@1a @#/ /bstan bcos mngon par rtogs pa'i rgyan 'grel pa dang
bcas pa'i mtha' dbyod legs par bshad pa pad-ma dkar po'i
'phreng ba zhes bya ba mkhas grub bstan pa dar rgyas kyi gsung
rgyun skabs dang po'i bar cha bzhugs so// //

@1b @#/ /sems bskyed pa ni gzhan don phyir/ /yang dag rdzogs
pa'i byang chub 'dod/ /ces sogs kyi skabs su mtha' dpyad pa
la/ sems bskyed kyi rten bshad pa/ brten pa sems bskyed bshad
pa/

smon 'jug gi khyad par bye brag tu bshad pa dang gsum/ dang po
la kha cig /ngan song gsum gyi rten la theg chen sems bskyed
gsar du skye ba med zer na/ de yod par thal/ bdag cag gi ston
pa dmyal ba'i shing rta 'dren

pa'i gyad du sku 'khrungs pa'i tshe grogs la dmigs pa'i theg
chen sems bskyed skyes pa mdo sde las gsungs pa'i phyir/ gzhan
yang ngan song gi rten la theg chen sems bskyed skye ba yod
par thal/ klu'i rten la theg

chen sems bskyed skye ba yod pa'i phyir/ der thal/ klu'i rgyal
po rgya mtshos zhus pa'i mdo las/ klu nyi khri chig stong gis
byang chub mchog tu sems bskyed nas bskal pa skar ma lta bu la
de bzhin gshegs pa'i mtshan dang

mthun par lung bstan par gsungs pa'i phyir/ kha cig /byang
sgra mi snyan pa'i rten la theg chen sems bskyed gsar du skye
ba yod zer na/ de med par thal/ sgra mi snyan pa'i rten la
lhag bsam rnam dag gsar du skye ba med

pa'i phyir/ der thal/ sgra mi snyan pa'i rten la tshor ba sdug
bsngal mngon 'gyur ba med pa'i phyir/ kha cig /gzugs med khams
pa'i rten la theg chen sems bskyed gsar du skye ba yod zer na/
de med par thal/

@2a @#/ /gzugs med khams pa'i rten la sdug bsngal can gyi sems
can sdug bsngal gyis mnar pa mthong nas de dang bral 'dod gyi
snying rje chen po gsar du skye ba med pa'i phyir/ der thal/
gzugs med khams na

chor ba sdug bsngal mngon 'gyur ba med pa'i phyir dang /gzugs
med kha mas pa'i so so skye bos sdug bsngal can gyi sems can
dngos yul du mi byed pa'i phyir/ der thal/ gzugs med khams na
gzugs med pa'i phyir/ kha cig

mi ma yin pa'i 'gro ba pa'i rten la smon sems gsar du skye ba
yod/ 'jug sems gsar du skye ba med de/ 'jug sdom thob pa la so
thar gyi sdom ldan dgos pa'i phyir zer na/ 'jug sdom rgyud
ldan gyi gang zag yin na so thar

gyi sdom pa rgyud ldan gyi gang zag yin dgos par thal/ dam
bca' 'thad pa'i phyir/ 'dod na/ 'jug sdom rgyud ldan gyi bsam
gtan dang po ba'i byang sems 'phags pa chos can/ der thal/
de'i phyir/ der thal/ chos can de yin

pa'i phyir/ der thal/ de 'dra'i bsam gtan dang po'i byang
'phags cig yod pa'i phyir/ 'dod mi nus te/ lha yin pa'i phyir/
khyab ste/ mdo rtsa ba las/ ? mi ma yin pa'i 'gro ba pa dang
byang gi sgra mi snyan pa gnyis ni sdom

pa'i zhing ma yin no/ /zhes gsungs pa'i phyir/ kha cig /mi ma
yin pa'i 'gro ba yin na/ sdom pa rgyud la mi ldan pas khyab
zer na/ bsam gtan dang po'i nyer bsdogs rgyud la ldan pa'i lha
chos can/ der thal/ de'i

@2b phyir/ der thal/ chos can de yin pa'i phyir/ 'dod mi nus
te/ bsam gtan gyi sdom pa rgyud la ldan pa'i phyir te/ chos
can de yin pa'i phyir/ gzhan yang / theg chen gyi bar chad med
lam rgyud la ldan pa'i 'dod lha chos can/ der thal/ de'i
phyir/ der thal/

'dod lha yin pa'i phyir/ 'dod mi nus te/ zag med kyi sdom pa
rgyud ldan yin pa'i phyir/ der thal/ zag med bar chad med lam
rgyud ldan yin pa'i phyir/ kha cig /theg chen sems bskyed kyi
sems rten yin na/ sems yin pas khyab zer na/ theg chen sems
bskyed

kyi sems rtan du gyur pa'i rgyal ba la dmigs pa'i dad pa chos
can/ der thal/ de'i phyir/ der thal/ chos can de yin pa'i
phyir/ der thal/ de yod pa'i phyir/ der thal/ theg chen sems
bskyed de rang gi sems rten du gyur pa'i sangs rgyas la dmigs
pa'i

dad pa dang / sems can la dmigs pa'i snying rje dang / rgyal
sras kyi dka' spyad la bzod pa'i bzod pa gsum la brten nas
skye ba'i phyir/ der thal/ dkon mchog sgron me'i gzungs las/
rgyal dang rgyal ba'i chos la dad gyur cing/ /rgyal sras rnams
kyi sbyod

la dad byed pa/ /byang chub blan med la dad gyur nas/ /skyes
bu chen po rnams kyis sems bskyed pa'o/ /zhes gsungs pa'i
phyir/ kha cig /theg chen sems bskyed skye kha ma'i gang zag
yin na/ theg pa chen po'i rigs sad pas khyab zer na/ mi 'thad

bar thal/ theg chen sems bskyed de grogs ? theg pa chen po'i
dge ba'i bshes gnyen gyis bskul stobs kyi sgo nas skye ba dang
/ rgyu theg pa chen po'i rigs sad pa dang / sdon theg chen
sems bskyed skye ba'i phyir du dge rtsa rgya chen po bsags pa
dang /

tshe 'dir theg chen gyi sde snod mang du thos pa dang / tshe
'dir sbyangs stobs kyis skyes pa rnams las/ dang po mi brtan
cing phyi ma bzhi brtan par gsungs pa'i phyir/ der thal/ mdo
sde rgyan las/ grogs stobs rgyu stobs rtsa ba'i stobs/ /thos
stobs

@3a @#/ /dge ba goms pa las/ /mi brtan pa dang brtan 'byung ba/
/gzhan gyis brtan pa'i sems bskyed bshad/ /ces gsungs pa'i
phyir// ! //gnyis pa rang lugs la/ theg chen sems bskyed gsar
du skye ba'i lus rten dang / sems rten

gnyis kyi khyad par yod de/ lus rten ni za ma dang / ma ning
dang / byang sgra mi snyan pa dang / tshe de la chos spongs
dang / mtshams med kyi las stobs chen bsags la ma sbyangs pa ma
gtogs pa'i/ gleng gsum gyi mi dang / 'dod gzugs kyi lha'i rten
la skye ba

yod/ sems rten ni/ rgyu'i gtso bo'i dbang du byas na/ sangs
rgyas la dmigs pa'i dad pa/ sems can la dmigs pa'i snying rje/
rgyal sras kyi dka' spyad la bzod pa'i bzod pa gsum la brten
nas skyed cing / rgyu rkyen mtha' chod pa'i dbang du byas na/

rgyu bzhi/ rkyen bzhi/ stobs bzhi la brten nas skye ba yod// !
//gsum pa rtsod pa spong bal/ kha cig /ngan song gi rten la
theg chen sems bskyed gsar du skye ba med par thal/ theg chen
sems bskyed de ngan song du skye ba rgyun gcod byed yin pa'i

phyir zer na ma khyab/ ma grub na/ der thal/ spyod 'jug las/
des ni dus mtha'i me bzhin sdig can rnams/ /skad cig gcig gis
nges par bsreg par byed/ /ces gsungs pa'i phyir zer na/ ngan
'gro'i rten la theg chen sems bskyed gsar du skye ba

yod par thal/ ngan song gi rten can gyi byang chub sems dpa'
yod pa'i phyir/ der thal/ byang chub sems dpa' las nyon gyi
dbang gis ngan song du skye ba len pa yod pa'i phyir/ der
thal/ skyes rabs las/ las kyi rnam par smin pa bsam mi

khyab/ /brtse ba'i bdag nyid che yang dud 'gror skye/ /zhes
gsungs pa'i phyir/ kha cig /byang chub sems dpa' las nyon gyi
dbang gis ngan song du skye ba med par thal/ theg pa chen po'i
rigs sad pa tsam gyis kyang ngan song du skye dka' ba'i phyir

@3b zer na/ ma khyab/ ma grub na/ der thal/ mdo sde rgyan las/
ring mo zhig nas ngan song du/ /'gro zhing myur du thar bar
byed/ /ces gsungs pa'i phyir/ kha cig /ngan song gsum po de
mi khom pa'i gnas su gsungs pa mi 'thad par thal/ ngan song gi
rten la dam chos khyad par can dang theg /

chen sems bskyed skye ba yod pa'i phyir/ zer na skyon med de/
de'i don so thar gyi sdom pa sogs thun mong ma yin pa'i yon
tan skye ba la mi khom zhes pa'i don yin pa'i phyir/ kha cig 
/gzugs med khams pa'i rten la theg chen sems bskyed gsar du
skye ba yod par thal/ gzugs med khams

pa'i rgyud la sems bskyed gsar du skye ba yod pa'i phyir/ zer
na ma khyab/ ma grub na/ der thal/ de'i rgyud la rnam mkhyen
gsar du skye ba yod pa'i phyir/ ma grub na/ de chos can/ khyod
kyi rgyud la rnam mkhyen gsar du skye ba yod par thal/ khyod
sems can yin pa'i phyir/ kha cig /theg chen sems

bskyed kyi sems rten du gyur pa'i rgyal ba la dmigs pa'i dad
pa med par thal/ de yod na/ de la brten nas skyes pa'i sems
bskyed de sangs rgyas la dmigs pa'i dad pa yin dgos pa las/ de
sangs rgyas la dmigs pa'i dad pa ma yin pa'i phyir/ dad po der
thal/ bsam gtan gyi dngos

gzhis sems rten byas pa la brten nas skyes pa'i mngon shes yin
na/ bsam gtan gyi dngos gzhi yin dgos pa'i phyir/ zer na ma
khyab/ 'dod na/ bkag zin/ kha cig /'jug sdom thob kha ma yin
na so thar gyi sdom ldan yin dgos par thal/ lam sgron las/ so
sor thar pa rigs bdun gyi/ /  

rtag tu sdom gzhan ldan pa la byang chub sems dpa'i sdem pa
yi/ /skal ba yod kyi gzhan du min/ /zhes gsungs pa'i phyir zer
na/ skyon med de/ de ni rten khyad par can gyi dbang du byas
pa'i phyir/ der thal/ de'i 'thad kyi 'grel pa'i mtshams sbyar
du/ de ni rten khyad par can gyi dbang

du mdzad nas bstan par 'dod pas/ zhes gsungs pa'i phyir/ kha
cig gzugs med khams pa'i rten la theg chen sems bskyed gsar du
skye ba yod par thal/ gzugs med khams pa'i rten can gyi byang
chub sems dpa' yod pa'i phyir zer na/ ma khyab/ ma grub na/
der thal/ byang chub

@4a @#/ /sems dpa' las nyon gyi dbang gis gzugs med kham su
skye ba len pa yod pa'i phyir/ kha cig /byang chub sems dpa'
gzugs med khams su skye ba len pa med bar thal/ sdud pa las/
byang chub yon tan pha rol phyin nyams 'gyur 'ong zhes/ /gzugs
med khams su skye ba don

du gnyer mi byed/ /ces gsungs pa'i phyir zer na/ skyon med de/
gzugs med khams su gzhan don rgya chen po mi 'grub pas/ byang
chub sems dpa' der bsam bzhin du skye ba don du mi gnyer zhes
pa'i don yin pa'i phyir/ der thal/ skye ba don du gnyer mi
byed ces ba'i tshig zur gyis 'grub pa'i phyir/

! //gnyis pa brten pa sems bskyed bshad pa la/ dgag gzhag
spang gsum las/ dang po la/ kha cig /gzhan don du yang dag
par rdzogs pa'i byang chub la dmigs sheng rang gi grogs rdzogs
byang don gnyer gyi 'dun pa dang mtshungs ldan du gyur pa'i
sems khyad par can/ theg chen sems

bskyed kyi mtshan nyid zer na/ theg chen lam du 'jug kha ma'i
gang zag gi rgyud kyi bur shun gyi ro lta bu'i byang chub kyi
sems chos can/ mtshon bya der thal/ mtshan nyid de'i phyir/ der
thal/ de rgyud la ldan pa'i gang zag de gang zag khyad bar can
yin pa'i phyir/ ma grub na de chos can/ khyod gang zag

khyad par can yin par thal/ khyod theg chen sems bskyed rgyud
la skye bzhin pa'i gang zag yin pa'i phyir/ rtsa bar 'dod na/
de chos can/ khyod rgyud la ldan pa'i gang zag de theg chen
lam zhugs kyi gang zag yin par thal/ khyod theg chen sems
bskyed yin pa'i phyir/ 'dod na sla/ kha

cig /gzhan don du yang dag par rdzogs pa'i byang chub la
dmigs shing rang gi grogs rdzogs byang don gnyer gyi 'dun pa
dang mtshungs ldan du gyur pa'i theg chen lam gyi 'jug sgor
gyur pa'i theg chen gtso bo'i yid kyi rnam rig khyad par can
theg chen sems bskyed

kyi mtshan nyid zer na/ sangs rgyas 'phags pa'i rgyud kyi theg
chen sems bskyed chos can/ mtshan nyid der thal/ mtshon bya de'i
phyir/ der thal/ chos can de yin pa'i phyir/ der thal/ de yod
pa'i phyir/ der thal/ mdo sde rgyan las/ sems bskyed de ni sa
rnams la/ /mos dang lhag

@4b bsam dag pa dang / /rnam par smin pa gzhan du 'dod/ /de
bzhin sgrib pa spangs ba'o/ /zhes gsungs pa'i phyir/ rtsa bar
'dod na/ de chos can/ theg chen lam du zhugs pa'i gang zag yin
na/ khyod rgyud la skye myong yin dgos par thal/ khyod theg
chen lam gyi 'jug sgo yin pa'i phyir/ rtags

khas/ 'dod na/ theg chen lam du zhugs pa'i gang zag yin na/
sangs rgyas 'phags pa yin dgos par thal lo/ ? kha cig /gzhan
don du yang dag par rdzogs pa'i byang chub la dmigs shing
rdzogs byang don gnyer gyi 'dun pa dang mtshungs ldan du gyur
pa'i theg chen gtso bo'i yid kyi rnam

rig khyad par can theg chen sems bskyed kyi mtshan nyid zer na/
byang sems tshogs lam pa'i rgyud kyi theg chen sems bskyed chos
can/ mtshan nyid der thal/ mtshon bya de'i phyir/ 'dod na/ de
chos can/ rdzogs byang don gnyer gyi 'dun pa rgyud ldan yin
na/ khyod rgyud ldan yin

dgos par thal/ khyod rdzogs byang don gnyer gyi 'dun pa dang
mtshungs ldan rnam pa lnga mtshungs yin pa'i phyir/ der thal/ de
dang mtshungs ldan yin pa'i phyir/ 'dod na/ theg chen sems
bskyed rgyud la ldan pa'i byang sems mthong lam pa chos can/
der thal/ de'i phyir/ der thal/

de'i rgyud la theg chen sems bskyed dang mtshungs ldan du gyur
ba'i rdzogs byang don gnyer gyi 'dun pa yod pa'i phyir/ ma
grub na/ 'khor gsum yod do/ /'dod na/ de byang sems tshogs lam
pa yin par thal lo/ /kha cig /gzhan don du yang dag par
rdzogs pa'i byang chub la

dmigs shing rang gi grogs rdzogs byang don gnyer gyi 'dun pa
dang mtshungs ldan du gyur pa'i theg chen gtso bo'i rnam rig
khyad par can/ theg chen sems bskyed kyi mtshan nyid zer na/
sangs rgyas 'phags pa'i rgyud kyi mig gi rnam shes chos can/
mtshon bya der thal/

mtshan nyid de'i phyir/ der thal/ de'i 'khor du gyur pa'i
rdzogs byang don gnyer gyi 'dun pa yod pa'i phyir/ der thal/
de'i 'khor du gyur pa'i yul nges lnga yod pa'i phyir/ ma grub
na/ de chos can/ khyod kyi 'khor du gyur pa'i yul nges lnga
yod par thal/ khyod sangs rgyas 'phags

@5a @#/ /pa'i rnam par shes pa yin pa'i phyir/ rtsa bar 'dod
na/ yid kyi rnam par shes pa yin par thal/ 'dod pa'i phyir/
khyab ste/ nyi khri snang ba las/ yid kyi rnam par shes pa
ste/ zhes gsungs pa'i phyir/ 'dod mi nus te/ dbang shes yin
pa'i phyir/ kha cig /gzhan don du yang dag

par rdzogs pa'i byang chub la dmigs shing rang gi grogs rdzogs
byang don gnyer gyi 'dun pa dang mtshungs ldan du gyur pa'i
theg chen gtso bo'i yid kyi rnam rig khyad par can theg chen
sems bskyed kyi mtshan nyid zer na/ sangs rgyas 'phags pa'i
thugs rgyud kyi gang zag gi bdag med

mngon sum du rtogs pa'i yid kyi rnam shes chos can/ mtshon bya
der thal/ mtshan nyid de'i phyir/ der thal/ chos can de yin
pa'i phyir/ 'dod na/ de chos can/ theg dman gyi rtogs rigs su
mi gnas par thal/ theg chen sems bskyed yin pa'i phyir/ 'dod
na/ de theg dman gyi rtogs

rigs su gnas par thal/ sangs rgyas 'phags pa'i thugs rgyud kyi
gang zag gi bdag med mngon sum du rtogs pa'i shes rab de theg
dman gyi rtogs rigs su gnas pa'i phyir/ der thal/ sangs rgyas
'phags pa'i thugs rgyud kyi mkhyen pa yin na/ theg dman gyi
rtogs rigs su mi gnas

pas ma khyab pa'i phyir/ kha cig /gzhan don du yang dag par
rdzogs pa'i byang chub la dmigs shing / rang gi grogs rdzogs
byang don gnyer gyi 'dun pa dang mtshungs ldan du gyur pa'i mi
gnas pa'i myang 'das sgrub byed kyi bsam pa phun tshogs kyi
rigs su gnas pa'i theg chen gtso

bo'i yid kyi rnam rig khyad par can/ theg chen sems bskyed kyi
mtshan nyid zer na/ sangs rgyas 'phags pa'i rgyud kyi don dam
sems bskyed chos can/ mtshon bya der thal/ mtshan nyid de'i
phyir/ der thal/ chos can de yin pa'i phyir/ 'dod na/ kun
rdzob sems bskyed yin par thal/

'dod pa'i phyir/ 'dod mi nus te/ don dam sems bskyed yin pa'i
phyir/ khyab ste/ rgyal sras 'jug ngogs las/ 'di la don dam
pa'i byang chub kyi sems su gzung du mar bshad kyi/ theg chen
sems bskyed du bshad pa gang du yang med do/ /zhes gsungs pa'i
phyir/ kha cig /gzhan don

@5b du yang dag par rdzogs pa'i byang chub la dmigs shing /
rang gi grogs rdzogs byang don gnyer gyi 'dun pa dang mtshungs
ldan du gyur pa'i thabs shes gnyis su phye ba'i thabs kyi char
gtogs pa'i theg chen gtso bo'i yid kyi rnam rig khyad par can
theg chen sems bskyed kyi mtshan nyid zer na/ sangs rgyas
'phags

pa'i thugs rgyud kyi thar pa don gnyer gyi yid kyi rnam par
shes pa chos can/ mtshon bya der thal/ mtshan nyid de'i phyir/
ma grub na/ de de gnyis kyi nang nas thabs kyi char gtogs pa
yin par thal/ sangs rgyas 'phags pa'i thugs rgyud kyi thar pa
don gnyer gyi 'dun pa de de gnyis kyi nang nas

thabs kyi char gtogs yin pa'i phyir/ der thal/ de'i rgyud kyi
theg chen sems bskyed de ltar yin pa'i phyir/ 'dod na/ theg
dman gyi rtogs rigs su mi gnas par thal/ 'dod pa'i phyir/ 'dod
na/ de theg dman gyi rtogs rigs su gnas par thal/ de'i rgyud
kyi 'khor ba'i nyes dmigs bsam

pa'i blo theg dman gyi rtogs rigs su gnas pa'i phyir/ kha cig
/rang gi dmigs yul du gyur pa'i rdzogs byang don gnyer gyi
'dun pa dang mtshungs ldan du gyur pa'i mi gnas pa'i myang 'das
sgrub byed kyi bsam pa phun tshogs kyi rigs su gnas pa'i theg
chen gtso bo'i yid kyi rnam rig khyad par

can/ theg chen sems bskyed kyi mtshan nyid zer na/ theg chen
mthong lam bar chad med lam pa'i rgyud kyi don dam sems bskyed
chos can/ mtshon bya der thal/ mtshan nyid de'i phyir/ der thal/
de'i 'khor du gyur pa'i rang gi dmigs yul du gyur pa'i rdzogs
byang don gnyer gyi 'dun pa cig yod

pa'i phyir/ der thal/ de'i 'khor du gyur pa'i rang bzhin rnam
dag gi char gyur pa'i ngo bo nyid sku don gnyer gyi 'dun pa
cig yod pa'i phyir/ der thal/ de'i 'khor du gyur pa'i stong
nyid sgom pa don gnyer gyi 'dun pa gcig yod pa'i phyir/ der
thal/ de'i 'khor du gyur ba'i 'dun pa gcig yod 

pa'i phyir/ 'dod mi nus te/ theg chen gyi mthong lam bar chad
med lam yin pa'i phyir/ kha cig/ 'phags pa thogs med sku mched
gnyis kyis sems bskyed sems byung du bzhed pa yin zer na/ sems
bskyed de sems dang sems byung gi gzhi mthun yin par thal/
'phags pa thogs med sku mched

@6a @#/ /gnyis kyis sems bskyed sems byung du tshad mas nges/
'phags pa grol sdes sems bskyed sems su tshad mas nges pa'i
phyir/ dang po der thal/ de rang rgyud kyi sems bskyed tshad mas
nges pa'i gang zag gang zhig/ des sems bskyed sems byung du
bzhed pa'i phyir/ dang po der thal/ de'i rgyud

kyi theg chen sems bskyed nyams myong gi rang rig mngon sum des
de'i rgyud kyi sems bskyed mngon sum du rtogs pa'i phyir/ der
thal/ de theg chen sems bskyed rgyud la ldan pa'i gang zag yin
pa'i phyir/ der thal/ de byang sems sa gsum pa ba yin pa'i
phyir/ gnyis pa ma grub na/ 'phags pa grol sdes sems bskyed

sems su tshad mas nges par thal/ de rang rgyud kyi theg chen sems
bskyed tshad mas nges pa'i gang zag gang zhig/ des sems bskyed
sems su bzhed pa'i phyir/ dang po der thal/ de theg chen sems
bskyed rgyud la ldan pa'i gang zag yin pa'i phyir/ der thal/ de
theg chen 'phags pa yin pa'i phyir/

gnyis pa ma grub na/ des sems bskyed sems su bzhed par thal/ nyi
khri snang ba las/ sems bskyed pa zhes pa la sems ni rnam par
shes pa ste/ rnam par rig pa'o/ /rnam par shes pa gang zhe na/
yid kyi rnam par shes pa ste/ dkar po'i chos thams cad la dmigs
pa ni de la srid pa'i phyir ro/ /zhes gsungs pa'i

phyir; rtsa bar 'dod na/ de mi 'thad par thal/ sems bskyed yin
na/ sems byung ma yin pas khyab pa la slob dpon seng ge bzang
pos bden kha byin pa'i phyir/ der thal/ 'grel pa don gsal las/
ji ltar na sems bskyed pa yin par 'gyur zhe na/ bden mod kyi/
zhes gsungs pa'i phyir/ kha cig/

don dam bden pa la gnyis snang nub pa'i gtso bo'i yid kyi rnam
rig khyad par can/ don dam sems bskyed kyi mtshan nyid zer na/
nyan thos mthong lam pa'i rgyud kyi stong nyid mngon sum du
rtogs pa'i yid kyi rnam par shes pa chos can/ mtshon bya der
thal/ mtshan nyid de'i phyir/ rtags

gsal chos can gyis sgrub/ kha cig/ don dam bden pa la gnyis
snang nub pa'i theg chen gtso bo'i rnam rig khyad par can gang
zhig / mi gnas pa'i myang 'das sgrub byed kyi bsam pa phun tshogs
kyi rigs su gnas pa don dam sems bskyed kyi mtshan nyid zer na/
don dam bden pa

@6b la gnyis snang nub pa'i sangs rgyas 'phags pa'i mig shes
chos can/ mtshon bya der thal/ mtshan nyid de'i phyir/ ma grub na/
de mi gnas pa'i myang 'das sgrub byed kyi bsam pa phun tshogs kyi
rigs su gnas par thal/ de bden 'dzin gyi gnyen po'i rigs su gnas
pa'i phyir/ der thal/ de bden

'dzin dang dmigs pa gcig la dmigs nas rnam pa 'dzin stangs dngos
su 'gal ba'i blo yin pa'i phyir/ 'dod na/ yid shes yin par thal/
'dod pa'i phyir/ 'dod mi nus so/ /kha cig/ don dam bden pa la
gnyis snang nub pa'i theg chen gtso bo'i yid kyi rnam rig khyad
par can

gang zhig/ mi gnas pa'i myang 'das sgrub byed kyi bsam pa phun
tshogs kyi rigs su gnas pa/ don dam sems bskyed kyi mtshan nyid
zer na/ byang sems sbyor lam pa'i rgyud kyi stong nyid mngon sum
du rtogs pa'i yid kyi rnam par shes pa chos can/ mtshon bya der
thal/ mtshan nyid de'i

phyir/ der thal/ chos can de yin pa'i phyir/ 'dod na/ sa thob
pa'i sems bskyed yin par thal/ 'dod pa'i phyir/ khyab ste/ mdo
sde rgyan las/ mchog la sems mnyam rnyed pa'i phyir/ /de yi rab
dga' khyad par 'phags/ zhes gsungs pa'i phyir/ 'dod mi nus te/
chos can de yin pa'i phyir/ kha cig/

don dam bden pa la gnyis snang nub pa'i theg chen 'phags pa'i
gtso bo'i yid kyi rnam rig khyad par can gang zhig/ mi gnas pa'i
myang 'das sgrub byed kyi bsam pa phun tshogs kyi rigs su gnas pa
don dam sems bskyed kyi mtshan nyid zer na/ sangs rgyas 'phags
pa'i thugs rgyud kyi

kun rdzob sems bskyed chos can/ mtshon bya der thal/ mtshan nyid
de'i phyir/ rtags gsal chos can gyis sgrub/ kha cig/ kun rdzob
sems bskyed dang don dam sems bskyed kyi khyad par de/ sangs
rgyas kyi sa'i kun rdzob pa'i byang chub dang don dam pa'i byang
chub la dmigs ma dmigs

kyi sgo nas 'jog zer na/ sangs rgyas 'phags pa'i thugs rgyud kyi
don dam sems bskyed chos can/ kun rdzob sems bskyed yin par
thal/ sangs rgyas kyi sa'i kun rdzob pa'i byang chub la dmigs
pa'i phyir/ der thal/ rnam mkhyen yin pa'i phyir/ 'dod na sA'o/
/gzhan yang/ sangs rgyas 'phags pa'i

@7a @#/ /thugs rgyud kyi kun rdzob sems bskyed chos can/ don dam
sems bskyed yin par thal/ sangs rgyas kyi sa'i don dam pa'i
byang chub la dmigs pa'i phyir/ der thal/ rnam mkhyen yin pa'i
phyir/ 'dod mi nus te/ chos can yin de pa'i phyir/ kha cig/ mos
pas sbyod pa'i sems

bskyed yin na/ sems bskyed kyi 'khor gsum bden med du mos pa yid
byed tsam gyis rtogs myong ba'i gang zag gi rgyud kyi sems
bskyed yin pas khyab zer na/ sems tsam par gyur pa'i byang sems
tshogs lam pa'i rgyud kyi theg chen sems bskyed chos can/ der
thal/ de'i phyir/ der thal/ so skye'i

rgyud kyi sems bskyed yin pa'i phyir/ 'dod mi nus te/ chos can
de yin pa'i phyir/ kha cig/ sems bskyed kyi 'khor gsum bden par
'dzin pa'i bden 'dzin kun btags kyis dag pa'i sems bskyed yin
na/ lhag bsam dag pa'i sems bskyed yin pas khyab zer na/ byang
sems

sbyor lam pa'i rgyud kyi dmigs med kyi theg chen sems bskyed
chos can/ der thal/ de'i phyir/ der thal/ des dben pa'i sems
bskyed yin pa'i phyir/ der thal/ chos can de yin pa'i phyir/
'dod na/ sa thob pa'i sems bskyed yin par thal/ 'dod pa'i phyir/
'dod mi nus so/ /kha cig / sangs rgyas

'phags pa'i rgyud la sems bskyed med zer na/ de yod par thal/ de
sgrib pa spangs pa'i sems bskyed yin pa'i phyir/ der thal/ de
bzhin sgrib pa spangs pa'o/ /zhes gsungs pa'i phyir dang/ 'grel
chung don gsal las/ sems bskyed pa tha ma gsum ni sbyor ba dang
dngos dang 'jug gi sgo nas

sangs rgyas kyis sa bsdus so/ /zhes gsungs pa'i phyir/ kha cig/
rdzi bo lta bu'i sems bskyed dang mnyan pa lta bu'i sems bskyed
kyi zhen yul med zer na/ de gnyis rang gi zhen yul la 'khrul
pa'i shes pa yin par thal/ de gnyis kyi zhen yul med pa'i phyir/
'dod na/ log shes

yin par thal/ 'dod pa'i phyir/ 'dod mi nus te/ theg chen sems
bskyed yin pa'i phyir/ gzhan yang/ de gnyis kyi zhen yul yod par
thal/ de gnyis kyi gzhal bya yod pa'i phyir/ der thal/ rdzogs
pa'i byang chub de gnyis kyi gzhal bya yin pa'i phyir/ der thal/
de gnyis sems

@7b can thams cad 'khor ba'i sdug bsngal las bton nas rdzogs
pa'i byang chub la 'god par 'dod pa'i blo yin pa'i phyir// !
//gnyis pa rang gi lugs la/ gzhan don du yang dag par rdzogs
pa'i byang chub la dmigs shing/ rang gi grogs rdzogs byang don
gnyer gyi 'dun

pa dang mtshungs ldan du gyur pa'i theg chen lam gyi 'jug sgo'
rigs su gnas pa'i theg chen gtso bo'i yid kyi rnam rig khyad par
can/ theg chen sems bskyed kyi mtshan nyid/ de la sgras brjod
rigs kyi sgo nas dbye na/ kun rdzob sems bskyed dang/ don dam
sems bskyed gnyis yod

don dam bden pa la gnyis snang nub pa'i theg chen 'phags pa'i
gtso bo'i yid kyi rnam rig khyad par can gang zhig/ mi gnas pa'i
myang 'das sgrub byed kyi bsam pa phun tshogs kyi rig su gnas
pa'i lta spyod gnyis su phyi ba'i lta ba'i char gtogs pa'i
mkhyen pa/ don dam sems

bskyed kyi mtshan nyid/ don dam sems bskyed de dam pa gsum dang
ldan pa yin te/ rgyu dam pa sgrub pa dang/ lung dam pa nos pa
dang/ khong du chud pa'i dam pa gsum dang ldan pa'i phyir/ de
skad du yang mdo sde rgyan las/ sangs rgyas rnams ni rab mnyes
byas/ /bsod nams

ye shes tshogs rab bsags/ /chos la mi rtog ye shes ni/ /skyes
phyir de ni dam par 'dod/ /ces gsungs pa'i phyir/ kun rdzob sems
bskyed dang theg chen sems bskyed gnyis don gcig/ /sa mtshams kyi
sgo nas dbye na mos pas spyod pa'i sems bskyed sogs bzhi yod

cing/ de dag gi mtshan gzhi'i khyad par ni/ byang sems tshogs
sbyor ba'i rgyud kyi sems bskyed mos pas spyod pa'i sems bskyed
dang/ sa dang po nas bdun pa'i bar gyi sems bskyed rnams lhag
bsam dag pa'i sems bskyed dang/ dag pas gsum gyi sems bskyed
rnams

rnam par smin pa'i sems bskyed dang/ sangs rgyas kyi sa'i sems
bskyed sgrib pa spangs pa'i sems bskyed yin pa'i phyir/ de la
sems bskyed tshul gyi sgo nas dbye na/ rdzi bo lta bu'i sems
bskyed/ mnyan pa lta bu'i sems bskyed/ rgyal po lta bu'i sems
bskyed dang gsum

