@#/ /dam chos 'dul ba mdo rtsa ba'i gzhung 'grel Ti ka rin chen phreng ba'i dgongs rgyan phaN chen blo gros legs bzang gis mdzad pa bzhung so/ / @##001/ /'drin mchog ston pa 'dul 'dzin nyer bar 'khor/ /mkha mchog dbyig gnyen de sras yon tan 'od/ shwa kya 'od dang chos kyi bshes gnyen sogs/ /rgyal dang de sras rnams la phyag 'tshal lo/ /rgyas ba gnyis blo bzang grags pa dang/ /de sris thu bo rgyal tshab mkhyen pa'i gter/ /mkhas grub bstan pa'i bdag po dge legs dpal/ /rgyal ba yab sras gsum la gus pas 'dud/ /phyag na padmo'i rnam sprul dge 'dun grub/ /mkhas btsun mchog gyur stobs ldan 'od zer dang/ /gzhung lugs rab 'byams smra mkhas chos kyi grags/ /bstan pa'i mnga' bdag gsum la phyag 'tshal lo/ /smra ba'i dbang po blo gros rgyal mtsho dang/ /rgyal ba'i sras po paN chen ye shes grags/ /dngos 'dzin 'khums ???? spangs pa legs pa'i mtshan/ /bka' drin mnyam med gsum la phyag 'tshal bcas/ /legs par bshad pa rgya cher 'brel ba dang/ /t-i ka chen rin chen phreng ba'i rnams 'brang pa nas/ /dam chos @02a @#/ /'dul ba mdo rtsa'i gzhung gi 'grel/ /bla ma'i man ngag bzhin du bdag gis dgod/ /de la 'dir rgyal ba'i dgongs 'grel rnams kyi nang nas mchog tu gyur pa 'dul ba mdo rtsa ba 'di 'chad pa la/ 'dul ba spyi'i rnam gzhag bshad pa dang/ mdo rtsa bye brag tu bshad pa gnyis las/ /dang po la/ 'dul ba'i mdo ngos bzung ba dang/ dgongs 'grel gyi bstan bcos ngos bzung ba dang/ 'dul ba'i che ba bshad pa dang gsum/ /dang po la/ rtsa ba'i mdo dang/ bshad pa'i mdo dang/ phyogs mthun gyi mdo ngos bzung ba dang gsum/ dang ni/ so thar gyi mdo rnam pa gnyis po de yin/ gnyis pa ni/ lung rnam 'byed lung gzhi/ lung phran tshegs gzhung dam pa ste 'dul ba lung sde bzhi po de yin/ des na lung sde bzhi la 'dul ba lung sde bzhi dang mdo sde lung sde bzhi gnyis yod pa'i dang po ni bshad ma thag pa ltar dang/ phyi ma ni/ lung bar maH lung ring poH yang dag par ldan pa'i lung/ lung gcig las 'phros pa rnams la byed do/ / @02b gsum pa ni/ dge slong la rab tu gces pa'i mdo/ tshul khrims yang dag par ldan pa'i mdo/ ltung ba so so'i lci yang ston pa'i mdo/ tshul khrims las nyams pa'i rnam smin lci yang ston pa'i mdo/ sbyangs pa'i yon tan ston pa'i mdo/ g+hNDi dang de'i dus kyi mdo gnyis/ mkhar gsel dang de 'chang ba'i mdo gnyis la sogs pa rnams yin/ 'o na/ de rnams kyis brjod bya bstan tshul gang zhe na/ dge slung pha'i rnam 'byed kyis pha'i khrims nyis brgya lnga bcu rtsa gsum dang/ dge slung ma'i rnam 'byed kyis ma'i khrims sum brgyad dang drug cu rtsa bzhi rnams kyi dang por bslab ba 'cha' ba'i gleng gzhi/ bcas pa dang ma bcas pa'i phan yon dang nyer dmigs; ;ltung ba ltung med kyi rnam gzhag/ /bslabs par bya ba'i chos mang po dang/ rtsod pa zhi bar byed pa'i chos bdun po rnams bstan/ lung gzhi la/ lng gi bar sdobs las/ rab byung gso sbyong gzhi dang ni/ dgag dbye dbyer dang ko lpags dang/ sman dang gos dang sras brkyang dang/ kau' shaM bi dang las kyi gzhi/ /dmar ser can dang gang zag dang/ /spo dang gso sbyong bzhag ba dang/ /gnas mal dang ni rtsod pa dang/ /dang 'dun dbyen rnams bsdus pa yin/ /zhes gsungs ltar gzhi bcu bdun yod la/ de'i nang nas kau' shaM bi'i gzhi ni/ kau' shaM bi'i dge slong rnams kyis yangs pa can gyi dge slung gnas dbyung byas na rtsod pa chen por gyur la brten nas las bye ba phyir bcos pa'i thabs ston pa'i gzhi la kau' shaM bi'i gzhi zhes bya zhing/ dmar ser can kyi gzhi ni/ gzhi des dmar ser can gyi gang zag 'thab krol byed pa gnas @03a @#/ /dbyung byas te slar gnas der mi 'jug go/ zhes sdigs pa nan tur byed tshul dang/ de bzhin du smad pa nan tur bskrang pa nan tur phyir 'gyed pa nan tur dang/ /ma mthong la sogs gnas nas dbyung ba dang/ /spom mgu dbyung gsum gyi chog rnams bstan kyang tho ma'i ming nas smos te de skrad brjod yin no/ gang zag gi gzhi ni/ gang zag 'ga' zhig gis lha ma'i ltung ba byung nas bcabs/ 'ga' zhig gis ma bcabs pa la sogs pa ltung ba bcabs pa dang ma bcabs pa'i rnam dbye ston pa la de ltar brjod pa yin no/ spo ba'i zhi ni/ sbo ba gsum dang mgu ba gsum la sogs pa spyo tshul ston pa la spo ba'i gzhi zhes phyogs gcig gi ming btags pa yin no/ /gso sbyong bzhag pa'i gzhi ni/ skabs mi 'byed na mi 'smra ba dang/ gang mas ngag bzhag pa dang/ gso sbyong bzhag pa dang/ dgag dbye bzhag pa sogs ston la phyogs gcig gi ming btags pa yin no/ gzhan rnams bsdoms tshig gi tshig zin ltar go sla'o/ de yang brjod bya tshul khrims ni yon tan gyi rten byed na gzhi zhes bya la/ de brjod byar byed 'i gzhung la'ang gzhi zhes btags pa yin pa'i phyir/ phran tshegs la phran tshegs su grags pa'i sgo brgyad dang phran tshegs sum grags 'i sgo brgyad yod/ dang po ni lta phran tshegs su grags pa 'di yin zhing/ phyi ma ni lung dam pa la le'u bcu yod pa'i phyi ma brgyad po de yin pa'i gsungs so/ phran tshegs kyis rnam 'byed gnyis dang @03b lung gzhis ma bstan pI bslab 'i gnas pho mo 'ga' zhig kha bskang nas ston par byed do/ /gzhung dam pa 'di la le'u bcu yod de/ bar sdoms las/ zhu ba 'dul phyed gcig las 'phros/ lnga tshan dang ni bcu drug tshan/ gleng gzhi dang ni rkyang pa dang/ /gtam gzhi ma na bki dang/ ma mo dang ni lung tshogs rnams/ lung ni pham pa yin par 'dod/ zhes gsungs pa'i phyir/ de yang lung zhugs ni rnam la phyed gnyis nas bshad pa'i pham pa nas sor bshags kyi bar dang/ gzhi nas bshad pa'i gzhi bcu bdun po so so'i ngo bo ngo bo bstan/ 'dul byed kyis rnams 'byed gnyis rnams zhad pa'i pham pa nas smyan phyed kyi bar gyi ltung ba rnams bstan/ gcig las 'phros kyis ltung ba'i rab dbye dang lci yang gi khyad par rnams bstan/ lnga tshan pa ni bslab pa yongs su sbyong ba'i gzhi bstan bcu drug tshan pas ni rtsod pa zhi byed kyi chos bstan/ lung gleng gzhi dang/ rkyang pas ni skabs kyi nyes byas phra mo rnams bstan/ lung gtam gyi gzhis ni nyes byas phra mo so so'i ngo bo bstan/ man pi kras ni nyes byas phra mo so so'i khyad chos bstan/ ma mos ni lngar gyi don de rnams ci rigs par bstan to/ ! gnyis pa dgongs 'grel gyi bstan bcos ngos bzung ba la 'dul ba'i mdo spyi'i dgongs 'grel gyi bstan bcos ngos bzong ba dang/ so so'i dgongs 'grel gyi bstan bcos ngos bzung ba gnyis/ dang po ni/ dgra bcom pa nyer sbas kyis 'dul ba 'bum sde spyi'i dgongs pa @04a @#/ /'grel ba la bye brag bshad mdzod chen mo'i le'ur gyur ma'i 'dul ba bye brag tu bshad pa mdzod/ 'dul ba 'bum sde spyi'i dgongs pa 'grel ba la slob dpon yon tan 'od kyis 'dul ba mdo rtsa ba dang las brgya rtsa gcig ston pa'i 'dul gcig ston pa'i ka rma sha ta mdzad/ dgra bcom pa sa ga lha dge slong gi bslab bya gtso bo ston pa'i 'dul ba me tog phreng brgyud mdzad slob dpon shA kya 'od kyis dge tshul gyi slab bya gtso bor ston pa'i 'dul ba sum ba sum brgya pa dang de'i rang 'grel 'od ldan gnyis mdzad/ kha che 'dun bzang gis 'dul ba tshig le'ur byas pa lnga bcu pa mdzad; der ma zad 'dul ba 'bum sde spyi'i dgongs pa 'grel pa la slob spon padmas pa'i dge slong gi lo dri ba dang dge tshul gyi lo dri ba yang yod/ gnyis pa so so'i dgongs 'grel gyi bstan bcos ngos bzung ba ni slob dpon dge legs bshes gnyen gyis mdzad pa'i 'grel ba tshig gis dga' bskyed/ slob dpon dri med bshes gnyen gyi mdzad pa'i 'dul ba kun las brus; slob spon khyad par bshes gnyen gyis mdzad par grags pa'i so thar gyi bsdus 'grel rnams ni rtsa ba'i mdo'i dgongs 'grel gyi bstan bcos yin/ slob spon dge legs bshes gnyen gyis mdzad pa'i zhu 'grel dang gzhi 'grel gnyis/ slob dpon du ba lhas mdzad pa'i rnam 'byed 'grel/ slob dpon tshul khrams bskyang gis mdzad pa'i @04b phran tshegs kyi 'grel pa rnams ni bshad pa'i mdo'i dgongs 'grel gyi bstan bcos yin/ slob spon rang nyid kyis mdzad pa'i 'grel pa nyid kyi rnam bshad dang/ slob spon chos kyi bshes gnyen gyis mdzad pa'i rgya cher 'gerl/ slob spon shes rab byed pas mdzad pa'i 'grel pa shes rab byed pa dang/ 'grel chung rnams 'dul ba mdo rtsa ba'i dgongs 'grel gyi bstan bcos yin/ 'grel pa phyi ma gnyis bod 'grel du rje bu ston bzhed pa ltar khas len no/ /gsum pa 'dul ba'i che ba bshad pa ni/ 'dul ba'i sde snod la thos bsam gyis 'jug rigs na/ 'dul ba'i sde snod de yon tan ji lta bu dang ldan pa yin zhe na/ de yon tan khyad par can dang ldan pa yin te/ des mdo sde phyi ma gnyis po yang mi nyams shing gong nas gong du 'phel ba'i rten byed pa'i phyir/ de ltar yang 'dul ba la bstod pa las/ ji ltar 'di na shing rtsa gtso bo ste/ rnam par 'phel dang kun 'dzin gnyis kyi gzhi/ /de bzhin dam chos tshogs rnams kun gyi yang/ /rgyu dang rtsa ba 'dul ba yin par gsungs/ zhes gsungs pa'i phyir/ gzhan yang/ 'dul ba'i sde snod de yon tan khyad par can dang ldan pa yin te/ des tshul khrims gtso bor ston cing/ tshul khrims de mngon mtho dang nges legs kyi legs kyi yon tan kun gyi rtsa ba yin pa'i phyir/ de ltar yang/ de nyid las @05a @#/ /yon tan kyi gnas su tshul khrims dgongs/ /de yi gnas ni 'dul ba yin par gsungs/ /'di la gnas pa gyur na mthar phyin 'gyur/ /'di la ni gnas mthar phyin ga la 'byung/ /zhes gsungs pa'i phyir/ gzhan yang/ rgyal ba'i bstan pa gnas mi gnas 'dul ba'i sde snod la rag las te/ de nyid las/ ji sed 'gro 'di rgyal ba thams cad kyi/ /mdzod mchog 'dul ba brdzogs pa 'di gnas pa/ /de srid chos sgrom 'di ni gnas 'byur zhing/ /ldog par 'byur na zhi ba 'thob mi 'gyur/ /zhes gsungs pa'i phyir; gzhan yang/ mdo sde pyi ma gnyis po bstan g.yon yin/ 'dul ba'i sde snod 'dis ston 'i go yang mchod de/ 'dis gdul bya la bya ba'i 'jug ldog ston par byed pa'i phyir te/ /rnam 'byed las/ rgyal ba ston pa de yid dam chos dag/ /mdo dang chos mngon yin gsungs 'dul ba ni/ /ston dang bstan pa dngos yin de yi phyir/ nyes 'gyur phyag byar sangs rgyas chos gcig bzhan/ /zhes gsungs pa'i phyir/ des na thar 'dod rnams kyis 'dul ba'i sde snod la thos bsam sogs kyis 'jug rigs te/ 'di tshul khrims kyi bslab gtso bor ston cing/ tshul khrims kyi bslabs pa'i nyams len la brten nas bslab ba phyi ma gnyis kyi nyams len 'byung ba'i phyir/ @05b de yang yin te sgo gsum mi mthun pa'i phyog las bsdams pa la brten nas blang dor gyi gnas mi brjed par dran pa'i dran pa dang/ ltang ba 'byung mi 'byung rtog pa'i shes bzhin 'byung; de la brten nas sems dmigs pa la rtse gcig tu gzhag pa'i ting nge 'dzin 'byung/ de la brten nas dmigs pa la ji ltar 'dod du dpyod pa'i shes rab 'byung ba'i phyir/ de ltar yang sman gyi gzhi las/ dge slong dag tshul khrims yun ring du goms par byas na ting nge 'dzin yun ring du gnas par 'byur ro/ ting nge 'dzin yun ring du goms par byas na shes rab yun ring du gnas par 'gyur ro/ /shes rab yun ring du gnas par byas na 'dod chags dang zhi sdang dang gti mu dag las sems rnam par 'grol bar 'gyur ro/ /zhes gsungs pa'i phyir/ /gnyis pa mdo rtsa bye brag tu bshad pa la mtshan gyi don/ 'gyur gyi phyag/ gzhung gi don/ 'jug gi don dang bzhi/ dang po la mtshan bsgyur ba/ mtshan bshad pa/ mtshan don smos pa'i sgos pa bshad pa dang gsum las/ dang po ni/ rgya gar na legs sbyar gyi skad/ sha za'i skad/ zur chag gi skad/ yul mi rang bzhin gyi skad de skad rigs chen po bzhi yod pa'i nang nas legs par sbyar ba saM kr-i ta'i skad du @06a @#/ /bstan bcos 'di'i mtshan la bi na ya su tra zhes pa 'byung la/ de bod skad du bsgyur na 'dul ba'i mdo zhes par 'gyur ro/ /de yang so sor bsgyur na bi na ya ni 'dul ba dang/ su tra ni mdo zhes par 'gyur ro/ ! /gnyis pa mtshan bshad pa la 'dul ba bshad pa dang/ mdo bshad pa gnyis/ dang po la brjod bya don gyi 'dul ba bshad pa dang/ rjod byed tshig gi 'dul ba bshad pa gnyis las/ dang po ni/ spong bdun 'khor bcas kyi dge slong gi sdom pa dang spong bzhi 'khor bcas kyi dge tshul gyi sdom pa gnyis brjod bya don gyi 'dul ba yin zhing/ de gnyis la 'dul ba zhes brjod pa'i rgyu mtshan yod de/ de gnyis kyis dngos su rang nyid la gnas pa'i rten gyi gang zag gi dbang po dul bar byed cing brgyud nas nyon mongs pa 'dul bar byed pa'i rgyu mtshan gyis de ltar brjod pa'i phyir/ gnyis pa ni/ 'dul ba lung sde bzhi po de rjod byed tshig gi 'dul ba yin zhing/ de la 'dul ba zhes brjod pa'i rgyu mtshan yod de/ brjod bya don gyi 'dul ba brjod bya'i gtso bor byed pa'i rgyu mtshan gyis de ltar brjod pa'i phyir; gnyis pa ni/ bstan bcos 'di chos can/ khyod la 'dul ba'i mdo zhes brjod pa'i rgyu mtshan yod de/ 'dul ba lung sde bzhi'i brjod bya rnams sdom @06b pa ma thob pa thob par byed pa'i thabs/ thob pa mi nyams par bsrung ba'i thabs/ nyams na phyir bcos pa'i thabs gsum du mdor bsdus nas ston pa'i rgyu mtshan gyis de ltar brjod pa'i phyir/ rtsa ba zhes pa rgya dpe la med kyang bstan bcos 'di 'dul ba rnams kyi 'byung khungs yin pas mdo rtsa ba zhes bod rnams kyis tha snyad byas pa yin no/ / gsum pa mtshan don smos pa'i dgos pa bshad pa ni/ bstan bcos 'di'i mtshan rgya skad du smos pa la dgos pa yod de/ bstan bcos khungs btsun pa dang/ saM kr-i ta'i skad la bag chags bzhag par bya ba'i ched yin pa'i phyir/ mtshan bod skad du smos pa la dgos pa yod de/ bod rnams kyis bstan bcos kyi mtshan don bde blag tu rtogs par bya ba'i ched yin pa'i phyir/ mtshan rgya skad dang bod skad gnyis kar du smos pa la dgos pa yod de/ bstan bcos 'di'i sgyur byed kyi lo tstsha ba chen po cog ro klu'i rgyal mtshan la byas shes drin gzo'i blo skyes nas dad gus dang bcas pa'i phyag mchod byed dgos zhes shes par bya ba'i ched yin pa'i phyir/ gnyis pa 'gyur gyi phyag la/ zhar byung bam grangs bshad pa dang/ 'gyur phyag dngos bshad pa gnyis las/ dang po ni/ spyir bam po zhes pa gzhung gi @07a @#/ /cha mang po phyogs gcig tu bsdoms pa'i ming yin la/ 'dir bam po dang po zhes smos pa la dgos pa yod de/ bstan bcos 'di la shlau ka sum brgya re la bam po rer byas pa'i bam po dgu yod pa'i nang nas bam po dang po'i 'go 'di nas 'dzin to zhes shes par bya ba'i ched yin pa'i phyir/ shlau ka ni tshigs bcad fyin na tshig rkang bzhi re dang/ lhug ma yin na tshigs bar sum cu so gnyis re la shlau ka re byed par bu ston rjes bshad do/ /des na bam grangs smos pa la dgos pa yod de/ gzhung tshad la mang nyung gi sgro skur spong ba dang/ gzhung tshad bde blag tu rtogs pa'i dgos pa yod pa'i phyir/ bstan bcos 'di la le'u'i dbang du byas na le'u nyi shu yod de/ rab byung gi gzhi la le'u gcig /de bzhin du bslab pa 'bul chog / rnam 'byed gnyis/ spyir bstan rnams la le'u re dang/ gzhi lhag ma bcu drug po re la le'u re re yod pa'i phyir/ gnyis pa 'gyur phyag dngos 'chad pa ni/ bstan bcos 'di bsgyur ba'i thog mar lo tstsha ba rnams kyis thams cad mkhyen pa la phyag 'tshal ba la dgos pa yod de/ 'di 'dul ba'i sde snod kyi dgongs 'grel du rtogs par 'gyur ba'i phyir/ de yang 'gyur te/ @07b 'dul ba'i sde snod dgongs 'grel dang bcas pa bsgyur ba'i thog mar lo tstsha ba rnams kyis thams cad mkhyen pa la phyag 'tshal bar bkas bcad mdzad pa bzhin yin pa'i phyir/ de mdzad pa'i rgyu mtshan yang yod de/ bslab pa'i bcas mtshams phra mo la'ang thams cad mkhyen pa kho na dbang btsan pa yin pa'i phyir/ gsum pa gzhung don bshad pa la/ spyi'i bsdu ba bshad pa dang/ so so'i don bshad pa gnyis/ dang po la/ bstan bcos rtsom pa la 'jug pa'i yan lag dang/ bstan bcos kyi lus dngos bshad pa gnyis/ dang po ni/ nges par 'byung ba'i tshul khrims kyi dbang du byas te/ zhes pas ston te/ 'dis bstan bcos 'di'i dgos sogs chos bzhi ston pa'i phyir/ 'di'i brjod bya rnams bsdu na sdom pa ma thob pa thob par byed pa'i thabs/ thob pa mi nyams par bsrung ba'i thabs/ nyams na phyir bcos pa'i thabs gsum du 'du la/ dang po ni/ rab byung gi gzhis 'chad/ gnyis pa la/ gang zag gzhan la brten nas bsrung ba/ rang nyid kyi bsam sbyor phun tshogs kyi sgo nas bsrung ba/ mi mthun phyogs ngo shes pa'i sgo nas bsrung ba/ bslab pa yongs su sbyong ba'i sgo nas bsrung ba/ bde @08a @#/ /bar gnas pa'i rkyen bstan pa'i sgo nas bsrung ba dang lnga/ dang po ni/ gnas pa slob mas 'jug ldog rnams gnas bla ma la zhus nas bsgrub dgos pa yin zhing/ de'i tshul yang gnas pas gnas la ma zhus par bya ba mi bya'o/ /zhes sogs kyis 'chad/ gnyis pa la/ bsam pa phun tshogs kyi sgo nas bsrub pa dang/ sbyor ba phun tshogs kyi sgo nas bsrung ba gnyis/ dang po ni/ bag yod pa ngo tsha shes pa khrel yod pa dran shes bzhin dad pa phun tshogs kyi sgo nas bsrung ba yin la/ de'i tshul yang ltung ba'i sgor gyur pa'i 'jug pa thams cad la dran pas rab tu bsgrub par bya'o/ /zhes sogs kyis 'chad/ sbyor ba phun tshogs kyi sgo nas bsrung ba ni/ bslab pa'i bcas mtshams rnams sbyor ba lag len gyi sgo nas bsrung dgos la/ de'i tshul ni bstan bcos 'di'i gzhung thams cad kyis bstan/ mi mthun phyogs ngo shes pa'i sgo nas bsrung ba ni/ pha ma lhag la sogs pa'i rtsa ba'i ltung ba dang yan lag gi ltung ba rnams ngo shes pa'i sgo nas bsrung ba yin la/ de'i tshul ni rnam 'byed gnyis kyi don ston pa'i gzhi stod kyi gzhung rnams dang/ zhu ba nas 'byung ba'i @08b don ston pa'i spyi bstan gyi gzhung rnams kyis 'chad/ bslab pa yongs su sbyong ba'i sgo nas bsrung ba ni/ gso sbyong dgag dbye dbyar khas len rnams kyi sgo nas bsrung ba yin la/ de'i tshul yang/ gso sbyong gi gzhi dgag dbye'i gzhi dbyar gyi gzhi'i gzhung rnams kyis 'chad/ bde bar gnas pa'i rkyen bsten pa'i sgo nas bsrung ba ni/ sman gos gnas mal gsum po mtha' gnyis su ma lhung ba'i sgo nas bsrung ba yin/ de'i tshul ni/ sman gzhi gos gzhi gnas mal gyi gzhi'i gzhung rnams kyis 'chad/ de yang gos gzhi dngos kyis gos la brten pa'i sgrub pa'i bslab bya bstan/ ko lpags kyi gzhi'i gzhung gis gos la brten pa'i dgag pa'i bslab bya dmigs bsal dang bcas pa bstan/ sra brkyang gi gzhi'i gzhung gis gos la brten pa'i bag yangs dang 'brel ba'i bslab bya de bstan to/ /gsum pa nyams na phyir bcos pa'i thabs la/ ltung ba phyir bcos dang/ rtsod pa phyir bcos gnyis/ dang po ni/ phyir bcos kyi gzhi'i gzhung dngos/ dus dang dus ma yin par sdud pa 'byung ba'i gzhi/ sa gzhan na gnas pa spyod pa'i gzhi/ yongs @09a @#/ /sbyong gi gzhi'i gzhung rnams kyis 'chad/ gnyis pa la yang/ dbyen phyir bcos dang/ rtsod pa phyir bcos gnyis/ dang po ni/ las bya ba'i gzhi dang/ 'khor lo bye ba'i gzhis 'chad/ phyi ma rtson pa'i gzhis 'chad/ tshul khrims rnam par dag pa'i thabs de yang las kyi gzhis 'chad de/ tshul khrims rnam par dag pa de sdom pa ma thob pa thob par byed pa'i thabs/ thob pa mi nyams par bsrung ba'i thabs/ nyams na phyir bcos pa'i thabs rnams la rag las pa'i phyir/ so so'i don ni/ thog mar nges par 'byung ba'i tshul khrims kyi dbang du byas te/ zhes pa'i skabs su/ spyi don dang/ gzhung don gnyis/ dang po la/ dgos don dang/ bsdus don gnyis/ dang po ni/ gzhung 'dis bstan bcos 'di'i dgos sogs chos bzhi po ston cing/ bstan bcos 'di rtsom pa'i thog mar dgos sogs chos bzhi bstan pa la dgos pa yod de/ bstan bcos 'di'i gdul byas 'di la thos sogs kyi 'jug pa'i ched yin pa'i phyir/ 'jug tshul yang yod de/ bstan bcos 'di'i gdul bya dbang rnon @09b kha cig /'di la dgos sogs chos bzhi med par 'dzin pa'i log rtog bsal ba'i sgo nas 'di la thos sogs kyis 'jug /dbang 'bring kha cig /'di la dgos sogs chos bzhi po med dam snyam pa'i don mi 'gyur gyi the tshom bsal te bstan bcos 'di la dgos sogs chos bzhi yod dam snyam pa'i don 'gyur gyi the tshom rang rgyud la skyes pa'i sgo nas 'di la thos sogs kyis 'jug /dbang rtul kha cig 'di la dgos sogs chos bzhi yod par go ba'i yid ches rang rgyud la skyes pa'i sgo nas 'di la thos sogs kyis 'jug pa'i phyir/ rgya cher 'grel las/ 'di ltar rtog pa sngon du gtong ba dag ni 'brel ba med pa dang/ brjod par bya ba med pa dang/ dgos pa med pa'i tshig kyang khas len par mi byed na/ gzhan la ston pa sogs lta smos kyang ci dgos/ de bas na 'dul ba'i mdo la brjod par bya ba med par dogs pa bsal ba'i phyir brjod par bya ba bsnyad do/ /'bras bu med par dogs pa bzlog pa'i phyir dgos pa bstan to/ /thabs med par dogs pa spang ba'i phyir 'brel pa bshad do/ /mngon par 'dod pa'i don 'grub pa'i phyir dgos pa'i yang dgos pa bstan to/ /zhes gsungs pa'i phyir/ @10a @#/ /'di'i tshig zur gyi 'di ltar rtog pa sngon du gtong ba dag ni/ zhes pas blo gros kyi rtog pa dang ldan pa'i skyes bu dam pa de bstan/ de man sla; gnyis pa bsdus don la gnyis/ dgos 'brel ngag gi dgos sogs chos bzhi bshad pa dang/ bstan bcos lus kyi dgos sogs chos bzhi bshad pa'o/ /dang po ni/ bstan bcos 'di'i dgos sogs chos bzhi po de dgos 'brel ngag gi brjod bya yin/ dgos 'brel gyi ngag 'di la brten nas bstan bcos 'di la thos sogs kyis zhugs pa la brten nas bstan bcos 'di la dgos sogs chos bzhi yod par rtogs pa'i tshad ma 'di'i gnas skabs kyi dgos pa yin/ dgos 'brel gyi ngag 'di la brten nas bstan bcos 'di la thos sogs kyis zhugs pa la brten nas thob pa'i sangs rgyas kyi lhag med myang 'das de 'di'i nyid gos yin/ 'di'i nyid dgos 'di'i gnas skabs kyi dgos pa la 'brel/ de ngag 'di la 'brel ba'i 'brel ba de/ 'di'i dgos sogs chos bzhi'i nang tshan du gyur pa'i 'brel pa yin de min 'di'i nyid dgos yin na mthar thug gi yon tan yin dgos te/ de yin na/ 'di'i dgos pa mthar thug yin dgos pa'i phyir/ gnyis pa bstan @10b bcos lus kyi dgos sogs chos bzhi bshad pa la/ dngos dang/ gzhung gis bstan tshul/ brjod bya bye brag tu bshad pa dang gsum/ dang po ni/ dge slong gi tshul khrims thob byed kyi thabs nyams len dang bcas pa bstan bcos 'di'i brjod bya yin pa'i phyir te/ rgya cher 'grel las/ 'dir brjod par bya ba ni chos 'di pa dag gi tshul khrims te/ /zhes gsungs pa'i phyir/ lung de'i tshig zur gyi 'di pa dag gi tshul khrims zhes pas/ dge slong gi tshul khrims kyi mtshon pa'i nges 'byung gi tshul khrims rnams nang pa'i rgyud la yod cing/ phyi rol pa'i rgyud la med ces bstan/ bstan bcos 'di la thos sogs kyis zhugs pa la brten nas 'di'i brjod bya bde blag tu rtogs pa'i tshad ma 'di'i gnas skabs kyi dgos pa yin te/ yang de nyid las/ dgos pa ni bcom ldan 'das kyis tshul khrims rab tu bstan pas/ zhes gsungs pa'i phyir/ de ltar rtogs pa la brten nas thob pa'i sangs rgyas kyi lhag med myang 'das de 'di'i nying dgos yin te/ de nyid las/ dgos pa'i dgos pa ni nges par 'byung ba'i mya ngan las 'das pa'o/ /zhes gsungs pa'i phyir/ y'di'i @011a @#/ /nying dgos 'di'i gnas skabs kyi dgos pa la 'brel/ de bstan bcos 'di la 'brel ba'i 'brel pa de 'di'i dgos sogs chos bzhi'i nang tshar du grur pa'i 'brel pa yin pa'i phyir/ bstan bcod 'di la brten nas thob pa'i dgra bcom pa'i rgyud kyi mkhyen pa de 'di'i nying dgos ma yin te/ de mthar thug gi yon tan ma yin pa'i phyir/ khyab ste/ nge par 'byung ba'i tshul khrims kyi dbang du byas te/ zhes pa'i tshig zur gyi nges par 'byung ba de nges par gdon mi za ba thob par byed pa mthar thug la 'jug pa'i phyir te/ yang de nyid las/ ci'i phyir/ zag pa med pa'i lam mi bzung zhe na/ gtso bo ma yin pa'i phyir; zhes gsungs pa'i phyir/ kho na re/ 'o na don gang gi phyir rab tu byung ba dang bsnyen par rdzogs pa'i dge slong gi tshul khrims dang/ zhes gsungs pa dang 'gal lo/ zhe na/ mi 'gal te/ lung des 'di'i gnas skabs kyi dgos par gyur pa'i dge slong gi tshul khrims yod pa tsam bstan pa'i phyir; des na 'di la brten nas thob pa'i lam dang lhag bcas myang 'das de bstan bcos 'di'i gnas skabs kyi nying dgos yin yang 'di'i nying dgos ma yin/ @011b bstan bcos 'di la brten nas thob pa'i sangs rgyas kyi lhag med myang 'das kyi thob pa de 'di'i nying dgos kyi gtso bo ma yin yang 'di'i nying dgos yin/ bstan bcos 'di la brten nas thob pa'i lhag med myang 'das kyi thob pa de 'di'i gnas skabs kyi dgos par gyur pa'i mngon rtogs la 'brel/ de bstan bcos 'di la 'brel ba'i 'brel pa de/ 'di'i dgos sogs chos bzhi'i nang tshan du gyur ba'i de byung gi 'brel ba yin te/ lhag med myang 'das kyi thob pa 'dus byas yin pa'i phyir dang/ 'di'i 'brel par gyur pa'i de byung gi 'brel ba yod pa'i phyir te/ de nyid las/ 'dul ba'i mdo dang dgos pa gnyis ni thabs dang thabs las byung ba'i mtshan nyid kyi 'brel pa yin te/ rgyu dang 'bras bu'i mtshan nyid ces bya ba'i tha tshig go /zhes gsungs pa'i phyir/ 'gog bden rgyud kyis ma bsdus kyang; de'i thob pa rgyud kyis bsdus pa yin te/ mdzod las/ thob dang ma thob rang rgyud du/ /gtogs pa rnams kyi'o 'gog gnyis kyi/ / zhes gsungs pa'i phyir/ lhag med myang 'das mngon du byas pa'i skyes bu ni med de/ de mngon du byed kha ma'i gang zag des de mngon du byas pa dang bem @012a @#/ /rig rgyun chad pa'i phyir/ ched du brjod pa'i tshoms las/ lus zhig tshor ba bsil bar gyur/ /'du shes 'gags shing 'du byed zhi/ /rnam par shes pa nub gyur pa/ /'di 'dra 'di ni sdug bsngal mtha'/ /zhes gsungs pa'i phyir/ kho na re/ bstan bcos 'dir nges 'byung gi tshul khrims ston na 'dir nges 'byung gi tshul khrims bstan pa dang/ lung sde bzhi las de bstan pa la dgos pa mi 'dra ba'i khyad par yod dam zhe na yod de/ 'dul TI ka las/ 'di la ma rtogs pa rtogs pa'i dgos pa dang/ log rtog bsal ba'i dgos pa dang/ mdor bsdus la dga' ba'i bsam pa bskang ba'i dgos pa yod pa'i phyir/ rtags dang po grub ste/ rtsa 'grel du ma rtogs pa rtogs pa'i dgos pa dang/ rjes bcas su ma rtogs pa rtogs pa'i dgos pa dang/ rung mthun du ma rtogs pa rtogs pa'i dgos pa dang/ tshig gzhan gyis don gzhan bstan pa ma rtogs pa rtogs pa'i dgos pa yod pa'i phyir/ dang po grub ste/ lung du gzhi dang phran tshegs dang zhu ba sogs go rim 'khrugs pa lta bur snang ba la/ 'dir gzhi'i @012b skabs su/ dang por gzhi/ de'i rjes su phran tshegs/ de'i rjes su zhu ba sogs bstan pas/ gzhi rtsa ba dang/ phran tshegs 'grel pa dang/ zhu ba sogs 'grel bshad lta bur go ba'i phyir dang/ rnam 'byed kyi skabs su/ dang por rnam 'byed dang/ de'i rjes su phran tshegs/ de'i rjes su zhu ba sogs bstan pas/ rnam 'byed rtsa ba dang/ phran tshegs 'grel pa dang/ zhu ba sogs 'grel bshad du go ba'i phyir ro/ /gnyis pa yang grub ste/ lung du sgrub pa'i rjes su sgrub pa dang/ gnang ba'i rjes su gnang ba dang/ dgag pa'i rjes su dgag pa bstan pa sogs zlos pa lta bu dang/ sgrub pa dang gnang ba'i rjes su dgag pa dang/ dgag pa'i rjes su sgrub pa dang gnang ba bstan pa sogs 'gal ba lta bur snang ba la/ 'dir gang gtso che ba'i sgo nas bstan pas bde blag tu rtogs pa'i phyir/ dper na lung du dang por bran rab tu 'byung bar gnang/ de la nyes dmigs 'ga' zhig byung bas/ phyis bran rab tu byung ba dang bkag pa gnyis phyi ma gtso che bas 'dir bkol ba bran dang sbyar ba bzhin no/ /rung mthun du ma rtogs @013a @#/ /pa rtogs pa'i dgos pa yod de/ lung du chos la la gzhi gcig kho na dang sbyar nas gsungs kyang/ 'dir spyir bstan pas/ gzhi gzhan dang sbyor ba yang rtogs par 'gyur ba'i phyir/ dper na lung du bslab pa ma phul bslab pa nyams par ma byas par mi tshangs par spyod pa 'khrig pa'i chos bsten na zhes/ bslab pa ma phul ba mi tshangs par spyod pa dang sbyar yang/ 'dir spyir bstan pas/ ma byin par len pa sogs dang sbyor ba yang rtogs pa lta bu'o/ /tshig gzhan gyis don gzhan bstan pa ma rtogs pa rtogs pa'i dgos pa ni/ lung du khyams su rnal 'byor bsgom par mi bya'o/ /gnas khang dang sgo khang dang/ dgon par rnal 'byor bsgom par mi bya'o/ /zhes gsungs pa la/ de dag tu rnal 'byor mi sgom na bsgom pa'i gnas gzhan yang mi rnyed pas/ lung de'i don/ 'dir mngon par 'du bar yang mi bya'o/ /rnam par g.yeng bar byed pa dang/ gtum po dang gya tshom pa dag spang bar rigs so zhes/ mi mang po 'du ba dang/ ca co la sogs pas sems g.yeng ba dang/ kyal ka can la sogs pa gya tshom byed pa yod pa'i khyams sogs dang/ chom rkun pa dang/ sengge la @013b sogs pa srog chags gtum po yod pa'i dgon par rnal 'byor mi sgom pa'i don yin par bstan pa lta bu'o/ /log rtog bsal ba'i dgos pa yod de/ spyir mdo kun gyis log rtog sel la/ khyad par du/ ma thob pa thob par byed pa'i skabs su/ gsol ba'i 'og tu yang rung ngo/ /zhes dang/ thob thob pa mi nyams par bsrung ba'i skabs su/ der phyis dbyung ngo snyam pa'i blo gros gang yin pa de ni bskur ba'i 'o zhes sogs dang/ nyams na phyir 'chos pa'i skabs su/ kha cig gis 'di nan tur gyis tshul du bstan to/ /de ni mi bzang ste/ mdo sde dang 'gal ba'i phyir ro zhes sogs kyi log rtog sel ba'i phyir ro/ mdor bsdus la dga' ba'i bsam pa bskang ba'i dgos pa yod de/ dbang po rnon po tshig nyung dus don rgya chen po go ba dang/ dbang po rtul po lung gi tshig rgyas pa 'dzin mi nus pa rnams rjes su gzung ba'i phyir du tshig bsdus nas don tshang bar bstan pa'i phyir ro zhes dang/ rgya cher 'grel las/ gzhung rgyas pa nyan pas 'jigs pa rnams kyi don dang/ rnam par 'byed pa la sogs pa de dag nyid yang dag par bstan pa'i phyir/ log par rtog pa bsal ba'i don du slob @014a @#/ /dpon gyis 'di brtsams so/ /zhes gsungs pa'i phyir/ gnyis pa bstan tshul ni/ nges par 'byung ba'i tshul khrims kyi dbang du byas te zhes pa'i gzhung 'dis bstan bcos 'di'i brjod bya dang nying dgos dngos su bstan nas 'brel pa dang gnas skabs kyi dgos pa shugs la bstan te/ de nyid las/ kha cig tu ni brgyud pas so/ /zhes gsungs pa'i phyir/ de yang nges par 'byung ba zhes pas nying dgos dang/ tshul khrims kyi zhes pas brjod bya bstan te/ yang de nyid las/ nges par 'byung ba dang tshul khrims kyis ni brjod par bya ba dang nying dgos bstan te/ zhes dam bca'o/ /zhes gsungs pa'i phyir/ gsum pa brjod bya tshul khrims bye brag tu bshad pa la/ sdom pa'i rnam gzhag bshad pa/ ma bsrung ba'i nyes dmigs/ bsrung ba'i phan yon/ sdom pa'i gtong rgyu bshad pa dang bzhi/ dang po la/ dbye ba/ bsdu ba/ mtshan nyid/ rgyu rkyen 'bras bu gsum la dpyad pa dang bzhi/ dang po ni sdom pa thob phyed kyi thabs dang bsrung tshul 'og nas 'chad/ 'dir byang sems kyi tshul khrims khas len kyang/ de'i sdom pa khas mi len te/ 'dir sdom pa la sgras @014b brjod rigs kyi sgo nas dbye na/ so thar gyi sdom pa/ bsam gtan gyi sdom pa/ zag med kyi sdom pa gsum du bshad pa'i phyir/ mdzod las/ sdom pa so so thar ces bya/ /de bzhin zag med bsam gtan skyes/ /zhes gsungs pa'i phyir/ des na bsam gtan gyi dngos gzhi dag pa ba la brten nas 'chal tshul kun nas bslong ba'i kun slong 'gog pa'i rigs su gnas pa'i sems pa de bsam gtan gyi sdom pa'i mtshan nyid yin/ zag med kyi dngos gzhi la brten nas 'chal tshul kun nas bslong ba'i kun slong 'gog pa'i rigs su gnas pa'i sems pa de/ zag med kyi sdom pa'i mtshan nyid yin/ de gnyis gang rung yin na sdom pa ma yin dgos te/ sdom pa yin na/ so thar gyi sdom pa yin dgos pa'i phyir/ so thar gyi sdom pa la dbye na/ dge tshul slong dge bsnyen rnams la pha ma gnyis gnyis kyi sdom pa/ dge slob ma'i sdom pa/ bsnyen gnas kyi sdom pa rnams su yod de/ mdzod las/ so so thar ces bya rnam pa rgyad/ /ces gsungs pa'i phyir/ kho na re/ gzhan gsum po de la pha ma gnyis gnyis 'byed/ bsnyen gnas la de ltar mi @015a @#/ /'byed pa'i rgyu mtshan gang zhe na/ kha cig de yod de/ bsnyen gnas kyi sdom pa skye ba'i rten la pha ma gnyis su ma nges pa'i phyir te/ ma ning gi rten la de gsar du skye ba yod pa'i phyir na/ ma grub ste/ de'i rten la so thar gyi sdom pa gsar du skye ba med pa'i phyir te/ 'dul ba rgya mtsho'i snying po las/ ma ning mtshan gnyis sogs la min/ /zhes gsungs pa'i phyir/ rang lugs la de'i rgyu mtshan yod de/ bsnyen gnas kyi sdom pa de sdom pa gzhan las rgyun thung ba'i rgyu mtshan gyi yin pa'i phyir/ kha cig /dge slob ma'i sdom pa de so thar rigs brgyad kyi nang tshan ma yin te/ de spong bdun 'khor bcas kyi sdom pa yang ma yin/ spong bzhi 'khor bcas kyi sdom pa yang ma yin pa'i phyir na ma khyab po/ /de'i lugs la tshangs spyod nyer gnas kyi tshul khrims de'i nang tshan yin zer ba mi 'thad de de'i ngos skal gyi spang bya gang nas kyang ma bshad pa'i phyir/ des na dge slob ma'i sdom pa de'i nang tshan yin te/ 'di nyid las/ bud med la ni dge slob ma zhes bya ba'i tshigs gzhan yang yod do/ /zhes gsungs pa'i phyir/ gzhan yang @015b so thar rigs brgyad 'dren pa na/ kun btus las/ so so thar pa'i sdom pas bsdus pa'i las gang zhe na/ dge slong gi sdom pa dang/ dge slong ma'i sdom pa dang/ dge slob ma'i sdom pa dang/ zhes gsungs pa'i phyir dang/ 'dul ba rgya mtsho'i snying po las/ dge tshul pha ma dge slong ma/ / zhes gsungs pa'i phyir/ gnyis pa bsdu ba ni/ so thar rigs brgyad po 'di bsdu na/ rten gyi sgo nas gnyis su 'du ste/ 'dul ba rgya mtsho'i snying po las/ khyim pa'i sdom pa dang po gsum/ /rab byung sdom pa tha ma lnga/ /zhes gsungs pa yin pa'i phyir/ dus kyi sgo nas gnyis su 'du ste/ mdzod las; ji srid 'tsho dang nyin zhag tu/ /sdom pa yang dag blang bar bya/ /zhes gsungs pa ltar yin pa'i phyir/ rdzas rigs kyi sgo nas bsdu na/ bsnyen gnas kyi sdom pa/ dge bsnyen gyi sdom pa/ dge tshul gyi sdom pa/ dge slong gi sdom pa dang bzhir 'du ste/ dge slob ma'i sdom pa dge tshul gyi sdom par 'du ba'i phyir te/ de mtshan gyur pa na dge tshul phar 'gyur ba'i phyir/ mdzod las/ rdzas su rnam pa bzhi yin no/ / @016a @#/ /mtshan las ming ni 'pho ba'i phyir/ /zhes gsungs pa'i phyir/ 'o na/ dge slong pha'i sdom pa dge slong ma'i sdom par 'du ba dang; dge slong ma'i sdom pa de dge slong pha'i sdom par 'du bar thal/ dge slong ma mtshan gyur pa na dge slong phar 'gyur/ dge slong pha mtshan gyur pa na dge slong mar 'gyur ba'i phyir na mi mtshungs te/ dge slong ma'i sdom pa de dge tshul ma'i sdom pa'i steng du rtsa ba'i chos drug dang rjes mthun gyi chos drug spong bar khas blangs pa tsam gyi sdom pa yin zhing/ dge slong pha ma gnyis kyi sdom pa gsol bzhi'i cho ga la brten nas len dgos pa'i phyir/ des na/ dge slob ma'i sdom pa dang 'gal ba'i rtsa ltung pham 'dra ma yin te/ dge tshul gyi rtsa ltung ma yin pa'i phyir/ pham pa ma yin te/ dge slong gi rtsa ltung ma yin pa'i phyir/ gsum pa mtshan nyid la/ kha cig /'dod pa'i sas bsdus kyi tshul khrims so thar gyi sdom pa'i mtshan nyid yin zer na/ mi 'thad de/ 'dod pa'i sas bsdus kyi legs smon gyi tshul khrims dang 'jigs skyobs kyi tshul khrims yod pa'i @016b phyir; kha cig 'dod pa'i sas bsdus kyi nges 'byung gi tshul khrims de'i mtshan nyid yin zer na de mi 'thad de/ nges 'byung gi tshul khrims su gyur pa'i bar ma'i tshul khrims yod pa'i phyir te/ nges 'byung gi bsam pas zin pa'i bar ma'i tshul khrims yod pa'i phyir/ kha cig /so thar gyi sdom pa yin na rnam par rig byed ma yin pa'i gzugs yin pas khyab zer na/ mi 'thad de/ rnam par rig byed kyi gzugs su gyur pa'i so thar gyi sdom pa yod pa'i phyir te/ mdzod las/ dang po'i rnam rig rnam rig min/ /zhes dang/ 'chal ba'i tshul khrims mi dge'i gzugs/ /de spong tshul khrims rnam gnyis so/ /zhes gsungs pa'i phyir/ kha cig /spang bya lnga tsam spong bas rab tu phye ba'i sdom pa dge bsnyen gyi sdom pa'i mtshan nyid zer na/ dge bsnyen yin na/ spang bya lnga tsam spong bas rab tu phye ba'i skyes bu yin dgos par thal lo/ / dam bca' de'i phyir/ 'dod na/ nyan thos tshogs lam bar gyur pa'i dge bsnyen chos can/ der thal/ de'i phyir/ 'dod mi nus te/ mthong @017a @#/ /spang brgyad cu rtsa brgyad spong ba'i phyir/ de la brten nas spang bya bcu tsam spong bas rab tu phye ba'i sdom pa de dge tshul gyi sdom pa'i mtshan nyid yin zer ba la yang skyon rigs 'gre'o/ /rang lugs la/ 'dod pa'i sas bsdus kyi nges 'byung gi tshul khrims gang zhig /bar ma'i tshul khrims las mchog tu gyur pa de/ so thar gyi sdom pa'i mtshan nyid yin/ de'i mtshan nyid kyi zur du 'dod pa'i sas bsdus smos pas bsam gtan dang zag med kyi sdom pa so thar gyi sdom pa yin pa gcod/ nges 'byung gi tshul khrims zhes smos pas legs smon gyi tshul khrims dang 'jigs skyobs kyi tshul khrims de yin pa gcod do/ /mdo sde pas ni so thar gyi tshul khrims spong ba'i sems par 'dod kyang/ 'dir de la rnam par rig byed kyi gzugs dang rnam par rig byed ma yin pa'i gzugs gnyis yod pa sngar bshad pa ltar yin pa'i phyir dang/ des sbyin sogs chos bcu po'i nang tshan gyi tshul khrims shes par 'dod la/ 'dir de yang gzugs can du 'dod do/ /kha cig /slob dpon yon tan 'od des so thar gyi sdom pa spong sems sa bon dang bcas pa la bzhed pa yin te/ de sa gsum pa ba yin pa'i phyir zer ba mi 'thad de/ 'dir sa'i rnam gzhag khas len mi rigs pa'i phyir dang/ so thar gyi sdom pa gzugs can yin pa'i phyir/ de la kho na re/ byang sems @017b kyi tshul khrims shes pa ma yin par thal/ nges 'byung gi tshul khrims shes pa ma yin pa'i phyir/ ma grub na/ sdom pa gzugs can yin pa phud/ 'dod na/ tshul khrims yin na shes pa ma yin dgos par thal/ 'dod pa'i phyir/ 'dod na/ sbyin pa yin na shes pa ma yin dgos par thal/ 'dod pa'i phyir na ma khyab/ kho na re/ phyi rol pa'i rgyud la so thar gyi sdom pa yod par thal/ rten de la phyi rol pa'i grub mtha' la 'jug pa'i dge slong yod pa'i phyir te/ de 'dra ba'i so thar gyi sdom ldan yod pa'i phyir te/ de 'dra ba'i nges 'byung gi tshul khrims rgyud ldan yod pa'i phyir te/ de 'dra ba'i legs smon dang 'jigs skyobs kyi tshul khrims rgyud ldan yod pa'i phyir na ma khyab bo/ /'dod na/ phyi rol pa'i rgyud la dge slong gi sdom pa yod par thal/ rten de la phyi rol pa'i grub mtha' la 'jug pa'i dge slong yod pa'i phyir te/ de 'dra ba'i so thar gyi sdom ldan yod pa'i phyir/ rtags khas/ 'dod mi nus so/ /so so'i ngo bo ni/ so thar rigs brgyad po gang rung gang zhig /rang gi ngos skal gyi spang bya lnga po ngos skal gyi spang byar byas nas spong bas rab tu phye ba'i rigs can de/ dge bsnyen gyi sdom pa'i mtshan nyid yin/ de gang rung gang zhig /rang gi ngos skal gyi spang bya brgyad po ngos skal gyi spang byar byas nas spong bas rab tu phye ba'i rigs can de/ bsnyen gnas kyi sdom pa'i mtshan nyid yin/ de gang @018a @#/ /rung gang zhig /rang gi ngos skal gyi spang bya bcu po ngos skal gyi spang byar byas nas spong bas rab tu phye ba'i rigs can de/ dge tshul gyi sdom pa'i mtshan nyid yin/ de gang rung gang zhig /de bcu po dang rtsa ba'i chos drug rjes mthun gyi chos drug po ngos skal gyi spang byar byas nas spong bas rab tu phye ba'i rigs can de/ dge slob ma'i sdom pa'i mtshan nyid yin/ de gang rung gang zhig /rang gi lus ngag gi kha na ma tho ba thams cad ngos skal gyi spang byar byas nas spong bas rab tu phye ba'i rigs can de/ dge slong gi sdom pa'i mtshan nyid yin te/ de ltar yang mdzod las/ spang bya lnga brgyad bcu dang ni/ /thams cad spong bar mnos pa las/ /dge bsnyen dang ni bsnyen gnas dang/ /dge tshul ched dang dge slong nyid/ /ces gsungs pa'i phyir/ des na/ log g.yem sogs rtsa ba bzhi dang chang 'thung ba dang lnga ni dge bsnyen gyi sdom pa'i ngos skal gyi spang bya dang/ rtsa ba bzhi'i steng du chang 'thung ba gar sogs phreng sogs gcig tu 'dren pa/ phyi dro'i kha zas mal stan che mtho rnams bsnyen gnas kyi sdom pa'i ngos skal gyi spang bya dang/ gzhan rnams sngar ltar la gar sogs phreng sogs so sor 'dren pa/ rin po che 'chang ba rnams dge tshul gyi sdom pa'i ngos skal gyi spang bya yin/ gar sogs phreng sogs bsnyen gnas kyi sdom pa'i ngos skal gyi spang bya la gcig tu 'dren/ dge @018b tshul la so sor 'dren pa'i rgyu mtshan yod de/ de khyim pa la dgag bya chung/ rab byung la dgag bya che ba'i rgyu mtshan gyis yin pa'i phyir/ rin po che 'chang ba sdom pa dang po gnyis kyi spang byar mi 'dren/ dge tshul gyi spang byar 'dren pa'i rgyu mtshan yod de/ de 'chang ba gsog 'jog gi gtso bo yin pas khyim pa la gsog 'jog dgag bya chung zhing/ rab byung la dgag bya che ba'i rgyu mtshan gyis yin pa'i phyir/ dge tshul gyi bslab bya mtha' dag bcu po der bsdus nas ston pa'i rgyu mtshan yod de/ dge tshul gyis bslab bya rgya chen po la slob mi nus snyam pa'i zhum pa dgag pa'i ched yin pa'i phyir/ rtsa ba bzhi spong ba ni/ tshul khrims kyi yan lag yin te/ rtsa ba bzhi spong ba las nyams na tshul khrims rnam dag las nyams par 'gyur ba'i phyir/ chang 'thung ba spong ba bag yod kyi yan lag yin te/ de 'thung na dran pa nyams nas bag med du 'gyur ba'i phyir/ gar sogs phreng sogs spong ba brtul zhugs kyi yan lag yin te/ de byas na dregs pa skyes te rab byung gi spyod pa rnam dag las nyams par 'gyur ba'i phyir te/ mdzod las/ tshul khrims yan lag bag yod pa'i/ /yan lag brtul zhugs yan lag ste/ bzhi gcig de bzhin gsum rim @019a @#/ /bzhin/ /de yis dran nyams dregs par 'gyur/ /zhes gsungs pa'i phyir/ gtso 'khor gyi khyad par yod de/ dge slong gi dbang du byas na lus ngag gi spong ba bdun gtso bo dang chang 'thung ba spong ba sogs 'khod yin/ dge tshul gyi dbang du byas na rtsa ba bzhi spong ba gtso ba dang chang 'thung ba spong ba sogs 'khor yin pa'i phyir/ gnas tshul yod de/ sdom gsum rim gyis blangs pa'i dge slong gi rgyud la dge bsnyen gyi spong ba bzhi dge tshul gyi spong ba bzhi sge slong gi spong ba bdun te spong ba rdzas tha dad pa bco lnga cig char ldan pa'i phyir dang/ de'i rgyud la sdom pa gsum po de ka ba gcig la thag pa tha dad pa gsum gyis bsdams pa ltar rdzas tha dad du gnas pa'i phyir te/ mdzod las/ tha dad de dag 'gal ba med/ /ces gsungs pa'i phyir/ der ma zad so thar gyi sdom pa de rang nyid la gnas pa'i skyes bu'i lus kyi rdul phra rabs kyi bar na nags la me zhugs pa'i tshul lam til la til mar gyi tshul du yod de/ mdzod 'grel las/ lus la gseb yod pa'i phyir/ /zhes gsungs pa'i phyir/ so thar gyi sdom pa dang/ so so thar pa'i sdom pa gnyis don gcig ste/ so thar gyi sgra bshad la gnyis @019b yod pa las so so'i skad dod du pra ti mo zhes 'byung/ pra ti ni dang po dang so so la 'jug /dang po'i dbang du byas nas so thar gyi sdom pa skad cig dang po de la so so thar pa dang/ dang po thar pa zhes brjod de/ de sdom min las thar ma thag pa yin pa'i phyir/ gnyis pa la 'jug pa'i dbang du byas na so thar gyi sdom pa mtha' dag la so so thar pa zhes brjod rigs te/ de dag bsrung pa po rnams so sor 'khor pa las thar bar 'gyur la/ ma bsrungs na de ltar mi 'gyur ba'i phyir/ des na/ so thar gyi sdom pa skad cig gnyis pa phan chad so so thar pa yin kyang dang po thar pa ma yin no/ /bzhi pa rgyu rkyen 'bras bu gsum gyi rnam gzhag bshad pa la/ rgyu'i rnam gzhag spyir bstan pa dang/ so thar gyi rgyu'i rnam gzhag bye brag tu bshad pa gnyis/ dang po ni/ spyir rgyu de la drug yod de/ mdzod las/ byed rgyu lhan cig 'byung ba dang/ / skal mnyam mtshungs par ldan pa dang/ /kun tu 'gro dang rnam smin te/ /rgyu ni rnam pa drug tu 'dod/ /ces gsungs pa'i phyir/ kha cig /'dus byas de las gzhan pa'i chos de 'dus byas de'i byed rgyu'i mtshan nyid yin zer ba mi 'thad de/ phan tshun gegs byed pa gnyis rgyu 'bras ma yin pa'i phyir/ kha cig /de ma thag rkyen yin na/ rang gi 'bras bur @020a @#/ /gyur pa'i shes pa yod dgos zer ba mi 'thad de/ 'gog snyoms dang 'du shes med pa'i snyom 'jug gang rung la gnas pa'i skyes bu'i rgyud la shes pa med pa gang zhig /de gnyis gang rung mngon du byed kha ma'i skyes bu'i rgyud kyi shes pa de de ma thag rkyen yin pa'i phyir/ dang po grub ste/ 'gog snyoms de 'du shes med pa'i snyom 'jug bzhin du rang nyid la gnas pa'i gang zag gi rgyud la sems sems byung gi rgyu ba 'gog byed yin pa'i phyir te/ mdzod las/ 'gog pa zhes pa'ang de bzhin nyid/ /ces gsungs pa'i phyir/ rtsa rtags phyi ma grub ste/ dgra bcom tha ma'i shes pa ma gtogs pa'i shes pa'i rnams/ de ma thag rkyen yin pa'i phyir te/ mdzod las/ sems dang sems byung skyes pa rnams/ /tha ma min mtshungs de ma thag /ces gsungs pa'i phyir/ rang lugs la/ 'dus byas de las gzhan pa'i sgo nas 'dus byas de bskyed pa la gegs mi byed pa'i char gyur pa'i dngos po de 'dus byas de'i byed rgyu yin te/ mdzod las/ rang las gzhan pa byed rgyu'i rgyu/ zhes gsungs pa'i phyir/ 'dus byas de dang nges par skye dus mnyam pa'i sgo nas 'dus byas de bskyed pa la gegs mi byed pa'i char gyur pa'i dngos po de 'dus byas de'i lhan cig 'byung rgyu yin te/ skye ba'i 'dus byas yin na/ rang nyid rang @020b gi skye gnas 'jig gsum gyi lhan cig 'byung rgyu yin dgos/ rang nyid kyi skye gnas 'jig gsum po gang rung yin na/ rang nyid kyi lhan cig 'byung 'bras yin dgos pa'i phyir te/ mdzod las/ lhan cig 'byung gang phan tshun 'bras/ /'byung bzhin sems kyi rjes 'jug dang/ /sems dang mtshan nyid mtshan gzhi bzhin/ /zhes gsungs pa'i phyir/ 'dus byas de rang dang rigs 'dra bar skyed byed kyi dngos po de 'dus byas de'i skal mnyam gyi rgyu yin te/ mdzod las/ skal mnyam rgyu ni 'dra ba'o/ /zhes gsungs pa'i phyir/ mthong lam skad cig dang po'i skal mnyam gyi rgyu ni med de/ sbyor lam skad cig tha ma de'i rigs 'dra ma yin pa'i phyir te/ de tshur mthong gi lam dang/ mthong lam skad cig dang po zag med kyi lam yin pa'i phyir/ gtso sems rnams rang gi 'khor du byung ba'i sems byung gi mtshungs ldan gyi rgyu dang/ sems byung rnams rang gi gtso sems kyi mtshungs ldan gyi rgyu yin te/ mdzod las/ mtshungs ldan rgyu ni sems dag dang/ /sems byung rten mtshungs can rnams so/ /zhes gsungs pa'i phyir/ nyon mongs can gyi chos de'i snga logs su byung zhing rang dang sa mtshungs pa'i sgo nas nyon mongs can gyi chos de skyed byed kyi dngos po de/ de'i kun 'gro'i rgyu yin te/ mdzod las/ kun 'gro @21a @#/ /zhes bya nyon mongs can/ /rnams kyi rang sa kun 'gro lnga/ /zhes gsung pa'i phyir/ yang srid 'phen byed kyi las dang grub byed kyi las rnams rnam smin gyi rgyu yin/ des na skye ba'i 'dus byas yin na/ byed rgyu dang lhun cig 'byung rgyu las skyes pas khyab kyang/ rgyu phyi ma rnams las skyes pas ma khyab ste/ skal mnyam gyi rgyu las snyes pa'i 'dus byas yin na/ rang gi rigs 'dra snga ma yod dgos/ mtshungs ldan gyi rgyu las snyes pa'i 'dus byas yin na/ shes pa yin dgos/ kun 'gro'i rgyu las skyes pa'i 'dus byas yin na/ nyon mongs can yin dgos pa'i phyir/ de nas/ 'dus byas de'i byed rgyu yin na/ 'dus byas yin mi dgos te/ 'dus byas de las gzhan pa'i dngos po rnams 'dus byas de'i byed rgyu yin pa'i phyir/ gnyis pa rkyen bshad pa la/ de la lnga yod cing/ byed rgyu ma gtogs pa'i rgyu rnams rgyu'i rkyen yin te/ mdzod las/ rgyu zhes bya ba rgyu lnga yin/ /zhes gsungs pa'i phyir/ byed rgyu bdag po'i rkyen yin te/ mdzod las/ byed rgyu zhes bya bdag por bshad/ ces gsungs pa'i phyir/ chos thams cad dmigs rkyen yin te/ rang 'dzin shes pa'i dmigs rkyen yin pa'i phyir te/ mdzod las/ dmigs pa chos rnams thams cad do/ /zhes gsungs pa'i phyir/ dgra bcom tha ma'i @21b shes pa ma yin pa'i shes pa rnams de ma thag rkyen yin no/ /'bras bu la rnam smin gyi 'bras bu/ bdag po'i 'bras bu/ shes bu'i byed 'bras rnams su yod/ gnyis pa so thar gyi sdom pa'i rgyu bye brag tu bshad pa la/ so thar gyi sdom pa de rang gi byed rgyu las byung ste/ de'i rgyur gur pa'i 'byung ba/ der gyur pa'i rnam par rig byed/ der gyur pa'i bsam pa rnams de'i byed rgyu yin pa'i phyir/ de'i rgyur gyur pa'i 'byung ba yod de/ de 'byung gyur yin pa'i phyir/ de'i rgyur gyur pa'i rnam par rig byed yod de/ der gyur pa'i mkhan slob kyi rnam par rig byed yod pa'i phyir/ de'i rgyur gyur pa'i bsam pa yod de/ de rgyu'i kun slong thob 'dod kyi bsam pa dang/ dus kyi kun slong thob shes kyi bsam pa las byung ba'i phyir/ de lhan cig 'byung rgyu las byung ste/ de rang gi skye gnas 'jigs gsum las byung ba'i phyir/ skal mnyam gyi rgyu las byung ste/ de rang gi rigs 'dra snga ma las byung ba'i phyir; rnam smin gyi rgyu las ma byung ste/ de rnam smin gyi 'bras bu ma yin pa'i phyir te/ dge ba yin pa'i phyir/ rgyu gzhan gnyis las ma byung ba gong gi rig pas shes so/ /yang so thar gyi sdom pa de rgyu'i rnyen las byung ste/ skal mnyam gyi rgyu dang ldan cig 'byung rgyu las bying ba'i phyir/ dag rkyen las byung ste/ @22a @#/ /rang gi byed rgyu las byung ba'i phyir/ rkyen phye ma las ma byung ste/ shes pa ma yin pa'i phyir/ de rnam smin gyi 'bras bu ma yin te/ dge ba yin pa'i phyir/ rgyu mthun gyi 'bras bu yin te/ mthong lam skad cig dang po ma yin pa'i 'dus byas yin pa'i phyir/ bdag po'i 'bras bu dang skyes bu'i byed 'bras yin te; 'dus byas yin pa'i phyir/ 'bral 'bras ma yin te/ 'dus byas yin pa'i phyir/ so thar gyi sdom pa'i rgyu dngos ni de 'gal kyeng bzhi dang bral zhing mthun rkyen nga tshang ba la brten nas len dgos la/ dang po ni 'og nas 'chad/ gnyis pa la/ yul mthun pa/ rgyu mthun pa/ rtags mthun pa/ bsam pa mthun pa/ cho ga mthun pa dang lnga las/ dang po yul mthun pa ni/ dge bsnyen gyi sdom pa dang bsnyen gnas kyi sdom pa gnyis rab dge tshul yan gyi snyes bu/ de ma byung na/ dge bsnyen gyi sdom ldan zhig las len dgos/ nyes med phun sogs kyi dge tshul gyi sdom pa ni mkhan slob la brten nas len dgos te/ nyes med phun tshogs kyi dge tshul gyi sdom pa thob pa la bar ma rab byung gi tshul khrims snon du 'gro dgos shing/ 'dir bar ma rab byung gi tshul khrims de mkhan po la brten nas len dgos pa'i phyir/ dmigs bsal ni dge slong gcig la brten nas dge @22b tshul gyi sdom pa skye ba yod de/ mkhan po med par de skye ba yod pa'i phyir/ gnyis pa rgyu mthun pa ni/ dge bsnyen gyi sdom pa ni mtshams nang gcig tu bsgrub bya gsum yan chad kyis yul gcig las cho ga gcig gis blangs pas skye ba yod kyang/ dge tshul yan gyi sdom pa ni de ltar skye ba med pa dang/ mtshams bcad nas de yod par/ du ma mkhan po gcig pa zhes pa'i thad du 'chad do/ /gsum pa rtags mthun pa ni/ bsnyen gnas kyi sdom pa khen pa'i tshe rgyan gsar bas mi bgyan pa dgos shing/ dge tshul gyi sdom pa yan len na/ rab yung gi rtags cha lugs dang ldan pa/ khyim pa'i thun mong ma yin pa'i rtags cha lugs dang mi ldan pa zhig dgos so/ /bzhi pa bsam pa mthun pa na/ bslab pa'i yan lag rnams yul 'di dang 'di ru bsrung 'dir mi bsrung snyam pa'i yul nges pa/ dus 'di tshun du bsrung thams cad du ma bsrung snyam pa'i dus nges pa/ nas skabs 'di'i tshe bsrung thams cad du mi bsrung snyam pa'i gnas skabs nges pa/ sems can 'di lta bu la bsrung thams cad la mi bsrung snyam pa'i sems can nges pa/ bslab pa'i yan lag 'di lta bu bsrung thams cad mi bsrung snyam pa'i yan lag nges pa ste/ des pa lnga dang bral ba'i bsam pa la rten nas thob par byed do/ /des na bsnyen gnas kyi sdom pa nyin zhag gcig pa'i mtha' can gyi sdom @23a @#/ /pa yin pa'i rgyu mtshan gyis bslab pa'i yan lag rnams dus 'di nas bzung ste sang yi ma ma shar tshun du bsrung snyam pa'i bsam pa la brten nas thob par byed do/ /de'i gyu mtshan yang yod de/ de'i bslab pa'i yan lag rnams dus 'di nas bzung ste sang nyi ma ma shar sun du bsrung snyam pa'i bsam pas kun nas slangs te de lar bsrung bar khas blangs pa'i sdom pa yin pa'i phyir/ sdom ba gzhan rnams ji srid 'tsho'i bar dang sbyor/ des na/ so thar gyi sdom pa rnams 'khor ba las bral 'dod/ thar pa la thob 'dod kyi nges 'byung gi bsam pas kun nas bslang pa'i sgo nas thob par byed pa yin te/ de rnams nges 'byung gi tshul khrims yin pa'i phyir/ kha cig /de rnams brtsol med kyi des 'byung gi bsam pa la brten nas thob par byed dgos zer ba mi 'thad de/ de rnams mkhan slob kyis 'khor ba'i nges dmigs bshad de brda sprad pa la brten na nas thar pa la dmigs pa'i rtsol bcas kyi nges 'byung gi bsam pa la brten nas thob pa yod par 'dul Tik chen mo sogs las gsungs pa'i phyir/ lnga pa cho ga mthun pa ni/ sbyor dngos kyi chog la brten nas bsgrub/ mjug gi chog la brten nas rdzogs par byed do/ kha cig /cho 'phrul zla ba'i tshe gcig gi nyin de'i tshes bco lnga tshun gyi bsnyen gnas kyi sdom pa 'dobs pa'i @23b cho ga byas pa la brten nas de'i tshes bco lnga tshun gyi bsnyen gnas kyi sdom pa skye ba yod zer ba mi 'thad de/ de lta byas pa la brten nas de'i tshes bco lnga sun gyi bsnyen gnas kyi sdom pa de de'i tshes gcig gi nyin thob pa yang ma yin/ de'i tshes bco lnga tshun gyi zhag phyi ma re grub res kyi de gsal thob re 'byung ba yang ma yin pa'i phyir/ dang po grub ste/ de nyin zhag gcig pa'i ldom pa yin pa'i phyir/ gnyis pa grub ste/ de lar na lo snga ma la de 'bogs pa'i cho ga byas pas lo phyi ma'i de skye bar thal ba'i skyon yod pa'i phyir/ des na de'i rnam gzhag jo bo rje dang/ rgyud bla ma'i dar Tik tu gsungs pa ni/ theg chen pa'i lugs kyi dbang du byas nas gsungs pa yin zhing/ de'i lugs la zla ba gcig gi tshes bco lnga pa gcig la zla ba byung ngo cog gi tshes bco lnga'i yin de'i sdom pa len pa'i cho ga byas pa la brten nas de lta bu'i sdom pa skye bar yang bzhed de/ de'i nyin zla ba byung ngo chog gi tshes bco lnga'i nyin de len pa'i tshe kun slong gi bsam pa la brten nas len par byed pa'i phyir/ des na de'i lugs la bsnyen gnas kyi sdom pa la nyin zhag gcig pa'i sdom pas ma khyab cing/ 'dir yang de lta bu'i rnam zhag byas pa la dgos pa yod de/ legs spyad kyi tshul khrims la dgongs pa'i phyir/ bsnyen nas kyi rnam gzhag @24a @#/ /rgyas par gzhan las shes par bya'o/ /gnyis pa ma gsungs pa'i nyes dmigs ni/ so thar gyi sdom pa srog dang bsdos te bsrung dgos te/ de blangs nas ma bsrung na/ ston pa sangs rgyas dang mkhan slob dang grogs dam pa rnams kyis smad pa dang/ chos yid yi stobs kyis smad pa dag/ tshul bzhin yid la byed pa'i tshe rang nyid kyis smad pa dang/ skye bo phal po che rnams kyis smad pa dang/ des bsnyen bkur mi byed pa dang/ yon tan ma thob pa rnams mi thob pa dang/ thob zin pa rnams brjed par 'gyur ba dang/ 'gyod pa dang bcas te 'chi ba rnams ni mthong chos kyi nyes dmigs yin la/ skye ba phyi ma'i nyes dmigs ni phyi mar ngan 'gror snye bar byed do/ /de ni bam po lnga bcu pa las so thar gyi sdom pa bsrungs pa'i phan yon bcu gsungs pa'i shugs la bstan to/ /der ma zad thun mong pa'i pham pa chab med byung ba'i dge slong gi sdom pa de/ byang chub mtho ris blangs skye dang/ /chos dang zang zing phyir bcos rung/ zhes pa ltar gyi sdom pa'i dgos pa drug sgrub nus kyi byed las ? dang lan yang de 'chab bcas byung ba'i dge slong gi sdom pa de sdom pa'i dgos pa dug sgrub nus kyi byed las dang mi ldan pa yin no/ /gsum pa gsungs pa'i yan yon la bcu gsungs pa sogs ni/ de tshul bzhin bsrung na yon tan gong ma rnams 'thob par @24b 'gyur ba dang/ 'gyid pa med par 'chi ba'i dus byed pa dang/ phyogs dang phyog mtshams rnams sman pa'i grags pas khyab pa dang/ bde bar gnyid log cing sad pa dag/ gnyid khyob pa'i tshe lha rnams kyis gsrung ba dang/ skyes bu dam pa rnams yi drung du bag mi tsha ba dang nyam ma nga ba dang 'jigs pa med pa dang/ dgra bo rnams kyis kyang glags mi blta bar bsrung ba dang/ gnod sbyin dang mi ma yin rnams kyis glags btsal kyang glags mi rnyed par bsrung ba dang/ chos gos sogs tshegs chung dus nyed pa rnams dang/ gang du skye ba'i smon lam btab pa 'grub pa rnams yin no/ /der ma zad sdom pa rnam par dag pa'i byed las gsum yod de/ sum brgya pa las/ nyon mongs dgra gul 'joms byed tshul khrims te/ /des par 'byung ba'i tshul khrims sdug bsngal spong zhes pa dang/ dpal 'byor sa dang me tog mda' tsal 'joms/ /'jig tshogs lta ba gdon gyi rtsa ba 'joms/ /zhes pa dang/ rdzogs pa'i sangs rgyas dpal gnod dbang bskur yin/ zhes gsung spa ltar yin pa'i phyir/ kha cig /ji srid 'tsho bar gyi sdom pa yin na/ rang gi rten gyi gang zag ji srid 'tsho'i bar du gnas pas khyab zer ba mi 'thad de/ bslab pa 'bul ba la mngon du phyogs pa'i skyes bu'i rgyud kyi dge slong gi sdom pa de des bslab pa phul @25a @#/ /ba dang sdom par gtang ba'i phyir/ kha cig/ nyin zhag gcig tsa la du gnas pa'i sdom pa yin na nyin zhag gcig pa'i sdom pa yin pas khyab zer na 'thad de/ nyin zhag gcig tsam nas tshe'i dus byed pa'i dge slong gi sdom pa de'i srid 'tsho ba'i bar gyi sdom pa yin pa'i phyir/ des na sdom pa la ji srid 'tshe'i bar gyi sdom pa dag nyin zhag gcig pa'i sdom pa gnyis su yod kyang/ byang chub bar gyi sdom pa med de/ byang sems kyi sdom pa med pa'i phyir/ bzhi pa sdom pa'i gton gyu 'og tu 'chad do/ / gyis pa gzhung don ni/ spyir nges pa zhes pa'i tshig ni don du ma la 'jug kyang 'di'i nges pa zhes pa'i tshig ni thob bya mthar thug la 'jug ste/ de lhag med myang 'das la 'jug pa'i phyir; 'byung ba ni lam gang nas 'byung/ bzhan pa gang nas 'byung/ gnas gang nas 'byung ba'i tha snyad yod pas/ de lam dang gnas dang bzhon pa sogs la 'jug pa yod kyang/ 'di'i 'byung ba ni gdon mi za ba la 'jug ste/ de nges pa zhes pa'i tshig dang 'brel ba'i phyir/ tshul khrims zhes pas spong dun 'khor bcas kyi tshul khrims bsnyan/ dbang du byas te zhes pas thar pa thob pa de la rag las zhes bstan pa'i phyir/ des na nges par 'byung ba zhes bshad pa'i gzhir byas nas gang nas nges par 'byung na 'khor ba nas so/ / @25b gang du na thar pa'i grong khyer du'o/ /gang gi stobs kyis nges par 'byung na tshul khrims rnam dag gi stobs kyis so/ ngag don ni/ thar 'dod rnams kyis tshul khrims rnam par dag pa bsrungs pa la dgos pa yod de/ thar pa thob pa tshul khrims la rag las pa'i phyir/ bstan bcos 'di chos can/ khyod kyi brjod bya yod de/ spong 'dun 'khon bcas kyi tshul khrims khyod kyi brjod bya yin pa'i phyir/ des dgos pa phyi ma la yang rigs 'gres te sbyor ba 'god do/ /bstan bcos 'di rtsom pa'i thog mar dam bca' mdzad pa la chos can/ dgos pa yod de/ rtsom pa mthar phyin par bya ba'i ched yin pa'i phyir/ gyis pa bstan bcos kyi lus dngos bshad pa la/ 'di'i brjod bya rnams bsdu na rten gyi gang zag rang byung du ? ba'i tshul dang/ de'i bslab bya gnyis su 'du/ dang po de la lung gzhi nas 'byung ba'i tshul/ phran tshegs gnas 'byung ba'i tshul/ zhu ba nas 'byung ba'i tshul dang gsum yod/ dang po ? 'byung ba'i tshul la tshegs chung ngu snon chog gi sgo nas bsnyen par rdzogs pa'i tshul dang/ tshegs chen po dar chog gi sgo nas bsnyen pa rdzogs pa'i tshul gnyis las/ dang po ston par byad pa la/ dge 'dun thams cad 'dus pa na cha lugs 'di bzhin byas rgan rim la phyag 'tshal te/ thal mo sbyar tsog tsog dung 'dug cing gsol ba @26a @#/ /btab par gyur pa gsum dang/ gsol ba dang bzhi'i las kyis cig char rab tu byung ba dang/ bsnyen par rdzogs pa nye bar bsgrubs par gyur pa lta bu ni sngon gyi cho ga'o/ /zhes gsungs/ 'o na/ gzhi bcu bdun po'i nang nas rab byung gi gzhi dang por 'chad pa'i rgyu mtshan gang zhe na/ de'i rgyu mtshan yod de/ de lung las dang por gsungs pa dang/ 'di nas 'byung ba'i bslab pa'i gnas rnams rab byung kho na'i dbang du byas nas gsungs pa'i phyir/ 'o na/ sngon chog dang por gsungs pa'i rgyu mtshan gang zhe na; de'i rgyu mtshan yod de/ lung las dang por gsungs pa dang/ brjod bya nyung ba'i rgyu mtshan gyis yin pa'i phyir/ 'o na/ de dus nam gyi tshe gnang ba yin zhe na/ ston pa sangs rgyas nas yun ring po ma lon par phal cher tshur shog gi sgo nas bsnyen par rdzogs pa yin zhing/ de'i sgo nas bsnyen bar rdzogs pa yang ston pa sangs rgyas kho na'i drung du bsnyen par rdzogs pa yin la/ bsgrub bya thag ring nas de'i drung du bsnyen rdzogs su 'ongs pa na lam bar du tshe'i bar chad du gyur pa na/ deng phyin chad dge 'dun rnams 'dus nas rab tu byung ba dang bsnyen par rdzogs par bya'o/ /zhes sogs kyi sgo nas sngon chog gnang ba yin no/ /dge 'dun thams cad 'dus pa na/ zhes sogs kyi skabs su/ gzhung gi 'brel dang/ spyi @26b don gnyis/ dang po 'brel ni/ nges par 'byung ba'i tshul khrims kyi dbang du byas te/ zhes pas spong bdun 'khor bcas kyi tshul khrims bstan nas de thob byed kyi thabs la gnyis yod pa las/ sngon chog de 'chad pa la 'di gsungs/ ngag don ni/ rab byung bsnyen rdzogs cig car du sgrub pa'i khyad chos bzhi ldan gyi gsol bzhi'i las kyi cho ga chos can/ sngon chog gi ngo bo yin te/ de'i 'jog byed yin pa'i phyir/ gnyis pa spyi don la/ bsnyen par rdzogs pa'i dbye ba spyir bstan pa dang/ sngon chog gi rab dbye bye brag tu bshad pa gnyis/ dang po ni/ lung ma mo las/ bsnyen par rdzogs par 'os pa rnam pa bcu'o/ /de bzhin gshegs pa rang byung dang rang sangs rgyas ni slob dpon med par bsnyen par rdzogs pa dang/ lnga sde ye shes khong du chud pas dang/ tshe dang ldan pa 'od srungs chen po ston par khas blangs pas dang/ tshe dang ldan pa 'char ldan dris nas lung bstan pas dang/ dge slong tshur shog ces gsungs pas dang/ skyabs su 'gro ba'i tshig gsum gyis dang/ yul mtha' 'khob tu 'dul ba 'dzin pa dang lnga'i dge 'dun las dang/ yul dbus su bcu 'dus pa'am de las lhag pa las dang/ bla ma'i chos khas blangs pas dang/ pho nyas dang/ dge 'dun sde gnyis las bsnyen par rdzogs pa'o/ /zhes gsungs pa'i phyir dang/ mdzod @27a @#/ /'grel las/ rang byung gis ni sangs rgyas dang rang sangs rgyas rnams so/ /nges pa la 'jug pas ni rten lnga po rnams so/ /dge slong tshur shog hes bya bas ni grags pa la sogs pa rnams so/ /ston par khas blangs pas ni 'od srungs chen po'o/ /dri bas mnyes par byas pas ni legs sbyin no/ /bla ma'i chos khas blangs ? pas ni skye dgu'i bdag mo chen mo'o/ /pho nyas ni chos sbyin ma'o/ /'dul ba 'dzin par gtogs pa lngas ni mtha' 'khob kyi mi rnams so/ /bcu'i tshogs kyis ni dbus kyi mi rnams so/ / skyabs su 'gro ba'i tshig gsum gyis ni sde bzang drug cu'i tshogs bsnyen par rdzogs pa'o/ /zhes gsungs pa'i phyir/ bdag cag gi ston pas ni mchod rten rnam dag gi drung du rang gi dbu skra rang gis bcad nas rab tu byung ba dang bsnyen par rdzogs pa la ? thugs gtad pa na rab byung bsnyen rdzogs kyi sdom pa thob pas rang byung gis bsnyen par rdzogs pa dang/ rang rgyal dgra bcom pas zad mi skye shes pa'i ye shes thob pa dang bsnyen rdzogs kyi sdom pa thob pa dus mnyam pas rang byung gis bsnyen par rdzogs pa yin no/ /grags pa la sogs pa ston pa'i drung du bsnyen rdzogs bsgrub tu 'ongs pa na/ ston pas dge slong tshur shog tshangs par mtshungs par spyod cig ces bka' stsal pa dang skra dang @27b kha spu rang byi la song nas breg nas zhag bdun lon pa'i tshod du gyur cing/ rgyab la snam sbyar dang bla gos gyon/ lag tu spyi blu dang lhung bzed thogs te bsnyen par rdzogs nas lo brgya lon pa'i tshod du gyur pas na de tshur shog gi sgo nas bsnyen par rdzogs pa yin no/ /'khor lnga sde ni/ ston pa sangs rgyas nas bden bzhi'i chos 'khor bskor ba la brten nas mthong lam thob pa'i zhar la bsnyen rdzogs kyi sdom pa thob pas de rnams ye shes khong chud kyis bsnyen par rdzogs pa yin no/ /'od srungs chen pos ston pa'i drung du khyod ni nga'i ston pa'o/ /nga ni khyod kyi nyan thos so/ /zhes khas blangs pas bsnyen rdzogs kyi sdom pa thob pas na de ston par khas blangs kyis bsnyen par rdzogs pa yin no/ /legs sbyin la/ ston pas legs sbyin gcig tu phan pa gang/ zhes pa'i lan du/ thar ba'o/ /de la mkho ba gang zhes pa'i lan du; dad pa'o/ /zhes zhus nas bsnyen rdzogs kyi sdom pa thob pas na dri bas mnyes nas bsnyen par rdzogs pa yin no/ /dge slong ma skye dgu'i bdag mo ni/ kun dga' bo la bsnyen par rdzogs pa'i gsol ba btab pa na/ kun dga' bos lci ba'i chos brgyad bsgrub nus sam zhes gsungs pa na/ nus so zhes brjod pa'i mjug tu bsnyen rdzogs kyi sdom pa @28a @#/ /thob pas na de la lci ba'i chos brgyad khas len gyis bsnyen par rdzogs pa yin no/ /dge slong ma chos sbyin 'phrin gyis bsnyen par rdzogs pa yin zhing/ de'i tshul ni/ bsgrub 'ga' zhig mkhan slob dge 'dun dang bcas pa'i drung du 'du ma thub pa na/ de'i drung du dge slong zhig gis bsgrub bya de'i dod byas nas/ de la bsgrub bya de'i ming gi sgo nas bsnyen rdzogs kyi sdom pa 'bogs pa'i cho ga byas slar dge slong des bsgrub bya de'i gan du phyin nas sngar gyi cho ga de brjod pa na do'i rgyud la sdom pa skye ba yin zhing/ dge slong de la bsgrub bya de'i 'phrin gyi slob dpon zhes brjod/ des na 'phrin chog de mkhan slob dge 'dun dang bcas pa'i cho ga yin pas da chog yin la/ de'i sgo nas dge bsnyen dge tshul sogs bsgrub tu rung ngo/ /@#/ ? 