{ls}

@#/ /shA stra a b+hi sa ma ya a langkra ra mU la br-i tti sa
mA n+yA nra bi b+hA Shi ta garb+hA langkA ra sya ru tsi nA
mA tbra tha ma ga ra Na bi ha ra ti sma/ /

@#/ /bstan bcos mngon par rtogs pa'i rgyan rtsa 'grel gyi spyi
don rnam bshad snying po rgyan gyi snang ba zhes bya ba las
skabs dang po bzhugs so/ /

f{dd} @01a @##/ /rje btsun dam pa thugs rje chen po dang ldan pa
rnams kyi zhabs kyi padmo dri ma med pa la gus pas phyag 'tshal
lo/ /dge legs 'bum phrag du mas bskrun pa'i sku/ /yan

lag drug cus 'gro dbugs 'byin pa'i gsung/ /dri med mkhyen dang
brtse ba'i thugs mnga' bas/ /mdzad pa mthar phyin thub pa'i
dbang po dang/ /rgyal tshab dam pa mi pham mgon po sogs/ /chos
'di

brgyud pa'i lha dang bla ma dang/ /khyad par 'grol mdzad gzhan
las mchog gyur pa'i/ /'phags pa grol sde rgyal sras seng ge
bzang/ /rje btsun dam pa gzhon nu mdzes la sogs/ /rtsa brgyud
bla ma rnams

{dd} la snying nas 'dud/ /zab dang rgya che'i gnad rnams ma lus
la/ /blo gros bzang po thogs pa mi mnga' bas/ /sngon med bstan
pa'i sgron mer rab grags pa/ /zla med bla ma mchog la phyag
'tshal lo/ /rgyal

tshab dam pa dar ma rin chen dang/ /mkhas shing grub pa dge legs
dpal bzang sogs/ /mkhas pa'i dbang po rnams la gus btud nas/
/snying po rgyan gyi snang ba 'dri bar bya/ /de ltar na bstan
bcos

mngon par rtogs pa'i rgyan 'grel pa dang bcas pa 'chad pa la/
bstan bcos kyi sngon du 'gro ba spyi'i rnam gzhag bshad pa dang/
skabs su babs pa'i gzhung don rnams so sor bshad pa gnyis/ dang
po la/ de {dd}

{dd} @02a @##/ /la 'dir thams cad mkhyen pa don gnyer gyi gdul bya
rnams kyis rgyal ba'i gsung rab spyi dang/ nges don zab mo'i mdo
la thos bsam gyis 'jug dgos te/ thams cad mkhyen pa'i go 'phang
'thob pa la sde snod

gsum ga'i don shes dgos shing/ nges don zab mo'i gsung rab la
thos bsam gyis 'jug pa bsod nams shin tu che ba yin pa'i phyir
te/ rgyud bla ma las/ gang zhig byang chub don du gnyer bas gser
gzhi nor bus spras pa ni/ /sangs rgyas

zhing rdul mnyam pa nyin re chos rgyal rnams la rtag 'bul la/
/gzhan gang 'di las tshig tsam thos shing thos nas kyang ni mos
na 'di/ /sbyin pa las byung dge ba de las bsod nams ches mang
'thob par 'gyur/ /zhes gsungs pa'i phyir/

nges don zab mo'i gsung rab rnams kyi nang nas kyang rgyas
'bring bsdus gsum gtso bo yin te/ 'dis dngos bstan la thams cad
mkhyen pa 'thob pa la med mi rung du rtogs dgos pa'i stong nyid
bstan bya'i gtso bor byas nas bstan/ sbas

don la rigs can gsum gyi mngon par rtogs pa'i ngo bo nges pa/
grangs nges pa/ go rim nges pa bstan bya'i gtso bor byas nas
gtan la 'bebs pa'i rgyal ba'i gsung rab kyi gnad thams cad bsdus
nas gtan la 'bebs pa'i phyir/ rgyas

'bring bsdus gsum gyi don la thos bsam gyis 'jug pa la yang
shing rta'i srol 'byed cig gi rjes su 'brangs nas 'jug dgos te/
yum don rtogs dka' zhing/ phyin ci log tu zhugs na gol sa shin
tu che ba'i phyir/ 'o na shing rta'i srol 'byed {dd}

@02b du zhig yod/ rang lugs gang gi rjes su 'brangs nas 'jug ce
na/ snga ma kha cig  shing rta'i srol 'byed la bzhir grangs nges
te/ sbas don mngon rtogs kyi rim pa'i srol 'byed rje btsun byams
pa dang/ dngos bstan stong nyid kyi rim pa'i srol 'byed mgon po
klu sgrub/

yum don sgo gsum dang/ rnam grangs bcu gcig gi sgo nas gtan la
'bebs pa'i srol 'byed kha che mche ba'i sde/ brgyad stong pa don
tshan sum cu rtsa gnyis kyi sgo nas gtan la 'bebs pa'i srol 'byed
slob dpon phyogs glang dang bzhir grangs nges pa'i phyir/ zer

na; de mi rigs te/ theg chen pa rnams rgya che ba'i lam gyi khog
la mi mthun pa med cing/ zab mo'i phyogs kyi dbang du byas pa'i
srol phye ba dgos/ de la kha che mche ba'i sde zab don 'grel pa
klu sgrub kyi rjes su 'brangs/ phyogs glang thogs med kyi rjes
su 'brangs pa'i

phyir/ rang lugs la/ dga' ldan du yum gyi zab don dbu sems gnyis
ka'i srol phye ba'i dbang du byas na rje btsun byams mgon/ 'dzam
bu'i gling du dbu sems so so'i srol phye ba'i dbang du byas na
rim pa bzhin klu sgrub dang/ thogs med gsum du grangs nges

par mngon te/ rje btsun gyis dga' ldan du 'grel byed mkhan po
gzhan la ma bltos par yum don dbu mar 'grel pa la mngon rtogs
rgyan dang/ rgyud bla ma gnyis mdzad/ sems tsam du 'grel ba la
byams chos phyi ma gsum mdzad pa'i phyir dang/ klu sgrub dang

thogs med gnyis dbu sems kyi shing rta'i srol 'byed gnyis su
rgyal ba nyid kyis lung bstan pa yin pa'i phyir/ de ltar yin te/
lang gshegs las/ bde gshegs mya ngan 'das 'og tu/ /so so rang gi
theg pa ni/ /'dzin par su 'gyur bshad du gsol/ /lho phyogs

@03a @##/ /be ta'i yul du ni/ /dge slong dpal ldan cher grags pa/
/de ming klu zhes 'bod pa des/ /yod dang med pa'i phyogs 'jig
pa/ /nga yi bstan pa 'jig rten du/ /bla med theg chen rab bshad
de/ /rab tu dga' ba'i sa bsgrubs te/ /bde ba can du

de 'gro'o/ /zhes sogs zab don 'grel ba'i lung bstan mang du
gsungs pa'i phyir/ gnyis pa de ltar yin te/ 'jam dpal rtsa rgyud
las/ thogs med ces bya'i dge slong ni/ /bstan bcos de nyid don
la mkhas/ /mdo sde nges don drang ba'i don/ /rnam pa mang po rab
tu

'byed/ /'jig rten rigs pa ston bdag nyid/ /gzhung 'byed dang
tshul can du 'gyur/ /de yi rig pa grub pa ni/ /sA la'i pho nya
mo zhes bya/ /de lus zhi gnas lha yul 'gro/ /zhes gsungs pa'i
phyir/ des na mdo'i sbas don mngon rtogs kyi rim pa mngon rtogs
rgyan dang

chos kyi bdag med phra mo dngos bstan bstan bya'i gtso bor byas
nas bstan pa'i zhar la sems tsam gyi lta ba yang bstan pas zab
mo'i phyogs klu sgrub dang thogs med kyi rjes su 'brangs nas
gtan la 'bebs dgos te/ gnyis ka rtogs dka' bas sbas don mngon

rtogs kyi rim pa la yang lam rkyang pa ba dang/ lam gsum btags
mtshan pa'i log rtog du ma 'byung ba'i phyir dang/ zab mo'i
phyogs la yang ma rtogs pa dang log par rtogs pa'i cha du ma
'byung ba'i phyir/ skabs 'dir sems tsam gyi lta ba chos kyi bdag
med rtogs pa'i lta

ba mthar thug tu mi bzhed kyang/ legs par gtan la 'bebs dgos te/
de tsam gyi lta bas thar pa dang thams cad mkhyen pa'i go 'phang
'thob nus par 'dod pa'i gdul bya du ma yod pas de dag rjes su
'dzin dgos pa dang/ lta ba de chos kyi bdag med phra mo rtogs
pa'i lta

@03b ba'i rgyud smin byed khyad par can yin pa'i phyir/ shing
rta chen po gnyis nas legs brgyud pa'i/ /zhes sogs dang/ shing
rta chen po klu sgrub dang thogs med gnyis kyi lam srol zhes
sogs gsungs pa rnams 'dzam gling 'dir srol phye ba'i dbang du
byas par mngon no/ /'o na/

mngon rtogs rgyan la brten nas mdo'i sbas don mngon rtogs kyi
rim pa gtan la 'bebs na 'di'i bshad bya rtsa ba'i mdo gang/ de
rgyan 'dis 'chang tshul ji lta bu zhe na/ 'di la kha cig/ rgyan
gyi bshad bya rtsa ba'i mdo la yum sras bcu bdun du grangs nges
shing/ yum la drug

tu nges te/ 'bum/ nye khri/ khri brgyad stong pa/ shes rab khri
pa/ brgyad stong pa/ sdud pa dang bcas pa yin pa'i phyir/ sras
la bcu gcig yod de/ sher phyin bdun brgya pa/ lnga brgyad pa/
sum brgya pa/ tshul brgya lnga bcu pa/ lnga bcu pa/ sgo nyer lnga
pa/ rab rtsal rnam gnon gyis

zhus pa'i mdo// ko'u shi kas zhus pa'i mdo// sher phyin yi ge
gcig ma/ yi ge nyung ngu ma/ shes rab snying po dang bcas pa
rnams yin pa'i phyir/ yum sras kyi don la yang dngos brgyad don
bdun cu dang bcas pa cha tshang bar ston mi ston gyi sgo nas 'jog
pa yin zer na/ mi

rigs te/ bshad bya'i sher phyogs kyi mdo la byed na grangs
nyungs/ bshad bya rtsa ba'i mdo la byed na grangs mang bar 'gyur
ba'i phyir/ dang po der thal/ sher phyogs kyi mdo la byang chub
sems dpa' zla ba'i snying po/ nyi ma'i snying po/ rdo rje rgyal
mtshan/ lag na rdo rje/ kun

tu bzang pos zhus pa'i mdo sogs du ma yod pa'i phyir/ phyi ma de
ltar yin te/ shes rab khri pa dang rgyan sbyar ba'i 'grel pa
tshad ldan gyis mdzad pa med cing/ sras bcu gcig po des brjod bya
dngos brgyad don bdun cu bstan pa dang/ rgyan gyi skabs brgyad
rtsa 'grel du

sbyar du mi rung ba'i phyir te/ bcu gcig po des dngos brgyad
tshang bar mi ston pa'i phyir/ rtags khas/ gzhan yang/ khri
brgyad stong pa dang sdud pa so sor yum du 'dren pa yang mi rigs
par thal/ sdud pa khri brgyad stong pa la le'u gya bdun yod pa'i
gya bzhi pa yin pa'i

@04a @#/ phyir; kha cig  rgyas 'bring bsdus gsum mngon rtogs
rgyan gyi bshad bya rtsa ba'i mdo yin gyi sdud pa de'i bshad bya
rtsa ba'i mdo ma yin te/ kun gyi rgyan du 'gyur ba ni/ /zhes
sogs kyi skabs su yum gsum po kun gyi rgyan du 'gyur bar zhes

dang; don bsdus 'di tsam shes par bya/ zhes pa'i skabs su yang
rgyas 'bring bsdus gsum gyi bsdus don gsum po 'di'i bsdus don
'di tsam du shes par bya/ zhes gsungs pa dang/ mkhyen gsum gyis
'phags bzhi'i mngon rtogs mtha' dag bsdus pa'i khungs 'god

pa na yang bsdus pa dang 'bring po'i khungs bkod rgyas pa la kha
'phang mdzad/ sdud pa'i khungs ma bkod pa'i phyir/ zhes zer na/
mi rigs te/ rgyas 'bring bsdus gsum dang mdo sdud pa bzhi po
rgyan gyi bshad bya rtsa ba'i mdor rung mi rung rnam pa thams
cad du mtshungs pa'i

phyir dang/ sdud pa dang rgyan sbyar ba'i 'grel pa seng bzang
rang nyid kyis kyang mdzad pa'i phyir/ de ltar yin yang rnam
bshad kyi lung sogs dang 'gal ba'i skyon med de/ de rnams sdud
pa'i sbas don gyi rim pa dang dngos su mi sbyor bas de la dgongs
pa'i phyir/ rang lugs la rgyas

'bring bsdus gsum sdud pa dang bcas pa rgyan gyi bshad bya rtsa
ba'i mdo yin te/ de rnams kyis sbas don dngos brgyad don bdun cu
rdzogs pa dang bcas pa rgyan gyi skabs brgyad rtsa 'grel du
sbyar rung zhing sbyar ba'i tshad ldan gyi 'grel pa yang du ma
yod pa'i phyir/ de ltar yin

kyang 'grel pa don gsal mdo rgyan sbyar ba'i 'grel pa ma yin te/
'grel chen gnyis kar tshig gi cha gtso bor ma sbyar ba dang/
'grel chung las/ ngag sogs sbyor ba ma byas kyang/ /zhes gsungs
pa'i phyir/ gnyis pa ni/ mngon rtogs rgyan gyi bshad bya rtsa
ba'i mdo de

rnams kyis sbas don mngon rtogs kyi rim pa bshad thabs yan lag
lnga'i sgo nas 'chad pa yin te/ rnam bshad rigs pa las rje btsun
gyi man ngag 'god pa na/ mdo don smra ba rnams la ni/ /ngas ni
man ngag sbyin par bya/ /dgos pa bsdus pa'i don bcas dang/ /tshig
don

@04b bcas dang mtshams sbyar bcas/ /brgal lan bcas te bsnyad par
bya/ /zhes gsungs pa'i phyir/ 'o na gzhung gi cha gang dang gang
gis lnga po de'i sgo nas 'chad cing de'i sgo nas bshad pa'i dgos
pa ji lta bu zhe na/ lnga po de gzhung gi cha gang dang gang gis
'chad tshul yod de/ rnam pa thams cad mkhyen nyid lam/ /zhes sogs

kyis dgos don gyi sgo nas 'chad/ shes rab pha rol phyin pa ni/
/zhes sogs kyis bsdus don gyi sgo nas 'chad/ sems bskyed pa ni
gzhan don phyir/ /zhes sogs kyis tshig don gyi sgo nas 'chad/ de
nas thams cad shes pa nyid/ /ces dang/ de nas seng ge rnam
'gyings pa'i/ /zhes sogs kyis mtshams sbyar gyi

sgo nas 'chad/ chos kyi dbyings la dbyer med phyir/ /zhes sogs
dang/ grangs med la sogs bstan pa rnams/ /zhes sogs kyis brgal
lan gyi sgo nas 'chad pa yin pa'i phyir/ lnga po de'i sgo nas
bshad pa la dgos pa yod de/ dgos don gyi sgo nas bshad pa la
brten nas/ bstan bcos dgos sogs chos bzhi

ldan du mthong nas de la thos bsam gyis 'jug pa la gus par
'gyur/ bsdus don la brten nas don rags rim shes par 'gyur bas
dgos pa de 'grub pa bsdus don la rag las pa dang/ bsdus don la
brten nas don rags rim rtags pa de nyid tshig don la brten nas
mtha' chod par 'gyur ba dang/ mtshams sbyar gyi

sgo nas bshad pas gzhung snga phyi 'brel chags/ brgal lan gyi
sgo nas bshad pas khas blangs snga phyi dang/ rigs pa dngos
shugs mi 'gal bar 'gyur ba'i phyir te/ rnam bshad rigs pa las/
nyan pa dang ni 'dzin pa la/ /nyan pa po rnams gus byed pas/
/thog mar dgos pa brjod par bya/ /de grub de ni bsdus don la/ /

bsdus pa'i don ni tshig don la/ /go rim rigs pa snga phyi dang/
/mi 'gal ba ni gnyis las so/ /zhes gsungs pa'i phyir/ mngon
rtogs rgyan la brten nas sbas don mngon rtogs kyi rim pa gtan la
'bebs pa'i tshe yang de'i 'grel pa tshad ldan zhig la brten nas
'chad dgos na/ rgyan la 'grel pa du zhig yod/ rang lugs

'grel pa gang gi rjes su 'brang zhe na/ de la 'grel pa rgya gar
mar grags pa nyer gcig yod de/ mdo rgyan sbyar ba'i 'grel pa bcu
gnyis/ ma sbyar ba dgu dang bcas pa'i nyer gcig yod pa'i phyir/
sbyar ba bcu gnyis yod de/ brgyad stong pa dang sbyar ba la/
slob dpon gyis mdzad pa'i rgyan snang/ mkhas grub shanti

@05a @#/ /pas mdzad pa'i snying po mchog/ a b+hyA ka ras mdzad
pa'i gnad kyi zla 'od de gsum/ nyi khri dang sbyar ba la/ 'phags
pas mdzad pa'i nyi khri snang ba/ btsun pas mdzad pa'i nyi khri
rnam 'grel/ shanti pas mdzad pa'i nyi khri dag ldan/ slob dpon
gyis mdzad pa'i nyi khri le'u brgyad ma ste nyi khri

dang sbyar ba bzhi/ sdud pa dang sbyar ba la slob dpon gyis
mdzad pa'i sdud 'grel rtogs sla/ sangs rgyas ye shes zhabs kyis
mdzad pa'i sdud pa'i dka' 'grel/ kha che d+harma shrIs mdzad par
grags pa'i sher phyin mdzod kyi lde mig ste sdud pa dang sbyar
ba gsum/ gzhan yang smr-i tis mdzad par grags pa'i yum gsum

don brgyad du mthun par ston pa/ kha che d+harma shrIs mdzad par
grags pa'i stong phrag brgya pa'i bshad pa 'bum dang sbyar ba
dang bcas pa rnams su yod pa'i phyir/ ma sbyar ba dgu yod de/
slob dpon gyis mdzad pa'i 'grel pa don gsal/ chos bshes kyis
mdzad pa'i 'grel bshad tshig gsal/ gser gling pas

mdzad pa'i 'grel bshad rtogs dka'i snang ba/ jo bo'i bsdus don/
sher 'byung blo gros kyi bsdus don/ kha che gzhon nu dpal gyi
bsdus don te bsdus don gsum/ rin chen grags pas mdzad pa'i grags
cha/ budd+ha shrIs mdzad pa'i shes rab sgron me'i phreng ba/ a
b+hyAs mdzad pa'i thub pa dgongs rgyan dang

bcas pa rnams su yod pa'i phyir/ 'dis sems bskyed nyer gnyis kyi
bshad pa rgyan dang sbyar bas der bgrangs pa tsam mo/ /'grel pa
de rnams kyi nang nas stong phrag brgya pa'i bshad pa 'bum dang
sbyar ba dang/ sher phyin mdzod kyi lde mig gnyis rgya 'grel yin
min brtag bya'i gnas yin te/ stong phrag brgya pa'i bshad

par bod kyi btsun pa ba reg thos pa kas mdzad pa'i bstan bcos
rin chen sgron ma las/ gleng gzhi rgyas par bka' stsal bstan
bcos rnams/ /legs par bsdus pa phyag 'tshal tshigs bcad yin/ /zhes
pa drangs nas chos brjod gleng gzhi dang sbyar zhing de mi rigs
pa dang/ gzhan yang tshig nus pa chung zhing

bod tshig du ma dang bcas pa dang/ sher phyin mdzod kyi lde mig
kyang de ltar snang ba'i phyir/ yum gsum don brgyad du mthun par
stan pa yang smr-i tis mdzad pa yin min brtag bya yin te/ der
yang bod tshig du ma dang bcas shing mdo sbyor la yang skyon
chags pa du ma snang ba'i phyir/ zhes legs bshad gser

@05b phreng las gsungs so/ /rang lugs 'grel pa de rnams kyi nang
nas 'grel pa don gsal gyi rjes su 'brangs nas rgyan gyi don gtan
la 'bebs pa yin te/ 'di tshig nyung la brjod bya rgya che zhing
'gril bas 'grel pa gzhan las khyad zhugs shing ha cang rgyas
bsdus kyi skyon dang bral bas nyan bshad kyang sla ba yin pa'i
phyir/

gnyis pa gzhung don rnams so sor bshad pa la/ 'grel pa 'dis
rgyan don bshad pa la 'jug pa/ bshad pa nyid 'god pa/ bshad pa
mthar phyin pa gsum gyi sgo nas 'chad cing bshad pa la 'jug pa
la/ mchod par brjod cing bshad par dam bca' ba/ 'grel pa rtsom
rigs par bsgrub pa/ khengs skyung zhing spro ba

bskyed tshul dang bcas pa'i don rnam pa gsum las dang pos mchod
par brjod cing rtsom par dam bca' ba dang dgos pa gsum dngos su
bstan nas nying dgos brjod bya dang bcas pa shugs la 'chad/ don
tshan bar pa gsum gyis bstan bcos rtsom pa'i rgyu'i gtso bo gsum
bstan pa yin te/ yang dag par rdzogs

pa'i sangs rgyas nas dam pa bar ma chad pa'i man ngag dang ldan
pa/ nang rig pa'i bstan bcos kyi don rtogs pa'i shes rab dang
ldan pa yi dam gyi lha'i snang ba thob pa shugs la bstan nas/
des na 'grel pa rtsom rigs par bstan pa'i phyir/ kheng bskyung
zhing spro ba bskyed tshul gyis ni rang gzhan gyi don du ma grub
ste/

rang nyid ma khengs pas dge rtsa mi gcod cing skyes bu dam pa'i
spyod pa dang mthun/ skal pa mnyam pa gzhan yang de lta bu'i bya
ba la bskul ba'i ched du yin pa'i phyir/ gnyis pa bshad pa nyid
'god pa la/ mchod par brjod pa/ rgyas pa la dad pa'i gang zag la
phye ste bstan pa/ bsdus don gzhan bstan pa dang gsum

las; dang po ni/ rje btsun gyis mdo bshad thabs yan lag lnga'i
sgo nas bshad pa bzhin du slob dpon gyis rgyan bshad thabs yan
lag lnga'i sgo nas 'chad do zhes bshad par bya ba'i phyir/ thog
mar mchod brjod bshad thabs yan lag lnga'i sgo nas 'chad par
mdzad pas/ de yang mtshams sbyar gyi sgo nas

'chad pa la/ 'phags pa byams pa rang nyid dam pa'i spyod pa dang
mthun pa/ zhes sogs gsungs pa'i phyir/ bsdus don gyi sgo nas
'chad pa la/ tshigs su bcad pa 'dis ni/ zhes sogs gsungs/ dgos
don gyi sgo nas 'chad pa la/ re zhig dad pa'i rjes su 'brang ba
rnams ni/ zhes sogs gsungs/ tshig
@06a @#/ /don gyi sgo nas 'chad pa la/ nyan thos dang de'i phyogs
su bslan pa zhes sogs dang/ byang chub sems dpa' rnams kyi lam
thams cad skye ba med par rtogs pa'i ngo bo nyid kyi/ zhes sogs
dang/ rnam pa thams cad skye ba med par thugs su chud pa/ zhes
sogs gsungs/ brgal

lan gyi sgo nas 'chad pa la/ de la thams cad mkhyen pa nyid gsum
gyi ni don brgyad bsdus la/ zhes sogs gsungs so// ! 'phags pa
byams pa rang nyid ces sogs kyi skabs su mtha' dpyad pa la/ gang
la rtsod pa'i yul/ gang gis rtsod pa'i gang zag  ji ltar rtsod
pa'i tshul/ de'i lan 'debs

tshul rnams las/ dang po ni 'phags pa byams pa zhes sogs kyis
mchod brjod rang don gyi dgos pa la mtshams sbyar ba de la rtsod/
gang gis rtsod na g.yag pa dang rong pa sogs kyi phar phyin pa
chen po dag gis rtsod/ ji ltar rtsod na 'grel pa 'dis mchod
brjod rang don gyi dgos pa la mtshams sbyar

ba mi rigs te/ byams pa la rang don don gnyer gyi blo med pa'i
phyir dang/ gzhan 'jug pa'i ched kho nar snang ba'i phyir ro/
/zhes rtsod/ bzhi pa de la rtsod spong gi rnam bzhag bkod pa/
des rtsod pa ji ltar spong tshul dang gnyis/ dang po ni/ rnam
bshad las/ rje btsun la rang don don gnyer gyi blo med par 'dod
pa

sogs ni theg pa chen po'i gzhung la ngal ba zhib tu ma byas pa
yin te/ rje btsun mngon par rdzogs pa sangs rgyas pa'i dbang du
byed na thun mong dang thun mong ma yin pa'i skabs ma phye ba
yin la/ byang chub sems dpa'i dbang du byed na ni rang don yongs
su rdzogs pa la chos sku dgos par ma mthong na rang don du zhi
ba rkyang

pas chog par 'dzin pa bzlog mi nus la/ de ma bzlog na theg pa
chen po'i sems bskyed kyi mtshan nyid mi rdzogs par 'gyur ro/
/rang don chos sku la don gnyer sa bcu pa'i gnas skabs su mi
dgos pa'i phyir/ sangs rgyas kyi sku la rang don gyi sku dang
gzhan don gyi sku gnyis su phye ba dgos pa med par 'gyur ro/ /

zhes gsungs so/ /gnyis pa rtsod pa ji ltar spong tshul la/ gzhan
lugs dgag pa/ rang lugs bzhag pa/ de la rtsod pa spong ba dang
gsum/ dang po la/ kha cig gi gsung na re/ de ltar rtsod pa mi
rigs te/ rtsod pa de gdul bya thun mong dang thun mong ma yin
pa'i skabs ma phyed pa'i skyon yin pa'i phyir te/ gdul

@06b bya thun mong ba rgyan rtsom pa po'i rje btsun byang chub
sems dpar 'dod pa'i lugs la de byang chub sems dpa' yin/ gdul
bya thun mong ma yin pa'i lugs la sangs rgyas yin pa'i phyir
zer/ gdul bya thun mong ba dang thun mong ma yin pa'i khyad par
de ltar 'thad de/ rgyud bla dar Tik las/ gdul bya thun mong ba
kha

cig kyang rjes su bzung ba'i phyir du de skad gsungs kyi nges
pa'i don nyid na bcom ldan 'das byams pa chos kyi skur mngon par
rdzogs par sangs rgyas zin pa'i phyir/ zhes gsungs pa'i phyir
zhe na/ 'o na mngon rtogs rgyan gyi ched du bya ba'i gdul bya
de/ de 'dra ba'i gdul bya thun mong ba yin nam/ thun mong ma yin
pa yin/

dang po ltar na mngon rtogs rgyan gyi lugs la rgyan rtsom pa
po'i rje btsun byang sems su thal/ rgyan gyi ched du bya ba'i
gdul bya'i lugs la rgyan rtsom pa po'i rje btsun byang sems yin
pa'i phyir/ 'dod mi nus te/ rgyan gyi dgongs pa 'grel ba'i skabs
'dir rgyan rtsom pa po'i rje btsun sangs rgyas su khas blangs pa
dang

dngos su 'gal ba'i phyir/ phyi ma ltar na rgyan rtsom pa po'i
rje btsun sangs rgyas su khas blangs pa la thun mong dang thun
mong ma yin pa'i skabs ma phyed pa'i skyon brjod mdzad pa mi
'thad par thal/ skabs 'dir gdul bya thun mong ma yin pa'i skabs
yin pa gang zhig  de'i lugs la sangs rgyas yin pa'i phyir/ sangs

rgyas su khas blangs pa la skyon brjod ma mdzad zer na/ 'o na
thun mong dang thun mong ma yin pa'i skabs ma phyed pa'i skyon
brjod gang la mdzad smros shig  kha cig  nyan thos zhi 'tshol
ma'i skabs la thun mong ba dang/ rgyan gyi skabs la thun mong ma
yin par byas nas/ mchod brjod kyi skabs su rgyan rtsom pa po'i
rje btsun

byang sems dang/ rgyan gyi lugs la sangs rgyas su byas nas de
nyid kyi skabs ma phyed pa'i skyon brjod mdzad pa yin zhe na/ mi
rigs te/ rgyan gyi lugs la rje btsun sangs rgyas su khas blangs
pas gsung 'di'i 'phul mtshams ma thub pa'i gab khung gsar pa
btsal bar snang yang/ de 'dra'i khyad par tshad ldan gang gis

kyang ma mdzad pas rtog bzo 'ba' zhig yin pa'i phyir/ der ma zad
don mngon par rtogs pa brgyad so sor 'chad pa'i mngon rtogs
rgyan gyi skabs su rgyan rtsom pa po'i rje btsun byang sems yin
par thal/ brgyad po bsdu byed kyi mkhyen gsum la dngos su bstod
phyag mdzad pa'i mchod brjod kyi skabs su rgyan rtsom pa po'i
rje btsun byang

@07a @#/ /sems yin pa'i phyir/ kha cig gis/ 'phags pa byams pa
zhes sogs mchod brjod rang don gyi dgos pa la mtshams sbyor mi
rigs par thal/ rje btsun la rang don don gnyer gyi blo med pa'i
phyir/ de rang don yongs su rdzogs pa'i gang zag yin pa'i phyir
te/ dam chos pad dkar gyi

lugs la sangs rgyas zin pa'i phyir zer na/ thal ba phyi ma la
thun mong dang thun mong ma yin pa'i skabs ma phyed pa'i khyab
med kyi lan 'debs pa yin gsungs na/ de yang mi 'thad par thal/
de 'dra'i thun mong dang thun mong ma yin pa gsung rab spyi la
ma grags pa'i phyir dang/ dam chos pad dkar sor bzhag la 'phags

pa shA ri'i bu byang chub sems dpar gsungs pa'i ca co'i 'gros
byed na ma gtogs de las kyang rje btsun sangs rgyas su dngos su
ma gsungs pa'i phyir/ shA ri'i bu byang sems su gsungs te/ ma
'ongs dus na shA ri'i bu khyod kyang/ /rgyal ba de bzhin gshegs
pa 'byung 'gyur zhing/ /padmo'i 'od ces bya ba kun

tu can/ /srog chags bye ba stong dag rnams 'dul lo/ /zhes dngos
su lung bstan pa dang/ nyi snang las dam pa'i chos padma dkar po
tshad mar byed na/ 'phags pa shA ri'i bu la sogs pa'i byang chub
sems dpa' chen po rnams la nyan thos rnam par gzhag pa gsungs pa
de bzhin du 'dir yang dgongs pa can gyi

mya ngan las 'das pa yin par shes par bya'o/ /zhes gsungs pa'i
phyir/ yang kha cig gi gsung na re/ pha rol pos de ltar rtsod mi
rigs par thal/ rje btsun la rang don don gnyer gyi dgos pa med
pa'i phyir te/ de la rang don don gnyer gyi blo med pa'i phyir
te/ sangs rgyas zin pa'i phyir/ zhe na/ thal ba gnyis

pa la thun mong dang thun mong ma yin pa'i skabs ma phyed pa'i
khyab med kyi lan 'debs pa yin te/ rje btsun la thun mong ba
rang don gyi dgos pa yod kyang thun mong ma yin pa rang don don
gnyer gyi blo med pa'i phyir/ de gnyis la thun mong dang thun
mong ma yin pa'i khyad par yod de/ rang don gyi dgos pa slob mi

slob gnyis ka la thun mong du yod/ rang don don gnyer gyi blo mi
slob pa sangs rgyas 'phags pa la med pa'i phyir/ rang don yongs
su rdzogs zin pa'i phyir/ zer na/ de yang mi 'thad de/ de 'dra'i
thun mong dang thun mong ma yin pa'i khyad par spyi la ma grags
shing/ byang sems sa bcu pa'i sems bskyed de

@07b rang gi grogs rang don chos sku don gnyer gyi 'dun pa dang
mtshungs ldan ma yin na theg chen sems bskyed kyi mtshan nyid mi
rdzogs par gsungs pa gang zhig  sangs rgyas kyi sa na theg chen
sems bskyed mtshan nyid tshang ba yod pa'i phyir/ de ltar ma yin
na/ sems bskyed pa ni gzhan don phyir/ /yang dag rdzogs

pa'i byang chub 'dod/ /ces pas sems bskyed spyi'i mtshan nyid ma
bstan par 'gyur ba dang/ des slob pa'i sems bskyed kyi mtshan
nyid bstan na/ de yang sa gser zla ba me/ /zhes sogs gsungs nas/
sems bskyed tha ma gsum sangs rgyas kyi sa la sbyar ba sogs dang
'gal lo/ /de tsam las ma spros so/ /

kha cig gis/ thun mong ba mngon pa'i bstan bcos la mdzad nas
'phul byed pa'i lugs byed pa mi rigs pa rtogs sla'o/ /gnyis pa
rang lugs la/ sngar ltar rtsod pa mi rigs par thal/ de ni theg
pa chen po'i gzhung la thos bsam gyi ngal ba zhib tu ma byas
pa'i skyon yin pa'i phyir/ ji ltar yin na/ de ltar

rtsod pa de rje btsun sangs rgyas yin pa'i dbang du byas nas
rtsod dam/ byang sems yin pa'i dbang du byas nas rtsod/ dang po
ltar na mi rigs te/ de ltar 'dod pa de thun mong ba phar phyin
theg pa'i skabs dang/ thun mong ma yin pa sngags kyi theg pa'i
skabs ma phyed pa yin pa'i phyir te/ thun mong ma yin pa sngags

kyi lugs la rje btsun sangs rgyas yin kyang/ 'dir thun mong ba
pha rol tu phyin pa'i skabs yin pa'i phyir/ sngags kyi lugs la
rje btsun sangs rgyas yin te/ de'i lugs la 'jam dbyangs sangs
rgyas gang zhig  rgyu mtshan rnam pa kun tu mtshungs pa'i phyir/
pha rol tu phyin pa'i theg pa la thun mong ba dang/ sngags

kyi theg pa la thun mong ma yin pa'i rnam gzhag 'thad de/ byang
chub lam rim du/ thun mong ba phar phyin theg pa la slob tshul
dang/ thun mong min pa sngags kyi theg pa la slob tshul gnyis/
zhes gsungs pa'i phyir dang/ bsdus don las kyang/ de ltar rgyu
dang 'bras bu'i theg chen gyi/ /lam mchog gnyis kar

dgos pa'i thun mong lam/ /zhes sogs du ma gsungs pa'i phyir/
gdul bya thun mong ba dang thun mong ma yin pa'i lugs gsung pa
dang 'dir don gcig par mngon no/ /kha cig  phar phyin theg pa'i
skabs su sngags kyi theg pa khas mi len zhe na/ mi 'thad par
thal/ 'grel chung las/ phyogs gzhan dang yang

@08a @#/ /mi 'gal bar 'gyur ro/ /zhes sangs rgyas kyi sku bzhi'i
grangs nges byed pa sngags kyi lugs dang yang mi 'gal bar gsungs
pa'i phyir/ gzhan yang sngags kyi theg pa yod par thal/ sngags
kyi rgyud yod pa'i phyir te/ nam mkha' lding gi rgyud kyi las
tshogs las nam mkhar 'gro

ba sogs 'byung ba rgyud gsung ba po'i mthu las byung bar gsungs
pa'i phyir/ rnam 'grel las/ gang yang rgyud rigs 'ga' zhig gi/
la la gsang sngags byed 'gyur ba/ /de dag gis te gtso bo'i mthu/
/des bshad rigs pa 'jug phyir ro/ /zhes gsungs pa'i phyir/ de
tsam ma gtogs de dag gis gang

bshad thams cad rang ni khas blangs mi nus so/ /byang chub sems
dpa'i dbang du byas nas de ltar rtsod mi rigs pa ni rgyan las
bshad pa'i sems bskyed kyi mtshan nyid mtshan nyid yongs su rdzogs
pa ma yin par thal/ des sa bcu pa'i sems bskyed la ma khyab pa'i
phyir/ der thal/ sa bcu pa ba de rang don

yongs su rdzogs pa la sdug kun nye bar zhi ba tsam gyis chog pa
mi bzlog pa'i gang zag yin pa'i phyir/ der thal/ rang don yongs
rdzogs don gnyer gyi gang zag gang zhig  /des rang don yongs su
rdzogs pa la chos sku dgos par ma mthong ba'i phyir te/ de'i
rgyud la rang don chos sku don gnyer gyi blo med pa'i

phyir/ de'i rgyud la rang don don gnyer gyi blo med pa'i phyir/
rtags khas/ de rang don yongs rdzogs don gnyer gyi gang zag yin
par thal/ sa bcu pa ba yin pa'i phyir te/ de byang sems yin pa'i
phyir/ gsung 'di rnams la brten nas theg chen sems bskyed la
rang gi grogs rang don chos sku don gnyer gyi

'dun pa dang mtshungs ldan yin pas khyab pa dang/ rang don chos
sku don gnyer gyi blo yin na rang don don gnyer gyi blo yin pas
khyab pa gnad du bzungs shig  /des na rgyan rtsom pa po'i rje
btsun skye ba gcig thogs kyi byang sems su grub ste/ yum las/
skye ba gcig gis thogs pa'i byang chub sems dpa'

byams pa mngon du gyur pa de la dris shig dang/ zhes gsungs pa
dang/ rgyud bla ma las kyang thub pa'i gsung la brten nas byams
pa rang nyid kyi shes sgrib dag phyir du rgyud bla ma brtsams
par gsungs pa'i phyir/ rgyud bla las/ ji ltar nyi zla nor bu
sgron glog las/ /brten nas mig dang ldan pa'i mis blta ba/ /

@08b de bzhin chos spobs don can 'od mdzad pa/ /thub la brten
nas 'di ni bdag gis bshad/ /ces dang/ de ltar yid ches lung dang
rigs pa la/ /brten nas bdag nyid 'ba' zhig dag phyir dang/
/gzhan dag mos gus phun sum tshogs ldan blo/ /de dag rjes su
bzung phyir ngas 'di brtsams/ /zhes gsungs pa'i phyir dang/

byams chos lnga bka'i dgongs 'grel gyi bstan bcos yin pa sogs
kyi yang 'grub pa'i phyir/ gsum pa rtsod pa spong ba la kha cig
gis/ rgyan rtsom pa po'i rje btsun sangs rgyas yin te/ yum
mkhyen gsum la dang ba'i dad pa de la brten nas don gnyer gyi
'dun pa de las zhugs nas legs tshogs rnam mkhyen 'thob pa'i

lam rim rje btsun gyi rgyud la 'khrungs par rnam bshad las
gsungs pa'i phyir te/ thub pa'i gsung gi gsang ba thams cad la
lkog tu ma gyur pa'i spyan mnga' ba'i rgyal ba byams pa mnyes
par byas na ci 'dod pa'i don 'grub par 'gyur ro snyam nas sgrub
pa la zhugs pas zhes dang/ rgyud bla'i rnam bshad las kyang
sngar drangs

pa'i lung gnyis kyi skabs su gdul bya thun mong ba kha cig kyang
rjes su bzung ba'i ched du de ltar gsungs kyi zhes sogs gsungs
pa'i phyir/ zer na/ skyon med de/ sgrub byed dang po'i skabs kyi
lam rim rgyud la bskyed pa'i byang sems sa bcu pa ba yang yod
pa'i phyir/ der thal/ rgyan gyi ched du bya ba'i gdul bya byang
sems

tshogs lam pa dang rgyud gcig tu gyur pa'i sa bcu pa ba de ltar
yin pa'i phyir te/ yum mkhyen gsum la dang ba'i dad pa la brten
nas don gnyer gyi 'dun pa de las theg chen du zhugs pa'i gang
zag gang zhig  legs mchog rnam mkhyen 'thob 'gyur gyi gang zag
yin pa'i phyir/ nges 'byung sgrub pa rgyud ldan yin pa'i phyir/

sgrub byed tha ma gnyis kyis mi gnod de/ phar phyin theg pa dang
ma sbyar bar don gyi gnas tshod tsam brjod pa yin pa'i phyir/ de
ltar ma yin na brtsams pa'i bstan bcos rgyud bla ma de gdul bya
thun mong ba'i dbang du byas nas brtsams par thal/ rtsom pa dam
bca' dang ji ltar brtsams tshul rnams gtso bor gdul bya thun mong

ba'i dbang du mdzad pa yin pa'i phyir/ rtags khas/ 'dod na/
rgyud bla ma'i lugs la de rtsom pa po'i rje btsun byang sems yin
par thal/ 'dod pa'i phyir/ 'grel chung las 'phags pa ma rgyal ba
las rgyal ba zhes pas kyang mi gnod de/ nyan rang rnams kyi
phyogs gcig tsam yang spang mi nus pa'i bden 'dzin lhan skyes
chung

@09a @#/ /ngu'i 'bring man chad sa bcu pa bas spangs pas de la
dgongs pa'i phyir/ brgal lan zhib par gzhan las shes par bya'o/
/'o na rgyan rtsom pa po'i rje btsun byang sems yin na chos sku
brnyes nas skye ba mngon par skye ba'i mdzad pa sogs bstan dgos
pas sangs rgyas tshul ji ltar yin zhe na/

srid pa tha ma pa'i byang sems rnams 'og min gyi rten la sangs
rgya ba zhib tu dpyad na dka' bar snang yang/ rdo rje rgyal
mtshan gyi le'u dang klu sgrub kyi sku gsum la bstod pa'i 'grel
par slob dpon kun snying gi bya rgyud pa'i sangs rgyas tshul sogs
la dpags na dga' ldan gyi rten can gyi rje btsun gyis rang dang
rnam pa 'dra ba'i

sprul pa gcig der bzhag nas/ 'og min du chos sku mngon du byas
slar yang sprul pa de la zhugs nas lhums su zhugs pa sogs kyi
mdzad pa ston pa yin te/ rdo rje rgyal mtshan gyi le'u las/ byang
chub sems dpa' dga' ldan gyi gnas su 'dug bzhin du mngon par
rdzogs par sangs rgya ba'i phyir ro/ /zhes gsungs

pa'i phyir/ ! nyan thos zhi ba 'tshol rnams zhes sogs kyi skabs
su mtha' dpyad pa la/ dgos don bshad pa/ go rim nges pa/ grangs
nges pa/ ngo bo nges pa/ yum sras kyi don la dpyad pa'o/ /dang
po la kha cig  rgyan rtsom pa'i thog mar mkhyen gsum la bstod
phyag mdzad pa la dgos pa rnam pa brgyad du

byed pa dang/ kha cig gzhung mdzes pa bskyed pa tsam gyi phyir
du mdzad par bzhed kyang rang lugs la rang don dang gzhan don
gnyis kyi ched du mdzad pa yin te/ rje btsun rang nyid skyes bu
dam pa'i spyod pa dang mthun pa dang/ bstan bcos rtsom pa'i bar
chad zhi ba'i ched dang/ gzhan don gyi dgos pa yum la dang ba
bskyed

pa sogs 'og nas 'chad pa ltar gyi ched du yin pa'i phyir/ gnyis
pa go rim nges pa la/ gzhan lugs dgag pa/ rang lugs bzhag pa
gnyis/ dang po la/ mchod brjod kyi skabs 'dir/ bstan bcos lus
kyi go rim dang mi mthun par dang por gzhi shes la bstod pa sogs
kyi rgyu mtshan ji lta bu zhe na/ kha cig

de ltar 'chad pa'i rgyu mtshan yod de/ mchod brjod kyi gzhung
'dis mdo'i gleng gzhi'i go rim dang mthun par sbyar ba yin pa'i
phyir/ sbyar tshul yod de/ mdo'i gleng gzhi las/ dge slong dang/
dge slong ma dang/ dge bsnyen dang/ dge bsnyen ma dang thabs cig
ste/ 'di lta ste tshe dang ldan pa 'od srung dang/ zhes

@09b pas gzhi shes kyi rten gyi gang zag bstan/ thams cad kyang
zag pa zad pa/ zhes pas bral ba'i 'bras bu dngos su bstan nas/
thabs gzhi shes shugs la bstan pa de nyid/ 'dir kun shes nyid
kyis/ zhes pas dngos su bstan/ byang chub sems dpa' chen po dang
yang thabs cig ste/ 'di lta ste skye ba gcig gi

thogs pa'i byang chub sems dpa' chen po bzang skyong dang/ byams
pa la sogs pa/ zhes pas lam shes kyi rten gyi gang zag dang/
thams cad kyang gzungs rab tu thob pa/ zhes pas 'jig rten gyi
don sgrub pa dngos su bstan nas/ thabs lam shes shugs la bstan
pa de nyid/ 'dir lam shes nyid kyi/ zhes pas

dngos su bstan/ bcom ldan 'das nyid kyi gdan seng ge'i khri
bshams te/ sku drang por srang dgongs pa sngon du btang ste/
zhes pas rnam mkhyen gyi rten gyi gang zag dang/ ljags kyi dbang
po las 'od zer byung ste/ de'i rtse mo las padma'i steng du
sprul pa'i shAkya thub pa bstan pa dang/ zhes pa nas/ thams cad
kyang pha rol tu

phyin pa drug po 'di nyid las brtsams te/ chos bstan pa'i tshul
'di nyid brjod pa dang zhes pas chos kyi 'khor lo bskor ba'i
tshul dngos su bstan nas/ thabs rnam mkhyen shugs la bstan pa de
nyid/ 'dir gang dang yang dag ldan pa/ zhes pas dngos su bstan
pa'i phyir ro/ /zhes gsungs na/ de mi 'thad de/ mdo'i

gleng gzhi dang mchod brjod sbyar ba'i 'grel pa 'phags seng gang
gis kyang ma mdzad cing/ khyad par slob dpon gyis gleng gzhi'i
bshad pa 'grel chen gyi dgos 'brel gyi skabs su zur du mdzad
pa'i phyir dang/ 'grel bshad tshigs gsal las kyang rgyan dang
gleng gzhi ma sbyar bar gsungs pa'i phyir/ yang kha cig gis/

mchod brjod kyi dang por gzhi shes la bstod pa sogs kyi go rim
'di rgyan gyi ched du bya ba'i gdul bya nyan thos kyi rigs can
lam la 'jug pa'i rim pa dang mthun par bstan pa yin zer na/ de
ni ches mi rigs te/ rgyan gyi ched du bya ba'i gdul bya rigs can
gsum med pa'i phyir te/ 'di theg chen thun mong ma yin

pa'i bstan bcos yin pa'i phyir/ yang kha cig gis/ go rim 'di
rgyan gyi gdul bya tsam theg pa gsum gyi lam la rim gyis 'jug
pa'i rim pa dang mthun par bstod pa yin gsungs na/ de yang mi
'thad de/ spyir theg pa gsum gyi lam la rim gyis 'jug pa'i rgyan
gyi gdul bya tsam yod du chug kyang/ rgyan rtsom pa'i

@10a @#/ /thog ma mchod brjod kyi skabs nyid nas de lta bu'i lam
gyi rim pa dngos su bstan pa la dgos pa khyad par can med pa'i
phyir/ gnyis pa rang lugs la bstan bcos lus kyi go rim dang mi
mthun par dang por gzhi shes sogs la bstod pa'i rgyu mtshan yod
de/ rgyan gyi ched du bya

ba'i gdul byas dang por skabs gsum pa'i skabs nas bstan pa'i mi
rtag sogs rtogs pa'i gzhi shes kyi rnam pa bsgoms nas rgyud
sbyangs te/ snying rje chen po dang byang chub kyi sems rgyud la
bskyed/ de rjes lam shes rgyud la bskyed pa sogs kyi go rim dang
mthun par bstod pa'i phyir/ grangs nges la 'dir

dngos bstan gyi yum la mkhyen pa gsum du grangs nges pa yin te/
rje btsun rigs can gsum gyi don sgrub pa'i yum zhig la bstod par
bzhed pa gang zhig  rigs can gsum gyi don sgrub pa la mkhyen pa
gsum las mang mi dgos/ nyung na mi 'du ba yin pa'i phyir/ gsum
pa la/ kha cig  'grel

bshad kyi 'chad tshul gyi gsung dang/ bcom ldan 'das ma la rab tu
dang ba ni/ zhes sogs kyi gsung 'ga' zhig la brten nas yum la
'bras yum gyis khyab zer na/ 'o na sras 'phags pa la sangs rgyas
'phags pas khyab par thal/ dam bca' 'thad pa'i phyir/ gzhan yang
'dir dngos su bstan pa'i

gzhi shes dang lam shes gang rung la 'bras yum gyis khyab par
thal/ dam bca' 'thad pa'i phyir/ 'dod mi nus te/ nyan thos kyi
rigs can gyis 'dir dngos su bstan pa'i gzhi shes rang rgyud la
bskyed nas nyer zhi 'thob par byed pa dang/ byang sems rnams
kyis 'dir dngos su bstan pa'i lam shes rang rgyud

la bskyed nas rigs can gsum gyi don sgrub par gsungs pa'i phyir/
kha cig  /gzhung lam 'bras bu'i sher phyin gsum ga 'dir dngos
bstan gyi yum yin gsung pa dang/ kha cig de'i steng du rang
bzhin gyi yum yang 'dir dngos bstan gyi yum yin zer na/ mi 'thad
de/ gzhung sher phyin la yum gyi ming

btags pa tsam gyi yum du 'gyur na/ de la 'phags pa'i ming btags
pas 'phags par 'gyur ba'i skyon yod pa'i phyir/ rang bzhin gyi
yum la yum du 'dod pa dang/ dngos brgyad yum du 'dod pa'ang mi
'thad de/ rang sras 'phags pa mi bskyed cing/ rang sras 'phags
pa'i bzhed don mi sgrub pa'i yum

@10b mi srid pa'i phyir ro/ /kha cig nyan thos kyi lam tsam la
gzhi shes dang theg chen gyi tshogs lam yan chad kyi sems dpa'i
ye shes rnams lam shes su byas nas/ 'dir dngos bstan gyi yum du
byed pa yang mi rigs te/ gzhi shes dang lam shes la 'phags pa'i
mngon rtogs kyis khyab pa'i phyir/ des na rang

lugs la rang sras 'phags pa'i bzhed don bsgrub nus kyi mkhyen
pa/ yum gyi mtshan nyid/ yum mngon rtogs mkhyen pa ye shes rnams
don gcig cing/ dngos bstan gyi dbang du byas na mkhyen pa gsum
yod/ de gsum gyi khyad par yod de/ byang sems rnams kyis kyang
rang rgyud la bskyed nas bsgom par bya zhing/

nyan rang rnams kyis bsgom bya'i gtso bor byas nas bsgom pa'i
gzhi shes spyi tsam de nyid tshig rkang dang po'i skabs nas dngos
su bstan pa'i gzhi shes dang/ lam shes spyi tsam de nyid tshig
rkang gnyis pa'i skabs nas dngos su bstan pa'i lam shes sogs yin
pa'i phyir/ kha cig  tshig rkang dang po'i skabs nas dngos

su bstan pa'i gzhi shes la theg dman gyi mngon rtogs sogs kyis
khyab pa dang/ tshig rkang gnyis pa'i skabs nas dngos su bstan
pa'i lam shes la byang sems kyi mngon rtogs kyis khyab par 'dod
pa sogs kyang mi rigs te/ skabs gsum pa'i dngos bstan bstan
bya'i gtso bor gyur pa'i gzhi shes la theg dman

gyi mngon rtogs kyis ma khyab/ skabs gnyis pa'i dngos bstan
bstan bya'i gtso bor gyur pa'i lam shes la rgyu lam shes kyis ma
khyab pa'i phyir/ dngos bstan gyi yum la 'phags rgyud kyi mkhyen
pas khyab kyang/ 'phags rgyud kyi mkhyen pa la dngos bstan gyi
yum gyis ma khyab ste/ rang rgyal 'phags pa'i mngon rtogs

rnams 'dir shugs la bstan pa'i phyir/ bzhi pa yum sras kyi don
la kha cig gi gsung na re/ 'jig rten na ma la bskyed par byed
pa'i ma dang/ gso ba'i ma dang/ 'dod pa bsgrub pa'i ma gsum yod
pa de bzhin du/ yum la yang rang sras 'phags pa bskyed pa'i yum
dang/ 'phags pa'i yon tan gong du 'phel bar byed

pa'i gso ba'i yum dang/ bzhed don bsgrub pa'i yum gsum yod ces
gsungs/ kha cig mkhyen pa gsum po de 'phags bzhi'i rnam 'jog gi
yum yin pas/ 'phags bzhi'i yum du rim pa bzhin du 'jog zer na/
mi 'thad de/ yum sras mtshan nyid pa la bskyed bya skyed byed
nges par dgos pa'i phyir/ bskrun
@011a @#/ /par mdzad pa ? gang yin pa/ zhes gsungs pa'i phyir
dang/ rang sras mi bskyed pa'i yum dang/ rang gi yum las ma
skyes pa'i sras mi srid pa'i phyir/ des na 'dir bshad pa'i yum
sras la ni bskyed bya skyed byed kyis khyab ste/ mkhyen pa snga
ma snga mas rang sras 'phags pa phyi ma phyi ma

bskyed pa 'dir yum sras kyi don du gsungs pa'i phyir/ ! gnyis pa
dgos don bshad pa la/ chos kyi rjes su 'brang ba rnams kyis gcig
dang du ma'i ngo bo nyid dang bral ba'i phyir/ zhes sogs kyi
skabs su/ gdul bya gnyis kyis yum la dang ba skye tshul dgos pa
dang bcas pa 'chad pa dang/ gzhi lam rnam gsum

bden pa'i skye med kyi don bshad pa gnyis/ dang po la kha cig
/re zhig dad pa'i rjes su 'brang ba rnams kyis 'di la the tshom
med par myur du rab tu dang ba skye'o zhes pa'i skabs nas dngos
bstan gyi rgyan gyi gdul bya dbang rtul dad pa'i rjes 'brang de/
rgyan gyi ched du bya ba'i gdul bya yin zer na/ de mi 'thad par
thal/ rgyan

gyi ched du bya ba'i gdul bya yin na theg chen gyi rigs can
dbang po shin tu rnon po yin pas khyab/ theg chen gyi rigs can
dbang po shin tu rnon po lam ma zhugs rnams kyis mkhyen gsum gyi
yon tan brjod pa'i tshig tsam rgyu mtshan du byas pa ma yin par
gzhi lam rnam gsum gang zag dang/ chos kyi bdag med pa rigs

pa yang dag gis gtan la phab nas/ tshad mas nges pa la brten nas
yum mkhyen gsum la dang ba dang yid ches kyi dad pa bskyed pa'i
phyir/ gzhan yang/ de rgyan gyi ched du bya ba'i gdul bya ma yin
par thal/ rnam bshad las kyang dang po la rgyan gyi gdul bya
tsam dang/ phyi ma la ched du bya ba'i gdul bya zhes khyad par

phye ba'i phyir/ des na gdul bya de gnyis yum mkhyen gsum la
dang ba skye tshul yod de/ dang po des mchod brjod kyi gzhung
tsam rgyu mtshan du byas nas yon tan de lta bu yod nges snyam du
myur du rab tu dang ba skye/ gnyis pas yon tan de lta bu dang
ldan pa'i yum yod med legs par brtags nas yod pa la gnod pa

ma mthong ba rgyu mtshan du byas nas dang ba skye ba'i phyir/ de
yang dang por gzhi lam rnam gsum gang zag dang chos kyi bdag med
pa rigs pa yang dag gis gtan la phab nas tshad mas nges pa la
brten nas/ de lta bu'i yum yod par nges pa skyed par byed pa yin
te/ bdag med gnyis gtan la ma phabs par de rtogs