@8a @#/ /yod/ de la dpe grogs chos mthun gyi sgo nas dbye na/ sa
lta bu'i sems bskyed nas sprin lta bu'i sems bskyed kyi bar rnam
pa nyer gnyis yod pa'i phyir// ! //gsum pa rtsod pa spong ba la/
kha cig/ byang chub kyi sems yin na/ theg chen gtso bo'i yid kyi
rnam rig yin

dgos par thal/ theg chen sems bskyed yin na/ theg chen gtso bo'i
yid kyi rnam rig yin dgos pa'i phyir/ 'dod byas pa la/ mi 'thad
par thal/ theg chen lam du zhugs kha ma'i gang zag gi rgyud la
byang chub kyi sems yod pa'i phyir/ der thal/ de'i rgyud la
gzhan don don gnyer

gyi byang chub kyi sems yod pa'i phyir dang/ rnam bshad las/ lam
du ma zhugs pa'i byang chub sems dpa' zhes kyang bya la/ zhes
gsungs pa'i phyir zer na/ ma khyab/ dang po ma grub na/ der
thal/ gzhan don don gnyer gyi blo la bcos min gyi myong ba skyes
shing/ rdzogs byang

don gnyer gyi blo la bcos min gyi myong ba ma skyes pa'i gang
zag cig yod pa'i phyir/ der thal/ byang chub kyi sems sbyong
tshul de la/ gzhan don don gnyer gyi byang chub kyi sems spyod
tshul dang / rdzogs byang don gnyer gyi byang chub kyi sems
sbyong tshul gnyis yod pa'i phyir/ der thal/

theg chen sems bskyed kyi mtshan nyid kyi zur du gzhan don gnyer
dang/ rdzogs byang don gnyer gyi zur gnyis yod pa'i phyir zer
na/ 'o na 'jug pa las/ byang chub sems ni rgyal sras rnams kyi
rgyu/ zhes pa'i skabs nas dngos su bston pa'i byang chub kyi
sems de theg chen

sems bskyed yin par thal/ khyod kyi sgrub byed 'thad pa'i phyir/
'dod mi nus te/ de'i skabs nas dngos su bstan pa'i byang chub
kyi sems de/ bur shun gyi ro lta bu'i byang chub kyi sems btags
pa ba la byed pa'i phyir/ der thal/ rnam bshad dgongs pa rab
gsal las/ sems

bskyed bsgom pa'i skabs la dgongs kyi/ bsgom pa la brten nas
skyes pa'i sems bskyed dngos ni min no/ /zhes gsungs pa'i phyir/
kha cig/ sangs rgyas 'phags pa'i mig shes kyi 'khor du gyur pa'i
gzhan don du yang dag par rdzogs pa'i byang chub don gnyer gyi
'dun pa

@8b yod par thal/ de'i 'khor du gyur pa'i rdzogs byang don gnyer
gyi 'dun pa yod pa'i phyir/ 'dod na/ so so skye bo'i mig shes
kyi 'khor du gyur pa'i rdzogs byang don gnyer gyi 'dun pa yod
par thal/ 'dod pa'i phyir zer na/ ma khyab/ 'dod mi nus te/ khyi
rgan rgya bo'i mig shes de so so skye bo'i mig shes

yin pa'i phyir/ kha cig/ theg chen lam gyi 'jug sgor gyur pa'i
sems bskyed yin pa med par thal/ theg chen slob pa 'phags pa'i
rgyud kyi sems bskyed yin na yang de ma yin dgos/ theg chen mi
slob pa'i rgyud kyi sems bskyed yin na yang de ma yin dgos/
byang sems sbyor lam

pa'i rgyud kyi sems bskyed yin na yang de ma yin dgos pa'i phyir
zer na/ ma khyab/ 'o na/ gang zhig thob na 'phags par 'jog/ gang
zhig ma thob na/ 'phags par mi 'jog pa'i lam gcig yin pa med par
thal/ theg chen 'phags pa'i mkhyen pa yin na yang de ma yin
dgos/ ? theg

dman 'phags pa'i mkhyen pa yin na yang de ma yin dgos pa'i
phyir/ 'khor gsum/ rtags 'bud do/ /'dod mi nus te/ lam bden de
ltar yin pa'i phyir/ kha cig/ byang sems so skye'i rgyud kyi
theg chen sems bskyed yin na/ theg chen lam gyi 'jug sgor gyur
pa'i sems bskyed ma yin dgos

par thal/ byang sems sbyor lam pa'i rgyud kyi sems bskyed yin
na/ de ma yin dgos pa'i phyir zer na ma khyab/ 'dod na/ theg
chen tshogs lam du zhugs ma thag pa'i byang sems tshogs lam pa'i
rgyud kyi theg chen sems bskyed chos can/ der thal/ de'i phyir/
der thal/ de rgyud la skyes

na theg chen par tshud cing/ rgyud la ma skyes na theg chen par
mi tshud pa'i sems bskyed yin pa'i phyir/ kha cig/ ji lta ba
rtogs pa'i rnam mkhyen dang/ ji snyed pa rtogs pa'i rnam mkhyen
gnyis 'gal bar thal/ sangs rgyas kyi sa'i don dam sems bskyed
dang/ kun rdzob sems

bskyed gnyis 'gal ba'i phyir zer na ma khyab/ kha cig/ sangs
rgyas 'phags pa'i rgyud kyi theg chen sems bskyed chos can/ rang
gi grogs rdzogs byang don gnyer gyi 'dun pa dang mtshungs ldan
yin par thal/ theg chen sems bskyed yin pa'i phyir/ 'dod na/
sangs rgyas

@9a @#/ /'phags pa rdzogs byang thob dgos yin par thal/ de'i
rgyud la rdzogs byang don gnyer gyi blo yod pa'i phyir/ zhes
pa'am/ yang na/ de'i rgyud la rdzogs byang don gnyer gyi blo med
bar thal/ des rdzogs byang thob zin pa'i phyir zer na/ ma khyab/
'o na/ sangs rgyas

'phags pa de sgrib pa spong dgos yin par thal/ de'i rgyud la
sgrib pa spong 'dod kyi blo yod pa'i phyir/ khyab pa khas/ ma
grub na/ der thal/ de'i rgyud la mi dge ba spong 'dod kyi blo
yod pa'i phyir/ ma khyab na/ 'khor gsum byed do/ /ma grub na/
der thal/ de'i rgyud la mi dge

ba'i chos skyes pa spong ba'i yang dag spong ba yod pa'i phyir/
der thal/ de'i rgyud la yang dag spong ba bzhi yod pa'i phyir/
rtsa bar 'dod mi nus so/ /gzhan yang/ mchog gi sprul pa'i sku'i
rgyud la gzhan don don gnyer kyi blo med par thal/ de gzhan don
rdzogs par byas zin pa'i gang zag

yin pa'i phyir/ khyab pa song/ ma grub na/ de chos can/ khyod
gzhan don rdzogs bar byas zin pa'i gang zag yin par thal/ khyod
mchog gi sprul sku yin pa'i phyir/ khyab ste/ de yin na/ rang gi
bdag rkyen du gyur pa'i longs sku las byung bas khyab/ longs sku
yin na gzhan don rdzogs

par byed bzhin pa yin pas khyab pa'i phyir/ rtsa bar 'dod mi nus
te/ sangs rgyas 'phags pa yin pa'i phyir/ kha cig/ theg chen
sems bskyed yin na sgom byung gi mkhyen pa yin dgos par thal/
bur shun gyi ro lta bu'i byang chub kyi sems de theg chen sems
bskyed ma

yin pa'i phyir zer na/ ma khyab/ 'dod na/ byang chub sems dpa'
yin na zhe gnas thob pas khyab par thal/ 'dod pa'i phyir/ 'dod mi
nus te/ lam rim chen mo las/ mdo sde dgongs 'grel las theg pa
gsum kyi yon tan rnams zhi lhag gi 'bras bur gsungs pa'i don/

dngos sam/ rjes mthun ci rigs kyi 'bras bur gsungs pa'i phyir/
gzhan yang/ theg chen sems bskyed rgyud ldan yin na/ zhi gnas
thob pas khyab par thal/ theg chen sems bskyed la sgom byung gis
khyab pa'i phyir/ 'dod na/ theg chen sems bskyed gsar du skyes
ma

@9b thag pa'i ngan song gi rten can gyi byang chub sems dpa'
chos can/ der thal/ de'i phyir/ 'dod na/ ngan song gi rten la
zhi gnas gsar du skye ba yod par thal lo/ /kha cig/ thogs med
sku mched gnyis kyis sems bskyed sems byung du bzhed par thal/
byangs las/ byang chub sems dpa' rnams

kyi smon lam gyi mchog ni sems bskyed pa'o/ /zhes gsungs pa'i
phyir dang/ mdo sde rgyan gyi 'grel par dbyig gnyen gyis/ brtan
pa rnams kyi smon lam ni/ sems pa 'dun dang bcas pa ste/ zhes
gsungs pa'i phyir zer na/ ma khyab ste/ de'i don ni/ theg chen
sems bskyed yin na

rang gi grogs smon lam dang ldan pas khyab ces pa'i don yin pa'i
phyir/ der thal/ sems pa 'dun dang bcas pa ste/ zhes gsungs pa'i
phyir/ kha cig/ rdzi bo lta bu'i sems bskyed kyi zhen yul med
par thal/ des sems can thams cad rdzogs byang la bkod rjes su
rang nyid sangs rgya bar

dam bcas pa gang zhig/ sems can thams cad rdzogs byang la bkod
rjes su rang nyid sangs rgya ba mi sring pa'i phyir dang/ rang
gi don bya yul gyi gdul bya'i don mi byed pa'i sangs rgyas
'phags pa med pa'i phyir zer na/ ma khyab/ kha cig/ mnyan pa lta
bu'i sems bskyed kyi zhen yul

med par thal/ des sems can thams cad dang rang nyid dus mnyam du
sangs rgya bar dam bcas pa gang zhig / sems can thams cad dang
rang nyid dus mnyam du sangs rgyas ba mi srid pa'i phyir zer na/
ma khyab/ ma grub na der la/ sems can rnams la yang lam du zhugs
ma

zhugs dang lam du zhugs pa la yang dbang po rno rtul gyi khyad
par yod pa'i phyir/ rtsa ba gnyis la 'dod na bkag zin// ! //gsum
pa smon 'jug gi khyad par bye brag tu bshad pa la gsum las/ dang
po la/ kha cig/ chogs ma blangs pa'i sems bskyed smon pa sems

bskyed kyi mtshan nyid/ chogs blangs pa'i sems bskyed 'jug pa
sems bskyed kyi mtshan nyid zer na/ chogs blangs pa'i smon pa
sems bskyed chos can/ 'jug pa sems bskyed yin par thal/ chogs
blangs pa'i sems bskyed yin pa'i phyir/ der thal/ smon sems
chogs

@10a @#/ /blangs pa'i sems bskyed yin pa'i phyir/ der thal/ smon
sems chogs blangs pa'i sems bskyed cig yod pa'i phyir/ der thal/
sems bskyed chogs len tshul de la/ smon sems chogs len tshul dang/
'jug sems cho gas len tshul gnyis/

smon sems cho gas len tshul de la yang / smon sems kyi bslab bya
la slob nus mi nus kun gyis len tshul dang / smon sems kyi bslab
bya la slob nus pa rnams kyis len tshul gnyis yod par tshad ldan
gyi gzhung las gsungs pa'i phyir/ 'dod mi nus te/ smon pa sems

bskyed yin pa'i phyir/ gzhan yang/ de rang chos can/ cho gas ma
blangs pa'i sems bskyed yin par thal/ smon pa sems bskyed yin
pa'i phyir/ 'dod na bkas zin/ kha cig/ sa thob pa'i sems bskyed
'jug pa sems bskyed kyi mtshan nyid/ sa ma thob pa'i sems bskyed

smon pa sems bskyed kyi mtshan nyis zer na/ dang po mi 'tad par
thal/ sa ma thob pa'i gang zag gi rgyad la 'jug pa sems bskyed
yod pa'i phyir/ der thal/ sa ma thob pa'i gang zag gi rgyud la
'jug sdom thob cing spyod pa nyams len gyi bya bas dngos su zin
pa'i sems

bskyed yid pa'i phyir/ der thal/ bslab btus las/ ci sar ma tshud
par yang byang chub sems dpa'i sdom pa'i dbang du byas pa yod
dam zhe na/ yod par mngon te/ zhes gsungs pa'i phyir/ mtshan nyid
phyi ma yang mi 'thad par thal/ sa thob pa'i gang zag gi rgyud
la smon

pa sems bskyed yod pa'i phyir/ der thal/ rnam bshad las/ sa thob
nas stong pa nyid kyi don mngon sum du rtogs kyang des dngos su
ma zin pa'i sems bskyed skabs du mar 'byung ba'i phyir/ zhes
pa'i skabs kyi rnam gcod smos pa la dgos pa yod pa'i phyir/ kha
cig/ 'jug sdom

thob pa'i sems bskyed 'jug pa sems bskyed kyi mtshan nyid/ 'jug
sdom ma thob pa'i sems bskyed smon pa sems bskyed kyi mtshan nyid
zer na/ mtshan nyid gnyis ka mi 'thad par thal/ 'jug sdom thob
pa'i smon sems yod cing/ 'jug pa sems bskyed du

@10b 'gyur ba la/ 'jug sdom thob pa tsam gyis mi chog par/ 'jug
sdom thob cing/ spyod pa nyams len gyi bya bas dngos su zin pa
la ltos dgos pa'i rigs su gnas pa cig dgos pa'i phyir/ der thal/
sgom rim las/ gang ? ? cad sdom ba bzung ste tshogs rnams la
zhugs pa de na 'jug

pa'i sems so/ /zhes gsungs pa'i phyir/ kha cig/ 'jug sdom thob
cing/ spyod pa nyams len gyi bya bas zin pa'i sems bskyed/ 'jug
pa sems bskyed kyi mtshan nyid/ 'jug sdom ma thob pa dang/ spyod
pa nyams len gyi bya bas ma zin pa'i sems bskyed/ smon pa sems

bskyed kyi mtshan nyid zer na/ byang sems mthong lam pa'i rgyud
kyi smon pa sems bskyed chos can/ mtshon bya dang po der thal/
mtshan nyid dang po de'i phyir/ der thal/ 'jug sdom thob pa'i
sems bskyed gang zhig/ spyod pa nyams len gyi bya bas zin pa'i
sems

bskyed yin pa'i phyir/ phyi ma der thal/ sa thob pa'i sems
bskyed gang zhig/ rnam bshad dgongs pa rab gsal las/ sa thob nas
sems bskyed spyod pa dang bral ba mi srid pa'i phyir ro/ zhes
gsungs pa'i phyir/ 'dod mi nus te/ smon pa sems bskyed yin pa'i
phyir/ /

gzhan yang/ de chos can/ mtshan nyid phyi ma der thal/ mtshon bya
phyi ma de'i phyir rtags gsal sla/ kha cig/ 'jug sdom thob cing
rang gi grogs lta spyod ? gnyis su phye ba'i spyod pas dngos su
zin pa'i sems bskyed/ 'jug pa sems bskyed kyi mtshan nyid/ 'jug
sdom ma

thob pa dang/ rang gi grogs lta spyod gnyis su phye ba'i spyod
pas dngos su ma zin ? pa'i sems bskyed gang rung de/ smon pa
sems bskyed kyi mtshan nying zer na/ byang sems dang po pa'i
rgyud kyi smon pa sems bskyed chos can/ mtshon bya dang po der
thal/ mtshan nyid dang po de'i

phyir/ der thal/ de'i grogs su gyur pa'i rdzogs byang don gnyer
gya 'dun pas dngos su zin pa gang zhin/ de'i grogs su gyur pa'i
rdzogs byang don gnyer gyi 'dun pa de lta spyod gnyes su pye
ba'i spyod pa yin pa'i phyir/ der thal/ de thabs shes gnyis su
phye ba'i thabs

@11a @#/ /yin pa'i phyir/ der thal/ rdzogs byang don gnyer gyi
'dun pa de ltar yin pa'i phyir/ der thal/ theg chen sems bskyed
de de ltar yin pa'i phyir/ kha cig /'jug sdom thob cing rang gi
grogs su gyur pa'i phyin drug gang rung gi nyams len gyi bya bas
dngos su zin pa'i

sems bskyed 'jug pa sems bskyed kyi mtshan nyid/ 'jug sdom ma
thob pa dang / rang gi grogs su gyur pa'i phyin drug gang rung
gi bya bas mzin pa'i sems bskyed gang rung / smon pa sems bskyed
kyi mtshan nyid zer na/ byang sems mthong lam pa'i rgyud kyi smon
pa sems bskyed

chos can/ mtshon bya dang po der thal/ mtshan nyid dang po de'i
phyir/ der thal/ de rang gi grogs su gyur pa'i brtson 'grus kyi
phar phyin kyi nyams len kyi bya bas zin pa'i phyir/ der thal/
de'i grogs su gyur pa'i brtson 'grus kyi phar phyin cig yod pa'i
phyir/ der thal/ de'i grogs

su gyur pa'i brtson 'grus gcig yod pa'i phyir/ ma grub na/ de
chos can/ khyod kyi grogs su gyur pa'i brtson 'grus yod par
thal/ khyod sa thob pa'i dge sems yin pa'i phyir/ khyab ste/
spyod 'jug las/ brtson 'grus yang dag dge la brtson/ zhes pa
dang / brtson gang dge la spro

ba'o/ /zhes gsungs pa'i phyir/ 'dod mi nus te/ smon pa sems
bskyed yin pa'i phyir/ mtshan nyid phyi ma la yang skyon de nyid
kyis ma nges so/ /kha cig /sems bskyed spyod pa nyams len gyi
bya bas dngos su zin ma zin gyi don sbyin pa lta bu la mtshon na/
sems bskyed kyis kun

nas blangs te gzhan la sbyin pa gtong ba de/ sems bskyed sbyin
pa nyams len gyi bya bas dngos su zin pa'i don yin zer na/ mi
'thad par thal/ sems bskyed sbyin pa nyams lan gyi bya bas dngos
su zin pa'i don 'chad pa na/ rnam bshad las/ sems bskyed kyis
kun nas blangs pa

tsam du ma zad gtong ba'i sems ba spel ba'i rnam pa shar pa'i
dus nyid na rnam mkhyen don gnyer gyi dran 'dun du re ba dngos
su yod pa ni/ sems bskyed sbyod pa nyams len gyi bya bas dngos
su zin pa'i don yin la/ de lta bu med pa'i dus na dngos su ma
zin pa'o/ /zhes gsungs

@11b pa'i phyir/ kha cig / sems bskyed spyod pa nyams len gyi
bya bas dngos su zin ma zin gyi don ni rnam mkhyen don gnyer gyi
dran 'dun du re bas dngos su zin ma zin la byed pa yin zer na/
theg chen sems bskyed yin na spyod pa nyams len gyi bya bas
dngos su zin pas khyab par thal/ de yin zer

na rnam mkhyen don gnyer gyi dran 'dun du re bas dngos su zin
bas khyab pa'i phyir/ khyab pa dngos/ ma grub na/ der thal/ sems
bskyed yin na rang gi grogs rnam mkhyen don gnyer gyi dran 'dun
du re bas dngos su zin pas khyab pa'i phyir/ der thal/ de yin na
rang gi grogs rdzogs byang don gnyer

gyi 'dun pa dang mtshungs ldan yin pas khyab pa'i phyir/ 'dod na/
rgyal sras kyi sbyod pa la slob mi nus pa'i byang chub sems dpa'
med par thal/ 'dod pa'i phyir/ kha cig /sems bskyed spyod pa
nyams len gyi bya bas dngos su zin ma zin gyi don de/ stong nyid
rtogs pa'i shes rab kyis dngos su zin

ma zin la byed pa yin zer na/ 'o na/ rgyal sras kyi spyod pa yin
na stong nyid rtogs ba'i shes rab yin dgos par thal/ 'dod pa'i
phyir/ 'dod mi nus te/ rgyal sras kyi spyod ba la phar phyin
dang po lda yang yod pa'i phyir/ der thal/ rgyal sras kyi spyod
pa la pha rol tu phyin pa drug yod pa'i phyir/ kha cig /slob

ba'i rgyud la stong nyid mngon sum du rtogs pa'i shes rab kyis
dngos su zin pa'i sems bskyed med zer na/ 'o na/ rnam bshad las/
sa thob nas stong pa nyid kyi don mdon sum du rtogs kyang / des
dngos su ma zin pa'i sems bskyed skabs du mar 'byung ba'i phyir/
zhes pa'i skabs kyi rnam gcad mdzad pa

la dgos pa med par thal/ slob pa'i rgyud kyi stong nyid mngon
sum du rtogs pa'i shes rab kyis dngos su zin pa'i sems bskyed
gzhi ma grub pa'i phyir/ 'dod mi nus so/ /kha cig /stong nyid
mngon sum du rtogs pa'i shes rab kyis dngos su zin pa'i theg
chen sems bskyed yin na/ rang

rgyud la ldan pa'i gang zag gi rgyud la stong nyid mngon sum du
rtogs pa'i shes rab yod pas khyab zer na/ byang sems mthong lam
pa'i rgyud kyi stong nyid mngon sum du rtogs pa'i shes rab kyis
dngos su zin pa'i theg chen sems bskyed chos can/ der thal/ de'i
phyir/ der thal/ chos

@12a @#/ /can de yin pa'i phyir/ der thal/ de yod pa'i phyir/
'dod mi nus te/ slob pa'i rgyud kyi sems bskyed yin pa'i phyir/
kha cig /'jug sdom dang 'jug pa sems bskyed kyi gzhi mthun yod
zer na/ de 'dra ba'i gzhi mthun pa chos can/ sems byung yin par
thal/ 'jug

sdom yin pa'i phyir/ 'dod na/ mi 'thad de/ gtso sems yin pa'i
phyir/ der thal/ 'jug pa sems bskyed yin pa'i phyir/ kha cig
/smon pa sems bskyed kyi sa mtshams tshogs lam nas rgyun mtha'i
bar du yod de/ byang sems rgyun mtha' ba'i rgyud kyi sems bskyed
de smon pa sems bskyed yin pa'i phyir/ der thal/

de sbyod pa nyams len gyi bya bas dngos su ma zin pa'i sems
bskyed yin pa'i phyir/ der thal/ de'i rgyud la zin bya theg chen
sems bskyed dngos su med pa'i phyir zer na/ de'i rgyud la theg
chen sems bskyed dngos su yod bar thal/ de'i rgyud kyi theg chen
sems bskyed dngos su yod

pa'i phyir/ khyab pa khas/ ma grub na/ de'i rgyud kyi theg chen
sems bskyed chos can/ khyod dngos su yod par thal/ khyod dngos
su skyes pa'i phyir/ der thal/ khyod dngos su skyed byed kyi
rgyu cig yod pa'i phyir/ der thal/ khyod dngos po yin pa'i
phyir/ rtsa bar 'dod na/ 'gal lo/ /gzhan yang /

de'i rgyud kyi theg chen sems bskyed mngon 'gyur du yod na/ de'i
rgyud la theg chen sems bskyed mngon gyur du yod dgos par thal/
de'i rgyud kyi theg chen sems bskyed dngos su yod na/ de'i rgyud
la theg chen sems bskyed dngos su yod dgos pa'i phyir/ 'dod na/
de'i rgyud la theg chen

sems bskyed mngon 'gyur du yod par thal/ de'i rgyud kyi theg
chen sems bskyed mngen 'gyur du yod pa'i phyir/ ma grub na/ de'i
rgyud kyi theg chen sems bskyed chos can/ khyod mngon 'gyur du
yod par thal/ khyod mngon 'gyur ba yin pa'i phyir/ der thal/
khyod blo mngon gyur ba yin pa'i

phyir/ der thal/ khyod blo yin pa'i phyir/ kha cig gsung na re/
bden 'dzin mngon 'gyur du rgyud la ldan pa'i sems dpa'i rgyud la
lam med zer na/ bden 'dzin mngon 'gyur du rgyud la ldan pa'i
byang sems mthong lam pa chos can/ khyod sa gnas kyi sems dpa'
yin par thal/

@12b khyod byang 'phags yin pa'i phyir/ 'dod na/ rang rgyud kyi
sa la gnas pa yin par thal/ khyod sa gnas kyi sems dpa' yin pa'i
phyir/ 'dod na/ de'i rgyud la lam yod par thal lo/ /rtsa bar ma
khyab na/ theg chen mthong lam par chad med lam pa de theg chen
sems bskyed rgyud ldan yin na de rang rgyud

rgyud kyi theg chen sems bskyed rgyud ldan yin mi dgos par thal/
sa gnas kyi sems dpa' yin na/ rang rgyud kyi sa la gnas mi dgos
pa'i phyir/ 'dod na/ de theg chen sems bskyed rgyud ldan yin par
thal/ 'dod pa'i phyir/ 'dod na dngos su 'gal lo/ /gzhan yang /
bden 'dzin mngon gyur du

rgyud la ldan pa'i byang sems sbyor lam pa chos can/ theg chen
sgrub pa'i rten rang bzhin gnas rigs rgyud ldan yin par thal/
byang sems sbyor lam pa yin pa'i phyir/ 'dod na/ de'i rgyud la
theg chen sgrub pa yod par thal/ 'dod pa'i phyir/ 'dod na/ de'i
rgyud la lam yod par thal/

'dod pa'i phyir/ 'dod na 'gal lo/ /kha cig /'jug sdom thob pa'i
sems can yin na/ byang chub sems dpa' yin pas khyab zer na/ 'jug
sdom thob pa'i theg chen lam du 'jug kha ma'i gang zag chos can/
der thal/ de'i phyir/ der thal/ chos can de yin pa'i phyir/ der
thal/ de yod pa'i

phyir/ der thal/ 'jug sdom blangs rjes su byang chub kyi sems
sbyong dgos pa'i gang zag yod pa'i phyir/ der thal/ byang chub
lam rim chen mo las/ spyir sngar bshad pa lta bu'i myong ba ma
skyes kyang / theg pa chen po'i bslab par bya ba rnams shes
shing / theg chen la mos pa brtan na

sngon la sems bskyed pa dang / sngom pa ? chogs bzung nas/ de
nas byang chub kyi sems sbyong ba yang yod de/ sbyod 'jug tu
sdon la sdom pa dang sems bzung nas/ de'i bslab bya phyin drug
gi bsam gtan gyi skabs su byang chub kyi sems sbyong lugs rgyas
par gsungs pa lta bu'o/ /zhes

gsungs pa'i phyir/ 'dod mi nus te/ chos can de yin pa'i phyir//
! //gnyis pa rang gi lugs ? 'jug sdom thob cing spyod pa nyams
len gyi bya bas dngos su zin pa la ltos dgos pa'i rigs su gnas
pa'i theg chen sems bskyed/ 'jug pa sems bskyed kyi

@13a @#/ /mtshan nyid/ spyod pa nyams len gyi bya bas dngos su zin
ba la ltos mi dgos pa'i sems bskyed/ smon pa sems bskyed kyi
mtshan nyid/ dang po'i sa mtshams tshogs lam nas sangs rgyas kyi
sa'i bar du yod/ phyi ma'i sa mtshams tshogs lam nas sa bdun pa'i
bar du yod de ?

sems bskyed sbyod pa nyams len gyi bya bas dngas su zin pa'i don
yang yod de/ sbyin pa lta bu la mtshon na/ sems bskyed kyis kun
nas blangs te rgyal sras kyi sbyod pa la slob pa tsam ma yin
par/ sbyin pa nyams len gyi bya ba la dngos su 'jug pa na/ theg
chen sems bskyed kyi

grogs rnam mkhyen don gnyer gyi dran 'dun du re ba rang rgyud la
dngos su yod na/ sems bskyed sbyin pa nyams len gyi bya bas
dngos su zin pa dang / rang gi dmigs yul rdzogs byang sogs bden
med kyi rnam pa shar ba'i dus na theg chen sems bskyed kyi grogs
rnam mkhyen don gnyer

gyi dran 'dun du re ba rang rgyud la dngos su yod na/ sems
bskyed shes rab kyi nyams len gyi bya bas dngos su zin pa'i bar
du 'jog pa'i phyir/ des na theg chen sems bskyed kyi grogs rnam
mkhyen don gnyer gyi dran 'dun du re ba de/ zin bya theg chen
sems bskyed dang zin

byed rgyal sras kyi spyod pa gang rung ma yin kyang / de ltar
'chad pa'i rgyu mtshan yod de/ theg chen sems bskyed kyi grogs
rnam mkhyen don gnyer gyi dran 'dun du re ba yod na/ grogs theg
chen sems bskyed dngos su yod dgos pa'i rgyu mtshan gyis de ltar
bshad pa'i phyir/ sa

brgyad pa nas smon sems mi 'byung ba yin te/ /sa brgyad ba'i ye
shes yin na /bden med kyi rnam ba shar ba'i ye shes yin dgos
pa'i phyir/ der thal/ sa brgyad pa nas bden 'dzin mngon 'gyur ba
spangs pas kun rdzob dngos yul du byed pa'i sa brgyad pa'i ye
shes yin na/

rang gi gzhal bya bden stong sgyu ma lta bur snang bas khyab
pa'i phyir// ! //gsum pa rtsod pa spong ba la/ kha cig /'jug
sdom thob pa'i sems bskyed yin na/ 'jug pa sems bskyed yin dgos
par thal/ rnam bshad las/ 'jug sdom dang 'jug sems 'gal yang /
de skyed pa

@13b ni sdom pa gzung ba'i dbang kho na las shes par bya'o/
/zhes gsungs pa'i phyir zer na/ skyon med de/ de'i don ni/ 'jug
sdom ma thob na/ 'jug pa sems bskyed du mi 'gyur ba'i rnam gcad
du 'gyur ba'i don yin gyi 'jug sdom thob pa'i sems bskyed la/
'jug pa sems bskyed

kyis khyab pa'i yongs gcod kyi don ma yin pa'i phyir/ de ltar ma
yin na smon pa sems bskyed yin na/ 'jug sdom ma thob pa'i sems
bskyed yin dgos par thal/ 'jug sdom thob pa'i sems bskyed yin
na/ 'jug pa sems bskyed yin dgos pa'i phyir/ 'dod na/ byang sems

mthong lam ba'i rgyud kyi smon ba sems bskyed chos can/ der
thal/ de'i phyir/ der thal/ de yod pa'i phyir/ der thal/ rnam
bshad las/ smon sems ni tshogs lam nas bzung ste sa thob nas
kyang khas blangs pa la nyes pa med par mngon te/ zhes gsungs
pa'i phyir/ 'dod na/ smon

pa sems bskyed rgyud la ldan pa'i byang sems mthong lam pa de/
'jug sdom ma thob pa'i gang zag yin par thal/ 'dod pa'i phyir/
'dod na/ so thar gyi sdom pa ma thob pa'i dge slong rnam dag yod
par thal/ 'jug sdom ma thob pa'i byang sems 'phags pa yod pa'i
phyir/

'dod mi nus so/ /kha cig /byang chub sems dpa'i rgyud la zin bya
theg chen sems bskyed dang zin byed sbyin pa gnyis gcig char du
'jug pa med par thal/ de'i rgyud la zin bya theg chen sems
bskyed dang zin byed stong nyid mngon sum du rtogs pa'i shes rab
gnyis gcig char du 'jug pa med

pa'i phyir zer na/ ma khyab ste/ dang po gnyis kun rdzob dngos
yul du byed pa'i blo yin par mtshungs shing / phyi ma gnyis de
ltar mi mtshungs pa'i phyir/ kha cig /byang sems mthong lam pa'i
rgyud kyi smon pa sems bskyed chos can/ spyod pa nyams len gyi
bya bas dngos su zin par

thal/ rgyal sras kyi spyod pa phyin drug gi nang tshan du gyur
ba'i brtson 'grus kyi phar phyin gyi nyams len gyi bya bas dngos
su zin pa'i phyir/ der thal/ rang gi grogs brtson 'grus kyi phar
phyin gyi nyams len gyi bya bas dngos su zin pa'i phyir/ der
thal/ rang gi grogs su gyur pa'i

@14a @#/ /brtson 'grus kyi phar phyin gcig yod pa'i phyir/ 'dod
na/ spyod pa nyams len gyi bya bas zin pa la ltos mi dgos pa'i
rigs su gnas pa ma yin par thal/ spyod pa nyams len gyi bya bas
dngos su zin pa'i sems bskyed yin pa'i phyir zer na/ ma khyab

kha cig /byang sems rgyun mtha' ba'i rgyud kyi sems bskyed de
smon pa sems bskyed yin par thal/ de'i rgyud la sems bskyed yod
pa'i phyir/ der thal/ de'i rgyud la rdzogs byang don gnyer gyi
blo yod pa'i phyir/ der thal/ de rdzogs byang don du gnyer ba'i
gang zag yin

pa'i phyir zer na/ ma khyab/ 'o na/ de'i rgyud la rdzogs byang
don gnyer gyi 'dun pa dngos su yod par thal/ de rdzogs byang
dngos su don du gnyer ba'i gang zag yin pa'i phyir/ khyab pa
khas/ ma grub na/ der thal/ de rnam mkhyen skad cig dang po'i
dngos rgyu la gnas pa'i

gang zag yin pa'i phyir/ 'dod na/ 'gal/ kha cig /byang sems
rgyun mtha' ba'i rgyud la theg chen sems bskyed yod par thal/
de'i rgyud la snying rje chen po yod pa'i phyir/ der thal/ rnam
mkhyen skad cig dang po la gnas pa'i sangs rgyas 'phags pa'i
rgyud kyi theg

chen sems bskyed de/ rang gi dngos kyi nyer len du gyur pa'i
snying rje chen po las dngos su skyed pa'i sems bskyed yin pa'i
phyir/ ma grub na/ rnam mkhyen skad cig dang po la gnas pa'i
sangs rgyas 'phags pa'i rgyud kyi theg chen sems bskyed chos
can/ khyod rang gi

dngos kyi nyer len du gyur ba'i snying rje chen po las dngos su
skyes par thal/ khyod theg chen sems bskyed yin pa'i phyir/
khyab ste/ mdo sde rgyan las/ de yi rtsa ba snying rjer 'dod/
ces gsungs pa'i phyir zer na/ ma khyab/ kha cig /bden 'dzin
mngon 'gyur du rgyud la ldan pa'i

sems dpa'i rgyud la lam med par thal/ rtsa bar/ dngos po ldan
dang mi ldan dang / zhas pa dang / de'i 'grel par/ lam gyi dngos
po mtha' dag rgyun mi 'chad du ldan pa dang mi ldan pa dang /
zhes gsungs pa'i phyir zer na/ skyon med de/ de'i don ni gzugs
bden

