@296a @#/ /dang/ mchod rten la blta na lha dang bcas pa'i 'jig rten gyis blta bar 'os pa dang/ spyi bo gtug na 'jig rten gyis spyi gtsug mi mthong ba dang/ g.yas phyogs su bskor na thams cad mkhyen par don mthun pa dang/ lan gsum bskor na sangs rgyas kyi byang chub la mos pa mang ba dang/ sangs rgyas kyi yon tan brjod na yon tan gyi pha rol tu phyin pa mi zad pa dang/ mtshan brjod na mtshan nyid med pa'i chos la gzhol zhing yan lag dam pa phun sum tshogs pa dang/ rkang pa 'khru na dri ma med pa rdzogs shing rdzu 'phrul gyi rkang pas 'gro ba dang/ lus smyang na bsam pa ma rnyogs shing lus bde ba dang/ gnyid sad pa'i tshe sems can thams cad phyogs bcur mthu chen po thob cing thams cad mkhyen pa'i ye shes la shin tu sangs rgyas par gyur cig ces sems bskyed do zhes so/ ! /de ltar bsgrub pa'i bslab pa bstan nas/ dgag pa'i bslab pa'i dbang du byas te theg pa thun mong gi dri ma las rab tu byung ba'i gnod pa spyir brjod pa ni/ thub pa'i rtags 'chang tshul khrims 'chal la sogs/ /dge sbyong chom rkun bzhi yis sbyin bdag gi/ dad rdzas spyad pas de la gnod byed ltar/ /dgra dang gshed mas de don nyams mi byed/ /rab byung nyon mongs mi bzad bzhi ldan dang/ /bag med dregs bzhis dmyal bar rab myur 'phen/ /byams pa seng ge'i sgra las dge sbyong gi chom rkun ni bzhi ste/ ngur smrig la sogs pa'i rtags 'dzin cing tshul khrims 'chal ba dang/ dben par sdig pa'i rnam rtog la rtog pa dang/ 'bras bu ma thob bzhin du rnyed pa dang bkur sti 'dod pas thob par sgrogs pa dang/ bdag la bstod cing gzhan la smod pa'o/ /la las gling bzhi'i sems can thams cad la bskal pa'am de las lhag par bde ba'i yo byad thams cad byin pa bas/ yang dag par zhugs pa tshul khrims dag pa 'tsho ba dag pa zhig gis/ sbyin pa po dang sbyin bdag gi dad rdzas tha na chu snod gang tsam spyad na de nyid bsod nams ches mang ba yin no/ /blun po sdig pa can @296b gyis/ gang gi chos gos la sogs pa de'i don de nyams par byed pa ltar ni dgra dang gshed mas nyams par byed mi nus so/ /rab tu byung ba'i nyon mongs pa phra ba bzhis ni mda' 'phangs pa ltar dmyal bar 'gro ste/ gzhan gyi rnyed pa la phrag dog byed pa dang/ sdom pa dang ldan pa'i mdo sde thos nas tshul khrims nyes pas 'byin pa dang/ sangs rgyas kyi bslab pa las 'das nas nga rgyal gyis 'chab cing phyir mi 'chos pa dang/ shes bzhin du dad rdzas la spyod pa'o/ /rab tu byung bas rgyags shing bag med pa bzhis dmyal bar ltung ste/ thos pa dang/ rnyed pa dang/ bkur sti dang/ mdza' bshes dang/ slong mo ster ba'i khyim gyis dang/ sbyangs pa'i yon tan dang yo byad bsnyungs pas rgyags shing bdag la bstod pa dang gzhan la smod pa dang/ ! tshul khrims kyi dri ma ni/ 'dod pa'i yul la zhen pas dam bcings dang/ /tshul khrims snyoms pas tshul khrims rab nyams 'gyur/ /byang chub sems dpa'i sde snod las/ de'i phyir khyed kun gcig tu 'dus gyur nas/ /yongs su 'dzin pa rnam par spang byos la/ /bu dang chung ma dag la dga' spong te/ /dge slong tshul ni dang du blang bar byos/ /shes kyi khe 'dod rnyed pa 'dod ma byed/ /ngan don tsam dag gis ni chog byos la/ /gdol pa dag dang 'dra bar dma' sems kyis/ /gzhan gyi grong du nye bar 'gro bar byos/ /nga ni tshul khrims ldan zhes bdag ma bsnyems/ /'di ni tshul khrims 'chal zhes gzhan ma brnyas/ /tshul khrims tsam gyis gzhan la gang brnyas pa/ /snyems phyir de ni tshul khrims 'chal ces bya/ /ji ltar ri dwags dag ni rgyas zin pa/ /de dag nyid du de zin gsod pa ltar/ /de bzhin bdud kyi zhags pas zin pa de/ /snyoms pa de nyid kyis ni de bcom mo/ /'phya ba'i bsam pa can gyis gang zag dag /gzhan la brnyas pas bdag ni nyams par byed/ /de bas tshul khrims 'tshal la'ang mi brnyas na/ /khrims ldan tshangs par spyod la lta ci smos zhes so/ ! /bsgrub pa las nyams pa ni/ mi bzad nad ldan sman chen spong ba ltar/ /rab byung thos ldan bsgrub las nyams pa'ang @297a @#/ /brlag /zla ba sgron ma las/ mi dag na zhing lus ni sdug bsngal che/ /lo grangs mang por nam yang ma sos pa/ /de ni yun ring nad kyis nyon mongs pas/ /nad rnams gso ba'i phyir yang sman pa btsal/ /sman pa mkhas shing rigs pa de rnyeng de/ / des kyang snying rje nye bar bzhag nas ni/ /sman 'di btang bar gyis zhes byin pa dang/ /sman mang bzang zhing phan pa des blangs nas/ /na ba 'tsho bar 'gyur ba'i sman mi 'thung/ /sman pas ma lan sman gyis ma nyes te/ /nad pa de nyid kyis ni nyes pa yin/ /de bzhin bstan pa 'di la rab byung ste/ /stobs dang bsam gtan dbang po kun rig nas/ /bsgom pa la ni mngon par brtson mi byed/ /rigs par mi brtson mya ngan ga la 'da'/ /'khor ba'i nyes la so sor ma brtags te/ /las kyi rnam par smin la mi 'jug cing/ /sangs rgyas rnams kyi gsung la ma dad pas/ /byis pa de dag bcad cing gtub par byed ces so/ ! /lta ba nyams pa ni/ chos rnams stong pas skrag cing bdag lta can/ /tshul khrims ldan la 'tsho ba dag gyur kyang/ /de yi tshul khrims ltar snang nyid yin te/ /spros dang rlom med tshul khrims rnam dag phyir/ /'od srungs kyis zhus pa las/ tshul khrims 'chal pa tshul khrims dang ldan pa ltar 'chos pa ni bzhi ste/ yan lag drug pa'i tshul khrims yod cing 'tsho ba dag kyang bdag tu smra ba dang/ 'dul ba 'dzin cing 'dul ba la gnas kyang bdag lta las ma bskyod pa dang/ byams pa la gnas kyang chos thams cad skye ba med pa la skrag pa dang/ sbyangs pa'i yon tan bcu gnyis yang dag par blangs kyang dmigs par blta bas nga dang nga yir 'dzin pa la gnas pa'o/ /tshul khrims zhes bya ba ni gang zag dang chos kyi spros pa thams cad dang bral ba'o zhes so/ ! /drang srong gi rtags mi 'os pas bsten pa'i gnod pa ni/ sngags btab gos kyis dgra dag slu byed ltar/ /thub rtags 'chang las longs spyod rnyed rnams kyang/ /me la nyer spyod 'gyur bas slu byed cing/ /mi ro'i mgo la gser phreng btags 'drar zad/ /byams pa seng ge'i sgra las/ dper @297b na sngags dang sman btab pa'i gos dgra bo bslu bar byin pa zhag bdun brgyad tsam mdzes par gyon nas/ me 'bar bas bsreg pa ni ro myang ba chung la nyes dmigs che ba ltar/ ston pa'i ngur smrig tshul khrims la sogs pas bsgos pa'ang blun po dge sbyong ltar 'chos pa dag gyon te grong du 'jug pa na khyim pa rnams dge sbyong ngo snyam nas bkur sti byed pas dga' bar 'gyur la/ shi nas dmyal bar lcags glebs 'bar ba gyon zhing lcags kyi thu lum za la/ lcags 'bar ba la nyal ba yang ngo/ /de ltar las ngan pas dmyal bar 'gro mod kyi/ blun po de dag kyang bde ba'i longs spyod myong bar ngur smrig gi dpal de 'dra ba la ltos/ des na ci nas kyang tshul khrims dag pa dang sdig pa sbyang bar bslab bo/ /tshul khrims dang ldan pa mang du thos pa ngur smrig gyon pa ni tshong dpon gyi bu legs par bkrus te gos dkar po gyon pa tsam pa ka'i phreng ba thogs pa lta bu'o/ /yang mi ro'i mgo la gser phreng btags pa ltar tshul khrims 'chal pa ngur smrig gyon pa'o zhes so/ ! /sku gzugs la sogs pa mchod pa byed pa'i dri ma ni/ dang po'i sems can blo chung dad bya'i phyir/ /sku dag byin rlabs khyim pa la sogs pas/ /mchod pas dpal 'byor thob gsungs rab byung dag /klog dang bsam gtan zhi dul btang nas ni/ /rnyed sogs don du sku gzugs sogs byed cing/ /mchod sogs las kyi 'tsho bas brlag la ltos/ /mdo sde de nyid las/ las dang po pa'i sems dad par bya ba'i phyir sku dag byin gyis brlabs te/ de la mchod pa byas nas lha dang mi'i dpal 'byor myong zhing thar pa'i rgyur yang 'gyur bar gsungs na/ bstan pa 'di la rab du byung nas dge slong gi las su gsungs pa bsam gtan dang klog pa btang ste/ bdag gso ba dang slong mo ster ba'i khyim la dad par bya ba dang/ lhung bzeng la sogs pa rnyed pa dang bkur sti btsal ba'i don du sku la mchod pa byed pa ni blun po'o/ /yang lnga brgya tha ma la byang chub sems dpa' sdig pa'i grogs kyis zin pa/ lhag pa'i bsam pa nyam chung ba dag sku la me tog la sogs @298a @#/ /pas mchod pa byed par 'gyur ro/ /ngas ni shes pa dang mi ldan pas dge ba bsgrub pa'i phyir mchod pa bshad pa yin na/ mi blun po dag de tsam la brtson par byed do/ /ngas lha dang bcas pa'i 'jig rten gyi mdun du dge slong khyed nyid zhi ba dang dul ba la 'bod cig /khyim pa dad pa dang ldan pa dag yod na nga'i sku la mchod pa byed par 'gyur ro zhes gsungs na/ blun po dag bsam gtan dang klog pa gtang nas sku la brten te 'tsho ba sems par byed pa la ltos ces so/ ! /sdom brtson spyi'i gnod pa brgyad las gnod pa spyir brjod pa ni/ tshul khrims la sogs yon tan gang gis kyang/ /rlom zhing dregs pa bdud las sdug bsngal rgyu/ /ting 'dzin thob nas lam la rab brtson yang/ /stong par lta bral 'ching las grol mi 'gyur/ /ji ltar bcas pa'i bslab las 'da' byed pa/ /dug chen zas la brten pas ma rung 'gyur/ /zla ba sgron ma las/ tshul khrims bsrung zhing de yis snyems mi bya/ /chos rnams mnyan zhing ? pas mi snyems te/ /gang gis shes rab chung du des snyems pa/ /rtsa ba de las de yi sdug bsngal 'phel/ /'jig rten 'dren pa thams cad kyi mkhyen pa yis/ /dregs pa sdug bsngal rtsa ba yin par bstan/ /rgyags pas dregs pa sdug bsngal rab tu 'phel/ /rlom sems med pa'i sdug bsngal 'gag par 'gyur/ /ji snyed chos rnams mang po chub byas nas/ /thos pas rgyags shing tshul khrims mi bsrung na/ /ngang tshul ngan pas ngan 'gro der 'gro ba/ /thos pa mang pos de la skyob mi nus/ /gal te tshul khrims dregs pas de rgyags te/ /mang du thos la brtson par mi byed na/ /tshul khrims 'bras bu ma lus zad nas ni/ /phyir yang sdug bsngal rab tu myong bar 'gyur/ /'jig rten dag na ting 'dzin sgom byed kyang/ /de ni bdag tu 'du shes gzhig mi byed/ /nyon mongs phyir yang mtshan ma rab tu ldang/ /u tra kas ni ting 'dzin 'dir bsgoms bzhin/ /gal te bdag med chos la rab rtog cing/ /de dag brtags nas gal te bsgom byed na/ /'bras bu mya ngan 'das thob @298b rgyu de yin/ /rgyu gzhan de dag zhi bar 'gyur mi srid ces so/ /byams pa seng ge'i sgra las kyang/ bslab pa ci skad bcas pa las 'da' ba ni dug yin pas dug bza' bar mi bya'o zhes so/ ! /thams cad mkhyen pa'i bar gcod ni/ kun mkhyen nyid kyi bar du gcod pa'i chos/ /byas pa mi gzo sogs bzhi ring du spangs/ /mdo de nyid las/ thams cad mkhyen pa'i bar du gcod pa'i chos bzhi ni nyan thos kyis kyang mi bya ste/ byas pa mi gzo ba dang/ g.yo byed pa dang/ brdzun du smra ba dang/ bslab pa las 'da' ba'o zhes so/ ! /byang chub sems dpa' phan tshun sdang ba ni/ stong gsum sems can kun la spyos brdegs pas/ /rgyal sras gcig la sdang sems gcig ches lci/ /yang byang chub sems dpas stong gsum gyi sems can thams cad la spyos brgyad brdegs te mtshon btab pa bas byang chub sems dpa' gcig la tha na sdang sems gcig bskyed pas smas shing nyams pa sdig che ste/ des byang chub mi gtong na sdang sems ji snyed pa'i bskal ? par ? gos so/ /lcags lcags nyid kyis gcod kyi rtsa dang shing gis mi gcod pa ltar/ byang chub sems dpa'i dge ba yang byang chub sems dpa' gzhan la sdang bas zad kyi gzhan gyis zad mi nus so/ /des na phan tshun bus shing zhe sas gnas par bya bar bslab ste/ sems dang ba ? bskyed pa la'ang ston pa'i 'du shes su bya'o/ ! /byang chub sems dpa' ltar bcos pa ni/ rnyed bkur 'dod cing g.yo ldan long/ 'tsho bsen/ /de ni rgyal sras ltar snang nyid zad/ /yang byang chub sems dpa' khas 'tsho ba'i chos bzhi ste/ rnyed pa 'dod pa dang/ bkur sti 'dod pa dang/ g.yo byed pa dang/ yang ba'i 'tsho bas 'tsho ba'o/ ! /dad rdzas mi 'os pas spyod pa ni/ nyin gcig lan brgyar rab byung log bla yi/ /khrims 'chal dad rdzas spyod pa de lta min/ /yang nyid gcig la lan brgyar rab tu byung ba log pa ni bla'i/ tshul khrims ma dag pa dad rdzas la spyod pa ni de ltar ma yin no/ ! /sku gzugs la sogs pa byed pa dang mchod pa byed pa'i dri ma ni/ sku gzugs mchod sogs kyis rlom bdag bstod cing/ @299a @#/ /gzhan smod bsam gtan sogs 'dor blun spyod nyid/ /yang bsod nams 'dod pas sku gzugs la sogs pa dang mchod pa byas na ni/ bsod nams dpag tu med pa 'byung ba yin na 'tshong ba la sogs pas 'tsho ba byed 'dod pa ni bdud rtsi spangs nas dug za ba lta bu ste/ sku byed pa dang mchod ba tsam gyis rlom zhing bdag bstod gzhan smod pa bsam gtan la sogs pa 'dor ba ni blun po'i spyod pa kho na ? so/ ! /thos pa sgrub pa dang bral ba ni/ sman pa sman mang 'dzin pas rang gi nad/ /gso bar mi nus don byed 'gyur sogs bzhin/ /mang du thos kyang nyon mongs mi sel bas/ /ma bsdams rnyed sogs sred pa'ang don med nyid/ /'od srungs kyis zhus pa las/ sman pa sman sgro thogs te/ kun tu rgyu ba rang na ba na gso ma nus pa bzhin no/ /nad pa la sman bzang po btang nas cho ga ltar ma byas na 'chi ba ltar/ mang du thos kyang mi sdom pas 'chi ba ni nyon mongs pa'i nad do/ /nor bu rin po che mi gtsang bar lhung na smad pa ltar/ mang du thos nas rnyed pa dang bkur sti'i nang du lhung pa yang ste/ ci'ang med pa la ni lha dang mi yang mi dga'o zhes so/ ! /thos pa'i dri ma spang ba ni/ dge ba'i bshes la mi gus le lo sogs/ /thos pa'i drim bdud las brgyad spang bya/ /chos thams cad kyi yon tan bkod pa'i rgyal po las/ chos nyan pas bdud kyi las bzhi spang bar bya ste/ le lo dang/ ma dad pa dang/ bla ma la sri zhu med pa dang/ chos smra ba'i bsam pa mi brtan pa'i/ /yang bzhi ste/ dge ba'i bshes gnyen la mi 'dud pa dang/ yid la mi byed pa dang/ khengs pa'i tshig smra ba dang/ 'jig rten 'di la sems pas las dang 'bras bu khyad du gsod pa'o/ / ! theg pa chen po'i bar gcod ni/ theg pa chen po'i bar gcod byed pa'i chos/ /bzhi yis lhag bcas bzhi bcu rgyang ring dor/ /blo gros rgya mtsho las/ theg pa chen po'i bar gcod bzhi ste/ rgyang pan gyi gsang tshig tshol bas nyes pa thas pa nyan pa dang/ bdud kyi las langs pas nga rgyal che ba dang/ chos kyi sgrib pa langs pas chos spong ba'o/ /yang bzhi ste/ dge ba'i @299b bshes gnyen dang/ sdig pa'i grogs po la log par shes pa gnyis dang/ chos dang chos ma yin pa la log par shes pa gnyis so/ /yang bzhi ste/ ngor blta bas sbyin pa dang/ skabs cung zad kyi phyir sbyin pa dang/ brnyas thabs kyis sbyin pa dang/ rang gi lag nas ma yin par sbyin pa'o/ /yang bzhi ste/ ngan pa sbyin pa dang/ mi bsod pa sbyin pa dang/ ma gus pa dang/ nga rgyal gyis sbyin pa'o/ /yang bzhi ste/ mtshon dang/ dug dang/ mi rung ba dang/ mchog pa sbyin pa'o/ /yang bzhi ste/ spyod lam gyis lus kyi tshul 'chos pa dang/ log par smra bas ngag gi tshul 'chos pa dang/ sdig pa 'dod pas sems kyi tshul 'chos pa dang/ 'tsho ba ma dag pas thams cad du tshul 'chos pa'o/ /yang bzhi ste/ nga rgyal gyis chos la mi gus pa dang/ chos smra ba la mi gus pa dang/ pha ma dang mkhan po dang slob dpon la mi gus pa dang lus dang sems rtsub pas rtag tu mi mthun par gnas pa'o/ /yang bzhi ste/ rang la bstod pa dang gzhan gyi yon tan log par brjod pa dang/ nga rgyal 'bar ba dang/ khro ba brtan pa'o/ /yang bzhi ste/ thos ba nyung ba grong la sogs par 'jug pa dang/ tshul khrims mi srung bar rnyed pa dang bkur sti 'dod pa dang/ dbang po ma bsdams par bud med la lta ba dang/ mnyam par ma bzhag par sems can gyi dbang po la 'jug pa'o/ /yang bzhi ste/ 'phags pa rnams slu ba dang/ 'phags pa ma yin pa rjes su mi srung ba dang/ sbyin pa po la brnyas pa dang/ sbyin gnas khyad du gsod pa'o/ /yang bzhi ste/ bya ba mang ba dang/ rnyed pa mang ba dang/ smra ba mang ba dang/ bshes pa mang ba'o/ /zhes gsungs so/ ! /da ni dgag pa dang bsgrub pa'i bslab pa gnyig rnam par bzhag pa bcu las/ 'dod pa dang de'i gnyen po'i dbang du byas pa ni/ rgyal sras rnams kyis mchod sogs byed pa la'ang/ /zhen cing brten spang mnyam pa nyid rtogs pas/ /byams sdang gnyi ga'i nyon mongs dor bya ste/ /sred 'di nyes kun ? ches lci'i phyir/ /gang pos zhus pa las/ byang chub sems dpa' ni 'gro ba'am 'greng ba la sogs pa @300a @#/ /gang gi tshe'ang rung ste/ spos sam me tog gam zas mchog dam pa la sogs pas mchod pa byed pa na de dag la sred zhen mi bya'o/ /gang zag de dag la brten cing yid mthun pa'am/ phan tshun 'grul zhing gtam byed pa dang/ phyogs gcig pa'i sems kyis chags par mi bya'o/ /chos thams cad mnyam pa nyid rtogs pas sems snyoms par bya'i byams sdang mi bya'o/ /ci'i phyir zhe na/ chags pa dang 'brel ba'i byams pa dang sdang ba gnyi ga nyon mongs pa yin pas so/ /des na de dag la sred pa mi bskyed de/ nyon mongs pa'i nang na yang sred pas phrad par 'gyur ba 'di lci ba'i phyir ro/ /'di ltar de ni rus pa dang rkang las kyang thal te 'gro bas/ kun tu sbyor ba bskyed pa'i chos rnams kyi nang nas sred pa'i sems kyis ni shin tu mngon par zhen par byed do/ /chags pa'i yul yid bzhin du ma thob na sdang ba skye bas na sdang ba ni sred pa'i 'bras bu'o/ /mngon par zhen pa ni gti mug gi 'bras bu yin pas de dag gi dbang du mi 'gyur bar ci nas kyang bslab bo zhes so/ /yul 'khor skyong gis zhus pa las kyang/ byang chub sems dpas chos bzhi la blta bar mi bya ste/ khyim gyi gnas la dang/ rab tu byung nas rnyed pa dang bkur sti la dang/ khyim dang 'dris par bya ba la dang/ lus dang longs spyod la blta bar mi bya'o/ /bzhi po 'di dag ni gdung ba med par byed pa'i chos te/ tshul khrims skyon med pa dang/ dgon par gnas pa mi 'dor ba dang/ 'phags pa'i rigs bzhi dang mthun par byed pa dang/ mang du thos pa thob par byed pa'o/ /byang chub sems dpa'i spyod pa yongs su sbyong ba'i chos bzhi ste/ khong khro med pa'i sems dang/ tshul 'chos la sogs pa spangs te dgon par gnas pa dang/ bdog pa thams cad gtong zhing rnam par smin pa la mi re ba dang; nyin mtshan du chos 'dod cing chos smra ba'i 'khrul pa mi 'tshol ba'o/ /byang chub sems dpa'i g.yang sa bzhi ste/ ma gus pa dang/ byas pa mi gzo zhing g.yo byed pa dang/ rnyed pa dang bkur sti la chags pa dang/ tshul 'chos la sogs pas rnyed pa dang bkur sti bsgrub @300b pa'o; ;byang chub la gegs byed pa'i chos bzhi ste le lo dang/ ma dad pa dang/ nga rgyal dang pha rol gyi rnyed pa la phrag dog dang/ ser sna byed pa'o/ /byang chub sems dpas gang zag bzhi bsten par mi bya ste/ sdig pa'i bshes gnyen dang/ dmigs par lta ba dang/ chos spong ba dang/ zang zing la brkam pa'o/ /sngon bskal pa bsam gyis mi khyab pa'i gong du sangs rgyas don grub blo byung ngo/ /pho brang rin chen snang bar rgyal po 'od zer ldan gyi bu bsod nams kyi 'od zer la gnas gtsang ma'i lhas bskul ba/ gzhon nu khyod bag yod par gyis shig /mi rtag par so sor brtag pa la mkhas par gyis shig /'dod pa rnams ni ro bro ba chung la/ mi rnams kyi srog ni chen po ma yin pa ste/ tshe 'pho bar 'gro ba yin gyi/ 'jig rten pha rol la 'jigs par blta zhing las dang bya ba mi 'gal bar gyis shig ces so/ /yang de dag las dkon mchog gsum gyi bsngags pa thos pa dang de dag shes par 'dod cing 'khor ba 'di 'dod pa la sogs pa yang ba dang phrad pa dang/ byas pa mi gzo ba la sogs pa'i nyes pa dang ldan par rig nas/ sangs rgyas de'i thad du song ste/ byang chub sems dpa'i spyod pa rgya chen thos pas/ rnam par thar pa dang gzungs dang mngon par shes pa lnga thob nas/ rgyal ba de la/ mtshan mchog ldan pa dri med zla ba'i zhal/ /zhes bya ba la sogs pas bstod pa'o zhes so/ /gtsug na rin po che las kyang/ lus la gnyis su rtog ste/ mi sdug pa ni mi gtsang bas gang ba yun thung ba byis pa rnams 'drid pa'o/ /sdug pa ni mnog med pa 'dis sangs rgyas kyi chos kyi sku rdo rje'i sku 'jig rten gsum las 'phags pa thob par ro zhes so/ /rim pa bzhin de gnyis kyis sred pa dor ba dang snying po blang bar dgongs pa'o/ ! /bdud kyi las chen po dang de'i gnyen po'i dbang du byas pa ni/ bdud las mi bzad chen po nyi shu ste/ /'khor bas skrag cing rnam grol 'dod bsten sogs/ /de dag spangs pas byang chub smin byed chos/ /nyi shu bzod pa bcu gnyis la sogs thob/ /'jam dpal rnam par 'phrul pa las bdud kyi las yang dag phul nyi shu ste/ rnam @301a @#/ /grol 'dod cing 'khor bas skrag pa rnams la brten pa dang/ 'dus ma byas la rtog cing 'dus byas kyi dge ba'i rtsa ba 'dor ba dang/ bsam gtan bskyed cing de las ldog pa tshol ba dang/ chos ston cing nyan pa po la brtse ba med pa dang/ sbyin gnas tshol zhing tshul khrims 'chal pa la khro ba dang/ nyan thos la sogs pa'i gtam ston cing theg pa chen po'i gtam 'chab pa dang/ zab mo'i gtam 'chab cing gtam sna tshogs ston pa dang/ byang chub sems dpa'i lam shes kyang pha rol tu phyin pa'i lam mi tshol ba dang/ rab tu brtson pa bsngags ? kyang sems can brtson pa la mi sbyor ba dang/ dge ba'i rtsa ba gsog kyang byang chub kyi sems mngon du mi byed pa dang/ lhag mthong dang ldan yang sems can de la mi 'dzud pa dang/ nyon mongs pa zad pa tshol zhing 'khor ba'i rgyun gyis nyon mongs pa la smod pa dang/ shes rab la spyod cing snying rje mi 'dzin pa dang/ thabs dang mi ldan par dge ba spyod pa thams cad dang/ byang chub sems dpa'i sde snod mi tshol bar rgyang phan pa'i gsang tshig tshol ba dang/ /mang du thos kyang dpe mkhyud byed pa dang/ 'jig rten pa'i zhal ta byed cing mang du thos pa mi tshol ba dang/ chos smra ba theg pa chen po la zhugs pa skal ba mnyam pa mi bsten pa dang/ nyan thos la sogs pa skal ba mi mnyam pa la dga' ba dang/ brgya byin la sogs pa'i 'byor pa thob pa na chos kyi che ba can la mi brten pa'o/ /'di dag spong bar byed pas byang chub smin par byed pa'i chos nyi shu thob ste/ byams pa chen po dang/ snying rje chen po dang/ 'khor ba na mi skyo ba dang/ dge ba'i bshes gnyen gyis zin pa dang/ sangs rgyas mnyes par byed pa dang/ pha rol tu phyin pa nyan pa dang/ byang chub sems dpa'i 'khor dang skal ba mnyam pa dang/ gzungs dang/ spobs pa dang/ mngon par shes pa thob pa dang/ chos ma thos pa nyan pa dang/ tshe rabs su byang chub kyi sems bskyed pa dang/ rtag tu rab tu 'byung ba rnyed pa dang/ dal 'byor thob pa dang/ thos pa'i chos bsgrub pa dang/ thabs dang shes @301b rab kyis sems can 'dzin pa dang/ dam pa'i chos 'dzin pa dang/ g.yo sgyu med pa dang/ phangs pa'i dngos po gtong ba dang/ sems can thams cad la khong khro med pa'o/ /byang chub sems dpa'i bzod pa bcu gnyis thob ste/ bcos ma ma yin pa'i bsam pa dang/ khong khro med pa'i lhag pa'i bsam pa dang/ sems can mi slu ba'i g.yo med pa dang/ dbul zhing phongs pa skyobs pa'i snying rje dang/ ldog pa med pas ji skad smras pa bzhin byed pa dang/ lta ba dang bral ba'i sbyor ba dang/ chos nyid la rton pa'i chos la nges par sems pa dang/ bdag med pas zab pa dang/ 'phags pa'i rjes su 'jug pas mthun pa dang/ rten 'brel dang mthun pas yang dag pa dang/ sems can rjes su bsrung bas mi mthun pa med pa dang/ mi skye ba'i chos la bzod pas skye ba med pa dang 'byung ba med pa'i bzod pa'o/ /sangs rgyas kyi mdzad pa ni sems can gyi nyon mongs pa las bcal te/ de med na med pas na ba med na sman pa mi dgos pa bzhin no/ /skye ba dang rga ba dang na ba dang 'chi ba las sangs rgyas 'byung ste de dag spang ba'i phyir de 'byung bas so zhes so/ ! /sdig pa'i grogs po la sogs pa dang de dag spang ba'i dbang du byas pa ni/ sdig pa'i grogs bzhi spang zhing dge ba'i bshes/ /legs bsten thos bsam bsgrub la rab 'bad bya/ /'od srungs kyis zhus pa las/ grogs ngan pa ni bzhi ste/ nyan thos bdag la phan pa 'dod pa dang/ rang rgyal bya ba nyung ba dang/ 'jig rten rgyang phan gsang tshig sna tshoD can dang/ gang la brten pas zang zing sdud kyi chos mi sdud pa'o/ /dge ba'i bshes gnyen ni bzhi ste/ byang chub kyi lam ston pas slong ba dang/ thos pa'i shes rab ston pas chos smra ba dang/ dge ba'i rtsa ba thams cad ston pas rab tu 'byin pa dang/ sangs rgyas kyi chos thams cad sten pas sangs rgyas nyid do/ /byang chub sems dpa' ltar bcos pa bzhi ste/ rnyed pa dang bkur sti 'dod kyi chos mi 'dod pa dang/ bstod pa 'dod kyi yon tan mi 'dod pa dang/ bdag bde ba 'dod kyi gzhan gyi sdug bsngal @302a @#/ /bsal ba mi 'dod pa dang/ 'khor 'dod kyi dben ba mi 'dod pa'o/ /byang chub sems dpa'i yang dag pa'i yon tan bzhi ste/ stong par mos la rnam par smin pa la'ang yid ches pa dang/ bdag med par bzod la sems can la snying rje ba dang/ bsam pa zhi ba la gnas la sbyor ba srid pa la gnas pa dang/ gzhan don du sbyin pa byed la rnam smin la mi re ba'o/ /bzang po lung bstan pa las/ thos pa'i phan yon bzhi ste/ rang dang gzhan gyi shes rab sbyong ba dang/ phyogs bzhi nas lhags pa rnams kyi the tshom gcod pa dang/ dam pa'i chos 'dzin pa dang/ sangs rgyas kyi bsngags pa mi zad pa'o/ /thos pa'i snying po ni bzhi ste/ thos nas bye brag tu shes pa dang/ bya ba ma yin pa mi byed pa dang/ gzhan la ston pa dang/ sangs rgyas kyi byang chub la gtod pas rnam grol 'dod pa'o/ /chos ston pa'i phan yon bzhi ste/ las byas nas zas la spyod pa dang/ chos gos la sogs pa rnyed pa dang/ gzhan gyi phyogs ? mthu chung bar byed pa dang/ chos 'dod pa'i lha dag phyi bzhin 'brang zhing bsrung bas bdud kyis mi brdzi ba'o/ /chos ston pa'i tshig gzung bar 'os pa'i rgyu bzhi ste/ 'dod pa chung ba dang/ chog shes pa dang/ ngang tshul bzang zhing mnyen pa dang/ rang nyid chos bsgrub pa'o/ sems can la mdza' bshes mi phyed pa'i chos bzhi ste/ bstod pa'i go cha bgos pa dang/ lan la mi re ba dang/ snying rje mi 'dor ba dang/ log par zhugs ? ba mi spong ba'o/ /bstan ? par bya ba'i grogs bzhi ste/ sbyor ba phun sum tshogs pa dang/ bsam pa phun suM tshogs pa dang/ spyod pa phun sum tshogs pa dang/ gang dag 'di'i byang chub kyi lam ston par byed pa'o/ /sdig pa'i grogs po ni bzhi ste/ theg pa dman pa ston pa dang byang chub kyi sems la 'dun pa bzlog pa dang/ gang la brten na mi dge ba 'phel ba dang/ dge ba nyams par 'gyur ba'o/ /sangs rgyas dang phrad par byed pa'i chos bzhi ste/ dran pa rtse gcig pa dang/ sangs rgyas kyi bsngags pa yang nas yang du sgrogs pa dang/ @302b tshul khrims rnam par dag pa dang/ lhag pa'i bsam pas smon lam 'debs pa'o/ /phan yon bzhi mthong na bslab pa lhur len te/ ngan 'gro las 'da' ba dang/ bde 'gro thob pa dang/ sangs rgyas la gus pa dang/ smon lam 'grub pa'o/ /byang chub sems dpa'i bslab pa bzhi ste/ byang chub kyi sems mi 'dor ba dang/ sems can thams cad la mnyam par sbyor ba dang/ pha rol tu phyin pa tshol ba dang/ sangs rgyas kyi chos tshad med pa nyan pa la mi skrag pa'o/ /ting nge 'dzin gyi rigs bzhi ste/ 'du 'dzi med pa dang/ rab tu dben pa dang/ sems kyi rnyog pa med pa dang/ dge ba'i rtsa ba nye bar ston pa'o/ /don sems pa bzhi ste/ gang zag med pa'i chos tsam las skye'i rgyu med pa ma yin pa dang/ brten nas skyes pa de ma skyes pa dang/ dngos po med pa dang/ byang chub kyi phyir chud mi za ba'o/ /sems can mi gtong ba'i chos bzhi ste/ sngon gyi smon lam mi 'dor ba dang/ skyo ba bzod pa dang/ lus dang srog la mi lta ba dang/ bsdu ba'i dngos po bzhis sdud pa'o/ /smin par byed pa bzhi ste/ zang zing sbyin pa dang/ yongs su smin pa la chos sbyin pa dang/ dus su bskul pas dran par byed pa dang/ rang gi bde ba spangs nas gzhan gyi dge ba smin par byed pa'o/ / thabs la mkhas pa bzhi ste/ sems bskyed pa thams cad la byang chub kyi sems sngon du 'gro ba ste tha na nyon mongs pa la'ang rung na/ dge ba'i sems la lta ci smos pa dang/ sems can thams cad chos kyi snod du blta ba dang/ ngo bo nyid med pa shes pas chos thams cad 'khrul pa'i yul tsam du lta ba dang/ rnam grol 'dod pas snyoms 'jug la zhen pa med pa'i 'du shes bsgom pa'o/ /chos bzhi pa spobs pa thob ste/ chos smra ba gzhan gyis bshad pa'i skyon mi tshol ba dang/ chos smra ba la gus par nyan pa dang/ thos pas ma khengs ? pa dang/ thos pa chung ba la mi brnyas pa'o/ /chos bzhis pha rol tu phyin pa thams cad kyis 'phags shing phyir mi ldog ste/ thabs la mkhas pas pha rol tu phyin pa re rer kun sdud pa dang/ sems can gcig gi rang bzhin shes pas kun gyi shes pa dang/ chos gcig gi rnam dag @303a @#/ /rtogs pas kun gyi shes pa dang/ chos nyid yin pas sangs rgyas thams cad gcig par mos pa'o zhes so/ ! /sbyin pa dang tshul khrims kyi dbang du byas pa ni/ yan lag bzhi rdzogs don du bsngo la sogs/ /bsten dang spang bas sbyin la bslab bya zhing/ /tshul khrims rnam dag rnam bzhi 'jig spong sogs/ /yon tan mtha' yas rnams kyi gzhi rten nyid/ /sred med kyi bus zhus pa las/ sbyin pa ni yan lag bzhi rdzogs par bya ba'i phyir bsngo ste/ sangs rgyas kyi zhing yongs su dag pa dang/ byang chub sems dpa'i dge 'dun yongs su dag pa dang/ sems can yongs su smin pa dang/ thams cad mkhyen pa'i ye shes yongs su dag pa'i phyir ro/ /sbyin pa zad par 'gyur ba bzhi ste/ ma bsngos pa dang/ thabs mi mkhas pa dang/ dma' bar skye ba 'dod pa dang/ sdig pa'i grogs po la brten pa'o/ /sbyin pa mi zad par byed pa bzhi ste ?/ byang chub chen por bsngo ba dang/ thabs la mkhas pa dang/ chos kyi rgyal srid 'dod pa dang/ dge ba'i bshes gnyen bsten pa'o/ /chos bzhi mngon du byas la sbyin te/ byang chub kyi sems mi gtong ba dang/ sems can la brtse ba dang/ sangs rgyas kyi bka' dang mi 'gal ba dang/ rnam par smin pa la mi nge ba'o/ /sems can rnams chos gsum la 'god pa'i phyir sbyin te/ byang chub la dang/ chos bstan pa de nyid la dang/ bla na med pa'i bde ba la 'god pa'o/ /chos gnyis 'dod pas sbyin te/ longs spyod che ba dang/ gtong ba'i sems nyid do/ /chos gnyis spangs pa'i phyir sbyin te chags pa dang ser sna'o/ /chos gnyis rdzogs pa'i phyir te/ shes rab dang/ ye shes so/ /tshul khrims rnam par dag na rnam par 'jig pa bzhi dang mi phrad de/ dam pa'i chos 'jig pa dang/ bskal pa bar ma gsum dang mi 'phrad pa'o/ /yang mngon par mtho ba bzhi thob ste/ sangs rgyas mi slu ba dang/ lha mi slu ba dang/ sems can mi slu ba dang/ rang sems la mi slu ba'o/ /yang 'jigs pa bcu las 'da' ste/ ngan song gsum dang/ dbul po dang/ mi bsngags pa la sogs pa dang/ @303b bdud ? kyi kun nas bkris ? pa dang/ nyan thos dang rang rgyal gyi nges pa dang/ lha dang klu dang gnod sbyin la sogs pa'i 'jigs pa dang/ dug dang mtshon la sogs pa dang/ gcan gzan dang mi rgod la sogs pa'i 'jigs pa'o/ /tshul khrims ni sangs rgyas kyi chos thams cad kyi rten te/ de yod pa la ting nge 'dzin la sogs pa yod pa'i phyir ro/ ! /thos pa dang bden pa'i dbang du byas pa ni/ sangs rgyas nyid tshol thos la rgyab phyogs na/ /'gro kun shes rab nyams byed zhugs pas na/ /'bad pa kun gyis thos pa lhur bya zhing/ /sangs rgyas rnams dang bdag dang sems can dag /slu byed ring spangs bden pa yongs dag pa'i/ /nor gyis bdag gzhan don kun rab rdzogs bya/ /mdo sde de nyid las/ byang chub tu sems bskyed de/ byang chub sems dpar dam bcas nas bdag sangs rgyas su gyur cig ces smra la/ thos pa mi tshol na de ni sems can thams cad shes rab 'tshal par bya bar zhugs pa'o/ /thos pa la 'bad pa byas na sems can thams cad kyi shes rab rdzogs par bya ba'i nye bar brtan par byas ba ste/ lha rnams kyang mgu nas a la la skyes bu dam pa 'di thos pa dang brtson 'grus dang shes rab sbyangs pas stobs bcu la sogs pa thob par nus so zhes ched du brjod par byed do/ /bdud kyi gnas thams cad mog mog por gyur pas bdud thams cad sdug bsngal te 'di bdag cag gi dbang du mi 'gyur ro/ /'dis bdag cag bcom zhing dbang du byed do snyam mo/ /ci'i phyir zhe na/ thos pa las shes rab skye'o; ;shes rab kyis nyon mongs pa 'dzoms so/ /des na bdud kyis mi brdzi bas so/ /yang na thos pas so sor rtog cing tshul bzhin du chos tshol bas kyang ngo/ /yang na thos pas log lta dang bral te yang dag pa'i lta ba dang ldan pas so/ /sngon drang srong mchog ces bya ba byams pa dang snying rje dang mngon shes thob pa zhig 'di snyam du byams pa tsam gyis ni sems can rnams kyi dga' ba bskyed mi nus te/ bskal pa mtha' yas par bsags pa'i nyon mongs pa thams cad zhi bar byed mi nus so/ /'phags pa'i yang dag pa'i lta ba'ang bskyed mi nus pas @304a @#/ /'phags pa'i lta ba de gang las skye zhig gu /de ni rgyu rkyen gnyis las te/ gzhan gyi sgra dang nang gi tshul bzhin yid la byed pa'o snyam nas thos pa gces par btsal ba'o/ /de la 'og gi sangs rgyas kyi zhing sum cu rtsa gnyis 'das pa'i 'jig rten gyi khams kun nas dri ma med pa nas sangs rgyas dri ma med par grags pa byon te chos gsungs so/ /rdo rje'i tshig brgyad dang/ chos kyi sgo'i tshig brgyad dang/ sa bon gyi tshig brgyad rnams so/ /des spro bas ? pa mi chod pa dang/ gzungs dang lhas rjes su bzung ba la sogs pa thob po/ /byang chub sems dpa' ni chos nyan pa'i phyir mtshon gyis gtams pa'am mes gang ba'ang brgal te 'gro ba'ang lus dang srog mi phangs so/ /phung po dang khams ni rnyed sla'i sangs rgyas dang chos ston pa dang chos la gus pa'i sems can ni rnyed dka'o zhes slob na yongs su sbyang ba byas pa'o/ /yang tshigs su bcad pa gcig gam sdom ? pa'am chos kyi gdams pa gcig tsam gyis chos rangs kyi/ 'khor los bsgyur ba'i rgyal srid kyis ni ma yin no/ /sems can gcig la tshigs su bcad pa gcig bsgrags pas rangs kyi/ brgya byin nyid thob pas ni ma yin no/ /khyi la ? chang bu gcig byin pas rangs kyi tshangs pa thob pas ni ma yin no/ /thos pa gcig thams cad mkhyen par bsngos pas rangs kyi/ nor gyi phung po dpag tu med pa thob pas ni ma yin no/ /byang chub kyi sems kyis ches rangs kyi/ stong gsum rin po che bdun gyis bkang bas ni ma yin na yongs su sbyang bar byas pa'o/ /bu mo rin chen gyis zhus pa las/ bden pa ni gsum ste/ sangs rgyas la mi slu ba dang/ bdag la mi slu ba dang/ sems can la mi slu ba'o/ /byang chub kyi sems bskyed nas nyan thos dang rang rgyal ba'i sa 'dod cing smon na de gsum bslu ba'o/ /bdud la sogs pas ci 'dra ba'i gnod pa byas kyang sems de mi nyams par brtson 'grus rtsom na mi slu ba'o/ /bzhis sangs rgyas mi slu ste/ brtan pa dang/ mthu dang/ stobs dang/ brtson 'grus brtul ba'o/ /bzhis bdag mi slu ste/ bsam pa dang lhag pa'i bsam pa dang/ g.yo med pa dang/ sgyu @304b med pa'o/ /bzhis sems can mi slu ste/ sbyor ba dang/ byams pa dang/ snying rje dang/ bsdu ba'o/ /bden pa'i yongs su dag pa ni sum cu rtsa gnyis te/ ngo tsha shes pa'i rnam pa dang/ de bzhin du khrel yod pa dang/ yon tan dang/ des pa dang/ bcos ma ma yin pa dang/ ma smad pa dang/ mi dmigs pa dang/ lhas rnam par rig pa dang/ 'jigs pa med pa dang/ ngan 'gro gcod pa dang/ bde 'gro 'byed pa dang/ 'phags pa'i skye bo mngon par dga' ba dang/ mkhas pas mchod par 'os pa dang/ nang dag pa dang/ phyi legs par byas pa dang/ gzung bar 'os pa'i tshig dang/ blang bar 'os pa'i tshig dang/ tshig mi brlang ba dang/ 'jam pa'i tshig dang/ khyad par can gyi tshig dang/ kha dri zhim pa'i tshig dang/ bka' blo bde ba dang/ bslu ba med pa dang/ gdung ba med pa dang/ dga' zhing mchog tu dga' ba dang/ bdag la nges par sems pa dang/ gzhan la nges par sems pa dang/ 'khrul pa med pa dang/ kha na ma tho ba med pa dang/ sbyin gnas kyis dang/ sangs rgyas mnyes par byed pa dang/ bden pa'i rjes su mthun pa'i ngag rab tu thos pa'i rnam pa'o/ ! /theg pa chen po'i bar gcod dang rjes su mthun pa'i chos ni/ theg pa mchog gi bar gcod sum cu gnyis/ /rab spangs rjes mthun sum cu gnyis la bslab/ /mdo sde nyid las/ theg pa chen po'i bar gcod sum cu rtsa gnyis te/ nyan thos kyi theg pa 'dod pa dang/ rang rgyal gyi theg pa 'dod pa dang/ brgya byin dang tshangs pa 'dod pa dang/ skye ba la gnas pa'i tshangs par spyod pa dang/ dge ba'i rtsa ba gcig la chags pa dang/ ser sna byed pa dang/ sems can la mnyam par mi sbyin pa dang/ tshul khrims lhod pa dang/ byang chub kyi sems mi srung ba dang/ gnod sems dang khong khro byed pa dang/ sems zhum pa dang/ rjed ngas pa dang/ thos pa mi tshol ba dang/ dpyod pa med pa dang/ 'phags pa ma yin pa dang/ nga rgyal las kyang nga rgyal 'phel ba dang/ gzhi gsum gyi las ma dag pa dang/ dam pa'i chos mi bsrung ba dang/ slob dpon chos 'chab pa dang/ bsdu ba'i dngos po 'dor ba dang/ yang dag par mgu bar 'gyur ba'i chos gtong ba dang/ sdig pa'i @305a @#/ /grogs po bsten pa dang/ phung po gsum pa dang mi mthun pas byang chub tu mi bsngo ba dang/ dge ba'i rtsa ba chung dus rlom pa dang/ thabs med par ltung ba dang/ phyir zhing dkon mchog gi bsngags pa mi smra ba dang/ byang chub sems dpa' la ? gnod par sems pa dang ma thos pa'i chos spong ba dang/ bdud kyi las mi rig pa dang/ rgyang phan gyi gsang tshig 'dzin pa dang/ sems can smin par mi byed pa dang/ 'khor bas skyo ba'o/ /theg pa chen po rnam par dag par 'gyur ba'i chos sum cu rtsa gnyis bsten cing bsgom pa mang du bya ste/ gsol za ma ? btab par sems can gyi dge ba'i bshes ? gnyen du gyur pa dang/ gzhan gyis byas pa la dga' ba med pa dang/ dge ba'i rtsa ba tham cad la bsam pa brtan pa dang/ bya ba thams cad sgrub pa la mi zhum pa dang/ bsam pa dag pas sems rnyog pa med pa dang/ spyod lam thams cad du mi rtog pas lus dag pa dang/ ji skad smras pa bzhin byed pas ngag dag pa dang/ byang chub kyi sems mi 'dor bas yid dag pa dang/ lan la mi re bas sbyin pa dag pa dang/ ngang tshul ngan pa skyob pas tshul khrims dag pa dang/ lus dang srog la mi lta bas bzod pa dag pa dang/ stobs dang mi 'jigs pa rdzogs par byed pas brtson 'grus dag pa dang/ nyon mongs zil gyis gnon pas bsam gtan dag pa dang/ bag chags 'joms pas shes rab dag pa dang/ bdud kyi las thams cad 'joms pas sems dpa' ba dang/ kha 'og tu lus 'khrus pas yi dam brtan pa dang/ sems can smin par byed pas bsdu ba'i dngos po mi 'dor ba dang/ dam pa'i chos bsrung bas sangs rgyas la byas pa gzo ba dang/ byang chub kyi chos rdzogs par byed pas mi skyo ba dang/ shes rab dang ye shes rdzogs par bya ba'i phyir thos pas mi ngoms ? pa dang/ gong ma'i khyad par shes pas de la ma chags pa dang/ spyi gtsug mi mthong ba'i phyir nga rgyal med par nyan pa dang/ rgyu rkyen tshogs pa mthong bas chos thams cad dang 'gal ba med pa dang/ nor bdun thob pa'i phyir dbul ba med pa dang/ bdag la dbang bas @305b bran ma yin pa dang/ tshogs gnyis bsgrub pa'i mngon shes kyis sems can gyi nyon mongs pa zhi bar byed pa dang/ sangs rgyas kyi rig pa dang rnam grol bsgrubs pas zhi gnas dang lhag mthong gi tshogs dang/ rnam par thar pa'i sgo gsum sgom pas de gsum kun tu ston pa dang sems can thams cad cad kyi ye shes khong du chud pas nang nye bar zhi ba dang/ mi skye ba la bzod pa thob pa'i phyir zad pa dang mi skye ba shes pa dang/ chos thaMs cad la nan tan snying bor byed cing gnas pas lung bstan pa'o/ /zhes so/ ~ /lam gyi yan lag dang gegs kyi dbang du byas pa bzhi pa bsgrub pa las 'byung ba ni/ dmigs pa bzhi las sangs rgyas mchod pa yis/ /chog mi shes sogs lam gyi yan lag rnams/ /'bad pas rab sgrub chos kyi sgrib rnam bzhi/ /la sogs gegs rnams bsgrims te spang bar bya/ /mdo sde las/ dmigs pa bzhis sangs rgyas mchod pas chog mi shes par bya ste/ thams cad mkhyen pa la dang/ sems can thams cad dgrol ba la dang/ dkon mchog gsum gyi gdung mi chad par bya ba la dang/ sangs rgyas kyi zhing gi yon tan bkod pa yongs su bzung ba la dmigs pas so/ / byang chub sems dpa'i spyi bor phyin pa'i chos bzhi ste/ shes rab kyi pha rol tu phyin pa dang/ thabs la mkhas pa dang/ dam pa'i chos 'dzin pa dang/ sems can smin par byed pa'o/ /byang chub kyi lam ston par byed pa bzhi ste/ pha rol tu phyin pa drug la brtson pa dang/ bsdu ba'i dngos po'i rjes su mthun pa dang/ tshangs pa'i gnas bzhi bsgrub pa dang/ mngon par shes pas rnam par rtse ba'o/ /chos gya nom pa dam pa mchog bzhi ste/ seMs can thams cad la khong khro med pa dang/ de dang 'gal bar byed pa nyid thar par 'dod pa dang/ yul chen po 'byor kyang bag yod pa dang/ ji ltar dbul phongs byang chos spyod pa mi 'dor ba'o/ /mas pa bzhi ste/ khyim par gyur na rang gis longs spyod kyis chog shes pa dang/ gzhan gyi nor la 'dod pa med pa dang/ rab tu byung na 'phags pa'i rigs kyis chog shes pa dang/ sbyangs pa'i yon @306a @#/ /tan dang yo byed bsnyungs pa'o/ /sbyin pa bzhi ste/ chos dang zang zing dang/ shog shog dang/ snag tsha dang/ snyug gu dang/ glegs bam dang/ chos smra ba la snying nas legs so zhes bya ba sbyin pa'o/ /snying po nyid bzhi ste/ thos pa las nan tan dang/ longs spyod las gtong ba dang/ lus las bla ma bkur sti byed pa dang/ srog las dge ba'i rtsa ba bskyed pa snying po nyid do/ /btang bar mi bya ba bzhi ste/ byang chub kyi sems dang/ dam pa'i chos dang/ sems can dang/ dge ba'i rtsa ba thams cad btang bar mi bya'o/ /skyed mos tshal bzhi ste/ dgon par gnas pa dang/ dben pa la dga' ba dang/ dge ba'i chos la 'dun pa dang/ thabs la mkhas pas sems can smin par byed pa'o/ /gzhal med khang bzhi ste/ tshangs pa'i gnas pa dang/ 'brel gtam gyi chos nyan pa'i dga' ba myong ba dang/ stong pa nyid nges par sems pa dang/ skye bo'i rigs mthun pa dang 'du ba'o/ /nor mi zad pa bzhi ste/ thos pa'i nor dang/ chos stan pa'i nor dang/ sems can dbul po sdud pa'i nor dang/ byang chub tu bsngo ba'i nor ro/ /gter bzhi ste/ gzungs dang/ spobs pa dang/ chos dang/ longs spyod zad mi shes par bsngo ba'i gter ro/ /mngon par 'byung ba bzhi ste/ 'du 'dzi las dang/ yul thams cad las dang/ 'phags pa ma yin pa'i bsam pa las dang/ khams gsum thams cad las 'byung ba'i bsam pa'o/ /bde ba bzhi ste/ dngos po thams cad la mi lta bas yongs 'dzin med pa'i dang/ yul spangs pas dben pa'i dang/ nyon mongs med pas zhi ba'i dang/ sems can thams cad mi gtong bas mya ngan las 'das pa'i bde ba'o/ /mchog tu dga' ba bzhi ste/ sangs rgyas mthong bas dang/ chos thos pas dang/ sbyin pa la 'gyod pa med pas dang/ sems can thams cad la bde ba bskyed pas mchog tu dga' ba'o/ /bden pa'i chos bzhi ste/ byang chub kyi sems mi gtong ba dang/ yi dam las mi nyams pa dang/ skyabs su song ba dag mi gtong ba dang/ dag bsdams pas tshig thams cad bden pa'o/ /dge ba'i chos bzhi ste/ @306b dge ba thams cad la lhag bsam gyis sbyor ba dang/ ma bslabs pa la mi brnyas pa dang/ gsol ba ma btab par sems can gyi dge ba'i bshes gnyen byed pa dang/ yon tan thams cad la phyir bya ba'i lan mi re ba'o/ /spyod pa rnam par dag pa bzhi ste/ bdag med pas tshul khrims dang/ sems can med pas ti nge 'dzin dang/ srog med pas shes rab dang/ gang zag med pas rnam par grol ba rnam par dag ba'o/ /rkang pa bzhi ste/ chos kyi dang/ don gyi dang/ sbyangs pa'i yon tan dang/ yo byad bsnyungs pa'i dang/ byang chub kyi lam gyi tshogs sogs pa'i rkang pa'o/ /lag pa bzhi ste/ dad pa dang/ tshul khrims dang/ thos pa dang/ shes rab kyi lag pa'o/ /mig bzhi ste/ las legs par byas pas sha'i mig dang/ mngon shes mi nyams pas lha'i dang/ thos pa'i stobs che bas shes rab kyi dang/ chos thams cad nges par sems pas chos kyi mig go /mi ngoms pa bzhi ste/ sbyin pas mi ngoms pa dang/ dgon par gnas pa dang/ chos nyan pa dang/ dge ba thams cad gsog pas mi ngoms pa'o/ /dka' ba byed pa bzhi ste/ mthu chung ngu la bzod pa dang/ dbul po la bdog pa thams cad gtong ba dang/ yan lag mchog mgo slong ba la yang khro ba med kyi steng du dge bshes su 'dzin pa dang/ skye ba la mi rtog pas bsam bzhin du skye ba'o/ /bdag gi phyogs bzhi ste/ pha rol tu phyin pa dang/ byang chub kyi phyogs dang/ yang dag pa'i dge bshes dang/ sdig pa thams cad mi bya ba'i phyogs so/ / mi bskyod pa bzhi ste/ byang chub kyi sems dang/ yi dam dang/ ji skad smra ba bzhin byed pa dang/ yang dag pa'i nan tan las mi bskyod pa'o/ /tshogs bzhi ste/ zhi gnas dang/ lhag mthong dang/ thos pa dang/ dge ba'i rtsa ba thams cad kyi tshogs so/ /zung du 'brel ba'i chos bzhi ste/ bsam pa dang sbyor ba dang/ gtong ba dang bsngo ba dang/ byams pa dang snying rje dang/ thabs dang shes rab zung du 'brel ba'o/ /chos kyi sgrib pa'i rgyu mthun pa'i rmi lam bzhi ste/ khron pa rdul can dang gting na zla ba mthong ba dang/ mtsho dang mtshe'u dang rdzing rnyog pa can dang gting na zla @307a @#/ /ba dang/ bar snang sprin yogs par zla ba dang/ bar snang rlung dang du ba 'khrigs par zla ba mthong ba'o/ /las kyi sgrib pa'i 'ang bzhi ste/ rang g.yang sa chen por lhung ba dang/ lam mtho dman can mthong ba dang/ lam srang dog par zhugs pa dang/ phyogs bslad cing 'jigs pa mang po mthong ba'o/ /nyon mongs pa'i sgrib pa yang bzhi ste/ dug drag pos 'khrugs par mthong ba dang/ gcan gzan gtum po mang po'i sgra thos pa dang/ bdag g.yon can gyi nang na gnas par mthong ba dang/ bdag gi lus dang gos dri ma can du mthong ba'o// gzungs thob pa'i rgyu mthun gyi rmi lam bzhi ste/ gter chen po rin po che sna tshogs kyis gang ba dang/ rdzing padmas rgyas par gang ba dang/ gos dkar po phrugs rnyed pa dang/ su zhig spyi bor gdugs 'dzin pa mthong ba'o/ /ting nge 'dzin gyi'ang bzhi ste/ bzang mo rgyan bzang po can me tog sil ma 'bul ba dang/ ngang pa dkar po'i khyu skad 'byin cing nam mkha' la rgyu ba dang/ sangs rgyas 'od zer mang pos brgyan pa'i phyag spyi bor 'jog pa dang/ sangs rgyas padma'i gdan la bsam gtan mdzad pa mthong ba'o/ /sangs rgyas mthong ba'i bzhi ste/ zla ba 'char ba dang/ nyi ma 'char ba dang/ padma kha 'bu ba dang/ tshangs pa'i dbang po zhi ba'i spyod lam mthong ba'o/ /bdud 'dul ba'i bzhi ste/ gyad chen pos gyad thams cad mnan nas ba dan thogs nas 'gro ba dang/ dpa' bo g.yul las rgyal ba dang/ rgyal por dbang bskur ba dang/ rang byang chub snying po la 'dug ste bdud 'dul ba'o/ /phyir mi ldog pa'i rtags ni bzhi ste/ thod dkar po bcings pa dang/ gtan pa med pa'i mchod sbyin byed pa dang/ chos kyi stan chen po la 'dug pa dang/ sangs rgyas rdo rje'i gdan la chos ston pa'o; ;byang chub smin par byed pa'i chos sum cu rtsa lnga ste/ dus su bskul ba dang/ tshod la bskul ba dang/ de bzhin du ran pa na dang/ dbang po la dang/ brtan par dang/ pha rol tu phyin pa la dang/ thabs la dang/ lhag pa'i bsam pa la dang/ byams pa chen po la dang/ snying rje chen po @307b la dang/ theg pa chen po la dang/ theg pa dman pa la dang/ bden pa la dang/ de bya ba la dang/ chos bsrung bar dang/ thos pa brtan par dang/ sems can sna tshogs su mi dbye bar dang/ tshul khrims 'chal ba dang/ tshul khrims dang ldan pa skyon gnas su mtshungs par dang/ bdud kyi las bstan par dang/ dam bca' ba nyams 'og tu chud par dang/ 'khor bas mi skrag par dang/ bdud 'dul bar dang/ byas pa shes shing gzo bar dang/ rgyu zad pa la 'jug par dang rnam par thar pa'i sgo la mi 'jigs par dang/ sangs rgyas mchod cing rim gro bya bar dang; sems can gyi ji bya snyam du spro bar dang/ 'jig rten gyi chos dang ma 'dres par dang/ dgon pa la dga' bar dang/ 'dod pa chung zhing chog shes pa la dang/ 'das pa dang ma 'ongs pa ma grol ba dgrol ba la sogs pa dang/ dkon mchog gsum gyi gdung mi chad par dang/ sangs rgyas kyi zhing gi yon tan bkod pa yongs su dag par bskul ba ste/ de dag gis smin par byas pa ni byang chub chen po las bskyod du med do/ /yang dregs pa bcus dregs par mi 'gyur te/ tshul khrims kyis dregs pa dang/ de bzhin du thos pa dang/ spobs pa dang/ rnyed pa dang bkur sti dang sgra'i dang/ dgon par gnas pa dang/ sbyangs pa'i yon tan dang yo byad bsnyungs pa dang/ gzugs dang longs spyod dang dbang phyug dang 'khor g.yog dang/ brgya byin la sogs pas bkur sti byed pa dang/ bsam gtan dang mngon shes dang/ dkon mchog gsum la dad pa'i lha dang klu la sogs pas bstod bkur byed pa'i dregs pas kyang mi snyems pa'o zhes so/ ! /phal po che las 'byung ba ni/ de bzhin rgyal sras spyod mchog rnam bcu dang/ /brtson 'grus brtsams pa bcu sogs bsgrub pa dang/ /bdud las bcu dang nga rgyal las bcu sogs/ /ring spang bzlog pa bzang po'i gnas rnams bsten/ /mdo de las/ byang chub sems dpa'i spyod pa bcu ste/ sems can smin par byed pa dang/ dam pa'i chos btsal ba dang/ bslab pa la nan tan bya ba dang/ dge ba'i rtsa ba bsags pa @308a @#/ /dang/ ting nge 'dzin sgom pa dang/ ye shes bskyed pa dang/ bsgom pa bsgrub pa dang/ zhing brgyan pa dang/ dge ba'i bshes gnyen bkur ba dang/ sangs rgyas mchod pa'i don du spyod pa'o/ /yang byang chub sems dpa'i brtson 'grus brtsam pa bcu ste/ sems can smin pa dang/ chos la gzung pa dang/ 'jig rten sbyang ba dang/ bslab pa shes par bya ba dang/ sems can gyi nyes byas bzod par bya ba dang/ ngan song gsum gyi sdug bsngal rgyun bcad par bya ba dang/ bdud las rgyal bar bya ba dang/ sems can la 'khrugs pa med par bya ba dang/ sangs rgyas la mchod par bya ba dang/ sangs rgyas mnyes par bya'o zhes brtsam pa'o/ /yang tshul khrims bcu ste/ byang chub kyi sems mi nyams pa'i tshul khrims dang/ de bzhin du nyan thos dang rang rgyal gyi sa spang ba dang/ sems can thams cad la phan par 'dod pa dang/ sangs rgyas kyi chos la 'god pa dang/ bslab pa thams cad la nan tan bya ba dang/ chos thams cad mi dmigs pa dang/ dge ba'i rtsa ba byang chub tu bsngo ba dang/ sangs rgyas kyi sku las phyir phyogs su mi lta ba dang/ chos nges par rtog pa la mngon par zhen pa med pa dang/ dbang po'i sgo sdom pa'i tshul khrims so/ /yang mi skyo zhing sgyid mi lug pa'i sems bskyed pa bcu ste/ sangs rgyas mchod pas mi skye ba dang/ de bzhin du bla ma bsnyen bkur ba dang/ chos btsal ba dang/ chos nyan pa dang/ chos bstan pa dang/ sems can smin pa dang/ sems can byang chub la 'god pa dang/ bskal pa mang por spyad bar spyod pa dang/ zhing thams cad du spyad pa spyod pa dang/ sangs rgyas kyi chos thams cad la brten cing blta ba la mi skyo ba'o/ /yang las bcu ste/ zhing thams cad sbyang ba dang/ sangs rgyas thams cad bkur ba dang/ byang chub sems dpa'i grogs dang dge ba'i rtsa ba gcig tu bya ba dang/ sems can smin par bya ba dang/ ma 'ongs pa'i dus phyi ma'i mthar thug par bzung ba dang/ 'jig rten gyi khams thams cad du 'gro ba'ang gcig nas mi g.yo ba'i rdzu 'phrul @308b dang/ kha dog mtha' yas pa'i 'od 'gyed pa dang/ padma'i snying po la byang chub sems dpa' 'khod pa'i 'od dang/ sangs rgyas 'das pa'i bstan pa bzung bas dkon mchog gsum gyi rigs mi gcod pa dang/ zhing thams cad du rgyu zhing chos ston te sems can 'dul ba sprul ba dang nam 'dod pa na smon lam rdzogs par ston pa'i las/ /yang rang bzhin bcu ste/ nan tan dang ldan pas pha rol tu phyin pa'i rang bzhin dang/ 'gro ba mi gtong bas bsdu ba'i dngos po dang/ sems can gyi sdug bsngal rang gis lan pa la mi skyo bas snying rje dang/ 'gro ba thams cad skyob pas byams pa dang/ 'gro ba thams cad nye bar 'tsho bas bsod nams dang/ sangs rgyas kyi sku dang gcig tu 'dres pas ye shes dang/ skye ba'i skye mched thams cad las 'das pas chos dang/ chos kyi sgo thams cad ston pas sgo thams cad dang/ rdzu 'phrul dang rnam 'phrul thams cad ston pas rdzu 'phrul dang/ nam 'dod pa na 'tshang rgya bas byang chub kyi rang bzhin no/ yang dag bcu ste/ sems can thams cad bde bar byed pas ngag 'jom pa dang/ tshim par byed pas snyan pa dang/ yang dag pa'i ji lta bas go bar byed pas mi brdzun pa dang/ rmi lam na'ang log par mi smra bas bden pa'i rjes su 'brang ba dang/ brgya byin la sogs pa zil gyis gnon pas rgya che ba dang/ chos ston pas zab mo sgrogs pa dang/ chos bstan pa mi zad pas snying po dang ldan pa dang/ sgra ji bzhin rig par byed pas shin tu gsal ba dang/ dus dang las 'bras ji lta ba ston pas rnam pa tha dad pa dang/ bsam pa ji lta bar spyod pa la 'jug par byed pas 'gro ba thams cad la 'go ba'i ngag go /yang sems bcu ste/ 'gro ba'i dge ba'i rtsa ba brten pas sa lta bu dang/ sangs rgyas kyi ye shes zab cing rgya che ba la zhugs pas rgya mtsho lta bu dang/ 'gro ba 'jig rten las 'das pa'i dge ba la 'god pas ri bo lta bu dang/ nyon mongs pa'i bsam pa dag pas nor bu rin po che lta bu dang/ chos thams cad la rna bas rdo rje lta bu dang/ bdud dang mu stegs phyir rgol bas mi sgul bas khor yug lta bu dang/ 'jig rten gyi chos kyis @309a @#/ /mi gos pas padma lta bu dang/ 'byung ba dang mthong bar dka' bas u dum wa ra lta bu dang/ ma rig pa'i mun pa sel bas nyi ma lta bu dang/ thams cad kyi brjod du med pas bar snang lta bu'o/ /yang bsam pa bcu ste/ 'jig rten gyi chos thams cad kyis ma gos pa dang/ nyan thos la sogs pa'i yid la byed pa dang ma 'dres pa dang/ sangs rgyas kyi byang chub kyi rjes su song ba dang/ thams cad mkhyan ? par 'byung ba'i lam dang mthun pa dang/ bdud dang phyir rgol bas mi 'phrogs pa dang/ sangs rgyas kyi ye shes kyis dag pas nyon mongs pa med pa dang/ chos gang thos pa ji lta bar 'dzin pa dang/ skye ba kun gyis ma gos pas nyams pa med pa dang/ ye shes phra ba la zhugs pas zab pa dang/ sangs rgyas kyi chos thams cad la brtson pa'o/ /yang sbyar ba bcu ste/ rnam smin la mi re bar bdog pa thams cad gtong ba dang/ gzhan la mi brnyas par brtul zhugs thams cad kyi yi dam la nan tan byed pa dang/ bdag dang gzhan du mi lta bar ngan byas thams cad bzod pa dang/ gzhi gsum bsgrims pas rtsom pa thams cad mthar 'byin pa dang/ 'dod pa dang 'khrug pa spong bas bsam gtan dang ting nge 'dzin bsgrub pa dang/ bsod nams bsags pa la mi skyo bas shes rab la nan tan byed pa dang/ sems can med par lta ba'i byams pa chen po dang/ rang bzhin dben pas 'gro ba'i sdug bsngal khur ba'i snying rje chen po dang/ chags pa med par rtogs pas sangs rgyas kyi stobs bcu bsgrub pa dang/ sems can gzhan gyi rgyud dang sbyor bas chos kyi 'khor lo las mi ldog pa'i sbyor ba'o/ /yang bag chags bcu ste/ byang chub kyi sems kyi dang/ dge ba'i rtsa ba dang/ sems can smin pa dang/ sangs rgyas lta ba dang/ zhing dag par sbyong ba dang/ spyod pa dang/ smon lam dang/ pha rol tu phyin pa dang/ chos mnyam pa nyid rtogs pa dang/ spyod pa rnam pa tha dad pa'i bag chags so/ /yang nan tan bcu ste/ pha rol tu phyin pa'i dang/ bslab pa dang/ ye shes dang/ don dang/ chos dang/ mngon par bsgrub pa dang/ yang dag par bstan pa @309b dang/ spyod pas mi skyo ba dang/ mngon par byang chub par bya ba dang/ chos kyi 'khor lo bskor ba'i nan tan no/ /sangs rgyas kyi chos las gol ba'i lam bcu spangs te/ bla ma la brnyas pa dang/ 'khor ba'i sdug bsngal gyis 'jigs pa dang/ byang chub sems dpa'i spyod pas skye ba dang/ 'jig rten na gnas pas skyo ba dang/ mnyam gzhag la gnas su zhen pa dang/ dge ba'i rtsa ba la chags pa dang/ chos spong ba dang/ byang chub sems dpa'i spyod pa las 'phar ba med pa dang/ nyan thos la sogs pa 'dod pa dang/ byang chub sems dpa' la khro ba'o/ / yang skyes bu dam pa'i ming bcu ste/ byang chub kyi ye shes dang ldan pas byang chub sems dpa' dang/ theg pa chen po la gnas pas sems dpa' chen po dang/ chos dam pa rtogs pas dam pa'i sems dpa' dang/ mchog gi chos 'tshang rgya bas mchog gi sems dpa' dang/ de bzhin du shes rab dang ldan pas rab dang/ brtson 'grus phul du byung bas phul dang/ gong na med pa'i chos ston pas bla na med pa dang/ stobs bcu'i ye shes dang ldan pas stobs dang/ 'gro ba na dpe med pas mi mnyam pa dang/ nam 'dod pa'i skad cig la 'tshang rgya bas bsam gyis mi khyab pa'i sems dpa' zhes bya'o/ /yang chos tshol ba bcu ste/ g.yo sgyu med pas bsam pa thag pas chos tshol ba dang/ de bzhin du brtson 'grus mi lhod pas bsran 'dzugs pa dang/ lus dang srog la mi lta ba dang/ rnyed bkur mi 'dod par 'gro ba'i nyon mongs pa spong ba dang/ rang gi ched ma yin gyi bsnyen bkur bya ba'i phyir gzu lums ma yin gyi shes rab kyi s 'jug pa dang/ go ba log la dga' bas ma yin rab tu brtan pa'i phyir dang/ byang chub kyi sems kyis sems can la brtse ba'i phyir dang/ yid gnyis med pas kun gyi the tshom bcad pa'i phyir dang/ rlom sems dang 'dod pa med pas sangs rgyas kyi chos rdzogs par bya bar tshol ba'o/ /yang chos kyi nan tan bcu ste bla ma la gus pas dang/ lhas bskul zhing dang/ sangs rgyas la ngo tshas dang/ sems can la @310a @#/ /snying rjes dang/ legs par mthar phyin pas ma 'khrugs pa dang/ byang chub sems dpa' brtson 'grus chen po gzhan gyi rjes su slob pas dang/ tshul bzhin sems pas log pa spang pa'i phyir dang/ bdud kyi las dang nyon mongs pa gzhom pa'i phyir/ sangs rgyas su gyur nas gzhan gyi dbang po shes pas bstan pa'i phyir dang/ chos kyi dbyings zab cing rgya che ba la sbyang ba'i phyir chos la nan tan byed pa'o/ /yang byang chub sems dpa'i bdud bcu ste/ mngon par chags pa'i phung po'i bdud dang/ glags su gyur pa'i phyir nyon mongs dang/ sgrib pa'i phyir las dang/ slong ba'i phyir sems dang/ skyes pa dang bral bar byed pa'i phyir skyes pa tsam dang/ g.yo 'gyur dang rlom pa dang bag med pas lha'i bu dang/ zhen pas dge ba'i rtsa ba dang/ ro myong bas ting nge 'dzin dang/ gzugs brnyan gyi phyir dge ba'i bshes gnyen dang/ smon lam mi sgrub pas chos kyi ye shes khong du chud pa'i bdud do/ /yang bdud kyi las bcu ste/ byang chub kyi sems nyams pa'i dge ba rtsa ba brtsams pa thams cad dang/ sems mi mnyam pa'i sbyin pa dang tshul khrims la 'khrug pa dang gnod sems spong ba dang le lo can gtong ba dang g.yeng ba la brnyas pa dang shes rab 'chal ba la smod pa dang/ chos la dpe ma khyud dang snod khyad du gsod pa dang zang zing re bas ston pa dang/ pha rol tu phyin pa mi thos shing thos na log par 'jug la zhum zhing le lo byed pa dang/ sdig pa'i grogs po bsten pa dang bla ma spang ba dang/ nyan thos la sogs pa 'dod pa dang skye ba mi 'dod pa dang/ zhi ba 'dod pa dang/ rgyal sras la sdang zhing mi snyan pa brjod de rnyed pa 'gog la sdang mig blta ba dang/ chos spong ba dang/ mdo sde ma thos pa la smod pa dang chos smra ba gzhan gyis bshad pa khyad du gsod la bdag bstod cing gzhan smod pa dang/ rgyang phan tshol ba dang yi ge sna tshogs rang bzo byed pa dang/ nyan thos la sogs pa'i gtam tshol ba dang/ zab mo'i gtam 'chab pa dang/ snod ma yin pa la ston pa dang/ grol ba dang @310b brgal ba la sogs pa bkur zhing ma grol ba la sogs pa mi 'dren pa dang/ nga rgyal gyis su la'ang mi 'dud pa dang khro ba dang mgu dka' ba dang ye shes kyi gter mi srung ba'o/ /yang bdud kyi las las zlog pa bcu ste/ bla ma bsnyen bkur bya ba'i phyir nga rgyal spong ba dang/ bdag la mi bstod pa dang/ chos la mos shing mi spong ba dang/ thams cad mkhyen pa'i sems mi nyams pa dang/ chos zab mo la brtson zhing bag yod pa dang/ byang chub sems dpa'i sde snod la gnas shing chos kun tshol ba dang/ yang dang yang du chos nyan cing mi skyo ba dang/ zhing thams cad kyi sangs rgyas la skyabs tshol ba dang/ bsgrub pa la sangs rgyas kyi byin rlabs dran zhing mos pas len pa dang/ byang chub sems dpa'i grogs rnams kyi dge ba'i rtsa ba dang gnyis su med par bsgrub pa'o/ /yang nga rgyal gyi las bcu ste/ bla ma la sogs pa la rim gro med pa dang/ chos smra ba chos shes pa la sogs la mi gus pa dang/ chos nyan pas mgu 'ang de la phrag dog gis mi bstod pa dang/ rang gi tshod mi 'dzin par bdag la bstod cing gzhan la smod pa dang/ shes bzhin du gzhan gyi bsngags pa 'chab cing smod pa dang/ chos dang 'dul bar shes bzhin du sdang bas spong zhing gzhan yang sdang bas bzlog pa dang/ stan mtho ba 'dod cing gces pa'i chos tshel te gnas brtan rgan pa la'ang mi gus pa dang/ bzhin khro gnyer can dang tshig rtsub kyis klan ka tshol ba dang/ lhag pa'i nga rgyal du lhung bas mkhas pa mi bstan cing legs nyes mi 'dri bas na ches rmongs te gi mug gis spong ba dang/ sangs rgyas mnyes par mi byed de sngon gyi dge ba'ang zad par byed la gsar du mi sgrub cing 'thab rtsod mang ba dang 'dod rgyal chen por lhung ba'o/ /de bcu spangs pas ye shes kyi las bcu thob ste/ las dang 'bras bu la yid ches pas chud mi gzon pa dang/ byang chub kyi sems mi gtong bas rtag tu sangs rgyas yid la byed pa dang/ bla ma la bsnyen bkur byed pas ngag nyan pa dang/ chos 'dod pas thos pas mi ngoms pa dang/ tshul bzhin sems pas tshul bzhin ma yin pa yid la byed pa spong @311a @#/ /ba dang/ sems la nga rgyal med pas rgyal sras la ston par blta ba dang/ chos la bdag tsam dang/ sangs rgyas la srog tsam dang nan tan la sangs rgyas tsam du gces par 'dzin pa dang/ gzhi gsum sdig med pas 'tsho ba dag cing byang chub kyi lam rtsom pa dang/ rten 'brel dang mi 'gal la lta ba dang ma rig pa spong bas chos la blo'i snang ba thob par byed pa dang/ bsngo ba bcu'i rjes su 'brangs la thabs dang shes rab la pha dang mar 'dzin pa dang/ sbyin pa dang tshul khrims dang thos pa la sogs pa tshol bas mi skyo ba dang/ las gang sangs rgyas kyis bsngags shing bdud dang nyon mongs pa sel la rang dang gzhan smin par 'gyur ba de byed pa'o/ /yang bdud kyi byin gyis brlabs pa bcu ste/ sems zhum pa dang/ bsam pa 'khrugs pa dang/ rgya chung ngus mgu ba dang/ gcig las mi bzod pa dang/ smon lam la lhag par mi dmigs pa dang/ nyon mongs pa bzlog cing zhi bar 'dod pa dang/ 'khor ba rgyun gcod pa dang/ spyod pa las ldog pa dang/ sen smin par mi byed pa dang/ chos la the tshom za zhing spong ba'o/ /de dag spong bas sangs rgyas kyi byin rlabs bcu thob ste/ thog mar byang chub kyi sems skye ba dang/ tshe rabs tshe rab su de mi stor ba dang/ bdud kyi las rig cing bzlog pa dang/ pha rol tu phyin pa thos shing nan tan byed pa dang/ 'khor ba'i sdug bsngal shes shing mi skyo ba dang/ zab mo'i rtogs pas 'bras bu bsgrub pa dang/ gzhan la nyan thos la sogs pa'i rnam grol ston kyang de mi 'dod pa dang/ 'dus byas la rtog cing 'dus ma byas la mi gnas pa gnyis su shes pa dang/ nying mtshams sbyor ba la gnas kyang de sel ba dang/ thams cad mkhyen pa'i ye shes rtog kyang spyod pa rgyun mi gcod pa'o/ /yang chos kyi byin rlabs bcu ste/ chos kyi sdom bzhi dang/ chos rnams rten 'brel rgyu med pa ma yin pa dang/ tshul bzhin ma yin pa dang/ ma rig pa dag 'jug ldog yin pa dang/ nyan thos kyi theg pa rnam par thar pa'i sgo gsum gyis 'byung ba dang/ rang rgyal gyi thog pa nyon mongs pa med pa'i chos rig pas 'byung ba dang/ theg pa chen po pha rol tu phyin pa @311b drug dang bsdu ba bzhis 'byung ba dang/ sangs rgyas kyi yul zhing dang chos dang sems can dang dus thams cad du mkhyen pa mnga' ba dang/ mya ngan las 'das pa yid la byed pa dang 'dzin pa thams cad spangs shing sngon dang phyi ma'i mtha'i rang bzhin gyi rjes su song bar shes pa'o/ /yang byang chub sems dpa'i rab tu 'byung ba bcu ste/ khyim gyi gnas smad pa'i phyir dang/ rab tu 'byung ba bsngags pa'i phyir dang/ mtha' gyis dang bral ba'i lta ba bstan pa'i phyir dang/ bdag bde ba 'dod pa skyo bar bya ba dang/ khams gsum nas 'byung ba'i sngon las bstan pa dang/ rang la rag las zhing gzhan gyi dring mi 'jog pa bsten pa dang/ stobs dang mi 'jigs pa dang mthun pa bstan pa'i phyir dang/ srid pa tha ma pa ni chos nyid kyis rab tu 'byung ba'o/ /yang mi skyo ba'i sems bcus sangs rgyas kyi sa'ang gnon na byang chub sems dpa'i lta ci smos te/ sangs rgyas blta zhing bkur ba la dang/ dge ba'i rtsa ba bsags pa dang/ chos btsal ba dang/ pha rol tu phyin pa'i sbyor ba dang/ ting nge 'dzin bsgrub pa dang/ dus gcig nas gcig tu brgyud par 'jug pa dang/ phyogs bcu'i sangs rgyas kyi zhing rgyas par dgang ba dang/ sems can smin cing gdul ba dang/ thams cad du byang chub sems dpa'i spyod pa bsgrub pa dang/ zhing gi rdul snyad kyi pha rol tu phyin pa la sbyar bas sems can gcig smin par bya ba'i tshul gyis kun smin par bya bas sangs rgyas kyi stobs gcig bsgrub pa la'ang mi skyo ba ste de dag gis ni 'dod pa'i don thams cad mi 'grub pa med do zhes so/ ! /bsten bya dang spang bya'i gang zag gi dbang du byas nas/ mang du thos dang gzung 'os tshig ldan sogs/ /bcu tshan gnyis brgyan chos smra legs bsten cing/ /dman par mos dang chos 'dzin yal 'dod sogs/ /bcu pa gzhan gnyis ldan las rgyang bsring bya/ /chos yang dag par sdud pa las/ chos bcu dang ldan na chos smra ba po ste/ mang du thos pa thos pa 'dzin pa thos pa bsags pa yin yang thos pa des mtho dman du mi sems pa dang/ don dang chos dang nges pa'i tshig dang spobs pa phun sum tshogs @312a @#/ /kyang thos pa 'tshol ba'i brtson 'grus mi nyams pa dang/ dus dang tshod dang man ngag dang chos dang don shes kyang rgan pa la brten pa mi 'dor ba dang/ bstan bcos dang de kho na dang 'dul ba shes kyang gzhan la 'dri ba'i sbyor ba mi gtong ba dang/ mgu sla ba dang gso sla ba dang cho ga dang spyod yul mdzes kyang bla ma bkur ba'i spyod pa mi 'dor ba dang/ dul ba dang zhi ba dang byang ba dang mi 'jigs kyang ngo tsha shes pa dang khrel yod pa'i sbyor ba mi gtong ba dang/ zab pa dang gting dpag dka' ba'i don la mkhas kyang 'jig rten gyi 'jug pa rags pa la'ang 'jug pa dang/ sems can mthun 'jug tu rang bzhin gyis drang zhing mnyen la 'grogs na bde yang sems can zhe sdang can nam tshul khrims 'chal ba dang mi 'grogs pa dang/ sbyin pa ? ba dang mi 'gyur ba dang nges pa dang chog shes pa dang gnas pa la dga'ang thams cad du'ang yid mi gnas shing spyod yul la'ang rnam par mi rtog pa dang/ bag la nyal dang kun nas dkris pa dang/ mdung ba dang zug rngu 'byin yang sems can gzhan gyi nyon mongs pa spong ba'i brtson 'grus mi gtong ba'o/ /yang bcu ste/ bsdu ba bzhis tshig bzung bar 'os pa dang/ byams pa chen po bskyed pas tshig 'jam pa dang/ dben pa dang 'dod chags med pa dang/ byams pa'i rjes su mthun pas tshig rjes su mthun pa dang/ zhi gnas dang lhag mthong dang lam dang mthun pas tshig mthun pa dang/ gsang ba rnam par 'byed pas tshig gsal ba dang/ sgra ngan pa med cing don rdzogs pas tshig don dang yi ge mi 'dor ba dang/ gti mug gi mun pa dang 'khrul ba 'joms pas tshig g.yo sgyu med pa dang/ chos thams cad mngon du gyur pas tshig the tshom med pa dang/ nyon mongs pa thams cad spong bas tshig bag la nyal med pa dang/ dri ma dang rtsom pa med pas tshig kun nas ldang ba med pa'o/ /gang zag bcu dang 'grogs par mi bya ste/ dman par mos pa dang/ mi brtson pa dang/ nga rgyal can dang/ ser sna la sogs pa drug dang ldan pa dang/ 'dod pa la 'dun pa dang/ gnod sems dang rnam par @312b 'tsho ba'i rnam par rtog pa can dang/ kun tu rtog pa thams cad dang/ sgrib pa dang chod pa dang kun nas dkris pa thams cad pa dang/ nyan thos dang rang rgyal gyi yid la byed pa thams cad dang rnyed pa dang bkur sti dang grags pa la dga' ba thams cad dang/ ngar 'dzin pa dang nga yir 'dzin pa rnams dang lhan cig mi 'grogs pa'o/ /yang yal bar 'dor pa bcad dang mi 'grogs te/ dam pa'i chos 'dzin pa dang/ chos nyan pa dang/ sems can smin par byed pa dang/ chos kyi sbyin pa dang/ bla ma thams cad la rim gro byed pa dang/ bdud kyi las dang/ mu stegs can dkrugs pa dang/ dam pa'i chos 'jig pa dang/ pha rol tu phyin pa dang/ phung po gsum gyi bsngo ba yal bar 'dor ba'o zhes so/ ! /bsgom pa'i dus dang dus ma yin pa'i dbang du byas pa ni/ rab bde myong dang chos bshad la sogs pas/ /khengs tshe ting 'dzin bsgom gyi shes rab min/ / brtson 'grus brtsams kyang 'bras bu ma thob pas/ /'gyod sogs tshe na de las ldog pa'o/ /'das chen las/ bde ba myong ba'am chos bshad pa'am brtson 'grus brtsams pa'am dris pa dang lan la mkhas pa'am/ sdig pa'i grogs po bsten pa'am/ cho rigs can gyis bkur ba la sogs pas nga rgyal skyes pa'i tshe ni ting nge 'dzin pa bsgom gyi shes rab mi bsgom mo/ /brtson 'grus rtsom pa na zhi ba ma thob pas 'gyod pa'am/ dbang po rtul bas dbang po lnga mi thul ba'am nyon mongs pa'i dri ma stug pas tshul khrims dang 'dul ba la the tshom za ba'i tshe ni ting nge 'dzin mi sgom par shes rab bsgom ste dus dang dus ma yin pa shes pa'o zhes so/ ! /theg pa gsum la 'jug pa'i rim pa'i dbang du byas pa ni/ theg pa mthar thug theg mchog nyid yin yang/ /theg pa gnyis las rim gyis bgrod bya ste/ /de spangs theg chen khas 'che rab rmongs pa/ /bde legs mig gcig thub bstan cher 'jig byed/ /sa'i snying po'i mdo las/ byis pa dbang po zhen pa le lo can/ /theg pa gnyis la nan tan mi byed pa/ /theg pa chen po'i 'khor lo ldan mi 'gyur/ /de ni rgya che theg chen snod ma yin/ byis pa gcig pu rnam par @313a @#/ /grol tshol ba/ /blo dang spyod pa zhan cing byams sems med/ /chad par lta la chags pa ngan song gzhol/ /yang dag chos spong chos ma yin pa ston/ /theg pa gnyis la skur cing sdom pa spong/ /rdzogs par bsnyen cing theg chen khas 'che ba/ /nga yi chos 'jig sems can kun la bslu/ /de yi dbang gis mi lus thob par dka'/ /theg pa gsum las theg pa mchog 'dod pa/ /theg pa gsum chos rtogs pa mkhas pa ste/ /dga' zhing spro bas gzhan la rgyas ston na/ /nges par sangs rgyas 'gyur la the tshom spongs/ /tshul khrims nyams shing 'jungs pa nga rgyal can/ /bdag bstod gzhan smod theg chen khas 'che ba/ /de dag spangs te mkhas pa bsten par bya/ /nges par 'tshang rgya khams gsum 'da' bar 'gyur/ /deng 'dir thams cad 'khor la bka' stsal pa/ /gang zhig myur du byang chub mchog 'dod na/ /dge bcu'i las kyi lam la nan tan byos/ /nga yi chos la mi smad shin tu bsrung/ /zhes so/ /yang theg pa dman pa gnyis po la nan tan byas la dbang po ma smin pa brtson 'grus chung ba la theg pa chen po zab mo bstan na 'chad pa dang nyan pa gnyi gas sdig pa chen po thob ste/ sangs rgyas thams cad la 'khu ba'o/ /de ni bdag shes par khas 'che'ang chad par lta ba rgyu 'bras med par 'dzin pas dge ba dang sdig byas pa thams cad la skur cing/ theg pa chen po la rdzun zer ba dam pa'i chos ma rungs par byed pa/ chos ni chos ma yin pa dang chos ma yin pa ni chos ston pas log par lta ba chen po ste/ mir gnas kyang yang dag par na srin po yin pas bskal pa grangs med pa'i bar du mi lus kyang thob par dka'o/ /des na dmyal ba tshad med pa myong yang bla'i mi chad par lta ba ni ma yin no/ /glen pa de myur bar lus dum bur 'chad cing lce lkugs pa dang/ na tsha mi bzad pa myong zhing shi nas nges par mnar med par ltung ste ngan song kun tu 'khor zhing thar pa'i dus med do/ /gal te bskal pa tshad med pa 'das nas mir skyes na yang sangs rgyas med pa snyigs ma lnga bdo bar dmus long dang 'on pa dang lkug pa dang nad @313b mang ba dang lus thung ba dang mi sdug pa dang kun gyi yid du mi 'ong ba dang smra mi mkhas pa dang/ sems rtag tu myos pa dang ci'ang mi shes pa dang/ dbul po dang dge ba'i bshes gnyen dang mi phrad pa dang/ sdig pa'i grogs po'i rjes su byed pas/ yang ngan par lta ba la zhen cing sdig pa sna tshogs byed pas na phyir dmyal ba mnar med du ltung bas ngan song las thar pa'i dus med do/ /de ltar gti mug can chad par smra ba de mi ma rabs tha ma'ang thob par dka' na/ 'phags pa'i chos kyi snod du rung ba'am nyan thos la sogs pa'ang mi thob pas byang chub chen po lta ci smos/ rdza so ma btang bar mar dang 'o ma blugs na/ snod kyi skyon gyis snod bcud gnyi ga ma rungs par byed pa ltar/ sob dpon dang slob ma de gnyis kyang ngo/ /yang gru zags rdol can las rgya mtshor 'jug pa dang/ dmus long la rin po che ston pa dang/ lus rul ba la dri zhim po byug pa la sogs pa ltar/ nga rgyal gyis bag med par stong pa'i lta ba la chags pa'i glen pa mi dge ba bcu mi spong bar theg pa chen po la nan tan byed kyang zab mo shes pa skye mi srid de/ gram khrod du sa bon bzang po btab cing las cher byas kyang 'bras bu med pa'am/ dug gi snod du kha ra cung zad btab kyang spyad du mi rung ba'am/ kha ra'i snod du dug cung zad btab kyang spyad du mi rung ba bzhin no/ /de bas na chos la snod ji lta bar rim gyis 'jug par bya'o zhes so/ /rab tu zhi ba rnam par nges pa'i cho 'phrul las kyang tshogs chung du bsags pa dang/ bsod nams kyi tshogs chen po bsags pa'i sems can dag smin par bya ba'i phyir theg pa tha dad pa bzhag tu zad kyi theg pa ni tha dad du dbyer med de chos kyi dbyings dbyer med pa'i phyir ro zhes so/ ! /da ni spyod pa de lta bu rnams kyi yon tan gyi tshogs bstan pa'i dbang du byas nas yon tan gyi rnam par dbye ba spyir bstan pa las spyod pa'i rnam par dbye ba thun mong ba rnams kyi yon tan sde tshan bcu'i dang po ni/ snying rje che dang chos kun bdag med rtogs/ /tshul khrims la sogs bzhi pa nyi shu yis/ /lhag bsam brtan zhing skyo med mtha' gcig smra/ /dge bas mngon par 'phags sogs don kun 'grub/ @314a @#/ /snying rje la sogs pa ni spyod pa'i khyad par yin la/ lhag pa'i bsam pa brtan pa la sogs pa ni de dag gi yon tan gyi khyad par te 'og ma rnams kyang ci rigs par de bzhin du sbyar ro/ /tshangs pa khyad par sems kyis zhus pa las/ byang chub sems dpa' chos bzhi dang ldan na lhag pa'i bsam pa brtan zhing yid skyo ste/ sems can la snying rje dang/ mi skyo ba'i brtson 'grus dang/ 'khor ba la rmi lam ltar mos pa dang/ sangs rgyas kyi ye shes la mi mnyam pa dang mnyam par 'dzin pa'o/ /chos bzhi dang ldan na mgo gcig tu smra ba ste/ chos thams cad la gang zag med par mgo gcig tu smra ba dang/ byang chub sems dpa' skye gnas thams cad la dga' ba med pa dang/ byang chub sems dpa' rnams theg pa chen po'i bsngags pa dang/ byang chub sems dpa' rnams dge ba dang mi dge ba'i las chud mi za bar mgo gcig tu smra ba'o/ /chos bzhis dge ba'i rtsa bas mngon par 'phags par 'gyur te/ tshul khrims dang/ thos pa dang/ gtong ba dang/ mngon par 'byung ba'o/ /bzhis mi brlang zhing spyod lam mi 'khrug ste/ rnyed pa med pa dang/ smad pa dang/ grags pa med pa dang/ sdug bsngal gyis so/ /bzhis dge ba'i rtsa ba 'phel te/ sems can byang chub la 'dzud pa dang/ sbyin pa rnam smin la mi re ba dang/ dam pa'i chos 'dzin pa dang/ byang chub sems dpa' rnams la shes rab ston pa'o/ /bzhis sa nas sar 'phar te/ dge ba'i rtsa ba gsog pa dang/ nyes pa thams cad spong ba dang/ bsngo ba la mkhas pa dang/ brtson 'grus shin tu 'bar ba'o/ /bzhis sems can smin pa la thabs mkhas par 'gyur te/ sems can gyi rjes su 'jug pa dang/ gzhan gyi dge ba la rjes su yi rang ba dang/ nyes pa 'chags pa dang/ sangs rgyas thams cad la gsol ba 'debs pa'o/ /bzhis sems can la nye bar spyod pa la mkhas par 'gyur te/ sems can la phan pa'i dngos po dang/ bdag bde ba la ma chags pa dang/ bzod cing des pa dang/ nga rgyal bcom pa'o/ /bzhis byang chub @314b kyi sems chud mi gzon te/ sangs rgyas rjes su dran pa dang/ dge ba'i rtsa ba thams cad la byang chub kyi sems sngon du 'gro ba dang/ theg pa chen po'i bsngags pa brjod pa'o/ /bzhis rtse gcig cing yid ma 'dres par 'gyur te/ nyan thos kyi sems spong ba dang/ rang rgyal gyi yid la byed pa spong ba dang/ chos tshol bas mi ngoms pa dang/ ji ltar thos pa'i chos ston pa'o/ /bzhis chos tshol ba ste/ rnyed dka' bas rin po cher 'du shes pa dang/ nad thams cad zhi bar byed pas rtsir 'du shes pa dang/ chud mi za bas don du 'du shes pa dang/ mya ngan las 'das pa'i phyir sdug bsngal thams cad zhi bar 'du shes pa'o/ / bzhis ltung ba las 'byung ba la mkhas pa ste/ nang nas mi skye ba'i chos la bzod pa dang/ mi 'pho bas mi 'gag pa la bzod pa dang/ rgyu la rtog pas rten 'brel la bzod pa dang/ gcig nas gcig tu sems phan tshun du gyur pa'o/ /bzhis nyon mongs pa rnam par sbyong ba ste/ tshul bzhin so sor rtog pa dang/ ma 'ongs pa na sdom pa dang/ dkar po'i chos stobs bskyed pa dang/ rab tu dben par gnas pa'o/ /bzhis chos nyan pa'i 'khor te/ chos 'dod kyi klan ka tshol bas ma yin pa dang/ ri mo byed cing khengs pas ma yin pa dang/ dge ba ci yin zhes tshol gyis bdag spyoms pas ma yin pa dang/ sems can dge ba la 'dzud par 'dod kyi/ rnyed pa dang/ bkur sti 'dod pas ma yin pa'o/ /bzhis chos kyi sbyin pa rnam par 'byed pa ste/ dam pa'i chos 'dzin pa dang/ rang gi shes rab gsal bar byad pa dang/ skyes bu dam pa'i las byed pa dang/ kun nas nyon mongs pa dang rnam par byang bar ston pa'o/ /bzhis rgyu'i stobs dang ldan zhing dge ba'i rtsa ba chud mi za ba ste/ gzhan gyi nyes pa la mi lta ba dang/ khro ba la byams pa sgom pa dang/ chos rnams kyi rgyu ston pa dang/ byang chub kyi sems mi gtong ba'o/ /bzhis pha rol tu phyin pa drug ma bslabs par shes pa ste/ sbyin pa la sngon du 'gro ba dang/ ltung bas pha rol la mi rtsod pa dang/ sems can smin pa'i phyir bsdu ba'i dngos po la mkhas pa dang/ chos @315a @#/ /rnams la zab mor mos pa'o/ /bzhis bsam gtan la gnas kyang 'dod par skye ba ste/ sems las su rung ba dang/ dge ba'i rtsa ba'i stobs bskyed pa dang/ sems can mi 'dor ba dang/ thabs dang shes rab bsgom pa'o/ /bzhis sangs rgyas kyi chos rnams las phyir mi ldog pa ste/ 'khor ba dpag tu med pa 'dzin pa dang/ sangs rgyas dpag tu med pa mchod pa dang/ byams pa dpag tu med pa dang/ snying rje dpag tu med pa bsgom pa'o/ /chos bzhi dang ldan na sangs rgyas kyi rigs rgyun mi gcod pa ste/ dam bcas pa las mi 'gyur ba dang/ ji skad smras pa bzhin byed pa dang/ dge ba'i rtsa ba la shin tu mos pa dang/ bsam pa'i nan tan la gnas pa'o zhes so/ ! /sde tshan gnyis pa ni/ gzhan yang byang chub sems kyis rab 'jug dang/ /bdud rnams kun 'joms khong khro med sogs pa/ /chos tshogs dgu bcus smon lam kun rdzogs shing; ;brtan pa'i las dang ngan song 'chad sogs thob/ /'jam dpal gyi sangs rgyas kyi zhing gi bkod pa las/ chos bzhi dang ldan na smon lam yongs su rdzogs par 'gyur te/ byang chub kyi bsam pas zhugs pa dang/ sems can la snying rje ba dang/ brtson 'grus rtsom pa dang/ dge ba'i bshes gnyen bsten pa'o zhes so/ /nam mkha' mdzod kyis zhus pa las/ byang chub sems dpa'i las ni bzhi ste/ bdud dang nyon mongs thams cad tshar bcad pa dang/ phas kyi rgol ba thams cad chos dang mthun pas zil gyis gnon pa dang/ sems can yongs su smin par bya ba dang/ dam pa'i chos yongs su bzung ba'o/ /de bzhi'ang gcig gis bsdus te chos 'dzin pa'o zhes so/ /rgya mtshos zhus pa las/ chos bzhi dang ldan na byang chub sems dpa'i ngan song 'chad de/ sems can la khong khro med pa dang/ dge ba bcu blangs nas thams cad bsrung ba dang/ gzhan gyi nyes pa mi gleng zhing mi brnyas pa dang/ bdag gi 'khrul pa la rtog gi gzhan gyi la mi rtog pa'o/ /chos bzhis mi khom pa thams cad spong ste/ dkon mchog gsum rtag tu bsngags pa dang/ chos 'dod pa dag g.yeng bar mi byed pa dang/ gzhan 'gyod pa mi skyed pa dang/ gzhan 'gyod pa skyes pa dag @315b gi 'gyod pa sel ba'o/ /bzhis lha dang mir skye ste/ byang chub kyi sems mi gtong zhing gzhan la'ang sgrogs pa dang/ tshul khrims nyams par mi byed pa dang/ bsam gtan la bsam pa dag pa dang/ sems can smin par bya ba'i phyir snying rje bskyed pa'o/ /chos brgyad kyis sangs rgyas mthong ba dang mi 'bral te/ sangs rgyas rjes su dran pa yid la byed pa dang/ sangs rgyas la bsnyen bkur dang mchod pa byed pa dang/ de'i bsngags pa rgyun tu brjod pa dang/ sku gzugs byed pa dang/ de blta ba la sems can 'dzud pa dang/ zhing gang na sangs rgyas bzhugs pa thos pa der skye bar smon pa dang/ rgyud mi zhum zhing rgya chen po la mos pa dang/ sangs rgyas kyi ye shes 'dod pa'o/ /chos bzhis dge ba'i bshes gnyen rnyed par 'gyur te/ de la g.yo sgyu med par bkur sti byed pa dang/ chos gces par bkur ba dang/ bka' blo bde zhing gso sla la des pa dang/ nga rgyal med cing sri zhu che ba'o/ /chos gsum gyis 'tsham pa'i yul 'thob ste/ mi brlang zhing gya gyu med pa dang/ phrag dog dang ser sna spong ba dang/ gzhang yi rnyed pa dang bkur sti dang bde bar sbyar ba la dga' ba'o/ /chos lngas dad pa dang ldan te/ mos pa'i stobs dang/ bsod nams kyi tshogs dang/ /las kyi rnam smin la 'jug pa dang/ byang chub kyi sems mi gtong ba dang/ chos nyid la rton pa'i stobs so/ /chos gnyis kyis dga' ba shas che bar 'gyur te/ rgyu'i stobs dang/ sbyor ba'i stobs so/ /chos gsum gyis las kyi rnam smin la rton te/ bdag med pa la mos pa dang/ bzod pa'i stobs dang/ /yang dag pa'i las legs par rtsom pa'o/ /chos gnyis kyis mi dge ba'i chos thams cad spangs nas dge ba'i chos thams cad kyis 'bogs par 'gyur te/ phung po gsum gyi bsngo ba dang/ bag yod par gnas pa'o/ /yang gnyis te/ dge ba'i rang bzhin du gyur pa dang/ rnam par smin pa la mi re ba'o/ /chos lngas chos don du gnyer bar 'gyur te/ gzugs la sogs pa lnga don du gnyer ba ma yin pa'o/ /yang lnga ste/ chos don du gnyer gyi lus don du mi gnyer ba dang/ yon tan don du gnyer gyi srog mi gnyer ba dang/ shes rab don du gnyer gyi reg pa mi gnyer @316a @#/ /ba dang/ dge ba don du gnyer gyi tshor ba mi gnyer ba dang/ sems can bskyab pa don du gnyer gyi rang gi dge ba don du mi gnyer ba'o/ /drug gis chos 'dod pa ste/ rab tu byung ba'i yon tan 'dod kyi rtags tsam mi 'dod pa dang/ chos nyan pa 'dod kyi rgyang paN gyi gsang tshig ma yin pa dang/ chos tshol ba 'dod kyi zang zing ma yin pa dang/ chos la so sor rtog pa 'dod kyi tshul bzhin ma yin pa yid la byed pa mi 'dod pa dang/ chos bsgrub pa 'dod kyi yi ge dang brda mi tshol ba dang/ sangs rgyas kyi chos nyan 'dod kyi nyan thos dang rang rgyal ba'i mi 'dod pa'o/ /brgyad kyis chos kyi kun dga' ba la dga' ba ste/ byang chub kyi sems kyi gtam la dga' yi theg pa dman pa'i gtam la ma yin pa dang/ bsdu ba'i dngos po'i gtam la dga' yi phyin ci log gi la ma yin pa dang/ chos kyi lugs kyi gtam la dga' yi rgyang paN gyi la ma yin pa dang/ sangs rgyas kyi che ba'i gtam la dga' yi 'khor ba rgyun chad pa'i la ma yin pa dang/ zab mo rten cing 'brel par 'byung ba'i gtam la dga' yi bdag tu lta ba 'dzin pa'i la ma yin pa dang/ chos bdag med pa dang rkyen rnam par dag pa'i gtam la dga' phi rtag chad dang bdag la sogs pa'i la ma yin pa dang/ rnam par thar pa'i sgo gsum gyi gtam la dga'i dmigs par blta ba'i la ma yin pa dang/ rab tu byung ba la dmigs pa dang sangs rgyas kyi zhi ba bkod pa'i gtam la dga' yi zhi ba la btang snyoms pa'i gtam la ma yin pa'o/ /dgos pa lngas thos pa tshol ba la chog mi shes te/ thos pa las shes rab 'byung ba dang/ 'gyod pa dang the tshom sel ba dang/ kun nas nyon mongs pa dang rnam byang rtogs pa dang/ sems can gyi nyon mongs pa spong ba dang/ mi 'jigs pas the tshom 'chad pa'o/ / yang gnyis kyis 'phags pa'i yang dag pa'i lta ba bskyed pa dang/ chags pa med pa'i gzungs 'thob pa'o/ /chos bcus thos pa bsgrub pas mngon par 'phags par 'gyur te/ rnyed pa dang bkur sti la 'dod pa chung zhing chog shes pa dang/ thos pa tshol ba lus srog la mi @316b lta ba dang/ spyod lam la dran pa dang shes bzhin dang/ ji skad thos pa la shas cher rtogs pa dang/ 'du 'ji med par bya ba nyung ba dang/ sbyor ba la brtson 'grus kyis srod dang tho rangs mi nyal bar brtson pa dang/ bla ma la gus pa dang ri mo byed cing ngo tsha shes pa dang/ khrel yod phun sum tshogs pas dge ba'i bshes gnyen bsten pa dang/ snying rjes sems can la blta ba dang/ yon tan rdzogs par bya ba'i phyir 'phags pa'i gang zag la rim gro byed pa dang/ shes pas lha dang bcas pa'i 'jig rten bskyab pa'o zhes so/ ! /sde tshan gsum pa ni/ me tog la sogs 'bul dang gzhan dag gi /dge ba'i bar chad mi byed la sogs pa/ /bzhi pa bcu yis rdzus te skye ba dang/ /rdzu 'phrul gyis ni zhing gzhan rgyu sogs 'thob/ /blo gros bzang mos zhus pa las/ chos bzhi dang ldan na sangs rgyas kyi thad du rin po che'i padma las rdzus te skye bar 'gyur te/ phye ma dang me tog snyim pas bkang ba 'bul ba dang/ gnod sems spong ba dang/ sku gzugs byed pa dang/ byang chub chen po la mos pa rgya che ba'o/ /chos bzhis rdzu 'phrul gyis zhing nas zhing du rgyu ste/ gzhan gyi dge ba'i bar chad mi byed pa dang/ chos nyan pa'i bar chad mi byed pa dang/ sangs rgyas kyi mchod rten la mar me 'bul ba dang/ ti nge 'dzin bsgom pa'o/ /bzhis dgra zla med pa thob par 'gyur te/ g.yo med par dge ba'i bshes gnyen bsten pa dang/ gzhan gyi rnyed pa la dga' ba dang/ ser sna med pa dang/ byang chub sems dpa'i spyod pa la mi smod pa'o/ /bzhis tshig btsun par 'gyur te/ ji skad smras pa bzhin byed pa dang/ mdza' bo la yod pa'i rang bzhin mi 'chab pa dang/ klan ka mi 'tshol bar chos nyan pa dang/ chos smra ba la 'phya skur mi byed pa'o/ /bzhis las kyi sgrib pa dag par 'gyur te/ lhag pa'i bsam pas sdom pa gsum la gnas pa dang/ mdo sde zab mo la mos shing mi spong ba dang/ byang chub sems dpa'i rnams la thams cad mkhyen pa ltar blta ba dang/ sems can la byams pa bsgom pa'o/ /bzhis bdud kyi las spong ste/ chos thams cad mnyam pa nyid bsgom pa dang/ brtson 'grus che ba dang/ sangs rgyas rjes dran bsgom pa dang/ dge ba'i rtsa ba bsngo ba'o/ /bzhis 'chi gar sangs rgyas mdun na bzhugs shing chos nyan la sdug @317a @#/ /bsngal myong bar mi 'gyur te/ gzhan gyi bsam pa rdzogs par byed pa dang/ mos pa mang ba dang/ sbyin pa rgya che ba gtong ba dang/ dkon mchog mchod pa la brtson pa'o zhes so/ /sangs rgyas kyi yul bsam gyis mi khyab pa la 'jug pa las kyang/ chos bzhis dge ba'i chos thams cad sdud par 'gyur te/ tshul khrims la gnas pa'i thos pa dang/ bsam gtan la gnas pa'i shes rab dang/ mngon shes la gnas pa'i ye shes dang/ thabs la gnas pa'i bag yod pa'o zhes so/ /blo gros rab gnas kyis zhus pa las/ chos bzhis bdud 'joms pa'i ti nge 'dzin 'thob ste lhag pa'i bsam pa la 'jug pa dang/ g.yo med pa dang/ zab mo rtogs pa dang/ bdog pa thams cad gtong ba'o/ /yang bzhi ste/ dge ba'i bshes gnyen bsten pa dang/ sdig pa'i grogs po spong ba dang/ sbyangs pa'i yon tan dang tshul khrims dang ldan pa dang/ 'du 'dzi med par spyod pa'o/ /yang bzhi ste/ tshul khrims ma nyams pa dang/ tshul khrims ma ral ba dang/ tshul khrims ma 'dres pa dang/ tshul khrims nag nog med pa'o zhes so/ ! /bzhi pa ni/ lus yongs dag dang bla ma la gus sogs/ /yongs dag brgyad ba brgyad kyi tshul khrims dang/ /thos sogs yongs dag ces bya ba ste/ sangs rgyas kyi yul bsam gyis mi khyab pa la 'jug pa las/ yongs su dag pa brgyad kyi tshul khrims la 'jug ste/ lus yongs dag pa'i rnam pa dang/ de bzhin du ngag dang/ yid dang/ bsam pa dang/ 'tsho ba dang/ sbyangs pa'i yon tan yongs su dag pa'i rnam pa dang/ tshul 'chos la sogs pa spong ba'i rnam pa dang/ byang chub kyi sems mi brjed pa'i rnam pas 'jug pa'o/ /thos pa yongs su dag pa'ang brgyad de/ bla ma la gus pas yongs su dag pa dang/ de bzhin du nga rgyal med pa dang/ brtson 'grus dang/ ti nge 'dzin dang/ dran pa mi g.yeng ba dang/ bstan pa dang bshad pa dang/ bdag mi bstod cing gzhan mi smod pa dang/ tshul bzhin so sor ? rtog pa dang/ ji ltar thos pa'i chos bsgrubs pas yongs su dag pa'o/ /brgyad kyis bsam gtan yongs su dag pa ste/ dgon pa dang dben pa la dga' ba dang/ 'du 'dzi spong ba dang/ yul dang mi 'dre ba dang/ lus sems @317b las su rung ba dang/ kha zas nyung dus 'tsho ba dang/ dmigs pa la 'jog pa dang/ sgra dang mtshan ma rnam par 'jig pa dang/ bden pa bzhi dang zang zing med par so sor 'ged pas so/ /brgyad kyis shes rab yongs su dag pa ste/ phung po la mkhas pa dang/ khams dang/ skye mched dang/ bden pa dang/ rten 'brel dang rnam par thar pa'i sgo dang/ dbang po la mkhas pa dang/ bag la nyal dang kun nas dkris pa 'joms pa la mkhas pas so/ /brgyad kyis mngon shes yongs su dag pa ste/ sgrib pa med par gzugs thams cad mthong bas lha'i mig dang/ sgrib pa med par sgra kun thos pas lha'i rna ba dang/ sems can kun gyi spyod pa la blta bas gzhan gyi sems shes pa dang/ sgrib pa med par sngon gyi mtha' rjes su dran pas de shes pa dang/ zhing tshad med par 'gro bas rdzu 'phrul shes pa dang/ zag pa zad pa dus ma yin pa spangs pas de shes pa dang/ g.yo ba dang rlom sems med pas dge ba'i rtsa ba bskyed pa dang dam bca' ba nyams 'og tu chud pas bshes pa brtan pa yongs su dag pa'o/ /brgyad kyis ye shes yongs su dag pa ste/ phung po lnga shes pas sdug bsngal shes pa dang/ sred pa shes pas kun 'byung shes pa dang/ rten 'brel skye ba med pa rtogs pas 'gog pa shes pa dang/ 'dus byas dang 'dus ma byas mnyam pa nyid kyis lam shes pa dang/ las dang bya ba mi 'gal bas rgyu shes pa dang/ bdag la sogs pa med pas rkyen shes pa dang/ 'khor gsum rnam par dag pas dus gsum shes pa dang/ shes rab kyi pha rol tu phyin pa ye shes thams cad la 'jug pa thams cad mkhyen pa yongs su dag pa'o/ /nges par sems pa yongs su dag pa yang brgyad de/ nang nye bar zhi ba dang/ phyi rol du mi rgyu ba dang/ khams gsum la mi gnas pa dang/ rten 'brel dang mthun pa dang/ skye ba med pa dang 'byung ba med pa dang/ mngon par 'du bya ba med pa dang/ chos thams cad bdag med pa dang/ nyon mongs pa thams cad kyis mi 'khrugs pa'o/ /bag yod pa yongs su dag pa yang brgyad de/ tshul khrims mchog 'dzin med pa dang/ thos pa yongs su byang ba dang/ shes rab gsum gyis bsdus pa dang/ mngon shes las ma nyams pa dang/ ye shes rlom sems med pa dang/ nges par sems pa g.yeng ba med pa dang/ dge ba'i chos chud mi za bas @318a @#/ /yongs su dag pa'o zhes so/ ! /lnga pa ni/ gcig nas 'phros pa bcus/ ngan 'gro yongs spongs myur bar mngon 'tshang rgya/ /byams pas zhus pa las/ ngan song thams cad spong zhing sdig pa'i grogs po'i lag tu mi 'gro la myur du mngon par rdzogs par 'tshang rgya ba'i chos gcig ni lhag pa'i bsam pa phun sum tshogs pa'i byang chub kyi sems so/ /gnyis ni zhi gnas tshol ba dang/ lhag mthong la mkhas pa'o/ /gsum ni snying rje chen po thob pa dang/ stong pa nges par sems pa dang/ des mi rlom pa'o/ /bzhi ni tshul khrims la gnas pa dang/ chos thams cad la som nyi med pa dang/ dgon pa la dga' ba dang/ yang dag par blangs pa las mi 'da' ba'o/ /lnga ni stong pa nyid la gnas pa dang/ gzhan gyi skyon mi tshol ba dang/ rang la rtog pa dang/ chos la dga' ba dang/ gzhan la phan pa la zhugs pa'o/ /drug ni brkam pa med pa dang/ sdang ba med pa dang/ rmongs pa med pa dang/ dris ma thag lan legs par ldon pa dang/ bsnyen dka' ba med pa dang/ stong pa nyid spyod yul ba'o/ /bdun ni dran pa la mkhas pa dang/ chos la mkhas pa dang/ brtson 'grus brtsams pa dang/ dga' ba thob pa dang/ shin tu sbyangs pa dang ldan pa dang; ting nge 'dzin la mkhas pa dang/ shes rab kyis rab tu dbye ba la mkhas pa'o/ /brgyad ni yang dag pa'i lta ba la sogs pa lam gyi yan lag brgyad dang ldan pa'o/ /dgu ni bsam gtan bzhi la sogs pa mthar gyis gnas pa'i snyoms par 'jug pa dgu dang ldan pa'o/ /bcu ni ti nge 'dzin bcu ste/ rdo rje lta bu dang/ gnas dang gnas ma yin pa la brtson pa dang/ thabs kyis 'gro ba dang/ rnam par snang byad dang/ kun nas snang ba dang/ kun tu gsal ba dang/ rin chen zla ba dang/ zla ba sgron ma dang/ nyon mongs med pa dang/ rgyal mtshan gyi rtse mo'i dpung rgyan gyi ting nge 'dzin no/ ! /drug pa ni/ phun tshogs brgyad dang byang chub sems brtan sogs/ /bzhi pa dgu yis phyir mi ldog pa dang/ /bdud las 'da' sogs dge legs mang 'thob cing/ /rgyal sras yon tan la sogs dpe yis gsungs/ /byams pas zhus pa nyid las/ @318b chos brgyad kyis byang chub chen po las phyir mi ldog cing nyams par mi 'gyur la/ bdud phyir rgol ba bcom ste byang chub sems dpa'i spyad pa spyod pa na/ chos thams cad kyi mtshan nyid ji lta ba rtogs nas 'khor ba na yongs su mi skyo bas gzhan gyi kha na ma las pa'i ye shes kyis myur du mngon par 'tshang rgya ste/ bsam pa phun sum tshogs pa dang/ sbyar ba phun sum tshogs pa dang/ gtong pa phun sum tshogs pa dang/ bsngo ba la mkhas pa dang/ byams pa phun sum tshogs pa dang/ snying rje phun sum tshogs pa dang/ thabs la mkhas pa dang/ shes rab kyi pha rol tu phyin pa la nges par 'byung ba'o/ /dang po ni/ dkon mchog gsum gyi bsngags pa dang/ bsngags pa ma yin pa thos kyang byang chub chen po la nges pa brtan pa'o/ /gnyis pa ni srog gcod pa la sogs pa bdun spangs pa'o/ /gsum pa ni dge sbyong la sogs pa dang phongs pa la sogs pa la gos la sogs pa'i sbyin pa pho dang sbyin bdag tu gyur pa'o/ /bzhi pa ni/ lus dang ngag dang yid kyi dge ba gang byed kyang rdzogs pa'i byang chub tu bsngo ba'o/ /lnga pa ni byams pa'i lus la sogs pa'i las dang ldan pa'o/ /drug pa ni/ gnod sems med pa'i lus la sogs pa'i las dang ldan pa'o/ /bdun pa ni kun rdzob dang don dam pa dang gnyi ga'i don la mkhas pa'o/ /brgyad pa ni 'di yod pas 'di 'byung ba dang 'di 'gags pas 'di 'gag pa nyi shu rtsa bzhi la mkhas pa'o/ /bdud kyi las las 'da' ba'i chos bzhi ste/ byang chub kyi sems mi gtong ba dang/ sems can thams cad la khong khro med pa dang/ lta bar gyur pa thams cad rtogs pa dang/ sems can thams cad la mi brnyas pa'o/ /dge ba'i chos thams cad sdud pa bzhi ste/ chul 'chos med par dgon par gnas pa dang/ lan la mi re ba'i bsdu ba'i dngos po bzhi dang/ lus dang srog gtong zhing dam pa'i chos tshol ba dang/ thos pa dang don gyis mi ngoms shing dge ba'i rtsa ba thams cad sdud pa'i brtson 'grus so/ /bsod nams kyi tshogs dpag tu med pa'i chos bzhi ste/ zang zing med pa'i chos kyi sbyin pa dang/ tshul khrims 'chal ba rnams la ches brtse ba dang/ sems can thams @319a @#/ /cad la byang chub kyi sems ston pa dang/ nyams chung ba rnams la bzod pa'o/ /ma rig pa'i bag chags 'joms pa'i chos bzhi ste/ tshul khrims kyi sdom pa 'dzin pa dang/ dam pa'i chos 'dzin pa dang/ sgron ma sbyin pa dang tha na 'dris pa la yang sbyin pa'o/ / sgrib pa med pa'i ye shes 'thob par byed pa bzhi ste/ dam pa'i chos sbyin pa dang/ dam pa'i chos 'dzin pa dang/ phrag dog med pa dang/ gzhan la mi brnyas pa'o zhes so/ /dge ba'i rtsa ba yongs su 'dzin pa las/ theg pa chen po la zhug pa chos bzhi dang ldan na rang gis rang dbugs 'byin cing lung ston par 'gyur te/ nor gyi phung po thams cad gtong ba dang/ tshul khrims kyi phung po la gnas pa dang/ lus dang srog la thug kyang chos zab mo mi gtong ba dang/ chos smra ba la bde ba'i yo byad thams cad kyis spro bar byed pa'o/ /chos bzhis byang chub chen po las mi nyams shing tshe brjes nas 'khor los bsgyur bar skye la ji ltar smon pa ltar dge ba'i rtsa ba bsgrub/ sred med kyi bu ltar lus che zhing stobs dang ldan/ de myur du gling bzhi spangs nas rab tu byung bas tshangs pa'i gnas bzhi la sogs pa 'thob ste/ mchod rten zhig pa 'chos par spro zhing tha na 'jim gong gcig tsam yang brtsigs pa dang/ lam mdo mi mang po 'du ba'i sar mchod rten nam lha khang ngam sku gzugs byed cing sangs rgyas kyi bsngags pa brjod pa dang/ sangs rgyas kyi nyan thos sam dge 'dun rtsod par gyur na zhi bar byed pa dang/ bstan pa 'jig pa na tshigs su bcad pa gcig tsam yang 'dzin cing chos smra ba bsrung ba la lus dang srog la mi lta ba'o/ /chos bzhis byang chub chen po las mi nyams te/ lhag pa'i bsam pas byang chub tu sems bskyed pa dang/ sangs rgyas kyi bstan pa la dad pa dang/ chos nyan pas mi ngoms pa dang/ mi slu bas bden par smra ba'o/ /chos bzhis byang chub sems dpa'i byang chub yongs su sbyong ba ste/ stong pa nyid bsgom pa dang/ sems can thams cad la zhe 'gras pa med pa'i sems dang/ byang chub sems dpa' rnams la rtag tu phan pa bsgrub pa'i sems dang @319b zang zing med pa'i sems kyis chos kyi sbyin pa ston pa'o zhes so/ /byang chub sems dpa'i spyod pa'i yon tan dpes bstan pa ni/ byams pas zhus pa las/ sa chen po 'gyur ba med cing lan la mi re bar sems can gyi 'tsho ba yin pa ltar/ sems dang po bskyed pa'ang sems can gyi 'tsho ba ste lan la mi re ba'o/ /chus rtswa dang shing la sogs pa thams cad bskyed pa ltar bsam pa dag pa'i byams pa'ang sems can thams cad la dkar po'i chos thams cad bskyed pa'o/ /mes lo tog smin par byed pa ltar shes rab kyis sems can gyi dkar po'i lo tog smin par byed pa'o/ /rlung gis zhing thams cad bsgrub pa ltar thabs la mkhas pas sems can la sangs rgyas kyi chos thams cad bsgrub pa'o/ /bdud kyi dpung gi tshogs yan lag bzhi pa 'dod lha thams cad kyis zil gyis mi non pa ltar bsam pa dag pa bdud thams cad kyis zil gyis mi non to/ /zla ba yar ngo 'phel ba ltar bsam pa dag na dkar po'i chos thams cad 'phel ba'o/ /nyi mas lan cig phyung ba'i 'od kyis thams cad snang bar byed pa ltar byang chub sems dpa'i shes rab lan cig gis sems can thams cad la shes rab kyi snang ba bskyed pa'o/ /sengge gar 'gro yang mi 'jigs pa ltar byang chub sems dpa' tshul khrims dang thos pa dang ldan pa yang thams cad du mi 'jigs so/ /glang po dul ba khal khyer bas mi skyo ba ltar ye shes dul ba sems can gyi don du phung po lnga'i khur gyis mi skyo'o// padma chu'i nang du skyes kyang mi gos pa ltar 'jig rten du skyes kyang 'jig rten gyis mi gos so/ /ljon shing rtsa bar ma snang na yal ga bcad kyang skye ba ltar nyon mongs pa bcad kyang thabs la mkhas pas khams gsum du skye'o/ /phyogs thams cad kyi klung rnams rgya mtshor phyin pa na lan tshwa ro gcig pa ltar dge ba'i rtsa ba sgo du ma nas bsags pa rnams byang chub chen por bsngos na thams cad mkhyen par ro gcig pa'o/ /rgyal chen ris bzhi dang sum cu rtsa gsum pa ri rab la gnas pa ltar thams cad mkhyen pa yang byang chub kyi sems kyi dge ba'i rtsa ba la gnas so/ /blon pos rgyal @320a @#/ /po'i bya ba thams cad byed pa ltar thabs kyis zin pa'i shes rab kyis sangs rgyas kyi mdzad pa thams cad byed do/ /sprin med na char gyi rgyu med pa ltar thos pa nyung ba la chos kyi char gyi rgyu med do/ /sprin las char gyi rgyun bab pas lo tog spel ba ltar snying rje las mang du thos pa las byung ba'i chos kyi char sems can la 'bab bo/ /'khor los bsgyur ba gang du byung bar rin po che bdun 'byung ba ltar byang chub sems dpa' gang du byung bar byang chub kyi phyogs kyi chos sum cu rtsa bdun 'byung ngo/ /bai DU rya 'byung ba'i sgo yod par kar sha ba na brgya stong mang po'i sgo yod pa ltar byang chub sems dpa' 'byung ba'i sgo yod par nyan thos dang rang rgyal brgya stong 'byung ngo/ /sum cu rtsa gsum pa'i lha 'dres pa'i tshal du zhugs pa rnams longs spyod mtshungs pa ltar byang chub sems dpa' bsam pa dag pa'i sbyor ba yang sems can thams cad la bya ba thams cad byed par mtshungs so/ /sman dang sngags kyis zin pa'i dug gis 'chi bar mi nus pa ltar ye shes dang thabs kyis zin pa'i nyon mongs pas log par ltung bar byed mi nus so/ /grong khyer gyi lud bu ram shing dang rgun gyi shing la phan pa ltar/ byang chub sems dpa'i nyon mongs pa'i lud kyang thams mkhyen pa la phan no/ /so ma btang ba'i snod la me chen po dgos pa ltar shes rab ma smin pa'i sems can la byang chub sems dpas chos kyi me chen po btang dgos so/ /'phongs ma bslabs pa mtshon cha'i thabs slob pa ltar byang chub sems dpa' thos pa chung bas chos rnam par 'byed pa dang spyod pa dang don 'dzin pa slob dgos so zhes so/ ! /bdun pa ni/ mi 'phrogs dad sogs rnams kyis ting nge 'dzin/ /mchog sogs ci 'dod yon tan rnam mang 'thob/ /da ltar gyi sangs rgyas mngon sum du bzhugs pa'i ting nge 'dzin las/ chos bzhi dang ldan na ting nge 'dzin 'di 'thob ste/ mi 'phrogs pa'i dad pa dang/ mi ldog pa'i brtson 'grus dang/ gzhan gyi dring mi 'jog pa'i shes rab dang/ dge ba'i bshes gnyen la bsnyen bkur byed pa'o/ /yang bzhi ste/ sems can rnams sangs rgyas blta bar bskul ba dag chos nyan par bskul ba @320b dang; byang chub tu sems bskyed par bskul ba dang/ phrag dog med pa'o/ /yang bzhi ste/ sku gzugs byed pa dang/ ting nge 'dzin 'di bris te sbyin pa dang/ nga rgyal can nga rgyal med par byang chub la 'jog pa dang/ sangs rgyas kyi bstan pa bsrung ba'o/ /gser mdog bsod nams brgya yi mtshan mnga' la; ;mdzes shing kun nas yongs su rgyas par gyur/ /gser gyi gzugs bzhin blta na sdug pa yi/ /bsod nams mchog mnga' sangs rgyas dran par byos/ /dang ba'i sems kyis me tog phreng ba dang/ /byug pa dag dang na bza' bcas pa yis/ /bde bar gshegs pa la ni mchod pa byos/ /ting 'dzin la sogs rnyed par dka' mi 'gyur/ /ting 'dzin mchog sogs yon tan 'dod pas ni/ /ri mo legs par bris shing mtshan rdzogs la/ /gser gyi mdog 'dra rgya che skyon med pa/ /mtshungs pa med pa'i sku gzugs byed pa dang/ /dga' bar byed pa'i chos ni mdun bzhag nas/ /tshul khrims yongs dag thos pa tshol byed la/ /le lo'i dngos po yongs su spangs byas na/ /yon tan gang yang ring po mi thogs rnyed/ /chos smra ba la de bzhin gus pa skyed/ /ston par 'du shes rtag tu nye bar zhog /nga rgyal ma byed chags pa spang byos la/ /chos sbyin pa la nam yang 'jungs ma gyur/ /zhes so/ /sangs rgyas kyi ye shes phyag rgyal las kyang/ zang zing med pa'i sems kyi gnas nas ni/ /chos kyi dam pa 'khor la rab tu bshad/ /legs so zhes bya ba'ang 'dod pa ma yin na/ /shes kyi khe 'dod par lta ga la 'gyur/ /bas mtha' dga' zhing dgon dben spyod yul ba/ /tshig tsam ma yin zab mo bzod pa dang/ /bse lta bu dang shes khe bde bsrings la/ /de ni byang chub 'jig par 'gyur ba bsrung/ /tshogs las bsrings shing rab tu zhi la mos/ /ri dwags lta bur 'jigs shing gnas med rgyu/ /mkha' la rlung bzhin rnyed la mi chags pa/ /de 'dra de ni rgyal ba'i chos 'dzin yin; ;lus la mi lta srog don mi gnyer na/ /shes kyi khe 'dod par lta ga la 'gyur/ /brtson brtsams bdag gi ma yin ci yang med/ /de ni ma 'ongs dus na byang chub snod ces so/ ! /brgyad pa ni/ gzhan la khong khro med par lta sogs dang/ /kun mkhyen sems kyis bsgos pa'i mngon shes sogs/ @321a @#/ /drug tshan gsum la sogs pas mngon shes dang/ /sgrib med ye shes la sogs rnam mang 'thob/ /rgya mtshos zhus pa las/ ? chos drug gis mngon shes kyis rnam par rtse ba 'thob ste/ sems can la khong khro med par lta bas lha'i mig yongs su dag pa dang/ dag tu smra ba dang du len pas lha'i rna ba dag pa dang/ sems la nyon mongs med pas gzhan gyi sems shes pa dag pa dang/ dge ba'i rtsa ba sngar byas pa ? gtong bas sngon gyi gnas rjes su dran pa dag pa dang/ mthun par byed cing bka' blo bde la ji skad smras pa bzhin byed pas rdzu 'phrul shes pa dag pa dang dpe ? mkhyud med pas zag pa zad pa shes pa dag pa'o/ /yang drug ste mar me sbyin pa dang/ sil snyan dang glu dbyangs sbyin pa dang/ nyon mongs pa med par sbyin pa dang/ dge ba'i chos dran par byed cing bskul ba dang/ sgrib pa med cing 'gyod pa bsal ba dang/ chos byin pas de drug rim bzhin dag pa'o/ /yang drug ste/ sangs rgyas lta ba dang/ chos nyan pa dang/ sems kyis nges par brtags pa dang/ dge 'dun rjes su dran pa dang/ 'dun pa drag pa dang/ chos sgrub par byed pas rim pa bzhin no/ /chos bzhis sgrib pa med pa'i ye shes mthong ba la 'jug ste/ thams cad mkhyen pa'i sems kyis bsgos pa'i mngon shes lnga dang/ byams pa dang snying rjes bsgos pa'i so so yang dag par rig pa bzhi dang/ thabs dang shes rab kyis bsgos pa'i snyoms par 'jug pa bzhi dang/ rnam par thar pa'i sgo gsum gyis bsgos pa'i byang chub kyi phyogs kyi chos sum cu rtsa bdun no/ / chos bzhis sems ? can gyi spyod pa dang bsam pa dang chog shes par 'gyur te/ 'jig rten gyi rjes su 'jug pa'i shes pa dang/ snyoms 'jug la mkhas pa'i shes pa dang/ shes pa dang bsam pa las su rung ba'i bsam pa dang/ sems la dbang byed pa'i thabs so/ /chos lngas sems can smin par byed de/ bdag bde ba la mi lta bas mi skyo ba dang/ brtson pa brtan pas sems can la bde ba sbyin pa dang/ snying rje che bas sems can gyi spyod pa'i rjes su 'jug pa dang/ gong du'ang yon tan khyad par can la 'god pa'o/ /chos bcus 'jigs skrag pa dang bral nas byang chub sems dpa'i spyad pa spyod par 'gyur te/ sbyin pa brtan @321b pas mtshan gyis brgyan pa dang/ tshul khrims la gnas pas ngan song bcad pa dang/ bzod pa'i go chas dbang po ma nyams pa dang/ brtson 'grus brtan pas dge ba'i tshogs kyis chog mi shes pa dang/ bsam gtan la gnas pas cang shes kyi sems dang/ shes rab dang ldan pas nyon mongs bcom pa dang/ thabs mkhas pas bsngo ba shes pa dang/ so so yang dag par rig pa thob pas don dang chos la sogs pa bzhi la mkhas pa dang/ gzungs thob pas sems can gyi the tshom gcod pa dang/ sangs rgyas kyis byin gyis brlabs pas dam pa'i chos 'dzin pa'o/ /chos brgyad kyis phyir mi ldog pa'i chos la gzhol bar 'gyur te/ ji skad smras pa bzhin byed pa dang/ bdag gi 'khrul pa la rtog cing gzhan gyi la mi rtog pa dang/ srog gi phyir yang gzhan la brnyas pa mi byed pa dang/ rnyed pa dang bkur sti thob pas mtho bar mi 'dzin pa dang/ ma thob kyang dma' bar mi 'dzin pa dang/ sems can thams cad la yon gnas su lta bas sbyin pa byin pa dang/ bgo bsha'i ngang tshul can te dpe mkhyud mi byed pa dang/ gzhan bde bas dga' ste phrag dog dang ser sna med pa dang/ sdug pa dang mi sdug pa thams cad gtong ba la 'gyod pa med pa'o/ /chos lngas byang chub chen po las phyir mi ldog pa ste/ pha rol tu phyin pa rdzogs pas thabs la mkhas pa dang/ chos thams cad ji lta ba la mkhas pas zab mo'i tshul la gnas pa dang/ mngon par shes pa ma nyams pas sems can gyi dbang po la mkhas pa dang/ legs par khong du chud pa shes pas chags pa med par spyod pa dang/ zad mi shes pa bsgrub kyang rten 'brel la dpyod de zag pa thams cad zad par yang mi byed pa'o/ /chos gsum gyis bzod pa thob par 'gyur te/ sems can yongs su dag par bya ba'i phyir bdag med pa dang/ ? yongs su dag par bya ba'i phyir dben pa dang/ ye shes yongs su dag par bya ba'i phyir chags pa med pa'o/ /chos bzhi dang ldan na sangs rgyas kyis lung ston par 'gyur te/ chos la lhag pa'i bsam pas bsgrub pa dang/ dkar po rnam par mthong bas spyod pa la spyod pa rdzogs pa dang/ sems can gyi bsam pa la ye shes kyi stobs thob pa dang/ shin tu med pas rang bzhin gyis ma skyes pa'i chos shes pa'o/ /zhes so/ ! /dgu pa ni/ gzhan yang chos @322a @#/ /las byung ba'i dad brtan dang/ /las rung sems kyis bsam gtan bsgyur la sogs/ /bzhi pa nyi shu brgyad kyi theg chen la/ /gzhan dring mi 'jog khyad par 'gro sogs 'thob/ blo gros rgya mtsho las chos bzhi dang ldan na theg pa chen po la gzhan gyi dring mi 'jog pa ste/ chos las byung ba'i dad pa 'phags pa 'jig rten las 'das pa dang/ phyir mi ldog pa'i brtson 'grus 'bar bas sems can smin par brtson pa dang/ shin tu brtags pa'i blos mngon shes kyi ye shes kyis rtse ? na ba dang/ so so yang dag par rig pa'i shes rab kyis chos thams cad nges par rtogs pa'o/ /chos bzhis khyad par du 'gro zhing de la mi chags te/ sems las su rung bas bsam gtan bsgom pa la mkhas pa dang/ gzhan la bde ba sbyin zhing rang gi bde ba la ma chags pa dang/ snying rjes byams pa chen po la gnas pa dang/ gong ma'i khyad par 'dod pas rgya chen po la mos pa'o/ /chos bzhis blo mi 'gyur zhing brtan pa ste/ g.yo sgyu med pa'i bsam pa dang/ bsam pa dag pa'i sbyor ba dang/ sbyor ba las mi ldog pa'i lhag pa'i bsam pa dang/ lhag pa'i bsam pa ma bor ba'i bsgrub pa'o/ /chos bzhis thabs kyi shes pa yongs su dag pa ste/ sems can thams cad bdag med par mthong yang bsdu ba'i dngos po bzhis sems can smin par byed pa dang/ chos thams cad brjod du med pa'ang shes la yi ge'i nges pa'i tshig gis chos ston zhing dam pa'i chos 'dzin pa dang/ sangs rgyas chos skus rab tu phye bar yang mos la mtshan dang dpe byad bsgrub pa'i phyir brtson 'grus mi nyams pa dang/ sangs rgyas kyi zhing thams cad nam mkha' ltar yang rtog la de dag par bya ba'i phyir yang rtsol ba'o/ /chos bzhis rgyang ring du blta ba la rtsa ba ma chad pa ste/ byang chub kyi snying po la yang blta la byang chub kyi sems kyang mi 'dor ba dang/ sangs rgyas kyi ye shes la yang blta la sems zhum pa las ? bde ? ba ? dang/ chos kyi 'khor lo bskor ba la yang blta la ji ltar thos pa'i chos ston pa las kyang mi skyo ba dang/ mya ngan las 'das pa chen po la yang blta la skye shi'ang mi smod pa'o/ /chos bzhis yul yang 'byor la bag yod pa'ang mi 'dor ba ste/ mi rnams smin par bya ba'i phyir 'khar los bsgyur bar yang skye la 'du byed mi rtag par rtags pas yul rnams 'byor kyang bag med par mi 'gyur @322b ba dang/ lha rnams smin par bya ba'i phyir brgya byin du'ang skye la 'du byed sdug bsngal bar rtog pas yul la bag med par mi 'gyur ba dang/ bdud rnams smin par bya ba'i phyir bdud du skye 'ang chos thams cad bdag med par rtog pa dang/ tshangs ris rnams smin par bya ba'i phyir tshangs par skye 'ang mya ngan las 'das pa zhi bar rtog pas so/ /chos bzhis don zab mo la yang mi skrag ste/ bla ma rtag tu byang chub zab mo ston pa bsten pa dang/ mdo sde zab mo mnyan pa'i phyir dpag tshad brgyar yang 'gro ba dang/ ji ltar thos pa'i don la tshul bzhin du dpyod pa dang/ don la rton gyi tshig la mi rton pa'o/ /chos bzhi dang ldan na byang chub sems dpa' yang dag pa ste/ pha rol tu phyin pa thams cad tshol ba'i brtson 'grus dang/ sems can thams cad smin par brtson pa'i snying rje dang/ sangs rgyas kyi chos kun rdzogs par byed pa brtson pa'i stobs dang/ 'khor ba dpag tu med pa 'dzin par brtson pas mi skyo bar tshogs gnyis pa ? sogs pa'o/ /zhes so/ /lha'i bu rab rtsal sems kyis zhus pa las kyang/ chos bzhi dang ldan na brtson 'grus brtan pa ste phyir mi ldog pa'i brtson 'grus dang/ bsam pa dag pa'i brtul ba dang/ byang chub la 'dun pa drag pa dang/ sangs rgyas kyi chos bsgrub pa la mi skyo ba'o/ /chos bzhis bsod nams kyis 'phags pa ste/ shes rab kyi pha rol tu phyin pa la 'doms pa dang/ byang chub kyi sems ma bskyed pa bskyed du 'jug pa dang/ sprul pa lta bur dus gsum gyi dge ba bsngo ba dang/ byang chub kyi sems dang ma bral bas dge ba'i rtsa ba thams cad bskyed pa'o/ /chos bzhis ye shes chags pa med pa ste/ shes pas las byed kyi nga rgyal gyis ma yin pa dang/ chos thams cad rten 'brel byed pa po med par shes pa dang/ stong pa nyid yul du byed kyang sems can mi gtong ba dang/ chags pa thams cad las 'das shing skye mched drug shes pa'o/ /chos bzhis shes rab kyi mun pa med pa ste/ thos pas mi ngoms shing tshul bzhin yid la byed pa la sbyor ba dang/ zang zing med pa'i sems kyis chos ston pa dang/ chos kyi dbyings dbyer med pa shes pa'i phyir nyon mongs pa thams cad sgyu ma lta bur rtog pa dang/ tshul gcig las tshul thams cad la 'jug pa'o/ /chos bzhis 'khor gyi nang du bag tsha ba dang bral ba ste/ thos pa 'dzin @323a @#/ /pa'i gzungs thob pa dang/ chos thams cad kyi the tshom gcod pa'i spobs pa thob pa dang/ thams cad la bdag med par ston pa'i snying rje chen po dang/ bdud dang nyon mongs pa thams cad dang bral ba'i ye shes kyi go cha'o/ /chos bzhis thos pa don la rton pa ste/ thos ? pa dang mi ldan zhing bsgrub pa nyams pa'i byis pa spong ba dang/ tshig gi lam thams cad shes pa'i don du brag cha lta bur shes pa dang/ don 'dod pas thos pa tshol gyi dga' ba dang mgu ba'i phyir ma yin pa dang/ brjod du med pa la 'jug gi brjod pa'i don la ma yin pa'o/ /chos bzhis 'jig rten pa'i chos kyi tshul la rton pa ste/ bre mo'i gtam byed pa la chos ston pa dang/ skye bo mang po 'dus pa la 'chi ba rjes su dran pa dang/ gtong ba chen po dag la rjes su yi rang zhing bsngo ba dang/ 'du 'dzi thams cad las dben par gzhol ba'o/ /chos bzhis sangs rgyas kyis gsungs pa bzhin smra ba ste/ byang chub kyi sems mi gtong ba dang/ thos pa bsgrub pa snying por byed pa dang/ ji skad smras pa bzhin byed pa dang/ rang bzhin gyis bdag med pa la 'jug pa'o/ /chos bzhis chos smra ba po ste/ rang bsgrub cing gzhan la ston pa dang/ rang dul ba la sogs pas gzhan dul ba la sogs pa'i phyir chos ston pa dang/ rang byang chub chen po'i bsam pa des pas gzhan theg pa chen po la 'god pa dang/ rang chos 'dod cing 'dod pa gzhan la ston pa'o/ /chos bzhis bdud kyis mi rdzi ste/ stong pas bsgrub pa'i bsam gtan dang/ sems can mi gtong ba'i snying rje dang/ dkon mchog gsum gyi gdung mi gcod pa'i brtson 'grus dang/ thabs kyis bsgrubs pa'i pha rol tu phyin pa'o/ /chos bzhis bya ba thams cad kyi rgyu la mkhas pa ste/ longs spyod kyi rgyu sbyin pa mi spong ba dang/ mtho ris kyi rgyu tshul khrims dang/ shes rab che ba'i rgyu thos pa dang/ 'bral ba'i rgyu bsgom pa mi spong ba'o; ;chos bzhis lta ba dang bral shing rten 'brel shes pa ste/ chad par smra ba ma yin pa dang/ rtag par smra ba ma yin pa dang/ lugs su 'byung bar blta zhing bdag tu blta ba ma yin pa dang/ lugs las ldog pa la blta zhing srid pa 'gog par yang mi byed pa'o/ /chos bzhis sems can smin par bya ba'i @323b thabs la mkhas pa ste/ byang chub sems dpa' thams cad la rag las par blta ba dang/ dge ba'i rtsa ba bsags pa la mi skyo ba dang/ srid pa'i sgo nas zhi ba'i sgo tshol ba dang/ sems can gyi mos pa ji lta ba'i thabs byed kyi nyon mongs pas ma yin pa'o/ /chos bzhis sems can thams cad kyi nye bar 'tsho ba ste/ longs spyod mi zad pa dang/ chos bshad pa mi zad pa dang/ mngon par shes pa thob pa dang/ sems sa dang mtshungs pa'o/ /chos bzhis 'jig rten thams cad 'du ba ste/ tshangs pa'i gnas bzhi dang/ bsdu ba'i dngos po bzhi dang/ bden pa bzhi shes pa dang/ so so yang dag par rig pa bzhi thob pa'o/ /chos bzhis thams cad kyis bsngags par 'gyur ba ste/ thos pa dang tshul khrims dang ldan la tshul mi 'chos pa dang /des shing 'grogs na bde ba dang/ dben par dga' zhing dbang po thul pa dang/ rang bde ba la ma chags shing sdig pa dang bral ba'o/ /chos bzhis spyod pa thams cad ma smras ? pa ste/ dad pa dang/ brtson 'grus dang/ brtse ba phun sum tshogs pa gsum dang/ theg pa chen por bsngo ba la mkhas pa'o/ /chos bzhis bya ba thams cad la slob dpon du 'gyur te/ nga rgyal med pa dang/ bla ma la gus pa dang/ bag yod pa dang/ 'dun pa drag po'o zhes so/ /lhag pa'i bsam pa bskul ba las kyang/ chos bzhi dang ldan na lnga brgya tha ma chos 'jig pa'i tshe ma smas ma snang ? la bde bar thar par 'gyur te/ bdag gi 'khrul pa la rtog pa dang/ byang chub sems dpa' gzhan gyi nyes pa mi gleng ba dang/ mdza' bshes dang slong mo ster ba'i khyim la mi lta ba dang/ yid du mi 'ong ba'i tshig spong ba'o/ /yang bzhi ste/ thos pa nyung ba'i sems can spong ba dang/ 'khor mi bsdu ba dang/ bas mtha'i gnas mal bsten pa dang/ bdag dul ba dang/ zhi gnas kyi sbyor ba la brtson pa'o zhes so/ ! /sde tshan bcu pa ni/ chos la nan tan byed pas rtsa ba brtan/ /bdag la nges bskyed bsod nams zhing mi rtog/ /zhing sbyong lhag ma bsal dang las rgyu bcad/ /rnam dag lus bsgom rkyen rig dgra rnams spong/ /mtha' gnyis spangs pa'i yon tan @324a @#/ /bcu 'grub cing/ /gzhan yang chos bzhis mi gnas zhi ba 'thob/ /'das chen las/ chos la nan tan byed pa'i yon tan bcu ste/ rtsa ba brtan pas bsgul zhing dbyung dka' ba dang/ bdag la nges pa'i 'du shes skyed pa dang/ bsod nams kyi zhing dang de ma yin pa mi rtog pa dang/ zhing sbyong ba dang/ lhag ma bsal ba dang/ las kyi rgyu bcad pa dang/ rnam par dag pa'i lus bsgom pa dang/ rkyen rnams rig pa dang/ dgra rnams spong ba dang/ mtha' gnyis gcod pa'o/ /rtsa ba ni bag yod pa ste/ byang chub kyi rtsa ba'o/ /sangs rgyas rnams kyi dge ba thams cad kyi rtsa ba ni bag yod pa ste/ 'dis dge ba'i chos gzhan yang bskyed cing spel ba'o/ /des na ba glang gi rjes dang/ 'khor los bsgyur ba dang/ klung chen po bzhi dang/ ri'i rgyal po ri rab dang/ sengge dang/ sgra gcan dang/ sangs rgyas dang/ chos dang/ dge 'dun gyi dpe rnams kyis dge ba'i chos thams cad kyi nang na bag yod pa mchog go /bdag la nges pa'i 'du shes ni lus 'di byang chub thob pa'i snod du rung bas/ byams pa dang snying rje la sogs pa sbyangs na nges par sangs rgyas 'thob par shes pa'o/ /bsod nams kyi zhing mi rtog pa ni/ sangs rgyas nas sems can thams cad kyi bar zhing du tha mi dad par blta ba'o/ /zhing sbyong ba ni sngar brjod pa ltar ro/ /lhag ma bsal ba ni nyon mongs pa'i 'bras bu dang las dang srid pa gsum gyi lhag ma bsal ba ste/ dang po ni/ 'dod chags kyi bag chags kyis sems can dmyal bar ltung la/ de las thar kyang dud 'gro phug ron dang mchil pa la sogs par skye'o/ /mir gyur kyang nyug rum dang ma ning dang smad 'tshong la sogs par ro/ /brgya la rab tu byung yang rtsa ba dang po 'jig par byed do/ /zhe sdang gi bag chags kyis dmyal ba nas thar kyang sbrul gdug pa dang stag dang spyang ki dang khra la sogs par ro/ /mi 'ang tshul ngan pa bcu gnyis dang ldan par te/ rab tu byung yang rtsa ba gsum pa 'jig go /gti mug gis ni dmyal ba nas thar kyang ba lang dang lug dang phag la sogs par ro/ /mir gyur kyang @324b dmus long dang 'on pa la sogs par ro/ /rab tu byung yang rtsa ba kun 'jig go /nga rgyal gyis ni dmyal ba nas thar kyang srin bu dang khyi dang rnga mo dang rta la sogs par ro/ /mi 'ang bran dang phongs pa dang sprang po la sogs par ro/ /rab tu byung yang kun gyis brnyas pa dang rtsa ba bzhi 'jig go; las kyi lhag ma ni/ byis pa'i las dang nyon mongs pa thams cad dang/ rgyun du zhugs pa srid pa bdun len pa'i las la sogs pa'o/ /srid pa'i lhag ma ni las dang nyon mongs pa gang yang med kyang dgra bcom pa dang rang rgyal gyi 'bras bu thob pa'o/ /de gsum ga byang chub sems dpas ni bsal bar 'gyur ro/ /rnam par dag pa'i lus bsgom pa ni srog gcod spong ba la dang po'i sems lnga ste/ tha ma dang/ 'bring dang/ rab dang/ yang rab dang/ 'bring gi rab bo/ /bcug la yang de bzhin du sbyar bas lnga bcu dang/ gdon mi za ba'i sems lnga bcu ste brgya'o/ / bsod nams brgya dang ldan pa des mtshan gcig go/ de lta bu sum cu rtsa gnyis dang/ dpe byad bzang po brgyad cu dang ldan pa ste/ 'jig rten pa'i lha brgyad cur dad pa 'dul ba'i phyir ro/ /'di lta ste/ nyi ma bcu gnyis dang/ lha chen po bcu gnyis dang/ skar ma chen po bco lnga dang/ sme bdun dang/ rta zhes bya ba dang/ lam bgrod pa dang/ b+ha ra d+hwa dza dang/ su na dang/ rgyu skar nyi shu rtsa brgyad dang/ chen po bzhi'i lha dang/ tshangs pa dang/ ru tra dang/ in te dang/ ku mA ra dang/ lag brgya pa dang/ dbang bsgyur chen po dang/ bu mang po dang/ pa sha la dang/ mgon po bzhi dang/ yi ge byed pa dang/ ba su zhes bya ba'i lha rnams so/ /de dag la dad pa rnams la dpe byad dag gis de dag so sor bstan pas 'dul ba'o/ /dper na mi zhig rgyal po spyan 'dren na khyim brgyan cing byi dor byas te zas bzang po sbyar nas 'dren pa ltar/ byang chub sems dpa' chos kyi 'khor los sgyur ba'i rgyal po spyan 'dren pa'ang rang gi lus sbyangs nas so/ /yang bdud rtsi 'thung ba sngar lus dag par byed pa ltar shes rab kyi pha rol tu phyin pa'i bdud rtsi 'thung ba'ang sngar dpe byad bzang pos lus dag par byed pas so/ /rkyen la mkhas pa ni gzugs @325a @#/ /kyi mtshan nyid dang rgyu dang skye ba dang 'jig pa la sogs pa mi mthong ste rgyu dang rkyen rab tu rig pas so/ /chos thams cad kyang de bzhin no/ /dgra spong ba ni nyon mongs pa thams cad rtag tu spong ba'o/ /byang chub sems dpa' sa lnga pa thob pa ni nyon mongs pa la dgrar mi lta ste/ de las skye ba len pas gzhan don rgyun mi chad pas so/ /de skye ba len yang ngan song gi 'jigs pa med de theg pa chen po spong ba la dgrar lta'o/ /yang bdud brgyad dgra yin pas de spong ngo/ /mtha' gnyis spong ba ni srid pa nyi shu rtsa lnga dang/ sred pa nyon mongs pa can spong ba'o/ /chos bzhi dang ldan na mya ngan las 'das pa chen po thob ste/ dge ba'i bshes gnyen bsten pa dang/ rtse gcig tu chos nyan pa dang/ de nan tan du yid la byed pa dang/ yang dag par bsgrub pa'o/ /dper na nad pa nad tshabs che bas sman pa bsten pa dang de'i dpyad nyan pa dang/ de 'dzin pa dang/ sman gyi sbyor bas nad sel ba ltar byang chub sems dpa' ni nad pa lta bu'o/ /dge ba'i bshes gnyen ni sman pa lta bu'o/ /shin tu rgyas pa'i sde snod ni sman dpyad do/ /de yid la byed pa ni 'dzin pa'o/ /byang chub kyi phyogs kyi chos sum cu rtsa bdun ni sman gyi sbyor ba'o/ /nyon mongs zad pa ni nad byang ba lta bu'o/ /dper na rgyal po zhig chos bzhin du srid bzung nas 'bangs rnams bde bar bskyang ngo snyam ste/ blon po blo dang ldan pa la sngon gyi rgyal po'i chos kyi srid dris shing rtse gcig tu bzung nas spyad pas 'tshe ba med cing bde bar 'byor pa ltar/ byang chub sems dpa' yang bla ma las gsung rab bcu gnyis mnyan te bzung nas pha rol tu phyin pa drug spyad pas nyon mongs pa spong zhing/ rtag pa dang bde ba dang gtsang ba dang bdag gi pha rol tu phyin pa thob pa'o zhes so/ ! /dpe las 'das shing dka' ba spyod pa'i khyad par gyi yon tan ni/ yongs dag zhing du bye ba brgya stong lor/ /tshangs spyod bsten pas snying ? mar rab bdo 'dir/ /se gol gtogs tsam byams pa bsgom pa ni/ /dka' bas 'jug phyir grangs dang char mi phod/ /stobs chen bzhi yis rgya mtsho @325b bzhi yi chu/ /ji snyed gang nas zhugs pa'i chu klung rnams/ /rgyun las bzlog ste ma dros mtshor phab na/ /de ni brtson ldan dka' ba cher byed yin/ /de bas lhag bsam dam pas gzhan don du/ /snying rje byang chub sems bskyed la sogs pa/ /ches dka'i lam la 'jug pa'i skyes chen rnams/ / don chen bsgrub phyir rmad byung legs tshogs ldan/ /phyogs bcu'i zhing gi rdul snyed sangs rgyas la/ /mchod mchog phul sogs bsod nams gong nas gong/ /khyad 'phags de snyed rang rgyal la mchod pas/ /sangs rgyas kun mkhyen 'jig rten mgon po zhes/ /mtshan gcig thos pa'i char yang mi phod de/ /dang bas phyag 'tshal mchod sogs smos ci dgos/ /de lta'i zhing mchog rnams la bsod nams ni/ /chung ngu bskrun kyang rnam smin dpag med 'thob/ /'jam dpal gyi zhing gi bkod pa las/ 'jig rten gyi khams 'di ci'i phyir mi mjed ? ces bya zhe na/ sems can dag 'dod chags dang zhe sdang dang gti mug dang sdug bsngal las mi mjed pas so/ /de dag ni 'dod chags dang zhe sdang la sogs pa skyes pa mi sel bas thog tu ma bab bo zhe na/ de na gnas pa'i byang chub sems dpa' dag rgyal ba la bya ba byas pa bzod pa dul ba dang des pa yin pas de dag las btags pa'o/ /bcom ldan 'das kyang sems can dmu rgod kyi nyes pa thams cad kyis mi rdzi ba'i phyir ro/ /'o na der ma skyes pa rnams ste sa ? so snyam na/ ma yin te shar phyogs kyi 'jig rten gyi khams stong gis brgyan pa zhes bya ba sangs rgyas dbang phyug chen po'i rgyal po'i zhing na sems can thams cad bde ba dang ldan te dge slong 'gog pa la snyoms par zhugs pa bzhin no/ /der lo bye ba brgya stong du tshangs par spyod pa spyad pa bas/ mi mjed ? du se gol gtogs pa srid byams pa bskyed pa bsod nams ches mang na nyin mtshan du yongs su dag par gnas pa lta ci smos/ /zhes so/ /gzhan yang byams pa sengge'i sgra las/ dper na mi stobs dang shugs dang ldan pas rgya mtsho chen po bzhi'i chu'i phung po ji snyed yod pa thams cad chu klung gi rgyun gang nas der zhugs pa'i rgyun de @326a @#/ /nyid nas chu'i mtha'i phyir bzlog ste rgyun las ldog thabs kho nar mtsho chen po ma dros par phab na mi de brtson 'grus dang dka' ba cher byed pa'o/ /de bas ni gang zhig lhag pa'i bsam pas sems can gyi don du snying rje las byang chub kyi sems bskyed de nan tan byed pa ches dka'o/ /de bas kyang dkon mchog gsum yod do/ /legs par spyad pa dang/ nyes par spyad pa'i las kyi 'bras bu yod do/ /zhes rtog pa ches dka' la ngo mtshar che'o/ /de bas kyang 'dod chags dang zhe sdang dang gti mug skyes pa sel ba'o/ /de bas kyang mdza' bshes la sogs pa dang longs spyod rnams spangs nas rab tu byung bar 'dod pas khyim nas gom pa bdun 'dor ba'o/ /de bas kyang gos ngur ? smrig bgos te legs par rab tu byung ba'o/ /de bas kyang rab tu byung nas gdams ngag la nan tan byed pa dang bslab pa ji ltar bcas pa la slob pa'o/ /de bas kyang 'du 'rdzi ? la 'jigs te dgon par phyogs nas gom pa bdun 'dor ba'o/ /de bas kyang chos thams cad stong par mos pa'o/ /de bas kyang chos zab mo la rjes su mthun pa'i bzod pa thob pa'o/ /de bas kyang rnam par thar pa'i sgo gsum mngon du byas nas 'bras bu bzhi thob pa'o zhes so/ /gzhan yang nges pa dang ma nges pa la 'jug pa'i phyag rgya las/ phyogs bcu'i 'jig rten gyi khams thams cad kyi rdul snyed ? kyi sangs rgyas rnams la nyin gcig bzhin du lha'i zhal zas ro brgya pa dang lha'i na bza' dang 'jig rten gyi khams ganggA'i klung gi bye ma snyed rin po che dbang gi rgyal pos bkang ba phul ba dang/ gzhan gyis sems can re re rgyun du zhugs pa nas dgra bcom pa'i bar la bzhag pa dang/ 'jig rten gyi khams de snyed kyi sems can rang sangs rgyas la bzhag pa bas/ sems can gcig ra'i shing rta lta bus 'gro ba'i byang chub sems dpa' nas sangs rgyas kyi rdzu 'phrul gyis 'gro ba lta bu la bzhag pa bsod nams ches mang ba gong nas gong du'o/ /yang sems can de snyed pa dang dge bsnyen gcig la zan gcig byin pa dang dge slong dang brgyad pa nas sangs rgyas kyi rdzu 'phrul gyis 'gro @326b ba'i rgyal sras la bskal pa ganggA'i bye ma snyed du nyin rer lha'i zas dang gos la sogs pa byin pa dang nyin rer zan re re byin pa gong nas gong du ches lhag par sbyar ro/ /yang de snyed kyi rang rgyal la gnas khang bzang po dang zas la sogs pa phul ba bas/ sangs rgyas zhe'am thams cad mkhyen pa zhe'am 'jig rten gyi mgon po zhes bya ba'i sgra thos sam gzugs bris pa la sogs pa mthong na bsod nams ches mang ste thal mo sbyar ram me tog la sogs pa 'bul lam bsngags pa brjod pa lta ci smos/ chu'i thigs pa chung du rgya mtshor song ba'ang bsreg pa'i bskal pa ma byung gi bar du mi zad pa ltar/ sangs rgyas la dge ba'i rtsa ba chung du ji lta bu bskyed kyang thams cad mkhyen pa'i ye shes kyi me ma byung gi bar du mi zad do zhes so/ /de lta bu'i zhing la ni bsod nams las kyi las chung du byas kyang rnam par smin pa dpag tu med pa dang ldan pas yon tan bsam gyis mi khyab pa 'byung bar blta'o/ ! /byung ba'i mtha' brjod pas yon tan la nges pa bskyed pa ni/ de dag la sogs dam pa rnams kyi ni/ /bzang po'i gnas gyur spyod pa mchog rnams kyi/ /yon tan rlabs chen 'jam dbyangs dpa' bo dang/ /rgyal po mu khyud sogs kyi byung ma shas ? gsungs/ /'jam dpal gyi zhing gi bkod pa las/ sngon bskal pa brgya stong ganggA'i bye ma snyed phrag bdun gyi pha rol gyi'ang ches pha rol na/ shar phyogs su zhing ganggA'i bye ba phrag dgu bcu rtsa gnyis kyi bye ma snyed 'das pa'i 'jig rten gyi khams 'byung ba bzang po na sangs rgyas 'brug sgra dbyangs kyi rgyal po bzhugs so/ /der 'khor los bsgyur ba'i rgyal po nam mkha' 'khor dang bcas pa'i las gzhan mi byed cing mi skyo bar sangs rgyas de nyan thos dang bcas pa la/ lo brgyad khri bzhi stong du zhal zas dang na bza' dang pho brang gzhan dang gzhan rim gro ba gzhan dang gzhan la sogs pa bde bar sbyar ba thams cad kyis rim gro byas so/ /de nas bdag gis dge ba'i rtsa ba mang po byas kyang nges pa med pa'i sems kyis byas su zad pas da ni bsngo bar bya'o snyam ste/ dbang po'am tshangs @327a @#/ /pa'am 'khor los bsgyur ba'am nyan thos sam rang sangs rgyas gang du bsngo snyam pa na/ bar snang las lha dag de ltar dma' pa'i sems dag ma skyed cig/ khyod kyis bsod nams kyi phung po rgya che ba byas kyi/ da bla na med pa'i byang chub tu sems bskyed cig ces thos pas rab tu dga' ste/ lha dag gis bdag gi sems la sogs pa shes nas sgra bsgrags pas na bdag ni byang chub las phyir mi ldog go snyam mo/ /de nas de 'khor dang bcas pa ston pa ga la ba der song nas de dag rgyas par gsol cing ji ltar byang chub tu sems bskyed pa ? zhus so/ /bka' stsal ba/ chos rnams thams cad rkyen bzhin te/ /'dun pa'i rtsa la rab tu gnas/ /gang gis smon lam ji btab pa/ /de 'dra'i 'bras bu 'thob par 'gyur/ /rgyal po ngas kyang sngon chad ni/ /rdzogs pa'i byang chub sems bskyed gyur/ /sems can kun la phan don du/ /ngas ni smon lam dam pa btab/ /smon lam ji ltar btab tshul du/ /ngas ni byang chub thob par gyur/ /byang chub dam pa ngas thob pas/ /nga yi bsam pa rdzogs ? par gyur/ /rgyal po chen po brtan gyis la/ /mi 'gyur sems ni bskyed par gyis/ /gal te spyod pa spyad byas na/ /khyod kyang yang dag sangs rgyas 'gyur/ /thub pa'i gsung de thos gyur nas/ /rgyal po de ni dga' bar gyur/ /'jig rten kun gyi mngon sum du/ /sengge'i nga ros tshig 'di brjod/ /'khor ba thog ma med pa yi/ /sngon gyi mtha' ni ji srid pa/ /de srid sems can phan don du/ /spyod pa dpag yas spyad par bgyi/ /'jig rten mgon po'i spyan snga 'dir/ /byang chub mchog tu sems bskyed de/ /'gro ba thams cad mgron gnyer nas/ /de dag dbul zhing phongs las sgrol/ /de ring phan chad gal te yang/ /bdag gis 'dod chags sems bskyed na/ /phyogs bcu dag na gang bzhugs pa'i/ /sangs rgyas thams cad bslus par 'gyur/ /byang chub nam zhig thob par du/ /tha ba'i sems dang gnod sems dang/ /phrag dog dang ni ser sna yang/ /de ring phan chad mi bya'o/ /tshangs par spyod pa bdag gis @327b spyad/ /sdig pa'i 'dod pa yongs su btang/ /tshul khrims sdom dang nges pa la/ /sangs rgyas rjes su bslab par bya/ /bdag ni byang chub ring tshul du/ /'tshang rgyar mos shing spro ba med/ /phyi mthar thug gi bar du yang/ /sems can gcig phyir spyad par bya/ /tshad med bsam gyis mi khyab pa'i/ /sangs rgyas zhing ni sbyang bar bgyi/ /phyogs rnams bcu po thams cad du/ /bdag gi ming ni grags par bgyi/ /lus dang ngag gi las rnams kyang/ /rnam pa kun tu bdag gis sbyang/ /yid kyi las kyang sbyang bar bya/ /mi dge'i las ni spyad mi bya/ / ma 'ongs dus na sangs rgyas te/ /'jig rten mgon du 'gyur zhe na/ /bden pa des ni sa 'di yang/ /rnam pa drug tu g.yos kyur cig/ ces bya ba la sogs pas dang/ 'khor thams cad kyang de ltar sems bskyed do/ /rgyal po de ni rgyal sras thu bo 'jam dpal te/ des sems bskyed nas bskal pa ganggA'i klung grangs med pa brgya stong phrag bdun gyi bye ma snyed 'das so/ /mi skye pa'i chos la bzod pa thob nas kyang gang gi ? drug cu rtsa bzhi'i bye ma snyed 'das te/ de nas sa bcu dang sangs rgyas kyi sa rdzogs nas sangs rgyas kyi chos thams cad yongs su rdzogs pa'o/ /de'i 'khor bye ba phrag nyi shu po ni sangs rgyas thob nas chos kyi 'khor lo bskor te zhi bar gshegs so/ /de thams cad ni 'jam dpal gyis sbyin pa la sogs pa la bkod pas so/ /'di'i smon lam gyi khyod par ni nam bdag gis phyogs bcu mtha' yas bar sangs rgyas kyi spyan gyis bltas na sangs rgyas ji snyed pa thams cad byang chub kyi sems dang sbyin pa la sogs pas byang chub la btsud par ma mthong ba de srid bdag 'tshang mi rgya'i/ nam bdag gis sangs rgyas kyi spyan gyis bltas kyang bdag gis ma bkod pa'i sangs rgyas gang yang ma mthong ba na bdag 'tshang rgya bar bya'o zhes btab pa'o/ /'dis sangs rgyas ji snyed cig mthong snyam na/ skyes bu la las stong gsum 'di rdul phran du brlag pa tsam pa phyogs bcu re rer yang 'dis sangs rgyas mthong ngo/ /yang bdag gi zhing gcig la ganggA'i bye ma du ma snyed kyi zhing gi tha gru yangs bar ma @328a @#/ /grub cing/ zhing de rin po che 'bum phrag du ma las grub la/ de tsam gyis spras pa srid pa'i rtse mo'i tshad tsam du ma gyur par 'tshang mi rgyab la sogs pa mang du gsungs so/ /de sangs rgyas thob pa ni kun tu gzigs pa zhes bya'o/ /'jig rten gyi khams ni smon lam ji lta ba bzhin du yongs su rdzogs shing dag la rdul med pa bsags pa zhes bya ba stong gsum 'di'ang de'i nang du 'dus pa lho phyogs su 'byung ba'o/ /sangs rgyas bye ba khrag khrig phrag 'bum gyi mtshan brjod pa bas ni 'jam dpal gyi ming brjod pa bsod nams ches mang na sangs rgyas kun tu gzigs kyi lta ci smos/ 'jam dbyangs kyis bskal pa re rer sems can gyi don byas pa ni sangs rgyas bye ba khrag khrig 'bum gyis ma mdzad pas so/ /de'i zhing dang bde ba can gyi zhing skra rtse brgya cha'i chu dang rgya mtsho chen po lta bu'o/ / 'di'i spyod pa la gnas pa zhing yang mtshungs pa'i byang chub sems dpa' bzhi yod de/ shar phyogs sangs rgyas mya ngan med pa'i dpal gyi zhing na 'od kyi tog dang/ lho phyogs sangs rgyas yi shes rgyal po'i zhing na ye shes bla ma dang/ nub phyogs rgyal ba shes rab brtsegs pa'i zhing na zhi ba'i dbang po dang/ byang phyogs rgyal ba mthu bo ? che'i zhing na smon lam blo gros so zhes so/ /byams pa sengge'i sgra las kyang/ byang chub sems dpa' gang gis stong gsum 'di chu'i phung po nas tshangs pa'i 'jig rten gyi bar du 'bru mar gyis bkang ste snying po ri rab tsam gyi mar me phul ba bas/ lhag pa'i bsam pa dang ldan pa tshul khrims rnam par dag pa gcig gis bla ma las tshigs su bcad pa gcig ma ? nos te kha ton byed cing gom pa bdun 'dor ba bsod nams ches mang ngo/ /yang stong gsum me tog dang spos kyis bkang ste lo 'bum du nyin lan gsum mtshan lan gsum phul ba bas/ 'du 'dzi dang khams gsum gyis skrag cing sems can gyi don bsgrub pa na dgon par phyogs te gom pa bdun 'dor ba bsod nams ches mang ngo/ /'di sangs rgyas kyis kyal ka'am brjod @328b pa'i ched du gsungs pa ma yin gyi/ mngon sum pa nyid gsungs pa ste/ sngon bskal pa ches bsam gyis mi khyab pa na ston pa me tog sna tshogs 'khor dang bcas pa la 'khor los bsgyur pa'i rgyal po mu khyud kyis lo brgyad khri bzhi stong du las gzhan mi byed par bde ba'i longs spyod bzhed dgu thams cad kyis mchod pa byas so/ /de la khye'u chos dang chos bzang gnyis kyis de'i bsod nams zil gyis gnon pa'i dge ba gzhan yod dam zhes zhus pas/ bka' stsal pa/ yod de byang chub sems dpa' dgon par gnas nas se gol gtogs pa tsam zhig gis chos thams cad gdod ma nas ma skyes par bzod pa thob pa'o/ /de'ang lta zhog stong gsum gyi sems can re res kyang de lta bu'i sbyin pa byas pa bas/ dben par gnas pa tshul bzhin la brtson pa'i lam du zhugs pa zhig chos thams cad stong pa nyid 'gro 'ong med par bzod cing se gol gtogs pa tsam zhig gnas na bsod nams ches mang ngo/ /de'ang lta zhog stong gsum ganggA'i klung gi bye ma snyed kyi sems can thams cad re res kyang bskal pa ganggA'i bye ma snyed du se gol gtogs pa re re'i tshad la yang rgyal po mu khyud kyi sbyin pa de tsam byas pa bas/ khye'u 'di gnyis kyis lhag pa'i bsam pas rgyal ba de'i zhabs la gtugs pa bsod nams ches mang ? ngo ?