@011b pa'i yum la nges pa mi skye ba'i phyir/ des na gdul bya
gnyis kyi yum la dang ba bskyed ba la dgos pa yod de/ de la
brten nas don gnyer gyi 'dun pa skye/ de la brten nas thos bsam
sgom gsum gyi zhugs nas mthar legs mchog rnam mkhyen 'thob pa'i
dgos pa yod pa'i phyir/ gzhi lam rnam gsum bden pa'i skye med
kyi

don bshad pa la/ don dam la dpyod pa'i rtags kyi dgag bya ngos
bzung ba dang/ de 'gog byed kyi gtan tshigs bshad pa/ gtan la
phab nas lta ba skye ba'i rim pa bshad pa dang gsum/ dang po la/
dgag bya ngos 'dzin dgos pa'i rgyu mtshan bshad pa/ ngos 'dzin
bshad pa gnyis/ dang po la/ stong nyid rtogs

pa'i lta ba rnam dag rgyud la skyed pa la de'i snga rol du don
dam la dpyod pa'i rtags kyi dgag bya mthar thug ngos zin pa
sngon du 'gro dgos te/ spyod 'jug las/ rtag pa'i dngos la ma reg
par/ /de yi dngos med 'dzin ma yin/ /zhes gsungs pa'i phyir
dang/ dgag bya bum pa'i don sbyi blo yul du shar ba sngon du ma
song

bar sa phyogs bum med du tshad mas nges mi nus pa de bzhin du/
dgag bya bden grub kyi don spyi blo yul du shar ba sngon du ma
song bar dgag bya de bkag pa'i med dgag stong nyid blo yul du mi
'char ba'i phyir/ dgag bya ngos 'dzin dngos bshad pa la/ gzugs
sogs kyi chos rnams kun rdzob tu yod tshul las bzlog

pa gcig byung na/ de nyid don dam la dpyod pa'i rtags kyi dgag
bya mthar thug tu 'gyur bas/ thog mar gzugs sogs kyi chos rnams
kun rdzob tu yod tshul bshad pa la/ bshad bya'i lung bkod pa/
lung gi don bshad pa/ de dag la dogs pa spong ba dang gsum las/
dang po la/ dbu ma snang ba las/ dngos

po yang dag par ngo bo nyid med pa dag la yang/ de las bzlog
pa'i rnam par sgro 'dogs pa'i 'khrul pa'i blo gang yin pa de ni
kun rdzob ces bya ste/ 'di 'am 'dis de kho na nyid sgribs pa lta
bur byed/ 'gebs pa lta bur byed pa'i phyir ro/ /de skad du mdo
las/ dngos rnams skye ba kun rdzob tu/ /dam pa'i don du rang
bzhin med/ /rang

bzhin med la 'khrul pa gang/ /de ni yang dag kun rdzob 'dod/
/ces gsungs la/ de las byung ba'i phyir des nye bar bstan pa
mthong ba'i dngos po brdzun pa thams cad ni kun rdzob kho na yin
zhes bya'o/ /de yang thog ma med pa'i 'khrul pa'i bag chags
yongs su smin pa'i dbang gis byung la/ des kyang srog chags la
yang

@012a @#/ /dag par dngos po'i bdag nyid lta bur nye bar bstan pa
mthong bar 'gyur ro/ /de'i phyir de dag gi bsam pa'i dbang gis
dngos po brdzun pa'i ngo bo thams cad ni kun rdzob tu yod pa kho
na zhes bya'o/ /zhes gsungs/ gnyis pa lung gi don bshad pa la/
lung don cung zad bshad pa

dang; lugs 'di'i bden gnyis 'jog tshul dpe dang bcas pa gnyis/
dang po la/ gzugs sogs kyi dngos po 'di rnams la kun rdzob tu
yod pa zhes 'chad pa'i rgyu mtshan yod de/ 'phral gyi 'khrul
rgyus ma bslad pa'i blo kun rdzob pa'i dbang gis bzhag pa'i rgyu
mtshan gyis de ltar bshad pa'i phyir/ gzugs

sogs kyi dngos po 'jog byed kyi bden snang dang bcas shing/
'phral gyi 'khrul rgyus ma bslad pa'i blo de ni kun rdzob pa kho
na yin gyi/ kun rdzob bden 'dzin dngos ma yin te/ 'dzin stangs
don mthun yin pa'i phyir/ kun rdzob pa yin te/ kun rdzob bden
'dzin des bslad pa dang bcas pa'i phyir/ des na

sems can gyi blo don mthun gyis gang bzhag thams cad kun rdzob
tu yod pa zhes bya ba yin te/ kun rdzob bden 'dzin de nyid thog
ma med pa'i bag chags 'khrul pa'i dbang gis byung zhing/ des
kyang srog chags thams cad la gzugs sogs kyi chos rnams yang dag
par dngos po'i bdag nyid du grub pa lta bur

nye bar bstan pa mthong bar 'gyur ba de'i phyir gzugs sogs kyi
dngos po rnams yang dag par ma grub pa la de las bzlog ste/ yang
dag par grub par 'dzin pa'i blo gang yin pa de ni kun rdzob ces
bya ba yin te/ rang nyid dngos po'i gnas lugs mthong ba la
rmongs pa dang/ gzhan gyi dngos po'i de kho na nyid mthong

ba la sgribs pa lta bur byed/ 'gebs pa lta bur byed pa'i phyir/
de skad du mdo las kyang dngos rnams skye ba kun rdzob tu zhes
sogs kyi yang dag pa'i don mthong ba la sgrib byed yin pa'i rgyu
mtshan gyis kun rdzob ces bya bar gsungs pa'i phyir/ kho na gong
'og gnyis kyi gang gcod pa'i don yang yod de/ dang po

des gzugs sogs kyi chos rnams 'jog byed kyi blo de bden 'dzin
gyis bslad pa dang bcas pa'i kun rdzob yin kyang/ kun rdzob bden
'dzin dngos yin pa de gcod/ phyi mas gzugs sogs kyi chos rnams
don dam du grub pa de gcod pa'i phyir/ des na blo gnod med la
snang ba'i dbang gis bzhag pa ma yin

@012b par yul rang gi thun mong ma yin pa'i bsdod lugs kyi ngos
nas grub pa de/ don dam la dpyod pa'i rtags kyi dgag chos mthar
thug yin te/ gzugs sogs kyi chos rnams 'phral gyi 'khrul rgyu'i
gnod med kyi blo'i dbang gis bzhag pa de gzugs sogs kyi chos
rnams kyi kun rdzob pa'i yod tshul mthar thug yin

pa'i phyir/ gzugs sogs kyi chos rnams 'jog byed kyi blo de
'phral gyi 'khrul rgyus ma bslad pa dgos shing phugs kyi 'khrul
rgyus ma bslad pa ni mi dgos te/ gzugs sogs kyi chos rnams rang
gi mtshan nyid kyis grub par snang ba de ni 'phral phugs gang
gi'ang 'khrul rgyus ma bslad pa'i snang ba ma yin pa'i phyir
dang/

de la bden 'dzin lhan skyes kyi bslad pa yod pa'i phyir/ lugs
'di'i bden gnyis 'jog tshul dpe dang bcas pa 'chad pa la/ gzugs
sogs kyi chos 'di rnams snang phyogs nas blo gnod med la snang
ba'i dbang gis phar bzhag pa tsam dang/ stong phyogs nas blo
gnod med la snang ba'i dbang gis bzhag pa ma

yin par yul rang gi thun mong ma yin pa'i bsdod lugs kyi ngos
nas grub pas stong pa gcig dgos te/ myu gu lta bu'i dngos po
yang blo gnod med la snang ba'i dbang gis bzhag pa dang/ myu gu
rang gi bsdod lugs kyi ngos nas grub pa'i gnyis tshogs dgos pa'i
phyir/ dang po dgos te/ de mi dgos na/ myu gu la myu

gu zhes pa'i ming ma thogs pa'i gang zag gi ngor yang/ myu gu
myu gur grub dgos pa'i phyir/ phyi ma dgos te/ de mi dgos na/ ri
bong gi {rwa} zhes pa'i ming gis bzhag pa tsam dang/ ri bong gi
{rwa} zhes rtog pas bzung ba tsam dang mtshungs par 'gyur ba'i
phyir/ gzugs sogs kyi chos rnams blo gnod med la snang ba'i

dbang gis bzhag tsam du gsungs pa'i tsam sgras kyang/ de'i dbang
gis bzhag pa ma yin par yul rang gi thun mong ma yin pa'i bsdod
lugs kyi dbang gis grub pa gcod kyang/ ming brdas bzhag tsam ma
yin par grub pa mi gcod de/ rnam bshad dgongs pa rab gsal las/
gzugs sogs kyi chos rnams ming

brdas bzhag tsam ma yin pa'i bsdod lugs gcig yod par 'di pas
'dod pas/ zhes gsungs pa'i phyir/ gzugs sogs kyi chos rnams blo
gnod med la snang ba'i dbang gis phar bzhag pa dang/ yul gyi
bsdod lugs kyi ngos nas grub pa'i dpe yang yod de/ sgyu ma mkhan
gyis rde shing rta glang du sprul pa de'i

@013a @#/ /tshe; rde shing gi steng gi rta glang gi snang ba de
sngags rdzas kyis mig bslad pa'i blo'i dbang gis phar bzhag pa
dang/ rde shing gi ngos nas snang ba yin pa'i gnyis tshogs dgos
pa lta bu yin pa'i phyir/ sngags rdzas kyis mig bslad pa'i blo'i
dbang gis bzhag pa ni dgos te/ de mi dgos na/

sngags rdzas kyis mig ma bslad pa'i ltad mo bas kyang snang ba
de mthong dgos pa la ma mthong ba'i phyir/ de'i tshe rde shing gi
ngos nas rta glang du snang ba yang dgos te/ mi dgos na rde
shing med pa'i gzhir yang rde shing gi steng gi rta glang gi
snang ba 'char dgos pa la de mi 'char ba'i phyir/ de bzhin du
gzugs sogs kyi chos

rnams blo gnod med kyi dbang gis bzhag pa yin te/ blo gnod med
dang ming don mthun gyi ming gi dbang gis btags pa yin pa'i
phyir/ blo gnod med la snang ba'i dbang gis bzhag pa ma yin par
yul rang gi thun mong ma yin pa'i bsdod lugs kyi ngos nas ma
grub ste/ de grub na/ gnas lugs mthar thug tu grub

dgos/ der grub na/ blo ma 'khrul ba gnas lugs mngon sum du rtogs
pa'i slob pa 'phags pa'i mnyam gzhag ye shes kyis mngon sum du
rtogs dgos pa la mngon sum du ma rtogs pa'i phyir/ sgyu ma mkhan
gyis rde shing rta glang du sprul pa'i tshe/ sngags rdzas kyis
mig bslad pa'i ltad mo ba rnams la rde shing rta glang

du snang ba dang zhen pa gnyis yod/ sgyu ma mkhan rang nyid la
rta glang du snang ba tsam yod kyang/ zhen pa med sngags rdzas
kyis mig ma bslad pa'i phyis kyi ltad mo ba la rde shing rta
glang du snang zhen gnyis ka med pa de bzhin du gzugs sogs kyi
chos rnams kyi steng du snang zhen mi 'dra ba gsum 'byung ste/
stong nyid rtogs ma

myong ba'i so so skye bo rnams la/ gzugs sogs kyi chos rnams
bden grub tu snang ba dang zhen pa gnyis ka yod/ dag sa la gnas
pa'i byang sems rnams kyi rjes thob kyi ngor chos rnams bden
grub tu snang ba yod kyang zhen pa med de/ gnas lugs mngon sum
du rtogs pa'i slob pa 'phags pa rnams la/ gzugs

sogs kyi chos rnams la bden grub kyi snang zhen gnyis ka med
pa'i phyir/ bden par grub pa/ yang dag par grub pa/ de kho na
nyid du grub pa/ don dam par grub pa/ de ltar grub par 'dzin
pa'i rtog pa dang bcas pa rnams don dam la dpyod pa'i rtags kyi
dgag byar 'dod par dbu ma thal rang gnyis ka mtshungs kyang/

@013b rang rgyud pa rnams rang ngos nas grub pa/ rang bzhin gyis
grub pa/ rdzas su grub pa/ rang gi mtshan nyid kyis grub pa/
gzugs sogs kyi chos rnams de dag tu grub par 'dzin pa'i rtog pa
dang bcas pa rnams don dam pa dpyod pa'i rtags kyi dgag byar mi
'dod de/ gzhi grub na rdzas su grub pa ma gtogs pa'i gzhan gsum
du

grub pas khyab/ kun btags la dogs pa cung zad yod/ dngos po yin
na rdzas su grub par 'dod pas khyab pa'i phyir/ thal rang gnyis
ka'i lugs la gnas lugs su grub pa/ don dam bden par grub pa/
chos nyid du grub pa rnams don dam la dpyod pa'i rtags kyi dgag
bya mthar thug tu mi bzhed de/ don dam

bden pa yin na de gsum du grub pas khyab pa'i phyir te/ rnam
bshad dgongs pa rab gsal las/ rigs pa drug cu pa'i 'grel par
myang 'das kun rdzob bden par gsungs pa'i don/ myang 'das don
dam pa'i bden par yod pa blo kun rdzob pa la bltos nas 'jog dgos
pa'i don du gsungs pa dang/ drang nges

rnam 'byed las kyang chos nyid chos nyid du grub par gsungs pa
dang/ bskal bzang mig 'byed las kyang gnas lugs su grub pa tsam
gyis don dam par grub mi dgos par gsungs pa'i phyir/ thal rang
gnyis la don dam la dpyod pa'i rtags kyi dgag bya mthar thug la
phra rags kyi khyad par de ltar yod par 'thad de/

rang rgyud pa rnams kyis rang rgyud kyi gtan tshigs bzhed pa/
gzhan skye bzhed pa/ rdzas su grub pa bzhed pa rnams las rang gi
mtshan nyid kyis grub pa yod par bzhed pa'i phyir dang/ slob dpon
legs ldan 'byed kyis kun btags rang gis mtshan nyid kyis ma grub
pa sems tsam pas 'khor lo bar pa'i dgongs par bshad

pa la dgag pa rgyas par brjod pa dang/ zhi 'tsho yab sras gnyis
kyis 'khor lo tha mas bar pa'i dgongs pa 'grel ba'i tshe/ kun
btags don dam par rang gi mtshan nyid kyis ma grub cing/ tha
snyad du rang gi mtshan nyid kyis grub par gsungs pa'i drang nges
'grel tshul mdzad pa las kyang grub pa'i phyir/ gsum pa dogs

pa dpyad pa la/ kha cig  rdo shing rta glang du snang ngam mi
snang/ snang na gzugs can gyi dngos po thams cad kyang rta glang
du snang dgos de ltar na me long nang gi byad bzhin gyi gzugs
brnyan bzhin du gzugs can gyi dngos po thams cad log pa'i kun
rdzob tu 'gyur/ mi snang na/ rnam bshad dgongs pa rab gsal las/

@14a @#/ /sngags rdzas kyis bslad pa'i blo 'khrul ba'i ngor rta
glang du snang ba yin gyi/ spyir rta glang du mi snang zhes mi
bya ste/ de ltar na snang yul la 'khrul pa mi srid pa'i phyir/
zhes gsungs pa dang 'gal zhe na/ rtags snga ma ltar khas mi len
zhing/ phyi ma ltar khas len kyang gsung de

dang 'gal ba'i skyon med de/ sgyu ma mkhan gyis rde shing rta
glang du sprul pa de'i tshe rde shing gi ngos nas rta glang du mi
snang zhes mi bya zhes pa'i don dang/ de'i tshe rde shing gi ngos
nas rta glang du snang zhing rta glang gi sprul gzhi rde shing
rta glang du snang ba'i phyir/ yang kha cig  /gzugs sogs kyi
dngos po rnams ming brdas

bzhag tsam ma yin par 'dod pa mi rigs te/ 'phrin las nyer bdun
gyi skabs su btags pa tsam la 'god pa'i 'phrin las gsungs pa
dang/ skabs dang po'i sbyor lam gyi skabs su gzugs sogs kyi chos
rnams ming brdas bzhag tsam du dngos su gsungs pa'i phyir/ zhe
na skyon med de/ blo gnod med kyi

dbang gis bzhag pa tsam yin pa sogs la dgongs pa'i phyir/ 'on
kyang/ drang nges rnam 'byed las/ tsam sgras gang gcod kyi don
la yang mi mthun zhes gsungs pas da dung dpyad par bya'o/ /gnyis
pa de 'gog byed kyi gtan tshigs bshad pa la/ ngo bo la dpyod pa
gcig du bral gyi gtan tshigs sogs

lnga las/ dang po'i dbang du byas na rtags 'god pa/ tshul sgrub
pa gnyis/ dang po la/ bden grub kyi gcig dang bden grub kyi du
ma gang rung du ma grub na bden par ma grub pas khyab/ dper na
me long nang gi byad bzhin gyi gzugs brnyen bzhin/ gzhi lam rnam
gsum 'di yang bden grub kyi gcig dang

bden grub kyi du ma gang rung du ma grub bo zhes 'god/ tshul
sgrub pa la phyogs chos sgrub pa dang/ khyab bsgrub pa gnyis/
dang po la/ bden pa'i gcig bral du sgrub pa/ bden pa'i du bral
du sgrub pa gnyis las/ dang po la/ rtags 'god pa dang/ tshul
sgrub pa gnyis/ dang po la/ gzhi lam rnam gsum

chos can/ bden grub kyi gcig tu med de/ cha bcas yin pa'i phyir/
dper na bum pa bzhin/ 'di'i khyab pa sgrub pa la/ rtags kyi
mtshan gzhi cha bcas nges pa'i tshad ma dang/ bden grub kyi gcig
tu med pa bden grub kyi gcig tu grub pa dang dngos 'gal du nges
pa'i tshad ma/ cha bcas dang bden grub kyi

@14b gcig gi gzhi mthun 'gog pa'i tshad ma gsum tshang dgos pa
las/ phyi ma nges dka' bas de brjod na/ cha bcas kyang yin/ bden
pa'i gcig tu grub pa'ang yin pa'i gzhi mthun du grub na cha dang
cha can gnyis snang lugs ngo bo tha dad du snang yang/ bsdod
lugs ngo bo gcig tu yod dgos te/ gzhan du na cha

bcas shes bya la mi srid par 'gyur ba'i phyir ro/ /snang lugs
ngo bo tha dad du snang yang bsdod lugs ngo bo gcig tu grub pa
de brdzun pa'i bsdod lugs la mi 'gal yang/ bden grub kyi bsdod
lugs la 'gal ba yin te/ ji ltar 'gal na cha can bum pa dang/
de'i cha shas gnyis chos can/ khyod gnyis tha

dad du med par thal/ tha dad du yod na gnas lugs mngon du rtogs
pa'i slob pa 'phags pa'i mnyam gzhag ye shes kyis tha dad du
gzigs dgos pa las ma gzigs pa'i phyir/ tha dad du yod na gnas
lugs mngon sum du rtogs pa'i slob pa 'phags pa'i mnyam gzhag ye
shes kyis tha dad du gzigs dgos

te; tha dad du yod na gnas lugs kyi tha dad yin dgos pa'i phyir
te/ tha dad dang bden grub kyi gzhi mthun yin dgos pa'i phyir/
'dod na/ bum pa'i cha shas du ma chos can/ gcig yin par thal/
cha can bum pa dang tha mi dad kyi chos yin pa'i phyir/ 'dod na/
du mar 'jal ba'i tshad mas gnod/ cha can bum

pa yang chos can/ du mar thal/ grub pa gang zhig  /rang gi cha
shas dang tha dad ma yin pa'i phyir/ 'dod na/ gcig tu 'jal byed
kyi tshad mas gnod/ des na rigs pa de dag la brten nas cha bcas
dang bden grub kyi gzhi mthun khegs te/ tha dad du yod na gnas
lugs mngon sum du rtogs pa'i slob pa 'phags

pa'i ye shes kyis gzigs dgos pa yang yin/ des ma gzigs pa yang
yin pa'i gzhi mthun du gyur pa'i rtags de khegs shing/ de yang
ya gyal bkag pas tshogs pa khegs pa yin pas/ rtags zur snga ma
khegs pas de 'dra'i gzhi mthun khegs pa yin gyi/ rtags zur phyi
ma khegs pa ma yin te/ gnas

lugs mngon sum du rtogs pa'i slob pa 'phags pa'i mnyam gzhag ye
shes kyis de gnyis tha dad du ma gzigs pa'i phyir/ de khegs pa
la brten nas cha dang cha can tha dad du med pa khegs/ de khegs
pas cha bcas dang bden grub kyi gcig gi gzhi mthun khegs pa yin
pa'i phyir/ phyogs chos sgrub pa la/ rtsod

@15a @#/ /gzhi chos can mngon sum gyis grub pa bum pa lta bu'i
steng du mchu zhabs la sogs pa'i cha shas du ma mngon sum gyis
'grub pas sgrub mi dgos shing/ rtsod gzhi chos can/ mngon sum
gyis ma grub pa rnams kyi steng du/ cha bcas sgrub pa la/ cha
med shes bya la mi srid pa

dang; cha bcas cha med dang dngos 'gal du nges pa'i tshad ma
gnyis la brten nas 'grub pas dang po'i dbang du byas na cha med
shes bya la mi srid de/ 'dus byas la yang cha med mi srid/ 'dus
ma byas la yang cha med mi srid pa'i phyir/ dang po mi srid de/
gzugs can la yang mi srid/ gzugs med kyi shes pa la

yang mi srid pa'i phyir/ gzugs can la mi srid de/ gzugs can rags
pa la yang mi srid/ phra ba rdul phran la yang mi srid pa'i
phyir/ gzugs can rags pa la cha med mi srid de/ gzugs can rags
pa rnams gos kyis bsgribs ma bsgribs dang/ sngon po sogs kyis
kha bsgyur ma bsgyur dang/ lag pa

g.yo ba'i tshe rkang pa mi g.yo ba dang/ rkang pa g.yo ba'i
tshe lag pa mi g.yo ba sogs kyi cha du ma dang bcas pa'i phyir/
rnam 'grel las/ bsgribs dang ma bsgribs sdo sogs phyir/ /lag
sogs g.yo na thams cad dag  /g.yo bar 'gyur phyir 'gal ba can/
/zhes gsungs pa'i phyir/ phra ba rdul phran

la mi srid pa ma grub zer na/ 'o na khyod cha med du 'dod pa'i
rdul phran phra mo gshibs nas gnas pa 'di chos can/ khyod gnyis
phrad par thal/ khyod gnyis go sa 'gog nus kyi gzugs can yin pa
gang zhig  khyod gnyis bar mtshams med par gnas pa'i phyir/ 'dod
na/ de cha thams cad nas thams

cad du phrad dam/ 'ga' zhig phrad 'ga' zhig ma phrad pa dag las
gang yin/ dang po ltar na go sa 'dres par 'gyur/ de ltar na rdul
phran bsags pa'i rags pa rtsom mi rung bar thal/ de gnyis go sa
'dres pa'i phyir/ gnyis pa ltar na cha med yin pa nyams/ gzugs
med kyi shes pa la cha med mi srid

pa ma grub zer na/ dngos rgyu dngos 'bras su 'dod pa'i mig shes
skad cig snga phyi gnyis kyi bar du chos gzhan gyis chod dam ma
chod/ chod na dngos rgyu dngos 'bras yin pa nyams/ ma chod na
cha thams cad nas thams cad du chod dam/ 'ga' zhig chod 'ga'
zhig ma chod pa dag las gang yin/ dang po ltar

@15b na; de gnyis dus 'dres par 'gyur/ de 'dres na snga phyi
'thud pa'i mig shes ring du 'phel bar mi 'gyur ro/ /gnyis pa
ltar na cha med yin pa nyams/ 'dus ma byas la cha med mi srid
de/ 'gog bden la yang mi srid/ nam mkha' la yang mi srid/ stong
nyid la yang mi srid pa'i phyir/ 'gog bden la mi srid

pa ma grub zer na/ 'gog bden la bden 'dzin kun btags spangs lhan
skyes ma spangs pa'i cha gnyis yod dam med/ yod na cha med yin
pa nyams/ med na theg chen mthong lam rnam grol lam pa'i rgyud
kyi 'gog bden de bden 'dzin lhan skyes spangs pa'i 'gog bden yin
par thal/ de la bden 'dzin

lhan skyes ma spangs pa'i cha med pa'i phyir/ rtsa bar 'dod mi
nus so/ /gzhan yang/ 'gog bden la sgrib gnyis spangs ma spangs
kyi cha med par thal lo/ /nam mkha' la mi srid pa ma grub zer
na/ 'o na/ nam mkha' la shar phyogs kyi bum pa'i khong stong la
khyab pa'i cha des nub phyogs kyi bum pa'i khong stong la

khyab bam ma khyab/ khyab na/ shar phyogs kyi bum pa chus khengs
pa de'i tshe na/ nub phyogs kyi bum pa yang chus gang bar thal/
shar phyogs kyi bum pa'i khong stong la khyab pa'i nam mkha'i
cha des nub phyogs kyi bum pa'i khong stong la khyab pa'i phyir/
gnyis pa ltar na cha med yin pa nyams/ stong nyid la mi srid pa

ma grub zer na/ stong nyid ka ba'i rang bzhin du song ba'i cha
de nyid/ bum pa'i rang bzhin du song ngam ma song/ song na de de
gnyis kyi chos nyid du thal/ dam bca' 'thad pa'i phyir/ 'dod na/
chos can ka bum gnyis kyang gcig yin par thal/ 'dod pa'i phyir/
gzhan yang stong nyid cha bcas yin par thal/ chos

can ji snyed yod pa de snyed kyi cha dang bcas pa'i phyir dang/
sangs 'phags kyis mngon sum du rtogs/ sems can gyis mngon sum du
ma rtogs pa'i cha dang/ theg chen gyi rnam grol lam rnams kyis
mngon sum du rtogs/ de'i bar chad med lam gyis mngon sum du ma
rtogs pa'i cha du ma dang bcas pa'i phyir/

cha bcas cha med dang dngos 'gal yin te/ de gnyis kyi bar du
gnyis yin dang/ gnyis ma yin gyi phung gsum med pa'i phyir/ bden
pa'i du bral du sgrub pa la/ gzhi lam rnam gsum chos can/ bden
/grub kyi du mar ma grub ste/ bden grub kyi gcig tu med pa'i
dphyir/ khyab ste/ du ma gcig bsags pa la@16a @#/ /brten nas 'byung dgos pa'i
phyir/ sngar bden grub kyi
gcig tu med par bsgrubs zin kyang/ slar yang bden grub kyi gcig
med pa 'god pa ni du bral gyi khyab pa sgrub pa la nye bar mkho
bas so/ /rtsa ba'i khyab pa sgrub pa la rtags kyi mtshan gzhi
bden grub kyi gcig dang du ma gang rung

du ma grub par nges pa'i tshad ma dang/ bden par med pa bden grub
dang dngos 'gal du nges pa'i tshad ma dang/ rtags dang dgag bya'i
chos kyi gzhi mthun 'gog pa'i tshad ma gsum tshang dgos pas/ dang
po gnyis nges sla/ phyi ma gnyis nges dka' bas de'i dbang du
byas na/ gzhi gzugs can gyi steng du gcig

dang du ma phan tshun spangs 'gal gyi dngos 'gal du nges pa'i
tshad ma/ gcig dang du ma'i phung gsum mi srid par rtogs pa na/
gzhi gzugs can gyi steng du bden grub kyi gcig dang du ma'i
phung gsum mi srid par rtogs par 'gyur ba yin no/ /go sla ba'i
dbang du byed na bden grub kyi gcig dang/ bden grub kyi

du ma gang rung du ma grub na bden par ma grub pas khyab ste/
bden par grub na bden grub kyi gcig dang bden grub kyi du ma
gang rung du grub dgos pa'i phyir te/ grub na gcig dang du ma
gang rung du grub dgos pa'i phyir/ kha cig  grub na gcig dang du
ma gang rung du grub pa'i khyab pa nges pa'i tshad ma 'dis/

bden par grub na/ bden grub kyi gcig dang bden grub kyi du ma
gang rung du grub pas ma khyab pa la sgro 'dogs gcod pa yin no
zer na/ byas na mi rtag pas khyab pa nges pa'i tshad ma 'dis sgra
byas na mi rtag pas ma khyab pa la sgro 'dogs chod pa yin par
thal/ dam bca' de'i phyir/ 'dod na/ de 'dra ba'i phyir rgol yang

dag des byas pa'i rtags la brten nas sgra'i steng du sgro 'dogs
gsar du gcod rgyu med par thal/ 'dod pa de'i phyir/ 'dod mi nus
so/ kha cig rten 'brel gyi rtags kyi myu gu bden med du sgrub pa
skabs su babs pa'i phyir rgol yang dag gis mthun dpe gzugs
brnyan gyi steng du rten 'brel la bden med kyis khyab pa tshad
mas

nges kyang/ mthun dpe bden med du tshad mas ma nges zer na/ 'o na
rten 'brel gyi rtags kyi myu gu bden med du sgrub pa skabs su
babs pa'i phyir rgol yang dag des myu gu'i steng du rten 'brel
la bden med kyis khyab pa tshad mas nges par thal/ myu gu'i steng
du rten 'brel la bden med kyis khyab pa tshad mas nges na/ myu gu

@16b bden med du tshad mas nges mi dgos pa'i phyir te/ mthun
dpe'i steng du de ltar mi dgos pa'i phyir/ 'di dag la brten nas
dpyad par bya ba mang yang tshig mang du dogs pas re zhig bzhag
kha cig  gcig du bral gyi rtags kyi gzhi lam rnam gsum bden med
du sgrub pa skabs su babs pa'i phyir rgol yang dag de'i

ngo bor gzhi lam rnam gsum bden med du nges pa'i phyir du gcig
du bral sogs kyi gtan tshigs 'god mi dgos par thal/ des gzhi lam
rnam gsum bden med du tshad mas nges zin pa'i phyir/ der thal/
des mthun dpe gzugs brnyan bden med du tshad mas nges pa gang
zhig  chos gcig bden med du

tshad mas nges na chos thams cad bden med du tshad mas nges dgos
pa'i phyir/ bzhi brgya pa las/ gcig gi lta po gang yin pa/ /de
ni kun gyi lta po yin/ /gcig gi stong nyid gang yin pa/ /de ni
kun gyi stong nyid yin/ /zhes gsungs pa dang/ 'phags pa lhas/
dngos gcig dngos po kun gyi ngo bo nyid/ /ces sogs

gsungs pa'i phyir zer na/ skyon med de/ lung de gnyis kyi don/
chos gcig gi gnas lugs tshad mas nges na rigs pa de'i byed pa la
brten nas chos gzhan gyi steng du yang gnas lugs tshad mas nges
nus pa'i don yin pa'i phyir/ de'i tshul lam rim chung ba'i lhag
mthong gi skabs las shes par bya'o/ /gnyis

pa rgyu la dpyod pa rdo rje gzegs ma'i gtan tshigs bshad pa la
yang/ rtags 'god pa dang/ tshul sgrub pa gnyis/ dang po la phyi
nang gi dngos po rnams chos can/ don dam par mi skye ste/ don
dam par bdag las kyang mi skye/ don dam par gzhan las kyang mi
skye/ gnyis ka las kyang mi skye/ rgyu med pa las mi skye

ba'i phyir/ tshul sgrub pa la phyogs chos sgrub pa dang/ khyab
pa sgrub pa gnyis/ dang po la bzhi las/ phyi nang gi dngos po
rnams chos can/ bdag las mi skye ste/ bdag las skye na slar yang
skye ba don med dang thug med du 'gyur ba'i phyir/ gnyis pa la/
don dam par rgyu gzhan las mi skye ste/ don dam par rgyu

rtag pa gzhan las kyang mi skye/ mi rtag pa gzhan las kyang mi
skye ba'i phyir/ dang po der thal/ don dam par rgyu rtag pa
gzhan las skye na dngos po rnams dus rtag tu skye ba dang/ rim
can du skye ba'i dngos po med par 'gyur ba'i phyir/ don dam par
mi rtag pa'i rgyu gzhan las skye na/ 'bras dus su zhig zin pa'i
rgyu gzhan

@17a @#/ /las skye 'am/ 'bras dus su ma zhig pa'i rgyu gzhan las
skye/ dang po mi rigs te/ de ltar na zhig pa dngos med du khas
blangs pa dang 'gal/ gnyis pa ltar na rgyu 'bras dus mnyam du
'gyur pa'i phyir/ gsum pa gnyis ka las mi skye ste/ don dam par
bdag gzhan re re ba las

skye ba bkag zin pa'i phyir/ bzhi pa rgyu med las mi skye ste/
rgyu med las skye ba shin tu tha chad pa'i phyir/ khyab pa sgrub
pa la/ don dam par mtha' bzhi gang rung las mi skye na/ don dam
par mi skye bas khyab ste/ don dam par skye na mtha' bzhi gang
rung las skye dgos pa'i phyir te/ don dam par skye na/ rgyu yod
pa

dang; med pa gang rung las skye dgos/ yod pa las skye na rang
dang bdag nyid gcig pa'i rgyu dang/ rang dang bdag nyid tha dad
pa'i rgyu dang/ de gnyis ka gang rung las skye dgos/ dang po
bkag zin/ gnyis pa ltar na 'brel med don gzhan gyi rgyu las skye
dgos pa dang/ gsum pa ltar na de gnyis re re ba las

skye ba bkag zin pa'i phyir/ gsum pa mu bzhi skye 'gog gi gtan
tshigs la/ rtags 'god pa dang/ tshul sgrub pa gnyis/ dang po la/
'bras bu rnams don dam par mi skye ste/ rgyu du mas 'bras bu
gcig kho na yang don dam par mi skye/ rgyu du mas 'bras bu du ma
yang don dam par mi skye/ rgyu gcig gis 'bras bu du

ma yang don dam par mi skye/ rgyu gcig kho nas 'bras bu gcig kho
na yang don dam par mi skye ba'i phyir/ de skad du yang/ dbu ma
bden gnyis las/ du mas dngos po gcig mi byed/ /du mas du ma byed
ma yin/ /gcig gis gcig byed pa yang min/ /zhes gsungs pa'i
phyir/ phyogs chos sgrub pa gzhan las

shes/ /khyab pa sgrub pa la/ 'bras bu rnams don dam par bzhi po
de gang rung las mi skye na don dam par mi skye bas khyab ste/
don dam par skye na de bzhi gang rung las skye dgos pa'i phyir/
bzhi pa gnyis ka las dpyod pa yod med skye 'gog gi gtan tshigs
bshad pa la/ rtags 'god pa dang/ tshul

sgrub pa gnyis las/ dang po la/ dngos po rnams don dam par mi
skye ste/ rgyu dus na yod pa'i dngos po yang don dam par mi
skye/ rgyu dus na med pa'i dngos po yang don dam par mi skye/
gnyis ka yang don dam par mi skye/ gang rung ma yin pa'i dngos
po yang don dam par mi skye ba'i phyir/ de skad du yang/ yod pa

@17b yod phyir skye ma yin/ /med pa nam mkha'i padmo bzhin/
/chos mi mthun phyir gnyis chos min/ /zhes gsungs pa'i phyir/
phyogs chos sgrub pa sla/ khyab pa sgrub pa la/ dngos po rnams
don dam par de bzhi gang rung las mi skye na/ don dam par mi
skye bas khyab ste/ don dam par skye na don dam par de bzhi gang
rung

las skye dgos pa'i phyir/ lnga pa rigs pa'i rgyal po rten 'brel
gyi gtan tshigs bshad pa la/ rtags 'god pa dang/ tshul sgrub pa
gnyis/ dang po la phyi nang gi dngos po chos can/ bden par med
de/ rten 'brel yin pa'i phyir/ zhes pa'am/ yang na phyi nang gi
dngos po rnams chos can/ bden par mi skye ste/ rang gi

rgyu rkyen gzhan la bltos nas skye ba'i phyir/ snga phyi gnyis
la/ dper na me long nang gi byad bzhin gyi gzugs brnyan bzhin/
zhes 'god par bya ba yin te/ mgon pos/ gang rnams rten cing
'brel bar 'byung/ /de ni ngo bo nyid kyi zhi/ /zhes gsungs pa
dang/ ma dros pas zhus pa las kyang/ gang zhig rkyen las skyes
pa

de ma skyes/ /de la skye ba'i rang bzhin yod ma yin/ /rkyen la
rag las gang de stong par bshad/ /gang gi stong nyid shes de bag
yod yin/ /zhes gsungs pa'i phyir/ tshul sgrub pa la/ phyogs chos
sgrub pa dang/ khyab pa sgrub pa gnyis/ dang po la phyi nang gi
dngos po rnams chos can/ rten 'brel yin te/ rang gi cha shas

la brten nas btags pa'am/ rang gi cha shas la brten nas grub pa
yin pa'i phyir/ khyab pa sgrub pa la/ rang gi cha shas la brten
nas btags pa'am/ de la bltos nas grub pa gang rung yin na bden
par med pas khyab ste/ bden par grub na de gnyis su 'gal ba'i
phyir te/ bden par grub na bltos med du grub dgos

pa'i phyir/ phyi ma'i phyogs chos sgrub pa sla zhing/ khyab pa
sgrub pa'i tshul la rgyu rkyen gzhan la brten nas skye na bden
par mi skye bas khyab ste/ bden par skye na bltos med du skye
dgos pa'i phyir/ gtan tshigs de gnyis po de phyi nang gi dngos po
rnams bden med dang/ bden pa'i skye med du sgrub pa'i 'gal zla
dmigs pa'i gtan

tshigs yin te/ gtan tshigs de gnyis bden grub kyi 'gal zla yin
pa'i phyir/ rten 'brel gyi gtan tshigs la rigs pa'i rgyal po zhes
'chad pa'i rgyu mtshan yod de/ rigs pa gzhan rnams kyang mthar
gtugs na rten 'brel gyi rigs pa la thug pa dang/ rtsod gzhi chos
can de nyid kyi steng du rtag chad kyi mtha' gnyis cig

@18a @#/ /car du spong bar byed pa'i phyir/ gtan tshigs de rnams
kyi nang nas gcig du bral gyi gtan tshigs ni tha snyad 'ba' zhig
sgrub kyi rtags yin te/ bum pa lta bu'i chos can yan gar ba'i
steng du bden grub kyi gcig ma yin par tshad mas nges na/ de'i
gnas lugs kyi don tshad mas nges pas khyab/

bum snam lta bu'i chos du ma'i steng du bden grub kyi du ma ma
yin par tshad mas nges na/ de'i bdag med kyi don tshad mas nges
pas khyab pa'i phyir/ de khyab ste/ chos gang la yang bden par
sgro 'dogs na gcig dang tha dad gang rung du bden par sgro 'dogs
pas khyab pa'i phyir/ chos gang blo la 'char na yang gcig dang

tha dad gang rung du blo la 'char dgos pa'i phyir/ gsum pa de
bkag pa'i lta ba skye ba'i rim pa bshad pa la gzugs sogs kyi
chos bden med du rtogs pa'i lta ba skye tshul gyi rim pa yod de/
stong nyid ston pa'i snod rung gi gdul bya des dang por nges don
zab mo'i gsung rab thos pa la brten nas/ stong nyid tshul

bzhin du go ba'i thos byung gi shes rab skye/ tshul bzhin du go
ba'i don de nyid gcig du bral sogs kyi rigs pas gtan la phab pa
la brten nas/ rigs pa yang dag gi byed pa la brten nas stong
nyid la gsar du mi slu ba'i bsam byung gi shes rab skye/ bsam
byung gi shes rab de'i rgyun zhi gnas dang/ de la brten

pa'i lhag mthong dang/ zhi lhag zung 'brel gyi sbyangs pas sgom
byung gi shes rab skye/ de sgom byed kyi yan lag dang ma bral
bar bsgoms pas stong nyid kyi don la gsal snang thob pa'i rnal
'byor mngon sum skye/ de nyid kyis rang rang gi ngos skal gyi
sgrib gnyis ci rigs spangs pa la brten nas thams cad mkhyen pa'i
go 'phang

'thob par 'gyur ba'i phyir/ 'o na/ rgyan gyi ched du bya ba'i
gdul byas gzhi lam rnam gsum bden med du rtogs pa'i tshad ma gsar
du bskyed pa yin zhe na/ theg pa chen po'i lam du zhugs pa'i
snga rol nas bskyed pa yin te/ dbu ma rgyan las/ yang dag shes
rtsol sngon btang ste/ /zhes sogs gsungs pa'i phyir/ de ltar

yin kyang/ rnam bshad las gcig du bral dang rdo rje gzegs ma
sogs kyi gtan tshigs la brten nas dang por tshogs lam gyi gnas
skabs su tshad mas nges par byed/ ces gsungs pa dang 'gal ba'i
skyon med de/ de'i don ni rgyan gyi ched du bya ba'i gdul bya
byang sems tshogs lam pa la gcig du bral sogs kyi rtags

@18b la brten pa'i gzhi lam rnam gsum bden med du rtogs pa'i
tshad ma rgyud la skye myong yin pas khyab pa'i don yin pa'i
phyir/ kha cig  'di'i tshogs lam de tshogs lam btags pa la bzhed
pa'ang yod do// ! de la thams cad mkhyen pa nyid gsum gyi don
brgyad bsdus la/ zhes sogs kyi skabs su rtsod pa dang/ lan

gnyis/ dang po la/ kha cig nyan thos zhi ba 'tshol rnams/ zhes
sogs kyi mkhyen gsum la dngos su bstod phyag mdzad pa 'di/ yum
mtha' dag la bstod par bzhed dam/ yum gyi phyogs gcig la bstod
par bzhed pa dag las gang yin/ dang po ltar na mi rigs te/ bstod
yul nyungs pa'i skyon yod pa'i phyir/ phyi

ma yang mi rigs te/ don gyi gtso bo rnam mkhyen lta bu gcig la
bstod pas chog pa la mkhyen pa gsum ga la dngos su bstod pas
bstod yul mang ba'i skyon yod pa'i phyir zer na/ rje btsun gyis
rgyan rtsom pa'i thog mar mkhyen gsum gyi sgo nas yum la bstod
pa la/ bstod yul mang nyung gi skyon med de/ mkhyen gsum

la dngos su bstod pa'i sgo nas yum la bstod pa la rgyu mtshan
dang dgos pa khyad par can gnyis yod pa'i phyir/ rgyu mtshan yod
de/ mkhyen pa gsum gyis don mngon par rtogs pa mtha' dag bsdus
shing/ bsdus pa de ltar thugs la bzhag nas mkhyen gsum la dngos
su bstod pa'i phyir/ dgos pa khyad par can yod de/

mkhyen gsum gyis bsdus pa'i don mngon par rtogs pa brgyad po
thams cad kyang yum mtshan nyid pa yin zhing/ brgyad po des kyang
'phags bzhi'i bzhed don phun tshogs sgrub nus so zhes shes par
bya ba'i ched yin pa'i phyir/ mkhyen gsum gyis 'phags bzhi'i
mngon rtogs mtha' dag bsdus pa'i don gang yin zhe na/

'di la gzhan lugs dgag pa dang/ rang lugs bzhag pa gnyis/ dang
po la kha cig gi gsung na re/ 'di'i bsdus tshul de rgya che bas
chung ba bsdus tshul yin te/ 'dir dngos su bstan pa'i mkhyen pa
gsum po de ni/ dus gsum gyi 'phags pa rnams kyi rgyud la ci rigs
skyes pa dang skye 'gyur gyi mngon rtogs yin

pas rgya che/ sbyor bzhi dang chos sku'i skabs su bstan pa'i
mngon par rtogs pa ni/ da ltar gyi rgyan gyi ched du bya ba'i
gdul bya'i rgyud la skyes zin dang/ skye 'gyur gang rung du gyur
pa'i mngon rtogs shig yin pas rgya chung ba yin pa'i phyir/ zhes
gsungs/ de la skyon brjod pa kha cig  mkhyen gsum dang sbyor
bzhi la rgya che

@19a @#/ /chung gi khyad par mi 'thad par thal/ mkhyen gsum rgyud
la skyes pa'i gang zag yin na sbyor bzhi rgyud la skye myong yin
pas khyab/ sbyor bzhi rgyud la skyes pa'i gang zag yin na mkhyen
pa dang po gnyis rgyud la skyes zin dang/ rnam mkhyen rgyud la
skye 'gyur yin pas khyab pa'i phyir/ zhes

gsungs/ 'di'i skyon 'jug mi 'jug dpyod/ /yang kha cig /'di'i
bsdus tshul de rang bzhin gyi gnas skabs bsdus pas bsdus tshul yin
te/ rang bzhin mkhyen gsum la gnas skabs sbyor bzhi gzo byas pa
yin pa'i phyir/ zhes gsungs/ 'o na gnas skabs sbyor bzhi yod na
rang bzhin mkhyen gsum

yod dgos par thal/ dam bca' 'thad pa'i phyir/ 'dod mi nus te/
slob lam na rnam mkhyen med pa'i phyir/ yang kha cig  rnam
mkhyen mtshon byed kyi chos bcu po bsdu byed mkhyen gsum du byas
nas nges don mngon par rtogs pa brgyad bsdus pa de/ de'i bsdus
tshul yin no gsung na/ 'o na/ theg chen sgrub

pa'i dmigs pa dang/ theg chen sgrub pa'i rten rang bzhin gnas
rigs gnyis kyang don mngon par rtogs pa brgyad po gang rung bsdu
byed kyi mkhyen pa yin par thal/ dam bca' de'i phyir/ 'dod mi
nus te/ de gnyis 'dus ma byas yin pa'i phyir/ yang kha cig skabs
dang po gsum gyi brjod byar phyi ma lnga'i

brjod bya 'dus pa de/ mkhyen gsum gyis don mngon par rtogs pa
brgyad bsdus pa'i bsdus tshul yin zer na/ de yang mi 'thad par
thal/ de skabs 'de'i brjod bya bsdus tshul du snang gi/ mkhyen
gsum gyis don mngon par rtogs pa brgyad bsdus tshul gyi don du mi
snang ba'i phyir/ de bzhi ka yang mi rigs te/

dang po gnyis la gsum gyis lnga bsdus pa'i bsdus tshul du snang
gi  gsum gyis brgyad bsdus tshul ma tshang ba'i phyir dang/ phyi
ma gnyis la bsdu byed kyi mkhyen gsum btags pa bar byed pa mi
rigs pa'i phyir/ kha cig  theg dman gyi mngon rtogs tsam la gzhi
shes dang/ sems dpa'i ye shes skad cig

dang po ma gtogs pa rnams lam shes dang/ sangs rgyas kyi mngon
rtogs la rnam mkhyen gyis khyab pas/ de lta bu'i mngon rtogs
gsum po de la bsdu byed mkhyen gsum du byas nas des don mngon
par rtogs pa brgyad yin bsdus kyi tshul gyis bsdus pa yin gsung
na/ de yang mi 'thad par thal/ gzhi

@019b shes dang lam shes gang rung yin na 'phags rgyud kyi
mkhyen pa yin dgos pa'i phyir/ yang kha cig  theg dman gyi mngon
rtogs la bsdu byed gzhi shes dang/ byang sems kyi mngon rtogs la
bsdu byed lam shes dang/ sangs 'phags kyi mngon rtogs la bsdu
byed rnam mkhyen du byas nas des mngon par rtogs pa brgyad

yin bsdus kyi tshul gyis bsdus shing/ bsdu byed rnam mkhyen de/
rnam mkhyen btags pa ba yin gsungs na/ de yang mi 'thad par
thal/ nyan thos zhi ba 'tshol rnams kun shes nyid kyi/ zhes sogs
dang/ lam shes nyid kyi/ zhes pa'i skabs nas dngos su bstan pa'i
gzhi shes gzhi shes mtshan nyid pa dang/ lam

shes la lam shes mtshan nyid pas khyab pa'i phyir te/ skabs gsum
pa'i dngos bstan bstan bya'i gtso bor gyur pa'i gzhi shes la
gzhi shes kyis khyab/ skabs gnyis pa'i dngos bstan bstan bya'i
gtso bor gyur pa'i lam shes la lam shes kyis khyab pa'i phyir/
theg pa gsum gyi lam shes pa'i lam shes la rang

rang gi rgyu nges 'byed cha mthun sngon song gis khyab pa'i
phyir/ gzhan yang/ lugs 'di dang snga ma gnyis ka mi rigs par
thal/ bsdu byed kyi gzhi shes de gang zag gi bdag 'dzin ci rigs
spangs pa'i bral 'bras can yin pa'i phyir/ mkhyen gsum gyis
'phags bzhi'i mngon rtogs mtha' dag bsdus pa'i mdo'i don

'chad pa'i skabs su/ thams cad shes pa nyid ni gzugs la sogs
pa'i chos la mi rtag pa la sogs pa'i rten can/ 'bras bu bdag tu
rmongs pa spangs pa can yin pa'i phyir/ zhes gsungs pa'i phyir/
phyis kyi phar phyin pa kha cig  'phags lam du gyur pa'i sbyor
ba bzhi po de mkhyen gsum gang rung gis bsdus pa de

nyid 'dir bshad pa'i bsdus tshul yin zer na/ 'o na/ skabs bar pa
bzhi'i skabs nas dngos su bstan pa'i sbyor ba bzhi po de yang
'phags lam yin par thal/ skabs 'di'i bsdu bya'i sbyor ba bzhi po
de 'phags lam yin pa'i phyir/ 'dod na ha cang thal lo/ /rang
lugs la/ spyir bsdus tshul la phung po lngas

dngos po mtha' dag bsdus pa lta bu mang pos gcig bsdus pa dang/
mngon rtogs kyis tshogs lam bsdus pa lta bu yin bsdus kyi tshul
gyi bsdus pa dang/ gtso bo gcig gis 'khor mang po bsdus pa lta
bu rnams las/ 'dir ni phyi ma ltar yin te/ mkhyen pa gsum po
gang rung gcig gi nyams len gyis don

@20a @#/ /mngon par rtogs pa brgyad ka'i nyams len bsdus pa'i
phyir/ de yin te/ don mngon par rtogs pa brgyad po gang rung gi
nyams len yin na mkhyen gsum gang rung gi nyams len yin dgos
pa'i phyir/ mdor bsdu na/ rje btsun gyis mkhyen gsum gyi yon tan
dngos su brjod

pa'i sgo nas bstod pa 'di la/ bstod yul mang nyung gi skyon med
cing/ rgyu mtshan dang dgos pa khyad par can yod de/ mkhyen gsum
gang rung gi nyams len gyis don mngon par rtogs pa brgyad ka'i
nyams len bsdus pa dang/ mkhyen gsum don du gnyer bya'i yon tan
can du mthong nas don mngon par rtogs pa

brgyad don du gnyer bya'i yon tan can du ma mthong ba yang mi
srid mkhyen gsum la bstod par bzhed/ don mngon par rtogs pa
brgyad la bstod par mi bzhed pa yang mi srid/ bsdu bya'i don
mngon par rtogs pa brgyad po de yum mtshan nyid par rtogs pa'i
dgos pa yang yod pa'i phyir/ nyan thos dang de'i phyogs su

bslan pa rnam par thar pa cung zad tsam zhig gis lhag pa/ zhes
sogs kyi skabs su mtha' dpyad pa la/ myang 'das kyi sgras brjod
rigs kyi dbye ba spyir bstan pa dang/ myang 'das dngos kyi rnam
gzhag bshad pa gnyis/ dang po la/ myang 'das la sgras brjod rigs
kyi sgo nas du ma zhig gsungs pa yin te/ rang

bzhin gyi myang 'das/ theg chen gyi myang 'das/ lhag bcas myang
'das/ lhag med myang 'das/ yan lag las 'das pa'i myang 'das/ dge
rtsa chad pa las 'das pa'i myang 'das sogs du ma zhig gsungs
pa'i phyir/ de rnams kyi nang nas/ rang bzhin gyi myang 'das/
rang bzhin gyi sher phyin/ rang bzhin

gyi yum/ don dam pa'i bden pa rnams don gcig ming gi rnam grangs
yin zhing/ dngos po bden stong lta bu la rang bzhin gyi myang
'das zhes 'chad pa'i rgyu mtshan yod de/ ye gdod ma nas kun nas
nyon mongs phyogs kyi chos su skye ma myong ba'i rgyu mtshan gyis
de ltar bshad pa'i phyir/ de bzhin du yan lag

las 'das pa sogs kyi myang 'das kyang myang 'das btags pa ba yin
te/ bsam gtan dang po'i dngos gzhi khyad par can de bsam gtan
dang po'i yan lag gi phyogs gcig rtog pa las 'das pa'i myang
'das zhes btags pa dang/ sbyor lam rtse mo ba'i rgyud kyi khong
khro dang log lta sogs kyis dge rtsa bcad

@20b pa spangs pa'i so sor brtags min gyi 'gog pa la dge rtsa
chad pa las 'das pa'i myang 'das btags pa sogs yin pa'i phyir/
'on kyang/ rang bzhin gyi myang 'das la myang 'das ma yin pas ni
ma khyab ste/ don dam bden pa dang myang 'das kyi gzhi mthun yod
pa'i phyir/ don dam bden pa dang 'gog bden gyi

gzhi mthun yod pa 'og tu 'chad par 'gyur pa'i phyir/ myang 'das
dngos kyi rnam gzhag bshad pa la/ thar pa dang myang 'das don
gcig pas/ gang las thar rgyu'i 'khor ba ngos bzung ba dang/ de
las thar ba'i myang 'das kyi ngo bo/ dbye ba/ lhag bcas myang
'das dang lhag med kyi don bshad pa dang/ myang