'phrin chog gnang yul gyi gang zag ni mkhan slob dge 'dun dang bcas pa'i drung du dngos su 'du bar ma nus shing da ltar mi nus pa mkhan slob dge 'dun dang bcas pas shes pa dang tshe der mthong lam thob nus pa'i bsgrub bya zhig la gnang ngo/ /sde bzang drug cu'i tshogs ni bsnyen par rdzogs pa'i 'dun pa btang nas skyabs 'gro'i tshig lan gsum brjod pa dang bsnyen rdzogs kyi sdom pa thob pa yin pas de rnams skyabs gsum khas len gyis bsnyen par rdzogs pa yin no/ /des na byang sems kyi tshogs lam @28b skad cig tha ma thob pa'i skyes bu yin na/ bsnyen rdzogs kyi sdom pa ma thob pas ma khyab ste/ ston pa byang sems kyi tshogs lam gyi gnas skabs su bsnyen par rdzogs pa yin pa'i phyir/ rang rgyal dgra bcom pa la bsnyen rdzogs kyis khyab kyang/ rang rgyal slob pa la bsnyen rdzogs kyis ma khyab ste/ rang rgyal slob pa rnams kyis dgra bcom gyi rtogs pa thob pa dang bsnyen rdzogs kyi sdom pa thob pa dus mnyam pa'i phyir/ lnga sdes mthong lam thob pa dang bsnyen rdzogs kyi sdom pa thob pa dus mnyam yang/ mthong lam thob pa'i nyan thos la bsnyen rdzogs kyis ma khyab ste/ bsnyan par ma rdzogs pa'i rten can gyi nyan thos dgra bcom pa dang rgyun zhugs kyang yod pa'i phyir/ lnga sde; sde bzang drug cu/ legs sbyin; skye dgu'i bdag mo rnams kyi bsnyen par rdzogs tshul de rnams phyis kyi gdul bya rnams la 'byung ba ma yin te/ de rnams rang rang gi smon lam dang/ bsod nams kyi dbang gis yin pa'i phyir/ yul mtha' 'khob tu lnga tshogs dang yul dbus su bcu tshogs kyis bsnyen par rdzogs tshul ni/ da chog kho na'i dbang du byas so/ /'o na yul dbus dang mtha' 'khob kyi khyad par gang zhe na/ de la chos tshogs kyi sgo nas phye ba dang/ sa tshigs kyi sgo nas phye ba gnyis las/ 'khor rnam bzhi rgyu ba'i yul de dang po'i dbang du @29a @#/ /byas pa'i yul dbus dang/ de mi rgyu ba'i yul de dang po'i dbang du byas pa'i yul mtha' 'khob phyin no/ /gnyis pa'i dbang du byas pa'i de gnyis yod de/ mdo rtsa ba las/ yul dbus kyi mtshams so/ /shar du li khar shing 'phel gyi mdun gyi li kha ra'i shing tshang tsheng can zhes bya'o/ /lhor ni 'dam bu can gyi lho na chu klung de ba zhes bya ba'o/ /nub tu bram ze'i grong ka ba dang nye ba'i ka ba zhes bya ba'o/ /byang du ni u shI ri zhes bya'o/ /zhes gsungs pa ltar gyi mtshams bzhi po'i nang gi cha ni yul dbus dang phyi'i cha ni yul mtha' 'khob yin pa'i phyir/ bsnyen par rdzogs tshul de rnams bsgrub bya'i sgo nas bsdu na bud med kho na la gnang ba/ skyes pa kho na la gnang ba/ de gnyis ka la gnang ba gsum du 'du/ sgrub byed kyi sgo nas dge 'dun la ltos mi ltos gnyis su 'du/ sgrub tshul gyi sgo nas cho ga la ltos mi ltos gnyis su 'du ba yin no/ des na tshur shog gi sgo nas bsnyen par rdzogs pa'i dge slong pha ma yod kyang/ de'i sgo nas dge slob ma man gyi sdom pa thob pa ni med de/ de yod par lung tshad ldan gang las kyang ma bshad pa'i phyir/ tshur shog gi sgo nas bsnyen par rdzogs tshul ni/ ston pa sangs rgyas nas myang las 'das pa'i snga rol tshun du yong/ rang byung gi bsnyen rdzogs ni sangs rgyas 'jig rten du ma byon gong du @29b yod de/ ston pa sngon slob pa lam gyi gnas skabs su bsnyen rdzogs kyi sdom pa thob pa yin pa'i phyir dang/ rang rgyal slob pa rnams kyis rang rgyal dgra bcom gyi rtogs pa thob pa dang bsnyen rdzogs kyi sdom pa thob pa dus mnyam pa'i phyir/ gzhan rnams sla'o/ /bsnyen par rdzogs tshul bcu po 'di sngon tshog yin zer ba mi 'thad de ye shes khong chud dang rang byung gi bsnyen rdzogs rnams cho ga la mi ltos pa'i phyir/ rang byung dang ye shes khong chung de rnams mdo sde pa sogs kyis khas mi len te/ de rnams kyis sangs rgyas 'phags pa dang rang rgyal dgra bcom gang rung la dge slong gis khyab pa khas mi len pa'i phyir/ de rnams kyis dge slong ma chos sbyin phyin gyis bsnyen par rdzogs par khas len kyang/ 'phrin chog gi sgo nas dge tshul gyi sdom pa thob pa khas mi len nam snyam ste/ de yod na phrin gyi sgo nas byang sems kyi sdom pa thob pa yod dam snyam ste dbyang par bya'o/ gnyis pa sngon chog bye brag tu bshad pa ni/ de dang da chog gi khyad par ci yod ce na/ de yod de/ yul gyi khyad par rten/ cho ga /'bras bu'i khyad par dang bzhi las/ dang po 'chad pa la/ dge 'dun thams cad 'dus pa ni/ zhes gsungs/ gnyis @30a @#/ /pa la/ cha lugs/ gus pas 'jug tshul/ spyod lam/ gsol ba 'debs tshul gyi khyad par rnams rim bzhin ston pa la/ cha lugs 'di bzhin byas rgan rim la phyag 'tshal te thal mo sbyar tsog tsog pur 'dug cing gsol ba btab par gyur pa gsum dang/ zhes pa rnams gsungs/ cho ga'i khyad par ston pa la/ gsol ba dang bzhi'i las kyis/ zhes gsungs/ 'bras bu'i khyad par ston pa la/ cig char/ zhes sogs gsungs/ gyur pa lta bu ni zhes sogs kyis/ sngon cho ga de da chog las gzhan yin zhes bstan/ de gnyis la yul gyi khyad par yod de/ dang po'i tshe mtshams nang de na gnas pa'i dge slong thams cad 'du dgos/ phyi ma'i tshe 'du bar 'os shing 'du ma nus pa'i dge slong la 'dun pa blangs pa'i sgo nas bsnyen rdzogs sgrub tu rung ba'i phyir/ rten gyi khyad par ni/ dang po ni/ sbyangs stobs kyis rgyud smin pa/ skyes stobs kyi shes rab smin pa/ dang sogs dbang po rno bas dbang po smin pa rnams te/ smin pa gsum shas che ba/ nyon mongs ba las rnam smin gyi sgrib pa gsum shas chung ba'i gdul bya la gnang zhing/ phyi ma nge las ldog pa'i gdul bya la gnang ngo/ /de gnyis kyi rten gyi gang zag de gnyis la cha lugs la mi 'dra ba'i khyad par yod de/ dang po'i tshe/ tshos gos gsum mkhan pos ma gnang bar @30b sgrub bya rang nyid kyis gyon pas chog/ /phyi ma'i tshe mkhan pos byin rlabs byas nas gnang dgos pa'i phyir/ de gnyis la gus pas 'dud pa'i khyad par yod de/ dang po'i sgrub byas dge 'dun la phyag 'tshal tshan pa gcig gis chog/ phyi ma'i phyag 'tshal tshan pa bcu gcig dgos pa'i phyir/ de gnyis la spyod lam gyi khyad par yod de/ dang po'i tshe thal mo sbyar tsog tsog pur yun thung du bsdang pas chog /phyi ma'i tshe rtsa pha gu'i steng du thal mo sbyar tsog tsog pur yun ring du gnas dgos pa'i phyir/ de gnyis la gsol ba 'debs tshul gyi khyad par yod de/ dang po'i tshe sgrub bya rang nyid kyis gsol ba btab pas chog /phyi ma'i tshe mkhan pos ngo chen byas/ las slob kyis brda sprad nas gsol ba 'debs dgos pa'i phyir/ de gnyis la cho ga'i khyad par yod de/ dang po'i tshe 'gal rgyen bzhi dang bral ba 'dri mi dgos shing mthun rgyen lnga tshang yang mi dgos/ phyi ma'i tshe de ltar dgos pa'i phyir/ de gnyis la 'bras bu'i khyad par yod de/ dang po ni/ dge bsnyen dge tshul bar ma rab byung gi tshul khrims gsum sngon du ma song bar rab byung bsnyen rdzogs cig char du bsgrub pa'i cho ga yin/ phyi ma la brten nas nyes med phun tshogs kyi bsnyen rdzogs bsgrub pa'i tshe/ sdom pa nge gsum sngon du 'gro dgos pa'i phyir te/ 'di nyid las/ dge bsnyen nyid dang/ zhes sogs gsungs ba'i @031a @#/ /phyir/ des na sngon chog la brten nas thob pa'i bar la rab byung gi tshul khrims la bar ma'i tshul khrims zhes brjod mi rigs te/ de dge bsnyen gyi sdom pa dang dge tshul gyi sdom pa'i bar du thob pa ma yin pa'i phyir/ des na sngon chog yin na gsol bzhi'i las kyi cho ga yin dgos te/ TIk chen las/ sngon gyi cho ga ni da lta bu'i rnam par reg byed yin gyi/ gzhan du ni ma yin no/ /zhes gsungs pa'i phyir/ des na sngon chog la brten nas dge bsnyen dang dge tshul gyi sdom pa thob pa med de/ de bsnyen rdzogs bsgrub pa'i cho ga yin pa'i phyir/ des sngon cho ga bshad nas/ da ltar gyi cho ga 'chad pa la/ sdom pa ma thob pa thob par byed pa'i thabs/ thob pa mi nyams par bsrung pa'i thabs/ 'gal rkyen bar chad kyi spros pa bstan pa dang gsum/ dang po la/ tshigs snga ma rab byung bsgrub pa'i cho ga dang/ tshigs phyi ma bsnyen rdzogs bsgrub pa'i cho ga gnyis/ dang po la/ sbyor ba'i cho ga /dngos gzhi'i cho ga /mjug chog bla ma'i rnam gzhag dang bcas ba bshad pa dang gsum/ dang po 'chad pa la/ rab tu byung ba dang bsnyen par rdzogs pa zhes sogs gsungs/ 'o na da cho ga dus nam gyi tshe byung zhe na/ kha cig /ston pa sangs rgyas nas lo bcu gsuM nas byung ste/ de tshun chad du bstan pa skyon med du gnas pa'i phyir zer/ rang lugs la/ ston pa sangs rgyas nas lo drug nas byung ste/ de'i dus shA ri'i bus mkhan po mdzad nas 'char ka da cho ga gis rab tu byung ba dang bsnyen par rdzogs pa lung las bshad pa'i phyir te/ lung rnam 'byed kyi 'khrur @031b 'jug gi skabs su/ ston pa sangs rgyas nas lo drug nas shA ri'i bus mkhan po byas 'char ka bsnyen par rdzogs/ des pho nya byas te ston pa ser skya'i gnas su gshegs su te/ zhes pa dang/ rnam 'byed kyi nyes byas kyi skabs su/ ston pa mngon par byung nas lo bcu gnyis nas 'char ka bsnyen par rdzogs/ ston pa ser skya'i gnas su gshegs te/ 'char kas khri'u la 'dug ste lus lcid kyis phab ste/ zhes gsungs pa'i phyir/ rab tu byung ba dang bsnyen par rdzogs pa de'i phyir dge slong 'ga' zhig la mkhan po nyid du gnas pa la'o/ /zhes pa'i skabs su/ gzhung gi 'brel dang/ spyi'i don gnyis/ dang po 'brel ni/ dge 'dun thams cad 'dus pa na/ zhes sogs kyi skabs/ sngon cho ga la brten nas bsnyen rdzogs sgrub tshul bstan nas/ da cho ga la brten nas bsnyen rdzogs sgrub tshul de ji lta bu zhe na/ da cho ga la brten nas nyes med phun tshogs kyi sgo nas bsnyen rdzogs kyi sdom pa thob pa la mkhan slob la stos dgos zhes bshad pa la/ rtsa ba'i gzhung 'di byung/ bsgrub bya de'i mkhan por 'os pa'i dge slong de'i bya ba ji lta bu zhe na/ des rang gi bsgrub bya de bar chad dang ldan mi ldan dris nas mi ldan na kho bos rab tu 'byung ngo/ /zhes brjod dgos zhes 'chad pa la/ dang po'i mkhan po nyid kyis bar chad dris nas yongs su dag pa la skabs dbye'o/ /zhes gsungs/ da cho ga la brten nas nyes med phun tshogs kyi dge slong gi sdom pa thob pa la/ dge bsnyen dang dge tshul gyi sdom pa sngon du 'gro dgos @032a @#/ /zhes 'chad pa la/ dge bsnyen nyid dang/ de ge tshul nyid dang dge slong nyid dag gi snga ma bsnyen par ma rdzogs par gyi ma mi bya'o/ /zhes gsungs/ dge bsnyen dang dge tshul gyi sdom pa sbyin pa'i sngon du skyabs 'gro 'gro dgos zhes bshad pa la/ skyabs su 'gro bar khas blang ba'i tshig rtsom pa dang/ zhes sogs gsungs/ de gnyis kyi sdom pa sbyin pa'i 'og tu bslab bya brjod dgos zhes 'chad pa la/ de'i 'og tu bslab pa brjod pa khas blang ba'i tshul gyis bya'o/ /zhes gsungs/ dag don ni/ da cho ga la brten nas sdom pa gsum po snga ma snga ma sngon du ma song bar phyi ma phyi ma sbyin du mi rung ste/ de ltar sbyin na bstan pa la rim gyis ma bslabs pa'i nyes byas su 'gyur ba'i phyir/ gnyis pa spyi don la/ dgos don dang/ bsdus don gnyis/ dang po ni/ da cho ga la brten nas sdom pa gsum rim gyis sbyin pa la dgos pa yod de/ bstan pa la rim gyis ma bslabs pa'i nyes byas mi 'byung ba dang/ mkhan slob dge 'dun dang bcas pa la yang tshigs dang 'gal ba'i nyes byas mi 'byung ba dang/ bsgrub bya'i rgyud la sdom pa brtan pa'i ched yin pa'i phyir/ gnyis pa bsdus don la/ sdom pa gsum snga ma snga ma sngon du ma song bar phyi ma phyi ma sbyin na skye mi skye bshad pa/ snga ma snga ma sbyin ma thag tu phyi ma phyi ma sbyin du rung mi rung la dpyad pa/ sdom pa gsum la gnas pa'i gang zag bshad pa dang gsum/ @032b dang po ni/ da cho ga la brten nas de gsum snga ma snga ma sngon du ma song bar phyi ma phyi ma skyin na skyel nyes byas su 'gyur te/ 'di nyid las/ tshigs snga ma med pa la nyes byas tsam mo/ /zhes dang/ TIk chen las/ nyes byas tsam du zad de sdom pa ni skye'o/ /zhes gsungs pa'i phyir/ des na dge bsnyen dang dge tshul gyi sdom pa la bsnyen rdzogs kyi sgras ston pa'i rgyu mtshan yong de/ bsnyen rdzogs kyi tshig zur gyi rdzogs pa ni myang 'das la 'jug cing/ bsnyen pa ni de la nye ba la 'jug pa gang zhig /sdom pa de gnyis myang 'das la nye ba'i rgyu mtshan gyis de ltar brjod pa'i phyir/ des na/ bar ma rab byung gi tshul khrims sngon du ma song bar dge tshul slong gi sdom pa thob pa yod de/ mkhan po med par de gnyis thob pa yod pa gang zhig /bar ma rab byung gi tshul khrims thob pa mkhan po la rag las pa'i phyir/ dang po grub ste/ 'di nyid las/ de dang ldan pa ni mkhan po med pa nyid la yang ngo/ /zhes gsungs pa'i phyir/ gnyis pa de gsum snga ma snga ma sbyin ma thag tu phyi ma sbyin du rung ste/ snga ma snga ma sbyin nas snga ma snga ma'i dus dang bslob bya ma brjod par phyi ma phyi ma sbyin du rung ba'i phyir/ phran tshegs las; yo byang drug po dag tshogs nas rab tu byung ba dang bsnyen par rdzogs par gnang ngo/ /zhes gsungs pa'i phyir/ de gsum dkyus thog gcig @033a @#/ /la len pa'i tshe dge slong gi bslab bya dang dus bsgo brjod pa las logs su rab byung gzhan gnyis kyi bslab bya dang dus bsgo brjod mi dgos te/ rab byung gi bslab bya rnams kyi nang nas dge slong gi bslab bya gtso che/ rab byung gi sdom pa thob pa'i dus mtshams rnams kyi nang nas dge slong gi sdom pa thob pa'i dus mtshams gtso che ba'i phyir/ yang shAkyas dang me pa ral pa can ma gtogs pa'i mu stegs can rab tu byung bar 'dod pa la de gsum dkyus gcig la sbyin mi rung ste/ de la dge bsnyen gyi sdom pa sbyin nas gsol bzhi'i las kyis fgnas pa sbyin nas dkon mchog gi bsngags pa dang mu stegs byed kyi bsngags pa ma yin pa brjod pa'i sgo nas zla ba bzhi'i bar mgu ba brtags dgos pa'i phyir/ dge bsnyen gyi sdom pa la khyim pa'i sdom pas khyab kyang/ de rgyud ldan la khyim pa'i rten can gyis ma khyab pa dang/ dge tshul gyi sdom pa rgyud ldan la dge tshul gyi rten can gyis ma khyab ste/ sdom gsum rim gyis blangs pa'i dge slong gi rgyud la sdom pa de gnyis yod pa'i phyir/ des na khyim pa'i rgyud la dge tshul yan gyi sdom pa med cing/ dge tshul gyi rgyud la dge slong gi sdom pa med de/ deng/ slong dge tshul dang khyim par bab pa na dge slong gi sdom pa 'bul dgos/ dge tshul khyim par babs pa na dge tshul gyi sdom pa 'bul dgos pa'i phyir/ kha cig/ nyes med phun tshogs @033b kyi dge slong gi sdom pa yin na/ sdom pa snga ma gnyis sngon du song bas khyab zer ba mi 'thad de/ tshur shog gi bsnyen rdzogs kyi sdom pa yin na/ nyes med phun tshogs kyi sdom pa yin dgos/ de yin na/ sdom pa snga ma gnyis sngon du ma song bas khyab pa'i phyir/ nga cho ga la brten nas bud med nyes med phun tshogs kyis dge slong mar bsgrub pa'i tshe/ dge tshul ma'i sdom pa sbyin ma thag tu dge slong ma'i sdom pa sbyin du mi rung ste/ de la de gnyis kyi bar du dge slob ma'i sdom pa sbyin dgos pa'i phyir/ 'di nyid las/ bud med la ni dge slob ma zhes bya ba'i tshigs gzhan yang yong ngo/ /zhes gsungs pa'i phyir/ nyes med phun tshogs kyi dge slong ma'i sdom pa yin na/ dge slob ma'i sdom pa sngon du song bas ma khyab ste/ tshur shog dang sngon cho ga gi sgo nas bsnyen par rdzogs pa'i dge slong mtshan gyur pa yod pa'i phyir/ kha cig/ da cho ga la brten nas thob pa'i nyes med phun tshogs kyi dge slong ma'i sdom pa yon na/ dge slob ma'i sdom pa sngon du song bas khyab par 'dod pa gtan mi 'thad de/ da cho ga la brten nas nyes med phun tshogs kyi dge slong pha'i sdom pa thob pa'i dge slong pha dge slong mar mtshan gyur pa'i ma des da cho ga la brten nas nyes med phun tshogs kyi dge slong ma'i sdom pa thob pa'i phyir te/ des de la brten nas nyes med phun tshogs kyi sdom pa thob pa'i phyir/ @034a @#/ /rigs pa de la brten nas/ bud med kyi rten la dge bsnyen dang dge tshul gyi sdom pa thob/ de rjes skyes par mtshan gyur nas/ de'i rten la da cho ga la brten nas nyes med phun tshogs kyi dge slong gi sdom pa thob pa'i dge slong pha dge slong mar mtshan gyur pa yod pa'i phyir/ gsum pa de dag la gnas pa'i gang zag bshad pa la/ dge bsnyen/ dge tshul/ dge slong bshad pa dang gsum/ dang po ni/ dge bsnyen dang dge tshul gang rung gang zhig log g.yem la sogs pa'i rtsa ba bzhi dang chang la sogs pa ngos skal gyi spang bya'i gtso bor byas nas spong bas rab tu phye ba'i khyim pa'i rigs can gyi skyes bu de dge bsnyen gyi mtshan nyid/ de la sgras brjod rigs kyi sgo nas dbye na/ mdo las/ bdun gsungs te/ skyabs 'gro tsam la gnas pa'i dge bsnyen gyi ming can gyi skyes bu de skyabs gsum 'dzin pa'i dge bsnyen yin/ dge bsnyen gyi spang bya lnga'i nang nas sna gcig tsam spong ba'i de'i ming can gyi skyes bu sna gcig spyod pa'i de yin/ de gnyis tsam spong ba'i de'i ming can gyi skyes bu sna 'ga' spyod pa'i de yin/ de gsum mam bzhi tsam spong ba'i de'i ming can gyi skyes bu de phal cher spyod pa'i de yin/ de rnams dge bsnyen btags pa ba yin/ mi tshangs spyod mi spong zhing log g.yem spong ba'i dge bsnyen de yongs rdzogs dge bsnyen yin/ mi tshangs spyod spong ba'i dge bsnyen de tshangs spyod dge @034b bsnyen yin/ dge bsnyen gyi sdom pa 'phel zhing brtan pa'i phyir du bsnyen gnas yan lag brgyad pa ji srid 'tsho'i bar du bsrung bar khas len pa'i rab byung gi cha lugs bzung ba'i dge bsnyen de go ma'i dge bsnyen yin/ de rnams kyis bsnyen gnas bsrungs pa la brten nas dge bsnyen gyi sdom pa 'phel zhing brtan pa yang yin te/ bsnyen gnas de'i gso sbyong du bshad pa'i phyir des na/ phyi ma gsum dge bsnyen mtshan nyid pa yin/ mi tshangs spyod dang log g.yem gyi khyad par yod de/ skyes pas rang gi bu med bdag tu gzung ba la longs spyod pa ni mi tshangs spyod yin gyi log g.yem ma yin/ skyes pa gzhan gyis bdag tu gzung ba'i lu'i bud med dang/ rang gi bud med sbrum ma dang/ rten gsum gyi drung du bung med la longs spyod pa sogs ni log g.yem yin pa'i phyir/ gnyis pa ni rab byung sde lnga gang rung gang zhig /rtsa ba bzhi po sogs spang bya bcu po ngos skal gyi spang bya'i gtso bor byas nas spong bas rab tu phye ba'i rab byung gi sdom ldan gyi skyes bu dge tshul gyi mtshan nyid yin/ mig mchi mas gang ba'i skyes bu dang 'dra bas dge tshul zhes brjod cing/ de dang 'dra ba'i rgyu mtshan yod de/ de 'dra ba'i skyes bus thag nye ba'i gzugs mthong/ ring ba'i gzugs mi mthong ba ltar/ dge tshul yang rang gi bslab bya nyan pa'i snod du rung/ dge slong gi thun mung ma yin pa'i bslab bya nyan du mi rung ba'i rgyu @035a @#/ /mtshan gyis yin pa'i phyir/ gsum pa ni/ rab byung sde lnga po gang rung gang zhig /rab byung gi kha na ma tho ba mtha' dag rang gi ngos skal gyi spang bya'i gtso bor byas nas spong ba'i bstan pa la zhugs pa yongs rdzogs kyi skyes bu de dge slong gi mtshan nyid yin/ don dam pa'i dge bar gyur pa'i myang 'das bsgrub cing/ chos dang mthun pa'i bsod snyoms slod bas dge slong zhes brjod/ dge slong gi sdom pa des rab byung gi kha na ma tho ba mtha' dag spang bya'i gtso bor byed pas na dge slong la bstan pa la zhugs pa yongs rdzogs kyi skyes bu dang/ dge slob ma man gyi sdom pas de ltar ma byed pas de man gyi skyes bu la bstan pa la zhugs pa yongs su ma rdzogs pa'i skyes bu zhes brjod do/ /dge slong la sgras brjod rigs kyi sgo nas dbye na/ ming gi dge slong/ khas 'che ba'i de/ slong ba'i de/ nyon mongs bcom pa'i de/ gsol bzhi'i las kyis bsnyen par rdzogs pa'i dge slong dang lnga yod cing/ dang po gsum btags pa ba dang/ phyi ma gnyis dge slong mtshan nyid pa yin no/ /'o na/ skyabs 'gro sngon du btang nas dge bsnyen sgrub dgos na/ de sgrub tshul ji lta bu zhe na/ rab byung zhig gi drung du bsgrub na btsun pa dgongs su gsol/ zhes pa nas/ brjod pa dang po gnyis la bdag dge bsnyen du btsun pas bzung du gsol/ zhes brjod/ brjod pa gsum pa'i @035b mjug tu/ bdag dge bsnyen du slob dpon gyis bzung du gsol/ zhes brjod dgos te/ brjod pa gsum pa'i mjug tu/ dge bsnyen du zhes pa'i tshig rdzogs mtshams su bsgrub bya de'i rgyud la dge bsnyen gyi sdom pa skyes pa na/ yul de bsgrub bya de'i slob dpon du 'gyur ba yin pa'i phyir/ rigs pa de la brten nas bsnyen gnas dang dge tshul gyi sdom pa 'bogs pa'i cho ga dang/ thob pa'i dus mtshams sgrub tshul rnams kyang shes so/ bsnyen gnas kyi sdom pa len pa'i dus mtshams la mi 'dra ba'i khyad par ni/ de len pa'i tshe gong du gzhan rnams la ji srid 'tsho'i bar du zhes pa'i tshig gi tshab tu dus 'di nas bzung ste/ sang nyi ma ma shar tshun du/ zhes brjod/ kho na re/ da cho ga la brten nas nyes med phun tshogs kyi dge slong ma'i sdom pa thob pa'i dge slong ma de dge slong phar mtshan gyur pa'i dge slong pha'i sdom pa de da cho ga la brten nas thob par thal/ da cho ga la brten nas nyes med phun tshogs kyi dge slong pha'i sdom pa thob pa'i dge slong pha de dge slong mar mtshan gyur pa'i dge slong ma'i sdom pa de da cho ga la brten nas thob pa'i phyir/ 'dod na/ de 'dra'i dge slong pha des da cho ga la brten nas bsnyen rdzogs kyi sdom pa thob par thal lo/ /'dod na/ des ma cho ga la brten nas de thob par thal/ 'dod pa'i phyir/ @36a @#/ /'dod mi nus te/ de dge slong pha yin pa'i phyir na ma khyab/ gsal ba der thal/ de 'dra ba de rten de la ma cho ga la brten nas dge slong gi sdom pa thob pa sngon du song zhing/ de las ma nyams pa'i gang zag yin pa'i phyir dang/ da chog la brten nas dge tshul ma'i sdom pa thob pa'i dge tshul ma mtshan gyur pa'i dge tshul pha des bu med kyi rten la dge tshul gyi sdom pa 'bogs pa'i cho ga la brten nas dge tshul gyi sdom pa thob pa'i phyir/ kha cig /dge bsnyen gyi sdom pa dge bsnyen yin/ des dge tshul dang dge slong la yang mtshon zer na/ mi 'thad de/ dge slong pha ma dge slong yin pa'i phyir te/ dgra bcom pha ma dgra bcom yin pa'i phyir ro/ /de la kho na re/ slob pa dang mi slob pa gang rung yin na/ skyes bu yin nas dgos par thal/ dge bsnyen dang dge tshul gang rung yin na/ skyes bu yin dgos pa'i phyir na ma khyab/ 'dod na 'og tu 'chad/ gnyis pa dngos gzhi ni/ skyabs su 'gro ba rtsom pas rab tu 'byung ba nye bar bsgrub par bya'o/ /zhes sogs kyi skabs su gzhung 'grel dang spyi don gnyis/ dang po ni/ gong du rang gis dge bsnyen nyid du zhes pa nas mtshan ma tshor bar brtag go zhes pa'i bar gyis rab byung bsgrub pa'i sbyor ba'i cho ga de 'chad nas/ de'i dngos gzhi bsgrub pa la skyabs 'gro sngon du btang nas bsgrub dgos zhes 'chad pa la/ @036b rtsa ba'i gzhung 'di gsungs/ ngag don ni/ rab byung sgrub pa'i tshul yod de/ skyabs 'gro sngon du btang nas de bsgrub par byed pa'i phyir/ gnyis pa spyi don la/ so thar gyi sdom pa dang bar ma'i tshul khrims kyi sngon du skyabs 'gro 'gro dgos par bstan pa dang/ skyabs 'gro'i rnam gzhag bshad pa dngos gnyis/ dang po ni/ de'i sngon du skyabs 'gro 'gro dgos pa'i rgyu mtshan yod de/ de gnyis gang rung yin na 'khor ba la 'bral 'dod kyi nges 'byung gi bsam pas zin pa'i tshul khrims yin dgos pa gang zhig /skyabs 'gros nges 'byung gi bsam pa bsgrub par byed pa'i phyir/ dang po grub ste/ 'di nyid las/ nges par 'byung ba'i tshul khrims kyi dbang du byas te/ zhes dang/ Tika chen las nges 'byung gi bsam pa brten po med par sdom pa mi skye'o/ /zhes dang/ gzhi Ti ka las/ thar pa'i bsam pa med par sdom pa mi skye'o/ /zhes dang/ mdzod 'grel las/ phyi rol pa rnams la yang dag par blangs pa las 'byung ba'i tshul khrims yod mod/ so so thar pa'i sdom pa ni ma yin te/ de ci'i phyir zhe na/ de dag ni srid pa la brten pa'i phyir/ gtan du sdig pa mi dge ba las ldog par byed pa ma yin no/ zhes gsungs pa'i phyir/ de yang/ de dag ni srid pa la brten pa'i phyir zhes pas phyi rol pa'i rgyud la 'khor ba mtha' dag la 'bral 'dod @037a @#/ /kyi bsam pa med par bstan pa yin zhing/ de'i rgyud la de med de/ de'i rgyud la khams gong ma'i las bsdus kyi zag bcas kyi bde ba la 'bral 'dod kyi blo med pa'i phyir/ des khams gong ma ba'i rgyud la khyab pa 'du byed kyi sdug bsngal khas mi len pa'i phyir/ rtags gnyis pa skyabs 'gro la brten nas nges 'byung gi bsam pa bsgrub par byed de/ Ti ka chen las/ skyabs su 'gro bas nges 'byung gi bsam pa bsgrub par byed de/ zhes gsungs/ sdom pa len pa'i tshe 'khor ba'i nyes dmigs bshad nas de las skyobs phyir du dkon mchog gsum la skyabs su 'gro zhing/ 'dod chags dang bral ba rnams kyi mchog chos la skyabs su mchi/ zhes pa'i tshig 'dis nges 'byung gi bsam pa ston pa yin te/ tshig nges skyabs su 'gro ba po'i bsgrub bya de'i thob byar gyur pa'i myang 'das sam don du gnyer bya'i 'bras skyabs de bstan pa'i phyir/ kha cig /skyabs 'gros nges 'byung gi bsam pa 'dren par byed na/ da chog la brten nas bsnyen rdzogs bsgrub pa'i cho ga la skyabs 'gro med pas nges 'byung gi bsam pa med par 'gyur ro zhe na/ skyon med de/ de'i sbyor ba'i cho ga'i tshig zur gyi bsnyen par rdzogs pa zhes pa'i tshig des nges 'byung gi bsam pa bstan pa'i phyir/ de'i rdzogs pa ni gnod 'tshe thams cad dang bral ba'i myang 'das la @037b 'jug /bsnyen pa ni de la nye ba la 'jug pa'i phyir/ kha cig /nges 'byung gi bsam pa la brten nas sdom pa len dgos na/ kun dga' bo'i tsha bo gnyis dang/ gcung mdzes dga'/ nyer dga'/ nyer sde rnams rab tu byung ba'i tshe de rnams kyi rgyud la so thar gyi sdom pa med par thal/ de rnams kyi rgyud la nges 'byung gi bsam pa med pa'i phyir te/ dang po gnyis lto phyir du rab tu byung/ bar pa gnyis ston pa'i ngo ma gcog par rab tu byung/ phyi ma srog gi 'jigs pa las skyobs phyir du rab tu byung ba'i phyir na mi 'thad de/ de rnams rab byung bsgrub pa'i tshe srid pa tha ma ba yin pa'i phyir/ 'o na/ skyabs 'gro la brten nas bar ma rab byung bsgrub na bar ma gsum po de gang zhe na/ kha cig /mkhan por gsol ba 'debs pa'i bar ma'i dge ba de de'i nang tshan yin zer ba mi 'thad de/ de bar ma'i tshul khrims thob pa'i snga rol tu thob zin pa'i phyir te/ de'i tshul khrims thob pa'i snga rol tu mkhan por gsol ba 'debs dgos pa'i phyir dang/ mkhan por gsol ba 'debs pa las 'das pa'i nyes byas de nyams pa rnam pa gsum gyi nang tshan yin pa'i phyir/ rang lugs la/ shAkya'i rgyal po gtso bo de rab tu byung ba'i rjes su bdag rab tu 'byung bar khas blangs pa'i bar ma'i dge ba de de'i nang tshan yin te/ bar ma rab byung bsgrub pa'i cho ga'i sngags tshig la/ shA kya'i @038a @#/ /rgyal po gtso bo de rab tu byung ba'i rjes su bdag rab tu 'byung ngo/ /zhes 'byung ba'i phyir/ de sgrub pa'i cho ga ni sbyor ba la/ mkhan por 'os pa'i dge slong des bsgrub bya de la bar chad 'dri/ de rjes dge bsnyen du bsgrub/ de rjes rab byung zhu ba'i dge slong la gtad/ de rjes mkhan por gsol ba btab/ bla gos sogs rtags cha lugs rnams sbyin/ ming spo ba/ bsam pa brje ba rnams bya/ dngos gzhi ni/ sdoms las/ de bzhin gshegs pa dgra bcom pa yang dag par rdzogs pa'i sangs rgyas shAkya sengge/ shAkya thub pa/ shAkya'i rgyal po gtso bo de rab tu byung ba'i rjes su bdag rab tu 'byung ngo/ /khyim pa'i rtags rnams spang ngo/ /rab byung gi rtags yang dag par blang ngo/ zhes pa'i sngags tshig lan gsum brjod pa'i gsum pa'i rjes su bdag rab tu 'byung ngo/ /zhes pa'i tshig rdzogs mtshams su bsgrub bya'i rgyud la bar ma'i tshul khrims skye ba yin no/ /khyim pa'i thun mong ma yin pa'i rtags spong ba/ rab tu byung ba'i rtags blangs pa/ dkon mchog la skyabs su 'gro ba rnams bar ma rab byung gi bslab bya yin/ gnyis pa skyabs 'gro bshad pa dngos ni/ 'di'i sangs rgyas dkon mchog la skyabs su 'gro ba'i tshig 'dis skyabs su 'gro ba po'i bsgrub bya'i rgyu'i skyabs su gyur pa'i sangs rgyas dkon mchog de bstan @038b te; nges de'i lam ston pa po'i sangs rgyas dkon mchog de bstan pa'i phyir/ gnyis pa sngar bshad zin/ dge 'dun dkon mchog la skyabs su 'gro ba'i tshig des bsgrub bya de'i myang 'das bsgrub pa'i zla grogs su gyur pa'i dge 'dun de bstan/ kha cig /gzugs sku 'di'i skabs kyi skyabs yul ma yin zer ba mi 'thad de/ sangs rgyas dkon mchog la skyabs su 'gro ba'i tshig des gzugs sku dang de'i rgyud kyi sangs rgyas dkon mchog gnyis ka bstan pa'i phyir te/ des gzugs sku de skyabs su 'gro ba po'i skyes bu de la lam ston pa por bstan pa'i phyir/ gzugs sku 'di'i skabs kyi skyabs yul yin te/ gzugs sku'i rgyud kyi sangs rgyas dkon mchog la skyabs su song bas/ gzugs sku la skyobs su song bar grub pa'i phyir/ de bzhin du gzhugs gnas brgyad po 'dir bstan gyi skyabs yul ma yin zer ba mi 'thad de/ 'di'i skabs kyi dge 'dun dkon mchog la skyabs su 'gro ba'i tshig des zhugs gnas brgyad po bstan pa'i phyir te/ des myang 'das thob byed kyi thabs su gyur pa'i lam bsgrub pa'i zla grogs bstan pa'i phyir/ des na/ zhugs gnas brgyad kyi rgyud kyi dge 'dun dkon mchog la skyabs song bas zhugs gnas brgyad po la yang skyabs su song bar grub bo/ 'jigs pa las skyabs phyir du dkon mchog gsum gyi skyabs 'og tu chud par khas len pa'i tshig de/ dkon mchog gsum @039a @#/ /la skyabs su 'gro ba'i skyabs 'gro yin/ 'jigs pa las skyabs phyir du de gsum la phyag 'tshal zhing skor ba la sogs pa lus kyi las/ de la re ltos 'cha' ba sogs kyi sems sems byung rnams skyabs 'gro'i yan lag yin/ des na skyabs 'gro la tshig gis khyab bo/ skyabs yul gyi dkon mchog gang zhe na/ gzugs sku'i rgyud kyi zad pa dang mi skye ba shes pa'i ye shes sogs sangs rgyas kyi mi slob pa rnams sangs rgyas dkon mchog dang/ byang sems 'phags pa'i rgyud kyi mkhyen pa zag med sogs byang sems kyi slob pa rnams dang/ nyan rang dgra bcom pa'i rgyud kyi mkhyen pa zag med sogs nyan rang gi mi slob pa rnams dang/ nyan rang slob pa 'phags pa'i rgyud kyi mkhyen pa zag med sogs nyan rang gi slob pa rnams dge 'dun dkon mchog yin te/ dang po de gzugs sku sangs rgyas su byed pa'i byed chos yin/ phyi ma de rnams rang rang la gnas pa'i skyes bu 'phags pa'i dge 'dun du byed pa'i byed chos yin pa'i phyir te/ mdzod las/ gang zhig gsum la skyabs 'gro zhing/ /sangs rgyas dge 'dun byed pa'i chos/ /mi slob pa dang gnyis ka dang/ myang ngan 'das la skyabs su 'gro/ zhes dang/ de'i 'grel par/ sangs rgyas la zhes bya ba ni sangs rgyas su byed pa ste/ zad pa dang mi skye ba shes pa la'o/ /chos la @039b zhes bya ba ni mya ngan las 'das pa la'o/ /dge 'dun la zhes bya ba ni slob pa dang mi slob pa la ste/ dge 'dun du byed pa la'o/ /zhes gsungs pa'i phyir/ myang 'das la sogs pa'i 'gog bden rnams chos dkon mchog yin no/ /so skye'i skyes bur gyur pa'i dge 'dun yin na/ dge slong bzhi tshogs yin dgos shing/ spyir dge 'dun la de ltar mi dgos te/ chun zhugs zhugs pa dge 'dun yin pa'i phyir te/ de'i rgyud kyi zag med kyi mkhyen pa de dge 'dun du byed pa'i byed chos yin pa'i phyir/ skabs 'dir longs sku dang mchog gi sprul sku khas mi len te/ theg chen khas mi len pa'i phyir/ des na/ gzugs sku la rtsa ba'i gzugs sku dang yan lag gi sprul sku gnyis su yod cing/ dang por sangs rgyas pa'i ston pa sangs rgyas dang po dang des sprul pa'i ri dwags ru ru'i rnam pa can gyi sangs rgyas 'phags pa gnyis pa yin/ gzugs sku sangs rgyas dkon mchog ni ma yin te/ de sdug bsngal bden pa yin pa'i phyir te; des sngar so so skye bo'i gnas skabs kyi rnam smin gyi phung po ma dor ba yin pa'i phyir te/ de dang rgyud gcig pa'i srid pa tha ma pa'i byang sems sbyor lam pa de las nyon gyis skye ba blangs pa'i gang zag yin pa gang zhig /de gnyis lus rten gcig gis bsdus pa'i phyir/ des na gzugs sku'i rgyud la sgom spang yod de/ gzugs can gyi khams bcu po dang/ dbang shes lnga sgom spang yin @040a @#/ /pa'i phyir te/ mdzod las/ bcu ni sgom pas spang bya yin/ /lnga yang/ zhes gsungs pa'i phyir/ 'phags pa'i gang zag rnams dge 'dun dkon mchog sdug bden yin pa'i phyir te/ zag bcas yin pa'i phyir te/ lam bden du ma gtogs pa'i 'dus byas yin pa'i phyir/ khyab ste/ mdzod las/ lam ma gtogs pa'i 'dus byas rnams pa'i phyir/ slob pa dang mi slob pa gang rung la/ gang zag gis ma khyab ste/ de gang rung la zag med kyi 'dus byas kyang yod pa'i phyir/ des na/ slob pa'i thob pa slob pa dang/ mi slob yin kyang/ 'gog bden gyi thob pa la der gyur pa'i slob pa dang/ mi slob pa dang/ de gnyis gang rung ma yin pa gsum yod cing/ slob pa'i rgyud kyi 'gog bden gyi thob pa zag med slob pa'i rgyud kyi 'gog bden gyi thob pa zag med de mi slob pa yin zhing/ 'gog bden gyi thob pa zag bcas slob mi slob gang rung ma yin te/ mdzod las/ slob dang mi slob min gyi pa'i phyir/ dgra bcom pa la mi slob pa'i skyes bus khyab ste/ nyan thos dgra bcom gyi rtogs pa sngon du song ba'i slob pa med pa'i phyir te/ nyan thos kyi sbyor lam drod rtse nas lam kyang/ chos mchog thob nas lam gzhan du 'jug pa med pa gang zhig /nyan thos dgra bcom shi 'phos pa na/ bem rig rgyun chad pa'i phyir/ dang po grub ste/ mdzod las/ gnyis slob @040b nas ni/ /sangs rgyas su 'gyur/ zhes gsungs pa'i phyir/ kho na re/ gzugs sku skyon kun zad ma yin par thal/ de sangs rgyas dkon mchog ma yin pa'i phyir/ 'dod na/ sangs 'phags yin pa'i phyir na ma khyab ste/ spang bya mtha' dag zad par spangs pa'i skye bu med pa'i phyir/ yang kho na re/ sangs rgyas dkon mchog la skyabs su 'gro ba'i rgyas 'phags pa la skyabs su 'gro ba'i skyabs 'gro ma yin par thal/ gzug sku sangs rgyas dkon mchog ma yin pa'i phyir na/ skyon med de/ sangs rgyas 'phags song bas/ de'i rgyud kyi sangs rgyas dkon mchog la skyabs su song bar grub/ cig shos la skyabs su song bas/ dang po la skyabs su song bar grub pa'i phyir/ bcom pa gnyis dang gzugs sku mi slob pa'i skyes bur mtshungs na/ spangs pa'i khyad par ji lta bu yod ce na/ de yod de/ dang po gnyis kyis nyon sgrib tsam zad chos thams cad la rmongs pa'i ma rig pa gtan nas spangs pa'i phyir te/ mdzod las/ gang zhig kun la mun pa gtan bcom zhing/ zhes gsungs pa'i phyir/ kho na re/ rgyas dkon mchog ma yin na/ gzugs sku la gnod pa byas pas/ sangs rgyas dkon mchog la gnod pa byas par mi 'gyur zhing/ de ltar na/ de bzhin gsheg @41a @#/ /kyis hrag phyung ba'i mtshams med kyu las ma tshang bar 'gyur ro/ /zhe na skyon med de/ gzugs sku la gnod pa byas pas sangs rgyas dkon mchog la gnod pa byas par 'phyur ba'i phyir te/ rten mig dbang la gnod la byas pas brten pa mig shes la gnod pa byas par 'gyur ba'i dpa'i 'di bzhin yin pa'i phyir/ dge tshul nyid du nye bar sgrub par byed pa'i dge slong la gtsang bar bya'o/ /zhes pa'i skabs su gzhung brel dang spyi don gnyis/ dang po 'brel ni/ gong du dge tshul du bsgrub pa'i sbyor ba'i chog bstan nas/ dngos gzhi'i cho ga 'chad pa la/ rtsa ba'i gzhung 'di sungs/ /de yang bsgrub bya bar ma rab byung du bsgrub pa'i mkhan pos bsgrub bya bar ma rab byung du bsgrubs zin pa'i rjes su de'i dge tshul gyi slob dpon du 'os pa'i dge slong la 'di dge tshul du sgrus shig ces gtad dgos/ zhes 'chad pa la/ 'di gsungs/ de ltar gtad dgos te/ de 'dra'i mkhan pos bsgrub bya de dge tshul du bsgrub mi rung ba'i phyir/ gyis pa spyi don la/ rten; yul; cho ga'i khyad par bshad pa dang gsum las; dang po rten gyi khyad par ni chos bzhi dang ldan pa dgos te/ lus; bslab tshigs/ rtags/ bsam pa'i khyad par dang ldan pa dgos pa'i phyir/ dang po ni/ sgra ma snyan pa ma gtogs glang gzhan gsum gyi skyes pa pud med gang rung zhig gi mtshan don byed nus pa lo bdun lon pa bya rog skrog nus pa dgos/ slab tshigs ni/ dge snyen gyi sdom pa dang/ bar ma rab byung gi tshul @41b khrims thob la ma nyams pa dgos/ rtags ni/ khyim pa'i thun mong ma yin pa'i rtags dang mi ldan zhing/ rab byung gi rtags dang ldan pa dgos/ bsam pa ni/ rgyu'i kun slong snying thag pa nas dge tshul gyi sdom pa thob 'dod dang ldan par ma zad/ 'khor ba las 'bral 'dod kyi nges 'byung gi bsam pas zin pa/ dus kyi kun slong sdom pa thob pa'i dus mtshams shes pa'i bsam pa skye rung zhig dgos te/ lang gzhi las/ gang zag 'di gsum ni snyen par ma rdzogs zhes bya ste/ gsum gang zhe na/ rang nyid kyi ming ma brjod pa dang/ mkhan po'i mang ma brjod pa dang/ sdom pa thob pa'i dus mtshams mi shes pa'o/ /zhes gsungs pa'i phyir/ lung des dge slong sdom pa thob pa la/ dge slong gi sdom pa thob pa'i dus mtshams shes dgos par bsam nas/ sdom pa gzhan rnams la yang mtshon par bstan pa'i phyir/ rang nyid kyi ming ma rjod pa dng/ mkhan po'i ming ma brjod pa dang/ zhes pas/ da chog la brten nas bsnyen rdzogs bsgrub pa'i dngos gzhi'i cho ga la rang nyid dang mkhan po'i ming brjod dgos pa bstan to/ /gnyis pa yul gyi khyad par ni/ dge tshul gyi slob dpon du 'os pa'i dge slong la kha song du 'os pa'i chos bcu cig dang ldan pa dgos te/ de 'og nas 'chad/ gsum pa cho ga'i khyad par la/ sbyor dngos mjug gsum las/ dge bsnyen du bsgrub pa dang/ bar ma rab byung du bsgrub pa'i cho ga rnams @42a @#/ /dge tshul du bsgrub pa'i sbyor ba'i cho ga yin/ dngos gzhi la/ skyabs 'gro sngon du btang nas sngags tshig lan gsum dge snyen bsgrub pa la ji lta ba bzhin brjod par bya'o/ /ma 'dra ba'i khyad pa la dge bsnyen du zhes pa'i tshig gi tshab tu/ dge tshul du btsun pas bzung du gsol/ zhes brjod do/ /sum pa mjug tshig la ma'i rnam gzhag dang bcas pa bshad pa la/ dang po/ mjug chog la dus bsgo bjod pa dang/ slab bya brjod pa gnyis yod/ dus bsgo ni dge tshul du bsgrubs zin ma thag tu rjod pa yin/ de brjod pa la dgos pa yod de sdom pa thob pa'i dus mtshams shes pa'i sgo nas bsnyen bkur dang bsnyen bkar gyi gnas ma yin pa shes pa'i ched yin pa'i phyir/ dus sgo ma slo dpon las gzhan pa'i dge slong zhig gyis brjod dgos pa yin te/ dus bsgo brjod pa la grib tshod zhan dgos pas stan las ldan dgos la/ slob dpon yis gdams ngag ma bjod par sten las ldang mi rigs shing/ slob dpon gyis gdams ngag brjod dgos pa'i phyir/ nyis pa bslab pa brjod pa ni/ rags rtogs bcu spong ba la gdams pa'i gdams ngag rjod pa yin la/ de brjod pa la dgos pa yod de/ dge tshul gyi spang bya bcu rags mi shes pa'i ched yin pa'i phyir/ cu po de'i steng du nyams pa rnam pa gsum dang/ langs 'das so drug dang/ lung med phyed dang bco brgyad kyi rnam gzhag ni spyir bstan @42b gyi skabs su shes par bya'o/ /dge tshul du bsgrub zin ma thag pa'i rjes su dus bsgo brjod pa ni/ der bsgrubs zin ma thag pa'i rjes su dge slong du ma bsgrub pa'i dbang du byas pa yin zhing/ der bsgrub zin pa thag tu dge slong du bsgrub na de rjod mi dgos te/ dge slong du bsgrubs zin ma thag tu dus bsgo rjod pa des chog pa'i phyir te/ bstan pa la rim gyis slabs pa'i dge slong rnams dge slong gi sdom pa thob dus dbang btsan pa yin pa'i phyir/ gnyis pa bla ma'i nam gzhag ni de na slob dpon yin no/ /zhes sogs kyi skabs su gzhung 'brel dang spyi don nyis las dang po 'brel na; dge tshul nyid du nye bar sgrub par byed pa'i dge slong la gtad par bya'o/ /zhes bsgrub bya dge tshul du bsgrub pa'i phyir de'i slob dpon du 'os pa'i dge slong la tha dgos zhes 'chad nas bsgrub bya de la dge tshul gyi sdom pa sbyin pa'i dge slong de/ bsgrub bya de'i gang zhe na/ de'i dge tshul gyi slob dpon yin zhes 'chad pa la/ rtsa ba'i gzhung 'di byung/ 'o na; slob dpon la du yod ce na/ lnga yod ces 'chad pa la/ gsang ste son pa dang/ las byed pa dang/ gnas sbyin pa dang/ klog pa yang ngo/ zhes gsungs/ slab dpon lnga po de yul de dang de'i slob dpon de dang der 'gyur ba'i tshul mdor bsan gyi tshul gyis 'chad pa la/ don gr8ub na gyur pa yid do/ /zhes gsungs/ bsgrub bya des rang gi mtshan por 'os pa'i dge slong la mkhan por gsol ba lan gsum btab pa'i mthar cang ma smra ba'i @43a @#/ /tshul gyis khas balngs pa na/ de 'dra'i dge slong de bsgrub bya de'i mkhan por gyur pa yin zhes mkhan por gyur dus mdor bstan gyi tshul gyis 'chad pa la/ khan por gsol ba khas blangs pa na der gyur to/ /zhes sogs gsungs/ bsnyen rdzogs sgrub pa'i las chog la ngo bo brjod pa/ bya ba brjod pa/ byed pa brjod pa gsum yod pa'i brjod pa tha ma'i dus su/ bsgrub bya de'i slod dpon du 'og pa'i dge slong do bsgrub bya de'i las slob tu gyur pa yin te/ dge tshu gyi sdom pa 'bo gos pa'i cho ga la skyabs brjod/ bdag bjod/ gzhan brjod gsum yod pa'i gzhan brjod kyi dus su bsgrub bya de'i dge tshul gyi slob dpon du 'os bzhi dge slong de bsgrub bya de'i dge slong de bsgrub bya de dge tshul gyi slob dpon du gyur pa'i ? 'di ? zhes gyur dus rgyas par 'chad pa la/ bjod pa tha ma gang yin pa'i cha gsum pa la grub ba yid de/ /dper na gzhan brjod pa'i dus na dge tshul nyid bzhin no/ /zhes gsungs mkhan por gur dus rgyas par 'chad pa la/ 'dir tha ma la mkhan po'i don to/ /zhes gsungs/ gnas sbyin pa'i sob ??????? dpan du gyur dus rgyas bar 'chad pa la/ gnas sbyin pa na zhag gcig ngas nyid kyi phyir ye bar gnas pa mthar thug na'o/ /zhes gsungs/ klog pa slob dpon du gur dus rgyas par 'chad pa la/ klog pa ni tshigs su bchad pa cig lan gsum bzlas na'o/ /zhes gsungs/ phan tshun dpon slob tu bsnyen 'dod kyi bsam pa med @43b par bka' ma bka'i dgongs 'grel ji snyed cig brjod kyang/ 'chad pa po de nyan pa po de'i klog pa'i slob dpon du mi 'gyur zhes 'chad pa la/ klog pa'i bsam pa med pas bjod pa na klog pa nyi dam yin no/ /zhes gsungs/ rang gi mkhan po la mkhan po las gzhan dang/ slob dpon la slob dpon las gzhan du rjod ma rigs zhes 'chad pa la/ de nyis la gzhan du nye bar mi brjod do; ;zhes gsungs/ rang mkhan po ma yin pa la mkhan po dang/ rang gi slob dpon ma yin pa la slo dpon zhes brjod rigs zhes 'chad pa la/ gzhan la mi bya'o/ / zhes gsungs 'o na; rang gi mkhan po la mkhan po zhes pa tsam brjod pas chog gam snyam na ma chog ste/ don yi slad du mtshan nas smos te zhes pa'i nye tshig sbyar dgos zhes 'chad pa la; don gyi slad du ? nas smos te zhes bya ba dang bcas pa ma smras par mkhan po'i man mi bzung do/ /zhes 'byung ngag don na/ bsgrub bya de dge tshul du bsgrub par byed pa'i dge slong de bsgrub bya de'i dge tshu gyi slob dpon du gyur pa'i dus yod de/ bsgrub bya de la dge sul gyi sdom pa 'bogs pa'i cho ga byas nas bsgrub bya de'i rgyud la dge tshul gyi sdom pa skyes pa na dge slong de de'i dge tshul gyi slob dpon du gyur pa'i phyir/ de la brten gnas bsgrub bya de la dge slong gi sdom pa 'bogs pa'i dge slong de bsgrub bya de'i las slob @44a @#/ /tu gyur pa'i dus dang/ slob dpon gzhan nams kyang de dan der gyur pa'i dus la sbyar nas sbyor la 'od tshul shes pa yin te/ gzhung 'dis slob dpon lnga po de dang der gur pa'i dus bstan pa'i phyir gnyis pa spyi don la/ bla ma'i rnam gzhag spyir bstan pa dang/ 'dir bstan bla ma'i rnam gzhag bye brag tu bshad pa gnyis/ dang po ni/ spyir rab byung gi phyag bya ba'i 'os de la/ rang las bslab pa rgan pa dang/ mkhan po slob dpon rnams su yod la/ spyir slob dpon la; dge bsnyen gyi slo dpon/ bsnyen gnas kyi de/ dge tshul gyi de/ las slob kyi de/ gsang son gyi de/ 'phrin gyi de/ klog pa'i de/ gnas sbyin pa'i de rnams su yod cing/ de rnams re re la rten pha ma gnyis gnyis yod/ dan po gnyis po khyim pa'i slob dpon dang/ klog pa'i slob dpon ma gtogs lhag ma lnga po rab byung gi slob dpon dang/ klog pa'i de la der gyur pa'i rab byung gi slob dpon dang/ khyim pa'i slob dpon nyis yod/ gyis pa 'dir bstan bla ma'i rnam gzhag bye brag tu bshad pa la/ 'dir dngos su bsan pa'i bla ma la bdun yod de/ ra tu byung ba dang bsnyen par rdzogs pa'i de'i phyir zhes sogs kyis bstan pa'i rab byung @44b dang dge slong gi mkhan po gnyis dang/ de ni slob dpon yin no zhes sogs kyis bstan pa'i slob dpon lnga rnams su yod pa'i phyir/ de rnams la so so'i rang bzhin; grangs nges/ go rim/ bla ma de dad der gyur pa'i dus/ mtshan smos kyi rim pa bshad pa dang lA/ dang po ni/ mkhan por sla ba lan gsum btab pa'i mthar khas blangs pa'i dge slong de/ mkhan po'i ngo bo yin/ yon tan ni btsun zhing brtan pa'i yan lag tu bsnyen par rdzogs nas sdom rgyun nam dag par ma chad du lo bcu lon pa; mkhas shing phan 'dogs kyi yan lag tu snga phur nyer gcig po gang rung zhig dang ldan pa dgos/ ci phyir mkhan po zhes bya zhe na/ rang gi mkhan bu la len 'bogs las de ltar rjod pa yin te/ des rang ga mkhan bu la dgag sgrub gnang gsum gyi slab pa'i bcas mtshams ster bar byed pa'i phyir dang/ bslab pa gsum la sbyor bar byed pas na mkhan po zhes brjod do/ /nye ba 'dzin pas na de ltar brjod de/ dman pa'i gnas dang mchog gi gnas su 'dzin par byed pa'i phyir te/ sdom pa dang mi ldan pa'i gangs nas de dang ldan pa'i gnas su 'dzin pa'i phyir/ mkhan po la dbye na/ bar ma @45a @#/ /rab byung gi mkhan po/ dge slong ma'i de/ bsnyen rdzogs kyi de dang gsum yod/ dge slob ma'i mkhan po ni rten mkho nar nges/ gzhan gnyis la pha ma gnyis gnyis yod/ skabs 'dir dge slo ma'i slob dpon dngos su mi ston pa'i rgyu mtshan yod de/ de 'og nas 'chad par 'gyur ba'i rgyu mtshan gyis yin pa'i phyir/ bsnyen gnas kyi slob dpon 'dir dngos su mi ston pa'i gyu mtshan yod de/ 'dir rab byung kho na'i slob dpon dngos su ston pa yin pa'i phyir/ dge snyen gyi slob dpon de 'dir dngos su ma ston pa'i rgyu mtshan yod do/ 'dir ba ma rab byung gi mkhan po dngos su bstan pa gang zhig /sdom gsum ma gyis blangs pa'i tshe ba ma rab byung gi mkhan po de snga yi dge snyen gyi slob dpon yin pa'i phyir/ des na bsgrub bya de la dge tshul gyi sdom pa 'bogs pa'i so nas bsgrub bya de'i slob dpon du son ba/ bsgrub bya de'i dge tshul gyi slo dpon gyi mtshan nyid yin/ de dang mkhan po 'os pa gnyis la yon tan na bsnyen thogs kyi sdom pa rnam dag dang ldan pa/ bsgrub bya dang lta ba dang mtshan mthun pa/ lus tha ma la dus gnas pa/ sa rang bzhin du gnas pa/ tha snyad gsum @45b dang ldan pa/ bye ba na chos ma yin pa'i phyogs su ma song ba/ byams snying rje dang ldan pa/ bsgrub bya dad pa song ba dang/ dge sul gyis slob dpon la de'i steng du mkhan pos tshig gis bskos pa/ dge tshul gyi sdom pa 'bogs pa'i cho ga la mkhas pa dgos/ bsgrub bya la lkog tu ba chad dris shing/ dge 'dun la nang du 'ong ba'i gnas ba zhus pa'i sgo nas bsgrub ya de'i slob dpon du song ba bsgrub bya de'i sangs ston gyi mtshan nyid yin/ yon tan ni sngar bsad pa'i mkhan pos tshig gis bskos pa lan gyi steng du/ dge 'dun gyi dbus su las slob tu 'os pa'i dge slong gis gsol ba 'ba' zhig gis las kyis bskos pa/ bsgrub bya la lkog tu bar chad 'dri ba dang dge 'dun la nang du 'ong ba'i gnang ba zhu ba la mkhas pa zhig dgos/ las slob la bsnyen rdzogs kyi las slob dang/ dge slob ma'i las slob/ tshangs spyod nyer gnas kyi las slob dang gsum yod/ bsgrub bya de la gsol bzhi'i las kyis bsnyen rdzogs kyi sdom pa sbyin pa'i sgo nas de'i slob dpon du song ba/ bsgrub bya de'i bsnyen rdzogs kyi las slob kyi mtshan yid yin/ bsgrub bya de la gsol gyis kyi las kyis dge slob ma'i sdom pa sbyin pa'i @46a @#/ /sgo nas de'i slob dpon du song ba/ bsgrub bya de'i dge slob ma'i las slob kyis mtshan nyid yin/ bsgrub bya de la gsol gnyis kyi las kyis tshangs spyod nyer gnas kyi tshul khrims sbyin pa'i sgo nas de'i slob dpon du song ba/ bsgrub bya de'i tshangs spyod nyer gnas kyi las slob kyi mtshan nyid yin/ bsgrub bya de'i las slob yin na/ de la sdom pa sbyin byed yin pas ma khyab ste/ tshangs spyod nyer gnas kyi tshul khrims sdom pa ma yin pa'i phyir ro/ /nyes med phun tshogs kyi dge tshul gyi slob dpon dang las slob la sngar bshad pa'i yon tan de rnams dang ldan pa dgos kyang/ spyir dge tshul gyi slob dpon sogs la yon tan de rnams dang ldan pas ma khyab ste/ yul de rab byung gi sdom pa rnam dag dang mi ldan yang ldan par 'du shes na sdom pa skye zhing/ ldan yang mi ldan par 'du shes na sdom pa mi skye ba'i phyir/ des na dge tshul gyi slob dpon la de'i slob dpon du 'os pas ma khyab bo/ /des gsang ston/ las slob mkhan po sogs la rigs ? 'gre'o/ /gnas pa slob ma des rang nyid la gnas 'cha' ba'i cho ga byas pa'i sgo nas de dang lhan cig tu zhag gcig gnas med kyi nyes pa khegs pa'i sgo nas de'i slob dpon du @46b song ba/ de'i gnas sbyin pa'i slob dpon gyi mtshan nyid yin/ de'i gnas sbyin pa'i slob dpon yin na/ de'i gnas kyi slob dpon yin pas khyab kyang/ phyi ma la des ma khyab ste/ de'i gnas sbyin pa'i slob dpon yin na/ des rang nyid la gnas 'cha' ba'i cho ga bya dgos pa'i phyir dang/ des rang gi mkhan po la gnas 'cha' ba'i cho ga ma byas par yang gnas bcas pas chog pa'i phyir/ slob ma de dang phun tshun yon tan slob 'dod kyi bsam pa'i sgo nas bka' ma bka'i dgongs 'grel gyi tshigs su bcad pa gcig lan gsum bzlas pa'i sgo nas de'i slob dpon du song ba/ de'i klog pa'i slob dpon gyi mtshan nyid yin/ de'i klog pa'i slob dpon yin na/ de la chos ston pa'i slob dpon yin dgos kyang/ phyi ma la dang po de yin mi dgos te/ de la phan tshun yon tan slob 'dod kyi bsam pas tshigs su bcad la gcig lan gcig bzlas pas kyang de'i chos ston pa'i slob dpon du 'gyur zhing/ de'i klog pa'i slob dpon yin na/ tshigs su bcad pa gcig lan gsum bzlas dgos pa'i phyir/ gnyis pa grangs nges ni/ 'dir bstan gyi slob dpon la lngar grangs nges 'jog pa'i rgyu mtshan yod de/ slob dpon la sdom pa thob par @47a @#/ /byed pa'i slob dpon/ thob zin gnas par byed pa'i slob dpon/ gnas pa gong 'phel du byed pa'i slob dpon gsum yod cing/ dang po la yang dge tshul gyi sdom pa thob par byed pa'i slob dpon dang/ dge slong gi sdom pa thob par byed pa'i slob dpon gnyis yod/ dang po'i dbang du byas nas dge tshul gyi slob dpon bzhag /gnyis pa la yang/ rgyud yongs su dag par byed pa'i slob dpon dang/ sdom pa dngos su ster ba'i slob dpon gnyis yod pa las dang po'i dbang du byas nas gsang ston dang/ gnyis pa'i dbang du byas nas las slob bzhag pa'i phyir/ rtsa ba'i sa bcad gnyis pa'i dbang du byas nas/ gnas sbyin pa'i slob dpon bzhag cing 'jog pa'i rgyu mtshan yod de/ gnas pa slob ma rnams kyis sdom pa thob nas sdom pa'i gtong rgyu rnams kyis mi gtong ba dang/ rtsa ltung gis mi nyams pa dang/ yan lag gi ltung ba rnams kyis rgyud ma gos par byed pa la 'bad dgos pa'i phyir/ sa bcad gsum pa'i dbang du byas nas klog pa'i slob dpon bzhag pa yin zhing 'jog pa'i rgyu mtshan yod de; gnas pa slob ma rnams kyis thos bsam sgom gsum gyi shes rab la brten nas sdom pa 'phel bar byed dgos pa'i phyir/ de la brten nas sdom pa 'phel bar yang 'gyur te @47b de 'dra'i shes rab 'phel ba la brten nas sdom pa 'phel bar 'gyur ba'i phyir/ gsum pa go rim ni/ 'dir slob dpon rnams kyi go rim 'di ltar ston pa'i rgyu mtshan yod de/ sdom gsum rim gyis sbyin pa'i tshe dge bsnyen gyi sdom pa dang/ bar ma rab byung gi tshul khrims sbyin pa'i rjes su rab byung gi sdom pa rnams kyi nang nas dge tshul gyi sdom pa sbyin dgos pa'i rgyu mtshan gyis dang por dge tshul gyi slob dpon bzhag /de rjes bsnyen rdzogs su bsgrub dgos shing/ de la yang/ dang por gsang ston gyis bar chad dri dgos pas na/ de rjes gsang ston bzhag /de rjes las slob kyis sdom pa dngos su sbyin dgos pas na las slob bzhag /de rjes gnas la brten dgos pas na/ ? gnas sbyin pa'i slob dpon bzhag /de rjes klog pa'i slob dpon la brten nas thos bsam sgom gsum la 'bad dgos pas na klog pa'i slob dpon bzhag pa'i phyir/ bzhi pa bla mar gyur pa'i dus ni/ bsgrub bya de'i mkhan por 'os pa'i dge slong de la bsgrub bya des mkhan por gsol ba lan gsum btab pa'i mthar cang mi smra ba'i tshul gyis khas blangs pa na/ de 'dra'i dge slong de bsgrub bya de'i mkhan por gyur pa yin/ bsgrub bya de'i dge tshul gyi slob dpon du 'os pa'i dge slong des/ bsgrub @48a @#/ /bya de la dge tshul gyi sdom pa 'bogs pa'i cho ga byas nas/ bsgrub bya de'i rgyud la dge tshul gyi sdom pa skyes pa na/ de de'i dge tshul gyi slob dpon du gyur pa yin/ bsgrub bya de'i gsang ston du 'os pa'i dge slong des/ bsgrub bya de la lkog tu bar chad dris shing dge 'dun la nang du 'ong ba'i gnang ba zhus zin pa na/ de de'i gsang ston du gyur pa yin/ bsgrub bya de'i las slob tu 'os pa'i dge slong des/ bsgrub bya de la bsnyen rdzogs kyi sdom pa ster ba'i gsol bzhi'i las kyi cho ga byas te/ bsgrub bya de'i rgyud la bsnyen rdzogs kyi sdom pa skyes pa na/ de de'i las slob tu gyur pa yin/ gnas pa slob ma des gnas kyi slob dpon du 'os pa'i dge slong de la gnas 'cha' ba'i cho ga byas pa'i sgo nas gnas pa slob ma de'i zhag gcig gi gnas med kyi nyes pa khegs pa na/ de 'dra'i dge slong de gnas pa slob ma de'i gnas sbyin pa'i slob dpon du gyur pa yin/ slob ma de'i klog pa'i slob dpon du 'os pa'i dge slong de dang phan tshun dpon slob tu 'dzin pa'i sgo nas des slob ma de la chos tshigs bcad gcig lan gsum bzlas pa na/ de de'i klog pa'i slob dpon du gyur pa yin no/ /lnga pa mtshan smos kyi rim pa bshad pa la gnyis/ nye tshig gi rnam gzhag dang mtshan smos kyi rim @48b pa gnyis las/ dang po la mtshan smos chen po dang/ de chung du gnyis yod pa las/ bla ma/ mkhan po/ btsun pa/ de bzhin gshegs pa zhes pa'i nye tshig rnams dang po dang/ 'phags pa/ tshe dang ldan pa/ dge slong/ gnas brtan zhes pa'i nye tshig rnams gnyis pa yin/ gnyis pa la/ rang gi mkhan po la don gyi slad du mtshan nas smos te mkhan po rin po che zhes dang; slob dpon la slob dpon chen po'i zhal snga nas zhes brjod do/ /rang gi de gnyis ma yin pa la de gnyis kyi ming nas mi brjod cing/ gang zag de'i de dang de zhes brjod do/ /yul der mkhan po dang slob dpon du grags pa la de dang de zhes smos pa la nyes pa med do/ /bslab pa rgan pa la btsun pa zhes smos rigs kyang/ bslob pa gzhon pa la de ltar mi rigs te/ btsun pa'i skad dod ni band+he yin zhing band+he phyag bya ba'i 'os yin la/ rang las bslab pa gzhon pa dang mnyam pa phyag bya ba'i 'os ma yin pa'i phyir/ rab byung rang gi mkhan slob gnyis ka yin pa la mkhan po zhes brjod dgos te/ mkhan po gtso che ba yin pa'i phyir/ rab byung rang las bslab pa gzhon pa thams cad la tshe dang ldan pa dang/ gnas brtan zhes brjod rigs te/ sum brgya pa las/ rgan la btsun pa nye ba'i tshig gis brjod/ /gzhon la'ang tshe dang ldan pa'i nye tshigs gis/ /de bzhin gnas brtan zhes pa'i nye tshig @49a @#/ /brjod/ /de ltar 'di ni ming smos rim pa yin/ zhes ? dang/ de'i 'grel pa 'od ldan las/ rang gi sgras ni rgan pa la yang bya'o/ /de bzhin du rgan pa la yang rung/ gzhon pa la yang rung/ gnas brtan zhes bya ba'i nye ba'i tshig gis brjod do/ /zhes gsungs pa'i phyir/ tshe khyad par can dang ldan pas na tshe dang ldan pa zhes brjod de/ phran tshegs 'grel pa las/ mngon par 'dod pa'i tshe dang ldan pa'i phyir/ zhes gsungs/ gnas bla ma la brten mi dgos shing/ brtan mkhas kyi yon tan gnyis dang ldan pas na gnas brtan zhes brjod de/ rnam 'byed 'grel pa las/ gnas la mi brten pa/ zhes gsungs pa'i phyir/ mtshan smos de dag las 'das na/ dge slong la bshags bya'i nyes byas dang/ dge tshul la bsdam bya'i nyes byas 'byung ngo/ /mchod pa dang phyag 'tshal ba'i gnas yin pas na/ btsun pa zhes brjod de/ gzhi 'grel las; btsun pa zhes bya ba ni mchod pa'i tshig ste/ shin tu dge ba dang bde ba bskyed pa'i phyir/ zhes gsungs pa'i phyir/ dge slong la gnas brtan gyis ma khyab ste/ de chog ? la brten nas bsnyen par rdzogs pa'i gnas brtan la/ brtan pa'i yon tan dang ldan dgos pa'i phyir/ gnas brtan la gnas brtan byis pa dang mkhas pa gnyis/ brtan pa'i @49b yon tan dang ldan zhing/ mkhas pa'i yon tan dang mi ldan pa'i gnas brtan dang po dang/ de gnyis ka dang ldan pa'i gnas brtan gnyis pa yin/ gnas brtan la brtan pa'i yon tan dang ldan pas ma khyab ste/ rang byung gis bsnyen par rdzogs pa'i byang sems rnams gnas brtan yin pa'i phyir te/ de rnams gnas bla ma la brten mi dgos pa'i phyir te/ bdag cag gi ston pas kyang rang byung gis bsnyer par rdzogs nas gnas bla ma ma brten pa'i phyir/ brtan pa'i yon tan dang mi ldan zhing/ da chog la brten nas bsnyen par rdzogs pa'i dgra bcom pa rnams kyis/ gnas bla ma la brten dgos te/ brtan mkhas kyi yon tan gnyis dang mi ldan na/ da chog la brten nas bsnyen par rdzogs pa'i 'das ma 'ongs da ltar gsum shes pa'i mngon shes rgyud la ldan pa'i dge slong dgra bcom pa rnams kyis kyang/ gnas bla ma la ma brten par ljongs rgyur 'gro mi rung ba'i phyir te/ 'di nyid las/ gzhan du na gsum rig pa yin yang mi bya'o/ /zhes gsungs pa'i phyir/ lung des dgra bcom pa'i rgyud la nyes pa yod par bstan te/ des de'i rgyud la gnas med kyi nyes pa yod par bstan pa'i phyir te/ des bstan mkhas kyi yon tan gnyis dang mi ldan pa'i dge slong dgra bcom pa rnams kyis gnas bla ma la brten dgos par bstan pa'i phyir/ @50a @#/ /kho na re/ nyan sa las/ dgra bcom pa la nyes pa med de nyon mongs can gyi ltung ba med pa'i phyir/ zhes gsungs pa dang 'gal lo zhe na/ mi 'gal te/ des de'i rgyud la rang bzhin gyi ltung ba med par bstan pa'i phyir/ de'i rgyud la rang bzhin gyi ltung ba med de/ de'i rgyud la mi dge bar gyur pa'i ltung ba med pa'i phyir te/ de'i rgyud kyi ltung ba yin na lung ma bstan yin dgos pa'i phyir te/ rgya cher 'grel las/ dgra bcom pas nyes pa byas na thams cad du lung du ma bstan par 'gyur/? /zhes gsungs pa'i phyir/ des na/ sngon chog /rang byung/ ye shes khong chud kyi bsnyen par rdzogs pa'i dge slong rnams gnas bla ma la brten mi dgos te/ de rnams smin pa gsum shes che ba dang/ da chog gi snga rol tu gnas bla ma la brten dgos pa'i bcas pa ma mdzad pa'i phyir dang/ sngon chog gi sgo nas bsnyen par rdzogs pa rnams mkhan slob la mi ltos pa'i phyir/ 'o na gnas sbyin pa'i bla mar 'gyur ba gnas 'cha' ba'i cho ga la ltos na/ gnas 'cha' ba'i cho ga ji lta bu zhe na/ gnas bla ma bsten par 'os pa'i rab byung des/ gnas bla mar 'os pa'i dge slong la phyag 'tshal thal mo sbyar tsog tsog pur 'dug ste/ btsun pa dgongs su gsol/ bdag ming 'di zhes bgyi ba btsun pa @50b la gnas 'cha' bar gsol na/ btsun pas bdag la gnas stsol cig /bdag btsun pa la gnas 'cha' zhing mchi'o/ /zhes lan gsum brjod pa'i rjes su thabs legs bya; gnas bla ma la brten pa'i dgos pa ni/ skyes rabs las/ de dang nye na de yi yon tan rdul/ /ched du ma bgos pa yang gos par 'gyur/ /zhes gsungs pa ltar yin; gnas 'cha' ba'i cho ga 'jig pa'i tshul ni/ gnas pa slob ma de brtan mkhas kyi yon tan gnyis dang ldan pa na de 'jig pa yin te/ de'i tshe gnas pa slob ma de gnas bla ma la brten mi dgos pa yin pa'i phyir/ gzhan yang gnas pa slob ma de'i rgyud la gnas bla ma la bla ma mi 'tsho la snyam pa'i bsam pa skyes pa/ de 'dra'i bla ma'i rgyud la slob ma de'i bla ma mi byed snyam pa'i bsam pa skyes pa dang de gnyis gcig shi ba dang babs pa dang mtshan gyur ba rnams cho ga'i 'jig rgyu yin/ mtshams tha dad du gnas pa dang; shes pa rang bzhin du mi gnas pa dang/ gnas nas dbyung ba dang/ bla ma sa gzhan na gnas pa dang/ gnas pas gnas bla ma gzhan bsten 'dod snying thag pa nas skyes pa rnams ni bya ba'i 'jig rgyu yin no/ cho ga'i 'jig rgyu byung ba'i gnas pa slob ma des de la gnas 'cha' ba na/ slar yang gnas 'cha' ba'i cho ga bya dgos so// @51a @#/ /mtha' dpyad pa ni/ bsnyen rdzogs kyi slob dpon yin na/ de'i las slob yin pas khyab zer ba mi 'thad de/ ston pa sangs rgyas te tshur shog gi sgo nas bsnyen rdzogs sdom pa thob pa'i dge slong de'i bsnyen rdzogs kyi slob dpon yin zhing/ de'i las slob tu 'gyur ba la gsol bzhi'i cho ga bya dgos pa'i phyir/ dang po grub ste/ ston pa sangs rgyas de de la dge slong gi sdom pa sbyin pa po yin pa'i phyir te/ de 'dra'i dge slong de ston pa sangs rgyas las bsnyen rdzogs kyi sdom pa thob pa'i gang zag yin pa'i phyir/ de ltar yin kyang ston pa sangs rgyas de rang gis bden bzhi'i chos 'khor bskor ba la brten nas ye shes khong chud kyi bsnyen rdzogs kyi sdom pa thob pa'i dge slong gi bsnyen rdzogs kyi slob dpon ma yin te/ de 'dra'i dge slong des mthong lam thob pa'i zhar la bsnyen rdzogs kyi sdom pa thob pa'i phyir/ des na ston pa sangs rgyas las dge slob ma man gyi sdom pa thob pa med de/ de las rab byung gi sdom pa thob pa'i gang zag yin na/ bsnyen rdzogs kyi sdom pa thob pa'i gang zag yin dgos pa'i phyir/ des las slob dang mkhan po byas nas rab byung gi sdom pa thob pa med de/ de las da ltar gyi cho ga dang/ sngon chog gang gi sgo nas kyang de thob pa med pa'i phyir @51b dang; rgyal ba rnams las kyi kha skong du mi 'os pa'i phyir te/ 'di nyid las/ rgyal ba rnams las kyi kha skong du 'os pa ma yin no/ /zhes gsungs pa'i phyir/ skyes bu de'i klog pa'i slob dpon dang/ gnas kyi slob dpon la/ skyes bu de'i slob dpon gyis khyab kyang/ dge tshul gyi de gnyis gang rung la dge tshul gyi slob dpon dang/ dge bsnyen gyi klog pa'i slob dpon la/ dge bsnyen gyi slob dpon gyis ma khyab ste/ dge tshul gyi slob dpon yin na/ dge tshul gyi sdom pa ster ba po yin dgos/ dge bsnyen gyi slob dpon yin na/ dge bsnyen gyi sdom pa ster ba po yin dgos pa'i phyir/ des na skyes bu gcig gi dge tshul gyi slob dpon dang/ bsnyen rdzogs kyi slob dpon gnyis mi 'gal te/ bstan pa la rim gyis zhugs pa'i bsgrub bya de la dge slong gi sdom pa ster ba po'i las slob kyang yin de'i dge tshul gyi slob dpon yang yin pa'i gzhi mthun pa yod pa'i phyir/ de yan gyis tshigs snga ma dge tshul du bsgrub pa'i cho ga song nas/ tshigs phyi ma bsnyen rdzogs su bsgrub pa'i cho ga la gsum las/ dang por sbyor ba'i cho ga ston pa la/ dge 'dun las bsnyen par rdzogs par bya'o/ /zhes pa nas/ dge 'dun la gsol nas bar chad dri bar bya'o/ /zhes pa'i bar @52a @#/ /gsungs/ dngos gzhi'i cho ga ston pa la/ bsnyen par rdzogs pa nye bar sgrub par bya'o/ /zhes gsungs/ dge 'dun las bsnyen par rdzogs par bya'o/ /zhes sogs kyi skabs su gzhung gi 'brel dang spyi don gnyis las; dang po 'brel ni 'di'i skabs su/ de chog la brten nas bsnyen rdzogs sgrub pa la ni dge 'dun la brten nas bsgrub dgos zhes bshad nas/ de'i dngos gzhi'i cho ga 'chad pa la/ bsnyen par rdzogs pa nye bar sgrub par bya'o/ /zhes gsungs/ ngag don ni/ da chog la brten nas bsnyen rdzogs bsgrub pa'i tshul yod de/ mngon gyur bcu tshang ba'i sgo nas gsol bzhi'i las kyi cho ga'i sgo nas bsgrub par byed pa'i phyir/ gnyis pa spyi don la/ yul; rten; cho ga'i khyad par dang gsum/ dang po la ni/ mkhan po/ gsang ston/ las slob/ dge 'dun dang bcas pa dgos/ dge 'dun la grangs tshangs/ mtshams nang der gnas shing kha skong gi chos dang ldan pa/ las gral der ma 'dus pa'i mi mthun pa dang/ las gral der 'dus kyang/ cho ga de lta bu bya mi rigs zhes 'gog pa 'dus pa phyir bzlog gi mi mthun pa ste/ mi mthun pa gnyis dang bral ba dgos/ dge 'dun la grangs tshang ni da chog la brten nas bsnyen rdzogs sgrub pa la yul dbus su dge slong bcu tshogs/ mtha' 'khor @52b tu lnga tshogs dgos par gsungs la/ de ltar gsungs pa ni chos tshigs kyis phye ba'i dbang du byas pa yin te/ de'i dbang du byas pa'i yul dbus der bcu tshogs sgrub sla zhing/ mtha' 'khob tu de sgrub dka' ba'i phyir/ des na bod 'dis tshigs kyis phye ba'i yul mtha' 'khob yin kyang/ 'dir bsnyen rdzogs sgrub pa'i tshe dge slong bcu tshogs dgos te/ 'dir dge slong grangs tshang chos tshigs kyis phye ba'i yul dbus dang mnyam par bzhugs shing/ yul mtha' 'khob tu yang dge slong bcu tshogs kyis bsgrub nus bzhin du lnga tshogs kyis bsgrub na nyes byas 'byung bar gsungs pa'i phyir te/ zhu ba las/ btsun pa/ bcur yang mchis la/ mchis bzhin du 'dul ba 'dzin pa dang bzhis bsnyen par rdzogs par bgyis na bsnyen par rdzogs zhes bgyi'am/ u pa li/ bsnyen par rdzogs zhes bya ste/ bsnyen par rdzogs par byed pa rnams ni 'das pa dang bcas pa'o/ /zhes gsungs pa'i phyir/ kha cig /dge slong bzhi tshogs la brten nas da chog gi sgo nas dge slong gi sdom pa mi skye ste/ de ltar bsgrub pa'i tshe gsang ston bsko dgos pa'i phyir zer ba mi 'thad de/ gsang ston med par da chog la brten nas bsnyen rdzogs kyi sdom pa skye ba yod pa'i @53a @#/ /phyir te/ gsang ston de da chog la brten nas nyes med phun tshogs kyi bsnyen rdzogs su bsgrub pa la med mi rung yin kyang/ spyir da chog la brten nas bsnyen rdzogs su bsgrub pa la med mi rung ma yin pa'i phyir/ mkhan po med par da chog la brten nas bsnyen rdzogs kyi sdom pa skye ba yod de/ 'di nyid las/ de dang ldan pa ni mkhan po med pa nyid la yang ngo/ /zhes gsungs pa'i phyir/ las slob med par de ltar skye ba ni med de/ da chog la brten nas bsnyen rdzogs su bsgrub pa la gsol bzhi'i las kyi cho ga brjod dgos pa'i phyir/ dge 'dun med par de skye ba yang med de/ da chog la brten nas bsnyen rdzogs bsgrub pa dge 'dun la ltos dgos pa'i phyir/ spyir ni las slob med par bsnyen rdzogs kyi sdom pa skye ba yod de/ ye shes khong chud kyi bsnyen rdzogs kyi sdom pa la sogs pa yod pa'i phyir; las slob med par cho ga la brten nas bsnyen rdzogs kyi sdom pa skye ba yod de/ sngon cho ga la brten nas skye ba yod pa'i phyir/ bud med bsnyen par rdzogs pa'i dgen 'dun gyi grangs 'og tu 'chad do/ /gnyis pa rten ni/ lus/ cha lugs/ bsam pa/ bslab tshigs phun sum tshogs pa dang bzhi las/ dang po sgra mi snyan pa ma gtogs gling gsum gyi skyes pa bud med gang yang rung ba za ma ma ning sogs ma yin pa'i sgo nas lus kyi skyon dang bral ba dgos te/ mdzod las/ za ma ma ning sgra ma snyan/ /mtshan gnyis ma @53b gtogs mi rnams la/ /zhes dang/ 'di nyid las/ mi ma yin pa'i 'gro ba pa dang byang gi sgra mi snyan pa gnyis ni sdom pa'i zhing nyid ma yin no/ /zhes gsungs pa'i phyir/ na tshod la khyim so ma bzung ba'i bud med dang/ skyes pa da chog la brten nas bsnyen rdzogs bsgrub pa na dngos sam bsam pa'i sgo nas mngal shol gyi zla ba dang bcas pa'i tshes lo nyi shu lon pa dgos/ khyim so bzung ba'i bud med bsnyen rdzogs bsgrub pa'i tshe mang la shol gyi zla ba dang bcas pa'i tshes lo bcu gnyis lon pa dgos/ des na/ bsnyen rdzogs bsgrub tu rung ba'i lo ni tshes lo'i grangs nas brtsi ba yin gyi/ khyim lo'i grangs nas brtsi ba ma yin te/ de bsgrub tu rung ba'i lo lon pa la shol zla brtsi bar bshad pa gang zhig /khyim lo la shol zla mi 'byung ba'i phyir te; khyim lo gcig rdzogs pa la lo gcig gi dus bzhi tshang bar rdzogs dgos pa'i phyir/ gnyis pa cha lugs ni/ chos gos gsum dang lhung bzed mkhan pos byin gyis brlabs nas gnang ba/ gding ba dang chu tshogs mkhan pos gsung gis gnang ba/ dge slong gi rtags cha lugs dang ldan pa/ khyim pa'i thun mong ma yin pa'i rtags cha lugs dang mi ldan pa dgos/ des na rab byung gi rtags cha lugs dang mi ldan pa'i sgren mo dang khyim pa dang mu stegs kyi rtags @54a @#/ /can gyi rten la sdom pa mi skye ste/ 'di nyid las/ sgron mo la mi skye'o/ /khyim pa dang mu stegs kyi rgyal mtshan can la yang mi skye'o/ /zhes gsungs pa'i phyir/ gsum pa bsam pa'i khyad par ni/ snying thag pa nas sdom pa len 'dod pa dang ldan pa/ sdom pa thob dus shes pa'i bsam pa skye rung dang ldan pa/ mkhan po spong 'dod dang/ de dge slong ma yin par 'du ma shes pa'i bsam pa sogs mi mthun pa dang bral ba/ nges pa lnga'i bsam pa dang bral ba/ nges byung gi bsam pa rnam dag dang ldan pa dgos te/ de gang dang yang mi ldan par bsnyen rdzogs kyi sdom pa mi skye ba'i phyir/ bzhi pa bslab tshigs phun sum tshogs pa ni/ skyes pa'i rten la da chog la brten nas nyes med phun tshogs kyi bsnyen rdzogs bsgrub pa'i tshe dge bsnyen bar ma rab byung gi tshul khrims dang dge tshul gyi sdom pa sngon du 'gro dgos te/ 'di nyid las/ dge bsnyen nyid dang/ zhes sogs dang/ tshigs snga ma med pa la nyes byas tsam du zad do/ zhes gsungs pa'i phyir/ bud med kyi rten la de ltar bsgrub pa'i tshe de gsum gyi steng du dge slob ma'i sdom pa sngon du 'gro dgos te/ 'di nyid las/ bud med la ni dge slob ma zhes bya ba'i tshigs gzhan yang yod do/ / @54b zhes gsungs pa'i phyir/ gsum pa cho ga'i rnam gzhag bshad pa la/ da chog la brten nas bsnyen rdzogs bsgrub pa la/ sbyor ba'i cho ga sogs gsum las/ dge bsnyen bar ma rab byung dge tshul sgrub pa'i cho ga rnams ni 'di'i sbyor ba'i cho ga dang/ dngos gzhi'i tshe mngon gyur bcu tshang dgos shing/ bcu ni sangs rgyas mngon du gyur pa nas/ cho ga mngon du mngon du gyur pa zhes pa'i bar la byed/ de yang sangs rgyas mngon du gyur pa ni ston pa shAkya'i rgyal po'i sku gzugs bzhugs pas bstan pa 'di la des 'grub/ chos mngon du gyur pa ni tshul khrims kyi bslob pa la slob pa dang/ las chog ma nyams pas 'grub/ dge 'dun mngon du gyur pa ni dge 'dun grangs tshang ba dang/ kha skong gi chos dang ldan pas 'grub/ mkhan po mngon du gyur pa ni brtan mkhas kyi yon tan gnyis dang ldan pa'i dge slong la mkhan por gsol ba lan gsum btab pa'i mthar khas blangs pa las 'grub/ las slob mngon du gyur pa ni/ mkhan pos tshig gis bskos shing las kyi cho ga tshig gcig kyang ma 'khrul bar ngag nas 'thon pa las 'grub/ gsang ston mngon du gyur pa ni dge 'dun gyi dbus su gsol ba 'ba' zhig pa'i las kyis bskos nas lkog tu bar chad dri ba'i cho ga la @55a @#/ /mkhas pas 'grub/ de gnyis la slob dpon mngon du gyur pa zhes gcig tu 'dren pa yin no/ /gsol ba mngon du gyur pa ni bsgrub bya rang nyid kyis gsol ba lan gsum btab pas 'grub/ las mngon du gyur pa ni gsol bzhi'i las byed pas 'grub/ bsnyen par rdzogs 'dod kyi bsam pa mngon du gyur pa ni snying thag pa nas myang 'das thob pa'i phyir du bsnyen rdzogs don gnyer gyi bsam pas 'grub/ yo byed mngon du gyur pa ni dge slong gi rtags cha lugs dang ldan pas 'grub/ yongs dag mngon du gyur pa ni gsang ston gyis lkog tu bar chad dris nas de dang mi ldan par rtogs pa las 'grub/ gnyis pa dngos gzhi'i cho ga dngos ni mngon gyur bcu brjod pa sngon du btang ba'i sgo nas gsol bzhi'i las kyi cho ga la brten nas bsnyen rdzogs bsgrub pa yin no/ ! /gsum pa mjug chog la dus bsgo brjod pa dang/ gdams ngag brjod pa gnyis las/ dang po 'chad pa la/ de ma thag tu grib tshod rig par bya'o/ /zhes 'byung/ 'di'i skabs su/ gzhung gi 'brel dang/ spyi'i don gnyis/ dang po 'brel ni bsnyen par rdzogs pa nye bar bsgrub par bya'o/ /zhes pas bsnyen rdzogs sgrub tshul bstan nas sdom pa thob dus shes pa'i phyir du de thob pa'i @55b grib tshod brjod dgos zhes 'chad pa la/ rtsa ba'i gzhung 'di byung/ grib tshod de yang thur ma sor bzhi pas gzhal dgos zhes 'chad pa la/ de ni thur ma sor bzhi pas bzang ngo/ /zhes gsungs/ thur ma sor bzhi pa dang de'i grib ma gnyis la skyes bu zhes pa'i tha snyad btags dgos zhes 'chad pa la/ de ni skyes bu nyid ces thad snyad du bya'o/ /zhes gsungs/ grib tshod brjod par ma zad nyin mtshan gyi cha nyer gnyis dang dus tshigs kyang brjod dgos zhes 'chad pa la/ nyin mtshan gyi cha snga dro la sogs pa dang dus tshod kyang ngo/ /zhes gsungs/ dus tshigs kyi dbye ba 'chad pa la/ de dag ni lnga'o/ /dgun gyi dus dang/ dpyid kyi dus dang/ dbyar gyi dus dang/ dbyar thung ngu'i dus dang/ dbyar ring po'i dus so/ /zhes gsungs/ de dag so so'i yun tshad 'chad pa la/ dang po gnyis ni zla ba bzhi bzhi'o/ /'og ma ni zla ba gcig go /de'i 'og ma ni nyin zhag gcig go /tha ma ni des zla ba gsum du ma chog pa'o/ /zhes gsungs/ bsnyen rdzogs su bsgrubs zin ma thag pa'i rjes su dus bsgo brjod pa la dgos pa yod de/ sdom pa thob dus shes pa'i ched yin pa'i phyir/ gnyis pa spyi don la/ yul gang la brten gyi gang zag gang gis brjod pa/ dngos po gang @56a @#/ /brjod pa/ tshul ji ltar brjod pa dang gsum/ dang po yul ni dge slong du bsgrubs zin ma thag pa'i dge slong la brjod/ rten ni las slob las gzhan pa'i dge slong zhig gis brjod dgos so/ /gnyis pa dngos po gang brjod pa ni 'dri bstan gyi dngos po la bdun yod de/ lo; dus tshigs/ tshes zla/ tshes zla'i ngo bo/ /tshes grangs/ nyin mtshan gyi cha/ grib tshod rnams su yod/ lo la byi ba la lo nas phag lo'i bar/ tshes zla la dgun zla ra ba nas ston zla tha chung gi bar/ tshes zla'i ngo la yar ngo mar ngo gnyis/ dus tshigs la du ma yod pa las 'dir brjod rgyu'i dus tshig la dgun dus nas dbyar ring po'i bar/ tshes grangs la gcig nas bco lnga'i bar; 'dir brjod rgyu'i nyin mtshan gyi cha la snga dro phyir dro nyi ma'i dgung/ srod thun dang po dang de'i phyed/ gud thun dang po dang de'i phyed/ thor thun dang po dang de'i phyed/ skye rengs ma shar ba dang shar pa/ nyi ma ma shar ba dang sher ba/ nyi ma'i brgyad cha shar ba/ bzhi cha shar ba/ nyi ma'i gung ma yo ba/ nyi ma'i bzhi cha lus pa/ de'i brgyad cha lus pa/ nyi ma ma nus pa dang/ nub pa/ rgyu skar ma shar ba dang shar ba rnams brjod pa bshad cing/ de yang nyi ma'i brgyad cha shar ba dang/ bzhi cha shar ba ni gling @56b de'i nyin mo'i dus su nyin mo'i dkyil 'khor gyis sgrod pa'i nam mkha'i phyogs kyi brgyad cha nyi ma'i dkyil 'khor gyis chod pa dang/ bzhi cha chod pa la byed de/ de gnyis kyi khyad par ston pa na/ rnam 'byed 'grel las/ nyi ma'i brgyad cha shar ba zhes bya ba ni nam mkha'i phyogs la 'gro ba'i lam gyi brgyad cha tshod pa'o/ /zhes gsungs/ brgyad cha lus pa dang bzhi cha lus pa ni gling de'i phyi dro'i brgyad cha lus ba dang bzhi cha lus pa la byed de/ de gnyis kyi khyad par ston pa na/ phran tshogs las/ phyi dro'i bzhi cha dang phyi rdo'i brgyad cha lus pa'o/ /zhes gsungs pa'i phyir/ des na nyi ma'i brgyad cha shar ba la 'dod bu chung dang/ bzhi cha shar ba la drod bu che'i ming gis bstan pa yin te/ ka rma shA tam las/ nyi ma dros bu chung dang dros bu che/ /zhes gsungs/ grib tshod la skyes bu'i ming gis btags pa'i grib tshod dang/ rkang pa'i ming gis btags pa'i grib tshod gnyis las/ thur ma sor bzhi pa dang/ de'i grib ma gnyis la skyes bu'i tha snyad dang/ de sor gcig pa dang/ de'i grib ma gnyis la rkang pa zhes pa tha snyad 'dogs shing/ de sor bzhi pa la skyes bu zhes pa'i tha snyad 'dogs pa'i rgyu mtshan yod de/ skyes bu'i skad dod du pur ru sha zhes byung zhing/ pu ru sha ni nus pa dang ldan pa @57a @#/ /la 'jug la/ de sor bzhi bas kyang rang ge grib ma bskyed pa'i nus pa dang ldan pa'i phyir/ de ni thur ma sor bzhi pa dang/ de'i grib ma gnyis la skyes bu zhes pa'i tha snyad btags pa'i sgo nas sdom pa thob dus shes pa'i phyir du grib tshod gzhal ba la dgos pa yod de/ sdom pa thob dus phyi rol pa rnams kyis mi rtogs par bya ba'i ched yin pa'i phyir/ de phyi rol pa rnams kyis mi rtogs par byas pa la dgos pa yod de/ phyi rol pa rnams kyis rab byung gi gral la zhugs nas rku thabs su gnas pa de spang bar bya ba'i ched yin pa'i phyir/ grib tshod brjod tshul la gzhung rtsa ba dang/ ka rma shA taM las thog mar grib tshod dang/ de rjes nyen mtshan gyi cha la sogs pa phra rim nas gsungs kyang/ 'dir dus bsgom brjod pa'i tshe thog mar lo dang tha mar skyes bu 'di dang rkang pa 'di'i tshe sdom pa thob pa yin zhes grib chod gzhal te rags rim nas brjod dgos pa yin te sdom pa thob du go sla ba'i ched yin pa'i phyir/ des na dus bsgo brjod pa'i sgo nas sdom pa thob pa'i dus mtshams shes pa la dgos pa yod de/ bslab pa rgan gzhon g[i rim pa dang/ bsnyen bkur dang bsnyen bkur ma yin pa'i gnas shes pa'i sgo nas sangs rgyas kyi bcas pa las mi 'da' ba'i ched yin pa'i phyir/ bsnyen bkur gyi gnas ni spyir ba byung bslab pa rgan pa rnams rab byung @57b bslab pa gzhon pa rnams kyi bsnyen bkur gyi gnas yin/ rab byung bslab pa mnyam pa rnams ni phan tshun du bsnyen bkur gyi gnas ma yin/ bye brag tu dge slong pha rnam dag rnams rang las bslab pa gzhon pa'i dge slong pha man chad dang dge slong ma thams cad kyi bsnyen bkur gyi gnas yin/ dge tshul pha rnam dag rnams rang las bslab pa gzhon pa'i dge tshul pha dang/ dge tshul thams cad kyi bsnyen bkur gyi gnas yin kyang/ dge slong ma dang dge slong ma'i bsnyen bkur gyi nas ma yin te/ de gnyis las bslab pa dman pa'i phyir/ de gnyis kyang dge tshul pha'i bsnyen bkur gyi gnas ma yin te/ de gnyis dge tshul pha las brten dman pa'i phyir/ bslab pa las nyams pa'i sdom pa mchog dman gang dang ldan yang rab byung rnam dag gi bsnyen bkur gyi gnas ma yin te/ de gnyis dge tshul pha las rten dman pa'i phyir/ bslab pa las nyams pa'i sdom pa mchog dman gang dang ldan yang rab byung rnam dag gi bslab pa las nyams pa'i rab byung la phyag dang bskur ba dang 'dags rdzas stobs pa sogs byar mi rung ste/ de ltar byas na nyes pa dpag tu med pa 'byung bar gsungs pa'i phyir/ des na phyag dang bskor ba dang ldang ba dang rnyed pa dang por 'bul ba rnams ni bsnyen bkur gyi ngo bo yin/ rab byung bslab pa rgan gzhon mnyam pa rnams sngon la sleb pa rnams gral gyi dang @58a @#/ /par 'dug rigs shing/ rnyed pa gral rim nas len par byed de/ 'di nyid las/ dus mnyam pa rnams ni gcig gis gcig la phyag mi bya'o/ / sngar 'ongs pa ni dang po yin no/ /zhes gsungs pa'i phyir/ ! /des dus bsgo brjod pa song nas/ gnyis pa gdams ngag brjod pa la/ gnas rnams brjod par bya'o/ / slong la dus bsgo brjod tshul 'chad nas/ de la tshangs spyod kyi gnas bzhi dang/ ltung ba phab pa bzhi/ dge sbyong gi chos bzhi/ sogs gdams ngag bcu gcig rnams brjod dgos zhes 'chad pa la/ gnas rnams brjod par bya'o/ /ltung bar 'gyur bI chos rnams dang dge sbyong byed pa'i chos rnams kyang ngo/ /zhes sogs gsungs/ dus bsgo brjod pa'i rjes su tshangs spyod kyi gnas gzhi brjod pa la dgos pa yod de/ 'dod pa bsod snyoms kyi mtha' dang ngal zhing/ dub pa'i mtha' spangs pa'i ched yin pa'i phyir/ gnyis pa spyi don la/ yul gang la gang zag gang gis dngos po gang brjod pa/ de brjod pa'i tshul/ de'i ngo bo/ 'phros don sbyangs pa'i yon tan bshad pa dang bzhi las/ dang po ni/ grib tshod brjod ma thag pa'i @58b rab byung de la brjod pa ni slob dpon gyis brjod par byed/ dngos po ni dge tshul la rags rtogs bcu spong ba la gdams ngag brjod cing/ dge slong la tshangs spyod kyi gnas bzhi la 'doms pa'i gdams ngag sogs 'dir bstan gyi gdams ngag rnams brjod par byed do/ /gnyis pa brjod tshul ni ltung bar 'gyur ba'i chos rnams spong ba dang/ dge sbyong gi nyams su blang bya'i chos rnams bsten ?cig ces brjod do/ /gsum pa la ngo bo/ dbye ba; grangs nges/ go rim dang bzhi/ dang po ni/ thar pa thob par byed pa'i thabs phyin ci ma log par 'doms par byed pa'i 'dir bstan nag gi tshogs rnam dag de/ 'dir bstan gdams ngag gi ngo bo yin/ gnyis pa ni/ gdams nag la phra rim nas dbye na nyi shu yod kyang/ 'dir rags rim gyi dbang du byas nas bcu gcig yod de gnas dang ltung dang chos bzhi mchog 'dod pa/ /tshul khrims kyis mnyam 'chal tshul gnyen por 'gyur/ /gzugs brnyan dul gnas spong ba klog sgrub dang/ /yang dag blangs sgrub bag yod brjod bcu gcig /ces pa ltar bcu gcig yod cing/ de rnams bsdu nas tshangs pa'i gnas la 'doms pa'i gdams ngag dang/ ltung bar 'gyur ba'i chos spong ba la 'doms pa'i gdams ngag /dge sbyong gis nyams su blang ba'i chos bsten pa la 'doms pa'i gdams ngag @59a @#/ /rnams su 'du'o/ /gsum pa grangs nges ni/ 'dir bstan gyi gdams ngag la bcu gcig tu grangs nges pa'i rgyu mtshan yod de/ lung las bcu gcig gsungs shing bcu gcig pho ? de'i don shes shing nyams su blangs pas ni dge slong gi bslab bya rags rim zhig shes pa'i ched yin pa'i phyir/ bzhi go rim ni/ dang par tshangs spyod kyi gnas bzhi la 'doms pa'i gdams ngag ston pa la sogs pa go rim 'di ltar ston pa'i rgyu mtshan yod de/ lung las bshad pa dang mthun par bstan pa'i phyir; bzhi pa sbyangs pa'i yon tan bshad pa ni/ 'dod chud chog shes la gnas par bya ba'i phyir 'dir bstan gyi yon tan bcu gnyis po gang rung la brten pa'i yid dam de 'dir bstan sbyangs pa'i yon tan gyi ngo bo yin/ de la dbye na bcu gnyis yod de/ bar sdoms las/ bsod snyoms stan gcig pa dang phyis mi len/ /chos gos gsum pa 'phyings pa phyag dar khrod/ /dgon pa shing drung pa dang bla gab med/ /tsog pu dru khrod pa dang gzhi ji bzhin/ /zhes pa ltar/ zas gos gnas gsum la brten pa'i gsum gsum dang/ spyod lam la brten pa'i gnyis/ yo byad la brten pa'i gcig rnams su yod pa'i phyir/ dang po zas la brten pa'i sbyangs ba'i yon @59b tan la gsum yod de/ zas bsod snyoms pa la brten pa'i de/ stan gcig pa la brten pa'i de/ zas phyis mi len pa la brten pa'i de rnams su yod pa'i phyir/ zas bzang po la sred pa spong ba'i phyir du zas bsod snyoms pa la brten pa'i yid dam de dang po'i ngo bo yin/ zas mang po la sred pa spong ba'i phyir du zas gcig zos nas stan de las langs phyin chad nyi ma de la dus rung gi zas gzhan mi za ba'i yid dam de gnyis pa'i ngo bo yin/ zas bzang po dang mang po gnyis ka la sred pa spong ba'i phyir du zas de za ba'i 'go brtsams pa nas nyi ma de la zas gzhan phyis mi len pa'i yid dam de gsum pa'i ngo bo yin/ gnyis pa gos la brten pa'i spyangs pa'i yon tan la chos gos gsum pa la brten pa'i de/ gos 'phyings pa la brten pa'i de/ gos phyag dar khrod pa la brten pa'i de gsum las/ gos mang po la sred pa spong ba'i phyir du rab byung gi 'tsho ba'i yo byed kyi gos su byin gyis brlabs pa'i gos tsam la brten pa'i yid dam de dang po'i ngo bo yin/ de 'dra ba'i yid dam la gnas pa'i rab byung des chos gos gsum po las gzhan pa'i gos brten du rung ste/ des dbyar gyi gos ras chen dang/ gding ba dang rdul gzan rnams bsten pas chog pa'i phyir/ de ltar rung yang sngar gyi yid dam de la chos gos @60a @#/ /gsum pa la brten pa'i sbyangs pa'i yon tan zhes brjod pa'i rgyu mtshan yod de/ chos gos gsum po de rab byung gi gos gyi gtso bo yin zhing lhag po mi 'chad ba'i rgyu mtshan gyis de ltar brjod pa'i phyir/ gos 'jam po la sred pa spong ba'i phyir du lug ba la las 'chos pa'i gos tsam la brten pa'i yid dam de gnyis pa'i ngo bo yin; ;gos bzang po dang mang po gnyis ka la sred pa spong ba'i phyir du phyag dar khrod pa'i gos tsam la brten pa'i yid dam de gsum pa'i ngo bo yin/ de 'dra'i gos de la dman pa phyag dar khrod pa'i gos dang dor ba phyag dar khrod pa'i gos gnyis las/ khyim pas zla ba bzhir longs spyod nas dor ba'i gos de dang po yin/ khyim pas phyag dar khong du dor ba'i go de gnyis pa yin/ gsum pa gnas la brten pa'i sbyangs pa'i yon tan la/ dgon pa la brten pa'i sbyangs pa'i yon tan/ shing drung la brten pa'i de dang/ blag ba med pa la brten pa'i de dang gsum las/ 'du 'dzi la sred pa spong ba'i phyir du grong las rgyang grangs gcig sogs kyis chod pa'i dgon pa la brten pa'i yid dam de dang po'i ngo bo yin/ gnas bzang po la sred pa spong ba'i phyir du shing drung la brten pa'i sbyangs pa'i yon tan de gnyis pa'i ngo bo yin/ gnas tsam la sred pa spong ba'i phyir du bla gab med pa la brten pa'i @60b yid dam de gsum pa'i ngo bo yin/ bzhi pa spyod lam la brten pa'i sbyangs pa'i yon tan la tsog pu la brten pa'i sbyangs pa'i yon tan dang/ gzhi ji bzhin pa la brten sbyangs pa'i yon tan dang gnyis/ dang po ni/ bag phab nas gnas pa'i bde ba la sred pa spong ba'i phyir du tsog pu la brten pa'i yid dam de dang po'i ngo bo yin/ tsog pu la dbye na tsog chen pa dang/ tsog 'bring pa/ tsog chung ba dang gsum las/ phyogs bzhi ka la brten pa med par gnas pa'i tsog pu ba dang po dang/ rgyab tsam la brten pa dang bcas shing/ phyogs gzhan gsum la brten pa med par gnas pa'i tsog bu ba de gnyis pa yod de/ mdun ma gtogs phyogs gsum po brten pa dang bcas par gnas pa'i tsog pu ba de gsum pa yin/ gnyis pa ni/ gzhi mal stan la sred pa spong ba'i phyir du sngar bting ba'i stan la sogs pa yang dang yang du brje len mi byed pa la brten pa'i yid dam de gzhi ji bzhin pa la brten pa'i de'i ngo bo yin; lnga pa ni rdzas la sred pa spong ba'i phyir du dur khrod kyi rdzas la brten pa'i yid dam de yo byad la brten pa'i sbyangs pa'i yon tan gyi ngo bo yin/ sngar bshad pa de rnams la sbyangs pa'i yon tan zhes brjod pa'i rgyu mtshan yod de/ sems rgyud kyi nyon mongs pa sbyangs shing yon tan 'phel bar 'gyur pa'i rgyu mtshan gyis yin pa'i phyir/ sbyangs pa'i yon tan de rnams nyams su @061a @#/ /blangs pa la dgos pa yod de/ zas dgos sogs la sred pa dang 'dod pa bsod snyoms kyi mtha' spangs pa'i sgo nas 'dod chung chog shes la gnas pa'i ched yin pa'i phyir; zas dgos sogs la sred pa dang bcas shing/ de dag 'bad pas bsgrub pa ni 'dod pa bsod snyoms kyi mtha' yin/ de dag la sred zhen mngon 'gyur ba dang bral zhing/ thar pa thob 'dod kyi bsam pa dang tshul khrims rnam dag dang ldan pa'i rab byung rnams kyis khang pa brtsegs pa lnga brgya pa/ kha zas ro brgya pa/ gos srang stong re ba sogs la longs spyod du rung ste gzhan rgyud la bsod nams 'phel ba'i ched yin pa'i phyir/ yon tan de dag chags sred can la bsngags shing zhe sdang shas cher spyod pa la bsngags pa ma yin te/ dang pos 'di dag la brten nas chags pa 'gog nas shing phyi mas 'di dag la brten na mi bzod par yid mi bde skye zhing khong khro 'phel bar 'gyur ba'i phyir/ de dag chags sred can la bsngags pa yin kyang 'dir zas bsod snyoms pa sogs gsum tsam brjod nas gzhan rnams mi brjod pa'i rgyu mtshan yod de/ zas bsod snyoms pa sogs gsum po de bsten na tshangs spyod nyams pa'i rgyu'i gtso bo yo byad gsog 'jog byed pa khegs par 'gyur zhing rab byung phal cher gyis bsgrub kyang nus la gzhan rnams brten pas yo byad gsog 'jog byed pa khegs kyang rab byung phal @061b cher gyis bsgrub dka' pa'i rgyu mtshan gyis yin pa'i phyir/ ! /de yan gyis sdom pa ma thob pa thob par byed pa'i thabs song nas/ gnyis pa thob pa mi nyams par bsrung ba'i thabs la gang zag gzhan la brten nas bsrung ba sogs lnga yod pa las/ dang po la/ gnas pa slob ma'i rnam gzhag /gnas bla ma'i rnam gzhag /de dag gi ngo bo dang gsum las/ dang po 'tshad pa la/ gnas pas gnas la ma zhus par bya ba mi bya'o/ /zhes pa nas dbyung bar 'dod pa la sbyin par bya zhing dbyung bar bya'o/ /zhes pa'i bar gsungs/ gnyis pa 'chad pa la/ des kyang de la de bya ste/ zhu ba ni ma gtogs so/ /zhes gsungs/ gsum pa ni gnas sbyin pa'i bla ma la chong dgos pa'i brten mkhas kyi yon tan gnyis dang ldan pa'i sgo nas gnas sbyin pa'i bla ma dang gnas pa slob ma'i ngo bo ston pa la/ bsnyen par rdzogs nas lo bcu ma lon par mkhan po nyid dang zhes pa nas/ gnas kyi skabs so/ /zhes pa'i bar gsungs/ 'di'i skabs su gzhung gi 'phros dang spyi don gnyis las dang po 'phros ni/ gnas rnams brjod par bya'o/ /zhes pas bsnyen rdzogs su bsgrub zin ma thag pa'i bsgrub bya la gdam ngag brjod dgos zhes bstan pa la/ 'o na de'i bya ba ji lta bu zhe na/ de'i bya ba rnams gnas bla bar zhu dgos zhes 'chad pa la/ rtsa ba'i gzhung 'di byung/ 'o na bya ba mtha' dag zhu dgos sam zhe na/ @062a @#/ /bshang gci 'dor ba sogs zhus mi dgos zhes 'chad pa la/ bshang ba dang gci ba dang so shing dor ba dang/ nye 'khor dang bcas pa'i gtsug lag khang du mchod rten la phyag bya ba ni ma gtogs so/ /zhes gsungs/ lhung bzed kyi kha bsgyur pa sogs gnas bla ba la zhu dgos te/ de ma zhus na bya ba rnams gnas bla ma la ma zhus pa'i nyes