal bar mthong bar 'gyur ba zhes
pa'i nus pas blo yi 'dzin stangs shin tu dam pa'i gsal cha'i
ngar ram blo shugs can de yod na dran pa'i bsten lugs rnam dag
yin cing bying ba yang 'gog pa

yin no/ /de ltar sems kyis dmigs pa thu re dran pa'i dran pa de
nyid la gnas pa'i ngang nas blo de nyid shugs chung du ma song
tsam nas bar bar du bying rgod byung ma byung dang 'byung ba'i
grab byed mi byed shes nus pa'i shes bzhin gyis bya ra byed pa
dang skabs skabs su rtsa ba'i dmigs pa de nyid kyang dran tsam
dran 

tsam byed pa gnyis ka'ang dran pa'i skyong tshul yin te/ bying
rgod byung ba na brjed ngas skyes te/ dmigs pa brjed nas bying
rgod skye ba zhig dang/ yang dmigs pa'i dran pa ma brjed pa'i
ngang nas bying rgod skye ba gnyis 'byung ba'i snga ma ni dran
pa stor nas yun ring bar bying rgod byung ba'ang ngos ma zin pas
shin tu

lhod pa yin pas sngar bshad pa'i skyong tshul phyi mas 'di'i
gnyen po byed cing skyong tshul snga mas ni dmigs pa ma brjed
pa'i ngos nas bying rgod skyes pa 'gog cing shes bzhin stobs
chen gyi rgyud dgos so)/ /zhes gsungs so/ /sems kyis gsal bar
mthong ba zhes gsungs pas yul gsal

ba tsam la mi zer gy blo'i 'dzin stangs shin tu gsal zhing dam
pa la zer ba yin no/ /dran pa'i bsten lugs 'di shin tu gal che
ste/ 'di ma shes par bskyangs pa'i rtags su sgom ji tsam mang du
byas pa tsam du brjed ngas che ru 'gro ba dang

@34a @#/ /chos rnams so sor 'byed pa'i shes rab rtul du 'gro ba
sogs kyi skyon shin tu mang po 'jug pa la/ ting nge 'dzin brtan
po yod par rlob pa byed par snang ngo/ /de ltar sngar bshad pa
ltar dran pas sems

dmigs pa la btags pa de'i tshe dmigs pa legs par 'dzin nam mi
'dzin gyi bya ra byed pa'i rtog pa bskyed du rung ngam snyam na/
'di ni bya dgos pa yin te/ sgom rim bar pa las/ de ltar gang la
'dod pa'i dmigs pa de la sems bzhag

nas de nyid la phyir bzhin rgyun du sems gzhag par bya'o/ /de la
nye bar bzhag nas sems la 'di ltar dpyad par bya ste ci dmigs pa
la sems legs par 'dzin tam 'on te bying ngam 'on te phyir rol
gyi yul la rnam par 'char bas rnam par

g.yengs sam snyam du brtag par bya'o/ /zhes gsungs pa'i phyir
ro/ /'di yang ting nge 'dzin btang nas de ltar blta ba min gyi/
ting nge 'dzin la gnas bzhin pa'i ngang nas rtsa ba'i dmigs pa
la sngar bzhag pa ltar gna smi gnas dang mi gans

na bying rgod gang du song blta ba tsam byed pa ste/ ting nge
'dzin la bzhag nas ha cang thung ba'i dus kyang ma yin ha cang
ring ba yang ma yin par bar bar du byar byed pa yin no/ /blo
snga ma'i shugs dang ngar ma zad tsam nas 'di byas pa na blo
de'i ngar

skyes nas ngar ldan la gnas pa'i yun ring du 'gro ba dang bying
ba dang rgod pa myur du rtogs pa'i dgos pa yod do/ /de bzhin du
bar bar du dmigs pa snga ma dran tsam dran tsam byas nas skyong
ba la yang dran pa stobs che ba dang rgyun ldan du 'jug pa'i
rgyur 

@34b dgos pas dran pa'i skyong tshul yin te/ nyansa las/ de la
sems rtse gcig pa nyid gang zhe na/ smras pa/ (nga/ sngar thos
msam gyis) yang dang yang du rjes su dran pa dang cha mthun pa
la dmigs pa dang rgyun dang ldan pa dang kha na ma tho ba med pa
dang dga'

ba dang ldan pa'i sems kyi rgyun gang yin pa ste/ de ni ting nge
'dzin ces kyang bya dge ba'i sems rtse gcig pa nyid ces kyang
bya'o/ /de la ci zhig yang dang yang du rjes su dran par byed ce
na/ smras pa chos gang dag bzung zhing mnyan pa dang/ bla ma dag

las gdams shing rjes su bstan pa thob pa gang yin pa de'i dbang
du byas nas mnyam par bzhag pa'i sa pa'i mtshan ma sngon du bya
ste/ dmigs pa de la rgyun dang ldan pa'i dran pas rjes su 'jug
par byed cing nye bar gtod par bya'o zhes dang/ dbus

mtha'i 'grel bshad las kyang/ dran pa ni dmigs pa ma brjed pa'o/
/zhes bya ba ni sems gnas par bya' ba'i gdams ngag yin gyis
brjod ces bya ba'i tha tshig go /zhes gsungs pas dran pa bsten pa
ni dmigs pa las g.yeng ba'i brjed ngas

'gog pa'i ched du yin pas de 'gog pa'i dmigs pa ma brjed pa ni
yid kyis dmigs pa brjod pa ste yang yang dmigs pa yid la byed
pa'o/ /dper na shes pa'i don 'ga' zhig brjed kyis dogs pa na/
yang yang yid la dran par byas na brjed dka'

ba dang 'dra'o/ /des na dmigs pa bar bar du dran par byed pa ni
dran pa stobs ldan skye ba la dgos la/ sems dmigs pa las gzhan
du mi g.yeng bar tshir ri bzung nas bya ra byed pa ni bying rgod
rtogs pa'i shes bzhin mthun ldan du 'gro ba'i thabs

@35a @#/ /yin pas de 'dra ba de la yang rtog pa yin snyam nas
bkag na dran pa dang shes bzhin stobs ldan skye bar shin tu dka'
bar shes par bya'o/ /gsum pa thun gyi tshad bstan pa ni/ 'o na
dran pas sems dmigs

pa la btags pa de la 'di tsam bar du 'jog ces pa'i thun tshad
nges pa yod dam med ce na/ 'di la bod kyi brgyud pa so so'i bla
ma gong ma thams cad thun chung la grangs mang bar bya dgos
gsung ngo/ /de'i rgyu mtshan yang kha cig na re thun chung nge 

ba'i sgom dang bzang gyes byas na rting ma res kyang bsgom pa la
brod la thun ring na sun par 'gyur ba re 'dod cing/ gzhan dag ni
thun ring na bying rgod kyi dbang du 'gro sla bas ting nge 'dzin
skyon med skye dka' bar bzhed do/ /nyan sa la sogs pa'i

gzhung che ba rnams nas thun gyi tshad gsal bar bzung ba mi snang
yang/ sgom rim tha ma las/ (ba/ bying rgod dang bral ba'i skyong
tshul) de lta bu'i rim pa 'dis (ba/ nyin zhag gcig la cha drug
cur phye ba'i) chu tshod gcig gam (nga/ mel tshe zhes ba bya ra
byed pa'am so btsugs pa'i don yin cing

de nus mi nus kyang shes bzhin gyis bying rgod sngar byung ma
byung dang da dung 'byung mi 'byung so btsugs nas bltas pa na da
dung yun 'di tsam zhig la bying rgod mi 'byung bar nges snyam
pa'i gdengs thob pa na mel tshe nus pa'i don yin pas de tshun la
thun 'jog mi dgos pa dang bying rgod sngar byung ba'am da dung
yang 'byung bar dgos

pa na de'i nyams dang bstun nas thun 'jog dgos zhes pa ste khang
steng nas jag pa sogs yod med rgyang so btsugs pa na med par
nges na zon lhod chog gi /yod med ma nges pa'am yod par dogs na
zon lhod mi chog pa lta bu'o zhes gsungs)/ mel tshe (ba/ ji srid
bar nus pa de srid du) thun phyed dam thun gcig

@35b gam ji srid nus pa de srid du (ba/ mnyam par bzhag la) 'jug
par bya'o/ /zhes gsungs la/ 'di zhi gnbas grub zin nas lhag
mthong bsgom pa'i dus kyi thun tshad kyi skabs su gsung snang
yang/ thog mar  zhi gnas bsgrub pa'i skabs su yang 'dra bar
mngon 

pas de ltar bya'o/ /de yang sngar bshad pa ltar gyi dran pa dang
shes bzhin gyi skyong lugs dmigs pa dran pa dang bya ra byed
pa'i lta rtog bar bar du byed na thun cung ring yang skyon du mi
'gyur mod/ 'on kyang las dang po pa phal che ba la thun ring na/
yang

na brjed pas skyes nas yengs nas 'gro zhing de'i tshe sems bying
ba'am rgod pa gang byung yang yun ring po zhig nas ngo shes pa
tsam ma gtogs pa myur por ngos mi zin la/ yang na dran pa ma
brjed kyang bying rgod kyi dbang du 'gro sla zhing bying rgod
byung ba rnams 

myur por ngos mi zin par snang ngo/ /de gnyis kyi snga mas ni
dran pa stobs ldan skye ba la bar du gcod par 'gyur la/ phyi mas
ni shes bzhin stobs ldan skye ba la bar du gcod pas bying rgod
gcod pa shin tu dka' bar 'gyur ro/ /khyad par du dmigs

pa brjed nas yengs te bying rgod byung ba ngos mi zin pa ni/
dmigs pa ma brjed pa'i ngang nas bying rgod myur por ngos mi zin
pa las ches shin tu ngan pa yin pas yengs nas 'gro ba'i dran pa
nyams pa 'gog pa'i gnyen po sngar bshad pa ltar gyi dran

pa skyong tshul gal che ba yin no/ /yengs nas 'gro ba'i brjed
ngas che ba dang bying rgod myur por ngos mi zin pa'i shes bzhin
mthun chung na thun chung du dgos la/ brjed ngas skye dka' zhing
bying rgod myur du rtogs nus par snang na/ thun chung ring yang
skyon 

@36a @#/ /med pa la dgongs nas chu tshod gcig la sogs pa'i yun
tshad ma nges par gsungs shing/ mdor na rang gi blo'i nus pa dang
bstan dgos pas ji srid nus pa de srid du zhes gsungs pa yin no/
/gzhan 

yang lus dang sems la glo bur ba'i gnod pa ma byung na mnyam par
'jog la/ byung u tshugs byas te mi bsgom par de ma thag bzhag
nas khams kyi bar chad bsal te bsgom pa ni mkhas pa rnams kyi
dgongs pa yin pas de ltar

byed pa'ang thun ji tsam gyi bar du bsgom pa'i yan lag tu shes
par bya'o/ /gsum pa dmigs pa la gtad pa'i 'og tu ji ltar bya ba
la gnyis/ bying rgod byung ba'i dus su ji ltar bya ba dang/
bying rgod dang bral ba'i dus su ji ltar bya

ba'o/ /dang po la gnyis/ bying rgod ngos mi zin pa'i gnyen po
bsten pa dang/ ngos zin kyang de spong ba'i phyir du mi rtsol
ba'i gnyen po bsten pa'o/ /dang po la gnyis/ bying rgod kyi
mtshan nyid gtan la dbab pa dang/ bsgom pa'i dus

su de rtogs pa'i shes bzhin bskyed pa'i thabs so/ /dang po la/
rgod pa ni/ kun las btus las/ rgod pa gang zhe na sdug pa'i
mtshan ma'i rjes su 'jug pa'i 'dod chags kyi char gtogs pa'i sems
rnam par ma zhi ba ste zhi gnas kyi

bar du gcod pa'i las can no/ /zhes gsungs pa ltar te/ 'di la
gsum las/ 1 dmigs pa ni/ yul yid du 'ong zhing sdug pa'o/ 2
/rnam pa ni/ sems rnam par ma zhi zhing phyir la 'phro ba ste
'dod chags kyi cha shas cig yin pas

@36b yul srid pa'i rnam pas 'jug pa'o/ 3 /byed las ni/ sems
dmigs pa la gnas pa'i bar gcod byed pa'o/ /sems nang du dmigs pa
la btags pa na gzugs sgra sogs la chags pa'i rgod pas dbang med
du yul de dag la sems

'dren zhing g.yeng bar byed de/ (slob dpon tsandra gau mi ni)
bshags bstod las/ ji lta ji ltar zhi gnas la dmigs shing/ /de
dang der yid yang yang gtad pa na/ /(ba/ sems dmigs pa) de dang
de (ba/ la gtad pa) las nyon mongs zhags pa ni/ /(ba/ spyir mang
po yod

pa'i nang nas) yul la chags pa (nga/ rgod pa) 'i thag pas dbang
med drangs/ /zhes gsungs pa ltar ro/ /'o na nyon mongs gzhan gyi
sgo nas sems dmigs pa las gzhan du g.yeng bar byed pa'i 'phro
ba dang de bzhin du dge pa'i dmigs pa gzhan la

'phro ba de rgod pa yin nam zhe na/ rgod pa ni 'dod chags kyi
cha shas zhig yin pas/ (ba/ de la 'dod chags kyis khyab pas)
nyon mongs gzhan gyi sgo nas g.yeng ba ni rgod pa min gyi/ nye
nyon nyi shu'i nang tshan gyi sems byung rnam g.yeng yin no/
/dge ba'i 

dmigs pa la 'phro ba ni dge ba'i sems dang sems byung ci rigs su
'gro bas 'phro ba thams cad rgod pa min no/ /bying ba ni/ 'gyur
mang po las zhum pa zhes par yang bsgyur te/ yi shi ba'i zhum pa
dang ni mi gcig go (nga/ bying ba dang skabs 'di'i zhum pa

zhes pa don gcig cing/ gnyid rmugs sogs kyis non pa las skye bar
gsungs so/ /de yang sems kyis dmigs pa'i 'dzin stangs ltod nas
dmigs pa shin tu gsal bar mi 'dzin pa'am dam par mi 'dzin pa
gsal cha'i ngar ram blo shugs can med pa zhig yin pas dwangs cha
dang yul gsal btsam yod kyang

@37a @#/ /sems kyis dmigs pa gsal bar mthong ba'am dmigs pa'i
'dzin stangs gsal bar med na bying bar 'gro ste/ sgom rim las/
gang gi tshe zhes pa nas sems kyis dmigs pa gsal bar mi mthong ba
de'i tshe bying bar gyur par rig par bya'o/ /zhes gsungs so/ /de
yang 

dmus long lta bu'am zhes sogs kyis bying ba de sems nyog nyog
por song ba'i thibs po la ngos bzung ba ma yin te/ de ni rmugs
pa yin gyi bying ba ma yin pa'i phyir te/ sems kyis dmigs pa
gsal bar mi mthong zhes gsungs pa'i phyir)/ de'i mtshan nyid la
gangs ri'i khrod kyi bsam

gtan pa phal mo che rnams ni/ yul gzhan la 'phro ba med par gnas
shing gsal dwangs ni med pa'i sems rmugs pa zhig pa bying bar
'dod par snang ngo/ /'di ni mi rigs te rmugs pa ni bying ba'i
rgyur gsungs pas de gnyis so so yin

pa'i phyir te/ sgom rim bar pa las/ de la gal te rmugs pa dang
gnyid kyis non nas sems bying ngam bying du dogs par mthong na
zhes gsungs pa'i phyir dang/ dgongs 'grel las kyang/ gal te
rmugs pa dang gnyid kyis bying ba'am snyoms

par 'jug pa'i nye ba'i nyon mongs pa gang yang rung bas nyon
mongs par gyur na de ni nang du sems rnam par g.yeng ba yin no/
/zhes rmugs pa dang gnyid kyi mthus sems bying na nang gi rnam
g.yeng du gsungs pa'i phyir ro/ /(nga/ des na 'dod chags las

gzhan pa'i nyon mongs kyis sems gzhan du g.yeng ba rnam bying
ba shas che ba yin par ma zad/ mi sdug pa bsgom pa'i tshe de'i
'dzin stangs shor nas byams pa'i blo skyes pa sogs kyang bying
bar bzhed pas bying ba la dge ba'ang yod do)/ /kun las btus las
kyang/ bying ba nye nyon gyi rnam g.yeng gi

@37b skabs su bshad mod kyang/ der bshad pa'i rnam g.yeng la
dge ba yang byung bas nyon mongs can du ma nges so/ /des na
rmugs pa ni/ kun las btus las/ rmugs pa gang zhe na/ gti mug gi
char gtogs pa'i sems las sum rung ba

nyid de/ nyon mongs pa dang nye ba'i nyon mongs pa thams cad kyi
grogs byed pa'i las can no/ /zhes gsungs pas/ gti mug gi cha
shas lus dang sems lci zhing las su mi rung ba yin te/ mdzod
'grel las/ rmugs pa gang zhe na/ lus lci ba

nyid dang sems lci ba nyed de lus las su mi rung ba nyid dang
sems las su mi rung ba nyid gang yin pa'o/ /zhes gsungs so/
/bying ba ni/ sems kyis dmigs pa 'dzin pa'i 'dzin stangs lhod
nas dmigs pa shin tu gsal ba'am/ dam par mi

'dzin pa yin pas dwangs cha yod kyang dmigs pa'i 'dzin stangs
shin tu gsal ba med na bying bar 'gro ste/ sgom rim bar pa las/
gang gi tshe dmus long lta bu'am mi mun par zhugs pa lta bu'am
mig btsums pa lta bur sems kyis dmigs

pa gsal bar mi mthong ba de'i tshe bying bar gyur par rig par
bya'o/ /zhes gsungs pa'i phyir/ /(nga/ des na bying ba'i rgyu la
sems kyi 'dzin stangs lhod nas sems 'phangs dma' ru song ba
dang/ gnyid rmugs sogs kyi rgyus sems la mun pa bab pa lta bu'i
yul mi gsal ba dang/ 

sems nang du dmigs pa la bsdus drags pa rnams su yod pa las
sangs rgyas kyi sku gzugs la dad pa dang dal 'byor gyi yon tan
sogs bsams nas sems gzengs bstod pa ni dang po'i gnyen po dang/
snang ba'i 'du shes bsgom pa ni bying ba'i rgyu gnyid rmugs sogs
gnyis ka'i gnyen po dang/ dmigs

@38a @#/ /pa rgyab bskyed nas so sor rtog pa'i shes rab kyis
dpyod pa sogs ni gsum pa'i gnyen po yin no/ /snang ba'i 'od kyi
mtshan ma yang yang bsgom pa ni mi'i rigs 'ga' zhig la dmigs pa
bsgom pa na/ mun pa bab pa lta bu'i mi gsal ba 'ong ba la snang
ba'am 'od kyi

mtshan ma bsgom pa shin tu gal che zhing/ de ltar min kyang de
yang yang bsgom na dmigs pa thams cad la gsal cha'i khyad che'o
zhes gsungs)/ gzhung che ba gzhan nas bying ba'i mtshan nyid gsal
bar bzung ba ma mthong ngo/ /bying ba la ni/ dge ba dang lung ma
bstan

gnyis yod la/ rmugs pa ni mi dge ba dang bsgribs la lung ma
bstan gang rung dang gti mug gi cha shas kho na yin no/ /gzhung
che ba rnams nas kyang/ bying ba sel ba la sangs rgyas kyi sku
gzugs la sogs pa dga' ba'i yul yid la bya ba

dang; snang ba bsgoms nas sems gzengs bstod dgos par gsungs pas
sems la mun pa bab pa lta bu'i yul mi gsal ba dang/ blo'i 'dzin
stangs 'phangs dma' ru song ba rnams dkag nas dmigs pa gsal ba
dang 'dzin stangs

kyi grims cha gnyis char dgos kyi/ yul gsal ba tsam dang yul can
gyi dwangs cha tsam gyis mi chog go /rgod pa rig par sla la
bying ba khungs thub pa'i gzhung che ba rnam nas gsal bar ngos
ma bzung bas shes dka' bar snang zhing shin tu

gal yang che bar snang ste 'di la ting nge 'dzin skyon med du
'khrul sa che bar snang ba'i phyir ro/ /de'i phyir blo zhib mos
nyams myong gi steng nas/ sgom rim du gsungs pa ltar legs par
brtags la ngos zin par bya'o/ /bying rgod rtogs pa'i shes

@38b bzhin bskyed pa'i thabs ni/ bying rgod kyi go ba yod pa
tsam gyis mi chog gi bsgoms pa'i tshe na bying rgod byung ma
byung ji lta ba bzhin shes pa'i shes bzhin bskyed thub pa zhig
dgos so/ /de yang shes bzhin stobs ldan rim gyis bskyed

pas bying rgod byung ba'i de ma thag tu de ngos zin pa'i shes
bzhin skye thub pa lta ci smos te/ dngos su ma skyes par skye
ba'i grabs byed pa nas rig pa'i shes bzhin skye dgos te/ sgom
rim phyi ma gnyis las/ sems bying ngam bying du dogs

par mthong na/ zhes pa dang/ sems rgod pa'am rgod du dogs par
mthong ba/ zhes gsungs pa'i phyir ro/ /de lta bu'i shes bzhin
zhig ma skyes kyi bar du/ 'di nas 'di'i bar la bying rgod med
pa'i sgom skyon med byung ngo zhes thag

bcad kyang steng du mi 'gro ste/ bying rgod byung yang nges par
mi nus pa'i phyir te shes bzhin stobs ldan ma skyes pa'i phyir
ro/ /de ltar yang/ dbus mtha' las/ bying dang rgod pa rtogs pa
dang/ /zhes bying rgod rtogs pa la shes bzhin

dgos par gsungs pa'i phyir ro/ /de ltar na bying rgod byung na
mi rig pa mi srid pa'i shes bzhin ma skyes na dus ring por bsgom
lo byas kyang bying rgod byung bzhin du mi tshor bar bying rgod
phra mos dus 'da' ba yin no/ /'o na shes bzhin de ji ltar

bskyed snyam na 'di la sngar bstan pa'i dran pa'i skyong lugs
de/ rgyu gal che shos cig yin te/ 'di ltar dran pa rgyun ldan pa
de bskyed nus na dmigs pa brjed nas yengs te 'gro ba dgag par
nus pas bying rgod skyes pa yun ring por mi

@39a @#/ /tshor bldog pas bying rgod rtogs sla ba'i phyir te/ dran
pa nyams pa'i dus kyi bying rgod rig pa dang ma nyams pa'i dus
kyi bying rgod rig pa'i dus ring thung gnyis myong ba la bsgor
nas bltas na ches

gsal lo/ /de la dgongs nas spyod 'jug las kyang/ gang tshe dran
pa yid sgo nas/ /bsrung ba'i don du gnas gyu ra pa/ /de tshe shes
bzhin 'ong 'gyur zhing/ /zhes pa dang/ dbus mtha'i 'grel bshad
las kyang/ shes bzhin ni

dran pa ma brjed par gyur na/ bying ba dang rgod pa rtogs pa'o/
/zhes bya ba ni dran pa nye bar gnas pa shes bzhin dang ldan par
'gyur ro/ /de'i phyir dran pa ma brjed par gyur na zhes bya ba
smos te/ zhes gsungs so/ /rgyu gcig ni shes

bzhin gyi skyong lugs thun mong ma yin pa yin te/ de ni sems lha
sku sogs bzung ba'i rnam pa la dmigs pa'am myong ba rig tsam
gsal tsam sogs 'dzin pa'i rnam pa la dmigs nas sngar bshad pa
bzhin dran pa bsten pa'i ngang

nas/ de las gzhan du 'phro mi 'phro la bya ra thu re byas nas
sems 'dzin pa yin te/ 'di ni shes bzhin skyong ba'i gnad du
bzung ngo/ /(ba/ dran pa'i skyong lugs nyid shes bzhin gyi rgyu
yang yin la sems 'phro mi 'phro bya ra thu re byed pa ni shes
bzhin gyi thun mong min

pa'i rgyu'o)/ /de ltar yang/ spyod 'jug las/ llus dang sems kyi
gnas skabs la/ /yang dang yang du brtag bya ba/ /de de kho na
mdor na ni/ /shes bzhin bsrung ba'i mtshan nyid do/ /zhes gsungs
pa ltar ro/ /des na 'di na 'dis ni bying rgod skye ba'i