'das 'thob byed kyi thabs bshad pa dang bcas pa rnam pa lnga/
dang po la/ kha cig  sdug bden yin na 'khor ba yin pas khyab
gsung na/ ma dag pa'i snod kyi 'jig rten chos can/ 'khor ba yin
par thal/ sdug bden yin pa'i phyir te/ kun btus las/ sdug bsngal
gyi bden pa gang zhe na/ sems

can skye ba dang skye ba'i gnas kyis kyang rigs par bya'o/ /zhes
gsungs pa'i phyir/ 'dod na/ 'khor ba ma yin par thal/ las dang
nyon mongs pa'i dbang gis gang du 'khor ba'i gnas yin pa'i
phyir/ gzhan yang/ rgyun zhugs srid pa lan bdun pa ba chos can/
'khor ba yin par thal/ sdug bden

yin pa'i phyir te/ las nyon gyi dbang gis 'khor ba'i gnas su
rang dbang med par skye ba len pa'i sems can yin pa'i phyir/
'dod na 'khor ba ma yin par thal/ 'khor ba po yin pa'i phyir/
snga phyi'i 'khor ba ma yin pa'i sgrub byed gnyis po de 'thad
de/ gang gis 'khor na las dang nyon mongs pa'i

dbang gis 'khor/ gang 'khor na las dang nyon mongs pa'i dbang
gis rang dbang med par skye ba len pa'i sems can de 'khor/ gang
la 'khor ba'am bcings na/ nyer len gyi phung po zhig la bcings/
gnas gang du 'khor na ma dag pa'i snod kyi 'jig rten zhig tu
'khor zhes brjod dgos pas/ 'khor ba la

bltos pa'i las bya byed rnams gcig ma yin pa'i phyir/ kha cig
/ma dag pa'i snod kyi 'jig rten 'khor ba yin par thal/ 'dod
chags dang bral ba'i byang 'phags brtse ba'i dbang gis ma dag
pa'i zhing du gnas pa de 'khor bar gnas par gsungs pa'i phyir/
zer na/ ma khyab ste/ 'khor ba'i gnas su
@21a @#/ /gnas pa la/ 'khor bar gnas zhes brjod pa tsam yin pa'i
phyir/ de ltar gsungs pa ni yin te/ rnam 'grel las/ 'dod chags
bral te gnas pa ni/ /brtse ba'am yang na las kyi yin/ /zhes
gsungs pa'i phyir/ kho na re/ zag bcas nyer len gyi phung po
yang 'khor ba

yin par thal/ de nyid las/ sdug bsngal 'khor ba can phung po/
/zhes dang/ rigs pa drug cu pa'i 'grel ba las/ nye bar len pa'i
phung po lnga ni 'khor ba rang gi ngo bo zhes gsungs pa'i phyir/
zer na/ skyon med de/ lung de gnyis kyi don/ las nyon gyi dbang
gis gang la 'khor zhing skye ba blangs pa'i

nyer len gyi phung po sdug bsngal gyi bden par bstan pa yin pa'i
phyir/ rang lugs ni/ las dang nyon mongs pa'i skye ba len pa 'am
nying 'tshams sbyor ba de nyid 'khor ba yin te/ thos pa'i rjes
'jug bsgrub pa snying por byed/ /skye ba'i rdzong las tshegs
chung thar bar 'gyur/ /zhes dang/ bshes spring

las/ de dag phyir bzlog bgyi ba btang nas ni/ /skye ba bzlog
pa'i slad du 'bad par mdzod/ /ces sogs mang du gsungs pa'i
phyir/ ngo bo bshad pa la/ bye brag tu smra ba rnams ni myang
'das kyi ngo bo nyon sgrib spangs par gyur pa'i ma yin dgag gi
dngos po zhig la 'dod pa yin zhing/ myang 'das kyi thob

pa dgag bya nyan mongs pa sa bon dang bcas pa spangs pa'i rdzas
grub ldan min 'du byed cig la 'dod pa yin te/ lhag med myang
'das kyi thob pa 'dus byas pa de yang de ltar 'dod pa'i phyir/
mdo sde pa yan chad thal 'gyur ba man chad rnams ni/ myang 'das
kyi ngo bo med dgag tu bzhed pa yin te/ de la

blo bur rnam dag gi phyogs dang rang bzhin rnam dag gi phyogs
gnyis yod pa las/ dang po ni gnyen po bden med rtogs pa'i shes
rab kyis nyon sgrib sa bon dang bcas pa slar skye mi rung gi chos
can du byas pa la 'jog  /gnyis pa ni gang zag gi bdag dang/ chos
bdag ci rigs pa bkag pa'i nyon sgrib

spangs pa'i khyad par du byas pa'i med dgag cig la 'jog pa'i
phyir/ dbu ma thal 'gyur ba rnams myang 'das la don dam bden pas
khyab pa bzhed de/ 'gog bden la don dam bden pas khyab pa bzhed
pa'i phyir/ dbu ma rang rgyud pa rnams ni myang 'das la bden pa
gnyis ka'i cha yod par bzhed de/ 'gog

@21b bden la bden pa gnyis ka'i cha yod par bzhed pa'i phyir/
ngo bo nyid sku la de gnyis ka'i cha yod par bzhed pa'i phyir/
de ltar byas na/ nyon sgrib ma lus par spangs pa'i so sor brtags
'gog  myang 'das kyi mtshan nyid/ kha cig de tsam gyis myang
'das kyi mtshan nyid mi rdzogs te/ nyan rang dgra bcom

pas nyon sgrib spangs pa'i so sor brtags 'gog thob kyang myang
'das ma thob pa'i phyir/ rgyud bla ma las/ des na sangs rgyas ma
thob bar/ /mya ngan 'das pa mi thob ste/ /'od dang 'od zer
spangs nas ni/ /nyi ma lta ba mi nus bzhin/ /zhes gsungs pa'i
phyir/ zer na skyon med de/ de mthar thug gi myang 'das la

dgongs pa'i phyir/ kha cig  nyan rang dgra bcom pas myang 'das
thob kyang/ nyon sgrib ma spangs so zer na/ 'og tu 'gog  gnyis
pa dbye ba la dbye ba dngos dang/ lhag bcas lhag med kyi don la
dpyad pa gnyis/ dang po la/ myang 'das la dbye na/ theg chen gyi
myang 'das dang/ theg dman gyi myang 'das

gnyis/ theg chen gyi myang 'das dang mi gnas pa'i myang 'das don
gcig  lhag med myang 'das la mtha' dpyad pa la/ gzhan lugs dgag
pa dang/ rang lugs bzhag pa gnyis/ dang po la/ kha cig  /kun
'byung ma lus par spangs shing sdug bsngal gyi phung po'i lhag
ma dang bcas pa'i so sor brtags 'gog  /

lhag bcas myang 'das kyi mtshan nyid/ kun 'byung ma lus par
spangs shing/ sdug bsngal gyi phung po'i lhag ma med pa'i so sor
brtags 'gog  lhag med myang 'das kyi mtshan nyid zer na/ myang
'das la kun 'byung spangs pa'i myang 'das yin pas ma khyab par
thal/ lhag bcas myang 'das la gnas pa'i nyan

thos dgra bcom pa'i rgyud la ma nges pa'i las kyi kun 'byung yod
pa'i phyir/ rnam 'grel las/ srid pa'i sred las rnam brgal ba/
/las gzhan 'phen nus ma yin te/ /lhan cig byed pa zad phyir ro/
/zhes dang/ rnal 'byor spyod pa'i sa las kyang/ dgra bcom pa dag
la yang sngon so so skye bo'i gnas skabs su

byas pa'i las dge ba dang mi dge ba ma ngas pa dag yod mod kyi/
phra rgyas med pa'i phyir yang srid pa mngon par 'grub pa mi nus
so/ /zhes gsungs pa'i phyir/ yang kha cig  nyon sgrib ma lus
par spangs shing/ snga ma'i las nyon gyi 'bras bur gyur pa'i
sdug bsngal gyi phung po dang bcas pa'i dman pa'i so sor brtags

@22a @#/ /'gog  lhag bcas myang 'das kyi mtshan nyid/ nyon sgrib
ma lus par spangs shing/ snga ma'i las nyon gyi 'bras bur gyur
pa'i sdug bsngal gyi phung po lhag ma dang bral ba'i dman pa'i
so sor brtags 'gog  /lhag med myang 'das kyi mtshan nyid zer na/
lhag bcas myang 'das la gnas

pa'i nyan thos dgra bcom pa rten de la byang chub mchog tu sems
bskyed/ nyer len gyi phung po ma dor ba'i byang sems tshogs lam
pa'i rgyud kyi myang 'das chos can/ dman pa'i so sor brtags 'gog
yin par thal/ lhag bcas myang 'das yin pa'i phyir/ der thal/
sdug bsngal gyi phung po dang bcas pa'i myang

'das yin pa'i phyir/ chos can de yin pa'i phyir/ 'dod na ma yin
par thal/ theg chen pa'i rgyud kyi myang 'das yin pa'i phyir/
gnyis pa la sangs rgyas 'phags pa'i rgyud kyi myang 'das chos
can/ dman pa'i so sor brtags 'gog tu thal/ lhag med myang 'das
yin pa'i phyir/ der thal/ phung po'i

bdud phra mo spangs pa'i myang 'das yin pa'i phyir dang/ sems
bskyed kyi bshad bya rtsa ba'i mdo las/ phung po lhag ma med
pa'i mya ngan las 'das pa'i dbyings la gnas par 'dod pas shes
rab kyi pha rol tu phyin pa la bslab par bya'o/ /zhes gsungs
pa'i phyir/ 'dod mi nus te/ sangs 'phags kyi rgyud kyi

myang 'das yin pa'i phyir/ kha cig de gnyis kyi khyad par nyon
sgrib ma lus par spangs pa'i steng nas gzugs phung rags pa dang
bcas ma bcas la byed zer na mi rigs par thal/ gzugs med kyi rten
la myang 'das mngon du byas ma thag pa'i myang 'das de/ lhag
bcas myang 'das yin pa gang zhig  phung po rags

pa dang ma bcas pa'i phyir/ de lhag bcas myang 'das yin te/ sdug
bsngal gyi phung po dang bcas pa'i myang 'das yin pa'i phyir/
der thal/ gzugs med khams su sdug bsngal gyi phung po yod pa'i
phyir/ phyi ma ma grub na/ de gzugs phung rags pa dang ma bcas
par thal/ gzugs med khams su gzugs

med pa'i phyir/ kha cig  gzugs nyer 'gro'i phyir mi 'ong bar
'da' ba de myang 'das mngon du byed pa dang bar do'i lus 'dor ba
dus mnyam pas/ des dang po nyid nas lhag med myang 'das mngon du
byed pa yin la/ des myang 'das thob pa dang bar do'i lus 'dor ba
dus mnyam pa ni yin te/ bar do'i lus de

@22b yid lus yin pas 'dor sla ba dang/ dgra bcom pa thob nas lus
la sred pa spangs pa'i phyir ro/ /gsung ba ni dpyad par bya'o/
/kha cig gzugs sku gnyis lhag bcas myang 'das dang/ chos sku
lhag med myang 'das yin te/ sku gsum la 'jug pa'i sgor/ phung
por bcas pa'i mya ngan 'das/ /thub sku gnyis la brjod pa

ste; ;phung po kun dang bral ba'i phyir/ chos kyi sku ni phung
po med/ /ces dang/ gser 'od dam pa las kyang/ gzugs sku gnyis la
dgongs nas/ sangs rgyas bcom ldan 'das rnams ni phung po lhag ma
dang bcas pa'i mya ngan las 'das pa'o/ /chos kyi sku la dgongs
nas sangs rgyas bcom ldan 'das rnams ni

phung po lhag ma med pa'i mya ngan las 'das pa'o/ /zhes gsungs
pa'i phyir/ zhes gsungs na/ de mi 'thad de/ lung de gnyis kyi
don ni/ gzugs sku gnyis po de gdul bya la mngon sum du snang
ba'i lhag ma dang bcas shing/ mya ngan las 'das pa dang/ chos
sku de gdul byas mngon sum du mthong ba'i lhag ma med

par mya ngan las 'das pa'i don yin pa'i phyir/ gzhan yang/ gzugs
sku gnyis myang 'das su bzhed pa mi rigs te/ myang 'das la 'dus
ma byas kyis khyab pa'i phyir/ der thal/ de ltar du theg pa che
chung gnyis ka'i grub mtha' smra ba rnams bzhed pa'i phyir te/
mdzod las/ 'dus ma byas rnams gsum yang

ste; ;nam mkha' dang ni 'gog pa gnyis/ /zhes gsungs pa'i phyir/
des na rang lugs la/ nyon sgrib ma lus pa spangs shing/ snga
ma'i las nyon gyi 'bras bur gyur pa'i sdug bsngal gyi phung po
dang bcas pa'i so sor brtags 'gog  /lhag bcas myang 'das kyi
mtshan nyid/ nyon sgrib ma lus pa spangs shing/

snga ma'i las nyon gyi 'bras bur gyur pa'i sdug bsngal gyi phung
po dang bral ba'i so sor brtags 'gog  lhag med myang 'das kyi
mtshan nyid/ so sor brtags 'gog la dman pa sbyar ba gnyis rim pa
bzhin du/ dman pa'i lhag bcas myang 'das dang dman pa'i lhag med
myang 'das gnyis kyi mtshan nyid du rim pa

bzhin du 'jog go/ mtshan gzhi ni rim pa bzhin du nyan thos dgra
bcom pa'i go 'phang thob nas nyer len gyi phung po ma dor ba'i
myang 'das lta bu dang po dang/ nyan thos dgra bcom pa'i go
'phang thob nas nyer len gyi phung po dor ba'i myang 'das lta bu
gnyis pa'i mtshan gzhi yin/ de yang bye brag tu smra ba rnams

@23a @#/ /nyan rang dgra bcom lhag med du mya ngan las 'das pa'i
tshe na lhag med myang 'das kyi thob pa tsam ma gtogs bem rig
rgyun chad du 'dod pa yin te/ theg dman gyi sde snod las/ gang
na lus zhig 'du shes 'gag  /rnam par shes pa nub gyur pa/ /mar
me shi bar

gyur pa ltar/ /de yi yid kyang shin tu 'byung/ /zhes gsungs pa'i
phyir/ lung gi rjes 'brang gi sems tsam pa'i lugs la/ theg dman
gyi lhag med myang 'das kyi tshe na/ 'dus byas kyi rgyu ba rten
log tu bzhed pa yin te/ de'i tshe na 'du byed kyi mtshan ma dang
gnas ngan len thams cad 'gag par

gsungs pa'i phyir/ de ltar byas na lung gi rjes 'brang gi sems
tsam pa'i lugs la/ nyan thos kyi lhag bcas myang 'das kyi tshe na
nyon sgrib gnyen po'i stobs kyis spangs pa nas/ shes sgrib dang
bcas pa dang/ lhag med myang 'das kyi tshe na ni nyon sgrib med
par ma zad/ rten shes pa bzlog pas shes

sgrib kyang med par 'dod pa yin te/ bsdu ba las/ phung po lhag
ma dang bcas pa'i mya ngan las 'das pa'i dbyings la gnas pa la
ni sgrib pa dang bcas pa dang sgrib pa med pa'i rnam par gzhag
pa yod kyi/ phung po lhag ma med pa'i mya ngan las 'das pa'i
dbyings la gnas par 'dod pa la ni sgrib pa'i rnam par

gzhag pa med de/ mtshan ma dang gnas ngan len thams cad nas thams
cad du rgyun chad cing 'gag pa'i phyir/ zhes gsungs pa'i phyir/
'o na de bzhin gshegs pas lhag med myang 'das kyi tshe na'ang
gzhan don rgya chen po la 'jug pa bzhin du/ nyan thos dgra bcom
pas kyang lhag med myang 'das kyi tshe

gzhan don rgya chen po la 'jug par thal/ lhag med kyi skabs su
sgrib gnyis med par mtshungs pa'i phyir/ zer na/ de gnyis mi
mtshungs te/ nyan thos dgra bcom pa slob pa lam gyi gnas skabs su
lhag med myang 'das kyi tshe na yang gzhan don rgya chen po la
'jug par gyur cig snyam pa'i smon lam

goms pa med/ sangs 'phags la de lta bu'i smon lam goms pa yod
pa'i phyir dang/ nyan thos slob pa rnams thar pa tsam don du
gnyer ba'i rigs can yin pas dgra bcom thob na mnyam gzhag las
ldang 'dod kyi bsam pa med par mya ngan las 'da' ba'i phyir/ de
skad du yang/ bsdu ba las/ gal

@23b te de la sgrib pa med na/ de bzhin gshegs pa la yang mi
mnga' ba de kho na bzhin du/ dgra bcom pa la yang sgrib pa med
na dgra bcom pa yang ci'i phyir/ de bzhin gshegs pa'i mdzad pa
mi mdzad ce na/ smras pa/ sngon gyi smon lam goms pa med pa'i
phyir dang/ de lta bu'i rigs can yin pas dgra bcom pa ni

yongs su ldang ba med par mya ngan las 'das pa de'i phyir/ zhes
gsungs pa'i phyir/ kha cig  lung gi rjes 'brang gi sems tsam
pa'i lugs la nyan thos kyi lhag med myang 'das kyi tshe 'dus byas
kyi rgyu ba bzlog pa mi 'thad par thal/ lhag med myang 'das la
gnas pa'i dgra bcom pa bzhed pa'i phyir/ phung po lhag

ma med pa'i mya ngan las 'das pa la ni/ zhes gnas pa ba gcig
yod pa lta bu gsungs pa dang/ dgra bcom pa ni yongs su ldang ba
med par mya ngan las 'das pa de'i phyir/ zhes gsungs pa'i phyir/
zer na/ snga ma dgra bcom pas lhag med myang 'das thob pa la
dgongs pa dang/ phyi ma lhag bcas myang 'das la

gnas pa'i nyan thos dgra bcom pas lhag med kyi tshe ldang 'dod
kyi bsam pa med par mya ngan las 'da' ba'i don yin pa'i phyir/
yang kha cig  lung gi rjes 'brang gi sems tsam pa rnams kyi
nyan thos kyi lhag med myang 'das kyi tshe bem rig rgyun chad du
'dod pa mi rigs te/ thar lam gsal byed las/ lhag med

du bem rig rgyun bcad 'dod pa ni nyan thos sde pa 'ba' zhig gis
btags pa yin/ zhes gsungs pa'i phyir/ zhe na/ de ni lung cung
zad ma dag par mngon te/ nyan thos sde pas btags pa 'ba' zhig
yin zhes pa'i don dang/ phyogs glang yab sras lung gi rjes
'brang gi sems tsam pa ltar mi bzhed pas 'ba'

zhig ces mtshon pa tsam du gsungs pa'i phyir/ phyogs glang yab
sras gnyis nyan thos kyi lhag med myang 'das kyi tshe bem rig
rgyun chad du mi bzhed de/ mtha' gzhan 'gog pa'i rigs pas 'khor
ba la phyi mtha' yod pa dang/ lhag med myang 'das la gnas pa'i
nyan thos dgra bcom theg chen lam du 'jug par

bzhed pa'i phyir/ lung gi rjes 'brang gi sems tsam pa rnams kyi
ni lhag med myang 'das la gnas pa'i nyan thos dgra bcom pa theg
chen lam du mi 'jug par 'dod de/ lhag med du mya ngan las 'da'
kha ma'i nyan thos dgra bcom pa de kun las btus las dgra bcom pa
mtha' mar gsungs pa'i phyir dang/

@24a @#/ /lhag med du mya ngan las 'da' kha ma'i dgra bcom pa'i
yid de/ rang gi rigs 'dra phyi ma'i sa bon nam/ nyer len mi byed
pa'i yid yin la yid kyi khams ma yin par gsungs pa'i phyir/ rigs
pa'i rjes 'brang gi sems tsam pa dang/ dbu ma pa'i lugs la lhag
med myang 'das

la gnas pa'i nyan thos dgra bcom theg chen lam du 'jug par 'dod
pa mi 'thad par thal/ rgyan snang las/ nyan thos dgra bcom pa
'khor ba'i gnas su skye ba mi len par gsungs/ lhag med myang
'das la gnas pa'i nyan thos dgra bcom theg chen lam du 'jug na
'khor ba'i gnas su skye ba len

dgos pa'i phyir/ zer na/ skyon med de/ lung de'i don nyan thos
dgra bcom pa'i go 'phang la gnas bzhin pa'i ngang nas 'khor ba'i
gnas su skye ba mi len pa'i don yin pa'i phyir/ kha cig  /nyan
thos sde pa'i lugs la lhag med myang 'das la gnas pa'i nyan thos
dgra bcom pa yod par bzhed pa rnam

bshad dgongs pa rab gsal las gsungs pa'i phyir/ zer na/ 'o na/
nyan thos sde pa'i lugs la nyan thos kyi lhag med myang 'das kyi
tshe dge sems yod par bzhed par thal/ de'i tshe lhag med myang
'das la gnas pa'i nyan thos dgra bcom yod par bzhed pa'i phyir/
'dod mi nus te/ mdo sde rgyan

las/ mi zad pa yi rgyu mtshan phyir/ /rigs mchog nyid ces brjod
pa yin/ /zhes lhag med myang 'das kyi tshe na dge ba'i rtsa ba
zad mi zad kyi sgo nas theg pa che chung gi rigs la mchog dman
gsungs pa'i phyir/ lnga pa la/ de lta bu'i myang 'das de zas
bcod pa me lnga bsten pa la sogs pa'i thabs gang

yang rung ba la brten nas thob pa ma yin te/ lhag pa'i bslab pa
dang po gnyis sngon du btang nas bdag med rtogs pa'i shes rab
kyi bslab pa bsgom bya'i gtso bor byas nas thob dgos pa'i phyir/
ting 'dzin rgyal po las/ gal te chos la bdag med so sor rtog
/so sor der brtags gang yin sgom byed

pa; ;thar pa mya ngan 'das thob rgyu de yin/ /rgyu gzhan dag gi
zhi bar 'gyur mi srid/ /ces gsungs pa'i phyir/ ngag don la/ gzhi
shes chos can/ byed las khyad par can dang ldan te/ rten gyi
gang zag nyan rang gnyis sdug kun nye bar zhi ba'i nyer zhi
'khrid par byed pa'i byed las dang ldan pa'i phyir/

@24b ! rnam pa thams cad skye ba med pa thugs su chud pa gang
dang ldan na/ zhes sogs kyi skabs su/ mtha' dpyad pa la/ chos
'khor spyi'i rnam gzhag bshad pa dang/ 'khor lo gsum gyi drang
nges 'grel tshul bye brag tu bshad pa dang gnyis las/ dang po la/
mtshan nyid/ dbye ba/ phye ba so so'i don bshad pa/

sgra don bshad pa/ zhar la chos phung gi tshad bshad pa dang
lnga/ dang po la/ sangs rgyas kyi bstan par rtogs pa'i dam chos/
chos 'khor gyi mtshan nyid/ gnyis pa de la dbye na/ lung gi chos
'khor dang/ rtogs pa'i chos 'khor gnyis/ gsum pa la/ sangs rgyas
kyi lung gi bstan par rtogs pa'i dam

chos; lung gi chos 'khor gyi mtshan nyid/ de la rjod byed kyi sgo
nas dbye na gsung rab yan lag bcu gnyis/ brjod bya'i sgo nas
dbye na/ sde snod rin po che rnam pa gsum/ ched du bya ba'i gdul
bya/ brjod bya/ dus gsum ga'i sgo nas dbye na/ 'khor lo rim pa
gsum yod/ de rnams kyi nang nas gsung rab

yan lag bcu gnyis kyi khyad par yod de/ brgyad stong snying po
mchog las/ mdo sde dbyangs snyad lung bstan dang/ /tshigs bcad
ched brjod rtogs pa brjod/ /de ltar byung dang gleng gzhi dang/
/shin tu rgyas dang skyes rabs bcas/ /gtan dbab rmad du byung
chos sde/ /de ltar yan lag bcu gnyis so/ /zhes

gsungs pa ltar yin pa'i phyir/ de rnams kyi ngo bo'i khyad par
yod de/ dang po lnga po de nyan thos kyi mdo sde'i sde snod
dang/ gleng gzhi gtso bo/ /rtogs pa brjod pa/ de ltar byung ba/
skyes rabs gsum 'khor du byas pa'i bzhi po de nyan thos kyi 'dul
ba'i sde snod dang/ shin tu rgyas pa'i sde/ rmad du byung ba'i
sde/

gnyis byang sems kyi mdo sde'i sde snod/ gtan la dbab pa bstan
pa'i sde theg pa che chung gnyis ka'i mngon pa'i sde snod yin
pa'i phyir/ de yang theg pa che chung gnyis ka'i skabs su chos
rab tu rnam 'byed kyis gtan la phab nas rtogs dgos pa'i ji lta
ji snyed kyi cha gtso bor gtan la 'babs pas de ltar

bshad kyi theg pa che chung gi sde snod thun mong ba yin pa'i
dbang du byas pa min no/ /bcu gnyis po de yang bsdu na gleng gzhi
gtso 'khor bzhi po gcig tu byas nas dgur 'du ba dang/ de yang
bsdu na sde snod rin po che rnam pa gsum du 'du/ de yang bsdu na
theg pa che chung gi sde snod gnyis su 'du/ bcu gnyis po

@25a @#/ /dgur bsdu ba'i rgyu mtshan la rnam pa dgu yod de/ chos
dang don gyi dbang du byas pa gsum/ spang bya'i dbang du byas pa
gsum/ bslab bya'i dbang du byas pa gsum dang bcas pa rnams su
yod pa'i phyir/ dang po gsum gyi khyad par yod de/ chos dang don
brjod pa'i dbang du byas pa

mdo sde'i sde snod/ chos dang don mngon du byed pa'i dbang du
byas pa 'dul ba'i sde snod/ chos dang don 'bel gtam gyis gtan la
phab nas rdzogs par longs spyod pa'i dbang du byas nas mngon
pa'i sde snod bzhag pa'i phyir/ chos dang don gyi khyad par yod
de/ phung khams skye mched rnams dang po dang/ gnyis

pa ni de'i mi rtag pa lta bu la brjod pa yin pa'i phyir/ bar pa
gsum gyi khyad par yod de/ nye ba'i nyon mongs pa the tshom gyi
gnyen po gtso bor ston pa'i dbang du byas nas mdo sde'i sde
snod/ nye ba'i nyon mongs pa mtha' gnyis su 'dzin pa'i gnyen po
gtso bor ston pa'i dbang du byas nas 'dul ba'i sde snod/ nye

ba'i nyon mongs pa lta ba mchog 'dzin gyi gnyen po gtso bor ston
pa'i dbang du byas nas mngon pa'i sde snod bzhag pa'i phyir/
phyi ma gsum po de'i khyad par yod de/ lhag pa tshul khrims kyi
bslab pa brjod bya'i gtso bor ston pa'i dbang du byas nas 'dul
ba'i sde snod/ lhag pa ting nge 'dzin gyi bslab pa

brjod bya'i gtso bor ston pa'i dbang du byas nas mdo sde'i sde
snod/ lhag pa shes rab kyi bslab pa brjod bya'i gtso bor byas
nas ston pa'i dbang du byas nas mngon pa'i sde snod bzhag pa'i
phyir te/ mdo sde rgyan las/ sde snod dag ni gsum mam gnyis
kyang/ /bsdu ba'i phyir na rgyu ni dgur 'dod do/ /zhes gsungs

pa'i phyir/ de dag la brten nas sde snod gsum gyi mtshan nyid
kyang shes par bya zhing/ gsum po de 'gal ba yang ma yin te/
rgyas 'bring bsdus gsum de gsum ga yin pa'i phyir te/ lhag pa'i
bslab pa gsum ga brjod bya'i gtso bor byas nas gtan la 'bebs
pa'i phyir dang/ de gsum la dam pa'i chos

'dul ba zhes pa yang mang du gsungs pa'i phyir/ 'khor lo rim pa
gsum gyi 'jog tshul la/ bye brag smra ba'i lugs la/ bden bzhi'i
chos 'khor de nyid lan gsum du bzlas shing rnam pa bcu gnyis su
bskor bar bzhed pa dang/ de yang dge slong dag 'di ni sdug
bsngal 'phags pa'i bden pa'o/ /zhes

@25b sogs ngo bo la bzlas pa'i tshe kun shes kauNDi n+ya'i
rgyud la mthong lam skyes/ gzhan bzhi'i rgyud la sbyor lam
skyes/ sdug bsngal shes par bya zhes sogs byed pa la bzlas ba'i
tshe/ kauNDi n+ya'i rgyud la sgom lam skyes gzhan bzhi'i rgyud
la mthong lam skyes/ sdug bsngal shes par bya ste slar yang shes
par byar med/

ces sogs bya ba 'bras bu la bzlas pa'i tshe kun shes kauNDi
n+ya'i rgyud la dgra bcom pa'i 'bras bu thob/ gzhan bzhi'i
rgyud la sgom lam skyes pa'i tshul gyis bskor ba dang/ rnam pa
bcu gnyis su bskor tshul yod de/ ngo bo la bzlas pa'i tshe lnga
sde las gzhan pa'i gdul bya'i rgyud la rig pa sbyor lam/ mig
mthong lam/

shes pa sgom lam/ blo mi slob lam rnams skyes/ de bzhin du byed
pa la bzlas pa'i tshe de bzhin skyes pa dang/ bya ba'i 'bras bu
la bzlas pa'i tshe yang de bzhin skyes pa'i sgo nas bcu gnyis su
bskor ba'i phyir/ 'di pa'i lugs la yang rgyal ba'i gsung rab
mtha' dag 'khor lo gsum du 'dus par bzhed do/ /theg chen pa'i
lugs kyi

'khor lo gsum gyi mtshan nyid 'og tu 'chad/ gnyis pa rtogs pa'i
chos 'khor la/ sangs rgyas kyi rtogs pa'i bstan par rtogs pa'i
dam chos/ rtogs pa'i chos 'khor gyi mtshan nyid/ bye brag smra ba
rnams ni mthong lam kho na rtogs pa'i chos 'khor du 'dod de/
bden pa bzhi'i chos kyi 'khor lo bskor ba'i tshe lnga

sde'i rgyud la mthong lam skyes pa na lha rnams kyis a la la
'dzam bu'i gling du chos kyi 'khor lo bskor ba mthong zhes
bsgrags pa'i phyir dang/ mthong lam de 'khor los bsgyur ba'i
'khor lo rin po che dang chos mtshungs pa'i phyir/ de mtshungs te/
'khor bsgyur gyi 'khor lo rin po che rim gyis yul gzhan nas
gzhan

du 'jug pa dang/ mtho ba la 'phar/ dma' ba la 'bab/ de la brten
nas rgyal phran ma rgyal ba las rgyal/ rgyal ba mnal du 'god pa
de bzhin du/ mthong lam yang bden pa snga ma'i dmigs rnam dor
nas phyi ma phyi ma'i dmigs rnam la 'jug  /chos bzod dang chos
shes kyis khams 'og ma'i bden pa la dmigs nas

'bab/ rjes bzod dang rjes shes kyis khams gong ma'i bden pa la
dmigs nas 'phar/ chos bzod rjes bzod kyis mthong spang ma rgyal
ba las rgyal/ chos shes dang rjes shes kyis rgyal ba mnal du
'god pa'i phyir/ bye smra ba'i btsun pa dbyig bshes kyi gsung na
re/ mthong lam gyi ngo bo 'phags lam yan lag
@26a @#/ /brgyad po kho na rtogs pa'i chos 'khor yin te/ de rnams
'khor los bsgyur ba'i rgyal po'i 'khor lo rin po che dang 'dra
chos khyad par ba sbyar du yod pa'i phyir/ de yod de/ 'khor lo
rin po che de la 'dzin pa byed pa'i lte ba/ gcod par byed pa'i
rtsibs/ sdud par byed pa'i mu

'khyud dang bcas pa de bzhin du/ 'phags lam yan lag brgyad kyi
nang tshan du gyur pa'i yang dag pa'i ting nge 'dzin de lhag pa
ting nge 'dzin gyi bslab pa yin pas 'dzin par byed pa'i lte ba
lta bu dang/ yang dag pa'i lta ba/ yang dag pa'i dran pa/ yang
dag pa'i rtog pa/ yang dag pa'i rtsol ba bzhi po de lhag pa

shes rab kyi bslab pa yin pas gcod par byed pa'i rtsibs lta bu
dang/ yang dag pa'i ngag  /yang dag pa'i las kyi mtha'/ yang dag
pa'i 'tsho ba gsum po de lhag pa tshul khrims kyi bslab pa yin
pas/ sdud par byed pa'i mu 'khyud lta bu yin pa'i phyir te/
mdzod las/ chos kyi 'khor lo mthong ba'i

lam; ;myur bar 'gro sogs rtsibs sogs phyir/ /zhes gsungs pa'i
phyir/ 'dra yul gyi 'khor lo rin po che de la yang/ gser dngul
zangs lcags kyi 'khor lo rin po che bzhi yod pa yin te/ mdzod
las/ gser dngul zangs lcags 'khor lo can/ /de dag gling gcig
gling gnyis dang/ /gsum

dang bzhi la mas rims bzhin/ /phas bsu rang 'gro g.yul bshams
dang/ /mtshon tsam bas rgyal gnod pa med/ /ces gsungs pa'i phyir/
de dag ni bye brag tu smra ba'i 'dod pa brjod pa tsam yin gyis
slob dpon rang lugs kyi bzhed pa ma yin te/ mdzod 'grel las/
yang na 'phags pa'i lam

thams cad kyang chos kyi 'khor lo zhes bya ste/ gdul bya'i rgyud
la 'jug pa'i phyir/ zhes gsungs pa'i phyir/ theg chen pa'i lugs
la lam ma zhugs kyi rgyud kyi lhag pa'i bslab pa gsum lam lnga
'gog bden dang bcas pa rtogs pa'i chos 'khor yin te/ ston pas
lung gi chos 'khor bskor ba na

gdul bya'i rgyud la dge ba'i chos ma skyes pa skye/ skyes pa
gnas pa de gong du 'phel te/ mthar gdul bya'i mi mthun phyogs
spong ba'i ched du yin pa'i phyir/ kha cig  de dag mi 'thad de/
rtogs pa'i chos 'khor la lam gyis khyab pa dang/ 'gog bden 'khor
lo rin po che dang chos mi mtshungs pa'i phyir/

@26b zer na ma khyab/ kho na re khyab ste/ tshig gsal las/ chos
kyi 'khor lo kha cig ni tshogs kyi lam mo/ /kha cig ni bar chad
med pa'i lam gyi bar dag go/ zhes dang/ kun btus las kyang chos
kyi 'khor lo kha cig ni tshogs kyi lam/ kha cig ni sbyor ba'i lam
mo/ /kha cig ni mthong ba'i lam mo/ /kha cig

ni sgom pa'i lam mo/ /kha cig ni khyad par gyi lam mo/ /zhes
gsungs pa dang/ chos 'khor 'khor lo rin po che dang chos mthun
sbyar nas gsungs pa'i phyir/ zer na yang ma khyab/ 'o na rnam
mkhyen rtogs pa'i chos 'khor ma yin par thal/ tshig gsal las de
ltar gsungs na rtogs pa'i chos 'khor la

lam gyis khyab pa gang zhig  de las kha cig ni bar chad med
pa'i lam gyi bar dag go/ zhes gsungs pa'i phyir/ 'dod mi nus so/
/gzhan yang lam ma zhugs kyi rgyud kyi lhag pa'i bslab pa gsum
po de sangs rgyas kyi rtogs pa'i bstan pa ma yin par thal/ de
gsum rtogs pa'i chos 'khor ma yin pa'i

phyir/ 'dod mi nus te/ de sangs rgyas kyi 'phrin las yin pa'i
phyir/ gzhan yang 'gog bden chos can/ rtogs pa'i chos 'khor yin
par thal/ rtogs pa'i chos dkon mchog yin pa'i phyir/ ma grub na
der thal/ chos dkon mchog yin pa'i phyir/ de la khyab pa med na
'bud/ rtsa bar ma khyab na

gal te rtogs pa'i chos 'khor yin na rtog pa yin dgos na/ rtogs
pa'i chos dkon mchog yin na rtog pa yin mi dgos par bud/ gzhan
yang de rtogs pa'i chos 'khor yin par thal/ de rtogs pa'i yon
tan yin pa'i phyir/ der thal/ 'gog snyoms rtogs pa'i yon tan yin
pa'i phyir dang/ rnam

bshad rigs pa'i rgya mtsho las kyang/ 'gog bden rtogs pa'i yon
tan du gsungs pa'i phyir/ de ltar na'ang tshig gsal dang kun btus
gnyis dang mi 'gal te lam du gyur pa'i chos 'khor gyi thog ma
bzung nas mtshan gzhi bstan pa tsam yin pa'i phyir/ bzhi pa sgra
don bshad pa la/ lung rtogs kyi chos de

rnams la chos 'khor zhes 'chad pa'i rgyu mtshan yod de/ 'khor los
bsgyur ba'i 'khor lo rin po che dang chos mtshungs pa'i rgyu
mtshan gyis de ltar bshad pa'i phyir/ bsdu ba las/ bcom ldan 'das
kyi dang por kun shes kauNDi n+ya'i rgyud la kun shes pa'i chos
nyid dang mthun par rab tu bskor la des kyang gzhan

@27a @#/ /dag la rab tu bskor ba dang/ de dag gis kyang gzhan dag
la rab tu bskor bar 'gyur te/ des na gcig nas gcig tu brgyud de
bskor bas na 'khor ba/ yang dag pa'i lta ba la sogs pa'i chos
kyi rang bzhin can yin pas na chos kyi 'khor lo zhes bya'o/
/zhes gsungs

pa'i phyir/ chos 'khor bskor ba po'i gang zag yin na sangs
'phags yin pas khyab par 'dod pa ni lung 'di gnyis dang 'gal
zhing gzhan don gyi sbyor ba'i bshad bya rtsa ba'i mdo las/ bdag
kyang chos kyi 'khor lo bskor/ gzhan yang chos kyi 'khor lo
bskor ba la 'god par byed do/ /zhes gsungs pa'i

phyir; lnga pa chos phung gi tshad bshad pa la/ kha cig  /'phags
pa shA ri'i bus mdzad pa'i sholo ka stong yod pa'i bstan bcos
zhig la chos kyi phung po zhes 'byung bas/ sholo ka drug stong
yod pa'i gsung rab re la chos kyi phung po re'i tshad du byed
zer/ kha cig  phung khams skye mched kyi don tshan tshang bar
sten pa'i

gtam tshogs re la chos phung re'i tshad du byed zer/ kha cig
nyon mongs pa brgyad khri bzhi stong gi nyon mongs pa sna re'i
gnyen po tshang bar ston pa'i gsung rab re la chos phung gi tshad
du byed zer te/ mdzod las/ kha cig bstan bcos tshad ces zer/
/phung po la sogs gtam re yin/ /spyod pa rnams kyi

gnyen por ni/ /chos kyi phung po mthun par gsungs/ /zhes gsungs
pa'i phyir/ de gsum gyi nang nas phyi ma 'di 'thad dam snyam/
theg chen pa rang lugs la/ glang po che sa la rab brtan gyis ji
tsam theg pa'i snag tshas 'dri nus pa'i gsung rab re la chos
phung re'i tshad du byed de/ dge slong lhas byin gyi rgyud

la chos phung gcig yod par grags/ de snag tshas 'dri ba'i dbang
du byas na glang po che sa la rab brtan gyis ji tsam theg pa'i
snag tshas 'dri nus par bzhed pa'i phyir/ spyir sangs rgyas re
res gsungs pa'i gsung rab la sholo ka dang glegs bam sogs kyis
gzhal mi nus te/ sangs rgyas rnams 'khor ba ma

stongs kyi bar du sku'i bkod pa grangs med pas gdul bya la chos
ston par mdzad pa'i phyir/ glegs bam sogs su byas pa yang 'dzam
gling 'dir tshang bar mi bzhugs pa'i rgyu mtshan yod de/ 'jig rten
gyi khams gzhan dang klu'i yul sogs su bzhugs nas 'gro don mdzad
pa'i phyir ro/ /slob spring las/

@27b bstan pa rin chen mchog ltar bzang la phan mdzad pa/ /rnam
par dag tshul gang yin de ni klu mgo'i gdengs ka can/ /chen po
rnams kyi gtsug gi rgyan bzhin gus nod nas/ /sa yi steng na gnas
pa'i rab rib ma lus sel bar byed/ /ces gsungs pa'i phyir/ gnyis
pa rgyas pa la dad pa'i gang zag la phye ste bshad pa

la; dgos don/ bsdus don/ tshig don bshad pa gsum/ dang po la
bstan bcos rtsam pa dgos med kyi dogs pa so sor spangs nas/
brjod bya mkhyen gsum spyi'i rnam gzhag bshad pa dang/ mdo dang
zlos pa'i skyon spangs nas dgos pa yod par sgrub pa dang gnyis/
dang po la rtsod pa dang lan no/ /dang po ni ci rtsod

pa'i don 'di dag khas len pa dngos su yod pa'am/ 'on te med
kyang dogs pa khong nas bsu ba yin/ dang po ltar na/ yum gyi
mdo'am bstan bcos gang la rtsod/ dang po ltar na ni/ mdo las
mkhyen gsum la sogs pa khyad par gyi gzhir bzung nas stong nyid
rgyas par gtan la phab pas/ gzhi kho na ston nam

snyam pa sogs kyi dogs pa med la/ gnyis pa ltar na bstan bcos
rdzogs par mthong nas bsam/ 'on te mchod brjod tsam zhig mthong
nas yin/ cung zad kyang ma mthong na ni slob dpon gyi de ltar
phyag 'tshal ba dang zhes sogs kyi gzhung 'brel med du 'gyur/
dang po ltar na brjod bya gang ston shes mod ci'i

phyir rtsod pa byed/ gnyis pa ltar na/ rje btsun gyis mchod
brjod tsam zhig brtsams ma thag  /de lta bu'i dogs pa skyes pa'i
gang zag de su zhig yin/ mkhyen gsum gyi sgo nas yum la bstod pa
mthong ba na mchod brjod ji ltar 'byung ba dang mthun par bstan
bcos kyi lus rdzogs dgos pa'i nges pa cung zad kyang med

la; gal te yod na yang/ mkhyen gsum gtan la 'bebs par rtogs zin
nas/ yang gang zhig brjod byar byed snyam pa rtog dpyod dang mi
ldan pas dri ba yin pas/ de lta bu'i brgal lan bstan bcos su
byed don med la/ 'on te/ de lta bu 'dod pa su yang med kyang
mtha' gzhan du srid pa'i dogs pa dpyad pa'i phyir

du slob dpon gyis bkod pa yin no/ la la na re/ kha cig gzhan dag
na re zhes pa'i 'grel chen dang 'gal bas ji ltar yin brjod par
bya dgos shing/ brgal ba 'di gang las 'phras pa yang brjod byar
bya dgos so zhe na/ bden mod kyi mkhyen gsum brjod byar byas
pa'i bstan bcos rtsom zhes shugs la dam

@28a @#/ /bcas pa la rtsod pa yin zer ba yang/ 'thad par dka'
ste/ de ltar nges bzhin du gang brjod byar byed ces dri ba byis
pa'i dri ba yin pa'i phyir/ bstod yul gyi yon tan dang mthun par
bstan bcos rtsom zhes shugs la dam bca' ba yang 'brel med pa'i
phyir/ des na/ de

ltar rgol ba'i gang zag dngos su yod na mkhyen gsum gtan la
'bebs pa yid dpyod kyi sgo nas nges nas de gtan la 'bebs pa la
de dag gi dmigs pa gzhi dang lam dang rnam pa gsum rtogs pa'i
yul can mkhyen pa gsum po rtogs par byar med pas/ de'i dmigs pa
gsum po thog mar gtan la

'bebs dgos la/ de ltar na 'og nas 'chad pa'i skyon du 'gyur ro/
/zhes pa dang/ dogs pa skye ba'i gzhi ni mchod brjod de/ de ltar
na yang rtog ldan gyi dri ba'i lan 'debs pa skabs su bab pas
rtog ldan la mchod brjod kyi dag la brten nas dogs pa skye ba
dpyad par dka' bas/ des dogs pa'i

gtso bo ni mkhyen pa gsum ga brjod byar byed na mdo dang zlos
pas mngon rtogs rgyan brtsams pa la dgos pa med par thal ba'i
rtsod pa dgos 'brel gyi mtshams sbyar du 'byung ba de nyid yin
la/ de'i mtha' dpyod pa la ya gyal re re ba brjod byar byed pa
la rtsod pa spong ba 'di nyid yin pas/ phyogs snga khong

na gnas pa slob dpon gyis bsu ba'i don du gsal la/ 'grel chen
dang yang mi 'gal te/ de lta bu 'dod pa byung na 'dir brgal ba'i
skabs su bstan pa'i sun 'byin 'di dag 'phen pa'i don yin la/
'dir bshad pa ltar ya gyal re res kho na ston na/ nyes pa 'di
dag tu 'gyur ro zhes pa yang de ltar

khas len na bden yang/ de ltar khas mi len no zhes khong na gnas
pa slob dpon gyis bslangs pa yin no/ /brgal lan 'di dag mchod
brjod las 'phros pa la bsams nas mchod brjod kyi rtsod lan gyi
don tshan du bsdus shing/ skye bo blo gros dman pa dag  /ces sogs
dgos 'brel gyi rtsod lan

'chad pa ni/ don legs par ma rtogs pa'i rnam 'gyur du gsal te/
mngon rtogs rgyan brtsams pa la don yod par grub pa'i ched du
dgos med kyi dogs pa spangs nas/ bstan bcos kyi brjod bya mkhyen
gsum spyi'i rnam gzhag ston par ches shin tu gsal ba'i phyir/
rtsa bar 'dod na/ snga phyi

@28b mchod brjod dang dgos 'brel gyi don tshan so sor byed pa mi
'thad pa yang 'chad par 'gyur ro/ /de yang 'jug pa bde ba'i
dbang du byas na/ nyan thos zhi ba 'tshol rnams zhes sogs kyis
mkhyen gsum la dngos su bstod phyag mdzad nas mngon rtogs rgyan
rtsom par shugs la dam bcas pa na/ rgol ba rtog

ldan kha cig skyes bu dam pa rnams bstan bcos rtsom pa sogs chos
ldan gyi bya ba khyad par can la 'jug pa'i thog mar yul khyad
par can la skyabs su 'gro ba sngon du btang nas 'jug pas rje
btsun 'di yang bstan bcos shig rtsom pa srid/ de rtsom na gzhung
gzhan du mchod brjod kyi yul du smos pa'i sangs rgyas

byang sems la dngos su bstod phyag ma mdzad par de gsum brjod
byar byas pa'i bstan bcos shig brtsams pa yin nam/ de brtsams na
yul gzhi gnyen rnam gsum gtan la ma phab par yul can mkhyen gsum
gtan la 'bebs mi nus pas/ de ltar chos rab tu rnam 'byed kyi
shes rab bskyed pa'i phyir

gzhi gnyen rnam pa gsum gyi nang nas gzhi dang/ mi mthun phyogs
spang ba'i phyir du gnyen po dang/ shes bya ma lus pa shes pa'i
phyir du rnam pa rnams las gang yang rung ba zhig brjod byar
bsdus pa mdzad brtags na/ de thams cad mi rigs te/ phyogs dang
po ltar na bstan bcos 'di brtsams pa dgos

dgong pa med pa yin te/ chos mngon pa dang zlos pa'i phyir/ 'di ltar
mngon rtogs rgyan 'di las ni chos rnams kyi rang spyi'i mtshan
nyid gtan la 'bebs pa'i chos mngon pa'i bstan bcos dag las mi
smos pa'i gzhi gang yin pa de 'byung ba med pa'i phyir/ phyogs
gnyis pa ltar na yang gnyen po rnam byang

gi chos tsam zhig brjod byar bsdus pa'i phyir spang bya kun nas
nyon mongs kyi chos brjod byar ma bsdus pas/ bstan bcos 'di la
brten nas gnyen po 'di spang bya gang gi gnyen po yin pa khong
du chud par mi 'gyur ro/ /phyogs gsum pa ltar na yang rnam pa
gzhi bcas su ston nam/ gzhi dang ma 'brel bar

ston/ dang po ltar na/ mngon pa dang zlos pa'i nyes pa de nyid
du 'gyur/ phyi ma ltar na rnam pa gzhi med tsam zhig brjod byar
bsdus pa'i phyir/ 'jug yul grol ba don gnyer gyi skyes bu la nye
bar mkho ba'i don cung zad kyang ma bshad par thal/ phung po mi
rtag pa dang bdag med pa sogs kyis mtshon pa'i gzhi dang

@29a @#/ /'brel ba'i don bstan bcos 'di las cung zad kyang rtogs
mi nus pa'i phyir/ 'dod na/ bstan bcos 'di brtsams pa don med
par thal/ grol ba don gnyer gyi skyes bu la nyer mkho'i don cung
zad kyang ma bshad pa'i phyir/ des na bstan bcos 'di brtsams pa
la dgos

pa med par 'gyur ro/ /zhe na/ gnyis pa lan la/ lan dngos dang/
shes byed kyi lung 'god/ lung gi don bshad/ don bsdus pa'o/
/dang po la/ mngon rtogs rgyan chos can/ khyod kyi gzhi gnyen
rnam gsum re re kho na brjod byar bsdus pa'i sgo nas skyon yod
pa ma yin te/ rgyu mtshan gang gi phyir na khyod kyi

gzhi gnyen rnam pa gsum ga brjod byar gtan la 'bebs/ gzhi gnyen
rnam pa'i phyogs gsum char gyis kyang mkhyen gsum mtshon pa'i
tshul gyis mkhyen gsum brjod byar byed pa'i phyir/ mkhyen gsum
brjod byar gtan la 'bebs pa'i rgyu mtshan yod de/ 'phags bzhi'i
mngon rtogs mtha' dag

gtan la 'bebs par bzhed pa'i phyir ro/ /mkhyen gsum gtan la phab
pas 'phags bzhi'i mngon rtogs mtha' dag gtan la phab par 'gyur
te/ nyan rang 'phags pa'i mngon rtogs byang sems 'phags pa'i
mngon rtogs sangs rgyas 'phags pa'i mngon rtogs rnams go rim
bzhin du gzhi shes dang

lam shes dang rnam mkhyen dang bcas pas bsdus pa'i phyir/ kha
cig na re/ mngon rtogs rgyan chos can/ khyod kyi 'phags bzhi'i
mngon rtogs brjod byar bsdus te/ mkhyen gsum brjod byar bsdus
pa'i phyir/ zhes smra ba yang mi rigs te/ sgra rtog yul la sel
'jug gi rnam gzhag ma shes pa'i skyon du

'gyur ba'i phyir/ gzhi gnyen rnam gsum dang mkhyen gsum ni skabs
'dir gcig la brten nas cig shes mtshon par byar yod de/ 'di khyad
chos sdom na gzhi bden bzhi'i steng du bdag med gnyis 'khor bcas
rtogs pa'i ye shes kyi bye brag ces par 'gyur la/ so sor phral
na gzhi gnyen rnam gsum

zhes par 'gyur ba'i phyir ro/ /de yang gzhi shes pa yi bye brag
rnams/ /zhes pa'i skabs su shes par 'gyur/ /de la skabs 'dir
sngon gyi mkhas pa kha cig gis kyang/ gzhi gnyen rnam pa gsum ga
brjod byar bsdu na bstan bcos brtsams pa dgos med du thal ba'i
rtsod pa dgos 'brel gyi mtshams

@29b sbyar nas 'byung ba de ma rtogs par 'dir de'i rtsod lan
shugs la bstan par dgongs nas/ mngon rtogs rgyan gyi lus gsum du
thal/ gzhi gnyen rnam pa gsum ga brjod byar bsdus pa'i phyir/
zhes pa'i rtsod pa bkod nas gang zag gcig sangs rgya ba'i cha
rkyen du ston pa yin pas bstan bcos kyi lus

gsum du mi 'gyur zhes pa'i lan dang/ 'o na mkhyen gsum gang zag
gcig kho na'i mngon rtogs yin par thal/ gzhi gnyen rnam pa gsum
po de gang zag gcig 'tshang rgya ba'i cha rkyen du ston pa yin
pas lus gsum du mi 'gyur ba'i phyir/ zhe na/ gang zag gcig
'tshang rgya ba'i cha rkyen du gtan la 'bebs pa

yin kyang/ mkhyen gsum gang zag so so'i mngon rtogs yin pa 'di
ltar zhes bshad ce na/ de ni shin tu mi 'thad de/ ya gyal re
re'i rtsod pa spangs pa phal pa yin pa'i phyir dang/ gsum ga
bsdus na bstan bcos brtsams pa dgos med du thal ba rtsod pa'i
gtso bo yin pas de 'grel pa 'di'i shugs bstan gyi don

du 'chad pa mi rigs pa'i phyir/ des na rtsod spongs 'di dag ni
bstan bcos kyi brjod bya spyi'i rnam gzhag dang/ mngon par rtogs
pa'i rgyan brtsams pa la dgos pa yod par sgrub pa'i ched du yin
no/ /shes byed kyi lung bkod pa la/ yum bar ma dang bsdus pa'i
shes byed bkod/ rgyas pa'i kha 'phangs/ dang po

la mdor bstan rgyas bshad gnyis dang po la/ mkhyen gsum gyis
'phags bzhi'i mngon rtogs mtha' dag bsdus pa'i rgyu mtshan yod
de/ 'di ltar/ rgyal ba'i yum bar ma las/ rab 'byor thams cad
shes pa nyid ni nyan thos dang rang sangs rgyas rnams kyi yin
no/ /lam shes pa nyid ni byang chub sems

dpa' rnams kyi yin no/ /rnam pa thams cad mkhyen pa nyid ni de
bzhin gshegs pa dgra bcom pa yang dag par rdzogs pa'i sangs
rgyas rnams kyi yin no/ /zhes gsungs pa'i phyir dang/ gnyis pa
rgyas bshad la/ bcom ldan 'das ci'i slad du thams cad shes pa
nyid nyan thos dang rang sangs rgyas rnams kyi

lags/ rab 'byor thams cad shes pa nyid ni phyi dang nang gi chos
ji snyed pa 'di tsam yin la/ zhes sogs gsungs pa'i phyir dang/
bcom ldan 'das ci'i slad du lam gyi rnam pa shes pa nyid ni
byang chub sems dpa' rnams kyi lags/ rab 'byor nyan thos kyi lam
gang yin pa dang/ rang sangs rgyas kyi lam

@30a @#/ /gang yin pa dang/ sangs rgyas kyi lam gang yin pa'i lam
thams cad bskyed par bya lam thams cad shes par bya'o/ /de dag
kyang yongs su rdzogs par bya zhing 'di dag gi lam gyi bya ba
yang bya la/ smon lam yongs su rdzogs par ma byas pa dang/ sems
can yongs su

smin par ma byas pa dang sangs rgyas kyi zhing yongs su ma
sbyangs par de dag gi yang dag pa'i mtha' dam pa mngon du mi
bya'o de'i phyir byang chub sems dpa' rnams kyi yin no/ /zhes
dang/ bcom ldan 'das rnam pa thams cad mkhyen pa nyid de bzhin
gshegs pa dgra bcom pa yang dag par rdzogs pa'i sangs

rgyas rnams kyi lags/ rab 'byor rnam pa gang dag dang rtags gang
dag dang/ mtshan ma gang dag dang ldan pa'i zhes sogs dang/ bsdus
pa'i shes byed la/ nyan thos kyi sa la slob par 'dod pas kyang
sher phyin la slob par bya'o/ /zhes dang/ rgyas pa la kha
'phangs pa la/ rgyas pa las kyang rgya cher

gsungs so/ /zhes pa'o/ /mdo'i don bshad pa la/ de la thams cad
shes pa nyid ni gzugs la sogs pa'i chos la mi rtag pa la sogs
pa'i rten can 'bras bu bdag tu rmongs pa spangs pa can yin no/
/zhes sogs tshan pa gsum gsungs/ don bsdus te 'chad pa la de bas
na zhes sogs gsungs

so; ;bsdu byed kyi mkhyen pa gsum gyi khyad par yod de/ bshad ma
thag pa'i lam gyi tshul lugs gsum pa can gyi gzhi shes zhes sogs
gsum po de yin pa'i phyir/ ! rab 'byor nyan thos kyi lam gang
yin pa dang/ zhes sogs kyi skabs su/ mtha' dpyad pa la/ 'dir
bstan shes bya'i lam

gsum ngos bzung ba/ de gsum lam gang gi gnas skabs su shes
bskyed rdzogs gsum byed pa/ rdzogs smin sbyangs gsum gyi tshad
bshad pa/ yang dag mtha' ngos bzung nas de mngon du byas pas
tshad bshad pa/ zhar la spyir btang dmigs bsal gyi don bshad pa
dang lnga/ dang po la gzhan

lugs dgag pa/ rang lugs bzhag pa gnyis/ dang po la/ kha cig gi
gsung na re/ gang zag gi bdag med rtogs pa'i ye shes gang zag
su'i rgyud la yod kyang nyan thos kyi lam du 'jog cing/ de bzhin
du gzugs 'dzin gnyis stong rtogs pa'i ye shes dang/ stong nyid
rtogs pa'i ye shes la