par 'gyur ba'i phyir/ gnyis pa spyi don la/ dgos don dang/ bsdus don gnyis las/ dang po ni/ gnas pa slob mas gnas bla ma la bya ba rnams zhus pa la chos can/ dgos pa yod de; de ma zhus pa'i nyes pa khegs pa dang/ ngo tsha khrel yod kyi bsam pa'i sgo nas bya ba dang bya ba ma yin pa shes shing/ bya ba ma yin pa la mi 'jug pa dang/ de yin pa rnams bla ma'i bka' bzhin bsgrub pas bsod nams 'phel bar bya ba'i ched yin pa'i phyir/ gnyis pa bsdus don ni/ yul gang la/ rten gyi gang zag gang gis zhu ba/ dngos po gang zhu ba/ tshul ji ltar zhu ba/ de dag gi dmigs bsal bshad pa dang bzhi las/ dang po ni/ gnas pa slob mas gnas bla ma la bya ba rnams zhu dgos na/ gnas bla ma de yang yon tan ji lta bu dang ldan pa dgos zhe na de ni brtan mkhas kyi yon tan gnyis dang ldan pa/ nad pa la snying brtse ba/ 'khor dag pa/ chos dang zang zing gi phan 'dogs la brtson pa ste yon tan kha bsdus kyi @062b lnga ba dang ldan zhing/ gnas pa slob ma de dang lta ba dang mtshan mthun pa/ de dang mtshams nang gcig tu gnas pa/ tha snyad gsum dang ldan pa/ lus tha mal du gnas pa/ sa rang bzhin du gnas pa/ bzod pa che ba rnams dang ldan dgos te/ sum brgya pa las/ /tshul khrims ldan zhing 'dul ba'i cho ga shes/ /nad par snying brtse 'khor ni dag pa dang/ /chos dang zang zing phan 'dogs la brtson pa/ /dus su 'dogs pa de ni bla mar bsngams/ /zhes gsungs shing/ de yang tshigs rkang dang pos brtan mkhas kyi yon tan gnyis bstan pa'i phyir gnyis pa/ rten gyi gang zag gang gis zhu ba ni/ gnas pa slob mas zhu ba yin zhing/ de yang yon tan ni/ bla ma la gus pa/ khas blangs pa'i tshul khrims dag pa/ sgo gsum bag med la bsdom pa'i dran shes bzhin kha ton sogs dge sbyor la brtson pa/ brtson 'grus dang ldan pa/ du la ba/ bzod pa che ba zhig dgos te/ sum brgya pa las/ slob dpon la gus tshul khrims yongs dag dang/ /bsam gtan dang ni 'don la rtag brtson dang/ /grims shing dul la bzod dang ldan pa ni/ /sdom brtson gnas pa'i chos ldan shes par bya/ zhes gsungs pa'i phyir/ gsum pa dngos po gang zhu ba ni/ spyir bya ba phran tshegs rnams zhu mi dgos shing/ dmigs bsal la ni sgrub rung mi rung the tshom za ba'i bya ba phran tshegs rnams dang/ bya ba gtso @063a @#/ /che ba rnams zhu dgos te/ bcas pa'i dbang gis yin pa'i phyir/ sgrab mi rung bar nges pa'i bya ba rnams zhu mi dgos te/ zhus kyang dgos pa med pa'i phyir/ zhu tshul ni gnas bla ma nye 'khor na bzhugs na zhag re la lan gsum re zhu zhing/ de yang nyin gung tshun gyi bya ba snga dro dang/ nyi ma nub tshun gyi bya ba dgung yol nas dang/ mtshan mo'i bya ba nyi ma nub nas zhu/ rgyang ma ? zags kyis chos na nyin zhag re'i bya ba rnams bsdom nas lan re zhu/ dpag tshad phyed dang gsum gyis chod na gso sbyong gi tshe zhu/ bya ba glo bur ba rnams nam byung dus su zhu ba yin te/ 'do ldan las/ dpag tshad phyed dang gsum dag na gso sbyong gi tshe'o/ /zhes gsungs pa'i phyir/ kha cig de rnams spyir bsdom nas zhus chog ste/ 'do ldan las/ kun tu spyad par rung ba rnams bgyi'o/ /zhes gsungs pa'i phyir/ des ni bya ma bsgrub rung tu nges shing sgrub dgos par ma nges pa'i bya ba zhu tshul bstan pa yin pa'i phyir/ bya ma glo bur ba rnams rang ming gis smos nas zhu dgos te/ de ltar ma zhus na bya ba de sgrub rung du mi nges pa'i phyir te/ rnam 'byed 'grel las/ snam sbyar tshams pa zhu/ nyin mo spyod pa la mchis pa zhu/ zhes gsungs pa'i phyir/ sgrub rung dang sgrub dgos par nges pa'i gtso che ba'i bya ba glo bur ba rnams zhu dgos te/ lo dri ba las chag chag dang phyag bdar dang klog pa dang kha ton dang/ dge ba'i phyogs kyi @063b kun tu spyad par rung ba rnams bgyi'o/ /zhes gsungs pa'i phyir/ zhu tshul ni gnas bla ma'i drung du phyag 'tshal tsog pur 'dug ste/ mkhan po yin na mkhan po/ de ma yin na/ slob dpon dgongs su gsol/ bdag ming 'di zhes bgyi bas dus 'di nas 'di'i bar du chos ldan gyi bya ba 'di dang 'di bgyid du rung ngam zhes zhu/ de langs nas zhu mi rigs te/ de zhu ba'i sngags tshig rang don du zhu ba'i sngags tshig yin pa'i phyir/ bzhi pa dmigs bsal la/ yul; rten; bya ba'i dmigs bsal dang gsum/ dang po ni/ gnas bla ma la ma zhus par gtso che ba'i bya ba bsgrub tu rung ba yod do/ gnas bla ma zhing gzhan du gshegs pa'am btsal kyang ma rnyed pa na dge slong mkhas pa gzhan la zhus chog pa'i phyir/ gnas bla ma med par dbyar snga ma khas len pa dang/ gso sbyong phyi ma bsgug mi rung ste/ de las gnas bla ma bsten pa bsod nams che zhing dbyar phyi ma yang khas blangs chog pa'i phyir/ dbayr snga ma khas blangs nas gnas bla ma med par song na de dor nas gnas bla ma 'tshol la dgos te/ de bsrungs pa las gnas bla ma bsten pa dgos pa che zhing/ dbyar phyi ma yang bsrung chog pa'i phyir; dbyar snga ma khas blangs par phyi ma khas blangs nas gnas bla ma song ba na de zla ba gnyis bsrung rigs te/ de ma bsrung na lo gcig gi dbyar khas blangs ma tshang ba'i @064a @#/ /skyon yod pa'i phyir te/ lo gcig la dbyar gsum pa khas blangs rgyu med pa'i phyir/ dbayr zla ba gnyis bsrungs nas gnas bla ma 'tshol dgos te/ dbyar zla ba gnyis bsrungs pas/ lo gcig gi dbyar khas len 'grub cing de zla ba gsum bsrungs ba las gnas bla ma bsten pa dgos pa che ba'i phyir/ de'i tshe bya ba rnams rang las bslab pa rgan pa'i dge slong mkhas pa la zhu dgos la/ de med na rang las bslab pa gzhon pa'i 'dul ba'i don la mkhas pa'i dge long la zhu rigs kyang/ de la gnas bla ma bcol mi rigs te/ de la phyag bya mi rigs pa'i phyir te/ 'di nyid las/ 'dud pa 'ba' zhig ni ma gtogs so/ /zhes gsungs pa'i phyir/ gnas bla mas gzhan du gnas pa na bya ma rnams zhu mi dgos te/ sa gzhan na gnas pa rab byung rnam dag gi bsnyen bkur ba'i gnas ma yin pa'i phyir/ gnyis pa rten gyi dmigs bsal ni/ nan tur byas pa dang chad bas gnas bkag na bya ma rnams zhu mi rung zhing bsnyen par rdzogs nas sdom rgyun bar ma chad du lo lnga lon zhing/ lnga phrug tha ma'i yon tan dang ldan pa'i rab byung gis kyang gnas bla ma la mkhas ? par ljongs rgyur rung la; dge slong gsar bu ba rnams kyang zhag drug de la ma zhus par bya ba rnams byar rung zhing/ dge slong glo bur du lhags pa rnams kyang ngal bso ba'i phyir ma gnyis gnas bla ma la @064b ma zhus par bya ba rnams byar rung ngo/ /gsum pa bya ba'i dmigs bsal ni/ bshad gci dang so shing 'dor ba dang/ zhar la nye 'khor na yod pa'i mchod rten la phyag bya ba dang/ gtsug lag khang nas 'dom bzhi bcu rtsa dgu'i bar 'gro ba dang/ tshangs par spyod pa rnams dang lhan cig gnas pa dang phebs par smra ba dang gtam 'dri ba sogs dang bzhad gad kyi gnas dang/ gnas su bag yangs su gnas pa rnams gnas bla ma la zhu mi dgos te/ de dag spyir rung ba'i bya ba glo bur ba yin pa'i phyir/ mtha' dpyad pa la/ gnas pa slob ma yin na/ der 'os pas ma khyab ste/ der 'os pa'i rab byung yin na/ rab byung rnam dag yin dgos pa gan gzhig /rab byung rnam dag dang/ tshul khrims 'chal ba'i rab byung rnam lhan cig tu chos dang zang zing la longs spyod du mi rung ba'i phyir/ de la brten nas gnas bla ma yin na/ der 'os pas ma khyab bo/ /da chog gi bcas pa ma mdzad gong gi brtan mkhas kyi yon tan gnyis dang ldan pa'i dge slong rnams mkhan po dang gnas bla mar mi 'os te/ de ma bcas gong du de gnyis kyi rnam gzhag med pa'i phyir/ de ma bcas gong du tshur shog dang sngon chog gi sgo nas bsnyen par rdzogs pa'i brtan mkhas kyi yon tan gnyis dang ldan pa'i dge slong med kyang/ de'i gong du brtan mkhas kyi yon tan gnyis dang ldan pa'i dge slong ni yod de/ ston pa sangs rgyas @065a @#/ /'jig rten du ma byon gong du rang sangs rgyas su gyur pa'i dge slong yod pa'i phyir/ sde snod mngon par shes pa nyid do/ /zhes sogs kyi skabs su/ spyi don dang/ gzhung don gnyis las/ dang po la/ lnga phrug gi dbye ba phye ba so so'i ngo bo/ /bsdu ba/ rang dbang can yin min gyi don la dpyad pa dang bzhi las/ dang po ni/ lung gi par sdoms las/ lo bcu lon dang 'dzin dang mkhas/ /rig dang gsal dang 'dzin 'jug dang/ /slob dang slob 'jug rnam pa gnyis/ /phun sum tshogs gnyis rnam pa gsum/ /slob dang mi slob byung shes dang/ /gnas 'cha' 'char 'jug ltung ba shes/ /lho yi ri la rgyu ba yi/ /sde tshan yang dag bsdus pa yin/ /zhes gsungs pa'i phyir/ de yang/ slob dang slob 'jug rnam pa gnyis/ /zhes pas/ lhag pa'i spyod pa la slob pa'i lnga pa dang/ de la slob tu 'jug pa'i lnga pa gnyis bstan/ rnam pa gsum zhes pas dran ldan gyi lnga pa dang/ nang gzhag gi lnga pa/ mnyam gzhag gi lnga pa ste gsum bstan/ lho yi ri la rgyu ba yis/ /zhes pas lung gi bar sdoms rtsom pa'i gnas bstan to/ /gnyis pa ni/ bsnyen par rdzogs nas sdom rgyun bar ma chad du lo bcu lon pa/ gzhan gyi nad g.yog rang nyid kyis byed nus shing gzhan byed du 'jug nus pa/ ltung ba yid la byed cing 'gyod pa bsal ba rang nyid kyis byed nus shing gzhin byed du 'jug nus pa/ sdig lta re bzhi spong ba rang nyid kyis byed nus shing gzhan byed du 'jug nus pa/ gnas pa slob ma gnas bla ma la mi dga' ba 'dor ba rang nyid kyis byed nus shing gzhan byed 'jug nus pa ste/ lnga tshogs pa'i lnga pa de lo bcu lon @065b pa'i lnga pa yin/ de'i yan lag gnyis pa de dang ldan pas snying rje che ba dang bzod pa che ba dang ldan par grub pa yin te/ de gnyis dang mi ldan na yan lag gnyis pa de dang mi ldan dgos pa'i phyir; ;yan lag gsum pa de dang ldan pas 'dul ba'i don shes par 'gyur te/ yan lag de dang ldan pa la ltung ba'i ngo bo dang de phyir bcos kyis 'dag tshul shes dogs pa la de la 'dul ba'i don shes dgos pa'i phyir/ yan lag bzhi pa dan gldan pas mngon pa'i don shes par 'gyur te/ 'dir bstan sdig lta spong ba la mngon pa'i don shes dgos pa'i phyir/ yan lag lnga pa de dang ldan pas 'khor la ma chags pa dang 'khor gyi bsam pa shes par 'gyur te/ de dang ldan pas de'i bsam pa shes pa'i sgo nas gnas pa slob ma de gnas bla ma rang nyid kyi gnas su sdod ma 'dod na gnas bla ma gzhan dang sbyor rigs pa'i phyir; des na lnga pa dang po dang ldan pas gzhan gyi mkhan po sogs gsum byar rung ba'i yon tan dang ldan pa yin te/ de dang ldan pas brtan mkhas kyi yon tan gnyis dang ldan par grub pa yin pa'i phyir/ des na lnga phrug nyer gcig po gang rung zhig dang ldan pas mkhas pa'i yon tan dang ldan par grub pa yin te/ de nyer gcig po de brtan mkhas gnyis kyis nang tshan du gyur pa'i mkhas pa'i yon tan yin pa'i phyir/ des na de nyer gcig po gang rung zhig dang/ bsnyen par rdzogs nas sdom rgyun par ma chad du lo bcu lon pa gnyis dang ldan na gzhan gyi mkhan po dang @66a @#/ /gnas bla ma dang/ gnas med par gnas rung ba ste phan yon gsum dang lngan par 'grub pa yin no/ /sde snod gsum 'dzin pa dnag/ tshul ldan dang/ phyir rol pa dang thun mong ba'i bstan bcos mang du thos pa lnga tshogs pa'i lda pa ni sde snod gsum 'dzin pa'i lda pa yin/ sde snod gsum 'dzin pa'i tshang yod de/ de gsum re re nes shlau dNa 'bum phrag re re ste shlau ka 'bum phrag gsum 'dzin pa de de'i tshad yin pa'i phyir/ sde snod gsum gyi tshig don ma 'des par 'dzin pa'i steng du sngar bshad pa'i yon tan gnyis te snga tshogs pa'i lda pa ni sde snod gsum la mkhas pa'i lnga pa yin/ de'i tshig ma 'dres pa ni/ sdig pa ci yang mi bya zhing/ zhes sogs shlau ka 'di la sde snod gsum ga tshang ste/ de yang/ sdig pa ci yan mi bya zhing/ /zhes pa 'di 'dul ba'i sde snod yin te/ 'dis shag pa tshul khrims kyis slab pa gtso bor bstan pa'i phyir/ dge ba phun sum tshogs par sbyad/ ces pa 'di mdo sde'i sde snod yin te/ 'dis lhag pa ting gne 'dzin gyi bslab pa la sogs pa'i dge ba'i phyogs kyi ba ba rnams gtso bor bstan pa yin pa'i phyir/ rang gi sems ni yongs su 'dul/ /zhes pa 'di mngon pa'i sde snod yin te/ 'dis bdag med rtogs pa'i shes rab kyis rang gi rten gyi gan gzag gi rgyud kyi nyon mongs 'gog pa'i tshul bstan pa'i phyir/ sde snod gsum gyi dgongs pa lung rigs dang mi 'gal bar rtsom par @66b nus shing/ sdar bshad pa'i yon tan gnyis te lda tshogs pa'i lnga pa ni/ sde snod gsum rig pa'i lnga pa yin/ de la de ltar brjod pa'i rgyu mtshan yod de/ de gsum gyi don lung rigs dang mi 'gal bar rtsom pa la de gsum gyi dgongs pa rang nyid kyis rig dgos pa'i phyir/ de gsum gyi don gzhan la phyin ci ma log par ston par nus pa'i steng du sngar bshad pa'i yon tan gnyis te lnga tshogs pa'i lnga pa ni; nge gsum gsal pa'i lnga pa yin/ de la de ltar brjod pa'i rgyu mtshan yod de/ de gsum gyi don gzhan la phyin ci ma log par ston par byed pa la de gsum gyi don rang nyid kyis nges dgos pa'i phyir/ de gsum rang nyid kyis 'dzin nus shing/ gzhan 'din du 'jug nus pa'i steng du sngar bshad pa'i yon tan gnyis te lnga tshogs ba'i lnga ba ni/ de gsum 'dzin du 'jug nas pa'i lnga pa yin/ des na 'dul ba'i sde snod de khyad chos brgyad dang ldan pa yin te/ ltung ba sde lnga so so'i ngo bo dang/ bag med pa la sogs pa'i stung ba'i rgyu bzhi dang/ ltung ba las ldang ba dan/ ltung ba las nges par 'byung ba'i tshul dang/ gang zag gang la bslab pa gang 'ba' ba dang/ sngar bcas rjes bcas gnyis dang/ ltung ba'i rab dbye dan/ rnam par nges pa'i thabs rnams phyin ci ma log par ston pa dnag ldan pa'i phyir/ de ltar yang/ mdo sde rgyan las/ ltung dang 'byung dang ldang ba dang/ nges par 'byung dang gang zag dang/ bcas pa dang ni rab dbye dang// @67a @#/ /rnam par nges phyir 'dul ba nyid/ /ces gsungs pa'i phyi/ ltung ba las ldang ba ni sngar byas la 'gyod sems dnag phyin chang sdom sems la byed/ ltung las nges par 'gyung ba'i tshul ni sngar byas bshags pa dang phyin chad bsdom pa la byed pa yin/ ltung ba las nges par 'byung ba'i tshul de la drug yod de/ bshags pa'i stobs byis ltung ba las nges par 'byung ba'i tshul dang/ chad las bcad pa'i stobs kyis ltung ba las nges par 'byung ba'i tshul dang/ mtshan 'gyur ba las thun mong ma yin pa'i ltung ba las nges par 'byung ba'i tshul dang/ chos kyi sdom las so sor rtogs stobs kyis ltung ba las nges par 'byung ba'i tshul dan/ phyis 'dug dgos la ltos te ltung ba las nges par 'byung ba'i tshul dang/ bag yangs su gnang ba'i dbang gyis ltung ba las nges par 'byung ba'i tshul rnams su yod pa'i phyir/ so thar gyi bslab pas bsdus pa'i lhag pa tshul khrims kyi bslab pa dang/ lhag med myang 'das thob byed kyi thabs su gyur pa'i lhag pa ting gne 'dzin gyi bslab pa dang/ shes rab zag med kyis bsdus pa'i lhag pa shes rag kyi bslab pa gsum la slob pa'i steng du tshul ldan mang thos gnyis te lnga tshogs pa'i lnga pa de bslab pa gsum la slob pa'i lnga pa yin/ sngar gyi bslab pa gsum po de la rang slob par ma zad gzhan slob tu 'jug nus pa'i steng du yan sngar gyi yan lag phyi ma gnyis te lnga tshogs pa'i lgna pa de nge gsum la slob tu 'jug nus pa'i lnga pa yin/ sde snod gsum 'dzan pa'i lnga pa nas bslab pa gsum la slob tu 'jug @67b nus pa'i nga pa'i bar gyi lnga pa bdun po de'i yan lag tu gyur pa'i mang thos la phyi rol pa dang thun mong ba'i bstan bcos mang du thos pa 'dren pa'i rgyu mtshan yod de/ de bdun gyi nang nas sde snod gsum 'dzin pa'i lnga pa sogs dang po lnga'i yan lag dang po gsum la snge smod mang du thos pa cheng/ lnga pa phyi ma gnyis pa'i yan lag dang po gsum la sde snang gsum gyi don shes pa tshang ba'i phyir te/ /del lhag pa'i bslab pa gsum gyi don shes nas nyams su len pa tshang ba'i phyir/ 'dir bstan gyi bslab pa de la lhag pa'i bslab pa zhes brjod pa'i rgyu mtshan yod de/ lhag med myang 'das thob 'dod kyi bsam pas zin pas na phyi rol ba'i chos las lhag pa'i rgyu mtshan gyi de ltar brjod pa'i phyir/ bslab pa gsum la slob pa'i lnga pa'i yan lag tu gyur pa'i lhag pa'i tshul khrims dang/ de'i yan lag tu gyur pa'i tshul ldan gnyis po de la me 'dra ba'i khyad yod de/ dang po rgya che zhing phyi ma rgya chung ba'i phyir/ spyir zag med kyi shes rab yin na 'phags rgyud kyi shes rab yin pas khyab kyang/ bslab pa gsum la slob pa dang/ de la slob tu 'jug nus pa'i lnga pa'i yan lag tu gyur pa'i shes rab zag med de so skye'i rgyung la yod de/ de'i yan lag tu gyur pa'i zag med kyi shes rab la slob pa dang ldan pa'i so skye'i skyes bu yod pa'i phyir te/ zag med kyi shes rab kyi @68a @#/ /don shes nas nyams su len pa'i so skye'i skyes bu yod pa'i phyir/ kha cig /bsnyen rdzogs kyi sdom pa tsam la slob pa de bslab pa gsum la slob pa dang de gsum la slob tu 'jug nus pa'i ldu pa'i yan lag tu gyur pa'i lhag pa'i tshul khrims la slob pa yin zhing/ bsnyen rdzogs kyi sdom pa de dge tshul gyi sdom pa la las slag pas na/ lhag pa'i tshul khrims zhes brjod pa yin no bar na/ dang po mi 'bad de/ de yin na de'i lan lag tu gyur ba'i lhag pa'i tshul khrims dang tshul lan gnyis po de le mi bdra ba'i khyad mid par ??? skyon yod pa'i phyir/ 'dul pa'i sde snod nas gshad pa'i tshul dang mthun pa'i 'gro 'ong sogs kyi lhag pa'i sbyod pa/ lhag pa'i 'dul pa'i sgras bstan pa'i 'dub ba'i lung sde bzhi/ lhag pa'i so thar gyi sgras bstan pa'i dge slong pa ba'i so bar byi mdo gnyis pas lob pa'i snying du tshul ldan dang/ sde snod 'byi ma gnyis mang du thom bste lang chogs pa'i lnga pa de lhag pa'i spyod pa la slob pa'i lda pa yin/ sdar kyi yan lag dang po gsum la rang slong bar ma zad gzhan slob tu 'jug nus ba'i steng du sngar gyi yan lag gyi ma gnyis pa tsho bas ba'i lnga pa de del slob tu 'jug nus pa'i lnga pa yin/ de'i yan lag tu gyur pa'i 'dul ba'i sde snod nas bdang pa'i tshul dang mthun par 'gro 'ong sogs kyi spyong pa de la lnga ga pa'i spyod pa zhes brjod pa'i rgyu mtshan yod de @68b lhag med myang 'das thob 'dod kyi bsam pas zin pas na phyi rol pa'i spyod pa las lhag pa'i rgyu mtshan gyis de ltar brjod pa yin pa'i phyir/ 'dul ba lung sde bzhi po de la lhag pa'i ? 'dul ba zhes brjod pa'i rgyu mtshan yod de/ phyi rol pa'i bstan bcos las lhag cing/ gdul bya'i sems 'dul bar byed pa'i thabs ston pa'i nge ltar brjod pa yin pa'i phyir/ yan lag gsum pa de la so thar ces brjod pa'i rgyu mtshan yod de/ des thar pa thob byed kyi thabs ston pa'i rgyu mtshan gyis de ltar brjod pa yin pa'i phyir/ kha cig/ /'dus ? lung snge bzhi po de lhag pa'i 'dul ba yin zhing/ cig shos de lhag pa'i so thar yin zer pa mi 'thad de/ 'dul ba yin na brjod bya don gyi 'dul ba yin pas khyab/ so thar ? yin na brjod bya don gyi so thar yin pas khyab pa'i phyir/ de gnyis kyi yan lag tu gyur pa'i mang thos la sde sngod phyi ma gnyis mang du thos pa 'dren pa'i rgyu mtshan yod de/ gnyis kyi yan lag dang po gsum la 'dul bshes pa tshang sde snod gzhan shes pa ma tshang ba'i phyir/ dkon mchog la dmigs pa'i dad pa phun sum tshogs pa/ bcas rab ? gi kha na ma tho ba spong ba'i tshul khrims phun sum tshogs pa/ 'dul ba'i sde snod kyi don shes pa'i mang thos phun sum tshogs pa/ gang la yang ma chags pa'i gtong bsu @69a @#/ /sum tshogs pa/ chos rab tu rnam 'byed kyi shes rab phun sum tshogs pa ste lnga tshogs pa'i lnga pa de/ phun tshogs gong ma'i lnga pa yin/ mi slob pa'i skyes bu dbang rnon gyi rgyud kyi tshul khrims kyi ming gis bstan pa'i 'dul ba'i sde snod kyi don shes pa'i thos pa phun sum tshogs pa/ sems dmigs pa la rtse gcig tu 'jog pa'i ting nge 'dzin phun sum tshogs pa/ chos rab tu rnam 'byed kyi shes rab phun sum tshogs pa/ nyon mongs pa spangs pa'i rnam grol lam phun sum tshogs pa/ zad mi skye shes pa'i ye shes kyis bsdus pa'i rnam grol lam de shes dang de 'dra ba'i ye shes las gzhan par gyur pa'i shes rab zag med kyis bsdus pa'i de mthong phun sum tshogs pa ste lnag tshogs pa'i lnga pa de phun tshogs 'go ma'i lnga pa yin/ rang nyid la gnas pa'i rten gyi gang zag gi rgyud la nyon mongs pa zad par shes pa'i ye shes de zad pa shes pa'i ye shes dang/ de'i rgyud la sdug bsngal slar mi skye bar shes pa'i ye shes de mi skye ba shes pa'i ye shes yin/ tshogs lam pa'i rgyud kyi dran pa nyer gzhag gis bsdus pa'i dran pa dang/ yang dag spong bas bsdus pa'i brtson 'grus/ sde snod phyi ma gnyis mang du thos pa'i shes rab/ tshul ldan/ 'dul ba'i sde @69b snod mang du thos pa'i mang thos phun sum tshogs pa ste/ lnga tshogs pa'i lnga pa de dran ldan gyi lnga pa yin/ tshogs spyod kyi rang rgyal sbyor lam pa dang nyan thos sbyor lam pa gang ruang du gyur pa'i skyes bu'i rgyud kyi bying rgong dang ma bral ba'i sems dmigs pa la rtse gcig tu mnyam par gzhag pa'i steng du de'i rgyud kyi yang dag spong bas bsdus pa'i brtson 'grus dang sdar bshad pa'i yan lag phyi ma gsum ste lnga tshogs pa'i lang pa de nang du yang dag par 'jog pa'i lang pa yin/ de'i rgyud kyi byed rgod dang bral ba'i sems dmigs pa la rtse gcig tu mnyam par gzhag pa'i snyeng du sngar bshad pa'i yan lag phyi ma bzhi ste lnga tshogs pa'i lnga pa de mnyam par gzhag pa'i lnga pa yin/ des na 'dul Tik las/ dran ldan gyi lnga pa de tshogs lam pa'i rgyud kyi yon tan dang/ phyi ma gnyis po de sbyor lam pa'i rgyud kyi yon tan dang/ mi slob pa'i lang pa dang phun tshogs 'og ma'i lnga pa de mi slob pa'i skyes bu'i rgyud kyi yon tan du bstan pa la dgos pa yod de/ 'dir bstan gyi lnga phrug nyer gcig po de la tshogs lam nas mi slob lam gyi bar tshang bar bzhag par bya ba'i ched yin pa'i phyir/ lnga pa phyi ma gnyis po gang rung yin na tshogs spyod kyi rang rgyal sbyor lam pa dnag/ nyan thos @70a @#/ /sbyor lam pa gang rung du gyur pa'i skyes bu'i rgyud kyi yon tan yin dgos te/ de yan na sbyor lam pa'i rgyud kyi yon tan yin dgos pa gang zhig ;'dir bstan gyi lnga phrug nyer gcig po gang rung rgyud ldan gyi bse ru lta bu'i rang rgyul sbyor lam pa yang med/ de 'dra'i byang sems sbyor lam pa yang med pa'i phyir te/ bsnyen par rdzogs nas sdom rgyun bar ma chad du lo bcu lon pa'i de gnyis gang rung med pa gang zhig /lnga phrug nyer gcig po gang rung yin na/ spyir bsnyen par rdzogs nas sdom rgyun bar ma chad du lo bcu lon pa'i skyes bu'i rgyud la ldan pa'i rgs can yin dgos pa'i phyir/ dang po de 'dra ba'i bang sems sbyor lam pa med de/ bdag cag gi ston pas tshogs lam gyi gnas skabs su rang byung gi bsnyen par rdzogs shing/ bsnyen par rdzogs nas sdom rgyun bar ma chad du lo bcu ma lon par sangs rgyas pa'i phyir/ de 'dra'i bse ru lta bu'i rang rgyal sbyor lam pa med de/ bse ru lta bu'i rang rgyal gyis sbyor lam nas rang rgyal gyi ma slob lam gyi bar mnyam gzhag thuan gcig la grub pa gang zhig nges rang rgyal dgra bcom pa'i rtogs pa thob pa dang bsnyen @70b @#/ /rdzogs kyi sdom pa thob pa dus mnyam pa'i phyir/ rtsa rtags phyi ma grub zin/ skabs 'dir bstan gyi mnyam gzhag gi sems thob pa la bying rgod dang bral ba mi dgos te/ dran sogs kyi lnga pa gnyis po de bying rgod dang ma bral bas bsring ba gnyis ldan gyi yon tan dang/ lnga pa gsum pa mnyam gzhag gi lnga pa byid rgod 'bral ba'i lnga pa yin pas na skyon dang bral ba'i lnga par 'drul Tik las bshad pa'i phyir/ des na dran sogs kyi lnga pa gsum po'i yan lag tu gyur pa'i mang thos ni 'dul ba'i sde snod kyi don shes pa la byed de/ de'i yan lag gzhan rnams la 'dul ba'i sde snod kyi don shes pa ma tshang ba'i phyir/ sde snod gsum 'dzin pa'i lnga pa la sogs pa'i lnga phrug gi yan lag ta gyur pa'i tshul ldan yin na/ pham lhag gang rung gis ma nyams pa'i dge slong gi sdom pa rnam dag yin dgos te; shes rab byed pa las/ pham lhag rnamas kyis ma nyams pa ste/ dge slong du tshud pa la bya'o/ /zhes gsungs pa'i phyir/ de yin na pham lhag gi ltung bas ma gos pa dgos te/ lnga phrug nyer gcig po 'di gzhan gyi mkhan sogs gsum byar rung ba'i yon tan yin pa gang zhig /pham lhag gi ltung ba dang bcas @71a @#/ /na gzhan gyi mkhan sogs gsum byar gsum byar mi rung ba'i phyir te/ 'od ldan las/ pham pa'i ltang ba bzhi po dag gang yang rung ba gcig ma byung ba ste zhes gsungs pa'i phyir/ yang nyan thos slob pa 'phags pa'i rgyud kyi zag med kyi tshul khrims/ zag med kyi ting nge 'dzin/ de'i rgyud kyi de shes de mthong gang rung las gzhan par gyur pa'i de'i rgyud kyi shes rab zag med/ de'i rgyud kyi rnam grol/ de'i rgyud kyi sgom lam rnam grol lam dang mthong lam rnam grol lam gang rung gis bsdus pa'i de shes bar chad med lam gyis bsdus pa'i de mthong phun sum tshogs pa lnga tshogs pa'i lnga ba ni slob pa'i lnga pa yin/ de'i yan lag tu gyur pa'i de shes de mthong gnyis gcig tu 'dren no/ /des na slob pa'i lnga pa yin na/ nyan thos slob pa 'phags pa'i rgyud kyi yon tan yin dgos te/ de yin na slob pa 'phags pa'i rgyud kyi yon tan yin dgos pa gang zhig /'dir bstan lnga phrug nyer gcig po gang rung rgyud ldan gyi byang sems 'phags pa yang med/ de 'dra'i rang rgyal slob pa 'phags pa yang med pa'i phyir te/ bsnyen par rdzogs nas sdom rgyun bar ma chad du lo bcu lon pa'i de gnyis gang rung med pa'i phyir/ @71b des na 'dul Ti ka las slob pa'i lnga la zhugs gnas bdun gyi yon tan dang sbyar nas bshad do/ /dran sogs kyi snga pa slob pa'i skyes bu'i rgyud kyi lnga pa yin kyang slob pa'i lnga pa ni ma yin no/ dgra bcom pa'i rgyud kyi zag med kyi tshul khrims/ de'i rgyud kyi zag med kyi ting nge 'dzin/ de'i rgyud kyi zag med kyi shes rang/ de'i rgyud kyi rnam grol lam/ de'i rgyud kyi zad mi skye shes pa'i ye shes kyis bsdus pa'i rnam grol lam de shes dang/ de 'dra'i ye shes las gzhan par gyar pa'i de'i rgyud kyi yang dag pa'i lta bas bsdus pa'i de mthong ste lnga tshogs pa'i lnga pa de mi slob pa'i lnga pa yin/ des na mi slob pa'i lnga pa dang; phun tshogs 'og ma'i lnga pa gnyis po de mi slob pa'i skyes bu'i rgyud kyi lnga par mtshungs kyang/ de gnyis la khyad par yod de/ dang po'i yan lag dang po de zag med kyi tshul khrims la byed/ phyi ma'i yan lag dang po de 'dul ba'i don shes pa'i thos pa la byed pa'i phyir dang/ lnga pa dang po de yin na/ yan lag phun tshogs lnga dang ldan pa'i ma khyab kyang/ phyi ma de yin na/ de dang ldan pas khyab pa'i phyir/ slob pa'i lnga pa dang mi slob pa'i snga @72a @#/ /gang rung dang ldan na/ 'dul ba'i don shes par 'grub ste/ de gnyis po bsnyen par rdzogs nas sdom rgyun bar ma chad du lo bcu lon pa'i dge slong gi rgyud la ldan pa'i 'phags pa'i yon tan yin pa gang zhig /de 'dra'i 'phags pa yin na 'dul ba'i don shes pa'i skyes bu yin dgos pa'i phyir te de yin na 'dul ba'i don la sbyangs pa'i skyes bu yin dgos pa'i phyir te/ 'dul Ti ka las gnyis po 'di'i skabs su 'dul ba shes pa gang gi bstan ce na/ lo bcu lon pa med mi rung du bstan pas 'grub ste/ 'di dag 'phags pa yin pas bslab pa la gus pa'i phyir 'dul ba slob la/ blo mig dang ldan pas lo bcu'i nang du shes par yang nus pa'i phyir/ zhes gsungs pa'i phyir/ rgya mtshan des skabs 'dir bstan gyi lnga phrug nyer gcig po gang rung yin na/ bsnyen par rdzogs nas sdom rgyan bar ma cad du lo bcu lon pa'i skyes bu'i rgyud kyis bsdus pas khyab pa bstan pa ma yin te/ bsnyen par rdzogs nas lo bcu ma lon pa'i skyes bu'i rgyud la yang 'dir bstan pa'i lnga phrug yod pa'i phyir te/ bstan mkhas gnyis kyi nang tshan du gyur pa'i mkhas pa'i yon tan thob na de'i nang tshan du @72b gyur pa'i bstan pa'i yon tan thob pas ma khyab/ phyi ma de thob na dang po thob pas kyang ma khyab pa'i phyir/ bslab pa 'cha' pa gang las byung ba'i gling gzhi/ de 'cha' ba'i rgyu mtshan/ de 'cha' pa'i rgyu tshogs kyis bsdus pa'i byung ba mngon par shes pa/ dgag sgrub gnang gsum gyi bslab pa'i bcas pa mngon par shes pa/ de'i rjes bcas mngon par shes pa/ srog bsrung pa'i phyir du bya ba 'ga' zhig la zhugs bkag pa'i bkag pa mngon par shes pa/ bya ba 'ga' zhig bsgrub ma bsgrub ji ltar spyad kyang nyes med du gnang ba'i mngon par shes pa ste lnga tshogs pa'i lnga pa ni byung shes kyi lnga pa yin/ des na lnga pa de'i yan lag tu gyur pa'i bkag pa shes pa la srog bsung ba'i phyir du bya ba 'ga' zhig la zhugs pa bkag pa'i bkag pa shes pa dgos te/ bya ba 'ga' zhig la zhugs pa'i bkag pa shes pa ni lnga pa de'i yan lag tu gyur pa'i bslab bya shes pa la tshang ba'i phyir te/ de'i yan lag tu gyur pa'i bslab bya shes pa la dgag pa'i bslab bya shes pa tshang ba'i phyir/ lnga pa dI yan lag tu gyur pa'i gnang ba shes pa la bya ba 'ga' zhig bsgrub ma bsgrub ji ltar spyad kyang nyes med du gnang ba'i gnang ba shes pa @73a @#/ /dgos te/ bya ba 'ga' zhig bsgrub pas nyes med du shes pa ni lnga pa de'i yan lag tu gyur pa'i bslab bya shes pa la tshang phyir te/ de'i yan lag tu gyur pa'i bslab bya shes pa la gnang ba'i bslab bya shes pa tshang ba'i phyir/ bslab pa 'cha' ba'i gling gzhi ni/ yul de dang der gang zag de dang des nyon mongs pa de dang de la brten nas mi rung ba'i bya ba de dag de spyad pa de bslab pa 'cha' ba'i gling gzhi yin te/ dper na yul spong byed du gang zag bzang sbyin gyis nyon mongs pa 'dod chags la brten nas mi tshangs par spyad pas mi tshangs spyod spong ba'i bslab pa bcas pa'i dpe 'di bzhin yin pa'i phyir/ de na mi rigs pa'i bya ba de dang de byas pas nyes pa de dang de 'byung ba ni bslab pa 'cha' ba'i rgyu mtshan yin te/ srog bcad pa la brten nas gang zag 'ga' zhig gi srog la gnod pa dang/ phyi ma ngan 'gror skye ba'i nyes dmigs mthong nas srog gcod spong ba'i bslab pa 'cha' pa'i dpe 'di bzhin yin pa'i phyir/ de 'ca' ba'i rgya tshogs la gzhi'i yan lag /bsam pa'i yan lag /sbyor ba'i yan lag /mthar thug gi yan lag dang bzhi yod/ de rnams ni rang rang gi ltung ba'i 'thad du 'chad do/ /bcas pa shes pa na/ srog gcod spong ba'i bslab pa 'cha' ba'i gzhir gyur @73b pa'i skes bu'i rgyud kyi zhe sdang sogs la brten nas de spong ba'i bslab pa bcas pa dang/ mi tshang spyod spong ba'i bslab pa 'cha' ba'i gzhir gyur pa'i skyes bu'i rgyud kyi nyon mongs pa 'dod chags sogs la brten na de spong ba'i bslab pa bcas pa dang/ dgra bcom pa'i rgyud la nyon mongs pa med kyang de'i rgyud kyi nyon mongs pa'i bag chags la brten nas dgra bcom pa'i rten la bslab pa bcas pa mngon par shes pa rnam yin/ pha rol rgol ba tshar gcod pa'i phyir/ nyin mo'i sum cha tsam la phyir rol pa'i bstan bcos klog par gnang ba lta bu mngon par shes pa ni lnga pa de'i yan lag tu gyur pa'i gnang ba mngon par shes pa yin/ phyir bcas pa ni/ dgag sgrub gnang gsum gang rung gi bslab pa'i gzhi ston par byed pa'i bka' de bcas pa yin/ rab byung rnams la srog gcod pa lta bu bya ba de mi rigs par ston par byed pa'i sangs rgyas kyi bka' de dgag pa'i bcas pa yin/ rab byung rnams la dbyar khas len lta bu bya ba de bsgrub pa dgos par ston pa'i sangs rgyas kyi bka' de sgrub pa'i bcas pa yin/ rab byug rnams la mcil lha ma lta bu gnang ba'i sangs rgyas kyi bka' de gnang ba'i bcas pa yin/ bya ba'i rigs gcig la bcas pa sngon ma mdzad su bcas pa snga ma la dogs gcod pa'i phyir bcas pa gnyis pa mdzad pa'i bcas pa ni rjes @74a @#/ /bcas yin/ rjes bcas la mu dgu yod de/ sgrub pa'i rjes su sgrub pa/ sgrub pa'i rjes su dgag pa sgrub pa'i rjes su gnang ba'i bcas pa mdzad pa'i rjes bcas gsum dgag pa'i rjes su dgag pa/ dgag pa'i rjes su sgrub pa/ dgag pa'i rjes su gnang ba'i bcas pa mdzad pa'i rjes bcas gsum/ gnang ba'i rjes su gnang ba/ gnang ba'i rjes su sgrub pa/ gnang ba'i rjes su dgag pa'i bcas pa mdzad pa'i rjes bcas rnams su yod/ dang po gsum gyi mtshan gzhi ni dbyar ma khas len dgos par bstan nas de ma grub na dbyar phe ma khas len dgos par ston pa'i sangs rgyas kyi bka' de dang po yin/ tshes brgyad dang bco lnga sogs kyi mtshan mo chos 'chad nyan byed dgos par bstan nas/ nad pa rnams pa de ltar ma grub na nyes med du bstan pa'i sangs rgyas kyi bka' de gnyis pa yin/ gso sbyong bsgug pa dang dbyar snga ma khas len dgos par bstan nas gnas bla ma la brten pa dang 'dom pa na/ gso sbyong bsgug pa dbyar snga ma khas len mi dgos par stan pa'i sangs rgyas kyi bka' de gsum pa yin/ phyi ma gsum gyi mtshan gzhi ni/ sngar lha ma sna'i sbu gu can gnang nas phyis yu ring dang yu thung gnang ba'i sangs rgyas kyi bka' de dang po yin/ sngar lam du grogs dang bcas te 'gro bar gnang nas lam bar du grogs na ba na nad g.yog byed dgos par ston pa'i sangs rgyas kyi bka' de gnyis pa yin/ sngar 'chil lha ma @74b gnang nas phyis krog krog gi sgra 'byung ba'i 'chil lha ma bkag pa'i sangs rgyas kyi bka' de gsum pa yin/ bar pa gsum gyi mtshan gzhi ni/ snar mi tshang spyod bkag nas phyis spra mo la mi tshangs spyod bkag pa'i sangs rgyas kyi bka' de dang po yin/ sngar mkhan slob sogs kyi mdun du 'gro ba bkag nas phyis khyi la sogs pa'i 'jigs pa byung na de'i mdun du 'gro dgos par gnang ba'i sangs rgyas kyi bka' de gnyis pa yin/ sngar phyi dro'i kha zas bkag nas phyis nad pa rnams la phyi dro'i kha zas nyes med du gnang ba'i sangs rgyas kyi bka' de gsum pa yin/ de yang sngar bcas phal cher spyir btang dang/ rjes bcas phal cher dmigs bsal yin la/ des na rjes bcas de rnams rang rang gi bcas pa sngon ma dang bcas rigs gcig mi gcig ci rigs su yod cing/ de yang sgrub pa'i rjes su sgrub pa'i bcas pa mdzad pa'i rjes bcas dang/ dgag pa'i rjes su dgag pa'i bcas pa mdzad pa'i rjes bcas dang/ gnang ba'i rjes su gnang ba'i bcas pa mdzad pa'i rjes rnams rang rang gi bcas pa sngon ma dang rigs gcig kyang/ de rnams gdul bya'i log rtog sel ba'i phyir du gsungs so/ /bdag nyid yul gzhan du 'gro ba sogs kyi tshe gnas pa slob ma de gnas bla ma gzhan la gtan du gnas char 'jug nus pa dang/ srog gcod sogs mi dge bas bsdus pas mngon mtho dang des legs thob pa la bar du gcod pa mngon par shes pa dang/ bsgrub par bya ba'i @75a @#/ /bya ba dang/ gnang ba'i bya bas bsdus pas mngon mtho dang nges legs thob pa la bar du mi gcod pa mngon par shes pa dang/ yan lag de gnyis kyi don gdul bya la phyin ci ma log par ston pa'i sma ba po nyid dang/ slob ma sogs la bya ba'i 'jug ldog ston pa ste lnlga tshogs pa'i lnga pa de gtan du gnas 'char 'jug pa'i lnga pa yin/ bdag nyid spo mgu sogs spyod pa'i tshe gnas pa slob ma de re zhig gnas bla ma gzhan la gnas 'char 'jug nus pa'i steng du sngar bshad pa'i yan lag phyi ma bzhi ste lnga tshogs pa'i lnga pa de re zhig gnas 'char 'jug pa'i lnga pa yin; ltung ba sde lnga mngon par shes pa/ gang byas kyang ltung bar mi 'gyur ba'i bya ba mngon par shes pa/ ltung ba lci yang gi khyad par mngon par shes pa/ so thar gyi mdo kha ton du byed pa/ lung sde bzhi kha ton du byed pa ste lnga tshogs pa'i lnga pa de ltung shes kyi lnga pa yin/ lnga pa de la 'dul ba'i tshig don gnyis ka shes pa yan lag tu ldan te/ yan lag dang po gsum la 'dul ba'i don shes pa tshang/ phyi ma gnyis la 'dul ba'i tshig shes pa tshang ba'i phyir/ ltung ba lci yang gi khyad par la bsdu ba las lnga bshad de/ de nyid las/ ngo bo nyid dang byed pa dang/ /gzhi dang bsam dang tshogs pa'o/ /zhes gsungs pa'i phyir/ de yang ngo bo nyid kyi sgo nas lci yang gi khyad par ni ltung ba sde lnga ma snga ma lci ba dang/ phyi ma phyi ma yang ba yin te/ pham pa de ngo bo nyid kyi sgo nas ltung @75b blci ba dang/ lhag ma de ngo bo nyid kyi sgo nas ltung ba 'bring dang/ ltung byed sogs gzhan gsum po de ngo bo nyid kyi sgo nas ltung ba chung ba yin pa'i phyir/ byed pa'i sgo nas ltung ba lci yang gi khyad par ni sbyor ba'i sgo nas yin te/ mi shes pa gti mug dang bag med pa'i sgo nas byas pa'i ltung ba ni de 'i sgo nas ltung ba chung ngu dang/ nyon mongs mang ba'i sgo nas byas pa'i ltung ba ni de'i sgo nas ltung ba 'bring dang/ bslab pa la ma gus pa'i sgo nas byas pa'i ltung ba ni de'i sgo nas ltung ba chen po yin pa'i phyir/ gzhi'i sgo nas ltung ba lci yang gi khyad par ni yul gyi sgo nas yin te/ yul khyad par can la brten pa'i ltung ba ni de'i sgo na ltung ba lci ba dang/ yul phal pa la brten pa'i ltung ba ni de'i sgo nas ltung ba yang ba yin te/ dper na mi bsad pa'i ltung ba lci ba dang/ dung 'gro bsad pa'i ltung ba yang ba yin pa'i phyir te/ bcas ldan dge slong gis mi bsad pa la pham pa dang/ dung 'gro bsad pa la ltung byed 'byung ba'i phyir/ bsam pa'i sgo nas ltung ba lci yang gi khyad par ni kun slong gi sgo nas yin te/ kun slong shugs drag gis kun nas bslangs pa'i ltung ba de de'i sgo nas lci ba dang/ kun slong shugs chung dus kun nas bslangs pa'i ltung ba de de'i sgo nas ltung ba yang ba yin pa'i phyir/ tshogs pa'i sgo nas ltung ba lci yang gi khyad par ni grangs kyi sgo nas yin te/ lnga tshun gyi @076a @#/ /ltung ba rnams de'i sgo nas yang ba dang/ drug nas grangs shes tshun chad kyi ltung ba rnams de'i sgo nas 'bring po dang/ grangs kyis mi chod pa'i ltung ba rnams de'i sgo nas lci ba yin pa'i phyir/ der ma zad rten gyi sgo nas lci yang gi khyad par ni 'dul ba'i don shes pa'i mkhas pa'i skyes bus spyad pa'i ltung ba ni yang ba dang/ mi shes shing mi mkhas pa'i skyes bus spyad pa'i ltung ba ni lci ba yin te/ dang po des ltung ba byung ba rnams bshags bsdams kyis bdag par byed nus shing/ phyi ma des de ltar mi nus pa yin pa'i phyir te/ mdo las/ mi mkhas pa sa ni sdig pa chung du byas kyang 'og tu 'gro/ /mkhas pas chen po byas kyang gnod pa rab tu spong bar 'gyur/ /lcags kyi gong bu chung mang chu yi gting du 'bying 'gyur la/ /de nyid snod du byas na che yang steng du 'phyo bar 'gyur/ zhes gsungs pa'i phyir/ ltung ba rtsi yang gi khyad par de rnams kyi nang nas ngo bo nyid kyi sgo nas lci yang gi khyad par gtso che ba yin te/ byed pa sogs kyi sgo nas ltung a lci bas ltung ba lci ba'i go yang mi chod/ de dag gi sgo nas ltung ba yang bas ltung ba yang ba'i go yang mi chod pa gang zhig /ngo bo nyid kyi sgo nas ltung ba lci bas de lci ba'i go yang chod/ yang ba la yang de ltar chod pa'i phyir/ des na mkhas pas ltung ba byung ba rnams bshags bsdams kyis 'dag par byed na de'i @076b rgyud kyi ltung ba de'i rnam smin yang ba yin gyi/ des shes bzhin du ltung ba la spyad nas bshags bsdams kyis 'dag par ma byas na rnam smin lci ba yin te/ mdo las/ thub pa'i bka' lung tshul man 'da' byed na/ /dud 'gror 'gro 'gyur e la'i 'dab klu bzhin/ /zhes gsungs pa'i phyir/ gsum pa bsdu ba la/ cung zad rgyas par bshad pa dang; de bsdus nas bstan pa dang gnyis/ dang po la sde snod gnyis tsam shes pa yan lag tu ldan pa dang/ sde snod gsum shes pa yan lag tu ldan pa dang/ 'dul ba'i sde snod tsam shes pa yan lag tu ldan pa'i lnga pa dang gsum/ lo bcu lon pa'i lnga pa de dang po yin te/ de la 'dul ba'i sde snod dang mngon pa'i sde snod shes pa yan lag tu ldan pa'i phyir/ gnyis pa la sde snod gsum gyi tshig shes pa yan lag tu ldan pa'i lnga pa dang/ de gsum gyi don tsam shes pa yan lag tu ldan pa'i lnga pa gnyis/ dang po yod de/ sde snod gsum 'dzin pa'i lnga pa nas bzung te de gsum 'dzin du 'jug pa'i lnga pa'i bar gyi lnga pa rnams dang po yin pa'i phyir/ phyi ma 'di la bcu gcig yod de bslab pa gsum la slob pa'i lnga pa nas mi slob pa'i lnga pa'i bar bcu @077a @#/ /gcig rnams su yod pa'i phyir/ des na sngar bshad pa'i lnga pa bcu bdun po de lnga pa khyad par can yin no/ /gsum pa 'dul ba'i sde snod tsam shes pa yan lag tu yod pa'i lnga pa de la yang 'dul ba'i don tsam shes pa yan lag tu ldan pa'i lnga pa dang/ 'dul ba'i tshig don gnyis ka shes pa yan lag tu ldan pa'i lnga pa gnyis las/ gnas 'char 'jug gi lnga pa gnyis dang/ byung shes kyi lnga pa dang po dang/ ltung shes kyi lnga pa gnyis pa yin/ gnyis pa bsdus nas bstan pa ni/ 'dir bstan kyi lnga phrug nyer gcig po bsdu na/ 'phags pa kho na'i yon tan dang/ skye 'phags thun mong ba'i yon tan gnyis su 'dus te/ phun tshogs 'og ma'i lnga pa dang/ slob mi slob kyi lnga pa rnams dang po dang/ gzhan rnams gnyis pa yin pa'i phyir/ yang de la lnga pa rang dbang can nam yin pa dang/ lnga pa rang dbang can gnyis yod de/ sde snod gsum gsal ba'i lnga pa/ de gsum 'dzin du 'jug nus pa'i lnga pa/ bslab pa gsum la slob tu 'jug nus pa'i lnga pa/ lhag pa'i spyod pa sogs la slob tu 'jug nus pa'i lnga pa rnams dang po yin/ gzhan rnams gnyis pa yin pa'i phyir/ yang lnga pa'i yan lag de la thun mong pa'i yan lag dang/ thun mong ma yin pa'i yan lag gnyis las/ tshul ldan mang thos gnyis/ brtson 'grus shes rab gyis/ gnas 'char 'jug gi lnga pa gnyis kyi yan lag phyi ma bzhi ste brgyad po de dang @077b po yin te/ de lnga pa du ma'i yan lag tu ldan pa'i phyir/ gzhan rnams phyi ma yin te/ de rnams lnga pa de tsam gyi yan lag tu ldan pa'i phyir/ bzhi pa rang dbang can yin ma yin gyi don la dpyad pa la/ gang zag rang dbang can yin ma yin la dpyad pa/ lnga pa rang dbang can yin ma yin la dpyad pa/ lnga pa'i yan lag rang dbang can yin ma yin la dpyad pa dang gsum/ dang po la kha cig /brtan mkhas kyi yon tan gnyis dang mi ldan pa'i bcas ldan dge slong yin na/ gang zag rang dbang can ma yin pas khyab zer na/ gnas bla ma la brten pa'i bcas pa ma mdzad gong gi brtan mkhas kyi yon tan gnyis dang mi ldan pa'i bcas ldan dge slong chos can/ der thal/ de'i phyir/ 'dod mi nus te/ des gnas bla ma la ma brten par bya a rnams sgrub tu rung ba'i rang byung yin pa'i phyir/ rang lugs la/ gnas bla ma la ma brten par bya ba rnams sgrub tu rung ba'i rang byung rnams gang zag rang dbang can dang/ gnas bla ma la brten dgongs pa'i rang byung rnams gang zag rang dbang can ma yin la/ des na brtan mkhas kyi yon tan gnyis dang ldan pa'i dge slong rnam dag rnams gang zag rang dbang can dang de gnyis dang mi ldan pa'i gnas bla ma la brten pa'i bcas pa mdzad rjes kyi rab byung rnams gang zag rang dbang can ma yin te/ rgya cher 'grel las/ bcom ldan 'das kyis @078a @#/ /lo bcu lon pa nyid/ ces bya ba ni/ rang dbang yod par bstan pa yin gyi gal te de nyid la 'dul ba la gnas pa'i don dang ldan pa med na/ ji ltar rang dbang can nyid du 'gyur/ zhes gsungs pa'i phyir/ gnyis pa lnga pa rang dbang can yin ma yin la dpyad pa la/ kha cig /lnga pa gzhan rnams rgyud la ldan dgos pa'am sngon du 'gro dgos pa'i lnga pa de lnga pa rang dbang can ma yin pa'i mtshan nyid zer na/ mi slob pa'i lnga pa chos can/ mtshon bya der thal/ mtshan nyid de'i phyir te/ de dang ldan pa la slob pa'i lnga pa sngon du 'gro dgos pa'i phyir te/ de la lnga pa gzhan rnams sngon du 'gro dgos pa'i phyir/ rtags khas/ rtsa bar 'dod na/ de chos can/ khyod rgyud la ldan pa la lnga pa gzhan rnams grogs su nges par ldan dgos pa'i lnga pa yin par thal/ 'dod pa'i phyir/ 'dod na/ mi slob pa'i lnga pa dang ldan pa la slob pa'i lnga pa dang ldan dgos par thal lo/ /'dod mi nus te/ mi slob pa'i skyes bu dang slob pa'i skyes bu'i gzhi mthun med pa'i phyir/ kha cig /rang nyid lnga par 'jog pa la yan lag gzhan nas kha skong dgos pa'i lnga pa de de'i mtshan nyid zer na/ yan lag thun mong ba dang ldan pa'i lnga pa yin na/ mtshon bya de yin dgos par thal lo/ /dam bca' @078b 'thad pa'i phyir/ 'dod na/ sde snod gsum 'dzin pa'i lnga pa chos can/ der thal/ de'i phyir/ de'i yan lag tu gyur pa'i tshul ldan mang thos gnyis yod pa gang zhig / de gnyis lnga pa du ma'i yan lag tu ldan pa'i phyir/ rtsa bar 'dod na/ de chos can/ rang nyid ldan pa la lnga pa gzhan zhig grogs su ldan dgos pa'i rigs su gnas pa'i lnga pa yin par thal lo/ /'dod na/ de dang ldan pa la sde snod gsum rig pa'i lnga pa dang ldan dgos par thal lo/ /kha cig /rang nyid rgyud la ldan pa la lnga pa gzhan dgos pa'i lnga pa de de'i mtshan nyid yin zer na/ sangs rgyas 'phags pa'i thugs rgyud kyi mi slob pa'i lnga pa chos can/ mtshon bya der thal/ mtshan nyid de'i phyir/ der thal/ de dang ldan pa la byung shes kyi lnga pa dang ltung shes kyi lnga pa gnyis dang ldan dgos pa'i phyir/ rang lugs la/ lnga pa rang dbang can dang/ lnga pa rang dbang can ma yin pa'i lnga pa gang rung gang zhig /rang nyid rgyud la ldan pa la lnga pa gzhan rgyud la ldan mi dgos pa'i rigs su gnas pa'i lnga pa de lnga pa rang dbang can gyi mtshan nyid dang/ de gang rung gang zhig rang nyid rgyud la ldan pa la lnga pa gzhan rgyud la ldan dgos pa'i rigs su gnas pa'i lnga pa de/ lnga pa rang dbang can ma yin pa'i lnga pa'i mtshan nyid yin/ mtshan nyid de rnams 'thad @079a @#/ /pa yin te/ bslab pa gsum la slob tu 'jug nus pa'i lnga pa dang ldan pa la de gsum la slob pa'i lnga pa dang ldan dgos pa'i rgyu mtshan gyis bslab pa gsum la slob tu 'jug nus pa'i lnga pa de lnga pa rang dbang can ma yin pa'i lnga pa yin pa 'grel pa las bshad pa'i phyir te/ slob tu 'jug kyang nus pa nyid do/ /zhes pa'i rgya cher 'grel las/ kyang zhes pa'i sgras ni lhag pa'i tshul khrims nye bar bsdus pa'i don to/ /lnga pa gzhan tha dad pa rtogs pa'i don ni ma yin te/ /de ltar yin na/ rang dbang can kho nar 'gyur ba'i phyir/ zhes gsungs pa'i phyir/ des na gang zag rang dbang can dang/ lnga pa rang dbang can ni yod kyang/ rang dbang can gyi gang zag dang/ rang dbang can gyi lnga pa ni med de/ rang skya thub pa'i rdzas yod kyi gang zag med pa'i phyir/ gsum pa yan lag rang dbang can yin ma yin la dpyad pa ni/ lnga pa'i yan lag thun mong ma yin pa rnams lnga pa'i yan lag rang dbang can dang/ de'i yan lag thun mong ba rnams lnga pa'i yan lag rang dbang can ma yin pa'i yan lag yin te/ dper na lnga pa'i yan lag tu gyur pa'i gtan du gnas 'char 'jug pa dang/ re zhig gnas 'char 'jug gnyis dang po dang/ de'i yan lag tu gyur pa'i bar du gcod byed mngon par shes pa sogs yan lag phyi ma bzhi po de gnyis pa yin pa'i @079b dpe 'di bzhin yin pa'i phyir te/ gnas dang re zhig gi gnas 'char 'jug nus pa nyid dang yang sbyar ro/ /zhes pa'i rgya cher 'grel las/ dang zhes pa'i sgras ni gnas dang re zhig gi gnas gnyis rang dbang can du bstan pa'i phyir/ gnas dang re zhig gi gnas zhes bya ba'i yan lag lnga pa gcig tu rnam par mi bya ba'i mdo snga ma dag gi rjes su yan lag bzhi dang so sor sbyar te lnga pa gnyis su bya'o/ /zhes bya ba'i tha tshig go/ zhes gsungs pa'i phyir/ des na lnga pa'i yan lag rang dbang can ma yin pa sngar ltar brgyad yod cing/ kha cig brgyad po de'i steng du rnam grol lam dang de shes de mthong bsnan pas bcu gcig yod zer ro/ /gnyis pa gzhung don ni/ gnas pas gnas la ma zhus par bya ba mi bya'o/ /zhes bshad pa la/ kho na re/ gnas bla ma'i ngo bo dang/ gnas pa slob ma'i ngo bo ji lta bu yin zhe na/ bsnyen par rdzogs nas sdom rgyun bar chad du lo bcu ma lon par gzhan gyi mkhan sogs gsum byar mi rung bar dngos su bstan nas gnas bla mar 'os pa la de 'dra'i lo bcu lon dgos pa dang/ de ma lon pa'i rab byung rnams gnas pa slob mar ston par byed pa la/ bsnyen par rdzogs nas lo bcu ma lon par mkhan po nyid dang gnas nyid dang mi gnas par 'dug par mi bya'o/ /'og nas 'byung ba dag las @080a @#/ /lhan cig sbyar ba gang dang yang mi ldan pas ni ma yin no/ /zhes gsungs/ kho na re/ bsnyen par rdzogs nas lo bcu lon pa'i rab byung rnams kyis gzhan gyi mkhan sogs gsum bya rung ba yin nam zhe na/ de ltar lon kyang mkhas pa'i yan lag tu gyur pa'i lnga phrug gi yon tan gang yang mi ldan na/ de ltar mi rung zhes ston pa la/ 'og nas 'byung ba dag las lhan cig sbyar ba gang dang yang mi ldan pas ni ma yin no/ /zhes gsungs/ mkhas pa'i yan lag tu gyur pa'i lnga phrug gi yon tan de ji lta bu yin zhe na/ de rnams lung las bshad pa dang mthun par ston pa yin la/ de yang lo bcu lon pa'i lnga pa'i yan lag phyi ma bzhi po de rim gyis ston pa la nad g.yog dang 'gyod pa bsal ba dang/ sdig pa can gyi lta ba'i rnam pa spang ba dang/ gnas mngon par mi dga' ba 'dor ba dag la byed dam byed du 'jug nus pa'o/ /zhes gsungs/ sde snod gsum 'dzin pa'i lnga pa nas mnyam par gzhag pa'i bar gyi tshul ldan mang thos gnyis po lnga pa'i yan lag thun mong du ston pa la/ slob pa nyid yan chad lnga pa ma yin pa la tshul khrims dang ldan pa nyid dang mang du thos pa nyid sbyar ro/ /zhes gsungs/ sde snod gsum 'dzin pa'i lnga pa nas de gsum gsal ba'i lnga pa'i bar rnams 'chad pa la/ sde snod @080b mngon par shes pa nyid do/ /zhes gsungs/ de gsum 'dzin du 'jug nus pa'i lnga pa 'chad pa la/ de dag 'dzin du 'jug nus pa nyid do/ /zhes gsungs/ bslab pa gsum la slob pa'i lnga pa 'chad pa la/ lhag pa'i tshul khrims dang sems dang shes rab la slob pa nyid do/ /zhes gsungs/ bslab pa gsum la slob tu 'jug nus pa'i lnga pa 'chad pa la/ slob tu 'jug kyang nus pa nyid do/ /zhes gsungs/ lhag pa'i spyod pa sogs la slob pa'i lnga pa dang/ de la slob tu 'jug nus pa'i lnga pa 'chad pa la/ lhag pa'i spyod pa dang 'dul ba dang so sor thar pa la yang de bzhin no/ /zhes gsungs/ phun tshogs gong ma'i lnga pa 'chad pa la/ dad pa dang tshul khrims dang thos pa dang gtong ba dang shes rab phun sum tshogs pa nyid do/ /zhes gsungs/ phun tshogs 'og ma'i lnga pa 'chad pa la/ tshul khrims dang ting nge 'dzin dang shes rab dang rnam par grol ba dang de shes pa dang mthong ba rnams kyis kyang ngo/ /zhes gsungs/ dran sogs kyi lnga pa gsum ston pa la/ brtson 'grus brtsams pa nyid dang shes rab dang ldan pa nyid dang yang sbyar ro/ /dran pa dang ldan pa nyid dang nang du yang dag gzhag pa nyid dang mnyam par gzhag pa nyid do/ /zhes gsungs/ slob mi slob kyi lnga pa gnyis 'chad pa la/ slob pa nyid do/ /mi slob pa nyid do/ /zhes gsungs @81a @#/ /byung shes kyi lnga pa ston pa la/ byung ba dang bcas pa la dang rjes su bcus pa dang bkag pa dang gnang ba mngon par shes bnyid do/ /zhes gsungs/ gnas 'cer 'jug gi lda pa gnyis ston pa la/ bar du gcod pa dang bar du gcod pa ma yin pa mngon par shes pa nyid dang smra ba po nyid dang rjes su ston pa nyid dang/ gnas dang re shig gi gnas 'char 'jug nus pa nyid dang yang sbyar ro/ /zhes gsungs/ ltung shes kyi lnga pa ston pa la/ ltung ba dang ltung ba ma yin pa dang/ yang ba dang lci ba nyid mngon par shes pa nyid dang so sor thar pa dang/ rgyas pa thon pa nyid do/ /zhes gsungs/ de yan gyis gzhan gyi mkhan sogs gsum bya rung ba'i yon tan de bstan nas rab byung rnams rang las pa slab pa rgan pa'i gnas bla mar 'os pa med na rang las bslab pa gzhon pa dang/ mnyam pa'i lnga phrug nyer gcig po gang rung rgyud la ldan pa'i dge slong la gnas 'cha'o/ /zhes ston pa la/ rgan pa med na/ gzhon pa la gnas bca' bar bya'o/ /zhes gsungs/ ran glas bslab pa gzhon pa la gnas 'cha' ba'i tshe phyag bya ba ma gtogs bya ba khyad par can rnams bya dgos zhes ston pa la/ 'dung pa 'ba' zhig ma gtogs so/ /zhes gsungs/ bsnyen par rdzogs nas sdom rgyun bar chad du lo lng lon zhing ltung shes kyi lnga pa dang ldan na gnas @81b bla ma med par ljongs rgyur 'gro rung zhes 'chad pa la/ lo lnga lon zhing lhan cig sbyar ba tha ma dang ldan na gnas ma bcas par ljongs rgyur 'gro bar bya'o/ /zhes gsungs/ bsnyen par rdzogs nas sdom rgyun bar ma chad du lo lnga lon zhing lnga pa'i yon tan dang mi lnga na 'das ma 'ongs da ltar gsum shes pa'i mngon shes rgyud la ldan pa'i dgra bcom pa yin yang gnas bla ma la ma brten par ljongs rgyur 'gro ba dang gzhan gyi mkhan sogs gsum byar mi rung zhes 'chad pa la/ gzhan du na gsum rig pa yin yang mi bya'o/ /zhes gsungs/ gnas bla ma med par ljongs rgyur 'gro rung ba la lhung shes kyi lda pa nges bar lngan dgos sam zhe na mi dgos te/ bsnyen par rdzogs nas sdom rgyun bar ma chad du lo lnga lon zhing lnga phrug nyer gcig po gang rung dang ldan pas de ltar ljongs rgyur 'gro rung ba'i phyir/ bsnyin par rdzogs nas sdom rgyun bar ma chad du lo lnga lon zhing ltung shes kyi lnga pa dang ldan na gnas bla ma med par ljongs rgyur 'gro rung bar bstan pas ni bsnyen par rdzogs nas sngom rgyun bar ma cha du lo lnga lon zhing lnga phrug nyer gcig po gang rung dang ldan na gnas bla ma med par ljongs rgyur 'gro rung bar mtshon pa yin pa'i phyir/ bsnyen par rdzogs nas lo bcu ma lon par mkhan po nyid dang/ zhes sogs kyi/ dag don ni/ brgan mkhas kyi yon @82a @#/ /tan gnyis kyi nang tshan du gyur pa'i brtan pa'i yon tan dang mi ldan pa'i bcas ldan dge slong chos can/ gzhan gyi mkhan sogs gsum byar mi rung ste/ de ltar rung ba'i brtan mkhas gnyis kyi nang tshan du gyur pa'i brtan pa'i yon tan dang mi ldan pa'i bcas ldan dge slong chos can/ gzhan gyi mkhan sogs gsum byar mi rung ste/ de rdzogs nas sdom rgyun par ma chad du lo bcu lon zhing sde snon mngon par shes pa'i lng pa dang ldan pa'i bcas ldan dge slong chos can/ gzhan gyi mkhan sogs gsum byar rung ste/ nge ltar rung ba'i brtan mkhas kyi yon tan gnyis dang ldan pa'i bcas ldan dge slong yin pa'i phyir// @# gsum pa 'gal rkyen par chad kyi spros pa 'chad pa la/ rab tu 'byung ba'i bying nye bar 'ongs pa la mu stegs can ma yin nam zhes dri bar bya zhing bsnyen par rdzogs par byed pa dag gis kyang ngo/ /zhes sogs kyi skabs su gzhung gi 'phros dang/ spyi don gnyis; dang po gzhung gi 'phros ni/ dang po'i mkhas po nyid kyis bar chad dris nas yongs su dag pa la skabs dbye'o/ /zhes ba'i skabs su bar ma rab byung gi mkhan po'i lta gon la gnas pa'i dge slong des bsgrub bya de la bar chad 'dri dgos zhes bshad pa la/ 'on bar chad 'dri tshul ji lta bu zhe na/ rab byung bsnyen rdzogs su bsgrub tu 'ongs pa'i @82b gdul bya de la mu stegs can ma yin nam zhes 'dri dgos te/ mu stegs can de de ltar sgrub pa'i bar chad can yin pa'i phyir/ zhes 'chad pa la rtsa ba'i gzhung 'di byung/ kho na re/ mu stegs can yin na/ rab byung bsnyen rdzogs sgrub tu mi rung bas khyab bam zhe na ma khyab ste/ de lta bsgrub tu rung ba'i shAkya'i riT can dang/ le la lhar gzung nas sbyin srig byed pa dang/ ral pa ring por 'jog pa'i mu stegs can 'ga' zhig yid pa'i phyir/ zhes 'chad pa la/ shAkya dang me pa ral pa can ma gtoD la sems mgu bar ma gyur pa'i mu stegs can rab tu dbyung ba dang bsnyen par rdzogs par mi bya'o/ /zhes dang/ mdo las kyang/ dge slong dag ng ni nyi du rnams la nyi du'i yongs su spang ba sbyin no/ /zhes gsungs/ gnyis pa spyi don la bar chad kyi dbye ba/ so so'i ngo bo/ bar chad 'dri ba'i tshul dang gsum/ dang po la/ sdom pa skye ba'i bar chad/ gnas pa'i bar chad/ mdzes pa'i bar chad/ khyad par du 'gyur ba'i bar chad dang bzhi/ dang po la yang/ rten gyi sgo nas skye ba'i bar chad/ las sgrib kyi sgo nas skyo ba'i bar chad/ gnas skabs kyi sgo nas skye ba'i bar chad/ bsam pa'i sgo nas skye ba'i bar chad dang bzhi/ gnyis pa so so'i don ni/ /mi ma yin pa'i 'gro ba'i rten/ sgra mi snyan pa'i rten/ za ma ma ning/ mtshan gnyis pa'i rten rnams sdom pa skye ba'i rten gyi bar chad yin/ @83a @#/ /ma ni la yang/ skyes pa ma ni dang bud med ma ning gnyis yod/ dang po la yang/ skyes gnas ma ning dang/ zla phyed ma ning/ 'khyud ldang ma ning/ phrag dog ma ning/ nyams pa ma ning dang lnga/ pho mo gnyis ka'i mtshan ma dang ldan zhing/ dbyibs skyes pa 'dra ba'i ma ning dang/ de gang rung gi mtshan ma dang mi ldan zhing/ dbyibs skyes pa 'dra ba'i ma ning dang po yin te/ 'grel pa tshig le 'ur byas pa las/ gang skyes nyid nas mtshan ma ni/ /gnyis ka'ang med pa skyes gnas yin/ /zhes gsungs pa'i phyir/ zla ba re re'i khongs su zla ba phyed skyes pa'i mdog bsten zla ba phyed bud med kyi mdog bsten pa'i ma ning gnyis pa yin/ skyes pa 'am bud med gzhan gyi dbang po sgub ba na dbang po las su rung/ de las gzhan du dbang po las su mi rung ba'i ma ning gsum pa yin/ skyes pa gzhan gyis bud med la longs spyod pa na phrag dog gi dbang gis dbang po las su rung/ de las gzhan du dbang po las su mi rung ba'i ma ning bzhi pa yin/ pho mtshan mo mtshan bcad pa dang/ sngags kyis nyams pa'i ma ning lnga pa yin/ des na spyir nyams pa ma ning sdom ba skye ba'i bar chad yin kyang/ pho'i mtshan nyams mo'i mdog dang mi ldan pa'i nyams pa ma ning la sngom pa sngar yod mi nyams shing/ 'gyur ba bsten na nyams te/ 'di nyid las/ 'di las tha ma ni nyes pa bsten na bsnyel ba'o/ / @83b zhes dang/ shes rab byed pa las/ po'i dbang po bcad nas mo'i mdog byung na khrims mi 'chags shing/ sngon khrims 'chags pa yang med par 'gyur ro/ /zhes gsungs pa'i phyir/ dud med ma ning la yang/ gtan du zla mtshan zag pa'i ma ning/ gtan nas mi zag pa'i ma ning/ ma ning glebs bsdam ma/ mo mtshan tsam dang ldan pa'i ma ning/ mtshan dug ma'i ma ning dang lnga/ dang po gnyis ma ning du 'jug pa'i rgyu mtshan yod de/ bud med bskyed che ba rnams lo bcu gnyis su dang chung ba rnams lo bco brgyad dnas lnga bcu'i bar zla ba re re'i yar ngo'i zhag re re na zla mtshan 'byung zhing de las gzhan du mi 'byung ba'i rgyu mtshan gyis yin pa'i phyir/ 'og sgo gnyis 'brel ba'i bud med gsum pa yin/ mo mtshan tsam dang ldan zhing skyes pas longs spyod du mi rung basI bud med bzhi pa yin/ skyes pas longs spyod na skyes pa 'chi ba'i bud med lnga pa yin; der ma zad zla ba re re pho'i mngog bsten re re mo'i mdog bsten pa'i ma ning zla gcig ma ning yin te/ 'grel pa tshig le 'ur byas pa las/ zla sogs ma ning 'grub pa yin/ /zhes gsungs pa'i phyir/ za ma yang ma ning gi khongs su 'du ste/ pho mo gang rung gi mtshan don gyed mi nus pa'i mi'i rten can gyi skyes bu za ma yin pa'i phyir/ de nyid las/ @84a @#/ /gang gis grong pa'i chos med pa/ /de ni za ma zhes bya bar/ /zhes gsungs pa'i phyir/ pho mo gnyis ka'i mtshan ma dang ldan pa'i skyes bu mtshan gnyis pa yin la; mtshan gnyis pa yang ma ning gi khongs su 'du'o/ /yang ma ning la dbye na pho mo gnyis ka'i mtshan ma dang ldan pa'i ma ning/ de gang rung gi mtshan ma dang ldan pa'i ma ning/ de gang rung gi mtshan ma dang mi ldan pa'i ma ning dang gsum yod/ skad tang che zhing nu ma chung ba'i dbyibs skyes pa 'dra ba'i ma ning pho ma ning dang/ skad rang chung zhing dbyibs bung med 'dra pa'i ma ning mo ma ning yin/ gzugs khams kyi rten la pho mo gang rung gi mtshan ma med pas ma ning gi tha snyang med ngo/ /rtsa ba'i gnyis pa las sbrib gyi sgo nas sdom pa skye ba'i bar chad kyi rigs bsdu na du ma yod de/ rku thabs su gnas pa/ mu stegs can du zhugs pa/ mtshams med byas pa/ dge slong ma sun dbyung ba/ thun mong ba'i pham pa 'chab bcas byung ba/ rgyu las bzlog pa'i chad pa khas mi len pa/ bud med kyi rten la sngon rab tu byung ba/ skyes tshe phul nyams dnag brgyad rnams su yod pa'i phyir/ dang po la/ gzhi/ bsam pa/ sbyor ba/ mthar thug gi yan lag dang bzhi/ dang po gang rku ba'i las ni/ bsnyen par ma rdzogs pa'i rab byung gis thos su mi rung ba'i dge 'dun grangs tshang ba'i chos ldan gyi las yin ba/ rku ba po'i rten @84b gyi gang zag la gnang ba ma yin par dgos/ rku ba po'i rten ni/ bsnyen par ma rdzogs pa ma choms nang den gnas pa'i chos 'di pa'i rab byung gi rtags can yin pa zhig dgos te/ khyim pa'i rten la dge slong gi so bar gyi ma do thos pas sdom pa skye ba'i bar chad du mi 'khyur ba'i phyir/ bsam pa ni/ rten gyi gang zag rang nyid bsnyen par ma rdzogs par 'du shes pa ma 'khrul ba dgos/ kun slong ni/ dge 'dun dang lhan cig las tshan pa gnyis thos 'dod kyi bsam pa rgyun ma 'chad ba dgos/ sbyor ba ni/ khas de nyan par brtson pa byed/ mthar thug gi yan lag ni/ las tshan pa gnyis kyi tshig rna bas thos pa dang don yid la go dgos pa yin/ yan lag de rnams dang ldan pa'i rku thabs su gnas pa ni/ sdom pa skye ba'i bar chad yin kyang de rnams gang rung zhig dang ldan pa'i rku thabs su gnas pa la ni/ skye la nyes byas su 'gyur ba'i phyir/ gnyis pa mu stegs can zhugs pa de la yang gnyis yod de/ mu stegs pa'i lta ba la gnas bzhin pa'i mu stegs pa nang pa'i bar ma rab byung tshun blangs nas rab byung gi cha lugs bzung/ slar yang nang pa'i rab byung gi cha lugs bor nas mu stegs kyi cha lugs bzung nas mu stegs kyi gnas su zhag cig gi skya rengs shar ba na mu stegs can du zhugs pa dang/ de'i lta ba la gnas bzhin pa'i mu stegs pa nang pa'i bar ma rab byung @85a @#/ /tshun blangs nas rab byung gi cha lugs bzung ste/ dge 'dun grungs tshang dang lhan cig tu sngar rku thabs su gnas pa la bshad pa'i las tshan pa gnyis kyi tshig rna bas thos pa dang/ don ying kyis go ba na mu stegs can du zhugs par 'gro'o/ /gsum pa mtshams meng kyi las la/ pha bsad pa'i mtshams med kyi las/ ma bsad pa'i de/ dgra bcom pa bsad pa'i de/ de bzhin gshegs pa la ngan sems kyis khrag phyung ba'i de/ dge 'dun gyi dbyen byas pa'i de dang lnga yod/ mtshmas med kyi las su mi 'gyur bar ma bsas pa'i las byas pa'i skyes bu de rab byung bsnyen rdzogs sogs su bsgrub na skye la nyes byas su 'gyur ro/ /bzhi pa ni/ pham pas ma gos pa'i dge slong ma mi tshangs spyod kyis sun dbyung ba sdom pa skye ba'i bar chad yin/ des mtshon nas pham pas ma gos pa'o dge slong pha mi tshangs spyod kyis sun dbyung ba dang/ pham 'dras ma gos pa'i dge tshul pha ma gnyis dang/ dge slob ma mi tshangs spyod kyis sun dbyung ba yang sdom pa skye ba'i bar chad yin no/ /lnga pa ni/ bar chad du 'gyur ba'i pham pa yin na/ thun mong ba'i pham pa 'chab bcas yin dgos te/ pham pa 'chab med byung ba'i dge slong gis bslab pa phul te slar dge slong gi sdom pa blangs pa na skye ba'i phyir/ zhu ba las/ bslab pa stsal pa bslab pa phul te bsnyen par @85b rdzogs pa bgyi na/ bsnyen par rdzogs pa zhes bgyi 'am/ u pa li/ bsnyen par rdzogs hes bya ste/ bsnyen par rdzogs pa de yang 'das pa can du 'gyur ro/ /zhes gsungs pa'i phyir; thun mong ba'i pham pa 'chab bcas ni sdom pa skye ba'i bar chad yin kyang/ pham pa 'chab bcas yin na/ sdom pa skye ba'i bar chad yin mi dgos te/ bud med kyi rten la thun mong ma yin pa'i pham pa 'chab bcas byung nas bslab pa phul te skyes par mtshan gyur pa na sdom pa skye ba'i phyir te/ thun mong ma yin pa'i pham pa mtshan gyur gyi snyobs kyis 'dag pa yin pa'i phyir/ drug pa ni/ dge slong dge tshul du bbas pa dang/ dge tshul khyim par bbas pa na nan tur gyi rgyu 'thab krol lta bu blos ma btan gbar de mi byed par khas mi len pa ni/ sdom pa skye ba'i bar chad yin/ de'i rgyu de mi byed par khas mi len kyang/ de blos btang ba la ni skyel nyes bcas kyi sdom pa skye'o/ /bdun pa ni/ bung med kyi rten la bslab pa phul nas bud med kyi rten de la sngon pa skye ba ni med de/ sngon rab tu phyung ba/ bud med kyi rten la sdom pa skye ba'i bar chad yin pa'i phyir/ bud med kyi rten la bslab pa phul nas skyes par mtshan gyur pa na sdom pa skye ba yod de/ sngon rab tu byung ba/ skyes pa'i rten la sdom pa skye ba'i bar chad ma yin pa'i phyir/ brgyad pa ni/ skye ba'i @86a @#/ /tshe phul lam nyams na mi skye'o/ /zhes gsungs/ de yang phul zhes pas sdom pa thob 'dod kyi bsam pa log pa de bstan/ nyams zhes pas mtshan gnyis cig car du grub pa de bstan pas/ sdom pa len pa la sngon du phyogs pa'i tshe sdom pa len 'dod kyi bsam pa log pa dang/ mtshan gnyis cig car du grub pa gang rung dang ldan na sdom pa skye ba'i bar chad yin/ sdom pa'i dngos rgyu'i tshe mtshan gnyis cig car du ldan yang sdom pa skye te/ rnam 'grel las/ ma tshang med rgyu de la ni/ 'bras bu gang gis bzlog par 'gyur/ zhes gsungs pa'i phyir/ gsum pa gnas skabs kyi sgo nas skye ba'i bar chad ni/ dge tshul slong sogs rang rang gi sdom pa len pa'i lo tshod ma lon pa dang/ mu stegs can gyi cha lugs dang khyim pa'i rtags dang ldan zhing/ rab tu byung ba'i rtags cha lugs gang dang mi ldan pa ni gnas skabs kyi sgo nas sdom pa skye ba'i bar chad yin/ bzhi pa ni/ dug gsum gang rung gis gzir cing sdom pa thob pa'i dus mtshams mi shes pa dang/ mkhan po la ma gus pa sogs mi mthun pa'i bsam pa dang ma bral ba dang/ nges pa lnga bral gyi bsam pa dang mi ldan pa ni bsam pa'i sgo nas sdom pa skye ba'i bar chad yin/ gnyis pa gnas pa la bar du gcod pa ni/ rgyal pos bkrabs pa dang/ pha mas ma gnang ba dang/ bu lon 'chags @86b pa rnams sdom pa gnas pa la bar du gcod pa yin/ gsum pa mdzes pa'i bar chad la/ sdom ldan lus mdzes pa la bar du gcod pa lus la skyon 'chags pa dang/ ngag la skyon 'chags pa dang/ yid la skyon 'chags pa dang gsum/ lag rdum sogs yan lag ma tshang ba dang/ long ba sogs dbang po ma tshang ba ni lus kyi skyon yin/ lkugs pa la sogs pa ni ngag gi skyon yin/ skyon pa sogs ni yid kyi skyon yin/ bzhi pa ni/ nad pa dang rgan ches pa ni sdom pa khyad par du 'gyur ba'i bar du gcod pa yin/ bar chad de rnams bsdu na/ bar chad kyi gtso bo dang/ gtso bo ma yin pa'i bar chad gnyis su 'du/ skye ba'i bar chad rnams ni dang po yin/ gzhan rnams gnyis pa yin/ yang de rnams bsdu na re zhig pa'i bar chad dang/ gtan du ba'i bar chad gnyis su 'du/ pha mas ma gnang ba lta bu tshe 'di la grol bar 'gyur ba'i bar chad ni dang po yin/ mtshams med sogs tshe 'di la grol bar mi 'gyur ba'i bar chad gnyis pa yin/ bar chad phyi ma rnams dngos po'i sgo nas sdom pa skye ba'i bar chad ma yin kyang/ 'du shes kyi sgro nas mkhan slob la nyes byas bskyed par byed pa yin te/ bar chad de rnams dang ldan yang mi ldan par 'du shes na mkhan slob la nyes byas mi skyed/ mi ldan yang ldan par 'du shes na mkhan slob la nyes byas bskyed pa'i @87a @#/ /phyir; chos 'di pa'i rab byung bsnyen rdzogs su bsgrub pa la gegs byed pa'i rigs su gnas pa de 'dir bstan bar chad kyi mtshan nyid yin/ gsum pa bar chad 'dri ba'i tshul ni/ gang la 'dri na rab byung bsnyen rdzogs su bsgrub tu 'ongs pa'i bsgrub bya de la 'dri/ gang gis 'dri na bar ma rab byung bsgrub pa'i tshe mkhan por 'os pa'i dge slong gis 'dri/ bsnyen rdzogs su bsgrub pa'i tshe gsang ste ston pa po dang/ dge 'dun gyi nang du las slob kyis 'dri/ tshul ji ltar du 'dri na gsang ste ston pas lkog tu 'dri/ las slob kyis dgre 'dun gyi dbus su 'dri/ dris pa'i rjes su bar chad rnams dang ldan na songs shig ces brjod nas rab byung bsnyen rdzogs su bsgrub par mi byed/ de rnams dang mi ldan na rab byung bsnyen rdzogs su bsgrub par byed pa yin pa'i phyir/ gnyis pa phran tshegs nas byung ba'i tshul ni/ thun mong ba pha chog gi spros pa bshad pa dang/ thun mong ma yin pa ma chog gi khyad par bshad pa gnyis/ dang po la/ dngos gzhi'i cho ga'i spros pa bshad pa dang/ sbyor ba'i cho ga'i spros pa bshad pa dang gnyis/ dang po ston pa la/ du ma mkhan po gcig pa la gsum man chad tshig gcig gis bsnyen par rdzogs par byar rung ngo/ /zhes sogs gsungs/ ngag don ni/ mtshams nang gcig tu bsgrub bya gsum man chad cho ga @87b gcig la brten nas rab byung bsnyen rdzogs su bsgrub tu rung ste/ de ltar bsgrub na nyes med phun tshogs kyi sdom pa skye ba yin pa'i phyir/ 'phros do ni/ mtshams nang gcig tu bsgrub bya bzhi yan chad cho ga gcig la brten nas rab byung bsnyen rdzogs su bsgrub mi rung ste/ tshogs kyis tshogs la las mi 'chags pa'i phyir/ bsgrub bya bzhi cho ga gcig la brten nas rab byung bsnyen rdzogs su bsgrub tu rung ba ni yod de/ 'dab chags pa'i mtshams nang gnyis su bsgrub bya gnyis gnyis bzhag ste las byed pa pos mtshams mnan te cho ga gcig la brten nas rab byung bsnyen rdzogs su bsgrub pas sdom pa skye ba'i phyir te/ lung zhu ba las/ btsun pa/ gsol ba gcig dang las gcig gis gang zag bzhi bsnyen par rdzogs par bgyi na las kyang bgyid la dge slong de dag 'das pa can du mi 'gyur ba mchis sam/ u pa li/ yod de/ las byed pa po'i dge slong gis mtshams mnan te 'du gnas gnyis ni mtshams kyi nang du bzhag /gnyis ni mtshams kyi phyi rol tu gzhag nas las byed na'o/ /zhes gsungs pa'i phyir/ de la brten nas mtshams nang gnyis su bsgrub bya gsum gsum bzhag ste cho ga gcig la brten nas rab byung bsnyen rdzogs su bsgrub na sdom pa skye ba yang shes so/ /de ltar sdom pa thob dus mnyam pa'i dge slong rnams phan @88a @#/ /tshun gcig la gcig gis phyag dang ldang ba bya mi rigs shing/ gral ? la dang por sleb pa dang por 'dug rigs te/ 'di nyid las/ dus mnyam pa rnams ni gcig la gcig phyag mi bya'o/ /sngar 'ongs pa dang po yin no/ /zhes dang 'dul Tika las/ phyag bya ba'i yul ni sdom pas rgan pa dang/ de bzhin gshegs pa kho na yin pa'i phyir ro/ gsungs pa'i phyir; gnyis pa sbyor ba'i cho ga'i spros pa bshad pa la/ byi spyad kyi rtags bshad pa dang/ snod spyad kyi rtags bshad pa gnyis/ dang po la/ dngos dang/ zhar byung gnyis/ ? dang po la gnyis/ skra dang sen mo breg pa'i cho ga dang/ lus gtsang mas gos bgo ba'i phyir khrus bya tshul lo/ /dang po 'chad pa la/ dgon pa pas skra sor gnyis las lhag pa mi bzhag go /grong mtha' bas de'i 'og ma nyid las mi bzhag go /zhes sogs gsungs/ ngag don ni/ rab byung dgon pa bas skra sor gnyis dang de grong mtha' bas de'i 'og ma skra sor phyed dang gnyis las lhag pa 'jog mi rigs te/ de ltar bzhag na khyim pa dang rtags 'dres pa sogs kyi nyes par 'gyur ba'i phyir/ de gnyis kyi khyad par ni breg mkhan dkon mod kyis bzhag go /skra dang kha spu las gzhan pa'i lus kyi spu gzhan breg par mi bya ste/ 'di nyid las/ lus gzhan gyi yang mi bya'o zhes gsungs pa'i phyir/ skra breg pa'i tshe bla gos gyon bzhin du mi breg par skra bzed bcang dgos la med na rngul gzan gyon dgos te/ 'di nyid @88b las; chos gos gyon bzhin du skra dang kha spu breg par mi bya'o/ /skra bzed bcang bar bya'o/ /med na rdul gzan gyis so/ /zhes gsungs pa'i phyir/ gnyis pa 'chad pa la/ de byas nas khrus bya'o/ /yang na yan lag lnga'i khrus kyang ngo/ /sgren mor khrus mi bya'o/ /zhes sogs gsungs/ ngag don ni/ skra dang kha spu breg zin nas lus ril po'am ma 'grub na yan lag lnga'i khrus bya dgos te/ de ltar ma byas na nyes par 'gyur ba'i phyir/ yan lag gi rnam pa ma g.yogs par sgren mor khrus bya mi rung ste/ de'i phyir du khrus ras bcang dgos pa'i phyir te/ 'di nyid las/ khrus ras bcang bar bya'o/ /zhes gsungs pa'i phyir/ ? rtsa ba'i gnyis pa zhar byung bsro gang bsten tshul ni/ / bsro khang bsten par bya'o/ zhes sogs gsungs 'di'i skabs su ngag don dang spyi don gnyis/ dang po ngag don ni/ rab byung rnams kyis bsro gang bsten pa la dgos pa yod de/ lus bde ba la gnas pa'i ched yin pa'i phyir/ gnyis pa spyi don ni/ lung las bsro gang la yon tan lnga bshad de/ ma mo las/ bsro gang ni/ yon tan lnga ste rngul dang dri ma sbyangs pa dang; pags pa 'od gsal ba dang/ pags pa nad yod pa 'byin pa dang/ rlung dang 'khris pa med pa'o/ /zhes gsungs/ ? bsro khang der bsku mnye dril @89a @#/ /phyi sogs {gangs }bya ba'i yul ni rab byung sde lnga gang rung gi sdom pa rnam dag dang ldan pa/ sa rang bzhin du gnas pa dgos/ sku mnye sogs byed pa po gang gis bya ba'i rten ni yul de dang mtshan dang lta ba mthun pa/ lhan cig gnas pa sogs dang/ dad pa ches/ gos gcig pa ma yin pa rnams dgos so/ /de ltar phul rten gnyis mthun pa dgos te gzhan du na rig pa'i nyes pa sogs su 'gyur ba'i phyir dang/ der ma zad mkhan slob pha ma nad pa sogs ma gtogs tshul khrims 'chal ba gang la yang tshul khrims dang ldan pas bsku mnye dril phyi sogs dang bla na so shing stob pa can gyi bsnyen bkur shes bzhin du byed na nyes pa dpag tu med pa 'byung ba'i phyir te/ 'di nyid las/ sengge lta bus wa lta bu la bsnyen bkur mi bya'o/ /zhes gsungs phyir dang/ 'dul Tika las tshul ldan gyis tshul 'chal la shes bzhin du so shing 'dag rdzas stob pa sogs byed na lo stong phrag dgu bcur dmyal bar skye ba dang zhes sogs gsungs pa'i phyir/ des na nad pa ni khyim pa yin na yang rim gror bya dgos te/ phran tshegs las/ gang nad pa la rim gro byed pa de ni nga la rim gro byed pa yin no/ /zhes gsungs pa'i phyir/ khrus dang/ bsku mnye dang/ dril phyi dang/ stan dang/ me'i reg pa lnga tshogs pa ni sro gang gi ngo bo yin/ byed tshul ni sgra bskyung ba dang/ bag yod pa'i sgo nas byed/ sgra bshad ni/ lus mes sro zhing/ lus kyi ba spu snum gyis @89b gang bar byas pas na de ltar du brjod do/ /gnyis pa snod spyad kyi rtags bshad pa la lhung bzed med par rab tu byung ba dang bsnyen par rdzogs par mi bya'o/ /zhes sogs kyi skabs su/ gzhung gi 'brel dang/ dgra don gnyis/ dang po 'brel ni/ du ma mkhan po gcig pa zhes sogs kyis rab byung bsnyen rdzogs bsgrub tshul bshad nas rab byung bsnyen rdzogs kyi snod spyad kyi khyad par ji lta bu zhe na/ lhung bzed med par rab byung bsnyen rdzogs su bsgrub tu mi rung/ zhes 'chad pa la/ rtsa ba'i gzhung 'di byung/ lhung bzed kyang kha dog sogs rung ba tshad dang ldan pa dgos zhes 'chad pa la/ chung du dang chen po dang skyabs mi bya'o/ /zhes gsungs/ dge slong ba'i lhung bzed kyi tshad 'chad pa la/ /kha'i cha'i mtha' kho na nas mthe bo'i lto gang gi lhag mar 'bras thug po che ma ga d+ha'i bre'u chung gang btsas pa sran tshod dang bcas tshod ma dang bcas pa lhag pa nas do'i bar shong ba de ni rigs pa yin no/ / zhes gsungs/ dge slong ma'i lhung bzed kyi tshad ston pa la/ dge slong mas dge slong gi lhung bzed chung ngu las lhag ba mi bcad do/ /zhes gsungs/ lhung bzed 'chang ba'i tshul ston pa la/ des de'i gzhir zha nye'i dbyar 'dab bzhag par bya'o/ /zhes gsungs/ gnyis pa dag don ni/ dge slong pha'i lhung bzed kyi tshad yod de/ kha nas @90a @#/ /mtheb sor gang gzhal ba'i 'og tu 'bras bre'u chung gsum tshod ma dang bcas pa tsam shong ba'i lhung bzed de dge slong pha'i lhung bzed chung tshad dang/ des gzhal ba'i 'og tu 'bras tshod ma dang bcas pa nyis 'gyur tsam shong ba'i lhung bzed de dge slong pha'i lhung bzed che tshad yin pa'i phyir/ kha cig /'bras drug phul bcu shong ba'i lhung bzed de dge slong pha'i lhung bzed chung ngu'i tshad yin zer na/ bcas ldan dge slong gis khyim pa gcig la dus gcig tu 'bras drug phul nyer bdun las mang ba blang du mi rung bar bshad pa mi 'thad par thal/ khyod kyi tshad de 'thad pa gang zhig /des khyim pa gcig la dus gcig tu dge slong pa'i lhung bzed chung tshad gsum blang du rung bar gsungs pa'i phyir/ de la kho na re/ bcas ldan dge slong gcig gis khyim pa gcig la dus gcig tu dge slong gi lhung bzed chung tshad gsum len pa'i tshe/ mthe bong gi lto ma gang ba len pa yin zer na mi 'thad de/ rgya cher 'grel las/ cung zad ma gang ba de tsam byas nas blang bar bya yi/ mthe bong gi lto ma gang bar blang bar bya ba ma yin no/ zhes gsungs pa'i phyir/ kha cig rje bu ston gyis/ 'bras mgur mo'i gser bre bdun shong ba'i lhung bzed de pha'i lhung bzed tshung tshad du bzhed pa yin zer ba mi 'thad de/ de ltar na rtsa 'grel 'di rnams kyi don dang 'gal ba'i phyir/ rang lugs ni/ lhung bzed la rgyu'i sgo nas rung ba ni/ rdo lcags 'jim pa @90b gsum po gang rung las grub pa/ dbyibs kyi sgo nas rung ba ni sgo nga phyed gas ba lta bu/ kha dog gi sgo nas rung ba ni skya bo dang khra bo ma yin par bya rog gi mig ltar nag pa/ ngo bo'i sgo nas rung ba ni lhan pa lnga yan chad ma phog pa zhig dgos/ tshad la dge slong pha'i lhung bzed kyi tshad/ dge slong ma'i lhung bzed kyi tshad gnyis/ dang po la/ bstan bcos 'di nas bshad pa la/ lhung bzed kyi kha nas mtheb sor gang bzhag pa'i 'og tu 'bras ma ga d+ha'i bre'u chung gsum tshod ma dang bcas pa tsam shong ba'i lhung bzed de dge slong pha'i lhung bzed chung tshad dang/ de bzhag pa'i 'og tu 'bras bre'u chung drug tshod ma dang bcas pa shong ba'i lhung bzed de dge slong pha'i lhung bzed che tshad du bshad cing/ de ltar bshad pa yang/ bstan bcos 'di rtsom pa'i dus kyi dge slong pa'i dbang du byas pa yin gyi/ 'di nas bshad pa'i dge