@14b bar 'dzin pa'i bden 'dzin mngon 'gyur du rgyud la ldan pa'i
byang sems mthong lam pa lta bu'i rgyud la gzugs bden med du
rtogs pa'i mkhyen pa med ces pa'i don yin pa'i phyir/ kha cig/
bden 'dzin mngon 'gyur du rgyud la ldan pa'i byang sems mthong
lam pa'i rgyud la

rnam par shes pa rjes tha dad pa gnyis gcig char du 'jug pa yod
par thal/ de'i rgyud la bden 'dzin dang theg chen sems bskyed
gnyis gcig char du 'jug pa yod pa'i phyir/ 'deng mi nus te ? mdo
las/ lus can rnams kyi rnam par shes pa ni rgyud re re ba kho
na'o/ /zhes gsungs pa'i

phyir zer na/ skyen med de/ de'i don ni/ sems can gcig gi rgyud
la rnam par shes pa rigs mthun rdzas tha dad pa gnyis gcig char
du 'jug pa med ces pa'i don yin pa'i phyir/ kha cig /'jug pa
sems bskyed yin na/ rang gi nyer len du gyur pa'i smon pa sems
bskyed sdon

du song bas ma khyab par thal/ khyod kyi smon 'jug gnyis kyi
mtshan nyid de dag 'thad pa'i phyir/ 'dod byas pa la/ mi 'thad
par thal/ grong khyer du 'gro ba la grong khyer du 'gro 'dod kyi
bsam pa sdon du 'gro dgos pa gang zhig /grong khyer du 'gro 'dod
kyi bsam pa dang / grong khyer

du 'gro ba'i gom pa 'debs 'jog gi bya bas zin pa'i dpe gnyis
kyis sems bskyed gnyis bstan pa'i phyir zer na/ ma khyab/ ma
grub na/ der thal/ spyod 'jug las/ 'gro bar 'dod dang 'gro ba
yi/ /bye brag ji ltar shes pa ltar/ /de bzhin mkhas pas 'di
gnyis kyi/ bye brag rim

bzhin shes par bya/ /zhes gsungs pa'i phyir dang / smon pa sems
bskyed la kun rdzob byang chub kyi sems dang po dang / 'jug pa
sems bskyed la kun rdzo ba byang chub kyi sems gnyis par gsungs
pa'i phyir/ kha cig /'jug sngom thob pa'i lam ma zhugs kyi gang
zag med par thal/

'dug sdom thob pa'i gang zag yin na/ smon sems rang rgyud la
skye myong yin dgos pa'i phyir/ der thal/ byang sa las/ 'jug
sdom 'bogs pa'i tshe khyod kyis smon pa byang chub mchog tu sems
bskyed dam zhes 'dri dgos par gsungs pa'i phyir zer na/ skyon
med de/ de'i don ni smon pa

@15a @#/ /byang chub ma chog tu sems bskyed nas/ spyod pa la slob
nus brtags nas slob nus pa na sdom pa cho gas len pa'i dbang du
byas pa'i phyir/ der thal/ dper na/ theg chen gyi rigs can
dbang rnon rnams kyis dang por stong nyid rtogs pa'i lta ba rang
rgyud la bskyed/

de rjes byang chub mchog tu sems bskyed pa lta bu yin pa'i
phyir/ de ltar ma yin na/ 'jug sdom thob nas byang chub tu sems
bskyed dgos kyi gang zag dang / byang chub kyi sems la myong ba
dung ? zad thon nas 'jug sdom len pa'i rten gyi gang zag med par
thal/ 'jug sdom

thob pa'i gang zag yin na/ smon sems rgyud la skye myong yin
dgos pa'i phyir/ 'dod na/ mi 'thad par thal/ lam rim chen mo
las/ sdon la sems bskyed pa dang / sdom pa chogs bzung nas/ de
nas byang chub kyi sems sbyong ba yang yod de/ zhes gsungs pa'i
phyir dang / lam

rim chung ba las/ byang chub kyi sems la yid 'gyur ba'i myong ba
cung zad rnyed pa cig la byed pa yin no/ /zhes gsungs pa'i
phyir/ kha cig /lam ma zhugs kyi gang zag gi rgyud la byang chub
kyi sems yod par thal/ de'i rgyud la sangs rgyas don gnyer gyi
byang chub

kyi sems yod pa'i phyir zer na/ ma khyab/ ma grub na/ der thal/
rnam bshad las/ gzhan gsum yang sangs rgyas don gnyer gyi sems
bskyed tsam zhig yin mod/ 'dir dngos su bstan pa ni sbyod pa'i
rten byed pa'i sems bskyed kyi gtso bo mtshan nyid yong su rdzogs
pa

yin pas/ zhes gsungs pa'i phyir/ kha cig /don dam sems bskye de
theg chen sems bskyed kyi dbye ba'i ya gyal yin par thal/ sgom
rims las/ byang chub tu sems bskyed pa ni rnam pa gnyis ste/ kun
rdzob dang / don dam pa'i byang chub kyi sems so/ /zhes gsungs

pa'i phyir zer na/ skyon med de/ de ni dngos btags ma phye bar
dbye ba tsam la dgongs pa'i phyir// ! //de yang sa gser zla ba
me/ /zhes sogs kyi skabs su/ 'dun ldan sems bskyed sogs sems
bskyed dang po gsum po gang rung yin na/ las dang po ba'i rgyud

@15b kyi sems bskyed yin pas khyab zer na/ nyan thos dgra bcom
pa'i rtogs pa sdon du song ba'i byang sems tshogs lam chung ngu
ba'i rgyud kyi theg chen sems bskyed chos can/ der thal/ de'i
phyir/ der thal/ 'dun ldan sems bskyed yin pa'i phyir/ 'dod na/
de rgyud la ldan pa'i gang zag de las

dang po pa yin par thal/ 'dod pa'i phyir/ 'dod mi nus te/ dgra
bcom pa yin pa'i phyir/ kha cig /byang sems 'phags pa'i rgyud la
mngon shes dang mtshungs ldan du gyur ba'i sems bskyed yod zer
na/ de 'dra'i sems bskyed chos can/ mngon sum yin par thal/
mngon shes

yin pa'i phyir/ der thal/ mngon shes dang mtshungs ldan du gyur
pa'i shes pa yin pa'i phyir/ 'dod mi nus te/ rtog pa yin pa'i
phyir/ der thal/ slob pa'i rgyud kyi sems bskyed yin pa'i phyir/
kha cig /byang sems 'phags pa'i rgyud la gang zag gi bdag med
mngon sum du rtogs pa'i shes

rab dang mtshungs ldan du gyur pa'i sems bskyed yod zer ba dang /
chos sku dang mtshungs ldan du gyur ba'i sems bskyed yod zer na/
dang po la byang sems 'phags pa'i rgyud la gang zag gi bdag med
mngon sum du rtogs pa'i theg chen sems bskyed yod par thal/ dam
bca' 'thad pa'i

phyir/ 'dod na/ de'i rgyud la stong nyid mngon sum du rtogs pa'i
theg chen sems bskyed yod par thal/ 'dod pa'i phyir/ 'dod na/ de
'dra ba'i theg chen sems bskyed chos can/ khyod kyis stong nyid
mngon sum du rtogs par thal/ khyod slob pa'i rgyud kyi sems
bskyed yin pa'i phyir/ phyi

ma la chos sku chos can/ khyod dang mtshungs ldan du gyur pa'i
sems bskyed med par thal/ khyod 'dus ma byas yin pa'i phyir/ der
thal/ ngo bo nyid sku 'dus ma byas yin pa'i phyir/ kha cig /sgra
snyan lta bu'i sems bskyed yin na/ sangs rgyas kyis sas bsdus
pas khyab zer na/ byang

sems sa bcu bas rjes thob kyi gnas skabs su gdul bya rigs can
gsum la chos 'khor rdzogs par bskor ba'i bdag rkyen byed pa'i
theg chen sems bskyed chos can/ der thal/ de'i phyir/ der thal/
chos can de yin pa'i phyir/ 'dod mi nus so/ /kha cig /sprin lta
bu'i sems

@16a @#/ /bskyed yin na/ sangs rgyas kyi sas bsdus bas khyab zer
na/ byang sems sa dgu pa ba'i rgyud kyi sems bskyed chos can/
der thal/ de'i phyir/ der thal/ so so yang dag bar rig pa bzhi'i
nyams len lhag par thob pa'i sems bskyed yin pa'i phyir/ khyab
ste/

mdo sde rgyan las/ rgyal sras rnams kyi sems bskyed pa/ spin
dang 'dra bar bstan ba yin/ zhes dang / yang de nyid las/ so so
yang dag rig blo bzang / /sa de legs pa'i blo gros yin/ /zhes
gsungs pa'i phyir// //rang lugs la/ sems bskyed nyer gnyis po de
'jog

pa'i tshul yod de/ sems bskyed nyer gnyis po de/ rang gi grogs
rdzogs byang don gnyer gyi 'dun pa dang mtshungs par ldan pa sogs
dang / rang nyid zin byed mngon shes dang byang phyogs so bdun
sogs kyi nyams len lhag par thob pa'i sgo nas dpe nyer gnyis
kyis

don nyer gnyis mtshon pa'i tshul gyis gtan la 'bebs pa'i phyir/
kha cig /byang sems 'phags pa'i rgyud la mngon shes dang mtshungs
ldan du gyur pa'i sems bskyed dang / byang phyogs so bdun dang
mtshungs ldan du gyur pa'i sems bskyed yod par thal/ 'grel

chen las/ mngon par shes pa dang / zhes dang / chos kyi sku dang
ldan pa ni/ /zhes gsungs pa'i phyir zer na/ skyon med de/ de dag
gi nyams len lhag par thob pa la dgongs pa'i phyir/ ! /dbye ba
zhar la brjod nas/ de ltar byang chub gyi /zhes sogs kyi

skabs su/ mchog gi sprul skus byang sems sbyor lam pa la theg
chen gyi gdams ngag 'doms pa la dgos pa yod de/ theg chen sems
bskyed kyi ched du gnyer bya thob pa'i ched du yin pa'i phyir/
'di'i skabs su dgag bzhag spang gsum las/ dang po la/

kha cig /theg chen sems bskyed kyi ched du gnyer bya thob pa'i
thabs ma nor bar 'doms ba'i rjod byed rnam dag theg chen gyi
gdams ngag gi mtshan nyid zer ba dang / rang nyid tshad ma'i gzhal
bya yin na/ tshad ma rang nyid rtogs pa'i tshad ma yin pas khyab

@16b zer na/ mdo chos can/ mtshon bya der thal/ mtshan nyid de'i
phyir /der thal/ theg chen sems bskyed kyi ched du gnyer bya
thob pa'i thabs ma nor pa de mdo'i bstan don yin pa gang zhig
/khyod kyi dam bca' 'thad pa'i phyir/ 'dod mi nus

te/ theg dman gyi gdams ngag yin pa'i phyir/ der thal/ theg dman
gyi byang chub thob pa'i thabs ma nor bar 'doms pa'i rjod byed
rnam dag yin pa'i phyir/ khyab pa khas/ der thal/ theg dman gyi
byang chub thob pa'i thabs ma nor ba de mdo'i bstan don gang
zhig /khyod

kyi dam bca' phyir ma 'thad pa'i phyir/ kha cig /theg chen sems
bskyed kyi ched du gnyer bya thob pa'i thabs ma nor bar bstan
pa'i theg chen gyi rjod byed rnam dag /theg chen gyi gdams ngag
gi mtshan nyid zer na/ gzhan dbang bden grub du ston pa'i sems
tsam pa'i thun mong

ma yin pa'i bstan bcos chos can/ mtshan nyid der thal/ mtshon bya
de'i phyir/ 'dod na/ ngag rnam dag yin par thal/ rjod byed rnam
dag yin pa'i phyir/ 'dod na/ rang gi bzhed don rang smra ba pe'i
gang zag gi tshad mas nges par thal/ ngag rnam dag yin pa'i
phyir/ 'dod na/

gzhan dbang bden grub tu tshad mas nges pa'i gang zag yod par
thal lo/ /kha cig /theg chen sems bskyed kyi ched du gnyer bya
thob pa'i thabs ma nor bar 'doms pa'i theg chen gang zag gi
brjod byed rnam dag de/ theg chen gyi gdams ngag gi mtshan nyid
zer na/ theg

dman gyi mdo chos can/ mtshon bya der thal/ mtshan nyid de'i
phyir/ der thal/ theg chen sems bskyed kyi chad du gnyer bya
thob pa'i thabs ma nor bar 'doms pa'i mchog gi sprul sku'i rjod
byed rnam dag yin pa'i phyir/ der thal/ de 'dra'i mchog gi sprul
sku'i ngag yin

pa'i phyir/ 'dod mi nus so/ /kha cig /gdams ngag yin na/ mdo yin
pas khyab zer na/ bstan bcos mngon rtags rgyan chos can/ der
thal/ de'i phyir/ der thal/ legs bshad gser 'phreng las/ mngon
rtogs rgyan lta bu la yang gdams ngag khyad par can gyi don legs

@17a @#/ /par tshang pa'i phyir ro/ /zhes gsungs pa'i phyir/ 'dod
na/ bkag zin/ kha cig /'doms pa'i gdams ngag dang rjes bstan gyi
gdams ngag 'gal zer na/ rgyas 'bring bsdus gsum chos can/ 'doms
pa'i gdams ngag ma yin par thal/ rjes bstan gyi gdams ngag

yin pa'i phyir/ der thal/ rang gi ched du bya ba'i gdul byas yon
tan ma thob pa thob par byed pa'i gdams ngag yin pa'i phyir/
'dod mi nus te/ 'doms pa'i gdams ngag yin pa'i phyir/ der thal/
rang gi ched du bya ba'i gdul byas yon tan thob zin mi nyams par
byed

pa'i gdams ngag yin pa'i phyir/ kha cig /theg chen sems bskyed
kyi ched du gnyer bya thob pa'i thams ma nor bar 'doms pa'i theg
chen gyi bka' dang bstan bcos gang rung du dmigs pa de/ theg
chen gyi gdams ngag gi mtshan nyid zer na/ gzhan dbang bden grub
tu

ston pa'i sems tsam pa'i bstan bcos chos can/ mtshan nyid der
thal/ mtshon bya de'i phyir/ 'dod na/ sems tsam pas rgyas 'bring
bsdus gsum gyi dgongs pa sems tsam du bkral ba de ma nor bar
bkral bar thal/ 'dod pa'i phyir/ 'dod na/ slob dpon dbyig

gnyen gyis rgyas 'bring bsdus gsum gyi dgongs pa sems tsam du
bkral ba de ma nor bar bkral ba yin par thal/ 'dod pa'i phyir/
'dod mi nus te/ 'grel par/ des byas byas pa min mthong nas/ zhes
gsungs pa'i phyir/ kha cig /theg chen sems bskyed kyi ched du

gnyer bya thob pa'i thabs tshang la ma nor bar 'doms pa'i sangs
rgyas kyi bkar gyur pa'i theg chen gyi rjod byed rnam dag de/
skabs 'dir dngos su bstan pa'i gdams ngag gi mtshan nyid zer na/
yum bar ma'i nang tshan du gyur pa'i gzugs la ngo bo nyid med ces

ba'i mdo tshig chos can/ mtshan nyid der thal/ mtshon bya de'i
phyir/ der thal/ yum bar ma skabs 'dir dngos su bstan pa'i gdams
ngag yin pa'i phyir/ 'dod na/ gzugs bden stong du sgom pa tsam
gyis theg chen sems bskyed kyi ched du gnyer bya'i thabs ma

@17b nor ba thob nus par thal/ 'dod pa'i phyir/ 'dod mi nus te/
stong nyid sgom ba tsam gyis rdzogs byang thob mi nus pa'i
phyir/ kha cig /gdams ngag la ngag gis ma khyab zer na/ de khyab
par thal/ skabs 'dir dngos su bstan pa'i gdams ngag bcu po gang
rung la ngag gis khyab pa'i phyir/

der thal/ jo bo'i don bsdus sgron me las/ gdams ngag rnam pa bcu
yin te/ ngo bo ngag gi 'khor lo yin/ /dbye ba yul gyi sgo nas
brjod/ /ces gsungs pa'i phyir/ gzhan yang / brjod bya don gyi
gdams ngag yin na gdams ngag yin dgos par thal/ dam bca'
'thad pa'i phyir/ 'dod na/

'phags pa'i bden pa bzhi chos can/ der thal/ de'i phyir/ der
thal/ bden bzhi'i blang dor tshul bzhin du byed pa'i gang zag de/
brjod bya don gyi gdams ngag tshul bzhin du nyams su len pa'i
gang zag yin pa'i phyir/ 'dod na/ ma yin par thal/ 'dus ma byas
yin

pa'i phyir/ der thal/ 'gog bden 'dus ma byas yin pa'i phyir/ kha
cig /gdams ngag nyan pa'i rten gyi gang zag yin na/ chos rgyun
gyi ting nge 'dzin thob pas khyab zer na/ mchog gi sprul sku la
gdams ngag nyan pa'i nyan thos dgra bcom pa chos can/ der thal/
de'i phyir/ der thal/ gdams

ngag nyan pa'i nyan thos dgra bcom pa yin pa'i phyir/ der thal/
de yod pa'i phyir/ 'dod na/ theg chen gyi tshogs lam thob par
thal lo/ /kha cig /mchog gi sprul pa'i sku la theg chen gyi
gdams ngag khyad par can nyan pa'i byang sems tshogs lam pa yin
na/ chos rgyun

gyi ting nge 'dzin thob pas khyab zer na/ mchog gi sprul sku la
rgyas 'bring bsdus gsum nyan pa'i theg chen tshogs lam chung ngu
ba chos can/ der thal/ de'i phyir/ 'dod na/ theg chen gyi tshogs
lam chen po thob par thal lo/ /kha cig /rang gi sems rten rab
mtha'i bsam

gtan bzhi pa'i dngos gzhi'i sems rten la brten nas gang la mnyam
par bzhag pa'i rgyal ba'i gsung rab thams cad kyi tshig don mtha'
dag rgyun mi 'chad du 'dzin nus pa'i ting nge 'dzin de/ chos
rgyun gyi ting nge 'dzin gyi mtshan nyid zer na/ theg chen sbyor
lam pa des

@18a @#/ /rgyal ba'i gsung rab mtha' dag gi tshig don mtha' dag
shes par thal/ mtshan nyid 'thad pa gang zhig /theg chen tshogs
lam chen po nas chos rgyun gyi ting nge 'dzin thob pa'i phyir/
'dod na/ des rgyal ba'i gsung rab la thos pa ngoms med du byed
mi dgos par

thal/ 'dod pa'i phyir/ 'dod mi nus te/ sa thob nas kyang thos pa
ngoms med du byed dgos pa'i phyir/ der thal/ thos pas mi ngoms
nyid dang ni/ zhes gsungs pa'i phyir/ kha cig /gdams ngag nyan
pa'i rten gyi gang zag yin na/ sems can yin pas khyab zer na/ 'o
na/ gdams ngag

nyan pa'i nyan shes yin na/ sems can gyi rgyud kyi nyan shes yin
dgos par thal/ 'dod pa'i phyir/ 'dod na/ gdams ngag nyan pa'i
longs sku'i nyan shes chos can/ der thal/ de'i phyir /der thal/
longs sku'i nyan shes kyi nyan byar gyur pa'i gdams ngag yod
pa'i phyir/ der thal

longs sku'i nyan shes yod pa'i phyir/ 'dod mi nus so// ! //gnyis
pa rang gi lugs la/ theg chen sems bskyed kyi ched du gnyer bya
thob pa'i thabs ma nor bar 'doms pa'i sangs rgyas kyi bkar gyur
pa'i theg chen gyi rjod byed rnam dag de/ skabs 'dir

dngos su bstan pa'i theg chen gyi gdams ngag gi mtshan nyid/ de
la yul gyi sgo nas dbye na rnam pa bcu yod/ gdams ngag la ngo
bo'i sgo nas dbye na rjes bstan gyi gdams ngag dang / 'doms pa'i
gdams ngag gnyis yod/ rang gi ched du bya ba'i gdul byas yon tan
sngar ma

thob pa gsar du 'thob phyir du 'doms pa'i gdams ngag /rjes bstan
gyi gdams ngag gi mtshan nyid/ rang gi ched du bya ba'i gdul byas
yon tan thob zin mi nyams pa'i phyir du 'doms pa'i gdams ngag
'doms pa'i gdams ngag gi mtshan nyid/ de gnyis yin khyab mnyam
yin/ spyir gdams ngag nyan pa'i

sa mtshams ni lam ma zhugs nas sangs rgyas kyi sa'i bar du yod/
sangs rgyas mya ngan las 'das pa'i 'og rol tu 'jig rten gyi
khams gzhan nas gzhan du song ste sangs rgyas grangs med pa la
gdams ngag rgya chen po nyan pa la/ theg pa chen po'i tshogs lam
chen

@18b po thob dgos te/ de la chos rgyun gyi ting nge 'dzin thob
dgos pa'i phyir/ theg pa chen po'i tshogs lam chen po thob pa'i
rang gi sems rten rab mtha'i bsam gtan bzhi pa'i dngos gzhi'i
sems brten la brten nas gang la mnyam par bzhag pa'i rgyal ba'i
gsung rab kyi tshig don rgyun mi

'ched du 'dzin nus pa'i ting nge 'dzin de/ chos rgyun gyi ting
nge 'dzin gyi mtshan nyid// ! //gsum pa rtsod pa spong ba la/ kha
cig /mngon rtogs rgyan gyi ched du bya ba'i gdul byas yon tan ma
thob pa dang / thob zin ba mi 'gal bar thal/ 'doms pa'i gdams
ngag dang rjes bstan gyi

gdams ngag mi 'gal ba'i phyir zer na/ ma khyab/ 'dod mi nus so/
/kha cig /chos ston na ngag gi sgo nas ston dgos par thal/ gdams
ngag ston na ngag gi sgo nas ston dgos pa'i phyir zer na/ ma
khyab/ ma grub na/ der thal/ de yin na ngag yin dgos pa'i phyir/
'dod mi nus te/ sgra med

lus kyi rnam 'gyur gyi sgo nas chos ston pa'i rang rgyal dgra
bcom pa yod pa'i phyir/ der thal/ sgra med kyang de de ltar
snang / zhes gsungs pa'i phyir/ kha cig /'phags pa thogs med
kyis rgyas 'bring bsdus gsum gyi dgongs pa sems tsam du bkral ba
de ma nor bar bkral

ba ma yin par thal/ slob dpon dbyig gnyen gyis de ltar bkral ba
de ma nor bar bkral ba ma yin pa'i phyir/ 'dod na/ des de nor
bar bkral bar thal/ 'dod pa'i phyir/ 'dod na/ des rgyas 'bring
bsdus gsum gyi dgong pa sems tsam du bkral ba de phyin ci log tu
bkral bar

thal/ 'dod pa'i phyir/ 'dod na/ dgongs 'grel gyi byams zhus kyi
le'us rgyas 'bring bsdus gsum gyi dgongs pa sems tsam du bkral
ba de phyin ci log tu bkral bar thal/ 'dod pa'i phyir/ 'dod na/
ston pa shA-kya thub pas rgyas 'bring bsdus gsum gyi dgongs
pa phyin

ci log tu bkral bar thal/ 'dod pa'i phyir zer na/ ma khyab/ kha
cig /'phags pa thogs med kyi rgyas 'bring bsdus gsum gyi dgongs
pa sems tsam du bkral ba de phyin ci log tu bkral ba ma yin par
thal/ 'phags pa thogs med shing rta'i srol 'byed du rgyal bas

@19a @#/ /lung bstan pa'i phyir zer na/ ma khyab/ kha cig /longs
sku de gdams ngag nyan dgos kyi gang zag tu thal lo/ /de gdams
ngag nyan pa'i gang zag yin pa'i phyir zer na/ ma khyab/ 'dod mi
nus te/ de the tshom mtha' dag chod pa'i gang zag yin pa'i
phyir// ! //

byang chub kyi sems kyi rab tu dbye ba ji skad bshad par sgrub
pa la kun rdzob dang don dam pa'i bden pa las mi 'da' bas/ zhes
sogs kyi skabs su/ byang chen yod bzhin du byang chen yang dag
par rje su mi mthong ngo / /zhes sogs kyi yum bar ma'i mdo tshig
chos can/ sgrub pa rang gi

ngo bo la 'doms pa'i gdams ngag yin te/ yul bden gnyis kyi rim
pa las mi 'da' bar yul can thabs shes zung 'brel du nyams su
longs shig ces 'dams pa'i yum bar ma'i mdo tshig yin pa'i phyir/
'di'i skabs su dgag gzhag spang gsum las/ dang po

la; kha cig /bden pa bden gnyis kyi dbye gzhi yin no zer na/ kun
rdzob bden pa bden pa yin par thal/ dam bca' 'thad pa'i phyir/
'dod na/ de chos can/ bden pa ma yin par thal/ rdzun pa yin pa'i
phyir/ kha cig /don dam bden pa shes bya ma

yin pas/ shes bya bden pa gnyis kyi dbye gzhi ma yin pa'i phyir
zer na/ don dam bden pa chos can/ khyod shes bya yin par thal/
de bzhin gshegs pas khyod thugs su chud pa'i phyir/ ma grub na/
der thal/ des bden pa gnyis ka thugs su chud pa'i phyir/

der thal/ yab sras mjal ba'i mdo las/ de bzhin gshegs pas kun
rdzob dang don dam pa'i bden pa thugs su chud de shes par bya
ba yang kun rdzob dang don dam pa'i bden pa'i 'dir zad do zhes
dang / de bzhin gshegs pas stong pa nyid rab tu gzigs/ rab tu
mkhyen/

legs par mngon du byas pa de'i tshe thams cad mkhyen pa zhes
brjod do/ /zhes gsungs pa'i phyir/ gzhan yang / mchog gi sprul
pa'i sku de don dam bden pa bstan pa la ltos nas ston pa bla na
med pa ma yin par thal/ des gdul bya la son dam bden pa bstan pa

@19b gang zhig /rang nyid kyis don dam bden pa ji lta ba bzhin
du gzigs nas gdul bya la bstan pa ma yin pa'i phyir/ der thal/
mchog gi sprul pa'i sku rang nyid kyis don dam bden pa ma gzigs
pa'i phyir/ der thal/ des don dam bden pa mrtogs pa'i phyir/
'dod mi nu

te/ de don dam bden pa bstan pa la ltos te smra ba bla na med pa
yin pa'i phyir/ der thal/ de smra ba bla na med pa yin pa'i
phyir/ kha cig /mthar thug dpyod pa'i rigs shes tshad mas dpyad
bzod du grub pa'i chos don dam bden pa'i mtshan nyid/ tha snyad
dbyod ba'i

rigs shes tshad mas dpyad bzod du grub pa'i chos/ kun rdzob bden
pa'i mtshan nyid/ zer na/ don dam bden pa chos can/ mtshan nyid
dang po der thal/ mtshon bya dang po de'i phyir/ 'dod na/ rang
nyid mthar thug dpyod byed kyi rigs shes tshad mas dpyad bzod par

thal/ 'dod pa'i phyir/ 'dod na/ bden grub du thal lo/ kha cig
/rigs pas dpyad bzod kyi chos med zer na/ de yod par thal/ tha
snyad dpyod byed kyi rigs pas dpyad bzod kyi chos yod pa'i phyir
te/ tha snyad dpyod byed kyi rigs pas dpyad mthar rnyed pa'i
chos

yod pa'i phyir/ der thal/ rang ngos nas grub pa'i chos yod pa'i
phyir/ kha cig /don dam bden pa'i ngo bo yin na/ don dam bden pa
yin bas khyab/ kun rdzob bden pa'i ngo bo yin na/ kun rdzob
bden pa yin pas khyab zer na/ dang po la/ don dam bden

pa tha snyad du yod pa chos can/ don dam bden pa yin par thal/
don dam bden pa'i ngo bo yin pa'i phyir/ der thal/ don dam bden
pa'i kun rdzob pa'i ngo bo yin pa'i phyir/ phyir ma la/ kun rdzob
bden pa bden stong chos can/ kun rdzob bden pa yin par thal

kun rdzob bden pa'i ngo bo yin pa'i phyir/ der thal/ kun rdzob
bden pa'i don dam pa'i ngo bo yin pa'i phyir/ thal 'gyur lnga
phyi gnyis ka la khyod tha snyad du yod pa khyod kyi kun rdzob
pa'i ngo bo dang / khyod bden pas stong ba khyod kyi don dam
pa'i ngo bo yin par thal/ khyod gzhi grub pa'i phyir/ zhes ba'i
thal

@20a @#/ /'gyur la khyab pa yod de/ gzhi grub na khyod kyi kun
rdzob pa'i ngo bo dang / don dam pa'i ngo bo gnyis gnyis yod pas
khyab pa'i phyir/ der thal/ 'jug pa las/ dngos rnyed ngo bo
gnyis ni 'dzin par 'gyur/ zhes gsungs pa'i phyir/ rtsa ba'i

thal 'gyur gnyis ka la 'dod mi nus te/ dang po kun rdzob bden pa
dang / phyi ma don dam bden pa yin pa'i phyir/ kha cig /stong
nyid bden med du rtogs pa'i mthar thug dpyod pa'i rigs shes tshad
ma yin na/ rang nyid kyi ngo bor stong nyid med pas khyab

zer na/ rnam mkhyen chos can/ der thal/ de'i phyir/ der thal/
rnam mkhyen yin pa'i phyir/ 'dod mi nus te/ de'i ngor chos thams
cad yong pa'i phyir/ der thal/ de chos thams cad mngon sum du
rtogs pa'i ye shes yin pa'i phyir/ kha cig /stong nyid bden med
du rtogs

pa'i blob pa'i rgyud kyi mthar thug dpyod pa'i rigs shes tshad ma
yin na/ rang nyid kyi ngor stong nyid med pas khyab zer na/ theg
chen mthong lam bar chad med lam chos can/ der thal/ de'i phyir
der thal/ chos can de yin pa'i phyir/ 'dod mi nus te/ stong

nyid mngon sum du rtogs pa'i ye shes yin pa'i phyir/ kha cig
/theg chen mthong lam bar ched med lam gyi ngo bor stong nyid
yod kyang / stong nyid bden med du rtogs pa'i theg chen mthong
lam bar chad med lam gyi ngo bor stong nyid med zer na/ mi 'thad

par thal/ theg chen mthong lam bar chad med lam yin na/ stong
nyid bden med du rtogs pa'i theg chen mthong lam bar chad med
lam yin pas khyab/ stong nyid bden med du rtogs pa'i theg chen
mthong lam bzod ba brgyad po gang rung yin na/ theg chen

mthong lam bar chad med lam yin dgos pa'i phyir/ kha cig /mthar
thug dpyod pa'i rigs shes tshad ma'i rnyed don/ don dam bden pa'i
mtshan nyid/ tha snyad dpyod pa'i rigs shes tshad ma'i rnyed don/
kun rdzob bden pa'i mtshan nyid zer na/ bden 'dzin

@20b zhen yul gyis stong ba chos can/ mtshon bya phyi ma der
thal/ mtshan nyid phyi ma de'i phyir/ der thal/ bden 'dzin zhen
yul la 'khrul ba'i log shes su rtogs pa'i tshad ma'i rnyed don
gang zhig /de 'dra'i tshad ma de tha snyad dpyod byed kyi tshad ma
yin pa'i phyir/ gang zhig der

thal/ bden 'dzin zhen yul la 'khrul ba'i log shes yin pa de/
tshad ma de'i rnyed don yin pa'i phyir/ phyi ma der thal/ bden
'dzin zhen yul la 'khrul ba'i log shes yin pa/ kun rdzob bden pa
yin pa'i phyir/ rtsa bar 'dod na/ mi 'thad par thal lo/ de

don dam bden pa yin pa'i phyir/ gzhan yang / myu gu don dam par
gzhan las mi skye ba chos can/ mtshon bya dang po der thal/ mtshan
nyid dang po de'i phyir/ der thal/ myu gu don dam par gzhan las
mi skye bar rtogs pa'i rigs shes rjes dpag gi rnyed don gang
zhig /de

'dra'i rigs shes de mthar thug dpyod pa'i rigs shes tshad ma yin
pa'i phyir/ der thal/ des myu gu skye zhes pa tsam gyis ma tshim
par myu gu don dam par bdag las skye 'am gzhan la skye zhes
dpyad pa na myu gu'i mthar thug gi skye ba'i don la dpyad pa yin
pa'i

phyir/ 'dod na sla/ kha cig /rang mngon sum du rtogs pa'i mngon
sum tshad mas gnyis snang nub pa'i tshul gyis rtogs par bya ba
gang zheg /sgrub pa'i rnam par rtogs bya ma yin pa/ don dam bden
pa'i mtshan nyid/ rang mngon sum du rtogs pa'i mngon sum

tshad mas gnyis snang dang bcas pa'i tshul gyis rtogs par bya ba'i
rigs su gnas pa/ kun rdzob bden pa'i mtshan nyid zer na/ bum pa'i
chos nyid chos can/ mtshan nyid dang po der thal/ mtshon bya dang
po de'i phyir/ 'dod na/ bum pa'i chos nyid mngon sum du

rtogs pa'i mngon sum chos can/ khyod tshad mas gnyis snang nub
pa'i tshul gyi rtogs par bya ba ma yin par thal/ khyod tshad ma
dang tha dad pa'i kun rdzob bden pa yin pa'i phyir/ kha cig
/rnam mkhyen de rnam mkhyen gyis gnyis snang nub pa'i tshul gyis
rtogs/ de rtog

@21a @#/ /na rnam mkhyen de/ rang mngon sum du rtogs pa'i mngon
sum tshad mas gnyis snang nub pa'i tshul gyis rtogs dgos bas/ de
don dam bden pa yin pa bkag pa'i phyir du sgrub pa'i rnam par
rtog bya ma yin pa zhes smos pa yin no zer na/