@30b yang rim pa bzhin du sbyor zer na/ 'o na/ nyan thos kyi lam
gyi rigs yin na/ nyan thos kyi lam yin dgos par thal/ dam bca'
'thad pa'i phyir/ 'dod na/ nyan thos kyi rtogs rigs yin na de
yin dgos par thal/ 'dod pa'i phyir/ 'dod na/ gang zag gi bdag
med rtosg pa'i theg chen gyi tshogs

lam chos can/ der thal/ de'i phyir/ 'dod na/ ma yin par thal/
theg chen gyi rtogs pa yin pa'i phyir/ gzhan yang/ de chos can/
nyan thos kyi theg pa yin par thal/ de'i lam yin pa'i phyir/
'dod na/ theg pa dman pa yin par thal/ 'dod pa de'i phyir/ 'dod
na ma yin par thal/ theg pa chen

po yin pa'i phyir/ kha cig na re/ gsum po de yang ldog nas rim
pa bzhin du nyan thos sogs gsum gyi lam du 'jog gi  gang zag
khyad par ba'i rgyud kyi gang zag gi bdag med rtogs pa'i ye shes
sogs nyan thos kyi lam sogs su mi 'jog zer na/ 'o na/ rnam bzhag
gi dbang du byas pa'i nyan thos kyi

lam la nyan thos kyi lam gyis khyab par thal/ gang zag gi bdag
med rtogs pa'i ye shes nyan thos kyi lam yin pa'i phyir/ 'dod
na/ rnam gzhag gi dbang du byas pa'i nyan thos kyi mngon rtogs
la nyan thos kyi mngon rtogs yin pas khyab par thal/ 'dod pa'i
phyir/ 'dod na/ gang zag gi bdag med

rtogs pa'i ye shes chos can/ der thal/ de'i phyir/ 'dod mi nus
so/ /gzhan yang/ gang zag gi bdag med rtogs pa'i ye shes chos
can/ skyes bu 'bring gi lam yin par thal/ nyan thos kyi lam yin
pa'i phyir/ 'dod na/ myur du 'tshang rgya bar 'dod pa'i byang
sems kyis khyod rgyud la bskyed du mi rung

bar thal/ khyod skyes bu 'bring gi lam yin pa'i phyir/ gzhan
yang/ de chos can/ byang chub sems dpa' rnams kyis khyod rgyud
la bskyed du mi rung bar thal/ khyod byang sems lam gyi gol sa
mi mthun phyogs yin pa'i phyir/ gzhan yang/ de skyes bu 'bring
gi lam ma yin par thal/ byang chub lam rim las

skyes bu gsum gyi lam la 'khrid pa'i don skyes bu chung 'bring
dang/ thun mong ba'i lam la 'khrid pa yin gyi de gnyis dngos la
'khrid pa ma yin par gsungs pa'i phyir/ dpyad par bya ba mang
yang re zhig bzhag go/ rang lugs la/ gang zag gi bdag med mngon
sum du rtogs pa'i ye shes de rnam gzhag gi dbang du
@31a @#/ /byas pa'i nyan thos kyi lam dang/ 'dir bstan shes bya'i
nyan thos kyi lam yin zhing/ /de bzhin du gzung 'dzin gnyis stong
mngon sum du rtogs pa'i ye shes dang/ stong nyid mngon sum du
rtogs pa'i ye shes gnyis kyang rim pa bzhin du 'jog tshul shes
par bya'o/ /nyan

thos kyi rnam gzhag gi lam gyi don yod de/ nyan thos kyi rigs
can rnams kyis nyan thos kyi byang chub thob pa la lam dang po
nges par rgyud la bskyed nas bsgom bya'i gtso bor byas nas sgom
dgos shing/ de ltar ma sgom na mi thob pa'i lam yin pa'i rgyu
mtshan gyis de ltar bshad pa'i phyir/ kho na re/ lam dang po

de chos can/ nyan thos kyi lam yin par thal/ nyan thos kyi byang
chub tu bgrod byed kyi lam yin pa'i phyir/ zer na/ nyan thos kyi
tshogs lam chos can/ 'phags lam yin par thal/ 'phags pa'i lam du
bgrod par byed pa'i lam yin pa'i phyir/ de chos can/ sangs rgyas
kyi lam yin par thal/

der bgrod byed kyi lam yin pa'i phyir/ der thal/ der bgrod pa'i
ring lam yin pa'i phyir/ 'dod mi nus te/ theg pa dman pa yin
pa'i phyir/ 'o na lam gsum po de dman lam sngon du ma song ba'i
byang chub sems dpas lam gang gi gnas skabs su shes bskyed
rdzogs gsum byed pa yin zer na/ des

lam gang gi gnas skabs su shes bskyed rdzogs gsum byed tshul yod
de/ tshogs sbyor gyi gnas skabs su rang rgyud la bskyed par byed/
mthong lam gyi gnas skabs su mngon sum du shes par byed/ de nas
mthong lam yan chad du spangs rtogs kyi sgo nas rdzogs par byed
pa'i phyir/ dman lam sngon du ma

song ba'i byang sems kyis tshogs sbyor gyi gnas skabs su stong
nyid mngon sum du rtogs pa'i ye shes rang rgyud la bskyed kyang/
der rgyud la skyes zin pa mi dgos te/ bskyed pa dang skyes zin
pa khyad par shin tu che ba'i phyir/ mthong lam yan chad du
spangs rtogs kyi sgo nas rdzogs par byed tshul ji lta bu zhe na/
'di

la gzhan lugs dgag pa/ rang lugs bzhag pa gnyis/ dang po la kha
cig na re/ dman lam sngon du ma song ba'i byang chub sems dpas
sa dang po nas nyan rang gi rtogs pa'i rigs rdzogs/ brgyad pa
nas spangs rigs rdzogs pa yin te/ sa dang po nas gang zag gi
bdag med mngon sum du rtogs/ sa brgyad

@31b pa nas nyon yid gnas gyur nyon sgrib zad par spangs pa'i
phyir/ zhes gsungs/ 'o na/ nyan thos kyi mthong lam bar chad med
lam nas kyang/ nyan thos kyi rtogs rigs rdzogs par thal/ de nas
gang zag gi bdag med mngon sum du rtogs pa'i phyir/ 'dod mi nus
te/ de nyan thos kyi 'phags lam gyi dang po

yin pa'i phyir/ gzhan yang/ sa brgyad pa nas nyon yid gnas gyur
pa mi 'thad par thal/ lugs 'dir kun gzhi nyon yid khas mi len
pa'i phyir/ kha cig lugs de bkag nas/ sa dang po nas nyan rang
gi spangs rtogs gnyis ka rdzogs pa yin te/ nyon sgrib la 'khor
bar 'ching byed kyi nyon mongs dang/

bag la nyal gyi nyon sgrib gnyis yod pa'i dang po de ni/ dman
lam sngon du ma song ba'i byang sems sa dang po bas spangs/ bag
la nyal gyi nyon sgrib ni nyan rang dgra bcom pas ma spangs pa'i
phyir/ dman lam sngon du ma song ba'i byang sems sa dang po bas
'khor bar 'ching byed kyi nyon mongs spangs par thal/

des las nyon gyi skye ba len pa spangs pa'i phyir te/ rgyud bla
ma las/ 'phags pas na dang rga ba dang/ /'chi ba'i sdug bsngal
rtsad nas spangs/ /de la de med phyir de med/ /ces gsungs pa'i
phyir/ bag la nyal gyi nyon sgrib nyan rang dgra bcom pas ma
spangs par thal/ de ma rig bag chags kyi sa dang

zag med kyi las la brten nas skye ba len pa'i phyir/ zer na/
sgrub byed dang po mi 'thad de/ dman lam sngon du ma song ba'i
byang 'phags thams cad kyis las nyon gyi dbang gis skye ba mi
len zhing/ de mi len pas las nyon gyi dbang gis rga 'chi sogs de
la mi 'byung yang/ de tsam gyis 'khor bar 'ching

byed kyi nyon mongs spangs mi dgos pa'i phyir te/ 'khor ba'i
rtsa bar gyur pa'i ma rig pa'i sa bon dman lam sngon ma song gi
theg chen mthong lam bar chad med lam gyis dngos su mi spong
ba'i phyir/ sgrub byed phyi ma yang mi 'thad de/ dag sa la gnas
pa'i byang sems dang nyan rang dgra bcom pa ma rig bag chags kyi
sa

dang zag med kyi las la brten nas/ skye ba len par gsungs pa'i
cha rkyen du gyur pa'i ma rig bag chags kyi sa de ni shing rta
chen po rnams kyis shes sgrib tu gsungs kyi nyon sgrib tu gang
du ma gsungs pa'i phyir/ de shing rta chen po rnams kyis shes
sgrib tu bzhed pa bzhin du kho bo cag kyang shes sgrib tu 'dod
do zer na/

@32a @#/ /sgrub byed sda ma las kyang ya mtshan che/ de shes sgrib
tu khas len na shes sgrib phra zhing phra bar khas len dgos/ de
ltar na dman lam sngon ma song gi byang chub sems dpas nyan rang
gi spangs rigs lam gang nas rdzogs dpyod pa'i spang byar shes
sgrib phra zhing phra ba bzung bar

song bas/ nyan rang dgra bcom pas shes sgrib phra zhing phra ba
spangs par song ba'i phyir/ nyan rang dgra bcom dang dag sa la
gnas pa'i byang sems skye ba len pa'i cha rkyen gyi ma rig pa'i
bag chags shing rta chen po rnams shes sgrib phra zhing phra bar
bzhed de/ de spangs pa'i gang zag yin na chos sku gtsang bde

rtag bdag gi go 'phang thob pas khyab pa'i phyir te/ rgyud bla
ma las/ bag chags spangs phyir gtsang ba yin/ /zhes gsungs pa
dang/ 'jug 'grel las kyang/ de la ma rig pa'i bag chags ni shes
bya yongs su gcod pa'i gegs su gyur pa yin la/ de yang rnam pa
thams cad mkhyen pa dang sangs

rgyas kho na la ldog par 'gyur gyi gzhan dag ni ma yin no/ /zhes
gsungs pa'i phyir/ de ltar sgrub byed de rnams ltar snang yin pa
de bzhin du/ rtsa ba'i dam bca' yang mi rigs par thal/ nyan thos
dgra bcom pa nyon sgrib ma lus par ma spangs par 'dod pa la
byang sems kyi sdom pa yod na rtsa ltung

'byung bar gsungs pa'i phyir te/ slob pa'i theg pas chags la
sogs/ /spong bar 'gyur ba min zhes 'dzin/ /pha rol dag kyang
'dzin 'jug la/ /zhes gsungs pa'i phyir/ lung dang 'gal bar ma
zad/ rigs pa dang yang 'gal te/ ji ltar na/ nyan thos 'phags pa
rnams 'phags pa'i dge 'dun

dkon mchog ma yin par thal/ nyan thos mthong lam bar chad med
lam gyis skyabs gnas yang dag la de yin min gyi the tshom gyi sa
bon dngos su mi spong ba'i phyir/ der thal/ nyan thos kyi sgom
lam rdo rje lta bu'i ting 'dzin gyis nyon sgrib lhan skyes kyi
sa bon dngos su mi spong ba'i phyir te/ nyan

thos dgra bcom pas nyon sgrib ma lus par ma spangs pa'i phyir/
de yang lugs snga phyi gnyis ka mi 'thad par thal/ nyan rang gi
rtogs pa rdzogs pa la nyon sgrib spangs pa'i rnam grol lam thob
dgos dman lam sngon du ma song ba'i byang sems kyis sgrib gnyis
cig car du spong ba 'og nas 'chad par

@32b 'gyur ba'i phyir/ kho na re/ dman lam sngon du ma song ba'i
byang sems kyis sa dang po nas nyan rang gi spangs rtogs rdzogs
par thal/ nyi snang las/ gzhan yang rgyun du zhugs pa nas rang
sangs rgyas kyi bar gyi shes pa dang/ spong ba gang yin pa de ni
mi skye ba'i chos la bzod pa thob pa'i byang chub sems dpa'i
bzod

pa yin no/ /bzod pa de yang gang zhe na/ sdug bsngal la chos
shes pa'i bzod pa yin zhes gsungs pa yin no/ /'di gang las shes
zhe na lam gzhan khyad par yod pa yin na/ rigs dang dbang po
dang tshogs khyad zhugs par 'gyur ba'i phyir ro/ /byang chub sems
dpa'i bzod pa'i byed par gzhan rnams kyi

rtogs pa'i byed pa ma lus par 'dus par 'gyur ba'i phyir/ de dag
gi shes pa dang spang ba gang yin pa de ni de'i bzod pa yin gyi
rtogs pa'i tshad ni 'di tsam ma yin zhes bya ba ni rnam grangs
gzhan yin no/ /zhes gsungs pa'i phyir/ zhe na/ skyon med de/
de'i don ni/ theg chen gyi mthong lam sdug bsngal la chos

bzod kyi byed par nyan rang gi gang zag gi bdag med rtogs pa'i
lam gyi byed pa 'dus pa la dgongs nas/ der nyan rang gi spangs
rtogs 'dus par gsungs kyi/ der gang zag gi bdag med rtogs pa'i
nus pa ma lus par 'dus pa ma yin no/ /zhes gsungs pa'i phyir/
theg chen gyi mthong lam sdug bsngal la chos

bzod kyi byed par nyan rang gi spangs rtogs kyi byed pa 'dus
pa'i don yang yod de/ nyan rang ltar nyon sgrib dang gzugs phyi
rol don 'dzin gyi rtog pa spang bya'i gtso bor byas nas spong
bzhed na/ theg chen gyi mthong lam sdug bsngal la chos bzod la
de gnyis spong ba'i nus pa yod pa'i don yin pa'i phyir/ de
'dra'i nus pa

'byung ba'i rgyu mtshan yod de/ gang zag gi bdag med rtogs pa'i
lam las gong du chos thams cad bden med du mngon sum du rtogs
pa'i ye shes nyan rang gi lam las khyad zhugs pa yod pa yin na/
de'i steng du yang theg chen gyi rigs dang ldan pa dang/ dad
sogs dbang po shin tu rno// bsod nams kyi tshogs rgya chen

pos zin pa yin pas nyan rang gi lam las khyad par 'phags pa yin
pa'i phyir/ nyi snang gi lung des rtag pa mtha' bzung gi lam gyi
nus mthu bstan pa yin te/ theg chen sbyor lam bzod pa ba des
nyan rang ltar nyon sgrib spang bya'i gtso bor byas nas spangs
na theg chen gyi mthong lam thob pa'i tshod de tsam du spong nus
pa

@33a @#/ /de bzhin du theg chen mthong lam pa des kyang de ltar
spangs na/ theg chen gyi mthong lam sdug bsngal la chos bzod
kyis spong nus par bstan pa'i phyir/ kha cig  rtag pa mtha'
bzung sbyor ba ma shes par theg chen gyi mthong lam sdug bsngal
la chos bzod la nyon sgrib dang

gzugs phyi rol don 'dzin gyi rtog pa spong ba'i nus pa med par
'dod pa shin tu mi rigs te/ 'o na/ de la bden 'dzin kun btags
spang ba'i nus pa yang med par thal/ sgrib pa gnyis po de dang
bden 'dzin kun btags spang bya'i gtso bor byas nas spangs na
spong nus su yang mtshungs/ spang bya'i gtso bor

byas nas ma spangs na spong mi nus pa mtshungs pa gang zhig  de
la sgrib pa de gnyis spong ba'i nus pa med pa'i phyir/ rtags
khas/ 'dod mi nus so/ /des na rtag pa mtha' bzung ni sgrib pa de
gnyis spang bya'i gtso bor byas nas spang ba la rtag pa mtha'
bzung ngo/ /bla ma lo tsa ba chen po ni/ dman lam sngon ma song

gi sa brgyad pa nas nyan rang gi spangs rtogs rdzogs pa yin te/
rgyud bla ma'i 'grel pa las/ sa brgyad pa nas mi rtog ye shes
rang gi ngang gis 'byung bar gsungs pas der gzhi shes gzugs
brnyan gyi tshul gyis bskyed/ bdun pa man chad du gzugs brnyan
gyi tshul du yang mi bskyed/ theg dman du

ltung ba'i dgag bya yod pa'i phyir/ de ltar na'ang bzod pa gang
zhe na/ sdug bsngal la chos shes pa'i bzod pa'o zhes gsungs pa
dang mi 'gal te shes bya nyan thos kyi dbang du byas pa'i sdug
bsngal la chos bzod yin gyi/ shes byed byang sems kyi dbang du
byas pa ma yin pa'i phyir/ zhes gsungs so/ /

rang lugs la/ dman lam sngon ma song gi theg chen rigs nges
rnams kyis nyan rang gi spangs rtogs kyi rigs rdzogs pa dang/
sangs rgyas pa dus mnyam ste/ dag pa sa gsum gyi ngos skal gyi
nyon sgrib yod par gsungs pa'i phyir/ rgyan snang las/ mthong ba
dang sgom pa'i lam la yongs su sbyong ba'i

chos kyi dbye bas rab tu dga' ba la sogs pa'i sa bcur rnam par
bzhag go zhes dang/ kun btus las/ byang chub sems dpa' rnams ni
bden pa rnams mngon par rtogs par byas nas sa bcu rnams su sgom
pa'i lam la shes bya'i sgrib pa'i gnyen po sgom gyi nyon mongs
pa'i gnyen po ni ma yin te//

@33b des byang chub thob pa na nyon mongs pa'i sgrib pa dang
shes bya'i sgrib pa cig car du spong ngo/ /cig car dgra bcom pa
dang de bzhin gshegs par 'gyur ro/ /zhes gsungs pa'i phyir/ kha
cig  rnam bshad rang lugs la bag la nyal gyi nyon sgrib shes
sgrib tu bzhed pa yin zer na/ 'o na/ ma rig pa snga ma'i bag

chags su gyur pa'i nyon sgrib shes sgrib yin par thal/ dam bca'
'thad pa'i phyir/ 'dod na/ ma rig pa'i rigs 'dra phyi ma bskyed
nus kyi ma rig pa'i bag chags shes sgrib yin par thal/ 'dod pa
de'i phyir/ 'dod na/ nyon mongs pa'i sa bon shes sgrib yin par
thal/ 'dod pa'i phyir/ kho na re/ ma rig

pa'i rigs 'dra phyi ma bskyed nus kyi ma rig pa'i bag chags med
zer na/ de yod par thal/ ma rig pa snga mas bag chags bzhag pa
smin pa las byung ba'i ma rig pa phyi ma yod pa'i phyir/ bden
'dzin snga mas bzhag pa'i bag chags bzhag pa smin pa las byung
ba'i bden 'dzin phyi ma yod pa'i phyir/ dbu ma snang ba las/

de yang thog ma med pa'i bag chags yongs su smin pa'i dbang gis
byung ba yin la/ des kyang srog chags thams cad la yang dag par
dngos po'i bdag nyid lta bur nye bar bstan pa mthong bar 'gyur
ro/ /zhes gsungs pa'i phyir/ gzhan yang/ nyon sgrib yin na nyon
mongs mngon gyur ba yin dgos par thal/

nyon mongs kyi bag chags dang nyon sgrib kyi gzhi mthun yang
med/ nyon mongs kyi gom pa dang nyon sgrib kyi gzhi mthun yang
med pa'i phyir/ rtags ma grub na 'gal zhing/ 'dod mi nus so/
/gnyis pa rdzogs smin sbyangs gsum gyi tshad bshad pa la/ gzhan
lugs dgag pa sogs gnyis/ dang po la/

kha cig smon lam gyi gtso bo rdzogs pa smon lam rdzogs pa'i tshad
yin zer/ kha cig  chos nyid la rtse gcig tu mnyam par gzhag
bzhin pa'i ngang nas gzhan don 'bad med lhun grub tu byed nus pa
smon lam rdzogs pa'i tshad yin zer na/ spyir gyi rdzogs smin
sbyangs gsum dang/ 'dir bshad pa'i de gsum

la khyad par yod pas/ mchog gi sprul skus dman lam sngon du ma
song ba'i byang sems la chos sku ma thob bar du chos sku mngon
du ma byed cig ces gdams rigs par thal/ chos sku mngon du ma
byas bar du 'dir bstan yang dag mtha' mngon du ma byed cig ces
gdams rigs pa gang zhig  'dir bstan rdzogs smin sbyangs

@34a @#/ /gsum byas pa dang/ chos sku thob pa dus mnyam pa'i
phyir/ der thal/ khyod kyis 'dir bstan rdzogs smin sbyangs gsum
byas pa'i tshad de 'thad pa gang zhig  byang chub sems dpa'i
smon lam gyi gtso bo rdzogs pa'i gang zag yin na/ chos sku thob
pas khyab/ chos nyid la rtse gcig

tu mnyam par gzhag bzhin pa'i ngang nas gzhan don 'bad med lhun
grub tu byed nus pa'i gang zag yin na chos sku thob pa'i gang
zag yin dgos pa'i phyir/ dang po der thal/ gzhan don du rdzogs
byang thob par smon pa'i smon lam de byang chub sems dpa'i smon
lam gyi mchog gang zhig  de rdzogs pas gang zag

yin na rdzogs byang thob pas khyab pa'i phyir/ de byang chub
sems dpa'i smon lam gyi gtso bo yin te/ de lta bu'i grogs la
dgongs nas/ byang sa las/ byang chub sems dpa' rnams kyi smon
lam gyi mchog ni sems bskyed pa'o/ /zhes gsungs pa'i phyir/ yang
kha cig  byang sems lam gyi gdul bya yongs su

rdzogs pa de 'dir bstan sems can yongs su smin pa'i tshad yin zer
kha cig  zhid bye ba phrag brgyar sku'i bkod pa ji snyed cig
bstan pas sku re re'i 'khor du sems can grangs med pa la chos
tshigs bcad gcig tsam bstan pa la brten nas 'phags lam la 'god
nus pa de/ 'dir bstan sems can smin

pa'i tshad yin zer na/ dang po mi 'thad de/ de la yang sngar gyi
rigs pa des gnod pa'i phyir te/ byang sems lam gyi gdul bya
yongs su rdzogs pa'i gang zag yin na sangs 'phags yin dgos pa'i
phyir/ gnyis pa yang mi 'thad de/ ji srid kun slong gi rtog pa
yod pa de srid du de lta bu mi nus shing/ de 'dra dus

lan cig byed pa la yang 'bad med lhun grub 'byung ba la bltos
pas ma rig bag chags kyi sa dang zag med kyi las kyang spangs
nas zhi ba'i dbyings su slar mi ldang ba'i tshul gyi snyom par
'jug pa la bltos pa'i phyir/ kha cig  sangs rgyas rang snang
la zhing dag pa rab 'byams 'ba' zhig tu snang ba de sangs rgyas
kyi

zhing sbyangs pa'i tshad yin zer na/ ma dag pa'i zhing sangs
rgyas la mi snang ba yin par thal/ khyod kyi dam bca' 'thad pa'i
phyir/ 'dod na/ ma dag pa'i zhing chos can/ med par thal/ sangs
rgyas 'phags pas ma gzigs pa'i phyir/ khyab ste/ rnam nges las/
thams cad mkhyen pa'i gzigs pa las log/

@34b pa ni rnam pa thams cad du med par go bar byed pa'o/ /zhes
gsungs pa'i phyir/ 'dod na/ ma dag pa'i sems can med par thal/
ma dag pa'i zhing med pa'i phyir/ kho na re/ sangs rgyas 'phags
pa la ma dag pa'i zhing dag pa'i zhing du snang bas de med pa'i
skyon med zer na/ 'o na/ 'gal ba la ma 'khrul ba'i tshad ma

yod par thal/ ma dag pa'i zhing dang dag pa'i zhing gi gzhi
mthun yod pa'i phyir/ der thal/ sangs rgyas 'phags pa la ma dag
pa'i zhing dag pa'i zhing du snang ba gang zhig  sangs rgyas
'phags pas 'khrul pa spangs pa'i phyir/ kha cig  rang gang du
'tshang rgya 'gyur gyi sangs rgyas kyi zhing khyad par can 'grub
pa'i rgyu'i

dge ba'i rtsa ba'i nus pa mthu can du byas pa de sangs rgyas kyi
zhing sbyangs pa'i tshad yin zer na/ mi rigs te/ sa brgyad pa bas
de ltar byas pa gang zhig  sa brgyad pa ba gtso bor byas nas
rdzogs smin sbyangs gsum ma byas pa'i snga rol du 'dir bstan
yang dag mtha' mngon du ma byed cig ces gdams pa smos pa'i
phyir/

gang zhig der thal/ des zhing dag sbyor ba thob pa'i phyir/ rang
gi lugs la/ 'dir bstan smon lam rdzogs pa'i tshad dang sems can
smin pa'i tshad yod de/ chos nyid la rtse gcig tu mnyam par gzhag
bzhin pa'i ngang nas gzhan don 'bad med lhun grub tu byed nus
pa'i rgyu'i dge ba'i rtsa ba'i nus pa yongs su

rdzogs pa de/ 'dir bstan smon lam yongs su rdzogs pa'i tshad
dang/ zhing bye ba phrag brgyar sku'i bkod pa ji snyed bstan
pa'i sku re re'i mdun du 'khor sems can grangs med pa la chos
tshigs bcad gcig tsam bstan pa la brten nas/ 'phags lam la 'god
nus pa'i rgyu'i dge ba'i rtsa ba'i nus pa yongs su rdzogs

pa de/ 'dir bstan sems can smin pa'i tshad yin zhing/ de yang
'bras smin pa'i tshad brtol bas chog pa dang/ shing thog smin
pa'i tshad longs spyad pas chog pa bzhin du/ de lta bu'i sems can
grangs med pa la chos tshigs bcad gcig tsam bstan pas spang bya
nyon mongs kun btags spang rung dang/ 'phags

lam gyi rtogs pa bskyed rung byas pa de/ sems can smin par byas
pa'i tshad yin pa'i phyir/ rgyan las/ ji ltar rma dang zas la de
dag gi/ bza' dang spyad du rung ba smin 'dod ltar/ /de bzhin
bstan 'dir phyogs gnyis zhi ba dang/ /de bzhin spyad pa nyid du
smin par 'dod/ /ces gsungs pa'i phyir/ rang gang du sprul

@35a @#/ /skur 'tshang rgya tshul ston pa dang/ dngos su 'tshang
rgya 'gyur gyi sangs rgyas kyi zhing khyad par can 'grub pa'i
rgyu'i dge ba'i rtsa ba'i nus pa yongs su rdzogs pa 'dir bstan
sangs rgyas kyi zhing sbyangs pa'i tshad/ de la yang sprul sku'i
zhing khyad par can sbyangs pa'i tshad/ longs sku'i

zhing khyad par can sbyangs pa'i tshad gnyis las dang po yod de/
rang nyid sprul skur 'tshang rgya tshul ston pa'i bde ba can lta
bur 'khor mngon shes lnga ldan sha stag 'byung ba'i rgyu'i dge
ba'i rtsa ba'i nus pa rdzogs pa de lta bu yin pa'i phyir/ gnyis
pa yod de/ rang nyid longs skur 'tshang rgya ba'i sangs rgyas kyi

zhing der/ 'khor byang sems 'phags pa sha stag 'byung ba'i
rgyu'i dge ba'i rtsa ba'i nus pa yongs su rdzogs pa lta bu yin
pa'i phyir/ de yang bcud kyi zhing yongs su sbyangs pa'i dbang
du byas kyi snod kyi zhing sbyangs pa'i tshad ni/ gser gyi sa
gzhi la indra nI la'i mig mangs ris su bris pa dang/ de las
bzlog

pa'i dag pa'i zhing khyad par can 'grub pa'i rgyu'i dge ba'i
rtsa ba'i nus pa yongs su rdzogs pa lta bu'o/ /sangs rgyas
'phags pa la ma dag pa'i zhing snang ba yod kyang ma dag pa'i
snang zhen med par mngon te/ rme ba'i rtog pa mi mnga' ba'i
phyir/ bzhi pa yang dag mtha' ngos bzung nas de mngon du byas
pa'i tshad bshad

pa la/ gzhan lugs dgag pa sogs gsum las/ dang po la kha cig  de
bzhin nyid 'dir bstan yang dag mtha' yin zhing/ de la slar mi
ldang ba'i tshul gyi mnyam par gzhag pa de mngon du byas pa'i
tshad yin te/ mdo don 'chad pa na/ de kho na nyid mngon du mi
byed pa'i rten can zhes pa dang/ dbus

mtha' las/ stong pa nyid ni mdor bsdu na/ /de bzhin nyid dang
yang dag mtha'/ /mtshan ma med dang don dam dang/ /zhes gsungs
pa'i phyir/ zer na/ de bzhin nyid chos can/ lamsgom stobs kyis
thob pa'i yon tan yin par thal/ 'dir bstan yang dag mtha' yin
pa'i phyir/ 'dod mi nus te/ de

rgyud la ldan pa'i lam ma zhugs yod pa'i phyir/ khyab pa yod de/
de dag gi yang dag pa'i mtha' mngon du mi bya'o/ /zhes gsungs
pa'i phyir/ gzhan yang de mngon du byas pa'i sems can med par
thal/ de mngon du byas pa'i gang zag la sangs rgyas 'phags pas
khyab pa'i phyir/ der thal/ yab sras

@35b mjal ba'i mdo las/ de bzhin gshegs pas stong pa nyid rab tu
gzigs/ rab tu mkhyen/ legs par mngon du byas pa de'i tshe/ thams
cad mkhyen pa zhes brjod do/ /zhes gsungs pa'i phyir/ de la kho
na re/ de bzhin nyid mngon du byas pa'i sems can yod par thal/
byang sems rgyun mtha' ba de mngon du

byas pa'i gang zag yin pa'i phyir/ der thal/ de la slar mi ldang
ba'i tshul gyis mnyam par gzhag pa'i gang zag yin pa'i phyir/ der
thal/ de la slar mi ldang bar mnyam par gzhag pa'i gang zag yin
pa'i phyir/ zer na ma khyab/ 'o na mnyam gzhag 'di las dus nam
yang ldang bar mi bya'o snyam pa'i 'phen

pa dang bcas te mnyam par gzhag par thal/ dam bca' 'thad pa'i
phyir/ 'dod mi nus te/ rgyun mtha'i bar chad med lam dang/ de la
mnyam par gzhag kha'i gnas skabs gang du yang de 'dra ba'i 'phen
pa med pa'i phyir/ yang kha cig  glo bur dri bral gyi de bzhin
nyid 'dir bstan gdams don gtso bor

gyur pa'i yang dag mtha' yin te/ lam gsum sgom stobs kyis thob
pa'i spangs pa mthar thug yin pa'i phyir/ khyab ste/ de dag gi
yang dag pa'i mtha' mngon du mi bya'o/ /zhes gsungs pa'i phyir
zer na dman lam sngon ma song gi gang zag gis dmigs bsal gsum ma
rdzogs pa'i snga rol du/ de

mngon du byas na theg dman lam du ltung ba'i dgag bya yod par
thal/ de 'dir bstan gdams don gtso bor gyur pa'i yang dag mtha'
yin pa'i phyir/ 'dod mi nus te/ des dmigs bsal gsum ma rdzogs
pa'i snga rol du sgrib pa spangs pa'i spangs pa mngon du byed mi
nus/ de thob pas theg dman du

ltung ba'i gang zag yang mi srid pa'i phyir/ thal ba snga ma la
khyab pa yod de/ gnod 'joms las/ sems can sman par bya ba dang/
sangs rgyas kyi zhing yongs su dag par bya ba la sogs pa'i byang
chub sems dpa'i spyod pa mtha' dag yongs su rdzogs par byas nas
mngon du byas pa la nyes pa med kyi/ de

ma yin par nyan thos dang/ rang sangs rgyas las bar ma dor yang
dag pa'i mtha' mngon du mi bya'o/ /zhes gsungs pa'i phyir/ yang
kha cig  dgag bya de yod pa la bsams nas/ chad pa'i myang 'das
'dir bstan gdams don yang dag mtha' yin zer na/ de chos can/
khyod dman lam sngon ma song gi byang
@036a @#/ /sems kyis dmigs bsal gsum rdzogs rjes su mngon du byed
par thal/ khyod 'dir bstan gdams don gtso bor gyur pa'i yang dag
mtha' yin pa'i phyir/ khyab ste/ mdo las/ byang chen yum la
spyod pa'i thabs mkhas pas yongs su bzung ba yang/ ji srid du
dge ba'i

rtsa ba de dag bla na med pa yang dag par rdzogs pa'i byang chub
tu smin par ma gyur pa de srid du/ yang dag pa'i mtha' dam pa
mngon du mi byed do/ /nam dge ba'i rtsa ba de dag bla na med pa
yang dag par rdzogs pa'i byang chub tu smin par gyur pa des na/
yang dag pa'i mtha' dam pa mngon du byed do/ /zhes gsungs

pa'i phyir/ rtsa bar 'dod mi nus te/ dmigs bsal gsum rdzogs rjes
su/ zhi mthar lhung ba'i gang zag mi srid pa'i phyir/ kha cig
'dir bstan yang dag mtha' yin na/ 'dir bstan gdams don gtso bor
gyur pa'i yang dag mtha' yin pas khyab zer na/ bden 'dzin spangs
pa'i lhag med myang

'das chos can/ der thal/ de'i phyir/ der thal/ bden 'dzin spangs
pa'i spangs pa dang/ bden 'dzin spangs pa'i rnam grol lam gnyis
po de/ lam gsum pas spangs rtogs kyi sgo nas rdzogs par bya rgyu
yin pa gang zhig  gang zag gi bdag 'dzin spangs pa'i lhag med
myang 'das de lam dang po'i

skabs nas bstan pa'i yang dag mtha' yin pa'i phyir/ gang zhig
der thal/ de dag kyang yongs su rdzogs par bya zhing/ zhes
gsungs pa'i phyir/ rtsa bar 'dod mi nus te/ de mngon du byas
pa'i theg dman gyi gang zag med/ dman lam sngon ma song ba'i
byang sems kyis dmigs bsal gsum po

ma rdzogs kyi bar du de mngon du byed mi nus pa'i phyir/ kha cig
 'dir bstan gdams don yang dag mtha' yod kyang/ gdams yul gyi
yang dag mtha' med zer na/ mi 'thad de/ gdams ngag 'di'i brjod
bya'i yul du gyur pa'i yang dag mtha' yod pa'i phyir te/ gdams
ngag 'di'i brjod byar gyur

pa'i de yod pa'i phyir/ gnyis pa rang lugs la/ 'dir bstan gdams
don gtso bor gyur pa'i yang dag mtha' na/ theg pa che chung
gnyis ka'i lam gyis thob nus pa'i khyab pa 'du byed kyi sdug
bsngal nye bar zhi ba'i nyer zhi'i dbyings yin zhing/ de yang
khyad chos rnam pa gsum dang ldan te/ dman lam

@036b sngon du ma song ba'i byang sems kyis dmigs bsal gsum ma
rdzogs kyi snga rol du mngon du byed nus/ ma byas kyi snga rol
du mngon du mi byed byas na zhi mthar lhung ba'i dgag bya dang
bcas pa dang/ /byas rjes su mngon du byed pa'i khyad chos rnam pa
gsum dang ldan pa'i phyir/ zur dang po der thal/ dmigs bsal gsum

ma rdzogs kyi snga rol du mngon du byed mi nus na de ltar gdams pa
smos pa la dgos pa med pa'i phyir/ zur gnyis pa der thal/ dman
lam sngon ma song gi byang sems mchog gi sprul sku'i gdams pa
las mi 'da' zhing/ zhi mthar lhung ba'i dgag bya med na ni de
'dra ba'i gdams ngag 'bogs don med pa'i phyir

zur gsum pa der thal/ gdams ngag 'dis dmigs bsal gsum ma rdzogs
par mngon du mi byed par dngos su gdams pa'i shugs la byas rjes
su mngon du byed par bstan pa dang/ skabs gzhan du nam dge ba'i
rtsa ba de dag bla na med pa'i rdzogs byang du smin pa na yang
dag pa'i mtha' mngon du bya'o/ /zhes

gsungs pa'i phyir/ 'gog bden don dam pa'i bden par bzhed pa'i
shing rta chen po rnams kyis bzhed pa ltar na/ 'dir bstan gdams
don gtso bor gyur pa'i yang dag mtha' la de bzhin nyid kyis
khyab par bzhed kyang/ skabs 'dir ni de ltar mi bzhed de/ de la
bdag med phra rags gsum ga'i cha yod par

bzhed pa'i phyir/ der thal/ khyab pa 'du byed kyi sdug bsngal
spangs pas khyad par du byas pa'i gang zag gi bdag med phra mo
de 'dir bstan gdams don gtso bor gyur pa'i yang dag mtha' yin pa
gang zhig  des bdag med gzhan gnyis la yang mtshon par bya ba yin
pa'i phyir/ gang zhig der thal/ 'dir

bstan yang dag mtha' mngon du byas pa'i nyan thos dgra bcom pa
rnams kyis khyab pa 'du byed kyi sdug bsngal nye bar zhi ba'i
nyer zhis khyad par du byas pa'i gang zag gi bdag med phra mo la
rang gi bsam ngo la bltos te slar mi ldang ba'i tshul gyis snyom
par 'jug pa'i phyir dang/ de la bdag med phra rags kyi mtha' zhi

ba nyid gsum po gang gi yang cha med na/ de kho na nyid mngon du
mi byed pa'i rten can zhes dang/ yang dag mtha' dang/ dbyings
zhes smos pa don med du 'gyur ba'i phyir te/ dgag bya bcad ldog
nas de ltar brjod pa yin pa'i phyir/ de dang mthun par slob dpon
chos kyi bshes gnyen yang bzhed de/ de kho na nyid mngon

@037a @#/ /du mi byed pa'i rten can/ zhes pa'i skabs su/ de kho
na nyid ni/ gang zag la bdag med pa'i mtha' zhi ba nyid de mngon
du mi byed pa ni/ sgom pas spang bar bya ba'i nyon mongs pa mi
spong ba'i phyir ji skad du/ slob dpon gyi zhal snga nas kyis
kyang nyan thos kyi lam ni/ byang

chub sems dpas yongs su shes par bya ba yin gyi/ mngon du bya ba
ni ma yin pas sgom pa'i lam ni ma bstan to/ /zhes ngo bo ngos
'dzin sngar bshad pa ji lta ba dang/ dmigs bsal gsum ma rdzogs
pa'i snga rol du mngon du mi byed pa'i rgyu mtshan nyon mongs
spang bya'i gtso bor byas nas mi spong ba

dang; de'i rgyu mtshan du gang zag gi bdag med mngon sum du rtogs
pa'i ye shes byang chub sems dpas shes mthong gis bltas nas 'da'
ba'i mngon rtogs yin gyi/ mngon du bya ba'i mngon rtogs ma yin
pa khungs dang bcas te bshad pa'i phyir/ gsum pa rtsod pa spong
ba la/ kha cig 'dir bstan

gdams don gtso bor gyur pa'i yang dag mtha' yin pa mi srid par
thal/ theg pa gsum po gang rung gi dgra bcom pa'i rgyud kyi
khyab pa 'du byed kyi sdug bsngal nye bar zhi ba'i nyer zhi'i
dbyings yin na/ de ma yin dgos pa'i phyir zhe na/ ma khyab/ ma
grub na de ma yin dgos par thal/ de ltar ma yin

na; rang nyid kyis de la khyad chos gsum ldan dgos par khas
blangs pa dang 'gal ba'i phyir/ ma khyab mtshams la/ 'o na theg
chen lam gyi 'jug sgor gyur pa'i sems bskyed yin pa mi srid par
thal/ dman lam sngon ma song gi theg chen pa'i rgyud kyi sems
bskyed yin na'ang/ de ma yin dgos/

dman lam sngon du song ba'i theg chen pa'i rgyud kyi sems bskyed
yin na'ang/ de ma yin dgos pa'i phyir/ dang po ma grub na/ de
'dra ba'i dman lam sngon ma song gi theg chen pa'i rgyud kyi
sems bskyed chos can/ theg chen lam du zhugs pa'i gang zag yin
na/ khyod rgyud la bskyed pas khyab par thal/

khyod theg chen lam gyi 'jug sgor gyur pa'i sems bskyed yin pa'i
phyir/ phyi ma rigs 'dre'o/ /'dod mi nus so/ /kho na re/ de
bzhin nyid dang/ 'dir bstan gdams don gtso bor gyur pa'i yang
dag mtha'i gzhi mthun chos can/ dman lam sngon ma song gi byang
chub sems dpas dmigs bsal

@037b gsum ma rdzogs pa'i snga rol du mngon du byed nus par
thal/ khyod 'dir bstan gdams don gtso bor gyur pa'i yang dag
mtha' yin pa'i phyir/ 'dod na/ de'i sngon du de bzhin nyid mngon
du byed nus kyi sems dpa' yod par thal/ 'dod pa'i phyir/ zer na
ma khyab/ 'o na stong nyid mngon du byas pa'i byang sems

yod par thal/ 'gog bden du gyur pa'i stong nyid mngon du byas
pa'i byang sems yod pa'i phyir/ yang kha cig /rnam bshad las/
khyab pa 'du byed kyi sdug bsngal nye bar zhi ba'i nyer zhi de
nyid yin la zhes nyid sgra smos mi rigs par thal/ der gyur pa'i
bdag med phra rags gsum ga yod pa'i phyir/ zer na/

skyon med de/ de gzhan gyis de bzhin nyid sogs 'dir bstan yang
dag mthar 'dod pa sogs gcod pa yin pa'i phyir/ 'dir bstan gdams
don gtso bor gyur pa'i yang dag mtha' la theg dman lam gyi thob
nus pas ma khyab par thal/ de dang ngo bo nyid sku'i gzhi mthun
yod pa'i phyir/ zer na/ de ni mi 'thad de/ de la

dmigs bsal gsum ma rdzogs kyi bar du sangs rgyas mngon du ma
byed cig /ces gdams par 'gyur ba dang/ der ma zad/ de 'dra'i
gzhi mthun chos can/ dman lam sngon ma song gi byang sems kyis
dmigs bsal gsum ma rdzogs pa'i bar du khyod mngon du byas na zhi
mthar ltung ba'i skyon yod par thal/

khyod 'dir bstan gdams don gtso bor gyur pa'i yang dag mtha' yin
pa'i phyir/ ma khyab na/ gnod 'joms sogs kyi lung rigs dang
'gal/ 'dod mi nus te/ srid zhi gnyis kyi mtha' spangs pa'i yon
tan yin pa'i phyir/ kho na re/ de dang ngo bo nyid sku'i gzhi
mthun yod par thal/ dman lam sngon ma song gi

byang sems kyis rdzogs smin sbyang gsum byas rjes su sangs rgyas
pa dang dus mnyam du mngon du byas pa'i khyab pa 'du byed kyi
sdug bsngal nye bar zhi ba'i nyer zhi'i dbyings de de 'dra ba'i
gzhi mthun yin pa'i phyir/ dman lam sngon du ma song ba'i byang
sems kyis sgrib gnyis cig car du spong ba'i phyir/ zer na ma

khyab/ gzhan yang de 'dra'i gzhi mthun yod par thal/ dman lam
sngon ma song gi byang sems kyis dmigs bsal gsum rdzogs rjes su
de'i rgyud la 'byung 'gyur gyi khyab pa 'du byed kyi sdug bsngal
nye bar zhi ba'i nyer zhi de de 'dra'i gzhi mthun yin pa'i phyir
te/ de sgrib gnyis spangs pa'i myang 'das yin pa'i

@038a @#/ /phyir te/ de dang rgyud gcig tu gyur pa'i gang zag gi
rgyud kyi myang 'das de sgrib gnyis spangs pa'i myang 'das yin
pa'i phyir/ zer na ma khyab/ bzhi pa de mngon du byas chad la/
'o na mchog gi sprul skus gdul bya la gdams pa smos tshul gang/
de mngon du byas tshad gang zhe na

dman lam sngon ma song gi byang sems la byang chub mchog tu sems
bskyed nas dmigs bsal gsum ma rdzogs pa'i skabs gang du yang lam
gsum po de dag gi yang dag pa'i mtha' mngon du mi bya'o/ /zhes
gtso bor gdams/ de'i zhar la nyan rang dgra bcom zhi ba'i
dbyings las bzhengs nas byang

chub tu sems bskyed pa rnams la yang deng phyin chad dmigs bsal
gsum ma rdzogs pa'i skabs gang du yang 'dir bstan yang dag pa'i
mtha' mngon du mi bya'o zhes gdams pa'i phyir/ theg dman rigs
nges rnams la byang chub tu sems bskyed nas de ltar gdams ngag
'bogs pa yin gyi dang po nyid

nas de 'dra ba'i gdams ngag 'bogs mi rigs te/ de ltar na dman
pa'i rigs las kyang nyams par 'gyur bas gdul byas 'khrid pa'i
thabs la mi mkhas par 'gyur pa'i phyir te/ gdams ngag 'di gtso
bor dman lam sngon ma song gi byang sems la gdams/ khyad par sa
brgyad pa

la gdams pa yin te/ sa bdun pa man chad du dogs pa chung/ brgyad
pa nas dogs sa che bas rgyal ba rnams kyis 'gog las slong bar
mdzad/ ces 'gog pa yang dag pa'i mtha' la mnyam par gzhag pa'i
mnyam gzhag las slong bar gsungs pa'i phyir/ sa bdun

pa man chad du dogs pa chung/ sa brgyad pa nas dogs pa che ba'i
rgyu mtshan yod de/ sa bdun pa man chad du nyon mongs dang bden
'dzin mngon gyur du 'jug  sa brgyad pa nas de dag mngon gyur mi
'jug mi rtog ye shes la goms pa dbang sgyur thob pas dogs pa che
ba yin pa'i phyir/ dogs pa

de yang mchog gi sprul sku dang sa brgyad pa dang rang nyid la yod
nas gdams pa dang/ gdams pa gsol ba ma yin te/ sangs rgyas kyis
dogs pa spangs/ brgyad pa ba rang blo rang la lkog tu ma gyur
pa'i phyir/ de yang rtag pa mtha' bzung gi lam gyi nus mthu ston
pa yin te/ sa brgyad pa bas dmigs gsal

@038b gsum ma rdzogs pa'i snga rol du yang dag mtha' mngon du
byed pa ga la srid/ gal te mdzad bzhed na de bzhin nyid kyi
steng du khyab pa 'du byed kyi sdug bsngal nye bar zhi ba'i zhi
ba des thugs phrogs nas bskal pa la sogs pa'i bar du snyom par
'jug pa'i don yin pa'i phyir/ byang sems kyis 'dir bstan yang

dag mtha' mngon du mdzad bzhed na sa brgyad par ma zad theg chen
gyi mthong lam chos bzod nas nus te/ de'i byed par nyan rang gi
spangs rtogs kyi byad pa 'dus par gsungs pa'i phyir/ 'dir bstan
yang dag mtha' mngon du byas tshad yod de/ snyom par 'jug pa'i
snga rol du khyab pa 'du byed kyi sdug bsngal nye

bar zhi ba'i zhe ba des thugs phrogs nas mnyam gzhag 'di las dus
nam yang ldang bar mi bya'o snyam nas khyab pa 'du byed kyi sdug
bsngal nye bar zhi ba'i nyer zhi'i dbyings la rang gi bsam ngo
la bltos te snyom par 'jug pa lta bu theg dman gyi dbang du byas
nas mngon du byas tshad dang/ de la slar mi ldang ba'i

tshul gyis snyom par 'jug pa theg chen gyi dbang du byas nas
mngon du byas nas mngon du byas tshad yin pa'i phyir/ de mngon du
byas tshad de gnyis su grangs nges shing/ nyan rang dgra bcom zhi
ba'i dbyangs las bzhengs nas theg chen lam du zhugs pas sngon
goms pa'i dbang gis cung zad cung zad snyom par 'jug pa yod
kyang/

de mngon du byas pa ma yin zhing zhi mthar ltung ba sogs kyi
skyon med de/ 'di la yun ring du snyom par 'jug par bya'o snyam
pa'i 'phen pa med pa'i phyir/ de la yun ring du mnyam par gzhag
na zhi mthar ltung ba'i rgyu mtshan yod de/ yun ring du mnyam par
gzhag na rjes thob kyi gnas skabs su gzhan don rgya chen

po la 'jug pa la bgegs byed/ de la brten nas 'bras dus su gzugs
sku gnyis kyi snang ba bskyed pa'i sgo nas gzhan don rgya chen
po la 'jug pa mi 'byung ba'i phyir/ lnga pa spyir btang dmigs
bsal gyi don bshad pa la/ kha cig  dmigs bsal gsum ma rdzogs
bar du yang dag mtha' mngon du mi byed pa spyir

btang nas/ dmigs bsal gsum rdzogs rjes su mngon du byed par
shugs la dmigs kyis bsal ba yin zer na/ mi 'thad par thal/ spyir
btang dmigs bsal gyi don sgras zin 'ba' zhig la byed pa'i phyir
te/ dper na thams cad kyang dgra bcom pa zag pa zad pa gang zag
gcig ma gtogs te slob pa

@039a @#/ /rgyun du zhugs pa kun dga' bo'o zhes pa lta bu yin
pa'i phyir/ kha cig  yang dag pa'i mtha' mngon du byed pa spyir
btang nas dmigs bsal gsum rdzogs rjes su mngon du byed pa dmigs
bsal yin zer na/ de yang mi 'thad par thal/ spyir btang dmigs
bsal gyi sgras

zin 'gal bdos pa'i phyir/ rang lugs la 'di la spyir btang dmigs
bsal rtsi ba dka' na'ang grags snang bas byed na lam gsum gyi
bya ba mtha' dag byed pa spyir btang nas/ dmigs bsal gsum ma
rdzogs kyi bar du 'dir bstan yang dag mtha' mngon du mi byed pa
dmigs kyi bsal ba yin no/ /

ngag don ni/ lam shes chos can/ khyod kyis byang sems kyi mngon
rtogs bsdus te/ byang sems kyi thabs shes khyad par can gnyis
bsdus pa'i phyir/ byang sems thabs shes khyad par can gnyis dang
ldan te/ yang dag mtha' mngon du byed pa'i dus dang dus ma yin
pa la mkhas pa'i thabs khyad

par can/ theg pa gsum gyi spangs rtogs kyi rigs mtha' dag rang
rgyud la sgrub par mkhas pa'i shes rab khyad par can dang ldan
pa'i phyir/ gnyis pa mdo dang zlos pa'i skyon spangs nas dgos pa
yod par sgrub pa la dgos sogs chos bzhi'i rnam gzhag bshad pa/
zhar la bka' dang bstan bcos

kyi rnam gzhag bshad pa gnyis/ dang po la mchod brjod kyi rjes
su dogs 'brel gyi ngag smos pa'i dgos pa bshad/ dgos sogs chos
bzhi'i khyad par bshad/ de dag gzhung gis bstan tshul bshad/
grangs nges bshad pa dang bzhi/ dang po ni/ mchod brjod kyi rjes
su dgos 'brel gyi ngag smos

pa la dgos pa yod de/ rgyan gyi ched du bya ba'i gdul bya lta
bus bstan bcos 'di la dgos sogs chos bzhi yod dam med phal cher
meng snyam pa'i don mi 'gyur gyi the tshom bkag nas/ phal cher
yod snyam pa'i don 'gyur gyi the tshom bskyed pa'i ched du yin
pa'i phyir te/ 'grel pa las/ don

la the tshom bskyed pa nyid kyis 'jug pa'i yan lag  /ces gsungs
pa'i phyir/ gnyis pa ni/ spyir ngag don mthun thams cad la dgos
sogs chos bzhi tshang ste/ bum par chu lon cig ces pa lta bu la
mtshon na chu de de'i brjod bya dang/ chu lon pa de'i dgos pa
dang skyes bu skom pa'i sdug bsngal bsal

@39b ba de'i nying dgos dang/ de dgos pa la 'brel ba sogs 'brel
pa yin pa'i phyir/ dgos 'brel ngag gi dgos sogs chos bzhi yod de/
bstan bcos lus kyi dogs sogs chos bzhi de'i brjod bya dang/ dgos
'brel ngag la brten nas de la dgos sogs chos bzhi yod par rtogs
pa de'i dgos pa dang/

de la brten nas bstan bcos la thos bsam gyis 'jug pa de'i nying
dgos sogs yin pa'i phyir/ bstan bcos lus kyi dgos sogs chos bzhi
yod de/ rgyas 'bring bsdus gsum gyi tshig don mtha' dag de'i
brjod bya dang/ de la brten nas de'i tshig don mtha' dag rtogs pa
de'i dgos pa dang/ de la

brten nas thos bsam gyis zhugs te 'bras bu rnam mkhyen thob pa
de'i nying dgos/ nying dgos su gyur pa'i 'dus byas dgos par gyur
pa'i 'dus byas la 'brel/ de brjod byar byung ba'i 'dus byas la
'brel/ de bstan bcos 'di la 'brel ba 'di'i 'bral ba sogs yin
pa'i phyir/ 'di'i bstan bya'i gtso

bor gyur pa'i 'brel ba la de byung gi 'brel bas khyab ste/ mdo
rtsa ba'i de la des khyab pa'i phyir/ der thal/ rgya cher 'grel
las/ mdo ni thabs yin la tshul khrims bstan pa ni thabs las byung
ba ste/ thabs dang thabs las byung ba'i mtshan nyid kyi 'brel ba
ste rgyu dang 'bras bur gyur pa zhes bya ba'i tha tshig

go/ zhes gsungs pa'i phyir/ de ltar byas na rgyan gyi ched du
bya ba'i gdul bya'i dus su rgyan gyi nying dgos med kyang/ rgyan
de rang dus su nying dgos pa bcas pa mi 'gal te/ myu gu'i dus su
de'i 'brel yul sa bon med kyang de rang dus su sa bon la 'brel
ba mi 'gal ba bzhin du rgyan de dus su nying

dgos dang bcas pa'i bstan bcos yin pa'i phyir/ gsum pa gzhung
gis bstan tshul bstan pa la/ rnam pa thams cad mkhyen nyid/ ces
sogs kyi tshig rkang gsum gyis brjod bya'i ngo bo dang/ brjod
bya'i khyad par bstan/ chos spyod ces sogs tshig rkang gsum gyis
nying dgos dang nying dgos mngon du

'gyur ba'i thabs bstan/ bde blag ces sogs tshig rkang gnyis kyis
dgos pa dngos su bstan nas 'brel bar shugs la bstan pa yin no/
/bzhi pa grangs nges bshad pa la/ rgyan gyi dgos sogs kyi chos
la bzhir grangs nges te/ rtogs ldan bstan bcos la 'jug pa'i
bgegs log rtog de la bya rog