/ /zhes bya ba la sogs pa gsungs pa'o/ ! /pha rol tu phyin par gtogs pa'i yon tan las pha rol tu phyin pa thams cad kyi dbang du byas nas/ sbyin pas lag na rin chen 'thob la sogs/ /pha rol phyin bcu'i yon tan so sor gsungs/ /de bzhin sbyin pa'i ser sna tshar gcod sogs/ /pha rol phyin drug yon tan bcu tshan drug/ gzhan yang zang zing med pa'i chos bzhi sogs/ /pha rol phyin drug yon tan tshogs rnams las/ /khrims kyi nyi shu drug dang shes rab kyi/ /spyi tsam gsungs te gzhan la bcu pa bzhi/ /chos bgro ba las/ sbyin pa'i pha rol tu phyin pas ni lag na rin po che dang nam mkha'i mdzod thob bo/ /de bzhin du tshul khrims kyis ni ngan song @329a @#/ /thams cad las 'da' ba dang skye ba la dbang ba dang cang shes kyi sems so/ /bzod ? pas ? ni mtshan dang dpe byad kyis brgyan cing blta bas chog mi shes pa'i sku'o/ /brtson 'grus kyis ni mngon shes myur ba dang chos thams cad la dbang byed pa'o/ /bsam gtan gyis ni lus dang sems las su rung ba dang gzungs dang spobs pa rnam pa mang po dang nyon mongs pa'i sgrib pa spong ba'o/ /shes rab kyis ni stobs bcu dang mi 'jigs pa bzhi dang so so yang dag par rig pa bzhi'o/ /thabs kyis ni bde ba dang lus dang ngag dang yid kyi las kha na ma tho ba med pa'o/ /smon lam gyis ni skye ba dran pa dang ji ltar 'dod par 'gro ba dang ji ltar 'dod pa dga' par 'gyur ba'o/ /stobs kyis ni nyon mongs pa dang bdud dang phyir rgol ba thams cad kyis mi rdzi zhing 'jig rten thams ? cad ? las 'phags pa'o/ /ye shes kyis pha rol tu phyin pas bdud bzhi las 'da' ba 'thob bo zhes so/ /ting nge 'dzin gyi rgyal po las ni sbyin pa'i pha rol tu phyin pa'i legs pa bcu ste/ ser sna tshar gcod pa dang/ sems rtag tu gtong ba'i rjes su spel ? ba dang/ skye bo mang po dang thun mong ba'i longs spyod las snying po len pa dang/ longs spyod che ba'i rigs su skye ba dang/ skyes ma thag tu gtong sems thob pa dang/ 'khor bzhi la phangs shing yid du 'ong ba dang/ zhum pa med par 'khor gyi nang du 'gro ba dang/ phyogs kun tu grags pa dang/ rkang lag 'jam shing gzhon sha can dang/ rkang mthil 'jam shing shin tu gnas pa dang/ byang chub kyi snying po'i bar du dge ba'i bshes gnyen dang mi 'bral ba'o/ /tshul khrims kyi legs pa'ang bcu ste/ ye shes kyi rjes su bskor zhing rdzogs par byed pa dang/ sangs rgyas kyi rjes su slob pa dang/ mkhas pas ma smad pa dang/ dam bcas pa las mi g.yo ba dang/ nan tan la gnas pa dang/ srid pa las 'byol ba dang/ zhi ba thob par byed pa dang/ kun nas ldang ba med par gnas pa dang/ ting nge 'dzin thob pa dang/ mi dbul bar 'gyur ba'o/ /bzod pa'i @329b yang bcu ste/ me dang/ mtshon dang/ chu dang/ dug gis mi 'chi ba dang/ lhas bsrung ba dang/ mtshan gyis brgyan pa thob pa dang/ ngan 'gro'i sgo bcad pa dang/ tshangs ? par skye ba rnyed sla ba dang/ bde bar nyin mtshan 'da' ba dang/ lus la dga' bde mi 'dor ba'o/ /brtson 'grus kyi 'ang bcu ste/ bsnyen par dka' ba dang/ ston pas rjes su 'dzin pa dang/ lhas rjes su 'dzin pa dang/ thob pa'i chos las mi nyams pa dang/ ma thob pa'i chos thob pa dang/ ting nge 'dzin thob pa dang/ nad nyung ba dang/ zas bde bar 'ju ba dang/ pad ma ltar 'gyur gyi mda' ste'u kha ltar mi 'gyur ba'o/ /bsam gtan gyi'ang bcu ste/ spyod pa la gnas pa dang/ spyod yul la spyod pa dang/ yongs su gdung ba med par gnas pa dang/ dbang po sbas pa dang/ dga' ba myong ba dang/ 'dod pa las dben pa dang/ bsam gtan gso ? ba ? ma yin pa dang/ bdud kyi yul las thar pa dang/ sangs rgyas kyi yul la gnas pas rnam par grol ba smin par byed pa'o/ /shes rab kyi legs pa'ang bcu ste/ bdog pa gtong la sbyin pas mi rlom pa dang/ tshul khrims dag la de la ma zhen pa dang/ bzod pa la gnas la sems can gyi 'du shes la mi gnas pa ? dang/ brtson 'grus rtsom la lus sems dben pa dang/ bsam gtan la gnas pas bdud kyis thub par dga' ba dang/ rgol bas mi sgul ba dang/ 'du byed 'jug pa thams cad la snang ba thob pa dang/ sems can la snying rje shas cher 'jug cing nyan thos dang rang sangs rgyas kyis sa mi 'dod pa dang/ sangs rgyas kyi bsam gtan dang snyoms par 'jug pa la gnas pa'o/ /de'i yan lag mang du thos pa'i yang bcu ste/ kun nas nyon mongs med par byed pa dang/ the tshom gcod pa dang/ lta ba drang por byed pa dang/ lam log pa spong ba dang/ lam la gnas pa dang/ mi 'chi ba'i sgo la ? gnas pa dang/ byang chub tu bsnyen pa dang/ sems can thams ? snang bar gyur ? pa dang/ ngan 'gros mi 'jigs pa'o zhes so/ /'jam dpal gyi zhing gi bkod pa las kyang zang zing med par chos sbyin pa'i yon tan bcu ste/ sdig pa mi 'dod pa @330a @#/ /dang/ shes kyi khe mi 'dod pa dang/ grags pa mi 'dod pa dang/ khyim mi 'dzin pa dang/ khyim la ser sna med pa dang/ chos gos la sogs pa ngan don ? tsam gyis chog shes pa dang/ des smras pa bzung bar 'os pa dang/ lha dag kyang de'i drung du 'ong pa dang/ tshul bzhin ma yin pa'i rnam rtog mi skyed pa dang/ sangs rgyas kyi sems la sems bskyed pa'o/ /tshul khrims la gnas pas mi 'jigs pa bcu thob ste/ mi 'jigs par grong du 'jug pa dang/ de bzhin du 'khor la chos ston pa dang/ kha zas za ba dang/ gtsug lag khang du 'jug pa dang/ dge 'dun gyi nang du 'jug pa dang/ lung 'bog pa dang/ mkhan po dang slob dpon gyi thad du 'gro ba dang/ byams pa la sogs pas 'khor la 'doms pa dang/ mi 'jigs par gos la sogs pa la spyod pa dang/ des smras pa bzung bar 'gyur ba'o; ;yang bden par smra ba'i yon tan bzhi ste/ kha nas utpal la'i dri bro ba dang/ lus dang ngag dang yid kyi las kyi mtha' dag pa dang/ lha dang bcas pa'i 'jig rten gyi tshad mar gyur cing tshig ? 'khrul pa med pa dang/ sangs rgyas kyi gsung phun sum tshogs pa 'dzin pa'o/ /yang nga rgyal spangs pa'i yon tan bzhi ste/ ngan 'gror skye ba spong bas rnga mo dang bong bu la sogs par mi skye ba dang/ gzhan smad par skye ba spong zhing mi smod par 'gyur ba dang/ phyir rgol ba dang dgras mi rdzi ba dang/ lha dang bcas pa'i 'jig rten gyis phyag bya bar 'gyur ba'o/ /yang phrag dog dang ser sna spong pa'i yon tan ni bzhi ste/ gtong ba'i sems la mi rmongs pa dang/ mu ge byung ba na sbyin bdag tu 'gyur ba dang/ tshul khrims dang ldan pa 'ong na sgo mi gcod pa dang/ gtong ba dang len pa la su'ang phrag dog mi byed pa'o/ /yang pha rol 'byor na dga' ba'i yon tan bzhi ste/ rang gis sems can bzung bar bya par shes pas de dag 'byor na dga' ba thob pa dang/ longs spyod rgyal po la sogs pas nga ? phrog ? tu med pa dang/ de 'byor par gyur na rgyal po la'ang dga' na gzhan lta ci smos pa dang/ longs @330b spyod dang kun tu spyod pa rgya chen po la sems 'jug pa'o/ /bzod pa'i go cha la ? yon tan bcu ste/ rigs phun sum tshogs pa dang/ de bzhin du longs spyod dang/ gzugs dang/ g.yog 'khor dang/ gtong pa dang/ dge ba'i bshes gnyen dang/ chos nyan pa dang/ chos la nan tan byed pa phun sum ? tshogs pa dang/ shi nas kyang sangs rgyas mthong ba dang/ mthong nas dad pa thob pa'o/ /brtson 'grus la'ang yon tan bcu ste/ byis pa'i spyod pa spangs pa dang sangs rgyas kyi spyod pa bzung ba dang/ 'khor ba'i nyes pa shes pa dang/ snying rje chen po bzung ba dang/ sngon dam bcas pa bsgrub pa dang/ nad nyung ba dang/ dus gsum gyi sangs rgyas kyi bka' bzhin byas pa dang/ 'dod pa dang sdang ba dang rmongs pa shas chung ba dang/ ji ltar bstan pa'i tshig gam don shes pa dang/ nan tan gyis bsgrub pa'o/ /dben par bas ma gtan byed pa'i yon tan bcu ste/ dran pa dang ldan pa dang/ blo gros dang/ rtog pa dang/ mos pa dang ldan pa dang/ myur du spobs pa 'thob pa dang/ gzungs bsgrub pa dang/ skye 'jig la mkhas pa thob pa dang/ tshul khrims las mi nyams pa dang/ lhas rim gro byed pa dang/ gzhan gyi 'byor pa la sred pa med pa'o/ /shes rab ni tshul khrims kyi gnas las 'byung ste/ de byung bas dkar po'i chos thams cad 'phel ba'o zhes so/ ! /chos kyi sbyin pa'i khyad par gyi yon tan ni/ /gzhan yang chos sbyin de yi dan ldan sogs/ /nyi shu phrag gnyis phan yon yang dag phul/ /sum cu gnyis dang gzungs sbyong sum cu gnyis/ /spobs pa nyi shu rtsa bzhi sbyong byed bcas/ /gzhan yang dge slong spyod yul rgyu bas ni/ /tshigs bcad gcig tsam chos kyi skyes byin yang/ /stong gsum rin chen bkang ba'i 'jig rten gyi/ /bde ba kun bsdus sbyin pas char mi phod khyim pa rnams la brtse bas bltos med par chos sbyin pas ni shes rab rno sogs 'thob/ /gzhan yang bya min spong dang bya ba la/ 'jug sogs chos sbyin yon tan rnam bcur gsungs/ lhag pa'i bsam pa bskul ba las rnyed pa dang bkur sti mi 'dod par phan pa'i sems kyis zang ? zing ? med pa'i chos kyi sbyin pa byed pa la @331a @#/ /phan yon nyi shu ste/ dran pa dang ldan pa dang/ blo gros dang/ blo dang/ brtan pa dang/ shes rab dang ldan pa dang/ 'jig rten las 'das pa'i shes rab rjes su rtogs pa dang/ 'dod chags dang zhe sdang dang gti mug chung ba gsum dang/ bdud kyi glags mi rnyed pa dang/ sangs rgyas kyis dgongs pa dang/ mi ma yin pas bsrung ba dang/ lhas gzi byin bskyed pa dang/ mi mdza' bas glags mi rnyed pa dang/ mdza' bshes mi phyed pa dang/ tshig btsun pa dang/ mi 'jigs pa thob pa dang/ yid bde ba mang ba dang/ mkhas pas bsngags pa dang/ de'i chos kyi sbyin pa de'ang rjes su dran par bya bar 'os par 'gyur ba'o/ /yang nyi shu ste/ de'i spobs pa ma skyes pa skye ba dang/ skyes pa chud mi za ba dang/ gzungs thob pa'i don du sems drang por 'gyur ba dang/ tshegs chung ngus sems can mang po'i don byed pa dang/ tshegs chung ngus de la sems can mang po gus pa dang/ lus kyi sdom pa dang/ ngag gi sdom pa dang/ sems kyi sdom pa thob pa dang/ ngan 'gro'i 'jigs pa las 'da' ba dang/ dga' bzhin du 'chi 'pho ba dang/ rgol ba rnams chos dang mthun pas tshar gcod pa dang/ sems can mthon pos kyang gzi brjid mi bzod pa dang/ dbang po zil gyis mi non pa dang/ lhag pa'i bsam pa phun sum tshogs pa 'dzin pa dang/ zhi gnas dang lhag mthong 'thob pa dang/ dka' ba'i spyod pa rdzogs par 'gyur ba dang/ brtson 'grus brtsams pa las mi nyams pa dang/ dam pa'i chos kun tu bsrung ba dang; phyir mi ldog pa'i sa myur du non pa dang/ byang chub sems dpa'i spyod pa thams cad la mthun par gnas par 'gyur ro/ /zang zing la mi lta bas chos kyi sbyin pa byed cing zang zing la mi blta ba ma yin par ni shes rab 'chal bar 'gyur ba'o zhes so/ /nam mkha' mdzod las/ /chos kyi sbyin pa la phan yon yang dag phul byung suM cu rtsa gnyis te/ dran pa dang ldan pa dang/ blo gros dang ldan pa dang/ rtogs pa dang ldan pa dang/ 'dod pa chung ba dang/ sdang ba chung ba dang/ rmongs pa chung ba dang/ rang dang gzhan gyi nyon mongs pa tshar gcod @331b pa dang/ skye bo mang po dga' ba dang/ lha rnams kyis bsngags pa dang/ klu la sogs pas bsrung ba dang/ las byas nas bsod snyoms za ba dang/ chos gos la sogs pa rnyed pa dang/ phyogs bcur grags pa dang/ mi ma yin pas mi rdzi ba dang/ sangs rgyas kyis bsngags pa dang/ dam pa'i chos bsrung ba dang/ sangs rgyas kyis 'dzin pa dang/ ngan song thams cad kyis mi 'jigs pa dang/ lha dang mir skye ba dka' ba med pa dang/ sangs rgyas mthong ba dang/ dam pa'i chos nyan pa dang/ dge 'dun bsnyen bkur byed pa dang mi 'bral ba gsum dang/ skye ba dran pa dang/ zhing dag par skye ba dang/ nam yang dbang po ma tshang bar mi 'gyur ba dang/ mtshan sum cu rtsa gnyis thob pa dang/ gzi brjid can gyi gzungs kyi sa bon thob pa dang/ spobs pa mi zad pa'i rgyu 'dzin pa dang/ skye bo mkhas pas g.yog byed pa dang/ shes rab chen po'i rgyu 'dzin pa dang/ myur du chos kyi snang ba thob pa dang/ sems la tshul bzhin ma yin yid ? ba mi 'byung ba dang/ zang zing lhas sbyin pa thams cad zil gyis gnon nas chos kyi gter mi zad pa yongs su 'dzin pa'o/ /des gzungs yongs su sbyong bar byed pa sum cu rtsa gnyis kyis gzungs thob par yang 'gyur te/ chos don du gnyer ba dang/ chos 'dod pa dang/ chos kyi kun dga' la kun dga' zhing mos pa dang/ chos la gzhol ba dang/ chos la 'bab pa dang/ chos la bab pa dang/ mang du thos pa dag la brten pa dang/ bsnyen pa dang/ bsnyen bkur byed pa dang/ mkhan po dang slob dpon la nga rgyal med cing gus pa dang/ chos bstan pas mi ngoms pa dang/ rjes su bstan pa la bka' blo bde zhing mthun par 'dzin pa dang/ chos smra ba la ston par shes shing 'khrul pa mi tshol ba dang/ rab tu 'dzin pa dang/ 'dzin pa dang klog pa la sogs pa le lo med pa dang/ chos la slob dpon gyi dpe ma khyud med cing zang zing med par sbyin pa dang/ shes rab kyi rtsa ba thos pa dang/ tshul khrims kyi chos la sbyor ba dang/ ji ltar thos pa'i don la rtog cing @332a @#/ /mang du thos pas mi ngoms pa dang/ tshangs par spyod pa la gnas pas mi ngoms pa dang/ dben pa la rtag tu gzhol ba dang/ rjes su dran pa drug rjes su dran par byed pa dang/ yang dag par bag chags par 'gyur ba drug mi 'dor ba dang/ gus par bya ba'i gnas drug mi gtong ba dang/ sems can thams cad la khro ba med pas chos la sbyor ba dang/ rten 'brel dang mi 'gal ba'i las dang bya ba bsgrub pa dang/ rnam par thar pa'i sgo gsum la nges par rtog pa la mi skrag pa dang/ 'phags pa'i rigs dang sbyangs pa'i yon tan 'dzin pas yid mi 'chad pa dang/ chos bzung ba la mi zhum pa dang/ sems can la lta bas snying rje che ba dang/ chos la lta bas lus dang srog 'dor ba dang/ yais la blta bas nga rgyal med pa dang/ sems can gyi bya ba la mi skyo ba'o/ /gzhan yang spobs pa yongs su sbyong bar byed pa nyi shu rtsa bzhis spobs pa nyi shu rtsa bzhi 'thob ste/ spobs pa myur ba ni bla ma'i ngag mi gcog pas so/ /de bzhin du ma gyogs pa ni tshur shog dang song zhes bya ba la g.yo med pas so/ /thogs pa med pa ni nyon mongs pa thams cad la chags pa med pas so/ /rgyun mi chad pa ni de la ma chags par gnas pas so/ /shin tu nges pa'i tshig la spobs pa ni phra ma spong bas so/ /zab mo la ni rten 'brel rtog pas so/ /sna tshogs la ni sbyin pa sna tshogs bsags pas so/ /legs par brgyan pa ni chung ma brgyan pa byin pas so/ /zhum pa med pa ni byang chub kyi sems ma nyams pas so/ /'jigs pa med pa ni tshul khrims legs par bsrungs pas so/ /tshigs su bcad pa sna tshogs bstan pa'i nges pa'i tshig la spobs pa ni gdugs dang rgyal mtshan dang dril bu dang ba dang byin pas so/ /mdo dang rtogs pa brjod pa dang sngon byung ba la spobs pa ni sbyin pa ? ma gro dang bsnyen bkur byed pa la sngon du 'gro bas so/ /mi thul ba ni sdug bsngal ba dang dbul po dang mgon med pa la mi brnyas pas so/ /tshig gi dbye ba bstan pa mi zad pa la spobs @332b pa ni gter mi zad pa sbyin pa dang gzhan dag chos la sbyor bas so/ /shin tu gsal zhing ? mdzes pa ni bden pa smra ba dang tha ba med pa dang ngag rtsub med pas so/ /tshig btsun zhing bzung ba ni bla ma'i ngag mi gcog pa dang gzhan gyi'ang mi gcog pas so/ /chos bstan pa 'bras bu yod pa ni rang gi yon tan gyi chos bsgrubs pas so/ /lha'i 'khor gyi rgyan ni bdag mi bstod gzhan mi smod cing phangs pa'i dngos po gtong bas so/ /the tshom thams cad spong ba ni dpe mkhyud med par ji ltar thos pa ston pas so/ /'jig rten dang 'jig rten las 'das pa'i chos la ni bstan bcos shes pa dang gzhan la mi smod pa dang nad g.yog byed pa dang sman sbyin pas so/ /'khrul pa med pa ni pha rol la 'khrul pa'i skabs mi tshol zhing ltung ba mi gleng la 'khrul pa la mi rtog pas so/ /'khor la byams pa dang/ snying rje dang dga' ba dang btang snyoms kyi ni sems can la sems snyoms pas mtshungs par sbyor zhing zhi ba'i lam la 'god pa dang rnyed pa dang bkur sti don du mi gnyer bas so/ /skye ba dran pa ni bka' blo bde ba dang des pa dang ji skad smras pa bzhin byed pa dang sems dga' ba dang gzhan gyi rgyud mi dkrugs pas so/ /sangs rgyas kyi byin gyis brlabs pa'i spobs pa ni theg pa chen po las mi nyams pa dang theg pa dman pa mi 'dod pa dang sems can la snying rje bas thams cad nan tan la 'god pa thob bo zhes so/ /byams pa sengge'i sgra las kyang/ dge slong grong rgyu bas ni mang du thos pa dang gzhung la zhugs pa la sogs pa'i chos kyi skyes kyis 'gro bar bya'i skyes gzhan gyis ma yin te/ brkam chags dang tshul 'chos la sogs pa mi bya'o/ /dkon mchog gsum dang pha rol tu phyin pa drug gi bsngags pa brjod par bya'o/ rnyed pa dang zhing las dang nyo tshong la sogs pa'i gtam gyi skyes mi bya'o/ /la las gzhan la stong gsum rin po ches bkang ste byin nam stong gsum gyi bde ba'i yo byad thams cad bsdus te byin pa bas ni tshigs su bcad pa gcig rna bar grags par byas su zad kyi dad pa ma @333a @#/ /thob tu zin kyang des brtse bar byas pa'am phan btags pa ches che ba ste rin po che la sogs pas ni skye ba la sogs pa las sgrol mi nus la chos thos pas ni nus pas so zhes so/ /rab tu zhi ba rnam par nges pa'i cho 'phrul las kyang/ khyim pa la rnyed pa dang bkur sti mi re bar snying rjes phan par 'dod de chos ston na shes rab rno bar 'gyur/ 'khor los bsgyur ba dang brgya byin dang tshangs pa rdzu 'phrul chen por 'gyur/ mi'i dam pa sangs rgyas su 'gyur ro zhes so/ /ting nge 'dzin gyi rgyal po las kyang/ chos kyi sbyin pa'i legs pa bcu ste/ bya ba ma yin pa spong ba dang/ bya ba la 'jug pa dang/ skyes bu dam pa'i chos la gnas pa dang/ zhing sbyong ba dang ? byang chub kyi snying po thob par byed pa dang/ dngos po yongs su gtong ba dang/ nyon mongs pa tshar gcod pa dang/ sems can thams cad la skal shas sbyin pa dang/ de la dmigs pa'i byams pa bsgom pa dang/ tshe 'dir bde bar gnas pa'o zhes so/ /sgo mtha' yas pa bsgrub pa'i gzungs las kyang/ byang chub sems dpa'i bslab pa la slob par 'dod pa bag yod pa'i sa la slob par 'dod pa chos la mkhas par brtson pas dam pa'i chos yun ring du gnas par bya ba'i phyir/ gus pa dang bcas rjes dang bcas par glegs bam bris nas/ byang chub tu yang dag par zhugs pa 'dun cing don du gnyer ba dag la bstan par bya/ bgo bar bya/ lung 'phogs pa dang kha ton dang bri ba dang don nges par bstan pa'i bar du yang/ chos yang dag par bgro ba mi bcab par chos kyi sgo ji ltar bzung ba bzhin dpe ma khyud mi bya'o/ /sems can thams cad sangs rgyas kyi chos bla na med pa la 'god par 'dod na thams cad du sangs rgyas kyi chos dang mi 'bral bar 'bad par bya ste/ de ltar zhugs na chos gang 'grub par mi 'gyur ba'am don gang rtogs par mi 'gyur ba cung zad kyang med do zhes so/ ! /tshul khrims kyi yon tan gyi khyad par ni/ tshul khrims dag pas dad @333b sogs grogs lnga thob/ /sgrib pa lnga dang lta ba rnam lnga dang/ /the tshom lnga spong dbang po lnga dang ni/ /gang du smon sogs yon tan rin chen gter/ /'das chen las/ tshul khrims rnam par dag pas grogs lnga thob ste/ dad pa dang/ khrel yod pa dang/ ngo tsha shes pa dang/ dge ba'i bshes gnyen dang/ bslab pa la gus pa'o/ /sgrib pa lnga spangs nas lta ba lnga rnam par dag par 'gyur ro/ /lta ba lnga spang bas the tshom med par 'gyur ro/ /the tshom lnga'ang spong ste/ dkon mchog gsum la the tshom za ba gsum dang/ tshul khrims dang/ bag yod pa la the tshom za ba'o/ /dbang po lnga la sogs pa'ang 'thob bo zhes so/ /rnam par 'phrul pa'i rgyal po las kyang/ tshul khrims rnam par dag pas smon lam gang btab pa'ang 'grub ste/ stong gsum bsregs pa'i mes gang ba la zhi bar smon tam/ stong gsum mes gang bar ram/ stong gsum me tog bkram pa'ang rin po che'i rang bzhin du'ang 'grub bo/ /mdor na 'jig rten gyi khams ganggA'i klung gi bye ma snyed kyi ri rab thams cad gcig tu'am/ rgya mtsho thams cad gcig tu smon pa'ang 'grub bo zhes so/ ! /brtson 'grus kyi yon tan ni/ sa las chu dang mngal gnas skye sogs ltar/ /brtson 'grus ldan la chos kun nges par skye/ /gsang ba'i mdo las/ dper na sa chen po ni chu'i steng na gnas pas su khron pa khron ba des chu rnyed de mi brko bas mi rnyed pa ltar/ thams cad kyi rjes su zhugs pa'i ye shes la yongs su brtson par byed pa des ye shes 'thob ste/ gang mi brtson pas mi 'thob pas na brtson 'grus brtsam par bya'o/ /yang mngal na yod pa mi mthong yang nges par skye ba ltar/ brtson 'grus dang ldan pa'i byang chub ni mi mthong yang lam las nges par skye'o/ /ri gangs can gyi shing ni bar mdor mi skam zhing mi 'chags pa ltar/ 'phags pa'i chos la brtson pa'i shes rab kyang bar mdor yongs su mi nyams so zhes so/ ! /shes rab la slob pa'i yon tan ni/ thos sogs 'bad pas shes rab sbyong byed pa/ /myur du bde dang zhi @334a @#/ /bas pha rol 'gro/ sdom pa gsum bstan pa las/ myur du gso sbyong byed pa dang/ /lung nod pa la myur du spyad/ /de ye shes rab shin tu 'phel/ /chu las utpal ji bzhin no/ /gang las shes rab 'byung 'gyur ba/ /lung nod pa dang kha ton dga'/ /shes rab bslab pa'i sems can rnams/ /myur du bde 'gror 'gro bar 'gyur/ /shes rab rnam par brtags na mdzes/ /nga ni ci 'dra de 'drar slobs/ /thams cad 'du ba spangs nas su/ /myur du mya ngan 'da' bar 'gyur/ /dam pa'i chos ni ring mi gnas/ /brtson 'grus brtan pa brtsams par gyis; ;ci tsam zhig ni smra bar nus/ /tshul bzhin bsam pa myur du gyis/ /bskal pa 'di ni 'das 'og tu/ /bskal pa drug cu tham par ni/ /sangs rgyas sgra grags mi 'gyur na/ /dga' ba 'di ni ga la 'byung/ /bkres pas shin tu nyen gyur na/ /phan tshun dag nas 'dus nas ni/ /ma yi sha dang bu yi sha/ za bar byed sogs ma rungs 'byung/ /zhes so/ ! /khyim nas mngon par 'byung ba'i yon tan gyi dbang du byas nas rab tu byung ba ni/ 'dod yul lnga la mi chags la sogs pa/ /rab tu 'byung bar 'dod pa'i yon tan bcu/ /sems can kun gyis byang chub don gnyer bas/ /bskal par bdog kun btang bas byang chub kyi/ /sems las rab 'byung sems kyis gom gcig tsam/ /'dor bar byed pa'i bsod nams char mi phod/ /de ni sangs rgyas nyid kyi bsrod gcig rgyu/ /sangs rgyas mchod sogs bsod nams chen po'i gter/ /khyim las rnam grol bdud dang nyon mongs kun/ /rnam 'joms byang chub mchog 'dren sgo chen no/ /gzhan yang rgyal srid longs spyod 'khor rnams la/ /yongs 'dzin 'dor sogs phan yon nyi shu las/ /rab byung nyid kyi ? rdzogs sangs rgyas; ;bde blag nyid du lus can rnams la sbyin/ /'jam dpal gyi zhing gi bkod pa las/ rab tu byung bar dga' ba'i yon tan bcu ste/ 'dod pa la mi chags pa dang/ dgon pa la dga' ba dang/ sangs rgyas kyi spyod yul thob pa dang/ chung ma dang bu la mi @334b srod pa dang/ ngan 'gror 'gro ba'i chos spong ba dang/ bde 'gror 'gro ba'i chos bsten pa dang/ sngon gyi dge ba las mi nyams pa dang/ dge ba'i rtsa ba phun sum tshogs pa thob pa dang/ lha rnams dga' ba dang/ mi ma yin pa rnams kyis bsrung ba'o zhes so/ /cho 'phrul bstan pa las kyang/ gang dag stong chen sems can de dag kun/ /byang chub phyir ni rab tu zhugs gyur cig /ma zhum sems kyis bskal pa rdzogs par ni/ /bu dang chung ma'ang sbyin par byas pa bas/ /gang gis byang chub phyir ni sems bskyed nas/ /de bzhin gshegs pa'i rjes su bslabs pa dang/ /rab byung sems kyis goms pa gcig bor na/ /de ni de bas bsod nams khyad par 'phags/ /gang dag sngon chad byung ba'i sangs rgyas dang/ /gang dag ma byin 'byung dang bzhugs pa rnams/ /de dag skyon mang khyim ni ma spangs par/ /ba med byang chub zhi ba thob pa med/ /rab byung de bzhin gshegs pa thams cad kyis/ /rab tu bstod cing bsngags la bkur ba ste/ /gang zhig sangs rgyas kun la mchod 'dod pa/ /rgyal ba'i bstan la rab byung bzung bar gyis/ /gang zhig khyim gnas rin chen brgyan pa yi/ /ganggA'i ji snyed sangs rgyas zhing byin dang/ /gang zhig rab byung nyin dang mtshan gcig tu/ /mi rtag bdag med sdug bsngal sems byed na/ /gang zhig rab byung bag yod gyur pa yi/ /byang chub sems dpa' byang chub nye ba dang/ /bdud kyi dkyil 'khor shin tu bcom byas shing/ /dge ba'i phyogs kyang mi 'grib 'phel ba yin/ rab byung de ni lam ngan spangs pa dang/ /lam gyi rjes mthun 'phags pa'i skye bos bstod/ /de ni dge ba cung zad ma yin zhing/ /de ni yongs su 'dzin pa spangs pa yin/ /khyim las grol ba nyon mongs mi 'phel zhing/ /nyon mongs rnam grol bdud kyi 'ching ba med/ /rnam grol sems ni byang chub spyad pa spong ba/ spyod pa ? dag pas byang chub rnyed mi dka'/ /de'ang byang chub kyi gnas kyi rjes su 'jug pas byang chub sems dpa'o/ /snying rje chen po nyams 'og tu chud par byed pa dang/ ye shes chen po rdzogs par byed pas sems dpa' chen @335a @#/ /po'o/ /shes rab kyis bzung du med pa'i chos la 'jug pa dang/ thabs kyis chos thams cad yang dag par bsdus pas sems can mchog ces bya'o zhes so/ /'jam dpal gyi zhing gi bkod pa las kyang/ khyim pas sangs rgyas 'khor dang bcas pa gangA'i phye ma snyed la bskal pa gangA'i bye ma snyed du bde bar sbyar ba thams cad kyis bkur sti byas pa bas/ rab tu byung bas dben pa 'dod cing dgon par phyogs te gom pa bdun por ba bsod nams ches mang du skyed do/ /'dis ches myur bar byang chub 'thob par 'gyur ro/ /blo gros rgya mtshos zhus pa las kyang/ rab tu byung ba shin tu don che ba ni phan yon nyi shu'i thob pa che ba las te thams cad mkhyen pa rdzogs pa'i byang chub 'thob pa'o/ /'di ltar rgyal srid dang longs spyod dang 'khor dang dbang phyug 'dor bas nga yi ba med cing yongs su 'dzin pa med pa thob pa dang/ khyim nas 'byung bas nyon mongs las 'byung ba thob pa dang/ ngur smig 'dzin pas sems la rnyog pa med pa dang/ 'phags pa'i rigs kyis chog shes pas gso sla zhing dgang sla ba dang/ sbyangs pa'i yon tan dang yo byad bsnyungs pa las 'dod chen dang sdig pa 'dod pa spangs pa dang/ tshul khrims la dga' bas lha dang mir skye ba dang/ byang chub kyi sems mi 'dor bas pha rol tu phyin pa drug thob pa dang/ dgon par gnas pas 'du 'dzi dang mi 'dre ba dang/ gnod pa med pas chos sems pa'i bde ba dang/ bsam gtan gyi yan lag bsgrubs pas sems las su rung ba dang/ thos pa tshol bas shes rab che ba dang/ nga rgyal med pas ye shes che ba dang/ don dang byed pa nyung bas chos rab tu rnam par 'byed pa dang/ sems can la sems mnyam pas byams pa chen po dang/ sems can thar bar 'dod pas snying rme chen po dang/ lus dang srog la mi lta bas dam pa'i chos 'dzin pa dang/ sems sbyangs pas mngon par shes pa dang/ sangs rgyas rjes su dran pas sangs rgyas mthong ba dang/ tshul bzhin yid la byed pas chos rnams las so @335b sor rtog pas mi skye ba'i chos la bzod pa dang/ yon tan thams cad yongs su 'dzin pa'i sbyor bas myur du thams cad mkhyen pa 'grub pa thob pa'o zhes so/ ! /dgon par gnas pa'i ni/ de yang dgon par gnas pas 'du 'dzi dag/ spong zhing rab dben bsten sogs rnam bcu dang// gzhan yang bya ba nyung zhing 'du 'dzi spong/ /rtsod pa med sogs yon tan rnam bcu 'thob/ /'jam dpal gyi zhing gi bkod pa las/ dgon par gnas pa'i yon tan ni bcu ste/ 'du 'dzi spong ba dang/ rab tu dben pa bsten pa dang/ bsam gtan la dmigs pa dang/ bya ba nyung ba dang/ sangs rgyas rnams kyis dgongs pa dang/ lus bde ba dang mi 'bral ba dang/ tshangs par spyod pa'i bar chad du mi 'gyur ba dang/ tshegs chung ngus ting nge 'dzin 'thob pa dang/ tshigs dang yi ge bstan pa chud mi za ba dang/ ji ltar thos pa'i chos rnams kyi don shes par 'gyur ba'o zhes so ting nge 'dzin gyi rgyal po las kyang/ dgon par gnas pa'i legs pa bcu ste/ bya ba nyung ba dang/ 'du ba ring du spong ba dang/ rtsod pa med pa dang/ gnod pa med pa dang/ zag pa mi 'phel ba dang/ rtsod pa'i gzhi mi byed pa dang/ zhi bar spyod pa dang/ shin tu bsdams par gnas pa dang/ thar pa dang mthun pa'i sems kyi rgyud thob pa dang/ myur du rnam par grol ba 'thob pa'o/ /dgon par gnas nas kyang bsod snyoms byed pa'i logs pa bcu ste/ shes kyi ? dang rnyed pa dang bkur sti mi 'dod pa dang/ 'phags pa'i rigs la gnas pa dang/ tshul 'chos dang kha bsag med pa dang/ bdag bstod gzhan sdod med pa dang/ rjes su chags pa dang khong khro ba med par gzhan gyi khyim du spyod pa dang/ zang zing med par chos sbyin par byed pa dang/ sbyangs pa'i yon tan dang yo byad bsnyung ba la gnas shing chos bzung bar 'gyur ba'o zhes so// ! zab mo la mos pa'i yon tan ni/ sangs rgyas rnams kyi spyod par gnas la sogs/ /zab mo'i chos la mos pa'i yon tan bcu/ /gzhan yang stong par mos sogs rnam pa bzhis/ /zab mo'i bzod pas kun mkhyen rab rdzogs byed/ /ting nge 'dzin gyi rgyal po las stong pa yid la gnas @336a @#/ /pa'i legs pa bcu ste/ sangs rgyas kyi spyod pa la gnas pa dang /mi gnas par bsam gtan byed pa dang /skye ba la mi smon pa dang /tshul khrims la mi snyems pa dang /'phags pa la mi skur ba dang /mi 'gal bar gnas pa dang /dngos po mi dmigs pa dang dben par gyur pa dang /sangs rgyas la mi skur ba dang /dam pa'i chos yongs su 'dzin pa'o/ /de la nang du yang dag 'jog pa'i legs pa'ang bcu ste/ sems rnyog pa med pa dang /bag yod par gnas pa dang /sangs rgyas rjes su dran pa dang /spyad pa la dad pa dang /ye shes la nem nur med pa dang /sangs rgyas la byas pa gzo ba dang /chos mi spong ba dang /shin tu bsdams par gnas pa dang/ dul ba'i rjes su thab pa dang/ so so yang dag par rig pa bzhi thob pa'o zhes so/ /byams pa sengge'i sgra las kyang/ chos bzhi dang ldan na sbyin pa la sogs pa la kun tu 'dzin pa med par sangs rgyas kyi gnas pa zab mo la bzod cing bla na med pa'i ye shes yongs su rdzogs par byed de/ stong pa nyid la mos pa dang/ dben par gnas pa dang/ zab mo la bzod pa dang/ tshul bzhin yid la byed pa'o zhes so/ ! /gzhan yang la las stong gsum gangge'i bye snyed kun/ /thub sku rin chen bdun byas ri rab tsam/ /bkang bas gang dag sangs rgyas sku la ni/ /legs rtog zab mo bzod pa'i char mi phod/ /de yang rgyal sku sems sogs rnam spangs shing/ /ming tsam nyid kyis ngo bo nyid stong ltar/ /chos rnams kun dang sangs rgyas mtshan nyid kyang/ /de 'drar rtogs pas don chen kun 'grub 'gyur/ /mdo sde nyid las/ gang la las sangs rgyas kyi sku ri rab tsam pa rin po che bdun las legs par rdzogs par byas pas stong gsum gangge'i bye ma snyed 'dab chags su bkang ba bas ni gang gis sangs rgyas kyi sku la rtog pa tha na se gol gtogs pa srid tsam chos zab mo la bzod pa bsod nams ches mang ngo/ /de bas kyang tshul khrims la gnas nas tshigs su bcad pa gcig gi don rtogs par byed pa'am sems can gcig tsam la yang ston pa bsod nams @336b ches mang ngo/ /sku gzugs la ji ltar brtag ce na/ byang chub sems dpa' brtson 'grus chen po ltar te/ sngon bskal pa dpag tu med pa na rgyal ba skar 'od 'das pa'i tshe byang chub sems dpa' de bram ze'i bu gzugs bzang po zhig tu skyes so/ /de na dge slong rnams bya ba mang pos sbags pa phal che ste yang dag par zhugs pa nyung bas/ sku gzugs mang po 'bri ba na gcig gis dar la legs par bris pa zhig khyer ba byang chub sems dpa' des ma thob nas/ sangs rgyas kyi gzugs brnyan yang 'di ltar mdzes na/ dngos lta ci smos te bdag kyang 'di ltar gyur na ci ma rung/ khyim na gnas pas ni 'di lta bu bsgrub par mi nus pas na rab tu 'byung ngo snyam nas pha ma la zhus pas ma gnang ba na/ sa rte chen po byas te zhag bdun zan bcad pa dang/ lha zhig gis bskul bas gnang nas sku gzugs de khyer te dgon pa zhig tu song nas de bkram pa'i mdun du rtswa'i stan la skyil krung byas shing/ 'di ltar mdzes pa ni ngo mtshar che bas gang gis sangs rgyas nyid mthong ba ni dpal yon can no/ /sangs rgyas de ji ltar blta bar bya snyam pa dang/ nags khrod de'i lha zhig na re sangs rgyas ni sku gzugs 'di ji lta bar blta bar bya ste de ltar mthong na legs par mthong ba'o zhes so/ /de nas de ji ltar bltas na sangs rgyas mthong bar 'gyur bar sku gzugs 'di blta bar bya snyam ste/ ji ltar 'di sems par mi byed rnam par shes par mi byed pa ltar chos thams cad kyang ste/ sangs rgyas kyang mtshan nyid de lta bu'o/ /ji ltar 'di ming tsam du zad pa ltar chos thams cad kyang yin la/ ming de'ang ngo bo nyid kyis stong zhing rang bzhin gyis g.yo ba med pa ste/ sangs rgyas kyang mtshan nyid de lta bu'o/ /ji ltar 'di la thob pa dang mngon par rtogs pa dang 'gro ba dang 'ong ba dang skye ba dang 'gag pa dang dag pa dang ma dag pa dang 'das pa dang ma 'ongs pa dang da ltar ba dang phung po la sogs pa'i spros pa thams cad med pa ltar/ chos thams cad dang sangs rgyas kyang mtshan nyid de lta bu'o zhes rtog pas/ nyin mtshan du skyil krung ma bshig par mngon shes lnga dag tshangs pa'i @337a @#/ /gnas bzhi dag spobs pa thogs pa med pa thob pa ste/ kun tu snang ba'i ting nge 'dzin yang thob pas lha'i mig gis phyogs bcu'i sangs rgyas gangs med pa mthong zhing/ lha'i rna bas de thams cad kyi chos thos te mnyes par byas so/ /de ngur smrig kyang ma bgos sangs rgyas kyang ma mthong bslab pa yang ma blangs mod kyi dad pa nyid kyis ye shes thob cing bslab par 'dod par gyur pa la ltos ces so/ ! /de gsum gyi yon tan mdor bsdus pa ni/ gzhan yang bdag gis byas pa'i las rnams ni/ /chud mi za sogs legs bsngags lnga pa gsum/ /mthong bas rab byung lus srog mi lta sogs/ /rnam bzhis nags dang dgon pa bas mthar gnas/ /de ni thub bsngags 'gro la snying rje yis/ /dmigs sogs yon tan bzhi ldan 'phags rigs dang/ /sbyangs pa bcu gnyis la gnas yon tan mchog /gsum pa gnyis kyis yang dag brgyan par 'gyur/ /'phags pa'i rigs kyis chog 'dzin la sogs pa/ /yon tan brgyad kyis rab byung don rdzogs byed/ /bdag gi ngo bos chos kun rjes 'gro sogs/ /bcu pa gnyis kyis zab mo'i tshul gnas te//rtag chad mtha' spong rten 'brel la 'jug cing/ /lta gyur kun spangs dbu ma'i lam gyis 'gro/ rgya mtshos zhus pa las/ rab tu byung ba'i phan yon lang ste de la mos pas/ bdag gis las byas pa chud mi za ba dang/ rang gis byas pa'i bag chags bsgo ba dang/ yongs su 'dzin pa thams cad las sems gtong ba dag/ sangs rgyas kyis bdag smad par mi 'gyur ba dang/ rang grol nas nyon mongs pas bcings pa'i sems can thar par bya ba'i phyir chos bsgrub par 'gyur ba'o/ /yang lnga ste tshul khrims 'chal pa rnams smin par bya ba'i phyir tshul khrims dang mthun pa dang/ thos pa nyung ba smin par bya ba'i phyir thos pa dang mthun pa dang/ sems g.yengs pa smin par bya ba'i phyir ting nge 'dzin dang mthun pa dang/ shes rab 'chal pa smin par bya ba'i phyir shes rab dang mthun pa dang/ mya ngan las 'das pa'i lam la sems can 'god par bya @337b ba'i phyir rnam par grol ba'i ye shes dang mthun pa'o/ /yang lnga ste/ phung po lnga shes pa'i phyir nga rgyal bcom pa dang/ kun 'byung spang ba'i phyir sred pa bcom pa dang/ 'gog pa thob pa'i phyir zhi ba dang rab tu zhi ba dang nye bar zhi bar byed pa dang/ lam gyi yan lag brgyad bsgom pa'i phyir lam la 'jug pa dang/ bden pa bzhi la sems can 'god pa'i phyir bden pa la 'jug pa'o/ /chos bzhis nags 'dab dang bas mthar gnas pa ste/ lus dang srog la mi blta ba dang/ dge ba'i chos thams cad la blta ba dang/ mngon par shes pa bskyed par 'dod pa dang/ spyod lam zhi bas lha dang mi mgur bar byed pa'o/ /de'i phan yon bzhi ste/ dgon pa ni sangs rgyas kyis bsngags pa ste/ der sems can la snying rjes dmigs pa dang/ byang chub kyi snying po'i rgyan bsags par bya'i nyon mongs pa ma yin pa dang/ yongs su sbyang bar byas pa'i byang chub sems dpa' du ma'i rjes su bslab dgos pa dang/ der chos thams cad bsgrubs nas grong la sogs par sems can rnams la chos bstan par bya'o snyam pas so/ /der yang 'phags pa'i rigs dang sbyangs pa'i yon tan la gnas pa'i phan yon yang dag phul byung gsum ste/ dga' ba dang mi dga' ba rnams la mi lta bas 'du 'dza'i bya ba med pa dang/ sems rag las pa med cing gar 'dod par 'gro bas rang dbang dang tha mal par gnas pa dang/ sems can thams cad mnyam pa nyid du sems pas de'i ting nge 'dzin myur du skye ba'o/ /yang gsum ste/ tshul 'chos med pa dang/ kha gsag med pa dang/ sgrub cing 'dug pa na khyim la lta ba med pa'o/ /der yang chos brgyad kyis rab tu byung ba'i yon tan rdzogs par byed de/ 'phags pa'i rigs kyis tshog par 'dzin pa dang/ sbyangs pa'i yon tan dang yo byad bsnyung bar gnas pa dang/ mang du thos pa dang/ sems nges par sems pa la dga' ba dang/ byang chub kyi bsam pa la ma rmongs pa dang/ dran pa nye bar bzhag pas gnas pa dang/ ting nge 'dzin dang shes rab sgom pa'i sbyor ba la brtson pa dang/ brtsams pa thams cad bsgrub pa'i snying por @338a @#/ /byed pa'o/ /yon tan rnam pa bcus zab mo'i chos kyi tshul la gnas pa ste/ bdag gi ngo bos chos thams cad kyi rjes su 'gro ba dang/ bdag rnam par dag pas chos thams cad rnam par dag par rjes su 'jug pa dang/ bdag nyid la bdag med pas chos thams cad bdag med pa la mos pa dang/ bdag stong bas chos thams cad stong par som nyi med pa dang/ bdag dben pas chos thams cad dben par rjes su 'jug pa dang/ bdag zhi bas chos thams cad zhi bar rtog pa dang/ bdag ji lta ba bzhin pas chos thams cad ji lta ba bzhin khong du chud pa dang/ bdag zab pas chos thams cad zab par nges par sems pa dang/ bdag bems po yin pas chos thams cad bems por nges par rtog pa dang/ bdag bzung du med pas chos thams cad bzung du med par shes pa'o/ /yang rnam pa bcu ste/ rnam par bsgrubs pa'i mtshan nyid kyis chos thams cad sgyu ma lta bur shes pa dang/ phyin ci log las byung bas rmi lam lta bu dang/ phyin ci log tu 'du shes pas smig rgyu dang/ rgyu dang rkyen las skyes pas mig yor dang/ 'pho ba med pas chu zla dang/ yul lam phyogs na mi gnas shing ngo bo nyid med pas brag cha dang/ skad cig kyang mi sdod pas sprin nam glog dang/ 'dod pa dang sdang ba dang rmongs pas chags par mi 'gyur bas 'ja' tshon dang/ glo bur gyi nyon mongs pas nyon mongs pa can du mi 'gyur bas rang bzhin gyis dag pa dang/ skye ba dang 'jig pa dang/ gnas pa dang bral bas chos thams cad nam mkha' lta bur shes pa'o/ /rnam pa gnyis kyis chad par lta bar mi ltung ste/ las kyi bya ba la 'jug pa shes pa dang/ sangs rgyas kyi chos thams cad rnam par bsgrub pa shes pa'o/ /gnyis kyis rtag pa'i lta bar mi ltung ste/ mi rtag par 'jug pa shes pa dang/ skyes nas zhig cing du ste mi gnas par shes pa'o/ /chos bzhis rten cing 'brel par 'byung ba la 'jug par mkhas pa ste/ lugs su 'byung @338b ba dang/ lugs las ldog pa la 'jug pa dang/ chad ltar mi ltung ba dang/ rtag ltar mi gnas pa'o/ /chos bzhis lta bar gyur pa thams cad du mi lta ba ste/ stong pa shes pas bdag dang sems can du mi lta ba dang/ mtshan ma med pa shes pas srog dang gang zag tu mi lta ba dang/ smon pa med pa shes pas 'byung ba dang 'jig par mi lta ba dang/ rten 'brel shes pas chad pa dang rtag par mi lta'o//zhes so/ ! /dkon mchog gi rten dang mchod pa byed pa'i yon tan ni/ rin chen la sogs bde gshegs sku gzugs sam/ /mchod rten mdzes shing yid 'ong gang byed dang/ /de bzhin mchod pa sna tshogs gang byed pas/ /ting 'dzin mchog sogs yon tan dpag med thob/ /gzhan yang bsam dge dad ldan sgyu med pas/ /mar me chung du glog 'dra phul ba'i yang/ /bsod nams dpag med rgyal bas mkhyen par zad/ / tshe 'di nyid la nges sems rnam gsum dang/ /'chi tshe snang ba gsum sogs rnam mang thob/ /gzhan yang yongs dag bzhi dang 'dun 'gyur ba'i/ /chos mchog brgyad sogs skye ba kun tu thob/ /rgyal la dad pas thal sbyor phyag 'tshal gang/ /gzugs sogs mchog tu byung ba rnam brgyad thob/ /mchod rten byi dor byed gso mchod byed pas/ /mngon shes myur thob kyi der byed pas ni/ /gzugs dang dal 'byor yang dag blangs brtan dang/ /sangs rgyas lta la smon lam mchog bzhi'ang thob/ /dad ldan dag gis nyin zhag bdun du ni/ /gso sbyong la gnas kun spyod gtsang ma yis/ /thub mchog sman bla'i sku gzugs dus drug tu/ /mchod sogs tshogs don rnams thams cad 'grub/ /yang dag blangs dang 'gal bar mi byed sogs/ /rnam bzhis sangs rgyas mchod par byed pa yin/ /bzod nas rab zhi rtsom pa kun 'das pa/ / mchod pa'i mthar thug spos sogs de don nyid/ /ting nge 'dzin gyi rgyal po las/ sangs rgyas gzugs ni shin tu mdzes pa dag /rin chen byi dor legs par byas pa yang/ /blta na sdug cing shin tu bzang po yis/ /ring por mi thogs ting 'dzin mchog sogs thob/ /de @339a @#/ /mi gcod pa/ ma byin par mi len pa dang/ rang gi chung ma la'ang log par mi spyod pa dang/ chang spong ba dang/ dbyig ba la sogs pas mi 'tshe ba'o/ /ngag gis ni ma mthong ba dang/ ma thos pa mi brjod pa dang/ mthong ba dang thos pa dris kyang dus ma yin par mi smra ba dang/ de dag dris na bden par smra ba dang/ rang ngam gzhan don du'ang log par mi smra ba dang/ gzhan gyi brdzun du smrar bcug kyang bden pa bsrung ba dang/ gzhan dbye ba'i phyir 'dir thos pa pha bir dang pha bir thos pa 'dir mi snyod pa dang/ mthun pa bcugs pa bskyed pa dang/ dbye ba'ang bzlum mo/ /gzhan la zher 'debs pa dang/ rtsub pa dang/ brlang ba dang/ mi 'dod pa dang/ mi dga' ba dang/ gnod pa'i tshig spangs nas mnyen pa dang/ 'jam pa dang/ phan pa dang/ yid du 'ong ba dang snyan pa dang dgra zhi bar byed pa smra ba'o/ / spang bar bya ba rnams mi smra zhing gzhan gyi lag rtsis dang brda' mi sprod la/ mang du mi smra dus ma yin par mi smra'o/ /yid ni brnab sems dang gnod sems dang sdig lta spong ba'o/ /mdza' ba shes kyang de rnams spangs pa bsten cing gong du'ang sangs rgyas dang byang chub sems dpa' dang rang rgyal dang nyan thos dag bsten pa'o/ /theg pa chen po bas sangs rgyas kyi mchod rten la mar me phul na skye ba thams cad du 'dun par 'gyur ba'i chos kyi mchog brgyad 'thob ste/ sha'i mig mchog dang/ dran pa ltar mthong ba dang/ des 'byed rdzogs pas lha'i mig dang/ shes rab rdzogs pas tshul khrims nyams pa med pa dang/ bsod nams bsags pas mtho ris dang/ bsod nams legs par byas pas dal 'byor dang/ sangs rgyas 'byung ba mnyes bar byed pa dang/ 'khor los bsgyur ba dang brgya byin dang tshangs pa thob pa'o/ /yang brgyad ste sangs rgyas kyi spyan dang/ spobs pa dang/ rdzu 'phrul dang/ tshul khrims dang/ ting nge 'dzin dang/ shes rab dang/ rnam par grol ba dpag tu med pa dang/ sems can gyi sems dang bsam pa dpag tu med pa la 'jug pa'o/ / @339b chos ston pa la phul na tshogs dpag tu med pa brgyad thob ste/ dran pa'i tshogs dang/ blo gros dang/ dad pa dang/ brtson 'grus dang/ shes rab dang/ ting nge 'dzin dang/ spongs pa dang/ bsod nams kyi tshogs dpag tu med pa'o/ /sangs rgyas la dad pas thal mo sbyar na mchog tu byung ba brgyad thob ste/ gzugs mchog tu byung ba dang/ g.yog 'khor dang/ tshul khrims dang/ lha dang mir skye ba dang/ dad pa dang/ spobs pa mchog tu byung ba dang/ nyon mongs pa med pa'i 'phags pa'i lam dang/ byang chub mngon par 'tshang rgya ba'o zhes so/ / phyogs bcu'i mun pa sel pa las kyang phyogs bcur 'gro ba na sangs rgyas bcu la phyag 'tshal te rjes su dran par byas shing mngon du byas nas ma g.yeng bar song na 'jigs pa med cing don 'grub bo/ /'di lta ste/ sangs rgyas rjes spyod dang/ sems dang po bskyed pa yid la mdzad pa rnam grangs bsnyengs pa dang bag tsha ba dang bral bas mngon 'phags rgyal po dang/ khon dang rgyags pa rnam par gnon pa dang/ rin chen gzugs bkod 'od gnon dang/ bdud dang yid gnyis kun 'dzoms rnam gnon dang/ sems dang po bskyed pas phyir mi ldog pa'i 'khor lo 'byung ba'i dpal dang/ rin chen gdugs 'phags snang dang/ byang chub sems dpa' 'dul dang/ skrag med mun bral ting 'dzin mngon 'phags rgyal po dang/ dang po sems bskyed pas the tshom gcod mdzad nyon mongs bskyed la phyag 'tshal lo zhes so/ /sman gyi bla'i smon lam las kyang/ dad pa'i rigs kyi bu'am rigs kyi bu mos sangs rgyas sman gyi bla bai DUr+ya'i 'od kyi rgyal po'i sku gzugs bya/ nyin zhag bdun bsnyen gnas la gnas par bya/ zas gtsang ma za/ gos gtsang ma bgo /khrus bya/ phyogs gtsang ma me tog bsil ma bkram zhing spos kyis bdug pa dang gdugs la sogs pas brgyan par bya/ byams pa'i sems dri ma med pas rol mo dang glu dbyangs blang zhing sku gzugs de la bskor ba bya/ sangs rgyas de'i smon lam yid la bya/ mdo 'di'ang blta bar byas na tshe ring ba la @340a @#/ /bzhin gser dag dang ni dngul dag dang/ /tsan dang gyi ni sku gzugs bzang po dag /mdzes shing shin tu blta na sdug byas na/ /ring por mi thogs ting nge 'dzin mchog sogs thob/ /'jim pa dang ni de bzhin rdo ba dang/ /shing dang ri mor bris pa'i sku gzugs dag / mdzes shing shin tu blta na sdug byas na/ /ring por mi thogs ting 'dzin mchog sogs thob/ /gdugs dang rgyal mtshan bla re ba dan mchog /phye ma byug pa mang po kun thogs te/ /rtag tu bde bar gshegs la mchod byas na/ /ring por mi thogs ting 'dzin mchog sogs thob/ /spos mchog phreng ba me tog sdug gu dang/ /rol mo sil snyan mang po rab thogs te/ /rgyal ba'i mchod rten dag la mchod byas na/ /ring por mi thogs ting 'dzin mchog sogs thob/ /glu gar bzang po sna tshogs mang po dang/ /yid gcang bzhad gad rol mo bzang po dang/ /lhag par mar me'i phreng sdug bzang pa yis/ /mtshungs pa med la mchod bzang rab tu bya/ /'khar rnga dang ni sgra snyan rdza rnga brgya/ /rnga dang gling bu'i sgra mchog sna tshogs dang/ /sgra snyan rol mo'i yon tan sna tshogs kyis/ /dang I yid ldan 'dren pa mchod par bya zhes so/ /mar me 'bul ba'i mdo las kyang dang ba dang ldan pa sgyu med pa dag gis sangs rgyas kyi yon tan nges par sems pas dge ba'i bsam pas/ mar me chung ngu tha na mchod rten gyi them skas tsam mam bskor sa tsam mam smad dag tha na bar skabs gang yang rung ba zhig snang ba'i mar me de'ang rlung la sogs pas mod du shi ste glog byung nas nub pa myur du 'byung ba'i rjes su 'brang ba des mthong nas mig thibs ces byed pa de tsam 'bul ba'i bsod nams kyang dpag tu med da sangs rgyas nyid kyis mkhyen par zad do/ /chos bzhis ni dad pas rtogs par bya ba ste/ sangs rgyas kyi chos dpag tu med pa dang/ dge ba'i rtsa ba chung du'i rnam par smin pa dpag tu med pa dang/ dkon mchog gsum la dad pa'i las byed pa'i rnam par smin pa dang/ sems can gyi las kyi rnam par smin pa bsam @340b gyis mi khyab pa'o/ /dad pas mar me phul na tshe 'di nyid la nges par sems pa gsum thob ste/ sangs rgyas la mchod pa byas pas snying po me pa'i lus dang longs spyod las snying po thob pa dang/ bsod nams kyi zhing bla na med pa yon gnas mchog la mchod pa byas pas ngan song gi 'jigs pa med cing/ mtho ris dang/ mig dang/ longs spyod dang byang chub ste 'gro ba bde ba lnga thob pa dang/ sbyin pa byas shing bsod nams byas la ser sna spangs pas dga' ba thob pa'o/ /yang des 'chi ba'i tshe snang ba gsum thob ste/ dge logs byas pas rjes su dran pa dang/ sangs rgyas mchod pa byas so zhes dga' bas sangs rgyas rjes su dran pa yang skye ba dang/ phyis kyang dge ba bya'o zhes chas rjes su dran zhing sdug bsngal gyis kyang mi 'phrogs pa'o/ /yang bzhi ste/ mdun na nyi ma 'char ba dang/ zla ba nya ba 'char ba dang/ lha'i 'khor gnas pa dang/ sangs rgyas byang chub kyi snying po la bzhugs te mngon par 'tshang rgya ba la rang dad pas thal mo sbyor bar mthong ba'o/ /yang mchod rten la mar me phul bas sum cu rtsa gsum du lha'i rnam par dag pa lnga thob ste/ lus dag pa dang/ lha'i mthun rgya chen po dang/ dran pa dang shes bzhin dag pa dang/ sgra snyan pa thos pa dang/ 'khor yid bde ba mang ba dang ldan par 'gyur ba'o/ /mig med par ni nam yang mi 'gyur zhing/ /de yi mig ni na bar 'gyur ma yin/ /mig gcig ma yin khrog long mig ma yin/ /de yi mig la mi gsal med par 'gyur/ /mig ni ring zhing gnag la rnam par gsal/ /srid par de yi mig ni dag par 'gyur/ /nor bu 'od bzang ltar ni don zhib rtogs/ /bskal pa grangs med dag tu nam kyang de'i/ /sha yi mig ni nyams par mi 'gyur/ /de la mig nad gang yang mi 'byung ste/ /mar me phul ba'i rnam smin de yin no/ /des 'dun pa bzhi thob ste/ lus kyi dang/ longs spyod kyi dang/ rigs btsun pa'i dang/ shes rab kyi 'dun pa ste/ de bzhin thob pa'i don no/ /yongs su dag pa bzhi thob ste/ lus dang/ ngag dang/ yid dang/ mdzas bshes yongs su dag pa'o/ /lus ni srog @341a @#/ /sogs pa gang du smon pa 'grub bo/ /nad chen pos zin pa'i dus su yang nyin mtshan bdun gso sbyong blang/ dge 'dun la tshogs 'byor tshad bsags/ dus drug tu sangs rgyas de'i mtshan yid la bya/ mdo 'di'ang lan bzhi bcu rtsa dgu 'don zhag bzhi bcu rtsa dgur mar me 'bul/ sku gzugs bdun bya/ re re la mar me bdun bdun dbul/ mar me shing rta'i 'phang lo tsam byas te zhag bzhi bcu rtsa dgur mi zad par bya/ tshon sna lnga'i ba dan mtho bzhi bcu rtsa dgu yan chad pa bya'o/ /des nad pa lus 'di na nyal yang sems gshin rjes khrid pa'ang ldog cing rmi lam ltar dran te/ zhag bdun phrag gcig gaM gsum mam lnga'am bdun na ldog go / shi nas ji ltar ldog ce na/ dus ma yin par 'chi ba dgu la sman dang sngags kyi sbyor ba bshad pas te/ nad tshabs chung yang sman dang rim gro ma tshang ngam sman pas sman ma yin pa byin pa dang/ rgyal po'i chad pa dang/ bag la nyal ? ba la mi ma yin pas mdangs 'phrog pa dang/ me dang chu dang/ sengge la sogs pa dang/ g.yang sa dang/ dug dang/ byad dang/ ro langs dang/ zas skom mi rnyed pas 'chi ba'o/ /gnod sbyin gyi sde dpon bcu gnyis kyi gzugs kyang bri ste/ gnod sbyin ji 'jigs dang/ rdo rje dang/ rgyan 'dzin dang/ bza' 'dzin dang/ rlung dang/ gnas bcas dang/ dbang 'dzin dang/ btung 'dzin dang/ smra 'dzin dang/ bsam 'dzin dang/ g.yo ba 'dzin dang/ rdzogs byed do zhes so/ /byams pa sengge'i sgra las kyang/ chos bzhis sangs rgyas mchod pa'i mchog tu 'gyur te/ bslab pa dang 'gal bar mi byed pa dang/ byams pa'i lus dang ngag dang yid kyi las dang/ dkon mchog gsum gyi gdung mi chad par bya ba'i phyir byang chub kyi sems bskyed pa dang/ ji ltar thos pa'i chos la so sor rtog pa'i nan tan no/ /gzhan yang bsam pa dag pa ni sangs rgyas mchod pa ste/ bcos ma ma yin pa dang g.yo med pa'i phyir ro/ /de bzhin du lhag bsam dag pa ni dge ba'i rtsa ba thams cad la lhag @341b par dmigs pas so/ /zhe 'gras pa med pa'i sems ni sems can thams cad la sems snyoms pas so/ /tshul 'chos pa dang kha bsag spangs pa ni spyod lam dge bas so/ /ji skad smras pa bzhin byed pa ni 'jig rten thams cad la mi slu ba'o/ /'phags pa'i rigs kyis chog shes shing sbyangs pa'i yon tan mi gtong ba ni dam bcas pa brtan pas so/ /dben pa la dga' zhing bre mo'i gtam spong ba ni sems yongs su 'dul bas so/ /thos pa'i chos la tshul bzhin du rtog pa ni yang dag pa ji lta ba bzhin shes pas so/ /bdag dang sems can la sogs pa med par rtogs pa ni gzod ma nas ma byung bas so/ /rnam par thar pa'i sgo gsum la 'jug pa ni de dag mngon du byed pas so/ /rkyen nyid 'di pa la 'jug cing mthar lta ba sel ba ni rtag chad du lta ba spong bas so/ /ma byung ba dang ma skyes par bzod pa ni sangs rgyas mchod pa ste rang bzhin gyis ma byung ba'i phyir ro/ /des na lus dang ngag dang yid kyi rtsol ba ni zad ? pa yongs su ma dag pa yin gyi de gsum gyi rtsol ba med pa ni mchod pa yongs su dag pa'o/ /mngon par 'du bya ba dang blang dor med pa dang/ 'khor gsuM yongs su dag pa dang/ dus gsuM mnyam pa nyid dang/ dri ma gsuM sel ba dang/ khams gsum la mi brten pa dang/ rnam par thar pa'i sgo gsum la 'jug pa dang/ rig pa gsum shes pa ni mchod pa yongs su dag pa'o/ /me tog dang spos la sogs pa ni bla na med pa'i mchod pa de nyid yongs su sbyong bar byed pa tsam ste/ shin tu mthar thug pa dang dri ma med pa dang tshangs par spyod pa mthar thug pa ma yin no zhes so/ ! /sangs rgyas rjes su dran pa'i yon tan ni/ yon tan tshogs kyis bde gshegs sku mchog ni/ /rjes su dran byed myur bar don kun 'grub/ /tshul khrims rnam dag rtse gcig yid btud nas/ /ji skad thos bzhin mgon po tshe dpag med/ /rjes dran bsgom zhing mi rtog rlom byed par/ /mi dmigs rnam pas yid la byed pa ni/ /'dren pa mngon sum 'gyur zhing chos rnams kun/ /sems kyi spros pas rang bzhin dben rtogs 'gyur/ /ting nge 'dzin gyi @342a @#/ /rgyal po las/ rtag tu yon tan tshogs las rgyal ba dran/ /gser mchog 'od 'dra shin tu 'od ? mdzad pa/ /mtshan ma nam mkhar skar mas gang ba ltar/ /thub pa'i sku ni mtshan gyis yongs su rgyas/ /'chag cing 'dug dang 'greng dang nyal ba na'ang/ / mi gang thub pa zla ba dran byed pa/ /de yi mdun na rtag tu ston pa bzhugs/ /de ni rgyal chen mya ngan 'das par 'gyur/ /zhes so/ /da ltar gyi sangs rgyas mngon sum du bzhugs pa'i ting nge 'dzin las kyang/ tshul khrims rnam par dag pas gcig pu dben par 'dug ste sangs rgyas tshe dpag med phyogs gang na bzhugs shing 'tsho la bzhes nas chos ston pa bsam par bya'o/ /des ji skad thos pa ltar nub phyogs kyi sangs rgyas kyi zhing bye ba phrag 'bum 'das pa bde ba can na bzhugs pa ma yengs par yid la bya'o/ /dper na rmi lam du gser dngul lam mdza' bo la sogs pa'i gzugs mthong nas dga' rtsed byed pa rmis nas/ sad na de dag ji ltar mthong ba dang thos pa dang bye brag phyed pa gzhan la brjod cing de dran pas sred pa skye ba ltar/ sangs rgyas de ji ltar thos pa'i rnam pas yid la byed pa mi g.yeng bar zhag gcig nas bdun gyi bar du yid la bya'o/ /zhag bdun ma yengs par yid la byed pa des 'das na sangs rgyas de mthong bar 'gyur ro/ /nyin mo ma mthong na'ang rmi lam du zhal ston to/ /rmi lam na mig la rtsig pa la sogs pas mi sgrib pa ltar de la'ang 'jig rten gyi bar dang ri la sogs pas mi sgrib ste/ lha'i mig dang rna ba ma thob cing rdzu 'phrul gyis der ma phyin kyang 'di nyid na 'dug bzhin du sangs rgyas de mthong zhing bde ba can na 'dug par shes la chos kyang thos te 'dzin cing 'chang ngo/ /de la mchod pa dang bkur sti byed do/ /ting nge 'dzin de las langs nas ji ltar thos pa de gzhan la'ang 'chad do/ /sangs rgyas de'i yon tan thos nas mi g.yeng bar rjes su dran par byed cing lan mang du yid la byed pas de mthong ngo/ /de nas chos gang gis zhing der skye ba zhus pas/ sangs @342b rgyas rjes su dran pa mang du bsgoms na skye ste 'di ltar/ de bzhin gshegs pa dgra bcom pa nas sangs rgyas bcom ldan 'das ces bya ba'i bar gyi mtshan sum cu rtsa gnyis dang gser gyi kha dog lta bu'i sku dang ldan pa/ gser gyi gzugs gsal la 'tsher ba legs par gnas pa dang 'dra ba/ rin po che'i mchod sdong ltar brgyan pa/ nyan thos kyi 'khor la chud mi za bar chos ston te/ sa dang chu dang me dang rlung dang/ 'byung po dang lha dang bram ze dang skye dgu'i bdag po chud mi gzon cing gzugs la sogs pa lnga chud mi gzon to/ /de ni sangs rgyas rlom sems su mi byed mi dmigs mi rtog rnam par mi rtog ste/ mi dmigs par yid la byed pas stong pa nyid kyi ting nge 'dzin thob pa de ni sangs rgyas rjes su dran pa'o/ /sangs rgyas de gang na bzhugs par thos pa'i phyogs su yid la byas pas mthong ba na dngos po'i 'du shes su mi bya'i nam mkha'i 'du shes su bya ste/ nam mkha'i 'du shes 'du shes su gnas shing sangs rgyas kyi 'du shes shin tu yid la byas na sangs rgyas baiDUrya'i sku gzugs lta bu mngon sum du mthong bar 'gyur ro/ /dper na dge slong mi sdug pa bsgom pas mdun na rnam par bam pa la sogs pa keng rus mthong na de gang nas kyang ma 'ongs gang du yang ma song zhing sus kyang ma byas sus kyang ma bkag ste/ sems rtse gcig pas mthong ba ltar/ sangs rgyas kyis yongs su bzung ba'i byang chub sems dpa' ting nge 'dzin 'di la gnas pa yang chos nyid kyis sangs rgyas mthong ba ste/ sems kyi mthu dang rang gi dge ba'i rtsa ba dang ting nge 'dzin gsum tshogs pa'i chos nyid kyis so/ /de ltar khams gsum yang sems tsam ste/ de'ang nang na yang med phyi rol na yang med gnyi ka med par yang mi dmigs te gzhan du na dmigs pa la brten nas skye'o/ /gang rten 'brel yin pa de dngos po med pa'o/ /gang dngos po med pa de dngos po med pa'o/ /gang dngos po med pa de ma skyes pa'o/ /gang ma skyes pa de mi dmigs pas rang bzhin gyis stong pa'o/ /gang rang bzhin @343a @#/ /gyis stong pa de gdags su med pa'o/ /gang gdags su med pa de blta ba'am shes pa'am chags par bya ba'am chud gzon par bya bar bzhag par mi nus so/ /sems kyis sangs rgyas byed pa ste/ /sems nyid kyis kyang mthong ba'o/ /sems nyid nga yi sangs rgyas te/ /sems nyid de bzhin gshegs pa'o/ /sems nyid nga yi lus yin te/ /sems kyis sangs rgyas mthong ba'o/ /sems nyi nga yi byang chub ste/ /sems nyid rang bzhin med pa'o/ /sems kyis sems ni mi shes shing/ /sems kyis sems ni mi mthong ngo/ /sems su 'du shes mi shes yin/ /sems su mi shes mya ngan 'da'/ /chos 'di thams cad snying po med/ /rlom sems las ni kun 'byung ste/ /stong pa nyid la gang rlom pa'i/ /rlom sems de 'dir stong pa yin zhes so/ ! /chos smra ba la bsnyen bkur byed pa'i yon tan gyi dbang du byas nas/ chos smra ba la bkur sti byed pa ni/ /lung bstan thob cing 'chi dus nyer gnas tshe/ /sangs rgyas mthong nas lus ngag yid kyi las/ /yongs dag rnam pa bcu bcu thob par 'gyur/ /byams pas zhus pa las/ gang zhig sangs rgyas kyi chos smra ba la bkur sti byed pa la sangs rgyas kyis lung ston no/ /de 'chi ba'i tshe sangs rgyas mthong nas lus kyi las yongs su dag pa bcu thob ste/ tshor bas ma zin par 'chi ba dang/ mig mi 'khrul ba dang/ lag pa mi g.yo ba dang/ rkang pa mi 'phra ba dang/ gcin mi stor ba dang/ phyis mi 'byung ba dang/ snying ga mi rdul ba dang/ khu tshur mi 'chang ba dang/ nam mkha' la mi snyob pa dang/ ji ltar 'dug pa ltar tshe 'pho ba'o/ /ngag gi las yongs su dag pa'ang bcu thob ste/ tshig gi gdangs snyan pa dang/ mnyen pa dang/ 'jam pa dang/ dga' ba dang/ snum pa dang/ slar bzlog par bya ba ma yin pa dang/ bzung bar 'os pa dang/ btsun pa dang/ lha dang mis bzung ba dang/ sangs rgyas kyis bzung ba'i tshig go/ yid kyi yang bcu ste/ khro ba dang/ khon du 'dzin pa dang/ 'chab pa dang/ 'tshig par mi 'gyur bar dang/ nyes @343b pa la mi dga' ba dang/ kho na bcug la mi dga' ba dang/ 'du shes phyin ci log tu mi 'gyur ba dang/ spong ba la bag yod pa dang/ ma zhum pa'i sems kyis zhing yongs su dag pa 'dzin pa dang/ nga rgyal med par sangs rgyas kyi chos mngon par bsgrub pa'i ting nge 'dzin thob pa'o zhes so/ ! /dam pa'i chos 'dzin pa'i yon tan ni/ dam chos 'dzin pas sangs rgyas la sogs kyis/ /yongs bzung bzhi thob rim bzhin de dag gi /khyad par 'gyur ba bzhi dang rnam dag bzhi/ /rgyan bzhi dang ni snang ba bzhi rnams thob/ /ma dros pas zhus pa las/ dam pa'i chos 'dzin pas yongs su bzung ba bzhi thob ste/ sangs rgyas kyis yongs su bzung ba dang/ lhas yongs su bzung ba dang/ bsod nams kyis yongs su bzung ba dang/ ye shes kyis yongs su bzung ba'o/ /dang po'i khyad par du 'gyur ba bzhi ste/ sangs rgyas mthong ba dang mi 'bral ba dang/ bdud kyis mi rdzi ba dang/ gzungs thob pa dang/ mngon par shes pa myur ba'o/ /lhas yongs su bzung ba'i rnam par dag pa bzhi ste/ lha rnams kyis de'i 'khor gyi dkyil 'khor yongs su sbyong ba dang/ chas nyan pa la rtse gcig tu 'jog pa dang/ pha rol gyi gnod pa las bsrung ba dang/ de la ma dad pa dag kyang lha rnams kyis dad du 'jug pa'o/ /bsod nams kyis bzung ba'i rgyan bzhi ste/ mtshan dang dpe byad rdzogs pas lus kyi rgyan dang/ sems can mgu bar byed pas ngag gi rgyan dang/ bya ba thams cad ston pas zhing gi rgyan dang/ brgya byin la sogs par skye bas skye ba'i rgyan no/ /ye shes kyis bzung ba'i snang ba bzhi ste/ so sor ci rigs su chos ston pas sems can gyi dbang po snang ba dang/ chos kyi sman sbyor bas nyon mongs pa'i nad thams cad snang ba dang/ zhing gzhan du 'gro bas mngon shes snang ba dang/ chos thams cad ji lta bar shes pas chos kyi dbyings snang ba'o/ ! /bag yod pa'i yon tan ni/ bag yod gnas pas bdud las kun spong zhing/ /dran blo la sogs stobs bskyed bcu drug pa'o/ /de la brten pas bde ba kun @344a @#/ /'dren cing/ /pha rol phyin pa'i mi mthun phyogs kun spong/ /ngan 'gro sogs spong sangs rgyas byang chub dang/ /gzhan yang byang chub phyogs kyi chos kun thob/ /ma dros pas zhus pa las/ bag yod pa la gnas na bdud kyi las thams cad mi 'byung ngo/ /bag yod pas ni byang chub sems dpas stobs bskyed pa bcu drug thob ste/ dran pa'i stobs bskyed pa dang/ de bzhin du blo gros dang/ rtogs pa dang/ ngo tsha shes pa dang/ mos pa dang/ bsod nams dang/ gzungs dang/ spobs pa dang/ gzugs dang/ longs spyod dang/ lus dang/ sems dang/ rdzu 'phrul dang/ chos ston pa dang/ bdud tshar gcod pa dang/ nan tan gyi stobs bskyed pa'o/ /dran pas ni sangs rgyas kyis gsungs pa thams cad 'dzin to/ /blo gros ni sangs rgyas kyis gnang ba dang sems can gyis mi phyed pa'o/ /rtogs pa ni sgra'i don thams cad shes pa'o/ /ngo tsha shes pa ni sdig pa spong zhing dge ba dang ldan pa'o/ /mos pa ni sdug bsngal spong ba dang bya ba ma yin pa mi byed pa'o/ /bsod nams ni bdud bye bas kyang zil gyis mi non pa'o/ /gzungs ni sangs rgyas kyis gsungs pa thams cad mi brjed cing ston pa'o/ /spobs pa ni nges pa'i tshig du mas rgyun du 'chad pa'o/ /gzugs ni brgya byin la sogs pa mog mog por byed pa'o/ /longs spyod ni lag na rin po che mi zad pa'o/ /lus ni gzhan gyi gnod pas mi rdzi ba'o/ /sems ni sems gcig gis sems can thams cad kyi sems shes pa'o/ /rdzu 'phrul ni des 'dul ba la cho 'phrul gyis chos ston pa'o/ /chos bstan pa ni 'tsham pa bstan pas thams cad sdug bsngal las sgrol ba'o/ /bdun tshar gcod pa ni sangs rgyas kyi chos la bya ba mi 'dor ba'o/ / yon tan gyi stobs kyis ni ji skad smras pa bzhin byed pa'o/ /rgya mtshor chu thams cad 'bab pa ltar bag yod par dkar po'i chos thams cad 'du ba'o/ /sa las sa bon thams cad skye ba ltar bag yod pa las dge ba'i chos thams cad skye'o/ /'khor los bsgyur ba'i @344b rgyal po la sems can thams cad dga' ba ltar byang chub sems dpa' bag dang ldan pa la lha dang bcas pa'i 'jig rten thams cad dga'o zhes so/ /sangs rgyas kyi yul bsam gyis mi khyab pa las kyang/ bag yod pa la brten par byed na bde ba gsum las mi nyams shing ngan song gsum las thar pa la sogs pa yon tan dpag tu med do/ /pha rol tu phyin pa drug gi mi mthun pa'i phyogs gsum gsum spong ste ser sna'i dri ma dang/ ser sna'i kun tu sbyor ba dang/ gtong ba la sdang ba dang/ 'chal ba'i tshul khrims dang/ tshul khrims las ldog pa dang/ tshul khrims can la sdang ba dang/ gnod sems la sogs pa la'ang de ltar gsum gsum sbyar ro/ /pha rol tu phyin pa drug gi rton pa gsum gsum gyi rton par byed de/ bdog pa thams cad gtong ba dang/ lan la mi re ba dang/ byang chub tu bsngo ba dang/ tshul khrims yang dag par len pa dang/ mchog tu 'dzin pa med pa dang/ bsngo ba dang/ bzod cing des pa dang/ rang dang gzhan rjes su srung ba dang/ bsngo ba dang/ brtson 'grus mi 'dor ba dang/ blang dor med pa dang/ bsngo ba dang/ bsam gtan nye bar len pa dang/ mi gnas pa dang/ bsngo ba dang/ shes rab kyi snang ba dang/ spros pa med pa dang/ byang chub tu bsngo ba'o/ /sangs rgyas kyi byang chub dang de las gzhan pa'i dge ba'i chos byang chub kyi phyogs rnams kyang bag yod pas thob bo zhes so/ ! /zhi gnas dang lhag mthong gi yon tan ni/ zhi gnas lhag mthong bsten pas bag med pas sems sogs don 'di ? 'phrad pa dpe yis gsungs/ /'das chen las/ zhi gnas kyi dgos pa ni gsum ste/ bag med pa sel ba dang/ ye she chen por bkod pa dang/ dbang thob pa'o/ /lhag mthong gi'ang gsum ste/ mi dge ba'i rnam smin la rtog pa dang/ dge ba'i rtsa ba skye zhing 'tshol ba dang/ nyon mongs pa thams cad 'joms pa'o/ /'di gnyis kyis ni don thams cad 'grub ste/ dper na shing sra ba sngar rtsa ba bsgul na dbyung sla ba ltar ting nge 'dzin gyis bsgul na shes rab kyis dbyung @345a @#/ /sla'o/ /gos sngar thal bas dang phyis chus bkru ba ltar ram/ klog cing kha ton byang na don go ba'am/ dpa' bo go mtshon bstar te g.yul sprad na dgra thul ba'am/ gser mgar gser mer blugs na 'ju ba'am/ me long gsal na gzugs snang ba'am/ sa gzhi bsnyam ste sa bon 'debs pa'am/ bla ma la lung mnos te sems pa ltar de gnyis bsgoms pa'ang don che'o zhes so/ /bstan pa la 'jug pa'i rim pa rnam par bshad pa las/ byang chub sems dpa'i spyod pa la 'jug pa bshad pa ste le'u bdun pa'o// // ! de ltar spyod pa'i rnam pa de dag gis thabs kyi cha gtso bor bshad nas/ da ni shes rab kyi pha rol tu phyin pa de nyid khyad par du bshad pas de kho na bsgom pa la 'jug pa ston no/ /'di la gsum las/ dang po ! de kho na bsgoms pa'i shes rab la lhur bya ba bskyed pa la shes rab dkar po'i chos thams cad kyi gtso bor bsgrub pa ni/ de lta'i thabs kyis legs bsgrubs shes rab mes/ /yang dag min rtog thibs po kun bsreg cing/ /thabs la'ang zhen sogs mtshan mar 'dzin pa'i dug /kun tu gzhom par yongs dag rab rdzogs bya/ /zhes bya ba'o/ /'dir shes rab ni gnyis te/ rgyu dang/ 'bras bur gyur pa'o/ /'bras bu ni chos thams cad rnam pa thams cad du mngon par rdzogs par sangs rgyas pa ste/ snang ba med pa'i shes rab dang/ snang ba dang bcas pa'i ye shes dag go /rgyu ni lam gyi ye shes mtha' dag ste gtso bor 'jig rten las 'das pa mthong lam dang sgom lam gyi ye shes gnyis sbyor lam la sogs pa'i 'khor dang bcas tshogs dang bcas pa'o/ /de la 'dir gtso bor bsgrub ba ni rgyu nyid do/ /de dge ba'i chos gzhan las gtso bor bzhag pa'i rgyu ni gsum ste/ pha rol tu phyin pa lnga gtso bor byas pa dkar po'i chos gzhan gyis bsgrub byar gyur pa dang/ thar pa dang thams cad mkhyen pa'i sgrub byed dam par gyur pa dang/ thabs rnams nyid kyang mthar 'byin pa'i rgyur gyur pa'o/ /dang po @345b ni/ sbyin pa la sogs pa bsod nams su gtogs pa thams cad ni de dag nyid kyi mig tu gyur pa shes rab kyi pha rol tu phyin pa bskyed pa dang gnas pa dang 'phel ba'i rgyu 'am yan lag yin pas lus kyi don du lag pa la sogs pa bzhin no/ /'di ltar chos mngon du byed pa'i shes rab ni rgyu'i rkyen zab mo thos pa'i bag chags dang/ dmigs pa chos thams cad stong pa nyid dang/ de ma thag pa de bsgom pa'i shes rab kyi mtha' dang/ bdag po'i rkyen bsod nams mtha' yas pa'i rton pa rnams las skye ba dang/ bsod nams kyi tshogs rnams ni bdag po'i rkyen thun mong ma yin pa nyid kyis so/ /de'ang bsod nams kyi phung po gsum du bsdu ste/ bsod nams pha rol phyin pa lnga/ /de las sbyin byung sbyin pa ste/ /tshul khrims las byung tshul khrims yin/ /bzod dang bsam gtan gnyis dag ni/ /bsgom byung brtson 'grus kun tu 'gro/ zhes gsungs pa ltar ro/ /bsod nams kyi tshogs kyang de dag nyid de/ sbyin dang tshul khrims bsod nams kyi/ /tshogs yin shes rab ye shes kyi/ /gsum po gzhan ni gnyi ga ste zhes gsungs pa ltar ro/ /gnyis pa la ma rig pa las kun nas nyon mongs pa gsum lugs su 'jug pa ni 'khor ba sdug bsngal gyi phung po chen po yin la/ shes rab ni yang dag pa'i lta ba goms par bsgoms pas sgrib pa gnyis yang mi skye ba'i chos can du spangs pa'i khyad par can gyi ye shes phun sum tshogs pa yon tan bsam gyis mi khyab pa'i gter du gyur pa/ mi gnas pa'i mya ngan las 'das pa chen pos rang dang gzhan gyi mtha' dag yongs su grub pa'i 'bras bu mthar thug pa thar pa dang thams cad mkhyen pa dngos kyi sgrub byed dam pa yin pa'i phyir dang/ bsod nams rnams kyang 'di nyid kyi sgrub byed dang 'dis 'bras bu la sbyor ba'i yan lag tsam gyis de'i rgyur 'gyur gyi rang dbang du ma yin pa'i phyir myu gu la sa bon dang chu la sogs pa bzhin no/ /des na stong nyid lta bas grol 'gyur gyi/ /bsgom pa lhag ma de don yin/ /zhes bya ba @346a @#/ /dang/ byams sogs rmongs dang 'gal med phyir/ /nyes pa shin tu tshar gcod min/ /zhes bya ba la sogs pa gsungs pa'o/ /gsum pa ni gzhan yang sbyin pa la sogs pa shes rab kyi yan lag tu 'gyur ba nyid kyang des 'khor gsum du rtog pa dang ser sna la sogs pa bcom pas yongs su rdzogs shing yongs su dag pa dang/ rtag tu dang gus par byed pa'i sbyor bas 'gro bar yongs su bzung ba kho na las yin gyi/ de dang bral na pha rol tu phyin pa nyid kyi ming yang mi 'thob pas te/ de la rnam gsum rtog med pas/ / de rdzogs yongs su dag pa ni/ /de yi mi mthun phyogs spang phyir zhes bya ba dang/ sbyin pa sbyin pa'i sngon du 'gro ba shes rab ste/ zhes bya ba la sogs pa dang/ dmus long dmigs bu med pa bye ba khrag khrig rnams/ /lam yang mi shes grong khyer 'jug par ga la 'gyur shes rab med na mig med pha rol phyin lnga 'di/ /dmigs bu med pas byang chub reg par nus ma yin/ /gang tshe shes rab kyis ni rab tu zin gyur pa/ /de tshe mig rnyed gyur cing de yi ming 'thob bo/ /zhes bya ba dang/ nyi zla gling bzhir rgyu zhing las byed pa ltar/ 'di'ang lnga por rjes su 'gro zhing las byed pa dang/ dri med smad pa med khyod la/ /pha rol phyin pa ma lus rnams/ /thams cad du ni rjes 'brang ste/ /zla ba'i rjes su rgyu skar bzhin/ /zhes gsungs pa ltar ro/ ! /de'ang thabs la nges par bltos pa ni/ /de ltar zung 'jug tshul 'di theg chen ni/ / ma lus bsdus pa'i lam gyi sdom yin te/ /gtso bo shes rab nges pa'i yan lag thabs/ /rnam kun mchog ldan stong nyid sgom par gsungs/ /ga ya go ri la sogs pa las theg pa chen po'i lam mdor bsdus pa ni gnyis te thabs dang shes rab bo zhes bya ba dang thabs dang bral ba'i shes rab 'ching ba la sogs par gsungs la/ sngar bstan pa ltar shes rab gtso bor yin yang nges par bltos par bya ba'i yan lag sbyin pa la sogs pa'i thabs dang bcas pa yin gyi 'ba' zhig pa ni ma yin pas 'di gnyis zung du @346b 'jug pas rnam pa thams cad kyi mchog dang ldan pa'i stong pa nyid bsgom pa kho na yin te/ de dang bral bas ni cir yang mi 'gyur bas na/ /thabs goms dbang gi bdag nyid kyis/ /gang zhig shes rab rnam bsgom pa/ des ni byang chub myur du thob/ /bdag med gcig pu bsgoms bas min/ /zhes bya ba dang/ shes rab pha rol phyin rnal 'byor/ /rtag tu thabs bcas bsgom par bya/ /zhes gsungs la/ rnam pa thams cad kyi mchog dang ldan pa'i stong pa nyid kyang 'chad par 'gyur ro/ /! shes rab de gtan la dbab pa'i thabs ni/ de la sangs rgyas kun gyi gsang chen gnas/ /mtshan nyid kun stongs sengge'i sgra chen 'di/ /chos rje nyid kyis rgyal yum la sogs pa/ /nges pa'i don ldan gsung gis legs bzhag mdzad/ /'on kyang don 'di rab zab phal rnams kyis/ /bsam 'das dmus long gyur la dmigs bu ni; ;rgyal sras chos spyan ma pham klu sgrub sogs/ /mkhas pa'i phreng bas rigs lam gyis gsal mdzad/ /de la shes rab kyi yul chos thams cad stong pa nyid kyi tshul 'di ni rab tu zab cing rgya che ba yin pas phal rnams kyis bsam pa'i lam las 'das pa'i phyir/ /chos la spyan du gyur pa sangs rgyas nyid kyi lung dang/ mkhas pa'i skye bo blo gros kyi mig rab tu dag pa rnams kyis gsal bar mdzad pa'i rigs pa dam pa'i tshogs kyi rjes su 'brangs te nges par bya'o/ /dang po ni/ bde bar gshegs pa chos kyi rgyal po chos thams cad la dbang bsgyur zhing spyan du gyur ba nyid kyis/ phyi nang gi chos ma lus pa mtshan nyid thams cad kyis stongs pa yod med la sogs pa mtha' bzhir brtag pa'i lam thams cad las 'das pas 'dzin pa thams cad kyi spyod yul rnam par chad pa/ nyan thos dang rang rgyal dang blo ldan mos pa dman pa rnams kyi'ang skrag pa'i gnas su gyur pas/ sangs rgyas thams cad kyi gsang ba chen po'i gnas su gyur pa/ chos thams cad ngo bo nyid med pa dang/ ma skyes pa dang/ ma 'gag pa dang/ gzod ma nas zhi ba dang/ rang bzhin gyi mya ngan las 'das par mnyam pa @347a @#/ /nyid kyis mtshan nyid ro gcig pa dbu ma'i lam nyid du brjod pa'i chos kyi sgo chen po 'di/ sgra'i don gzhan du drang bar bya ba ma yin zhing zhugs nas spangs par bya ba ma yin pas nges pa'i don gyi mdo sde rin po che phyir mi ldog pa'i chos kyi 'khor lo shes rab kyi pha rol tu phyin pa 'bum pa la sogs pa dang/ de dang ldan pa ting nge 'dzin gyi rgyal po la sogs pa chos bdag med pa'i sengge'i sgra chen po mthar lta ba la 'chel ba'i phyir rol pa'i wa tshogs thams cad kyis sgra tsam yang mi bzod cing mos par dka' ba rnams kyis de dang der lam gyi dmigs pa yongs su rdzogs pa dang spyi dang khyad par gyi cha dang char rnam par bzhag pas shin tu rgya cher gsungs pa rnams la gcig tu dad pas rtogs par bya ba las so/ /mchog tu zab cing yangs pa'i don 'di lta bu la ni chos kyi skyon mnga' ba ston pa nyid kyi lung kho na tshad mar bya ba ste/ de bas ni 'jig rten pha rol la sogs pa'i rgyu dang 'bras bu dang/ tha na mthong ba'i don nyi ma dang zla ba la sogs pa'i rgyu dang tshad dang gnas la sogs pa dang/ gling bzhi pa la sogs pa 'jig rten gyi khams kyi rnam par bzhag pa lta bu la'ang/ tshu rol mthong ba rnams kyi rtog ge dag long ba lta bur gyur pas na/ drang srong dam pa rnams kyi lung kho na mig dang sgron ma la sogs pa ltar bsten par bya bar gyur pa'i phyir ro/ /gnyis pa ni 'on kyang don 'di ni dge ba'i rtsa ba mang du bsags shing bshes gnyen dam pa'i mgon gyis bzung bas kyang dus rang zhig na bzod mos pa thob par zad na/ skal ba cung ba dag gis ni sgra tsam yang bzod par sla ba lta ci smos pas na/ ston pa zhi bar gshegs nas des byin gyis brlabs pa'i rgyal sras dpa' bo go cha dang smon lam dang tshogs dpag tu med pa dag gis yang dag par mtho ba/ don 'di la dbang du gyur pa dag ni sangs rgyas kyi zhing gzhan du rnam par rol cing rtse la/ 'phags pa nyan thos rnam par thar pa brgyad la dbang ba dag gis kyang gting ma dpogs pas spong bar zhugs so/ /zab mo thos pa'i bag chags @347b cung zad bsags shing dge legs mang pos phyug pa dag kyang dus kyi nyes pas bsgribs te dmus long lta bur gyur to/ /dus phyi zhig na 'dren pa mang po la bya ba byas shing lhun stug pa'i tshogs kyis nye bar brtan pas sa chen por chud pa/ skyob pas lung bstan cing dbugs phyin pa'i sa brnyes ba; dus ring po nas ston pa'i bstan pa gsal bar byed pa'i tshogs dang smon lam dam pa la ngal ba mang du bsten pa/ rgyal sras klu sgrub ces bya ba lho phyogs kyi rgyud du byon te/ bstan pa 'di rgyas par byed pa la ston par gyur pas rgyal ba'i mdzad pa la de nyid gnyis par grags pa'o; ;des dbu ma'i rtsa ba shes rab thog mar byas pa rigs pa'i tshogs rin po che drug la sogs pa'i rigs pa dam pa'i tshul nye bar bkod pa'i sgo nas don 'di rab tu gsal bar mdzad de/ 'jig rten gyi dmigs bur gyur nas gsung rab rab 'byams la blo'i snang ba 'jug pa'i lam gsal bar gyur to/ /'on kyang blo chen pos bskyod pa'i gzhung la 'jug pa ni phal gyi spyod yul ma yin pas de dag nyid kyang rtogs par dka' ba na/ bzang po'i gnas dge legs mang po bsags shing shes rab legs par sbyangs pa mkhas pa'i skye bo slob dpon 'phags pa lha dang klu'i byang chub dang sangs rgyas bskyangs dang legs ldan 'byed la sogs pa yon tan rin po che'i rgyan dam pa mnga' ba'i phreng ba dag gis/ de dag gi don dang gzhung gsal bar byed pa bstan bcos dam pa bzhi brgya pa dang dbu ma'i snying po dang shes rab sgron ma la sogs pas rgyas par phye zhing byi ? dor mdzad pas rigs pa'i lam gyis gtan la phab pa'i rjes su 'brang zhing bsten par bya ba ste/ lung yang dgongs pa sna tshogs kyis 'jug pas don nges par bzung bar dka' bas na/ ji skad gsungs pa'i chos kyi de kho na las ldog pa'i gnod byed kyi rigs pas gzhan du srid pa'i dogs pa rnam par bcad pas mtha' gcig tu nges par bya ba kho nas zab mo'i don la 'jug par bya ba yin pa'i phyir/ de thams cad kyis kyang shes rab kyi yul shes bya'i de kho na bden pa gnyis su gtan la phab pa las/ thog ma med @348a @#/ /pa nas goms shing 'dris pas rtsa ba brtan pa dpangs mtho ba khong stong dang sang seng med pas gcig tu mkhregs par gyur pa dngos por 'dzin pa'i brag nyes pa thams cad kyi gzhir gyur pa rnams par 'joms pa/ rdo rje gzegs ma la sogs pa'i gtan tshigs chen po lnga tshang ba dang/ phyogs dang lhag pa gtsor gsungs pas sgro 'dogs sel ba lhur mdzad de skar pa bsal ba ni sde pa dag gis kyang rgya cher bzhag pas zla bar dgongs nas zhar tsam du gsungs so/ /yang stong pa nyid de'i yul can shes rab kyi pha rol tu phyin pa nyid lam dang lam mam sa dang sa'i gnas skabs dang gong nas gong du thob pa'i tshul mngon par rtogs pa'i rim pa gtso bor gsal bar mdzad pa ni/ dus gzhan na slob dpon 'phags pa thogs med ces bya ba de kho na mngon du gyur pa'i rgyun la gnas pa/ bsod nams kyi tshogs rgya chen po dus ring po nas bsags pas/ yon tan dam pa sna tshogs kyi rgyan bzang pos kun tu mtho bar gyur pa las skyob pas lung bstan pa brnyes pa des/ 'gro ba ma rigs pa'i rab rib mthug pos chos dam pa'i lam blta bar bya ba la dmus long du gyur pa rnams kyi dmigs bu nyid kyis rgyal ba'i bstan pa rin po che gsal bar mdzad par bzhed pa'i thugs rjes kun nas bslangs nas/ de bzhin gshegs pa'i gsang ba'i gnas thams cad la lkog tu ma gyur pa'i shes rab kyi spyan mnga' ba/ chos kyi rgyal tshab chen por dbang bskur bas sa bcu'i dbang phyug dam pa bcom ldan 'das ma pham pa la/ dge ba'i bshes gnyen nyid kyis rab tu dad cing gus pa dang gces par 'dzin pa drag po'i sgo nas 'bad pa mang pos mnyes par byed pa'i bsgrub pa dam pa mdzad pas/ yun ring zhig na mngon du gyur te chos kyi sgo sna tshogs pa la blo'i snang ba rjes su gnang ba thob nas tshul 'di rnam par dbye ba mdzad do/ /de'i mgon gyis rjes su bzung bas blo'i mthu ? phul du byung ba can slob dpon btsun pa dbyig gnyen dang blo gros brtan pa dang grol sde rnam gnyis dang @348b rab mchog sde dang dul ba'i sde dang rnam par snang mdzad bzang po dang sengge bzang po dang sangs rgyas ye shes dang mar me mdzad bzang po dang rin chen 'byung gnas zhing dang/ dpal mar me mdzad ye shes kyi mthar thug pa la sogs pa dam pa'i skye bo mkhas pa'i mchog gi phreng ba dag gis kyang rim par gsal ba dang shin tu gsal ba dang ches shin tu gsal bar mdzad pa'i rjes su 'brangs la shes par bya ste/ rang bzo dang gzu lums kyis bab col du 'jug pa ni ring du dor bar bya'o/ ! /de kho na la 'jug pa'i tshul spyir bzhag pa las shes bya rnam par nges pa'i tshul mdor bstan pa ni/ de yang don dam dang ni kun rdzob kyi/ /bden pa gnyis po yang dag ji lta bar/ /tshul gnyis lam gyis legs rtogs leg ? zhugs rnams/ /rnam par bsal nas ji bzhin rnam nges bya/ /'dir shes bya'i de kho na rnam par nges pa ni bden pa gnyis ji lta ba bzhin du lung dang rigs pas rtogs pa ste/ de'ang phyin ci log tu rtog pa'i lugs rnams bsal nas ji lta ba nyid kyi gzhung gi rjes su 'jug pa'o/ ! /phyin ci log gi lugs rnams dgod pa ni/ /rang bzhin gsum mnyam gtso bo skyes bu dang/ /bdag dang dbang phyug rtag sogs don dam dang/ /mi mnyam 'gro rgyud sna tshogs kun rdzob ces/ /bslu ba'i bdag nyid phyi rol pa rnams 'dod/ /gzhan dag gnyen pos bshig dang blo yis ni/ /phye na gang gi blo 'dor ldog pa dang/ /don dam kun rdzob don byed nus dag dang/ /gnyis kyi bdag nyid kun dang gnyis med 'dod/ /phyi rol pa rnams dang/ rang gi sde pa bye brag du smra ba dang/ mdo sde pa dang/ rnam rig smra ba bzhi'i lugs so/ /dang po ni/ mu stegs grangs can dag longs spyad bya rang bzhin gsum po snying stobs dang rdul dang mun pa cha mnyam pa gtso bo dang/ de la spyod pa po skyes bu rtag pa dang/ gcig pa la sogs pa'i mtshan nyid can dag ni don dam pa yin la/ chen po la sogs pa'i rnam 'gyur cha mi mnyam pa 'gro ba sna tshogs su brjod pa mi rtag pa la sogs pa ni kun rdzob tu smra ba ste/ yon tan gsum gyi rang bzhin mchog /mthong ba'i lam du @349a @#/ /'gyur ma yin/ /mthong ba'i lam du gang gyur pa/ /sgyu ma bzhin du shin tu gsog ces bya ba la sogs par ro/ /rigs pa can dang bye brag pa la sogs pa dag ni dbang phyug dang bdag dang dus la sogs pa 'gro ba kun gyi byed pa po rang dbang can rtag pa khyab pa gcig pu sems pa can dang bems po la sogs pa don dam pa dang/ 'gro ba snod bcud sna tshogs mi rtag pa la sogs par mthong bzhin pa ni kun rdzob tu 'dod do/ /rang gi sde pa las bye brag tu smra ba rnams ni gang zhig gnyen po dang blos rnam par phye na blo 'dor ba ni kun rdzob yin la/ rnam par phye 'ang blo mi 'dor ba ni don dam pa'o/ /gnyen pos phye zhing bshig ? na blo 'dor ba ni bum pa dang khyim la sogs pa lta bu ste/ tho ba la sogs pas tha dad du 'gyes pa'i rkyen gyis bsal na gyo dum dang phag la sogs pa la bum pa dang khyim gyi blo ldog pa'i phyir ro/ /blos rnam pa phye na blo 'dor ba ni chu la sogs pa dang bdag la sogs pa ste/ 'jig rten gyi chu'i tha snyad ni gzugs la sogs pa'i skye mched tshogs pa la byed pas/ de la chu'o snyam du 'dzin pa ni skye mched phan tshun tha dad par blos bsal na ldog pa'i phyir ro/ /'di ltar gsher ba tsam yang chu ma yin te 'o ma dang khrag la sogs pa'ang der thal bas so zhes bya ba la sogs par phye na chur 'dzin pa'i blo ldog pa'o/ /de bzhin du phung po la sogs pa la bdag gcig pur 'dzin pa yang rdul phran dang skad cig dang chos kyi dbye bas brtags na ldog pa lta bu'o/ /don dam pa rnam par phye yang blo mi ldog pa ni gsher ba dang sra ba tsam la sogs pa lta bu ste ril las gnyen po'i blos phye yang rdul phran dang skad cig gi mthar thug pa la de'i blo 'jug pa'i phyir ro/ /de'ang gang la bcom dang blo yis gzhan/ /bsal na de blo mi 'jug pa/ /bum chu bzhin du kun rdzob tu/ /yod de don dam yod gzhan yin/ /zhes gang bshad pa'o/ /de la don dam pa'i mtshan nyid dang ldan pa yang rdul phra rab dang mi ldan pa'i 'du byed dang 'dus ma byas dang sems dang sems las byung ba @349b gzhi lnga po sde/ snga ma gsum ni gzung ba'o/ /phyi ma gnyis 'dzin pa'o/ /gzung 'dzin yang dus mnyam pa ste/ tshogs pa gcig las phan tshun gzung 'dzin du nges par dus mnyam par skye ba'i phyir na de'i bdag nyid dang de las byung ba'i 'brel pa med kyang nges pa'i phyir ro/ /de'ang rnam pa med pa'i blos phyi rol la byed pa 'jug pa ste/ skam pa dang lcags sbram dus mnyam pa gzung 'dzin du 'thad pa bzhin no zhes 'dod do/ /mdo sde pa dag ni don dam pa dang kun rdzob kyi mtshan nyid gzhan du smra ste/ don dam par don byed nus pa ni don dam par yod pa'o/ /ldog pa ni kun rdzob tu yod pa'o/ /don dam par don byed nus pa'i mtshan nyid dang ldan pa yang rdul phran dang sems dang sems las byung ba gsum nyid de 'dus ma byas dang mi ldan pa'i 'du byed ni kun rdzob du yod pa tsam mo/ /snga ma gsum po'ang gzung 'dzin du 'thad de rnam pa 'jog pa'i rgyu ni gzung ba'o/ /de'i rnam pa'i rjes su byed pa ni 'dzin pa ste/ dus tha dad pa ji ltar 'dzin/ /ce na shes la rnam pa ni/ /'jog par nus pa'i rgyu nyid la/ /gzung bar 'thad pa shes pas rig /ces dpyad pa'o zhes 'dod do/ /rnal 'byor spyod pa dag ni rigs pas don byed nus par 'thad pa ni don dam pa'i mtshan nyid yin la/ ldog pa ni kun rdzob yin mod kyi/ 'on kyang gzung 'dzin gnyis ni/ don dam par yod pa ma yin te rigs pas dpyad na don byed nus par mi 'thad pa'i phyir ro/ /rdul phran rnams ni gcig dang du mar mi 'thad pas med la/ rags pa'ang med pa'i phyir shes pa las gzhan ni don byed nus pa ma yin no/ /don dam par yod pa ni rnam shes tsam ste rnam par dpyad na don byed par 'thad pa'i phyir ro zhes 'dod do/ /'di la'ang lugs gnyis te/ rnam pa dang bcas pa dang/ rnam pa med pa yin no/ /dang po ni ma rig pa'i bag chags smin pa'i dbang gis rnam shes nyid sngo sogs dang bde sogs kyi rnam par skye ste/ myong ba la gsal bar snang ba 'di gtan med ni ma yin no/ /de lta ma yin na shes pa'i rang bzhin nyid kyang dgag byar thal ba'i phyir thams cad 'jig par thal lo zhes rtog go/ /rnam med smra ba dag de ni @350a @#/ /mi 'thad de/ ji ltar phyi rol gyi don gcig nyid kha dog dang cha'i dbye ba sna tshogs kyis mi 'thad pa ltar shes pa la yang mtshungs te/ gcig dang du ma 'gal ba ni dngos po'i stobs kyis gnas pa'i phyir shes par brtags pas de ldog pa ma yin no/ yin na du ma dang gcig 'gal bar mi 'gyur te du ma dang shes pa 'gal bar thal ba'i phyir ro/ /gzhan yang 'di ni snang ba mi dmigs pas kyang gnod de/ gal te sngon po bde ba'i rang bzhin yin na bde bar dmigs par 'gyur ba las ma dmigs pa'i phyir ro/ /des na slob dpon gyis/ de phyir don dang shes pa la/ /rigs snang gang yin de yod min/ /gcig la bkag pa nyid phyir dang/ /mang po la yang de med phyir/ /zhes bya ba dang/ sna tshogs snang can don rnams la/ /gal te gcig nyid mi rigs na/ /re zhig gcig pa'i blo de nyid/ /sna tshogs su ni ji ltar snang/ /zhes brtsad pa'i lan du/ gcig la sna tshogs de ji ltar/ /de ni blo la'ang mi 'gyur ro/ /gal te don bdag 'di 'dod na/ /de la bdag gis ci zhig bya/ /ji lta ji ltar don bsam pa/ /de lta de ltar rnam bral zhes/ /mkhas pa rnams kyis gang gsungs pa/ /de ni dngos stobs 'ongs pa yin/ /zhes gsungs so/ /de bas na dkar po la sogs pa gzung ba dang/ de 'dzin pa ma 'khrul ba nyid ni gtan med pa yin mod kyi/ med pa snang ba'i rnam shes 'khrul pas kun tu bstan par zad do/ /don dam pa rnam shes ni rnam par mtha' dag gis nye bar ma bsgyur ba; gnas skabs de dang de dag tu med pa gsal ba yod pa dang med pa'i khyad par can du 'jug ste/ de ni 'khor ba dang mya ngan las 'das pa zhes bya'o/ /de ni kun btags pa'i mtshan nyid mtha' dag gis stongs pa yin yang gzung 'dzin du byis pas tshor ba'i phyir 'khor ba ni rmi lam lta bur 'dod do/ ! /de rnams dgag pa ni/ thams cad gcig dang du ma sogs dpyad pas/ mtshan nyid mi srid sogs kyis rnam par bsal/ dang po phyi rol pa rnams kyi gtso bo dang bdag dang dbang phyug la sogs pa rtag pa la sogs pa ni don dam pa'i mtshan nyid du mi srid de rim @350b dang cig car gyis don byed pa mi rung ba'i phyir nam mkha'i me tog la sogs pa bzhin zhes dgag cing/ gzhan yang sems pa dang sems pa med pa thams cad la yul dang dus kyi sgo nas cha sna tshogs su grub pa'i phyir gcig med cing de med na du ma'ang med pa'i phyir ma grub po zhes bya bas kyang dgag go /bye brag tu smra bas 'dod pa'i don dam pa'i bden pa'i mtshan nyid kyang mi srid pa'i phyir dang/ de nyid kyis kun rdzob kyang ha cang khyab par 'gyur ba'i phyir mi 'thad do/ /'di ltar blos rnam par dpyad na gang la blo mi 'dor ba zhes bya ba ni rigs pas dpyad na 'thad pa'i don yin na/ sngon po dang gsher ba dang de 'dzin pa'i shes pa la sogs pa'i rdul phra rab dang skad cig ni dpyad na mi 'thad pa'i phyir te/ drug gis cig car sbyar ba na/ /phra rab rdul cha drug tu 'gyur/ /drug po dag ni go gcig na/ /gong bu rdul phran tsam du 'gyur zhes bya ba dang/ ji ltar skad cig mtha' yod ltar/ /thog ma dbus kyang brtag par gyis/ /skad cig gsum gyi bdag nyid phyir/ /'jig rten skad cig la mi gnas/ /zhes bya ba la sogs pa'i rigs pas dpyad na thams cad du mi 'thad pa'i phyir ro/ /gzung ba dang 'dzin pa'i mtshan nyid don dam pa yang mi 'thad de tshogs pa gcig las byung bas phan tshun de ltar nges na dbang po dang rnam shes kyang gzung ba dang 'dzin par ha cang thal ba'i phyir dang/ rnam pa med pa'i shes pa la don 'dzin pa'i mtshan nyid mi 'thad pas thams cad kyis 'dzin par yang thal ba'i phyir ro/ /skam pa dang lcags sbram la sogs pa'i dpe'ang ma grub ste/ der ni skam pa'i snga ma'i skad cig las lcags kyi skad cig gzhan yul khyad par can du skyes par zad kyi dus mnyam pa'i skam pas lcags sbram 'dzin par mi 'thad pa'i phyir ro/ /mdo sde pa'i ltar yang mi rung ste/ don byed nus pa tsam mtshan nyid du 'dzin na ni dbang phyug dang bdag la sogs pa don dam par thal te rang gi yul can gyi blo 'khrul ngor don byed nus pa'i phyir ro/ /'on te don dam par don byed nus pa zhes khyad par du byed na mtshon bya don dam nyid ma grub pas de'i khyad par gyi mtshan nyid kyang mi 'grub @351a @#/ /pa'i phyir mtshan nyid dang mtshon bya khyad par med par thal lo/ /yang na mi srid pa ste don dam par rang dang gzhan gyi 'bras bu phyed par mi 'thad pas don byed nus pa mi rung ba'i phyir ro/ /des na kun rdzob kyi mtshan nyid kyang ha cang khyab par 'gyur te/ rdul phran dang sems dang sems las byung ba la yang don dam par don byed nus pa 'jug pa'i phyir ro/ /gzung ba dang 'dzin pa'i mtshan nyid rnam pa 'jog pa'i rgyu dang de'i rnam pa'i rjes su byed pa'ang ha cang khyab pa dang mi srid pa yin te/ de ma thag pa'i rkyen la sogs la'ang yod pa'am yang na bdag nyid thams cad dam phyogs gcig gis 'dra ba mi 'thad pas gang yang rnam par ? gtod pa'i rgyur mi rung ba'i phyir ro/ /bye brag tu rdul phra rab kyi rnam pa ni mi snang la/ rags pa'i rnam pa ni snang yang phyi rol na med pas/ gzugs la sogs pa dang mig gi rnam shes la sogs pa la gzung ba dang 'dzin pa'i mtshan nyid mi 'thad pa'i phyir ro/ /rnam rig smra ba dag gi ltar phyi rol mi 'thad pa dang/ de'ang rnam med smra ba'i ltar rnam pa mi 'thad pa ni rigs pa las 'ongs pa'i phyir de kho na ltar dbu ma la'ang mi 'dod pa nyid do/ /'on kyang rnam med nyid kyi don dam par yod pa'i mtshan nyid mi srid pa ni spang dka'o/ /'di ltar rigs pas dpyad na khyod 'dod pa'i rnam par shes pa de'ang rang dang gzhan dang gnyi ga las skye ba mi 'thad pa la sogs pas don dam par don byed nus pa mi srid pas so/ /gzhan yang med pa'i rnam pa rnams dang yod pa'i shes pa dag la 'brel pa ci zhig yod nas shes pa gsal ba'i tshe rnam pa'i tshogs kyang de dang lhan cig snang/ 'brel med dag kyang lhan cig gsal na ni bde sdug gam bdag dang rwi bong gi rwa la sogs pa dang shes pa yang lhan cig gsal bar thal bar 'gyur ro/ /de las byung ba'i 'brel ba yang mi srid de dus tha mi dad par snang ba'i phyir dang/ rnam pa rnams med na de bskyed pa'i nus pa yang yod par 'gal ba'i phyir te/ yul med pa'i nus pa mi srid pa'i phyir ro/ /nus pa tshad mas nges na de'i yul yang @351b nges par 'gyur bas na rnam pa rnams bden pa nyid du thal bar 'gyur ba'i phyir ro/ /gzhan yang ma 'brel ba'i gnyis su snang bas ni de dang lhan cig pa'i sems kun nas nyon mongs pa can du byed pa mi 'thad pa'i phyir ro/ /glo bur gyi kun tu rtog pa'i sgrib pas rnam par dag pa'i sems kyi gnas skabs kun nas nyon mongs par mi byed pa bzhin du/ 'khor ba pa'i sems kyi gnas skabs kyang kun nas nyon mongs par mi byed pa'i phyir thams cad 'bad pa med par grol bar yang 'gyur ro/ ! /'o na ji ltar bden pa gnyis kyi mtshan nyid rnam par bzhag ce na/ rang gi lugs kyi mtshan nyid bzhag pa ni/ /snang bzhin pa nyid rig pas mi gnas dang/ /yang dag rigs pa'i lus kyi rnam par bzhag /de yang bden pa'i rang bzhin mtha' dag gis/ /rnam par dben pas der 'dzin 'gog tsam nyid/ /gang zhig blos dmigs kyang rigs pas mi 'thad pa ni kun rdzob kyi bden pa yin la/ gang zhig phyin ci ma log pa'i don dpyod pa'i rigs pas grub pa ni don dam pa'i bden pa'o/ /dkar po dang bde ba la sogs pa ni tha snyad pa'i rigs pas grub pa yin yang/ shin tu rnam par phye nas dpyod pa'i blos ? mi 'thad pa'i phyir rigs pas grub pa ma yin pa'o/ /gang zhig gzhan gyi yul rnam par dpyod nus pa'i blos yul du byas kyang nye bar brtags pa'i don dang yid kyis rgyal srid rtog pa ltar log pa nyid du nges par byed pa de ni rigs pa'i shes pa yin la/ des rnam par dpyad na ni dngos po gang yang grub pa med pas don thams cad ni rigs pas mi gnas pa yin no/ /'o na rigs pas grub pa'i don 'ga'ang mi srid pas don dam pa'i mtshan nyid mi srid par mi 'gyur ram zhe na/ dper na dngos po rtag pa'i mtshan nyid dam rwi bong gi rwa la sogs pa'i mtshan nyid 'di lta bu'o zhes brjod kyang/ rtag pa la sogs pa yod par mi thal ba dang/ de'i mtshan nyid la mi srid pa'i skyon brjod par bya ba yang ma yin pa bzhin no/ /mtha' gnyis su grub pa yang de ltar rtog pa'i blo'i mtshan nyid mi 'dra ba gnyis srid pas de'i yul rnam @352a @#/ /pa gnyis su bzhag nas gcig 'gog pa yin te/ don dam par ni ji ltar yang khas len par mi byed kyi der 'dzin ? pa 'gog pa tsam du zad do/ /kun rdzob kyi bden pa ni mthong ba dang thos pa la sogs pa ji lta bar khas len to/ /de ni gnyis te/ yang dag pa dang yang dag pa ma yin pa'o/ /de'ang 'jig rten nyid la yang dag pa dang yang dag pa ma yin par grags pa ste/ 'dod pa'i 'bras bu sgrub byed du snang ba dang snang ba med pa'i rang bzhin can no/ /de kho nar ni 'dus byas thams cad yang dag pa ma yin pa snang bar khyad par med pas ma brtags na nyams dga' bar snang ba ni kun rdzob ces bya'o/ /yang dag pa'i kun rdzob de'ang ji lta bu zhe na/ kha cig na re rnam par shes pa tsam ni yang dag pa'i kun rdzob tu yod pa'o/ /gzhan gzung 'dzin gnyis ni log pa'i kun rdzob tu zad kyi yang dag pa'i kun rdzob ni ma yin no zhes zer ro/ /de ni mi 'thad de bde sogs ltar sngo sogs kyang mngon par 'dod pa'i 'bras bu'i sgrub byed du tha snyad pa'i mngon sum dang rjes dpag gis bsgrubs pas/ de spong ba la mngon sum dang rjes dpag gis gnod do/ /de lta ma yin na rnam shes kyang yang dag gi kun rdzob tu yod pa ma yin no zhes zer na khyod la lan ci yod/ de lta bas na rnam shes ltar phyi rol yang yang dag gi kun rdzob tu yod pa nyid do/ /'on kyang mdo sde pa'am/ bye brag smra ba dag zer ba ltar yang ma yin te/ nyams su myong ba dang rjes dpag gis ji ltar grub pa ltar khas blang ngo/ /de'ang rdul phran dang skad cig la sogs pa dngos por smra bas brtags pa lta bu ni tha snyad du tshad mas ma grub pa'i phyir na cha med par grub pa'i dngos po ni khas mi len no/ /'on kyang ril po'i 'du shes dang rtag pa'i 'du shes kyi gnyen por bcom ldan 'das kyis rdul phran dang skad cig gi dngos po cha med par gsungs par zad do/ /gang las rnam par phye na rab tu mi dmigs pa de ni rdul phran dang skad cig ma'i mtshan nyid de/ cha med par gnas pa ni ma yin no/ /de lta bu'i bden pa gnyis po @352b de nges par byed pa'i tshad ma ni/ re zhig don dam pa ni dngos po dang dngos po med pa'i blos rnam par bzhag pa'i don la gnod byed kyi rjes dpag gis gtan la phebs so/ /de lta bu'i don thams cad tshad mas bkag pa nyid la don dam par stong pa nyid tshad mas grub par brjod pa'i phyir te/ tshad ma'i yul du rnam par gnas pa'i don dam pa ni khas mi len pas de'i tshad ma yang mi tshol lo/ /kun rdzob kyi dngos po kun rdzob nyid du nges par byed pa ni dngos po yang dag pa 'gog pa'i tshad ma de'i shugs kyis yin te/ yang dag gi don bkag pa na snang ba ni myong ba'i dbang gis nges pas/ shes pa gnyis kyi byed pa las phyin ci log gi don brdzun par nges pa'i phyir ro/ /yang dag pa'i dngos po 'gog pa'i tshad ma de la yang chos can la sogs pa mi snang ba ni ma yin te gzhi med par dgag pa mi 'dzin pa'i phyir ro/ /chos can la sogs pa snang bas de rigs pas grub par yang mi 'thad de/ rjes dpag la spyi snang yang spyi rigs pa'i yul du mi thal ba bzhin no/ /rnam rtog ni rang bzhin gyis 'khrul pas log pa'i rnam pa 'ga' zhig sgro btags nas tshad ma'i gzhal bya 'ga' zhig gtan la 'bebs pa yin gyi/ ji lta ba bzhin snang bas gtan la 'bebs pa ni ma yin no/ /des na chos can ni nges par snang bar khas blang ste/ de lta ma yin na don 'ga'ang gtan la mi phebs par thal ba'i phyir ro/ /de ni shes bya'i de kho na rnam par nges pa'i phyogs tsam bstan pa'o/ ! /rnal 'byor bsgom pa las mos pas spyod pa'i gnas skabs kyi ni/ de ltar shes nas dang por gzugs sogs yul/ /snang ba tsam gyis rang rgyud ma grub blta/ /de nas der 'dzin sems kyang ma grub pas/ /gnyis med rang gsal nyid la blo gnas bya/ / de lta bur thos pa dang bsam pa las byung ba'i shes pas shes bya khong du chud nas don de la rnal 'byor gyis rjes su bsgrub pa ni dang por bzung ba'i don thams cad rab tu mi dmigs pa bsgom par byed do/ /de'ang 'di ltar sngon po la sogs pa 'di dag ni rang gi shes pa nyid de @353a @#/ /ltar snang ba tsam du zad kyi phyi rol gyi don rang rgyud pa ni ma yin no zhes bsgoms pa'i stobs kyis nges par byed do/ /de nas ni sngon po la sogs pa 'di don rang rgyud pa ma yin pa bzhin du shes pa'i rang bzhin yang ma yin par rab tu rig go /de nas ni gzung 'dzin gnyis ka med par rnam par rtog pas mnyam par bzhag pa'i stobs kyis rab tu rig go ! /de kho na mthong ba'i gnas skabs ni/ de yang mi dmigs rab tu bsgom bya ste/ /de ltar yul gyi spros pa'i bud shing tshogs/ /ma lus shes rab me yis rab bsregs nas/ /de nyid rab zhi chos dbyings mngon sum 'gyur/ /de nas ni gnyis med pa'i mtshan nyid 'dzin pa nyid kyang rab tu bkag pas chos kyi dbyings la 'jug ste/ shing gnyis drud pa las me byung bas shing de gnyis rab tu bsregs nas me de nyid kyang rab tu zhi ba ltar/ so sor rtog pa'i shes rab kyis 'dzin pa rab tu ma grub par rtogs pa'i dbang gis shes rab de nyid kyang rab tu zhi ba rnam par mi rtog pa'i ye shes kyis chos kyi dbyings mngon sum du byed do/ /de'i tshe ni shes pa sgyu ma lta bu kun rdzob pa rang gi nyams su myong mod kyi/ de las ma gtogs pa'i shes byar snang ba rab tu zhi ba'i phyir dang/ shes pa de nyid kyang don dam par yod na snang du rung ba las mi dmigs pa'i phyir chos thams cad ngo bo nyid med pa rab tu mi gnas pa'i tshul gyis mngon sum du mthong ba zhes bya'o/ / ! de goms par bsgom pa'i gnas skabs ni/ de nas de la sgom pas spang bya ba/ /sgrib pa rnam dgu rim gyis spong byed pa'i/ /nus pa lhag pas ye shes de nyid ni/ /bsgom pa'i lam gyi sa dgur rnam par bzhag /de'i 'og tu sa lhag ma rnams su ni chos kyi dbyings de la gong nas gong du sgro 'dogs pa rnam pa dgu sel ba'i nus pa ni bsgoms pa'i stobs kyis thob pas sgom spang gi shes bya'i sgrib pa rnam pa dgu sel bar byed pa'i phyir/ bsgom pa'i lam gyi gnas skabs su byang chub kyi sems rnam pa dgur bzhag pa'o/ /sngar mthong ba'i lam gyi gnas skabs pas nus pa lhag @353b par 'phel ba'i phyir gong nas gong du sa tha dad kyang rnam par mi rtog pa'i ye shes kyi rnam pa lhag pa ni yod pa ma yin te/ sa bcu rnams su chos kyi dbyings la ye shes kyi snang ba rnam par tha mi dad par blta'o/ /sgrib pa sel ba'i nus pa tha dad par 'phel bas spangs pa lhag pa dang de la brten pa'i yon tan gyi che ba lhag pa ni 'di rnams kyi khyad par yin no/ ! /de'i khyad par gyi lam bzhag pa ni/ de yang bgrod gcig lam thob mi skye ba'i/ /chos la bzod smin 'gro ba tshim byed dang/ /'phrin las lhun grub rgyun mi chad thob las/ /sangs rgyas sa yi sbyor ba rnam gsum mo/ /ye shes kyi rnam pa yongs su bsgoms ? pa'i stobs kyis byang chub sems dpa'i sa brgyad pa la zhugs pa na ngar 'dzin gyi sa bon log nas bgrod pa gcig pa'i lam mngon du gyur te mi skye ba'i chos la bzod pa thob cing rnam grol gyi lus yongs su rdzogs pa ni sangs rgyas kyi sa'i sbyor ba dang po thob pa'o/ /de nas sa dgu pa la zhugs te ting nge 'dzin dang gzungs kyi sgo dang so so yang dag par rig pa dang mngon par shes pa rgya mtsho rab tu thob pas chos kyi char chen pos 'gro ba tshim par byed pa ni sangs rgyas kyi sa'i sbyor ba 'bring ngo/ /de'i 'og tu byang chub sems dpa'i sa bcu pa chos kyi sprin la zhugs te/ bde bar gshegs pa'i mdzad pa lhun gyis grub cing rgyun mi chad pa dbang rab tu thob pa ni sbyor ba chen po'o/ /de ltar byang chub sems dpa'i sa bcu po 'di rnams su ni de kho na nyid rnam par mi rtog pa'i ye shes kyis mthong mod kyi/ shin tu gsal bar de'i tshul thams cad rdzogs par ni mi mthong ste/ sprin gyi mthongs ? nas nyi ma'i dkyil 'khor yongs su ma rdzogs par mthong ba lta bu yin no/ /de skad du'ang sprin mthongs ? mkha' la nyi bzhin 'dir khyod phyogs gcig blo gros can/ /blo mig ldan pa'i 'phags rnams kyis kyang thams cad mthong ma lags/ /bcom ldan 'das khyod chos sku gang yin blo gros mtha' yas pa/ /shes bya mtha' med mkha' dbyings khyab pa de dag gis kun mthong zhes gsungs so/ /de ltar mos pas @354a @#/ /spyod pa'i sa dang/ sa bcu po rnams su rnam par rtog pa dang bcas pa dang rnam par mi rtog pa'i ye shes kyis chos kyi dbyings la mnyam par 'jog pa ni rnal 'byor rjes su bsgrub pa ste/ dang po gtan la 'bebs pa ni rigs pa'i shes pa la 'du byed kyi mtshan ma chos can gyi don snang ba ltar/ rnal 'byor bsgrub pa na ni ma yin te don thams cad mi dmigs pa yin no/ ! /'bras bu thob pa spyir bzhag pa ni/ chos dbyings rang bzhin rnam dag lam gyis ni/ /sgrib tshogs kun spangs rnam dag gnyis ldan zhing/ /chos rnams chos nyid dus gsum gtogs pa yi/ /shes bya kun khyab mkhyen la mnga' brnyes pa'o/ /de ltar mnyam par bzhag pas chos kyi dbyings shin tu bsgoms pa'i 'bras bu ni de bzhin nyid rang bzhin gyis rnam par dag pa lam gyis glo bur ba sgrib pa'i tshogs rgyun bcad pas rang bzhin dang dri ma med pa'i rnam dag gnyis tshogs pa'i gnas skabs thob pa na sgrib gnyis spangs pa'i khyad par can ji lta ba dang ji snyed pa'i chos thams cad kyi rnam pa thams cad mkhyen pa'i ye shes gnyis la mnga' brnyes pas rang dang gzhan gyi don phun sum tshogs pa mtha' dag 'byor pa/ chos kyi sku dang gzugs kyi sku brnyes pas sangs rgyas kyi sa mngon du mdzad pa thob pa'o/ ! /chos kyi sku bshad pa ni/ mtshan ma kun bral chos dbyings ji lta bar/ /mngon gyur snang med shes rab kyis dmigs pas/ /shes dang shes bya spros bral mnyam 'jug pa/ /sangs rgyas kun gyi rang bzhin chos skur brjod/ /'di ni chos thams cad kyi de bzhin nyid glo bur gyi sgrib pa dang bral ba de la 'jig rten las 'das pa'i shes rab kyis mi dmigs pa'i tshul gyis dmigs pa ste/ shes pa dang shes bya ro gcig tu gyur pa'o/ /ji ltar chu la chu bzhag pa dang mar la mar thim pa ltar/ mtshan ma thams cad dang bral ba'i chos kyi dbyings de la/ ji lta ba bzhin 'dzin pa'i shes rab kyis dmigs pa ni shes bya ma grub pas ye shes mi 'jug pas na/ shes bya ji lta ba bzhin @354b du ye shes rab tu zhi ba ni chos kyi dbyings kyi tshul thams cad ji lta ba bzhin du gsal bar mthong zhes bya'o/ /gnas skabs der ni kun rdzob pa'i shes pa rang rig pa sgyu ma lta bu de'ang rab tu zhi ba'i phyir spros pa'i mun pa chen po kun tu nub pa yin no/ /de ltar skad cig gcig dang ldan pa'i shes rab kyis chos thams cad mngon par rdzogs par byang chub pa 'jig rten las 'das pa'i shes rab mngon du gyur pa 'di ni chos kyi sku thob pa'o/ /de'i tshe shes bya 'ga' zhig yod na gdon mi za bar snang bar 'gyur ba las ma dmigs pa'i phyir shes rab des chos kyi dbyings mngon sum du mthong bar bsnyad pa yin gyi/ dmigs pa 'jug pas don 'ga' zhig yongs su bcad par ni mi blta'o/ /des na/ nam mkha' mthong zhes sems can tshig tu rab brjod pa/ /nam mkha' ji ltar mthong zhes don 'di brtag par gyis/ /de ltar chos mthong ba yang de bzhin gshegs pas bstan/ /mthong ba dpe gzhan gyis ni bsnyad par nus ma yin/ /gang gis de ltar mthong ba de yis chos kun mthong zhes gsungs so/ ! /gzugs sku gnyis las longs spyod rdzogs pa'i sku bshad pa ni/ de rjes shes bya'i sgrib kun dang bral ba'i/ /shes bya'i chos nyid ji bzhin rab gsal bas/ /nam mkha' dang mnyam dus gsum chos rnams kun/ /mngon sum nyid gyur me long ye shes yin/ /de la brten pa bdag gzhan mnyam nyid du/ /gzigs pas rtag tu 'gro kun don mdzad dang/ /shes bya kun gyi mtshan nyid mngon gzigs pa'i/ /ye shes 'di gsum longs spyod rdzogs skur brjod/ /de'i rjes la sgrib pa'i sa bon shin tu cha phra ba rnams dang yang bral bas rnam par grol ba'i lam gyi mtshan nyid/ sngar gyi mnyam par bzhag pa'i ye shes kyi skad cig gi nyer len las byung ba skye ste/ des nam mkha' dang mnyam pa'i don rgyu dang 'bras bus bsdus pa rten cing 'brel par 'byung ba ma lus pa mngon sum du byed do/ /de ni me long lta bu'i ye shes te me long g.ya' dag pa la snga na med pa'i gzugs kyi rnam pa thams cad snang ba 'byung ba ltar/ sgrib pa'i dri ma rnam @355a @#/ /par dag pa'i dbang gis dus gsum du bsdus pa'i shes bya nam mkha'i mtha' dang mnyam pa thams cad rab tu snang ba ste shes bya'i rnam pa dang ldan pa ni ma yin no/ /de ni nam mkha' chen po ltar rtag tu gnas te res 'ga' rnam par chad pa la brten pa ni ma yin no/ /smon lam dang dge ba'i tshogs dpag tu med pas rab tu bsgrubs pa'i ye shes chen po de la ni bdag dang gzhan gyi rgyud la tha dad du mi 'dzin par gzigs pa/ ngar 'dzin gyi 'ching ba'i gnyen por gyur pa/ bdag dang gzhan mnyam pa'i byang chub kyi sems mthar phyin pa mnyam pa nyid kyi ye shes dang/ shes bya ji lta ba dang ji snyed pa rang dang spyi'i mtshan nyid kyi sgo nas 'dzin pa'i mtshan nyid can so sor rtog pa'i ye shes gnyis po rab tu bsten te/ rgya mtsho che la rlabs brten pa bzhin no/ /brten pa'i ye shes de gnyis kha cig rnam rtog dang bcas par yang 'dod de/ de ni lung dang rigs pa du ma dang 'gal bas spang bar bya'o/ /'on kyang 'di ni snga phyi dang sgra don sbyor ba la sogs pa log par 'dzin pa las grol ba'i phyir rnam par mi rtog pa yin te/ nges pa dang 'dzin pa'i bdag nyid du 'jug pa ni yod par blta'o/ /de lta ma yin na shes bya'i spyi'i mtshan nyid la 'jug pa dang sems can la thugs rje chen po 'jug pa dang chos gsung ba'i 'phrin las la 'jug pa la sogs pa mi 'thad par 'gyur ba'i phyir ro/ /de ltar rten dang brten pa'i ye shes gsum po 'di ni longs spyod rdzogs pa'i sangs rgyas te gzugs skus bsdus pa'o/ /ji ltar zhe na/ gzugs su snang ba'i bdag po'i rkyen yin pa'i phyir dang/ gzugs kyi rnam par rig pa'i mtshan nyid can yin pa'i phyir ro/ ! /sprul sku bshad pa ni/ de las sku gsung thugs kyi 'phrin las rnams// lhun gyis grub cing rgyun mi chad nyid du/ /gdul bya'i skal ba ji bzhin rtag 'jug ni/ /bya ba grub pa'i ye shes sprul sku'o/ /snga ma de las ni lhun gyis grub cing rgyun mi chad par 'gro ba skal ldan mtha' dag gi don ci rigs pa la dus las mi 'da' bar rab @355b tu 'jug pa'i 'phrin las kyi rang bzhin bya ba grub pa'i ye shes kyis bsdus pa sprul pa'i sku rab tu 'byung ste/ longs spyod rdzogs pa'i sangs rgyas kyi dbang gis gdul bya la skal ba ji lta bar sku gsung thugs kyi mdzad pa mtha' yas pa rab tu 'jug pa'i mtshan nyid do/ /'di'ang gzugs sku ste gzugs su snang ba'i mtshan nyid yin pa'i phyir ro/ /'di ni rtag tu gnas pa'i thugs rje chen po gtsor gyur ba las byung ba gzhan gyi rnam par rig pa'i chas bsdus pa ste/ 'jig rten gyi khams thams cad du sangs rgyas thams cad kyi thun mong gi dbang gis 'jug cing dus thams cad du nyams par mi 'gyur ba'o/ /de ltar sangs rgyas kyi sa'i tshul 'di ni mdor na rnam pa bzhis bsdus te/ spangs pa dang/ shes rab dang/ ye shes dang/ thugs rje'o/ /dbyings rnam par dag pa ni spangs pa'o/ /de la 'dzin pa'i shes pa ni shes rab bo/ /kun rdzob tu ji lta ba dang ji snyed pa rig pa ni ye shes/ /sems can gyi don la 'jug pa ni thugs rje'o/ /des na kha cig sangs rgyas pa'i gnas skabs na ni rjes thob kyi ye shes mi 'jug ste/ byang chub sems dpa' dang khyad par med pa la sogs par thal bar 'gyur ro zhes zer ba ni shin tu 'khrul par blta ste/ 'dus ma byas shing lhun gyis grub/ /gzhan gyi rkyen gyis rtogs min pa/ /mkhyen dang brtse dang nus par ldan/ /don gnyis ldan pa'i sangs rgyas nyid/ /ces bya ba la sogs pa'i lung mang po dang 'gal zhing/ rigs pas kyang mi 'thad de/ shes pa'i nye bar len pa'i 'bras bu ni rnam par chad par mi rung ba'i phyir ro/ /de lta bas na chos kyi dbyings rnam par dag pa ni de nyid dang dngos po la dmigs pa'i mtshan nyid kyi mkhyen pa/ shes rab dang ye shes gnyi ga dang ldan par yid ces par bya'o/ /de'ang chas sku spangs pa dang shes rab kyi mtshan nyid ni rang gi don to/ /gzugs sku gnyis po ni gzhan gyi don to/ /de ltar de kho na la 'jug pa theg pa chen po'i tshul mdor bsdus pa/ shes bya'i de kho na rnam par nges pa dang/ rnal 'byor rjes su sgrub pa dang/ de'i 'bras bu @356a @#/ /thob pa gsum spyi tsam du bshad pa 'di ni bdag gi bla ma rje btsun la shin tu gus pas de'i gsung la gces par 'dzin pa chen pos 'dir bkod par zad de/ tshul dang po de ni skabs 'di nyid du de ma thag rgyas par 'chad la/ phyi ma gnyis po ni skabs 'og ma dag tu rgyas par 'chad ? pas 'dir ni 'ol spyi tsam du bzhag par zad do/ /da ni skabs kyi don rab tu bsgrub par bya'o/ /'di la dang por shes rab kyi rang bzhin chos thams cad stong par blta bas yul don dam pa shes par bsgrub ste/ de'ang de kho na rnam par nges pa dang/ kun nas nyon mongs pa'i gnyen po nyid kyis shes bya dang spang bya la bltos nas rtogs pa dang nus pa'i tshul gnyis dang ldan pa'o/ /gzhan du na sngon po shes pa dang rus gong gi 'du shes ltar shes rab kyi pha rol tu phyin pa nyid du mi 'gyur bas so/ /'dir dang por stong par lta ba de don ji lta ba'i rtogs par bsgrub pa'i phyir shes bya stong pa nyid ston to/ /de nas ni gnyen po'i mtshan nyid bsgrubs pas yul can de lam du bsgrub bo/ ! /shes bya stong pa nyid la dang por rang gi lugs kyi bden pa gnyis rnam par 'jog pa na dbye ba ni/ de la dmigs bral sgyu 'dra'i stong pa nyid/ /don dam kun rdzob bden pa gnyis su gsungs/ /zhes bya ba'o/ ! /so so'i rang bzhin ni/ don dam spros tshogs ma lus nyer zhi zhing/ /yon tan kun gyi dmigs gyur zhi ba dag /blo yi spyod yul las 'das mtha' gnyis spangs/ /chos tshogs ma lus rnams kyi chos nyid do/ /'khrul snang chos rnams ma lus kun rdzob ste/ /rten cing 'brel 'byung snang dang rjes mthun pa'i/ /don byed nus dang mi nus pa dag las/ /yang dag yang dag ma yin gnyis su blta/ /zhes bya ba'o/ ! /nges par byed pa'i mtshan ma ni/ yod med la sogs spros kun rnam bcad ? don/ /rjes dpag rnal 'byor mngon sum don dam gyi/ /de dag nyid kyis bden pa rnams bkag cing/ /snang bzhin nyid kyis brdzun par don gyis nges/ /ces bya ba'o/ /'di dag gi spyi don ni bzhis gtan la dbab ste/ sgra'i don dang @356b dbye ba'i rang bzhin dang/ so so'i mtshan nyid dang/ de nges par byed pa'i tshad ma'o/ /dang po la kun rdzob ces bya ba ni 'khrul pa'i blo ste de kho na bsgrib par byed pas so/ /'di ltar myong ba dang zhen pa'i blo mtha' dag ni de kho na ji lta ba las gzhan du log par snang bas kun tu sgrib cing rnyog par byed pas na yang dag bsgrib bam kun rdzob ste/ gang zhig gis sam gang zhig na/ /yang dag sgrib byed kun rdzob 'dod/ /ces gsungs la/ ma rig skyes pa nyid kyi na/ /yang dag min pa'i don snang zhing/ /yang dag sgrib par byed pa 'jug /mig ser gyi ni non pa bzhin zhes kyang ste/ ma rig pa dang phyin ci log dang rmongs pas sbyar ba'i snang ba'o/ /bden pa ni 'khrul pa de'i bsam pa'i dbang gis te rnam par gnas par mos pas na 'khrul pa'i yul tsam du bden gyi de kho nar mi bden pa'i phyir ro/ /mya ngan 'das pa bden gcig pu/ /rgyal ba rnams kyi gang gsungs pa/ /de tshe lhag ma log min zhes/ /mkhas pa su zhig rtog par byed/ /ces gsungs pa ste/ log pa ni 'khrul pa'i snang ba'o/ /des na 'dus byas kyi don thams cad ni brdzun pa slu ba'i chos can yin pas na 'khrul pa'i bsam pa kho nas bden par zad do/ /de'i phyir blo de'i yul dang rang gzhan mtha' dag ni 'khrul ngor bden par zad pas na blo ni kun rdzob yin par brjod ces gsungs pa ste/ kun rdzob kyi bsam pas yod pas kun rdzob pa yin la/ bsam ngo de tsam du bden pa'ang yin pas kun rdzob kyi bden pa zhes bya ba'i don 'di'ang mi 'gal lo/ /don dam pa ni de kho na'i 'jal byed rigs pa'i shes pa ste/ thar pa tshol ba rnams kyi ched du gtad nas don du gnyer bar bya zhing btsal bar bya ba yin pas don yang yin la/ mi slu bas na dam pa yang yin te/ dam pa'i sgra ni gya nom pa la 'jug la/ de kho na rtogs pa'i blo gzhan gyis mi gnod pa'i rang bzhin mi slu ba'i shes pa de'ang gya nom pa yin pas so/ /de'i yul stong pa nyid kyang don dam pa ste don dam pa'i gzhal bya yin pas mngon sum bzhin no/ /shes pa de'i ngor bden pas na don dam pa'i bden pa ste @357a @#/ /rigs pas grub pa'i bden pa'o/ /de ltar na snga ma ni 'khrul ngor bden par zad pas bcos bu'i bden pa'o/ /'di ni gzhan sel ba las yang dag par bden pas na rang bzhin gyi bden pa'o/ /sgrub pa'i cha las ni snga ma nyid bden pa mtshan nyid pa ste/ 'khrul pa'i spyod yul de ltar nges pa ni gnod pa'i yul ma yin pas so/ /'di ni bden pa'i mtshan ma gang yang ma grub pa la bden par btags pa tsam ste/ de kho na'i rigs pa'i yul du ni yod med la sogs pa'i chos cung zad kyang ma grub pa'i phyir ro/ /dbye ba'i rang bzhin la grangs kyi dbye ba ni bden pa gnyis zhes bya ba ste/ bden pa ni gzhi 'o ?