slong pha'i lhung bzed che tshad kyis 'od srungs kyi dus kyi dge slong pha'i lhung bzed chung tshad yang mi longs te/ de da lta'i dus kyi dge slong pha'i lhung bzed che tshad las lhag pa yin pa'i phyir dang/ chos gos gsum khru tshad kyis 'jal tshul gsungs pa yang rab byung rang rang gi khru'i dbang du byas par gsungs pa'i phyir/ gzhung 'dis lto gang zhes pas mtheb sor gang bstan pa yin te/ rnam 'byed Tika chen las/ mtheb so'i zhing tshad kyi lto gang/ zhes dang/ gzhi Tika las/ mtheb sor @91a @#/ gcig ste/ mtheb so'i tshigs dang po'i phyogs gcig nas brtsams te tshigs de nyid kyi phyogs gcig gi bar ro/ /zhes gsungs pa'i phyir/ bstan bcos 'dis kha nas mtheb sor gang gzhal ba'i 'og tu 'bras ma ga d+ha'i bre'u chung gsum tshod ma dang bcas pa shong ba'i lhung bzed de/ dge slong pha'i lhung bzed chung tshad du bstan pa yin te/ 'bras grus ? skam bre gang btsos pas gsum 'phel du 'gyur bar bstan pa'i phyir te/ bam lngar/ 'bras grus ma skam po ni chan du btsos na gsum 'gyur du brtsi ba'o/ /zhes gsungs pa'i phyir/ dge slong pha'i lhung bzed chung tshad kyi dbang du byas nas mthe bong gi lho gang 'og tu 'bras bre'u chung gsum tshad ma sran tshod dang bcas pa'i cha la 'bras bre'u chung gang shong ba yin te/ rgya 'dul gyi 'grel chung du/ 'bras chan gyi sum cha/ zhes bshad pa'i phyir/ tshod ma dang gsher tshod gcig ste/ sno tshad dang ma bcas pa'i tshod ma la gsher tshod dang/ de dang bcas pa'i tshod ma la sran tshod du bshad pa'i phyir dang/ rnam 'byed Tikka las/ tshod ma la gsher tshod dang/ sran tshod la skam tshod du bshad pa'i phyir/ des na kha nas mtheb sor gang gzhal ba'i 'og tu 'bras drug phul brgyad tsam shong ba'i lhung bzed de/ dge slong pha'i lhung bzed chung tshad dang/ de'i 'og tu 'bras de nyis @91b 'gyur shong ba'i lhung bzed de dge slong pha'i lhung bzed tshad du 'grel pa 'di rnams kyis bstan pa yin te/ de'i lhung bzed che chung gi tshad sngar bshad pa ltar bstan pa gang zhig / 'bras drug phul do la ma ga d+ha'i bre'u chung gang 'byung zhing/ tshad ma'i cha la 'bras chan gyi sum cha yod par 'grel chung las bshad pa'i phyir/ dang po grub ste/ 'bras grus skam ma ga d+ha'i bre'u chung gang la ma ga d+ha'i srung bcu drug yod/ /drug phul gang la de'i srang brgyad yod pa'i phyir/ rtags gnyis ka grub ste/ Tikka/ bam lnga/ rnam 'byed Tika gzhi Tika rnams las ma ga d+ha'i bre'u chung gang la 'bras thug pa che grus ma skam pa ma ga d+ha'i srang bcu drug ste/ zhes dang/ de drug phul ni do yin no/ /zhes dang/ 'dul Tika las/ phul gang ni dbus kyi srang brgyad kyi tshad do/ /zhes dang/ phran tshegs Tikka las/ drug phul ni srang brgyad shong ba yin no/ /zhes gsungs pa'i phyir/ snying po dril na kha nas mtheb sor gang gzhal ba'i 'og tu ya khyor nyi shu rtsa brgyad shong ba'i lhung bzed de dge slong pha'i lhung bzed chung tshad/ de'i 'og tu de 'dab log shong ba'i lhung bzed de de'i lhung bzed che tshad yin te/ kha nas mtheb sor gang gzhal ba'i cha la drug phul gang brtsis pa'i 'og tu drug phul brgyad shong ba'i lhung bzed de/ dge slong pha'i @92a @#/ /lhung bzed chung tshad yin pa gang zhig /drug phul re la ya khyor phyed dang bzhi yod pa'i phyir/ des na kha nas mtheb sor gang gzhal ba'i 'og tu dge slong pha rang rang gi 'bras ya khyor nyi shu rtsa brgyad tsam shong ba'i lhung bzed de pha rang rang gi lhung bzed chung ba'i tshad yin te/ dus thams cad du dge slong gi lhung bzed kyi tshad ma ga d+ha'i bre tshad la brtsir mi rung ba'i phyir te/ dus kyi dbang gis dge slong bong ? tshod che chung du gyur pa na lhung bzed yang che chung du 'gyur ba'i phyir/ de yan gyis dge slong pha'i lhung bzed kyi tshad bshad nas/ gnyis pa dge slong ma'i lhung bzed kyi tshad bshad pa ni/ dge slong pha'i lhung bzed chung tshad kyis dge slong ma'i lhung bzed che tshad longs/ kha nas mtheb sor gang gzhal ba'i 'og tu/ dge slong ma rang 'grang tsam gyi 'bram chan tshon ma dang bcas pa shong tsam gyi lhung bzed de dge slong ma'i lhung bzed chung tshad yin/ de'i bar gyi lhung bzed rnams de'i lhung bzed 'bring po yin te/ 'di nyid las/ dge slong mas dge slong gi chung ngu las lhag pa mi bcad do/ /zhes dang/ ma'i rnam 'byed las/ chen po ni yul ma ga d+ha'i bre'u chung gang ngo/ /chung ngu ni bre'u chung phyed do/ /de gnyis kyi bar ni bar ma'o/ zhes dang/ 'dul Tig las/ dge slong rnams kyi chung ngu ni dge slong ma'i chen po ste de nyid las lhag pa mi bcang ngo/ /chung ngu ni 'bras thug po che ba tsos pa sran tshod dang bcas tshod ma dang bcas pa shong ba yin la/ @92b 'bring ni de gnyis kyi bar zhes pa don gyis khongs su tshud par bya'o/ /zhes gsungs pa'i phyir/ de yang chen po ni yul ma ga d+ha'i bre'u chung gang ngo/ /zhes pas kha nas mtheb sor gang gzhal ba'i 'og tu 'bras skam po bre'u chung gang btsos pa gsum 'phel du byas pa tshod ma dang bcas pa shong ba'i lhung bzed de dge slong ma'i lhung bzed kyi che tshad du ston pa yin te/ 'grel pa 'di dag gis dge slong pha'i lhung bzed chung tshad dang dge slong ma'i lhung bzed che tshad gnyis tshad mnyam tu bstan pa'i phyir/ chung ngu ni bre chung phyed ces pas kha nas mtheb sor gang gzhal ba'i 'og tu 'bras skam po bre'u chung phyed btsos pa gsum 'phel tu byas pa tshod ma dang bcas pa tsam shong ba'i lhung bzed de dge slong ma'i lhung bzed chung tshad du ston pa yin te/ Tikka las/ chung ngu na 'bras thug po che btsos pa tshod ma dang bcas pa tsam shong ba/ zhes gsungs pa'i phyir// ! //gnyis pa thun mong ma yin pa mchog gi khyad par 'chad pa la/ dge slong gi gnas su dge slong ma'o/ zhes sogs gsungs/ 'di'i skabs su dag don spyi don gnyis las dang po ngag don ni/ pha chog dang ma chog gi khyad par yod de/ skyes pa'i rten la bsnyen rdzogs su bsgrub pa'i tshe dge slong ma zhes pa'i tshig gi tshab tu bud med kyi rten la de ltar bsgrub pa'i tshe dge slong ma zhes brjod dgos pa'i phyir/ gnyis pa spyi don la/ pha chog dang ma chog gi go rim/ de gnyis so sor bstan @93a @#/ /pa'i dgos pa/ de gnyis kyi khyad par bshad pa dang gsum/ dang po la kha cig /pha chog gi rjes su mchog 'chad pa'i rgyu mtshan yod de/ ma chog brjod bya nyung ba'i rgyu mtshan gyis yin pa'i phyir zer na/ mi 'thad de/ ma chog de pha chog las brjod bya rgya che ba'i phyir/ bud med bsnyen rdzogs su bsgrub pa'i tshe pha chog phal che ba'i steng du thun ma yin pa'i ma chog bsnam dgos pa'i phyir/ rang lugs ni/ pha chog gi rjes su ma chog 'chad pa'i rgyu mtshan yod de/ lung las bstan pa dang mthun pa'i rgyu mtshan gyis yin pa'i phyir dang/ dge slong pha ma gnyis mchog dman gyi rim pa dang yang mthun par bstan pa'i phyir/ gnyis pa la kha cig /de gnyis so sor bstan pa ma yin te/ de gnyis rdzas rigs gcig pas cho ga gcig gis 'grub pa yin pa'i phyir zer na/ mi 'thad de/ skyes pa dang bud med gnyis po bsnyen rdzogs su bsgrub pa'i mkhan po gnyis mtshan mi mthun/ skyes pa dang bud med gnyis nyon mongs grangs mang nyung mi mthun/ de'i dbang gis de'i gnyen po'i bslab bya'i grangs mang nyung yang mi mthun pa yin pa'i phyir/ gsum pa pha chog ma chog gi khyad par la/ yul mkhan slob dge 'dun dang bcas pa'i khyad par/ cho ga gang la bya ba'i rten gyi khyad par/ cho ga'i ngo bo'i khyad par dang gsum/ dang po yul ni/ skyes pa'i rten la bsnyen rdzogs su bsgrub pa'i cho mkhan po la bsnyen par rdzogs @93b nas sdom rgyun bar ma chad du lo bcu lon pa pham pa bzhi po gang rung gis ma gos pa zhig dgos/ bud med kyi rten la de ltar bsgrub pa'i tshe mkhan po la bsnyen par rdzogs nas sdom rgyun bar ma chad du lo bcu gnyis lon pa/ pham pa brgyad po gang rung gis ma gos pa'i mkhan mo zhig dgos te/ bud med kyi rten la de ltar bsgrub pa'i tshe mkhan po yang dge slong ma dgos pa'i phyir dang/ de lta bu'i bsgrub bya de dang mkhan po gnyis lta mtshan mthun pa dgos pa'i phyir/ las slob kyi khyad par yod de/ skyes pa'i rten la bsnyen rdzogs su bsgrub pa'i tshe las slob gcig gis chog cing/ bud med kyi rten la de ltar bsgrub pa'i tshe las slob dge slong pha ma gnyis dgos pa'i phyir te/ bud med kyi rten la de ltar bsgrub pa'i tshe tshangs spyod nyer gnas kyi las slob la dge slong ma dgos/ bsnyen rdzogs dngos gzhi'i las slob la dge slong pha dgos pa'i phyir/ dge 'dun gyi khyad par yod de/ skyes pa'i rten la bsnyen rdzogs bsgrub pa'i tshe yul dbus su dge slong bcu'i tshogs dang/ mtha' 'khob tu dge slong lnga'i tshogs dgos/ bud med kyi rten la de ltar bsgrub pa'i tshe yul dbus su dge slong pha bcu dang/ ma bcu gnyis te nyer gnyis dgos/ mtha' 'khob tu dge slong pha lnga dang ma drug ste bcu gcig gi tshogs dgos pa'i phyir/ gnyis pa cho ga gang la bya ba'i rten gyi khyad par la gsum las/ dang po la/ na tshod kyi khyad par ni/ skyes pa dang khyim so ma bzung @94a @#/ /ba'i bud med kyi rten la bsnyen rdzogs bsgrub pa'i tshe mdal shol gyi zla ba dang bcas pa'i lo nyi shu lon pa dgos/ khyim so bzung ba'i bud med kyi rten la bsnyen rdzogs bsgrub pa'i tshe mdal shol gyi zla ba dang bcas pa'i lo bcu gnyis lon pa dgos te/ 'di nyid las/ khyim so bzung ba bsnyen par rdzogs par bya ba'i lo rnams kyi dang po ni bcu gnyis yin no/ /zhes gsungs pa'i phyir/ gnyis pa cha lugs kyi khyad par ni/ skyes pa'i rten la bsnyen rdzogs su bsgrub pa'i tshe chos gos gsum tsam mkhan pos byin gyis brlabs nas gnang ba dgos/ bud med kyi rten la de ltar bsgrub pa'i tshe chos gos gsum gyi steng du rdul zan shing da dpung bcad rnams mkhan pos byin gyis brlabs nas gnang ba dgos te/ 'di nyid las/ chos gos dag ni lnga yin no/ zhes gsungs pa'i phyir/ gsum pa bslab tshigs kyi khyad par ni/ skyes pa'i rten la nyes med phun tshogs kyi bsnyen rdzogs su bsgrub pa'i tshe dge bsnyen dang dge tshul gyi sdom pa sngon du 'gro dgos/ bud med kyi rten la de ltar bsgrub pa'i tshe sdom pa de rnams kyi steng du dge slob ma'i sdom pa sngon du 'gro dgos te/ 'di nyid las/ bud med la ni dge slob ma zhes bya ba'i tshigs gzhan yang yod do/ /zhes gsungs pa'i phyir/ gsum pa cho ga'i ngo bo la mi 'dra ba'i khyad par la/ sbyor dngos rjes gsum las/ dang po bar chad 'dri tshul la mi 'dra ba'i khyad yod de/ bud kyi rten la bsnyen rdzogs bsgrub pa'i tshe bar chad 'dri ba po dang/ bsgrub bya gnyis kyi bar du @94b dge slong ma gzhan gyis 'sgribs ? nas 'dri dgos pa gang zhig /skyes pa'i rten la bsnyen rdzogs bsgrub pa'i tshe de ltar mi dgos pa'i phyir/ dang po grub ste/ 'di nyid las/ bar chad dri ba dge slong mas bsgribs pa la bya'o/ /zhes gsungs pa'i phyir/ gsol ba 'debs pa la mi 'dra ba'i khyad yod de/ dang po'i tshe dge slong pha ma gnyis ka'i dge 'dun la gsol ba 'debs dgos/ phyi ma la de ltar mi dgos pa'i phyir/ bslab tshigs la mi 'dra ba'i khyad par yod de/ dang po'i tshe tshangs spyod nyer gnas kyi tshul khrims sbyin dgos/ phyi ma'i tshe de ltar mi dgos pa'i phyir/ tshangs spyod nyer gnas kyi tshul khrims ni gsang ston mas bar chad dris/ ? dngos gzhi'i gsol bzhi'i las kyi cho ga ma brjod pa'i bar du las slob dge slong mas cho ga gsol gnyis kyi las kyi sgo nas sbyin dgos/ dngos gzhi la mi 'dra ba'i khyad par yod de/ ming 'jug tshul la mi 'dra ? ba'i khyad par yod pa'i phyir/ gsum pa mjug chog la mi 'dra ba'i khyad par yod de/ dang po'i tshe gnas shing drung pa zhes brjod mi dgos/ thun mong ba'i pham pa bzhi'i steng du thun mong ma yin pa'i pham pa bzhi dang/ lci ba'i chos brgyad brjod dgos/ phyi ma'i tshe tshangs spyod kyi gnas bzhi dang/ pham pa la bzhi tsam brjod pas chog pa yin pa'i phyir/ dang po'i tshe gnas shing drung ba brjod pa mi dgos te/ dge slong mas gnas de la brten mi dgos pa'i phyir te/ dge slong ma de rten dman pas gnas de bsten na tshangs spyod kyi gegs su 'gyur ba'i phyir/ pham @95a @#/ /pa phyi ma bzhi ni/ reg pa dang ni lus bkan dang/ /'chab pa dang ni bzlog pa'o/ /zhes gsungs pa ltar/ reg pa'i pham pa/ lus bkan gyi pham pa/ 'chag pa'i pham pa/ bzlog pa'i pham pa dang bzhi la byed/ lci ba'i chos brgyad ni dge slong pha'i dge 'dun la brten pa gsum/ dge slong pha yan 'gar ba la brten pa gsum/ dge slong pha ma gnyis ka la brten pa gnyis rnams su yod/ dang po ni/ dge slong mas bsgrub bya gzhan gyi mkhan slob byed pa la dge slong pha'i dge 'dun la gsol ba btab ste dge 'dun sde gnyis las bsnyen rdzogs bsgrub dgos pa/ pha'i dge 'dun la zla ba phyed phyed la gdams ngag nyan pa/ de med pa'i gnas su dbyar khas mi len pa rnams yin/ gnyis pa ni/ dge slong mas dge slong pha la ltung ba gleng dran mi byed pa/ co mi 'dri ba/ dge slong pha gsar bu la yang dge slong ma bslab pa rgan pas kyang phyag bya ba rnams yin/ gsum pa ni/ lci chos las 'das na dge slong pha ma'i dge 'dun la mgu ba zla ba phyed spyod pa/ nges par dge 'dun sde gnyis dang bcas te dgag dbye byed pa rnams yin/ de rnams la lci ba'i chos zhes brjod pa'i rgyu mtshan yod de/ shin tu bsten par dka' ba'i rgyu mtshan gyis de ltar brjod pa'i phyir/ de rnams las 'gal ma ltung byed dang nyes byas ci rigs 'byung ngo/ ! /bud med @95b la ni dge slob ma zhes bya ba'i tshigs gzhan yang yod do/ /zhes sogs kyi skabs su gzhung 'brel dang spyi don gnyis/ dang po 'brel ni/ dge slong gi gnas su dge slong ma'o/ /zhes pa'i skabs su pha chog dang ma chog gnyis kyi cho ga la ming brjod tshul sogs kyi khyad par yod ces bshad pa la/ 'o na ming brjod tshul tsam ma gtogs gzhan dge tshul mar bsgrub pa'i mjug de nyid du/ dge slong mar bsgrub tu rung ngam zhe na mi rung ngo/ /zhes 'chad pa la/ rtsa ba'i gzhung 'di byung/ ngag don ni/ dge tshul mar bsgrub pa'i mjug de nyid du dge slong mar bsgrub tu mi rung ste/ de gnyis kyi bar du dge slob ma'i sdom pa sbyin dgos pa'i phyir/ gnyis pa spyi don la/ yul; rten/ cho ga'i khyad par bshad pa dang gsum/ dang po ni/ da ltar gyi cho ga la brten nas bud med kyi rten la dge slob mar bsgrub pa'i tshe mkhan mo/ las slob ma/ dge slong ma'i dge 'dun grangs tshang rnams dgos/ dge 'dun grangs tshang ni/ yul dbus su dge slong ma bcu gnyis mtha' 'khob tu drug gi tshogs rnams dgos/ de bzhi tsam la brten nas dge slob mar bsgrub tu mi rung ste/ skye la nyes byas su 'gyur ba'i phyir/ 'o na dge slo @96a @#/ /ma'i sdom pa nges par dge slong ma kho na la brten nas len dgos sam zhe na mi dgos te/ dge slong ma med na dge slong pha grangs tshang la brten nas kyang skye ba yod pa'i phyir te/ lung dbyar gyi gzhi las/ dge tshul ma'i bya ba ni 'di lta ste/ dge tshul ma des dge slong la pho nya btang ste/ 'phags pa/ bdag lo gnyis su rtsa ba'i chos drug rjes mthun gyi chos drug la slob po zhes spring na dbyar zhag bdun du byin gyis brlabs nas dge tshul ma'i gnas su dge slong 'gro bar bya'o/ / zhes gsungs pa'i phyir/ gnyis pa rten gyi khyad par la/ na tshod kyi khyad par/ cha lugs kyi khyad par/ bsam pa'i khyad par/ bslab tshigs kyi khyad par dang bzhi/ dang po ni/ da ltar gyi cho ga la brten nas khyim so ma bzung ba'i bud med kyi rten la dge slob ma'i bsgrub pa'i tshe mngal shol gyi zla ba dang bcas pa'i tshes lo bco brgyad lon pa/ khyim so bzung ba'i bud med kyi rten la de ltar bsgrub pa ni chos lo bcu lon pa dgos te/ bud med kyi rten la dge slong ma'i bsgrub pa'i snga rol du dge slob ma'i sdom pa la lo gnyis slob dgos pa'i phyir/ gnyis pa cha lugs ni/ snam sbyar ma gtogs chos gos bzhi lhung bzed dang bcas pa dgos/ gsum pa bsam pa'i khyad par ni/ snying thag @96b pa nas dge slob ma'i sdom pa la thob 'dod kyi bsam pa dgos/ bzhi pa bslab tshigs gyi khyad par ni/ da ltar gyi cho ga la brten nas nyes med phun tshogs kyi dge slob ma'i ? skye ba la dge bsnyen gyi sdom pa/ bar ma rab byung gi tshul khrims/ dge tshul ma'i sdom pa rnams sngon du 'gro dgos/ dge bsnyen gyi sdom pa sngon du ma song bar dge slob ma'i sdom pa skye ba yod de/ skye la nyes byas su 'gyur ba'i phyir/ dge tshul ma'i sdom pa sdom pa sngon du ma song ba'i dge slob ma'i sdom pa skye ba ni med de/ dge slob ma yin na dge tshul ma'i sdom pa rgyud lnga ma yin dgos pa'i phyir te/ dge slob ma mtshan 'gyur ba na dge tshul phar 'gyur ba'i phyir/ gsum pa cho ga'i khyad par la sbyor dngos rjes gsum gyi cho ga'i khyad par gsum/ dang po ston pa sangs rgyas kyi sku gzugs dang/ dge 'dun re re la phyag 'tshal gsum gsum dang mkhan mo la gsol ba 'debs dgos/ gnyis pa ni/ gsol ba dang gnyis kyi las la brten nas len dgos/ gsum pa la/ dus bsgo brjod pa dang/ gdams ngag brjod pa gnyis las/ gdams ngag brjod pa la yang rtsa ba'i chos drug spong bar 'doms pa'i gdams ngag drug /rjes mthun gyi chos drug spong bar 'doms @97a @#/ /pa'i gdams ngag drug rnams su yod pa'i phyir/ dang po drug po ni/ dge slob ma gcig pur lam du 'gro ba sogs drug po de yin te/ gcig pur lam tu 'gro mi bya/ /chu bo'i pha rol rkyal mi bya/ /skyes pa la ni reg mi bya/ /skyes pa dang ni 'dug mi bya/ /smyan du 'gyur bar mi bya zhing/ /kha na ma tho 'chab mi bya/ /zhes gsungs pa'i phyir/ phyi ma drug ni dge slob mas gser dngul bsten pa sogs drug po de yin te/ gser la bzung bar mi bya zhing/ /'doms kyi spu ni breg mi bya/ /sa ni brko bar mi bya zhing/ /rtsa sngon dag kyang bcad mi bya/ /sbyin len ma byas bza' mi bya/ /gsog 'jog byas pa'ang bza' mi bya/ /zhes gsungs pa'i phyir/ dang po de rnams la rtsa ba'i chos zhes brjod pa'i rgyu mtshan yod de/ de spang bya gnyug ma yin pa'i rgyu mtshan gyis de ltar brjod pa'i phyir/ phyi ma de rnams la rjes mthun gyi chos zhes brjod pa'i rgyu mtshan yod de/ spang bya glo bur ba yin pa'i rgyu mtshan gyis de ltar du brjod pa yin pa'i phyir/ des na dge slob ma'i sdom pa ni so thar rigs bdun du bsdu ba'i tshe dge tshul gyi sdom par 'du ste/ dge slob ma mtshan gyur pa na dge tshul phar 'gyur ba'i phyir dang/ de'i sdom pa ni/ dge tshul gyi sdom pa'i ngos skal gyi spang bya'i steng du rtsa ba'i chos drug dang rjes @97b mthun gyi chos drug ngos skal gyi spang byar byas nas spong ba'i sdom pa yin pa'i phyir/ Tik chen las/ dge tshul gyi sdom pa las rdzas logs na med de/ zhes gsungs pa'i phyir/ dge slob ma'i sdom pa sngon du ma song bar dge slong ma'i sdom pa skye ba yod de/ skye la nyes byas su 'gyur ba'i phyir/ ;tshangs par spyod pa la nye bar gnas pa'i sdom pa ma thob par bsnyen par rdzogs par mi 'gyur ro/ /zhes pa'i skabs su gzhung 'brel dang spyi don gnyis/ dang po 'brel ni bud med la ni dge slob ma zhes bya ba'i tshigs gzhan yang yod do/ /zhes sogs kyi skabs su dge tshul ma'i sgrub ma thag tu bsnyen rdzogs su bsgrub rung ngam zhe na mi rung bar de'i bar la dge slob ma zhes pa'i tshigs gzhan yang yod/ ces 'chad pa la/ 'o na dge slob ma'i sdom pa sbyin pa'i mjug de nyid du dge slong ma'i sbyin du rung ngam zhe na de yang mi rung/ zhes 'chad pa la/ rtsa ba'i gzhung 'di gsungs/ ngag don ni/ de'i rjes su de 'dra'i sdom pa sbyin du mi rung ste/ de gnyis kyi bar du tshangs spyod nyer gnas kyi sdom pa sbyin dgos pa'i phyir/ gnyis pa spyi don la/ kha cig tshangs spyod nyer gnas kyi sdom pa sngon du ma song bar bud med kyi rten la da ltar gyi cho ga la brten nas/ dge slong ma'i sdom pa skye ba med zer na de yod par thal/ bud med kyi rten la pha chog tsam la @98a @#/ /brten nas dge slob ma'i sdom pa skye ba yod pa'i phyir te/ de'i rten la dge slong ma'i dge 'dun med par dge slong pha'i dge 'dun la brten nas dge slong ma'i sdom pa skye ba yod pa'i phyir te/ de la brten nas dge slob ma'i sdom pa skye ba yod pa gong du bshad zin pa'i phyir/ de ltar yin kyang bud med kyi rten la pha chog tsam la brten nas nyes med phun tshogs kyi dge slong ma'i sdom pa thob pa med de/ bud med kyi rten la da ltar gyi cho ga la brten nas thob pa'i nyes med phun tshogs kyi dge slong ma'i sdom pa yin na ma chog la brten nas thob pa'i dge slong ma'i sdom pa yin dgos pa'i phyir/ tshangs spyod nyer gnas kyi sdom pa sngon du ma song bar bud med kyi rten la ma chog la brten nas dge slong ma'i sdom pa thob pa med de/ tshangs spyod nyer gnas kyi sdom pa 'bogs pa'i cho ga de bud medyi rten la ma chog la brten nas dge slong ma'i bsgrub pa'i med mi rung gi cho ga yin pa'i phyir/ 'on kyang tshangs spyod nyer gnas kyi sdom pa ni sdom pa ma yin te/ de'i tshul khrims la sdom pa'i ming gis btags pa tsam yin pa'i phyir/ kho na re/ skyes pa'i rten la ma chog tsam la brten nas dge slong pha'i sdom pa skye ba yod par thal/ bud med kyi rten la pha chog tsam la brten nas dge slong ma'i sdom pa skye ba yod pa'i phyir na ma khyab/ des na tshangs spyod nyer gnas @98b kyi sdom pa len pa la; yul; rten cho ga'i khyad par bshad pa dang bzhi/ dang po ni mkhan mo/ las slob ma/ gsar ston ma/ dge slong ma'i dge 'dun grangs tshang la brten nas len dgos/ dge slong ma'i dge 'dun gyi grangs tshang ni dge slong ma'i bsgrub pa dang mthun/ gnyis pa rten ni/ dge slob ma'i sdom pa la lo gnyis bslabs pa'i dge slob ma la ster dgos/ gsum pa dus ni gsang ston mas lkog tu bar chad dris pa'i mjug tu ster/ bzhi pa la sbyor dngos rjes gsum gyi cho ga gsum yod do/ / de yan gyis gnyis pa phran tshegs nas 'byung ba'i tshul song nas/ gsum pa zhu ba nas 'byung ba'i tshul ston pa la/ mi ma yin pa'i 'gro ba pa dang byang sgra mi snyan pa gnyis ni sdom pa'i zhing nyid ma yin no/ zhes pa nas skye ba'i tshe nyid lan phul lam nyams na mi skye'o zhes pa'i bar gsungs/ ngag don ni/ lha la sogs pa mi ma yin pa'i 'gro ba pa dang/ phyir sgra mi snyan pa dang za ma dang ma ning sogs kyi rten la so thar gyi sdom pa gsar du skye ba med de/ de dag so thar gyi sdom pa dang sdom min skye ba'i rten tu mi rung ba'i phyir te/ mdzod las/ za ma ma ning sgra mi snyan/ /mtshan gnyis ma gtogs mi rnams la/ /sdom min sdom pa'ang de bzhin du/ /zhes dang/ de'i rang 'grel las/ mi'i 'gro ba kho na la yod kyi gzhan @99a @#/ /dag la ma yin no/ zhes gsungs pa'i phyir/ gzhung phyi ma'i ngag don ni/ sdom pa len pa la mngon du phyogs pa'i tshe sdom pa len sems log pa na de mi skye ste/ de'i tshe sdom pa skye ba'i bsam pa'i mthun rkyen ma tshang ba'i phyir/ yang de'i tshe mtshan gnyis cig car du ldan na mi skye ste/ de'i tshe sdom pa skye ba'i rten nyams pa'i phyir des na gzhung 'dis sdom pa'i dngos rgyu'i tshe 'am de skye kha ma'i tshe mtshan gnyis cig car du byung na yang sdom pa skye ba'i bar chad byed mi nus pa shugs la bstan te/ /rgya cher 'grel las/ de la ni skye ba'i phyir/ gang gis kyang gegs bya bar mi nus so/ /zhes gsungs pa'i phyir/ 'gal rkyen par chad kyi spros pa rgyas par gong du bshad pa de ltar 'dir yang 'chad do/ /gnyis pa bslab bya bshad pa la spang bya'i bslab bya bshad pa dang/ nyams su blangs bya'i bshad pa gnyis/ dang po la/ sde lnga so so'i ngo bo/ /zhu ba spyir bstan gyi don bshad pa gnyis/ dang po la/ dge slong pha'i sde lnga bshad pa dang/ ma'i sde lnga bshad pa gnyis/ dang po la/ thun mong ba'i bslab pa 'bul chog bshad pa dang/ pha'i sde lnga bshad pa dngos gnyis/ dang po ston pa la/ rang bzhin nyams pas byas pa nyid ni phul ba nyid ma yin no/ /zhes gsungs/ 'di'i skabs su gzhung gi 'phros @99b dang spyi don gnyis/ dang po 'phros ni/ mi ma yin pa'i 'gro ba pa dang/ zhes sogs kyi skabs su/ 'gal rkyen bar chad kyi spros pa bshad pa la/ 'o na sdom pa'i gtong rgyu de gang zhe na/ de 'chad pa la gzhung 'di gsungs/ ngag don ni/ smyo ba sogs sems mnal du med pas bslab pa 'bul chog pa'i byas pa ni bslab pa phul ba ma yin te/ bslab pa 'bul ba la sems rang bzhin du gnas pa dgos pa'i phyir/ gnyis pa spyi don la/ bslab pa 'bul chog sde lnga'i dang por bstan pa'i dgos pa/ sdom pa'i gtong rgyu spyir bshad pa/ bslab pa 'bul chog bye brag tu bshad pa dang gsum/ dang po ni/ lung las bslab pa 'bul chog pham pa dang po dang sbyar nas bshad kyang/ 'dir sde lnga'i dang por 'chad pa'i rgyu mtshan yod de/ ltung ba sde lnga 'byung bar la sdom pa thob ste bslab pa 'bul chog sogs kyi sgo nas sdam pa ma btang ba zhig dgos par shes pa'i ched yin pa'i phyir/ gnyis pa sdom pa'i gtong rgyu spyir bstan pa ni/ bstan bcos 'dir sdom pa'i gtong rgyu rnams kyi nang nas bslab pa 'bul chog dngos su bstan nas/ gzhan rnams dngos su mi ston pa'i rgyu mtshan yod de/ lung rnam 'byed las de ltar ma bshad pa'i rgyu mtshan gyis yin pa'i phyir/ sdom pa'i gtong rgyu la yang dgu yod de/ mdzod las/ bslab @100a @#/ /pa phul dang shi 'phos dang/ /mtshan gnyis dag ni byung ba dang/ /rtsa ba 'chad dang mtshan 'das las/ /so sor thar pa'i 'dul ba gtong/ / zhes gsungs pa dang/ de bzhin du ma ning 'gyur ba bsten pa dang/ nyi shu ma lon der shes pa dang/ bsten phyir khas blangs pa dang/ mtshan lan gsum du gyur pa rnams su yod la/ de yang bslab pa phul ba/ tshe 'phos pa/ mtshan gnyis cig car du byung ba/ dge rtsa 'chad pa/ mtshan lan gsum du gyur pa dang lnga ni thun mong ba'i gtong rgyu yin no/ /ma ning 'gyur ba bsten pa ni/ dge slong pha'i dbang po la sogs pa nyams nas mo'i mdog bsten pa la byed de/ shes rab 'byed pa las/ pha'i dbang po nyams nas mo'i mdog byung na khrims mi 'chags shing/ sngon khrims 'chags pa yang med par 'gyur ro/ /zhes gsungs pa'i phyir/ nyin zhag gcig gi mtshan mo las 'das pa ni bsnyen gnas kyi sdom pa'i gtong rgyu yin te/ de nyin zhag gcig gi mtha' can gyi sdom pa yin pa'i phyir/ nyi shu ma lon par der shes pa ni/ dge slong gi sdom pa kho na'i gtong rgyu yin te/ sngar bsnyen rdzogs bsgrub pa'i tshe mngal shol-yi zla ba dang bcas pa'i tshes lo nyi shu ma lon pa la de'i nang du de ltar ma lon par 'du shes na de gtong ba'i phyir/ tshes lo nyi shu ma lon par bsnyen @100b rdzogs bsgrub nas phyis de ltar lon nas nyi shu ma lon pa der shes byung na bsnyen rdzogs kyi sdom pa mi gtong ste/ de'i tshe tshes lo nyi shu lon pa'i phyir/ tshes lo bcu gnyis tsam lon pa'i rten la dge slong mar bsgrubs tshes lo bcu dgu tshun la mtshan gyur pa'i dge slong gi rten la nyi shu ma lon pa der shes byung ba dang/ tshes lo nyi shu ma lon par bcu gnyis tsam lon pa'i rten la dge slong phar bsgrub tshes lo bcu dgu tshun la mtshan gyur pa'i dge slong ma'i rten la nyi shu ma lon pa der shes byung yang dge slong gi sdom pa mi gtong ste/ nyi shu ma lon pa der shes pa de dge slong ma'i sdom pa'i gtong rgyu ma yin pa'i phyir te/ nyes med phun tshogs kyi dge slong ma'i sdom pa thob pa la tshes lo nyi shu nges par lon mi dgos pa'i phyir/ nyi shu ma lon pa der shes pa de da ltar gyi cho ga la brten nas thob pa'i dge slong gi sdom pa'i gtong rgyu yin kyang/ dge slong gi sdom pa mtha' dag gi gtong rgyu ni ma yin te/ tshur shog gi sgo nas bsnyen par rdzogs pa la tshes lo nyi shu lon mi dgos pa'i phyir/ bsten phyir khas blangs pa ni dge slob ma'i sdom pa kho na'i gtong rgyu yin te/ dge slob ma'i rten la skyes pa dang 'khrig pa bsten par khas blangs pa na de'i sdom pa gtong ba'i phyir/ bye brag tu smra ba kha cig /rtsa ltung sdom pa'i gtong rgyur 'dod/ kha cig /dam chos nub pa de'i gtong rgyur 'dod de ?/ @101a @#/ /mdzod las/ kha cig ltung bar 'gyur las smra/ /gzhan dag dam chos nub pa las/ zhes gsungs pa'i phyir/ des na dang po sdom pa'i gtong rgyu yin pa 'og nas 'gog /phyi ma de'i gtong rgyu ma yin te/ dam chos nub pa na sdom pa gsar du mi skye yang sngar yod mi gtong ba yin pa'i phyir/ bsdu ba las/ dam chos nub pa na sngar sdom pa ma blangs pa blang du med kyang blangs pa mi gtong bar rigs par bya'o/ /zhes gsungs pa'i phyir/ kha che bye brag smra ba rnams ni srog gcod kyi rtsa ltung tsam byung rtsa ltung gzhan rnams ma byung ba'i dge slong de srog gcod spong ba'i sdom pa las nyams kyang gzhan rnams ma nyams pa dang ldan par 'dod de/ de bu lon dang nor can gnyis ka dang mtshungs par 'dod pa'i phyir/ de srog gcod spong ba'i sdom pa nyams pa dang ldan pa'i sgo nas bu lon can dang/ sdom pa phyi ma gsum ma nyams pa dang ldan pas nor can dang mtshungs par 'dod pa'i phyir te/ mdzod las/ kha che rnams ni byung ba la/ /bu lon nor bzhin gnyis su 'dod/ /ces gsungs pa'i phyir/ gsum pa bslab pa 'bul chog bye brag tu bshad pa la/ dgos don dang bsdus don gnyis/ dang po ni/ ji ltar 'bad kyang nyon mongs mang pa'i sgo nas bsrung ma nus na bslab pa 'bul chog byas pa la dgos pa yod de/ dngos su rtsa ltung mi 'byung ba dang/ phyis sdom pa rnam dag skye ba'i dgos pa yod pa'i phyir te/ dge slong la gces pa'i mdo las/ gang zhig bslab pa mi gnas pa/ /bde gshegs rgyal mtshan 'dzin pa las/ /bslab pa mi gnas skad cig gi /gzugs por khyim par gnas na bzang/ /zhes @101b gsungs pa'i phyir/ bslab pa bsrung dka' ba'i sgo nas de 'bul mi rigs te/ de ltar phul na skye ba mang por sangs rgyas kyi bstan pa dang mi 'phrad pa'i nyes par 'gyur ba'i phyir/ des na dge 'dun gyi sde skyabs pa sogs kyi phyir du ma yin par rang nyid gcig pu'i don du srog gi phyir du yang bslab pa 'bul mi rigs te/ mdo las/ dge slong dag srog dang bral zhing shi ba ni sla yi tshul khrims nyams shing zhig pas ni de lngar ma yin no/ /zhes gsungs pa'i phyir/ gnyis pa bsdus don la/ gzhi bsam pa sbyor ba mthar thug gi yan lag /bslab pa 'bul chog dngos bslab pa 'bul chog dgag sgrub gang gi bslab bya yin pa bshad pa dang gsum/ dang po la bzhi las/ dang po gzhi'i yan lag la/ yul dang rten gnyis dang po la/ tha snyad lnga dang ldan pa/ lus tha ma la du gnas pa dgos/ tha snyad lnga ni smra shes pa don go ba shes pa rang bzhin du gnas pa ste tha snyad gsum gyi steng du mi yin pa/ ma ning dang mtshan gnyis pa gang rung ma yin pa'o/ /rten ni so thar gyi sdom pa dang ldan pa/ bsam pa rang bzhin du gnas pa dgos/ gnyis pa bsam pa ni/ 'du shes ma 'khrul ba dgos/ kun slong ni bslab pa 'bul 'dod kyi bsam pa rgyun ma 'chad pa dgos/ sbyor ba ni lus ngag gang rung nas thon pa dgos te/ rgya cher 'grel las/ tshig ma smras kyang gtong ba'i mtshan mas kyang phul bar 'gyur te/ des na lus kyi rnam par rig byed kyis kyang phul bar 'gyur la/ ngag ni rnam par rig byed kyis kyang phul bar 'gyur ro/ /zhes gsungs pa'i phyir/ mthar thug gi yan lag ni don tha mal pas go bar byed/ gnyis pa bslab pa 'bul @102a @#/ /chog dngos bshad pa ni/ rnam 'byed bam ? lnga gnyis las bshad pa'i bslab pa nyams pa zhes pa'i ming gis bstan pa'i bslab pa 'bul chog dang/ bstan bcos 'di nas bshad pa'i de gnyis/ dang po ni rnam 'byed las bslab pa nyams pa zhes pa ni dge sbyong gi tshul gtong bar 'dod pas dge slong gi drung du song ste tshangs pa mtshungs par spyad pa ni dka'o/ /rab tu dben pa bya dka'o/ /pha ma dang phu nu dang sring mo dag dran no/ /bdag khyim bzang po zhig tu gtod cig /ces dge slong gi tshul gtong bar 'dod pa'i tshig brjod pa'o/ /zhes gsungs pa'i phyir/ gnyis pa bstan bcos 'di nas bshad pa ni tshe dang ldan pa dgongs su gsol/ bdag ming 'di zhes bgyi bas bslab pa 'bul lo/ /zhes sogs gsungs/ bslab pa 'bul lo zhes pas bslab pa'i ngo bo gtong/ dkon mchog gsum 'bul lo zhes pas sdom pa'i rtsa ba gtong/ des na bslab pa 'bul 'dod kyi bsam pa med par dkon mchog gsum blos spong gi tshig brjod pa tsam gyis bslab pa phul bar mi 'gyur te/ dge slong gi rten la tshig de tsam brjod pa la brten nas dkon mchog blos spong gi lhag ma'i ltung ba tsam bskyed pa yang yod pa'i phyir/ mdo sde dang 'dul ba dang ma mo dang mkhan slob 'bul zhes pa'i tshig la brten nas bslab pa la nye bar sbyor ba gtong/ khyim par bzung du gsol zhes pa la brten nas bslab pa'i sa gtong bas sdom pa gtong/ rab byung gi sdom pa gtong bar 'dod na khyim par bzung du gsol @102b zhes dang/ dge slong tsam gyi sdom pa gtong bar 'dod na dge tshul du bzung du gsol zhes brjod dgos/ cho ga 'di la brten nas bslab pa phul ba dngos su go nus te/ 'di la bslab pa 'bul ba'i tshig dngos su yod pa'i phyir/ cho ga snga ma la brten nas de brgyud nas go yang dngos su mi go ste/ de la bslab pa 'bul ba'i tshig dngos su med pa'i phyir/ cho ga de gnyis sdom pa gtong ba'i 'bul chog yin te/ bam po lnga pa las/ bslab pa phul ba dang nyams pa gnyis ka sdom pa med pa nyid du 'dra ste/ bslab pa phul ba ni bslab pa btang ba'i sgo nas sdom pa med par byas pa yin no/ /nyams pa bslab pa'i mthu med par byas pa'i sgo nas sdom pa med par byas pa yin no/ /zhes gsungs pa'i phyir/ bslab pa 'bul chog bshad pa'i rjes su zhes bya ba la sogs pa lta bu ni dbul ba'i tshig dag yin no zhes pa'i tshig zur gyi lta bu zhes smos pa la dgos pa yod de/ bslab pa 'bul chog ngag tu ma smras kyang lus kyi rnam 'gyur la brten nas bslab pa phul ba yod par shes pa'i ched yin pa'i phyir/ 'di'i don 'grel ba na/ rgya cher 'grel las/ tshig ma smras kyang/ zhes sogs gsungs pa'i phyir/ bslab pa 'bul chog dgag sgrub gang gi bslab bya yin bshad pa ni/ spyir de dgag pa'i bslab bya yin te/ de byas pa na sdom pa gtong zhing rab byung rnams la bar chad can yin pa'i phyir/ gnyis pa pha'i ltung ba sde lnga dngos bshad pa la gnyis/ spyi don dang/ gzhung don gnyis/ dang po la/ sde lnga'i mtha' dpyad @103a @#/ /pa/ rten gyi yan lag bshad pa/ bsdu ba bshad pa dang gsum/ dang po la/ dbye ba/ bsdu ba/ ngo bo/ mtshan nyid rgyu grangs nges go rim sgra bshad dang brgyad yod/ dang po ni/ rab byung gi rten la byung ba'i ltung ba de ltung ba'i dbye gzhi yin/ de la ngo bo'i sgo nas dbye na dpag tu med la/ sde mtshan gyi sgo nas dbye na pham pa'i sde sogs lnga yod de/ 'dul Tika las/ ltung ba sde lnga po ni pham par 'gyur ba'i sde dang/ dge 'dun lhag ma'i sde dang/ ltung byed kyi sde dang/ so sor bshags pa'i sde dang/ bslab pa'i sde dang/ zhes gsungs pa'i phyir/ dge slong pa'i rten la byung ba'i ltung ba de skabs 'dir bstan gyi ltung ba'i dbye gzhi yin/ kho na re/ ltung ba la lngar grangs nges pa mi 'thad de/ sbom po de lnga po gang rung du ma 'dus pa'i phyir zer na mi 'thad de/ sbom po la pham pa'i sder gtogs kyi sbom po dang lhag ma'i sder gtogs kyi sbom po gnyis su yod cing/ dang po pham pa'i khongs su 'dus/ phyi ma lhag ma'i khongs su 'dus pa'i phyir te/ rnam 'byed las/ nyes pa sbom po ni gnyis te/ pham pa las byung ba dang/ lhag ma las byung ba'o/ /zhes dang/ 'dul byed las/ nyes pa sbom po ni bzhi po 'di dag yin te/ pham par 'gyur bas kun nas bslang ba lci ba dang/ pham par 'gyur bas kun nas bslang ba yang ba dang/ dge 'dun lhag mas kun nas bslang ba lci ba dang/ dge 'dun lhag mas kun nas bslang ba yang ba dang/ zhes @103b gsungs pa'i phyir/ kun nas bslang ba zhes pas pham lhag gi sbyor ba'i sbom po'i ltung ba de pham lhag gang rung gi ltung ba dngos gzhi 'byung na mthar thug ma grub kyi bar du 'byung bar bstan pa yin no/ /kha cig sbom po'i ltung ba de pham lhag gang rung du 'du ste/ de la pham pa'i sbyor sbom dang lhag ma'i sbyor sbom gnyis su grangs nges pa'i phyir zer na mi 'thad de/ dngos gzhi'i ltung bar gyur pa'i sbom po'i ltung ba yod pa'i phyir te/ bcas ldan dge slong gis rin thang tshang ba'i lha'i rdzas brkus nas thob blo skyes pa'i ltung ba de de yin pa'i phyir/ de dngos gzhi'i ltung ba yin te/ ltung ba de grub pa mthar thug gi yan lag grub pa la ltos dgos pa'i phyir/ de sbom po'i ltung ba yin te/ de ma byin len gyi pham pa'i na smad kyi ltung ba yin pa'i phyir te/ ma byin len gyi pham pa 'byung ba la yan lag gcig tsam ma tshang ba'i ltung ba yin pa'i phyir/ kha cig ltung ba la sde lngar 'byed pa mi 'thad de/ gsum du ma nges pa'i sder gyur pa'i ltung ba dang/ gnyis su ma nges pa'i sder gyur pa'i ltung ba gnyis der ma 'dus pa'i phyir zer na skyon med de/ dang po de pham lhag ltung byed gsum po gang rung gi khongs su 'dus/ phyi ma de lhag ma dang ltung byed gnyis po gang rung gi khongs su 'dus pa'i phyir/ kha cig / rab byung gi ltung ba la lngar bshad pa mi 'thad de/ dge tshul gyi ltung ba yod pa'i phyir zer na skyon med de/ dge tshul gyi rten la spyad pa'i pham 'dra pham pa'i sder 'du/ de'i rten la spyad pa'i bshags bya'i @104a @#/ /nyes byas dang bsdams bya'i nyes byas rnams nyes byas kyi sder 'dus pa'i phyir te/ 'dul Tika las de bzhin du dge tshul la sogs pa'i nyes pa rnams kyang 'dus pa yin no/ /zhes gsungs pa'i phyir/ des na dge slong gi rten la spyad pa'i ltung ba de gzhung 'dis dngos su bstan pa'i ltung ba sde lnga'i dbye gzhi yin te/ gzhung 'dis dge slong gi rten la spyad pa'i ltung ba sde lnga gtso bor bstan pa'i phyir/ gnyis pa bsdu ba la/ dngos dang bcas rang gi khyad par la dpyad pa gnyis/ dang po ni/ dge slong gi rten la spyad pa'i ltung ba la gsal ba'i sgo nas dbye na/ dge slong pha'i rten la spyad pa'i pha'i ltung ba nyis brgya lnga bcu rtsa gsum/ dge slong ma'i rten la spyad pa'i ma'i ltung ba sum brgya drug cu rtsa bzhi rnams su yod/ ltung ba la gtso che ba'i sgo nas dbye na dngos po gtso che ba'i ltung ba dang 'du shes gtso che ba'i ltung ba gnyis yod de/ 'od ldan las/ bslab pa'i gzhi ni gnyis yin te/ 'du shes gtso bor bya ba dang/ dngos po gtso bor bya ba'o/ zhes gsungs pa'i phyir/ pham lhag dang po gnyis dang po yin te/ de gnyis 'du shes ma 'khrul ba la ltos mi dgos pa'i phyir/ ltung ba lhag ma gzhan rnams gnyis pa yin te/ de rnams 'du shes ma 'khrul ba la ltos dgos pa'i phyir/ de la sbyor ba'i sgo nas dbye na sbyor ba rgyun ldan gyi ltung ba dang de ma yin pa'i ltung ba gnyis yod de/ lung gcig las 'phros pa las/ ltung ba ni @104b gnyis te/ na re ba dang skad cig ma'o/ /zhes gsungs pa'i phyir/ srog gcod kyi ltung ba dang po dang/ reg pham gnyis pa yin/ de la ngo bo'i sgo nas dbye na mi dge ba'i ltung ba dang lung ma bstan gyi ltung ba gnyis las/ pham pa bzhi po dang po dang/ dgra bcom pa'i rgyud kyi ltung ba gnyis pa yin te/ de'i rgyud la mi dge ba med pa'i phyir/ de la mthar thug gi sgo nas dbye na mthar thug 'phen pas 'grub pa'i ltung ba dang de 'phen pas mi 'grub pa'i ltung ba gnyis las/ srog gcod kyi pham pa dang po yin te/ de'i mthar thug gi yan lag yid kyi kun slong tsam la brten nas 'grub cing/ de 'grub pa lus shes la ltos mi dgos pa'i phyir/ mi tshangs spyod kyi pham pa gnyis pa yin te/ de'i mthar thug gi yan lag yid kyi kun slong tsam la brten nas mi 'grub pas rten gyi gang zag gi lus shes kyis bde ba myong zhing yid shes kyis bdag gir byas pa la brten nas 'grub pa'i phyir/ de la gzhi'i sgo nas dbye na sems can la brten pa'i ltung ba dang de ma yin pa la brten pa'i ltung ba gnyis las/ srog gcod kyi pham pa dang po dang/ me reg gi ltung ba gnyis pa yin/ de la 'byung ba'i sgo nas dbye na lus kyi ltung ba dang ngag gi ltung ba gnyis/ sbyor ba'i sgo nas dbye na rang nyid kyis sgrub dgos pa'i ltung ba dang gzhan la bcol bas 'grub pa'i ltung ba gnyis las/ mi tshangs spyod kyi pham pa dang po dang/ srog gcod kyi pham @105a @#/ /pa gnyis pa yin/ bya ba'i sgo nas dbye na bya ba byar rung ba mi byed pa'i ltung ba dang byar mi rung ba byed pa'i ltung ba gnyis las/ gso sbyong mi byed pa'i ltung ba dang po dang/ phyi dro'i kha zas za ba'i ltung ba gnyis pa yin/ kha cig /ltung ba sde lnga po gang rung yin na/ rab byung gi rten can gyi ltung ba yin dgos par thal/ rab byung gi ltung ba la sde lngar grangs nges pa'i phyir/ 'dod mi nus te/ pham pa byung ba'i dge slong gi rten la bslab pa phul ba'i skyes bu'i rgyud la pham pa yod pa'i phyir te/ de'i rgyud la pham pa'i thob pa yod pa'i phyir zer na ma khyab bo/ gnyis pa bcas rang gi khyad par dpyad pa la/ kha cig /rten gnyis ka la sdig tu 'gyur ba'i ltung ba rang bzhin gyi ltung ba'i mtshan nyid/ rab byung kho na la sdig tu 'gyur ba'i ltung ba bcas pa'i ltung ba'i mtshan nyid yin zer na mi 'thad de/ ltung ba la sdig pas ma khyab pa'i phyir te/ de la mi dge bas ma khyab pa'i phyir te/ lung ma bstan gyi ltung ba yod pa'i phyir/ kho na re/ bcas pa'i ltung ba la sdig pas khyab ste/ spyod 'jug las/ rang bzhin kha na ma tho dang/ / bcas pa'i sdig pa gang yin las/ /zhes gsungs pa'i phyir zer na ma khyab ste/ lung des ni rang bzhin gyi ltung bar gyur pa'i mi dge ba dang/ bcas pa'i ltung bar gyur pa'i mi @105b dge ba yod par bstan pa tsam yin pa'i phyir/ kha cig /rkyen dgos kyi gnang ba med pa'i ltung ba rang bzhin gyi ltung ba'i mtshan nyid zer na/ rab byung gi chang 'thung ba'i ltung ba chos can/ mtshon bya der thal/ mtshan nyid de'i phyir/ der thal/ rab byung la chang 'thung ba srog gi phyir du yod ma gnang ba'i phyir te/ mdo las/ nga la bdag gi ston pa'o zhes zer ba dag gis chang tha na rtswa'i mchog ma'i rtse mo'i gang tsam yang mi btung ngo/ /mi blud do/ /zhes gsungs pa'i phyir/ rtsa bar 'dod mi nus te/ bcas rkyang gi ltung ba yin pa'i phyir te/ de sangs rgyas kyi bcas pa tsam dang 'gal ba'i ltung ba yin pa'i phyir te/ mdo las/ ji ltar myos par 'gyur ba rnams bcas pa'i kha na ma tho ba yin gyi rang bzhin gyi kha na ma tho ba'i mtshan nyid med pa'o/ /zhes gsungs pa'i phyir/ gzhan yang/ de bcas rkyang gi ltung ba yin te/ rab byung gis chang btung bas bcas 'gal gyi nyes pa 'byung zhing/ khyim pas chang btungs pas bcas 'gal gyi nyes pa mi 'byung ba'i phyir/ kha cig /mi dge ba'i blos kun nas bslang pa'i nyes pa/ rang bzhin gyi ltung ba'i mtshan nyid yin zer na/ bcas ldan dge slong gis bslab pa la khyad gsod kyi sgo nas chang btungs pa'i nyes pa chos can/ mtshon bya der thal/ mtshan nyid de'i phyir/ rtags @106a @#/ /grub ste/ de'i rgyud kyi bslab pa la khyad gsod kyi blo de mi dge ba'i blo yin pa'i phyir/ 'dod mi nus te/ bcas rkyang gi ltung ba yin pa'i phyir/ kha cig /bcas rkyang gi ltung ba yin na lung ma bstan yin dgos zer na/ rab byung gis bslab pa la khyad gsod kyis dbang gis chang btung ba'i ltung ba chos can/ der thal de'i phyir/ der thal/ de'i rgyud kyi bslab pa la khyad gsod kyi blo de mi dge ba'i blo yin pa'i phyir/ rang lugs la/ rang gi yan lag rkyen dgos la ltos te/ gnang ba med pa'i rigs su gnas pa'i ltung ba de/ rang bzhin gyi ltung ba'i ngo bo yin/ rang gi yan lag rkyen dgos la ltos te gnang ba yod pa'i rigs su gnas pa'i ltung ba de/ bcas rkyang gi ltung ba'i ngo bo yin/ yang na rang bzhin gyi bcas pa dang 'gal ba'i ltung ba rang bzhin gyi ltung ba'i ngo bo dang/ bcas rkyang gi bcas pa dang 'gal ba'i ltung ba bcas rkyang gi ltung ba'i ngo bo yin/ srog gcod kyi ltung ba dang po yin/ rab byung gis myos 'gyur 'thung ba'i ltung ba dang me reg gi ltung ba sogs gnyis pa yin no/ /'o na/ rang bzhin gyi bcas pa dang/ bcas rkyang gi bcas pa'i khyad par ji ltar yin zhe na/ bya ba de la zhugs pa tsam gyis don ma yin par 'gyur pa'i rgyu mtshan gyis/ bya ba de byed mi rigs par ston pa'i sangs rgyas kyi bka' de dang po @106b yin/ bya ba de la zhugs pa tsam gyis don ma yin par mi 'gyur yang/ de la zhugs pa la brten nas don ma yin par 'gyur ba'i rgyu mtshan gyis bya ba de byed mi rigs par ston pa'i sangs rgyas kyi bka' de gnyis pa yin/ des na rab byung gis chad btung ba'i ltung ba ni phyi ma yin te/ rab byung gi chad btungs pa tsam gyis don ma yin par mi ? 'gyur yang/ /des chang btungs pa la brten nas don ma yin par 'gyur ba'i phyir/ des na rang bzhin gyi ltung ba yin na/ rang gi kun slong du gyur pa'i nyon mongs pa can gyi blo la brten nas byung bas khyab kyang bcas rkyang gi ltung ba yin na/ rang gi kun slong du gyur pa'i nyon mongs can gyi blo la brten nas byung pas ma khyab ste/ rnam 'byed Ti ka chen las/ rang bzhin gyi kha na ma tho ba dang bcas pa ni/ nyon mongs pa'i sems las byung ba ste/ ngo bo nyid kyi ltung ba'o/ bcas pa'i kha na ma tho ba ni/ nyon mongs pa can gyi sems la brten pa ma yin pa'i phyir/ bcas pa'i dbang gis bkag pa'o/ /zhes gsungs pa'i phyir/ gsum pa ngo bo bshad pa la/ dngos dang/ ltung ba 'grub pa rnam par rig byed la ltos dgos mi dgos la dpyad pa/ sdig ltung ngo bo gcig dang ldog pa tha dad gang yin la dpya @107a @#/ /pa dang gsum/ dang po ni/ spyir ltung pa la dbye na/ mi dge bar gyur pa'i ltung ba dang dang lung ma bstan du gyur pa'i ltung ba gnyis/ dang po la/ der gyur pa'i rnam par rig byed kyi gzugs dang rnam par rig byed ma yin pa'i gzugs gnyis su yod de/ mdzod las/ 'chal pa'i tshul khrims mi dge'i gzugs/ /de spong tshul khrims rnam gnyis so/ /zhes dang/ lung gtam gyi gzhi las/ ltung ba ni rnam par rig byed ces kyang bya la rnam par rig byed ma yin pa zhes kyang bya'o/ /zhes gsungs pa'i phyir/ de spong tshul khrims rnam gnyis so/ /zhes pas tshul khrims la rnam par rig byed du gyur pa'i gzugs dang rig byed ma yin pa'i gzugs gnyis su yod par bstan to/ /ltung ba rnams bsdu na mi dge ba'i ltung ba dang lung ma bstan gyi ltung ba gnyis su 'du ste/ lung de nyid las/ dge pa'am mi dge ba'am/ lung du ma bstan pa zhes 'dri ba la mi dge ba dang lung du ma bstan par brjod par bya'o/ /zhes gsungs pa'i phyir/ des na rang bzhin gyi ltung ba dang bsams bzhin du sangs rgyas kyi bcas pa dang 'gal ba'i ltung ba ni mi dge bar gyur pa'i ltung ba dang/ ma bsams par sangs rgyas @107b kyi bcas pa dang 'gal ba'i ltung ba ni lung ma bstan du gyur ba'i ltung ba yin te/ lung gtam gyi gzhi las/ lung du bstan pa gang zhe na/ gang bcom ldan 'das kyis bslab pa bcas pa las bsams bzhin du 'da' bar byed pa ni lung du bstan pa'o/ /lung du ma bstan pa gang zhe na/ bcom ldan 'das kyis bslab pa bcas pa las ma bsams par 'das pa ni lung du ma bstan pa zhes bya'o/ /zhes gsungs pa'i phyir/ yang de la lus ngag gi sgo nas dbye na/ lus kyi ltung ba dang ngag gi ltung ba gnyis yod de/ so thar gyi sdom pa yin na/ lus ngag gi las gang rung yin dgos pa'i phyir te/ de yin na/ lus ngag gi mi dge ba 'gog byed yin dgos pa'i phyir/ 'od ldan las/ ltung ba'i rang bzhin ci yin zhe na/ lus kyi de dang ngag gi de las 'das pa'i rang bzhin can no/ /ci ste yid kyi thal ba'i rang bzhin ci'i phyir ltung ba ma yin zhe na/ yid kyi sdom pa la so sor thar pa'i sdom pa nyid med pa'i phyir/ so sor thar pa'i sdom pa ni spong ba bdun gyi mtshan nyid can yin te/ lus kyi rnam pa gsum ngag gi rnam pa bzhi zhes bya bar nges pa'i phyir ro/ /zhes gsungs pa'i phyir/ kha cig /de'i don du bsams nas yid kyi ltung ba med @108a @#/ /zer ba mi 'thad de/ yid kyi sdom pa'i ltung ba yod pa'i phyir te/ yid kyi sdom pas bdag pa'i ltung ba yod pa'i phyir te/ yid kyi bsdam bya'i nyes byad ? yod pa'i phyir/ gnyis pa ltung ba 'grub pa rnam par rig byed la ltos dgos mi dgos la dpyad pa ni/ ltung ba la bya ba bya rigs pa ma byas pa'i ltung ba dang bya ba bya mi rigs pa byas pa'i ltung ba gnyis las/ rang byung gis gso sbyong ma byas pa'i ltung ba dang po yin zhing/ de 'grub pa la rnam par rig byed nges par mi dgos te/ rab byung gis gso sbyong ma byas pa tsam gyis de 'grub pa'i phyir te/ lung las/ btsun pa lus su ma thon/ ngag tu yang ma thon pa la ltung bar 'gyur ba mchis sam/ yod de/ dge slong ma zla mo'i ltung ba 'chab na'o/ /sems kho na la ltung bar 'gyur ba mchis sam/ yod de/ gso sbyong ma byas pa'o/ /zhes gsungs pa'i phyir/ des na lus ngag gi ltung ba na rnam par rig byed la ltos dgos te/ lus kyi ltung ba lus kyi rnam par rig byed la ltos/ ngag gi ltung ba ngag gi rnam par rig byed la ltos pa'i phyir te/ zhu 'grel las/ lus ngag gi byed pa med na de'i rnam par rig byed med la/ de med na ltung ba med par 'gyur ro/ /zhes gsungs pa'i phyir/ gsum pa sdig ltung ngo bo gcig dang ldog pa tha dad gang yin la @108b dpyad pa la kha cig /de gnyis ngo bo tha dad yin te/ de gnyis rten tha dad/ rgyu tha dad/ gnyen po tha dad pa'i stobs kyis spong ba'i phyir/ dang po grub ste/ sdig pa khyim pa'i rten la 'byung/ /ltung ba rab byung kho na'i rten la 'byung ba'i phyir/ gnyis pa grub ste/ sdig pa dngos po'i dbang gis 'byung/ ltung ba bcas pa'i stobs kyis 'byung ba'i phyir/ gsum pa grub ste/ sdig pa gnyen po stobs bzhi'i bshags pas 'dag /ltung ba phyir bcos kyis 'dag pa'i phyir zer na/ 'o na de gnyis 'gal bar thal/ de gnyis ngo bo tha dad yin pa'i phyir/ 'dod na/ dge slong gis sems can gyi srog bcad pa'i ltung byed chos can/ sdig pa ma yin thal/ ltung ba yin pa'i phyir/ 'dod mi nus te/ sdig pa yin pa'i phyir te/ mi dge ba yin pa'i phyir te/ mdzod las/ 'chal ba'i tshul khrims mi dge'i gzugs/ /zhes gsungs pa'i phyir/ gzhan yang/ bcas ldan dge slong gis sems can gcig gi srog bcad pa la brten nas rten gcig la srog gcod kyi las lam tha dad pa cig char du 'grub par thal/ sdig pa dang ltung ba 'gal ba'i phyir/ 'dod mi nus te/ rnam 'byed las/ dge slong gis srog chags gcig gi srog bcad pas las lam tha dad pa gnyis 'grub @109a @#/ /pa mi sid ? la/ /zhes gsungs pa'i phyir/ gzhan yang bcas ldan dge slong gi rten la rang gi pha bsad pa'i mtshams med kyi las chos can/ sdig pa ma yin par thal/ ltung pa yin pa'i phyir te/ Tikka las/ mtshams med pa gsum po pha bsad pa dang/ ma bsad pa dang/ dgra bcom pa bsad pa dag gi skur pa 'debs pa de la ni dge 'dun lhag mar 'gyur te de gsum pham par 'gyur ba'i phyir/ zhes gsungs pa'i phyir/ kha cig /dud 'gro bsad pa'i ltung ba de/ de bsad pa'i sdig pa yin par thal/ sdig ltung ngo bo gcig yin pa gang zhig /de bsad pa'i ltung ba mi dge pa yin pa'i phyir/ 'dod na/ ltung ba de phyir bcos tsam gyis 'dag mi nus par gnyen po stobs bzhi'i bshags pa'i sgo nas 'dag par byed dgos par thal/ de bsad pa'i ltung ba sdig pa gang zhig /sdig pa de gnyen po stobs bzhi'i bshags pa'i sgo nas 'dag par byed dgos pa'i phyir zer/ yang kha cig /rab byung gi rten la dud 'gro bsad pa'i sdig pa de de'i rten la dud 'gro bsad pa'i ltung ba yin par thal/ de 'dra'i ltung ba de de 'dra'i sdig pa yin pa'i phyir/ 'dod na/ de 'dra'i sdig ltung yin khyab mnyam yin par thal/ de 'dra'i sdig pa de de 'dra'i ltung ba yin pa'i phyir te/ de 'dra'i ltung ba de de 'dra'i sdig pa yin pa'i phyir na kha cig ma khyab zer/ 'dod na/ de 'dra'i ltung ba phyir bcos kyi sgo nas 'dag @109b par byas de 'dra'i sdig pa gnyen po stobs bzhi'i sgo nas 'dag par byed dgos kyi skyes bu zhig yod par thal/ dang po phyir bcos kyis 'dag phyi ma stobs bzhi'i sgo nas 'dag pa'i phyir te/ ltung ba phyir bcos kyis 'dag sdig pa stobs bzhi'i sgo nas 'dag pa'i phyir/ 'dod na/ de 'dra'i skyes bu'i rgyud la dud 'gro bsad pa'i ltung ba yod par thal/ de'i rgyud kyi dud 'gro bsad pa'i sdig pa de de bsad pa'i ltung ba yin pa'i phyir/ ma khyab mtshams la/ rab byung gi rten la dud 'gro bsad pa'i sdig pa gnyen po stobs bzhi'i bshags pa'i sgo nas 'dag cing/ de'i rten la dud 'gro bsad pa'i ltung ba ? phyir bcos kyi sgo nas 'dag par byed dgos kyi skyes bu zhig yod par thal/ dud 'gro bsad pa'i sdig pa gnyen po stobs bzhi'i bshags pas 'dag /de bsad pa'i ltung ba phyir bcos kyis 'dag par byed dgos pa'i phyir/ 'dod na/ de'i rgyud kyi dud 'gro bsad pa'i ltung ba de de bsad pa'i sdig pa yin par thal/ spyir de dud 'gro bsad pa'i sdig pa yin pa'i phyir/ 'dod na/ de'i rgyud la dud 'gro bsad pa'i sdig pa yod par thal lo/ 'dod mi nus so/ /des na sdig pa de phyir bcos kyis 'dag par byed mi nus par stobs bzhi'i bshags pa'i sgo nas 'dag par byed dgos tshul gsungs pa ni gtso che ba la dgongs pa yin te/ khyim pa'i sdig pa de ltar byed dgos pa la dgongs pa'i phyir te/ khyim pa'i sdig pa stobs bzhi'i bshags pas 'dag pa ma gtogs @110a @#/ /phyir bcos kyis 'dag tshul gang nas kyang ma gsungs pa'i phyir/ sdig pa phyir bcos kyis 'dag par mi nus kyang/ de yin na phyir bcos kyis 'dag mi nus pas ma khyab ste/ rab byung gi rgyud kyi ltung byed du gyur pa'i sdig pa phyir bcos kyis 'dag pa'i rang bzhin yin pa'i phyir/ bzhi pa mtshan nyid ni/ sangs rgyas kyi bcas pa las 'das pa'i nyes pa/ ltung ba'i mtshan nyid/ de la pham pa nas nyes byas kyi bar lnga yod/ dge slong gi sdom pa dang 'gal bar zhugs pa'i dngos gzhi yongs rdzogs kyi ltung ba gang zhig /lhag ma'i ltung ba man las lci ba'i rigs su gnas pa'i ltung ba/ pham pa'i mtshan nyid/ dge slong gi sdom pa dang 'gal bar zhugs pa zhes pas pham 'dra pham pa yin pa gcod/ dngos gzhi yongs rdzogs zhes pas pham pa'i sbyor sbom de yin pa gcod/ de man gyis lhag ma'i ltung ba de yin pa bcod/ ci'i phyir pham pa zhes bya zhe na/ rtsa ba'i nyon mongs pa mi mthun phyogs kyis tshur pham par byed pas na de ltar brjod pa'i phyir/ dge tshul gyi sdom pa las 'das pa'i rtsa ltung la pham 'dra zhes brjod pa'i rgyu mtshan yod de/ pham pa dang byed las 'dra ba'i rgyu mtshan gyis de ltar brjod pa'i phyir/ / bsnyen rdzogs kyi sdom pa dang 'gal bar zhugs pa'i dngos gzhi yongs rdzogs kyi ltung ba gang zhig /pham pa las yang zhing ltung byed las lci ba'i rigs su gnas pa'i ltung ba/ lhag @110b ma'i ltung ba'i mtshan nyid/ de gang zhig /lhag ma'i ltung ba las yang zhing sor bshags las lci ba'i rigs su gnas pa'i ltung ba/ ltung byed kyi mtshan nyid/ de gang zhig /ltung byed las yang zhing nyes byas las lci ba'i rigs su gnas pa'i ltung ba/ sor bshags kyi kyi ltung ba'i mtshan nyid/ ltung ba sde lnga'i nang tshan gang zhig /sor bshags las yang ba'i rigs su gnas pa'i ltung ba/ sde lnga'i nang tshan du gyur pa'i nyes byas kyi mtshan nyid yin/ nyes byas der 'dus pa'i ltung ba yin na bsnyen rdzogs kyi sdom pa dang 'gal par zhugs pas ma khyab ste/ dge tshul gyi ltung ba yang der 'du ba'i phyir/ lnga pa rgyu la thun mong gi rgyu dang/ so so'i rgyu gnyis/ dang po la/ mi shes pa gti mug /bag med pa'i sems byung/ nyon mongs mang ba/ bslab pa la ma gus pa'i sems byung rnams su yod de/ bsdus ba las/ de yi rgyu ni rnam bzhi ste/ /mi shes pa dang bag med dang/ /nyon mongs mang dang ma gus pa/ /zhes gsungs pa'i phyir/ mi shes pa gti mug la yang gang zag gi bdag tu 'dzin pa'i gti mug dang/ las 'bras la rmongs pa'i gti mug la sogs pa du ma yod kyang/ rab byung gi bslab pa'i gnas la rmongs pa'i gti mug de ltung ba'i rgyu yin/ / de'i gnyen por rab byung gi bslab pa'i gnas mtha' dag la slob dgos/ bag med pa'i sems byung ni sgo gsum mi mthun phyogs la sems mi bsrung bar rang dbang du 'jug pa'i @111a @#/ /sems byung de yin/ de'i nang nas ltung ba'i rgyu la bag med du 'jug pa'i sems byung de yin/ de'i gnyen por sgo gsum mi mthun phyogs las bsdom pa'i sgo nas bag yod pa la spyod dgos/ nyon mongs mang ba ni 'dod chags zhe sdang la sogs pa'i nyon mongs mang ba la byed/ de'i gnyen por mi sdug pa dang byams pa bsgom par byed/ ma gus pa ni/ dkon mchog gsum dang las 'bras la ma gus pa sogs du ma yod kyang/ 'dir las 'bras dang bslab pa'i gnas la ma gus pa la byed/ de'i gnyen por las 'bras dang bslab pa la yid ches kyi dad pa bsgom dgos/ so so'i rgyu ni ltung ba rang rang gi thad du 'chad do/ /drug pa grangs nges ni ltung ba la sde lngar grangs nges te/ dngos bcas kyi bcas pa mdzad pa'i ltung ba la sde lngar grangs nges pa yin pa'i phyir/ grangs nges de ltar 'jog pa'i rgyu mtshan yod de/ de ltar bzhag pa la brten nas/ rab byung rnams kyis dgag bya 'gog nus/ bsgrub bya bsgrub kyang nus pa'i phyir/ /bdun pa go rim ni sde lnga po chad pa lci rim gyi dbang du byas nas bstan la/ pham pa bzhi ni 'byung nye ba'i dbang du byas pa dang bcas pa'i rim pa dang yang mthun par bstan to/ /brgyad pa/ sgra don la thun mong ba'i sgra don dang/ so so'i sgra don gnyis/ dang po la/ rten gyi gang zag ngan song du @111b ltung bas na ltung ba/ skyes bu dam pas smad pa'i gnas yin pas na kha na ma tho ba/ tshul khrims kyi mi mthun phyogs yin pas na 'chal tshul/ rang 'bras rnam smin yid mi 'ong 'byin pas na nyes byas zhes brjod/ brgyad pa/ so so'i sgra don ni/ gnyen po dge slong gi sdom pa pham par byed cing/ ngos skal gyi spang bya rgyal bar byed pas na pham pa zhes brjod de/ gzhi 'grel las/ pham par gyur pa zhes bya ba ni nyon mongs pas zil gyis mnan pa'i phyir/ zhes gsungs pa'i phyir/ phyir bcos dge 'dun la rag las shing/ sdom pa gso ba'i lhag ma tsam lus pas na/ dge 'dun lhag ma/ rten gyi gang zag ngan song du ltung bar byed pas na ltung byed/ bcabs nyes med kyang 'thol ba dang bshags pa gnyis so sor dgos pas na sor bshags/ legs spyad ma yin pas na nyes byas zhes brjod do/ /gnyis pa rten gyi yan lag la thun mong ba'i yan lag dang/ so so'i yan lag gnyis/ dang po la/ sdom pa gso rung yan chad yin pa/ bcas pa mdzad rjes kyi rab byung yin pa/ shes pa rang bzhin du gnas pa rnams ltung ba spyi'i yan lag yin/ gzugs gzhan du ma bsgyur ba/ gzugs mi snang bar ma byas pa/ mtshan ma gyur pa rnams ltung ba so so'i yan lag yin te/ de ltung ba thams cad la mi dgos pa'i phyir/ @112a @#/ /bslab pa bcas pa la phan yon du yod ce na/ bcu yod de/ dge 'dun rnams bsdu ba/ 'dod pa bsod snyoms kyi mtha' spangs pa/ ngal zhing dub pa'i mtha' spangs pa/ bskrad pa nan tur sogs kyi sgo nas bya ba ngan pa la zhugs pa'i gdul bya tshar gcod pa/ ltung ba la 'gyod pa'i rang byung rnams kyis phyir bcos kyi sgo nas 'gyod pa bsal ba/ bslab pa la ma dad pa'i gdul bya rnams ji ltar 'tsham pa'i yo byad kyi sgo nas rab byung la 'jug pa'i dgos pa/ bslab pa la gus pa'i rab byung rnams smin par byed pa/ ltung ba la 'jigs pa'i sgo nas ltung ba'i rgyu la 'jug pa bzlog par byed pa/ ltung ba'i rgyu bag la nyal las bzlog pa/ sangs rgyas kyi bstan pa lha dang mi rnams la rgyun mi 'chad du gnas pa'i dgos pa rnams su yod pa'i phyir/ gsum pa bsdu ba ni/ rnam 'byed kyi don rnams bsdu na ltung ba rnam gzhag /ltung med du 'gyur tshul/ bslab bya rnams su bsdu ba'o/ /dang po ltung ba rnam gzhag la ltung ba'i yan lag gi ngo bo dang/ sel ba gnyis/ dang po de'i yan lag ni de'i rgyu la byed cing/ de'i yan lag la gzhi bsam pa sbyor ba mthar thug gi yan lag dang bzhi las/ yan lag gzhan rnams rang rang gi thad du 'chad/ / @112b bsam pa'i yan lag la 'du shes kyi yan lag dang/ rgyan slong gi yan lag gnyis yod/ gnyis pa sel ba la ngo bo/ sgra don/ dbye ba/ ci 'gyur dang bzhi/ dang po ltung ba de dang de bskyed pa'i yan lag 'ga' zhig tshang yang ? / ltung ba de bskyed pa'i yan lag rdzogs par ma tshang ba'i cha de ltung ba de'i sel ba'i ngo bo yin/ gnyis pa sgra don ni/ ltung ba de bskyed pa'i yan lag rdzogs par ma tshang ba'i stobs kyis ltung ba de'i dngos gzhi yongs rdzogs bskyed pa de sel ba'i rgyu mtshan gyis de ltar brjod pa yin/ gsum pa de la dbye na gzhi'i yan lag gi sel ba nas/ mthar thug gi yan lag gi sel ba'i bar bzhi yod/ dang po ni/ ltung ba de dang de bskyed pa'i gzhi'i yan lag 'ga' zhig tshang yang de rdzogs par ma tshang ba'i cha de de'i mtshan nyid yin/ de la dbye na/ rten gyi yan lag gi sel ba dang/ yul gyi yan lag gi sel ba gnyis/ dang po la bslab pa'i yan lag gi sel ba dang bsam pa'i yan lag gi sel ba gnyis/ dang po la/ rab byung gi sdom pa dang mi ldan pa'i skyes bu dang rtsa ltung 'chab bcas byung ba'i skyes bu ni ltung ba sde lnga'i yan lag tu gyur pa'i bslab pa'i yan lag gi sel ba yin te/ de gnyis la ltung ba sde lnga'i dngos gzhi @113a @#/ /yongs rdzogs mi 'byung ba'i phyir/ gnyis pa bsam pa'i yan lag tu gyur pa'i sel ba la 'du shes dang kun slong gnyis/ smyo ba sogs bsam pa so na mi gnas pa ni ltung ba sde lnga bskyed pa'i 'du shes dang kun slong gi yan lag tu gyur pa'i sel ba yin te/ smyo ba sogs la bslab pa ma bcas pa'i phyir/ 'du shes 'khrul ba ni ma byin len lta bu'i 'du shes ma 'khrul ba yan lag tu dgos pa'i ltang ba rnams kyi bsam pa'i yan lag tu gyur pa'i sel ba yin kyang; mi tshangs spyod la gyogs pa'i ltung ba bskyed pa'i sel ba'i yan lag ma yin te/ mi tshangs spyod kyi ltung ba bskyed pa 'du shes ma 'khrul ba la mi ltos pa'i phyir/ gsum pa ni ltung ba de bskyed pa'i sbyor ba'i yan lag 'ga' zhig ched yang de rdzogs par ma tshang ba'i sel ? ba'i sbyor ba'i sel ba'i ngo bo yin/ bzhi pa ni/ ltung ba de dngos gzhi bskyed pa'i yan lag 'ga' zhig tshang yang de rdzogs par ma tshang ba'i cha de de'i dngos gzhi'i sel ba'i ngo bo yin/ kha cig ltung ba de bskyed pa'i yan lag 'ga' zhig ma tshang ba de de'i sel ba'i ngo bo yin zer na/ bcas ldan dge slong gi dud 'gro bsad pa chos can/ srog gcod kyi pham pa'i yan lag 'ga' zhig ma tshang ba yin par thal/ de'i sel ba yin pa'i phyir/ khyab pa khas/ rtags grub ste/ de'i yul gyi sel ba yin pa'i phyir/ der thal/ de la srog gcod kyi pham pa 'byung ba la yul gyi yan lag tsam ma tshang ba'i phyir te/ de 'byung ba'i yul la mi'am mir 'chags pa gang rung yin pa zhig dgos pa'i phyir/ rtsa bar 'dod mi nus te/ de'i rten gyi yan lag tshang ba'i phyir/ bzhi pa ci 'gyur bshad pa la dngos dang/ sbom po'i ltung ba'i rnam gzhag bye brag tu bshad pa gnyis/ dang @113b po la; na smad du 'gyur tshul/ ches na smad du 'gyur tshul/ ltung ba gzhan du 'gyur tshul/ ltung med du 'gyur tshul dang bzhi/ dang po ni/ ltung ba de bskyed pa'i yan lag phal cher tshang/ gcig gam gnyis tsam lus pa'i sel ba las ltung ba de'i na smad du 'gyur ba yin te/ dper na/ pham lhag gi na smad la sbom por 'byung/ ltung byed dang sor bshags kyi na smad la nyis byas 'byung/ nyes byas kyi na smad la nyes byas phra mo 'byung ba lta bu yin pa'i phyir/ gnyis pa ni/ ltung bde bskyed pa'i yan lag phal cher tshang gsum tsam lus pa'i sel ba las ltung ba de'i ches na smad du 'gyur te/ dper na/ phaM lhag gi ches na smad la nyes byas/ sbom po'i ltung ba ltung byed sor bshags gsum gyi ches na smad la nyes byas phra mo/ nyes byas kyi ches na smad la nyes byas ches phra mo rnams 'byung ba'i phyir/ gsum pa gzhan du 'gyur tshul la/ sde tshan gzhan du 'gyur tshul/ bcas pa gzhan du 'gyur tshul/ gnas skabs gzhan du 'gyur tshul dang gsum/ dang po la/ bcas ldan dge slong gis dud 'gro bsad pa la srog gcod kyi pham pa'i sde tshan las gzhan du gyur pa'i ltung byed kyi sde tshan du gyur pa'i ltung ba ni sde tshan gzhan du gyur pa'i ltung ba yin/ bcas ldan dge slong gis dge slong rnam dag cig la mthong thos dogs gsum med par sbyor ba mi gsal ba'i sgo nas lhag ma'i skur ba btab pas lhag ma'i skur 'debs kyi bcas pa las gzhan du gyur pa'i bag tsam gyi skur 'debs kyi ltung ba ni bcas pa gzhan du gyur pa'i ltung ba yin/ bcas ldan dge slong gis @114a @#/ /chags sems med par bur med la reg pa'i ltung ba ni reg pa'i lhag ma'i gnas skabs las gzhan du gyur pa'i ltung ba yin/ gnyis pa sbom po'i rnam gzhag bye brag tu bshad pa la mtshan nyid/ dbye ba/ bsdu ba/ sgra don dang bzhi/ dang po ni/ sbom po'i rgya tshogs tshang ba'i reg byed las skyes pa'i rig byed dang rig byed ma yin pa ci rigs pas bsdus pa'i ltung ba gang zhig /sbom po'i ming gi sgo nas phyir bcos bya dgos pa'i rigs su gnas pa/ ltung ba sbom po'i mtshan nyid/ gnyis pa ni/ de la dbye na pham lhag so sos kun nas bslangs pa'i sbom po lci ba dang shin tu lci ba dang yang ba dang shin tu yang ba ste brgyad yod/ gsum pa ni/ de rnams bsdu na/ pham lhag gi khongs su gtogs pa'i sbom po gnyis su 'du/ bzhi pa ni ci'i phyir dman pa sbom po bya zhe na/ pham lhag gi dngos gzhi las dman zhing/ ltung ba gzhan las kha na ma tho ba lci bas na de ltar brjod do/ ! /bzhi pa ltung med du 'gyur tshul bshad pa ni ltung ba dngos gzhi med pas ltung med du gsungs tshul/ skabs der gtogs kyi ltung ba med pas ltung med du gsungs tshul/ ltung ba rnam gzhag med pas ltung med du gsungs tshul/ ltung med du 'gyur tshul dngos dang bzhi/ dang po ni bcas ldan dge slong gis ring thang ma tshang ba'i rdzas ma byin pa blangs pa la ltung med du gsungs pa ni dang po yin te/ de la ma byin len gyi pham pa dngos gzhi mi 'byung yang/ ma byin len gyi ltung ba 'byung ba'i phyir/ bcas ldan dge slong gis khyim bdag @114b gcig la dus gcig tu 'bras ltung bzed gsum las lhag pa len pa'i ltung byed 'chad pa'i skabs su/ las su ma byas pa la yang ngo/ /zhes pas 'bras len pa'i las su ma gtogs pa'i rab byung gis khyim bdag la 'bras ltung bzed gsum blangs pa la ltung med du gsungs pa ni gnyis pa yin te/ de la 'bras ltung bzed gsum las lhag pa blangs pa'i ltung byed mi 'byung yang/ 'bras blangs pa'i ltung ba 'byung ba'i phyir/ reg pa'i lhag ma 'chad pa'i skabs su bdag gir mi byed pa la ltung ba med do/ zhes pas dge slong gis bud med la reg pa'i bde ba bdag gir ma byas pa la ltung med du gsungs pa ni gsum pa yin te/ de la reg pa'i lhag ma'i ltung ba mi 'byung yang nyes byas 'byung ba'i phyir/ bzhi pa ltung med du 'gyur tshul dngos la bcas rang gnyis ka'i sgo nas ltung med du 'gyur tshul dang/ bcas pa 'ba' zhig gi sgo nas ltung med du 'gyur tshul gnyis las/ rang bzhin gyi 'gro 'dug nyal 'chag gi spyod lam rang ga ba dang/ sangs rgyas kyi bcas pa ma mdzad gong gi las dang po ba dang sdom pa ma blangs pa dang bsam pa rang bzhin du mi gnas pa dang ltung ba rang rang gi kun slong med pa dang bsgrub mi nus pa'i rmi lam gyi gnas skabs sogs dang po yin/ gnyis pa la/ dgag bya med pas ltung med du 'gyur tshul/ bag yangs gnang ba'i sgo nas der 'gyur tshul/ bsgrub mi nus pa'i sgo nas @115a @#/ /der 'gyur tshul/ rkyen dgos la ltos te der 'gyur tshul dang bzhi/ bcas ldan dge slong gis bye ma skam po 'ba' zhig brko ba dang rtsa skam po gcod pa ni dang po yin/ des sra brgyar bting pa'i skabs su 'chang 'bras 'jog gsum byi ltung ba med pa dang/ zas yang yang za ba dang 'dus nas za ba'i ltung ba med pa dang dge 'dun la gnang ba zhus nas khang pa khang chen tshad las lhag /pa brtsig ? tu rung ba rnams ni gnyis pa yin/ bag yangs gnang ba la dgos pa yod de/ gang zag rlabs po che bstan pa la gzhug par bya ba dang dge 'dun gyi dbye na 'du mas pa'i dgos pa yin pa'i phyir/ bag yangs gnang ba'i tshul yang yod de/ phran tshogs las/ dge slong dag bslab par bya ba'i gzhi phra mo dang phran tshogs dag la dge 'dun rnams tshogs nas skabs dbye zhing bde ba la reg par bya'o/ /zhes gsungs pa'i phyir/ kha cig /ltung byed man chad kyi ltung ba kho na la bag yangs kyi sgo nas ltung med du gnang ba yod kyi/ lhag ma'i ltung ba la de ltar med do zer na/ mi 'thad de/ khang pa khang chen brtsigs pa'i lhag ma'i ltung ba la de ltar yod pa'i phyir/ des na pham pa ma gtogs lhag ma'i ltung ba man gyi bcas rkyang gi ltung ba la bag yangs kyi sgo nas ltung med du gnang ba yod kyang rang bzhin gyi ltung @115b ba la de ltar gnang ba med de/ bsdu ba las/ ltung ba phran tshogs zhes bya ba ni rang bzhin gyi kha na ma tho ba'i bcas pa ma gtogs so/ /zhes gsungs pa'i phyir/ bag yangs ?? ba'i cho ga ni/ gsol bzhi'i las kyi cho ga la brten nas gnang/ gsum pa bsgrub mi nus pa'i sgo nas ltung med du 'gyur tshul ni tshul ni mtha' 'khob tu 'dul ba 'dzin pa lngas rab byung bsnyen rdzogs bsgrub tu rung ba lta bu yin/ bzhi pa rkyen dgos la ltos te ltung med du gyur wsul la rang gi rkyen dgos la ltos te der 'gyur tshul dang/ gzhan gyi rkyen dgos la ltos te der 'gyur tshul gnyis las/ dang po la rang gi rkyen dgos kyi gtso bo la ltos te ltung med du 'gyur tshul dang/ de ma yin pa'i rang gi rkyen dgos la ltos te der ? 'gyur tshul gnyis las/ dang po ni rang bzhin gyi kha na ma tho ba bsrung ba dang dge sbyong tshul gyi 'bras bu sgrub pa dang srog gi bar chad bsrung ba gsum po gang rung dang bcas rkyang gi lta ba ? 