@39b grabs byed pa nas rig pa'i shes bzhin bskyed la/ dran pa
bsten tshul gyis ni yengs nas 'gro ba'i brjed ngas 'gog pa yin
pas legs par dmigs phyed pa zhig dgos so/ /de lta ma yin par blo
de rnams thams cad gcig tu 'dres

nas dmigs phyed pa'i go ba med par deng sang skyong ba bzhin du
bskyangs na rgyu tham thom gyis bsgrubs pa'i 'bras bu ting nge
'dzin kyang de 'dra zhig byung du dogs so/ /des na gzhung khungs
thub chen mo re dang bstun te shin tu zhib pa'i rnam

dpyod kyis dpyad nas nyams len gyis gtan la phab pa zhig shin tu
gal che yi/ snying rus tsam la re bar mi bya ste/ (ba/ 'phags pa
dpa' bos) phar phyin bsdus pa las/ (ba/ shes rab med na) brtson
'grus gcig pu byas pa (ba/ sa chod chen po mi 'ong bas) ngal

ba'i mtha' (ba/ tsam du zad la brtson 'grus de la)/ /shes rab
(ba/ kyi) grogs kyis bskyangs na (ba/ ste stongs btab pa'am phan
btags na) don chen 'grub/ /ces gsungs pa'i phyir ro/ /gnyis pa
ngos zin kyang de spong ba'i phyir du mi rtsol ba'i gnyen po
bsten pa

ni; sngar bshad pa ltar dran pa dang shes bzhin gyi skyong lugs
legs par byas pas dran shes shin tu stobs dang ldan pa skyes te/
bying rgod shin tu phra ba'ang shes bzhin gyis rig par nus pas
bying rgod byung ba ngos mi zin pa'i skyon med kyang

de gnyis byung ma thag nas 'gog pa'i rtsol ba mi bsten par dang
du len pa'i mi rtsol ba'am 'du mi byed pa ni ting nge 'dzin gyi
skyon shin tu che ba yin te/ de ltar byas na blo lang du song
nas bying rgod dang bral ba'i ting nge 'dzin bskyed par shin tu
dka' 

@40a @#/ /pa'i phyir ro/ /des na bying rgod byung ba spong ba la
'du mi byed pa'i gnyen por 'du byed pa'am rtsol ba zhes btags
pa'i sems pa bsgom par bya'o/ /'di la gnyis/ sems pa ngos bzung
zhing bying rgod 'gog

pa'i tshul dang/ gang la brten nas bying rgod skye ba'i rgyu ngos
bzung ba'o/ /dang po ni/ kun las btus las/ (ba/ skabs 'dir sems
pa dang 'du byed don gcig go)/ sems pa gang zhe na sems mngon
par 'du byed pa yid kyi las te/ dge ba dang mi dge ba

dang lung du ma bstan pa rnams la sems 'jug par byed pa'i las
can no/ /zhes gsungs pa ltar shes par bya'o/ /de yang dper na
rdo kham len gyi dbang gis lcags rang dbang med par g.yo ba
ltar sems dge mi dge lung ma bstan gsum po gang

rung la g.yo zhing bskul bar byed pa'i sems byung ni sems pa
yin pas 'dir ni bying rgod gang rung byung ba na de spong ba la
sems mngon par 'du byed pa'isems pa bzung ngo/ /'o na de ltar
bying rgod spong ba la sems mngon par bskul nas

bying rgod 'gog tshul ci 'dra ba zhig byed ce na/ 'di la sems
bying ba ni ha cang nang du bsdus drags nas dmigs pa'i 'dzin
stangs shor ba yin pas de la ni sems phyir la 'phro ba'i rgyur
gyur pa dga' ba'i dngos po yid la bya ste/ de yang sangs

rgyas kyi sku shin tu mdzes pa lta bu yin gyi/ nyon mongs skye
ba'i dga' ba min no/ /yang na nyi 'od la sogs pa'i snang ba'i
mtshan ma yid la byas la bying ba sangs pa na de ma thag nas
dmigs pa'i 'dzin stangs dam par byas la bskyang ste/ sgom rim

@40b dang po las/ ji ste gang gi tshe rmugs pa dang gnyid kyis
non te dmigs pa 'dzin pa la mi gsal shing sems bying bar gyur pa
de'i tshe/ snang ba'i 'du shes bsgom pa'am mchog tu dga' ba'i
dngos po sangs rgyas la sogs pa'i yon tan yid

la byed pas bying ba bsal la dmigs pa de nyid dam du bzung ngo/
/zhes gsungs pa ltar ro/ /'di la skyo ba'i dmigs pa bsgom par mi
bya ste skyo shas ni sems nang du sdud pa'i rgyu yin yin pa'i
phyir ro/ /so sor rtog pa'i shes rab kyis gang la dpyod

par 'dod pa'i yul la dpyad nas spros na'ang bying ba ldog ste/
phar phyin bsdus pa las/ kha/ lhag mthong brtson pa (ba/ ste
shes rab kyis dpyad pa) 'i stobs kyi mthus/ /ka/ zhum pa (ba/
ste bying ba) ga/ gzengs kyang bstod/ /ces gsungs so/ /de

ltar bying ba'am zhum pa ni dmigs pa'i 'dzin ltangs 'phangs dma'
ru song bas bying ba dang/ ha cang nang du bsdus pas na zhum pa
zhes bya ba yin pas 'dzin stangs bstod pa dang dmigs pa rgya
bskyed nas spros pas ldog pa yin te/ dbu ma

snying po las/ zhum pa dmigs pa rgya chen dag /bsgoms pas yangs
pa nyid du bya/ /zhesdang/ zhum pa yang ni brtson 'grus kyi/
/phan yon mthong bas gzengs bstod bya/ /zhes dang/ bslab btus
las kyang/ de la yid zhum na dga' ba

bsgoms nas gzengs bstod par bya'o/ /zhes mkhas grub chen po
rnams kyis mthun par gsungs pas bying ba 'gog pa'i gnyen po gal
che shos ni dkon mchog gsum dang byang chub kyi sems kyi phan
yon dang dal ba thob pa don che ba

@41a @#/ /sogs kyi yon bsams pa na/ gnyid yur pa'i gdong du chu
grang mo btab na rig pa sing yer gyis 'gro ba ltar 'gro thub pa
zhig dgos te/ 'di phan yon gyi phyogs rnams la so sor rtog

pa'i dpyad sgom gyis myong ba thon pa la rag las so/ /gang la
brten nas bying ba skye bar 'gyur ba'i rgyu rmugs pa dang gnyid
dang de gnyis 'dren pa'i chos sems mun pa'i rnam pa can du snang
ba goms pa'i gnyen po bsten na'ang de dag la

brten pa'i bying ba mi skye zhing skyes pa ldog par 'gyur ro/
/'di la spyod lam ni 'chag pa dang snang ba'i mtshan ma legs par
yid la bzung nas yang dang yang du goms par byed pa dang sangs
rgyas dang chos dang dge 'dun dang tshul khrims dang

gtong ba dang lha rjes su dran pa drug gang rung ngam/ de las
gzhan pa'i dang bar 'gyur pa'i dmigs pa rnams kyis sems yang dag
par 'zengs bstod pa dang/ rmugs gnyid kyi nyes dmigs ston pa'i
chos rnam kha ton du 'don pa dang

phyogs rnams dang zla skar la btla ba dang gdong chus 'khru ba
sogs bya bar nyan sa las bshad do/ /de yang bying ba shin tu
srab pa dang dang lan re tsam las mi 'ong na sems kyi 'dzin
stangs grims par byas te bsgom par bya la/ bying ba 'thug pa

dang yang yang 'ong bar snang na ting nge 'dzin bsgom pa'i 'phro
bshol la gnyen po de rnams ci rigs par bsten nas bying bsangs pa
dang bsgom par bya'o/ /sems gang la bzung ba'i kha nang blta
dang phyir blta'i dmigs pa mi gsal bar sems

@41b la mun pa bab pa lta bu'i rnam pa sbrab 'thug gang rung
snang na de ma bsal bar bsgoms na bying ba bcad dka' bas de'i
gnyen por 'od kyi snang ba yang yang bsgom par bya ste nyan sa
las/ snang ba dang ldan pa dang 'dod dang ldan pa dang/ 'od gsal

ba dang mun pa med pa'i sems kyis zhi gnas dang lhag mthong yang
dag par sgoms shig /khyod de ltar zhi gnas dang lhag mthong gi
lam la snang ba'i 'du shes bsgom pa na/ gal te dang po nyed nas
dmigs pa la mos pa rnam par mi gsal zhing

snang ba chung bar gyur na yang bsgom pa goms par byas pa'i rgyu
de dang rkyen des dmigs pa de la mos pa rnam par gsal ba dang
snang ba chen po nyed du 'gyur ro/ /gal te dang po nyid nas rnam
par gsal ba dang snang ba chen por gyur pa yin

na ni/ de phyir zhing rgya cher zhing rgya cher shin tu rnam par
gsal ba dang shin tu snang ba chen po nyid du yang 'gyur ro/
/zhes thog ma nas dmigs pa gsal na'ang bsgom par bya bar gsungs
na mi gsal na lta ci smos pa'i phyir ro/ /snang ba'i mtshan

ma ji 'dra ba zhig bzung ba yang de nyid las/ mar me'i 'od las
sam me'i pung po'i 'od las sam nyi ma'i dkyil 'khor las snang
ba'i mtshan ma zung shig /ces gsungs pa ltar ro/ /snang ba'i
mtshan ma bsgom pa 'di ni ting nge 'dzin

gyi dus kho nar ma zad pas gzhan du yang bya'o/ /rgod pa ni
chags pa'i sgo nas gzugs sgra sogs kyi yul la sems rgyug pa yin
pas de la ni yid nang du sdud pa'i rgyu yid 'byung ba'i dngos po
yid la bya la/ des rgod pa zhi ma thag sngar gyi

@42a @#/ /dmigs pa la sems mnyam par bzhag ste/ sgom rim dang po
las/ gang gi tshe sngon rgod pa dang rtses pa la sogs pa dran
zhing bar bar du sems rgod par mthong ba de'i tshe mi rtag pa la
sogs pa yid 'byung

bar 'gyur ba'i dngos po yid la byed pas rgod pa zhi bar bya'o/
/de nas yang dmigs pa de nyid la sems mngon par 'du byed pa med
par 'jug pa la 'bad par bya'o/ /zhes dang/ dbu ma snying po las
kyang/ rgod pa mi rtag la sogs pa/ /yid la byed

pas zhi bar bya/ /zhes dang/ g.yengs pa g.yengs pa'i mtshan ma
la/ /nyes dmigs blta bas bsdu bar bya/ /zhes dang/ bslab btus
las kyang/ rgod par gyur na mi rtag pa yid la bya bas rab tu zhi
bar bya'o/ /zhes gsungs pas rgod pa

shugs drag pa'am rgyun ring ba byung na re zhig la bsgom pa
glong la skyo shas bsgom pa gnad du 'gro ba yin gyi sems 'phros
res kyis bkug cing 'jog pa min no/ /rgod pa de tsam du shas mi
che ba la ni 'phros pa de bkug nas dmigs pa la

gdags par bya ste/ phar phyin bsdus pa las/ rgod par gang tshe
gyur ba'i yid/ /zhi gnas tshul gyis bzlog par bya/ /zhes dang/
mdo las sems rab tu 'jog go /zhes gsungs pa rgod pa'i gnyen por
sa sde las gsungs pas so/ /spyi tsam nas

sems rgod na dmigs pa la rab tu 'jog pa dang sems bying na dga'
ba'i yul la rab tu 'dzin pa gnyis gsungs te/ nyan sa las/ de
ltar sems nang du mgon par bsdus pa na de zhum par gyur pa'am
zhum par dogs par mthong ba de'i tshe

@32b na rab tu 'dzin pa'i mtshan ma dang bar 'gyur ba gang yang
rung bas rab tu 'dzin par byed cing/ rab tu dga' bar byed pa ste
de ni sems rab tu 'dzin par byed pa yin no/ /ji ltar na rab tu
'jog par byed pa yin zhe na rab tu 'dzin pa'i

dus na sems rgod pa'am rgod par dogs par mthong ba de'i tshe
na'ang sems nang du mngon par sdud par byed cing zhi gnas la rab
tu 'jog par byed pa yin no/ /zhes gsungs so/ /sems rgod pa la ni
dang zhing dga' ba'i yul yid la mi

bya ste de ni phyi rol tu g.yeng ba'i rgyu yin pa'i phyir ro/
/bying rgod skye ba'i rgyu ngos bzung ba ni/ sa'i dngos gzhi
las/ bying ba (ba/ dang rgod pa) 'i mtshan ma (ba/ 'am rgyu) gang
zhe na dbang po'i sgom bsrungs pa dang/ kha zas kyi tshod ma zin
pa dang nam gyi

cha stod dang nam gyi cha smad la mi nyal ba'i sbyor ba la mi
brtson pa dang shes bzhin ma yin par gnas pa (ba/ 'i bar bzhi ni
gnyis ka'i thun mong gi rgyu) dang/ (ba/ de nas bying ba'i rgyu
la) gti mug spyod pa dang gnyid che ba dang thabs mi shes pa
(ba/ gsum) dang (ba/ de nas yang bying

ba'i rgyur) le lo dang ldan pa'i 'dun pa dang (ba/ de dang ldan
pa'i) brtson 'grus dang (ba/ de dang ldan pa'i) sems dang (ba de
dang ldan pa'i) dpyod pa dang (ba/ yang bying ba'i rgyur) zhi
gnas la goms pa dang/ zhi gnas yongs su byang bar ma byas pa'i
zhi gnas kyi phyogs

gcig yid la byed pa dang sems mun pa lta bur 'dug pa dang dmigs
pa la gtod par mi dga' ba'o/ /zhes gsungs te bying ba'i mtshan ma
ni 'dir bying ba'i rgyu la go bar bya'o/ /de la le lo dang ldan
pa zhes pa ni (nga/ le lo dang ldan pa'i 'dun pa sogs kyi

@33a @#/ /don ni le lo mtshan nyid pa min pas sems dmigs pa la
'dzi stangs lhod pa la le lo zhes bshad pa'o)/ /brtson 'grus
dang sems dang dpyod pa gsum la yang sbyar ro/ /yang de nyid
las/ rgod pa'i mtshan ma (ba/ 'am rgyu) gang zhe

na snga ma bzhin du dbang po'i sgo ma bsrungs pa la sogs pa bzhi
dang/ 'dod chags la spyod pa dang nye bar ma zhi pa'i tshul can
dang sems skyo ba med pa dang thabs mi shes pa dang/ sang ma
bzhin du ha cang rab tu 'dzin pa dang ldan pa'i

'dun pa (ba/ dang) la sogs pa (ba/ rab tu 'dzin pa dang ldan
pa'i brtson 'grus de dang ldan pa'i sems de dang ldan pa'i dpyad
pa) dang/ brtson pa la ma goms pa dang rab tu 'dzin pa la byang
bar ma byas pa'i de'i phyogs gcig bsgoms pa dang/ nye du la rtog

pa la sogs pa rgod pa dang mthun pa'i chos gang yang rung bas
sems rnam par g.yengs pa'o/ /zhes gsungs te rgod pa'i mtshan ma
ni rgod pa'i rgyu'o/ /(ba/ rab tu 'dzin pa ni dmigs pa'i 'dzin
stangs dam drags pa'o)/ /ha cang rab tu 'dzin pa ni dga'

ba'i yul la sems bzung drags pa ste/ de dang ldan pa'i 'dun pa
sogs sngar bshad pa bzhi'o/ /de ltar na sngar thun mtshams kyi
nyams len gyi skabs su bstan pa'i dbang po'i sgo sdom pa sogs
bzhi ni bying rgod gnyis ka 'gog

pa la gal che zhing gzhan yang rgyu de rnams shes par byas nas
de dag 'gog pa la brtson par byas na bying rgod gcod pa la shin
tu phan che bar gsal lo/ /des na bying rgod cha phr mo yang shes
bzhin gyis rig par bya la de gnyis ji 'dra zhig

@33b yin kyang dang du mi blang bar rnam pa thams cad du dgag
dgos te/ de ma na mngon par 'du mi byed pa zhes pa'i ting nge
'dzin gyi skyon yin par dbus mtha' las gsungs pa'i phyir ro/
/des na rgod pa dang rnam par g.yeng ba sogs phra mo 

rnams thog ma'i dus su bcad kyang mi chod pas gcad par mi bya'o
snyam nas yal bar 'dor ba dang/ de rnams shugs drag pa dang ha
cang rgyun ring ba'i lu gu rgyud med na/ shugs zhan pa dang
rgyun thung nge bas ni las mi gsog pas bcad mi

dgos so snyam nas de dag spong ba'i phyir du mngon par 'du mi
byed pa de dag gis ni ting nge 'dzin rnam dag bsgrub pa'i tshul
mi she sbzhin du shes par bcos nas ting nge 'dzin don du gnyer
ba rnams bslu ba yin te/ rje btsun byams pa la sogs

pas ting nge 'dzin bsgrub pa'i tshul gtan la phab pa'i lugs las
phyi rol tu gyur pa'i phyir ro/ /de ltar bying rgod 'gog pa la
yang phal che ba la thog mar rgod pa dang rnam par g.yeng bas
bar du gcod pas/ de gcod pa la 'bad dgos la/

de ltar 'bad pas rgod pa dang g.yeng ba rags pa zhig log pa na
gnas cha cung zad rnyed par 'gyur zhing de'i tshe ni bying ba'i
zon bya ba la 'bad do/ /rig pa la shugs bton nas bying zon byas
pa na slar yang rgod pa sngar las phra ba zhig gis

gnas pa la bar du gcod par 'gyur bas/ de gcod pa la 'bad cing de
log pa na gnas cha che ru 'gro la/ de'i tshe yang bying bskye bar
'gyur bas bying ba gcod pa la 'bad do/ /mdor na 'phro rgod las
sems blan te/ nang du dmigs

@44a @#/ /pa la gdags la gnas cha btsal/ gnas cha na ma byung res
kyis bying zon chen po byas te gsal ba'i ngar 'don/ de gnyis re
mos su byas nas ting nge 'dzin skyon med bsgrub par bya yi/
'dzin 

stangs kyi ngar dang ldan pa'i gsal cha med pa'i dwangs pa tsam
gyi gnas cha la re bar mi bya'o/ /gnyis pa bying rgod dang bral
ba'i dus su ji ltar bya ba ni/ sngar bshad pa ltar bying rgod
phra mo yang bcad de bsgoms bas yang na bying ba

dang yang na rgod par 'gyur ba'i mi mnyam pa med par sems mnyam
pa nyid du 'jug par 'gyur ba'i tshe 'du byed pa'am rtsol na ting
nge 'dzin gyi skyon yin pas de'i gnyen por btang snyoms bsgom
par bya'o/ /(nga/ 'di'i btang snyosm ni 'du byed

btang snyoms te de yang bying rgod dang bral ba tsam du ma zad
de'i dpal chogs pa nas yod cing)/ de ltar yang sgom rim bar pa
las/ gang gi tshe bying ba dang rgod pa med par gyur te dmigs pa
de la sems rnal du 'dug par mthong ba de'i tshe rtsol ba glod la

btang snyoms su bya zhing de'i tshe ji srid 'dod kyi bar du 'dug
par bya'o/ /zhes so/ /'o na 'du byed pa'am rtsol ba byas pas
skyon du 'gyur lugs de ji 'dra yin zhe na/ 'di ni sems rgod na
nang du 'gugs pa dang bying na gzengs bstod de

bsgom pas thun 'tshams pa re la bying rgod mi 'byung ba'i gdeng
thob pa'i dus su thog ma'i dus bzhin du bying zon dang rgod pa'i
zon chen po byas shing skyong ba yin te/ de ltar byas na sgom
rim phyi ma gnyis las/ gal te sems mnyam par 

@44b zhugs pa la rtsol ba byas na de'i tshe sems rnam par g.yeng
bar 'gyur ro/ /zhes gsungs pa ltar g.yeng bar 'gyur bas de'i
tshe glod shes dgos so/ /de yang rtsol ba glod pa yin gyi 'dzin
stangs kyi ngar gtong ba min no/ /des na btang snyoms 

bsgom pa 'di bying rgod ma byung ba'i skabs thams cad du byed pa
min gyi bying rgod kyi dpal chogs pa nas yin gyi/ bying rgod kyi
dpal ma chogs pa'i dus su btang snyoms nyid med pa'i phyir ro/
/'o na btang snyoms de ji 'dra zhig yin snyam

na spyir btang snyoms la tshor ba btang snyoms dang tshad med
bzhi'i ya gyal gyi btang snyoms dang 'du byed kyi btang snyoms
gsum gsungs pa las 'di ni 'du byed btang snyoms yin la/ de'i ngo
bo ni nyan sa las/ de la btang snyoms gang zhe na/ zhi

gnas dang lhag mthong gi phyogs kyi dmigs pa la sems kun nas
nyon mongs pa med pa'i (ba/ bying rgod dang bral bas) sems mnyam
pa nyid dang rnal du 'bab pa dang rang gi ngang gis 'jug pa dang
sems nyams bde ba dang sems las su rung

ba'i rjes su rtsol ba med pa'i bya bas gtong ba gang yin pa'o/
/(nga/ dmigs pa de nyid la bzhag nas shes bzhin gyis gsar du
dpyod pa dang dran pa gsar du bsten pa'i brtson 'grus mi byed
pa'o)/ /zhes gsungs pa ltar shes par bya'o/ /de 'dra ba'i btang
snyoms 

thob pa'i tshe ting nge 'dzin bsgom pa na bying rgod ma byung
ba'i skabs su btang snyoms de mtnon du byas la rtsol ba mi drag
par bzhag par bya'o/ /(ba/ 'on kyang rtsol ba glod pa yin gyi
'dzin stangs kyi ngar gtong ba ni min no)/ /'di'i dmigs pa'i
mtshan ma