'o na/ gang zag gi bdag gis stong ba'i khyad par du byas pa'i
rnam mkhyen de gang zag gi bdag gis stong bas khyad par du byas
pa'i rnam mkhyen gyis gnyis snang nub pa'i tshul gyis rtogs par
thal/ rnam mkhyen gyis rnam mkhyen gnyis snang nub pa'i tshul
gyis

rtogs pa'i phyir/ 'dod na/ gang zag gi bdag gis stong ba'i khyad
par du byas pa'i rnam mkhyen chos can/ don dam bden pa yin par
thal/ don dam bden pa'i mtshan nyid de'i phyir/ der thal/ dang po
gang zhig/ phyi ma yin pa'i phyir/ dang po der thal/ de

rang mngon sum du rtogs pa'i mngon sum tshad mas gnyis snang nub
pa'i tshul gyis rtogs pa'i phyir/ der thal/ de gang zag gi bdag
gis stong bas khyad par du byas pa'i rnam mkhyen gyis gnyis
snang nub pa'i tshul gyis rtogs pa'i phyir/ rtags khas/

phyi ma der thal/ de sgrub pa ma yin pa'i phyir/ der thal/ de
dgag pa yin pa'i phyir/ der thal/ chos can de dang gcig yin pa'i
phyir/ rtsa bar 'dod mi nus te/ kun rdzob bden pa yin pa'i
phyir/ gzhan yang/ bum pa'i chos nyid chos can/ mtshon bya phyi
ma der

thal/ mtshan nyid phyi ma de'i phyir/ ma grub na/ bum pa'i chos
nyid mngon sum du rtogs pa'i mngon sum chos can/ tshad mas gnyis
snang dang bcas pa'i tshul gyis rtogs par bya ba'i rigs su gnas
par thal/ kun rdzob bden pa yin pa'i phyir

rtsa bar 'dod mi nus te/ don dam bden pa yin pa'i phyir/ kha cig
/mthar thug dpyod pa'i rigs shes tshad ma'i rnyed don gang zhig
/mthar thug dpyod pa'i rigs shes tshad ma khyod la ltos te mthar
thug dpyod pa'i rigs shes tshad mar

@21b song ba de/ don dam bden pa'i mtshan nyid/ tha snyad dpyod
phyed kyi rigs shes tshad ma'i rnyed don gang zhig /tha snyad
dpyod byed kyi rigs shes tshad ma khyod la ltos te/ tha snyad
dpyod byed kyi rigs shes tshad mar song ba de/ kun rdzob bden
pa'i mtshan nyid zer na/ bzhi grub

na; mthar thug dpyod pa'i rigs shes tshad ma'i rnyed don yin pas
khyab ba dang/ sangs rgyas 'phags pa'i tha snyad dpyod byed kyi
rigs shes tshad ma'i rnyed don la/ tha snyad dpyod byed kyi rigs
shes tshad ma'i rnyed don yin dgos par thal/ 'dod pa'i phyir/
'dod na/

sangs rgyas 'phags pa'i mig shes kyi bzung bya yin na/ mig shes
kyi bzung bya yin dgos par thal/ 'dod pa'i phyir/ 'dod na/ sgra
chos can/ mig shes kyi bzung bya yin par thal/ sangs rgyas
'phags pa'i mig shes kyi bzung bya yin pa'i phyir/ khyab pa

khas/ ma grub na/ der thal/ gzhi grub pa'i phyir/ 'dod na/ gzhi
grub na mig shes kyi bzung bya yin dgos par thal/ 'dod pa'i
phyir/ 'dod na/ 'dus ma byas kyi chos rnams chos kyi skye mched
du bzhag pa de mi 'thad par thal/ 'dod pa'i phyir/ 'dod mi nus

so/ gzhan yang / mthar thug dpyod pa'i rigs shes tshad mas rtogs
pa'i don dam bden pa chos can/ mtshan nyid dang po der thal/
mtshon bya dang po de'i phyir/ der thal/ chos can de yin pa'i
phyir/ 'dod mi nus te/ mthar thug dpyod pa'i rigs

shes tshad ma de la ltos te mthar thug dpyod pa'i rigs shes tshad
mar ma song ba'i phyir/ der thal/ de de la ltos te tshad mar ma
song ba'i phyir/ der thal/ de de la ltos te gsar du mi slu ba'i
rig par ma song ba'i phyir/ der thal/ de de la ltos te rtogs

zin rtogs pa'i rig par song pa'i phyir/ gzhan yang/ tha snyad
dpyod byed kyi rigs shes tshad mas rtogs zin rtogs pa'i kun rdzob
bden pa yang chos can/ mtshan nyid phyi ma der thal/ mtshon bya
phyi ma de'i phyir/ 'dod na/ sgrub tshul sngar ltar byas nas 'gog
/gzhan

@22a @#/ /yang/ mthar thug dpyod pa'i rigs shes tshad ma'i rgyu
chos can/ mtshon bya dang po der thal/ mtshan nyid dang po de'i
phyir/ gang zhig der thal/ gzhi grub pa'i phyir/ phyi ma ma grub
na/ de chos can/ mthar thug dpyod pa'i rigs shes tshad ma khyod

la ltos te mthar thug dpyod pa'i rigs shes tshad mar song bar
thal/ de khyod la stos te mthar thug dpyod pa'i rigs shes tshad
mar skyes pa'i phyir/ der thal/ de de la stos te skyes pa'i
phyir/ 'dod mi nus te/ kun rdzob bden pa yin pa'i phyir/ kha cig
/mthun

pa'i yul don dam bden pa la yul don dam bden pas khyab zer ba
dang / mthun pa'i yul can don dam bden pa la yul can don dam
bden pas khyab zer na/ dang po la/ myu gu bden stong sgyu ma lta
bu chos can/ yul ? don dam bden pa yin par thal/

mthun pa'i yul don dam bden pa yin pa'i phyir/ ma grub na/ myu
gu chos can/ khyod bden stong sgyu ma lta bu mthun pa'i yul don
dam bden pa yin par thal/ khyod 'dus byas yin pa'i phyir/ 'dod
na/ don dam bden pa yin par thal lo/ 'dod mi nus so/ phyi ma

la/ myu gu bden med rtogs pa'i rigs shes rjes dpag chos can/ der
thal/ de'i phyir/ der thal/ mthar thug dpyod pa'i rigs shes tshad
ma yin pa'i phyir/ 'dod na/ de chos can/ khyod la snang ba de
snang ba ltar du grub par thal/ khyod yul can don dam bden pa

yin pa'i phyir/ 'dod na/ myu gu bden stong gi don spyi stong
nyid yin par thal/ de la myu gu bden stong gi don spyi stong
nyid du snang ba gang zhig /de la snang ba de snang ba ltar du
grub pa'i phyir/ dang po der thal/ de snang rtag gcig 'dzin can
gyi blo yin pa'i phyir/ der thal/ chos

can de'i phyir/ rtsa bar 'dod na/ myu gu bden stong chos can/
khyod kyi don spyi stong nyid ma yin par thal/ khyod gzhi grub
pa'i phyir/ kha cig /don dam bden pa la ngo bo la mi 'dra ba'i
khyad par med zer na/ de yod par thal/ sgrib gnyis bden stong
dang/ rnam

@22b mkhyen bden stong gnyis ngo bo la mi dra ba'i khyad par yod
pa'i phyir/ der thal/ sgrib gnyis bden stong de dri ma dang bcas
pa'i chos nyid yin/ rnam mkhyen bden stong de dri ma spangs ba'i
chos nyid yin pa'i phyir/ dang po der thal/ sgrib gnyis de dri
ma dang bcas pa'i chos

yin pa'i phyir/ phyi ma der thal/ rnam mkhyen de dri ma spangs
pa'i ye shes yin pa'i phyir/ kha cig /don dam bden pa la ngo bo
la rigs mi 'dra ba'i khyad par yod zer na/ 'o na/ sgrib gnyis
bden stong dang rnam mkhyen bden stong gnyis la ngo bo la rigs/

mi 'dra ba'i khyad par yod par thal/ dam bca' 'thad pa'i phyir/
'dod mi nus te/ de gnyis po de dgag bya bden grub bkag pa'i med
dgag yin par yang mtshungs/ mthar thug dpyod pa'i rigs shes tshad
ma'i rnyed don yin par yang mtshungs pa'i phyir/kha cig

don dam bden pa yin na dgag bya bden grub bkag tsam gyi med dgag
yin pas khyab zer na/ rnam mkhyen gyi chos nyid chos can/ der
thal/ de'i phyir/ 'dod na/ mi 'thad par thal/ dgag bya glo bur
gyi dri ma spangs pa'i don dam bden pa yin pa'i phyir/ der

thal/ rnam mkhyen gyi chos nyid yin pa'i phyir/ kha cig /log pa
dang kun rdzob bden pa'i gzhi mthun yin na/ log pa'i kun rdzob
bden pa yin pas khyab zer na/ sgra rtag 'dzin rtog pa chos can/
der thal/ de'i phyir/ der thal/ log pa gang zhig/ kun rdzob

bden pa yin pa'i phyir/ dang po der thal/ log shes yin pa'i
phyir/ phyi ma der thal/ yod pa gang zhig/ don dam bden pa ma
yin pa'i phyir/ 'dod mi nus te/ yang dag kun rdzob yin pa'i
phyir/ der thal/ shes pa yin pa'i phyir/ kha cig /yang dag kun
rdzob

yin na/ yang dag yin pas khyab zer na/ shes pa chos can/ yang
dag yin par thal/ yang dag kun rdzob yin pa'i phyir/ der thal/
shes pa yin pa'i phyir/ 'dod na/ don dam bden pa yin par thal/
'dod pa'i phyir/ 'dod mi nus te/ rdzun pa yin pa'i

@23a @#/ /phyir/ der thal/ rgyu rkyen du ma tshogs pa la brten nas
skye 'jig gnas gsum gyi 'dus byas pa'i chos can yin pa'i phyir/
khyab ste/ rtsa shes las/ 'du byed thams cad bslu ba'i chos/
/des na de dag rdzun pa yin/ /zhes gsungs pa'i phyir/ gzhan
yang/

yang dag pa'i lta ba yin na/ yang dag yin dgos par thal/ yang
dag kun rdzob yin na/ yang dag yin dgos pa'i phyir/ 'dod na/ lam
ma zhugs kyi gang zag gi rgyud kyi stong nyid rtogs pa'i lta ba
chos can/ der thal/ de'i phyir/ rtag gsal sla/ kha cig /rang

snang yul du byed pa'i blo la snang ba snang ba ltar du don byed
nus pa'i kun rdzob/ yang dag kun rdzob kyi mtshan nyid/ rang
snang yul du byed pa'i blo la snang ba snang ba ltar du don byed
mi nus pa'i kun rdzob/ log pa'i kun rdzob kyi mtshan nyid zer na/
dang po la/ gang

zag gi bdag med phra mo chos can/ mtshan nyid der thal/ mtshon bya
de'i phyir/ der thal/ chos can de dang gcig yin pa'i phyir/ 'dod
na/ 'dus byas yin par thal/ 'dod pa'i phyir/ 'dod mi nus te/
'dus ma byas yin pa'i phyir/ phyi ma la/ myu gu bden par

skye ba chos can/ rang snang yul du byed pa'i blo la snang ba
snang ba ltar du don byed nus pa'i kun rdzob yin par thal/ log
pa'i kun rdzob yin pa'i phyir/ ma grub na/ myu gu chos can/
khyod bden par skye ba log pa'i kun rdzob yin par thal/ gzhi
grub pa'i phyir/ 'dod na/ de

kun rdzob yin par thal/ 'dod pa'i phyir/ 'dod na/ de yod par
thal/ 'dod pa'i phyir/ kha cig/ kun rdzob bden pa gang zhig/
rang gi mtshan nyid kyis grub pa/ yang dag kun rdzob kyi mtshan
nyid/ kun rdzob bden pa gang zhig/ rang gi mtshan nyid kyis ma
grub

pa; log pa'i kun rdzob kyi mtshan nyid zer na/ me long nang gi
byad bzhin gyi gzugs brnyan chos can/ mtshon bya dang po der
thal/ mtshan nyid dang po de'i phyir/ dang po der thal/ yod pa
gang zhig/ don dam bden pa ma yin pa'i phyir/ phyi ma ma grub

@23b na/ de chos can/ rang gi mtshan nyid kyis grub par thal/
rang gi mtshan nyid kyis grub pa'i rang gi rgyu gzhan las skye
ba'i phyir/ der thal/ dngos po yin pa'i phyir/ 'dod mi nus te/
log pa'i kun rdzob yin pa'i phyir/ der thal/ smig rgyu'i chu log
pa'i kun rdzob yin pa'i phyir/

der thal/ bden gnyis rang 'grel las/ shes pa la gsal ba'i rnam
pa snang ba can du 'dra yang/ ji ltar snang ba bzhin du don byed
pa la bslu ba dang mi bslu ba yin par nges par byas nas chu la
sogs pa dang smig rgyu la sogs pa yang dag pa dang/

yang dag ba ma yin par rtogs so/ zhes gsungs pa'i phyir/ gzhan
yang/ me long nang gi byad bzhin gyi gzugs brnyan chos can mtshan
nyid phyi ma der thal/ mtshon bya phyi ma de'i phyir/ rtags gsal
sgrub zin/ kha cig /de dngos po ma yin zer na/

de chos can/ dngos po yin par thal/ rang rgyu me long g.ya' dag
pa sogs rgyu rkyen du ma tshogs pa la brten nas skyes shing/ rang
nyid kyis kyang byad bzhin gyi gzugs brnyan byad bzhin du snang
ba'i shes ba bskyed par byed pa'i phyir/ der thal/ 'jug pa

las/ dngos po stong pa gzugs brnyan la sogs pa/ /tshogs la ltos
rnams ma grags pa yang min/ /ji ltar des ni gzugs brnyan sogs
stong las/ /shes pa de yi rnam pa skye 'gyur ltar/ /de bzhin
dngos po thams cad stong na yang/ /stong nyid dag las

rab tu skye bar 'gyur/ /zhes gsungs pa'i phyir/ kha cig /rang
nyid snang ba snang ba ltar du ma grub par rtogs pa la stong
nyid rtogs pa la ltos dgos pa'i kun rdzob bden pa/ yang dag kun
rdzob kyi mtshan nyid/ kun rdzob bden pa gang zhig rang nyid

snang ba snang ba ltar du ma grub par rtogs pa la stong nyid
rtogs pa la ltos mi dgos pa/ log pa'i kun rdzob kyi mtshan nyid
zer ba dang log pa'i kun rdzob yin na/ yod pas khyab zer na/ me
long nang gi byad bzhin gyi gzugs brnyan byad bzhin du ma grub
par

@24a @#/ /rtogs pa'i shes pa yin na/ de bden med du rtogs pa'i
shes pa yin dgos par thal/ me long nang gi byad bzhin de rang
nyid snang ba snang ba ltar du ma grub par rtogs pa la stong
nyid rtogs pa la ltos dgos pa yin pa'i phyir/ 'dod

na; me long nang gi byad bzhin bden stong sgyu ma lta bur rtogs
pa'i theg chen mthong lam rjes thob ye shes chos can/ der thal/
de'i phyir/ der thal/ chos can de yin pa'i phyir/ 'dod mi nus
te/ chos can de'i phyir/ phyi ma la/ ri bong rwa chos can/

mtshan nyid de ma yin par thal/ log pa'i kun rdzob ma yin pa'i
phyir/ der thal/ de med pa'i phyir/ 'dod mi nus te/ gzhi ma grub
pa'i phyir/ kha cig /me long nang gi byad bzhin gyi gzugs brnyan
byad bzhin du snang yang snang ba ltar du ma grub par

rdzun par rtogs pa'i gang zag yin na/ me long nang gi byad bzhin
gyi gzugs brnyan snang ba snang ba ltar du ma grub par rtogs pas
khyab zer na/ stong nyid rtogs ma myong ba'i me long nang gi
byad bzhin gyi gzugs brnyan byad bzhin du snang yang snang ba

ltar du ma grub par rdzun par rtogs pa'i gang zag chos can/ der
thal/ de'i phyir/ der thal/ me long nang gi byad bzhin gyi gzugs
brnyan byad bzhin du bden par med par rtogs pa'i phyir/ der
thal/ des me long nang gi byad bzhin gyi gzugs brnyan byad

bzhin du ma grub par rtogs pa'i phyir/ der thal/ chos can de yin
pa'i phyir / 'dod na/ rdzun par rtogs par thal/ 'dod pa'i phyir/
'dod na/ des de kun rdzob bden par rtogs par thal/ 'dod pa'i
phyir/ 'dod na/ de me long nang gi byad bzhin gyi gzugs

brnyan gyi steng du bden med tshad mas nges myong du thal/ 'dod
pa'i phyir/ khyab ste/ rnam bshad dgongs pa rab gsal las/ bzhi
de kun rdzob du rtogs pa la bzhi de rdzun par rtogs dgos so/
/zhes gsungs pa'i phyir/ 'dod mi nus so/ /kha cig//

@24b bum pa'i gnas lugs don dam bden pa'i mtshan gzhi yin zer na/
de chos can/ khyod tshad mas nges shing gnas lugs tshad mas ma
nges pa'i gang zag yod par thal/ khyod gnas lugs kyi mtshan gzhi
yin pa'i phyir/ der thal/ don dam bden pa'i mtshan gzhi

yin pa'i phyir/ 'dod mi nus te/ de tshad mas nges pa'i gang zag
yin na/ gnas lugs tshad mas nges pa'i gang zag yin dgos pa'i
phyir/ der thal/ bum pa'i gnas lugs tshad mas nges pa'i gang zag
yin na/ bum pa'i gnas lugs gnas lugs su tshad mas nges ba'i

gang zag yin dgos/ de yin na bum pa'i gnas lugs gnas lugs su
tshad mas nges pa'i gang zag yin dgos pa'i phyir/ kha cig /kun
rdzob bden pa tshad mas nges pa'i gang zag yin na/ kun rdzob bden
pa kun rdzob bden par tshad mas

nges pa'i gang zag yin pas khyab zer na/ stong nyid rtogs ma
myong ba'i kun rdzob bden pa tshad mas nges pa'i gang zag chos
can/ der thal/ de'i phyir/ der thal/ stong nyid rtogs ma myong
ba'i gang zag gi rgyud la kun rdzob bden pa 'jal byed kyi tshad
ma

yod pa'i phyir/ der thal/ de'i rgyud la tshad ma yod pa gang zhig
/de'i rgyud la don dam 'jal byed kyi tshad ma med pa'i phyir/
'dod na/ stong nyid rtogs myong du thal lo/ /gzhan yang / sgyu
ma'i rta glang rtogs pa'i gang zag yin na/ sgyu ma'i rta glang
sgyu ma'i rta glang du

rtogs pa'i gang zag yin dgos par thal/ dam bca' 'thad pa'i
phyir/ 'dod na/ sngags rdzas kyis mig bslad pa'i ltad mo ba chos
can/ der thal/ de'i phyir de de'i rgyud la sgyu ma'i rta glang
'jal byed kyi tshad ma yod pa'i phyir/ 'dod mi nus te/ chos can

de yin pa'i phyir/ kha cig /kun rdzob bden pa'i sgra bshad du
yod na/ kun rdzob bden pa'i sgra 'jug tu yod pas khyab zer ba
dang/ don dam bden pa'i sgra bshad pa'i gzhi yin na/ de'i sgra
'jug pa'i gzhi yin pas khyab zer na/ dang po la/ bum pa'i

@25a @#/ /chos nyid chos can/ der thal/ de'i phyir/ der thal/ blo
kun rdzob pa rang nyid bden par 'dzin pa'i bden 'dzin gyi ngo
bor bden par grub kyang/ don la bden par ma grub pa'i chos yin
pa'i phyir/ der thal/ gzhi grub pa'i phyir/ 'dod na/

kun rdzob bden par thal lo/ /phye ma la/ gnas lugs mngon sum du
rtogs pa'i slob pa 'phags pa'i mnyam gzhag ye shes chos can/ der
thal/ de'i phyir/ de der thal/ myu gu bden stong de blo don dam
bden pa gnas lugs mngon sum du rtogs pa'i

slob pa 'phags pa'i mnyam gzhag ye shes kyi gzigs ngor snang
tshul dang gnas tshul mthun pa'i rgyu mtshan gyis de la don dam
bden pa zhes bshad pa'i phyir/ 'dod na/ don dam bden pa yin par
thal lo/ /kha cig /kun rdzob bden pa'i sgra

bshad gzhi dang 'jug gzhi gnyis 'gal/ don dam bden pa'i sgra
bshad gzhi dang 'jug gzhi gnyis yang 'gal zer na/ dang po la myu
gu bden par 'dzin pa'i bden 'dzin chos can/ kun rdzob bden pa'i
sgra bshad gzhi ma yin par thal/ de'i sgra 'jug

gzhi yin pa'i phyir/ der thal/ kun rdzob bden pa yin pa'i phyir/
'dod na/ de kun rdzob bden pa'i sgra bshad gzhi yin par thal/
myu gu de blo kun rdzob pa rang nyid bden par 'dzin pa'i bden
'dzin gyi ngo bor bden par grub kyang/ don la bden par ma

grub pa'i rgyu mtshan gyis de la kun rdzob bden pa zhes bshad
pa'i phyir/ phyi ma la/ myu gu bden stong chos can/ don dam bden
pa'i sgra 'jug gzhi ma yin par thal/ de'i sgra bshad gzhi yin
pa'i phyir/ der thal/ myu gu bden stong de myu gu'i gnas lugs
kyi don dang/ myu gu'i

gnas lugs dam pa yin pas don dam pa dang/ de snang tshul dang
gnas tshul mthun par bden pas na/ don dam pa'i bden pa zhes bshad
pa'i phyir/ der thal/ tshig gsal las/ don yang de yin la dam pa
yang de yin pas na don dam

@25b pa'o/ /de nyid bden pas na don dam pa'i bden pa'o/ /zhes
gsungs pa'i phyir/ rtsa bar 'dod mi nus te/ don dam bden pa yin
pa'i phyir/ kha cig/ bum pa de tshur mthong gi rgyud kyi bum
'dzin dbang po'i mngon sum la bden par snang yang don la bden
par ma grub pa'i rgyu

mtshan gyis de la kun rdzob bden pa zhes bshad pa yin pa'i phyir
zer na/ de mi 'thad par thal/ dbang shes la bden grub mi snang
ba'i phyir/ der thal/ dbang shes la don dam la dpyod pa'i rtags
yang dag gi dgag bya mthar thug mi snang ba'i phyir/ der thal/
yang dag kun rdzob

gzhi grub pa'i phyir/ kha cig /dbang shes la rtags yang dag gi
dgag bya mi snang zer na/ de snang bar thal/ dbang shes la tha
snyad dpyod byed kyi rtags yang dag gi dgag bya snang ba'i
phyir/ der thal/ tshur mthong gi rgyud kyi gzugs 'dzin dbang po'i
mngon sum la

gzugs phyi rol don du snang ba'i phyir/ der thal/ gzung ba med
na 'dzin pa med do/ /zhes pa'i thad du tshur mthong gi rgyud kyi
gzugs 'dzin dbang po'i mngon sum la gzugs phyi rol don du snang
yang/ phyi rol don du ma grub pa bden stong sgyu ma lta bur
rtogs par

gsungs pa'i phyir/ kha cig /rnam mkhyen gyis shes bya mkhyen
pa'i tshul yod de/ don dam bden pa'i chos rnams gnyis snang nus
pa'i sgo nas gzigs/ rang las tha dad pa'i ji snyed pa'i chos
rnams gnyis snang dang bcas pa'i sgo nas gzigs/ rnam mkhyen

gyis rnam mkhyen gnyis snang bcas nub gang rung gi sgo nas kyang
ma gzigs pa yin zer na/ rnam mkyhen gyis rnam mkhyen gnyis snang
bcas nub gang rung gi sgo nas gzigs par thal/ rnam mkhyen la
rnam mkhyen snang ba'i phyir/ der thal/ mi snang yang

rtogs pa'i shugs rtogs rnam mkhyen la mi mnga' ba'i phyir/ der
thal/ rnam bshad dgongs pa rab gsal las/ mi snang yang rtogs
pa'i shugs rtogs sangs rgyas la bzhag du mi rung ba'i phyir/
snang nas mkhyen dgos pas ji snyed pa mkhyen

@26a @#/ /pa'i ye shes de'i ngo bor yul dang yul can gnyis su
snang ba'i tshul gyis mkhyen pa'o/ /zhes gsungs pa'i phyir/ gzhan
yang / rnam mkhyen la rnam mkhyen snang bar thal/ rnam mkhyen du
gyur pa'i rnam par shes pa la rnam mkhyen snang ba'i

byir/ der thal/ de'i 'khor du gyur pa'i tshor ba la de snang ba
gang zhig/ de gnyis mtshungs ldan rnam pa lnga mtshungs yin pa'i
phyir/ dang po der thal/ de de las tha dad pa'i kun rdzob bden
pa yin pa'i phyir/ phyi ma ma grub na/ de 'dra'i rnam mkhyen
chos can/ khyod

dang khyod kyi 'khor du gyur pa'i tshor ba gnyis mtshungs ldan
rnam pa lnga mtshungs yin par thal/ khyod rnam par shes pa yin
pa'i phyir/ gzhan yang /rnam mkhyen la rnam mkhyen snang par
thal/ rnam mkhyen la rnam mkhyen gyi mi rtags pa snang ba gang
zhig

rnam mkhyen dang rnam mkhyen gyi mi rtag pa gnyis yul dus rang
bzhin gang la ltos te grub sde rdzas gcig yin pa'i phyir/ der
thal/ rnam 'grel las/ de phyir dngos po mthong ba yis/ yon tan
mtha' dag mthong ba nyid/ /ces gsungs pa'i phyir/ dang

po der thal/ rnam mkhyen gyis rnam mkhyen gyi mi rtag pa mngon
sum du rtogs pa'i phyir/ ma grub na/ rnam mkhyen chos can/ khyod
kyis rnam mkhyen gyi mi rtag pa mngon sum du rtogs par thal/
khyod rnam mkhyen yin pa'i phyir/ kha cig gi gsungs na re/

rnam mkhyen la rnam mkhyen mi snang na/ sngar gyi rnam bshad kyi
lung dang 'gal zhing gnod pas/ rnam mkhyen la rnam mkhyen snang
zhing /de yang gnyis snang nub pa'i sgo nas rtogs pa yin zer na/
rnam mkhyen gyis rnam mkhyen rnam mkhyen dang tha

dad ma yin par rtogs na/ rnam mkhyen gyis rnam mkhyen gnyis
snang nub pa'i sgo nas rtogs dgos par thal/ dam bca' 'thad pa'i
phyir/ 'dod na/ blo de'i ngo bor blo de yul yul can tha dad pa'i
gnyis snang nub pa'i sgo nas don dam bden pa rtogs na/

@26b blo des don dam bden pa gnyis snang nub pa'i sgo nas rtogs
dgos par thal/ 'dod pa'i phyir/ 'dod na/ dman lam sngon du ma
song ba'i stong nyid rtogs pa'i theg chen gyi sbyor lam bzod
pa'i ye shes des/ stong nyid gnyis snang nub pa'i sgo nas rtogs
par thal/

de rang nyid kyi yul yul can tha dad pa'i gnyis snang nub pa'i
sgo nas stong nyid rtogs pa'i phyir/ der thal/ nyan sa las/
gnyis snang nub pa ltar snang gi gnyis snang nub pa ni ma yin
no/ /zhes gsungs pa'i phyir/ 'dod mi nus te/ so skye'i ye shes
yin pa'i phyir/ kha

cig/ ji lta ba rtogs pa'i rnam mkhyen gyis ji snyed pa'i chos ma
rtogs zer na/ de rtogs par thal/ des chos thams cad rtogs pa'i
phyir/ ma grub na/ de chos can/ der thal/ rnam mkhyen yin pa'i
phyir/ kha cig/ ji lta ba rtogs pa'i rnam mkhyen gyis ji lta ba
gzigs

pa'i gzigs ngor ji snyed pa'i chos gzigs zer na/ 'o na/ ji lta
ba rtogs pa'i rnam mkhyen gyis ji lta ba gzigs pa ltar du ji
snyed pa'i chos rnams gzigs par thal/ dam bca' 'thad pa'i phyir/
'dod mi nus te/ de gnyis gzigs tshul mi

mthun pa'i phyir/ der thal/ rtsa ba las/ gzugs la sogs pa mi
shes phyir/ zhes gsungs pa'i phyir// ! //gnyis pa rang gi lugs
la/ shes bya bden gnyis kyi dbye gzhi yin te/ gzhi grub na rang
nyid kyi steng du kun rdzob pa dang /

don dam pa'i ngo bo gnyis gnyis 'dzin pas khyab cing/ shes bya
la bden pa gnyis su grangs nges te/ bden gnyis kyi bar du gnyis
yin gyi phung sum pa yang med gnyis ma yin gyi phung sum pa yang
med pa'i phyir/ khyod gang gis rnyed pa'i tshad ma khyod

la ltos te mthar thug dpyod pa'i rigs shes tshad mar song ba/
khyod don dam bden pa yin pa'i mtshan nyid/ don dam bden pa de la
sgras brjod rigs kyi sgo nas dbye na/ yul don dam bden pa dang /
yul can don dam bden pa gnyis/ gnyis ka la

@27a @#/ /yang dngos dang rjes mthun pa gnyis gnyis yod/ myu gu
bden stong de yul don dam bden pa dngos dang / myu gu bden stong
sgyu ma lta bu de yul don dam bden pa rjes mthun pa de yin/ myu
gu bden med du mngon sum du rtogs pa'i slo pa 'phags

pa'i mnyam gzhag ye shes yul can don dam bden pa dngos dang /
myu gu bden med du rtogs pa'i rigs shes rjes dpag lta bu yul can
don dam bden pa rjes mthun pa yin pa'i phyir/ khyod gang gis
rnyed pa'i tshad ma khyod la ltos te tha snyad dpyod

byed kyi rigs shes tshad mar song ba khyod kun rdzob bden pa yin
pa'i mtshan nyid/ kun rdzob bden pa la dbye na/ yang dag kun
rdzob dang / log pa'i kun rdzob gnyis/ rang nyid gtso bor snang
yul du byed pa'i blo la snang ba snang ba ltar du grub pa'i kun
rdzob

bden pa/ yang dag kun rdzob kyi mtshan nyid/ mtshan gzhi ni shes
pa thams cad dang kha dog thams cad yin/ rang nyid gtso bor
snang yul du byed pa'i blo la snang ba snang ba ltar du ma grub
pa/ log pa'i kun rdzob kyi mtshan nyid/ mtshan gzhi ni

smig rgyu'i chu dang / me long nang gi byad bzhin gyi gzugs
brnyan lta bu yin/ myu gu bden stong de la don dam bden pa zhes
'chad pa'i rgyu mtshan yod de/ myu gu bden stong mngon sum du
rtogs pa'i slob pa 'phags pa'i mnyam gzhag ye shes kyi

gzigs ngor snang tshul dang gnas tshul mthun pa'i rgyu mtshan gyis
de ltar bshad pa'i phyir/ myu gu la kun rdzob bden pa zhes 'chad
pa'i rgyu mtshan yod de/ blo kun rdzob pa rang nyid bden par 'jin
pa'i bden 'dzin gyi ngo bor bden par grub kyang

/don la bden par ma grub pa'i rgyu mtshan gyis de ltar bshad pa'i
phyir/ bden pa gnyis po de ngo bo gcig la ldog pa tha dad pa yin
te/ dper na/ byas mi rtag lta bu yin pa'i phyir/ rnam mkhyen
gyis bden gnyis ji ltar gzigs pa'i tshul yod de/ don

@27b dam bden pa'i shes bya thams cad gnyis snang nub pa'i sgo
nas rtogs/ kun rdzob bden pa'i shes bya thams cad gnyis snang
dang bcas pa'i sgo nas rtogs pa'i phyir/ bden gnyis kyi rnam
bzhag gtan la phab pa la dgos pa yod de/ gzhi dus su bden gnyis
kyi rnam

bzhag phyin ci ma log par gtan la phab pa la brten nas/ lam dus
su tshogs gnyis zung 'jug du nyams su len pa de 'byung/ lam dus
su tshogs gnyis zung 'jug du nyams su blangs pa la brten nas
'bras dus su sku gsum zung du 'jug pa de thob pa'i dgos

pa yod pa'i phyir// ! //gsum pa rtsod pa spong ba la/ kha cig/
bden pa bden pa gnyis kyi dbye gzhi yin par thal/ bden pa gnyis
ka bden pa yin pa'i phyir/ der thal/ de gnyis ka yod pa'i phyir/
zer na ma khyab/ kha cig/ don dam bden pa bden med du

mngon sum du rtogs pa'i theg chen mthong lam bar chad med lam
gyis don dam bden pa ma rtogs par thal/ don dam bden pa de/ don
dam bden pa bden med du mngon sum du rtogs pa'i theg chen mthong
lam bar chad med lam gyis ma rtogs pa'i phyir/

zer na/ ma khyab/ ma grub na/ der thal/ don dam bden pa de rang
nyid kyi mthar thug dpyod pa'i rigs shes tshad mas dpyad mi bzod
cing dpyad mthar yang mi rnyed pa'i phyir/ der thal/ bden par ma
grub pa'i phyir/ kha cig/ mthar thug dpyod pa'i rigs shes tshad

mas dpyad bzod pa'i chos med par thal/ don dam bden pa de rang
nyid kyi mthar thug dpyod pa'i rigs shes tshad mas dpyad mi bzod
pa'i phyir zer na/ ma khyab/ 'dod na/ mi 'thad par thal/ sangs
rgyas 'phags pa'i rgyud kyi mthar thug dpyod pa'i rigs

shes tshad mas dpyad bzod pa'i chos yod pa'i phyir/ der thal/ ji
lta ba rtogs pa'i rnam mkhyen gyis dpyad bzod pa'i chos yod pa'i
phyir/ der thal/ bum pa de ltar yin pa'i phyir/ der thal/ bum pa
de ji lta ba rtogs pa'i rnam mkhyen gyis tha snyad