'ga' zhig bsrung ba nang 'dom na phyi ma las 'das kyang nyes med du gnang ba ni dang po yin/ dge sbyong tshul gyi 'bras bu bsgrub pa ni dben par bsam gtan 'phel ba la lag to sogs nyes med du gnang ba de yin no/ /gnyis pa ni lus dang bsod nams dang longs spyod gsum gyi bar chad bsrung ba gsum po gang rung dang bcas rkyang gi ltung ba 'ga' zhig @116a @#/ /bsrung ba nang 'dom na phyi ma las 'das kyang nyes med du gnang ba de yin no/ des na nang pa rnams la lus 'tsho ba'i phyir du gyi dro'i kha zas gnang ba/ dkon mchog mchod pa'i phyir glu gar byed pa/ rdzas chud mi gzon pa'i phyir rin po che la reg par gnang ba rnams ni lus kyi bar chad bsrung ba la sogs pa'i mtshan gzhi yin no/ / des na gzhan gyi rkyen dgos la ltos te ltar med du 'gyur tshul shes par 'gyur la/ rtsa ba'i gsum pa bslab bya ni gong 'og tu 'chad pas byang shes so/ /gnyis pa gzhung don la/ pham pa bzhi bshad pa sogs lnga las/ dang po la/ sdoms kyis bsdus pa'i tshul dang/ de'i don bshad pa gnyis/ dang po ni/ so thar gyi mdo las/ mi tshangs spyod dang rku ba dang/ /mi ni bsad par mi bya ba/ /brdzun du smra dang bcas pa yi/ /chos bzhi 'dir ni gsungs pa yin/ /zhes gsungs/ gnyis pa la bzhi yod pa'i nang nas dang po mi tshangs spyod kyi pham pa'i sde 'chad pa la/ rnam 'byed nas 'byung tshul/ phran tshegs nas 'byung tshul/ zhu ba nas 'byung tshul/ 'dul byed nas 'byung tshul lo/ /dang po ston par byed pa la/ bcug reg nyams su myong bar byas na'o/ /zag byed do/ der ro/ /ma nyam la @116b bar ro/ /kha'am bshang ba'i lam du'o/ /zhes sogs gsungs/ gnyis pa ston pa la/ gang du bud med kyis brjod pa der 'gro bar mi bya'o/ /gang du mi ma yin pas gnod pa'i phyir brtsal ba der 'gro bar mi bya'o/ /zhes sogs gsungs/ gsum pa ston pa la/ kha'i dang po ni so phan chad do/ /bshad pa'i lam gyi ni bu gu'i sbugs kyi mtha' yan chad do/ /zag byed ni pags rim yan chad do/ /de'i nor bu bcug pa ni de'i mtha'o/ /zhes sogs gsungs/ bzhi pa ston pa la/ dge slong gi dngos por mi shes na rang bzhin las nyams pa yin no/ /nyams pa ni gnyis te nang dang phyi rol lo/ /zhes sogs gsungs/ 'di'i skabs su ngag don dang spyi don gnyis las/ dang po ngag don ni mtshan nyid kyi shes/ gnyis pa spyi don la bslab pa 'cha' ba'i snyad ka gleng gzhi bshad pa/ bslab pa bca' ba'i rgyu mtshan dgag bya nyes dmigs bshad pa/ ngo bo bshad pa/ yan lag gi brtsi ba rnam par gzhag pa dang bzhi/ dang po ni yul spong byed du dge slong bzang sbyin gyis nyon mongs pa 'dod chags la brten nas mi tshangs pa spyod pa la brten nas bslab pa 'di bcas pa yin/ bslab pa bcas pa'i dgos pa ni dge 'dun bsdu ba'i phyir sogs sngar bshad pa ltar gyi phan yon bcu gzigs nas @117a @#/ /bcas so/ /gnyis pa rgyu mtshan ni de ma bcas na lus srog tshangs spyod dang dge sbyong gi tshul la gnod pa dang bsod nams dang longs spyod kyi bar chad du 'gyur ba sogs kyi dgag bya yod pas so/ /nyes dmigs la mthong chos kyi nyes dmigs dang/ ma mthong ba'i chos kyi nyes dmigs gnyis las/ dang po ni/ dge sbyor gi tshul la gnod pa dang/ khyim pa ma dad pa sogs du ma 'byung/ gnyis pa ni skye ba phyi ma la ngan 'gror skye bar 'gyur/ rgyu mthun gyi 'bras bu la myong ba rgyu mthun gyi 'bras bu dang/ byed pa rgyu mthun gyi 'bras bu gnyis las/ dang po ni skye ba phyi ma la lus mi sdug pa dang chung ma dgra zla can du 'gyur ba la sogs pa'o/ /gnyis pa ni ma tshangs spyod la ngam ngam shugs kyis 'jug par 'gyur/ bdag 'bras ni skye ba phyi ma phyi sa mang ba sogs kyi gnas su skye bar 'gyur/ rnam smin ni che 'bring chung gsum ste dmyal ba yi dags dur 'gro gsum du rim gyis skye bar 'gyur/ gsum pa ngo bo ni bcas ldan dge slong gis rang gi nor bu ma nyams pa'i mi'i sgo gsum gang rung du bcug pa'i bde ba lus shes kyis myong zhing yid shes kyis bdag gir byas pa la brten nas byung ba'i dngos gzhi yongs rdzogs kyi ltung ba de mi tshangs spyod kyi pham pa'i ngo bo yin/ /bzhi @117b pa yan lag la gzhi bsam pa sbyor ba mthar thug gi yan lag dang bzhi/ dang po ni ma nyams pa'i rma'i sgo gsum gang rung yin pa zhig dgos/ gnyis pa bsam pa la 'du shes dang kun slong gnyis las 'du shes ma 'khrul ba mi dgos/ /kun slong la mi tshangs spyod 'dod kyi bsam pa rgyun ma 'chad pa dgos/ gsum pa sbyor ba la lus kyis rtsol ba zhugs pa sogs dgos/ /bzhi pa mthar thug ni mi tshangs par spyod pa'i bde ba lus shes kyis myong zhing yid shes kyis bdag gir byas pa dgos so/ / gnyis pa ma byin len gyi pham pa'i sde 'chad pa la/ rnam 'byed nas 'byung tshul/ phran tshogs nas 'byung tshul/ zhu ba nas 'byung tshul/ 'dul byed nas 'byung tshul dang bzhi/ dang po 'chad pa la rku'am rkur bcug pa dag gis so/ /ma dags pas kyang ngo/ /ma byin pa'o/ /ma sha ka la sogs pa'o/ /rku sems kyis so/ /mi'i rgyud kyis yongs su bzung ba'o/ /der 'du shes pas so/ /zhes sogs gsungs/ gnyis pa 'tshang pa la/ yongs su bzung ba dang bcas pa gnang ba las gzhan pa'i thabs kyis bdag gir mi bya'o/ /bdag gir byas pa dgug par mi bya'o/ /zhes sogs gsungs/ gsum pa 'chad pa la ka ka ni bzhi la ma sha ka'o/ / @118a @#/ /lnga nyid ni kar sha pa na'i bzhi cha'i dpe yin no/ /gang na de'i tshigs nyid nyi shu yin pa de la brten nas so/ /rku ba'i gnas dang dus kyis de'i brtsi ba rnam par gzhag go /zhes sogs gsungs/ bzhi pa 'chad pa la/ blang ba'i snga rol tu shi ba nyid du gyur na bzhag pa nyid do/ /bzlog pa ni shi ba'i yo byad nyid do/ /dge 'dun ni phu nu dang 'dra bas de'i chod du rku ba ni bdag gir mi byed pa ma yin no/ /bdag po tha dad pa ma yin pa ni rang gi dang 'dra'o/ /zhes sogs gsungs/ 'di'i skabs su dag don dang spyi don gnyis/ dang po dag don ni mtshan nyid las shes/ gnyis pa spyi don la sngar bshad pa ltar bzhi las/ dang po ni yul rgyal po'i khab tu gang zag rdza mkhan gyi rigs las rab tu byung ba'i dge slong nor sbyin gyis nyes pa rgyal po'i shing brkus pa la brten nas bslab pa 'di bcas pa yin/ dgos pa ni sngar dang 'dra/ gnyis pa la mthong chos kyi nyes dmigs dang/ ma mthong ba'i chos kyi nyes dmigs gnyis las/ mthong chos kyi nyes dmigs dang/ rnam smin gyi 'bras bu ni sngar 'chad pa dang 'dra/ rgyu mthun gyi 'bras bu la gnyis las/ dang po ni/ skye ba phyi ma longs spyod chung ba sogs su 'gyur/ gnyis pa @118b ni ma byin len la ngam ngam shugs kyis 'jug par 'gyur/ bdag 'bras ni skye ba phyi ma la lo thog la sad dang ser ba sogs gnod pa mang ba'i sa phyogs su skye bar 'byung ngo/ / gsum pa ni bcas ldan dge slong rang nyid las nor rdzas tha dad cing gzhan gyis bdag tu bzung ba'i rin thang tshang ba'i mi'i rdzas brkus nas rdzas bdag snga ma des blos btang zhing gang zag rang nyid kyis thob blo skyes pa la brten nas byung ba'i dngos gzhi yongs rdzogs kyi ltung ba de ma byin len gyi pham pa'i ltung ba'i ngo bo yin/ bzhi pa la dngos dang; ma byin len gyi pham pa 'byung ba'i gzhir gyur pa'i rdzas kyi rin thang gi tshad bshad pa gnyis dang po la gzhi bsam pa sbyor ba mthar thug gi yan lag dang bzhi/ dang po la de'i gzhir gyur pa'i rdzas bdag gi khyad par dang/ de 'dra ba'i rdzas kyi khyad par gnyis las/ dang po ni/ de'i rdzas bdag gi khyad par yod de/ ma byin len gyi pham pa gang las 'byung ba'i gzhir gyur pa'i rdzas de rang nyid dbang zhing bdag gir byed pa'i mi de/ de yin pa'i phyir/ 'di la bsam sbyor gnyis kyi sgo nas rdzas bdag tu 'gyur tshul/ rigs kyi sgo nas de ltar 'gyur tshul/ yul chos kyi sgo nas de ltar 'gyur tshul/ bcas pa'i stobs kyis de ltar 'gyur tshul dang @119a @#/ /bzhi las/ dang po ni bcas ldan dge slong gis rang dbang ba'i chos gos bsam pa thag pas rab byung gzhan la bsdos pa na gang du bsdos pa'i rab byung de bsam pa'i sgo nas gang bsdos pa'i chos gos de'i rdzas bdag tu gyur pa yin/ rngon pas ri dwags bshor ba'i sbyor ba byas pa na rngon pa de sbyor ba'i sgo nas ri dwags de'i rdzas bdag tu byung ba yin/ bu de rang gi pha'i rdzas de'i rigs rgyud kyi sgo nas rdzas bdag tu gyur pa yin/ sho gam la dbang ba'i yul dpon de yul chos kyi sgo nas sho gam gzhal ba'i rdzas de'i rdzas bdag tu gyur pa yin/ dbyar khas len la gtogs pa'i rab byung de sangs rgyas kyi bcas pa'i stobs kyis dbyar gyi rnyed pa de'i rdzas bdag tu gyur pa dang/ sra brkyang bting ba'i rab byung de bcas pa'i stobs kyis sra brkyang bting ba'i rdzas de'i rdzas bdag tu gyur pa yin no/ /gnyis pa ni gzhi'i rdzas de la yang mis bdag tu bzung zhing dur khrod la sogs pa'i dman pa'i rdzas ma yin pa/ g.yos su sbyar ba'i kha zas sogs ma yin pa/ rdzas rin thang tshang ba zhig dgos so/ /de la sgra mi snyan pa'i rdzas ma yin pa zhig dgos te/ de'i rdzas brkus pas pham pa bskyed pa med pa'i phyir te/ de'i mi rnams kyis rdzas la bdag gir 'dzin pa med pa'i phyir/ de yang gang du thob blo @119b skyes pa'i gnas der ring thang tshad ba dgos te/ dper na rku ba po dang rku yul gnyis kyi yul gyi bar la thob blo skyes na gang la nye ba'i yul de'i ring thang tshang ba dgos/ yul de gnyis la nye ring med pa'i mtshams su thob blo skyes na rku ba po'i yul la ltos te ring thang tshang ba dgos pa bzhin yin pa'i phyir/ de yang yul rten gnyis ka la ltos te ring thang tshang ba dgos te/ rab byung gnyis kyis mi gcig gi rdzas 'jog rdzas kyi ched du brkus na ring thang tshang ba gcig brkus pas kyang rtsa ltung bskyed cing/ bgos rdzas kyi ched du brkus na ring thang tshang ba gnyis rtsa ltung gi yan lag tu dgos pa'i phyir te/ gnyis po re res rin thang tshang ba re re thob pa de'i yan lag tu dgos pa'i phyir/ rab byung gcig gis mi gnyis kyi 'jog rdzas ring thang tshang ba gcig brkus pas kyang rtsa ltung bskyed la/ bgod rdzas brkus na ni ring thang tshang ba gnyis brkus pa rtsa ltung gi yan lag tu dgos pa yin te/ gnyis po re re la ring thang tshang ba re re thob pa de de'i yan lag tu dgos pa'i phyir/ de bzhin du rab byung bcus mi bcu'i 'jog rdzas 'jog rdzas kyi ched du ring thang tshang ba gcig brkus pas kyang rtsa ltung bskyed cing/ mi bcu'i 'jog rdzas bgod rdzas kyi ched du brku ba dang/ mi bcu'i bgod rdzas kyi ched du brkus pa la ring thang tshang ba bcu thob @120a @#/ / /pa rtsa ltung gi yag lag tu dgos pa yin te/ snga ma ni rab byung bcu po re res rin thang tshang ba re re thob dgos pa dang/ phyi ma ni mi bcu po re re la ltos pa'i rin thang tshang ba re re thob pa rtsa ltung gi yan lag tu dgos pa'i phyir/ des na snga ma bcu pos phyi ma bcu'i bgos rdzas bgos rdzas kyi ched du brkus pa la rin thang tshang ba brgya thob pa rtsa ltung gi yan lag tu dgos pa sogs shes par bya'o/ de yang sbyor ba gcig la brkus pa dgos la/ sbyor ba gcig dang tha dad kyi khyad par yang gser se ba gsum rim can du brkus pa'i tshe kun slong rku sems rgyun ma bcad par brku ba'i sbyor ba la sbyor ba gcig pa'i tha snyad dang/ bar du rku sems log nas kun slong gi rgyun bcad nas brkus pa'i sbyor ba la sbyor ba tha dad pa'i tha snyad byed do/ /gnyis pa bsam pa la 'du shes dang kun slong gnyis/ /dang po 'du shes ni der nges pa'am the tshom gyi sgo nas brkus pas kyang 'grub cing/ de yang gser brku snyam pa'i sgo nas dngul brkus na pham pa dngos gzhi mi skyed kyang de gnyis gang yin na brku snyam pa'i sgo nas brkus ni pham pa bskyed de/ de la kun slong spyi la zhugs pa yod pa'i phyir/ lhas byin dang mchod sbyin gnyis kyi rdzas la yang de bzhin du rigs 'gre'o/ /yang 'du @120b shes la gzhan gyi rdzas la gzhan gyi rdzas su 'du shes pa dgos te/ de la rang gi rdzas su 'du shes pa dang/ rang gi rdzas la gzhan gyi rdzas su 'du shes pa'i sgo nas brkus na pham pa dngos gzhi mi skyed pa'i phyir/ gnyis pa kun slong ni gzhan gyi rdzas yin pa la gzhan gyis ma gnang yang rang gi 'tsho ba'i don du 'bral 'dod kyi bsam pa rgyun ma 'chad pa dgos/ gsum pa sbyor ba la lus kyi rtsol ba'i sgo nas rang gis brkus pa'am/ gzhan brku ru bcug pa gang rung la brten nas 'grub bo; bzhi pa mthar thug gi yan lag la kha cig mthar thug gi yan lag la brku bya'i rdzas de sngar gyi rang gnas nas gnas gzhan du spo ba dgos te/ rnam 'byed las/ gnas nas gnas gzhan du spo bar byas na pham par 'gyur ro/ /zhes gsungs pa'i phyir zer na/ skyon med de/ lung des ni rdzas de pha rol po rdzas bdag gis blos ma btang pa'i gnas nas blos btang ba'i gnas su sleb pa la gnas nas gnas su slob pa'i ming gis btags nas bstan pa tsam yin pa'i phyir te/ 'od ldan las/ btsal te brtsad pas kyang pha rol po'i re ba ma 'chad pa'i gnas nas re ba chad pa'i gnas su phyin par byed pas na gnas nas gnas su spo bar byed pa dang/ zhes gsungs pa'i phyir/ de ltar ma yin na khang zhing @121a @#/ /brkus pa la brten nas pham pa bskyed pa med par thal/ de rang gnas nas gnas gzhan du spo ba'i sgo nas brkus pa med pa'i phyir/ rang lugs la/ mthar thug gi yan lag la brku ba po rang gis rdzas de la thob blo skyes pa dang sngar gyi rdzas bdag gis blos btang ba gnyis dgos pa yin no/ /gnyis pa ring thang gi brtsi tshul la rgya gar gyi brtsi tshul dang/ bod kyi brtsi tshul gnyis las/ dang po ni kar sha pa na'i bzhi cha la de'i rin thang tshang ba yin te/ ka ri ka lnga bcu pa las/ kar sha pa na'i bzhi cha yis; ;de brkus tshul khrims zhig par 'gyur/ /zhes gsungs pa'i phyir/ de'i bzhi cha'i tshad ni lung rnam 'byed las/ ma sha ka lnga la de'i bzhi char brtsi bar gsungs la/ de ni bslab pa de 'cha' ba'i dus kyi tshe ma sha ka nyi shu la kar sha pa na gcig tu brtsi bar gsungs pa'i dbang du byas pa yin te/ yul dus kha cig tu ma sha ka gsum la de'i rin thang tshang bar brtsi ba yod pa nas bzung ste yul dus kha cig tu de bcu la de'i ring thang tshang bar brtsi ba yod pa'i phyir te/ lung gtam gyi gzhi las/ btsun pa ma sha ka gsum brkus pas pham par 'gyur ba mchis sam/ bka' stsal pa/ yod de/ gang na ma sha ka bcu gnyis la kar sha pa na gcig tu gyur pa na'o/ / @121b ma sha ka lnga las lhag brkus pas pham par mi 'gyur ba mchis sam/ bka' stsal pa/ yod de/ gang na ma sha ka bzhi bcu la kar sha pa na gcig tu gyur pa na'o/ / zhes gsungs pa'i phyir/ zong gi khyad par ni ma sha ka de gser dngul lta bu'i rin po che las grub pa'i sgo nas mi'i dbyibs lta bu'i mtshan ma byas pa'i zong zhig yin te; zhu Ti ka las/ ma sha ka ni zong gi khyad par te/ dngul las grub pa gzugs su dod pa btsong du rung ba'o/ /zhes dang/ gzhi Tika las/ kar sha pa na ni pa Na'i bye brag ste mngon mtshan can yin na dngul las byas pa yin no/ /zhes dang/ rnam 'byed Tika las/ dbyig ces bya ba ni gser ram dngul las mngon mtshan can du byas pa'i rdzas so/ /mngon mtshan can zhes bya ba ni tha snyad kyi ming du byas pa ste zlum po'i dbyibs la mi la sogs pa'i mtshan ma byas pa'o; ;zhes gsungs pa'i phyir/ ma sha ka de la yang gser dngul lcags zangs kyi ma sha ka la sogs pa du ma yod pas bzang ngan gyi khyad par yod de/ zhu ba las/ gser gyi ma sha ka'am dngul gyi ma sha ka blangs na cir 'gyur/ spang bar 'gyur ro/ /lcags kyi ma sha ka'am zangs kyi ma sha blangs sam len du bcug na cir 'gyur nyes @122a @#/ /byas su 'gyur ro/ /zhes gsungs pa'i phyir/ bstan bcos 'di ltar na ni ka ka ni bzhi lam sha ga gcig tu brtsi ba yin te/ 'gron bu nyi shu'i ring thang la ka ka ni gcig tu brtsi/ de brgyad cu'i ring thang la ma sha ka gcig gi rin thang tshang bar brtsi ba yin pa'i phyir/ des na ma sha ka bcu gnyis la kar sha pa na gcig tu brtsi ba'i yul der 'gron bu brgyad cu tshan pa gsum gyi ring thang la kar sha pa na'i bzhi cha gcig gi rin thang tshang bar brtsi zhing/ ma sha ka bzhi bcu la kar sha pa na gcig tu brtsi ba'i yul der 'gron bu brgyad cu tshan pa bcu'i rin thang la kar sha pa Na'i bzhi cha gcig gi rin thang tshang bar brtsi ba sogs shes par bya'o/ /gnyis pa bod du brtsi tshul ni/ kha cig / rta rgod ma gcig gi rin thang la ma byin len gyi pham pa skye ba'i gzhir gyur pa'i rdzas kyi rin thang tshang ba yin te/ gang brkus pas rgyal po la brten nas gsod pa'i chad pa phog pa'i sgo dang bstun nas bslab pa 'di bcas pa yin pa'i phyir te/ mdo las/ gang brkus pa'i gyon la 'dri zhing srog dang bral bar byed ces dris shig /ces gsungs pa'i phyir zer na mi 'thad de/ gang brkus pas rgyal po'i chad pa phog pa'i sgo dang bstun nas bslab pa 'di bcas pa'i phyir te/ mdo las/ gang brkus pas gsod dam bcug @122b gam 'chang yang rung/ zhes dang/ ji tsa myi ma byin par blangs pas/ rgyal po'i blon po chen pos bzung nas/ de la 'di skad du mi khyod kyis ma byin par blangs pa yin/ zhes gsungs pa'i phyir/ rang lugs ni/ gser se ba gsum tsam mam dngul zho gang gi rin thang la ma byin len gyi pham pa bskyed pa'i gzhir gyur pa'i rdzas kyi rang thang tshang ba yin te/ 'grel pa don rgyan ma las/ rgya gar gyi rin thang dad sbyar na gser se ba gsum tsam mam/ dngul zho gang tsam brkus na pham par brtsi'o/ /zhes dang/ de nyid las/ yang kha cig / dngul zho'i brgyad cha la rin thang tshang bar brtsi'o/ /zhes dang/ 'grel pa shes rab byed pa las/ rgya gar gyi ma sha ka la bod kyi dngul gyi steng du brtsis na dngul zho'i brgyad cha yod pas brgyad cha gzhan brkus na pham pa zhes bya'o/ /zhes gsungs pa'i phyir/ dngul zho'i brgyad cha zhes pa ni gser dngul zho'i brgyad cha la brtsi ba yin te/ dngul zho gang la gser zho gang gi lcid 'byung zhing/ de gnyis zho gang par don cig pa'i phyir te/ so thar gyi mdo 'grel las/ zho ni gser gyi'o/ /zhes gsungs pa'i phyir/ gzhan gyi las kyi mtha' dag la chu gtong ba'am 'gog pa la ni rang gi las kyi mtha' grub pa skyed ma gtogs pa de'i ched du der 'dun pas gzhan gyur na'o/ /zhes sogs kyi dag don ni/ bcas ldan dge slong gi rten la @123a @#/ /rang gi zhing la zhing la chu 'dren pa dang/ gzhan gyi zhing la chu gtong ba 'gog pa'i sbyor ba byas pa la brten nas ma byin len gyi pham pa bskyed pa'i tshul yod de/ de la brten nas rang gi zhing la rin thang tshang ba'i lo tog 'phel ba dang/ gzhan gyi zhing la rin thang tshang ba'i lo tog 'grib pa na pham pa de bskyed pa'i phyir/ gsum pa srog gcod kyi pham pa'i sde 'chad pa la/ rnam 'byed nas 'byung tshul/ phran tshogs nas 'byung tshul/ zhu ba nas 'byung tshul/ 'dul byed nas 'byung tshul lo/ /dang po 'chad pa la nad pa la 'chi ba'i sems pa dang rjes su mthun pa'i nye bar bsgrub pa nye bar bsgrub par mi bya'o/ /mi shes pa la 'chi ba'i dgra bo ma smras par de'i nad g.yog tu mi bzhag go /zhes sogs gsungs/ de'i dngos gzhi 'chad pa la/ srog bcad na'o/ /de ltar bsams pas so/ /mir gyur pa'i 'o/ /de ltar 'du shes pas so/ /gang yang rung bas so/ /zhes sogs gsungs/ gnyis pa 'chad pa la/ mi'i 'gro ba'i lag pa bcad na sbom po'o/ /nags mes gtong na'o/ /skra can 'chong na'o/ /gang gis brkus pa de bla'i grar 'bul na'o/ zhes gsungs/ gsum pa 'chad pa la/ ston pas bsgo na'o/ /ma dang mang lan gnas pa gnyis ni dpe yin no/ /zhes sogs gsungs/ /bzhi pa 'chad pa la/ sbom po ni kho bo 'chi bar 'ong ngo zhes de skad zer ba la yid mi ches shing de bzhin nyid du sgrub par byed na'o/ /nad pa shi blo'o zhes nad g.yog mi byed @123b na'o; ;zhes sogs gsungs/ ngag don ni bcas ldan dge slong gi rten la srog gcod kyi pham pa 'byung ba'i tshul yod de/ rang gi rten las shes rgyud tha dad pa'i mi gsod sems kyis kun nas slangs te de gsod pa'i sbyor ba byas pa la brten nas pha rol po'i srog bcad pa na pham pa de 'byung ba'i phyir/ gnyis pa spyi don la/ gleng gzhi sogs sngar bshad pa ltar bzhi yod pa las/ dang po ni yul yangs pa can du dge slong rab tu mang pos nyon mongs pa mi shes pa dang zhe sdang gis kun nas bslangs te mi bsad pa la brten nas bslab pa ? 'dis bcas pa yin/ gnyis pa ni/ mthong chos kyi 'bras bu dang rnam smin gyi 'bras bu sngar bshad pa dang 'dra/ rgyu mthun gyi 'bras bu la gnyis las/ myong ba rgyu mthun gyi 'bras bu ni skye ba phyi ma tshe thung bar 'gyur/ byed pa rgyu mthun gyi 'bras bu ni skye ba phyi ma srog gcod pa'i bya ba la ngam ngam shugs kyi 'jug par 'gyur/ bdag 'bras la ni sa'i phyogs mdangs ngan pa la sogs par skye bar 'gyur ro/ /gsum pa ngo bo ni/ bcas ldan dge slong gi rten la srog sems kyis kun nas bslangs te/ rang las shes rgyud tha dad pa'i mi 'am mir 'chags pa gsod pa'i sbyor ba byas pa la brten nas rang shi ba'i snga rol tu bsad bya shi ba la brten nas byung ba'i dngos gzhi yongs rdzogs kyi ltung ba de de'i ngo bo yin/ bzhi pa yan lag gi brtsi tshul la bzhi las/ dang po ni/ gzhi'i yan lag la mi'am mir 'chags pa zhig dgos te/ bcas ldan @124a @#/ /dge slong gi rten la rang dang mi ma yin bsad pa la brten nas sbom po 'byung/ dud 'gro bsad pa la brten nas ltung byed 'byung ba'i phyir/ de yang bcas ldan dge slong gi rten la mi bsad pa la pham pa dang/ mi ma yin pa bsad pa la sbom po dang dud 'gro bsad pa la ltung byed 'byung ba'i rgyu mtshan yod de/ mi'i rgyud la dkon mchog gsum dang so thar gyi sdom pa sogs sdom pa gsum yod/ mi ma yin pa'i rgyud la sangs rgyas dkon mchog ma gtogs dkon mchog gzhan gnyis dang bsam gtan zag med kyi sdom pa yod/ dud 'gro'i rgyud la de rnams kyang med pa'i phyir/ mi'am mir 'chags pa'i khyad par gang zhe na/ mngal gyi gnas skabs kyi mer mer po la sogs pa bzhi po ni mir 'chags pa yin la/ 'bur mgo lnga dod pa nas mir 'jog pa yin no/ /mer mer po la sogs pa bzhi po de gnas skabs gang las 'jog pa yin zhe na/ mngal du skye bar ? blangs pa'i bdun dang po la mer mer po/ /gnyis pa la nur nur po/ gsum pa la ltar ltar po/ /bzhi pa la 'phrang 'gyur/ lnga pa la 'bur mgo lnga dod pa nas rkang lag 'gyus pa yin/ mngal nas btsas pa nas 'gro shes pa tshun du byis pa/ 'khrig pa bsten nus tshun chad gzhon nu/ sum cu lon tshun du dar bab/ lnga bcu lon tshun du dar yol/ 'chi kha tshun rgas por 'jog /de yang dus deng sang gi dbang du byas @124b pa yin te/ tshe lo brgyad khri pa dang bcu pa la rnam gzhag de ltar mi 'dug pa'i phyir/ gnyis pa bsam pa'i yan lag la 'du shes ni/ nges pa'am the tshom za ba'i sgo nas ma 'khrul ba dgos/ kun slong gsod 'dod kyi bsam pa rgyun ma 'chad pa dgos/ gsum pa sbyor ba ni lus ngag gang rung gis rtsol ba la zhugs pa dgos/ bzhi pa mthar thug ni gsod pa po'i snga rol tu bsad bya shi ba dgos te/ bsad bya shi ba'i sngar rol tu gsod pa po rang nyid shi ba dang/ de dang dus mnyam du shi ba la pham pa mi skyed pa'i phyir te/ mdzod las/ snga rang mnyam du shi ba la/ /dngos med lus gzhan skyes phyir ro/ /zhes gsungs pa'i phyir/ de yang bsad bya'i srog dbang 'gag pa'i skad cig ma dang po de pham pa'i yan lag tu dgos kyi/ skad cig gnyis pa phan de'i yan lag tu mi dgos te/ de skad cig gnyis pa'i dus su pham pa de'i dngos gzhi bskyed pa gang zhig /ltung ba de'i yan lag yin na ltung ba de'i rgyu yin dgos pa'i phyir/ yang lhas byin gsod snyam pa'i sgo nas mchod sbyin bsad na pham pa mi bskyed cing/ gang yin kyang gsod snyam pa'i sgo nas nor nas bsad kyang pham pa bskyed de/ de la kun slong spyi zhugs yod pa'i phyir/ de la kho na re/ dge slong bcu'i @125a @#/ /nang nas dge slong dang po dgus mi gcig la zhag bcu tsam nas 'chi ba'i mtshon bsnun/ de rjes thams da lta nas 'chi ba'i mtshon bsnun nas mi de shi ba na de bcu ka la pham pa bskyed dam/ mi bskyed/ bskyed na mi 'thad de/ de'i tshe mtshon bsnun pa po dge slong tha ma kho nas de bsad kyi dang po dgus ma bsad pa'i phyir/ mi bskyed na mi 'thad de/ bye brag tu bshad pa las dang po dgu po dag gis pham pa'i rnam par rig byed ma yin pa bzung la/ bcu pas ni pham pa'i rnam par rig byed dang rig byed ma yin pa'ang bzung ba yin no zhes gsungs pa dang 'gal lo zhe na/ de'i tshe dge slong bcu ka la pham ? pa bskyed pa yin te/ bcu kas mi de 'chi nges pa'i sbyor ba byas par mtshungs shing mi de shi bar yang mtshungs pa'i phyir te/ 'od ldan las/ skyon med de/ thams cad kyang sbyor ba gcig pa'i phyir/ 'bras bu mtshungs pa'i phyir/ zhes gsungs pa'i phyir/ mi de 'chi ba'i skad cig tha ma'i tshe de bsad pa'i sbyor ba byas kyang pham pa mi bskyed de/ de'i tshe shi ba'i rgyu tshogs gzhan gsar du bsgrub mi dgos par de thams cad tshang zin pa'i phyir/ 'od ldan las/ dbugs rgyu ba tha mar gyur pa la ni 'jig pa'i gnas skabs nyid yin pa'i phyir/ byed pa po don med pa nyid yin no/ /zhes gsungs pa'i phyir/ de yang rab byung bcus gros byas nas mi gcig gsod pa'i sbyor ba byas nas de'i nang nas rab byung gcig kho nas mi de bsad pa na yang/ de bcu ka la yang rtsa ltung bskyed de/ bcu @125b kas mi de gsod pa'i sbyor ba byas shing/ /de shi bar yang mtshungs pa'i phyir te/ mdzod las/ dmag la sogs pa don gcig phyir/ thams cad byed pa po bzhin ldan/ zhes gsungs pa'i phyir/ 'o na mi gzhan gsod pa dang/ dud 'gro gsod pa dang/ bdag nyid gsod pa gsum ? nang 'dom na ji ltar bya zhe na/ 'di la kha cig dud 'gro gsod pa gnang ste/ ltung ba che ba'i ngo bor ltung ba chung ba gnang ba yod pa gang zhig /bdag nyid bsad na sbom po bskyed/ mi gzhan la yang na sbom ??? ba bskyed/ dud 'gro bsad na ltung byed las mi skyed cing/ ltung ba chung ba bshags pas 'dag par byed nus pa'i phyir zer na/ de ni mi 'thad par thal/ dud 'gro gsod la gnang ba med pa'i phyir te/ rang bzhin gyi kha na ma tho ba la gnang ba med pa'i phyir ro/ /des na de ltar nang 'dom pa'i tshe bdag nyid gsod du 'jug pa yin te/ lung las srog nyid spangs par bya yi srog chags bsad las bya ba ma yin no/ /zhes gsungs pa'i phyir// //bzhi pa rdzun ? du smra ba'i pham pa'i sde 'chad pa la/ 'du shes bsgyur te bdag nyid ni chos bla ma dang ldan pa nyid du smras na'o// mthong ngo bdag mthong ngo/ /sgra thos sogs bdag gis smra thos so/ /zhes sogs gsungs// 'di'i skabs su ngag don/ spyi don gnyis las/ dang po ngag don na sla/ gnyis pa spyi don la/ gleng gzhi la sogs pa bzhi las/ dang po ni/ yul spong byed du nya pa las rab tu byung ba'i dge slong lnga @126a @#/ /brgyas nyon mongs pa grags 'dod kyis kun nas bslangs te mi chos bla ma ma thob pa thob par smras pa la brten nas bslab pa 'di bcas pa yin/ gnyis pa la/ gzhan rnams sngar dang 'dra ba la/ myong ba rgyu mthun gyi 'bras bu la ni skur 'debs mang ba sogs su 'gyur/ byed pa rgyu mthun gyi 'bras bu ni skur 'debs la dam dam shugs kyis 'jug par 'gyur/ bdag 'bras la ni sa phyogs dri ngan pa dang/ kha rtsub mang ba sogs su 'gyur ro/ /gsum pa ngo bo ni/ bcas ldan dge slong gi rten la rang gi rten las shes rgyud tha dad pa'i tha snyad lnga ldan gyi mi la gang thob par smras pa'i mi chos bla ma ma thob bzhin du thob par smras nas pha rol pos don go ba la brten nas byung ba'i dngos gzhi yongs rdzogs kyi ltung ba de de'i ngo bo yin/ bzhi ba yan lag gi brtsi tshul la bzhi las/ dang po gzhi'i yul ni tha snyed lnga dang ldan pa dgos/ gnyis pa bsam pa la/ 'du shes dang kun slong gnyis las/ dang po 'du shes ni ma 'khrul ba dgos te/ gong ma'i snyom 'jug thob par smras ? bar 'dod nas mi rtag pa dang bdag med pa'i 'du shes sogs thob par smras na pham pa 'di mi skyed pa'i phyir/ dngos po ni gong ma'i snyom 'jug la sogs pa'i mi chos bla ma yin pa zhig dgos/ gong sa'i snyom @126b myang 'das mi'i rgyud la yod pa'i chos yin/ de thob par byed pa la 'dod sems las gong rol tu gyur pa'i rgyu mtshan gyis de ltar brjod pa'i phyir dang/ sgrib pa lnga po mi'i rgyud la yod pa'i chos yin/ de slong bar byed pa la sngar ltar yin pa'i rgyu mtshan gyis de ltar brjod pa'i phyir/ kun slong ni blo ? 'dod kyi bsam pa rgyun ? ma 'chad pa dgos/ gsum pa sbyor ba ni ma nor bar gsal por smras ? pa/ gzhan la mngon sum du smra ba dgos/ smra tshul ni 'dra shes skyur te/ ma mthong bzhin du lha mthong klu mthong zer ba dang/ ma thob bzhin du mi rtag pa la sogs pa'i 'du shes bcu dang/ mi sdug pa la sogs pa'i 'du shes bcu thob zer ba dang/ tshad med bzhi thob zer ba dang/ yul che ge mo zhig tu phyin nus na dgra bcom thob pa yin zhing kho bo yang der 'gro ba yin no/ /zhes smra tshul mang du yod/ bzhi pa mthar thug ni pha rol pos don go ba dgos// ! gnyis pa lhag ma'i ltung ba 'chad pa la/ dbye ba/ bsdu ba/ so so'i rang bzhin bshad pa dang gsum/ dang po ni dge slong pha'i rten la bcas pa'i lhag ma'i lta ba de la bcu gsum du yod de/ so thar gyi sdoms las/ khu ba 'dzin dang khrig tshig bskad ? bkur smyan/ khang pa khang chen dang ni gzhi med dang/ /bag tsam dge 'dun dbyen dang de rjes phyogs/ khyem sun 'byin dang bka' blo mi bde ba'o/ /zhes gsungs pa'i phyir/ gnyis pa ni @127a @#/ /de rnams bsdu na/ chags sems la brten pa'i lhag ma'i ltung ba/ gnod sems la brten pa'i lhag ma'i ltung ba/ gti mug la brten pa'i lhag ma'i ltung ba dang gsum du 'du la/ dang po de la yang nang sems can la brten pa'i lhag ma'i ltung ba dang/ phyi rol yo byad la brten pa'i lhag ma'i ltung ba gnyis su 'du ba yod te/ dang po lnga po dang por bor 'du/ khang pa khang chen gyi lhag ma'i ltung ba gnyis po de gnyis par 'du ba yin pa'i phyir/ gzhi med kyi lhag ma'i ltung ba dang bag tsam gyi lhag ma'i ltung ba gnyis ni gnyis par 'du/ lhag ma bzhi phyi mar 'du/ yang de thams cad bsdu na/ dang po las gyur pa'i lhag ma'i ltung ba dang/ bsgo ba las gyur pa'i lhag ma'i ltung ba gnyis su 'du ba yin te/ dang po dgu dang po 'du/ phyi ma bzhi gnyis par 'du ba'i phyir/ gsum pa so sor li rang bzhin bshad pa ni/ khu ba 'byin pa'i lhag ma'i ltung ba 'chad pa la gleng gzhi la sogs pa bzhi las/ dang po ni/ yul mnyan yod du dge slong 'char kas nyon mongs pa 'dod chags kyis kun nas bslongs te khu ba 'byin pa la brten nas bslab pa 'di bcas pa yin/ dga' bya nyes dmigs sogs gzhan rnams pham pa dang po dang 'dra/ rgyu mtshan ni rang gi lus la gnod pa dang pha ma pa dang po'i rgyur 'gyur ba yin no/ /ngo bo ni bcas ldan dge slong gi rten la chags sems @127b kyis kun nas bslangs te lus kyi rtsol bas khu ba 'byin pa'i bde ba myong zhing yid shes kyis bdag gir byas pa la brten nas byung ba'i dngos gzhi yongs rdzogs kyi ltung ba de/ de'i ngo bo yin/ bzhi pa yan lag la bzhi las/ yul gyi yan lags la rnam shes len myong yin pa/ de'i rnam par gnas pa/ pham pa dang po'i gzhir gyur pa'i rma'i sgo gsum gang rur las gzhan pa zhig dgos/ 'du shes ni 'khrul ma 'khrul 'dra ste/ dngos po gtso che ba'i ltung ba yin pa'i phyir/ kun slong ni khu ba 'byin 'dod kyi bsam rgyun ma 'chad pa dgos/ sbyor ba ni lus kyi rtsol bas khu ba 'byin pa'i sbyor ba la brtson pa dgos/ mthar thug ni khub ? 'byin pa'i bde ba lus shes kyis myong zhing yid shes kyi bdag gir byas pa dgos/ gnyis pa ni reg pa'i lhag ma'i ltung ba 'chad pa la sngar bshad pa ltar bzhi las/ dang po ni yul mnyan yod du dge slong 'char kas nyon mongs pa 'dod chags kyis kun nas bslangs te nyes pha ? byad med la reg pa la brten nas bslab pa 'di bcas pa yin/ dag ? bcu ni 'dod chags lhag par 'phel bar 'gyur ba dang pham pa dang po'i rgyur 'gyur ba dang gzhan ma dad pa sogs skye bas so/ / ngo bo ni bcas ldan dge slong gis chags sems kyis kun nas bslangs te bud med kyi lus sogs la reg pa'i bde ba bdag gir byas pa la brten nas byung ba'i dngos gzhi yongs rdzogs @128a @#/ /kyi ltung ba de/ de'i ngo bo yin/ bzhi pa la bzhi las/ gang la reg pa'i yul ni bud med kyi mtshan don byed nus pa dang ldan pa/ tha snyad phyed dang gnyis dang ldan pa/ bsten du rung zhing ma nyams pa/ pham pa dang po bskyed nges kyi rma sgo gsum las gzhan yin pa/ lus dngos sam de dang 'brel ba'i gos sogs dang skra 'thud sogs la chags sems kyi reg pa de yin no/ /'o na bud med mtshan don byed nus pa zhes smras pas chog mod/ bud med kyi mtshan don byed nus pa zhes smros pa la dgos pa ci yod ce na/ bud med kyi 'dod chags shas cher 'byung ba'i mtshan gnyis la can de la reg na yang lhag ma dngos gzhi bskyed pa de bsdu bar bya ba'i ched yin pa'i phyir/ tha snyad phyed dang gnyis ni mi yin pa/ bsam pa phyed dang ldan pa de yin/ bsam pa phyed dang ldan pa zhes smos pa la dgos pa yod de/ bsam pa rang bzhin du mi gnas pa'i bud med smyo ba sogs la chags sems kyis reg na lhag ma'i dngos gzhi mi skyed kyang na smad 'byung ba dang/ chang gis ra ro ba dang gnyid 'thug po log pa'i bud med la reg na dngos gzhi bskyed do/ /zhes shes par bya ba'i ched yin pa'i phyir/ de la kho na re/ lhag ma 'di bskyed pa la reg yul mi yin pa mi dgos par thal/ dge slong gis chags sems kyis bud med kyi ro la reg na yang lhag ma bskyed @128b pa'i phyir te/ lang ? bla ma las/ dge slong gis bud med kyi ro dang lhan cig tu reg pa la ni dge 'dun lhag ma'o/ /zhes gsungs pa'i phyir na/ lung des ni de'i tshe lhag ma'i sder gtogs kyi ? sbom po tsam skye ba la de la lhag ma'i ming gis btags nas bstan pa tsam yin pa'i phyir te/ rgya cher 'grel las/ 'dir dge slong gis ro la reg pa la ni sbom ? zhes gsungs pa'i phyir/ yang kha cig /dge slong gis chags sems kyis bud med kyi skra la reg pa la lhag ma mi skyed de/ de la sbom po tsam zhig bskyed pa'i phyir te/ lung ? bla ma ? las; bud med kyi sen mo la reg na sbom po'o/ /spu la reg na yang sbom po'o/ /zhes gsungs pa'i phyir na skyon med de/ lung des ni bud med kyi skra las gzhan pa'i sgra ? la reg pa la sbom po bskyed par bstan pa tsam yin pa'i phyir/ des na bud med kyi skra las gzhan pa'i spu la reg pa la sbom po dang/ bud med kyi skra la reg pa la lhag ma bskyed pa'i rgyu mtshan yod de/ bud med kyi skra la dmigs nas 'dod chags lhag par skye ba yin pa'i phyir te/ rgya cher 'grel las/ bud med kyi skra la ni 'dod chags lhag par skyes pa'i phyir ro/ /zhes gsungs pa'i phyir/ gang gis reg pa ni/ zag byed ma gtogs pa'i mig nas pus ? mo'i bar gyi lus kyi cha @129a @#/ /las chags sems kyis reg pa'o/ /bsam pa la gnyis las/ 'du shes ni ma 'khrul ba dgos te/ 'di 'du shes gtso che ba'i ltung ba yin pa'i phyir/ kun slong chags sems kyis reg 'dod kyi bsam pa rgyun ma 'chad pa dgos/ sbyor ba reg par rtsol ba dgos/ mthar thug sbyor ba de'i rkyen gyis reg pa las byung ba'i bde ba bdag gir byas pa dgos so/ /gsum pa 'khrig tshig smra ba'i lhag ma'i ltung ba 'chad pa la/ gleng gzhi la sogs pa bzhi las/ dang po ni yul mnyan yod du dge slong 'char kas nyon mongs pa 'dod chags kyis kun nas bslangs te 'khrig tshig smras pa la brten nas bslab pa 'di bcas pa yin/ dgag bya nyes dmigs sogs ni sngar bshad pa dang 'dra/ ngo bo ni/ yan lag gis brtsi tshul la brten nas shes/ yan lag gi brtsi tshul la bzhi las/ dang po gzhi'i yul ni bud med kyi mtshan don byed nus pa dang ldan pa/ za ma dang ma ning gnyis po ma gtogs pa'i sngar bshad; ;ltar gyi tha snyad gsum dang ldan pa/ rdzu 'phrul gyi chos can ma yin pa dgos pa yin gyi/ 'di'i yul bud med yin pa zhig nges par mi dgos te/ mtshan gnyis pa can dbyibs bud med 'dra ba'i skyes bu la 'khrig tshig smras pa la brten nas ltung ba 'di bskyed pa'i phyir/ dngos po ni yul der la 'khrig tshig tu grags pa'i tshig dngos su smras pa dgos/ bsam @129b pa la 'du shes ni ma 'khrul ba dgos/ kun slong ni de smra 'dod kyi bsam pa rgyun ma 'chad pa dgos/ sbyor ba ni ngag gi rtsol ba'i sgo nas 'khrig tshig smra ba la brtson pa dgos/ mthar thug ni smra yul gyis don go ba zhig dgos/ bzhi pa bsnyen bkur bsngags pa'i lhag ma'i ltung ba 'chad pa la gzhan thams cad sngar dang 'dra zhing/ dngos gzhi ni rang dang sbyar nas 'khrig chos kyi sgo nas bsnyen bkur byas na bsnyen bkur rnams kyi mchog tu 'gyur ba yin no/ /zhes pa'i tshul gyis smras pa'i don pha rol pos go ba na lhag ma'i ltung ba 'di bskyed pa yin no/ /lnga pa smyan byed lhag ma'i ltung ba 'chad pa la sngar bshad pa ltar bzhi las/ dang po ni yul mnyan yod du drug sdes nyon mongs pa 'dod chags kyis kun nas bslangs te smyan byas pa la brten nas bslab pa 'di bcas pa yin/ dgag bya nyes dmigs sngar bshad pa ltar ro/ /ngo bo ni yan lag gi brtsi tshul las shes/ yan lag gi ? brtsi tshul la bzhi las/ dang po gzhi'i yul la sprod bya gnyis po yul so sor nges pa'i sgo nas skyes pa dang bud med kyi mtshan don byed nus pa dang ldan pa/ sngar bshad pa'i tha snyad bzhi dang ldan pa/ lus bsten du rung ba/ sngar smyan du gyur zin ma yin pa/ lus tha ma la du gnas pa/ rdzu 'phrul gyi chos can ma yin pa dgos pa yin no/ /bsam pa la 'du shes ma 'khrul ba dgos te/ lhas byin @130a @#/ /pho dang mchod sbyin mo bsdebs par 'dod nas de dang bud med gzhan zhig bsdebs pa la ltung ba 'di mi 'byung ba'i phyir/ kun slong ni pho mo'i dbang po gnyis 'phrad pa'i don du lus ngag gi rtsol ba la zhugs par 'dod pa'o/ /sbyor ba ni de gnyis sprad pa'i phyir du rang dam gzhan bskos pa'i sgo nas 'phrin lan gsum du byed pa dgos/ mthar thug ni de gnyis kyi bstan bya sten byed phrad pa na ltung ba 'dir 'gyur ro/ /drug pa khang pa la brten pa'i lhag ma'i ltung ba 'chad pa la/ gleng gzhi la sogs pa bzhi las/ dang po ni yul rgyal po'i khab tu dge slong rab tu byung ba mong pos khang pa tshad las lhag pha brtsigs pa la brten nas bslab pa 'di bcas pa yin/ dgag bya nyes dmigs ni srog chags la gnod pa/ 'thab rtsod kyi gzhir gyur pa/ brtsigs pa po tshe thung ba/ bya ba mang bas kha ton dang klog pa la gnod pa sogs yin no/ /gang du brtsig pa'i gnas ni brtsigs pa po rang las rgyud gzhan pa'i skyes bu las btsal zhing des kyang gnad ba dang/ gzhi ma dag pa gsum po gang rung dang ldan pa/ dge 'dun la gnang ba ma thob pa rnams dgos/ gzhi ma dag pa gsum ni stag gzig sprul la sogs pa'i srogs chags mang po gnas pas gzhi mi rung bar gyur pa dang/ lha'i gnas dang rgyal po'i gnas dang mu stegs byed kyi 'dug gnas dang khyad @130b par gzhan dbang pa'i shing ljon pa gnas pas rtsod pa'i gzhir gyur pa dang/ brtsigs pa'i 'grams nas 'dom gang tshun du chu klung dang khron pa dang dam grog la sogs pa brtsam du mi rung ba rnams la brjod pa yin no/ /'on kyang/ ltung ba 'di bskyed pa la gzhi ma dag pa gsum ka dang ldan pa mi dgos te/ 'di gsum gang rung dang ldan pas kyang 'di bskyed pa'i phyir/ gang gis brtsig pa'i yo byad ni gzhan las btsal te 'byor pa dgos/ khang pa'i tshad ni srid la bde bar gshegs pa'i mtho bcu gnyis dang zhing la de'i mtho bdun yod pa'i khang pa de khang pa'i tshad du gnang ba yin/ bde bar gshegs pa'i mtho re la mi tshad ldan gyi khru phyed dang do re 'byung ba yin no/ 'du shes ni ma 'khrul ba dgos/ kun slong ni tshad las lhag pa brtsig 'dod kyi bsam pa rgyun ma 'chad pa dgos/ sbyor ba ni rang dam gzhan bskos pa'i sgo nas lus syi rtsol ba la zhugs pa dgos/ mthar thug ni logs bzhi po grub cing/ thog phal cher g.yogs zin pa zhig dgos/ kha cig /dge 'dun dkon mchog gi bzhugs gnas kyi ched du brtsigs pa'i khang pa de khang pa dang khang chen gnyis su phyi ba'i khang pa yin zer ba mi 'thad de/ de khang chen yin pa'i phyir te/ de yon gnas dam pa gang zhig /lung rnam 'byed las/ khang chen zhes bya ba ni spyin par bya bas chen po yin gyi/ tshad @131a @#/ /kyis che ba ni ma yin no/ /zhes gsungs pa'i phyir/ kha cig /de gnyis su phye ba'i khang pa yin na skyes bu gcig kho na'i ched du brtsigs pa'i khang pa yin pas khyab/ de gnyis su phye ba'i khang chen yin na/ skyes bu bzhi tshogs kyi ched du brtsigs pas khyab ste/ de nyid las/ gcig gi don du'o/ /zhes pa dang/ tshogs kyi don du'o/ /zhes gsungs pa'i phyir zer na skyon med de/ lung des khang pa la brten pa'i lhag ma'i ltung ba bskyed pa'i gzhir gyur pa'i khang pa yin na bdag po gcig gi don du brtsigs pas khyab pa dang/ khang chen la brten pa'i lhag ma'i ltung ba bskyed pa'i gzhir gyur pa'i khang chen yin na/ tshogs kyi don du brtsigs pas khyab par bstan pa yin no/ /gzhan yang/ de mi 'thad par thal/ bcom ldan 'das kho na'i bzhugs gnas kyi ched du brtsigs pa'i khang pa de khang chen yin pa'i phyir te/ de lha khang gang zhig /lung gzhi las/ khang pa dang lha khang du gtogs pa dag ste/ zhes gsungs pa'i phyir; dang po der thal/ bcom ldan 'das de sangs rgyas dkon mchog gi khongs su 'dus pa yin pa'i phyir/ kho na re/ sangs rgyas bcom ldan 'das lha yin par thal/ de'i ched du brtsigs pa'i khang pa lha khang yin pa'i phyir na ma khyab/ 'dod mi nus te/ de mi yin pa'i phyir te/ so thar gyi sdom pa la gnas pa'i skyes bu yin pa'i phyir/ gzhan yang/ rtsa ba'i dam @131b bca' mi 'thad de/ skyes bu gsum tshogs kyi ched du brtsigs pa'i khang pa la de gnyis su phye ba'i khang pa yod pa'i phyir te/ bcas ldan dge slong gi rten la skyes bu gsum kho na'i gnas kyi ched du khang pa tshad las lhag pa brtsigs pa la brten nas sbrom po'i ltung ba bskyed par yod pa zhu ba las/ du ma'i don du'o/ /zhes pas bstan par gsungs pa'i phyir/ rang lugs ni/ dkon mchog gi bzhugs gnas kyi ched du brtsigs pa'am de'i khongs su gtogs pa'i skyes bu bzhi tshogs kyi gnas kyi ched du brtsigs pa gang rung gis bsdus pa'i khang pa de/ de gnyis su phye ba'i khang chen kyi ngo bo yin/ dkon mchog gi khongs su ma gtogs pa'i skyes bu gsum man chad kyi gnas kyi ched du brtsigs pa'i khang pa de/ de gnyis su phye pa'i khang pa'i ngo bo yin/ gzhi ma dag par dkon mchog gi khongs su 'dus pa'i skyes bu bzhi tshogs kyi gnas kyi ched du brtsigs pa'i khang pa de/ khang chen la brten pa'i lhag ma'i ltung ba bskyed pa'i gzhir gyur pa'i khang chen gyi ngo bo yin/ gzhi ma dag par dkon mchog gi khongs su ma gtogs pa'i skyes bu gcig kho na'i gnas kyi ched du brtsigs pa'i khang pa de/ khang pa la brten pa'i lhag ma'i ltung ba bskyed pa'i gzhir gyur pa'i khang pa'i ngo bo yin te/ bcas ldan dge slong gi rten la skyes bu gsum tshogs tsam gyi gnas kyi ched du khang pa tshad las lhag pa brtsigs pa la brten @132a @#/ /nas spom po'i ltung ba bskyed pa yod par sngar bsgrubs zin pa'i phyir/ kha cig /lung gi chos dkon mchog gi bzhugs gnas kyi ched du brtsigs pa'i khang pa de de gnyis su phye ba'i khang pa yin zer ba mi 'thad de/ de khang chen yin pa'i phyir dang/ khang chen la brten pa'i lhag ma'i ltung ba ston pa na/ 'di nyid las/ gtsug lag khang gi dge 'dun lhag ma zhes pas lung gi chos dkon mchog dang/ gtsug lag gnyis don gcig tu bstan pa'i phyir/ de yang sangs rgyas dkon mchog de gtso bo yin pas de la gtsug ces brjod pa yin/ de'i gsung rab rnams skyes bu'i byed pa lce rkan las byung bas na lag ces brjod pa yin/ de'i gzugs brnyan bzhugs pa'i gnas la khang pa zhes brjod pa yin no/ /bdun pa khang chen la brten pa'i lhag ma'i ltung ba bshad pa la gleng gzhi ni yul ko'u sham bir gang zag drug sdes nyon mongs pa brnyas pa mi bzod pas kun nas bslangs te gzhi ma dag par gtsug lag khang brtsigs pa la brten nas bslab pa 'di bcas pa yin/ gzhi'i yul la brtsigs pa'i gnas ni skyes bu gzhan las btsal ba dang/ tshad las lhag pa brtsigs pa dang/ skyes bu gcig kho na'i gnas kyi ched du brtsigs pa rnams mi dgos te/ skyes bu gzhan las ma btsal ba dang/ tshad las lhag pa ma brtsigs pa la ltung ba 'di bskyed pa yod cing/ ltung ba 'di bskyed @132b pa'i gzhir gyur pa'i khang pa yin na skyes bu bzhi tshogs kyi don du brtsigs pa'i khang pa zhig yin dgos pa tshogs kyi don du'o/ /zhes pas bstan pa'i phyir/ ngo bo ni bcas ldan dge slong gi rten la gzhi ma dag pa skyes bu bzhi tshogs sogs kyi gnas kyi ched du khang pa brtsigs pa la brten nas byung ba'i dngos gzhi yongs rdzogs kyi ltung ba de de'i ngo bo yin/ brgyad pa gzhi med kyi lhag ma'i ltung ba bshad pa la gleng gzhi ni yul rgyal po'i khab tu dge slong mdza' bo dang/ sa las skyes gnyis kyis nyon mongs pa mi bzod pas kun nas bslangs te nyes pa gzhi med par dge slong gyad bu nor la pham pa'i skur ba btab pa la brten nas bslab pa 'di bcas pa yin/ nyes dmigs ni rten gyi gang zag dmyal bar skye ba 'phen par byed pa yin te/ skyes bu dam pa la skur ba 'debs pa'i rnam smin ni shin tu che ba'i phyir te/ gsum brgya pa las/ yang dag sdom dang dka' thub can/ /drang srong rnams la skur 'debs pa/ de dag spyi'u tshugs dag tu ni/ /dmyal ba kho nar skye bar 'gyur/ /zhes gsungs pa'i phyir/ spyi'u tshugs dag tu ni zhes pas dmyal ba'i bar srid pa de spyi'u gtsug thur du btsugs nas 'gro ? bar bstan pa yin no/ / gzhi'i yul la gang la skur ba 'debs pa'i yul ni bsnyen rdzogs kyi sdom pa dang ldan pa/ gang gi sgo nas skur ba 'debs pa'i ltung ba des ma gos pa tha snyad gsum dang ldan pa/ @133a @#/ /bsam pa rang bzhin du gnas pa dgos/ gang gis skur ba 'debs pa'i rten ni bsnyen rdzogs kyi sdom pa gso rung dang ldan zhing tha snyad gsum dang ldan pa dgos/ 'du shes ni spyir btang la ma 'khrul ba dgos/ dmigs bsal ni yul pham pas gos pa la gos par ma shes kyang 'du shes bsgyur nas skur ba btab pa la brten nas kyang ltung ba 'di 'grub po/ /kun slong ni skur ba 'debs 'dod kyi bsam pa rgyun ma 'chad pa dgos/ sbyor ba ni bsams bzhin du der dngos su zhugs pa zhig dgos/ mthar thug ni pha rol pos don go ba'o/ /dgu pa bag tsam gyi lhag ma'i ltung ba bshad pa la/ gzhan thams cad sngar dang 'dra ba la/ sbyor ba la dngos su skur ba ma btab par shugs la skur ba btab pa zhig dgos te/ ltung ba 'di ston pa na/ mdo rtsa ba las/ kho bo cag gis tshe dang ldan pa gyad bu nor mthong ngo/ /dge slong ma udpa la'i mdog can mthong ngo/ /mi tshangs par spyod pa 'khrig pa'i chos bsten par mthong ngo/ /zhes gsungs pa'i phyir/ bcu pa bsgo gyur gyi lhag ma'i ltung ba bshad pa la/ bzlog pa'i tshul gyis mi gtong bar rjes su sgrub pa'i rang bzhin ni rjes su 'thun no/ /gsal ba ni bzlog pa dang 'dra ba nyid do /zhes sogs gsungs 'di'i skabs su gzhung gi 'brel dang/ spyi don gnyis/ dang po ni rmi lam ni med pa dang 'dra'o/ /zhes pa nas bsams te smras so zhes bya ba la sogs pas gzhi gis smos byas na nyes byas so/ / @133b zhes pa'i bar gyis dang po las gyur pa'i lhag ma'i ltung ba bstan nas/ bsgo gyur gyi ltung ba'i yan lag thun mong ba 'chad pa la/ rtsa ba'i gzhung 'di byung/ de rdzogs byed kyi rkyen gyi yan lag thun mong ba 'chad pa la/ bzlog pa'i tshul gyis mi gtong ba/ zhes pa nas/ mjug bsdus pa ni ma yin no/ /zhes pa'i bar gsungs/ de'i sbyor ba'i yan lag 'chad pa la/ 'jug pa ni sbyor ba nyid do// zhes sogs gsungs/ bslab bya thun mong ba 'chad pa la/ de la ni bsgo bar mi bya ba nyid do/ de dag la bzhams pa dang las kyis mi bsgo bar mi bya'o/ /zhes sogs gsungs/ mthar thug gi yan lag 'chad pa la/ de'i mtha' la mi gtong na'o/ /zhes sogs gsungs/ de yan gyis bsgo gyur gyi ltung ba'i yan lag thun mong ba bstan nas/ 'dir bstan bsgo 'gyur gyi ltung ba so so'i thun mong ma yin pa'i yan lag 'chad pa la/ dbyen la'o/ /zhes pa nas/ bka' blo mi bde ba'i dge 'dun lhag ma'o/ /zhes pa'i bar gsungs/ bzlog pa'i tshul gyis mi gtong ba zhes sogs kyi 'go don ni/ bzhams bsgo sogs/ zlog byed kyi rkyen lnga po chos can/ rang 'bras dngos gzhi'i ltung bar gyur pa'i bsgo 'gyur gyi ltung ba'i rgyu yin te/ de skyed byed yin pa'i phyir/ 'dir bstan dbyen byed kyi lhag ma'i ltung ba sogs la bsgo gyur gyi ltung ba zhes brjod pa'i rgyu mtshan yod de/ de bzhams bsgo sngon du song ba'i rgyu mtshan gyis yin pa'i phyir/ @134a @#/ /'byin pa'i lhag ma sogs la dang po las gyur pa'i ltung ba zhes brjod pa'i rgyu mtshan yod de/ de rnams bzhams bsgo sngon du song ba la mi ltos par bya ba de la zhugs pas byung ba'i rgyu mtshan gyi yin pa'i phyir/ 'dir bsgo gyur gyi lhag ma'i ltung ba rnams kyi yan lag mdor bsdus nas bstan pa la dgos pa yod de/ lung las/ bzhams bsgo sogs bsgo gyur gyi ltung ba de dang de'i yan lag tu dgos par re re nas dngos su bstan kyang/ 'dir 'jug pa gcig tu bsdus nas bstan pas tshigs tshogs bsgyung ba'i dgos pa yod pa'i phyir/ gnyis pa spyi don la/ dbye ba bsdu ba/ ngo bo thun mong ba'i yan lag bshad pa la/ so so'i don bshad dang lnga las/ dang po ni/ 'dir dngos su bstan pa'i ltung ba la dbyen gyi lhag ma'i ltung ba/ de rjes phyogs kyi lhag ma'i ltung ba/ khyim sun 'byin gyi lhag ma'i ltung ba/ bka' blo mi bde ba'i lhag ma'i ltung ba/ sdig lta mi btong ba'i ltung byed/ bzlog pa'i pham pa/ dkon mchog blos spong gi lhag ma'i ltung ba/ 'thab krol byed pa'i de/ bde zhing gnas pa'i de/ bde zhing gnas par byed du 'jug pa'i lhag ma'i ltung ba rnams su yod/ tha ma gsum gyi ngo bo ni/ dge slong ma'i rten la dge slong ma gzhan dang rtsod pa rkyen lnga'i sgo nas bzlog kyang mthar ma btang ba la brten nas byung ba'i dngos gzhi yongs rdzogs kyi ltung ba brgyad @134b pa de; de gsum gyi dang po'i mtshan nyid yin/ dge slong ma'i rten la dge slong ma gzhan dang rtse 'jo byed pa rkyen lnga'i sgo nas bzlog kyang mthar ma btang ba la brten nas 'byung ba'i dngos gzhi yongs rdzogs kyi ltung ba dgu pa de/ de gnyis pa'i mtshan nyid yin/ de'i rten la dge slong ma rang gi zla mo dge slong ma gzhan dang rtse 'jo 'phyar g.yeng sogs byed du bcug pa rkyen lnga'i sgo nas bzlog kyang mthar ma btang ba la brten nas byung ba'i dngos gzhi yongs rdzogs kyi ltung ba bcu pa de/ de gsum pa'i mtshan nyid yin/ gnyis pa bsdu ba ni/ de rnams bsdu na rten pha ma gnyis ka la thun mong du yod pa'i ltung ba dang/ ma kho na la yod pa'i ltung ba dang gnyis su 'du ste/ dang po lnga dang po 'du/ phyi ma lnga po phyi mar 'du ba'i phyir/ gsum pa ngo bo ni bzhams bsgo sogs zlog byed kyi rkyen lnga po gang rung gi mthar ma btang ba las byung ba'i ltung ba de/ bsgo gyur gyi ltung ba'i mtshan nyid yin/ de la dbye na/ sbyor ltung du gyur pa'i bsgo gyur gyi ltung ba dang/ dngos gzhi'i ltung bar gyur pa'i bsgo gyur gyi ltung ba gnyis yod/ de gang rung gang zhig /zlog byed kyi rkyen tha ma las ma byung zhing dang po bzhi po gang rung la brten nas byung ba'i bsgo gyur gyi ltung ba de dang po'i mtshan nyid yin/ de gang rung gang zhig /zlog byed kyi rkyen tha ma las byung ba'i bsgo gyur gyi ltung ba de/ gnyis pa'i mtshan nyid yin/ bzhi pa thun mong ba'i yan lag @135a @#/ /bshad pa la/ de dngos/ ltung ba grangs du bskyed bshad pa/ bsgo gyur gyi ltung ba'i thog ma bshad pa/ de'i dngos gzhi bskyed pa'i dus mtshams bshad pa dang bzhi las/ dang po ni bsgo gyur gyi ltung ba zlog byed kyi yan lag de la bzhams bsgo/ gsol bar ? brjod pa dang po/ gnyis pa/ gsum pa dang lnga yod/ bzhams bsgo ni dge 'dun gyis bskos pa'i gang zag gis khyod kyis mi rigs pa'i bya ba 'di ma byed cig ces 'jam po'i sgo nas tshig smra ba de yin te/ rgya cher 'grel las/ bzhams te bsgo ba ni dge 'dun du ma gyur pa'i dge slong tshangs pa mtshungs par spyod pas phan tshun bzlog par byed pa rig par bya'o/ /zhes gsungs pa'i phyir/ de yang tshangs pa mtshungs par zhes pas mi rigs pa'i bya ba la zhugs pa'i skyes bu de dang blo mthun pa'i skyes nas bzlog par byed dgos zhes bstan/ kha cig /bzhams bsgo ni rkyen dngos yin kyang/ gsol ba de ma yin zer na/ 'o na gsol ba'i mthar ma btang ba las byung ba'i ltung ba de zlog byed kyi rkyen la ltos pa'i ltung ba ma yin par thal/ dam bca' 'thad pa'i phyir/ 'dod mi nus te/ de bsgo gyur gyi ltung ba'i yin pa'i phyir/ gnyis pa ltung ba grangs du bskyed bshad pa la/ kha cig /bzhams bsgo'i snga rol tu bsgo gyur gyi ltung ba gcig bskyed pa yin zer na mi 'thad de/ bsgo gyur @135b kyi ltung ba de zlog byed kyi rkyen la ltos pa gang zhig /bzhams bsgo zlog byed kyi rkyen gyi thog ma yin pa'i phyir/ kha cig /brjod pa gsum pa'i 'go brtsam pa nas mjug ma rdzogs kyi bar du sbom po'i ltung ba gcig bskyed pa yin te/ rnams 'byed las/ las brjod pa gsum pa brjod pa na gzhi des gtong na legs gal te mi gtong na nyes pa sbom por 'gyur ro/ /zhes gsungs pa'i phyir zer na skyon med de/ de rnams 'byed du grangs pa ni/ tshig de lhag pa yin no// rang lugs ni/ bsgo gyur ltung ba'i sbyor ba dang mthar thug gi yan lag la brten nas bsgo gyur gyi ltung ba lnga bskyed de/ rkyen dang po bzhi'i mtha' las gyur pa'i bsgo gyur gyi ltung bar gyur pa'i sbyor ltung bzhi dang/ rkyen tha mi'i mtha' las byung ba'i bsgo gyur gyi ltung bar gyur pa'i dngos gzhi'i ltung ba gcig bskyed pa'i phyir te/ Tik chen las/ dge 'dun lhag ma bzhi po de dag ni bzlog pa dang 'brel ba yin pa de'i phyir/ bzlog pa ji snyed par ltung ba yang de snyed du 'gyur ro/ / zhes gsungs pa'i phyir/ des na bzhams bsgo'i sngon du bya ba de la zhugs pas nyes byas gcig bskyed kyang de bsgo gyur gyi grangs su mi 'dren pa'i rgyu mtshan yod de/ de bsgo gyur gyi ltung ba ma yin pa'i phyir/ gsum pa de'i thog ma ngo bzung ba ni bzhams bsgo'i mtha' las gyur pa'i ltung ba de dngos gzhi'i ltung bar gyur pa'i bsgo gyur gyi ltung ba'i sbyor ba dngos grub pa'i dus kyi ltung ba'i thog ma @136a @#/ /yin te/ bzhams bsgo de rkyen lnga po'i thog ma yin pa'i phyir/ bzhi po de'i dngos gzhi bskyed pa'i dus mtshams ni brjod pa gsum pa'i mthar ma btang ba na dngos gzhi bskyed de/ Tika chen las/ tha ma ma gtogs pa'i mi gtong ba ni sbyor ba nyid do/ /tha ma la ni dngos gzhi'o/ /zhes gsungs pa'i phyir/ des na bsgo gyur gyi ltung ba des ltung ba bcu la dngos su khyab pa yin te/ dge 'dun dbyen sogs lhag ma'i ltung ba bzhi dang sdig lta mi gtong ba'i ltung byed de pha'i ltung ba lnga dang/ bzlog pham sogs ma'i lnga la khyab pa'i phyir/ des ltung ba gnyis la shugs la khyab pa yin te/ spangs pa rjes phyogs dang bsnyil ba sdud pa'i ltung byed gnyis la shugs la khyab pa'i phyir/ lnga pa so so'i don bshad pa ni/ dge slong pha'i rten la bcas pa'i lhag ma'i ltung bar gyur pa'i bsgo gyur gyi ltung ba de la bzhi yod pa las/ dang po dbyen gyi lhag ma'i ltung ba la dngos dang/ 'khor lo'i dbyen gyi lhag ma'i ltung ba bye brag tu bshad pa gnyis/ dang po la gleng gzhi/ ngo bo; yan lag bshad pa dang gsum/ dang po ni rgyal po'i khab tu lhas byin gyis dge 'dun gyi dbyen byas pa la brten nas bslab pa 'di bcas pa yin/ gnyis pa ngo bo ni bcas ldan dge slong gi rten la dge 'dun chos min gyi phyogs su 'gro ba'i sbyor ba byed pa rkyen lnga'i sgo nas bzlog kyang ma btang ba las byung ba'i dngos gzhi yongs rdzogs kyi ltung ba de/ @136b dge 'dun dbyen gyi lhag ma'i ltung ba'i mtshan nyid yin/ gsum pa yan lag la/ gzhi bsam pa sbyor ba mthar thug gi yan lag dang bzhi yod pa las/ dang po la gang du 'byed pa'i gnas bshad pa/ gang 'byed pa'i yul bshad la/ gang gis 'byed pa'i rten bshad pa dang gsum/ dang po ni/ dge 'dun 'khor lo'i dbyen ni dzambu gling kho na la yod kyi gling gzhan gsum na med/ las kyi dbyen ni gling gsum na yod kyi sgra mi snyan na med de/ de na dge 'dun grangs tshang ba med pa'i phyir/ mtshams nang gcig yin pa dgos te/ mtshams tha dad du las tha dad par byed pa dgag bya chung ba'i phyir/ ston pa sangs rgyas mngon sum du bzhugs pa'i nye 'khor las gzhan yin pa dgos te/ de mngon sum du bzhugs pa'i nye 'khor du de'i gzi brjid kyis dge 'dun gyi dbyen bsgrub par mi nus pa'i phyir/ gnyis pa gang 'byed par byed pa'i yul ni/ kha cig /gang 'byed par byed pa'i yul ni so skye'i dge 'dun yin pa zhig mi dgos zer ba mi 'thad de/ dge 'dun 'khor lo'i dbyen gyi las de ston pa sangs rgyas kyi rjes 'brang las gzhan du dge 'dun sde mtshan gcig chos min du 'byed pa'i las yin pa'i phyir/ chos min du 'byed pa'i dge 'dun la so skye'i dge 'dun yin pa zhig dgos te/ 'phags pa'i dge 'dun chos phyogs @137a @#/ /nas chos min phyogs su dbye bar mi nus pa'i phyir/ rang lugs la/ gang 'byed pa'i yul dge 'dun ni/ sde tshan gnyis yan chad grangs tshang ba/ kha skong gi chos dang ldan pa zhig dgos te/ dge 'dun grangs ma tshang ba'i rab byung la dge 'dun gyi tha snyad mi bya bas/ de dbye ba la dge 'dun dbye bar mi 'gyur ba'i phyir dang/ las 'chags pa zhig dgos pa'i phyir/ gsum pa rten ni dge 'dun 'khor lo'i dbyen byed pa'i rten la kha skong gi chos dang ldan pa dgos kyang/ las kyi dbyen byed pa la kha skong gi chos dang ldan pa mi dgos te/ de la bsnyen rdzogs kyi sdom pa gso rung yin pa yan gyis chog pa'i phyir/ dus ni bstan pa la skyon byung rjes su 'byung ba yin te/ de ma byung gong du dge 'dun rnams thugs mthun pas dbye bar mi nus pa'i phyir/ gnyis pa bsam pa'i yan lag la 'du shes ma 'khrul ba dgos/ kun slong la dbyen byed 'dod kyi bsam pa rgyun ma 'chad pa dgos/ gsum pa sbyor ba la lus ngag gang rung gi sgo nas bya ba de la zhugs pa zhig dgos/ gsum pa mthar thug la 'khor lo'i dbyen 'byung ba la dge 'dun sde tshan gcig chos min gyi phyogs su dbye ba zhig dgos/ las kyi dbyen gyi lhag ma 'byung ba la brjod pa gsum pa'i mthar ma btang ba dgos so/ / gnyis pa dge 'dun 'khor lo'i dbyen bye brag tu bshad na/ de bstan pa 'di la byung tshul ni dzambu gling 'dir mu ge chen po byung ba'i tshe rdzu 'phrul thob pa'i nyan thos rnams kyis sgra @137b mi snyan la sogs pa nas bsod snyoms blangs pa na lhas byin gyis ma bzod nas/ ston pa dang ko'u di n+ya la sogs pa'i dge slong rnams la rdzu 'phrul gyi lam zhus kyang ma gnang bar/ 'od srungs la zhus pas gnang zhing/ des nyams su blangs pas rdzu 'phrul thob pa na nga rgyal skyes te ston pa rgas 'khob 'khor rnams skyong bar ngal bas bdag la sprad na legs pa la 'dug sgram du bsams nas ston pa la 'khor rnams sbyong ba thugs las che bas bdag la sprad du gsol/ zhes zhus pa la/ ston pas/ shA ri'i bu dang mo'u 'gal gyi bu lta bu la ma sprad nam gti mug can khyod lta bu la ci'i phyir sprod ces bka' stsal pas/ lhas byin gyis rang gi 'khor ko ka li ka la sogs pa'i 'khor bzhi po spran te bslab tshigs lnga bcas pa'i sgo nas 'khor lo'i dbyen byas pa la brten nas bslab pa 'di bcas pa yin/ bslab tshigs lnga ni rang gi 'khor rnams bsags te dge sbyong go'u ta ma ni sha za kho bo cag ni bza' bar mi bya'o; ;de ci'i phyir zhe na/ gzhi de las srog chags la gnod pa'i phyir/ dge sbyong go'u ta ma ni 'o ma 'thung kho bo cag ni 'thung bar mi bya'o/ /de ci'i phyir zhe na; gzhi de las be'u la gnod pa'i phyir/ dge sbyong go'u ta ma ni gos dras shing drub pa gyon kho bo cag ni go bar mi bya'o/ /de ci'i phyir zhe na/ gzhi de @138a @#/ /las dad pas byin pa'i kha tshar chud gzon par 'gyur ba'i phyir/ dge sbyong go'u ta ma ni lan tsha'i khu ba 'thung kho bo cag ni btung bar mi bya'o/ /de ci'i phyir zhe na; gzhi de khu ba las gyur pa'i phyir/ dge sbyong go'u ta ma ni dgon par gnas kho cag ni grong 'dab tu gnas so/ de ci'i phyir zhe na/ gzhi de las dad pas sbyin par byas pa yongs su ma spyad par 'gyur ba'i phyir/ tshe dang ldan pa dag brtul zhugs kyi gnas lnga po 'di dag gis yang dag par grol bar 'dod pa de dag gis ni dge sbyong go'u ta ma dang ring du gyis shig ;so sor gyis shig /ces sogs kyi sgo nas bslab tshigs lnga bcas te tshul shing stobs par byed do/ /des na dbyen gyi mtshams med kyi las 'di mtshams med lnga'i nang nas las lci shos yin te/ mdzod las/ dge 'dun dbye phyir brdzun smra ba/ /kha na mtho rab cher 'dod/ ces gsungs pa'i phyir/ ci'i phyir mtshams med ces bya zhe na/ rang gi rten gyi gang zag skye ba gzhan gyis bar mchod par dmyal bar skye ba nges par len pa'i rgyu mtshan gyis yin pa'i phyir/ dge 'dun las kyi dbyen dang 'khor lo'i dbyen gnyis la dus kyi khyad par yod de/ dang po de ston pa zhal ma bzhugs pa la yang 'byung/ phyi ma de ston pa zhal bzhugs pa'i dus kho nar 'byung ba'i phyir/ de gnyis @138b bsgrub pa'i rten gyi gang zag gi khyad par yod de/ dang po de dge slong ma la yang yod cing/ phyi ma de dge slong pha kho na la yod pa'i phyir/ rtags gnyis pa grub ste/ 'khor lo'i dbyen de ston pa sangs rgyas la 'gran 'dod kyi kun nas bslangs te bsgrub pa gang zhig /ston pa sangs rgyas dge slong pha yin pa'i phyir te/ mdzod 'grel las/ dge slong gis 'byed kyi dge slong ma la sogs pa ni ma yin no/ /zhes dang/ de'i 'grel bshad du/ sangs rgyas ni dge slong yin la dbye ba po ni de la 'gran bsngo ba yin no/ /zhes gsungs pa'i phyir; bstan bcos 'di nyid las/ dge 'dun la sogs pa bzhi ni dge slong ma'i skabs las so/ /zhes pas dbyen gyi lhag ma'i ltung ba sogs bzhi po de dge slong ma'i rgyud la yang yod par bstan pa'i phyir/ dge 'dun gyi dbyen dang dbyen gyi mtshams med kyi las gnyis po la khyad par yod de/ dang po de dge 'dun sde gnyis thugs mi mthun par byed pa'i ldan min 'du byed yin zhing dge 'dun sde gnyis ka'i rgyud la yod/ phyi ma de dmyal ba'i skye ba 'byin byed yin pas dbyen de sgrub pa po'i skyes bu'i rgyud la ldan pa'i phyir/ bstan pa 'di la dge 'dun 'khor lo'i dbyen gyi lhag ma'i ltung ba byung ma byung dpyad par bya ba yin te/ dge slong lhas byin las gzhan pa'i dge slong gis dge 'dun 'khor lo'i dbyen ma bsgrub/ dge @139a @#/ /slong lhas byin de bslab pa de bca' ba'i las dang po ba yin pa'i phyir/ dge 'dun gyi dbyen la de'i las kyi dbyen dang/ de'i 'khor lo'i dbyen gnyis yod do/ / gnyis pa de rjes phyogs kyi lhag ma'i ltung ba 'di 'chad pa la gling gzhi ni rgyal po'i khab tu lha byin gyi 'khor ko ka li ka la sogs pa bzhis dge 'dun gyi dbyen bsgrub pa'i grogs byas pa la brten nas bslab pa 'di bcas pa yin/ ngo bo ni bcas ldan dge slong gi rten la dbyen bsgrub pa'i grogs la zhugs pa rkyen lnga'i sgo nas bzlog par byed kyang/ mthar ma btang ba las byung ba'i dngos gzhi yongs rdzogs kyi ltung ba de/ de'i mtshan nyid yin/ gzhi'i yan lag grogs bya yul ni dbyen mtshan nyid pa sgrub pa la zhugs pa zhig dgos/ rten ni dbyen sgrub pa'i grogs la zhugs pa zhig dgos/ 'du shes ma 'khrul ba dang kun slong ni grogs byed 'dod kyi bsam pa rgyun ma chad pa/ sbyor ba grogs byed pa la lus ngag gang rung gi sgo nas rtsol ba zhugs pa/ mthar thug brjod pa gsum pa'i mthar ma btang ba rnams dgos so/ /gsum pa khyim sun 'byin pa'i lhag ma'i ltung ba 'chad pa la gleng gzhi ni ri nag por dge slong nam so dang 'gro 'phyogs gnyis kyis myos 'gyur btung nas khyim sun 'byin par zhugs pa la dge 'dun gyi gnas bskrad pa na/ mnyan yod du 'ong nas skrod pa po'i dge 'dun la skur ba btab pa @139b la brten nas bslab pa 'di bcas pa yin/ ngo bo ni bcas ldan dge slong gi rten la khyim pa sun 'byin pa la zhugs pa na dge 'dun gyis gnas nas bskrad pa na skrod pa po'i dge 'dun la skur ba btab pa rkyen lnga'i sgo nas bzlog kyang mthar ma btang ba las byung ba'i dngos gzhi yongs rdzogs kyi ltung ba de/ de'i mtshan nyid yin/ gzhi'i yan lag la sun 'byin pa'i yul ni phyi rol pa dang nang pa ni rab byung gi rtags cha lugs gang dang yang mi ldan pa tha snyad gsum dang ldan pa/ lus tha mal du gnas pa dgos/ skur ba 'debs pa'i bya ba ni glu gar dang myos 'gyur btung ba sogs tshul khrims kyi yan lag dang 'gal bar zhugs pa zhig dgos/ skrod pa po'i dge 'dun ni dge slong gi sdom pa rnam dge dang ldan pa/ bskrad bya'i yul dang lta ba dang mtshan mthun pa/ lus tha mal du gnas pa/ dge slong bzhi yan gyi grangs tshang ba/ bskrad pa'i las chos ldan du bya ba zhig dgos/ skur ba 'debs pa po ni skrod pa po'i dge 'dun la 'di dag ni 'dun pas 'gro ba'o/ /'di dag ni zhe sdang gis 'gro ba'o/ /'di dag ni gti mug gis 'gro ba'o/ /'di dag ni 'jigs pa'i dbang gis 'gro ba'o; ;zhes sogs kyi sgo nas skur pa 'debs pa la zhugs pa zhig dgos/ 'du shes ni ma 'khrul pa/ kun slong ni skur pa 'debs 'dod kyi bsam pa rgyun ma 'chad @140a @#/ /pa; sbyor ba ni ngag mtshan nyid drug ldan gyi sgo nas skur pa gsal por btab pa/ mthar thug ni brjod pa gsum pa'i mthar ma btang ba dgos so; ;bzhi pa bka' blo mi bde ba'i lhag ma'i ltung ba bshad pa la gling gzhi ni/ yul ko'u sham bair dge slong 'dun pa'i ltung ba dge 'dun gyis gling ba la bka' blo mi bde ba'i tshig smras pa la brten nas bslab pa 'di bcas pa yin/ ngo bo ni bcas ldan dge slong gi rten la dge 'dun gyis ltung ba gling ba la mi 'dod pa'i tshig smras pa rkyen lnga'i sgo nas bzlog par byed kyang mthar ma btang ba las byung ba'i dngos gzhi yongs rdzogs kyi ltung ba de/ de'i mtshan nyid yin/ gzhi'i yan lag la dge 'dun gyis lhag pa'i bsam pas de la ltung ba gling ba zhig dgos/ 'du shes ni ma 'khrul ba dgos/ kun slong ni dge 'dun gyis ltung ba gling ba la mi 'dod pa'i tshig smra 'dod kyi bsam pa rgyun ma 'chad pa dgos/ sbyor ba ni dge 'dun gyis ltung ba gling ba na phyogs bzhi'i dge 'dun bde yang rung mi bde yang rung bdag cag bde yang rung mi bde yang rung/ khyed cag su gang gis kyang bdag cag gi tshul khrims gling bar ma byed cig ces tshig gsal por smras pa dgos/ mthar thug brjod pa gsum pa'i mthar ma btang ba dgos/ de yan gyis lhag ma'i ltung ba bshad zin to/ / @140b kho na re/ so thar gyi mdo las lhag ma'i ltung ba bshad pa'i rjes su ma nges pa'i sde tshan 'chad na/ de gnyis kyi ngo bo gang zhe na/ bcas ldan dge slong gi rten la chags sems kyis kun nas bslangs te bud med dang 'dom gang gi nang du lhan cig tu gnas pa las byung ba'i ltung ba de/ gsum du ma nges pa'i ltung ba'i mtshan nyid/ de la gsum du ma nges pa zhes brjod pa'i rgyu mtshan yod de/ bcas ldan dge slong gi rten la bud med dang 'dom gang gi nang du lhan cig tu gnas pa na pham lhug ltung byed gsum las gang 'byung bar ma nges kyang 'byung nye ba'i rgyu mtshan gyis de ltar bshad pa'i phyir/ de'i rten la chags sems kyis kun nas bslangs te/ bud med dang 'dom gang gis chod pa'i phyi rol tu lhan cig gnas pa las byung ba'i ltung ba de/ gnyis su ma nges pa'i ltung ba'i mtshan nyid yin/ de la de ltar brjod pa'i rgyu mtshan yod de/ bcas ldan dge slong gi rten la bud med dang 'dom gang gis chod pa'i phyi rol du lhan cig tu gnas pa na lhag ma ltung byed gnyis las gang 'byung ba ma nges kyang 'byung nye ba'i rgyu mtshan gyis de ltar bshad pa'i phyir/ des na bstan bcos 'dir de gnyis dngos su mi ston pa'i rgyu mtshan yod de/ de gnyis pham lhag ltung byed gsum po'i khongs su 'dus pa'i rgyu mtshan gyis yin pa'i phyir/ gsum pa ltung byed kyi sde bshad pa la/ spang ltung gi sde bshad pa dang/ ltung byed 'ba' zhig pa'i sde bshad pa dang gnyis @141a @#/ /dang po la/ gzung gi don bshad pa dang/ spyi don gnyis/ dang po ltung ba'i thun mong ba'i yan lag bshad pa la/ dus 'brel gyi ltung ba'i thun mong ba'i yan lag bshad pa/ bdog 'brel gyi ltung ba'i thun mong ba'i yan lag bshad pa/ shan 'brel gyi ltung ba'i thun mong ba'i yan lag bshad pa/ phyir bcos dang 'brel ba'i ltung ba'i thun mong ba'i yan lag bshad pa/ spang ltung dang po gsum dang 'brel ba'i thun mong ba'i yan lag bshad pa dang lnga las/ dang po 'chad pa la/ nyin mtshan gyi dang po ma yin pa la tha ma ma yin pa med pa nyid do/ /gnas pha la ni sbyor ba'i snod nyid do/ /de'i dang po ni skya rengs dang po de'o/ /las la ni 'das na nyi ma shar ba'i 'o/ /zhes gsungs/ gnyis pa 'chad pa la/ spang pa la ni 'du shes las gtso cher rang gi nyid do/ /de ni bsdos pa nyid na bral ba nyid do/ /rab tu 'byung ba'i don du nges par byas pa yang de nyid do/ /chos gos las kyang rnam par brtags na'o/ /zhes gsungs/ gsum pa 'chad pa la/ /'di la rjes su zhugs pa nyid kyang nyams pa yin no; ;rang bzhin las nyams na yang ngo/ /de yod na dngos po de lta bu gzhan la yang 'byung ba nyid do/ /zhag bdun pa la ni rigs mthun pa la'o/ /ltung ba de yod na yo byad tsam bdag gir byas pa la spang pa nyid do/ /zhes gsungs/ bzhi pa 'chad pa la/ chung ba nyid kyi dum bu de ni mi 'gyur ro/ /dge 'dun gyi yang ngo/ /'di la med pa de nyid gtso bo'o/ /zhes gsungs/ @141b lnga pa 'chad pa la/ 'di gsum ni su brkyang bting ba la mi 'byung ngo/ /zhes gsungs/ so so'i don 'chad pa la/ yod na'o/ /rang gi nyid do/ /zhes sogs gsungs/ gnyis pa spyi don la/ rang bzod dang bzlos skyon spong ba'i phyir du/ dgos don dang/ bsdus don bshad pa/ so so'i don bshad pa dang gsum las/ dang po la kha cig na re/ ltung ba thun mong ba'i yan lag ston pa'i gzhung 'di rnams la rnams la rang bzo'i skyon yod do zer na/ med de/ lung las gsungs pa'i don rnams gzung 'di rnams kyis ston pa'i phyir te/ spang ba la ni zhes sogs dang/ de ni bsdos pa nyid na bral ba nyid do/ /zhes pa gnyis/ ko lpags kyi gzhi'i lung las btus/ las na ni 'das na nyi ma shar pa'i 'o/ zhes pa dang/ reng bzhin las nyams na yang ngo/ /zhes dang/ chung ba nyid kyi du ma bu de ni mi 'gyur ro/ /zhes sogs tshig rkang gsum po de lung zhu ba las btus/ 'dir dngos su bkod pa'i gzhung gzhan rnams ni rnam 'byed las btus/ 'dir dngos su ma bstan kyang dngos su bstan pa rnams dang rung mthun sbyar nas rtogs dgos pa rnams phran tshogs las btus/ bzlos skyon slong ba'i sgo nas dgos don bshad pa la/ 'o na gzhung 'di rnams kyi don lung las bshad na/ 'di rnams dang lung bzlos pa'i skyon yod do zer na/ skyon @142a @#/ /med de/ kha cig la ni rung mthun rtogs pa'i dgos pa/ kha cig la tshig tshogs pa skyung ba'i dgos pa/ kha cig la de gnyis ka'i dgos pa yod pa'i phyi; de yang yod de/ de'i dang po ni/ skya rings dang po de'o/ /zhes dang/ las la ni 'das na zhes sogs dang/ rab tu byung ba'i zhes sogs dang/ rang bzhin las nyams na yang ngo zhes sogs dang/ zhag bdun pa la ni rigs mthun pa la'o/ /zhes sogs dang/ chung ba nyid kyi zhes sogs dang/ dge 'dun gyi yang ngo/ /zhes pa rnams la dang po de yod/ chos gos las kyang zhes sogs dang/ 'di la rje su zhes sogs dang/ 'di gsum ni sra brkyang bting ba la mi 'byung ngo/ /zhes pa rnams la gnyis pa de yod/ 'dir dngos su bkod pa'i gzhung gzhan rnams la gsum pa de yod pa'i phyir/ dang po sgrub pa ni/ de'i dang po ni skya rings dang po de'o/ /zhes pa la/ rung mthun rtogs pa'i dgos pa yod de/ 'di'i bshad bya rtsa ba'i mdor gyur pa'i 'dul ba lung las/ gos zhag bcu 'chang spang gi ltung ba bskyed pa la/ gos de rnyed nas zhag bcu gcig pa'i skya rengs dang po shar ba yan lag tu dgos pa dngos su bstan nas/ dus 'brel gyi ltung ba gzhan rnams bskyed pa la rang rang gi yan lag tu gyur pa'i zhag tha ma'i skya rengs dang po shar ba yan lag tu dgos pa dngos su ma bstan pas/ 'dir mtshan mo @142b rgyal po'i pho brang du 'gro ba'i ltung ba ma gtogs/ dus 'brel gyi ltung ba gzhan rnams la rang rnag gi yang lag tu gyur pa'i zhag tha ma'i skya rengs dang po shar ba yan lag tu dgos par dngos su bstan pa'i phyir/ mtshan mo rgyal po'i pho brang du 'gro ba'i ltung ba khegs pa la/ /skya rengs dang po shar bas mi chog ste/ skya rengs tha ma shar ba dgos pa'i phyir/ las la ni 'das na nyi ma shar ba'i 'o; ;zhes pa la/ rung mthun rtogs pa'i dgos pa yod de/ 'di'i rtsa ba'i lung las/ tshes bco lnga'i nyin sgrub dgos pa'i dgag dbye gso sbyong sogs rkyen dgos kyis de'i nyin ma grub na/ de'i phyi nyin gyi nyi ma shar kha tshun du bsgrub pas las 'chags par dngos su sbyar nas/ las gzhan la de ltar dngos su ma sbyar bas 'di la brten nas gro zhun zla ba'i tshes gcig gi ? snga bar sgrub dgos pa'i dbyar gnas par khas len pa lta bu de'i snga bar ma grub na/ de'i nyin gyi nyi ma shar kha tshun du bsgrub pas las 'chags par rung mthun gyi sgo nas rtogs pa'i dgos pa yod pa'i phyir/ rab tu byung ba'i don du nges par byas pa yod de nyid do/ /zhes pa la rung mthun rtogs pa'i dgos pa yod de/ 'di'i rtsa ba'i lung las/ bcas ldan dge slong gi rten la rab byung gzhan gi don du ltung bzed lhag po bcangs pa la lhung bzed zhag bcu 'chang ba spang gi ltung ba mi skyed par dngos su bstan nas rdzas gzhan @143a @#/ /la de ltar ma gsungs pas 'di la brten nas de'i rten la rab byung gzhan gyi don du gos lhag po bcangs pa la gos zhag bcu 'chang spang gi ltung ba mi skyed pa rung mthun gyi sgo nas rtogs pa'i dgos pa yod pa'i phyir/ rang bzhin las nyams na yang ngo/ /zhes pa la/ rung mthun rtogs pa'i dgos pa yod de/ 'di'i rtsa ba'i lung las; bsam pa rang bzhin du mi gnas pa'i dge slong gi rten la rang stobs dang shan stobs gang gi sgo nas kyang zhag bcu 'chang spang mi skyed pa bstan nas/ gzhan de ltar ma bstan pas; 'di la brten nas de gnyis gang gi sgo nas kyang zla 'jog gi ltung ba mi skyed pa rung mthun gyi sgo nas rtogs pa'i dgos pa yod pa'i phyir/ zhag bdun pa la ni rigs mthun pa la'o/ / zhes pa la de yod de/ 'di'i rtsa ba'i lung las/ bcas ldan dge slong gi rten la/ mar; sbrang; le khar ra sogs la brten nas sman zhag bdun pa'i gsog 'jog gi lung ba bskyed par dngos su bstan nas/ rdzas gzhan la de ltar ma bstan pas/ 'di la brten nas zhag bu ram lha'i bdud rtsi sogs la yang sman zhag bdun pa'i gsog 'jog gi ltung ba bskyed pa rung mthun gyi sgo nas rtogs pa'i dgos pa yod pa'i phyir/ chung ba nyid gyi du ma bu de ni mi 'gyur ro/ /zhes pa la de yod de/ 'di'i rtsa ba'i gzhung las/ gos zhag bcu 'chang @143b spang gi spang ltung phyir bcos byed pa'i tshe/ khru gang yan chad kyi tshad du ma yongs pa'i gos spang mi dgos par dngos su bstan nas/ rdzas gzhan la de ltar ma bstan pas/ 'ji la brten nas lhung bzed zhag bcu 'chang spang gi spang ltung phyir bcos byed pa'i tshe/ lhung bzed tshad du ma longs pa gzhan spang mi dgos par rung mthun gyi sgo nas rtogs pa'i dgos pa yod pa'i phyir dang; chos gos zhag bcu 'chang spang gi spang ltung phyir bcos byed pa'i tshe/ sngar gi chos gos de mes tshig pa sogs kyis chud gzon pa na/ de'i lhag ma'am dum bu khru gang las chung ba'i gos spang mi dgos par dngos su bstan nas/ zhag bcu 'chang spang gi spang ltung phyir bcos byed tshul gzhan rnams la de ltar ma bstan pas/ 'di la brten nas gos zhag bcu 'chang spang gi spang ltung gzhan phyir bcos byed tshul la yang rung mthun sbyar nas rtogs pa'i dgos pa yod pa'i phyir/ dge 'dun gyi yang ngo/ /zhes pa la de yod de/ 'di'i rtsa ba'i lung las/ dge 'dun dbang ba'i chos gos gang zag gi 'tsho ba'i yo byad du byin gyis brlabs nas zhag gcig gi 'bral spang byung ba na de phyir bcos byed pa'i tshe/ sngar gyi gos de spang mi dgos par dngos su bstan nas/ 'bral spang phyir bcos byed tshul gzhan la de ltar ma bstan pas/ 'di la brten nas rab byung gzhan gyi chos gos gang zag gis g.yar te 'tsho ba'i @144a @#/ /yo byad du byin gyis brlabs nas zhag gcig gi 'bral spang byung ba phyir bcos byed pa'i tshe sngar gyi chos gos de spang mi dgos par rung mthun sbyar nas rtogs pa'i dgos pa yod pa'i phyir/ chos gos las kyang rnam par brtags/ /zhes pa dang/ 'di la rjes su zhugs pa nyid kyang nyams pa yin no/ /zhes pa gnyis la/ tshe tshogs bskyang ba'i dgos pa yod de/ 'di'i rtsa ba'i lung las/ gos de rung ba rnam brtags kyi sgo nas rab zung gzhan gyi yo byad du byin gyis brlabs na/ de la rang stobs dang shan stobs gang gi sgo nas kyang zhag bcu 'chang spang dang/ zla 'jog gi ltung ba gang yang mi 'byung bar tshig re res dngos su bstan pa de4/ 'di'i tshig dang po des de ltar byin gyis brlabs pa na rang stobs kyis ltung ba de gnyis gang yang mi skyed pa dang tshig phyi ma des de ltar byin gyis brlabs pa na sha na stobs kyi sgo nas ltung ba de gnyis gang yang mi skyed par tshig re res bsdus nas bstan pa'i phyir/ 'di gsum ni sra brkyang bting ba la mi 'byung ngo/ zhes pa la yang de yod de/ 'di'i rtsa ba'i lung las/ sra brkyang bting ba la 'chang 'bral 'jog gsum gyi ltung ba mi 'byung bar tshig re res dngos su bstan pa/ 'dir tshig 'dis bsdus nas bstan pa'i phyir/ nyin mtshan gyi dang po ma yin pa la tha ma ma yin pa med pa nyid do/ /zhes pa la/ rung mthun dang tshig tshogs bskyang ba gnyis @144b ka'i dgos pa yod de/ 'di'i rtsa ba'i lung las/ dus 'bral gyi ltung ba rnams bskyed pa la/ rang rang gi yan lag tu gyur pa'i zhag tha ma de'i mtshan mo'i mtha' mthun thug gi yan lag tu dgos par tshig re res dngos bstan pa de 'dir tshig 'dis bsdus nas bstan pa la brten nas dus 'brel gyi ltung ba rnams la rang rang gi yan lag tu gyur pa'i zhag dang po de'i nyin mtshan gyi cha thams cad yan lag tu mi dgos par de'i mtshan mo'i mtha'i skad cig ma yan lag tu yod pas chog par bstan pa'i phyir/ gnas pa la ni sbyor ba'i snod nyid do; ;zhes pa la de gnyis ka yod de/ 'di'i rtsa ba'i lung las/ gnas ngan len 'chab pa'i ltung ba/ nub lhag nyal gyi ltung ba/ bud med dang lhan cig nyal ba'i ltung ba rnams la rang rang gi zhag tha ma de'i skya rengs 'char ka tshun chad du sbyor ltung re ba skyed pa tshig re res dngos su bstan pa de 'dir tshig 'dis bsdus nas bstan pa'i phyir dang/ 'di la brten nas dmag nang du gnas pa'i ltung ba/ snang bcas su nyal ba'i ltung ba/ snang bcas su nyal ba'i ltung ba/ spangs pa rjes phyogs kyi ltung ba/ bsnyil ba sdud pa'i ltung ba rnams la yang rung mthun sbyar nas rtogs pa'i dgos pa yod pa'i phyir/ spang ba la ni 'du shes las gtso cher rang gi nyid do zhes pa la de gnyis ka @145a @#/ /yod de/ 'di'i rtsa ba'i lung las/ 'khrur 'jug rnal 'jug 'thag 'jug ras chen brtad pa'i ltung ba bskyed pa la/ de rnams 'byung ba'i gzhir gyur pa'i ro byed de rang dbang zhing bdag gir byas pa dgos pa tshig re res dngos su bstan pa de 'dir tshig 'dis bsdus nas bstan pa'i phyir dang/ 'di la brten nas bdag 'brel gyi ltung ba gzhan rnams bskyed pa la de rnams 'byung ba'i bzhir gyur pa'i yo byad de rnag dbang zhing bdag bdag gir bya pa dgos par rung mthun sbyar nas rtogs pa'i dgos pa yod pa'i phyir/ de ni bsngos pa nyid na bral ba nyid do/ / zhes pa la yang de gnyis yod de/ 'di'i rtsa ba'i lung las/ dge slong rnag gi yo byad bsam pa thag pas rab byung gzhan la bsngos na de la brten pa'i 'chang gnyis 'jog gnyis kyi ltung ba gnag yang mi skyed par tshig re res dngos su bstan pa de 'dir tshig 'dis bsdus nas bstan pa'i phyir dang/ 'di la brten nas de lta bu la yo byad la brten pa'i bdag 'brel gyi ltung ba gzhan mi 'byung bar rung mthun sbyar nas rtogs pa'i dgos pa yod pa'i phyir/ de yod na dngos po de lta bu gzhan la yang 'byung ba nyid do/ /zhes pa la yang de yod de/ 'di'i rtse ba'i lcang las/ sngar bshad ma thag pa'i ltung ba de bzhi'i skabs su zhag shan 'byung bar tshig re res dngos su bstan pa de 'dir tshig 'dis bsdus nas bstan pa'i phyir dang/ /'di @145b la brten nas dus 'brel gyi ltung ba gzhan gyi skabs su yang zhag shan 'byung ba rung mthun sbyar nas rtogs pa'i dgos pa yod pa'i phyir/ ltung ba de yod na yo byad tsam bdag gir byas pa la spong ba nyid do/ /zhes pa la yang de gnyis yod de/ 'di'i rtsa ba'i lung las/ 'khru 'jug /len spang/ slong ba'i spang ba ma gtogs/ spang ltung gi bcu tshan dang po'i lhag ma bdun dang/ bcu tshan gsum pa'i thog mtha' gnyis nye dgu la brten nas phyis rnyed kyi yo byad la shan 'byung ba tshig re res dngos su bstan pa de 'dir tshig gcig gis bsdus nas bstan pa'i phyir dang/ 'di la brten nas spang ltung gzhan la brten nas phyis rnyed kyi yo byad la shan 'byung bar rung mthun sbyar nas rtogs pa'i dgos pa yod pa'i phyir/ 'di la med pa de nyid gtso bo'o/ /zhes pa la de gnyis yod de/ 'di'i rtsa ba'i lung las/ 'chang 'bral 'jog gsum gyi spang ltung phyir bcos byed pa'i tshe/ de rnams 'byung ba'i gzhir gyur pa'i yo byad de med par song ba na btsal nas spang mi dgos par spang ltung phyir bcos byas chog par tshig re res dngos su bstan pa de 'dir tshig gcig gis bsdus nas bstan pa'i phyir dang/ 'di la brten nas gser dngul len pa sogs kyi spang ltung phyir bcos byed tshul gzhan la yang rung mthun sbyar nas rtogs pa'i dgos pa yod pa'i phyir/ @146a @#/ /gnyis pa bsdus don bshad pa la/ ltung ba thun mong ba'i yan lag rnams bsdu na/ dus 'brel gyi ltung ba'i thun mong ba'i yan lag sogs sngar ltar las/ dang po dus 'brel gyi ltung ba bshad pa la/ des ltung bdu la khyab pa'i tshul/ de'i thun mong gi yan lag/ sel ba la brten nas ci 'gyur bshad pa dang gsum/ dang po ni/ Tikka'i ? dngos bstan la/ dus 'brel gyi ltung ba bco lnga yod de/ 'chang gnyis/ 'jog gnyis/ 'phyis gnyis/ 'brel gnyis/ gnas ngan len 'chab pa'i ltung ba nub lhag nyal gyi ltung ba/ /bu med dang lhan cig nyal ba'i ltung ba/ dmag nang du nyal ba'i ltung ba/ snang bcas su nyal ba'i ltung ba/ spangs pa rjes phyogs kyi ltung ba/ bsnyil ba sdud pa'i ltung ba rnams su yod pa'i phyir/ phyi ma bdun po de la gnas 'brel gyi ltung ba zhes brjod pa'i rgyu mtshan yod de/ rang nyid 'byung ba'i gnas der zhag lon pa las byung ba'i ltung ba yin pas de ltar brjod pa'i phyir/ dus 'brel gyi ltung ba la bco lnga po de dag tu nges sam zhe na/ ma nges te/ shugs bstan sngas gnyis/ 'chab pa'i pham pa/ reg ltung rnams su yod pa'i phyir/ gnyis pa ni/ de rnams la mtshan mo'i mtha' skad cig ma yan lag tu dgos pa yin nam zhe na/ zla 'jog gi ltung ba/ ras chen bzhag 'phyis kyi ltung @146b ba; zhag bcu 'chang spang gi ltung ba/ sman zhag bdun pa'i ltung ba/ dgon pa ba'i 'brel spang/ nub lhag nyal gyi ltung ba rnams bskyed pa la/ rim pa bzhin du/ zhag sum cu/ bco lnga/ bcu/ bdun/ drug /gsum rnams kyi mtha'i skad cig ma rnams yan lag tu dgos/ ltung ba gzhan rnams bskyed pa la zhag re re yan lag tu yod pas chog go /de la kho na re/ rnam gzhag de rnams mi 'thad de/ zhag bcu 'chang spang gi ltung ba bskyed tshul ston pa la/ 'dul ba bsdu ba las/ zhag bcu gcig nas 'chad pa'i spang ba'o/ /zhes dang/ de nyid las/ sman zhag bdun pa'i gsog 'jog gi ltung ba bskyed tshul ston pa la/ brgyad pa'i skya rengs byung na'o/ /zhes dang/ dgon pa pa'i 'bral spang ston pa la/ zhag bdun la 'bral ba'i spang ba'o/ /zhes gsungs pa'i phyir zer na skyon med de/ lung dang pos/ yo byad de rnyed nas zhag bcu gcig pa'i skyang rengs dang po shar ba'i dus la zhag bcu gcig pa'i ming gis bstan/ lung gnyis pas/ sman de rnyed nas byin gyis brlabs te zhag brgyad pa'i skya rengs dang po'i ? shar ba'i dus la zhag brgyad pa'i ming gis bstan/ lung gsum pas dge slong dgon pa pa mtshams kyi phyi rol tu lus nas zhag bdun pa'i skya rengs dang po shar ba'i dus la zhag bdun pa'i ming gis bstan pa'i phyir/ de la kho na re/ sman zhag bdun pa'i ltung ba bskyed pa la/ sman de byin gyis brlabs nas zhag bdun tsam @147a @#/ /'das pas ltung ba bskyed pa ma yin par thal/ dbyar gnas kyi tsha dbyar zhag bdun byin gyis brlabs nas mtshams kyi phyi rol tu lus pa la dbyar ral pa'i nyes pa mi 'byung ba'i phyir dang/ dbyar zhag gcig tu byin gyis brlabs nas mtshams kyi phyi rol tu lus pa la dbyar ral ba'i nyes pa mi 'byung ba'i phyir te/ dbyar zhag gcig tu byin gyis brlabs pa la dgos pa yod pa'i phyir nam khyab ste/ de ltar byin gyis brlabs nas zhag gcig gi skya rengs ma shar gong du mtshams kyi nang du slebs na ltung ba mi skyed pa'i phyir/ des na/ dbyar zhag gcig byin gyis brlabs pa la zhag gcig mtshams kyi phyi rol du gnas mi rigs shing/ zhag gcig gi skya rengs ma shar gong du mtshams kyi phyi rol du gnas pa la ltung ba mi 'byung yang/ de shar khar mtshams kyi phyi rol du gnas pa la ltung ba bskyed par des te/ de 'char khar mtshams kyi phyi rol du gnas/ de shar ma thag tu mtshams nang du slebs pa'i bcas ldan gyi rab byung med pa'i phyir/ 'o na mtshan mo'i mtha'i skad cig ma ji lta bra zhen/ skya rangs 'char kha de de yin/ skya rengs shar ba de ji lta bu zhe na/ mtshan mo la/ srod; dgung/ tho rangs gsum yod cing/ de re re la thun gsum gsum yod pa'i thor thun dang po phyed pa na skya rengs dang po shar ba yin te/ dge slong ma'i rnam 'byed las/ mtshan mo'i thun tha ma'i dang po @147b phyed pa