@45a @#/ /ni; de nyid las/ de la btang snyoms kyi mtshan ma gang
zhe na/ dmigs pa gang gis sems btang snyoms su byed pa dang
dmigs pa de nyid la brtson 'grus ha cang lhag par rzom par mi
byed pa gang yin pa'o/

zhes gsung pa ltar ro/ /btang snyoms bsgom pa'i dus kyang/ de
nyid las/ de la btang snyoms kyi dus gang zhe na/ zhi gnas dang
lhag mthong gi phyogs la sems bying ba dang rgod pa med pa'i tshe
ste/ zhes gsungs pa ltar ro/ /de ltar

ting nge 'dzin skyon med bskyed pa'i tshul bshad pa de rnams ni
dbus dang mtha' rnam par 'byed pa las rje btsun byams pas gsungs
pa ltar yin te/ ji skad du/ (ba/ yang dag spong ba'i brtson
'grus brtsams pa) der gnas (ba/ pa de las sems

su rung ba (ba/ zhi lhag zung 'brel gyi ting nge 'dzin du gyur
pa'i rdzu 'phrul gyi rkang pa de 'byung la de) nyid/ /(ba/ spyan
dang mngon shes sogs yon tan gyi) don rnams thams cad 'byor par
'gyur/ /(ba/ rdzu 'phrul gyi rkang pa de thabs gang las byung
na) nyes pa lnga spong 'du byed brgyad/ /bsten

pa'i rgyu las byunbg ba'o/ /(ba/ nyes pa lnga ni ting nge 'dzin
bsgom pa'i sngon du) le lo dang (ba/ bsgom pa'i dus su) ni gdams
ngag (ba/ gi don) rnams/ /(ba/ pa) dang (ba/ bsgom pa'i skabs
su) bying (ba/ ba) dang rgod pa (ba/ gnyis gcig tu brtsi ba)
dang/ /(ba/ bying rgod byung ba'i tshe gnyen po)

'du mi byed (ba/ pa) dang (ba/ bying rgod med pa'i ting nge
'dzin skyon med yod pa'i tshe) 'du byed (ba/ pa) de/ /'di dag
nyes pa lngar 'dod do/ /(ba/ brtsol ba'i) gnas (ba/ ting nge
'dzin don du gnyer ba'i 'dun pa) dang de la gnas pa (ba/ brtson
'grus) dang/ /(ba/ 'dun pa'i) rgyu

@45b (ba/ dad pa) dang 'bras bu (ba/ shin sbyangs) nyid du'o/
/(ba/ gdams ngag brjed pa'i gnyen po) dmigs pa brjed par ma gyur
dang/ /bying dang rgod pa rtogs pa (ba/ 'i dran shes) dang/
/(ba/ bying rgod byung ba'i tshe) de spong (ba/ pa'i gnyen po)
mngon par 'du byed (ba/ pa'i sems)dang (ba/ bying 

rgod) zhi tshe rnal du 'dzug pa'o/ /(nga/ 'du byed btang snyoms
so)// zhes gsungs so/ /de la der gnas ni mi mthun phyogs bsal
ba'i don du brtson 'grus rtsom pa der gnas pa ste de la sems las
su rung ba'i ting nge 'dzin skye'o/ /de yang mngon 

shes la sogs pa'i don thams cad 'grub par byed pa'i rdzu 'phrul
gyi rkang pa'am gnas yin pas don rnams thams cad 'byor par byed
pa'o/ /de 'dra ba'i ting nge 'dzin de ji ltar byas pas bskyed
na/ nyes pa lnga spong ba'i

phyir du 'du byed pa'i 'du byed brgyad bsten pa'i rgyu las
skye'o/ /nyes pa lnga ni/ sbyor ba'i tshe na le lo nyes pa yin te
ting nge 'dzin la mi sbyor ba'i phyir ro/ /ting nge 'dzin la
brtson pa'i tshe na gdams pa brjed pa nyes pa ste/ dmigs pa

brjed nas sems dmigs pa la mnyam par bzhag pa med pa'i phyir ro/
/nyam par bzhag pa la bying rgod nyes pa ste de gnyis kyis sems
las su rung ba med par byed pa'i phyir ro/ /bying rgod byung
ba'i tshe mi rtsol ba nyes pa ste des de

gnyis zhi bar mi byed pas so/ /bying rgod dang bral ba'i tshe 'du
byed pa'i sems pa nyes pa yin te bying rgod gnyis gcig tu byas
na lnga yin la so sor phye nas nyes pa drug tu yang sgom rim
rnams nas gsungs so/ /de dag gi gnyen po spong

@46a @#/ /pa'i 'du byed brgyad las le lo'i gnyen por bzhi ste/
dad pa dang 'dun pa dang rtsol ba dang shin sbyangs so/ /de nas
brjed ngas dang bying rgod dang 'du mi byed pa dang 'du byed
pa'i gnyen por ni rim pa

ltar dran pa dang bying rgo9d rtogs pa'i shes bzhin dang 'du
byed pa'i sems pa dang rnal du 'jog pa'i btang snyoms yin te de
dag ni sngar rgyas par bshad zin to/ /'di dag ni ting nge 'dzin
bsgrub pa'i gdams pa mchog yin pas/ slob

dpon chen po ka ma la shI la'i sgom rim gsum dang gzhan yang
rgya gar gyi mkhas pa chen po rnams kyis ting nge 'dzin bsgrub
pa'i skabs du mar bshad cing/ lam sgron gyi 'grel par yang zhi
gnas bsgrub pa'i skabs su

bshad pas/ lam rim pa'i bla ma gong ma rnams kyis kyang rags rim
re bshad snang na'ang bsam gtan bsgom par 'dod pa rnams kyis ji
ltar byed mi shes par snang bas rgyas par gtan la phab pa yin
no/ /'di ni sems 

rtse gcig pa'i ting nge 'dzin dran pa dang shes bzhin gyis bying
rgod dang bral bar byas te skyong ba'i gdams ngag thams cad kyi
thun mong ba yin pas mtshan nyid kyi theg pa'i sgos chos yin gyi
sngags la mi dgos so snyam du bzung

bar mi bya ste/ rnal 'byor bla na med pa'i rgyud sder yang
gsungs pas thun mong ba yin pa'i phyir ro/ /de skad du yang dpal
sambu Ti (ba/ kun tu kha sbyor ba) 'i brtag pa dang po'i rab
byed gnyis pa las/ 'dun pa'i ting nge 'dzin spong ba'i 'du

@46b byed dang ldan pa'i rdzu 'phrul gyi rkang pa (ba/ ste mdor
na rdzu 'phrul gyi rkang pa bzhi'i dang po 'dun pa'i rdzu 'prul
gyi rang pa) dben pa la gnas pa/ 'dod chags dang bral ba la gnas
pa 'gog pa la gnas pa yang dag par spong bas yongs su bsgyur ba
ste 

'dun pa des shin tu zhum pa (ba/ ste lhod drags pa) dang gzengs
mtho ba (ba/ ste bsgrims drags pa) ma yin par bsgom pa dang/
zhes brtson 'grus dang dpyod pa dang sems kyi ting nge 'din gsum
la yang de ltar gsungs so/ /sngar bshad pa'i ting nge 'dizn

las su rung ba de nyid rdzu 'phrul la sogs pa'i yon tan bsgrub
pa'i gzhir gyur pas rkang pa dang 'dra bas rdzu 'phrul gyi rkang
pa yin la/ de 'grub pa la sgo bzhi ste 'dun pa drag pos thob pa
dang brtson 'grus rgyun ring pos thob pa dang

dmigs pa rnam par 'byed pas ting nge 'dzin thob pa la 'dun pa'i
ting nge 'dzin brtson 'grus dang dpyod pa'i ting nge 'dzin zhes
zer la/ sngon gyi ting nge 'dzin gyi sa bon sems la yod pa la
brten nas sems rtse gcig pa thob pa las sems

kyi ting nge 'dzin zhes bya bar dbus mtha'i 'grel bshad sogs las
bshad do/ /shin tu zhub pa ni glod drags pa yin la/ shin tu
gzengs mtho ba zhes sbyar ba ni bsgrims drags pa ste de gnyis
dang bral bar bskyang dgos pa'i don no/ /(nga/ 'o na

rdzu 'phrul gyi rkang pa de gang yin/ de bzhi'i khyad par de ji
lta bu snyam na sngar bshad pa'i sems las rung thob pa'i ting
nge 'dzin de nyid la rdzu 'phrul sogs yon gyi rten byed pa la
skyes bu 'gro ba'i rkang pa dang 'dra bas rdzul gyi rkang pa zes
bya la/ de bzhi'i khyad par yang sngon bsgrub pa'i skabs su rgyu
bzhi'i

@47a @#/ /nang nas 'dun pa drag po shas che bas thob pa la 'dun
pa'i rdzu 'phrul gyi rkang p azhes brjod pa nas/ chos rab tu
rnam 'byed kyi dpyod pa shas che bas thob pa'i de la dpyod pa'i
rdzu 'phrul gyi rkang pa zhes bya ba'i bar yin la/ tshe sngon
goms pa'i ting nge 'dzin gyis

bon sems la yod pa'i mthus tshe 'dir bsgom pa'i sbyor ba ma byas
kyang thob pa'i ting nge 'dzin de la sems kyi ting nge 'dzin ces
bya ste/ dper na dgra bcom pa legs 'ongs kyis utpala sngon po
gral la brims pa mthong ba tsam gyis zad par gyi ting de 'dzin
skyes pa lta bu'o)/ /gnyis pa de la brten nas

sems gnas skye ba'i rim pa la gsum/ sems gnas skye ba'i rim pa
dngos/ de stobs drug gis 'grub lugs/ de la yid la byed pa bzhi
yod pa'i tshul lo/ /dang po la sems dgu las/ 1 de dang de la sems
'jog pa ni/ phyi rol

gyi dmigs pa thams cad las sems yang dag par bsdus te nang du
dmigs pa la gtod par byed pa ste/ mdo sde'i rgyan las/ dmigs pa
la ni sems gtad nas/ /zhes gsungs so/ 2 /rgyun du 'jog pa ni/
dang por gtad pa'i sems

de nyid gzhan du mi g.yeng bar dmigs pa de la rgyun du 'jog pa
ste/ de'i rgyun rnam par g.yeng mi bya/ /zhes so/ 3 /glan te
'jog pa ni/ brjed ngas kyis yengs te phyi rol du g.yengs na de
shes par byas nas slar yang dmigs pa de nyid la

'dogs pa ste/ rnam g.yeng myur du rtogs byas nas/ /de la slar
ni glan par bya/ /zhes so/ 4 /nye bar 'jog pa ni/ sgom rim dang
po las/ sems snga ma g.yeng ba shes nas spong ba dang sems 'di
rnam g.yengs spangs nas dmigs pa de nyid

@47b la 'bad pas 'jog pa la bsahd la/ sher phyin man ngag las/
(ba/ sems gnas bzhi pa 'di la) sems rang zhin gyis rgya che ba
las yang dang yang du bsdus te phra bar (ba/ ram chung dur) byas
nas gong nas gong du 'jog pa la bshad de/ blo ldan gong nas

gong du yang/ /sems ni nang du bsdu bar bya/ zhes gsungs pa dang
mthun no/ /nyan sa las/ dang dang por dran pa nye bar bzhag ste
sems phyi rol tu mi g.yo ba la bsahd de/ /ran pa'i stobs bskyed
nas brjed ngas kyis phyi rol tu g.yeng bar mi

byed pa'o/ 5 /dul bar byed pa ni/ (ba/ lnga pa 'di la ting nge
'dzin gyi yon tan mthong ba dngos su smos pas de'i ldog phyogs
rnam rtog dang nye nyon gyis sems 'phro ba 'gog pa shugs las
grub pa'o)/ /ting nge 'dzin gyi yon tan bsams nas ting nge 'dzin
la dga' bar byed pa ste/ de nas

yon tan mthong ba'i phyir/ /ting nge 'dzin la sems 'dul lo/
/zhes gsungs so/ /nyan sa las ni/ gzugs sogs yul lnga dang dug
gsum dang skyes pa dang bud med kyi mtshan ma gang rung gis sems
g.yengs na dang po nas de dag la nyes

dmigs su bzung nas mtshan ma bcu po de dag gis sems 'phror mi
ster ba la bsahd do/ 6 /zhei bar byed pa ni/ rnam g.yeng la
skyon du bltas nas ting nge 'dzin la mi dga' ba zhi bar byed pa
ste/ rnam g.yeng nyes pa mthong ba'i phyir/ /de la

mi dga' zhi bar bya/ /zhes so/ /nyan sa las ni/ 'dod pa'i rnam
rtog pla sogs pa'i rnam rtog dang 'dod pa la 'dun pa'i sgrib pa
la sogs pa'i nye ba'i nyon mongs kyis sems 'khrugs na dang po
nas de la nyes dmigs su bzung nas

@48a @#/ /rnam rtog dang nye nyo de dag la sems 'phror mi ster ba
la bshad do/ 7 /rnam par zhi bar byed pa ni/ chags sems dang yid
mi bde dang rmugs pa dang gnyid la sogs pa byung ba rnams nye
bar zhi bar byed pa ste/

chags sems yid mi bde la sogs/ /(ba/ ji ltar) langs pa de bzhin
(ba/ du de ma thag) zhi bar bya/ /zhes so/ /nyan sa las nibrjed
ngas skyes nas sngar bshad pa'i rnam rtog dang nye nyon byung
byung ngo cog dang du mi len par spog ba la bshad do/ 8 /rtse

gcig tu byed pa ni/ (ba/ brgyad pa 'di la) 'bad med du 'jug pa'i
phyir du 'bad par byed pa ste/ de nas sdom brtson can gyis ni/
/(ba/ da ltar) sems la mngon par 'du byed (ba/ pa'i rtsol ba
dang) bcas (ba/ kyang/ /rang gi dus skad cig gnyis par) rang gi
ngang gis

'byung ba (ba/ 'i sems gnas dgu pa) 'tho ba/ /ces so/ /de yang
(ba/ 'di la) nyan sa las (nga/ rgyud gicg tu byed pa zhes gsungs
pa ni byig rgod kyis bar mchod par ting nge 'dzin rgyud gcig tu
byed ces pa ste rtse gcig tu byed pa las ming 'dogs 'di go
bde'o)/ /mngon par 'du byed pa dang

bcas pas bar du chad pa med pa dang/ rgyun chags par ting nge
'dzin gyi rgyun la 'jog par byed de/ de ltar na rgyud gcig tu
byed pa yin no/ /zhes gsungs pa ltar shes par bya zhing sems
brgyad pa'i ming 'dogs kyang rgyud gcig du

byed pa zhes gsungs te ming gis don go sla bar snang ngo/ 9
/mnyam par 'jog pa ni/ sems mnyam par gyur pa na btang snyoms su
byed pa la/ sgom rim nas gsungs la/ rgyud gcig tu byed pa goms
pas lhun grub tu rang gi ngang

@48b gis 'jug cing rang dbang thob pa la sher phyin man ngag las
gsungs so/ /de ltar yang/ de goms pa las 'du mi byed/ /ces so/
/nyan sar ting nge 'dzin du byed pa zhes gsungs shing de'i don
yang/ de nyid las/ kun tu bsten

cing goms par byas lan mang du byas pa'i rgyus lhun gyis grub
par 'jug pa dang rang gi ngang gis 'jug pa'i lam thob cing mngon
par 'du byed pa med pa dang lhun gyis grub pa de nyid kyis de'i
sems rnam par g.yeng ba med pa'i

ting nge 'dzin gyi rgyun la 'jug par 'gyur te/ de ltar na ting
nge 'dzin du byed pa yin no/ /zhes gsal bar gsungs so/ /sems
dgu'i ming 'dogs de dag ni/ sgom rim dang po las/ zhi gnas gyi
lam 'di ni shes rab kyi pha rol tu

phyin pa la sogs pa las bshad de/ zhes sogs drangs pa ltar byas
pa'o/ /de stobs drug gis 'brub lugs ni/ stobs ni drug ste/ thos
pa'i stobs dang bsam pa'i stobs dang dran pa'i stobs dang shes
bzhin gyi stobs dang brtson

'grus kyi stobs dang yongs su 'dris pa'i stobs so/ /de dag gis
sems gang 'grub pa'i tshul ni/ thos pa'i stobs kyis ni 'jog pa'i
sems 'grub ste/ sems dmigs pa la 'jog pa'i gdams ngag gzhan la
thos pa tsam gyi rjes

su 'brangs nas dang por dmigs pa la btags p atsam yin gyi/ rang
gis yang yang bsams nas goms pa min pa'i phyir ro/ /bsam pa'i
stobs kyis ni/ rgyun du 'jog pa'i sems 'grub ste/ dang por dmigs
pa la btags pa

@49a @#/ /de'i rgyun yang yang bsmas nas bskyangs pa las/ rgyu
cung zad 'thud par nus pa thog mar thob pa'i phyir ro/ /dran
pa'i stobs kyis ni/ blan te 'jog pa'i sems dang nye bar 'jog
pa'i sems

gnyis 'grub ste/ dmigs pa las yengs nas g.yengs pa na sngar gyi
dmigs pa dran nas nang du sdud pa dang/ dang po nas dran pa'i
shugs bskyed de dmigs pa las g.yeng bar mi byed pa'i phyir ro/
/shes bzhin gyi stobs kyis ni/ dul

bar byed pa'i sems dang zhi bar byed pa'i sems gnyis 'grub ste/
rnam rtog dang nye nyon gyi mtshan ma la 'phro ba'i nyes dmigs
shes bzhin gyis rig nas nyes dmigs su bltas pas de gnyis la
'phror mi ster ba'i phyir ro/ /brtson 'grus

kyi stobs kyis ni/ rnam par zhi bar byed pa dang rtse gcig tu
byed pa'i sems gnyis 'grub ste/ rnam rtog dag nye nyon byung ba
phra mo yang rtsol bas spong bas dang du mi len cing/ de ltar
byas pas bying rgod la sogs pas ting nge 'dzin la bar

bcad par mi nus par rgyun chags su skye ba'i ting nge 'dzin
'grub pa'i phyir ro/ /'dris pa'i stobs kyis ni/ mnyam par 'jog
pa'i sems 'grub ste/ snga ma rnam la goms pa ches ba'i stobs
kyis 'bad med du ngang gis 'jug pa'i

ting nge 'dzin skye ba'i phyir ro/ /de dag ni nyan sa'i dgongs
pa ji lta ba bzhin yin pas de las gzhan du 'chad pa snang yang
yid brtan par mi bya'o/ /de la sems dgu pa thob na ni dper na
gzhung la sogs pa 'don pa la ches shin tu goms

@49b na dang por 'don pa'i kun slong byung nas bton na bar skabs
su sems gzhan du g.yengs kyang/ kha ton de nyid mi chad par
rtsol med du 'ong ba ltar/ dang por sems dmigs pa la gtod pa'i
dran pas lan cig mnyam par bzhag na de nas

dran shes na re rgyun ldan du bsten pa ma byung yang/ ting nge
'dzin de 'phro mi chad par rgyun chags su rgyun ring por 'jug
thub pa zhig 'byung ngo/ /dran shes rgyun ldan na re bsten pa'i
rtsol ba mi dgos pas mngon par 'du byed pa'am 'bad rtsol

med pa zhes zer ba yi no/ /de skye ba la sngon du dran pa dang
shes bzhin rtsol bas na tr bsten na/ bying rgod sogs kyi mi
mthun phyogs kyis bar gcod mi nus par thun ring po 'khyongs pa'i
ting nge 'dzin zhig skye dgos la/ de yang sems

rgyad pa yin te/ 'di dang dgu pa gnyis bying rgod la sogs pa'i
ting nge 'dzin gyi mi mthun phyogs kyis bar gcod mi nus par 'dra
yang/ 'di la dran pa dang shes bzhin bar ma chad du bsten dgos
pas mngon par 'du byed pa'am 'bad rtsol

dang bcas pa zhes zer ba yin no/ /de skye ba la bying rgod sogs
phra mo yang skyes tsam nas dang du mi len par 'gog pa zhig dgos
pas sems 'dun pa dgos so/ /de skye ba la rnam rtog dang nye nyon
gyis g.yeng ba la nyes dmigs su shes nas de

dag la mi 'phro bar bya ra byed pa'i shes bzhin stobs ldan dgos
pas sems lnga pa dang drug pa dgos te/ de gnys ni shes bzhin
stobs su gyur pas bsgrubs pa'i phyir ro/ /de 'dra ba de skye ba
la yang dmigs pa la yengs na'ang myur du

@50a @#/ /dmigs pa dran pa dang/ dang po nas dmigs pa las g.yeng
bar mi byed pa'i dran pa dgos pa sems gsum pa dang bzhi pa dgos
te/ de gnyis ni dran pa de gnyis kyis bsgrubs pa yin pa'i

phyir ro/ /de skye ba la yang thog mar sems dmigs pa la 'dogs pa
dang/ btags pa de'i rgyun mi g.yeng ba dgos pas sems dang po
gnyis sngon du skye ba yin no/ /de ltar na mdor bsdun dang por
gdams ngag thos pa'i rjes su 'brangs la

sems mnyam par 'jog tusl legs par bya/ de nas de ltar bzhag pa
de yang yang bsams la rgyun cung zad 'thud thub pa'i sgo nas
rgyun bskyang/ de nas dran pa nyams nas g.yengs na myur du
bsdul dmigs pa brjed pa myur du dran pa dang/

de nas kyang dran pa shugs can bskyed la dang po nas dmigs pa la
mi yengs pa'i dran pa'i stobs bskyed/ dran pa stobs can grub pa
dang dmigs pa las gzhan du g.yeng ba'i bying rgod sogs kyi
skyon mthong ba'i sgo nas bya ra byed pa'i shes

bzhin drag po bskyed/ de nas brjed ngas phra mos g.yengs
na'ang/ de ma thag rig nas rgyun gcod pa dang bcad nas mi mthun
phyogs kyis bar ma bcad pa'i rgyun je ring du gtong ba'i rtsol
ba'i stobs bskyed/ de skyes pa na 'bad nas bsgoms

pas goms pa klong du gyur nas 'bad rtsol med par ting nge 'dzin
du 'gro ba'i sems dgu pa 'grub pa yin no/ /des na sems dgu pa ma
thob pa'i gong yan cad du rnal 'byor pas sems ting nge 'dzin la
'jog pa'i rtsol ba phar bya dgos la

@50b sems dgu pa thob nas ched du mnyam par 'jog pa'i rtsol ba
ma byas kyang sems ting nge 'dzin du hril hril 'gro bar 'gyur
ro/ /de lta bu'i sems dgu pa 'di thob kyang shin sbyangs ma thob
na 'og nas 'chad pa ltar da dung zhing gnas thob par yang

mi 'jog na lhag mthong thob pa lta ci smos/ 'on kyang 'di 'drI
ting nge 'dzin bde gsal mi rtog pas brgyan pa zhig rnyed na
mnyam gzhag dang rjes thob 'dres pa'i rnam par mi rtog pa'i ye
shes skyes par 'dod cing/ khyad par du nyan thos

kyis nas bshad pa'i sems dgu pa 'di la rnal 'byor bla med kyi
rdzogs rim yongs rdzogs pa byung bar 'dod pa shin tu mang bar
snang ste 'og tu bsahd par bya'o/ /de la yid byed bzhi yod pa'i
tshul ni/ nyan sa las/ de la sems

gnas pa dgu po de dag la yid la byed pa bzhi yod par rig par bya
ste/ bsgrims te 'jug pa dang bar du chad cing 'jug pa dang skabs
su chad pa med par 'jug pa dang lhun gyis grub par 'jug pa'o/
/de la 'jog par byed pa dang yang

dag par 'jog par byed pa la ni bsgrims te 'jug pa'i yid la byed
pa yod do/ /sdud te 'jog par byed pa dang nye bar 'jog par byed
pa dang dul bar byed pa dang zhi bar byed pa dang nye bar zhi
bar byed pa la ni skabs su chad cing 'jug pa'i

yid la byed pa yod do/ /rgyud gcig tu byed pa la ni skabs su
chad pa med par 'jug pa'i yid la byed pa yod do/ /ting nge 'dzin
du byed pa la ni rtsol ba med par 'jug pa'i yid la byed pa yod
do/ /(nga/ de la yid byed bzhi yod pa'i tshul 'di la sems dang
@51a @#/ /po gnyis la bsgrims te 'jug pa'i yid la byed pa yod/ de
nas lnga la bar du chad cing 'jug pa yod/ sems brgyad pa la
skbas su chad pa med par 'jug pa yod/ sems dgu pa la rtsol ba
med par 'jug pa'i yid byed yod ces so sor bzhag pa las/ de mi