@040a @#/ /so rtog gi bstan bcos lta bu brjod bya med snyam pa
dang/ 'jog po'i gtsug rgyan len par ston pa'i bstan bcos lta bu
dgos pa sgrub mi nus snyam pa dang/ ma bag mar len par ston pa'i
bstan bcos lta bu skyes bu dam pa'i 'jug bya min snyam pa dang/
mtho ris kyi phyir du

phyugs kyi mchad spyin byed par ston pa'i bstan bcos lta bu
thabs thabs byung gi 'brel ba ma grub snyam du 'dzin pa'i log
rtog bzhi yod pas/ de sel byed kyi dgos sogs kyi chos la bzhir
grangs nges pa'i phyir/ gnyis pa bka' dang bstan bcos kyi rnam
gzhag bshad pa la bka' bshad pa

dang; bstan bcos bshad pa gnyis/ dang po la/ mtshan nyid/ dbye
ba/ phye ba so so'i don bshad pa dang gsum/ dang po la/ rang
rtsom pa po sangs rgyas 'phags pas gdul bya'i rgyud kyi mi mthun
phyogs spong phyir du gsungs pa'i ngag  /de'i mtshan nyid/ de la
bka' zhes 'chad pa'i rgyu mtshan

yod de/ legs par bshad pa'i rgyu mtshan gyis da ltar bshad pa'i
phyir/ de yang spobs pa bzhi dang ldan te/ brjod bya'i don dang
ldan/ rjod byed kyi tshig dang 'brel/ gdul bya'i rgyud kyi mi
mthun phyogs spong phyir du gsungs/ zhi ba myang 'das kyi phan
yon ston pa bzhi dang ldan pa'i phyir/ de skad du yang

rgyud bla ma las/ gang zhig don ldan chos dang nye 'brel zhing/
/khams gsum kun nas nyon mongs spong phyir gsungs/ /zhi ba'i
phan yon ston par mdzad pa gang/ /de nyid drang srong gsung yin
ldog pa gzhan/ /zhes gsungs pa'i phyir/ gnyis pa dbye ba la/
dus/ brjod bya/ rjod byed/ gdul bya/

gnyen po/ bdag rkyen gyi sgo nas dbye ba dang drug las/ dang po
ni bka' dang po bden bzhi'i chos 'khor sogs gsum/ drang nges kyi
mdo gnyis gnyis pa dang/ gsung rab yan lag bcu gnyis gsum pa
dang/ theg pa che chung gi mdo gnyis bzhi pa dang/ bka' sde snod
gsum lnga pa yin/ drug pa la/

zhal nas gsungs pa'i bka'/ rjes su gnang ba'i bka'/ byin gyis
brlabs pa'i bka' gsum/ dang po ni/ mdo sdud pa dang/ gnyis pa
ni/ mtshams sbyar/ gleng gzhi/ mthun 'gyur/ rjes su yi rang gi
mdo rnams gnyis pa yin te/ chos yang dag par sdud pa'i mdo las/
dge slong dag 'di skad

@40b bdag gis thos pa zhes gyis la chos yang dag par sdud par
bya'o/ go rim dang 'brel ba dag kyang bstan par bya'o/ /zhes
gsungs pa'i phyir/ zhal nas gsungs pa'i bka' dang/ rjes su gnang
ba'i bka' gnyis mi 'gal te/ shes rab snying po'i nang tshan du
gyur pa'i 'di skad bdag gis thos pa dus gcig na

zhes pa'i mdo de gnyis ka yin pa'i phyir/ der thal/ lung snga ma
de'i phyir/ gsum pa la/ sku gsung thugs kyis byin gyis brlabs
pa'i bka' gsum las/ sa bcu pa'i mdo dang po dang/ ma skyes
dgra'i 'gyod pa sel ba'i mdo gnyis pa yin/ gsum pa la/ thugs
ting nge 'dzin/ bden pa/ 'phrin las

kyis byin gyis brlabs pa gsum las/ sher snying dang po dang/ de
bzhin gshegs pas slob pa lam gyi gnas skabs su bdag gis rgyal
sras kyi spyod pa la g.yo ba med par bslab na ljon shing 'di
las chos kyi sdom bzhi ston pa'i sgra 'byung bar gyur cig  ces
brjod pa la brten nas de las chos kyi sdom

bzhi ston pa'i sgra 'byung ba'i ngag gnyis pa dang/ sangs rgyas
kyi 'phrin las kyi dbang gis gnad sbyin sogs kyis thol byung du
smras pa'i rigs sngags khyad par can lta bu gsum pa yin/ gnyis
pa bstan bcos bshad pa la/ mtshan nyid/ dbye ba/ phye ba so so'i
don dang gsum/ dang po la/ rang rtsom

pa po'i sems can gyis rang gi grub mtha' stan pa'i phyir du
brtsams pa'i ngag  /bstan bcos kyi mtshan nyid/ rang rtsam pa po
sems can gyi rnyed bkur sogs kyis kun nas ma bslangs par bka'i
dgongs 'grel du brtsams pa'i ngag  /bstan bcos rnam dag gi mtshan
nyid/ de la bstan bcos zhes 'chad

pa'i rgyu mtshan yod de/ gdul bya'i shes rgyud dug gsum las bslab
pa gsum gyi ngo bor 'chos pa dang ngan 'gro dang srid pa'i sdug
bsngal las skyob pa'i phyir/ rnam bshad rigs pa las/ nyon mongs
skyon rnams ma lus 'chos pa dang/ /ngan 'gro'i srid las skyob
byed gang yin pa/ /'chos skyob yon

tan phyir na bstan bcos te/ /gnyis po 'di dag gzhan gyi lugs la
med/ /ces gsungs pa'i phyir/ de yang rnyed bkur sogs kyis kun
nas ma bslangs pa zhig dgos te/ rgyud bla ma las/ gang zhig
rgyal ba'i bstan pa 'ba' zhig gi/ dbang byas rnam g.yeng med
yid can gyis bshad/ /thar pa thob pa'i
@41a @#/ /lam dang rjes mthun pa/ /de yang drang srong bka' bzhan
spyi bor blang/ /zhes gsungs pa'i phyir/ gnyis pa dbye ba la/
mchog dman/ byed las/ brjod bya/ bshad bya gnyis ka'i sgo nas
dbye ba dang/ bstan bcos kyi rigs bsdu ba dang lnga/ gsum pa
phye ba so so'i don

la; gsum tshan gsum gsungs pa'i dang po gnyis gnyis bstan bcos
ltar snang dang/ phyi ma re re yang dag yin te/ sa sde spyi'i
sdom las/ don med don log don dang ldan/ /thos rtsod sgrub pa
lhur len pa/ /ngan g.yo brtse bral sdug bsngal spang/ /bstan
bcos drug bral gsum du 'dod/ /

ces gsungs pa'i phyir/ gnyis pa la/ bka' rgya chen sdud pa'i
bstan bcos/ zab mo rnam par 'byed pa'i bstan bcos/ 'thor ba
bsdus pa'i bstan bcos dang gsum/ 'dul ba mdo rtsa ba dang po
dang/ mngon rtogs rgyan gnyis pa/ mdo sde rgyan gsum pa yin/
gsum pa brjod bya'i sgo nas dbye na/ ji snyed

pa dang ji lta ba ston pa'i bstan bcos/ thar pa dang thams cad
mkhyen pa gnyis ka ston pa'i bstan bcos dang gsum/ dang po la ji
snyed pa phal pa dang khyad par can stan pa'i bstan bcos gnyis/
skye bo gso thigs dang shes rab brgya pa sogs dang po yin zhing/
shes rab brgya pa sogs la brten nas thar

pa dang thams cad mkhyen pa 'thob pa'i rgyur 'gyur ba yod de/ de
nyid las/ mi yi chos lugs legs spyad na/ /lha yul bgrod pa mi
ring ste/ /lha dang mi yi them skas la/ /'dzegs na thar pa gam du
'dug  / ces gsungs pa'i phyir/ gnyis pa la/ rig pa'i gnas lnga
bstan pa'i bstan bcos rnam pa

lnga yod cing/ thams cad mkhyen pa 'thob pa la de rnams la mkhas
par bya dgos te/ mdo sde rgyan las/ rig pa'i gnas lnga dag la
brtson par ma byas na/ /'phags mchog gis kyang thams cad mkhyen
nyid mi 'gyur te/ /de lta bas na gzhan dag char bcad rjes bzung
dang/ /bdag nyid kun mkhyen bya

phyir de la brtson par bya/ /zhes gsungs pa'i phyir/ de rnams
bsdu na gzhan tshar gcod pa dang/ rjes su 'dzin pa dang/ bdag
nyid kun mkhyen du byed pa'i bstan bcos gsum du 'du/ sgra dang
gtan tshigs rig pa'i bstan bcos dang po yin zhing/ sgra mdo kun
tu bzang po dang po yin la/ de'i phyogs mthun

@41b gyi bstan bcos du ma yod de/ sdeb sbyor gyi bstan bcos rin
chen 'byung gnas/ mngon brjod kyi bstan bcos 'chi med mdzod/
snyan dngags me long sogs yin/ gnyis pa ni/ sde bdun mdo dang
bcas pa rnams yin/ gnyis pa gzhan rjes su 'dzin pa'i bstan bcos
la/ bzo rig pa/ gso ba rig pa'i bstan

bcos gnyis las/ de bzhin gshegs pa'i sku gzugs kyi cha tshad ston
pa'i bstan bcos dang po dang/ gso dpyad yan lag brgyad pa gnyis
pa yin/ gnyis pa ji lta ba stan pa'i bstan bcos ni dbu ma rgyan
dang/ thar pa dang thams cad mkhyen pa gnyis ka ston pa'i bstan
bcos ni bslab spyod gnyis lta bu yin/ bzhi

pa bshad bya bka'i sgo nas dbye na/ bka' spyi'i dgongs 'grel
dang/ so so'i dgongs 'grel gnyis/ sde bdun mdo dang bcas pa dang
po dang/ gnyis pa la/ 'khor lo dang po'i dgongs 'grel sogs gsum
las/ dang po la/ lta ba'i cha 'grel pa dang/ spyod pa'i cha
'grel pa gnyis/ mngon pa sde bdun dang po dang/

'dul ba mdo rtsa ba gnyis pa yin/ 'khor lo bar pa la yang/ lta
ba'i cha 'grel pa sogs gnyis las/ rigs tshogs drug dang po dang/
mngon rtogs rgyan gnyis pa yin/ gsum pa la yang gnyis las/ byams
chos phyi ma gsum dang po dang/ byang chub sems dpa'i sdom pa
nyi shu pa gnyis pa yin/ lnga pa

bstan bcos kyi rigs bsdu ba la bka' la brten pa dang ma brten pa
gnyis/ dang po la/ bka' nyid kyi tshig 'grel du btab pa dang ma
btab pa gnyis/ dang po/ sa lu ljang pa'i mdo 'grel dang rten
'brel mdo 'grel lta bu yin/ gnyis pa ched du brjod pa'i tshams
lta bu yin/ gnyis pa bka' la ma brten pa'i bstan

bcos 'di gnyis gang rung ma yin pa'i bstan bcos rnams yin/ gnyis
pa bsdus don bshad pa la/ rgyas pa la dad pa'i gang zag la
brgyad du phye nas bstan pa dang/ 'bring po la dad pa'i gang zag
la drug tu bstan pa/ bsdus pa la dad pa'i gang zag la gsum du
bstan pa'o/ /dang po la/ dgos 'brel gyi rjes su

bsdus don lus rnam gzhag smos pa'i dgos pa bshad pa/ dgos pa de
ldan gyi lus dngos bshad pa gnyis/ dang po ni/ de'i rjes su
bsdus don lus rnam gzhag smos pa la dgos pa yod de/ mdo don bde
blag tu rtogs pa de bsdus don la rag las pa'i rgyu mtshan gyis de
ltar bshad pa'i phyir/ rag las te/ 'chad

@42a @#/ /pa po rnams kyi bsdus don lus rnam gzhag gi go rim dang
mthun par tshig don yan lag rgyas bshad kyi sgo nas bshad pas
'chad sla zhing/ nyan pa po rnams kyis de ltar du nyan pas bstan
bcos kyi brjod bya rags rim zhig khong du chud pa'i dgos pa yod
pa'i phyir/ de ltar

byas na bsdus don rgyas 'bring bsdus gsum du 'byed pa'i tshul yod
de/ mchod brjod dang dgos 'brel gyi ngag sngon du btang nas/
shes rab pha rol phyin pa ni/ /dngos po brgyad kyi yang dag
bshad/ /ces 'chad bya 'chad byed mdor bstan/ rnam kun zhes sogs
kyis dngos po brgyad kyi rkang grangs ngos

bzung/ sems bskyed pa dang zhes sogs kyis don bdun cu'i sgo nas
rgyas par bshad/ sems bskyed pa ni gzhan don phyir/ /zhes sogs
kyis tshig don gyi sgo nas bshad pa dang/ yang de gnyis sngon du
btang nas/ shes rab pha rol phyin pa ni/ /dngos po drug gi yang
dag bshad/ /ces 'chad bya 'chad

byed mdor bstan/ mtshan nyid de yi sbyor ba dang/ /zhes sogs kyis
dngos po drug gi rkang grangs ngos bzung/ sems bskyed pa dang/
zhes sogs kyis don bdun cu'i sgo nas rgyas par bshad/ sems
bskyed pa ni/ zhes sogs kyis tshig don gyi sgo nas bshad pa dang/
yang de gnyis sngon du btang nas/

shes rab pha rol phyin pa ni/ /dngos po gsum gyi yang dag bshad/
/ces 'chad bya 'chad byed mdor bstan/ yul ni rnam pa gsum po
rgyu/ /zhes sogs kyis dngos po gsum gyi rkang grangs ngos bzung/
sems bskyed pa dang/ zhes sogs kyis don bdun cu'i sgo nas rgyas
par bshad pa sogs rnam pa

gsum yod pa'i phyir/ des na mngon rtogs rgyan gyi lus la rgyas
'bring bsdus gsum yod pas/ rgyan la yang rgyas 'bring bsdus gsum
yod pa yin te/ rgyu mtshan gang gi de'i phyir/ gnyis pa dgos pa
de ldan gyi lus dngos bshad pa la/ mtshan nyid/ dbye ba/ sgra
bshad pa gsum/ dang po la

yan lag du ma tshogs pa lus kyi mtshan nyid/ dbye na rjod byed
tshig gi lus dang/ brjod bya don gyi lus gnyis yod de/ tshig bco
lnga po dang po dang/ dngos brgyad don bdun cu gnyis pa yin pa'i
phyir te/ rigs thigs las/ rab tu byed pa dag gi lus ni rnam pa
gnyis te/ sgra dang don no/ /zhes dang/ mdo

@42b sde rgyan las kyang/ ji ltar snam na rab 'khu la/ /myang na
zhim pa'i sman bzhin du/ /chos kyang de bzhin gnyis su gnas/
/don dang yi ger shes par bya/ /zhes gsungs pa'i phyir/ gsum pa
sgra bshad pa la/ dngos brgyad don bdun cu la lus zhes 'chad
pa'i rgyu mtshan yod de/ yan lag dngos po brgyad dang/

nying lag don bdun cu la khyab pa'i phyir dang/ de dag gi rten
byed pa'i rgyu mtshan gyis de ltar bshad pa'i phyir/ ! shes rab
pha rol phyin pa ni/ /zhes sogs kyi skabs su/ gzhung gi 'brel
bshad pa dang/ sher phyin dngos btags kyi khyad par bshad pa/
dngos po brgyad la mtha' dpyad pa dang gsum/ dang po la/

mchod brjod kyi skabs nas bstan pa'i yum shes rab kyi pha rol tu
phyin pa de la mngon par rtogs pa'i rgyan gyi rjod byed skabs
brgyad/ brjod bya dngos po brgyad du phye nas gtan la phab pas
yum don yang dag par bshad pa yin te/ de'i mtshams sbyar du nyi
snang las/ shes rab kyi pha rol tu phyin pa ni de gang

yin zhes bya ba 'di ni brjod par bya'o zhe na bshad/ ces gsungs
pa'i phyir/ mngon par rtogs pa'i rgyan gyis rgyas 'bring bsdus
gsum rjod byed skabs brgyad/ brjod bya mngon par rtogs pa brgyad
du phye nas gtan la 'babs na/ rgyas 'bring bsdus gsum gyis de
dag gtan la 'babs tshul ji ltar yin zhe na/

yum bar ma'i dbang du byas na rab 'byor gyi le'us rnam mkhyen
dang/ mtha' gnyis rnam dag gi le'us lam shes dang/ spyod pa
khyad par can gyi le'us gzhi shes dang/ de bzhin nyid kyi le'us
rnam rdzogs sbyor ba dang/ bslab pa yongs su dag pa'i le'us rtse
sbyor dang/ bslab pa la rim gyis slob pa'i le'us

mthar gyis sbyor ba/ bslab pa yongs su rdzogs pa'i le'us skad
cig sbyor ba/ bslab pa'i 'bras bu'i le'us 'bras bu chos sku
bstan pa yin no/ /gnyis pa sher phyin dngos btags kyi khyad par
bshad pa la/ mtshan nyid/ dbye ba/ phye ba so so'i don/ sher
phyin dngos btags kyi khyad par dngos bshad pa dang

bzhi/ dang po kha cig  byang 'phags kyi mkhyen pa yin na sher
phyin yin pas khyab zer na/ byang sems mthong lam pa'i rgyud kyi
gtong ba'i sems pa chos can/ der thal/ de'i phyir/ 'dod na/
stong nyid rtogs pa'i ye shes su thal/ 'dod pa'i phyir/ kha cig
 spros bral mngon sum du rtogs pa'i ye shes gang zhig 

@43a @#/ /mi gnas pa'i myang 'das su phyin zin dang phyin byed
gang rung de/ de'i mtshan nyid zer na/ sher phyin yin na 'jig
rten las 'das pa'i sher phyin yin dgos par thal/ dam bca' de'i
phyir/ 'dod mi nus te/ mdo las/ shes rab kyi pha rol tu phyin pa
ni 'jig rten pa yang yod/ 'jig

rten las 'das pa yang yod do/ /zhes gsungs pa'i phyir/ kha cig
 lam sher phyin yin na/ sher phyin yin pas khyab zer na/ byang
sems sbyor lam pa'i rgyud kyi stong nyid rtogs pa'i shes rab
kyis zin pa'i gtong ba'i sems pa chos can/ der thal/ de'i phyir/
der thal/ thabs shes khyad par can gyis

zin pa'i sems dpa'i ye shes yin pa'i phyir/ 'dod na/ stong nyid
rtogs pa'i ye shes yin par thal/ 'dod pa'i phyir/ gzhan yang de
mi 'thad par thal/ phar phyin drug po de snga ma snga ma la
brten nas phyi ma phyi ma skye ba dang/ dman mchog dang phra
rags kyi khyad par yang yod pa'i phyir/ der thal/ mdo sde

rgyan las/ snga ma la brten phyi ma skye/ /zhes sogs gsungs pa'i
phyir/ rang lugs la/ theg chen sems bskyed kyis zin pa'i stong
nyid rtogs pa'i theg chen gyi mkhyen pa/ sher phyin gyi mtshan
nyid/ dbye ba la/ sgras brjod rigs kyi sgo nas dbye na/ rang
bzhin gyi sher phyin/ gzhung lam 'bras bu'i

sher phyin gsum/ gsum pa phye ba so so'i don la/ rang bzhin gyi
sher phyin/ rang bzhin gyi yum/ rang bzhin gyi myang 'das rnams
don gcig  kha cig  gzhung sher phyin yin na mdo yin pas
khyab zer na/ mngon rtogs rgyan chos can/ der thal/ de'i phyir/
der thal/ 'grel pa don gsal las/

shes rab kyi pha rol tu phyin pa 'di las ni mtshan nyid kyi bstan
bcos dag las mi smos pa'i gzhi gang yin pa de 'byung ba ni med
do/ /zhes gsungs pa'i phyir/ kha cig  sems dpa'i ye shes la
lam sher phyin yin pas khyab zer na/ theg chen gyi mdo yin na
gzhung sher phyin yin pas khyab par thal/ dam

bca' 'thad pa'i phyir/ 'dod na/ sems tsam pa'i mdo chos can/ der
thal/ de'i phyir/ 'dod na/ dngos po bden med du stan pa'i mdo
yin par thal/ 'dod pa'i phyir/ rang lugs la/ theg chen gyi lam
'bras bu dang bcas pa phyin ci ma log par bstan bya'i gtso bor
byas nas ston pa'i theg chen gyi sde snod/

@43b gzhung sher phyin gyi mtshan nyid/ rgyas 'bring bsdus gsum/
mdo sdud pa/ de bzhin gshegs pa'i snying po'i mdo/ /ting nge
'dzin gyi rgyal po'i mdo rnams yin/ thabs shes khyad par can
gnyis kyis zin pa'i sems dpa'i ye shes/ lam sher phyin gyi mtshan
nyid/ khyad chos gsum gyis khyad par du byas pa'i mthar

thug pa'i ye shes/ 'bras bu sher phyin gyi mtshan nyid/ de la kho
na re/ sems dpa'i ye shes yin na lam sher phyin yin pas khyab
par thal/ theg dman gyi slob lam la lam sher phyin gyi gzugs
brnyan yin pas khyab pa'i phyir dang/ stong nyid rtogs pa'i
byang chub sems dpa'i rgyud kyi gtong ba'i sems pa

sbyin pa'i phar phyin yin pa'i phyir zer na/ ma khyab/ phyi ma
ma grub na/ der thal/ rnam bshad dgongs pa rab gsal las/ de yang
shes rab kyis ma zin kyang byang chub chen por bsngo bas zin pas
pha rol tu 'gro bar nges pa la bzhag pa'i phyir/ sbyin pa'i phar
phyin gyi ming rnyed par 'gyur ro/ /zhes gsungs pa'i phyir

kho na re/ de mi 'thad par thal/ mdo las stong nyid rtogs pa'i
shes rab kyis ma zin pa'i sbyin pa de sbyin pa tsam yin gyi
sbyin pa'i phar phyin ma yin par gsungs pa'i phyir/ zer na skyon
med de/ 'dis shes rab kyi pha rol tu phyin par byed pa zhes pa'i
sher phyin gyi sgra bshad du yod pa'i phar phyin la dgongs pa'i
phyir/

de ltar ma yin na phar phyin drug po la dman mchog dang phra
rags sogs kyi khyad par gsungs pa mi 'thad par thal/ sbyin pa'i
phar phyin thob pa la sher phyin thob pa sngon du 'gro dgos/
sher phyin thob pa la de thob pa sngon du 'gro dgos pa'i phyir/
kho na re/ byang chub sems dpa'i rgyud kyi stong nyid rtogs pa'i
shes rab

kyis ma zin pa'i gtong ba'i sems pa chos can/ 'dis shes rab kyi
pha rol tu phyin par byed pa zhes pa'i sher phyin gyi sgra bshad
du yod par thal/ phar phyin gyi sgra bshad du yod pa'i phyir/
zer na/ ma khyab/ rtags der thal/ sbyin pa'i phar phyin yin pa'i
phyir/ kho na re/ sems tsam pa'i thun mong ma yin pa'i mdo

chos can/ gzhung sher phyin yin par thal/ mtshan nyid de'i phyir/
der thal/ des byang sems kyi sa bcu gtso bor byas nas bstan pa'i
phyir/ der thal/ mdo sde rgyan las de ltar bstan pa'i phyir/ der
thal/ phar phyin drug gi go rim bstan pa'i phyir/ phar phyin
drug gi rnam gzhag mdzad pa'i phyir/ zer na/ re

@44a @#/ /zhig ma khyab/ kho na re/ sher phyin la theg chen gyi
mngon rtogs yin pas ma khyab par thal/ theg dman gyi gang zag gi
rgyud kyi sher phyin yod pa'i phyir/ der thal/ mdo las dus gsum
gyi rgyun zhugs nas rang sangs rgyas kyi byang chub kyi bar sher
phyin 'di la brten nas 'thad

par gsungs pa'i phyir/ zer na ma khyab ste/ lam sher phyin gyi
gzugs brnyan la dgongs pa'i phyir/ kha cig  / slob lam na sher
phyin med zer na/ de mi 'thad de/ byang chub sems dpa'i bslab pa
gsum gyi nyams len phyin drug gi nyams len la byed pa'i phyir/
mdo sde rgyan las/ bslab gsum

dbang du mdzad nas ni/ /rgyal bas pha rol phyin pa drug  / yang
dag bshad de dang po gsum/ /mtha' ma gnyis kyi rnam pa gnyis/
/gcig ni gsum char la yang gtogs/ /zhes gsungs pa'i phyir/ gzhan
yang/ sher phyin yin na 'bras bu sher phyin yin pas khyab par
thal/ dam bca' de'i phyir/ 'dod

na; mi 'thad de/ phar phyin drug la dman mchog dang phra rags
kyi khyad par gsungs pa gang zhig  ye shes chos sku la dman
mchog sogs kyi khyad par mi 'thad pa'i phyir/ dang po der thal/
snga ma la brten phyi ma skye/ /dman dang mchog tu gnas phyir
dang/ /rags pa dang ni phra ba'i phyir/ /de dag rim par

bstan pa yin/ /zhes gsungs pa'i phyir/ gzhan yang/ slob lam na
sher phyin yod par thal/ slob lam na pha rol tu phyin pa drug
yod pa'i phyir/ kha cig  ma khyab zer/ ma grub na/ der thal/
sangs 'phags kyi rgyud kyi phar phyin drug po de/ byang sems kyi
rgyud la yod pa dang rjes su mthun pa'i rnam

mkhyen gyi rnam pa yin pa'i phyir/ yang kha cig ma khyab zer/
rtags der thal/ byang sems kyi rgyud la yod pa dang rjes su
mthun pa'i rnam mkhyen gyi rnam pa la sum cu rtsa bzhi yod pa'i
phyir te/ sum cu bdun dang sum cu bzhi/ /zhes gsungs pa'i phyir/
ma khyab mtshams phyi ma la/ sangs 'phags kyi rgyud kyi

stobs bcu po byang sems kyi rgyud la yod pa dang rjes su mthun
pa'i rnam mkhyen gyi rnam pa yin par thal/ de de ltar yin na
byang sems kyi rgyud la stobs bcu yod mi dgos pa'i phyir/ der
thal/ phar phyin drug la de'i phyir/ ma khyab mtshams dang po la/
slob lam na phar phyin drug yod par thal/ sa dang por

@44b sbyin pa'i phar phyin sogs yod pa'i phyir/ der thal/ rnam
bshad dgongs pa rab gsal las/ de la phar phyin gzhan rnams med
pa ni ma yin no/ /zhes dang/ tshul khrims lhag par gsungs kyi
phar phyin lhag ma rnams med pa ni ma yin no/ /zhes gsungs pa
dang/ rnam bshad snying po rgyan las/ tshul

khrims kyi phar phyin lhag pa de tsam du bzod pa'i phar phyin
sogs mi ldan pas tshul khrims kyi lhag pa zhes bya ba'i sa der
phar phyin lhag ma rnams med pa ni ma yin no/ /zhes gsungs pa
dang/ byang chub sems dpa'i thugs rgyud kyi sbyin pa'i pha rol
tu phyin pa la 'dis shes rab kyi pha rol tu phyin par byed pas

sher phyin zhes pa'i sgra bshad du yod pa'i phyir ro/ /zhes
gsungs pa'i phyir/ kha cig na re/ slob lam na sher phyin med par
thal/ sher phyin yin na sgrib pa spangs pa'i ye shes yin dgos
pa'i phyir/ rnam bshad las/ de'i don ni khyad chos gsum mam
bzhis khyad par du byas pa'i sangs rgyas kyi ye shes kho na

sher phyin dngos yin la/ lam sher phyin dang gzhung sher phyin
btags pa ba yin no/ /zhes gsungs pa'i phyir dang/ 'jug 'grel
las/ 'khor ba'i rgya mtsho'i phar 'gram na ngogs te/ nyon mongs pa
dang shes bya'i sgrib pa ma lus par spangs pa'i rang bzhin mnga'
ba'i sangs rgyas nyid do/ /zhes gsungs

pa'i phyir/ zer na/ skyon med de/ byin zin pa'i sher phyin la
dgongs pa'i phyir te/ sher phyin zhes pa'i tshig la byed tshig
dang las tshig gnyis yod pa'i phyir/ de nyid las/ las kyi tshig
yod na mi mngon par mi bya'o/ /zhes pa dang/ dgongs pa rab gsal
las/ 'dis pha rol tu phyin par byed pa zhes byed

pa la sbyar na slob lam na yang sher phyin yod do/ /zhes gsungs
pa'i phyir/ bzhi pa sher phyin dngos btags kyi khyad par dngos
bshad pa la/ gang la 'byed pa'i tshul/ de la log rtog dgag pa
dang gnyis/ dang po la/ brgyad stong pa las/ byang chen sher
phyin las brtsams te spobs pa bskyed cig ces

pa'i mdos gzhung lam 'bras bu sher phyin gsum bstan zhing/ 'bras
bu sher phyin de des bstan pa'i phyin zin pa'i sher phyin dngos
dang gzhan gnyis phyin zin pa'i sher phyin btags pa ba yin te/
dang po de/ khyad chos gsum gyis khyad par du byas pa'i mthar
thug pa'i ye shes yin pa'i phyir/ de la pha rol

@45a @#/ /phyin pa zhes 'chad pa'i rgyu mtshan yod de/ stong nyid
rtogs pa'i thos bsam sgom gsum gyi shes rab rim gyi 'phel stobs
kyis rnam mkhyen mngon sum du rtogs pa'i ye shes yin pa'i phyir/
shes rab kyi pha rol tu phyin pa zhes 'chad pa'i rgyu mtshan yod
de/

chos rab tu rnam 'byed kyi shes rab kyis srid zhi gnyis kyi pha
rol tu phyin pa'i phyir/ de khyad chos bzhi dang ldan te/ rten
sangs 'phags kho na'i rten la yod pa/ ngo bo ye shes yin pa/
gzhal bya phyi rol don gyis stong ba/ bden stong sgyu ma lta bu
yin pa bzhi dang ldan pa'i phyir/ gzhung lam gyi sher phyin

gnyis phyin zin pa'i sher phyin btags pa ba yin te/ 'dogs pa'i
chos gsum tshang ba'i phyir/ gzhung sher phyin la der 'dogs pa'i
rgyu mtshan yod de/ de nyid bstan bya'i gtso bor byas nas bstan
pa'i rjod byed la brjod bya'i ming gis btags nas bstan pa'i
phyir/ btags pa la dgos pa yod de/

'bras bu sher phyin thob pa la de la thos bsam gyis 'jug dgos so
zhes shes pa'i ched du yin pa'i phyir/ lam sher phyin la der
'dogs pa'i rgyu mtshan yod de/ de 'thob byed kyi rgyu'i gtso bo
yin pas rgyu la 'bras bu'i ming gis btags pa'i phyir/ btags pa
la dgos pa yod de/ 'bras bu sher phyin thob pa la

de bsgom bya'i gtso bor byas nas sgom dgos so zhes shes par bya
ba'i ched du yin pa'i phyir/ dngos la gnod byed yod de/ de gnyis
mthar thug gi ye shes ma yin pa'i phyir/ de lta bu'i sher phyin
dngos btags kyi khyad par 'thad de/ de ltar 'thad pa slob dpon
phyogs glang gis tshad mas bzung ba'i phyir

te/ brgyad stong don bsdus las/ shes rab pha rol phyin gnyis
med/ /ces sogs gsungs pa'i phyir/ gzugs brnyan dang bral ba'i
sher phyin gsum bstan bya'i gtso bor byas nas bstan pa yin te/
theg chen gyi rigs can rnams kyi nyams su blang bya'i gtso bo
dang 'brel ba'i phyir/ gzhung lam

'bras bu sher phyin gsum dang/ de gsum gyi gzugs brnyan gsum gyi
nang nas sher phyin gsum po de gtso bor bstan pa yin kyang/
gzugs brnyan gsum po ma bstan pa ma yin te/ ma bstan na rigs can
gsum gyi don sgrub pa'i thabs rdzogs par mi 'gyur bas bstan dgos
pa'i phyir/ bstan pa

@45b yin te/ de nyid las/ nyan thos kyi sa la slob par 'dod pas
kyang shes rab kyi pha rol tu phyin pa ni nyan par bya/ zhes
sogs gsungs pa'i phyir/ gzugs brnyan gyi khyad par yod de/ theg
dman gyi sde snod rnams gzhung sher phyin gyi gzugs brnyan sogs
yin pa'i phyir te/ 'grel chen las/ de ltar na

dang por thos pa dang bsam pa dang sgom pa'i rang bzhin can gyi
shes pa skye ba'i rim gyis rnam pa thams cad mkhyen pa'i ye shes
rtogs pa'i phyir pha rol te rab kyi mthar 'gro ba yin pas na pha
rol tu phyin pa'o/ /de yang shes rab ces bya ba chos rab tu rnam
par 'byed pa'i mtshan nyid de shes rab kyi pha rol tu phyin pa

ni/ shes rab kyi pha rol tu phyin pa ste/ sangs rgyas bcom ldan
'das kyi gnyis su med pa'i ye shes sgyu ma lta bu ni dngos yin
la de thob pa dang rjes su mthun pa nyid kyi na tshig dang ngag
gi tshogs kyi gzhung dang mthong ba la sogs pa'i mtshan nyid can
gyi lam la yang shes rab kyi pha rol tu phyin pa zhes bya ba ni

btags pa'o/ /de yang slob dpon phyogs kyi glang po'i zhal snga
nas kyis/ shes rab pha rol phyin gnyis med/ /ye shes de ni de
bzhin gshegs/ /bsgrub bya don de dang ldan pas/ /gzhung lam dag
la de sgra yin/ /zhes bshad pa yin no/ /de'i phyir de dang 'brel
bas gzugs brnyan dang bral ba rnam pa gsum

ga la yang shes rab kyi pha rol tu phyin pa nyid do zhes nges
par bzung ba yin te/ gtso bo las dbang du byas pa yin no/ /de
rnams nyid kyi ni ma yin te/ 'di med na mi 'byung bas byang chub
gsum ga'i dbang du byas pa'i phyir/ de yang 'di nyid las/ nyan
thos kyi sa la slob par 'dod pas kyang shes rab kyi pha rol tu

phyin pa 'di mnyan par bya'o zhes bya ba la sogs pa 'chad par
'gyur ba yin no zhes bshad do/ /zhes gsungs pa'i phyir/ gnyis pa
log rtog dgag pa la kha cig  gtso bo las dbang du byas pa yin
no/ /zhes pa'i don/ gzhung lam 'bras bu sher phyin gsum gyi nang
nas 'bras bu sher phyin gtso bo yin pa'i don

yin zer na/ de mi 'thad par thal/ de gsum gyi nang nas de gtso
bo yin nam ma yin snyam pa'i dogs pa rgol ba rtogs ldan la skye
mi srid pa'i phyir/ der thal/ de gsum gyi nang nas de mthar thug
gi ye shes yin nam ma yin snyam pa'i dogs pa rgol ba rtogs ldan
la skye mi rigs pa'i phyir/ kha cig  sher
@46a @#/ /phyin la shes rab kyis khyab zer na/ mi 'thad par thal/
shes rab kyi sgra bshad du yod na shes rab yin pas ma khyab pa'i
phyir dang/ byang chub sems dpa'i rgyud kyi sbyin pa'i pha rol
tu phyin pa sogs la 'dis shes rab kyi pha rol tu phyin par byed
pas sher phyin gyi sgra

bshad du yod par gsungs pa'i phyir/ gzugs brnyan gsum po de
btags pa ba ma yin te/ 'dogs pa'i chos gsum ma tshang ba'i phyir/
gsum pa dngos po brgyad la mtha' dpyad pa la/ grangs nges pa/ go
rim nges pa/ so so'i ngo bo bshad pa dang gsum/ dang po la/
dngos po brgyad/ mngon

par rtogs pa brgyad/ skabs brgyad dang brgyad tshan gsum gsungs
pa'i khyad par yod de/ dang po brjod bya'i dbang du byas/ gnyis
pa gang zag gi shes rgyud kyi rim pa'i dbang du byas/ gsum pa
rjod byed kyi dbang du byas pa'i phyir te/ don bsdus sgron me
las/ dngos po brgyad ni brjod bya la/ /mngon

rtogs shes rgyud rim pa ste/ /skabs ni rjod byed shin tu gsungs/
/zhes gsungs pa'i phyir/ des na mngon rtogs rgyan gyi brjod bya
sems bskyed sogs mtshon byed kyi chos bcu gzhir gzung nas dngos
po brgyad du grangs nges te nyams su blang bya la mkhyen pa gsum
du grangs nges/ len byed la sbyor ba bzhi/

blangs pa'i 'bras bu la chos skur grangs nges pa'i phyir/ sems
bskyed sogs mtshon byed kyi chos bcu gzhir gzung nas dngos po
brgyad du 'byed rigs te/ 'grel chen las/ shes rab kyi pha rol tu
phyin pa stong phrag brgya pa la sogs pa'i mdo'i don byang chub
kyi sems dang gdams ngag la sogs pa'i

sgrub pa'i rang bzhin gnas skabs brgyad kyi dbye bas phye ba
thams cad ces gsungs pa'i phyir/ de gzhir gzung nas dngos po
brgyad du 'byed tshul yod de/ sems bskyed sogs chos bcu po de
yang bsdu na byang chub tu sems bskyed nas ched du bya ba chen
po gsum sgrub pa'i phyir du sgrub pa nyams su len pa'i

nyams len du 'du zhing/ de'i tshe rnam mkhyen dang 'bras bu chos
sku gnyis ched du bya ba las 'phros/ lam shes sgrub pa nyams su
lan pa'i nyams len las 'phros/ gzhi shes sems bskyed pa'i thabs
las 'byed/ sbyor ba bzhi po nyams len las 'byed pa'i phyir/ phyi
ma der thal/ byang chub tu sems

@46b bskyed nas chen po gsum sgrub pa'i phyir du 'bad pa de
sgrub pa'i don yin zhing/ de yang brtson 'grus rtsom pa'i don
yin pas sgrub pa brtson 'grus kyis khyad par du byas nas nyams
su len dgos pas/ mkhyen gsum gyi rnam pa zhi lhag zung 'brel gyi
sbyor bas nyams su len pa'i len tshul gyi sbyor ba bzhir grangs
nges

pa'i phyir/ dang po nyams su blang bya'i yul la mkhyen pa gsum
du grangs nges te/ yul gzhi gnyen rnam gsum gyi dbang du byas na
yang der grangs nges/ rigs can gsum gyi don sgrub pa'i dbang du
byas na yang der grangs nges/ 'phags bzhi'i bzhed don sgrub pa'i
dbang du byas na'ang der grangs nges pa'i phyir/

gnyis pa der thal/ gdul bya nyan rang gi rigs can rjes su 'dzin
pa la gzhi shes dgos/ des sgrub nus pa sogs yin pa'i phyir/ gsum
pa der thal/ nyan rang 'phags pa'i bzhed don sgrub pa la gzhi
shes dgos/ des sgrub nus pa sogs yin pa'i phyir/ gnyis pa len
byed la sbyor ba bzhir grangs nges te/

sgrib pa gnyis bag chags dang bcas pa spangs pa'i spangs pa
mthar thug gis lag rjes 'jog pa la sbyor ba dang po gnyis su
grangs nges/ mkhyen pa skad cig ma gcig gis shes bya thams cad
mngon sum du rtogs pa'i rtogs pa mthar thug gis lag rjes 'jog pa
la sbyor ba phyi ma gnyis su grangs nges pa'i phyir/ gnyis

pa go rim la/ mkhyen gsum dang sbyor bzhi dang 'bras bu chos
sku'i go rim ni rgyu 'bras don yin te/ rgyan gyi ched du bya
ba'i gdul byas mkhyen gsum gyi rnam pa sbyor bzhis nyams su
blangs pa la brten nas 'bras bu chos sku 'thob pa'i phyir/
mkhyen gsum dang sbyor bzhi'i go rim ni nyams len gyi rim pa'i
dbang du byas pa

yin te/ rgyan gyi ched du bya ba'i gdul byas mkhyen gsum gyi
rnam pa sbyor bzhis nyams su lan pa la mkhyen gsum gyi rnam pa
tshad mas nges dgos pa'i phyir/ mkhyen gsum gyi go rim yang nyams
len gyi rim pa'i dbang du byas pa yin te/ rgyan gyi gdul byas
rnam mkhyen gyi ngo bo dang nus pa'i yon tan mthong ba'i sgo

nas don gnyer bskyed de/ de 'thob byed kyi thabs lam shes
bskyed/ de rnam par dag byed kyi yan lag gzhi shes bskyed par
byed pa'i phyir/ sbyor ba bzhi yang rgyu 'bras don gyi rim pa'i
dbang du byas pa yin te/ sbyor ba dang po gnyis rgyu 'bras don
gyi rim pa'i dbang du byas/ phyi ma gnyis kyang de ltar du byas
pa'i phyir

@47a @#/ /dang po der thal/ mkhyen gsum gyi rnam pa la goms pa
dbang sgyur thob phyir du sgom pa'i rnam rdzogs sbyor ba la
brten nas goms pa dbang sgyur thob nas sgom pa rtse sbyor 'byung
ba'i phyir/ phyi ma der thal/ mkhyen gsum gyi rnam pa la goms pa
brtan pa thob phyir du sgoms pa

mthar gyis sbyor ba la brten nas/ brtan po thob nas sgom pa skad
cig sbyor ba 'byung ba'i phyir/ dang po dang gsum pa gnyis kyang
rgyu 'bras don gyi rim pa'i dbang du byas so/ /gnyis pa so so'i
ngo bo bshad pa la/ ngo bo dngos bshad pa dang/ don bdun cu'i
dbye bsdu bshad pa gnyis/ dang po la/ chos bcu

mngon sum du rtogs pa'i mthar thug pa'i ye shes/ rnam mkhyen gyi
mtshan nyid yin pa nas/ sbyor bzhi bsgoms stobs kyis thob pa'i
thob bya mthar thug  'bras bu chos sku'i mtshan nyid/ gnyis pa
dbye bsdu bshad pa la/ dbye ba bshad pa/ bsdu ba bshad pa/ zlos
pa spong ba dang gsum/ dang po la/ dngos

po brgyad la rgyas par dbye na/ don bdun cu yod de/ rnam mkhyen
mtshon byed kyi chos bcu/ lam shes mtshon byed kyi chos bcu gcig
gzhi shes mtshon byed kyi chos dgu/ rnam rdzogs sbyor ba mtshon
byed kyi chos bcu gcig  rtse sbyor mtshon byed brgyad/ mthar gyis
sbyor ba mtshon byed bcu gsum/

skad cig sbyor ba mtshon byed bzhi/ 'bras bu chos sku mtshon byed
bzhi dang bcas pa yod pa'i phyir/ gnyis pa bsdu ba bshad pa la/
de rnams bsdu na/ rjod byed tshig dang/ brjod bya'i don gnyis su
'du la/ theg chen gyi gdams ngag rnams dang po yin/ gnyis pa la/
rten gyi gang zag dang/ brten pa

mngon rtogs/ brten tshul 'gal 'brel dang gsum/ dang po la/ slob
mi slob gnyis las slob pa phyir mi ldog pa'i dge 'dun dang po
dang/ gzugs sku gnyis gnyis pa yin/ brten pa mngon rtogs la
yang/ lam thams cad kyi gnas skabs na yod pa dang/ 'ga' zhig kho
na na yod pa gnyis/ gnyen

phyogs shes rnam dang po dang/ gnyis pa la theg dman gyi lam kho
na na yod pa/ theg chen gyi lam kho na na yod pa gnyis/ 'bras
yum la ring ba'i gzhi shes/ mi mthun phyogs kyi gzhi shes dang
po yin/ gnyis pa la mi slob lam kho na na yod pa/ slob mi slob
gnyis ka na yod pa/ slob

@47b lam kho na na yod pa dang gsum/ dang po ni/ chen po gsum
rtogs pa ye shes chos sku lta bu yin/ theg chen sems bskyed nyan
rang gi lam shes pa'i lam shes gnyis 'bras yum la nye ba'i gzhi
shes/ gnyen po phyogs kyi gzhi shes/ shes pas srid la mi gnas
pa'i lam shes snying rjes zhi la mi gnas

pa'i lam shes rnams ni gnyis pa yin/ gsum pa la/ lam bzhi char
na yod pa/ so so kho na na yod pa dang gnyis/ dang po ni/ go
sgrub/ lam shes kyi yan lag  sems dpa'i gzhi shes sbyor ba/ de'i
'dzin stangs kyi mnyam nyid/ sems dpa'i sbyor ba/ sems dpa'i
sbyor ba'i mtshan nyid/ mthar

gyis sbyor ba bcu gsum rnams yin/ gnyis pa la/ tshogs lam kho na
na yod pa/ sbyor lam kho na na yod pa/ mthong lam kho na na yod
pa/ sgom lam kho na na yod pa/ khyad par gyi lam kho na na yod
pa/ rgyun mtha' kho na na yod pa/ sbyor mthong sgom gsum ga na
yod pa'o/ /dang po ni/ theg chen gyi

thar pa cha mthun dang/ gnyis pa ni/ dman pa'i sbyor lam las
khyad par du 'phags pa'i sbyor lam/ gtso bor thabs kyi chas
khyad par du byas pa'i sbyor lam/ sbyor lam rtse sbyor bzhi
rnams yin/ gsum pa ni/ phan yon chen po can gyi mthong lam/
dngos bstan mthong lam/ mthong lam rtse sbyor gsum

rnams yin/ bzhi pa ni/ mos bsngo rjes su yid rang gi sgom lam
gsum/ rnam dag sgom lam/ sgrub pa sgom lam/ sgom lam rtse sbyor
rnams yin/ lnga pa ni/ nges 'byung sgrub pa/ srid zhi mnyam nyid
sbyor ba/ zhing dag sbyor ba/ thabs mkhas sbyor ba rnams yin/
drug pa ni/ bar chad med pa'i rtse

sbyor/ skad cig sbyor ba bzhi rnams yin/ bdun pa ni/ tshogs
sgrub/ 'jug sgrub gnyis lta bu yin no/ /gsum pa brten tshul 'gal
'brel bshad pa la/ 'gal tshul/ 'bral chul/ 'brel ba'i phan yon
bshad pa'i tshul/ dang po ni/ rten gyi gang zag dang mngon rtogs
'gal ba gsal bya log sgrub/

rten gyi gang zag dang sbyor ba 'gal ba sbyor ba'i skyon bzhi
bcu zhe drug lta bu yin/ 'brel tshul la/ ngo bo tha dad pa'i
'brel tshul/ ngo bo dbyer med kyi 'brel tshul gnyis/ theg chen
sgrub pa dang de'i dmigs pa 'brel ba dang po yin/ gnyis pa la/
dri bcas sems kyi chos nyid dang 'brel tshul/ dri bral sems

@48a @#/ /kyi chos nyid dang 'brel tshul gnyis/ dang po ni/ theg
chen sgrub pa dang de'i rten rang bzhin gnas rigs 'brel ba lta
bu dang/ gnyis pa ni/ gzugs sku gnyis dang blo bur dri bral gyi
de bzhin nyid 'brel ba lta bu yin/ gnyis pa 'brel ba'i phan yon/
rten gyi gang zag dang sgom lam

gyi byed pa dang/ mos pa sgom lam dang 'brel ba bstod bkur
bsngags gsum lta bu yin/ rten gyi gang zag dang sbyor ba 'bral
ba sbyor ba'i yon tan bcu bzhi lta bu yin/ gsum pa ni sbyor
mthong sgom gsum lan du mar bstan pa la zlos pa'i skyon med de/
ston tshul dang dgos pa mi 'dra ba'i khyad par yod pa'i

phyir; gsum pa tshig don bshad pa la/ nyams su blang bya mkhyen
gsum bshad/ len byed sbyor bzhi bshad/ blangs pa'i 'bras bu chos
sku bshad pa dang gsum/ dang po la/ don du gnyer bya'i gtso bo
rnam mkhyen bshad/ de 'thob byed kyi thabs lam shes bshad/ de
rnam par dag byed kyi yan

lag gzhi shes bshad/ dang po la/ skabs brgyad kyi dang por rnam
mkhyen bshad pa'i dgos pa bshad/ gzhung spyi'i bsdu ba bshad/
gzhung don rnams so sor bshad pa dang gsum/ dang po la/ skabs
brgyad kyi dang por dngos po brgyad kyi nang nas rnam mkhyen
bshad pa'i dgos pa yod de/ rgyan gyi ched du bya

ba'i gdul byas rnam mkhyen gyi phan yon mthong nas bstan bcos la
thos bsam gyis 'jug pa'i ched yin pa'i phyir/ de ltar yin na
rnam mkhyen rang gi ngo bo'i sgo nas mi 'chad par chos bcu'i sgo
nas 'chad pa'i rgyu mtshan ci yin zhe na/ 'di la kha cig gi gsung
na re/ de'i rgyu mtshan yod de/ chos bcu po de bsdu na/ byang

chub tu sems bskyed nas sgrub pa nyams su len pa'i nyams len du
'du zhing nyams len de rnam mkhyen gyi rgyu yin pas/ rgyus 'bras
bu mtshon pa'i tshul gyis mtshon pa'i phyir/ bcu po de yang rten/
dmigs pa/ ched du bya ba/ sgrub pa rang gi ngo bo dang bzhir
'du/ brten pa yang bsam pa sems bskyed/ gdams

ngag rjes bstan/ sbyor ba nges 'byed/ chos dbyings rigs dang
bzhi'i sgo nas 'byed ces gsungs/ rang lugs la/ chos bcu'i sgo
nas 'chad pa'i rgyu mtshan yod de/ yul gyis yul can mtshon pa'i
tshul gyis bstan pa'i phyir/ der thal/ chos bcu mngon sum du
rtogs pa'i ye shes yin na rnam mkhyen yin

@48b dgos pa'i phyir/ de shes bya thams cad mngon sum du rtogs
pa yin pa la chos bcu mngon sum du rtogs pa'i sgo nas rnam
mkhyen du 'jog pa'i rgyu mtshan yod de/ rnam mkhyen gyi yul chos
bcu blo yul du shar ba na theg chen gyi lam spyi'i lus blo yul
du shar ba'i dgos pa yod pa'i phyir/ de yang rigs te/ 'jig rten
khams

kyi srin bu'i grangs nges mkhyen pa tsam gyi grol ba don gnyer
gyi skyes bu la bltos pa'i tshad ma'i skyes bur mi 'jog gi/ de la
blang dor gyi gnas la mi 'khrul pa'i thabs ston pa'i cha nas
tshad ma'i skyes bur 'jog pa'i phyir te/ rnam 'grel las/ 'di yis
srin bu'i grangs mkhyen pa/ /nged la 'gar yang nyer mkho med/
/blang

dang dor bya'i de nyid ni/ /thabs dang bcas pa rigs mdzad pa/
/gang de tshad ma nyid 'dod kyi/ /thams cad rigs mdzad ma yin no/
/zhes gsungs pa'i phyir/ gnyis pa gzhung spyi'i bsdu ba bshad pa
la/ chos bcu po de yang bsdu na/ rnam mkhyen gyi chad du dam
bca' ba'i dam bca' sems bskyed bshad/ dam bca'i don sgrub pa'i

thabs gdams ngag bshad/ gdams don nyams su len pa'i sgrub pa
bshad pa rnams las dang po de 'chad pa la/ sems bskyed pa ni
gzhan don phyir/ zhes pa nas/ /rtsa gnyis so/ /zhes pa'i bar
gsungs/ gnyis pa de 'chad pa la/ sgrub dang bden pa rnams dang
ni/ /zhes pa nas/ rnam

pa kun tu yongs 'dzin yin/ /zhes pa'i bar gsungs/ gsum pa de
'chad pa la/ rtogs pa yi ni chos drug dang/ /zhes pa man chad
gsungs/ gsum pa gzhung don so sor bshad pa la/ sems bskyed pa ni
gzhan don phyir/ /zhes sogs kyi skabs su/ gzhung 'brel dang/
mtha' dpyad pa gnyis/

dang po la/ mdo las/ shA ri'i bu 'di la chos thams cad rnam pa
thams cad du mngon pa rdzogs par 'tshang rgya bar 'dod pas shes
rab kyi pha rol tu phyin pa la bslab par bya'o/ /de dang de 'dod
pas sher phyin la bslab par bya/ zhes pa'i mdo'i sbas don theg
chen sems bskyed kyi ngo bo dang bcas pa 'chad par byed

pa la/ sems bskyed pa ni zhes pa nas/ rtsa gnyis so/ /zhes pa'i
bar gyi rtsa 'grel rnams gsungs/ de ltar byas pa la/ gzhan don
du rdzogs pa'i byang chub 'dod pa'i 'dod pa sems bskyed kyi
mtshan nyid du go ba kha cig  mtshan nyid de gang la zhugs pa'i
mtshan gzhi 'dod pa de chos can/ sems bskyed ma yin

@49a @#/ /par thal/ sems byung yin pa'i phyir/ zer na/ sems
bskyed kyi mtshan nyid 'chad pa'i skabs 'dir sems sems byung gi
gzhi mthun khas blangs pa'i nyes pa med de/ sems bskyed la 'dod
pa gnyis kyis ming btags nas bstan pa'i phyir zhes/ rtsod pa lan
dang bcas

pa 'chad pa la/ yang dag par rdzogs pa'i byang chub 'dod pa nyid
ni de don du gnyer ba'i dge ba'i chos la 'dun pa sems las byung
ba yin la/ zhes pa nas/ smon lam dang ldan pa'i sems de skye'o
zhes bya bar shes par bya ba'i phyir yin no/ /zhes pa'i bar
gsungs/ dmigs yul byang chub dang gzhan

don gnyis po yum bar ma las mdor bstan rgyas bshad gnyis gnyis
kyi sgo nas bshad ces 'chad par byed pa la/ de dang de ni mdo
bzhin du/ /bsdus dang rgyas pa'i sgo nas brjod/ /ces pa nas/
mngas dogs nas khungs nyid du ma bris so/ /zhes pa'i bar gyi
rtsa 'grel rnams gsungs/ mtshan

nyid de gang la zhugs pa'i sems bskyed la dpe grogs chos mthun
gyi sgo nas dbye na nyer gnyis yod ces 'chad pa la/ de yang sa
gser zhes pa nas/ rnam pa nyi shu rtsa gnyis so/ /zhes pa'i bar
gyi rtsa 'grel rnams gsungs/ gnyis pa mtha' dpyad pa la/ sems
bskyed kyi rten bshad/ brten pa

sems bskyed bshad/ sems bskyed pa'i phan yon bshad pa gsum/ dang
po la lus rten bshad/ sems rten bshad/ dang po ni/ sems bskyed
gsar du skye ba'i lus rten la bde 'gro bar ma nges te/ ngan song
gsum gyi rten la skye ba yod pa'i phyir/ dmyal ba'i rten la skye
ba yod de/ bdag cag gi

ston pa dmyal ba'i shing rta 'dren pa'i gyad du skye ba bzhes
pa'i tshe grogs la dmigs pa'i sems bskyed gsar du skyes pa mdo
sde las gsungs pa'i phyir/ dud 'gro'i rten la yang gsar skye yod
de/ klu'i rgyal po rgya mtshos zhus pa'i mdo las klu nyi khri
chig stong gis byang chub tu sems bskyed nas bskal

pa skar ma lta bu la de bzhin gshegs pa mtshan mthun par byang
chub tu lung bstan par gsungs pa'i phyir/ mdor na mi ma yin pa'i
'gro ba'i rten la/ sems bskyed gsar skye yod de/ rgya cher rol
pa las/ de'i tshe lha dang klu dang gnod sbyin dang dri za dang
lha ma yin dang nam mkha' lding dang lto 'phye chen

