@#/ /ma no wi dznya' na A la ya wi dznya' naM/

@#/ /yid dang kun gzhi'i rtsa ba bzhugs so/

@01a @#/ /rgyal dang rgyal ba'i sras rnams gshegs pa'i bshul/
/legs gsungs legs lam ji bzhin thugs chud nas/ /ma nor ma 'dres
rdzogs par ston mdzad pa'i/ /mkhas pa'i mkhas pa de

la mgos phyag 'tshal/ ! /rnam rig gzhung gi shin tu dka' ba'i
gnas/ /yid dang kun gzhi gsal bar bstan pa dang/ /bdag nyid dran
pa gso bar bya ba'i phyir/ /bla ma'i gsung la brten nas

'dir bshad bya/ ! /smra ba'i dam pas theg pa mchog /'dzin par
lung bstan 'phags pa klus/ /theg mchog rgyas par mdzad pa'i
rjes/ /lung bstan brnyes pa'i thogs med kyis/ /srol

btod ! sngon du dbu ma nyid/ ! /mtshan nyid sgrub par byed pa
dang/ /dgu dang gcig pur 'dod pa dgag /don rnam bzhi yis kun
gzhi dang/ /nyon mongs can yid shes par bya/ ! /mtshan

nyid gnyis las kun gzhi ni/ /rten dang brten pa'i dbye ba yis/
/mtshan nyid rnam pa gnyis su 'dod/ ! /de la rten gyur kun gzhi
ni/ /don dang sems can bag chags la/ /rnam par rig

pa mi rig pa/ /lung du ma bstan rig la sogs/ /lnga nyid dang
ldan ! sa bon gyi/ /dbang gis gnas don lus su ni/ /snang phyir
dmigs pa dag tu 'dod/ ! /kun gzhi'i gzung cha dag la

ni/ /rnam shes lnga yis 'dzin byed cing/ /drug pas tha snyad
'dogs pas na/ /khams gnyis dag tu nges pa ste/ /de lta min na
gzugs med pa/ /gzugs kyi 'du shes ma 'das dang/ /gzugs

can sa ru thal 'gyur te/ /shes la gzugs su snang ba las/ /ma
gtogs phyir rol med phyir ro/ ! /'og na'ang sems can gcig gi ni/
/kun gzhi la ni snod dang bcud/ /thams cad snang na

gzugs khams kyi/ /lha la'ang dmyal snang 'byung ba dang/ /dmyal
ba la yang lha rnams kyi/ /snod bcud snang ba 'byung ba dang/
/tha mal rnams la bskal pa yi/ /yul sna tshogs pa snang bar
'gyur//

@02a @#/ /! dngos su rang gi dbang don no/ /brgyud nas de yi
tshogs drug gi /yul du snang bar gang nus pa/ /kun gzhi'i yul
du'ang 'jog pa yin/ ! /dbang don las gzhan drug pa'i yul/ /kun

gzhi'i yul du mi 'gyur te/ /drug pa btags pa'i yul can dang/
/kun gzhi bkrar 'dzin gyis dben phyir/ ! /bag chags bsgo gzhi
yin phyir dang/ /dge dang mi dge mngon gyur dang/ /rgyud

gcig la ni 'jug pa'i phyir/ /ma bsgribs lung ma bstan du grub/ !
/lung ma bstan dang mi gsal phyir/ /reg sogs lngar nges ! tshor
ba ni/ /bar ma'o ! 'di la bdag tu ni/ /sbyor ba'i phyir

na kun gzhi 'o/ ! /lhag ma med dang rdo rje lta'i/ /bar du rgyun
mi chad du 'jug ! /brten pa sa bon kun gzhi ni/ /sgo bar byed
pas bsgo gzhi la/ /'gag la mngon du phyogs pa'i tshe/ /bzhag

pa'i nus pa'o ! bsgo gzhi ni/ /brtan lung ma bstan bsgo bya ba/
/sgo bar byed dang 'brel ba dang/ /mtha' gcig rten du gyur pa
ste/ /khyad par lnga dang ldan pa'o/ ! /phyi dang nang dang mi
gsal

ba/ /gnyis dang kun rdzob nyid dang ni/ /dam pa'i don te de dag
kun/ /sa bon rnam pa drug tu 'dod/ !/gzhan yang mngon brjod bdag
lta dang/ /srid pa'i yan lag bag chags gsum/ ! /thun

mong thun mong ma yin dang/ /tshor dang bcas dang tshor med pa'i/
/sa bon rnam bzhi ! gnas ngan len/ /shin tu sbyangs dang spyad
zin dang/ /ma zin pa dang bzhi ru'ang gsungs/ ! /bag chags

de yang rten las ni/ /rdzas gcig tha dad gang yang min/ ! /sa
bon dmigs rnam yod pa dang/ /'gro ba lnga yi sa bon rnams/
/'tshol ba nyid du 'gyur ba dang/ /khams kyang 'chol phyir gcig

nyid min/ ! /rten gcig la ni kun gzhi gnyis/ /yod par 'gyur bas
so so min/ ! /des na rten las de nyid dang/ /gzhan du brjod du
med pa ste/ /btags yod tsam du gnas phyir