'thad de sems dang po gnyis la'ang/ ting nge 'dzin gyi bar skabs
su bying rgod kyis cod cing 'jug la/ de nas bar pa lnga la'ang
'bad rtsol gyis bsgrims te 'jug dgos par 'dra ba'i phyir zhe na/
de ltar yin kyang sems dang po gnyis kyi skabs su bying rgod
dang ting nge 'dzin gnyis kyi nang nas bying rgod shas chel ting

de 'dzin shas chung bas bying rgod la ting nge 'dzin gyis cung
bzad bar chod pa yin gyi/ ting nge 'dzin la bying rgod kyis bar
chod pa'i tha snyad mi 'byung ba dang/ sems dang po gnyis dang
bar pa lang la bsgrims dgos pa 'dra yang/ bar pa lnga la bsgrim
dgos pa dang bar chad cing 'jug pa gnyis ka yod la/ dang po
gnyis la

bsgrims pa gcig pu las med pas na de'i skal bar bzhag pa yin te/
dper na mi gsum gyi gcig la rgya ri sha rgyang pa byin/ gcig la
sha thud gnyis sbrel byin pa na/ gsum gal sah yod pa 'dra yang
dang po la sha byin pa'i tha snyad byed/ phyi ma gnyis la gnyis
sbrel yod pa 'dra 

yang bar pa la gnyis sbrel kho na las med pas de la gnyis sbrel
byin pa'i tha snyad byed pa lta bu'o)/ /zhes sems dang po gnyis
kyi dus su ni 'bad pas bsgrim dgos pas bsgrims te 'jug pa dang/
de nas sems lnga'i skabs su ni bying rgod kyis bar du bcad nas
thun 

ring po skyong mi nus pas skabs su chad cing 'jug pa dang/ de
nas sems brgyad pa la ni bying rgod kyis bar gcod mi nus par
thun ring po skyong thub pas skabs su chad pa med par 'jug pa
dang/ de nas sems dgu pa la ni bar yang mi chad

@51b cing rtsol ba yang rgyun par bsten mi dgos pas/ rtsol ba
med par 'jug pa'i yid byed 'jog go /'o na sems dang po gnyis kyi
skabs su chad cing 'jug pa yod la/ sems bar pa lnga'i skabs su
yang bsgrim dgos pa yod pa la dang po gnyis la chad

cing 'jug pa'i yid byed yod par mi 'chad pa dang/ bar pa lnga la
bsgrims te 'jug pa'i yid byed yod par mi 'chad pa ci zhe na/
sems dang po gnyis la ni sems ting nge 'dzin du 'gro ba dang der
mi 'gro ba gnyis phyi ma ches ring la bar pa lnga

la ni ting nge 'dzin la gnas pa ches ring bas phyi ma la ting
nge 'dzin gyi bar bcad pa'i tha snyad mdzad la snga ma la ma
mdzad do/ /de'i phyir de gnyis ka la bsgrims te 'jug pa yod par
ni 'dra mod kyang/ skabs su chad cing 'jug pa yod med mi

'dra bas bsgrims te 'jug pa yod pa'i yid byed du sems lnga po de
ma bzhag go /de ltar na sngar bshad pa'i tshogs la gnas par byas
nas ting nge 'dzin bsgrub pa'i brtson 'grus rgyun ldan du bsten
na zhi gnas 'grub kyi/ lan re re gnyis

gnyis tsam bsgrubs nas slar yang sbyor ba dor na mi 'grub par
gsungs te/ phar phyin bsdus pa las/ rgyun mi chad pa'i rnal
'byor gyis/ /bsam gtan bsgrub la brtson par bya/ /yang dang yang
zhing ngal 'tsho na/ /gtsubs pas me phyin mi

'gyur te/ /rnal 'byor tshul la'ang de bzhin du/ /khyad par ma
thob btang mi bya/ /zhes gsungs so/ /bsgoms pas zhi gnas 'grub
pa'i tshad la gsum/ zhi gnas grub pa dang ma grub pa'i sa mtshams
bstan pa dang/ zhi gnas la brten

@52a @#/ /nas lam bgrod tshul spyir bstan pa dang/ khyad par du
'jig rten pa'i lam bgrod tshul bstan pa'o/ /dang po la gnyis/
dngos kyi don bstan pa dang/ yid byed dang ldan pa'i rtags dogs
gcod 

dang bcas pa'o/ /dang po ni/ sngar bshad pa de ltar ting nge
'dzin skyong tshul legs par shes nas bskyangs pas sems dgu rim pa
bzhin skyes te sems dgu pa bying rgod phra mo dang bral bar thun
ring po skyong nus shing/ de yang dran pa dang

shes bzhin rgyun ldan du bstan pa'i 'bad rtsol la mi bltos pa'i
lhun grub tu 'jug pa'i ting nge 'dzin thob na zhi gnas thob pa
yin nam min snyam na/ bshad par bya ste/ ting nge 'dzin 'di thob
pa la shin tu sbyangs pa thob pa dang ma thob pa

gnyis su yod pas gal te shin sbyangs ma thob na zhi gnas rjes
mthun pa yin gyi/ zhi gnas dngos min pas zhi gnas dang rjes su
mthun pa'i yid la byed pa zhes bya ste/ dgongs 'grel las/ bcom
ldan 'das byang chub sems dpa' de

ji srid du sems la dmigs pa'i sems nang du yid la bgyid pa na
lus shin tu sbyangs pa dang/ sems shin tu sbyangs pa ma thob pa
de'i bar du yid la bgyid pa de la ci zhes bgyi/ byams pa zhi
gnas ni ma yin te zhi gnas kyi rjes su

mthun pa'i mos pa dang mtshungs par ldan pa yin par brjod par
bya'o/ /zhes gsal bar gsungs sheng/ mdo sde'i rgyan las kyang/
de goms pa las 'du mi byed/ /de nas de yi lus dang sems/ /shin
tu sbyangs pa che thob nas/ /yid

@52b la byed dang bcas zhes bya/ /zhes gsungs te/ yid la byed pa
ni/ skabs 'dir zhi gnas la zer ba yin te/ nyan sa nas gusngs pa
'og tu 'chad pa ltar ro/ /sgom rim bar pa las kyang/ de ltar zhi
gnas goms par byas pa de'i lus dang

sems gang gi tshe shin tu sbyangs par gyur pa dang ji ltar 'dod
pa bzhin du dmigs pa la sems dbang du gyur pa de'i tshe de'i zhi
gnas grub pa yin par rig par bya'o/ /zhes dmigs pa la gnas pa la
rang dbang thob pa dang shin tu sbyangs pa gnyis

dgos par gsungs so/ /de'i phyir sgom rim dang po las/ gnag gi
tshe dmigs pa de nyid la mngon par 'du byed pa med par ji srid
'dod pa'i bar du sems 'jug par 'gyur ba de'i tshe zhi gnas rdzogs
pa yin par rig par bya ste/ zhes gsungs

pa yang shin sbyangs yod pa la dgongs pa yin te/ sgom rim bar pa
las gsal bar gsugs pa'i phyir ro/ /gzhan yang dbus mtha' nas
spong ba'i 'du byed brgyad bshad pa'i btang snyoms ni 'di'i sems
dgu pa dang gnad gcig yin

la; de tsam gyis mi chog par de las shin sbyangs kyang gsungs
pa'i phyir ro/ /sher phyin man ngag las kyang/ 'di ni byang chub
sems dpa' gcig pu dben par gnas bcas la ji ltar bsams pa'i don
yid la bya ste/ yid gyi brjod pa

spangs nas sems nyid de ltar snang ba la lan mang du yid la
byas te/ ji srid du lus dang sems shin tu sbyangs pa ma skyes
kyi bar du zhi gnas dang rjes su mthun pa'i yid la byed pa yin
la/ gang gi tshe skyes pa de'i tshe zhi gnas yin no/ /(nga/ 'di
dgag gi

@53a @#/ /skabs su yid la byed pa zhes pa zhi gnas kyi ming yin
la/ yid kyis brjed pa zhes pa ni dmigs pa la sems yang yang sems
par byed pa'o/ /sems las byung ba'i chos gzhan du gyur pa zhes
pa ni/ sems shin sbyangs ni sems byung yin zhing de yang gang
zag tha mal pa

thams cad la thun mong du yod pa'i sems byung rnams las gzhan du
gyur pa ste sgoms stobs kyis gsar du thob pa'i don no)/ /zhes
shin tu gsal bar gsungs te de dag thams cad kyang mdo sde dgongs
'grel gyi don gtan la phab pa'o/ /'o na shin tu sbyangs pa ma
skyes 

pa'i gong gi ting nge 'dzin de sa ganag gis bsdus pa yin zhe na/
ting nge 'dzin de ni 'dod pa khams kyis sa bsdus pa yin te/
khams gsum gyi sa dgu gang rung gis bsdus la bsam gtan dang po'i
nyer bsdogs yan chad ma yin pa'i 

phyir te/ nyer bsdogs thob na zhi gnas nges par thob dgos pa'i
phyir ro/ /'dod pa'i sa la de 'dra ba'i ting nge 'dzin yod kyang
mnyam par ma bzhag pa'i sa yin gyi/ mnyam par bzhag pa'i sa zhes
mi 'jog pa'i rgyu mtshan ni/ 'gyod

pa med pa dang dga' bde mchog dang shin tu sbyangs bsam bsgrubs
pa'i phyir ro/ /de ltar yang sa'i dngos gzhi las/ ci'i phyir de
kho na la mnyam par bzhag pa'i sa zhes bya la gang 'dod pa'i
khams kyi rtse gcig pa nyd ni ma yin zhes na/ 'di

ltar ting nge 'dzin de ni 'gyod pa med pa dang mchog tu dga' ba
dang shin tu sbyangs pa dang bde bas mngon par bsgrubs pa yin
la/ 'dod pa na spyod pa ni de lta ma yin te 'dod pa'i khams na
yang dag pa'i chos nye bar sems pa med pa ni ma

@53b yin no/ /zhes gsungs so/ /de ltar na shin sbyangs pa ma
thob na dran pa nar mar ma bsten yang sems mi rtog par rang
shugs kyis 'gro zhing/ de yang 'gro 'chag nyal 'dug gi spyod lam
thams cad dang 'gre thub pa ltar snang ba'i ting nge

'dzin ni 'dod sems rtse gcig pa zhes bya ba yin gyi/ zhi gnas
dngos su 'jog tu mi rung bar shes par bya'o/ /'o na shin tu
sbyangs pa thob lugs de ci 'dra zhig yin de thob nas zhi gnas
su 'gro lugs kyang ji 'dra yin snyam na/ de la shin tu

sbyangs pa ni/ kun las btus las/ shin tu sbyangs pa gang zhi na/
lus dang sems kyi gnas ngan len rnams kyi rgyun gcod pa'i phyir
lus dang sems las su rung ba nyid de sgrib pa thams cad sel ba'i
las can no/ /zhes gsungs pa

ltar shes par bya'o/ /lus dang sems kyi gnas ngan len ni lus
dang sems dge ba'i bya ba bsgrub pa la ji ltar 'dod pa ltar du
bkol mi rung ba yin la/ de'i gnyen po lus dang sems shin tu
sbyangs pa ni lus sems kyi gnas ngan len

gnyis dang bral bas lus dang sems dge ba'i bya ba la bkol ba la
shin tu las su rung ba'o/ /de yang nyon mongs spong ba la dga'
ba la bar du gcod cing nyon mongs pa'i phyogs su gyur pa'i lus
kyi gnas ngan len nyon mongs spong ba la rtsol ba

na; lus lci ba la sogs pa'i las su mi rung ba dang bral nas lus
ldang ba yang ba ni lus las su rung ba'o/ /de bzhin du nyon
mongs spong ba la dga' ba la bar du gcod byed nyon mongs kyi
phyogs su gyur pa'i sems kyi gnas ngan len nyon

@54a @#/ /mongs spong ba'i phyir du rtsol ba na dge ba'i dmigs pa
la gtod pa la dga' mgur 'jug tu mi rung ba dang bral nas sems
dmigs pa la thogs pa med par 'jug pa ni sems las su rung ba'o/
/de 

ltar yang/ slob dpon blo brtan gyis/ de la lus las su rung ba
ni/ lus kyi rang gi bya ba rnams la ldang ba yang ba gang las
'byung ba'o/ /sems las su rung ba ni yang dag par yid la byed pa
la zhugs pa'i sems kyi sim pa dang yang bar

'gyur ba'i rgyu sems las byung ba'i chos gzhan du gyur pa gang
yin pa ste/ de dang ldan na dmigs pa la thogs pa med par 'jug
pas de'i phyir sems las su rung ba zhes bya'o/ /zhes gsungs te/
mdor na shin sbyangs thob na nyon mongs spong

ba la rtsol bar 'dod kyang/ las la ngan rang gi bya ba la 'jug
pa ltar mtsher snang gis 'jug par dka' ba'i lus sems las su mi
rung ba log nas/ lus sems shin tu bkol bde ba dang ldan par
'gyur ro/ /de lta bu'i lus dang

sems las su rung ba yongs su rdzogs pa de yang ting nge 'dzin
thog ma rnyed pa nas cha phra mo re 'byung bas de je cher song
ba las mthar shin tu sbyangs pa dang rtse gcig pa'i zhi gnas su
'gyur la/ de yang dang po phra bas rig dka' zhing phyis

nas ni rig par sla ba 'byung ste/ nyan sa las/ de'i dang po kho
nar yang dag pa'i sbyor ba la rtsom pa'i tshe sems shin tu
sbyangs pa dang lus shin tu sbyangs pa dang sems dang lus las su
rung ba 'byung ba ni phra ba ste brtag par dka' ba yin

@54b no; ;zhes dang/ de'i sems rtse gcig pa nyid dang sesm dang
lus shin tu sbyangs pa de nyid mngon par 'phel ba na 'di lta
stai rgyu gcig nas gcig tu brgyud de len pa'i tshul gyis rags
shing brtag par sma ba'i sems rtse gcig pa nyid dang

sems dang lus shin tu sbyangs pa 'dren par byed de/ zhes gsungs
so/ /mtshan nyed yongs su rdzogs shing brtag par sla ba'i shin
sbyangs de skye ba'i snga ltas ni/ ting nge 'dzin bsgom pa la
brtson pa'i gang zag de'i glad pa lci bem pa snyam

byed pa skye ste/ mi bde ba'i lci ba ni ma yin no/ /de skyes ma
thag tu nyon mongs spong ba la dga' ba'i bar gcod byed pa'i sems
kyi gnas ngna len dang bral bar 'gyur zhing/ de'i gnyen po sems
shin tu sbyangs pa sngon la skye ste/ nyan sa las/ ji

tsam na de'i rags shing brtag par sla ba'i sems rtse gcig pa
nyid dang sems dang lus shin tu sbyangs pa ring po mi thogs par
skye bar 'gyur ba'i lnga ltas su de'i klad pa lci bar snang ba
skye bar 'gyur te/ de yang gnod pa'i mtshan nyid ni ma yin no/
/de skyes

ma thag tu spong ba la dga' ba'i bar gcod byed pa nyon mongs pa
rnams kyi phyogs su gyur pa sems kyi gnas ngan len gang yin pa
de spong bar 'gyur zhing/ de'i gnyen po sems las su rung ba dang
sems shin tu sbyangs pa yang skye bar 'gyur ro/ /zhes

gsungs so/ /de nas sems las su rung ba'i shin tu sbyangs pa de
skyes pa'i mthu la brten nas lus shin tu sbyangs pa skye ba'i
rgyur gyur pa'i rlung lus ls rgyu bar 'gyur ro/ /rlung de lus
kyi cha rnams la khyab par brgyus pa na/ lus kyi gnas ngan len
dang 

@55a @#/ /bral bar 'gyur zhing lus kyi gnas ngan len gyi gnyen po
lus shin tu sbyangs pa skye ste/ de yang lus thams cad rgyas nas
las su rung ba'i rlung gi mthus gang ba bzhin du snang bar 'gyur
te/ nyan sa las/ de

skyes pas lus shin tu sbyangs pa skye ba dang mthun pa 'byung ba
chen po'i rlung dag lus la rgyu bar 'gyur te/ de dag rgyu ba'i
dus na spong ba la dga' ba'i bar gcod byed pa nyon mongs pa'i
phyogs su gyur pa lus kyi gnas ngan len gang yin pa de dang

'bral bar 'gyur zhing/ de'i gnyen po lus shin tu sbyangs pa lus
thams cad rgyas te gang ba bzhin du snang bar 'gyur ro/ /zhes
gsungs so/ /de la lus shin tu sbyangs pa ni lus kyi nang gi reg
bya ches yid du 'ong ba zhig yin gyi sems byung ni min te/ 

slob dpon blo brtan gyis/ lus kyi reg bya'i khyad par dga' bas
zin na lus shin tu sbyangs par rig par bya ste/ yid dga' na lus
shin tu sbyangs par 'gyur ro/ /zhes mdo las 'byung ba'i phyir
ro/ /zhes gsungs so/ /de ltar lus shin sbyangs

thog mar skyes pa'i tshe na rlung gi mthus lus la bde ba'i nyams
chen po skyes pa la brten nas sems la yang dga' bde'i nyams ches
phul du byung ba 'byung bar 'gyur ro/ /de'i rjes su shin sbyangs
thog mar skyes pa'i shugs de rim gyis chung du 'gro

ste; de yang shin sbyangs zad nas 'gro ba min gyi/ rags pa des
sems ha cang g.yo bas de log nas grib ma ltar srab pa'i shin tu
sbyangs pa mi g.yo ba ting nge 'dzin dang mthun pa 'byung ba
yin no/ /sems dga' yal yal ba de yang log nas/ de

@55b nas sems dmigs pa la brtan par gnas shing dga' ba chen pos
bskyod pa'i/ ma zhi ba dang bral ba'i zhi gnas 'thob pa yin te/
nyan sa las/ dang por de skyes par gyur pa de'i tshe na sesm dga'
ba dang sems shin tu nyams bde ba dang sems 

mchog tu dga' ba dang ldan pa la dmigs pa dang mngon par dga' ba
dang bcas par yang snang bar 'gyur ro/ /de'i 'og tu shin tu
sbyangs pa'i shugs dang po skyes pa gang yin pa de khad kyis
khad kyis shin tu phra bar 'gyur zhing/ lus la shin tu

sbyangs pa grib ma lta bu dang ldan par 'gyur ro/ /sems dga' ba
gang yin pa de yang spong bar 'gyur zhing sems zhi gnas kyis nye
bar brtan cing rab tu zhi ba'i rnam pas dmigs pa la 'jug par
'gyur ro/ /zhes gsungs so/ /de lta bu byung nas

zhi gnas thob pa'am/ yid la byed dang bcas zhes bya/ /zhes
gsungs pa ltar yid la byed pa thob pa zhes pa'i grangs su chud
par 'gyur te/ bsam gtan dang po'i nyer bsdogs kyis bsdus pa'i
zhi gnas thob pas mnyam par bzhag pa'i sa

pa'i yid byed chung shos thob pa'i phyir ro/ /(nga/ zhi gnas
thob pa'i tshad la spyir ting nge 'dzin thog mar rnyed pa nas
shin sbyangs kyang cha phra mo nas kye yang chu bas rig par dka'
zhing mthar cher 'phel te mngon mtshan du gyur pa na zhi gnas
'grub cing de yang thog mar sems shin sbyangs skye des rkyen
byas te

lus shin sbyangs skye zhng/ lus shin sbyangs skyes ma thag pa'i
tshe lus la bde nyams chen po skye zhing de ni lus shin sbyangs
kyi bde ba dang de la brten nas yid la bde nyams 'byung ba sems
shin sbyangs kyi bde ba yin pas shin sbyangs gnyis las sems shin
sbyangs thog mar skye/ bde ba gnyis las lus shin

@56a @#/ /sbyangs kyi bde ba thog mar skye'o/ /de ltar lus shin
sbyangs skyes ma thag pa nas dga' bde des sems g.yengs nas dga'
yal yal ba chen po 'byung zhing de'i tshe da dung zhi gnas ma
thob la/ de nas dga' tshags langs pa lta bu de cung zad chung du
song nas

sems dmigs pa la lhan ne sdod pa'i ting nge 'dzin dnag rjes su
mthun pa'i shin sbyangs mi g.yo ba thob pa dang dus mnyam du
zhi gnas 'grub pa yin no//dga' ba chung du song ba de yang shin
sbyangs zad nas song ba ma yin te/ dper na gtam snyan po thos ma
thag tu dga' bas sems g.yeng zhing gtam de mi

bden pa lta bu min kyang de nas yun cung zad tsam song ba na
sngar gyi sems g.yeng ba chung du song ba lta bu'o)/ /de ltar
yang nyan sa las/ de'i 'og tu rnal 'byor pa las dang po pa de
yid la byed pa dang bcas pa yin te/ yid la byed pa dang bcas pa
zhes bya ba'i grangs

su 'gro'o/ /de ci'i phyir zhe na/ des dang por gzugs na spyod pa
mnyam par bzhag pa'i sa pa'i yid la byed pa chung du thob pa'i
phyir te/ des na yid la byed pa dang bcas pa zhes bya'o/ /zhes
gsungs so/ /mnyam par bzhag pa'i sa ni khams

gong ma gnyis kyi sa'i ming gi rnam grangs so/ /(nga/ de yang
zhi gnas shin sbyangs ma thob bar du mi 'byung zhing de thob nas
'jog ces pa dang/ lhang mthong gi tshad kyang zhi gnas kyi ngang
nas dpyad stobs kyis drangs pa'i shin sbyangs 'dren nus pa'i
mtshams nas 'jog ches pa'i go ba yang/ shin sbyangs thob

nas lus sems kyi gnas ngan len ji ltar 'dod 'dod du bkol mi rung
ba'i cha de dang bral bas sngar dmigs pa la gnas lugs dang gtan
mi 'dra ba'i gnas cha zhig 'ong ba dang/ mnyam par bzhag stobs
kyis shin sbyangs skyes pa de las kyang ches lhag pa'i lus sems
las su rung ba dang/ bzhag na dmigs pa