@49b po'i tshogs grangs las 'das pa dag gis bla na med pa yang
dag par rdzogs pa'i byang chub tu sems bskyed de/ /zhes gsungs
pa'i phyir/ gzugs med dang sgra mi snyan pa'i rten la sems
bskyed gsar skye med de/ sgra mi snyan na sdug bsngal mngon gyur
ba med cing/ rnam smin gyi sgrib pa shas chen pos bsgribs pa'i

phyir dang/ gzugs med khams na gzugs med pas sdug bsngal can gyi
sems can gzhan dmigs yul du byed pa med pa'i phyir/ de ltar yin
kyang/ gzugs med khams kyi rten can gyi byang sems yod de/ der
las nyon gyis skye ba blangs pa'i byang sems yod pa'i phyir/ de
las nyon gyi dbang gis

ngan song du skyes pa yod pa'i phyir/ skyes rabs las/ las kyi
rnam par smin pa bsam mi khyab/ /brtse ba'i bdag nyid che yang
dud 'gror skye/ /zhes gsungs pa'i phyir/ de ltar yin kyang/ sdud
pa las/ byang chub yon tan pha rol phyin nyams 'gyur 'ong zhes/
/gzugs med khams su skye ba don du gnyer mi byed/ /

ces gsungs pa dang mi 'gal te/ snying rje dang smon lam gyi
dbang gis der skye ba don du mi gnyer ba'i don yin pa'i phyir/
kha cig  mi ma yin pa'i rten la smon sems gsar skye yod kyang
'jug sems gsar skye med de/ 'jug sems gsar du skye ba'i rten la
so thar gyi sdom ldan dgos pa gang zhig  /mi ma

yin pa'i rten la so thar gyi sdom pa gsar skye med pa'i phyir/
dang po der thal/ lam sgron las/ so so thar pa rigs bdun gyi/
/rtag tu sdom gzhan ldan pa la/ /byang chub sems dpa'i sdom pa
yi/ /skal ba yod kyi gzhan du min/ /zhes gsungs pa'i phyir/
gnyis pa der thal/ mdo rtsa ba las/ mi ma yin

pa'i 'gro ba pa dang sgra mi snyan pa sdom pa'i zhing nyid ma
yin no/ /zhes gsungs pa'i phyir/ zhes zer na/ mi 'thad par thal/
'dod lha dang gzugs khams kyi rten la 'jug sems gsar skye yod
pa'i phyir te/ 'jug sems thob la ma nyams pa'i gzugs khams pa'i
byang 'phags yod pa'i phyir/ der thal/

de 'dra ba'i byang 'phags yod pa'i phyir/ gnas gtsang du skye ba
len pa'i byang 'phags yod pa'i phyir te/ byang 'phags 'ga' zhig
gnas gtsang du rnam smin gyi skye ba 'dzin pa yod pa'i phyir/ de
ltar yin kyang/ lam sgron dang 'gal ba'i skyon med de/ de ni
rten khyad par can gyi dbang du byas pa'i phyir te/ de'i

@50a @#/ /mtshams sbyar gyi 'grel par/ de ni rten khyad par can
bstan par 'dod pas/ zhes gsungs pa'i phyir/ rang lugs la/ gling
gsum gyi mi/ 'dod gzugs kyi lha'i rten la sems bskyed gsar du
skye ba yod de/ gling gsum gyi mi ni sems bskyed sogs yon tan
khyad

par can skye ba'i rten du bsngags par gsungs pa'i phyir dang/
lam shes kyi bshad bya rtsa ba'i mdo 'chad pa'i 'khor du lhags
pa'i 'dod gzugs kyi lha'i rten la sems bskyed gsar du bskyed par
gsungs pa'i phyir dang/ mdo las/ de tshe lha mi stong phrag
brgya/ /byang chub tu ni sems bskyed do/ /zhes

gsungs pa'i phyir/ gnyis pa sems rten bshad pa la/ rgyu rkyen
mtha' chad pa'i dbang du byas na/ rgyu bzhi/ rkyen bzhi/ stobs
bzhi las skye ba byang sa las gsungs pas/ rgyu bzhi'i khyad par
yod de/ rgyu theg chen gyi rigs sad pa/ theg chen dge ba'i bshes
gnyen gyis zin pa/ sems can sdug

bsngal dang bral 'dod kyi snying rje chen po/ rgyal sras kyi
dka' spyad la bzod pa'i bzod pa bzhi yod pa'i phyir/ rkyen bzhi
yod de/ sangs rgyas byang sems kyi nus mthu dpag tu med pa
mthong ba dang/ theg chen gyi sde snod mang du thos pa'i rkyen/
theg chen gyi bstan pa nyams pa mi bzod pa/ snyigs ma'i

dus su sems bskyed rnyed dka' ba mthong ba dang bzhi yod pa'i
phyir/ stobs bzhi yod de/ grogs gzhan gyis bskul stobs dang sems
bskyed skye ba'i phyir du sngon dge rtsa mang du bsags pa'i
stobs/ rang stobs kyis skyes pa'i stobs/ tshe 'dir rgyu 'bras man
ngag bdun sogs kyi sgo nas sbyangs

stobs dang bzhi yod pa'i phyir/ rgyu rkyen stobs sogs kyi khyad
par yod de/ dang po bzhi gtso bo'i rgyu dang/ bar pa bzhi gnas
skabs kyi dbang du byas/ phyi ma bzhi skye tshul gyi dbang du
byas pa'i phyir/ mtha' chod pa'i dbang du byas na de ltar yin
kyang/ gtso bor sangs rgyas kyi yon tan la dmigs pa'i

dang pa dang/ sems can la dmigs pa'i snying rje/ rgyal sras kyi
dka' spyad la bzod pa'i bzod pa gsum la brten nas skye ba yin
te/ dkon mchog sgron me'i gzungs las/ rgyal dang rgyal ba'i sras
la dad gyur zhing/ /rgyal sras rnams kyi spyod la dad byed pa/
/byang chub bla na med la dad gyur nas/ /skyes bu

@50b chen po rnams kyi sems skye'o/ /zhes gsungs pa'i phyir/
spyod pa'i rten du gyur pa'i sems bskyed de/ sems can sdug
bsngal las skyob par 'dod pa'i lhag bsam las skyes pa yin te/
rgyan las/ de yi rtsa ba snying rjer 'dod/ /ces dang/ 'grel par/
theg chen sems bskyed la byang chub don gnyer gyi

'dod pa'i ming gis btags pa'i dgos pa spyod pa'i rten du gyur
pa'i sems bskyed de/ sems can sdug bsngal las skyob par 'dod
pa'i lhag bsam las skyes par shes pa'i ched yin pa'i phyir/ de
yang/ grogs gzhan gyi stobs dang/ rgyu theg chen gyi rigs sang
pa/ sngon dge rtsa bsags pa'i stobs/ theg

chen gyi sde snod mang du thos pa'i stobs/ /tshe 'dir rgyu 'bras
man ngag bdun sogs kyis skyes pa lnga las/ snga ma mi brtan
zhing phyi ma bzhi brtan pa yin te/ mdo sde rgyan las/ grogs
stobs rgyu stobs rtsa ba'i stobs/ /thos stobs dge ba goms pa
las/ /mi brtan pa dang brtan 'byung ba/ /gzhan gyis bstan pa'i

sems bskyed bshad/ /ces gsungs pa'i phyir/ gnyis pa brten pa
sems bskyed bshad pa la/ ngo bo/ dbye ba/ phye ba so so'i don/
sbyong tshul/ sems bskyed pa'i cho ga bshad pa dang lnga/ dang po
la/ kha cig  'phags pa thogs med sems bskyed sems byung du bzhed
pa yin te/ byang sa las/ byang

chub sems dpa' rnams kyi smon lam gyi mchog ni sems bskyed pa'o/
/zhes pa dang/ don gnyis ldan pa'i sems byung ba/ /zhes pa'i
thad kyi slob dpon dbyig gnyen gyis mdzad pa'i 'grel par/ yon
tan gnyis sam gsum la dmigs pa dang ldan pa'i sems pa ni sems
bskyed pa'o/ /zhes gsungs pa'i phyir/

zer na/ sems bskyed de sems sems byung gnyis ka yin par thal/ de
sems byung du slob dpon thogs med kyis tshad mas nges/ 'phags pa
grol sdes sems su tshad mas nges pa'i phyir/ dang po der thal/
des rang rgyud kyi sems bskyed tshad mas nges pa gang zhig  des
sems bskyed sems byung du 'dod pa'i phyir/

dang po der thal/ de byang 'phags yin pa'i phyir/ rtsa rtags
gnyis pa der thal/ des rang rgyud kyi sems bskyed tshad mas nges
pa gang zhig  des sems bskyed sems su 'dod pa'i phyir/ dang po
der thal/ de byang 'phags yin pa'i phyir/ gnyis pa der thal/ de
nyid las/ sems bskyed pa zhes bya ba la/ /@51a @#/ /sems ni rnam par shes pa ste
rnam par rig pa'o rnam par
shes pa gang yin zhe na yid kyi rnam par shes pa ste/ dkar po'i
chos thams cad la dmigs pa ni de la srid pa'i phyir/ bskyed pa
zhes smos pas ni ma skyed pa bskyed par shes par byed pa yin
pa'i phyir na sems kyi rtog

pa'i chos la dang po'i sa mtshams kyi dngos po bstan pa'i don
du'o/ /zhes gsungs pa'i phyir/ de ltar yin kyang sngar bshad
pa'i lung de dag dang mi 'gal te/ de'i don ni/ sems bskyed de
rang gi grogs smon lam dang mtshungs ldan sogs la dgongs pa'i
phyir/ kha cig  gzhan don du rdzogs pa'i

byang chub la dmigs shing rang gi grogs rdzogs byang don gnyer
gyi 'dun pa dang mtshungs ldan du gyur pa'i sems khyad par can/
sems bskyed kyi mtshan nyid zer/ yang kha cig  de 'dra ba'i theg
chen gyi gtso bo'i yid kyi rnam rig  de'i mtshan nyid/ zer na/
theg chen lam du 'jug kha ma'i gang

zag gi rgyud kyi bur shun gyi shun pa'i ro lta bu'i sems bskyed
chos can/ sems bskyed du thal/ mtshan nyid dang po de'i phyir/
der thal/ zur dang po gang zhig  phyi ma der thal/ de 'dra'i
gang zag de gang zag khyad par can yin pa'i phyir/ 'dod mi nus
so/ /sangs rgyas 'phags pa'i rgyud kyi gang zag gi

bdag med mngon sum du rtogs pa'i yid kyi rnam par shes pa chos
can/ mtshon bya phyi ma der thal/ mtshan nyid phyi ma de'i phyir/
'dod na/ theg dman gyi rtogs rigs su mi gnas par thal/ 'dod pa
de'i phyir/ kha cig  de gang zhig  mi gnas pa'i myang 'das sgrub
byed kyi bsam pa phun tshogs kyi rigs

su gnas pa/ de'i mtshan nyid zer na/ sangs rgyas 'phags pa'i
rgyud kyi don dam sems bskyed chos can/ sems bskyed du thal/
mtshan nyid de'i phyir/ 'dod na mi 'thad par thal/ don dam sems
bskyed yin pa'i phyir/ khyab ste/ rgyal sras 'jug ngogs las/ 'di
gsung rab du ma las don dam

pa'i sems bskyed du gsungs kyi theg chen sems bskyed du gang du
yang gsungs pa med do/ /zhes gsungs pa'i phyir/ sems bskyed yin
na sems yin pas khyab ste/ mdo sde rgyan las/ brtan pa rnams kyi
smon lam ni/ /sems pa 'dun dang bcas pa ste/ /zhes sems bskyed
de rang gi grogs rdzogs

@51b byang don gnyer gyi 'dun pa dang mtshungs ldan du gsungs pa
gang zhig  /de rdzogs byang don gnyer gyi 'dun pa yin na/ de
sems ma yin pa slob dpon gyis bden kha byin pa'i phyir dang/ nyi
snang du yang de rnam par shes par gsal bar gsungs pa'i phyir/
rang lugs la gzhan don du rdzogs pa'i byang chub la dmigs shing

rang gi grogs rdzogs byang don gnyer gyi 'dun pa dang mtshungs
ldan du gyur pa'i theg chen gyi gtso bo yid kyi rnam rig gang
zhig  lta spyod gnyis kyi nang nas spyod pa'i char gtogs pa'i
theg chen lam gyi 'jug sgo'i rigs su gnas pa'i mkhyen pa/ theg
chen sems bskyed kyi mtshan nyid/ gnyis pa dbye ba la/ de

la sgras brjod rigs kyi sgo nas dbye na/ kun rdzob sems bskyed
dang/ don dam sems bskyed gnyis/ ngo bo'i sgo nas smon 'jug gi
sems bskyed gnyis/ sa mtshams kyi sgo nas dbye na/ mos pas spyod
pa'i sems bskyed sogs bzhi/ bskyed tshul gyi sgo nas rgyal po lta
bu'i sems bskyed sogs gsum/

gsum pa bye ba so so'i don la/ kha cig  don dam bden pa la gnyis
snang nub pa'i theg chen gyi gtso bo'i yid kyi rnam rig gang
zhig  mi gnas pa'i myang 'das sgrub byed kyi bsam pa phun tshogs
kyi rigs su gnas pa de'i mtshan nyid zer na/ sangs rgyas 'phags
pa'i thugs rgyud kyi theg chen sems bskyed chos

can/ mtshon bya der thal/ mtshan nyid de'i phyir/ rang lugs ni/
don dam bden pa la gnyis snang nub pa'i theg chen 'phags pa'i
rgyud kyi gtso bo'i yid kyi rnam rig gang zhig  mi gnas pa'i
myang 'das sgrub byed kyi bsam pa phun tshogs kyi rigs su gnas
pa'i lta spyod gnyis kyi nang nas lta ba'i char gtogs pa'i

mkhyen pa/ don dam sems bskyed kyi mtshan nyid yin te/ sgom rim
las/ de ltar kun rdzob byang chub kyi sems bskyed nas don dam
pa'i byang chub kyi sems bskyed pa'i phyir 'bad par bya'o/ /don
dam pa'i byang chub kyi sems de ni log pa las 'das pa/ spros pa
mtha' dag dang bral ba shin tu gsal ba don dam

pa'i spyod yul dri ma med pa/ mi g.yo ba rlung med pa'i mar
me'i rgyun bzhin du mi g.yo ba'o/ /de grub pa ni rtag tu gus
pas zhi gnas dang lhag mthong gi rnal 'byor goms par byas pa las
'gyur ro/ /zhes gsungs pa'i phyir/ de ni dam pa gsum dang ldan
te/ sangs rgyas yongs 'dzin du bsten pas lung dam pa

@52a @#/ /nod pa/ bsod nams dang ye shes kyi tshogs bsags pas rgyu
dam pa sgrub pa/ don dam pa mngon sum du rtogs pas khong du chud
pa dang ldan zhing/ sa dang po rab dga' nas thob pa'i phyir/ de
skad du yang/ mdo sde rgyan las/ rdzogs pa'i sangs rgyas rab
mnyes byas/ /bsod

nams ye shes tshogs rab bsags/ /chos la mi rtog ye shes ni/
/skyes phyir de ni dam par 'dod/ /chos dang sems can rnams dang
ni/ /de yi bya bas sangs rgyas nyid/ /mchog la sems mnyam rnyed
pa'i phyir/ /de yi rab dga' khyad par 'phags/ /zhes gsungs pa'i
phyir/ de la don dam pa'i byang

chub kyi sems zhes 'chad pa'i rgyu mtshan yod de/ sangs rgyas kyi
don dam pa'i byang chub la gnyis snang nub pa'i tshul gyi dmigs
pa'i sems yin pa'i rgyu mtshan gyis de ltar bshad pa'i phyir/
smon 'jug gi khyad par la/ kha cig  'dun ldan sems bskyed sogs
sems bskyed dang po gsum smon pa sems

bskyed dang lhag ma bcu dgu 'jug pa sems bskyed yin te/ slob
dpon skal ldan grags pas/ 'dun sogs gsum gyi dbye ba yis/ /smon
pa'i sems ni rnam pa gsum/ /'jug pa zhes bya'i sems rnams ni/
/bcu dgu rnams su 'dod pa yin/ /zhes gsungs pa'i phyir/ zer na/
de mi 'thad de/ theg

chen sems bskyed yin na sa lta bu'i sems bskyed dang 'dun ldan
sems bskyed gnyis ka yin dgos pa'i phyir/ de yin na yon tan gong
nas gong du 'phel ba'i rten byed pa'i sems bskyed yin dgos pa'i
phyir/ sangs rgyas ye shes zhabs dang lo tsa' ba chen po rnams
kyi gsung na re/ sa thob pa'i sems bskyed

la 'jug pa sems bskyed dang sa ma thob pa'i sems bskyed la smon
pa sems bskyed kyis khyab ste/ sa thob nas spyod pa nyams len
gyis bya bas ma zin pa med pa'i phyir dang/ sa dang po nas sbyin
pa'i phar phyin gyi nyams len lhag par thob par gsungs pa'i
phyir/ lo chen gyi gsung nas/ byang chub ma 'thob pa

'thob par smon pa smon pa sems bskyed/ byang chub thob nas phyin
drug la 'jug pa 'jug pa sems bskyed yin pas so skye la med do
zhes dang/ sangs rgyas ye shes zhabs kyis smon pa byang chub kyi
sems ni 'jig rten pa thams cad kyi yin la/ 'jug pa byang chub
kyi sems ni rab tu dga' ba nas brtsams

@52b te'o; ;zhes gsungs na/ de mi 'thad de/ sa ma thob pa'i gang
zag gi rgyud kyi 'jug pa sems bskyed yod pa'i phyir te/ bslab
btus las/ ce sar ma chud pa la yang byang chub sems dpa'i sdom
pa'i dbang du bya ba yod dam med ce na yod par rig par bya ste/
zhes gsungs pa'i phyir dang/ rgya mtsho sprin las

kyang yod par gsungs pa'i phyir dang/ slob dpon chos bshes cho
gas blangs pa'i sems bskyed la 'jug sems dang/ des ma blangs
pa'i sems bskyed la smon sems kyis khyab par bzhed pa yang/ mi
'thad de/ sems bskyed cho gas len tshul la yang smon sems cho gas
len tshul dang/ 'jug

sems cho gas len tshul gnyis yod pa'i phyir/ kha cig  /'jug sdom
thob pa'i sems bskyed la 'jug sems dang/ ma thob pa'i sems
bskyed la smon sems kyis khyab ste/ rnam bshad las/ 'jug sdom
dang 'jug sems gnyis 'gal yang de skyed pa ni sdom pa bzung ba'i
dbang kho na las shes par

bya'o/ /zhes gsungs pa dang/ de dang mthun par lam rim las kyang
gsungs pa'i phyir/ zer na/ de mi 'thad de/ 'jug sems su 'gyur ba
la 'jug sdom thob pa tsam gyis mi chog par spyod pa nyams len
gyi bya bas dngos su zin pa dgos pa'i phyir te/ gang phan chad
sdom pa bzung ste zhes pa las logs su tshogs

rnams la zhugs pa de ni zhugs pa'i sems so/ /zhes gsungs pa'i
phyir/ gzhan yang/ sa thob pa'i gang zag gi rgyud kyi smon sems
med par thal/ sa thob pa'i gang zag gi rgyud kyi sems bskyed yin
na 'jug sdom thob pa'i gang zag gi rgyud kyi sems bskyed yin pas
khyab/ 'jug sdom thob pa'i gang zag gi rgyud

kyi sems bskyed yin na 'jug pa sems bskyed yin pas khyab pa'i
phyir/ 'dod mi nus te/ rnam bshad las/ des na smon sems ni tshogs
lam nas bzung ste sa thob nas kyang khas blangs pa la nyes pa
med par mngon te/ zhes gsungs pa'i phyir/ kho na re/ skyon med
de/ 'jug sdom thob nas spyod pa nyams len

gyi bya ba rang gi ngang gis 'byung ba'i don yin pa'i phyir/
spyod 'jug las/ de nas bzung ste gnyid log gam/ /zhes gsungs
pa'i phyir/ zer na/ 'jug sdom thob nas spyod pa la slob pa'i tshe
smon sems med par thal/ rtsa ba'i dam bca' 'thad pa'i phyir/
'dod na/ de'i tshe smon sems med pa de/ 'gro ba de dag

@53a @#/ /phan pa'i phyir zhes sogs dang/ 'gro bar 'dod dang 'gro
ba yi/ /zhes sogs kyi lung don yin par thal/ 'dod pa'i phyir/
'dod mi nus te/ rnam bshad las/ 'jug sdom blangs nas spyod pa la
slob pa'i tshe smon sems med par 'dod pa ni de dag gi don ma yin
te/ zhes gsungs

pa'i phyir/ sngar gyi rnam bshad kyi lung sogs dang 'gal ba'i
skyon med de/ 'jug sems su 'gyur ba la 'jug sdom thob dgos pa'i
don yin pa'i phyir/ rang lugs la/ smon 'jug gi sems kyi khyad
par yod de/ 'jug sdom thob cing spyod pa nyams len gyi bya bas
dngos su zin pa la bltos dgos pa'i

rigs su gnas pa'i sems bskyed de/ 'jug pa sems bskyed dang/ 'jug
sdom thob pa la spyod pa nyams len gyi bya bas dngos su zin pa
la bltos mi dgos pa'i rigs gnas kyi sems bskyed/ smon sems su
'jog pa'i phyir/ dper na/ grong khyer du 'gro 'dod kyi bsam pa
gzhir byas pa la lus kyi gom

pa 'dor len gyi bya bas dngos su zin ma zin gnyis yod pa bzhin
du rdzogs byang don gnyer gyi bsam pa gzhir byas la spyod pa
nyams len gyi bya bas dngos su zin ma zin gnyis yod pa'i phyir/
sgom rim las/ 'gro ba de dag la phan pa'i phyir sangs rgyas su
gyur cig ces gang thog mar don du gnyer ba de ni

smon pa'i sems so/ /gang phan chad sdom pa bzung ste tshogs rnams
la zhugs pa de ni zhugs pa'i sems so/ /zhes gsungs pa dang/
spyod 'jug las/ byang chub sems de mdor bsdu na/ /rnam pa gnyis
su shes bya ste/ /byang chub smon pa'i sems dang ni/ /byang chub
'jug pa nyid yin no/ /'gro bar 'dod

dang 'gro ba yi/ /bye brag ji ltar shes pa ltar/ /de bzhin mkhas
pas 'di nyid kyi/ /bye brag rims bzhin shes par bya/ /zhes
gsungs pa'i phyir dang/ sdong po bkod pa las/ rigs kyi bu 'di
lta ste/ gang bla na med pa yang dag par rdzogs pa'i byang chub
tu smon pa ni dkon/ de bas kyang bla na med pa yang dag

par rdzogs pa'i byang chub tu chas pa'i sems can ni shin tu
dkon/ zhes gsungs pa'i phyir/ spyod pa nyams len gyi bya bas
dngos su zin ma zin gyi don de sbyin pa lta bu la mtshon na sems
bskyed des kun nas bslangs pa tsam ma yin par gtong sems spel
ba'i rnam pa shar ba'i dus nyid na rnam mkhyen don

@53b gnyer gyi dran 'dun du re ba dngos su yod pa na sems bskyed
de sbyin pa nyams len gyi bya bas dngos su zin pa dang/ de dngos
su med pa na sems bskyed de sbyin pa nyams len gyi bya bas dngos
su ma zin par 'jog pa de bzhin du 'og ma rnams la yang shes par
bya'o/ /de ltar byas na/ 'jug sdom thob cing spyod pa nyams len

gyi bya bas dngos su zin pa'i sems bskyed/ 'jug pa sems bskyed
kyi mtshan nyid/ 'jug sdom ma thob pa'am/ spyod pa nyams len gyi
bya bas dngos su ma zin pa'i sems bskyed de/ smon pa sems bskyed
kyi mtshan nyid/ rnam pa gcig tu na/ 'jug sdom thob cing spyod pa
nyams len gyi bya bas dngos su zin pa la

bltos dgos pa'i rigs su gnas pa dang po'i mtshan nyid/ de ltar
bltos mi dgos pa'i rigs su gnas pa/ phyi ma'i mtshan nyid/ sa
mtshams ni/ 'jug pa sems bskyed theg chen gyi tshogs lam nas sangs
rgyas kyi sa'i bar yod/ smon pa sems bskyed ni theg chen gyi
tshogs lam nas sa bdun pa'i bar du yod/

sa brgyad pa yan chad du med de/ sa brgyad pa nas bden 'dzin
mngon gyur ba spangs shing/ mi rtog ye shes la goms pa dbang
sgyur thob pa de nas spyod pa nyams len gyi bya bas dngos su ma
zin pa'i sems bskyed mi 'byung ba'i phyir/ der thal/ sa brgyad
pa nas rjes thob ye shes rnams la rang yul bden med du mi snang
ba'i

skabs med pa'i phyir/ der thal/ rnam bshad las/ sa brgyad pa
thob nas rjes thob kyi skabs su shes bya ji snyed pa gang snang
yang me long nang gi byad bzhin gyi gzugs brnyan ltar snang ba
yin gyi sa bdun pa man chad du skabs 'gar snang ba ltar sgyu ma
lta bur snang ba ma yin pa'i don cung zad kyang mi snang ngo/
/zhes

gsungs pa'i phyir/ zin bya theg chen sems bskyed dang zin byed
sbyin pa nyams len gyi bya ba gnyis gang zag gcig gi rgyud la
cig car du 'jug pa yod pa nas bsam gtan gyi bar 'jug pa yod
kyang/ zin byed stong nyid mngon sum du rtogs pa'i shes rab dang
zin bya sems bskyed gnyis slob pa'i rgyud la cig car du

'jug pa med de/ stong nyid mngon sum du rtogs pa'i slob pa'i
rgyud la theg chen sems bskyed med pa'i phyir/ de ltar yin kyang
stong nyid mngon sum du rtogs pa'i shes rab kyis dngos su zin
pa'i slob pa'i rgyud kyi sems bskyed ni yod de/ thun 'gor stong
nyid kyi don mngon sum du rtogs pa'i mthus bden med kyi rnam pa

@54a @#/ /dngos su shar ba'i slob pa'i rgyud kyi sems bskyed yod
pa'i phyir/ der thal/ slob pa'i rgyud kyi dmigs med kyi sems
bskyed yod pa'i phyir/ der thal/ de'i rgyud kyi dmigs med kyi
snying rje yod pa'i phyir/ de ltar ma yin na/ rnam bshad las/ sa
thob nas stong nyid kyi don mngon sum du

rtogs kyang des dngos su ma zin pa'i sems bskyed skabs du mar
'byung ba'i phyir/ zhes skabs kyi rnam bcad mdzad pa la dgos pa
med par thal/ stong nyid mngon sum du rtogs pa'i shes rab kyis
dngos su zin pa'i slob pa'i rgyud kyi sems bskyed med pa gang
zhig  /rnam mkhyen gyis dngos su ma zin pa'i slob

pa'i rgyud kyi sems bskyed skabs du mar 'byung zhes pa'i skabs
kyi rnam bcad mdzad mi dgos pa lta bu yin pa'i phyir/ kha cig na
re/ spyod pa nyams len gyi bya bas dngos su zin pa'i don rdzogs
byang don gnyer gyi dran 'dun du re bas dngos su zin pa dang/
kha cig  /stong nyid mngon sum du rtogs pa'i shes rab kyis

dngos su zin pa la byed zer na/ dang po mi 'thad de/ sems bskyed
yin na nges dngos su zin pa'i sems bskyed yin dgos pa'i phyir
te/ de dang mtshungs ldan yin dgos pa'i phyir/ phyi ma mi 'thad
de/ spyod pa nyams len gyi bya ba yin na stong nyid rtogs pa'i
shes rab yin mi dgos pa'i phyir te/ spyod pa nyams

len gyi bya ba la phar phyin dang po lnga dang/ bsdu bzhi sogs
yod pa'i phyir/ kha cig  /smon sems ni tshogs lam nas rgyun
mtha'i bar du yod de/ byang sems rgyun mtha' ba'i rgyud kyi sems
bskyed de smon sems yin pa'i phyir/ der thal/ de'i rgyud la zin
byed stong nyid mngon sum du rtogs pa'i shes rab

dngos su yod/ theg chen sems bskyed dngos su med pa'i phyir/ zer
na/ stong nyid mngon sum du rtogs pa'i shes rab kyis dngos su
zin pa'i slob pa'i rgyud kyi sems bskyed med par thal/ de yod na
de'i rgyud la de gnyis cig car du dngos su yod dgos pa las de'i
rgyud la de gnyis cig car du dngos su med

pa'i phyir/ dang po der thal/ khyod kyi sgrub byed 'thad pa'i
phyir/ gzhan yang/ rgyun mtha' bar chad med lam pa'i rgyud la
theg chen sems bskyed dngos su yod par thal/ de'i rgyud kyi sems
bskyed dngos yul du byed pa'i de 'dra ba'i gang zag gi rgyud kyi
de myong byed kyi rang rig mngon sum yod pa'i phyir/ ma

@54b grub na de chos can/ khyod dngos su myong byed kyi rang rig
mngon sum yod par thal/ khyod byang 'phags kyi mkhyen pa yin
pa'i phyir/ kha cig na re/ 'jug sdom thob cing sbyin pa gtong ba
dang dus mnyam du gsar du thob pa'i theg chen sems bskyed chos
can/ 'jug sems su thal/ mtshan nyid de'i phyir/

der thal/ 'jug sdom thob cing/ sbyin pa nyams len gyi bya bas
dngos su zin pa'i sems bskyed yin pa'i phyir te/ chos can de yin
pa'i phyir/ 'dod na/ 'jug sems yin na/ rang gi nyer len du gyur
pa'i smon sems sngon du song bas khyab par thal/ 'dod pa'i
phyir/ khyab ste/ 'gro ba de dag la phan pa'i phyir zhes

sogs dang/ 'gro bar 'dod dang 'gro ba yi/ /zhes sogs gsungs pa'i
phyir/ 'jug sdom len pa'i tshe khyod kyi smon pa byang chub mchog
tu sems bskyed dam zhes 'dri bar gsungs pa'i phyir/ zer na/
skyon med de/ theg chen gyi rigs can dbang rnon 'ga' zhig gi
dbang du byas pa yin gyi khyab pa bstan pa ma

yin pa'i phyir/ dper na/ yang dag shes rtsol sngon btang ste/
/zhes sogs kyis theg chen gyi rigs can dbang rnon rnams kyi dang
por stong nyid rtogs pa'i lta ba rang rgyud la bskyed/ de rjes
byang chub mchog tu sems bskyed pa bstan yang/ theg chen gyi
rigs can yin na de yin pas ma khyab pa lta bu yin

pa'i phyir/ kha cig  'jug sdom thob pa'i lam ma zhugs kyi gang
zag med zer na/ de yod par thal/ 'jug sdom thob nas smon pa
byang chub mchog tu sems gsar du bskyed pa'i gang zag yod pa'i
phyir/ der thal/ lam rim chen mo las/ spyir sngar bshad pa lta
bu'i myong ba ma skyes kyang theg pa chen po'i

bslab par bya ba rnams shes shing theg chen la mos pa brten na/
sngon la sems bskyed pa dang/ sdom pa cho gas bzung nas de nas
byang chub kyi sems skyed pa yang yod/ spyod 'jug tu sngon la
sdom pa dang sems bzung nas de'i bslab bya phyin drug gi bsam
gtan gyi skabs su byang chub kyi sems sbyong lugs rnams

rgyas par gsungs pa lta bu'o/ /zhes gsungs pa'i phyir/ gsum pa
mos spyod kyi sems bskyed sogs bzhi'i khyad par yod de/ sems
bskyed kyi 'khor gsum bden par 'dzin pa'i bden 'dzin gyi zhen
yul med pa mos pa yid byed kyi sgom pa'i tshogs sbyor gyi gnas
skabs kyi sems bskyed rnams mos pas spyod

@55a @#/ /pa'i sems bskyed dang/ bden 'dzin kun btags kyis dag
pa'i ma dag sa bdun gyi gnas skabs kyi sems bskyed rnams lhag
bsam dag pa'i sems bskyed dang/ dag pa sa gsum gyi gnas skabs
kyi sems bskyed rnams rnam par smin pa'i sems bskyed/ sangs
rgyas kyi

sa'i sems bskyed rnams sgrib pa spangs pa'i sems bskyed yin pa'i
phyir/ mdo sde rgyan las/ sems bskyed de ni sa rnams la/ /mos
dang lhag bsam dag pa dang/ /rnam par smin pa gzhan du 'dod/ /de
bzhin sgrib pa spangs pa'o/ /zhes gsungs pa'i phyir/ bzhi pa
rgyal po lta bu'i sems bskyed sogs

kyi khyad par yod de/ dang por rang nyid kyis rdzogs byang thob
par byas nas de nas sems can gzhan rdzogs byang la 'god par
bya'o snyam pa'i sems bskyed rgyal po lta bu'i sems bskyed/ dang
por gzhan rdzogs byang la bkod nas de nas rang nyid rdzi'u byang
'thob par bya'o snyam pa'i sems bskyed rdzi bu lta

bu'i sems bskyed/ rang nyid dang sems can thams cad dus mnyam du
rdzogs byang 'thob par bya'o snyam pa'i sems bskyed mnyan pa lta
bu'i sems bskyed yin pa'i phyir/ sems bskyed dang po gsum tshogs
lam chung ngu 'bring chen po gsum gyis bsdus par gsungs pa ni sa
mtshams nges pa can ma yin te/

de ni sems bskyed nyer gnyis kyi bshad bya rtsa ba'i mdo'i sbas
don sa de dang de na sems bskyed de dang de'i nyams len yod ces
sbas don gtan la 'bebs pa'i dbang du byas pa'i phyir/ 'grel par
mngon shes dang ldan pa'i sems bskyed byang phyogs so bdun dang
ldan pa'i sems bskyed gsungs pa yang de dag

gi nyams len khyad par can dang ldan pa'i don yin gyi de dag
dang mtshungs ldan gyi don ma yin te/ mngon shes dang mtshungs
ldan gyi slob pa'i rgyud kyi theg chen sems bskyed med pa'i
phyir/ slob pa'i rgyud kyi sems bskyed yin na rtog pa yin dgos/
mngon shes yin na mngon sum yin dgos pa'i phyir/

sems bskyed sbyong tshul bshad pa la/ gzhan don don gnyer gyi blo
sbyong tshul/ byang chub don gnyer gyi blo sbyong tshul bshad pa
gnyis/ dang po la/ man ngag rgyu 'bras bdun gyi sgo nas sbyong
tshul/ bdag gzhan brje ba'i sgo nas sbyong tshul gnyis/ dang po
la/ mar shes drin dran gnyis rgyu 'bras phugs

@55b gcig  drin gzo byams pa gnyis rgyu 'bras phugs gcig /snying
rje lhag bsam gnyis rgyu 'bras phugs gcig  sems can thams cad
rdzogs byang la 'god par 'dod pa'i gzhan don don gnyer gyi blo
de de rnams kyi 'bras bur byas pa'i sgo nas sbyong bar byed pa'i
phyir/ gnyis pa bdag gzhan brje ba'i sgo nas

sbyong tshul yod de/ bdag gi bde dge thams cad dang gzhan gyi
sdug bsngal brje ba'i tshul gyis sbyong bar byed pa'i phyir/ de
ltar yin kyang/ mar shes drin dran sogs ma tshang ba'i skyon med
de/ lhag bsam rang chas su yod cing/ bdag gces 'dzin nyes pa
thams cad kyi rtsa bar bltas/ gzhan gces 'dzin

yon tan thams cad kyi rtsa bar bltas pas mar shes drin dran sogs
kyi dod thub pa'i phyir/ gnyis pa byang chub don gnyer gyi blo
sbyong tshul yod de/ sangs rgyas kyi yon tan mthong nas de la don
gnyer gyi blo sbyong bar byed pa'i phyir/ sems bskyed gsum pa
lhag pa'i bsam pa dang ldan pa'i sems bskyed kyi bshad

bya rtsa ba'i mdo las/ byang chen sher phyin la gnas te byang
phyogs so bdun bsgom par bya'o zhes pa nas/ mi gtsang ba'i 'du
shes dgu bsgom par bya'o/ /skyes bu chen po'i rnam par rtog pa
brgyad bsgom par bya'o/ /zhes gsungs pa'i mi gtsang ba'i 'du
shes dgu'i khyad par yod de/ lus kyi dbyibs la

chags pa'i gnyen por rnam par bam pa'i 'du shes dang/ 'khrig pa
la chags pa'i gnyen por rnam par 'bus bshig pa'i 'du shes/ dri
la chags pa'i gnyen por gnag pa'i 'du shes/ rgyan la chags pa'i
gnyen por rnam par dmar ba'i 'du shes/ kha dog la chags pa'i
gnyen por rnam par bsngos

pa'i 'du shes/ sha rgyas pa la chags pa'i gnyen por rnam par zos
pa'i 'du shes/ lus sgeg pa la chags pa'i gnyen por rnam par
'thor ba'i 'du shes/ so la sogs pa rus pa la chags pa'i gnyen
por rus gong gi 'du shes/ kha dog dang dbyibs gnyis ka la chags
pa'i gnyen por rnam par 'tshig

ba'i 'du shes dang dgu yod pa'i phyir/ skyes bu chen po'i rnam
par rtog pa brgyad kyi khyad par yod de/ 'dod pa chung ba/ chog
shes pa/ rab tu dben pa/ brtson 'grus brtson pa/ dran pa nye bar
gzhag pa/ mnyam par gzhag pa/ shes rab dang las kyi mtha' nyung
ba dang brgyad yod pa'i phyir/ de rnams sgom
@56a @#/ /pa la dgos pa yod de/ byang chub kyi sems skye ba dang/
gnas pa'i bgegs de la/ 'khrig pa'i 'dod chags dang/ 'dod pa che
ba dang/ chog mi shes pa dang/ 'du 'dzi la dga' ba dang/ le lo
dang/ brjed ngas dang/ rnam par g.yeng ba dang/ shes rab 'chal
ba dang/ spros pa la

dga' ba dang dgu yod pas/ mi gtsang ba'i 'du shes dgu rnams dang
po'i gnyen po dang/ 'dod pa chung bas 'dod pa che ba'i gnyen po
byed pa nas las kyi mtha' nyung bas spros pa la dga' ba'i gnyen
po byed pa'i phyir/ lnga pa sems bskyed cho gas len tshul bshad
pa la/ yul gang la len pa/ rten gyi

gang zag gang gis len pa/ cho ga ji lta bus len pa dang gsum/
dang po la/ dge ba'i bshes gnyen gyi drung du len na smon sems
dang ldan par ma zad 'jug sdom thob pa'i drung du len/ de lta bu
med na sangs rgyas byang sems kyi sku gzugs sogs rten gyi drung
du len pa'i phyir/ gnyis pa ni dal 'byor

rnyed dka' bsams pa nas/ skyes bu 'bring dang thun mong ba'i
bsam pas rgyud sbyangs pa'i gang zag gis len par byed pa'i
phyir/ gsum pa la sbyor ba dang dngos gzhi gnyis/ dang po sbyor
ba'i khyad par yod de/ gnas khang brgyan zhing dkon mchog gi
rten bkram la/ khyad par du de bzhin gshegs

pa'i sku gzugs dang sher phyin gyi mdo rnams bshams/ de'i drung
du yan lag bdun pa 'bul ba sogs byed pa'i phyir/ de'i 'og tu
gsol ba 'debs tshul yod de/ slob dpon dgongs su gsol/ ji ltar
sngon gyi de bzhin gshegs pa dgra bcom pa yang dag par rdzogs
pa'i sangs rgyas rnams dang/

byang chub sems dpa' sa chen po la rab tu bzhugs pa rnams kyis
dang por bla na med pa yang dag par rdzogs pa'i byang chub tu
thugs bskyed pa de bzhin du/ bdag ming 'di zhes bgyi ba yang
slob dpon gyis bla na med pa yang dag par rdzogs pa'i byang chub
tu sems bskyed du gsol zhes gsol ba lan

gsum 'debs pa'i phyir/ de nas skyabs 'gro ji lta ba bzhin du
byas nas/ slob dpon dgongs su gsol/ bdag ming 'di zhes bgyi bas
dus 'di nas bzung nas ji srid byang chub snying po la mchis kyi
bar du rkang gnyis rnams kyi mchog  / sangs rgyas bcom ldan 'das
rnams la skyabs su mchi'o/ /

@56b slob dpon dgongs su gsol/ bdag ming 'di zhes bgyi bas dus
'di nas bzung nas ji srid byang chub snying po la mchis kyi bar
du chos rnams kyi mchog  / zhi ba 'dod chags dang bral ba'i chos
rnams la skyabs su mchi'o/ /slob dpon dgongs su gsol/ bdag ming
'di zhes bgyi bas dus 'di nas bzung

nas ji srid byang chub snying po la mchis kyi bar du tshogs rnams
kyi mchog  / 'phags pa byang chub sems dpa' phyir mi ldog pa'i
dge 'dun rnams la skyabs su mchi'o/ /zhes lan gsum brjod par
bya'o/ /de'i rjes su skyabs 'gro'i bslab bya rnams bsgrags 
shing byams snying rje'i dmigs rnam dang gzhan

don don gnyer gyi dmigs rnam gsal gdab par bya ba yin pa'i
phyir/ dngos gzhi ji ltar bya ba'i tshul yod de/ phyogs bcu na
bzhugs pa'i sangs rgyas dang byang chub sems dpa' thams cad bdag
la dgongs su gsol/ slob dpon dgongs su gsol/ bdag ming 'di zhes
bgyi bas skye ba 'di dang skye ba

gzhan dang gzhan dag tu sbyin pa'i rang bzhin dang/ sgom pa'i
rang bzhin gyi dge ba'i rtsa ba bdag gi bgyis pa dang bgyid du
stsal ba dang bgyid pa la rjes su yi rang ba'i dge ba'i rtsa ba
des/ ji ltar sngon gyi de bzhin gshegs pa dgra bcom pa yang dag
par rdzogs pa'i sangs rgyas rnams dang/ sa chen po

la rab tu bzhugs pa'i byang chub sems dpa' chen po rnams kyis
bla na med pa yang dag par rdzogs pa'i byang chub tu thugs
bskyed par mdzad pa de bzhin du bdag ming 'di zhes bgyi bas
kyang dus 'di nas bzungs ji srid byang chub snying po la mchis
kyi bar du bla na med pa yang dag par rdzogs pa'i byang chub

chen po la sems bskyed par bgyi'o/ /sems can ma bsgral ba rnams
bsgral bar bgyi'o/ /ma grol ba rnams dgrol bar bgyi'o/ /dbugs ma
phyin pa dbugs dbyung bar bgyi'o/ /yongs su mya ngan las ma 'das
pa rnams mya ngan las 'da' bar bgyi'o zhes lan gsum brjod par
bgyi'o/ /de'i rjes su

ji ltar bya ba'i tshul yod de/ nag po'i chos spong ba dang/ dkar
po'i chos sgrub pa dang/ byams snying rje rgyun du sbyong bar
byed pa dang/ theg chen gyi dge ba'i bshes gnyen bsten pa dang/
dran shes bzhin bsten par byed pa'i phyir/ cho gas len tshul la
gnyis las bshad ma thag pa'i cho gas len tshul ni/

@57a @#/ /smon sems kyi bslab bya la slob nus mi nus kun gyis len
du rung/ sems can thams cad kyi don du sangs rgyas 'thob par
bya'o snyam pa'i blo de byang chub kyi bar du btang bar mi bya'o
snyam pa'i cho ga ni smon sems kyi bslab bya la slob nus pa
rnams kyis len zhing/ mi nus pa rnams

kyis len du mi rung ngo/ /gsum pa phan yon bshad pa la/ de lta
bu sems bskyed de phan yon khyad par can dang ldan te/ sdig pa
sngar bsags ldog cing phyin chad 'phro chad pa dang/ dge ba
sngar med gsar du bsog cing/ sngar bsags gong nas gong du 'phel
ba dang/ gnas skabs lha mi rnams kyis phyag

bya ba'i 'os su gyur pa dang/ mthar thug rdzogs pa'i byang chub
'thob pa'i phan yon yod pa'i phyir/ dang po der thal/ spyod 'jug
las/ des ni dus mtha'i me bzhin sdig can rnams/ /skad cig gcig
gis nges par bsreg par byed/ /ces gsungs pa'i phyir/ gnyis pa
der thal/ de nyid las/ sdig pa

shin tu mi zad byas na yang/ /dpa' la brten nas 'jigs pa chen po
ltar/ /gang la brten nas yud kyi grol 'gyur ba/ /de la bag chen
rnams kyi cis mi bsten/ /zhes gsungs pa'i phyir/ gsum pa der
thal/ dpal byin gyis zhus pa las/ byang chub sems kyi bsod nams
gang/ /gal te de la

gzugs mchis na/ /nam mkha'i khams ni kun gang ste/ /de ni de bas
lhag par 'gyur/ /gang ga'i bye ma'i grangs snyed kyi/ /sangs
rgyas zhing rnams mi gang gis/ /rin chen dag ni kun bkang ste/
/'jig rten mgon la phul ba bas/ /gang gis thal mo sbyar bgyis
te/ /byang chub tu ni sems btud na/ /

mchod pa 'di ni khyad par 'phags/ /de la mtha' ni ma mchis so/
/zhes gsungs pa'i phyir/ bzhi pa der thal/ spyod 'jug las/ dge
ba gzhan kun chu shing bzhin du ni/ /'bras bu bskyed nas zad par
'gyur ba dang/ /byang chub sems kyi ljon shing rtag par yang/
/'bras bu 'byin pas mi zad 'phel bar

'gyur/ /zhes gsungs pa'i phyir/ lnga pa der thal/ de nyid las/
byang chub sems bskyed gyur nas skad cig gis/ /'khor ba'i btson
rar bsdams pa'i nyams thag rnams/ /bde gshegs rnams kyi sras
zhes brjod bya zhing/ /'jig rten lha mir bcas pas phyag byar
'gyur/ /zhes pa dang/ shar ri'i sde pa'i

@57b lung las/ shA ri'i bus gsol pa/ bcom ldan 'das bdag
byang sems sems dang po bskyed pa la phyag 'tshal lo/ /tha na
byang chub tu sems bskyed pa dud 'gror gyur pa la yang phyag
'tshal lo/ /zhes gsungs pa'i phyir/ drug pa der thal/ spyod 'jug
las/ gser 'gyur rtsi yi rnam pa mchog lta bu/ /

mi gtsang lus 'di blangs nas rgyal ba'i sku/ /rin chen rin thang
med par sgyur bas na/ /byang chub sems zhes bya ba rab brtan
bzung/ /zhes gsungs pa'i phyir/ gnyis pa ni/ sgrub dang bden pa
rnams dang ni/ /zhes pa nas/ yongs 'dzin yin/ zhes pa'i bar gyis
gdams ngag 'chad par byed na de'i tshul ji lta

bu zhe na/ rgyan gyi ched du bya ba'i gdul bya lta bus tshogs lam
gyi gnas skabs su gdams pa'i don sgrub pa'i gdams ngag gi don
nyams su len pa'i gdams ngag gi don bcur bsdus nas 'chad par
byed pa la/ sgrub dang bden pa rnams dang ni/ /zhes pa nas/ bcu
yi bdag nyid shes par bya/ /zhes

pa'i bar gsungs/ gdams don de rnams kyi nang nas dge 'dun dkon
mchog bye brag tu 'chad par byed pa la/ dbang po rtul dang rnon
po dag  / ces pa nas/ bse ru dang ni nyi shu'o/ /zhes pa'i bar
gsungs/ rgyan gyi ched du bya ba'i gdul bya byang sems tshogs lam
pas gdams ngag gi don nyams su blangs

pa la brten nas stong nyid la dmigs pa'i sgom byung gi lhag
mthong gi thog ma thob pa'i sbyor lam 'chad pa la/ dmigs pa dang
ni zhes pa nas/ yongs 'dzin yin zhes pa'i bar gsungs/ ! dbye ba
zhar la brjod nas/ zhes sogs kyi skabs su/ mtha' dpyad pa la/
gdams ngag nyan pa'i yul/ rgyu

rten gyi gang zag gang gis nyan pa/ nyan bya gdams ngag gi ngo
bo bshad pa/ nyan pa'i sa mtshams bshad pa dang lnga/ dang po la/
lam ma zhugs kyi dge ba'i bshes gnyen nas gzugs sku gnyis kyi
bar du yod do/ /gnyis pa ni/ spyir gdams ngag nyan pa'i rgyu la
dran pa/ ting nge 'dzin/ brtson 'grus/

shes rab sogs du ma yod kyang sangs rgyas mya ngan las 'das pa'i
'og rol tu 'jig rten gyi khams du mar phyin te/ sangs rgyas dpag
tu med pa la theg chen gyi gdams ngag khyad par can nyan pa la
chos rgyun gyi ting nge 'dzin thob dgos pa yin te/ mdo sde rgyan
las/ de tshe chos kyi rgyun las ni/ /sangs

@58a @#/ /rgyas rnams las zhi gnas dang/ /ye shes yangs pa thob
bya'i phyir/ /gdams ngag rgya chen rnyed par 'gyur/ /zhes gsungs
pa'i phyir/ de ltar yin na/ chos rgyun gyi ting nge 'dzin de'i
ngo bo/ sgra don ji lta bu yin zhe na/ theg chen gyi tshogs lam
chen po thob pa'i gang

zag gi sems rten bsam gtan gyi dngos gzhi la brten nas mnyam par
gzhag pas gsung rab kyi tshig don rgyun mi chad du 'dzin nus pas
rang gi grogs dran pa shes rab dang mtshungs ldan gyi ting nge
'dzin/ chos rgyun gyi ting nge 'dzin gyi mtshan nyid/ de ltar
'chad pa'i rgyu mtshan yod de/ gang la

mnyam par gzhag byar gyur pa'i gsung rab kyi tshig don rgyun mi
chad du 'dzin nus pa'i ting nge 'dzin yin pa'i rgyu mtshan gyis
de ltar bshad pa'i phyir/ sa mtshams theg chen gyi tshogs lam chen
po thob pa nas 'jog  / de ltar 'thad de/ 'grel chen las/ tshogs
kyi sa 'di nyid du sems las su

rung bar gyur pa na gang zhig thob pas tshig dang don 'dzin par
nus pa'i chos kyi rgyun zhes bya ba'i ting nge 'dzin thob la
zhes gsungs pa'i phyir/ gsum pa gdams ngag nyan pa'i gang zag
la/ lam du ma zhugs pa'i gang zag sogs du ma yod kyang/ 'jig
rten gyi khams gzhan du mar phyin nas

sangs rgyas dpag tu med pa la theg chen gyi gdams ngag khyad par
can nyan pa la ni bsam gtan gyi dngos gzhi la brten nas mngon
shes sogs thob dgos pa yin te/ mdo sde rgyan las/ bsam gtan la
thob mngon par shes/ /mngon par bsgrubs pa'i sgo nas te/ /sangs
rgyas dpag tu med

pa la/ /mchod pa'i phyir dang mnyan pa'i phyir/ /'jig rten khams
ni rnams su 'gro/ zhes gsungs pa'i phyir/ bzhi pa ni spyir gdams
ngag la theg chen gyi gdams ngag dang/ theg dman gyi gdams ngag
du ma yod kyang 'dir ni theg chen sems bskyed kyi ched du gnyer
bya thob byed kyi thabs phyin ci ma

log par ston pa'i theg chen gyi mdo/ 'dir dngos su bstan pa'i
theg chen gyi gdams ngag gi mtshan nyid/ dbye na gdams yul gyi
sgo nas bcu yod cing/ gdams ngag la ngag gi khyab ste/ don
bsdus sgron me las/ gdams ngag rnam pa bcu yin te/ /ngo bo ngag
gi 'khor lo yin/ /dbye ba yul gyi

@58b sgo nas brjod/ /ces dang/ dag ldan las/ khong du chud par
bya ba'i phyir brjod pa ni gdams ngag ste/ zhes dang/ 'di las
kyang/ 'doms pa ni gdams ngag ste/ zhes gsungs pa'i phyir/ ngo
bo'i sgo nas dbye na/ rjes dran gyi gdams ngag dang/ 'doms pa'i
gdams ngag gnyis yod de/ yon tan

sngar ma thob pa 'thob phyir du 'doms pa dang po dang/ thob zin
mi nyams par gong 'phel gyi phyir du 'doms pa gnyis pa yin pa'i
phyir/ rgyas 'bring bsdus gsum gnyis ka'i mtshan gzhi yin/ lnga
pa ni/ lam ma zhugs nas sangs rgyas kyi sa'i bar du yod/ 'o na/
sgrub dang bden pa rnams dang ni/ /

zhes pa nas/ bcu yi bdag nyid shes par bya/ /zhes pa'i bar gyis
theg chen gyi gdams ngag gi dbye ba de 'chad na de'i tshul ji lta
bu zhe na/ de mdo las bstan tshul dang/ bstan bcos kyis bsdus
tshul gnyis las/ dang po ni/ mdo las/ tshe dang ldan pa sha ri'i
bus/ bcom ldan 'das la 'di skad

ces gsol to/ /bcom ldan 'das ji ltar byang chen sher phyin la
spyad par bgyi/ zhes pa nas/ rab 'byor gyis smras pa/ tshe dang
ldan pa sha ra dwa ti' bus/ byang chen gyi skyon zhes bya ba ni/
'di lta ste/ chos la sred pa'o/ /zhes pa'i bar gyis theg chen
gyi gdams ngag de gdams don bcur

bsdus nas bstan pa de nyid 'dir 'chad par byed pa la/ sgrub dang
bden pa zhes pa nas/ bcu yi bdag nyid shes par bya/ /zhes pa'i
bar gyis 'chad par byed/ de yang bsdu na sgrub pa'i rten la
'doms pa brten pa sgrub pa la 'doms pa gnyis su 'du zhing/ dang
po la yang/ sha ra dwa ti'i bu gzhan yang byang chen

sher phyin la spyod pa'i tshe/ gzugs dang rnam pa thams cad
mkhyen pa nyid du mi sbyor mi 'byed do/ /de ni 'di ltar gzugs
nyid kyang yang dag par rjes su mi mthong ste/ yang dag par rjes
su ma mthong na gzugs dang rnam pa thams cad mkhyen pa nyid du
sbyor ba 'am 'byed pa lta ga la yod/ ces sogs kyis

ji snyed pa zag med kyi phung po lnga/ ji lta ba dbyings byang
chub/ mtshon bya sangs rgyas/ mtshan nyid/ rnam mkhyen dang bcas
pa don dam par ma grub cing tha snyad du yod pa bstan pa'i sgo
nas sangs rgyas dkon mchog don dam par grol ba don gnyer gyi
skyes bu'i skyabs ston pa po ma yin zhing tha snyad du skyabs
ston pa