rnga brdung du nye ba na skya re res shar ba'o/ /zhes gsungs pa'i phyir/ de ltar na/ bye brag bshad mdzod chen mo las/ mtshan mo'i lnga cha lus pa na skya rengs 'char bar gsungs pa dang 'gal lo zhe na/ 'od ldan las de sgra ji bzhin pa ma yin par bstan cing/ rang lugs la/ de ni mtshan ring ba'i dus la dgongs/ rnam 'byed kyi de mtshan thung ba'i dus la dgongs pa yin te/ mtshan ring ba'i dus su gling de'i skya rengs shar ma thag pa nas nyi ma'i 'od zer 'char ba'i yun la mtshan mo'i lnga cha lus pa yin zhing/ mtshan thung ba'i dus su de'i yun la mtshan mo'i suM cha cung med cig lus pa'i phyir te/ skya rengs shar ba nas nyi ma'i 'od zer shar ba'i bar la dus rgyun du ring thung mi 'byung zhing; /tshan mo la ring thung 'byung ba'i phyir/ skya rengs shar ba na nam mkha' la mtshan ma 'byung tshul ni/ 'od ldan du skar ma'i bstan bcos drangs pa las/ skya rengs dang po shar ba na/ /shar phyogs su ni sngor snang zhing/ /skar ma'i gdong gi 'od nyams la/ /nam mkha' sngo skyar 'gyur ba yin/ /skya rengs bar pa shar ba na/ /des nas shar phyogs skya zhing dmar/ /rgyu skar 'od ni chung ba dang/ /nam mkha' ser skyar 'gyur ba yin/ /skya rengs tha ma shar ba na/ /rgyu skar 'od ni med pa dang/ /skya rengs tha ma 'od zer shar/ /'od zer nyi ma shar bar du/ /zhes pa dang/ ma'i rnam 'byed las/ skya rengs dang @148a @#/ /po shar ba na nam mkha' dkar por snang ngo/ /gnyis pa shar ba na nam mkha' ser por snang ngo/ /gsum pa shar ba na nam mkha' dmar por snang ngo/ / zhes gsungs pa ltar/ gling 'di'i steng gi bar snang gi shar mtha' la nyi ma'i 'od zer shar ba na/ nam mkha' sngon por 'gyur zhing/ de'i dus su skya rengs dang po shar ba yin pa'i phyir/ de ltar yin kyang 'di'i skya rengs dang po 'char kha de 'di'i mtshan gyi tha ma dang/ skya rengs shar ma thag pa de 'di'i nyin mo zhi thog ma ma yin te/ skya rengs shar ma thag pa de 'di'i mtshan mor ma'i rnam 'byed las bshad pa'i phyir/ kho na re/ de'i dang po ni skya rengs dang po de'o/ /zhes pas/ gling 'di'i bar snang gi shar mtha' la nyi ma'i 'od shar ba 'di'i nyin gyi thog mar bstan pa ji ltar yin zhe na/ skyon med de/ de dus 'brel gyi ltung ba bskyed pa'i dus la dgongs pa'i phyir/ gling 'di'i bar snang gi shar mtha' la nyi ma'i 'od zer shar ba na skya rengs dang po shar ba yin kyang/ de nas gling 'di'i nyin mo'i thog ma 'dzin pa mi 'thad de/ gling 'di'i bar snang gi shar mtha' la nyi ma'i 'od zer shar ba dang/ gling 'di la nyi ma'i 'od zer shar ba dus mi mnyam pa gang zhig /gling 'di'i nyin mo'i thog ma de gling 'di la nyi ma'i 'od zer shar ba la ltos pa'i phyir/ gsum pa sel pa la ci 'gyur bshad pa ni/ spyir dus 'brel gyi ltung ba rnams kyi rang rang gi @148b yan lag tu dgos pa'i zhag tha ma de'i mtshan mo'i mtha'i skad cig ma rnams ma tshad ba'i cha lta bu dus 'brel gyi ltung ba de dang de'i sel ba yin te/ de'i mtshan mo'i mtha'i skad cig ma rnams dus 'brel gyi ltung ba de dang de bskyed pa la yan lag tu dgos pa yin pa'i phyir/ sel ba la brten pa'i cir 'gyur dngos ni/ dngos bstan dus 'brel gyi ltung ba dang po ba rgyang po de'i yan lag gi sel ba'i skabs su ltung ba mi skyed de/ de rnams gnang la tshad bzung gi ltung ba yin pa'i phyir/ zhag bcu 'chang spang gi ltung ba gnang la tshad bzung gi ltung ba yin te/ bcas ldan dge slong gis gos byin gyis ma brlabs par zhag bcu gcig pa'i skye rengs 'char kha tshun du bcad ? du rung zhing/ de shar ba na ltung ba bskyed par tshad bzung ba'i phyir/ des phyi ma rnams la rigs 'bre'o/ /dus 'brel gyi ltung ba phyi ma bdun po de'i yan lag gi sel ba'i skabs su sbyor ltung bskyed de/ de rnams ma gnang la tshad bzung gi ltung ba yin pa'i phyir/ dmag nang du gnas pa'i ltung ba de ma gnang la tshad bzung gi ltung ba yin te/ dmag nang du gnas par ma gnang zhing/ zhag de'i skya rengs shar ba na ltung ba bskyed par tshad bzung ba'i phyir/ des phyi ma rnams la yang rigs 'bre'o/ /kho na re/ gos byin gyis ma brlabs par zhag bcu gcig pa'i skya rengs 'char kha tshun du bcad ? drang na/ 'dul ba bsdu ba las/ nyin re bzhin @149a @#/ /nyes byas re re 'byung ngo/ /zhes pa'i don gang yin zhe na/ yod de byin brlabs byed pa yal bar dor ba'i sgo nas byin gyis ma brlabs na nyin re bzhin nyes byas re re bskyed par bstan pa'i phyir/ gzhung gi 'brel ni bsgo gyur gyi ltung ba'i skabs su/ brjod pa gsum pa'i mthar ma btang ba la brten nas bsgo gyur gyi dngos gzhi'i ltung ba bskyed par bstan pa la/ 'o na dus 'brel gyi ltung ba bskyed pa'i dus mtshams gang zhe na/ de 'chad pa la/ nyin mtshan gyi zhes sogs gsungs/ dag don ni/ zhag bcu 'chad spang gi ltung ba bskyed pa la zhag dang po'i nyin mtshan gyi cha thams cad yan lag tu mi dgos te/ zhag bcu pa'i mtshan mo'i mtha'i skad cig ma gcig gis go chod pa'i phyir/ 'o na zhag dang po de'i nyin mtshan gyi cha rnams yan lag tu dgos pa'i dus 'brel gyi ltung ba med dam zhe na/ yod de/ dmag nang du gnas pa na zhag de'i skya rengs 'char kha tshun gyi sbyor ltung bskyed pa la de rnams yan lag tu dgos pa'i phyir/ zhes 'chad pa la/ gnas pa la ni zhes sogs gsungs/ dus 'brel gyi ltung ba bskyed pa'i dus mtshams de ltar yin na/ nyin mtshan gyi thog ma ji lta bu zhe na/ skya rengs dang po shar ba de gang du shar ba'i gnas de'i nyin dus kyi thog ma yin te/ de dus 'brel gyi ltung ba bskyed pa'i nyin dus kyi thog ma yin pa'i phyir/ zhes 'chad pa la/ de'i dang po @149b ni skya rengs dang po de'o/ /zhes pa 'di gsungs/ zhag bcu gcig pa'i skya rengs shar ba'i tshe/ zhag bcu 'chang spang gi ltung ba bskyed na/ tshes bco lnga'i nyin sgrub dgos pa'i gso sbyong dgag dgos kyi dbang gis de'i nyin mo ma grub na tshes bcu drug gi skya rengs 'char kha tshun du sgrub dgos sam zhe na/ mi dgos te/ de'i nyi ma 'char kha tshun du sgrub pas kyang 'grub pa'i phyir/ zhes 'chad pa la/ las la 'das na nyi ma shar ba'i 'o/ /zhes pa 'di gsungs so/ /gnyis pa/ bdag 'brel gyi ltung ba bshad pa la/ bdag 'brel gyi ltung bas ltung ba du la khyab pa'i tshul/ bdag 'brel gyi ltung ba'i thun mong gi yan lag gi ngo bo/ /sel ba la ci 'gyur bshad pa dang gsum/ dang po ni/ bdag 'brel gyi ltung ba des 'chad gnyis/ 'jog gnyis/ 'phyis gnyis/ 'thag 'jug 'thag pa bskyed pa'i ltung ba/ bcu tshan bar pa ste bco brgyad la khyab bo/ /gnyis pa ni/ bcas ldan dge slong gis rang gi rdzas la rang gi rdzas su 'du shes pa de/ bdag 'brel gyi ltung ba'i thun mong gi yan lag gi ngo bo yin/ gsum pa ni/ rang gi rdzas la gzhan gyi rdzas su 'du shes pa dang/ gzhan gyi rdzas la gzhan gyi rdzas su 'du shes pa dang/ gzhan gyi rdzas la rang gi rdzas su 'du shes pa rnams bdag 'brel gyi ltung ba'i sel ba yin/ rang gi rdzas la @150a @#/ /gzhan gyi rdzas su 'du shes pa dang/ gzhan gyi rdzas la gzhan gyi rdzas su 'du shes pa gnyis la brten nas/ 'chang gnyis/ 'jog gnyis/ 'phyis gnyis mthong gang gis ma glan pa'i ltung ba rnams mi 'byung/ de la brten la nas gser dngul la reg pa na/ skabs der gtogs kyi ltung ba mi 'byung yang/ longs pa gzhir gtogs kyi ltung ba 'byung/ de gnyis la brten nas ltung ba gzhan bcu po de'i rgyu la spyad na ltung ba de dang de'i dngos gzhi mi skyed kyang/ de dang de'i na smad kyi ltung ba bskyed/ gzhan gyi rdzas la rang gi rdzas su 'du shes pa la brten nas ltung ba bco brgyad po de'i rgyud la spyad na nyes byas re bskyed de/ rdzas la mngon zhen dgag pa'i phyir du bdag 'brel gyi ltung ba bcas pa'i phyir/ gsum pa shan 'brel gyi ltung ba bshad pa la/ spyi don dang/ gzhung don gnyis/ dang po la/ dgos don dang/ bsdus don gnyis/ dang po ni/ zhag shan bcas pa la dgos pa yod de/ shan ltung dgag pa'i phyir du yo byad byin gyis rlobs pa la brtson pa'i ched yin pa'i phyir/ spang shan bcas pa la dgos pa yod de/ spang shan gyis 'jigs nas spang ltung phyir bcos la brtson pa'i ched yin pa'i phyir/ gnyis pa bsdus don la/ shan 'byung ba'i gzhi/ dbye ba/ bsdu ba/ ngo bo/ shan 'brel ba'i dus/ shan brdeg pa'i tshul/ mtha' dpyad de mu bzhir rtsi ba'i tshul dang bdun/ @150b dang po la/ zhag shan 'byung ba'i gzhi dang/ spang sha na 'byung ba'i gzhi gnyis las/ 'chang gnyis/ 'jog gnyis/ dge slong mas zla ba phyed phyed nas chos gos byin gyis mi ba rlobs pa rnams dang po yin/ gnyis pa la/ kha cig na re/ spang ltung sum cu po rnams gnyis pa yin zer na mi 'thad de/ de sum cu po gang rung yin na/ spang shan rdeg byed yin pas ma khyab pa'i phyir/ der thal/ khyad par can gyi dge slong gi rgyud kyi spang ltung de de ma yin pa'i phyir te/ khyad par can gyi dge slong de spang ltung phyir bcos la brtson pa'i phyir dang/ des spang ltung phyir bcos byed pa'i tshe/ de 'byung ba'i gzhir gyur ba'i yo byad spang mi dgos pa'i phyir te/ 'di nyid las/ ngo tsha dang ldan pa dang/ mdo sde 'dzin pa dang/ 'dul ba 'dzin pa dang/ ma mo 'dzin pa dag shes pas ni gcig gi mdun du bshags pas ni dge 'dun lhag ma las ldang ngo/ /zhes gsungs pa'i phyir/ rang lugs ni/ khyad par can ma yin pa'i dge slong gi rgyud kyi spang ltung sum cu po de de yin no/ /gnyis pa shan la dbye na/ gos shan/ lhung ? bzed kyi shan/ sman shan/ ltung shan dang bzhi yod/ dang po la/ zhag bcu'i gos shan dang/ zla 'jog gi gos shan gnyis yod/ gsum pa ni/ shan de rnams bsdu ? na/ zhag shan ltung shan gnyis su 'du snye/ dang po gsum zhan shan yin pa'i phyir/ des na zhag shan dang rdzas shan gnyis don @151a @#/ /don gcig /bzhi pa la ngo bo la/ kha cig na re/ gtso bor shan stobs kyis gos par byas pa'i nyes ltung de/ shan gyi mtshan nyid yin zer na mi 'thad de/ shan yin na shan ltung yin pas ma khyab pa'i phyir te/ shan ltung yin na/ rang gi byed pa por gyur pa'i shan sngon du dgos pa'i phyir/ dper na/ rdzas shan yin na/ rang gi byed pa por gyur pa'i rdzas sngon du 'gro dgos pa'i dpe 'di bzhin no/ /rang lugs ni/ spyir shan yin na/ rdeg byed kyi rjes zhugs de brdeg bya de la gos par byas pa'i stobs kyis rang gi 'bras bur gyur pa'i ltung ba de'i rgyu'i nus pa yin pas khyab bo/ /des na zhag shan gyi ngo bo rnam grangs dang bcas pa bshad pa dang/ ltung shan gyi ngo bo rnam grangs dang bcas pa bshad pa gnyis/ dang po ni/ rdeg byed kyi yo byad de la rang gi yin par 'du shes pa'i rjes zhugs de brdeg bya'i yo byad de la gos par byas pa'i stobs kyis brdeg bya'i yo byad de rang stobs kyis ltung ba bskyed pa'i dus ma yin kyang/ shan stobs kyis ltung ba bskyed pa'i rgyu 'am rgyu'i rigs su gnas pa de/ zhag shan gyi ngo bo yin/ zhag shan yin pa gang zhig / rdeg byed kyi rjes zhugs de byin rlabs can dang ma 'brel ba'i brdeg bya'i yo byad la gos par byas pa'i nus pa de/ zhag shan khyad par can ma yin pa'i ngo bo yin/ de gang zhig / @151b rdeg byed kyi rjes zhugs de brdeg bya byin rlabs can la gos par byas pa'i nus pa de/ zhag shan khyad par can gyi ngo bo yin/ des na rnam grangs ni/ spyir shan/ rjes zhugs/ rgyun 'brel/ shugs rnams rnam grangs yin/ bye brag tu/ zhag shan/ rdzas shan/ dus shan gsum po ming gi rnam grangs yin/ gnyis pa/ spang shan gyi ngo bo bshad pa la/ kha cig / spang ltung snga ma'i stobs kyis gos pa'i nyes pa gang zhig spangs pa'i gzhi las ltung bar ma gyur pa de/ spang shan gyi ngo bo yin zer na/ mi 'thad de/ spang shan yin na/ spang shan gyis bskyed pa'i shan ltung yin pas ma khyab pa'i phyir te/ spang shan dang/ spang shan gyis bskyed pa'i shan ltung bskyed dus so sor nges pa'i phyir/ gzhan yang/ spang shan gyis bskyed pa'i shan ltung de/ spangs pa'i gzhi las ma gyur pa'i ltung ba yin par thal/ dam bca' de'i phyir/ 'dod mi nus te/ shan ltung yin na/ rang gi yan lag tu gyur pa'i spangs pa'i gzhi las gyur pa'i ltung ba yin dgos pa'i phyir/ kha cig /spang shan la de rdeg byed dang/ de brdeg bya gnyis su nges shing/ zhag shan la yang de rdeg byed dang/ de brdeg bya gnyis su nges so zer na/ mi 'thad de/ spang shan rdeg byed dang de brdeg bya gang rung yin na/ spang shan yin @152a @#/ /mi dgos pa'i phyir te/ ltung ba de 'byung ba'i yan lag yin na/ ltung ba de yin mi dgos pa gang zhig /rigs pa stobs mtshungs pa'i phyir/ zhag shan la rigs 'gre'o/ /rang lugs ni/ rdeg byed spang ltung gi stobs kyis brdeg bya'i yo byad de da ltar spang 'os su gnas pa/ rgyun rjes su 'brel ba'i nus pa de/ spang shan gyi ngo bo yin pa'i phyir dang/ ltung shan gyi ngo bo yang yin no/ spang ltung dngos gang zhig /khyad par can ma yin pa'i dge slong gi rgyud la rgyun 'brel du yod pa'i rang gi ngo bo shes shing dran nus pa de/ spang shan rdeg byed kyi ngo bo yin/ rdeg byed spang ltung las phyis rnyed pa'i brdeg bya'i yo byad gang zhig /da lta spang 'os su gnas pa de; spang shan brdeg bya'i ngo bo yin/ kha cig /spang ltung las gzhan pa'i ltung ba phyi ma rnams spang shan brdeg bya yin zer na/ mi 'thad de/ spang ltung las phyis rnyed kyi yo byad thams cad spang shan brdeg bya yin pa'i phyir te/ 'di nyid las/ ltung ba de yod na yo byad tsam bdag gir byas pa la spang ba nyid do/ /zhes gsungs pa'i phyir/ de yang ltung ba de yod na zhes pas/ spang shan rdeg byed de bstan/ de man gyis spang shan brdeg bya de bstan ? pa'i phyir/ ci'i phyir shan zhes gsungs zhe na/ rdeg byed kyi nyes dmigs de @152b brdeg bya de la gos par byed pa'i rgyu mtshan gyis de ltar brjod pa'i phyir/ ci'i phyir rdzas shan zhes gsungs zhe na/ rgyur gyur gyi rdzas de rang gi yin par 'du shes pa'i nyes dmigs de brdeg bya de la gos par byed pa'i rgyu mtshan gyis de ltar brjod/ ci'i phyir ltung shan zhes gsungs zhe na/ rdeg byed kyi spang ltung phyir bcos ma byas pa'i nyes dmigs de brdeg bya de la gos par byad pa'i rgyu mtshan gyis de ltar brjod pa'i phyir/ lnga pa ni/ rang rang gi zhag grangs tha ma'i mtshan mo'i mtha'i skad cig ma'i dus su shan brdeg par byed de/ de'i zhag phyi ma'i skya rengs 'char ba na shan ltung bskyed par byed pa'i phyir/ drug pa shan brdeg pa'i tshul la/ zhag shan brdeg pa'i tshul dang/ ltung shan brdeg pa'i tshul gnyis/ dang po la/ gos gos shan brdeg pa'i tshul/ lhun bzed kyi shan brdeg pa'i tshul/ sman shan brdeg pa'i tshul dang gsum/ dang po la/ zhag bcu'i gos shan brdeg pa'i tshul dang/ zla 'jog gi gos shan brdeg pa'i tshul gnyis/ dang po la/ zhag bcu'i gos shan khyad par can ma yin pa'i de dang/ zhag bcu'i gos shan khyad par can gyi de gnyis yod/ dang po ni/ byin gyis ma rlabs pa'i gos snga mas byin gyis ma rlabs pa'i gos phyi ma la shan brdeg par byed pa yin te/ dper na/ bcas ldan dge slong gis tshes gcig gi nyin gos @153a @#/ /rnyed pa byin gyis ma rlabs bab bzhag /tshes gnyis nas bcu'i bar la gos rnyed pa rnams byin gyis ma rlabs par bzhag pa na/ zhag bcu'i mtshan mo'i mtha'i skad cig ma'i dus su/ gos snga ma'i phyi ma rnams la shan rdeg par byed pa yin zhing/ zhag bcu gcig pa'i skya rengs shar ba na/ gos snga ma des rang stobs kyis ltung ba bskyed par byed/ phyi ma rnams kyis shan stobs kyis ltung ba bskyed par byed pa yin/ des na/ 'di la dus mnyam pas dus mnyam pa la shan brdeg pa ni med do/ / gnyis pa ni/ byin gyis ma rlabs pa'i gos kyis/ byin gyis brlabs pa'i gos la shan rdeg par byed pa yin zhing/ de'i tshul la/ gos snga mas phyi ma la shan rdeg pa'i tshul dang; dus mnyam pas mnyam dus mnyam pa la shan brdeg pa'i tshul gnyis/ dang po ni/ bcas ldan dge slong gis tshes gcig gi nyin gos rnyed pa byin gyis ma rlabs par bzhag/ tshes gnyis nas bcu'i bar gang yang rung ba la gos rnyed pa byin gyis brlabs te bzhag pa na/ tshes bcu gcig pa'i skya rengs shar ba'i tshe snga mas rang stobs kyis ltung ba bskyed/ phyi mas shan stobs kyis ltung ba bskyed kyang des rang stobs kyis spang ltung bskyed pa ma yin te/ de byin gyis brlabs pa'i gos yin pa'i phyir/ gnyis pa ni/ bcas @153b ldan dge slong gis tshes gcig gi nyin gos gnyis dus mnyam du rnyed pa na gcig byin gyis brlabs/ cig shos byin gyis ma rlabs par bzhag pa na/ tshes bcu gcig pa'i skya rengs shar ba'i tshe byin gyis ma brlabs pa'i gos des rang stobs kyis ltung ba bskyed par byed/ byin gyis brlabs pa'i gos des shan stobs kyis ltung ba bskyed par byed do/ /gnyis pa zla 'jog gi gos shan brdeg pa'i tshul la/ khyad par can ma yin pa'i de dang/ khyad par can gyi zla 'jog gi gos shan brdeg pa'i tshul gnyis/ dang po ni/ bcas ldan dge slong gis chos gcig gi nyin 'khor gsum khebs pa'i mtha'i tshad du ma longs shing/ khru gang yan chad kyi tshad la ? longs pa kha skong gi re ba dang bcas pa'i gos zhig rnyed pa byin gyis ma rlabs par bzhag /tshes gnyis nas sum cu'i bar gang yang rung ba la/ de lta bu'i gos rnyed pa byin gyis ma rlabs par bzhag pa na/ zhag so gcig pa'i skya rengs shar ba'i tshe snga mas rang stobs kyis zla 'jog gi spang ltung bskyed par byed/ phyi mas shan stobs kyis zla 'jog gi spang ltung bskyed par byed cing/ rang stobs kyis zla 'jog gi spang ltung bskyed par byed pa ma yin te/ des rang ngos nas zla 'jog gi spang ltung bskyed pa la zhag ma tshang ba yin pa'i phyir/ 'di la dus mnyam pas/ dus mnyam pa la shan brdeg pa med do/ /gnyis pa @154a @#/ /la; dus mi mnyam pas dus mi mnyam pa la shan brdeg pa'i tshul dang/ dus mnyam pas/ dus mnyam pa la shan brdeg pa'i tshul gnyis/ dang po ni/ bcas ldan dge slong gis tshes gcig gi nyin 'khor gsum khebs pa'i mtha'i tshad du ma longs shing/ khru gang yan chad kyi tshad du longs pa kha skong gi re ba dang bcas pa'i gos zhig rnyed pa byin gyis ma rlabs par bzhag /tshes gnyis nas sum cu'i bar gang yang rung ba la/ de lta bu'i gos rnyed pa byin gyis brlabs te bzhag pa na/ zhag so gcig pa'i skya rengs shar ba na/ snga ma des rang stobs kyis zla 'jog gi spang ltung bskyed par byed/ phyi mas shan stobs kyis zla 'jog gi spang ltung bskyed do/ /gnyis pa ni/ bcas ldan dge slong gis tshes gcig gi nyin sngar gyi de lta bra'i gos gnyis dus mnyam du rnyed pa na gcig byin gyis brlabs te bzhag /cig shos byin gyis ma rlabs par bzhag pa na/ zhag so gcig pa'i skya rengs shar ba na/ phyi mas rang stobs kyis zla 'jog gi spang ltung bskyed par byed/ snga mas shan stobs kyis zla 'jog gi spang ltung bskyed par byed pa yin gyi/ des rang stobs kyis zla 'jog gi spang ltung bskyed par byed pa ma yin te/ de byin gyis brlabs pa'i gos yin pa'i phyir/ gnyis pa lhung bzed kyi shan brdeg pa'i tshul la/ khyad par can gyi @154b deng dang khyad par can ma yin pa'i de dang gnyis yod/ dang po la yang dus mnyam pa dang/ mi mnyam pa'i shan brdeg tshul gnyis yod cing/ 'di'i skabs su gos dang ltung bzed 'don pa brje ba ma gtogs de rnams kyi khyad par gos zhag bcu 'chad spang ltar shes par bya'o/ /don bsdu na skabs 'di dag tu gos dang/ lhung bzed gyi shan brdeg ? bya rdeg byed gnyis po de la bcas rigs gcig pa zhig dgos kyi/ gos dang lhung bzed lta bu bcas rigs mi mthun pas gcig gis gcig la shan brdeg par mi byed do/ /des na gos dang/ snam bu dang/ dpyings ?? pa gsum po de bcas rigs gcig /lcags kyi lhung bzed dang rje'i lhung bzed gnyis po de yang bcas rigs gcig /sman gyi shan brdeg bya rdeg byed gnyis po de la rdzas rigs gcig pa zhig dgos kyi bcas rigs gcig pas ni mi chog ste/ sman byin rlabs can de nad pa la gnang ba gang zhig de ltar na/ sgrub mi nus pa'i skyon du 'gyur ba'i phyir/ Tika chen las/ byin gyis brlabs pa ni nad pa'i phyir gnang ba yin la/ de la mar la sogs pa du ma dgos srid pas bcas rigs mthun tsam la brdeg par bcas na sgrub par mi nus pa'i phyir/ zhes gsungs pa'i phyir/ des na bu ram snga ma dang bu ram phyi ma gnyis rdzas rigs gcig /bu @155a @#/ /ram dang zhun mar gnyis po de rdzas rigs mi gcig pa yin/ gos dang lhung bzed kyi shan rdeg byed de byin rlabs can ma yin pa dang/ brdeg bya khyad par can la byin rlabs can dang; brdeg bya khyad par can ma yin pa la byin rlabs can ma yin pa dgos shing/ brdeg bya khyad par can la ni rdeg byed de las zhag gcig phan tshad kyis 'phyi ba yang yod/ de dang dus mnyam pa yang yod/ brdeg bya khyad par can ma yin pa la ni rdeg byed las zhag gcig phan chad kyis 'phyi ba des par dgos pa yin no/ /gsum pa sman shan brdeg pa'i tshul ni bcas ldan dge slong gis tshes gcig gi nyin bu ram rnyed pa byin gyis brlabs te bzhag /tshes gnyis nas bdun gyi bar bu ram gzhan zhig rnyed pa'ang byin gyis brlabs te bzhag pa na/ tshes brgyad kyi skya rengs shar ba'i tshe/ snga mas rang stobs dang phyi mas shan stobs kyis gsog 'jog gi spang ltung bskyed par byed do/ /des mtshon nas sman gyi shan brdeg tshul gzhan yang shes par bya'o/ /de yang sman rdeg byed la sman byin rlabs can yin dgos te/ byin gyi ma rlabs pa'i sman gyis sman gzhan la shan brdeg pa med pa'i phyir te/ rgya cher 'grel las/ de ni byin gyis ma rlabs su zin na/ de la nyes pa cung zad kyang med @155b de; rung ba'i gser bzhin no/ /zhes gsungs pa'i phyir/ de yang yin te/ byin len byas la byin gyis ma rlabs pa'i sman gyis ni spyir dus las 'das pa na gsog ? 'jog gi spang ltung bskyed par byed pa'i phyir ro/ /bdun pa la gos kyi rigs ngos bzung ba dang/ mu bzhir brtsi ba'i tshul dngos gnyis/ dang po la zhag bcu 'chang spang gi gos kyi rigs ngos bzung ba/ zla 'jog gi spang ba'i gos kyi rigs ngos bzung ba gnyis/ dang po ni/ gnas skabs rang dbang zhing bdag gir byas pa byin gyis ma rlabs pa 'khar gsum khegs pa'i mtha'i tshad du longs pa'i gos de ni/ zhag bcu 'chang spang gi gos kyi rigs yin te/ 'di nyid las yod na'o/ /rang gi nyid do/ /zhag bcur rjes su zhugs pa nyid do/ /gzhan gyi nyi ma'i dang po la'o/ /gos la'o/ 'khor gsum khebs pa'i mtha'i tshad la'o/ /byin gyis brlabs pa dang ma 'brel ba la'o/ /zhes gsungs pa'i phyir/ gnyis pa ni/ spyir btang la 'khor gsum khebs pa'i mtha'i tshad du ma longs shing/ khru gang tsam gyi tshad du longs pa kha skong gi re ba dang bcas pa'i gos de/ zla 'jog gi spang bar bskyed pa'i gos kyi rigs yin no/ /dmigs kyis bsal na chos gos rnam gsum gang rung du @156a @#/ /byin gyis brlab tu rung ba longs spyad bzod pa yod na khru gang yan chad kyi tshad du longs pa'i gos de ni zhag bcu 'chang spang gi gos kyi rigs yin gyi/ zla 'jog gi gos kyi rigs ma yin te/ 'di nyid las/ kha skong ba la re ba med na chung ba khru gang yan chad kyang chog pa dang 'dra'o/ /byin gyis brlabs par bya ba yod pa nyid na yang ngo; ;gzhan du na de ni zhag sum cu 'das pa na'o/ /zhes gsungs pa'i phyir/ gnyis pa la bzhi las/ bcas ldan dge slong gis tshes gcig gi nyin khru gang gi tshad du longs pa'i kha skong gi re ba dang bcas pa'i kha gsog gi gos zhig rnyed/ tshes gnyis nas bcu'i bar la chos gos yongs rdzogs rnyed pa'i sgo nas kha skong gi re ba dang bral ba'i tshe na/ gos snga ma de rigs ldog la shan 'byung ba'i gos yin te/ de sngar zla 'jog gi spang pa bskyed pa'i gos kyi rigs yin pa las log nas zhag bcu 'chad ? spang bskyed pa'i gos kyi rigs su song zhing/ bcu gcig pa'i skye rengs shar ba na/ snga mas rang stobs dang/ phyi mas shan stobs kyis zhag bcu 'chad ? spang bskyed pa'i phyir/ gnyis pa ni/ bcas ldan dge slong gis tshes gcig gi snga dro'i dus su sngar gyi de 'dra ba'i gos zhig rnyed/ tshes gcig gi phyi dro'i dus su chos gos yongs rdzogs rnyed pa'i sgo nas kha skong gi re ba dang bral ba'i tshe @156b na; gos snga ma de rigs ldog cing shan mi 'byung ba'i gos yin te/ de snga ma zla 'jog gi spang ba bskyed pa'i gos kyi rigs yin pa las log nas zhag bcu 'chang spang bskyed pa'i gos kyi rigs su song zhing/ bcu gcig pa'i skya rengs shar ba na gos sdu phyi gnyis kas rang stobs kyis zhag bcu 'chang spang bskyed pa'i phyir/ gsum pa ni/ bcas ldan dge slong gis tshes gcig gi nyin sngar gyi de 'dra ba'i gos zhig rnyed/ tshes gnyis nas sum cu'i bar la gos gzhan ma rnyed pa'i tshe na/ sngar gyi gos de rigs mi ldog cing shan mi 'byung ba'i gos yin te/ de sngar zla 'jog gi spang pa bskyed pa'i gos kyi rigs yin la/ da lta yang rigs de nyid du gnas/ phyi nas shan brdeg bya'i gos ma rnyed pa'i phyir/ bzhi pa ni/ bcas ldan slong gis tshes gcig gi nyin de 'dra'i gos zhig rnyed/ tshes gnyis nas sum cu'i bar la da dung kha skong gi re ba dang bcas pa'i gos zhig rnyed pa'i tshe/ gos sdan de rigs mi ldog la shan 'byung ba'i gos yin te/ de sngar zla 'jog gi spang ltung bskyed pa'i gos kyi rigs yin pa las mi ldog par rigs de nyid du gnas shing/ so gcig pa'i skya rengs shar ba na gos snga mas rang stobs dang/ phyi mas shan stobs kyis zla 'jog gi spang ltung bskyed pa'i phyir/ gnyis pa @157a @#/ /gzhung don ni/ de ni bsngos pa nyid na bral ba nyid do/ /zhes sogs bshad pa la yo byad de dgra gzhan la bsngos pa dang/ rnam brtags byas pa la dgos pa ci yod ce na/ de yod de/ yo byad 'di la rang gi rjes zhugs rnyed pa'i sgo nas shan mi 'byung bar bya ba'i ched yin pa'i phyir/ zhes 'chad pa la/ 'di la rjes su zhugs pa nyid kyang/ zhes sogs gsungs/ shan mi 'byung ba'i tshul de tsam du zad dam zhe na/ ma zad de/ dge slong bsam pa rang bzhin du mi gnas pa la de mi 'byung ba'i phyir; zhes 'chad pa la/ rang bzhin las nyams na yang ngo/ /zhes sogs gsungs/ 'o na shan 'byung ba'i nyes dmigs de ci yin zhe na/ de yod de/ yo byad byin gyis ma brlabs pa de yod na de dang rigs mthun pa'i dngos po gzhan la yang shan 'byung ba'i phyir/ zhes 'chad pa la/ de yod na dngos po de lta bu gzhan la yang/ zhes sogs dang; zhag bdun pa la ni zhes sogs gsungs/ de yod na dngos po de lta bu gzhan la yang 'byung ba nyid do/ /zhes sogs bshad pa la/ 'o na spang shan 'byung ba'i tshul de gang yin zhe na/ de'i lan du bcas ldan dge slong rnams kyis spang ltung phyir bcos la brtson dgos te/ spang ltung gi dngos gzhi rgyud la yod na rang dbang ba'i dngos po rang nyid kyi @157b yin par 'du shes pa'i sgo nas phyis rnyed kyi dngos po rigs mthun mi mthun thams cad la spang shan brdeg pa'i phyir/ zhes 'chad pa la/ ltung ba de yod na yo byad tsam bdag gir byed pa la spang ba nyid do/ /zhes sogs gsungs/ phyir bcos dang 'brel ba'i thun mong ba ni'o/ 'o na spang ltung phyin bcos byed pa'i tshe phyis rnyed kyi dngos po thams cad spong dgos sam zhe na/ de'i tshe khru gang yan chad kyi tshad du ma longs pa dang/ ltung bzed tshad du ma longs pa rnams spang mi dgos te/ de la spang rin med pa'i phyir/ zhes 'chad la chung ba nyid kyi dum bu de ni mi 'gyur ro/ /zhes gsungs/ 'o na de'i tshe tshad du longs pa thams cad spang dgos sam/ zhe na/ de'i tshe dge 'dun dang thun mong du dbang ba'i chos gos spang mi dgos te/ de la rang nyid 'ba' zhig dbang ba'i rjes zhugs med pa'i phyir/ zhes 'chad pa la/ dge 'dun gyi yang ngo/ /zhes gsungs/ 'o na/ de'i tshe shan phog pa'i gzhir gyur pa'i dngos po de med na dod btsal nas spang dgos sam zhe na/ de mi dgos te/ de'i tshe yo byad de med par song ba de nyid spangs pa'i gtso bo yin pa'i phyir/ zhes 'chad pa la/ 'di la med pa de nyid ni gtso bo'o/ /zhes gsungs/ spang ba dang po gsum dang 'brel ba'i thun mong ba ni/ 'o na 'chad 'bral 'jog sogs byed na dge slong @158a @#/ /thams cad la spang ltung 'di dag 'byung bas khyab bam zhe na/ 'chang bral 'jog gsum gyi spang ba rnams ni sra brkyang gting 'chags dang ldan pa'i dge slong rnams la mi 'byung snye/ de 'dra ba'i dge slong la 'di gsum bag yangs kyi tshul gyis gnang ba'i phyir/ zhes 'chad pa la/ 'di gsum ni sra brkyang bting ba la ma 'byung ngo/ /zhes gsungs/ phyir bcos dang 'brel ba'i thun mong ba'i don bshad pa la/ dgos don dang/ bsdus don gnyis/ dang po ni/ spang 'bral sngon du btang ba'i nas spang ltung phyir bcos byas pa la dgos pa yod de/ spang ltung dag par bya ba'i ched yin pa'i phyir/ gnyis pa la/ yul gang la/ rten gyi gang zag gang gis/ dngos po gang/ gnas gang du/ dus ji srid du spang bar bya ba yin zhe na/ yul ni gang zag dang dge 'dun la spang bar bya ba yin te/ lhung bzed lhug po bcang ba ni dge 'dun la spang bar bya ba yin zhing/ gzhan rnams gang zag re re la spang bar bya ba yin pa'i phyir/ bshags yul dge slong de yang bsnyen rdzogs kyi sdom pa rnam par dag la/ mtshan mthun pa/ lta ba mthun pa/ tha snyad gsum dang ldan pa/ lus tha mal du gnas pa/ sa rang bzhin du gnas pa ste chos drug ldan gyi snying du ming rigs mthun pa'i ltung ba de dang des ma gos pa/ spangs ma spangs kyi bye @158b brag shes pa zhig dgos pa'i phyir/ rten dge slong de yang khyad chos lnga dang ldan pa dgos te/ bsnyen rdzogs kyi sdom pa gso rung yan chad dang ldan pa/ lus tha mal du gnas pa/ bsaM pa rang bzhin du gnas pa/ gnas nas byung ba ma yin pa/ khyad par can ma yin pa'i dge slong yin pa zhig dgos pa'i phyir/ dngos po ni/ gang las spang ltung byung ba'i gzhir gyur pa'i dngos po de 'am de'i rjes su shan gyis gos pa'i dngos po rnams spang bar bya ba yin no/ /gnas ni gnas khang tha dad du spang bar bya ba yin no/ /dus ni lhung bzed lhag go / 'chang ba dang/ byin 'phrog ni tshe ji srid 'tsho ba'i bar spang bar bya zhing/ gzhan rnams zhag gcig spang bar bya ba yin no/ ! /gsum pa so so'i don bshad pa la/ ngo bo dang/ dbye ba gnyis/ dang po la kha cig / ltung byed yin pa gang zhig /rang gi rgyu gyur pa'i rdzas de gzhan la spangs pa'i sgo nas phyir bcos bya dgos pa de spang ltung gi mtshan nyid yin zer na/ de mi 'thad par thal/ khyad par can gyi dge slong gi rgyud kyi spang ltung gis ma des pa'i phyir te/ des spang ltung phyir bcos byed pa'i tshe spang 'bral sngon du btang ba la ltos mi dgos pa'i phyir/ rang lugs ni/ ltung byed gang zhig /rang gi rgyu gyur pa'i rdzas de spangs pa'i spang 'bral sngon du btang ba'i sgo nas phyir bcos byed dgos pa'i rigs su gnas pa de/ spang ltung gi mtshan @159a @#/ /nyid yin/ gnyis pa dbye ba bshad pa la/ spang ltung de la sum cu yod pa'i nang nas bcu tshan dang po la/ sdoms kyis bsdus pa'i tshul dang/ de'i don bshad pa gnyis las/ dang po ni/ so thar gyi mdo las/ 'chang ba 'bral ba 'jog pa dang/ /'khrur 'jug pa dang len pa dang/ /slong dang stod g.yogs smad g.yogs bcas rin thang so sor bskur ba'o/ /zhes gsungs/ gnyis pa la bsdu ba dang/ so so'i rang bzhin bshad pa gnyis/ dang po ni/ bcu tshan dang po 'di dag bsdu na dus dang gos la brten pa/ khyim pa la brten pa'i spang ba dang gsum du 'dus te/ dang po'i dbang du byas nas 'chad 'bral 'jog gsum/ gnyis pa'i dbang du byas nas gos len pa/ 'khrur 'jug pa/ gsum pa'i dbang du byas nas slong ba dang/ slong rigs pa slong ba dang/ sbags pa slong ba dang/ so so nas sbags pa slong ba dang/ bskur ba'i spang ba lnga rnams bzhag pa yin pa'i phyir/ gnyis pa la du ma yod pa'i nang nas/ gos zhag bcu 'chad spang bshad pa la/ ngo hi/ yan lag gi brtsi ba rnam par bzhag pa dang gnyis/ dang po ni/ bcas ldan dge slong gis rang dbang ba'i gos byin gyis ma rlabs pa'i rang stobs sam/ byin gyis brlabs kyang shan stobs gang rung gi sgo nas zhag bcu pa'i mtshan mo'i mtha' 'das @159b par bcangs pa la brten nas byung ba'i dngos gzhi yongs rdzogs kyi ltung ba de de'i ngo bo yin/ gnyis pa la/ gzhi bsam pa sbyor ba mthar thug gi yan lag dang bzhi/ dang po la/ gang 'chang ba'i dngos po dang/ gang gis 'chang ba'i rten gnyis/ dang po ni/ khru gang yan chad kyi tshad du longs pa'i gos yin pa rang dbang zhing gnas skabs bdag tu gzung ba/ byin gyis ma brlab pa'am brlabs kyang shan rjes su zhugs pa/ kha skong gi re ba dang bcas pa'i kha gsog gi gos ma yin pa zhig dgos/ gnyis pa ni/ sra brkyang bting ba ma yin pa zhig dgos so/ /gnyis pa la gnyis las/ 'du shes ni gzhir der ma 'khrul ba zhig dgos so/ /kun slong ni byin gyis ma brlab pa'i gos zhag bcu las lhag par 'chang 'dod kyi bsam pa rgyun ma 'chad pa zhig dgos so/ /gsum pa ni/ byin gyis ma brlab pa'i gos zhag bcur 'chang ba de yin/ bzhi pa ni/ rang stobs dang shan stobs gang rung gi sgo nas zhag bcu'i mtshan mo'i mtha'i skad cig ma 'das pa zhig dgos so/ /gnyis pa 'bral spang bshad pa la bzhi las/ dang po la/ gang dang bral ba'i gos/ gang dang bral ? ba'i gnas/ gang gis bral ba'i rten dang gsum/ dang po ni/ byin gyis brlabs pa'i chos gos gsum po gang rung yin pa/ rung ba tshad dang ldan pa/ 'jigs pa dang @160a @#/ /bcas pa'i dbang gis snam sbyar grong du bzhag pa'i dgon pa ba'i snam sbyar ma yin pa zhig dgos/ gnyis pa ni/ rang gang du gnas pa'i nye 'khor dang bcas pa las gzhan yin pa zhig dgos/ gsum pa ni/ sra brkyang bting ba ma yin pa snam sbyar dang mi 'bral ba'i gnang ba thob pa ma yin pa/ 'jigs pa dang bcas pa'i dbang gis snam sbyar grod du bzhag pa'i dgon pa ba'i yid dam dang mi ldan pa ste/ khyad chos gsum dang ldan pa zhig dgos so/ /gnyis pa la/ 'du shes gzhi de la ma 'khrul ba zhig dgos/ kun slong ni byin gyis brlabs pa'i chos gos dang 'brul 'dod kyi bsam pa rgyun ma 'chad pa zhig dgos/ gsum pa ni/ zhag tu 'bral bar byed pa de yin/ bzhi pa ni; zhag gcig gi mtshan mo'i mtha'i skad cig ma 'das pa de yin/ snam sbyar dang 'brel ba'i bslab bya ni/ snam sbyar bzhag pa'i gnas su chud za ba'i nyen yod cing 'khyer ba'i gnas su med na 'khyer te ma phyin pa dang/ de las ldog pa'i tshe bzhag ste ma phyin pa dang/ gnyis kar chud za ba'i nyen yod pa dang/ gnyis kar med pa'i tshe 'khyer te ma phyin pa dang/ nyi ma de nyid la snam sbyar bzhag pa'i gnas su ldog pa'i bsam pas phyin pa na/ dgos pa'i dbang gis ldog ma nus na snam sbyar gyi byin rlabs yid kyis dbyung ste/ gos gang yang rung @160b ba la snam sbyar gyi byin brlabs ma byas pa dang/ snam sbyar bzhag nas zhag bcu'i bar du 'gro ba'i tshe snam sbyar la lhag po'i yo byad du byin gyis ma brlabs pa rnams la nyes byas re bskyed do; ;gding ba dang 'brel ba'i bslab bya ni/ nyi ma de nyid la phyir ldog pa'i bsam pa med par 'gro ba dang/ gzhan gyi snyan la longs spyod dgos par shes pa'i tshe gding ba 'khyer te ma phyin pa dang/ nyi ma de nyid la ldog pa'i bsam pas phyin kyang ldog ma nus na gzhan la g.yar po ma byas pa dang/ byas kyang ma rnyed pa'i tshe/ bla gos bzhi blta bas byas pa'i snyed du yun mi ring bar nyal ba sogs ma byas pa rnams la nyes byas re 'byung ba yin no/ /'o na skabs 'dir snam sbyar dang mi 'brel ba'i gnang ba ster ba'i tshul de gang yin zhe na/ 'di la yul gang la sbyin pa/ rten gyi gang zag gang gis sbyin pa/ dngos po gang sbyin pa/ cho ga ji lta bus sbyin pa/ de 'jig pa'i dus/ sbyin pa'i dgos pa bshad pa dang drug /dang po ni/ nad pa dang/ rgan po dang/ sngar gnang ba dang ma 'brel ba de la sbyin par bya ba yin no/ /gnyis pa ni/ dge 'dun gyis sbyin par bya ba yin no/ / gsum pa ni/ snam sbyar lci ba la sbyin par bya ba yin gyi/ de yang ba dang/ bla gos dang/ mthang gos sogs la sbyin @161a @#/ /par bya ba ma yin te/ de sbyin kyang gnang ba mi 'chags pa'i phyir/ bzhi pa la gsum las/ dang po sbyor pa ni/ dge 'dun bsdu pa'i skabs rjes su bsgrub pa dang/ phyag 'tshal ba sogs kyi spyod lam bsten pa dang/ dge 'dun la snam sbyar bstan te/ gsol ba lan gsum du 'debs pa de yin/ gnyis pa dngos gzhi ni/ gsol gnyis kyi las brjod pa de yin/ gsum pa rjes ni/ las kyi mjug sdud brjod pa de yin/ lnga pa ni/ rten mtshan gyur pa dang/ shi 'phos pa dang/ nad las grol pa rnams yin/ drug pa ni/ gnang ba ster yul gyi gang zag la snam sbyar dang 'brel ba'i nyes pa mi 'byung bar bya ba dang/ bcom ldan 'das kyi bcas pa'i mtshams shes pa'i phyir du yin no/ / gsum pa zla 'jog gi spang ba bshad pa la bzhi las/ dang po gzhi'i yan lag ni/ re ba dang bcas pa'i kha gsog gi gos yin pa/ 'khor gsum khebs pa'i mtha'i tshad du ma longs shing/ khru gang yan chad kyi mtha'i tshad du longs pa'i gos rung ba yin pa/ rang dbang zhing gnas skabs bdag gir byas pa byin gyis ma brlab pa'am/ brlabs kyang shan rjes su zhugs pa de yin/ gnyis pa la/ 'du shes ni gzhi der ma 'khrul ba zhig dgos/ kun slong ni/ de lta bu'i @161b gos zla ba las lhag pa 'chang 'dod kyi bsam pa rgyun ma 'chad pa zhig dgos/ gsum pa ni/ de lta bu'i gos zla ba las lhag par 'chang ba de yin/ bzhi pa ni/ zhag so gcig pa'i skya rengs shar ba de yin no/ /bzhi pa 'khrur 'jug gi spang ba bshad pa la bzhi las/ dang po gzhi'i yan lag ni/ bsnyen rdzogs kyi sdom pa gsog rung yan chad dang ldan pa/ lnga ba mthun pa/ tha snyad gsum dang ldan pa/ lus bsten du rung ba/ lus tha mal du gnas pa/ rdzu 'phrul ma thob pa/ nye du ma yin pa ste/ dge slong ma chos bdun dang ldan pa zhig dgos so/ /dngos po ni/ bcas ldan dge slong rang dbang ba'i chos gos rnam gsum dang gding ba rnying pa sogs gang yang rung pa 'khrur 'jug 'os pa zhig dgos/ gnyis pa la 'du shes ni sngar bzhin/ kun slong ni/ de 'khrur 'jug 'dod kyi bsam pa rgyun ma 'chad pa zhig dgos so/ /gsum pa ni/ ngag mtshan nyid lnga ldan gyis 'khrur 'jug pa de yin/ bzhi pa ni/ 'khru ba'i bya ba rdzogs pa de yin no/ /lnga pa dge slong ma las gos len pa'i spang pa ni/ bcas ldan dge slong gis nye du ma yin pa'i dge slong ma la 'khor gsum khebs pa'i mtha'i tshad du longs pa'i @162a @#/ /gos nan gyis bslangs pa na spang ba 'dir 'gyur ba yin no/ /drug pa gos slong ba'i spang ba ni/ bcas ldan dge slong gis rang gi chos gos rnam gsum yod bzhin du/ rang gi nye du ma yin pa'i khyim pa la/ 'khor gsum khebs pa'i mtha'i tshad du longs pa'i gos nan gyis bslangs pa na spang ba 'dir 'gyur ro/ /bdun pa slong bar rigs pa slong ba'i spang ba ni/ chos gos rnam gsum med pa'i bcas ldan dge slong gis rang gi nye du ma yin pa'i khyim pa la stod g.yogs smad g.yogs zung las lhag pa slong ba ni/ slong ba rigs pa slong ba'i spang ba 'dir 'gyur ro/ /brgyad pa spags pa slong ba'i spang ba ni/ bcas ldan dge slong gis rang gi nye du ma yin pa'i khyim bdag gis blos spags pa'i yo byad las lhag pa bslangs pa na spong ba 'dir 'gyur ro/ /dgu pa so so nas sbags pa slong ba ni/ bcas ldan dge slong gis rang gi nye du ma yin pa'i khyim pa pho mo so so la ras yug lta bu'i yo byad re re nas blos spags pa las lhag pa bslangs pa na spang ba 'dir 'gyur ro/ /bcu pa bskur ba'i spang ba ni/ bcas ldan dge slong gis zhal ta pa la bskul ba gsum dang bsdad pa gsum las lhag pa byas nas yo byad @162b blangs na spang ba 'dir 'gyur ba yin no/ /bcu tshan gnyis pa bshad pa la/ sdoms kyis bsdus pa'i tshul dang/ so so'i rang bzhin bshad pa gnyis las/ dang po ni/ so sor thar pa las/ srin pa la 'ba' zhig cha gnyis dang/ /drug dang mtho gang lam dang ni/ /'khru ba dang ni gser dngul len/ /mngon mtshan can dang nyo tshong ngo/ /zhes gsungs/ gnyis pa la so sor bshad pa dang/ bsdu ba gnyis/ dang po la bcu yod pa'i nang nas/ dang po stan la brten pa'i spang ba dang po gsum ni/ bcas ldan dge slong gis srang bcu las lhag pa'i srin bal la mtha'i tshad du longs pa las lhag pa'i stan bcangs pa la/ srin bal las byas pa'i spang bar 'gyur ro/ /des lug bal nag po 'ba' zhig pa tshad las lhag pa'i stan bcangs pa la/ lug bal nag po 'ba' zhig las byas pa'i stan bcangs pa'i spang bar 'gyur ro/ /des lug bal nag po cha gnyis las lhag pa dang/ dkar po cha gcig bsres pa'i tshad las lhag pa'i stan bcangs pa la/ cha gnyis bsres pa'i spang bar 'gyur ro/ /'on kyang cha gnyis nag po dang cha gcig dkar po dang/ cha gcig 'khob ba bal te bzhi bsdebs pa'i stan bcangs pa la ni nyes pa med do/ /bzhi pa lo drug gi nang du stan byas pa'i spang ba ni/ bcas ldan dge slong gis lo drug gi nang du stan nang tshangs can gsar pa gnyis pa yan chad bcangs pa na/ lo drug gi nang du stan bcangs pa'i spang bar 'gyur @163a @#/ /ro/ /lnga pa gnas mal skyob pa gding ba las gyur pa'i spang ba ni/ bcas ldan dge slong gis gding ba rnying pa nas gsar pa la bde bar gshegs pa'i mtho gang gis ma glan pa la spang pa 'dir 'gyur ro/ /drug pa bal khur thogs pa'i dpang ba ni/ bcas ldan dge slong gis mngon zhen gyi kun nas bslangs te nyi ma gcig la rgyang grags gcig las ring ba la 'khur bas spang ba 'dir 'gyur ro/ /bdun pa 'khru ba'i spang ba ni/ bcas ldan dge slong gis rang gi nye du ma yin pa'i bud med la 'dod zhen gyis kun nas bslangs te lam bkrus ? ba dang/ rmel ba sogs byed du bcug pas spang ba 'dir 'gyur ro/ /brgyad pa rin po che la reg pa'i spang ba ni/ bcas ldan dge slong gis gser dngul la sogs pa rin po che chud za ba'i dgag bya med par mngon par mngon zhen gyis kun nas bslangs te/ rang gis reg pa'am gzhan reg tu bcug pa na spang ba 'dir 'gyur ro/ /dgu pa mngon mtshan can gyi spang pa ni/ bcas ldan dge slong gis mngon zhen gyis kun nas bslangs te/ gser dngul la sogs pa'i rin po che'i khe spogs byas pas mthar thug skyed thob pa na spang ba 'dir 'gyur ro/ /bcu pa nyo 'tshong byed pa'i spang ba ni/ bcas ldan dge slong gis mngon zhen gyis kun nas bslangs te rin po che las gzhan @163b pa'i yo byad la khe spogs byas pas mthar thug skyed thob pa na spang ba 'dir 'gyur ro/ /gnyis pa bsdu ba ni/ bcu tshan bar pa 'di yang bsdu na/ don tshan bzhir 'du ba yin te/ stan gyi gzhi las gyur pa/ gnas mal skyob pa gding ba'i gzhi las gyur pa/ gos kyi rgyu las gyur pa/ nar las gyur pa dang bzhir 'dus pa'i phyir/ de yang snga ma bzhi dang por 'du/ lnga pa de gnyis par 'du/ drug pa dang bdun pa gnyis gsum par 'du/ brgyad pa dgu pa bcu pa gsum bzhi par 'du ba yin no/ /bcu tshan gsum pa bshad pa la/ sdoms kyis bsdus pa'i tshul dang/ so so'i don bshad pa gnyis/ dang po ni/ so sor thar pa las/ lhung bzed gnyis dang tha ga gnyis/ /byin 'phrog ston zla tha chung dang/ / dgon pa pa dang ras chen dang/ /bsngos pa dang ni gsog 'jog go /zhes gsungs/ gnyis pa la/ so sor bshad pa dang/ bsdu ba bshad pa gnyis/ dang po la bcu yod pa'i nang nas dang po lhung bzed zhag bcu 'chang spang ni/ bcas ldan dge slong gis lhung bzed byin gyis ma brlabs par zhag bcu 'chang zhing/ bcu gcig pa'i skya rings shar ba na spang ba 'dir 'gyur ro/ /'chang rgyu'i lhung bzed de yang khyad chos du ma dang ldan pa dgos te/ rung ba tshad dang ldan pa/ rang dbang zhing byin gyis ma rlabs @164a @#/ /pa'am brlabs kyang shan rjes su zhugs pa/ 'brel med kyi lhung bzed ma yin pa dgos pa'i phyir/ gnyis pa lhung bzed lhag po 'tshol ba'i spang ba ni/ bcas ldan dge slong gis rang la lhung bzed rung ba tshad ldan yod bzhin du 'dod zhen gyis kun nas bslangs te 'bad pas lhung bzed gnyis pa btsal te thob pa na spang ba 'dir 'gyur ro; ;gsum pa 'thag tu 'jug pa'i spang ba ni/ bcas ldan dge slong gis gos kyi rgyu dge mang pos 'thag tu bcug ste/ gla rngan mi sbyin par thag bcad de thob blo skyes pa na spang pa 'dor 'gyur ro/ /bzhi pa 'thag pa bskyed du bcug pa'i spang ba ni/ bcas ldan dge slong gis rang gi nye du ma yin pa'i khyim pas rang la blos sbags te ras yug lta bu 'thag tu bcug pa na/ thag mkhan gyi drung du phyin te gla rngan byin nas 'thag pa bskyed du bcug pa'i mthar thag grub pa na spang ba 'dir 'gyur ro/ /lnga pa byin 'phrog gi spang pa ni/ bcas ldan dge slong gis gzhan la gos dang lhung bzed sogs dang por byin pa rku sems dang yid gcugs min pa'i bsam pas tshur blangs shing 'phrogs pa na lhung ba 'dir 'gyur ro/ /drug pa brtad pa las byung ba'i spang ba ni/ bcas ldan dge slong gis dge 'dun gyi dbyar rnyid dus ma yin par bgos pa drud ? @164b dus las 'das te bgos 'phyis byed pa na spang ba 'dir 'gyur ro/ /bdun pa dgon pa pa'i 'brul spang ni/ bcas ldan dge slong dgon pa bas byin rlabs can gyi chos gos rnam gsum ci rigs pa dang/ zhag drug las lhag par bral ba na spang ba 'dir 'gyur ro/ /brgyad pa ras chen gyi spang ba ni/ bcas ldan dge slong gis ras chen dus ma yin par bcal ba dang/ dus las 'das nas bcangs pa na spang ba 'dir 'gyur ro/ /dgu pa bsngos pa gzhan du bsgyur ba'i spang ba ni/ bcas ldan dge slong gis dge 'dun la bsngos pa'i yo byad bdag nyid la bsgyur ba na spang ba 'dir 'gyur ro/ /bcu pa gsog 'jog gi spang ba ni/ bcas ldan dge slong gis byin len byas pa'i sman bzhi po gang yang rung ba byin len ma bshig par rang rang gi dus las 'das pa na spang ba 'dir 'gyur ro/ /de yang byin len byas pa'i dus rung gi sman dus las 'das pa dang/ thun tshod du rung ba'i sman thun tshed las 'das pa dang/ zhag bdun pa'i sman zhag bdun pa'i mtha' las 'das pa dang/ nad ji srid 'tshol cang gi sman nad las grol te bcad pa na spang ba 'dir 'gyur ro/ /de yang sman byi ma gsuM byin gyis brlabs pa'i dbang du byas so/ /gnyis pa bsgru pa ni/ bcu tshan tha ma 'di yang bsdu na/ snod spyad la brten pa/ gos la brten @165a @#/ /pa/ sman la brten pa gsum du 'dus te/ dang po gnyis snga mar 'du/ de nas bdun gnyis par 'du/ 'am gsog 'dog gi spang ba gsum par 'du ba'i phyir/ ! gnyis pa ltung byed 'ba' zhig pa bshad pa la/ bcu tshan dgu yod pa'i nang nas dang po la sdoms kyis bsdus pa'i tshul dang/ de'i don bshad pa gnyis las/ dang po ni/ so thar gyi mdo las/ brdzun skyon dge slong phra ma dang/ /skyo sngogs byed dang ston pa dang/ /'don dang gnas ngan len dang chos/ /bshes ngor byed dang khyad du gsod/ /ces gsungs/ gnyis pa la bcu yod pa'i nang nas dang po brdzun smra ba'i ltung byad ni/ bcas ldan dge slong gis mi tha snyad lnga ldan/ lus tha ma la du gnas pa/ bdag las tha dad pa la dngos po brdzun bzhi po gang rung las gzhan pa'i brdzun ngag mtshan nyid lnga ldan gyis smras pa/ mthar thug don go ba las gyur ba'i dngos gzhi yongs rdzogs kyi ltung ba de brdzun smra ba'i ltung byed kyi mtshan nyid yin te/ mdo rtsa ba las/ de gnyis dang pham par 'gyur ba dang/ dge 'dun lhag mar 'gyur ba gnyis las gzhan pa'i brdzun du smra ba'o/ /zhes gsungs pa'i phyir/ des na rab byung rnams kyis ma' por ba na bslab bya'i nyes byas 'byung ste/ mdo rtsa ba las/ mna' 'dor bar mi bya'o/ /zhes gsungs pa'i phyir/ gnyis pa skyon smra ba'i ltung byed ni/ bcas @165b ldan dge slong gis dge slong gzhan la yul dus der skyon du grags pa gang yang rung ba dag tu smras te pha rol pos don go ba la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ skyon nyid brjod par 'dod pas so/ /zhes gsungs pa'i phyir/ sbyor ba 'jam rtsub gang gis skyon brjod kyang ltung byed de 'byung ste/ mdo rtsa ba las/ 'jam pos byas kyang rung/ rtsub pos byas kyang rung/ zhes gsungs pa'i phyir/ bslab bya ni/ dge tshul dang khyim pa'i skyon nas brjod na bshags bya'i nyes byas 'byung/ dud 'gro'i skyon brjod na nyes byas phra mo 'byung ngo/ /gsum pa phra ma byed pa'i ltung byed ni/ bcas ldan dge slong gis dge slong gzhan gnyis yan chad dbye ba'i bsam pas phra ma'i tshig ngag tu smras te pha rol pos don go ba la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ phra ma byed 'dod pas che ge mo zhig zer ro zhes smras na'o; ;zhes gsungs pa'i phyir/ bslab bya la bshags bya'i nyes byas dang nyes byas phra mo 'byung ba sang ma dang 'dra la/ bzhi pa skyo sdogs byed pa'i ltung byed ni/ bcas ldan dge slong gis dge slong gnyis yan chad kyi rtsod pa bzhi po gang rung dge 'dun kyis chos phyogs su zhi bar byas zin pa la/ rang @166a @#/ /nyid zhi byed kyi khongs su gtogs pa'i dge slong gis skyo sdogs byas te/ don go ba la brten nas byung ba'i dngos gzhi yongs rdzogs kyi ltung ba de de'i ngo bo yin no/ / lnga pa chos ston pa'i ltung byed ni/ khrims grogs skyes pa med par khyim pa me la chos tshigs bcad lnga'am drug las lhag pa bstan te don go ba las byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ ston pa la'o/ /chos so/ /tshig drug las lhag pa ro/ /zhes gsungs pa'i phyir/ bslab bya ni/ khrims grogs rigs pa yod kyang bud med g.yol ma la chos ston na nyes byas 'byung ngo/ /drug pa 'don pa'i ltung byed ni/ bcas ldan dge slong gis bsnyen par ma rdzogs pa'am/ bslab pa byin pa gang yang rung ba dang dus mnyam du 'am mjug tu ston byed du gyur pa'i chos gsung rab kyi tshig shlau ka gcig gi tshad du longs pa'i yi ge 'don pa la rten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ bsnyen par ma rdzogs pa dang/ cig car ma mjug thog tu ston byed du gyur pa'i chos dang yi ge yang 'don na'o/ /zhes gsungs pa'i phyir/ bdun pa gnas ngan len brjod pa'i ltung byed ni/ bcas ldan dge slong gis yul bsnyen par ma rdzogs pa'i gang zag la dge slong gzhan gyi pham pa'am/ lhag @166b ma'i ltung ba gang rung brjod de don go ba la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ smras na'o/ /pham par 'gyur ba dang dge 'dun lhag ma dag so sor yang rung bsdus pa yang rung ngo/ /zhes gsungs pa'i phyir/ brgyad pa mi chos bla ma bden par brjod pa'i ltung byed ni/ bcas ldan dge slong gis mi tshes bla ma thob pa de bsnyen par ma rdzogs pa bden pa ma mthong ba'am/ de dang 'dra ba gang rung la bden par smras te don go ba la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ bden pa nyid na'o/ /bden pa ma mthong ba bsnyen par ma rdzogs pa la'o/ /zhes gsungs pa'i phyir/ bslab bya ni/ bsnyen par ma rdzogs pa gang yang rung ba'i mdun du dgos med du rtogs pa'i yon tan brjod na nyes byas so/ /dgu pa shes ngor byas so/ /zhes skur pa 'debs pa'i ltung byed ni/ bcas ldan dge slong gis zas las gzhan pa'i dge 'dun dbang ba'i rnyed pa gang zag la log par bsngos so/ /zhes skur pa btab ste don go ba la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ yang dag pa ma yin pa'i don nyid gzhan la yang ming ma smos par brjod na yang ngo/ /zhes gsungs pa'i phyir/ bslab bya ni/ @167a @#/ /dge 'dun gyi zas kyi rnyed pa mi rigs pa la stobs so/ /zhes smras na nyes byas so/ /bcu pa khyad du gsod pa'i ltung byed ni/ bcas ldan dge slong gis 'dul ba'i tshig khyad du gsod pa'i tshig dge slong gzhan la smras shing don go ba la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ 'dul ba dang ldan pa nyid do/ /zhes gsungs pa'i phyir/ bcu tshan gnyis pa 'chad par byed pa la sdoms kyis bsdus pa'i tshul dang/ de'i don bshad pa gnyis/ dang po ni/ so thar gyi mdo las sa bon 'phya ba bsgo ba dang/ khri dang gding dang skrod pa dang/ /phyis gnon 'byung ba 'debs pa dang/ /rim pa gnyis su brtsigs pa'o/ /zhes gsungs pa'i phyir/ gnyis pa la bcu yod pa'i nang nas dang po sa bon skye 'jig gi ltung byed ni/ bcas ldan dge slong gis sa bon ma nyams pa dang/ skye ba gang yang rung bar rung ba ma byas par kun slong nyams par 'dod pas/ sbyor ba rang dam bskos pa gang rung gis nyams par byas pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ nyams par gyur na dngos gzhi'o/ /nyams par byas pa'i grangs dag gi'o/ /zhes gsungs pa'i phyir/ nyams @167b tshul ni nas la sogs pa'i 'bru grum pas nyams par byas na ltung byed 'byung ste/ mdo rtsa ba las/ rtsa dang 'dam rdzab dang sa rdul la sogs pa dag gis mnan@ nas kyang ngo/ zhes gsungs pa'i phyir/ sa bon de la lnga yod de/ shu dag la sogs pa rtsa ba'i sa bon/ lcang ma la sogs pa sdong bu'i de/ 'dam bu la sogs pa thog gu'i de/ ardza ? pa ? la sogs pa 'gas pa'i de/ nas la sogs pa sa bon gyi sa bon rnams su yod pa'i phyir ro/ /rung ba byed tshul bzhi yod pa las/ la phug sogs la rma phyung bas rung ba/ myu gu sogs la bcad pas rung ba/ 'bras bu phal cher la mes rung ba/ sman 'ga' zhig la rung chu sogs kyis rung ba byed pa yin te/ mdo rtsa ba las/ 'di la rlangs pa ni me ma yin pa nyid ma yin no/ /'bras bu dag mes rung bar bya ba la spyi'i tshoms ni gtso cher bya ba yang dag pa'i grangs nyid do/ /phyogs gcig nas ni spyi'i rung ba mi 'byung ngo/ /zhes gsungs pa'i phyir/ rung chus rung ba ni/ sbrang bur lta bu zhag bdun pa'i sman gyi rigs dang/ a bar skyur gsum sogs 'tshogs cang gi sman gyi rigs dang/ ja dkar gyi btung ba sogs thun tshod du rung ba'i sman gyi rigs la rung chu ma btab na phyi dro longs spyod du mi rung ste/ mdo rtsa ba las/ zhag bdun @168a @#/ /pa dang/ 'tsho ba'i bar du bcad ba chu grang mos ma gtor bar bza' bar mi bya'o/ /thun tshod du rung ba yang de ma gtor bar mi bya'o/ /zhes gsungs pa'i phyir/ gnyis pa 'phya ba'i ltung byed ni/ bcas ldan dge slong gis dge 'dun gyi zhal ta tshul bzhin du byed pa'i dge slong la bdag nyid dman pa'i gnas su bgrangs pas bdag dang 'brel ba'i don gyis ming nas smos te thos par 'phya ba'am/ ming nas ma smos par 'ga' zhig ces pa'i gzhogs 'phyas gang rung byas te don go ba las byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ bdag dang 'brel ba'i don gyis 'phya yang rung/ zhes gsungs pa'i phyir/ gsum pa bsgo ba rna la gzon pa'i ltung byed ni/ bcas ldan dge slong gis rang la chos ldan gyi tshig gis bsgo ba la ltung ba 'byin pa po'i bcas ldan dge slong gis lan log par smras te don go ba la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ dge slong gis bsgo ba rnal gzon na'o/ /zhes gsungs pa'i phyir/ yang dge slong gis bsam pa thag pa nas rang la chos mthun gyi gtam smras pa na dri ba rna gzon gyi bsam pas kun nas bslangs te/ dge slong gi 'ong ba ma mthong gi rkang pas 'ong ba mthong ngo/ /zhes dri ba rna gzon gyi tshig smras te/ pha rol pos don go ba na @168b dri ba rna la gzon pa'i ltung byed 'byung ste/ lung rnam 'byed las/ dri ba la lan gzhan 'debs na thams cad du ltung byed du 'gyur ro/ /zhes gsungs pa'i phyir/ bzhi pa gnas mal ma bsdus par 'gro ba'i ltung byed ni/ bcas ldan dge slong gis dge 'dun gyi gnas mal ma bsdus par bla gab med par phan phun du 'gyur ba'i nyen yod pa'i phyogs su bzhag ste/ phan phun du gyur pa'am 'dom bzhi bcu rtsa dgu 'das pa gang rung la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ phan phun du gyur pa dang 'das pa ni ma tho'o/ zhes dang/ phan phun ni gsum ste/ rlung gis bzlog pa dang/ char pas rim pa gzhan sleb pa dang sril la sogs pas kyang ngo zhes gsungs pa'i phyir/ lnga pa gding ba'i ltung byed ni/ dge 'dun dbang ba'i gnas su rtsa 'am lo ma'i gdeng ba bcas ldan dge slong rang ngam rang gis bskos pa gang rung gis gdeng ba ma bsdus par phan phun du gyu pa'i nyen yod pa'i phyogs su bzhag ste/ phan phun du gyur pa'am/ 'dom bzhi bcu rtsa dgu 'das pa gang rung la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ de la dge 'dun gyi gnas mal nyid rang dam bskos pas bla gab med par bzhag pa byas pa lta bu ni byed pa po dag yin no/ /zhes gsungs pa'i phyir/ bslab bya ni/ srog chags skye ba'i nyen can du rtsa dang @169a @#/ /shing la sogs pa bzhag na nyes byas 'byung/ drug pa skrod pa'i ltung byed ni/ dge 'dun dbang ba'i gnas nas phan pa'i rkyen dang mi ldan par bcas ldan dge slong rang ngam bskos pa gang rung gis dge slong gzhan bskrad de/ nye 'khor 'das pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ skrod pa la'o/ /gzhan gyis kyang ngo/ /zhes gsungs pa'i phyir/ bdun pa phyis gnon byed pa'i ltung byed ni/ bcas ldan dge slong gis dge 'dun dbang ba'i gnas su sngar gnas pa'i dge slong la tho 'tsham pa'am/ phyis gnon byas pa gang rung la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ na ba dang 'jigs pa'i dbang ma gtogs par phyis gnon byed pa la'o/ /zhes gsungs pa'i phyir/ bslab bya ni/ dge slong gis dge tshul dang khyim pa la phyis gnon byas na nyes byas 'byung ngo/ / brgyad pa rtsa ba 'byung ba la 'dug pa'i ltung byed ni/ bcas ldan dge slong gis dge 'dun dbang ba'i gnas khang mtshan nyid dang ldan pa'i steng gi thog la khri'i gang pa btsugs te shugs drag pos mnan te 'dug pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ mnan pa la'o/ /shes gtso'o/ /zhes gsungs pa'i phyir/ bslab @169b bya ni; dge 'dun gyi gnas khang thog rdol ba'i nyen can du khri dang khri'u rang gar mnan na nyes byas 'byung/ dgu pa dud 'gro 'debs pa'i ltung byed ni/ bcas ldan dge slong gis gzhan kho na'am rang gzhan thun mong ba'i don du chu dang shing la sogs pa srog chags dang bcas pa la srog chags 'chi'am mi 'chi gang yin kyang/ 'di byed snyam pas srog chags kyi srog la ltos med kyi bsam pas longs spyod de dud 'gro shi ba la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ rang spyod pa'i don du zan la drud 'gro'i gzugs la sogs pa bcos nas bcom na nyes gzhan pa la'o/ /zhes gsungs pa'i phyir/ bslab bya ni/ dgos med du zan la drud 'gro'i gzugs la sogs pa bcos nas bcom na nyes byas 'byung ngo/ /bcu pa pha gu rim pa gsum las lhag pa rtsigs pa'i ltung byed ni/ bcas ldan dge slong gis gtsug lag khang rtsigs te nyin zhag gcig la pha gu rim pa gsum las lhag pa rtsigs pa 'am/ nyi ma gzhan la 'jim pa med par brtsigs pa gang rung la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ pha gu rim pa gsum las lhag par rtsigs par byas pa la'o/ /gzhan gyis kyang ngo/ /zhes gsungs pa'i phyir/ bcu tshan gsum pa la sdoms kyis bsdus pa'i tshul dang/ de'i don bshad pa gnyis/ @170a @#/ /dang po ni/ so thar gyi mdo las/ ma bskos nyi ma nub pa dang/ /zas dang chos gos gnyis dag dang/ /don mthun gru dang dben pa gnyis/ / dge slong ma yis sbyor bcug pa'o/ /zhes gsungs/ gnyis pa la bcu yod pa'i dang po/ ma bskos par chos ston pa'i ltung byed ni/ bcas ldan dge slong rang nyid dge slong ma'i ston par tshul bzhin du bskos pa ma yin par dge slong ma la chos bstan pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ bskos pa de dag las gcig dang yang mi ldan pa dang/ ma bskos par dge slong ma la ston na'o/ /zhes gsungs pa'i phyir/ bslab bya ni/ ma bskos par dge tshul ma sogs la dgos med du chos bstan na nyes byas 'byung ngo/ /gnyis pa nyi ma nub kyi bar du chos ston pa'i ltung byed ni/ bcas ldan dge slong gis dge slong ma la nyi ma nub pa'i dus su yang chos bstan pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ mtshan thog thag tu chos ston pa ma gtogs par dge slong ma la ston na'o/ / zhes gsungs pa'i phyir/ bslab bya ni nyi ma nub nas skya rengs ma shar gyi bar du dge tshul ma sogs la dgos med du chos bstan na nyes byas 'byung ngo/ /gsum pa zas cung zad tsam @170b gyi phyir chos ston to zhes skur ba 'debs pa'i ltung byed ni/ bcas ldan dge slong gis dge slong gzhan zas la sogs pa'i phyir du chos ston pa ma yin pa la zas la sogs pa'i ched du dge slong ma la chos ston to zhes skur pa btab pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ de ltar gyur pa ma yin pa la zas cung zad tsam gyi phyir dge slong ma la ston no zhes smras na'o/ /zhes gsungs pa'i phyir/ bzhi pa gos byed pa'i ltung byed ni/ bcas ldan dge slong gis rang gi nye du ma yin pa'i dge slong ma'i gos bzo byas te zin pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ gos byed na'o/ /zhes gsungs pa'i phyir/ bslab bya ni; dge tshul ma'i gos dang snod spyad sogs rang gar bzos na nyes byas 'byung ngo/ /lnga pa gos byin pa'i ltung byed ni/ bcas ldan dge slong gis rang gi nye du ma yin pa'i dge slong ma la dge slong rang dbang ba'i gos ngag gi rig byed kyis byin nas yul des thob blo skyes pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ gos byin na'o/ /zhes gsungs pa'i phyir/ drug pa dge slong ma dang lhan cig lam du 'gro ba'i ltung byed ni/ bcas ldan dge slong gis dge slong @171a @#/ /ma dang sa'i lam la rgyang grags gcig las 'das par phyin pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las; dge slong ma gcig dang yang lam la 'da' zhing 'gro na'o/ /zhes gsungs pa'i phyir/ bdun pa dge slong ma dang lhan cig grur zhugs pa'i ltung byed ni/ bcas ldan dge slong gis dge slong ma dang lhan cig tu chu'i lam du gru gcig gi nang du zhugs te/ rgyun phyogs sam rgyun las bzlog phyogs gang rung du 'gro zhing rgyang grags 'das pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ cig car gru gcig gis lam la 'gro na'o/ /zhes gsungs pa'i phyir/ bslab bya ni/ rgyang grags gcig tshun chad du dge slong ma dang lhan cig lam la phyin na nyes byas 'byung ngo/ brgyad pa dben pa na 'dug pa'i ltung byed ni/ bcas ldan dge slong gis khrims grogs med par bud med dang lhan cig dben pa skyabs yod sar gnyis ka 'dug pa la bsten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ 'dug pa la'o/ /zhes gsungs pa'i phyir/ bslab bya ni/ 'dom gang las ring bar 'dug pa dang/ khrims grogs yod kyang de mtshan nyid pa med par bud med dang lhan cig tu 'dug na nyes byas 'byung ngo/ / @171b skyabs de la yang lnga yod de/ rtsig pa dang/ rib ma dang/ yol ba dang/ 'thibs po dang/ mun pa dang lnga yod pa'i phyir/ dgu pa dben pa na 'greng ba'i ltung byed ni/ bcas ldan dge slong gis khrims grogs med par dge slong ma dang dben pa skyabs yod sar gnyis ka 'greng ba la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ 'greng ba la'o/ /zhes gsungs pa'i phyir/ bslab bya ni/ spyod lam mi mthun par gnas na nyes byas 'byung ngo/ /bcu pa dge slong mas sbyor du bcug pa'i zas za ba'i ltung byed ni/ bcas ldan dge slong rang nyid kyi yang dag pa ma yin pa'i yon tan dge slong mas khyim pa la brjod pa'i sgo nas sbyor du bcug pa'i zas bcas ldan dge slong gis zos pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ dge slong mas sbyor du bcug pa nyid la'o/ /yang dag pa ma yin pa'i yon tan dag gis so/ /zhes gsungs pa'i phyir/ bslab bya ni/ dge tshul ma la sogs pa sbyor du bcug pa zos na nyes byas so/ /bcu tshan bzhi pa 'chad pa la/ sdoms kyis bsdus pa'i tshul dang/ de'i don bshad pa gnyis las/ dang po ni/ so thar gyi mdo las/ yang yang za dang 'dug gnas gcig /phyi dang bca' dang stobs @172a @#/ /pa dang/ /'dus dang dus min gsog 'jog dang/ /kha nas min ? dang gsod pa nyid/ /ces gsungs/ gnyis pa la bcu yod pa las/ dang po yang yang za ba'i ltung byed ni/ bcas ldan dge slong gis dus nyi ma gcig la khyim pas mgron du bos pa gnyis yan chad byung ba na zas snga ma zos nas zas phyi ma la gos sam gos kyi rin gyi ? red ba gang rung med par zas phyi ma zos pa la brten byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ cig car yang rung phyis kyang rung ste gos kyi rnyed pa med par mgron du nges ? pa gnyis pa rnyed na'o/ /zhes gsungs pa'i phyir/ bza' ba lnga ni/ 'bras chan/ zan dron/ lde gu /sha/ snum khur dang lnga'o/ /bslab bya ni/ mgron du bos na snga tshoms su 'gron nyes byas 'byung te/ mdo rtsa ba las/ dus shes par byas te/ 'jug par bya yi snga tshoms su ma bya'o/ /zhes gsungs pa'i phyir/ yang 'khor dang bcas te 'gro ba'i tshe na 'khor la ma bltas na nyes byas 'byung ste/ mdo rtsa ba las/ rang gi 'khor la blta bar bya'o/ /zhes gsungs pa'i phyir/ gnyis pa 'dug gnas su za ba'i ltung byed ni; bcas ldan dge slong gis mu stegs can gyi 'dug gnas su sbyin bdag khyim pas byas shing/ mchod gnas mu stegs pa mchod pa'i gnas der zhag gcig gnas te zas gnyis pa @172b zos pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ de zos na zos pa la dngos gzhi'o/ /zhes gsungs pa'i phyir/ bslab bya ni/ chos 'di pa las phyi rol pa'i gnas su zhag gnyis bag med du zas zos na nyes byas 'byung ngo/ /gsum pa lhung bzed do gsum tsam las lhag pa len pa'i ltung byed ni/ bcas ldan dge slong gis khyim pas bstab cing ci bder ma byas pa dang/ tshad de tsam yongs su ma sbags pa las dus su rung ba g.yos su byas pa lhung bzed chung tshad gsum las lhag pa blangs te/ gnas gzhan du khyer te zos pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ zos pa na'o/ /mnos pa na'o/ /zhes gsungs pa'i phyir/ bslab bya ni/ thun tshod du rung ba'i sman dgos tshod las lhag pa blangs na nyes byas 'byung ngo/ /bzhi pa spangs pa za ba'i ltung byed ni/ bcas ldan dge slong gis zas spangs pa rdzogs pa'i tshe dus rung gi bza' bca' gang rung lhag por ma byas par zos pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ spangs pa nyid dang/ lhag por ma byas pa nyid dag la'o/ /zhes gsungs pa'i phyir/ spangs pa rdzogs pa'i tshad ni byin len stobs par 'os pas bza' ba dang bca' ba gang rung zhig tshad dang ldan pa byin te tshul bzhin du stobs pa dang/ de ring 'di tsam las mi za snyam pa'i bsam pas kun @173a @#/ /nas bslangs nas mngon sum du tshig lhag ma med pas spangs te pha rol pos don go ba na spangs pa rdzogs pa yin te/ mdo rtsa ba las/ byin len stobs pa 'thob pa'i phyogs na 'greng ba spangs pa byas nas so/ /gsol cig ces bya ba yang de yin no/ /songs shig ces bya ba yang ngo/ /'tshal lags so zhes bya bas kyang ngo/ /re zhig ces bya ba'i sgra nye bar sbyar na ni ma yin no/ /zhes gsungs pa'i phyir/ bslab bya ni/ mdo rtsa ba las/ zas brtsams pas ldang bar mi bya'o/ /zhes gsungs pa ltar ro/ /brtsams ldang rdzogs pa'i tshad na sbyin len bstab par 'os pa'i sman bzhi po gang yang rung ba tshad dang ldan pa byin te tshul bzhin du bstabs pa na gnas de nyid du dus de'i tshe za ba'i phyir zas cung zad cig yan chad blangs te mu ge'i dus ma yin zhing chog par ma zos par 'phro dang bcas bzhin du dgos pa khyad par can med par langs te/ langs pa'i bya ba rdzogs pa na brtsams ldang gi nyes byas 'byung ste/ mdo rtsa ba las/ tha na lan tsha' yan chad bza' bar bya ba gang yang rung ba cung zad cig blangs na rnam pa de nyid yin no/ /zhes gsungs pa'i phyir/ lnga pa spangs pa stobs pa'i ltung byed ni/ bcas ldan dge slong gis zas spangs pa'i dge slong gzhan la dus rung gi bza' ba dang bca' ba gang rung ngag gi rig byed kyis bstabs te don go ba la brten nas byung ba'i dngos gzhi yongs rdzogs kyi ltung ba @173b de de'i ngo bo yin te/ mdo rtsa ba las/ stobs na'o/ dge slong la'o/ /zhes gsungs pa'i phyir/ drug pa 'dus shing za ba'i ltung byed ni/ bcas ldan dge slong gis rang bzhin gyi mtshams nang gcig gi nang du dge 'dun rnams dang mnyam du zas za dgos pa la na ba sogs kyis rkyen med par zas za ba'i gnas tshang mang lta bu las logs zhig tu dge slong bzhir longs kyis 'dus shing zos pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ dge slong dge 'dun du gyur pa mtshams kyi nang na gnas pa dag gis zan lhan cig ma yin pa nyid la'o/ /zhes pa dang/ g.yos mal dang spyi bungs las mnos te bza' bar mi bya'o/ /zhes gsungs pa'i phyir/ bdun pa dus ma yin par za ba'i ltung byed ni/ bcas ldan dge slong gis rang gnas pa'i gling gi nyi ma phyed yol nas skya rengs ma shar gyi bar du dus rung gi zas zos pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ rang gi phyed yol nas skya rengs 'char gyi bar du ni dus ma yin no/ /zhes gsungs pa'i phyir/ brgyad pa gsog 'jog tu bzhag pa zos pa'i ltung byed ni/ bcas ldan dge slong gis sman bzhi gang yang rung ba rang ngam rang dang cho ga gcig pas gsog 'jog tu bzhag pa zos pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ @174a @#/ /snga dro ba'i zas byin len byas pa phyi dro ba'i zas su dang/ de thun tshod las 'das pa lta bu ni gsog 'jog byas pa yin no/ /zhes gsungs pa'i phyir/ @# gsog 'jog gi char gtogs ni lag nyar blangs pa dang/ mtshams btsos dang/ zhag lon dang/ rjen btsos sogs byas pa'i zas zos na nyes byas re 'byung ngo@#/ dgu pa byin len ma byas par za ba'i ltung byed ni/ bcas ldan dge slong gis rang ngam rang dang cho ga gcig pa'i dge slong gis byin len ma byas pa'i zas zos te mgul par min pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ byin len ma bstabs pa nyid la'o/ /zhes dang/ khar ro/ zos na'o/ /zhes gsungs pa'i phyir/ bcu pa zas bsod pa slong ba'i ltung byed ni/ bcas ldan dge slong gis nye du ma yin pa la dus der zas bsod par grags pa rung ba tshad ldan ngag gi rig byed kyis bslangs te zos pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ rang gis bslangs te zos na'o/ /zhes gsungs pa'i phyir/ bslab bya ni/ zas bsod pa yong bzhin du zas dman pa bslangs na nyes byas 'byung ngo/ /'dir 'phros don cung zad bshad na @# byin len byed pa'i tshul ni rang gi glo dang rgyab nas ma yin par mdun drang thad nas dang/ bar du gzhan @174b gyis mchod pa dang/ byin len stabs pa po yang bsnyen par ma rdzogs shing sbyin 'dod kyi blo dang ldan pas lag pa gnyis kas sam/ de dang 'brel ba'i lhung bzed sogs kyis dma' sa nas gus pas stobs pa dgos la/ len pa pos kyang tshul dang mthun par len dgos te/ gzhan du na byin len du mi 'gyur ba'i phyir/ dmigs bsal ni rigs ngan sogs smad par 'os pa'i lag nas blang mi rung ba la byugs ris 'di'i steng du zhogs shig ces brjod pas dang spre'u sogs kyis nam mkha' nas byin pa thu bar bzed pa sogs la byin len 'chags so; ;sbyin bdag gis bsam pa thag pas bsngos pa stobs pa po med na sgra mi snyan kyi dus byin gyis brlabs nas dge slong rang nyid kyis blangs nas bzar rung bar gsungs so/ / byin len stobs pa po la yang spre'u dang rta dang glang po che cang shes sogs kyang yod do/ /byin len 'jig pa'i rgyu la bcu yod pa'i nang nas 'gril ba ni rang gnas nas ma 'phags par len mi nus na byin len 'jig la gzhan mi 'jig go /gzhan gyis reg pa ni bsnyen par ma rdzogs pa de dag gis reg na byin len 'jig mod/ 'on kyang dge slong rang nyid kyis 'dzin pa ma btang na mi 'jig la/ sbrang bu grog spur sogs kyis reg pas mi 'jig kyang byi bas reg na byin len 'jig go /'jig rgyu gzhan rnams sla'o/ @# /bcu tshan lnga pa 'chad pa la/ sdoms @175a @#/ /kyis bsdus pa'i tshul dang/ de'i don bshad pa gnyis/ dang po ni/ so thar gyi mdo las/ srog chags bcas dang nyal sar 'dug ; 'grong dang gcer bu dmag dang ni/ /zhag gnyis bshams dkrugs 'gro ba dang/ /brdeg dang gzas dang gnas ngan len/ /zhes gsungs/ gnyis pa ni de la bcu yod pa'i dang po srog chags dang bcas pa'i chu la longs spyod pa'i ltung byed ni/ bcas ldan dge slong gis rang kho na'i don du chu dang shing sogs srog chags la gnod pa'i gzhi la/ srog chags kyi srog la ltos med kyi bsam pas longs spyod pa'i zhar la dud 'gro shi ba la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ rang spyod pa'i don nyid la 'jug pa dang/ zhes dang/ shi na'o srog chags re re'o/ /zhes gsungs pa'i phyir/ gnyis pa nyal po byed par gshom pa'i khyim na 'dug pa'i ltung byed ni/ bcas ldan dge slong gis khyim pa pho mo nyal po byed pa la zhugs pa'am/ de'i sta gon du gnas pa la skyabs med par mngon sum du 'dom gang gi nang du 'dug pa rdzogs te tshor bya tshor byed kyis tshor ba la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ zhugs pa'am phyogs pa la'o/ /zhes dang/ mngon sum du brnag @175b pas 'dug na'o/ /zhes gsungs pa'i phyir/ gsum pa nyal po byed par gshom pa'i khyim na 'greng ba'i ltung byed ni/ bcas ldan dge slong gis khyim pa pho mo nyal po byed pa'am/ de'i sta gon du gnas pa la skyabs yod pa'i sa nas 'greng te bltas pas mthar thug tshor bya tshor byed gnyis kyis tshor ba la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ dben par brnag pas 'greng na'o/ /skyabs yod par ro/ /zhes gsungs pa'i phyir/ bslab bya ni/ dud 'gro nyal po byed pa'i mdun du rang gar 'dug pa dang 'greng ba sogs la nyes byas so/ /bzhi pa gcer bu ba la zas byin pa'i ltung byed ni/ bcas ldan dge slong gis mu stegs kyi rab byung la dgos pa khyad par can med par rang gi ngag gi rig byed kyis zas byin cing des blangs pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ bca' bar bya ba dang bza' bar bya ba dag go /zhes dang/ rang gis sbyin na'o/ /zhes gsungs pa'i phyir/ bslab bya ni/ chos 'di pa las phyi rol tu gyur pa la dgos med du zan byin na nyes byas so/ /tshad ni zas gcig gi tshad du longs pa'o; ;lnga pa dmag la blta ba'i ltung byed ni/ bcas ldan dge slong gis rgyal po sogs kyis bos pa'i rkyen med par khyim pa skyes pa'i dmag mtshan nyid dang ldan pa la/ rang @176a @#/ /gang du 'dug pa'i nye 'khor las 'das te bltas pas mthong ba las byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ 'phags pas nyen kor gyi mtha' las 'das te mthong na'o/ /zhes gsungs pa'i phyir/ bslab bya ni/ rang gi gnas nas bltas na nyes byas so/ /drug pa dmag nang du gnas pa'i ltung byed ni; bcas ldan dge slong gis dmag mtshan nyid dang ldan pa'i nang du gnas te/ dgos pa med par mtshan mo gcig yan chad 'das pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ de dag med par der nyin mtshan gnyis las lhag par 'dug na'o/ /zhes gsungs pa'i phyir/ bdun pa dpung gi yan lag nyams su myong ba'i ltung byed 'di la/ dmag la reg pa dang/ bshams pa bkrugs pa dang/ dmag la lta ba'i ltung byed dang gsum las/ dang po ni/ dmag mtshan nyid dang ldan pa la reg pa las byung ba'i ltung byed dang/ bshams pa bkrugs pa las byung ba'i ltung byed dang/ 'di rnams kyi nang tshan du gyur pa'i dmag la blta ba'i ltung byed ni/ rgyal po sogs kyis bos te bos pa'i dge slong gis dmag la blta ba'i phyir du rang gi gnas nye 'khor dang bcas pa las 'das te mthong ba las byung ba'i ltung byed do/ /des na dmag la blta ba'i ltung byed dang po dang/ phyi ma gsum gyi nang tshan du gyur @176b pa'i dmag la blta ba'i ltung byed gnyis la khyad par yod de/ dang po ni/ rgyal po sogs kyis ma bos par dmag la blta ba'i ltung byed yin/ phyi ma ni nges bos nas dmag la blta ba'i ltung byed yin pa'i phyir/ bslab bya ni/ mi gzhan dag dang dgos med du dud 'gro 'thab tu 'jug pa dang 'thab pa'i drung du bsdad na nyes byas so/ /brgyad pa brdeg pa'i ltung byed ni/ bcas ldan dge slong gis rnyog pa can gyi sems kyis brdeg par 'dod pas dge slong gzhan la brdeg ste phog pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las; rkang pa'i mthe bo 'am/ nyungs kar ram/ rtsa dag gis brdegs na'o/ /zhes dang/ brdeg spyad re re la'o/ /zhes gsungs pa'i phyir/ dgu pa brdeg par gzas pa'i ltung byed ni/ bcas ldan dge slong gis rnyog pa can gyi sems kyis dge slong gzhan la brdeg par gzas pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ brdeg par gzas na'o/ /zhes gsungs pa'i phyir/ bslab bya ni/ bsnyen par ma rdzogs pa dang/ ka ba dang rtsig pa sogs la dgos med du brdeg pa dang/ gzas pa la ni nyes byas so/ /bcu pa gnas ngan len 'chab pa'i ltung byed ni/ bcas ldan dge slong gis mthol yul mtshan nyid pa yod pa'i gnas su dge slong @177a @#/ /gzhan gyi pham lhag gang rung bcabs te mtshan mo 'das pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ pham par gyur pa dang/ lhag mar gyur pa dag bcabs na'o/ /zhes gsungs pa'i phyir/ bslab bya ni/ rang gzhan gyi ltung ba gzhan bcabs na nyes byas so/ /bcu tshan drug pa 'chad pa la/ sdoms kyis bsdus pa'i tshul dang/ de'i don bshad pa gnyis/ dang po ni/ so thar gyi mdo las/ bde dang me dang 'dun pa dang/ bsnyen par ma rdzogs chos dang smra/ /dge tshul kha dog bsgyur ba dang/ /rin po che dang tsha ba'i dus/ /zhes gsungs/ gnyis pa la bcu yod pa'i nang nas/ dang po zas gcod pa'i ltung byed ni/ bcas ldan dge slong gis gzhan la phan sems med par khyims pas dus rung gi zas 'dren pa de dag gi rig byed kyis gcod du bcug pa khyim pa des don go ba sogs la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ khyim pa sbyin pa po zan gcod du bcug na'o/ /zhes gsungs pa'i phyir/ bslab bya ni/ dus rung gi sman las gzhan pa'i sman gsum po gang rung gcod du bcug na nyes byas so/ /gnyis pa me reg gi ltung byed la/ dngos dang dus dran byed tshul bshad pa gnyis/ dang po ni/ bcas ldan dge slong gis bud shing gi me yongs su rdzogs pa la dus dran ma byas par reg gam reg tu bcug pa gang rung la brten nas byung ba'i dngos @177b gzhi yongs rdzogs kyi ltung ba de de'i ngo bo yin