@56b la sems gnas cha dang btang na sems kyi mthu cig dpyad
stobs kyis drangs pa'i shin sbyangs thob nas 'byung ba'i cha nas
yin no zhes gsungs so)/ /gnyis pa la yid byed dang ldan pa'i
rtags ni/ gang dang ldan na yid byed thob pa'o/ /zhes rang dang
gzhan gyis rig par bya ba'i

rtags dang mtshan ma ni de lta bu thob pa des gzugs kyis sa bsdus
pa'i sems dang lus dang sems shin tu sbyang pa dang sems rtse
gcig pa bzhi po chung du thob pa dang/ zhi rags kyi rnam pa can
nam bden pa'i rnam pa can gyi lam gyis nyon

mongs pa rnam par sbyong ba la nus pa dang ldan par 'gyur ba
dang/ nang du mnyam par bzhag pa na myur ba myur bar lus sems
shin sbyangs skye bar 'gyur ba dnag 'dod pa la 'dun pa la sogs
pa'i sgrib pa lnga phal cher mi 'byung ba dang/

mnyam gzhag las langs pa'i tshe yang lus sems shin sbyangs 'ga'
re dang ldan pa rnams yin no/ /de ltar yang nyan sa las/ las
dang po pa yid la byed pa dang bcas pa de'i rtags ni 'di dag yin
te/ des gzugs na spyod pa'i

sems chung du thob pa dang lus shin tu sbyangs pa dang sems shin
tu sbyangs pa dang/ sems rtse gcig pa chung du thob pa dang nyon
mongs pa rnam par sbyong ba'i dmigs pa la sbyor ba'i skal pa yod
cing/ nus pa dang de'i sems kyi rgyud 'jam

par 'gyur ba dang zhi gnas kyis nye bar dkris pa dang/ zhes
dang/ de nang du yang dag 'jog la 'dug ste/ sems gtod par byed
pa na myur ba myur bar sems dang lus shin tu sbyangs par 'gyur
ba dang/ lus kyi gnas ngan len dag gis shin

@57a @#/ /tu gnod par mi 'gyur ba dang sgrib pa rnams shas cher
kun tu mi rgyu ba dang/ zhes pa dang/ langs te rgyu ba na yang
lus dang sems shin tu sbyangs pa kha cig dang ldan par 'gyur ba
dang de lta bu dang mthun pa

dag ni yid la byed pa dang bcas pa'i rtags dang mtshan ma yongs
su byang ba dag yin par rig par bya'o/ /zhes gsungs so/ /de ltar
rtags de dag dang ldan pa'i yid byed de thob nas ni zhi gnas kyi
lam yongs su dag par 'gyur ba ches

sla ste/ 'di ltar sems rtse gcig pa'i zhi gnas la mnyam par
bzhag pa'i mjug tu myur por lus dang sems shin tu sbyangs pa
'dren par nus pas shin tu sbyangs pa 'phel bar 'gyur la/ shin
sbyangs ji tsam 'phel ba tsam gyis

kyang rtse gcig pa'i zhi gnas 'phel bas phan tshun gcig gis gcig
spel bar byed pa'i phyir ro/ /de ltar yang nyan sa las/ ji lta
ji ltar de'i lus dang sems shin tu sbyangs pa rnam par 'phel ba
de lta de ltar dmigs pa la sems rtse

gcig pa nyid rnam par 'phel bar 'gyur la/ ji lta ji ltar sems
rtse gcig pa nyid rnam par 'phel ba de lta de ltar lus dang sems
shin tu sbyangs pa yang rnam par 'phel bar 'gyur te/ chos gnyis
po 'di lta ste sems rtse gcig pa

nyid dang shin tu sbyangs pa de dag ni gcig la gcig brten pa
dang bcig la gcig rag las pa yin no/ /zhes gsungs so/ /mdor na
sems las su rung ba na rlung sems 'jug pa gcig tu song bas rlung
las su rung bar 'gyur la/

@57b de'i tshe lus shin tu sbyangs pa khyad par du 'phags pa
'byung zhing/ de byung ba na sems kyi steng du ting nge 'dzin
khyad par can skye ba dang/ des kyang rlung las su rang ba khyad
par can sgrubs pas lus dang sems shin sbyangs 'dren pa ste

sngar bshad pa ltar ro/ /dogs pa bcad pa ni/ de ltar dran pa
dang shes bzhin la rgyun pa'i 'bad rtsol ma byas kyang/ sems
ting nge 'dzin du 'gro ba'i mi rtog pa'i sems dgu pa'i skabs su
bshad pa dang/ de yang bying ba phra mo

nas kyang bkag pa'i gsal cha'i ngar dang ldan pa dang sngar lus
shin sbyangs kyi skabs su bshad pa ltar rlung las su rung ba'i
mthus lus dang sems la phul du byung ba'i bde ba ster ba'i ting
nge 'dzin/ sngar rtags kyi skabs su

bshad pa ltar 'dod pa la 'dun pa sogs kyi nye ba'i nyon mongs
rnams kyang phal cher mi rgyu ba dang mnyam gzhag las langs pa'i
tshe yang shin tu sbyangs pa dang mi 'bral ba'i yon tan dang ldan
pa de skyes pa na lam lnga'i skabs gang du 'jog ce

na; 'di 'dra ba'i ting nge 'dzin skyes na ni spyir theg pa chen
po'i lam du 'jog cing/ khyad par du shin sbyangs skye ba dang
rjes su mthun pa'i rlung gis lus thams cad bde bas gang ba ltar
snang ba la brten pa'i lus dang sems la bden nyams

chen po skye ba dang de yang mi rtog pa dnag ches gsal ba'i
khyad par dang ldan par mthong nas rnal 'byor bla med kyi rdzogs
rim mtshan nyid yongs su rdzogs pa'i rnal 'byor du 'dod pa sngon
dang da ltar gyi dus na shin tu mang bar byung zhing snang ngo//

@58a @#/ /'on kyang rje btsun ma pham pa dang 'phags pa thogs med
la sogs pa'i gzhung che ba dang/ dbu ma'i sgom rim la sogs pa'i
ting nge 'dzin gyi rim pa gsal bar ston pa'i tshad ldan gyi
gzhung la

brten nas dpyad na ni 'di 'dra ba'i ting nge 'dzin de theg pa
chen po lta ci smos/ theg pa dpan pa'i lam du yang bzhug par mi
nus te/ nyan thos kyi sa las/ bsam gtan dang po'i dngos gzhi
bsgrub pa'i zhi rags kyi rnam pa can

du blta ba'i 'jig rten pa'i lam rnams kyang ting nge 'dzin 'di
la brten nas bsgrub par gsungs pa'i phyir ro/ /de'i phyir phyi
rol pa'i drang srong 'jig rten pa'i lam gyis ci yang med pa man
chad kyi sa 'og ma la chags pa dang 'bral bar byed

pa rnams kyis kyang 'di la brten nas lam gong mar bgrod dgos pas
phyi pa dang nang pa gnyis ka'i ting nge 'dzin thun mong ba yin
no/ /'di yang bdag med pa phyin ci ma log par rtogs pa'i lta ba
dang srid pa mtha' dag gi skyon legs par rtogs

nas 'khor ba la yid 'byung zhing/ thar pa don gnyer gyi nges
'byung gi bsam pas zin na thar pa'i lam du 'gyur zhing/ byang
chub kyi sems rin po ches zin na ni theg pa chen po'i lam du
yang 'gyur te/ dper na dud 'grol zan changs gcig

ster ba'i sbyin pa dang tshul khrims sna gcig bsrungs pa yang
bsam pa de dag gis zin na rim pa ltar thar pa dang thams cad
mkhyen pa'i lam gyi tshogs su 'gyur ba dang 'dra'o/ /'on kyang
'dir ni lam gzhan zhig gis zin pa'i sgo nas thar pa dang

@58b thams cad mkhyen pa'i lam du 'gro mi 'gro dpyod pa min gyi/
ting nge 'dzin de rang gi ngo bo'i sgo nas lam gang du 'gro
dpyod pa yin no/ /dbu ma pa dang sems tsam pa yang lhag mthong
gi lta ba'i yul ji ltar gtan la 'bebs pa la mi mthun pa

yod kyang spyir zhi lhag gi ngos 'dzin dang de dag gi rtogs pa
rgyud la bskyed lugs kyi spyi la mi mthun pa med do/ /des na
'phags pa thogs med kyis byang sa dang gtan la dab pa bsdu ba
dang/ kun las btus dang nyan thos kyi sa rnams su zhi

gnas dang lhag mthong gnyis so sor byas pa'i nang nas zhig gnas
bsgrub pa na sems dgu'i rim pas bsgrub par gsungs shing/ de yang
nyan thos kyi sar rgyas par gtan la phab pa yin pas ting nge
'dzin de dag lhag mthong gi sgrub lugs su

mi bzhed de/ gzhung de dag tu lhag mthong sems dgu las logs su
bshad cing de'i sgrub lugs kyang nyan sar zur du bshad pa'i
phyir ro/ /de bzhin du dbu ma'i sgom rim rnams dang sher phyin
man ngag las kyang/ sems dgu zhi gnas kyi lam

dang lhag mthong gi lam zur du gsungs la/ byams chos nas gsungs
pa rnams kyang thogs med kyis bkral ba las logs na med pas shing
rta chen po thams cad 'di la dgongs pa gcig tu snang ngo/ /gal
te nyan sa nas bshad pa de la bde ba

dang gsal ba 'ong du chug kyang/ mi rtog pa zab mo med pas zhi
gnas tsam yin la/ mi rtog pa yod na ni stong pa nyid kyi ting
nge 'dzin du 'gyur ro snyam na/ mi rtog pa zab mo zhes pa'i zab
mo'i don gang yin so sor rtog pa'i shes rab kyis lta ba'i

@59a @#/ /phu thag bcad nas/ de nas de'i steng du mi rtog par
bzhag pa la byed dam gang du yang me rtog mi dpyod par zhag pa
tsam la byed/ dang po ltar na de 'dra ba de stong pa nyid kyi
ting nge 'dzin du kho bo cag kyang 'dod do//

khyed de ltar 'dod na ni yin lugs kyi lta ba'i go ba yod pa dang
med pa gnyis so sor phye la/ lta ba yod pa'i gang zag lta thog
tu bzhag nas mi rtog pa skyong ba rnams ni zab mo stong pa nyid
kyi ting nge 'dzin bsgom pa yin no/ /lta ba'i go ba med pa'i

gang zag cir yang mi rtog par bsgom pa rnams kyi sgom ni zab mo
stong pa nyid bsgom pa ma yin no/ /zhes so sor phye nas sgrog
par rigs kyi/ cir yang mi sems par bsgom tshad thams cad dmigs
med dam mtshan med dam stong pa nyid la

bsam gtan pa'o/ /zhes smra bar mi bya'o/ /gal te stong pa nyid
khong du chung pa'i lta ba yod dam med kyang sla yi sems cir
yang mi rtog cir yang mi dpyod par 'jog pa'i sgom thams cad
stong pa nyid kyi ting nge 'dzin du 'dod na ni/ sngar bshad

pa'i nyan thos kyi sar gsungs pa'i zhi gnas kyi phyogs kyi ting
nge 'dzin 'di rnams kyang mi 'dod bzhin du stong pa nyid kyi
ting nge 'dzin du khas blang dgos te/ de dag kyang ting nge
'dzin la bzhag pa'i tshe na dran pa dang shes bzhin mthu chung du
song

na bya ra byed pa sogs kyi skabs 'ga' zhig ma gtogs pa 'di ni
'di yin no 'di ni 'di min no/ /zhes cung zad tsam yang mi rtog
par skyong ba yin pa'i phyir ro/ /des na zhi gnas bsgrub pa'i
ting nge 'dzin rnams rnam par rtog pa med pa'i

@59b gzugs brnyan la dmigs par dgongs 'grel las gsungs so/ /nyan
sa las kyang/ de de'i tshe na (ba/ sor sor rtog pa'i shes rab
kyis) rnam par rtog pa med pa'i gzugs brnyan de (ba/ dmigs pa
de) la dmigs par byed cing/ de dmigs pa de la

(ba/ spyir ting nge 'dzin 'grub pa la sngar bshad pa ltar rtse
gcig pa dang so sor dpyod pa'i zhi lhag rjes mthun pa gnyis dgos
pa'i) phyogs gcig (ba/ rtse gcig tu 'jog pa) kho nas dran pa
rtse gcig tu 'jog par byed kyi/ (ba/ ste zhi gnas sgrub kyi shes
rab kyis) rnam par blta bar mi byed cing 

rnam par 'byed par mi byed rab tu rnam par 'byed par mi byed
yongs rtog par mi byed yongs su dpyod par mi byed pa yin no/
/zhes zhi lhag gnyis kyi nang nas zhi gnas la de ltar bshad pa'i
phyir dang/ yang de nyid las/ de ltar zhi 

gnas kyi sems thob pa dang (ba/ ste grub pa na) gal te (ba/
dmigs pa las gzhan du) brjed ngas pa dang ma goms pa'i nyes pas
(ba/ sems 'phro ba'i) mtshan ma dnag rnam par rtog pa dang nye
ba'i nyon mongs pa dag gis snang bar 'gyur sgo ston pa (ba/ ste
de dag skyed 

pa) 'gyur dmigs par byed par 'gyur na (ba/ rtog pa) de (ba/ dag)
byung ngo cog la 'di lta ste/ nyes dmigs sngar mthong ba de nyid
kyi dbang du byas te (ba/ tog pa de dag) dran pa med pa dang yid
la byed pa med par byas te/ de ltar dran pa med pa dang yid la
byed pa

med pas (ba/ de ltar) dmigs pa de rnam par bshig cing/ (ba/ ste
bkag nas sam) rnam par bsal na (ba/ bying rgod kyi) snang ba
(ba/ 'i dmigs pa) med pa (ba/ de) nyid la nye bar bzhag par
'gyur ro/ /zhes gsungs te/ 'di ni zhi gnas tsam zhig bsgrub pa'i
skabs

@60a @#/ /su gsungs la/ zhi gnas bsgrub pa'i skabs su ni dpyod
nas skyong ba med par 'jog pa'i sgom nyid du gzhung tshad ldan
rnams nas gsungs pas cir yang mi rtog pa'i sgom thams cad stong
pa nyid bsgom pa'i

nyams len du 'dod pa ni mkhas pa'i bzhad gang ? kyi gnas yin la/
khyad par du dran pa med cing yid la bya ba med pa'i sgom du
gsungs pa gang yin thams cad stong nyid bsgom par 'dod pa'ang/
nyan sa'i lung des legs par bkag pa

yin no/ /gzhan yhang sgom rim dang po las/ zhi gnas kyi ngo bo
nyid ni sems rtse gcig pa tsam du zad pa'i phyir/ /'di ni zhi
gnas thams cad kyi spyi'i mtshan nyid yin no/ /zhes pa dang/ sher
phyin man ngag las kyang/ (ba/ yul yul can) sna

tshogs (ba/ su) snang ba'i sems de nyid ladmigs nas yid kyi brjod
pa spangs la zhi gnas bsgom par bya ste/ zhs gsung te/ (ba/ sems
tsam pa'i lta ba ston no)/ /yid kyi brjod pa ni 'di ni 'di'o
zhes rnam par rtog pa'o/ /gzhan yang sngar dkon

mchog sprin las/ zhi gnas sems rtse gcig pa nyid la bshad pa la
sogs pa mdo dang shing rta chen po'i gzhung mang du drangs nas
zhi gnas ni cir yang mi rtog pa la lan mang du bshad zin ro/
/des na stong pa nyid bsgom pa'i mi rtog pa zhig

dang stong pa nyid cung zad kyang ma rtogs pa'i mi rtog pa gnyis
yod pas/ bde gsal mi rtog pa byung tshad thams cad stong pa nyid
kyi sgom du bzung bar mi bya'o/ /de ltar na 'di rnams kyang
phyogs tsam bstan pa ste/ legs par 'bad

@60b nas byams pa dang thogs med la sogs pas bkral ba'i zhi gnas
dang lhag mthong gi sgrub lugs shes par bya ste/ de ltar ma byas
na zhi gnas su yang ma sleb pa'i mi rtog par 'jog pa'i ting nge
'dzin 'ga' zhig la srid pa'i rtsa ba gcod

pa'i lhag mthong du 'khrul nas/ de la dmigs med du rlom nas dus
rnams 'das pas rang gzhan bslu bar gdon mi za'o/ /mkhas grub
tshad ldan rnams kyi gzhung nas zhi gnas gsar du bsgrubpa na 'jog
sgom mi rtog par 'jog pa kho

na dang lhag mthong dang por bsgrub pa na so sor rtog pa'i shes
rab kyis so sor phye nas dpyad de bsgom par gsungs snang ba la/
rtog pa thams cad bden 'dzin du bzung nas de thams cad dor te/
gzhung tshad ldan rnams las legs par 

go bzlog nas bdag med pa'i lta ba ma nor ba ma rnyed kyang/ cir
yang mi rtog pa lhag mthong zab mo'i don sgom par byed pa ni
rgya nag gi mkhan po hwa shang gi lugs gzhan dang ma 'dres pa
kho nar snang ste/ sgom rim gsum zhib tu ltos shig/

dang shes par 'gyur ro/ /gnyis pa zhi gnas la brten nas lam
bgrod pa'i tshul spyir bstan pa ni/ de ltar sngar bsahd pa'i mi
rtog ting nge 'dzin yid la byed pa thob pa des gsal ba dang/ mi
rtog pa la sogs pa'i khyad par can gyi mi

rtog pa de tsam zhig bskyang bar bya'am zhe na/ 'di 'dra ba'i
ting nge 'dzin rgyud la bskyed pa ni nyon mongs pa 'joms pa'i
lhag mthong bskyed pa'i phyiryin pas de la brten nas lhag mthong
ma bskyed na ting nge 'dzin de la ci tsam goms par

@61a @#/ /byas kyang/ 'dod pa'i lhams kyi nyon mongs rnams kyang
spong bar mi nus na nyon mongs pa thams cad spong ba lta smos
kyang ci dgos/ de'i phyir lhag mthong bsgom par bya dgos so/ /de
yang nyon mongs mngon

gyur spong ba'i 'jig rten pa'i lam gyis bgrod pa'i lhag mthong
dang nyon mongs kyi sa bon rtsa ba nas spong ba'i 'jig rten las
'das pa'i lam gyis bgrodpa'i lhag mthong gnyis las gzhan pa'i
lam gong du bgrod thams med de/ nyan sa las/ 

de ltar yid la byed pa thob pa'i rnal 'byor pa spong ba'i dga'
ba chung du la zhugs pa de'i gong du bgrod par bya ba ni gzhan
med de/ gnyis kho nar zad do/ /gnyis gang zhe na 'di lta ste
'jig rten pa'i dang/ 'jig rten las 'das pa'i 'o/ /zhes

gsungs os/ /de ltar zhi gnas sam yid byed thob pa des 'jig rten
pa'i lam gyi lhag mthong ngam/ 'jig rten las 'das pa'i lam gyis
'gro ba'i lhag mthong gang bsgom yang de bsgom 'dod pa des/
sngar thob pa'i zhi gnas de la lan mang

du sgom par byed la/ de ltar bsgoms pa na shin tu sbyags pa dang
sems rtse gcig pa de shin tu 'phel zhing zhi gnas de yang shin
tu brtan par 'gyur ro/ /gzhan yang zhi lhag gi mtshan ma rnams la
yang mkhas par byed la/ de'i 'og tu lam

gnyis gang yang rung bas 'gro 'dod pa de la brtson par byed de/
nyan sa las/ de la las dang po pa'i rnal 'byor pa yidla byed pa
dang bcas pa de ni bdag 'jig rten pa'am 'jig rten las 'das pa'i
bgrod pas 'gro bar bya'o snyams nas

@61b yid la byed pa de nyid la lan mang du byed do/ /ji lta ji
ltar lan mang du byed pa de lta de ltar nyin mtshan de dang de
ddag 'das pas de'i shin tu sbyangs pa dang sems rtse gcig pa
nyid de 'phel zhing rgyas pa dang yangs par 'gyur ro/ /gang gi
tshe de yi yid la  

byed pa dam zhing brtan la sra ba dang dmigs pa yongs su dag pa
la mos pa 'jug par 'gyur ba dang zhi gnas dang lhag mthong gi
phyogs kyi mtshan ma rnams kyang yongs su zin par gyur pa de'i
tshe na/ de 'jig rten pa'i lam mam 'jig

rten las 'das pa'i lam gang gis 'gro bar 'dod pa de la sbyor ba
rtsom par byed do/ /zhes gsungs so/ /de la 'jig rten pa'i lhag
mthong ni sa 'og ma la rags pa dang/ sa gong ma la zhi bar blta
ba'i zhi rags kyi rnam pa can gyi sgom mo//

'jig rten las 'das pa'i lhag mthong nyan sar gsungs pa ni bden
bzhi la mi rtag pa la sogs pa bcu drug gi rnam pa can du blta
ba'i sgom ste/ gtso bo ni gang zag gi bdag med rtogs pa'i lta
ba'o/ /de ltar sngar bshad pa'i zhi gnas kyi

yid byed de thob pa tshe de la 'jig rten las 'das pa'i lam gyis mi
'grola 'jig rten pa'i lam gyis 'gro ba'i gang zag ji 'dra yod pa
ni/ nyan sa las/ de la gang dag tshe 'di la 'jig rten pa'i lam
kho nas 'gro bar 'gyur zhing/ 'jig rten

las 'das pa'i lam gyis ma yin pa'i gang zag du yod ce na/ smras
pa/ bzhi ste/ 'di lta ste/ 'di las phyi rol pa thams cad dang
chos 'di pa yin kyang/ sngon zhi gnas spyod spyod pa dbang po
rtul po dang de bzhin du dbang po rno yang dge ba'i rtsa ba
yongs 

@62a @#/ /sum smin pa dang/ byang chub sems dpa' phyi ma la byang
chub thob par 'dod cing tshe 'di la ma yin pa ste/ (nga/ zhi gnas
la brten nas lam bgrod tshul/ tshe 'di la 'jig rten pa'i lam gyis
'gro ba'i gang zag bzhi gsungs pa'i phyi rol pa dang

nang pa dbang rtul gnyis kyis tshe de ? la 'jig rten las 'das
pa'i lam gyis mi 'gro zhes pa'i lam ni/ zhi rags kyi rnam pa can
la 'jig rten pa dang bden pa'i rnam pa can la 'jig rten las 'das
par byas pa yin la/ dge ba'i rtsa ba ma smin pa'i byang sems
dbang rnon dang skye ba gcig gis thogs pa'i byang sems gnyis kyi
'jig rten las

'das ma 'das ni so skye'i lam la 'jig rten pa dang 'phags pa'i
lam la 'jig rten las 'das pa'i lam du byas pa yin pas don mi
gcig go)/ /zhes gsungs pa ltar ro/ /de la phyi rol pa'i rnal
'byor pa sngar bshad pa'i zhi gnas thob pa thams cad ni gang zag
gi bdag med pa la

so sor rtog pa'i shes rab kyis dpyad nas skyong ba med de/ de
dag bdag med pa la mi mos pa'i phyir ro//de'i phyir yang na zhi
gnas mi rtog pa de nyid tsam zhig skyong/ yang na zhi rags kyi
rnam pa can gyi lhag mthong bsgom pa tsam byed pas

'jig rten pa'i lam kho nas 'gro ba'o/ /chos 'di pa sangs rgyas
pa yin kyang sngon zhi gnas kyi 'jog sgom tsam zhig la goms pa
shas cher bsten bsten pa'i dbang po rtul po yin na ni/ so sor
rtog pa'i shes rab kyis bdag med

pa'i don la dpyad nas bsgom pa la mi dga' ba'am/ dga' yang bdag
med pa'i don go mi nus pas tshe de la 'jig rten pa'i lam kho nas
'gro ba yin te/ yang na gnas cha de kho na skyong bar byed la/
yang na ni zhi rags kyi rnam