@59a @#/ /po yin zhes 'doms pa dang/ sha ra dwa ti'i bu gzhan
yang byang chen sher phyin la spyod pa'i tshe/ gzugs dngos po yod
ces bya bar mi sbyor/ gzugs dngos po med ces bya bar mi sbyor/
zhes sogs kyis chos dkon mchog don dam par grol ba don gnyer gyi
skyes

bu'i skyabs dngos ma yin kyang tha snyad du skyabs dngos yin
zhes 'doms pa dang/ sha ra dwa ti'i bus bcom ldan 'das la 'di
skad ces gsol to/ /bcom ldan 'das byang chen gang sher phyin gyi
rnal 'byor 'dis spyod pa de gang nas shi 'phos te 'dir skyes pa
lags/ 'di nas shi 'phos nas ni gang du

skye bar 'gyur/ zhes sogs kyis dge 'dun dkon mchog don dam par
'grol ba don gnyer gyi skyes bu'i skyabs sgrub pa'i zla grogs ma
yin kyang tha snyad du de'i skyabs sgrub pa'i zla grogs yin zhes
'doms shing/ de nyid 'dir bsdus te 'chad par byed pa la/ sangs
rgyas la sogs dkon mchog gsum/ /

zhes pa'i gzhung gsungs/ gnyis pa la/ sgrub pa'i khyad chos la
'doms pa/ khyad gzhi sgrub pa la 'doms pa gnyis/ dang po la mi
mthun phyogs sel ba la 'doms pa/ yon tan khyad par can sgrub pa
la 'doms pa gnyis/ dang po la/ mi mthun phyogs mngon gyur sel ba
la 'doms ba/ sa

bon sel ba la 'doms pa gnyis/ dang po la/ sgrub pa brtson 'grus
kyis khyad par du byas nas nyams su len dgos pas de yang/ mdo
sde rgyan las/ thog mar go cha'i brtson 'grus de nas ni/ /tshul
bzhin rab zhugs sbyor ba'i brtson 'grus dang/ /ma zhum mi 'khrug
cho ga mi shes brtson 'grus/ /

zhes gsung pa ltar du nyams su len dgos pas brtson 'grus kyi mi
mthun phyogs de la/ bya ba ngan la zhen pa dang/ /sgyid lug bdag
la brnyas pa'o/ /zhes gsungs pa ltar/ bya ba ngan zhen gyi le
lo/ /sgyid lug pa'i le lo/ /bdag nyid la brnyas pa'i le lo gsum
yod pas/ tshe dang ldan pa sha ra dwa

ti'i bus/ bcom ldan 'das la 'di skad ces gsol to/ /bcom ldan
'das byang chen gyi lus kyi las kha na ma tho ba dang bcas pa
dang/ ngag gi las kha na ma tho ba dang bcas pa dang/ yid kyi
las kha na ma tho ba dang bcas pa gang lags/ zhes pa nas/ lus mi
dmigs ngag dang sems mi dmigs

@59b pa de'i tshe/ byang chen gyi lus dang ngag dang yid kyi gnas
ngan len yongs su sbyang pa yin no/ /zhes pa'i mdo las lus ngag
yid gsum bden par zhen pa la brten nas bya ba ngan zhen gyi le
lo de 'byung bas/ lus ngag yid gsum bden med du bstan pa'i sgo
nas bya ba ngan zhen gyi le lo sel ba la 'doms

pa dang/ thams cad mkhyen pa'i ye shes de gang lags/ bcom ldan
'das kyis bka' stsal pa/ sha ri dwa ti'i bu byang chen ye shes
de lta bu dang ldan pas ni shar phyogs kyi 'jig rten gyi khams
gang ga'i klung gi bye ma snyed kyi de bzhin gshegs pa dgra
bcom pa yang dag par rdzogs pa'i sangs rgyas gang ga'i 

klung gi bye ma snyed kyang mthong ngo chos kyang nyan to zhes
pa nas/ sangs rgyas kyi chos thams cad kyang yang dag par rjes
su mi mthong ngo zhes pa'i bar gyi mdos theg pa chen po'i lam re
re'i don du yang phyogs bcu gang ga'i klung gi bye ma snyed
kyi sangs rgyas la lam gyis lung nod dgos na de 'dra bdag gis ga
la nus

snyam du/ bdag nyid la brnyas pa'i le lo skye bas rdzu 'phrul
dang mngon shes sogs la brten nas sangs rgyas de rnams mthong ba
yod do zhes sems gzengs stod pa'i sgo nas le lo de sel ba la
'doms shing/ de nyid 'dir 'chad pa la/ ma zhen yongs su mi ngal
dang/ /lam ni yongs su 'dzin pa dang/ /

zhes bya ba'i gzhung gsungs/ gnyis pa sa bon sel ba la 'doms pa
la/ kun btags kyi sa bon sel ba la 'doms pa/ lhan skyes kyi sa
bon sel ba la 'doms pa gnyis/ dang po ni/ de nas bcom ldan 'das
kyis tshe dang ldan pa rab 'byor la bka' stsal pa/ rab 'byor
khyod byang chen rnams la sher

phyin las brtsams te ci nas kyang byang chen rnams sher phyin
las 'byung bar 'gyur ba de lta bu'i chos kyi gtam bya bar spobs
pa bskyed cing zhes sogs kyi mdos/ spang bya kun btags kyi sa
bon sel ba mthong lam la 'doms pa dang/ rab 'byor gang yang
khyod kyi 'di skad du bdag gi 'di lta ste byang chub sems

dpa' zhes bya ba'i chos de lta bu yang dag par rjes su mi mthong
ngo zhes zer ba ni/ rab 'byor chos kyi dbyings yang dag par rjes
su mi mthong ngo/ chos kyi dbyings kyi chos yang dag par rjes su
mi mthong ngo zhes sogs dang/ 'dus byas kyi dbyings kyi 'dus ma
byas kyi dbyings yang dag par rjes su mi mthong ngo/ /

@60a @#/ /'dus ma byas kyi dbyings kyi 'dus byas kyi dbyings yang
dag par rjes su mi mthong ngo/ /de ci'i phyir zhe na/ 'dus byas
kyi dbyings ma yin par 'dus ma byas kyi dbyings gdags par mi nus
so/ /'dus ma byas kyi dbyings ma yin par 'dus byas kyi dbyings
gdags par mi nus

zhes sogs kyi mdo las de gnyis spang bya lhan skyes kyi sa bon
sel ba sgom lam la 'doms shing/ de nyid 'dir 'chad par byed pa
la/ mthong lam dang/ sgom zhes bya la/ zhes pa'i gzhung gsungs/
gnyis pa yon tan khyad par can sgrub pa la/ sgrub pa la rang
dbang du 'jug pa spyan lnga la 'doms

pa; sgrub pa myur du rdzogs pa'i thabs mngon shes drug la 'doms
pa gnyis/ dang po ni/ sha ri da ti'i bu 'di ltar yang byang chen
sher phyin la spyod pa'i tshe mig lnga rab tu thob pa dang yongs
su sbyong ba yod de/ lnga gang zhe na/ 'di lta ste/ sha'i mig
dang/ lha'i mig dang/ shes rab kyi mig dang/ chos

kyi mig dang/ sangs rgyas kyi mig go /gsol pa/ bcom ldan 'das
byang chen gyi sha'i mig yongs su dag pa gang lags/ bcom ldan
'das kyis bka' stsal pa/ sha ri dwa ti'i bu byang chen gyi sha'i
mig gis dpag tshad brgya mthong ba yod do/ /zhes pa nas/ bla na
med pa yang dag par rdzogs pa'i

byang chub tu mngon par rdzogs par 'tshang rgya'o/ /zhes pa'i bar
gyis dang po la 'doms pa dang/ sha ri dwa ti'i bu/ sher phyin
'di la spyod pa'i byang chen ni mngon par shes pa'i pha rol tu
phyin pa rab tu 'thob ste/ rdzu 'phrul gyi rnam pa du ma nyams
su myong bar byed do/ /zhes pa nas/ mngon par shes pa

drug yongs su rdzogs par byed pa ni bla na med pa yang dag par
rdzogs pa'i byang chub kyis rnam par 'phel lo/ /zhes pa'i mdos/
gnyis pa la 'doms shing/ de nyid 'dir 'chad par byed pa la/
spyan lnga dang ni mngon shes kyi/ /yon tan drug dang/ zhes pa'i
gzhung gsungs/ gnyis pa la sgrub pa'i

dmigs pa la 'doms pa dang/ rnam pa la 'doms pa gnyis las/ dang
po ni/ gsol ba/ bcom ldan 'das byang chen gyi ji ltar sher phyin
la brtson zhes bgyi 'am mi brtson zhes bgyi ba lags/ bcom ldan
'das kyi stsal pa/ sha ri dwa ti'i bu 'di la byang chen gzugs
stong pa nyid la

@60b brtson na brtson zhes bya'o/ /zhes sogs kyi mdo las/ bden
bzhi don dam par grol ba don gnyer gyi skyes bu'i blang dor gyi
gnas ma yin zhing tha snyad du grol ba don gnyer gyi blang dor
gyi gnas yin no zhes 'doms shing de nyid 'dir 'chad pa la/ bden
pa rnams dang ni/ zhes pa'i gzhung gsungs/

gnyis pa la yul can thabs shes khyad par can gnyis mdo dang
sbyar nas bshad/ yul bden pa gnyis kyi rim pa la mtha' dpyad pa
gnyis/ dang po la/ shes rab khyad par can mdo dang sbyar nas
bshad/ thabs khyad par can mdo dang sbyar nas bshad/ dang po la/
yul bden gnyis kyi rim pa las

mi 'da' bar yul can thabs shes zung 'brel du nyams su len pa'i
sems dpa'i ye shes/ theg chen sgrub pa'i ngo bo yin zhing/ de la
yang kun rdzob rtogs pa'i shes rab khyad par can dang/ don dam
rtogs pa'i shes rab khyad par can gnyis yod de/ mdo las/ sha ri
dwa ti'i bu 'di la byang chen

sher phyin la spyod pa'i tshe byang chen yang dag par rjes su mi
mthong ngo/ /byang chen gyi ming yang yang dag par rjes su mi
mthong/ byang chub sems dpa'i ming yang yang dag par rjes su mi
mthong ngo/ /sher phyin gyi ming yang yang dag par rjes su mi
mthong ngo/ /mi spyod ces bya bar yang dag par rjes su mi

mthong ngo/ /spyod pa zhes bya ba yang yang dag par rjes su mi
mthong ngo/ /zhes gsungs pa'i phyir/ byang chen yum la spyod
pa'i chos bzhi bzlog zla dang bcas pa ji ltar srid bzhin du skur
ba mi 'debs pa rtogs pa'i shes rab de kun rdzob rtogs pa'i shes
rab dang/ de bzlog zlas dang bcas pa bden med du rtogs

pa'i shes rab de don dam rtogs pa'i shes rab yin zhing/ mdo des
ji ltar bstan tshul yod de/ byang chen yod bzhin du zhes pa rnams
kyis kun rdzob rtogs pa'i shes rab khyad par can bstan/ yang dag
par rjes su mi mthong zhes sogs kyis don dam rtogs pa'i shes rab
khyad par can de bstan pa'i phyir/

slob dpon shanti pa la sogs pa'i sems tsam pa'i mkhas pa rnams
mdo des rnam g.yeng gi rnam rtog bcu'i gnyen po bstan par bzhed
cing/ rnam rtog bcu yod de/ dngos po dang dngos med du zhen pa/
sgro 'dogs dang skur 'debs su zhen pa/ gcig dang tha dad du zhen
pa/ ming ji lta ba bzhin du don du zhen
@61a @#/ /pa; don ji lta ba bzhin du don du zhen pa/ don ji lta
ba bzhin du ming du zhen pa rnams su yod pa'i phyir/ gnyis pa
la/ bshad bya'i mdo 'god/ mdo don 'grel pas bshad pa gnyis/ dang
po la/ mdo las/ gal te 'dzam bu'i gling 'di dge slong sha
ri dwa ti'i bu

dang; mau'u 'gal gyi bu sha stag gis gang ba 'di lta ste/ dper
na/ 'dam bu'i tshal lam/ 'od ma'i tshal lam/ bu ram shing gi tshal
lam/ smyig ma'i tshal lam/ 'bras kyi zhing ngam/ til gyi zhing
ltar yongs su gang bar gyur kyang de dag gi shes rab kyis/ byang
chen sher phyin la spyod pa'i

shes rab kyi brgya'i char yang nye bar mi 'gro/ stong gi cha
dang zhes pa nas/ de ci'i phyir zhe na/ de ni 'di ltar byang
chen gyi shes rab ni sems can thams cad yongs su mya ngan las
'da' ba'i don du nye bar gnas pa yin te/ nyan thos dang rang
sangs rgyas kyi shes rab ni de ltar ma yin te/ zhes sogs

gsungs/ gnyis pa la/ theg chen sgrub pa'i thun mong ma yin pa'i
khyad chos bshad/ mdo'i shugs bstan gyi don bshad/ tshal drug
dang chos mthun sbyor tshul bshad/ 'dir bstan pa'i byang chen
gang yin dpyad/ zhar la dgongs pa can gyi myang 'das ngos bzung
ba dang lnga/ dang po la/ theg

chen sgrub pa theg dman gyi sgrub pa las khyad par 'phags te/ de
sbyor ba phyin drug gi nyams len gyis zin pa'i sgo nas ched du
bya ba sems can thams cad mi gnas pa'i myang 'das la 'god 'dod
kyi bsam pas zin ma zin gyi sgo nas bshad pa'i phyir/ gsum pa
la/ mdo des tshal drug dang theg

dman gyi rtogs pa'i chos drug chos mthun du sbyar nas bstan tshul
yod de/ 'dam bu de me mtshon sogs gnod pa chung ngus gnod nus pa
de bzhin du/ theg dman gyi sbyor lam drod kyi gnas skabs su
khong khro log lta sogs chung ngus dge rtsa gcod nus pa dang/
'od ma de me mtshon sogs gnod pa

chung ngus gnod mi nus pa bzhin du rtse mo'i gnas skabs su khong
khro log lta sogs chung ngus dge rtsa gcod mi nus/ bu ram shing
de mngar ba'i ro rgyun mi chad pa bzhin du bzod pa thob nas bde
'gro'i mngar ba'i ro rgyun mi chad pa dang/ smyig ma de rang gi
shun pa myur du 'bugs pa bzhin du chos mchog kyis

@61b mthong spang nyon mongs myur du spong ba dang/ 'bras de
'jig rten pa rnams kyi lo thog gi thog ma yin pa bzhin du/ theg
dman gyi mthong lam de theg dman gyi 'phags lam gyi thog ma yin
pa dang/ til gyi yal ga lo 'dab sogs la ngo bo la rigs mi 'dra
ba'i khyad par med kyang/ 'bras bu 'byin pa la

nus pa che chung gi khyad par yod pa bzhin du/ theg dman gyi
mthong sgom gnyis la yang ngo bo la rigs mi 'dra ba'i khyad par
med kyang/ spang bya spong ba la nus pa che chung gi khyad par
yod pa'i phyir/ kha cig na re/ sbyor tshul de mi 'thad par thal/
mdo las/ shA ri'i bu dang mau'u 'gal gyi bu lta bu zhes
gsungs

pa gang zhig  de rnams theg dman gyi rtogs pa'i chos drug gang
rung la gnas pa'i gang zag ma yin pa'i phyir/ zer na/ skyon med
de/ mchog zung gnyis lta bu'i shes rab kyang byang chen yum la
spyod pa'i shes rab nyin gcig sgom pa'i shes rab kyi zil gyis
gnon nus na/ theg dman gyi rtogs pa'i chos

drug la gnas pa'i shes rab de lta bu zil gyis gnon nus pa lta
smos kyang ci dgos zhes shes par bya ba'i ched yin pa'i phyir/
bzhi pa la/ byang chen yum la spyod pa'i shes rab nyin gcig sgom
pa'i shes rab kyis theg dman gyi shes rab zil gyis gnon nus pa'i
byang chen de sems dang po bskyed pa'i

byang sems la byed dam/ spyod pa la zhugs pa la byed dam/ phyir
mi ldog pa la byed dam/ skye ba gcig thogs kyi byang sems la
byed dam/ zhe na/ bzhi pa ma yin par thal/ sa bcu pa'i rjes thob
kyi gnas skabs su gzhan don byed pa'i sgo sangs rgyas dang mnyam
pa thob pas/ sa bcu pa la ni de bzhin

gshegs pa nyid yin no zhes pas de'i shes rab tshal drug dang/
chos mthun pa'i shes rab khyad par du 'phags pa rtogs sla ba'i
phyir/ gsum pa ma yin par thal/ sa brgyad pa'i gnas skabs su mi
rtog ye shes la goms pa dbang sgyur thob cing/ bden 'dzin mngon
gyur ba zad par spangs pa'i sa

brgyad pa la dgongs pa can gyi myang 'das las slong bar gsungs
pas de'i shes rab kyang de rnams las khyad par du 'phags pa
rtogs sla ba'i phyir/ nyi snang las/ ci dang po sems bskyed pa
'am/ spyod pa la zhugs pa 'am/ phyir mi ldog pa 'am/ skye ba
gcig gi thogs pa yin/ re zhig bzhi pa ni

@62a @#/ /ma yin te/ sa bcu pa la ni de bzhin gshegs pa nyid yin
no zhes bshad pa'i phyir/ don ci zhig yin zhe na/ de bzhin
gshegs pa'i mdzad pas nye bar gnas pa yin pa'i phyir/ de bzhin
gshegs pa zhes brjod kyi/ de bzhin gshegs pa'i thugs su chud pa
ni ma

yin no/ /gsum pa yang ma yin te/ sa brgyad pa la ni de'i dgongs
pa can gyi mya ngan las 'das pa bkag pas nyan thos thams cad las
shes pa khyad par du 'phags pa yin pa'i phyir te/ zhes gsungs
pa'i phyir/ gnyis pa yang ma yin par thal/ theg chen gyi mthong
lam sdug bsngal chos

bzod kyi byed par nyan rang gi spangs rtogs kyi rigs kyi byed pa
'dus pas de dag gi shes rab de rnams las khyad par du 'phags par
rtogs sla ba'i phyir/ nyi snang las/ gnyis pa yang ma yin te/ de
yang de rnams las rtogs pa khyad par du 'phags pa'i phyir te/ de
ltar yang rgyun du zhugs pa nas

rang sangs rgyas kyi bar gyi shes pa dang spangs pa gang yin pa
de ni byang chub sems dpa'i bzod pa yin no zhes 'chad par 'gyur
pa yin no/ /zhes gsungs pa'i phyir/ rang lugs ni brda las byung
ba'i sems dang po bskyed pa'i byang sems la byed pa yin te/ nyi
snang las/ de bas na yongs su mi nyams

pa'i chos can brda las byung ba'i sems dang po bskyed pa byang
chub sems dpa'i skabs dang por sems bskyed par bstan pa gang yin
pa de nyid 'dir mngon par bzhed par mngon no/ /zhes gsungs pa'i
phyir/ lnga pa ni/ gzhon nu'i sa las 'da' bar 'dod pas sher
phyin la bslab par bya zhes pa'i skabs

nas bstan pa'i gzhon nu'i sa dang 'dir bstan pa'i dgongs pa can
gyi myang 'das gnyis don gcig cing de'i mtshan gzhi'i khyad par
yod de/ sa brgyad pa'i rgyud kyi bden 'dzin mngon 'gyur ba
spangs shing mi rtog ye shes la goms pa dbang sgyur thob pa'i
mnyam gzhag ye shes khyad par can de/ de'i

mtshan gzhi yin pa'i phyir/ de la dgongs pa can gyi myang 'das
zhes 'chad pa'i rgyu mtshan yod de/ mnyam gzhag de la yun ring du
mnyam par gzhag na rjes thob tu gzugs sku gnyis kyi lag rjes
'jog byed bsod nams kyi tshogs rgya chen po bsog pa mi 'byung bas
mnyam gzhag de las rgyal ba rnams

@62b kyis slong dgos pa'i phyir/ dper na/ khyab pa 'du byed kyi
sdug bsngal nye bar zhi ba'i nyer zhi'i dbyings la rang gi bsam
ngo la bltos te slar mi ldang ba'i tshul gyis mnyam par gzhag na
gzhan don rgya chen po la 'jug pa'i snang ba nub par 'gyur bas
rgyal ba rnams kyis de las slong dgos pa lta bu yin pa'i

phyir/ de myang 'das ma yin kyang myang 'das kyi sgras bstan pa
dang 'gal ba'i skyon med de/ dam chos pad dkar tshad mar byed
pa'i lugs la 'phags pa shA ri'i bu la sogs pa'i byang chub sems
dpa' sems dpa' chen po rnams la nyan thos kyi rnam gzhag mdzad
pas mi 'gal ba lta bu yin te/ nyi snang

las/ 'dir yang dam pa'i chos padma dkar po'i mdo tshad mar byas
nas ji ltar 'phags pa shA ri'i bu la sogs pa'i byang chub sems
dpa' sems dpa' chen po rnams la nyan thos kyi mya ngan las 'das
pa'i rnam par gzhag pa gsungs pa de bzhin du dgongs pa can gyi
mya ngan las 'das pa yin par shes par

bya ste/ dus de srid du 'gro ba'i don rgyun chad pa'i phyir ro/
/de nyid kyi phyir sems can thams cad kyi bya ba rgyun bcad pa'i
phyir/ de nyid 'di'i yongs su mya ngan las 'das pa yin no/ /zhes
gsungs pa'i phyir/ spyir gsung rab las myang 'das kyi sgras
bstan pa la brgyad yod de/ sbyor lam rtse mo thob nas

dge rtsa chad pa las 'das pa'i myang 'das/ sbyor lam bzod pa
thob nas ngan 'gro las 'das pa'i myang 'das/ bsam gtan dang po'i
dngos gzhi khyad par can thob nas yan lag las 'das pa'i myang
'das/ rgyun zhugs kyi 'bras bu thob nas srid pa brgyad pa las
'das pa'i myang 'das/ phyir 'ong gi 'bras

bu thob nas srid pa gnyis pa las 'das pa'i myang 'das/ phyir mi
'ong gi 'bras bu thob nas 'dod pa las 'das pa'i myang 'das/ dgra
bcom pa'i 'bras bu thob nas lhag bcas dang lhag med kyi myang
'das rnams su yod pa'i phyir/ !gnyis pa la/ byang chub kyi sems
kyi rab tu dbye ba ji skad bshad pa

sgrub pa la/ zhes sogs kyi skabs su/ mtha' dpyad pa la/ nyan
thos sde pa'i lugs bshad/ sems tsam pa'i lugs bshad/ dbu ma pa'i
lugs bshad pa dang gsum/ dang po la/ bye brag tu smra ba'i lugs
la bcom pa 'am blos cha shas gzhan bsal ba'i sgo nas der 'dzin
gyi blo 'dor du rung ba'i

@63a @#/ /chos/ kun rdzob bden pa'i mtshan nyid/ mtshan gzhi bum pa
dang bum nang gi chu lta bu yin/ bcom pa 'am blos cha shas gzhan
bsal ba'i sgo nas der 'dzin gyi blo 'dor du mi rung ba'i chos/
don dam bden pa'i mtshan nyid/ mtshan gzhi rdul phran phyogs kyi
cha med

dang shes pa dus kyi cha med lta bu yin te/ mdzod las/ gang la
bcom dang blo yi gzhan/ /bsal na de blo mi 'jug pa/ /bum chu
bzhin du kun rdzob tu/ /yod de don dam yod bzhin no/ /zhes
gsungs pa'i phyir/ lugs 'dir kun rdzob tu yod pa dang/ tha snyad
du yod pa don gcig  don dam du yod

pa dang/ don dam par yod pa dang/ rang gi mtshan nyid kyis yod pa
don gcig ste/ 'grel pa rgyal sras ma las/ kun rdzob tu yod ces
bya ba ni tha snyad du yod ces bya ba'i don to/ /don dam du yod
ces bya ba ni don dam par yod pa de rang gi mtshan nyid kyis yod
ces bya ba'i tha tshig go/ zhes

gsungs pa'i phyir/ mdo sde pa rang lugs la rtog pas btags pa
tsam ma yin par yul rang gi thun mong ma yin pa'i bsdod lugs kyi
ngos nas grub pa/ don dam bden pa'i mtshan nyid/ don dam par don
byed nus pa'i chos de'i mtshan gzhi/ rtog pas btags pa tsam du
grub pa'i chos/ kun rdzob

bden pa'i mtshan nyid/ don dam par don byed mi nus pa'i chos de'i
mtshan gzhi/ de gnyis rim pa bzhin du rang mtshan dang spyi mtshan
gyi yang mtshan nyid yin te/ rnam 'grel las/ don dam don byed nus
pa gang/ /de 'dir don dam yod pa yin/ /gzhan ni kun rdzob yod pa
de/ /de dag rang spyi'i

mtshan nyid bshad/ /ces gsungs pa'i phyir/ gnyis pa la dbu sems
gnyis bden gnyis kyi mtshan nyid dbye gzhi dbye ba sogs la mi
mthun pa'i khyad par med kyang mtshan gzhi 'dzin tshul la mi mthun
pa'i khyad par yod de/ 'dir ni gzugs nas reg bya'i bar gyi chos
rnams phyi rol don gyis

stong ba/ chos thams cad rang nyid rang nyid ces pa'i tha snyad
'jug pa'i 'jug gzhir rang gi mtshan nyid kyis grub pas stong ba
rnams don dam pa'i mtshan gzhir 'dod pa'i phyir/ gsum pa la bden
gnyis kyi dbye gzhi/ grangs nges bshad pa dang/ phye ba so so'i
don bshad pa/ sgra don bshad pa/

@63b gcig dang tha dad gang yin dpyad pa/ bden gnyis gtan la
phab pa'i dgos pa dang drug  dang po la/ kha cig na re/ snang
ba dang rten 'brel bden pa rnams de gnyis kyi dbye gzhi yin zer
na/ phyi ma mi 'thad de/ kun rdzob bden pa bden pa ma yin pa'i
phyir te/ de brdzun pa yin pa'i phyir/ rang lugs la/

shes bya bden gnyis kyi dbye gzhi yin te/ shes bya la bden pa
gnyis su dbye ba yod la/ shes bya yin na rang gi ngo bo kun
rdzob dang don dam pa'i ngo bo gnyis gnyis 'dzin pas khyab pa'i
phyir te/ 'jug pa las/ dngos kun yang dag brdzun pa mthong ba
yi/ /dngos rnyed ngo bo gnyis ni 'dzin par 'gyur//

zhes gsungs pa'i phyir dang/ yab sras mjal ba'i mdo las/ 'di
ltar de bzhin gshegs pas kun rdzob dang don dam pa gnyis thugs
su chud de shes par bya ba yang kun rdzob dang don dam pa'i bden
pa 'dir zad de/ de yang bcom ldan 'das kyis stong pa nyid rab tu
gzigs rab tu mkhyen legs par

mngon du byas pas de phyir thams cad mkhyen pa zhes bya'o/ /zhes
gsungs pa'i phyir/ de la kha cig na re/ de mi 'thad par thal/
don dam bden pa shes bya ma yin pa'i phyir/ der thal/ blo'i yul
ma yin pa'i phyir te/ de blo'i yul yin na de mthar thug dpyod
pa'i rigs shes kyi rnyed don yin dgos/

de yin na de'i dpyad bzod yin dgos pa las de ma yin pa'i phyir/
zhes gsungs/ de mi 'thad de/ de bzhin gshegs pas bden gnyis
thugs su chud pa'i sgo nas gzhan la ston par mdzad pa'i phyir
te/ bden pa 'di nyid kyi ni ston par mdzad/ ces gsungs pa'i
phyir/ de ltar yin kyang/ spyod

'jug las/ kun rdzob dang ni don dam ste/ /'di ni bden pa gnyis
su 'dod/ /don dam blo yi spyod yul min/ /blo ni kun rdzob yin
par 'dod/ /ces gsungs pa dang 'gal ba'i skyon med de/ de ni don
dam bden pa tha snyad dpyad byed kyi tshad ma'i rnyed don ma yin
te/ tha snyad dpyod byed kyi tshad ma kun rdzob

'jal byed kyi tshad ma yin/ don dam bden pa mthar thug gi don yin
pa'i phyir zhes bstan pa'i phyir/ der thal/ yab sras mjal ba'i
mdo las/ de la kun rdzob ni 'jig rten gyi spyod par de bzhin
gshegs pas gzigs so/ /don dam pa gang yin de ni brjod du med pa
ste/ shes par bya ba ma yin/ rnam

@64a @#/ /par shes par bya ba ma yin pa yongs su shes par bya ba
ma yin pas ma bstan pa zhes pa'i mdo'i don bsdus te gtan la phab
pa'i phyir/ lugs 'dir mthar thug dpyod byed kyi rigs pas dpyad
bzod kyi chos med kyang/ rigs pas dpyad bzod kyi chos yod de/
yod

na rigs pas dpyad bzod kyi chos yin dgos pa'i phyir te/ yod na
tha snyad dpyod byed kyi rigs pas dpyad bzod pa'i chos yin dgos
pa'i phyir/ der thal/ yod na tha snyad btags pa'i btags don
btsal ba'i tshe na rnyed pa'i chos yin dgos pa'i phyir/ yod na
rang nyid kyi mthar thug dpyod byed kyi rigs

shes kyis rang nyid bden par grub ma grub dpyad pa'i dpyad mthar
mi rnyed pas khyab ste/ 'dus byas la yang khyab/ 'dus ma byas la
yang de ltar khyab pa'i phyir te/ rtsa shes las/ 'dus byas rab
tu ma grub pas/ /'dus ma byas ni ji ltar 'grub/ /ces gsungs pa'i
phyir/ don dam bden pa de de bden par

grub ma grub 'tshol byed kyi rigs shes kyis rnyed kyang/ des don
dam bden pa ni rnyed de/ des mthar thug gi don rnyed pa'i phyir
te/ de mthar thug dpyod byed kyi rigs shes yin pa'i phyir/ gnyis
pa la/ shes bya la bden pa gnyis su grangs nges te/ de gnyis su
dbye ba yod/ de las mang mi dgos/

nyung na mi 'du ba'i phyir/ der thal/ gzhi gang zhig brdzun pa
bslu ba'i chos can yin pa yongs gcod du grub na/ mi slu ba'i
chos can yin pa rnam bcad la khegs/ gzhi gang zhig mi slu ba'i
chos can yin pas yongs gcod la grub na/ brdzun pa bslu ba'i don
yin pa rnam bcad la khebs pa'i phyir te/

bslu mi slu gnyis phan tshun spangs 'gal gyi dngos 'gal yin pa'i
phyir/ dper na/ lus dang lus can ma yin pa lta bu yin pa'i phyir
te/ yab sras mjal ba'i mdo las/ 'jig rten mkhyen pas gzhan la ma
gsan par/ /bden pa 'di gnyis kyi ni ston par mdzad/ /gang zhig
kun rdzob de bzhin don

dam ste/ /bden pa gsum pa nam yang ma mchis so/ /zhes gsungs pa
dang/ dbu snang ba las/ phan tshun spangs te gnas pa'i mtshan nyid
kyi chos dag ni cig shos dgag pa gzhan sgrub pa med na med pa
yin pa'i phyir/ gnyis ka ma yin pa'i phyogs su rtogs pa yang
rigs pa ma yin no/ /zhes dang/

@64b gang zhig yongs su dpyod pa gang rnam par bcad pa med na
med pa de ni phan tshun spangs te gnas pa'i mtshan nyid yin no/
/gang dag phan tshun spangs te gnas pa'i mtshan nyid yin pa de dag
ni rnam pa thams cad la khyab par byed pa dag yin no/ /gang dag
rnam pa thams cad la khyab par byed pa yin pa de dag ni phung

po gzhan sel bar byed pa yin te/ dper na/ lus dang lus can ma
yin pa la sogs pa'i bye brag lta bu'o/ /zhes gsungs pa'i phyir/
gsum pa la/ don dam bden pa'i ngo bo// dbye ba/ phye ba so so'i
don bshad/ kun rdzob den pa'i ngo bo// dbye ba/ phye ba so so'i
don bshad pa'o/ /dang po la/ kha cig

mthar thug dpyod pa'i rigs shes tshad ma'i rnyed don/ don dam
bden pa'i mtshan nyid zer na/ myu gu don dam par gzhan las mi
skye ba chos can/ mtshon bya der thal/ mtshan nyid de'i phyir/ der
thal/ myu gu don dam par gzhan las mi skye bar rigs shes kyis
rtogs pa gang zhig  de mthar thug dpyod pa'i

rigs shes yin pa'i phyir/ phyi ma der thal/ myu gu skye zhes pa
tsam gyis ma tshim par bdag las skye 'am don dam par gzhan las
skye zhes dpyad pa na myu gu'i mthar thug gi don la dpyad par
song ba'i phyir/ der thal/ myu gu'i mthar thug gi don la dpyad
par song mtshams shig yod pa'i phyir/ de ltar yin

kyang; des rnyed pa'i mthar thug gi don med de/ mthar thug gi
don 'tshol byed kyi rigs shes yin na rang nyid kyis rnyed pa'i
mthar thug gi don yod mi dgos pa'i phyir/ rang lugs la/ khyod
gang gis rnyed pa'i tshad ma khyod la bltos te mthar thug dpyod
pa'i rigs shes tshad mar song ba/ khyod don dam bden

pa yin pa'i mtshan nyid/ gnyis pa la/ sgras brjod rigs kyi sgo nas
dbye na/ yul don dam bden pa/ yul can don dam bden pa gnyis/
dang po la yang dngos dang/ rjes mthun pa gnyis/ myu gu bden
stong ni dang po dang/ myu gu bden stong gi tshogs don lta bu
gnyis pa yin/ phyi ma de don dam bden

pa ma yin kyang de la don dam bden pa rjes mthun pa zhes 'chad
pa'i rgyu mtshan yod de/ myu gu bden grub bkag pa yin pa'i cha
nas de ltar bshad pa'i phyir/ gnyis pa la dngos dang/ rjes mthun
pa gnyis yod/ myu gu bden stong du rtogs pa'i theg chen mthong
lam bar chad med lam lta bu dang po dang/ myu gu

@65a @#/ /bden med du rtogs pa'i rigs shes rjes dpag gnyis pa yin
pa'i phyir/ dang po la/ de ltar 'chad pa'i rgyu mtshan yod de/
myu gu bden stong de de'i gzigs dor snang ba de snang ba ltar du
grub pa'i rgyu mtshan gyis bshad pa'i phyir/ phyi ma de la rjes
mthun pa zhes 'chad pa'i

rgyu mtshan yod de/ des myu gu bden stong rtogs kyang/ de la
snang ba snang ba ltar du ma grub pa'i rgyu mtshan phyi ma de
ltar bshad pa'i phyir/ phyi ma der thal/ de la stong nyid kyi
don spyi stong nyid du snang yang stong pa nyid kyi don spyi
stong nyid ma yin pa'i phyir/ gsum pa la/ don dam bden pa la
stong gzhi chos can

gyi sgo nas rgyas par dbye na/ stong nyid nyi shu/ de yang bsdu
na stong nyid bco brgyad/ de yang bsdu na bcu drug  de yang
bsdu na dngos po stong pa nyid dang/ dngos po med pa stong pa
nyid/ rang gi ngo bo stong pa nyid/ gzhan gyi ngo bo stong pa
nyid dang bzhir bsdu/ rnam gzhag de ltar 'thad de/ bden gnyis
las/ skye

ba la sogs bkag pa yang/ /yang dag pa dang mthun pa'i phyir/
/don dam yin par kho bos 'dod/ /ces dang/ dbu ma snang ba las/
de ltar na skye ba med pa 'di yang don dam pa dang mthun pa'i
phyir/ don dam pa zhes bya ba'i dngos su ni ma yin te/ dngos su
ni don dam pa spros pa tham cad las 'das

pa'i phyir ro/ /zhes gsungs pa'i phyir/ des na de bzhin nyid/
yang dag mtha'/ mtshan ma med pa/ don dam bden pa/ chos kyi
dbyings rnams don gcig ming gi rnam grangs yin pa'i phyir te/
dbus mtha' las/ stong pa nyid de mdor bsdus na/ /de bzhin nyid
dang yang dag mtha'/ /mtshan ma med

dang don dam dang/ /chos kyi dbyings kyi rnam grangs so/ /zhes
gsungs pa'i phyir/ gnyis pa kun rdzob bden pa bshad pa la/ khyod
gang gis rnyed pa'i tshad ma khyod la bltos te tha snyad dpyod
byed kyi tshad mar song ba de/ khyod kun rdzob bden pa yin pa'i
mtshan nyid/ gnyis pa dbye ba la/ de la yang dag kun rdzob

bden pa dang/ log pa'i kun rdzob bden pa gnyis/ gsum pa la/ kha
cig  rang nyid gtso bor snang yul du byed pa'i blo la snang ba
snang ba ltar du don byed nus pa'i kun rdzob bden pa/ dang po'i
mtshan nyid/ de ltar don byed mi nus pa'i kun rdzob bden pa/
gnyis pa'i mtshan nyid/ zer na/ gang zag

@65b gi bdag med phra mo chos can/ mtshan nyid snga ma der thal/
mtshon bya de'i phyir/ 'dod na/ ma yin par thal/ don byed nus
pa ma yin pa'i phyir/ kha cig /byad bzhin gyi gzugs brnyan de
log pa'i kun rdzob yin pas log pa yin/ de yin pas rang gi mtshan
nyid kyis ma grub zer/ yang kha cig  de rgyu

'bras kyi bya ba byed nus pas rang gi mtshan nyid kyis grub/ rang gi
mtshan nyid kyis grub pa'i rgyu 'bras kyi bya ba byed nus pas de
yang dag kun rdzob yin zer/ yang kha cig /rang gi mtshan nyid
kyis grub pa'i rgyu 'bras kyi bya ba byed nus pa ma yin pas de
dngos po ma yin zer na/ phyi ma mi 'thad de/ byad bzhin gyi

gzugs brnyan de rang gi rgyu rkyen la brten nas skyes shing rang
'bras byad bzhin gyi gzugs brnyan byad bzhin du snang ba'i
dbang shes bskyed pa'i phyir te/ 'jug pa las/ dngos po stong pa
gzugs brnyan la sogs pa/ /tshogs la bltos rnams ma grag pa yang
min/ /ji ltar de ni gzugs brnyan sogs stong

las/ /shes pa de yi rnam pa skye 'gyur ltar/ /de bzhin dngos po
thams cad stong na yang/ /stong nyid dag las rab tu skye bar
'gyur/ /zhes gsungs pa'i phyir/ lugs dang po mi 'thad de/ byad
bzhin gyi gzugs brnyan rang gi mtshan nyid kyis grub pa'i phyir/
der thal/ de gzhan dbang yin pa'i phyir/ khyab

ste; legs bshad snying po las/ des na gzhan dbang rang gi mtshan
nyid kyis ma grub na rgyu 'bras la skur 'debs su 'gro bar rnal
'byor spyod pa ba dang 'dra la/ khyad par ni 'di pas don dam par
rang gi mtshan nyid kyis ma grub par smra la/ rnal 'byor spyod pa
bas rang gi mtshan nyid kyis grub na don dam par yod

dgos zhes smra'o/ /zhes gsungs pa'i phyir/ rtsa ba'i rtags der
thal/ sgyu ma'i rta glang gzhan dbang yin pa'i phyir ro/ /ma grub
na / de chos can/ gzhan dbang du thal/ rang gi rgyu rkyen la
brten nas skyes pa'i phyir te/ de nyid las/ des na rgyu rkyen
las skye bas gzhan dbang yang dag par yod mi dgos te/ gzhan du

na sgyu ma la sogs pa'i brdzun pa rnams bden pa'i dngos por
'gyur ro/ /zhes gsungs pa'i phyir/ lugs gnyis ma mi 'tha de/ de
log pa'i kun rdzob yin pa'i phyir te/ smig rgyu'i chu log pa'i
kun rdzob yin pa'i phyir/ der thal/ bden gnyis rang 'grel las/
chul la sogs pa dang smig rgyu la sogs pa dag  @066a @#/ /yang dag pa dang yang
dag pa ma yin par rtogs so/
/zhes gsungs pa'i phyir/ rang lugs la/ rang nyid gtso bor
snang yul du byed pa'i blo la snang ba snang ba ltar du grub
pa'i kun rdzob/ yang dag kun rdzob kyi mtshan nyid/ mtshan gzhi
ni shes pa thams cad dang sngon po la

sogs pa'i kha dog thams cad yin/ yang dag kun rdzob dang log
pa'i kun rdzob gang rung gang zhig/ rang nyid gtso bor snang
yul du byed pa'i blo la snang ba snang ba ltar du ma grub pa/
log pa'i kun rdzob kyi mtshan nyid/ mtshan gzhi ni byad bzhin
gyi gzugs brnyan dang bum pa bden grub lta bu yin/

de ltar yin te/ bden gnyis las/ snang du 'dra yang don byed
dag /nus pa'i phyir dang mi nus phyir/ /yang dag yang dag ma
yin pa'i/ /kun rdzob kyis ni dbye ba byas/ /zhes dang/ de'i
rang 'grel las/ shes pa la gsal ba'i rnam pa snang ba can du
'dra yang ji ltar snang ba bzhin du don byed pa la mi slu ba

dang bslu ba yin par nges par byas nas chu la sogs pa dang
smig rgyu la sogs pa dag yang dag pa dang yang dag pa ma yin
par rtogs so/ /zhes gsungs pa'i phyir/ shes pa yin na yang dag
kun rdzob yin pas khyab ste/ shes pa yin na rang nyid gtso bor
snang yul du byed pa'i blo la snang ba snang ba ltar du grub

pas khyab pa'i phyir/ de yin na rang myong rang rig mngon sum
la rang gi mtshan nyid kyis grub pa'i myong ba gsal rig gi ngo
bor snang zhing snang ba ltar du grub pas khyab pa'i phyir/ de
la kho na re/ yang dag kun rdzob yin na rang nyid gtso bor
snang yul du byed pa'i blo la snang ba snang ba ltar du don
byed nus pas khyab ste/

snang du 'dra yang don byed dag /ces sogs gsungs pa'i phyir/
zer na/ skyon med de/ de'i don ni rang nyid gtso bor snang yul
du byed pa'i blo la snang ba snang ba ltar du grub pa'i don
yin pa'i phyir/ kho na re/ sngon po chos can/ yang dag kun
rdzob kyi mtshan nyid der thal/ mtshon bya de'i phyir/ 'dod na
mi 'thad de/

tshur mthong gi rgyud kyi sngon 'dzin mngon sum la sngon po
snang ba snang ba ltar du ma grub pa'i phyir te/ de la sngon
po phyi rol don du snang ba gang zhig /de ltar snang ba ltar
du ma grub pa'i phyir/ zer na/ ma khyab ste/ sems tsam rnam
bden pas sngon 'dzin mngon sum la sngon po snang ba ltar du
grub par khas blangs/ de la

@066b de phyi rol don du grub par snang yang de phyi rol don
du ma grub par khas blangs pa la rnam brdzun pas phyi don yod
par thal bo 'phangs pa gang zhig /lugs 'dir tha snyad kyi rnam
gzhag rnam bden pa ltar khas len pa'i phyir/ phyi ma der thal/
legs bshad snying po las/ lugs 'dis sngo ser la sogs pa'i rnam
pa

dngos por 'dod de/ chos kyi grags pa'i bzhed pa yang de ltar
'grel bas tha snyad du rnam bden pa ltar 'dod pa'i dbu ma
pa'o/ /zhes gsungs pa'i phyir/ byad bzhin gyi gzugs brnyan
byad bzhin du snang ba'i dbang shes chos can/ yang dag pa'i
shes pa yin par thal/ yang dag pa'i kun rdzob gang zhig /shes

pa yin pa'i phyir/ zer na ma khyab/ 'dod na mi 'thad de/ log
shes yin pa'i phyir/ kha cig  kun rdzob bden pa rtogs pa'i
gang zag yin na kun rdzob bden pa kun rdzob bden par rtogs
pa'i gang zag yin pas khyab zer na/ stong nyid rtogs ma myong
ba'i mngon sum tshad ma rgyud la ldan pa'i tshur mthong chos

can/ der thal/ de'i phyir/ der thal/ de'i rgyud kyi tshad mas
kun rdzob bden pa rtogs pa'i phyir/ der thal/ de'i gzhal byar
gyur pa'i don dam bden pa med pa'i phyir/ 'dod na/ stong nyid
rtogs myong du thal/ 'dod pa'i phyir/ gzhan yang sgyu ma'i rta
glang rtogs pa'i gang zag yin na/ sgyu ma'i rta glang sgyu
ma'i rta glang

du rtogs pa'i gang zag yin dgos par thal/ dam bca' 'thad pa'i
phyir/ 'dod na/ mi 'thad par thal/ sngags rdzas kyis mig bslad
pa'i ltad mo bas sgyu ma'i rta glang rtogs kyang de sgyu ma'i
rtar tshad mas ma rtogs pa'i phyir/ der thal/ sgyu ma'i rtar
bden zhen gyi 'dod pa'i gang zag yin pa'i phyir/ kha cig  yang

dag kun rdzob kun rdzob bden pa'i mtshan gzhi dang bum pa'i
gnas lugs don dam bden pa'i mtshan gzhi yin zer na/ mi 'thad
de/ bum pa'i gnas lugs tshad mas rtogs pa'i gang zag yin na don
dam bden pa tshad mas rtogs pa'i gang zag yin dgos pa'i phyir/
rang lugs la/ bum pa kun rdzob bden

pa'i mtshan gzhi dang/ bum pa bden stong don dam bden pa'i
mtshan gzhi yin no/ /bzhi pa sgra bshad pa la/ kun rdzob bden
pa'i sgra 'jug gzhi yin na de'i sgra bshad gzhi yin pas ma
khyab ste/ theg chen mthong lam bar chad med lam de kun rdzob
bden pa'i sgra 'jug gzhi yin kyang de'i sgra bshad gzhi ma

@067a @#/ /yin pa'i phyir/ der thal/ gzugs sogs kyi chos rnams
blo kun rdzob pa gang gi ngor bden pa'i kun rdzob pa ma yin
pa'i phyir/ der thal/ bden 'dzin ma yin pa'i phyir/ kun rdzob
bden pa'i sgra bshad du yod na de'i sgra 'jug tu yod pas ma
khyab ste/ bum pa bden stong la

de'i sgra bshad du yod kyang/ de'i sgra 'jug tu med pa'i
phyir/ dang po der thal/ rang nyid bden par 'dzin pa'i bden
'dzin gyi ngo bor bden par grub kyang spyir bden par ma grub
pa'i phyir/ dang po der thal/ de kun rdzob bden pa ma yin pa'i
phyir/ don dam bden pa'i sgra bshad gzhi yin na de'i sgra 'jug
gzhi

yin pas ma khyab ste/ chos nyid mngon sum du rtogs pa'i 'phags
pa'i mnyam gzhag ye shes de'i bshad gzhi yin kyang/ de'i sgra
'jug gzhi ma yin pa'i phyir/ dang po der thal/ don dam bden pa
de de'i gzigs ngor snang tshul dang gnas tshul mthun par bden
pa'i rgyu mtshan gyis de ltar bshad

pa'i phyir/ gnyis pa der thal/ don dam bden pa ma yin pa'i
phyir/ rang lugs la/ myu gu chos can/ khyod la kun rdzob bden
pa zhes 'chad pa'i rgyu mtshan yod de/ rang nyid bden par 'dzin
pa'i bden 'dzin gyi ngor bden par snang yang bden par ma grub
pa'i phyir/ myu gu bden stong chos can/ khyod

la don dam bden pa zhes brjod pa'i rgyu mtshan yod de/ blo don
dam pa 'phags pa'i mnyam gzhag ye shes kyi gzigs ngor snang
tshul dang gnas tshul mthun pa'i rgyu mtshan gyis de ltar bshad
pa'i phyir/ shing rta chen po gzhan gyis yul gyi steng nas
'chad/ myu gu bden stong de nyid gnas lugs dam

pa yang dag pa yin pas don dam bden pa dang/ snang tshul dang
gnas tshul mthun par grub pas na bden pa zhes bshad pa'i phyir
te/ tshig gsal las/ don yang de yin la dam pa yang de yin pas
na don dam pa'o/ /de nyid bden pa yin pas don dam pa'i bden
pa'o/ /zhes gsungs pa'i phyir/ lnga pa

la; bden gnyis ngo bo gcig la ldog pa tha dad pa byas pa dang/
mi rtag pa bzhin yin te/ byang chub sems 'grel las/ kun rdzob
las ni tha dad pa/ /de nyid dmigs pa ma yin te/ /kun rdzob
stong pa nyid du bshad/ /stong nyid kho na kun rdzob yin/ /med
na mi 'byung nges pa'i phyir/ /byas dang mi rtag dag

@067b bzhin no/ /zhes gsungs pa'i phyir/ de gnyis ngo bo gcig
yin te/ de gnyis ngo bo tha dad yin pa la dgongs 'grel nas
bshad pa'i rigs pa bzhis gnod/ tha dad rten med kyi gcig yin
pa la yang dgongs 'grel nas bshad pa'i rigs pa bzhis gnod pa'i
phyir; dgongs 'grel las/ 'du byed

khams dang don dam mtshan nyid rnams/ /gcig dang tha dad bral
ba'i mtshan nyid de/ /gcig dang tha dad nyid du gang rtags pa/
/de dag tshul bzhin ma yin zhugs pa yin/ /zhes gsungs pa'i
phyir/ ngo bo tha dad du 'dod pa la rigs pa bzhis gnod de/
sangs 'phags kyi thugs rgyud la kun nas nyon

mongs skye bar thal ba dang/ bden stong chos thams cad kyi
steng du 'gro ba'i chos nyid ma yin par thal ba dang/ bden
stong mngon sum du rtogs pas chos thams cad la bden zhen gyi
sgro 'dogs mi chod par thal ba dang/ bum pa bden stong bum
pa'i gnas lugs ma yin par thal ba'i nyes pa bzhi 'jug

pa'i phyir/ tha dad rten med kyi gcig yin pa la yang rigs pa
bzhis gnod de/ don dam bden pa nyon mongs skye ba'i dmigs
rkyen du thal ba dang/ kun rdzob bden pa la yang sngo ser sogs
tshad ma tha dad med par thal ba dang/ so skye la don dam bden
pa mngon sum du rtogs pa yod par thal ba dang/ don

dam bden pa mngon sum du rtogs pa'i phyir du 'bad pa byas pa
don med du thal ba'i rigs pa bzhis gnod pa'i phyir/ drug pa
la/ bden gnyis gtan la phab pa la dgos pa yod de/ gzhi dus su
bden gnyis gtan la phab pa la brten nas/ lam dus su tshogs
gnyis zung 'brel du bsog pa de 'byung/

de la brten nas 'bras dus su chos gzugs kyi sku zung 'jug tu
'thob pa de 'byung ba'i phyir/ bden gnyis las/ bden gnyis rnam
dbye shes pas na/ /thub pa'i bka' las mi rmongs te/ /de dag ma
lus tshogs bsags te/ /pha rol phun sum tshogs par 'gyur/ /zhes
dang/ dbu ma rgyan las/ yang dag

kun rdzob rnams kyi skas/ /med par yang dag khang chen gyi/
/steng du 'dzeg par 'gyur ba ni/ /mkhas la rung ba ma yin no/
/zhes gsungs pa'i phyir/ ! sdug bsngal la gzugs la sogs pa'i/
zhes sogs kyi skabs su/ bden bzhi la mtha' dpyad pa la/ bden
bzhi'i dbye gzhi/ sgra don/ grangs nges/

@068a @#/ /go rim nges pa/ so so'i ngo bo/ /rnam pa/ sgom pa'i
dgos pa bshad pa dang bdun/ dang po la/ kha cig na re/ bden pa
bden bzhi'i dbye gzhi yin zer na/ mi 'thad de/ kun 'byung bden
pa/ sdug bden/ lam bden gang rung yin na bden pa ma yin dgos
pa'i phyir/ des

na 'phags pa'i bden pa de'i dbye gzhi yin te/ de la dbye na/
dor bya'i phyogs la sdug kun gnyis/ blang bya'i phyogs la 'gog
lam gnyis yod pa'i phyir/ gnyis pa la/ de dag la bden pa dang
'phags pa'i bden pa zhes 'chad pa'i rgyu mtshan yod de/ 'phags
pas de rnams ji ltar gzigs pa

ltar du bden/ byis pa rnams kyis de rnams ji ltar bzung ba
ltar du mi bden pas de ltar bshad pa'i phyir/ bsdu ba las/
bden pa'i don gang zhe na/ smras pa bstan pa dang mi mthun pa
med pa'i mtshan nyid kyi don dang de mthong na rnam par dag
pa'i rgyur 'gyur ba'i don ni bden pa'i don no/ /zhes dang/
nyan

sa las/ 'phags pa rnams kyis bden pa de dag de kho na ltar yin
par bden pa'i sgom pa yang dag pa ji lta ba bzhin du mkhyen
cing gzigs kyis byis pa rnams kyis yang dag pa ji lta ba bzhin
du mi shes mi mthong bas na de'i phyir 'phags pa'i bden pa
rnams zhes bya'o/ /zhes gsungs pa dang/ mdzod

'grel las/ 'phags pas bde bar gang bzung ba/ /de ni gzhan gyis
sdug bsngal rig /gzhan gyis bde bar gang bzung ba/ /de ni
'phags pas sdug bsngal rig /ces gsungs pa'i phyir/ gsum pa la/
grol ba don gnyer gyi skyes bu'i blang dor gyi gnas la de
bzhir grangs nges te/ dor bya'i

phyogs la sdug kun gyi phyogs gnyis su grangs nges/ blang
bya'i phyogs la 'gog lam gyi phyogs gnyis su grangs nges pa'i
phyir dang/ spang bya 'khor ba rgyu 'bras kyi phyogs la sdug
kun gnyis su grangs nges/ blang bya thar pa rgyu 'bras kyi
phyogs la 'gog lam gyi phyogs gnyis su grangs nges pa'i phyir/

nyan sa las/ de la nag po'i phyogs dang dkar po'i phyogs la
brten pa'i rgyu dang 'bras bu rnam par dag pa'i phyir bden pa
bzhi rnam par gzhag ste/ de la bden pa sdug bsngal ni 'bras bu
yin/ bden pa kun 'byung ni rgyu yin no/ /bden pa 'gog pa ni
'bras bu yin/ bden pa lam ni thob par bya ba dang 

@068b rig par bya ba'i rgyu yin no/ /zhes gsungs pa'i phyir/
bzhi pa la/ rgyu 'bras don gyi go rim dang/ yul can mngon par
rtogs pa'i go rim gnyis las/ dang po ni/ rgyu dang lam dang
sdug bsngal dang/ zhes sogs kyi skabs su 'chad par byed/ 'dir
ni phyi ma'i dbang du byas nas sdug bden dang po dang kun

'byung gnyis pa dang/ 'gog bden gsum pa dang/ lam bden bzhi
par bstan pa yin te/ grel ba don gnyer gyi skyes bu rnams kyis
thog mar mi rtag sdug bsngal sogs su bsams ba'i sgo nas
sdug bden nyes dmigs kyi shes byar khong du chud pa de 'byung/
de nas de'i rgyu yod dam med rgyu de spong

nus sam mi nus brtag pa na las nyon gnyis de'i rgyur shes te/
de gnyis rgyu kun 'byung rab skye rkyen gyi rnam par shes pas
sgo nas kun 'byung la spong 'dod kyi blo de bskyed/ de rjes
sdug kun de gnyis 'gogs pa'i 'gog pa la 'gog pa zhi ba sogs
bzhir bsdus nas de la 'thob 'dod kyi blo bskyed/ de rjes

'gog pa de 'thob pa de lam bden sgom dgos pa mthong nas lam
bdag med rtogs pa'i ye shes de lam rig pa sogs su rtogs pa'i
sgo nas lam bsten byar khong du chung pa de 'byung ba'i phyir/
dper na/ sman pa mkhas pas dang por nad nyes dmigs kyi sgo nas
shes par byed/ de rjes nad de'i rgyu rlung mkhris

sogs gang yin rtogs par byed/ de rjes nad de las grol 'dod kyi
blo skyed par byed/ de rjes de las grol ba'i thabs sman bsten
par byed pa bzhin yin pa'i phyir/ der thal/ rgyud bla ma las/
nad ni shes bya nad kyi rgyu ni spang bya la/ /bder gnas thob
bya sman ni bsten par bya ba ltar/ /sdug bsngal rgyu dang

de 'gog pa dang de bzhin lam/ /shes bya spang bya rig par bya
zhing bstan par bya/ /zhes gsungs pa'i phyir/ lnga pa sdug
bden gyi ngo bo bshad pa sogs bzhi las/ dang po la/ ngo bo//
dbye ba/ phye ba so so'i don bshad pa/ rnam pa gtan la phab pa
dang bzhi/ dang po la/ kha cig  nyes dmigs kyi sgo nas

dor bar bya ba/ sdug bden gyi mtshan nyid zer ba dang/ mi rtag
sdug bsngal sogs tshogs pa'i tshogs don/ de'i mtshan nyid zer na/
dang po la/ nges pa'i rgyun zhugs srid pa lan bdun pa ba chos
can/ mtshan nyid snga ma der thal/ mtshon bya de'i phyir/ ma
grub na/ der thal/ chos can de yin pa'i