/ /gnyis ni nges bzung dang bcas pas grangs nges pa'i don can no/ /gsal ba'i dbye ba ni don dam kun rdzob ste/ rgyu dang 'bras bu'am kun nas nyon mongs pa dang rnam par byang ba'i bden pa la sogs pa dngos po gzhan bkag nas 'dod pa'i gsal ba nges par 'dzin pa'o/ /'di dag gi don yang gsum gyis blta ste/ dbye ba'i dbang du bya ba'i gzhi dang/ dbye ba'i don dang/ grangs nges par dpyad pa'o/ /dang po ni bden par gzhag bya shes pa dang shes bya'i don mtha' dag ste/ thams cad mkhyen pa'i ye shes nas 'gro ba phra mo yan chad kyi blo 'khrul pa dang ma 'khrul pa thams cad kyis dmigs pa'i don ma lus pa'o/ /gnyis pa ni ci kun rdzob dang don dam pa 'di gnyis byas pa dang mi rtag pa ltar gcig la chos kyi dbye bas tha dad du bzhag pa'am/ 'on te bum pa dang snam bu ltar ngo bo tha dad pa'am/ de ste dngos po dang dngos po med pa ltar gcig tu ma grub pa tsam las tha dad du bzhag ce na/ dang po gnyis ni ma yin te/ de nyid dang gzhan du brjod du med pa nyid kyis gcig pa bkag pa tsam gyi tha dad du zad do/ /dgongs pa nges par 'grel ba las gsungs pa ltar 'di dag gcig na nyes pa bzhi ste/ so so'i skye bo mtha' dag kun rdzob mthong ba na don dam pa yang mthong bas mya ngan las 'das pa thob par thal te/ slob dpon gyis kyang/ ji @357b ltar byis pas mthong ba yi/ /dngos po de ltar bden gyur na/ /de dag dngos med rnam thar du/ /gang phyir mi 'dod rgyu de ci/ /zhes gsungs so/ /gnyis pa ni kun rdzob la brten nas zag pa 'phel ba ltar don dam pa dmigs pa la brten nas kyang 'gyur ba'o/ /des na kun rdzob ltar don dam pa yang kun nas nyon mongs pa'i dmigs par lhung bar 'gyur ro/ /gsum pa ni don dam pa la phan tshun dbye ba ltar kun rdzob kyang 'gyur bas kun rdzob thams cad tha mi dad par 'gyur ba'o/ /bzhi pa ni ji ltar mthong ba dang thos pa las logs su kun rdzob btsal bar bya ba ma yin pa bzhin du don dam pa yang btsal bya ma yin par 'gyur ro/ /de dag ni ldog pa nyid kyang gcig pa la dgongs pa ste/ ngo bo gcig pa tsam yin na skad cig ma la sogs ? pa yang 'khrul par 'gyur ro/ /tha dad pa la'ang nyes pa bzhi ste/ stong pa nyid gzhan dmigs ? kyang kun rdzob der ma 'dus pas logs su dmigs par 'gyur bas na/ don dam pa bsgoMs pas 'du byed kyi mtshan ma zil gyis mi non cing gnas ngan len gyi 'ching ba las mi grol bas mya ngan 'das pa med par 'gyur ro/ /gnyis pa ni don dam pa kun rdzob kyi chos nyid du mi 'gyur te tha dad pa'i phyir bum pa snam bu'i chos nyid ma yin pa bzhin yin no/ /gsum pa ni kun rdzob bdag med cing rab tu ma grub pa tsam don dam pa ma yin par 'gyur te bum pa med pa tsam snam bum ma yin pa bzhin no/ /bzhi pa ni kun nas nyon mongs pa dang rnam par byang ba gnyis dus gcig par thal te/ dmigs pa so sor grub pa'i phyir bum pa dang snam bu'i blo bzhin no/ /de lta na chags pa zad pa de nyid kyi tshe chags pa dang bcas par 'gyur ro/ /de dag kyang ngo bo dang mtshan nyid gnyis ka tha dad pa las so/ /gsum pa ni des na mig rab rib kyi yul skra shad dang des dben pa dag phan tshun gcig dang tha dad pa ma yin pa bzhin du blta'o/ /skra shad ni des dben pa las tha dad pa ma yin te/ dben par ma 'dus pa rang dbang can gyi skra shad ma grub pas so/ /gcig pa yang ma yin te/ de gnyis lhan cig dmigs pa nges pa med @358a @#/ /pas so/ /de bzhin du 'dus byas dang don dam pa stong pa'am gcig dang gzhan ma yin te/ ngo bo gcig dang tha dad pa gnyis ka dngos po'i chos yin pas/ don dam pa spros pa zhi ba dang kun rdzob rdzun pa gnyis ka la mi 'thad pa'i phyir/ mtshan nyid kyi dbye ba tsam las bzhag par blta'o/ /des na na le sham dang tsha ba'am dung dang de'i dkar po la sogs pa'i dpes gsungs te/ na le sham la sogs pa ril po'i rdzas la dgongs pa'o/ /grangs nges ni 'di gnyis phyin ci log dang phyin ci ma log pa'i shes pa'i yul yin mod kyi/ 'on kyang shes pa gnyis su grub pas de'i yul de dang mthun pa gnyis su grub pa ni ma yin te/ shes pa gnyis nyid kyang don gnyis su grub pa la bltos par thal bas te/ blo 'khrul ba dang ma 'khrul ba ni don bden pa dang brdzun pa dang ldan pa tsam yin pas phan tshun rtog pa gcig gi yul yin pa'i phyir ro/ /des na shes pa'i dbye bas yul gyi dbye ba sgrub pa'am yul gyi dbye bas shes pa'i dbye ba sgrub pa ni ma yin te/ shes pa'i dbye ba grub pa nyid yul gyi dbye ba grub pa yin la/ yul gyi dbye ba grub pa'ang shes pa'i dbye ba grub pa'o/ /de la ma 'khrul ba'i yul ni dngos po la grub pa blos ma bcos pa'o/ /de ni rtag pa'i rang bzhin te blo gzhan skyes pas rnam pa gzhan du mi 'gyur ba'i phyir ro/ /'khrul pa'i yul ni dngos po med kyang blos bzhag pa tsam mo/ /de ni mi rtag pa ste blo gzhan gyis dpyad na blo snga ma'i yul las nyams pas rnam pa gzhan du 'gyur ba'i phyir ro/ /rtag pa dang mi rtag pa'ang phan tshun rnam par gcod pas phung po gsum pa sel te/ de ltar na sngon du blo 'khrul ba dang ma 'khrul ba la ma ltos par 'gal ba de nyid kyis shes bya bden pa dang mi bden pa'am blo 'khrul ba dang ma 'khrul bar nges pas grangs nges pa grub bo/ /gal te shes bya dang blo gsum pa mi srid pas de dag gnyis kho nar nges na 'o na shes bya bden pa dang blo ma 'khrul ba nyid mi srid pas don dam pa med do/ /de dag srid na ni don dam pa rang bzhin du grub par thal lo/ / @358b ? de lta bu mi srid pa nyid de lta bu bzhag pa'i thabs kyis shes par byed na/ 'o na bden pa gsum pa mi srid pa nyid de bzhag pa'i thabs kyis shes par byed pas grangs nges pa nyams so zhe na/ 'dir dngos po gsum pa mi srid pas bden pa gsum pa mi 'dod cing dngos po gnyis srid ? pas bden pa gnyis su 'jog par 'dod na de ltar 'gyur ba zhig na de ni mi 'dod de dngos po gnyis ma grub kyang mtha' gnyis grub pa dang mtha' gsum pa'ang med pas de'i dbang gis bden pa gnyis kho nar khas len to/ /mtha' zhes bya ba ni de kho nar grub bam ma grub kyang bla ste shes bya srid pa nye bar bzung nas rnam pa brtag pas khas blang bar bya ste/ yod pa yin phyin chad rtag pa dang mi rtag pa 'khrul ba dang ma 'khrul ba'i yul/ blos ma bzhag par grub pa dang rang ma grub bzhin du blos bzhag pa tsam dag phan tshun rnam par gcod pa'i 'gal ba las gnyis kho nar grub cing gzhan mi srid pa'i phyir ro/ /dngos po ma grub par de gnyis kho nar grub pa'ang ga las zhe na/ de ni mtha' rtog pa'i blo'i mtshan nyid gnyis kho nar nges pas te/ dngos po gnas pa blos ma bzhag pa dang mi gnas pa blos bzhag tsam du rtog pa las ma gtogs pa 'ga' zhig yod par rtog pa mi srid pas/ 'di gnyis phan tshun spangs pa'i yul can yin pas so/ /'o na de gnyi ga ma yin pa dang gnyi ga yin par rtog pa'ang nyams su myong bas grub pa ci ltar dgag ste/ de gnyis su rtog pa nyid kyang dngos po'i yul can ni ma yin la/ brtags pa'i yul gyis dbul ba ni gang yang med do snyam na/ gnyi ga dang gnyi ga ma yin par rtog par rlom ? mam ? de ltar brjod du zin kyang/ blo gzhan gyis dpyad na de gnyis kyi mtshan nyid kyis ma khyab pa'i rtog pa ni mi srid de/ 'di gnyis gcig gi mtshan nyid grub pa nyid gcig gi mtshan nyid bkag pa'i rtog pa dang/ gcig gi mtshan nyid bkag pa'i rtog pa nyid gcig gi mtshan nyid grub pa yin pas so/ /'di ltar gnyis ka ma yin par nges par bya ba de yang de kho nar gnyis las ma 'das bzhin @359a @#/ /du blos gnyis ka ma yin par bzhag par rtog pa dang/ de kho nar gnyi ga las 'das par grub pa nyid du rtog pa'i mtshan nyid gnyis las mi 'da' bar phung po gsum pa mi srid pa'i phyir ro/ /gnyi gar rtog pa yang de bzhin no/ /des na/ dngos po gsum pa mi srid ltar/ /gnyis pa'ang srid pa ma yin mod/ /rnam par rtog pa gnyis 'thad ltar/ /gzhan mi 'thad phyir gsum pa med ces grub bo/ /'o na rtog pa gnyis kho na las mtha' gnyis su grub pas bden pa gnyis kho nar 'jog pa'i phyir/ shes pa'i dbang gis grangs nges pa 'gog pa 'gal lo zhe na/ ma yin te blo 'khrul ba dang ma 'khrul ba gnyis su nges pas bden pa gnyis 'jog pa 'gog gi/ khas len gyi rnam rtog gnyis las brgyud nas bden pa'i grangs nges 'jog pa ni 'dod pa'o/ /mtha' gnyis su rtog pa'i shes pa de'ang de kho na sems pas dpyad na gnyi ga 'khrul pa nyid do/ /de ltar na khas len gyi shes pa gnyis kho nar tha snyad pa'i tshad mas nges pa las yul mtha' gnyis su nges la/ de'ang phan tshun spangs pa la bltos nas bden pa gnyis kho nar 'grub bo/ /'di ltar mtha' de gnyis su brtags nas dang po ni shes bya'i de kho nar mi srid do zhes mtha' gcig bkag pas ni don dam pa'i tha snyad kyi yul grub la/ gnyis pa bzung zhing khas blangs pas ni kun rdzob grub pa'o/ /des na don dam pa'i mtha' ni brtags nas bzhag par zad la/ de bzhag pas kyang don dam pa'i mthar rtog pa 'gog go /kun rdzob kyi mtha' ni srid pas mi spong la/ de'ang 'khrul pa'i yul tsam yin pas mngon zhen gyi gnas ma yin par go bar bya ba'i don du bden pa gnyis bzhag pa tsam ste/ de kho nar ni bden pa dang brdzun pa thams cad rab tu ma grub bo/ / 'di skad bstan pa ni yin te dngos po yod med dam bden brdzun grub pa la ma ltos par rnam par brtag pa las khas blang bar bya ba shes bya'i mtha' gnyis kho nar mtha' rtog gi shes pa'i mtshan nyid gnyis kho na rtogs pa nyid kyi rang rig gis grub pa'i shugs grub @359b pa la ltos nas/ mtha' gcig spangs shing gnyis pa khas blangs pas de gnyis kyi dbang gis bden pa gnyis kho nar grub pa'i tshul 'di dor nas blo 'khrul ma 'khrul lam bden brdzun 'gal ba nyid las ni rnam pa thams cad du bzhag par mi nus te/ don dam par bden pa'i mtshan nyid bden pa'i tshad mas yul du ma byas par ni mi 'grub la yul du byed pa'ang ma 'brel bar ni mi rung ste/ thams cad kyis thams cad yul du byed par thal bas so/ /'brel pa'ang mi 'thad de/ don dam pa shes pas ma bsdus pa dang/ rgyu 'bras kyis ma bsdus pa'i phyir 'brel pa gnyis ni mi rung la/ 'brel pa gzhan yang med pa'i phyir ro/ /kun rdzob kyang 'khrul par zad pas des dmigs pa ni gang du'ang ma bkag pa na bden pa mtha' yas par 'gyur la/ rdzun pa ni dngos su tshad ma'i yul ma yin pa'i yang phyir ji ltar yang grangs nges par mi 'grub bo/ /gal te grub tu chug na ni don dam pa blo'i yul ma yin pa la sogs pa dang/ blo thams cad kun rdzob yin pa la sogs pa dang 'gal ba gtan mi spongs so zhes nges par blta'o/ /des na/ 'jig rten mkhas pa'i bden pa 'di gnyis te/ /khyod kyis gzhan las ma gsan rang gis gzigs/ /de ni kun rdzob bden dang don dam ste/ /bden pa gsum pa gang yang ma mchis so zhes bya ba dang/ yang dag dang ni brdzun pa'i dngos mthong ba/ /thob las dngos kun ngo bo gnyis 'dzin la/ /yang dag gzigs yul gang de de nyid des/ /brdzun pa mthong ba kun rdzob bden par brjod/ /ces gsungs so/ /so so'i mtshan nyid la don dam pa'i mtshan nyid ni snang ba thams cad las 'das pa ste/ mtshan nyid thams cad dang bral bas shes bya'i mtshan ma dang bral ba'o/ /des na rnam par rtog pa dang rtog pa med pa'i blo thams cad kyi spyod yul ma yin par brjod de/ blo thams cad ni yod pa dang med pa la sogs pa ci zhig yul du byas nas 'jug la/ don dam pa'i ni de lta bu'i mtshan nyid thams cad dang bral bas so/ /mtshan nyid 'ga' zhig yod na ni tha na thams ? cad ? @360a @#/ /mkhyen pa'i blo'i yul yin pas khyab pas na/ yod med dngos kun mkhyen pa po/ /kun mkhyen pas kyang gang ma gzigs/ /de yi dngos po ci 'dra zhig /shin tu zhib pa'i lta bas dpyod/ /ces gsungs la/ yod min med min yod med min/ /gnyis min bdag nyid du yang med/ /mtha' bzhi las ni nges grol ba/ /de nyid dbu mar mkhas rnams bzhed/ /ces 'byung ngo/ /de ltar na don dam pa'i mtshan nyid ni rang bzhin thams cad dang bral ba ste mtshan nyid med pa nyid mtshan nyid du brjod pa'o/ /dper na chos thams cad dang bral ba nyid 'di'i chos ma yin nam zhes bshad pa lta bu'o/ /de ni spros pa med pa yang yin te sgra dang rtog pa thams cad kyi zhen yul ma yin pa'i phyir ro/ /gnyis med pa'ang yin te yod pa dang med pa dang gzung ba dang 'dzin pa la sogs pa ma yin pa'i phyir ro/ /mtshan nyid med ? pa'ang yin te chos gang gis kyang mtshon par bya ba ma yin pa'i phyir ro/ /dngos po med pa yang yin te 'dus byas kyi don ldog pa tsam yin pa'i phyir ro/ /stong pa'ang yin te mi stong pa ma grub pa'i phyir ro/ /de ni mdor na ci 'ang ? ma grub pa ste nam mkha'i me tog gi de kho na las khyad par med pa'i don gyis so/ /des na spros pa 'gog pa'i tshig gis tha snyad du byed par zad kyi rang bzhin du grub pa'i don ni ci 'ang ? med do/ /'o na sngar dbye ba'i gzhir shes pa dang shes bya blo'i yul nyid bzhag pa dang 'gal lo snyam na/ ma yin te yod med la sogs pa 'dzin pa'i blos shes byar btags pa nyid de kho na'i rigs pas dpyad na shes bya'i mtshan nyid dang bral bas blo'i yul las 'das pa nyid yin pa'i phyir te/ rnam rtog rjes dpag yul rang gi mtshan nyid du rlom yang blo gzhan gyis dpyad na spyi las ma 'das pas de'i yul spyir brjod pa bzhin no/ / des na blo'i yul thams cad kun rdzob tu brjod de 'khrul pa'i blos don dam pa yul du mi byed pa'i phyir ro/ /de skad du kun rdzob dad don dam pa bstan pa'i mdo las/ gal te don dam par lus dang ngag dang yid kyi yul gyi dngos por gyur na ni don dam pa'i grangs su mi 'gro ste kun @360b rdzob nyid du 'gyur ro/ /'o na don dam par na don dam pa'i bden pa ni tha snyad thams cad las yang dag par 'das pa/ bye brag med pa/ ma skyes pa ma 'gags pa/ brjod bya dang brjod pa dang shes bya dang shes pa dang bral ba'o/ /don dam pa ni rnam pa thams cad kyi mchog dang ldan pa thams cad mkhyen pa'i ye shes kyi yul las kyang 'das pa ste/ de la ni rnam ? thams cad 'jug pa'ang med/ ldog pa'ang med do/ /de la pha rol dang tshu rol dang dbus kyang med do/ /'di ni don dam pa'i bden pa zhes sgro btags te brjod mod kyi/ don ni don dam par mi skye ba ste de la tha snyad thams cad mi 'jug go /gang la tha snyad mi 'jug pa de ni don dam pa ste ji ltar don dam pa'o zhes brjod pa ltar ni ma yin no/ /ston pas kyang don dam par na chos thams cad dang sgra thams cad ni brdzun pa ste bslu ba'i chos can no zhes bka' stsal to zhes so/ / kun rdzob kyi mtshan nyid ni phyin ci log gi dmigs pa yin pas blo ma lus pa la snang ba ji lta ba ste/ phyin ci log ni 'khrul pa'i blo mtha' dag go / des dmigs par bya ba ni 'khrul pa'i yul yin pas na kun rdzob kyi bden pa ste/ tshad mas gnod bzhin du snang ba ni brdzun pa yin pas/ tshad ma'i yul de kho nar de ltar gnas pa bkag pas na tshad mas gnod pa'i tha snyad du 'thad pas so/ /snang bzhin pa 'khrul pa'i yul tsam la ni tshad ma mi 'jug pas snang ba 'gog par yang mi thal lo/ /blo'i yul ma lus pa kun rdzob yin pas ni/ don dam blo yi spyod yul min/ /blo ni kun rdzob yin par 'dod/ /ces gsungs so/ /mtshan nyid de dag de ltar yin pa'i sgrub byed ci yod/ tshig tsam la su yid rton snyam na nyon cig /snang ba dang ldan pa'i blo thams cad ni so so nas rang gi yul ji lta bar bden par rlom yang/ khyad zhugs pa'i blo gzhan gyis de dag la gnod pa dang ldan pas na rnam 'gyur dang ldan pa bcos bur zad la/ rigs pa nges par sems pa mtshan nyid thams cad stong par rtogs pa'i shes rab ni spyod yul de rnam gcod gyi cha la blo gzhan gyis gnod pa med pas rnam par mi @361a @#/ /'gyur ba rang bzhin gyis 'od gsal ba de kho nas rab tu phye ba'i phyir te/ de la/ 'jig rten rnam gnyis mthong/ /rnal 'byor pa dang phal pa'o/ /de la 'jig rten phal pa ni/ /rnal 'byor 'jig rten gyis gnod cing/ /rnal 'byor pa'ang blo khyad kyis// gong ma gong ma rnams kyis gnod/ /ces gsungs pa ltar ro/ /mtshan nyid de dag nges par byed pa'i tshad ma la don dam pa rtog par byed pa ni pha rol gzigs pa rnams kyis snang ba med pa'i ye shes rnal 'byor gyi mngon sum dang/ tshu rol mthong ba rnams kyi sgro 'dogs 'gog par byed pa gcig dang du ma dang bral ba la sogs pa'i rtags las 'jug pa'i rjes dpag gi tshad ma dag go/ kun rdzob rtogs par byed pa ni de kho nar yod pa la gnod par byed pa dag gis bden par yod pa'i sgro 'dogs bkag pa'i shugs kyis snang bzhin par mngon sum nyid kyis grub pa 'di brdzun par yod pa tsam du nges pas na rjes dpag gis 'du byed brtan par byas pa'i mngon sum nyid de/ de la sgro 'dogs gcod byed pa/ /shes par byed pa'i gtan tshigs kyis/ /rjes su dpog rnams shes par byed/ /rnal 'byor dbang rnams mngon sum gsal/ /zhes bya ba dang/ de'i phyir dngos po 'di dag ni/ /kun rdzob pa nyid mtshan nyid 'dzin/ /gal te 'di dag don 'dod na/ /de la bdag gis ci byar yod ces gang gsungs pa'o/ /yan lag gi don ni 'dir skabs kyi don shes rab kyi yul stong pa bsgrub pa yin pas na dmigs pa thams cad dang bral zhing snang ba thams cad las rnam par grol ba'i stong pa nyid don dam pa'i bden pa dang/ sgyu ma ltar mi bden pa'i snang ba tsam du zad pa'i stong pa nyid kun rdzob kyi bden pa gnyis stong pa'i don du bzhag pa ste/ mnyam par bzhag pas ni chos thams cad nam mkha'i dkyil lta bur rtogs so/ /rjes la thob pas ni 'du byed kyi don thams cad sgyu ma la sogs pa ltar rtogs so zhes gsungs pa ltar/ 'di gnyi ga'i mtshan nyid ji lta bar rtogs pa ni stong pa rtogs pa'i byed pa nyid las ma 'das pa'i phyir ro// @361b gsungs zhes bya ba ni bden pa'i dbye ba 'di'ang rang dgar bzhag pa ma yin gyis/ blo gros mi zad pas zhus pa dang dkon mchog sprin dang bden pa gnyis bstan pa'i mdo la sogs pa las rgya cher gsungs pa nyid bsdus pas lung la gnas par bstan pa'o/ /don dam pa'i mtshan nyid kyi khyad par gzhan yang gsal bar byed pa ni spros pa nye bar zhi bas skye 'gag la sogs pa sgro 'dogs kyi mtha' gtsor bkag pa dang/ zhi ba zhes bya bas de nyid yon tan thams cad kyi rgyu'i dmigs par grub pas skur ba'i mtha' gtsor bkag pas na don dam pa nyid kyang mtha' gnyis spangs pa dbu ma'i lam chen por sgrub pa ste/ rgyal ba'i yum dag las rnam par dag pa dang yongs su dag pa gnyis su gang gsungs pa'o/ /gzhan yang 'di ni chos ma lus pa'i chos nyid yin pas 'di rtogs pa na yon tan thams cad bos pa bzhin du 'du ba las chos kyi dbyings dang de bzhin nyid dang yang dag pa'i mtha' la sogs pa rnam grangs mang pos kyang gsungs pa'o/ /kun rdzob kyi bden pa ni rten cing 'brel par 'byung ba'i mtshan nyid can rgyu dang 'bras bus bsdus pa 'khrul pa'i shes pa la snang ba'i chos kyi tshogs ma lus pa'o/ /'di'i dbye ba ni yang dag pa dang yang dag pa ma yin pa'i kun rdzob gnyis te/ ji ltar snang ba'i don gyis snang ba nyid dang mthun pa me'i bsreg pa la sogs pa lta bu byed par nus pa dang mi nus pa'i mtshan nyid can no/ /snang du 'dra yang don byed dag /nus pa'i phyir dang mi nus phyir/ /yang dag yang dag ma yin pas/ /kun rdzob kyi ni dbye ba byas/ /zhes gang gsungs pa'o/ /lhag ma ni gsal bar zad do/ /de'ang/ dkon mchog sprin las/ gzugs la sogs par yang 'dogs la don dam par gzugs la sogs pa mi dmigs pas ming dang tha snyad ni kun rdzob ste/ de la don dam pa med kyang de med par yang don dam par bstan par mi nus so/ /don dam pa ni skye ba med pa 'gag pa med pa 'ong ba med pa 'gro ba med pa la sogs pa'i chos nyid de/ brjod du med pa zhi ba @362a @#/ /so so rang gis rig pa'o/ /de ni de bzhin gshegs pa rnams byung yang rung ma byung yang rung mi 'jig pa'o/ /de'i ched du rab tu byung nas tshangs par spyod pa la 'bad par byed pas na don dam pa ni yod pa ste/ de med na tshangs par spyod pa don med pa'o zhes so/ /yab sras mjal ba las kyang/ gang dag sngon byung de bzhin gshegs pa dang/ /gang dag phyogs rnams bzhugs pa'i 'dren pa dag /de dag gis ni mtshan med stong pa'i chos/ /rang bzhin mtshan nyid med par rtag tu bsgoms/ /'di la rang bzhin sems can gang yang ni/ /skye dang 'chi ba dmigs su yod min zhing/ /'ong ba med cing 'gro ba yod min te/ /chos rnams thams cad nam mkha' ji bzhin no/ /ji ltar mi yis sgyu ma bstan gyur pa/ /snang yang de bzhin nyid du yod min ltar/ /chos rnams thams cad sgyu ma 'dra ba dang/ /rmi lam lta bur de bzhin gshegs pas bstan/ /zhes so/ ! /de ltar bden pa gnyis rnam par bzhag pa de las kun rdzob kyi rang bzhin sgyu ma lta bu la rtsod pa spang ba las mngon sum gyis gnod pa spang ba ni rang gi sde pa dag gzugs la sogs pa shes pa lnga'i yul ni dbang po'i mngon sum gyis grub cing bde ba la sogs pa'ang rang rig pas grub la/ tshad ma'i gtso bo yang mngon sum yin pas des grub pa ji ltar brdzun pa yin te/ 'di dag ni 'bras bu so sor nges pa bsgrub par yang gsal bar dmigs pas so snyam na/ thams cad rang bzhin bden pas dben pa ste// gzugs sogs dang ni bde sogs myong bzhin pa/ /so sor nges pas sna tshogs don sgrub rnams/ /rmi lam bud med gzugs sogs lta bur zad/ /ces smos te/ gzugs sogs mngon sum nyid kyang ni/ /grags pas yin gyi tshad mas min/ /de ni mi gtsang la sogs la/ /gtsang sogs grags pa bzhin du rdzun/ /zhes gsungs pa ltar/ de dag ni tha snyad pa'i mngon sum gyis grub pa tsam ste/ de kho nar mi rtag pa la rtag pa dang mi gtsang ba la gtsang bar 'dzin pa'am/ rmi lam na yul gyi bzang mo mthong ba la sred pa'i 'ching bas gnod pa la sogs pa ltar @362b bden pa'i yul can ma yin no/ /des na rigs pas dpyad na de dag ji ltar mthong ba la sogs pa ltar mi gnas pas tshad mas gnod pa med do/ /de tsam tshad ma yin na ni thams cad kyis de kho na rtogs pas 'bad pa med par grol bar thal te/ gang zhig dbang pos dmigs pas ni/ /gal te de nyid min gyur na/ /byis pa de nyid rtogs skye bas/ /de tshe de nyid shes ci dgos/ /ces gsungs pa ltar ro// ! lung gis gnod pa spang ba ni/ yang de dag 'o na khyed nyid ston pa'i sras su khas 'che bas drang srong chen po'i lung las 'da' bar bya ba ma yin na/ mdo las bram ze chos thams cad ces bya ba ni phung po lnga dang khams bco brgyad dang zhes bya ba la sogs pa dang/ 'dus byas thams cad skad cig ma/ /mi gnas bya ba ga la yod/ /'di dag 'byung ba de nyid ni/ /bya ba de nyid byed po yang/ /zhes bya ba la sogs pas phung po la sogs pa'i chos thams cad bden pa bzhi dang mi rtag pa la sogs pa bcu drug gi dngos por bden par gsungs pa'i lung gis ni nges par gnod do snyam na/ chos kun mi rtag la sogs bden gsungs pa'ang/ /'jig rten drang phyir yin gyi de nyid min/ /ston pa 'jig rten du byon pa na ma ga d+ha pa la sogs pa'i skye bo rnams yod lta shas che bas na/ de dag stong pa nyid kyi rgya mtsho la skrag pa spang pas rim gyis drang ba'i don du re zhig phung po la sogs pa'am lus la sogs pa'i dngos po bzhi la phyin ci log bzhi la sogs pa spang ba'i don du mi rtag pa la sogs pa bden par gsungs par zad kyi/ de dag kyang de kho nar bden pa ni ma yin no/ /'di ltar don dam par ni rtag pa ltar cha shas med pa'i skad cig kyang mi rung ste/ dus ring po'i rtsom byed du 'dod pa'i phyir thad gcig la sogs pa ltar nges par cha shas dang bcas pa nyid bdag gir byed pa'o/ /gal te cha shas med par bden na ci tsam bsags kyang dus ring por 'gyur mi srid pas bskal pa'ang skad cig tsam du 'gyur ba spongs shig /des na ji ltar skad cig mtha' yod ltar/ zhes bya ba la sogs pas dgag pa gsungs pa'o/ /de ltar kun rdzob @363a @#/ /kyi sgo can gyi klan ka spangs nas don dam par thams cad ma grub pa la rtsod pa spang ba ni/ rnam rig tsam du smra ba dag gal te don dam par chos thams cad mtshan nyid thams cad kyis stong pas ci'ang med pa yin na sgyu ma kun rdzob 'di nyid kyang mi dmigs par thal te/ rten dang 'dzin pa la sogs pa med pa'i phyir nam mkha'i me tog bzhin no/ /gang dag mi bden pa dmigs pa'i 'khrul pa dag ni rten dang 'dzin pa bden pa la bltos te/ zla ba gnyis snang zla ba gcig dang dbang po 'khrul pa'i shes pa la bltos pa bzhin no/ ! /'dir yang yang dag pa ma yin pa kun tu rtog pa'i ming can gnyis su snang ba'i blo rang rig pa don dam par gnyis dang bral ba yod na ni de gsal bas na ma rig pa'i nus pas 'di'ang gsal grang na khyed ni de'ang mi 'dod pas so snyam na/ gnyis kyis dben pa'i rang rig gsal ba tsam/ /nyid kyang bya dang byed la ltos pa'i phyir/ /ral gri'i so sogs lta bur rang nyid la/ /byed pa 'gal phyir rang rig bden mi 'grub/ /gnyis kyi rnam pa bzhin du gnyis su med pa'i rang rig pa gsal ba tsam nyid kyang don dam par bden par mi rung ste/ rig ces bya ba ni bya ba la bltos pa'i byed pa yin pas bskyed pa dang gcod pa la sogs pa ltar gnyis med pa la mi rung ba'i phyir ro/ /rang nyid myong ba'i ngo bor skyes pa na/ gsal ba tsam gyi rang bzhin 'dzin pa nyid la rang rig par brjod de/ rang gi rgyu las sngon por skyes pa ltar/ bya ba dang byed pa la ni mi ltos pas na/ rnam shes bems po'i rang bzhin las/ /ldog par rab tu skye ba ste/ /bems min rang bzhin gang yin pa/ /de 'di'i bdag nyid rig pa yin/ /gcig pa cha med rang bzhin la/ /gsum gyi bdag nyid mi 'thad phyir/ /'di yi bdag nyid rig pa ni/ /bya dang byed pa'i dngos por min/ /zhes bshad pa bzhin no snyam na ma yin te/ gang byed pa yin pa de ni bya ba la bltos pas gcig la 'gal te sta re gcod byed gcod bya la bltos pa bzhin no/ /rig pa'ang byed pa yin no zhes bya ba ni 'gal bas khyab pa dmigs pa @363b ste/ bya ba dang byed pa ni grub pa dang ma grub pa'i cha la brten pas 'gal ba'i chos dang ldan pas so/ /des na gtsug na rin po ches zhus pa las dmigs pa dang sems tha dad na ni gnyis grub par 'gyur la/ tha mi dad na ni rig par mi rung ste/ rang la rang byed pa 'gal bas/ ral gri dang sor mos rang gcod pa dang rang la reg par mi rung ba bzhin no zhes gsungs so/ /gzhan yang rig par bya ba la mi ltas na rim dang cig car don byed pa bkag pas rtag pa'i dngos po dgag par mi nus par 'gyur te/ 'bras bu byed pa med kyang nus pa med pa las log par skyes pa'i nus pa tsam gnas par rung bas so/ /'dir sngon po ni chas mi mthun pas dper mi rung ste/ sngon po ni ngo bo tsam yin pas rgyus bskyed pa'i bya byed gzhan la mi ltos so/ /rig pa ni gzhan la ltos te skyes pa dang gcod pa bzhin no/ /des na rang sngo zhes bya ba ni 'thad de rang gis rang sngon por bsgrub pa la mi ltos pas so/ /rang rig pa ni bdag gis bdag la byed pa la bltos pas gcig la 'gal ba nyid do/ /de'i phyir rig pa la ni bya ba dang byed pa gnyis kyis khyab la/ gnyis med na ni shes pa shes pa nyid du 'gal lo zhes grub bo/ ! /stong pa shes pa de lam du bsgrub pa las/ dang po sgyu ma'i stong pa shes pa lam du bsgrub pa ni gal te khyed kyi kun rdzob kyi yul can sgyu ma lta bur shes pa ni mngon zhen spong bas rnam grol gyi lam du mi 'gyur te/ sgyu ma mkhan nyid kyang rang gis sprul pa'i bud med la chags pa rgyas par 'gyur bas so snyam na/ de ltar dngos kun ya ma brlar rtogs pas/ /sgyu ma lta bu legs bsgom sdom brtson rnams/ /sreg sogs nyon mongs tshogs las nges grol 'gyur/ /nyi tshe'i stong pa shes pa tsam gyis min/ /'dir nyi tshe ba'i stong pa shes pa'am thams cad stong pa'i khyad par can gyi sgyu ma lta bu'ang shes pa tsam ni lam du mi 'gyur te/ sngar bshad pa chos thams cad mtshan nyid stong pa'i khyad par can gyi sgyu ma lta bu gsog dang gsob dang ya ma brla dang snying po med pa nyid shes nas goms par bsgom pa nyid lam yin pas na/ des dngos por zhen @364a @#/ /pa'i sa bon spangs pa las kun nas nyon mongs pa gsum bzlog pas thar pa thob pa'o/ /des na sgyu ma mkhan la sogs pa ni bden 'dzin gyi gnyen po'i tshul bzhin yid la byed pa can ma yin pas/ spyir nyon mongs pa'i rgyu mtshan bden 'dzin zil gyis ma non pa las/ sgyu ma'i bud med mthong ba na de mi bden par shes kyang sdug pa'i mtshan ma gzhan dran pa sad pas 'di'ang spyad bzod kyi bud med du gyur na ci ma rung zhes chags pa rgyas pa yin no/ /thams cad du sdug pa'i mtshan ma la sogs pa bden pa cung zad kyang ma grub par so sor rtog pa goms pas srid pa thams cad la sgyu ma lta bu'i blo brtan pa can gyi sdom brtson la ni 'di ga la srid de/ ji ltar chu shing sdong po dag la snying po ltar/ /srid pa dag la snying po yod par mi 'dzin pa/ /dge slong de ni pha rol min pa'i pha rol po/ /spong ste sbrul rgas lpags rnying brje ba ji bzhin no/ /zhes gsungs pa ltar ro/ ! /snang ba med pa don dam pa'i stong pa shes pa lam du bsgrub pa ni yang rang gi sde pa dag ji ltar gnas pa'i dngos po chos bdag med pa shes bya'i de kho na bden pa bzhi'i rnam pa bcu drug bsgoms pas phyin ci log dang des sbyor ba'i nyon mongs pa bcom pas de'i rtsa ba can gyi sdug bsngal las rnam par grol ba 'thob kyi/ ci'ang med pa stong pa nyid shes pas ni ma yin pas de bsgoms pa la don ci yod de/ bden pa mthong dang bsgoms pa las/ /nyon mongs spong bar bshad pa yin/ /zhes gang gsungs pa nyid ngo snyam na/ gzhan yang mi rtag la sogs dngos po ni/ /mthong bas grol na thams cad thogs med nas/ /'bad med thar pa'am thar pa med 'gyur bas/ /stong par lta ba go na lam du gsungs/ /stong par lta ba kho na kun nas nyon mongs pa'i gnod pa'i tshogs zhi bar byed cing yon tan gyi dbang phyug thams cad sbyin pa'i lam chen por gsungs te/ rgyal ba'i yum la sogs pa las dngos po'i 'du shes can la ni rjes su mthun pa'i bzod pa yang med na mya ngan las 'das pa lta ci smos ces bya ba dang/ nyan thos kyi sa la slob @364b par 'dod pas kyang yum 'di nyid la bslab par bya'o zhes bya ba la sogs pa'o/ /des na dngos po bden par grub cing der 'dzin pas grol na thams cad gdod ma nyid nas grol ba'am/ yang na grol ba gtan med par 'gyur te de las gzhan pa'i lam gyi dmigs pa med pa'i phyir ro/ /de'i phyir stong par 'dzin pa kho na lam yin gyi thabs gzhan gang yang med pas na/ sangs rgyas rnams dang rang rgyal dang/ /nyan thos rnams kyis nges bsten pa'i/ /thar lam gcig tu khyod lags te/ /gzhan du nges par ma mchis so zhes bstod la/ nyon mongs shes bya'i sgrib pa yi/ /mun pa'i gnyen po stong pa nyid/ /myur du thams cad mkhyen 'dod pas/ /de ni ji ltar bsgom mi byed/ /dngos gang sdug bsngal skyed byed pa/ /de las 'jigs pa skye 'gyur na/ /stong nyid sdug bsngal zhi byed pa/ /de las 'jigs pa ji ltar skye/ /zhes kyang gsungs so/ /de ltar shes rab kyi rang bzhin bsgrubs nas da ni stong pa'i lta ba de goms par bsgom pa'i thabs ston to/ /de'ang ri bo la bags kyis 'dzeg pa ltar rim gyis 'jug par bya ba yin pas/ dang por ni gang zag gi bdag med pa bsgom pa'o/ /de nas ni chos kyi bdag med pa bsgom pa ston to/ ! / dang po yang mdor brjod pa ni/ gnod chen rtsa ba bdag lta rab gzhig par/ /'bad pas bdag med goms pa rjes bsten bya/ /bdag tu lta ba ni nyes pa'am gnod pa'am mi 'dod pa 'byung ba thams cad kyi rtsa ba yin pas na/ dang por de'i yul so sor rtog pa'i shes rab kyis rab tu dpyad cing rnam par gzhig pa'i sgo nas gang zag med pa nyid bsgom par 'bad pa chen po rtag tu byed pa dang gus par byed pa'i sbyor ba rjes su bsten pa la sems thams cad kyis bsams shing nan tan bya'o/ ! /bdag tu lta ba'i nyes pa bsgom pa ni/ /phyin ci log gi lta ba phung krol ba/ /bdag dang bdag gir 'dzin las sdug pa dang/ /mi sdug la sogs zhen pas chags la sogs/ /nyon mongs nyes spyod sdug bsngal mtha' dag 'dren/ /dngos po bden par 'dzin pa'i rtsa ba can rang gi rgyud la bdag tu zhen pa las tshu rol yod na pha rol nges par yod pa bzhin @365a @#/ /du rgyud gzhan la gzhan du 'dzin pa dang/ de la'ang sdug pa dang mi sdug pa la sogs pa'i phyogs su zhen pa las sred pa dang sdang ba la sogs pa nyon mongs pa'i tshogs rgyas par 'gyur zhing/ des ni mi dge ba bcu la sogs pa'i las ya nga ba sna tshogs kun nas slong la/ de las ni sems can dmyal ba la sogs pa ngan 'gro'i skye ba mched pa dang/ bde 'gro dag gi yang tshe thung nad mang la sogs pa'i sdug bsngal sna tshogs mi 'dod pa mi sdug pa yid du mi'ong ba'i 'bras bu myong bar 'gyur bas na/ /bdag yod na ni gzhan du shes/ /bdag gzhan cha las 'dzin dang sdang/ /'di dag dang ni 'brel pa las/ /nyes pa ma lus 'byung bar 'gyur/ /zhes bya ba dang/ 'jig rten dag na 'tshe ba gang yod dang/ /'jigs dang sdug bsngal ji snyed yod gyur pa/ /de kun bdag tu 'dzin pa las gyur na/ /'dre chen des ko bdag la ci zhig bya/ /zhes bya ba la sogs pa gsungs so/ ! /bdag med pa'i don spyir bsgrub pa ni/ gzugs sogs bdag min mi rtag du ma dang/ /mi gtsang rang dbang med phyir bum sogs bzhin/ /gzhan na'ang mi dmigs de nyid gzhan nyid du/ /brjod med dngos po med phyir bdag med do/ /sgom pa'i rim pa dag las/ phung po la sogs pa ni bdag ma yin te de dag ni mi rtag pa dang du ma dang mi gtsang ba dang rang dbang med pa la sogs pa'i ngo bo yin pa'i phyir dang /bdag ni rtag pa la sogs pa'i ngo bor gzhan dag gis brtags pa'i phyir ro/ /phung po la sogs pa las gzhan na'ang bdag med de ma dmigs pa'i phyir ro/ /phung po la sogs pa las de nyid dang gzhan nyid du brjod du mi rung ba'i bdag kyang med de dngos po yod pa'i rnam pa gzhan mi srid pa'i phyir ro/ /des na 'jig rten gyi nga dang nga'i zhes bya ba 'di ni 'khrul pa kho na'o zhes dpyad par bya'o zhes so/ /gsang ba bsam gyis mi khyab pa las kyang/ phyin ci log las byung ba'i phung po ni yod de rgyu med pa las byung ba ni med do/ /mi rtag pa dang sdug bsngal ba dang bdag med pa'i phung po lnga ni yod de/ rtag pa la sogs pa ni med do/ /ma rig pa la @365b sogs pa yod na 'du byed la sogs pa'ang yod kyi med na med do/ /nga rgyal can la yid 'byung ba med do/ /nga rgyal med pa la mya ngan las 'das pa yod do/ /de ltar na tshul bzhin yid la byed pas 'jig rten na mkhas pa rnams la gang yod par grags pa de yod par shes pa'o/ / med par grags pa ni med par shes pas na sgro 'dogs pa dang skur bar mi 'gyur ro zhes so/ ! /bye brag tu bsgrub pa la rtag pa dgag pa gtso bor bsgrub pa ni/ gzhan yang sems pa sems med gang yang rung/ /bdag tu brtags pa ma lus rtag pa rnams/ /rim dang cig car don byed mi nus phyir/ /nam mkha'i me tog lta bur dngos mi rung/ /de bzhin skye 'jig 'phel 'grib bya byed sogs/ /sna tshogs dmigs phyir mi rtag ces bya ba'o/ /bdag sems par 'dod pa ni grangs can pa la sogs pa ste/ grangs can ni yul la longs spyod pa po bdag ni shes pa yod pa'i skyes bu rtag pa cha shas med pa rang dbang can du 'dod do/ /de yul la longs spyod par 'dod pa na spyad byar gyur pa gtso bo zhes bya ba rang bzhin gyi rnam grangs can/ rang bzhin ni rtag la gnas skabs ni mi rtag pa yul gyi ngo bo bems pos de'i 'dod pa ltar khab long gis lcags g.yo ba bzhin du skyes bu de yul dang sbyor de rang nyid gyur nas so/ /ci ltar zhe na/ rang bzhin las ni chen po de las ni/ /ngar 'dzin de las tshogs ni bcu drug yin/ /bcu drug po yi tshogs su gtogs pa'i don/ /lnga las kyang ni 'byung ba lnga rnams yin zhes 'dod pa'o/ /'das chen las kyang mu stegs mang po'i nang nas bram ze shad te'u shu nas bcom ldan 'das la gsol pa/ rang bzhin ni rtag ste phyi nang gi chos thams cad kyi rgyu'o/ /'di ltar rang bzhin las chen po skye'o/ /de las nga rgyal te blo'o/ /de las Atshogs bcu drug skye ste/ 'byung ba lnga ni sa dang chu dang med dang rlung dang nam mkha'o/ /shes pa'i dbang po lnga ni mig la sogs pa'o/ /las kyi dbang po lnga ni lag pa dang rkang pa dang kha dang zag byed dang bshang sgo'o/ /bcu drug pa ni sems mnyam pa'i dbang po'o/ /de tsam lnga ni sgra dang reg dang gzugs @366a @#/ /dang ro dang dri ste/ de dag las ni 'byung ba lnga po de skye'o/ /rtsa ba rang bzhin de ni rdul dang mun pa dang snying stobs gsum cha mnyam pa ste/ 'dod pa dang rmongs pa dang sdang ba'am/ bde ba dang btang snyoms dang sdug bsngal gsum mo/ /de ni rtag pa ste chen po la sogs pa thams cad mi rtag pa'o zhes so/ /bdag bems por 'dod pa ni rig pa can la sogs pa ste/ bems po rtag pa sems pa gzhan dang ldan pas byed pa po la sogs par 'jog pa'o/ /de lta bu'i bdag dang gtso bo la sogs pa rtag par brtags pa thams cad ni yod pa'i dngos por mi rung ste/ rim dang cig car don byed par mi nus pa'i phyir ri bong gi rwa bzhin no/ /rim gyis don mi byed pa ni nus pa la rim pa med pa'i phyir dang/ rim pa yod na mi rtag par 'gyur ba'i phyir ro/ /rkyen rim can la ltos nas rim gyis byed par yang mi rung ste/ rkyen gyis khyad par bsgrub tu med pa'i phyir dang yod na mi rtag par 'gyur ba'i phyir ro/ /gal te bya ba cung zad cig /yod na rkyen la bltos 'gyur na/ /dngos gang cung zad mi byed la/ /ci phyir 'ga' zhig bltos par 'gyur/ /zhes gang brjod pa'o/ /de bzhin du bde sdug la sogs pa'i gnas skabs mang po dang skye 'gag la sogs pa'i rnam 'gyur sna tshogs dmigs pas kyang mi rtag par grub pa ste/ 'das chen las/ gang rkyen las skye ba thams cad mi rtag pa ste 'du byed thams cad kyang rkyen las skye bas mi rtag pa'o/ /'dra ba'i chos skad cig re rer skye 'gag byed pa mthong ba la byis pa dag rtag par 'dzin to/ /gang zhig tu rung ba de'ang mi rtag pa'o/ /sems ni bde ba dang sdug bsngal la sogs pa gnas skabs du ma dang/ kha ton slob pa la sogs pa 'phel 'grib du ma dang/ bya ba dang byed pa sna tshogs pas kyang mi rtag go/ gzugs ni mer mer po nas rgas pa'i bar snga ? na med pa skye la skyes nas kyang 'gyur ba'o/ /myu gu la sogs pa'ang de bzhin pas na mi rtag go zhes so/ ! /bdag med pa bsgrub pa ni 'gro ba dag /lus dang mdog dbyibs yon tan la sogs pa/ /rang dbang @366b med phyir bdag med shes par bya/ /'das chen nyid las bdag med pa'ang gzhig cing gzhom du rung ba dang skye zhing 'phel ba la sogs pas mtshan nyid mi mthun pas so/ /yang gzugs la sogs pa ni bdag ma yin te yin na mi sdug pa med par rigs pas rigs bzhi'i khyad par med pas na thams cad bram zer thal bas so/ /gzhan dbang dang dbang po med pa dang ma tshang bar yang mi rung ngo/ /mi nas lhar mi skye bar ngan song du skye ba yang ji ltar rung/ de ltar rang dbang med pas na bdag med pa'o zhes so/ ! /sdug bsngal ba la sogs pa'ang bsgrub pa ni/ de dag nyid kyis sdug bsngal stong pa dang/ phyin ci log gis 'khor bar bcings sogs grub/ /yang de nyid las de ltar bdag med pa dang mi rtag pas na sdug bsngal ba'o/ /sdug bsngal bas na stong pa'o/ /stong pas na phyin ci log go/ phyin ci log pas na 'khor bar bcings pa'o/ /sangs rgyas kyis ni phung po lnga'i 'ching ba de dag bcad pas na rtag pa dang bde ba dang bdag dang gtsang ba'o/ /gzhan yang gzugs la sogs pa ni rten cing 'brel par 'byung ba ste/ de ni bdag med pa dang stong pa dang sdug bsngal ba'o/ /sangs rgyas ni de las ldog pa'o/ /ston pa drug na re bdag ni gzugs la sogs pa yin te kun tu khyab pas nam mkha' lta bu'o zhe'o/ /khyab par yod na sngar mi mthong bar mi rigs so/ /sngar ma mthong na ni mthong ba de sngar med la phyis yod pas mi rtag pas ni ci ltar khyab ces bya/ yang khyab pa yin na 'gro ba lnga po thams cad na lus thams cad tshang bar yod par thal te/ lnga ga'i rnam par smin pa myang bas lha'am mi zhes bya ba la sogs pa so sor ji ltar bzhag /yang khyab pa de gcig gam mang po yin/ gcig yin na dgra dang gnyen la sogs pa'i bye brag med par thal lo/ / mang po yin na thams cad kyi dbang po lnga po kun mnyam pas dbang po kun tshang ba dang ma tshang ba dang las dge ba dang mi dge ba la sogs pa mi 'dra ba ci ltar 'thad/ bdag med na dge ba dang mi dge ba sus byed ce na/ de dag bdag gis byed na dge ba dang mi dge ba'ang @367a @#/ /rtag par 'gyur bas res 'ga' bar 'gal lo/ /des na bdag ces bya ba ni sangs rgyas nyid de/ /sku mtha' yas pas the tshom gyi dra ba med pa/ mi byed cing mi len pas rtag pa/ mi skye zhing mi 'gog pas bde ba/ nyon mongs pa'i dri ma med pas gtsang ba/ mtshan nyid bcu med pas stong pa'o zhes so/ ! /bdag med pas de lam du bsgom pa'i don bsdus pa ni/ de yang chos sdom bzhi dang bden pa yi/ /rnam pa bcu drug legs bsgoms yang dag lta/ /dad dang khrims sogs bsod nams nyer rton bcas/ /zag med lam gyi dam par rab 'jug bya/ /lam bsgoms pa'i dmigs pa dang rnam pa bsdus pa ni chos kyi sdom bzhi dang bden pa'i rnam pa bcu drug po spyi dang khyad par gyi dbye ba dang ldan pa dag ste/ 'di dag dang por thos bsam gyis nges par byas nas tshul khrims dang ting nge 'dzin la sogs pa'i grogs dang lhan cig pas rtag tu dang gus par byed pa'i sbyor ba bsten cing lan mang du byed pa 'jig rten pa'i bsgoms pa las byung bas goms par byas pa las/ de rab kyi mtha' las byung ba 'jig rten las 'das pa'i mthong lam rnam pa bcu drug dang/ de goms par bsgom pa sgom lam sa dgus mi slob pa'i lam thob par byed pa ste/ bden pa bzhi la brtan pa dang/ /nga dang nga yi zhes sogs su/ /sgro btags nas ni yongs su sred/ /de nyid la ni de 'gal don/ /de nyid rnam pa rjes rtogs can/ /legs bsgoms yang dag lta ba yis/ /sred pa rjes 'brang bcas 'joms byed/ /ces gsungs pa dang/ bden pa mthong dang bsgoms pa las/ /nyon mongs spong bar bshad pa yin zhes gsungs pa ltar te/ theg pa chen por yang gang zag med pa sgom pa'i tshul ni 'di nyid do/ / gsang ba bsam gyis mi khyab pa las kyang/ chos thams cad mdor bsdus pa'i mdo ni bzhi ste/ dge sbyong dang bram ze kha cig lha tshe ring po la sogs pa rtag par 'dzin pa bzlog par 'du byed thams cad mi rtag pa'o/ /lha dang mi kha cig bde bar rtog pa la ni 'du byed @367b thams cad sdug bsngal ba'o/ /mu stegs can bdag tu lta ba la ni chos thams cad bdag med pa'o/ /rnam rtog la spyod pa mngon pa'i nga rgyal can la ni mya ngan las 'das pa zhi ba'o zhes so/ /dran pa nyer gzhag las ni/ sdug bsngal gyi bden pa la rgyu dang rkyen las skye bas mi rtag pa'o/ /gnod par byed pas sdug bsngal lo/ /skyes bu dang bral bas stong pa'o/ /rang dbang du mi 'jug pas bdag med pa'o/ /kun 'byung la 'du byed 'brel pa rgyud mar 'jug pas kun 'byung ba'o/ /de 'bras bu dang rjes su mthun pas rgyu'o/ /rab tu byed pa'i rnam pa ma lus pas rab tu skye ba'o/ /'bras bu dang mi mthun par 'brel bas rkyen no/ /'gog pa la nyon mongs pa thams cad med pas 'gog pa'o/ /nyon mongs pa'i me spangs pas zhi ba'o/ /chos thams cad kyi gtso bo nyid kyis gya nom pa'o/ /'khor ba las nges par 'byin pas nges par 'byung ba'o/ /lam la byang grol thob par byed pas lam mo/ /phyin ci ma log pas rigs pa'o/ /'phags pa'i skye bo thams cad gnas pas bsgrub pa'o/ /'khor ba'i nyon mongs pa 'gog pas nges par 'byin pa'o zhes so/ ! /gang zag med pa bsgoms pa'i byed pa ni/ /de yi rtsa ba bcad pas nyon mongs dang/ /nyes spyod sdug bsngal kun spong yon tan tshogs/ /dam pas legs brgyan sbyin gnas mchog tu 'gyur/ /dpe las 'das pa'i bsod nams yongs su 'dzin/ /gsang ba'i mdo las/ zhi ba'i blo gros dper na shing rtsa ba nas bcad na yal ga dang ? ma ? dang yal ga phra ? mo thams cad skom mo/ /de bzhin du 'jig tshogs pa lta ba nye bar zhen ?/ nyon mongs pa dang nye ba'i nyon mongs pa thams cad zhi bar 'gyur ro/ /zhes gsungs te/ de las byung ba'i gnod pa thams cad bzlog par bstan pa'o/ /tshul khrims 'chal pa tshar gcod pa las/ chos thams cad la gang zag med par bzod pa ni rigs pa dang grol ba ste/ rab tu byung ba dang bsnyan ? par rdzogs pa'i las yongs su dag pa'o/ /ldan pa dang grol ba gnyis la dad pas byin pa gnang ste/ ldan pa ni tshe 'di nyid la len pa med @368a @#/ /par mya ngan las 'da' ba'o/ /yang mi dge ba spang ba dang dge ba bsgrub pa dang 'phags pa'i lam bsgom pa la mgo la me 'bar ba gsod pa ltar brtson pa/ grol ba ni stong pa nyid dang mtshan ma med pa dang smon pa med pa la mos pa'o/ /yang dge ba ci yin zhes tshol zhing go cha chen po bgos nas byang chub don du gnyer ba na yang dag pa'i byang chub kyi yan lag la brtson pa ste/ lam la zhugs nas rgyun tu zhugs pa la sogs pa thob par bya'o snyam pas de'i bya ba la gnas shing/ dge ba'i chos khong du chud par bya ba'i phyir lhag pa'i bsam pas gnas pa'o/ /yang ngan song las grol ba ni rgyun tu zhugs pa'o/ /'dod pa'i khams las grol ba ni phyir mi 'ong ba'o/ /'jigs pa thams cad las grol ba ni dgra bcom pa'o/ /yang ldan pa ni bslab pa gsum la bslobs pa'o zhes so/ / rab tu zhi ba rnam par nges pa'i cho 'phrul gyi ting nge 'dzin las kyang/ la las lha'i lo stong du dkon mchog gsum la nye bar ma kho ba thams cad phul ba bas/ gang gis tha na se gol gtogs pa srid tsam du 'du byed thams cad mi rtag pa dang sdug bsngal ba dang stong ba dang bdag med do snyam du dpyod par byed pa bsod nams ches mang ngo zhes so/ /gsang ba'i mdo las kyang mi rtag pa thos pas ni yongs su 'dzin pa 'dor ro/ /sdug bsngal ba thos pas ni nye bar len pa med par 'gyur ro/ /bdag med pas ni ngar 'dzin pa sel lo/ /zhi ba thos pas ni nye bar zhi bar 'gyur ro/ / tshul bzhin du sems pas ni 'phags pa'i yang dag pa'i lta ba bskyed do zhes so/ /de bas ches lhag pa bsgoms pa'i byed pa ni dkon mchog sprin las thos pa dang bsams pa tsam gyis ni rang gi rig pa'i chos khong du mi tshud do ?/ tsha bas gdungs te skom gyis nyen pas chu bsil ba gang na yod pa thos ma thag skom pa gzhil ba'am bsil ba mi thob kyi/ nam der phyin te 'thungs pa na thob pa la sogs pa ltar gsungs te/ mi rtag pa la sogs pa'ang bsgoms pas mngon sum du 'gyur bar bstan pa'o/ ! /chos kyi bdag med bsgom pa'i dbang du byas nas dang @368b por chos su mngon par zhen pa'i nyes pa bsam pa ni/ bstan pa 'di la rab byung legs bsngams kyang/ /stong par mos med yongs dag dge sbyong min/ /mya ngan 'das sogs thob byar rlom sems can/ /byis pa ma rig bsgribs shing bdud kyi bcings/ /phra ba'i chos kyang rab tu grub med par/ /mngon par rtogs dang thob sogs dmigs par lta/ /de bzhin skye dang skye med lus sogs zhen/ /thams cad bdud kyi spyod yul nyid du gsungs/ /tshul khrims 'chal pa tshar gcod pa las bstan pa 'di la rab tu byung nas so sor thar pa'i sdom pas bsngams kyang don dam pa stong pa nyid la mi mos shing mi 'jug pa dang/ stong pa nyid dmigs pa med pa'i chos la yid gnyis za na/ de dag phal cher tshul khrims dang thos pa dang ting nge 'dzin gtso bor byed kyang/ de dag gis sangs rgyas la gus pa dang mchod pa byas pa ma yin te/ ma dag pa'i tshul khrims la sogs pa de tsam gtso bor byed pas yongs su dag pa'i dge sbyong dang bram zer mi bzung ngo zhes so/ /byang chub sems dpa'i spyod pa bstan pa las kyang/ byis pa rnams kyis thob cing rnyed/ /byis pas mya ngan 'das pa thob/ /'khor ba la ni de kun chags/ /rlom sems bdud kyi 'ching ba yin/ /gang gis blo la ngas thob snyam/ /des ni thob pa ci yang med/ /de yi yang srid 'gro ba yi/ /ma rig pa yang 'jug par 'gyur zhes so/ /yang de nyid las chos gcig kyang rab tu grub pa ma mthong na bden pa bzhi'i ni lta ci smos/ 'di la yang dag par grub pa ci zhig yod de/ chos rnams rnam par rig ces bya ba ni dmigs pa'o/ /byang chub ces bya ba ni dmigs pa'o/ /de bzhin gshegs pa zhes bya ba ni 'dzin pa'o/ /grol ba zhes bya ba ni spros pa'o/ /skye dang de bzhin skye med gnyis ni spros pa ste/ /kun tu rtog pa'i sa dang bdud kyi spyod yul yin/ /lus la sogs pa'i chos 'dzin rlom par sems pa yi/ /lha dang lha min 'gro ba rnams ni 'dir brlag go /rgyal bas bdud rtsi 'dus ma byas pa brnyes snyam du/ /de ltar gang dag bsam pa rab tu 'jug byed pa/ /de dag sangs rgyas la ni sku brnyas gsol bar byed/ /brnyas @369a @#/ /kyang 'di la 'dren pa rnams kyis brnyas pa med/ /'dir ni skye bo mang po dag /rab tu byung nas rab byung rlom/ /sems kyi dmigs pa rnams 'khrul nas/ /bstan pa 'di la sun 'byin rnams/ /bdud rtsi bdag gis thob bo zhes/ /thob pa'i nga rgyal can dag smra/ / skyob pa shA kya seng ge yi/ /bstan pa la ni spros pa med/ /sems kyis rnam pa thams cad du/ /sems kyi ngo bo nyid mi rtogs/ /de bzhin rnam 'dren gsungs pa yi/ /lta ba de ni rang bzhin med/ /spyan dag rgyal bas gsungs pa yi/ /lta ba la ni lta ba med ces gsungs so/ /gser 'od dam pa las kyang/ 'khor ba'i rgyun gcod dam chos 'di/ /zab cing phra la blta dka' ste/ /'dod pas bsgribs pa'i dmus long dag /de ma mthong bas sdug bsngal len/ /ces so/ ! /chos kyi bdag med pa'i don las de spyir bzhag pa'i dbang du byas nas 'jig rten thams cad dang mi mthun pa'i mtshan nyid ni/ 'jig rten bden sogs phyogs su lhung las zhen/ /chos ni bden brdzun sogs bral mi mthun nyid/ /tshangs pa khyad par sems kyis zhus pa las/ 'jig rten rnams ni bden pa dang chos dang mya ngan las 'das pa dang dge ba dang bde ba la sogs pa la mngon par chags la/ sangs rgyas kyi chos la ni bden pa dang brdzun pa dang chos dang chos ma yin pa dang 'khor ba dang mya ngan las 'das pa dang dge ba dang mi dge ba dang bde ba dang sdug bsngal la sogs pa gang yang med pas na 'jig rten thams cad dang mi mthun pa'o zhes so/ ! /gzung 'dzin gnyis dang bral ba'i mtshan nyid ni/ gnas don lus kyis gzung bar snang ba yi/ /chos kun sems las gud na yod min te/ /rdul yang cha las rang bzhin gzung med phyir/ /thog med 'khrul snang rmi lam gzugs ltar zad/ /de 'dzin yid dang 'dzin dang rnam rtog sems/ /gzugs sogs rdzun pa'i rnam pas nyer bslad pas/ /de dang 'dra bar bden min dus gsum sogs/ /so sor brtags na rang bzhin bzung du med/ /chos de'i bdag med pa la chos ni mdor bsdu na phung po dang khams dang skye mched kyi tshogs @369b yin pa las gzugs can gnas snod kyi 'jig rten dang/ don yul lnga dang/ lus dbang po lnga rten dang bcas pa rnams ni gzung ba yin la de dag ni de kho nar sems las gud na med de/ de dag rdul phra rab tu gzhigs nas rdul yang cha shas kyis brtags na ngo bo nyid nges par bzung du med pa'i phyir ro/ /des na gzugs la sogs par zhen pa'i bag chags thog ma med pa can gyis/ rmi lam na gzugs su snang ba ltar byis pa rnams la sems nyid de ltar med bzhin du phyi rol tu chad par snang ba tsam du zad do/ /khams gsum po yang sems tsam yin pas chos su btags pa mtha' dag sems nyid du rtogs nas de la so sor brtags pas chos thams cad la brtags par 'gyur ro zhes sems nyid la rtog go/ de nas ni don dam par gzung ba bzhin du de la 'dzin pa'i sems yid ngar rlom sems pa dang/ 'dzin pa rnam par shes pa lnga dang/ rnam par rtog pa yid kyi rnam shes dag kyang bden par mi rung ngo/ /'di ltar rdzun pa'i gzugs la sogs pa'i rnam pa sna tshogs nye bar 'dzin pa na de las gzhan du ma gyur pa'i phyir/ gzugs la sogs pa sna tshogs kyi rnam pa yin pas gcig dang du ma'i ngo bo ma grub pa ltar sems kyang ma grub pas so/ /des na sems dang chos thams cad kyang sgyu ma la sogs pa'i ngo bo nyid do/ /gzhan yang 'das pa'i sems ni 'gags shing zhig la/ ma 'ongs pa'i sems kyang ma skyes shing/ da ltar gyi sems kyang rang gi ngo bo la mi gnas pas rang bzhin du ma grub pas na sems kyi ngo bo nyid la so sor brtags na sems ni nang dang phyi rol dang de nyid med par yang mi dmigs so/ /'das pa dang ma 'ongs pa dang da ltar byung ba yang mi dmigs so/ /skye ba na gang nas kyang ma 'ongs 'gag ? gang du yang mi 'gro ste/ gzung du med pa bstan du med pa gzugs can ma yin pas ngo bo nyid cir yang ma grub pa'o/ /dkon mchog brtsegs pa las/ 'od srung sems ni btsal na mi rnyed do/ /gang mi rnyed pa de mi dmigs so/ /gang mi dmigs pa de 'das pa yang ma yin ma 'ongs pa yang ma @370a @#/ /yin da ltar byung ba yang ma yin no zhes bya ba la sogs pa rgya cher gsungs so/ /de ltar brtags na sems dang chos thams cad kyi thog ma dang tha ma dang dbus kyang yang dag par rjes su mi mthong bas ngo bo nyid gang yang mi dmigs so/ /sems gang gis yongs su rtog pa de'ang stong par rtogs pa'o/ /gsang ba'i mdo las kyang/ kun shes par byed pa ni rnam par rig pa tsam yang khas mi len pa'o/ /rnam par rig pa khas mi len pa ni tshig gi rjes su mi 'jug pa'o/ /tshig gi rjes su mi 'jug pa ni don la rtog pa'o/ /don la rtog pa ni gang gi tshe don gang yang mi mthong ba'o/ /don gang yang mi mthong ba ni don dang don ma yin pa don du mi gnyer ba'o/ /don du mi gnyer ba nyid chos don du gnyer ba ste ci'ang don du mi gnyer bas so/ /'ga' zhig don du gnyer ba ni chos su mi rung ngo zhes so/ /lang kar gshegs pa las byas ? kyang/ sems tsam la ni brten nas su/ /phyi rol don las 'da' bar bya/ /snang ba med la brten nas su/ /sems tsam las kyang 'da' bar bya zhes so/ /slob dpon gyis kyang/ shin tu phra ba'i dngos la yang/ /gang gis skye bar rnam btags pa/ /rnam par mi mkhas de yis ni/ /rkyen las byung ba'i don ma mthong/ /zhes so/ ! /'od gsal ba'i mtshan nyid ni/ des na rang bzhin 'od gsal yongs dag sems/ /med la mngon zhen ma rig thogs med pa'i/ /phyin ci log las nyon mongs sogs kyis bsgribs/ /stong la spros med 'od gsal byang chub nyid/ /'od gsal ba ni sems kyi chos nyid gdod ma nas kun tu rtog pa thams cad dang ma 'dres pa'i rang bzhin no/ /ma dros pas zhus pa las/ sems kyi rang bzhin ni 'od gsal ba ste/ de la ni 'dod chags dang zhe sdang dang gti mug med do/ /de dag ni phyin ci log las skye'i/ sems kyi rang bzhin ni nam yang nyon mongs pa ma yin no/ /gal te yin na ni rnam par dag par mi 'gyur ba zhig na de lta ma yin pa'i phyir nyon mongs pa shes pas rnam par dag ces bya'o zhes so/ /rdo rje snying po'i gzungs las kyang/ med pa'i phyir ma rig pa ste gang med pa de la skye ba med do/ /gang ma skyes pa @370b de la kun nas nyon mongs pa med do/ /kun nas nyon mongs pa can ma yin pa ni byang chub ste rang bzhin gyis 'od gsal ba rtag tu ma skyes pa'o/ /des na ma rig pa dang byang chub ni gnyis su med pas na ma rig pa ni byang chub bo zhes bstan to zhes so/ ! /mtshon bya dang mtshan nyid la sogs pa dang phral ba'i mtshan nyid ni/ chos kun mtshon bya mtshon byed sogs stongs pas/ mkha' ltar dngos med ming tsam nyid du zang/ /des na yod med skye dang mi skye sogs/ /mtshan ma mun bral tshig gi lam las 'das/ /ming dang mtshan med rgyu rkyen dpe las 'das/ /thog mtha' dbus bral bsam mi khyab gnas so/ /nyi ma'i snying po las/ nam mkha' rtog par gsungs pa ste/ /rtog pa de ni yod ma yin/ /nam mkha'i ming dang rtog pa dag /de ni thams cad dngos po med/ /chos rnams thams cad ci yang med/ /'gyur ba med cing mtshan nyid med/ /mtshan nyid med par brtags pa yis/ /mtshan gzhi kun las rab tu grol zhes so/ /gser 'od dam pa las kyang/ de bas na phung po lnga la sogs pa ni yod pa dang med pa dang skye ba dang mi skye ba la sogs pa ma yin pa/ tshig gi thog tu mi phebs pa/ ming dang mtshan ma med pa/ rgyu dang rkyen med pa/ dpes bstan du med pa/ thog ma dang tha mar yang dben pa/ rang gi ngang gis stong pa ste/ 'phags pa rnams kyis mkhyen par bya ba yin gyi/ gzhan gyi spyod yul ma yin pas phung po la sogs pa chos kyi dbyings su bstan to zhes so/ /chos thams cad dmigs su med cing sems med pa ni/ rin po che bsags pa'i mdo las kyang/ bsam gyis mi khyab pa'i dbyings ni sems med pa/ sems 'gro bar bya ba med pa/ sems kyis dpag par bya ba ma yin pa/ /bsam pas rab tu dbye bar bya ba ma yin mod kyi/ 'on kyang sems nyid bsam gyis mi khyab pa'i dbyings so/ /ci'i phyir zhe na/ sems la sems med pa ma yin gyi sems nyid ma yin pas na sems ni ngo bo nyid kyis med pa'o/ /sems ji ltar ba bzhin pas sems med pa nyid sems te 'di ni bsam gyis mi khyab pa'i dbyings so zhes so/ ! /de nyid de bzhin gshegs pa'i snying por bstan pa ni/ des na chos @371a @#/ /sku kun gyis thob rung dang/ /de bzhin nyid ni tha dad med gnas dang/ /sangs rgyas rigs la de nyid nyer brtags nas/ /'gro kun sangs rgyas snying po can du brjod/ /de ni rtag brtan khyab par brjod mod kyi/ /byis rnams zab mos skrag pa spang ba yis/ /rim gyis gzhug phyir chos dbyings spros zhi nyid/ /snying por bstan pas bdag dang mtshungs ma yin/ /de bzhin nyid kyi rang bzhin de tsam las/ /bdag nyid sangs rgyas khas 'che rdzun chen te/ /de nyid dpag med thabs la bltos phyir ro/ /des na sangs rgyas chos nyid bsam mi khyab/ / dgongs pa 'di gsum gyis sems can thams cad sangs rgyas kyi snying po can nam rang bzhin can du gsungs pa ste/ 'bras bu chos sku'i snying po can dang/ rang bzhin de bzhin nyid kyi snying po can dang/ rgyu rigs kyi snying po can no/ /de la chos sku ni sangs rgyas dngos yin la/ sems can la yod pa ni 'thob tu rung ba tsam la btags pas so/ /de bzhin nyid ni gnyi ga dngos su yin te sangs rgyas nyid kyi rang bzhin yang yin la sems can thams cad la'ang nges par gnas pas so/ /rigs ni sangs rgyas kyi rgyu yin pas btags pa ste sems can la yod pa ni dngos su'o/ /de'ang/ rdzogs sangs sku ni 'phro phyir dang/ /de bzhin nyid dbyer med phyir dang/ /rigs yod phyir na lus can kun/ /rtag tu sangs rgyas snying po can zhes gsungs pa'o/ /lang kar gshegs pa las kyang/ bcom ldan 'das kyis de bzhin gshegs pa'i snying po gsungs pa de rang bzhin gyis 'od gsal bas thog ma nas rnam par dag pa nyid mtshan sum cu rtsa gnyis dang ldan pa sems can thams cad kyi lus kyi nang na yod pa ste/ rin po che rin thang che ba gos ngan pas dkris pa ltar/ phung po la sogs pa'i gos kyis dkris pa/ 'dod chags la sogs pas zil gyis non pa/ yongs su rtog pas dri ma can du gyur pa/ rtag pa brtan pa ther zug par ni brjod na 'di mu stegs kyi bdag tu smra ba dang 'dra bar ci ltar mi 'gyur/ mu stegs dag kyang rtag pa khyab pa mi 'jig pa'o zhes bdag tu smra ba lags so/ /bka' stsal pa/ blo gros @371b chen po/ nga'i de bzhin gshegs pa'i snying po ni stong pa nyid dang yang dag pa'i mtha' la sogs pa'i don la brjod pas/ mu stegs byed la sogs pa byis pa rnams bdag med pas skrag pa spang ba'i don du zab mo'i gnas bstan pa yin pas bstan pa de la bdag tu zhen par mi bya'o/ /dper na rdza mkhan ni 'dag pa'i phung po gcig las 'khor lo la sogs pa'i bye brag gis snod sna tshogs byed do/ /ston pa yang chos thams cad stong pa nyid kho na shes rab dang thabs kyi sbyor ba sna tshogs kyis de bzhin gshegs pa'i snying po'am bdag med pa la sogs pa'i rnam grangs sna tshogs kyis ston pas na bdag tu smra ba dang mi mtshungs so/ /de bas na mu stegs kyi lta ba bzlog phyir de bzhin gshegs pa'i snying po bdag med pa'i rjes su 'jug par bya'o zhes so/ /'das chen las kyang/ la la dag bdag ni sangs rgyas te sangs rgyas kyi rang bzhin yod pas so zhes smra na pham par 'gyur te/ rang bzhin yod kyang bsgrub pa'i thabs la 'bad pa chen po ma byas par sangs rgyas mi 'thob pa'i phyir ro/ /des na sangs rgyas ni bsam gyis mi khyab bo/ /de dge slong tshul khrims dang ldan pa chu la rtog pa na/ de na 'gul ba srin bu'am rdul yin pa dang po bde blag tu mi rtogs so/ /yun ring du brtags na shes mod kyi gsal bar mi rtogs so/ /nam dmus pa na rgyang ma nas byis chung ngu mthong ba na phyugs sam bya'am mi yin mi rtogs te/ ring du bltas na byis par rtogs kyang gsal ba ma yin pa ltar/ sa bcu'i byang chub sems dpas kyang rang gi lus la de bzhin gshegs pa'i snying po mthong mod kyi gsal bar mi rtogs so zhes so/ /yang kha cig bdud rtsi 'thungs pa las/ /tshe thung sngar shi ba yang yod/ /kha cig bdud rtsi 'thungs pa las/ /tshe ring rtag tu gnas pa'ang yod/ /kha cig dug 'thungs dbang gis 'tsho/ /kha cig dug gi rkyen gyis 'chi/ /thogs med ye shes zil dngar ni/ /theg pa chen po'i mdo sde ste/ /sman dang dug du 'dres pa'o/ /ji ltar mar dang kha ra dang/ /mar gyi snying po la sogs pa/ /'thungs te zhu na sman du gyur/ /ma zhun ni dug ces bya/ /shin tu rgyas pa'ang de @372a @#/ /bzhin te/ /mkhas pa dag gi sman du 'gyur/ /glen pa sangs rgyas rang bzhin dag /mi shes pa yi dug du 'gyur/ /dkon mchog gsum gyi mtshan nyid ni/ /bdag ces bya ba'i mtshan nyid do/ /bdag dang sangs rgyas rang bzhin nyid/ /gang gis mngon sum rtogs gyur na/ /de bzhin gshegs pa'i snying po nyid/ /skyes bu des ni rtogs 'gyur ro zhes so/ /de las skyabs kyang sangs rgyas nyid du bsgrub pa ni/ 'di nyid chos dang dge 'dun mthar thug phyir/ /skyabs kyang sangs rgyas nyag gcig nyid du gsungs/ /mdo de nyid las/ sangs rgyas dag la skyabs song ba/ /de ni yang dag dge bsnyen te/ /nam yang lha rnams gzhan dag la/ /skyabs su gsol bar mi 'gyur ro/ /dam pa'i chos la skyabs song ba/ /gnod cing 'tshe ba'i sems dang bral/ /dge 'dun la ni skyabs song ba/ /mu stegs can la phyogs mi 'gyur/ /dkon mchog gsum la skyabs song ba/ /'jigs pa med par thob par 'gyur/ /'od srung gis gsol pa/ bdag ni gsum la skyabs gsol bas/ /sangs rgyas rnams kyi spyod yul gyi/ /yang dag pa yi lam zhes bgyi/ /dkon mchog gsum gyi mtshan nyid mnyam/ /ye shes chen po nyid dang ldan/ / bdag dang sangs rgyas rang bzhin ni/ /gnyis su med de bye brag med/ /bdag kyang bde bar gshegs bsngags pa'i/ /bla med lam la gzhol zhing bab/ /bdud rtsi'i mchog ni dam pa ste/ /srid pa'i nang na med pa'o/ /bka' stsal pa/ rigs kyi bu khyod nyan thos sam byis pa ma rabs ltar dkon mchog gsum la bye brag ma 'byed cig /theg pa chen po la ni dkon mchog gsum la bye brag dbye ba'i mtshams med de/ sangs rgyas nyid la chos dang dge 'dun yod pas so/ /'jig rten pa'i chos kyi rjes su 'jug par 'dod pa byis pa dang nyan thos bsgral ba'i phyir skyabs gnas gsum tha dad par phye'o zhes so/ /rje btsun gyis kyang/ dam pa'i don du 'gro ba yi/ /skyabs ni sangs rgyas nyag cig yin/ /thub pa chos kyi sku can phyir/ /tshogs kyang de yi mthar thug phyir/ /zhes gsungs so/ ! /de las theg pa gcig pa nyid kyang grub pa spyir bstan pa ni/ de bzhin theg pa tha dad @372b yod min te/ /'dren pa rnams kyi thabs kyis gsum sogs bstan/ /nyi ma shar tshe me khyer skar sogs 'od/ /zil mnan mi snang bzhin du thub mchog rnams/ /gshegs par mu stegs can sogs mi snang ste/ /zhing 'dir snang ba rnam 'phrul bsam yas sgo/ /bden pa po'i le'u las 'jam dpal ngas chos gang bstan pa de thams cad ni byang chub chen po la gzhol ba/ theg pa chen po la 'bab pa/ thams cad mkhyen pa nyid bsgrub par tshul gcig pa ste/ des na ? nga la theg pa rnam par dgod pa med do/ /theg pa rnam par dgod pa zhes bya ba ni ngas sa dang gang zag dang tshogs chung ngu dang chen po rnam par dgod pa mdzad pa ste/ chos kyi dbyings tha dad med pa'i phyir theg pa tha dad med de/ 'di ni kun rdzob tu 'jug pa'i sgo tsam mo/ /gang don dam par theg pa gcig pa ni gnyis ma yin no/ /nga yi mya ngan 'das gcig theg pa gcig /nga yi theg pa tha dad med pa ste/ /yang dag du na theg pa gcig tu bstan/ /de ni thabs kyi yul du shes par gyis/ /rgyud zhan bsam pa chung ba'i skye bo dag /'phral du thos pas 'jigs par 'gyur srid ces/ /de dag rnams la theg pa gsum bstan gyi/ /theg pa gcig ste theg pa tha dad med ces so/ / dam pa'i chos padma dkar po las kyang/ nga yang theg pa gcig pa las brtsams te chos ston pa 'di lta ste/ sangs rgyas kyi theg pa thams cad mkhyen pa nyid kyi mthar thug pa ste theg pa gnyis sam gsum zhes bya ba med do/ /phyogs bcu na dus gsum gyi sangs rgyas thams cad kyang theg pa gcig las brtsams nas chos ston te/ gang na yang theg pa gnyis su btags pa yang med na gsum du lta ci smos zhes so/ /yang bden pa po'i le'u las/ nyi ma shar te 'od mang po bkye ? ba na me khyer dang/ me dang nor bu dang skar ma thams cad kyi 'od mi snang ba ltar/ sangs rgyas gang du byung bar mu stegs gzhan dang kun tu rgyu dang spyod pa pa thams cad zil gyis gnon cing mi snang ste/ 'on kyang zhing 'di na de dag la sogs pa snang ba ni sangs rgyas kyi byin gyis brlabs pa dang thabs kyi yul bsam gyis mi khyab pa'o/ /ci'i phyir zhe na/ sgo 'di thams cad rnam @373a @#/ /par thar pa bsam gyis mi khyab pa'i sgo la gnas pa/ shes rab kyi pha rol tu phyin pa las nges par 'byung ba/ thabs la mkhas pas rnam par rtse ba/ dkon mchog gsum yid la bya ba ma btang ba dang/ sems can yongs su smin par bya ba'i phyir sangs rgyas kyis byin gyis brlabs pa'o zhes so/ /thabs kyi sgo las ni/ theg pa gsum du yang ma zad de/ sdong po bkod pa las/ sangs rgyas zhig mngon par sangs rgyas ma thag tu sems can dpag tu med pa nyan thos dang/ rang rgyal ba'i byang chub dang/ shugs dang ldan pa'i spobs par nges par 'byung ba'i byang chub dang/ pha rol gnon pa dri ma med pa'i rgyal mtshan gyi byang chub dang/ chos la spobs pas nges par 'byung ba'i byang chub la sogs pa mang po zhig la bkod par yang gsungs so/ / ! bye brag tu bsgrub pa ni/ des na thub bstan phyir mi ldog pa yi/ / chos kyi 'khor lor ro gcig dman mos dag /theg pa gcig la dkri ba'i thabs chen gyis/ /dad rjes 'brang nas rang sangs rgyas par dgu/ rgyal sras nyid kyi chos kyi khyad par la/ /sgra yi gzhi mthun tsam la dgongs pas gsungs/ /phyir mi ldog pa'i 'khor lo las sangs rgyas thams cad kyi chos bstan pa ni phyir mi ldog pa'i chos kyi 'khor lor mthun pa'o/ /theg pa gsum bstan pa ni sems can dman pa la mos pa dag theg pa gcig la mi 'jug pas na/ thabs la mkhas pas nye bar 'khrid pa ste/ sangs rgyas rnams ni thabs chen po dang ldan pa'o/ / des na dad pa'i rjes su 'brang ba dang/ chos kyi rjes su 'brang ba dang/ brgyad pa dang/ rgyun tu zhugs pa dang/ lan cig phyir 'ong ba dang/ phyir mi 'ong ba dang/ dgra bcom pa dang/ nyan thos dang/ rang sangs rgyas bstan pa'i dgongs pa ni byang chub sems dpa' nyid kyi chos la ste/ dman pa la mos pa drang ba'i thabs la mkhas pas so/ /de la dad pa'i rjes su 'brang ba ni byang chub sems dpa' chen po dag sems can dpag tu med pa chags pa med par sangs rgyas mthong bar bya ba'i phyir dad par yang byed la/ sangs rgyas kyi chos dag kyang mi mthong zhing/ @373b gzugs la sogs pa lnga la mi chags pa dang/ chos thams cad sangs rgyas kyis stong par bstan par yid ches shing mos pa dang/ sangs rgyas kyi ye shes la yid ches shing 'dod la/ nam zhig bdag kyang de lta bu dang ldan par 'gyur zhig gu snyam du sems shing/ ye shes de'ang mi dmigs pa dang/ sangs rgyas la dad pas sems rnyog pa med par yid ches pa dang/ sems can dad pa dang mi ldan pa dag dad pa la 'dzud cing des byang chub kyi sems rnyed la/ sems de'ang mnyam pa nyid du shes par byed pa la sogs pas te/ sangs rgyas mthong ba chags med pa/ /sems can dpag med dad par byed/ /de ni de la chags pa med/ /de phyir blo ldan dad rjes 'brang/ /chos 'di thams cad stong pa zhes/ /rab tu bshad par yid kyang ches/ /de ni de yi mos yin te/ /de phyir dad rjes 'brang bar brjod/ /bder gshegs ye shes yid ches te; ;nam zhig 'di 'drar shes ldan zhes/ /de la 'dod pa 'jug byed cing/ /shes pa de yang mthong ma yin/ /'dod pa'i yon tan rnam lnga la/ /rtag tu dad pa ma yin te/ /dad pa'i stobs ni rjes thob pa/ /de phyir dad rjes 'brang bar gsungs/ /rdzogs sangs rgyas la dang bas dad/ /de yi sems ni rnyog pa med/ /sems med pa yi chos ston te/ /de'i phyir dad rjes 'brang zhes bya/ /sems can gang dag dad mi ldan/ /de dag dad la 'dzud byed cing/ /dri med chos la dad par byed/ /de phyir dad rjes 'brang bar gsungs/ /dad pa'i sems dang ldan gyur nas/ /byang chub sems la 'jug par byed/ /sems de yang ni mi rnyed de/ /de phyir brtan pa dad rjes 'brang/ /sangs rgyas chos la rnam kun tu/ /chos las ldog par mi byed cing/ /chos nyid 'di dag 'dzin byed de/ /de phyir chos rjes 'brang zhes gsungs/ /chos rgyun bsam gyis mi khyab pa/ /rgyun de las kyang 'da' mi byed/ /chos nyid de ni rjes su thob/ /de phyir chos rjes 'brang zhes bya/ /sangs rgyas rnams kyis bshad pa'i chos/ /bsti stang byas te de dag 'dzin/ /de yi sems ni zhum pa med/ /de phyir chos rjes 'brang zhes bya/ /gnas med pa dang rten med pa'i/ /chos kyi rgyun ni yang dag @374a @#/ /rtogs/ /chos nyid de ni 'dzin byed de/ /de phyir blo ldan chos rjes 'brang/ /byang chub sems dpa'i chos nyid gang/ /sangs rgyas kyis ni bstan mdzad pa/ /chos nyid de ni rjes su thob/ /de phyir blo ldan chos rjes 'brang/ /log pa brgyad las shin tu 'das/ /rnam par thar pa brgyad la reg /yang dag brgyad la zhen pa med/ /de phyir brgyad pa zhes brjod do/ /so so'i skye bo nyid las 'das/ /byang chub la yang mngon par zhugs/ /byang chub de yang mi dmigs te/ /des na brgyad pa zhes brjod do/ /'jig tshogs las ni rnam par 'das/ /byang chub mchog la rab tu zhugs/ /sangs rgyas lam yang rjes su thob/ /des na brgyad pa zhes brjod do/ /lam la rgyun ces ngas bshad de/ /bsam du med pa sangs rgyas lam/ /gang dag lam la 'dir gnas pa/ /de dag rgyun tu zhugs par brjod/ /'khor ba'i 'du shes gang brjod pa/ / sangs rgyas 'du shes de bzhin de/ /mnyam pa nyid ni der zhugs pa/ /rgyun tu zhugs par shes par gyis/ /kun dga' ngas ni 'di la dgongs/ /rgyun tu zhugs par rab bshad na/ /sems can blo chung rnams kyis ni/ /gzhan du yongs su de brtags so/ /sangs rgyas ye shes mtha' yas pa/ /ye shes rjes su de 'gro ste/ /sangs rgyas ye shes tshol 'ong ba/ /des na de ni lan cig 'ong/ /thams cad mkhyen dang ldan rnams kyis/ /chos nyid rnam pa gang brnyes pa/ /de ni bdag gis thob pa zhes/ /de tshol bar ni 'ongs pa yin/ /sems can mang po blo chung ba/ /sdug bsngal rab mnar nyam thag pa/ /de dag ye shes 'god do zhes/ /sangs rgyas ye shes tshol phyir 'ong/ /sngon gyi sangs rgyas bzhugs bzhugs pa/ /byang chub snying po tshol bar byed/ /de tshol bar ni 'ongs pa ste/ /des na de ni lan cig 'ong/ /'dir chos thams cad 'gro ba dang/ /'ong ba dag kyang mi dmigs te/ /'ong dang 'gro ba med thob pas/ /de ni phyir mi 'ong zhes brjod/ /'gro ba rnam gsum gang du yang/ /de ni phyir zhing mi 'gro ste/ /sangs rgyas chos rnams thob pas na/ /de ni phyir mi 'ong zhes brjod/ /ngan song thams cad yang dag chad/ /de ni gang phyir dri ma @374b bral/ /mya ngan 'das pa zhi thob pa/ /des na de ni phyir mi 'ong/ /nyon mongs thams cad rab tu btul/ /dngos por 'du shes rnam par bshig /mchog gi theg pa 'di la nges/ /de ni phyir mi 'ong zhes bya/ /gang gis sems can rab sdug bsngal/ /nyon mongs thams cad de yis bcom/ nyon mongs pa las sems can 'grel/ /des de dgra bcom zhes brjod do/ /dmigs pa thams cad rab tu bcom/ /dmigs pa med la legs par gnas/ /chos nyid stong pa nyid du shes/ /des de dgra bcom zhes brjod do/ /sangs rgyas byang chub bsam mi khyab/ /byang chub yang dag thob byed 'os/ /brtson 'grus dam pa rab tu rtsom/ /des de dgra bcom zhes brjod do/ /spros pa med cing rnyog med pa'i/ /chos ni nges par ston par 'os/ /ye shes la ni sems can 'god/ /des de dgra bcom zhes brjod pa'o/ /byang chub sems dpa' 'jigs med pa/ /sangs rgyas chos rnams bsam yas pa/ /sems can rnams la sgrogs par byed/ /des de nyan thos zhes brjod do/ /byang chub zhi ba spros pa med/ /rnyog pa med pa rtogs bya'i phyir/ /skye bo dpag tu med la sgrogs/ /des de nyan thos zhes brjod do/ /stobs dang byang chub yan lag dang/ /dran pa nyer gzhag dbang po sogs/ /myur du sgrub ces 'gro rnams la/ /sgrogs pas nyan thos zhes brjod do/ /chos sbyin bsam gyis mi khyab pa/ /'di ni byang chub 'grub pa'i lam/ /de phyir sbyin pa byin zhes sgrogs/ /des de nyan thos zhes brjod do/ /chos kun zag med skye 'gag med/ /mtshan med ngo bo nyid kyis stong/ /rab zhi bsam mi khyab mngon sum/ /gyur pas rang sangs rgyas zhes brjod/ /chos kun mya ngan 'das pa ste/ /ming tsam gyis ni brjod par zad/ /'di 'dra bsam gyis mi khyab mtha'/ /'di ni nyid kyis khong du chud/ /des na smad pa med pa ste/ / rang sangs rgyas zhes bya bar brjod/ /mya ngan 'das med 'das pa zhes/ /'jig rten mgon pos brjod pa mdzad/ /nam mkha' mdud pa bor ba ni/ /nam mkha' nyid kyis bkrol bar 'gyur/ /chags pa mi mnga' chos ston pa/ /sangs rgyas thabs la mkhas pa bo/ /'dir gsung ci yang ma @375a @#/ /mchis la/ /'on kyang gsung ba brjod par mdzad ces gsungs so/ ! /chos kyi bdag med pa de'i sgrub byed las rang gi ngo bo med pa rten 'brel gyis bsgrub pa ni/ chos kun rten 'brel rang bzhin ma skyes dang/ yongs brtags sprul pas shin tu stong par grub/ sgyu ma lta bu'i ting nge 'dzin las/ chos gang rten cing 'brel par 'byung ba de ni ma skyes pa'o/ /chos gang ma skyes par rtogs pa de ni byang chub sems dpa'i lam la 'jug pa 'thob bo/ /'di ltar sems can thams cad la phan pa'i dngos po snying rje chen po'i rjes su 'jug pa rab tu 'thob pas so/ /de ltar mos pas chos thams cad ni yongs su brtags pas sprul pa ste brtags pa de'ang shin tu stong pa'o zhes so/ /chos thams cad dmigs su med cing sems pa med pa rin po che bsags pa'i mdo las kyang/ chos thams cad ni rten cing 'brel par 'byung bas ngo bo nyid med pa'o/ /gang kun nas nyon mongs pa'am rnam par byang ba de ni brten nas 'byung ba'i don te med pa'i don to/ /med pa'i don ni rten 'brel gyi don du mkhas pa rnams kyis rtogs te/ de dag ni med pa rten 'brel gyi don du rtog par yang mi byed do/ /gang la rnam par mi rtog pa'i don de la ni kun nas nyon mongs pa dang rnam par byang ba med do zhes so/ ! /de nyid dang gzhan ma yin pa la sogs pas bsgrub pa ni/ gzhan yang gzugs sogs chos dbyings nyer brtags kyang/ /de dag de nyid gzhan du brjod min te; ;chad dang rtag pa'am byis pas de nyid mthong/ /'phags pa'ang mtshan mar zhen sogs thal 'gyur phyir/ /gser 'od dam pa las/ chos kyi dbyings la gnas te byang chub sems dpa'i spyad pa spyod pas mnyam pa nyid la nan tan bya ba ni phung po lnga la chos kyi dbyings 'dogs te/ chos kyi dbyings ni phung po lnga nyid do/ /phung po lnga yang brjod du med la phung po lnga ma yin pa'ang brjod du med de/ chos kyi dbyings dang phung po lnga dag gcig na chad par 'gyur la gzhan yin na rtag par 'gyur ro/ /mtshan ma gnyis dang bral ba/ mtha' gnyis la mi gnas pa/ @375b bltar med pa/ blta bar bya ba las 'das pa/ ming dang mtshan ma med pa ni chos kyi dbyings so/ /chos kyi dbyings phung po lnga la ji ltar gdags zhe na/ phung po lnga ni rgyu dang rkyen gyis ma bskyed pa ste/ bskyed na skyes zin pa skye ba'am ma skyes pa skye/ dang po ltar na rgyu rkyen mi dgos la; gnyis pa ltar na skye ba mi dmigs par mi 'gyur te/ ma skyes pa ni med pa yin pas ming dang mtshan ma la sogs pas brjod du med pa ste/ rgyu rkyan gyis bskyed bya ma yin pa'i phyir ro/ /dper na rnga sgra ni shing dang ko ba dang lag pa la brten te 'byung mod kyi/ de ni 'das pa dang ma 'ongs pa dang da ltar yang stong/ shing la sogs pa re re las ma byung/ dus gsum gyis ma bskyed pas skye ba dang 'gag pa med/ 'ong ba dang 'gro ba med/ rtag pa dang chad pa med/ gcig pa dang tha dad pa ma yin pa dang 'dra'o/ /yang chos kyi dbyings dang phung po lnga gcig na byis pa rnams kyang don dam pa mthong bas mya ngan las 'das par 'gyur ro/ /tha dad na ni sangs rgyas dang byang chub sems dpa' rnams kyang mtshan mar 'dzin pas 'khor ba par thal lo/ /des na phung po lnga ni yod med la sogs pa'i spros pa dang bral bas chos kyi dbyings su bstan pa'o/ / zhes so/ ! /khyad par ma grub pa bsgrub pa ni/ gzhan yang gzugs sogs rang bzhin med pas na/ /gzugs la sogs par yongs su ma grub phyir/ /skye 'gag med pas 'das pa la sogs par/ /gdags su med pa'i chos nyid shes par bya/ /yab sras mjal ba las/ gzugs ni gang yang yongs su grub pa med de/ sa ni sar ma grub bo chu dang me dang rlung ni rlung du ma grub bo/ /ci'i phyir zhe na/ sa ni rang bzhin med de gang la rang bzhin med pa de ni yongs su ma grub pa'o/ /chu la sogs pa'ang de dang 'dra'o/ /de ltar ma grub pa'i gzugs ni 'das pa'am ma 'ongs pa'am da ltar byung ba zhes gdags su med do/ /ci'i phyir zhe na/ 'di ltar gzugs ni dngos po med pa ste dngos po med pa'i phyir skye ba med de/ /gang la skye ba med pa de la 'gag pa med de/ gang ma skyes pa ma 'gags pa de gzugs su gdags su med do/ /bcom ldan 'das kyis kyang 'das pa @376a @#/ /dang ma 'ongs pa dang da ltar byung ba la sogs pa'i gzugs ci'ang rung de thams cad bsdus nas gzugs kyi phung por bka' stsal te/ gzugs kyi rang bzhin dmigs su med na 'das par lta ga la 'gyur/ ma 'ongs pa dang da ltar byung bar yang lta ga la 'gyur/ de bas na gzugs kyi phung po ni gdags su med do/ /tshor ba la sogs pa'ang de bzhin no zhes so/ /rgyal ba'i yum las kyang/ de la shes rab kyi pha rol tu phyin pa ltar bcos pa ma yin pa gang zhe na/ de dag 'di ltar ston te rigs kyi bu khyod tshur shog /shes rab kyi pha rol tu phyin pa bsgoms la/ /gzugs nas rnam pa thams cad mkhyen pa nyid kyi bar du mi rtag pa dang sdug bsngal ba dang stong pa dang bdag med par yang dag par rjes su ma lta zhig /ci'i phyir zhe na/ gzugs ni gzugs kyi rang bzhin gyis stongs te/ gzugs kyi ngo bo nyid gang yin pa de ni dngos po med pa'o/ /gang dngos po med pa de shes rab kyi pha rol tu phyin pa'o/ /shes rab kyi pha rol tu phyin pa de la ni gzugs rtag pa zhes bya ba'am mi rtag pa zhes bya ba'am mi dmigs te/ de la gzugs nyid kyang mi dmigs na rtag pa'am mi rtag pa lta ga la yod/ rnam pa thams cad mkhyen pa nyid kyi bar du de bzhin no/ /gang de ltar ston pa ni shes rab kyi pha rol tu phyin pa ltar bcos pa ston pa ma yin no zhes so/ ! /chos kyi bdag med pa de bsgom pa nyid kyi rnam pa ni bsgrub pa dang dgag pa'i rnam pa gnyis te/ de ltar shes rab rtsal gyis rnam dpyad pas/ / chos tshogs gar yang rab tu mi gnas par/ /nges las stong pa'i rnal 'byor mchog 'grus kyi/ /gang dag yul la rnam par dpyod med par/ /rnam rtog yid la mi byed sgom byed de/ /shes rab snang med blun bsgom kho nar zad/ /bsgrub pa'i rnam pa ni dgongs pa nges par 'grel pa las/ bcom ldan 'das byang chub sems dpas chos rnams kyi ngo bo nyid ma mchis pa nyid pha rol tu phyin pa gang gis 'dzin pa lags/ spyan ras gzigs dbang phyug shes rab kyi pha rol tu phyin pas 'dzin to zhes gsungs so/ /des na de ltar shes rab kyis gzugs la sogs @376b pa'i dngos po mtha' dag gi rang bzhin yang dag pa ji lta ba bzhin du so sor brtags nas/ gang gi tshe rnal 'byor pa des chos kyi tshogs gang yang don dam par grub par yang dag par rjes su mi mthong ba de'i tshe/ yongs su brtag par bya ba dang blta bar bya ba gzhan med par rtog dpyod dang bral ba brjod pa med pa dang gcig tu gyur pa'i yid la byed pas de kho na nyid la shin tu rnam par nges pas rab tu gzhag cing gtad de bsgom par bya'o/ /der gnas nas sems kyi rgyun kun tu 'jog pas rnam par mi g.yeng bar bya'o/ /gal te chags pa la sogs pa'i dbang gis phyi rol tu g.yeng na myur du tshor bar byas la mi sdug pa la sogs pa bsams nas g.yeng ba bsal te slar snga ma nyid la nges par 'jog pas gtad par bya'o/ /de nas sems gnas pa de nyid gong nas gong du brtan zhing 'phel bas nye bar 'jog cing 'gro bar bya'o/ /de nas ni brtan pa de'i yon tan mthong bas brtan pa mthu can du las su rung bas sems gdul bar bya'o/ /rnam par g.yeng ba'i skyon mthong bas ting nge 'dzin la mi dga' zhing g.yeng bar 'gyur ba zhi bar bya'o/ /de nas ni g.yeng ba'i rgyu can gyi nyon mongs pa 'dod pa dang sdang ba la sogs pa gzhan yang nye bar zhi bar bya'o/ /gal te rmugs pa dang gnyid kyis sems non te mi gsal bas bying ngam bying du dogs na lha'i sku la sogs pa rab tu dga' ba'i dngos po bsam zhing/ 'dod pa'i yul dran pa la sogs pas sems 'byar ba'am rgod du dogs na mi rtag pa la sogs pa'i dngos po bsam pa la 'bad rtsol bya bas de dag bsal te snga ma nyid la 'jug pa la dbang bsgyur bas rgyud gcig tu bya'o/ /bying rgod dang bral nas mnyam par zhugs te/ de kho na nyid la sems dang gis 'jug pa de'i tshe ni rtsol ba glod de btang snyoms su byas pas mnyam par 'jog pa la dbang bsgyur ro/ /gal te sems mnyam par zhugs pa la brtsal na ni g.yeng bar 'gyur la/ bying ba dang rgod pa la ma brtsal na'ang gnas pa mi 'thob pas na/ mnyam na ni btang snyoms su bya la mi mnyam na ni brtsal @377a @#/ /bar bya'o/ /de'ang zhi gnas dang lhag mthong zung 'jug tu 'gro ste/ dmigs pa la sems brtan par gnas pa dang dmigs pa'i de kho na ji lta bar 'jug pa'i shes rab kyi snang ba gnyis dang ldan pas so/ /zhi gnas tsam gyis ni dmigs pa'i de kho na shes par mi 'gyur la lhag mthong tsam yang sems g.yo bas mar me rlung gis bskyod pa ltar rtse gcig tu mi gnas par 'gyur ro/ /de ltar shes rab kyis dngos po mtha' dag gi rang bzhin la so sor brtags nas mi dmigs pa'i bsam gtan sgom pa de ni shes rab mchog gi bsam gtan zhes bya sten mkha' mdzod dang gtsug na rin po che la sogs pa las gsungs pa'o/ /gzhan las kyang so sor rtog pa'i shes rab las yang dag pa'i ye shes kyi me byung na gtsub shing gtsubs pa'i me ltar rtog pa'i bud shing bsreg par gsungs so/ / dkon mchog sprin las kyang/ de ltar skyon la mkhas pa de spros pa thams cad dang bral bar bya ba'i phyir stong pa nyid bsgom pa la rnal 'byor du byed do/ /de stong pa nyid bsgom pa bsten cing mang du byed pas gnas gang dang gang du sems 'phro zhing dga' ba'i gnas de dang de dag gi ngo bo nyid btsal na stong par rtogs so/ /sems gang yin pa pa de'ang brtags na stong par rtogs so/ /gang gis rtog pa de'ang de nyid kyis stong par rtogs te des ni mtshan ma med pa'i rnal 'byor la 'jug go zhes so/ /'dis ni so sor rtog pa sngon du gtong pa nyid mtshan ma med par 'jug pa yin gyi/ shes rab kyis dngos po'i rang bzhin stong par mi dpyod par yid la mi byed pa tsam 'og tu 'gog pa lta bus rnam par mi rtog par 'gyur mi srid par shin tu gsal bar bstan to/ /dgag pa'i rnam pa ni gang zhig shes rab kyis chos rnams kyi rang bzhin so sor brtags nas mi sgom par yid la byed pa spong ba tsam bsgom zhing/ 'di skad du/ sems kyi rnam rtog gis bskyed pa'i dge mi dge'i las kyi dbang gis sems can rnams mtho ris la sogs pa'i 'bras bu myong zhing khams gsum na 'khor ro/ /gang dag ci'ang @377b yid la mi byed mi sems shing ci'ang mi byed pa de dag ni 'khor ba las yongs su grol lo/ /de lta bas na ci'ang mi bsam zhing yid la mi bya'o/ /sbyin pa la sogs pa dge ba spyad pa yang ci'ang mi bya ste de dag ni skye bo blun po'i dbang du mdzad nas gsungs pa kho na'o zhes zer ba de dag gis ni theg pa thams cad kyi rtsa ba theg pa chen po spangs pas theg pa mtha' dag spangs par 'gyur te/ ci'ang mi bsam mo zhes bya ba ni yang dag par so sor rtog pa'i shes rab kyang spangs pa'o/ /'jig rten las 'das pa'i ye shes kyi rtsa ba ni so sor rtog pa yin pas de spangs na de'i rtsa ba bcad par 'gyur ro/ /sbyin pa la sogs pa spyad pa bkag pas ni thabs gsal la zur phyin par spangs pa'o/ /mdor na shes rab dang thabs gnyis nyid theg pa chen po yin te/ ga ya go ri las/ byang chub sems dpa'i lam ni mdor bsdu na gnyis te thabs dang shes rab bo zhes so/ /gsang ba'i mdo las kyang/ thabs dang shes rab 'di gnyis kyis byang chub sems dpa'i lam thams cad bsdus par 'gyur ro zhes so/ /des na theg pa chen po spong ba des ni las kyi sgrib pa shin tu mi bzad pa bsags par 'gyur ro/ /de lta bas na theg pa chen po spong ba/ thos pa nyung ba/ rang lta mchog tu 'dzin pa/ skye bo mkhas pa la ma brten pa/ ston pa'i gsung rab kyi tshul ma rtogs pa/ bdag phung bar byas nas gzhan phung bar byed pa/ rigs pa dang lung dang 'gal ba'i dug gis btab pa dag gi tshig de lta bu ni mkhas pa bdag legs su 'dod pa rnams kyis zas dug can nam me 'bar ba'i khyim bzhin du rgyang ring por spang bar bya'o/ /de lta bu ni goms par byas su zin kyang shes rab kyi snang ba dang bral bas na 'du shes med pa'i snyoms 'jug la sogs pa ltar rmongs pa bsgom par zad do/ ! /dgag pa'i rnam pa de nyid bsgrub pa ni/ stong par so sor rtog med de kho na/ /mthong dang dngos 'dzin spong bar ji ltar 'thad/ /dran dang yid byed spong ba'ang shes rab des/ /rnam dpyad yul bzlog med par ji ltar rung/ /spyod pa 'gog pa'ang kun tu 'tsho ba pa'i/ /las zad grol bar blta bzhin @378a @#/ /'khrul pa nyid/ /dmigs med blo yis sbyin sogs bsgrub pa ni/ /yongs dag zhing sogs phun tshogs kun bsgrub pas/ /de bkag lam gyi yan lag mchog spangs 'gyur/ /'on kyang dmigs ltas 'jug pa smad par zad/ /des yang dag par so sor rtog pa spangs chos rnam par 'byed pa yang dag byang chub kyi yan lag gis de kho na mthong ba spangs pas dngos por 'dzin pa la sogs pa'i sgrib pa spong ba'i lam thag bsrings par 'gyur te rgyu med pa'i phyir ro/ /des na yang dag par so sor rtog pa med na yang dag pa'i ye shes 'byung bar mi 'gyur zhing sgrib pa spong bar yang mi 'gyur/ /'jam dpal rnam par rol pa las/ bu mo ji ltar na byang chub sems dpa' g.yul las rgyal ba yin/ 'jam dpal rnam par brtags na chos thams cad mi dmigs pa gang lags pa'o zhes so/ /zla ba sgron ma las kyang/ gal te chos la bdag med so sor rtog /so sor de brtags gal te bsgom pa ni/ /de nyid mya ngan 'das thob 'bras bu'i rgyu/ /rgyu gzhan gang yin des ni zhir mi 'gyur zhes so/ /gal te chos thams cad la dran pa med pa dang yid la byed pa med pas de kho na la 'jug go zhe na/ so sor rtog pa'i shes rab med par ni myong bzhin pa'i chos rnams la dran pa dang yid la byed pa dgag pa nyid mi nus te/ bdag gis chos 'di dag dran par mi bya yid la mi bya'o zhes bsgom na ni de nyid kyis de dag shin tu dran zhing yid la byed par 'gyur ro; ;ji ste dran pa dang yid la byed pa gtan med pa tsam yin na ni med pa de rnam par mi rtog pa'i rgyur mi rung ngo/ /rung na ni brgyal ba la sogs pa'ang de'i rgyur thal lo/ /des na so sor rtog pa med par de dag dgag par mi nus la/ nus su chug kyang shes rab de med na rtogs byed med pa'i phyir stong par rtogs pa med pas sgrib pa spong bar mi 'gyur ro/ /'gyur na ni thams cad 'bad pa med par grol bar 'gyur ro/ /gal te dran pa nyams pa'am rmongs pa tsam gyis dran pa dang yid la byed pa mi 'jug na ni rnal 'byor ba sgom par ji ltar 'gyur te @378b glen pa nyid goms par byas pas ye shes kyi snang ba rgyang bsrings par 'gyur ro/ /de ste dran pa'ang ma nyams shing glen pa'ang ma yin na ni de nyid so sor rtog pa'i shes rab yin pas na dran pa la sogs pa ji ltar med par 'gyur te/ dran bzhin du mi dran mthong bzhin du mi mthong ba ni 'gal bas so/ /des na dran pa med cing yid la byed pa med pa ni sangs rgyas rjes su dran pa'o zhes bya ba la sogs pa gsungs pa ni shes rab de nyid sngon du 'gro ba can te/ des dran pa la sogs pa'i yul so sor brtags pas dus gsum du'ang chos rnams kyi skye ba la sogs pa ma rnyed pa de'i tshe spros pa thams cad zhi bas dran pa la sogs pa mi 'jug cing rnam par mi rtog pa'i ye shes la zhugs pas don dam pa rtogs pa dang sgrib pa'i dra ba 'gags pa'o/ /de ni thabs dang ldan pa'i shes rab bsten pas bden pa gnyis la mkhas pa las sangs rgyas kyi chos thams cad 'thob par 'gyur ro/ /de lta bas na rnal 'byor bas ye shes kyi mig phye la shes rab kyi mtshon gyis nyon mongs pa'i dgra las rgyal bar bya'i long ba dang sngar ma lag g.yur ni mi bya'o/ /dkon mchog sprin las kyang lhag mthong gis brtags nas ngo bo nyid med pa rtog pa ni mtshan ma med pa la 'jug pa'o zhes so/ /lang kar gshegs pa las kyang/ gang gi phyir blos brtags na rang dang spyi'i mtshan nyid mi rtogs te des na chos thams cad ngo bo nyid med pa'o zhes so/ /mdo kun las btus las kyang bdag lhag mthong gi sbyor ba la zhugs kyang gzhan de la mi 'god pa'ang bdud kyi las su gsungs so/ /tshangs pas zhus pa las kyang brtson 'grus dang ldan pa ni thams cad mkhyen pa'i sems la brtags nas mi dmigs pa'o/ /tshul bzhin du chos la so sor rtog pa ni blo gros dang ldan pa yin no zhes so/ /des na thos bsam gyis ji ltar so sor brtags pa de ltar goms par byed pa nyid sgom pa yin gyi gzhan du ma yin te/ rta dkyus kyis bstan nas brgyug pa bzhin no/ /de ni rnam rtog gi ngo bo nyid yin yang rigs pa nges par sems pa'i shes rab tshul bzhin yid la byed pa yin pa'i phyir rnam par mi rtog @379a @#/ /pa'i ye shes su gnas gyur pa 'thob pa ste/ dkon mchog brtsegs pa las/ shing gnyis drud pa las me byung bas de gnyis bsreg pa ltar yang dag pa'i ye shes kyi me byung ba na rnam rtog de nyid bsreg par gsungs so/ /yang dge ba la sogs pa'i las ci'ang mi bya'o/ /zhes zer ba de ni las zad pas grol bar 'dod pa mu stegs kun tu 'tsho ba pa'i smra ba khas len pa ste/ ston pa'i gsung rab la ni nyon mongs pa zad na grol bar 'gyur gyi las zad pas grol bar med do/ /thog ma med pa nas bsags pa'i las ni zad par bya mi nus te mtha' yas pa'i phyir ro/ /ngan song la sogs par de'i 'bras bur myong ba na yang las gzhan mang po gsog ste/ rgyu nyon mongs pa ma zad na las dgag par bya mi nus pa'i phyir mar me ma zad na 'od mi chad pa bzhin no/ /lhag mthong la skur bas nyon mongs pa zad pa ni mi srid par bshad zin to/ /nyon mongs pa'i gnyen po lhag mthong bsten par 'dod na ni nyon mongs pa zad pa nyid kyis thar pa 'thob pas/ las zad par 'bad pa don med do/ /gzhan yang mi dge ba'i las 'gag pa ni rigs na dge ba 'gog pa ci ltar rigs/ 'khor bar byed pas de'ang dgag go zhe na/ ma yin te bdag tu phyin ci log pas yang srid 'dod pas byas pa'i dge ba ni 'khor ba'i rgyu yin gyi/ rgyal sras rnams kyis brtse bas bslangs shing kun mkhyen par bsngos pa ni ma yin no/ /sa bcu pa las dge ba bcu'i las kyi lam de nyid bsngo ba la sogs pa sbyong bar byed pa'i bye brag gis nyan thos dang rang rgyal dang blo ldan dang sangs rgyas nyid sgrub par byed do zhes so/ /dkon mchog brtsegs pa las kyang/ chu klung thams cad rgya mtshor zhugs pa lan tshwar ro gcig pa ltar/ blo ldan rnams kyis sgo sna tshogs nas dge ba bsags pa yang thams cad khyen par ro gcig par bsngags so/ /gzhan yang sangs rgyas rnams kyi gzugs kyi sku dang zhing yongs su dag pa dang do dang 'khor la sogs pa longs spyod phun sum tshogs pa thams cad ni sbyin pa la sogs pa bsod nams kyi 'bras @379b bur rnam grangs du mar gsungs pas de dag ci ltar dgag/ so sor thar pa'i sdom pa la sogs pa dge ma spyod pa bkag na khyed skra dang kha spu bregs shing go snga ngur smrig gyon pa la don ci yod/ dgongs pa des yar 'grel pa las sems cang yi don bya ba dang dge ba mngon par 'du bya ba la mi phyogs pa ni byang chub tu ngas ma bstan to zhe'o/ /nye ba 'khor gyis zhus pa las kyang/ 'khor ba la mi phyogs pa ni tshul khrims 'chal ba'i mthu'o/ /'khor ba yongs su 'dzin pa ni tshul khrims kyi mchog go zhes so/ /li tsa byi chen po'i mdo las kyang thabs kyis srid par 'khor ba ni rgyal sras rnams kyi thar pa'o/ /thabs dang bral ba'i shes rab ni 'ching ba'o/ /shes rab dang bral ba'i thabs kyang 'ching ba'o/ /shes rab dang bcas pa'i thabs ni thar pa'o/ /thabs dang bcas pa'i shes rab kyang thar pa'o zhes so/ /nam mkha' mdzod las kyang 'khor ba la skyo ba ni rgyal sras kyi bdud kyi las so zhes so/ /mdo kun las btus pa las kyang/ 'dus ma byas la so sor rtog cing 'dus byas kyi dge ba la skyo ba ni bdud kyi las so/ /byang chub kyi lam yang shes la/ shes rab kyi pha rol tu phyin pa'i lam mi tshol ba ni bdud kyi las so/ /zhes so/ /'o na de nyid las sbyin pa nas shes rab kyi bar la sems mngon par zhen pa ni bdud kyi las so zhes bya ba dang/ phung po gsum pa las sbyin pa btang ba la sogs pa bshags par gsungs pa ji ltar zhe na/ dang po ni sems mngon par zhen pa zhes bya ba bdag dang chos su zhen pas phyin ci log dmigs pa dang bcas pa dgag pa yin gyi sbyin pa la sogs par sten pa 'gog pa ma yin par shin tu gsal lo/ /gnyis pa yang gang bdag gis sbyin pa dang tshul khrims la sogs pa mnyam pa nyid du ma 'tshal nas dmigs par lhung bas sbyin pa stsal pa dang/ mchog tu 'dzin par tshul khrims bsrungs pa la sogs pa de dag so sor bshags par bgyi'o zhes phyin ci log gi zhen pas 'jug pa smad par gsal lo/ /de bzhin du tshangs pas zhus pa las/ spyod pa ji snyed pa thams cad ni yongs su rtog pa'o/ /yongs su mi rtog pa ni byang chub bo zhes bya ba la @380a @#/ /sogs pas spyod pa smad pa thams cad ni dmigs pa dang bcas pa la dgongs pa kho na'o/ /de lta ma yin na bcom ldan 'das kyis ston pa mar me mdzad kyi snga rol tu sangs rgyas brjod kyis mi lang ba la bsnyen bkur mdzad pa dang mar me mdzad nyid la sogs pas kyang byang chub sems dpa'i gnas skabs kyi dka' ba'i spyod pa dpag tu med pa ci'i phyir dgag pa ma mdzad pa soms shig /gang dbang po rtul po nyid kyi dbang mdzad nas spyod pa gsungs par brjod pa ni ci'ang ma yin te byang chub sems dpa'i sa bcu la rim pa bzhin sbyin pa la sogs pa shas cher spyod cing lhag ma rnams kyang mi spyod pa ma yin par gsungs na sa thob pa rnams dbang po rtul po ji ltar yin/ nye ba 'khor gyis zhus pa las kyang/ mi skye ba'i chos la bzod pa thob pa rnams kyis gtong ba dang gtong ba chen po dang shin tu gtong pa bya bar gsungs so/ /mdo kun las btus pa las kyang/ pha rol tu phyin pa drug la sogs pa spyod pa dang ldan pa'i byang chub sems dpa' ni de bzhin gshegs pa'i rdzu 'phrul gyis 'gro bar bsngags te de las myur ba gzhan ni med do/ /de'i phyir sa dang pha rol tu phyin pa las ma gtogs par sangs rgyas nyid kyi grong khyer du cig car 'jug pa'i sgo gzhan ni rnam pa thams cad du bka' ma stsal to/ /gal te ting nge 'dzin nyid du pha rol tu phyin pa drug 'dus pas so sor bsten mi dgos so zhe na/ 'o na sangs rgyas la ba'i lci ba'i dkyil 'khor phul ba yang drug car 'dus pas de 'ba' zhig bya'i/ bsam gtan la sogs pa mi bya bar 'gyur ro/ /'gog pa'i snyoms 'jug la snyoms par zhugs pa'i nyan thos la sogs pa la yang mtshan mar 'dzin pa mi 'byung bas/ de tsam gyis rgyal sras kyi lam yang bsdus par khyad par med par 'gyur ro/ /des na gnas skabs thams cad du pha rol tu phyin pa drug rdzogs par bya ba ston pas re res kyang kun bsdus par gsungs kyi pha rol tu phyin pa gcig bsten par ni ma yin par blta'o/ ! /sgom pa de'i 'brel pa'i khyad pa ni/ rnams @380b kun mchog ldan stong nyid bsgom pa ni/ /sbyin sogs dkar po'i chos kun ma tshang med/ /mi dge kun spong nyes tshogs mi lus gcod/ /yon tan mchog kun gyi mthar phyin byed/ /de las gcig ma tshang yang 'bras mchog de/ ldog pa ri mo mkhan mang dpe yis gsungs/ /des na rgyal sras rnams kyi de kho na bsgom pa'i ting nge 'dzin de ni rnam pa thams cad kyi mchog dang ldan pa'i stong pa nyid bsgoms pas thabs dang shes rab zung du 'brel ba'i khyad par can gyi lam ste/ gtsug na rin po ches zhus pa las/ rnam pa thams cad kyi mchog dang ldan pa'i stong pa nyid ni sbyin pa nas shes rab kyi bar ma tshang ba med pa/ de bzhin du byams pa la sogs pa dang bden pa shes pa dang/ byang chub kyi sems kyis sems can la blta ba dang/ bsam pa dang lhag pa'i bsam pa dang sbyor ba dang/ bsdu ba bzhi dang dran pa dang shes bzhin dang/ byang chub kyi phyogs kyi chos sum cu rtsa bdun dang/ zhi gnas dang lhag mthong dang/ sbyin pa dang dul ba dang yang dag par sdom pa dang/ nges pa dang ngo tsha shes pa dang/ khrel yod pa ma tshang ba med pa dang/ mi dge ba'i chos dang mi ldan pa/ dge ba'i chos thams cad dang ldan pa; sangs rgyas kyi tshul rgyun mi chad pas byin gyis brlabs pa dang/ chos kyi tshul rab tu 'bar bas bsdus pa/ dge 'dun gyi tshul yongs su sdud pa dang ldan pa/ sems can thams cad la blta bas byin gyis brlabs pa/ sangs rgyas kyi sku rab tu bsgrubs pas legs par brgyan pa; sangs rgyas kyi dbyangs rdzogs par yongs su bsngos pa/ sangs rgyas kyi ting nge 'dzin mnyam pa nyid dang ldan pa/ sangs rgyas kyi rdzu 'phrul dang so so yang dag par rig pa dang ldan pa/ stobs bcus yongs su bzung ba/ mi 'jigs pa bzhi la gnas pa/ sangs rgyas kyi chos ma 'dres pa bco brgyad dang rjes su mthun pa/ nyan thos dang rang sangs rgyas kyi theg pa dang ma 'dres pa/ bag chags kyi mtshams sbyor ba bsal ba / mngon par shes pa dang/ ye shes dang ma bral ba/ sems can thams cad kyi ston par gyur ba/ rten pa bzhi dang ldan pa/ 'jig rten @381a @#/ /dang 'jig rten las 'das pa'i chos mnyam pa nyid thob pa/ sems can thams cad smin par byed pa/ ma smas pa/ drang ba mkhas pa/ sems can thams cad kyi sdug bsngal sel ba/ nyon mongs pa thams cad sbyong ba/ chu bo las sgrol ba/ 'dzin pa thams cad gcod pa/ rang bzhin gyis nye bar zhi ba/ nyon mongs pa dang las kyis nye bar ma zhi ba/ chos nyid kyis btang snyoms pa/ sangs rgyas kyi chos thams cad la blta ba/ rang gi mtshan nyid kyis bems po/ /byin gyis brlabs bya ba'i phyir rnam par grol ba med pa/ rang gi ngang gis lung du ma bstan pa/ sangs rgyas kyi bya ba la rtag tu brtson pa/ nye bar zhi bas bsil bar gyur pa/ sems can smin par bya ba la rtag tu 'bar ba ste/ dper na brtag pa'i mtha' bzung nas stong gsum gyi sems can thams cad ri mo mkhan bzo'i yan lag la so sor bslabs pas cha gzhan dang gzhan la mkhas pa rnams la rgyal pos ras gtad de thams cad 'dus la bris shig ces bsgo ba na/ gcig yul gzhan du song nas gzhan thams cad kyis bris kyang/ de rnam pa thams cad kyi mchog dang ldan par mi 'gyur ro/ /de bzhin du sngar gyi rnam pa ji snyed pas sangs rgyas kyi chos yongs su rdzogs par 'gyur ba de dag las gcig ma tshang na yang rnam pa thams cad kyi mchog dang ldan pa'i stong pa nyid ma yin no zhes gsungs pa ltar ro/ ! /zab pa'i khyad par las yod med las 'das pa ni/ yod med chos kun stong pas dgag bya dang// bkag pa'i rang bzhin thams cad dben par bsgom/ /gal te stong ltas med pa'i mthar lhung na/ /de nyid gsor mi rung ba'i lta chen 'gyur/ ? /rgyan stug po las/ stong min dngos po gang yang med/ /tho bas ji ltar rdza bzhin du/ /dngos po gang la gzhom bya ba'i/ /dngos po dngos su yod pa min/ /de ste stong pa'i dngos yod na/ /'jig byed ma yin gzhig byar 'gyur/ /gzhig bya 'jig par byed pa gang/ /de ni rnam par rtog pas brtags/ /ri rab ri bo tsam gyur ba'i/ /bdag tu lta ba mi gnod kyi/ /stong nyid lta ba gnod pa ni/ /nga rgyal mi bden brtags pa'o// @381b rnal 'byor bsgrub pas stong pa nyid/ /gnas ma yin par sbyar mi bya/ /gnas min gal te sbyar gyur na/ /bdud rtsi dug tu gyur pa yin/ /lta ba ji snyed gang yang rung/ /lus can kun la yod pa yi/ /lta ba de dag spang ba'i phyir/ /stong pa nyid kyi tshul bstan to/ /stong pa nyid kyi lta thos kyang// la la'i lta ba ma zhi na/ /gsor mi rung ba'i lta chen te/ /sman pas bor ba'i nad pa bzhin/ /zhes so/ ! /shes bya shes byed dang bral ba ni/ chos tshogs mtha' dag bud shing shes rab mes/ /rab tu bsreg nas me nyid rab zhi ba/ /mtha' 'das stong nyid lta ba lta med gang/ /lta ba kun sbyong rnal 'byor rtag tu bsgom/ /yang de nyid las/ ji ltar bsreg bya tshig pa'i me/ /bsreg bya med pas mi gnas so/ /de bzhin bsreg bya lta tshig na/ /stong nyid me 'ang ? 'gag par 'gyur/ /lta bas 'gog pa'i dus su yang/ /ye shes yang dag me 'byung ste/ /nyon mongs thams cad sreg par byed/ /nyon mongs bsregs nas rnam par mdzes/ /lha rdzas stong pa nyid bshad pa/ /lta ba thams cad sbyong ba ste/ /mtha' 'das stong pa nyid lta ba/ /rgyal ba rnams kyis lta med bshad/ /stong nyid lta ba sbyong ba ni/ /yod dang med sogs gzhig pa'i phyir/ /blo ldan mnyam par bzhag pa yi// rnal 'byor can gyis rtag tu bsgom zhes so/ /dge ba'i rtsa ba yongs su 'dzin pa las kyang/ shA ri'i bu lta ba thams cad ni log par lta ba'o/ /lta ba med pa ni yang dag pa'i lta ba ste/ yang dag pa'i lta ba ni tshig gis bstan par mi nus pas sangs rgyas kyis mkhyen pa ji lta ba bzhin no// mtshan ma'i 'du shes can gyi stong pa nyid yid la byad pa med pas stong pa nyid de/ tha na de la stong pa'i 'du shes kyang med pas stong pa nyid ces bya'o/ /mtshan ma thams cad dang tha na stong pa'i mtshan ma'ang yid la mi byed pas stong pa'i rnal 'byor gyis gnas pa zhes bya'o zhes so/ ! /rgyu dang 'bras bu las 'das pa ni/ rten 'brel rang bzhin dben pas rgyal ba rnams/ /tha dad med par lta bas chos kun mthong/ /rnam par 'phrul ba'i rgyal pos zhus pa las/ gzugs la sogs pa skye ba med pa dang/ tshul khrims kyi phung po la sogs pa 'dus ma byas pa dang/ sangs @382a @#/ /rgyas thams cad chos nyid gcig par mthong bas ni rten cing 'brel par 'byung ba mthong ba ste des chos mthong la/ chos mthong ba des ni sangs rgyas mthong ba'o zhes so/ /dge ba'i rtsa ba yongs su 'dzin pa las kyang/ skye ba dang ni 'jig ldan la/ /rkyen rnams kyis ni bskyed gyur pa/ /sems kyi dngos po stong pa yi/ /rnam par smin pa ci 'dra ltos ces so/ ! /blang dor med pas zab pa ni/ ye shes nyon mongs 'joms par mi brtag ste/ /nyon mongs rang bzhin las gzhan ye shes med/ /de bzhin lta las stong pa gzhan min pas// lta dang nyon mongs rang bzhin shes pas gzhom/ /dran pa nye bar gzhag pa las/ ye shes kyis nyon mongs pa gzhom pa'ang ma yin mi gzhom pa'ang ma yin par bslab ste/ nyon mongs pa'i rang bzhin las ye shes gzhan ma yin pas nyon mongs pa'i rang bzhin nyid ye shes te; ye shes des ye shes de nyid bsal bar mi bya'o/ /sor mo'i rtse mo de nyid kyis de nyid la reg par mi rung ba bzhin no/ /chos thams cad stong pa nyid la bslab ste/ stong pa nyid ni lta bar gyur pa gang yin pa'o/ /ci'i phyir zhe na/ lta bar gyur pa'i rang bzhin las stong pa gzhan med pas lta bar gyur pa nyid stong pa'o/ /lta bar gyur pa'i rang bzhin stong par shes pa des chos thams cad kyang stong pa'o zhes so/ ! /zab mo bsgom pa de'i byed pa las sangs rgyas kyi rang bzhin la 'jug pa ni/ chos rnams rang bzhin dben zhing bsam mi khyab/ /rtogs pas sangs rgyas byang chub ming tsam dang/ /de'ang brjod 'das chos nyid yongs shes pas/ /sangs rgyas de nyid rtogs pas mthong ba yin/ /zla ba sgron ma las/ chos rnams 'di dag bsam mi khyab/ /bsam dang bral zhing rang bzhin stong/ /de lta bur ni rab shes na/ /rkang gnyis gtso bo sangs rgyas mthong zhes so/ /byang chub sems dpa'i spyod pa bstan pa las kyang/ byang chub snying por 'dug nas ni/ /mthong ba med cing spangs pa med/ /sangs rgyas rnams kyi byang chub 'di/ /tha snyad yin te don du min/ /byang chub dang ni mya ngan 'das/ /tha snyad kyis kyang brjod mi nus/ @382b gang dag de ltar yang dag mthong/ /de dag chos nyid rnam par shes/ /ces so/ ! /sangs rgyas rjes su dran pas mang du gnas pa 'thob pa ni/ tshad las 'das shing bsam gyis mi khyab pa'i/ /yon tan tshogs kyis 'jig rten thams cad las/ /'phags pa'i sku mchog mtshan mar dmigs med par/ /rjes su dran las mi phyed gnas pa 'thob/ /zla ba sgron ma las/ su dag sangs rgyas chos la tshad 'dzin pa/ /de yi sems ni shin tu myos par 'gyur/ /tshad las 'das pa la ni tshad bzung med/ /'dren pa yon tan thams cad bsam mi khyab/ /phyogs bcu dag na sems can su'ang ni/ /'jig rten mgon dang mnyam med su zhig lhag /thams cad mkhyen pa yon tan kun ldan pa/ /sangs rgyas ye shes 'dod cing thob par gyis/ /sku lus dag ni gser gyi mdog 'dra bas/ /'jig rten mgon po kun nas rab tu mdzes/ /dmigs pa 'di la gang gis sems 'jug pa/ /byang chub sems dpa' de ni mnyam gzhag yin/ /mkhas pas 'dus byas 'dus ma byas rig ste/ /mtshan ma'i 'du shes dag ni rnam bshig nas/ /mtshan ma med pa la ni de gnas na/ /chos rnams thams cad stong par rab tu shes/ /gang dag chos kyi sku la gnas gyur pa/ /de ni dngos po thams cad dngos med shes/ /de yi dngos po'i 'du shes rnam bshig nas/ /rgyal ba'i dbang po gzugs kyi skur mi blta/ /khyed ni mos par bya zhing rig par bya/ /ji ltar mi dag mang du rtog pa byed pa/ /de la brten pa'i rnam par rtog pa des/ /de bzhin du ni de la sems gzhol 'gyur/ /de bzhin rgyal ba yi ni sku byad dang/ /ye shes dpag tu med par thub dbang dran/ /rtag par rjes dran de ni bsgom byas na/ /de la sems gzhol rab tu 'bab par 'gyur/ /de ni 'chag 'dug 'greng zhing gnas pa'i tshe/ /skyes bu dam pa'i ye shes rab tu 'dod/ /'jig rten rgyal ba bla med bdag 'gyur bar/ /'dod pas byang chub tu yang smon lam 'debs ces so/ ! /gsung rab zab mo'i don la 'jug pa ni/ stong pa shes pas bag yod gnas pas ni/ /skyob pa'i ldem ngag rab zab rnams la 'jug /phyir mi ldog pa'i 'khor lo las/ @383a @#/ /'jig rten mgon po skyob rnams kyi/ /ldem ngag shin tu shes dka' ste/ /byang chub sems dpa' 'jigs med pa/ /de yi ched du go cha bgos/ /le lo can dang blo chung bas/ /dgongs pa kun tu shes mi nus/ /ldem po'i ngag gi ched du ni/ /de phyir brtson 'grus brtsam par gyis/ /'jig rten mgon po skyob rnams kyis/ /dgongs ? pa gang tshe shes gyur pa/ /de tshe de yi shes pa ni/ /ldem ngag rnam par sbyong bar 'jug /nam mkha' rtag tu bzung du med/ /'di la bzung ba yod ma yin/ /gang la bzung ba yod min pa/ /de ni stong nyid shes par gyis// gang dag bag yod gnas gyur cing/ /de ltar stong pa nyid shes pa/ /mkhas pa de dag gnas 'dir ni/ /kun tu rmongs par mi 'gyur ro zhes so/ ! /sbyin gnas mchog tu 'gyur ba ni/ /dben par dga' zhing stong par mos brtan pas/ /chos rnams rten 'byung ya ma brlar rtogs gang// thub pa'i bstan pa rab byung don rdzogs phyir/ /lhar bcas 'jig rten kun gyis mchod 'os 'gyur/ /byang chub sems dpa'i sde snod las/ /drang srong des pa'i rjes su slob pa dag /rnam par grol ba zhi ba tshol byed cing/ /lus dang srog rnams la yang mi lta bar/ /rtag tu dgon pa dben par gnas par bya/ /gnod pa'i rtsa ba gcer bu'i gsang tshig dang/ /'jig rten rgyang phan ? gsang tshig rnams spongs la/ /stong pa nyid dang ldan par gang gsungs pa/ /zab mo'i chos la dga' ba skyes par byos/ /nang dang phyi rol dag gi skye mched ni/ /bcu gnyis po yi rtsa ba sems su bshad/ /de dag kun kyang las kyi rgyu las byung/ /las kyang yun ring sems kyis bzhag pa'o/ /mig dang gzugs gnyis la ni brten byas nas/ /rkyen rnams las ni rnam par shes pa ste/ /'du ba ma tshang bas ni nub gyur te/ /ji ltar shing med mi ni mi 'bar bzhin/ /de ltar chos 'di thams cad rab skye ba/ /phan tshun 'dus pa las ni 'byung bar 'gyur/ /byed pa po dang tshor po mi dmigs te/ /bya ba dag ni sgyu ma lta bur snang/ /gang dag nga yi bstan la rab byung nas/ /chos kun sgyu ma lta bur shes pa de/ /yul 'khor bsod snyoms 'bras bu yod par @383b spro/ ? /de ni phyogs bcu'i sangs rgyas mchod pa byed ces so/ ! /byang chub sems dpa' la sogs pa'i ming don dang ldan pa ni/ /chos kun rang bzhin spros 'das 'od gsal bar/ /rtogs pas yang dag byang chub sems dpar brjod/ /rnam thar gsum rtogs dus gsum rgyal rnams kyi// bsnyen rdzogs yang dag chos mngon rtogs pa 'thob/ /lha'i bu blo gros rab gnas kyis zhus pa las/ chos thams cad rtogs pa'i phyir byang chub sems dpa' ste/ gzugs la sogs pa rang bzhin gyis stong par rtogs par byed kyang rtogs so snyam du'ang rnam par mi rtog pa'i phyir ro/ /yang phung po lnga stong pa dang mtshan ma med pa dang smon pa med pa dang/ 'dod chags dang bral ba dang zhi ba dang dben pa dang skye ba med pa la sogs par rtogs par byed/ 'dod chags dang zhe sdang dang gti mug dag kun tu rtog pas kun nas bslang bar rtogs par byed de/ kun tu rtog pa de dag kyang stong pa nyid la sogs par rtogs pas so/ /stong pa nyid dang mtshan ma med pa dang smon pa med pa rtogs shing spros pa yongs su chad pa ni dus gsum gyi sangs rgyas rnams kyi bsnyen par rdzogs pa dge slong gi dngos po yin te/ sa la sa bon la sogs pa skye zhing 'phel bas rdzogs par 'gyur ba ltar/ tshul khrims las kyang ston pa'i bstan pa rdzogs par 'gyur bas so/ /'di ltar dad pa dang tshul khrims la brten nas chos mngon par rtogs par 'gyur zhing byang chub kyi phyogs kyi chos thams cad yongs su rdzogs par 'gyur ba'i phyir ro zhes so/ ! /thos pa tsam gyi yang don gyi mchog tu 'gyur ba ni/ bdag ltas sangs rgyas mchod chen mang byas kyang/ /zab mo 'jig rten kun dang mi mthun chos/ /'di thos ma mos spangs pas dmyal bar ni/ /lhung ba'ang de bas 'bras mchog myur bar 'thob/ /mdo de nyid las chos zab mo bshad pa na dge slong lnga brgyas ma rtogs te/ spangs pas lus de dag nyid kyis dmyal bar lhung ngo/ /de la bdag tu lta bas sangs rgyas gang gA'i klung gi bye ma snyed 'khor dang bcas pa la/ ji srid 'tsho'i bar du bde ba'i yo byad thams cad kyis bsnyen bkur byas @384a @#/ /pa bas/ chos zab mo stong pa nyid la sogs pa 'jig rten thams cad dang mi mthun pa thos na/ de spangs pas dmyal bar ltung ba de'ang ches myur du ldang zhing thar bar 'gyur bas/ thos pa 'di ni sangs rgyas 'byung ba dang 'dra'o/ /rgyun tu zhugs pa la sogs pa thob pa dang 'dra ste/ bdag tu lta ba can de la ni thob pa dang mngon par rtogs pa med do/ /mchod pa des kyang thar pa'i sa bon tsam 'jog mod kyi dmigs pa med pa thos pa ni de bas myur du thar pa 'thob bo zhes so/ ! /mos pas don chen po 'grub pa ni/ zab mo la mos phyir mi ldog pa dang/ /byang chub nye dang sangs rgyas nyid du blta/ /shes rab kyi pha rol tu phyin pa las shA ri'i bus gsol pa/ bcom ldan 'das pha rol tu phyin pa bstan pa 'di thos nas mos pa'i sems can de dag byang chub tu nges par 'gyur ba lags so/ /byams pas gsol pa/ bcom ldan 'das bstan pa 'di thos nas mos pa'i byang chub sems dpa' de dag ni byang chub la nye bar 'gyur ba lags so/ /'jam dpal gyis gsol pa/ bcom ldan 'das bstan pa 'di thos nas mos pa'i sems can de dag ni sangs rgyas nyid du blta bar bgyi'o zhes so/ ! /spangs pa dang thob pa 'grub pa ni/ chos kun shin tu ma skyes stong pa nyid/ /mi shes tshul gyis rab shes spros zhi las/ /tshul bzhin sbyor bas nyon mongs yongs shes pas/ /legs spong rang gzhan don kun myur bar 'grub/ /kun rdzob dang don dam pa bstan pa las/ don dam par chos thams cad shin tu ma skyes pa dang ma byung ba dang dngos po med par mi shes pa'i tshul gyis rab tu shes pa ni phyin ci log dang rnam par rtog pa med pas tshul bzhin du sbyor ba ste/ de ni don dam par sgro mi 'dogs pas lta ba kun nas ldang ba las nyon mongs pa kun nas ldang ba med pa'i phyir/ skye ba med pa la gnas pa de'i nyon mongs pa shin tu rnam par dul bar mi lta ba'i tshul gyis lta ba ni nyon mongs pa 'dul ba'o/ /nam nyon mongs pa rnams la snang ba med pa'i shes rab dang ye shes kyi don dam par shin tu stong/ shin @384b tu mtshan ma med shin tu smon pa med/ shin tu ma skyes ma byung dngos po med par mi shes pa'i tshul gyis shes na nyon mongs pa rnams yongs su shes pa'o/ /dper na sprul gdug pa la rig sngags 'don pas de'i dug zhi bar byed pa ltar/ nyon mongs pa'i rig sngags shes pa de'i nyon mongs pa rnams mi dmigs pa'i tshul gyis rab tu zhi bar 'gyur ro/ /nyon mongs pa'i rig sngags ni don dam par chos thams cad ma skyes pa dang ma byung ba dang/ dngos po med pa la kun rtog pa'o/ /dper na dpyid zla tha chung la sa chen po 'bras bus gang ba'i tshe grogs mas 'bru gcig khyer ba dang/ sa chen po'i 'bru ltar nyan thos dang rang rgyal dmigs pa can thams cad kyis zag pa med pa rnam par grol ba'i 'bras bu dang/ byang chub sems dpa' mi gnas pa'i tshul gyis bden pa gnyis la gnas pa'i pha rol tu phyin pa drug la sogs pa sangs rgyas kyi chos thams cad dang/ bla na med pa'i bsod nams dang ye shes kyi tshogs kyi dge ba'i rtsa ba'i lo tog rgyas par blta'o/ /des ni bla na med pa'i rnam pa thams cad kyi mchog dang ldan pa'i ye shes bde ba mi dmigs pa'i tshul gyis sems can thams cad kyi nye bar 'tsho bar 'gyur ro/ /zhes so/ ! /phyir mi ldog pa 'thob pa ni/ rgyal sras dang por zhugs la 'di skad ces/ /nyon mongs ma spangs phung sogs la gnas kyis/ /zhes sogs gdams la chos kyi gnas pa nyid/ /rig pa mi skrag skal ldan phyir mi ldog /byang chub sems dpa'i spyod pa bstan pa las dang po'i byang chub sems dpa' la 'di ltar gdams par bya ste/ 'dod chags ma spang zhig zhe sdang ma gzhi la ? cig gti mug ma bsal cig /rang gi lus la gyen du ma bskyod cig /dge ba la ma spyod cig /lta ba tshar ma gcod cig /kun tu sbyor ba rnams ma ston cig /phung po rnams yongs su zungs shig /khams rnams ril por gyis shig /skye mched rnams la spyod cig /byis pa'i sa las 'da' bar ma byed cig /mi dge ba la rtogs shig /dge ba spongs shig /sangs rgyas yid la ma byed cig /chos ma sems shig / @385a @#/ /dge 'dun la mchod pa ma byed cig /bslab pa yang dag par ma len cig /srid pa nye bar zhi ba don du ma gnyer cig /chu bo las ma rgal cig ces rjes su bstan par bya'o/ /ci'i phyir zhe na/ chos rnams kyi chos gnas pa 'di ni gnas pa kho na yin pas so/ /byis pa rnams ni skye ba dang 'gag pa'i chos lung ston to/ /chos kyi dbyings ni rnam par mi rtog pas rab tu phye ba ste/ chos rnams kyi rang bzhin de ltar rjes su rtogs pa ni byang chub bo zhes de ltar bstan pa na mi skrag cing mi dang ngas na kye ma byang chub sems dpa' 'di ni phyir mi ldog pa'i skal ba can no zhes shes par bya'o zhes so/ ! /sgrib pa sbyong ba'i stobs 'thob pa las sgrib par 'gyur ba'i chos 'dzin pa'i rgyu phyin ci log ni/ chos rnams rang bzhin 'od gsal yongs dag la/ /byis pas log par brtags las nyon mongs dang/ /nyes tshogs mi bzad rab rgyas kun tu gdung/ /rlom sems bdud kyis sbyin sogs kyang sgrib 'gyur/ /zhes bya ba'o/ ! /sgrib pa sel ba'i rgyu zab mo rtogs pa ni/ de phyir chos kun stong zhing mig 'phrul ltar/ /shes pas nyon mongs byang chub gnyis med pa'i/ /chos nyid rtogs las mi bzad sdig spyod sogs/ /sgrib pa rnams sbyong stobs mchog 'thob par gsungs/ /'di gnyis kyi don ni las kyi sgrib pa rnam par dag pa'i mdo las/ dge slong dri med 'od tshul khrims 'chal te sdig pa kun tu spyad pas 'gyod pa mi zad pa'i mes yongs su gdung ba la ston pas bka' stsal pa/ khyod kyis sngar nas 'dod pa spyad par bya'o zhes bsams sam/ de ni ma lags so/ /yid la ma byas par 'dod pa ji ltar spyad/ slad kyis 'dod sems skyes lags so/ /sems des 'dod pa spyad dam/ ma lags so/ /sems nyon mongs pas sems can rnams kun nas nyon mongs shing/ sems rnam par dag pas sems can rnams rnam par dag par mi bstan nam/ de ltar bstan lags so/ /khyod kyis rmi lam na 'dod pa spyad pa myong ngam/ myong lags so/ /sems kyis 'dod pa spyad par khyod kyis mi shes sam/ ma lags so/ /rmi lam dang sad pa'i sems @385b la tha dad pa yod dam/ ma lags so/ /chos thams cad rmi lam lta bu ste yang dag pa ma yin pas de gnyi ga med pa ma yin nam/ de ltar lags so/ /med pa de dag ? shed na yod dam/ de la skye 'gag dang kun nas nyon mongs pa dang rnam byang yod dam/ ma mchis so/ /skye ba med pa'i chos sems can dmyal ba la sogs par 'gro 'am/ skye ba med pa nyid kyang ma mchis na de la 'gro ba ga la mchis/ de ltar chos thams cad rang bzhin gyis 'od gsal ba yin na/ byis pa rnams kyis yang dag pa ma yin pa gsog la yongs su brtags pas ngan 'gror 'gro'o// chos thams cad ni yang dag pa ma yin pa/ rnam par bsgrubs nas gnas pa/ phyin ci log las byung ba/ smig rgyu dang nam mkha' lta bu/ dngos po med pa/ rtsa ba med pa/ nyon mongs pa mi dmigs pas kun nas dkris pa med pa/ rnam par rtog pa nye bar zhi bas spros pa med pa/ rtag tu nyon mongs pa can ma yin pas rang bzhin gyis yongs su dag pa'o/ /don de lta bu rtogs pas dge slong de 'gyod pa las grol te phyis rnam par grol ba'ang thob par gsungs so/ /de ltar chos thams cad la sgrib pa med mod kyi/ 'on kyang byis pa rnams kyi rnam par rtog pas sbyin pa la sogs pa'ang sgrib pa'i bya ba byed de/ sbyin pa la sogs pa byed pa na ser sna can la sogs pa ma dad pas smod pa/ bdag la bstod cing gzhan la smod pa la sogs pas ngan song gi rgyur 'gyur bas so/ /yang dge slong dpal byin gyis pham pa gnyis byas kyang/ khams gsum thams cad yang dag pa ma yin pa dang sems can thams cad mig yor lta bur shes pas mi skye ba'i chos la bzod pa thob pa'o/ /sgyu ma lta bu'i sems la gnas pa la chos gang yang mi sgrib ste byis pa dag rang gi rtog pas ngan 'gror ltung ba'o/ /chos 'gro ? ba las kyang byang chub sems dpa' ni nyon mongs pa la mi 'jigs te/ gang du nyon mongs pa der byang chub yod do/ /nyon mongs pa med pa la byang chub med do/ /stong pa dang nyon mongs pa gnyis su med do/ /byang chub dang nyon mongs pa gnyis su med do/ /byis pa phyin ci log dang ldan pa bzhi @386a @#/ /bdag kun nas nyon mongs pa dang rnam par byang bar shes so/ /yang dag par zhugs pa ni nyon mongs pa mi sel zhing nyon mongs pa mi sgrub bo zhes so/ ! /ma 'dres pa'i rnam par thar pa 'thob pa ni/ stong pa shes kyang sems can mi gtong sogs/ /rnam bzhis rnam thar zab mo'i sgor 'jug 'thob/ /lha'i bu rab rtsal sems kyis zhus pa las/ chos bzhi dang ldan na 'dus byas dang ma 'dres pa'i rnam par thar pa la 'jug ste/ stong pa nyid shes shing lta bas bcings pa'i sems can 'grel pa dang/ mtshan ma med pa shes shing rnam par rtog pa la spyod pa'i sems can 'grel ba dang/ smon pa med pa shes shing bsams bzhin du skye ba dang/ thabs la mkhas pa dang shes rab kyis nges par 'byung ba'o zhes so/ ! /bdag med pa gnyi ga bsgom pa'i dbang du byas nas bdag med pa'i don la 'jig rten thams cad dang mi mthun pa'i mtshan nyid ni/ 'jig rten rnams ni lta bar ltung sogs te/ /chos ni stong sogs smra bas chos 'dzin rnams/ /'jig rten kun dang mi mthun zhugs pas na/ /srid pa gcod pa'i chos la rab gnas bya/ /gsang ba'i mdo las/ 'jig rten ni lta ba la mngon par zhen pa/ rtag pa dang bde ba la sogs pa smra ba/ rgyun phyogs su 'gro ba/ tshe 'di nyid lhur byed pa/ gzugs la sogs pa la mngon par zhen pa yin la/ chos ni stong bar smra ba/ mi rtag pa dang/ sdug bsngal ba la sogs par smra ba/ rgyun las ldog par rtsol ba/ tshe gzhan gtso bor byed pa/ gzugs la sogs par mngon par ma zhen par smra bas chos 'dzin pa ni 'jig rten thams cad dang mi mthun pa'o zhes so/ ! /thams cad mi bden bzhin du rgyu 'bras kyi nges pa'ang gnas pa ni/ chos kun rten 'brel byed po med bzhin du/ /dge dang mi dge'i las kyang chud mi za/ /'on kyang mkha' ltar thams cad rang bzhin stong/ /sgyu ma rmi lam sogs ltar snang bar zad/ /rgya cher rol pa las/ chos 'di thams cad rgyu la brten nas byung ba ste/ /mtha' dang mtha' med lta dang bral zhing nam mkha' 'dra/ /byed pa po med de @386b bzhin tshor ba po yang med/ /dge dang mi dge byas pa'i las ni chud mi za/ /phung po rnams la brten nas 'dir ni sdug bsngal 'byung/ /sred pa'i chu yis rnam par 'phel nas 'byung ba'o/ /lam gyi chos rnams mnyam pa nyid du rnam mthong nas/ /shin tu zab cing byang ba'i chos nyid kyis ni 'gags ces gsungs so/ /zla ba sgron ma las kyang/ srid pa'i 'gro ba rmi lam lta bu ste/ /'di la su yang mi skye 'chi ba med/ /sems can mi dang srog kyang mi rnyed de/ /chos 'di rnams ni rmi lam chu shing 'dra/ /sgyu ma 'dra zhing nam mkha'i glog 'dra ste/ /chu yi zla ba 'dra zhing smig rgyu bzhin/ /mi dag 'jig rten 'dir ni shi nas kyang/ /'jig rten gzhan du 'pho zhing 'gro med kyang/ /las byas rnams ni nam yang med mi 'gyur/ /'khor ba na yang dkar nag 'bras bu smin/ /rtag pa ma yin chad par mi 'gyur te/ /las bsags med cing gnas pa dag kyang med/ /de yang byas nas reg par mi 'gyur min/ /gzhan gyis byas pa tshor bar 'gyur ba med/ /'pho ba med cing phyir yang 'ong ba med/ /thams cad yod pa ma yin med pa'ang min zhes so/ ! /don de bsgrub pa ni/ phung po log pa'i kun rtog la sogs pa/ /rgyu rkyen tshogs las grub byir ? yang dag min/ /des na stong dang mtshan med byed po sogs/ /smon pa'i gnas gyur gang yang med par grub/ /go ca bkod pa las/ gzugs dang tshor ba 'du shes dang/ /'du byed rnam shes de bzhin rtog /rgyu rkyen dag ni mang po las/ /phung po dag ni byung ba yin/ /phung po yang dag med pas na/ /rang bzhin ngo bo nyid kyis stongs/ /ngo bos stongs phyir mtshan ma med/ /thams cad skye ba gang yang med/ /de bzhin khams dang skye mched kyang/ /thams cad rkyen las byung bas na/ /rang bzhin ngo bo nyid kyis stongs/ /mtshan ma med cing ngo bo med/ /'di la rtog pa'i ye shes de/ /ji ltar yul de shes par 'gyur/ /ye shes 'di dang yul de dag /rang bzhin rtag tu spangs pa yin/ /skye ba dang ni rkyen mang po/ /'di gnyis la yang byed pa med/ /byed med de ltar gang shes pa/ /de ni yang dag mtshan nyid yin zhes so/ ! /de gnyis bsgom pa'i thabs nyid ni/ dal 'byor rnyed dka' thob gyur mkhas rnams kyis/ /bshes gnyen @387a @#/ /bzang bsten thos la rab 'bad pas/ /sgra la 'tshel spangs don la nan tan gyis/ /rab dben bsten cing zab mo'i rnal 'byor bsgom/ /yab sras mjal ba las/ sangs rgyas 'byung dang yun du gnas pa dang/ /de bzhin bstan la dad pa thob par dka'/ /mi yi srid pa'ang rnyed par dka' bas na/ /rgyal ba rnams kyi bstan la legs brtson gyis/ /mi khom brgyad po thams cad yongs spangs shing/ /khom pa phun tshogs rnyed dka' thob gyur la/ /bde gshegs bstan la dad pa rnyed gyur pa'i/ /mkhas pa rnams kyis rigs pa'i rnal 'byor spyod/ /sgra la 'chel zhing 'dun par ma byed par/ /chos thos gyur nas rtag tu nan tan gyis/ /khyed kyis rtag tu dgon pa'i gnas bsten la/ /des ni mi mchog dam par 'gyur bar byos/ /chos smra'i dge bshes gang yin bsten gyis la/ /sdig pa'i grogs la lan 'ga'ang ma bsten cig /sems can kun la sems ni mnyam gyis la/ /sems can de la nam yang ma rlom zhig /tshul khrims ldan dang mang du thos kyis la/ /rtag tu phyag dar khrod dang bsod snyoms spyod/ /g.yel ba med par shing drung bsten gyis la/ /bkus te thor ba mchog la ma smod cig /'dus byas 'di dag thams cad 'dus byas min/ /mtshan nyid gcig cing smig rgyu 'dra ba yin/ /dam pa'i don gyi mu gcig shes gyis la/ /myur du gzhal yas byang chub reg par gyis/ /phung po lnga rnams sgyu ma bzhin du ltos/ /nang gi skye mched drug dang phyi yi drug /de dag grong stong 'dra bar gsungs pas na/ /de la nam yang bsten par ma byed cig /'dod chags zhe sdang rang bzhin stong pa nyid/ /gti mug nga rgyal yongs su rtogs pas bskyed/ /rtog pa de la'ang ma byung 'byung med par/ /de ltar shes na 'dren pa rnams su 'gyur/ /zhes gsungs so/ ! /bsgom pa'i byed pa las bsod nams mchog 'dzin pa ni/ 'jig rten khams kun bkang ba'i 'byor tshogs kyis/ /bskal mang sbyin dang bde gshegs mchod byas kyang/ /'dus byas stong par bzod dang bdag med pa'i/ /chos la bzod pa'i sgrub mchog char mi phod/ /yab sras mjal ba las/ gang @387b zag la las gang gA'i bye snyed kyi/ /'jig rten khams rnams 'dir ni sbyin byas dang/ /'dus byas stong par bzod pa gang yin pa/ /bzod pa de ni sbyin las khyad par 'phags/ /byang chub 'dod pa'i byang chub sems dpa' yis/ /bskal pa bye ba gang gA'i bye snyed du/ /me tog spos dang de bzhin zas skom dag /phul nas mi mchog sangs rgyas mchod pa bas/ /gang gis gang la mig dang srog dang ni/ /gang zag med pa 'di 'dra'i chos de dag /thos nas de la 'od gsal bzod thob pa/ /de yis mi mchog dam pa mchod pa yin/ /gang la gang zag 'du shes yod pa yis/ /bskal pa bye ba mang por zas skom dang/ /shing rta dpung chung khri stan sbyin byas kyang/ /des ni 'di la grol ba mi thob bo/ /mi mchog gang dag mya ngan 'das pa dang/ /de dag gis kyang sems can mang bkol ba/ /mkhas rnams 'od gsal rang bzhin stong pa yi/ /chos rnams de ltar mkhyen pas rnam par grol zhes so/ ! /sgrib pa chen po sel ba'i mthu thob pa ni/ pha dgra bcom pa gsod sogs ma rungs pa'i/ /mi dge bcu po tshang bar spyad pa yang/ /rten 'brel byed med 'od gsal chos nyid la/ /dad mos nges pa brtan pos ma lus sbyong/ /de bzhin gshegs pa'i mdzod las/ 'od srung 'di lta ste pha'ang yin la rang sangs rgyas kyang yin pa srog bcad na srog gcod pa'i nang na chen po'o/ /dkon mchog gsum gyi dkor brku ba ni ma byin par len pa chen po'o/ /ma dgra bcom pa la log par spyod pa ni log g.ye ma chen po'o/ /'phags pa'i mchog la skur pa 'debs pa ni rdzun du smra ba chen po'o/ /'phags pa'i dge 'dun la mi snyan pa brjod pa ni phra ma chen po'o/ /'phags pa la co 'dri ba ni tshig rtsub chen po'o/ /chos 'dod pa rnams g.yeng bar byed pa ni ngag kyal chen po'o/ /mtshams med gshom pa ni gnod sems chen po'o/ /yang dag par song ba'am zhugs pa'i rnyed pa 'phrog pa'i sems ni brnab sems chen po'o/ /lta bas ga zings pa ni log lta'i nang na chen po ste/ mi dge ba'i las kyi lam 'di rnams ni kha na ma tho ba shin tu che bas so/ /sems can gcig gis 'di thams cad byas @388a @#/ /la; de'ang sangs rgyas kyi rgyu dang rkyen du ldan pa'i chos bstan pa la 'jug ste/ 'di la gang byed pa po'am tshor ba po'i bdag dang sems can ni gang yang med do zhes/ de ltar ma byas pa 'du mi byed pa sgyu ma'i chos nyid kun nas nyon mongs pa med pa rang bzhin gyis 'od gsal ba la 'jug cing chos thams cad gdod ma nas dag par mngon par dad pa dang mos pa'i sems can de ngan song du mi 'gro bar nga smra'o/ /ci'i phyir zhe na/ nyon mongs pa rnams la dngos po med thams cad skyes nas 'jig cing 'ju ba'o/ /rgyu rkyen tshogs pa'i 'du 'phrod las skye ste/ skyes ma thag tu 'gag go /gang sems skye zhing 'jig pa de ni nyon mongs pa thams cad kyi 'jig pa ste/ de ltar mos pa la ni ltung ba dang de'i gnas med do/ /gang sgrib pa med pa la ltung ba gnas pa de ni gnas ma yin zhing skabs med pa'o zhes so/ ! /lta ngan sel bar byed pa ni/ bdag dang chos su zhen pa'i lta ba rnams/ /ma lus sel ba'i dpung gnyen dam par 'gyur/ /rgyan stug pa las/ bskyed byed rnam pa sna tshogs gzugs/ /sa la gnas pa ma yin pa/ /lta ba thams cad zad byed pa'i/ /bdag med nyid la skyabs su song/ /zhi 'gyur zhi bzhir ma byas/ /zhi bas zhi ba bden nyid du/ /lta ba thams cad rnam dag phyir/ /bdag med nyid la skyabs su song zhes so/ ! /myur du mngon par 'tshang rgya ba ni/ rten 'brel rtogs dang mtha' gnyis spong ba dang/ /gang zag med 'jug stong par mos la sogs/ /bzhi pa lnga ? yis zab mo'i chos la ni/ /bzod pa thob las mi ring sangs rgyas 'thob/ /gsang ba bsam gyis mi khyab pa las/ chos bzhi dang ldan na myur du sangs rgyas 'thob cing chos zab mo la bzod pa 'thob ste/ rten 'brel shes pa dang rtag chad du lta ba spong ba dang/ gang zag med par 'jug pa dang/ stong pa nyid la mos pa'o/ /yang bzhi ste/ sngon gyi mthas dben pa dang/ phyi ma'i mthar mi 'pho ba dang/ da ltar byung ba 'jig par byed pa dang/ dus gsum mnyam pa nyid do/ /yang bzhi ste/ lus dben pa dang/ las dben pa dang/ sems dben pa dang/ chos dben pa'o/ /yang bzhi ste/ sangs rgyas @388b chos nyid du mthong gi gzugs su ma yin pa dang/ chos 'dod chags dang bral bar mthong gi yi ger ma yin pa dang/ dge 'dun 'dus ma byas su mthong gi tshogs su ma yin pa dang/ shes rab kyi mig yongs su dag pa'o/ /yang bzhi ste/ bsdu ba'i dngos po mi gtong bas pha rol tu phyin pa drug rdzogs par byed pa dang/ thabs shes pa la mkhas pa dang/ sems can med par spyod pa dang/ snying rje chen po'o zhes gsungs pa'o/ /da ni stong par lta ba'i shes rab de'i mi mthun pa'i phyogs dngos por 'dzin pa dgag pa nyid gtso bor bstan par bya'o/ /'di la dang por ni dngos por bden par grub pa la yod pa'i tha snyad dgag pa'i don du sgrub byed kyi tshad ma dgag go /de nas ni med pa'i tha snyad bsgrub pa'i don du gnod byed kyi tshad ma 'god do/ ! /de la sgrub byed dgag pa spyir bstan pa'i dbang du byas nas brjod pa/ shes dang shes bya'i dngos po gang yang ni/ /bden par gnas pa'i sgrub byed srid ma yin/ /tshad ma gsum gyis ji ltar grags de ltar/ /tha snyad pa yi don tsam grub par zad/ /tshad ma dang gzhal bya la sogs pa thams cad tha snyad pa kun rdzob tsam nyid du zad pas/ shes pa dang shes bya dang rtag pa dang mi rtag pa la sogs pa don dam par bden pa'i dngos po sgrub par byed pa'i mngon sum la sogs pa ni gang yang mi rnyed pa'o/ /bstan pa'i don de nyid bsgrub pa ni/ gal te dbang po'i mngon sum la sogs pa tshad mar gyur pa'i shes pa so sor rang rang gi gzhal bya bden par grub pa kun la grags mod/ ! sgrub byed ci ltar mi rnyed snyam na/ 'di ltar gzugs sogs shes bya ma lus rnams/ /mig sogs shes la snang ba tsam gyis ni/ /skra shad sogs ltar bden par grub min la/ /'bras sogs gzhan la ltos na'ang thug med 'gyur/ rab rib can gyi shes pa ltar snang ba tsam ni bden pa'i don can tshad mar mi 'grub la/ yul bden par gnas pas kyang de bsgrub par mi nus te/ shes pa'i mi slu ba nyid bsgrub byar gyur na de'i yul bden pa shin tu mi 'grub pas phan tshun brten pa nyid du 'gyur bas na/ 'gyel ba 'gyel ba la brten pa ltar gnyi ga mi 'grub pa nyid du 'gyur ro/ /'bras bu byed pa la sogs pa @389a @#/ /gzhan la bltos nas grub par 'dod na ni/ de'ang 'bras bu gzhan la bltos pa la sogs pas thug pa med par 'gyur ro/ ! /tshad ma'i 'bras bu bsdu ba ni/ des na tha snyad tsam gyi rgyu las ni/ /'bras bu skye zhing de yis rgyu rtogs pa/ /la sogs thams cad snang bzhin tsam nyid de/ /'gar yang de nyid dbang byas rigs pas min/ /kho bo cag ni tha snyad du shes pa rang nyid grub pas don nges par byed pa las gnyi ga grub par 'jog pa ste/ dper na bu'i dngos po pha la bltos kyang pha'i dngos po bu la ma ltos par grub pas bu skyed pas gnyi ga'i tha snyad phan tshun bltos pa las grub pa bzhin no/ /khyed lta na ni yul dang yul can gyi dngos po nyid phan tshun ltos par 'gyur ba las gnyi ga mi 'grub pa las mi 'da'o/ /des na rgyu rnams 'bras bu'i skyed byed dang 'bras bus kyang rgyu rtogs par byed pa'i rgyu 'bras la sogs pa thams cad ni snang ba tsam gyi snying po can kun rdzob nyid du grub par zad khyi de kho na'i yul can rigs pa dam pa'i spyod yul don dam par grub pa ni nam yang gang na yang med par nges par bya'o/ ! /gnod par byed pa 'god pa las don dam par gnas pa dgag pa'i dbang du byas nas dang po rigs pa'i 'jug pa spyir gtan la dbab pa mdor bstan pa ni/ dngos por 'dzin pa'i brag chen gtan 'joms pa/ /thogs med rigs pa'i gnam lcags chen po'i phyogs/ /rtogs gzhi rtogs bya rtogs pa'i rgyu dang ni/ /de yi mi 'phrul dpe yis rnam par bzhag /sngar bstan pa ltar dngos por 'dzin pa'i brag rnam par 'joms pa la nus pa thogs pa med pa rdo rje'i me chen po 'bab pa lta bu'i gtan tshigs dag /chos mtha' dag la spyan du gyur pa bdag nyid chen po rnams kyis rnam pa mang po dang sgo sna tshogs dang rnam grangs du mas gsungs pa rnams kyi spyir bsam par bya ba'i gnas/ rtogs par bya ba'i gzhi bsgrub bya'i chos can dang/ rtogs par bya ba'i don bsgrub bya'i chos dang/ /rtogs par byed pa'i rgyu'i gtan tshigs dang/ /de'i mi 'khrul ba khyab pa'i tshul dang/ khyab pa'i yul dpe rnam pa lnga'i phyogs tsam bla ma rje btsun blo gros kyi @389b spyan dam pa mnga' ba dge legs rmad du byung ba'i tshogs kyis mngon par mtho ba bdag nyid chen po rnams kyi gsung la 'bad pa mang pos gces spras byas pa las btsal ba rigs pa dang lung gi tshul gnyis las mdor bsdus te rnam par bzhag pa'o/ ! /'di rgyas par bshad pa las chos can gyi de kho na ni/ spyi yi chos can shes dang shes bya snang ba dang/ /btags pa'i chos tshogs ma lus rang rig gzhan rig gis/ /tshad mas nges pa'i rigs tsam don dam de kho nar/ /grub dang ma grub khyad par bsam pa'i gzhi nyid do/ /'dir spyir gtan la dbab par bya ba'i chos can ni rang dang gzhan gyi sde pas bzhag pa myong ba la snang ba'am rtog pas btags pa'ang rung/ tshad mas rab tu grub pa'am lung la sogs pa las grags pa'ang rung/ shes pa dang shes bya'am gcig dang du ma'am yod pa la sogs pas bsdus pa'i chos thams cad de/ de kho na'i rigs pa'i yul du gnas pa dang cig shos kyi khyad par gyi chos bsam pa'i gzhi yin pas/ gtan tshigs the tshom la brjod phyir/ zhes bshad pa ltar bsgrub bya'i chos kyi the tshom gyi yul yin pa'i phyir ro/ /de'ang rtsod pa la sogs pas tshad ma'i yul ston pa'i tshe ni gang skabs su bab pa yin mod kyi/ rigs nye bar bzung na blo'i yul ma lus pa yin pas na/ phyi rol na gnas 'di kun zhes bya ba dang/ dngos po gang dag gang na yang zhes bya ba dang/ bdag dang gzhan smras dngos 'di dag ces bya ba la sogs pa khyab pa'i tshig gis de dang der gsungs so/ /'di thams cad kyang rang dang gzhan rig pas dngos dang shugs kyis grub pa las tshad mas grub pa la ni bltos pa nyid de/ gtso bo la sogs pa brtags pa dag kyang sgra'i don tsam du ni rang rig gis shugs kyis grub pas rnam par btags pa'i snang ba nyid yin pa'i phyir/ so sor rang rig pas na spang bar mi 'os pa zhes gsungs so/ /snang ba'i don 'ga' zhig mdun du byas nas de'i rigs nges par byed pas rten thams cad 'dzin pa la ni mi ltos so/ /gzhan du na sgra la sogs pa thams cad mi rtag par yang nges par mi nus te/ sgra'i gsal ba ni mtha' yas pas so/ ! /log @390a @#/ /rtog dgag pa ni/ kha cig tshad mas dpyad bya dngos nyid phyir/ /brtags pa'i gzhi la thal 'gyur tsam sogs smra/ /tshad mas yod med dpyad bya'i 'jug yul ni/ /dngos nyid rigs mod brtags pa'i chos can yang/ /yod med dpyad gzhir 'thad pas sgra don la'ang/ /dngos chos dgag gsungs ci ltar mi rigs smros/ /'di la sngon gyi slob dpon kha cig kyang tshad mas dpyad bya dngos po nyid yin pas na brtags pa'i chos can la ni thal 'gyur la sogs pa tshad ma'i rjes su mthun pa tsam 'jug par zad kyi/ dgag sgrub kyi tshad ma dngos rang rgyud pa ni mi 'jug ste/ don byed nus pa kho na yod med kyi chos bsam pa'i gzhi yin pa'i phyir dang/ de 'dra ba'i rtags kyi khyab pa'ang tshad ma'i yul du mi rung ba'i phyir ro zhes 'dzer to/ /'di la dpyad du yod de tshad ma'i dpyad bya ni 'jug yul gzhal bya dang/ rten chos can gnyis la brjod pa las/ dang po ni/ dngos po la 'dod pa nyid de don byed nus pa kho na gnas pa dang mi gnas par gtan la phebs pa dang/ don thob pa don du gnyer ba dag gis dgag sgrub kyi tshad mas nges bya yin pa'i phyir/ gzhal bya bsgrub pa dang sel ba'i tshad ma gnyis kyi mi slu ba ni de yod pa dang med pas mthar 'byin cing ldog pas ni ldog pa'i phyir ro/ /gnyis pa ltar na rigs pa'i lam btang ba dang rang dga' smra ba ste/ chos can dngos por ma grub pa la'ang 'bras bu de gnyis don du gnyer ba'i tshad ma'i yul rdzogs pa la chad pa med cing/ khyab pa la sogs pa'ang gzhan du tshad mas nges par nus pas so/ /des na chos can sgra don tsam la'ang dngos po'i nyer len can ma yin par bsgrub pa'i tshad ma nyid 'jug par gsungs pas yod med dpyad pa'i gzhir mi 'gal bar dgongs pa'o/ /'o na dngos po kho na gzhal byar yang ci dgos snyam na/ med pa'am brtags pa tsam la gzhal bya'i don med pa'i phyir te/ de dag tu nges pa la ni med pa dang yod pa'i nges pa bskyed mi dgos pa dang mi nus pas gtan la phebs pa'i blo'i 'bras bu med pa'i phyir dang/ don byed pa dang bral bas don gyi 'bras bu'ang med pa'i phyir/ ji ltar @390b de dag don du gnyer ba'i gzhal bya yin/ 'o na med pa rang rgyud pa 'gog pa na ji ltar dngos po dpyad byar rung snyam na/ de'i tshe'ang tshad mas dgag bya ni dngos po nyid las ma 'das te/ de ni med par brjod kyang yod pa spangs pa'i rang bzhin dang ldan par khas blangs pa'i nus pas khyab pa'i chos don gyis khas blangs pa'i phyir ro/ /rang bzhin 'ga' zhig gnas na ni tha na rang 'dzin pa'i rnal 'byor pa'i blo mi skyed mi srid pas so/ /rang bzhin ci'ang gnas par mi 'dod na ni de la dgag bya'i don med pas 'gog par yang su rtsol/ de ltar dgag sgrub thams cad dngos po nyid la yin pa dang/ la la'i gzhi dngos po med par yang mi 'gal ba'i tshul 'di ni rigs pa'i rgyal pos rnam 'grel du/ sgra don bsnyen pa med rnams kyis/ /yod med phyogs kyi bye brag gis/ /dngos po nyid ni dpyad bya ste/ /de las 'bras 'byung rag las phyir/ /ma ning gzugs bzang mi bzang zhes/ /'dod ldan rnams kyis brtags ci phan/ /zhes bya ba dang/ tshogs pa bsgrub pa nyid la chos can dngos por grub pa yan lag yin gyi/ tshogs pa 'gog pa la de yan lag ma yin par yang/ dper na mkha' sogs gzhan dag gis/ /sngon med rang bzhin bskyed med min/ /cig car sgra sogs rgyu min phyir/ zhes bshad pa la sun 'byin pa/ /de bzhin mkha' sogs chos can gyi/ /ngo bo'ang dngos med ces brjod bzhin/ /de ltar 'dod pa'i bsgrub bya la/ /gnod pa ci yang med pa nyid/ /gnyi ga bsgrub bya nyid yin na/ /chos can la ni gnod pa gang/ /bsgrub par bya ba'i chos 'gog pa/ /des ni de la gnod ces brjod ces bya ba la sogs par ji ltar gzhag pa nges par zungs shig /! bsgrub par bya ba'i chos kyi dbang du byas nas rang gi lugs bzhag pa ni/ bden pa'i rang bzhin rnam par bcad pa yi/ /med dgag tsam zhig bsgrub bya'i chos yin te/ /stong dang brdzun sogs yongs gcod 'ga' zhig kyang/ /'di la tshad ma'i yul du 'dod ma yin/ /'dir bsgrub bya'i chos ni bden pa'i rang bzhin med par dgag pa tsam yin gyi/ ma yin par dgag pa ni ma yin no/ /med dgag dang ma @391a @#/ /yin dgag gi khyad par ci yin zhe na/ med dgag gis ni mi 'dod pa'i don rnam par bcad pa tsam byed kyi ldog pa'i mtshan nyid 'phen pa ma yin no/ /ma yin dgag ni mi 'dod pa'i don gcig bkag nas de las gzhan 'phen pa'o/ /de lta na gnyi ga'ang rnam bcad tsam dngos su yul du byed pas na bsgrub pa'i mtshan nyid las tha dad do/ /rnam gcod don gyis 'phen pa tsam ni ma yin par dgag pa ma yin te/ bsgrub pa dang khyad med pas so/ /dngos po med par bkag pa na dngos med kyang med par nges na yang gnyi ga rnam par bcad pas med dgag las ni ma 'das mod kyi/ de la bltos pa ni ma yin te de ni med dgag brtsegs mar zad do/ /med dgag 'dis ldog pa'i don mi 'phen yang ldog pa'i don la 'jug pa 'gog pa ni ma yin te/ yin na ni med dgag dngos po la mi 'jug par 'gyur na/ 'di ni dngos po dang dngos po med pa gnyi ga'i chos yin no/ /'di ltar dngos po la med dgag gi chos mi 'dod na de yod par 'gyur la/ de lta na ni de ma yin par dgag pa'ang mi 'thad de/ /des na lus med pa zhes bya ba ltar gnyi ga'i chos yin no/ /dper na shing ma yin pa bkag pa na sha pa ma bsgrub kyang de la 'jug pa ma bkag pa ltar med dgag kyang yin no/ /des na yang dag par rang bzhin med par bkag pa tsam zhig bsgrub byar byed kyi de bkag nas des stong ? pa'am rdzun par yod pa'am gzhan yang rung ste cung zhig yod pa'am gzhan yang rung ste cung zhig bsgrub pa ni ma yin no/ /des na 'dir tshad ma'i cha sems pa na yongs gcod cung zad kyang ma bsgrubs so/ /zhes smra'o/ /gal te rang bzhin med pa yongs su mi gcod na rang bzhin rnam par gcod pa nyid du mi 'gyur te yongs gcod med pa'i rnams gcod mi srid pa'i phyir ro zhe na/ blo'i 'jug pa la bltos nas ni de ltar yang bden na/ 'on kyang tshad ma'i don ni ma yin no/ /'dir ni tshad ma'i don sems pa na yongs gcod ma bsgrubs so zhes smra'i/ blo des mi gcod pa ni ma yin no/ /gal te blo des ci ltar yongs su bcad pa'i don de la mi @391b slu na ni de nyid tshad ma'i yul du 'gyur la/ bslu na de'i rnam par bcad pa yang tshad mas grub par mi 'gyur ro/ /'on te yongs gcod tshad ma'i yul ma yin yang rnam bcad la tshad mar 'gyur na/ 'o na bdag tu 'dzin pa'ang bdag la tshad ma ma yin mod/ bdag med rnam par bcad pa'i cha la tshad ma yin pas shes pa mtha' dag tshad mar thal lo zhe na/ mi thal te rjes su dpag pa ni bsams pa'i don la mi slu bas tshad ma dang ldog pas tshad ma ma yin par 'dod do/ /bdag tu 'dzin pa la sogs pa ni bsam pas bdag tu bzung ba na de la bslu bas tshad ma ma yin no zhes bya'i/ rang bzhin med par 'dzin pa ni dngos po'i dbang gis na bdag med pa'i don yongs su gcod kyang de bsams pa'i don ni ma yin te dgag pa tsam zhig byas par rlom pa'i phyir ro/ /gal te des bdag med pa'i mtshan nyid gcig bsgrubs so snyam na ni tshad ma ma yin pa kho na ste/ bsam pa'i don la bslu ba'i phyir ro/ /rigs pa'i shes pa ni de ltar rlom pa ma yin te bkag pa tsam zhig bya bar sems pa'i phyir ro/ /gzhan yang der ni bdag med bcad pa nyid bsams pa'i don yin du chug kyang de la tshad ma ma yin te/ gang las mi slu ba gnas pa de la tshad mar 'dod pa na bdag med pa bcad pa nyid ma grub pas de la mi slu ba med pa'i phyir ro/ /ji ltar bsgrub pa yul yod par ma grub na bslu ba ltar/ dgag pa yul yod par ma grub na mi slu ba ldog pas so/ /des na bdag 'dzin ni cha gang la yang tshad ma ma yin la/ 'di ni yongs gcod ma grub kyang bsams pa'i don ma yin zhing/ bsams pa'i don rnam bcad la ni dgag bya med pa nyid kyis mi slu bar grub pas tshad mar 'thad do/ /gal te yongs gcod bsams pas ma nges na rnam rtog gi yul du ji ltar 'gyur te/ nges pa rnams kyis ma nges gang/ /de ni ji ltar de dag yul/ /zhes gsungs pa ltar/ rnam rtog ni nges pa'i dbang gis don 'dzin pas na ma nges pa ji ltar de'i gzung ba yin/ des na bsams pas ma nges na blos yangs gcod bzung ngo zhes byar mi rung la/ bsam pas nges na yang de nyid bsam pa'i don yin pas na de la @392a @#/ /bslu ba dang mi bslu bas tshad ma dang tshad ma ma yin par 'gyur ba'i nyes pas so na 'dug go snyam na/ ji ltar du ba las me nges pa'i shes pa me rang gi mtshan nyid du bsams pas nges par byed kyi/ sgro btags kyi spyi rtogs par mi sems kyang spyi rjes dpag gi gzung bar 'dod pa ltar 'dir yang yin no/ /de la spyi bsam pas rnam pa thams cad du ma reg pa'ang ma yin te rang gi mtshan nyid du rtogs pa'i bsam pas nges pa'i phyir ro/ /spyi'i mtshan nyid du nges pa'i bsam pas yul du ma byas pas na bsams pa'i don du yang mi thal bas/ ? mi 'gal ba bzhin du/ rang bzhin med pa'i mtshan nyid yongs su bcad pa'i don rnam pa thams cad du bsam pas ma reg pa ni ma yin te/ rnam par gcod pa'i bsam pas dmigs pas so/ /bsam pa'i don yin pa'i nyes pa yang med yongs su gcod kyi bsam pas yul du ma byas pa'i phyir ro/ /des na rang gi yul la 'khrul ba'i blo yin pas na/ de ma yin la der 'dzin phyir/ /'khrul zhes so/ /des na med dgag gi phyogs rnam bcad tsam byed kyi yongs gcod ci 'ang ? ma yin pa nyid lung dang rigs pa du mas grub cing/ lam dam pa'i dmigs par gyur pas don dam par yang 'thad la rtags kyi khyab byed la sogs par yang 'grigs pa kha na ma tho ba med par bzung ngo/ ! /de la rtsod pa spang ba la gnyis las/ bsgrub bya'i chos su mi rung ba nyid spang ba ni gal te rnam bcad tsam nyid kyis cir yang brjod med pa de gang gi'ang chos dang chos ma yin par yang ma grub pa'i phyir ji ltar bsgrub bya'i chos su 'thad snyam na/ rnam bcad tsam gyis 'gar yang brjod med nyid/ /bsgrub bya'i chos zhes btags nas bshad par zad/ /rnam bcad tsam zhes bya ba ngo bo 'ga' zhig du grub na dngos por 'gyur bas na de kho nar gang gi chos kyang ma yin pas na bsgrub bya'i chos med par 'dod pa ste rang bzhin bkag pa tsam du zad pas so/ /chos su bsnyad pa tsam ni mi 'gal te chos thams cad bkag pa la chos zhes bzhag nas gzhan go bar byed pas so/ /chos 'ga' 'ang ? med pa nyid 'di'i chos ma yin nam zhes @392b gsungs pa ltar ro/ ! /rtags kyi 'brel yul du ma grub pa spang ba ni 'o na yang de la rtags kyi 'brel ba'i yul gyi don ci yod zhe na/ de bzhin rtags kyi 'brel yul ma grub kyang/ /ldog pa'i 'brel pas mi 'khrul dgag pa des/ /de ni 'brel ba dang 'brel pa'i yul gang du'ang ma grub pas dngos su rtags gang dang yang ma 'brel mod kyi/ 'dir dgag pa tsam bsgrub kyi dngos po mi 'jog pas ldog pa'i 'brel pa las mi 'khrul ba 'grub par blta'o/ ! /gzhan gyi lugs dgag pa'i dbang du byas na spyir bstan pa ni/ 'di la kha cig yang dag bkag pa yi/ /rang bzhin med nyid bsgrub bya'i chos su 'dod/ /gzhan dag bden pa bkag nas brdzun pa yi/ /rang bzhin sgyu ma don dam nyid du smra/ /gnyi ga ? bde gshegs gsung las phyir phyogs shing/ /rigs pa'i lam las rab nyams rgyang ring dor/ /gzhon kyi lugs ni 'dir yod pa bkag pa'i med pa dang/ bden pa bkag nas brdzun pa yongs gcod du bsgrub pa'i tshul gnyis so/ /phyogs 'di gnyi ga yang lung dan rigs pa'i gnod pa du ma'i sgor gyur pas na/ shes bya'i de kho na dang mkhas pa rnams kyi gzhung gi don ma yin pas/ lam bzang po 'dzin par 'dod pa rnams kyis rgyang ring du 'dor bar bya'o/ ! /so sor dgag pa las med pa grub pa dgag pa la lung gis gnod pa ni/ de dag gal te rigs pas rang bzhin du grub pa rnam par bcad pa la ni de las ldog par yongs su gcod pas khyab pas na med pa nyid 'grub ste/ de ma grub na phan tshun spangs te gnas pa gnyi ga dgag pa mi 'thad pas yod par grub pa bzlog tu med pa'i phyir ma yin dgag gi stong pa nyid rigs pas gnas so zhes rtogs pa la/ gang phyir med pa'i mtshan mar zhen pa nyid/ /ma rungs lta chen gsor mi rungs sogs gsungs zhes bya ba ste/ rgyal ba'i yum dag las/ gzugs stong zhes spyod na mtshan ma la spyod do zhes bya ba dang/ 'od srungs gang zag tu blta ba ri rab tsam ni bla'i/ mngon pa'i nga rgyal can stong pa nyid du blta ba ni ma yin no zhes bya ba dang/ 'od srungs yod ces bya ba ni mtha' gcig go med ces bya ba ni mtha' gnyis @393a @#/ /pa'o; ;de gnyis kyi dbus gang yin pa ni rtag tu med pa bstan du med pa zhes bya ba dang/ rgyal ba kun gyis stong pa nyid/ /lta kun nges par 'byin par gsungs/ /gang dag stong pa nyid lta ba/ /de dag bsgrub tu med par gsungs zhes bya ba dang/ lta ba ji snyed gang yang rung/ /zhes bya ba la sogs pa gsungs so/ ! /rigs pa'i gnod pa ni/ med pa'i rang bzhin bsten pa'ang rtag la sogs/ /dngos po'i chos kyis khyad par nyid las dgag /gzhan yang/ med 'dzin tshad ma der ltos dngos nyid 'gyur/ /mi ltos yul la bslu bas tshad ma min/ /sngar brjod pa ltar rang bzhin 'ga' zhig tu rnam par gnas pa ni dngos po kho na'i chos yin pas/ yod pa las ldog pa'i med par gnas pa de rtag pa'am mi rtag pa yin/ dang po ni mi rung ste/ rtag pa ni dus thams cad du gnas pa'i dngos po'i khyad par yin pa'i phyir dang/ rim dang cig car don byed pa med pas bkag pa'i yang phyir ro/ /gal te dngos med rtag pa rim dang cig car don byed pa med la dgag par mi nus te ri bong gi rwa ltar don byed pa med par gnas pa'o/ /des na dngos po'i chos bkag pas 'di la ci gnod snyam na/ ri bong gi rwa ni dngos med kyi rang bzhin du gnas par ma grub ste/ grub par rtog na der yang klan ka mtshungs so/ /des na dpe ma grub pas mi rung ngo/ /mi rtag pa ni sngar yod phyis med pa res 'ga' ba'i rnam pas dngos por thal bar gsal lo/ /gzhan yang med pa nges pa'i tshad ma'i yod pa'i don gyi rjes su byed dam/ med pa'i don gyi rjes su byed/ dang po ltar na don byed pas dngos por thal lo/ /phyi ma ltar na gzhal bya bla bslu bas tshad mar mi rung ngo/ /rdzun par grub pa dgag pa la yang lung gis gnod pa ni/ de dag sgyu ma nyid rnam grangs ma yin pa'i don dam par 'dod la/ gal te sgyu ma ni med pa snang ba 'khrul yul yin pas rigs pas grub par ji ltar rung zhe na/ snang ba 'di la spros pa 'gog pa'i rtags kyis bden pa bkag pa grub pa nyid brdzun par grub pa yin par ci 'gal/ 'ga' 'ang ? ma mthong ba de kho na mthong bar gsungs pa la sogs pa'i lung gis kyang mi gnod @393b de de dag ni dgag pa don dam dngos por smra bas ji ltar brtags pa bkag pa la dgongs pa'o/ /des bsgrub pa don dam sgyu ma lta bu gnas pa la ci gnod ces rtog go/ ! 