@62b can gyi lhag mthong tsam zhig bsgom pa'i phyir ro/ /nang pa
sangs pa dbang rnon bdag med pa'i don khong du chud kyang bden
pa mngon sum du rtogs pa'i dge rtsa ma smin pa yin na'ang tshe de
la 'jig rten las 'das pa'i zag med kyi 'phags lam bskyed mi

nus pas 'jig rten pa'i lam kho nas 'gro ba zhes bya yi/ bdag med
pa ladmigs pa'i lhag mthong bsgom par mi nus pa min no//byang
sems 'tshang rgya ba la skye ba gcig gis thogs pa yang srid pa
tha ma pa skye ba phyi ma'i dus der sbyor lam nas

bzung ste lam bzhi rgyud la bskyed kyi/ skye ba gcig gis thogs
pa'i dus su 'phags lam mi bskyed pas tshe de la 'jig rten pa'i
lam gyis 'gro ba zhes bya yi/ bdag med pa'i don ma rtogs pa min
no/ /'di ni 'dzod las/ ston (ba/ pa sang rygas)

dang bse ru (ba/ lta bu'i rang sangs rgyas gnyis rang rang gi)
byang chub pa (ba/ 'i bar/ ba/ /sems rten) bsam gtan (ba/ bzhi
pa'i rab) mtha' rten (ba/ sbyor lam bstan cig yan chad stan
thog) gcig la (ba/ lam bzhi po) kun (ba/ 'grod par mdzad la)/
/de yi sngon du thar (ba/ pa) cha mthun (ba/ tshogs lam 'gro)/
/zhes gsungs

pa dang mthun pa'i theg dman gyi gzhung gi 'tshang rgya tshul yin
gyi slob dpon 'phags pa thogs med rang gi bzhed pa min no/ /de
ltar na phyi rol pa zhi rags kyi rnam pa can gyi lam bsgoms nas
nyon mongs mngon gyur spong ba dang/ nang pa sangs

rgyas pa bdag med pa'i don bsgoms nas nyon mongs rtsa ba nas
spong ba gang yin kyang thog mar sngar bshad pa'i zhi gnas kyi
ting nge 'dzin de thob dgos pas sngar bshad pa'i zhi gnas de
phyi nang gnyis ka'i rnal 'byor pa rnams kyi nyon mongs spong

@63a @#/ /pa'i gzhir dgos la/ der ma zad theg chen pa dang theg
dman pa gnyis gyi rnal 'byor pa gang gis kyang ting nge 'dzin de
bsgrub dgos shing/ theg chen pa la'ang sngags dang phar phyin
theg pa'i rnal 'byor pa

thams cad kyis kyang zhi gnas bsgrub dgos pas zhi gnas 'di ni
rnal 'byor pa thams cad kyi lam bgrod pa'i gzhir shin tu gal
che'o/ /sngags kyi gzhung rnams nas bshad pa'i zhi gnas kyang
lha'i sku la dmigs pa'am phyag mtshan

nam yi ge la sogs pa la dmigs nas skyong ba la sogs pa dmigs
pa'i khyad par dang bskyed pa'i thabs 'ga' zhig gi khyad par ma
gtogs pa ting nge 'dzin gyi skyon le lo la sogs pa lnga spong
dgos pa dang/ de dag gi gnyen po dran pa dang

shes bzhin la sogs pa bsten tshul dang/ de nas sems dgu pa 'thob
pa dang de las shin sbyangs skye ba la sogs pa thams cad thun
mong ba yin pas ting nge 'dzin 'di shin tu rgya che ba yin no/
/de la dgongs nas mdo sde dgongs 'grel las

theg pa che chung gi ting nge 'dzin thams cad zhi lhag gi ting
nge 'dzin du 'du bar gsungs pas ting nge 'zin la mkhas par 'dod
pas zhi lhag gnyis la mkhas par bya'o//de 'dra ba'i ting nge
'dzin zhi gnas kyi gnas kyi yid byed de bskyed pa'i dgos pa shin
tu

mang yang gtso bo'i dgos pa ni lhag mthong gi rtogs pa bskyed
pa'i ched yin la/ lhag mthong la yang nyon mongs mngon gyur tsam
zhig spong ba'i zhi rags kyi rnam pa can phyi rol pa dang nang
pa thun mong ba dang nang pa'i yang theg pa che chung thun mong

@63b ba'i lhag mthong zhig dang nyon mongs pa'i sa bon gtan nas
spong ba'i bdag med pa'i de kho nyed kyi rnam pa can gyi lhag
mthong nang pa sangs rgyas pa kho na'i khyad chos su gyur pa
gnyis yod pa las/ snga ma ni phun sum tshogs pa'i yan lag yin gyi

med mi rung min la/ phyi ma ni med du mi rung ba'i yan lag yin
pas rnam grol don du gnyer bas ni bdag med pa'i de kho na nyid
khong du chud pa'i lhag mthong bskyed par bya'o/ /de yang 'di
ltar sngar bshad pa ltar gyi zhi gnas bsam gtan dang

po'i nyer bsdogs kyi sas bsdus pa zhig thob na de yan chad kyi
bsam gtan nam gzugs med kyi zhi gnas ma thobk kyag de la brten
as lhag mthong bsgoms pas 'khor ba'i 'ching ba mtha' dag las
grol ba'i thar pa 'thob par nus la/ bdag med

pa'i de kho na nyid ma rtogs shing ma bsgom pa na sngar bshad
pa'i zhi gnas dang de la brten nas 'jig rten pa'i lhag mthong
gis ci yang med pa man chad kyi nyon mongs mngon gyur thams cad
spangs pa'i srid rtse'i sems thob kyang 'khor ba las mi thar
ba'i

phyir ro/ /de ltar yang/ bsngags 'os bsngags bstod kyi lan mi
ldon par bstod pa las/ (ba/ bcom ldan 'das) khyod kyi chos (ba/
las phyir phyogs pa'i zhes pa dag go) la mi phyogs pa'i/ /skye
bo gti mug gis ldongs pa/ /srid rtse'i bar du song nas kyang/
/sdug

bsngal (ba/ re zhig mi mgnon kyang slar yang) yang 'byung (ba/
zhing srid pa (ba 'khor ba) bsgrub (ba/ 'grub/ /ba/ bcom ldan
'das) khyod kyi bstan pa'i rjes (ba/ ste 'jug pa de ni)/ /bsam
gtan (ba/ gyi) dngos gzi ma thob kyang/ (ba/ nyer bsdogs la
brten nas bdag med pa'i don bsgoms pas)/ /bdud kyi

@64a @#/ /mig ras btsa' (ba/ bste mi gcer re bltas) bzhin du/
/(ba/ bar chad byed mi nus par) srid pa (ba/ 'khor ba) dag ni
bzlog par bgyid/ /ces gsungs so/ /des na rgyun zhugs dang phyir
'ong thams cad kyi 'phags pa'i lam 'thob pa'i lhag

mthong gi rten du gyur pa'i zhi gnas ni sngar bshad pa'i zhi
gnas bsam gtan dang po'i nyer bsdogs kyis bsdus pa de yin la/ de
bzhin du cig car ba'i dgra bcom pa thams cad kyang sngar bshad
pa'i zhi gnas de la brten nas lhag mthong bsgoms

pas dgra bcom pa thob pa kho na yin par shes par bya'o/ /sngar
bshad pa'i zhig gnas kyi ting nge 'dzin rgyud la sngon du ma
thob na ji lta ba'am ji snyed pa la dmigs pa'i lhag mthong gi
rtogs pa dngos ni skye mi srid par 'og tu ston par 'gyur ro/
/de'i

phyir rnal 'byor bla na med pa'i rnal 'byor pas kyang zhi ras
kyi rnam pa can gyi ji snyed pa la dmigs pa'i lhag mthong dang
des bsgrubs pa'i zhi gnas mi bskyed kyang zhi gnas cig bskyed
dgos te de yang thog mar skye ba'i mtshams ni bskyed pa'i rim

pa dang rdzogs pa'i rim pa gnyis kyi rim pa dang po'i skabs su
skye ba yin no/ /mdor bsdun sngon du zhi gnas cig bskyed nas de
nas de la brten nas zhi rags kyi rnam pa can gyi lhag mthong gis
srid rtse'i bar du lam rim can du bgrod pa dang/ bdag

med pa'i de kho na nyid kyi rnam pa can gyi lhag mthong gis thar
pa'am thams cad mkhyen pa'i lam lnga bgrod dgos pa ni rgyal ba'i
bstan pa spyi'i phyag rgyas btab pa yin pas rnal 'byor pa gang
gis kyang 'da' bar bya ba ma yin no/ /zhes bya ba ni zhig gnas

@64b la brten nas lam gong nas gong du bgrod pa'i tshul spyir
bstan pa'o/ /gsum pa khyad par du 'jig rten pa'i lam bgrod tshul
bstan pa la gnyis/ zhi rags kyi rnam pa can gyi lam bgrod pa'i
sngon du zhi gnas 'thob dgos par bstan pa dang/ zhi gnas

la brten nas 'dod pa la chags pa dang bral bar byed pa'i tshul
lo/ /dang po ni/ mtshan nyid so sor rig pa'i sgo nas zhi rags kyi
rnam pa can gyi lam bsgom pas ni sngon du zhi gnas sngar bshad
pa de thob pa zhig dgos te/ mdo sde'i rgyan las/ de yis de ni

spel byas nas/ 'phel ba ring du 'gro ba yis/ /dngos gzhi'i gnas
pa des 'thob bo/ /zhes sngar bshad pa'i sems dgu pa shin sbyangs
dang bcas pa thob pa des ting nge 'dzin de spel ba la brten nas
dngos gzhi bsgrub par gsungs pa'i phyir ro/ /(nga/ zhi gnas

tsam gyis nyon mongs mngon gyur yang mgo gnon mi nus pas ci yang
med man chad kyi nyon mongs mngon gyur mgo mnan te khams gong du
skye ba la'ang nge spar zhig rags kyi rnam pa can gyi lhag
mthong bsgrub dgos so/ /'o na sngar zhi gnas tsam gyi phan yon
la nyon mongs mngon gyur mgo gnon par bshad pa dang 'gal lo zhe
na skyon med de/ de ni

zhi rags ky rnam pa can gyi lhag mthong yang zhi gnas kyi khongs
su bsdus pa'i dbang du byas pa'i phyir/ der ma zad tshig zor yang
ba'i ched du dngos btags ma phye bar stong nyid rtogs pa la lhag
mthong dang ma rtogs pa la zhig gnas su 'jog pa 'dra ba dang/
zhi gnas bsgrub pa'i thabs la zhi gnas su bshad pa 'dra ba sogs
mang po 'ong bas skabs

thob shes par byas nas rigs pas dpyad dgos so)/ /de yang sems
dgu pa nas bzung ste yid byed ma thob pa'i bar du ni yid la byed
pa'i las dang po pa yin la/ yid byed thob nas nyon mongs sbyong
bar 'dod pas mtshan yd so sor rig pa'i yid byed bsgom pa ni

@65a @#/ /nyon mongs rnam par sbyong ba'i las dang po bar gsungs
pas mtshan nyid so sor rig pa bsgom pas sngon du yid byed thob pa
yin te/ nyan sa las/ de la yid la byed pa'i las dang po pa ni
rtse gcig tu bya ba nyid la

ji srid du yid la byed pa ma thob cing/ sems rtse gcig pa nyid
la ma reg gi bar du las dang po pa yn no/ /de la nyon mongs rnam
par sbyong ba'i las dang po pa ni/ yid la byed pa thob pa nyon
mongs pa rnams las sems sbyong bar 'dod pa'i mtshan

nyid so sor rig pa'i yid la byed pa gang yin pa las brtsams
shing/ len pa la gosm pa gang yin pa ste/ zhes gsungs shing/
rnal 'byor gyi gnas bzhi pa'i 'gor yang yid byed thob nas 'jig
rten pa dang 'jeg rten las 'das pa'i

chags brral gyi lam bsgom par gsungs pas so/ /(ba/ nyan sa'i dpe
'ga' zhig las mnyam par ma bzhag pa'i sa pa'i yid la byed pa dag
gis 'dod pa rnams la rags pa dang bsam gtan dang po la zhi bar
blta ba'i mtshan nyid ces 'byung ba la brten nas bod snga rabs pa
kha cig dang gser phreng las kyang zhi rags

kyi rnam pa can gyi bsam gtan dang po'i nyer bsdogs mtshan nyid
so sor rig pa'i yid byed de 'dod pa'i sas bsdus su bshad kyang/
mdzod kyi rang 'grel dang/ kun las btus kyi 'grel pa rgyal sras
ma dang/ nyan sa'i dpe 'gyur dag pa kha cig las mnyam par bzhag
pa'i sa pa'i yid la byed pa dag gis 'dod pa rnams la rags pa
dang/

bsam gtan dang po la zhi bar blta ba'i mtshan nyid ces de lta
bu'i mtshan nyid so so rig pa yid la byed pa de 'dod pa'i sas
bsdus las 'das pa'i khams gong ma'i sas bsdus su bshad pa byang
chub lam gyi rim pa 'di'i yang dgongs don yin no)/ /sngar bshad
pa'i zhi gnas de sngon du bsgrubs nas/ de nas 'jig rten pa

@65b dang 'jig rten las 'das pa'i lhag mthong bsgrubs nas nyo
mongs spong ba'i tshul shin tu rgyas par bshad pa 'di mngon pa'i
bstan bcos gzhan rnams su yang gsal bar ma byung bas/ sngon gyi
chos mngon pa gong 'og la mkhas par sbyangs pa'i gong

ma rnams gyis kyang rtse gcig pa'i zhi gnas sngon du bsgrub pa
dang/ de la brten nas nyon mongs spong pa'i tshul 'di gsal bar ma
thon snang ngo/ /des na nyan sa nas bshad pa 'di legs par ma
nges na/ bsam gtan dang gzugs med kyi lam gyi

dma' shos ni bsam gtan dang po'i nyer bsdogs yin la/ de la yid
byed drug bshad pa'i thog ma mtshan nyid so sor rig pa yin pas/
nyer bsdogs kyis bsdus pa'i sems thog mar skye ba ni mtshan nyid
so sor ri pa yin no snyam du 'khrul pa

skye bar 'gyur ro/ /de ltar bzung na shin tu mi 'thad de/ 'di
ltar zhi gnas ma thob par bsam gtan dang po'i nyer bsdogs skyes
med la/ nyer bsdogs de ma thob na zhi gnas mi 'thob pa'i phyir
dang mtshan nyid so sor rig pa dpyoad sgom yin pas/

de bsgoms pas zhi gnas sngar mthob pa gsar du bsgrub par mi nus
pa'i phyir ro/ /sngar sa'i dngos gzhi'i lung drangs pa ltar/
'dod pa'i rtse gcig pa la shin sbyangs med la shin sbyangs ma
thob na zhi gnas ma grub par dgongs 'grel la sogs pa

las gsungs pa'i phyir nyer bsdogs dang po ma thob na zhi gnas mi
'thob bo/ /des na nyer bsdogs dang ppo'i yid byed drug gi thog
ma ni nyer sdogs kyis bsdus pa'i lhag mthong bsgom pa'i mgo yin
gyi/ nyer bsdogs dang po tsam gyi thog ma min

@66a @#/ /te; de'i gong du nyer bsdogs kyis bsdus pa'i zhi gnas
'gro dgos pas so/ /nyer bsdogs dnag pos bsdus pa'i ting nge
'dzin ma thob gong gi teng nge 'dzin thams cad 'dod sems rtse
gcig pa kho

na yin pas gzhung che ba rnams nas bshad pa dang bstun na lhag
mthong lta zhog /zhi gnas 'thob pa yang shin tu nyung bar snang
ngo/ /zhi gnas la brten nas 'dod pa la chags pa dang bral bar
byed pa'i tshul ni/ sngar bshad pa'i zhi gnas

gsal ba dang mi rtog pa la sogs pa'i khyad par du ma dang ldan
pa de tsam zhig la goms par byas nas lhag mthong gnyis gang yang
ma bsgoms na/ 'dod pa khams kyi nyon mongs mngon gyur pa yang re
zhig la 'gog par mi nus na nyon mongs

pa'i sa bon dang shes bya'i sgrib pa spong ba lta ci smos/ de'i
phyir 'dod pa la chags pa dang bral ba'i bsam gtan dang po 'thob
par 'dod na zhi gnas de la brten nas lhag mthong bsgom par
bya'o/ /'o na sngar zhi gnas tsam la goms par byas na

nyon mongs pa mngon gyur mgo gnon par bshad pa dang ji ltar mi
'gal zhe na/ skyon med de sngar gyi de ni 'jig rten pa'i lhag
mthong zhi gnas kyi khong su bsdus pa'i dbang du byas na/ 'dir
ni lhag mthong gnyis ka'i sngon du 'gro ba'i nyer

bsdogs dang pos bsdus pa'i zhi gnas kyi dbang du byas pa'i phyir
ro/ /chags bral bsgrub pa'i lhag mthong de la yang bden pa'i
rnam pa can dang zhi rags kyi rnam pa can gnyis kyis chags pa
dang bral bar byed pa'i tshul gnyis las 'dir ni

@66b lam phyi ma'i sgo nas chags bral bsgrub tshul ston pa yin
no/ /'di la rten ni/ bdag med kyi lta ba cung zad kyang med pa'i
phyi rol pa dang/ chos 'di pa bdag med pa'i lta ba dang ldan pa
gnyis kas bsgom pa yod do/ /des lam ji 'dra zhig bsgoms

pas nyon mongs spong pa ni/ nyan sa las/ de la 'dod pa'i 'dod
chags dang bral bar bya ba'i phyir rab tu brtson pa'i rnal 'byor
pa ni yid la byed pa rnam pa bdun gyis 'dod pa'i 'dod chags dang
bral ba rjes su 'thob bo/ /bdun po de

dag kyang gang zhe na/ smras pa/ mtshan nyid so sor rig pa dang
mos pa las byung ba dang rab tu dben pa dang dga' bsdud pa dang
dpyod pa'i yid la byed pa dang sbyor ba mthar thug pa dang sbyor
ba mthar thug pa'i 'bras bu yid la byed pa'o/ /zhes

gsungs pa ltar ro/ /de la tha ma ni 'dod pa la chags pa dang
bral nas dngos gzhi la zhugs pa'i dus kyi yid byed yin pas
bsgrub bya yin la/ snga ma drug ni sgrub byed yin no/ /gal te
'dir bdag med pa'i don bsgoms nas nyon mongs spong bar mi

byed na ji 'dra ba zhig gtan la phab nas de'i don bsgoms te nyon
mongs spong ba yin zhe na/ de la lam 'dis 'dod pa khams kyi nyon
mongs mngon gyur pa gzhan yang spong mod kyang/ 'dod pa la chags
pa dang bral bar byed pa zhies gsungs pas

gtso bor 'dod chags kyi gnyen po'i sgo nas spong ba yin no/ /de
yang 'dod chags ni 'dir 'dod pa'i yon tan lnga la 'dun zing
chags pa yin pas/ de'i gnyen por 'dod yon la sgo du ma nas nyes
dmigs su bltas te/ 'dod chags de yi 'dzin

@67a @#/ /stangs kyi ldog phyogs bzung ba'i sgo nas goms par byas
pas 'dod pa las chags pa dang 'bral bar byed pa'o/ /'di yang
'dod pa'i skyon dang bsam gtan dang po'i yon tan phyin ci ma log
par so sor rig

pa mtshan nyid so sor rig pa'i nges pa brtan po yod kyang/ sngon
du zhi gnas grub pa med na skyon yon de gnyis dpyod pa la ji
tsam goms par byas kyang nyon mongs spong mi nus la/ yang zhi
gnas grub kyang so sor rig pas dpyod pa ma byas na

de la ji tsam bsgoms kyang nyon mongs spong mi nus pas zhi lhag
gnyis ka bsgoms pa'i sgom nas spong dgos pa yin te/ 'di ni nyon
mongs spong ba thams cad kyi rnam par bzhag pa'o/ /de ltar nas
gong 'og gi skyon yon so sor 'byed pa'i

mtshan nyid rab tu rig pa ni res 'ga' thos pa dang res 'ga' bsam
byung du 'gyur bas thos bsam 'dres ma'o/ /de ltar goms pas thos
bsam las 'das nas bsgom pa'i rnam pas mtha' gcig tu zhi rags kyi
don de la mos par byed

pa ni mos pa las byung ba'i yid byed do/ /'dir nyan sa las/
mtshan ma de nyid la dmigs nas zhi gnas dang lhag mthong sgom par
byed do/ /zhes gsungs shing/ yid byed drug pa'i skabs su yang
zhi lhag bsgom par gsungs la/ yid

byed dang po'i skabs su don la sogs pa'i gzhi drug la dmigs par
gsungs pa de/ skabs gzhan du lhag mthong du lan mang por gsungs
pas 'di dag bdag med pa'i lta ba bsgom pa min kyang lhag mthong
du mi 'gal lo/ /des na yid

@67b byed 'di rnams kyi skabs su zhi lhag gnyis tshul du bsgoms
nas/ nyon mongs spong ba yin pas de'i bsgom tshul ni/ zhi rags so
sor phye ba'i don de nyi la/ yang dang yang du dpyod pa ni lhag
mthong bsgom pa yin la/ yang dpyad pa'i

mthar zhi rags kyi don de la rtse gcig tu 'jog pa ni zhi gnas
bsgom pa'o/ /de ltar bsgom pa'i yid byed gnyis pa dang dang po
ni sun 'byin pa'i gnyen po'o/ /de ltar zhi lhag gnyis re mos su
bsgom pa goms pa la brten nas 'dod pa'i nyon

mongs chen po'i gnyen po skyes pa na rab tu dben pa'i yid byed
cis bya'o/ /yang zhi lhag spel mar bsgoms pas nyon mongs 'bying
spong bar nus pa na dga' ba sdud pa'i yid byed do/ /de nas dge
ba la sbyor ba la gegs byed pa'i 'dod pa'i nyon

mongs ting nge 'dzin la gnas pa dang/ de las langs pa'i skabs su
mi rgyu bar mthong ba na da ni kho bos nyon mongs spangs so
snyam du rtog pa rtsing po mi byed par dpyod par byed de/ ci
bdag 'dod pa la 'dun pa'i chags pa dang ma bral bzhin du mi

rgyu ba yin nam 'on te chags pa dang bral nas mi rgyu ba yin
snyam nas de sad pa'i phyir du chags yul shin tu sdug pa zhig la
dmigs pa na chags pa skye bar mthong nas/ de spang ba'i phyir du
bsgom pa la dga' bar byed pa ni dpyod pa'i yid byed do//

'dis ni ma spangs so snyam pa'i nga rgyal spong ngo/ /de nas
yang sngar ltar zhi rags kyi don la so sor dpyod pa dang dpyad
pa'i mthar rtse gcig tu 'jog pa gnyis ka byas shing bsgoms pas/
'dod pa'i nyon mongs chung du'i gnyen por

@68a @#/ /skyes pa na sbyong ba mthar thug pa'i yid la byed pa
zhes bya'o/ /yid byed gsum pa dang bzhi pa dang drug pa ni nyo
mongs spong ba'i gnyen pO//de ltar nyon mongs pa chung ngu
spangs pa na 'dod pa'i nyon mongs mngon

gyur thams cad bcom nas re zhig la cung zad kyang mi rgyu bar
byed de/ sa bon gtan bcom pa ni min no/ /tshul 'dis ci yang med
pa man chad la chags pa dang bral bar byed la/ srid rtse'i nyon
mongs ni mgnon gyur kyang 'gog mi nus pas