te/ mdo rtsa ba las/ dus byin gyis ma brlabs pa'i dge slong na ba'i dbang nyid du gnas pa ma yin pa la reg na'o/ /zhes gsungs pa'i phyir/ bslab bya ni/ me ma mur dang me lce la reg pa dang/ me nang du mchil ma sogs bskyur ba dang/ phyir bton pa sogs byas na nyes byas 'byung ngo/ /gnyis pa dus dran byed tshul la/ dus dran gang la bya ba'i gzhi/ gang gis byed pa'i rten/ nam gyi tshe bya ba/ ji tsam bya ba/ dus dran rang gi ngo bo/ byas pa'i dgos pa/ dus dran 'jig pa'i tshul bshad pa dang bdun/ dang po ni/ spyir bkag pa/ rkyen la ltos nas gnang ba dang/ nges pa lnga dang bral ba zhig dgos te/ rkyen la ltos te gnang ba ma yin pa la dus dran byar mi rung zhing/ nges pa lnga dang ma bral ba dang/ ma bkag pa la dus dran bya mi dgos pa'i phyir/ dper na myos 'gyur la dus dran mi rung ba dang/ so bkru ba sogs la dus dran mi dgos pa bzhin no/ /nges pa lnga ni/ yul nges pa aShmA pa rAn tar khrus byed pa dang/ dus nges pa bzla gcig nas khrus byed pa lta bu/ phyogs nges pa nang re bzhin kha gdong gi phyogs bkru ba lta bu/ dngos po nges pa ni rin po che'i khri brling ba ma bsdus par 'dom zhe dgu las 'das nas phyin kyang ltung ba med pa lta bu/ rten nges pa mes phan pa'i nad can la me reg gnang ba lta bu'o/ /gnyis pa gang gis byed pa'i rten ni/ dge slong gi sdom pa gso rung yan chad dang ldan pa/ shes pa rang bzhin du gnas pa zhig dgos te/ sdom pa med pa dang/ shes @178a @#/ /pa rang bzhin du mi gnas pa la dus dran byed pa'i gzhi med pa'i phyir/ dper na khyim pa dang smyo ba sogs la dus dran gyi gzhi med pa bzhin no/ /gsum pa nam gyi tshe bya ba ni/ bya ba de la ma zhugs shing 'jug par 'dod pa na dus dran bya dgos so/ /zhugs nas dus dran byas kyang ltung ba 'byung zhing 'jug 'dod med na dus dran mi dgos pa'i phyir/ dper na me la reg zin nas dus dran byas kyang ltung ba 'byung zhing reg 'dod med na dus dran mi dgos pa bzhin no/ /bzhi pa yul ji tsam du bya ba ni/ nyin mtshan gcig gi khongs su bya ba de'i sbyor ba la zhugs nas mthar thug rdzogs kyi bar byed dgos te/ de ltar ma byas na dngos gzhi dang sbyor ba ci rigs pa'i ltung ba 'byung ba'i phyir/ lnga pa dus dran gyi ngo bo ni/ dgos pa 'di'i ched du bya ba 'di dus 'di nas bzung ste/ spyi dang khyad par gyi rgyun rdzogs kyi bar la bcom ldan 'das kyis gnang ba yin pas dgos pa de'i ched du bya ba de la/ dus 'di nas bzung ste spyi dang khyad par gyi rgyun rdzogs kyi bar la bslab pa dran pas 'jug par bya'o snyam pa'i dge slong gis brtags pa yid la byed pa yin no/ / drug pa dus dran byas pa'i dgos pa ni/ dngos su ltung ba khegs pa dang/ brgyud nas gnang bkag gi bcas mtshams zin pa'i dgos pa gnyis yod pa'i phyir/ bdun pa ni/ dus dran 'jig pa'i rgyu de la lnga yod de/ rten babs pa dang/ shi ba dang/ bya ba chos min du gyur pa dang/ tshon gyi las lta bu'i bya ba byas zin pa dang zhag 'das pa rnams su yod pa'i phyir/ gsum pa 'dun pa phyir bsgyur gyi ltung byed ni/ bcas ldan dge @178b slong gis dge 'dun mtshan nyid dang ldan pas bsgrub bya dge slong zhig gi don du las byed pa la rang gis 'dun pa phul nas las de byed pa'i dus na rang gis phul ba'i 'dun pa phyir bsgyur ba'i tshig smras te don go ba la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ 'dun pa phul ba phyir bsgyur ba'i tshig smras na'o/ /zhes gsungs pa'i phyir/ bslab bya ni/ dge slong gi ched du ma yin pa'i las la nyes byas 'byung bar gsungs so/ /bzhi pa bsnyen par ma rdzogs pa dang lhan cig nyal ba'i ltung byed ni/ bcas ldan dge slong gis bsnyen par ma rdzogs pa 'am/ de dang 'dra ba dang gnas gcig tu gnyis ka nyal ba'i spyod lam gyis gnyid log cing mtshan mo gsum 'das pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ bsnyen par ma rdzogs pa dang lhan gcig tu mtshan mo gsum pa la nyal na'o/ /zhes gsungs pa'i phyir/ lnga pa chos dang zhes pa sdig pa can gyi lta ba'i rnam pa mi gtong ba'i ltung byed ni/ bcas ldan dge slong gis sdig lta skye ba'i gzhi la zhugs pa na bzhams bsgo dang/ gsol bzhi'i las kyis bzlog kyang mi gtong ba la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ bcom ldan 'das kyis chos gsungs pa bdag gis shes so/ /zhes bya ba la sogs par 'jug pa'i tshig mi gtong ba la'o/ /zhes gsungs @179a @#/ /pa'i phyir/ bslab bya ni/ sdig lta can bzlog pa lnga'i sgo nas bzlog par ma byas na nyes byas 'byung zhing/ bzlog kyang ma btang ba'i tshe gnas dbyung nan tur ma byas na nyes byas 'byung ba'i phyir/ drug pa smra zhes pa spangs pa'i rjes su phyogs pa'i ltung byed ni/ dge 'dun gyis gnas dbyung byas pa'i dge slong la bcas ldan dge slong gis chos dang zang zing gang rung gi longs spyod byas pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ rjes su bstan pa dang gdams ngag byin pa'o/ /lta ba smra na'o/ /zang zing gi longs spyod byas na'o/ /bsnyen bkur bdag gir byas na'o/ /gnas su lhan cig nyal na yang ngo/ /zhes gsungs so/ /bdun pa dge tshul bsnyil ba sdud pa'i ltung byed ni/ dge 'dun gyis dge tshul bsnyil ba de la bcas ldan dge slong gis chos dang zang zing gi longs spyod byas pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ dge tshul bsnyil ba nyid do/ /zhes dang/ rjes su bstan pa dang/ gdams ngag sbyin na'o/ /zhes sogs gsungs pa'i phyir/ brgyad pa kha dog ma bsgyur ba'i gos gyon pa'i ltung byed ni/ bcas ldan dge slong gis rang dbang ba'i gos dkar po gyon pa la sogs pa'i sgo nas longs spyod pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ rkang pa'i 'bob dang ska rags dag bgo ba la sogs pa la yongs su @179b longs spyod na'o/ /zhes gsungs pa'i phyir/ bslab bya ni/ tshes chen gyis bsgyur ba'i gos gyon na nyes byas so/ /tshos chen brgyad ni/ sum brgya pa las/ mtshal dang de bzhin rgya skyegs btsod rnams dang/ gur kum dag dang mthing shing li khri dang/ rma shing le brgan rtsi rnams mi rung ste/ /brgyad po tshes chen yin pas bkag phyir ro/ /zhes gsungs pa ltar ro/ /dgu pa rin po che dang zhes pa longs pa gzhir gtogs kyi ltung byed ni/ bcas ldan dge slong gis rang gi ma yin pa'i rin po che dang der smos pa rol mo'i cha byad sogs la rang ngam rang gis mngon sum du bskos pa gang rung gis mngon sum du reg pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ rin po che rang gi ma yin pa dang/ der smos pa la reg gam reg tu bcug na byed pa po yin no/ /zhes gsungs pa'i phyir rin po cher smos pa de la mang du yod de/ pi wang la sogs pa'i rol mo dang dung la sogs pa'i sil snyan dang/ mda' dang mdung la sogs pa'i mtshon cha dang/ sku gzugs sku gdung dang bcas pa rnams su yod pa'i phyir te/ mdo rtsa ba las/ su g+ho sha ka rnams ni rgyud dang bcas pa nyid na'o/ /dung dang rnga bo che dang rnga pa Ta ha dang rdza rnga rnams ni sgra 'byin na'o/ /zhes sogs gsungs pa'i phyir/ bslab bya la/ rgyags pa dang 'brel ba ni dgos med du ha cang 'tsher ba'i gos gyon pa dang rta la zhon na nyes byas dang/ rgod pa dang 'brel ba ni/ dgos med du glu gar sogs la bltas na nyes byas so// @180a @#/ /bcu pa tsha ba'i dus zhes pa khrus byed pa'i ltung byed ni/ bcas ldan dge slong gis na ba'i rkyen sogs dang mi ldan par sngar khrus byas nas zla ba phyed ma 'das shing/ tshad pa tsha ba'i dus ma yin par 'jig rten la grags pa'i chu la khrus byas nas lus phyed khyab pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ lte bar son na'o/ /zhes gsungs pa'i phyir/ dbyar zla ra ba'i tshes gcig nas dbyar zla tha chung gi tshes bco lnga'i bar dang/ lhag ma zla ba dgu po'i zla ba phyed phyed dang/ skra breg pa'i dus rnams ni gnang ba'i dus yin la/ lus char dang rlung sogs kyis khra bor gyur pa dang/ nad gso ba dang/ chos 'chad pa'i tshe khrus byed pa ni dmigs bsal yin no/ /bslab bya ni/ nang par chus lus bkru ba dang/ rang gar chu la rtse ba sogs byas na nyes byas so/ /bcu tshan bdun pa 'chad pa la/ sdoms kyis bsdus pa'i tshul dang/ de'i don bshad pa gnyis las/ dang po ni/ so thar gyi mdo las/ dud 'gro 'gyod pa sor mo dang/ rtse dang lhan cig dngangs byed dang/ sbed dang gtong med gzhi med dang/ /skyes pa med par lam 'gro ba'o/ /zhes gsungs/ gnyis pa la/ bcu yod pa'i dang po dud 'gro gsod pa'i ltung byed ni/ bcas ldan dge slong gis dud 'gro de gzhan gyi zhar la ma yin par kun slong gsod sems kyis sbyor ba rang ngam bskos pa gang rung gi lus dag gang rung du grub cing/ mthar thug de shi ba la brten nas byung ba'i dngos gzhi @180b yongs rdzogs kyi ltung ba de de'i ngo bo yin te/ mdo rtsa ba las/ gsod pa'i sems kyis dud 'gro la bsnun na'o/ /gzhi des de'i tshe 'am gzhan gyi tshe shi na'o/ /zhes gsungs pa'i phyir/ bslab bya ni/ dud 'gro rngal ba'i khur ma blangs pa dang/ dud 'gro mi nus pa lam du bkri na nyes byas so/ /gnyis pa 'gyod pa bskyed pa'i ltung byed ni/ bcas ldan dge slong gis dge slong gzhan la dge slong rnam dag ma yin pa'i don gyis 'gyod pa bskyed pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ dge slong ma yin pa'i don gyis 'gyod bskyed na'o/ /zhes dang/ bzhad gad kyis kyang ngo/ /zhes gsungs pa'i phyir/ bslab bya ni/ dge tshul 'gyod pa bskyed pa dang/ ltung ba gzhan gyis 'gyod pa bskyed na nyes byas so/ /gsum pa ga ga tshil byed pa'i ltung byed ni/ bcas ldan dge slong gis rang gi lus dngos ma nyams pas/ dge slong gzhan gyi lus dngos ma nyams pa la skyi g.ya' bar 'dod pa'i sems kyis reg pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ rkang pa'i mthe bo la sogs pa dag gis ga ga tshil byed pas reg na'o/ /zhes gsungs pa'i phyir/ bslab bya ni/ dge tshul sogs la skyi g.ya' bar byas na nyes byas so/ /bzhi pa chu la rtse ba'i ltung byed ni/ bcas ldan dge slong gis 'jig rten na grags pa'i chu lte ba nub pa'i tshad du slebs pa la rtse 'am/ rtser bcug pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ chu'i yul @181a @#/ /la ? rjes su bsgrub na'o/ /zhes gsungs pa'i phyir/ bslab bya ni/ chu 'thor ba sogs byas na nyis byas so/ /lnga pa bud med dang lhan cig nyal ba'i ltung byed ni/ bcas ldan dge slong gis bud med dang lhan cig gnas gcig tu 'dom dgu'i nang du gnyis ka nyal ba'i spyod lam gyis gnyid log cing mtshan mo 'das pa la brten nas byung ba'i dngos nyi yongs rdzogs kyi ltung ba de de'i ngo bo yin te/ mdo rtsa ba las/ bud med dang lhan cig gnas gcig tu gnyid log na'o/ /zhes gsungs pa'i phyir/ bslab bya ni/ bya gag dang bongs tshad mnyal pa yan chad kyi dud 'gro mo dang lhan cig nyal na nyes so/ /drug pa dang ngas par byed pa'i ltung byed ni/ bcas ldan dge slong gi gzhan la 'jigs pa'i rgyu yid du mi 'ong ba nye bar bsgrub pa rang ngam ? bskos pa gang rung gis da dngas par byas pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ 'jigs pa ma skyes kyang ngo/ /yid du mi 'ong ba la ni dngos gnyi'o/ /zhes gsungs pa'i phyir/ bslab bya ni/ khyim pa dang dud 'gro sogs dang ngas par ? byas na nyes byas so/ /bdun pa sbed par byed pa'i ltung byed ni/ bcas ldan dge slong gis chos 'di pa'i rab byung dbang ba'i chos fgos sogs 'tsho ba'i yo byad sbed dam sbed du bcug pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ dge slong gi 'tsho ba'i yo byad sbed dam @181b sbed du bcug na'o/ /zhes gsungs pa'i phyir/ bslab bya ni/ khyim pa dang dud 'gro sogs kyi yo byad sbas na nyes byas so/ /brgyad pa gdeng med par spyod pa'i ltung byed ni/ bcas ldan dge slong rang gis dge slong gzhan la byin pa'i gos sam lhung bzed gang rung la kun slong yid bcugs sam brku sems las gzhan pa'i sems kyis gdeng med par longs spyod pa la brten nas byung ba'i dngos gzhi yongs ? kyi ltung ba de de'i ngo bo yin te/ mdo rtsa ba las/ dge slong la gos blang ba med par byin pa des gnang ba med par spyod na'o/ /zhes gsungs pa'i phyir/ bslab bya ni/ dge tshul dang khyim pa sogs la byin pa longs spyod na nyes byas so/ /dgu pa lhag ma'i skur ba 'debs pa'i ltung byed ni/ bcas ldan dge slong gis bsnyen rdzogs kyi sdom pa gso rung yan chad dang ldan pa'i rang phyogs kyi dge slong dang gzhan phyogs pham pas ma nyams pa gang rung la lhag ma'i skur pa btab pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ dge slong la 'du shes bsgyur te/ dge 'dun lhag ma'i skur ba brjod na'o/ /zhes gsungs pa'i phyir/ rang phyogs dang gzhan phyogs kyi khyad par ni/ lta mtshan mthun mi mthun gyi dge slong la bya'o/ /bslab bya ni/ ltung ba gzhan gyis skur ba btab pa dang/ dge tshul la skur ba btab na nyes byas so/ /bcu pa bud med dang lhan cig lam du 'gro ba'i ltung byed ni/ bcas ldan dge slong gis khrims grogs skyes pa 'os pa med par bud med dang lhan cig lam @182a @#/ /du 'gro zhing rgyang grags 'das pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ 'dod pas lam du 'gro na'o/ /rgyad grags re re'o/ /zhes gsungs pa'i phyir/ bslab bya ni/ ? bcas te lam du phyin na nyes byas so/ /bcu tshan brgyad pa 'chad pa la/ sdoms kyis bsdus ba'i tshul dang/ de'i don bshad pa gnyis/ dang po ni/ so thar gyi mdo las/ rku dang nyi shu ? lon dang/ brka dang mgron dang bslab pa dang/ nyan dang mi smra 'gro ba dang/ /ma gus char 'thung dus la min pa'o/ /zhes gsungs/ gnyis pa la/ bcu yod pa'i dang po rkun ma dang lhan cig lam du 'gro ba'i ltung byed ni/ bcas ldan dge slong gis chom rkun pa 'am sho gam 'bral ba'i tshong pa dang lhan cig lam du 'gro zhing rgyang grags 'das pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ grong 'joms par byed pa'i chom rkun pa dag gam/ sho gam 'bral ba'i tshong pa dag dang lhan cig 'gro ba la'o/ /zhes gsungs pa'i phyir/ bslab bya ni/ rgyang grags phyed tshun chad du rkun po dang 'grogs na nyes byas 'byung ngo/ / gnyis pa lo nyi shu ma lon par bsnyen par rdzogs par byed pa'i ltung byed ni/ bcas ldan dge slong rang nyid kyis mkhan po byas te dge slong gi sdom pa len pa po de lo nyi shu ma lon pa la ma lon par shes bzhin du gsol bzhi'i las kyis bsnyen rdzogs byas pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ bsnyen par rdzogs par bya ba lo nyi shu ma lon pa nyid la'o/ / @182b mkhan po nyid kyis so/ bsnyen par rdzogs par byas na'o/ /zhes gsungs pa'i phyir/ bslab bya ni/ mngal shol gyi zla ba dang bcas pa'i lo nyi shu lon tsam bsnyen rdzogs su bsgrub pa dang/ lo bdun ma lon par rab tu 'byung na nyes byas 'byung ngo/ /gsum pas brko ba'i ltung byed ni/ bcas ldan dge slong gis 'jig rten na grags pa'i sa 'tham par gnas pa sor bzhi yan chad rang ngam gzhan brkor bcug pa gang rung gi sgo nas brkos pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ brko'am brkor bcug pa la'o/ /sa'i sa'o/ /zhes dang/ brtsigs pa ni sa nyid ma yin par shes par mi bya'o/ /zhes gsungs pa'i phyir/ bslab bya ni/ bye ma 'dres pa dang 'dam 'bru ba sogs la nyes byas 'byung ngo/ /bzhi pa mgron du gnyer ba las ring du 'dug pa'i ltung byed ni/ bcas ldan dge slong gis rang mgron du 'bod pa po'i khyim pas dus rnam par gzhag pa yod na/ dus tshigs de las lhag par zos pa dang med na zla ba bzhi las lhag pa'i zas zos pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ zla ba bzhi pa yongs su rdzogs pa'i 'og tu bshams pa zos na'o/ /zhes gsungs pa'i phyir/ bslab bya ni/ dus rung las gzhan pa'i sman gang yang rung ba phyir bsgyur te zos na nyes byas 'byung ngo/ /lnga pa bslab pa la nye bar 'jog pa spong ba'i ltung byed ni/ bcas ldan dge slong gis rang la dge slong gzhan gyis bslab pa'i sgo nas bsgo ba la ngag gi rig byed @183a @#/ /kyis spangs te don go ba la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ mi shes pa nyid sgrogs par byed pa'i tshig brjod na'o/ / zhes gsungs pa'i phyir/ drug pa nyan rna byed pa'i ltung byed ni/ bcas ldan dge slong gis rang las gzhan pa'i phyogs su gyur pa'i rtsod pa la dge slong gnyis yan chad gros byed pa la shes bzhin rtsod pa spel ba'i ched du nyan pa'i don rang gis go ba la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ sgra thos pa la ni nyes byas so/ /don la ni dngos gzhi'o/ /zhes gsungs pa'i phyir/ bslab bya ni/ dge tshul sogs la nyan rna byas na nyes byas so/ /bdun pa las gral nas ma smras par 'gro ba'i ltung byed ni/ bcas ldan dge slong gis kha skong bar 'os pa'i dge 'dun gyi chos ldan gyi las la 'dus nas dge slong gzhan la ma smras par thos pa'i nye 'khor las 'das par phyin pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ thos pa'i nye 'khor las 'das na dngos gzhi'o/ /zhes gsungs pa'i phyir/ bslab bya ni/ brda mi 'phrod pa la smras nas las gral nas phyin pa dang 'gro bar brtsams na nyes byas 'byung ngo/ /brgyad pa ma gus pa'i tshul gyi ltung byed ni/ bcas ldan dge slong gis sangs rgyas dngos dang/ dge 'dun dang dge 'dun gyi tha snyad gsum po gang rung gis rang la gsung chos dang ldan pa @183b bsgo ba'i don la bshad sbyangs med par de las ldog ste/ 'gal bar byas pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ 'gal ba byed pa la'o/ / dge slong gi dge 'dun la ni dngos gzhi'o/ /zhes gsungs pa'i phyir/ bslab bya ni/ ma gus pa'i bshad sbyangs byas na nyes byas 'byung ngo/ /dgu pa myos 'gyur 'thung ba'i ltung byed ni/ bcas ldan dge slong gis char ? mtshan nyid dang ldan pa mgul du mid pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ myos par 'gyur ba 'thung na'o/ /zhes dang sbang ma dang tshig ma za ba la ni de'i 'jug pa yod do/ /zhes gsungs pa'i phyir/ nas dang 'bras la sogs pa la phabs btab pa'i chang ni 'bru'i chang yin la/ phabs ma btab pa'i rgun chang sogs ni bcos pa'i chang yin/ bslab bya ni/ phabs bsten na nyes byas 'byung ste/ mdo rtsa ba las/ phabs kyi chang bu ni byed nyid do/ /zhes gsungs pa ltar ro/ bcu pa dus ma yin par grong du 'gro ba'i ltung byed ni/ bcas ldan dge slong gis rang gi gling gi nyi ma phyed yol nas skya rengs ma shar pa'i bar der khyim pa'i gnas su 'gro ba la smra yul rab byung sde lnga gang rung yod bzhin du de la ma smras par grong du phyin pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ dge slong 'khod pa la ma smras par ? la'o/ /zhes gsungs pa'i phyir/ bslab bya ni/ grogs dge slong sogs la zhus kyang khyim de las khyim @184a @#/ /gzhan du phyin na nyes byas 'byung ngo/ bcu tshan dgu pa bshad pa la/ sdoms kyis bsdus pa'i tshul dang/ de'i don bshad pa gnyis/ dang po ni/ so thar kyi mdo las/ zas bcas skya rengs da gdod dang/ khab ral dang ni khri rkang dang/ /brdal dang gding dang g.yan pa dang/ /ras chen bde gshegs chos gos so/ /zhes gsungs/ gnyis pa la bcu yod pa'i dang po grong du rgyu ba'i ltung byed la/ snga dro grong du rgyu ba'i ltung byed dang/ phyi dro grong du rgyu ba'i ltung byed gnyis/ dang po ni/ bcas ldan dge slong gis rang gnas pa'i gling gi snga dro'i dus su rang gi tshig gis dge 'dun zas la spyan drangs pa'i tshe sbyin bdag la zas brim pa yol bar ma byed cig ces ma bsgo bar khyim gsum du rgyus pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ ma bsgo bar gsum pa la sogs par rgyus pa la yang ngo/ /zhes gsungs pa'i phyir/ gnyis pa phyi dro grong du rgyu ba'i ltung byed ni/ bcas ldan dge slong gis rang gnas pa'i gling gi nyi ma phyed yol nas skya rengs ma shar gyi bar der gzhan la smras te grong du phyin nas khyim bzhir longs su rgyus pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ dus ma yin par khyim bzhi pa la sogs par 'gro ba'o/ zhes gsungs pa'i phyir/ bslab bya ni/ grogs la smras kyang dgos med du khyim gzhan du phyin na nyes byas 'byung ngo/ /rtsa ba'i gnyis pa/ rgyal po'i pho brang du nub mo 'gro ba'i ltung byed ni/ bcas ldan dge slong gis rang gnas pa'i gling gi nyi ma nub pa'i 'od @184b dmar po 'das nas skya rengs tha ma ma shar gyi bar du btsun mo'i 'khor ram rgyal po'i pho brang gi gnas su 'gro na/ bskor byed med na phyi rol gyi nye 'khor 'dom gang gis phyogs su phyin pa dang/ bskor byed yod na nang gi sgo ma btsugs shing phyi bsgor gyi sgo btsugs shing bcad na brtan pa'i gnas 'das pa dang/ sgo ma bcad na brtan pa'i gnas de'i lugs logs kyi nye 'khor 'dom gang 'das pa dang/ nang gi sgo btsugs shing bcad na de'i brtan pa'i gnas su phyin pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ 'dir ni skya rengs tha ma ma shar ba nyid de yin no/ zhes dang/ mtshan mo re re la'o/ /zhes gsungs pa'i phyir/ bslab bya ni/ dgos med du rgyal po'i pho brang du 'gro bar brtsems na nyes byas 'byung ngo/ /gsum pa khyad du gsod pa'i ltung byed ni/ bcas ldan dge slong gis yid rmongs pa ma yin par dus gso sbyong gi so so thar pa'i mdo 'don pa'i dus su rang gi tshul khrims kyi bslab pa'i gzhi'i dngos po dag gi rig byed kyis khyad du gsod nas pha rol pos don go ba la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ 'di la chos 'di yod par bdag gis da gzod shes so/ /zhes gsungs pa'i phyir/ bslab bya ni/ ting nge 'dzin dang shes rab sogs kyi cha 'ga' zhig la khyad du bsad na nyes byas 'byung ngo/ /bzhi pa khab ral 'chos pa'i ltung byed ni/ bcas ldan dge slong gis rang dbang ba'i khab ral gyi rgyu mtshan @185a @#/ /nyid dang ldan pa la rang gi ched du rang dam bskos pa gang rung gis khab ral gyi bzo byas pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ bso dang/ rus pa dang/ rwa'i khab ral byed dam byed du bcug pa la'o/ /zhes gsungs pa'i phyir/ bslab bya ni/ gzhan gyi byas pa'i khab ral rang gar bcang na nyes byas 'byung ngo/ /lnga pa khri rkang 'chos pa'i ltung byed ni/ bcas ldan dge slong gis dge 'dun dbang ba'i shing gi khri 'am khri'u rkang tshad las lhag pa rang dam bskas pa gang rung gis bzo zin pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ tshad las lhag par byed du ma byed du bcug pa la'o/ /zhes gsungs pa'i phyir/ bsab bya ni/ ?? gar gdan gyi ? ? su khru gang las lhag pa byas na nyes byas 'byung ngo/ /drug pa shing bal gyis bgos par byas pa'i ltung byed ni/ bcas ldan dge slong gis dge 'dun la dbang ba'i nang mal shing bal gyis bgos par byas pa la brten nas 'byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ shing bal gyis bgos par byas pa la'o/ zhes gsungs pa'i phyir/ bslab bya ni/ gang zag gi gnas mal ? dgos ? shing bal gyis gos par byas na nyes byas 'byung ngo/ /bdun pa gding ba tshad las lhag pa bzos pa'i @185b ltung byed dang/ brgyad pa g.yan pa dga' pa tshad las lhag pa byed pa'i ltung byed dang/ dgu pa dbyar gyi gos ras chen tshad las lhag pa bzos pa'i ltung byed dang gsum las/ dang po ni/ bcas ldan dge slong gis gding ba rgyu mtshan nyid dang ldan pa rang gi don du rang dam bskos pas sor byed yan chad tshad las lhag la byas te bzos zin pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ gding ba'i gzhi'o/ /zhes gsungs pa'i phyir/ de bzhin du g.yan pa dgang pa la rigs 'gre ba yin te/ mdo rtsa ba las/ g.yan pa dgab pa'i ? 'o/ /zhes gsungs pa'i phyir/ dbyar gyi gos ras chen la yang rigs 'gre ba yin te/ mdo rtsa ba las/ dbyar gyi ras chen gyi'o/ /zhes gsungs pa'i phyir/ gding ba'i tshad ni srid du khru gsum/ zheng du khru do dang sor drug go /g.yan pa dgab pa'i tshad ni srid du khru drug /zheng du khru gsum mo/ /dbyar gyi gos ras chen gyi tshad ni/ srid du khru dgu/ / zheng du khru gsum dang sor bco brgyad do/ /bcu pa bde bar gshegs pa'i chos gos kyi bzo byas pa'i ltung byed ni/ bcas ldan dge slong gis rang la lus kyi bongs sangs rgyas kyi sku lus dang mnyam pa med par chos gos kyi tshad bde bar gshegs pa'i chos gos dang tshad mnyam pa'am/ de bas che ba rang ngam bskos pa gang rung gis bzo byas te zin pa la @186a @#/ /brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ chos gos byed dam byed du 'jug pa la'o/ /zhes gsungs pa'i phyir; de'i tshad ni srid du bde bar gshegs pa'i khru lnga dang/ zhing du bde bar gshegs pa'i khru gsum yin no/ @# ? /khab ral sogs bdun po ni bcag pa sogs ma byas na bshags pa mi chags so/ ! /bzhi pa sor bshags kyi sde bshad pa la sdoms kyi bsdus pa'i tshul dang/ de'i don bshad pa gnyis/ dang po ni/ so thar gyi mdo las/ grang dang khyim gzhan nyid dang ni/ /bslab pa rnams dang dgon pa ni/ /sangs rgyas phan pa gsungs pa yis/ /so sor bshags par bya ba gsungs/ /zhes gsungs so/ /gnyis pa la; bzhi yod pa las/ dang po dge slong ma la zas len pa'i sor bshags ni/ bcas ldan dge slong rang nyid grong dam grong gi nye 'khor ram laM po che gang rung na 'dug ste/ dge slong ma yang de gsum gang rung du 'dug pa la zas blangs te zos pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ bca' ba dang bza' ba bdag nyid grong na 'dug pas blangs te zos na'o/ /zhes gsungs pa'i phyir/ bslab bya ni/ dge tshul ma sogs las rang gar zas blangs na nyes byas 'byung ngo/ /gnyis pa khyim @186b gzhan du bsko bsham phyin ci log byed pa ma zlog pa'i sor bshags ni /bcas ldan dge slong gis dge slong gsum yan chad khyim pas mgron du bos pa de la dge slong mas bsko bsham phyin ci log tu byed pa ma zlog par de'i zas zos pa la rten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ dge slong ma 'dug pa ni byed pa po yin no; ;zhes dang/ dge slong gsum la sogs pa mgron du bos pas bros na'o/ /zhes gsungs pa'i phyir/ bslab bya ni/ thun tshod kyi sman rim min du bri ma pa ma bzlog par longs spyod na nyes byas ? 'byung ngo/ /gsum pa bslab pa dral te khyim du 'jug pa'i sor bshags ni/ bcas ldan dge slong gis khyim gyi bslab pa'i sdom pa byin pa'i sbyin bdag la ngag gi rig byed kyis zas blangs te zos pa la brten nas byung ba'i dngos gzhi yongs rdzogs kyi ltung ba de de'i ngo bo yin te/ mdo rtsa ba las/ sdom pa sbyin pa'i khyim nas bca' ba dang bza' ba dag blangs shing zos pa ste/ zhes gsungs pa'i phyir/ bslab bya ni/ de'i khyim du ltung bzed stong pas song na nyes byas 'byung ngo/ /bzhi pa nags ma brtags pa las byung ba'i sor bshags ni/ bcas ldan dge slong gis 'jigs pa dang bcas pa'i nags ma myul bar 'jigs pa dang bcas pa'i gnas der sbyin bdag khyim pa la zas blangs te zos pa la brten nas byung ba'i @187a @#/ /dngos gzhi yongs rdzogs kyi ltung ba de de'i ngo bo yin te/ mdo rtsa ba las/ kun dga' rwa ba'i phyi rol gyi dgon par bca' ba dang bza' ba blangs te zos na'o/ /nags ma myul ba nyid la'o/ /zhes gsungs pa'i phyir/ bslab bya ni/ lam du rang gar 'jigs pa ma brtags na nyes byas 'byung ngo/ ! /lnga pa nyes byas kyi sde tshan bshad pa la/ gos bgo ba'i sde tshan/ khyim du 'gro ba'i sde tshan/ khyim du 'dug pa'i sde tshan/ zas blangs pa'i sde tshan/ zas bza' ba'i sde tshan/ lhung bzed la spyod pa'i sde tshan/ chos nyan bshad kyi sde tshan/ sgrub pa'i sde tshan dang brgyad yod do/ /dang po gos bgo ba'i sde tshan la/ sdoms kyis bsdus pa'i tshul dang/ de'i don bshad pa gnyis/ dang po ni/ so thar gyi mdo las/ sham thabs la ni rnam bdun dang/ /stod g.yog la yang rnam pa gsum/ zhes gsungs/ gnyis pa de'i don bshad pa ni/ sham thabs la gyon lugs rnam pa bdun yod de/ nub mo sham thabs kyi gzan gyon pa phud nas snga dro sham thabs dngos gzhi gyon pa'i tshe/ sham thabs ha cang tsengs pa pus mo'i steng du slebs pa ma yin pa/ long bu'i tshigs la reg pa'i ha cang 'jol ba ma yin pa/ lta phyogs gcig tu glang po che'i sna ltar brkyang ba ma yin pa/ lte ba'i gong du lteb pa ma yin pa/ ska rags kyi bar na sham thabs lhug pa 'bru'i thum bu ltar 'dug pa ma @187b yin pa/ mdun gyi lte ba'i gong du rim pa sprul mgo'i gdengs ka ltar phyir log pa ma yin pa/ mtha' mnyam pa'i zlum por bgo ba rnam su dgos pa'i phyir/ stod g.yogs la gyon lugs rnam pa gsum yod de/ ha cang brdzes pa pus mor yar brdzes pa ma yin pa/ ha cang 'jol ba bol gong la reg pa ma yin pa/ mtha' zlum por ma bgos pa ma yin pa rnams dgos pa'i phyir/ gnyis pa khyim du 'gro ba'i sde tshan la sdoms kyis bsdus pa'i tshul dang/ de'i don bshad pa gnyis/ dang po ni/ so thar gyis mdo las/ shin tu bsngams la sogs pa lnga/ /mgo g.yogs la sogs rnam pa lnga/ /mtshongs la sogs pa rnam pa lnga/ /lus la sogs pa rnam pa lnga/ /zhes gsungs/ gnyis pa ni/ spyod yul du 'gro ba'i tshe shin tu bsdams pa sogs lnga'i sgo nas 'gro dgos te/ de yang stod g.yogs stod du dang/ smad g.yogs smad du dang/ tshul dang mthun par bgos nas ngag klag cor gyi sgra bskyung/ mig yangs bag mi blta/ gnya' shing gang tsam du blta ba'i sgo nas 'gro ba rnams dgos pa'i phyir/ gzhan yang mgo g.yogs sogs lnga mi bya ste/ mgo ras sogs kyis mi g.yogs/ /'doms mthong tsam du gos mi brdze/ / chos gos phrag pa'i phyogs gcig tu mi gzar/ lag pa mdun du btang ste gnya' gong du mi bsnol/ lag pa ltag par mi bsnol ba rnams bya dgos pa'i phyir/ mchongs sogs lnga byar mi rung ste/ @188a @#/ /mchongs shing mi 'gro/ gom pa ha cang brkyangs te mi 'gro/ tsog pur bsdad nas mi 'gro/ rting pa bteg nas rkang pa'i brang pas mi 'gro/ sked pa'i phyogs su lag pa brten nas grub mo brgyangs te dkur brten nas mi 'gro ba rnams bya dgos pa yin pa'i phyir/ lus la sogs pa lnga ni/ lus bsgyur ba dang/ lag pa kyog pa dang/ mgo bsgyur ba dang/ gzhan dang phrag pa sprad pa dang/ gzhan dang lag pa sprel ba rnams mi bya ste/ de ltar byas na nyes byas bskyed pa yin pa'i phyir/ gsum pa khyim du 'dug pa'i sde tshan la/ sdoms kyis bsdus pa'i tshul dang/ de'i don bshad pa gnyis las/ dang po ni/ so thar gyi mdo las/ 'dug par bya ba dgu dag dang/ zhes gsungs pa'i phyir/ gnyis pa ni/ khyim bdag sogs kyis der bzhugs shig ces ma bsgo par stan la 'dug pa dang/ ma brtags par stan la 'dug pa dang/ dal bus sdod pa ma yin par lus bskyur ba lta bu'i lcid kyis 'dug pa dang/ rkang pa gcig gi steng du gcig bzhag ste bsnol nas 'dug pa dang/ brla'i steng du brla gnyis bsnol nas 'dug pa dang/ long bu'i steng du long bu bzhag nas 'dug pa dang/ khri'i steng nas 'og tu rkang pa bkug nas 'dug pa dang/ brla gnyis gshibs nas rkang lag brkyangs te 'dug pa dang/ 'doms snang bar byas nas 'dug pa dang dgu po mi bya ste/ de rnams byas na nyes byas 'byung ba yin pa'i phyir/ bslab bya ni/ dgos med du 'gram pa @188b lag pa la brten nas 'dug pa dang/ stan phrag pa dang rgyab tu khur na nyes byas 'byung ngo/ /bzhi pa zas blangs pa'i sde tshan bshad pa la/ sdoms kyis bsdus pa'i tshul dang/ de'i don bshad pa gnyis dang po ni/ so thar gyi mdo las/ byin len bya ba brgyad rnams so/ /zhes gsungs/ gnyis pa byin len bya ba brgyad ni/ zas 'og nas 'byung ba ltar legs par ma blangs pa dang/ mu dang kha da chad du blangs pa dang/ tshod ma byan dang 'bras chan rnams mnyam po blangs pa dang/ gral mthar 'chags su ma blangs pa dang/ lhung bzed sogs la yid ma gtang par blangs pa dang/ zas ma sleb par lhung bzed sogs kha gdengs pa dang/ lhag po thob 'dod pas zas gcig gis gcig bkab pa dang/ zas kyi steng du lhung bzed bzhag pa rnams mi bya ste/ de brgyad po byas na nyes byas 'byung ba'i phyir/ phyogs mthun ni rgya ri sogs gral mthar 'chags su 'dren pa'i tshe gral gong 'og gi rgya ri la bltas na nyes byas 'byung ngo/ lnga pa zas za ba'i sde tshan bshad pa la/ sdoms kyis bsdus pa'i tshul dang/ de'i don bshad pa gnyis/ dang po ni/ so thar gyi mdo las/ zas la legs par bya ba drug /tsug tsug la sogs rnam pa lnga/ 'bru nas tha dad byed pa lnga/ lag pa bldag la sogs pa lnga/ zhes gsungs/ gnyis pa ni/ de rnams rim bzhin bshad na/ zas la legs @189a @#/ /par bya ba drug ni/ zas legs par mzos pa dang/ kham ha cang che ba dang/ ha cang chung ba dang/ kham ran par ma zos pa dang/ zas ma sleb par kha gdangs pa dang/ kha kham gyis bkang nas gtam smra ba rnams mi bya ste/ de drug pa byas na nyes byas 'byung ba'i phyir/ phyogs mthun ni/ zas za bzhin du zas blangs na nyes byas 'byung ngo/ /tsug tsug la sogs pa lnga ni/ zas skyur mor ston pa'i tsug tsug dang/ mngar mor ston pa'i cag cag dang/ grang mor ston pa'i hu hu dang/ tsha mor ston pa'i phu phu dang/ phor pa sogs snod la lces bldag pa lta bu'i lce phyir phyung ste zas za ba rnams mi bya ste/ de ltar byas na nyes byas 'byung ba'i phyir/ 'bru nas tha dad du byed pa lnga ni/ sran ma sogs 'bru re re nas khar za ba'i 'bru ni tha dad du byed pa dang/ zas la 'phya smod byed pa dang/ mkhur ba gcig nas gcig tu spos te za ba dang/ zas za ba'i tshe rkan gtogs pa dang/ zas kyi 'phro sos bcad cing za ba rnams mi bya ste/ de ltar byas na nyes byas 'byung ba'i phyir ro/ /lag pa bldag pa la sogs pa lnga ni/ sbrang bur zho la sogs pas gos pa'i lag pa sogs lces bldag pa dang/ lhung bzed sogs sor mos 'byog pa dang/ zas 'chags pa'i lag pa sprugs pa dang/ zas blug pa'i lhung bzed skyom pa dang/ mchod rten gyi gzugs 'dra ba'i zan bcad de za ba rnams mi bya ste/ de ltar byas na nyes byas 'byung ba'i phyir/ phyogs mthun ni zan la sogs pa lag srang gis 'degs na nyes byas so/ / @189b drug pa ? lhung bzed la spyod pa'i sde tshan bshad pa la/ sdoms kyis bsdus pa'i tshul dang/ de'i don bshad pa gnyis/ dang po ni/ so thar gyi mdo las/ 'phya ba la sogs rnam pa bzhi/ /lhung bzed la yang rnam pa bcu/ /zhes gsungs/ gnyis pa la/ 'phya ba sogs rnam pa bzhi ni/ dge slong gzhan gyi lhung bzed la 'phya ba'i phyir du bltas pa dang/ lag pa zas kyis sbags pas zas gtsang ma dang chu snod gtsang ma 'dzin pa dang/ drung na 'dug pa'i dge slong la zas dang spags pa'i chu 'thor ba dang/ khyim pa la ma dris par lhung bzed bkru ba'i chu khyim du pho ba rnams mi bya ste/ de ltar byas na nyes byas 'byung ba'i phyir/ lhung bzed la yang rnam pa bcu zhes pa ni/ lhung bzed kyi nang du zas kyi lhag ma blug ste phyir bor ba dang/ sdong bu sogs lhung bzed gzhag pa'i gzhi rung ba med par lhung bzed bzhag pa dang/ ngam grog gi gad khar bzhag pa dang/ g.yang sar bzhag pa dang/ bang rims lta bu'i dkan gzar du bzhag pa dang/ gad kha dang g.yang sa dang/ dkan gzar po gsum du lhung bzed bkrub dang/ bgreng ste lhung bzed bkru ba dang/ 'bab chu drag po'i rgyun la ldog phyogs su lhung bzed kyis chu 'chu ba rnams mi bya ste/ de ltar byas na nyes byas 'byung ba'i phyir/ phyogs mthun ? ni lam gyi gzhi mdor lhung bzed byi dor byed pa dang/ lhung bzed rdo'i steng du bzhag na nyes byas 'byung ba'i phyir/ bdun pa chos bshad pa'i sde tshan bshad pa la/ sdoms kyis bsdus @190a @#/ /pa'i tshul dang/ de'i don bshad pa gnyis/ dang po ni/ so thar gyi mdo las/ 'greng bar byed la sogs pa lnga/ /mgo g.yogs la sogs rnam pa lnga/ /do ker can la sogs pa lnga/ /glang chen la sogs bzhon pa lnga/ /lag na 'khar ba la sogs drug /ces gsungs/ gnyis pa ni/ de rnams rim bzhin bshad na/ 'greng par byed la sogs pa lnga ni/ min bar 'greng ba la chos bshad pa dang/ nyal ba la 'dug pas chos bshad pa dang/ de bzhin du stan dang sa phyogs bzang po dang/ mthos na 'dug pa la de gnyis ngan pa dang/ dma' ba nas bshad pa dang/ sngon nas 'bro ba la phyi nas 'gro bas bshad pa dang/ lam la 'gro ba la lam gyi 'gram nas 'gro bas bshad pa rnams byar mi rung ste/ de ltar byas na nyes byas 'byung ba'i phyir/ mgo g.yogs la sogs rnam pa lnga ni/ ras la sogs pas mgo g.yogs pa dang/ gos brdzes pa dang/ gos phrag pa sogs la gzar ba dang/ lag pa gnya' gong bsnol ba dang/ lag pa ltag pa sogs sung snol ba rnams la chos bshad par mi bya ste/ da ltar byas na nyes byas 'byung ba'i phyir/ do kar can la sogs pa lnga ni/ skra gtsug tor ltar ba cings pa'i do kar ? can dang/ zhwa gyon pa dang/ rin po che'i cod pan dang dbu rgyan gyon pa dang/ me tog gi phreng ba gyon pa dang/ thod dkris pa rnams la chos mi bshadde/ de ltar byas na nyes byas 'byung ba'i phyir/ glang chen la sogs @190b gzhon pa lnga ni/ glang chen la zhon pa dang/ rta la zhon pa dang/ mis btegs pa'i phyogs dang shing rta zhon pa'i steng na 'dug pa dang/ mchil lham gyon pa rnams la chos mi bshad de/ de ltar byas na nyes byas 'byung ba'i phyir/ 'khar pa thogs pa drug ni/ lag na 'khar ba thogs pa dang/ gdugs thogs pa dang/ mdung sogs mtshon cha thogs pa dang/ gri thogs pa dang/ mda' gzhu ste dgra cha thogs pa dang/ go cha gyon pa rnams la chos bshad par mi bya ste/ de ltar byas na nyes byas 'byung ba'i phyir/ bcas ldan dge slong gis de ltar du chos bshad na nyan po la yang nyes pa 'byung ngo/ /de dag na ba la chos bshad na nyes pa med do/ /brgyad pa sgrub pa'i sde tshan bshad pa la/ sdoms kyis bsdus pa'i tshul dang/ de'i don bshad pa gnyis/ dang po ni/ so thar gyi mdo las/ na ba rnam pa bzhi rnams so/ /zhes gsungs/ gnyis pa de'i don bshad pa ni/ min par 'greng ste bshad gci byed pa dang/ chu la rang gi bshang gci dang lud pa 'dor ba dang/ gzhan gyis byas zin 'dor ba dang/ rtsa sngon po la bshang gci dang lud pa 'dor ba'am gzhan gyis byas zin 'dor ba dang/ srog la gnod pa'i dgag bya sogs med par shing la 'dom gang yan chad 'dzegs pa sogs bzhi byar mi rung ste/ de ltar byas na nyes byas bskyed pa'i phyir/ de yan chad kyis sdom pa ma thob pa thob par byed pa'i thabs nas bzung ste/ lhung bzed lnga'i rnam gzhag rgyas par bshad zin to// ! // @191a @#/ /gnyis pa zhu ba spyir bstan gyi don 'chad pa la/ spyi don dang/ gzhung don gnyis/ dang po la go rim la dogs pa spang ba'i phyir spyir bstan rjes su bstan pa 'thad par bstan pa/ rang bzo'i skyon spang ba'i phyir lung las bshad par bstan pa/ dgos pa med par dogs pa spang ba'i phyir dgos don bshad pa/ de nyid bde blag tu rtogs pa'i phyir bsdus don bshad pa dang bzhi/ dang po ni/ rnam 'byed gnyis kyi rjes su spyir bstan 'chad pa'i rgyu mtshan yod de/ rnam 'byed rnam pa gnyis rtsa ba dang/ spyir bstan 'di 'grel pa lta bur rtogs pa'i ched yin pa'i phyir te/ rgya cher 'grel las/ de'i rnam par 'byed pa'i shan yin pa'i phyir rnam par 'byed pa bstan pa'i 'og tu spyir bstan pa nyid kyis rnam par bkod de/ zhes gsungs pa'i phyir/ gnyis pa ni spyir bstan gyi gzhung tshan drug cu rtsa lnga po 'di'i don lung las ma gsungs par rang bzo'i skyon yod ce na/ de med de/ rdzas bkag pa bas bzang po las kyang de dang ldan pa nyid yin no/ /'dra ba la yang ngo/ /zhes dang/ mi la dud 'gro yang ngo/ /zhes pa gsum gyi don rnam 'byed gnyis kyis bstan cing/ rdzu 'phrul gyi chos can nyid ma yin pa ni reg pa ma yin pa'i yan lag yin no/ /zhes pa'i don lung 'dul byed las bshad/ gzhung tshan lhag ma drug cu rtsa gcig po de'i don zhu ba las bshad cing/ zhu ba de la yang gzhi'i zhu ba dang rnam 'byed kyi zhu ba gnyis las/ dang po ni gzhi bcu bdun po rang rang gi skabs su bstan zin to/ / @191b gnyis pa la so so'i zhu ba dang /thun mong ba'i zhu ba gnyis/ dang po ni/ gong du rnam 'byed rnam pa gnyis kyi thad du bstan zin gnyis pa 'chad pa la slob dpon gyis zhu ba spyir bstan gyi gzhung tshan drug cu rtsa lnga po 'di gsungs pa yin no/ gsum pa spyir bstan gyi gzhung 'di rnams logs su gsungs pa la dgos pa yod de/ 'ga' zhig la tshig tshogs bskyung ba'i dgos pa/ 'ga' zhig la rung mthun rtogs pa'i dgos pa/ 'ga' zhig la de gnyis ka'i dgos pa yod pa'i phyir/ dang po yod de/ lung las ltung pa'i yan lag rnams ltung ba mang po dang sbyar nas sgras zin la bstan pa de 'dir tshig gcig gis bsdus nas bstan pa'i phyir te/ dper na/ lung las pham lhag gi ltung ba de dang de'i rgya la spyad pas ltung ba de dang de'i dngos gzhi yongs rdzogs bskyed pa tshig re res ston par byed cing 'dir bcas ldan dge slong gis ltung ba sde lnga'i rgyu la spyad na ltung ba de dang de'i dngos gzhi bskyed pa/ bslab pa byin pa ni 'dra ba nyid do/ zhes pas dngos su bstan to/ /rung mthun rtogs pa'i dgos pa yod de/ lung las ltung ba dngos gzhi'i yan lag tu gtogs pa'i yan lag de ltung ba gcig gi yan lag tu dgos par dngos su bstan cing ltung ba mtha' dag gi dngos gzhi'i yan lag tu dgos par dngos su ma bstan/ 'dir ltung ba mtha' dag gi dngos gzhi'i yan lag tu dgos pa dngos su bstan pa'i phyir te/ dper na/ lung las/ 'khrig tshig smra ba'i ltung ba dang/ bsnyen bkur bsngags pa'i ltung ba'i yan lag tu rdzu 'phrul gyi chos can ma yin pa'i bud med dgos par dngos su bstan cing/ de bud med la brten pa'i ltung ba mtha' dag gi yan @192a @#/ /lag tu dgos par dngos su ma bstan/ 'dir de mi tshangs spyod dang reg la ma gtogs pa'i bud med kyis bskyed pa'i ltung ba mtha' dag gi yan lag tu dgos par/ rdzu 'phrul gyi chos can zhes sogs sngar gyi des dngos su bstan pa'i phyir/ gzhan yang de la dgos pa de gnyis ka yod de/ lung las bslab pa ma phral ba dang/ pham pa 'chab bcas kyis mnyams pa ma byin len gyi pham pa'i yan lag tu dgos par dngos su bstan cing/ ltung ba gzhan rnams kyi yan lag tu dgos par dngos su ma bstan/ 'dir de ltung ba sde lnga'i yan lag tu dgos par/ nyams pa dang ma 'chags pa gnyis ltung ba la sbyor na nyes byas so/ /zhes pas dngos su bstan/ tshig snga mar sbyor ba byas pa la yang ngo/ /zhes pas dgos pa de gnyis ka dngos su bstan pa'i phyir/ bzhi pa bsdus don bshad pa la/ spyir bstan gyi gzhung 'di rnams kyi don bsdu na/ sgra bshad pa/ yan lag gi ngo bo/ /sel ba'i ngo bo/ ltung ba tha dad du bskyed tshul dang bzhi/ dang po la/ ltung ba'i yan lag 'ga' zhig /ltung ba sde lnga ka'i yan lag tu spyir bstan pa nas spyir bstan dang/ de ltung ba phal che ba'i yan lag tu spyir bstan pas na spyir bstan zhes sgra bshad tshul gnyis las/ dang po ni pham pa 'chab bcas kyi ma nyams pa dang/ bsnyen rdzogs kyi sdom pa thob la ma nyams pa'i bcas ldan dge slong de ltung ba sde lnga ka'i yan lag tu spyir bstan pa yin te/ de ltung ba sde lnga'i dngos gzhi bskyed pa la yan lag tu dgos pa ni nyams pa dang ma 'chags pa zhes sogs kyis bstan pa'i phyir/ gnyis pa ni/ bslab byin dge slong de ltung ba phal che ba'i yan lag tu spyir bstan pa yin te/ des sde lnga'i rgyu la spyod na ltung ba dngos gzhi bskyed pa'i rten @192b du rang bzhin du gnas pa dang phal cher 'dra ba ni/ bslab pa byin pa ni 'dra ba nyid do/ /zhes sogs kyis bstan pa'i phyir/ gnyis pa yan lag gi ngo bo bshad pa la/ ltung ba'i thun mong ba'i yan lag dang/ so so'i thun mong ma yin pa'i yan lag bshad pa dang gnyis/ dang po la/ ltung ba mtha' dag gi yan lag dang/ phal che ba'i yan lag dang gnyis/ dang po la/ de'i yan lag tu gyur pa'i bslab pa'i yan lag dang/ pham pa'i yan lag gnyis las/ bsnyen rdzogs kyi sdom pa gso rung yan chad min pa/ bslab pa 'cha' ba'i las dang po ba ma yin pa'i bcas ldan dge slong yin pa/ ltung ba'i sbyor dngos gnyis bslab tshigs gcig dang bslab rgyud gcig la grub pa ni dang po yin te/ ltung ba sde lnga'i dngos gzhi'i ltung ba bskyed pa la sngar bshad pa de rnams yan lag tu dgos pa'i phyir/ gnyis pa thun mong ba'i yan lag tu gyur ba'i bsam pa'i yan lag la der gyur pa'i 'du shes kyi yan lag dang /kun slong gi yan lag gnyis/ de gnyis rang rang gi thad du 'chad /gnyis pa phal che ba'i yan lag la de'i lus kyi yan lag dang/ mtshan gyi yan lag gnyis/ dang po la/ kha cig/ srog gcod bzhi dang/ pha ma lhag dang po gnyis ma byin len gyi pham pa rnams ma gtogs pa'i ltung ba gzhan rnams kyi dngos gzhi 'byung ba la gzhi'i rten gyi gang zag gzugs gzhan du ma bsgyur ba dgos zer na mi 'thad do/ 'khrig tshig smra ba'i ltung ba ma gtogs lhag ? ma'i ltung ba bcu gnyis po de de'i dngos gzhi bskyed pa la rten gyi gang zag gzugs gzhan gyi rnam par ma bsgyur ba mi dgos par bam lnga las bshad cing/ de rnams ston pa na/ 'gro ba @193a @#/ /gzhan gyi rnam pa bsten pa na dge slong gi 'du shes yod pa la'o/ med na ni na smad pa nyid do/ zhes gsungs pa'i phyir/ rang lugs ni/ 'khrig tshig smra ba'i ltung ba dang bal 'khur ba'i ltung ba ma gtogs pa'i ltung ba gzhan rnams kyi dngos gzhi bskyed pa la rten gyi gang zag gzugs gzhan gyi rnum par ma bsgyur ba mi dgos pa/ 'di nyid las/ 'gro ba gzhan gyi rnam pa bsten pa na dge slong gi 'du shes yod pa la'o/ /zhes pas bstan/ 'khrig tshig smra ba'i ltung ba dang /bal 'khur ba'i ltung ba 'byung ba la rten gyi gang zag gzugs gzhan du ma bsgyur ba dgos te/ dud 'gro sogs kyi rnam par bsgyur ba na dud 'gro'i rnam pa'i rten la bal 'khur ba sogs dgag bya chung ba'i phyir/ gnyis pa mtshan gyi yan lag ni/ mtshan snga ma dang phyi ma'i rten la ltung pa bskyed tshul ni/ mtshan 'gyur gyi gzhung rnams kyi bstan to/ gnyis pa ltung ba so so'i thun mong ma yin pa'i yan lag bshad pa la/ gzhi/ bsam pa/ sbyor ba/ mthar thug gi yan lag dang bzhi/ dang po ni/ ltung ba de'i rgyu yin pa/ de'i rgyur gyur pa'i 'du shes 'jug pa'i gzhi yin pa zhig dgos/ gnyis pa ni ltung ba de'i rgyur gyur pa'i blo'i chos yin pa zhig dgos/ gsum pa ni/ ltung ba so so'i dngos gzhi la sbyor byed yin pa zhig dgos/ bzhi pa ni/ ltung ba de'i dngos rgyu yin pa zhig dgos/ ltung ba la gzhi'i yan lag gi sgo nas dbye na sems can la brten pa'i ltung ba dang de ma yin pa la brten pa'i ltung ba gnyis/ dang po la sems can spyi la brten pa'i ltung ba dang so so la @193b brten pa'i ltung ba gnyis/ pham lhag gi ltung ba dang po gnyis dang po dang/ gnyis pa la dud 'gro la brten pa'i ltung ba dang mi la brten pa'i ltung ba gnyis/ dud 'gro 'debs spyod kyi ltung ba dang de gsod pa'i ltung ba dang po yin/ gnyis pa mi spyi la brten pa'i ltung ba dang so so la brten pa'i de gnyis/ ma byin len dang srog gcod kyi pham pa gnyis dang po yin/ gnyis pa la rab byung la brten pa'i ltung ba dang khyim pa la brten pa'i de gnyis/ yang skyes pa la brten pa'i ltung ba dang bud med la brten pa'i de gnyis/ gnyis pa sems can ma yin pa la brten pa'i ltung ba la 'byung ba la brten pa'i ltung ba dang 'byung 'gyur la brten pa'i ltung ba gnyis su yod/ dang po la sa la brten pa'i de chu la brten pa'i de me la brten pa'i de dang gsum yod/ rlung la brten pa'i bcas pa sangs rgyas kyis ma mdzad do/ /sa brko ba'i ltung ba dang po yin/ chu la rtse ba'i ltung ba gnyis pa yin/ me reg gi ltung ba gsum pa yin/ ltung ba la bsam pa'i sgo nas dbye na 'du shes gtso che ba'i ltung ba dang kun slong gtso che ba'i ltung ba gnyis yod/ de la sbyor ba'i sgo nas dbye na rang kho nas sgrub dgos pa'i ltung ba dang gzhan la bcol bas 'grub pa'i ltung ba gnyis/ dang po la lus kho nas sgrub pa'i ltung ba dang ngag kho nas sgrub pa'i ltung ba de gang rung gis sgrub pa'i ltung ba dang de gnyis kas sgrub pa'i ltung ba dang bzhi yod/ pham lhag gi ltung ba dang po gnyis dang po dang/ rdzun smra ba'i pham pa gnyis pa dang/ spangs pa sdud pa'i @194a @#/ /ltung byed gsum pa dang/ zas bzang po slong zhing za ba'i ltung ba bzhi pa yin/ ma byin len dang srog gcod kyi pham pa gnyis gzhan la bcol bas 'grub pa'i ltung ba yin/ mthar thug gi yan lag ni rnam 'byed rnam pa gnyis kyi don 'chad pa'i skabs su bshad zin to/ /gsum pa bsel ba'i ngo bo ni ltung ba de'i yan lag 'ga' zhig tshang yang mtha' dag ma tshang ba'i cha yin pa zhig dgos/ ltung ba de'i sel ba la brten nas na smad du 'gyur tshul ni gzhi stod du bstan zin/ bzhi pa ltung ba tha dad du bskyed tshul la/ bslab rgyun tha dad pa'i sgo nas ltung ba tha dad du bskyed tshul/ bsam rgyun tha dad pa'i sgo nas ltung ba tha dad du bskyed tshul/ bcas pa/ kun slong /gzhi/ bya ba sogs tha dad pa'i sgo nas ltung ba tha dad du bskyed tshul dang drug yod/ gnyis pa gzhung don bshad pa la/ ltung ba'i rten gyi yan lag/ sbyor ba 'jug pa'i yul gyi yan lag/ tha dad du bskyed tshul zhar byung dang bcas pa/ 'du shes kyi yan lag zhar byung dang bcas pa/ ltung ba'i sel ba'i ngo bo cir 'gyur yan lag gi don bshad pa dang lnga/ dang po la/ bslab pa'i yan lag zhar byung dang bcas pa/ bsam pa'i yan lag zhar byung dang bcas pa/ bslab tshigs kyi yan lag zhar byung bcas pa/ mtshan gyi yan lag zhar byung dang bcas pa dang bzhi/ dang po ni/ nyams pa dang/ zhes sogs gzhung tshan gsum gyis 'chad/ de'i zhar byung ni/ bslab pa byin pa zhes sogs gzhung tshan bzhis 'chad/ gnyis pa ni/ 'gro ba gzhan gyi @194b zhes sogs gnyis kyis 'chad/ gsum pa ni/ tshigs snga mar zhes sogs gnyis kyis 'chad/ de'i zhar byung ni rdzas bkag pa zhes sogs gnyis kyis 'chad/ bzhi pa ni/ mtshan gyur pa ni/ zhes pa nas/ 'di la cho ga rnams gyur to/ /zhes pa'i bar gyi gzhung dgus 'chad/ rtsa ba'i gnyis pa sbyor ba 'jug pa'i yul gyi yan lag ni/ de'i tshe lus byed pa po nyid yin no/ /zhes sogs gzhung tshan bzhis 'chad/ gsum pa ni/ nyes pa de med pa nyid la ni 'ong ba ni tha dad do/ /zhes sogs gzhung tshan brgyad kyis 'chad/ bzhi pa ni thams cad la the tshom za bas zhugs pa ni bsam pa dang bcas pa yin no/ /zhes sogs gzhung tshan drug gis 'chad lnga pa ni 'og ma dag la ni gzhan la na smad pa nyid do/ /zhes sogs gzhung tshan bco lnga dang/ rab tu byung ba'i rdzas dag ni rung ba nyid dang chad dang ldan pa la sogs pa nyid do/ zhes sogs gzhung tshan bcu rnams kyis 'chad do/ /so so'i don bshad na dang po bslab pa'i yan lag zhar byung dang bcas pa bshad pa la/ nyams pa dang ma chags pa gnyis ltung ba la sbyor na nyes byas so/ /zhes sogs kyi skabs su dgag gzhag gnyis las/ dang po ni/ kha cig /so skyer gyu pa'i dge slong rnam dag yin na ltung ba sde lnga'i rgyu la spyad na ltung ba'i dngos gzhi rang rgyud la 'byung ba'i dge slong yin pas khyab zer na/ bcas pa ma mdzad gong gi so skyer gyur pa'i dge slong rnam dag chos can/ der thal/ de'i phyir/ 'dod mi nus te/ bcas ldan dge slong ma yin pa'i phyir/ kha cig /bcas ldan dge slong yin na de yin pas khyab zer na/ pham pa 'chab bcas kyis nyams pa'i dge slong chos can/ der thal/ de'i phyir/ @195a @#/ /rtags chos can gyis grub/ 'dod mi nus te/ des de'i rgyu la spyad pas nyes byas tsam bskyed pa'i phyir te/ nyams pa ltung ba la sbyor na nyes byas so/ /zhes gsungs pa'i phyir/ byas pa la kho na re/ rab byung gi sdom pa 'bog pa'i cho ga byas shing de'i sdom pa ma thob pa'i rab byung gi cha lugs bzung ba'i skyes bu de bcas ldan dge slong yin par thal/ de sde lnga'i rgyu la spyad pas nyes byas tsam bskyed pa'i phyir zer na/ mi mtshungs so/ / 'dod mi nus te/ de'i rgyud la rab byung gi sdom pa med pa'i phyir/ kha cig /pham pas nyams pa'i dge slong yin na gzhung 'di dngos su bstan pa'i dge slong yin pas khyab zer na/ bslab byin dge slong chos can/ der thal/ de'i phyir/ 'dod na/ des sde lnga'i rgyu la spyad na sde lnga'i dngos gzhi mi skyed par thal/ 'dod pa'i phyir/ 'dod mi nus te/ bslab pa byin pa ni 'dra ba nyid do/ /zhes pa dang/ de'i rgya cher 'grel/ las/ dge slong mi tshangs par spyod pa la sogs pa la sbyor ba la/ pham par 'gyur ba la sogs pa'i ltung ba 'byung ba de bzhin du/ bslab pa byin pa la yang de bzhin no/ /zhes gsungs pa'i phyir/ kha cig /gzhung 'dis dngos su bstan pa'i dge slong yin na rten de la bsnyen rdzogs kyi sdom pa gsor mi rung ba'i dge slong yin pas khyab zer na/ dge slong phar mtshan 'gyur ba la mngon du phyogs pa'i thun mong ma yin pa'i pham pa 'chab bcas kyis nyams pa'i dge slong ma chos can/ der thal/ de'i phyir/ der thal/ des ltung ba sde lnga'i rgyu la spyad pas nyes byas tsam bskyed pa'i phyir te/ de pham pa 'chab bcas kyis nyams pa'i dge slong yin pa'i phyir/ 'dod @195b na; des rten de la pham pa 'chab bcas 'dug mi nus par thal/ 'dod pa'i phyir/ 'dod mi nus so/ /byas pa la kho na re/ dam bca' 'thad par thal/ phyir bcos su med pa nyid kyis nyams so/ /zhes gsungs pa'i phyir zer na ma khyab ste/ lung des ni pham pa 'chab bcas kyis nyams pA dge slong de la bslab byin gyi chad las bcad pas pham pa 'chab bcas 'dag par mi nus par bstan pa tsam yin pa'i phyir/ byas pa la kho na re/ dam bca' de 'thad par thal/ rgya cher 'grel las/ de'i phyir nyon mongs pa rnams kyis pham par byas pa ni tshe de la nyon mongs pa spong mi srid pas/ zhes gsungs pa'i phyir zer na ma khyab ste/ lung des ni thun mong ba'i pham pa 'chab bcas byung ba'i dge slong des/ tshe de la nyon mongs spong mi nus par bstan pa tsam yin pa'i phyir/ de ltar ma yin na/ pham pa 'chab bcas byung ba'i dge slong yin na/ tshe de la nyon mongs spong mi nus pas khyab par thal/ gzhung 'dis dngos su bstan pa'i dge slong yin na de yin pas khyab pa'i phyir/ 'dod na/ de yin na tshe de la pham pa 'chab bcas 'dag mi nus pas khyab par thal/ 'dod pa'i phyir/ 'dod mi nus te/ thun mong ma yin pa'i pham pa 'chab bcas te rten gyi gang zag mtshan gyur pa'i stobs kyis 'dag pa'i phyir te/ 'di nyid las/ 'di la cho ga rnams gyur to/ /zhes gsungs pa'i phyir dang/ de'i rgya cher 'grel las/ mtshan gyur pa 'di la gang gi phyir cho ga bcas pa rnams gyur pa de'i phyir de dag rnam par gzhag pa med do/ /zhes gsungs pa'i phyir/ kho na re/ tshe de la nyon mongs @196a @#/ /spong nus pa'i thun mong ma yin pa'i pham pa 'chab bcas byung ba'i dge slong ma'i rgyud kyi dge slong gi sdom pa chos can/ dgos pa sgrub nus kyi dge slong gi sdom pa yin par thal/ tshe de la nyon mongs spong dgos ? pa'i dge slong gi sdom pa yin pa'i phyir zer na ma khyab/ 'dod na/ de 'dra'i dge slong ma de bslab byin gyi chad las bcad pas pham pa 'chab bcas 'dag nus par thal lo/ /kha cig dgos pa sgrub nus kyi dge slong gi sdom pa yin na dge slong gi sdom pa rnam dag yin pas khyab zer na/ bslab byin dge slong gi rgyud kyi dge slong gi sdom pa chos can/ der thal/ de'i phyir/ 'dod na/ bslab byin dge slong de dge slong rnam dag yin par thal lo/ /'dod pa'i phyir/ 'dod mi nus te/ pham pas nyams pa'i dge slong yin pa'i phyir/ kho na re/ pham pa byung ba'i dge slong yin na dge slong rnam dag ma yin dgos par thal; bslab byin dge slong de dge slong rnam dag ma yin pa'i phyir/ 'dod byas pas/ thun mong ma yin pa'i pham pa 'chab bcas byung ba'i dge slong ma dge slong phar mtshan gyur pa'i dge slong pha de chos can/ der thal/ de'i phyir/ rtags grub ste/ dge slong ma'i rten la pham pa 'chab bcas byung ba yin pa'i phyir zer na ma khyab/ 'o na de chos can/ pham pas nyams pa'i dge slong yin par thal/ dge slong ma'i rten la pham pas nyams pa'i dge slong yin pa'i phyir/ khyab pa khas/ rtags grub ste/ de'i rten la pham pa byung ba'i dge slong yin pa'i phyir/ rtsa bar 'dod mi nus te/ pham pa dag pa'i dge @196b slong yin pa'i phyir/ gnyis pa rang lugs la/ sdom pa'i gtong rgyu dang nyams rgyu bshad pa/ skabs 'di'i gzhung don dngos bshad pa/ bslab pa ma srung ba'i nyes dmigs/ bsrung ba'i phan yon bshad pa dang bzhi/ dang po la/ kha che bye brag tu smra ba rnams ni srog gcod kyi rtsa ltung byung zhing/ rtsa ltung gzhan rnams ma byung ba'i sdom ldan gyi skyes bu de bu lon can dang nor ldan gyi mi bzhin du 'dod pa yin te; mdzod las/ kha che rnams ni byung ba la/ /bu lon nor bzhin gnyis su 'dod/ /ces gsungs pa'i phyir/ de'i don dang mthun par sdom gsum las kyang gsungs pa'i phyir/ mdzod 'grel las ni don de bkag pa yin te/ de ltar na dge tshul gyi sdom pa ma tshang ba'i dge tshul dang dge slong gi sdom pa ma tshang ba'i dge slong yod par thal ba'i skyon yod par bstan pa'i phyir te/ mdzod 'grel las/ gal te sdom pa med pa'am ma tshang ba yang dge bsnyen du 'gyur na dge slong dang dge sbyor dag tu yang 'gyur ro/ /zhes gsungs pa'i phyir/ mdo sde pa rnams ni 'chab sems pham pa'i yan lag tu dgos shing rtsa ltung sdom pa'i gtong rgyu yin te/ rtsa ltung gi rgyu la spyad kyang 'chab sems dang mi ldan pa'i dge slong la bslab pa byin du rung ba'i phyir te/ phran tshegs las/ dge slong dag /dge slong dga' ba can gyis spyad par bya ba ma yin pa spyad kyang sems gcig gis ma bcabs pas/ 'di pham @197a @#/ /par ma gyur gyi/ ji srid 'tsho'i bar du bslab pa sbyin par bya'o/ /zhes gsungs pa'i phyir/ de la bslab pa sbyin pa la dgos pa yod de/ pham pa'i sder gtogs kyi sbom po'i ltung ba 'gag par bya ba'i ched du yin pa'i phyir/ kho na re/ pham pa sdom pa'i gtong rgyu yin te/ rnam 'byed las/ dge slong gis de byas na byas ma thag dge slong du mi rung/ dge sbyong du mi rung/ shAkya'i sras su mi rung/ zhes gsungs pa'i phyir na ma khyab ste/ lung snga ma des 'chab sems pham pa 'chab bcas kyi yan lag tu dgos pa dang/ phyi mas rtsa ltung byung ba'i dge slong de dge slong rnam dag ma yin par bstan pa yin pa'i phyir/ rang lugs la/ 'chab sems pham pa'i yan lag tu mi dgos shing/ pham pa sdom pa'i gtong rgyu yang ma yin te/ bslab byin dge slong la pham pa byung ba lung ma mo las gsungs pa'i phyir te/ de nyid las/ pham pa byung ba'i bslab pa byin pa gang zhe na/ gang yang ? mi tshangs par spyod pa byas nas tha na se gol gtogs pa'i yun tsam yang 'chab pa'i sems ma skyes na/ zhes gsungs pa'i phyir/ snga rabs pa kha cig /pham pa sdom pa'i gtong rgyu yin te/ bslab byin gyi skyes bu yin na dge slong gi sdom ldan ma yin dgos pa'i phyir te/ lung zhu ba las/ bsnyen par ma rdzogs pa la lhag mar 'gyur ba mchis @197b sam; bka' stsal pa/ yod de/ bslab pa byin pa la'o/ /zhes gsungs pa'i phyir na ma khyab ste/ lung des ni bslab byin dge slong de dge slong rnam dag ma yin par bstan pa'i phyir/ de lta ma yin na/ mi tshangs spyod kyi pham pa tsam byung ba'i dge slong de la pham pa gzhan gsum po gang rung gi sgo nas skur bar btab pas skur 'debs kyi lhag ma'i ltung ba mi skyed par thal/ pham pas nyams pa'i skyes bu yin na/ dge slong gi sdom ldan ma yin dgos pa'i phyir/ rtags khas/ 'dod mi nus te/ lung zhu ba las/ dge slong rang nyid na re/ bdag gis mi tshangs pa spyod pa byas so zhes zer ba la/ de la dge slong gzhan zhig gis gsum po gzhan dag gis skur ba 'debs par byed na dge 'dun lhag ma'o/ /zhes gsungs pa'i phyir/ de la kho na re/ gsal ba de mi 'thad par thal/ skur 'debs kyi lhag ma'i ltung ba 'byung ba la/ skur ba 'debs yul gyi dge slong de dge slong rnam dag yin pa zhig dgos pa'i phyir te/ skur 'debs kyi lhag ma'i ltung ba bskyed tshul ston pa na/ so thar gyi mdo las/ dge slong dag pa ltung ba med pa la/ zhes gsungs pa'i phyir na ma khyab ste/ lung des ni skur 'debs kyi lhag ma'i ltung ba bskyed pa pa la/ skur ba 'debs yul gyi dge slong de nyid gang gi sgo nas skur ba 'debs pa'i pham pa des ma gos pa zhig dgos par bstan pa yin pa'i phyir/ gzhan yang/ pham pa bzhi ka byung ba'i skyes bu @198a @#/ /med par thal/ pham pa sdom pa'i gtong rgyu gang zhig /de bzhi ka cig char du byung ba'i skyes bu med pa'i phyir te/ bdag med yin pa'i phyir/ 'dod mi nus te/ lung zhu ba las/ gcig la pham pa bzhi char yang 'byung ngo/ /zhes gsungs pa'i phyir/ des na sdom pa'i gtong rgyu sngar bshad zin cing/ pham pa 'chab bcas de dgos pa sgrub nus kyi dge slong gi sdom pa'i nyams rgyu dang/ 'chab med kyi pham pa de dge slong gi sdom pa rnam dag gi nyams rgyu yin/ pham 'dra 'chab bcas de dgos pa sgrub nus kyi dge tshul gyi sdom pa'i nyams rgyu dang/ pham 'dra 'chab med de dge tshul gyi sdom pa rnam dag gi nyams rgyu yin/ rtsa ltung 'chab bcas de dgos pa sgrub nus kyi sdom pa spyi'i nyams rgyu dang/ 'chab med kyi rtsa ltung de/ sdom pa rnam dag spyi'i nyams rgyu yin/ gnyis pa skabs 'di'i gzhung don bshad pa dngos la/ nyams pa ltung ba la sbyor na nyes byas so/ /zhes pa'i don dang/ ma 'chags pa ltung ba la sbyor na nyes byas so/ /zhes pa'i don dang/ de dag gi zhar gyur gi don bshad pa dang gsum/ dang po ni/ pham pa 'chab bcas kyis nyams pa'i bcas ldan dge slong de gzhung dang po de'i bstan don yin te/ des ltung ba'i rgyu la spyad pas nyes byas tsam bskyed pa'i phyir te/ des de la spyad na nyes med du mi 'byung zhing/ ltung ba'i dngos gzhi yongs su rdzogs par yang mi skyed pa'i phyir/ dang po grub ste/ bcas ldan dge slong yin pa'i @198b phyir; gnyis pa grub ste/ de'i rgyud la dgos pa sgrub nus kyi dge slong gi sdom pa med pa'i phyir te/ Tikka las/ dge slong gi dngos po yongs su dag pa las/ zhes gsungs pa'i phyir/ kho na re/ gzhung des de 'dra ba'i dge slong de la ltung ba nyes byas bskyed ces/ rang gi brjod bya sgrub pa'i sgra kho na'i sgo nas ston pa tsam yin nam/ rang gi brjod bya dgag pa'i sgra'i sgo nas ston pa dag las gang zhe na/ phyi ma ltar yin te/ /gzhung des de 'dra ba'i dge slong gis ltung ba'i rgyu la spyad pas dngos gzhi yongs rdzogs mi skyed par bstan pa'i phyir te/ de nyid las/ nyams pa ni dgag pa yin te/ zhes gsungs pa'i phyir/ kha cig /gzhung 'di dgag pa'i sgra yin zer na mi 'thad de/ sngar gyi dge slong des ltung ba'i rgyu la spyad pas nyes byas bskyed pa dgag pa ma yin pa'i phyir/ gnyis pa ni/ bsnyen rdzogs kyi sdom pa blangs la ma thob par rab tu byung ba'i cha lugs bzung ba'i skyes bu de gzhung phyi ma'i bstan don yin te/ des ltung ba'i rgyu la spyad pas nyes byas tsam bskyed cing dngos gzhi yongs rdzogs mi skyed pa'i phyir/ dang po sgrub ste/ de bsnyen rdzogs kyi sdom pa thob par 'du shes pa'i 'du shes can yin pa'i phyir/ 'o na gzhung des de 'dra ba'i skyes bu des ltung ba'i rgyu la spyad pas dngos gzhi mi skyed ces rang gi brjod bya dgag pa'i sgra kho na'i sgo nas ston pa yin nam/ rang gi brjod bya sgrub pa'i sgra'i sgo nas ston pa dag las gang yin zhe na/ phyi ma ltar yin te/ gzhung @199a @#/ /des de 'dra ba'i skyes bus ltung ba'i rgyu la spyad na nyes byas tsam bskyed par bstan pa gang zhig /des ltung ba'i rgyu la spyad na nyes byas bskyed ces pa'i sgra de sgrub tshig yin pa'i phyir te/ Tikka las/ ma skyes pa ni sgrub pa yin te/ zhes gsungs pa'i phyir/ kho na re/ Tikka las/ gzhung dang pos rang gi brjod bya dgag pa'i sgra'i sgo nas ston pa dang/ phyi mas rang gi brjod bya sgrub pa'i sgra'i sgo nas ston par bshad par mi 'thad par thal/ dang pos kyang skyes bu dang po des ltung ba'i rgyu la spyad spyad na nyes byas skye bar bstan/ phyi ma des kyang skyes bu phyi ma des ltung ba'i rgyu la spyad na nyes byas skye bar bstan pa'i phyir na skyon med de/ skyes bu dang po des ltung ba'i rgyu la spyad na dngos gzhi bskyed dam snyam pa'i dgos pa shas che ba'i phyir te/ de'i rgyud la dge slong gi sdom pa yod pa'i phyir/ gsum pa de dag gi zhar byung gi don ni/ rtsa ltung 'chab bcas kyis nyams pa'i dge slob ma dang/ de 'dra'i dge tshul rnams gzhung dang po'i zhar byung gi bstan don yin te/ de rnams kyis blang 'das kyi ltung ba'i rgyu la spyad ? pas dngos gzhi mi skyed cing/ nyes byas tsam bskyed pa'i phyir/ dang po grub ste/ de rnams kyi rgyud la dgos pa sgrub nus kyi rab byung gi sdom pa med pa'i phyir/ 'chab med kyi rtsa ltung byung ba'i rab byung rnams gzhung de'i zhar byung gi don ma yin @199b te; de rnams kyi rgyud la dgos pa sgrub nus kyis rab byung gi sdom pa yod pa'i phyir/ gsum pa ma bsrungs pa'i nyes dmigs bshad pa ni/ tshul khrims srog gi phyir yang gtong mi rigs te/ de las lan gcig nyams na ngan 'gror skye ba dang/ bskal pa 'bum phrag brgya'i bar du lam bzang po sgrub pa'i rten mthon po'i go 'phang mi thob pa'i phyir te/ tshul khrims yang dag par ldan pa'i mdo las/ srog dang bral zhing shi bas ni tshe 'di nyid kyi skye ba zad par 'gyur gyi/ tshul khrims nyams shing zhig pas ni skye ba 'bum phrag brgya'i bar du rigs dang bral zhing bde ba spangs te rnam par ltung ba chen po nyams su myong bar 'gyur ro/ /zhes gsungs pa'i phyir/ bzhan yang tshe 'dir rgyal po'i bka' khrims chen po las lan du mar 'das kyang chad pa mi phog pa srid la/ bslab pa khyad gsad kyi sgo nas bcas pa phra mo gcig tsam las 'das na ngan 'gror skye ba mdo las gsungs pa'i phyir te/ lung rnam 'byed las/ 'di na la las rgyal po'i tshig chen yang/ /lan 'gar 'das kyang chad pa thob mi srid/ /thub pa'i bka' lung tshul min 'da' byed na/ / dud 'gror skye 'gyur e la'i 'dab klu bzhin/ /zhes gsungs pa'i phyir/ e la'i 'dab klu bzhin zhes pa ni/ sangs rgyas 'od srungs kyi bstan pa'i dus su dge slong zhig gis @200a @#/ /bslab pa la khyad gsod kyi sgo nas shing e la'i 'dab ma gcig bcad pa la brten nas mgo la e la'i sdong po skyes pa'i klu chen po zhig tu skyes nas sangs rgyas 'od srungs kyi bstan pa nas da lta'i bar du yod par mdo sde ma dzangs blun las gsungs so/ /bzhi pa bsrungs pa'i phan yon ni/ tshul khrims rnam par dag pa bsrungs pa la dgos pa yod de/ bstan pa 'di la bsnyen gnas kyi sdom pa tsam rnam par dag pa bsrungs pa la brten nas rgyal ba byams pa'i bstan pa la byams pa'i 'khor du gyur nas 'phags lam 'thob par byams pa lung pa'i mdo las gsungs pa'i phyir te/ de nyid las/ yan lag brgyad la mnyam gzhag ste/ bsnyen gnas gso sbyong byas na ni/ /nga yi bstan la lhags so zhes/ /don de rab tu gsung bar 'gyur/ /zhes gsungs pa'i phyir/ gzhan yang tshul khrims rnam par dag pa la brten nas sangs rgyas 'thob par mdo las gsungs te/ brgya byin gyis/ zla ba yar gyi tshes brgyad dang/ /cho 'phrul gyi ni zla ba la/ bsnyen gnas yan lag brgyad bsrungs na/ /de ni nga dang 'dra bar 'gyur/ /zhes zhus pa'i lan du/ ston pas/ ko'u shi ka/ khyod de skad ma zer cig /zla ba yar gyi tshes brgyad dang/ /cho 'phrul gyi ni zla ba la/ /bsnyen gnas yan lag brgyad bsrungs na/ /de ni nga dang 'dra bar 'gyur/ / @200b zhes gsungs pa'i phyir/ de yang so thar gyi sdom pa 'og ma 'og ma bsrungs pa las/ gong ma gong ma bsrungs pa phan yon che ste/ 'og ma 'og ma bsrungs pa'i phan yon gyis/ gong ma gong ma bsrungs pa'i phan yon gyi brgya stong gi char yang nye bar mi 'gro ba mdo las gsungs pa'i phyir/ des na bslab pa phyi ma gnyis kyang tshul khrims kyi bslab pa la rag las pa yin te/ bshes sprin las/ khrims ni rgyu dang mi rgyu'i sa bzhin du/ /yon tan kun gyi gzhi rten lags par gsungs/ /zhes gsungs pa'i phyir/ yang bskal pa mang por sangs rgyas grangs med pa la mchod pa byas pa las/ snyigs dus su tshul khrims sna gcig bsrungs pa bsod nams che bar gsungs te/ ting nge 'dzin gyi rgyal po'i mdo las/ bskal pa bye ba ganggA'i bye snyed du/ /dang ba'i sems kyis zas dang skom rnams dang/ /gdugs dang rgyal mtshan mar me phreng ba yang/ /sangs rgyas bye ba phrag khrig rim gror byas/ /gang gis dam chos rab tu 'jig pa dang/ bde gshegs bstan pa 'gags par gyur pa'i tshe/ /nyin mtshan du ni bslab pa gcig spyod pa/ /bsod nams de ni de bas khyad par 'phags/ /zhes gsungs pa'i phyir// ! /bsnyen par ma rdzogs shing rab tu byung bas blang ba las 'das pa yang ngo/ /zhes sogs kyi skabs su gsum las/ dang po 'brel ni nyams pa dang zhes sogs kyi @201a @#/ /skabs su/ sngar bshad pa'i rab byung de gnyis kyis ltung ba'i rgyu la spyad pas nyes byas 'byung bar bstan pa la/ kho na re/ 'o na/ bsnyen par ma rdzogs pa'i rab byung gsum po des ltung pa'i rgyal spyad na ltung ba ji lta bu zhag 'byung zhe na/ des de la spyad pas blang 'das kyi ltung ba bskyed ces 'chad pa la/ rtsa ba'i gzhung 'di byung/ des de la spyad pas phyogs mthun la bsngam bya'i nyes byas 'byung zhes 'chad pa la/ de'i phyogs dang mthun pa la ni yid kyi'o/ /zhes gsungs/ gnyis pa ngag don ni 'brel gyis go nus/ gsum pa spyi don bshad pa la/ bla 'das kyi ltung ba bshad pa dang/ phyogs mthun bsdam bya'i nyes byas kyi rnam gzhag bshad pa gnyis/ dang po la/ dbye ba/ bsdu ba/ go rim dang gsum/ dang po ni blang 'das kyi ltung ba de la dbye na nyer lnga yod de/ dge tshul dang dge slong ma gnyis ka'i rten la bcas pa bcu/ dge slob ma'i rten la bcas pa bcu gnyis/ de gnyis ka'i rten la bcas pa'i nyams pa rnams pa gsum yod pa'i phyir/ dang po yod de/ de gnyis ka'i rten la bcas pa'i rtsa ltung bzhi dang/ yan lag gi ltung ba drug rnams su yod pa'i phyir; gnyis pa yod de/ de'i rten la bcas pa'i rtsa ba'i chos drug dang/ rjes mthun gyi chos drug spong bar khas blangs pa las 'das pa'i blang 'das kyi ltung ba bcu gnyis yod pa'i @201b phyir; gsum pa yod de/ de gnyis ka'i rten la bcas pa'i khyim pa'i rtags spong bar khas blangs pa dang/ rab tu byung ba'i rtags legs par khas blangs pa dang/ mkhan por gsol ba btab pa rnams las 'das pa'i blang 'das kyi ltung ba rnams su yod pa'i phyir te/ Tikka las/ de dag gis blang ba zhes bya ba ni/ dge tshul gyis srog gcod pa spong ba la sogs pa bslab pa'i gzhi bcu khas blangs pa dang/ dge slob mas chos drug dang/ rjes su mthun pa'i chos drug blangs pa ste/ zhes pa dang/ rab tu byung ba'i rtags yang dag par blangs pa las 'das pa yin pas/ de la ni bshags par bya ba'i nyes byas su 'gyur ro/ /zhes gsungs pa'i phyir/ yang de la rgyas par dbye na blang 'das kyi ltung ba bzhi bcu rtsa brgyad du yod de/ dge tshul pha ma dang/ dge slong ma'i rten la thun mong du bcas pa sum cu rtsa drug/ dge slong ma'i rten kho na la bcas pa bcu gnyis rnams su yod pa'i phyir/ dang po yod de/ de dag gi rten la thun mong du bcas pa'i rtsa ltung bzhi dang/ yan lag gi ltung ba so gnyis rnams su yod pa'i phyir/ de la kho na re/ dge tshul gyi rtsa ba'i ltung ba blangs 'das kyi ltung ba ma yin te/ de bshags par bya ba'i nyes byas ma yin pa'i phyir te/ de pham 'dra yin pa'i phyir na ma khyab ste/ de pham pa dang byed las 'dra bas na pham @202a @#/ /'dra dang/ 'chab sems dang mi ldan pa'i dge tshul gyi rtsa ltung de bslab pa byin pa'i sgo nas bshags par bya bas nas bshags bya'i nyes byas yin pa'i phyir te/ Tikka las/ mi tshangs par spyod pas ni de spong ba'i bslab pa'i gzhi yang dag par blangs pa las 'das pa yin pas/ de la ni bshags par bya ba'i nyes byas su 'gyur ro// zhes gsungs pa'i phyir/ des na bslab byin dge tshul yod pa la lung gi shes byed yod de/ phran tshogs 'grel las/ dge tshul la bslab pa byin pa yod dam zhe na/ yod de/ zhes gsungs pa'i phyir dang/ phran tshegs las/ dge slong dag/ de lta bu gzhan la yang bslab pa byin cig /ces gsungs pa'i phyir/ kha cig/ nyams pa rnam pa gsum gyi ltung ba de blang 'das kyi ltung ba ma yin te/ de bsngam bya'i nyes byas yin pa'i phyir te/ 'od ldan las/ de nyams phyogs mthun yongs su spang bya ste/ /khyim pa lta bur sham thabs mi bgo zhing/ /kha dog gcig min kha tshar can dkar min/ /zhes gsungs pa'i phyir na ma khyab ste/ lung des khyim pa dang 'dra ba'i gos bgo ba'i nyes byas/ kha dog gcig pa can gyi gos bgo ba'i nyes byas/ kha tshar dang phun tshar can gyi gos bgo ba'i nyes byas/ kha dog dkar po can gyi gos 'chang ba'i nyes byas rnams bstan pa yin pa'i phyir/ kha cig/ dge tshul gyis rang gi mkhan po la skur ba @202b ba btab pa'i ltung ba de blang 'das kyi ltung ba ma yin te/ 'od ldan las/ mkhan po dang/ slob dpon dang/ grogs tshangs pa mtshungs par spyod pa la ma gus pas sdom pa thams cad 'jig par byed pa'i phyir/ de la ni bsngam par bya ba'i nyes byas su 'gyur ro/ /zhes gsungs pa'i phyir na ma khyab ste/ lung des ni mkhan po dang/ slob dpon la ma gus pa'i nyes byas de bsdam bya'i nyes byas su bstan pa yin pa'i phyir dang/ des mkhan po la skur ba 'debs pa'i ltung ba de nyams pa rnam pa gsum gyi nang tshan du gyur pa'i ltung ba dang blang 'das kyi ltung ba'i gzhi mthun yin pa'i phyir/ des na blang 'das kyi ltung ba la sngar bshad pa'i de rnams su ma gtogs pa gzhan yang yod de/ de la bsnyen par ma rdzogs pa'i rab byung gi rten la gnas kyi bla ma med par zhag 'das pa'i ltung ba/ gnas bla ma med par ljongs rgyur sod ba'i ltung ba/ gzhi ma dag par rang nyid kho na'i phyir du khang pa tshad las lhag pa brtsigs pa dang gzhi ma dag par khang chen brtsigs pa'i ltung ba rnams blang 'das kyi ltung ba yin pa'i phyir te/ rgya cher 'grel las/ mi gnas par 'dug pa dang/ 'gro ba la yang/ bdag nyid tshul khrims rnam par dag pa mi byed pa de la ni bshags par bya ba'i nyes byas su 'gyur ro/ /zhes pa dang/ de nyid las/ khyim byas pas rab tu byung ba'i bslab pa las yang dag par @203a @#/ /'das pa de la ni bshags par bya ba'i nyes byas su 'gyur ro/ /zhes gsungs pa'i phyir/ kho na re/ de'i rten la rang kho na'i phyir du gzhi ma dag par khang pa tshad las lhag pa dang khang chen brtsigs pa'i ltung ba de blang 'das kyi ltung ba ma yin par thal/ de longs spyod 'phyar g.yeng 'dod pa dang/ zhes pa'i tshig zur gyi 'dod pa dang zhes pas dngos su bstan pa'i nyes byas yin pa'i phyir te/ 'od ldan las/ 'dod pa'i gzhi las byung ba khang pa dang lha khang du gtogs pa ste/ zhes gsungs pa'i phyir na ma khyab ste/ lung des ni de'i rten la rang kho na'i phyir ma yin par khang pa tshad las lhag pa dang khang chen brtsigs pa'i ltung ba de de'i don du bstan pa'i phyir/ gnyis pa bsdu ba ni/ blang 'das kyi ltung ba de rnams bsdu na/ mkhan po'i drung du khas blangs pa las 'das pa'i ltung ba dang/ slob dpon gyi drung du khas blangs pa las 'das pa'i ltung ba de gnyis su 'du zhing/ nyams pa rnam pa gsum dang po dang/ gzhan rnams gnyis pa yin/ yang de rnams bsdu na/ dngos po gtso che ba'i blang 'das kyi ltung ba dang/ 'du shes gtso che ba'i blang 'das kyi ltung ba gnyis su 'du zhing/ mi tshangs spyod kyi pham 'dra dang po dang/ gzhan rnams gnyis par 'du ba yin no/ /yang de rnams bsdu na/ bslab pa gso ba'i lhag ma dang bcas pa'i blang 'das kyi ltung ba dang/ de 'dra @203b ba'i lhag ma med pa'i blang 'das kyi ltung ba gnyis su 'du ba las/ blang 'das kyi ltung ba gzhan rnams dang po dang/ pham 'dra 'chab bcas gnyis pa yin no/ /yang de rnams rang bzhin gyi ltung ba dang/ bcas rkyang gi ltung ba gnyis su yang 'du/ yang de rnams mi mthun phyogs kyi sgo nas bsdu na/ tshul khrims kyi mi mthun phyogs su gyur pa'i blang 'das kyi ltung ba dang/ g.yod kyi mi mthun phyogs su gyur pa'i blang 'das kyi ltung ba dang/ brtul zhugs kyi mi mthun phyogs su gyur pa'i blang 'das kyi ltung ba dang gsum du 'du zhing/ de yang pham 'dra bzhi po de dang po dang/ myos 'gyur 'thung ba'i ltung ba de gnyis pa dang/ glug gar la brten pa'i ltung ba sogs lnga pa de gsum pa yin no/ /gsum pa ni go rim de ltar bstan pa'i rgyu mtshan yod de/ pham 'dra bzhi po dang por bstan de rjes yan lag gi ltung ba drug bstan pa'i rim pa ni/ lci yang gi rim pa'i dbang gis bstan pa yin pa'i phyir/ srog gcod kyi pham 'dra sogs pham 'dra bzhi po go rim de ltar bstan pa yang lci yang gi sgo nas bstan pa yin te/ snga ma snga ma lci zhing/ phyi ma phyi ma yang ba yin pa'i phyir/ yan lag gi ltung ba drug po go rim de ltar bstan po ni/ rgyal po gdan 'dren pa'i rim pa dang mthun pa yin te/ dang por myos 'gyur 'thung nas gros gleng bar byed/ de rjes glu gar sogs kyi sgo @204a @#/ /nas rgyal po spyan 'dren par byed/ de rjes me tog gi phreng ba la sogs pa 'dul bar byed/ de rjes gdan la bzhugs su gsol bar byed/ de rjes zas 'grems par byed/ de rjes gser dngul la sogs pa 'bul bar byed pa ltar/ /dang por myos 'gyur 'thung ba'i ltung ba/ de rjes gar sogs phreng sogs la brten pa'i ltung ba; de rjes mal stan che mtho la brten pa'i ltung ba/ de rjes phyi dro'i kha zas za ba'i ltung ba/ de rjes gser dngul len pa'i ltung ba rnams bstan pa yin pa'i phyir/ ci'i phyir blang 'das kyi ltung ba zhes bya zhe na/ yod de/ mkhan slob gang rung du gyur pa'i yul khyad par can gyi drung du khas blangs pa las 'das pa'i ltung ba yin pa'i rgyu mtshan gyis de ltar bshad pa'i phyir/ mtshan nyid ni/ mkhan slob gang rung du gyur pa'i yul khyad par can gyi drung du dngos su khas blangs pa las 'das pa'i kha na ma tho ba'i rigs gang zhig /bsnyen par ma rdzogs pa'i rab byung gi rten la bcas pa'i ltung ba de/ blangs 'das kyi ltung ba'i mtshan