'di la'ang/ brdzun par grub la'ang 'ga' yang mthong med pa/ de nyid mthong bar gsungs sogs gnod mi zlog /ces bya ba ste/ de la zab mo ston pa'i lung rin po che de dag gis gnod pa ni bzlog tu med de/ 'ga'ang mthong ba med pa de kho na mthong ba dang/ ngas chos gang mngon par byang chub pa de la bden pa gcig kyang rab tu ma grub na bzhi lta ci smos pa dang/ skad cig gang la chos thams cad kyi de kho na mngon du gyur pa de la ni bden pa'ang med brdzun pa'ang med pa dang/ don dam pa ni rnam pa thams cad mkhyen pa'i ye shes rnam pa thams cad kyi mchog dang ldan pa'i yul las kyang 'das pa dang lus dang ngag dang yid kyi yul du gyur pa don dam par mi rung ba dang/ mnyam par bzhag pas ni chos thams cad nam mkha'i dkyil ltar mthong zhing rjes thob kyis ni sgyu ma la sogs pa ltar mthong ba dang/ nam mkha' mthong zhe sa sems can tshig tu rab ? brjod pa / /nam mkha' ji ltar mthong ste don 'di brtag par gyis/ /de ltar chos mthong ba yang de bzhin gshegs pas bstan/ /mthong ba dpe gzhan gyis ni bsnyad par nus ma yin/ /gang gis de ltar mthong ba de yis chos kun mthong/ /zhes gsungs pa la sogs pa thams cad kyis bsgrub pa'i yul rigs pas gnas pa phra rab kyang med par brjod do/ /de mtha' dag ni gang la dmigs nas lam goms pas de mngon du gyur pas de mngon du gyur pa na sgrib pa thams cad zad cing yon tan thams cad rab tu gsal bar 'gyur ba/ rang gi don dam pa nyid la dgongs pa las gzhan du drang ba'i go skabs med pa'i phyir/ dgag pa don dam zhes log par 'dren pa ni rang dgar zad do/ ! /rigs pas gnod pa ni/ snang bzhin mi bden sgyu ma'i don yin pas/ /yang dag kun rdzob nyid las ci zhig 'das/ /de nyid yin na'ang 'gal sogs gnod mang 'gyur/ /brdzun pa nyid kyi don dam sgra don gsal/ /bden nyid don dang shes las mi 'da' bas/ /dngos @394a @#/ /por smra ba'i tshul las ci zhig 'das/ /spros pa 'gog byed gcig dang du bral sogs/ /gtan tshigs kun dang de la mi 'khrul med/ /gnod pa lnga ste yang dge ba'i kun rdzob las chos gzhan du brtag par mi nus pa dang/ gzhan ma yin par yang mi 'thad pa dang/ don dam pa'i sgra don 'gal ba dang/ mi 'dod pa grub par thal ba dang/ rtags mi 'thad pa'o/ /dang po ni sgyu ma zhes bya ba med pa tsam yin te ri bong gi rwa ltar sgyu ma'i don med pas so/ /des na ma dpyad pa'i yul snang ba la bltos pas snang ba ltar mi bden pa yin pas na kun rdzob nyis las tha dad pa'i don ci yod/ brdzun par shes pa dang ma shes pa'i don gyis khyad par grub par yang brtag par mi nus te/ ma shes pa shes pa med pa'am gzhan du shes pa la brjod/ dang po ni mi rung ste/ rtogs pas dngos por 'gyur bas shes pa yod med gnyi gar yang dag gi kun rdzob kyi mtshan nyid gnas pas so/ /gnyis pa ni yang dag gi kun rdzob tu mi rung ste/ de ni brtags pas dben pa yin na/ sgyu ma las gzhan du shes pa ni brtags pa nyid yin pas so/ /gzhan ma yin pa ni 'dod pa ste brtags pas dben pa la sogs pas kun rdzob tu bzhag pa 'di nyid gang la dmigs nas sgrib pa zad cing yon tan gsal bar 'gyur ba'i chos kyi cha las don dam par 'dod pas so snyam na/ gnyis pa ni de ltar na dmigs pa'i cha de gang yin/ bden pa med pa tsam stong pa nyid ni sgyu ma ma yin la/ snang ba'i yul rdzun pa'ang kun rdzob las ma 'das pas so/ /'o na kun rdzob kyi khyad par de nyid don dam pa yin mod ci 'gal snyam na/ de ltar na 'khrul ba dang ma 'khrul ba'i yul bden pa dang brdzun pas rab tu phye bas zag pa rgyas par byed pa dang zad par byed pa'i dmigs pa 'gal ba'i chos dang ldan pa'i phyir/ de gnyis gcig par 'dod pas dang po 'gal ba 'du ba'i khur 'di theg cig /dgongs pa nges par 'grel pa la sogs pa las/ gcig pa las gsungs pa'i nyes pa rnams kyang sol zhig /gsum pa sgyu ma zhes bya ba rdzun pas na rigs pas grub pa bsal bas don dam pa'i sgra don ji @394b ltar 'thad de/ bslu ba med pas rigs pa ni/ don dam yin te kun rdzob min/ /de ltar mi slu min phyir te/ /zhes rigs pa'i yul nyid don dam par gsungs pas so/ /brdzun pa nyid du rigs pas grub pa ci 'gal te ming med nyid ming du 'gyur ba bzhin no snyam na/ re zhig rang tshig dang 'gal ba btang snyoms su zhog la/ gcig tu'am du mar grub ces bya ba la sogs pa'i dpyad pa'i khur longs zhig /rdzun pa la bden pa'i dpyad pa ci ste 'jug snyam na/ gcig dang du ma 'am shes dang shes pa la sogs par mi 'dod ni rigs pas cir grub/ des grub na bden pa nan gyis 'ong bas de dag tu dpyad pa las mi 'da' ste/ de nyid dbang byas rigs pa gang/ /bdag dang gzhan skye mi rigs pa/ /rigs pa de ni kun rdzob tu'ang/ /khyod 'dod skye ba rung mi 'gyur/ /zhes gsungs pas so/ /des na mi bden par bden pa dang/ dpyad mi bzod par dpyad bzod pa la sogs pa ma 'brel pa chen pos nyen par gsal lo/ /bzhi pa ni snang ba 'di sgyu mar rigs pas grub pa de nyid bden pa yin pas/ don du bden par grub na phyi rol smra ba dang shes par bden na rnam rig smra bar 'gyur ba las dngos por lta bar thal te/ bden pa'i dngos po ni don dang shes pa las gzhan mi srid pas so/ /lnga pa ni gzhan yang de rtags gang gis grub/ gcig dang du bral la sogs pa spros pa 'gog pa'i rtags ni gang dang yang rdzun pa'i dngos po gang du yang dngos dang ldog pa'i 'brel pa nam yang ma grub la/ don dam pa bsgrub pa'i rtags gzhan yang mi 'dod pa'i phyir ro/ /gcig dang du ma dang bral ba'i rang bzhin yin pa'i phyir zhe'am/ rten cing 'brel par 'byung ba yin pa'i phyir zhes bya ba la sogs pa rang bzhin gyi rtags kyang brtag par mi nus te/ rang bzhin de lta bu bsgrub byar gyur pas gzugs brnyan la sogs pa gang du'ang rtags kyi khyab byed du ma grub pa'i phyir dang/ grub na rtags kyi rjes su 'brang ba don med pa'i phyir shin tu rnam mi 'ong ba'i dpyad pa'o/ /rtags de dag gis bden pa bkag pa'i shugs la rdzun pa nyid gnas so snyam na/ snang bzhin pa bden pa bkag pas rdzun par ni 'grub na/ de don dam par ci @395a @#/ /ltar 'grub ste rdzun pa nyid kyis bsal bas so/ /gal te 'di 'grub na ni rnam rig smra ba'i rtogs pa'i ngo bo tsam myong bas grub pa la/ gnyis kyi mtshan nyid rigs pas bkag pas rtogs pa gnyis med don dam du grub par brjod pa cis kyang mi zlog pas dngos por lta ba nyid brtan par gyur to/ /des na gzhis bsdus pa'i dgag pa ni yang dag gi kun rdzob yin la/ dgag byas bsdus pas ni log pa'i kun rdzob yin pas don dam pa'i dri'ang med do/ ! /bsgrub bya'i chos de'i khyad par dgag bya bshad pa las/ brtags pa dgag byar spyir bstan pa ni/ de yang myong dang rtog la snang ba kun/ /'gog la mngon sum nyid kyis slar gnod pas/ /snang nyid gang yang dgag bya ma yin phyir/ /bden par btags pa'i khyad par can du gsungs/ /'dir nyams su myong ba'am rnam par rtog pa la'ang rung snang ba tsam 'gog na ni thams cad du'ang rang rig pa dang gzhan rig pa'i mngon sum gyis gnod par 'gyur bas na snang ba tsam ni gang yang dgag bya ma yin gyi/ rigs pas gnas pa bden pa'i rang bzhin du btags pa nyid 'gog pa yin pas na/ dgag bya'i khyad par gzung ba'i don du mkhas pa'i dam pa dag gis yang dag tu na zhes bya ba la sogs pa de dang de las gsungs pa'o/ /des na snang ba tsam ni tha na rtog med 'khrul pa'i gzung yul dung ser po lta bu dang/ rtog pa'i gzung yul bdag tu btags pa lta bu yang dgag bya ba ma yin te/ de 'gog ma 'khrul pa'i shes pa nyid dang rtog pa'i ngo bo yang 'gog par thal bas na mngon sum dang 'gal bar gsal bas so/ /rtog pa'i zhen yul ni bkag kyang de ltar mi thal bas na de 'gog pas btags pa dgag byar brjod pa'o/ /'di ltar zhen yul gyi dngos po med pa dang de ltar 'dzin pa'i 'khrul pa yod pa ni rtog pa gcig gi yul du mi 'gal bas na de'i yul du grub bde tha mi dad pa'ang yin no/ /'khrul pa'i blo la de ltar mi snang ba dang/ der 'dzin pa 'khrul pa yod pa ni rtog pa gcig gis yul du byed pa 'gal bas na yul dang yul can dag rtog @395b pa'i yul du grub bde mi gcig pa'o/ /de ltar dmigs pa bkag pa na der 'dzin pa'i blo 'ang 'gog par thal lo/ /de lta na yang mngon sum gyis gnod pa dang/ tshad ma phan tshun gnod na tshad ma tshad ma yin pa'i tha snyad 'jigs pas na/ nyams su myong ba gang yang ni/ /dgag par rigs pa ma yin te/ /btags pa ma yin 'gog pa ni/ /bdag la gnod 'gyur 'ba' zhig go zhes bya ba dang/ tshad mas gnod na tshad ma'i bdag /yid brtan du ni mi rung 'gyur zhes gsungs pa'o/ /gal te yang dag pa'i kun rdzob 'khrul ba'i don yin yang de 'gog pa la tshad ma phan tshun gnod pa'i nyes par 'gyur na/ btags pa 'gog pa la'ang nyes pa der ci ste mi 'gyur/ yang na kun rdzob yang dag de 'khrul pa'i dmigs pa yin par dor dgos so zhe na/ ma yin te btags pa'i zhe na don dang de kho na sems pa'i tshad ma gnyis ni yul gcig la 'jug pa'i phyir dang/ phan tshun 'gal ba bsgrub pa'i phyir dang/ gcig la bslu ba med cing gzhan la yod pa'i phyir gnod bya gnod byed yin gyi/ kun rdzob kyi dngos po dang de kho na sems pa'i rigs pa dag ni dmigs pa tha dad pa'i phyir gnod bya gnod byed ma yin te/ mig gi blo dang rna ba'i blo bzhin no/ /des na btags pa kho na dgag byar 'dod do/ ! /don de nyid bsgrub pa ni/ de ni rigs pas med par nges bya ba'i/ /btags sogs chos rnams mtha' dag yin mod kyi/ /'on kyang btags sogs so sor bden pa ni/ /rtog yul nyid kyis btags pa dgag byar grub/ /'di ltar gang zhig rigs pa'i dbang gis med par nges par bya ba de ni dgag bya yin gyi/ gzhig par bya ba ni ma yin no/ /med par nges par bya ba de ni kun btags dang gzhan dbang dang yongs su grub pa'i chos thams cad yin te/ blo yis rnams par btags nas ni/ /kun btags med cing gzhan dbang med/ /grub pa'i dngos po yod min na/ /blo yis ji ltar rnam par brtag ces gsungs pas so/ /'on kyang kun btags la sogs pa so sor rang bzhin du bden par gnas so zhes bya ba de ni ji lta bar myong ba'i blo'i yul ma yin gyi rtog pa nyid kyi @396a @#/ /yul yin pas btags pa dgag byar brjod pa'o/ /des na ji ltar myong bzhin pa'i don ni med par nges mi nus te myong byed kyi blos ji ltar dmigs pa de ltar med pa 'gal ba'i phyir ro/ /btags pa'i don nyid med pa nges par bya ba yin te/ rtogs byed kyis ji ltar dmigs pa de ltar med pa mi 'gal ba'i phyir ro/ /de lta na yang 'gog pa'i yid kyis de ltar ma btags so zhes med par nges pa ni ma yin te/ de ltar rtogs pa rang rig pas grub pas de 'gog na snang ba 'gog par thal bas so/ /'on kyang de kho nar ni ma yin no zhes nges par byed la/ de'ang rtog pa'i yul tsam yin pas btags pa nyid dgag bya yin gyi snang ba tsam ni ma yin par 'dod pa'o/ ! /de la rtsod pa spang ba las rtsod pa dgod pa ni/ gal te dngos po 'jig byed bkag sogs phyir/ /dgag bya yod min de 'gog blo bltos na// dngos nyid dgag bya de yang rtog pa yis/ /bzhag par 'dod na 'khrul pas kyang 'dzin mtshungs/ /gzhan yang 'di gnyis yul bzlog med pa ni/ /'khrul pa nyid du ji ltar 'grub ce na/ /zhes bya ba ste/ de kho nar ni dgag bya ma grub bo/ /'di ltar dgag pa'i don dngos po 'jig par byed pa ni ma yin te/ 'jig pa'i rgyu sun phyung ba'i phyir dang/ tshad ma'i byed pa ni gzhan yin pa'i phyir ro/ /gzhan yang dngos po yod pa dgag mi nus la med pa dgag mi dgos pas kyang dgag bya med do/ /de kho nar med kyang dgag pa nges pa'i blo'i rjes su 'brangs te 'jog pa'o zhe na/ des med par nges par bya ba ni rang gi mtshan nyid kho na ste de yod na blo de bslu bar 'gyur pas de'i mi slu ba ni dngos po nyid bkag pa la ltos pa'i phyir ro/ /de ltar na yang dngos po de nyid gang du tshad mas dgag par bya ba'i yul der myong bas mi 'dzin gyi rtog pa tsam gyis nges pas btags par 'dod na/ 'o na gang du bum pa tshad mas 'gog pa der rtog med 'khrul pas kyang don de 'dzin srid pa na myong ba'i don yang dgag byar thal lo/ /der blo de'i ngor bum pa yod pa tsam dgag bya ma yin gyi bden pa 'gog na/ so na btags pa'i don yang rtog ngor yod pa tsam @396b dgag bya ma yin pas mtshungs so/ /gzhan yang rtog med 'khrul pa dang rtog pa gnyi ga la snang ba dgag bya ma yin na/ yul ma bkag pas de gnyis 'khrul par mi 'grub ste ma 'khrul bar 'dod pa dag bzhin no zhes bya'o/ ! /'di dgag pa'i dbang du byas nas brjod pa/ /de lta mod kyi dngos gang bkag des de/ /rtog yul nyid de myong bas 'dzin mi srid/ /bkag pas de la'ang 'khrul snang 'jug phyir dang/ /'gog pa'i tshad mas dgag byar ma rtogs phyir/ /des na sgro 'dogs dang ni gnod byed blos/ /dngos por mos te btags pa kho nar zad/ /'di nyid bkag pas dngos yul ma bzlog kyang/ /'khrul rtog rdzun nges skra shad la sogs pa/ /snang bzhin nyid na bden pa 'gog byad las/ /'khrul par nges pa gsal bar dmigs phyir ro/ /de ltar don dam par dgag bya med pa dang 'gog pa'i blo'i rjes su 'brangs nas tha snyad byed na yang rang gi mtshan nyid kho na dgag bya yin pa ni khas len to/ /'on kyang blos rang gi mtshan nyid 'ga' zhig yod par bzung ba dang de bkag par zhen pa dag ni rtog pa 'ba' zhig gi yul yin pas de kun btags nyid dgag byar brjod do/ /myong ba 'khrul pas ni de yul du byed pa mi srid de/ /myong ba ji ltar snang bzhin pa ni bkag pa nges par byas pa'i chos can la yang yod pas de tshad mas gnod bya ma yin pa'i phyir te/ yin na tshad ma'i mi slu ba la gnod pa'i phyir ro/ /dgag bya yod na ni de med par nges pa'i blo bslu bar 'gyur bas tshad mar mi rung ngo/ /'gog pa'i tshad mas de med par ma rtogs pa'i yang phyir te/ kho bos 'khrul ngor yod pa bkag go zhes zhen pas mos pa med pa'i phyir ro/ /des na tshad mas bkag pa la yang 'khrul ba'i gzung ba tsam 'jug cing tshad ma'i zhen pas kyang de dgag byar ma rtogs pas/ /dmigs par bya ba tsam ni gang yang dgag bya ma yin pas na rtog pas zhen bya brtags pa kho na dgag byar grub bo/ /de lta na yang sgro 'dogs dang gnod byed kyis rnag gi mtshan nyid du zhen par byas pa'i phyir dngos por 'dzin pa nyid 'gog par brjod pa yang mi 'gal lo/ /de nyid kyi phyir rtog med 'khrul pa'i gzung yul skra shad la sogs @397a @#/ /pa dang/ rtog pa la snang ba'i spyi la sogs pa dgag bya ma yin pa la 'dzin pa dag kyang/ gzung yul de dag nyid dgag pa la mi ltos par zhen yul bden pa bkag pa nyid las yul brdzun par grub pas der 'dzin pa 'khrul par grub bo/ /de lta ma yin na 'khrul pa snang ba'am der nges pa ma log par 'khrul par mi rtogs par 'gyur na/ skra shad la sogs pa'i rnam pa'am de dmigs par nges pa nyid ni de nyid kyis bden pa bkag pa las 'khrul par shes pa ni myong bas yang dang yang du grub pa'i phyir ro/ /de ltar na rtog med kyi snang bas ni tshad mas gnod pa'i don mi 'dzin la zhen pa yang de la med do/ /rtog pa'i snang bas de mi 'dzin yang zhen pas dgag bya 'dzin pa'i phyir kun btags par brjod pa yin no/ /chos de nges pa'i rjes dpag rigs pa'i shes pa la chos can snang ngam mi snang zhe na/ tshad ma'i 'jug pa ji lta ba ni snang ba nyid yin pas log rtog gi gnas med mod kyi/ bod blun po snang sel bar grags pa dag mi snang bar 'dod de/ de'ang dgag bya yin pas dang yul ma yin pas mi snang bar 'dod pa'i phyogs gnyis so/ ! /log rtog de dag dgag pa las/ dang po'i log rtog dgod pa ni/ kha cig snang ba nyid la bden par ni/ /btags pa 'gog pas gtso bo la sogs pa'ang/ /chos can dgag bya yin phyir 'gog shes la/ /de nyid snang ba 'gal bas mi snang 'dod/ /ji ltar chos can 'di la rig ngor grub pas bden par btags pas dgag bya yin pa ltar snang ba'i chos can nyid kyang ste/ bden pa bkag pa nyid kyis de yod pa ci'ang ma grub pas so/ /des na gang zhig gang gis med par nges par byed pa de la de snang ba ga la srid de/ dkar po shes pa la nag po bzhin no/ /de'i phyir gtso bo la sogs pa 'gog pa la'ang dgag bya nyid chos can yin pas/ phyogs chos kyi tshul yang dgag bya'i chos can la khyab byed bkag pa'o zhes 'dod pa'o// ! 'di ni shin tu ma brtags pa'i smra ba yin pas de dgag pa'i dbang du byas nas nyes pa lnga brjod pa/ 'di ni rigs pa'i byed pa'i tshul spangs shing/ /dam bcas don la @397b mngon sum nyid kyis gnod/ /de 'gog rtags ni 'ga' yang mi 'thad de/ /chos can nyid kyang mi mthun phyogs su 'gyur/ /des na 'di ni snang dang bden sogs kyis/ /ldog pa 'dres pa'i mun sprul lam gol yin/ /dang po tshad ma'i byed pa'i tshul las 'das pa ni/ 'dir rigs pa'i byed pa ni dngos po 'jig par byed pa ma yin gyi/ 'on kyang shes bya ji ltar gnas pa don dam par yod pa dang de dag tu med pa'i de kho na dag la de dag ji lta ba nyid du rtogs par byed pa yin la/ de'ang gzhal bya la mi 'khrul pa'i rgyu mtshan 'brel pa'i dbang gis 'jug par ro gcig pas de kho nar grub pa dang ma grub pa las brtan pa dang g.yo ba'i khyad par gnyis med pa yin na/ gal te chos can snang ba tsam du yod par tha snyad pa'i tshad mas grub bzhin du/ yang de tsam nyid 'gog pa'i tshad ma gzhan 'jug par 'dod na/ slan de tsam du yod pa la med par phyin ci log par thal lo/ /yang na tshad ma de sun phyung na gnod byed la'ang yid brtan du med de/ mtshan nyid can la gnod pas mtshan nyid sun phyung ba'i phyir ro/ /de ltar mi 'gyur na ni rigs pa'i shes pa de dngos po 'jig byed du thal ba cis zlos/ de 'gog pa'i dam bca' bsal ba ni gzhan yang snang ba tsam du mngon sum nyid kyis grub pa bzlog pa'i dam bca' la mngon sum des tshur ci ste mi gnod de snang ba tsam dgag bya ma yin par bsgrubs ma thag pa bzhin no/ /gal te mngon sum la mi snang ngo zhes ni mi brjod kyi snang ba nyid rigs pas gnas pa 'gog pa na mngon sum la rigs pas gnas pa ji ltar snang/ snang na gcig dang du mar snang grang na gang yang mi rung bas mngon sum dang 'gal ba ni thag ring ngo snyam na/ 'o na de chos can dgag byar ma gyur te de ni ma dpyad pa'i yul tsam du snang ba yin la dgag bya ni rigs don bden par btags pa yin pas na/ sgra dang rtag pa ltar chos tha dad pa 'gyur ba'i phyir ro/ /chos tha dad kyang sgra dang yod pa ltar de'i ngo bo yin pas de nyid dgag byar ci 'gal zhe na/ 'o na chos can gyi ngo bo la gnod pas chos can phyin ci log tu bsgrub pa yang dag gi rtags sngon med pa @398a @#/ /zhig bzhag pa 'thad na/ de'ang mi srid de khyab byed la sogs pa dgag par ni 'gal la/ 'gal zla bsgrub par yang mi nus shing/ de dag las gzhan yang mi rung bas so/ /des na rtags kyis rang gi chos can bzlog pa ga la srid/ 'o na de nyid kyis chos can phyin ci log tu bsgrub pa'i 'gal ba'ang mi srid par thal te ma grub par 'gyur bas so zhe na/ de ni rtags kyi chos can la grub pas bsgrub bya'i chos can bzlog pa las 'dod pas mi 'dra'o/ /de 'gog pa'i rtags mi 'thad pa ni snang ba nyid la yang dag 'gog pa'i rtags ston na/ yang dag gi'am snang ba tsam gyi gcig dang du bral la sogs pa la 'dod/ dang po ltar na yang dag gi gcig dang du mas snang ba la khyab bam ma khyab/ khyab na de dang bral ba ci ltar grub ste khyab byed yin pa'i phyir rtsol byung la mi rtag pa dang bral ba bzhin no// khyab par yang phan tshun spangs pa las yin pas gnyi ga dgag par mi nus te gcig bkag pas gzhan grub pa yin pas so/ /ma khyab na yang de dag bkag pas de ji ltar dgag ste/ phra rags bkag pas rnam shes 'gog pa ltar khyab byed ma yin pas rtog pa'i ltag chod du 'gyur bas so/ /phyi ma ltar na ma grub par gsal te/ snang ba thams cad zla bcas zla med gnyis su gsal bar dmigs pas so/ /gzhan yang de gcig dang du bral la sogs pa'i rtags dang 'gal lam mi 'gal/ 'gal na ni mi rtag pa la rtag pa ltar rtags ma grub par gsal lo/ /mi 'gal na yang bum pas snam bu ltar des de dgag par mi nus so/ /chos can mi mthun phyogs su thal ba ni de nyid dgag bya yin na mi rtag pa bsgrub pa la rtag pa ltar mi mthun phyogs su thal lo/ /de la rtags zhugs pas dngos kyi ma nges par ci mi 'gyur/ ma zhugs na ni ma grub pa las gzhan ci yin/ de ni btags pa'i dgag bya la yang mtshungs so snyam na/ kho bo cag dgag bya gzung yul la mi 'dod kyi zhen yul yin pa dang/ de brtags par brjod pa ni blo gzhan gyis dpyad pa'i tha snyad de sgro 'dogs nyid kyis ni bden par nges par @398b byas pa'o/ /des na de kho nar med pa las ma 'das pas mthun phyogs nyid do/ /mi mthun phyogs bden par grub pa ni gtan med pas de la rtags 'jug pa ga la srid/ chos can la yod pas ma nges par byed pa ni su'ang med do/ /de dgag byar mi 'thad pa'i don bsdu ba ni gal te mi snang ngo zhes ni mi brjod pas snang ba tsam mi 'gog gi de nyid rig ngor yod pa 'gog pas snang ba bkag pa las kyang ma 'das la nyes pa de thams cad kyang med do snyam na/ 'di la brjod zin te/ de dgag byar ni 'dod mod kyi 'on kyang snang ba tsam las lhag pa'i chos dngos por sgro btags pa yin pas ldog pa tha dad na de bkag pa snang ba bkag pa ci ltar yin/ ldog pa gcig na ni skyon de dag mi bzlog pas na/ nyams su myong bar dgag par mi rigs pa la sogs pa gsung rab tu gsungs pa'o/ ! /yul ma yin pas mi snang ba dgag pa'i dbang du byas nas log rtog dgod pa ni mi snang ba'i sgrub byed dang/ snang ba la gnod pa brjod pa gnyis te/ /gzhan dag so sor brtags nas 'jug pa yi/ /chos nyid shes la spyod yul ma yin pa/ /'khrul pas dmigs pa'i chos rnams ji ltar snang/ /zhes bya ba dang/ snang na de yang rigs grub nyid 'gyur ba'am/ /yang na spros tshogs snang bas rigs shes nyid/ /ma yin 'khrul shes nyid du 'gyur zhes zer/ /zhes bya ba ste/ brtags shing dpyad nas 'jug pa rigs pa'i shes pa la/ ma dpyad par 'jug pa'i blo la snang ba'i 'khrul pa'i dmigs par gyur pa'i chos can 'di dag ji ltar snang bar mi 'thad de yul ma yin pa'i phyir mig gi blo la sgra bzhin no/ /gal te snang na ni de'ang rigs pas grub par 'gyur ba'am/ yang na de la spros pa'i tshogs snang bas rigs shes nyid ma yin par 'gyur te/ de ni spros pa'i dra ba mtha' dag gcod pas bdag bral ba'i yul can du 'dod pa'i phyir ro/ ! /'di'ang shin tu ma brtags pa'i smra ba yin pas de gnyis thun mong du dgag pa drug brjod pa/ 'di la'ang chos can dgag bya nyid 'gyur zhing/ /bsgrub pa'i rjes dpag rnams dang dgag pa yi/ /rjes dpag gzhan dang phyogs chos 'dzin pa la'ang// @399a @#/ /chos can mi snang nyid 'gyur khyab pa dang/ /bsgrub bya 'dzin pa'ang khyad par med 'gyur bas/ /shin tu ma brtags smra ba nyid du gsal/ /des na 'di ni de yis dran pa yi/ /mdun du byas nas rtags las bden pa yin/ /rang bzhin bkag nyid bsgrub pas snang nyid de/ /ji ltar rigs drug bspros bcas 'gyur ba dpyod/ /dang po dgag bya nyi du thal ba ni chos can de snang bas rigs shes spros pa gcod byed ma yin par 'gyur na/ de'ang nges dpyad bya spros par 'gyur bas dgag bya nyid du thal te/ dgag bya ma yin par snang bas ni spros pa'i blor mi 'gyur bas so/ /'gyur na ni rtag pa nges pa la spyi snang bas kyang rtag pa'i sgro 'dogs mi chod pa la sogs pas ha cang thal ba'i phyir ro/ /gal te rigs pas gnas pa nyid dgag bya yin pas 'di dag dgag byar mi 'gyur yang/ snang ba'i lam du gyur pas spros pa yin pa ci 'gal/ des na 'di ni gyi na'o snyam na/ 'dir spros pa ni blo'i yul mtshan nyid 'ga' zhig gnas pa yin la/ de yid la mi byed pa tsam mam ting nge 'dzin la sogs pa'i man ngag gis de la rnam rtog 'phro ba bcil ba tsam ni spros bral rtogs pa dang de bsgom pa'i lam ma yin te/ sems med pa'i snyoms 'jug dang brgyal ba la sogs pa bzhin no/ /des na spros pa la gnod pa'i tshad mas yul bkag pas blo rdzun par bsgrub pa la kho na spros pa gcod pa'i lam du 'thad pa na/ spros pa yin na dgag bya las mi 'da' bas snang ba tsam ji ltar dgag par nus pa smros shig /bsgrub pa nges pa'i rjes dpag la yang mi snang bar thal ba ni gal te snang ba tsam dgag byar ni mi 'dod de 'on kyang spros pa thams cad las 'das pa rigs shes la de snang bar nam yang mi 'thad do/ /snang na ni de'ang rigs pas grub pas spros bcas nyid las mi 'da'o snyam na/ 'o na bsgrub pa'i rjes dpag sgra mi rtag par nges pa lta bu la chos can snang ngam mi snang/ mi snang bar ni mi rung ste/ de ni mi rtag par mi nges par thal ba dang/ chos tsam khyab pa'i dus su grub pas tshogs pas bsgrub par thal ba dang/ @399b slob dpon gyis kyang tshogs pa'i yul can du lan gcig ma yin par gsungs pas so/ /snang na 'dir yang sgra rjes dpag gis grub pa dang/ des kyang rtag pa'i spros pa ma bkag par thal ba cis zlog /gal te sgra ni mngon sum gyis grub zin pas yang ci bsgrub ste thug pa med par thal bas so/ /sgra dang rtag pa'am chos tha dad pas de snang yang rtag pa ma zlog par mi 'gyur ro/ /des na tshogs pa bsgrub pa la chos can snang yang/ der gang rtags kyis nges pa de tsam rjes dpag gis grub par 'dod pas sgra ni gzhi tsam du snang la/ rtags las rnyed pa'i shes bya ni mi rtag pa kho na'o/ /de ni yang dag pa'i don te/ 'dir yang de bzhin du rtags las rnyed pa'i shes bya ni rang bzhin rnam par bcad pa tsam yin la/ chos can ni de'i gzhi tsam du sgra ltar snang bar 'dod pa na de rigs pas grub pa'am spros par ga la 'gyur/ 'o na rigs pa'i shes pa la chos can mi snang ba'i phyogs 'ongs te/ chos can tha snyad pa snang ba'i cha ni tha snyad pa'i blor 'gyur la/ gang las rigs shes su 'gyur ba rtags las spros pa bkag pa'i cha ni snang ba thams cad las 'das pas so snyam na/ 'o na der yang sgra snang ba'i cha la blo gzhan du 'gyur zhing/ rjes dpag ni mi rtag pa tsam las yin pas na de la'ang chos can mi snang bar 'gyur te/ sgra ni rtags las rnyed pa'i shes bya ma yin pas so/ /'on te der ni mngon sum gyis grub pa'i sgra dran pa la rtags las mi rtag pa bsgrubs pas spyi'i yul can du thal te/ sgra snang bas mi rtag pa la mi gnas so/ /'dir ni snang ba'i mtshan ma dang ma bral na rigs shes su mi 'gyur bas de ci ltar snang ba'i spros pa spyod yul nyid du nye bar len snyam na/ mtshungs pa nyid de der yang rtags kyis gzhag bya ni mi rtag pa tsam ste sgra grub zin pas so/ /des na de rtags can gyis blo la snang bar ci ltar yang mi 'thad do/ /gzhi tsam du snang ba ni 'dir yang mi 'gal te rigs shes nyid kyis snang ba tsam gyis chos can dran pas mdun du byas nas chos nyid spros pa med pa de la ma 'brel ba bcad pas spyi'i yul can @400a @#/ /yin yang snang ba tsam gyis bden pa'i spros med la mi gnod pa'i phyir ro/ /dgag pa nges pa'i rjes dpag gzhan la yang mi snang bar thal ba ni mtshan nyid mtshungs pas gtso bo la sogs pa 'gog pa na yang sgra don gyi chos can mi snang bar 'gyur ba'i phyir/ gang la dgag bya dpyad pa'i gzhi ma grub pas de'i chos ci ltar 'grub dpyod cig /des na gang sgro 'dogs kyis bden par btags pa de nyid chos can 'dzin pas mdun du byas te/ khyab pa dran pa can gyi rtags 'dzin pas kyang de nyid la phyogs chos bsdus nas/ don de dgag pa nges pa'i rjes dpag kyang de nyid la skye ba'i tshul 'di las ni sus kyang 'da' bar bya ba ma yin pa'o/ /phyogs chos 'dzin pa la'ang mi snang bar thal ba ni yang phyogs chos gcig dang du bral la sogs pa 'dzin pa chos la chos can snang ngam mi snang snang na de nyid rang bzhin med pa'i don sgrub byed rigs shes yin pas na/ de la snang bas snang ba rigs grub dang de spros pa gcod byed ma yin par thal ba khyed la mi 'bab bam ci/ 'dir rtags can gyi blo ni tha snyad tsam bsgrub pa rang bzhin gyi rtags su zad kyi/ phyogs chos 'dzin pa nyid spros pa 'gog pa'i don bsgrub byed yin pas so/ /de la yang mi snang na ni phyogs chos ma grub par gsal lo/ /chos can ma grub kyang phyogs chos bsgrub nus su chug na ni khyab pa grub pa'i tshe'ang rjes dpag skye bar thal lo/ /khyab pa dang bsgrub bya rtogs pa khyad par med par thal ba ni spyir sgra rtags kyi bya ba ni thams cad du snga na med pa'i rtogs pa cung zad skye ba yin pas rtags kyi khyab par 'dzin pas rtags la bsgrub byas ma khyab pa'i dogs pa bsal nas/ phyogs chos 'dzin pas khyab bya gzhi 'ga' zhig tu nges pa las/ rjes dpag gis dang bsgrub bya de med pa'i sgro 'dogs sel bas ma 'brel ba rnam par gcod pa'i tshogs pa nyid bsgrub pa la sogs pa yin na/ 'dir ni rjes dpag la'ang chos can mi snang bas/ khyab pa 'dzin pa las rtog pa'i rnam pa lhag ci'ang med pa'i phyir ci ltar de la sgro 'dogs @400b gcod byed du 'gyur/ de nyid la mi snang yang khyab pa 'dzin pas spyir nges pa dang/ phyogs chos 'dzin pas de la rtags nges pa'i byed pa las/ des de la sgro 'dogs gcod pa ci 'gal snyam na/ rgyu gang gis yin/ rtog pa'i rnam pa mi 'dra ba med kyang goms pa tsam gyis yin na ni/ rjes dpag thug med skye bar thal lo/ /rtogs pa'i khyad par la bltos na yang 'dir gang yod de/ gnyi gas rtags la bsgrub byas khyab pa tsam nges par zad pas so/ /phyogs chos 'dzin pa'i byed pa las kyang rang gis de ma bzung bar ni de la nges byed du mi 'gyur la/ de'i rjes su 'brangs nas nges pa na ni gdon mi za bar chos can snang bar 'dod par bya'o/ /gal te rigs shes nyid kyi mtshan nyid nas mi snang yang de'i ldog pa gzhan la snang bas sgro 'dogs 'gog pa ci 'gal snyam na/ de nyid la mi snang na gzhan la snang bas gzhan sgro 'dogs gcod byed du ji ltar 'gyur te/ mig gis kyang sgra la'am/ mi rtag pa'i rjes dpag gis spyi la'am/ gtso bo 'gog pas rang la sgro 'dogs gcod par thal bas so/ /de sna ldog pa gzhan ni rigs shes ma yin na de la snang bas ci phan chos can snang ba'i ldog pa de la nges par ltos nas yin pas phan no snyam na/ 'o na de dag tshogs pa rigs shes su gyur pas chos can snang ba nyid 'ongs so/ /gzhan yang tshul 'dis phyogs chos kyi byed pa la bltos par yang mi 'thad de/ de ni chos can so sor nges pa la sgro 'dogs gcod pa yin na/ 'dir ni des gtad pa'i rjes dpag nyid la chos can snang na rigs shes su mi 'gyur bas snang du mi rung ba na/ ji ltar de snang ba nges par 'dren pa de'i byed pa la bltos par 'gyur/ /de sna rjes dpag ni thams cad du yang tshogs pa'i yul can nyid du 'thad pa'i lam las gnas pa yin na/ 'dir ni chos tsam las snang du mi rung bas rjes dpag gi tshul las 'das par 'gyur te tshogs pa snang ba la so sor snang bas khyab pas so/ /gal te gnas skabs gnyis las gtan la 'bebs pa'i tshe snang la/ phebs pa'i tshe mi snang bas nyes pa de dag med do snyam na/ sgro 'dogs gang gi tshe gcod/ @401a @#/ /dang po'i tshe yin na de nyid rigs shes yin pas de la chos can snang bar gyur to/ /gnyis pa'i tshe ni de la sgro 'dogs gcod pa'i don med de chod zin pa'i phyir ro/ /snang ba la gnod pa spang ba'i don bsdu ba ni de ltar spros pa mtha' dag 'gog pas bden pa'i don can du 'dod pa de la ni snang yang mi nges pa'am nges kyang tshad mar mi 'gyur ba lta bu mi srid pas na/ chos can rigs pas grub pa'am spros pa snang bar thal ba ni cis kyang mi zlog go snyam na/ 'di la mang du brjod zin to/ /gzhan yang de la chos can ni rtag par bya ba'i gzhi tsam du snang gi de nyid don dam par gnas par ni ma yin na ji ltar de snang ba tsam gyis rigs par grub par 'gyur te rjes dpag gis gzung yul spyi bzhin no/ /spyi la ltos nas ni rigs shes nyid ma yin te de ni bsams pa'i don rtags las rtogs pa tshad ma'i yul ma yin pas mi 'dra'o snyam na/ 'dir yang de bzhin te chos can ni sngar nyid grub zin pas 'di'i bsams pa'i don ma yin no/ /des na de rtags las bden par nges na ni des grub par 'gyur na/ 'di'i rtogs pa'i rnam pa ni chos can 'di dag rtags 'dis rang bzhin med par rtogs so zhes/ gzhi de la rgyu mtshan de las chos nyid de nges par byed pa yin pa na/ gang rtags kyi khyab byed du bzhag pa de nyid des grub pa yin gyi/ cha gzhan ni ma yin pas ci ltar rtags kyi khyab byed ma yin pa de rigs pas grub par 'gyur dpyod cig /de nyid kyis gnyis pa'ang bsal te/ tha snyad pa'i don nye bar brtags pa'i don dam yid kyi rgyal srid ltar dran pa'i yul tsam du bzung nas de'i chos nyid dpyod par byed pa na/ bden zhen gyi gnas ma yin pa de tsam snang bas/ bden pa'i mtshan ma thams cad kyis stong par nges par byed pa de spros pa'i yul can du ci ltar 'gyur te/ 'khrul pa la 'khrul par nges pa ni ma 'khrul ba nyid yin pas so/ /de lta ma yin te chos can snang bas chos nyid kyi spros par 'gyur na ni spros bral gyis nges pa gtan mi rnyed pa'am/ chos nyid la'ang chos nyid spros pa dang bcas par 'gyur te/ gang @401b phyir dben pa dben gyur las/ tha mi dad pa nyid du 'dod ces gsungs pa ltar chos nyid ni chos can las gzhan du mi 'jug pas nam yang dbye bar mi nus shing/ de snang bas kyang de nges pa'i gegs byed pa'i phyir ro/ /gzhan yang de lta na sgra snang bas kyang skad cig ma dang gtso bo snang bas kyang de med pa la gnod par 'gyur na/ de dag ni chos tha dad pas gzhi tsam du snang gi bsgrub bya'i chos bkag par mi snang bas mi gnod par rnam par 'jog pa ltar/ 'dir yang snang ba 'di spros pa dang bral ba'i gzhir snang gi de nyid don dam par ga la snang/ des na chos can dgag byar 'dod pa dang de snang bas spros bcas su 'gyur ba la sogs par rtogs pa thams cad ni snang ba dang yang dag gam/ chos can dang chos la sogs pa'i ldog pa 'dres pas kun tu 'khrugs par gyur pa 'ba' zhig go /de ltar na brtags shing dpyad nas 'jug pa dang ma brtags pa'i tshul mi mthun pas mi snang bar brjod pa yang rang dgar zad de/ gtso bo dang sgra la sogs pa yod pa dang med pa la sogs par dpyod pa can ma yin pa'i yul yin pas mi rtag pa la sogs par dpyod pa can rjes dpag la mi snang bar thal bas so/ /de'i phyir chos can nges par snang ba dang yang dag gi rang bzhin rnam par bcad pa tsam gyi tshogs pa 'god pa'am/ de lta bu'i chos nyid ma 'brel pa rnam par bcad pa'i tshogs pa rjes su dpag par bya ba yin no zhes bya ba 'di legs par gnas so/ ! /gtan tshigs ni so so'i skabs ji lta ba bzhin 'chad par 'gyur mod kyi 'on kyang gcig dang du ma dang bral ba ni chos 'di pa'i gzhung lugs pa thams cad kyis gang zag dang phyi rol dang rnam pa dang rang rig la sogs pa dgag pa thams cad la thun mong so sor yang skyabs su bya ba dang dka' ba'i gnas mang ba yang yin pa'i phyir/ 'di'i phyogs tsam rnam par bzhag 'dod nas rtags kyi rang bzhin spyir bzhag pa ni/ rtags kyang bden pa'i gcig dang du ma dag /rnam bcad tsam ste rtogs byed rgyu nyid yin/ /'dir snang ba tsam gyi gcig dang du ma dang bral ba ni @402a @#/ /ma grub pa la sogs par 'gyur bas na bden pa'i gcig dang du ma rnam par bcad pa tsam gyi med dgag nyid do/ /gal te rjes dpag ni tshul gsum pa'i rtags las skye ba ma yin nam/ med dgag de rgyur ji ltar rung snyam na/ rjes dpag rtags kyi rgyu can du gsungs pa ni gzhal bya rang gi ngo bos rtogs pa bkag nas yan lag gzhan gyi rjes su 'brangs te 'jal bas/ de'i shes byed kyi rgyu rtags yin pa la dgongs pa ste/ skyed byed kyi rgyu ni dngos su rtags 'dzin gyi shes pa la sogs pa gzhan nyid do/ /brgyud nas ni la la'i rtags yin pa'ang srid do/ /med dgag tsam rtags 'dzin gyi rgyur yang ji ltar rung snyam na/ mi rung mod tha snyad pa'i chos can la sogs pa nyid las de skye ba ci 'gal te/ shing med pa'i sa phyogs bzung ba las shing med par nges pas sha pa med par nges pa bskyed pa la sogs pa bzhin no/ / 'o na gtso bo la sogs pa sgra don tsam gyi chos can la brten pa'i gang las skye snyam na/ de ni rang rig gi shugs las nges pa yin la/ rang rig ni phyi rol la mi ltos te de ma thag pa nyid las skye bas na thams cad 'tsham mo/ ! /de nyid bsgrub pa ni gal te rtags 'di bsgrub par ji ltar nus te gcig dang du ma ni phan tshun spangs pa'i dngos 'gal yin pa'i phyir rnam pa gzhan mi srid pa na/ gcig bkag pas du ma gnas par 'gyur bas na gnyi ga dgag par mi nus so/ /nus na ni rnam pa gzhan srid pas 'gal ba ma grub pa'i phyir khyab pa med par gsal lo snyam na/ don gcig la ni 'di gnyis 'gal ba las/ /khyab pa legs gnas snang dang bden sogs la/ /bltos nas gnyi ga 'gog pas phyogs chos 'grub/ /gzugs dang rnam shes la ni phra sbom bzhin/ /'dir don gcig la ni 'gal bas gnyi ga dgag mi nus pa kho na ste gzugs can la phra sbom bzhin no/ /'on kyang snang ba dang bden pa la bltos na dgag nus te rnam shes la phra sbom bzhin no/ /des na bden pa nyid la 'gal bas de gnyis gang rung las mi 'da' ba ni khyab pa grub la snang ba la bden pa'i de gnyis kyis ma khyab pas ni @402b gnyi ga dgag nus pa las phyogs chos grub pa'o/ /snang ba nyid kyi ni gnyi ga dgag par mi nus mod kyi de bkag pa rtags su mi 'dod do/ /de ltar la lar 'gal ba la mi 'gal ba nyid ji ltar rung ste/ rtag mi rtag sgra la 'gal ba bum pa la mi 'gal ba srid dam snyam na don gcig la thams cad du 'gal yang/ rigs mi mthun gzhan yang gnyi ga khegs pa ci 'gal te brjod ma thag pa'i dpes so/ ! /de la rtsod pa spang ba las rtsod pa dgod pa ni/ gal te gcig nyid 'gog pa don gzhan ni/ /dgag dang bsgrubs pas 'grub par mi 'thad cing/ /'di gnyis 'gal dang 'brel la'ang khyab pa sogs/ /mi 'thad phyir 'di bsgrub par dka' zhe na/ /zhes bya ba ste/ 'o na yang cig med pa nyid cis grub/ khyab byed dgag pa la sogs pa ni rnyed dka' bas na/ 'gal zla du ma grub pa las gzhan gyis mi grub bo/ /des na yan lag can cig yan lag gi ched du mas 'gog pa ltar brtag grang na/ de'i tshe'ang du ma grub pas de med pa mi 'grub la/ de ltar na gcig med pa nyid kyang mi 'grub ste du ma ni gcig bsags pa yin pas so/ /gzhan yang 'di gnyis 'gal na ni khyab bya khyab byed du mi 'grub la khyab bya khyab byed kyis 'brel na yang 'gal bar ga la grub/ mi 'gal na'ang khyab pa mi 'grub la/ khyab bya khyab byed ma yin na yang gcig bkag pas du ma mi khegs pas ma 'brel ba chen po'i gdon gyis zin to zhes bsams pa'o/ ! /'di spong ba'i lan la dang po gzhan gyi lugs gnyis dgag pa las dang po'i lugs dgod pa ni/ kha cig 'di gnyis yin dang yod pa dag /'gal dang 'brel pas khyab sogs grub par 'dod/ /'di gnyis phan tshun yin pa ni 'gal la/ gnyi ga yod pa ni 'brel bas na/ dang pos ni khyab pa grub pa dang du mar bsgrubs pas kyang gcig 'gog pa'o/ /gnyis pas ni gcig med pas du ma'ang 'gog pa las phyogs chos 'grub bo zhes bsams pa'o/ ! /'di sun dbyung ba ni/ gcig 'gog du ma'i khyab byed gcig yod pa'ang/ /rim gyis phra bas 'gog na thug med la/ /tha ma dbyer med 'dod na de'i 'gal zla/ /ma grub pas na dgag par ci ltar nus/ /de ni @403a @#/ /bzang po ma yin te thams cad du gcig dgag pa du ma grub pa la bltos na du ma'i khyab byed du gcig yod pa de cis 'gog /de'ang je phra je phra du mar grub pas 'gog na ni thug pa med do/ /cha phra ba tha ma du mar gzhig tu med pas thug na ni de dgag par mi nus te 'gal zla ma grub pas so/ /grub na ni cha tha ma nyid du mi rung ba'i phyir ro/ /'di la che bar rlom pa dag na re/ rigs pa ni phyogs kyi chas bshig la/ tha mar rdul phran la'ang phyogs gcig mtha' dag gis bskor ba'i brtag pas phyogs dgu po re shar gyi gor thim pa dang / gnyis lus pa na phyogs gcig mtha' dag gis reg pa'i brtag pas gcig tu bsdus shing/ tha ma de la dus gsum gyi brtags pas bkag pas 'gal zla grub pa la mi ltos par 'gog pa'i lam yod do zhe na/ 'di ni byis pa bas kyang byis pa'i smra ba ste/ dus kyi skad cig da ltar ba gcig 'gog pa'ang snga phyi la bltos pa'i cha so so bsgrubs pas yin pas na brtag pa mtshungs pa'i phyir dang/ 'dis 'gog nus na phyogs kyi chas gzhig mi dgos par rags pa nyid dang por dgag pa 'grub par thal ba'i phyir ro/ ! /gzhan gyi lugs gnyis pa dgod pa ni/ gzhan dag bden pa'i gcig po 'gal zla ni/ /cha shas sna tshogs snang nyid kyis 'gog zer/ /slob dpon la la 'dir bden pa'i gcig ni cha shas med pa yin la/ de ni 'gal zla bsgrub pa kho nas 'gog go/ de'ang ma yin dgag bden pa'i du ma grub pa nyid la mi ltos te/ med dgag gis kyang yin pas 'dir de nyid kyis so/ /dper na dngos po'i mtshan nyid don byed nus pa grub pa na/ rgyu la ni 'bras bu bsgrub pa la bltos nas te 'bras bu de yang gzhan las yin na ni thug pa med pas/ rgyu 'bras thams cad bsdus nas yod pa tsam yin na nus pa 'ga' zhig dang ldan no zhes shes par byed pa ltar/ cha med phra rags thams cad kyang 'jug pa gcig gis te/ snang ba'i yul thams cad cha sna tshogs su grub pa las so/ /rags pa dgag pa phra ba du ma grub pa nyid la bltos na ni thug pa med pas de la ni mi ltos so/ /gal @403b te cha bcas su snang yang cha med yin pa cis 'gog /de tsam ni 'gal zla grub pa ma yin no snyam na/ cha bcas su snang ba 'di nyid cha med du bden gyi gzhan ni ma yin par 'dod pa yin nam/ de lta na yang 'di nyid bden na sna tshogs nyid du bden la/ sna tshogs su mi bden na cir yang ma grub par 'gyur gyi/ gzhan du snang ba gzhan du bden pa ni mi srid pas 'di cha med du bden pa ga la srid/ srid na ni bde bar snang ba'ang sdug bsngal du bden pa la sogs pa srid par thal bas thams cad 'khrugs par 'gyur ro zhes bzhed pa'o/ ! /'di dgag pa ni/ gnas skabs kyis ni gzhan du snang srid phyir/ /'di la'ang 'gal zla grub pa'i nges mi rnyed/ /ces bya ba ste/ tha snyad pa'i bden pa'i don can du 'dod pa'i blo la yang phra ba du ma bsags pa'i gnas skabs la rags pa gcig tu snang ba la sogs pa ltar/ gnas skabs kyis gzhan du snang ba ni srid pas na/ de tsam gyis 'gal zla grub pa'i nges pa mi rnyed pas 'di'ang dpyad par bya'o/ ! /rang gi lugs bsgrub pa la phra rags gnyi ga'i spyir bstan pa ni/ 'on kyang bdag dang gzhan smras dngos rnams kun/ /gzugs can gzugs can ma yin nyid kyis bsdus/ /gzugs can ma lus yul las cha bcas te/ /rnam shes phyi rol snang ba rnam pas kyang/ /bdag rig bcas kun dus kyi cha shas bcas/ /'on kyang zhes bya ba ni lugs snga ma gnyis la yang rigs pa'i cha yod par ston pa'i tshig phrad de/ dang po la yod pa dang yin pa dag gi 'gal 'brel mtshan nyid dang dngos po la bltos nas de ltar 'thad pa la sogs pa dang/ phyi ma la'ang gzhan du snang ba gzhan du bden pa mi 'thad pa la sogs pa ni de ltar yin mod kyi kha cig ni sngar bkag pa ltar mi rigs pas na 'di ltar gzung ngo snyam na zhes bsams pa'o/ /des na 'dir bdag gi bla ma chos kyi rje'i bka' lung mkhas pa'i skye bo rnams kyi lam phyin ci ma log pa nas rnyed pa/ rigs pa'i lam drang po nas zhugs pa 'di kho na ltar nges par zungs shig /'di lta ste snang ba'i tshogs 'di la rang dang gzhan gyi sde pa dngos por smra ba rnams kyis/ tshangs pas sprul pa dang/ @404a @#/ /yan lag can dang/ 'byung ba gyur pa dang/ gtso bo gyur pa dang/ rdul phran dang de 'dzin pa dang/ rnam shes gyur pa la sogs pa sna tshogs su btags mod kyi/ de thams cad kyang dpyad na gzugs can dang gzugs can ma yin pa'i mtshan nyid gnyis kyis bsdus te/ dngos po la rnam pa gzhan mi srid do/ /thams cad kyang cha dang bcas pa kho na ste/ gzugs can thams cad ni 'byung ba dang de las gyur pa yul dang dbang po'i tshogs su zad pas na yul so sor gnod pas so/ /gzugs can ma yin pa'ang rnam shes drug mtshungs ldan dang bcas pas don so sor gcod par gsal bar dmigs pa na/ phyi'i yul can rnams ni yul gyi rnam pa sna tshogs 'dzin pas kyang ngo/ /bdag rig pa dang bcas pa thams cad kyang rgyun dang ldan pa rang gi rigs tsam gyi rgyu 'bras kyis ma bsdus pa ni med pas na dus tha dad pa las so/ ! /phra ba'i khyad par brjod pa ni/ gal te 'dus pa dang rgyun la de ltar 'thad na/ de dag ni kun rdzob btags par yod par tsam mo/ /gang la char dbye ba med pa rdul phran dang skad cig ni de kho nar gnas pa ste/ mdo las/ dge slong dag skye mched bcu ni rdul phra rab bsags pa'o zhes bya ba dang/ rgyun ldog med can rig pa yi/ /bdag la sngon dang phyi mtha' med/ /skyon dang yon tan glo bur ba/ /'khor ba dang ni mya ngan 'das/ /ces bya ba dang/ 'dus byas thams cad skad cig ma/ /zhes bya ba la sogs pa dang/ kye rgyal ba'i sras khams gsum ni sems tsam mo zhes gsungs la/ grub pa'i mtha' las kyang/ gang zhig bcom dang blo yis gzhan/ /bsal na de blo mi 'jug pa/ /bum chu bzhin du kun rdzob tu/ /yod de don dam yod gzhan no/ /zhes bya ba dang/ rnam shes bems po'i rang bzhin las/ /ldog par rab tu skye ba ste/ /bems min rang bzhin gang yin pa/ /de 'di'i bdag nyid shes pa yin zhes 'byung ba lta bu ji ltar dgag snyam na/ rdul phran skad cig cha med ril po dang/ /brtan 'dzin bzlog phyir gang las rnam phye na/ /med 'gyur tha ma'i cha la dgongs pas gsungs/ /rdul phran dang skad cig dag cha @404b shas med par gsungs pa ni yul dus kyis phye ba'i cha tha ma gang las phye na med par 'gyur ba la dgongs nas/ ril po dang brtan par 'dzin pa gzhig pa'i don du ste/ cha shas med pa bden par grub pa ni ci 'ang lus pa med do/ /cha dang cha shas dang dum bu ni rnam grangs te/ cha tha ma de nyid kyang rang gi yul dus las gzhan dag spangs nas de nyid na brten cing gnas pas byed pa nyid kyis cha'i mtshan nyid las ma 'das pa na cha med pa dang 'gal ba'i phyir/ dkar po phra ba yang nag po dang 'gal ba bzhin no/ ! /ldog pa'i gnod byed kyis de bsgrub pa ni/ cha shas gtan med bsags kyang 'dus pa dang/ /rgyun gyi rtsom byed ci ltar rigs par dpyod/ /gal te cha shas gtan med na 'dus pa dang rgyun gyi rtsom byed du ji ltar yang mi 'thad de/ re re la yul dus khyab pa'i cha shas med na mang po bsags kyang/ dmus long dang bye ma bsags pa la mthong ba dang mar ltar 'dus pa dang rgyun 'grub mi srid pa'i phyir ro/ /des na/ bsags mi rung phyir rdul gcig min/ /zhes bya ba dang/ drug po dag ni go gcig na/ gong bu rdul phran tsam du 'gyur/ /zhes bya ba gsungs pa ste/ bskal pa skad cig tsam du 'gyur ba'ang de bzhin no/ /'di dag las ldog pa ni 'dus pa dang rgyun dmigs pa'i phyir de dag rtsom byed cha dang bcas par 'grub pa'o/ /'di ltar 'dus pa dang rgyun la yul dus dang 'brel pa'i cha rags shing che ba dang ches che ba dang ring ba dang chos ring ba la sogs pa dang lo tshigs dang bskal pa la sogs pa du ma dag thob pa ni gzugs can gyi mtshan nyid rang gi yul gnod pa'i cha dang/ shes pa'i mtshan nyid rang gi rigs su cung zad gnas pa'i cher gyur pa tsam gyi mtshan nyid kyis yin la/ rdul phran dang skad cig kyang de dag las ma 'das pa na ji ltar cha shas med pa yin/ des na phyogs gzhan dang snga phyi la lta ba du mas bshig na ni med par 'gyur la/ rang gi yul dang dus la khyab pa'i cha'i mtshan nyid de lta bu ni nges par gnas pa ste/ de dag las 'das na ni gzugs dang rnam shes kyi don nyid med de nam mkha' bzhin no zhes nges par zungs shig /des na @405a @#/ /bdag nyid chen po rnams kyis/ /drug gi cig car sbyar ba na/ /phra rab rdul cha drug tu 'gyur zhes bya ba dang/ cha 'ang rdul du phye ba ste/ /rdul de'i phyogs cha'i dbye ba yis/ /phyogs dbye'ang cha shas dang bral phyir/ /mkha' bzhin des na rdul yang med/ /ces bya ba dang/ /ji ltar skad cig mtha' yod ltar/ /thog ma dbus dang brtag par gyis/ /skad cig gsum gyi bdag nyid phyir/ /'jig rten skad cig la mi gnas/ /ces bya ba la sogs pas de dang der yang ldang ba med par bshig cing bcom pa'o/ /de ltar gcig med na du ma med pa ni grub zin pa ste/ /de ni gcig bsags pa yin pa'i phyir ro/ ! /rtags de nges par byed pa'i tshad ma la gzhan gyi gzhung gnyis dgag pa las/ dang po dgod pa ni/ kha cig nges byed char snang mngon sum ste/ /sngo min dgag la sngo 'dzin lta bur 'dod/ /sngon po ma yin pa dgag pa la sngon po 'dzin pa ltar/ cha med dgag pa la yang de dang 'gal ba cha bcas 'dzin pa'i mngon sum nyid nges byed du 'dod pa'o/ ! /de dgag pa ni/ des ni cha med snang ba 'gog nus mod/ /bden pa'i gcig tu 'dzin pa ji ltar 'gog /de ni mi bzang ste des cha med snang ba 'gog nus kyang de kho nar gcig tu bden pa'i sgro 'dogs dang mi 'gal bas 'gog par mi nus pa'i phyir ro/ /bum pa la sogs pa snga phyi'am cha shas gcig tu 'dzin pa ni grub mthas bzhag pa tha snyad kyi sgro 'dogs tsam ma yin pas so/ /de tsam gyis 'grub na ni 'bad pa med par grol bar thal te/ rang bzhin med pa'i tha snyad du/ /rung ba nyid sgrub par byed/ /gcig dang du ma'i rang bzhin dang/ /bral ba rang bzhin med pa nyid/ /ces gsungs pas 'di tha snyad bsgrub pa yin pas na don mngon sum gyis grub pas so/ /gang gi phyir bum pas dben pa'i 'dag pa la thams cad kyi mngon sum rnam pa mtshungs par 'jug pa ltar/ snang ba la rang bzhin gcig gis dben pa yang de kho na mthong ba dang byis pa'i mngon sum la rnam pa'i khyad par mi rigs pas na/ grub mtha' ngan pa'i tha snyad kyi sgro 'dogs bsal ba bde bar gshegs pa rnams @405b la ni lhag par yang 'gyur ro/ ! /lugs gnyis pa dgod pa ni/ gzhan dag cha bcas 'dzin pa'i mngon sum dang/ /rjes dpag ci rigs nyid kyis grub par 'dod/ /'di ni cha dang bcas pa 'dzin pa'i mngon sum dang rjes dpag ci rigs pa nyid kyis cha med bkag pa las te/ gzhan rig gis so so'i yul cha bcas dang/ rang rig gis cha bcas 'dzin pa myong ba dang/ de'i shugs kyis gtso bo la sogs pa'ang don mi byed na dgag mi dgos la/ don byed na yang gzhan du mi 'thad pas/ 'bras bu rim can bskyed par khas len gyis blo las yul cha bcas su dang/ la lar rjes dpag gis te/ cha bcas nyid rtags las rtogs pa'am/ lkog gyur nyid 'bras bu rim can bskyed pa la sogs pas cha bcas su grub pa las so/ /mngon sum gyis grub pa rnams la'ang 'bad pa med par grol ba'i thal ba ni med de/ khyed nyid mthun dpe mngon sum gyis grub par 'dod pa la'ang 'dra bar thal bas so/ /der grub kyang gzhan la sgro 'dogs yod pas mi thal na/ 'dir yang thams cad du ni des grub par mi 'dod pa cha 'dra'o/ /mthun dpe la'ang rtags las grub na ni thug pa med do/ /brdzun par grags pas de dper byed na/ khyab pa ni ldog pa las bsgrub pas de dang mi 'dra'o zhe na/ brdzun par grags pa nyid rgyu gang las yin/ mngon sum yin na der yang thal ba 'dra'o/ /rjes dpag ni ma yin te byis pas kyang rtags la mi ltos par rdzun par nges pas so/ /de lta mod kyi 'dag pa la bum pa ltar grub mthas bslad pa la de mi bden pa'i sgrub byed mang du'ang gsungs pa ni yod do/ /des na rtags 'dzin de dag gis don grub kyang tha snyad la bsnyon pa la de bsgrub par zad do zhes 'dod pa'o/ ! /de dgag pa ni/ 'di'ang snying po med pa'i smra ba ste/ /cha bcas dmigs yang gcig sogs sgro 'dogs la/ /stobs ldan gyis bsgribs cha med dgag pa'i do na/ /nges par mi nus brtan par 'dzin sogs bzhin/ /'dir gcig dang du ma'i dngos por sgro 'dogs pa ni thog ma med pa nas goms pas brtan par chags pa yin pas sngar brjod pa ltar cha bcas su snang ba tsam gyis cha med @406a @#/ /dgag pa'i don nges par mi nus te/ sgro 'dogs stobs can gyis zil gyis non pas mtshan nyid kyi rjes su 'brang mi nus pa'i phyir spyir snang bas skad cig ma yin pa dgag pa la sogs pa bzhin no/ /des na 'di lta bu'i smra ba ni 'gal ba la sogs pa'i don snang ba dang nges pa'i don ldog pa 'dren pa'i rnam 'gyur te/ 'di tha snyad kyi sgro 'dogs tsam yin na ni yul brtan pas brda' la 'dzud pa 'ba' zhig tu 'thad na/ shin tu bzlog par dka' bas mchog gi dbang po can sngon gyi slob dpon bdag nyid chen po dag kyang kun tu 'ching ba'i dra bar gyur pa'o/ ! /rang gi lugs kyi tshad ma'i de kho na ni/ des na phra rags kun la sna tshogs ni/ /gcig dang 'gal bas sbyar ba'i khyab pa can/ /rjes dpag nyid de rdul phran skad cig la'ang/ /'dus dang rgyun las char bcas dpag las so/ /des na skyes bu du ma mthong ba la sogs pa las/ sna tshogs de kho na'i gcig dang 'gal bas sbyar ba'i khyab pa dran pa la bltos te gcig med par nges shing de nyid kyis de bsags pa du ma'ang med par nges pas gnyi ga 'gog pa ni rjes su dpag pa kho na'o/ /'o na med pa'i tha snyad kyang des grub pas de sgrub byed phyi ma ci dgos te/ de ni don mngon sum gyis grub pa la bum pa med pa la sogs pa ltar 'jug pa yin pas so snyam na/ khyad par bkag kyang spyi med pa'i tha snyad la bsnyon pa la dgos te/ tshogs pa'i spyi las khyad par gyi tha snyad bsgrub pa snang ba des med las brjod pa dang 'drer rung dpog pa lta bu'o/ /gzhan du na 'dag pa la bum pa med pa mngon sum gyis grub pa lta bu la cir dgos/ de'i phyir cha bcas dmigs pa'i tshad ma dag gi rjes su 'brangs te/ lung dang rigs pa shin tu gsal ba du ma la blo sbyangs pas 'gal 'brel gyi lam la so sor brtags shing dpyad pa las/ 'di yang dag pa'i gcig tu gyur pa cha med pa dang 'gal bar nges nas sngar brjod pa ltar dpags pa kho nas sgro 'dogs de rnam par mnan pas nges par zad par bya ba'i phyir ro/ /des na skyes bu dam pa sngon zab mo'i theg pa la mos pa mang du bsten cing tshogs @406b mtha' yas pas brtan pa'i dge ba'i bshes gnyen gyi mgon gyis bzung ba/ blo'i mthu mi tshung bas legs par bshad pa dang nyes par bshad pa'i dmigs phyed pa/ mos pa dang dge legs mang pos de las bskal pa'i lam rgyang ring du bor ba 'ga' kho na'i spyod yul du zad pas na/ mkhas pa'i dam pa skal ldan bdag nyid chen po dag gis dngos po'i tshogs rnams log par smra ba'i gzhung gi dbye ba lhag dang bcas par re re nas 'bad pa du mas phyer btags pa'i rigs pa'i sgron ma mtha' yas pa gsungs pa nyid do/ /gal te de lta na lung ni sgrar zad pas tshad ma'i 'thad pa ni rjes dpag tsam yin pas na/ rdul phran dang skad cig la sogs pa dbang pos mi sod pas snang ba'i lam du ma gyur pa dag la cha dang bcas pa nyid ji ltar grub snyam na/ 'di lta bu'i dgag sgrub ni phal cher sgra don la yin pas de ltar rtog pa'i mdun du byas te/ sngar brjod pa ltar cha med na 'dus pa dang rgyun rtsom byed du mi rung bas de dag med par thal na dmigs pas cha bcas su dpags pa las yin par nges par bya'o/ /de'i phyir snang ba'i spyod yul 'ga' zhig la cha bcas cha med 'gal bar ngas pa las thams cad du cha med dgag pa de nyid kyis 'grub pas na cha bcas kyi sgrub byed so so las 'grub par gong du brjod pa lta bu'ang byis pa'i smra bar zad do/ /rigs tsam nye bar ma bzung bar gsal ba'i rjes su 'brang na gang du'ang chos can nyid kyang nges par mi nus pa'i phyir ro// ! de la rtsod pa spang ba las rtsod pa dgod pa ni/ gal te gcig dang du ma cha med pa/ /spyi yi ngo bor gyur pa'i khyad par dag /spyi nyid bkag pas 'gog phyir 'gal ba ni/ /grub sogs rtags la ji ltar bltos zhe na/ /rtags de'ang mi 'thad de/ 'dir cha bcas kyis gcig pa tsam ni dgag tu med de tha snyad pa'i zla med kyang 'gog par thal bas so/ /des na cha med 'gog pa na cha bcas myong bas de bcas pa'i tshe des khyab pa'i gcig dang du ma'ang bcad pas 'gal ba grub pa la sogs pa'i rtags la ci bltos/ gal te des cha med bcad kyang de'i khyad par gcig dang @407a @#/ /du ma dgag pa ni rtags la bltos te/ gzhan du na khyab byed med pa dang de dang 'gal ba grub pa la sogs pa chad par thal lo snyam na/ 'dir ni khyad par ni gnyis te/ spyi'i ngo bor gyur pa dang/ spyis khyab pa tsam mo/ /dang po ni khyab byed spyi bkag pas dgag par nus te/ dung gi dkar po ma bcad na dkar po tsam gyi dogs pa dang ma bral bas dkar po med par mi 'grub pa na/ dkar po tsam bkag pas dung gi dkar po lta bu'o/ /cha med kyi gcig dang du ma'ang de'i ngo bo yin pas de bkag pa nyid kyis te/ gzhan du na 'dir phung po gsum pa sel ba soms shig /khyab byed med pa la sogs pa chad par yang mi thal te khyad par gnyis pa la bltos nas so zhes bya ba'o/ ! /de spang pa ni/ 'di la brjod zin gzhan yang bden pa yi/ /gcig nyid cha med spyi dang khyad par med/ /de yi gcig sogs snang ba ma nges pas/ /dung gi dkar po sogs dang chos mi mtshungs/ /spyi'i ngo bo'i khyad par yin pas dgag pa 'grub pa ni mi rung ste/ de kho na'i gcig gi don ni cha med nyid yin pas spyi dang khyad par gyi don med pa'i phyir dang/ de nyid kyi zla bcas dang zla med ni snang bar ma nges pa na cha bcas myong ba tsam gyis dgag par mi nus pas dkar po tsam dang dung gi dkar po dang mi 'dra ba'i phyir ro/ /des na dngos po la 'gal yang 'gal bar ma nges par 'gal zla de dmigs pa tsam gyis gzhan dgag pa'i blo 'dren par mi nus pas na/ de tsam gyis de dgag pa mi 'grub kyang phung po gsum pa mi sel ba'i nyes pa'ang med par blta'o/ ! /khyab pa ni dpe la brten pas de'i dbang du byas nas/ chos gnyis ldan pa'i mthun dpe gzugs brnyan sogs/ /rnal ma ldog khyab dpe ni bum sogs nyid/ /yod tsam la nges ji ltar yod de la/ /de lta'i de gnyis kyis khyab 'phangs las so/ /bsgrub bya bsgrub byed kyi chos gnyi ga dang ldan pa'i mthun dpe ni gzugs brnyan la sogs te/ de'ang slob dpon kha cig ni rtags 'di nyid kyis grub kyang grags pas dper byed par 'chad mod kyi/ 'on kyang 'di lta bu ni phal cher sems kyi nyams tha mal pa @407b rnams rnam pa'i khyad par nyid las mngon sum gyis mi bden pa rnam par 'byed pa kho na'o/ /ldog pa'i 'brel pa ma grub na dgag bya med pa la rtags mthong ba tsam gyis khyab pa mi grub pas ldog khyab kyi dpe rnal ma ni bum pa la sogs pa nyid de/ de la zla med dang zla bcas gang rung rnam gcod yongs gcod med na med pas phan tshun spangs pa'i dngos 'gal du bsgrub pa las/ phung po gzhan sel bas 'di gnyis rang bzhin yod pa'i khyab byed du grub pa na/ de dag dang bral ba rang bzhin yod pa dang 'gal bas na khyab byed bkag pa khyab bya bkag pa la mi 'khrul pas ldog pa nges pa'o/ /gal te de tsam gyis 'di'i ldog khyab bden par yod pa dang de'i gcig dang du ma'i 'brel pa ci ltar grub/ de grub na ni de dag dgag du med pas rtags ma grub cing dam bca' ba bsal bar 'gyur ro snyam na/ de ltar grub pa la ni mi bltos te bum pa la sogs pa la khyad par ma bzung bar yod pa tsam la gcig dang du ma tsam gyis khyab par nges pa nyid las/ ji ltar yod pa de la de lta bu'i gcig dang du mas khyab pa'i rtogs pa 'phen te/ bum par yod na ni bum pa'i gcig dang du ma la sogs pa dang/ bden par yod pa dang rdzun par yod pa la'ang de dag gi gcig dang du mas khyab par don gcig la phan tshun spangs pa'i 'gal ba'i stobs nyid las so/ yod pa tsam ni de kho nar dpyad na rang bzhin med par yang rung bas mthun phyogs su 'du ba'i phyir gnod pa med do/ /gzhan du na tshang mang du me du rgyu 'bras su grub pas kyang ri la me bsgrub pa'i khyab pa ci ltar 'grub ste/ 'di gnyis la mi 'dra ba ci yod/ des na mthun phyogs nyid spyi'i khyab pa ston pa'i dper mi 'gal lo/ /de bzhin du rtsod gzhi nyid spyi'i khyab pa ston pa'i mthun dper yang srid de/ mig gi rnam shes dbang po'i rjes su byed pa las 'bras bur bsgrub pa na/ de nyid yul gyi rjes su byed pa las 'bras bur grub pa dper byed pa lta bu'o/ /rtags 'di ni lung nyid las kyang gsal por gsungs te/ lang kar gshegs pa las/ ji ltar me long ngos la ni/ /gcig dang gzhan nyid spangs pa'i gzugs/ /snang mang de ni @408a @#/ /yod min ltar/ /dngos la ngo bo nyid de bzhin/ /zhes gsungs pa la sogs pas so/ ! /gtan tshigs so sor rnam par dbye ba las dang po dbye ba mdor bstan pa ni/ 'di la chos spyan bdag nyid cha rnams kyi/ /sgo mang gsungs kyang don gzhan dgag pa dang/ /bsgrubs pas ngo bo rnam dpyad rgyu 'bras dang/ /gnyi gas rnam dpyad lnga yis phyogs tsam dbye/ /'di la spyir rje btsun klu sgrub la sogs pa bdag nyid chen po mkhas pa'i dam pa rnams kyis bltos pa'i gtan tshigs la sogs pa rigs pa'i rnam grangs mang po sgo sna tshogs nas gsungs mod kyi/ 'on kyang 'dir slob dpon ka ma la shi las spros pa'i dra ba ma lus pa 'gog pa'i gtan tshigs chen po lnga gsungs pa ltar phyogs tsam dbye bas rnam par bzhag par bya'o/ /'di lta bu re res kyang dngos por 'dzin pa'i brag rmeg med par 'jig nus pas rdo rje'i me lta bu yin mod kyi 'on kyang mos pa du ma'i gdul bya rjes su 'dzin pa la sogs pa'i dgos pa las rnam grangs mang pos mdo las gsungs pa bsdus par zad do/ /lnga nyid du rnam par bzhag pa'i don yang dngos po rnams kyi rang gi ngo bo nyid dang/ rgyu 'bras kyi sgo nas rnam par dpyod pa'i tshul gnyis las brtsams nas/ dang po la don gzhan dgag pas 'gog pa khyab byed mi dmigs pa'i sbyor ba gcig dang du ma dang bral ba dang/ don gzhan bsgrub pas 'gog pa 'gal bas khyab pa dmigs pa'i sbyor ba rten 'brel gyi gtan tshigs gnyis so/ /gnyis pa la rgyu rnam par dpyod pa rdo rje gzegs ma dang/ 'bras bu rnam par dpyod pa yod med skye ba dgag pa dang/ rgyu 'bras gnyi ga rnam par dpyod pa mu bzhi'i skye ba dgag pa gsum ste khyab par byed pa mi dmigs pa nyid do/ ! /so so'i rang bzhin bshad pa las gcig dang du ma dang bral ba'i sbyor ba dgod pa ni/ phyi nang chos kun yang dag rang bzhin med/ /gcig dang du mas stongs phyir gzugs brnyan bzhin/ /yang dag gcig dang du ma'i rang bzhin ma yin pa de dag ni don dam pa'i rang bzhin du yod pa ma yin te/ dper @408b na gzugs brnyan la sogs pa lta bu'o/ /phyi rol dang nang na gnas pa'i dngos po 'di dag thams cad kyang gcig dang du ma'i rang bzhin ma yin pas zhes bya'o/ ! /'di'i gtan tshigs nyid la skyon spong ba na ma grub pa spangs pa las gcig dang bral ba bsgrub pa'i dbang du byas nas/ dpyad pa'i yul thams cad shes bya dang shes pa gnyis su bsdu ba ni/ mkhas pas dpyad bya dngos nyid phan tshun ni/ /'gal bas shes bya shes pa gnyis nyid do/ /rtog ldan rnams kyi 'jug pa ni dgos pa dang ldan pas khyab pa'i phyir de'i yul du don byed nus pa'i dngos po nyid dpyad par bya'o/ /don byed pa don du gnyer ba dag don med pa'i dngos po rnam par dpyad pa la ni dgos pa ci'ang med do/ /dngos po de'ang phan tshun rnam par dpyod pa'i ngo bo yin pas shes bya dang shes pa'i ngo bo nyid las mi 'da' bar blta'o/ ! /shes bya la gcig dang bral ba bsgrub pa las rtag pa la sgrub pa'i dbang du byas nas don byed pa la bsgrub pa ni/ rtag rnams gcig min 'bras bu rim cha bskyed phyir/ /'bras bu so'i tha dad rtag mi rung/ /dngos po de nyid las kyang rtag pa bdag dang dus la sogs pa rnams ni don byed pa med na dngos por mi rung ba'i phyir 'bras bu rim can dga' ba dang gdung ba la sogs pa du ma skyes pas cig car dang gcig pu'i ngo bor mi rung ste shes pa'i rgyun zhes khyab byed 'gal ba dmigs pa'o/ /gcig nyid yin na nus pa'i rim pa mi 'thad pas 'bras bu rnams kyang cig car 'byung bar thal bas so; ;rkyen rim can la bltos par yang mi 'thad de/ /rang bzhin mi 'gyur ba'i phyir ro/ /'bras bu rim can so so la nus pa so sor 'dod na ni rtag pa nyams te/ nus pa so so dang ldan pa'i rang bzhin gzhan dang gzhan 'jig pa dang 'byung ba dang ldan pa'i phyir ro/ ! /rtag pa don byed pa med pa la bsgrub pa ni rang gi sde pa dag bsgoms pa'i stobs tsam las 'byung ba'i shes pas yul du bya ba 'dus ma byas rang gi yul can tsam yang bskyed mi nus pa ni de kho na shes pa'i yul don dam pa yin pas rang bzhin gcig pa nyid do snyam na/ 'dus ma byas kyang shes pa rim @409a @#/ /can dang/ /'brel phyir gcig min sngo sogs rgyun bzhin no/ /'dus su ma byas de dag ni rang bzhin gcig ma yin te/ blo rim can du ma'i yul yin pa'i phyir sngon po la sogs pa'i rgyun bzhin no zhes bya ba'o/ /blo so sos shes par bya ba'i rang bzhin tha dad par 'gyur bas te/ mi 'gyur na ni khyad par med pas sngon bzhin du phyis kyang de'i shes byar mi 'thad pa'i phyir ro/ ! /brjod du med pa'i gang zag la bsgrub pa ni/ gang zag rtag dang mi rtag brjod mi rung/ /nyid kyis gcig dang du mas stongs par grub/ /rtag na ni brtan pa gcig pur 'gyur srid la mi rtag na yang skad cig re rer rang bzhin gzhan dang gzhan 'byung bas du mar 'gyur na/ de gnyis su brjod du med pa ni gcig dang du mas stongs par gsal ba nyid de/ gcig gi ngo bo nyid ni rtag par brjod du med par mi rigs la/ ngo bo nyid gzhan dang gzhan du mar gyur pa'ang mi rtag par brjod du med par mi rigs pa'i phyir ro/ ! /de'i khyad par khyab pa la bsgrub pa ni/ tha dad yul can dang 'brel gcig par 'gal/ /gcig nyid du ma dang 'brel ji ltar rung/ /nam mkha' dang bdag dang phyogs la sogs pa rang bzhin gcig gis yul dang dus la sogs pas tha dad pa'i dngos po thams cad la khyab par 'dod pa 'gog pa ste/ tha dad pa'i don la khyab par 'dod pa de dag ni gcig ma yin te/ tha dad pa'i dngos po dag dang 'brel ba'i phyir 'khar gzhong du ma'i rgya shug bzhin no/ /gal te gcig yin na ni du ma dang 'brel ba de dag la khyab par mi rung ste rang bzhin du ma med pa'i phyir bum pa'i gsal ba bzhin zhes bya ba'o/ /mi rtag pa na snga phyi rang bzhin du mar gyur pa nyid kyis gcig tu ma grub pa'ang yin la/ phra rags dang rnam shes la sogs pa la bsgrubs pas kyang 'grub pas logs su bsgrub pa ma brjod do/ ! /rags pa la bsgrub pa ni/ lus sogs bsgribs dang ma bsgribs la sogs la/ /'gal ba'i chos dang ldan pas gcig mi rung/ /rags par 'dod pa lus la sogs pa yan lag can gyi rdzas gcig dgag pa'ang @409b rigs pa mtshungs pas snga mas kyang 'grub mod kyi/ de la skyon lhag pa gzhan yang bsgribs pa dang ma bsgribs pa dang/ g.yo ba dang mi g.yo ba dang /tshon gyis kha bsgyur ba dang ma sgyur ba dang/ tshig pa yang ma tshigs pa la sogs pa 'gal ba'i chos dang ldan pa'i phyir gcig tu mi rung ba'o/ /de dag ni yan lag la yod kyi yan lag can la ma grub bo zhe na/ 'o na 'gal ba'i chos dang ldan pa yan lag rnams las de dang mi ldan pa'i yan lag can tha dad par snang bar 'gyur te/ rnam pa dang ldan pa ltar rung gi don gnyis ni blo gcig gi yul du 'gyur bar mtshungs pas dmar po dang ser po'i lwa ba bzhin no/ /'dis kyang khyab pa dgag par nus pas snga ma dang phan tshun dgag pa mtshon par blta'o/ ! /phra rab la bsgrub pa dngos ni/ rdul phran 'byar dang bskor bar bar bcas dang/ /bar med bskor kun dbus kyi rdul gyi phyogs/ /gcig gis kun la blta na bsags rtsom 'gal/ /gzhan gyis gzhan la blta na gcig mi rung/ /'di la mu stegs gzegs zan pa'am bye brag pa ni rdul phra mo so so ldan pa dag bcas pa 'byar zhing phrad pas rags pa skyed pa nyid 'dod do/ /rang gi snge pa mdo sde pa ni rdul phran de rags pa'i gdags gzhir 'dod de phra ba so so la rags pa med kyang 'dus pa'i gnas skabs ni de'i blo 'jug pa'i rgyu'o/ /bar med na phyogs gcig dang mtha' dag gis phrad pa'i brtags pas gnod du dogs nas bskor ba bar dang bcas pa la mi gyes pa'i rgyu phan tshun mthus 'dzin par ro/ /bye brag smra ba ni de gnyis nyes pa dang bcas par lta bas/ bskor ba bar med par snang ba dang mun pa'i rdul gyi skabs kyang med cing phan tshun yang ma reg pas 'dab chags pa tsam du 'dod do/ /de gsum ga yang rags pa'i snying po rdul phran ni don dam par gcig nyid du rtog pa'o/ /de la bar dang bcas pa'ang snang mun gyi rdul dang ni nges par phrad pa yin la/ bar med pa yang phrad cing reg pa yin pas 'byar ba'i rnam grangs nyid du zad pa'i phyir/ phrad pa @410a @#/ /nyid la phyogs gcig mtha' dag gi rtag pas dgag par bsams nas/ re shig spyir gang la gang blta zhing phyogs pa las brtsams te dgag pa ni dbus ma'i rdul phran de rang bzhin gang gi shar gyi la blta ba de gzhan la yang yin nam 'o na te gzhan gyis yin zhes gnyis su brtags la dang po ltar na 'byar ba la sogs pas rags pa rtsom byed du 'dod pa'i rdul phran rnams ni rags pa rtsom byed du mi 'thad pas bsags pa med par thal te cha shas med pa'i phyir nam mkha' bzhin no/ /de'i phyir rdul phran ni cha med pa gcig tu ma grub ste bsags pa rtsom pa'i phyir gong bu bzhin no/ /cha med pa dang bsags pa rtsom pa la 'gal ba ma grub pas 'di gnyi ga'i khyab pa ma grub bo snyam na/ ma yin te dbus ma la phyogs bcu nas bskor te bsags pa rtsom par 'dod pa na/ dbus ma de la cha med pas gcig yin na shar gyi la blta ba'i dngos de nyid kyis gzhan gyi la'ang blta bar 'gyur la/ des na lhag ma rnams kyang shar na gnas pas yul gcig par 'gyur te/ shar gyi de'i gang la blta ba'i ngos nyid la blta ba'i phyir shar gyi nyid bzhin no/ /gal te de dag shar gyi ngos la blta'ang shar mi gnas na ni shar gyi de nyid kyang de blta bar mi 'gyur ro/ /des na gcig gi gor kun thim pas dbus ma'ang phyogs bcu'i yul na gnas pas bcu dang bcu po'ang de bzhin du gcig dang/ gang la'ang rang rang gi yul gnod pa med pa'i phyir/ cha med pa du ma bsags kyang phyogs rgyas par 'gengs pas khyon che ba'i rags par ji ltar 'gyur soms shig /de'i phyir shes med pa dang rags pa rtsom pa 'gal bas na khyab pa grub bo/ /phyogs gnyis pa ltar na ni du ma la lta ba'i cha so so gcig tu ma grub par gsal te/ bsags pa med par thal ba la mthong bas gnod pas de yod pa na/ rtsom byed phyogs so so'i rdul dag yul tha dad par 'gyur ba la/ de dag dbus kyi la blta ba na'ang phyogs so so nas lta bas blta bya'ang gcig tu mi rung ba'i phyir ro zhes bsags @410b pa yod pas gcig 'gog pa'o/ ! /de dang 'brel pa gzhan thams cad kyang med par bsgrub pa ni/ de ltar rtsom byed med phyir mig sogs dang/ /rdzas sogs der brten ma lus dgag pa grub/ /de ltar rtsom byed rdul phran dgag pa grub pas rang gi sde ba dag gis de la dngos dang brgyud nas brten pas 'brel par bzhag pa mig dang gzugs la sogs pa dang gzhan gyi sde pas bzhag pa rdzas na dang las dang 'du ba dang spyi dang khyad par rnams kyang med par bde blag tu grub pa ste/ dge slong dag skye mched bcu ni rdul phra rab bsags pa'o zhes gsungs pa la sogs pas/ mig la sogs pa ni des dngos su brtsams pa yin la/ rdzas tha ma rdul gnyis dang ldan pa dang bcas pa dang de dag las gong du gyur pa yan lag can la sogs pa yang des dngos dang brgyud nas bskyed pa'o/ /dkar po la sogs pa dang grangs la sogs pa'i yon tan dang/ 'gro ba dang 'dogs pa la sogs pa'i las dang/ khyab pa dang nyi che ba'i spyi yod pa nyid dang/ ba lang nyid la sogs pa yang rdzas de la 'du bas brten pa'o/ /khyad par yang de dag nyid 'ba' zhig par gnas pa dang ldan pa'o/ /'du ba'ang 'du ba can dag gis khyad par du brtags pas na/ rtsa ba rdul phran ma grub pas de dag grub pa ji ltar srid ces bya ba'i don te/ /shes pa gcig dang bral ba bsgrub pa la gnyis te/ gzung 'dzin don dam par grub pas don gzhan 'dzin pa'i shes pa dang/ rnam rig tsam nyid bden nyid don ni ma grub pas de mi 'dzin pa/ rang gi yul can tsam mam/ 'khrul bas don du snang ba tsam gyi shes pa dgag pas so/ /dang po la'ang tshul gnyis te/ bye brag smra ba dag gzung 'dzin tha dad dus mnyam pa rnam pa med pa'i shes pas don gzhan skam pas lcags sbram ltar 'dzin pa dang/ mdo sde pa phyi'i don gzhan gyis shes pa nyid de'i gzugs brnyan dang ldan par bskyed pa na/ don dang 'dra ba'i rnam pa de myong bas don rig tu brtag par smra ba'o/ ! /dang po dgag pa las rnam pa med pas don myong ba dgag pa ni/ rang @411a @#/ /nyid gsal ba tsam myong rang rig ste/ /shes nyid chos de don la ji ltar rung/ /'dir rnam med kyi ltar na shes pas don gzhan 'dzin par mi rung ste 'brel pa'i rgyu med pas so/ /'o na rang rig la'ang 'brel ba'i rgyu ci yod ce na/ rig pa'i rang bzhin nyid kyis so// 'o na don rig pa'i rang bzhin gyis kyang der ci ste mi bzhag ce na/ don 'dzin pa'i las saM byed pa gang gi der 'jog /rang rig pa la'ang mtshungs so zhe na/ mi mtshungs te shes myong ba na 'di ci don dam pa'am 'on te rdzun zhes rnam par ma dpyad par myong ba tsam tshad mar byas pa'i tshe/ bdag la byed pa med pas rig byed gzhan la sogs pa la mi ltos par mar me'i rang gsal ltar/ ri dang shing rta la sogs pa bems po'i rang bzhin las ldog pa gsal ba tsam gyi rang bzhin du rang gi rgyu las skyes pas rang gi ngo bo myong ba'i lus gnas pa la rang rig par brjod pa'o/ /tsam zhes bya ba ni rang la byed pa la mi ltos pa'i don te/ cha shas med par rig bya dang rig byed dang rig pa gsum la sogs pa mi rung ba'i phyir ro/ /de 'dra ba'i rgyu don rig pa la ni mi srid de/ gsal ba tsam gyi rang bzhin de ni shes pa'i thun mong ma yin pa'i chos yin pa'i phyir/ de la tha dad pa'i don la ci ltar yang mi 'thad pas na/ yul gyi rnam pa med pas bdag rig pa tsam la gzhol ba rnam med kyi shes pas ni don myong ba'i thabs med pas de mi srid pa'o/ /des na don tha dad pa nyid kyis bdag gcig pa'i 'brel pa med la/ dus mnyam pa rgyu 'bras su'ang mi 'thad cing de las byung ba tsam ni yod du chug kyang/ dbang po la sogs pas 'khrul pas na/ nye ba'i rgyu mtshan 'brel pa med pa'i phyir yang/ mig gis sgra la sogs pa ltar don gzhan myong ba mi 'thad pa'o/ ! /rnam pa med pas don la dmigs tsam dgag pa ni/ don gzhan dngos myong min yang de yi ni/ /gzugs brnyan myong ? myong bar gdams pa yang/ /rnam pa med la rung ba ma yin te/ /de yi rgyu mtshan rnaM pa nyid yin phyir/ /don ni shes pa las tha dad pa las dngos su myong ba ma yin yang/ de'i 'bras @411b bu gzugs brnyan shes pa'i ngo bo yin pas myong bas na/ de 'jog byed myong bar btags pa tsam ni rnam pa khas blangs na rung ba yin/ de'ang rnam pa med na gdags pa'i rgyu mtshan med pas ji ltar yang mi rung ba'o/ /des na don la dmigs pas btags pa tsam gyi don rig ni rnam pa ltos pa nyid yin pas/ rnam pa med na de'ang ldog go zhes bya ba'i don to/ ! /rnam bcas la bsgrub pa las rnam pa sna tshogs can gyi shes pa gcig yin pa dgag pa ni/ shes gcig bdag nyid yin phyir rnam pa yang/ /sna tshogs min 'gyur shes pa'i ngo bo bzhin/ /des na rnam shes gcig min sna tshogs kyis/ /rnam pa'i rang bzhin yin phyir rnam pa bzhin/ /gal te de gnyis gcig dang sna tshogs grub/ /'gal ba'i chos ldan bdag nyid so sor 'gyur/ /'di la gsum las thal ba ni ri mo bskyang pa lta bu la dmigs pa'i tshe/ shes pa ris mthun du ma ni dus gcig tu skye mi srid pas rnam shes la sngon po la sogs pa'i yul ji ltar ba'i rnam pa sna tshogs dang ldan pa na/ rnam pa sna tshogs de gcig tu thal ba'am sna tshogs ma yin par thal te/ shes pa gcig gi bdag nyid pa'i phyir shes pa nyid dam rdul phra rab bzhin no zhes bya ba ste/ bsgrub pa dang dgag pa'i dam bca' gnyis la/ rang bzhin nam khyab byed 'gal ba grub par sbyar ro/ /ldog pa'i rang brgyud ni gal te rnam pa sna tshogs ni myong bas grub pas dgag tu med do snyam na/ 'o na de dag gi rnam par shes pa ni gcig ma yin te/ /rnaM pa sna tshogs kyi bdag nyid yin pa'i phyir/ rnam pa rnam nyid bzhin no zhes khyab byed 'gal ba dmigs pa'o/ /de gnyi ga'i khyab pa bsgrub pa ni gal te shes pa gcig nyid rnam pa sna tshogs su snang ba la 'gal ba la ci yod/ des na de gnyi ga'i khyab pa med do snyam na/ 'o na gcig dang du ma rnam pa mi mthun pas chos 'gal ba gnas pa'i phyir/ rnam pa shes pa de'i bdag nyid kyis tha mi dad pa ni ci ltar rung ste/ gzhan du na snga phyi'i bde ba dang/ sdug bsngal yang tha mi dad pa bzlog tu med pas tha dad gtan med par 'gyur ro/ ! /rnam pa sna tshogs can ma @412a @#/ /yin pa'i shes pa gcig tu grub pas rtags phyogs gcig la ma grub par rtog pa 'gog pa na/ rnam med ni sngar bkag pas grub mtha' so so dang sbyar nas/ yul du ma la dmigs pas sna tshogs kyi rnam pa can du bsgrub pa las/ mdo sde pa'i grub mtha' dang sbyar nas ni/ rnam shes lnga ni bsags pa dmigs pa ste/ drug pa'ang sems dang sems byung tshogs la dmigs/ dbang po gzugs can la dmigs pa'i rnam shes lnga dang de'i rjes su 'jug pa'i yid ni rdul phran 'dus pa la dmigs pa'i phyir dang/ don dang ldan pa'i yid kyi rnam par shes pa rgyud gzhan rtogs par byed pa rnal 'byor gyi mngon sum la sogs par bzhag pa yang/ rnam shes sna tshogs la dmigs pa'i phyir dang/ don dang mi ldan pa ni 'og nas yi ge du ma la dmigs par ston pa'i phyir/ de dag dang mthun par 'jug pa dang/ sna tshogs kyi rnam pa can du bde blag tu grub pa ste/ so so'i rang bzhin dang mi 'dra na de dag gi 'dzin par mi rung bas so/ ! /phyi rol pa las bye brag pa'i dang sbyar ba ni/ lus sogs rdzas rnams yon tan las dang ni/ /yan lag spyi dang ldan pa'i tshogs dmigs phyir/ /de dag gi ltar na yang lus dang bum pa la sogs pa'i rdzas rnams kha dog la sogs pa'i yon tan dang/ bskyod pa la sogs pa'i las dang/ lag pa la sogs pa'i yan lag dang/ dkar po nyid la sogs pa'i spyi dang phan tshun ldan pas/ 'brel pa sna tshogs can la dmigs pa'i phyir don du ma snang ba nyid do/ ! /dpyod pa ba gcer bu pa dang bcas pa'i ni/ /gzi bzhin gzugs sogs sna tshogs gcig smra bas/ /gcig la dmigs kyang sna tshogs snang bar grub/ /dpyod pa pa ni drang srong rgyal dpog pa'i rjes su 'brang ba ste rig pa can zhes kyang bya'o/ /gcer bu pa ni drang srong rgyal ba'i rjes su 'brang ba ste nam mkha'i gos can dang zad byed ces kyang bya'o/ /de dag gis kyang sgra la sogs pa sna tshogs 'di gzi ltar gcig gi ngo bor 'dod pas/ gcig la dmigs pa nyid sna tshogs kyi rnam @412b pa can du grub par gsal te gzhan du na sna tshogs dang mthun par 'jug par mi 'gyur bas so/ /dmigs pa gcig pas blo thams cad rnam pa mtshungs par 'gyur na mthong bas gnod pa'i phyir ro/ ! /phur bu pa'i ni/ sa sogs 'dus dang dbang sogs skye 'gag dag /rjes su byed pas 'dus can sna tshogs dmigs/ /lha'i bla ma ni drang srong phur bu ste de'i rjes su 'brang ba rgyang phan pa la phur bu pa zhes bya'o/ /de dag ni 'bru las chang dang myos pa'i nus pa ltar/ sa la sogs pa 'byung ba dag nyid 'dus te gyur nas lus dang dbang po dang rnam shes dang yul rnams skye zhing/ sa la sogs pa 'gags nas kyang de dag chad pa ste rnam shes srid pa gzhan du 'pho ba ni med par 'dod do/ /de lta na yang shes pa ni 'dus pa can du ma'i rnam pa dang ldan pa nyid de/ 'dus pa ni rang dbang can ma yin pa'i phyir dang/ 'dus pa can yang gcig gi rnam pa dang mi mthun pa'i phyir ro// ! grangs can pa'i ni rang bzhin gsum mnyam gtso bos mi mnyam pa/ /sgra la sogs pa skyes bu dang bcas pas/ /de tsam nyi shu lnga las gtso bo yi/ /rang bzhin gsum sogs snang ba sna tshogs nyid/ /grangs can ni ser skya pa ste drang srong ser skya'i rjes su 'brang ba'o/ /de dag ni rang bzhin gsum cha mnyam pa gtso bo las/ rnam 'gyur mi mnyam pa sgra la sogs pa skye ste/ chen po dang/ nga rgyal dang/ dbang po bcu gcig dang/ de tsam lnga dang/ 'byung ba lnga'o de thaMd kyi longs spyod pa ni shes pa yod pa'i skyes bu gtso bo'i khug ma na gnas pa ste/ de rnams ni gang shes pa dang ma shes pas thar pa dang 'khor bar 'gyur ba'i shes bya ma lus pa yin pas de tsam nyi shu rtsa lngar 'dod do/ /de ltar rang bzhin gsum 'dus pa la dmigs pa na skyes bu la rnam pa mi 'dod kyang/ gsum gyi snang ba dang ldan pas na rnam pa sna tshogs can du gnas pa nyid do/ ! /gsang ba pa'i ni/ yul med sna tshogs snang ba rtag pa yang/ /rim dang cig car du ma'i bdag nyid 'thob/ /gsang ba pa ni rig byed smra ba ste/ /'di ni shes pas don gzhan 'dzin par mi 'dod pas 'og tu dgag par rigs mod kyi/ snga ma dag @413a @#/ /dang phyogs su bstan sla bas 'dir bshad pa'o/ /de'ang shes pa las gzhan pa'i don ni med la/ shes pa ni rtag pa gcig kho na ste/ du mar snang ba ni bslad pa tsam mo/ /'on kyang cig car rab rim gyis sna tshogs su ni snang bar 'dod do/ /des na cig car ram rim gyis snang ba'i rnam pa du ma dang tha mi dad pas shes pa'ang du mar 'gyur te rnam pa bzhin no zhes gcig nyid dgag pa rtogs sla'o/ ! /'dus ma byas kyi yul can sna tshogs su yang snang bar bsgrub pa ni/ 'o na khyed kyi phyogs la yang nam mkha' la sogs pa ni btags pa tsam du zad pas de dag 'dzin pa la yul med pa na sna tshogs kyi rnam pa can du ji ltar 'gyur zhe na/ nam mkha' la sogs pa ming tsam snang ba rnams kyang/ yi ge du mas sna tshogs rnam par snang/ /de dag la yang ming 'brel pa'i gzugs brnyan yi ge'i tshogs snang ba'i cha med pa'i ngo bo phra rab tsam yang mi dmigs so/ ! /sna tshogs kyi rnam pa can ma yin pa'i shes pa 'ga' zhig khas blangs kyang de kho nar mi snang ba ni/ sna tshogs min snang shes pa srid na yang/ /mtshan nyid bcas la gnod mthong bden mi rung/ /gnod byed dngos su ma mthong du chug kyang gsal bar myong ba tsam yid ches pa'i gnas su ma gyur pas sgrub byed med pas na/ sna tshogs kyi rnam pa gsal bar myong ba ltar gnod bcas su dogs pas 'di yang khas blang bar mi nus pa'o/ ! /don gzhan mi 'dzin pa'i shes pa la gcig dang bral ba bsgrub pa na phyogs snga ma rnam rig tsam du smra ba'i tshul thun mong du dgod pa ni/ don ma grub cing gzung 'dzin mi 'thad phyir/ /myong ba gnyis med 'khrul pas sna tshogs snang/ /phyi'i don ma brub pa ni myong ba'i stobs kyis yul rnam par 'jog pas gsal byed gzhan la bltos pa'i phyir dang/ shin tu lkog tu gyur pas na rang gi ngo bos myong ba med pas mngon sum gyis ma grub pa'i phyir dang/ mtshungs pa de ma thag pa'i rkyen gyi stobs las 'bras bu shes pa yul dus rnam pa nges pa can rmi lam la sogs pa na yang skye bas na/ don dang ldog pa ma grub pas snang ba nges pa'i rjes dpag @413b gis kyang mi 'grub pa'i phyir sgrub byed med pa dang/ sngar brjod pa ltar rdul phran dang des brtsams pa ma lus pa 'gog pa'i gnod byed yod pa'i phyir ro/ /de ltar don med pa'i phyir de la bltos pa'i 'dzin pa'ang med la/ don yod du chug kyang rnam pa med pa'i tshul la 'brel pa'i rgyu mtshan med cing/ rnam bcas la'ang skyes la 'dra ba la sogs pa'i mtshan nyid mi 'thad pas gzung ba dang 'dzin pa gnyis ni rab tu ma grub pa'o/ /myong ba gnyis med pa grub pa ni des na gzung 'dzin gnyis kyis dben pa'i shes pa gcig nyid rang gis rab tu grub pas de kho nar gnas pa ste/ de'ang rgyu med na rtag pa la sogs par thal bas rjes su mthun pa'i rgyu rang gi rigs thog ma med pa can las skye ba dang/ rtag pa yin na don byed pa la sogs par mi rung bas skyes ma thag tu 'jig pa dang/ rang dbang can la sogs par yang ma grub pa'i phyir bdag med pa dang/ gzung ba dang 'dzin pa'i don dang mtshan nyid ma grub pa de nyid kyis rig pa tsam gyis rang bzhin gsal ba'i lus kyis zin pas rang rig pa'i mthar thug pa'i phyir chos kyang med pas ye shes dam pa'i spyod yul don dam par 'thad pa'o/ /'o na gnyis nyid du ma brtags pa'i myong ba la snang ba ji ltar zhe na/ 'khrul pa'i rgyu can gyi rnam pa sna tshogs snang bar zad de/ thog ma med pa'i srid par bsags pas gnyis kyis dngos por mngon par zhen pa spros pa'i bag chags smin pa 'jug pa thob pa las/ ji ltar snang ba ltar mi bden bzhin du snang ba'i rnam pa sgyu ma dang dri za'i grong khyer la sogs pa ltar snang bar bskyed cing sprul pas rang gis rang bzhin bslad pa'o/ /de ltar thams cad phyin ci log gi rnam rtog ma rig pa'i bag chags tsam las byung bas 'khrul pa yin na nor ba dang ma nor bar brjod pa'i yul dag ji ltar 'thad snyam na/ bag chags brtan pa dang mi brtan pa'i rgyus sbyar ba'i khyad par tsam ste/ 'jig rten dag bden par zhen pa rnams kyang 'khrul pas sbyar ba ni rmi lam la sogs pa dang mtshungs pa nyid do zhes bya ba'o/ /tshul 'di ni gang zag dang phyi'i don la sogs pa dmigs par lta ba'i yul mtha' yas pa 'gog cing/ sems tsam nyid du bsgrub pa la @414a @#/ /sogs pa'i lung dang rigs pa gsal ba dang bcas pa dang/ thar pa dang thams cad mkhyen pa la mngon du phyogs par zhugs pas na/ lugs snga ma dag dang thun mong ma yin pa'i phyir slob dpon dag gi blo gros dkar ba dang dge ba la sogs par yang bstod pa'o/ /'di'i lan ni rnam bcas dang rnam med smra ba la so sor brjod pa las/ rnam bcas pa ni gzugs la sogs pa'i rnam par snang ba 'di dag 'khrul pa'i bag chags kyis shes pa'i ngo bo nyid gyur nas de ltar snang bas na/ ji ltar snang ba las gzhan du bden pas/ shes pa ni rang gsal ba tsam gyi nus pa gcig dang ldan pa ni/ gsal ba tsam ni shes pa'i thun mong ma yin pas/ de don la mi srid pa ltar med pa la'ang ga la srid pa'i phyir/ yod pa'i don gzhan ltar med pa snang ba'ang mi srid par smra ba'o/ /rnam med pa ni de dag de ltar gtan med pa gsal bas na shes pa la yod pa dang med pa gsal ba'i nus pa gnyis srid de/ yod pa'i don gzhan snang ba ni mi srid par smra ba'o/ /des na rnam pa'i tshogs 'di snang bar ni myong bas grub la/ de'ang shes pa las don gzhan du snang ba nyid du ni gnyi ga 'dod cing/ snang ba de ji ltar snang ba ltar don du ni mi bden gyi de las gzhan shes pa'i ngo bor bden pa dang/ de bden na ni ji ltar snang ba ltar don nyid du 'thad de/ mi bden na ni rmi lam gyi me ltar phyi nang gang du'ang mi bden par 'thad kyi gzhan du snang ba gzhan du bden pa ni bum pa dang snam bu'am bde ba dang sdug bsngal la sogs pa ltar mi srid pas na gtan mi bden pa nyid du 'dod pa ni 'di gnyis kyi khyad par ro/ ! /de rnam bcas la rtags sgrub pa las rnam pa du ma shes pa gcig tu smra ba dgag pa ni/ rnam pa sna tshoD gcig nyid bden na ni/ /de dag gcig dang du ma'am gzhan nyid 'gyur/ /'gal ba'i chos ldan rnam pa du ma'i bdag /shes gcig mi rung rnam pa'i tshogs gnyis bzhin/ /'di ni rgyud gcig la rigs mi mthun pa'i shes pa du ma skye bar 'dod pa dgag pa ste/ khyab pa ni mi mthun pa du ma can gyis shes pa'ang du ma nyid du 'gyur bas khyab @414b la/ shes pa gcig tu 'dod na ni rnam pa'ang gcig nyid kyis khyab ste/ de lta ma yin na chos 'gal ba gnas pas rnam pa shes pa'i bdag nyid du mi 'gyur ba'i phyir gzung 'dzin gnyis grub pas thal bas so/ /phyogs chos nyid ni rnam pa gcig yin na gcig g.yo na kun g.yo ba la sogs gcig gi chos grub bde tha mi dad pa dang ldan par thal na/ rnam pa ni g.yo ba dang mi g.yo ba la sogs pa 'gal ba'i chos dang ldan pas sna tshogs nyid du myong bas grub bo/ /des na sngon po snang ba lta bu shes pa gcig tu 'dod pa de'ang gcig tu mi rung ste/ rnam pa du ma'i rang bzhin yin pa'i phyir rnam pa rnams nyid bzhin no zhes khyab byed 'gal ba dmigs pas gcig dgag pa sgrub pa'o/ ! /rnam pa du ma shes pa'ang du mar 'dod pa la bsgrub pa la rgol ba dgod pa ni bde sogs sngo sogs myong bas mnyam du grub/ 'dzin cha'ang gzung cha lta bur du ma nyid/ 'di ni rigs mthun pa du ma skye bar 'dod pa ste/ slob dpon shAkya la sogs pa bde sogs 'dzin pa'i rnam pa ltar sngo sogs gzung ba'i rnam pa yang myong ba nyid kyis don dam par grub la/ 'dzin cha'ang gzung cha ltar du grub par 'dod pa'o/ /des na shes pa gcig nyid sna tshogs su mi myong ba'i phyir skyon de dag med de/ rnam pa du ma snang ba na ji srid char snang bas rnam pa du ma yin pa de srid du ni shes pa yang rigs mthun du ma skye ba yin la/ cha med pa'i rnam pa dang shes pa ni gcig tu grub pa'o/ /des na cha bcas la du mar thal ba brjod na ni 'dod pa'o/ /cha med kyang gcig tu ma grub par brjod na ni gtan tshigs ma grub pa'i phyir ro zhes bsam pa'o/ ! /de dgag pa la lung dang 'gal ba ni/ snga phyi med pa du ma bkag ba dang/ /'gro kun sems rgyud re rer gsungs pas gnod/ /mdo las/ gang snga phyi med par sems gnyis 'byung ba 'di ni gnas ma yin zhing go skabs med do zhes du ma dgag pa gsungs pa dang/ sems can thams cad ni rnam par shes pa'i rgyud re re ba'o zhes gcig tu grub pa gsungs pa dang 'gal ba mi zlog pa'o/ /'di gnyis rigs mi mthun pa la gsungs pa ni ma yin par nges te/ du ma skye bar myong bas gnod @415a @#/ /par dgongs pas so/ /rtsa ba'i rnam shes la dgongs pas yin gyis yan lag gi ni rigs mthun pa du ma skye ba mi 'gal lo zhes 'chad pa ni slob dpon gyis/ de dag rnams las rigs mthun pa'i/ /rnam par shes la nges par 'gyur/ /zhes gsungs pa dang 'gal bas log par 'chad par gsal te/ gnyis 'byung mi srid pa dang re re ba'o zhes rnam rig nges par gsungs pa ni rnam rig de dag las khyad par rigs mthun pa kho na'i dbang du mdzad par bshad pas so/ ! /rigs pas gnod pa la rdul phran gyi dpyad pa mtshungs pas gcig dgag pa ni/ shes pa'ang rnam pa'i tshogs bzhin du ma ni/ /rdul phran bzhin du dpyad las gnod pa nyid/ /shes pa rdul phran du snang ba'i tshogs la'ang rdul phran nyid kyi 'jal ba la sogs pa la brjod pa ltar/ rdul dbus mar snang ba de phyogs gzhan gyi rdul du snang ba la phyogs gcig nyid kyis blta bar snang na ni bskor bar snang ba med pas bsags pa rtsom byed du mi rung ba'i phyir rig snang med par 'gyur la/ phyogs gzhan dang gzhan gyis blta na ni cha dang bcas pas gcig ma grub par gsal ba'i phyir ro/ ! /de spong ba'i khyad par ma grub pa ni/ shes la gzuD rtag ji ltar mtshungs zhe na/ yul la khyab snang nyid las cis mi mtshungs/ /gal te lus can la phyogs chos sbyar ba'i brtag pas gnod kyang/ rnam shes lus med pa la ni ma yin no snyam na/ khyed kyang shes pa'i rnam pa yul rgyas par bkram pa dang ldan pa 'di bden par 'dod pa na lus can gyi don khas blangs nas ming tsam gzhan du byas pas skyon ji ltar spang bar nus/ de khas mi len na rnam pa du ma bden pa gzhan ci zhig lus te yul khebs par mi snang ba'i rnam pa ni nam yang myong ba med pas so/ /des na/ 'phyar ba dang ni bskor ba dang/ /bar med rnam par snang yang rung/ /zhes bya ba la sogs pa'i brtag pa mi zlog pa kho na'o/ /de lta ma yin na char snang bas gcig 'gog pa nyid la rnam shes lus can ma yin pa lan du ji ste mi brjod de ji srid char snang gi bar du ris mthun du ma dang/ cha med du snang ba gcig tu brjod pa'i 'bad pa lhag pas ci bya/ @415b gzhan yang sngon po la sogs pa tshad chung ngu mang po 'dab chags pas yul khyab pa tsam la lus can du brjod par zad kyi lus can zhes bya ba rwa zeng nge ba gzhan ni med do/ /des na sngon po la sogs pa bar med par snang ba nyid la kha cig ni rdul phra rab tu 'dod/ gzhan dag ni shes pa'i rnam par 'dod pas don gcig pa na skyon mtshungs pa las mi 'da'o/ /shes pa du ma'i tshul 'di la ni slob dpon dag gis rang snang med par thal ba la sogs pa'i nyes pa gzhan yang gsungs te/ rags snang ni phra ba du ma'ang blo gcig gis bzung ba na 'byung ba yin na/ 'dir phra ba du mar snang ba'i shes pa de dag gis ni phra rab so so las gzhan ci'ang ma myong bas rang rig pa'i mthar thug pa'i phyir dang/ de dag sdom pa'i blo gzhan yang med pa'i phyir ro/ ! /gzi'i dpas sna tshogs gcig tu 'dod pa dgag pa ni/ gal te gcig nyid sna tshogs gnas zhe na/ /gcer bu pa ltar 'gal smra'i khur khyer yin/ /sna tshogs nyid phyir gcig min rgyun gzhan bzhin/ /sna tshogs cha ldan rin chen ci ltar gcig /'di la bzhi ste rgol ba ni dper na nor bu gzi bzhin du shes pa gcig kho nas sna tshogs kyi ngo bo blangs par zad do/ /des na rgyud gcig la rnam shes du ma skye mi srid pas gcig nyid dmigs pa la sogs pa'i rkyen du ma dang 'brel pas sna tshogs su snang bar zad de rang gzhan ni ma yin no zhes bya ba'o/ /khas blangs pa nyid 'gal bas de 'gog pa ni 'di ni nam mkha'i gos can ltar gcig nyid du mar smra bas na nga'i ma mo gsham zhes brjod pa bzhin du dang por rang gi tshig gis gnod pa'i khur chen po 'di khyer cig /rigs pas gnod pa ni gang sna tshogs yin pa de ni gcig ma yin te rgyud sna tshogs kyi shes pa bzhin no/ /rnam par shes pa 'di'ang sna tshogs yin no zhes rang bzhin 'gal ba dmigs pas so/ /du ma nyid ni sna tshogs kyi rnam grangs yin pas na 'gal ba grub bo/ /gzhan yang bsgribs pa dang ma bsgrib pa la sogs pa 'gal chos sna tshogs dang ldan pa'i phyir yang ngo/ /'gal ba dag kyang gcig tu 'dod na ni 'gro ba mtha' dag kyang rdzas gcig tu 'gyur bas lhan cig skye pa dang 'jig pa la sogs par thal lo/ /grub bde tha @416a @#/ /dad na ni gcig ces bya ba ming tsam du zad pas ci dgar thogs shig /dpe ma grub pa ni rin po che'ang yul dang dus dang rnam pa tha dad pa sna tshogs kyis rab tu phye ba 'gal ba'i chos dang ldan pas gcig tu ma grub par gsal lo/ /!rnam pa brdzun pa 'gog pa na rgol ba 'god pa ni/ de ltar rnam pa mi bden nyid 'dod pas/ /rnam shes shel sgong dag 'dra rang gsal la/ /ma rig bag chags brtas las rnam pa'i tshogs/ /med bzhin gsal ba rmi sogs bzhin zhe na/ /rnam pa rnams bden par 'dod pa la ni skyon de dag 'bab pas khyed kyis de mi bden par bsgrubs pas ni kho bo cag rnam pa rdzun par 'dod pa la stongs btab pa'o/ /des na bden pa'i shes pa ni shel dag pa lta bu/ sngon po la sogs pa'i dri ma mtha' dag gis dben pa/ gnyis med pa'i rang nyid gsal ba tsam gyis mthar thug pa'o/ /de mi snang ba ni ma yin te 'khrul pa'i rten ni rang bzhin gyi dag pa de nyid do/ /rgyu ni ma rig pa'i sa bon thog med nas brtan par chags pa rtas par gyur pa'o/ /rang bzhin ni rmi lam dang skra shad la sogs pa ltar phyi nang gang na'ang med bzhin du phyin ci log gi dmigs pa 'ba' zhig gis gsal ba'o/ /des na rnam pa bden na 'gal ba la sogs pa de dag gis gnod pa yin na/ brdzun pa'i snang ba des ni bden pa'i gnyis med pa la mi gnod de dpe de dag nyid bzhin no zhes bya'o/ ! /'di dgag pa las/ dang po rnam pa brdzun pa la shes pa bden pa'i sgrub byed dgag pa ni/ kun gyis gsal par myong ba de brdzun la/ /sus kyang ma dmigs bden smra re 'brel kye/ /de ltar na byis pa'i bar gyis shin tu gsal bar myong ba nyid kyis rtogs ba sngon po la sogs pa'i rnam pa ni brdzun la/ de las tha dad pa gnyis med pa'i shes pa rnam pa'i dri ma dang mi ldan pa/ sus kyang gtan ma myong ba ni bden no zhes bya ba 'di ni sgrub byed dang bral zhing 'gal ba'i khur len pas na 'di las legs par smras pa gzhan gang yod ces bsting ba'o/ ! /gnod byed dgod pa las rnam pa brdzun pa'i gnod byed la shes pa la rnam pa snang ba 'gog pa'i rtags dgod pa ni/ dag pa'i @416b shes pas rnam pa rig min te/ /rnam pa med phyir bde bas sdug bsngal bzhin/ /gang zhig gang la med pa de ni des rig pa ma yin te/ sdug bsngal ba la bde ba bzhin no/ /shes pa la'ang rnam pa'i tshogs med pas so zhes khyab byed mi dmigs pa'o/ ! /'di'i khyab pa bsgrub pa na ldog pa la the tshom za ba spang ba ni gal te med kyang des de rig pa ci 'gal te mi mthun phyogs dang rtags 'gal ba ma grub pas so snyam na/ gtso dang phal pa'i rig pa gnyi ga yang/ /med la 'gal phyir ji ltar de rig smos/ /rig pa la ni gtso bo dang phal pa'i rig pa gnyis kyis khyab ste/ dngos dang btags pa'i rig pa'i phan tshun spangs pas rnam pa gzhan mi srid pa'i phyir ro/ /'di gnyi ga yang med pa la 'gal te/ gtso bo'i rig pa ni bems po ma yin pa'i ngo bo nyid shes pa'i thun mong ma yin pa'i chos yin pas rnam pa med pa la ji ltar 'thad/ des na gang zhig shes pa'i rang bzhin ma yin pa de la ni gtso bo'i rig pa med de nam mkha'i padma bzhin no/ /med par 'dod pa'i rnam pa'ang shes pa'i rang bzhin ma yin no zhes khyab byed mi dmigs pa'o/ /phal pa'i rig pa ni don ? da lta ba'i gzugs brnyan bskyed pa'i shes pa rig pa la da rig phar btags pa yin na/ med pa'i rnam pas shes pa la rang gi gzugs brnyan ji ltar gtod nus/ des na gang zhig nus pa med pa de la phal pa'i rig pa'ang med de rta ru bzhin no/ /med pa'i rnam pa la'ang nas pa mdo zhes bya ba byang ? mi dmigs pa'o/ /de'i phyir rig pa'i khyab byed log pas med pa de rig pa la 'jug pa'i skabs med do/ /smig rgyu la chu med kyang rig pa la sogs pas dngos kyi ma nges pa'ang ma yin te/ de ni tha snyad du rnam rig 'khrul pa'i ngo bor yod pas rtags ma zhugs la/ bden pa'i rig pa na ? ma grub pas mi mthun phyogs ma yin pas na 'khrul pa med pa'i phyir ro/ ! /'brel pa'i dbang gis rnam pa shes pa dang lhan cig myong ba dgag pa ni/ ma 'brel nges par dmigs pa mi 'thad cing/ /med la 'brel pa'ang srid pa ma yin nyid/ /'di ni shes pa'i rig byed des dus gcig tu rnam pa'ang rig pas lhan cig dmigs pa nges pa 'gog pa @417a @#/ /ste/ de der nges par dmigs pa 'brel pa med par ni mi rung ste/ thams cad kyis thams cad dmigs par thal bas so/ /'brel pa'ang mi rung ste/ bden pa dang brdzun pa bdag gcig pa 'gal ba'i phyir dang/ med pa rgyu dang 'bras bur yang mi rung ba'i phyir dang/ de las byung ba ni srid du chug kyang lhan cig pa'i dmigs pa'i rgyur mi rung ba'i phyir ro/ /des na gang zhig gang dang lhan cig 'brel pa med par de rigs kyang de nges par rig pa ma yin te/ shes pa rig pa de ni rta ru bzhin no/ /med pa'i rnam pa yang shes pa dang 'brel pa med pa'i phyir ro/ /zhes khyab byed mi dmigs pa'o/ ! /rnam pa res 'ga' ba nyid kyang dgag pa ni/ rdzun pas ltos med res 'ga' ba nyid 'gal/ /bltos nas bden pas lhan cig rdzun smra nyams/ /gzhan yang rnam pa rnams mi bden par 'dod pa na nam kha'i me tog ltar rgyu la ltos par mi 'thad pas res 'ga' bar 'gal te res 'ga' ba la ni bltos bcas kyis khyab la/ bltos bcas la'ang ngo bo 'ga' zhig srid pas khyab pa las 'di ni rdzun pas ngo bo dang ldan pa mi srid pa'i phyir ro/ /gal te khyed nyid shes pa dang shes bya thams cad rdzun snang du zad pas don dam par rgyu med kyang res 'ga' bar mi 'gal bar 'dod pa ltar rnam pa'ang 'khrul pas mthong bzhin par zad pas/ rgyu 'gog pa'i rigs pas bzlog bya ma yin no zhes kyang brtag par mi nus te/ 'khrul snang yin zhes te yang yul dang dus dang rnam pa so sor nges pa ni rgyu la ma bltos par mi 'grub ste thams cad dus thams cad du thams cad na yang snang bar thal bas so/ /nged kyi lta na ni 'khrul pa'i bag chags smin pa las shes pa nyid rang dang gzhan rig byed kyi ngo bor skye ba/ brdzun pa nyid kyi 'brel ba grub pas so/ /khyed ltar na bden pa dang brdzun pa la 'brel pa mi 'thad pas ma yin no/ /ci ste res 'ga' bar mthong ba bzlog tu med pas rgyu la bltos pa dang bcas par khas len na ni rten cing 'brel par 'byung ba rdzas su grub pa nyid du 'gyur ro/ /gzhan dbang tsam du 'gyur mod de tsam gyis bden par mi grub bo snyam na/ @417b shes pa'i bden par grub pa ni rig pa tsam gyis rgyu 'bras snga phyi'i rgyun rgyud mar 'jug pa nyid yin pas na/ rten 'brel la ni don dam pas khyab pa'o/ /des na khyed bden par grub pa'i nyes pa gnyis kyi shin tu nyen par gyur te/ cig car bar rig pa dang rnam pa brdzun par 'dod pa gnyi ga nyams pas so/ /de lta na rnam pa brdzun pa de la rgyu 'dod na dngos por 'gyur la mi 'dod na res 'ga' ba 'gal ba las mi 'da'o/ ! /rnam par dbye ba'i shes ? bden pa'i gnod byed las/ ma dmigs pa gnod byed du spyir stan pa na rtags 'god pa ni/ dag pa shes pa'i rang bzhin dmigs 'gyur na/ /rnam pa'i tshogs bral dmigs pa'ang yod ma yin/ /rnam pa'i dri ma dang gtan ma 'brel bas rnam par dag pa shes pa'i rang bzhin yin no/ de'i tshe dmigs pa'i rig byar gyur pa nyid kyis/ thams cad kyis kyang rtag tu de ltar myong zhing nges pa'i sgo nas dmigs pas khyab pa yin te/ de phyir don dang shes pa la/ rags snang gang yin de yod min/ /de ni gcig la 'gal phyir dang/ /yang po la yang mi 'thad phyir/ /zhes bya ba la sogs pa'i rigs pas/ rang dang gzhan gyi sde pas smras pa'i rnam pa brdzun zhing shes pa tsam lus na dngos po'i stobs kyis de tsam dmigs par nges pas so/ /'dir gzugs la sogs pa sna tshogs su snang ba'i rnam pa dang bral ba'i shes pa shel dag pa lta bu ni nam yang ma dmigs pa'i phyir ro zhes bya ba'o/ ! /ma grub pa spang ba las sgrib byed med pas dmigs su mi rung ba spang ba ni/ gal te de ni skad cig ma ltar 'khrul pa'i rnam pas bsgribs pas na snang rung gi khyad par can gyi mi dmigs pa nyid ma grub bo snyam na de ni ma yin te 'di ltar/ rnam rnams phyi dang nang na'ang mi srid pas/ /gang zhig myong las 'di mi snang bar 'gyur// gal te nang ngam phyi rol yin yang rung rnam pa myong srid na 'gal zla'i myong ba stobs ldan gyis bsgribs pas dag pa de bskal par 'gyur bar yang 'thad na/ rnam pa rnams phyi nang gang na yang med pa na sgrib byed gang gis dag pa'i shes pa dmigs su mi rung bar 'gyur/ 'khrul @418a @#/ /ba dang ma 'brel pas de nyid bsgrub pa ni gal te med kyang snang ba ni 'khrul pa'i chos nyid yin pas rnam pa rnams dngos por ma grub bzhin du 'khrul pa'i dbang gis snang bas na des bsgribs pa'o/ ! /des na 'di ni zla ba gnyis su snang ba ltar rigs pas bzlog par bya ba ma yin pa'o snyam na/ 'khrul pas dmigs pa'ang 'thad pa ma yin te/ /bag chags rgyu dang des bskyed shes pa la'ang/ /rnam pa'i tshogs rnams 'brel pa med phyir ro/ /gzhan du dngos po nyid 'gyur su yis bzlog/ 'dir 'khrul pa'i sgras rdzun snang skyed byed bag chags kyi gnas skabs can gyi rgyu shes pa'am/ de'i 'bras bu rdzun snang rnam pa skro 'dogs pa'i shes pa nyid brjod/ dang po ltar na de dang rnam pa rnams ma 'brel pa'i phyir/ de la rags las par mi rung la/ thams cad la thams cad snang bar 'gyur bas snang ba nges pa'ang mi rung ngo/ /'brel par ni mi 'thad de bden pa dang rdzun pa 'gal ba'i phyir dang/ dus tha dad pa'i phyir de'i bdag nyid mi rung ngo/ /de las byung ba yang rnam pa ni rgyur mi 'thad de ngo bo med pas so/ /'khrul pa las rnam pa byung na yang dngos por thal bar mi 'dod pa grub par 'gyur ro/ / gnyis pa ltar na yang de de la nges par snang ba'i rgyu 'brel ba ni grub dgos la/ dus mnyam pa rgyu 'bras su'ang mi 'thad pa na 'khrul pa'i shes pa de'i bdag nyid du 'gyur pas dngos por thal ba kho na'o/ ! /rnam pa gtan mi snang bar khas len pa dgag pa ni/ yid dang byis pa'i shes dang 'phags blo la'ang/ /rnam pa ma lus dben snang srid ma yin/ /yid kyi rnam par shes pa ni chos kyi khams tsam la dmigs pas sngon po la sogs pa'i rnam pa dang bral ba rang rig pa gcig pu nyid do zhe na/ de la yang gnyid log pa la sogs pa'i tshe yang sems dang sems las byung ba'i tshogs la sogs pa du ma la dmigs pa'i phyir sna tshogs su mi snang bar mi srid do/ /yang so so'i skye bo'i shes pa thams cad ni 'khrul pa dang bcas pa don tha dad pa'i 'dzin byed du tshor ba tsam yin gyi de la sngon po la sogs pa'i rnam pa snang ba ni ma yin no zhe na/ @418b don 'dzin byed tshor ba nyid kyang sngar brjod pa ltar de'i rnam pa kho na las yin gyi/ de med na rig pa tsam gyi las su yul thams cad la tha mi dad pa'i shes pa don so sor nges pa'i 'dzin byed du tshor ba nyid mi 'thad de/ thams cad kyang thams cad kyi 'dzin byed du tshor bar thal bas so/ /yang ma dag pa'i tshe ni rdzun pa'i rnam pa snang mod kyi/ yongs su dag pa'i gnas skabs thob pa rnal 'byor pa rnams kyi shes pa ni 'khrul pa dang bral bas gnyis med pa nyid gsal ba'o snyam na/ ma yin te 'khrul pa dang rnam pa 'brel pa med par bsgrubs ma thag pa yin pas na/ rnal 'byor gyi dbang phyug rnams kyis spong ba shin tu rgya chen po bsgoms pas 'khrul pa'i sa bon drungs phyung yang rnam pa ni ldog par mi 'thad pa'i phyir te/ ma 'brel ba'i don gzhan log pas don gzhan ldog na ba lang log pas kyang rta ldog pa la sogs pa ha cang thal bar 'gyur bas so/ /gzhan yang ma dag pa shes pa rnam pa dang ldan pa thams cad brdzun pa yin na/ de ni dag pa'i rgyur mi rung la rgyu gzhan yang ma dmigs pas dag pa'i gnas skabs rgyu med par thal ba la sogs pa'i nyes par yang 'gyur ro/ ! /de ltar gcig dang bral ba bsgrubs nas/ de nyid las du ma dang bral ba'ang mi 'khrul pas gnas pa las 'bad mi dgos par grub pa ni/ dngos gang rnam bcad de la gcig nyid med/ /gang la gcig med de la du ma'ang med/ /de ltar bdag cag dang gzhan gyi grub mtha' pa dag gis khas blangs pa rtag pa dang mi rtag pa dang/ khyab pa dang ma khyab pa dang/ phra ba dang rags pa dang/ shes bya dang shes pa la sogs pa'i dngos po gang la rnam par brtags na gcig pa nyid du dpyad pa'i khur lci ba bzod pa phra rab tsam yang ma grub pa de dang de dag la du ma nyid du grub pa'ang ji ltar srid de/ du ma ni gcig bsags pa yin pa'i phyir ro/ /shing la sogs pa med na nags tshal la sogs pa med pa bzhin no/ ! /gzhi ma grub pa spang ba ni/ rnam bcad tsam gyi chos can bdag gzhan gyi/ /grub mthas brtags pa'i sgra don las kyang 'grub/ /bsgrub bya bsgrub byed kyi chos rnam bcad tsam la ni rjes su mthun pa'i chos can @419a @#/ /rang dang gzhan gyi gzhung lugs pa rnams kyis nye bar brtags pas dngos por ma grub kyang sgra'i don tsam gyis chog par bshad kyang zin to/ ! /rtags bsgrub pa'i tshad ma 'thad pa la rgol ba dgod pa ni/ gal te gcig sogs dgag pa mngon sum gyi/ / yul min mi dmigs rjes dpag gis rtogs na'ang/ /rtags dang khyab 'dzin mngon sum 'dir ma grub/ /rjes dpag nyid na'ang thug pa med ce na/ /snang ba thams cad la gcig dang du ma dang bral ba'i rtags 'di mngon sum gyis ni mi 'grub ste/ de'i yul ni dngos po yin pas med pa nyid yul ma yin pa'i phyir ro/ /mi dmigs pa'i rjes dpag gis rtogs par 'dod na de'ang mi rung ste/ yul ma yin pa nyid kyis rtags dang khyab pa 'dzin pa'i mngon sum med pa'i phyir dang/ de'ang rjes dpag gis 'dzin na thug pa med par 'gyur ba'i phyir ro/ /zhes bya ba'o/ ! /lan gdab pa las tshad ma 'thad pa nyid ni/ gzugs sogs mngon sum pa la mngon sum nyid/ /rdul phran sogs dang bdag sogs brtag pa la'ang/ /mngon sum nyid kyis rtags dang khyab nges las/ /'jug pa'i rjes dpag 'thad pa sngar bshad nyid/ /chos can gzugs la sogs pa mngon sum pa dag la ni cha sna tshogs su snang ba la sogs pa'i mngon sum nyid dang/ rdul phran dang bdag la sogs pa dbang pos mi sod pa dag la yang sngar brjod pa ltar bsags pa rtsom pa dang/ 'bras bu rim can la nye bar sbyor ba kha cig mngon sum nyid dang kha cig des khyab par bzung ba can gyi rjes dpag ci rigs pas 'grub pa'o/ ! /tshad ma yod pa la gnod pa spang ba ni/ /don dam med dang sgro 'dogs bdag nyid dang/ /yul min rtags kyis de dag dgag mi nus/ /'dir don dam par med pa'i phyir kun rdzob pa'i tshad ma yang med de rta'i rwa bzhin no zhes ni dgag par mi nus te/ khyab byed ma yin pa 'gog pas ma nges par gsal lo/ /de kho nar med pa snang bas sgro 'dogs kyi bdag nyid yin pa'i phyir rtags 'dzin pa'i tshad mar mi rung ste/ smig rgyu la char shes pa lta bu'o zhes bya ba yang ma nges pa kho na ste/ sgyu ma mkhan @419b gyi shes pa la glang po la sogs pa sgro 'dogs kyi yul snang yang mi bden par shes pa ltar/ rtog ldan pa rnams kyi mngon sum gzugs la sogs pa yang dag pa ma yin pa snang ba can yang 'khrul pa'i rgyu mtshan bsal bas gcig dang du ma la sogs pa bden par zhen pa dang 'gal ba las de dag gis dben pa rtogs par byed pas so/ /yul ma yin pa ni ma grub ste snang ba tsam gyi chos can grub pa la brten nas des dben pa'i rnam pa can gyi mngon sum mam rtags las rtogs par brjod ma thag pa nyid kyis so/ ! /'gal ba'i skyon spang ba ni/ dpe la yod cing gzhi la mi gnod pas/ /'di la 'gal ba'i go skabs yod ma yin/ /'di ni chos gnyi ga dang ldan pa mthun pa'i dpe la rjes su 'gro bas 'gal ba ma yin te/ 'gal ba ni bsgrub bya phyin ci log bsgrub pa yin pas na/ gal te 'dis kyang bden pa'i dngos po grub na ni 'brel pa gnyis kyis dngos po nyid la 'jug pa'i phyir/ rdzun pa'i rang bzhin gzugs brnyan la sogs pa la ji ltar 'jug ste dngos po'i chos las nyams par thal bas so/ /gzugs brnyan la sogs pa'ang bcad nyid yin pa ni bkag zin la 'gog par yang 'gyur ro/ /gal te 'dis rang bzhin yod pa thams cad 'gog pas na chos can gyi dngos po yang 'gog pa'i phyir de phyin ci log tu bsgrub pa'i 'gal bar ci ste mi 'gyur zhe na/ gzhi la mi gnod pa ni 'dis dgag bya bden pa 'gog tu zad kyi snang ba tsam ni nam yang mi 'gog la/ chos can yang snang ba tsam du zad pas na 'dis de 'gog par ji ltar 'gyur/ ! /ma nges pa spang ba las dngos kyi ma nges pa med pa ni gal te 'dir chos gnyi ga dang ldan pa'i dpe nyid kho bo cag la ma grub ste/ gzugs brnyan dang sgyu ma la sogs pa'ang rnam par shes pa dang rde'u la sogs pa'i rang bzhin du bden par 'dod pa'i phyir mi mthun phyogs nyid pas rtags 'di ni dngos su ma nges pa nyid do snyam na/ rnam par shes dang shes bya mtha' dag kyang/ /brgya tshal nyid du bshig phyir dngos gang grub/ /shes pa rnam bcas rnam med gnyi ga dang shes bya phra rags la sogs pa dngos por 'dod pa ma lus pa @420a @#/ /rigs pa'i stobs kyis bkag zin pa bzlog tu med pa'i phyir/ gang gis sgyu ma la sogs pa brdzun pa rnams kyang rnam par shes pa la sogs pa grub pas dpe ma grub par 'gyur ba/ rang 'dod tsam gyi dngos po bden par 'grub pa ni mi srid bas na/ gzugs brnyan la sogs pa ni mthun dpe nyid las ma 'das pa'i phyir 'di ni gyi na'o/ ! /ldog pa la the tshom za ba spang ba ni gal te rtags 'di phyogs dang yod par grub kyang mi mthun pa'i phyogs dngos po'i rang bzhin yod pa dang 'gal ba ma grub pas ldog pa la the tshom za ba pa 'gog mi byed/ /kun rdzob bden pa'i gzhi la bltogs rung dag /med na med phyir phan tshun spang 'gal las/ /rnam gzhan sel phyir dngos po'i khyab byed du/ /grub pas de 'gog pa la mi 'khrul nyid/ /'dis 'gal ba bsgrub pas ldog pa'i the tshom gcod pa ste/ gang zhig yongs su gcod pa gang rnam par bcad pa med na med pa de dag ni phan tshun spangs te gnas pa'i 'gal ba yin te/ dngos dang dngos po med pa dag lta bu'o/ /gang dag phan tshun spangs pa de dag kyang phung po gzhan sel bar byed pas rnam pa thams cad la khyab par byed pa ste dpe de dag nyid bzhin no/ /gcig dang du ma dag kyang yongs gcod rnam gcod phan tshun med na med pa yin te/ bum pa la sogs pa nyid la zla med pas gcig tu gcod pa na zla dang bcas pa rnam par bcad na yongs su gcod kyi de rnam par ma bcad par ma yin la/ ldog pa yang de bzhin pas so/ /des na 'di gnyis kyang phung po gzhan sel bas lus can dang de ma yin pa ltar dngos po'i khyab byed du grub pa na de med pa dngos po dang 'gal ba'i phyir/ khyab byed bkag pa khyab bya bkag pa la mi 'khrul pas ldog pa nges pa'o/ /de ltar yod pa tsam la gcig dang du ma tsam gyis khyab pa me tsam dang du ba tsam gyi rgyu 'bras grub pa lta bus gang zhig ji ltar yod pa de la de lta bu'i gcig dang du mas khyab pa nges par sngar bstan pa bzhin no// ! khyab pa grub pas phyogs chos la mi gnod pa ni 'o na gang du khyab bya khyab byed grub pa'i @420b chos can de la khyab byed dgag pa ji ltar yang 'grub mi srid pas rtags 'di ma grub pa las mi 'da'o snyam na ma yin te/ khyab bya khyab byed spyi las bzhag pa ste/ /khyab byed bkag pas don dam nyid las grub/ /spyi las bzhag pa ni tha snyad pa'i don 'ga' zhig nyid la brten nas sngar bshad pa bzhin no/ /'o na de las dngos po nyid kyang grub mod snyam na/ ma yin te shing tsam grub pas sha pa ltar yod pa tsam khyab byed du grub pas khyab bya don dam pa mi 'grub par bum pa la sogs pa kun rdzob pa nyid la mthong bas so/ /des na khyab bya khyab byed ni tha snyad pa dang/ khyab byed ldog pa don dam pa'i dpyad pa'i gzhi la yin pas na 'gal ba med pa'am/ chos can gcig la brten du chug kyang kun rdzob pa dang don dam pa'i bltos pa gnyis la ltos pas mi 'gal bar blta'o/ ! /dam bca' ba'i skyon spang ba'i dbang du byas nas/ rang bzhin med pa'i tha snyad nyid grub byed/ /don dam dgag bya'i khyab par 'phen par zad/ /bden 'jog mngon sum rjes dpag srid min te/ /tha snyad tsam gyi yod pa 'gog mi byed/ /kun rdzob bden pa'i gzhi la bltos mi rigs/ /rtags sogs tha snyad tsam la brten par zad/ /bcings grol la sogs rmis sogs bzhin nges 'dod/ /dpyod tshe lung la mi brten mthun snang 'dzin/ /'di la'ang bzhi ste/ grub pa la bsgrub pa spang ba dang/ khyad par don med pa spang ba dang/ bsal ba'i nyes pa spang ba dang/ gzhi la sogs pa grub pa spang ba'o/ /dang po ni/ gal te gcig dang dum ni dngos po nyid kyi rnam pa yin pas de dag gis bkag pa'ang tha mi dad pa'i phyir/ 'di dam bcas pa'i phyogs gcig nyid kyis rtags ma grub pa'am/ grub na bsgrub bya'ang grub pas grub pa la bsgrub pa nyid du mi 'gyur ram zhe na/ ma yin te rtags ni legs par bsgrubs zin to/ /de nyid kyis rang bzhin med pa'i don grub tu zin kyang 'khor ba nas 'khor bar 'khrul pa'i bag chags thog ma med pa nas brgyud de 'ongs pa las dngos por zhen pa'i phyin ci log brtan par chags pa'i gnyen po de kho na nges par sems pa'i shes rab tshul bzhin yid la byed pa dang @421a @#/ /bral ba dag /rgyu mtshan dang rgyu mtshan can la rmongs pas rang bzhin med pa nyid la tha snyad phyin ci log tu byed pa la gcig dang du me dang bral ba'i yul lam rgyu mtshan de brjod pas/ sngar don de tsam rgyur byas te zhugs pa'i shes pa dang sgra dang lus kyi tha snyad la dran pa bskyed nas tha snyad gsum gyi rung ba bsgrub par byed de/ dmigs pa'i mtshan nyid du gyur pa'i bum pa ma dmigs pas med do zhes nges par byed pa lta bu'o/ /des na rang bzhin med pa'i tha snyad du/ /rung ba nyid du bsgrub par byed/ /gcig dang du ma'i rang bzhin dang/ / bral ba rang bzhin med pa nyid/ /ces gsungs pa'o/ /khyad par don med pa spang ba ni gal te don dam par zhes bya ba'i khyad par brjod pas ci bya ste/ rigs pa'i shes pa nyid don dam par 'dod pa na de'ang kun rdzob las ma 'das pas so/ /gzhan yang rigs pa'i shes pa des chos rnams rang bzhin med par 'jog na de nyid gang gis de ltar bzhag /rang nyid kyis ni ma yin te rang la rang byed pa 'gal bas so/ /gzhan gyis kyang ma yin te thug pa med par thal bas so/ /de nyid mi 'jog na'ang nyi tshe ba'i stong par 'gyur ro snyam na/ rigs pa'i shes pa de kun rdzob pa yin mod kyi 'on kyang don dam la 'jug pa'i thabs yin pas don du btags pa yin la/ des khyad par du byas pas kyang 'gag ? bya'i khyad par rigs ngor yod pa 'gog par 'phangs pas snang ba tsam mi 'gog par ston pa na don yod pa'o/ /de nyid kyis de rang bzhin med par bsgrub mod kyi/ rang la byed pa 'gal ba'ang ma yin te spyi'i tshul gyis shes pa dang shes bya'i mtshan nyid dang ldan pa thams cad la bsgrub pas rang yang der gtogs pas na/ yod pa thams cad mi rtag par bsgrub pa la sogs pa dang 'dra ba'i phyir ro/ /bsal ba spang ba la gsum las mngon sum dang rjes dpag gis bsal ba ni thag ring ste/ yang dag pa'i rang bzhin rnam par 'jog pa'i mngon sum dang rjes dpag ni 'gar yang mi srid pa'i phyir ro/ /grags pas bsal ba'ang med de snang ba tsam du yod pa'i tha snyad mi 'gog pas so/ /khas blangs @421b pa dang 'gal ba'ang med pa las rang gi tshig dang mi 'gal ba la gnyis te/ tshig de nyid kyis don gyis mi gnod pa ni 'on te khyed 'khrul pa'i yul kun rdzob yod par 'dod na de nyid kyis dngos po bden par bsgrubs te/ gzhi med pa'i kun rdzob mi srid pa'i phyir ro snyam na/ bden pa'i gzhi ni bkag zin mod kyi grub tu chug kyang/ bden brdzun 'gal ba dang rdzun pa 'bras bur mi rung bas 'brel ba gnyi ga med pa'i phyir gzhi nyid du mi rigs la/ gzhi tsam ni kun rdzob nyid kyi rgyu 'bras so sor nges par grub pa las/ rgyu snga ma snga ma thog ma med pa can yin pas 'gal ba med do/ /tshig snga phyi'i don gyis mi gnod pa ni ci ste gtan tshigs med par bsgrub bya mi 'grub pas gtan tshigs khas blangs pa dang/ chos thams cad rang bzhin med par dam bcas pa gnyis ni phan tshun 'gal bas rang gi ma mo gsham du brjod pa bzhin no snyam na/ ma yin te gtan tshigs ni rnam bcad tsam la gtan tshigs su bsnyad pa la sogs pa tha snyad tsam du 'dod pas so/ /lung gi gnod pa spang ba ni 'o na yang lung las las 'bras dang bcings grol dang bde 'gro dang thar pa la sogs pa thams cad gnas par gsungs pa dang 'gal lo snyam na/ de thams cad ni kun rdzob pa sgyu ma lta bu nyid du khas len pas 'gal ba med pa'o/ /stong par smra ba la gzhi la sogs pa ma grub pa spang ba ni ci ste yang thams cad stong par 'dod pa la chos can dang gtan tshigs dang dpe ji ltar rung snyam na/ rjes su dpag pa dang rjes su dpag par bya ba la sogs pa'i tha snyad thams cad ni phan tshun 'gal ba'i grub mthas bzhag pa nam mkha'i yon tan dang rnam rig tsam la sogs pa'i chos kyi dbye ba spangs nas/ mthun snang du grub pa sgra tsam la sogs pa'i gzhi la brten nas 'jug pa yin pas ma grub pa ga la yod/ gal te grub mtha' la brten pa'i khyad par dag chos can la sogs par 'gyur na ni grub mtha' gcig la grags pa'i khyad par gzhan la ma grub pas/ dpag bya dpog byed la sogs pa'i tha snyad rgyun chad par 'gyur ro/ /des na dpyod pa'i tshe lung la mi brten par mthun snang du grub pa tsam yongs su bzung ba la brten @422a @#/ /nas 'jug pas thams cad 'tsham mo/ ! /go bya go byed 'thad pa la rgol ba ni/ bsgrub bya sgrub byed 'brel dang ngo bo dang/ /tha dad med phyir med min mi rigs zer/ /gal te 'dir bsgrub bya sgrub byed 'di gnyis med dgag gam ma yin dgag gang du 'dod/ dang po ni/ mi rigs te ngo bo nyid ci'ang med pa'i phyir rta'i rwa bzhin nam/ 'brel pa med pa'i phyir gangs can dang 'bigs byed bzhin nam/ tha dad pa med pa'i phyir shing dang ljon pa bzhin no/ /ma yin dgag kyang mi rigs te/ de lta na don dam pa'i ngo bo nyid bsgrub par 'gyur bas so/ / ! lan gdab pa ni/ rang la'ang mtshungs nyid ngo bo med ma nges/ /'brel dang tha dad med pa'ang dngos dang ni/ /ldog dang bden gnyis la bltos ma nges dang/ /ma grub sngar brjod khyab byed med nyid 'thad/ /'di sngar khyab byed med pa nyid du rnam pa du mas gsal bar rab tu bsgrubs pa'i phyir 'di lta bu'i log rtog gi gnas ma yin mod kyi/ 'on kyang klan ka ngan pa'i dri ma la brtag tu rung ba'i snying po med pas de dag spang ba ni nyes pa 'di gsum char yang rnam rig smra ba la sogs pa dngos por lta ba pa nyid la mtshungs pas/ bdag dang dbang phyug dang gtso bo dang rdul phran dang rnam pa la sogs pa dgag pa'ang phal cher mi dmigs pa'i rtags 'di lta bu nyid la bltos pas na/ der yang klan ka 'di dag ci ste mi 'byung/ de dag kyang lta zhog ngo bo med pa la sogs pa 'di gsum gyis go bya go byed 'gog pa nyid la'ang skyon mtshungs pas na mtshon cha'i thabs bslab nyes pa ltar rang la gnod pa byed pa 'ba' zhig go /ngo bo nyid med pa'i rtags de ni ma nges pa nyid du bsal te/ don byed pa med pas rtag pa 'gog pa la sogs pa la rtags dngos po pa med kyang rtags 'dzin pa'i shes pa nyid las de med pa'i rtogs pa skye ba dgag tu med pas so/ /de bas na yod pa la sogs pa yang nges pa la ma ltos par yod pa tsam gyis rtags yin na rtogs pa po thams cad la nye ring med pas thams cad kyis rtag tu de las mi rtag pa la sogs par thal bas so/ /'brel pa med pa yang dngos la 'brel pa med pa ni dpe snga ma nyid kyis ma nges pa'o/ / @422b ldog pa ni khyab bya khyab byed kyi bdag gcig pas na 'brel pa med pa ma grub bo/ /tha dad pa med pa yang don dam par yin na ni ma nges te/ byas pa dang mi rtag pa ltar don dam par tha dad med pa yang go bya go byed du grub pa'i phyir ro/ /tha snyad pa'i tha dad pa med pa ni ma grub ste/ gcig dang du ma med pa dang rang bzhin med pa nyid kyang byas pa dang mi rtag pa ltar ldog pa la bltos pa'i tha dad pa blo'i yul du grub pa'i phyir ro/ /ma yin par dgag pa ni khas kyang mi len la/ de tsam gyi dngos po don dam par yang mi 'grub ste khyab par byed pa nye bar gnas pa tsam gyis khyab par bya ba nges par mi 'grub pa bshad zin pa bzhin no/ /des na lang kar gshegs pa las/ ji ltar me long ngos la ni/ /zhes bya ba la sogs pa dang/ /dngos po gang dang gang brtags na/ /de dang de la gcig nyid med/ /gang la gcig nyid yod min pa/ /de la du ma nyid kyang med ? ces gsungs la/ /slob dpon gyis kyang/ gang gis dngos po rnam bcad pa/ /de nyid du na de dngos med/ /gang gi phyir na de dag la/ /gcig dang du ma'i rang bzhin bral/ /ces gsungs so/ /yab sras mjal ba las kyang/ me long shin tu yongs dag la/ /ji ltar rang bzhin med pa yi/ / gzugs brnyan snang ba de bzhin du/ /lten ? pa chos kun shes par gyis/ /ces so/ ! /rten 'brel gyi gtan tshigs dgod pa ni/ gang zhig brten nas 'byung de yang dag pa'i/ /rang bzhin gyis dben sgyu ma la sogs bzhin/ /chos kun rgyu las rag las zhes bya ba ste/ gang zhig rten cing 'brel par 'byung ba de ni don dam par rang bzhin gyis stong pa ste/ dper na sgyu ma la sogs pa lta bu'o/ /phyi nang gi chos mtha' dag kyang rgyu ji lta bar rang rang gi rjes su mthun pa rnams las skyes pas rten cing 'brel par 'byung ba'i phyir zhes bya ba ste/ yang dag pa'i rang bzhin la ni gzhan du mi 'gyur bas khyab la de dang 'gal ba rgyu 'jig cing 'bras bu skye ba la sogs pas rten 'brel du grub pas na khyab byed 'gal ba dmigs pa'o/ /yang rang bzhin bden pa la ni 'gyur med kyis khyab la/ de dang 'gal ba ni rnam 'gyur dang bcas pa yin zhing/ des khyab pa @423a @#/ /ni brten nas skye ba yin pas/ khyab byed 'gal bas khyab pa dmigs pa'am/ rang bzhin bden pa ni gzhan du 'gyur ba dang 'gal la/ des khyab pa ni skye ba dang ldan pa yin pas 'gal bas khyab pa dmigs par yang kha cig 'chang ngo ?