'khor ba las brgal bar mi nus so/ /'on kyang bsam gtan la brten
nas mngon par shes pa lnga yang 'thob par byed de/ 'di dag ni
tshig mang bas 'jigs pas ma bris te/ rgyas par nyan sa na bzhugs
pas der blta bar bya'o/ /bsam

gtan la sogs pa'i dngos gzhi bsgrub tshul 'di rnams da lta med
pas de dag gis gol sar 'khrid sa med mod kyang/ 'di rnams la
tshig spyi tsam du ma song ba'i go ba skyes na ting ne 'dzin
gzhan gyi gol sa gcod pa la shin tu phan

par snang ngo/ /de lta bu'i bsam gtan bzhi dang bzugs med bzhi'i
ting nge 'dzin dang/ mngon par shes pa lnga ni phyi rol pa dang
thun mong pa yin pas/ de 'dra ba'i ting ne 'dzin khyad par can
thob kyang/ de tsam gyis 'khor ba las mi

grol bar ma zad de dag gis kyang 'khor bar 'ching bas zhi gnas
tsam gyis chog shes mi bya bar so sor rtog pa'i lhag mthong bdag
med pa'i lta ba btsal bar bya'o/ /bsam gtan dan gpo la sogs pa'i
dngos gzhi bsgrub lugs

@68b rnams rgyas par ma shes na'ang/ sngar bshad pa'i zhi gnas
sam yid la byed pa zhes bya ba de'i bsgrub lugs shin tu zab pa'i
mdo shes rab kyi pha rol tu phyin pa la sogs pa nas sems 'jog
tshul dgu gsungs pa dbu ma'i sgom rim du

bkod pa sngar drangs pa dang/ de'i dgongs pa mdo sde'i rgyan du
'kral ba dang/ 'phags pa thogs med kyis byangs dang mngon pa
gong ma dang/ gtan la dbab pa bsdu bar mdor bsdus te gsungs
shing/ bsdu ba las zhi lhag gnyis nyan sa la

zhal 'phangs mdzad pa ltar nyan sa na rgyas par bkral ba dang/
de rnams kyi don dbu ma'i sgom rim dang/ sher phyin man ngag tu
gsungs pa dang/ gzhan yang dbus mtha' nas spong ba'i 'du byed
brgyad/ nyes pa lnga spong tshul dang bcas pas zhi

gnas bsgrub lugs gsungs pa rnams kyi snying po rnams legs par
brtags te rang bzo dang bral bar bstan pa tsam re nges par shes
par bya dgos te/ 'di rnams bsam gtan pa kha cig la ni ming tsam
yang mi 'dug la/ kha cig la sngon

gzhung che ba la sbyangs pa'i dus su tshig tsam yod kyang/ don
legs par ma go bas phyis nyams len gyi tshe/ dgos pa med par
mthong nas rtsigs med du dor te bskyangs pas/ go ba legs par
dmigs ma phyed pa'i rtags su zhi gnas kyi phyogs

su bsdur rung ba'i ting nge 'dzin re thob pa na/ stong pa nyid
kyi ting nge 'dzin du 'dzin par snang la/  phyi nang gnyis ka'i
ting nge 'dzin thun mong bsems dgu pa tsam zhig thob na/ rnal
'byor bla med kyi rdzogs rim mtshan nyid tshang ba byung bar 'dod
pa dang/

@69a @#/ /mnyam rjes 'dres nas mi rtog pa'i ye shes rgyun mi chad
du 'dod pa mang ngo/ /sngar bshad pa rnams la nge spa legs par
rnyed na ni dmigs med dag/ mtshan med dang nges don bsgom pa la
sogs pa'i ming

snyan snyan btags pa tsam gyis mi 'khrul bar/ ting nge 'dzin
de'i don gang du song shes nas lam gyi go las dang ma go las
shes par 'gyur bas/ gzhung tshad ldan de dag nas gsungs pa'i tig
nge 'dzin gyi bsgrub pa'i rim pa la mkhas

par bya'o// //'dir smras pa/ mdo dang dgongs 'grel bstan bcos
chen mo las/ /legs gsungs ting nge 'dzin bsgrub pa'i rim pa 'di/
/rjod byed brling bas blo gros chung rnams kyis/ /ji bzhin ma
rtags rang gi blo yi skyon//

gzhan la bsgos pas gzhung bzang de dag la/ /mi rtog skyong ba'i
gdams pa med snyam nas/ /yod pa'i gzhung du ma btsal med pa'i
sar/ /'bad pa du mas tshol zhing rnyed par sems/ /de 'dras phyi
rol pa dang nang pa yi/ /ting 'dzin rnams kyang

phyed par mi 'gyur na/ /theg pa mchog dang theg pa dman pa dang/
/rdo rje'i theg dang pha rol phyin pa yi/ /ting nge 'dzin gyi
khyad par gang yin pa/ /ji bzhin phyed par 'gyur ba smos ci
dgos/ /tshul de mthong nas gzhung lugs chen mo yi/ /ting

'dzin skyong tshul go sla'i ngag gis bshad/ /gzhung lugs che la
lo mang sbyangs pa yi/ /grogs dag rang gi nor bu rin po che/
/dor nas gzhan gyi mching bu ma len par/ /rang la rin chen yod
pa mkhyen par 'dzod/ /khyed kyis sbyangs pa'i gzhung

@69b las gdams pa'i don/ /logs su med pa gzigs nas thub dbang
gis/ /mang du thos pa nags na bde'o zhes/ /gsungs pa de yi don
la'ang dpyod par rigs/ cir yang mi rtog 'jog pa'i zhi gnas lam/
/dang por bsgrub pa'i tshul dang grub

pa'i tshad/ /legs par dmigs byed go ba ma rnyed kyang/ /snying
rus tsam la re ba'i bsam gtan pa/ /de dag gis kyang da dung
mkhas pa la/ /brten nas skyong tshul ji bzhin shes par mdzod/ /de
lta min na rgyal ba'i bstan pa la/ /re zhig ngal bso

byas na gnod pa chung/ /de ltar byams pa thogs med kyi/ /gzhung
gis zhi gnas bsgrub pa'i tshul/ /bshad pa'i 'di yang rgyal ba yi/
/bstan pa ring du gnas phyir ro/ /skyes bu chen po'i lam gyi rim
pa las/ byang chub sems dpa'i spyod pa la slob

pas; bsam gtan gyi ngo bo zhi gna sl aji ltar bslab pa'i tshul
bshad zhin to// ' //(bar/ 'di man gyi mcan bu la bso dang bra ti
bzlos na lta bu dang/ jar/ 'jam dbyangs bzhad pa dang bzlos na
lta bu'i rtags yod// ' //(ja/ gnyis pa lhag mthong 'chad pa' la
ting de 'dzin bzhi ldan yod

kyang lhag mthong bsgrub dgos pa dang/ lhag mthong ji ltar
bsgrub pa gnyis/ dang po la/ ting nge 'dzin tsma gyis mi grol ba
dpe dang bcas pa dang/ grol ba'i lam sgom tshul dang cas pa
gnyis/ dang po la lnga las/ dang po gsal la dga' bde mi rtog pa
bzhi ldan gyi ting nge 'dzin yod kyang grol ba 'dod na de nyid
rtogs pa'i lhag

mthong sgom dgos pa ni)/ de ltar (gong du zhi gnas kyi skabs su)
bshad zin pa ltar (rgod pa dang bral ba'i lag rjes 'jog byed)
sems (kyis bzhags) dmigs pa gcig la ('jog tshul dus ring thung
sogs kyi 'phen pa) ji ltar 'dod pa ltar bzhag pa (ja/ rgod pa
dang bral ba) sa (bzhags) gar bzhag

@70a @#/ /(sa de kha rang) tu (tshad gang bzhag ltar) sdod pa'i
('jog yul de las gzhan du) mi rtog pa ('i khyad par) dang (mi
rtog pa) de yang bying ba dang bral ba'i (ja/ 'dzin stangs kyi
ngar che bas/ lag rjes) gsal ba ('i khyad par) dang (khyad par
de gnyis la goms pa na de'i 'bras

bu'am) phan yon gyi khyad par (ja/ lus sems shin sbyangs kyi
sems) dga' (ja/ ba dang lus shin sbyangs kyi) bde (ba/ ba) dang
bcas (pa'i khyad par gsum dang ldan) pa'i zhi gnas (grub pa) de
tsam gyis chog shes mi bya bar/ (zhi gnas grub pa des gzhi byas
nas) de kho na nyid (stong pa nyid) kyi don

(gzhan dang ma nor bas) phyin ci ma log par nges (shing rtogs)
pa'i shes rab (khyad par can thog mar btsal zhing) bskyed (par
byas) nas/ (de'i rjes su she rab nges ji ltar btsal bltar skyong
ba'i) lhag mthong bsgom par bya dgos te/ (zhi gnas kyi ting nge
'dzin grub pa la brten nas lhag

mthog bsgom dgos la) de lta ma yin (par zhi gnas thob pa tsam
gyis chog par 'dzin) na (zhi gnas kyi) ting nge 'dzin de tsam
(zhig) ni (mu stegs pas kyang thob pas) mu stegs dang yang thun
mong ba yin pas (na ting nge 'dzin)/ de tsam la (ji tsam) goms
par byas kyang (mu stegs byed) de

rnams kyi lam (gyis srid rtse'i 'ogs man chad kyi nyon mongs
mngon gyur phal cher re zhig spong ba tsam las sa bon gtan nas
spong ba mi srid pa) bzhin du nyon mongs pa'i sa bon (gtan nas)
mi spong pas srid pa ('khor ba) las grol bar mi 'gyur ba'i phyir
ro/ /(ja/ gnyis pa de nyid ma rtogs na phyi

pa'i ting nge 'dzin ltar mi grol bsgom rim gyis bsahd pa ni)/ de
ltar (mi gro ba) yang/ (ka ma la shI la'i)/ sgom rim dang po
las (gsungs te/ ji skad du zhi gnas la slob tshul 'di'i gong du
bshad pa) de ltar dmigs pa la smes brtan (pa'i zhi gnas thob)
par byas nas (ba/ te zhi gnas grub

@70b nas bdag med pa'i don rtogs pa'i de'i rjes su) shes rab
kyis (de kho na nyid la) rnam par dpyad (nas bsgom) par bya ste/
(de ltar byas pas 'byas bu ji lta bu 'byung ba'i tshul ni) 'di
ltar (shes par bya'o/ /de yang shes rab nges yang yang dpyad nas
bsgoms pas de kho na nyid gsal bar)

shes pa'i snang ba (can gyi lhag mthong 'byung la de) byung ba
(la brten na) sa (ba/ te bdag med pa'i lhag mthong bsgoms pas)
kun tu rmongs pa (bdag tu 'dzin pa) 'i sa bon shin tu (ste rtsa
ba nas slar mi ldog pa'i tshul gyis) spong bar 'gyur ro/ /de lta
(bu'i lhag mthong bsgoms

pa) ma yin (par zhi gnas tsam gyis chog) na (zhi gnas de lta bu
ni mu stegs can la yang yod pas) mu stegs can rnams (kyi zhi
gnas ji tsam bsgoms kyang nyon mongs rtsa ba nas spong mi nus
pa) bzhin du (bar/ zhi gnas kyi) ting nge 'dzin tsma gyis nyon
mongs pa (rtsa ba nas)

spong bar (nus par) mi 'gyur ro/ /(ja/ gsum pa de'i khungs nges
don gyi mdo dgod pa ni/ de ltar mi nus pa yang bcom ldan 'das
kyis) mdo sde las (bka' stsal te) ji skad du 'jig rten (ja/ pa
so sos skye bo) dag ni (ja/ bar/ de nyid ma rtogs pa'i zhi lhag
gi 'ga' zhig zhi gnas kyi) ting (nge) 'dzin (ja/ srid rtse'i
dngos

gzhi man chad) sgom (par) byed kyang (ja/ de nyid ma rtogs par
bsam gzugs kyi ting nge 'dzin/ sgom pa po) de ni (ba/ 'khor ba'i
rtsa ba/ sangs rgyas kyi bstan pa'i man ngag dang mi ldan pa'i
dbang gis ji tsam bsgoms kyang lam des 'khor ba'i rtsa ba) bdag
tu (ba/ 'dzin pa'i) 'du shes (ba/ ja/ pa ste sa bon/

'dzin pa'i bdag 'dzin 'khor ba'i rtsa ba mngon 'gyur ba mang
pa'i bdag 'dzin) 'jig (cing spong bar gtan) mi byed (ba/ re zhig
nyon mongs mngon gyur mgo non kyang/ ja/ bsam gzugs kyi ting nge
'dzin/ la bdag 'dzin ma spangs pa'i dbang gis sgom pa po) de ni
(bdag 'dzin des gzhi byas te)

@71a @#/ /nyon mongs phyir zhing ((ba) (ra) ste slar yang 'phel
nas) rab (ba/ tu) 'khrug cing rang dbang med par byas pas las
bsags nas 'khor bar 'khror bar 'gyur) ste/ /((ba) (ra) dper na
mu stegs) lhag spyod kyis ni (ba/ zhi rags kyi rnam pa can gyi
nga/ srid rtse'i dngos

gzhi'i zhi lhag gi) ting (nge) 'dzin ('jig rten) 'dir bsgoms)
nas nyams pa) bzhin (no)/ /zhes gsung pa lta bu'o zhes (sgom
rims su drangs nas) gsungs so/ /(ja/ bzhi pa 'jig rten pa'i bsam
gzugs kyi ting nge 'dzin gyis bdag 'dzin mngon gyur yang zhig mi

nus pa ni/ de ltar gsungs pa'i lung) de la ting (nge) 'dzin sgom
byed kyang zhes pa ('i tshig yod pa de'i don) ni sngar (gong du)
bshad pa'i mi rtog pa dang gsal ba la sogs pa (bde ba dang bcas
pa) 'i khyad par (gsum) dang ldan pa'i ting

'dzin (de bsgom par byed kyang zhes pa yin) no/ /(ting nge
'dzin) de (tsam zhig) bsgoms (par byas) kyang bdag 'dzin spong
mi nus pa ni (lung de'i tshig) de ni bdag tu 'du shes 'jig mi
byed ces pa (des bstan pa'o/ /ja/ lang pa ting nge 'dzin des

bdag 'dzin ma spangs pas bdag 'dzin las nyon mongs skye bas mi
grol ba ni)/ bdag 'dzin ma spnags pas da gdod (de de lta nas
phar dus re zhig gcig na slar) yang nyon mongs skye (zhing
'phel) bar 'gyur ba ni/ (lung de'i tshig) nyon mongs phyir yang

rab tu 'khrug /ces pa ('dis bstan pa) 'o/ (gnyis pa la grol lam
ngos bzung ba dang/ sgom tshul dang/ de nyid rtogs pa las gzhan
gyis mi grol ba lung rigs kyis sgrub pa gsum  ja/ dang po ni/
ting nge 'dzin de tsam gyi mi 'thob na) 'o na (lam) ji 'dra zhig
bsgoms

@71b (par byas) pas thar pa 'thob snyam (nas 'dri) na/ (de'i lan
la) lung de'i mjug de ma thag nyid du sngar (zhi gnas kyi skabs
su) drangs pa ltar (gyi tshig) gal te chos la bdag med so sor
rtog /ces sogs (tshigs bcad gcig gsungs) te (de yang gal te

zhes sogs rkang pa dang po'i don ni zhi gnas tsam bsgoms pa de
las) gal te (zhi gnas de tsam du ma bzhag par de'i steng du)
bdag med pa'i chos la so sor brtags nas bdag med kyi don go ba'i
shes rab bskyed (par byas) pa dang/ (ja/ gnyis pa de kho nyid la
dpyod pas bsgom

ja/ na grol bar 'gyur ba ni/ der ma zad rkang pa gnyis par) so
sor (bdag med pa'i don) de (la) brtags (nas nges pa rnyed pa
ltar) gal te (yang nas yang du lta ba de nyid) bsgom (zhing
skyong bar byed) pa ni/ /zhes (gsungs pa'i don) bdag med pa'i
lta ba rnyed nas lta ba

de skyong zhing (lhag mthong) bsgom pa (ra byed pa) ni zhes
pa'o/ /de 'dra'i lohag mthong bsgom pa de gang gi rgyur 'gyur
zhe na rkang pa gsum par lhag mthong) de ni myang ngan (las)
'das (pa) thob (pa de nyid) 'bras bu (ra bzhag pa de) 'i rgyu
(yin)/ zhes (gsungs pa'i don ni)

myang ngan las 'das pa'am/ thar pa'i 'bras bu thob pa de'i rgyu
(ni de kho na nyid kyi lhag mthong) de (nyid) yin no zhes pa'o/
/(ja/ 'jug pa las kyang/ rnal 'byor pa ni rnam par grol bar
'gyur/ /zhes dang/ rin chen 'phreng ba las/ de ltar yang dag ji
bzhin du/ /'gro

ba'i don byed shes nas ni/ /rgyu med pa yi de bzhin du/ /gnas
med lan med mya ngan 'da'/ /zhes dang/ rnam 'grel las/ de phyir
grol 'dod thams cad pa'i/ /rgyu can rigs mthun sa bon las/
/byung ba'i 'jig tshogs lta ba dag /rtsa ba nyid nas dbyung bar
gyis/ /zhes

@72a @#/ /dang/ bzhi brgya pa las/ yang dag mthong na gnas mchog
na/ /cung zad mthong na bzang 'gro ste/ /de phyir nang bdag
bsams pa la/ /mkhas pas rtag tu blo gros bskyed/ /ces dang/ de'i
'grel bar don dam pa'i shes pas de kho na nyid mthong ba

yod na gnas kyi mchog myang ngan las 'das pa 'thob la/ cung zad
ste chung ngu gcig mthong na lha dang mi'i 'gro ba bzang po'o/
/zhes so/ /gsum pa de nyid rtogs pa las thabs gzhan gyis mi grol
ba la drug las/ ja/ dang po lta ba zab mo med par mi grol pa la
ni)/ 'o na (de 'dra'i lhag mthong) de bsgoms

pas thar pa 'thob pa ltar (lhag mthong) de med par (lam) gzhan
zhig bsgoms pas kyang thar pa 'thob bam snyam (du bsams nas
'dri) na/ (de'i lan la rkang pa bzhi pa) rgyu (lhag mthong de
las)/ gzhan gang yin (pa) de (bsgoms pa) sa ni zhi (ba 'thob pa)
ra mi 'gyur/

zhes (gsungs pa'i don ni rgyu) de las gzhan pa'i lam (ji tsam)
bsgoms kyang (de 'dra'i lhag mthong bsgoms pa) de med na sdug
bsangl dang nyon mongs zhi ba ('i thar pa 'thob pa) ra mi 'gyur
ro/ zhes/ bdag med pa'i shes rab kho na srid pa ('khor ba) 'i
rtsa ba gcod

byed du shin tu gsal bar bstan pa ('i lung) 'di dbu ma'i sgom
rim du'ang rgya nag gi mkhan po) hwa shang (gis so sor rtog pa
sogs rnam rtog thams cad spang byar byas nas yid byed thams cad
bzhag pa'i sgom mchog tu 'dod pa) la gnod byed du drangs (pa
yin) pas

('khor ba'i rtsa ba gcod pa la bdag med pa'i lta ba med du mi
rung ba'i tshul) 'di la (ja/ dpyad sgom med par mi grol tshul shes
dgos pas de'i rgyu mtshan yang yang dpyad na nges pa stobs je
cher song bas bdag 'dzin la cher gnod tshul la) nges pa rnyed (pa
ni thar pa 'dod pa rnams kyis

@72b srog bzhin du gal po cher gzung bar bya) dgos te/ mu stegs
kyi drang srong rnams la'ang (bsam gtan gzugs med kyi) ting nge
'dzin dang mngon par shes pa (dang tshad med pa) la sogs pa'i yon
tan du ma yod kyang bdag med pa'i lta ba ('di lta bu) med pas
(ngal

ba brgya phrag gis 'bad kyang) 'khor ba ('i rtsa ba la gnod pa
gtan nas med pas de) las cung zad kyang brkal mi nus pa'i phyir
ro/ /(ja/ bzhi brgya pa las/ zhi sgo gnyis pa me dpa dang/ /lta
ba ngan rnams 'jig byed cing/ /zhes dang/ de'i 'grel par zla
bas/ gang zhig zhi ba'i sgo

gnyis pa med pa de ni bdag med pa'o/ /gang zhig lta ba ngan pa
rnams 'jig par byed pa de ni bdag med pa'o/ /zhes gsungs pas
'khor ba'i rtsa ba yang gcig las med pas na zhi sgo gcig las mi
'byung ba'i phyir te/ 'khor rtsa shes pa 'dzin stangs mi mthun
pa du ma med pas 'khor rtsa

gcig tu bzhag pa yin gyi/ chos kyi bdag 'dzin phung po bden
'dzin dang/ gang zag gi bdag 'dzin 'jig lta gnyis ka 'khor rtsa
yin te/ snga ma ni rin chen phreng bar/ /ji srid phung por 'dzin
yod pa/ /de srid de la ngar 'dzin yod/ /ngar 'dzin yod na yang
las te/ /sogs

dang; stong nyid bdun cu pa las kyang/ rgyu dang rkyen las skyes
dngos rnams/ /yang dag par ni rtog pa gang/ /de ni ston pas ma
rig gsungs/ /de las yan lag bcu gnyis 'byung/ /zhes dang/ 'jug
par 'jig lta lhan skyes 'khor ba'i rtsa bar gsungs pa'i phyir
rang rgyud pa

sogs la zhib cha dgos par mngon/ ja/ gnyis pa bdag med mang du
ma thos par ting nge 'dzin dang tshul khrims kyis mi grol ba ni/
gong du mdo sogs kyis bstan pa) de bzhin du sngar (zhi gnas kyi
skabs su) drangs pa'i byang chub sems dpa'i sde snod (zhes pa
phal po che'i mdo

@73a @#/ /yin gsungs)/ las kyang ('di skad du rgyal ba'i) gsung
rab nas (ji ltar) bshad pa'i de kho na nyid (kyi don) mi shes
par ting nge 'dzin (thob pa) tsam gyis chog shes byas nas (ting
nge 'dzin) de (tsam sgom pa)

la ('khor ba las grol byed kyi) za mo'i don (de kho na nyid)
bsgom pa'i lam (mthar thug pa yin no snyam) du ('khrul nas nga
ni lam zab mo bsgom pa'o zhes gzhan la) mgnon (cing gsal bar
byed) pa'i (rang la mchog 'dzin gyi) nga rgyal byas pas (ni)
'khor ba las mi

'grol ba (ste grob bar mi 'gyur bar ma zad nga rygal la sogs
pa'i nyon mongs slar yang 'phel bas 'khor bar 'cing bar byed pa
don gyis gsungs pa dang/ yang de nyid las/ de bzhin gshegs pa)
ngas (de kho na nyid kyi don mi shes na ting nge 'dizn tsma gyis
'khor ba las mi