@02b ro/ !/'jog byed dge sogs gang yin yang/ /bzhag pa'i bag
chags lung ma bstan/ ! /dge dang mi dge mtshan nyid par/ /'dod la
sgrub par byed pa med/ ! /bag chags 'jog pa'i

tshul la gsum/ /chos nyid kyis gnas sngon med bskyed/ /de dag
gnyis kar 'dod pa 'o/ ! /kun nas nyon mongs chos thams cad/
/rgyu 'am 'bras bu'i dngos po ru/ /sbyor ba'i phyir na kun 

gzhi'o/ ! /de phyir dbang thob dgra bcom la/ /kun gzhi yod pa ma
yin te/ /'jog byed gnyis po med phyir ro/ ! /nyon mongs can yid
mtshan nyid ni/ /kun gzhi rnam smin cha nyid la/ /bdag

lta bsgribs la lung ma bstan/ /reg dang chags sogs dgu kho na/ !
/'gog pa mnyam gzhag gnas skabs dus/ /dbang thob dgra bcom mthar
thug go ! /nyon mongs can du 'jog byed pa'i//

gang zag 'dzin pa log gyur kyang/ /de yi rigs tsam yod phyir
dang/ /chos 'dzin skyed nus ma log phyir/ /yid shes med dang
mnyam pa nyid/ /thob pa'i skyon gnyis ring du spangs/ !/yid

ches lung dang rigs pa yis/ /rnam shes drug las tha dad pa'i/
/yid dang kun gzhi rnam par shes/ /yod par khong du chud par
bya/ ! /rnal 'byor spyod pa'i gzhung lugs nas/ /sgrub byed

rigs pa mtha' yas pa/ /gsungs kyang len dang dang po gsal/ /sa
bon las dang lus tshor dang/ /snyoms 'jug 'chi 'pho mi rung ba/
/brgyad du 'dus phyir 'di bshad bya/ ! /kun gzhi

rnam par shes pa de/ /theg dman gtsug lag rnams su yang/ /kun
gzhi rtsa ba'i rnam shes dang/ /srid pa yan lag ji srid pa'i/
/phung po'i rnam grangs dag gis bstan/ ! /de ltar gsungs pa'i

kun gzhi la/ /dbyig bshes mi'u thung dbyangs sgrogs gsum/ /rim
bzhin phung po tshor ba dang/ /'jig lta gsum la dgongs zhes 'dod/
! /theg pa 'og ma'i lugs dag la/ /tshul de mi rung

@03a @#/ /med mod kyi/ /theg chen pa rnams lung de'i don/ /kun
gzhi rnam par shes pa ru/ /'dod pa ches cher bzang ba ste/ /gang
phyir dbyig bshes sogs kyis ni/ /bkral ba skyon dang ldan phyir
ro//

!nyon mongs can gyi yid med na/ /ma 'dres pa yi ma rig dang/
/lnga po dag dang 'dra ba dang/ /snyom par 'jug pa'i byed brag
dang/ /nges tshig med pa'i skyon du 'gyur/ /'du shes med par
skyes

pa'i rgyun/ /ngar 'dzin med pa'i skyon du 'gyur/ /ngar 'dzin pa
dang ldan pa ni/ /rnam pa kun tu mi 'thad phyir/ /nyon yid yod
par shes par bya/ !/bdun pa len pa'i rnam shes dang/ /kun

gzhi gsum du 'chad pa dang/ /dgu pa dri med rnam shes su/ /'dod
pa yang dag bden pa'i lugs/ ! /tshogs brgyad dag las logs pa yi/
/gtso bo rnam shes yod gyur na/ /rtag pa'i dngos

por 'gyur ba'i phyir/ /tshogs dgur 'dod la sgrub byed med/ ! /yid
shes gcig nyid dbang drug gi /rten la so sor rgyu ba'i tshe/ /so
so'i ming du btags pa tsam/ /bram ze'i tshoms dang skye mched

ni/ /bcu gnyis ston pa'i mdo las kyang/ /gcig pur gsungs dang
rnam shes drug /yid kyi skye mched yin gsungs phyir/ /shes kun
yid shes gcig pu lo/ ! /lung don gzhan du nus phyir

dang/ /dbang shes kyis kyang lkog gyur dang/ /'das dang ma 'ongs
'dzin 'gyur phyir/ /tshogs gcig 'dod pa mun sprul lo/ ! /de phyir
yid ches lung rigs kyis/ /grub pa rnam shes brgyad 

yin phyir/ /gsang ba'i gnas la mi zhum pa'i/ /mkhas pas brgyad
nyid 'dod par bya/ ! /yid dang kun gzhi'i dka' ba'i gnas/ /gsal
bar ston 'di mkhas mchog rnams/ /ji ltar bzhed

bzhin bla ma yi/ /gsung la brten nas rgyal khams pa/ /blo bzang
grags pas sbyar ba yi/ /dge des thub bstan rgyas gyur cig/ //