/ ! /skyon spang pa las ma grub pa spang ba ni/ mthong ba dang/ 'thad dang lung las rgyu 'bras rnam kun gnas ces bya ba ste/ mngon sum dang lkog tu gyur pa'i rgyu dang 'bras bu sa bon dang myu gu me dang du ba la sogs pa dang/ las dang 'bras bu dang/ mtho ris dang byang grol la sogs pa rnams mngon sum dang rjes dpag dang lung gi tshad ma ci rigs pas so sor nges pa ma 'tshol bar grub pas na/ 'di'i phyogs chos ni tha snyad du rgyu 'bras 'dzin pa'i tshad ma nyid kyis grub pa'o/ ! /ma nges pa spang ba ni/ rang bzhin bden pa gzhan 'gyur mi rigs dang/ /sngar bstan sogs rigs ldog pa'i gnod byed de/ /gzhan yang rang bzhin byas min bltos 'gal phyir/ /gzhan las skye bas bden pa'i dngos nyid gsal/ /ldog pa'i gnod byed ni rang bzhin bden pa la gzhan du 'gyur ba 'gal ba dang/ gcig dang du mar yang ma grub pa sngar bstan pa dang/ skye ba 'gog pa 'chad par 'gyur ba dag gis so/ /gzhan yang rgyu rkyen la bltos te skye ba ni rang bzhin byas pa ni nyid du 'gyur gyi yang dag par gnas pa ni ma yin te/ ma byas pa ni gzhan la bltos par mi 'thad pa'i phyir ro/ /'di ltar byas pa gang yin pa de ni rang bzhin gyis ngo bo nyid dang bcas par mi rung ste/ rang bzhin ni yod par bden pa nyid kyi gtan du ba nyid yin pa na gzhan du mi 'gyur ba nyid kyis sus kyang ji ltar yang bya bar mi nus pa'i phyir ro/ /des na yang dag pa nyid yin na ma byung ba las byung ba dang byung nas kyang med pa 'gal ba'i phyir de dag dang 'brel ba med do zhes 'chad par yang 'gyur ro/ /khyab pa bsgrub pa'i tshad ma de nyid lung las kyang gnas pa ste/ slob dpon gyis kyang/ rang bzhin rgyu dang rkyen dag las/ /'byung ba rigs pa ma yin ? te/ /rgyu dang rkyen las 'byung na ni/ /rang bzhin byas pa can du 'gyur/ /rang bzhin dag ni ji lta bur/ /byas pa can @423b zhes bya bar rung/ /rang bzhin dag ni byas min dang/ /gzhan la bltos pa'ang med pa yin/ /gal te rang bzhin gyis yod na/ /de ni med par yang mi 'gyur/ /rang bzhin gzhan du 'gyur ba ni/ /nam yang 'thad pa ma yin no/ /zhes gsungs so/ /mdo las kyang/ rgyu 'bras kyis bsdus pa mi rtag pa dang/ des ma bsdus pa rtag par 'dzin pa ? phyin ci log tu gsungs pas/ rten 'brel la rang bzhin mi bden pas khyab par gsal bar bstan te/ dpal phreng gi mdo las/ bcom ldan 'das 'di gnyis ni mthar lta ba ste chad pa dang rtag par lta'o/ /gal te 'dus byas thams cad mi rtag par blta na chad par lta ba ste yang dag pa ma lags pa'i lta ba'o/ /mya ngan las 'das pa rtag par blta na rtag pa'i lta ba ste yang dag pa ma lags pa'i lta ba'o zhes so/ /slob dpon gyis kyang/ dngos po yod par khas len pa/ /rtag pa dang ni chad pa yi/ /lta bar rab tu thal 'gyur te/ / dngos te rtag pa'am mi rtag 'gyur/ /zhes so/ / ! 'gal ba spang ba las ris mthun pa la yod pa ni/ mthun phyogs la 'jug 'gal bar srid min te/ /de ni ldog pas khyab pa nyid phyir ro/ /sgyu ma sogs kyang dngos por srid min te/ /shes dang shes bya'i mtshan nyid spangs phyir ro/ /'di ni mthun pa'i phyogs la rjes su 'gro ba'i phyir 'gal ba nyid kyang ma yin te/ gang zhig mi mthun pa'i phyogs kho na la srid pas ? bya las ldog pa bsgrub pa de nyid 'gal bar 'gyur gyi/ mthun phyogs nyid la 'jug pa der ji ltar 'gyur/ sgyu ma la sogs pa nyid kyang dngos por yod pas mthun phyogs nyid du ma grub bo snyam na/ de dag ni shes pa dang shes bya'i dngos po dang mtshan nyid mi mthun pa cha shes dang bcas par snang ba'i phyir/ mig ma bslad pas kyang mthong ba la sogs par thal ba'i phyir dang/ de gnyis las ma gtogs pa'i dngos po'ang mi srid pa'i phyir dngos po nyid du ga la rigs pas na mthun phyogs las ma 'das so/ ! /ngo bo ma mthong ba tsam gyis mi gnod pa nyid gal te 'di ni nam mkha'i me tog la sogs pa la ni nam yang ma mthong gi /gzugs la sogs pa'i yod pa'i ngo bo nyid kho na la mthong bas na 'dis ni dngos @424a @#/ /po nyid sgrub par byed pas 'gal ba las mi 'da'o snyam na/ ngo bo nyid bcas dag la dmigs tsam gyis/ /bden pa'i rang bzhin bsgrub par nus ma yin/ de ltar med pa la ma mthong zhing ngo bo nyid yod pa dag la mthong du zin kyang de ni tha snyad tsam du yod par zad pas na des don dam pa nyid bsgrub par ga la nus te/ khyab par byed pa grub pas khyab par bya ba mi 'grub par bstan zin no/ ! /dpe la sgrub byed yod pa ni/ 'o na sgyu ma la sogs pa ni brdzun pa nyid kyis rgyu la bltos pa med pa'i phyir rten cing 'brel par 'byung ba nyid ma grub pa na dpe sgrub byed kyis stong pa'o snyam na/ sgyu ma la sogs brdzun yang sngags sogs las/ /skye bar mthong bzhin 'gog na smyos par zad/ /sgyu ma la sogs pa don dam par ram tha snyad tsam du mi skye bar brjod/ dang po ni/ 'dod pa kho na ste de ni dpe la mthong ba'i rtags su mi ston gyi mthun snang du grub pa tsam ston par zad pas na/ grub mtha' la brten nas chos can la sogs pa mi 'jog par brjod zin no/ /tha snyad tsam du'ang de dag ma skyes par brjod na ni 'jig rten pa nyid kyis zlog par byed pas kho bo cag ni btang snyoms nyid du 'jog go /de 'jig rten pa dang ji ltar 'gal zhe na/ yid rnal du gnas pa su zhig sgyu ma dang rmi lam la sogs pa'i rkyen sman dang sngags la sogs pa sgyu ma mkhan gyi byed pa dang/ yid gnyid kyis bslad pa la sogs pa yin par mthong bzhin du yang de dag skye ba med ces smra bar byed de/ mkhas pa rnams kyi bzhad gad kyi gnas chen por zad pas na khyad du bsad par 'os pa'o/ /'dis ni ma grub pa spang ba sngar bshad pa yang gsal bar bsgrubs pa'o/ /rtags 'di ni lung las kyang gsal por gsungs te/ rgya mtshos zhus pa las/ rkyen las skyes pa gang yin de ma skyes/ /de la ngo bo nyid kyis skye ba med/ /rkyen la rag las gang de stong par bshad/ /gang zhig stong nyid shes de bag yod yin zhes so/ /blo gros rgya mtshos zhus pa las kyang/ gang dag brten nas 'byung de dag /ngo bo nyid kyis ci yang med/ /gang dag ngo bo nyid med pa/ /de dag gang du 'byung ba med ces so/ /slob dpon gyis kyang @424b gang zhig brten nas 'byung 'gyur ba/ /de ni ngo bo nyid kyis zhi/ /de lta bas na bskyed bya dang/ /skye ba nyid kyang zhi ba yin/ /rten cing 'brel te byung ba gang/ /de ni stong pa nyid du bshad/ /de ni rgyur bcas gdags pa ste/ /'di ni dbu ma'i lam yin no zhes gsungs so/ /'di thams cad kyis kyang rten 'brel las stong par grub pa nyid gsungs pa'o/ ! /rdo rje gzegs ma'i gtan tshigs dgod pa ni/ chos kun rang gzhan gnyis dang rgyu med las/ /ma yin skye med nam mkha'i me tog bzhin/ /gang dag don dam par rang dang gzhan gnyi ga dang rgyu med pa las skye ba dang bral ba de dag ni yang dag par na skye ba can gyi ngo bo nyid med pa yin te/ nam mkha'i padma la sogs pa bzhin no/ /rang dang gzhan gyis yang dag par yong par smras pa'i dngos po thams cad la'ang rang la sogs pa las skye ba med pas so zhes khyab byed mi dmigs pa'o/ ! /'di'i ma grub pa spong ba na/ dang po rang las mi skye ba bsgrub pa las/ rang ma grub pas mi skyed pa ni/ rang nyid ma grub bskyed min med phyir te/ /mo gsham bu ltar bdag bskyed nus ma yin/ /grangs can la sogs pa rgyu nyid 'bras bu'i bdag nyid du gnas pas dngos po rnams rang las skye bar brjod pa ni mi rigs te/ de lta na rang grub pa'am ma grub pa skye byed du 'dod/ ma grub pa ni skyed byed ma yin te de'i tshe rang nyid med pa'i phyir mo gsham bu la sogs pa ltar rang gi ngo bo ma grub pa la'ang rang nyid bskyed pa'i nus pa med pa'i phyir ci zhig rang gi bskyed pa por 'gyur/ ! grub pas mi bskyed pa las khyad par du byar med pa 'bras bur mi rung ba ni/ grub na'ang khyad par byar med bskyed bya min/ /'on kyang bskyed na skye ba thug med 'gyur/ /rgyu 'bras gnyi ga grub par bye brag med pas 'bras bu'ang grub zin pa'i phyir ci zhig bskyed du yod de grub zin pa la gzhan gyi dbang mi rung ba'i phyir ro/ /grub pa dang ma grub pa'i bye brag yod na ni de'i bdag nyid du mi rigs pas rang las skye ba nyams so/ /khyad par du byar med kyang bskyed na ni shes pa yod pa'i skyes bu rtag par 'dod pa yang skyed pas skye ba thug pa med pa'am mi 'dod pa @425a @#/ /grub par thal lo/ ! /de nyid bsgrub pa ni/ 'on te dngos po grub kyang phan pa 'ga' zhig bsgrub tu yod pas khyad par du byar med par ma grub bo snyam na/ phan pa'ang gzhan na rang las skye ba nyams/ /de nyid yin na'ang bskyed bya ci zhig yod/ /de'i tshe phan pa de rgyu nyid las tha dad na ni rang las skye ba nyams te phan pa don gzhan bskyed pas so/ /tha mi dad na ni phan pa nyid kyang grub zin pas bskyed du ci zhig yod/ ! rgyu 'bras kyi sgra don 'chol ? ba spyir ston pa ni/ rgyu 'bras brjod pa rnam grangs ma yin phyir/ /sgra don la bltos gcig la ci ltar 'thad/ / gzhan yang rgyu dang 'bras bu'i ming ni shing dang ljon pa ltar rnam grangs ma yin pas sgra 'jug pa'i rgyu don tha dad pa la nges par bltos pa yin na rang las skye bas rgyu 'bras gcig tu khas len pa la ni don gyi khyad par cung zad kyang smrar med do/ ! /'di bsgrub pa la lnga ste/ mngon par gsal ba'ang tha dad gcig nyid dang/ /rang bzhin por dang ma bor de nyid ni/ /gzhan 'gyur dmigs dang ma dmigs rtag pa dang/ /mi rtag gang yang 'thad pa ma yin no/ 'on te 'o ma las zho la sogs pa ltar sngar mi gsal ba las gsal ba'i gnas skabs rgyu'i 'og tu byung bas rgyu 'bras kyi sgra'i don tha dad pa ma 'chol ? ba grub bo zhe na/ ma yin te gsal ba'i gnas skabs nyid rgyu las tha dang na ni rang las skye ba nyams la/ gcig na ni gsal ba'i zho nyid der mi gsal ba'i 'o ma yin pas rgyu 'bras kyi don 'chol ba las ma 'das shing/ /gsal ba dang mi gsal ba 'gal 'du bar yang 'gyur ro/ /gzhan yang gsal ba na rgyu de rang bzhin bor na ni mi gsal ba zhig nas gsal ba skyes pas rang las skye ba nyams so/ /ma bor na ni gnas skabs 'chol bas rgan po la sogs pa'i gnas skabs na'ang byis pa la sogs pa'i gnas skabs dmigs par thal lo/ /gzhan yang gsal ba ni mi snang ba gzhan du gyur pa nyid la 'dod la/ de nyid gzhan du gyur pa ni mi 'thad de 'gal ba 'du bas so/ /des na gnas skabs snga ma dang mtshan nyid mi mthun pa gzhan du gyur pa ji ltar de nyid @425b yin/ yang 'o ma nyid gsal ba'i gnas skabs yin na sngar yang de la sgrib byed mi srid pas dmigs pa'am/ sngar de mi snang ba'i ngo bo nyid yin na 'o ma yang de nyid yin pas mi dmigs par yang 'gyur bas dmigs mi dmigs 'gal ba yang de nyid yin par mi 'thad do/ /yang de dag rtag na ni gsal ba gzhan du 'gyur ba nyid mi rung la/ /mi rtag na'ang de nyid yin pas rang las skye ba ji ltar rung/ ! /rang las skye ba glo bur ba dgag pa ni/ dngos rnams yul dus rnam pa nges pa'i phyir/ /rang las skye ba glo bur nyid mi srid/ /gal te 'di glo bur ba nyid yin na ni dngos po rnams yul dang dus dang rang bzhin so sor nges pa grub pa ci'i phyir te/ gang la'ang bltos pa med pa la ni de lta bu'i nges pa ji ltar yang mi srid do/ /gal te 'ga' zhig la bltos na ni gzhan las skyes par 'gyur te phan mi 'dogs pa la bltos par mi 'thad pa'i phyir ro/ /de ltar na re zhig rang las skye ba ni kun rdzob tu 'ang mi srid pa nyid do/ ! /gzhan las skye ba dgag pa las gzhan rtag pa las skye ba dgag pa ni/ rtag las skye ba nam yang srid min te/ /rim dang cig car skyed pa mi rung phyir/ /re zhig rtag pa las ni tha snyad du yang skye ba mi rung ste rim dang cig car dag gis don byed par mi 'thad pa'i phyir ro/ /rim gyis mi byed pa ni nus pa la rim pa med par 'bras bu rim can 'byung ba 'gal ba'i phyir dang/ rkyen rim can gyi dbang gis 'bras bu rim gyis byed par 'dod na yang/ rkyen gyis rtag pa'i nus pa rim can du bsgyur na ni rtag pa nyid nyams par 'gyur ba'i phyir dang/ mi sgyur na ni rkyen stong gis zin kyang 'bras bu rim can bskyed par mi nus pa las mi 'da' ba'i phyir ro/ /cig car byed par yang mi rung ste/ de'i 'bras bu bskyed pa'i nus pa de phyis kyang gnas na rtag tu 'bras bu thams cad bskyed par 'gyur la/ mi gnas na ni rtag par mi rung ngo/ /gal te nus pa ni rtag tu gnas mod kyi 'bras bu thams cad sngar bskyed zin pas phyis ? mi skye ba'i phyir nyes pa de dag las grol lo snyam na/ de lta na nus pa la khyad par med pa'i phyir 'bras bu thams cad sngar bzhin du phyis kyang bskyed @426a @#/ /par 'gyur te nus pa ni 'bras bu'i gzhan la bltos pa med pa'i rgyu mtshan yin pa'i phyir ro/ /de lta na yang mi skyed na ni sngar yang mi skyed par 'gyur te phyi ma mi skyed pa'i gnas skabs dang khyad par med pa'i phyir phyi ma gnyis bzhin no/ /de ltar ma yin na ni bskyed pa dang ma skyed pa'i chos 'gal ba gnas pas gcig tu mi rung ba'i phyir rtag pa nyid nyams par 'gyur ro/ /rim dang cig car las ma gtogs par don byed pa'i rnam pa gzhan ni med pa'i phyir khyab pa grub bo/ ! /des ? na 'bras bu thams cad ni rgyu yi nus pa'i rim pa ci lta ba bzhin du dmigs pa'i phyir na cig car yang ma yin la/ nus pa rim med las kyang ma yin pa'i phyir rtag pa las skye ba ni tha snyad du'ang mi rung bar grub bo/ /mi rtag pa las skye ba dgag pa ni/ 'das dang ma 'ongs med pas mi skyed cing/ /da ltar dus mnyam rgyu 'bras mi rung la/ /phyi ma'ang ma 'ongs nyid 'gyur snga ma ni/ /chod pa'ang 'das pa nyid kyis rgyur mi rung/ /bdag nyid kun gyis ma chod dus mnyam nyid/ /phyogs gcig ma chod cha shas bcas par 'gyur/ /zhig la soD dang srang mda'i dpe dang ni/ /lung gis kyang ni 'di bsgrub nus ma yin/ /mi rtag pa ni skad cig gi mthar thug pas de las skye na yang bye brag smra ba dag rnam smin gyi rgyu 'das pa las skye ba dang/ ma 'ongs pa'i skye ba yang bskyed bya bskyed par 'dod pa lta bu dang/ da ltar ba nyid las skye ba dgag pa gsum las/ 'das pa las ni mi skye ba ste de ni rang gi ngo bo las nyams pa'i phyir ri bong gi rwa bzhin no/ /ma nyams na ni 'das pa nyid ma yin no/ /des na de las skye na rgyu med pa las skye bar 'gyur ro/ /ci ste byed pa zhig par zad kyi rang gi ngo bo ni ma nyams pas de lta ma yin no snyam na/ de ltar khas blangs kyang byed pa zhig pa nyid kyis 'bras bu bskyed par mi rung ste 'bras bu bskyed nus na ji ltar byed pa zhig par 'gyur/ gzhan yang byed pa de dngos po las gzhan yin na ni 'brel pa mi rung ba dang/ dngos po rgyu ma yin pa la sogs par 'gyur la/ de nyid yin na yang gnyi ga zhig pa'am ma zhig par 'gyur bas byed pa zhig pa la dngos po ma zhig @426b pa mi 'thad pa'i phyir 'das pa rgyur mi rung ba las mi 'da'o/ /de nyid dang gzhan du brjod du med par 'dod na ni dngos por mi rung bar gsal lo/ /ma 'ongs pa la skye bar yang mi 'thad de/ de ni bdag nyid du ma red pas med pa'i phyir nam mkha'i padma ltar rgyur mi rung ba'i phyir ro/ /byed pa ma thob par 'dod na yang byed pa med pa nyid kyi phyir de las 'bras bu skye ba yang shin tu mi 'thad pa la sogs pas snga ma bzhin mi rung ngo/ /de ltar las skye ba'i phyogs kyang dus mnyam pa'am dus tha dad pa las skye bar 'gyur grang na/ dang po ni mi rung ste 'bras bu ma skyes pa na ni rgyu'ang ma grub pas rta ru bzhin du bskyed par mi rung la rgyu grub pa na ni rwa g.yas g.yon ltar 'bras bu'ang mnyam du grub pas de bskyed pa'i byed pa med pa'i phyir ro/ /dus tha dad pa'i phyogs kyang mi rung ste/ 'bras bu sngar yod na ni de ma 'ongs pa las skye ba'i phyogs su 'gyur bas bkag zin to/ /'on te chod pa snga ma las skye na'ang 'das pa las skye ba nyid yin pas bkag zin to/ /ma chod pa snga ma las skye na'ang bdag nyid thams cad kyis ma chod pa'am/ phyogs gcig gis ma chod pa las skye bar 'dod/ dang po ltar na dus mnyam pa las mi 'da' ste/ cha shas med pa'i dus snga phyir 'dod pa dag ma chod pas shin tu nye bar phrad pa ni 'dres pas snga ma'i khongs su phyi ma'ang 'dus pa las mi 'da' ba'i phyir ro/ /de lta ma yin te phyi ma la snga ma dang ma 'dres pa'ang yod na ni phrad pa dang ma phrad pa'i cha shas dag tha dad pas cha dang bcas pa nyid du gyur zin to/ /des na cha shas med pa'i phrad pa las gzhan du mi 'thad pas na gzugs can ma yin pa dag la'ang rigs pa mtshungs par gong du rdul phran tsam dang bskal pa skad cig tsam du 'gyur ba thal ba gsungs pa'o/ /des na yul dang dus kyi rim pa thams cad ni cha shas dang bcas pa kun rdzob pa nyid pas na/ phor bu chung ngu chus gang bar zla ba dang rgyu skar la sogs pa go skabs yangs pa na gnas pa snang ba'am/ rmi lam na yud tsam re la'ang lo mang por snang ba la sogs pa lta bur zad do/ /phyogs gcig gis ma chod @427a @#/ /par 'dod na ni skad cig cha dang bcas par 'gyur bas dus kyi mtha'i skad cig bden par 'dod pa nyams so/ /gal te 'bras bu skye ba'i tshe rgyu med pas na de dang bdag nyid thams cad dang phyogs gcig gis ma chod pa'i brtag pa mi 'jug go snyam na/ ma yin te bar na dus gzhan mi srid pas rgyu med pa nyid du ma grub pa'i phyir dang/ med du chug na zhig pa las skye bas rgyu med pa nyid du 'gyur ba'i phyir ro/ /rgyu med du mi 'dod na yang brtag pa 'di dag las mi 'da' ba kho na'o/ /de ltar ma chod pa snga ma las skye ba la gnod byed brjod nas bsgrub byed kyang dgag pa ni gal te zhig nas med pa dang dngos po'am/ srang mda'i mthon dman dag ma chod pa yin yang dus gcig pa ma yin pa dang/ grib ma dang nyi ma'am chu'i rgyun snga phyi dag par med kyang yul gcig pa ma yin pa ltar/ rgyu 'bras par med pa yin yang dus mnyam du mi 'gyur ro snyam na/ dpe nyid ma grub ste de dag ni tha snyad pa tsam du zad pas so/ /don dam par 'dod na ni der yang brgal zhing brtag pa mtshungs pas dpe nyid du ji ltar rung des na srang mda'i dpes rgyu 'bras ma chod pa sa lu ljang pa la sogs pa las gsungs pa ni chad lta spang ba'i phyir kun rdzob pa nyid la dgongs pa ste/ lang kar gshegs pa la sogs pa las rgyu 'bras don dam pa ni rnam grangs du mar bkag pas so/ /lung gis kyang mi 'grub pa ni gal te bcom ldan 'das kyis 'di yod na 'di 'byung zhes bya ba rnam par rtog pa gsum por nas bzhi pa zhal gyis bzhes pa ste/ 'bras bu rgyu'i sngar yod pa dang/ dus mnyam pa dang/ skad cig gzhan gyis chod pa gsum bkag nas/ ma chod par skad cig gnyis pa la yod par gsungs pa'o snyam na/ ma yin te 'di'ang snga ma bzhin du bdag la sogs pa rtag pa'i rdzas khas len pa'am/ las 'bras kun rdzob pa la skur pa bsal ba'i don du kun rdzob pa'i rten 'brel gsungs par zad kyi/ don dam par ni bzhi car mi 'thad par 'dra ba nyid du grub pa'o/ /des na/ ma zhig pa las 'bras 'byung du/ /de'i tshe 'bras bu ci yang @427b med/ /'on te zhig las 'bras 'byung na/ /de'i tshe 'bras bu gang las 'byung/ /sa bon 'gags dang ma 'gags las/ /'bras bu 'byung bar mi srid de/ /skye ba sgyu ma skye ba bzhin/ /'di dag thams cad de yis brjod/ ces gsungs so/ ! /gnyi ga dang rgyu med pa las skye ba dgag pa ni gnyi gas bskyed la nyes pa gnyi gar 'gyur/ /rgyu med la yang res 'ga' ba yis gnod/ /de la grangs can ni gtso bo rtag pa shes pa yod pa'i skyes bu bsko ba po la bltos nas dngos po rnams bskyed par 'dod pa na/ rnam 'gyur 'bras bu ni rang bzhin gtso bo dang tha mi dad pas rang las skye ba yang yin la/ bsko ba po dbang phyug las skye bas gzhan las skye ba yang yin pa'o/ /de ltar gnyi ga las skye na rang grub pa dang ma grub pa las skye ba 'gog pa dang/ gzhan rtag pa dang mi rtag pa las skye ba 'gog pa'i rigs pa de thams cad kyis gnod pa las mi 'da' ba nyid do/ /de'i phyir kha cig na re gnyi ga'i dngos po ni 'gal ba 'du bas na sus kyang rgyur mi 'dod pa dgag pa'i tshegs 'byung mi dgos la/ 'gog na'ang 'gal ba 'du ba mi srid pa nyid kyis dgag par rigs so zhes zer ba ni rang dang gzhan gyi grub mtha' mi shes shing/ gnyi ga'i sgra'i don ltos pa dang bcas pas 'dus pa tsam la brjod par 'dod pa ma go ba'i rnam 'gyur yin pas na/ de lta bu ni mkhas pa rnams kyis sun dbyung bya ba'i gnas kyang ma yin pas khyad du bsad de yal bar dor bar bya ba nyid do/ /gzhan dag grub mtha' gzhan la brten pa'am 'dod rgyal du gnyi ga las skye bar brjod na yang nyes pa gnyi gas sun dbyung bar sla ba nyid do/ /yang kha cig tsher ma'i rno ba la sogs pa'i dpes dngos po thams cad don dam par rgyu med pa nyid du skye bar brjod do/ /'di la ni dpe'ang ma grub pa nyid de/ don dam par ni chos thams cad ma skyes pa'i phyir ro/ /kun rdzob tu'ang tsher ma'i sa bon la sogs pa so sor nges pa'i rgyu las te/ de dag gi rno ba la sogs pa mngon sum nyid kyis nges pas na rgyu med pa ji ltar yin/ des na dngos po thams cad la lar res 'ga' 'ga' zhig skye ba ni bltos pa @428a @#/ /dang bcas pa kho na ste/ bltos pa med na rtag tu khyad par med pas res 'ga' mi 'thad pa la sogs pa'i phyir ro/ /de dag gis bltos par bya ba de'ang phan 'dogs byed rgyu nyid de phan pa med pa la bltos na ha cang thal bas so/ /'di ltar rgyu med na ni khyad par med pa'i phyir tsher ma la rno ba la sogs pa so sor nges par mi 'gyur te/ thams cad thams cad kyis bdag nyid du 'gyur ba bzlog par dka'o/ /sa bon dang myu gu la sogs pa'i rgyu 'bras sna tshogs 'jig rten na mngon sum kho nar grub pa'i phyir dam bcas pa la mngon sum gyis gnod pa la sogs pa du ma yang 'jug go /des na rgyu med par smra ba 'di ni tha snyad du'ang gnod pa mang po dang bcas pas tha chad yin pa'i phyir mkhas pa rnams kyis rgyang ma kho nar spang bar bya'o/ /gzhi ma grub pa la sogs pa spang ba phal cher ni sngar brjod zin pas ? mi dgos so/ ! /ma nges pa spang ba las ldog khyab grub pa mi gnod pa ni yang dag par yod pa la rang la skye ba la sogs pas khyab pas don dam pa'i skye ba grub pa na mi 'dod pa grub par gyur to snyam na/ sngar bzhin yod pa skye ba tsam gyis ni/ /khyab pa'i ldog pas bden nyid ji ltar 'grub/ /nam mkha'i me tog la sogs pa ltar ma skyes pa ni rang bzhin bden par yod pa ma mthong ba las skye ba tsam gyis yod pa tsam la khyab pa sngon po la sogs pa la spyir nges pa brjod pa'i tshul gyis khyab byed log na khyab bya ldog par nges pas na ma nges pa nyid ma yin la/ skye ba grub pa tsam gyis yang dag par bsgrub par mi nus te/ rmi lam na bu skyes pa dmigs pa ltar mi bden pa yang snang bas so/ /khyab byed dmigs pa tsam gyis khyab bya nges pa mi 'grub par yang bstan zin pa bzhin no/ ! /ma nges pa'i yul nyid dgag pa ni gal te dngos po rnams ni rgyu las mi skye'i de dag gis gsal bar byed pa tsam mo/ /des na skye ba med pa'i dngos po rtag pa nyid gnas pa yin pas na ma nges so snyam na/ rtag pa mngon par gsal ba bkag zin phyir/ /gang zhig 'khrul pa'i yul du 'gyur ba smros/ /rang dang gzhan gyi sde pa thams cad kyi gzhung @428b las rtag pa mngon par gsal ba tsam gyis rgyu 'bras la brten cing des rab tu phye ba gtso bo la sogs pa dang 'dus ma byas kyang thams cad bkag zin pa'i phyir na ma nges pa'i yul nyid lus pa ci'ang med do/ ! /tshad ma'i 'bras bu lung dang sbyar ba ni/ de ltar rdo rje gzegs ma thogs med bzhis/ /rtag mi rtag sogs dngos tshogs ma lus bshig /de bas na rang dang gzhan gyi sde pa dag gis smra ba dngos po'i brig ? ma lus pa rnams gzhom pa'i phyir/ bdag nyid chen po rnams kyis rdo rje'i gzegs ma thogs pa med pa bzhi po 'di rab tu gsungs pa'i phyir 'di las thams cad kyis 'da' bar mi bya ba nyid de/ bdag las ma yin gzhan las min/ /gnyis las ma yin rgyu med min/ /dngos po gang dag gang na yang/ /skye ba nam yang yod ma yin/ /zhes gsungs so/ /rgyal ba'i yum las kyang/ gzugs rtag ces bya ba'am mi rtag ces bya bar spyod na shes rab kyi pha rol tu phyin pa la mi spyod do/ /de ci'i phyir zhe na/ gzugs nyid kyang yod pa ma yin na rtag pa'am mi rtag par 'gyur ba lta ci smos zhes bya ba la sogs pa gsungs so/ ! /yod med skye ba dgag pa las yod pa skye ba dgag pa ni/ yod la khyab par bya ba med nyid kyis/ /rgyu yi dgos pa med phyir rgyu nyid bzhin/ /de skye mi rigs yod kyang skyen ni/ /dngos kun skye la thug pa med par 'gyur/ /yod pa zhes bya ba ni bdag nyid thams cad grub pa yin te/ cha shas med pa la phyogs gcig grub cing ma grub pas gdod bskyed par bya ba'i cha dag mi rung ba'i phyir ro/ /des ? de'i ngo bo nyid la gzhan gyis sngon med pa'i khyad par byar med rdzogs zin pa las yang bya ba ci'ang med pas na 'di la rgyus ci zhig bya/ de'i phyir rgyu nyid grub zin pas yang gzhan la mi ltos pa bzhin du/ yod pa ni bskyed bya ma yin pas de la skye ba'i don med do/ /gal te de'ang skye bar 'dod na grub zin pa'ang skye bas thug pa med pa nyid do/ /sbyor ba ni gang zhig gzhan gyi sngon med pa'i khyad par byar med pa de ni gang las kyang skye ba med de nam mkha'i padma bzhin no/ /yod par 'dod pa dag la yang gzhan gyi khyad par byad med pas zhes bya ba ste khyab byed mi dmigs pa'o/ /rnam pa can @429a @#/ /tsam gyis rtags gzhi dngos po ba la mi ltos la/ khas blangs nyid kyis sgra don tsam du ni grub pa'i phyir ma grub pa ma yin no/ /'gal ba yang ma yin te mthun pa'i dpe la rjes su 'gro ba grub pas so/ /bum pa la sogs pa tha snyad pa nyid la brten nas skye ba tsam la khyad par du byar yod pas khyab pa grub pa las khyad par du byar med pa skye ba dang 'gal ba'i phyir/ rgyus khyad par du byed pa ni yod pa las gzhan nyid yin na/ sngar yod pa'ang rgyu la rag las pas de las grub par ci ltar yang mi 'thad pas ldog khyab grub pa'i phyir ma nges pa'ang ma yin no/ ! /med pa skye ba dgag pa las sngar med pa'i rang bzhin la gnas pa 'gal ba ni 'o na med pa la khyad par du byar yod pas de skye'o snyam na/ med pa skye ba'ang sngar med rang bzhin can/ /phyis yod 'gal bas ji ltar de skye 'gyur/ /tha snyad du ni sngar med pa'i 'bras bu rgyus bskyed pa yin mod kyi/ don dam par ni ma yin te de kho nar med pa ni med bden yin pas gtan du bar 'thad pas na/ ri bong gi rwa ltar nus pa'i yul las 'das pas rgyu bye ba phrag brgyas kyang bye bar mi nus te me grang mo bzhin no/ /'di ltar sngar med pa'i rang bzhin la gnas pa de phyis kyang yod par ci ltar 'gyur te/ med pa dang yod pa ni rim gyis kyang don gcig la 'gal bas so/ /des na nam mkha' lus can nyid spang ba ltar skye ba zhes bya ba yod pas kyang med pa nyid spangs pas na de sngar med pa'i rang bzhin la gnas pa 'gal ba'o/ /ci ste sngar rgyu'i du su med pa de nyid phyis rgyu las yod par gyur pa ni dus snga phyi de gnyis la bltos pas mi 'gal lo snyam na/ ma yin te dus snga phyi nyid kyis kyang 'gal ba'i phyir dang/ don dam pa'i bltos pa ni rgyu yin pas na dus tsam de'i bltos par 'gal ba'i yang phyir ro/ ! /yod pa'i rang bzhin ma grub pa tsam yang mi 'thad pa ni/ gal te med pa zhes bya ba lus dang ldan pa ni 'ga'ang med de/ rgyu'i dus su 'bras bu yod par ma grub pa tsam la med par brjod par zad do snyam na/ dngos gang rgyu yi dus su sngar med par/ /brjod de med pa nyid las gzhan mi 'thad/ /'dir dngos po'i rang bzhin @429b dpyod pa na phyis 'bras bu yod pa'i rang bzhin du 'dod pa de sngar rgyu'i dus su yod pa'i rang bzhin la brten nam med pa'i rang bzhin la brten par 'dod ces dpyad par bya ste rang bzhin gzhan ni mi srid pas so/ /gal te yod pa la brten na ni yod pa skye bar 'gyur na/ de ni mi 'dod pas yod par ma grub pa nyid kyis med pa la brten pa las mi 'da' bas na 'gal ba 'du ba snga ma nyid du 'gyur ro/ /gal te sngar 'di dang mi mthun pa'i rang bzhin brten par ma grub na ni 'di de la bltos nas snga na med pa'i dngos po'i rang bzhin thos pas da ltar yod pa nyid du mi rung ba'i phyir ro// ! rim gyis rang bzhin gzhan dang 'brel pa yang 'gal ba ni gal te gcig la yang rim gyis ni yod pa dang med pa mi 'gal ba nyid do snyam na/ gcig la yod med cig car 'gal ba ltar/ /rim gyis kyang 'gal khyad par med phyir ro/ /gzhan du rtags rnams rim gyis gsal mi gsal/ /la sogs 'gal bar ji ltar brjod par nus/ /'di dag cig car 'gal na rim gyis kyang 'gal ba nyid do/ /rim gyis mi 'gal na ni khyad par med pa'i phyir cig car yang mi 'gal bar thal te/ bden pa'i rang bzhin ni gtan bu bar 'thad pas yod med kyi 'gyur ba nam yang mi rung bar 'dra ba'i phyir ro/ /'di ltar chos can tha dad pa la ni 'gal ba'i chos dag brten par yang mi 'gal gyi gcig la ni rim gyis kyang 'gal ba kho na ste/ cig car 'gal ba'i chos du ma dang ldan pa na gcig nyid nyams pa ltar rim gyis kyang de bzhin du 'gyur ba nyid kyi phyir ro/ /de lta ma yin na gzhan gyi gtso bo dang dbang phyug la sogs pa rtag pa rim gyis mngon par gsal ba dang chen po la sogs par 'gyur ba'am/ dngos po thams cad skyed par byed pa la sogs par brtags pa la yang/ gsal ba dang mi gsal ba dang nus pa dang mi nus pa sogs 'gal bar ji ltar brjod par nus/ yang kha cig ri dang lus dang rdo rje la sogs pa rtag pa la gnas skabs tha dad pas grang dro la sogs rim gyis 'byung bar 'dod pa la yang/ grang dro la sogs pa de dag 'gal bar ji ltar brjod par nus/ gal te dngos po dang por ma byung ba las @430a @#/ /bar du byung ba dang tha mar med par 'gyur ba ni mngon sum gyis grub pas bsnyon du med do/ /des ni gcig la rim gyis yod med 'gal bar dam 'cha' ba la gnod do snyam na/ ma yin te de ltar mthong ba tsam gyis tha snyad par zad pas na/ don dam par 'gal ba la gnod par mi nus pa'i phyir ro/ /zangs la sogs pa la'ang sra ba dang snyi ba dang/ grang ba dang dro ba rim gyis mthong ba na de dag kyang mi 'gal bar thal bas so/ /des na mthong ba'i rgyu 'bras tha snyad pa ni mi spong mod kyi/ 'on kyang rang bzhin gyis med pa dang yod pa la ni rim gyis kyang yod pa dang med pa 'gal ba nyid do/ /des na slob dpon gyis/ gal te rang bzhin gyis yod na/ /de ni med pa nyid mi 'gyur/ /rang bzhin gzhan du 'gyur ba ni/ /nam yang 'thad pa ma yin no/ /zhes gsungs so/ /mdo las kyang/ gang la ngo bo nyid ni yod min pa/ /dngos po med de ji ltar gzhan rkyen can/ /ngo bo nyid med gzhan gyis ci bskyed ces/ /gtan tshigs de ni bde bar gshegs pas bstan/ /ces so/ ! /lang kar gshegs pa las kyang/ 'dod chags la sogs pa sngar yod par khas blangs te yang med par khas len pa ni rnam par 'jig par byed pas lta ba nyams par 'gyur bar gsungs so/ /yang de nyid las/ ma byung ba las gang byung zhing/ /byung nas kyang ni rnam 'jig pa/ /rkyen las med dang yod pa yang/ /nga yi bstan la de mi gnas/ /rgyu 'bras lta ba ngan pa des/ /mu stegs thams cad rnam par rmongs/ /de phyir yod med phyogs smra ba/ /de dag la ni thar pa med/ /ces gsungs so/ ! /gal te de dag mi 'gal bas rgyu 'bras bden par grub na/ der lta ba rnams thar pa'i lam dang rjes su mthun par gyur par de smad pa gsung bar ci ltar 'gyur/ des na nus pa med pa nyid 'thad pa ni gal te rgyu'i nus pa so sor nges pa'i mthu nyid kyis rang rang gi 'bras bu med pa skyed par ni rigs so snyam na/ de phyir rgyu rkyen nges pa gang gis kyang/ /med pa bskyed par mi nus 'gal phyir ro/ /rgyu rkyen gyi nus pa nges pa ni tha snyad du grub pa tsam mo/ /yang dag par na de la med pa bskyed pa'i nus pa nyid mi srid de rang bzhin @430b gzhan du 'gyur ba mi srid pas de las nus pa 'gal ba'i phyir ro/ /des na nus pa so sor nges pa khas blangs kyang rang bzhin 'gal ba ni bya bar nus mi srid de/ de byed na ni ri bong rwa la sogs pa'ang de las skye bar thal bas so/ /de'i phyir de dag la nus pa med par grub bo/ ! /kun rdzob pa'i rgyu 'bras la dpyad pa mi mtshungs pa ni/ 'o na kun rdzob tu'ang med pa skye ba ci ste mi 'gal zhen/ bden nyid sngar med phyis yod 'gal ba ste/ /brdzun la nus nges 'thad phyir de 'gal med/ /dngos po bden pa kho na la de dag 'gal ba rnam par 'jog gi /kun rdzob pa la ni tha snyad pa'i tshad mas mthong ba ji lta ba zad pas na de kho na'i 'gal ba rnam par 'jog pa ma 'brel ba nyid do/ /des na kun rdzob pa la ni me la sogs pa la 'bras bu du ba la sogs pa dang ri bong gi rwa la sogs pa med par 'dra yang/ yod pa'i rgyu la du ba la sogs pa bskyed pa'i nus pa yod par ni mthong bas grub la/ ri bong gi rwa la sogs pa'i ni ma yin pas khyab par grub pas/ de kho nar ni 'gal ba bskyed pa'i nus pa nyid mi srid pas mi mtshungs so/ /gal te kun rdzob pa la'ang 'gal ba med pa grub pa la bltos na ni de'ang rigs pas gnas pa nyid du kun rdzob pa nyid ma yin no/ ! /tshad ma'i 'bras bu lung dang sbyar ba ni/ de ltar yod med skye ba mi 'thad pas/ /skye bar snang ba sgyu ma lta bur gsungs/ /de lta bas na dngos po rnams yod pa'ang yang dag pa'i skye bar mi 'thad la/ med pa yang ma yin pas 'di dag gi skye ba ni sgyu ma ltar brdzun pa kho nar zad do zhes gnas so/ /de nyid kyi phyir blo gros chen po yod pa dang med pa mi skye ba'i phyir chos thams cad ni ma skyes pa'o zhes rnam pa du mar yod pa dang med pa skye ba bkag nas ma skyes pa nyid gsungs so/ /de dag ni kun btags pa'i skye ba dgag pa la dgongs pa ste/ de kho na'i skye ba 'gog pa ni ma yin no zhes rtog pa ni dpyad dgos pa ste/ dngos po don dam par ma skyes pa la skyes par btags pa la kun btags par brjod na ni 'dod pa nyid do/ /'o na te gzhan dbang gi dngos po yang dag par gnyis kyis bden par skyes pa nyid la gzung ba dang @431a @#/ /'dzin pa gnyis su kun btags pa'i skye ba tsam 'gog par 'dod na ni mi rigs te/ de la yod pa dang med pa skye ba mi rung ba ltar yang dag pa'i skye bar 'dod pa de la yang yod med gang yang skye bar mi 'thad pa nyid kyi phyir ro/ ! /mu bzhi'i skye ba med pa'i rtags dgod pa ni/ chos kun skye ba'i mtha' bzhis stongs pa'i phyir/ /rang bzhin med de nam mkha'i padma bzhin/ /yang dag don dam par mu bzhi'i skye ba dang bral ba de dag ni don dam par rang bzhin med de nam mkha'i padma bzhin no/ /rtsod pa'i gzhir gyur pa'i chos thams cad kyang mu bzhi'i skye ba dang bral bas zhes khyab byed mi dmigs pa'i sbyor ba'o/ ! /gtan tshigs bsgrub pa bzhi las gcig gis gcig mi skyed pa bsgrub pa ni/ dbang pos rang rig rnam shes gcig skyed na/ /'on long sogs 'gyur dbang phyug sogs mi rung/ /rgyu gcig gis 'bras bu gcig skyed pa ni ji ltar yang mi rung ste/ gal te mig la sogs pas rang gi rigs tsam bskyed na ni de'i rnam shes mi skyed pas 'gro ba thams cad long ba la sogs par thal ba nyid do/ /'on te rnam shes nyid skyed par 'dod na yang rang gi rigs mthun pa rgyun chad pas shes pa'i skad cig gis rjes la sogs pa'ang med cing shes pa'ang med pas yang thams cad long ba dang 'on pa la sogs par ches thal ba nyid do/ /yang kha cig dbang phyug la sogs pa gcig gis 'bras bu gcig bskyed par 'dod pa yang rtag pa don byed pa med pas rgyur mi rung zhing res 'ga' bar 'gal bas 'bras bur yang mi rung/ mi rtag pa la yang dus mnyam pa dang tha dad pa las skye ba bsal zin te/ rtag pa dang mi rtag pa las gzhan pa yang ma grub pas na dgag par sla ba nyid do/ ! /du mas gcig bskyed pa 'gog pa na 'bras bu gcig pa mi rung ba la thams cad rgyu med par thal ba ni gal te rgyu du ma mig dang snang ba dang yid la byed pa dag la 'bras bu rnam shes gcig skye ba mthong bas grub mod ci ltar dgag snyam na/ rgyu 'bras tha dad gcig la rjes 'gro dang/ /ldog pa med phyir thams cad rgyu med 'gyur/ / @431b de ltar 'dod na rgyu la tha dad pa yod kyang 'bras bu la med pa'i phyir rjes 'gro med pas rgyu tha dad ni 'bras bu tha dad byed pa por mi rung la/ rgyu la gcig med kyang 'bras bu la yod pa'i phyir ldog pa med pas rgyu gcig kyang 'bras bu gcig gi byed pa por mi rung ngo/ /de bas na rgyu du ma dang gcig gi rjes su 'gro ldog gi rjes su byed pa med pas 'bras bu'i du ma dang gcig rgyu med par 'gyur ro/ /de dag rgyu med du thal mod gzhan la ni rgyu yod pa nyid do snyam na/ du ma dang gcig ni phan tshun spangs pa yin pas rnam pa gzhan mi srid pa'i phyir thams cad rgyu med par 'gyur la/ de lta na yang bltos pa med pa'i phyir rtag tu yod pa'ang med par thal lo/ /'di la phan tshun ldog par byed pa ma bkag pas rgyu med du mi thal bar ni brtag par mi nus te/ snga ma dang brtag pa mtshungs pa nyid kyi phyir dang/ gzhi gzhan du zlog par byed par mthong ba'am 'khrul par mthong bas kyang gnod pa'i phyir ro/ ! /nyes pa gzhan brjod pa ni tshogs can thun mong 'bras gcig so so yi/ /'bras bu tha dang 'bras gnyis ldog rnams 'gal/ /nyes pa gzhan gsum las tshogs pa can thun mong gi 'bras bu gcig par 'gal ba ni dbang po la sogs pa tshogs pa tshogs pa can las gzhan du ma grub pa na tshogs pa'i tshe'ang phan tshun so sor ma 'dres par gnas la/ de dag re res kyang rnam grangs med par rnam shes bskyed pa na gcig tu 'gal te rgyu tha dad pa nyid las byung ba'i phyir tshogs pa gzhan gyi 'bras bu bzhin no/ / gal te thams cad 'bras bu rnam shes gcig po nyid la nus kyi du ma la ni ma yin no snyam na/ 'o na so so'i 'bras bu tha dad par 'gal ba ste/ rang rang gi rigs mthun pa bskyed mi nus pas/ skad cig gnyis pa la dbang po la sogs pa'i rgyun chad par 'gyur ba'i phyir ro/ /des na 'bras bu gcig kho na la thams cad kyi nus pa byin pas so so'i bskyed bya de las tha dad pa gzhan ji ltar bskyed par nus/ gal te de dag la rang rang gi rigs dang spyi'i 'bras bu la nus pa du ma yod pas nyes pa de med do snyam na/ 'bras bu gnyis phan tshun ldog pa 'gal ba ni @432a @#/ /nus pa dngos po las don gzhan ma yin te/ gzhan yin na dngos po rgyu ma yin pa dang/ 'brel pa mi 'thad pa la sogs pa'i skyon du 'gyur bas so/ /des na nus pa gang kho nas ris mi mthun bskyed pa de kho nas rnam shes kyang bskyed pa la sogs pa'i phyir ji ltar 'bras bu de dag phan tshun ldog pa gzhan du 'gyur te/ nus pa gcig gis 'bras bu tha dad pa ni 'gal bas so/ ! /thal ba'i don gsal bar byed pa ni gal te rgyu'i tha dad pa tha dad par byed par mi 'gyur ro zhes pa'i don gang yin/ dum bur bskyed par mi 'gyur ba yin na ni 'dod pa ste cha shas su bskyed par mi 'dod pa nyid kyis so/ /chos du ma dang ldan pa'i khyad par du byed par mi 'gyur ba na ni ma nges pa ste/ 'bras bu gcig nyid ldog pa du ma dang ldan pa skyes bas so snyam na/ cha shas mi byed thal ba'i don min te/ /khyad par mi byed pa la nyes pa med/ /'dir gcig la cha shas su bskyed par byed par mi 'gyur ro zhes thal ba brjod pa ni ma yin no/ /khyad par byed pa ma yin par thal ba brjod pa yin mod kyi/ khyed kyang bum pa dang snam bu la sogs pa ngo bo tha dad pa'i khyad par rnams la ni rgyu tha dad kyis byas pas khyab par khas len la/ 'dir yang rgyu tha dad par khas blangs te 'bras bu rang bzhin gcig nyid du 'dod pas khyad par byed par ma grub pa na/ rgyu 'bras kyi chos ma grub pas 'khrul pa'i phyir dngos po tha dad pa rgyu tha dad pas byas par mi 'gyur bar thal ba nyid gnas pa'o/ /rgyu tha dad pas 'bras bu'i ldog chos tha dad byed pa nyid kyis rjes su 'gro ba grub pa ma yin nam zhe na/ de lta na dbang po la sogs pa rang rang gi khyad par gyis rnam shes ldog pa du ma dang ldan pa bskyed pa na/ de'i gzugs kyi yul can la sogs pa bskyed pa'i cha de nyid kyis rang rang gis ris mthun phyi ma'am bskyed pa'i phyir/ 'bras bu de gnyis tha dad med par thal te rgyu tha dad med pa las skyes pas so/ /'on te dbang po la sogs pa so sos ni rang rang gi rgyu tha dad du bskyed kyang rnam shes la phan mi 'dogs te tshogs nas khyad par skyed pa tsam mo zhe na/ 'o na rnam shes kyi ngo bo nyid kyang tha dad par ci ste @432b mi byed de/ tshogs pa ni tshogs pa can gyi mthar thug pas khyad par rnams la rnam grangs med par nus par grub pa'i phyir ro/ ! /rgyu tha dad pa'ang mi 'thad pa ni/ skyed byed gcig las gzhan dag rgyur 'gal zhing/ /kun gyi nus pa gcig pa 'dir ma grub/ /gcig gi bskyed bya de nyid gzhan las kyang/ /skye na ldog pa nyams pa rgyu med nyid/ /'di la gnyis las las gcig las ldog pa gzhan rgyur 'gal ba ni rgyu las gzhan pa ni rgyu ma yin pa nyid yin pa'i phyir/ dbang po lta bu rnam shes skyed byed las gzhan du gyur pa yul la sogs pa ni skyed byed ma yin par 'gyur te rna ba la sogs pa tshogs pa gzhan du gtogs pa'i don dag bzhin no/ /gal te rgyu de dag ngo bo nyid tha dad kyang rnam shes gcig po skyed pa'i nus pa ni thams cad la tha mi dad par yod do/ /des na de dag ngo bo tha dad pas phan tshun mi sgyur yang thams cad rnam shes gcig skyed byed du khyad par med pas skyed byed las gzhan yin par ma grub pa'i phyir/ du ma tshogs pa de dag so so nas 'bras bu de nyid la rub pas na/ so so'i ngo bo tha dad kyang ldog pa mtshungs pa can gyi 'bras bu gcig byed pa mi 'gal bas na/ rgyu gcig kho nas 'bras bu de bya dgos pa'i rigs pa ci yod snyam na/ de lta bu'i nus pa gcig pa nyid ji ltar grub ste/ stong pa nyid kyis brtsad byas tshe/ /gang zhig lan 'debs smra byed pa/ /de yis thams cad lan btab min/ /bsgrub par bya dang mtshungs par 'gyur zhes gsungs pa ltar/ dbu ma pa la nus pa nyid gcig dang du mar gtogs pa gang yang grub pa med pa'i phyir ro/ /gzhan yang dngos po rnams las nus pa la gzhan yin ngo bo tha dad kyang nus pa gcig pa srid pa zhig na/ nus pa ni dngos po las gzhan du ma grub pa'i phyir/ ngo bo gzhan du gyur pa nyid kyis de'i nus pa las kyang log pa na gzhan rgyu ma yin par thal ba nyid las mi 'da'o/ /des na gzhan las skye na ldog pa nyams pa nyid ni dper na du ba'i mtshan nyid tsam me'i mtshan nyid tsam gyi tshogs pa'i rjes su 'gro ldog byed pa las rgyu 'bras su bsgrub pa na/ la lar du ba'i mtshan nyid me @433a @#/ /ma yin pa'i tshogs pa las kyang skye na ldog pa nyams pas gang yang rgyur mi rung ba'i phyir du ba rgyu med du thal ba ltar tshogs pa gcig gi khongs su gtogs pa la yang dbang po la sogs pa nus pa thogs med kyi bskyed bya de nyid gzhan gzugs la sogs pa'i yang bskyed bya yin na rjes su byed pa 'khrul pas rgyu med du thal ba bzlog dka' ba'o/ ! /du mas du ma bskyed pa dgag pa la phyogs snga ma dgod pa ni/ rgyu yi dbye ba ji bzhin 'bras bu yi/ /chos kyi dbye ba bsgrub nyid 'thad ce na/ /'bras bu'i rang bzhin gyi dbye ba ni rgyu rnams kyi ngo bo nyid kyi bye brag gis 'bras bu'i yang rang bzhin gyi bye brag bskyed pa nyid kyis na rgyu du mas 'bras bu'ang du mas bskyed pa nyid rigs te/ rgyu so so'i byed pas bsgrubs pa'i 'bras bu'i bye brag kyang ma 'dres pa nyid yin pa'i phyir ro/ /'di ltar mig la sogs pa'i rgyu rnams las 'bras bu mig gi rnam shes la sogs pa chos du ma dang ldan pa skye ba na/ rjes su 'gro ldog dag las mtshungs pa de ma thag pa'i rkyen gyi rnam shes las mig gi rnam shes de rtogs pa'i bdag nyid du skye'o/ /mig gi dbang po las ni gzugs 'dzin par nus par ro/ /yul las ni de dang 'dra ba'i rnam pa dang ldan par ro/ /'o na 'bras bu rnam shes de gcig tu mi rung ngo snyam na/ de dag ni chos kyis dbye ba yin pas chos can rnam shes las tha dad pa ma yin yang rgyu rnams kyis nye bar sbyor ba'i yul so so'i rang bzhin ma 'tshol bar skye ba nyid kyis na/ /rgyu tha dad pa las 'bras bu tha dad pa med pa ma yin no zhes bya ba'o/ ! /'di sun dbyung ba las de lta na 'bras bu'i du ma'ang dngos por ram btags pa tsam du 'dod/ /dang po mi rung ba ni/ dngos na rnam shes du ma'am khyad par dag /gcig dang rnam shes rgyu med nyes pas gnod/ /dngos por 'dod na yang de dag 'bras bu las tha mi dad pa'am tha dad par 'dod dang po ltar na rnam par shes pa de'ang du mar thal te/ rtog pa'i bdag nyid la sogs pa chos du ma dang tha mi dad pa'i phyir chos du ma nyid bzhin no/ /yang na chos du ma'ang gcig tu @433b thal te rnam shes gcig dang tha mi dad pa'i phyir rnam shes nyid bzhin no/ /de lta na ni rgyu'i byed pa'i yul tha dad par rtags pa yang don med de/ de dag gcig tu gyur pas du mas gcig byed pa'i nyes pa snga ma nyid kyis gnod pa'i phyir ro/ /de dag rnam shes las tha dad par 'dod na ni rnam shes rgyu med du 'gyur te/ rgyu'i byed pa rtog pa'i bdag nyid la sogs pa gzhan la nye bar sbyor ba'i phyir ro/ /des na rtag tu yod par thal ba la sogs pas gnod do/ ! /chos du ma btags par yang mi rung ba ni gal te chos du ma ni btags pa yin pas rjes su 'gro ldog grub kyang de kho nar ma grub pas na/ shes pa du ma dang de dag gcig tu thal ba gnyi ga la rtags ma grub bo snyam na/ btags na rgyu dbye'i yul dang 'bras nyid du/ /mi rung rnam shes rgyu med par yang 'gyur/ /de ltan chos du ma rtog pas sbyar ba tsam du gyur pas nam mkha'i padma ltar dngos po'i rgyu la bltos pa med par 'gyur bas na rgyu tha dad pa'i byed pa'i yul du ji ltar 'gyur/ 'on te nan gyis ltos par rtog na yang 'bras bu ni btags pa tsam nyid kyis dngos por ma grub pas na 'bras bu nyid du mi rung ngo/ /de'i tshe 'bras bu rnam shes rgyu med par 'gyur te rgyu'i byed pa ni btags pa'i chos rnams la nye bar sbyor ba'i phyir ro/ /chos dang chos can gyi dbye ba lan du mi rung bas 'gal ba 'du ba ni 'on te 'bras bu gcig po nyid kyi chos kyi bye brag tha dad kyang de dag 'bras bu las tha dad pa'ang ma yin no/ ! /des na rgyu tha dad kyi nus pa'i yul drang/ 'bras bu'i tha dad kyang dngos por grub pa dang tshogs pa gcig gis yul rnam shes gcig las kyang ma 'das pas nyes pa thams cad las grol snyam na/ 'bras bu nyid dang rgyu las skye mi skye/ /'gal bas gnod 'gyur mthong ba lan mi rung/ /de lta na spyi tha dad pa nyid mi 'dod kyang nan gyis thog tu 'bab pa dang/ 'bras bu nyid la chos dang chos can dngos su tha dad pa dang tha mi dad pa zla ba dang skar ma lta bu phan tshun 'gal ba 'du ba las ci zhig 'das/ gzhan yang rnam shes te rtog pa'i bdag nyid las gzhan ma yin pa'i phyir de nyid @434a @#/ /bzhin du gzugs las mi skye ba dang/ yul gyi rnam pa las gzhan ma yin pas rnam pa bzhin du gzugs las skye ba la sogs par yang 'gyur bas/ 'bras bu gcig la skye ba dang mi skye ba dang/ rgyu gcig la skyed byed yin pa dang ma yin pa cig car 'gal ba nyid do/ /de lta bu'i 'bras bu rgyu de dag las skye bzhin par mthong bas grub pa la rigs pas brtags nas bsnyon du ci yod snyam na/ zla ba gnyis su snang ba la sogs pa ltar 'khrul pa'i mthong ba tsam ni tshad mar mi rung bas 'di ni lan log pa kho nar gsal lo/ /gzhan yang du ma las du ma skye ba 'di ni bshad zin pa dang 'chad par 'gyur ba'i nyes pa dag tu yang 'dus pa yin te/ 'bras bu du ma re re la rgyu thams cad kyis nye bar sbyor na ni du ma las gcig skye ba'i phyogs nyid du 'gyur la/ 'bras bu re re la rgyu'ang re re yin na ni gcig gis gcig bskyed pa'i phyogs su 'gyur zhing/ rgyu re res kyang 'bras bu thams cad bskyed na ni gcig gis du ma skyed pa'i phyogs su 'gyur ba'i phyir ro/ ! /gcig gis du ma bskyed pa dgag pa la dang po gnod byed dgod pa las rgyu'i rang bzhin gyi khyad par dpyad pas dgag pa ni gal te dbang po lta bus rang gi rigs dang rnam shes la sogs du ma skyed pa ni mang du mthong bas grub pa'o snyam na/ gcig gis du ma bskyed na'ang tha dad dang/ /tha dad ma yin sna tshogs rgyu med 'gyur/ /'di la yang rgyu gcig dang 'bras bu gcig la rjes 'gro med cing/ du ma dang du ma la yang ldog pa med pa'i phyir sngar bstan pa bzhin du thams cad rgyu med par thal ba mi zlog go /gzhan yang mig gi rang bzhin gyi khyad par gang gis dbang po'i rigs bskyed pa de nyid kyis rnam shes kyang bskyed dam/ 'on te gzhan gyis yin/ dang po ltar na ci ltar 'bras bu tha dad pa yin te/ rgyu tha mi dad pa'i 'bras bu tha dad 'gal bas na/ de dang de min rang bzhin can/ /de dang de min rgyu las skyes zhes gsungs pa ltar/ nas kyi sa bon las 'bras bu nas dang nas ma yin pa mi 'byung ba bzhin no/ /gnyis pa ltar na rgyud gcig tu mi rung ste 'bras bu so so bskyed pa'i rang @434b bzhin gyi khyad par ma gtogs pa'i dngos po gcig ma grub pa'i phyir ro/ ! /nus pa nges pa'i ngo bo nyid dpyad pas 'gog pa na rgol ba dgod pa ni/ rgyu nyid 'bras bur 'pho min tha dad dang/ /de min bskyed pa'i nus nges phyir zhe na/ /grangs can pa'i ltar rgyu nyid gyur te 'bras bur 'pho bas rgyu 'bras gcig tu 'dod na ni gcig du ma'i rgyur 'gal bas 'di mi rung ba zhig na/ nged ni rgyu gcig nyid la nus pa nges pa'i ngo bo nyid du mkhas len pas dbang po lta bu re res kyang tha dad pa rnam shes dang tha mi dad pa rang gi rgyun lta bu ma bskyed par 'dod pa na/ de'i nus pa nges pa'i chos nyid kyi nus pa'i yul de dag so sor bskyed pa'i phyir rjes su 'gro ldog grub pa nyid do zhes bsams pa'o/ ! /'di dgag pa las nus pa nges pa'i ngo bo nyid de nyid las 'bras bu gzhan skye ba 'gog pa ni/ 'bras bu phan tshun 'tshol cing gnyi ga yang/ /de dang de min 'gal ba 'du bas gnod/ 'di la 'bras bu gnyis phan tshun 'tshol bar thal bas gnod pa ni sngar brjod pa ltar/ nus pa nges pa'i ngo bo nyid gang gis mig bskyed pa de nyid kyis rnam shes kyang bskyed na/ rgyu gcig las rnam shes kyang mig dang mig kyang rnam shes su thal bar ci ste mi 'gyur/ gnyi ga de dang de ma yin par 'gal ba 'du bas gnod pa ni yang na/ so sor mig kyang mig dang mig ma yin pa dang/ rnam shes kyang rnam shes dang rnam shes ma yin pa gnyi gar 'gyur te/ gnyi ga'i rgyus gnyi ga bskyed pas so/ /de dag tu 'dod par ni mi nus te mngon sum la sogs pa'i gnod pas shin tu nye bar 'gyur bas so/ ! /ngo bo nyid gzhan gyis gzhan bskyed pa 'gog pa ni 'on te mig gis nus pa'i ngo bo nyid gzhan gyis mig dang gzhan gyis rnam shes bskyed pas 'gal ba med do snyam na/ ngo bo nyid gzhan mig las gzhan pa dang/ /gzhan min na yang nyes pa kho na 'thob/ /de dag mig las tha dad na ni mig rgyu ma yin par thal te ngo bo nyid gzhan nyid kyis 'bras bu bskyed pas na mig la byed pa med pa'i phyir ro/ /tha mi dad na ni mig kyang tha dad par 'gyur te ngo bo nyid tha dad pa dag dang tha mi dad pas de dag nyid bzhin no/ / @435a @#/ /de lta na rgyu gcig nyid nyams so/ /yang na ngo bo nyid kyang gcig tu 'gyur te mig gcig las tha mi dad pa'i phyir mig bzhin no/ /de la'ang mig ngo bo nyid gang gis ces brtags pa snga ma'i nyes pa nyid du 'gyur pa'o/ ! /sgrub byed kyang dgag pa ni gal te gcig las du ma skye ba ni mthong bas grub pas ji ltar dgag par rigs na/ mthong ba tshad min gzhan yang rgyu rnams ni/ /gcig nyid 'gar yang ma mthong sna tshogs nyid/ /ma mthong ngo zhes ni mi smra mod kyi/ rmi lam na mthong ba la sogs pa ltar de tsam tshad ma ma yin par brjod zin to/ /gzhan yang don dam par gang zhig la dngos po la sogs pa skye bar mthong bar 'gyur/ don dam pa'i rnam shes la sogs pa gcig po ni gang du yang cung zad kyang grub pa med de/ dus thams cad du sna tshogs kyi rnam par snang ba'i phyir ro/ /sna tshogs kyi ngo bo yang gcig yin na ni thams cad rdzas gcig pa nyid du thal lo/ /gcig ma grub na de bsags pas du ma'ang ma grub pa yin na gcig dang du ma don dam pa skye ba gang du mthong bar 'gyur/ mtha' bzhi las ma gtogs pa gang zhig skye bar 'gyur ba'i phyogs gzhan yang mi srid la/ rtag pa'i dngos po'ang thams cad sngar bsal zin pas na ma nges pa nyid kyang ma yin no/ /mthun phyogs la grub pa'i phyir 'gal ba yang ma yin no/ /des na bdag nyid chen po rnams kyis kun rdzob tu rgyu 'bras kyi nges pa gnas pa'i dbang du byas nas/ gcig las du ma'am du ma las kyang gcig skye bar ji ltar grags pa bzhin mthong ba'i phyir dang/ mig dang de'i rnam shes la sogs pa'ang rjes su 'gro ldog gi sgo nas rgyu 'bras su gzigs nas/ byis pa rnams rim gyis gzud pa'i phyir 'bras bu'i rtags bstan par mdzad par dgongs te/ rgyu tha dad na tha dad par 'gyur ba la sogs par bzhag gi don dam par ni ma yin pas sngar ji ltar dpyad pa bzhin no/ ! /don dam par yod pa dgag pa gtsor gsungs nas/ med pa la sogs pa dgag pa'ang de nyid kyis grub pa ni/ de lta'i rtags nyid kyis ni med sogs kyi/ /spros tshogs mtha' dag dgag @435b par nus pas na/ /rtags gzhan la ni mi ltos 'on kyang ni/ /so sor gsungs pa rnam grangs sogs su zad/ /spros pa 'gog pa'i rtags snga ma de lta bu nyid kyis don dam par med pa la sogs par 'dzin pa'i yul spros pa mtha' dag dgag par nus te/ med pa la sogs par brjod kyang don dam par yod pa spangs pa la sogs pa'i rang bzhin 'ga' zhig la brten na de ni don gyis yod pa nyid du 'gyur bar sngar brjod pa ltar yin pas na/ gcig dang du ma la sogs pa las mi 'da' ba'i phyir ro/ /'di dag gis yod pa bkag nas med pa 'gog pa'i rtags gzhan tshol ba ni mun sprul gyi bag ste/ yod pa bkag pas med pa grub na/ de bkag pa'ang med pa gzhan nam yod par 'gyur bas thug pa med par 'gyur ba'i phyir spros pa gtan mi chod par thal bas so/ /'o na de nyid phyir na de stong min/ /zhes bya ba la sogs pa so sor dgag pa gsungs pa ji ltar che na/ de ni bden mod kyi don gyis 'di dag nyid kyis thams cad dgag pa grub kyang dngos su gang nye ba dang 'grig pa las/ de nyid phyir na de stong min/ /mi stong ma yin yod med min/ /mi skye ma yin skye min zhes/ /de la sogs pa bcom ldan gsungs/ /ces bya bar so sor dgag pa dang/ /yang dgag bya yod pa ma yin pas/ /yang dag tu na bkag med gsal/ /dgag bya btags pa nyid yin na/ /bkag pa btags min ji ltar 'gyur/ /zhes bya ba dang/ skye la sogs pa med pa'i phyir/ /skye ba med la sogs mi srid/ /ces bya ba la sogs pas kyang bkag pa nyid de kho nar grub pa dgag par gsungs par zad de/ dngos po ma grub na de la bltos pas brtags pa dngos po med pa'ang de kho nar med ces gsungs pa'o/ /bkag pa ni dgag bya la bltos pa'am dgag bya'i khyad par can nyid kyis de las rag las pa'i phyir ro/ / yang gal te dngos po ma grub na/ dngos po med pa grub mi 'gyur/ /dngos po gzhan du 'gyur ba ni/ /dngos med yin par skye bo smra/ zhes so/ /kha cig tu ni kun rdzob pa la skur pa'i log rtog bsal ba la dgongs nas/ nyes pa thams cad 'byung ba'i gnas/ /med pa rnam par bzlog zin gyi/ /zhes @436a @#/ /bya ba la sogs par gsungs par zad do/ /des na blo gros rgya mtshos zhus pa las/ chos gang yongs su ma grub pa de yod pa nyid do zhe'am med pa nyid do zhes khas mi len to zhe'o/ /lang kar gshegs pa las kyang/ yod pa med pa'i zlas drangs te/ /med pa'ang yod pa'i zlas drangs so/ /de bas med par brjod mi bya/ /yod pa nyid du'ang mi brtag go /gang la ci'ang mi skye ba/ /ci'ang 'gag par mi 'gyur te/ /'gro ba rnam par dben mthong ba/ /de la yod dang med nyid med/ /ces so/ /slob dpon gyis kyang/ gang dag bdag dngos gzhan dngos dang/ / dngos dang dngos po med mthong ba/ /de dag sangs rgyas bstan pa la/ /yang dag mthong ba ma yin no/ /gang dag brten nas dngos po rnams/ /chu yi zla ba lta bur ni/ /yang dag ma yin log min par/ /'dod pa de dag ltas mi 'phrogs/ /gang ci brjod pa thams cad ni/ /ngo bo nyid kyis stong rig bya/ / stong zhes bya ba de'ang stong/ /'di ltar mi stong yod ma yin/ /zhes so/ /stong yang chad ltar mi 'gyur ba ni don dam pa'i tshul la sdang bas rang dbang med pa nyon mongs dag stong par lta ba 'di ni med pa par spyi bo nas dbang bskur bas tha chad du snyigs pa ste/ de ltar rgyu dang 'bras bu skur 'debs pa/ / log ltas dkar chos drungs 'byin dam chos kyi/ /lo tog ser ba nam mkha'i me tog 'di/ /legs 'dod rnams kyis rgyang ring spang bar bya/ ! /thar pa dang bde 'gro'i lam 'gog par brjod pas smod pa la/ yod med la sogs rtog kun rigs mthun pa/ /snga ma tsam gyi rgyu can nyid grub pas/ / yul gyi nus sogs rgyu gzhan ma grub cing/ /rgyu med rtag byung rtag pa'ang ma yin phyir/ /skye ba dang po'i rtog pa'ang rigs mthun pa/ /snga ma'i rgyu can nyid du dpags pas rtogs/ /de bzhin tha ma'i sems kyang phyi ma ni/ /mtshams sbyor nus las thog mtha' med grub pa'o/ /'dir don dam par spros pa mtha' dag dang bral yang tha snyad du srid pa'i rgyud thog ma dang tha ma med pa grub pas chad par lta ba'i skabs spong ba ste/ skye ba snga ma bsgrub pa ni da ltar yod med la sogs pa'i rtog pa dag thams cad kyang rang gi rigs goms pa tsam las 'jug par dmigs ? @436b kyi/ rgyu gzhan ni med pas rigs mthun snga ma snga ma tsam gyi rgyu can du grub pa'o/ /rgyu gzhan med par ci ltar 'grub ce na/ /yul gyi nus pa la sogs pa'i rgyu gzhan ni ma grub ste/ dngos po thams cad bkag zin pa ltar ro/ /rgyu med pa'am rgyu rtag pa'am ngo bo rtag pa yin na yang de tsam gyi rgyu can du mi 'grub pa zhig na/ res 'ga' ba nyid kyi phyir de dag tu mi rung ste/ rgyu med na ni bltos pa med pas res 'ga' bar 'gal la/ rgyu rtag na'ang res 'ga' ba'i nus pa mi rung zhing/ ngo bo rtag na'ang res 'ga' ba spong ba'i phyir ro/ /des na rigs mthun snga ma tsam gyi rgyu can de dper byas nas/ skye ba 'di'i dang por byung ba'i rnam rtog kyang rigs mthun pa snga ma'i sa bon can te/ goms pa'i 'jug thogs pa dang rang bzhin khyad par med pa'i rnam rtog yin pa'i phyir/ de ltar gyi de dag nyid bzhin no zhes bya ba ste/ da ltar gyi de dag nyid la goms pa'i bye brag gis chung ngu dang 'bring dang chen po la sogs pa'i bye brag gsal bar dmigs pas so/ /rang bzhin 'dra yang rgyu mi 'dra ba srid na ni 'bras bu'i 'dra ba rgyus ma byas pas rgyu med du 'gyur ba me du la sogs pa la rgyas par brjod pa bzhin no/ /de bzhin du rigs mthun phyi ma la nus pa grub pa dag dang 'dra ba 'chi ga'i sems las kyang skye ba phyi ma 'grub pa ste/ ma rig pa dang srid pa dang ldan pa'i sems ni sems gzhan mtshams sbyor nus pa ste/ sngar gyi nyal po byed pa'i sems la sogs pa bzhin no/ /'dod chags dang ma bral ba'i 'chi ga'i sems kyang de 'dra'o zhes rang bzhin gyi rtags so/ /de lta bus ni rang bzhin khyad par med pa las skye ba snga ma dang phyi ma thug pa med pa'ang 'grub pas na/ srid pa'i rgyun thog ma dang tha ma med pa grub pa las tha snyad du'ang chad par 'gyur ba'i go skabs ci zhig yod/ don dam par ni rtag chad kyi skabs nas kyang med de de dag ni dngos po nyid la brten pa'i phyir ro/ ! /de ltar chos thams cad don dam par gnas pa bkag nas/ zhar la kun rdzob tu gnas par bsgrub pa ni/ de ltar phra rab chos kyang don dam du/ /grub pa med phyir snang ba'i chos tshogs kun/ /'khrul pa'i spyod yul kun rdzob @437a @#/ /mtshan nyid 'dzin/ /don bdag 'di 'dod su yis ci byar yod/ /ji skad bshad pa'i rigs pa'i tshogs gyis dpyad pa na de kho nar grub pa'i chos phra rab tsam yang rab tu grub pa med pa'i phyir snang ba'i spyod yul du gyur pa'i chos mtha' dag ni 'khrul yul tsam du gnas par zad pas/ ma brtags na nyams dga' ba kun rdzob pa'i mtshan nyid 'dzin pa ste sgyu ma'i glang po la sogs pa lta bu'o/ /de ltar snang ba thams cad 'khrul pa'i yul tsam du mnyam na/ sa la sogs pa dang ri bong rwa la sogs pa la yod med kyi khyad par mi 'thad pas/ bden brdzun gyi tha snyad thams cad la skur par mi 'gyur ram snyam na/ gal te rnam pa de ltar gzhan gyis ma bcos par dngos po'i don thams cad tha snyad tsam du rang rang gi ngo bo nges par 'dzin par bdag nyid kyis rang gir byas pa la bdag cag gis dgag bya dang bsgrub byar la sogs ci yod de/ 'di ni sus kyang lcags kyu med pa'i 'dod pas bzhag pa med do/ /des na de la ni de kho nar med bzhin du don byed pa yod pa dang med par nges pa'i don nyid lan 'debs so/ /bdag cag gis sa la sogs pa dang ri bong gi rwa 'am bdag la sogs pa la nus pa bsgrub pa'am bkag pa ci'ang med de/ 'on kyang kha cig ni rgyu thog ma med pa brgyud pas nus pa ma 'tshol ? bar gnas pa'i chos nyid thob la/ rgyu med pa gzhan ni de lta ma yin du zad mod/ /dngos po'i chos nyid la brtsad du ci yod/ /chos nyid de ltar cis 'grub ce na/ /mthong ba la sogs pas grub mod kyang drir ci yod/ 'dir yang dag pa 'gog pa dang brdzun pa bsgrub pa'i rigs pa gnyi ga ? 'ang ? bden pa rnam par gcod pas rang bzhin med pa'i sgrub byed do/ /de la rdzun pa sgrub byed de rdzun pa dngos su bsgrub pa'i tshad ma ni mi srid de/ rdzun pa dang tshad ma'i yul 'gal bas so/ /'on kyang dper na rtag par rtog pa rang rig gis grub pa na de'i yul de rtag par yang de nyid kyis grub la/ de yod pa ni rim dang cig car don byed pa med pa'i tshad mas bkag pas/ tshad ma de gnyis kyis byed pa las rtag pa kun btags tsam mo zhes nges kyi/ @437b de'i dngos su bsgrub pa'i tshad ma mi srid pa ltar/ mkhas pa dang blun po thams cad kyi blo tha mal pa'i yul du ni de kho nar bden pa dang brdzun par ma dpyad bzhin du phyi nang gi chos bdag la sogs pa dang gzugs la sogs pa rtog pa dang myong ba'i yul dang yul can mtha' dag rang dang gzhan rig pa'i tshad ma dang cig shos la so sor snang ste/ de tsam dmigs pas sems tshim pa ni don gzhan du rtog pa lhur mi gnyer ? ro/ /de dag ji ltar dmigs pa ltar bden nam 'on te ma yin zhes rigs pa'i mtshon gyis gzhigs na ni gcig dang du ma la sogs par bden par mi 'thad pas bden pa ma grub par nges so/ /des na tha snyad pa'i blo snga mas nges par dmigs pa dang/ rigs pa'i shes pa phyi mas bden par btags pa bkag pa'i tshad ma gnyis kyis byed pa las brdzun pa'i tha snyad byed par zad do/ /tshad ma du mas don gcig bsgrub pa ni mi 'thad do zhe na /mi 'thad pa med de mngon sum dang mi dmigs pa lnga so sos rgyu 'bras mi 'grub kyang byed pa bsdoms pas 'grub pa bzhin no/ /der yang so so la mi snang na bsdoms pas ci ltar nus te tshogs pa ni dngos po ma yin no snyam na don so so bsgrub pa la blo so so kho na 'jug pas ma khyab ste/ tshad ma'i blo'i che ba de 'dra ba myong bas nges pas so/ /de ltar de gnyis kyi byed pa bsdoms pas 'khrul pa'i yul kun rdzob tsam du gnas pa rigs pas zhen pa'i gnas cung zad kyang mi rnyed pa'o/ /'dis ni blo 'khrul pa can dag bden pa bkag pa nyid kyi rdzun par grub pas na don dam dang kun rdzob tshad ma gcig par smra ba yang gyi nar bstan te/ don dam pa'i tshad ma ni spros pa 'gog pa tsam las yin la/ kun rdzob kyi ni de la bltos pa can snang ba'i yul yang 'dzin pa yin pas de gnyis bsdoms pas yin gyis/ de tsam gyis mthar ma phyin te/ /gzhan du na bdag ma dmigs pa'ang kun rdzob tu grub par 'gyur na/ de la ni brdzun pa'i don med de/ med pa ni med pa nyid du ma 'khrul to zhes gsungs pa bzhin no/ /yang blun po kha cig dbu ma'i lugs gnyis te/ rab tu mi gnas pa dang sgyu ma lta @438a @#/ /bur smra ba'o/ /slob dpon zhi ba 'tsho la sogs pa ni sgyu ma don dam pa bzhed pa ste/ dngos po smra bas btags pa bden pa bkag nas brdzun pa yongs gcod rigs pas bsgrub pa kho na'o zhes zer ba ni ci 'ang ma yin te/ dbu ma'i rgyan nyid las/ de phyir dngos po 'di dag ni/ /kun rdzob pa nyid mtshan nyid 'dzin/ /gal te don dam 'di 'dod na/ /de la bdag gis ci byar yod/ /ces rdzun pa de snang ba'i yul tsam du gsungs la/ skye ba dgag pa dgag bzhis bsdus pa'i yongs gcod ni log pa'i kun rdzob nyid du gsungs pa'i phyir dang/ yod pa'am med pa'ang rung 'ga' zhig rigs pas gnas par smra na mthar lta ba'i gdon chen pos zin pas dbu ma'i lam las thag ring ba nyid do/ /yod na nges par rtag par zhes bya ba la sogs pa gsungs pa'i phyir ro/ ! /'di man chad ni stong pa nyid goms pa'i byed pa'i khyad par gnyis ston te/ sgrib pa ma lus pa spong ba'i gnyen po thob pa dang/ yon tan ma lus pa'i bsgrub byed 'thob pa'o/ ! /dang po'i dbang du byas nas stong pa nyid la log par zhugs pa'i sgrib pa spong ba'i tshul las/ bden zhen spangs pas phyin ci log bzlog pa ni/ yod med zhen rtog don la ltos med par/ /'khrul shes bag chags las byung der 'brel phyir/ /shes rab dam pas yul gyi spros tshogs kun/ /de ltar rnam par bshig las rab bzlog 'gyur/ /dngos po dang dngos po med par mngon par zhen pa'i rnam par rtog pa thams cad ni sngar brjod pa ltar yul ma grub pas don gyi gzhan dbang can ma yin mod kyis/ 'on kyang 'khrul pa'i bag chags thog ma med pa can las 'byung bas na ri bong gi rwa la sogs pa ltar rgyu dang ngo bo med pa ni ma yin te/ rnam rtog rigs mthun snga ma sa bon tu brjod pa la de las byung bas 'brel cing/ de'i 'bras bu'i shes pa la'ang de'i bdag nyid kyis 'brel pas de nyid kyi chos su gyur pas na/ phyi'i don la mi ltos kyang don du snang ba las byung ba'o/ /des na sngar brjod pa ltar yul gang yang ma grub par dpyad pas der zhen pa ldog pa las phyin ci log @438b zad par 'gyur ba'o/ ! /de las byung ba'i nyes pa'i tshogs ma lus pa'ang ldog pa ni/ de las bdag dang bdag gi sdug sogs su/ /zhen pas sbyar ba'i nyon mongs tshogs kun dang/ /nyes spyod mi bzad la sogs las rnams dang/ /skye ba sdug bsngal rgyur bcas 'khrul 'khor bzlog /ji srid dngos por 'dzin yod pa/ /de las bdag ces bya bar yang/ /zhes gsungs pa'i tshul gyis/ bden pa'i mtshan mar zhen pa las bdag dang bdag gi dang sdug pa dang mi sdug pa la sogs par rtog pa las byung ba bdag kho na gces par 'dzin pas rab tu sbyar ba 'dod chags la sogs pa'i kun nas nyon mongs tshogs dang/ des kun nas bslang ba mtshams med pa lnga dang mi dge ba bcu la sogs pa nyes par spyod pa mi bzad pa gtsor gyur pa las kyis kun nas nyon mongs pa'i tshogs dang/ de las byung ba ngan song gsum ? la sogs pa mi 'dod pa dang mi sdug pa dang yid du mi 'ong ba skye ba'i kun nas nyon mongs pa'i tshogs gsum gyis bsdus pa 'khor ba sdug bsngal gyi phung po 'ba' zhig 'khrul 'khor chen po mtha' dad kyang/ sa la rtsa ba drungs nas phyung ba'i shing ltar yang mi skye ba'i chos can rab tu bzlog pa ste/ dngos po khas len yod na ni/ /'dod chags zhe sdang mi bzad 'byung/ /lta ba ma rungs yongs su 'dzin/ /de las byung ba'i tshon par 'gyur/ /de med nyon mongs mi skye ste/ /zhes bya ba la sogs pa dang/ /bdag yod na ni gzhan du shes/ /bdag gzhan cha las 'dzin dang sdang/ / 'di dag dang ni 'brel pa las/ /nyes pa thams cad 'byung bar 'gyur/ /zhes bya ba dang/ dngos por 'dzin pa'i dbang gis skyon/ ? /rigs dang zhe sdang la sogs pa/ /ngag rnams rab 'byung de log na/ /de rnams 'byung bar ga la 'gyur zhes bya ba dang/ chos la bdag med mkhas pas ni/ /rang bzhin med pa goms byas pas/ /phyin ci log las byung ba yi/ /nyon mongs bsgrim pa med par spong/ /zhes gsungs pa ltar/ nyes pa'i tshogs thams cad ni bden 'dzin gyi rtsa ba can yin pas na de dang 'gal ba'i don nges pas srid pa mtha' dag la snying po ma mthong @439a @#/ /zhing rgyab kyis phyogs pa las 'dod pa'i yul thams cad dang du mi len pa'i phyir ro/ ! /bden brdzun la sogs pa'i zhen pa 'ga' zhig bzlog par mi nus pa spang ba ni kha cig yang dag pa dang de ma yin pa'i shes pa'i yul la bden pa dang rdzun par rnam par 'byed cing nges par byed pa ni mkhas pa'i spyod pa yin la/ de las kyang de gnyis su zhen pa spang bya ma yin pas mngon zhen thams cad spong ba ji ltar 'thad ces rtog pa la/ de phyir zhen pa ma lus bzlog par ni/ /nus min zhes smra ? 'ang rmongs chen lta ba ste/ /shes chos mngon rlom zhen par brjod pas na/ /yod med 'dzin shes kun bcom de gang gnas/ /zhes smras pa ste/ shes chos mngon par rlom pa las/ /zhen par brjod de bde sogs bzhin/ /zhes gsungs pa ltar mngon par zhen pa ni rnam rtog gi shes pa'i ngo bo yin la/ rnam rtog gi shes pa thams ? cad ? la yang yod med du rtog pas khyab pa'i phyir/ khyab byed de dag sngar brjod pa'i tshul gyis log pa na khyab bya bden brdzun la sogs par mngon par zhen pa ji ltar gnas par 'gyur/ ! ma rig pa la gnod pa'i shes pa yod pa ni yang gzhan dag ma rig pa ni rig pas zlog par byed la rig pa'ang don ji lta ba shes pa yin na/ ? khyed ltar na sangs rgyas kyi ye shes kyang kun rdzob 'khrul snang du 'dod pa'i phyir rig pa skyes pa med par ma rig pa mi bzlog pas rnam par grol ba ji ltar 'thad ces rtog pa la/ gzhan dag rig pas ma rig zlog byed na/ /blo kun 'khrul pas rig nyid med brjod pa'ang/ /mi bden yul la log 'jug ma rig pa/ /yul gyi de nyid ji bzhin rtogs par zlog /brjod pa de'ang ma 'brel pa nyid de ma rig pa nyid ni yul la mi shes bzhin du 'jug pas rtog pa la sogs par phyin ci log sna tshogs rab tu rgyas par byed cing phyin ci log gis rab tu phye ba yin la/ rig par ni de'i yul las ldog pa tshad mas gnas pa dang bden pa'i rnam ? pa bcu drug la sogs pa bdag med pa gnyis kyi de kho na rtogs pa yin pas/ rig pa dang ma rig pa spang bya dang gnyen po'i rten cing 'brel par 'byung ba ni kun rdzob nyid @439b du rnam par gnas pa'i phyir/ ma rig pa dang 'gal bas de la gnod pa'i gnyen po shin tu 'thad pas na thar pa dang thams cad mkhyen pa mi 'thad par ci ltar 'gyur/ ! gnyen po 'thob pa nyid las gnyen po'i rang bzhin ni/ yul la dpyod med ting nge 'dzin la sogs pas/ / rtog 'jug 'gog tsam gnyen por srid min phyir/ /shes rab kyis brtags 'ga' yang mthong med par/ /de nyid mthong nyid sgrib kun gnyen por grub/ /yul so sor stong par brtags pas bden zhen log pa las spros pa thams cad sel ba'i ye shes skye'o/ /'di ltar/ 'di yul sun dbyung med par ni/ /de spong bar ni nus ma yin/ /de dag yul la ma mthong bas/ /yin gyi phyi tshul gang yin min/ /zhes gsungs pa ltar so sor rtog pa'i shes rab kyis yul la rnam par dpyod pa med par ting nge 'dzin la sogs pas re zhig rtog pa yid la mi byed pa tsam mam/ dmus long ngam mig btsums pa bzhin du rkyen ma tshang bas re zhig mi skye ba tsam ni bden zhen gyi gnyen por 'gyur mi srid de/ 'du shes med pa'i snyoms par 'jug pa dang gzugs med pa'i snyoms par 'jug pa la sogs pa bzhin no/ /des na yang dag pa'i shes rab nyid kyi yul gyi de kho na ji lta bar so sor brtags pas spros pa'i dra ba thams cad mi dmigs pha na/ blo'i 'jug pa'ang rab tu zhi ba las/ 'ga' yang mthong ba med pa de kho na mthong bar bsnyad pa de nyid ni nyes pa thams cad dang 'gal ba bdag med pa mngon sum du gyur pa yin pa'i phyir/ 'di kho na sgrib pa thams cad drungs 'byin pa'i gnyen por grub pa'o/ /des na stong pa nyid dang bral ba'i sems/ /'gags pa slar yang skye 'gyur te/ /'du shes med pa'i snyoms 'jug bzhin/ /des na stong nyid bsgom par bya zhes gsungs pa'o/ /yang ting nge 'dzin de bsgom par byed mod kyang/ de yis bdag gi 'du shes rnams mi 'jig /de la nyon mongs phyir yang rab 'khrug pa/ /lhag spyod 'dir ni ting 'dzin sgoM pa bzhin/ /gal te chos la bdag med so sor rtog / so sor des brtags gang de bsgom pa ni/ /de nyid mya ngan 'das thob 'bras bu'i rgyu/ /rgyu gzhan gang yin des ni zhir mi 'gyur @440a @#/ /zhes so/ ! /de la log rtog dgag pa ni/ 'di la bdud kyi pho nya gzu lums kyis/ /'jug pas stong pa'i tshig tsam bzung nas ni/ /gnyen po'i rten 'brel spong bas bdag gzhan kun/ /rlag byed ma rungs dgrar rgyur rgyang ring dor/ /don 'di la sred pa'i ros bkol bas bdud kyis byin gyis brlabs shing smyon ? spyod pas 'jig rten bslu bar zhugs pa/ ngan rtog gi dug chu mi bzad pas thub pa'i gsung rab la sogs pa chos kyi bdud rtsi ma rungs par byed pa/ a ma nas sems ? pa ? dang sems phyogs pa la sogs par khas ? 'chi ? ba'i mi blun po phal che ba dag gis/ mu cor smra bas brdzun gyi rgyal mtshan mthon por bsgreng ba las rnam par bzhag pa lta bu/ stong pa'o zhe 'am chos nyid do zhe 'am blo 'das so zhe 'am mi rtog pa'o zhes bya ba'i tshig tsam gyi rjes su 'brang ba'i shes pa dang/ rtog pa yul la 'phro ? ba ? dang dran pa 'jug pa cung zad tsam re zhig 'gog pa tsam gyi man ngag phra mos blo rtsom gyis bzhag pa la yid la mi byed pa dang dran med dang blo 'das dang mi rtog pa la sogs par btags ? nas/ chos nyid mthong ba ltar don thams cad de tsam gyis 'grub pa dang sgrib pa thams cad kyi cig car ba'i gnyen por blta bas/ rnam gzhag thams cad bshig pa ste/ las dang 'bras bu rten cing 'brel bar 'byung ba zab mo la skur pa 'debs pas/ dkar po'i phyogs kyi rtsom pa bzang po thams cad la gcig ? gis ? med pas yal bar dor zhing/ nyon mongs pa dang nyes par spyod pa thams ? cad ? la rtog 'dzem dang 'jigs pa med pas ngo tsha dang khrel bor nas nyi ? ma rangs dang 'jol nyag du spyod pas na blang dor thams cad spangs shing yang dag pa'i kun rdzob khyad du gsod pa'i tshul dag ni 'jig rten rgyang ? phan pa bas ches ma rungs pa'i lta ba 'dzin pas na cung zad kyang ma yin pa'o/ / de lta bu'i gang zag ni thos par yang mi rung na bsten par lta ci smos te/ chos spong zhing chos ltar 'chos pa spel ba/ rang log lta'i dgra mi bzad pas bcom nas blo dman pa gzhan yang ci nus kyis 'joms pa ste/ ston pa'i bstan pa chud gzon cing rma 'byin par byed pas @440b 'gro ba'i shes pa'i mig bsgribs nas bde legs kyi lam bkag ste ngan 'gro thag thug g.yang sa mi bzad par ltung ba'i sgo nas 'dor bar byed pa'i phyir/ dad pa cung zad tsam dang ldan pas bdag legs 'dod kyang blo nyam chung ba rnams la/ 'di dag gi 'ol spyi tsam mam rjes su mthun pa tsam mam cha shas tsam du'ang ma rungs par byed pa'i dgra gzhan srid pa gsum na ga la yod/ des na 'gro ba'i ded dpon chen po rnams kyis ni 'di lta bu'i 'jigs pa chen po mi bzad pa mi 'jigs pa'am btang snyoms mdzad pa'i gnas med pas na/ stong pa nyid kyi rgyal ba'i yum gyi sems can dmyal ba'i le'u la sogs par rnam grangs du mar smad cing bzlog pa gsungs la/ de lta bu don gzhan du 'chad pa bzlog par dgongs nas/ rgyal sras klu sgrub la sogs pas kyang/ sangs rgyas rnams ? kyis chos bstan pa/ /bden pa gnyis la yang dag brten/ /'jig rten kun rdzob bden pa dang/ /dam pa'i don gyi bden pa'o/ /gang dag bden pa'ang gnyis kyi/ /rnam dbye rnam par mi shes pa/ /de dag sangs rgyas bstan pa la/ /zab mo'i de nyid rnam mi mthong/ /tha snyad la ni ma brten par/ /dam pa'i don la 'jug mi nus/ /dam pa'i don la ma brten par/ /mya ngan 'das pa 'thob mi 'gyur/ /de nyid tshol la thog mar ni/ /thams cad yod ces brjod par bya/ /don rnams rtogs shing chags med la/ /phyis ni rnam par dben pa bstan/ /las kyi 'bras bu yod pa dang/ /'gro ba dag kyang shin tu brjod/ /de yi rang bzhin yongs shes nas/ /skye ba med pa bstan par bya/ /yang dag kun rdzob rnams kyi skas/ /med par don dam khang ? bzang gi/ steng du 'gro bar byed pa dag / mkhas la rung ba ma yin no zhes bya ba sogs pas gsungs rab zab cing rgya che ba thams cad la bden pa gnyis kyi don dang de la 'jug tshul mi 'khrul ba'i phyag rgya chen pos btab pa'o/ /yang mdo las/ ri rab ri bo tsam gyur pa'i/ /bdag tu lta ba mi gnod kyi/ /stong nyid lta ba gnod pa ni/ /nga rgyal mi bden btags pa'o/ /lta ba ji snyed gang yang rung/ /lus can kun la yod pa yi/ /lta ba de dag @441a @#/ /spang ba'i phyir/ /stong pa nyid kyi tshul bstan to/ /stong pa nyid kyi tshul thos kyang/ /la la'i lta ba ma zhi na/ /gsor mi rung ba'i lta chen te/ /sman pas bor pa'i nad pa bzhin/ /zhes bya ba la sogs pas log par 'jug pa rab tu smad cing/ sa'i dbang phyug rje btsun byams pas kyang/ ji ltar zab mo'i chos nyams de bzhin mkhas pa rnams kyis me dang ni/ /mi bzad sprul gdug gshed ma dang ni thog la'ang shin tu 'jigs mi byed/ /me sbrul dgra dang rdo rje'i mas ni srog dang bral ba tsam byed kyi/ /de las mnar med rnams kyi 'gro ba shin tu 'jigs par 'gro mi 'gyur/ /gang zhig yang yang sdig grogs bsten pas sangs rgyas ngan sems ldan gyur dang/ /pha ma dgra bcom gsod pa bya ba min byed mchog tshogs 'byed pa'i mi/ /de yang chos nyid nges par bsams na myur du de las thar 'gyur gyi/ /gang zhig yid ni chos la sdang ba de la thar pa ga la yod ces so/ /slob dpon gyis kyang/ rnam par dben don mi shes shing/ /thos pa tsam la 'jug byed la/ /gang dag bsod nams mi byed pa/ /skyes bu tha shal de dag brlag /ji ltar sbrul la bzung nyes dang/ /rig sngags log par bsgrubs pa bzhin/ /stong pa nyid la blta nyes na/ /shes rab chung rnams phung bar 'gyur zhes so/ /de kho na rnam par nges nas kyang goms pa rjes su bsten pa las/ mngon sum du 'gyur ba ni skye ba dpag tu med par 'bad pa mang pos tshogs kyi rton pa mtha' yas pa lhun stug pas bstar ba dang bcas par bgrod pa la bltos la/ de'ang rten phun sum tshogs pa dal 'byor gyi lus gong nas gong du mthu dam pa dang ldan pa kho nas bsgrub par bya ba yin na/ 'di dag ni ya nga ba'i las brlang po nyi tshe bsag mi 'grub pa ltar zhugs pas tshe 'phos ma thag mnar med pa chen por nges par bsreg cing/ ngan song gsum po las kyang gang gnod pa tshe ba dag tu mtha' mi mngon par 'khyam par 'gyur bas na bde legs kyi sgra yang rmi lam du'ang mi rmi ba na mu cor smra ba'i lta ba des ci byar yod/ sngar brjod pa ltar lam drang por zhugs pas ni 'di lta bu la @441b byas kyi gnas dang snying rje'i gnas su blta bas rang nyid de las rgyang bsrings te dor nas 'gro bar nges pa'o/ ! /gnyen po de skye ba'i tshul ni/ de yang tshul gnyis sgo nas de nyid rnam nges te/ /rtag tu gus par byed pa'i sbyor ba thabs bcas pas/ /legs bsgom zag med lam gyis yongs su sbyangs byas nas/ /sgrib kun nges spangs kun mkhyen 'gro ba'i skyabs mchog 'gyur/ /dang por ni lung dang rigs pa'i tshul gnyis kyis de kho na nyid ji lta bar yongs su shes shing gtan la dbab pa la/ sems thams cad bsams shing nan tan chen po dang bsgrim pa drag pos rab tu 'bad par bya'o/ /de nas ni yongs su shes pa'i don de nyid mos pas spyod pa'i sa thog thag tu gus pa dang yun ring ba dang bar ma chad par so so'i skye bo'i tshul khrims dang gtong ba spel ba la sogs pa'i sgo nas pha rol tu phyin pa drug tshang ba thabs dang shes rab zung du 'brel ba'i rnam pas legs par bsgom par bya'o/ /bsgom pa de yongs su rdzogs shing mthu smin pa las ni/ de phyir yang dag yang dag min/ /zhes bya ba la sogs pa'i tshul las rten cing 'brel bar 'byung ba'i chos nyid kyis rnam par mi rtog pa'i yis gnas gyur dang po thob pa mthong ba'i lam dang/ de'i rgyun goms par byed pa bsgom pa'i lam gyis mthar 'byin pa zag pa med pa'i lam gnyis kyis rim gyis yongs su sbyong bar byed do/ /'di ni gnyen po'i gtso bo nyid do/ /de las ni de kho na mngon du mdzad pa'i ye shes kyi gzigs pa mthar phyin pa/ yon tan rab mchog dam pa thams cad la mnga' brnyes pas/ srid pa ji srid par 'gro ba mtha' dag gi don thams cad mdzad pa'i 'phrin las lhun gyis grub cing rgyun mi chad pa'i sangs rgyas nyid 'thob pa ste/ 'di dag ni rgyas par 'og tu 'chad pas 'dir phyogs tsam skabs su bab pa bstan par zad do/ ! /yon tan ma lus pa'i sgrub byed 'thob pa'i dbang du byas nas theg pa thams cad kyi lam gyi rtsa ba brtan pa thob pa las shes rab phun sum tshogs pa ni/ 'dis ni don dam snang ba kun bral dang/ /sgyu ma'i stong pa'i tshul gnyis rab nges pa/ /zab mo thos @442a @#/ /bsags rigs pa nges bsams pas/ /mtha' gzhan bkag pa'i nges thob lan mang du/ /goms pa'i mos brtan yang dag lta ba yis/ /shes rab nyi mas pad ltar rab rgyas 'thob/ /thos pa dang bsam pa dang bsgom pa'i shes rab gsum rim gyis sbyangs pa las yang dag pa'i lta ba brtan par 'gyur ba'o/ /'di ltar sde snod gsum gyi don bden pa gnyis kyi tshul snang ba med pa dang sgyu ma lta bu'i stong pa nyid kyi yul can zab pa dang rgya che ba'i chos kyi de kho na thos pa'i shes rab kyis rnam par nges pa las/ chos kyi dbyings kyi rgyu mthun pa zab mo thos pa'i bag chags bsams shing/ rigs pa nges par sems pa bsam pa'i shes rab kyis gzhan du srid pa'i dogs pa bcom pas mtha' gzhan bkag pa'i nges pa tshul bzhin yid la byed pa rnyed nas/ de ltar brjod pa ltar bsten cing bsgoms pa lan mang du byas pa'i shes rab gsum sbyangs pa las/ yang dag pa'i lta ba'i rang bzhin zab mo'i chos la mos pa brtan pa thob pas/ shes rab nyi zer gyis 'dab ma rab tu rgyas pa'i padma ltar/ shes bya'i don rab tu rnam par 'byed pa nus pa 'phogs shing stobs ches cher rgyas pa thob pa'o/ ! /dad pa phun sum tshogs pa las yid ches pa'i dad pa brtan pa ni/ stong bzhin mthong ba'i rgyu 'bras mi 'khrul par/ /rtogs pas las 'bras nges las phra la'ang bsgrim/ /las dang 'bras bu la mi 'khrul bar yid ches pa brten po'ang gdod skye bas nyes pa phra bas kyang bag 'khums shing dge ba phra ba la'ang gtsigs po cher 'dzin pas nan tan chen pos bsgrub ste/ de kho nar dngos po mtha' dag nus pa thams cad kyis dben par mnyam du grub kyang/ mthong ba'i spyod yul dug dang sman la sogs pa gnod pa dang phan pa bsgrub pa'i rgyu 'bras 'khrul pa mi zad pa rnams la bzlog tu med par dmigs pas/ legs par spyad pa dang nyes par spyad pa'i las rnams kyi nus pa ni chos mi slu bar nges pa'i phyir ro// ! skyabs dang bla ma la dang ba'i dad pa brtan pa ni/ don 'di ston mdzad 'gro ba'i bla ma dang/ /'di brjod gsungs @442b lam legs bsgrub tshogs mchog dang/ legs 'grel dge ba'i bshes la'ang dad brtan pas/ ston pa gzhan dang lugs gzhan rtsa bzhin 'dor/ don 'di ni bdag cag la shin tu bskal par gyur pa na/ 'di ston par mdzad pa po sangs rgyas dang/ des 'di'i gsal byed du gsungs pa'i lam chos dang/ chos 'di legs par bsgrub pa'i grogs kyi mchog dge 'dun dang/ 'di legs par rnam par 'grel ba'i man ngag sbyin par mdzad pa'i bla ma la sogs pa la'ang dang ba mi phyed pa skye ba chos nyid de/ bden pa mthong ba la sogs pa la shes nas dad pa skye ba'i rjes su mthun pas 'di las don chen po la sbyor ba'i skyabs dang dpung gnyen dang rten du de dag kho na rig cing/ ston pa gzhan dang lugs gzhan la ni gsog nyid du shes pa'i phyir ro/ /'di ltar chos 'di las phyi rol tu gyur pa'i ston pa gzhan tshangs pa dang khyab 'jug la sogs pa thams cad ni rmongs pa chen po'i lta bas bslad pa sha stag yin la/ de dag gi gzhung lugs thams cad kyang rigs ngan blun po la'ang grags pa 'jig rten tha mal pas rtogs pa'i yul rags pa la'ang 'khrul pas spyi la sogs pa mi bden pa 'ba' zhig brjod cing/ de kho na cung zad kyang rnam par 'byed pa'i mthu med pas/ blo mig chung ngu dang ldan pas kyang nye bar brtag bzod pa'i snying po med par mthong ba na/ gdod ston pa 'jig rten gyi bla ma chos kyi spyan chen po sangs rgyas kyi gsung rab kyi lugs rgya mtsho thog ma dang bar dang tha mar dge bas legs par gsungs pa'i bdud rtsi dam pa'i mas nad dang bral ba 'di nyid thos pa la sogs pas rjes su sbyar ba'i de ma thag tu bde ba mi zad pa 'dren pa'i gzhi/ bsreg pa dang bcad pa dang bdar ba dang 'dra ba tshad ma gsum gyis gnod par ma gyur pas yongs su dag pa'i don dang ldan pa/ gser bzang po ltar 'gyur ba'i bag kyang mi bsten pa/ 'jig rten thams cad dang mi mthun pa'i theg pa ston pas 'khor ba na ma 'dris pa'i ye shes kyi spyod yul shin tu blta dka' ba la yang 'khrul pa med pa'i dmigs pa can mtha' dag gis gting dpag dka' ba'i phyir tshig tsam @443a @#/ /la yang mos par mi nus pas skrag pa'i gnas su gyur pa'o/ /'di la spyod pa mtha' dag ni rnam par grol ba mthar thug par 'dren pa'i ro gcig pa ste/ blo dang ldan pa bsgrub pa la dpa' ba'i go mtshon bzang po can rnams kyis brtson pa'i shugs chen po'i theg pas bskal pa mi nyung bar sgrib pa'i dgra mi bzad pa 'joms pa'i gnyen po sa'i rnam pa thams cad bsgoms pas mthar son pa na/ tshul thams cad slob dpon med par rang 'byung gi ye shes kyis mngon par byang chub pa'i gnas su rig nas/ sems dang ldan pa su zhig de gsungs bas lha dang bcas pa'i 'jig rten na che bar grags pa gtso bo mtha' dag gi cod pan gyi phreng bas zhabs kyi padma gnyis mdzes par byas pa 'jig rten gyi ston pa chen po la sogs pa la/ bcos bu ma yin zhing mngon par ma zhen pa'i tshul gyis bsgrub pa snying por byed pa la cis kyang mi zlog pa'i dad pa'i shugs chen po bskyed par mi byed de/ 'di ni nges par skye bar rang gi rgyud la nges pa'o/ ! /gal te gsungs rab la sogs pa ni gzugs kyi sku mtshan dang dpe byad dang ldan pas sbyar ba yin la/ de'ang yang dag pa'i don gyi sku ma yin pas de tsam la dad cing mchod pa la sogs pas cir 'gyur te/ chos kyi sku kho na la mos par bya ba ma yin nam snyam na/ 'khrul pa de spang ba ni/ chos sku'i dbang gis dad sems gzhi la ni/ /'gro ba'i bla ma'i gzugs snang don chen bsgrub/ /gzugs kyi sku ni ston pa'i de kho na'i sku ma yin mod kyi/ 'on kyang yon tan bsam gyis mi khyab pa can chos kyi sku'i bdag po las sems can skal ba dang ldan pa rnams kyi shes pa nyid rgyal ba'i sku'i rnam par snang ba la/ ston pa nyid kyi blos dad cing mchod pa la sogs pas dge legs bsags pas rim gyis mngon par mtho ba dang nges par legs pa dag gi snod du 'gyur bas na/ bai DUrya'i sa la brgya byin gyi gzugs ltar log par snang ba yin yang phan pa'i rgyur gyur bas/ las dang po pa myur du sangs rgyas 'dod pa rnams kyis ston pa'i bdag po las byung ba rang gi sems kyi gzugs brnyan gzugs kyi sku'i @443b sangs rgyas 'gro ba'i bla ma la sngar brjod pa ltar dad par bya'o/ ! /lam bsgrub par 'dod pa'i dad pa brtan pa 'thob pa ni/ bdag gzhan mtha' dag ma rig thebs chen gyis/ /de la log zhugs mi 'os rab bslus te/ /nyam ngar lhung rig de spong lam gyis ni/ /bzang po'i gnas kyi go 'phang mchog sgrub brtson/ /bdag dang gzhan thams cad slu bar mi 'os pa'i ma rig pas rang dbang skad cig kyang med par shin tu bslus nas gzod sdug bsngal bzod par dka' bas kun tu mnar ba'i g.yang sa chen por 'khor ba las ldog ste/ rgud pa thams cad nye bar zhi zhing bzang po'i gnas kyi go 'phang bsgrub pa'i lam bsten pa'i 'bad pa drag pos rtsol bar yang 'gyur ba ni ma rig pa de gnas med pa glo bur ba nyid kyis spang bar nus par rig pa'i phyir ro/ ! /theg pa chen po'i lam gyi rtsa ba brtan pa 'thob pa las bsam pa phun sum tshogs pa snying rje brtan pa 'thob pa ni/ don 'di blta la dmus long gyur pa yi/ /'gro mang dag dang phyin ci log gyur pa'i/ /gzhung la 'chel pas ma rungs gyur rnams la/ /brtse ba mi bzad gdon mi za bar skye/ /spyir don 'di rtogs par bya ba la dmus long du gyur nas mngon zhen gyi gdon ma rungs pas zin pa las sdug bsngal gyi rdzab ya nga bar bying ba rnams dang/ khyad par du'ang rang dang gzhan la sdug bsngal gyi rgyun mi nyung bar 'phel ba'i rgyu log pa'i bstan bcos byed pa dang de'i rjes su 'jug pa rnams la de ltar de kho na mchog gtan la pheb pa; thub pa'i bstan pa snying rje'i rigs kyi khyim du zhugs pa'i skyes bu ljid khyer ba rnams kyis snying rje mi zad pa nges par skye ste/ snying rje can ni gzhan sdug bsngal dang bral ba kho na 'dod pas na/ de dag gi sdug bsngal dang de'i rgyu 'phel na bud shing bsnan pa'i me ltar rab tu 'phel bar 'gyur bas so/ /don dam pa'i tshul la sdang ba ni sdug bsngal gyi rgyu mchog la gnas pa ste/ 'di dag ji lta bar bya ba dang rngon pa la sogs pa yang bdag dang gzhan gyi dgra ma rungs pa ma yin no/ /de dag ni chu bur rlung gis bskyod pa ltar shin tu mi brtan zhing rang la @444a @#/ /phan pa cung zad kyang mi nus pas snying po med pa'i lus rnag can 'ga' zhig gsod pa tsam yin gyi/ 'di dag ni srid pa ci srid par bzhugs shing bdag dang gzhan gyi don phun sum tshogs pas mdzes pa/ grangs las 'das pa'i rgyal ba rnams kyis chos sku la gnod par zhugs pa'i phyir te/ de'i sa bon zab mo'i chos la mos pa la gnod par zhugs pas na/ dam pa'i chos spong ba'i rnam smin shin tu mi bzad pa mang du mdo du ma las gsungs pa'i phyir ro/ /yang shin tu rgya cher rab zab la/ /sgyid lugs shin tu ma sbyangs pa; ;bdag gzhan dgra dag gti mug gis/ /da ltar theg pa che la smod/ /tshul khrims las ni nyams sla yi/ /lta bas cis kyang ma yin te/ /tshul khrims kyis ni mtho ris 'gro/ lta bas go 'phang mchog tu 'gyur/ /gti mug gang gis bsgribs gyur cing/ /gang zhig yang dag gegs byed pa/ /de bde ba yi 'gro ba'ang med/ /thar pa med pa smos ci dgos/ /gnod pa'i sa bon gyur pa yi/ /mu stegs byed mang mthong nas ni/ /chos 'dod skye ba po rnams la/ /snying rjer mi 'gyur ci'ang med/ /ces so/ /zla ba sgron ma las kyang/ 'jig rten 'di na mu stegs can gzhan pa/ /gang 'khod de dag la ni yid mi sdang/ /de dag rnams la snying rje nyer 'jog pa/ /'di ni bzod pa dang po'i khyad par ro/ /zhes so/ ! /lhag pa'i bsam pa brtan pa 'thob pa ni/ /de yang 'gro tshogs mtha' yas srid mtshor bdag /khor mor skyong ba'i ma rnams yal dor te/ /rang nyid thar la me 'obs 'jigs lta bas/ /'gro la mnyes gshin skyes chen lhag bsam 'thob/ /bdag ni gcig pur zad cing 'gro ba'i tshogs ni mtha' yas pa rdul phran dang sa chen po lta bu yin la/ de thams cad kyang srid pa'i rgya mtsho chen por khor mor 'khyam pa na bdag rjes su skyong ba'i ma la sogs par re rer zhig kyang grangs brjod du med par ma gyur pa med pa sha stag pas/ de dag yal bar dor te rang nges par 'byung ba ni dbang du gyur kyang mi spro ste/ bdag gis 'di lta bu bzang po'i gnas khong du chud nas 'di dag mthu ci yod kyis rjes su bzung ba la @444b spro ba chung bar byed na ni de las khrel bor ba med pas na de ltar bya ba ga la rigs pas spro ba ches che bar bya'o zhes sems can la mnyes gshin pa lhag pa'i bsam pa phun sum tshogs pa skyes bu chen po'i blo'ang 'thob pa kho na'o/ ! /byang chub kyi sems brtan pa yang 'gyur ba ni/ lam mchog gzud pas de dag bskyab rigs na/ /gnas 'dir bdag nyid dmus long gyur pa'i phyir/ /'gro ba skyob la bgrod pa gcig pa'i gnas/ /kun mkhyen don gnyer sems mchog yongs 'dzin 'gyur/ /'gro ba skyob pa'i thabs kyang zang zing la sogs pas bsdu ba thams cad ni re zhig tsam gyi don du zad pas lam dam pa la sbyar ba kho na yin la/ de'ang rang gis mngon du ma byas pa ni gzhan rjes su bzung bar mi nus shing/ gnas 'di lta bu las ni rang yang ring zhig tu phyir phyogs te rnam par 'khyams so/ /da ltar yang dbang bar ma gyur pas rang tsam bde bar bya ba'i mthu'ang med pas na 'dam na gnas pas 'dam na gnas pa 'dam nas gdon mi nus par rig nas/ sangs rgyas thams cad ni 'gro ba'i don mdzad pa la ye shes dang thugs rje dang 'phrin las thogs pa med par mtshungs shing 'dres pa yin pas/ 'gro ba mtha' dag gi ched kho nar rdzogs pa'i sangs rgyas thob par 'dod pa thams cad mkhyen pa'i sems rin po che bsgrub pa la nan tan byed pa'i 'bad pa nges par 'jug pa'o/ ! /sbyor ba phun sum tshogs pa thob pa las shes rab gtso bor sgrub par byed pa ni/ de yi rjes mthun lam yang de kho na/ /legs rtogs bsgom pa nyid de ting 'dzin dang/ /mi rtag rjes dran sogs dang sbyin sogs rnams/ /nyon mongs mgo ni gnon pa tsam du brjod/ /de mngon du byed pa rnam par mi rtog pa'i ye shes bskyed pa la rjes su mthun pa'i lam du gyur pa'i sbyor ba'i gtso bo yang shes bya'i de kho na bdag med pa gnyis goms par byed pa sngar brjod pa de kho na yin gyi/ bsam gtan bzhi la sogs pa 'jig rten pa'i ting 'dzin dang/ mi rtag pa rjes su dran pa la sogs pa zag pa med pa'i rjes su mthun pa dag dang/ sbyin pa la sogs pa spyod pas bdus pa tsam rnams ni ma yin no/ /de dag thams cad ni @445a @#/ /tha mal pa dang nyon mongs pa'i rtog pa re zhig 'gog par byed pas sems las su rung ba bsgrub pa dang/ dge ba'i tshogs sgrub pa'i rton pas lam gyi yan lag nyid du zad de sgrib pa thams cad kyi rtsa ba bden par zhen pa bzlog par mi nus pas sgrub byed dam pa ma yin pa'i phyir ro/ /des na/ byams sogs rmongs dang 'gal med phyir/ /nyes pa shin tu tshar gcod min/ /stong nyid lta bas grol 'gyur gyis/ /bsgom pa lhag ma de don yin zhes bya ba dang/ yan lag 'di dag thams cad ni/ /thub pas shes rab don du gsungs/ /de yi phyir na sdug bsngal dag /zhi bar 'dod pas shes rab bskyed/ /ces gsungs so/ ! /de'ang thabs dang bcas pas zung 'jug tu 'gro ba ni/ 'di yang dang po nyid nas thabs kyi tshogs/ /ma tshang med la ci nus 'bad bcas pas/ /rnam kun mchog ldan stong pa goms byed pa/ /zung 'brel lam gyi dam par rab 'jug pa'o/ /bdag med pa bsgom pa de'ang las dang po pa'i sa nyid nas sngar brjod pa ltar mos pa brtan po dang ldan pas/ sems can la blta ba'i snying rje dang mig 'phrul ltar shes pas ma zhen pa'i blo gros kyis chud ma zos par dge ba'i rtsa ba bsdu ba la 'dun pa brtan pas khyab pa'i bsod nams kyi tshogs mtha' yas pa/ sgo sna tshogs nas mi bya ba gang yang med par ci nus kyis bsag pa'i sbyor ba la skad cig kyang mi lhod pas nye bar brtan cing stobs bskyed pa'i sgo nas/ mnyam gzhag dang ldang ba'i rnal 'byor gnyis las thabs dang shes rab zung du 'brel bas rnam pa thams cad kyi mchog dang ldan pa'i stong pa nyid goms par byed pa'i shes rab kyi pha rol tu phyin pa'i rgyu mthun pa kho nas bgrod par bya ba'o/ ! /thabs la nges par bltos pa'i 'thad pa mis rtsod pa dgod pa ni/ stong la mchod dang phan 'dogs sbyin sogs byed/ /med dang yul min mi dmigs mi rung zer/ stong par blta ba'i tshul la ni thams cad med pa yin pas na sbyin pa la sogs pa'i tshogs kyi thabs nyid mi rung ngo/ /'khor gsum dag pa nyid las rung ngo zhes kyang rtag par mi nus te/ tshogs rdzogs pa ni zhing dam pa yon tan gyis brgyan pa'am/ sdug @445b phongs pa rten med pa la sogs pa dag la/ dngos po gang 'os shing 'byor pa dag /dang ba dang brtse ba'i bsam pas mchod pa dang phan gdags par 'dod na gtong ba la sogs pas 'grub pa yin na/ sbyin pa po la sogs pa ci'ang mi dmigs pas ni de mi 'grub ste dad pa la sogs pa spangs pas so/ /de dag mi dmigs pa nyid kyang mi rung ste/ med pas mi dmigs na ni rang gi tshogs rgyas pa dang gzhan la phan pa'i don du 'bad pa de yang don med par thal bar 'gyur ro/ /yul ma yin pas mi dmigs pa ni ma grub ste/ dam pa'i blo can rnams la ni de dag so sor cig car gsal bar yang dmigs la sbyin pa pos rang rig pa dang gzhan rig pas thams cad shes par nus so zhes bsams pa'o/ ! /rtsod pa 'di snang bas dmigs bcas kyi bsgrub pa'i nus pa dgag cing dmigs med kyi bsgrub pa'i nus pa bsgrub pa ni / dag dang ma dag rgyu las de lta yi/ /'bras 'byung nyid phyir dmigs bcas sbyin sogs kun/ /phyin ci log gis bsgrubs phyir stobs chung la/ /mi dmigs ldog pas 'bras bu dpag med ldan/ /gnyi gang khyab pa ni/ de dang de min rang bzhin can/ /de de min dngos rgyu las byung/ /zhes gsungs pa'i tshul gyis/ /kun slong ngan pa dang bzang pos sbyar ba'i las rnam par ma dag pa dang dag pa'i rgyu rnams ni 'bras bu ma dag pa dang dag pa la nus par 'jig rten pa'i yang dag pa'i lta ba dang log par lta bas byas pa'i tshul khrims la sogs pa dang log g.yem la sogs pa'i dpe grub pa ste/ ji ltar 'bras bu'i ngo bo rgyu'i rjes su byed pa ltar/ /de dag phul byung 'grib pa las/ /'phel dang 'grib pa thob par 'gyur/ /zhes gsungs pa'i tshul gyis de'i khyad par yang rgyu'i khyad par gyi rjes su byed pa'o/ /gzhan du na rgyu 'bras kyi nges pa mi gnas par 'gyur ba'i phyir ro/ /tshad ma'i don gnyer ni sbyin par bya ba la sogs par zhen pas 'khor gsum du dmigs pa'i bsgrub pa ni 'bras bu dam pa la nus pa dang mi ldan pas stobs chung ba ste/ phyin ci log gis bslang ba'i phyir bdag tu lta bas byas pas sbyin pa bzhin no/ /zhes @446a @#/ /bya ba dang mi dmigs pas zin pa'i bsgrub pa ni 'bras bu dam pa nus pa dang 'brel bas stobs che ba ste/ yang dag pa'i lta bas bslang bas rgyu dam pas rab tu sbyar ba'i phyir sa bon grung po'am tshul khrims kyi yan lag la sogs pa bzhin zhes bya ba'o/ / des na ci'ang med pas dad pa la sogs pa spangs pas ma grub pas na rtsod pa de ni bzang po ma yin pa'o/ /chos yang dag par sdud pa las chos thams cad dmigs pa med pa de la rnam par shes pa mi 'jug go /des na chos thams cad mi mthong ba ni yang dag pa mthong ba'o ? zhes so/ /rgyal ba'i yum las kyang/ shar phyogs la sogs pa nam mkha' tshad bzung bar mi nus pa ltar/ byang chub sems dpa' mi gnas par sbyin pa gtong ba'i bsod nams kyi phung po'i tshad bzung bar mi nus so/ /dper na mig dang ldan pa'i mi'ang mun par zhugs na ci'ang mi mthong ba ltar ni dngos por lhung bas sbyin pa gtong ba'i byang chub sems dpa' 'o/ /nam langs te nyi ma shar na mig dang ldan pa'i mis gzugs sna tshogs mthong ba ltar ni dngos por ma lhung bas sbyin pa gtong ba'i byang chub sems dpa'o zhes/ ! theg pa chen po'i lam du 'thad pa nyid bsdu ba ni/ tshul gnyis shing rta rigs pa'i srab kyis bsdams/ /yang dag don ldan theg chen bgrod pa'o/ /kun rdzob sgyu ma lta bu dang don dam pa stong ba'i tshul de gnyis la/ dngos po'i stobs zhugs kyi rjes su dpag pas rten cing 'jug pas rnam par nges nas/ tshogs rjes su bsgrub cing zab mo'i don la mnyam par 'jog pas 'gro ba ni sangs rgyas dang byang chub sems dpa' rnams gshegs shing rjes su gshegs pa chen po bdun dang ldan pa'i lam dang 'bras bus theg pa chen po nyid kyi don rdzogs par byed pa ste/ shing rta chen po la zhon pa dag rta kha bsdams pa'i srab skyogs bzung ba ltar 'gro bas so/ ! /tshul de nyid thun mong ma yin par grub pa las lugs gzhan la med pas ni/ chos kun stong nyid seng ge'i sgra chen te/ nyi tshe'i stong 'dzin mu stegs ri dwags dang/ /gang zag brjod du med smra glang po'i tshogs/ /kun tu skrag @446b byed gzhan gyi yul min pa'o/ /bde bar gshegs pa'i gzhung lugs las kyang theg pa chen po'i tshul dam pa 'di ni chos thams cad mtshan nyid thams cad kyi ngo bo nyid kyis stongs pa sgrogs pa'i seng ge'i sgra chen te/ smra ba ngan pa glang po ? che dang ri dwags kyi chags thams cad skrag par byed pa 'ching ba thams cad las grol ba'i gnas chen po'o/ /phyi rol mu stegs byed bdag tu blta ba la mngon par zhen pa thams cad dang/ rang gi sde pa gnas ma zu pa la sogs pa yang nyi tshe ba'i stong pa 'dzin pas kun tu rmongs pa'i gnas chen por gyur pa ste/ zla ? pa sgron ma las/ chos kun rtag tu rang gi ngo bos stongs/ /rgyal ba'i sras rnams dngos po rnam par 'jig /srid pa'i 'gro ba rnam kun stong pa ste/ /nyi tshe'i stong nyid mu stegs can rnams kyi/ /zhes gsungs pa ltar ro/ ! /ston pa 'ba' zhig gis mngon du bya bas ni/ de phyir sa gsum las rgyal bse rus kyang/ /myong min khyab 'jug dbang sogs ci smos pas/ /stong nyid bdud rtsi mchog 'di thub chen nyid/ /gsol las kun mkhyen rgyal ba rtag dgyes rol/ /de nyid kyi phyir 'di ni gang zag gi bdag med pa gzigs pas khams gsum gyi nyon mongs pa dang/ sdug bsngal gyi 'tshe ba thams cad bcom pa nyan thos dang rang sangs rgyas dgra bcom pa dbang dang ldan pa rnams kyis kyang myong ba ma yin na/ 'jig rten pa bdag tu lta ba'i 'ching ba mtha' dag dang ldan pa ltar lha chen po dang khyab 'jug dang tshangs pa la sogs pas ma yin pa lta smos kyang ci dgos/ des na rigs pas gnas pas sgrib pa gnyis drungs 'byin par nus pa'i phyir zla ba'i 'od zer ltar dag pa/ gang zag dang chos mtha' dag gis stongs pas nyi tshe ba ma yin pa/ 'chi bdag gi bdud bcom nas yon tan gyi pha rol tu phyin pa bzhi la dbang sgyur bar byed pa'i bdud rtsi dam pa 'di ni/ skyob pa nyid kyis shin tu gsol bas ji lta ba dang ji snyed pa mkhyen pa zab pa dang rgya che ba'i ye shes dang/ sgrib pa'i phung po mtha' dag rab tu zhi ba'i spangs pa dang/ gdul bya'i dus las mi 'da' bar 'phrin las mtha' yas pa mdzad pas/ dgyes @447a @#/ /pa mchog kha na ma tho ba med pa'i longs spyod dam pa sku nyams su bzhes pa la ci bder mnga' bsgyur bas nam mkha' chen po ltar/ srid pa ji srid du bzhugs pa'o/ ! /tshul de mngon du byed pa'i mngon par rtogs pa'i rim pa ni/ chos rjes 'brang ba blo chen dang po nyid/ /don dam rnam nges brtse bas spyod mchog bsgrub/ /dad pas 'gro rnams bsam sbyor dam pa yis/ /blo yi stobs bskyed de nyid tshol la brtson/ /'di la dbang po rnon po rigs pa'i rjes su 'gro ba chos kyi rjes su 'brang ba dag ni dang po de nyid kho na rnam par nges par byas nas/ 'gro ba de ma rtogs pas lta ba ngan pa la sogs pa'i mun par 'khyams pa mgon med pa rnams la brtse ba chen pos/ tshul de'i go 'phang mngon du byed pa la ci la'ang ma rag par chas pas/ 'gro ba gdon pa'i bsam pa dang sbyor ba phun sum tshogs pa yongs su 'dzin pa'i byang chub kyi sems rin po che rnam pa gnyis bskyed nas/ rang dang gzhan gyi don yongs su rdzogs par byed pa'i bslab pa rjes su bsgrub pa'i rim pas 'jug pa'o/ /dad pa'i rjes su 'brang ba blo'i mthu chung ba dag ni 'bras bu la re ba'i yid chen pos dang por sems bskyed pa dang bslab pa rjes su bsgrub pa la 'bad pa byas pa'i sgo nas blo'i mthu bslangs te bdag phyis de kho na tshol ba'i rim pas 'jug pa'o/ /'di gnyis ni dbu ma rgyan las gsungs pa ste 'jug pa'i rim pa'i phyogs tsam yin par blta'o/ /bstan pa la 'jug pa'i rim pa rnam par bshad pa las/ de kho na bsgom pa la 'jug pa rnam par bshad pa ste le'u brgyad pa'o// ? //de ltar spyod pa dang de kho na bsgom pa zung du 'brel ba'i lam de nyid byang chub sems dpa'i mos pas spyod pa dang/ de kho na mngon du gyur pa'i sa'i gnas skabs rnams su rim gyis yongs su sbyong bar byed pa na/ slob pa'i lam bzhi po spyir gzhag pa ni/ byang chub sems brtan tshogs mang legs bsags pas/ /yongs smin chos dbyings mos pas sbyor ba las/ /de nyid mngon gyur goms pas mi shes pa'i/ /dri ma rim sbyangs gnyen po yongs @447b rdzogs pa'o/ /spyir lam gyi rim pa ni thar pa la brtson pa'i dge ba dang bslab pa mthar phyin pa'i dge ba dag la/ de kho na tshol ba dang mya ngan las 'das pa'i grong khyer du khrid par byed pa la sogs pa las lam lngar gsungs pa ste/ dang por rigs dang ldan pa byang chub tu sems bskyed nas thos pa dang bsam pa dang 'jig rten pa'i sgom pa sbyin pa la sogs pa'i tshogs mang po dang bcas pa yun ring du goms par byed pas/ gtsor bsod nams kyi tshogs sgo sna tshogs nas ci nus su bsags pa las rgyud yongs su smin par byed pa tshogs kyi ? dang/ de las zab mo'i chos la mos pa yongs su smin pas 'jig rten las 'das pa'i ye shes kyi rjes su mthun pa'i sbyor ba ye shes kyi tshogs gtsor gyur pa des par 'byed pa'i cha dang mthun pa bzhi 'thob cing yongs su rdzogs pa'i sbyor lam dang/ de las 'jig rten las 'das pa'i ye shes kyis de kho na mchog mthong bas sa dang por byang chub sems dpa'i lam skyon med par zhugs pa mthong ba'i lam dang/ de'i rgyun goms pas sgom par gtsor shes bya'i sgrib pa rim gyi sbyangs pa las/ rdo rje lta bu'i ti nge 'dzin gyi mthar thug pas gnyen po yongs su rdzogs par byed pa bsgom lam dang/ de las sgrib pa gnyis rnam par dag pa'i khyad par can gyi ye shes yongs su rdzogs shing mthar thug pa thob pa mthar phyin pa'i lam mo/ /de la mthar phyin pa'i lam ni 'bras bu mi slob pa thob pa nyid yin pas skabs 'og mar ston pas na 'dir slob pa'i lam bzhi po rgyu'i gnas skabs rnam par bzhag pa'o/ /'di rnams kyis ni sdug bsngal shes par byed pa dang/ kun 'byung spong bar byed pa dang/ 'gog pa 'thob par byed pa dang/ lam goms par byed pa la sogs pas rang dang gzhan thams cad sgrub par byed par blta'o/ / ! so sor rnam par 'byed pa la bzhi las tshogs kyi lam gyi mtshan nyid theg pa chen po thun mong ma yin pa'i dbang du byas nas/ de la rin chen sems mchog brtan las mi dmigs pa'i/ /lta bas legs sbyar bslab tshogs ji skad sngar bshad rnams/ /dad sogs dbang @448a @#/ /por ma gyur lngar bsdus thar pa yi/ /cha mthun dge bar rab brjod tshogs kyi lam du bzhag /dkon mchog gsum la gcig tu skyabs su song ba dad pa dang ldan pa brtse ba can dag gis/ tshul khrims kyi gzhi bzang po las byang chub kyi sems rnam pa gnyis brtan par gyur pas kun nas bslang ba de kho na rnam par nges pa yang dag pa'i lta bas sbyar ba sngar bshad pa'i bslab pa dge ba'i bshes gnyen bsten pa nas bzung ste stong pa nyid bsgom pa'i bar mtha' dag la ci nus ci 'os par slob pas tshogs ma lus pa nye bar gsog par byed/ yongs su rdzogs par byed pa'o/ /de nyid thar pa'i cha dang mthun pa'i dge ba'ang yin te/ 'dod dgur spyod phyir thar pa yin/ /zhes bya ba dang/ thar pa dam pa'i don du dge zhes gsungs pa ltar sgrib pa'i dri ma las rnam par grol ba'i don du bsngos shing der gtad pa'i dge ba rnams ni de thob par byed pa'i nus pa dang ldan pas rjes su mthun pa'i rgyu yin pas na thar pa'i cha dang mthun pa ste/ de la dang por zhugs pa nyid kyis las dang po ba'i sa zhe'am/ 'di rdzogs pa na dkar po rnam par mthong ba'i sa zhes kyang gsungs so/ /'di nyid ni zag pa dang bcas pa'i chos rnams la nyes dmigs su blta bas skyo zhing yid byung bar byed pas na sun 'byin pa'i gnyen po yang yin no/ /de'ang bslab pa thams cad la mi dmigs pa'i rnam pas sbyor ba dang dngos dang rjes rnams ji lta ba bzhin du legs par bsgrub pa'i don yin pas na/ mtshan med rab tu 'byin la sogs/ /yang dag sgrub la mkhas pa ni/ /thar pa'i cha dang mthun par 'dod ces gsungs la/ de nyid dad pa la sogs pa dbang por ma gyur pa lngas bsdus te slob pa yin pas na/ sangs rgyas sogs dmigs dad pa dang/ /bsam pa phun tshogs dran pa dang/ /sbyin sogs spyod yul brtson 'grus dang/ /rnam par mi rtog ting 'dzin dang/ /chos rnams rnam pa thams cad du/ /shes pa'i shes rab dang rnam lnga/ /zhes gsungs te/ theg pa chen po'i skyabs 'gro dang/ /byang chub kyi sems dang/ byang chub sems dpa'i spyod pa dang/ /zhi gnas dang/ lhag mthong @448b brtan pos lam gyi chos mtha' dag goms par byed pa'i phyir ro/ /'di nyid dang por thob pa ni 'khor ba thog ma med pa'i mtha' las bskal pa chen po grangs med pa gsum gyis sangs rgyas thob pa'i thog ma'i mtshams yin pas na/ bzang bar smon pa'i stobs can dang/ / sems brtan khyab par 'gro ba ni/ /byang chub sems dpa' grangs med gsum/ /kun tu rtsom pa mdzad ces brjod/ /ces gsungs pa'o/ /bzang po ni dge ba ste tshul khrims gtsor byas pa'i dge ba mi mthun pas mi 'phrogs pa stobs can no/ /smon lam stobs can ni smon pa'i sems kyi stobs kyis rtag tu dge ba'i bshes gnyen la sogs pa rkyen dang 'phrad pa'o/ /sems brtan pa ni de nyid sdig pa'i grogs pos zlog kyang mi zlog par 'dzin pa'o/ /khyad par du 'gro ba ni tshe rabs thams cad du dge ba de dag mi nyams shing 'phel bar byed pas yon tan chung ngus chog par mi 'dzin pa'o/ /theg pa thun mong pa'i ni rnam pa bcu gsum dang/ sum du gsungs pa'o/ ! /dang po ni gzhan yang 'di ni thabs bcas rten bcas byed dang bcas/ bdag gzhan 'byor sogs bcu gsum gsungs pa dang/ zhes bya ba ste/ bdag dang gzhan gyi 'byor ba dang/ / 'dun dang tshul khrims dbang po dang/ /de bzhin zas dang mi nyal dang/ /shes bzhin du ni spyod pa dang/ /dge ba'i bshes gnyen bsten pa dang/ /dam chos nyan dang sems pa dang/ /bar chad med dang gtong ba spel/ /dge sbyong rgyan ni tha ma yin/ /dad ldan g.yo med nad nyung dang/ /brtson 'grus shes rab 'dod chung dang/ /chog shes gso sla dgang sla dang/ /sbyangs dang mdzes dang drod rig dang/ /skyes bu dam chos mkhas rtags dang/ /bzod dang des dang gya nom yin/ /zhes gsungs pa ste/ nyan thos kyis nyid las rgyas par blta'o/ /de'ang bdag dang gzhan gyi 'byor pa thob pa ni rten no/ /ngo bo nyid ni dge ba'i chos la 'dun pa la sogs pa'o/ /thabs ni bshes gnyen bsten pa la sogs pa'o/ /byed pa ni bar chad med pa la sogs pa yin par blta'o/ ! /yang gzhan gsum ni/ de las gzhan/ so so'i skye bo'i tshul khrims dus bzhin rnal 'byor @449a @#/ /brtson/ /de dag las gzhan thar pa'i don brtson dge la bslab/ /so so'i skye bo'i tshul khrims ni yan lag drug dang ldan pa'i spong ba'i sems pa sa bon dang bcas pa dran pa dang shes bzhin dang ngo tsha shes pa dang khrel yod pas kun tu bsrung ba dang lhan cig ldan pa'o/ /dus ji lta ba bzhin du rnal 'byor la brtson pa ni nyon mongs shes che bas dpyod pa rnam par sbyong ba'i dmigs pa la sogs pa ste/ 'dod chags shas che bas mi sdug pa bsgom pa dang/ zhe sdang la byams pa dang/ gti mug la rten 'brel dang/ nga rgyal la khams rab tu dbye ba dang/ rnam rtog la shas che bas dbugs bgrang ba bsgom pa dang/ nyon mongs pa chung ba dang mnyam pas ni dang po nyid nas gang 'dod pa'i dmigs pa bsgom pa'o/ /thar pa'i don du brtson pa'i dge ba'i gzhan ni dad pa dag mos pa lhag pa dang/ thos pa dang bsam pa dang bsgoms pa las byung ba'i shes rab ste/ thos pa dang ni byang chub sems dpa'i sde snod la sogs pa'i cha sna tshogs dang yang dag par thos pa'am/ 'ga' zhig legs par bltas shing dpyad pas sgra don gyi 'brel ba bsgrub pa dang/ tshig dang don gyi sgo nas yang dag par gtan la 'bebs pa dang nges par 'dzin pa'o/ /bsam pa ni don de nyid gcig pu dben par song zhing yang dag pa kho nar rigs pas dpyod pas don de'i bden pa nyid dang yang dag pa nyid rigs pas bsgrub cing 'di ni 'di kho na ltar yin gyi gzhan du ma yin no zhes mtha' gcig tu nges pa'o/ /bsgom pa las byung ba ni ji ltar nges par byas pa'i don de la gus par byed pa'i sbyor ba dang rtag tu byed pa'i sbyor bas zhi gnas gtsor gyur pa dang/ gnyi ga mnyam pa'i lam gyis tshogs mang po sgo sna tshogs nas bsags pas nye bar brtan te sgom par byed pa las so/ ! /gnyi ga'i don bsdu ba ni/ mdar na tshul khrims gzhi las kun mkhyen bsam pa yis/ /bskal pa mtha' yas rtag tu gus par byed pa'i sbyor bas ni/ gang gis bslab gzhi gang dang gang gsungs mtha' dag la/ /ci nus rim @449b gyis 'bad pas rab bsgrims legs bsgrubs pa'o/ /sngar bstan pa ltar dad pa dang tshul khrims kyi gzhi rtsa brtan pa las/ byang chub kyi sems 'ba' zhig gis kun nas bslang bas bskal pa bye ba dang bye ba rnams su gang zag gang la gnas skabs gang du bslab pa gang dang gang dag gsungs pa de mtha' dag la sems thams cad kyis bsams shing bar chad med la yun ring du shin tu shugs drag po'i sbyor bas rim gyis rab tu bsgrims nas ci nus su legs par bsgrub pas rdzogs par byed pa'o/ ! /dbye ba dang ming gi rnam grangs ni/ tshogs ma bsags sogs gsum dang skabs su gtogs sogs bzhi/ /tshogs dang sun 'byin thar cha dang po'i las kyi sa'o/ /gsum du dbye ba la sogs ma bsags pa ni chung ngu ste nges 'byed skye ba la tshe rabs kyi dus nges pa med pa'o/ /tshogs bsags pa yin la ma bsags pa'ang yin pa ni 'bring ste de skye ba la tshe rabs kyi dus nges pa dang ldan pa'o/ /tshogs bsags pa nyid yin pa chen po ni de skye ba la tshe rabs de nyid kyi dus dang ldan pa'o/ /gzhan yang bzhir dbye ba ni skabs su gtogs pa las gyur pa ni dge ba'i chos la 'dun pa nas nye bar bzung nas thar pa'i don du bya ba mang du byed pa'o/ /mos pa las gyur pa ni thar pa dang ldan pa'i bstan pa la lhag par mos pa'o/ /lhag par 'dod pa las gyur pa ni thar pa la dmigs te dad pa dang mos pa lhag par gyur pa'o/ /thob pa las gyur pa ni nges 'byed tshe de nyid la skye ba'o/ /ming gi rnam grangs ni nges 'byed la sogs pa'i rtogs pa skye ba'i snod du byed pa'i dge ba sna tshogs gsog par byed pas tshogs kyi lam zhes bya ba dang/ sun 'byin pa'i gnyen po dang/ thar pa'i cha mthun dang las dang po pa'i sa zhes bya ste/ rnam grangs kyi don ni bshad zin to/ ! / byed pa ni/ 'dis ni sgrib pa spangs pas rnam par thar pa dang/ gnyen po bskyed pas mngon par rtogs pa'i snang du byed ces bya ba gnyis te/ nges 'byed dngos su bskyed pa la sogs so/ ! /byang chub kyi phyogs kyi chos dang sbyar ba ni/ byang chub phyogs chos dran pa nyer gzhag rnams @450a @#/ /dang ni/ /yang dag spong dang rdzu 'phrul rkang pa bzhi yis bsdus/ /tshogs lam chung ngu dang 'bring dang chen po gsum du dngos po la yongs su rtog pa'i lam dran pa nye bar bzhag pa bzhi dang/ rtsol ba pa'i lam yang dag par spong ba bzhi dang/ ting nge 'dzin yongs su sbyang ba byas pa'i lam rdzu 'phrul gyi rkang pa bzhi go rim bzhin du gtso cher skye bar shes par bya'o/ /gzhan yang sems bskyed pa nyi shu rtsa gnyis las 'dun pa dang ldan pa sa lta bu la sogs pa gsum dang/ sgrub pa rnam pa bzhi las go cha'i bsgrub pa sum cu rtsa drug dang sbyar ba la sogs pa yang skabs ji lta ba bzhin du shes par bya'o/ ! /sbyor ba'i lam las dang po de bskyed pa'i thabs kyi gdams ngag 'thob pa ni/ rgyal sras dpag med tshogs rgyas snod gyur rang bzhin gyis/ /sdom brtan yang dag lta sbyangs thos bsags sgrib spong la/ /gzhol gyur de tshe chos kyi sgo la rgyal rnams las/ /zag med lam gyi dam pa mngon bskyed rjes bstan 'thob/ /'dis ni gdams ngag de'i rten la sogs pa drug bstan te/ rten ni byang chub sems dpa' bskal pa grangs med par rgya mtsho chen po chus yongs su rgyas pa ltar tshogs mtha' yas pa lhun stug pa bsags pas/ mos pa spyod pa chen po'i gnas skabs su phyin pa nges par 'byed pa'i cha dang mthun pa bskyed pa'i snod du gyur pa ste rang bzhin gyis tshul khrims phun sum tshogs pa dang ldan zhing/ don phyin ci ma log par 'dzin pas theg pa chen po la lta ba drang por byas pa/ gnas skabs de nyid du'ang thos pa mang du bsags pa'i stobs can/ sgrib pa rnam par sel bas sems dge zhing las su rung ba'i sbyor ba dang ldan pa'o/ /dus ni rdzu 'phrul gyi rkang pa bzhis bsgom pa dam pa la sbyor ba thob pas tshogs kyi lam chen po'i yang mjug tu phyin pa nyid kyi tshe'o/ /don ni chos mngon du byed pas chos kyi rgyun nam sgo zhes brjod pa lam gong ma dag ste/ de'i dngos kyi sbyor ba nges 'byed bskyed pa'i sgo nas 'doms pas so/ /'di la kha cig ni chos kyi rgyun gyi ting nge 'dzin @450b zhes gdams ngag 'di 'thob pa'i rgyu nyid du 'chad do/ /yul ni de bzhin gshegs pa dngos las thob pa'o/ /dgos pa ni 'di bskyed pa las zhi gnas dang lhag mthong zab cing yangs pa 'jig rten las 'das pa'i lam thob par bya ba'i ched du'o/ /rang bzhin ni gdams ngag chen por gyur pa ste/ don chen pa gsal bar byed pas na yon tan thob pa yongs su sbyong zhing ma thob pa'ang bskyed pa'i cha las gdams ngag dang rjes su bstan par brjod pa dag go ! /sbyor lam dngos spyir bstan pa ni/ tshul khrims la sogs nges 'byed gnas skabs dang/ / nges 'byed cha mthun bzhi nyid sbyor lam mo/ /tshogs kyi lam gang yin sbyor ba'i lam yang de yin pa dang/ sbyor ba yin la tshogs ma yin pa'i ngo bo nyid gnyis las/ dang po ni/ so so'i skye bo'i tshul khrims la sogs pa sngar brjod pa de dag nyid nges 'byed kyi gnas skabs su phyin pa rnams so/ /yang na de dag tshogs lam gyi gnas skabs pa nyid kyang brgyud pa'i sbyor ba yin pa'i rnam grangs las sbyor lam du bsnyad du rung ba'o/ /sbyor ba'i lam nyid yin la tshogs kyi lam ma yin pa ni nges par 'byed pa'i cha dang mthun pa bzhi ste/ dro ba dang rtse mo dang bzod pa dang 'jig rten pa'i chos kyi mchog gi ting nge 'dzin nam ye shes bzhi'o/ /sngar gnyis dang bral ba'i chos nyid nges par byas pa goms pa'i stobs kyis/ mngon du mthong ba dang rjes su mthun pa'i gnas skabs thob par gyur ba'o/ /'di dag la rigs kyi spyi nye bar bzung nas ni dro bar gyur pa'am dro bar gtags pa zhes bya ba la sogs par gsungs pa dang/ thams cad la chung ngu dang 'bring dang chen po la sogs par dbye ba spyir bsdus pas ni dro ba rnams zhes bya ba la sogs pa'o/ /yang 'di dag la ming gi rnam grangs ni snang ba thob pa dang snang ba mched pa dang kho na'i don la phyogs gcig pa dang de ma thag pa'am bar chad med pa'i ting nge 'dzin zhes bya'o/ /sgra'i don ni rnam par mi rtog pa'i ye shes kyi me'i snga ltas yin pas na dro ba dang 'dra bas na dro ba dang/ dge ba'i rtsa ba g.yo zhing chad pa las mi g.yo ba rtse @451a @#/ /mor phyin pas dang/ ngan 'gro med pas chos chen po la bzod pa'am/ bden pa mthong ba'i rjes su mthun pa'i bzod pa yin pas na bzod pa dang/ 'jig rten pa'i chos rnams las mchog tu gyur pas na/ ches mchog dang don tha dad pa med par shes pa'i snang ba thob pa dang/ de nyid 'phel zhing mched pas dang/ de brtan pas gnyis med pa'i phyogs gcig rdzogs pas dang/ 'dzin pa'am med par rtogs pas de ma thag tu gnyis med pa mngon du mthong ba 'dren pa'i phyir ro/ ! /nges 'byed thun mong du rnam par dbye ba las so so'i rang bzhin ni/ yongs tshol bzhi las gzung med snang ba ni/ /thob dang de nyid rnam 'phel yongs shes bzhis/ /rnam rig tsam zhugs don med nges brtan dang/ /'dzin med nges las de ma thag par ni/ /gnyis med mngon gyur bden pa'i chos nyid la/ /dmigs pa'i zhi gnas lhag mthong mtshungs ldan bcas/ /'di bzhi char yang bden pa bzhi'i chos nyid la mos pa rab tu son pa mi dmigs pa'i zhi gnas dang lhag mthong mtshungs par ldan pa dang bcas pa'i rang bzhin no/ /de la ming dang don dang ngo bo nyid dang khyad par yongs su tshol ba bzhis chos rnam par 'byed pa byas shing mnyam par bzhag pa'i stobs kyis de kho na bsgom pa na/ sdug bsngal la sogs pa dang mi rtag pa la sogs pa rang dang spyi'i mtshan nyid kyi chos rnams la gzugs la sogs pa'i don tha dad pa'i mngon zhen spangs shing/ yid kyi brjod pa tsam kho nas yid tsam snang bar zad kyi don tha dad pa med pa'i snang ba thob pa las dmigs bya dang dmigs byed mnyam pa'i ye shes bzod pa chung ngur gyur pa ni dro ba'i ting nge 'dzin to/ /gang gi tshe chos kyi snang ba de nyid spel ba'i don du mi gnas pa'i byed pas brtson 'grus brtan pa rtsom pas ye shes kyi snang ba de nyid 'phel ba'i bzod pa chen po rtse mo'i ting 'dzin no/ /de nas yongs su shes pa bzhi las don du snang ba 'di ni sems kho nar zad kyi sems las gzhan med par nges pa ni bzod pa'i ting nge 'dzin te/ gal te don gzhan med na/ gzugs la sogs @451b pa 'di dag ma brtags pa'i mthong ba la snang ba ci ltar yin snyam pa'i dogs pa/ bag chags brtan pa'i nus pa las de ltar snang bar shes pas de'i rigs phyi rol ma yin par nges par brtan pa thob nas/ gzung ba'i g.yeng ba spangs pa rdzogs shing 'dzin par rnam par g.yeng ba tsam lus pa'o/ /des na 'di la bden pa'i rjes su mthun pa'i bzod pa zhes bya ste bden pa mthong ba dang nye bar gyur pas so/ /des mya ngan las 'das pa la dga' ba'i bar chad nga'o snyam pa'i nga rgyal rags pa mngon du rgyu ba spangs shing/ lhag pa'i bsam pas mya ngan las 'das pa la dga' ba yongs su bzung nas gong du sems brtags par bya ba la 'du byed pa spangs te rnam rtog med pa la 'jog go /de'i tshe sems de 'gags pa dang dmigs pa med pa dang zhi ba lta bur snang yang 'gags pa la sogs pa ni ma yin pas na/ rnal 'byor pa'i 'khrul pa'i sar yang gsungs so/ /sbrang rtsi'i sbrang bu gnyid log pa lta bu'ang ma yin te/ rnam par gsal zhing zhi gnas las mi g.yo ba'o/ /'on kyang shes pa zhan pa rmong rtul ba dag la ni sbrang bu gnyid log pa ltar mi gsal zhing 'gags pa 'dra ba'ang yin no/ /mngon par rtogs pa 'di lta bu dang ldan pa ni da ring por mi thogs par yang dag pa nyid la 'jug go /de'i 'og tu sngar dpyad pa'i de kho na la rtsol bas 'dzin pa'ang med par snang ba'i ye shes kyis bzod pa rdzogs pa gang gi de ma thag tu rnam par rig pa tsam gyi 'du shes kyang 'jig pas gnyis dang bral ba'i chos nyid mngon sum du 'gyur ba la sems gzhan gyis bar chod pa med pas de kho na nyid bsgom pa yongs su rdzogs par 'gyur ba ni 'jig rten pa'i chos kyi mchog gi ting nge 'dzin te/ de yan chad 'jig rten las 'das pa'i sems kho na skye ba'i 'jig rten pa'i sems mi skye ba dang/ de dag ni 'jig rten pa'i 'du byed rnams kyi mtshams dang mthar thug pa yin pa'i phyir ro/ /gnas skabs 'di thams cad ni rnam par rtog pa'i bdag nyid lhag par mos pa brtan pa yin pas mos pa spyod pa'i sa'o/ /de ltar na stong par sgro 'dogs kyi rnam @452a @#/ /rtog tsam du zad pas 'khrul pa yin pa'i phyir rjes su mthun pa'i lam tsam yin gyi gnyen po dngos ni ma yin no/ /'o na 'khrul pa nyid kyis gnyen po'i rjes su mthun pa'i rgyur yang ji ltar rung snyam na/ ma yin te rnam rtog de ni 'khrul pa'i ngo bo yin yang rigs pa'i dbang gis zhugs pas de kho na mngon du byed pa'i ye shes 'dren par nus pa'i phyir rjes su mthun pa'i lam du grub pas na/ rjes su mthun pa phyin ci log ces gsungs pa'o/ /dngos por smra ba bdag nyid kyang dang por gang zag med pa mi rtag pa la sogs pa nges pa'i rnam rtog tsam bsgom par 'dod pa na/ de'ang brjod pa'i rjes su 'jug pa'i mtshan nyid kyis 'khrul bcas nyid goms pas don bsgrub par mi 'dod dam/ rtog pa lam du mi rung na de goms pas kyang slar 'khrul pa rgyas par ci ste mi 'gyur/ der ni goms pa brtas pa ni ting nge 'dzin las su rung bas mi rtog pa'i ye shes mthong ba bskyed par nus so snyam na/ 'dir de bzhin te phyin ci log gi 'dzin pa 'gog pa stong pa'i rnam rtog goms pas mi rtog pa'i ye shes bskyed par 'thad pa kho na'o/ /sa 'di la gnas pa'i byang chub sems dpa' ni so so'i skye bo yin yang byis pa'i rgud pa thams cad las yang dag par 'das shing ting nge 'dzin dang gzungs dang rnam par thar pa dang mngon par shes pa la sogs pa'i yon tan grangs med pa dang ldan par dkon mchog sprin las gsungs so/ ! /rab tu dbye ba ni drug ste/ rjes mthun khyad par rab tu rtogs pa dang/ /gzhan bsgyur skye ba gcig dang lhan cig pa'o/ /rjes su mthun pa pa ni drod kyi sgra'i don dang ldan pa las so/ /khyad par ba ni de nyid 'phel ba rtse mo'o/ /rab tu rtogs pa pa ni de'i rtogs pa brtan pa bzod pa chung ngu'o/ /gzhan du bsgyur ba pa ni ngal ? bar gyur pa bzod pa 'bring ngo/ /skye ba gcig pa dang lhan cig pa gnyis ni bden pa mthong ba de tsam gyis nye bar gyur pa bzod pa chen po dang 'jig rten chos mchog go ! /ming gi rnam grangs bzhi ni/ de ni sbyor lam rnam gnon gnyen po dang/ /nges 'byed cha mthun mos spyod sa zhes bya/ /sbyor ba'i lam @452b ni bden pa mngon par rtogs pa la dngos su sbyor ba'i phyir ro/ /nges par 'byed pa'i cha dang mthun pa ni nges par 'byed pa mthong ba'i lam gyi char gyur pa bzod pa dang po bskyed par nus pa'i phyir ro/ /rnam par gnon pa'i gnyen po ni mthong bas spang bar bya ba rnams mgo gnon pa'i phyir ro/ /'di man chad mos pa yid la byed pa tsam gyis de kho na rtogs par byed par zad pas na mos pas spyod pa'i sa zhes bya'o/ ! /byed pa dang byang chub kyi phyogs dang sbyar ba gnyis ni/ sgrib pa spong byed zag med ye shes 'dren/ /dbang po lnga dang stobs lnga dag dang ldan/ /byed pa ni sgrib pa spong bar byed pa 'jig rten las 'das pa'i ye shes dngos su 'dren par nus pa'o/ /phyogs kyi chos ni bden pa mngon par rtogs pa'i ye shes la rim gyis sbyor ba'i lam dbang po lnga dang/ de dang dngos su 'brel bas 'dres par yang brjod pa'i lam stobs lnga ? dang ldan pa ste/ dbang po lnga dang stobs lnga la/ nges 'byed cha mthun gnyis gnyis so/ /zhes gsungs so/ ! /byang chub sems dpa'i khyad par du 'phags pa ni/ chung 'bring chen po'i dbye ba bcu gnyis te/ /dmigs rnam rgyu dang yongs 'dzin rnam rtog dang/ /brtse bas 'jug pa'i khyad par bdun phyi ni/ /rgyal sras rnams kyi nges 'byed khyad 'phags pa'o/ /de ni nyan thos la sogs pa'i nges 'byed las khyad par bdun gyis 'phags pa ste/ dbye ba'i khyad par ni bzhi char la chung 'bring chen po gsum gsum bcu gnyis kyis so/ /nyan thos la sogs pa ni chos mchog skad cig ma nyid kyis cung zad pa'i phyir ro/ /de'ang grub mtha'i khyad par tsam ni ma yin te gzhan gyi don du yun ring por 'jug pa'i rim las dang po'i khyad par nyid do/ /dmigs pa'i khyad par ni gang zag med pa'i chos kyis zin pa'i bden pa bzhi la sogs pa ste/ gzhan gyi ni phung po la sogs pa tsam nyid do/ /rnam pa'i khyad par