'gro ba) de (nyid) la dgongs (pa gtad) nas (bshes gnyen dam pa)
gzhan las (rjes su bstan pa'i man ngag) thos pa ('i gang zag) ni
('khor ba'i nyes dmigs sam skyon) rga shi ('i 'jigs pa) las grol
bar 'gyur ro zhes (rang gi 'khor la) bka' stsal to/ /zhes
(gsungs

pa sni)/ ston pa (sangs rygas) rang gis rang gi dgongs pa blangs
nas gsal bar bshad de (de'i don yang/ rang gis yon tan cung zad
thob pa'i nga rgyal mi bya bar bshes gnyen dam pa) gzhan las
(rjes su mthun pa'i gdams ngag) thos pa ni ('khor ba las 'gro
lo/ /

de yang) gzhan (dam pa de) las bdag med (pa'i de kho na nyid kyi
don gyi mang ngag ma nor bar) 'chad pa (de rang nyid kyis) thos
pa'o/ /(ja/ des na mdo las tusl khrims nyams pa ni bla'i lta ba
nyams pa ni ma yin no zhes so/ /ja/ gsum pa bshes gnyen mkhas pa
gzhan bsten nas bdag med pa'i

@73b thos pa ma btsal bar stong nyid mi rtogs pa ni/ rgyu mtshan)
rgyu (mtshan) de ('i dbang gi) sa (gong gi don de dag mdor
bsgril) na (rang gi rgyud du gtogs pa ma yin pa'i) phyi nas
bshes gnyen (mkhas shing phan 'dogs pa'i brtse ba can phyi bshol
med pa'i) dam pa la (sa) bdag med pa'i

don (ma nor bar) nyan pa'i (sgo nas) thos bsam (gang yang) ma
byas par (ting ne 'dzin gyi man ngag cung zad la sems gtad nas
mig zim mer bsdang pas/ rang gi) nang nas (zab mo'i rtogs pa
ngang gis) skye'o snyam du 'dzin pa ('i log rtog de) dgag pa'i
phyir du

(sangs rgyas kyis) gzhan las thos pa ni zhes sogs (kyi tshig 'di
lta bu) gsungs par (thag chod cing nges pas) gdon mi za'o/ /(ja/
bzhi pa gsung rab thams cad kyis stong nyid dngos su'am brgyud
nas ston pas gsung rab la thos bsam dgos tshul ni)/ spyir rgyal
ba'i gsungs

rab thams cad ni ('khor ba las grol ba'i thabs kho na gtso bor
ston la 'khor ba las grol ba la yang de kho nyid nges par rtogs
dgos par gzigs nas/ bka') la las dngos su de kho na nyid ston
(par byed)/ dngos su mi ston pa ('i bka') rnams kyang rgyud nas

de (kho na nyid ston pa) la gzhol (ba ste phyogs) zhing (de ston
pa'i steng du) 'bab pa kho na yin (ja/ te de skad du mdo bstan
bcos du ma las bshad pa'i phyir te/ 'phags pa lhas/ stong nyid
myang ngan 'das pa ste/ /'dir ni de gnyis 'ba' zhig go /zhes
dang/ de'i 'grel

par); zla (bas/ mi 'tshe ba dang stong pa nyid/ /ces gsungs pa'i
chos de gnyis ni mtho ris dang byang grol thob par byed pa ste/
de'i phyir de gnyis 'ba' zhig go /zhes dang/ ting nge 'dzin
rgyal po'i mdo las/ sangs rgyas kun gyis chos mang po/ /ji snyed
rab tu bstan

@74a @#/ /pa rnams/ /chos rnams kun gyi bdag med yin/ /zhes dang/
rje rin po ches kyang/ khyod kyis ji snyed bka' stsal pa/ /rten
'brel nyid las brtams te 'jug /de yang mya ngan 'da' phyir te/
/zhi 'gyur min mdzad khyod

la med/ /ja/ ces sogs ltar yin)/ la (de'i rgyu mtshan ni 'khor
bar 'khyams pa'i rtsa ba bdag tu 'khrul nas rmongs pa mun pa lta
bu de la thug pas/ rmongs pa'i mun pa de sel dgos shing/ de sel
ba yang) de kho na (nyid) shes pa'i (shes rab kyi) snang ba ma
byung (gi)

bar du (bdag tu) rmongs pa'i mun pa (de) mi ldog cing/ (snang ba
de) byung na (nges par) ldog (pa yin) pas (de kho na nyid shes
pa'i shes rab la bltos so/ /des na) sems rtse gcig pa'i zhi gnas
tsam gyis ni/ (bdag tu rmongs pa'i rab rib la gnod pa byed pa'i

nus pa ci yang med pas/ rab rib de dang bral ba'i) ye shes dag
pa ('thob pa) ra mi 'gyur la/ (bdag tu) rmongs pa'i mun pa (de)
yang (gtan nas) mi ldog go /(de ma ldog na ni 'khor bar 'khyams
dgos pa)/ de'i phyir (nges par) de kho na nyid bdag med (pa'i)

don nges (shes rtogs) pa'i shes rab (bdag gis) btsal bar bya'o
snyam du (bsams nas) shes rab (de lta bu) gdon mi za ba (ste
nges pa kho na) ra (gal po cher bzung nas) btsal bar bya dgos
te/ (de ltar dgos pa) sgom rim bar pa las (gsungs pa ni/

zhi gnas la bslab pa) de nas zhi gnas grub (pa na) zhi gnas de
nyid la brten) nas (de kho na nyid rtogs pa'i) lhag mthong (nges
par) bsgom par bya ste/ (ba/ zhi gnas grub pa'i gang zag de  de
bsgom pa'i thog mar sgom pa po des) 'di snyam du bsam par bya'o/
/bcom

@74b ldan 'das kyi bka' thams cad ni ('khor b alas grol ba'i lam
de kho na nyid rtogs pa'i thams kho nar gsungs pas)/ legs pa
(ste phyin ci ma log cing phan pa kho na) ra gsungs pa ste ('di
ltar bka' de thams cad kyis) mngon sum du (ste dngos su) 'am

(yang na) brgyud pas bdag (med pa'i) de kho na (nyid) mngon du
(ste gtso bor de ched du byas nas)/ gsal bar byed pa dang de kho
na (nyid de ston pa) la gzhol ba nyid do/ /(de nyid gsal bar
byed cing de nid la gzhol ba'i rgyu mtshan yang) de kho na (nyid
de) shes na (de'i mthus/ dper

na) snang ba byung bas mun pa bas ba bzhin du (bdag tu lta ba la
sogs pa'i) lta ba (ngan pa gcig nas gcig tu 'brel ba) 'i dra ba
(dang 'dra bar 'ching bar byed pa de) thams cad dang bral (nas
ye shes dag pa 'thob nas 'khor ba las thar) bar 'gyur ro/ /zhi
gnas tsam gyis

ni (bdag tu rmongs pa'i rab rib dang bral ba'i) ye shes dag (pa
'thob) par mi 'gyur zhing (thar pa'i lam la) sgrib pa'i (rmongs
pa) mun pa (dang 'dra ba de) 'ang sel bar mi 'gyur gyi (de kho
na nyid nges pa'i)/ shes rab kyis de kho na (nyid la yang nas
yang du dpyad pas) legs pa

(ste phyin ci ma log pa) ra bsgoms na (ni rmongs pa'i rab rib
dang bral ba'i) ye shes ranm par dag (pa 'thob) par 'gyur/ de
kho na (nyid mngon sum du) rtogs par 'gyur (la de kho na nyid
rtogs pa'i) shes rab kho nas (rmongs pa'i) sgrib pa (de) yang
dag par (te)

nges par) spong bar 'gyur te/ (rgyu mtshan) de lta (bu yin) pas
na (sgom pa po) bdag gis zhi gnas la (yang nges par) gnas te
shes rab kyis de kho na (nyid thabs kyi cha kun nas don gyi cha
kun tu) yongs su btsal bar bya'o (ste bdag med rtogs pa'i lhag

@75a @#/ /mthong bsgom par bya'o/ /ba/ shes rab de med par) zhi
gnas tsam gyis ni chog par 'dzin par mi bya'o/ /('o na btsal
bya'i) de kho na (nyid de yang) ji lta bu (yin) zhe na don dam
par dngos po thams cad (rang rang gi sdod

lugs mthar gtugs pa na/ dgag bya) gang zag dang chos kyi bdag
(gang du yang grub pa med pas na dgag bya de) gnyis kyis stongs
pa (ra grub pa) nyid de zhes (gsungs) so/ (ja/ lnga pa phar
phyin dang po lnga long ba lta bu yin pas de rnams kyi nang nas
shes rab kyi phar phyin nam

ja/ shes rab kho nas de nyid rtogs pa ni/ de ltar 'tshol dgos
pa'i btsal bya'i)_ de kho na nyid de yang phar phyin (drug po)
rnams kyi nang nas (phar phyin gang gis rtogs she na)/ sher
phyin gyis rtogs pa yin gyi/ bsam gtan la sogs pa (phar phyin
gzhan lnga) sa rtogs

par mi nus pas (na zhi gnas lta bu'i) bsam gtan tsam (rnyed pa)
la sher phyin (rnyed do snyam) du ma 'khrul bar byas nas (de kho
na nyid nges pa'i) shes rab (gtso bor) bskyed (par bya) dgos te/
(de'i rgyu mtshan yang mdo sde) dgongs 'grel las

(gsungs te/ (ba) (ra) 'di ltar spyan ras gzigs kyis  ba/ gsol
pa) bcom ldan 'das (zhes bos nas dris pa ni)/ byang chub sems
dpas chos rnams kyi (gnas lugs) ngo bo nyid ma mchis pa (de )
nyid (rtogs pa'i sgo nas 'dzin pa yin mod kyi 'on kyang de 'dzin
par

byed pa'i thabs) pha rol tu phyin pa (drug gi nang nas pha rol
tu phyin pa) gang gis 'dzin (cing rtogs) pa lags/ (zhes zhus so/
/de'i lan gsungs pa ni/ ba/ bka' stsal pa)/ spyan ras gzigs
dbang phyug (ces bos nas/ de 'dzin cing rtogs pa ni/ gtso bor

@75b shes rab kyi pha rol tu phyin pa (kho an) sa 'dzin (cing
rtogs pa yin) no zhes (gsungs) so/ /(ja/ drug pa des na mig lta
bu'i shes rab thos bsam gyi ma bskyed na mi grol b ani/ don) de
(nyid) la dgongs nas sngar drangs pa ltar theg pa chen po la dad
pa bsgom pa'i

mdo las kyang/ (de kho na nyid rtogs pa'i) shes rab mi gnas (pa
ste de dang bral) na (ja/ nyan rang sogs dbang po dman 'bring du
ma zad rang bzhin gyis dbang rnon) byang sems rnams kyi theg
chen la dad pa theg chen la (ja/ sbyin sogs) ji ltar byas kyang
(ja/ grol ba'am)

nges par 'byung bar (ba/ ston pa ste gnas par) nga mi smra'o
zhes gsungs pa yin no/ /(ja/ gnyis pa lhag mthong ji ltar sgrub
pa'i tshul ni/ zhi gnas tsam gyis mi chog par lhag mthong dgos
pa) de ltar yin (pas) na (gong gis bcad) gnyis pa lhag mthong la
bslab pa'i tshul

la (yang don tshan) bzhin (yod de)/ lahg mthong gi (rgyu'i) tshogs
bsten pa dang/ lhag mthong gi rab tu dbye ba dang/ lhag mthong
bsgom pa'i tshul dang/ bsgoms pas lhag mthong grub pa'i tshad do/
/dang po (la dri ma med pa'i gsung rab la thos

bsam dgos tshul dang/ drangs don nges don ma 'khrul ba dgos tshul
gnyis las/ dang po la gsum las/ ja/ dang po gsung rab la thos
bsam dgos tshul ni/ lhag mthong gi rgyu'i tshogs bsten pa) ni (de
yang de kho na nyid ston pa'i rgyal ba'i) gsung rab kyi gnang
phyin ci

ma log par mkhyen pa'i mkhas pa (dam pa mnyes par byas pa'i sgo
nas) bsten (tshul phyin ci ma log par bya'o de) nas dri ma med pa
(ste de kho na nyid ma nor zhing rgyal ba'i gsung rab dang mthun
par ston pa) 'i gzhung lugs (rnam par dag pa) mnyan (par byas)
te/ (de yang

@76a @#/ /bshes gnyen de las man ngag mtha' chod par) thos pa
dang (ji ltar thos pa'i man ngag gi don la rang gis nges pa
rnyed nges su) bsams pa'i shes rab kyis de kho na nyid (kyi don
la phu thag chod pa'i sgo nas) rtogs pa'i lta ba bskyed

pa ni lhag mthong gi rgyu'i tshogs med du mi rung ba yin te/ yin
lugs (de kho na nyid) kyi don la (phu thag chod pa'i don ni/
dper na lung pa der rta lta bu brlag pa na/ lung pa de'i phu ji
tsam yod pa ma rdzogs kyi bar du btsal nas med par thag chod
pa'i phu thag chod par btsal bzhes bya'o//

de bzhin du de kho na kyi don 'tshol ba'i tshe yang dgag bya'i
bdag de mtha' thams cad nas 'tshol lugs ma tshang ba med pa'i rigs
pas btsal ba na med par thag chod pa'i tshe de kho nyid la phu
thag chod pa'o)/ /phu thag chod pa (ra rtogs pa)'i lta ba (de
lta bu) med na ji lta ba (ste de kho na

nyid) rtogs pa'i lhag mthong gi rtogs pa (nam yang) skye ba mi
srid pa'i phyir ro/ /(ja/ gnyis pa shing rta chen po gang rung
zhig gi rjes us 'brang dgos pa ni)/ de 'dra ba'i lta ba (phu
thag chod pa de) 'ang (rtogn pa bzhi'i nang nas) drang don (gyi
mdo tsam) la (yid ches par

byas nas) mi rton (par) nges don (gyi mdo) la (yid ches par byas
nas) rton (cing de'i rjes su 'brangs) pa zhig gis btsal (bar
bya) dgos (pa yin) pas (nges don gyi mdo'i rjes su 'brang pa la
yang mdo'i) drang (don dang) nges (don) kyi khyad par shes (par
byas) 

nas nges don gyi gsung rab kyi don khong du chud dgos/ (pa yin)
la/ (khong du chud pa) 'di yang (nam yang mi bslu bar nges pa'i
sgo nas) tshad mar gyur pa'i shing rta'i srol 'byed chen po (klu
sgrub dang thogs med lta bu) zhig gis (mdo'i) dgongs pa (ji lta

@76b ba bzhin du) bkral ba'i bstan bcos la (nges par brten dgos
te/ de lta bu la) ma brten na dmus long (ste mig dang mi ldan
pa'i long ba) long khrid med par (g.yangs dang bcas pa'i lam
sogs 'jigs pas) nyam nga ba'i (sa) phyogs su 'gro ba dang 'dra
bas

(phung bar 'gyur ba des na) dgongs 'grel (gyi bstan bcos) phyin
ci ma log pa (de lta bu) la (nges pa kho nar) brten par bya'o/
/('dis ni blun po dang mi mkhas pa'i rjes su 'brangs na mi rung
bar bshad pas gces par gyis/ ja/ gsum pa de'i nang nas klu sgrub
lugs ma rtogs bar du mi grol

bar 'jug par bshad pas de la brten dgos pa ni/ 'o na) ji 'dra ba
zhig la brten par bya ba'i dgongs pa 'grel ba (po tshad mar gyur
pa su zhig la brten par bya zhe na)/ de ni (lung ston pa po)
sangs rgyas bcom ldan 'das nyid kyis (lung ston tusl rgyal ba'i)
bstan pa'i

snying po (bden par) yod (pa dang gtan nas) med (pa'i rtag chad)
kyi mtha' thams cad dang bral ba'i (de kho na nyid) zab mo'i don
(ji lta ba bzhin) 'grel par (lung bstan pa la lang kar gshegs pa
sogs) mdo (dang 'jam dpal rtsa rgyud sogs) rgyud (sde)

du ma nas (ga ba sbas med par) shin tu gsal bar lung bstan pa'i
(gang zag khyad par can) 'phags pa klu sgrub ces (sa 'og sa
stengs bla ste)/ sa gsum na (mtshan gyi snyan pa thams cad la
khyab pa'i tshul gyis) yongs su grags pa' de (nyid de lta bu

la tshad mar gyur pa) yin pas de'i gzhung (riggs tshogs sogs) la
brten nas stong (pa) nyid rtogs pa'i lta ba btsal (ja/ dgos te
'jug pa las/ slob dpon klu sgrub zhabs kyi lam las ni/ /phyi rol
gyur la zhi ba'i thabs med do/ /zhes gsungs shing/ der ma zad
klu

@77a @#/ /sgrub kyis zab mo mngon sum du rtogs par 'jam dpal rtsa
rgyud dang lang gshegs rnga bo che sogs lung dang rigs pas grub
pa'i phyir te/ 'jug pa las/ ji ltar de yid ches bzab chos rtogs
pa/ /lung duang gzhan yang rigs pas yin

pas na/ /zhes dang/ 'jam dpal rtsa rgyud las/ de bzhin gshegs pa
de 'das nas/ /lo ni bzhi brgya lon pa na/ /dge slong klu zhes de
'bod 'byung/ /bstan pa la ni dad cing phan/ /rab tu dga' ba'i sa
thob nas/ /lo ni drug brgya dag tu 'tsho/ /nas/

dngos po med pa'i don de rig /zhes sogs dang/ lang gshegs las/
lho phyogs b+hai ta'i yul du ni/ /dge slong dpal ldan cher grags
pa/ /de'i ming klu zhes 'bod pa de/ /yod dang med pa'i phyogs
'jig pa/ /nas/ rab tu dga' ba'i sa thob ste/ /zhes gsungs pa'i
rab tu

dga' ba'i sa thob pas sotng nyid mngon sum du rtogs pa dang
'grel bas dang po so sos skye bos sa dang po thob par bshad
kyang dang po nas theg chen pa tshe der sa brgyad pa gnon pa mdo
dang mt6hun la chos sgra chen po gsum bsgrags pa'i sher mdo
'chad pa dang/ lo bzhi brgya na lho

phyogs su 'byug ba gnyis pa dang/ lo brgyad cu pa la chos sgra
gsum pa rnga bo che'i mdor lo brgyar bshad pa de yin pa'i phyir/
sprin chen las/ dge slong des chos kyi sgra lan gsum grags nas
'chi bar 'gyur ba'i/ nas/ de ni tha mar 'byung bar 'gyur la zhes

dang/ rnga bo che las/ de 'dra'i dge slong rnyed dka' ste/ /rim
gyis snang ba nyams par 'gyur/ /'di ltar de ni lho phyogs su/
/'byung ba'i tha ma gcig yin no/ /zhes dang/ rtsa she'i TIka
chen nas/ rnga bo che nas de ltar lung bstan pa de lho phyogs

@77b su 'byung ba'i tha ma gcig yin par gsungs pas/ zhes gsungs
pa'i phyir na/ sprin chen dang rnga bo che gnyis ka nas gsungs/
zhes pa ltar ro/ /des na de'i gzhung la brten) par (nges par)
bya'o/ /(ja/ gnyis pa de ltar de la brten nas 'tshol tusl) 'dil
(yang don

tshan) gsum (yod de/ gang gi sgo nas drang nges su 'gro rgyu'i)
drang don dang nges don gyi gsung rab ngos bzung ba dang/ klu
sgrub kyi dgongs pa 'grekl ba'i tshul ji ltar byung ba dang/
stong pa nyid kyi lta ba gtan la 'bebs pa'i tshul lo/ /dang po

(ja/ drang nges kyi gsungs rab ngso bzung ba la zab don nges don
gyi mdo la brten dgos pa dang/ drang nges kyi don gnyis las dang
po) ni/ de kho na nyid rtogs par 'dod pa ('i thar 'dod) rnams
kyis ni rgyal ba'i gsung rab (nyid gtso bor bzung ste/ de) la
brten dgos la/ (brten bya)

gsung rab kyang gdul bya sna tshogs kyi bsam pa (mi 'dra ba) 'i
dbang gis (drang nges kyi tshul yang) sna tshogs pa NA ? (zhig
'byung ba) yin pas na (gsungs rab) ji 'dra ba zhig la brten nas
zab mo'i don btsal bar bya (dgos) snyam (nas 'drio) na/ (de'i
lan

ni) nges pa'i don gyi gsung rab (cig) la (ma brten par gsung rab
gzhan la brten pas ni zab mo'i don rtogs mi nus pas nges don gyi
gsung rab la nges par) brten na de kho na nyid rtogs par bya
dgos so (zhes bya'o/ /ja/ gnyis pa la drang nges brjod bya'i sgo
nas 'jog

pa dang/ blo gros mi zad pa'i mdo'i bshad tshul dang/ mdo gzhan
dang bstan bcos gzhan gyis bshad tshul dang/ gzhan gyis drang
gyis drang nges la 'khrul pa bkag pa bzhi las/ dang po ni)/ 'o
na (gsung rab) ji 'dra ba zhig nges don dang/ (gsung rab) ji
'dra ba zhig drang don

@78a @#/ /yin snyam 9nas 'dri) na/ (de'i lan la/ gsung rab kyi
drang nges) 'di ni (rjod byed kyi sgo nas mi 'jog par) brjod
bya'i sgo nas bzhag (dgos) ste (mdo'i drang don nges don dpyad
skabs spyi'i don la zhes pa'i rjod don byed pa'i phyir te/ de'i
sgo nas 'jog lugs

ni brjod bya'i don) don dam pa (bdag med pa'i de kho na nyid
gtso bor dngos su) ston pa ('i gsung rang cig) ni nges pa'i don
dang/ (brjod bya'i don) kun rdzob (sna tshogs su snang rdzun pa'i
rang bzhin gtso bor dngos su) ston pa (zhig) ni drang ba'i don
gyi gsung

rab tu (nos) bzung ngo/ /(ja/ gnyis pa la bzhi las/ dang po mdor
bstan pa ni)/ de ltar (bzung dgos pa) yang blo gros mi zad pas
bstan pa las/ (gsungs te/ ji dkad du) nges pa'i don gyi mdo sde
ni gang (yin) drang ba'i don gyi mdo sde ni

gang (yin) zhes ('dri) na (de la lan ni)/ mdo sde gang dag kun
rdzob (rdzun pa'i rang bzhin gyi ngo bo tsam 'jog cing)/ bsgrub
pa (ba/ ste kun rdzob bden pa/ gtso bor dngos su) bstan pa ('i
mdo sde) de dag ni drang ba'i don (gyi mdo sd3e) zhes bya'o/
/mdo sde

gang dag (bden grub kyi spros pa bcad pa tsam gyi) don dam pa
('i ngo bo 'jog cing) bsgrub pa (ba/ ste don dam bden pa/ ja/
ste sgrub byed gtso bor dngos su) bstan pa ('i mdo sde) de dag
ni nges pa'i don (gyi mdo sde) zhes bya'o/ /(ja/ gnyis pa lus
rgyas par bshad pa ni/

'o na kun rdzob  kyi ngo bo sgrub pa ston tshul gang zhe na/ lan
ni)/ mdo sde gang dag (ja/ gang zag gam sngas rgya ssogs don
la'ang mi 'dra ba ni/ kun rdzob ni rdzun pa'i rang bzhin don sna
tshogs su snang ba yin pas rjod byed)/ tshig dang (ja/ de'i gzhi
ka kha sogs) yi ge (yang)

@78b sna tshogs (ja/ kyis) pa'i (sgo nas bstan dgos la de dag
gtso bor dngos su) bstan pa (ja/ 'i mdo sde ni chos de'i gnas
lugs su i rung bas) de dag ni drang b I don (gyi mdo sde) zhes
bya'o/ /(ja/ ste dper na gang zag la bdag dang sems can sogs
bzhin no/ /'o na don dam gyi ngo

bo sgrub cing 'jog tshul ston lugs gang yin zhe na/ lan ni)/