@28a @#/ /btags pa'i btags don btsal ba'i tshe na rnyed pa'i chos
yin pa'i phyir/ der thal/ gzhi grub pa'i phyir/ kha cig/ bum pa
bden stong rnyed pa'i tshad ma de bum pa bden stong la ltos te
mthar thug dpyod pa'i rigs shes tshad mar song bar

thal/ khyod kyi don dam bden pa'i mtshan nyid 'thad pa'i phyir/
'dod na/ mi 'thad de/ de bum pa bden stong la ltos te gsar du mi
slu ba'i rig par ma song ba'i phyir/ der thal/ de bum pa bden
stong la ltos te rtogs zin rtogs pa'i rigs par song ba'i

phyir/ der thal/ des bum pa bden stong rtogs zin pa gang zhig/
de bum pa bden stong rtogs pa'i rig pa yin pa'i phyir zer na ma
khyab/ kha cig/ yang dag kun rdzob yin na/ rang nyid gtso bor
snang yul du byed pa'i blo la snang ba snang ba ltar du don byed
nus pas khyab/ log pa'i

kun rdzob yin na/ rang nyid gtso bor snang yul du byed pa'i blo
la snang ba snang ba ltar du don byed mi nus pas khyab par thal/
bden gnyis las/ snang du 'dra yang don byed dag/ nus pa'i phyir
dang mi nus phyir/ yang dag yang dag ma yin pa'i/ /kun rdzob kyi
ni dbye ba byas/ /zhes

gsungs pa'i phyir/ zer na/ skyon med de/ de'i don ni chu de rang
nyid gtso bor snang yul du byed pa'i blo la snang ba snang ba
ltar du chur grub cing / smig rgyu'i chu de rang nyid gtso bor
snang yul du byed pa'i blo la snang ba snang ba ltar du chur ma
grub ces pa'i don yin pa'i phyir/ kha cig/

sngon po chos can/ rang nyid gtso bor snang yul du byed pa'i blo
la snang ba snang ba ltar du grub par thal/ yang dag kun rdzob
yin pa'i phyir/ 'dod na/ sngon po de rang nyid gtso bor snang
yul du byed pa'i tshur mthong gi rgyud kyi sngon 'dzin dbang po'i
mngon sum la phyi rol

don du snang ba snang ba ltar du grub par thal/ 'dod pa gang
zhig/ de la sngon po phyi rol don du snang ba'i phyir zer na/ ma
khyab/ 'dod mi nus te/ rang 'dzin shes pa'i bdag nyid yin pa'i
phyir/ kha cig/ tshur mthong gi rgyud kyi sngon 'dzin dbang po'i
mngon sum la sngon po phyi

@28b rol don du snang ba de snang ba ltar du grub par thal/ de
la sngon po phyi rol don du snang ba gang zhig/ de la sngon po
snang ba ltar du grub pa'i phyir zer na/ ma khyab/ 'dod na/ mi
'thad par thal/ sngon po phyi rol don du ma grub pa'i phyir//
//rang gi lugs la/ sngon

'dzin dbang po'i mngon sum de la sngon po phyi rol don du snang
yang/ de la sngon po snang ba snang ba ltar du grub par khas len
dgos te/ skabs 'dir tha snyad kyi rnam gzhag sems tsam rnam bden
pa dang mthun par khas len pa gang zhig/ sems tsam rnam

bden pas de ltar khas len pa'i phyir/ der thal/ sems tsam rnam
bden pas de ltar khas blangs pa la rnam rdzun pas lus can zhes
pa rwa se nge ba yod pa ma yin zhes 'gal brjod mdzad pa'i phyir/
gang zhig der thal/ slob dpon zhi ba 'tsho yab sras kyis de

ltar khas len pa gang zhig/ slob dpon 'phags seng yab sras slob
dpon zhi 'tsho yab sras kyi rjes su 'brang ba'i phyir/ gang zhig
der thal/ de ltar khas len pa legs bshad snying po las gsungs
pa'i phyir/ kha cig/ tshur mthong gi rgyud kyi sngon 'dzin dbang
po'i

mngon sum la sngon po phyi rol don du mi snang zer na/ de snang
bar thal/ mnyam bzhag gi gnas skabs su gzugs phyi rol don gyis
stong ba rtogs zin goms pa la brten nas/ rjes thob kyi gnas
skabs su gzugs phyi rol don du snang yang phyi rol don du ma
grub pa

bden stong sgyu ma lta bur blta dgos par gsungs pa'i phyir/ der
thal/ 'grel pa las/ gzung ba med na 'dzin pa med do/ /zhes
gsungs pa'i phyir/ kha cig/ sngon po chos can/ snang tshul dang
gnas tshul mthun par thal/ snang ba snang ba ltar du grub pa'i
phyir/ khyab pa khas/ rtags der thal/ rnam mkhyen

khyab/ 'dod mi nus te/ rdzun pa bslu ba'i chos can yin pa'i
phyir/ der thal/ 'dus byas yin pa'i phyir zer na/ rnam mkhyen la
snang ba chos can/ snang tshul dang gnas tshul mthun par thal/
snang ba snang ba ltar du sgrub pa'i phyir/ khyab pa khas/ rtags
der thal/ rnam mkhyen

@29a @#/ /de snang tshul lam 'khrul ba'i phyir/ 'dod mi nus te/
rdzun pa yin pa'i phyir/ der thal/ kun rdzob bden pa yin pa'i
phyir/ kha cig/ rdzun pa yin na rdzun pas khyab par thal/ snang
tshul dang gnas tshul mi mthun pa yin na/ snang tshul dang

gnas tshul mi mthun pas khyab pa'i phyir zer na/ ma khyab/ 'dod
na/ las 'bras chos can/ der thal/ de'i phyir/ der thal/ bslu ba
yin pa'i phyir/ der thal/ 'dus byas yin pa'i phyir/ 'dod mi nus
te/ bden pa'i phyir/ ma grub na/ las 'bras bden par

thal/ sangs rgyas kyi bka' bden pa'i phyir/ kha cig/ stong nyid
rtogs ma myong ba'i 'jig rten rang kha bas me long nang gi byad
bzhin gyi gzugs brnyan snang tshul dang gnas tshul mi mthun pa
dang / de rdzun par rtogs par thal/ de 'jig rten pa la ltos te
log pa

yin pa gang zhig/ 'jig rten pas de log pa dang rdzun par khas
len pa'i phyir zer na/ ma khab/ dang po der thal/ 'jig rten pa
la ltos pa'i log pa dang rdzun ba'i chos gcig yod pa'i phyir/
der thal/ 'jig rten pa la ltos pa'i log pa'i chos gci gyod pa'i

phyir zer na/ 'o na/ sems tsam pas kun btags bden med du rtogs
par thal/ des kun btags bden med du khas len pa'i phyir/ khyab
pa dngos/ ma grub na der thal/ kun btags bden med du khas len
pa'i dngos smra ba gcig yod pa'i phyir/ der

thal/ phyi don med par khas len pa'i dngos smra ba gcig yod pa'i
phyir/ 'dod mi nus te/ kun btags bden med gnas lugs mthar thug
yin pa'i phyir/ ma grub na/ kun btags chos can/ khyod bden med
gnas lugs mthar thug yin par thal

khyod gzhi grub pa'i phyir/ kha cig/ stong nyid rtogs ma myong
ba'i 'jig rten rang kha bas me long nang gi byad bzhin gyi gzugs
brnyan rdzun par rtogs par thal/ de ltar rtogs pa tshad ldan gyi
gzhung las gsungs pa'i phyir zer na/ skyon med de/ de'i don ni

@29b stong nyid rtogs ma myong ba'i 'jig rten rang kha bas me
long nang gi byad bzhin gyi gzugs brnyan byad bzhin du snang
yang byad bzhin du ma grub par rdzun par rtogs zhes pa'i don yin
pa'i phyir/ kha cig/ sgra rtag 'dzin rtog pa chos can/ snang ba
snang ba ltar du grub par

thal/ rang nyid gtso bor snang yul du byed pa'i blo la snang ba
snang ba ltar du grub pa'i phyir/ der thal/ yang dag kun rdzob
yin pa'i phyir/ 'dod na/ de chos can/ khyod la snang ba snang ba
ltar du grub bar thal/ khyod snang ba snang ba ltar du grub pa'i
phyir zer na/ ma khyab/

'dod mi nus te/ de la sgra rtag par snang ba gang zhig/ sgra
rtag par ma grub pa'i phyir/ kha cig/ de chos can/ yang dag pa'i
kun rdzob yin par thal/ yang dag kun rdzob yin pa'i phyir/ 'dod
na/ yang dag pa'i kun rdzob ma yin par thal/ phyin ci log gi kun

rdzob yin pa'i phyir/ der thal/ phyin ci log gang zhig/ kun
rdzob yin pa'i phyir zer na/ ma khyab/ dang po der thal/ phyin
ci log gi rtog pa yin pa'i phyir/ kha cig/ myu gu bden med du
rtogs pa'i rigs shes rjes dpag de yul can don dam bden pa

dngos yin par thal/ de'i dngos kyi gzhal byar gyur pa'i myu gu
bden med de yul don dam bden pa dngos yin pa'i phyir zer na/ ma
khyab/ ma grub na/ de'i dngos kyi gzhal byar gyur pa'i myu gu
bden med chos can/ khyod yul don dam bden pa dngos

yin par thal/ khyod don dam bden pa yin pa'i phyir/ rtsa bar
'dod na/ bkag zin/ kha cig/ myu gu bden stong chos can/ khyod
myu gu la dus thams cad du ma 'khrul bar thal/ khyod myu gu'i
gnas lugs yin pa'i phyir/ 'dod na/ khyod yod na myu gu yod

dgos par thal/ khyod myu gu la dus thams cad du ma 'khrul ba'i
phyir zer na/ ma khyab/ 'dod na/ myu gu tshad mas ma dmigs pa'i
sa phyogs kyi ma nges so/ kha cig/ dbang shes la don dam la
dpyod pa'i rtags yang dag gi dgag bya mthar thug snang bar

@30a @#/ /thal/ de la chos kyi bdag 'dzin kyi bag chags gyis slad
pa yod pa'i phyir/ der thal/ de la chos gyis bdag 'dzin rags
pa'i bag chags kyis slad pa yod pa'i phyir zer na/ ma khyab/ ma
grub na/ der thal/ khyi rgan rgya bo'i rgyud kyi gzugs 'dzin
dbang

po'i mngon sum la gzugs phyi rol don du snang ba'i phyir/ 'dod
na/ bkag zin/ kha cig/ kun rdzob bden pa rtogs pa'i gang zag yin
na/ kun rdzob bden pa kun rdzob bden par tshad mas grub pa'i gang
zag yin dgos par thal/ don dam bden ba rtogs

na don dam bden pa don dam par rtogs pas khyab/ bum pa rtogs na
bum pa bum par rtogs pas khyab pa'i phyir zer na/ ma khyab/ 'dod
na/ bkag zin/ kha cig/ gnyis snang dang bcas nub kyi don de kun
rdzob pa'i snang ba nub ma nub la byed par thal/ de'i don

yul yul can tha dad kyi snang ba nub ma nub la mi byed pa'i
phyir/ 'dod na/ tshur mthong gi rgyud kyi sngon 'dzin dbang po'i
mngon sum nyams su myong ba'i rang rig mngon sum de/ tshur mthong
gi rgyud kyi sngon 'dzin dbang po'i mngon sum la gnyis snang ma
nub par thal/

gnyis snang dang bcas nub kyi don 'thad pa gang zhig/ de la kun
rdzob pa'i snang ba yod pa'i phyir/ der thal/ de la tshur mthong
gi rgyud kyi sngon 'dzin dbang po'i mngon sum snang ba'i phyir/
der thal/ des de mngon sum du rtogs pa'i phyir zer na/ rtsa ba
la

ma khyab/ gal te 'dod na/ de 'bra'i sngon 'dzin dbang po'i mngon
sum chos can/ khyod nyams myong gi rang rig mngon sum khyod la
gnyis snang nub par thal/ khyod shes pa yin pa'i phyir zer na/
'o na/ rnam mkhyen de don dam bden pa la gnyis snang ma

nub par thal/ gnyis snang dang bcas nub kyi don yul yul can tha
dad kyi snang ba nub ma nub la byed ba gang zhig/ des yul can
rang nyid dang yul don dam bden pa gnyis tha dad pa'i tshul gyis
rtogs pa'i phyir/ khyab pa khas/ der thal/ des de

@30b gnyis tha dad du rtogs pa'i phyir/ 'dod na/ mi 'thad de/
des don dam bden ba la chu la chu bzhag pa'i tshul gyis mnyam par
bzhag pa'i phyir/ kha cig/ rnam mkhyen gyis ji lta ba gzigs pa'i
gzigs ngor ji snyed pa gzigs par thal/ des ji lta ba gzigs pa'i
gzigs

ngor ji snyed pa gzigs pa la gegs byed kyi sgrib pa spangs pa'i
phyir/ der thal/ des sgrib pa thams cad spangs pa'i phyir dang /
des bden gnyis dus gcig char du mngon sum du rtogs pa la gegs
byed kyi sgrib pa spangs pa'i phyir zer na/ ma khyab/ 'o na/ des
ri bong

rwa gzigs par thal/ des ri bong rwa gzigs pa la bgegs byed kyi
sgrib ba spangs pa'i phyir/ der thal/ des sgrib pa thams cad
spangs pa'i phyir/ khyab pa khas/ kha cig/ rnam mkhyen gyis ji
snyed pa ma gzigs bar ji lta ba gzigs par thal/ des ji snyed bam

gzigs pa'i tshul gyis ji lta ba gzigs pa'i phyir zer na/ ma
khyab/ kha cig/ rnam mkhyen gyis ji lta ba gzigs pa'i gzigs ngor
ji snyed pa gzigs par thal/ rnam mkhyen skad cig dang po des ji
lta ba gzigs pa'i gzigs ngor ji snyed pa gzigs pa'i

phyir/ der thal/ des ji lta ba la rtse gcig tu mnyam par bzhag
bzhin pa'i ngang nas ji snyed pa'i chos thams cad mngon sum du
rtogs pa'i phyir zer na/ ma khyab/ ma grub na/ der thal/ de ltar
rnam bshad las gsungs pa'i phyir zer na/ rnam mkhyen gyis

ji lta ba gzigs pa'i gzigs ngor ji snyed pa ma gzigs par thal/
rang 'grel las/ dngos po byas pa can la ma reg bar rang bzhin
'ba' zhig mngon sum du mdzad pas/ des nyid thugs su chud pa'i
phyir sangs rgyas zhes brjod do/ /zhes gsungs

pa gang zhig/ des ji snyed pa gzigs nas ji lta ba gzigs/ ji lta
ba gzigs nas ji snyed pa gzigs/ de las gzhan pa'i gzigs tshul cig
med pa'i phyir// ! //sdug bsngal la gzugs la sogs pa 'bras bur
gyur pa'i stong pa nyid dang /

@31a @#/ /zhes sogs kyi skabs su/ gzugs stong ba nyid la brtson
na brtson zhes bya'o/ /zhes sogs kyi yum bar ma'i mdo tshig chos
can/ khyod bden pa bzhi la 'doms pa'i gdams dag yin te/ bden pa
bzhin po de don dam par brol ba don

gnyer gyi skyes bu'i blang dor gyi gnas ma yin zhing / tha snyad
du grol ba don gnyer gyi skyes bu'i blang dor gyi gnas yin no
zhes 'doms par byed pa'i yum bar ma'i mdo tshig yin pa'i phyir/
'di'i skabs su dgag gzhag spong ? gsum las/ dang po

la kha cig /snod bcud gang rung gis bsdus pa'i zag bcas/ sdug
bsngal bden ba'i mtshan nyid/ las nyon gang rung gis bsdus pa'i
zag bcas/ kun 'byung bden pa'i mtshan nyid zer na/ byang sems
mthong lam pa'i rgyud kyi gang zag gi bdag 'dzin chos can/ mtshon

bya dang po der thal/ mtshan nyid dang po de'i phyir/ der thal/
bcud kyis bsdus pa'i zag bcas yin pa'i phyir/ der thal/ nyon
mongs yin pa'i phyir/ der thal/ gang zag gi bdag 'dzin yin pa'i
phyir/ 'dod na/ sdug bsngal bden pa rgyud la ldan pa'i

byang 'phags yod par thal/ 'dod pa'i phyir/ 'dod na/ skye rga na
'chi'i sdug bsngal rgyud la ldan pa'i byang 'phags yod bar thal/
'dod pa'i phyir/ 'dod mi nus te/ rgyud bla ma las/ 'phags pas na
dang rga ba dang / /zhes sogs gsungs pa'i phyir/ gzhan

yang / de chos can/ mtshon bya phyi ma der thal/ mtshan nyid phyi
ma de'i phyir/ der thal/ nyon mongs kyis bsdus pa'i zag bcas yin
pa'i phyir/ der thal/ nyon mongs yin pa'i phyir/ 'dod na/ sdug
bden du thal lo/ /'dod na bkag zin/ kha cig / grol ba

don gnyer gyi skyes bu'i blang dor gang rung gi gnas yin na/
bden bzhi gang rung yin pas khyab zer na/ longs sku chos can/
der thal/ de'i phyir/ der thal/ de'i blang bya'i gnas yin pa'i
phyir/ der thal/ de'i thob bya mthar thug yin pa'i phyir/ 'dod
mi

@31b nus te/ chos can de yin pa'i phyir/ kha cig/ nyes dmigs kyi
sgo nas dor bar bya ba/ sdug bsngal bden pa'i mtshan nyid/ nyes
dmigs kyi sgo nas spang bar bya ba/ kun 'byung bden pa'i mtshan
nyid zer na/ nges pa'i rgyun zhugs srid pa lan bdun pa ba chos
can/ mtshan nyid dang po der

thal/ mtshon bya dang po de'i phyir/ der thal/ las dang nyon
mongs pa'i dbang gis rang dbang med par skye ba blangs pa'i gang
zag yin pa'i phyir/ khyab sta/ kun las btus las/ sems can gyi
'jig rten gang yin pa dang snod kyi 'jig rten gang yin pa dang /
las dang

nyon mongs ba'i dbang gis skyed pa dang las dang nyon mongs pa'i
dbang gis byang ba 'di mtha' dag ni sdug bsngal gyi bden pa yin
par rig par bya'o/ /zhes gsungs pa'i phyir/ 'dod na/ dor bya yin
par thal/ 'dod pa'i phyir/ 'dod mi nus te/ 'phags pa'i 

dge 'dun dkon mchog yin pa'i phyir/ gzhan yang / phyir mi 'ong
gi rgyud kyi bsam gtan spel sgom gyi nang tshan du gyur pa'i bsam
gtan bzhi pa'i dngos gzhi'i zag bcas kyi sems byung sems pa chos
can/ mtshan nyid phyi ma der thal/ mtshon bya phyi ma de'i phyir/
der

thal/ mi g.yo pa'i las yin pa'i phyir/ 'dod na/ spang bya yin
par thal lo/ /'dod pa'i phyir/ 'dod mi nus te/ dge ba yin pa'i
phyir/ der thal/ snyoms 'jug yin pa'i phyir/ kha cig /mi rtag
sdug bsngal stong bdag med bzhi tshogs pa'i tshogs don/ sdug
bsngal

bden pa'i mtshan nyid/ rgyu kun 'byung rab skye rkyen gyi rnam pa
bzhi tshogs pa'i tshogs don/ kun 'byung bden pa'i mtshan nyid zer
na/ mi rtag sdug bsngal stong bdag med bzhi tshogs pa'i tshogs pa
sdug bsngal bden pa yin par thal/ de 'dra'i tshogs don sdug

bsngal bden pa yin pa'i phyir/ 'dod mi nus te/ stong bdag med
gnyis 'dus ma byas yin pa'i phyir/ der thal/ gang zag gi bdag
med 'dus ma byas yin pa'i phyir/ gzhan yang / rgyu kun 'byung
rab skye rkyen gyi rnam pa bzhi tshogs pa'i tshogs pa kun

@32a @#/ /'byung bden pa yin par thal/ de 'dra'i tshogs don kun
'byung bden pa yin pa'i phyir/ 'dod mi nus te/ rgyu kun 'byung
bden pa ma yin pa'i phyir/ der thal/ 'dus byas yin na rgyu yin
dgos pa'i phyir/ kha cig /kun nas nyan mongs ba'i bden pa gang

zhig /zag bcas 'bras bsdus kyi char gyur pa/ sdug bsngal bden
pa'i mtshan nyid/ kun nas nyon mong pa'i bden pa gang zhig /zag
bcas rgyu bsdus kyi char gyur ba/ kun 'byung bden pa'i mtshan
nyid zer ba dang / sdug kun gnyis 'gal zer na/ dang po la/

yan lag bcu gnyis kyi thog mar gyur pa'i ma rig pa chos can/
mtshon bya der thal/ mtshan nyid de'i phyir/ dang po der thal/
nyon mongs pa'i kun 'byung yin pa'i phyir/ phyi ma der thal/ zag
bcas gang zhig /'bras bsdus yin pa'i phyir/ phyi ma der thal
'bras

bu yin pa'i phyir/ 'dod na/ mi 'thad par thal/ kun 'byung bden
pa yin pa'i phyir/ khyab pa khas/ der thal/ nyon mongs pa'i kun
'byung yin pa'i phyir/ gzhan yang / khyi rgan rgya bo'i zag bcas
nyer len gyi gzugs phung yang chos can/ phyi ma la/ mtshon

bya der thal/ mtshan nyid de'i phyir/ dang po der thal/ sdug bden
yin pa'i phyir/ phyi ma der thal/ zag bcas gang zhig/ rgyu bsdus
yin pa'i phyir/ der thal/ rgyu yin pa'i phyir/ 'dod mi nus te/
sdug bden yin pa'i phyir/ kha cig/ mi rtag pa/ khyab pa 'du byed

kyi sdug bsngal/ don gzhan gyis stong ba/ rang gi ngo bo bdag tu
ma grub pa bzhi tshogs pa'i tshogs don sdug bsngal bden pa'i mtshan
nyid/ sdug bsngal gyi rgyu byed pa kun 'byung rab skye rkyen gyi
rnam pa bzhi tshogs pa'i tshogs don/ kun 'byung bden pa'i

mtshan nyid zer na/ dang po la/ khyi rgan rgya bo chos can/ mtshan
nyid der thal/ mtshon bya de'i phyir/ der thal/ chos ?  can de
yin pa'i phyir/ 'dod na/ rang gi ngo bo bdag tu ma grub par
thal/ 'dod pa'i phyir/ 'dod mi nus te bdag yin pa'i phyir/ phyi
ma

@32b la yang mi 'thad par thal/ rkyen gyi rnam pa kun 'byung
bden ba ma yin pa'i phyir/ der thal/ sangs rgyas kyis na rkyen
gyi rnam pa yod pa'i phyir/ der thal/ sangs rgyas kyi sa na
rkyan yod pa'i phyir/ kha cig/ rang rgyu kun 'byung bden pa'i
rnam smin gyi 'bras bur gyur pa'i zag

bcas/ sdug bsngal bden pa'i mtshan nyid/ rang 'bras sdug bsngal
bden pa'i rnam smin gyi rgyur gyur pa'i zag bcas/ kun 'byung
bden pa'i mtshan nyid zer na/ dang po la/ ma dag pa'i snod kyi
'jig rten chos can/ mtshan nyid der thal/ mtshon bya de'i phyir/
der thal/

kun las btus las/ sdug bsngal gyi bden pa gang zhe na/ sems can
skye ba dang / skye ba'i gnas kyis kyang rig par bya'o/ /zhes
gsungs pa'i phyir/ 'dod mi nus te/ de'i bdag 'bras yin pa'i
phyir/ phyi ma la/ ma dag pa'i snod kyi 'jig rten gyi thun mong
ma yin pa'i rgyur

gyur ba'i kun 'byung bden pa chos can/ mtshan nyid der thal/
mtshon bya de'i phyir/ 'dod mi nus te/ ma dag pa'i snod kyi 'jig
rten de'i bdag 'bras yin pa'i phyir/ der thal/ bdag 'bras yul la
smin pa de yin pa'i phyir/ kha cig/ sdug bsngal yin na/ sdug

bden yin pas khyab zer na/ byang sems mthong lam pa'i rgyud kyi
'khor ba la yid 'byung ba'i yid 'byung chos can/ der thal/ de'i
phyir/ der thal/ yid 'byung yin pa'i phyir/ der thal/ de'i rgyud
la yid 'byung yod pa'i phyir/ der thal/ des mi rtag sdug

bsngal rgyu kun 'byung rab skye rkyen gyi rnam pa bzhi sgom pa
de rang nyid 'khor ba la yid 'byung ba dang / gdul bya nyan rang
gi rigs can rjes su 'dzin pa'i phyir dang/ skyes bu 'bring gi
bsam pa sbyong ba'i phyir du sgom pa yin pa tshad ldan gyi gzhung
las gsungs

ba yin pa'i phyir/ 'dod mi nus te/ de'i rgyud la sdug bden med
pa'i phyir/ kha cig/ sdug bsngal la shes pas khyab zer na/ khyi
rgan rgya bo'i zag bcas nyer len gyi gzugs phung na tshod gzhan
nas gzhan du rnying ba'i cha chos can/ shes pa yin par

@33a @#/ /thal/ sdug bsngal yin pa'i phyir/ der thal/ rgas pa'i
sdug bsngal yin pa'i phyir/ der thal/ de rgas pa'i sdug bsngal
gyi mtshan gzhi yin pa'i phyir/ der thal/ rgas pa'i sdug bsngal
gyi mtshan gzhi yod pa'i phyir/ 'dod mi nus te/

gzugs yin pa'i phyir/ de la kho na re/ de'i don ni/ de'i zag
bcas nyer len gyi gzugs phung na tshod gzhan nas gzhan du rnying
pa tshor bas myong ba la byed pa yin zar na/ sdug bsngal yin na
tshor ba sdug bsngal yin dgos par thal/ dam bca' snga phyi

gnyis ka 'thad pa'i phyir/ 'dod na/ srid rtse'i so so skye bo'i
rgyud kyi 'khor ba'i sdug bsngal chos can/ der thal/ de'i phyir/
der thal/ 'khor ba'i sdug bsngal yin pa'i phyir/ der thal/ de
yod pa'i phyir/ der thal/ srid rtse nas mnar med kyi bar gyi 

so skye'i rgyud la bde ba rang mtshan ba med par gsungs pa'i
phyir/ der thal/ mdo dran pa nye bar gzhag pa las/ 'khor ba khab
kyi rtse mo na/ /bde ba nam yang yod ma yin/ /zhes gsungs pa'i
phyir/ 'dod mi nus te/ bsam gtan gnyis pa'i dngos gzhi

thob la ma nyams pa'i gang zag gi rgyud la yang tshor ba sdug
bsngal mngon 'gyur ba med pa'i phyir/ der thal/ mdo las/ sdug
bsngal ba dang yid mi bde ba snga nas kyang nub/ ces gsungs pa'i
phyir/ gzhan yang / khyi rgan rgya bo'i rgyud kyi sngon 'dzin

mig gi rnam par shes pa'i 'khor du gyur pa'i tshor ba sdug bsngal
gyi nyams su myong byar gyur pa'i sdug bsngal chos can/ shes pa
yin par thal/ sdug bsngal yin pa'i phyir/ der thal/ tshor ba sdug
bsngal de'i nyams su myong byar gyur ba'i sdug

bsngal gcig yod pa'i phyir/ der thal/ de tshor ba sdug bsngal
rang mtshan pa yin pa'i phyir/ 'dod na/ de chos can/ khye rgan
rgya bo'i sngon 'dzin mig gi rnam par shes pa'i dngos gzhal yin
par thal/ de'i 'khor du gyur pa'i tshor ba sdug bsngal gyi dngos

@33b gzhal gang zhig/ de gnyis rnam pa mtshungs pa'i phyir/ 'dod
na/ sngon po yin par thal/ 'dod pa'i phyir/ khyab ste/ rnam
'grel las/ dbang po'i sems ni nges phyir dang/ zhes gsungs pa'i
phyir/ 'dod mi nus te/ shes pa yin pa'i phyir/ 'khor gsum/ gzhan
yang

zas bzang po'i ro nyams su myong ba'i zag bcas kyi tshor ba bde
ba chos can/ tshor ba sdug bsngal yin par thal/ sdug bsngal yin
pa'i phyir/ der thal/ 'gyur ba'i sdug bsngal yin pa'i phyir/
'dod mi nus te/ chos can de yin pa'i phyir/ kha cig /zag

bcas kyi phung po lnga po de khyab pa 'du byed gyi sdug bsngal
yin zer na/ zag bcas kyi tshor ba'i phung po khyab pa 'du byed
kyi sdug bsngal yin par thal/ dam bca' 'thad pa'i phyir/ 'dod
na/ zag bcas kyi tshor phung yin na khyab pa 'du byed kyi sdug
bsngal yin

dgos par thal/ 'dod pa'i phyir/ 'dod na/ 'dod pa khams pa'i so
so skye bo'i rgyud kyi tshor ba yid mi bde chos can/ der thal/
de'i phyir/ der thal/ chos can de yin pa'i phyir/ 'dod na/ mi
'thad par thal/ sdug bsngal gyi sdug bsngal yin pa'i phyir/
khyab ste/

sdug bsngal gsum po de la nang sel ltar du phra rags kyi khyad
par yod pa'i phyir/ der thal/ sdug bsngal dang po gnyis ma lus
pa sdug bsngal gyi rang bzhin du mngon sum du rtogs pa'i tshur
mthong yod/ khyab pa 'du byed kyi sdug bsngal ma lus pa sdug

bsngal gyi rang bzhin du mngon sum du rtogs pa'i tshur mthong med
pa'i phyir/ der thal/ de ma lus ba sdug bsngal gyi rang bzhin du
mngon sum du mthong ba la 'das lam thob dgos pa'i phyir/ kha cig
/khyab pa 'du byed kyi sdug bsngal yin na/ rang

nyid sdug bsngal gyi rang bzhin du mngon sum du rtogs pa'i tshur
mthong med pas khyab zer na/ bsam gtan bzhi pa'i so so skye bo'i
rgyud kyi bsam gtan bzhi ba'i dngos gzhi'i phan yon gyi yan lag
tu gyur pa'i tshor ba btang snyoms chos

@34a @#/ /can/ der thal/ de'i phyir/ der thal/ sdug bsngal gsum
po gang rung yin/ dang po gnyis gang rung ma yin pa'i phyir/
dang po der thal/ zag bcas kyi phung po yin pa'i phyir/ phyi ma
der thal/ bsam gtan bzhi pa'i so so

skye bo des sdug bsngal dang po gnyis la re shig chags pa dang
bral zin pa'i phyir/ 'dod mi nus te/ gzugs med nam mkha'i dngos
gzhi thob la ma nyams pa'i so so skye bo des/ de sdug bsngal gyi
rang bzhin du mngon sum du mthong ba'i phyir/ der

thal/ de'i rgyud la rang gi 'og sa la chags pa dang bral ba'i
snyoms 'jug yod pa'i phyir/ kha cig/ khyab pa 'du byed kyi sdug
bsngal yin na/ srid rtse nas mnar med kyi bar gyi so so skye bo
thams cad kyi rgyud la yod pas khyab zer na/ khyi rgan rgya bo'i
rgyud kyi

zag bcas nyer len gyi phung po mi rtag pa chos can/ der thal/
de'i phyir/ ma grub na/ de chos can/ khyod kyi mi rtag pa khyab
pa 'du byed kyi sdug bsngal yin par thal/ khyod nyer len gyi
phung po yin pa'i phyir/ 'dod mi nus te/ khams gong du khyi rgan
rgya

bo'i nyer len gyi phung po med pa'i phyir/ kha cig/ sdug kun
gnyis 'gal zer na/ de mi 'thad par thal/ kun 'byung bden pa yin
na/ sdug bsngal bden pa yin pas khyab pa'i phyir/ kha cig /kun
'byung bden pa yin na sdug bsngal bden pa yin

pas khyab kyang / sdug bsngal bden pa yin na kun 'byung bden pa
yin pas ma khyab zer na/ de mi 'thad par thal/ de gnyis yin
khyab mnyam yin pa'i phyir/ der thal/ mnyan bya dang sgra gnyis
yin khyab mnyam yin pa'i phyir/ khyab ste/ rnam bshad

snying po rgyan las/ gzhan du na sdug bsngal gyi chos nyid rtogs
pa'i tshe kun 'byung gi chos nyid rtogs pa khas mi len pa la ni/
mnyan bya sgra mi rtag pa sgrub byed kyi rtags yang dag tu khas
len dgos pa sogs nyes pa du ma'i 'byung khungs su mthong ngo/
/zhes

@34b gsungs pa'i phyir/ gzhan yang/ de gnyis mi 'gal bar thal/
kun 'byung bden par gyur pa'i gzugs yod pa'i phyir/ der thal/
'grel pa las/ kun 'byung ba la stong pa nyid dang gzugs la sogs
pa rgyur gyur pa dag/ ces gsungs pa'i phyir/ kha cig

kun 'byung bden pa yin na/ nyon mongs pa'i kun 'byung dang / las
kyi kun 'byung gang rung yin pas khyab zer na/ nyon mongs pa'i
kun 'byung dang mtshungs ldan du gyur pa'i gtso sems chos can/
der thal/ de'i phyir/ der thal/ chas can de yin

pa'i phyir/ 'dod na/ las kyi kun 'byung yin par thal/ 'dod pa
gang zhig/ nyon mongs pa'i kun 'byung ma yin pa'i phyir/ ma grub
na/ nyon mongs yin par thal/ ma grub pa de'i phyir/ 'dod na/
sems byung yin par thal/ 'dod pa'i phyir/ 'dod

mi nus te/ gtso sems yin pa'i phyir/ rtsa bar 'dod na/ las su
thal/ 'dod pa'i phyir/ 'dod na/ sems byung du thal/ 'dod pa'i
phyir/ 'dod mi nu so/ /kha cig /nyon mongs yin na nyon mongs
pa'i kun 'byung yin pas khyab/ las yin na/ las kyi kun 'byung
yin pas khyab

zer na/ byang sems sa bdun pa ba'i rgyud kyi gang zag gi bdag
'dzin chos can/ nyon mongs pa'i kun 'byung yin par thal/ nyon
mongs yin pa'i phyir/ der thal/ gang zag gi bdag 'dzin yin pa'i
phyir/ 'dod mi nus te/ byang 'phags kyi rgyud la sdug bsngal
bden

pa med pa gong du sgrub zin pa'i phyir/ phyi ma la lhag med
mngon sum du rtogs pa yod pa'i phyir/ bcom pa'i rgyud kyi zag
med kyi las chos can/ der thal/ de'i phyir/ der thal/ zag med
kyi las yin pa'i phyir/ 'dod mi nus te/ lhag med myang 'das la

gnas pa'i gang zag gi rgyud la kun 'byung bden pa med pa'i
phyir/ kha cig /las bya byed gnyis su phye ba'i las yin na/ las
yin pas khyab zer na/ stong nyid chos can/ der thal/ de'i phyir/
der thal/ theg chen mthong lam bar chad med lam pa des/