ni chos kyi bdag med rtogs pa ste/ gzhan gyi ni gang zag med pa tsam mo/ /rgyu'i khyad par ni theg pa gsum ga'i 'bras bu la nus pa dang ldan pa ste gzhan gyi ni rang rang gi byang chub tsam la nus par zad do/ /yongs su 'dzin pa'i khyad par ni nang gi thabs la mkhas pa dang @453a @#/ /phyi'i dge ba'i bshes gnyen dam pa ste/ gzhan la ni thabs la mkhas pa med la dge ba'i bshes gnyen yang la la dman par zad do/ /spang bya'i khyad par ni rang gi mthong lam dang sgom lam gyis spang bar bya ba rnam rtog bzhi'i ngo bor gyur pa ste/ rjes la 'di dag gi mngon du rgyu gang gis mang du gnas pa'i rgyu mtshan las so/ /gzhan la ni 'di dag yod kyang gnyen po med pas spang bya ma yin pa'i phyir ro/ /brtse bas 'jug pa'i khyad par ni sbyor ba dang rjes dag la sems can mi gtong ba'i snying rje la sogs pas gzhan don nyid gtsor byed pa ste/ dro ba rnams kyi dmigs pa 'dir/ /sems can thams cad yin par brjod/ /de dag nyid la sems mnyam sogs/ /rnam pa dag ni bcur bshad do/ /zhes bya ba la sogs pa gsungs so/ /gzhan gyi ni brtse ba dang bral bas rang don tsam sgrub par zad pa'i phyir ro/ ! /de las phyir mi ldog pa'i rtags ni/ gzugs sogs las ldog the tshom mi khom pa/ /spangs sogs nyi shu mi ldog rtags su gsungs/ /byang chub sems dpa'i nges 'byed las phyir mi ldog pa'i rtags ni/ gzugs la sogs pa'i mngon zhen ldog pa dang/ dkon mchog gsum la sogs pa la the tshom chad pa dang/ mi khom pa brgyad dang bud med kyi skye ba spangs pa la sogs pa yum gyi mdo las rgyas par gsungs pa dag go/ ! lam gnyi ga'i thun mong gi rtags la sogs pa'i khyad par can ni skye ba gzhan du lam rjes su bsgrub pas 'di dang/ 'dir bsgrubs pas phyi ma dag tu rnam par smin pa las skye ba'i rtags dang phyogs la sogs pa drug go /de la rtags ni lnga ste/ brtse ba'i bsam dang snyan smra bstan pa dang/ /lag rkyong dgongs pa zab 'grel sbyor ba yis/ /'gro ba yongs 'dzin mos thob mi skyo dang/ /zang zing chos kyis bsdus pas legs skyong ba'o/ /bsam pa'i rtags brtse ba ni sems can rnams la phan pa dang bde bar 'dod pas ci nus kyi de dag sgrub par yang byed pa'o/ /sbyor ba'i rtags la gnyis las rang don gyi ni bstan pa ste dka' ba'i spyod pa rgya chen po'i sdug bsngal la sogs pas @453b mi sgul ba'i snying stobs dang bsran thub pa dang zhum pa med pa'o/ /gzhan don gyi sbyor ba la gsum las/ gdul bya smin par byed pa ni snyan par smra ba ste/ yang dag par dga' bar byed cing phan 'dogs pa'i tshig gi sgo nas so/ /'dun par byed pa ni lag rkyong ba ste rgya cher sbyin pa dang kun nas nyon mongs pa med pa la sogs pa'i sbyin pas so/ /grol bar byed pa ni don dgongs pa zab mo nges par 'grel ba ste/ so so yang dag par rig pa bzhi dang de bsgrub pa'i sbyor ba las byung ba'i shes pas dgongs pa can brtag dka' ba'i chos nges pa'i don gyi mdo rnams kyi tshig dang don rnam par 'byed pa'o/ /de rnams kyi las ni rtsa ba'i go rim bzhin du byang chub kyi sems kyis sems can yongs su 'dzin pa dang/ sangs rgyas kyi bstan pa la mos pa thob par byed pa dang/ snyoms las dang le lo dang bral zhing rab tu spro bas dka' ba'i spyod pa la mi skyo ba dang/ zang zing dang chos gnyis kyis sems can yongs su sdud pa'o/ ! /phyogs khyad par can gnyis 'thob pa ni/ sems can don mthun 'khor los bsgyur sogs dang/ /len pas thob sogs rab byung phyogs gnyis kyi/ /bslab pa rnam bzhis don kun bsgrub pa ste/ /rab byung dge legs mang pos khyad zhugs pa'o/ /phyogs kyi dbye ba dngos ni 'khor los bsgyur ba la sogs pas sems can don la rjes su mthun zhing mthu dang ldan pa khyim pa'i phyogs dang/ rab tu byung ba gsum gyi phyogs la gnas nas sems can gyi don rjes su bsgrub pa'o/ /las kyis bsnyen par rdzogs pa la sogs pa yang dag par len pas thob pa dang/ rang byung gis thob pa rang sangs rgyas la sogs pa dang/ sprul pas ston par byed pa sa bcu'i dbang phyug rnams kyi la sogs pa'o/ /de dag gi bslab pa rnam pa 'di bzhi ni dus gsum du yang mngon par 'tshang rgya ba'i mthar thug pa'i don thams cad bsgrub pa la bgrod pa gcig pa ste/ las kyi mtha' legs par byas pa dang/ mkhas pa dang/ gzhan la phan 'dogs pa dang/ yongs su bsngo ba'o/ /dang po ni/ pha rol tu phyin pa la sogs @454a @#/ /pa la nges par byed pa dang/ byang bar byed pa dang rtag tu byed pa dang kha na ma tho ba med par byed pa'o/ /mkhas pa ni rnam pa bcus bya ba lnga byed pa ste/ zhe 'gras pa rnams kyi sdang ba bsal ba la mkhas pa dang/ tha mal pa 'jug par bya ba dang/ zhugs pa smin par bya ba dang/ smin par grol bar bya ba la mkhas pa bzhis ni sems can rnams rang gi don la 'dzud do/ /'jig rten pa'i bstan bcos thams cad la mkhas pas ni phas kyi rgol ba zil gyis gnon par byed do/ /byang chub sems dpa'i ltung ba la rtog par mkhas pas ni nyes pa mi 'byung ba dang byung na'ang chos bzhin du 'chos pas tshul khrims rnam par dag pa srung bar byed do/ /yang dag pa'i smon lam la mkhas pas ni phyi ma la 'dod pa'i don thams cad 'grub bo/ /nyan thos kyi theg pa dang/ rang rgyal gyi theg pa dang/ theg pa chen po la mkhas pas ni rigs dang dbang po dang mos pa dang mthun pa'i chos ston par byed pa'o/ /gzhan la phan 'dogs pa ni bsdu ba bzhis sems can rnams la phan pa dang bde ba ci rigs pa byed pa'o/ /yongs su bsngo ba ni de gsum las dus gsum du dge ba'i rtsa ba ci bsags pa thams cad snying thag pa nas byang chub chen po kho nar bsngo'i gzhan du mi bsngo ba'o/ /phyogs de gnyi gas de dag la sbyor du zin kyang khyim pa bas ni rab tu byung ba shin tu bye brag cher 'phags pa dang/ shin tu khyad par che ba ste 'di ltar rab tu byung ba ni thog ma nyid pha ma dang bu smad la sogs pa yongs su 'dzin pa'i nyes pa las grol ba dang/ de dag gi don du zhing las dang nyo tshong dang rgyal po'i zho shas 'tsho ba la sogs pa nyon mongs pa dang chags pa'i sdug bsngal las grol ba dang/ tshangs par spyod pa gcig tu nges pa lu gu rgyud bzhin du brtan pa spyod par nus pa dang/ byang chub kyi phyogs kyi chos thams cad la mngon shes myur bas dge ba gang dang gang rtsom pa myur bar mthar phyin par byed pa dang/ brtul zhugs la nges par gnas pas @454b gzhan la tshig btsun par 'gyur ba ste/ khyim pa de ltar ma yin pa'i phyir ro/ ! /lhag pa'i bsam pas 'gro ba skyong ba ni/ bde dang phan dang ma dag dag pa dang/ /rang dag 'gro la mnyes gshin rnam bdun dang/ /bsam pa bco lngas bya ba bcu bsgrubs la/ /lhag bsam bsdus dang rgyas pa'i dbye bar gsungs/ /lhag pa'i bsam pa ni sangs rgyas kyi chos rnams la mos pa dang so sor rtog pa dang nges par byed pa dad pa dang shes rab sngon du 'gro ba'o/ /des bsdus pa'i dbye ba ni lnga ste/ bde ba'i lhag pa'i bsam pa ni pha rol tu bsdus pa'i 'bras bu 'dod pa'o/ /phan pa'i lhag pa'i bsam pa ni 'di nyid du dge ba la 'jug par 'dod pa ste rang bzhin gyi dbye ba gnyis so/ /gsum ni gnas skabs kyi dbye ba ste/ lhag pa'i bsam pa ma dag pa ni mos pas spyod pa'o/ /dag pa ni sa bdun gyi'o/ /shin tu dag pa ni phyir mi ldog pa'i sa gsum gyi'o/ /rgyas pa'i dbye ba las de dang ldan pa la dge zhing mchog tu dge ba'i bsam pa'i stobs kyis sems can la mnyes gshin pa bdun 'byung ba ni 'jigs pa med pa dang/ rigs pa dang mi skyo ba dang/ zang zing med pa dang/ rgya che ba dang/ mnyam pa'i mnyes gshin pa'o/ /lhag pa'i bsam pa nyid ni bco lnga yin la de dag gis kyang bya ba bcu byed do/ dkon mchog gsum la dang ba mchog gi bsam pas ni tshogs mchog tu gyur pa mchod pa sna tshogs la sbyor bar byed do/ /sdom pa yang dag par blangs pa la lta ba tshul khrims kyi bsam pas ni srog gi phyir yang bsams bzhin du nyes pa mi 'byung ba dang brgya la byung na yang myur du phyir gso bar byed do/ /sbyin pa la sogs pa drug bsgrub par mos pa pha rol tu phyin pa'i bsam pas ni dge ba'i chos rnams rab tu bsgom pas bag yod pas gnas par byed do/ /bdag med pa gnyis kyi de bzhin nyid zab mo shes pa de kho na'i bsam pas ni 'khor ba dang mya ngan las 'das pa la mi gnas pa'i blos sems can rjes su 'dzin par byed do/ /mngon shes la sogs pa mthu'i bsam pas ni bstan pa dang bsgom pa la @455a @#/ /gces par 'dzin pas gzhan dang rang gi don rgya che ba sgrub par byed do/ /sems can la dge ba bsgrub pas phan pa'i bsam pa dang/ zang zing la sogs pa la mi ltos pa lhag pa'i bsam pa gsum gyis ni gzhan don bya ba thams cad la mi skyo bar sbyor bar byed do/ /byang chub tu sems gcig tu nges par brtan pa'i bsam pas ni brtson 'grus drag po rtsom pas sbyor ba khyad par du 'gro bar byed do/ /gzhan gyi don dang byang chub kyi thabs la phyin ci ma log pa mi slu ba'i bsam pas ni dge ba gang bsgrub pa la mngon shes myur zhing chung ngu dang ngan ngan gyis chog par mi 'dzin par byed do/ /tshar gcod pa'i bsam pas ni lhan cig skyes pa'i bsam pa 'dren par byed do/ /lhan cig skyes pa'i bsam pas ni 'gro ba la phan pa'i don du myur du mngon par 'tshang rgya'o/ /ma dag pa ni tshar gcod pa'i bsam pa nyid de mos pas spyod pa'i sar so sor brtags te bya bas so/ /dag pa dang shin tu dag pa'i lhag pa'i bsam pa ni lhan cig skyes pa nyid de/ sa dang po bdun dang tha ma gsum du rang bzhin gyi de'i bdag nyid du gyur pa dang rten la shin tu gnas pa'i phyir ro// ! sems can yongs su 'dzin pa bdun thob pa ni/ smon lam sems mnyam bdag po 'khor sdud dang/ /ring dang ring min tha ma'i yongs 'dzin pa'o/ /smon lam gyis yongs su 'dzin pa ni thog ma sems bskyed pa'i tshe nyid sems can thams cad cig car yongs su bzung ste/ ci nus kyis phan gdags par 'dod pas de dag sgrub par yang byed do/ /sems mnyam pa nyid kyis 'dzin pa ni sa dang por bdag dang gzhan mnyam pa nyid thob pas so/ /de gnyis ni ma dag pa dang/ dag pa'i bsam pas 'dzin pa'o/ /sbyor bas 'dzin pa las gtsor zang zing gis sdud pas ni bdag pos 'dzin pa ste/ rgyal po'am ded dpon nam khyim rje la sogs par gyur nas rgyal srid dang 'bangs la sogs pa dang/ tshong pa dang 'gron po la sogs pa dang/ pha ma dang bu smad dang bran 'khor la sogs pa la ni ci nus ci 'os su phan pa @455b bsgrub cing gnod pa sel ba dang/ thabs sna tshogs kyis kyang dge ba la 'dzud pas so/ /gtsor chos kyi sdud pas so so'i 'khor yongs su 'dzin pas so/ /de'ang rgyu gnyis kyis te/ zang zing med pa'i brtse sems dang/ rang don la legs par 'dzud cing bsu ba med pa'i sbyor bas so/ /de dag kyang sems snyoms pa dang/ ser sna dang dpe mkhyud med pa dang/ re ba med pa dang/ rtogs pa 'dod pa dang/ dge ba 'dod pa dang/ bde ba 'dod pa dang/ gnod pa sel ba dang/ dus la bab pa dang/ mi skyo ba dang/ mi brnyas pa dang/ bzod pa dang/ brtse ba 'ba' zhig gis yongs su 'dzin pa'o/ /yun ring pos 'dzin pa ni smin pa chung ngu la gnas pa yun ring pos rnam par dag par 'gyur ba'i skal ba can no/ /yun ring po ma yin par 'dzin pa ni smin pa 'brang la gnas pa ring por mi thogs par rnam par dag pa'i skal ba can no; ;tha ma'i yongs su 'dzin pa ni smin pa chen po la tshe de nyid la rnam par dag par 'gyur ba'i skal ba can yin pa'i phyir ro/ ! /de'i bar chad spang ba ni/ de ltar zhugs la gnod cing nyam nga ba/ /bcu gnyis 'byung ba legs brtags ci rigs bsal/ /sems can 'dzin par zhugs pa na gnod cing nyam nga bcu gnyis dang phrad par 'gyur ba la mkhas par bya'o/ /'di lta ste sems can 'gal bar gnas pa dag la yang na ni gnod par bya dgos yang na ni dor bar bya dgos pa dang/ sems can la sbyor ba drag po kun tu spyod la rang gi nyon mongs pa'ang srung bar byed pa dang/ sbyin par bya ba nyung ngu zhig la slong ba mang po lhag pa dang/ rang gcig pu la gzhan mang pos bya ba sna tshogs kyi grogs bcol ba dang/ sems las su mi rung ba bag med pa'i gnas 'jig rten pa'i snyoms 'jug gis lhar skye ba dang/ sems can gyi don bya bar 'dod pa de la nus pa med pa dang/ sems can dam rgod la chos bstan pa'am yal bar dor ba dang/ 'khor ba la rtag tu nyes par blta la de gtong bar yang mi byed pa dang/ lhag pa'i bsam pa ma dag cing rmongs bzhin du 'chi ba dang/ bsam pa ma dag @456a @#/ /bzhin du gzhan gyi dngos po g.yos slong ba dang/ sems can bsam pa dang mos pa sna tshogs can dag brda phrad par bya ba'am yal bar 'dor ba dang/ shin tu bag yod par yang bya la nyon mongs pa'ang thams cad du spang bar mi bya'o/ /de dag dang phrad pa na la la dang la lar che chung brtag pa dang/ gang zag brtag pa dang/ brtan por dmigs shing rgyu yang dag par blangs te 'dug la smon lam gdab pa dang/ sems 'jug par mi bya ba dang/ so sor brtags te gnas la mi skyo ba dang bzod par bya ba dang/ btang snyoms su bzhag pa dang/ brtson 'grus brtsom zhing brtun te bya ba dang/ thabs la mkhas par bya ba ste/ de lta bu'i gnyen po la mkhas pa ni de dag dang phrad kyang yid chad par mi 'gyur bar bdag nyid kyang legs par srung bar byed do/ ! /skye ba khyad par can thob pa ni/ las dang smon lam ting 'dzin dbang 'byor ba'i/ /rgyu las gnod pa zhi byed skal mthun 'jug /che dang bdag po tha ma'i skye ba rnams/ /bdag nyid chen po 'gro la phan phyir len/ /rgyu las dbye ba ni bzhi ste/ las kyi dbang gis ni mos pas spyod pa rnams gang 'dod pa dag tu skye'o/ /smon lam gyis ni sa la zhugs pa rnams/ sems can smin pa'i don du dung 'gro la sogs par yang skye'o/ /ting nge 'dzin gyi ni bsam gtan thob pa dag de las ma nyams bzhin du 'bras bu bzlog nas 'dod pa'i khams su skye'o/ /'di gsum ni skye ba mtshan nyid pa rgyu gtso bo nye bar bzung ba ste/ dang po yang smon lam gyis kyang yin no/ /phyi ma gsum la ni zag bcas kyi las med de gzhan ci rigs pa'o/ /dbang 'byor ba'i dbang gis ni sprul pa dag gis dga' ldan la sogs par skye ba'i gzugs brnyan ston pa'o/ /de dag ci rigs par 'thob pa skye ba'i rang bzhin gyi dbye ba ni lnga ste/ gnod pa yang dag par zhi bar byed pa'i skye ba ni mu ge dang nad dang pha rol gyi dmag tshogs dang log par lta ba la sogs pa'i gnod pa bdo ba dag tu/ de dag bsal bar 'dod pa'i smon lam dang snying rje'i @456b stobs kyis nya chen po dang/ rig sngags grub pa'i sman pa chen po dang/ chos kyi stobs dang ldan pa'i rgyal po chen po la sogs par skyes nas gnod pa de dag thams cad zhi bar byed pa'o/ /skal ba mnyam par mthun par 'jug pa'i skye ba ni smon lam mam dbang thob pas lha dang klu dang lha ma yin dang gnod sbyin dang dud 'gro dang/ bram ze log par lta ba dang nyes par spyod pas 'tsho ba dang 'dod pa la ha cang lhag par zhen pa rnams la de dag gi nyes pa bzlog pa'i phyir de dag dang skal ba 'dra ba gtso bo dag tu skyes nas/ de dag nyes pa gang spyod pa de mi spyod cing de dag gang mi spyod pa'i dge ba la spyod pas/ de dag la ci rigs pa'i chos bstan nas nyes pa las bzlog cing dge ba la 'dzud pa'o/ /chen por skye ba ni rang bzhin gyis 'jig rten thams cad las 'phags pa'i tshe dang kha dog dang rigs dang dbang phyug la sogs pa dang ldan pa'i skye bas sems can la phan pa sna tshogs byed pa'o/ /bdag po'i skye ba ni sa bcu'i skye ba 'dzam bu'i gling gi bdag po nas dbang phyug chen po'i bar skye ba thams cad las 'phags pa mchog dang ldan pa dag tu skye ba'o/ /tha ma'i skye ba ni gang du byang chub kyi tshogs mtha' dag rdzogs nas mngon par 'tshang rgya zhing/ sangs rgyas kyi 'phrin las thams cad mdzad pa bram ze mdun na 'don nam/ rgyal po'i pho brang du skye ba'o/ ! /sa thams cad kyi spyod pa'i khyad par bsdus pa bzhi ni/ theg pa che dang dman mos so so'i dang/ /gnyi ga 'dun dang smin byed spyod pa bzhi'o/ /spyod pa po ni theg pa chen po dang dman pa la mos pa'i gang zag gnyis so/ /de gnyis so so'i spyod pa'i rang bzhin ni gnyis te/ pha rol tu phyin pa'i spyod pa dang byang chub kyi phyogs kyi spyod pa sngar bshad pa rnams kyis/ de dag gis don du gnyer ba'i yul yon tan la dbang bsgyur ba dang sgrib pa dang bral ba dag so sor gtsor bsgrub pa'i phyir ro/ /'di la bltos nas byang chub kyi sems kyi spyod pa bcu bzhi po thun mong bar bshad pa ste/ ji skad bstan pa'i mtshan nyid ni thun mong ma yin @457a @#/ /ba kho na'o/ /spyod pa de gnyis la 'jug cing rjes su bsgrub pa'i thabs ni gang zag gnyi ga 'dun par byed pa'i thabs mngon par shes pa drug gi spyod pa dang/ smin par byed pa'i thabs bsdu ba bzhi la sogs pas sems can smin par byed pa'i spyod pa sngar bshad pa rnams so/ ! /'jig rten las 'das pa'i lam gnyis kyi dbang du byas nas ye shes rnam par bzhag pa spyir bstan pa la sgrub byed dang rang bzhin gyi khyad par ni/ don dam rab zab thos pa'i bag chags ni/ /tshogs mang bsags pas goms pa yongs rdzogs nas/ /yul gyi spros tshogs kun bcad blo 'jug kyang/ /rab zhi mnyam gnas mi rtog ye shes so/ /'dir rgyu'i rkyen ni don dam pa dang rab tu ldan pa'i gsung rab zab mo thos pa'i bag chags ces bya ba lan mang du bsten cing goms pa'i nus pa rtas pa can no/ /bdag po'i rkyen ni bsod nams kyi tshogs dam pa sgo sna tshogs nas lhun stug pa mtha' yas bsags pa ste/ gtsor pha rol tu phyin pa lnga las tshogs kyi ngo bo sbyin pa la sogs pa bzhis nye bar brtan pa'i rten gyi bsam gtan dam pas mnyam par bzhag pa sems las su rung ba las/ shes rab kyi pha rol tu phyin pa'i rang bzhin rnam par mi rtog pa'i ye shes chen po gnas yangs su gyur pa thob pa de skye bar 'thong ba'i phyir ro/ /de ma thag pa'i rkyen ni zab mo'i don goms par byed pa'i 'jig rten pa'i bsgoms pa las byung ba'i stobs yongs su rdzogs pa rab kyi mthar son pas mos pa spyod pa'i sa'i mjug tu phyin pa 'jig rten las 'das pa'i ye shes kyi sbyor ba mthar thug pa 'jig rten chos mchog gi rgyun gyi tha mar gyur pa'o/ /de las byung ba'i rang bzhin nyid ni de'i mthar thug pa'i shes rab gsum gyis yul gyi spros pa mtha' dag chod pa las blo'i 'jug pa nyid kyang rab tu zhi ba/ dper na shing gnyis drud pa la brten nas me byung ste des shing bsregs nas me nyid kyang rab tu zhi ba lta bu/ chos kyi dbyings spros pa med pa dang ye shes spros pa med pa ro gcig pa skye ba ste/ 'ga' zhig gis nor bu dang dngul la sogs pa bcos ma ma @457b yin pa shes pa ltar/ 'khrul pa'i mtshan ma dang bral bas rang nyid tshad mar gyur pa las dod ji lta ba bzhin gsal bar snang ba mngon sum gyi mtshan nyid can no/ /des na/ de phyir yang dag yang dag min/ /gang gang shin tu bsgom gyur pa/ /bsgoms pa yongs rdzogs pa na/ /de gsal mi rtog blo 'bras bu/ /zhes bya ba dang/ 'jigs sogs bzhin du bsgoms pa yi/ /stobs kyis gsal bar snang gyur pa'i/ /shes gang bslu ba can min pa/ /rtog med de ni mngon sum mo/ /zhes bya ba dang/ 'ga' zhig bsgom pa goms pa yi/ /mthu yis chos kun ngo bo nyid/ /med pa de yi bdag nyid du/ /'gyur te dngos po mthong ba bzhin/ /zhes bya ba la sogs pa gsungs pa'o/ ! /de nyid bsgrub pa ni/ rnam pa lnga spangs yang dag don la ni/ /nges par 'dzin med nam mkha' mthong ba ltar/ /chos tshogs 'ga' yang mthong ba med kho na/ /mthong bar bsnyad pa bsam mi khyab gnas so/ /de'i ngo bo nyid ni dmus long la gzugs ltar rang gi ngo bos bstan par mi nus pas ldog pa'i sgo nas bstan pa ni rnam pa lnga spangs pa'o/ /'di lta bci'ang yid la mi byed pa ni ma yin te gnyid log pa dang brgyal ba la sogs pa'ang mi rtog pa'i ye shes su 'gyur bas na thams cad 'bad pa med par grol bar thal ba'i phyir ro/ /rtog pa las yang dag par 'das pa'ang ma yin te 'jig rten pa'i bsam gtan gnyis pa yan chad kyang der thal bas so/ /rtog pa nye bar zhi ba'ang ma yin te 'du shes med pa'i snyoms par 'jug pa la sogs pa'ang der thal bas so/ /ngo bo nyid kyis rtog pa med pa'ang ma yin te gzugs la sogs pa dang de myong ba'i blo'ang der thal bas so/ /de kho na'i don la bkra bar 'dzin pa'ang ma yin te rnam par mi rtog pa'o zhes bkra bar 'dzin pa ni rnam par rtog pa nyid yin pa'i phyir ro/ / des na bkra bar mi 'dzin pa'i ngo bo nyid de yul ci'ang nges par 'dzin pa med pa'i don yin pas na/ nam mkha' mthong zhes sems can tshig tu rab brjod pa/ /nam mkha' ji ltar mthong ste don 'di brtag par gyis/ /de ltar chos mthong ba yang de bzhin gshegs pas bstan/ / @458a @#/ /mthong ba dpe gzhan gyis ni bsnyad par nus ma yin/ /zhes bya ba dang/ chos thams cad mi mthong ba yin no zhes gsungs pa'o/ /de'i phyir 'di ni 'di lta bu'o zhes yong pa dang med pa la sogs pa rang bzhin bsgrub pa 'dzin pa'i blo thams cad kyi mtshan nyid las 'das pas na bsam gyis mi khyab pa'i gnas nyid du lta'o/ ! /byed pa'i khyad par drug ni/ des ni rjes kyi spyod rnams rnam 'phel byed/ /sbyor dang thob pas sku gnyis 'khor du skye/ /skye ba kun tu de nyid khyad par 'gyur/ /sa bcur thob dang grub pas nges par 'byung/ /mthar thug dag pa'i sku gsum dbang mchog thob/ /sdig drag sgrib gnyis 'jig rten chos mi gos/ /spyod pa'i tshogs 'phel bar byed pa ni de'i rjes la byang chub sems dpa'i spyod pa gang thob pa de 'phel ba'i rten yin pa'i phyir ro/ /bzang po'i gnas su skye ba ni de'i don du brtson pa'i sbyor bas ni sangs rgyas kyi sprul pa'i dkyil 'khor du skye la/ dngas thob pas ni longs spyod rdzogs pa'i dkyil 'khor du skye ba'i phyir ro/ /rang gi rgyun khyad par du 'gro ba ni de dag tu skyes pa'i tshe rabs phyi ma phyi mar ye shes de nyid gong nas gong du khyad zhugs par 'gro ba'i phyir ro/ /sa bcus nges par 'byung ba ni sa dang por thob pa dang lhag ma rnams su grub pas de nges par 'byung bar 'gyur pa'i phyir ro/ /mthar thug pa ni sa bcu par dag pa'i sku gsum thob nas dbang gi dam pa bcu'ang thob pas na 'di mthar phyin pa ste/ sku gsum tsam ni sa dang po yang thob pa'i phyir ro/ /nyas pa'i tshogs kyis mi gos pa ni 'di'i dbang du byas pa'i dad pa tsam gyis shes pa dang mos pa rgyas pa tsam gyis kyang sdig pa drag po sna tshogs kyis mi gos te nam mkha' bzhin no/ /sa dang por thob pa dang de sangs rgyas kyi sar yongs su bsgrub pas ni sgrib pa gnyis ka dang bral ba nam mkha' lta bu'o/ /skye ba'i gnas thams cad du skye ba ston par byed pas 'jig rten du rgyu'ang rnyed pa la sogs pa 'jig rten gyi chos thams cad dang mi 'dre bas 'jig rten las 'das pa ste padma bzhin no/ ! /tshogs dang @458b 'khor dang bcas pa'i khyad par ni/ rgyu dang 'phen dang goms byung sbyor ba las/ /cho ga shes phyin ci ma log spros med pa'i/ /rnam par mi rtog rjes thob rtogs dang dran/ /rnam gzhag 'des dang dbang 'byor la dpyod pa'o/ /'di bskyed pa'i tshogs su gyur pa sbyor ba'i ye shes ni rgyu gsum las 'byung ba ste/ rgyu'i stobs las 'byung ba ni rigs zhes bya ba thog ma med pa'i skye mched kyi khyad par sangs rgyas kyi sa bon las rkyen rnyed ma thag tu skye ba'o/ /'phen pa'i stobs las ni tshe snga ma'i goms shugs las 'byung ba'o/ /goms pa'i stobs las ni tshe 'di nyid la bsgoms pa'i skyes bu'i byed pa las 'byung ba'o/ /mi rtog pa'i ye shes nyid kyi ngo bo nyi gsum las chog shes pas rnam par mi rtog pa ni don chung dus chog par bzung nas gong ma'i khyad par la mi rtog pa ste/ 'jig rten pa'i lam gyi thos pa la sogs pas srid pa'i rtse mo thob nas de nyid la thar par zhen pa ldog pa'o/ /'di ni mi rtog pa'i rnam grangs tsam mo/ /phyin ci ma log pa'i rnam par mi rtog pa ni nyan thos bsgom pa las byung bas bden pa'i rnam pa mi rtag pa la sogs pa rtogs pa'o/ / spros pa med pa'i rnam par mi rtog pa ni byang chub sems dpa' mi rtog pa la sogs par yang rtog cing/ byang chub kyi bar du yang spros par mi byed pa ste/ de kho na ni sgra dang rnam par mi rtog pa'i lam las 'das pa'i phyir ro/ /spros pa ni kun rdzob sgra dang rnam par rtog pas bsdus pa ste de med pa'i phyir spros pa med pa'o/ /de'i rjes thob ni lnga ste rtogs pa la dpyod pa de mngon par rtogs pa dang de kho na gtan la 'bebs pa ste/ ting nge 'dzin la rjes kyi shes pas 'di ni de lta'o zhes so so rang gis dpyod pa'o/ /dran pa la dpyod pa ni de'i 'o tu bdag gis 'di lta bu rtogs so zhes rtogs pa de dran pa'o/ /rnam par bzhag pa la dpyod pa ni langs nas ji ltar rtogs pa de gzhan la brjod pa'o/ /'dres pa la dpyod pa ni chos thams cad bsdoms nas dmigs pa gang gis gnas par 'gyur ba'o/ /gnas gyur @459a @#/ /nas 'byor par bya ba'i phyir dpyod pa ni ye shes de mngon du gyur pas gser du 'gyur ba la sogs pa gang bsams pa thams cad 'byor bar 'gyur ba'o/ /dpyod pa ni 'dir shes pa la brjod do/ /sbyor ba dang rjes de gnyis ni rnam par mi rtog pa'i rgyu dang 'bras bu yin pas rnam par mi rtog par yang brjod do/ ! /de gsum dpes mtshon pa ni/ 'di dag lkugs sogs don myong 'dod dang myong/ /ma lkugs sogs kyis don myong lta bur brjod/ /sbyor ba ni lkugs pa'am rmongs pa'ang rnam shes lnga pos don myong bar 'dod cing mos la re zhig mi myong ba lta bu'o/ /dngos gzhi ni de dag gis don myong yang ma brjod cing mi rtog pa lta bu'o/ /rjes ni ma lkugs pa dang ma rmongs pa dang yid kyi shes pas don myong ba smra zhing rtog par yang byed pa lta bu'o/ /yang bstan btsos shes par 'dod pa dar thos pa na tshig shes pa dang don shes pa lta bur gsungs so/ /rjes thob dag pa 'jig rten pa zhes brjod pa ni rnam rtog nyid kyang yin no/ ! /zab pa'i khyad par ni gal te ye shes de gzhan dbang rnam rtog la dmigs sam gzhan la dmigs pa zhig yin/ yang shes pa yin nam mi shes pa zhig yin/ dang po ltar na rtog pa'i ngo bo nyid myong bas rtog par 'gyur ro/ /gzhan ni med pas mi rung ngo/ /mi shes pa ni ye shes su mi rung ngo/ /shes pa yin na'ang shes bya la bltos par 'gyur ro snyam na/ rtog dang de nyid gzhan min shes pa dang/ /mi shes ma yin shes dang shes bya dag /dbyeng med rnam par brtag bya med pas na/ /chos kun rang bzhin rtog med mi rtog nyid/ /rnam par mi rtog pa nyid kyi phyir rtog pa la 'jug cing de dmigs pas de'i ngo bo ni ma yin no/ /de las gzhan la 'jug pas gzhan yang ma yin te/ de nyid kyi chos nyid la dmigs pas na chos nyid ni chos las de nyid dang gzhan du brjod du med pas/ ye shes kyang rtog pa'am mi rtog pa la dmigs par brjod du med do/ /sbyor ba dang rjes ltar shes pa'ang ma yin te rnam par mi rtog pa nyid kyi phyir ro/ /mi shes pa'ang ma yin @459b te sbyor ba'i shes pa las byung ba'i phyir ro/ /bzung ba dang 'dzin pa tha dad par yongs su chad pa med pas na shes pa dang shes bya'i khyad par med pa'o/ /mdo las kyang chos thams cad rang bzhin gyis rnam par mi rtog pa'o zhes 'byung ba ni rnam par brtag par bya ba med pas rnam par mi rtog par dgongs pa'o/ ! /ye shes de'i rab tu dbye ba ni/ de nyid mthong dang goms pas yongs rdzogs pa/ /mthong dang bsgoms dang khyad par lam du bzhag /de ltar bsgom pa'i stobs las don dam pa'i de kho na mchog dang po mngon du mthong ba dang/ de nyid kyi rgyun goms par bsgoms pas sgrib pa lhag ma drung 'byin pa dang/ de yongs su rdzogs pas bsgom pa tha ma thob pa rdo rje lta bu'i ti nge 'dzin sangs rgyas nyid kyi bar chad med pa'i lam du gtogs pa gsum las mthong lam dang/ sgom lam dang/ de nyid kyi khyad par gyi lam du'ang rnam par dbye'o/ ! /so so'i rang bzhin gsum las mthong lam gyi mtshan nyid ni/ dmigs bya dmigs byed mnyam nyid mi dmigs pa'i/ /ting nge 'dzin dang shes rab mtshungs ldan bcas/ /sngon chad ma mthong 'jig rten 'das pa yi/ /chos kyi rigs 'dir mthong bas mthong lam mo/ /dmigs par bya ba dang dmigs par byed pa spros pa med par mnyam pa'i chos kyi dbyings mtha' dang dbus med par don dam pa'i bden pa mngon du gyur pa mi dmigs pa'i ting nge 'dzin dang shes rab mtshungs ldan dang bcas pa ste/ 'jig rten pa'i rmi lam du'ang mi rmi bas 'jig rten las 'das pa'i chos kyi rigs de bzhin nyid dang de'i ye shes sngar ma mthong ba mthong ba las mthong ba'i lam du bsnyad pa'o/ /'di ni 'jig rten las 'das pa'i yais dang por thob pas don dam pa'i byang chub kyi sems mngon du gyur pa'i phyir de bzhin gshegs pa'i rigs su skyes pa'o/ ! /rab tu dbye ba las bcu drug tu dbye ba'i rgyu mtshan ni/ bden pa'i chos nyid ma dag dag pa ni/ /mthong ba bar chad med dang rnam grol lam/ /chos nyid dang ni yais mngon gyur pa'i/ /yais rnam dbye shes bzod bcu drug go /gtsor rang gi phung po lngas bsdus pa spyir bden pa bzhi po @460a @#/ /tham cad kyi chos nyid sgrib pa dang bcas pas ma dag par bsnyad pa mthong ba bar chad med pa'i lam mthong spang gi gnyen po ni sdug bsngal la sogs pa la chos shes pa'i bzod pa bzhi ste/ chos nyid kyi rigs dang por mthong ba la mig skrag pa'i don gyis so/ /de'i 'og tu dri ma dang bral ba'i chos nyid dag pa mthong ba rnam grol gyi lam ni chos shes pa bzhi ste/ chos nyid kyi rigs tsam sngar mthong bas bzod pa'i don med pa'i phyir ro/ /de las chos nyid kyi yul can gyi ye shes de dag nyid 'phags pa'i chos kyi rgyur mthong ba ni rjes su shes pa'i bzod pa bzhi'o/ /ye shes kyi yul can gyi ye shes bzhi po de nyid mthong ba ni rjes su shes pa bzhi'o/ /de phyin chad ni ye shes kyi skad cig rgyun tu 'byung yang ye shes yongs su dpyod byed kyi ye shes nyid las ma 'das pa'i phyir mtshan nyid snga mas bsdus pas na thug pa med pa ma yin no/ /des na 'jig rten las 'das pa'i chos kyi rigs thams cad ni de bzhin nyid ngang de mngon du byed pa'i ye shes gnyis su 'dus la/ de dag kyang bden pa bzhi'i chos nyid ma dag pa dang dag pa brgyad dang/ chos nyid dang ye shes kyi yul can gyi ye shes brgyad mngon du mthong ba las bcu drug tu nges pas na/ chos kyi phyogs kyis ni gzung ba dang/ rjes kyi phyogs kyi ni 'dzin pa rtogs par gsungs te/ gzung ba ni de bzhin nyid do/ /'dzin pa ye shes so/ /'di la dmigs pa mngon gsum ma yin na/ don mthong rab tu 'grub mi 'gyur zhes gsungs pa'i tshul gyis yul ni shes pa'i khyad par can kho nar myong bar bya ba yin pas na/ de bzhin nyid mthong ba'i tshe ye shes ma mthong ba ci zhig lus nas rjes su shes pa'i phyogs dang lam du 'gyur snyam na/ ye shes kyi gsal pa de'i tshe rang rig pas myong yang de skad bshad pa'i mtshan nyid kyi rigs gzhan du rtogs par bya ba yin pa'i phyir de dag kyang mthong lam nyid du 'thad pa'o/ /yang ye shes ni kun rdzob yin pas de'i yul can mthong lam du mi rung ngo snyam na/ ma yin te 'jig rten las 'das pa'i chos kyi rigs mthong bas mthong lam du 'thad pa'i @460b phyir ro/ /gzhan du na chos shes pa'i phyogs nyid kyang rang gi ngo bo myong bas mthong lam du mi rung bar thal lo/ /de ltar nges pa na mngon pa ba kha cig de la skad cig bco lnga ni/ ma mthong mthong phyir mthong ba'i lam/ /zhes bcu drug pa mthong lam du mi 'dod pa'ang gsal ti/ de lta na lam la rjes su shes pa'i bzod pa ma rtogs par 'gyur bas so/ /de ni ye shes de lta bu tsam sngar mthong zin pas de'i yul can mthong lam ma yin no snyam na/ 'o na khyad par brjod par mi nus pas rjes su shes pa bzhi ga mthong lam du mi 'gyur ro/ /de dag ni don du nas mthong lam ma yin mod kyi de'i bar du der byung bas der bgrangs pa'o snyam na/ 'o na spel ma bsgom pa dag kyang gco bo gang yin pa'i rigs gcig tu bgrang bas spel ma zhes bya ba med par 'gyur na 'dod pa ni ma yin no/ ! /dbye ba'i don ni don dam so so rang gi skad cig ma/ / bya ba rdzogs pa gcig nyid gnyen po dang/ /spangs par skye la yul gyi ldog pa las/ /bstan pa rnam gzhag spros dbye bcu drug nyid/ /slob dpon thogs med la sogs pas mthong ba'i lam 'di don dam pa so so rang rig pa las ni skad cig gcig nyid de/ bstan pa rnam par bzhag pa spros pa'i tha snyad tsam las bcu drug tu bzhag go zhes gsungs pas na/ don dam pa'i de bzhin nyid mngon sum du mngon par rtogs pa'i ye shes bya ba yongs su rdzogs pa'i skad cig tu brjod pa nyid la/ rjes kyi shes par rnam par bzhag pa la dpyod pas bcu drug tu dbye ba'i tha snyad kyi yul du byed pa ste/ 'di ltar dag pa dang ma dag pa'i gnas skabs tsam tha dad kyang chos nyid kyis rang bzhin tha dad med la/ de myong ba nyid kyi ye shes kyang rtogs pa'i phyir skad cig gcig po de nyid la yul gyi dbye ba la bltos pa'i ldog pa'i chos bcu drug tu dbye ba tsam yin bar gdon mi za'o/ /gzhan du gnas skabs tha dad pa la sogs pas kyang 'byed na ni sgom lam la'ang ha cang thal ba mi spongs so/ /'o na de la zhugs pa dang 'bras bu'i gang zag tha dad pa ci ltar bzhag par 'thad @461a @#/ /ce na/ de ni bya ba rdzogs pa'i skad cig de nyid la bar chad med pa'i lam dang rnam par grol ba'i lam rgyu 'bras gnyis su skye ba la bltos nas te/ dus myur bas na skad cig tu gsungs par zad do/ /des na 'dir skad cig ni shes bya la shes pa 'byung ba'i bya ba rdzogs pa las so zhes gsungs so/ /'on kyang 'di ni mtshan ma med pa'i mtshan mas gnas pa la sogs par gsungs pas rab tu zab cing rtogs par dka' ba yin pas na/ chos kyi spyan mnga' ba rnams kyi gzhung gi rjes su 'brangs la ci nus su dpyad par bya bar zad de/ tshu rol mthong ba'i rto ge thams cad kyi yul las 'das pa'i phyir ro/ ! /ming gi rnam grangs ni/ mthong ba'i lam dang spong ba'i gnyen po dang/ /zag med dge ba skyon med zhugs par brjod/ /sngon mthong ba'i de kho na dag mthong ba dang/ mthong bas spang bar bya ba'i dgra'i rgyun drungs 'byin pa dang/ zag pa dang bcas pa'i chos dang bral ba dang/ 'jig rten gyi chos las 'das pa la dang por zhugs pa'i phyir rim pa bzhin no/ ! /spangs pa'i khyad par ni/ mthong spangs nyon mongs brgya rtsa bcu gnyis dang/ /gzung 'dzin rtog pa dgu bzhi sum cu drug /spangs pas dri med rnam par rtog med dang/ /rdul med dri ma bral bas rnam dag pa'o/ /mthong bas spang bar bya ba'i nyon mongs pa kun tu brtags pa'i phyogs rags pa khams gsum las 'dod khams na bden pa bzhi mthong bas spang bar bya ba rtsa ba'i nyon mongs bzhi bcu dang/ gzugs dang gzugs med pa gnyis na khong khro brgyad ma gtogs pa bdun cu rtsa gnyis dang/ shes bya'i sgrib pa rtog pa dgu bzhi sum cu rtsa drug rags pa rnams cig car rtsa ba nas spangs pa 'thob pas na/ dri ma med pa dang rnam par rtog pa med par gsungs la dri ma med pa dang rdul dang bral ba'i chos kyi mig skyes par yang gsungs so/ /'di ni sgrib pa'i rnam pa lpags shun la gnas pa lta bu spong bas gnas gyur pa dang po thob pa'o/ /de dag spong ba'i gnyen po yang don du na 'jig rten chos @461b mchog gi rgyun gyi tha ma nyid yin te/ de dang dus mnyam pa'i mthong spang gi rgyun gyi nyer len dang de gnyis kyi chos shes pa'i bzod pa dang dus mnyam pa'i mthong spang rang gi rgyun phyi ma bskyed pa'i nus pa dang mi mthun par byas pas de'i phyi ma rgyun chad pa'i phyir ro/ /dper na mun khung du snang ba skye ba'i rgyu nyid de'i mun pa'i gnod byed yin pa lta bu'o/ /'on kyang khad nye bas rgyu la 'bras bu btags nas mthong lam nyid gnyen por brjod pa ste 'dir mi spro'o/ ! /yon tan gyi khyad par las/ mnyam pa nyid rtogs pa ni/ chos kun mtshan nyid stong par mnyam pa dang/ /sems can rnams la bdag med sdug bsngal dang/ /don kun bya dang lan la mi re dang/ /rgyal sras gzhan dang rtogs pa mtshungs pa thob/ /mnyam pa nyid rnam pa gnyis rtogs pa las/ chos la sems mnyam pa ni chos thams cad mtshan nyid thams cad kyis stongs par rtogs pa'i phyir ro/ /sems can thams cad la'ang bdag dang mnyam pa'i sems can lnga thob ste/ shes rab kyi chas rang dang gzhan gang zag med par mnyam pa dang/ snying rje'i chas sdug bsngal mi bzod pas spong bar mnyam pa dang/ don du gnyer ba'i chas dgos pa bsgrub par mnyam pa dang/ bltos pa med pa'i chas lan mi re bar mnyam pa dang/ yon tan gyi chas sa mthun pa'i rgyal sras gzhan dang mnyam pa'i phyir ro/ /des na dang po nyid nas bdag gzhan mnyam pa'i byang chub kyi sems la bslabs pas 'dir de mngon par rtogs shing mngon sum du gyur pa'o/ ! /dag pa 'jig rten pa'i ye shes yongs su dag pa ni/ 'dus byas chos kun yang dag min rtogs las/ /rmi lam sogs ltar rdzun snang nyid du rtogs/ /gzugs la sogs pa'i shes bya ji snyed yod pa mtha' dag yang dag pa ma yin pa'i kun tu rtog pa tsam nyid kyis sgyu ma la sogs pa ltar rdzun pa'i snang bas rab tu sbyar ba rtogs pa'o/ ! /dmigs pa yongs su shes pa ni/ med dang yod dang rang bzhin stong pa dang/ /rnam rtog zad dang kun rtog legs par shes/ rnam par thar pa'i sgo gsum gyi @462a @#/ /ting nge 'dzin gyis kun btags med pa'i stong pa nyid dang/ gzhan dbang yod pa ni stong pa nyid dang/ yongs su grub pa rang bzhin stong pa nyid shes pas dge ba dang ma dag pa'i thun mong gi de bzhin nyid shes pa dang/ mtshan ma med pa'i ting nge 'dzin gyis kun rtog zad pa mya ngan las 'das pa shes pas dag pa'i gnas skabs shes pa dang/ smon pa med pa'i ting nge 'dzin gyis kun tu rtog pa shes pas ma dag pa'i gnas skabs shes pa'i phyir ro/ ! /byang chub kyi phyogs kyi chos mang po thob pa ni/ byang chub phyogs mthun sum cu rtsa bdun sogs/ /rnam pa sna tshogs rnams dang yang dag ldan/ /nye bar ston pa'i rang bzhin byang chub kyi phyogs kyi chos sum cu rtsa bdun dang/ ngo tsha shes pa dang brtan pa dang mi skyo ba la sogs pa gang zag pa med pa'i dge ba'i tshogs thams cad dang ngang gis lhan cig ldan pa 'thob pa'o/ /sum cu rtsa bdun po 'di ni 'brel ba'i dbang gis cha mthun la sogs pa las sa thams cad na thams cad yod pa'ang yin la/ gtso bo'i cha las ni so sor nges par yang gsungs pa'o/ ! /rmad du byung ba'i chos thob pa ni/ bdag lta rnams spangs don chen bdag tu lta/ /sdug bsngal spangs kyang sdug bsngal khur chen khyer/ /don kun rang gi don ltar bltos med sgrub/ /rnam grol gyur kyang mi bzad 'ching dang ldan/ /sdug bsngal mthar thug med kyang zad par rtsol/ /cha shas bkur dka'i sdug bsngal kun sdoms khur/ /'gro la dga' dang byams sogs ngo mtshar che/ /sems can bdag dang mtshungs phyir de lta'ang min/ /'di la bdun te lta ba'i khyad par ni srid pa gsum pa mi rtag pa dang sdug bsngal ba dang bdag med pa mngon du gyur pas nyes pa thams cad kyi rtsa ba bdag tu lta ba spangs kyang/ / sems can thams cad la bdag tu 'dzin pa don thams cad bsgrub pas bdag nyid chen po'i bdag tu lta ba dang ldan pa'o/ /sdug bsngal gyi khyad par na rang gi rgyud kyi sdug bsngal rgyun chad pas bsil ba thob kyang mgo la sems can gyi sdug bsngal khur chen po khyer @462b ba'o; ;bltos pa med pa'i khyad par ni sems can thams cad la bde legs ma lus pa bsgrub kyang rang la phan btags pa ltar rang nyid lan la sogs pa ci la'ang re ba med pa'o/ /'chid ba'i khyad par ni theg pa mchog gi mthong spangs las rnam par grol ba'i bde ba bla na med pa thob kyang de'i ro mi myang bar sems can thams cad kyi 'ching ba'i dra ba thams cad gcod pa'i khur khyer ba'o/ /brtson 'grus kyi khyad par ni sems can nam mkha' dang mnyam pa'i sdug bsngal mi bzad pas de bsal ba mthar phyin pa'i 'bras bu med par shes kyang de bsal ba'i don du rang yang spyod la gzhan yang 'god pa'o/ /sems pa'i khyad par ni ba be'u la byams pa ltar byams pas sems can len pas/ nam mkha' dang mnyam pa'i sems can gyi sdug bsngal mi bzad pa rang rang gis de'i cha shas tshe gcig tsam gyi'ang bkur bar mi nus pa mtha' dag bsdoms te khur bar spro ba'o/ /ngo mtshar dang de ma yin pa'i chos thob pa'i khyad par ni sems can la dga' ba dang byams pa dang de'i sbyor ba dang de la mi skyo ba bzhis rtag tu dga' ba spyod pas 'jig rten na ngo mtshar yang che la/ sems can bdag tu 'dzin pa'i bsam pa thob pas ngo mtshar yang med pa'o/ ! /lam gyi tshogs brtan par byed pa'i khyad par ni/ sengge rnam bsgyings ting 'dzin rten 'brel na/ /lugs dang ldog la lta bas rab brtan byed/ /mthong ba'i lam thob pas des sgrib pas mi 'jigs pas sengge ltar kun tu bsgyings pa'i ting nge 'dzin la snyams par 'jug cing/ dus phyis rten cing 'brel par 'byung ba la lugs dang ldog par lta bas gnas pas lam gyi tshogs thams cad rab tu brtan pa thob par shes par bya'o/ ! /bsgom pa'i lam spyir bstan pa ni/ sgom lam 'jig rten pa dang 'jig rten 'das/ /'jig rten 'das pa'ang mnyam gzhag rjes thob la/ /gzhan yang zag bcas zag pa med pa rnams/ /phra rags dbye ba dgu yis rnam par bzhag /'di la thag pa thun mang gi dang theg pa chen po'i sgom lam gnyis sa/ /dang po yang 'jig rten pa'i lam zhi rags kyi rnam pa goms par byed pa dang/ @463a @#/ /'jig rten las 'das pa bden pa'i rnam pa goms par byed pa gnyis so/ /de dag kyang mnyam gzhag dang rjes thob gnyis gnyis so/ /theg pa chen po'i ni zag pa dang bcas pa dang zag pa med pa gnyis so/ /zag pa med pa ni rnam par mi rtog pa ste mnyam gzhag nam mkha' lta bu yongs su grub pa'i yul can dang/ rjes thob sgyu ma lta bu gzhan dbang gi yul can rnam par mi rtog pa'o/ /'di gnyis ni rgyal ba'i yul dag las rnam par dag pa dang bsgrub pa'i sgom lam gnyis su gsungs pa'o/ /zag pa dang bcas pa ni rjes thob dan la zhen pas 'jug pa rtog pa dang bcas pa ste mos pa yid la byed pa la sogs pa gsum mo/ /'jig rten pa dang 'jig rten las 'das pa de thams cad dang rgyun dang ldan par 'jug pas na phra rags kyi dbye ba chung du'i chung ngu la sogs pa dgu dgur shes par bya'o/ ! /de dag so sor rnam par dbye ba las theg pa thun mong gi dbang du byas nas 'jig rten pa'i lam ni/ dang por sa dgu gong 'og zhi rags kyi/ /rnam pa goms byed bsam gtan bzhi dang ni/ /gzugs med bzhi las spang bar bya ba dang/ /gnyen po'i dbye bas dgu tshan brgyad du blta/ /'dod pa'i khams nas srid pa'i rtse mo'i bar sa dgu la 'og ma 'og ma la nyon mongs pa dang sdug bsngal mang ba dang tshe thung ba la sogs pas rags pa'i rnam pa dang/ gong ma gong ma la de las ldog pas zhi ba'i rnam par bsgom pa'i zhi gnas dang lhag mthong mtshungs par ldan pa dang bcas pa ste/ bsam gtan bzhi dang gzugs med bzhi'i gnyen po chung ngu'i chung ngu la sogs pa dgu tshan brgyad kyis/ spang bya 'dod pa'i khams nas ci'ang med pa'i skye mched kyi bar sa brgyad kyi chen po'i chen po la sogs pa dgu tshan brgyad spong bas bdun cu rtsa gnyis so/ /de la bsam gtan rnams ni yan lag las 'da' ba yin pas bsam gtan dang po'i yan lag gnyis pas spong ba la sogs pa yin te/ bsam gtan dang @463b po ni rtog pa dang dpyod pa dang dga' ba dang bde ba dang sems rtse gcig pa'i yan lag lnga dang ldan pa'o/ /gnyis pa ni nang yongs su dang ba dang/ dga' ba dang/ bde ba dang/ rtse gcig pa bzhi dang ldan pa'o/ /gsum pa ni btang snyoms dang/ dran pa dang shes bzhin dang/ bde ba dang/ rtse gcig pa lnga dang ldan pa'o/ /bzhi pa ni btang snyoms yongs su dag pa dang/ dran pa yongs su dag pa dang/ sdug bsngal dang bde ba ma yin pa'i tshor ba dang/ sems rtse gcig pa bzhi dang ldan pa'o/ /gzugs med rnams ni dmigs pa las 'da' ba ste/ gzugs kyi 'du shes kyi gnyen po nam mkha' rnam par shes pa'i 'du shes kyis spong ba la sogs pas so/ /zhi gnas su ro gcig pa'i phyir yan lag mi 'dra ba ni med de/ thams cad kyang bsam gtan bzhi pa'i yan lag dang 'dra bar shes par bya'o/ ! /rab tu dbye ba ni/ kun nas nyon mongs rnam byang srid sogs dang/ /nyams pa'i cha mthun la sogs bzhi bzhir dbye/ /kun nas nyon mongs can dang rnam par byang ba gnyis las/ dang po ni bzhi ste/ sred pa shas che ba dang/ ma rig pa dang/ nga rgyal dang/ lta ba shas che ba'i bsam gtan no/ /gnyis pa'ang bzhi ste/ nyams pa'i cha mthun dang/ gnas pa dang/ khyad par dang/ nges 'byed kyi cha mthun no/ ! /byed pa ni/ 'di ni spang bya gnon cing tshad med sogs/ /yon tan mang po bskyed pa'i rten nyid do/ /sgom spangs rnams rnam par gnon pa dang/ tshad med pa dang mngon par shes pa la sogs pa'i yon tan rnams skyed par byed la/ 'jig rten las 'das pa'i lam gyi rten byed pa'o/ ! /'jig rten las 'das pa'i sgom lam ni/ 'jig rten 'das pa bsam gtan gzugs med kyi/ /sa dgu la brten bden pa'i rnam pa la/ /dmigs pa'i zhi gnas lhag mthong mtshungs ldan bcas/ /sa dgu'i spang bya'i dbye bas brgyad cu gcig /'di'i rten ni bsam gtan dang po'i nyer bsdogs mi lcogs pa @464a @#/ /med pa dang/ dngos gzhi dang/ khyad par can dang/ gnyis pa'i dngos gzhi dang/ gsum pa'i dngos gzhi dang/ bzhi pa'i dngos gzhi dang/ nam mkha' mtha' yas dang/ rnam shes mtha' yas dang/ ci yang med pa'i skye mched do/ /'dod pa'i khams na ni zhi gnas chung la/ srid pa'i rtse mo na lhag mthong shas chung ba'i phyir ma yin no/ /ngo bo nyid ni bden pa'i rnam pa bcu drug la dmigs pa shes pa brgyad kyis bsdus pa'i zhi gnas dang lhag mthong mtshungs par ldan pa dang bcas pa ste gtso bo dngos gzhi'i dbang du byas pa'o/ /phra rags kyi dbye ba ni khams gsum sa dgu'i bsgom pas spang bar bya ba nyon mongs pa dgu tshan dgu'i gnyen po lam dgu tshan dgus brgyad cu rtsa gcig go /rgyun tu zhugs pa'i cig car ba'i tshul ltar na ni spang bya thams cad phyogs gcig tu byas pa phra rags dgu'i gnyen po lam rnam pa dgur zad do/ ! /'jig rten pa dang 'jig rten las 'das pa gnyi ga'i khyad par gyi dbang du byas nas yongs su rdzogs par byed pa'i yan lag ni/ mtshan nyid rig dang mos byung rab dben dang/ /dga' ba sdud dang dpyod dang sbyor ba'i mtha'/ /de yi 'bras bu'i yid byed bdun gyis ni/ /'jig rten 'jig rten 'das pa'ang yongs rdzogs byed/ /'ang gi sgra ni 'jig rten las 'das pa'i sbyor ba dang 'bras bu thams cad kyang bsdu ba'i don to/ /mtshan nyid so sor rig pa dang/ /de bzhin mos las las byung ba dang/ /rab tu dpen dang dga' sdud dang/ /de bzhin dpyod pa yid byed dang/ /gzhan yang sbyor ba mthar thug dang/ /de yi 'bras bu tha ma yin/ /zhes sdom gyis bsdus nas rgyas par nyan thos kyi sa las gsungs pa'i yid la byed pa bdun po 'dis ni 'jig rten pa dang 'jig rten las 'das pa'i lam thams cad yongs su rdzogs par byed pa'o/ /de la 'jig rten pa'i lam gyi dbang du byas nas mtshan nyid so sor rig pa'i yid la byed pa ni @464b sa 'og ma 'og ma la rags pa dang gong ma gong ma la zhi bar so sor rtog par byed pa ste/ mnyam par bzhag pa'i sa'i yid la byed pa shin tu sbyangs pa dang ldan pas/ zhi rags kyi rnam pa de dag spang bya dang thob byar shes par byed cing spang ba dang thob par bya ba'i phyir sems gtod par yang byed pa thos bsam dang 'dres par 'jug pa'o/ /mos pa las byung ba ni des sa 'og ma dag shes nas gong ma dag la zhi ba'i mtshan nyid thos pa dang bsam pa las 'das pa gcig tu bsgom pa'i rnam pas mos par byed cing de nyid la dmigs pa'i zhi gnas dang lhag mthong yang dang yang goms par byed pas spong ba dang thob par sbyor bar byed pa'o/ /rab tu dben pa pa ni yang de kun tu bsten cing bsgoms la lan mang du byas pas sa 'og ma pa'i sgom spang chen po dag spong ba'i lam skyes pa'o/ /dga' bsdud pa ni de spangs pas de'i 'og tu spong ba la dga' zhing dben pa la dga' bas de dag gi phan yon mthong ba las skyes pa'i dga' bdes reg nas/ bying ba dang rgod pa spang ba'i phyir dus dus su dang ba dang skyo bar 'gyur ba'i yid la byed pa la gnas pas sgom spang 'bring spong ba'o/ /dpyod pa ni/ de ltar spang bya gal cher spangs pas thams cad spangs pa lta bur kun nas dkris pa mi 'byung ba dang thams cad spangs sam ma spangs brtag pa'i phyir/ nyon mongs skye ba dang mthun pa'i mtshan ma yid la byed pa dang/ de skye bar mthong nas lhag ma ma lus ba spang ba'i phyir/ yang spong ba la dga' bas gnas pa las thob pa la mngon pa'i nga rgyal med pa'i sems 'jog pa'o/ /sbyor ba'i mtha' ni de nas yang de'i gnyen po zhi gnas dang lhag mthong yang dang yang bsgoms pas de'i sa bon ma bcom yang re shig chung ngu'ang spangs pas nyon mongs pa thams cad kyi gnyen po thob pa'o/ /sbyor ba'i mtha'i 'bras bu yid la byed pa ni de las sa gong ma'i dngos gzhi thob pas/ bsgom pa de thams cad kyi 'bras bu myong ba'o/ /'jig @465a @#/ /rten las 'das pa'i dbang du byas nas kyang yid la byed pa 'di bdun gyis lam thams cad rdzogs par byed pas sgom pa'i lam 'ba' zhig ni ma yin te/ dang po ni/ bden pa'i rnam pa bcu drug 'thad pa bsgrub pa'i rigs pa gsum gyis so sor rtog pa goms par byed pa tshogs lam mo/ /gnyis pa de nyid mos pas goms pa rdzogs par byed pa sbyor lam mo/ /gsum pa ni de dag mngon du gyur pas mthong spang ma lus pa spong ba'o/ /bzhi pa dang lnga pa gnyis ni de nyid sgom par byed pa na thams cad du yang spang bya spangs ma spangs dpyod par byed pa dang/ sgom spang spang ba la dus ji lta bar skyo ba dang mngon par dga' ba bsten cing mang du bsgoms pas sgom spang phal cher spong ba'o/ /drug pa ni de las sgom spang ma lus pa spangs pa/ spangs pa'i don du thams cad kyi tha ma rdo rje lta bu'i ting nge 'dzin skyes pas spang bya thams cad spong ba'o/ /bdun pa ni de skyes ma thag tu nyon mongs pa'i phyogs kyi gnas ngan len thams cad bcom pas/ zad pa dang mi skye ba shes pa thob pa'o/ /des na 'dir skabs su bab na ni dga' ba sdud pa dang dpyod pa tsam du zad do/ ! /'jug pa'i dbye ba'i khyad par ni/ sbyor dang bar chad med dang rnam grol dang/ /khyad par dngos dang rjes thob dag gis so/ /'jig rten pa dang 'jig rten las 'das pa'i lam gyi sa re re la yang sbyor ba la sogs pa'i lam bzhi'am dngos gzhi dang rjes gnyis kyi 'jug par byed pas so/ /de la 'jig rten pa'i lam ni yid la byed pa dang po gnyis sbyor ba'i lam mo/ /de nas gsum ni bar chad med pa'i lam mo/ /sbyor ba'i mtha'i 'bras bu ni rnam grol gyi lam mo/ /dpyod pa ni khyad par gyi lam mo/ / 'jig rten las 'das pa'i lam gyi dbang du byas nas kyang/ sbyor ba'i lam ni nyon mongs pa spong bar sbyor bar byed pa'o/ /bar chad med pa'i lam ni de spong bar byed pa nyid do/ /rnam grol gyi lam ni spangs ma thag tu rnam par grol ba mngon du byed pa'o/ /khyad par @465b gyi lam ni de las gong du gyur pa sa gzhan gyis sbyor ba mi rtsom gyi bar ram yang na sgrib pa phyi ma spong ba'i sbyor ba la sogs pa nyid dam/ yang na spong ba'i lam las gzhan pa'i yon tan bsgrubs pa la sogs pa'o/ /dngos gzhi ni sa thams cad kyi mnyam gzhag bsgom pa'o/ /rjes ni de dag gi rjes kyi shes pa lus ngag gi bya ba dang bcas pa dag go /rnam par mi rtog rnam 'jog pa'i/ /ye shes lhan cig spyod pa'i sa/ /zhes gsungs pa'o/ ! /theg pa chen po'i bsgom pa'i lam gyi khyad par las zag pa med pa ni/ zag med sa dgu'i mnyam gzhag sgrib pa dgu /spong bar byed dang dag pa 'jig rten pa/ /sa rnams 'jog pas yon tan kun sgrub pa'am/ /sangs rgyas chos dang sems can smin byed pa'o/ /sgom pa'i lam zag pa med pa ni gnyis las sa dri ma med pa la sogs pa dgu'i mnyam gzhag rnam par mi rtog pas ni sgom pas spang bar bya ba khams gsum gyi nyon mongs pa lhan cig skyes pa'i phyogs bcu drug phra rags dgur phye ba dang/ shes bya'i sgrib pa rtog pa dgu bzhi sum cu rtsa drug sngar gyi bas phra ba dag nyid kyi phra rags dgu phyogs gcig tu rim gyis spong bar byed pa ste/ blo dang ldan pa'i mi rtog ye shes stobs/ /rtag tu kun nas mnyam par song ba yis/ /de la brten pa'i nyes tshogs tshang tshing dag /dug sman chen pos dug bzhin sel bar byed/ /ces bya ba dang/ yang/ chu mtsho sogs bzhin 'dod chags sogs/ /glo bur nyon mongs dag pa ni/ /mdor na mi rtog ye shes kyi/ /'bras bu yin par rab tu bstan/ /zhes gsungs pa'o/ /de'ang 'dir khams dang sa thams cad kyi phyogs gcig tu spong ba las so sor ni ma yin pas na/ de ni rgyun chags yin pa'i phyir/ / chung dang 'bring dang chen po rnams/ /chung ngu'i chung sogs dbye ba yi/ /rnam pas rnam pa dgur bzhed do zhes bya ba dang/ sa dgu la ni chen po yi/ /chen po la sogs dri ma yi/ /gnyen po chung ngu'i chung ngu la/ /sogs pa'i lam ni dag yi na/ /zhes gsungs so/ /dag pa 'jig @466a @#/ /rten pa la sa rnam par 'jog pa sgyu ma lta bu'i don myong ba rnam par mi rtog pas ni yon tan ma lus pa sgrub par byed pa ste/ thub pas gsungs pa'i dam chos legs bzhag pa/ /rtsa ba'i chos kyi dbyings la blo gros bzhag /dran rgyu rtog pa tsam rig brtan pa dag /myur du yon tan rgya mtsho'i pha rol 'gro /zhes bya ba dang/ rnam pa kun gyi mchog ldan pa/ /sangs rgyas sku ni nges thob pa/ /de ni rjes la thob pa yi/ /ye shes 'bras bu thob par bstan/ /zhes bya ba dang/ de yi ngo bo nyid mchog nyid/ /kun la mngon par 'du mi byed/ /chos rnams dmigs su med par ni/ /gtod par byed pa don chen nyid/ /ces gsungs pa'o/ /yang na rnam par mi rtog pa zag pa med pa'i ye shes 'di gnyis kyis rim pa bzhin sangs rgyas kyis chos dang sems can smin par byed pas rang dang gzhan gyi don bsgrub par gsungs te/ de nas 'di ni lhag ma yi/ /sa rnams bsgom pa'i lam 'di la/ /ye shes rnam pa gnyis po dag/ bsgom phyir rab tu sbyor bar byed/ /rnam par mi rtog ye shes te/ /sangs rgyas chos ni sbyong bar byed/ /gzhan ni ji bzhin rnam 'jog pa/ /sems can rnams ni yongs smin byed ces so/ ! /zag pa dang bcas pa'i sgom lam ni/ zag bcas mos sogs yid byed bla med gsum/ /dge ba mngon bsgrub spel dang yongs sgyur byed/ /'dir yang zag pa ni nyon mongs pa yin la/ /byang chub sems dpa'i nyon mongs pa'ang rnam rtog yin pas na rjes thob snang la zhen pa dang bcas pa nges pas don la 'jug pa rnam par rtog pa dang bcas pa'o/ /'di la gsum las mos pa yid la byed pa bla na med pa ni dge legs kyi phan yon ji skad bshad pa rnams la yid ches shing dad la 'dod pa'i khyad par can gyi nges pa rnyed pas bsod nams bsgrub pa la chog mi shes par sbyor pa'i mos can no/ /rjes su yi rang bas ni gzhan gyi dge ba thams cad bsdus shing bsdoms nas gzhal te ma lus pa la tshig tsam ma yin pa dga' ba bla na med @466b pas ro myang zhing yi rang bar byed pas/ byed pa po bas kyang lhag pa la sogs pa'i bsod nams yongs su 'dzin pa las rgya cher spel ba'o/ /yongs su bsngo ba ni de ltar bsags shing spel ba'i bsod nams thams cad 'gro ba thams cad la phan pa dang bde ba'i rgyur thun mong du yongs su bsngo bas 'bras bu mi zad par bsgyur ba ste/ 'di gsum ni mos pa'i dbye ba nyi shu rtsa bdun la sogs pa rgyal ba'i yum las rgya cher blta'o/ ! /sgom lam de nyid kyi thun mong gi byed pa drug ni/ kun nas dul dang bdud dang nyon mongs sel/ / gnod pas mi rdzi byang chub tshogs rab 'phel/ /de dang ldan pa gang du gnas pa'i yul/ /mchod pa'i zhing du 'gyur ba'i byed par ldan/ /sgo thams cad nas dbang po'i rta legs par thul ba dang/ skye bo bla ma dang de'i gnas su gyur pa la sogs pa la sgo thams cad nas rab tu gus pa dang/ nyon mongs pa'i tshogs ma lus pa rim gyis sel bar byed pa dang/ phyi dang nang gi gnod pa dang 'tshe ba thams cad bzlog pa dang/ byang chub thob par byed pa'i rgyu'i tshogs thams cad rab tu brtan zhing rgyas par byed pa dang/ sgom pa po la sogs pa'i rten dag gang du gnas pa'i sa'ang mchod pa'i zhing nyid du byed pa'o/ ! /bsgom pa'i lam de nyid rdzogs pa sa bcu pa'i khyad par gyi lam gyi dbang du byas nas/ skal pa mtha' yas dpag med tshogs rdzogs pas/ /bsgom pa mthar phyin tha ma thob nas ni; ;dbang bskur dbang mchog ldan pa'i rgyal sras kyis/ /rtog pas mi shigs rdo rje lta bu yi/ /ting 'dzin dam pa sangs rgyas nyid la ni/ /bar chad med pa bsod nams dpe med ldan/ /dmiD pa dngos med dran pa'i bdag po las/ /rang bzhin gyis ni rab zhi'i rnam pa can/ /mtshan mar lta ba'i log rtog bcu drug sogs/ /sgrib tshogs ma lus gtan bcad gyur pa'o/ /'di ni bskal pa chen po grangs med pa gsum gyis tshogs gnyis thams cad nas thams cad du yongs su rdzogs par byas pa'i nye bar @467a ston pa las/ lam bsgom pa thams cad mthar phyin pa'i tha mar gyur pa'i ting nge 'dzin dam pa thob nas/ dbang bskur ba chen po thob pa'i byang chub sems dpa' dbang gi mchog dang ldan pas/ rdo rje lta bu'i ting nge 'dzin ces brjod pa'i snang ba med pa'i shes rab chen po ste/ dper na rdo rje rin po che ni de las gzhan nor bu dang mu tig dang bai DUrya la sogs pa rin po che thams cad kyi gtso bo dang mchog tu gyur pas thams cad pas sra ba brtan pa/ thams cad 'bigs par nas shing de ni gzhan gyi mi phigs pa ltar/ 'di'ang slob pa'i lam thams cad kyi gtso bo dang mchog tu gyur pa sra ba brtan pas sgrib pa thams cad zil gyis gnon cing sgrib pa thams cad kyis ni zil gyis mi non pas rdo rje lta bur brjod pa thob pa'o/ / de ni sangs rgyas nyid la sems gzhan gyis bar du ma chod pa lam gyi mtha' yin pas bar chad med pa'i ting nge 'dzin du gsungs pa ste/ 'di'i bsod nams 'phel ba ni bskyod du med par khyad zhugs pas na/ stong gsum skye bo nyan thos dang/ /bse ru'i rtogs pa phun tshogs dang/ /byang chub sems dpa'i skyon med la/ /bkod pa'i dge rnams dper mdzad nas/ /bsod nams mang po nyid kyis ni/ /sangs rgyas nyid thob par med de/ /bar chad med pa'i ting nge 'dzin/ /ces gang gsungs pa'o/ /yang grangs med gnyis ni rdzogs pa yis/ /bsgom pa yi ni mthar phyin te/ /bsgom pa tha ma thob nas ni/ /byang chub sems dpar dbang bskur bar/ /rdo rje lta bu'i ting nge 'dzin/ /rtog pas mi shigs thob pa'o/ /zhes so/ /de'i rkyen tshang ba'i khyad par ni dngos po med pa zhes bya ba med pa'i chos dang ldan pa gzugs la sogs pa'i chos thams cad la dmigs nas/ lam shin tu bsgoms par gyur pa'i bdag nyid mnyam par 'jog ka'i dran pa'i bdag pos dmigs pa de'i khyad par la gtad de/ rang bzhin gyis spros pa thams cad rab tu zhi @467b ba'i rnam pa goms pa mthar thug pa nyid las skye ba'o/ /des na/ 'di yi dmigs pa dngos med de/ /bdag po dran pa yin par 'dod/ /rnam pa zhi nyid ces gsungs pa'o/ /spangs pa'i khyad par ni mtshan mar dmigs pa'i lta ba ngan pa'i dug mi bzad pas blo shin tu ma rungs par byas pa rnams kyi log par rtog pa bcu drug la sogs pa phyin ci log gi sa bon shin tu phra ba thams cad kyang drung nas phyung bas sgrib pa'i dra ba thams cad rab tu log par gyur ba'o/ ! /sa rnam par bzhag pa'i dbang du byas nas rang bzhin dang dbye ba spyir bstan pa ni/ zag med lam gyi ye shes gnyis po nyid/ /ye shes gong nas gong dang yon tan tshogs/ /skye dang gnas dang 'phel ba'i rten gyur las/ /sa bcu rim gyis 'thob pas mthar thug byed/ /rab tu dga' dang dri med 'od byed dang/ /'od 'phro shin tu sbyang dka' mngon du gyur/ /ring song mi g.yo legs pa'i blo gros can/ /chos kyi sprin zhes bya ba rnam bcu'o/ /spyir ni sa dang gnas pa bcu gcig dang bcu gnyis bcu gsum du'ang gsungs te/ 'di rnams kyi mthar sangs rgyas kyi sa kun tu 'od dang bcas pas ni bcu gcig go /de rnams kyi sngon du mos pa spyod pa'i sa dang bcas pas ni bcu gnyis so/ /de'i 'og tu rigs kyi sa dang bcas pas ni bcu gsum mo/ /'on kyang lam gyi ye shes kyi gtso bor bgrang ba ni bcu po 'di nyid de/ snga ma gnyis ni sa bon nam sbyor ba tsam yin la/ phyi ma'ang 'bras bur gyur ba nyid kyis so// de'ang sngar bshad pa 'jig rten las 'das pa'i ye shes gnyis po nyid ye shes gong ma gong ma dag dang/ de la brten pa'i yon tan gyi tshogs rnams skye ba dang/ gnas pa dang 'phel ba'i rten byed pa las byang chub sems dpa'i sa rab tu dga' ba nas chos kyi sprin gyi bar rnam pa bcur bzhag pa ste/ go rim ni ji ltar skye ba'i rim pa nyid yin la/ grangs kyang 'di tsam gyis 'jig rten las 'das pa'i lam yongs @468a su rdzogs pa 'grub pa ma tshang ba med pas nges pa'o/ /dbye ba'i rgyu mtshan ni mi mthun pa'i phyogs rnam pa bcu'i gnyen po'i dbang du byas pa'i phyir te/ so so'i skye bo nyid dang/ lus la sogs pas sems can la log par bsgrub pa dang/ thos pa dang bsam pa dang sgom pa'i chos rnams brjed pas mun pa'i tshul can nyid dang/ 'jig tshogs la lta ba la sogs pa nyon mongs pa lhan cig skyes pa phra ba kun tu 'byung ba'i phyir dang/ rang gi yid la byed pa la dmigs pa'i phyir dang/ kun tu 'byung ba ring du song ba'i phyir phra bar rig par bya ba dang/ theg pa dman pas mya ngan las 'da' ba dang/ mtshan ma rags pa kun tu 'byung ba dang/ mtshan ma phra ba kun tu 'byung ba dang/ mtshan ma med pa nyid du mngon par 'du byed pa dang/ sems can gyi don bya ba la mngon par 'du byed pa dang/ chos rnams la dbang ma thob pa'o/ /de nyid kyi phyir sgrib pa dang bcas pas na 'khor los bsgyur ba la sogs pa mngal na gnas pa'i gnas skabs bcu dang chos mthun pa las kyang rim pa bzhin te/ mer mer po dang/ nur nur po dang/ ltar ltar po dang/ sha mkhrang ba dang/ lus dang mthun pa dang/ rang bzhin dang mthun pa dang/ las dang bcas pa'i lus kyi gnas skabs bdun dang/ yongs su rdzogs pa'i lus kyi gnas skabs gsum ste/ dbang po dang/ mtshan dang/ chu zhed yongs su rdzogs pa'o/ /des na sangs rgyas kyi gnas skabs ni btsas pa na dbang po'i spyod yul thams cad nyams su myong ba lta bu ste/ 'bras bu yongs su grub pas shes bya'i spyod yul thams cad nyams su myong ba'i phyir ro/ /'di rnams pha rol tu phyin pa bcu dang bcas pa ni/ theg pa chen po thun mong ma yin pa'i bgrod pa ste/ de'ang mthong lam ni yang dag par na sa dang po'i yang thog ma nyid yin pas de'i rgyun phyi ma dang bcas pa'i sa dgu ni sgom lam nyid do/ /'on kyang tha snyad sla ba nyid kyis sa dang po @468b mthong lam dang lhag ma sgom lam du gsungs pa'o/ ! /sa so sor bshad pa las sdom du bsdu ba ni/ 'di dag so so'i mtshan nyid gang zag dang/ /rnam par gtan dbab sgom dang phan yon dang/ /rtags dang nges tshigs mi mthun gnyen pos dbye/ /ting 'dzin gzungs dang dpe yis rnam par bzhag /'di dag so so'i mtshan nyid dang/ de la gang zag gi dbye ba bcu bzhi dang/ rnam pa dang rtags dang mtshan mas rnam par gtan la dbab pa dang/ bsgom pa rnam pa lnga dang/ phan yon lnga dang rtags kyi rab tu dbye ba dang/ nges pa'i tshig dang/ mi mthun pa'i phyogs dang/ gnyen po'i phyogs dang/ ting nge 'dzin gyi khyad par dang/ gzungs kyi khyad par dang/ dpes mtshon pa ste bcu gnyis kyis rgya cher rnam par bzhag go ! /de la sa so so'i mtshan nyid ni/ de nyid mchog rtogs las chud mi zas gnas/ /ting 'dzin bde la dbang bsgyur byang chub phyogs// srid par yongs bsngo nyon mongs can min par/ /sems can smin byed bsam bzhin skye ba na/ /nyon mongs rjes bsrungs bgrod cig lam dang 'brel/ / mtshan med gcig pu nges dang de la ni/ /lhun gyis grub gnas sangs rgyas zhing spyod dang// sems can smin byed sgo gnyis rnam dag pa'o/ /sa dang po'i mtshan nyid ni stong pa nyid mchog tu mngon par rtogs pas de kho na dang por mthong ba ste gang zag dang chos bdag med pa mngon par rtogs pa'i phyir ro/ /de bzhin du gnyis pa ni de ltar stong pa nyid mthong yang kun rdzob tu las 'bras mngon sum du gyur pas de phra ba yang chud mi za ba la yid ches pa la gnas pa ste/ dge ba dang mi dge ba'i las kyi lam dang de'i 'bras bu sna tshogs shes pa'i phyir ro/ /gsum pa ni bsam gtan gyis bde ba phul du byung bas gnas shing 'bras bu la dbang bsgyur bas de dag las ma nyams bzhin du 'dod pa'i khams su skye ba'o/ /bzhi pa ni gcig tu srid pa la sdang ba'i byang @469a chub kyi phyogs dang mthun pas mang du gnas kyang thabs la mkhas pas snying rjes 'gro ba 'khyud de dag 'khor bar bsngo bas gzhan don du sbyor ba la mi skyo ba'o/ /lnga pa ni bden pa bzhi shes pas mang du gnas pa las rang gi sems la nyon mongs pa med pas yongs su dag cing/ gzhan rjes su 'dzin pa'i yan lag thob pas sems can smin par byed pa ste bstan bcos dang bzo sna tshogs rnam par 'byed pa'i phyir ro/ /drug pa ni rten 'brel shes pas mang du gnas pas bsams bzhin du srid par skye zhing der kun nas nyon mongs pa rjes su bsrung ba'i phyir skye ba yongs su dag pa thob pa'o// bdun pa ni rigs nges shing mtshungs pa thob pa bgrod pa gcig pa'i lam sa brgyad pa dngos su bskyed cing/ mtshan ma med pa la gcig tu nges pa rtsol ba dang bcas pa'i lam thob pa'o/ /brgyad pa ni ngar 'dzin log pas mtshan ma med pa la dbang 'byor cing lhun gyis grub pas gnas pa dang sangs rgyas kyi zhing sbyong ba yang thob pa'o/ /dgu pa ni so so yang dag par rig pa la sogs pa yon tan la dbang bas sems can yongs su smin par byed pa ste/ smra ba'i skyes bur gyur pas rnam pa thams cad du sems can smin par nus pa'i phyir ro/ /sa bcu pa'i mtshan nyid ni 'phrin las la dbang bas ting nge 'dzin dang gzungs kyi sgo rnam par dag pa'i phyir chos la mnga' brnyes pa'o/ ! /sa bcu po de la gang zag bcu bzhi rnam par bzhag pa ni/ byang chub sems dpa' lta dang tshul khrims sems/ /rnam dag chos dang rgyud dang kun nyon mongs/ /rnam byang tha dad nga spangs skad cig pa'i/ /blo thob btang snyoms zhing sbyong sems can smin/ /mthu che lus yongs rdzogs shing nges par ston/ /sangs rgyas kun las dbang gi mchog thob pa'o/ /sa dang po la ni gang zag dang chos su blta ba'i gnyen po ye shes thob pa'i phyir lta ba rnam par dag pa'i byang chub sems dpa' zhes rnam par bzhag go /gnyis pa la ni ltung ba phra mo'ang mi spyod pas tshul @469b khrims rnam par dag par ro/ /gsum pa la ni tshe 'phos kyang bsam gtan dang ting nge 'dzin las mi nyams pas sems rnam par dag pa mnyam par bzhag par ro/ /bzhi pa la sogs pa gsum la ni shes rab rnam par dag pas nga rgyal gsum spangs pa ste/ mdo la sogs pa'i chos la tha dad pa dang/ bsam pa dag pa mnyam pa nyid bcus thams cad mnyam pa nyid du 'jug pa'i phyir rgyud tha dad pa dang/ rten 'brel gyi de bzhin nyid shes pas dkar nag gi phyogs gnyis kyi de bzhin nyid la kun nas nyon mongs pa dang rnam par byang bar mi lta ba'i phyir rang bzhin gyis rnam par dag pas na de gnyis tha dad pa'i nga rgyal med pa'o/ /bdun pa la ni skad cig gcig pa'i blo thob pa ste mtshan ma med pa la gnas pa'i mthus byang chub kyi phyogs kyi chos sum cu rtsa bdun la sogs pa skad cig re rer sgom par nus pa'i phyir ro/ /brgyad pa la ni gnyis te/ lhun gyis grub par mtshan med pa la gnas shing phyir mi ldog pa'i sa thob pa rnams 'dres pa dang nye bar 'dres pa'i phyir btang snyoms pa dang/ sangs rgyas kyi zhing sbyong ba'o/ /dgu pa la ni sems can smin pa la mkhas pa'o/ /bcu pa la bzhi ste/ mngon par shes pa chen po thob pas mthu chen po dang/ sgo gnyis tshad med pas khyab pas lus yongs su rdzogs pa dang/ dga' ldan na nas pa la sogs pa'i sprul pa ston pas lus nges par ston pa la mkhas pa dang/ sangs rgyas thams cad las dbang bskur ba thob pas dbang bskur ba'i byang chub sems dpa' zhes bya'o/ ! /rnam par gtan la dbab pa ni so so'i rnam pa dang rtags dang mtshan ma la sogs pa rgya cher dpyad pa ste/ 'di la sa dang po rab tu dga' ba'i dbang du byas nas rang bzhin dang khyad par rnam par bzhag pa gnyis so/ /dang po la yang gnas pa'i khyad par ni bzhi ste/ rten dang ched du bya ba dang rgyu dang ngo bo nyid de/ gnas gang yod na dang/ gang gi phyir dang/ gzhi gang yin pa dang/ ci 'dra ba'i sems skye bas sa dang po la gnas @470a par 'gyur ba zhes bya bas so/ /de la rten ni/ tshul khrims ting 'dzin 'khor bcas legs byas dang/ /thos bsam sgom pa'i sbyor ba legs bsags dang/ /de nyid rtogs bsam rnam dag lhag bsam rgyas/ /mos dang brtse ba mngon gyur rten du brjod/ /dge ba'i rtsa ba shin tu bsags pa dbye ba dgu dang bcas pa bcu las skal ldan du gyur pa'o/ /'di la gnyis te bslab pa gsum la bslabs pa dang/ thun mong ma yin pa'i bsam pas rab tu phye ba'o/ /dang po la tshul khrims la bslabs pa ni tshul khrims 'khor dang bcas pa legs par byas pas tshogs shin tu bsags pa'o/ /sems la bslabs pa ni ting nge 'dzin 'khor dang bcas pa legs par byas pas spyad pa shin tu spyad pa'o/ /shes rab la bslabs pa bzhi ste/ thos pa las byung ba legs par bsags pas sangs rgyas la shin tu bsnyen bkur byas pa dang/ bsam pa las byung bas sbyin pa la sogs pa bsags pa dkar po'i chos shin tu bsags pa dang/ de kho na rtogs pa'i sbyor ba bsgom pa'i gdams ngag legs par bzung ba dge ba'i bshes gnyen shin tu bzung ba dang/ de kho na rtogs pa'i bsam pa rnam par dag pa bsags pa bsam pa shin tu rnam par dag pa'o/ /gnyis pa ni sems can gyi don bya ba'i lhag pa'i bsam pa rgyas pas/ lhag pa'i bsam pa rgya chen po dang ldan pa dang thams cad mkhyen pa 'dod pa'i mos pa bsags pas rgya chen po la mos pa dang ldan pa dang/ snying rje la mang du gnas pa bsags pas snying brtse ba mngon du gyur pa'o/ ! /ched du bya ba ni/ sangs rgyas ye shes stobs dang mi 'jigs dang/ /mnyam nyid yongs skyob rnam par sbyong ba dang/ /ma lus mkhyen dang zhing spyod thugs chud dang/ /chos kyi 'khor lo'i ye shes thob phyir ro/ /sangs rgyas kyi ye shes bla na med pa las dgu dang bcas pa bcu 'dod pas sems de skye ba ste/ stobs bcu'i stobs thob pa'i ye shes dris pa'i lan theb @470b pa'i las can dang/ mi 'jigs pa chen po thob pas phas kyi rgol ba tshar gcod pa dang/ sangs rgyas kyi chos mnyam pa nyid kyis bdag med gnyis kyi gdams ngag sbyin pa dang/ 'gro ba skyob pas bsdu ba bzhis sems can smin par byed pa dang/ brtse ba chen po rnam par sbyong bas de'i gzhi yongs su sbyong ba dang/ phyogs bcu ma lus pa mkhyen pas sangs rgyas kyi spyan gyis 'jig rten la lan drug tu gzigs pa dang/ sangs rgyas kyi zhing thams cad thogs pa med par sbyong bas zhing kun tu thogs pa med par sprul pa 'jug pa dang/ dus gsum skad cig gis thugs su chud pas sems can gyi bsam pa dang bag la nyal mkhyen pa dang/ chos kyi 'khor lo bskor ba'i ye shes 'dzam bu'i gling bye ba phrag brgyar chos kyi 'khor lo bskor ba'i thabs mkhas pa'i las can no/ ! /rgyu ni/ snying rje chen po dbang gyur yongs 'dzin dang/ /rab rton dpag med shin tu rnam 'byed dang/ /rjes mthun yang dag tshol dang dam pa dang/ /gnas pa mkhar phyin chen po'i rgyu las so/ /snying rje chen po bye brag dgu dang bcas pa/ bcu ste dbang du gyur pa chen po phra ba'i sdug bsngal shes pa'i shes rab dang ye shes kyi dbang du gyur pa dang/ sems can bskyab ypa'i thabs mkhas pas yongs su zin pa chen po dang/ 'khor ba srid du sems can gyi don byed pa'i lhag pa'i bsam pas rab tu rton pa chen po dang/ sangs rgyas kyi stobs dpag tu med pa'i 'bras bu 'dzin pas dpag tu med pa chen po dang/ rgya chen po la mos pa dang zab mo shes pas rnam par 'byed pa chen po dang/ rang byung gi ye shes dang rjes su mthun pa chen po dang/ sangs rgyas kyi chos thams cad la khyad par du 'gro ba'i gdams ngag yang dag par tshol ba chen po dang/ chos kyi dbyings shin tu rgyas pas yon tan 'dzin pas dam pa chen po dang/ 'bras bu yid du 'ong ba'i rgyu zad mi shes pa dang mya ngan las 'das pa la gzhol bas nam mkha'i khams kyi mthas @471a @#/ /gtugs pa phyi ma'i mtha'i mur thug pa gnas pa dang mthar phyin pa chen po'o/ ! /ngo bo nyid ni/ byis pa'i sa las 'das pa zhugs pa dang/ /rigs dang gnad smad 'gro dang chos nyid dang/ /gnas pa dang ni mnyam nyid nges pa yi/ /shin tu ? 'das las 'phags lam thob pa'o/ /sems de skyes ma thag tu so so'i skye bo'i sa las shin tu 'das pa 'jig rten las 'das pa'i lam thob pa'o/ /de'ang brgyad kyis te/ zhugs pas shin tu 'das pa mngal du zhugs pa ltar 'jig rten pa'i las 'das pa'i sems dang pos byang chub sems dpa'i skyon med par zhugs pa dang/ rigs kyis 'das pa rigs su skyes pa ltar sangs rgyas kyi rigs su skyes pa dang/ gnad smad pa las 'das pa rigs 'dra ba'i bu ltar theg pa chen po spyod pa las skyes pas gnad ma smad pa dang/ ? 'gro ba la 'das pa 'gro ba gzhan du skyes pa ltar 'jig rten pa'i 'gro ba las phyir ldog pa dang/ 'jig rten las 'das pa'i 'gro bar zhugs pa gnyis kyis dang/ chos nyid kyis 'das pa lus kyi rang bzhin ltar snying rjes gzhan don rang don du byed pa byang chub sems dpa'i chos nyid la gnas pa dang/ gnas pas 'das pa bcos ? nas gnas pa ltar 'khor ba mi gtong la nyon mongs pa med pa la gnas pas byang chub sems dpa'i gnas la gnas pa dang/ mnyam pa nyid kyis 'das pa btsas nas 'tsho ba ltar stong pa nyid rtogs pa 'phags pa'i shes rab kyis dus gsum mnyam pa nyid rtogs pa dang/ nges pas shin tu 'das pa phun sum tshogs pa ltar de bzhin nyid kyi rigs las mi nyams pas der nges zhing rdzogs pa'i byang chub la gzhol ba'o/ /de ltar na 'jig rten pa dang thun mong ma yin ? sogs pa nyon mongs pa med pa las mi 'dra bar yang bstan te/ kye rgyal ba'i sras 'di lta bu la gnas pa'i byang chub sems dpa' ni sa rab tu dga' ba la ni mi gnas pa'i tshul gyis gnas pa'o zhes so/ ! /sa de'i nges pa'i tshig ni mchog tu dga' ba mang bas rab tu @471b dga' ba ste/ mchog tu dga' ba'i rang bzhin bcu dang dmigs pa nyi shu yin pas na/ mchog tu dga' ba mang ba rnam bcu dang/ /de yi dmigs pa ma 'ongs thob bya bcu/ /da ltar thob pa bcu la dmigs pa yis/ /phyir zhing rab tu dga' dang ldan phyir ro/ ? mchog tu dga' ba ni sems mgu ba dang yid bde ba dang yi rangs pa'o/ /de'ang bcu ste/ khyad par dgus mchog tu dga' ba de nyid bsgrub pas so/ /'di ltar dkon mchog gsum la dang ba mang ba dang/ dmigs pa la dga' bas tshim pas dga' ba mang ba dang/ rtogs pa'i khyad par gyis rangs pa mang ba dang/ lus dang sems brtas par byas pas mgu ba mang ba dang/ khyad par du phan btags pas dga' rlabs mang ba dang/ byang chub la nye bar gyur pas spros pa mang ba dang/ 'bel ba'i gtam la 'bebs pa na mi 'khrugs pa mang ba dang/ sems can sdug pa'i snying brtses 'tshe ba med pa mang ba dang/ de la log par zhugs pa la'ang bzod pa mang ba'o/ /dmigs pa gang gis dga' ba la gnyis las ma 'ongs pa na 'thob par bya ba ni sangs rgyas rjes su dran pa ste/ sangs rgyas ci 'dra ba bdag kyang 'gyur bar yid la byed pa'o/ /de'ang rnam pa dgu las te/ sangs rgyas kyis chos rnams las dang/ de'i rigs byang chub sems dpa' dang de'i spyod pa gnyis las dang/ sa khyad par can las dang/ mi 'phrogs pa nyid las dang/ sangs rgyas kyi gdams ngag rjes su bstan pa las dang/ sems can gyi don thob par byed pa las dang/ sangs rgyas kyi ye shes la 'jug pa'i sbyor ba rjes su dran pa las sangs rgyas dran pas dga' ba'o/ /da ltar thob pa'i dmigs pa bcu las dbye ba dngos ni so so'i skye bo thams cad kyi longs spyod las phyir log pas de'i yul thams cad las log pa'o/ /log pa de'ang rnam pa dgus te/ 'jug pas log pa ni bdag sangs rgyas dang nye bar zhugs pas so/ /ring bas ni byis pa'i sa las bsrings pas so/ /nye bas ni ye shes kyi sa dang bsnyen pas so/ /rgyun chad ? pas ni ? @472a @#/ /ngan song thams cad rgyun chad pas so/ /rton pas ni sems can thams cad kyi rton par gyur pas so/ /mthong ba dang nye ba ni sangs rgyas rnams mthong ba dang nye bar gyur pas so/ /byung bas ni sangs rgyas kyi yul la yang dag par byung bas so/ /mnyam pa nyid kyis ni byang chub sems dpa' thams cad dang mnyam pas so/ /bral ba'i phyir log pa ni bdag 'jigs pa dang sdang ba dang bag tsha ba dang/ bral bas so/ ! /'jigs pa dang bral ba bshad pa ni/ 'tsho ba tshigs bcad med dang 'chi ba dang/ /ngan 'gro 'khor du bag tsho'i 'jigs dang bral/ /'jigs pa lnga las dang po gnyis dang tha ma ni lus dang ngag dang yid kyis myong ba'i rten can no/ /gzhan gnyis ni lus kyi rten can te/ 'dod pa'i bde 'gro dang bral ba dang/ mi 'dod ngan 'gro dang 'phrad pas so/ /brdeg pa dang 'ching ba la sogs pa thams cad kyang bsdus pa'o/ /'jigs pa'i gzhi ni gnyis te/ log pa'i shes pa la zhen pa 'du shes dang lta ba dang sred pa la zhen pa dang/ dge ba'i rtsa ba chung ba'o/ /de dag gi gnyen po ni bdag gi 'du shes dang bral bas bdag 'phangs par yang mi sems na/ yo byad thams cad phangs par ga la sems pas 'tsho ba med pas 'jigs pa dang bral lo/ /su la'ang rim gro cung zad kyang mi re'i bdag gis thams cad la yo byad thams cad kyis sdud par sems pas tshigs bcad med pa'i 'jigs pa dang bral lo/ /bdag tu lta ba dang bral bas bdag gi 'du shes kyang med pa na 'chi ba'i 'jigs pa dang bral lo/ /bdag shi nas kyang nges par sangs rgyas dang byang chub sems dpa' rnams dang mi 'bral bar shes pas ngan song gi 'jigs pa dang bral lo/ /bdag gi bsam pa dang mtshungs pa'ang 'jig rten na su'ang med na lhag pa lta ci smos snyam pas 'khor du bag tsha ba'i 'jigs pa dang bral ba'o/ /'di dag ni sa'i mi mthun phyogs spangs pa'i legs pa'i khyad par ro/ ! /rab tu gnas pa ni/ brtse ba chen pos bsam sbyor bsngo ba gsum/ /phun sum tshogs pa'i dge ba bsgrub la brtson/ / @472b byang chub sems dpa' 'jigs pa med pa ni sngon du 'gro ba'i lhag pa'i bsam pas dge ba'i rtsa ba thams cad bsdu bar brtson pa'o/ /bsam pa phun sum tshogs pa ni dad pa'i dbang dbye ba dgu dang bcas pa bcu ste/ dkon mchog gsum la dang ba mang ba dang/ bdag gi rtog pa la mos pa rnam par dag pa dang/ gzhan gyi rtog pa la srid par 'dzin pa dang/ sems can smin par byed pa'i snying rje bsgrub pa dang/ byams pa chen po dang ldan pa dang/ sems can smin pa yun ring bas mi skyo ba dang/ ser sna la sogs pa la 'dzem pas ngo tsha shes pa dang khrel yod pa'i rgyan dang/ chos mthun pa la mtho mi 'tsham pas bzod pa dang des ? pa dang ldan pa dang/ sangs rgyas kyi bstan pa la gus shing rim gro byed pa'i phyir ro/ /sbyor ba phun sum tshogs pa ni nyin mtshan du dge ba'i rtsa ba sogs pa rgyun mi chad par brtson pas mi ngoms pa ste/ sogs pa rnam pa brgyad dang bcas pa'o/ /chud mi za ba'i phyir dge ba'i bshes gnyen bsten pa dang bsnyen bkur byed pas bsten pa sogs pa dang/ 'bel gtam gtan la 'bebs pa la dga' bas cho kyi kun dga' la dga' ba sogs pa dang ? tshol bas mi ngoms pas mang du thos pa sogs pa dang/ thos pa'i cho la tshul bzhin rtog pas bsam pa sogs pa dang/ yid gang la'ang mi gnas pas bsgom pa sogs pa dang/ bslab pa'i bar chad rnyed pa la sogs pa spong bas ma chags pa sogs pa dang/ yod byad la phangs par mi 'dzin pas mngon par dga' ba med pa sogs pa dang/ 'jig rten las 'das pa'i sems rgyun mi chad par byed pas sems bskyed pa rin po che la ngoms pa med pa sogs pa'o/ /bsngo ba phun sum tshogs pa ni thams cad mkhyen pa nyid 'dod pa yan lag bcu gcig dang bcas pa ste/ sangs rgyas kyi stobs la sogs pa 'dod pa dang/ pha rol tu phyin pa rnam par dag pa dang/ sbyin pa'i dri ma g.yo sgyu spangs te ji skad smra ba bzhin byed pa dang/ tshul khrims kyi dri ma spangs @473a @#/ /pas bden tshig lhur len pa dang/ bzod pa'i dri ma gzhan la mtho 'tsham pa spangs pas sangs rgyas kyi rigs sun par mi byed pa dang/ brtson 'grus kyi dri ma dka' ba'i spyod pa la spro ba nyams pa spangs pas bslab pa mi 'dor ba dang/ bsam gtan gyi dri ma rnam par g.yeng ba dang de'i rgyus zil gyis non pa gnyis spangs pas/ thams cad mkhyen pa'i sems ri rab ltar mi g.yo ba dang/ shes rab kyi dri ma gsum po srid zhir lhung ba dang 'dor bas thabs mi mkhas pa dang/ lam gyi tshogs mi sogs pa dang/ khyad par thob pas chog par 'dzin pa spangs pas/ rim pa bzhin srid pa mi 'dor zhing zhi ba'i lam dang yang ldan par dang/ byang chub kyi yan lag gi tshogs kyis ngoms mi shes par sogs pa dang/ rtag tu gong nas gong du khyad par 'phags pa tshol bas thams cad mkhyen pa 'dod pa'o// de dag ni sa sbyong ba'i chos 'di lta bus rab tu dga' ba la rab tu gnas pa'o zhes bstan pa'o/ ! /nyan thos la sogs pa las khyad par du 'phags pa las 'dun pa'i khyad par smon lam chen po bcu ni/ ston pa mchod dang chos bzung thad 'gro dang/ /spyod mchog bsgrub dang sems can smin bya dang/ /'jig rten kun 'jug zhing sbyang theg chen bsgrub/ /spyod kun don yod rgyal mdzad bsgrub smon pa'o/ /dang po ni bsod nams kyi tshogs rdzogs par byed pa ste chos sku dang gzugs sku dang kun rdzob pa'i sangs rgyas gsum la/ rnyed pa na bza' dang zhal zas la sogs pa dang/ bkur sti gdugs dang rgyal mtshan la sogs pa dang/ bsgrub pa dad pa la sogs pa rgyun mi chad par mchod par smon pa'o/ /gnyis pa ni ye shes kyi tshogs rdzogs par byed pa ste/ dam pa'i chos gsum po gsung rab kyi chos rnams len pa dang 'dzin pa la sogs pas dang/ thob pa'i chos byang chub gsum thob par bya ba'i gdams ngag gi sgo nas dang bsgrub pa'i chos thub pa'i bstan pa de bsgrub pa la gnod pa bsrung bas bzung bar ro/ /de nas lnga ni sems @473b can smin par byed pa ste/ rten ci 'dra bas ni sprul pa'i sangs rgyas dga' ldan na bzhugs pa nas mya ngan las 'das pa'i bar 'byung ba thams cad kyi drung du 'gro zhing 'phrin las de dag sgrub par byed pa ro/ /sems ji 'dra bas ni pha rol tu phyin pa bsdus pas sa spyod pa'i spyod pa thams cad kyi gdam ngag sbyin par sems bskyed pa brtan par bsgrub par ro/ /sems can gang smin pa ni 'gro ba dang skye gnas la sogs pa thams cad kyis bsdus pa'i sems can ma lus pa chos la gzung cing smin pa dang grol bar bya bar ro/ / gang na gnas pa ni 'jig rten gyi khams rgyas pa dang tha gru che ba la sogs pa ma lus par 'jug pa khong du chud cing mngon sum du bya bar ro/ /gang du gnas nas smin par byed pa ni sangs rgyas kyi zhing thams cad zhing gcig dang gcig ltar mnyam par 'od dang rgyan dang longs spyod la sogs pa rmad du byung bas bde bar longs spyod par ro/ /tha ma gsum ni bdag nyid sa'i khyad par thob par smon pa byang chub sems dpa' thams cad dang bsam pa dang sbyor ba gcig pas 'gran zla med pas dge ba bsag pa la sogs pa'i phyir theg pa chen po rgyun ma chad pa dang/ byang chub sems dpa'i sa mthar phyin par smon pa phyir mi ldog pa'i 'khor lo la gnas pa'i byang chub sems dpa'i spyod pas lus dang ngag dang yid kyi spyod pa thams cad don yod par bya ba dang/ thams cad kyi mthar phyin par smon pa mngon par rdzogs par sangs rgyas nas 'phrin las thams cad bsgrub pas theg pa chen po ma lus par mngon par bsgrub pa'o/ /de ltar thob bya'i don la smon pa'i smon lam de dag nyid la dmigs pa'i spyod ? lam gnyis pas/ sems can gyi khams dang 'jig rten gyi khams kyi mthar thug par/ bdag gi smon lam chen po 'di dag thob pa dang mi brjod par gyur cig ces smon par byed de/ 'di dag ni re re yang yang dag par smon lam 'bum phrag grangs med pa dang ldan pas/ sa 'di la smon @474a @#/ /lam 'bum phrag grangs med pa bcu thob par gsungs pa'o/ ! /sgrub pa'i khyad par ni dang dang snying rje byams dang gtong ba dang/ /skyo med bstan bcos shes dang 'jig rten shes/ /ngo tsha brtan dang sangs rgyas mchod pa ste/ /sa rnams sbyong byed bsgrub pa'i khyad par bcu'o/ /de ltar smon lam shin tu bsgrubs pas sems las su rung ba las brtson 'grus kyis sa yongs su sbyong ba'i chos bcu sgrub par byed de/ dad pa ni sangs rgyas kyi sngon gyi spyod pa la sogs pa yon tan tshad med pa la yid ches pa'o/ /snying rje ni phyin ci log las 'khor ba sdug bsngal gyi phung po chen po 'ba' zhig par 'khor zhing 'khyams pa khong du mi chud pa la brtse bas blta ba'o/ /byams pa ni de thams cad sdug bsngal las sgrol zhing thar pa la dgod par 'dod pa'o/ / gtong ba ni sems can bskyab pa'i bsam pa rlabs po ches phyi nang gi dngos po thams cad la mi blta bar gzhan la kun 'ged pa'o/ /mi skyo ba ni sems can gyi don du chos thams cad tshol ba la skyo ba med pa'o/ /bstan bcos shes pa ni mi skyo bas bstan bcos thams cad la 'jigs pa med par shes pa rnam par dag pa thob pa'o/ /'jig rten shes pa ni bstan bcos ji ltar shes pa de sems can rab 'bring tha ma rnams la bya ba dang bya ba ma yin pa shes pa'i don du ci rigs par bgo bsha' byed pa'o/ /ngo tsha shes pa dang khrel yod pa ni dus dang tshod dang ran par spyod cing 'dzem pas brgyan pas rang dang gzhan gyi don bsgrub pa'o/ /bstan pa ni sbyor ba de nyid la phyir mi ldog cing sran thub pa'i stobs thob pa'o/ /sangs rgyas mchod pa ni bstan pa thob pas rnyed pa dang bkur sti dang bsgrub pas mchod pa dang rim gro la brtson zhing bstan pa la yang nan tan byed pa'o/ ! /phan yon gyi khyad par las dge ba'i rtsa ba rnam par dag pas las su rung ba ni/ gser gyi sa le sbram lta'i dad sogs rnams/ /rnam dgod gsum gyis bsregs @474b ltar yongs dag byed/ /yon tan gyi zhing la dgod pa ni sa 'di la mthong ba rgya chen po dang/ smon lam gyi mthus sangs rgyas brgya phrag mang po nas bye ba khrag khrig 'bum phrag mang po'i bar snang ba la lhag pa'i bsam pa rgya chen pos bsti stang byed de btsun par byed pas ni bstod bkur bsngags pa'i yon tan brjod pa'o/ /ri mor byed pas ni gus par smra ba dang phyag la sogs pa'o/ /mchod pas ni me tog dang bdug pa la sogs pa 'bul ba'o/ /dge 'dun la'ang rim gro sna tshogs byed pas so/ /snying rje'i zhing la dgod pa ni sbyin pa la sogs pas sems can smin par byed pas so/ /bla na med pa'i 'bras bur dgod pa ni byang chub tu yongs su bsngo bas so/ /de gsum gyis ni gser sa le sbram mer bsregs pas rab tu byang zhing dag la las su rung ba ltar/ dad pa la sogs pas spong bar byed pa'i dge ba 'di dag kyang ches cher byad pa dang yongs su dad pa dang las su rung bar 'gyur ba'o/ /sa 'di pha rol tu phyin pa bcu las sbyin pa shas che ste lhag ma yang ci nas kyis mi sgrub pa ni ma yin no/ /bsdu ba bzhi las ni sbyin pa dang snyan smras shas che bas sems can smin par byed do/ ! /'jug pa'i phan yon ni/ sa yi phyogs la sbyangs pas ded dpon ltar/ /lam gyi tshul la mkhas pa'i ye shes dang/ /bsod nams ye shes brgyags ? tshogs phun tshogs pas/ /'gro rnams kun mkhyen grong khyer chen por sgral/ /byang chub sems dpa' des sa 'di nyid dang phyi ma dag gi'ang mi mthun pa dang gnyen po'i rnam pa dang/ thob bya ye shes dam pa dang/ rgyu mthun pa rjes la thob pa rnams dge ba'i bshes gnyen sangs rgyas la sogs pa las btsal zhing dri ba dang/ /dad pa la sogs ? pa yan lag rnams bsgrub pas ngoms mi shes par byams ? pa las/ ded dpon mkhas pas ? lam gyi yon tan dang gol sa'i nyes pa dang 'phar gnas la sogs pa shes pa'i blo dang brgyags kyi tshogs ? phun sum tshogs pas 'gron po @475a @#/ /phal po che 'brog dgon pa'i nyes pas ma gnod par grong khyer chen por phyin par byed pa ltar/ sa'i spang bya dang gnyen po la mkhas pa'i byang chub sems dpas kyang sa thams cad sbyangs nas sangs rgyas kyi sa gnon pa la mkhas par gyur pa dang/ sems can gyi 'gron po phal po che gdon pa'i bsam pa rlabs chen pos lam gyi yon tan dang gol sa'i nyes pa dang 'phar gnas la sogs pa ye shes kyis brtags pa dang/ tshogs chen po gnyis kyi brgyags kyis/ 'gro ba rnams smin par byas shing mthar gyis 'khor ba'i 'brog dgon pa nyam nga ba las bsgral te thams cad mkhyen pa'i ye shes kyi grong khyer du phyin par byed pa'i phyir ro/ /rnam par smin pa yongs su 'dzin pa'i phan yon ni skye ba dang mthu'i khyad par gnyis te/ phal cher 'dzam gling 'khor bsgyur dbang phyug 'gyur/ /sbyin sogs bsdu bas bdag gzhan yongs smin byed/ /ting nge 'dzin dang de yi byed pa'i mthu/ /rnam 'phrul brgya yis don chen kun sgrub byed/ /skye ba rgyu mthun pa dang bcas pa ni phal cher 'dzam bu gling gi bdag por gyur nas dbang phyug chen po'i dbang bsgyur bas dam pa'i chos bsrung ba dang/ sbyin pa gtso che ba'i bsdu bas sems can sdud cing ser sna bzlog pa la sogs pas smin par byed la/ dkon mchog gsum yid la byed pa la sogs pas na rang gi sangs rgyas kyi chos smin par byed pa'o/ /mthu'i khyad par ni 'dod na dbang phyug thams cad spangs nas rab tu byung ste/ ston pa'i bstan pa la gcig tu gzhol bas bsam gtan gtsor byed pa las skad cig thang cig yud tsam cig la'ang ting nge 'dzin brgya 'thob pa dang/ de'i las sangs rgyas brgya mthong ba dang/ 'jig rten gyi khams brgya g.yo ba dang/ zhing brgyar 'gro ba dang/ zhing brgya snang bar byed pa dang/ sems can brgya smin par byed pa dang/ bskal brgyar gnas pa dang/ chos kyi sgo brgya rnam par 'byed pa dang/ lus brgya ston pa dang/ lus re re la 'khor byang chub sems dpa' brgya dang ldan pa ston pa la sogs pa ste/ rnam 'phrul brgyas rang dang gzhan gyi don chen po sgrub par byed pa'o/ / @475b smon lam shes pa'i khyad par ni smon lam stobs can gyis rnam par brtse bas lus dang 'od dang rdzu 'phrul la sogs pa bskal pa bye ba khrag khrig 'bum phrag snyad du yang brjod par sla ba ma yin par gsungs pa'o/ ! /sa gnyis pa dri ma med pa ni chos mngon par rdzogs pa'i 'og tu tshul khrims rnam par dag pa'i dbang du byas nas rnam par bzhag pas/ tshul khrims kyi rgyu rnam par dag par ni sems kyi bsam pa bcu ste/ drang dang 'jam sogs sems kyi bsam pa bcus/ /tshul khrims rnam dag 'byung bar byed pa yin/ /drang ba'i bsam pa ni so sor ma brtags bzhin du rang gzhan gyis bgrod bya ji lta bar 'gro ba'o/ /de'ang rnam pa dgus te/ 'jam pas drang ba ni bde ba dang yid bde bas tshul khrims sgrub pa'o/ /las su rung bas ni rang gi ngang gis nyon mongs pa dang mi 'dre bas so/ /dul bas ni rta shin tu dul ba mi 'khyog par 'gro ba ltar brjed kyang 'khrul pa mi 'byung bas so/ /zhi bas ni nga rgyal gyis ma khengs pas so/ /dge bas ni 'khrug pa bzod pas so/ /ma 'dres pas ni de tsam gyis chog par mi 'dzin par ting nge 'dzin dag pa'i don du yang dben pa 'dod pas so/ /mi lta bas ni lus dang longs spyod la mi smon pas so/ /rlabs po ches ni sems can gyi don du srid brgyun mi chad par yang mi smon pas so/ /che ba nyid grang ba'i bsam pas ni de'i 'bras bu nyon mongs pa med pa nyid 'thob pas so// ! rang bzhin rnam par dag pa gsum las sdom pa'i tshul khrims ni/ rgyu dang gnyen pos 'bras bu spong ba yis/ /mi dge bcu sogs dri ma kun las ldog /mi dge ba bcu po re re'i yang rgyu spong ba dang/ gnyen pos spong ba dang/ 'bras bu gsum gsum gyi dri ma thams cad las ldog pa rab tu bstan pa ste/ srog gcod pa'i rgyu spong ba ni dbyig pa dang mtshon cha spong ba la sogs pa'o/ /gnyen pos spong ba ni/ srog chags thams cad la snying rje'i sems dang ldan pa'o/ /'bras bus spong ba ni kun tu rtog pa tsam gyis kyang sems can la mi 'tshe na lus ngag gis lta ci smos pas so/ /gzhan gyi'ang de ltar sa bcu pa'i mdo nyid las rgya cher blta'o/ / ! dge ba'i chos @476a @#/ /sdud pa ni/ de las 'bras bu gnod tshogs kun 'byung zhing/ /bde dang zhi dang bla med 'bras bu kun/ /dge ba yang dag blangs las 'byung bas na/ /bla med 'bras bu nyid phyir rab brtson bya/ /mi dge ba bcus ni ngan song gsum la sogs pa sdug bsngal thams cad bskyed la/ dge ba bcus ni bde 'gro la sogs pa bde ba thams cad skyed par byed do/ /de'ang nyan thos kyi theg par 'gyur ba ni nyi tshe ba'i bsam pas bdag nyi tshe'i don du dge ba chung ngu'i rgyu bsags pa dang/ khams gsum pa'i sdug bsngal gyis 'jigs pa dang/ snying rje med pas sems can la mi lta ba dang/ slob dpon gyi man ngag la brten pa dang/ sgra'i rjes su 'brang ba'i khyad par lnga dang ldan pa'i shes rab gsum bsgom pa dang lhan cig pas so/ /rang rgyal gyi lam du 'gro ba ni gzhan gyi dring mi 'jog par rang nyid 'tshang rgya bar 'dod pa dang snying rje dang thabs mkhas pa med pas chos 'chad pa la mi phyogs pa dang/ rkyen nyid 'di ba'i rten 'brel zab mo shin tu phra ba la mang du gnas pa'i khyad par gyis so/ /theg pa chen por 'gyur ba ni sems can thams cad kyi ched du dge ba thams cad bsgrub pa'i sems rgya chen po'i rgyu bsags pa dang/ snying rje dang thabs la mkhas pas sems can thams cad kyi sdug bsngal rgyu dang bcas pa sel ba'i dgos pa can dang/ bsdu ba bzhi'i thabs kyis de bsgrub par nus pa dang/ sa'i khyad par bzhi'o/ /'di la gsum ste/ lhag pa'i bsam pa dag pas ni smon lam chen po bcus phye ba'o/ /phyir mi ldog pa'i sa ni rab tu zhi bar gnas kyang sems ? can mi gtong ba'o/ /dbang bskur ba chen po'i sa ni sangs rgyas kyi ye shes shin tu rgyas par 'dod pa'o/ /de bas na bdag gis dge ba de dag nams kyang bsgrub dgos par 'dra ba la theg pa chen po rnam pa thams cad yongs su sbyang ba nyid la brtson par bya bar rigs so zhes bslab par bya'o/ ! snying rje la gnas par sems can gyi don byed pa'i tshul khrims kyi dbang du byas nas/ gnas skabs rnam smin rgyu mthun bye brag rnams/ /yangs shes bya zhing smon lam dam pa yis/ /rang gzhan dge ba @476b bsgrub la yang dag sbyor/ /de yi rgyu mthun 'gro la rjes brtse bskyed/ /rgyu mthun 'bras bu brtse ba'i khyad par gyis/ /bde legs kun la rab sbyor don gnyer ba'o/ /'di la lnga las yongs su shes pa'i khyad par la gsum ste/ gnas skabs kyi bye brag shes pa'i mi dge ba bcu rab 'bring tha ma bsten cing goms la mang du byas pas dmyal ba dang dud 'gro dang yi dwags su skye ba'o/ /rnam smin gyi bye brag ni thams cad kyi 'ang ? ngan song gsum las 'khrid pa'o/ /rgyu mthun gyi bye brag ni mir skyes na'ang tshe thung ba dang nad mang ba la sogs pa gnyis gnyis/ /smon lam gyi khyad par ni sems ? can gyi don 'dod pas dge ba bcu bsgrub pa'i ched du theg pa chen po'i chos la 'dun cing dga' bas gnas pa'o/ /bsgrub pa'i khyad par ni rang dang gzhan gnyi ga'i dge ba bcu la gnas shing ldog pa spong ba'i sbyor bas 'gro ba'o/ /rgyu mthun pa'i khyad par ni snying rje skyes pas de bas kyang shas cher sems can 'dzin pa'i sems bcu skyed ? pa ste sems can gyi ris brgyad la'o/ /'di ltar nyes par spyod pa la zhugs pa legs par spyod pa la zhugs par 'dod pa phan pa'i sems dang/ legs spyod la gnas pa de'i 'bras bu thob par 'dod pa bde ba'i sems dang/ reg mi 'phrod pa bzlum par 'dod pa byams pa'i sems dang/ sdug bsngal ba de dang bral bar 'dod pa brtse ba'i sems dang/ bde ba dag bag yod par 'dod pa snying rje'i sems dang/ mu stegs can bstan pa la gzhug 'dod pa phan gdags pa'i sems dang/ chos 'di la yongs su mi nyams par 'dod pa kun tu bsrung ba'i sems dang/ byang chub kyi sems bzung ba la bdag gi lus nyid du 'dzin pa mnyam pa'i sems dang/ de nyid theg pa chen po'i lam du zhugs pa dang tshogs gnyis rdzogs par 'dod pa slob dpon gyi sems dang ston pa'i sems so/ /rgyu mthun pa'i 'bras bu ni sems ? can lta ba ngan par lhung ba lam gol bar zhugs pa yang dag pa'i lta ba dang ma nor ba'i lam du gzhug par 'dod pa nas/ theg pa dman par lhung ba sangs rgyas kyi chos rgya chen po la dgod par 'dod pa'i bar rgya chen po rgya cher mdo las blta'o/ /phan yon ni phal cher snga ma bzhin @477a @#/ /te/ khyad par ni/ dge ba rnam par dag pa ni dper na gser de nyid nag tshur gyis bskus nas mer sregs na shas cher rnam par dag pas rang bzhin gyis 'od gsal ba ltar/ rang bzhin gyis tshul khrims rnam par dag pa la sogs pas dge ba'i rtsa ba de dag ches rnam par dag par 'gyur ba'o/ /ser sna dang 'chal ba'i tshul khrims kyi dri ma bsal bas pha rol tu phyin pa drug las tshul khrims shas che zhing bsdu ba ni snyan smra shas che ba'o/ /skye ba ni phal cher gling bzhi la dbang ba'i 'khor los bsgyur bar 'gyur te/ chos kyis dbang byed pa rin po che sna bdun dang ldan pa/ gtsor sems ? can gyi mi dge ba bcu bzlog cing dge ba bcu la dgod par mkhas pa'o/ /mthu ni stong dang ldan par rab tu blta'o// ! sa gsum pa la lhag pa'i sems kyi rang bzhin gyi dbang du byas nas 'dod chags dang bral bar sbyor ba'i rgyu ni/ dag dang brtan dang skyo ba'i sems la sogs/ /bsam pa yid byed rnam bcus sbyor bar byed/ /dag pa'i sems nyid mi nyams pas brtan pa dang/ mi mthun pa'i phyogs ma 'ongs pa sun 'byin pas skyo ba dang/ da ltar gyi spong bas 'dod chags dang bral ba dang/ rang gi theg pa mi 'dor bas mi ldog pa dang/ rang gi sa'i nyon mongs pas mi shigs pas sra ba dang/ snyoms 'jug la dbang thob pas sbyangs pa dang/ 'og mar skye ba dang ma nyams pa gnyis kyis bsam gtan zlog nus pas rang dbang dang/ der skyes kyang nyon mongs med pas rlabs po che dang/ gzhan gyi don du srid pa mi 'dor bas che ba nyid kyi sems kyi bsam pa yid la byed pa'o/ ! /'dod chags dang bral ba'i sbyor ba las kun nas nyon mongs pa las kun tu bsrung ba'i sbyor ba ni/ 'du byed thams ? cad mi rtag nyid dang ni/ /mngon du bsten bya min par so sor rtog /dang po ni rnam pa bcu ste/ mi rtag pa nyid dang/ mi sdug pa dang/ sdug bsngal ba dang/ yid brtan du mi rung ba dang/ rnam par 'jig pa dang/ ring du mi gnas pa dang/ skye 'gag skad cig pa dang/ sngon gyi mthar ma byung ba dang/ phyi ma'i mthar mi 'pho ba dang/ da ltar mi gnas par so sor ? rtog pa'o/ /gnyis @477b pa bcu ni mngon du bsten bya ma yin pa nyid dang/ rtag pa dang ther zug gi gnas med pa dang/ mya ngan dang bcas pa dang/ sme sngags 'don pa dang bcas pa dang/ 'khrug pa 'don pa dang bcas pa dang/ 'khrug pa dang bcas pa dang/ sdug pa dang mi sdug par 'brel ba dang/ sdug bsngal dang fyid ? mi bde ba dang 'khrug pa mang ba dang/ bsags pa med par 'gyur ba dang/ 'dod chags dang/ zhe sdang dang/ gti mug gi me rab tu 'bar ba dang/ nad du ma 'phel bas so// ! theg pa dman pa las kun tu bsrung ba'i sbyor ba ni/ sangs rgyas rjes dran 'gro la brtses skyob par ro ?/ / brtson pas theg dman 'jug las kun tu bsrung/ /rnam pa gsum gyis te/ sangs rgyas rjes su dran pas ni sangs rgyas kyi ye shes bsam gyis mi khyab pa dang/ mtshungs pa med pa dang/ dpag tu med pa dang/ rnyed dka' ba dang/ ma 'dres pa dang/ gnod pa med pa dang/ 'khrug pa med pa dang/ mi 'jigs pa'i grong khyer du 'gro ba dang/ phyir mi ldog pa dang/ skye bo mang po skyob par mthong bas so/ /sems can mi gtong ba'i snying rjes ni shas cher sems kyi bsam pa bcu nye bar 'jog pa ste/ mgon med pa nyid dang/ rtag tu dbul ba dang/ 'dod chags la sogs pa gsum gyi me 'bar ba dang/ srid pa'i btson rar chud pa dang/ nyon mongs pa'i 'thibs pos bsgribs pa dang/ lta ba'i mthu med pa dang/ dge ba'i chos la 'dun pa dang 'bral ba dang/ sangs rgyas kyi chos chud zos pa dang/ 'khor ba'i rgyun gyis 'das ? pa dang/ thar pa'i thabs chud zos te mgon med pa la brtse ba'o/ /de ltar mthong nas brtse bas skyob par brtson pa ni bcu ste/ skyabs dang/ sgrol ba dang/ sbyang ba dang/ gnod pa dang/ gnas pa dang/ dgod pa dang/ yongs su tshim pa dang/ yang dag par bzhag pa dang/ gdul ba dang/ mya ngan las 'da' bar bya bas so/ ! /thabs yongs su bzung ba'i sbyor ba las mthar phyin pa rtogs par bya ba ni/ 'gro ba nyam thag gtan du thar bya ba/ /sgrib med ye shes thob las gzhan med blta/ /thabs kyi lam gang gis 'di ltar sdug bsngal dang nye ba'i nyon mongs pa mang por lhung ba'i sems can 'di dag mngon par gdon cing mya @478a @#/ /ngan las 'das pa shin tu bde ba la dgod par nus snyam zhing/ yang 'di snyam du sems te/ sgrib pa med pa'i ye shes kyis rnam par thar pa la gnas pa mthar phyin pa ma gtogs par gzhan gyis ma yin la/ de'ang chos thams cad ji lta ba bzhin du khong du chud pas bsgrub par nus kyi gzhan gyis ma yin par shes pa'o/ ! /mthar phyin pa bsgrub pa'i gong nas gong ma rtogs pa ni/ de yang de nyid rigs pa'i shes rab las/ /de ni bsam gtan rnam par nges las ni/ /bsam gtan legs par rtogs pa'i thos las so/ /khong du chud pa de'ang rang dang spyi'i mtshan nyid la rnam par mi rtogs pas rgyu ba med cing skye ba med pa'i shes rab las skye ba ma gtogs par gzhan las ma yin la/ /shes rab kyi snang ba de'ang bsaM gtan la mkhas par rnam par nges pa blos so sor ? rtog pa ma gtogs pa gzhan gyis ma yin zhing/ de'ang thos pa la rnam par mkhas pa ma gtogs par gzhan gyis ma yin par shes pa'o/ ! /rtog pa bsgrub pa'i gnas la sbyor ba las rtag tu dang yang dag par sbyor ba'i rang bzhin ni rtog pa bsgrub pa'i gnas thos pa la mkhas pa'i don du sbyor ba ste/ de phyir chos tshol brtson zhing rgyun du mnyan/ /chos la rton cing gzhol 'bab bab pa dang/ chos phyogs chos la gnas dang skyabs su 'dzin/ /rjes mthun chos spyod rtag tu yang dag sbyor/ /rtag tu sbyor ba ni tshig dang don gyi dbang du byas nas rim pa bzhin dam pa'i chos tshol ba dang/ nyin mtshan du chos nyan pa don du gnyer ba'o/ /yang dag par sbyor ba ni tshig dang don de dag nyid la klan ka tshol ba ma yin pas chos 'dod pa'o/ /klan ka las thar pa tsam gyi ched ma yin pas chos la dga' ba'o/ /chen po bstan pa rton cing rang lta 'dor bas chos la rton pa'o/ /lung nod pa dang kha ton bya bas chos la gzhol ba'o/ /gzhan la ston pas chos la 'bab pa'o/ /dben par don sems pas chos la 'bab pa'o/ /mnyam par 'jog pas chos la phyogs pa'o/ /'jig rten las 'das pa'i shes rab kyi dbang du byas nas chos la gnas su 'dzin pa dang skyabs su 'dzin pa'o/ / @478b sangs rgyas kyi rnam par grol ba'i dbang du byas nas chos kyi rjes su mthun pa'i chos spyod pa'o// ! rtag tu sbyor ba'i rgyu ni/ chos la gces 'dzin nor dang rgyal srid sogs/ /kun bas ches lhag rim gro bskyed phyir ro/ /chos la rim gro byed pa khyad zhugs pas de'i rgyu ston te/ nor bas rim gro cher byed pa ni chos tshol ba'i don du nor dang mdzod dang bang ba la sogs pa'am/ gang gi ched du nor dgos pa'i lus dang lus kyi las la sogs pa mi gtong ba gang yang med la/ tha na stong gsum rin po ches gang ba rnyed pa bas/ sngar ma thos pa'i chos tshig gcig thos pa nor che bar 'dzin pas so/ /rgyal srid dang mtho ris dang 'jig rten pa'i rnam par dag pa bas cher byed pa ni legs par zhugs pa gcig gam byang chub sems dpa'i spyod pa sbyong ba'i chos gcig thos pa nor che bar 'dzin gyi/ 'khor los bsgyur ba'am brgya byin nam ? tshangs pa bskal ba 'bum phrag mang por thob pas ni ma yin pas so/ / lus bas cher byed pa ni chos kyi tshig gcig gi don du yang stong gsum mes gang bar bdag 'dor ba dang sems can dmyal ba'i sdug bsngal dang du len par yang spro bas so/ ! /yang dag par sbyor ba'i rgyu ni/ tshig gis chog par mi 'dzin don la ni/ /tshul bzhin sbyor bas 'bras mchog bla med bsgrub/ /rnam pa de ltar brtson pas ji skad thos pa'i chos rnams la tshul bzhin du so sor rtog pa yin te/ rang gi sems la nges par sems pas gcig pu dben par 'dug cing/ chos kyi rjes su mthun pa'i chos bsgrub pas sangs rgyas kyi chos rdzogs par bya'i tshig gi las yongs su dag pa 'ba' zhig gis ni ma yin no zhes dpyod par byed pas so/ ! /de las 'dod chags dang bral ba nyid 'thob pa ni/ bsam gtan bzhi dang gzugs med snyoms 'jug bzhi/ /mi mthun nyams dang gnyen po sgom pa dang/ /bde 'bras gnyi ga'i gnas kyis rdzogs byed de/ /bde dang thar par rlom pa'i dbang byas pa'o/ /sems ? can rnam pa lnga'i dbang du byas nas bsam gtan la sogs pa rnam par bzhag pa las/ 'di gnyis ni bsam gtan la bde ba dang/ gzugs med la thar par mngon pa'i nga rgyal can rnams kyi dbang du byas pa ste/ 'chad par 'gyur ba byams pa dang snying rje ni sdug bsngal can gyi dbang @479a @#/ /du byas pa'o/ /dga' ba dang btang snyoms de las grol ba rnams kyi'o/ /mngon par shes pa ni ngan pa'i skyabs su zhugs pa'i ste mthus bzang por gzung ? ba'i phyir ro/ /sa 'di ni mi nyams pa'i bsam gtan la sogs pa thob pas rab tu phye bas so/ /snga ma gnyis la'ang med pa ni ma yin no/ /'di gnyis ni bzhi bzhis rnam par bzhag pa ste/ mi mthun phyogs nyams pa dang/ gnyen po bsgom pa dang/ de'i phan yon dang/ de gnyi ga'i gnas so/ /bsam gtan dang po'i mi mthun phyogs nyams pa ni 'dod pa las dben pa dang sdig pa mi dge ba las dben pa'o/ /gnyen po bsgom pa ni rtog pa dang bcas shing dpyod pa dang bcas pa'o/ /bsgom pa'i phan yon ni dga' ba dang bde ba dang ldan pa'o/ /gnyi ga'i gnas ni bsaM gtan dang po'i ting nge 'dzin te/ gzhan gsum la yang ci rigs su sbyar ro/ /gzugs med dang po la mig gi rnam shes mtshungs ldan dang bcas pa'i 'du shes las 'das pas gzugs kyi 'du shes las 'das pa'o/ /rna ba la sogs pa'i las 'das pas thogs pa'i 'du shes nub pa'o/ /yid kyi las 'das pas sna tshogs kyi 'du shes yid la mi byed pa'o/ /gzugs la sogs pa bdag med par shes pa ni gnyen po'o/ /nam mkha' mtha' yas so zhes pa ni phan yon no/ /de'i skye mched bsgrubs nas gnas pa ni gnyi ga'i gnas ting nge 'dzin te gzhan yang ci rigs su blta'o/ ! /'dod chags dang bral ba'i 'bras bu dngos ni/ byams sogs rnam gsum mngon shes drug po ni/ /chags bral lhag pa'i sems kyi 'bras bur brjod/ /tshad med pa rnams ni gsum ste/ sems can la dmigs pa dang/ chos la dmigs pa dang/ dmigs pa med pa'o/ /dang po la bzhi las nye bar bsgrub pa ni 'dod pa dang gzugs kyi khams pa'i dga' ba dang bcas pa dang dga' ba med pa'i bde ba gsum bsgrub pa ste yangs pa dang chen por gyur pa dang tshad med pa'o/ /sdug bsngal dang dga' ba gnyis med pas mi gnyis pa'o/ /mi mthun pa'i gnyen po ni mi 'dod pa sgrub pa'i gegs byed pa gnod sems kyi ste kho na med pa 'gran zla med pa'o/ /rnam par dag pa ni bying ? rgod @479b bsal bas sgrib pa med pa'o/ /'bras bu yongs su 'dzin pa ni 'dod pa dang gzugs su gtogs pa'i rnam smin gnod pa med pa 'dzin pas gnod pa med pa'o/ /chos la dmigs pa ni khams gsum gyi so so'i skye bo dang slob pa thams cad de gang la sems can du gdags gzhi'i chos la dmigs pas na thams cad du khyab pa'o/ /dmigs pa med pa ni gnyis te/ rang gi mtshan nyid la dmigs pa chos bdag med pa mchog 'jig rten chos kyi dbyings kyis klas pa dang/ mtha' yongs su ma chad pa nam mkha'i khams kyi mthas gtugs pa'o/ /de'ang 'jig rten thams cad khyab par byas nas bsgrubs te gnas pa'o/ /mngon shes lnga las rdzu 'phrul ni lus kyi las dag pas gdul bya'i gan du 'gro ba'o/ /lha'i rna ba dang gzhan gyi sems shes pa ni dag gi las dag pas gzhan gyi skad dang blo dang mthu par 'doms pa'o/ /sngon gyi gnas dang 'chi 'pho dang skye ba shes pa ni yid kyi las dag pas sems can gyi sngon gyi mtha' nas 'ong ba dang/ phyi ma'i mthar 'gro bshes nas 'doms pa'o/ /de la rdzu 'phrul ni dbang gsum thob pa ste/ zhing la dbang bas ni 'jig rten gyi khams dag g.yo bar byed do/ /lus la dbang bas ni bsdus pa dang spros pa dang snang ba dang mi snang bar byed do/ / byed pa la dbang bas ni brgyad de/ thad kar 'gro ba ni rtsig pa dang rwa ba la sogs pa la mi thogs par ro/ /steng du 'gro ba ni nam mkha' la skyil krung gis 'gro ba'o/ /sa la ni steng 'og tu'o/ /chu la'ang mi 'bying bar ro/ /rab tu 'bar bar byed pa ni du bar 'thul zhing mer 'bar ba'o/ /chu 'byin pa ni sprin ltar lus las chu'i rgyun chen po 'byin pa'o/ /lag pas nyug pa ni nyi ma dang zla ba la yang ngo/ /snod dang sems can gyi 'jig rten la dbang byed pa ni tshangs pa'i 'jig rten gyi bar du lus kyis dbang bsgyur ba'o/ /lha'i rna ba rnam par dag pa ni gsal bar thos pa'o/ /mi las 'das pa ni thag ring ba mnar med yan chad tha na sbrang bu'i sgra yang thos pa'o/ /gzhan gyi sems shes pa ni kun nas dkris pa 'dod chags dang bcas pa bral ba la sogs pa dang/ bag ? la ? nyal nyon mongs pa dang bcas pa dang bral ba la sogs pa dang/ skye ba mi'i chung ba dang 'dod pa'i lha'i yangs @480a @#/ /pa dang/ gzugs kyi lha'i rgya che ba dang/ gzugs med pa'i tshad med pa dang/ ting nge 'dzin gyi sbyor ba bsdus pa dang spros pa dang/ ting nge 'dzin thob pa mnyam par bzhag pa dang ma bzhag pa dang/ rnam par grol ba dang ma grol ba dang/ log pa dang yang dag pa skyon dang skyon med pa dang/ nga rgyal can gyi nyon mongs pa phra ba dang rags pa 'byung ba rags pa dang rags pa ma yin par shes pa'o/ /sngon gyi gnas rjes su dran pa gang gis dran pa des sngon gyi gnas rnam pa du ma rjes su dran pa'o/ /gang dran pa ni tshe gcig nas bskal pa bye ba khrag khrig 'bum phrag du ma'i bar ro/ /ji ltar dran pa ni tha snyad kyi rgyu tha dad pa ming ni 'di zhes bya ba dang/ rus tha dad pa rus ni 'di'o/ /ya rabs dang ma rabs tha dad pa rigs ni 'di'o/ /ston pa tha dad pa kha zas ni 'di lta bu'o/ /'du byed tha dad pa tshe ni 'di tsam thub yun ni 'di srid gnas pa'o/ /dar rgud tha dad pa bde sdug 'di lta bu myong ba'o/ /rnam pa ni de dag thams cad tha dad pa'o/ /don rtags ni ming ngo/ /rgyu mtshan ni rigs la sogs pa dang de nas shi nas tshe ger skye ba'o/ /'chi 'pho dang skye ba shes pa la gang gis mthong ba ni lha'i mig rnam par dag pa mi'i rnams ? la ? 'das pas so/ /gang mthong ba ni sems can 'chi 'pho ba dang skye ba dang mdog sdug pa dang mi sdug pa la sogs pa las ji lta bar nye bar 'gro ba'o/ /ji ltar mthong ba ni kye ma sems can 'di dag ni lus la sogs pa'i nyes par spyod pa can 'phags pa la skur pa 'debs pa log par lta ba'i rgyus lus zhig nas ngan song du skye ba'o/ /'di dag ni ldog pas bde 'gror skye zhes so/ ! /'bras bu yongs su bsgyur ba'i khyad par ni/ bsam gtan la sogs rnam zlog bsam bzhin du/ /byang chub yan lag rdzogs mthun skye ba 'dzin/ /de bsam gtan la sogs ? pa la snyoms par 'jug cing ldang yang de dag gi dbang gis mi skye bar/ gang du byang chub kyi yan lag rdzogs par mthong ba de'i ched du bsams te smon lam gyi dbang gis skye'o/ /'di'i phan yon gyi khyad par ni gser de nyid mgar ba mkhas pas bsrel na dri ma'i sngag ? kyang @480b zad cing skye dbri med par srang grangs tshad bzhin 'dug pa ltar/ dge ba'i rtsa ba de dag shin tu byang ba dang dag pa dang las su rung bar 'gyur ba'o/ /pha rol tu phyin pa ni bzod pa shas che la/ bsdu ba'i dngos po ni don spyod pa'o/ /phal cher lha'i dbang po brgya byin du 'gyur te/ sems can rnams kyi 'dod pa'i 'dod chags bzlog par mkhas pa'o/ /ting nge 'dzin la sogs pa'i mthu 'bum gyis rab tu phye ba'o/ ! /sa bzhi pa 'od 'phro ba las rnam par dag pa dang sgom pa 'phel ba'i rgyu ni/ sems ? can khams rnams dpyad pa la sogs la/ /snang bas 'jug pa rnam bcus 'od 'phrog non/ /sa 'di ni ting nge 'dzin rnam par dag pa de la brten nas thos ba bzung ba ji lta bar shes pa'i snang ba rnam par dag pas rab tu phye ba'o/ /des sangs rgyas kyi bstan pa'i chos rin po che la 'jug pas chos la snang bas 'jug par rnam par dpyad pa'i bye brag bcu'o/ /'di lta ste sems can gyi khams rnam par dpyad pa la snang bas 'jug pa dang/ de bzhin du 'jig rten gyi khams dang/ chos kyi dbyings dang/ nam mkha'i khams dang/ rnam par shes pa'i khams dang/ 'dod pa'i khams dang/ gzugs kyi khams dang/ gzugs med pa'i khams dang/ bsam pa rlabs po che'i mos pa'i khams dang/ che ba nyid kyi bsam pa mos pa'i khams rnam par dpyad pa la snang bas 'jug pa'o/ / ! rnam par dag pa 'phel ba ni/ ye shes smin byed phyir mi ldog bsam sogs/ /rnam bcus sangs rgyas rigs su yang dag 'grub/ /sa 'di thob ma thag ye shes smin par byed pa'i chos bcus sangs rgyas kyi rigs su de'i bdag nyid kyi chos thob pa'i phyir yang dag par 'grub pa ste/ phyir mi ldog pa'i bsam pa dang/ dkon mchog gsum la dad pa mi phyed pa mthar thug par 'gro ba dang/ 'du byed kyi skye 'jig la rnam par dpyod pa dang/ rang bzhin gyis ma skyes par dang/ 'jig rten 'byung ba la dang/ las kyis srid par skye ba la dang/ 'khor ba dang mya ngan las 'das pa la dang/ sangs rgyas kyi zhing du las kyi sems can la dang/ sngon dang phyi ma'i mtha' la dang/ dngos po med pa dang zad pa med par rnam par dpyod pa'o/ ! /gnyen po bsgom pa 'phel ba ni/ @481a @#/ /'gro la blta dang bcas pas byang chub mchog /sum cu rtsa bdun bsgom pa rnam 'phel byed/ /kun nas nyon mongs pa las kun tu bsrung ba'i phyir byang chub kyi phyogs sum cu rtsa bdun sgom pa ni kye rgyal ba'i sras sa 'od 'phro can 'di la gnas pa ni brtun ? pa dang shes bzhin dang dran pa dang ldan par gyur nas 'jig rten la brnab sems dang yid mi bde ba spangs te nang dang phyi'i lus la lus kyi rjes su blta zhing gnas shes bya ba la sogs par rgyas par gsungs pa bzhin no/ /theg pa dman pa las kun tu bsrung ba'i phyir de dag sems can la blta ba dang bcas pa dang sman lam nye bar bsgrubs pas brtan pa dang/ snying rje chen po sngon du 'gro ba dang/ byams pa chen po dang ldan pa dang/ sangs rgyas kyi zhing gi rgyan bsgrub pa dang/ stobs dang mi 'jigs pa la sogs pa bsgrub pa dang/ gong du khyad par gyi chos tshol ba dang/ chos zab mo nyan pa'i rjes su 'gro ba dang/ thabs la mkhas pa chen pos rnam par dpyod pa'o/ ! /gnyen po bsgom pa'i 'bras bu drug ni/ 'jig tshogs lta bas rab sbyar nyon mongs dang/ /dam pas smad pa'i las spong bzlog pas gnas/ /khyad par thob phyir 'dun pa rab drag cing/ /de ston dag la byas pa gzo ba dang/ de'i thabs sbyor la brtson 'grus brtsams pa dang/ /de sngon 'gro ba'i khams brtas gyur pa'o/ /nyon mongs pa'i kun nas nyon mongs pa spangs pa ni sngon gang zag dang chos su zhen pas 'phangs pa 'jig tshogs la lta ba sngon du 'gro ba'i bdag la sogs pa dang/ phung po la sogs pa zhen pas bslang ba/ bdag gis shes so zhes bya ba la sogs pa lhag par g.yo ba dang/ bdag bsgom mo zhes bya ba la sogs pa bral bar g.yo ba dang/ yang dag par ma yin pa rnam par brtags pa mngon par 'du byed pa dang/ gzhan gyi bya ba la rnam par dpyad pas sbyor ba dang/ yang dang yang du rtog pas btags par 'dzin pa dang/ bdag gi bar khas len pas bdag gir 'dzin pa dang/ yongs su 'dzin pa dam pas nor du 'dzin pa dang/ sems 'dogs pa'i gnas yin pas nyes dmigs kyi rten rnams dang bral ba'o/ /las kyi kun nas nyon mongs pa spangs @481b pa ni bya ba ma yin pa'i cha ston pas smad pa rnams ston pa la gus pas spong la/ nyon mongs ba dang ldan pa dag de'i 'bras bu la 'jigs pas thams cad du spong ba'o/ /bya bar 'os pa lam gyi tshogs dang mthun pa rnams kyi phan yon mthong bas len la/ sangs rgyas kyis bsngags pa rnams de la gus pas yang dag par blangs te gnas pa'o/ /khyad par thob pa'i don du 'dun pa drag pa ni lam de dag bsgoms pa las shas cher mnyen pa dang/ 'jam pa dang/ las su rung ba dang/ phan bde bskyed pa dang/ nyon mongs can ma yin pa dang/ gong nas gong du khyad par ? dang/ ye shes kyi khyad par 'dod pa dang/ 'gro ba skyab pa dang/ bla ma la gus pa dang/ ji skad thos pa'i chos bsgrub pa'i sems bcu dang ldan pa'o/ /de ston pa la byas pa gzo ba ni byas pa gzo ba dang/ byas pa tshor ba dang/ des pa dang/ 'grogs na bde ba dang/ drang ba dang/ mnyen pa dang/ 'thibs pa med par spyod pa dang/ sgyu med pa dang/ nga rgyal med pa dang/ bka' bla bde ba dang/ mthun par 'dzin pa'o/ /de'i thabs la sbyor ba'i brtson 'grus brtsams pa ni/ rgyun mi gcod pa'i brtson pa dang/ de bzhin du nyon mongs pa can ma yin pa dang/ phyir mi ldog pa dang/ shin tu rgyas pa dang/ mtha' yas pa dang/ shin tu sbyangs pa dang/ mtshungs pa med pa dang/ sems can smin par byed pa dang/ tshul dang tshul ma yin pa rnam par 'byed pa'i brtson 'grus dang ldan pa'o/ /de sngon du 'gro ba'i khams brtas pa ni de bas kyang shas cher bsam pa'i khams yongs su dag pa dang lhag pa'i bsam pa'i khams dang mi 'bral ba dang/ mos pa'i khams shin tu byang ba dang/ dge ba'i rtsa ba 'phel ba bskyed pa dang/ 'jig rten gyi dri ma nag nog dang bral ba dang/ the tshom dang yid gnyis dang nem nur 'chad pa dang/ som nyi med pa yongs su rdzogs pa dang/ dga' ba dang shin tu sbyangs pa 'grub pa dang/ sangs rgyas kyi byin rlabs mngon du 'gyur ba dang/ sems kyi bsam pa tshad med pa yang dag par 'grub pa'o/ /'di'i phan yon gyi khyad par ni gser de nyid mgar ba mkhas pas rgyan du byas na der ma byas pa thams cad kyis mi 'phrogs pa ltar/ de'i @482a @#/ /dge ba yang sa 'og ma pas mi 'phrogs so/ /nor bu rin po che 'od 'byung ba 'od zer dkyil 'khor rnam par dag pa gtong ba ni de ma yin pa'i nor bus mi chod cing rlung dang chus 'od mi chod pa ltar/ de'ang nyan thos dang rang sangs rgyas kyis mi 'phrogs shing bdud dang phyir rgol bas ye shes mi chod pa'o/ /pha rol tu phyin pa ni brtson 'grus shas che la/ bsdu ba ni don mthun pa'o/ /skye ba ni phal cher 'thab bral gyi lha'i rgyal por te/ sems can gyi 'jig tshogs la lta ba 'joms shing yang dag pa'i lta ba la 'god par mkhas pa'o/ /mthu ni ting nge 'dzin la sogs pa byed pas rab tu phye ba'o/ ! /sa lnga pa shin tu sbyang dka' ba'i dbang du byas nas rgyud tha dad pa'i nga rgyal gyi gnyen po rnam par bzhag pa ni/ 'das dang ma byon da ltar sangs rgyas kyi/ /chos sogs rnam dag bcu la sems mnyam nyid/ /de bzhin nyid la zhugs sogs rnam bcu yi/ /phyir mi ldog dang bcas pas nga rgyal spong/ /de ni rnam par dag pa la sems kyi bsam pa mnyam pa nyid bcu po yid la bya ba phyir mi ldog pa dang bcas pa ste/ 'das pa dang ma byon pa dang da ltar byung ba'i sangs rgyas kyi chos rnam par dag pa la bsam pa mnyam pa nyid dang/ de bzhin du tshul khrims dang/ sems dang/ lta ba dang the tshom dang 'gyod pa sel ba dang/ lam gyi spong ba shes pa dang/ byang chub kyi phyogs kyi chos thams cad gong ma gong mas rnam par 'jig pa dang/ sems can smin par byed pa'i rnam par dag pa la sems mnyam pa nyid do/ /bsam pa mnyam pa nyid de ji ltar gnas pa bzhin du de la sems kyi bsam pa 'jog pa ni de bzhin nyid kyi rjes su zhugs pa ste/ 'dis mnyam pa nyid de sgrub pa'i yid la byed pa phyir mi ldog par 'gyur ba'o/ /de bzhin nyid kyi rjes su zhugs pa de'ang rgyu brgyad kyis bstan te/ smon lam gyi stobs bskyed pa'i phyir dang/ snying rje dang byams pas sems can mi gtong ba dang/ bsod nams dang ye shes kyi tshogs bsags pa dang/ brtson pa rgyun mi gcod pa dang/ thabs la mkhas pa mngon par bsgrub pa dang gong ma gong ma'i sa'i snang ba la blta ba dang/ @482b sangs rgyas kyi byin rlabs yang dag par blangs pa dang/ dran pa la sogs pa'i blo'i stobs bskyed pa'i phyir yid la byed pa phyir mi ldog par gyur pa'o/ ! /mi gnas pa'i lam sgrub pa'i khyad par la shes bya la shes pa rnam par dag pa'i khyad par gyi dbang du byas nas/ sdug bsngal la sogs bden pa shes pa dang/ /kun rdzob bden sogs bcu la'ang mkhas pa'o/ /bden pa bzhi shes pas bden pa'i chos nyid rnam par bzhag pa ni 'di ni sdug bsngal 'phags pa'i bden pa'o zhes bya bar yang dag pa ji lta bar shes pa la sogs pa bzhi'o/ /bden pa bcu la mkhas pa'i sems can sgrol ba'i thabs rnam par bzhag pa ni sems can gzhan gyi bsam pa ji lta bar tsham par byed pas kun rdzob bden pa shes pa dang/ bgrod pa gcig tu yang dag par gzhol bas don dam pa'i dang/ rang dang spyi'i mtshan nyid rtogs pas mtshan nyid kyi dang/ chos rnam par dbye ba rnam gzhag gis rnam par dbye ba'i dang/ phung po dang khams dang skye mched rnam gzhag gis phye ste rtogs pa'i dang/ lus sems la gnod pa nyams su 'bab pas dngos po'i dang/ 'gro bar mtshams sbyor rtogs pas rab tu skye ba'i dang/ rims nad kyi gdung ba thams cad zhi bas zad pa dang mi skye ba shes pa'i dang/ mi gnyis pa mngon par bsgrub pas lam shes pa la 'jug pa'i dang/ rnam pa thams cad mngon par rdzogs par khong du chud pas byang chub sems dpa'i sa thams cad kyi mtshams sbyar ba bsgrubs nas sangs rgyas kyi ? 'byung ba'i bar gyi bden pa rab tu shes te/ de'ang mos pa'i stobs bskyed pas shes gyi ma lus pa shes pa ma yin no// ! sems can la brtse bas rtsol ba'i khyad par spyir bzhag pa ni/ 'dus byas nyes mang gnod pas nyen rigs nas/ /de bsal don du brtse dang byams pa rtsol/ /de ltar shes pas 'dus byas thams cad rdzun pa slu ba'i chos can yod rgu byis pa 'drid pa yang dag par shes te/ de bas kyang shas cher sems can snying rje mngon du 'gyur zhing byams pa chen po'i snang ba 'byung ba'o/ ! /snying rje 'grub pa'i tshul ni/ rten 'brel rtog pas sdug bsngal shes @483a @#/ /pa dang/ sdug bsngal bzod brlag mang mthong rab brtse rgyas/ /rten 'brel la so sor rtog pas sdug bsngal ji lta bar dmigs pas ni de ltar ye shes kyi stobs bskyed pas sems can la lta ba dang bcas shing sangs rgyas kyi ye shes 'dod pas 'du shes thams cad kyi sngon dang phyi ma'i mtha' la rtog ste/ sngon gyi mtha' ma rig pa dang srid pa las byung ba'i sems can 'khor ba'i rgyun phyogs su zhugs pa phung po'i gnas las ma skyod pa rnams kyi sdug bsngal gyi phung po bdag dang bdag gi dang bral ba ji ltar 'grub pa yang dag par shes so/ /ma 'ongs pa'i sdug bsngal gyi rgyu ma rig pa dang sred pa ji ltar 'gag pa dang/ sdug bsngal la nges par 'byung ba'i lam gyi med pa dang yod pa dag ji lta bar shes par so sor rtog pa'o/ /dus ring po nas 'brel ba'i sdug bsngal sna tshogs bzod pa brlag pa la dmigs pas ni kye ma byis pa 'di dag ni mi shes pa rmongs pa ste/ lus grangs med pa 'gags la 'gag par 'gyur zhing 'gag bzhin te/ de ltar 'chi 'ang lus la yid 'byung ba mi skyed par sdug bsngal gyi 'khrul 'khor je bas je 'phel ? 'khor ba'i rgyud las phyir mi ldog /phung po'i gnas kyis mi 'dor/ khams kyi sbrul dag gis skye bar mi 'gyur ba la sogs pa dang/ stobs bcu'i ded dpon mi tshol zhing bdud kyi bsam pa 'thibs po'i rjes su song ste/ 'khor ba'i rgya mtsho rnam rtog sna tshogs kyi chu srin 'dzin khris dkrugs pas g.yengs shing rton pa med kyang mi 'byung la/ skye ba dang rga ba la sogs pa'i sdug bsngal mang po myong bar byed pa ngo mtshar che bar rtog pas so/ ! /byams pa'i snang ba 'byung ba'i tshul ni/ de ltar 'gro ba nyam thag mgon med rnams/ /yongs su bskyab phyir bsod nams ye shes kyi/ /tshogs mchog bsgrub dang bsdu rnam bzhi sogs kyi/ /rtsom pa kun gyis go 'phang mchog bsgrub 'bad/ /sems can de ltar sdug bsngal gyis nyam thag pa mgon dang dpung gnyen dang skyabs dang rten med pa/ ma rig pa'i sgo nga'i spubs kyis yog pa/ mun pa'i @483b zil gyis non pa de dag gi don du/ gcig pu gnyis su med par gyur nas bsod nams dang ye shes kyi tshogs chen po ji lta bu bsags pas sems can de dag rnam par grol nas stobs bcu'i ye shes chags pa med pa'i mthar thug pa'i bar thob par 'gyur ba de lta bu'i tshogs chen po gnyis gsog par brtsom par byed pas so/ /de ltar shin tu brtags pa'i blos sbyin pa dang snyan par smra ba la sogs pa'i dge ba ci rtsom yang sems can thams cad bskyab pa dang phan pa dang bde ba dang ? 