nyid yin/ dge slong gi thun mong ma yin pa'i ltung ba rnams nyes byas su ma bzhag /bsnyen par ma rdzogs pa'i rab byung gi ltung ba rnam nyes byas su bzhag pa la dgos pa yod de/ bsnyen par rdzogs pa rnams bstan pa la zhugs pa rdzogs pa'i skyes bu dang/ bsnyen par ma rdzogs pa'i skyes bu rnams bstan pa la zhugs pa ma @204b rdzogs pa'i skyes bur shes pa'i sgo nas de gnyis kyi khyad par shes par bya ba'i ched yin pa'i phyir/ gnyis pa phyogs mthun bsngam bya'i nyes byas kyi rnam bzhag bshad pa la/ zhar la ltung med du 'gyur tshul bshad pa dang/ bsngam bya'i nyes byas dngos bshad pa gnyis/ dang po ni/ dge slong gi rten la ltung ba bskyed cing/ dge tshul gyi rten la ltung med du 'gyur ba phye dang bco brgyad yod de/ sdoms tshig las/ 'chang ba dang ni 'bral ba dang/ /de bzhin sa ni brko ba dang/ /rin chen reg dang me la reg /ljon shing 'dzegs dang shing gcod dang/ /spangs nas za bar byed pa dang/ /byin len ma byas za ba dang/ /de bzhin gsog 'jog za ba dang/ /rtswa sngon mi gtsang 'dor ba dang/ /sa bon 'joms dang bslab pa'i gzhi/ /zla 'jog dgon pa'i 'bral spang dang/ /gsog 'jog byed dang dge tshul nyal; ;mi smra 'gro dang bco brgyad do/ /zhes gsungs pa'i phyir/ de yang dge tshul nyal zhes pas/ dge tshul la nub lhag nyal gyi ltung ba phyed du bshad pa yin te/ dge tshul nang phan tshun zhag gsum lhan cig nyal ba la ltung ba mi skyed cing/ dge tshul khyim pa dang lhan cig tu zhag gsum nyal ba la nub lhag nyal gyi ltung ba 'byung ba'i rgyu mtshan gyis yin pa'i phyir/ gnyis pa ni de la bcu gsungs pa yin te/ chos gos dang/ ltung bzed tshad las che ba dang/ tshad las chung ba 'chang ba la brten pa sogs rtags kyi gzhil brten pa'i nyes byas/ nye du ma yin pa'i khyim pa la gos slong ba @205a @#/ /sogs slong ba'i gzhi la brten pa'i nyes byas/ ba so'i khab ral 'chang ba sogs snod spyad kyi gzhi la brten pa'i nyes byas/ sgog skya la long spyod pa sogs long spyod gzhi la brten pa'i nyes byas/ chul rtse ba sogs 'phyar g.yeng gi gzhi la brten pa'i nyes byas/ smyan byed pa sogs 'dod pa'i gzhi la brten pa'i nyes byas/ gzhan la zhe sdang ba sogs gnod pa'i gzhi la brten pa'i nyes byas/ mu stegs can dang gnas khang gcig tu lhan cig tu gnas pa sogs gnas kyi gzhi la brten pa'i nyes byas/ mkhan slob la ma gus pa sogs ma gus pa'i gzhi la brten pa'i nyes byas/ gso sbyong dang dbyar khas len mi byed pa sogs bslab pa yongs su sbyong ba'i gzhi la brten pa'i nyes byas rnams su yod pa'i phyir te/ Tika chen rin che na phreng bar/ rtags dang slong dang snod dang ni/ /longs spyod 'phyar g.yeng 'dod pa dang/ /gnod pa dang ni gnas pa dang/ / ma gus mi sbyong gzhi las byung/ /zhes gsungs pa'i phyir/ bslab pa byin pa ni 'dra ba nyid do/ /zhes sogs kyi skabs su gsum las/ dang po 'brel ni/ bsnyen par ma rdzogs shing rab tu byung bas/ /zhes sogs kyi skabs su/ bsnyen par ma rdzogs pa'i rab byung gis ltung ba'i rgyu la spyad pas nyes byas las mi skyed do/ /zhes bstan pa @205b la; 'o na bslab byin dge slong gis kyang ltung ba'i rgyu la spyad pas nyes byas las mi skyed dam zhe na/ ma yin te/ des de la spyad pas ltung ba'i dngos gzhi dge slong rnam dag dang 'dra bar bskyed pa'i phyir/ zhes 'chad pa la/ rtsa ba'i gzhung 'di byung/ 'o na bslab byin dge slong de ltung ba thams cad bskyed pa'i rten du dge slong rnam dag dang 'dra'am zer na/ ma yin te/ des dge slong rnam dag la byin len byas pas kyang byin len 'chags/ byin len byas zin pa'i rjes su des reg pas kyang byin len 'jig pas bsnyen par ma rdzogs pa'i rab byung dang yang 'dra ba yin pa'i phyir/ zhes bshad pa la/ bsnyen par ma rdzogs pa dang ldan pa nyid kyang ngo/ /zhes gsungs pa'i phyir/ 'o na de ltung ba de dag gi rten du bsnyen par ma rdzogs pa'i rab byung dang 'dra 'am zhe na/ ma yin te/ bslab byin nang phan tshun byin len byas pas kyang byin len mi 'chags/ de nang phan tshun byin len byas pa'i rjes su rig pas kyang byin len mi 'jig pa'i phyir/ zhes bshad pa la/ de la ni ma yin no/ /zhes gsungs/ 'o na des dge slob ma la byin len byas pas byin len 'chags sam snyam na/ mi 'chags te/ dge slob mas de la byin len byas pas byin len 'chags pa'i phyir/ zhes 'chad pa la/ dge slob ma yang ngo/ /zhes gsungs/ gnyis pa ngag don ni sla'o/ /gsum pa spyi don la/ skabs 'di' @206a @#/ /dngos bstan gyi don bshad pa/ zhar byung gi don bshad pa/ bslab pa sbyin pa'i tshul dang gsum/ dang po ni/ bslab byin dge slong de ltung ba sde lnga'i rten du dge slong rnam dag dang 'dra ba yin te/ dge slong rnam dag gis ltung ba sde lnga'i rgyu la spyad pas dangs gzhi 'byung ba ltar du nges kyang de ltar spyad pas dngos gzhi 'byung ba'i phyir te/ Tikka las/ bslab pa byin pa ni thams cad du ltung ba la sbyor na dge slong dang 'dra ba rigs par bya'o/ /ji ltar dge slong mi tshangs par spyod pa la sogs pa la sbyor ba la pham par 'gyur ba la sogs pa'i ltung ba 'byung ba de bzhin du/ bslab pa byin pa la yang de bzhin no/ /zhes gsungs pa'i phyir/ de ltung ba mtha' dag gi rten du dge slong rnam dag dang 'dra ba ma yin te/ de'i lag nya gsog 'jog gis dge slong rnam dag gi lag nya gsog 'jog tu yang mi 'gyur/ dge slong rnam dag gis dge slong rnam dag la phra ma byas pas ltung byed du 'gyur yang/ des bslab byin dge slong la de ltar byas pas ltung byed du mi 'gyur ba'i phyir te/ Tikka las/ bslab pa byin pa ni dge slong gi yul la des byin len bstab pas kyang byin len du rung la/ des reg pas kyang 'jig pa dang/ de la phra ma byas na yang dge slong la phra ma byas pa'i ltung byed du mi 'gyur ba dang/ zhes gsungs pa'i phyir/ des na bslab byin dge slong gcig gi lag nya gsog @206b 'jog gis cig shos kyi gsog 'jog du 'gyur zhing/ nang phan tshun phra ma byas pas kyang ltung byed du 'gyur ba yin te/ de rnams pham pas nyams shing dge slong gi sdom pa gso rung gi skyes bur mtshungs pa'i phyir te/ Tikka las/ bslab pa byin pa de la bslab pa byin pa gzhan ni bsnyen par ma rdzogs pa dang ldan pa ma yin te/ rang bzhin 'dra ba yin pa'i phyir ro/ /zhes pa dang/ zhu ba las; btsun pa bslab pa byin pa la rgyu dus gsog 'jog bgyis par 'gyur/ bzhi ste/ bdag nyid kyi gsog 'jog byas pa dang/ bslab pa byin pas gsog 'jog byas pa dang/ dge slong gis gsog 'jog byas pa dang/ dge slong gi dge 'dun gyi gsog 'jog byas pa'o/ /zhes gsungs pa'i phyir/ de yang dge slong gis gsog 'jog byas pa dang/ zhes pas/ dge slong rnam dag gi gsog 'jog bslab byin dge slong gi gsog 'jog tu 'gyur bar bstan to/ /des na dge slong nang phan tshun gcig gi gsog 'jog sogs cig shos kyi gsog 'jog sogs su 'gyur ba la mtshan mthun pa mi dgos te/ dge slong rnam dag pha ma gnyis po gcig gi gsog 'jog sogs cig shos kyi gsog 'jog sogs su 'gyur zhing/ bslab byin dge slong pha ma gnyis kyang phan tshun gsog 'jog sogs su 'gyur ba'i phyir te/ dang po gnyis po de yang dge slong rnam dag tu mtshungs/ phyi ma gnyis po de yang dge slong gi sdom pa gso rung gi dge slong gi sdom ldan du mtshungs pa'i phyir/ @207a @#/ /des na dge slob mas bslab byin dge slong ma la byin len byas kyang byin len 'chags shing/ byin len byas zin pa'i rjes la des reg pas kyang byin len 'jig /dge slob ma'i gsog 'jog kyang bslab byin dge slong ma'i gsog 'jog tu mi 'gyur/ bslab byin dge slong ma'i gsog 'jog dge slob ma'i gsog 'jog tu 'gyur ba'i phyir te/ zhu ba las/ btsun pa dge slob ma la rgyu dus gsog 'jog bgyis par 'gyur/ lnga ste/ bdag nyid kyis gsog 'jog byas pa dang/ dge slob mas gsog 'jog byas pa dang/ bslab pa byin pa mos gsog 'jog byas pa dang/ dge slong mas gsog 'jog byas pa dang/ dge slong ma'i dge 'dun gyis gsog 'jog byas pa'o/ /zhes gsungs pa'i phyir/ des na sngar bshad pa de dag tu ma zad/ bslab pa la lhod pa'i dge slong gis bslab pa la gces spras shin tu che ba'i dge slong la byin len byas pa'i byin len 'chaD/ byin len byas zin pa'i rjes la des rig pas kyang byin len 'jig pa dang/ de'i lag nya gsog 'jog gis cig shos kyi lag nya gsog 'jog tu mi 'gyur/ phyi ma'i gsog 'jog gis dang po'i gsog 'jog tu 'gyur ba sogs/ dge slong rnam dag dang/ bslab byin dge slong gi khyad par bshad pa la brten nas shes nus shing/ de rnams la brten nas pham pa 'chab bcas kyis nyams pa'i dge slong dang bslab byin dge slong gnyis dang/ rtsa ltung 'chab bcas kyis nyams pa'i dge slob ma @207b dang; bslab byin dge slob ma gnyis la yang byin len dang gsog 'jog sogs kyi khyad par shes par bya'o/ /gnyis pa zhar byung gi don ni/ dge slob ma dang/ bslab byin dge slob ma gnyis blang 'das kyi ltung ba'i rgyu la spyad pas de'i dngos gzhi bskyed par mtshungs tshul dang blang 'das kyi ltung ba mtha' dag gi rten du mi 'dra ba'i tshul/ de bzhin du bslab byin dge tshul dang dge tshul rnam dag gnyis la'ang gong gi des rigs 'gre bar bya'o/ /gsum pa bslab pa sbyin pa'i tshul bshad pa la/ 'chab med kyi rtsa ltung 'dag pa'i phyir du bslab pa sbyin pa dngos bshad pa/ zhar la rtsa ltung 'chab bcas kyi rnam smin 'byin pa'i nus pa sbyong ba'i tshul bshad pa/ bshags bya'i ltung ba phyir bcos pa'i tshul bshad pa dang gsum/ dang po ni/ mdo sde pa dang slob dpon dbyig gnyen ni/ rtsa ltung 'dag phyir du bslab pa sbyin pa ma yin te/ rtsa ltung byung ba'i rab byung la bslab pa sbyin du mi rung ba'i phyir te/ rtsa ltung sdom pa'i gtong rgyu yin pa'i phyir/ des na mi tshangs spyod lta bu'i ltung ba byung zhing 'chab sems skad cig tsam dang mi ldan pa'i rab byung la de lta bu'i sbom po'i ltung ba rtsib 'dag phyir du bslab pa sbyin du rung ba yin zhes 'dod do/ /rang gi lugs la/ bslab pa gang la sbyin pa'i rten gyi gang zag ni rtsa ltung byung ba/ 'chab sems skad cig tsam dang mi ldan pa/ bslab pa gso rung yin pa/ lus tha mal du gnas pa/ bsam pa rang bzhin du gnas @208a @#/ /pa; tshogs su ma long ba zhig la sbyin la/ yul ni dge slong gi dge 'dun gyis ster/ dus ni dgra bcom ma thob gong dang tshe ji srid bar du ster/ bslab bya ji lta bu zhe na khyad par can gyi spyod pa lnga spong ba dang/ dman pa'i spyod pa lnga rnams la slob pa yin no/ /bslab byin gyi rab byung de bslab byin gyi chad pa las grol ba'i dus yod de/ rten de la dgra bcom pa'i 'bras bu mngon du byed nus pa'i bslab byin gyi rab byung rnams dgra bcom pa'i 'bras bu thob pa na/ bslab byin gyi chad las las grol zhing/ rten de la de mngon du byed mi nus pa'i bslab byin gyi rab byung rnams shi 'phos pa dang de las grol ba dus mnyam pa'i phyir/ dang po grub ste/ phran tshegs las/ gang gi tshe zag pa zad pa de'i tshe sngon gyi gral du 'dug par bya zhing/ zhes gsungs pa'i phyir; gnyis pa ni/ rtsa ltung 'chab bcas byung ba'i rab byung de sdom pa gsor mi rung du song bas na/ dge 'dun dang lhan cig tu gso sbyong sogs kyi chos kyi longs spyod dang/ rnyed pa sogs zang zing gi longs spyod dang/ dge 'dun gyi gral la 'dug pa dang/ lhung bzed du zas la longs spyod pa dang/ chos gos gyon pa sogs byar mi rung ste/ de rnams byas na slar yang dmyal bar skye ba'i las gsog pa yin pa'i phyir/ des na de lta bu'i rab byung de dge 'dun gyis gnas nas bskrad rigs te/ rab byung rnam dag gzhan gyis de la bsnyen bkur sogs byas na @208b rab byung rnam dag rnams kyis kyang dmyal bar skye ba'i las gsog par byed pa'i phyir te/ bram ze'i bu mos zhus pa'i lung las/ dge slong tshul khrims dang ldan pas shes bzhin du tshul khrims 'chal ba la so shing stobs par byed na/ de'i las kyi rnam par smin pas dge slong tshul khrims dang ldan pas lo stong phrag dgu bcur dmyal bar 'gyur ba'i las gsog par byed do/ /de bzhin du 'dag rdzas stobs pa dang/ kha ton byed pa dang/ gnas byed pa dang/ tshul khrims 'chal ba la gnas su 'dzin pa dang/ de dang lhan cig tu nyal ba na skya rengs ma shar tshun du lo stong phrag dgu bcur dmyal bar 'gyur ba'i las sgrub par byed do/ /skya rengs shar nas ni lo bye ba phrag bcu bzhi dang/ stong phrag bzhi bcur dmyal bar 'gyur ba'i las gsog par byed do/ /zhes gsungs pa'i phyir/ stung ba bcabs pa'i bcabs nyes 'byung ba la/ ltung ba de byung nas zhag gcig gi skya rengs shar ba spyir btang la dgos kyang/ rtsa ltung 'chab bcas 'byung ba la zhag gcig gi skya rengs shar ba mi dgos te/ rtsa ltung byung nas 'chab sems skad cig tsam zhig skyes pas kyang/ rtsa ltung 'chab bcas 'grub pa'i phyir/ des na ltung ba byung nas 'chab sems skyes pa na; ltung ba de ltung ba 'chab bcas su gyur ba yin no/ /de'i phyir rtsa ltung 'chab bcas de'i ngo bo phyir bcos dang/ bslab pa sbyin pas 'dag mi nus shing/ de'i rnam smin 'byin pa'i @209a @#/ /nus pa spong ba'i phyir tu/ phung po gsum pa'i mdo kha ton du byed pa dang/ stobs bzhi'i bshags pa la 'bad dgos so/ /de yang ltung bshags de phung po gsum pa'i mdo'i mtshan gzhi yin te/ des sdig pa bshaD pa'i phung po/ /bsngo ba'i phung po/ /rjes su yi rang ba'i phung po gsum po gsum ston par byed pa'i phyir/ der ma zad des stobs bzhi yang ston par byed pa yin te/ 'di'i tshig zur gyi skyabs 'gro ston pa'i tshig des rten gyi stobs bstan/ sangs rgyas kyi mtshan brjod pa'i tshig des gnyen po kun tu spyod pa'i stobs bstan/ skye ba thog ma dang tha ma ma mchis/ zhes sogs kyis rnam par sun 'byin pa'i stobs bstan/ mthol lo/ /bshags so/ /mi 'chab po/ /zhes sogs kyis nyes pa las slar ldog pa'i stobs bstan pa'i phyir/ gsum pa ni bshags bya'i ltung ba byung nas zhag gcig gi skya rengs ma shar tshun du ma mthol zhing bcabs pa na/ dang po bcabs nyes 'dag par byed dgos te/ ltung ba de'i bcabs nyes ma dag par de'i dngos gzhi 'dag par byed mi nus pa'i phyir/ blang 'das kyi ltung ba bcabs pa'i bcabs nyes ni/ sngar bcabs pa la 'gyod sems dang phyis mi bcabs snyam pa'i sdom sems la brten nas dag par byed nus te/ de bsdam bya'i nyes byas yin pa'i phyir/ dge slong gi rgyud kyi ltung ba bcabs pa'i bcabs nyes ni/ bcabs nyes dang mi ldan pa'i dge @209b slong gzhan gyi drung du bshags dgos so/ /'o na bshags bya'i ltung ba dngos gzhi phyir 'chos pa'i tshul de gang yin zhe na/ de yod do/ yul bsnyen rdzogs kyi sdom pa rnam dag dang ldan pa/ lus tha mal du gnas pa/ bsam pa rang bzhin du gnas pa/ gang bshags par bya ba'i ltung ba des ma gos pa'i dge slong gi drung du sngar byas la 'gyod sems/ phyin chad la bsdom sems dang ldan pa sngon du btang ste/ phyir bcos kyi cho ga'i sgo nas bshags par bya ba yin pa'i phyir/ bsngam bya'i nyes byas ni sngar byas pa la 'gyod sems dang/ phyin chad la bsdom sems dang ldan pa'i sgo nas 'dag par nus te/ de lus ngag gi nyes byas gang rung ma yin pa'i phyir te/ de yid kyi nyes byas yin pa'i phyir te/ rgya cher 'grel las/ yid kyi de la ni bsngam par byas na ltung ba las ldang ngo/ /zhes gsungs pa'i phyir/ gnyis pa bsam pa'i yan lag zhar byung dang bcas pa bshad pa la/ 'gro ba gzhan gyi rnam pa bsten pa na dge slong gi 'du shes yod pa la'o/ /zhes sogs kyi skabs su gsum las/ dang po 'brel ni/ bslab pa byin pa ni 'dra ba nyid do/ /zhes bslab byin dge slong gi ltung ba'i rgyu la spyad na ltung ba dngos gzhi dge slong rnam dag dang 'dra bar bskyed ces 'chad pa la/ 'o na; rdzas dang sngags kyis dud 'gro'i rnam @210a @#/ /pa can du bsgyur ba'i dge slong des ltung ba'i rgyu la spyad na dngos gzhi bskyed dam zhe na/ rang la dge slong gi 'du shes dang ldan pa'i dud 'gro'i rnam pa can du sgyur ba'i dge slong des ltung ba'i rgyu la spyad na dngos gzhi bskyed de/ de ltar bskyed pa'i bsam sbyor gyi yan lag tshang ba'i phyir/ zhes 'chad pa la/ rtsa ba'i gzhung 'di byung/ rang la dge slong gi 'du shes dang mi ldan pa'i dud 'gro'i rnam pa can du bsgyur ba'i dge slong gis ltung ba'i rgyu la spyad pa na ltung ba de'i dngos gzhi mi skyed de/ de bskyed pa'i bsam pa'i yan lag ma tshang ba'i phyir/ zhes 'chad pa la/ med na ni na smad pa nyid do/ /zhes pa dang/ Tikka las/ dge slong yin pa'i 'du shes med cing brjed par gyur pa nyid yin na ni ltung ba la sbyor ba de'i tshigs 'og mar na smad pa nyid do/ /zhes gsungs pa'i phyir/ na smad kyi don ni/ de 'dra ba'i dge slong des pham pa'i rgyu la spyad na pham pa mi bskyed par de las yang ba'i sbom po bskyed pa'i don yin te/ shes rab byed pa las/ mi tshangs par spyod pa'i tshe dge slong las 'phrul pa 'phrul par mi shes na sbom po'o/ /zhes gsungs pa'i phyir/ de bzhin du dge slong ma dge slob ma dge tshul sogs la sbyar nas shes dgos pa yin te/ Tikka las/ dge slong la ji lta ba bzhin du dge slong ma dang dge slob ma dang bslab pa byin pa dang dge tshul dag @210b la yang de bzhin du ci rigs par sbyar bar bya'o/ /zhes gsungs pa'i phyir/ rang la dge slong gi 'du shes dang ldan pa'i dud 'gro'i rnam pa can du sprul pa'i dge slong des bal 'khur ba'i ltung byed/ skyes pa gcod pa'i ltung byed/ sa bon 'joms pa'i ltung byed de rnams kyi rgyu la spyad pa na de rnams dngos gzhi mi skyed de/ dud 'gro'i rnam pa can gyi rten la bal 'khur ba sogs la dgag bya chung ba'i phyir/ gnyis pa ngag don ni/ sngar gyi rigs pas shes so/ /gsum pa mtha' dpyad pa la/ kha cig dud 'gro'i rten can gyi dge slong yod zer na/ de chos can/ khyod kyi lus de dud 'gro'i lus yin par thal/ khyod dud 'gro'i lus rten can gyi gang zag yin pa'i phyir/ ma grub na/ de dud 'gro'i lus rten can yin par bud/ 'dod na/ de'i lus chos can/ rang nyid 'phen byed mi dge ba'i las kyi 'phangs 'bras yin par thal/ dud 'gro'i lus yin pa'i phyir/ 'dod mi nus ste/ rang nyid 'phen byed dge ba'i las kyi 'phangs 'bras yin pa'i phyir te/ de 'dra ba'i dge slong de/ rang nyid 'phen byed dge ba'i las kyis 'phangs pa'i skye ba blangs pa'i gang zag yin pa'i phyir te/ las dbang gis skye ba blangs pa'i dge slong yin pa'i phyir/ gzhan yang/ de chos can/ dud 'gro'i rten can ma yin par thal/ bde 'gro'i rten can yin pa'i phyir @211a @#/ /te; rab byung gi rten can yin pa'i phyir/ gzhan yang/ dud 'gro'i rten la ltung ba sde lnga gsar du bsgrub pa yod par thal/ rang la dge slong gi 'du shes yod pa'i dud 'gro'i rnam pa can du sprul ba'i skyes bus ltung ba sde lnga'i rgyu la spyad pas ltung ba dngos gzhi bskyed pa yod pa'i phyir te/ de 'dra ba'i dge slong de/ 'gro ba gzhan gyi rnam pa bsten pa na dge slong gi 'du shes yod pa la'o/ /zhes pas dngos su bstan pa'i dge slong yin pa'i phyir/ 'dod na/ dud 'gro'i rten la bcas pa mdzad par thal/ 'dod pa'i phyir/ 'dod mi nus so/ / rang lugs ni/ bsam pa rang bzhin du mi gnas pa la brgyad yod de/ smyo ba/ sems 'khrugs pa/ tshor ba sdug bsngal gyis gzir ba/ dud 'gro'i rnam pa can du sprul nas dge slong gi 'du shes brjed pa/ gnyid 'thug po la gnas pa/ 'gog snyom la gnas pa/ 'du shes med pa'i snyom 'jug la gnas pa/ dran med du brgyal ba dang brgyad yod pa'i phyir/ bsam pa rang bzhin du gnas pa'i rten la mthar thug 'phen pas 'grub pa'i ltung ba'i sbyor ba byas/ bsam pa rang bzhin du mi gnas par song nas mthar thug grub pa na ltung ba de'i dngos gzhi bskyed pa zhig yod de/ mthar thug 'phen pas 'grub pa'i ltung ba rnams rang gi rten gyi gang zag gi lus ngag gang rung gi byed pa la mi ltos pa yin pa'i phyir te/ dper na/ bsam pa rang bzhin du gnas pa'i rten la/ bud med @211b dang lhan cig gnas pa'i sbyor ba byas/ gnyid 'thug po la gnas bzhin pa'i ngang nas skya rengs shar ba na/ bud med dang lhan cig nyal ba'i ltung ba 'byung ba dang/ bsam pa rang bzhin du gnas pa'i rten la gzhi ma dag par khang ba tshad las lhag pa brtsig tu bcug nas/ 'gog snyom la gnas bzhin pa'i ngang nas khang pa grub pa na/ khang pa la brten pa'i ltung ba 'byung ba'i dpe 'di bzhin du yin pa'i phyir te/ rgya cher 'grel las/ lhan cig tu nyal nas gnyid log na/ zhes pa dang/ snyoms par zhugs pa'i tshe khang pa grub pa na lhag ma'o/ /zhes gsungs pa'i phyir/ yang bsam pa rang bzhin du gnas pa'i rten la gnang la tshad bzung gi ltung ba'i sbyor ba byas/ bsam pa rang bzhin du mi gnas par song ba'i rten la mthar thug grub pa na/ sbyor ltung mi skyed kyang dngos gzhi bskyed pa yod de/ dper na/ bsam pa rang bzhin du gnas pa'i rten la lhung bzed byin gyi ma brlabs par zhag bcur 'chang 'dod dang mi ldan pa'i sgo nas de 'chang ba'i zhag bcu'i mjug tu gnyid 'thug po la gnas pa'i ngang nas skya rengs shar ba na/ lhung bzed zhag bcu 'chang spang gi sbyor ltung mi bskyed kyang ltung ba dngos gzhi bskyed pa lta bu yin pa'i phyir/ de bzhin du bsam pa rang bzhin du gnas pa'i rten la mthar thug 'phen pas mi 'grub pa mi tshangs spyod lta bu'i sbyor ba byas/ bsam pa rang bzhin du mi gnas @212a @#/ /pa'i rten la mthar thug grub pa la ltung ba dngos gzhi mi skyed kyang sbyor ltung bskyed pa sogs kyang shes par bya'o/ /gsum pa bslab tshigs kyi yan lag zhar byung dang bcas pa bshad pa la/ tshigs snga mar sbyor ba byas pa la yang ngo/ /zhes pa'i skabs su gzhung gi 'brel 'chad pa dang spyi don gnyis/ dang po 'brel ni/ med na ni na smad pa nyid do/ / zhes pa'i skabs su rang la dge slong gi 'du shes dang mi ldan pa'i dud 'gro'i rnams pa can du bsgyur ba'i dge slong gis ltung ba'i rgyu la spyad na ltung ba de'i dngos gzhi mi skyed ces 'chad pa la/ 'o na/ bslab tshigs snga ma'i rten la ltung ba'i sbyor ba byas phyi ma'i rten la mthar thug grub pa na yang dngos gzhi mi skyed dam zhe na/ dge bsnyen gyi rten la rtsa ltung gi sbyor ba byas; dge tshul dang dge slob ma'i rten lta bu la mthar thug grub pa na pham 'dra las na smad kyi ltung ba bskyed/ dge tshul dang dge slob ma'i rten la rtsa ltung gi sbyor ba byas/ dge slong gi rten la mthar thug grub pa na pham pa las na smad kyi ltung ba bskyed pa yin te/ dang po'i tshe pham 'dra de'i sbyor ba dang/ mthar thug gi yan lag gnyis bslab tshigs gcig la ma grub/ phyi ma'i tshe yang pham pa'i sbyor ba dang/ mthar thug gi yan lag gnyis/ bslab tshigs gcig la ma grub pa'i phyir zhes 'chad pa la rtsa ba'i gzhung 'di byung/ de yang yin te/ bam lnga las/ dge @212b tshul lam/ dge slob ma 'am/ dge slong nyid ces bya ba'i tshigs phyi ma dag tu kha na ma tho ba'i dngos gzhi 'grub par 'gyur ba'i sbyor ba tshigs snga mar byas pa de ni na smad pa nyid de/ zhes gsungs pa'i phyir/ bslab tshigs gong ma'i rten la ltung ba de'i sbyor ba byas/ bslab tshigs 'og mar babs pa'i rten la mthar thug grub pa na dngos gzhi mi skyed dam zhe na/ bstan pa la rim gyis zhugs pa'i dge slong gi rten la rtsa ltung gi sbyor ba byas/ dge tshul lam dge slob ma'i rten la mthar thug grub pa na pham 'dra dngos gzhi bskyed pa yin te/ bstan pa la rim gyis zhugs pa'i dge slong pha'i rten la dge tshul gyi sdom pa yod/ de 'dra'i dge slong ma'i rten la dge slob ma'i sdom pa yod pa'i phyir zhes 'chad pa la/ phyi ma la yang de dang ldan pa nyid yin no/ /zhes gsungs/ yang bcas ldan dge slong gis lug bal nag po 'ba' zhig las stan byed pa bkag pa la brten nas srin bal 'ba' zhig las stan byed pa khegs pa yin te/ srin bal de lug bal las rdzas bzang ba'i phyir zhes 'chad pa la/ rdzas bkag pa bas bzang po la yang de dang ldan pa nyid yin no/ /zhes gsungs/ phyi ma de bkag pa la brten nas/ mon dar 'ba' zhig las stan byed pa yang khegs pa yin te/ mon dar de srin bal dang rdzas bzang ngan 'dra ba'i phyir/ @213a @#/ /zhes 'chad pa la/ 'dra ba la yang ngo/ /zhes gsungs/ gnyis pa spyi don ni/ dge tshul gyi rten la rtsa ltung gi sbyor ba byas/ dge slong gi rten la mthar thug grub pa na/ pham pa las yang ba'i ltung ba sbom po bskyed pa yin te/ dge tshul gyi rten la pham 'dra'i sbyor ltung du gyur pa'i nyes byas tsam bskyed pa gang zhig /spyir pham pa'i sbyor ltung la spom po'i ltung ba bskyed pa'i phyir/ yang dge tshul gyi rten la gzhi ma dag par khang pa tshad las lhag pa brtseg pa'i sbyor ba byas/ dge slong gi rten la mthar thug grub pa na/ khang pa la brten pa'i lhag ma'i ltung ba dngos gzhi las yang ba'i ltung ba na smad bskyed pa yin te/ dge tshul gyi rten la sbyor ltung du gyur pa'i nyes byas phra mo bskyed cing/ spyir lhag ma'i sbyor ltung la spom po bskyed pa'i phyir te/ bam lnga las/ sbyor ba tshigs snga mar byas pa de ni na smad pa nyid de/ sbyor ba spom po la nyes byas dang/ nyes byas la nyes byas phra mo 'byung ba lta bu'o/ /zhes gsungs pa'i phyir/ des na gzhung 'dis bslab tshigs snga ma'i rten la ltung ba'i sbyor ba byas/ phyi ma'i rten la mthar thug grub pa na ltung ba de'i dngos gzhi mi skyed cing/ de las na smad pa'i ltung ba bskyed par bstan pa yin te/ gzhung 'dis yang sgra smros pa gang zhig /med na ni smad pa nyid do/ /zhes pas ltung ba'i dngos gzhi las na smad kyi ltung ba bskyed par bstan pa'i phyir/ gzhan yang/ bslab tshigs snga ma'i rten @213b la ltung ba'i sbyor ba byas/ phyi ma'i rten la mthar thug grub pa na ltung ba de'i dngos gzhi mi skyed pa'i rgyu mtshan yod de/ dge tshul gyi rten la mi gsod pa'i sbyor ba byas/ bsnyen rdzogs su sgrub pa'i tshe mi gsod 'dod kyi 'dun pa lag dgos pa'i phyir te/ de'i tshe ltung ba spyi'i rgyu la 'jug 'dod kyi 'dun pa log dgos pa'i phyir te/ de'i tshe ltung ba thams cad re re nas spang 'dod kyi bsam pa dang ldan pa mi dgos kyang/ de'i tshe ltung ba spyi'i rgyu la 'jug 'dod kyi 'dun pa ma log na sdom pa mi skye ba yin pa'i phyir/ des na gzhung 'dis bslab tshigs snga ma'i rten la ltung ba'i sbyor ba byas/ phyi ma'i rten la mthar thug grub pa na/ bar du 'dun pa log pa'i stobs kyis dngos gzhi mi skyed par bstan pa yin te/ gzhung 'dis bslab tshigs snga ma'i rten la ltung ba'i sbyor ba byas/ phyi ma'i rten la mthar thug grub pa na/ ltung ba'i sbyor ba dang/ mthar thug gi yan lag gnyis po bslab tshigs gcig la ma grub pa'i rgyu mtshan gyis dngos gzhi mi skyed par bstan pa yin pa'i phyir te/ gzhung 'di ltung ba'i rgyur gyur pa'i bslab tshigs kyi yan lag ston pa'i gzhung yin pa'i phyir/ yang dge tshul gyi rten la rin thang tshang ba'i rdzas brku ru bcug nas dge slong gi rten la rdzas de blangs nas thob blo skyes na pham pa 'byung ste/ de'i tshe pham pa'i nye sbyor dang/ mthar thug gi yan lag gnyis po dge slong gi rten la grub pa'i phyir te/ bam lnga las/ @214a @#/ /de'i dngos gzhi tshigs phyi mar grub pa nyid la ni na smad pa med de/ gzhi ji lta ba bzhin no/ /zhes gsungs pa'i phyir/ yang dge slong dang/ dge slong ma dang dge tshul gyi rten la rtsa ltung gi sbyor ba byas/ khyim par babs pa'i rten la mthar thug grub pa na/ rten snga ma rnams la ltung ba bskyed kyang/ khyim pa'i rten la babs tshe ltung ba gsar du mi skyed de/ Tikka las/ bsnyen par rdzogs pa'i sbyor bar gyur pa la ni spom po'o/ /lhag ma rnams kyi sbyor bar gyur pa la ni bsnyen par ma rdzogs pa gnyis kyi ni nyes byas so/ /khyim pa la ni ltung ba med do zhes gsungs pa'i phyir/ bzhi pa mtshan gyi yan lag zhar byung dang bcas pa 'chad pa la/ mtshan gyur pa ni de'i zhing nyid yin no/ /zhes sogs byung/ de yang gzhung des mtshan gyur mdor bstan nas/ na smad pa'i don gyi sbyor ba gang yin pa las so/ /zhes sogs kyis rgyas par bstan/ 'di la cho ga rnams gyur to/ /zhes pas mtshan gyur pa'i stobs kyis ltung ba rnams gnas 'gyur ba'i tshul de bstan/ 'di'i skabs su gnyis las/ dang po 'brel ni/ tshigs snga mar sbyor ba byas pa la yang ngo/ /zhes sogs kyi skabs su bslab tshigs snga ma la sbyor ba byas nas bslab tshigs phyi ma la mthar thug grub pa na ltung ba de'i dngos gzhi mi skyed ces 'chad pa la/ 'o na/ ltung ba de'i sbyor ba byed bzhin pa'i ngang nas mtshan gyur nas mthar thug gi yan lag @214b grub pa na ltung ba de'i na smad kyi ltung ba bskyed par nges sam zhe na/ ma nges te/ ltung ba de'i sbyor ba byed bzhin pa'am rgyud la ldan bzhin pa'i ngang nas mtshan gyur pa'i skyes bu de mtshan phyi ma de la bcas pa gang mdzad kyi ltung ba de'i rten yin pa'i phyir/ zhes 'chad pa la/ mtshan gyur pa ni zhes sogs kyi rtsa ba'i gzhung 'di byung/ 'o na/ ltung ba de'i sbyor ba byed bzhin pa'i ngang nas mtshan gyur pa na/ mtshan phyi ma de la bcas pa gang mdzad kyi ltung ba de 'byung bas khyab bam zhe na/ ma khyab ste/ mtshan snga ma'i rten la ltung ba che ba'i bcas pa mdzad pa'i ltung ba'i sbyor ba byed bzhin pa'i ngang nas mtshan gyur pa na mtshan phyi ma'i rten la/ ltung ba de nyid bskyed pa yod pa'i phyir te/ dper na dge slong mas skyes pa gzhan la reg pa'i sbyor ba byed bzhin pa'i ngang nas dge slong phar mtshan gyur pa na/ reg pham mi 'byung bar reg pa'i spom po'i ltung ba 'byung ba'i phyir/ zhes dmigs bsal de 'chad pa la/ na smad pa'i don gyi sbyor ba gang yin pa nyid las so; ;zhes gsungs/ 'o na ltung ba de rgyud la ldan bzhin pa'i ngang nas mtshan gyur pa na sngar gyi ltung ba de so na gnas pas khyab baM zhe na/ ma khyab ste/ de lta bu'i ltung ba de mtshan phyi ma de la bcas pa gang mdzad kyi ltung ba der 'gyur pa yod pa'i phyir te/ dper na reg pham can gyi dge slong ma mtshan gyur pa na sngar gyi reg pham de spom po'i ltung bar 'gyur zhing/ 'byin pa'i lhag ma'i ltung ba rgyud la ldan @215a @#/ /pa'i dge slong pha mtshan gyur pa na/ sngar gyi 'byin pa'i lhag ma'i ltung ba de ltung byed du 'gyur ba'i phyir/ zhes 'chad pa la/ byas pa ni de nyid yin no/ /zhes gsungs ltung ba de rgyud la ldan bzhin pa'i ngang nas mtshan gyur ba na/ mtshan phyi ma de la bcas pa gang mdzad kyi ltung ba 'byung bas khyab bam zhe na/ ma khyab ste/ mtshan snga ma'i rten la ltung ba chung zhing phyi ma'i rten la ltung ba che ba'i bcas pa mdzad pa'i ltung ba de'i sbyor ba byed bzhin pa'i ngang nas mtshan gyur pa na sngar gyi ltung ba de so na gnas pa yod pa'i phyir te/ dper na 'byin pa'i ltung byed can gyi dge slong ma mtshan gyur pa na sngar gyi 'byin pa'i ltung byed de so na gnas pa'i phyir/ zhes 'chad pa la/ na smad pa ni rang gi nyid do/ /zhes gsungs/ des na 'byin pa'i ltung byed can gyi dge slong ma mtshan gyur pa'i dge slong pha'i rgyud kyi 'byin pa'i ltung byed de dge slong pha'i rgyud kyi ltung ba yin kyang de dge slong pha'i ltung ba ni ma yin te/ de'i ltung byed 'ba' zhig pa la dgu bcur nges pa'i phyir; yang dge slong pha'i rten la lhung bzed byin gyi ma rlabs par 'byobs ? nas zhag dgu song nas mtshan gyur pa na ma'i rten la spang ltung 'byung ngam zhe na/ mi 'byung ste/ dge slong pha'i rten la lhung bzed byin gyi ma rlabs par bcangs pa'i zhag dgu po de dge slong ma'i rten la de bcangs pa'i zhag gcig gi cha shas dang 'dra ba yin gyi de bcangs pa'i zhag 'das pa'i cha ma yin pa'i phyir/ zhes @215b 'chad pa la/ zhag bcur ma lon pa ni cha nyid do/ /zhes gsungs/ 'o na ltung ba de rgyud la ldan bzhin pa'i ngang nas mtshan gyur pa na/ ltung ba gang yang rung ba zhig rgyud la gnas pas khyab baM zhe na/ ma khyab ste/ 'khor dang 'khor mang nyer 'jog gi ltung byed sogs thun mong ma yin pa'i ltung byed bco lnga po gang rung rgyud la ldan pa'i dge slong ma mtshan gyur pa na sngar gyi ltung byed de dag pa'i phyir te/ dge slong pha de ltung byed de dag gi rten ma yin pa'i phyir/ zhes 'chad pa la/ zhing ma yin pa nyid la ni nyams so zhes gsungs/ gzhan yang ltung ba bcabs pa'i bcabs nyes rgyud la ldan bzhin pa'i ngang nas mtshan gyur pa na sngar gyi bcabs nyes de dag pa yin te/ ltung ba bcabs pa'i bcabs nyes de rang gi rten gyi gang zag dang mtshan mthun pa'i skyes bu la ltung ba bcabs pa la ltos pa yin gyi/ dge slong gis rang dang mtshan mi mthun pa'i skyes bu la ltung ba bcabs pas bcabs nyes mi 'byung ba'i phyir/ zhes 'chad pa la/ de la nyes pa bcabs pa ma yin pa ma yin no/ /zhes gsungs/ de ltar yang Tika chen las/ mtshan gyur na sngar ltung ba byas pa de'i zhing mtshan phyi ma de ma yin pa la nyams zhes bshad pa de la ste/ des na nyes pa bcabs pa'i kha na ma tho ba byas pa yang mtshan gyur pa'i tshe nyams pa ma yin pa ma yin te/ zhes gsungs pa'i phyir/ de na lhag ma'i ltung ba bcabs pa'i nyes byas @216a @#/ /rgyud la ldan bzhin pa'i ngang nas mtshan gyur pa na/ de 'dag phyir du spo ba spyad mi dgos so/ /lhag ma'i ltung ba 'dag pa'i phyir du mgu ba spyod bzhin ba'am spyad zin nas mtshan gyur pa na/ slar yang de rdzogs par spyod dgos sam zhe na/ dgos te/ de'i tshe sngar spyad pa'i mgu ba de don med pa'i phyir/ zhes 'chad pa la/ mgu ba spyad pa ni don med pa nyid yin no/ /zhes gsungs/ de ltar yang zhu ba las/ btsun pa re shig dge slong spo ba thug pa mtshan gyur te dge slong mar gyur na/ ci des gnyis ka'i dge 'dun la zla ba phyed mgu ba spyad par bgyid 'tshal lam/ spyad par bya dgos so/ /btsun par shig dge slong ma gnyis ka'i dge 'dun la mgu ba spyad pa mtshan gyur te/ dge slong du gyur na/ ce des dge 'dun la zhag drug mgu ba spyad par bgyid 'tshal lam/ spyad par bya dgos so/ /zhes dang/ Tika chen las mtshan gyur pas ltung ba che ba chung ba dang/ yod pa med par 'gyur ba dang/ mgu ba spyad pa don med par rnam par bzhag pa yin te/ zhes gsungs pa'i phyir/ de yang dge slong spo ba thug pa zhes pas lhag ma'i ltung ba 'dag phyir du mgu ba rdzogs par spyad zin pa de bstan to/ /'o na/ mtshan gyur pa na ltung ba yang gnas 'gyur ba'i tshul gang yin zhe na/ yod de/ mtshan gyur pa na lus gnas 'gyur @216b de gnas gyur par de la brten pa'i nyon mongs pa gnas 'gyur/ /de gyur pa na de'i gnyen por gyur ba'i khrims kyang gnas 'gyur ba'i phyir/ zhes 'chad pa la/ 'di la cho ga rnams gyur to/ /zhes gsungs/ de yang yin te/ shes rab byed pa las/ mtshan gyur nas ni phor gyur na pho'i khrims nyis brgya lnga bcu bsrungs/ mor gyur na'ang mo'i khrims lnga brgya bsrungs/ zhes gsungs pa'i phyir/ mtshan gyur pa na nyon mongs pa gnas 'gyur tshul yod de/ pho'i rten la pho la zhe sdang/ mo la chags sems che/ mo'i rten la mo la zhe sdang dang/ pho la chags sems che ba'i phyir/ des na mtshan gyur pas ltung ba mnyam por 'gyur ba dang/ che ba chung bar 'gyur ba dang/ med par 'gyur ba sogs yod kyi chung ba che bar 'gyur ba sogs ni med de/ Tika chen las/ des na mtshan gyur pas ltung ba mnyam por 'dzin pa dang/ che ba chung bar 'gyur gyi/ chung ba che bar 'gyur ba sogs ni med de/ zhes gsungs pa'i phyir/ gnyis pa spyi don la/ thun mong ba'i ltung ba dang thun mong ma yin pa'i ltung ba so so'i ngo bo/ so so'i dbye ba/ mtshan phyi ga la cir 'gyur bshad pa dang gsum/ dang po/ kha cig/ thun mong ba'i ltung ba yin na rten pha ma gnyis ka la ltung ba che chung mnyam por bcas pa'i ltung ba yin pas khyab zer na/ de yin na @217a @#/ /rten pha ma gnyis ka'i rgyud la 'byung bas khyab par thal/ dam bca' de'i phyir/ 'dod na/ dge slong pha'i rgyud kyi srog gcod kyi pham pa chos can/ der thal/ de'i phyir te/ srog gcod kyi pham pa de thun mong ba'i ltung ba yin pa gang zhig /dge slong pha'i rgyud la thun mong ba'i ltung ba yod pa'i phyir/ ma grub na/ thun mong ba'i ltung ba med par thal/ dge slong pha'i rgyud la yang med/ dge slong ma'i rgyud la yang med pa'i phyir/ phyi ma ma grub na/ dang po med pa 'bud do/ /gong gi rtsa bar 'dod mi nus te/ de rab byung ma'i rgyud la med pa'i phyir/ kho na re/ srog gcod kyi pham pa yin na thun mong ba'i ltung ba yin dgos par thal/ dge slong pha'i rgyud kyi srog gcod kyi pham pa thun mong ba'i ltung ba yin pa'i phyir/ 'dod na/ mi tshangs spyod kyi pham pa yin na yang thun mong ba'i ltung ba yin dgos par thal/ 'dod pa'i phyir/ 'dod na/ de yin na mtshan nyid spyi 'dra ba'i thun mong ba'i ltung ba yin dgos par thal/ 'dod pa gang zhig /mi tshangs spyod kyi pham pa de mtshan nyid spyi 'dra ba'i thun mong ba'i ltung ba yin pa'i phyir zer na/ ma khyab/ 'dod na/ dge slong pha'i rten la rang gi nor bu rang gi khar bcug pa la brten nas byung ba'i mi tshangs spyod kyi pham pa chos can/ der thal/ de'i phyir/ 'dod mi nus te/ de'i gzhi'i yan lag rab byung ma'i @217b rgyud la med pa'i phyir/ des na/ de rjes mthun ming tsam gyi thun mong ba'i ltung ba yin no/ /'o na srog gcod kyi pham pa yin na mtshan nyid spyi 'dra ba'i thun mong ba'i ltung ba yin dgos par thal/ mi tshangs spyod kyi pham pa la de ltar dgos pa'i phyir/ rtags khas/ 'dod na/ dge slong ma'i rten la mi pho'i 'gro ba bsad pa la brten nas byung ba'i srog gcod pham pa chos can/ der thal/ de'i phyir/ 'dod mi nus te/ de'i gzhi'i yul gyi yan lag rten pha kho na la yod pa'i phyir/ kha cig /pham pas nyams pa'i dge slong la pham pa'i sgo nas skur ba btab pa la brten nas byung ba'i lhag ma'i ltung ba de/ rjes mthun ming tsam gyi thun mong ba'i ltung ba yin mtshan nyid spyi 'dra ba'i thun mong ba'i ltung ba ma yin zer na/ de mtshan nyid spyi 'dra ba'i thun mong ba'i ltung ba yin par thal/ dge slong rnam dag la pham pa'i sgo nas skur ba btab pa la brten nas byung ba'i lhag ma'i ltung ba de mtshan nyid spyi 'dra ba'i thun mong ba'i ltung ba yin pa gang zhig /de gnyis ka'i gzhi'i yan lag rten pha ma gnyis ka la yod par mtshungs pa'i phyir te/ de 'dra'i ltung ba de dge slong pha ma gnyis ka'i rgyud la yod pa'i phyir/ kha cig thun mong ma yin pa'i ltung ba de'i dngos gzhi bskyed pa la/ de'i sbyor ba dang mthar thug gi yan lag gnyis mtshan gcig la grub pa dgos zer na/ mi 'thad de/ 'byin pa'i @218a @#/ /ltung byed kyi sbyor ba byed bzhin pa'i dge slong ma mtshan nyid 'gyur pa na/ mthar thug gi yan lag grub pa'i tshe na yang/ 'byin pa'i ltung byed tsam 'byung ba'i phyir/ kha cig /mtshan nyid spyi 'dra ba'i thun mong ba'i ltung ba yin na rang gi gzhi'i yan lag thams cad rten pha ma gnyis ka'i rgyud la yod pas khyab zer na/ dge slong pha'i rgyud kyi srog gcod kyi pham pa chos can/ der thal/ de'i phyir te/ de'i rgyud la mtshan nyid spyi 'dra ba'i thun mong ba'i ltung ba yod pa'i phyir/ rtags gong bzhin sgrub/ rtsa bar 'dod mi nus te/ de'i rten gyi yan lag ma'i rgyud la med pa'i phyir te/ dge slong pha ma gnyis kyi gzhi mthun med pa'i phyir/ kha cig /dge slong pha'i rgyud kyi ltung ba yin na/ rang gi rten gyi yan lag ma'i rgyud la med pas khyab zer na/ thun mong ba'i pham pa rgyud la ldan pa'i dge slong ma mtshan gyur pa'i dge slong pha'i rgyud kyi thun mong ba'i pham pa chos can/ der thal/ de'i phyir/ / 'dod mi nus te/ de 'dra'i pham pa 'byung kha ma'i skyes bu de dge slong ma yin pa'i phyir te/ dge slong phar mtshan 'gyur kha ma'i dge slong ma de de'i rten gyi yan lag yin pa'i phyir/ kha cig /dge slong pha ma gnyis ka la bcas pa'i ltung ba yin na thun mong ba'i ltung ba yin pas khyab zer na/ skyes pa pha la reg pa'i ltung ba chos can/ der thal/ de'i phyir/ der thal/ dge slong phas @218b rang las rgyud tha dad pa'i skyes pa pho la chags sems kyis reg pa la ltung ba 'byung/ dge slong mas skyes pa pho la reg pa la yang ltung ba 'byung ba'i phyir/ rtsa bar 'dod mi nus te/ rten pha ma gnyis ka la ltung ba che chung mi mnyam pa'i ltung ba yin pa'i phyir te/ dge slong phas rang las rgyud tha dad pa'i skyes pa pho la chags sems kyis reg pa la sbom po 'byung/ dge slong mas skyes pa pho la chags sems kyis reg pa la pham pa 'byung ba'i phyir/ rang lugs ni/ rten pha ma gnyis ka la ltung ba che chung mnyam por bcas pa'i rigs su gnas pa'i sgo nas thun mong ba'i sdoms kyis bsdus pa'i ltung ba de/ thun mong ba'i ltung ba'i mtshan nyid yin/ de la dbye na mtshan nyid spyi 'dra ba'i thun mong ba/ rjes mthun ming tsam gyi thun mong ba/ cho ga 'jig pa'i thun mong ba'i ltung ba dang gsum yod/ rang gi yul gyi yan lag rten pha ma gnyis ka la yod pa'i rigs su gnas pa'i thun mong ba'i ltung ba de/ mtshan nyid spyi 'dra ba'i thun mong ba'i ltung ba'i mtshan nyid yin/ rang gi yul gyi yan lag rten pha ma gang rung gcig kho na'i rgyud la yod pa'i rigs su gnas pa'i thun mong ba'i ltung ba de/ rjes mthun ming tsam gyi thun mong ba'i ltung ba'i mtshan nyid du bslab bya chen mo las bshad pa ltar du khas len rigs/ rten pha ma gnyis ka la ltung ba che chung mi mnyam par bcas pa'i rigs su gnas pa'i sgo nas thun @219a @#/ /mong ma yin pa'i ltung ba'i sdoms kyis bsdus pa'i ltung ba de/ thun mong ma yin pa'i ltung ba'i mtshan nyid yin/ gnyis pa so so'i dbye ba ni/ mtshan nyid spyi 'dra ba'i thun mong ba'i ltung ba la dbye na/ pham bzhi smyan dang skur 'debs gnyis/ /'chang 'jog slong dang slong rigs dang/ /spags pa so sor bskur dang gser/ / mngon mtshan nyo tshod lhung bzed 'tshol/ /'thag gnyis brdzun 'don bla ma bden/ /sa bon 'debs dang rim lhag dang/ /'dug gnas phyed dang dus min dang/ /kha nas ming dang srog chags bcas/ /gcer bu dmag gsum me nub lhag /kha dog longs pa tsha ba'i dus/ /dud 'gro rtse sbed gzhi med dang/ /rku dang brko dang mgron dang tshang/ /dus min dus min skya rengs dang/ / khab ral gding g.yan bde gshegs gos/ /de ltar lnga bcu rtsa lnga'o/ /zhes pa ltar lnga bcu rtsa lnga yod/ rjes mthun ming tsam gyi thun mong ba'i ltung ba la dbye na/ mtshan mthun yan lag tu dgos pa'i de dang/ mtshan mi mthun pa yan lag tu dgos pa'i de gnyis yod/ dang po la dbye na/ bsgo gyur bzhi dang 'phrog pa dang/ /bsngos bsgyur skyon dang phra ma dang/ /skyo sdogs gnas ngan bshes ngor dang/ /khyad gsod 'phya bsgo khri dang gding/ /phyis gnon 'byung ba spangs pa stobs/ /'dus za brdeg gzas gnas ngan len/ /bde dang 'dun pa chos gtam smra/ /dge tshul @219b 'gyod pa sor mo dngangs/ /nyer 'jog nyan rna ma smras 'gro /ma gus zas bcas da gdod khri/ /brdal dang sengge las gyur te/ /de ltar bzhi bcu tham pa'o/ /zhes pa ltar bzhi bcu tham pa yod/ gnyis pa de la dbye na/ 'khrur 'jug pa dang len pa dang/ /khyim pa mo la chos ston dang/ /de dang lam 'gro bud med nyal/ /de ltar de ni lnga yin no/ /zhes pa ltar lnga yod/ cho ga 'jig pa'i ltung ba la dbye na/ 'bral dang spangs pa za ba dang/ /gsog 'jog byed dang za ba bzhi/ /zhes pa ltar bzhi yod/ thun mong ma yin pa'i ltung ba la dbye na/ pha'i rnam 'byed nas bshad pa'i pha'i rten la bcas pa'i pha'i thun mong ma yin pa'i ltung ba dang/ ma'i rnam 'byed nas bshad pa'i ma'i rten la bcas pa'i ma'i thun mong ma yin pa'i ltung ba dang gnyis/ dang po la so brgyad yod de/ lhag ma dang po bzhi/ khang pa khang chen gyi lhag ma'i ltung ba gnyis/ srin bal 'ba' zhig cha gnyis dang/ zhes sogs kyi ltung ba bdun/ lhung bzed zhag bcu 'chang spang gi ltung ba/ brtad byung spang ltung/ dgon ba ba'i 'bral spang/ dbyar gyi gos ras chen la brten pa'i ltung ba/ bskrad pa'i ltung byed/ ma bskos nyi ma nub pa dang/ zhes sogs kyis bstan pa'i ltung ba bcu/ ras chen chad lhag dang/ nyal po byed pa'i khyim na 'dug 'greng byed pa'i ltung ba gnyis/ yang yang za ba'i ltung ba/ zas bsod pa spong ba'i ltung ba @220a @#/ /gdeng med du spyod pa'i ltung ba/ nyi shu ma lon par bsnyen par rdzogs pa'i ltung ba/ sor bshags kyi ltung ba gsum la sogs pa rnams su yod/ gnyis pa de la brgya dang bzhi bcu rtsa dgu yod de/ thun mong ma yin pa'i pham pa bzhi/ lhag ma bcu gsum/ spang ltung bcu bzhi/ ltung byed 'ba' zhig pa brgya dang brgyad/ sor bshags bcu rnams su yod pa'i phyir/ @# de dag kyang nyes byas kyi sde tshan ma gtogs pa'i rnam dbye yin la/ gzhan du na dge slong pha ma so sor nyes byas thun mong ma yin pa gnyis re yod de/ / pha la ma bsgo bar bstan la 'dug pa dang rtsa sngon mi gtsang 'dor ba'i nyes byas gnyis dang/ ma la sham thabs rked pa snang bar byas te bgo ba dang 'khrig pa'i bsam pa dang bcas te grong du 'gro ba'i nyes byas gnyis yod pa'i phyir te/ ma bsgo bar stan la 'dug pa sogs gnyis po de ma la ltung byed du bcas pa'i phyir/ @# thun mong ma yin pa'i pham pa bzhi'i ngo bo ni/ dge slong ma'i rten la 'khrig pa'i 'dod chags kyi bsam pas kun nas bslangs te/ mig nas pus mo'i bar skyes pa'i rten la reg pa las byung ba'i dngos gzhi yongs rdzogs kyi ltung ba de/ reg pham gyi ngo bo yin/ de'i rten la 'khrig pa'i 'dod chags kyi bsam pas kun nas bslangs te/ skyes pa pho'i phyogs su lus bkan zhing nyal ba la brten nas byung @220b ba'i dngos gzhi yongs rdzogs kyi ltung ba de/ lus bkan gyi pham pa'i ngo bo yin/ de'i rten la dge slong ma rang gi zla mo'i pham pa mthol yul yod bzhin du ma mthol bar zhag gcig bcabs pa la brten nas byung ba'i dngos gzhi yongs rdzogs kyi ltung ba de/ 'chab pa'i pham pa'i ngo bo yin/ dge slong ma dang 'dre zhing gnas pa'am 'thab krol sogs kyi rgyu sgrub pa'i dge slong pha/ dge slong pha'i dge 'dun gyis gnas nas dbyung ba/ pha'i dge 'dun la bzod pa gsol bar 'os pa la/ dge slong mas slar bzod pa gsol ba bzlog par byed pa de/ dge slong ma'i dge 'dun gyis rkyen lnga'i sgo nas bzlog kyang mthar mi gtong ba las byung ba'i dngos gzhi yongs rdzogs kyi ltung ba de/ bzlog pa'i pham pa'i mtshan nyid yin/ gsum pa mtshan phyi ma la ci 'gyur bshad pa ni/ mtshan nyid spyi 'dra ba'i thun mong ba'i ltung ba'i sbyor ba byed bzhin pa'i ngang nas mtshan gyur pa dang mnyam du mthar thug gi yan lag grub na/ de'i dngos gzhi bskyed pa yin te/ de 'dra ba'i ltung ba rgyud la ldan pa'i skyes bu mtshan gyur pa na ltung ba de so na gnas pa'i phyir/ mtshan mthun yan lag tu dgos pa'i rjes mthun ming tsam gyi thun mong ba'i ltung ba'i sbyor ba byed bzhin pa'i ngang nas mtshan gyur pa dang mnyam du mthar thug gi yan lag grub na/ ltung ba de na smad du 'gyur ba yin te/ mtshan gyur ba na ltung ba che bar mi 'gyur ba'i phyir te/ ltung ba rgyud la ldan pa'i skyes bu mtshan @221a @#/ /gyur pa na ltung ba de che bar 'gyur ba mi srid pa'i phyir/ mtshan mthun pa yan lag tu dgos pa'i thun mong ba'i ltung ba dang/ cho ga 'jig pa'i thun mong ba'i ltung ba rnams kyi sbyor ba byed bzhin pa'i ngang nas mtshan gyur pa na/ de dag phal cher ltung med du 'gyur ba yin te/ de dag rgyud la ldan bzhin pa'i ngang nas mtshan gyur pa na/ de dag phal cher med par 'gyur ba'i phyir/ thun mong ma yin pa'i ltung ba rnams kyi sbyor ba byed bzhin pa'i ngang nas mtshan gyur pa na/ ltung ba de na smad dang ltung med ci rigs par 'gyur te/ mtshan gyur pa na ltung ba chung bar 'gyur gyi/ che bar mi 'gyur ba'i phyir dang/ dge slong pha ma so sor bcas pa'i thun mong ma yin pa'i ltung ba yod pa'i phyir/ de thams cad mtshan lan gcig gyur pa kho na la ma yin te/ de mtshan lan gnyis gyur pa la yang sbyor dgos pa'i phyir/ mtshan lan gsum gyur ba la ltung ba mi skyed de/ mtshan lan gsum du gyur pa sdom pa'i gtong rgyu yin pa'i phyir/ mtshan gyur ba na ltung ba gnas 'gyur ba yin te/ de gyur pa na nyon mongs pa gnas 'gyur/ de gyur pa na de dang mtshungs ldan gyi sems sems byung yang gnas 'gyur/ de gyur pa na bcas pa yang gnas 'gyur ba'i phyir/ rtsa ba'i gnyis pa sbyor ba 'jug pa'i yul gyi yan lag ston pa la/ @221b de'i tshe lus byed pa po nyid yin no/ /zhes pa 'di gsungs/ de yang mtshan gyur pa ni de'i zhing nyid yin no/ /zhes sogs kyi skabs su mtshan 'gyur gyi yan lag de 'chad pa la kho na re/ 'o na/ ltung ba'i yul gyi yan lag de gang yin zhe na/ ltung ba'i rgyu la 'jug bzhin pa'i gnas skabs kyi yul gyi skyes pa'i lus de ltung ba de'i rten yin te/ ltung ba de'i sbyor ba la 'jug bzhin pa'i yul gyi skyes pa'i lus de sbyor ltung gi rten dang/ ltung ba de'i mthar thug gi yan lag grub pa'i dus kyi yul gyi skyes pa'i lus de ltung ba de'i dngos gzhi'i rten yin pa'i phyir/ zhes 'chad pa la/ rtsa ba'i gzhung 'di byung/ de yang yin te/ dper na bcas ldan dge slong pha'i rten la skyes pa pho la reg pa'i sbyor ba brtsam bzhin pa'i ngang nas reg yul gyi skyes pa pho mtshan gyur pa la reg pa na sngar gyi reg yul gyi skyes pa pho'i lus de sbom po'i ltung ba'i rten dang de mtshan gyur pa'i bud med kyi lus de reg pa'i lhag ma'i ltung ba'i rten yin pa lta bu yin pa'i phyir/ de bzhin du de'i rten la bud med la reg bzhin pa'i ngang nas reg yul gyi bud med de mtshan gyur pa na sngar gyi reg yul gyi bud med kyi lus de reg pa'i lhag ma'i ltung ba'i rten dang/ de mtshan gyur pa'i skyes pa'i lus de sbom po'i rten yin no/ / @222a @#/ /yang dge slong ma'i rten la skyes pa pho la reg bzhin pa'i ngang nas reg yul gyi skyes pa pho'i lus de reg pham gyi rten dang/ reg yul de mtshan gyur pa'i bud med kyi lus de sbom po'i ltung ba'i rten yin te/ dge slong ma'i rten la chags sems kyis kun nas bslangs te/ bud med la rig pa la sbom po'i ltung ba'i bcas pa mdzad pa'i phyir/ des na de'i rten la bud med la reg bzhin pa'i ngang nas reg yul de mtshan gyur pa la reg pa na/ sngar gyi reg yul gyi bud med kyi lus de sbom po'i rten dang/ de mtshan gyur pa'i skyes pa pho'i lus de reg pham gyi rten yin no/ /des na de dag gi skabs su 'das ma 'ongs la rten pa'i dogs pa bcad nas da ltar gyi lus ltung ba'i byed pa por ston pa yin la/ skye gnas gzhan la brten pa'i dogs pa gcod pa ni/ dud 'gro las skyes pa'i mis bdag tu bzung ba'i rin thang tshang ba'i rdzas brkus pa la ma byin len gyi pham pa dang/ de 'dra ba'i mi bsad pa la srog gcod kyi pham pa bskyed de/ de las skyes pa'i mi mi yin pa'i phyir/ zhes 'chad pa la/ gzhan las skyes pa ni rang gi 'gro ba nyid ma yin pa ma yin no/ /zhes gsungs/ rdzas sngags sogs kyi sgo nas dud 'gro sogs kyi gzugs su bsgyur ba'i mi bsad pa la srog gcod kyi pham pa bskyed de/ de 'dra ba de mi yin pa'i phyir/ @222b zhes 'chad pa la/ 'gro ba gzhan gyi rnam pa bsten pa bsad pa la yang ngo/ /zhes gsungs/ de ltar yang {Tikka} las/ 'dir ltung ba rnam par gzhag pa ni dngos po'i dbang gis rnam par gzhag pa yin gyi/ 'du shes kyi dbang kho nas rnam par gzhag pa ni ma yin no/ /zhes pa nas/ der 'du shes pas kyang rung/ gzhan du 'du shes pas kyang rung ste/ bsad pa'i dus na dngos po las ni pham par 'gyur ro/ /zhes pa'i bar gsungs/ de'i don la kha cig dud 'gror 'khrul nas mi bsad pa la srog gcod pa'i pham pa 'byung zer na/ mi 'thad de/ 'di nyid las/ de ltar 'du shes pa'o/ /zhes dang/ srog gcod kyi pham pa de 'du shes gtso che ba'i pham pa yin pa'i phyir/ zhes gsungs pa'i phyir/ rang lugs ni/ de'i don ni/ mi dang dud 'gro gang yin kyang gsod snyam nas mi la dud 'gror 'khrul nas bsad pa la srog gcod kyi pham pa 'byung bar bstan pa yin te/ {Tikka} las/ 'dir lhas byin du 'du shes pas mchod sbyin bsad pa la pham par mi 'gyur ba lta bur thal bar mi 'gyur te/ de gnyis ni rgyud tha dad pa yin pa'i phyir/ lhas byin du 'du shes pas mchod sbyin bsad pa la pham par mi 'gyur ba rigs so/ /'dir ni rgyud gcig yin pa'i phyir/ zhes dang/ dngos gzhi la srog bcad pa'i dbang gis ni dngos po ji lta ba las kha na ma tho @223a @#/ /bar 'gyur ro/ /zhes gsungs pa'i phyir/ do'i don la kha cig /mchod sbyin la lhas byin du 'khrul nas mchod sbyin bsad pa la pham pa mi 'byung ste/ de gnyis rgyud tha dad yin pa'i phyir/ mi la dud 'gror 'khrul nas mi bsad pa la pham pa 'byung ste/ gang bsad bya'i dud 'gro de mi dang rgyud gcig yin pa'i phyir/ zer na mi 'thad de/ lhas byin dang mchod sbyin rgyud tha dad yin pa bzhin du mi dang dud 'gro yang rgyud tha dad yin/ lhas byin du 'khrul ba'i mchod sbyin dang/ mchod sbyin rgyud gcig yin pa bzhin du dud 'gror 'khrul ba'i mi dang mi yang rgyud gcig yin par mtshungs pa'i phyir/ des na lhas byin du 'khrul ba'i mchod sbyin bsad pa la pham pa mi 'byung bar bstan pa ni/ de gnyis gang yin kyang gsod snyam pa'i kun slong spyi zhugs med pa'i dbang du byas la/ dud 'gror 'khrul ba'i mi bsad pa la/ pham pa 'byung bar bstan pa ni/ de gnyis gang yin kyang/ gsod snyam pa'i kun slong spyi zhugs yod pa'i dbang du byas pa yin no/ /de ltar ma yin na/ mi gsod snyam pa'i kun slong gi bsam pa med par mi bsad pa la/ srog gcod kyi pham pa 'byung bar thal/ mi dang dud 'gro gang yin kyang gsod snyam pa'i kun slong spyi zhugs med par mi la dud 'gror 'khrul nas bsad pa @223b la pham pa 'byung ba'i phyir/ 'dod na/ srog gcod kyi pham pa'i kun slong gi yan lag med par srog gcod pa'i pham pa 'byung ba yod par thal lo/ /'on kyang bsad bya de dgra bcom pa yin pa la/ de ma yin par 'du shes pa'i sgo nas gsod sems dang bcas te bsad pa la mtshams med kyi sdig pa 'byung ba yin te/ mdo sde las/ dgra bcom pa ma yin pa'i 'du shes kyis dgra bcom pa bsad pa na yang mtshams med par 'gyur ro/ /zhes gsungs pa'i phyir/ gnas skabs gzhan thob pa ni gzhan nyid ma yin no/ /zhes pa'i skabs su gzhung gi 'brel ni/ 'gro ba gzhan gyi rnam pa bsten pa bsad pa la yang ngo/ /zhes pa'i skabs su bcas ldan dge slong gis gzugs gzhan du bsgyur ba'i mi bsad pa la ltung ba dngos gzhi 'byung zhes 'chad pa la/ 'o na bsad bya'i mi de so so skye bo yin pa'i dus su gsod pa'i sbyor ba byas/ de 'phags par gnas gyur pa'i tshe mthar thug gi yan lag grub na/ srog gcod pa'i pham pa bskyed dam zhe na bskyed de/ de gnas gyur pa'i 'phags pa de so so skye bo'i mi de las rgyud gzhan ma yin pa'i phyir/ zhes 'chad pa la rtsa ba'i gzhung 'di byung/ de yang kun slong ma log pa'i dbang du byas pa yin gyi/ bar du 'dun pa log nas mthar thug gi @224a @#/ /yan lag grub na srog gcod pa'i pham pa mi 'byung ba dang/ bsad bya de dgra bcom pa ma yin pa'i dus su gsod pa'i sbyor ba byas/ dgra bcom pa thob nas mthar thug gi yan lag grub na/ gsod byed de la mtshams med kyi sdig pa mi 'byung ba'i phyir te/ mdzod las/ bsnun 'og dgra bcom pa la min/ zhes gsungs pa'i phyir/ de yan gyis ltung ba'i yul gyi yan lag de song nas/ rtsa ba'i gsum pa ltung ba tha dad du bskyed tshul zhar byung dang bcas pa ston pa la nyes pa de med pa nyid la ni 'ong ba tha dad do/ /zhes sogs kyi skabs su 'brel ni/ de'i tshe lus byed pa po nyid yin no/ /zhes pa'i skabs su da ltar gyi lus de ltung ba'i byed pa po yin zhes 'chad pa la/ kho na re/ 'o na/ sbyor ltung dang dngos gzhi'i ltung ba tha dad du bskyed tshul ji ltar yin zhe na/ de yod de/ bcas ldan dge slong gi rten la ltung ba de'i sbyor ba byas/ de rjes khyim par babs/ de rjes bsnyen rdzogs kyi rten la sbyor ba de'i 'phro zin par byas na ltung ba tha dad pa gnyis bskyed pa'i phyir/ zhes 'chad pa la/ rtsa ba'i gzhung 'di byung/ de yang de ltar yin te/ dper na/ bcas ldan dge slong gi rten la lo drug gi nang du stan gsar pa gnyis pa 'chos pa'i sbyor ba brtsams/ de rjes khyim par @224b babs/ de rjes bsnyen rdzogs kyi rten la sbyor ba de'i 'phro zin par byas pa na/ dang po'i rten la sbyor ltung dang/ phyi ma'i rten la dngos gzhi'i rnam pa'i ltung ba na smad bskyed pa dang/ yang de'i rten la gzhi ma dag par khang pa tshad las lhag pa brtsigs pa'i sbyor ba brtsams/ de rjes khyim par babs/ de rjes bsnyen rdzogs kyi rten la sbyor ba de'i 'phro zin par byas pa na/ dang po'i rten la khang pa la brten pa'i lhag ma'i sbyor ltung dang/ phyi ma'i rten la de la brten pa'i lhag ma'i dngos gzhi'i rnam pa'i ltung ba na smad bskyed pa'i dpe 'di bzhin yin pa'i phyir/ der ma zad dge slong gi rten la ltung ba de'i sbyor ba brtsams/ de rjes 'dun pa log /de rjes sbyor ba de'i 'phro zin par byas na/ dang po'i rten la sbyor ltung dang/ phyi ma'i rten la dngos gzhi'i ltung ba na smad bskyed ces 'chad pa la/ btang ba la yang ngo/ /zhes gsungs/ de yang dper na/ de'i rten la lo drug gi nang du stan gsar pa gnyis pa 'chos pa'i sbyor ba byas/ de rjes stan byed 'dod kyi 'dun pa log /de rjes sbyor ba de'i 'phro zin par byas na/ dang po'i rten la sbyor ltung dang/ phyi ma'i rten la dngos gzhi'i rnam pa'i ltung ba na smad bskyed pa'i dpe 'di bzhin no/ /des khang pa khang chen la brten pa'i lhag ma'i ltung ba sogs mthar thug 'phen pas 'grub pa'i ltung ba sogs la rigs 'gre'o/ / @225a @#/ /ltung ba 'di dag gi skabs su sbyor ltung dang/ dngos gzhi'i ltung ba tha dad du bskyed tshul bstan pas dgos pa yod de/ de gnyis phyir bcos tha dad kyis 'dag dgos tshul shes par bya ba'i ched yin pa'i phyir/ de'i zhar byung ni/ gzhi gcig la du ma nyid bcas pa la sde ji snyed ba de snyed kyi nyes par 'gyur ro/ /zhes sogs kyi skabs su gsum las/ dang po 'phrel ni/ nyes pa de med pa nyid la ni 'ong ba tha dad do zhes sogs kyi skabs su bslab rgyun tha dad pa la ltung ba yang tha dad par skye tshul de bstan nas/ 'o na ltung ba'i gzhi gcig la ltung ba gcig kho na bskyed pa yin nam zhe na/ ma yin te/ de la bcas pa ji snyed mdzad pa'i bcas pa'i grangs dang mnyam pa'i ltung ba bskyed pa'i phyir/ zhes 'chad pa la/ rtsa ba'i gzhung 'di byung/ de yang dper na/ bcas ldan dge slong gi rten la brdzun smra ba'i sgo nas gzhan la skyon brjod byas pa na/ brdzun smra ba'i ltung ba dang/ gzhan la skyon brjod byas pa'i ltung ba gnyis bskyed pa'i dpe 'di bzhin yin pa'i phyir/ kho na re/ pha dgra bcom pa'i bus pha dgra bcom pa bsad pa la mtshams med kyi las ngo bo tha dad pa gnyis bskyed par thal/ gzhi gcig la ltung ba tha dad pa du ma bskyed pa'i phyir/ 'dod mi nus te/ mdzod 'grel las/ gang zhig gis pha dgra @225b bcom pa bsad pa na yang mtshams med pa ni gcig kho nar 'gyur te/ rten gcig pa'i phyir/ zhes gsungs pa'i phyir na kha cig gis ma khyab ste/ de la pha bsad pa'i mtshams med kyi las zhig kyang 'byung ba'i phyir/ de lta ma yin na/ bcas ldan dge slong gi rten la pha dgra bcom pa bsad pa la srog gcod kyi pham pa dang mtshams med kyi gnyis mi 'byung bar thal ba'i skyon yod do zer/ nyes pa do med pa nyid la 'ong ba ni tha dad do zhes pas bslab rgyun tha dad pa la sbyor ltung dang dngos gzhi'i ltung ba tha dad du bskyed par bstan na/ pham pa'i sbyor ltung de ltung ba sde lnga gang gi khongs su 'dus zhe na pham pa'i sbyor ltung gi sbom pa pham pa'i sder gtogs su/ /zhes 'chad pa la/ de'i cha ni der gtogs so/ /zhes gsungs/ rgya'i kun slong khu ba 'byin 'dod kyis bsam pas kun nas bslangs te ma nyams pa'i rma'i sgo gsum gang rung du khu ba 'byin pa la mi tshangs spyod kyi pham pa dang/ rgyu'i kun slong mi tshangs spyod 'dod dang/ dus kyi kun slong khu ba 'byin pa'i bsam pa skyes te/ nyams pa'i rma'i sgo gsum gang rung du khu ba 'byin pa la/ dge 'dun lhag ma'i ltung ba bskyed ces 'chad pa la/ phyung ba thams cad la mtha' nyid ma gtogs pa ni dge 'dun lhag ma'o/ /zhes gsungs/ @226a @#/ /ltung ba de'i yan lag ma tshang bar de'i yan lag bsdoms pa la de'i dngos gzhi yongs rdzogs bskyed mi nus zhes 'chad pa la/ bya ba du ma'i 'bras bus ltung ba rnam par mi gzhag go /zhes gsungs/ de yang dper na rin thang ma tshang ba'i rdzas du ma brkus pa gcig tu bsdoms nas rin thang tshang ba na ma byin len gyi pham pa mi skyed pa'i dpe 'di bzhin no/ ltung ba de'i rgyu la 'jug pa'i bya ba phyed tsam gzhan gyis byas nas/ de'i 'phro zin par byas pa na/ de'i dngos gzhi mi skyed ces 'chad pa la/ phyed byas pa la byed pa ni phyed nyid do/ /zhes gsungs/ de yang dper na/ gzhi ma dag pa gsum po gang rung du khang pa phyed gzhan gyis brtsigs nas/ de'i 'phro zin par byas pas khang pa la brten pa'i lhag ma'i ltung ba mi skyed pa'i dpe 'di bzhin no/ /gzhi med bag tsam gyi lhag ma'i ltung ba 'chad pa'i skabs su/ pham pa'i sgo nas skur pa btab pa la lhag ma'i ltung ba dang/ lhag ma'i sgo nas skur ba btab pa'i ltung byed bskyed par bstan pa la/ de gnyis gang rung las gzhan pa'i sgo nas skur ba btab pa la ltung ba gang bskyed ce na/ de gnyis gang rung las gzhan pa'i sbom po/ sor bshags ltung byed gang rung gi sgo nas skur ba btab pa la nyes byas 'byung zhes 'chad pa la/ kha na ma tho ba @226b na smad pa dag gi cha nyid ni na smad pa yin no/ /zhes gsungs so/ /rtsa ba'i bzhi pa 'du shes kyi yan lag zhar byung dang bcas pa 'chad pa la/ ltung ba de'i gzhi'i yan lag thams cad la the tshom za ba'i sgo nas ltung ba de'i sbyor ba la zhugs pa la mthar thug gi yan lag grub pa na ltung ba de'i dngos gzhi bskyed ces 'chad pa la/ thams cad la the tshom za bas zhugs pa ni bsam pa dang bcas pa yin no/ /zhes gsungs/ de yang dper na mi la mi yin min the tshom za ba'i sgo nas bsad na srog gcod pa'i pham pa 'byung ba'i dpe 'di bzhin no/ /ltung ba de'i sbyor ltung dngos bskyed pa la de'i gzhi'i yan lag kun la the tshom mi za ba'i sgo nas don der 'du shes pa dgos zhes 'chad pa la/ sbyor ba la ni 'du shes yan lag yin no/ /zhes gsungs/ de yang dper na/ dud 'gro la mir 'khrul nas bsad na sbyor ba la sbom po'i ltung ba dang/ mi la dud 'gror 'khrul nas bsad na sbyor ba la nyes byas bskyed pa'i dpe 'di bzhin no/ ltung ba de'i gzhi'i yan lag bye brag pa zhig la bsams nas ltung ba de'i sbyor ba la zhugs te mthar thug gi yan lag grub pa na ltung ba de'i dngos gzhi bskyed pa la gang bsams pa'i don de yan lag tu dgos zhes 'chad pa la/ bsams pa la ni de nyid do/ /zhes gsungs/ de yang dper na lhas byin gsod snyam pa'i sgo nas sbyor ba la @227a @#/ /zhugs na de bsad pa'i pham pa bskyed pa la lhas byin bsad pa nyid yan lag tu dgos pa'i dpe 'di bzhin no/ /dmigs bsal ni mi tshangs spyod kyi pham pa dang/ 'byin pa'i ltung ba la ni bsam pa'i don de yan lag tu mi dgos te/ don de yan lag tu med par ltung ba de nyid bskyed pa yod pa'i phyir zhes 'chad pa la/ mi tshangs par spyod pa dang khu ba 'byin pa gnyis la ni der ma zad do/ /zhes gsungs pa'i phyir/ de yang dper na/ bud med dkar sham la mi tshangs spyod par bsams nas/ sngo sham la spyad pas/ mi tshangs spyod kyi pham pa 'byung ba'i dpe 'di bzhin no/ /lhas byin la mi chos bla ma'i brdzun smra bar bsams nas/ mchod sbyin la de ltar smras na brdzun smra ba'i pham pa mi 'byung zhes bshad pa la/ mi bden pa ni nyan pa po yang ngo/ /zhes gsungs pa'i phyir/ de yang mi la dud 'gror 'khrul nas brdzun smras pa la brdzun smra ba'i pham pa mi 'byung ste/ zhu ba las/ mi la mi ma lags par 'du shes pas mi'i chos bla ma'i brdzun smras na cir 'gyur/ sbom po'o/ /zhes gsungs pa'i phyir/ de'i zhar byung shes sla'o/ gong du de'i cha ni der gtogs so/ /zhes gsungs pa'i ngag don ni/ mi tshangs spyod kyi pham pa'i sbyor @227b sbom chos can/ khyod ltung ba sde lnga gang rung du ma 'dus pa'i skyon med de/ khyod mi tshangs spyod kyi pham pa'i sde'i char gyur pa'i ltung ba yin pa'i phyir/ 'di'i skabs su/ spyi don la cha cha can gyi ltung ba'i khyad par dang/ cha cha can sbyar ba gnyis/ dang po ni/ rang gi char gyur pa'i ltung ba las mthun pa gsum ci rigs par mthun pa'i sgo nas char gyur pa'i ltung ba las lci ba'i ltung ba de cha can gyi ltung ba'i mtshan nyid yin/ rang gi cha can gyi ltung ba las mthun pa gsum ci rigs par mthun pa'i sgo nas cha can gyi ltung ba las yang ba'i ltung ba de/ char gyur pa'i ltung ba'i mtshan nyid yin/ mthun pa gsum ni/ sbyor ba'i rigs/ dgag bya'i rigs/ gzhi'i yan lag mthun pa rnams la byed/ pham pa bzhi bka' blo mi bde ba'i lhag ma'i ltung ba/ gsog 'jog za ba'i ltung byed rnams dang po yin/ pham pa'i sgo nas skur ba btab pa'i ltung ba dang/ dbyen byed lhag ma'i ltung ba de gnyis ka yin/ ltung ba gzhan rnams gnyis pa yin/ gnyis pa cha cha can sbyor tshul ni/ ltung ba rang rang gi dgag bya'i rigs sogs cha can gyi ltung ba gang dang mthun mi mthun dpyad nas cha cha can tu sbyar tshul shes dgos la/ de yang ltung ba de'i char gtogs pa dang sder gtogs pa gnyis mi 'dra ste/ dper na/ 'byin pa'i lhag ma lta bu pham pa dang po'i char gtogs pa yin kyang pham pa'i sder gtogs pa ma yin zhing/ lhag ma'i sde gtogs yin pa lta bu yin pa'i phyir/ des mtshon nas cha can gyi ltung ba pham pa bzhi la sogs pa rnams kyi @228a @#/ /char gtogs pa'i ltung ba rnams kyang dgag bya'i rigs sogs pham pa gang dang mthun mi mthun dpyad nas cha cha can sbyar tshul shes par bya'o/ /des na cha can gyi ltung ba pham pa bzhi sogs spong ba gtso bo yin zhing char gtogs pa'i yan lag gi ltung ba rnams spong ba 'khor yin la/ char gtogs pa'i ltung ba la yang rang bzhin dang bcas rkyang gi ltung ba gnyis yod pa'i nang nas rang bzhin gyi ltung ba spong ba gtso bo yin mod kyang bcas pa'i ltung ba rnams spong ba la ma 'bad na rang bzhin gyi ltung ba rnams kyang spong mi nus par 'gyur ba'i phyir te/ 'dul ba la bstod pa las/ gang zhig ston pa thugs rje'i bstan pa las/ /yang bar sems shing cung zad 'da' byed na/ /de ni de las sdug bsngal gzhan dbang thob/ /smig tshal bregs pas a mra'i chal nyams bzhin/ /zhes gsungs pa'i phyir/ rtsa ba'i lnga pa sel ba cir 'gyur yan lag gi don bshad pa la/ sel ba cir 'gyur gyi ? ni phal cher bshad zin la/ yan lag la bzhi las/ dang po gzhi'i yan lag mi las gyur pa la/ mi tsam las gyur pa dang/ bye brag las gyur pa'o/ /dang po ni rkug sod gnyis so/ /gnyis pa la spyi bskyed drug sogs yod de/ khyim pa bud med rdzogs ma rdzogs/ /tha snyad 'di ba'i rab byung ste/ /spyi bskyed drug dang dge slong pha/ /ma dang dge tshul mu stegs can/ /khyim pa pho mo dang drug go /zhes gsungs pa ltar drug tshan gnyis las/ /dang po ni/ khyim pa spyis bskyed pa nyi shu rtsa bdun/ bud med spyis bskyed pa drug /bsnyen par rdzogs @228b pa spyis bskyed pa gsum/ ma rdzogs pa spyis bskyed pa lnga/ /tha snyad spyis bskyed pa bcu gnyis/ rab byung spyis bskyed pa gnyis te/ spyi bskyed drug po /gnyis pa ni/ dge slong pa yin lag tu dgos pa zhi lnga 'am zhe drug ;dge slong ma dgos pa bcu bzhi/ dge tshul dgos pa gcig /mu stegs can dgos pa gnyis/ khyim pa pho dgos pa drug /khyim pa mo dgos pa bzhi'o/ /des na spyi bskyed drug la sogs pa 'di dag phal che ? yul la mi yin pa smra shes pa don go ba shes pa rang bzhin du gnas pa za ma ma ning ma yin pa ste tha snyad lnga dang ldan pa yan lag tu dgos te/ gzhan du na ltung ba de dag rdzogs par mi 'gyur ba'i phyir te/ 'og ma dag la ni gzhan la na smad pa nyid do/ /zhes dang/ Tikka las/ mi'i 'gro ba pa'i srog chags dag kha na ma tho ba yongs su rdzogs pa'i yan lag nyid yin no/ /'gro ba gzhan du gtogs pa dag ni na smad pa nyid yin no/ /zhes gsungs pa'i phyir/ tha snyad lnga po de'i zlog phyogs mi ma yin lha klu sogs ni sel bar gtogs so/ /yang gzhi'i yan lag ltung ba las gyur pa lnga/ zas las gyur pa nyer gcig /gos la brten pa so drug ;snod spyad la brten pa brgyad/ nor las gyur pa bzhi/ ngag kho na'i byed pa can bzhi bcu rtsa bzhi/ lus ngag gang rung gi byed pa can dgu 'am bdun/ gnyis ka dgos pa gsum/ bcol bas rdzogs pa sum cu rtsa gsum bcas yod pas de dag gi skabs su yang rang rang gi yan lag tu dgos pa ji skad bshad pa rnams ma tshang na na smad @229a @#/ /du 'gyur tshul dang/ yan lag phyi ma rnams kyang rgyas par ni/ Tika chen las shes par bya'o/ /des na rtsa 'grel rnams las dngos su gsal ka ma gtod pa rnams la mdor bsdus sbyar tshul ni/ bya pa'i rigs de rung ba dang mthun nam/ mi rung ba dang mthun zhes dpyad nas lung phran tshigs las gsungs pa'i dgag sgrub gnang gsum gyi 'dul pa mdor bsdus sbyar nas shes dgos pa yin te/ 'di nyid las/ mi rung ba dang mthun la/ rung ba dang 'gal ba ni/ rung ba ma yin par bsdu'o/ /phyi ma dang mthun la snga ma 'gal ba ni rung par ro; ;zhes dang/ sum brgya pa las/ 'dul ba mdor bsdus zhes bya sgron med dang/ /'dra ba gzhan 'di bde bar gshegs pas gsungs/ zhes gsungs pa'i phyir/ ! gnyis pa nyams su blang bya'i bslab bya bshad pa la/ spyi'i bsdu ba dang/ so so'i don bshad pa gnyis/ dang po la/ skabs 'dir bstan gyi gzhi'i dbye ba/ bsdu ba/ gom rim/ sgra bshad pa dang bzhi/ dang po ni/ 'di bstan gyi gzhi la bcu bdun yod de/ lung las/ rab byung gso sbyong gzhi dang ni/ /zhes sogs gsungs/ de'i nang nas rab byung gi gzhi ni gong du bstan zin nas gso sbyong gi gzhi 'chad pa la/ spyod yul du bzhugs pas/ zhes pa nas/ gso sbyong gi gzhi rdzogs so/ zhes pa'i bar gsungs/ dbyar gyi gzhi 'chad pa la/ dbyar gnas par khas blangs par bya'o/ /zhes pa nas/ dbyar gyi gzhi rdzogs @229b so; ;zhes pa'i bar gsungs/ dgag dbye'i gzhi 'chad pa la/ dbyar gnas pa'i dge 'dun la/ zhes pa nas/ dgag dbye'i gzhi rdzogs so/ /zhes pa'i bar gsungs/ sra brkyang gi gzhi 'chad pa la; sra brkyang gding bar bya'o/ /zhes pa nas/ sra brkyang gi gzhi rdzogs so/ /zhes pa'i bar gsungs/ gos kyi gzhi 'chad pa la/ mtshon gyis ma dras pa'i/ zhes pa nas/ gos kyi gzhi rdzogs so/ zhes pa'i bar gsungs/ ko lpags kyi gzhi 'chad pa la/ yul dbus kyi mtshams so/ /zhes pa nas/ ko lpags kyi gzhi rdzogs so/ /zhes pa'i bar gsungs/ sman gyi gzhi 'chad pa la/ sman bsten par bya'o/ zhes pa nas/ sman gyi gzhi rdzogs so/ /zhes pa'i bar gsungs/ las kyi gzhi 'chad pa la/ cho ga las 'das na las mi 'chags so/ /zhes pa nas/ las kyi gzhi rdzogs so/ /zhes pa'i bar gsungs/ phyir bcos kyi gzhi 'chad pa la/ gzhi ma zhi bar shes nas/ zhes pa nas/ phyir bcos pa'i gzhi rdzogs so/ /zhes pa'i bar gsungs/ dus dang dus ma yin pa bsdus pa 'byung ba'i gzhi 'chad pa la/ 'di la dge 'dun lhag ma mi shes pa/ zhes pa nas/ dus dang dus ma yin pa bsdus pa 'byung ba'i gzhi rdzogs so/ /zhes pa'i bar gsungs/ sa gzhan na spyod pa'i gzhi 'chad pa la/ spo ba dang mgu bar bya ba/ zhes pa nas/ spyod pa'i gzhi rdzogs so/ /zhes pa'i bar gsungs/ yongs su sbyangs pa'i gzhi 'chad pa la/ ma grag pa ni/ zhes pa nas/ yongs su sbyangs @230a @#/ /pa'i gzhi rdzogs so/ /zhes pa'i bar gsungs/ las bye ba'i gzhi 'chad pa la/ dge 'dun tha dad pa nyid du zhes pa nas/ las bye ba'i gzhi rdzogs so/ /zhes pa'i bar gsungs/ 'khor lo bye ba'i gzhi 'chad pa la/ dge 'dun gyi dbyen ni/ zhes pa nas/ 'khor lo bye ba'i gzhi rdzogs so/ /zhes pa'i bar gsungs/ rtsod pa'i gzhi 'chad pa la/ 'khrug long gi rgyu bzhi'o/ /zhes pa nas/ rtsod pa'i gzhi rdzogs so/ /zhes pa'i bar gsungs/ gnas mal gyi gzhi 'chad pa la/ so sor thar pa'i sdom pas mchog la rab tu byung ba'i phyag bya'o/ /zhes pa nas/ gnas mal gyi gzhi rdzogs so/ /zhes pa'i bar gsungs/ gnyis pa bsdu ba ni/ bzhi bcu bdun po bsdu na gsum du 'du ba yin te/ sdom pa ma thob pa thob par byed pa'i thabs sogs gsum du 'du ba'i phyir/ yang gzhi lhag ma bcu drug po don lngar 'du ste/ bslab pa yongs sbyong gi gzhi/ bde bar gnas pa'i rkyen bsten pa'i gzhi/ bya ba'i thabs las kyi gzhi/ gso ba phyir bcos pa'i gzhi/ de thams cad kyi rten gnas mal gyi gzhi dang lngar 'du ba'i phyir/ gsum pa go rim ni/ phal cher lung las bshad pa ltar bstan/ dbyar gzhi'i mjug tu dgag dbye'i gzhi bstan pa ni/ dus kyi dbang du byas/ gos gzhi'i mjug tu sman gzhi bstan pa ni/ gos rab byung gi yo byad kyi gtso bo dang/ sman de ma yin pa'i rgyu mtshan gyis yin/ gos gzhi gsum gyi dang por sra brkyang gzhi bstan pa ni @230b dgag dbye'i gzhi'i mjug tu sra brkyang gi gzhi 'byung ba'i rgyu mtshan gyis yin/ las kyi gzhi ni thams cad la dgos pas dbus su bstan pa yin/ rtsod gzhi gsum ni rigs gcig pas phyogs gcig tu bstan pa yin/ 'khor lo bye ba'i gzhi ni brjod bya rgya chung bas rtsod gzhi'i gong du bstan/ gnas mal gyi gzhi ni/ sngar 'chad pa'i gzhi de rnams 'grub pa'i rten byed pas tha mar bstan pa yin no/ /bzhi pa ni/ gzhi bcu bdun po 'di la gzhi zhes brjod pa'i rgyu mtshan yod de/ gzhi bcu bdun po rnams tshul khrims kyi bslab pa'i nyams len du 'du zhing/ tshul khrims kyi bslab pas bslab pa phyi ma gnyis kyi gzhi rten byed pas na de ltar brjod pa'i phyir/ de yan gyis bstan bcos 'dul ba mdo rtsa ba'i Tika chen rin chen 'phreng ba'i dgongs rgyan gzhung 'grel zhes bya ba 'dul 'dzin chen po ~ paN chen blo gros legs bzang gis mdzad pa las sngom pa ma thob pa thob par byed pa'i thabs nas bzung ste gzhi smad mdor bstan yan bcas rdzogs so/ /gzhi smad kyi skor ni/ 'dul ba chen mo'i tshig zin ltar na 'di'i gzhi smad cha tshang zhig yod tshod snang yang sngon chad dpe ma rnyed cing slar cha tshang ba'i dpe rnyed na 'di gsham du 'thung chog par bsam pas dpe rnying pa 'ga' rer gzhi smad skor 'thor rer snang yang 'dir ma bris so// ! //oM swa ste/ blo ? gros ? dkyil 'khor bzang po'i 'od zer gyis/ /thub bstan legs bshad padmo'i tshul rab @231a @#/ /kun; ;'byed la 'phrin las bzang po'i dpal mnga' ba/ /'dul 'dzin nyin mo'i mgon la gsol ba 'debs/ /khyod gsung thos bsam nor bu 'byung ba'i gnas/ /blo gsal 'dab brgya'i nyer 'tshor rab drangs pa/ /'dzad med chos sbyin gangga'i rgyun bzang 'di/ /bshad sgrub bkra shes bde ba'i gling nas sgrengs/ /'di ltar bskrun pa'i rnam dkar phung po'i mthus/ /bstan pa'i bang mdzod dam chos 'dul ba'i gzhung/ /phyogs dus kun tu dar zhing rgyas gyur nas/ /'gro kun lam bzang 'di yis grol gyur cig /ces pa 'di ni ser smad thos bsam nor bu'i gling grwa tshang gi yig cha paN chen blo gros legs bzang gis mdzad pa'i 'dul ba rgya mtsho'i snying po 'di don gnyer can rnams la dpe rgyun shin tu dkon stabs chos sbyin rgya cher spel phyir ser bshad sgrub gling bla brang du par du sgrub skabs par byang dag rtsom 'di lta bu zhig dgos zhes bka' blon dza sag bla ma byams pa stobs ldan dang/ na lenpra'i mkhan po ngag dbang bstan 'dzin rgya mtsho/ mdzod pa blo bzang brtson 'grus/ chos mdzad ye shes chos 'phel bcas nas bskul ma byung ba ltar/ shAkya'i dge slong blo bzang bstan pa'i dbang phyug 'jam dpal rgya mtshos sbyar ba'i yi ge pa ni nye 'khor ba gsol dpon rje drung dge legs rgyal mtshan no// ! //rnam grol zhi ba'i rgya mtshor ro gcig tu/ /gzhol ba'i mtha' yas tshos tshul dal 'bab klung// @231b tshig gi gzigs ma res kyang dug gsum gyi/ /dri ma yongs 'khrud legs bshad bdud rtsi 'di/ /dpar du bskrun pa'i rnam dkar phung po'i mthus/ /yang dag chos kyi sgo mo stong phrag brgya; ;gdangs te rgyud lnga'i 'gro ba ma lus pa/ /des legs nor bu'i mdzod la dbang 'byor shog /(ces pa 'di yang deng dus yid srub kyis rgyud brloms pa'i kla klo'i sdig spyod mi bzod pas gangs ljongs chos ldan gyi zhing du thub pa'i bstan pa rin po che nyin mo'i snang ba ltar 'bar ba de ni ming gi lhag ma tsam du nyam nyes par byas/ phyogs dang phyogs na rdul phran gyi mtshon cha sogs gdug pa'i gnod 'tshe gya gyu'i sbyor ba ni nyin re bzhin du dar ba sogs sgo kun nas lnga bdo'i rgud tshogs mtsho ltar brdol ba 'di dag lhag med du zhi zhing/ byang phyogs bod kha ba can du bsnyan pa'i me ro slar yang sngar bzhin gsos te rgya gar 'phags pa'i ljongs 'dir yang thub pa'i bzhed dgongs dri ma med pa dar rgyas su 'phel slad dang/ 'dzam gling yangs pa'i khyon la 'tshe med zhi ba'i lam ston rnam 'dren shAkya sengge'i ring lugs sgo kun nas rgyas pa sogs 'phral yun legs tshogs du ma'i ched du dmigs/ sbag sa nang bstan shes rig 'dzin skyong slob gnyer khang nas/ nang bstan grub mtha' res med kyi gsung rab dpar du bskrun dang bskrun 'gyur gang la'ang sbyar chog pa'i dge bsngo'i smon tshig tu/ sh'kya'i dge sbyong chos smra ba ngag dbang blo bzang bstan 'dzin rgya mtshos sbyar ba'o// //zhes 'dul @232a @#/ /'dzin chen po paN chen blo gros legs bzang dpal bzang po'i gsung 'dul ba rgya mtsho'i snying po gzhung 'grel chen mo 'di nyid grwa tshang nas cha tshang grangs 150 dpar bskrun dang; sbag sa chos sgar du grwa tshang gi yig cha 'dul mdzod dbu phar tshad ma'i skor sogs dpar 'debs skabs mdzod nyin byed dbang po'i snang ba dang/ 'dul ba gzhung 'grel 'di gnyis su dpar rnying gi par byang smon tshig kyang sor bzhag dang bcas tshul 'dir lhag bsam bzang pos 'bad las byung ba'i rnam dkar rgya mtshos gong du ji ltar smon pa'i legs tshogs 'bad med bde blag tu 'grub par gyur cig //sarba mangga laM/ //