@35a @#/ /las su bya ba stong nyid sgom bya'i gtso bor byas nas
sgom pa yin pa'i phyir/ 'dod mi nus te/ 'dus ma byas yin pa'i
phyir/ kha cig /rang nyid kun nas slong byed nyon mongs pas kun
nas slangs pa'i zag pa dang bcas pa'i sems pa/ zag

bcas kyi las kyi mtshan nyid/ rang nyid kun nas slong byed nyon
mongs pa'i bag chags kyis kun nas slangs pa'i rtsol ba dang bcas
pa'i sems pa/ zag med kyi las kyi mtshan nyid zer na/ dang po la/
ma rig pas kun nas slangs pa'i khong khro chos can/

mtshon bya der thal/ mtshan nyid de'i phyir/ der thal/ rang nyid
kun nas slong byed ma rig pas kun nas slangs pa'i zag pa dang
bcas pa'i sems pa yin pa'i phyir/ der thal/ chos can de yin pa'i
phyir/ 'dod na/ las yin par thal/ 'dod pa'i phyir/ 'dod

mi nus te/ nyon mongs yin pa'i phyir/ phyi ma la/ khyi rgan rgya
bo'i rgyud kyi zag bcas kyi las chos can/ mtshon bya der thal/
mtshan nyid de'i phyir/ der thal/ rang nyid kun nas slong byed
nyon mongs pas kun nas slangs pa'i rtsol ba dang bcas pa'i sems

pa gang zhig /nyon mongs yin na rang nyid kun nas slong byed
nyon mongs pa'i bag chags gcig yod pas khyab pa'i phyir/ dang po
chos can gyis sgrubs/ rtags phyi ma ma grub na 'bud do/ /'dod
na/ 'phags rgyud kyi shes pa yin par thal/ zag med

kyi las yin pa'i phyir/ 'dod mi nus so/ /kha cig/ slob pa'i
rgyud kyi rjes thob ye shes yin na/ zag med kyi las yin pas
khyab zer na/ byang sems mthong lam pa'i rgyud kyi myu gu bden
stong sgyu ma lta bur mngon sum du rtogs pa'i rjes thob ye shes

chos can/ der thal/ de'i phyir/ der thal/ chos can de yin pa'i
phyir/ der thal/ de yod pa'i phyir/ der thal/ byang sems mthong
lam pa des rjes thob kyi gnas skabs su myu gu bden stong sgyu ma
lta bur mngon sum du rtogs pa yod pa'i phyir/

@35b 'dod na/ de chos can/ rtog pa yin par thal/ zag med kyi las
yin pa'i phyir/ 'dod mi nus te/ mngon sum yin pa'i phyir/ kha
cig /kun nas nyon mongs pa'i bden pa yin na/ kun nas nyon mongs
pa'i chos yin pas khyab zer na/ khyi rgan rgya po'i zag bcas
nyer

len gyi gzugs phung chos can/ der thal/ de'i phyir/ 'dod na/
shes pa yin par thal/ 'dod pa'i phyir/ 'dod mi nus so/ kha cig
/nyer len gyi phung po'i stong bdag med gnyis sdug bsngal bden
pa'i rnam pa ma yin no zer na/ de gnyis sdug

bsngal bden pa'i rnam pa yin par thal/ sdug bsngal bden pa'i
rnam pa de la der gyur ba'i mi rtag sdug bsngal stong bdag med
bzhi yod pa'i phyir/ der thal/ dmigs pa bden pa bzhi la dmigs
nas rnam pa mi rtag la sogs bcu drug rtogs pa'i  

theg chen gyi sbyor lam de mi rtag sogs bcu drug bden med du
rtogs pa'i theg dman sbyor lam las rnam pa gzhan gyi sgo nas
bden bzhi la dmigs par 'grel chen las gsungs pa'i phyir/ kha
cig/ rnam byang bden pa gang zhig/ nad las grol ba ltar skyes

bu dam pas mngon du bya ba de/ 'gog bden gyi mtshan nyid/ rnam
byang bden ba gang zhig/ sman ltar skyes bu dam pas rgyud la
bsten par bya ba de/ lam bden gyi mtshan nyid zer na/ dang po la/
rnam mkhyen chos can/ mtshon bya der thal/ mtshan nyid de'i

phyir/ phyi ma der thal/ rnam mkhyen de sgrib ba mtha' dag las
grol ba yin pa'i phyir/ der thal/ rnam mkhyen yin pa'i phyir/
'dod na/ 'dus ma byas yin par thal/ 'gog bden yin pa'i phyir/
'dod mi nus te/ 'dus byas yin pa'i phyir/ byi ma la

'gog bden chos can/ mtshon bya der thal/ mtshan nyid de'i phyir/
rtags gsal chos can gyis sgrubs/ kha cig /lam bden gyi bral
'bras su gyur ba'i rnam byang bden pa/ 'gog bden gyi mtshan nyid/
'gog bden gyi bral rgyur gyur ba'i rnam byang bden

@36a @#/ /pa; lam bden gyi mtshan nyid zer na/ dang po la/ lam
bden dang dus mnyam du gyur pa'i 'gog bden chos can/ mtshan nyid
der thal/ mtshon bya de'i phyir/ der thal/ chos can de yin pa'i
phyir/ der thal/ de yod pa'i phyir/ 'dod mi

nus te/ de dang dus mnyam yin pa'i phyir/ phyi ma la/ rnam
mkhyen chos can/ mtshan nyid der thal/ mtshen bya de'i phyir/ der
thal/ 'phags rgyud kyi mkhyen pa yin pa'i phyir/ 'dod na/ rnam
mkhyen gyi ngos skal gyi sgrib pa yod par thal/ 'dod pa'i phyir/

'dod mi nus te/ rnam mkhyen de sgrib pa mtha' dag zad par spangs
pa'i ye shes yin pa'i phyir/ kha cig /rnam byang gi chos yin na/
rnam byang bden pa yin pas khyab zer na/ nyan thos sbyor lam
pa'i rgyud kyi dad pa'i dbang po chos can/ der thal/ de'i

phyir/ der thal/ rnam byang gi dad pa'i dbang po yin pa'i phyir/
der thal/ chos can de yin pa'i phyir/ 'dod na/ chos dkon mchog
yin par thal/ 'dod pa'i phyir/ 'dod na/ 'phags rgyud kyi yon tan
yin par thal lo/ /kha cig / 'gog pa zhi ba/ gya

nom pa/ nges 'byung gi rnam pa bzhi tshogs pa'i tshogs pa/ 'gog
bden gyi mtshan nyid/ lam sgrub pa/ rig pa/ des 'byin gyi rnam pa
bzhi tshogs pa'i tshogs don/ lam bden gyi mtshan nyid zer ba dang /
nges 'byung la shes pas khyab zer na/ mtshan nyid dang

po mi 'thad par thal/ nges 'byung 'gog bden gyi rnam pa ma yin
pa'i phyir/ der thal/ de shes pa yin pa'i phyir/ mtshan nyid phyi
ma yang mi 'thad par thal/ lam lam bden ma yin pa'i phyir/ der
thal/ nyan thos kyi tshogs lam lam yin pa'i phyir/ kha cig

'gog bden yin na/ don dam bden pa yin pas khyab zer na/ nyan
thos mthong lam rnam grol lam thob myong gi gang zag yin na/
rang gi gzhal byar gyur pa'i don dam bden pa mngon sum du rtogs
myong yin pas khyab par thal/ khyod kyi dam bca'

@36b 'thad pa'i phyir/ 'dod na/ bden 'dzin gyis bcings pa'i theg
dman 'phags pa med par thal lo/ /'dod mi nus te/ de ni mtshan mar
dmigs sgo nas/ /zhes gsungs pa'i phyir/ de la kho na re/ nyan
thos mthong lam rnam grol lam thob myong gi gang zag yin na/
rang

gi gzhal byang gyur pa'i don dam bden pa mngon sum du rtogs
myong yin pas khyab pa dang / bden 'dzin gyis bcings pa'i theg
dman 'phags pa yod pa mi 'gal te/ gang zag gi bdag med phra mo
don dam bden pa yin pa'i phyir zer na/ 'o na/ stong nyid kyi
sgras

bstan na stong nyid yin dgos par thal/ don dam bden pa'i sgras
bstan na don dam bden pa yin dgos pa'i phyir/ der thal/ gang zag
gi bdag med phra mo don dam bden pa yin pa'i phyir/ 'dod na/
gzugs phyi rol don gyis stong ba'i stong nyid chos can/ der

thal/ de'i phyir/ der thal/ gzugs phyi rol don gyis stong ba'i
stong nyid ces bstan pa'i phyir/ 'dod na/ chos kyi bdag med phra
mo yin par thal/ 'dod pa'i phyir/ 'dod mi nus te/ chos kyi bdag
med rags pa yin pa'i phyir/ kha cig/ 'gog bden yin na/ kun

rdzob bden pa yin pas khyab zer na/ de mi 'thad par thal/ 'gog
bden dang don dam bden pa'i gzhi mthun yod pa'i phyir/ der thal/
'gog bden gyi dbye ba'i ya gyal du gyur pa'i stong nyid bcu drug
yod pa'i phyir/ der thal/ rnam bshad snying po rgyan las/

'gog bden gyi rnam pa bzhi gzhir bzung nas stong pa nyid kyi
rnam pa bcu drug tu 'byed pa dang/ stong nyid bcu drug glo bur
gyi dri ma dang bral ba 'gog pa'i rnam pa sogs su sgrub pa gang
byas kyang don 'dra bar mngon no/ /zhes gsungs pa'i phyir/ gzhan
yang / 'gog bden dang gang zag gi bdag med

phra mo'i gzhi mthun med par thal/ 'gog bden dang chos kyi bdag
med phra mo'i gzhi mthun yang med/ de dang chos kyi bdag med
rags pa'i gzhi mthun yang med pa'i phyir/ ma khyab na nang 'gal
'ong / 'dod na/ 'grel pa las/ rgyu la ma ltos pa'i de bzhin nyid
'gog pa'i

@37a @#/ /bden pa dang / zhes gsungs pa mi 'thad par thal/ 'gog
bden dang gang zag gi bdag med phra mo'i gzhi mthun med/ de dang
chos kyi bdag med phra mo'i gzhi mthun yang med/ de dang chos
kyi bdag med rags pa'i gzhi mthun yang med pa'i phyir

kha cig / kun nas nyon mongs phyogs kyi chos dang/ rnam byang
phyogs kyi chos gnyis 'gal zer na/ phyir mi 'ong gi rgyud kyi
bsam gtan spel sgom gyi nang tshan du gyur pa'i bsam gtan bzhi
pa'i dngos gzhi zag bcas chos can/ rnam byang phyogs kyi chos ma

yin par thal/ kun nas nyon mongs phyogs kyi chos yin pa'i phyir/
der thal/ kun nas nyon mongs pa'i bden pa yin pa'i phyir/ der
thal/ chos can de yin pa'i phyir/ 'dod na/ rnam byang phyogs kyi
chos yin par thal/ bsam gtan bzhi pa'i dngos gzhi

yin pa'i phyir/ kha cig/ 'gog bden de rang thob byed kyi thabs
su gyur pa'i lam bden gyi 'bras bu yin zer na/ de rang thob byed
kyi thabs su gyur pa'i lam bden la 'brel ba'i 'brel ba de/ de
'byung gi 'brel pa yin par thal/ dam bca' 'thad pa'i phyir/

'dod mi nus te/ de bdag gcig gi 'brel pa yin pa'i phyir/ der
thal/ 'gog bden 'dus ma byas yin pa'i phyir/ gzhan yang / 'gog
bden gyi bral rgyu yin na/ 'gog bden gyi rgyu yin dgos par thal/
lam bden gyi bral 'bras yin na/ lam bden gyi

'bras bu yin dgos pa'i phyir/ 'dod na/ rnam par bzhag 'jog gi
rgyu yin na/ rgyu yin dgos par thal/ 'dod pa'i phyir/ 'dod na/
rnam mkhyen chos can/ sangs rgyas 'phags pa'i rgyu yin par thal/
de'i rnam par bzhag 'jog gi rgyu yin pa'i phyir/

'dod mi nus te/ de dang dus mnyam yin pa'i phyir// ! //gnyis pa
rang gi lugs la/ 'phags pa'i bden pa dbye gzhi dang / de la dbye
na/ 'phags pa'i bden pa bzhi yod/ grol ba don gnyer gyi skyes
bu'i blang dor gyi gtso bo'i gnas ?

@37b la bden pa bzhi'i phyogs su grangs nges pa yin te/ de'i dor
bya'i gnas de la sdug kun gyi phyogs gnyis su grangs nges/ blang
bya'i gtso bo'i gnas la 'gog lam gyi phyogs gnyis su grangs nges
pa'i phyir/ bden pa bzhi'i go rim la yang / rgyu 'bras don

gyi rim pa'i dbang du byas pa dang / yul can mngon par rtogs pa
skye ba'i rim pa'i dbang du byas pa gnyis yod de/ dang por kun
'byung bden pa/ de nas lam bden/ de nas sdug bden/ de nas 'gog
bden bstan pa de rgyu 'bras don gyi rim pa'i

dbang du byas nas bstan/ dang por sdug bsngal bden pa/ de nas
kun 'byung bden pa/ de nas 'gog bden/ de nas lam bden bstan pa
de yul can mngon par rtogs pa skye ba'i rim pa'i dbang du byas
nas bstan pa'i phyir/ kun nas nyon mongs

pa'i bden pa gang zhig/ zag bcas 'bras bsdus kyi char gyur pa/
sdug bsngal bden pa'i mtshan nyid/ de la snod bcud kyi sgo nas
dbye na/ ma dag pa'i snod kyi 'jig rten dang ma dag ba'i bcud
kyi sems can gnyis yod/ de la ngo bo'i sgo nas dbye na/

sdug bsngal gyi sdug bsngal dang / 'gyur ba'i sdug bsngal dang /
khyab pa 'du byed kyi sdug bsngal dang gsum/ mtshan gzhi rim pa
bzhin du/ mkhal ma'i zug gzer nyams su myong ba'i tshor ba sdug
bsngal dang po dang / zas bzang po'i ro nyams su myong

ba'i zag bcas kyi tshor ba bde ba gnyis pa dang / nyer len gyi
phung po'i mi rtag pa lta bu gsum pa yin pa'i phyir/ kun nas
nyon mongs pa'i bden pa gang zhig/ zag bcas rgyu bsdus kyi char
gyur pa/ kun 'byung bden pa'i mtshan nyid/ de la dbye na/

las kyi kun 'byung dang / nyon mongs pa'i kun 'byung dang / de
las gzhan pa'i kun 'byung bden pa dang gsum yod/ las de la dbye
na/ dge mi dge lung ma bstan gyi las dang gsum yod/ rang nyid
dngos su kun nas slong byed nyon mongs pas kun nas

@38a @#/ /slangs ba'i nyon mongs las gzhan bar gyur pa'i zag bcas
kyi sems pa de zag bcas kyi las kyi mtshan nyid/ de la 'jug sgo'i
sgo nas dbye na/ sgo gsum gyi las gsum yod/ spang gnyen gyi sgo
nas dbye na/ der gyur pa'i dge mi dge lung ma

bstan gyi las rnam pa gsum yod/ rang nyid kun nas slong byed
nyon mongs pa'i bag chags tsam gyis kun nas slangs ba'i rtsol ba
phra mo dang bcas pa'i rnam rtog du gyur pa'i sems byung sems pa
de/ zag med kyi las kyi mtshan nyid/ mtshan gzhi ni/ nyan rang

dgra bcom pas ma rig pa'i bag chags kyis kun nas slangs nas rjes
thob kyi gnas skabs su gzhan la chos ston 'dod kyi sems pa lta
bu yin/ kun nas nyon mongs pa'i bden par gyur pa'i nyon mongs/
nyon mongs pa'i kun 'byung gi mtshan nyid/ de la rtsa nyon

dang; nye nyon gnyis yod/ nyon mongs pa'i kun 'byung gang zhig/
rang rgyud la ldan pa'i gang zag gi shes rgyud sgo du ma nas ma
zhi bar byed pa'i rigs su gnas pa/ rtsa nyon gyi mtshan nyid/ de
la der gyur pa'i 'dod chags/ khong khro/ nga rgyal/ ma rig pa/
the

tshom nyon mongs can/ lta ba nyon mongs can dang drug yod/ ngo
bo'i sgo nas dbye na/ der gyur pa'i lta ba lnga/ lta min lnga
dang bcu yod/ nyon mongs pa'i kun 'byung gang zhig/ rang rgyud
la ldan pa'i gang zag gi shes rgyud sgo re re nas ma zhi bar
byed pa'i

rigs su gnas pa/ nye nyon gyi mtshan nyid/ de la nye nyon nyi shu
yod/ rang thob byed kyi thabs su gyur pa'i lam bden gyi bral
'bras su gyur pa'i rnam byang bden pa/ 'gog bden gyi mtshan nyid/
de la sgras brjod rigs kyi sgo nas dbye na/ so sor brtags min

gyi 'gog pa dang / so sor brtags 'gog dang gnyis yod/ dang po'i
mtshan gzhi ni/ theg chen sbyor lam rtse mo ba'i rgyud kyi khong
khro log lta sogs kyis dge rtsa gcod pa spangs pa'i cha dang /
theg pa gsum gyi sbyor lam bzod pa thob pa nas las nyon gyi

@38b dbang gis ngan song du skye ba len pa spangs pa'i cha lta
bu yin/ so sor brtags 'gog dang 'gog bden don gcig / 'gog bden
la dbye na rdzogs pa'i 'gog bden dang / ma rdzogs pa'i 'gog bden
gnyis yod mi slob pa'i rgyud kyi 'gog bden dang po dang /

slob pa'i rgyud kyi 'gog bden gnyis pa yin pa'i phyir/ gzhan
yang / de la rgyan bcas dang / rgyan med gnyis/ mngon shes thob
la mnyams pa'i gang zag gi rgyud kyi 'gog bden dang po dang /
mngon shes ma thob pa'i gang zag gi rgyud kyi 'gog

bden gnyis pa yin pa'i phyir/ rang gi bral 'bras su gyur pa'i
'gog bden gyi bral rgyu'i rigs su gnas pa'i 'phags rgyud kyi
mkhyen pa/ lam bden gyi mtshan nyid/ de la dngos btags ma phye
bar dbye na/ tshogs sbyor gnyis kyi lam/ mthong lam

sgom lam gnyis/ mi slob lam dang bcas pa rnam pa lnga yod/ bden
bzhi'i blang dor gtan la phab pa la dgos pa yod de/ grol bdon
gnyer gyi skyes bus bden bzhi'i blang dor tshul bzhin du shes pa
la brten nas 'khor ba rgyu dang bcas pa spong / thar

pa thabs dang bcas pa rang rgyud la bsten par bya ba'i ched du
yin pa'i phyir// ! //gsum pa rtsod pa spong ba la/ kha cig / lam
bden 'gog bden gyi rgyu yin par thal/ dang por lam bden bstan/
de rjes 'gog bden bstan pa de rgyu 'bras don

gyi rim pa'i dbang du byas nas bstan pa'i phyir zer na/ ma
khyab/ ma grub na/ der thal/ 'grel pa las/ kun nas nyon mongs pa
dang gcig shos kyi phyogs la brten nas kun 'byung ba dang lam
gyi bden pa dag ni rgyu yin la/ sdug bsngal dang 'gog pa'i bden
pa dag

ni 'bras bu yin par don gyi sgo nas bstan te/ zhes gsungs pa'i
phyir/ 'dod na/ bkag zin/ kha cig / mdo las/ zag pa dang bcas pa
thams cad sdug bsngal/ zhes gsungs na/ khyi rgan rgya bo'i zag
bcas nyer len gyi phung po na tshod gzhan nas gzhan du rnying
pa'i

@39a @#/ /cha sdug bsngal bden pa yin dgos par thal/ de sdug
bsngal yin pa'i phyir/ 'dod na/ zag bcas yin na/ sdug bsngal
bden pa yin dgos par thal/ mdo las/ zag pa dang bcas pa thams
cad sdug bsngal/ zhes gsungs pa'i phyir/ khyab ste

de ltar gsungs na khyi rgan rgya bo'i zag bcas nyer len gyi
gzugs phung na tshod gzhan nas gzhan du rnying pa'i cha sdug bden
yin dgos pa'i phyir/ khyab pa khas/ 'dod na/ byang sems mthong
lam pa'i rgyud kyi zag bcas kyis ma nges so/ /kha cig/ bde ba la
shes pas ma khyab

par thal/ sdug bsngal la shes pas ma khyab pa'i phyir/ 'dod na/
blo bde shes pa ma yin par thal/ 'dod pa'i phyir/ 'dod mi nus
te/ blo bde sems med du 'dod pa'i grub mtha' de/ phyi rol mu
stegs byed kyi grub mtha' yin pa'i phyir zer na/ ma khyab/ de ni
phyi rol mu stegs

byed kyis blo dang bde ba gang rung la shes pa ma yin pas khyab
par 'dod pa'i don yin pa'i phyir/ kha cig/ zas bzang po'i ro
nyams su myong ba'i zag bcas kyi tshor ba bde ba chos can/ zag
bcas kyi tshor ba sdug bsngal yin par thal/ zag bcas kyi tshor ba
gang

zhig / sdug bsngal yin pa'i phyir zer na/ ma khyab/ ma grub na
sla zer na/ 'o na/ nyan thos kyi mthong lam chos can/ gnyen po
phyogs kyi gzhi shes yin par thal/ gnyen po phyogs gang zhig/
gzhi shes yin pa'i phyir/ 'khor gsum/ kha cig / rgyu dge ba byas
pa la

brten nas 'bras bu bde ba 'byung ba dang/ rgyu mi dge ba byas pa
la brten nas 'bras bu sdug bsngal 'byung ba gnas dang / de las
ldog pa gnas ma yin pa mkhyen pa'i stobs med par thal/ so so
skye bo'i zag bcas kyi rgyu dge ba byas pa la brten nas

'bras bu bde ba mi 'byung ba'i phyir/ der thal/ zas bzang po'i
ro nyams su myong ba'i zag bcas kyi tshor ba bde ba de sdug
bsngal yin pa'i phyir zer na/ ma khyab/ 'dod mi nus te/ stobs
bcu yod pa'i phyir/ kha cig/ zas bzang po'i ro nyams su myong
ba'i

@39b zag bcas kyi chor ba bde ba chos can/ 'khor ba'i sdug
bsngal yin par thal/ sdug bsngal yin pa'i phyir/ khyab pa khas/
'dod na/ mi 'thad par thal/ 'khor ba'i bde ba yin pa'i phyir zer
na/ 'o na/ de rang chos can/ 'gyur pa'i sdug bsngal ma yin par
thal/ 'gyur pa'i

bde ba yin pa'i phyir/ 'khor gsum/ gal te ma grub na/ der thal/
chos can de yin pa'i phyir/ gzhan yang / zag bcas kyi tshor ba
yid mi bde ba dang / sdug bsngal gyi dbang po dang / zag bcas
kyi tshor ba yid bde ba dang / bde ba'i dbang po bzhi po de 'khor
ba'i

sdug bsngal rags pa yin par thal/ bcom ldan 'das kyis bsam gtan
gyi nyer bsdogs bzhi po de de dag la yid 'byung byed du gsungs
pa gang zhig/ nyer bsdogs bzhi po de 'khor ba'i sdug bsngal rags
pa la yid 'byung byed yin pa'i phyir/ der thal/ 'khor

ba'i sdug bsngal phra mo zag bcas kyi tshor ba btang snyoms la
yid 'byung byed du mi rtag la sogs bcu drug rtogs pa'i lam
gsungs pa'i phyir/ rtsa bar 'dod na/ zag bcas kyi tshor ba yid
bde ba dang / bde ba'i dbang po gnyis chos can/ 'khor ba'i sdug
bsngal yin

par thal/ 'khor pa'i sdug bsngal rags pa yin pa'i phyir/ 'dod
na/ mi 'thad par thal/ 'khor ba'i bde ba yin pa'i phyir/ 'khor
gsum/ gzhan yang/ zas bzang po'i ro nyams su myong ba'i zag bcas
kyi tshor ba bde ba de sdug bsngal yin par thal/ de 'phags

pas sdug bsngal du gzung bde gzung ba ltar du bden/ byis bas bde
bar gzung ba de gzung ba ltar du mi bden pa'i phyir/ der thal/
mdo las/ 'phags pas bde bar gang gzung ba/ de ni gzhan gyis sdug
bsngal rig/ /gzhan gyis bde bar gang gzung ba/ de ni

'phags pas sdug bsngal rig /ces gsungs pa'i phyir/ 'dod na/ 'gal
lo/ /kha cig / 'khor ba la ltos te las bya byed gnyis gcig yin
par thal/ kun 'byung bden pa 'khor ba la ltos te rgyu'i phyogs
dang sdug bsngal bden pa 'khor ba la ltos te 'bras

@40a @#/ /bu'i phyogs yin pa gang zhig/ de gnyis yin khyab mnyam
yin pa'i phyir zer na/ ma khyab bo/ /kha cig /lhag med myang
'das thob kha ma'i lhag bcas myang 'das la gnas pa'i nyan thos
dgra bcom pa'i zag bcas nyer len gyi gzugs phung chos can/ kun
'byung

bden pa yin par thal/ sdug bsngal bden pa yin pa'i phyir/ khyab
pa khas/ 'dod na/ de chos can/ khyod kyi thun mong ma yin pa'i
'bras bur gyur pa'i sdug bsngal bden pa yod par thal/ khyod kun
'byung bden pa yin pa'i phyir zer na/ ma khyab bo/ /'dod mi

nus te/ lhag med myang 'das la gnas pa'i gang zag gi rgyud la
sdug bsngal bden pa med pa'i phyir/ kha cig /nyon mongs yin na/
nyon mongs pa'i kun 'byung yin dgos par thal/ zag bcas kyi las
yin na/ las kyi kun 'byung yin dgos pa'i phyir zer na/

ma khyab/ de la kho na re/ dman lam sngon du ma song ba'i byang
sems mthong lam pa'i rgyud kyi zag bcas kyi las chos can/ der
thal/ de'i phyir/ der thal/ de yod pa'i phyir/ der thal/ des
nyon mongs ma spangs pa gang zhig / nyon mongs spangs pa'i lhag

bcas myang 'das la gnas pa'i nyan thos dgra bcom pa'i rgyud la
zag bcas kyi las yod pa'i phyir zer na/ ma khyab/ ma grub na der
thal/ de'i rgyud lam nges pa'i 'phen byed kyi las yod pa'i
phyir/ der thal/ rnam 'grel las/ srid pa'i sred las

rnams rgal ba'i/ /las gzhan 'phen nus ma yin te/ /lhan cig byed
pa zad phyir ro/ /zhes gsungs pa'i phyir/ rtsa bar 'dod mi nus
so/ /kha cig / las kyi gzhan dbang du gyur pa'i byang sems sa
brgyad pa ba yod par thal/ zag med kyi las kyi gzhan dbang

du gyur pa'i byang sems brgyad pa ba yod pa'i phyir/ khyab ste/
zag med kyi las yin na/ las yin dgos pa'i phyir zer na/ ma
khyab/ ma grub na/ zag med kyi las kyi gzhan dbang du gyur pa'i
byang sems sa brgyad pa ba yod par thal/ ma rig bag chags tsam
gyis

@40b kun nas bslangs te/ rjes thob kyi sems pa'i gzhan dbang du
gyur byang sems sa brgyad pa ba yod pa'i phyir/ der thal gzhan
don don gnyer kyi 'dun pa'i gzhan dbang du gyur pa'i byang sems
sa brgyad pa ba yod pa'i phyir/ der thal/ snying rje chen po'i
gzhan dbang du gyur pa'i

byang sems sa brgyad pa ba yod pa'i phyir/ rtsa bar 'dod na/ las
kyi dbang gis skye ba len pa'i byang sems sa brgyad pa ba yod
par thal/ 'dod pa'i phyir/ 'dod mi nus te/ las kyi dbang gis
skye ba lan pa la grogs nyon mongs dgos pa'i phyir/ der thal/
rnam 'grel

las/ srid pa'i sred las rnams rgal ba'i/ /zhes sogs gsungs pa'i
phyir/ kha cig / las dang las kyi lam gnyis 'gal ba yin par
thal/ sems pa'i las dang las kyi lam gnyis 'gal ba'i phyir zer
na/ ma khyab/ de la kho na re/ las dang las

kyi lam gyi gzhi mthun pa chos can/ las kyi lam ma yin par thal/
sems pa'i las yin pa'i phyir/ der thal/ sems pa gang zhig / las
yin pa'i phyir zer na/ ma khyab/ 'o na/ yid las sems pa chos
can/ yid las ma yin

par thal/ bsam pa'i las kyi yin pa'i phyir/ der thal/ bsam pa
gang zhig /las yin pa'i phyir/ 'khor gsum/ gal te dang po ma
grub na/ der thal/ shes pa yin pa'i phyir/ kha cig /stong bdag
med gnyis po de sdug bsngal bden pa'i rnam pa

yin par thal/ sdug bsngal bden pa'i rnam pa la dbye na mi rtag
sdug bsngal stong bdag med bzhi yod pa'i phyir/ der thal/ de la
der gyur pa'i mi rtag sdug bsngal stong bdag med bzhi yod pa'i
phyir na/ /ma khyab/ 'dod na/ bdag zin/ kha cig /

shes sgrib kun nas nyon mongs gzung rtog dang / rnam byang gzung
rtog gnyis mi 'gal bar thal/ kun nas nyon mongs phyogs kyi chos
dang / rnam byang phyogs kyi chos gnyis mi 'gal ba'i phyir/ 'dod
na/ de gnyis 'gal bar thal/ 'grel chen

@41a @#/ /las/ kun nas nyon mongs pa'i gzhi la brten pa ni dang
po yin la/ rnam par byang ba'i gzhi la brten pa ni gnyis pa yin
pas 'do gnyis phan tshun rnam par chad pa'i rang bzhin yin pa'i
phyir 'di gnyis tha dang pa kho na'o/ /zhes gsungs

pa'i phyir zer na/ skyon med de/ de'i don ni/ gzhi dang zhes
pa'i skabs nas dngos su bstan pa'i nyon mongs gzung rtog dang
rnam byang gzung rtogs gnyis 'gal zhes pa'i don yin gyi spyir de
gnyes 'gal zhes pa'i don ma yin pa'i phyir/ kha cig /

damn lam sdon du ma song ba'i theg chen sbyor lam rtse mo ba'i
rgyud la khong khros dge rtsa gcod pa'i sa bon spangs pa'i spans
pa yod par thal/ de'i rgyud la khong khros dge rtsa gcod pa
spang sa pa'i spangs pa yod pa'i phyir zer na/ ma khyab ma grub
na/ der thal/ de'i rgyud

kyi bong khros dge stsa gcod pa spangs pa'i spangs pa de so sor
brtags min gyi 'dog pa yin pa'i phyir/ kho na re/ rtsa pa la
khyab ba yod par thal/ nyon mongs spangs pa'i spangs pa yin na/
nyon mongs pa'i sa bon spangs pa'i spangs pa yin dgos pa'i phyir
zer

na; ma khyab/ kha cig /nges 'byung la shes pas khyab par thal/
nges 'byung gi blo la shes pas khyab pa'i phyir zer na/ 'o na/
rdzogs byang la shes pas khyab par thal/ rdzogs byang gi blo la
shes pas khyab pa'i phyir/ 'khor gsum/ /'dod na/ ngo bo nyid sku

chos can/ der thal/ de'i phyir/ 'dod mi nus so/ /kha cig/ 'gog
bden dang don dam bden pa'i gzhi mthun med par thal/ 'gog bden
kun rdzob bden pa yin pa'i phyir zer na/ 'o na/ shes bya dang
don dam bden pa'i gzhi mthun med par thal/ shes bya kun

rdzob bden pa yin pa'i phyir/ 'khor gsum/ kha cig /'gog bden la
don dam bden pa'i cha med par thal/ phyogs snga smra ba bos sa
bcu'i mnyam gzhag ye shes bcu bo de la chos nyid mthong tshul mi
'dra ba'i khyad par med kyang / chos sku la mthong tshul mi 'dra
ba'i