'tsho ba med pa dang skrol ba dang drang ba dang dad ? par bya ba dang gdul ba dang mya ngan las 'da' ba'i phyir rtsom pa'o/ ! /mi gnas pa'i lam bsgrub pa de'i 'bras bu las yon tan yongs su 'dzin pa'i khyad par ni/ thos pa dang ni tshul khrims shes pa lnga'i/ /yon tan yongs su 'dzin pa'i khyad par ? su 'dzin pa ni thos pa dang bsam pa dang bsgom pa las byung ba'i shes rab khyad par can te/ sa lnga pa 'di la de bas kyang shas cher brjod par mi 'gyur ba'i chos nyid kyis dran pa dang ldan/ shin tu nges pa'i shes pas blo gros dang ldan/ dgongs te gsungs pa shes pas rtogs pa dang ldan pa thob pa'i phyir ro/ /tshul khrims yongs su 'dzin pa ni bzod pa dang nges pa dang ldan pa'i khyad par bdag dang gzhan rjes su bsrung bas ngo tsha shes pa dang/ tshul khrims las mi 'da' ba'i khyad par sdom pa'i chog mi 'dor bas brtan pa'o/ /shes pa yongs su 'dzin pa lnga las rgyu med pa dang mi mthun pa rgyur blta ba'i gnyen por rten 'brel shes pa ni gnas dang gnas ma yin pa la mkhas pas rnam par dpyad pa'i blo dang ldan pa'o/ /bdud kyi las kyi gnyen po shes pa ni gzhan gyis mi bkri bas shes pa dang ldan pa'o/ /nag po bstan pa'i gnyen por lhad bcug pa shes pa ni don dang don ma yin pa dang/ 'dres pa'i tshig la mkhas pas shes rab dang ldan pa'o/ /skyabs ngan pa 'dzin pa'i gnyen por mthu shes pa ni/ bsgoms pa sgrub pas mngon par shes pa sgrub pa dang ldan pa'o/ /bsdu ba'i dngos po sems can smin pa shes pa ni 'jig rten dang mthun @484a @#/ /par 'jug pas thabs la mkhas pa'o/ ! /bsgrub pa'i khyad par ni/ de bzhin bsod nams tshogs bsag ngoms mi shes/ /la sogs sgrub pa rnam pa bcus kyang ngo/ /bsod nams kyi tshogs kyi ngoms mi shes par sogs pa dang/ ye shes tshol bas brtson 'grus rgyun mi chad pa dang/ byams pa dang snying rje bsags pas mi skyo ba dang/ stobs dang mi 'jigs pa la sogs pa tshol ba la snyoms las med par brtson pa dang/ sangs rgyas kyi zhing dag pa'i rgyan legs par bsgrub pa'i yid la byed pa dang/ mtshan dang dpe byad bsgrub pas dge ba sna tshogs la brtson pa dang/ sangs rgyas kyi sku gsung thugs kyi rgyan tshol bas rtag tu rgyun mi chad pa bsgrub pa la brtson pa dang/ chos smra ba thams cad la rim gro dang sri zhu'i ngang tshul can dang/ thabs mkhas pa dang smon lam chen pos bsams bzhin du srid par skye ba 'dzin pa dang/ sems can smin par byed pa la nyin mtshan du yid la byed pa gzhan spangs te sbyor ba'o//! sems can smin par byed pa'i khyad par ni/ bsdu ba bzhi sogs sna tshogs thabs kyis ni/ /sems can yongs su smin par byed pa'ang yin/ /de ltar brtson pas sbyin pa dang snyan par smra ba dang don spyod pa dang don mthun pa dang gzugs kyi lus bstan pa dang chos bshad pa dang byang chub sems dpa'i spyod pa brjod pa dang sangs rgyas kyi che ba brjod pa dang 'khor ba'i nyes pa bstan pa dang ye shes de'i phan yon bstan pa dang/ rdzu 'phrul gyi rnam 'phrul gyi sbyor bas sems can smin par byed pa'o/ ! /sems can smin pa dang mthun pa 'jig rten pa'i shes pa bsgrub pa'i khyad par ni/ 'gro phan nyid phyir yi ge bstan bcos dang/ /rgya dang rtsis dang shod bsgyur gso dpyad sogs/ /grong khyer sogs bsgrub gza' skar sbyor sogs dang/ /sdom dang bsam gtan mngon shes sogs la'ang byang/ /des sems can la phan pa'i don du 'jig rten na yi ge dang bstan bcos dang rgya dang rtsis dang shod thabs dang nor bsgyur ba'i dpyad dang gso dpyad dang/ gdon dang dug dang ro langs kyi sbyor ba bsam pa dang/ snyan dngags dang gar thabs @484b dang gtam rgyud dang rol mo dang/ grong khyer dang bskyed mos tshal la sogs pa bsgrub pa dang/ gser dang dngul dang nor bu la sogs pa'i 'byung khungs bstan pa dang/ nyi zla dang gza' dang rgyu skar dang sa g.yo ba dang la nye dang rmi ltas dang yan lag dang nying lag gi ltas kyi sbyor ba dang/ sdom pa'i cho ga la gnas pa dang bsam gtan dang mngon shes dang tshad med pa dang gzugs med pa'i gnas rnams dang/ gzhan yang gang rnam par mtho 'tsham pa med pa dang ldan pa dang/ sems can la phan pa dang bde bar 'gyur ba thams cad snying rjes mthar gyis chos la dgod pa'i phyir mngon par sgrub pa'o/ /phan yon gyi khyad par ni gser de nyid gser mgar mkhas pas spug gis byi dor byas shing spras na shin tu byang zhing gsal bas de ma yin pas gser dag gis mi 'phrogs pa ltar/ dge ba'i rtsa ba de dag thabs dang shes rab kyis rnam par dpyad pa las shin tu dag pa dang sa 'og ma dag gis mi 'phrogs pa'o/ /nyi zla la sogs pa'i 'od rlung gis mi 'phrogs la rlung dang 'dra bar 'gro ba ltar/ 'di'i shes rab kyang 'jig rten thams cad kyis mi 'phrogs shing thun mong ma yin la 'jig rten pa'i bya ba byed par ni 'dra ba'o/ /pha rol tu phyin pa ni bsam gtan shes che'o/ /phal cher lha'i rgyal po yongs su dga' ldan du skye ste/ mu stegs can thams cad bzlog pa dang sems can rnams dben pa la dgod pa la mkhas pa'o/ /mthu ni ting nge 'dzin la sogs pa bye ba phrag brgyas rab tu phye ba'o/ ! /sa drug pa la yang kun nas nyon mongs pa dang rnam byang tha dad pa'i nga rgyal gyi gnyen po ni/ chos kun mtshan med mnyam sogs bcus 'jug pas/ /nyon mongs rnam byang tha dad nga rgyal spong/ /chos thams cad mtshan ma med par mnyam pa mtshan nyid med pa dang 'byung ba med pa dang skye ba med pa dang dben pa dang gzod ma nas dag pa dang spros pa med pa dang blang dor med pa dang sgyu ma la sogs pa dang mtshungs pa dang dngos po dang dngos po med par gnyis su med par mnyam pa nyid kyis sa drug pa la 'jug go /de de ltar na rtog pa rno zhing rjes su mthun pa'i bzod pas byi dor byed rjes su mthun par byed pas @485a @#/ /sa 'di thob pa'o/ ! /mi gnas pa'i lam bsgrub pa la sems can la blta ba'i snying rjes 'dzin pa ni/ 'di ni shas cher snying rjes rab ? ba'i 'byung 'jig rgyud la rnam par blta/ /de de bas kyang shas cher snying rje chen po sngon du 'gro ba dang snying rje chen po la dbang du bya ba dang snying rje chen po rdzogs par bya ba'i phyir 'jig rten gyi 'byung ba dang 'jig pa la rnam par blta'o/ ! /rten 'brel la rtog pas ye shes rnam par dag pa las bdag med pa bsgrub pa rnam par bzhag pa ni/ 'jig rten 'gro lngar 'byung ba ji snyed kun/ /bdag tu zhen pa'i rjes su byed pas na/ /bdag med gzhan du bdag 'dzin yang dag pa'i/ /shes 'gyur de las 'jig rten ji ltar 'byung/ /de ltar lta ba na 'jig rten 'gro ba lngar 'byung ba ji snyed pa thams cad ni bdag tu mngon par zhen pa las te/ de dang bral na de 'byung ba yang med par 'gyur ro/ /des na bdag don dam par med pa ste/ de yod du zin na bdag tu mngon par zhen pa'ang don dam pa'i ye shes yin pas de las 'jig rten 'byung bar yang mi 'gyur la de dang bral na mi 'byung bar yang mi 'gyur bar thal ba'i phyir ro/ ! /rgal ba'i lan rnam par bzhag pa ni/ bdag med ci ltar bdag 'dzin 'jug ce na/ /phyin ci log gi nyon mongs las dang ni/ /skye bas bsdus pa'i sdug bsngal gzhir bcas pa/ /rten 'brel lugs 'jug byed med skye 'jig pa'o/ /byis pa'i blo can bdag tu mngon par zhen pa mi shes pa'i rab rib kyis bsgribs pa de dag ni bsod nams dang bsod nams ma yin pa dang mi g.yo ba'i 'du byed gsog cing/ des bsgos pa'i sems can gyi sa bon zag pa dang bcas pa nye bar len pa dang bcas pa ni phyi ma la skye ba dang rga shi'i yang srid 'grub par nye bar 'gro ba la sogs pas yan lag bcu gnyis nyes dmigs dang bcas pa 'byung yang de dag la 'byung bar byed pa su'ang med la/ rang bzhin dang stsal ba med par 'jig par 'gyur yang 'jig par byed pa su'ang med pa'i phyir ro/ ! /mtshan nyid rnam par bzhag pa ni/ bden rnams mi shes ma rig la sogs pa/ /so so'i mtshan nyid bya byed bral bar brtag /bden pa rnams mi @485b shes pa ni ma rig pa'o/ /des byas pa'i las ni 'du byed do/ /de la brten pa'i sems dang po ni rnam par shes pa'o/ /de dang lhan cig skyes pa'i len pa'i phung po bzhi ni ming dang gzugs so/ /de 'phel ba ni skye mched drug go /dbang po la sogs pa gsum phrad pa zag pa dang bcas pa ni reg pa'o/ / de dang lhan cig skyes pa ni tshor ba'o/ /de la chags pa sred pa'o/ /de 'phel ba ni len pa'o/ /de las byung ba'i las zag bcas ni srid pa'o/ /las kyi rgyu mthun pa ni skye ba ste phung pa 'byung ba'o/ /phung po smin pa rga ba'o/ /de rgas nas 'jig pa ni 'chi ba'o/ /'chi zhing 'bral ba na myos shing chags pas sems gdung ba ni mya ngan no/ /de la tshig brjod pa ni smre sngags so/ /dbang po lnga'i nyams su bab pa ni sdug bsngal lo/ /yid kyi lta ba'i nyams su bab pa ni yid mi bde ba'o/ /sdug bsngal dang yid mi bde ba mang po 'byung ba ni 'khrugs pa ste/ de ltar sdug bsngal gyi ljon pa byed pa po med pa 'ba' zhig lo 'di 'grub pa'o/ ! /don dam pa rnam par bzhag pa ni/ de lta'i khams gsum de dag sems tsam du/ /yongs su shes pas rnam grol 'gyur ba'o/ /gang yongs su shes pas rnam par grol bar 'gyur ba khams gsum mtha' dag sems yongs su gyur pa tsam du zad kyi gang du'ang yongs su grub pa med pa'o/ / ! kun rdzob rnam par bzhag pa ni/ kun nas nyon mongs gnas dang rgyu nyid dang/ /nyes dmigs bsdus dang nyes pa spang ba dang/ /yid 'byung mi 'byung rgyu dang zab pa nyid/ /yongs su brtag pas kun rdzob rnam par bzhag /rnam pa drug tu yongs su brtag pas don dam pa de la 'jug pa ste gang kun nas nyon mongs pa'i gnas brtag pa ni yan lag bcu gnyis ston pas gsungs pa de tham cad bdag dang bral bas sems gcig nyid la ggnas pa ste/ gzhi gang la 'dod chags la sogs pa dang ldan pa'i sems skyes pa rnam shes dang/ gzhi 'du byed dang/ de la rmongs pa ma rig pa dang/ de dang lhan cig skyes pa ming dang gzugs la sogs par rtag pas so/ /rgyu nyid du brtag pa las rang rig bya ba byed cing yan lag gzhan gyi rgyus brtag pa ni/ ma rig pas dmigs pa la rmongs par byed pa dang/ 'du byed 'grub pa'i rgyu 'byin pa'i bya ba @486a @#/ /gnyis byed pa dang/ 'du byed kyis rnam smin dang rnam shes 'grub pa dang/ rnam shes kyis nying mtshams sbyor zhing ming dang gzugs sgrub pa dang/ ming gzugs kyis phan tshun stong dang skye mched bsgrub pa dang/ skye mched drug gis yul rnam par 'byed cing reg pa bsgrub pa dang/ reg pas dmigs pa gcod cing tshor ba bsgrub pa dang/ tshor bas yid du 'ong ba la sogs pa myong zhing sred pa bsgrub pa dang/ srad pas chags pa'i gzhi la chags shing len pa bsgrub pa dang/ len pas nyon mong ? dang 'brel bar byed cing srid pa bsgrub pa dang/ ? pas srid pa'i rgyud gzhan gnas par byed cing skye ba bsgrub pa dang/ skye bas phung po 'byung bar byed cing rga ba bsgrub pa dang/ rga bas dbang po 'gyur ba dang 'chi ba dang phrad pa bsgrub pa dang/ 'chi bas 'du byed 'jig par byed cing mi shes pa'i rgyun mi chad pa bsgrub par brtag pa'o/ / rang gi rigs kyi rkyen du brtag pas bdag rgyu nyid du brtag pa ni yan lag snga ma snga ma sa bon gyi chas phyi ma phyi ma rgyun mi chad pa dang/ 'bras bu'i chas ston par byed par brtag pa gnyis te/ de ma spangs par de mi spong ba'i phyir dang/ de skyes pas de skye ba'i phyir dang/ 'di yod pas 'di 'byung 'di skyes pas 'di skye zhes don gnyis kyis rkyen du bstan pa'o/ /nyes dmigs bsdus pa brtag pa ni sdug bsngal rgyu dang bcas pa'i lam gsum gyis de bsdus pa'i phyir te/ ma rig pa dang sred pa dang len pas nyon mongs pa dang/ 'du byed dang srid pas las dang/ lhag mas sdug bsngal gyi lam rgyun mi chad pas so/ /nyes pa spang bar brtag pa ni gzhan dag rten 'brel smra ba la nyes pa gsum brjod de/ rgyu bye brag med pas thams cad kyi lus cig car 'grub pa dang/ byed pa po med pas las bdag gir bya ba med pa dang/ 'bras bu ma bskyed par 'gag pas las chud za ba'i nyes pa'o/ /de gsum ni sngon gyi mtha' la sogs pa'i rgyu'i khyad par la bltos pas/ skyes nas myong bar 'gyur ba la sogs pa tha dad pas spong ste/ ma rig pa'i rkyen gyis 'du byed ni sngon gyi mtha'i ltos pa'o/ /rnam shes nas tshor @486b ba'i bar ni da ltar gyi bltos pa'o/ /sred pa nas srid pa'i bar ni phyi ma'i mtha'i bltos pa ste de phan chad du yang de dag rab tu 'byung ngo/ /ma rig pa 'gags pas 'du byed 'gag pa ni bltos pa rgyun chad pa'o/ /de ltar gsum du bltos nas las la la ni byas la la ni ma byas/ la las ni 'bras bu bskyed zin la las ni ma skyed/ la la ni ma spang/ la la ni spangs pas lus thaMs cad cig car grub pa'i nyes pa med la/ ma byas pa la rnam par mi smin pas bdag gir bya ba med pa'i nyes pa med do/ /ma byas pa dang 'bras bu skyed zin pa dang/ gnyen po rnyed pa gsum med na nges par 'bras bu bskyed pas las chud za ba'i nyes pa'ang med pa'o/ /yid 'byung ba dang mi 'byung ba'i rgyu brtag pa ni sdug bsngal cha phra bas ni yid mi 'byung ste/ tshor ba thams cad sdug bsngal du bshad pas so/ /rigs pas ni yid 'byung bas na ma rig pa nas skye mched drug gi bar 'du byed kyi sdug bsngal dang/ reg pa dang tshor ba sdug bsngal gyi sdug bsngal dang/ lhag ma 'gyur ba'i sdug bsngal dang/ lugs las ldog pa sdug bsngal rgyun chad par gsungs pa'o/ /zag pa nyid du brtag pa ni bzhi ste/ rang gi rgyu dang rkyen las byung ba'i rim pa bzhin gzhan dang rang gis ma byas pa gnyis ni ma rig pa'i rkyen gyis 'du byed ces bya ba la soD pas 'du byed la sogs pa rgyun rkyen las byung bar bstan pas so/ /bya ba'i dus na mi gnas pas byed pa med par skye ba tsam dang 'brel ba'i phyir gnyi gas ma byas pa ni ma rig pa'i rkyen gyis 'du byed la sogs pa skye ba dang 'brel pa dang/ ma rig pa 'gaD pas 'du byed 'gag pa la sogs pa 'jig pa dang 'brel bas so/ /srid pa'i lugs dang mthun pas rgyu med las ma byung ba ni lugs su byung ba dang lugs las ldog pa nges par yongs su brtag pa gnyis nyid kyis te/ rgyu med na 'byung ba dang mi 'byung ba gnyi ga nges pa med par 'gyur ba'i phyir ro// ! rnam pa gsum du yongs su brtag pa ni/ mtshan nyid don dam kun rdzob rnam gsum du/ /yan lag rjes su ? so sor brtag pas mtshan nyid dang bden pa gnyis @487a @#/ /su bzhag pas yongs su brtag ste/ srid pa'i yan lag rjes su 'brel ba dang/ sems gcig tu yang dag par 'du ba dang/ rang gi las ma 'dres pa dang/ tha dad pa ma yin pa dang/ las gsum gyi rgyud du 'brang ba dang/ sngon dang da ltar dang phyi ma'i mtha' ba'i bltos pa dang/ sdug bsngal gsum kun tu 'byung ba dang/ rgyu dang rkyen las byung ba dang skye ba dang 'jig pa dang 'brel ba dang/ med pas zad par so sor rtog pas lugs dang ldog pa la rtog par blta'o/ ! /de'i 'bras bu rnam par bzhag pa ni bdun te/ rnam thar sgo gsum gnyen po thob pa dang/ /mi mthun phyogs nyams 'du shes gsum dang bral/ /go cha skyes bu'i byed pa bsgrub pa gnyis/ /shes rab snying rjes srid zhi mnyam nyid gnas/ /stong sags ting 'dzin mi phyed bsam pa dang/ /nus pa'i khyad par rnam dgu 'thob pa'o/ /gnyen po'i khyad par ni rnam par thar pa'i sgo gsum skyes pa ste/ stong pa nyid ni bdag dang srog la sogs pa gang zag med pa dang/ ngo bo nyid kyis stong pas chos med pa dang/ byed pa po dang tshor ba po med pas de gnyi ga med par mthong ba'o/ /mtshan ma med pa ni mi mthun pa'i phyogs yid tsam 'gags pa srid pa'i yan lag de dag log pa dang/ gnyen po rnyed pa rnam par thar pa la nye bar gnas pa dang/ mtshan ma kun tu mi 'byung ba chos kyi mtshan ma gang yang mi skye ba'o/ /smon pa med pa ni rnam thar snga ma gnyis dang/ rang bzhin 'dod pa gang yang mi skye ba dang/ khyad par snying rjes sems can smin pa'i don du 'dod pa ma gtogs pa'o/ /mi mthun phyogs nyams pa ni 'du shes gsum dang bral ba ste/ sa lnga par sems kyi mnyam pa nyid thob pas bdag gzhan gyi 'du shes dang bral ba dang/ bzhi par lhag par g.yo ba la soD pa dang bral ba thob pas byed pa po dang tshor ba po'i 'du shes dang bral ba dang/ 'di gnyis la chos mnyam pa nyid thob pas yod med kyi 'du shes dang bral ba'o/ /bsgrub pa'i khyad par gnyis las go cha'i bsgrub pa ni 'dus byas kyi nyes pa mthong bas kun nas nyon mongs @487b pa gsum spong ba seMs can gyi don byed pa'i khyad par can te/ byang chub kyi yan lag gong ma bsgrub pa'i don du snying rje chen po de bas kyang shes cher brtson te/ /kun tu sbyor zhing tshogs pa las 'dus byas 'byung gi bral ba dang ma tshogs pa las mi 'byung bas/ 'dus byas nyes pa mang po dang ldan pa 'di shes par byas la/ kun tu sbyor ba dang tshogs pa 'di rgyun gcod cing sems can smin pa'i don du 'du byed rnams zhi bar yang mi bya'o zhes so/ /skyes bu'i byed pa'i bsgrub pa ni sun 'byin pa'i gnyen pos 'du byed nyes pa mang bar rtog pa dang/ spong ba gnyen pos rang gi mtshan nyid ngo bo nyid med pa dang/ spyi'i mtshan nyid ma skyes pa dang ma 'gags par so so brtags pas so/ /gnas pa'i khyad par ni shes rab dang snying rjes mi gnas pa'i lam la brten nas 'dus byas dang 'dus ma byas mnyam pa nyid du rtogs pa ste/ snying rjes sems can mi gtong bas chags pa med pa'i ye shes la mngon par phyogs pa zhes bya ba shes rab kyi pha rol tu phyin pa la gnas pa snang bar gyur nas byang chub kyi yan lag sdug pa'i rkyen nye bar bsgrub pa la 'dus byas dang 'grogs par yang mi gnas so/ /'du byed rang bzhin gyis zhi bar yang rtog la byang chub kyi yan lag ma rdzogs par de la yang mi gnas pa'o/ /ting nge 'dzin gyi khyad par ni stong pa nyid kyi ting 'dzin 'khor dang bcas pa bcu ste/ 'jug pa stong pa nyid dang/ ngo bo nyid dang don dam pa dang chen po dang mtshungs par ldan pa dang mngon par bsgrub pa dang ji lta ba bzhin rnam par mi rtog pa dang lta ba dang bcas pa dang bral ba dang ma bral ba stong pa nyid kyi ting 'dzin skye bar 'gyur te/ de la sogs pa stong pa nyid dang mtshan ma med pa dang smon pa med pa'i sgo'i ting nge 'dzin sa ya sa ya dag mngon du 'gyur pa'o/ /bsam pa'i khyad par ni brtan pa'i phyir mi phyed pa dang nges pa dang dge ba dang zab pa dang phyir mi ldog pa dang rgyun mi gcod pa dang dri ma med pa dang mtha' yas pa dang ye shes mngon par 'dod pa dang thabs dang shes rab dang ldan pa'i bsam pa nyid rdzogs par 'gyur ba'o/ /nus pa'i khyad @488a @#/ /par dgu ni phas kyi rgol ba tshar gcod pa dang/ ye shes kyi the tshom gcod pa dang/ theg pa 'og mar mi g.yo ba dang/ gsang ba'i gnas la mos pa dang/ bdud dang nyon mongs pas mi 'phrogs pa dang/ nyon mongs pa'i sgrib pa'i gnyen po brtan pa dang/ gnyen po rnams shin tu rgyas pa dang/ seMs can smin par byed pa dang/ shes bya'i sgrib pa dag par byed pa'i nus pa'o/ /phan yon gyi khyad par ni gser de nyid bai DUryas byi dor byas shing spras pa gzhan gyis mi 'phrogs pa ltar dge ba'i rtsa ba ches rnam par dag pa dang mi 'phrogs pa'o/ / zla ba'i 'od kyi sems can gyi lus sim par byed la rlung gis dkyil 'khor bzhis kyang mi 'phrogs pa ltar/ 'di'i shes rab kyi 'od dang dge ba'i rtsa ba yang sems can tshad med pa'i nyon mongs pa'i gdung ba zhi bar byed cing bdud bzhi dang/ phyir rgol ba thaMs cad kyis mi 'phrogs so; ;pha rol tu phyin pa bcu las shes rab che'o/ /phal cher lha'i rgyal po rab 'phrul du 'gyur te sems can gyi mngon pa'i nga rgyal bzlog pa la mkhas pa dang/ dri ba thams cad kyis mi 'phrogs pa dang/ seMs can rnams rten 'brel la 'jud par mkhas pa'o/ /ting nge 'dzin la sogs pa'i mthu ni bye ba phrag brgyas rab tu phye ba'o// ! sa bdun pa ring du song ba'i dbang du byas nas mngon par 'du byed pa med pa la dga' ba'i gnyen po ni/ rnam thar sgo gsum shin tu bsgoms gyur kyang/ /bsod nams ye shes tshogs chen bsags soD bcus/ / zung 'brel mngon bsgrub lam gzhan rtsom pa yis/ /'du byed med dga'i gnyen pos ring song gnon/ /byang chub sems dpa'i de chags pa med pa'i ye shes kyis shes rab kyi pha rol tu phyin pa la gnas pas mngon par 'du byed pa med pa nyid las sems dga' ste/ mngon par mtho ba'i lam mngon par 'du byed pa la ma yin pas/ de'i gnyen por thabs dang shes rab kyis mngon par bsgrub pa gnyen pos zin pa'i mngon par mtho ba'i lam gzhan rtsom pa'i khyad par bcus sa 'di gnon te/ stong pa nyid la sogs pa shin tu @488b bsgoms kyang bsod nams kyi tshogs chen po gsog pa dang/ bdag med pa la 'jug kyang tshad med pa bsgom pa mi gtong ba dang/ bsod nams kyi tshogs mang po bsaD kyang gang la'ang ma zhen pa dang/ khams gsum thaMs cad las dben pa thob kyang khams gsum gyi rgyan bsgrub pa dang/ nyon mongs pa 'bar ba thams cad nye bar zhi yang sems can gyi nyon mongs pa zhi ba bsgrub pa dang/ sgyu ma la sogs pa ltar gnyis med pa rtogs kyang las bya ba tshad med pa bsgrub pa dang/ zhing gi tha gru nam mkha' dang mnyam pa bsgoms kyang zhing gi rgyan bsgrub pa dang; chos sku'i rang bzhin du 'jug kyang mtshan dang dpe byad kyi rgyan bsgrub pa dang/ sangs rgyas kyi gsung brjod du med par mos kyang dbyangs kyi yan lag rnam par phye ba'i rgyan bsgrub pa dang/ sangs rgyas kyi dus gsum mnyam pa thugs su chud pa la 'jug kyang seMs can gyi bsam pa brjod pa'i phyir bskal pa mtha' yas par mtshan nyid tha dad pa shes pa la 'jug pa'o/ ! /de'i rnam par g.yeng ba'i gnyen po ni/ seMs can tshad med smin dang 'dul ba la/ /'jug sogs tshad med rnam pa sgom bcu dang/ /lhun gyis grub pa'i lam la sbyor ba yis/ /lam de'i rnam g.yeng gnyen po rnam par bzhag /tshad med pa'i rnam pa bsgom pa bcu ni seMs can gyi khams tshad med pa la 'jug kyang sangs rgyas kyi seMs can smin pa dang gdul ba'i 'phrin las tshad med pa la 'jug pa dang/ 'jig rten gyi khams tshad med pa la 'jug kyang sangs rgyas kyi zhing dag pa la 'jug pa dang/ chos tha dad pa tshad med pa la 'jug kyang sangs rgyas kyi ye shes tshad med pa la'ang 'jug pa dang/ bskal pa tshad med pa rtogs kyang sangs rgyas kyi dus gsum thugs su chud pa la 'jug pa dang/ seMs can gyi mos pa mtha' yas pa la 'jug kyang sangs rgyas kyi mtshan dang gzugs sku tshad med pa la 'jug pa dang/ sems can gyi bsam pa dang dbang po tshad med pa la 'jug kyang sangs rgyas kyi gsung gis seMs can tshim par mdzad pa tshad med pa la 'jug pa dang/ seMs can gyi spyod pa tshad med pa la 'jug kyang sangs rgyas kyi ye shes @489a @#/ /rab 'byams la 'jug pa dang/ nyan thos kyi theg pa la mos pa tshad med pa la 'jug kyang sangs rgyas kyi lam bsam gtan pa tshad med pa la mos pa dang/ rang rgyal gyi theg pa bsgrub pa la 'jug kyang sangs rgyas kyi ye shes zab mo'i sgo tshad med pa la 'jug pa dang/ byang chub seMs dpa'i spyod pa tshad med pa la sbyor yang sangs rgyas kyi theg pa chen po bsgrub pa bstan pa tshad med pa la 'jug pa'o/ /mngon par 'du byed pa med pa'i lam la sbyor ba ni sangs rgyas kyi yul tshad med pa de bskyed pa dang/ lhun gyis grub pa dang rtog pa med pa dang/ rnam rtog med par yongs su rdzogs par byed pa'o/ ! /zung du 'brel ba'i lam thob pa rnam par bzhag pa ni bzhi ste /zhi gnas lhag mthong cig car rgyun chags su/ /'jug dang mos pa rnam dag don chen byed/ /byang chub phyogs mang skad ci re rer ni/ yongs rdzogs byed pas zung 'brel lam rab brjod/ /gnyis cig car rgyun chags su 'byung ba ni skad cig re re la zhi gnas dang lhag mthong mngon du byed pa ste/ spyod lam thams cad du de dang ldan pas rgyun chags su 'byung ba'o/ /des na skad cig re re la lam mngon par bsgrub cing ldang ba dang/ 'gro ba la sogs pa'am rmi lam na yang de ltar brtson pa'o/ /mos pa rnam par dag pa ni sgrib pa med pas spyod lam thams cad la gnas shing yid la byed pa de lta bu dang mi 'bral ba'o/ /don chen po byed pa ni sems re re la yang pha rol tu phyin pa bcu bsgrub pa'i phyir te; snying rje chen po sngon du btang ba'i sems bskyed pa thams cad kyang thams cad mkhyen par bsngo ba las/ sangs rgyas kyi ye shes kyi ched du seMs can la dge ba bsngo zhing gtong ba dang/ de'i nyon mongs pa'i gdung ba zhi ba dang sems can la gnod pa spong ba dang dge bas mi ngoms par spro ba dang laM de las mi 'phyar ba dang skye ba med par bzod pa dang yais ? kyis tshad med par sgrub pa dang/ gong nas gong du bsgrub pa dang bdud la sogs pas mi rdzi ba dang ji lta ba bzhin du nges pa'i rtog pa'i cha las pha rol tu phyin pa bcu tshang bas so/ /byang chub kyi phyogs sa rab tu dbye ba ni bzhi ste/ @489b theg pa chen por gtogs pa pha rol tu phyin pa bcu skad cig re rer bsgrub pa dang/ sems can smin par byed par gtogs pa bsdu ba bzhi bsgrub pa dang/ nyon mongs pa'i sgrib pa spong ba gnas pa bzhi dang chos sum cu rtsa bdun dang rnam par thar pa'i sgo gsum bsgrub pa dang/ shes bya'i sgrib pa spong ba ste mdor na byang chub kyi yan lag gi chos thams cad skad cig re re la rdzogs par 'gyur ro/ ! /sa snga phyi las khyad par bzhag pa ni/ sangs rgyas chos kun skyed byed byang chub phyogs/ /rdzogs byed sbyor byung spyod pa rdzogs phyir dang/ /ye shes sgrub sbyor 'bad pas rdzogs byed phyir/ /snga phyi'i sa las khyad 'phags dman par bzhag /sbyor ba las byung ba'i spyod pa rdzogs pa'i phyir sa 'og ma drug las khyad par du 'phags par bzhag ste/ gang gi phyir sa bcu po thams cad la'ang byang chub kyi yan lag rdzogs par 'gyur mod kyi/ sa 'di la sbyor byung gi spyod pa rdzogs par byed pas ye shes dang mngon shes kyi spyod pa gnon pa'i phyir/ sangs rgyas kyi chos thams cad yang dag par bskyed pas byang chub kyi yan lag rnams lhag par yongs su rdzogs par 'gyur bas so/ /sa gong ma bas dman pa'i khyad par ni 'di'i bar bdun la byang chub kyi yan lag mngon par 'du byed pas bsgrub par bya ba de thams cad sa brgyad pa yan chad du lhun gyis grub par yongs su 'grub pa'i phyir ro/ ! /zung du 'brel ba'i lam gyi 'bras bu rnam pa bzhi ni/ tshul khrims la sogs yongs dag las bzhi dang/ /shin tu rnam phye rnam 'byed la soD pa/ /ting nge 'dzin khyad par bcu dang shes rab thabs/ /sgom dang snying rje'i stobs kyis dman pa yi/ /sa gnyis las 'das yang dag mtha' gnas kyang/ /'gog pa mngon du mi byed gnas sbyor 'thob/ /'bras bu bzhi las las rnam par dag pa la'ang bzhi ste/ tshul khrims rnam par dag pa ni sa 'di la gnas pa de lhag pa'i bsam pa dag pa'i lus dang ngag dang yid kyi las dang ldan pa'o/ /mi dge ba'i las kyi lam gang dag ston pas smad pa de dag las thams cad du 'das shing/ dge ba'i las kyi lam gang dag bka' stsal pa de dag la rtag par rgyun tu rjes su 'jug pa'o/ /'jig @490a @#/ /rten pa'i shes pa rnam par dag pa ni sngar sa lnga pa la 'jig rten pa'i bzo dang las kyi gnas bsgrub pa de dag 'dir lhun gyis grub par 'byung ngo/ /sangs rgyas dang sa brgyad pa yan chad ma gtogs pa stong gsum pa'i slob dpon du grags pa'o/ /lus kyi khyad par ni bsam pa dang sbyor ba de dang mnyam pa su'ang med pa thob pa'o/ /nus pa'i khyad par ni bsam gtan dang mngon shes la sogs pa rnams bsgom pa'i sgo'i tshul gyis thaMs cad de la mngon sum du 'byung la/ des sems bskyed pa thaMs cad de la shes rab dang thabs bsgom pa'i stobs rdzogs pas shas cher byang chub kyi yan lag thams cad rdzogs pa 'thob pa'o/ /ting nge 'dzin gyi khyad par bcu 'thob pa ni rnam par dbye ba shin tu rnam par phye ba zhes bya ba'i ting nge 'dzin dang don shin tu bsams pa dang/ khyad par gyi blo gros dang/ rab tu phye ba'i don gyi mdzod dang/ don ji lta ba rnam par 'byed pa dang/ rtsa ba shin tu gnas pas brtan pa dang/ ye shes dang mngon shes kyi sgo dang/ chos kyi dbyings yongs su sbyong ba dang/ de bzhin gshegs pa'i phan yon dang/ don sna tshogs kyi mdzod 'khor ba dang mya ngan las 'das pa'i sgo zhes bya ba la yang snyoms par 'jug ste/ de dag la sogs pa'i ting nge 'dzin 'bum la snyoms par 'jug pa'o/ /sa las yang dag par 'das pa ni shes rab dang thabs kyis sbyangs pa'i ting nge 'dzin de dag thob nas snying rje'i stobs kyis nyan thos dang rang rgyal gyi sa las yang dag par 'dab pa'o/ /de'i lus dang ngag dang yid kyi las tshad med pa mtshan ma dang bral ba shin tu sbyangs pa mi skye ba'i chos la bzod pas snang bar gyur pa 'byung ngo/ /dper na rgyal po'i bu mtshan dang ldan pa ni rgyal po'i byin gyis blon po'i tshogs zil gyis gnon gyi rang gi blos ni ma yin no/ /de nar son pa na rang gi blo'i stobs kyis blon po'i bya ba thams cad las 'das pa yin no/ /de bzhin du byang chub sems dpa' yang sems bskyed ma thag tu lhag pa'i bsam pas che ba'i nyan thos la sogs pa zil gyis gnon gyi rang gi blos ma yin la/ sa 'di la ni rang gi yul shes pas nyan thos @490b la sogs pa'i bya ba thams cad las 'das pa'o/ /gnas pa'i khyad par thob pa ni yang dag pa'i mtha' la gnas kyang 'gog pa mngon du mi byed pas srid pa mi gtong ba ste/ sa drug pa nas 'gog pa la 'jug nus mod kyi 'di la ni skad cig re re la'ang snyoms par 'jug ste 'gog pa mngon du byas zhes ni mi bya bas bsam gyis mi khyab pa'i lus dang ngag dang yid kyi las dang ldan pa'o/ /rgya mtsho'i gru chen por zhugs pa'i mi chu dang rlung dang brgal ba'i thabs la mkhas pa chu'i nyes pas mi gos pa ltar sa 'di la gnas pa yang dag pa'i mtha' la gnas kyang 'gog pa mngon du mi byed pa yang ngo/ /phan yon gyi khyad par ni gser de nyid nor bu rin po che byi dor byas pa thams cad kyis spras pa mdzes shing 'dzam bu'i gling pa'i rgyan thams cad kyis mi 'phrogs pa ltar dge ba'i rtsa ba rnam par dag pa dang nyi ma'i 'od snang byed gzhan thams cad kyis mi 'phrogs shing sa'i brlan phal cher skems par byed pa ltar shes rab kyi 'od kyis nyon mongs pa'i rnyogs pa thams cad skems shing nyan thos la sogs pa'i shes rab kyis mi 'phrogs pa'o/ /pha rol tu phyin pa ni thabs shas che'o/ /phal cher lha'i rgyal po dbang byed du 'gyur te sems can la mngon par rtogs pa bsgrub pa dang skyon med pa la mkhas pa'o/ /ting nge 'dzin la sogs pa'i mthun bye ba khrag khrig khrag 'bum gyis rab tu phye ba'o/ ! /sa brgyad pa ni mi g.yo ba la yongs su sbyang bar bya ba'i sa spyi dang so sor bsdu ba ni/ bdag med gnyis po rnam 'byed rgyas la sogs/ /rnam bcus sa bdun thob pa yongs spong ? ba'o/ /spyir bsdu ba ni gsum ste/ sa bdun po dag la bdag med gnyis gong nas gong du rtogs pa dang/ thabs dang shes rab kyis lam sbyangs pa dang/ tshogs rdzogs par gsog pas so/ /so so nas bsdu ba ni sa dang po la smon lam shin tu btab pa dang/ gnyis pa la sangs rgyas kyis byin gyis brlab pa dang/ gsum pa la dge ba'i rtsa ba'i stobs kyis bsam gtan la sogs pa las mi nyams pa dang/ bzhi pa la shes bya'i sgrib pa dag pas sangs rgyas kyi stobs la sogs pa @491a @#/ /lnga pa la rnam par dag pa la sems mnyam pa nyid dag gi lhag pa'i bsam pa shin tu sbyangs pa dang/ drug pa la rjes rten 'brel la spyod pas ? bsod nams dang ye shes kyi ? tshogs dang stobs kyis 'phags pa dang/ bdun pa la lam gzhan rtsom pa'i khyad par gyis byams dang snying rjes sems can mi gtong ba dang/ tshad med pa'i rnam pa bsgoms pas ye shes kyi lam tshad med pa rnams bsdu bas so/ ! /mi skye ba'i chos la bzod pa rnam par ? dag pa ni/ /chos kun gzod nas ma byung ma skyes sogs/ /rnam bcus mi skye bzad ? pa rnam dag thob/ /rnam par dag pa ni lhun gyis grub pa ste chos thams cad gzod ma nas ma byung ba dang/ ma skyes pa dang/ mtshan nyid med pa dang/ byung ba med pa dang/ 'jig pa med pa dang/ thug pa med pa dang/ 'jug pa med pa dang/ dngos po med pa'i ngo bo nyid dang/ thog ma dbus mtha' mnyam pa nyid dang/ /de bzhin nyid ltar thams cad mkhyen pa'i ye shes rnam par mi rtog pa rtogs par bya ba nyid la 'jug go /de thams cad du sems dang yid dang rnam par shes pa'i rnam rtog dang bral zhing thogs pa med pa dang/ nam mkha' dang 'dra ba dang/ bla gab med pa'i rang bzhin du zhugs pas mi skye ba'i chos ? la bzod pa 'thob pa'o/ ! /gnas pa zab mo thob pa ni/ zab mo rnam bdun lhun grub chos nyid dang/ /rnam par dag dang sangs rgyas ye shes dang/ /thugs rje yon tan shes rab bder gnas dang/ /lta dang 'phrin las phun tshogs la bskul ba'i/ /don bsdus sangs rgyas rjes 'dzin rnam brgyad dang/ /lus kyi rnam dbye tshad med la sogs bcus/ /ye shes las dang mngon shes myur ba'i rgyus/ /gnas pa zab mo thob par rnam par bzhag /'di la drug las zab pa'i khyad par ni bdun te/ ring ba'i sa la 'jug pas zab pa shes par dka' ba dang/ dag pa'i sa pa dang thun mong bas zab pa tha mi dad pa dang/ gzung 'dzin snang ba med pas yul zab pa mtshan ma dang bral zhing 'du shes kyi 'dzin pa las log pa dang/ rang dang gzhan gyi don bsgrub pa zab pa tshad med pa dang/ zil gyis mi non pa zab pa nyan thos la sogs @491b pas mi 'phrogs pa dang/ mi mthun phyogs srabs pas zab pa dben pa dang/ gnyen po la phyogs pas zab pa thams cad las dben pa rjes su thob pa'o/ /lhun gyis grub pa'i chos nyid thob pa ni dge slong sems la dbang thob pa 'gog pa la ? snyom pa zhugs pa g.yo ba dang rlom sems thams cad dang bral ba ltar/ sa 'di thob ma thag tu 'bad pa thams cad dang bral te lhun gyis grub pa'i chos nyid thob cing lus dang ngag dang sems kyi rtsol ba dang bral nas rnam par smin pa la gnas pa'o/ /de'i rnam par dag pa'i khyad par ni mi zhig rmi lam na chus khyer ba ci phyin du 'bad pa byas pas sad ma thag tu 'bad pa dang bral ba ltar/ byang chub sems dpas sems can chu bo bzhis khyer ba'i don du 'bad pa chen po byas bas sa 'di thob ma thag 'bad pa thams cad dang bral te srid zhi'i mtha' gnyis su kun tu spyod pa dang/ yul la longs spyod pa'i mtshan ma kun tu spyod pa thams cad mi snang bar 'gyur ba'o/ /tshangs par skyes pa la 'dod pa pa'i nyon mongs pa kun tu mi 'byung ba ltar 'di la yang 'jug pa'i phyogs sems can la sogs pa dang/ ldog pa'i phyogs sangs rgyas la sogs pa'i kun tu 'byung ba thams cad mi 'byung ba'o/ /sangs rgyas rnams kyis rjes su 'dzin pa'i khyad par las/ sangs rgyas kyi ye shes la bskul ba ni rigs kyi bu legs so/ /sangs rgyas kyi chos thob par bya ba la 'di ni don dam pa'i bzod pa yin mod kyi 'on kyang nged kyi stobs la sogs pa'i chos phun sum tshogs pa de khyod la med kyi de btsal ba'i phyir brtson 'grus rtsoms shig /bzod pa 'di'ang ma 'dor cig ces so/ /thugs rje la bskul ba ni khyod kyis de ltar zhi ba'i rnam par thar pa thob kyang sems can nyon mongs pa dang rnam rtog sna tshogs kyis dbye na spyod ? pa dag la sems ? shig ces so/ /yon tan la bskul ba ni sngon gyi smon lam dang sems can gyi don dang ye shes kyi sgo bsam gyis mi khyab pa dran par gyis shig ces so/ /shes rab tsam gyis chog par mi gzung bar bskul ba ni chos rnams kyi chos nyid sangs rgyas byung rung dang ? rgyud ? rung gnas pa ni rnam par mi rtog pa nyid de/ /'dis ni sangs rgyas nyid rab tu phye ba ma @492a @#/ /yin gyi nyan thos la sogs pa'ang chos nyid 'di thob pa'o zhes so/ /'phrin las la bskul ba ni nged kyi lus tshad med pa dang ye shes dang sangs rgyas kyi zhing dang ye shes mngon par bsgrub pa dang 'od dang sgra skad kyi yan lag tshad med pa la ltos te de bzhin du mngon par sgrubs shig ces so/ bde bar gnas pa la bskul ba ni khyod kyi chos thams cad rnam par mi rtog pa'i snang ba 'di ni gcig bur zad do/ /nged la ni chos snang ba'i sgo 'di 'dra ba mtha' yas pas mdzad pa mtha' yas pa yin gyis/ de dag mngon par sgrubs shig ces so/ /lta ba phun sum tshogs pa la bskul ba ni khyod kyis phyogs bcu'i zhing dang sems can dang chos rnam par dbye ba tshad med pa la ltos la de dag ji lta bar khong du chud par gyis shig ces so/ /bskul ba'i dgos pa dang don bsdu ba ni de la sangs rgyas rnams ye shes rnam par phye ba tshad med pa mngon par bsgrub pa'i sgo de dag la sogs pa tshad med pas sgrub par mdzad do/ /gal te de la sangs rgyas rnams kyis mngon par bsgrub pa'i sgo la gzhug pa ma mdzad na de nyid de'i mya ngan las 'das pa ste/ sen gyi don bya ba rgyun bcad par 'gyur ro zhes so/ /ye shes kyi las kyi khyad par ni sa 'di la skad cig gis ye shes kyi las gang bsgrubs pa de la sems dang po bskyed pa nas sa bdun pa'i bar gyi rtsom pa thams cad kyis brgya'i cha nas dpe dang rgyur yang nye bar mi 'gro ba'i bar gyi khyad zhugs pa ste/ sngon chad ni lus la sogs pa gcig gis mngon par bsgrub pa yin gyis 'dir ni lus rnam par dbye ba tshad med pa dang/ sgra skad dang/ ye shes dang/ skye ba dang/ zhing dag pa dang/ sems can smin pa dang/ sangs rgyas mchod pa dang/ chos khong du chud pa dang/ mngon shes kyi stobs dang/ 'khor tshad med pas spyod pa'i stobs 'grub pa'i phyir ro/ /mngon shes myur ba'i khyad par ni rgya mtsho'i grub bo che rgya mtsho chen po la ma thug gi bar du bskyod pas 'gro la/ rgya mtsho chen po la zhen ma thag tu rlung gi dkyil 'khor gyis ded nas bskyod mi dgos par 'gro ste/ der nyin cig gis chod pa de sngar bskyod pa'i 'gro ba'i lo brgyas kyang mi chod pa ltar/ 'dir @492b dge ba'i tshogs shin tu bsags pa theg pa chen po'i rgya mtshor phyin pas yud tsam la ye shes ji tsam gnon pa de ni sngar 'bad pas bskal pa 'bum du'ang gnon par mi nus pa'i phyir ro/ ! /zhing dag pa'i khyad par las snod dang sems can gyi 'jig rten la dbang ba'i sbyor ba gnyis ni/ 'dod bzhin ston dang mi snang byed pa dang/ /ci 'dra ji srid ji ltar ji snyed don/ /dge sbyong bram ze rgyal rigs la sogs pa/ /mos pa ci 'dra'i lus kyi sems can 'dul/ /snod la dbang ba ni lnga ste/ gang 'dod pa ston pa'am mi snang bar byed pa ni 'jig rten gyi khams 'byung ba dang 'jig pa dang ji ltar 'jig rten pa dang ji ltar chags pa shes pa'o/ /ji 'dra ba ston pa ni sogs pa gang gis 'jig pa dang chags par shes pa'o/ /dus ji srid pa ni 'jig chags kyi dus shes pa'o/ /bsdus pa dang rgyas pa shes pa ni sa'i khams la sogs pa chung ba dang che ba dang tshad med pa dang rnam par phye ba dang/ 'jig rten gyi khams dang sems can gyi lus sna tshogs re re nas zhing gi tshogs la sa la sogs pa'i rdul phra rab ji snyed yod pa shes pa'o/ /ji snyed 'dod pa shes pa ni khams gsum gyi 'jig pa dang chags pa dang/ chung ba dang che ba dang tshad med pa dang rnam par phye ba yang shes shing/ sems can smin pa'i don du de dag gi mos pa dang mthun pa'i lus sna tshogs su rang gi lus byin gyis brlabs nas zhing gcig nas kyang mi g.yo la zhing brjod du med pa'i 'khor gyi dkyil 'khor na yang snang ba'o/ /sems can gyi 'jig rten la dbang ba'i sbyor ba ni de ltar lus byin gyis brlabs nas rgyal rigs la sogs pa mi'i 'khor dang/ rgyal chen bzhi la sogs pa lha'i 'khor dang/ nyan thos dang rang rgyal dang rgyal sras dang sangs rgyas kyis 'dul ba la de de'i lus ston pas don bsgrub pa'o/ ! /ye shes mngon par byang chub pa la dbang ba'i sbyor ba ni/ don dam kun rdzob rnam 'byed ye shes kyis/ /mnyam nyid lus dang lus 'phrul sna tshogs shes/ /don dam pa'i ye shes ni rang dang gzhan gyi rgyud du mi dpyod pas lus su rtog pa thams cad dang bral zhing lus mnyam pa nyid thob pa'o/ /kun rdzob kyi ye shes ni kun nas nyon mongs pa dang rnam byang @493a @#/ /dang gnyi ga ma yin pa'i lus kyi phyogs shes pas/ sems can dang zhing gi lus dang/ nyan thos la sogs pa'i lus dang/ sangs rgyas kyi sku dang chos kyi lus kyang shes pas gzhan gyi bsam pa ji lta bar 'dod na rang gi lus sems can gyi lus la sogs pa de dag tu dang/ sems can gyi lus la sogs pa yang rang gi lus su byin gyis brlobs pa la sogs pa'o/ ! /dbang gi khyad par ni/ de ltar dbang gsum thob pas tshe dang ni/ /sems la dbang sogs rnam bcus ? gnad bcu sel/ /bskal pa brjod du med pa'i yang brjod du med par tshe byin gyis brlob pa dang/ sems ting nge 'dzin dpag tu med pa sems pas 'jug pa dang/ 'jig rten thams cad du rgyan bkod pa du mas brgyan pa'i yo byad dang/ lus kyi rnam smin dus ji lta bar byin rlabs kyis ston pa dang/ 'jig rten thams cad du ji 'dod kyi skye ba ston pa dang/ zhing dang dus gang du ji dga' bar smon lam gyis mngon par byang chub pa ston pa dang/ mos pa ji lta bar 'jig rten thams cad sangs rgyas kyis gang ba yang ston pa dang/ sangs rgyas thams cad kyi rdzu 'phrul gyis 'phrul pa dang/ ye shes kyi stobs dang mi 'jigs pa la sogs pa kun tu ston pa dang/ mtha' dbus med pa'i chos kyi sgo snang ba ston pa'i dbang bcu thob pas gnod pa bcu bzlog pa ste/ 'chi ba dang kun nas nyon mongs pa dang dbul ba dang nyes par spyod pa dang ngan 'gro dang 'dod pa mi 'grub pa dang las kyi sgrib pa dang kun tu tshol ba dang the tshom dang bag tsha ba'i gnod pa rim pa bzhin bzlog pa'i phyir ro/ ! che ba'i khyad par ye shes las dang gnyi ga'i gnas gyur pa/ /yon tan tshogs kyis che bas rnam par rol/ /ye shes kyis che ba ni ye shes bsam gyis mi khyab pa dang dpag tu med pa dang shin tu rgyas pa dang mi 'phrogs pa dang ldan pas so/ /las kyis che ba ni lus dang ngag dang yid kyi las kha na ma thob shin tu med pa kun tu 'byung ba rab tu 'byung bas so/ /yon tan gyis che ba ni bsam pa'i stobs dang ldan pa'i bsam pa dang snying rje chen po dang gzungs dang spobs pa dang mngon shes dang smon lam dang pha rol tu phyin pa dang sangs rgyas kyi byin gyis brlabs kyi stobs la @493b shin tu gnas pas/ bya ba thams cad kyang ston la bya ba thams cad la kha na ma tho ba med pa yang yin no/ ! /nges tshig gi khyad par ni/ ye shes mi zlog mi 'phrogs la sogs phyir/ /mi g.yo phyir mi ldog sogs par brjod de/ /gcig tu mi g.yo gcig las mi g.yo ba/ /thob phyir rgyal sras mi g.yo thob ces brjod/ /nges tshig gi dbye ba gnyis las sa'i nges tshig ni sa 'og ma'i rtsol ba theg pa dman pas mi 'phrogs pas mi g.yo ba dang/ bdud dang nyon mongs pas mi zlog pas phyir mi ldog pa dang/ 'gro ba thams cad kyi shes par dka' bas rnyed par dka' ba dang/ kha na ma tho ba med pas gzhon nu'i sa dang/ bsam pa ji lta bar dbang byed pas skye ba'i sa dang/ yang bya ba med pas yongs su grub pa dang/ ye shes kyi rnam par dbye ba shin tu phye bas yongs kyi mthar thug pa dang/ smon lam shin tu bsgrubs pas mya ngan las 'das pa dang/ gzhan gyis mi 'khrugs pas byin gyis brlabs dang/ sngon gyi mthar mngon par bsgrub pas lhun gyis grub pa'i sa zhes bya'o/ /gang zag gi nges tshig gcig tu mi g.yo ba dang gcig pa nyid las mi g.yo ba'i phyir mi g.yo ba thob pa zhes bya ste/ dang po ni ye shes de lta bu bsgrub pa dang ldan zhing sangs rgyas kyi rigs kyi rjes su song ba dang sangs rgyas kyi yon tan shin tu snang bar gyur pa la sogs pas so/ /gcig las mi g.yo ba ni theg pa chen po'i dkyil 'khor du zhugs pa shin tu rnam par dag pa'i ye shes kyi mngon par shes pa chen po dang ldan pa ye shes mi phyed pa dang/ rtag par rgyun tu shes rab kyi snang ba'i 'od zer gtong bas bshad pa mi phyed pa la sogs pa bcus so/ /phan yon gyi khyad par ni gser de nyid mgar ba mkhas pas zin par byas te 'dzam bu'i gling gi bdag po'i mgo'am mgul du btags na rgyan gyi rnam pa gzhan gyis mi 'phrogs pa ltar dge ba'i rtsa ba nyan thos la sogs pa dang sa 'og ma bdun gyis mi 'phrogs pa'o/ /pha rol tu phyin pa ni smon lam shes che'o/ /skye ba ni phal cher stong gi bdag po tshangs pa'i stobs thob nas/ sems can la nyan thos sam byang chub sems can de'i ? lam ston pa la mkhas pa'o/ /ting nge 'dzin la @494a @#/ /sogs pa'i mthu ni stong gsum 'bum phrag bcu'i rdul snyed kyis rab tu phye ba'o/ ! /sa dgu pa legs pa'i blo gros ni snga mas zhing dag par byas nas sems can smin par byed pa ste/ de la smra ba po'i rtsol ba phun sum tshogs pa'i dbang du byas nas/ rnam thar gong ma shes par sbyor sogs bcus/ /bdag gzhan don sgrub brtson pas dgu pa gnon/ /de ltar ye shes tshad med pas rnam par dpyad pa'i blos yang rnam par thar pa zhi ba gong ma rnams shes par byed pa dang/ sangs rgyas kyi ye shes gong ma ma rdzogs pa la rnam par dpyod pa dang/ sangs rgyas kyi gsang ba'i rjes su 'jug pa dang/ ye shes bsam gyis mi khyab pa'i che ba rnam par 'byed pa dang/ gzungs dang ting nge 'dzin rnam par sbyong ba dang/ mngon shes rgya chen po bsgrub pa dang/ stobs dang mi 'jigs pa la sogs pa mi 'phrogs pa sbyor ba dang/ chos kyi 'khor lo bskor ba khyu mchog gi rjes su 'jug pa dang/ snying rje chen po'i byin rlabs thob pa mi 'dor zhing sa dgu pa gnon pa'o/ ! /ye shes phun sum tshogs pa ni/ kun nas nyon mongs rnam byang rnam dbye'i tshogs/ /ma lus sgrub pa bstab bya yongs su shes/ /des chos ? gang dag bstan par bya ba shes pa ste/ dge ba dang mi dge ba dang lung du mi ston pa dang/ zag bcas dang zag med dang/ 'jig rten pa dang 'jig rten las 'das pa dang/ bsam gyis mi khyab pa dang khyab pa dang/ nges pa dang ma nges pa'i chos dang/ nyan thos dang rang sangs rgyas kyi chos dang/ byang chub sems dpa'i ? chos dang/ sangs rgyas kyi chos dang/ 'du byas kyi chos dang/ 'dus ma byas kyi chos dang/ mngon par 'du bya ba yang dag pa ji lta bar shes pa'o/ ! /spyod pa la 'jug pa phun sum tshogs pa ni/ sems la sogs pa'i rgyu ba thibs po bcu/ /ji bzhin shes pas nyon mongs las dang ni; ;rten bcas skye ba gnas skabs bcas pa kun/ /yongs shes spyod la 'jug pa phun tshogs brjod/ /'dir sems dang nyon mongs pa dang las kyi rgyu ba thibs bo gsum gyis ni las dang nyon mongs pa'i kun nas nyon mongs pa rten dang bcas pa bstan la/ dbang po dang/ @494b mos pa dang/ khams dang/ bsam pa dang bag la nyal dang/ skye ba bag chags kyi mtshams sbyor ba dang phung po gsum du rnam par gnas pa'i rgyu ba thibs pos ni skye bas kun nas nyon mongs pa la brten pa kun nas nyon mongs dang rnam byang gnyis su nges pa dang ma nges pa'i gnas skabs ta de dag yang dag pa ji lta bar shes pas so/ ! /bshad pa phun sum tshogs pa ni/ sa 'di la gnas nas sems can rnams la thar pa nye bar sgrub pa'i sgo nas te/ shes pa phun sum tshogs pa ni/ gdul ba'i spyod dang yongs smin thabs rig pas/ /ji bzhin legs ston chos smra chos mdzod bsrung/ /sa 'di la gnas nas de ltar sems can gyi spyod ? pa ? shes pas ? sems can smin pa'i thabs dang gdul ba'i thabs dang theg pa gsum gyi snod ji lta bar shes nas bsam pa dang mos pa la sogs pa dang rjes su mthun pa'i chos ci rigs par ston pas don chen po bsgrub pa'i phyir chos smra ba chen po dang sangs rgyas kyi chos kyi mdzad ? yongs su bsrung ba'o/ ! /de yang chos smra ba'i tshul nyi shus gtam brjod pa rnam par bshad pa'i rigs pa las blta bar bya'o/ /ngag phun sum tshogs pa ni/ so so yang dag rigs bzhis legs ston pa/ /rang dang spyi dang tshul dang bstan pa dang/ /shes dang nga rgyal med dang theg dman mchog /rgyal sras rgyal ba'i sa dang mdzad bsgrub bcas/ /byang chub sems dang ? de shes pa la mkhas pa tshad med pa dang ldan pa las so so ? yang dag par rig pa bzhi rtag par rgyun tu 'byung bar mngon par bsgrub pa'i tshig gis chos ston pa'i phyir ro/ /de dag ni rnam pa bcur gnas te/ rang gi mtshan nyid gyi dbang du byas pa dang/ spyi'i dang/ tshul gyi dang/ bstan pa'i dang/ shes pa'i dang/ rnam par byang ba'i mtshan nyid lnga ste/ mngon pa'i nga rgyal med pa dang/ theg pa dman pa dang gya nom pa dang/ byang chub sems dpa'i sa dang/ de bzhin gshegs pa'i sa dang/ de'i mdzad pa bsgrub pa'i mtshan nyid/ /rang gi mtshan nyid ni gzhi ste/ rigs dang/ so so dang/ ming du grag pa dang/ ming gi dbye ba'i rang gi mtshan nyid las chos so so yang dag par rig pas chos rnams kyi rang gi mtshan @495a @#/ /nyid shes pa dang/ don so so yang dag par rig pas rnam par dbye ba dang ?/ nges pa'i tshig ? gis ma 'dres par bstan pa dang/ spobs pas rgyu mthun pa'i rgyud rgyun mi chad par shes pa la sogs pa rgyas par mdo 'grel las blta'o/ ! /smra ba po phun sum tshogs pa ni; gzungs dang rab ston dris lan 'debs dang 'dzin/ /phun sum tshogs bzhis smra po rab tu bstan/ /don gyi gzungs dang/ tshig gi gzungs dang/ mngon shes sgrub pa dang/ 'od zer 'gyed pa dang/ rgol ba tshar gcod pa dang/ nor sbyin pa dang/ gzi brjid bskyed pa dang/ spobs pa thogs pa med pa dang/ spobs pa mi zad pa dang/ don sna tshogs la spros pa'i gzungs la sogs pa gzungs kyi sgo grangs med pa 'bum phrag bcu thob pas sangs rgyas dpag tu med pa las chos nyan cing mi brjed pas shin tu rnam par phye nas ston pa'o/ /rab tu ston pa phun sum tshogs pa ni de lta bu'i spobs pa thob pas chos kyi stan sangs rgyas dang byang chub sems dpa' dbang thob pa ma gtogs pa thams cad las 'phags pa snang ba tshad med pa dang ldan pa la 'dug nas/ 'dod na sgra skad gcig dang tha dad pa dang yan lag rnam par phye bas kyang go bar byed do/ /'od zer gyi sgo dang spu'i khung dang 'jig rten gyi gzugs thams cad las chos kyi sgra 'byung bar byed do/ /glu dang rol mo thams cad dang sa dang chu la sogs pa'i rdul phran thams cad las kyang chos kyi sgra brjod du med pa 'byung bar byed pa'o/ /dris pa'i lan 'debs pa phun sum tshogs pa ni gal te stong gsum brjod du med pa'i sems can thams cad lhags te/ re res kyang skad cig thang cig yud tsam la sgra tha dad pa tshad med pas dris la/ gcig gis gang dris pa de gzhan gyi ma yin na yang/ des skad cig thang cig yud tsam la thams cad gzung ste tshig cig brjod pas thams cad go bar byed do/ /sangs rgyas kyi byin rlabs dang mdzad pa mtha' dag sems can thams cad lam nye bar gnas pa'o/ /'dzin pa phun sum tshogs pa ni de gal te skra rtse gcig la 'jig rten gyi khams brjod du med pa'i rdul snyed kyi sangs rgyas bzhugs la de dag re res @495b kyang de snyad du chad ? med pa'i sems can la chos ston te/ der bdag gis skad cig thang cig yud tsam la thams cad kyi thad nas chos nod pa de lta bu'i dran pa bsgrub cing/ sems can de dag kyang tshim par nus pa'i shes rab kyis snang ba bsgrub par byed pas so/ /phan yon gyi khyad par ni gser de nyid rgyan du byas pa rdzogs pa 'khor los bsgyur ba'i rgyal po'i mgo'am mgul du btags na rgyal phran la sogs pa'i rgyan thams cad kyis mi 'phrogs pa ltar/ de'i dge ba'i rtsa ba ye shes kyi snang ba chen pos rab tu sbyangs pa yang sa 'og ma la sogs pa'i dge ba thams cad kyis mi 'phrogs pa'o/ /pha rol tu phyin pa ni stobs shas che'o/ /phal cher stong gnyis kyi bdag po tshangs pa chen por 'gyur te/ sems can rnams la pha rol tu phyin pa thams cad ston cing/ bsam pa dris pa rnams kyis mi 'phrogs pa'o/ /ting nge 'dzin la sogs pa'i mthu ni stong gsum grangs med pa 'bum phrag bcu'i rdul snyed kyis rab tu phye ba'o/ ! /sa bcu pa chos kyi sprin gyi dbang du byas nas yongs su sbyang ba'i sa rdzogs pa ni/ shin tu rnam 'byed chos dkar yongs rdzogs sogs/ /rnam bcus rab tu sbyang ba rdzogs par bstan/ /shes bya tshad med pa la rnam par brtags pa'i blos shin tu rnam par phye ba rnam par 'byed pa dang/ chos dkar po shin tu rdzogs pa dang/ tshogs bsags par bya ba shin tu bsags pa dang/ bsod nams dang ye shes kyi tshogs chen po shin tu bzung ba dang/ snying rje chen po shin tu rgyas pa dang/ 'jig rten gyi khams rnam par phye ba la mkhas pa dang/ sems can gyi rgyu ba thibs po la zhugs pa dang/ sangs rgyas kyi spyod yul 'jug pa yid la byed pa dang/ stobs la sogs pa la lhag par dmigs pa dang/ thams cad mkhyen pa'i sa la dbang bskur ba thob pas so/ ! /ting nge 'dzin rdzogs pa thob pa ni/ nyon mongs thag bsrings dri ma med la sogs/ /rnam bcus ting 'dzin yongs su rdzogs pa thob/ /ting nge 'dzin dri ma med pa dang/ chos kyi dbyings rnam par dbye ba la 'jug pa dang/ byang chub kyi snying po'i rgyan gyi rlabs can dang/ 'od zer thad kyi me tog dang/ rgya mtsho'i snying po lta bu dang/ rgya mtsho lta bur 'byor ba dang/ nam mkha'i khams rgyas par 'gengs @496a @#/ /pa dang/ chos thams cad kyi ngo bo nyid rnam par 'byed pa dang/ sems can thams cad kyi sems kyi spyod pa rtogs pa dang/ da ltar gyi sangs rgyas thams cad mngon du gyur pa la sogs pa ting nge 'dzin grangs med pa 'bum phrag bcu mngon du 'gyur ro/ ! /dbang bskur ba thob pa ni/ stan dang lus dang 'khor dang mtshan ma dang/ /gang gis ji ltar dbang bskur drug tu gsungs/ /stan gyi khyad par ni stong gsum 'bum phrag bcu'i gtos dang mnyam pa la sogs pa'i mtshan nyid bcu dang ldan pa'o/ /lus kyi khyad par ni stan de'i rkyen du bab pas de dang 'tsham par bstan pa ste/ thams cad mkhyen pa dang 'dra bar dbang bskur ba'i ting nge 'dzin thob ma thag tu rin po che'i rgyal po padma'i stan de la 'dug par snang ba'o/ /'khor gyi khyad par ni der 'dug ma thag tu padma de'i 'khor rin po che'i padma ji snyed kyi rgyal sras dag gis de la bskor te blta zhing de dag re re yang ting 'dzin 'bum phrag bcu bcu la snyoms par 'jug pa'o/ /mtshan ma'i khyad par ni 'od zer gsum 'byung ba ste/ phan 'dogs pa dang/ sbron pa dang/ 'gugs pa'i las can no/ /dang po ni rgyal sras 'khor dang bcas pa de dag mnyam par bzhag ma thag zhing thams cad g.yo ba dang ngan song thams cad rgyun chad pa la sogs pa'i bya ba mang po bsgrub pa'i 'od zer rgyal sras de las 'byung ba ste/ rkang mthil gnyis nas 'od grangs med pa 'bum phrag bcu byung nas phyogs bcu'i sems can dmyal ba'i sdug bsngal thams cad zhi bar byed do/ /pus mo'i gyis ni dud 'gro'o/ /lte ba'i gyis ni yi dwags kyi'o/ /rtsib logs kyis ni mi'o/ /lag pas ni lha dang lha ma yin gyi'o/ /phrag pas ni nyan thos la chos snang ba'i sgo bsgrub bo/ /mgul gyis ni rang rgyal la ting nge 'dzin gyi sgo sgrub bo/ /kha'i sogs ni byang chub sems dpa'i sa dgu pa man chad la shes rab dang thab kyi tshul bsgrub bo/ /mdzod spus ni bdud kyi gnas thams cad mog mog por byas nas dbang bskur ba'i rgyal sras rnams snang bar byas te de dag gi lus la nub par byed do/ /mgo las stong gsum grangs med pa 'bum phrag bcu'i rdul snyed kyi 'od zer byung bas ni sangs @496b rgyas kyi 'khor thams cad snang bar byas te lan bcu bskor nas bar snang la 'dug pas sangs rgyas la mchod pa dang rim gro byed do/ /de la ni sa dgu pa'i bar thob pa'i mchod pas brgya'i cha nas dpe'i bar du yang nye bar mi 'gro'o/ /gnyis pa ni de nas 'od zer de dag gis 'khor gyi dkyil 'khor de dag la lan bcur bskor nas rgyal ba de dag gi zhabs mthil rnams su nub pa dang/ rgyal ba sras dang bcas pa de dag gis/ che ge mor rgyal sras dbang bskur ba'i dus la bab po zhes dgongs par 'gyur ba'o/ /gsum pa ni phyogs bcu nas rgyal sras sa dgu pa man chad thob pa mtha' yas pa der lhags nas de la bskor ba dang/ mchod pa chen pa byas te lta zhing ting nge 'dzin stong phrag bcu bcu la 'jug go /rgyal sras dbang bskur ba thob pa rnams kyis dpal be'u dang rdo rje dang bkra shis las bdud kyi dgra las rgyal ba'i 'od chen po 'od kyi 'khor grangs med pa 'bum phrag bcu pa byung nas phyogs bcur snang bar byas shing cho 'phrul mu med pa bstan nas/ rgyal sras de'i dpal be'u la sogs par nub pa na de'i stobs 'bum 'gyur du lhag par 'phel ba'o/ /gang gis dbang bskur ba'i ni de nas sangs rgyas de dag gi mdzod spu nas thams cad mkhyen pa'i mngon shes dang ldan pa zhes bya ba'i 'od zer grangs med pa 'bum phrag bcu byung ste/ phyogs bcur ngan song thams cad zhi ba la sogs pa'i rnam 'phral mang po bsgrubs nas phyir log ste de'i spyi bor nub po/ /'khor gyi 'od zer rnams ni der 'dus pa'i 'khor gyi spyi bor nub pas sngon ma thob pa'i ting nge 'dzin stong phrag bcu bcu 'thob bo/ /yang 'od zer de dag dus gcig tu rgyal sras de'i mgo la bab pas sangs rgyas kyi yul la dbang bskur ba'o/ /stobs bcu rdzogs nas ni sangs rgyas kyi grangs su 'gro'o/ /ji ltar dbang bskur ba ni 'khor los bsgyur ba'i bu thu bo ltar te de'i btsun mo dam pa las btsas pa'i bu thu bo mtshan dang ldan pa ni rgyal pos glang po rin po che'i steng du gser gyi khri la bzhag ste/ rgyan bkod pa chen po byas nas rgya mtsho bzhi'i chu gser gyi bum par blugs pas spyi bo nas dbang bskur @497a @#/ /bas dbang thob pa ste/ dge ba bcu rdzogs par spyod pas 'khor los bsgyur ba'i ming 'thob pa ltar/ de'ang sangs rgyas de dag gis dbang bskur ma thag ye shes kyi dbang thob pa ste/ stobs bcu rdzogs nas sangs rgyas kyi grangs su 'gro'o/ /de dang dus mnyam du chos kyi sprin la gnas pa ste yon tan dang ye shes tshad med pa rnam par 'phel ba'o/ ! /che ba nyid mthar son pa lnga ni/ shes rab rnam thar ting 'dzin gzungs dang ni/ /mngon par shes pa'i che ba mthar phyin 'thob/ /'di lngas ni rim pa bzhin don lnga bsgrub pa ste/ de kho na mngon par byang chub pa dang/ sems la dbang thob pa dang/ don thams cad sems bskyed pa tsam gyis 'grub pa dang/ 'khor ba ji srid par sems can gyi don byed pa dang/ sems can smin par byed nus pa'o/ /shes pa'i che ba ni yang dag par 'grub pa shes pa la sogs pa sa 'di la gnas pa ni chos kyi khams yang dag par 'grub pa ji lta ba shes pa ste/ 'dod pa'i khams yang dag par 'grub pa dang zhes bya ba la sogs pa rgyas par mdo 'grel las blta'o/ /rnam par thar pa'i che ba ni bcu ste/ rnam par thar pa bsam gyis mi khyab pa dang/ sgrib pa med pa dang/ rnam par dag par rnam par 'byed pa dang/ sgo kun tu snang ba dang/ de bzhin gshegs pa'i mdzad pa dang/ 'khor lo thogs pa med pa dang ldan pa dang/ dus gsum gyi rjes su song ba dang/ chos kyi dbyings kyi snying po can dang/ rnam par grol ba'i dkyil 'khor snang ba dang/ yul ma lus pa zhes bya ba'i rnam par thar pa ste/ bcu po de dag la sogs pa rnam par thar pa'i sgo 'bum phrag grangs med dpag tu med pa thob pa'o/ /ting nge 'dzin gyi che ba ni ting nge 'dzin 'bum thob pa'o/ /gzungs kyi che ba yang gzungs 'bum mo/ /mngon par shes pa'i che ba yang 'bum mo/ ! /nges pa'i tshig ni/ sa yi nam mkha'i thos pa'i chos kyi ni/ /khyab byed nyon mongs rdul zhi sems can sgrol/ /sprin dang 'dra ba'i chos gsum gyis chos kyi sprin zhes bya ste/ thos pa'i chos kyis sa 'di sa'i lus nam mkha' lta bu la khyab par byed pa @497b dang; chos des sems can rnams kyi nyon mongs pa'i rdul rab tu zhi bar byed pa dang/ dga' ldan na gnas pa la sogs pa rim gyis sems can sgrol ba'i phyir te/ char gyis lo tog sgrol ba bzhin no/ /de'ang ye shes lta bu dang ldan pa dang tshad med pa'i rjes su song ba'i dran pa la mkhas pa dang ldan pas phyogs bcu'i sangs rgyas dpag tu med pa'i chos kyi snang ba dang chos kyi gsal ba dang/ chos kyi sprin chen po tshad med pa dag skad cig thang cig yud tsam zhig la bzod do/ /yang dag par len to bdag gir byed do/ /'dzin to/ dper na klu'i rgyal po rgya mtshos sprin las chu'i tshogs chen po phab pa ni rgya mtsho chen po las gzhan gyis bzod pa la sogs par sla ba ma yin pa ltar/ de bzhin gshegs pa rnams kyi gsang ba la 'jug pa'i chos kyi snang ba chen po de'ang sa dgu pa man chad sus kyang bzod pa la sogs par sla ba ma yin te/ sa 'di la gnas pa nyid kyis de thams cad bzod/ yang dag par len bdag gir byed 'dzin par nus pa'o/ /'dis ni smon lam gyi stobs chen pos snying rje chen po'i sprin/ chos chen po ston pas 'brug sgrogs pa/ mngon shes dang rig pa dang mi 'jigs pa'i glog 'gyu ba/ 'od zer chen po'i rlung gis bskyod pa/ tshogs gnyis kyi sprin gyi dra ba stug pos khebs pa la sogs pas 'jig rten gyi khams rab 'byams mtha' yas pa rgyas par bkang ste/ dge ba'i bdud rtsi'i char chen pos bsam pa ji lta bar sems can rnams kyi thog ma med pa can gyi mi shes pa las byung ba'i nyon mongs pa'i rdul dang me lce thams cad zhi bar byed pa 'bebs pas chos kyi sprin no/ ! /mthu bla na yod pa dang bla na med pa ni/ gnas dang gzhi dang mtshan nyid bya ba bsgrub/ /yongs su tshim byed mthu dang grangs rgya che'o/ /mthu rnam pa drug po 'di ni sems can gzhan gyi mthu la bltos te bla na med pa'o/ /sangs rgyas kyi la bltos te bla na yod pa'o/ /gnas ni sngar bstan pa bzhin te/ rnam par thar pa bsam gyis mi khyab pa dang rgya mtsho ltar 'byor pa'i ting nge 'dzin dang ye shes bsgrub pa'i gzungs dang rdzu 'phrul gyis @498a @#/ /mngon par shes pa'o/ /gzhan ni phyi'i sa la sogs pa dang/ nang rang gi lus te sa 'di la gnas pa ni ? yang dga' ldan na gnas pa dang/ 'pho ba nas zhi ba chen po'i sa'i bar du sangs rgyas kyi mdzad pa thams cad sems can gyi bsam pa ji lta bar byin gyis brlob la/ zhing mtha' yas pa thams cad du yang de bzhin du byin gyis brlob pa'o/ /rang gi mtshan nyid ni lus la sogs pa bsgyur ba dang sprul pa ste/ 'jig rten gyi khams ma dag pa dag par dang dag pa'ang ma dag par dang/ dog pa yangs pa dang ldog par dang/ tha gru che ba dang phra ba dang chol ba dang steng g.yogs med pa dang gzhi phyal ba la sogs pa gzhan dang gzhan du dang/ rdul gcig la khor yug dang rgya mtsho dang bcas pa byin gyis brlob ste/ rdul de'ang mi skye la bya ba de dag kyang kun tu ston pa la sogs pa'i rnam 'phrul gyis so/ / bya ba bsgrub pa ni mchod pa'i sgo nas tshogs gsog pa ste/ 'jig rten thams cad kyi rdul snyed kyi lus skad cig la sprul zhing/ /lus re re la de snyed kyi lag pa re res kyang me tog dang spos la sogs pa ganggA'i/ bye ma snyed kyis sangs rgyas rnams mchod cing/ lus re re la de snyed kyi mgo dang/ mgo re re la de snyed kyi lces bstod pa byed pa la sogs pa'i rnam 'phrul mtha' yas pas so/ /yongs su tshim par byed pa ni the tshom gcod pas te/ kha cig byang chub sems dpa'i rnam 'phrul yang de ltar tshad med na sangs rgyas kyi ci 'dra snyam na/ byang chub sems dpa' rdo rje snying pos ting nge 'dzin zhing thams cad kyi rang bzhin ston pa la zhugs ma thag tu/ 'khor rgya mtsho thams cad kyis de'i khong na sangs rgyas kyi zhing bkod pa bskal pa bye bar yang brjod par mi nus pa na rang rang 'khor bar shes te/ der byang chub kyi zhing stong gsum 'bum phrag bcur khyab pa'i sdong po stong gsum bye ba tsam du rgyas pa'i yal ga can shin tu mtho ba byung ste/ de dang 'tsham pa'i byang chub kyi snying po la sengge'i khri rgya chen po byung bar sangs rgyas mngon par shes pa'i blo gros thams cad kyi rgyal po zhes bya ba bzhugs pa mthong bas ngo mtshar chen po @498b thob pa'o/ /rgya che ba ni gnyis te mthu rgya che ba dang grangs rgya che ba'o/ /dang po ni ting nge 'dzin de la goms pas ni sangs rgyas kyi zhing de 'dra ba stong gsum ganggA'i bye ma snyed dam de bas kyang mang ba rang gi lus la ston nus so/ /sa 'di la gnas pas ni ting nge 'dzin 'bum phrag mang po thob pas de'i lus dang ngag dang yid dam de dag gi las sam rdzu 'phrul lam rnam par thar pa la sogs pa ni rgyal tshab thob pa sa legs pa'i blo gros can la gnas pa dag gis kyang shes par sla ba ma yin pa'o/ /grangs rgya che ba ni sa 'di mdor bsdus te bstan pa yang de ltar grangs dang tshad med na rgya cher bskal pa grangs med pa 'bum phrag du mas bstan kyang mtha' thug pa med pa'o/ /de bzhin gshegs pa'i rnam par 'phrul pa ni de bas ches bskyed du med par 'phags pa ste/ dper na gling bzhi pa'i 'jig rten nas rde'u rgya shug gi tshig gu tsam pa gnyis sam gsum blangs pa dang sa'i khams lhag ma lus pa ltar/ 'di dag gi khyad par yang ngo/ /'di'i phan yon gyi khyad par yang 'di dag nyid kyis bstan te/ dper na lha'i rgyan chen po mkhan bzos ma byas pa rin po che chen pos spras pa lha'i rgyal po dbang bsgyur gyi mgo'am mgul du btags na de ma yin pa lha dang mi'i rgyan thams cad kyis mi 'phrogs pa ltar/ sa 'di thob pa'i ye shes kyang sems can thams cad dang/ nyan thos la sogs pa thams cad dang/ sa dgu pa man chad kyi byang chub sems dpa' rnams kyis kyang mi 'phrogs pa ste/ de ni sems can rnams thams cad mkhyen pa'i bar la 'dzud par 'gyur bas so/ /yang lha'i rgyal po dbang phyug chen po'i 'od ni skye ba'i gnas thams cad las 'das shing sems can rnams kyi lus kyang tshim par byed pa ltar/ sa 'di'i ye shes kyang gzhan thams cad kyis mi 'phrogs shing sems can thams cad kyang mthar thug pa'i ye shes la 'jog pas tshim par byed pa'i phyir ro/ /pha rol tu phyin pa ni ye shes shas che'o/ /phal cher lha'i rgyal ??? po dbang phyug chen por 'gyur te/ sems can la sa dang pha rol tu phyin pa ston par mkhas shing chos kyi dbyings rnam par phye ba dri ba bstan pas @499a @#/ /mi 'phrogs pa'o/ /ting nge 'dzin la sogs pa'i mthu ni zhing brjod du med pa bye ba khrag khrig 'bum phrag bcu'i rdul snyed kyis rab tu phye bar shes par bya'o/ ! /sa so so la zhi gnas dang lhag mthong bsgom pa lnga la brtson pa ni/ 'dres dang mtshan med lhun gyis grub pa dang/ /'bar dang chog par mi 'dzin bsgom pa'o/ /'dres par bsgom pa ni sa gcig nyid du yang thams cad mngon par bsdus te goms par byed pa'o/ /keng rus la sogs pa'ang bsdus te bsgom pa gsal bas mtshan med par bsgom pa ste mtshan ma thams cad dang bral ba'i chos kyi dbyings bsgom pa'o/ /de la'ang rtsol ba dang bcas pa bsal bas lhun gyis grub par bsgom pa ste/ bsgrim pa la mi ltos par rang gi ngang gis 'jug pas so/ /lhun gyis grub kyang mchog dang mchog ma yin pa tha dad pa gsal bas 'bar bar bsgom pa ste 'bar ba ni mchog gi rnam grangs yin pas de nyid bsgom pa'o/ /mchog nyid thob nas gzhan ci dgos ces chog par 'dzin pa bsal bas chog par mi 'dzin pa bsgom pa ste mtshan ma med pa mchog bsgom so zhes mi sbyor ba spangs nas khyad par thob pa'i don du bsgom pa la brtson pa'i phyir ro/ ! /bsgom pa de dag gi phan yon lnga ni rim pa bzhin/ gnas ngan len 'jig chos la kun dga' 'thob/ /yongs su ma chad chos kyi snang ba shes/ /rnam dag cha mthun mtshan ma ma brtags 'byung/ /chos sku rdzogs dang grub phyir gong du rtsol/ /gnas ngan len gyi gnas 'jig par byed pa ni kun gzhi'i rnam par shes pa'i tshogs 'jig cing tshogs su mi byed pa ste sman bcud len gyi nad kyi tshogs bzlog pa bzhin no/ /sna tshogs kyi 'du shes dang bral te chos kyi kun dga' la dga' ba ni bdag dang chos dang sangs rgyas la sogs pa'i mtshan ma dang bral bas kun dga' bar bya ba'i chos kyi dbyings la dga' zhing tshim pa thob pa ste/ thub pa na nags su dga' ba bzhin no/ /chos kyi snang ba thams cad du tshad med cing yongs su ma chad pa shes pa ni phyogs bcur 'di tsam zhes @499b yongs su ma chad pa dang/ rnam pa tshad med pas yongs su ma chad pa'i chos kyi snang ba yang dag par shes pa ste gzhung goms pa la lta ba bzhin no/ /rnam par dag pa'i cha dang mthun pa'i mtshan ma brtags pa ma yin pa la 'byung ba ni rnam par dag pa ma skyes zin kyang sangs rgyas nyid du 'gyur ba'i cha las phan pa'i mtshan ma sangs rgyas dang 'khor los bsgyur ba dang gdugs dkar po la sogs pa'i blos ma brtags bzhin du mthong bar 'gyur ba'o/ /chos sku rdzogs pa ni sa bcu pa la'o/ /yongs su grub pa ni sangs rgyas kyi sa la ste/ de dag gi don du ches gong ma sangs rgyas kyi sa'i rgyu yongs su 'dzin pa ni rgyu shin tu bsags pa'o/ /dang po gnyis ni zhi gnas kyi rjes su mthun pa'o/ /de nas gnyis ni lhag mthong gi'o/ /tha ma ni gnyi ga'i 'o/ ! /sa la zhugs pa'i rtags las sa rnams thun mong gi rtags ni/ snang zhing mos bcas ma zhum mi dman nyid; ;gzhan dring mi 'jog sa kun rab tu rtogs/ /kun la sems mnyam bkri dang chags med dang/ /thabs shes 'khor du skye bas sa kun rtags/ /rgyal sras sa la zhugs pa'i sa thams cad kyi rtags ni bcu ste/ sa gang la zhugs pa de snang zhing gang la ma zhugs pa de la mos pa dang/ chos zab cing rgya che ba la ma zhum pa/ dka' ba spyod pa dag la mi dman pas 'jug nus pa dang/ rang gi sa la gzhan gyi dring mi 'jog pa dang/ sa mngon par bsgrub pa la mkhas pas thams cad rtogs pa dang/ sems can kun la bdag dang sems mnyam pa dang/ snyan pa dang mi snyan pa'i sgra dag gis dkrir med pa dang/ 'khor los bsgyur ba la sogs pa'i phun sum tshogs pa la'ang ma chags pa dang/ mi dmigs par sangs rgyas thob pa'i thabs shes pa dang/ rtag tu sangs rgyas kyi 'khor gyi dkyil 'khor rnams su skye ba'o/ ! /sa so so'i snga ltas ni/ stong gsum gter gyi tshogs kyis rab gang bar/ /mthong sogs rmi ba sa bcu'i snga ltas so/ /rim pa bzhin du stong gsum gter bye ba khrag khrig 'bum gyis gang bar mthong ba dang/ stong gsum lag mthil ltar mnyam pa la rin po che bya ba khrag khrig gis brgyan @500a @#/ /pa dang/ bdag nyid dpa' zhing lag cha dang go cha sra bas phas kyi rgol ba 'dul ba dang/ phyogs bzhi nas rlung gi dkyil 'khor bzhis thams cad dang ldan pa'i sa'i dkyil 'khor chen po la me tog sna tshogs 'thor ba dang/ bud med rgyan thams cad kyis brgyan pas mgo la tsam pa ka'i phreng ba 'dogs pa dang/ rdzing them skas bzhi dang ldan pa/ gser gyi bye ma bdal ba rnyog pa med cing yan lag brgyad dang ldan pa'i chus gang ba me tog mang pos brgyan pa la rang rtse ba dang/ g.yas g.yon gnyis na dmyal ba'i g.yang sa 'dug pa nas rang ma smas ma nyams par thar ba dang/ phrag pa gnyis na sengge ral pa can cod pa paN thogs pas gcan gzan phra mo kun skra par byed pa dang/ 'khor los bsgyur ba skye bo bye ba phrag du mas bskor ba'i mag la rin po che sna tshogs kyis spras pa'i gdugs dkar po 'dzin pa dang/ sangs rgyas mdog gser lta bu 'ad ? 'dom gang ba tshangs pa bya ba khrag khrig mang pos bskor nas chos ston pa mthong ba'o/ ! /sa so sor pha rol tu phyin pa bcu thob pa'i rtags bcu drug ni/ 'dun pa med pa ma yin chags dang 'khu ba'i snying med khro min le lo med/ /byams dang snying rje min pa'i bsam med blo gros ngan rtog rnam rtag 'phrogs pa med/ /blo gros rnam par g.yengs min bde bas mi 'phrogs sdug bsngal dag gis gnod pa med/ /dge ba'i bshes la nye bar brtan cing thos pa lhur len ston pa mchod la brtson/ /thabs mchog shes pa gang zhig bsod nams yang dag bsdus pa shin tu rgya chen kun/ /gzhan dang thun mong byas nas nyin re bzhin du rdzogs pa'i byang chub yongs bsngo zhing/ /bzang po'i gnas su skyes pa rtag tu dge byed mngon shes yon tan rnams kyis rtsen/ /sangs rgyas sras de kun gyi bla na 'dug pa yon tan gtar du shes par bya/ /pha rol tu phyin pa bcu car la bsgrub pa'i 'dun pa dang ma bral ba ni thams cad kyi rgyu'i rtags so/ /sbyin pa la sogs pa drug gi mi mthun phyogs dang bral ba drug ni chags pa'i snying med pa dang/ 'khu ba'i snying med pa dang @500b khro ba med pa dang/ la lo med pa dang/ byams pa la sogs pa dang bral ba med pa dang/ ngo bo dang khyad par du rtog pa'i phyin ci log med pa'o/ /thabs kyi ni drug ste/ theg pa gzhan yid la byed pas ma yengs pa dang/ phun sum tshogs pa'i bde ba la ma chags pa dang/ dka' ba spyod pa'i sdug bsngal gyis mi zlog pa dang/ dge ba'i bshes gnyen la brten cing thos pa lhur byed pa dang/ ston pa mchod pa gtsor byed pa dang/ dge ba'i rtsa ba sems can thams cad dang thun mong du byas nas thams cad mkhyen par bsngo ba'o/ /smon lam gyi ni sangs rgyas dang byang chub sems dpa' rnams dang mi 'bral ba'i gnas bzang por skye ba'o/ /stobs kyi ni dge ba rnams kyi mi mthun pa'i phyogs kyis mi 'phrogs pas rtag tu gus par byed pa'o/ /ye shes kyi ni mngon par shes pa'i yon tan gyi rnam par rtse ba'o/ ! /nges pa'i tshig la sa so so'i dbang du byas nas/ rab dga' la sogs sgra don go rims bzhin/ /thog mar don gnyis thob pas 'chal tshul sogs/ /bral dang chos kyi snang chen byed pa dang/ /sgrib gnyis rab bsreg 'od rgyas sems can ni/ /smin byed nyon mongs rjes bsrung rab dka' dang/ /srid zhi mngon gyur shes rab thob sbyor ba'i/ /mthar son 'du shes gnyis kyis mi bskyod dang/ /so so rig blo bzang dang sgo gnyis kyi sprin gyis sa yi nam mkha' khyab pa dang/ /nyon mongs rdul zhi sems can sgrol phyir ro/ /rab tu dga' ba ni bdag dang gzhan gyi don phun sum tshogs pa'i gnas 'jig rten las 'das pa'i ye shes bla na med pas de kho na nyid sngar khong du ma chud cing ma 'dris pa 'dir thog mar mngon par rtogs pa las/ byang chub dang nye zhing sems can gyi don bsgrub nus pa 'phags pa nyid thob pa'i phyir/ don chen po'i bsam pa phun sum tshogs pas dga' ba dang mchog tu dga' ba rgya che ba mang ba'i phyir ro/ /ji ltar sa 'di thob pas chos mngon par rtogs pa'i byang chub sems dpa' gnyi ga'i don bsgrub nus pas rab tu dga' ba de ltar nyan thos la sogs pa ni ma yin te/ rang don tsam las bsgrub mi nus pa'i phyir ro/ /de la sa dang po mi @501a @#/ /rigs pas gong ma dag kyang mi rigs te de sngon du 'gro ba'i phyir ro/ /dri ma med pa ni ltung ba ches phra ba yan chad 'chal ba'i tshul khrims kyi dri ma thams cad shes bzhin du gnas pa nyid kyis thag bsrings pa'i phyir dang/ rang bzhin gyis tshul khrims rnam par dag pa dang ldan pa'i phyir dang/ theg pa dman pa yid la byed pa'i dri ma dang bral ba'i phyir te/ de bas na bdag gis sgrub tu mtshungs pa la rnam pa thams cad yongs su sbyang ba nyid bsgrub pa la brtson par bya'o/ /zhes gsungs pa ltar ro/ /'od byed pa ni ting nge 'dzin gyi snang ba gsal ba'i stabs kyis chos tshad med pa brtson pa chen pos tshol zhing/ thos pa 'dzin pa'i gzungs la gnas pas ji ltar thos pa'i chos kyi snang ba chen po zil gyis mi non pa bzod par mi nus pa thob pa las/ 'jig rten las 'das pa'i shes rab kyi 'od tshad med pas gzhan la chos kyi snang ba chen po byed pa'i phyir ro/ /'od 'phro can ni byang chub kyi phyogs dang mthun pa'i shes rab sgrib pa gnyis kyi shing sreg par byed pa'i me'i 'od dang shes rab kyi snang bas chos ston pa'i 'od rab tu 'phro ba'i phyir ro/ /sbyang dka' ba ni byang chub kyi phyogs kyi shes rab de thabs kyis zin pas sems can smin par byed par brtson yang sems can gyi log par bsgrub pas nyon mongs par mi 'gyur bar rjes su srung bar byed pas na/ bden par rnam par nges pa'i shes rab kyis thabs dang shes rab mchog goms pa la dbang bsgyur ba dka' bas sbyang bar bya dgos pa'i phyir dang bsgom pas spang bar bya ba thul bar dka' ba'ang thul ba'i phyir dang/ bden pa la mkhas pas rnam par mi rtog pa dang 'jig rten pa'i ye ge dang rtsis dang bstan bcos la sogs pa la mkhas pa rnam par rtog pa dang/ phan tshun mi mthun pa bsgrub dka' ba sbyong ba'i phyir ro/ /mngon du gyur pa ni chags pa med pa'i ye shes ? la mngon par phyogs pa'i shes rab kyi pha rol tu phyin pa la brten nas/ rtan 'brel lugs dang ldog par 'jug pa srid pa dang zhi ba mnyam pa nyid kun nas nyon mongs dang rnam byang tha dad pa med pa mngon sum du gyur pa'i phyir ram/ 'du byed kyi chos kyi rang bzhin bar chad med par mngon du gyur cing mtshan ma med @501b pa yid la byed pa'ang mngon du gyur pas chos thams cad mngon du gyur ba'i phyir ro/ /ring du song ba ni bgrod pa gcig pa'i lam khyad zhugs pa sa brgyad pa dang dngos su 'brel cing sbyor ba las byung ba'i spyod pa mthar 'byin pas 'jig rten pa la sogs pa las ring du song ba'i phyir dang/ rtsol ba dang bcas pas mtshan ma med pa yid la byed pa dang zag pa med pa'i chos la bar chad med par sbyor bas rnam par grol ba'i ting nge 'dzin yun ring du bsgoms pa rnam par dag cing thogs pa med pa thob pa'i phyir ro/ /mi g.yo ba ni mtshan ma la spang bar rtsol ba dang mtshan ma med pa la sgrub par rtsol ba'i 'du shes gnyis kyis mi g.yo ba'i phyir dang/ mtshan ma med pa la dbang thob pas rnam par smin pa kha na ste rang gi dang gis mtshan ma mi 'byung zhing des nye bar sbyar ba'i nyon mongs pas g.yo bar mi nus pas na/ mtshan ma thams cad dang mngon par 'du byed pa thams cad kyis mi g.yo ba'i phyir ro/ /sa bdun pa la yang kun tu mi spyod pas mtshan ma mi g.yo ba yod mod kyi/ 'bad rtsol la bltos pas rang gi ngang gis ma yin la/ 'di la ni sgrim mi dgos par rang gi ngang gis 'jug pas khyad zhugs pa'o/ /legs pa'i blo gros ni so so yang dag par rig pa bzhi sngon ma thob pa dang por thob pa gtsor gyur pa'i stobs kyis/ kha na ma tho ba med cing shin tu yangs pa'i blo gros bzang po thog pa med pa dang ldan pas/ rnam pa thams cad du chos ston pa la dbang thob pa las gzhan gyi don sgrub par nus pa'i phyir te/ chos kyi tshig kun mngon par mkhyen/ /don rnams kun gyi tshul la mkhas/ /skad kun rnam par 'byed pa mkhyen/ /phyogs rnams kun tu spobs dang ldan zhes gsungs pa ltar ro/ /chos kyi sprin ni ting nge 'dzin dang gzungs kyi sgo gnyis kyi sprin gyis sa'i ye shes kyi nam mkha' khyab pa'i phyir dang/ mdo la sogs pa'i chos thams cad bsdus shing 'dres pa spyi'i de bzhin nyid shes pa'i sprin gyi khong na sprin la chu ltar sgo gnyis kyi chu yod de de dag @502a @#/ /bskyed par nus pa'i phyir dang/ ye shes kyi sprin chen pos chos kyi sku'i nam mkha' la khyab par byed pa'i phyir/ rgyal bu rgyal tshab tu dbang bskur ba rgyal srid la dbang thob pa ltar/ chos kyi rje nyid du dbang bskur bas chos la dbang ba chen po'i gnas su gyur pa'i phyir dang/ gnas ngan len gyi lus kyi nam mkha' la chos kyi sku'i sprin chen pos khebs par byed pas na/ ji ltar sprin gyis nam mkha' sgrib cing khebs par byed pa ltar/ sa'i ye shes 'dis kyang sgrib pa gnyis nam mkha' ltar rgya che zhing mu med pa la khebs par byed cing bsgribs pas sel bar byed pa'i phyir dang/ sangs rgyas thams cad kyi chos kyi sprin las shin tu rgya che zhing gzhan gyis bzod par dka' ba'i chos kyi char yang dag par nod pa dang 'dzin pas phyogs ? thams cad du bdud rtsi'i char gyis sems can rnams kyi thog ma med pa nas bsags pa'i mi shes pa dang de las byung ba nyon mongs pa'i rdul dang me 'bar ba zhi bar byad pa'i phyir dang/ yang sprin gyis nam mkha' chus 'gengs pa ltar ye shes de'ang yon tan gyi tshogs kyi gnas chos sku rdzogs par byed pa'i phyir dang yang chos ston pa'i sprin chen pos 'jig rten gyi khams mtha' yas par chos kyi char 'bebs pas/ char gyis lo tog sgrol ba ltar sems can thams cad kyi dge ba'i lo tog bskyed cing spel bas sgrol bar byed pa'i phyir ro/ ! /sa'i spyi'i nges tshig ni/ 'gro ba dpag med bskyab phyir yon tan tshogs/ /dpag med rten la gong du 'gro ldan phyir/ /sems can srog chags 'byung pa dpag tu med pa rnams sdug bsngal dang sgrib pa'i 'jigs pa thams cad las bskyab pa'i don dang/ ye shes dang yon tan gyi tshogs dpag tu med pas rab tu phye ba'i sa bcu po de rnams la phyi phyir zhing gong nas gong du 'gro ba'i rten du gyur pa'i phyir byang chub sems dpa' rnams kyis yongs su bzung bar bya ba'i don gyis sa zhes bya ba'o/ ! /sa de rnams nyid gnas par brjod pa'i nges tshig ni/ dge ba sna tshogs bsgrub la rtag par @502b yang; ;dga' bas gnas phyir sa rnams gnas par gsungs/ /bsod nams dang ye shes kyis bsdus pa'i dge ba bsgrub pa sbyin pa la sogs sna tshogs pa thams cad la dus thams cad du dga' ba dang spro ba chen pos gnas pa'i phyir/ byang chub sems dpa' rnams kyis longs spyod pa'i rten nam gnas kyi don gyis gnas pa zhes bya ba'o/ /'di ni sa bcu po de la rab tu dga' ba la gnas pa dang/ lhag pa'i tshul khrims la gnas pa dang/ lhag pa'i sems la gnas pa dang/ lhag pa'i shes rab la gnas pa gsum po byang chub kyi phyogs dang ldan pa dang/ bden pa dang ldan pa dang/ rten 'brel 'jug ldog dang ldan pa ste/ byang chub sems dpa' gang gis mthong ba dang/ de kho na gang mthong ba dang/ de kho na ma shes pas sems can rnams kyi sdug bsngal 'jug cing/ shes pas de ldog pa ni sgo gsum nas dpyod pa'i lhag pa'i shes rab la gnas pa gsum yin pa dang/ mtshan ma med par gnas pa mngon par 'du byed pa dang bcas rtsol ba dang bcas la rgyun chags pa'i lam la 'jug pa la gnas pa dang/ mtshan ma med pa la gnas pa nyid rtsol ba med pa lhun gyis grub pa'i lam la 'jug pa la gnas pa dang/ so so yang dag pa rig pa la gnas pa dang/ byang chub sems dpa'i gnas pa mchog grub par gsungs la de dag gi sngon du rigs la gnas pa dang/ mos pa spyod pa la gnas pa gnyis te gnas pa bcu gnyis kyis byang chub sems dpa'i spyod pa thams cad bsdus pa dang/ mthar de bzhin gshegs pa'i gnas pa 'bras bu thob pa dang bcu gsum du gsungs te/ rigs dang de bzhin mos pa dang/ /rab tu dga' dang lhag khrims dang/ /lhag pa'i sems dang shes rab gsum/ /mtshan ma med pa rnam pa gnyis/ /rtsol dang bcas dang lhun gyis grub/ /so so yang dag rig dang mchog /de bzhin gshegs pa'i gnas pa mchog ? ces so/ ! /mi mthun phyogs kyi dbye ba dang/ gnyen po'i dbye ba gnyis las sgrib pa spyi'i dbang du byas pa ni/ gang zag chos su mngon zhen ngan song ba'i/ /nyon mongs la sogs kun rmong @503a @#/ /nyi shu dang/ /gnas ngan len bcu mi mthun phyogs dbye ste/ /gnyen po'i dbye ba sa bcu nyid du gsungs/ /sa dang po gnyen por byas pa'i spang bya ni gang zag dang chos kyi mtshan mar zhen pa dang/ ngan song ba'i nyon mongs pa'i kun tu rmongs pa gnyis dang/ de'i gnas ngan len te gsum mo/ /de bzhin du gnyis pa'i ni ltung ba phra mo'i 'khrul pa dang/ chos la sred pa'i kun tu rmongs pa dang/ de'i gnas ngan len to/ /gsum pa'i ni 'dod pa'i 'dod chags dang/ thos pa'i gzungs ma rdzogs pa'i kun tu rmongs pa dang/ de'i gnas ngan len to/ /bzhi pa'i ni snyoms par 'jug pa la sred pa dang/ chos la srid pa'i kun tu rmongs pa dang/ de'i gnas ngan len to/ /lnga pa'i ni 'khor ba la gcig tu mi phyogs pa dang mngon du phyogs pa'i yid la byed pa dang/ mya ngan las 'das pa la gcig tu mi phyogs pa dang mngon du phyogs pa yid la byed pa'i kun tu rmongs pa dang/ de'i gnas ngan len to/ /drug pa'i ni 'du byed kyi 'jug pa mngon du bya ba dang/ mtshan ? ma mang po 'byung ba'i kun tu rmongs pa dang/ de'i gnas ngan len to/ /bdun pa'i ni mtshan ma phra mo kun tu 'byung ba dang/ mtshan ma med pa gcig tu yid la byed pa la kun tu rmongs pa dang/ de'i gnas ngan len to/ /brgyad pa'i ni mtshan ma med pa la rtsol ba dang/ mtshan ma rnams la mi dbang ba'i kun tu rmongs pa dang/ de'i gnas ngan len to/ /dgu pa'i ni bstan pa dpag tu med pa la sogs pa dang/ gong nas gong du shes rab dang spobs pa la gzungs kyi dbang dang/ spobs pa'i dbang la kun tu rmongs pa dang/ de'i gnas ngan len to/ /bcu pa'i ni mngon par shes pa chen po dang/ gsang ba phra mo'i rjes su 'jug pa la kun tu rmongs pa dang/ de'i gnas ngan len spong ba'o/ /de dag spong ba'i gnyen po'i dbye ba ni/ sa bcu po nyid de/ de rnams kyis de dag spangs pas de dag las ldog pa'i chos byang chub sems dpa'i skyon med pa la zhugs pa dang/ ltung ba phra mo dag 'byung ba la'ang shes bzhin du spyod pas bzlog pa dang/ ting nge 'dzin dang thos pa'i @503b gzungs yongs su rdzogs par nus pa dang/ byang chub kyi phyogs dang mthun pas mang du gnas shing/ snyoms 'jug dang chos la sred pa log pa dang/ bden pa rnam par dpyod cing srid zhi la mi gnas pa dang/ thabs kyis zin pa'i byang chub kyi phyogs kyi mang du gnas pa dang/ 'du byed kyi 'jug pa la skye zhing mtshan ma med pa yid la byed pas mang du gnas pa dang/ rtag par rgyun tu mtshan ma med pa yid la byed pas mang du gnas pa dang/ mtshan ma med pa la rang gi ngang gis gnas shing mtshan ma la dbang thob pa dang/ so so yang dag par rig pa bzhis chos ston pa la dbang ba dang/ chos sku yongs su rdzogs par byed pa'i so so yang dag par rig pa thob pas ni sa bcu'i yan lag rnam pa bcur gsungs so/ /yan lag rnam bcu rdzogs pa yi/ /rab dga' la sogs sa bcu ste/ rmongs gnyis gnas ngan len gcig gis/ /mi mthun phyogs ni tha dad da/ /zhes kyang ngo/ ! /shes bya'i sgrib pa'i dbang du byas pa ni/ chos dbyings kun 'gro mchog dang rgyu mthun mchog /yongs 'dzin tha dad rgyud dang nyon mongs dang/ /rnam byang tha dad med 'grib med don dang/ /dbang bzhi'i gnas la ma rig sgrib pa bcu/ /kun 'gro la sogs mngon rtogs sa bcu yi/ /ye shes rnam bcu de yi gnyen por gsungs/ /sa bcus rim pa bzhin du rtogs par bya ba chos kyi dbyings kyi mtshan nyid kun tu 'gro ba la sogs pa rnam pa bcu la nyon mongs can ma yin pa'i mi shes pa bcus sgrib pa las mi mthun pa'i phyogs su gyur pa'i phyir de dag gi gnyen po las sa bcu nyid du nges par yang gsungs pa'o/ /nyon mongs pa gzhan yang de dag la sgrib mod kyi 'di dag kho na la sgrib par bzhag pa ni thun mong ma yin pa'i phyir te/ byang chub sems dpa' rnams nyid kyi mya ngan las 'das pa'i gegs su gyur pas so/ /nyan thos la sogs pa'i ni ma yin te 'di dag yod kyang rnam par grol bar 'gyur bas gegs ? pa'i yin pa'i phyir ro/ /'di ltar sa dang po la ni chos kyi dbyings kun tu 'gro ba'i don du rtogs te/ chos kyi dbyings @504a @#/ /stong pa nyid ni spyi'i mtshan nyid yin pas gcig ji lta bar thams cad stong bas na mi stong ba gang yang med pa'i phyir thams cad du song bas kun tu 'gro ba ste/ chos kyi dbyings ni ma gtogs par/ /'di ltar chos yod ma yin te/ /zhes 'byung bas so/ /des na bdag dang gzhan gyi stong pa nyid tha dad par ma mthong bas bye brag med pa'i phyir sa dang po la zhugs nas bdag dang gzhan mnyam pa nyid thob pa las bdag gi don bzhin du gzhan gyi don la rab tu 'jug pa'o/ /gnyis pa la ni mchog gi don du rtogs te/ rang bzhin gyis 'od gsal ba'i phyir 'di ni chos thams cad kyi mchog yin pas so/ /de bas na sgrub tu mtshungs pa la bdag gi rnam pa thams cad yongs su sbyang ba zhes bya ba chos kyi dbyings la nyon mongs pa can dang nyon mongs pa can ma yin pa gnyi ga sel ba 'di nyid bsgrub pa la brtson par bya bar gsungs pa'o/ /gsum pa la ni de'i rgyu mthun pa'i don gyi mchog tu ste/ bstan pa'i chos rin po che ni 'di'i rgyu mthun pa'i mchog yin pas so/ /'di ltar chos kyi dbyings mchog rtogs pa'i dbang gis de'i rgyu mthun pa'i bstan pa'i chos rin po che mchog 'byung zhing de'ang chos kyi dbyings yongs su dag par 'gyur ba'i rgyu yin pa'i phyir ro/ /des na chos des chos kyi dbyings kyi rgyu mthun pa'i thos pa mchog tu rig nas legs par gsungs pa'i gcig gi don du yang me'i 'obs ? stong gsum tsam du bdag nyid mchobs te 'jug pas so/ /bzhi pa la ni yongs su gzung ba med pa'i don du ste/ 'di ni bdag gam gzhan gang gis kyang yongs su gzung ba ma yin no zhes chos kyi dbyings la bdag dang bdag gi med par zhugs nas/ phyin ci log gis yongs su 'dzin pa med pas na byang chub kyi phyogs kyi chos thob pas snga ma'i chos la sred pa yang 'dir ldog pa'o/ /lnga pa la ni rgyud tha dad pa med pa'i don du ste/ 'das pa'i sangs rgyas kyi chos rnam par dag pa la bsam pa mnyam pa nyid la sogs pa sngar bshad pa sems @504b kyi bsam pa rnam par dag pa mnyam pa nyid bcus kun gzhi'i rnam shes gnas gyur ba chos sku tha mi dad pa'i phyir sangs rgyas rnams phan tshun dang/ byang chub sems dpa' rnams dang bdag rgyud tha mi dad cing mtshungs par zhugs pas so/ /yang na ji ltar gzugs la sogs pa rang bzhin nam rgyud tha dad pa ltar 'di ni ma yin no zhes zhugs pas so/ /drug pa la ni kun nas nyon mongs pa dang rnam par byang ba tha dad pa ma yin pa'i don du ste/ 'di ni rang bzhin gyis 'od gsal ba'i phyir rten cing 'brel bar 'byung ba'i don la de kho nar kun nas nyon mongs pa med la/ de nyid kyis na de sngon du 'gro ba'i rnam par byang ba'ang med par zhugs pas so/ /yang na rten 'brel rnams ni tha snyad tsam du kun nas nyon mongs par zad pa'i phyir/ de las gzhan pa bdag gam bdag gi kun nas nyon mongs pa'am rnam par dag par brtags pa gang yang med par zhugs pas so/ /bdun pa la ni tha dad pa med pa'i don du ste/ mtshan ? ma med pa la zhugs pas mdo la sogs pa chos kyi mtshan ? ma tha dad pa blo tshogs kyi yul du gyur pa dag mtshan ma med par ro gcig pa rtogs pas so/ /sa drug pa'i bar du ni chos kyi mtshan ma sna tshogs kyis de la 'jug par zad do/ /brgyad pa la ni 'bri ba med cing 'phel ba med pa'i don du ste/ mi skye ba'i chos la bzod pa thob pas rang bzhin gyis rnam par dag pa la dri ma dang bcas pa dang dri ma med pa'i tshe 'ang khyad par mang pas kun nas nyon mongs pa ni 'bri ba'am rnam par byang ba ni 'phel ba gang yang med de sngon med pa'i chos mi skye ba'i phyir ro/ /yang na de chos thams cad du chud pa dang gang las kyang lhag par gnas pa med pa'i phyir ro/ /yang sa de nyid la dbang rnam pa bzhi las rnam par mi rtog pa dang/ zhing yongs su dag pa la dbang ba'i gnas nyid du ste/ lhun gyis grub par mtshan ? ma thams cad mi 'byung ba'i phyir rnam par mi rtog pa la dbang ba'i gnas su'o/ /bdun pa la yang mtshan ma mi 'byung ba yod mod kyi rtsol bas thob pa yin la/ 'di la ni lhun gyis grub pas @505a @#/ /ji 'dod du 'jug pa'o/ /ji ltar bzhed par sangs rgyas kyi zhing gser la sogs pa las grub pa dang 'khor gyi dkyil 'khor dam pa bstan pa'i mthu brnyes pas zhing la dbang ba'i gnas su'o/ /dgu pa la ni ye shes la dbang ba'i gnas su ste/ so so yang dag par rig pa bzhi thob pa dang/ ye shes kyi tshogs kyi pha rol tu son pas chos thams cad la sgra ji bzhin pa ma yin pa dgongs pa'i don shes pa las/ sems can thams cad smin par bya ba dang/ chos la rdzogs par longs spyod pa so sor myong ba'i phyir ro/ /sa bcu pa la ni chos kyi dbyings las la dbang ba'i gnas nyid du rtogs pas gzungs dang ting nge 'dzin gyi sgo la dbang ba'i gnas su yang ste/ ji ltar bzhed par sangs rgyas kyi 'phrin las bsgrub pas phyogs bcu mtha' yas par sprul pa'i sku rnams kyi sems can gyi don ci rigs pa bsgrub pa'i phyir dang/ ji ltar 'dod pa'i lus dang ngag dang yid kyi las dang/ mngon par shes pas rang rang gi las thob pa'i phyir dang/ gzungs kyi sgos gsung rab thams cad kyi tshig dang don 'dzin nus pa'i phyir dang/ ting nge 'dzin gyis snyoms 'jug gi sgrib pa spangs pas nam mkha' mdzod la sogs pa la ci 'dod du 'jug pa'i phyir ro/ /de ltar sa bcu la chos kyi dbyings bcu rtogs pa yongs su sbyong ba'i gegs su gyur pa nyon mongs pa can ma yin pa'i mi shes pa sa re re la sgrib pa'i gnyen por sa bcu rnam par bzhag pa'o/ /sa dgu pa dang bcu pa'i khyad par ni gtsor 'bras bus bstan pa yin gyi dmigs pa'i khyad par gyis ni ma yin te/ gnas pa cir yang dpyad du med pa'i gnas su byon pa'i phyir ro/ /'dir spang bya dang gnyen po'i dbye ba bshad pa 'di dag ni sa so so'i thun mong ma yin pa'i dbye bar zad de/ spyi'i ni mthong ba dang bsgom pas spang bar bya ba'i dbye ba sngar bshad pa dag nyid do/ ! /sa rnams kyi ting nge 'dzin gyi khyad par ni/ rin chen yang dag 'phags sogs ting 'dzin bcus/ /yongs su gzung bas rim bzhin sa bcu thob/ /rin chen yang dag 'phags dang/ gnas @505b pa med pa dang/ rab tu mi g.yo ba dang/ phyir mi ldog pa dang/ rin chen me tog dang/ nyi ma'i 'od kyi gzi brjed dang/ don thams cad 'grub pa dang/ da ltar gyi sangs rgyas mngon du bzhugs pa dang/ ye shes sgron ma dang/ dpa' bar 'gro ba'i ting nge 'dzin gyis so/ ! /gzungs kyi khyad par ni/ sa bcu thob pas rim bzhin khyad par gyi/ /byin rlabs la sogs gzungs bcu skye bar 'gyur/ /khyad par gyis byin gyis brlabs pa dang/ gzhan gyis mi thub pa dang/ rab tu gnas pa dang/ gdul dka' ba dang/ yon tan sna tshogs bkod pa dang/ ye shes dkyil 'khor sgron ma dang/ khyad par du 'phags pa dang/ rnyog med mi rtog dang/ sgo mtha' yas pa dang/ zad mi shes pa'i za ma tog gi gzungs so/ / ! sa rnams dpes rnam par bzhag pa ni dpe bzhis yon tan bzhi mtshon pa ste/ mtsho dang ri dang rgya mtsho bai DU ryas/ /bsgrub dang mchog dang nges par 'byung dka' ba'i/ /nges 'byung 'bras bu che dang mthar thug par/ /yongs su bsngo ba'i yon tan bzhi bstan pa'o/ /bsgrub pa'i yon tan ni gnyis te/ smon lam la brten nas bsdu ba bzhis gzhan don bsgrub pa dang/ dge ba'i rtsa ba 'phel bas sangs rgyas bsgrub pa rang gi don te/ dper na mtsho chen po ma dros pa nas chu klung bzhi 'bab pas 'dzam bu'i gling thams cad ngoms par byas nas kyang mi zad par 'phel te/ sems can dpag tu med pa la phan zhing/ dang po nyid nas rgya mtsho chen po la phyogs pas rgya mtsho chen por zhen pa'i bar du 'gyur ba ltar/ byang chub kyi sems kyi mtsho chen po las byung ba dge ba'i rtsa ba'i 'bab chu 'ang smon lam chen po'i rgyun gyi sgo bsdu ba bzhis sems can gyi khams kun tu ngoms par byas nas kyang mi zad par 'phel te/ sems can dpag tu med pa la phan par gyur cing/ thog ma nas thams cad mkhyen pa'i rgya mtsho la phyogs pas der zhen par bye dpa'i phyir ro/ /thams cad mkhyen pa'i rgyu nyid kyi mchog tu gyur pa'i yon tan gyi ri'i rgyal po bcus mtshon pa ni dper na sa chen po la brten pa ri'i rgyal po bcu las/ ri'i rgyal po gangs ri sman thams cad kyi 'byung gnas @506a @#/ /yin pas sman thams cad blang bas thug pa med pa ltar/ sa dang po rab tu dga' ba la gnas pa yang 'jig rten pa'i snyan dang gas dang bstan bcos dang gsang sngags dang rig pa thams cad kyi 'byung gnas yin pas de dag 'don pas thug pa med do/ /de bzhin du ri'i rgyal po spos ngad ldang las spos thams cad ltar/ sa gnyis pa yang tshul khrims dang sdom pa dang spyod pa thams cad dang/ rnam par bdal ba las rin po che thams cad ltar/ sa gsum pa yang 'jig rten pa'i bsam gtan dang mngon shes la sogs pa thams cad dris pa bstan pa dang/ drang srong ri drang srong mngon shes lnga dang ldan pa bgrang bas ltar/ sa bzhi pa yang lam dang lam ma yin pa'i bye brag thams cad dris pa bstan pa dang/ gnya' shing 'dzin gnod sbyin rdzu 'phrul dang ldan pa bgrang bas ltar/ sa lnga pa yang rdzu 'phrul gyi mngon par shes pa'i rnam 'phrul bstan pa dang/ rta rna 'bras bu'i rnam pa thams cad kyi ltar/ sa drug pa yang rten 'brel la 'jug pa'i 'byung gnas kyis nyan thos kyi 'bras bu dang mngon rtogs bstan pa dang/ mu khyud 'dzin klu rdzu 'phrul chen po dang ldan pa bgrang bas ltar/ sa bdun pa'ang thabs dang shes rab kyi 'byung gnas kyi rang rgyal gyi de dag bstan pa dang/ khor yug 'jig rten skyong dbang du gyur pa rnams bgrang bas ltar/ sa brgyad pa yang dbang mngon par bsgrub pa'i 'byung gnas kyis 'jig rten gyi khams rnam par dbye ba bstan pa dang/ rtog ldan lha ma yin rdzu 'phrul dang ldan pa bgrang bas ltar/ sa dgu pa yang sems can gyi 'byung 'jig thams cad bstan pa dang/ dper na ri'i rgyal po ri rab dngos rin po che'i rang bzhin yin zhing lha rdzu 'phrul can rnams kyi 'byung gnas to lha rdzu 'phrul can rnams bgrang bas thug pa med pa ltar/ sa bcu pa la gnas pa'ang sangs rgyas kyi stobs la sogs pa'i 'byung gnas te sangs rgyas kyi 'phrin las bstan pas thug par 'gyur ba med pa'o/ /nges par 'byung dka' ba'i nges 'byung 'bras bu che ba rgya mtsho @506b chen pos mtshon pa ni dper na rgya mtsho chen po ni rnam pa bcus mi 'phrogs par bgrang ba ste/ bags kyis gzhol ba dang/ shi ba'i ro dang mi gnas pa dang/ chu gzhan gyi grangs spangs pa dang/ ro gcig pa dang/ rin po che mang ba dang/ zab pa dang/ yangs pa dang/ 'byung po mang po'i gnas dang/ dbres las mi 'da' ba dang/ sprin chen po'i char thams cad 'dzin pas mi ngoms pa'o/ /de bzhin du byang chub sems dpa'i spyod pa yang sa bcu'i dbang gis mi 'phrogs par bgrang ba ste/ sa dang po la smon lam chen po rim gyis bsgrubs pas gzhol ba dang/ gnyis pa la tshul khrims 'chal pa'i ro dang mi 'grogs pa dang/ gsum pa la 'jig rten par gdags pa'i grangs spangs pa dang/ bzhi pa la sangs rgyas la dad pa mi phyed pa'i ro gcig pa dang/ lnga pa la thabs dang mngon shes tshad med pas gzhan don bsgrub pa'i rin po che mang ba dang/ drug pa la rten 'brel rab tu rtogs pas zab pa dang/ bdun pa la blos rab tu 'byed par mkhas pas yangs pa dang/ brgyad pa la bkod pa chen po bsgrub pa bstan pas 'byung po mang po'i gnas dang/ dgu pa la rnam thar zab mos 'gro ba'i spyod pa shes pa'i dbres las mi 'da' ba dang/ sa bcu pa la sangs rgyas kyi chos snang ba'i sprin chen po'i char bzung bas mi ngoms pa'o/ /mthar thug pa'i yongs su bsdo pa'i yon tan nor bu rin po ches mtshon pa ni nor bu rin po che rin po che'i rigs bcu las 'phags pa dang/ legs par bsregs pa dang/ legs par bcos pa dang/ legs par sbyangs pa dang/ legs par byi dor byas te/ legs par phug cing rin po che'i skud pas btags la/ bai DUrya'i yu ba mthon po can rgyal mtshan gyi rtser btags te thams cad du 'od 'byung ba rgyal pos gnang ba na/ sems can thams cad kyis rin po che thams cad bsdu bar bya bar nye bar gnas pa yin pa ltar/ gang gi tshe byang chub sems dpa'i thams cad mkhyen pa'i sems rin po che bskyed pa 'phags pa'i rigs bcu las 'das pa dang/ sbyangs pa'i yon tan las sogs @507a @#/ /pas legs par bsogs pa dang bsam gtan la sogs pas legs par bcos pa dang/ lam gyi yan lag gis legs par sbyangs pa dang/ thabs dang mngon shes kyis legs par byi dor byas te/ rten cing 'brel bar 'byung bas legs par phug cing/ thabs dang shes rab rin po che'i skud pas legs par btags la/ dbang gi nor bu rin po che chen po dang bai DUrya'i yu ba can rgyal mtshan gyi rtser bzhag ste/ sems can gyi spyod pa thams cad rab tu brtag pa dang thos pa'i shes pa'i 'od 'byung bar gyur la ston pa chos kyi rgyal pos sangs rgyas kyi ye shes kyi dbang bskur ba na sems can thams cad kyis sangs rgyas kyi mdzad pa rin po che thams cad bsdu bar bya bar gnas pa ste thams cad mkhyen pa zhes kyang brjod par bya ba'o/ /bstan pa la 'jug pa'i rim pa rnam par bshad pa las/ byang chub sems dpa'i sa rnams bsgom pa la 'jug pa bshad pa ste le'u dgu pa'o// ! //sa de rnams legs par bsgom pa'i 'bras bu mthar thug pa'i lam mam mi slob pa'i lam gyi bdag nyid ni sangs rgyas kyi sa ste/ 'di la dang por ni sgrub byed kyi khyad par ston to/ /de'ang thob par byed pa'i rgyu sngar gyi lam de rnams nyid yin mod kyi/ 'on kyang 'dir 'bras bu'i khyad par du de rnams nyid bsdus te brjod par zad do/ /'di la spyir bzhag pa ni/ brtse bas 'gro ba rjes 'dzin rmad byung ba'i/ /dka' spyad dge tshogs mtha' yas legs bsags dang/ /sgrib tshogs ma lus rnams 'joms gnyen po rnams/ /dus ring bskal pa mtha' yas rab rdzogs pa'o/ /'gro ba thams cad la phan par bzhed nga snying rje'i rtsa ba can gyi byang chub kyi sems kyi bsam pa phun sum tshogs pas rab tu sbyar ba'i spor pa phun sum tshogs pa/ gzhan gyi don du sems can dmyal ba'i sdug bsngal yang rab tu spro bas yang dag par len pa la sogs pa dal ba brgya stong gis rmad du byung ba'i dka' ba'i spyod pa dpag tu med pa yongs su spyad pa dang/ de'i thabs nyid du rang gi sangs rgyas kyi chos yongs su rdzogs par byed @507b pa'i dge ba'i tshogs dpag tu med pa sgo sna tshogs nas rab tu bsags pa dang sgrib pa'i tshogs ma lus pa spong bar byed pa'i gnyen po mtha' yas pa sa'i rim pa dag gis bsten cing bsgoms pa mang du byas pa dang/ de rnams kyang dus shin tu ring ba bskal pa chen po dpag tu med pas mthar phyin par byas pa ste de rnam pa bzhi'o/ /dka' spyod dpag med brgya phrag dang/ /dpag med dge kun bsags pa dang/ /dpag tu med pa'i dus dang ni/ /dpag med sgrib pa zad pa'i phyir/ /zhes gang gsungs pa'o/ ! /spangs pa dang shes rab kyi sgrub byed kyi dpang du byas nas/ de nyid legs bsgoms mi rtog ye shes ni/ /sgrib med shes rab dam pa'i sgrub byed de/ /zhes smos te/ chos thams cad kyi de kho na nyid stong pa nyid goms par bsgoms pa'i stobs rdzogs pa rnam par mi rtog pa 'jig rten las 'das pa'i ye shes shin tu rnam par dag pa ni sgrib pa gnyis kyis bon thog ma med pa nas brtan par chags pam lus pa yang mi skye ba'i chos can du rab tu spangs pa'i khyad par can snang ba med pa'i shes rab chen po spros pa'i dra ba mtha' dag dang bral ba'i chos kyi dbyings mngon sum du gyur pa mthar phyin pa'i sgrub byed de/ gang la nyon mongs shes bya'i sgrib pa'i sa bon dus ring rtag ldan pa/ /spong ba shin tu rgya chen rnam pa kun gyis rab tu bcom gyur cing/ /gnas gyur chos dkar yon tan mchog rab ldan pa thob pa sangs rgyas nyid/ /de ni mi rtog rab dag shin tu yul chen ye shes lam gyis thob/ /ces bya ba dang/ blo dang ldan pa'i mi rtog ye shes stobs/ /rtag tu kun nas mnyam par song ba yis/ /de la brten pa'i nyes tshogs tshang tshing dag /dug sman chen pos dug bzhin sel bar byed/ /ces bya ba dang/ chu mtsho sogs bzhin 'dod chags sogs/ /glo bur nyon mongs dag pa ni/ mdor na mi rtog ye shes kyi/ /'bras bu yin par rab tu brjod/ /ces gang gsungs pa'o/ ! /ye shes spyi'i ni/ rjes thob shes bya kun 'byed dge tshogs bcas/ /bsngags tshogs kun rten ye shes sgrub byed do/ /snga ma de'i rjes la thob @508a @#/ /pa dag pa 'jig rten pa'i ye shes shes bya mtha' yas pa'i yul can dang/ ye shes de dag gi bdag po'i rkyen smon lam dam pas yongs su bzung ba'i bsod nams mtha' yas pa bsags pa rnams ni sgrib pa mtha' dag las rnam par grol ba rjes la thob pa'i ye shes snang ba dang bcas pa shes bya nam mkha' dang mnyam pa mtha' dag mkhyen pa/ stobs la sogs pa yon tan rab mchog dam pa thams cad kyi rten du gyur pa'i sgrub byed de/ thab pas gsungs pa'i dam chos legs bzhag pa/ /rtsa ba'i chos kyi dbyings la blo gros bzhag /dran rgyud rtog pa tsam rig brtan pa dag /myur du yon tan rgya mtsho'i pha rol 'gro/ zhes bya ba dang/ gnas gyur chos dkar yon tan mchog rab ldan pa thob pa sangs rgyas nyid/ /de ni mi rtog rab dag shin tu yul chen ye shes lam gyis thob ces bya ba dang/ rnam pa kun gyi mchog ldan pa/ /sangs rgyas sku ni nges thob pa/ /de yi rjes la thob pa yi/ /ye shes 'bras bu yin par bstan/ /zhes gang gsungs pa'o/ /sang ma dang gnyi ga'i dbang du byas nas kyang/ rang bzhin 'od gsal zhes brjod gang yin nyi dang mkha' bzhin glo bur gyi/ /nyon mongs shes bya'i spyin tshogs stug po yis ni bsgribs gyur pa/ /dri med sangs rgyas yon tan kun ldan rtag brtan g.yung drung sangs rgyas nyid/ /de ni tshes la mi rtog rnam 'byed ye shes dag la brten nas 'thob/ /mdor na ye shes gnyis po yi/ /las su 'di ni shes bya ste/ /grol ba'i sku ni sbyong ba dang/ /chos kyi sku ni rdzogs pa'o/ /zhes so/ ! /ye shes bzhi'i khyad par gyi ni/ de yang chos tshogs kun 'dzin bdag gzhan ni/ /mnyam nyid chos kun zad par legs ston dang/ /gzhan gyi bya ba'i grogs la 'bad pa rnams/ /me long ye shes sogs bzhi'i sgrub byed do/ /rim pa bzhin du shes bya'i sa gtan la dbab par bya ba rnams la gsung rab kyi don thos pa dang bsam pa dang sgom pas rnam par nges pa la bslabs pa dang/ bdag dang gzhan mnyam pa nyid kyi byang chub kyi sems goms par bsgoms pa dang @508b ji ltar nges pa'i chos rnams slob dpon gyi dpe mkhyud dang bral bas zad par legs par ston pa dang/ sems can gyi bya ba'i grogs la ci nus ci rigs su 'bad pa rnams sems dang po bskyed pa nyid nas bslabs shing goms par byas pa'o/ ! /yon tan gyi tshogs kyi sgrub byed las gzugs sku la brten pa'i ni/ /dge tshogs kun dang gtso bor tshul khrims kyi/ /gzhi la ston pas sems can gnod spong zhing/ /bla ma bsnyen bkur phyag zhabs 'khor lo'i mtshan/ /la sogs sgrub byed mtshan gyi skabs las blta/ /spyir ni dge ba'i tshogs thams cad kyang bye brag med par mtshan dang dpe byad bzang po thams cad kyi rgyu'o/ /khyad par du ni tshul khrims gtso bo dang gzhir byas pa'i dge ba'i las sna tshogs so sor bsags pa ste/ tshul khrims nyams pas ni mi nyid kyang mi 'thob na mtshan dang dpe byad lta ci smos pas sa/ /de la las sna tshogs ni mtshan dngos bshad pa'i skabs su bshad par bya ste/ sdig pa la dga' ba dag gis dge ba'i las 'di dag gi 'bras bu mtshan dang dpe byad la sogs pa'i phun sum tshogs pa dag thos na/ de la spro bas sdig pa spong zhing dge ba de dag bsgrub par 'gyur pas so/ ! chos sku la brten pa'i yon tan gyi sgrub byed ni/ byang chub sems dang sdom pa brtan pa dang/ /las dang rnam par smin la yid ches sogs/ /stobs bcu la sogs yon tan thams cad kyi/ /so so'i sgrub byed ci rigs rnams las so/ /gnas dang gnas ma yin pa mkhyen pa'i stobs la sogs pa bcu'i sgrub byed ni go rim pa bzhin du byang chub kyi sems dang byang chub sems dpa'i sdom pa dam bcas pa brtan pa dang/ las dang rnam par sman pa la yid chas pa dang/ sngon gyi dbang po'i rim pa dang mthun par ston cing zhugs pa dang/ khams dang mthun pa dang/ mos pa ji lta bar zhugs pa dang/ theg pa thams cad la goms pa dang/ ting nge 'dzi lhur len pa dang/ sngon gyi rgyu las byung ba'i dge ba'i rtsa ba chud mi gzon pa dang/ sems can thams cad la snang bar gyur cing don ji lta bar bstan pa dang/ zag pa zad pa'i don du chos bstan pa'o/ /chos thams cad mngon par byang @509a @#/ /chub pa la sogs pa mi 'jigs pa bzhi'i ni go rims bzhin du chos kyi dpe mkhyud dang phral ba dang/ bar du gcod pa'i chos la ma brten pa dang/ dkar po la mos shing rnam par byang ba'i lam du zhugs pa dang/ nga rgyal spangs pa'o/ /'khrul pa mi mnga' ba la sogs pa sangs rgyas kyi chos ma 'dres pa bco brgyad kyi ni lam stor ba'i sems can la lam ston pa la sogs pa'o/ /gzhan yang so so yang dag par rig pha la sogs pa thams cad kyang mdo las rgyas par blta ste/ gzhung ha cang lci bar 'gyur bas mi bri'o/ ! / 'phrin las kyi sgrub byed ni gal te sangs rgyas rnam rtog dang rtsol ba thams cad dang bral ba 'phrin las sna tshogs dang ldan par bsgrub par ci ltar 'thad de 'jug byed kyi blo med pas so snyam na/ dang ba'i chu dang snang ba nyi zla dag /tshogs pa'i stobs las gzugs brnyan 'char ba ltar/ /mi rtog bzhin du smon lam la sogs kyi/ /mthu las 'phrin las sna tshogs dang gis 'jug /gser 'od dam pa las/ de bzhin nyid dang yang dag pa'i ye shes kyis don thams cad mdzad pa ni dper na sangs rgyas mya ngan las 'das kyang smon lam gyis don mdzad pa bzhin nam/ byang chub sems dpa' bsam gtan mdzad kyang smon lam gyis bzhengs nas 'phrin las mdzad pa bzhin no/ /yang dper na nyi zla dang chu'am me long dang snang ba la rtog pa med kyang gsum po de 'dus na gzugs brnyan 'byung ngo/ /de bzhin du gnyis po de las kyang mi rtog bzhin du smon lam gyi dbang gis skal ldan la gzugs sku rnam pa gnyis snang ba las so zhes so/ ! /du ma zhing sna tshogs su 'byung gi gcig tu mi 'byung ba'i khyad par gyi rgyu ni/ de yang phyogs bcur rgyal sras dpag med rnams/ /'jug dang tshogs dang rtsol sogs mtshungs pa las/ /sna tshogs zhing du re res dpag med 'byung/ /smon lam sogs las zhing rer gcig pur zad/ /byang chub sems dpa'i sa las res 'ga' bskal pa du mar yang sangs rgyas gcig kyang mi 'byung la/ bskal pa gcig la yang sangs @509b rgyas mang po 'byung ste phyogs bcu'i 'jig rten gyi khams grangs med par sangs rgyas grangs med pa 'byung ba'i rgyu ni de'ang phyogs bcu na byang chub sems dpa' grangs med pa dag zhag dang zla ba la sogs pa'i dus gcig tu smon lam btab cing tshogs mtshungs par bsgrub pa/ dper na zhing 'di nyid na yang byang chub sems dpa' mang po dus gcig tu smon lam 'debs shing sbyin pa la sogs pa mtshungs par bsgrub pa yod pa bzhin no/ /tshogs mtshungs kyang zhing gcig tu ni gnyis kyang 'byung mi srid na mang po lta ci smos shing/ tshogs dus mnyam du bsags pa dag rim gyis 'byung ba'ang mi rigs pa'i phyir sangs rgyas kyi zhing du mar sangs rgyas mang po 'byung ba kho na'o/ /gcig tu gnyis kyang mi srid pa ni byang chub sems dpa'i tshe na dus ring por bdag 'jig rten long ba 'dren pa med pa rnams kyi 'dren par gyur cig ces smon pa 'grub pa'i phyir dang/ zhing gcig tu sangs rgyas gcig nyid kyis thams cad kyi don bsgrub nus pas gnyis pa 'byung ba don med pa'i phyir dang/ gcig nyid 'bung bas re ba'i gnas gzhan med par shes nas de nyid la rab tu gus shing chos yang dag par blangs nas bsgrub pa la bsgrims pas sems can gyi don cher 'grub pa'i phyir ro/ /de'ang bud med la ni sangs rgyas nyid sgrub byed kyi bskal ba med/ /byang chub sems dpas bskal pa grangs med pa dang po 'das pa nyid nas bud med du gyur pa spangs pa'i phyir dang/ bud med ni thams cad kyang rang bzhin gyis nyon mongs pa mang ba dang/ shes rab 'chal ba yin pas na sangs rgyas thob par mi nus pa'i phyir ro/ ! /rang bzhin gyi khyad par spyir bzhag pa la sa spangs pa phun sum tshogs pa ni/ sgrib gnyis sa bon thog med brtan chags pa/ /spong ba chen pos rnam kun rab bcom zhing/ /rnam grol ye shes dam pa bsam gtan sogs/ /phul byung yon tan mchog brnyes de rmad do/ /ngar 'dzin gyis rab tu bye ba 'dod chags la sogs pa nyon mongs pa'i sgrib pa dang/ chos su 'dzin pa'i mtshan nyid tshul bzhin @510a @#/ /ma yin pa'i rnam par rtog pa la sogs pa shes bya'i sgrib pa'i sa bon thog ma med pa nas ring du rjes su 'brel bas brtan par chags pa rnams/ sa dang sa rnams su rnam par sun 'byin pa la sogs pa gnyin po'i rnam pa ma lus pa goms pa yongs su rdzogs pa'i rdo rje lta bu'i ting nge 'dzin gyi mjug thogs su/ shes bya'i sgrib pa'i phyogs kyi gnas ngan len snying po la yod pa lta bu yang na ma lus par spangs pas/ sgrib pa'i sa bon thams cad pa la rtsa ba drungs nas phyung ba'i shing ltar yang mi skye ba'i chos can du legs par spangs pa gnas gyur pa bla na med pa mthar thug par son pa'o/ /snyoms 'jug gi sgrib pa la sogs pa ni gnyis po nyid kyi dbye bar zad pas na/ nyon mongs pa yi sgrib pa dang/ /shes bya'i sgrib pa gnyis su bstan/ /der ni sgrib pa thams cad de/ /de zad nas ni grol bar 'dod ces gsungs so/ /de'angs nyan thos la sogs pa'i ltar sgrib pa zhi ba tsam ni ma yin gyi/ de las ldog pa rnam grol gyi ye shes yon tan dam pa dpag tu med pa'i rten du gyur pa dang bcas pa yin pas na/ rgyud bla ma las/ 'dod chags rdul ni spangs phyir dang/ /gdul bya yin ni padma la/ /bsam gtan chu ni 'bab phyir te; ;chu dag rdzings dang mtshungs pa yin/ /zhe sdang sgra gcan las grol bas/ /snying rje byams chen 'od zer gyis/ /'gro ba khyab pa'i phyir na de/ /dri med zla ba nya ba bzhin/ /gti mug spyin las rnam grol bas/ /'gro bar ye shes 'od zer gyis/ /mun pa sel phyir sangs rgyas nyid/ / de ni dri med nyi ma bzhin/ /zhes nyon mongs pa gsum spangs nas bsam gtan dang/ byams pa dang snying rje dang/ shes rab kyi snang ba thob pa dang/ mi mnyam mnyam pa'i chos phyir dang/ /dam chos ro ni sbyin mdzad dang/ /shun pa dang ni dral phyir te/ /bde gshegs sbrang rtsi snying po bzhin dag phyir yon tan rdzas kyis ni/ /dbul bsel par byed phyir dang/ /rnam grol 'bras bu 'byin byed phyir/ /gser dang gter dang ljon pa bzhin/ /rin chen gyos kyi sku phyir dang/ /rkang gnyis bdag po mchog phyir dang/ /rin chen gzugs kyi rnam pa'i phyir/ /de ni rin chen rgyal gser @510b bzhin/ /zhes shes bya'i sgrib pa spangs nas sku gsum la sogs pa'i yon tan thob pa bstan to/ /mdo snge'i rgyan las kyang/ gang la nyon mongs shes bya'i sgrib pa'i sa bon dus ring rtag ldan pa/ /spong ba shin tu rgya chen rnam pa kun gyis rab tu bcom gyur cing/ /gnas gyur chos dkar yon tan mchog rab ldan pa thob pa sangs rgyas nyid ces gsungs pa'o/ ! /ye shes phun sum tshogs pa nyid ni/ /spros tshogs nyer zhi mkha' dbyings lta bu dang/ /mkha' khyab rten 'brel chos tshogs dus gsum gyis/ /bsdus pa mtha' dag cig car lag mthal na/ /gnas bzhin mngon sum ye shes mchog ldan pa'o/ /'di la gnyis las ji lta ba mchog mkhyen pa don dam pa'i yul can ni sngar brjod pa ltar rdzo rje lta bu'i ting nge 'dzin gyi mthar thug par de kho na goms pa yongs su rdzogs pas/ yul gyi spros pa ma lus pa gcod pa na blo'i 'jug pa mtha' dag kyang rab tu zhi bas/ spros pa med pa'i chos kyi dbyings dang ye shes spros pa med pa ro gcig pas chu la chu zhugs pa la sogs pa lta bu dang/ gzugs ci'ang ma mthong ba la nam mkha' mthong bar bsnyad pa ltar/ spros pa'i tshogs ci'ang mi dmigs pa la spros pa med pa mthong ba dang/ chos 'ga'ang mthong ba med pa nyid de kho na mthong ba la sogs par bsnyad pa/ snang ba med pa'i shes rab chen po yon tan rin po che dam pa thams cad kyi gter du gyur pa ste/ chos kyi sku dang chos kyi dbyings kyi ye shes zhes kyang de nyid la brjod pa'o/ /des na/ ji ltar chu la chu bzhag dang/ /mar la mar ni rjes zhugs ltar/ /shes bya spros bral de nyid dang/ /dbyer med ye shes rnam 'dres pa/ /de ni sangs rgyas thams cad kyi/ /rang bzhin chos sku zhes byar brjod/ /ces bya ba dang/ nam mkha' mthong zhes sems can tshig tu rab rjod pa/ /nam mkha' ji ltar mthong ste don 'di brtag par gyis/ /de ltar chos mthong ba yang de bzhin gshegs pas bstan/ /mthong ba dpe gzhan gyis ni bsnyad pa nus ma yin zhes gsungs pa'o/ /tha snyad pa'i don ji snyed pa rnam pa thams cad mkhyen pa ni snga ma shes bya'i sgrib pa thams cad dang brel ba shes rab chen @511a @#/ /po de'i dbang gis de'i rjes thob kyi ye shes chen po rnam par dag pas nam mkha' dang mnyam pa'i gzugs la sogs pa shes bya'i tshogs 'das pa dang ma 'ongs pa dang da ltar byung ba dus gsum gyis bsdus pa'i don mtha' dag lag mthil na gnas pa ltar cig car mngon sum kho nar mkhyen pa ste/ 'di ltar dngos po rnams kyi don gyi chos nyid ni sgrib g.yogs med na rang gi yul can la rnam pa'i cha byad dam/ rang bzhin ji lta bar ston pa nyid yin la/ shes pa'i chos nyid kyang sgrib pa dang bral na don ji ltar gnas pa de ltar gsal nus pa rnyid yin pas/ ji srid du sgrib pa dang ma bral ba de srid du ni don thams cad shes par mi nus pa yin na/ gang gi tshe shes bya'i sgrib pa thams cad zad pa de'i tshe bsam gyis mi khyab pa'i rang gi chos nyid thob pa na go ci ltar don thams cad shes par mi nus/ de'ang chos thams cad kyi rang gi dus ji lta ba snga ma dang phyi ma thog ma dang tha ma med pas mthar thug pa med pa dang/ rang gi yul ji lta ba phan tshun dang yan man du mtha' thug pa med pas mtha' yas pa dang/ rang gi rnam pa kun rdzob pa dang don dam pa dang/ phra ba dang rags pa dang/ gzugs can dang gzugs can ma yin pa la sogs pa dang/ dge ba dang mi dge ba dang lung du ma bstan pa dang/ zag pa dang bcas pa dang zag pa med pa la sogs pa ci lta ba las ma 'das par/ gzugs brnyan la sogs pa'i rab rib la ma bltos pa nyid du dngos kho nar mkhyen par shes par bya'o/ /des na ye shes gnyis po 'di la ni don dam pa dang kun rdzob pa'i don yod pa'am med pa'am bden pa'am brdzun pa'am rtag pa'am mi rtag pa'am gzugs can nam gzugs can ma yin pa la sogs pa'ang rung ji ltar grub bo cog ma lus pa ji lta ba bzhin du snang du rung ba las/ don dam par ni ji lta ji ltar yang grub pa med pas ci'ang mi dmigs pa yin la/ kun rdzob pa ni 'jig rten gyi khams thams cad kyi sa la sogs pa'i rdul phra rab thams cad dang sems can thams cad kyi sems kyi rgyu ba rab tu phra ba @511b thams cad kyang ji lta bar snang ba kho na'o/ /'di la kha cig gnas skabs 'dir ni shes pa dang shes byas bsdus pa'i spros pa thams cad dang bral ba thob pa yin pa'i phyir/ dag pa 'jig rten pa rjes thob kyi ye shes kyang med pa kho na ste/ snang ba dang bcas pa'i blo yod na 'khrul pa'i yul snang bas 'khrul pa dang bcas par 'gyur la/ thub pa chen po rnams rtag tu mnyam par bzhag pa la sogs par gsungs pa'i lung du ma dang yang 'gal lo zhes brjod pa ni don ma rtogs pa'i rnam 'gyur nyid de/ rjes thob yin pa tsam gyis gzhan du g.yengs pa la sogs par mi 'gyur bas rtag tu mnyam par bzhag par gsungs pa dang 'gal ba thag ring la/ 'khrul pa'i yul snang ba tsam gyis 'khrul par brjod pa'ang bab col nyid de/ nye bar brtags pa'i don dang yid kyi rgyal srid 'jog pa'i blo ltar/ gzhan gyi shes ngo'i 'khrul yul tsam du thams cad snang yang de 'dzin pa'i blo ma lus pa 'khrul pa nyid du shes bzhin du 'gro ba rnams kyi mtho ris dang byang grol gyi rgyu nyid du brten par zad pas 'khrul bcas su ga la 'gyur/ des na/ 'khrul pa tsam du yongs shes na/ /ma 'khrul nyid du nges par gzung zhes gsungs la/ glang chen gzigs stangs nyid mdzad nas/ /phyi rol don la btang snyoms mdzad ces gsungs pa ltar yang ngo/ /gzhan yang rig pa tsam gyi nye bar len pa dang/ blang bya'i rgyu 'bras kyi mtshan nyid ni thog ma dang tha ma med pa yin la/ de'i ma dag pa dang dag pa la sogs pa'i nyes pa dang yon tan dang 'brel pa ni rkyen gyi byed pa'i yul yin pas na/ yang dag pa ma yin pa'i kun tu rtog pas sbyar ba'i nyes pa dang sgrib pa thams cad zad kyang/ dge ba rnam par dag pa'i rgyu can gyi ye shes yon tan thams cad dang ldan pa ci ltar rgyun chad par rigs te/ rgyun ldog med can rigs pa yi/ /bdag la sngon dang phyi mtha' med/ /skyon dang yon tan glo bur ba/ /'khor ba dang ni mya ngan 'das zhes gsungs pa ltar ro/ /gzhan yang de ltar na ni sde pa 'dod pa nyan thos dang rang rgyal ba'i phung po lhag ma med pa'i mya ngan las 'das pa dang khyad par med @512a @#/ /par 'gyur te/ nyes pa dang sdug bsngal zhi ba tsam du zad kyi bde ba dang yon tan dam pa thams cad dang ldan pa'i ye shes med pas na smon lam dang dge ba'i tshogs dpag tu med pa thams cad kyang don med par 'gyur la/ rten med pa'i phyir gzhan gyi don yang rnam pa thams cad kyi thams cad du rgyun chad par 'gyur ba'i ? phyir ro/ /gser 'od dam pa las/ sangs rgyas ni rnam par dag pa gsum gyis rab tu phye ba ste/ nyon mongs pa dang/ sdug bsngal ba dang/ mtshan ma thams cad rnam par dag pa'o/ /de ni gser dang chu la sogs pa dag pa ltar sgrib pa dag pas dag pa ste/ med pas ni ma yin no/ /des na chos kyi dbyings kyi ni rnam rtog dang bag la nyal ba thams cad mi skye bas dag pa yin gyi/ sangs rgyas kyi yang dag pa'i sku med pa ni ma yin no zhes so/ /des na ye shes gnyis po 'di ni gdon mi za bar gnas pa ste/ snga ma ji lta nyid mkhyen ni/ /'khrul med mnyam gzhag blo 'jug med/ /phyi ma ji snyed mkhyen pa ni/ /'khrul snang rjes thob blo 'jug can zhes gang gsungs pa nyid do/ /de ltar spangs pa dang ye shes phun sum tshogs pa 'di gnyis ni sangs rgyas kyi chos mdor bsdus pa ste/ sgrib pa kun gyi dri med pa/ /rnam pa thams cad mkhyen nyid thob/ /rin chen snod ni phye ba ltar/ /sangs rgyas nyid ni yang dag bstan/ /zhes bya ba dang/ sangs rgyas nyid ni dbyer med pa/ /dag pa'i chos kyis rab phye ba/ /nyi mkha' bzhin te spangs pa dang/ /ye shes gnyis kyi mtshan nyid do zhes gang gsungs pa'o/ /byang chub sems dpa'i sa las kyang/ mdor bsdu na spangs pa gnyis dang ye shes gnyis ni byang chub ces bya ste/ nyon mongs pa dang shes bya'i sgrib pa spangs pa dag dang/ nyon mongs pa'i dri ma med pa'i ye shes dang/ shes bya thams cad la thog pa med pa'i ye shes so/ /yang ye shes gsum dang spangs pa gnyis ni byang chub ste/ nyon mongs pa bag chags dang bcas pa ma lus pa spangs pa dag pa'i ye shes dang/ khams thams cad dang/ dngos po thams cad dang/ rnam pa thams cad dang/ @512b dus thams cad dang/ rang bzhin thams cad la mkhyen pa thogs pa med pa thams cad mkhyen pa'i ye shes dang/ lan cig dgongs pa tsam gyis thams cad du thogs pa med cing myur bar ye shes chags pa med pa 'jug gi /yang dang yang du dgongs par mi mdzad pa chags pa med pa'i ye shes dang/ nyon mongs pa'i bag chags thams cad yang dag par bcom pa dang/ nyon mongs pa can ma yin pa'i ma rig pa thams cad spangs par gsungs so/ ! /thugs rje phun sum tshogs pa'i dbang du byas nas/ dang po nyid nas brtse chen lhur mdzad de/ /rnam pa sna tshogs dus ring thabs mang pos/ /legs bsgoms mthar phyin 'gro kun gces 'dzin pa'i/ /thugs rje chen po ngang gyur bdag nyid che/ /theg pa chen po par gtogs pas ni las dang po'i tshe nyid nas 'gro ba la phan par 'dod pa'i snying rje chen po nyid lhur bya ba ste/ de nyid rnam pa sna tshogs dang sgo sna tshogs dang thabs sna tshogs kyis goms par byas pas/ bdag pas sems can gces par 'dzin pas sems can drang ba'i thabs nyid du dge ba dpag tu med pa bsgrubs pa las/ 'dir de mthar phyin pas nam mkha' dang mnyam pa'i sems can gces par 'dzin pa'i thugs rje chen po'i bdag nyid du gyur bas de ngang du gyur pa'i phyir bdag nyid chen po'i go 'phang mchog rab tu brnyes pa'o/ ! /spangs pa la sogs pa 'di rnams nyid byang chub gzhan las khyad par du gyur pa'i chos ni/ 'di ni sku dang bsgrub pa la sogs pa/ /dam pa bdun gyis skyes bu chen po dang/ /thugs rje che sogs khyad par mchog ldan pas/ /byang chub che dang dam pa nyid du bsngags/ /sa las byang chub 'di ni dam pa bdun dang ldan pas byang chub dam pa ste/ mtshan gyis legs par brgyan pas sku dam pa dang/ bdag la phan pa dang/ gzhan la phan pa dang/ skye bo mang po la phan pa dang/ skye bo mang po la bde ba dang/ 'jig rten la thugs brtse ba dang/ lha dang mi rnams kyi don dang phan pa dang bde ba la zhugs pas bsgrub pa dam pa dang/ tshul khrims dang lta ba dang/ 'tsho ba dang cho ga phun sum tshogs pa zla med pa bzhis phun sum tshogs pa dam @513a @#/ /pa dang/ so so yang dag par rig pa gong na med pa bzhis ye shes dam pa dang/ mngon par shes pa mnyam pa med pa drug gis mthu dam pa dang/ sgrib pa gnyis spangs pa mnyam pa med pas spangs pa dam pa dang/ gnas pa mnyam pa med pa gsum po 'phags pa'i gnas pa rnam par thar pa gsum dang/ 'gog pa'i snyoms 'jug dang lha'i gnas pa bsam gtan bzhi dang/ tshangs pa'i gnas pa tshad med pa bzhis gnas pa dam pas so/ /de dag las kyang gnas pa bzhin gtso bo yin pas sangs rgyas rnams mang du gnas pa ste/ 'phags pa'i las stong pa nyid dang/ 'gog pa dang/ lha'i las bsam gtan bzhi pa mi g.yo ba dang/ tshangs pa'i las snying rjes nyin mtshan dus drug tu sems can su ni dar/ su ni rgud ces bya ba la sogs par 'jig rten gzigs pas so/ /'di bdun gyi las kyang go rim bzhin du skyes bu chen po dang/ thugs rje chen po dang/ tshul khrims dang chos chen po dang/ shes rab chen po dang/ mngon shes chen po dang/ rnam par grol ba chen po dang/ gnas pa chen po zhes bya bar 'gyur ba'o/ ! /sku rnam par dbye ba las/ sku'i rab tu dbye ba ni/ bsam 'das zab dang mthu tshogs rgya che dang/ /'gro ba rnam 'dren bdag nyid chen po las/ /rang bzhin chos rdzogs longs spyod sprul sku ste/ /nam mkhar gzugs bzhin dang por phyi ma gnas/ /sku gsum dbye ba'i rgyu mtshan ni bsam pa'i yul thams cad las 'das pas zab pa dang/ mthu'i tshogs rmad du byung ba mtha' yas pa dang ldan pas rgya che ba dang/ byis pa so so'i skye bo dman pa thams cad kyang rab tu 'dren par mdzad pas bdag nyid chen po'i mtshan nyid kyi dbye ba las so/ /dbye ba'i don ni rang bzhin gyi sku dang/ longs spyod rdzogs pa dang/ sprul pa'i sku rnam pa gsum ste; dang po ni chos sku yin la phyi ma gnyis ni gzugs kyi sku'o/ /de'ang nam mkha' la gzugs gnas pa ltar dang po la phyi ma gnas pa ste/ gser 'od dam pa las/ snga ma la phyi ma brten te chos sku ni yang dag pa ci la'ang mi gnas par gsungs so/ /de la chos kyi sku ni de @513b bzhin nyid rang bzhin gyis rnam par dag pa lam gyis glo bur gyi dri ma spangs pas rnam dag gnyis tshogs pa/ snang ba med pa'i shes rab chen po dang ro gcig pa spangs pa gnyis dang/ ye shes gnyis la dbang bsgyur ba'i gnas skabs can te/ bcos bu ma yin pas rang bzhin nam ngo bo nyid kyi skur yang brjod pa'o/ /chos rnams kun gyi de bzhin nyid/ /sgrib gnyis dag pa'i mtshan nyid de/ /dngos dang de dmigs shes pa la/ /dbang zad mi shes mtshan nyid do/ /zhes so/ /longs spyod rdzogs pa'i sku ni de'i rjes la thob pa'i ye shes snang ba dang bcas pa yon tan dpag tu med pa'i rang bzhin te/ gzugs su snang ba'i bdag po'i rkyen nyid kyis dag pa'i sems can la gzugs phun sum tshogs par snang ba bcos bu nyid do/ /sprul pa'i sku yang gzhan gyi rnam par rig pa'i chas bsdus pas bcos bu'i rang bzhin ma dag pa'i sems can rnams la sna tshogs kyi gzugs su snang ba'i mtshan nyid do// ! sku gsum gyi grangs nges pa'i rgyu ni/ rang don gzhan don rten dang bcas pas sam/ /rang don dag dang ma dag gzhan don gyi/ /sangs rgyas kun gyi sku rnams ma lus pa/ /sku gsum dag tu nges par shes par bya/ /longs spyod rdzogs pa ni yon tan dpag tu med pa'i tshogs nyid kyis/ rdzogs par longs spyod pa las rang don phun sum tshogs par bzhag ste/ mthu dang bya ba grub dang chos ro dang/ don dang yon tan 'byor pa dpag med dang/ /rtag tu mi zad gzigs pas rgyal ba rnams/ /kha na ma tho med pa'i dgyes mchog brnyes zhes gsungs pa ltar ro/ /sprul pa ni 'gro ba'i don 'ba' zhig mdzad pa las gzhan gyi don phun sum tshogs pa ste/ chos sku ni gnyis ka'i rten yin pas na don thams cad 'di gsum tsam gyis yongs su rdzogs pa'i phyir/ sku gsum dag gis sangs rgyas kyi/ /sku bsdus par ni shes bya ste/ /sku gsum dag gi rang bzhin gyi/ /don 'di rten dang bcas bar bstan ces gsungs pa'o/ /yang na chos sku don dam pa ni yon tan thams cad kyi rten nyid kyis rang don phun sum tshogs pa ste don dam pa rtogs @514a @#/ /pa la yon tan thams cad bos pa bzhin du 'du ba'i phyir ro/ /de la brten pa'i yon tan gyi rang bzhin gzugs sku gnyis po ni gzhan don phun sum tshogs pa ste/ rim pa bzhin gzhan rdzogs par longs spyod pas mtshan dang dpe byad rab tu 'bar ba'i gzugs kyis sa thob pa'i rgyal sras dag pa rnams kyi don mdzad pa dang/ rnam pa sna tshogs kyi gzugs kyis ma dag pa'i sems can nyan thos la sogs pa thams cad kyi don mdzad pa'i phyir/ dag las nye dang ring rnams la/ /'jig rten rgyal ba'i dkyil 'khor du/ /chu dang nam mkha' zla gzugs bzhin/ /de mthong ba ni rnam pa gnyis/ /zhes gsungs pa'o/ /des na 'di gsum tsam gyis don thams cad rdzogs par 'grub pas na/ rang don gzhan don don dam sku dang ni/ /de la brten pa kun rdzob sku nyid de zhes bya ba dang/ bdag nyid kyi ni 'byor pa'i gnas/ /dam pa'i don gyi sku yin te; ;drang srong rnams kyi brda yi sku/ /pha rol phun sum tshogs pa'i gnas zhes gang gsungs pa'o/ ! /sku so so'i mtshan nyid las chos kyi sku ni mtshan nyid brgyad dang ldan pa ste/ ngo bo nyid sku mnyam zhing zab pa dang/ /rtag dang gcig pu bdag dang gtsang ba dang/ /'od gsal dri med rtog med rang rig bya/ /longs spyod rdzogs dang rjes 'brel mtshan nyid do/ /mnyam pa nyid ni sangs rgyas thams cad kyi rang bzhin gyi sku la khyad par med pa'i phyir ro/ /zab pa ni rtogs par dka' ba nyid kyis rab tu phra ba'i phyir ro/ /rtag pa ni 'dus ma byas pa nyid kyis thog ma dang dbus dang tha mar skye ba la sogs pa dang bral ba'i phyir ro/ /gcig pu ni dbyings dang ye shes tha mi dad pa nyid kyis rnam par dbye ba med pa'i phyir ro/ /bdag ni sgro skur gyi mtha' las 'das pas mi bslu ba'i don gyis rang bzhin yin pa nyid kyis phyin ci ma log pa'i phyir ro/ /gtsang ba ni dri ma thams cad rnam par dag pa nyid kyis nyon mongs pa dang shes bya dang snyoms par 'jug pa'i sgrib pa gsum las nges par grol ba'i phyir ro/ /'od gsal ba ni rang bzhin gyis sgrib pa'i dri ma dang ma 'dres pa dang/ rnam par rtog pa dang bcas pas dmigs par bya ba ma yin pa dang; @514b so so rang gis rig pa rnam par mi rtog pas 'ga'ang mi dmigs pa nyid du dmigs par bya ba yin pa'i phyir ro/ /longs spyod rdzogs pa dang 'brel ba ni yon tan rgya chen po'i bdag nyid kyis longs spyod rdzogs pa'i rten du gyur pa'i phyir te/ thog ma dbus mtha' med cing rnam dbye med; ;gnyis med gsum bral dri med rnam rtog med/ /chos dbyings rang bzhin gang yin de rtogs pa/ /mnyam par bzhag pa'i rnal 'byor pa yis mthong zhes bya ba dang/ rang bzhin sku ni mnyam pa dang/ /phra zhing longs spyod rdzogs 'brel dang zhes gsungs pa'o/ ! /longs spyod rdzogs pa'i sku'ang mtshan nyid brgyad dang ldan pa ste/ longs spyod rdzogs pa 'khor dang zhing dang mtshan/ /sku dang gsung dang mdzad rgyun mi chad la/ /mi rtog lhun grub rab 'jug sku la sogs/ /sna tshogs dmigs kyang de yi rang bzhin min/ /'di ni 'jig rten gyi khams sna tshogs su gang dang lhan cig tu longs spyod pa 'khor phun sum tshogs pa tha dad pa rgyan mi chad pa dang/ gang du longs spyod pa zhing yongs su dag pa tha dad pa dang/ gang gis longs spyod pa rnam par snang mdzad la sogs pa mtshan phun sum tshogs pa tha dad pa dang/ de dang ldan pa'i sku phun sum tshogs pa mtshan dang dpe byad kyis rab tu brgyan pa tha dad pa rgyun mi chad pa dang/ gang la rdzogs par longs spyod pa theg pa mchog gi gsungs phun sum tshogs pa tha dad pa rgyun mi chad pa dang/ de dag gis rgyal sras lung ston pa la sogs pa mdzad pa phun sum tshogs pa tha dad pa bsgrub pa rgyun mi chad pa dang/ de rnams la yid bzhin gyi nor bu'i rgyal po ltar 'bad pa med par lhun gyis grub par 'jug pa dang/ sku dang gsung dang mdzad pa sna tshogs su snang yang shel gyi kha dog ltar de kho nar sna tshogs kyi rang bzhin dang bral ba ste/ sna tshogs dam chos 'od zer mnga' ba'i skus/ /'gro ba'i rnam grol don bsgrub la brtson pa/ /mdzad la yid bzhin nor bu'i rgyal bzhin te/ /sna tshogs dngos dang de yi rang bzhin min/ /zhes bya ba dang/ longs spyod rdzogs pa khams kun tu/ /'khor yongs sdud dang zhing dang mtshan/ /sku dang chos rdzogs longs @515a @#/ /spyod dang/ /mdzad pa dag gis tha dad do zhes gsungs pa'o/ ! /sprul pa'i sku yang mtshan nyid brgyad dang ldan pa ste/ chos kyi sku las g.yo ba med bzhin du/ /thugs rje chen pos ma dag zhing rnams su/ /srid pa ji srid sprul pa gsum gyi gzugs/ /'jig rten 'dun smin rnam grol rgyur ston pa'o/ /rten ni chos sku ste de las g.yo ba med bzhin tu'o/ /rgyu ni 'gro ba thams cad la phan par bzhed pa mtshungs pa med pa'i thugs rje chen pos 'jig rten mtha' dag la gzigs pa las so/ /gzhi ni yongs su ma dag pa'i sangs rgyas kyi zhing thams cad du'o/ /dus ni 'jig rten ji srid gnas kyi bar du rgyun mi chad por/ /rang bzhin ni sprul pa rnam gsum gyi gzugs kyis te/ bzo sprul pa pa'i wang len pa la sogs pa bzo sna tshogs la dpe med par mkhas shing sbyor pa dang/ skye ba sprul pa rwi bong la sogs pa lus dman pa sna tshogs kyang len pa dang/ mchog gi sprul pa dga' ldan nas gshegs pa dang/ lhums su 'jug pa nas zhi ba chen por gshegs pa'i bar ston pas te/ bzo dang skye dang byang chub che/ /mya ngan 'das pa rtag ston pas/ /sangs rgyas sprul pa'i sku 'di ni/ /rnam par grol ba'i thabs chen po zhes gang gsungs pa'o/ /'bras bu rnam pa gsum ni 'jig rten tha mal pa dag ci rigs par mya ngan las 'das pa gsum la 'dun pa bskyed pa dang/ 'dun pas lam la zhugs pa dag tshogs yongs su smin par byed pa dang/ dge ba yongs su smin pa de dag srid pa'i 'ching ba las rnam par grol ba thob par byed pa'i bye brag gis so/ /'jig rten zhi ba'i lam la 'jug pa dang/ rab tu smin dang lung ston rgyu yi gzugs zhes 'bras bu gtso bo'i dbang gis gsungs so// ! sku 'di rnams kyi rtag pa'i khyad par ni/ 'di dag rgyu dang sems can mtha' yas dang/ /brtse dang mkhyen dang 'phrul dang phun tshogs dang/ /chos kyi dbang phyug 'chi ba'i bdud bcom dang/ /ngo bo med dang 'jig rten skyabs phyir rtag /gzugs sku rtag pa'i rgyu bdun dang/ chos sku rtag pa'i rgyu gsum mo/ /dang po la gnyis las 'khor ba ji srid par 'jig rten yongs su 'dzin pa'i @515b rgyu ni bzhi ste/ lus dang srog dang longs spyod gces pa thams cad kyang phangs pa med par btang ba la sogs pa dka' ba dpag tu med pas dam pa'i chos bzung ba'i phyir rgyu mtha' yas pa mnga' ba dang/ sems can ma lus pa sgrol bar bzhed pa'i dam bca' mthar 'phyin pas/ dgos pa mi ldog pa dang/ thugs rje rnam par dag pa mthar phyin pas bzhed pa mnga' ba dang/ rdzu 'phrul gyi rkang pa la dbang bsgyur bas 'jig rten gyi don du gnas pa'i nus pa mnga' bas so/ /'jig rten mi 'dor ba'i rgyu ni gsum ste/ shes rab kyis srid pa dang zhi ba mnyam pa nyid rtogs pas blang dor gyi yul ma dmigs pa dang/ ting nge 'dzin la sogs pa'i bde ba dam pa phun sum tshogs pas rtag tu gnas pas sdug bsngal gyis mi gnod pa dang/ don dam pa'i chos la dbang bsgyur ba dam pa thob pa las 'jig rten du gnas kyang 'jig rten gyi chos kyis mi gos pas nyes pa'i dbang du mi 'gro ba'i phyir ro/ /chos sku rtag pa'i rgyu gsum ni 'chi ba med pa'i go 'phang brnyes pas 'jig pa med pa'i chos nyid mngon du gyur pa las/ 'chi ba'i bdud bcom pa spangs pa dang/ ye shes gnyen pos slob pa dang/ de bzhin nyid la 'dus byas kyi chos kyi ngo bo nyid skye 'jig la sogs pa thams cad gdod ma nas med pa'i rang bzhin du grub pa dang/ de gnyis nyid kyis mya ngan las 'das pa 'dod pa'i 'jig rten rnams kyi skyabs su gyur pa ste/ bslu ba med pa'i 'bras bu yin pas so/ /lan cig thob kyang phyis mi gnas na ni ? bas skyabs mi rung ba'i phyir/ mi bslu ba nyid kyis gtan du bar ? grub pa'i don to/ ! /yang sku gsum rtag pa'i don mdor bsdus pa gsum ni/ gzhan yang rang bzhin dang ni rgyun mi chad/ /rgyun gyis kyang ni nge dag rtag par 'dod/ /chos sku ni don dam pa skye ba la sogs pa dang bral ba'i bdag nyid kyis rang bzhin gyis rtag pa'o/ /longs spyod rdzogs pa na skad cig mang po chad pa med par 'jug pas chos kyi longs spyod rgyun chad pa med pa'i phyir rgyun chad pas rtag pa'o/ /sprul pa ni mi snang bar gyur nas kyang yang nas yang kun tu ston pas/ @516a @#/ /rigs mthun rgyun chad kyang 'tshams pa'i dus las mi yol bar gzhan dang gzhan 'byung ba'i phyir bya ba byed pa rtag par lta'o/ ! /mnyam pa'i khyad par ni/ rten dang dgongs pa 'phrin las mtshungs pas na/ /rgyal ba kun gyi sku rnams mnyam pa nyid/ /sangs rgyas thams cad kyi chos sku ni rten chos kyi dbyings tha dad pa med pas mnyam pa'o/ /longs spyod rdzogs pa ni dgongs pa mtho dman med pas mnyam pa'o/ /sprul pa ni 'phrin las thun mong du gyur pas mnyam pa nyi do/ ! /bsam gyis mi khyab pa'i khyad par ni/ brjod du med dang don dam brtag bya min/ /rjes dpag bya min bla na med pa'i phyir/ /chos sku bsam 'das srid par snang mod kyang/ /srid zhi las 'das gzugs sku bsam mi khyab/ /sku gsum po de ni rgyal sras dam pa rnams kyi bsam pa'i yul las 'das