@41b khyad par yod par khas blangs pa la/ rnam bshad kyis/ slob
lam na blo gcig gis bden pa gnyis dus gcig char du mngon sum du
rtogs pa yod pa dang / mnyam rjes gnyis mi 'gal bar thal ba'i
skyon brjod mdzad pa'i phyir zer na/ skyon med de/ de'i don ni/
phyogs snga

smra ba pos gnas lugs mngon sum du rtogs pa'i sa bcu'i mnyam
gzhag ye shes bcu po des/ chos nyid mthong bar mtshungs kyang /
chos sku'i sgras ston pa'i 'gog bden rang ldog la mthong tshul mi
'dra ba'i khyad par yod par khas blangs pa la skyon brjod de

ltar mdzad pa'i phyir// ! //sangs rgyas la sogs dkon mchog gsum/
/zhes pa'i skabs su gzugs la rnam pa thams cad mkhyen pa nyid
sbyor bar mi byed 'byed bar mi byed de/ 'di ltar gzugs nyid yang
dag par rjes su mi mthong ngo / /zhes sogs kyi yum

bar ma'i mdo tshig chos can/ khyod dkon mchog gsum la 'doms pa'i
gdams ngag yin te/ dkon mchog gsum po de don dam par grol ba don
gnyer gyi skyes bu'i skyabs gnas ma yin zhing / tha snyad du
grol ba don gnyer gyi skyes bu'i skyabs gnas

yin no/ /zhes 'doms par byed pa'i yum bar ma'i mdo tshig yin pa'i
phyir/ 'di'i skabs su mtha' dpyad pa la/ dgag gzhag spang gsum
las/ dang po la/ kha cig /nyan thos sde pas ston pa shA-kya
thub pa sangs rgyas dkon mchog tu mi 'dod pa yin

no zer na/ bye brag smra bas ston pa shA-kya thub pa sangs
rgyas dkon mchog tu mi 'dod na/ nyan thos sde pas de ltar mi
'dod pas khyab par thal/ khyod kyi dam bca' 'thad pa'i phyir/
'dod na/ nyan thos sde pas ston pa shA-kya thub pa sangs rgyas
dkon mchog tu

'dod par thal/ nyan thos mdo sde pas de ltar du 'dod pa'i phyir/
khyab pa yod par thal/ bye brag tu smra bas ston pa shA-kya
thub pa sangs rgyas dkon mchog tu mi 'dod na/ nyan thos sde pas
de ltar mi 'dod pas khyab pa'i phyir/ 'khor gsum/ kha cig /bye
brag tu

@42a @#/ /smra ba des ston pa shA-kya thub pa sangs rgyas 'phags
par mi 'dod zer na/ de 'dod par thal/ bye brag tu smra bas de
sangs rgyas su 'dod pa'i phyir/ der thal/ de'i rgyud kyi zad mi
skye shes kyi ye shes de de sangs rgyas su byed pa'i byed chos
su 'dod pa'i phyir

der thal/ mdzod las/ gang zhig gsum la skyabs 'gro de/ sangs
rgyas dge 'dun byed pa'i chos/ /mi slob pa dang gnyis ka dang /
mya ngan 'das la skyabs su 'gro/ /zhes gsungs pa'i phyir/ kha
cig /nyan thos kyi rigs can des dkon mchog gsum gyi nang nas dge

'dun dkon mchog la skyabs su 'gro zhing / dkon mchog gzhan gnyis
la skyabs su mi 'gro/ rang rgyal gyi rigs can nges de gsum gyi
nang nas chos dkon mchog la skyabs su 'gro/ dkon mchog gzhan
gnyis la skyabs su mi 'gro/ theg chen gyi rigs can rnams kyis de

gsum gyi nang nas sangs rgyas dkon mchog la skyabs su 'gro dkon
mchog gzhan gnyis la skyabs su mi 'gro ba'i rgyu mtshan gyis dkon
mchog gsum po de rigs can gsum gyi skyabs su bzhag pa yin zer
na/ de mi 'thad par thal/ rigs can gsum ka'i

rgyud la dkon mchog gsum ka la skyabs su 'gro ba'i rgyu'i skyabs
'gro yod pa'i phyir/ der thal/ nyan thos kyi rigs can gyi rgyud
la dkon mchog gsum la skyabs su 'gro ba'i rgyu'i skyabs 'gro yod
pa'i phyir/ der thal/ de'i rgyud la sangs rgyas la skyabs

ston pa'i ston pa dang / chos la skyabs dngos dang / dge 'dun la
skyabs sgrub pa'i zla grogs su dam bca' ba yod pa'i phyir/ ma
grub na/ /de'i rgyud la de 'dra ba'i dam bca' yod par thal/ de
nang pa sangs rgyas pa yin pa'i phyir/ kha cig/

rigs can gsum gyi 'bras skyabs su gyur pa'i dkon mchog gsum po
yod med kyi sgo nas dkon mchog gsum po de rigs can gsum gyi
skyabs su bzhag pa yin zer na/ de mi 'thad par thal/ rigs can
gsum ka'i 'bras skyabs su gyur pa'i

@42b dkon mchog gsum ka yod pa'i phyir/ der thal/ nyan thos kyi
rigs can gyi 'bras skyabs su gyur ba'i sangs rgyas 'phags pa
dang rnam mkhyen gnyis ka yod pa'i phyir/ der thal/ de'i thob
bya mthar thug du gyur pa'i de gnyis ka yod pa'i phyir/ kha cig
/'dus ma

byas sogs yon tan brgyad dang ldan pa'i skyabs gnas mthar thug/
sangs rgyas dkon mchog gi mtshan nyid zer na/ rang bzhin rnam dag
gi char gyur pa'i ngo bo nyid sku chos can/ mtshan nyid der thal/
mtshon bya de'i phyir/ der thal/ chos can de yin pa'i phyir/

'dod na/ ji lta ji snyed mkhyen pa'i yon tan dang / brtsa ba
snying rje chen po'i yon tan dang / gdul bya'i mi mthun phyogs
spong ba'i yon tan dang ldan par thal/ 'dod pa'i phyir/ 'dod mi
nus te/ don dam bden pa yin pa'i phyir/ kha cig/ 'dus ma byas
kyi sangs

rgyas kyi sku yin na/ yon tan de dag dang mi ldan pas khyab zer
na/ sangs rgyas dkon mchog chos can/ der thal/ de'i phyir/ ma
grub na/ de 'dus ma byas yin par thal/ ngo bo nyid sku 'dus ma
byas yin pa'i phyir/ 'dod mi nus te/ sangs rgyas dkon mchog de
gsum

gyi khyad chos dang ldan pa'i phyir/ der thal/ sangs rgyas dkon
mchog tu gyur pa'i de gsum ka yod pa'i phyir/ kha cig/ rang
bzhin rnam dag gi char gyur ba'i ngo bo nyid sku de ji lta ji
snyed mkhyen pa'i yon tan sogs gsum po de dang ldan par thal/ de
zag med

ye shes sde tshan nyer gcig gi yon tan dang ldan pa'i phyir/ der
thal/ zag med ye shes sde tshan nyer gcig gi chos can dang ldan
pa'i phyir zer na/ ma khyab/ 'o na/ de skye 'jig gnas gsum gyi
'dus byas dang ldan par thal/ skye 'jig gnas gsum

gyi 'dus byas pa'i chos can dang ldan pa'i phyir/ 'khor gsum/
kha cig/ sangs rgyas dkon mchog ji lta ji snyed mkhyen pa'i yon
tan dang mi ldan par thal/ de 'dus ma byas yin pa'i phyir zer
na/ ma khyab/ 'o na/ sangs rgyas chos can/ khyod kyi gsung
dbyangs

@43a @#/ /yan lag drug cu med par thal/ khyod 'dus ma byas yin
pa'i phyir/ 'khor gsum/ gal te 'dod na/ de yod par thal/ sangs
rgyas kyi gsung yod pa'i phyir/ der thal/ sangs rgyas kyi bka'
yod pa'i phyir/ der thal/ mdo yod pa'i phyir

kha cig /bsam du med pa sogs yon tan brgyad dang ldan pa'i rnam
byang bden pa/ chos dkon mchog gi mtshan nyid zer na/ nyan thos
mthong lam bar chad med lam chos can/ mtshan nyid der thal/ mtshon
bya de'i phyir/ der thal/ 'phags lam yin pa'i

phyir/ der thal/ nyan thos kyi 'phags lam yin pa'i phyir/ 'dod
na/ 'gog bden gyi yon tan dang ldan par thal/ 'dod pa'i phyir/
'dod mi nus te/ chos can de yin pa'i phyir/ kha cig /bsam du med
pa sogs yon tan brgyad dang ldan pa'i theg chen gyi rnam

byang bden pa/ theg chen gyi chos dkon mchog gi mtshan nyid zer
na/ dman lam sngon du ma song pa'i theg chen mthong lam bar chad
med lam chos can/ mtshan nyid der thal/ mtshon bya de'i phyir/ der
thal/ theg chen gyi 'phags lam yin pa'i phyir/ der thal/

theg chen gyi mthong lam yin pa'i phyir/ 'dod na/ 'gog bden gyi
yon tan dang ldan par thal/ 'dod pa'i phyir/ 'dod mi nus te/
chos can de yin pa'i phyir/ gzhan yang / theg chen mthong lam
rnam grol lam pa pa'i rgyud kyi 'gog bden du gyur ba'i don dam

bden pa chos can/ mtshan nyid der thal/ mtshon bya de'i phyir/ der
thal/ theg chen gyi 'gog bden yin pa'i phyir/ 'dod na/ de kho na
nyid gsal ba'i yon tan dang ldan par thal/ 'dod pa'i phyir/ 'dod
mi nus te/ don dam bden pa yin pa'i phyir/ kha cig/ rig grol

kyi yon tan brgyad dang ldan pa'i 'phags pa/ dge 'dun dkon mchog
gi mtshan nyid zer na/ nyan thos mthong lam bar chad med lam pa
chos can/ mtshan nyid der thal/ mtshon bya de'i phyir/ der thal/
theg dman 'phags pa yin pa'i phyir/ der thal/ chos can

@43b de yin pa'i phyir/ 'dod na/ 'gog bden gyi yon tan dang ldan
par thal/ 'dod pa'i phyir/ 'dod mi nus te/ rnam grol lam thob ma
myong ba'i gang zag yin pa'i phyir/ der thal/ chos can de yin
pa'i phyir/ kha cig/ rig grol gang rung gi yon tan dang ldan
pa'i rgyal

sras 'phags pa/ theg chen gyi dge 'dun dkon mchog gi mtshan nyid
zer na/ sangs rgyas 'phags pa chos can/ mtshan nyid der thal/
mtshon bya de'i phyir/ der thal/ theg chen 'phags pa yin pa'i
phyir/ der thal/ sangs rgyas 'phags pa yin pa'i phyir/ 'dod

mi nus te/ chos can de yin pa'i phyir/ kha cig /sangs rgyas
'phags pa dge 'dun dkon mchog ma yin zer na/ 'o na/ mthar thug
gi dkon mchog gsum med par thal/ khyod kyi dam bca' 'thad pa'i
phyir/ 'dod na/ de yod par thal/ rgyud bla ma las/ dkon mchog

gsum po 'di yi rigs/ /thams cad gzigs pa rnams kyi yul/ /zhes
gsungs pa'i phyir/ kha cig /'gog lam gang rung gis bsdus pa'i
rnam byang gi chos/ chos dkon mchog gi mtshan nyid zer na/ nyan
thos kyi tshogs lam chos can/ mtshon bya der thal

mtshan nyid de'i phyir/ der thal/ lam gyis bsdus pa'i rnam byang
gi chos yin pa'i phyir/ 'dod na/ 'phags rgyud kyi yon tan yin
par thal lo/ /kha cig /de'i don 'gog bden dang lam bden gang
rung gis bsdus pa le byed pa yin zer na/ de rang chos can

mtshon bya der thal/ mtshan nyid de'i phyir/ der thal/ lam bden
gyis bsdus pa'i rnam byang gi chos yin pa'i phyir/ der thal/ de
lam bden gyis gtso 'khor gyi tshul gyis bsdus pa'i phyir/ der
thal/ kun las btus las/ lam gyi bden pa gang zhe na/ tshogs kyi
lam

dang / sbyor ba'i lam dang / zhes sogs gsungs pa'i phyir/ kha
cig /chos dkon mchog dang dge 'dun dkon mchog gnyis 'gal zer na/
longs sku'i yid kyi rnam par shes pa chos can/ chos dkon mchog
ma yin par thal/ dge 'dun dkon mchog yin

@44a @#/ /pa'i phyir/ der thal/ 'phags pa'i gang zag yin pa'i
phyir/ der thal/ longs sku'i gang zag yin pa'i phyir/ der thal/
longs sku tha snyad btags pa'i btags don btsal ba'i tshe na rnyed
pa gang zhig /skyes bu'i yid kyi rnam par shas pa skyes bu'i
gang

zag yin pa'i phyir/ der thal/ gang zag gcig ma gtogs pa zhes
pa'i thad kyi 'grel chen las/ nges pa'i tshig gi tshul gyis ni
rgyun nyid gang zag gcig go /zhes gsungs pa'i phyir/ rtsa bar
'dod na/ longs sku chos can/ khyod kyi yid kyi rnam par shes pa
chos

dkon mchog yin par thal/ khyod gzugs sku yin pa'i phyir/ kha cig
/longs sku tha snyad btags pa'i btags don btsal ba'i tshe longs
sku'i yid kyi rnam par shes pa longs skur rnyed pa yin no zer
na/ longs sku tha snyad btags pa'i btags don 'tshol tshul de 'tshol
tshul

phyin ci log yin par thal/ longs sku tha snyad btags pa'i btags
don btsal ba'i tshe longs sku'i yid kyi rnam par shes pa longs
skur rnyed pa gang zhig /longs sku'i yid kyi rnam par shes pa
longs sku ma yin pa'i phyir/ ma grub na/ longs sku'i yid kyi

rnam par shes pa chos can/ khyod mtshan bzang po so gnyis dang
dpe byad bzang po brgyad cu dang ldan par thal/ khyod longs sku
yin pa'i phyir/ 'dod na/ gzugs can yin par thal lo/ /kha cig
/longs sku'i yid kyi rnam par shes pa longs sku'i gang zag dang
/

'phags pa'i gang zag yin na/ gang zag gi bdag med phra mo mngon
sum du rtogs pas khyab zer na/ theg chen mthong lam bar chad med
lam pa'i yid kyi rnam par shes pa theg chen mthong lam bar chad
med lam pa'i gang zag yin par thal/ longs sku'i yid kyi

rnam par shes pa longs sku'i gang zag yin pa'i phyir/ rtags
khas/ 'dod na/ theg chen mthong lam bar chad med lam pa'i yid
kyi rnam par shes pa chos can/ chos kyi bdag med phra mo mngon
sum du rtogs par thal/ khyod theg chen mthong lam bar chad

@44b med lam pa'i gang zag yin pa'i phyir/ 'dod na/ de chos can/
gang zag gi bdag med phra mo mngon sum du rtogs par thal/ 'phags
pa'i gang zag yin pa'i phyir/ khyab pa khas/ der thal/ theg chen
mthong lam bar chad med lam pa'i gang zag yin pa'i phyir/ rtags

khas/ 'dod na/ slob lam na bden gnyis ngo bo tha dad du 'dzin
pa'i dri ma zad par spangs pa dang / mnyam rjes gnyis ngo bo
gcig tu grub pa yod par thal/ theg chen mthong lam bar chad med
lam pa'i yid kyi rnam par shes pas gang zag gi bdag med phra mo
dang /

chos kyi bdag med phra mo gnyis ka mngon sum du rtogs pa'i
phyir/ 'khor gsum/ kha cig /kun rdzob pa'i sku yin na/ kun rdzob
pa'i skyabs yin pas khyab zer na/ longs sku chos can/ der thal/
de'i phyir/ der thal/ gzugs sku yin pa'i phyir/ der thal/ longs
sku

yin pa'i phyir/ 'dod mi nus te/ don dam pa'i skyabs yin pa'i
phyir/ der thal/ skyabs gnas mthar thug yin pa'i phyir/ der
thal/ longs sku yin pa'i phyir/ kha cig /don dam pa dang skyabs
kyi gzhi mthun pa yin na/ don dam pa'i skyabs yin pas khyab zer
na/

theg chen mthong lam rnam grol lam pa ba'i rgyud kyi 'gog bden
du gyur pa'i don dam bden pa chos can/ der thal/ de'i phyir/ der
thal/ don dam pa gang zhig /skyabs yin pa'i phyir/ dang po der
thal/ don dam bden pa yin pa'i phyir/ phyi ma der thal/ chos
dkon

mchog yin pa'i phyir/ 'dod mi nus te/ kun rdzob pa'i skyabs yin
pa'i phyir/ der thal/ lam gyi bgrod pa mthar ma phyin pa'i
skyabs yin pa'i phyir/ kha cig/ lung gi chos dkon mchog yin na/
kun rdzob pa'i skyabs yin pas khyab zer na/ sangs rgyas

'phags pa'i rgyud kyi yum bar mchos can/ der thal/ de'i phyir/
der thal/ sangs rgyas kyi bka' yin pa'i phyir/ 'dod mi nus te/
don dam pa'i skyabs yin pa'i phyir/ der thal/ skyabs gnas mthar
thug yin pa'i phyir/ der thal/ chos can de yin

@45a @#/ /pa'i phyir/ kha cig /chos dkon mchog la dbye na/ kun
rdzob pa'i chos dkon mchog dang don dam pa'i chos dkon mchog
gnyis kyi dbye ba 'thad zer na/ kun rdzob pa'i chos dkon mchog
yin na/ chos dkon mchog yin dgos par thal/ dam bca'

'thad pa'i phyir/ 'dod na/ rgyas 'bring bsdus gsum chos can/ der
thal/ de'i phyir/ der thal/ sangs rgyas kyi bka' yin pa'i phyir/
'dod mi nus te/ rjod byed kyi tshig yin pa'i phyir/ kha cig /don
dam pa'i dge 'dun dkon mchog dang / kun rdzob pa'i dge 'dun

dkon mchog gnyis 'gal zer na/ theg chen mthong lam bar chad med
lam pa'i yid kyi rnam par shes pa chos can/ kun rdzob pa'i dge
'dun dkon mchog ma yin par thal/ don dam pa'i dge 'dun dkon
mchog yin pa'i phyir/ der thal/ lam bden yin pa'i

phyir/ der thal/ chos can de yin pa'i phyir/ 'dod mi nus te/ dge
'dun dkon mchog yin pa'i phyir/ gzhan yang / byang sems sa dang
po ba chos can/ kun rdzob pa'i dge 'dun dkon mchog ma yin par
thal/ don dam pa'i dge 'dun dkon mchog yin pa'i phyir/ der

thal/ don dam pa'i byang chub sems dpa' yin pa'i phyir/ der
thal/ don dam pa'i sems bskyed thob la ma nyams pa'i byang chub
sems dpa' yin pa'i phyir/ khyab ste/ 'jug pa las/ de nas bzung
ste de ni thob par gyur pa yi/ /byang chub sems dpa' zhes

bya'i sgra nyid kyis bsnyad do/ zhes gsungs pa'i phyir/ 'dod mi
nus te/ dge 'dun dkon mchog yin pa'i phyir/ kha cig /bslu ba'i
chos yin na/ don dam pa'i skyabs ma yin pas khyab zer na/ longs
sku chos can/ der thal/ de'i phyir/ der thal/ 'dus byas

yin pa'i phyir/ 'dod mi nus te/ skyabs gnas mthar thug yin pa'i
phyir/ kha cig /lung gi chos dkon mchog yin na/ gzings ltar
spang bya yin pas khyab zer na/ sangs rgyas 'phags pa'i rgyud
kyi bka' brgyad stong pa chos can/ der thal/ de'i phyir/ der
thal/

@45b sangs rgyas kyi bka' yin pa'i phyir/ 'dod mi nus te/ skyabs
gnas mthar thug yin pa'i phyir/ der thal/ sangs rgyas 'phags
pa'i rgyud kyi yon tan yin pa'i phyir/ der thal/ de'i rgyud kyi
lung gi yon tan yin pa'i phyir/ der thal/ chos can de yin pa'i
phyir/ kha

cig /rgyud bla ma las/ spang phyir slu ba'i chos can phyir/ /med
phyir 'jigs dang bcas pa'i phyir/ /zhes pas nyan thos sde pa'i
'dod pa brjod nas/ nyan thos kyi lhag med myang 'das chos can/
don dam pa'i skyabs ma yin par thal/ mthar thug gi dus na med
pa'i

phyir/ zhes pa'i thal 'gyur du byas nas rtags gsal nyan thos sde
ba'i khas len la'ang song ba yin no zer na/ mi 'thad par thal/
de 'dra'i gzhung de nyan thos sde pa dang rtsod lan byed pa'i
skabs ma yin gyi/ rang lugs la nyan thos kyi lhag med myang

'das don dam pa'i skyabs ma yin par sgrub pa'i skabs yin pa'i
phyir/ kha cig /med phyir zhes pa'i gzhung des med dgag yin na/
don dam pa'i skyabs ma yin pas khyab pa bstan pa yin zer na/
rang bzhin rnam dag gi char gyur pa'i ngo bo nyid sku chos

can/ don dam pa'i skyabs ma yin par thal/ med dgag yin pa'i
phyir/ der thal/ stong nyid yin pa'i phyir/ 'dod mi nus te/
skyabs gnas mthar thug yin pa'i phyir/ kha cig/ sangs rgyas kyi
sa na skyabs 'gro med zer na/ de yod par thal/ sangs rgyas kyi
sa

na skyabs 'gro'i sdom pa yod pa'i phyir/ der thal/ sangs rgyas
kyi sa na 'jug sdom yod pa'i phyir/ der thal/ sangs rgyas kyi sa
na 'jug pa sems bskyed yod pa'i phyir/ kha cig/ rang nyid ngan
song gi sdug bsngal gyis 'jigs nas dkon mchog gsum la de las

skyob pa'i nus pa yod par yid ches nas dkon mchog gsum la dpung
gnyen du re ltos 'cha' ba'i blo/ skyes bu'i chung ngu'i skyabs
'gro'i mtshan nyid/ rang nyid 'khor ba'i sdug bsngal mtha' dag
gis 'jigs nas dkon mchog gsum la de las skyob

@46a @#/ /pa'i nus pa yod par yid ches nas dkon mchog gsum la
dpung gnyen du re ltos 'cha' ba'i blo/ skyes bu 'bring gi skyabs
'gro'i mtshan nyid/ sems can thams cad 'khor ba'i sdug bsngal las
skyob pa'i phyir du dkon mchog gsum la dpung ?

gnyen du re ltos 'cha' ba'i blo skyes bu chen po'i skyabs 'gro'i
mtshan nyid zer na/ skyes bu chung ngu'i skyabs 'gro dang mtshungs
ldan du gyur pa'i gtso sems chos can/ mtshon bya dang po der
thal/ mtshan nyid dang po de'i phyir/ der thal/ skyes bu chung
ngu'i skyabs

'gro de de ltar yin pa'i phyir/ ma grub na 'khor gsum byed/ ma
khyab na/ de gnyis mtshungs ldan rnam pa lnga mtshungs ma yin par
thal/ ma khyab pa de'i phyir/ rtsa bar/ 'dod na/ sems byung yin
par thal lo/ /gzhan yang/ skyes bu chung ngu dang thun mong ba'i
lam yin na/ skyes

bu chung ngu'i lam yin dgos par thal/ skyabs 'gro la de'i phyir/
'dod na/ byang sems tshogs lam pa'i rgyud kyi sdig spong dge ba
sgrub pa'i mkhyen pa chos can/ der thal/ de'i phyir/ rtags gsal
sla/ mtshan nyid 'og ma gnyis la yang rigs 'gre'o/ kha cig

rang nyid ngan song gi sdug bsngal gyis 'jigs nas dkon mchog
gsum la de las skyob pa'i nus pa yod par yid ches nas dkon mchog
gsum la rang stobs kyi dpung gnyen du re ba 'cha' ba'i sems pa/
skyes bu chung ngu'i skyabs 'gro'i mtshan nyid/ de bzhin

du 'og ma gnyis la yang rigs 'gre'o/ /zer na/ de mi 'thad par
thal/ dge 'dun dkon mchog tsam la skyabs su 'gro ba'i skyes bu
'bring gi skyabs 'gro yod pa'i phyir/ der thal/ dkon mchog la
skyabs su 'gro ba'i skyabs 'gro yin na/ dkon mchog gsum

ka la skyabs su 'gro ba'i skyabs 'gro yin pas ma khyab pa'i
phyir/ der thal/ dkon mchog don gnyer gyi 'dun pa yin na/ dkon
mchog gsum ka don gnyer gyi 'dun pa yin pas ma khyab pa'i phyir/
kha cig /rang nyid ngan song gi sdug bsngal gyis

@46b 'jigs nas dkon mchog gsum la de las skyob pa'i nus pa yod
pa yid ches nas de las skyob pa'i phyir du dkon mchog gsum po
gang yang rung ba la rang stobs kyis dpung gnyen du re ba 'cha'
ba'i sems pa/ skyes bu chung ngu dang thun mong ba'i skyabs
'gro'i

mtshan nyid/ rang nyid 'khor ba'i sdug bsngal gyis 'jigs nas dkon
mchog gsum la de las skyob pa'i nus pa yod pa yid ches nas de
las skyob pa'i phyir du dkon mchog gsum po gang yang rung ba la
rang stobs kyis dpung gnyen du re ba 'cha' ba'i ?

sems pa/ /skyes bu 'bring dang thun mong ba'i skyabs 'gro'i
mtshan nyid zer na/ lhag med myang 'das la gnas pa'i nyan thos
dgra bcom pa'i rtogs pa sngon du song ba'i byang sems tshogs lam
pa'i rgyud kyi skyes bu 'bring dang thun mong ba'i skyabs 'gro
chos can/

mtshan nyid gnyis pa der thal/ mtshon bya gnyis pa de'i phyir/ der
thal/ chos can de yin pa'i phyir/ 'dod na/ de 'dra'i gang zag de
'khor ba'i sdug bsngal gyi 'jigs pa dang bcas pa yin par thal/
'dod pa'i phyir/ 'dod mi nus te/ de 'khor ba'i sdug bsangl

spangs pa'i gang zag yin pa'i phyir/ der thal/ lhag med myang
'das thob pa'i gang zag yin pa'i phyir/ kha cig /byang sems
tshogs lam pa'i rgyu skyabs yin na/ byang sems tshogs lam pa'i
rgyu yin pas khyab zer na/ byang sems tshogs lam pa'i phyi'i

yongs 'dzin du gyur pa'i mchog gi sprul sku'i rgyud kyi 'gog
bden chos can/ der thal/ de'i phyir/ der thal/ de 'dra'i mchog
gi sprul sku de byang sems tshogs lam pa'i rgyu skyabs yin pa'i
phyir/ der thal/ de'i rgyu skyabs cig yod pa'i phyir/ 'dod mi

nus te/ 'dus ma byas yin pa'i phyir/ kha cig /rgyun mtha'i bar
chad med lam pa'i rgyud la dngos su skye bzhin pa'i rnam mkhyen
de/ rgyun mtha'i bar chad med lam pa'i 'bras skyabs mthar thug
ma yin zer na/ de yin par thal/ de'i rgyud la 'byung

@47a @#/ /'gyur gyi rnam mkhyen de de'i 'bras skyabs mthar thug
yin pa'i phyir/ der thal/ de'i thob bya mthar thug tu gyur pa'i
rnam mkhyen de'i 'bras skyabs mthar thug yin pa'i phyir/ de la
kho na re/ rgyun mtha'i bar chad med lam pa'i rgyud la dngos su
skye

bzhin pa'i rnam mkhyen chos can/ khyod rgyun mtha'i bar chad med
lam pa'i dus su med par thal/ khyod de'i 'bras skyabs mthar thug
yin pa'i phyir/ 'dod na/ de rgyun mtha'i bar chad med lam pa'i
dus su yod par thal/ rnam mkhyen rgyun mtha'i bar chad

med lam pa'i rgyud la dngos su skye bzhin pa rgyun mtha'i bar
chad med lam pa'i dus su yod pa'i phyir zer na/ ma khyab/ ma
grub na/ der thal/ rgyun mtha'i bar chad med lam pa de rang dus
su rnam mkhyen rang rgyud la dngos su skye bzhin pa yin pa'i
phyir/ der thal/

de rang dus su rnam mkhyen rang rgyud la dngos su skye bzhin
pa'i gang zag yin pa'i phyir/ der thal/ rgyun mtha'i bar chad
med lam de rang dus su rnam mkhyen skad cig dang po'i dngos kyi
nyer len yin pa'i phyir zer na/ 'o na/ sa bon gyi dus su skye
bzhin

pa'i myu gu sa bon gyi dus su yod par thal/ myu gu sa bon gyi
dus su dngos su skye bzhin pa sa bon gyi dus su yod pa'i phyir/
'khor gsum/ gal te ma grub na der thal/ sa bon de rang dus su
myu gu dngos su skye bzhin pa yin pa'i phyir/ 'khor gsum/ kha
cig /

sa bon gyi dus su skye bzhin pa'i myu gu med zer na/ de yod par
thal/ sa bon gyi skad cig gnyis pa'i dus su dngos sa skyes ma
thag pa'i myu gu yod pa'i phyir/ der thal/ sa bon gyi dngos
'bras su gyur pa'i myu gu yod pa'i phyir/ kha cig /dkon mchog
gsum po

gang yang rung ba la rang stobs kyis dpung gnyen du re ba 'cha'
ba'i sems pa/ skyabs 'gro'i mtshan nyid zer na/ skyabs yin na
dkon mchog gsum po gang rung yin dgos par thal/ khyod kyi mtshan
nyid 'thad pa'i phyir/ 'dod na/ dman lam sngon du

@47b song gi byang sems tshogs lam pa chos can/ der thal/ de'i
phyir/ der thal/ byang chub sems dpa' yin pa'i phyir/ 'dod mi
nus te/ so skye yin pa'i phyir/ der thal/ chos can de yin pa'i
phyir/ kha cig /skyabs 'gro phal pa skyabs 'gro ma yin zer na/
skyabs

phal pa skyabs ma yin par thal/ dam bca' 'thad pa'i phyir/ 'dod
na/ skyabs yin na dkon mchog gsum po gang rung yin dgos par
thal/ 'dod pa'i phyir/ 'dod na/ lung gi chos dkon mchog yin na
chos dkon mchog yin dgos par thal lo// !//gnyis pa rang gi lugs
la/

dkon mchog gsum po de rigs can gsum gyi skyabs su 'jog pa'i rgyu
mtshan yod de/ rgyu'i skyabs 'gro'i dbang du byas na rigs can
gsum kas dkon mchog gsum ka la skyabs su 'gro yang/ 'bras bu'i
skyabs 'gro'i dbang bu byas na nyan thos kyi rigs

can rnams kyis dgra bcom pa'i go 'phang thob bya'i gtso bor byas
nas don du gnyer/ /rang rgyal gyi rigs can rnams kyis nyan ?
sgrib spangs pa'i 'gog pa la mnyam par bzhag pa'i mnyam bzhag ye
shes thob bya'i gtso bor byas nas don du gnyer/ /theg chen gyi

rigs can rnams kyis gdul bya rigs can gsum la chos 'khor rdzogs
par bskor ba'i bdag rkyen dang ldan pa'i sangs rgyas dkon mchog
thob bya'i gtso bor don du gnyer bar byad pa'i rgyu mtshan gyis ?
dkon mchog gsum po de rigs can gsum gyi skyabs su

bzhag pa yin pa'i phyir/ don gnyis mthar phyin pa'i skyabs gnas
mthar thug/ sangs rgyas dkon mchog gi mtshan nyid/ de la kun
rdzob pa'i sangs rgyas dkon mchog dang/ don dam pa'i sangs rgyas
dkon mchog gnyis yod/ sangs rgyas dkon

mchog de 'dus ma byas sogs yon tan brgyad dang ldan te/ rgyud
bla ma las/ 'dus ma byas shing lhun gyis grub/ /gzhan gyi rkyen
gyis rtogs min ? pa/ /mkhyen dang brtse dang nus par ldan/ /dan
gnyis ldan pa'i sangs rgyas nyid/ /ces gsungs pa'i phyir/ 'gog

@48a @#/ /lam gang rung gis bsdus pa'i rnam byad bden pa chos
dkon mchog gi mtshan nyid/ /de la sgras brjod rigs kyi sgo nas
dbye na/ /don dam pa'i chos dkon mchog dang/ kun rdzob pa'i chos
dkon mchog gnyis yod/ rig grol gyi yon tan brgyad po gang rung
dang

ldan pa'i 'phags pa dge 'dun dkon mchog gi mtshan nyid/ de la
sgras brjod rigs kyi sgo nas dbye na/ kun rdzob pa'i dge 'dun
dkon mchog dang/ don dam pa'i dge 'dun dkon mchog gnyis yod/ lam
gyi 'grod pa mthar phyin pa'i skyabs/ don dam pa'i skyabs kyi
mtshan

nyid/ lam gyi bgrod pa mthar ma phyin skyabs/ kun rdzob pa'i
skyabs kyi mtshan nyid/ yul gzhan la rang stobs kyis dpung gnyen
du re ba 'cha' ba'i sems pa/ skyabs 'gro'i mtshan nyid/ de la
sgras brjod rigs kyi sgo nas dbye na/ rjod byed tshig gi skyabs
'gro

dang/ ltos pa blo'i skyabs 'gro gnyis yod/ dang po ni skyabs
'gro'i tshig lta bu yin/ phyi ma la dbye na/ skyabs 'gro phal pa
dang/ khyad par can gnyis yod/ skyabs phal pa la rang stobs kyis
dpung gnyen du re ? ba 'cha' ba'i sems pa/ dang po'i mtshan nyid/
dkon mchog

gsum po gang yang rung ba la rang stobs kyis dpung gnyen du re
ba 'cha' ba'i sems pa/ phyi ma'i mtshan nyid/ de la skyes bu
chung ngu dang thun mong ba'i skyabs 'gro/ skyes bu 'bring dang
thun mong ba'i skyabs 'gro/ skyes bu chen po dang thun mong ba'i
skyabs 'gro/ rgyu'i skyabs 'gro/

'bras bu'i skyabs 'gro dang lnga yod/ mtshan nyid rim pa bzhin/
rang nyid ngan song gi sdug bsngal gyis 'jigs nas dkon mchog
gsum la de las skyob pa'i nus pa yod pa yid ches nas de las
skyob pa'i phyir du dkon mchog gsum po gang yang rung ba la rang

stobs kyis dpung gnyen du re ba 'cha' ba'i rigs su gnas pa dang
po'i mtshan nyid/ rang nyid 'khor ba'i sdug bsngal mtha' dag gis
'jigs nas dkon mchog gsum la de las skyob pa'i nus pa yod pa yid
ches nas de las skyob pa'i phyir du dkon mchog gsum

@48b po gang yang rung ba la rang stobs kyis dpung gnyen du re
ba 'cha' ba'i rigs su gnas pa'i sems pa/ gnyis pa'i mtshan nyid/
sems can thams cad 'khor ba'i sdug bsangl las skyob pa'i phyir
du dkon mchog gsum po gang yang rung ba la rang stobs kyis dpung

gnyen du re ba 'cha' ba'i sems pa/ gsum pa'i mtshan nyid/ gzhan
rgyud la grub zin pa'i dkon mchog gsum po gang yang rung ba la
rang stobs kyis dpung gnyen du re ba 'cha' ba'i sems pa/ bzhi
ba'i mtshan nyid/ rang rgyud la 'byung 'gyur gyi dkon mchog gsum

po gang yang rung ba la rang stobs kyis dpung gnyen du re ba
'cha' ba'i sems pa/ lnga pa'i mtshan nyid/ dkon mchog gsum la
skyabs su song ba la dgos pa yod de/ gnas skabs bsrung ba'i
mchog tu 'gyur ba dang/ mthar thug sangs rgyas kyi go 'phang
thob pa dang/

sdom pa thams cad kyi rten byed pa dang/ nang pa sangs rgyas bar
tshud pa dang/ ngan 'gro'i skye sgo bcod pa sogs kyi dgos pa yod
pa'i phyir// !//rtsod pa spong ba la/ kha cig /rang bzhin rnam
dag gi char gyur ba'i ngo bo nyid sku de ji lta ji snyed mkhyen
? pa'i yon ten

dang ldan par thal/ dman pa'i lhag bcas myang 'das dang de gnyis
med dgag du mtshungs pa gang zhig/ dman pa'i lhag bcas myang 'das
de sdug bsngal gyi phung po dang bcas pa'i phyir zer na ma
khyab/ ma grub na der thal/ de snga ma'i las nyon gyi 'bras bur
gyur

pa'i sdug bsngal gyi phung po dang bcas pa'i phyir/ der thal/ de
dman pa'i lhag bcas myang 'das yin pa'i phyir/ rtsa bar 'dod mi
nus so/ /kha cig /gdul bya mi mthun phyogs las skyob pa'i don
byed nus na/ don byed nus pa yin dgos par thal/ rang bzhin rnam
dag gi

char gyur ba'i ngo bo nyid sku des gdul bya mi mthun phyogs las
skyob pa'i don byed nus na/ de don byed nus pa yin dgos pa'i
phyir zer ma khyab/ ma grub na der thal/ des gdul bya mi mthun
phyogs las skyob pa'i don byed mi nus pa'i phyir/ rtsa bar 'dod
na/

@49a @#/ /sangs rgyas dkon mchog chos can/ don byed nus pa yin
par thal/ gdul bya mi mthun phyogs las skyob pa'i don byed nus
pa'i phyir/ der thal/ sangs rgyas dkon mchog gi khyad chos su
gyur pa'i gdul bya mi mthun phyogs las skyob pa'i don byed

nus pa yod pa'i phyir/ der thal/ sangs rgyas dkon mchog tu gyur
pa'i de yod pa'i phyir/ 'dod mi nus te/ 'dus ma byas yin pa'i
phyir/ kha cig /lengs sku chos can/ don dam pa'i skyabs ma yin
par thal/ kun rdzob pa'i skyabs yin pa'i phyir/ der thal/ kun

rdzob par gyur pa'i skyabs yin pa'i phyir zer na ma khyab/ ma
grub na sla/ 'dod mi nus so/ /kha cig /kun rdzob pa'i chos dkon
mchog dang don dam pa'i chos dkon mchog mi 'gal bar thal/ kun
rdzob pa'i dge 'dun dkon mchog dang don dam pa'i dge 'dun dkon

mchog mi 'gal ba'i phyir zer na/ ma khyab/ 'dod mi nus te/ kun
rdzob pa'i chos dkon mchog yin na/ rnam byang bden pa ma yin
dgos pa'i phyir/ kha cig /rdzas ? yod dang btags yod gnyis mi
'gal bar thal/ btags yod yin na/ rang nyid tha snyad btags

pa'i btags don btsal ba'i tshe rang gi mtshan gzhir gyur pa'i
rdzas yod zhig mi rnyed pas ma khyab pa'i phyir zer na/ ma
khyab/ ma grub na/ gang zag chos can/ der thal/ de'i phyir/ 'dod
mi nus te/ gang zag tha snyad btags pa'i btags don btsal ba'i
che gang zag gi

yid kyi rnam par shes pa gang zag gi mtshan gzhir rnyid pa'i
phyir/ kha cig /khyod gang zag yin na/ khyod kyi yid kyi rnam
par shes pa khyod kyi bdag yin dgos par thal/ gang zag gi yid
kyi rnam par shes pa bdag yin pa'i phyir zer na ma khyab/ 'dod

na; gang zag chos can/ khyod kyi yid kyi rnam par shes pa khyod
kyi bdag yin par thal/ khyod gang zag yin pa'i phyir/ 'dod na/
gang zag gi yid kyi rnam par shes pa chos can/ khyod gang zag gi
bdag ma yin par thal/ khyod gang zag gi bdag tu ma

@49b thub pa'i phyir/ der thal/ gang zag gi bdag bzhi ma grub
pa'i phyir/ kha cig /sangs rgyas 'phags pa dge 'dun dkon mchog
ma yin par thal/ gzugs sku gnyis dge 'dun dkon mchog ma yin pa'i
phyir/ der thal/ theg chen dgra bcom pa dge 'dun dkon

mchog ma yin pa'i phyir/ der thal/ 'grel pa las/ dge 'dun la
sangs rgyas dkon mchog gi khongs su gtogs pa nyid kyis dgra bcom
pa ma gtogs pa zhes gsungs pa'i phyir zer na/ skyon med de/ de'i
don theg chen dgra bcom pa rnams sangs rgyas la

sogs dkon mchog gsum/ zhes pa'i skabs nas dngos su bstan pa'i
sangs rgyas dkon mchog gi khongs su gtogs pas/ de'i skabs nas
dngos su bstan pa'i dge 'dun dkon mchog tu mi 'dren zhes pa'i
don yin pa'i phyir/ de la kha cig /sangs rgyas la sogs dkon

mchog gsum/ zhes pa'i skabs nas dngos su bstan pa'i dge 'dun
dkon mchog yin na/ byang sems 'phags pa yin dgos par thal/ sangs
rgyas dkon mchog de'i skabs nas dngos su bstan pa'i dge 'dun
dkon mchog tu mi 'dren pa gang zhig/ de'i

skabs nas dngos su bstan pa'i theg dman 'phags pa med pa'i
phyir/ dang po khas/ phyi ma ma grub na/ der thal/ de'i dngos
bstan bstan bya'i gtso bor gyur pa'i theg dman 'phags pa med
pa'i phyir zer na/ ma khyab/ ma grub na der thal/ de'i dngos
bstan bstan bya'i

gtso bo yin na/ mtshon bya don gyi dge 'dun yin dgos pa'i phyir/
der thal/ dbang po rtul dang rnon po dag/ ces pa'i gzhung gis
mtshon byed dpe'i dge 'dun nyi shus mtshon bya don gyi dge 'dun
mtshon pa'i tshul gyis mtshon bya don gyi dge 'dun dngos bstan
bstan

bya'i gtso bor byas nas bstan pa'i phyir/ rtsa bar 'dod na/
'bras gnas bzhi po chos can/ der thal/ de'i phyir/ der thal/
dbang po rtul dang rnon po dag/ ces pa'i skabs nas dngos su
bstan pa'i dge 'dun dkon mchog yin pa'i phyir/ 'dod mi nus te/
theg dman

@50a @#/ /gyi gang zag yin pa'i phyir/ kha cig /sangs rgyas kyi
sa na skyabs 'gro med par thal/ sangs rgyas kyi sa na skyabs med
pa'i phyir/ der thal/ sangs rgyas 'phags pa'i skyabs med pa'i
phyir/ der thal/ de skyabs la brten dgos ma yin

pa'i phyir/ der thal/ rgyud bla ma las/ skyabs ni skyabs la
brten ma yin/ /zhes gsungs pa'i phyir zer na/ 'o na/ khyod
skyabs yin na/ khyod kyi skyabs med pas khyab par thal/ lung
khyod rang gi de'i phyir/ khyab pa khas/ 'dod na/ byang sems sa
dang po

ba chos can/ der thal/ de'i phyir/ der thal/ khyod dge 'dun dkon
mchog yin pa'i phyir/ 'dod mi nus te/ khyod kyi 'bras skyabs
mthar thug yod pa'i phyir/ der thal/ khyod sems can yin pa'i
phyir/ kha cig /ston pa phal pa ston pa yin par thal/

skyabs phal pa skyabs yin pa'i phyir zer na/ ma khyab/ 'dod na/
phyi rol pa'i ston pa ston pa yin par thal/ 'dod pa'i phyir/
'dod na bkag zin/ kha cig /khyod sgrib pa spangs pa'i gang zag
yin na/ khyod kyi rgyud la sgrib pa spong 'dod kyi blo med pas
khyab par

thal/ 'khor ba'i 'jigs pa mtha' dag spangs pa'i gang zag yin na/
rang nyid 'jigs pa de las skyob phyir du dkon mchog gsum la rang
stobs kyis dpung gnyen du re ba mi 'cha' bas khyab pa'i phyir
zer na/ ma khyab/ 'dod na/ sangs rgyas 'phags

pa chos can/ der thal/ de'i phyir/ 'dod mi nus te/ de'i rgyud la
mi dge ba'i chos skyes pa spong 'dod kyi blo yod pa'i phyir/ ma
khyab na/ 'khor gsum yod/ ma grub na der thal/ de'i rgyud la
yang dag spong ba bzhi yod pa'i phyir/ kha cig /chos dkon

mchog chos can/ 'gog bden dang lam bden gang rung gis ? bsdus
pa'i rnam byang bden pa yin par thal/ chos dkon mchog yin pa'i
phyir/ rtags khas/ 'dod na/ mi 'thad de/ 'gog bden gyis kyang ma
bsdus/ lam bden gyis kyang ma sdus pa'i

@50b phyir zer na/ ma khyab/ 'o na/ rtag pa chos can/ rtag mi
rtag gang rung gi bye brag ma yin par thal/ rtag pa'i bye brag
ma yin pa gang zhig/ mi rtag pa'i bye brag ma yin pa'i phyir/
'khor gsum/ kha cig /byang sems tshogs lam pa dang rgyud tha dad
du gyur pa'i sangs rgyas

'phags pa yod par thal/ byang sems tshogs lam pa'i rgyud kyi
gzhan rgyud la grub zin pa'i dkon mchog gsum po gang yang rung
ba la rang stobs kyis dpung gnyen du re ba 'cha' ba'i sems pa
rgyu'i skyabs 'gro yin pa'i phyir/ 'dod na/ byang sems tshogs lam

pa dang rgyud tha dad du gyur pa'i sangs rgyas 'phags pa chos
can/ byang sems tshogs lam pa dang rgyud tha dad ma yin par thal/
de dang rgyud gcig yin pa'i phyir/ der thal/ byang sems tshogs
lam pa byed myong yin pa'i phyir zer na/ ma khyab/ ma grub

na; de chos can/ byang sems tshogs lam pa byed myong yin par
thal/ sangs rgyas 'phags pa yin pa'i phyir/ rtags dngos zer ba
dang/ sangs rgyas 'phags pa dang rgyud tha dad du gyur pa'i
byang sems tshogs lam pa yod par thal/ byang sems tshogs lam

pa dang rgyud tha dad du gyur pa'i sangs rgyas 'phags pa yod
pa'i phyir/ 'dod na/ de chos can/ sangs rgyas 'phags pa dang
rgyud tha dad ma yin par thal/ de dang rgyud gcig yin pa'i
phyir/ der thal/ sangs rgyas 'phags par 'gyur rung gi chos yin
pa'i

phyir zer na/ ma khyab/ ma grub na der thal/ sems can yin pa'i
phyir zer na/ 'o na/ sangs rgyas 'phags pa chos can/ khyod dman
lam sngon song gi sangs rgyas 'phags pa yin par thal/ nyen ?
thos dgra bcom pa dang rgyud gcig tu gyur pa'i sangs

rgyas 'phags pa yin pa'i phyir/ ma grub na song/ der thal/ nyan
thos dgra bcom pa de sangs rgyas 'phags pa dang rgyud gcig yin
pa'i phyir/ ma grub na/ nyan thos dgra bcom pa chos can/ sangs
rgyas 'phags pa dang rgyud gcig yin par thal/ sangs srgyas

@51a @#/ /'phags par 'gyur rung yin pa'i phyir/ rtags khas/
rtsa bar 'dod na/ de chos can/ khyod dman lam sngon song gi
sangs rgyas 'phags pa ma yin par thal/ dman lam sngon ma song
gi sangs rgyas 'phags pa yin pa'i phyir/ der thal/

khyod mngon rtogs rgyan gyi ched du bya ba'i gdul bya byang
sems tshogs lam pa dang rgyud gcig yin pa'i phyir/ der thal/ de
'dra'i gdul bya byang sems tshogs lam pa de/ sangs rgyas 'phags
pa dang rgyud gcig yin pa'i phyir/ ma grub na/ de chos can/
khyod

sangs rgyas 'phags pa dang rgyud gcig yin par thal/ khyod
sangs rgyas 'phags par 'gyur rung yin pa'i phyir/ 'khor gsum
skyon med du ci zhig yod/ ston pa shA-kya thub pa dang
rgyud gcig tu gyur pa'i byang sems tshogs lam pa de da ltar gyi
dus su ston pa

shA-kya thub pa yin min la dpyad pa la/ kha cig /de dltar
gyi dus su ston pa shA-kya thub pa yin par thal/ de da ltar
gyi dus su ston pa shA-kya thub par gyur zin pa'i phyir/ der
thal/ de ston pa shA-kya thub par gyur zin pa'i dus gcig srid
pa'i phyir/ ma grub

na de chos can/ khyod ston pa shA-kya thub par gyur pa'i dus
gcig srid par thal/ khyod ston pa shA-kya thub pa dang rgyud
gcig tu gyur pa'i byang sems tshogs lam pa yin pa'i phyir/ zhes
zer/ de la skyon 'phen pa kha cig /de da ltar gyi dus su ston
pa shA-kya

thub pa ma yin par thal/ de da ltar gyi dus su byang chub sems
dpa' yin pa'i phyir de de da ltar pa'i dus kyi byang chub sems
dpa' yin pa'i phyir zer na/ ma khyab/ ma grub na der thal/
ston pa shA-kya thub pa dang rgyud gcig tu gyur pa'i byang
sems rgyun mtha' ba de

da ltar ba'i dus kyi byang chub sems dpa' yin pa'i phyir/ der
thal/ ston pa shA-kya thub pa dang rgyud gcig tu gyur pa'i
byang sems rgyun mtha' ba sangs rgyas ma thag pa'i sangs rgyas
'phags pa de da ltar ba'i dus kyi sangs rgyas 'phags pa yin
pa'i

@51b phyir/ der thal/ ston pa shA-kya thub pa da ltar ba'i
dus kyi sangs rgyas 'phags pa yin pa'i phyir/ zhes zer/ rang
res ston pa shA-kya thub pa dang rgyud gcig tu gyur pa'i
byang sems tshogs lam pa de da ltar gyi dus su ston pa shA-kya
thub pa dang / da ltar ba'i dus

kyi byang chub sems dpa' dang / rang dus su byang chub sems
dpa' yin no byas pa la/ kha cig /ston pa shA-kya thub pa de
ston pa shA-kya thub pa dang rgyud gcig tu gyur pa'i byang
sems tshogs lam pa'i dus su ston pa shA-kya thub pa yin par
thal/ ston pa shA-kya

thub pa dang rgyud gcig tu gyur pa'i byang sems tshogs lam pa
de da ltar kyi dus su ston pa shA-kya thub pa yin pa'i phyir
zer na ma khyab/ 'dod na/ ston pa shA-kya thub pa dang rgyud
gcig tu gyur pa'i byang sems tshogs lam pa de/ ston pa
shA-kya thub pa dang rgyud gcig

tu gyur pa'i byang sems tshogs lam pa'i dus su sangs rgyas zin
par thal/ 'dod pa'i phyir/ 'dod na/ de chos can/ rang dus su
sangs rgyas ma zen par thal/ sems can yin pa'i phyir/ rang res
ston pa shA-kya thub pa de/ ston pa shA-kya thub pa dang
rgyud gcig tu

gyur pa'i byang sems tshogs lam pa'i dus su/ ston pa shA-kya
thub pa dang rgyud gcig tu gyur pa'i byang sems tshogs lam pa
yin byas pa la/ kha cig /ston pa shA-kya thub pa de ston pa
shA-kya thub pa dang rgyud gcig tu gyur pa'i byang sems tshogs
lam pa'i dus

su ston pa shA-kya thub pa'i rgyu yin par thal/ dam bca'
'thad pa'i phyir/ 'dod na/ ston pa shA-kya thub pa de ston pa
shA-kya thub pa'i rgyur gyur pa'i dus srid par thal/ 'dod
pa'i phyir/ 'dod na/ ston pa shA-kya thub pa chos can/ khyod
khyod kyi rgyur gyur pa'i dus mi srid

par thal/ khyod bdag med yin pa'i phyir zer na/ re zhig ma
khyab/ gzhan yang/ bdag skye yod par thal/ ston pa shA-kya
thub pa de ston pa shA-kya thub pa dang rgyud gcig tu gyur
pa'i byang sems tshogs lam pa'i dus su bdag las skye ba'i
phyir/ der thal/ ston pa shA-kya thub 

@52a @#/ /pa de ston pa shA-kya thub pa dang rgyud gcig tu gyur
pa'i byang sems tshogs lam pa'i dus su ston pa shA-kya thub
pa'i rgyu yin pa'i phyi zer na/ yang ma khyab/ yang kho na re/
ston pa shA-kya thub pa dang rgyud gcig tu gyur pa'i byang
sems tshogs lam

pa de rang dus su ston pa shA-kya thub pa'i rgyu ma yin par
thal/ ston pa shA-kya thub pa de ston pa shA-kya thub pa
dang rgyud gcig tu gyur ba'i byang sems tshogs lam pa'i dus su
ston pa shA-kya thub pa'i rgyu yin pa'i phyir zer na/ ma
khyab/ 'dod mi nus so/ /zer na/ ston pa

shA-kya thub pa de ston pa shA-kya thub pa dang rgyud gcig
tu gyur pa'i byang sems tshogs lam pa'i dus su ston pa shA-kya
thub pa dang rgyud gcig tu gyur pa'i byang sems tshogs lam pa
yin par thal/ ston pa shA-kya thub pa de rgyal po nga las nus
kyi dus su rgyal po nga las nus

yin pa'i phyir/ der thal/ de'i dus su de rgyal po nga las nus
su gyur zin pa'i phyir/ der thal/ mdo las/ nga de'i tshe de'i
dus su rgyal po nga las nus zhes bya bar gyur to/ /zhes gsungs
pa'i phyir/ kha cig /byang sems rgyun mtha' ba'i rgyud la
dngos su skye bzhin

pa'i rnam mkhyen med par thal/ de yod pa'i dus mi srid pa'i
phyir/ ma grub na/ byang sems rgyun mtha' ba sangs rgyas pa'i
dus su de yod par thal/ ma grub pa de'i phyir/ 'dod mi nus te/
de'i dus su byang sems rgyun mtha' ba'i rgyud la rnam mkhyen
rdzogs par

skyes zen pa'i phyir zer na/ ma khyab/ yang kha cig /byang
sems rgyun mtha' pa'i rgyud la dngos su skye bzhin pa'i rnam
mkhyen de/ byang sems rgyun mtha' ba sangs rgyas pa'i dus su
byang sems rgyan mtha' ba'i rgyud la dngos su skye bzhin pa
yin par thal/ de byang sems

rgyun mtha' ba sangs rgyas pa'i dus su yod pa'i phyir zer na
ma khyab/ 'dod mi nus te/ byang sems rgyun mtha' ba sangs
rgyas pa'i dus su de'i rgyud  la rnam mkhyen rdzogs par skyes
zin pa'i phyir// ! //na mo gu ru A rya me tri nA tha
ma hA ka ru Ni ka b+hyaH ? tshogs gnyis rgya

@52b mtsho'i 'jid las legs 'khrungs mkhyen brtse'i dkyil 'khor
rab tu rgyas/ /sgrib gnyis dag pa'i mtshan mas rab mdzes lhun
grub mdzad pa'i 'od dkar 'phro/ /bden gnyis zung 'jug chad med
bdud rtsis gdul bya'i ku mud rtag 'byed pa'i/ /ston mchog smra
ba'i zla ba de la lus kun btud pas gus phyag 'tshal/ rgyal

gsung bdud rtsi'i sgo mo brgyad khri yi/ /yang snying sher
phyin sbas don mngon rtogs tshul/ /'dzam gling skal bzang gdul
bya'i bgo skal du/ /spel mdzad mi pham yab sras zhabs la
'dud/ /mi pham bla ma'i byin rlabs gzi byin mthus/ /mdo rgyan
'gril pa kun gyi don dang tshig / thar 'dod rnams kyi lam du
gsal mdzad pa/ /

rgyal sras seng bzang zhabs la rtse gcig 'dud/ /'phags seng
grol sde mes po'i zhal lung bcud/ /rgyun bzang chu bo bzhi yi
legs skyes kyis/ /byang phyogs 'gro rgyud tshim mdzad bka' drin
can/ /sngon rabs lo paN zhabs pad snying gar bsten/ /zab zhi
spros bral dus gsum rgyal ba'i yum/ /legs bshad gser gyi

phreng ba legs spel nas/ /gangs can 'gro kun skal bzang la
'god pa'i/ /'jam dbyang bla ma sras bcas la phyag 'tshal/ /mgon
de'i gsung gi gces mdzod mngon rtogs rim/ /rnam par bshad pa
gsung rab snying po'i rgyan/ /theg mchog bstan pa'i ma mar
bskrun mdzad pa'i/ /rgyal tshab bstan pa'i mes por

phyag bgyid do/ /rig grol kun tshogs dge 'dun 'dus pa'i gtso/
/mkhas btsun grub dbang rgya mtsho'i 'byung gnas mchog / thub
bstan bshad sgrub rigs lam dar ba'i gzhi/ /mkha' khyab 'gro la
rgyas mdzad de la 'dud/ /dus gsum rgyal yum shes rab pha rol
phyin/ /dus gsum rgyal ba'i 'phrin las tA re ma/ /dus

gsum rgyal ba'i bka' sdod phyag drug mgon/ /kun la phyag 'tshal
thugs rjes rtag tu skyongs/ /shin tu dpag par dka' ba rgyal
ba'i yum/ /dngos brgyad don bzang bdun cu'i sbas don gzhung/
/mdong bstan sher phyin gsum gyi dka' gnad rnams/ /rnam bshad
dgongs rgyan mtha' dpyod bu sta ka/ bsod nams chos sbyin 'dzad

med gangA'i ? rgyun/ /sgrub byed lha btsun sku mched yab
yum gyi/ /rnam dpyod lhag bsam rgyu sbyor rnam dag las/ /legs
par 'ongs 'di'i rnam dkar mthu stobs mthus/ /phan bde'i 'byung
gnas thub bstan yang snying bcud/ /'jam dpal snying po'i mdo
sngags bshad sgrub bstan/ /'chad rtsod rtsom pas phyogs mthar
spel ba dad/ /

@53a @#/ /mi nub bstan pa'i rgyal mtshan bsgreng bar shog /
phyogs kyi 'khor lo'i 'jig rten spye sgos su/ /mi mthun rgud
mun sel ba'i nyi ma dang / /phan bde mi zad 'gyung ba'i yid
bzhin nor/ /dge mtshan rgyun chad med pa'i gter du shog / 'dzam
gling yangs pa'i mtha' dbus rgyal khams su/ /dge

legs gra char 'bebs pa'i gzhi dang rten/ phyag na pad-mo'i
chos srid rab brtan cing/ /'phrin las 'char nub bral bar rtag
'phel shog / yang sgos theg chen chos kyi sde chen po/ /rmad
byung thos bsam nor gling 'dus pa'i grA/ sdom brtson blogs la
mkhas mang rtag 'du zhing/ /chos 'byong thugs mthun dga' ston

rgyas par shog / 'chad rtsod rtsom pa'i dbyar rnga rtag sbrog
cing/ /tshul gnas thos bsam bsgom pa'i char rgyun 'phel/ /bstan
'gro'i phan bde legs tshogs gyen 'degs pa'i/ /mkhas btsun dbyar
gyi lang tsho ngoms par shog / mi zad chos sbyin par gyi dge
rgyun gzhir/ /'brel thogs spyi dang mched zla ltos bcas

kyi; ; ? sgo gsum rnam dkar thos bsam bsgom pa la/ /bar gcod
bgegs kyi ming yang med par shog / /dbu phar 'dul mdzod tshad
ma'i gzhung lugs kyi/ /rigs lam thos bsam sgom pa'i snod gyur
pa'i/ /rten bzang rim par brgyud las mdo sngags kyi/ /cha
tshang lam gyi bgrod pa mthar phyin shog /

der ma son pa'i tshe rabs thams cad du/ /'jam dpal snying po'i
bstan dang mi 'bral zhing / /bstan 'gror sman pa'i rlabs chen
bya ba yi/ /dge legs dpal gyis srid mthar skyong nus shog /
mdor na deng nas tshe rabs thams cad du/ /legs byas dri med sgo
gsum rtag gus kyis/ /drin can bla ma yab

sras dgyes pa yi/ /mchod sprin nam mkha'i khams gnas spro bar
shog / /dus skabs kun tu mchog gsum lha tshogs dang/ /myur mdzad
mgon po dam can gshin rje'i rgyal/ /rnam mang thos sras dmag
zor lha mo yis/ /bsrung skyob 'phrin las rnam bzhis rtag
skyong shog / /khyad par theg chen chos grA spyi

sgos kyi/ /bsrung ma'i byed bor sngon gyi g.yar dam can/
/theg tse tha 'og rgyal chen 'khor bcas kyis/ /rtag tu skyong
ba'i 'phrin las ma gyel mdzod/ /ji srid gling bzhir nyi zla'i
bgrod pa yis/ /spyi sgos mun stug sel ba de srid du/ /segs
bshad 'dis kyang mtha' dbus gzhir gnas pa'i/ /thar 'dod  

@53b yongs kyi rgud mun sel gyur cig /ces gangs ri'i khrod kyi
mkhas mang rgyu skar gyi 'phreng ba dbyings su 'gengs ba'i
nges pa don gyi mkhas grub smra ba'i nyi ma rje btsun chos kyi
rje bstan dar ba chen po'i gsung rgyun pad-ma'i tshal rab las
bstan bcos mngon par rtogs pa'i rgyan 'grel ba dang bcas pa'i
mtha' dpyod legs par bshad pa pad-ma dkar po'i 'phred ba
zhes bya ba 'di nyid ser ra ?

smad thos bsam nor bu'i gling du rgyun gtan gyis ? bzhag du
btang ba'i phar byin gyi 'chad nyan rkang tshugs pa'i mkhas
grub bye ba'i bsti gnas su gyur pa las snga sor 'di phyogs su
bar la ma 'khod cing/ grA tshang khams tshan so sor mtha' dpyod
'di'i bris ma'i dpe rgyun mang tsam byung 'dug na'ang/ phyis
'dus tshogs rgyas shing yig cha 'di rigs yul dus kyis 'bri
rtsol bgyid pa'i yon

mchod rten 'brel 'dzom dka' bas/ deng ? rgyun spel mkhan nyung
stabs/ slob gnyer ba rnams la 'dzin dpe dkon par yod gshis/
ldu mar pa'i yang rje rdo rje tshe ring nas rnam dkar thugs
bzhed chen nges chos sbyin rgya cher spel slad du 'di'i par
gsar brkos kyi mthun rkyen sbyor gnang thog /mtha' dpyod 'di
nyid snga sor mkhas grub chen po de nyid kyis blo thog nas
rtsis bzhag

tu gnang ba blob ma rnams kyis zin bris su bgyis pa yin zhes
ngag rgyun la 'dug pa ltar yin nam/ sngon yod kyi bris ma
rnams bar bar du tshig 'phreng yod med mi 'dra ba 'ga' ri yod
tshod 'dug na'ang/ par brkos dus gtugs kyis cha bsdus ma lcogs
shing chig kyang bsdus tshogs che ba dang bris nor rgyun 'byams
mang stabs/ phyi mor ma bde bas co ne bshad sgrub gling gi

par ma la gzhi byas yig nor chad lhag dang sdeb sbyor rnams/
zhal mnga' nas dpon slob blo bzang thugs rje nas bsnon 'bri
bzo bcos zhus dag mdzad/ stod cha dang bar cha rnams yig mkhan
dbu mdzad nyi zla/ smad cha rnams dbu mdzad ngag dbang rdo
rjes tshugs legs dkar snyoms dag par bris/ brkos mkhan dbu
mdzad tshe dbang bkra shis sogs kyis gting zab bcad gtsang
brkos

te! gong gsal sbyin bdag yab rje nas/ lha btsun sprul sku rin
po che blo bzang 'jam dpal rab rgyas dang/ sku mched chos
mdzad blo bzang 'jam dbyangs gnyis kyi legs bshad kyi dga'
ston du bskrun te/ thos bsam nor bu'i gling gyi blo gsal mkhas
mang rgya mtsho'i 'dus chogs su 'bul sbyor gnang pa'i bsam
sbyor 'brel thogs kyi dge tshogs ji snyed bsags pa des/ 'chad
rtsod rtsom pa'i

dbyar rnga'i sgra dbyangs phyogs bcur sgrog cing thos bsam sgom
pa'i char rgyun rtag tu dbab ste/ lus can kun la dge legs byar
gyi lang tsho dus kun tu rgyas par 'gyur ba'i par byang smon
tshig tu dgos zhes/ gzhung lugs kun la mkhyen pa'i skyan stor
mnga' ba/ dbon slob rab 'byams pa grags pa mkhas grub kyis lha
rdzas mdzod btags dri med sogs dngos po'i gnang skyes dang
bcas sku bskul

@54a @#/ /ma byung ba ltar/ ! bla ma dam pa'i slob bu'i tha
chung dge slong ngag dbang bstan 'dzin gyis yud ba lhun grub
sdings kyi gzhis khar bris pa'i yi ge'i grogs ni sde ba 'phrin
las don grub kyis bgyis pa/ 'dis kyang bstan pa rin po che mi
nub cing 'phel ba'i rgyur gyur cig // ! //rgya gar skad du/
a'rya nA ? gar-thA na pra Ni d+ha na na ma/ bod ?

skad du/ 'phags pa klu sgrub kyi smon lam zhes bya ba/ dkon
mchog gsum la phyag 'tshal lo/ /'khor bar 'khor tsha skye gnas
thams cad du/ /chos la bzod pa ma thob bar du ni/ /ngan song
gsum du nam yang mi skye zhing / /mtho ris mi yi lus su skye
bar shog / mtho ris mi yi lus su skyes nas kyang/ /sdig spyod
rgyal por ma skye blon po dang / /dmag dpon zhal che gcod par
bdag ma skye/ /khe byed til brdung

chang tshong rgun ? po dang / bran dang bran mo'i lus su bdag
ma skya/ /dge slong gnas la dbang byed bdag po dang / /gnas
brtan las byed pa dang nang khrims pa/ /dge skos gtsang sbyor
ba dang dam bzhag pa/ /gang zag las byed rnams su bdag ma
skye/ /mtha' 'khob kla klor skye ba'i yul rnams dang / /glen
lkugs 'on long phrag dog can rnams dang / /mu stegs log rtog
bram ze'i rigs rnams dang / /rigs ngan bshan

pa'i rigs su bdag ma skye/ /byang chub ma thob bar du rtag par
bdag /dam chos spyod pa'i lus su skye bar shog / /dam chos
spyod pa'i lus su skyes nas kyang / /mi dge gzhan gyi dbang du
mi 'gyur zhing / /tshe la nad kyi bar gcod med pa dang / /skyes
ma thag tu chos dang phrad par shog / /skyes ma thag tu chos
dang phrad nas kyang / /nyan bsam sgom pa'i rig pas rgyud
sbyangs te/ /ting 'dzin rtse gcig sems la dbang thob

ste;; ? rnam shes drug bo yul la gyeng ma gyur/ /lus kyi yan
lag rgyas shing skyon med de/ /dbang po mnyams rigs mtho bkur
ba'i gnas/ /sangs rgyas chos kun rdzogs par byed pa dang/
/gzhon nu rab byung tshul khrims ldan pa dang / /dge bshes
mchog rnams rtag tu bsten byed cing / /sa bcu rim gyis bgrod
nas thogs med de/ /bla med byang chub myur du thob par shog /
/bla med byang chub myur du thob nas

kyang;; ? rgyud drug 'khor ba'i sems can thams cad la/ /bsdu
ba rnam bzhis 'gro don byed par shog / ! ? slob dpon chen po
'phags pa klu sgrub kyis mdzad pa'i smon lam rdzogs so// !
//sems bskyed bsam sbyor lhag bsam phar phyin drug/ /tshad med
bzhi dang mngon par shes pa lnga/ /bsdu bzhi so so yang dag
rig pa bzhi/ /rton bzhi tshogs gnyis byang phyogs so bdun dang/
zhi lhag gnyis dang

gzungs spobs chos sdoms bzhi/ /bgrong gcig zabs mkhas mi zad
brgyad cu zhes/ /blo gros mi zad mdo dang dag ldan dang /
/thub pa'i dgongs rgyan sogs las gsal bar gsungs// ! //rgyan
gyi brjod don bdun cu ni/ /bcu dang bcu gcig dgu bcu gcig
/brgyad dang bcu gsum bzhi dang bzhir/ /sdom gyi tshul du bsdus
pa'o/ /om 'a ra ba tsa na d+hIH om ldA ? kye dam na
maH 'om ma ri' tsyai ? maM swA hA// //