pas kyang bsam gyis mi khyab pa'o/ / 'di ltar chos sku bsam gyis mi khyab pa'i rgyu ni lnga ste/ brjod pa'i zhen yul du ma grub pas tshig la sogs pa'i sgras brjod du med pa'i phyir dang/ de nyid kyang phyin ci ma log pa'i dmigs pa med pa nyid kyis don dam pas bsdus pa'i phyir dang/ de'ang phyin ci log gi rtog pa'i dmigs pa las 'das pa'i phyir dang/ de'ang dpe dang rtags la sogs pa don gzhan gyi rjes su 'brang ba'i blos dpag par bya ba ma yin pa'i phyir dang/ de gnyis kyang 'jig rten thams cad las khyad par du 'phags pas bla na med pa'i phyir te/ 'jig rten thams cad ni 'jig rten las 'das pa bla ma dang bcas pa'o/ /des na chos kyi sku ni sangs rgyas ma yin pas mi dmigs pas bsam gyis mi khyab pa nyid do/ /gzugs sku bsam gyis mi khyab pa'i rgyu ni 'o na 'jig rten na sangs rgyas dmigs pa ci ltar 'thad de des na chos sku bla na med par yang ma grub bo snyam na/ de ltar snang ba ni gzugs sku yin pas 'gal ba med do/ /de nyid kyang snang du zin kyang rang bzhin rtogs par mi nus pas bsam gyis mi khyab pa nyid de/ srid par snang yang srid pa dang zhi ba gnyi gas ma bsdus pa'i phyir ro/ /des na/ ngag yul min phyir don dam @516b gyis bsdus phyir/ /rtog gnas min phyir dpe las 'das pa'i phyir/ /bla na med phyir srid zhis ma bsdus phyir/ /rgyal yul 'phags rnams kyis kyang bsam mi khyab ces gsungs so/ ! /sku gsum spyir bsdus pa'i dbang du byas nas/ gzhan yang 'di dag rang don dag pa dang/ /ma dag gzhan don yang dag btags pa dang/ /lhag bcas lhag med srid zhir mi gnas dang/ /sgrib gsum spangs thob rtag sogs mtshan nyid gsungs/ /gser 'od dam pa las/ chos kyi sku ni sgrib pa thams cad dang bral ba dge ba'i chos thams cad rdzogs pa'i phyir de kho na nyid dang ye shes tsam du gnas pa'o zhes gsungs te gtsor rang don du dgongs pa'o/ /longs spyod rdzogs pa ni byang chub sems dpa' rnams kyi don du dam pa ston pa ste/ srid pa dang zhi ba mnyam pa nyid rtogs shing bdag tu lta ba bsal bas sems can mgu bar byed la/ sangs rgyas kyi chos tshad med pa'i rgyur gyur pa de kho na'i ye shes dang mthun par smon lam gyi mthus/ mtshan dang dpe byad bzang pos brgyan cing 'od kyi dkyil 'khor dang ldan pa'i sku grub pa'o/ /sprul pa'i sku ni sems can gyi don du chos sna tshogs bsgrubs pas rnal 'byor mthar 'byin pa na dbang chen po thob pa las gdul bya'i khams la sogs pa dang mthun par sku sna tshogs ston pa'o zhes te/ dag pa dang ma dag pa'i sems can gyi don du gsal lo/ /yang de nyid las phyi ma gnyis ni btags pa tsam ste snga ma ni yang dag pa'i sku yin pas de gnyis kyi gzhi byed pa'o/ /ci'i phyir zhe na/ de bzhin nyid dang rnam par mi rtog pa'i ye shes las gud na sangs rgyas kyi chos gang yang med pa'i phyir ro/ /sangs rgyas rnams ni ye shes kyi nyon mongs pa spangs pa mthar phyin cing sangs rgyas kyi sa rnam par dag pa brnyes pa'o/ /yang chos kyi sku dang gzugs kyi sku 'di gnyis las rim pa bzhin phung po lhag ma med pa dang lhag ma dang bcas pa'i mya ngan las 'das pa gnyis dang/ 'khor ba dang mya ngan las 'das pa la mi gnas pa gnyis kyang yin no/ /byis pa so so'i skye bo rnams ni mtshan nyid gsum la 'ching ba'i sgrib pa yod pas sku gsum ma thob pa ste/ @517a @#/ /de gsum shes pa dang 'gog pa dang rnam par dag par ma gyur pa'i phyir ro/ /sangs rgyas rnams kyi ni de gsum shes pa dang 'gog pa dang rnam par dag pas sku gsum rdzogs pa'o/ /yang rnam par shes pa gsum ma spangs pa dang spangs pa las kyang de bzhin te/ lam yongs su sbyong bas 'jug pa'i rnam shes sbyangs pa dang/ gcod pa'i lam gyis yid kyi rnam shes sbyangs pa dang/ mchog tu rgyal ba'i lam gyis kun gzhi'i rnam shes sbyangs pas/ sprul pa'i sku la sogs pa rim gyis 'thob pa'o/ /yang chos kyi dbyings la ye shes kyi sgrib pa dag pas ni chos sku snang ngo/ /nyon mongs pa'i sgrib pa dag pas ni longs spyod rdzogs pa snang ngo/ /las kyi sgrib pa dag pas ni sprul sku snang ba ste/ nam mkha' las glog dang de las 'od ? ltar chos sku las longs sku dang/ de la brten te sprul sku snang bas so/ /'di gsum ni rnam grangs kyis rtag pa dang mi rtag par yang bshad pa ste/ chos sku ni 'du byed ma yin pa dang mtshan ma tha dad med pa dang rtsa ba dang gzhir gyur pas rtag pa'o/ /longs sku ni thog ma med pa nas rgyun mi chad cing sangs rgyas kyi ma 'dres pas bsdus pas sems can mi zad pa las spyod pa'ang mi zad pas rtag pa dang gzhir ma gyur pa la mdzad pa mngon du mi ston pas mi rtag pa'o/ /sprul pa ni gnas thams cad du thabs la mkhas pas dmigs pa ji lta bar chos ston pa rgyun mi chad pas rtag pa dang/ gzhir ma gyur pa la mdzad pa mngon du mi ston pas mi rtag pa'o/ /yang chos sku ni mtshan ma sna tshogs su gzung ba'i yul las 'das pas gcig dang tha dad pa ma yin pa'o/ /longs sku ni 'khor gyi bsam pa gcig pas mtshan nyid gcig pa'o/ /sprul pa ni byis pa'i yid dang mthun pas mtshan ma tha dad pa mang po ston pa'o/ /yang sangs rgyas thams cad chos kyi skus ni sku mthun pa'o/ /longs sku ni dgongs pa mthun pa'o/ /sprul pas ni spyod pa'am mdzad pa mthun pa'o zhes so/ ! /ye shes kyi rnam par dbye ba las ye shes kyi rab tu dbye ba ni/ mi g.yo rten gyur de la brten pa yi/ /thugs rje mkhyen mchog nus pas rab phye ba/ /me long lta bu mnyam @517b nyid so sor rtog /bya ba sgrub pa'i ye shes bzhi nyid do/ /'dir chos kyi dbyings rnam par dag pas rab tu phye ba'i sku gsum po de gang la snang ba'am gang gis dbang du byas pa'am gang gis bdag nyid du gyur pa'i ye shes ni lnga yin pa las/ chos kyi dbyings kyi ye shes ni snang ba med pa'i shes rab tu gang brjod pa spros pa thams cad dang bral ba'i chos kyi dbyings de 'ga'ang mngon du byed pa med pa nyid kyi mngon du byed pa bsnyad pa ste/ dbyings rnam par dag pa nyid dang dbye ba med par ro gcig pas na logs su ma brjod mod kyi/ 'on kyang de ni sngar bshad pa ltar/ chos kyi dbyings rnam dag gnyis tshogs pa spangs pa gnyis dang ye shes gnyis la dbang bsgyur bas/ dag pa 'jig rten pa snang ba dang bcas pa'i ye shes bzhi po nyid dang/ de dag gi yon tan dpag tu med pa'i rten du gyur pa chos sku gang rnam par bzhag pa de nyid do/ /ye shes 'di rnams ni de'i rjes la thob pa rnam grol gyi ye shes snang ba dang bcas par gang brjod pa nyid yin pas na/ slob dpon kha cig gis me long lta bu'i ye shes mi g.yo bar rje btsun gyis gsungs pa'i don dmigs bya dmigs byed mnyam pas mnyam pa rnam par mi rtog pa de bzhin nyid la dmigs pas chos sku nyid do/ /longs spyod rdzogs par gsungs pa rgyud la brtags par chad pa ni don ma rtogs pa'i rnam 'gyur du gsal te/ de ma thag tu 'chad par 'gyur ba rje btsun gyi gsung ji lta bu'i mtshan nyid la sogs pa lung dang rigs pa du ma dang 'gal ba'i phyir te spros pas chog go /des na ye shes 'di rnams kyi dbye ba'i rgyu mtshan ni dus rtag tu gnas pas nam yang chad pa med pa'i phyir mi g.yo ba dang/ rten gyi ngo bo nyid tha snyad pa'i shes bya thams cad mngon sum du mkhyen pa dang/ de la brten pa'i ngo bo nyid res 'ga' bar gyur pas g.yo ba dang bcas pa thugs rje chen po dang/ mkhyen pa chen po dang/ nus pa chen po gsum gyis rab tu phye bas so/ /dbye ba'i don ni me long lta bu dang/ mnyam pa nyid dang/ so sor rtog pa dang/ bya ba sgrub pa'i ye shes bzhi nyid de/ 'di tsam kho nas rang dang gzhan gyi @518a @#/ /don kun rdzogs par 'gyur ba'i phyir dang/ rten dang brten pa nyid du grub pa'i phyir/ /grangs dang go rims nges pa can no/ /brten pa'i ye shes 'di dag ni kha cig rtog pa med kyang 'dzin pa'am nges pa'i bdag nyid du 'jug par yang 'chad do/ /'di dag gi rten dang brten pa'i don ni ngo bo nyid gcig pa'am rgyu 'bras yin pas tha dad pa gnyi ga la yang gnod pa ma mthong sta nus pa ni nus pa can las tha mi dad par gsal lo/ /mtshan nyid ni gzhan kho na ste bshad zin pa dang 'chad par yang 'gyur ba bzhin no/ ! /so so'i mtshan nyid las ye shes dang po'i ni/ me long ye shes rgyud dang yul dang dbus/ /dmigs dang rnam pa yongs su ma chad lngas/ /ngar 'dzin mi mnga' kun khyab rtag tu ldan/ /shes bya kun gsal rnam pa'i dri ma bral/ /mtshan nyid lnga ste/ rgyud yongs su ma chad pa ni rtag tu nga dang nga yi ba'am bdag dang gzhan du 'dzin pa mi mnga' ba'i phyir ro/ /yul yongs su ma chad pa ni thams cad du khyab pa'i phyir ro/ /dus yongs su ma chad pa ni rtag tu ldan pa'i phyir ro/ /dmigs pa yongs su ma chad pa ni sgrib g.yogs dang bral bas shes bya thams cad la ma rmongs shing rab tu gsal ba'i phyir ro/ /rnam pa yongs su ma chad pa ni don thams cad kyi rang bzhin ji lta bar gsal ba yin gyi/ gzugs brnyan ni rnam pa'i dri ma'am rab rib tsam las don la mngon du phyogs pa ni ma yin pa'i phyir ro/ /des na 'dir rgyud dang rnam pa ni med pas ma chad pa yin la/ yul la sogs pa gsum ni thams cad du khyab pas ma chad par lta'o/ /mtshan nyid de dag dang ldan pa'i ngo bo nyid ni longs spyod rdzogs bdag ces bya ba de'i ngo bo nyid kyi don te/ 'di nyid brten pa'i ye shes 'og ma gnyis dang bcas pa'i bdag po las/ dag pa'i sems can rnams la mtshan dang dpe byad kyis spras pa'i gzugs su snang ba'i phyir ro/ / ? ni/ ye shes dmigs bcas pa/ /ma lus rab gsal me long gzugs brnyan bzhin zhes bya ba ste/ ye shes rnams yul dang bcas pa'i shes bya ma lus pa ji lta bar ngang gis @518b gsal bas/ /me long dag pa la gzugs brnyan dang gis gsal ba bzhin no/ / ? ye shes kyi gzugs brnyan 'byung bar gsungs pa ni dpe'i chos su zad kyi rnam pa ni ma yin te bshad ma thag pa ltar ro/ ! /gnyis pa ni/ mnyam nyid ye shes bdag gzhan mnyam pa'i sems goms pa mthar phyin mi gnas zhi bar ni/ /rab zhugs brtse rlabs rmad byung mkha' khyab pa'i/ /'gro ba gcas 'dzin bdag nyid che brnyes pa'o/ /dang po nyid nas bdag gzhan mnyam pa dang brje ba'i byang chub kyi sems 'bad pas bsgoms pas chos mngon par rtogs pa la sogs pa'i tshe de dag thob nas yongs su sbyangs pa las/ 'dir mthar phyin te mi gnas pa'i mya ngan las 'das pa chen por rab tu zhugs shing/ 'gro ba ma lus pa bdag pas ches gces par 'dzin pa'i thugs brtsa ba rlabs po ches gzhan gyi don 'ba' zhig bsgrub pa lhur mdzad pa bdag nyid chen po'i go 'phang dam pa brnyes pa'o/ /'di na sems can thams cad dga' bar byed pas ye shes chen po'i zla bar gsungs so/ ! /gsum pa'i ni/ so sor rtog pa shes bya ma lus pa'i/ /rang bzhin nus sogs mtshan nyid ji bzhin du/ /lag mthil gnas ltar lkog gyur mi mnga' bar/ /chags dang thogs med rab gsal mngon sum spyan/ /phyi dang nang gi chos thams cad kyi rang bzhin sna tshogs rags pa dang phra ba la sogs pa'i mtshan nyid thams cad dang/ nus pa sna tshogs kyis rab tu phye ba rgyu dang 'bras bu cha phra ba la sogs pa shes par dka' ba ma lus pa/ dper na rtswa shing thams cad sor bzhi par gtubs ? nas mer bsregs pa'i thal ba stong gsum ganggA'i bye ma snyed kyi rgya mtshor blugs te lo stong du dkrugs pa'i rdul gyi cha la shing gi cha gang gis yin pa'am/ rma bya'i sgo'i kha dog sna tshogs so sor las gang gi 'bras bu yin pa'am/ ? zhig gis chu thigs pa gcig bcol te/ 'di chu gzhan dang ma 'dres pa dang ma bri ba dang ma skam pa dang gzhan la ma blad par bskal pa gcig na nga la phyin cig ces zhus pa na/ de gangg'ga'i klung du klong dang ma 'dres shing ma @519a @#/ /'khrugs par bzhag ste dus su 'dod na de khon ltar gtod pa lta bu mkhyen pas/ bsam gyis mi khyab pa'i mtshan nyid thams cad la lkog tu gyur pa rnam pa thams cad du mi mnga' bar chags pa dang thogs pa mi mnga' ba'i ye shes chen pos lag mthil na gnas pa ltar mngon sum du mkhyen pa las chos la spyan du gyur pa chen po'o/ /'di ni shes bya thams cad gsal bar mdzad pa las ye shes chen po'i nyi mar gsungs so/ /ye shes bzhi pa'i mtshan nyid ni/ bya ba sgrub pa mkha' khyab 'gro kun gyi/ /gnod bsal bde legs bsgrub pa'i bya ba rnams/ /rab phra'ang ma lus cig car ci rigs par/ /'bad med legs bsgrub rab mkhyen rmad kyi chos/ /nam mkha'i khams kyi mthas khyab pa'i 'gro ba thams cad kyi sdug bsngal la sogs pa'i gnod pa bsal ba gang ci'ang rung ba dang/ dge legs la sogs pa'i dgos pa bsgrub pa gang ci 'ang rung ba'i bya ba ma lus shing lus pa med pa cig car mkhyen cing/ de thams cad bsam gyis mi khyab pa'i sprul pa'i sprin sna tshogs kyis thogs pa med par sgrub par mdzad pa'ang mkhyen pa ste/ 'di ni nyon mongs pa'i nad zhi bar byed pa la sogs pas ye shes chen po'i sman du gsungs so/ /de'ang dus gang du sems can gyi gnod pa ci 'dra ba bsal ba dper na sems can dmyal ba'i mes rab tu bsreg pa la tha na ser bu bsil bskad cig tsam gyis ngal bso ba tsam la sogs pa dang/ yang 'ga' zhig la tha na sangs rgyas kyi mtshan gcig tsam brjod pa'i dge legs bsgrub pa la sogs pa tsam gyi skal ba dang ldan pa de la yang/ de dag gi dus las mi 'da' bar sangs rgyas thams cad kyis 'dres shing mnyam par don de dag nges par sgrub par mdzad pas na/ ngo mtshar rmad dang ldan pa'i skyabs gnas chen po ste/ rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol mi mnga' zhes bya ba la sogs @519b pas gang bsngags pa mdzad pa'o/ ! /yon tan gyi khyad par spyir bsngags pa ni/ de bzhin gshegs dang dgra bcom rdzogs sangs rgyas/ /rigs dang zhabs ldan bde gshegs 'jig rten mkhyen/ /mi 'dul kha lo bsgyur ba bla na med/ /lha mi'i ston pa sangs rgyas bcom ldan 'das/ / sa las rnam pa bcus sangs rgyas rnams kyi yon tan brjod pa dang rjes su dran par bya ba yin te/ 'di ltar bcom ldan 'das de ni de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde par gshegs pa/ 'jig rten mkhyen pa/ skyes bu 'dul ba'i kha lo bsgyur ba bla na med pa/ lha dang mi rnams kyi ston pa/ sangs rgyas bcom ldan 'das zhes bya ba'o/ /de la phyin ci ma log pa gsung bas na de bzhin gshegs pa'o/ /thob pa'i don kun brnyes pa dang bsod nams kyi zhing bla na med pa yin pas mchod par 'os pas na dgra bcom pa'o/ /chos rnams kyi don dam pa ji lta bar thugs su chud pas na yang dag par rdzogs pa'i sangs rgyas so/ /rig pa gsum dang zhi gnas dang lhag mthong gi zhabs dang shin tu ldan pas rig pa dang zhabs su ldan pa'o/ /mchog tu khyad zhugs par gshegs pa dang yang mi ldog par gshegs pas bde bar gshegs pa'o/ /sems can gyi khams dang 'jig rten gyi khams kyi kun nas nyon mongs pa dang rnam byang gi rnam pa thams cad mkhyen pas 'jig rten mkhyen pa'o/ /sems can 'dul ba'i thabs dam pa mkhyen cing 'jig rten du skyes bur gyur pa gcig pu byung bas skyes bu 'dul ba'i kha lo bsgyur ba bla na med pa'o/ /mig lta bur gyur pa'i phyir ye shes dang don dang chos su gyur pa'i phyir/ don gsal ba gtan la 'bebs pa'i phyir/ don thams cad rtogs pa'i phyir/ ma rtogs pa'i don rtogs par mdzad pa'i phyir/ the tshom gcod par mdzad pa'i phyir/ zab mo'i gnas rnam par 'grel ba'i phyir/ yongs su byang bar mdzad pa'i phyir/ de chos thams cad rtogs pa'i phyir/ de 'dren pa yin pa'i phyir/ de ston pa yin pa'i phyir/ lha dang mi rnams la sdug bsngal @520a @#/ /thams cad las 'byung ba yang dag par ston cing brjod pas lha dang mi rnams kyi ston pa'o/ /don dang ldan pa'i chos kyi tshogs dang/ don dang mi ldan pa'i chos kyi tshogs dang/ de gnyi ga ma yin pa'i chos kyi tshogs mtha' dag rnam pa thams cad du thugs su chud pas sangs rgyas so/ /bdud dpung dang bcas pa thams cad kyi g.yul chen po bcom pas na bcom ldan 'das zhes gsungs so/ /mdo 'grel byed pa gzhan gyis ni gzhan du'ang bshad do/ ! /bye brag tu rnam par dbye ba las chos sku la brten pa'i rab tu dbye ba bsdu ba ni/ chos sku spangs dang shes rab thugs rje la/ /brten pa'i yon tan brgya rtsa lnga bcu gnyis/ /byang chub phyogs mthun tshad med mthar gnas dang/ /rnam thar zad par zil gnon mngon shes dang/ /dbang stobs mi 'jigs so so yang dag rig /ma 'dres nyon mongs med dang smon mkhyen dang/ /yongs dag dran nyer bsrung med bsnyel mi mnga'/ /bag chags bcom dang thugs rje chen po dang/ /ting 'dzin gzungs dang rnam kun mchog mkhyen dang/ /pha rol phyin drug yongs rdzogs mthar phyin brnyes/ /byang chub phyogs kyi chos sum cu rtsa bdun dang/ /tshad med pa bzhi dang/ mthar gyis gnas pa'i snyoms par 'jug pa dgu dang/ rnam par thar pa brgyad dang zil gyis gnon pa'i skye mched brgyad dang/ zad par gyi skye mched bcu dang/ mngon par shes pa drug dang/ dbang bcu dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ yongs su ? dag pa bzhi dang/ sangs rgyas kyi chos ma 'dres pa bco brgyad dang/ nyon mongs pa med pa dang/ smon gnas mkhyen pa dang/ gdung ba med pa gsum dang/ dran pa nye bar bzhag pa gsum dang/ bag chags yang dag par bcom pa dang/ thugs rje chen po dang/ ting nge 'dzin dang/ gzungs dang/ rnam pa thams cad mkhyen pa dang/ mchog mkhyen pa dang/ pha rol tu phyin pa drug ste/ spyir bsdoms pa'i grangs ni brgya lnga bcu rtsa gnyis so/ /de la gtsor spangs pa la brten pa ni nyon mongs pa med pa dang/ dran pa nye bar @520b bzhag pa gsum dang/ bsrung ba med pa gsum dang/ bsnyel ba mi mnga' ba'i chos nyid ? chags bcom pa dang/ pha rol tu phyin pa drug rdzogs pa rnams so/ /thugs rje la brten pa ni tshad med pa bzhi dang/ thugs rje chen po nyid do/ /lhag ma rnams ni gtsor shes rab la brten pa'o/ ! /so so'i rnam par dbye bas sangs rgyas la bstod pa las byang chub kyi phyogs las ni/ mkha' lta'i mkhyen ldan brtson 'grus lhun gyis grub/ /ting 'dzin rab yangs dbang stobs rmad byung dang/ /byang chub che brnyes 'phags lam mthar son pa/ /byang chub phyogs 'phags khyod la phyag 'tshal lo/ /lus la sogs pa nam mkha' lta bur mkhyen pa dran pa nye bar bzhag pa bzhi dang/ nyes ba'i tshogs spangs pa dang/ mi skye ba dang/ yon tan gyi tshogs skye ba dang/ gnas pa la lhun gyis grub par 'jug pa'i brtson 'grus yang dag par spong ba bzhi dang/ 'dun pa dang/ brtson 'grus dang/ sems dang/ dpyod pa'i te nge 'dzin rgya chen po rdzu 'phrul gyi rkang pa bzhi dang/ dad pa la sogs pa'i dbang po lnga dang stobs lnga yongs su rdzogs pa dang/ chos yang dag pa ji lta bar rnam par 'byed pa la sogs pa byang chub chen po brnyes pa'i yan lag bdun dang/ mi slob pa'i yang dag pa'i lta ba la sogs pa 'phags pa'i lam yan lag brgyad po byang chub kyi phyogs mthar phyin pa rnams kyis yang dag par 'phags pas so/ /'di rnams dang tshad med pa la sogs pa'i yon tan thams cad kyang shin tu rnam par dag pa shin tu sbyangs pa shin tu 'od gsal ba shin tu mthar thug pa nyid du lta'o/ ! /tshad med pa las ni/ sems can rnams la brtse ba can/ /phrad dang bral ba'i dgongs pa can/ /mi 'bral ba yi dgongs pa can/ /phan bde dgongs khyod la phyag 'tshal/ /phan pa dang bde ba'i dgongs pa gnyis kyis sems can la brtse ba las te/ bde ba'i dgongs pa ni byams pas bde ba dang phrad pa dang/ snying rjes sdug bsngal dang bral ba dang/ dga' bas bde ba dang mi bral bar dgongs pa gsum gyis so/ /phan pa'i @521a @#/ /dgongs pa ni btang snyoms kyis kun nas nyon mongs pa med pa las gtan du phan par dgongs pa'i phyir ro/ /! mthar gyis gnas pa'i snyoms par 'jug pa las ni/ bsam gtan bla med bzhi dang ni/ /gzugs med snyoms mjug dam pa bzhi/ /'gog pa mchog gi sems kyi dbang/ /mthar son khyod la phyag 'tshal lo/ /rab kyi cha'i mtha' las byung ba'i bsam gtan bzhi dang/ gzugs med pa'i snyoms par 'jug pa bzhi dang/ phul du byung ba'i 'gog pa'i snyoms par 'jug pa dgus ting nge 'dzin gyi sems thams cad kyi dbang dam pa'i pha rol tu son pa'o/ ! /rnam par thar pa dang zil gyis gnon pa dang zad par las ni/ thub pa sgrib kun nges par grol/ /'jig rten thams cad zil gyis gnon/ /khyod kyi mkhyen pas shes bya khyab/ /thugs grol khyod la phyag 'tshal lo/ /'dir rnam par thar pa'i khyad par ni sgrib pa gnyis po thams cad las nges par grol bas dmigs pa la dbang bsgyur bas so/ /zil gyis gnon pa'i khyad par ni 'jig rten thams cad zil gyis gnon pa dang/ thugs la mnga' bsgyur bas dmigs pa sprul pa dang bsgyur ba byin gyis rlob cing dmigs pa zil gyis gnon pa las so/ /zad par bcu'i khyad par ni shes bya thams cad la ye shes khyab pas dmigs pa rgyas par spro ba'i khyad par can no/ /'di gsum gyis ni yon tan gyi mi mthun pa'i phyogs thams cad las rnam par grol bas na thugs grol lo/ ! /mngon par shes pa las ni/ gshegs nas spyod pa mkhyen mdzad de/ /de dag skad kyis sems can gyi/ /'od dang 'gro dang nges 'byung la/ /legs 'doms khyod la phyag 'tshal lo/ /'di drug gis ni yang dag par 'doms pa po nyid ston te/ sku'i cho 'phrul gyi rdzu 'phrul gyi mngon par shes pas ni gdul bya gang na yod pa'i yul thams cad du gshegs pa'o/ /thugs kyi kun brjod pa'i cho 'phrul gzhan gyi sems shes pas ni de dag gi sems kyi spyod pa la sogs pa mkhyen pa'o/ /gsung gi rjes su bstan pa'i cho 'phrul @521b la bzhi las/ dang po ni gdams ngag gi rang bzhin te lha'i rna bas de dag gi skad ci lta bar 'doms pa'o/ /gsung ni don gyi dbye ba ste/ sngon gyi gnas rjes su dran pas ji ltar sngon gyi mtha' nas 'dir 'ong ? pa dang/ 'chi 'pho dang/ skye ba shes pa lha'i mig gis ji ltar 'di nas phyi ma'i mthar 'gro ba dang/ zag pa zad pa shes pas ji ltar 'di nas 'khor ba las nges par 'byung ba mkhyen pa ltar gdams ngag rtsol bas dus gsum la rmongs pa spangs pa nyid kyi phyir ro// ! dbang bcu las ni/ bzhed bzhin 'da' sogs dam pa'i dbang/ /rnam bcus 'jig rten gsum kun na/ /che bar grags pa thams cad kyang/ /legs 'dul khyod la phyag 'tshal lo/ /tshe la dbang ba ni 'dod pa bzhin 'chi bas bsdus ba ste longs spyod byin pas sems can rnams kyi tshe'i rgyur 'gyur bas na sbyin pa'i pha rol tu phyin pas thob par bya'o/ /sems la dbang ba ni ji ltar 'dod pa ltar sems 'jug pas las rung ba ste/ longs spyod byin pas gzhan gyi bsam pa tshim par byed pas sbyin pa'i 'bras bu'o/ /yo byad la dbang ba ni bsam pa ci lta bar yo byad 'byor pa ste/ gzhan yo byad kyis tshim par byed pas sbyin pa'i 'bras bu nyid do/ /las la dbang ba ni lus ngag yid kyi las ji 'dod 'grub pa ste/ tshul khrims kyis gzhan gyi las gsum kha na ma tho ba med pa la bsam pa ji lta bar bskul pa'i rgyu can no/ /skye ba la dbang ba ni gang 'dod pa'i 'gro ba dang lus la sogs pa 'grub pa ste/ tshul khrims dang ldan pa'i smon lam 'grub pas de'i rgyu can no/ /mos pa la dbang ba ni mos pa ji lta bar sa ? 'ang gser du 'gyur ba la sogs pa ste/ bzod pas sems can gyi mos pa'i rjes su zhugs pa'i rgyu las so/ /smon lam la dbang ba ni ji ltar smon pa'i don kun 'grub pa ste/ brtson 'grus kyis sems can gyi don dus ji lta bar bsgrub pa las so/ /mngon shes lngas bsdus pa'i rdzu 'phrul la dbang ba ni bsam gtan gyi sems kyis sems can gyi dgos pa ji lta ba la zhugs pas so/ /ye shes la dbang ba ni ji 'dod du ye shes mngon su byed pa ste/ shes rab kyis sems can @522a @#/ /gyi 'dod pa ji lta ba mngon du shes pa la sbyar bas so/ /chos la dbang ba ni mdo la sogs pa'i chos 'dod pa ji lta bar ston pa ste/ shes rab kyi pha rol tu phyin pas sems can ji 'dod pa'i mdo la sogs pa'i chos la sbyar bas thob par bya ba'o/ ! /stong pa ? las ni/ / thabs dang skyabs dang dag pa dang/ /theg chen nges par 'byung ba la/ /sems can rnams la rab bslu ba'i/ /bdud 'joms khyod la phyag 'tshal lo/ /stobs bcu ni gnas dang gnas ma yin pa mkhyen pa dang/ las bdag gir bya ba dang/ bsam gtan dang/ ting nge 'dzin dang snyoms par 'jug pa dang/ dbang po mchog dang mchog ma yin pa dang/ /mos pa sna tshogs dang/ khams sna tshogs dang/ thams cad du 'gro ba'i lam dang/ bsam gtan dang rnam par thar pa dang ting nge 'dzin dang snyoms par 'jug pa dang kun nas nyon mongs pa dang rnam par byang ba dang ldang ba thams cad dang/ sngon gyi gnas dang 'chi 'pho dang skye ba dang/ zag pa zad pa mkhyen pa'i stobs so/ /'dir ni de dag gi las phyogs gcig gsungs pa ste/ don bzhi la sems can bslu ba'i bdud 'joms pa'o/ /bde 'gro dang ngan 'gror 'gro ba'i thabs la bslu ba ni bsad pa'i mchod sbyin gyis mtho ris thob pa la sogs pa ston pa ste/ de ni rgyu gang las 'bras bu gang skye ba'i gnas yod pa dang med pa ston pa stobs dang pos bzlog pas so/ /skyabs la bslu ba ni sdig pa byas shing bsod nams ma byas kyang sengge dang 'phrog ? byed la sogs pa mgu bar byas na ngan 'gro las skyob pa la sogs pa smra ba ste/ de ni las nyid bde ba la sogs pa sbyin pa'i rgyu dang ston pa dang skyabs yin par ston pa stobs gnyis pas 'joms so/ /dag pa la bslu ba ni zag pa dang bcas pa'i las tsam gyis dag par smra ba ste/ de ni de tsam lam ma yin gyi bsam gtan la sogs pa nyid rnam par dag pa'i lam du ston pa stobs gsum pas bzlog pas so/ /nges par 'byung ba la bslu ba ni snod dang mi mthun pa'i lam ston pa ste/ de ni dbang po la sogs pas snod ji @522b lta bar ston pa stobs lhag ma rnams kyis 'joms pas so/ /stobs 'di rnams rgya cher ? ni sa las bshad de/ gnas dang gnas ma yin pa'i ni dge ba dang mi dge ba'i rgyu 'bras mi mthun pa med pa tshul khrims las mtho ris lta bu'i rgyu de ni 'bras bu de'i gnas dang rten yin pas de la de srid pa'i don dang/ ldog pa'i rgyu tshul khrims 'chal ? ba lta bu de ni 'bras bu mtho ris ltar bu de'i ? gnas ma yin pas de la de mi srid pa'i don te/ /de dag yang dag pa ji lta bar mkhyen pa ni kun mkhyen pa'i ye shes mngon pa'i nga rgyal med pas mkhyen pa'o/ /stobs ni bla na med pa'i phyir dang/ sems can thams cad kyi don thams cad byed nus pa'i phyir dang/ bdud thams cad kyi stobs zil gyis gnon pa'i phyir ro/ /de dang ldan pa ni sgrub byed yang dag par bzung bas ci 'dod du dbang byed pa'i phyir ro/ /las bdag gir bya ba'i ni dus gsum po thams cad kyi lus la sogs pa gsum gyi las kyi rnam pa thams cad dang las yang dag par blang ba da ltar bde la/ phyi mar sdug bsngal pa la sogs pa bzhi'i gnas skabs thams cad dang/ gnas gang du byed pa'i yul can thams cad dang/ sems can du ? bgrang ba la sogs pa gang la brten pa'i dngos po thams cad dang/ dge ba dang mi dge ba'i rgyu gang gis byed pa'i gzhi thams cad dang/ sdug pa dang mi sdug pa'i 'bras bu gang 'grub pa'i phan yin dang nyes dmigs thams cad mkhyen pa'o/ /des na snga ma ni sdug pa dang mi sdug pa'i rgyu 'bras so sor nges pa yin la/ 'di ni byed pa po nyid la 'bras bur 'gyur ba'i don to/ /bsam gtan la sogs pa'i ni bsam gtan bzhi dang rnam par thar pa brgyad kyis sems las su rung nas/ 'dod pa'i don bsgrub pa'i phyir ting nge 'dzin gang 'dod la snyoms par 'jug pas 'jig rten dang 'jig rten las 'das pa'i don ci bzhed pa myur bar 'grub pa yin pas na 'dod pa'i don thams cad sems la rag las pa ste/ bcom ldan 'das dag ting nge 'dzin dag la snyoms par zhugs pas tshangs pa'i 'jig rten man @523a @#/ /chad snang bas khyab cing de'i gsung yang thos la de ni sus kyang mi mthong ba la sogs pa gsungs pa ltar ro/ /de'i kun nas nyon mongs pa ni de dag thob pa'i gegs thabs ma yin pa'i sbyor ba dang/ thob zin pa la yang de'i sa ba'i nyon mongs pa yod pa'o// rnam par byang ba ni de las ldog pa'o/ /rnam par bzhag pa ni ming sna tshogs kyis ci rigs su brjod pa'o/ /rnam par dag pa ni de dag nyid tshegs med pa dang ngan ? don ma yin par ci ltar 'dod pa de ltar rdzogs par thob pa'o/ /dbang po mchog dang mchog ma yin pa ni ji ltar yongs ? su smin pa yang dag par 'grub pa las dad pa la sogs pa lnga po chung ngu dang 'bring dang chen po dag ste/ gzhan la yid ? ches pa dang/ chos spyod pa gnyis sngon du 'gro ba'o/ /mos pa sna tshogs ni 'dod cing rtog pa chung ngu ? dang 'bring dang chen po dag go /khams sna tshogs ni nyan thos dang rang rgyal dang sangs rgyas kyi rigs dang/ 'dod chags la sogs pa la spyod pa brgyad khri bzhi stong gi khams rnams so/ /kun tu 'gro ba'i lam ni de dag nyid kyi 'jug pa'i sgo dang 'tsham pa 'dod chags spyod pa la mi sdug pa sgom pa la sogs pa'o/ /sngon gyi gnas rjes su dran pa ni phyogs sna tshogs na sems can ris sna tshogs kyi ming dang brda sna tshogs tha dad pa'i sngon gyi gnas rnam pa du ma mdor na tha snyad kyi gzhi brgyad la brten pa'i spyod pa drug rjes su dran pa ste/ gzhi brgyad ni ming ni 'di zhes bya/ rigs dang rus dang/ zas dang bde sdug dang/ tshe ring khyad dang/ yun dang/ tshe ni 'di tsam zhig thub ces bya ba'o/ /de dag la brten pa'i spyod pa drug ni bod pa'i brda dang/ rgyal rigs la sogs pa'i rigs dang/ pha ma dang/ zas skom la sogs pa'i bya ba dang/ dar rgud dang/ tshe'i rnam pa sna tshogs so/ / rnam pa ni spyod pa drug go /dan rtags ni gzhi brgyad do/ /lha'i mig ni lha'i gnas pa bsam gtan bzhi'i 'bras bu ste/ shin tu rdzogs shing dag pa'i bsam gtan la brten pas shin tu dag pa'o/ /'dod pa'i lha la ni de dang ming mthun pa tsam yod kyi/ mi la de'ang @523b med pas na mi las 'das pa'o/ /de'i yul ni sems can 'chi ba dang/ bar dor skye ba gnyis po mun par 'jug pa phyar ba nag po'am mun nag tu 'gro ba lta bu kha dog ngan pa dang/ snang bar 'gro ba zla ba'i 'od dam/ wa ra NA si'i ras lta bu kha dog bzang ba'o/ /ngan pa dang bzang po'ang de dag nyid de ngan 'gro dang bde 'gror 'gro bas so/ /lus dang ngag dang yid kyi nyes par spyod pa dang ldan pa ni tshul khrims 'chal pa kun slong dang bcas pas so/ /log par lta ba ni gnyis te thams cad la skur pa 'debs pa dang/ de spangs pa 'phags pa la skur pa 'debs pa'o/ /des log pa'i las kyi rgyu dang 'bras bu la mngon par zhen pas log pa'i las mngon par 'du byed de/ chos yang dag par blang ba da ltar bde la phyi mar sdug bsngal ba dang gnyi gar sdug bsngal bar 'gyur ba gnyis len to/ /ngan 'gro'i rgyu gtso bo yin pas rgyu de dang rkyen ? des zhes bya ba'o/ / lus zhig pa ni ming dang gzugs phan tshun 'brel ba zhig pa'o/ /shi ba'i 'og ni 'chi ba thams cad las 'di tha cad yin pas so/ /ngan song ni chos ngan pa dang yang ba spyod pas ngan par song bas so/ /ngan 'gro ni sdug bsngal drag pa dang/ yun ring ba dang bar ma chad ? pa dang mang ba myong bar 'gyur bas so/ /log par ltung ba ni 'og na gnas shing g.yang sa che la nyam nga ba dang snying rje ba dang zhan pa'i sgra cher 'byin pas so/ /sems can dmyal ba ni rang bzhin dang lus dang dngos po bstan pa'o/ /de kho na smras pa ni shas cher sgyid lug pa'i gnas yin pas te ? ngan song kun mtshon pa'o/ /dge ba'i phyogs kyi ni thams cad de las ldog pa ste/ bde 'gro ni legs par spyod pa sngon du 'gro bas so/ /mtho ris ni bde ba la longs spyod pa mchog yin pas so/ /zag pa zad pa mkhyen pa ni zag pa thams cad kyi bag la nyal ma lus pa spangs pas/ gnyen po zag pa med pa'i sems dang shes rab mchog tu gyur pa lhag pa'i sems dang lhag pa'i shes rab kyis bsdus pa ste/ zag pa med pa'i sems rnam par grol ba dang shes rab rnam par grol ba'o/ /de'ang sngar lam bsgom pa la brten te srid pa tha ma de nyid la @524a @#/ /thob nas/ bdag gis thob bo zhes mngon par shes pa drug pos rang gi ji lta bar shes pas 'dod na gzhan la'ang ston pas na tshe 'di nyid la rang gi mngon par shes pas mngon sum du byas te brjod par byed ces bya ba'o/ ! /mi 'jigs pa las ni/ rang gzhan don du ye shes dang/ /spangs dang nges 'byung gegs dag ni/ /ston mdzad mu stegs gzhan dag gis/ /mi rdzi khyod la phyag 'tshal lo/ /ston pas gnas bzhi dam bcas pa la mu stegs can la sogs pa lha'i mig dang ldan pa dang gzhan gyi sems shes pa dang de ma yin pa dag rgol ba'i rgyu ma gzigs pas mi bsnyengs pa dang/ zhum pa dang dog pa dang bag tsha ba mi mnga' ba'o/ /'di bzhi yang bdag gis don rdzogs pa'i gnas ni gnyis te/ theg pa chen po pa'i dbang du byas nas nyan thos dang thun mong ma yin pa shes bya'i sgrib pa las rnam par grol ba chos thams cad mngon par rdzogs par sangs rgyas pa'i ye shes dang/ theg pa dman pa pa'i dbang du byas nas nyan thos dang thun mong pa nyon mongs pa'i sgrib pa las rnam par grol ba zag pa thams cad zad pa'i spangs pa'o/ /gzhan gyi don rdzogs pa'i gnas kyang gnyis te/ de gnyi ga'i dbang du byas nas thar pa 'dod pa rnams sdug bsngal thams cad las 'da' bar 'gyur ba nges par 'byin pa'i lam dang/ lam de thob pa'i gegs spang bar bya ba bar chad kyi chos lung ston par mdzad pa'o/ /de dag kyang bdag nyid kyis rtogs par zhal gyis 'ches pas dam bcas pa'o/ /'phags pa'i lam yan lag brgyad pas thob cing gnod pa dang/ 'jigs pa thams cad dang bral bas khyu mchog go /mya ngan las 'das pa bla na med pa yin pas rlabs po che'o/ /nyid kyi thugs su chud ? nas brtse bas gzhan la yang bstan pas tshangs pa'i 'khor lo bskor ba ste/ tshangs pa dang zhi ba dang bsil bar gyur pa zhes bya ba ni sangs rgyas nyid la brjod pas na thog mar de nyid kyis bskor la/ des bskyod nas gzhan gyis kyang gzhan la gcig nas gcig tu @524b brgyud de sems can gyi ris thams cad du 'khor bas tshangs pa'i 'khor lo'o/ /'khor gyi nang du seng ge'i sgra bsgrags pa ni ston pa phun sum tshogs pa bla na med par bdag nyid bsgrags pa'i phyir dang/ de'i lam bstan pas de ma yin pa'i ya mtshan can thams cad spangs pa'i phyir dang/ lam de dang mi mthun par smra ba byung ba la bag 'khums pa med pa'i phyir dang/ phas kyi rgol ba rnams zil gyis ma nan ? pa'i phyir rgya che zhing bla na med pa'i gsung mngon par brjod pa'i phyir ro// ! so so yang dag par rig pa las ni/ rten dang brten pa bshad bya dang/ /gsung dang mkhyen pas ? 'chad byed la/ /blo gros rtag thogs mi mnga' ba/ /legs ston khyod la phyag 'tshal lo/ /gang bshad par bya ba dang gang gis 'chad par byed pa la blo gros rtag tu thogs pa mi mnga' ba nyid kyis chos legs par ston par mdzad pa las te/ rten chos mtshan gzhi dang de la brten pa don mtshan nyid gnyis te de ni bshad par bya ba'o/ /gsung nges pa'i tshig sgra don dang/ mkhyen pa spobs pa chad ma gnyis ni 'chad byed de de dag mkhyen pa'o/ ! /sangs rgyas kyi chos ma 'dres pa las ni/ spyod pa dang ni rtogs pa dang/ /ye shes dang ni 'phrin las kyis/ /nyan thos rang sangs rgyas kun gyi/ /bla ma khyod la phyag 'tshal lo/ /spyod pas bsdus pa drug ni sku dang gsung dang thugs la phyin ci log gi 'khrul pa/ dper na dgra bcom pa dag kyang grong du rgyu ba na glang po che gtum po'am rta mi srun pa la sogs pa dang thug pa dang/ tshang tshing dang tsher ma'i 'obs su ltung ba dang/ sbrul nag po rkang pas brdzi ba dang bud med ma rungs pas brjod ? pa'i khyim du 'jug pa lta bu ston pa la mi mnga' ba dang/ lus dang ngag dang yid la rtsom pa dang/ rtsod pa'i ca co dang/ dgra bcom pa res 'ga' nags khrod stug por lam gol te khang stong du sgra chen pos 'bod pa dang/ bag chags kyi gnod pas rta skad chen pos rgod cing stegs pa lta bu mi mnga' ba dang/ dran pa rmongs pa med pas thams cad skad cig la mkhyen te mdzad pa dang/ gsungs ba la sogs pa bsnyel ba mi mnga' ba dang/ tha dad pa'i 'du shes @525a @#/ /dgra bcom pa phung po la mtha' gcig tu nyes dmigs su 'dzin cing phung po lhag ma med pa la zhi bar 'dzin pa lta bu mi mnga' ste mchog tu btang snyom su bzhugs pa dang/ thugs mnyam par ma bzhag pa dgra bcom pa snyoms par zhugs na mnyam par gzhag gi /ldang ba na ma yin pa lta bu mi mnga' bar gnas skabs thams cad du mnyam par bzhag pas bzhugs pa dang/ so sor ma brtags pa'i btang snyoms dgra bcom pa ma brtags pas sems can gyi don yal bar 'dor ba lta bu mi mnga' ba'o; ;thob pas bsdus pa drug ni dgra bcom pa dag shes bya'i sgrib pa rnam par dag pa las brtsams te ma thob pa'i yongs su nyams pas 'dun pa la sogs pa drug las yongs su nyams pa lta bu mi mnga' bas/ dbang po lnga gnas dang 'bras bu dang bcas pa 'dun pa dang/ brtson 'grus dang/ dran pa dang/ ting nge 'dzin dang/ shes rab dang/ rnam par grol ba nyams pa mi mnga' ba drug go /ye shes kyis bsdus pa gsum ni 'das pa dag ma 'ongs pa da ltar byung ba dus gsum pa'i don thams cad la chags pa dang thogs pa med par mkhyen pa ste/ dgra bcom pa ni gang gis ye shes mthong ba chags pa med pa dang thogs pa med par 'gyur ba don de thams cad btsal ba tsam gyis mi rtogs shing thams cad rtogs pa'ang ma yin no/ /'di ni brtsal ba tsam gyis shes bya de thams cad rtogs pa'o; ;'phrin las kyis bsdus pa gsum ni sku dang/ gsung dang thugs kyi 'phrin las gsum char ? la yang dge ? ba 'ba' zhig las lung du ma bstan pa mi mnga' ba ste ye shes kyi kun nas bslang bas ye shes sngon du 'gro zhing ye shes dang lhan cig spyod pas ye shes rjes su 'brang ba'o/ /dgra bcom pa ni lan 'ga' lus dang ngag dang yid kyi las dge ? ba ? la 'jug kyang lan 'ga' lung ma bstan la'ang 'jug pas so/ /des na bco brgyad po 'dis ma 'dres pa'i chos dang ldan pas 'phags pa'i gang zag thams cad kyi 'ang bla mar gyur @525b pa'o/ ! /nyon mongs pa med pa las ni/ sems can dag ni thams cad kyi/ /nyon mongs ma lus thams cad 'dul/ /nyon mongs 'joms mdzad nyon mongs la/ /brtser bcas khyod la phyag 'tshal lo/ /rgyal ba'i nyon mongs pa med pa'i khyad par sems can thams cad kyi nyon mongs pa 'dul ba dang/ nyon mongs pa skyes pa'i 'ang gnyen po mdzad pa dang/ skye bo nyon mongs pa can la'ang brtse bar mdzad pa ste/ nyan thos la sogs pa gzhan gyis ni rang la dmigs nas skye ba'i nyon mongs pa 'ga' tsam skye ba'i rkyen byed pa spong gi /skyes pa sel bar ni mi byed pas so/ ! /smon gnas mkhyen pa las ni/ lhun gyis grub cing chags mi mnga'/ /thogs pa mi mnga' rtag par ni/ /mnyam par bzhag cing 'dri kun gyi/ /lan ldan ? khyod la phyag 'tshal lo/ /rgyal ba'i smon gnas mkhyen pa'i khyad par lhun gyis grub par mngon du 'gyur ba dang chags pa med par mngon du 'gyur ba dang/ shes bya thams cad la thogs pa med pa dang/ rtag tu mnyam par bzhag pa dang/ sems can thams cad kyi the tshom thams cad gcod pa ste/ gzhan gyi ni 'bad pa la bltos pa dang/ snyoms par 'jug pa la bltos pa dang/ nyi tshe ? shes pa dang/ res 'ga' mnyam par ma gzhag pa dang/ the tshom thams cad gcod par mi nus pas so/ ! /yongs su dag pa las ni/ len dang gnas dang gtong ba dang/ /sprul dang yongs su bsgyur ba dang/ /ting nge 'dzin dang ye shes la/ /mnga' brnyes khyod la phyag 'tshal lo/ /yongs su dag pa ni dbang rnam pa bzhis bstan te/ rten yongs su dag pa ni nyon mongs pa'i bag chags thams cad rten las ma lus par spangs ? pas lus ngag bzhed pa len pa dang/ ji tsam bzhed par gnas pa dang/ nam 'dod pa na gtong ba gsum la dbang ba'o ?/ /dmigs pa yongs su dag pa ni sprul pa dang bsgyur pa dang bstan pa yul thams cad la dbang yod pa'o/ /thugs yongs su dag pa ni gnas ngan len thams cad dang bral zhing dag pa thams cad bsags pas rnam pa thams cad du ting nge 'dzin la dbang ba'o/ /ye shes yongs su @526a @#/ /su dag pa ni ma rig pa rgyun bcad pas shes bya thams cad la ye shes sgrib pa med pa la dbang ba'o/ ! /bsrung ba med pa dang dran pa nye bar bzhag pa las ni/ bsrung med bsnyel ba mi mnga' bas/ /'khor gyi nang na bag bskyangs ? gsungs/ /kun nas nyon mongs gnyis spangs pa/ /'khor sdud khyod la phyag 'tshal lo/ /bsrung ba med pa gsum ni sku dang gsung dang thugs kyi nyes pa 'chab pa mi mnga' bas nyan thos kyi 'khor du bag brkyang ste tshar bcad cing thibs kyis mnan nas ? 'bebs pa la sogs pa shin tu brlang ba yang mdzad la; de dag dang 'grogs pa na rang gi spyod pa ma dag pa shes nas gzhi des mi 'dod pa gleng ba rjes su bsrung ba mi 'da' ba'o/ /dran pa nye bar bzhag pa gsum ni yun ring po nas legs par bstan pa'i chos la gdul bya dag nan tan byed na ci ma rung snyam du bzhed pa chos kyi mnga' bdag de'i bzhed pa de/ grub pa dang ma grub pas nyon mongs pa gnyis skye ba spangs pa ste/ 'khor thams cad legs par bsgrub pa dang/ thams cad log par bsgrub pa dang/ kha cig legs par bsgrub kha cig log par bsgrub pa la chags pa dang sdang ba dang gnyi ga spangs pa ste/ 'di gnyis kyis ni 'khor legs par sdud par mdzad pa'o/ ! /bsnyel ba mi mnga' ba'i chos nyid las ni/ sems can kun gyi bya ba la/ /khyod ni dus las mi 'da' bas/ /mdzad pa rtag tu don mnga' ba/ /mi bsnyel khyod la phyag 'tshal lo/ /yul gang du sems can gang la dus gang gi tshe don gang zhig rnam pa ci ltar bya ba de thams cad la rtag tu dgongs pa las de dag nyid las ma 'das par bsgrub pa la bsnyel ba mi mnga' bas mdzad pa rtag tu 'bras bu yod pa'o/ ! /bag chags bcom pa las ni/ gshegs dang bzhugs pa thams cad du/ /khyod ni rtag tu kun mkhyen te/ /kun mkhyen ma yin spyod mi mnga'/ /bden don can khyod la phyag 'tshal/ /bskyod pa'am gsung ba'am gzigs pa'am gnas pa thams cad la nyon mongs pa mnga' ba 'dra ba'i kun tu spyod pa mi mnga' bas thams cad @526b mkhyen pa yang dag pa nyid de/ dgra bcom pa ni nyon mongs pa spangs kyang de yod pa 'dra ba'i spyod pa dang/ lta ba dang smra ba yod pa'i phyir ro/ ! /thugs rje chen po las ni/ 'jig rten kun la nyin mtshan du/ /lan drug tu ni so sor gzigs/ /thugs rje chen po dang ldan pa/ /phan dgongs khyod la phyag 'tshal lo/ /thugs rje chen po bla na med pa tshad med pas nyin lan gsum mtshan lan gsum khyab par su ni der su ni nyams su ni 'phel/ su ni ngan song las drang bar bya zhes bya ba la sogs par 'jig rten la gzigs pas na sems can thams cad la rtag tu phan par dgongs pa'o// ! ting nge 'dzin dang gzungs las ni/ dpa' bar 'gro sogs ting nge 'dzin/ /rlabs chen mtha' yas zad mi shes/ /za ma tog sogs gzung rnams kyi/ /mthar phyin khyod la phyag 'tshal lo/ /dpa' bar 'gro ba la sogs pa'i ting nge 'dzin cho 'phrul bsam gyis mi khyab pa rmad du byung ba bsgrub pa mtha' yas pa dang/ zad mi shes pa'i za ma tog la sogs pa'i gzungs chos dpag tu med pa 'dzin cing ston pa bsgrub pa mtha' yas pa'i mthar thug par byon pas chos thams cad la mnga' bsgyur ba dam pa brnyes pa'o/ ! /rnam pa thams cad dang/ mchog mkhyen pa brnyes pa las ni/ sku gsum mchog gis byang chub che/ /rnam pa kun brnyes thams cad du/ /sems can kun gyi the tshom dag /gcod pa khyod la phyag 'tshal lo/ /sku gsum gyis zab pa'i don gyi rnam pa ji lta ba thams cad mngon par rdzogs par byang chub pa mchog brnyes pa dang/ shes bya thams cad kyi rgya che ba'i rnam pa ji snyed pa thams cad mkhyen pas sems can thams cad kyi the tshom thams cad gcod par mdzad pa'o/ /yang don dang ldan pa'i chos kyi tshogs thams cad mkhyen pa ni mchog mkhyen pa'o/ / don dang mi ldan pa dang don dang ldan pa dang mi ldan pa'i chos thams cad mkhyen pa ni rnam pa thams cad mkhyen pa'o/ ! /pha rol tu phyin pa drug yongs su rdzogs pa las bstod pa ni/ 'dzin pa mi mnga' nyes mi mnga'/ /rnyog pa mi mnga' mi gnas pa/ /mi g.yo chos @527a @#/ /rnams thams cad la/ /spros med khyod la phyag 'tshal lo/ /mi mthun pa'i phyogs thams cad las nges par grol bas yongs su rdzogs pa ste/ longs spyod la sogs pa thams cad la kun tu 'dzin pa phra mo'ang med pa dang/ lus la sogs pa'i las thams cad dri ma med pa dang/ 'jig rten pa'i chos dang sdug bsngal thams cad kyis sems rnyog pa can du mi byed pa dang/ rtog pa chung ngu dang ngan ngon tsam la mi gnas pa dang/ rnam par g.yengs thams cad kyis mi g.yo ba dang/ rnam par rtog pa'i spros pa thams cad kun tu mi spyod pa'i phyir ro/ ! /spangs pa la brten pa'i khyad par gyi yon tan rnam par dbye ba ni/ 'jug dang rab 'jug mi 'jug ldog pa dang/ /kun 'jug gnyis dang mi gnyis khyad 'phags dang/ /mnyam dang kun 'gro'i bdag nyid yon tan bcu/ /thub pa chen po'i sgrib kun spangs la brten/ /yon tan bcu po 'di ni drug tu bsdus te/ mi rtag pa'i yon tan ni gzhan don sna tshogs 'byung ba dang/ rang don nam mkha' lta bu thun mong ma yin pa'i yon tan rab tu 'byung bas/ gzhan don dang rang don snga na med pa skye ba dang/ shes bya'i sgrib pa nyon mongs pa'i rgyu rnam par rtog pa mi 'jug pa dang/ de la brten pa'i nyon mongs pa ldog pas/ sgrib pa gnyis sngar yod pa 'gag pa ste/ de ltar skye ba dang 'gag ? pa de dag ni ye shes dang spangs pa lam gyis bsgrubs pas mi rtag pa'i yon tan no/ / rtag pa'i yon tan ni thob pa dang nyes pa zad pa de dag kyang gtan du ba nyid kyis chos nyid kyis thob pa'o/ /kun rdzob pa'i yon tan ni ye shes kyi yul gzung sku la brten pa ste dang por mngon par byang chub pa 'byung ba thob pa'i bdag nyid dang/ tha mar mya ngan las 'das pa zad pa ston pas 'dor ba'i bdag nyid gnyis su snang ba'o/ /don dam pa ni shes rab kyi yul chos sku'i yon tan srid pa dang zhi ba dbyer med pa mkhyen pas skye ba dang/ 'jig pa'am thob pa dang 'dor ba gnyis dang bral ba'o/ /'bras bur gyur pa'i @527b yon tan ni mnyam par shes rab kyi 'bras bu nyan thos dang thun mong ba rnam grol gyi sku dang/ khyad par du 'phags pa chos sku ye shes kyi 'bras bu sangs rgyas kyi thun mong ma yin pa'i chos stobs la sogs pa'o/ /rgyur gyur pa'i yon tan ni gzhan la theg pa thams cad rab tu ston pas thob par byed pa thugs rje chen po'i mdzad pa'o/ ! /gzugs kyi sku la brten pa'i yon tan gyi dbang du byas nas de dag gi bdag po ye shes bzhi'i yon tan gyi khyad par ni/ rmongs pa'i dra ba kun bsal don kun gsal/ /rtag tu byams sogs 'gro la phan byed ldan; ;ting 'dzin gzungs sgo'i gter chen gyur pa ste/ /mdzad sogs grangs dang zhing gis bsam mi khyab/ /me long lta bu'i ye shes kyi yon tan ni shes bya thams cad la rmongs pa'i dra ba ma lus pa dang bral ba dang/ don thams cad mngon sum du gyur cing gsal bas rab tu phye ba'i yon tan rmad du byung ba'i tshogs chen po mnga' ba'o/ /mnyam pa nyid kyi ni dus thams cad du byams pa dang snying rje chen po la sogs pas 'gro ba la phan pa rgyun mi chad pa'i rten du gyur pa'i yon tan rmad du byung ba dpag tu med pa la dbang bsgyur ba'o/ /so sor rtog pa'i ting nge 'dzin dang gzungs kyi sgo dpag tu med pa la sogs pa'i yon tan gyi gter chen por gyur pa'o/ /bya ba sgrub pa'i ni mdzad pa'i tshogs bsam gyis mi khyab pa rnams sangs rgyas kyi zhing bsam gyis mi khyab pa rnams su/ grangs bsam gyis mi khyab pa rnams sgrub par mdzad pas rab tu phye ba'i yon tan bsam gyis mi khyab pa dang ldan pa'o/ ! /gzugs sku gnyis po nyid kyi yon tan spyi las brtsams te bstod pa ni/ phyag zhabs 'khor los legs brgyan sogs/ /mtshan mchog sum cu gnyis mnga' ba/ /phyag zhabs sen mo zangs mdog sogs/ /dpe byad bzang pos mdzes spras sku/ /lus can kun gyis khyod mthong na/ /skyes bu dam pa lags par 'tshal/ /mthong ba tsam gyis rab ? dang bral/ /mdzad pa khyod la phyag 'tshal lo/ /mtshan bzang po sum cu rtsa gnyis dang dpe byad bzang po brgyad cus rab tu brgyan pas rim pa bzhin du 'gro ba rnams kyis mthong ba tsam gyis skyes bu @528a @#/ /chen po nyid du shes shing yid ches par byed pa dang/ skal ba med pa dag kyang rab tu dang bar byed pa'i las can no/ /yang na gnyi gas gnyi ga byed pa yang lta ste/ gtso bo dang de'i gsal byed kyi yan lag gzugs phun sum tshogs pa'i yon tan rmad du byung ba nyid do/ ! /mtshan bzang po bshad pa ni/ 'khor los mtshan dang zhabs brtan sor mo ring/ /rting yangs zhabs 'bur mi mngon 'jam zhing gzhon/ /dra bas 'brel mdzes byin pa e Na'i 'dra/ /phyag ring bdun mtho gsang ba legs sbas mdzes/ /'dom dang khrun mnyam pa spu gyen du phyogs/ /re re 'jam zhing mthon mthing g.yas su 'khyil/ /sengga'i stod 'dra phrag pa rab rgyas dang/ /dpung mgo legs zlum gser mdog 'od rab 'bar/ /lpags srab sku che drang zhing ljags ring dang/ /ro bre mchog mkhyen tshangs dbyangs tshems mnyam dang/ /thags bzang rab dkar bzhi bcu tshang ba dang/ / sengge'i 'gram 'dra spyan mdzes rdzi ma ni/ /be'u gzhon lta bu gtsug tor dbur mdzes ldan/ /smin mtshams mdzod spu g.yas 'khyil dung 'dra mnga'/ /'di dag so so spyi rgyu byed par bcas/ /mdo las gsungs bzhin rgyas par shes par bya/ /bla ma rnams la bsu skyel la sogs pas mnyes par byas pa dang/ pha ma la bsnyen bkur sna tshogs byas pa dang/ mchod rten la sogs pa'i thad du 'gro ba dang/ sems can gnod pa las bsrungs pa dang/ g.yog 'khor la sogs pa'i sbyin pa sna tshogs byin pa las/ phyag dang zhabs kyi mthil rnams la 'khor lo rtsibs stong mu khyud dang lte ba dang bcas pa rus pa'am ba sol gzugs su brkos pa lta bu rnam pa thams cad yongs su rdzogs pa mnga' ba ste/ 'khor mang po dang ldan pa'i byed pa can no/ /tshul khrims dang brtul zhugs dang bzod pa dang gtong ba la sogs pa'i yi dam la brtan pa las/ zhabs shin tu gnas pa zhabs mthil gnyis rnyongs pa med pas sa la mnyam par 'bab pa ste/ rtogs pa'i chos las gzhan gyis g.yo bar mi nus pas mi g.yo bar byed pa'o/ /srog gcod pa la sogs pas sems can la mi 'tshe ba dang/ sems can bskyabs pa dang/ bla ma la gus pa dang @528b gzhan mgu bar byas pa dang/ nga rgyal spangs pa las/ sor mo ring bas ha cang ring ba dang ha cang thung ba dang ha cang sbom pa dang ha cang phra ba'i skyon bzhi dang bral ba'o/ /snga ma gsum po nyid kyi rgyu de rnams dang/ gzhan khyad du ma gsad pa las/ rting pa ring zhing yangs pa zhabs kyi bzhi cha zheng la yod cing ? byin gyis mtho ba ste snga ma gsum po ni 'di la brten pa'i phyir ro/ ! /de gnyis kyi byed pa ni sku tshe ring ba'o/ /dge ba'i chos rnams sna tshogs chog mi shes par bzung zhing spel bas long bu dang pus mo la sogs pa mdzes par nub pas zhabs kyi 'bur mi mngon pa ste/ yongs su mi nyams par byed pa'o/ /bla ma la khrus la sogs pa'i rim gro byas pa dang/ gos sna tshogs byin pas ni phyag zhabs kyi mthil shing bal gyi 'dab ma ltar 'jam zhing gzhon sha chags pa ste/ gos la sogs pa'i longs spyod gya nom pa thob pa'o/ /bsdu ba bzhis gzhan bsdus pa dang/ gzhan gyi 'khor ma phye bas phyag zhabs kyi sor mo ngang pa'i rgyal po ltar dra ba mnyen pa srab pa shin tu mdzes pas 'brel ba ste/ 'gro ba rnams myur du sdud par byed pa'o/ /chos bzung zhing bstan pa dang/ bzo la sogs pa'i rig pa legs par byin pa dang/ lham byin pa dang/ phrin legs par bskyal ba las/ byin pa ri dwags sha ra b+ha dang e Na ya'i ltar rim par 'tshams la rgyas shing zlum pas rlo rlo bor ma gyur pa ste/ bshad par bya ba'i dgongs pa'i don myur du 'dzin par byed pa'o/ /bstan pa'i tshul la gnas par bya ba dang/ 'dod pa dang sdig pa spangs pa dag nad pa bskyangs pa dang/ nor yod pa bslangs na gya gyu mi smra bar sbyin pas phyag drang zhing ring la mdzes pa sku ma btud par phyag mthil gnyis su pus mo'i lha nga la slebs pa ste/ sems dbang du 'gyur ba dang nyon mongs pa 'dul bar byed pa'o/ /bza' ba dang btung ba gya nom pa mang pos sems can mang po tshim par byas pas/ phyag zhabs kyi bol bzhi dang mgur gyi lhun gnyis dang ltag pa'i phyogs bdun gang zhing mtho ba ste/ bza' ba la sogs pa'i longs spyod gya nom pa thob pa'o/ /gzhan gyis spangs pa'i sems can chos bzhin du bsdus pa dang/ ngo tsha shes shing khrel @529a @#/ /yod pa dang/ gos byin pa dang/ gsang tshig bsrungs pa dang/ tshangs par spyad pa dang/ gzhan gyi 'khor la sogs pa ma phye bas/ glang po dang rta cang shes ltar gsang ba'i mtshan ma shin tu mdzes par sbubs su nub pa ste/ 'khor ba ji srid par sangs rgyas kyi gdung rgyun mi chad pas/ sras mang bar byed pa'o/ /lus la sogs pa'i las gsum bsdams pa dang/ zas kyi tshod rig pa dang/ sman byin pa dang/ longs spyod la sogs pa ma 'ongs pa spong ba dang/ khams ma snyoms pa dag gsos pa dang/ kun dga' ra ba dang khron pa dang zam pa la sogs byed pa la thog drangs pas/ sku'i khrun dang 'dom du mnyam pa shing n+ya gro d+ha ltar sku chu zheng gab pa ste/ mnga' sgyur bar byed pa'o/ /zhabs kyi 'bur mi mngon pa'i rgyu de nyid kyis sku'i ba spu gyen du phyogs pa ste/ gdul bya smin par byed pa'o/ /'du 'dzi spangs pa dang cha phra ba'i don bsams pa dang/ bla ma'i gnas byi dor byas pa dang/ rtsa la sogs pa'i nyal nyil bsal ba dang/ dam pa'i skye bo bsten pas/ ba spu re rer skye ba dang shin tu rnam par phye zhing gnyis pa med pa dang g.yas su 'khyil ba ste/ do zla med par byed pa'o/ / mu cor mi smra ba dang/ gzhan la mi smod pa dang/ snyan pa dang/ legs par smra ba la rjes su mthun par bstod pa dang/ sems can gyi chos dang mthun pa'i bya ba kun la nga rgyal med par 'bad pas phan pa la btsud cing gnod pa bsal ba dang/ sengge ltar rtul ba che bas dge ba'i rtsa ba rgya chen po mthar gyis spyad pa las/ sku stod 'phel ka che ba sengge 'dra ba dang/ phrag pa rgyas pa gser gyi glegs bam phyis pa ltar phrag pa gnyis kyi bar mthong ka rab tu rgyas pa ste/ ye shes dang mthu thogs pa med par byed pa'o/ /las de dag nyid dang mi 'jigs pa byin pa las/ phrag pa'i lhun mdzes shing zlum la mgrin pa legs par 'brel pas dpung mgo shin tu zlum pa ste/ byed pa'ang snga ma nyid do/ /mal stan dang gnas khang dang/ bza' btung la sogs pa lus kyi yo byad gya nom pa byin pa dang/ dge ba bcu ngoms pa med par spyad pa dang/ khro ba @529b spangs pas shin tu sbyangs pa'i gser gyi mdog lta bu dang 'od 'dom gang ba dang ldan pas sku rnam par dag pa ste/ lus kyi yo byad gya nom pa la dbang 'thob pa'o/ /snga ma'i las de dag dang/ las gang gis spu re re nas g.yas su 'khyil ba 'grub pa de dag dang/ chos tshol ba la sems las su rung ba las lpags pa srab cing 'jam pa dngul dang gser sa le sbram legs par sbyangs pa lta bu shin tu 'jam zhing snyoms pas sku la rdul dang dri mas mi gos pa ste/ byed pa ni snga ma nyid do/ /las gang gis sor mo ring ba 'grub pa dang/ sku gzugs dang mchod rten byas pa'i zhig ral gsos pa dang/ mi 'jigs pa byin pa dang/ bye ba dag bsdums pas/ sku che zhing drang ba khru bdun du 'phags shing ya yo med pas mthu bo chen po'i sku kun nas mdzes pa dang/ sred med kyi bu'i stobs mnga' zhing mkhregs par yang gsungs pa ste/ sku tshe ring bar byed pa'o/ / bden tshig bsrungs pa dang/ chos kyi bcud myangs shing byin pa dang/ thos pa dang/ bcangs pa dang/ 'dzin zhing snyan la mnyen pa'i tshig brjod pas/ ljags ring zhing srab pa ud pa la dmar po'i 'dab ma 'dra zhing yangs pas brkyangs na sgra 'tshams la thug pa'i zhal thams cad khongs pa dang/ bzhed na stong gsum thams cad kyang khebs par mdzad cing/ ngag gcig brjod pa rnam pa du ma'i rgyu mtshan du 'gyur ba ste/ 'di dang tshangs pa'i dbyangs gnyis ni ngag gi lam yan lag lnga dang ldan pa'i gsung dbyangs thob par byed pa'o/ /yid du 'ong ba'i ro bro ba byin pa dang/ sems can rnams bu bzhin du bskyangs pa dang/ dad pa dang snying rje che ba dang/ sman dang zas la sogs pas nad pa bskyangs pa las/ ro bro ba mchog mkhyen pa zhes bya ba ljags rlung dang mkhris pa la sogs pas mnyams pas ro bro ba rnams ji lta ba bzhin myong zhing/ dbang po dang ro ngan pa phrad kyang ro mchog nyid du myong bar byed pa ste/ gnod pa med par byed pa'o/ /bden pa dang snyan pa dang dus su dang chos smra la/ 'jam zhing dga' ba'i tshig smra bas/ tshangs pa'i dbyangs zhes bya ba dbyig gi snying po dang ka la ping/ / lta bu yid du 'ong zhing gdangs rnga sgra ltar snyan pa'i @530a @#/ /gsung dbyangs 'jig rten gyi khams mang pos bar chod pa dang gam na gnas pa'i rna lam du mtshungs par gsal ba'o/ /phra ma spangs shing dbye ba bsdums pa dang/ sems can la bsam pa mnyam par sbyar ba dang/ rim gro byed cing mi brnyas pa dang/ 'tsho ba yongs su dag pa dang/ byams pa bsgoms shing chos kyi don bsams pas/ tshoms mtho dman med pas mnyam pa dang mtshams ma dod pas thags bzang ba dang bla 'og lhag chad med pas bzhi bcu tshang ba dang/ kun da dang dug bcag 'phro ltar shin tu dkar ba ste/ 'khor lnga nas bsags pa dang/ mi phyed par byed pa'o/ /tshig kyal pa spangs shing ran par smra ba dang/ dge ba'i rtsa ba'i sbyor ba rdzogs pa dang nor ci 'dod byin pas/ 'gram bu sengge'i lta bu me long gi dkyil ltar legs par grub cing zlum la rgyas pa blta na sdug pa ste/ ngag btsun par byed pa'o; ;byams pa dang sdang bar byed pa la chags sdang spangs shing bltas pa dang/ sems can la pha ma ltar brtse bas thams cad bsrungs pas/ spyan mthon mthing dkar gnag phyed pas dmar po'i ra ri med pa'o/ /las de dag nyid dang bsam pa sgyu med pas/ rdzi ma khyu mchog gzhon nu'i lta bu steng 'og gi rdzi ma rnams legs par gzhol zhing ma 'khrugs pa ste/ de gnyis ni spyan phye ba dang chos mtshungs pas kun nas mdzes par byed pa'o/ /bslab pa'i gzhi lnga la rang dang gzhan sbyar ba dang/ snying rjes chos rgya chen po la zhugs pa dang/ bla ma la gus pa dang gtsug lag khang byed pa la sogs pa la lhag par bya ba byas pas/ dbu la gtsug tor zlum zhing kun nas mnyam pa g.yas su 'khyil ba mnga' zhing/ dbu mnyam la legs par rgyas shing blta na sdug pa ste/ spyi gtsug bltar mi mthong ba zhes kyang bya'o/ /'di'ang mnga' bsgyur ba chen por byed pa'o/ /pha ma dang bla ma la sogs pa la bsnyen bkur ba byin pa dang/ yon tan bsngags par 'os pa rnams bsngags pa las/ smin mtshams kyi mdzod spu smin ma'i bar da kun da dang 'o ma dang kha ba ltar dkar zhing nyi zla bas lhag pa'i 'od dang ldan pa'i spu 'dzam pa g.yas su @530b 'khyil ba/ brkyang na khru gang bas lhag la bzhag na dung g.yas su 'khyil ba ltar gnas pa ste/ 'di'ang do ? zla med par phyed pa'o/ /rgyu de rnams nyid las sku nyid la 'bras bu de dag 'grub par byed par zad kyi/ 'bras bu gzhan yang dpag tu med pa dang 'brel bar lta'o// ! yang rgyu mdor bsdus pa ni/ nges par byed dang byang dang rtag tu byed/ /kha na ma tho med par byed pa yi/ /las mtha' legs par byed pa rnam pa bzhis/ /'di rnams ci rigs byed pa'ang rgyas par gsungs/ /mdor bsdu na las kyi mtha' legs par byas pa bzhis mtshan thams cad 'grub pa ste/ nges par byed pas ni zhabs shin tu gnas pa'o/ /byang bar byed pas ni 'khor lo dang/ dra ba dang/ zhabs 'bur med pa dang/ lpags pa srab pa dang/ bdun mtho ba dang/ phrag pa rgyas pa dang/ dpung mgo zlum pa dang/ sku che zhing drang ba dang/ ljags srab pa'o/ /rtag tu byed pas ni sor mo ring ba dang rting pa yangs pa dang/ phyag ring ba dang; chu zheng grab pa dang/ tshems thags bzang ba'o/ /kha na ma tho ba med par byed pas ni mtshan lhag ma rnams so/ /de'ang rigs kyi sa la ni mtshan 'di dag gi sa bon tsam gnas so/ /mos pa spyod pa'i sa la ni thob pa'i thabs la zhugs pa'o/ /lhag pa'i bsam pa dag pa'i sa la ni thob pa'o/ / sa gong ma rnams su ni ci rigs par rnam par dag pa'o/ /sangs rgyas kyi sa la ni shin tu rnam par dag cing shin tu bla na med pa'o/ /mtshan 'di rnams ni gzugs can yin pas sems can rab 'bring tha ma gsum gyis rtogs par sla bas na/ sangs rgyas kyi skyes bu chen po'i mtshan thams cad las 'di rnams nyid mtshan du rnam par dag ? pa'o/ /mtshan 'di dag rten gyi tshul gyis 'dzin cing gzuD bzang pos mdzes par byed/ /gsal bar byed pa ni dpe byad bzang po yin te/ 'di gnyis la mtshan ma dang mngon rtags su 'ang brjod pa'o/ /de la dpe byad bzang po brgyad cu ni/ 'du byed kun la chags bral 'gro kun la/ /sdug pa'i shes ? ltar brtse dgongs la sogs las/ /sen mo zangs kyi mdog dang snum la sogs/ /brgyad cus mtshan mchog gsal mdzes dpe byad bzang/ /'di rnams ni nang gi ? rgyu dang 'bras bur gyur pa'i yon tan rnams gsal bar @531a @#/ /byed pa'i rtags nyid du sku la shar ba ste/ sangs rgyas rnams 'du byed thams cad la 'dod chags dang bral bas sen mo zangs mdog dang/ rang gi skye bo ltar sems can thams cad la phan pa dang bde bar dgongs pas sen mo snum pa dang/ rigs rgyud mthon por bltams pas sen me mtho ba dang/ tshul kha na ma tho ba mi mnga' bas sor mo rnams zlum pa dang/ dge ba'i rtsa ba rgya chen po bsags pas sor mo rgyas pa dang/ dge ba'i rtsa ba rim gyis bsags pas sor mo byin gyis phra ba dang/ sku gsung thugs kyi 'phrin las dang 'tsho ba dag par sbas pas rtsa mi mngon pa dang/ nyon mongs pa'i mdud pa 'grel pas rtsa mdud pa med pa dang/ shin tu sbas pa'i chos can gyis long bu mi mngon pa dang/ nyam nga ba thams cad las grol bas zhabs mi mnyam pa med pa ste/ mi'i seng ge yin pas sengge'i stabs su gshegs pa dang/ mi'i glang po nyid kyis glang po'i stabs dang/ nam mkha' la gshegs pas dang pa'i stabs dang/ skyes bu'i khyu mchog nyid kyis khyu mchog gi stabs dang/ mthun pa'i lam mnga' bas g.yas phyogs su gshegs pa dang/ blta na mdzes pas mdzes par gshegs pa dang/ thugs gya gyu mi mnga' bas sku drang ba dang/ shin tu dag pa'i yon tan ston pas sku 'khril bag can dang/ sdig pa shin tu sbyangs pas sku byi dor byas pa lta bu dang/ chos rim gyis ston pas sku rim par 'tsham pa dang/ sku gsung thugs gtsang bas sku gtsang ba dang/ rang bzhin gyis thugs 'jam pas sku 'jam pa dang/ thugs rnam par dag pas sku rnam par dag ba dang/ chos 'dul ba legs par rdzogs pas mtshan rdzogs pa dang/ yangs shing mjas pa'i yon tan brjod pas sku kho lag yangs shing bzang ba dang/ thams cad la thugs snyoms pas gom pa snyoms pa dang/ gzigs pa shin tu dag pas spyan rnam par dag pa dang/ shin tu 'jam pa'i chos ston pas sku gzhon sha can dang/ rtag tu thugs ma zhum pas sku zhum pa med pa dang/ mi dge ba bcom pas sku rgyas pa dang/ yang srid pa @531b zad pas sku shin tu grims pa dang/ rten 'brel shin tu phra zhing zhib pa ston pas yan lag dang nying lag shin tu rnam par 'byes pa dang/ gzigs pa dag pas spyan rab rib med cing dag pa dang/ tshul phun sum tshogs pa'i slob ma mnga' bas dku zlum pa dang/ 'khor ba'i skyon sbyangs pas dku skabs phyin pa dang/ nga rgyal gyi dregs pa bcom pas dku ma rnyongs pa dang/ chos zad pa rnam par bzlog pas phyal phyang nge ba dang/ chos zab mo mngon du mdzad pas lte ba zab pa dang/ mthun par 'dzin pa'i slob ma mnga' bas lte ba g.yas su 'khyil ba dang/ kun nas mdzes pa'i slob ma mnga' bas kun nas mdzes pa dang/ thugs mchog tu gtsang bas kun spyod gtsang ba dang/ chos 'dul ba nag po bstan pa dang bral bas na sme ba'am gnag bag med pa dang/ shing bal ltar yang ba thob par byed pa'i chos ston pas phyag shing bal ltar 'jam pa dang rang gi skye bo dang skye bo phal po che la snyoms par byams pa'i dge sbyong chen po mnyes pas phyag gi ri mo mdangs yod pa dang/ mchog tu zab cing brtan par gnas pas phyag ris zab pa dang/ rgya chen po la bzod pa'i chos ston pas phyag ris ring ba dang/ shin tu rlabs che ba ma yin pa'i bslab pa'i gzhi 'cha' bar mdzad pas zhal ha cang mi ring ba dang/ 'jig rten thams cad gzugs brnyan lta bur ston pas zhal la gzugs kyi gzugs brnyan snang ba dang/ 'jam pa sngon du btang nas 'dul bas ljags mnyen pa dang/ yon tan phra ba'i tshogs dang ldan pas ljags srab pa dang/ byis pa chags can rnams gting dpag dka' ba'i chos kyis 'dul bas ljags dmar ba dang/ glang po che'i nga ro la sogs pas mi brnyengs pas glang po dang 'brug gi sgra dbyangs dang ldan pa dang/ snyan cing mnyen la 'jam pa smra ba'i slob ma mnga' bas gsung snyan cing 'jam la mnyen pa dang/ srid par kun sbyor bsdams pas mche ba zlum pa dang/ skye bo rnon po 'dul bar mkhas pas mche ba rno ba dang/ chos 'dul ba mchog tu dkar bas mche ba dkar ba dang/ mnyam pa'i sa la bzhugs pas mche ba mnyam pa dang/ mngon par rtogs pa rim gyis ston pas mche ba byin gyis phra ba dang/ @532a @#/ /shes rab kyi ri mthon po la bzhugs pas shangs mtho ba dang/ gdul bya'i skye bo gtsang bar nges pas shangs gtsang ba dang/ sangs rgyas kyi chos shin tu yangs pa dang ldan pas spyan yangs pa dang/ sems can gyi tshogs drangs pas rdzi ma stug pa dang/ lha dang lha ma yan dang mi'i na chung mig dkar gnag 'byes shing mdzes pa mchog rnams kyis mngon par bstod pas na spyan dkar gnag 'byes shing padma'i 'dab ma rangs pa lta bu dang/ rtag tu yangs pa ston pas smin chugs ring ba dang/ 'jam pas 'dul bar mkhas pas smin ma 'jam pa dang/ skyon kun nas mkhyen pas smin ma'i spu mnyam pa dang/ dge ba snum pas rgyud snum pa'i skye bo 'dul bas smin ma snum pa dang/ mchog tu rgyas shing ring ba'i phyag mnga' bas phyag rgyas shing ring ba dang/ nyon mongs pa'i g.yul las rgyal bas snyan mnyam pa dang/ ma nyams pa'i sems can 'dul bar mdzad pas snyan gyi dbang po ma nyams pa dang/ ltar bar byas pa thams cad spangs pas dpral ba legs par 'byes pa dang/ dge sbyong dang bram ze dang phas kyi rgol ba bcom pas dpral ba dbyes che ba dang/ smon lam mchog shin tu rdzogs pas dbu shin tu rgyas pa dang/ yul gyi bung ba'i dga' ba bzlog pas dbu skra bung ba ltar gnag pa dang/ mthong ba dang bsgom pas spang bya'i bag la nyal spangs pas dbu skra stug pa dang/ bstan pa'i snying po blo 'jam pos mkhyen pas dbu skra 'jam pa dang/ thugs rtag tu ma 'khrugs pas dbu skra ma 'dzings pa dang/ gsung rtag tu mi brlang bas dbu skra mi gshor ba dang/ byang chub kyi yan lag gi me tog dri zhim pas skye bo mthun par bsgrubs pas dbu skra dri zhim pa dang/ phyag zhabs kyi mthil dpal be'u dang bkra shes dang g.yung drung 'khyil bas brgyan pa'o/ ! /dpe byad kyi rnam grangs gzhan ni/ yang na mgur gyi 'og tu gtogs pa yi/ /sku lus rnams dang mgur nyid dang bcas pa/ /dbu yis bsdus pa'i dpe byad bzang po ni/ /drug cu dag dang nyi shus mdzes spras pa'o/ /slob dpon 'phags pas dpe byad bzang po brgyad cu gang zhe na/ phyag @532b dang zhabs kyi sor mo nyam shu tshig dang sen mo dang bcas pa rnams dpe byad bzang bo nyi shu dang/ de bzhin du phyag zhabs kyi mthil rgyab brgyad rnams dang/ long bu dang bus mo dang brla drug rgyas pa drug dang/ phyag gi de rnams rgyas pa drug dang/ sta zur dang sked pa'i gnyis dang/ 'doms dang snam btses kyi gnyis dang/ sgu do dang phyal dang lte ba dang rtsib logs gnyis dang mchan 'og gnyis dang nu ma gnyis bsdus pa'i drug dang/ brang dang thugs ka dang mgur dang rgyab ste drug cu po 'di rnams ni mgur yan chad ma gtogs pa sku man chad du gtogs pa'o/ /mgur yan chad kyi dpe byad bzang po ni nyi shu ste/ tshems ni phreng ba gnyis la gnyis dang/ dkan thon kor dang bcas pa dang sgros gnyis kyi dang/ mkhur ba rgyas pa dang 'gram pa rgyas shing legs pa'i gnyis dang/ spyan gnyis thon kor dang bcas pa'i gnyis dang/ smin ma gnyis kyi dang/ shangs bug gnyis kyi dang/ dpral ba dang spyan gyi grwa gnyis dang snyan gnyis kyi bzhi dang/ dbu dbu skra dang bcas pa'i dpe byad bzang po rnams so zhes gsungs pa'o/ ! /thun mong gi rgyu'i khyad par bsdus pa ni/ 'gro kun dge las gong nas gong bsgres pa'i/ /bsod nams phung pos bde gshegs spu khung dang/ / dpe byad gnyis bzhag mtshan dang mdzod spu dang/ /gtsug tor chos kyi dung gzhan khyad zhugs 'thong/ /de ltar thub sku bla med bsam mi khyab/ /phun tshogs kun bsdus bsod nams mchog gi tshogs/ /dus dang bsam dang rnam pas dpag med pa/ /gsum gyis rnam kun yang dag 'grub par gsungs/ /mdor bsdu na sems can thams cad kyi bsod nams dang mnyam pa'i bsod nams kyi phung pos ni sangs rgyas kyi spu'i khung bu re re 'grub po/ /ba spu thams cad 'grub pa'i bsod nams kyi phung po ji snyed pas ni dpe byad bzang po gcig go /dpe byad thams cad 'grub pa'i bsod nams kyi phung po brgya 'gyur du bsgres pas ni mtshan gcig 'grub bo/ /mdzod spu dang gtsug tor gnyis ma gtogs pa'i mtshan sum cu po thams cad 'grub pa'i bsod nams ji snyed pa las stong 'gyur du bsgres bas ni mdzod spu gcig pu'o/ /mdzod spu 'grub pa de las 'bum 'gyur gyis ni gtsug @533a @#/ /gtor ro/ /mdzod spu'i las bye pa phrag 'bum 'gyur du bsgres pa'i bsod nams kyi phung pos ni mtshan dpe las gzhan pa chos kyi dung zhes bya ba 'grub ste/ des ni sangs rgyas rnams bzhed na 'jig rten gyi khams mtha' yas mu med pa dag tu gsung gis go bar mdzad do/ /de ltar na thub pa chen po'i sku ni bsam gyis mi khyab cing bla na med pa phun sum tshogs pa thams cad kyis bsdus pa bsod nams kyi tshogs dpag tu med pas yang dag par 'grub pa'o/ /dge ba'i tshogs de dag kyang mdor na rnam pa gsum gyis dpag tu med pa ste/ bskal pa grangs med pa gsum du goms pa las 'grub pas dus dpag tu med pa dang/ sems can mtha' yas pa la phan bde'i bsam pas dbang byed pas bsam pa dpag tu med pa dang/ dge ba'i rnam pa sna tshogs grangs med pas rnam pa dpag tu med pa'i phyir ro/ ! /gzugs kyi sku de'i gsung la brten pa'i yon tan ni/ yan lag lnga dang drug cu la sogs pas/ /bde gshegs gsung gi yon tan mtha' las 'das/ /sangs rgyas rnams kyi gsung dbyangs ngag gi yan lag lnga dang ldan pa ni kun shes par bya zhing rnam par shes par bya ba dang/ mnyan par 'os shing mi mthun med pa dang/ zab cing dbyangs rjes su sgrogs pa dang/ mi tshugs shing rnar snyan pa dang/ rig cing rtog par byed pas gdul bya sna tshogs la khyab par byed pa'o/ /gsung yan lag drug cu dang ldan pas ni phyogs bcu re rer yang tshad med pa'i 'jig rten gyi khams su gsung gis go bar mdzad pa ste/ sems can rnams kyi dge ba'i rtsa ba ston par byed pas mnyen pa dang/ mthong ba'i chos nyid la bde ba la reg par byed pas 'jam pa dang/ don bzang bas yid du 'ong ba dang/ yi ge bzang bas yid du 'thad pa dang/ 'jig rten las 'das pa bla na med pa'i rjes la thob pas dag pa dang/ nyon mongs kyi bag chags thams cad dang bral bas dri ma med pa dang/ tshig dang yi ge grags pas rab tu gsal ba dang/ mu stegs can blo gros ngan pa thams cad kyi lta ba 'joms pa'i stobs dang ldan pas snyan cing 'jebs pa dang/ bsgrub pas nges par 'byung ba dang ldan pas mnyan par @533b 'os pa dang/ phas kyi rgol ba thams cad kyis mi rdzi bas mi tshugs pa dang/ thams cad dga' bar byed pas snyan pa dang/ 'dod chags la sogs pas gnyen po nyid kyis dul ba dang/ bslab pa bca' ba'i thabs bde bas mi rtsub pa dang/ de las 'das na nges par 'byung ba'i thabs ston pas mi brlang ba dang/ theg pa gsum car gyi 'dul ba ston pas rab tu dul ba dang/ rnam g.yeng gi gnyen po nyid kyis rnar snyan pa dang/ ting nge 'dzin bskyed pas lus sim par byed pa dang/ lhag mthong gi rab tu dga' ba bskyed pas sems sim par byed pa dang the tshom gcod pas snying dga' bar byed pa dang/ log pa dang ma nges pa sel bas dga' bde bskyed pa dang/ bsgrub pa la 'gyod pa med pas yongs su gdung ba med pa dang/ thos pa las byung ba'i shes pa phun sum tshogs pa'i rten nyid kyis kun shes par bya ba dang bsam pa'i shes pa'i rten nyid kyis rnam par rig par bya ba dang/ slob dpon gyi dpe mkhyud mi mnga' bar ston pas rnam par bsal ba dang/ rang don thob pa rnams dga' bar byed pas dga' bar bya ba dang/ de ma thob pa rnams kyis dga' bar bya ba yin pas mngon par dga' bar bya ba dang/ bsam gyis mi khyab pa'i chos ston pas kun shes par bya ba dang/ bsam gyis mi khyab pa'i chos ston pas rnam par rig par bya ba dang/ tshad ma dang mi 'gal bas rigs pa dang/ gdul bya dang 'tsham pa ston pas 'brel pa dang/ don med pa mi gsung bas zlos pa'i skyon med pa dang/ mu stegs kyi tshogs sgrag par mdzad pas sengge'i sgra'i shugs dang/ gsung rgya che bas glang po che'i sgra skad dang/ zab pa nyid kyis 'brug gi sgra dbyangs dang/ bzung bar 'os pas klu'i dbang po'i sgra dang/ sgra dbyangs shin tu snyan pas dri za'i dbyangs dang/ rno ba dang 'jigs pas ka la ping ka'i sgra dbyangs dang/ thag ring du grags pas tshangs pa'i dbyangs dang/ grub pa thams cad kyi sngon du 'gro zhing shis pas shang shang te'u'i sgra dbyangs dang/ 'dar bar bya ba ma yin pas lha'i dbang po'i sgra dbyangs dang/ bdud dang phyir rgol ba kun las rgyal ba'i sngon du 'gro ba'i rnga'i sgra dang/ bstod pas kun nas nyon mongs pa med pas ma khengs pa dang/ smad pas zhum pa @534a @#/ /med pas mi dma' ba dang/ sgra'i bstan bcos kun gyi mtshan nyid kyi rjes su zhugs pas sgra thams cad kyi rjes su zhugs pa dang/ bsnyel te gsung ba med pas tshig zur chag pa med pa dang/ gdul bya'i bya ba la dus thams cad du nye bar gnas pas ma tshang ba med pa dang/ rnyed pa dang bkur sti la mi brten pas ma zhum pa dang/ bsnyengs pa dang bral bas mi zhan pa dang/ skyo ba med pas rab tu dga' ba dang/ rig pa'i gnas thams cad la mkhas pa dang/ rig pa'i gnas thams cad la mkhas pa dang/ ldan pas khyab pa dang/ sems can gyi don thams cad rdzogs par mdzad pas tha ba med pa dang/ rgyun chad pa med pas rgyun chags ba dang/ rnam pa sna tshogs su nye bar gnas pas 'brel brjid pa dang/ gsung gcig las sgra'i rnam pa du mar gnas pas sgra thams cad rdzogs par byed pa dang/ gcig las don du ma'i rnam rig nye bar gnas pas dbang po thams cad tshim par byed pa dang/ ji ltar dam bcas pa ltar mdzad pas ma smad pa dang/ thob pa'i dus su rab tu sbyor bas mi 'gyur ba dang/ rtab rtab por mi gsung bas ma rtabs pa dang/ 'khor thag nye ring gi mtshungs par thos pas 'khor kun tu grags pa dang/ 'jig rten pa'i don thams cad dpe'i chos su bsgyur bas rnam pa thams cad kyi mchog dang ldan pa'o zhes 'phags pa thogs med kyis bshad de/ gsang ba bsam gyis mi khyab pa las gsungs pa'o/ ! /yon tan de rnams khyad par du byed pa'i chos bsdu ba ni/ mtha' dag dri med mi g.yo mnyam med dang/ /gzhan don nyid mdzad mthu yis khyad par 'phags/ /rnam pa bdun gyis nyan thos la sogs pa'i las khyad par 'phags pa ste/ mtha' dag gis ni khams gsum na spyod pa 'jig rten pa dang/ 'jig rten las 'das pa'i yon tan thams cad ma tshang ba med pa mnga' ba ste/ 'jig rten las 'das pa'i yon tan yang de kho nar ngag gi lam thams cad las 'das pas bstod pa'i yul las 'das pa'i phyir bstod par 'os pa kho nas so/ /dri ma med pas ni yon tan gyi dri ma bdun po 'dod pa dang/ lta ba dang/ yid gnyis dang/ nga rgyal dang/ @534b rgyags pa dang/ bag med pa dang/ ser sna rnam pa thams cad kyi thams cad du mi mnga' bas te/ bdag gi yon tan gzhan gyis shes na ci ma rung zhes yon tan gyi shes kyi khe tshol bar mi mdzad pa dang/ yon tan la lta bas zhen par mi mdzad pa dang/ yon tan nam skyon zhes yid gnyis mi mnga' ba dang/ yon tan gyi gzhan dang bsgrun zhing 'jal bar mi mdzad pa dang/ de gzigs pas rgyags pa dang rgod pa dang dga' ba dang bde ba mi mnga' ba dang/ de dag la nyon mongs pa'i bag la nyal med pa dang/ gzhan gyis rig tu mi rung snyam pa'i kun 'dzin mi mnga' bas so/ /mi g.yo bas ni yon tan dpag tu med pa thams cad kyang bdud dang mu stegs kyis mi bskyod cing/ chom rkun gyis mi phrogs la/ nye du dang rgyal po dang chu dang me la sogs pa'i 'byung bas mi bskyod pa dang/ tshe zad pas mi nyams pa dang/ zad pa med pa'i phyir ro/ /mi nyams pas ni mthun rgya chen po phul du byung ba sna tshogs kyis sems can dag pa dang ma dag pa thams cad dang mi mnyam pas so/ /sems can gyi don gyi las can gyis ni kha na ma tho ba med pa'i bde ba brnyes pa spangs nas gzhan gyi don du sbyor ba kho na ston pas so/ /mthus 'phags pa ni sems can gyi don bya ba'i sman lam grub pa'i phyir dang/ de'i thabs shes pas yongs su bskor ba'i phyir dang/ de dang 'brel pa la yang dag par gtong ba'i phyir ro/ ! /yon tan de lta bu'i sgo nas bstod pa byed pa'i phan yon ni/ de lta'i yon tan tshogs kyis bde bar gshegs/ /bstod pas bsod nams dpag med rab bsags pas/ /bstod pa byed pa'i don mchog bsgrubs pa las/ /rgyal la'ang phan 'dogs bsod nams dpe las 'das/ /ji ltar bstod pa byed pa sangs rgyas la phan 'dogs pa yin zhe na/ des rang la phan par spyod pas yin gyi de la bstod pa dag gis ni ma yin no/ /'di ltar rgyal ba ni bstod pas g.yo ba med cing dge ba mi spyoms la mchog tu 'dod chen chung ba'i phyir ro/ /des na bstod pa re re brjod pa la'ang ngo mtshar rmad kyi chos gnyis te/ bstod pa byed pa nyid la phan pa'i bsod nams dpag tu med pa skye ba dang/ sangs rgyas bzhed @535a @#/ /pa thams cad dang bral ba la'ang phan btags par 'gyur ba ste/ ji lta ji ltar thub pa la bstod pa de lta de ltar rang la phan pa bsgrub la/ ji ltar rang la phan pa sgrub pa de ltar sangs rgyas la bsgrub pa'i mchod pas phan 'dogs pa'i phyir ro/ /des na dngos po gnyis las bsod nams shin tu rgya che ba mi zad pa skye ste/ sangs rgyas bzhed pa dang mi bzhed pa'i dngos po gnyis dang ldan pa'o// ! mdzad pa'i khyad par las dang por mdzad pa'i gzhi'am gnas sam rten du gyur pa phun sum tshogs pa rgya chen po la mnga' brnyes pa 'byor pa zhes gsungs pas ston pa ni/ 'byor pa phul du phyin pa dang/ dpag tu med pa'i khyad par ni/ 'jig rten nyan thos rang rgyal blo ldan dang/ /rgyal ba'i 'byor pa snga mas phyi ma yi/ /char yang mi phod gang zag yul dus grangs/ /dpe yis rgyal ba'i 'byor pa bsam mi khyab/ /'jig rten pa'i phan sum tshogs pa mchog thams cad kyang 'phags pa nyan thos kyi 'byor pas zil gyis gnon la/ de'i ni rang sangs rgyas kyis so/ /de'i ni byang chub sems dpa'i 'byor pas zil gyis gnon to/ /des kyang sangs rgyas kyi 'byor pa'i cha tsam du'ang mi phod pas na 'di nyid phul du byung bar grub pa'o/ /dpag tu med pa ni gang zag la sogs pa tshad yongs su chad pa med pa'i dbang du 'jug pas rnam pa'i khyad par dang/ de thams cad kyang rtog ge'i bsam pa'i yul las 'das pas zab pa'i khyad par gyis so/ ! /'byor pa'i rnam par dbye ba gnas gyur gyis ston pa las/ dbang po gzugs can lnga'i gnas gyur ni/ dbang po rnams ni don kun la 'jug cing/ /re re'ang yon tan brgya phrag bcu gnyis ldan/ /shes pa don so so la gtod pa'i bdag po'i rkyen dbang po lnga gnas gyur pa ni thub pa'i dbang po thams cad kyang don thams cad la 'jug pa ste gnyis med pa mngon du gyur pa na gzugs su phyin ci log spangs pas yul la 'jug pa mngon shes la dbang ba dang/ so sor yon tan stong nyis brgya la sogs pa dang ldan pas yon tan mchog la dbang ba gnyis thob pa'o/ ! /yid kyi dbang po'i ni/ yid kyis yon tan kun bsten mi rtog pa'i/ /shes rab @535b mchog la mnga' brnyes zhes bya ba ste/ yid kyi rnam par shes pa'i bdag po nyon mongs pa can gyi yid gtsor gyur pa ste/ 'di'i dbang gis brten pa'i rnam shes kyang phyin ci log tu 'jug pa'o/ /de gzhan du gyur pas ni yon tan thams cad kyi gnas snang ba med pa'i shes rab la dbang thob pa'o/ ! /don dang bcas pa'i 'dzin pa drug gi ni/ don bcas kyi/ 'dzin pa lnga gyur yongs dag zhing la ste/ /rnam rtog ye shes 'phrin las kun la'o/ /lnga po don dang bcas pa gyur pas ni ji ltar bzhed pa'i longs spyod mchog rnams kun tu ston pas sangs rgyas kyi zhing yongs su dag pa la dbang ba'o/ /rnam par rtog pa gzhan du gyur pas ni snang ba dang bcas pa'i ye shes dang de la brten pa'i 'phrin las thams cad la dus thams cad du thogs pa med par dbang bsgyur ba'o/ ! /rten lus kun gzhi'i ni/ rten gyi rnam grol ye shes thugs rje la zhes bya ba ste/ de gyur pas ni rnam par grol ba'i ye shes dang thugs rje chen po gnyis kyis mi gnas pa'i mya ngan las 'das pa la dbang pa'o/ ! /longs spyod gtso bo'i ni/ reg bya reg min longs spyod gtso las ni/ /bder gnas rnam dag nam mkha' mdzod gyur dang/ /'gro dang gzugs la thogs med dbang mchog brnyes/ /reg bya la spyod pa 'khrig pa gyur bas ni bug med mthong yang nyon mongs pa med pa sangs rgyas kyi bde pa mchog la dbang ba'o/ /reg bya ma yin pa la spyod pa nam mkha'i 'du shes gyur pa ni nam mkha' mdzod du gyur pas bsams pa'i don 'byor pa dang/ ji ltar 'dod par 'gro ba dang gzugs kyang nam mkhar byed pa la dbang ba 'thob pa'o/ /mdzad pa dngos ni des bsgrub par bya ba'i 'phrin las kyi tshogs so/ ! /'di la spyir bzhag pa las spyi'i dngos po'i dbang du bas nas sku gsung thugs kyi thun mong gi mdzad pa ni/ stobs sogs chos la rin chen 'byung gnas bzhin/ /sprin bzhin 'gro dga'i lo tog mngon spel mdzad/ /bsod nams ye shes rab rdzogs zla rgyas bzhin/ /nyi bzhin ye shes snang bas chos chen 'dzin/ /'dis ni @536a @#/ /mdzad pa bzhi bstan te/ /rin po che'i 'byung gnas kyi dpes sangs rgyas kyi chos 'dzin pa dang/ sprin chen po'i dbes sems can smin par byed pa dang/ zla ba nya ba'i dpes sangs rgyas kyi chos kyi rgyu yongs su rdzogs pa dang/ nyi ma chen po'i dpes sems can smin par byed pa'i rgyu ste chos kyi char rab tu 'dzin pa'i rgyu ye shes chen po'o/ ! /sku gsung gnyis kyi mdzad pa ni dpe dang don gnyis kyis te/ nyi ma'i dkyil 'khor dpag med 'od 'dres shing/ /'jig rten snang ba'i bya ba gcig rab bsgrub/ /zag med dbyings na sangs rgyas dpag med rnams/ /'dres shing ye shes snang ba'i don gcig mdzad/ /nyi ma'i 'od zer kun 'dres pa dang/ smin pa dang skoms pa la sogs pa'i bya ba mthun par bsgrub pa ltar/ sangs rgyas dpag tu med pa rnams kyang 'dres shing nye bar 'dres pa'o/ / don gang gis 'dres pa yin snyam na/ sprul pa la sogs pa'i mdzad pa gcig la thun mong du 'jug pas te gdul bya gcig la gcig gi 'phrin las 'jug pa nyid thams cad kyi 'phrin las 'jug pa yin pas so/ ! /thugs kyi mdzad pa la skye ba'i tshul ni nyi ma'i 'od zer cig car kun 'byung ltar/ /sangs rgyas ye shes ma lus cig car 'byung/ /thams cad du gcig tu skye ba rab tu rtogs par dka' bas skye ba'i tshul zab mo'o/ ! /yul la 'jug pa'i tshul ni/ nyi ma rtog dang 'bad med 'od gcig gis/ /'gro kun cig car khyab par snang byed ltar/ /rgyal ba'i ye shes rtog dang rtsol mi mda'/ /shes bya ma lus cig car kun khyab gsal/ /'bad rtsol med par yul la 'jug pa dang/ /cig car thams cad la khyab par 'jug pa'ang yul la 'jug pa'i tshul zab mo'o/ ! /mdzad pa spyi'i dbye ba ni nyi shu rtsa bdun te/ 'gro lnga'i gnod sel bsdu rnams la 'god dang/ /kun nas nyon mongs rnam byang rab rtogs dang/ /ji bzhin gzhan don pha rol phyin drug dang/ /sangs rgyas lam dang rang bzhin stong nyid bral/ /brda' dang dmigs med lus can yongs smin @536b byed; ;rgyal sras lam dang mngon zhen med pa dang/ /byang chub thob dang zhing sbyong rab nges dang/ /sems can don mang sangs rgyas bsten sogs dang/ /byang chub yan lag las rnams chud mi za/ /bden mthong phyin ci log dang de gzhi spong/ /rnam byang tshogs dang 'dus byas 'dus ma byas/ /dbyer med mya ngan 'das mchog la 'god pa'o/ /'di rnams kyis ni 'phrin las kyi don ma lus pa bsdus par rgyal ba'i yum las gsungs pa'o/ /dang por theg pa chen po'i tshogs lam la 'god pa ni gsum ste/ bsam pa phun sum tshogs pa 'gro ba lnga'i gnod pa bsal nas de dag la mngon par zhen pa dang phral zhing mya ngan las 'das pa'i bsam pa brtan po la 'god pa dang/ sbyor ba phun sum tshogs pa bsdu ba bzhis sems can rnams yongs su 'dzin pa dang/ lta ba phun sum tshogs pa kun nas nyan mongs pa la sogs pa'i chos thams cad kyi de kho na sprul pa la sogs pa lta bur shes pa la 'god pa'o/ /theg pa chen po'i sbyor lam la 'god pa ni bzhi ste/ bsam pa phun sum tshogs pa sems can gyi don ji lta bar byed pa byams pa la sogs pas sems can la mnyes gshin pa dang sbyor ba phun sum tshogs pa las rang don gyi sbyor ba pha rol tu phyin pa drug dang/ gnyi ga'i don gyi sbyor ba dge ba bcu'i las kyi lam la sogs pa dang/ lta ba phun sum tshogs pa chos rnams rang bzhin gyis stong pa nyid rtogs pa la 'god pa'o/ /sa bcu la 'god pa las sa dang por mthong lam la 'god pa ni gnyis dang bral ba'i chos kyi dbyings mngon par rtogs pa la 'god pa'o/ /sa lhag ma sgom lam la 'god pa las sa gnyis ba nas lnga ba'i bar du tha snyad pa'i lhag pa'i tshul khrims dang lhag pa'i sems dang/ lhag pa'i shes rab kyi bslab pa byang chub kyi phyogs dang mthun pa shes pa dang/ bden pa shes pa la 'god pa bzhin ni brda la 'god pa'o/ /sa drug pa la 'god pa ni mi dmigs pa'i lhag pa'i shes rab kyi rten cing 'brel par 'byung ba'i de kho na shes pa la sogs pa la 'god pa'o/ /sa bdun pa la @537a @#/ /ni thabs la mkhas pas sems can yongs su smin par byed pa la 'god pa'o/ /sa brgyad pa'i la ni bzhi ste/ byang chub sems dpa'i lam shes pa yongs su rdzogs pa dang/ chos thams cad la mngon par zhen pa med pa dang/ yang dag par rdzogs pa'i byang chub thob pa dang/ sangs rgyas kyi zhing dag par byed pa la 'god pa'o/ /sa dgu pa'i la gnyis te/ yang dag par rdzogs pa'i byang chub 'thob par so sor nges pa dang/ sems can gyi don tshad med pa la 'god pa'o/ /sa bcu pa'i la dgu ste/ sangs rgyas la bsnyen bkur pa la sogs pa'i don du zhing sna tshogs su 'gro ba dang/ byang chub kyi yan lag sbyin pa la sogs pa dang/ las dang 'bras bu'i 'brel pa phra ba'ang chud mi za ba dang /bden pa rnams mnyam pa nyid du rtogs pa dang /phyin ci log bzhi zad pa thob pa dang /de'i gzhi dngos por 'dzin pa phra ba'ang spong ba dang /tha snyad pa'i rnam par byang ba dang/ de'i tshogs rdzogs par byed pa dang/ 'khor ba dang mya ngan las 'das pa dag la tha dad med pas mnyam pa nyid la 'god pa'o/ /sangs rgyas kyi sa la 'god pa ni chos thams cad sprul pa lta bu la sogs pas spros pa thams cad las rnam par grol ba'i mya ngan las 'das pa la/ 'gro ba rnams 'god pas gsungs te/ 'di rnams ni gtso bo'i don theg pa chen po nyid la 'god pa yin pas de'i rjes su 'brangs te theg pa gzhan gyi lam yan lag dang bcas pa la 'god pa'ang ci rig par go bar bya'o/ ! /mdzad pa spyi'i mtshan nyid kyi dbang du byas nas rgyud bla ma las 'byung ba la lhun gyis grub pa dang/ rgyun mi chad pa'i mtshan nyid gnyis so/ /dang po ni/ sna tshogs gdul bya'i khams kyi 'dul ba'i thabs/ /rnam mang dag gi gdul bya'i bya ba ni/ /dpag med bsgrub pa'i yul dus ji lta bar/ /mi rtog lhun gyis grub pa rab 'jug mdzad/ /gdul bya'i khams ni gang 'dul bar bya ba'i sems can gyi rgyu dang rang bzhin sna tshogs pa dpag tu med pa rnams so/ /gdul ba'i thabs ni de dag gang dang gang gis 'dul ba'i thabs kyi rnam pa dang bye brag sna tshogs pa ste/ zhi ba dang drag po @537b la sogs pa'i cha byad dang sbyor ba mtha' yas pa rnams so/ /gdul bya'i gang bsgrub pa'i bya ba ni gdul bya'i khams la bsgrub par bya ba'i dgos pa'i khyad par te/ theg pa gsum gyi mya ngan las 'das pa dang /de'i rten mngon par mtho ba'i dpal phun sum tshogs pa'i lus dang longs spyod la sogs pa thams cad do/ /de dag gi yul dang dus ni gang du de dag gi don bsgrub pa'i yul dang/ gang gi tshe bsgrub pa'i dus kyi khyad par dag ste/ don lnga po de dag ji lta ba las ma 'das par rnam rtog dang 'bad pa med bzhin du ngang gis 'jug cing bsgrub pas rdzogs par mdzad pa ni lhun gyis grub pa'i mtshan nyid do/ ! /rgyun mi chad pa'i don bstan pa ni/ nges 'byin sa bcu ston pa tshogs gnyis dang/ /de 'bras byang chub yongs 'dzin sems can dang/ /de'i sgrib mtha' yas de 'joms thugs rje dpe/ /rgya mtsho nyi nam mkha' gter sprin rlung/ / gzhan don du nges par 'byin pas bcu ni rgya mtsho lta bu ste ye shes kyi chus rgyas shing yon tan rin po che'i gnas yin pa' phyir ro/ /de'i nye bar ston pa tshogs gnyis ni nyi ma lta bu ste/ sems can kun gyi nye bar 'tsho ba yin pa'i phyir ro/ /de'i 'bras bu byang chub ni nam mkha' lta bu ste/ zab cing rgya che ba'i phyir ro/ /byang chub yongs su 'dzin pa'i gnas sems can ni gter lta bu ste/ /sangs rgyas kyi chos rin po che'i 'byung khungs len pa'i phyir ro/ /de la sgrib pa'i sgrib pa gnyis ni sprin lta bu ste/ res 'ga' ba nyid kyis glo bur ba dang/ sgrub par byed pa nyid kyis khyab byed dang/ rang bzhin ma yin pa nyid kyis yongs su ma grub pa'i phyir ro/ /de 'joms par byed pa'i zhugs rje ni rlung lta bu ste/ sgrib pa ma lus pa 'thob bar byed pa'i phyir ro/ /de'ang yon tan rin chen mchog tshogs dang ldan ye shes chu mtsho bsod nams ye shes nyi 'od can/ /theg pa ma lus ngas bsgrubs te mtha' dang dbung med rgya chen nam mkha' ltar khyab pa/ /sangs rgyas nyid ni yon tan dri ma med gter sems can kun la khyab med rnam gzigs nas/ /nyon mongs shes bya'i sprin gyi dra ba sangs rgyas rnams kyi thugs rje'i rlung gis rnam par gtor zhes gang @538a @#/ /gsungs pa nyid do/ ! /de dag gis sangs rgyas nyi mdzad pa rgyun mi chad pa'i mtshan nyid ji ltar bstan ce na/ bstan pa'i don de nyid bsgrub pa ni/ gzhan dbang nyid du nges 'byin rgyu dag dang/ /bdag dang sems can rnam dbye med gzigs dang/ /sgrib pa mi bzad thugs rjes rtag 'joms phyir/ 'khor ba srid du mdzad pa rgyun mi chad/ /de rnams kyis ni don gsum gyi sgo nas 'phrin las nam mkha' dang mnyam par 'khor ba ji srid du rgyun mi chad pa nyid bstan pa yin te/ rtag tu gnas pa'i rgyu las byung ba dang/ /rtag tu gnas pa'i chos nyid thob pa dang/ / rtag tu gnas pas bsgrub par bya ba'i don byed par brjod pa'i phyir ro/ /'di ltar gzhan gyi don du nges par 'byin pas sa bcu dang/ de'i ston pa tshogs gnyis kyis ni mdzad pa rtag tu gnas pa'i rgyu las byung ba'i bstan te/ gzhan don du bsgrubs pa'i rgyu las de'i 'bras bu thob pa ni gzhan la mi bltos par mi 'thad pa'i phyir de dag gi 'bras bu'ang gtan du ba nyid du grub pas so/ /byang chub dang sems can gnyis kyis ni/ rtag tu gnas pa'i chos nyid thob pa ste/ bdag dang sems can dbyer med par gzigs pa ni sems can dor nas zhi bar mi 'gro ba'i rang bzhin yin pas so/ /de tha dad par mthong ba sngon du 'gro ba can yin pa'i phyir ro/ /sgrib pa dang thugs rje gnyis kyis ni rtag tu gnas pa la bltos pa'i 'bras bu bsgrub pa bstan te/ 'bras bu sems can thams cad kyi sgrib pa spong ba yin la/ sgrib pa ni zad pa med pa'i phyir de'i gnyen po thugs rje'ang rgyun mi chad pas so/ ! /de ltar sangs rgyas rnams skye 'gag dang rnam rtog dang 'bad rtsol med bzhin du 'phrin las sna tshogs la lhun gyis grub cing rgyun mi chad par 'jug par mdzad ba ni bsam gyis mi khyab pa'i gnas yin pas/ don 'di la skye bo rnams brjod du zin kyang 'thad par dka'o zhes the tshom dang som nyi skye ba'i phyir/ de dag yid ches pa dang mos pa bskyed pa'i don du bdag nyid chen po ded dpe dgus bsgrub pa ni/ sku snang brgya byin gsung brjod lha lnga bzhin/ /ye shes khyab sprin sku gsung mdzad @538b pa ni; tshangs sprul bzhin te thugs kyi nyi ma bzhin/ /thugs gsung sku yi gsang ba yid bzhin dang/ /sgra brnyan nam mkha' dang mtshungs kun gyi rten/ /gnas gyur sa bzhin dkar chos ma lus gzhi'o/ /ji ltar brtag pa'i mtha' bzung ste sa steng 'di thams cad bai DUr+ya rab tu dang ba'i gzhir gyur pa la brgya byin 'khor dang bcas pa'i gzugs brnyan gnas dang longs spyod ngo mtshar can sna tshogs dang bcas pa snang ba mi dag gis mthong ste/ ya mtshan dang 'dod pa'i blo skyes nas dge ba sna tshogs yang dag par blangs pa las/ gzugs brnyan de la rnam rtog dang rtsol ba med bzhin du de dag gi don chen po bsgrub pa ltar/ dad pa la sogs pa'i yon tan gyis bsgos pa'i sems dang ba can dag la thub pa'i dbang po'i sku'i rang bzhin cho 'phrul sna tshogs mdzad pa snang bas kyang rtog pa dang rtsol ba mi mnga' bzhin du de dag la byang chub kyi sems bskyed pa la sogs pa'i don bsam gyis mi khyab pa bsgrub pa'o; ;de kho na ltar sum cu rtsa gsum pa'i lha'i rnga bo che chos kyi sgra dbyangs ces bya bas lha de rnams bag med pas shin tu myos pa dang lha ma yin gyi dpung chen po'i 'jigs pas nyen pa'i tshe/ bag yod pa la sbyor ba dang mi 'jigs pa sbyin pa'i sgra sna tshogs kyis don chen po bsgrub pa ltar/ thub pa'i gsung gi rang bzhin gyi gdams pa'i tshogs kyis kyang sgo sna tshogs nas sa dang lha yul pa'i gdul bya mtha' dag gi bde legs thams cad bsgrub pa'o; ;yang sprin gyi tshang gyi rgyun chen po 'bebs pas lo tog smin pa la sogs pa'i don chen bsgrub pa ltar/ mkhyen pa dang brtse ba chen po'i thugs kyi rang bzhin gyis kyang snod ji lta bar dam pa'i chos kyi char chen po 'bebs pas 'gro ba rnams kyi dge pa'i lo tog spel zhing khams gsum gyis sdug bsngal thams cad zhi bar mdzad pa'o/ /yang tshangs pa chen por gyi gnas nas 'pho ba med bzhin du lha'i gnas thams cad du sprul pa mang po ston pas lha rnams kyi yul la sred pa sel ba la sogs pas don chen po bsgrub pa ltar thub pa'i dbang po yang chos kyi sku las mi g.yo @539a @#/ /bzhin du sku dang gsung gi mdzad pa nyid sprul pa sna tshogs la sogs pas ston par mdzad pas 'jig rten thams cad du skal ldan rnam kyi don mtha' dag bsgrub pa'o/ /yang nyi ma chen po'i 'od kyi tshogs dpag tu med pa bkye bas padma la sogs pa kha bye zhing rgyas pa dang/ lo tog la sogs pa smin par byed pa la yul dang yul kun tu mtho dman la sogs pa'i rim gyis 'bab pa ltar/ thub pa'i thugs kyi 'phrin las kyi nyi ma chen po yang gdul bya'i khams dang mos pa dang dbang po la sogs pa skal ba ji ltar rim gyis 'bab pas/ de dag gi blo'i padma rab tu rgyas pa la sogs pa dag 'od zer bkye ba dang sku mthong ba la sogs pas kyang long ba rnams kyi mig thob pa la sog ? de dag bsam gyis mi khyab pa'i don sgrub par mdzad pa'o/ /yang yid bzhin gyi nor bu rin po che shin tu rnyed par dka' zhing 'dod pa'i don thams cad sgrub par byed pa ltar/ thub pa'i thugs kyi gsang ba yang skal ba ngan pa rnams kyis mchog tu rnyed par dka' zhing skal ba dang ldan pa rnams kyi don thams cad gtan du sgrub par mdzad pa'o/ /yang sgra snyan ni gzhan gyis rnam par rig pa'i cha tsam du zad kyi sgra'i rgyu rnam rtog la sogs pa las ma byung zhing phyi dang nang gang na yang ngo bo grub pa med pa ltar/ gsung gi gsang ba yang gdul bya'i rnam par rig pa'i cha tsam du zad kyi/ sgra'i rgyu dang rang bzhin gang yang ma grub pa'o/ /yang nam mkha' ni lus dang mi ldan pas mtho ba dang dma' ba'i gzugs la sogs pa cir yang ma grub cing bstan du med pa ltar/ sku'i gsang ba yang kha dog dang dbyibs dang tshad la sogs pa sna tshogs su snang yang cir yang ma grub pa'o/ /yang ji ltar sa la rnam rtog dang 'bad rtsol med kyang la tog dang rtswa dang shing la sogs pa thams cad skye ba dang gnas pa dang 'phel ba'i gzhir gyur pa ltar/ de rnams thams cad kyi rten gnas yongs su gyur pa sangs rgyas kyi sa yang rnam par rtog dang 'bad rtsol thams cad las 'das bzhin du 'gro ba ma lus pa 'jig rten @539b dang 'jig rten las 'das pa'i phun sum tshogs pa thams cad skye ba la sogs pa'i rten du gyur pa'o/ /de ltar na 'dir sku dang gsung dang thugs kyi ngo bo gsum dang/ sku gsung gi 'phrin las dang/ thugs kyi 'phrin las dang/ sku gsung thugs kyi gsang ba gsum dang/ de thams cad kyi rten rnam las brtsams nas phrin las kyi mtshan nyid dpes bsgrubs pa ste/ rje btsun gyis dpe'i dbye ba bsdu ba ni/ brgya byin rnga sprin tshangs ba dang/ /nyi ma nor bu rin chen bzhin/ /de bzhin gshegs pa sgra snyan bzhin/ /nam mkha' dang ni sa bzhin no zhes gsungs pa'o/ ! /don gyi dbye ba bsdu ba ni/ ston dang gsung dang khyab pa dang/ /sprul dang ye shes spro ba dang/ /thugs gsung sku yi gsang ba dang/ /thugs rje'i bdag nyid thob pa nyid/ /ces so/ ! /'phrin las lhun gyis grub cing rgyun mi chad pa bsgrub pa'i skabs don bsdu ba ni/ gang zhig brgya byin rnga dang sprin bzhin dang/ /tshangs nyid rin chen yid bzhin nor rgyal bzhin/ /sgra snyan nam mkha' sa bzhin srid pa'i bar/ /'bad med gzhan don byed de rnal 'byor rig ces so/ ! /dpe don gyi chos mthun pa bsdu ba ni/ rin chen lha dbang snang bzhin ston pa ste; ;legs par 'doms mdzad lha yi rnga sgra bzhin/ /khyab bdag mkhyen dang brtse chen sprin tshogs ni/ /mtha' yas 'gro bas srid rtse'i bar du khyab/ /tshangs ? bzhin zag med gnas las ma bskyod par/ /sprul pa rnam pa du mar rab tu ston/ /nyi bzhin ye shes snang ba rab spro gang/ /rnam dag rin chen yid bzhin nor 'dra'i thugs/ /rgyal ba rnams kyi gsung de brag tsha bzhin du yi ge med/ /sku ni nam mkha' lta bur khyab dang gzugs med rtag pa nyid/ /sa bzhin 'gro ba'i dkar po'i chos kyi sman rnams ma lus pa'o/ /rnam pa kun tu gzhir gyur pa ni sangs rgyas pa yin no/ /zhes gang gsungs pa nyid do/ ! /mdo sde'i rgyan las 'byung ba'i dbang du byas nas lhun gyis grub pa ni/ nor bu 'bad med rang 'od ston pa ltar/ /rgyal ba'ang 'bad med sku mi mdzad kun ston/ /ji ltar rnga dag ma brdungs sgra 'byin ltar/ /bde gshegs @540a @#/ /'bad med bshad tshogs kun gsung ba'o/ /sku'i mdzad pa dang gsung gi mdzad pa gnyis gdul bya'i dus las mi 'da' bar lhun gyis grub pas 'jug pa nor bu rin po che'i 'od dang/ lha'i rnga'i sgra'i dpe gnyis kyis bstan pa'o/ / ! rgyun mi chad pa ni/ ji ltar mkha' la rtag tu 'jig rten gyis/ /bya ba sna tshogs 'byung dang 'jig pa ltar/ /zag med dbyings na'ang rgyal mdzad gzhan dang gzhan/ /'byung 'jig 'phel dang 'grib pa rgyun mi chad/ /nam mkha' chad pa med pa la 'jig rten pa'i bya ba gzhan dang gzhan 'byung ba dang 'jig pa rgyun ni chad pa ltar/ zag med pa'i dbyings na yang gdul bya'i dbang gis rgyal ba'i mdzad pa gzhan dang gzhan sna tshogs bkye zhing 'jig pa dang 'phel zhing 'grib pa rgyun mi chad pa'o/ / ! mdzad pa spyi'i bya ba'i dbang du byas nas 'gro ba thams cad kyi skyabs mdzad pa la skyabs kyi byed pa dngos las kun nas nyon mongs pa gsum sel ba ni/ rgyal bas rtag tu nyon mongs las dang ni/ /skye ba'i rdzong gnas 'gro kun yongs skyobs mdzad/ /nyon mongs pa'i kun nas nyon mongs pa dang las kyi kun nas nyon mongs pa dang skye ba'i kun nas nyon mongs pa gsum gyis rtag tu nyam thag pa'i 'gro ba rnams la/ de dag so so'i gnyen po ji rigs pa dus ji lta bar bstan cing btsud pas rim gyis de dag spong ba la skyob par mdzad pa'o/ ! /sdug bsngal dang phyin ci log gnyis sel ba ni/ 'tshe dang ngan song thabs min 'jig tshogs dang/ /theg pa dman rnams las kyang legs par skyob/ /sdug bsngal sel ba ni gnyis te/ sangs rgyas kyi 'od zer la sogs pa cho 'phrul bzang po sna tshogs kyis long ba dang 'on pa la sogs pa'i 'tshe ba thams cad zhi bar mdzad pa dang ngan song rnams las thar bar mdzad cing der mi ltung bar mdzad pas so/ /phyin ci log ni gsum ste/ thabs ma yin pa mu stegs kyi lta ba dang brtul zhugs sna tshogs lam la phyin ci log dang/ 'jig tshogs phung po la rtag pa la sogs pa bzhir 'dzin pa dngos po la phyin @540b ci log ? dang/ theg pa dman pa phung po lhag ma med par ltung ba 'bras bu la phyin ci log pa'o/ /de dag sel bas skyob pa ni lta ba dang por byed pa'i phyir dang/ theg pa gnyis kyis mya ngan las zlo pa'i phyir dang/ theg pa chen po la bgrod pa gcig par byed pa'i phyir ro/ ! /skyabs kyi byed ba bsdus pa ni/ 'jig rten ji srid 'khor ba'i gnod kun dang/ /phun sum tshogs kun bzlog cing 'byor par mdzad/ /dus ji srid du; sems can ji snyed cig gi dgos pa gang dag sgrub par mdzad pas skyabs yin pa'o/ / ! de rnams nyid 'thad pas bsgrub pa ni/ /stobs sogs chos kyis shin tu rdzogs sku gang/ /sems can rab 'dul dam chos mchog mkhyen gang/ /'gro la brtse chen pha rol phyin pa gang/ /de 'dir sangs rgyas nyid de skyabs kyi mchog /rang gi don mthar thug pa stobs la sogs pa'i sangs rgyas kyi chos rnams kyis shin tu rdzogs pa'i phyir dang/ gzhan gyi don mthar thug pa'i spyor ba rnam par dag pa chos kyis sems can gdul ba'i thabs mkhyen pa'i phyir dang/ bsam pa rnam par dag pa thugs rje'i pha rol tu phyin pa'i phyir na/ rang dang gzhan gyi don bsgrub pa'i rten du gyur pa yon tan dam pa de 'dra ba dang ldan pa'i phyir de dag gis skyob pa'i skyabs kyi mchog tu 'thad pa kho na'o/ ! /lha gzhan pas de nyid skyabs su 'os pa'i khyad par ni lnga ste/ rtags dang ngo bo las chos rgyu 'bras lngas/ /skyobs pa lha chen kho na skyabs 'os lha/ /lha gzhan ni skyabs su 'os pa ma yin par lta ba'i don to/ /rtags las ni lha gzhan dag gi bltar mi snang bas kun tu tha snyad byar med pa dang/ drag po'i cha byad can nyid kyis 'jigs pa bskyed pa dang/ bag med pa la brten pas sred pa can dang/ gzhan don la mi lta bas snying rje med pa dang/ byas pa dang ma byas pa mi shes pa mi shes pas don ma rtogs pa'i rtags lnga dang ldan la/ thub pa ni bltar snang bas tha snyad byar yod pa dang/ rab tu zhi ba'i cha byad mnga' bas mi 'jigs pa dang/ bag yod pas sred pa mi mnga' ba dang/ gzhan don la gzigs pas thugs rje can dang/ byas ma byas mkhyen @541a @#/ /pas de kho na'i don rtogs pa'i phyir ro/ /gzhan yang ston pa ni rtags lngas skyabs 'os kho na ste/ sems can gyi don du byang chub bsgrub pa dang/ chags sdang dang bral zhing bsnyengs pa mi mnga' bas chos kyi tshul rjes su 'jug par mdzad pa dang/ phan gnod byed pa dag la mnyam du byams pa dang/ pho brang dang btsun mo dang sras la sogs pa la chags pa spangs pas dbang po zhi ba dang/ sems can kun gyi the tshom gcod par mdzad pas so/ /ngo bo nyid las ni sangs rgyas nyid zag pa thams cad dang bral bas bdag nyid dul zhing gzhan 'dul bar 'os kyi/ lha gzhan ni zag pa dang ldan pas gdul dgos pa yin gyi/ 'dul bar byed pa ma yin pas so/ /las las ni rgyal ba nyid bsam gtan chen po la gnas pa dang sems can gyi don mdzad pa'i 'phrin las can yin gyi/ lha rnams ni 'dod pa'i longs spyod la brten cing sems can la 'tshe ba'i las can yin pas so/ /chos las ni 'jig rten dang 'jig rten las 'das pa'i phun sum tshogs pa thams cad rang gi skyes bu'i byed pa la rag las pas/ skyes bu'i byed pa med na lha la zhe na pa dam pos gus kyang mi 'thob la/ nges pa ? de dang ldan na gus pa de med pas kyang thob pa'i phyir ro/ /rgyu dang 'bras bu las ni 'dir lha nyid der 'gyur ba'i las kyis sam/ de nyid la mchod pas sam/ rgyu med pas 'thob par 'gyur grang na/ lhar 'gyur ba'i las kyi yin na ni las nyid skyabs min ? gyi/ lha dag ma yin no/ /rgyu med pas yin na yang rgyu med nyid skyabs su 'os kyi lha ni ma yin no/ /lha mchod pas yin na yang mchod pa nyid dam lha'am gnyi ga rgyu yin/ mchod pa nyid yin na ni mchod pa gang yang rung bas lhar 'gyur ba na lha nyid don med do/ /lha nyid kyis yin na yang mchod pa don med do/ /gal te de gnyis kas yin na yang mchod pas phan btags pa'i lha nyid sems pa 'grub kyi/ lha nyid ni ma yin pas de tsam skyabs kyi 'os ma yin pa nyid/ /de nyid kyis/ ! sems can @541b thams cad yongs su 'dren par mdzad pa'i mtshan nyid gnyis las rnam pa'i mtshan nyid ni/ legs bshad gsung gis 'gro kun rab 'dun cing/ yongs smin rnam grol mchog gis kun 'dren mdzad/ /phyogs bcu'i 'jig rten gyi khams mtha' dag tu sangs rgyas rnams kyis legs par bshad pa'i gsung rab rnams kyis skal ba dang ldan pa dag las kha cig ni dge ba'i chos la 'dun pa khyad par can thob par 'gyur ro/ /'dun pa dang dang ldan yang dge ba'i rtsa ba ma bsags pa rnams ni dge ba'i rtsa ba sna tshogs bsags shing yongs su smin par mdzad do/ /dge ba'i rtsa ba yongs su smin pa rnams ni byang chub mchog gi bar gyis rnam par grol bar mdzad pa'o/ /de ltar dus rtag tu 'dren par mdzad kyang 'jig rten mtha' yas pa'i phyir ma lus par yang mi 'gyur ba'o/ ! /mthar thug pa'i mtshan nyid ni/ de'ang brtan rnams rnyed dka'i byang chub mchog /yon tan rmad ldan 'gro skyabs rtag thob mdzod/ /'jig rten gyi phyogs thams cad du dge ba bsags pa'i byang chub sems dpa' rnams kyis rtag par rgyun tu dkon pa dang mthu mtha' yas pa dang/ thun mong ma yin pa dang mi zad pa'i yon tan gyi tshogs dang ldan pa 'gro ba mtha' dag gi skyabs su gyur pa'i byang chub chen po nyid thob par mdzad pa'o/ ! /sbyor ba 'jug pa ni/ de ni phyogs bcur cig car bltams pa dang/ /mngon 'byung byang chub kun brnyes sogs kun ston/ /'jig rten gyi khams sna tshogs su cig car la lar dga' ldan nas gshegs shing lhums su 'jug pa dang/ la lar bltams pa dang/ gzhon nu'i rol pa dang/ ? par 'byung ba dang/ byang chub gsum car brnyes pa dag dang/ la lar sgo sna tshogs dpag tu med pa'i chos kyi 'khor lo bskor ba dang/ la lar skyes pa'i rabs kyi khyad par dag gis skye ba sna tshogs dang/ la lar mdzad pa yongs su rdzogs nas zhi bar gshegs pa'i bar rnams kyi rnam 'phrul bsam gyis mi khyab pa dus ji lta bar ston par mdzad pa'o; ! /bsam pa mi 'jug pa ni/ 'on kyang @542a @#/ /rtog dang 'bad mi mnga' bzhin du/ /sgo gsum nas ni rtag tu 'gro kun 'dren/ /sbyor ba de'i rgyu rnam rtog dang rtsol ba'i mdzad pa mngon par 'du mdzad pa mi mnga' bzhin du yang/ nyi mas 'bad pa med par lo tog smin par byed pa la sogs pa ltar/ theg pa gsum gyi sgo nas skye bo rnams rtag tu smin par mdzad pa'o// ! rgyud la mi zad par 'phel ba ni/ mar me gcig las mi zad dpag med pa/ /'phel bzhin smin pa'ang mi zad dpag med pa'o/ /mar me gcig las kyang dpag tu med pa mi zad par 'phel ba ltar/ yongs su smin pa'ang gcig nas gcig tu brgyud pas dpag tu med pa zad mi shes par 'phel ba'o/ ! /khams la 'phel 'grib med pa ni/ /rgya mtsho chu bos mi ngoms 'phel med ltar/ /chos dbyings rnam dag 'jug pas ngoms 'phel med/ /rgya mtsho chen po chu bo'i tshogs mang po 'bab pas kyang ngoms pa'am 'phel ba med pa bzhin du chos kyi dbyings la go skabs ches yangs pa yod pa'i phyir yongs su smin pa rnams kyi rnam par grel ba 'jug pa dpag tu med pas ngoms pa yang mi mnga' la/ lhag pa med pa'i phyir 'phel ba yang mi mnga' bas ngo mtshar rmad du byung ba'i mchog dang ldan pa'o/ ! /rang bzhin dang yon tan so so'i mdzad pa rnams par dbye ba'i dbang du byas nas sku gsum so so'i ni/ longs spyod rdzogs 'byor rab 'jug sku gsung dang/ /thugs kyi 'phrin las sna tshogs tha dad ston/ /sprul pa gsum gyis 'jig rten 'dren mdzad rnams/ /sku gsum mchog gi 'phrin las bsdus pa'o/ /chos sku'i mdzad pa ni longs spyod rdzogs pa 'jug pa la dbang bsgyur ba ste ji ltar dgyes par longs spyod bstan par bya ba la longs spyod rdzogs par 'byor ba'i rgyu yin pa'i phyir ro/ /'di ni thob nas kyang chos sku las 'phrin las la 'jug gi /rang dbang du ni ma yin no/ /des na/ dgyes dgur longs spyod bstan pa la/ /longs spyod rdzogs 'byor dgur 'dod do zhes gsungs so/ /longs sku'i ni dag pa'i sems can rnams la sku dang/ @542b gsung dang/ thugs kyi 'phrin las snang ba dang brjod pa la sogs pa sna tshogs tha dad pa dpag tu med pa ston par mdzad pa'o/ /sprul sku'i sprul pa rnam pa gsum gyi dbye ba dpag tu med pas 'gro ba tha mal pa rnams kyang rnam par grol ba'i thabs chen por gyur pa'i phyir na gzhan gyi don phun sum tshogs pa kho nas bdag nyid chen por gang gsungs pa nyid do/ ! /ye shes bzhi po so so'i ni/ ye shes kun 'byung 'gro ba'i mos pa bzhin/ /sna tshogs skur ston 'byor pa dpag med dang/ /chos chen char gyis 'gro kun rab tshim mdzad/ /bsam yas sprul pas 'jig rten kun don bsgrub/ /me long lta bu'i ye shes kyi mdzad pa ni mnyam pa nyid la sogs pa'i ye shes thams cad kyi rgyu mtshan du gyur pa'i phyir ye shes thams cad kyi 'byung gnas chen po ltar gyur pa'o/ /mnyam pa nyid kyi ni sems can rnams la so so'i mos pa dang mthun pa'i sangs rgyas kyi sku sna tshogs ston par mdzad pa ste/ sems can kha cig gis ni thub pa kha dog sngon por mthong/ kha cig gis ni ser por zhes bya ba la sogs pa rgya cher gsungs pa ltar ro/ /so sor rtog pa'i ni 'khor gyi dkyil 'khor rnams su 'byor ba dpag tu med pa ston cing/ thams cad kyi the tshom gyi dra ba ma lus pa gcod pa'i chos kyi cha ? chen pos 'gro ba rnams rgya cher tshim par mdzad ma'o/ /bya ba sgrub pa'i ni zhing thams cad du sprul pa sna tshogs dpag tu med pa bsam gyis mi khyab pa dag gis sems can thams cad kyi don ma lus pa sgrub par mdzad pa'o/ ! /ma 'dres pa'i chos brgya bzhi bcu'i sde tshan bcu so so'i dbang du byas nas/ bde bar gshegs rnams phyogs bcu'i zhing du ni/ /rgyal mdzad kun bsdus rnam bcu rtag sgrub mdzad/ /skyes bu chen por yid ches rab dang zhing/ /sems can kun la rnam kun legs 'doms dang/ /don kun sgrub mdzad the tshom ma lus gcod/ /rgol rnams tshar gcod par gzhung legs brtan mdzad/ /gsung la gnas dang ldog la nyon mongs bral/ /ji skad gsungs bzhin mdzad pa nyam nga med/ /sangs rgyas spyan gyis @543a @#/ /gdugs mtshan 'jig rten gzigs/ /gdul bya'i bya ba'i dus las yol mi mnga'/ /tshul spyod kun la kun mkhyen ji bzhin no/ /don med kun spangs don mchog rab gsal mdzad/ /'di dag mtshan dag dpe byad yongs dag sogs/ /ma 'dres chos mchog brgya dang bzhi bcus so/ /byang chub mchog tu mngon par rdzogs par sangs rgyas pa'i 'dren pa rnams ni phyogs bcu'i sangs rgyas kyi zhing thams cad du sangs rgyas rnams kyi mdzad pa dang phrin las thams cad mdor bsdus pa bcu po 'di dag mdzad pas/ re res kyang sems can mtha' yas pa'i don mnyam du mdzad pa ste/ de las gong na yang med lhag pa yang med do/ /bcu gang zhe na/ thog ma kho nar bdag nyid kyi skyes bu chen po la yid ches pa bskyed cing sku la sems dga' bar byed pa ni mtshan dang dpe byad bzang pos sgrub par mdzad do/ /'di dag so so'i mdzad pa'ang sngar bshad zin to/ /sems can thams cad la rnam pa thams cad du legs par gdams pa'i sbyor ba ni yongs su dag pa bzhis so/ /sems can thams cad kyi dgos pa byed nus pa dang the tshom thams cad gcod nus pa ni stobs bcus te/ 'di dag gis ni sems can gyi don thams cad bsgrub par spyod cing/ gzhan gyis zhus pa ji lta bar nyid kyis mkhyen pa dang gzigs pa dang bye brag phyung ba dang rnam par mkhyen pa ltar lan 'debs par mdzad pas so/ /pha rol gyi smra ba ngan pa thams cad tshar gcod cing rang gi gzhung 'dzugs par mdzad pa ni mi 'jigs pa bzhis so/ /nyid kyis bka' stsal pa la gnas pa dang mi gnas pa'i gdul bya dag la thugs nyon mongs pa can du 'gyur ba med pa ni nyon mongs pa med pa gsum gyis so/ /ji skad gsungs pa bzhin mdzad pas nyam nga ba mi mnga' ba ni bsrung ba med pa gsum gyis so/ /sangs rgyas kyi spyan gyis nyin mtshan rgyun du 'jig rten kun la gzigs pa ni thugs rje chen pos so/ /sems can thams cad kyi bya ba thams cad las mi nyams pa ni bsnyel ba mi mnga' ba'i chos nyid kyis so/ /sangs rgyas kyi tshul @543b ji lta bar nyams su blangs shing nyams su sbyang bar bya ba ni bag chags yang dag par bcom pas so/ /chos gang don dang mi ldan pa dang/ don dang ldan pa dang mi ldan pa gnyi ga ma yin pa rnams gtan spangs nas/ don dang ldan pa rnams yang dag par ston cing gsal bar mdzad pa ni rnam pa thams cad du mchog mkhyen pas bsgrub par mdzad pa'o/ /chos 'di rnams ni shin tu gzhan gyi don dang mthun zhing gzhan gyi don bya bas rab tu phye bas na nyan thos la sogs pa la med pa'i phyir sangs rgyas kyi chos ma 'dres pa zhes bya ste/ kha cig ni de dag la gtan med la/ la la cung zad yod pa dag kyang rnam pa thams cad yongs su ma rdzogs pa'i phyir ro/ ! /de'i khyad par stobs bcu so so'i mdzad pa'i dbang du byas nas/ rgyu dang 'bras bu ji bzhin gzigs ston cing/ /rgyu med mi mthun rgyu smra tshar gcod mdzad/ /rang byas las 'bras dgo skal len gzigs pas/ /sbyin dang bsod nams 'pho bar smra ngan 'joms/ /cho 'phrul gsum gyis gdul bya legs 'doms shing/ /'gal dang mi mthun smra ba tshar gcod mdzad/ /dbang po'i rim bzhin ci rigs legs ston cing/ /dge dang mi dge'i dgos pa len 'dor 'jud/ /khams kyi rim pa'i gdams pas legs khrid mdzad/ /sdug bsngal nges 'byin la bsgrub bzlog pa spong/ /sngon dang phyi ma'i skye las skyo ba dang/ /dad pa bskyed cing rtag chad smra ngan 'joms/ /nyid kyi rnam thar nges mdzad dgra bcom ltar/ /rlom pa'i dge sbyong bram ze tshar gcod mdzad/ /gnas dang gnas ma yin pa mkhyen pa'i stobs kyis ni ston pas rgyu la rgyur/ 'bras bu la yang 'bras bur yang dag pa ji lta ba mkhyen cing lung 'bog pas rgyu med pa dang mi mthun pa rgyur smra ba'i dge sbyong dang bram ze rnams kyang tshar gcod par mdzad do/ /las bdag gir bya ba mkhyen pas ni rang gis byas pa'i 'bras bu la spyod pa'i las rnams mkhyen pas sbyin pa dang bsod nams 'pho bar smra ba tshar gcod do/ /bsam gtan la sogs pa mkhyen pas ni gdul bya la cho 'phrul gsum gyis legs par 'doms te so sor 'gal ba dang mi @544a @#/ /mthun pa'i phyogs smra ba tshar gcod do/ /dbang po mkhyen pas ni sems can rnams kyi dbang po chung ngu dang 'bring dang chen po ji lta bar rnam par phye nas mkhyen pas de dag la ci rigs pa'i chos ston to/ /mos pa mkhyen pas ni dge ba dang mi dge ba la mos pa chung ngu la sogs pa ji lta bar mkhyen pas dge ba'i mes ? pa 'phel bar mdzad cing cig shos 'dor du 'jug go /khams mkhyen pas ni khams ngan pa dang 'bring dang bzang por phye nas yang dag par mkhyen pas dbang po dang bsam pa dang bag la nyal ji lta bar sems can rnams 'jug pa'i sgo de dang de dag tu gdams pa'i bya bas ci rigs par legs par 'dzud par mdzad do/ /thams cad du 'gro ba'i lam mkhyen pas ni sdug bsngal thams cad las nges par 'byin pa dang nges par 'byung ba ma yin pa'i lam ji lta bar mkhyen pas nges 'byung ma yin pa'i lam spangs nas nges 'byung gi lam bsgrub bo/ /sngon gyi gnas mkhyen pas ni sngon gyi mtha' de lta bu byung ba dang skyes pa'i rabs rnams dgongs shing gdul bya'i sems skyo ba dang dad par bya ba'i phyir ston te/ rtag par smra ba rnams kyang tshar gcod do/ /'chi 'pho dang skye ba mkhyen pas ni 'phags pa nyan thos sngon shi ba dang skye ba'ang lung ston la/ chad par smra ba'i dge sbyong dang bram ze'ang tshar gcod do/ /zag pa zad pa mkhyen pa'i stobs kyis ni nyid kyi rnam par thar pa la yang som nyi mi mnga' la/ dgra bcom pa snyam du mngon pa'i nga rgyal 'dzin pa'i dge sbyong dang bram ze dag kyang tshar gcod par mdzad pa'o/ ! /sangs rgyas nyid kyi don bsdu ba ni/ dam pa'i don grub pa kun bsgoms las byung/ /sems can kun mchog 'gro ba yongs 'grel mdzad/ /yon tan rmad byung 'jig rten sna tshogs dang/ /dkyil 'khor gnas snang kun gyi dmigs las 'das/ /'dir ri ngo bo nyid dang rgyu dang 'bras bu dang las dang ldan pa dang 'jug pa'i don drug gis sangs rgyas kyi mtshan nyid bstan pa ste/ ngo bo nyid ni de bzhin nyid rnam par dag pas don dam pa grub pa'o/ /rgyu ni byang chub sems @544b dpa'i sa thams cad las nges par byung ba'o/ /'bras bu ni sems can thams cad kyi mchog nyid thob pa'o/ /las ni sems can thams cad rnam par grol bar mdzad pa'o/ /ldan pa ni yon tan mi zad pa dang mnyam pa med pas rmad du byung ba mnga' ba'o/ /'jug pa ni sku gsum gyi rab tu dbye bas te/ 'jig rten gyi khams sna tshogs su snang ba ni sprul pa'i sku so/ /'khor gyi dkyil 'khor dam pa rnams snang ba ni longs spyod rdzogs pa'i sku so/ /rnam pa thams cad du mi snang ba nyid ni chos kyi skus so/ /mthar thug pa'i byang chub sems dpa' dang khyad par rnam par bzhag pa ni/ sgrib dang ri mo snang dang nye ring dang/ /mig dang lus dang dgra bcom blo dang ni/ /mar me brgyad kyi dpe las mthar thug pa'i/ /sar gnas rgyal sras rgyal ba'i khyad par blta/ /mthar thug par 'gro ba'i sa la gnas pa'i byang chub sems dpa' dang sangs rgyas kyi ye shes kyi khyad par ji ltar lta zhe na/ byang chub sems dpa'i ni shes bya thams cad la mig can seng ras kyis bsgyibs pa'i gzugs blta ba lta bu'o/ /sangs rgyas kyi ni cis kyang ma sgribs pa'i lta bu'o/ /yang ri mo rnam pa thams cad du tshon tshang bar bkyel ? mjug gi tshon gyi dpyad pas shin tu dag par ma byas pa dang/ des kyang dag par byas pa gnyis dang/ mi mig can mun pa mi gnag pa'i nang gi gzugs la blta ba dang rnam pa thams cad du mun pa med pa'i snang ba las lta ba gnyis dang/ thag ring po nas dang/ nye ba nas bzugs la blta ba gnyis dang/ rab rib tshabs chung du can dang/ shin tu dag pa'i mig gis gzugs blta ba gnyis dang/ mngal na gnas pa'i lus dang/ skye ba'i srid par skyes pa'i lus gnyis dang/ dgra bcom pa'i rmi lam gyi sems dang/ sad pa'i sems kyi rgyu ba gnyis dang/ mar me rnam par ma dag pa dang/ shin tu rnam par dag pa'i rang bzhin gnyis kyang 'di gnyis kyi ye shes kyi dper gsungs pas na/ ye shes dang sku dang dgongs pa'i khyad par shin tu che bar blta'o/ /de nyid kyi phyir de lta mod @545a @#/ /kyi brdul dang/ rgya mtsho ba lang rmig rjes kyi/ /khyad par gang yin sangs rgyas dang/ /byang chub sems dpa'i khyad de nyid ces rje btsun ma pham pas kyang gsungs pa'o/ ! /de ltar bstan bcos kyi yan lag rnam par dbye ba rnams bshad nas gzhung brtsams pa mthar phyin pa'i bya ba las brjod bya dang dgos pa'i khyad par bstan pa sngon du btan gnas bsod nams spyir bsngo ba ni/ lung dang rigs pa'i rjes 'brang thub mchog gi /bstan pa bdun gyi rim gyi gyis legs bsgrubs pas/ /sangs rgyas 'gro ba kun gyi skyabs kyi mchog /'chi med gnas gyur go 'phang bgrod pa'i thabs/ /rang nyid dran pa goms phyir legs bkod pa'i/ /bsod nams dam pa sprin med zla zer ltar/ nyes pa'i gdung ba kun sel gang bsags des/ /'gro ba'i sdug bsngal rgyun gcod byed gyur cig ces bya ba'o/ /'dir bsngo bar bya ba'i bsod nams kyi rgyu mtshan du gyur pa bstan bcos kyi brjod bya'i khyad par ni/ sde snod rnams kyi lung gtso bor byas te de'ang rigs pa dam pa'i sgrub byed kyi khyad par dang bcas pas/ bde bar gshegs pa'i bstan pa legs par gsungs pa'i bdud rtsi rims nad dang bral ba'i ro mchog la 'jug pa'i rim pa ma 'tshol bar 'dis rtag tu byed pa dang gus par byed pa'i sbyor ba bzang pos rab tu myangs ba las/ mngon par mtho ba'i bde dpal phun sum tshogs pa'i rten dam pa las brgyud de/ sa'i rim pa rnams yongs su rdzogs shis mthar phyin par byas pa'i 'bras bu mthar thug pa'i sangs rgyas nyid/ 'gro ba nam mkha'i khams kyi mthas khyab pa ma lus pa'i skyabs nyi ga gcig tu gyur pa/ 'chi ba med pa'i dbyings kyi go 'phang dam pa yongs su bsgrub pa la dus gsum du yang bgrod pa @545b gcig pa'i thabs ma tshang ba med pa bla na med par gyur pa'o/ /de bstan pa'i dgos pa'i khyad par ni ji ltar rtogs pa bzhin du bkod pa'i don gyi tshogs de rnams la rang nyid dran pa'i rgyun goms pa rjes su bsten cing dge ba'i tshogs mang po bsgrub pas rdzogs par byas pa las/ sangs rgyas nyid kyi mthar thug pa'i lam dang 'bras bus bsdus pa bde legs mtha' dag mngon du 'thob pa'o/ /de las grub pa'i bsngo bar bya ba'i bsod nams nyid kyi khyad par ni theg pa mchog gi dge ba dam pas bsod nams kyi tshogs su gtogs pa/ sgrib pa mtha' dag sel cing don thams cad bsgrub pa nyid las sprin med pa'i zla ba rgyas pa'i 'od zer gyi tshogs ltar kun gyis 'dod par bya bar gyur pa'o/ /gang du bsngo ba 'bras bu'i khyad par ni/ 'gro ba mtha' dag gi ? sdug bsngal rgyu dang bcas pa ma lus pa rgyun bcad cing/ yon tan rab mchog thams cad la mnga' brnyes pa sangs rgyas nyid kyi mthar thug pa'i bde legs ma lus pa thob pa'o/ / ! khyad par du yang bsngo ba ni/ 'di byas pa la gang dag mthong ba'am/ /thos pa tsam las ma rangs sems kyis ni/ /gshe dang smod dang skur pas skyon brjod pas/ /de dag kun la'ang gnod yin bde ? 'byor shog /sems can gyi khams ni mtha' yas pas na gang dag thub pa'i bstan pa la zhugs pa'i sdom brtson du khas 'che ba shes pa rmong rtul zhing khong blun la kho re chung bas/ lam bja lam ? ma yin pa dang/ de kho na dang de kho na ma yin pa dang/ don dang don ma yin pa dang/ don che ba dang chung ba dang/ bsgrub pa dang bsgrub pa ma yin pa la sogs pa dang/ gang zag gi bsam pa dang mas pa dang 'jug pa @546a @#/ /la sogs pa'i tshod cung zad kyang mi shes bzhin du/ nga rgyal las kyang nga rgyal dang log pa'i nga rgyal la sogs pa dang/ 'dun pa dang zhe sdang dang gti mug gis 'gro bas/ gzhan gyi byed pa dang spyod pa dang 'jug pa'i tshul 'di lta bu dag la yang/ rang gis mthong ba'am gzhan las thos pa tsam gyis mod nyid la/ ci lta bu yin pa'am gang yin pa la sogs par rtog pa'am dpyod pa'am shes pa ci'ang med par shab rgyug tsam gyis 'jug pas ma rangs pa'i blos gzengs bstod de/ gshe zhing spyo la smod cing gshung ba dang skur pa la sogs pa'i sgo nas/ rang dang 'dra ba dag dang lhan cig nyes pa sgrogs pas/ de dag gnyi ga'ang rang gi rang bzhin gsal bar ston pa mang du yod mod kyis kyang/ de thams cad kyang snying rje'i gnas chen por gyur pa yin pas na 'dis ni de dag la gnod pa phra mo tsam gyi rgyur yang ma gyur gyi steng du dam pa'i chos bdud rtsi mchog dang rin po che mchog gi ming thos pa rgyu mtshan du gyur pas thar pa dang thams cad mkhyen pa'i kho na nyid du gyur cig ! /lan gnyis lan gsum du de kho na bzhin du gyur cig ces smon pa ste/ don 'di'ang de ma thag tu gsal bar bya'o/ /sde snod rnams kyi bka' dang bstan bcos gtsor byas te/ /rigs pa'i lam las ma 'das go 'phang mchog gis tshul/ /dam pa rnams kyi bgrod gcig 'jug yul don gyis chos/ /bstan bcos chen po 'di ni dka' ba'i 'bad pas bkod/ /'on kyang legs par sbyar ba'i skad las phyi rol tu/ /gyur pa'i yul gyi nyes pas gtsug lag sdeb sbyor gyi/ /skal med gyur pas gzhan la phan pa'i re lta zhog /rang nyid don med ca co bsgrub par nges sgrogs mod/ /de lta na yang sdom rtson bdag gi blo gros mig @546b thog med ma rig thibs pos rim brgyar rab bsgribs pas/ /phyir zhing rmongs pa'i dra ba 'phel bar ma gyur cig /ces bsams nyin dang mtshan du don gzhan phal cher dor/ /don 'di bsgrub phyir legs gsungs dgongs 'grel mchog rnams la/ /phra ba'i don dag mnyan dang len dang 'dzin dang 'don pa dang/ /yi ge 'bri mchod sbyin dang tshul bzhin sems pa dang/ /sgom la 'bad pa'i ngal ba chen pos dus rnams 'das/ /de yang 'gro ba 'khrul pas sdug bsngal rgya mtsho cher/ /shin tu bying zhing rnam par 'khor rnams bsgral don du/ /snying rtse rtsa bar gyur pa'i rin chen sems mchog gi /tshogs mchog sgrub la rtse gcig goms pa bsten pas yin/ /yon tan rin chen ma lus 'byung gnas gcig pu nyid/ /bde gshegs bstan la rab gus spyi bos thod bzhin du/ /bkur zhing sbyang ba goms pa'i bag chags legs bsags pas/ /skye ba gzhan du goms pa phul byung 'bogs par nges/ /de phyir blun po mchog dang dman pa'i khyad par la/ /rab rmongs bzang po'i gnas la phyas kyis smra byed rnams/ /bu smyos pha ltar lhag par brtse bas rjes lta ri/ /de dag tshig gis mchog gi lam la 'bang mi dor/ /de ltar rang nyid goms pa spel ba tsam gyi phyir/ /mkhas mchog rnams kyi lugs lam kho na'i rjes zhugs nas/ /thub mchog bstan la 'jug pa'i rim bzang 'di bkod pas/ /'gro kun srid pa'i rgya mtsho che las myur sgrol shog /bdag kyang der nas tshe rabs kun tu sangs rgyas dang/ /sangs rgyas sras mchog rnams kyi rjes bzung theg chen la/ /goms pa cher 'bogs dman pa'i rkyen gyis mi 'phrogs shing/ /bsams pa'i don kun myur bar mthar phyin nyid gyur cig /kye ma gzhung lugs sna tshogs kyis/ /dub pa bdag gis ngal bso'i gnas/ /bstan pa rin chen mchog gi ro/ /'bad pa'i 'bras bu de gdong myong/ /tshigs su bcad pa bcu po 'dis ni rim pa bzhin du don @547a @#/ /bcu brjod de/ bstan bcos bshad pa'i don dang chos kyi khyad par dang/ khengs bskyung ba dang/ brnyas pa spang ba'i don lnga po rtsom pa'i byed rgyu dang/ byed thabs dang/ rgyu mtshan dang/ dgos pa'i khyad par dang/ brnyas pa spang ba'i don nyid dang/ bshad pa'i bsod nams gzhan don du bsngo ba dang/ bshad pa las spro ba bsgrub pa'o/ /bstan pa la 'jug pa'i rim pa rnam par bshad pa las/ 'bras bu sangs rgyas kyi sa la 'jug pa rnam par bshad pa ste le'u bcu pa'o// ! //bde bar gshegs pa'i bstan pa rin po che la 'jug pa'i rim pa rin chen phreng ba zhes bya ba'i rnam par bshad pa/ byang phyogs kyi rgyud kha ba can gyi ljongs su byung ba/ bla ma rje btsun dam pa rnams kyi zhabs kyi padma'i ze'u 'bru spyi bos len pas/ lung dang rigs pa'i gtsug lag dam pa rnams la yongs su sbyangs pa'i ngal ba mi dman zhing mi zhan la mi nyung bar byas pa/ rig pa dang grol ba'i spobs pa dge ba can/ shAkya'i dge slong blo gros 'byung gnas zhes bya ba thub pa'i brtul zhugs la legs par gnas pas rang gi dran pa goms pa spel ba'i brjed byang tsam du nye bar sbyar brdzogs so// //oM swa stiH rnam 'dren bde gshegs ma lus bgrod pa'i lam/ /lam bzang rnam bzhi'i dal 'bab ? rgyal ba'i bka'/ /bka' gdams gzhung lugs 'o ma'i rgya mtsho che/ /che cher g.yos las gdam pa'i gter 'di rgyal; ;legs bshad snying po sbrang rtsi'i rgyal mtshan mchog /legs par brtsegs pa'i lam gyi rim pa la/ /legs ldan skyes bu gsum gyi 'jug pa'i yul/ /legs tshogs gsar 'bum gyi bcud gtam pa/ /sngar med legs bshad skyes mchog gro lung pa'i/ /thugs kyi nying khur 'tshar ba'i gdams ngag gzhung/ /par du bskrun pa'i dge tshogs kun dang/ /pad rtsa'i rjes 'gro kun gsal gos bzang po/ /rnam par phye ba'i mthu las rgyal ba'i bstan/ /spyi dang khyad par 'jam mgon bla @547b ma yi/ /rnam dag ring lugs dri med 'jig rten mig /srid rtser khyab pa'i snang ba 'bum 'char shog /de 'dzin kun gyi gtsug rgyan pad dkar 'chang/ /yab sras bstan 'dzin tshogs rnams zhabs brtan cing/ /phyogs bcu'i dge 'dun 'khor lo gsum gyi dge / dbyar ? gyi chu gter dang tshul las 'gongs shog /'jig rten kun tu mi 'dod duH kha'i mun/ /rab sangs phan bde'i skya rengs sngon bsus te/ /rdzogs ldan mgron du 'gugs pa'i snang ba yis/ /rtag tu skye rgu mtha' dag nyer 'tsho shog /deng 'dir rgyu sbyor 'brel thogs ci mchis pa/ /theg mchog 'khor lo bzhi ldan rten bzang po/ /rim brgyud dam chos bdud rtsi ngom med du/ /sbyin mdzad bshes gnyen dam pas nyer bzung shog /de nyid bsten tshul ji bzhin ma nor ba'i/ /lam gyi srog bzung 'dod chung bag yod kyis/ /sgo gsum zhi dul srid par zhen log ste/ /thar pa'i khang bzang chen por rab 'jug shog /rang nyid gces 'dzin dgra rkun 'byung bya'i tshogs/ /rtag tu long ba'i snang ba bdag dang gzhan/ /mnyam brje'i sems mchog 'od dkar 'bral med du/ /lhag bsam 'khur 'khyer byang chub sems bskyed shog /lus sems las rung zhi bar gnas pa dang/ /rten 'byung zab mo lhag mthong zung 'brel ba'i/ /lam bzang rgyud skyes ma gyur 'gro ba kun/ /dug gsum g.yang las sgrol ba'i nus thob shog /gsang chen rgyud sde'i lam mchog yongs 'du'i tshal/ /skal bzang skye bo'i 'jug dogs der son te/ /rang gzhan don gnyis 'grub pa'i dpag bsam dbang/ /mchog thun dngos grub 'bras bzang lhun 'grub shog /(ces bka' gdams bstan pa'i srog shing blo...? ldan shes rab kyi thugs kyi sras mchog dge ba'i bshes gnyen gro lung pa chen pos mdzad pa'i bstan rim chen mo bstan rgyun la phan slabs rgya tsho'i chad/ ? ma ? rig gnas kun pa blo gros kyi 'jug sga dman pa rtsa drung yig chen mo 'bum thang pa 'phrin las bstan 'dzin dang/ pha lta ba blo bzang chos 'byor gnyis nas gzhung gnas su dngul dang dngos ri srad lnga brgya tham pa 'dod) @548a @#/ /'bul gyi par du bskrun pa'i do dam brtse 'phral bde ba mkhan chung bde gsal ngag dbang dar rgyas rog byed bcas ched bskos dang/ zhus dag pa mtshan zhabs bla ma dge shes blo gling tshe dbang bsam 'grub dang/ (ser smad grags pa bstan dar bcas nas bgyid gcug pa'i par byang smon tshig zhig dgos zhes rgyu sbyar drung yig chen mo gnyis dang/ do dam pa bcas nas bskul ngor kun mkhyen phyag na padmo'i 7 rgyal tshab ming 'dzin 7 gong ma'i lung kos zhwa ser bstan pa 'dzin byed dpal ldan no min han dga' ldan sher re ge thus mta pik+Shira mdaD) pa dga' rigs kyis dge sbyong dag dbang 'jam dpal tshul khrims rgya mtshos sbyar ba dge legs 'phel// //sarba mangga laM// //gong gsal bstan rim chen mo dpe rgyun dkon) par 'dug pas par ngu brko mi zhig byung na shin tu nas legs par yong 'dug zhes dga' ldan khri zur byang chub chos 'phel dpal bzang po nas 7 dka' yang yang 'phebs par brten/ /gus phran rtse drung yig zung nas par du bzhengs so// //