@069a @#/ /phyir; 'dod na/ ma yin par thal/ dor bya ma yin pa'i
phyir te/ dge 'dun dkon mchog yin pa'i phyir/ zag bcas nyer
len gyi gzugs phung chos can/ mtshan nyid phyi ma/ der thal/
mtshon bya phyi ma de'i phyir/ ma grub na/ der thal/ chos can
de yin pa'i phyir/

'dod na/ ma yin par thal/ chos can yan gar ba yin pa'i phyir/
re zhig de ltar gtong/ yang kha cig  kun nas nyon mongs kyi
bden pa gang zhig /zag bcas rgyu bsdus kyi char gyur pa/ kun
'byung bden pa'i mtshan nyid/ de gang zhig  zag bcas 'bras
bsdus kyi char gyur pa sdug bden gyi

mtshan nyid yin zer ba dang de gnyis 'gal zhe na/ zag bcas nyer
len gyi phung po chos can/ sdug bden du thal/ mtshan nyid phyi ma
de'i phyir/ der phyi ma de'i phyir/ der thal/ chos can de yin
pa'i phyir/ 'dod na/ ma yin par thal/ kun 'byung bden pa yin
pa'i phyir te/ mtshan nyid snga ma de'i phyir/ der

thal/ zur dang po gang zhig /phyi ma yin pa'i phyir/ phyi ma
der thal/ zag bcas gang zhig rgyus bsdus pa'i phyir/ rang lugs
la/ kun nas nyon mongs kyi bden pa gang zhig  zag bcas 'bras
bsdus kyi char gyur pa/ sdug bden gyi mtshan nyid/ gnyis pa la/
rten brten pa'i sgo nas dbye ba

dang; ngo bo'i sgo nas dbye ba gnyis/ dang po la/ ma dag pa'i
snod kyi 'jig rten dang/ ma dag pa'i bcud kyi sems can gnyis/
dang po la/ 'og gzhi rlung gi 'jig rten nas gzugs khams gnas
rigs bcu bdun gyi nang tshan du gyur pa'i 'og min gyi bar rnams
ma dag pa'i snod kyi 'jig rten

dang las nyon gyi dbang gis rang dbang med par skye ba blangs
pa'i 'gro ba rigs lnga 'am/ drug po rnams ni ma dag pa'i bcud
kyi sems can yin te/ kun btus las/ sdug bsngal gyi bden pa
gang zhe na/ de ni sems can skye ba dang skye ba'i gnas kyis
kyang rig par bya'o/ /zhes gsungs pa dang/

sems can gyi 'jig rten gang yin pa dang snod kyi 'jig rten
gang yin pa las dang nyon mongs pas bskyed pa dang las dang
nyon mongs pa'i dbang gis byung ba 'di mtha' dag ni sdug
bsngal gyi bden pa'o/ /zhes gsungs pa'i phyir/ longs sku gang
du bzhugs pa'i gnas 'og min dang/ dag pa'i zhing

@069b bde ba can ni sdug bden ma yin te/ de dag ni der skyes
pa'i sems can rnams kyi spyi mthun gyi las kyi dbang gis byung
ba ma yin par rgyal ba 'od dpag med dang longs sku de gnyis
kyis sngon slob pa lam gyi gnas skabs su zhing dag sbyor
ba sgoms pa'i dbang gis byung ba yin pa'i phyir/ kun las btus
las

yongs su dag pa'i 'jig rten gyi khams de dag ni sdug bsngal
gyi bden pa ma yin par lta ste/ de dag las dang nyon mongs pas
bskyed pa ma yin las dang nyon mongs pa'i dbang gis byung ba
ma yin gyi smon lam dang dge ba'i rtsa ba'i dbang gis byung ba
dag go/ zhes gsungs pa'i phyir/ nges pa'i rgyun zhugs

srid pa lan bdun pa ba sdug bden yin kyang de'i gang zag yin na
sdug bden yin pas ma khyab ste/ de'i yid kyi rnam par shes pa
de sdug bden ma yin pa'i phyir/ der thal/ de zag med yin pa'i
phyir te/ lam bden yin pa'i phyir/ dpyad do/ /kha cig  zag
bcas nyer len gyi phung po lnga po de/ khyab

pa 'du byed kyi sdug bsngal yin zer ba dang/ zas bzang po'i ro
nyams su myong ba'i zag bcas kyi tshor ba de/ 'gyur ba'i sdug
bsngal dang/ khal ma'i zug gzer nyams su myong ba'i tshor ba
sdug bsngal de/ sdug bsngal gyi sdug bsngal yin zer na/ dang
po la/ zag bcas nyer len gyi phung po lnga po gang rung

yin na khyab pa 'du byed kyi sdug bsngal yin pas khyab par
thal/ dam bca' 'thad pa'i phyir/ 'dod na/ khal ma'i zug gzer
nyams su myong ba'i tshor ba sdug bsngal chos can/ der thal/
de'i phyir/ der thal/ zag bcas nyer len gyi tshor phung yin
pa'i phyir/ der thal/ chos can de'i phyir/ 'dod na/  ma yin

par thal/ sdug bsngal gyi sdug bsngal yin pa'i phyir te/ sdug
bsngal gsum po de la phra rags kyi khyad par yod pa'i phyir/
ma grub na/ der thal/ sdug bsngal dang po gnyis la chags bral
byas pa'i so skye yod/ khyab pa 'du byed kyi sdug bsngal
la chags bral byas pa'i so skye med pa'i phyir/

dang po der thal/ bsam gtan dang po'i dngos gzhi thob la ma
nyams pa'i phyi rol pa des sdug bsngal gyi sdug bsngal
la chags bral byas/ bsam gtan gsum pa'i dngos gzhi thob la
ma nyams pa'i phyi rol pa des 'gyur ba'i sdug bsngal la chags
bral byas pa'i phyir/ phyi ma der thal/ chos mngon pa'i

@070a @#/ /mdo las/ byis pa lag mthil lta bu yis/ /'du byed
sdug bsngal spu mi rig /'phags pa mig dang 'dra ba yi/ /de yi
yid kyang shin tu 'byung/ /zhes gsungs pa'i phyir/ 'du byed
kyi sdug bsngal ma lus pa la chags bral byas pa'i tshur mthong
med kyang/ de'i

phyogs gcig la chags bral byas pa'i tshur mthong yod/ gzugs med
nam mkha'i dngos gzhi thob la ma nyams pa'i phyi rol pa des bsam
gtan bzhi pa'i dngos gzhi'i phan yon gyi yan lag tu gyur pa'i
tshor ba btang snyoms la chags pa dang bral ba nas bzung ste/
gzugs med srid rtse'i dngos

gzhi thob la ma nyams pa'i phyi rol pas gzugs med ci yang med
kyi dngos gzhi'i phan yon gyi yan lag tu gyur pa'i gzung bya
rags pa ci yang med do snyam pas 'du shes la chags pa dang
bral ba gang zhig /de rnams khyab pa 'du byed kyi sdug bsngal
yin pa'i phyir/ de ma lus pa la chag pa dang

bral ba'i tshur mthong med de/ ma lus pa la chags pa dang bral
ba la phra ba'i mi rtag pa mngon sum du rtogs dgos pa gang
zhig  de mngon sum du rtogs pa'i tshur mthong med pa'i phyir/
dang po der thal/ 'du byed kyi sdug bsngal sdug bsngal gyi
rang bzhin du rtogs pa la nyer len gyi phung po rang grub

dus kyi skad cig gnyis par mi sdod pa'i 'gyur ba phra mo
rtogs dgos pas/ 'gyur ba phra mo de mngon sum du rtogs pa la
phra ba'i mi rtag pa de rtogs dgos pa'i phyir/ rang lugs la/
nyer len gyi phung po rang grub dus kyi skad cig gnyis par mi
sdod pa'i 'gyur ba phra mo de khyab pa 'du byed kyi sdug

bsngal dang/ zas bzang po'i ro nyams su myong ba'i tshor ba bde
ba 'gyur ba'i sdug bsngal dang/ khal ma'i zug gzer nyams su
myong ba'i sdug bsngal de sdug bsngal gyi sdug bsngal lo/
/dang po de la/ khyab pa 'du byed kyi sdug bsngal zhes 'chad
pa'i rgyu mtshan yod de/ las nyon gyi 'du byed cing khams

gsum po thams cad la khyab pa dang/ sdug bsngal gzhan gnyis la
yang khyab pa'i rgyu mtshan gyis de ltar bshad pa'i phyir/ de
ltar yin kyang/ chos mngon pa las/ skye rgan 'chi bzhi dang/
dgra sdang ba dang phrad kyi dogs pa sdug bsngal gyi sdug
bsngal dang/ gnyen byams pa dang bral gyi dogs pa 'dod pa

@070b btsal gyi ma rnyed pa 'gyur ba'i sdug bsngal du bshad
nas/ mdor na nye bar len ba'i phung po lnga ni sdug bsngal
ba'o/ zhes gsungs pa dang 'gal ba'i skyon med de/ nye bar len
pa'i phung po lnga'i steng du khyab pa 'du byed kyi sdug
bsngal gyis khyab ces pa'i don yin pa'i phyir/ kha cig  zas
bzang po'i ro nyams

su myong ba'i zag bcas kyi tshor ba bde ba de sdug bsngal ma
yin zhe na/ de sdug bsngal yin par thal/ de 'khor ba'i sdug
bsngal rags pa yin pa'i phyir/ der thal/ zag bcas kyi tshor ba
yid mi bde sogs bzhi po 'khor ba'i sdug bsngal rags pa yin
pa'i phyir/ bsam gtan dang po'i nyer bsdogs

bzhi po de 'khor ba'i sdug bsngal rags pa la yid 'byung byed
du gsungs pa gang zhig  bsam gtan dang po'i nyer bsdogs de zag
bcas kyi tshor ba yid mi bde la chags pa dang bral byed dang/
gnyis pa'i nyer bsdogs zag bcas kyi tshor bsdug bsngal la chags
pa dang bral byed dang/ gsum pa'i nyer

bsdogs de tshor ba yid bde la chags pa dang bral byed dang/
bzhi pa'i nyer bsdogs de zag bcas kyi tshor ba bde ba'i dbang
po la chags pa dang bral byed yin pa'i phyir/ gzhan yang/ zas
bzang po'i ro nyams su myong ba'i zag bcas kyi tshor ba bde ba
de sdug bsngal yin par thal/ de sdug bsngal du 'phags

pa rnams kyis gzigs shing gzigs pa ltar du bden pa'i phyir/
kha cig na re/ de chos can/ zag bcas kyi tshor ba bde ba ma yin
par thal/ zag bcas kyi tshor ba sdug bsngal yin pa'i phyir/ der
thal/ zag bcas kyi tshor ba gang zhig  sdug bsngal yin pa'i
phyir/ zer na ma khyab/ kho na re/ zag bcas

kyi dge ba dang zag bcas kyi mi dge ba mi 'gal ba thal/ zag
bcas kyi bde ba dang sdug bsngal mi 'gal ba'i phyir/ zer na ma
khyab/ yang kha cig  sdug bsngal yin na shes pa yin pas khyab zer na/
las nyon gyi dbang gis rang dbang med par phung po rnying pa'i
cha chos can/ der thal/ de'i phyir/ der thal/

rgas pa'i sdug bsngal yin pa'i phyir/ gzhan yang/ sdug bsngal la
shes pas ma khyab par thal/ sdug bsngal la tshor ba sdug bsngal
gyis ma khyab pa'i phyir/ der thal/ srid rtse'i so skye'i rgyud
la sdug bsngal yod kyang tshor ba sdug bsngal med pa'i phyir/
bzhi pa la/ sdug bden gyi rnam pa la bzhi yod de/

@71a @#/ /der gyur pa'i mi rtag sdug bsngal stong bdag med bzhi
yod pa'i phyir/ de ltar bstan pa'i rgyu mtshan yod de/ phyi rol
mu stegs byed rnams sdug bsngal rtag par khas len pa dang/ sdug
bsngal bde bar 'dzin pa dang/ bdag gtsang zhing phung po mi
gtsang bar 'dzin pa dang/ phung

po rang rkya thub pa'i bdag gis dbang bsgyur byar 'dzin pa dang/
phung po don gzhan gyi bdag tu 'dzin pa'i log zhugs bzhi'i gnyen
por mi rtag sogs su bshad pa'i phyir/ de ltar gtan la phab pa la
dgos pa yod de/ mu stegs byed kyis ji ltar bzung ba ltar du
bzung na sdug bden nyes dmigs kyi sgo

nas shes pa de mi 'byung bas mi rtag sogs su bstan pas de shes
byar khong du chud pa de 'byung ba'i phyir/ des na zag bcas
nyer len gyi phung po chos can/ mi rtag pa yin te/ rkyen gyis
bskyed pa yin pa'i phyir/ sdug bsngal ba yin te/ rang rgyu las
nyon gyi gzhan dbang can yin pa'i phyir/ de chos

can/ don gzhan gyi bdag gis stong ba yin te/ don gzhan gyi bdag
gis mi bskyed pa'i phyir/ bdag med pa'i rnam pa can yin te/ mi
rtag cing las nyon gyi gzhan dbang can yin pa'i phyir/ de ni res
'ga' dmigs pa'i phyir/ /mi rtag nyes pa'i rten phyir dang/ /rgyu
dbang phyir yang sdug bsngal

yin; ;bdag min byin gyis brlabs pa'ang min/ /zhes gsungs pa'i
phyir/ phyi rol pa rnams kyis de ltar log par zhugs pa de mi
'thad par thal/ thar pa khas len pa'i phyi rol pa kha cig gis
sdug bsngal gyis yid gdungs nas de las yid 'byung ba'i phyir du
bsam gtan gyi nyer bsdogs sgom pa

yod pa'i phyir/ zer na/ skyon med de/ sdug bsngal dang po gnyis
la chags bral byas pa'i phyi rol pa yod kyang/ khyab pa 'du byed
kyi sdug bsngal la chags bral byas pa'i phyi rol pa med pa'i
phyir/ phyi ma der thal/ bsam gtan gyi nyer bsdogs tsam gyi
khyab pa 'du byed kyi sdug bsngal la chags

bral byed mi nus/ bdag med sgom pa'i phyi rol pa med pa'i phyir/
de la chags bral byas pa'i phyi rol pa med par thal/ de la chags
bral byed pa la de sdug bsngal gyi rang bzhin du rtogs dgos/ de
la phra ba'i mi rtag pa rtogs dgos pa gang zhig  de rtogs pa'i
phyi rol pa med pa'i phyir/ des na nyer len

@71b gyi phung po mi rtag par rtogs pa la brten nas de las nyon
gyi gzhan dbang can gyis sdug bsngal bar rtogs/ de la brten nas
phung po rang rkya thub pa'i bdag gis stong bar rtogs/ de la
brten nas de don gzhan gyis bdag tu ma grub par rtogs par 'gyur
ba yin te/ rnam 'grel las/ de phyir mi rtag las sdug

bsngal/ /sdug bsngal las ni bdag med gsungs/ /zhes gsungs pa'i
phyir/ 'dus byas thams cad mi rtag  /zag pa dang bcas pa sdug
bsngal/ chos thams cad stong zhing bdag med pa myang ngan las
'das pa zhi bar lta ba'i lta ba 'di phyi rol pa rnams la med de/
'di bzhi ston pa dang bstan pa gzhan la med pas lta ba bka'

btags kyi phyag rgya bzhi zhes bshad pa yin no/ /mdor na khams
gsum po 'di thams cad sdug bsngal gyi rang bzhin can yin no/
/'dod pa khams pa thams cad sdug bsngal gsum gyis gdungs/ bsam
gtan gsum pa man chad 'du byed kyi sdug bsngal dang/ 'gyur ba'i
sdug bsngal gyis gdungs/

bsam gtan bzhi pa yan chad khyab pa 'du byed kyi sdug bsngal
gyis gdungs pa'i phyir/ mdo dran pa nyer gzhag las/ sems can
dmyal ba dmyal mes nyams/ /yi dwags bkres shing bskoms pas
nyams/ /dud 'gro gcig la gcig zas nyams/ /mi dag 'tshe bas
gdungs pas nyams/ /lha dag

bag med pa yis nyams/ /'khor ba khab kyi rtse tsam na/ /bde ba
nam yang yod ma yin/ /zhes gsungs pa'i phyir/ kha cig sdug kun
gnyis 'gal bar thal/ kun 'byung bden pa la las kyi kun 'byung
bden pa dang nyon mongs pa'i kun 'byung bden pa gang rung yin pas
khyab/ sdug bden de gnyis kyi bdag

'bras dang rnam smin gyi 'bras bu gang rung du gsungs pa'i
phyir/ zer na/ mi 'thad de/ ma'i mngal du nying 'tshams sbyar ma
thag pa'i gnas skabs kyi ming gzugs gnyis kyi nang tshan du gyur
pa'i gzugs kyi rten 'brel de kun 'byung bden pa yin pa'i phyir/
der thal/ des rten 'brel tshar gcig gi skye mched

kyi rten 'brel bskyed cing/ rang rgyud la ldan pa'i gang zag
sdug bsngal bar byed pa'i phyir dang/ kun 'byung bden pa dang
gzugs phung gi gzhi mthun yod pa'i phyir/ phyi ma der thal/ kun
'byung ba la sogs pa'i/ zhes gsungs pa'i phyir/ gzhan yang/ de
gnyis mi 'gal bar thal/ de gnyis yin khyab

@72a @#/ /mnyam yin pa'i phyir/ der thal/ sdug bden gyi chos nyid
mngon sum du rtogs na kun 'byung bden pa'i chos nyid mngon sum
du rtogs pas khyab pa'i phyir/ rnam bshad las/ gzhan du na sdug
bsngal gyi chos nyid rtogs pa'i tshe kun 'byung gi chos nyid
rtogs par khas mi

len pa la ni mnyan bya sgra mi rtag par sgrub pa'i rtags yang
dag tu khas len dgos pa sogs nyes pa du ma'i 'byung khungs su
mthong ngo/ /zhes gsungs pa'i phyir/ zag bcas kyi phung po yin
na zag bcas nyer len gyi phung po yin pas ma khyab/ de yin na
kun 'byung bden pa yin pas ma khyab ste/ byang

'phags kyi rgyud kyi gang zag gi bdag 'dzin de zag bcas kyi
phung po yin kyang/ zag bcas nyer len gyi phung po yang ma yin/
kun 'byung bden pa yang ma yin pa'i phyir/ phyi ma gnyis der
thal/ de'i rgyud la de gnyis med pa'i phyir/ de'i rgyud la sdug
kun gnyis med pa'i phyir/ der thal/ las nyon

gyi skye 'chi byed pa'i byang 'phags med pa'i phyir/ rgyud bla
ma las/ 'phags pas na dang rga ba dang/ /zhes gsungs pa'i phyir/
de zag bcas kyi phung po yin par thal/ gang zag gi bdag 'dzin yin
pa'i phyir/ kha cig na re/ sdug kun rgyud la ldan pa'i byang
'phags yod par thal/ nyon

mongs mngon gyur du rgyud la ldan pa'i byang 'phags yod pa'i
phyir te/ nyon mongs zad par spangs pa'i dgra bcom pa'i rgyud la
las kyi kun 'byung yod pa'i phyir/ zer na ma khyab/ kho na re/
byang 'phags kyi rgyud la sdug bden yod par thal/ las nyon gyi
dbang gis skye ba blangs pa'i byang sems sbyor

lam chos mchog pa dang lus rten gcig tu gyur pa'i byang sems
mthong lam pa'i rgyud la sdug bden yod pa'i phyir/ der thal/
sdug bden rgyud la ldan pa'i de 'dra'i byang sems sbyor lam chos
mchog pa yod pa'i phyir/ zer na ma khyab/ ma grub na der thal/
phyir mi ldog pa'i rtags ma thob pa'i

byang sems sbyor lam chos mchog pa yod pa'i phyir/ des na de
'dra'i byang sems sbyor lam chos mchog pa'i rgyud la zag bcas
nyer len gyi phung po yod kyang/ de dang lus rten gcig pa'i
byang sems mthong lam pa'i rgyud la zag bcas nyer len gyi phung
po med pa mi 'gal te/ theg chen gyi lam bden

@72b theg dman gyi lam bden las khyad par 'phags pas theg chen
gyi mthong lam skyes pa'i stobs kyis zag bcas nyer len gyi phung
po de 'dor bar 'gyur ba'i phyir/ dper na/ nang du 'phags lam
skyes pa na tshe ma 'phos par phyi'i bud med kyi lus rten dor ba
yod pa lung las gsungs pa'i phyir/ gnyis

pa kun 'byung bden pa bshad pa la/ ngo bo/ dbye ba/ phye ba so
so'i don/ rnam pa gtan la phab pa'o/ /dang po la/ kun nas nyon
mongs kyi bden pa gang zhig zag bcas rgyu bsdus kyi char gyur
pa/ kun 'byung bden pa'i mtshan nyid/ gnyis pa la/ nyon mongs
pa'i kun 'byung bden pa dang/ las kyi

kun 'byung bden pa gnyis yod de/ kun btus las/ kun 'byung ba'i
bden pa gang zhe na/ nyon mongs pa dang nyon mongs pa'i dbang
gis byung ba'i las so/ /zhes gsungs pa'i phyir/ gsum pa la/ kun
nas nyon mongs kyi bden par gyur pa'i nyon mongs/ nyon mongs
pa'i kun 'byung bden pa'i

mtshan nyid/ de la dbye na/ der gyur pa'i rtsa ba'i nyon mongs pa
dang nye ba'i nyon mongs pa gnyis/ de ltar yin kyang nyon mongs
pa'i kun 'byung 'chad pa'i skabs su sred pa gcig pu 'chad pa'i
rgyu mtshan ci yin zhe na/ de'i rgyu mtshan yod de/ sred pa de
yang srid phyi mar skye ba len pa'i rgyu'i gtso bo yin

pa'i rgyu mtshan gyis de ltar bshad pa'i phyir/ sred pa de skye
ba len pa'i rgyu'i gtso bo yin par thal/ thams cad du 'gro ba'i
sgo nas kyang gtso bo yin pa'i phyir dang/ dge mi dge'i las la
sogs pa'i dus kyi kun slong byed pa'i sgo nas kyang gtso bo yin
pa'i phyir/ dang po der thal/ nyon mongs thams

cad du 'gro ba'i sgo nas kyang gtso bo yin pa'i phyir/ gnas
skabs thams cad dang/ dus thams cad dang/ khams thams cad dang/
'tsho ba thams cad dang/ rnam pa thams cad du 'gro ba'i sgo nas
kyang sred pa gtso bo yin pa'i phyir/ kun btus las/ thams cad du
'gro ba'i don gang zhe na/ 'di

ltar sred pa dngos po thams cad du 'gro ba dang/ gnas skabs
thams cad du 'gro ba dang/ dus thams cad du 'gro ba dang/ khams
thams cad du 'gro ba dang/ 'tsho ba thams cad du 'gro ba dang/
rnam pa thams cad du 'gro ba'o/ /zhes gsungs pa'i phyir/ phyi ma
der thal/ sred pa de la 'dod sred/

@73a @#/ /'jigs sred/ srid sred gsum yod pas/ dang pos yul yid
'ong la mi 'bral bar 'dod pa'i sred pa skyed/ gnyis pas yul yid
mi 'ong la 'bral bar 'dod pa'i sred pa/ phyi mas 'chi ba'i tshe
phung po la sred pa'i sred pa skyes te sred pa de'i dbang gis yang
srid du skye ba len

pa'i phyir/ rnam 'grel las/ mi shes srid pa'i rgyu yin yang/ /mi
brjod sred pa nyid bshad pa/ /rgyu ni 'phen par byed phyir dang/
/de ma thag phyir las kyang min/ /zhes gsungs pa'i phyir/ de
ltar byas na/ rang rgyud ldan gyi gang zag gi shes rgyud sgo du
ma nas ma zhi bar byed pa'i rigs su gnas pa'i nyon

mongs pa/ rtsa nyon gyi mtshan nyid/ de la dbye na drug yod de/
kun las btus las/ nyon mongs pa drug gang zhe na/ 'dod chags
dang/ khong khro ba dang/ nga rgyal dang/ ma rig pa dang/ the
tshom dang/ lta ba'o/ /zhes gsungs pa'i phyir/ yang de la dbye na
lta min lnga dang/ lta ba lnga ste bcu yod la/

lta min lnga'i khyad par yod de/ zag bcas kyi dngos po la yid
'ong du snang nas rang stobs kyis mi 'bral bar 'dod pa'i sems
byung sems pa de 'dod chags dang/ gzhi gsum po gang yang rung ba
la rang stobs kyi mi bzod pa'i sems byung sems pa de khong khro
dang/ gzhi gsum po gang rung la 'jig lta'i

dbang gis sems rang stobs kyi khengs pa'i rnam pa can gyi sems
byung sems pa de nga rgyal/ las 'bras dang bden pa sogs gang
rung la rang stobs kyi rmongs pa'i sems byung sems pa de ma rig
pa dang/ dkon mchog sogs la mtha' gnyis su dogs pa'i sems byung
sems pa de the tshom nyon mongs

can yin pa'i phyir/ lta bar gyur pa'i nyon mongs lnga'i khyad
par yod de/ phung po la dmigs nas gang zag rang rkya thub pa'i
rdzas yod du 'dzin pa'i shes rab nyon mongs can de 'jig lta
dang/ 'jig lta'i dmigs yul du gyur pa'i bdag la dmigs nas rtag
chad gang rung du lta ba'i shes rab nyon mongs

can mthar lta dang/ las 'bras dang skye ba snga phyi sogs med
par 'dzin pa'i sems byung sems pa de log lta dang/ rang nyid ma
gtogs pa'i lta ngan gzhan rnams la mchog tu lta ba'i shes rab
nyon mongs can de lta ba mchog 'dzin dang/ tha mal gyi spyod pa
spangs te gcer bu'i yid dam 'cha' ba

@73b dang/ spyod pa ngan pa la mchog tu lta ba'i shes rab nyon
mongs can de tshul khrims dang brtul zhugs mchog 'dzin gyi lta ba
yin pa'i phyir/ bye brag tu smra ba ni lta ba'i nyon mongs la
nyon mongs kun btags kyis khyab par 'dod kyang 'dir ni ma khyab
ste/ 'dir ni 'jig lta la kun lhan gnyis yod pa'i phyir/

rang rgyud la ldan pa'i gang zag gi shes rgyud sgo re re nas ma
zhi bar byed pa'i rigs su gnas pa'i nyon mongs de/ nye nyon gyi
mtshan nyid/ dbye na nyi shu yod de/ khro ba dang khon 'dzin/
'chab pa dang 'tshig pa/ phrag dog dang ser sna/ g.yo dang sgyu/
rgyags pa dang rnam 'tshe/ ngo tsha med pa khrel med pa/ rmug pa/

rgod pa/ ma dad pa dang/ le lo// bag med pa dang/ brjed ngas/
shes bzhin ma yin pa dang/ rnam par g.yeng ba dang nyi shu yod
pa'i phyir/ byang 'phags kyi rgyud kyi gang zag gi bdag 'dzin de
rang rgyud ldan gyi gang zag gi shes rgyud ma zhi bar byed pa'i
rigs su gnas kyang ma zhi bar mi byed pa dang/ de nyon mongs yin

kyang/ nyon mongs pa'i kun 'byung ma yin te/ byang 'phags kyi
rgyud la nyon mongs kyi kun 'byung med pa'i phyir dang/ byang
sems 'phags pa la rnam pa thams cad du nyon mongs pa'i nyes pa
mi 'byung bar gsungs pa'i phyir/ las kyi kun 'byung bshad pa la/
spyir las kyi mtshan nyid/ dbye ba/ phye ba so so'i don

dang gsum/ dang po la/ rang nyid kun nas slong byed thun mong ma
yin pa nyon mongs dang de'i bag chags gang rung gis kun nas
bslangs pa'i nyon mongs ma yin pa'i sems byung sems pa de/ las
kyi mtshan nyid/ gnyis pa la dbye na/ zag bcas kyi las dang/ zag
med kyi las gnyis/ gsum pa ni/ rang nyid

kun nas slong byed ma rig pa'i bag chags tsam gyis kun nas
bslangs pa'i rtsol ba phra mo'i ngo bor gyur pa'i rnam rtog zag
med kyi las kyi mtshan nyid/ mtshan gzhi nyan rang dgra bcom dang
dag sa la gnas pa'i byang sems kyis gzhan la chos ston 'dod kyi
ngag kun nas slong byed kyi rtsol ba phra mo'i ngo bor gyur pa'i

rnam rtog lta bu yin/ rang nyid kun nas slong byed thun mong ma
yin pa'i nyon mongs pas kun nas bslangs pa'i nyon mongs ma yin
pa'i sems byung sems pa/ zag bcas kyi las kyi mtshan nyid/ las la
ngo bo'i sgo nas dbye na/ sems pa'i las dang/ bsam pa'i las
gnyis/ sems pa'i las dang yid las

@74a @#/ /gnyis don gcig  bsam pa'i las dang lus ngag gang rung gi
las don gcig cing lus ngag gang rung gi sgor ma 'thon pa'i srog
gcod kyi sems byung sems pa de sems pa'i las dang/ lus ngag gang
rung gi sgor 'thon pa'i bya ba dang dus mnyam du 'jug pa'i srog

gcod 'dod kyi sems byung sems pa de bsam pa'i las yin te/ rtsa
shes las/ de la las gang sems pa zhes/ /gsungs pa de ni yid kyir
'dod/ /bsams pa zhes ni gang gsungs pa/ /de ni lus dang ngag gir
'dod/ /ces gsungs pa'i phyir/ rnal 'byor spyod pa ba dang rnal
'byor spyod pa'i dbu ma

pa'i lugs la las la sems byung gis khyab kyang/ bye brag tu smra
ba dang dbu ma thal 'gyur ba'i lugs la lus las dbyibs gzugs su
'dod/ ngag las de dag sgra rang mtshan par 'dod pa'i phyir/ mdzod
las/ lus rnam rig byed dbyibs su 'dod/ /ngag rnam rig byed ni
ngag sgra/ /zhes

gsungs pa'i phyir/ mi dge ba bcu la las dang las lam du 'byed
pa'i tshul yod de/ yid kyi gsum po de srog gcod 'dod sogs sems
byung sems pa 'jug pa'i gzhi yin pas las kyi lam yin kyang las
ma yin/ lus ngag gang rung gi sgo nas ma 'thon pa'i sems byung
sems pa de las

yin kyang sems byung sems pa 'jug pa'i gzhi ma yin pas las kyi
lam ma yin/ lus ngag gi bdun po de ngo bo las yin pa dang/ sems
byung sems pa 'jug pa'i gzhi yin pa'i las kyi lam yin pa'i
phyir/ brnab sems sogs yid kyi gsum po de las ma yin par thal/
de sems

byung ma yin pa'i phyir te/ mdzod las/ gsum lam bdun ni las
kyang yin/ /zhes gsungs pa'i phyir/ de la 'jug sgo'i sgo nas
dbye na/ lus ngag yid gsum gyi las gsum/ kun slong gi sgo nas
dge mi dge lung ma bstan gyi las gsum/ 'bras bu 'byin tshul gyi
sgo nas dbye na/ nges pa'i

las dang ma nges pa'i las gnyis/ dang po dang byas la bsags pa'i
las gnyis don gcig  phyi ma dang byas la ma bsags pa'i las
gnyis don gcig  nges pa'i las la yang mthong chos la myong
'gyur gyi las dang/ skyes nas myong 'gyur gyi las dang/ lan
grangs gzhan la myong 'gyur gyi las

@74b gsum/ tshe stod la bsags pa'i las kyi 'bras bu tshe smad la
smin pa'i las ni dang po dang/ skye ba gnyis pa tshun chad du
myong ba'i las lta bu ni gnyis pa dang/ skye ba gsum pa phan
chad la myong ba'i las ni gsum pa yin no/ /byed las kyi sgo nas
dbye na/ 'phen byed kyi las/ 'grub byed kyi las/ rdzogs

byed kyi las dang gsum/ rdzogs byed kyi las la yang 'phen byed
dge bas 'phangs shing/ rdzogs byed dge bas rdzogs pa/ 'phen byed
mi dge bas 'phangs shing rdzogs byed mi dge bas rdzogs pa/ 'phen
byed dge bas 'phangs shing rdzogs byed mi dge bas rdzogs pa/
'phen byed mi dge bas 'phangs

shing rdzogs byed dge bas rdzogs pa dang/ 'phen byed dge bas
'phangs shing rdzogs byed 'dres mas rdzogs pa/ 'phen byed mi dge
bas 'phangs shing rdzogs byed 'dres mas rdzogs pa dang drug yod
de/ bde 'gro'i rten la bde ba shas cher spyod pa dang po dang/
ngan 'gro'i rten la sdug bsngal shas cher

spyod pa gnyis pa dang/ bde 'gro'i rten la sdug bsngal shas cher
spyod pa gsum pa dang/ ngan 'gro'i rten la bde ba shas cher
spyod pa bzhi pa dang/ bde 'gro'i rten la bde sdug 'dres mar
spyod pa lnga pa dang/ ngan 'gro'i rten la bde sdug 'dres mar
spyod pa drug pa yin pa'i phyir/ khams kyi sgo nas dbye na/

bsod nams kyi las/ bsod nams ma yin pa'i las dang/ mi g.yo ba'i
las dang gsum/ 'dod pa'i bde 'gro'i rnam smin gyi phung po 'phen
byed kyi las dang po dang/ ngan 'gro'i phung po 'phen byed kyi
las rnams gnyis pa dang/ khams gong ma'i phung po 'phen byed kyi
las rnams gsum pa yin/ yang

las la rnam grangs kyi sgo nas dbye na/ /brnag la rnam smin
brnag pa'i las/ dkar la rnam smin dkar ba'i las/ dkar brnag tu
'gyur la rnam smin dkar brnag tu gyur pa'i las/ mi brnag cing
dkar la rnam smin mi 'gyur zhing las zad par 'gyur ba'i las dang
bzhi/ mngon pa gong ma ba rnams ni/

dang po dang mi dge ba'i las don gcig  gnyis pa khams gsum gyi
dge ba'i las lta bu la byed/ sbyor ba dkar la bsam pa brnag pa'i
las dang/ bsam pa dkar la sbyor ba brnag pa'i las lta bu gsum pa
yin/ bzhi pa zag med kyi las la byed pa yin te/ kun las btus
las/ brnag la

@75a @#/ /rnam par smin pa brnag pa'i las gang zhe na/ gang mi
dge ba'o/ /dkar la rnam par smin pa dkar ba'i las gang zhe na/
khams gsum pa'i dge ba'o/ /dkar brnag tu gyur la rnam par smin
pa dkar brnag tu 'gyur pa gang zhe na/ gang 'dod pa dang rab tu
ldan pa'i 'dres ma ste/

bsam pas brnag la sbyor bas dkar ba'am sbyor bas brnag la bsam
pas dkar ba'o/ /mi brnag cing dkar la rnam par smin pa mi 'gyur
zhing las zad par 'gyur ba'i las gang zhe na/ sbyor ba dang bar
chad med pa'i lam rnams la zag pa med pa'i las so/ /zhes gsungs
pa'i phyir/ mngon pa 'og ma pa

rnams na dang po dang bzhi pa gnyis gong ma dang mthun/ gnyis pa
gzugs khams pa'i dge ba'i las la byed/ gsum pa 'dod pa'i dge mi
dge 'dres mar spyod pa'i las lta bu la byed de/ mdzod las/ dkar
brnag la sogs bye brag gi/ las ni rnam pa bzhi yin no/ /mi dge
gzugs dang 'dod gtogs

pa'i; ;dge ba nyid ni rim bzhin du/ /brnag dang dkar dang gnyis
ka'i las/ /de zad byed pa zag med yin/ /zhes gsungs pa'i phyir/
yang las la rnam grangs kyi sgo nas dbye na/ sdom pa'i las/ sdom
min gyi las/ bar ma'i las gsum/ dang po la yang/ so thar gyi
sdom pa/ bsam gtan gyi

sdom pa/ zag med kyi sdom pa dang gsum/ dge slong gi rgyud kyi
spong sems sa bon dang bcas pa dang po// bsam gtan gyi nyer
bsdogs gnyis pa/ theg chen mthong lam bar chad med lam lta bu
gsum pa yin no/ /dge slong gi rgyud kyi srog gcod 'dod kyi las
de sdom min gyi las dang/ bar ma'i las

la yang dge ba'i bar ma dang/ mi dge ba'i bar ma gnyis/ gshan
pa'i rgyud kyi srog gcod spong 'dod kyi sems pa dang po dang/
dge slong gi rgyud kyi srog gcod 'dod kyi sems pa de gnyis pa
yin/ so skye'i rgyud kyi nyon mongs kyis kun nas bslangs pa'i
sems byung sems pa yin na zag bcas kyi las yin

pas khyab zer na/ nyon thos sbyor lam pa'i rgyud kyi ma rig pas
kun nas bslangs te sgom pa'i gang zag gi bdag med rtogs pa'i
shes rab chos can/ der thal/ de'i phyir/ der thal/ chos can de
yin pa'i phyir/ 'dod na/ de las kyi kun 'byung du thal/ 'dod
pa'i phyir/ 'dod na/ des 'khor ba'i rgyu byed par

@75b thal/ 'dod pa'i phyir/ 'dod mi nus te/ de 'khor ba'i rtsa
bar gyur pa'i gang zag gi bdag 'dzin dang 'dzin stangs dngos su
'gal ba'i lam yin pa'i phyir/ gzhan yang/ des 'khor ba'i rgyu ma
byed par thal/ so skye'i rgyud kyi nges 'byung gi bsam pa dang
byang chub kyi sems dang lta ba rnam par dag pa gsum ma

gtogs so skye'i dge ba phal che bas 'khor ba'i rgyu byed par
gsungs pa'i rnam bcad la brten nas bdag med rtogs pa'i shes rab
kyis 'khor ba'i rgyu mi byed par grub pa'i phyir/ bdag med rtogs
pa'i shes rab kyis kun 'byung gnyis ji ltar spong ba'i tshul yod
de/ zag bcas kyi dge ba'i las kyis 'khor bar

skye ba'i nus pa bcom pa'i sgo nas spong/ sdug bsngal rnams
dngos su spong bar byed pa'i phyir/ sangs 'phags kyis ni zag med
kyi las kyang spangs te/ rgyud bla ma las/ zag med mngon par 'du
byed kyis/ /g.yung drung phyir na rga ba med/ /ces gsungs pa'i
phyir/ bzhi pa la/ kun 'byung bden pa'i rnam pa bzhi yod

de; rgyu kun 'byung rab skye rkyen gyi rnam pa bzhi yod pa'i
phyir/ bzhi po de mdo las bstan pa'i rgyu mtshan yod de/ gcer bu
pa la sogs pa'i phyi rol pa kha cig gis sdug bsngal rgyu med du
'dzin pa dang/ sdug bsngal rgyu gcig kho nas bskyed pa dang/
dbang phyug rtag pa sogs kyis blo'i g.yo ba sngon du btang nas
byas

par 'dzin pa dang/ rang bzhin rtag la gnas skabs 'gyur bar 'dzin
pa'i log zhugs bzhi yod pas de'i gnyen por rgyu kun 'byung sogs
bzhi bstan pa'i phyir/ de bzhi gtan la phab pa la dgos pa yod
de/ mu stegs byed rnams kyis log par zhugs pa ltar du bzung na
kun 'byung la spong 'dod kyi blo mi skye bas

rnam pa de bzhi gtan la phab pa la brten nas de la spong 'dod
kyi blo skye ba'i phyir/ so skye'i rgyud kyi zag bcas kyi las
dang sred pa chos can/ rgyu'i rnam pa yin te/ rang 'bras sdug
bsngal gyi rtsa ba can yin pa'i phyir/ dper na nad bzhin/ kun
'byung ba'i rnam pa yin te/ sdug bsngal yang nas yang du skyed
byed yin pa'i

phyir/ dper na/ 'bras kyi smin pa bzhin/ rab tu skye ba'i rnam
pa yin te/ sdug bsngal shugs drag bskyed pa'i phyir/ dper na/
mkhal ma'i zug gzer bzhin/ srid sred chos can/ rkyen gyi rnam pa
yin te/ yang srid du 'phen byed kyi lhan cig byed rkyen yin pa'i
phyir/ dper na/ sdig pa mi dge ba bzhin/ gsum
@76a @#/ /pa 'gog bden bshad pa la/ ngo bo// dbye ba/ phye ba so
so'i don/ rnam pa gtan la phab pa dang bzhi/ dang po la/ rang
nyid 'thob byed kyi thabs su gyur pa'i lam bden gyi stobs kyis
thob pa'i bral 'bras su gyur pa'i rnam byang bden pa/ 'gog bden
gyi mtshan nyid/ gnyis pa

sgras brjod rigs kyi sgo nas dbye na so sor brtags 'gog dang/ so
sor brtags min gyi 'gog pa gnyis/ dang po dang 'gog bden don
gcig  sbyor lam rtse mo ba'i rgyud kyi khong khros dge rtsa
gcod pa spangs pa'i spangs pa lta bu gnyis pa yin te/ mdzod las/
so sor brtags pa'i 'gog pa gang/ /bral ba'o/ /

zhes dang/ skye la gtan du gegs byed pa/ /'gog gzhan so sor
brtags min pas/ /zhes gsungs pa'i phyir/ yang 'gog bden la/ dbye
na/ yongs su rdzogs pa'i 'gog bden dang/ yongs su ma rdzogs pa'i
'gog bden dang/ rgyan med kyi 'gog bden dang/ rgyan bcas kyi
'gog bden dang/ lhag

bcas kyi 'gog bden dang/ lhag med kyi 'gog bden rnams yod de/
dgra bcom pa'i rgyud kyi 'gog bden dang po/ /dgra bcom ma thob
pa'i gang zag gi rgyud kyi 'gog bden gnyis pa/ bar pa gnyis
mngon shes thob ma thob kyi sgo nas 'jog  snga ma'i las nyon
gyi 'bras bur gyur pa'i sdug bsngal gyi

phung po'i lhag ma dang bcas pa'i gang zag gi rgyud kyi 'gog
bden dang/ de dang ma bcas pa'i gang zag gi rgyud kyi 'gog bden
gnyis rim pa bzhin du tha ma gnyis su 'jog pa'i phyir/ gsum pa
la/ theg chen mthong lam rnam grol lam pa ba'i rgyud kyi dgag
gzhi de bzhin nyid kyi steng du dgag bya

bden 'dzin kun btags bkag pa'i cha dang de'i steng gi dgag gzhi
de bzhin nyid gnyis ka 'gog bden yin te/ dper na/ bum pa tshad
mas ma dmigs pa'i sa phyogs dang de'i steng du bum pa bkag tsam
gnyis ka bum med yin pa bzhin yin pa'i phyir/ kun btus las/
mtshan nyid kyi ji lta bu

zhe na de bzhin nyid dang nyon mongs pa mi 'byung ba ste gang du
'gog pa dang gang gis 'gog pa dang gang 'gag pa'o/ /zhes gsungs
pa dang/ yang de nyid las/ rnam grangs 'dis ni de bzhin nyid la
dmigs pa gang du zag pa dang bcas pa'i dngos po 'gog pa de/ 'gog
pa'i mtshan nyid do/ /zhes dang/

@76b legs bshad gser 'phreng las/ dper na bum pa dben pa'i sa
phyogs dang de'i steng gi bum pa bkag cha gnyis bum med yin pa
ltar 'phags rgyud kyi de bzhin nyid dang de'i steng du lam gyi
spang bya bkag cha gnyis ka'ang 'gog bden yin te/ de ni 'das lam
gyis spang bya spangs pas 'dus ma byas yin pas

so; ;zhes gsungs pa'i phyir/ gzhan yang 'gog bden dang stong
nyid kyi gzhi mthun yod par thal/ 'gog bden gyi rnam pa la stong
nyid bcu drug 'byed pa'i phyir/ rnam bshad las/ 'gog bden gyi
rnam pa bzhi gzhir bzung nas stong pa nyid kyi rnam pa bcu drug
tu 'byed pa dang/ stong nyid bcu drug blo bur gyi

dri ma dang bral ba 'gog pa'i rnam pa sogs su bsgrub pa gang
byas kyang don 'dra bar mngon no/ /zhes dang/ 'grel chung gi
rgyu la mi bltos pa'i de bzhin nyid ces pa'i thad du rnam bshad
las rgyu la mi bltos pa'i de bzhin nyid spang bya'i sa bon dang
bral ba chos can/ 'bras bu'i cha yin te/ lam bden gyi bral

'bras yin pa'i phyir/ zhes gsungs pa'i phyir dang/ bden bzhi
'gog bden la 'doms pa'i skabs su/ stong pa nyid blo bur gyi dri
ma dang bral ba de/ zhes gsungs pa'i phyir/ gzhan yang/ 'gog
bden dang don dam bden pa'i gzhi mthun yod par thal/ dgongs pa
rab gsal las/ 'gog bden

kun rdzob bden par smra ba ni mtha' ma chod pa'o/ /zhes gsungs
pa yang 'phags yul gyi shing rta chen po rang rgyud pa rnams
'gog bden la kun rdzob bden pas khyab par 'dod pa 'gog pa yang
ma yin/ bod du thal 'gyur pa'i lugs la de ltar 'dod pa 'gog pa
yang ma yin par/ bod du rang rgyud pa'i lugs la

'gog bden la kun rdzob bden pas khyab par 'dod pa 'gog pa'i
dbang du byas nas gsungs pa'i phyir/ gzhan yang/ de 'dra ba'i
gzhi mthun yod par thal/ 'gog bden dang bdag med phra mo gnyis
kyi gzhi mthun yod par gong du bsgrubs zin pa'i phyir dang/ nyan
thos mthong lam rnam grol lam pa ba'i rgyud kyi

dgag gzhi gang zag gi bdag med phra mo'i steng du dgag bya gang
zag gi bdag 'dzin kun btags bkag pa'i bkag bya dang dgag gzhi
gang zag gi bdag med phra mo gnyis ka 'gog bden yin pa de bzhin
du chos kyi bdag med phra rags sogs la sbyar bar bya ba yin pa'i
phyir dang/ mdo las/ shA ri'i bu stong

@77a @#/ /pa nyid mi skye mi 'gag cing/ zhes dang/ 'grel par/
'gog pa la stong pa nyid skye ba dang/ zhes sogs dang/ de kho na
nyid mngon du mi byed pa'i rten can zhes pa'i thad du slob dpon
chos bshes kyis gang zag la bdag med pa'i mtha' zhi ba nyid ces
bshad pa gang zhig  de ltar

bshad pa la rnam bshad kyi des slob dpon gyi dgongs pa stor bar
gsungs pa'i phyir/ kho na re/ theg chen mthong lam rnam grol lam
gyi gzhal byar gyur pa'i 'gog bden yod par thal/ 'dod pa'i
phyir/ 'dod na/ de'i gzhal byar gyur pa'i chos sku'i ming can
gyi 'gog bden yod par thal/ 'dod

pa'i phyir/ 'dod na/ mi 'thad de/ rnam bshad las/ skabs 'dir
snga ma kha cig gis sa bcu'i mnyam gzhag la chos nyid mthong ba
la khyad par med kyang/ chos sku mthong ba la khyad par yod do
zhes zer ba ni/ 'gog bden don dam par 'dod na de ltar rigs mod
kyang/ kun rdzob bden pa yin na chos nyid mngon

sum du rtogs pa'i slob pa'i ye shes de nyid kyis kun rdzob bden
pa dngos su 'jal ba ni rigs pa'i lam las 'das pa yin te/ slob
lam na mnyam rjes ngo bo gcig tu 'gyur ba yod par thal ba dang
bden gnyis ngo bo tha dad du 'dzin pa'i dri ma zad par spangs
par thal ba dang/ rdzogs smin sbyangs gsum ma byas

par byang chub sems dpas yang dag pa'i mtha' mngon du byas pa la
nyes pa cung zad kyang med par 'gyur ro/ /zhes gsungs pa'i
phyir/ zer na/ skyon med de/ de ni snga rabs pa kha cig gis/ sa
bcu'i mnyam gzhag ye shes rnams la/ chos nyid mthong ba la mi
'dra ba'i khyad par med kyang/ chos sku'i ming

can gyi 'gog bden mthong ba mi 'dra ba'i khyad par yod pa khas
blangs pa dang 'gog bden la kun rdzob bden pas khyab par 'dod pa
la rigs pa gsum gyis gnod byed brjod pa'i phyir/ ji ltar gnod
na/ des gnod de/ chos nyid mngon sum du rtogs pa'i slob pa'i ye
shes kyi gzhal byar gyur pa'i 'gog

bden med pa'i phyir/ der thal/ 'gog bden la kun rdzob bden pas
khyab pa'i phyir/ rtags khes/ de ltar na/ rang lugs la rnam
bshad kyi lung des mi gnod de/ theg chen mthong lam rnam grol
lam gyis rtogs pa'i chos sku'i tha snyad byas pa'i 'gog bden de
kun rdzob bden pa yin par yang khas ma

@77b blangs/ chos sku'i ming can gyi 'gog bden rtogs par khas ma
blangs pa'i phyir/ kha cig na re/ 'gog bden gyi rnam pa la 'gog
bden gyis ma khyab par thal/ sdug bden la de'i phyir/ zer na/ ma
khyab/ ma grub na/ der thal/ sdug bden gyi steng gi stong bdag
med gnyis po de'i rnam pa yin kyang sdug bden ma

yin pa'i phyir/ sdug bden gyi steng gi stong bdag med gnyis sdug
bden gyi rnam pa yin par thal/ de'i steng gi stong bdag med
gnyis rtogs pa'i theg chen gyi sbyor lam de sdug bden gyi rnam
pa la dmigs pa'i theg chen sbyor lam gyi shes rnam dang/ de'i
steng gi stong bdag med gnyis po de sdug bden gyi rnam pa la

dmigs pa'i theg chen sbyor lam de'i don rnam yin pa'i phyir
dang/ dri med bcu drug gzhan na med/ ces bden bzhi'i rnam pa la
mi rtag sogs bcu drug las gzhan med par rtsod pa'i lan du/ de
las gzhan pa'i bdag med la dmigs pa'i dmigs tshul gsungs pa'i
phyir/ 'gog bden gyi steng gi nges 'byung gi

rnam pa de'i steng gi nges 'byung gi rnam pa yin kyang/ nges
'byung ma yin zer na mi 'thad de/ nges 'byung yin na nges 'byung
gi blo yin pas ma khyab pa'i phyir te/ lhag med myang 'das de
nges par 'byung ba dang/ so thar gyi tshul khrims de nges par
'byung byed yin pa'i phyir/ der thal/ nges par 'byung ba tshul
khrims

kyi dbang du byas te/ zhes gsung pa'i phyir/ bzhi pa rnam pa
gtan la 'bebs tshul bshad pa la/ 'gog bden gyi rnam pa de la bzhi
yod de/ 'gog pa zhi ba/ gya nom pa/ nges 'byung gi rnam pa bzhi
yod pa'i phyir/ de bzhi gtan la 'bebs pa'i rgyu mtshan yod de/
phyi rol pa 'ga' zhig  /thar pa ye med du

'dzin pa dang/ zag bcas kyi khyad par 'ga' zhig thar par 'dzin
pa dang/ gya nom pa'i sdug bsngal gyi khyad par 'ga' zhig gya
nom pa'i thar par 'dzin pa dang/ sdug bsngal lan cig spangs
kyang slar yang ldog par 'dzin pa dang bzhi yod pas/ de'i gnyen
por 'gog pa sogs su gtan la phab pa'i

phyir/ de ltar gtan la phab pa la dgos pa yod de/ phyi rol pa
rnams kyis log par zhugs pa ltar du bzung na thar pa la 'thob
'dod kyi blo mi skye ba'i 'gog pa sogs su gtan la phab pas thar
pa la 'thob 'dod kyi blo skye ba yin pa'i phyir/ des na nyan
thos mthong lam rnam grol lam pa'i rgyud kyi 'gog bden chos

@78a @#/ /can; 'gog pa'i rnam pa yin te/ nyon mongs kun btags
spangs pa'i bral ba yin pa'i phyir/ zhi ba'i rnam pa yin te/
nyon mongs kun btags kyi dbang gis byung ba'i sdug bsngal spangs
pa'i bral ba yin pa'i phyir/ gya nom pa'i rnam pa yin te/ phan
bde'i ngo bor gyur

pa'i bral ba yin pa'i phyir/ nges par 'byung ba'i rnam pa yin
te/ nyon mongs kun btags kyi sa bon drung phyung ba'i bral ba
yin pa'i phyir/ bzhi pa lam bden bshad pa la/ ngo bo// dbye ba/
rnam pa gtan la phab pa dang gsum/ dang po la/ rang gi thob byar
gyur pa'i 'gog bden gyi bral rgyu'i rigs su gnas

pa; lam bden gyi mtshan nyid/ gnyis pa dbye ba la lnga yod de/
'khor dang bcas na tshogs sbyor gnyis mthong sgom gnyis/ mthar
phyin pa'i lam dang rnam pa lnga yod pa'i phyir te/ kun las btus
las/ lam gyi bden pa gang zhe na/ lam gang gis sdug bsngal yongs
su shes pa dang/ kun 'byung ba spang

ba dang/ 'gog pa mngon du byed pa dang/ lam sgom pa ste 'di ni
lam gyi mtshan nyid mdor bsdus pa'o/ /yang lam rnam pa lnga ste/
tshogs kyi lam dang/ sbyor ba'i lam dang/ mthong ba'i lam dang/
sgom pa'i lam dang/ mthar phyin pa'i lam mo/ /zhes gsungs pa'i
phyir/ gtso 'khor gyi khyad par 'thad de

de'i 'grel pa las/ rab tu dbye ba 'di yang lam gyi bden pa 'khor
dang bcas pa'i skabs kyi yin par rig par bya'o/ /zhes gsungs
pa'i phyir/ gsum pa la/ lam bden gyi rnam pa bzhi yod de/ lam/
sgrub pa/ rig pa/ nges 'byin gyi rnam pa bzhi yod pa'i phyir/ de
bzhi gtan la 'bebs pa'i rgyu mtshan

yod de/ phyi rol pa kha gcig gis/ thar lam ye med du 'dzin pa
dang/ bdag med rtogs pa'i lam nyon mongs kyi gnyen por mi rigs
par 'dzin pa dang/ zag bcas kyi bsam gtan 'ga' zhig thar lam du
'dzin pa dang/ sdug bsngal gtan zad byed pa'i thar lam med par
'dzin pa'i log zhugs bzhi yod

pas de'i gnyen por lam rig pa sogs bzhi bstan pa'i phyir/ de
ltar gtan la phab pa la dgos pa yod de/ phyi rol pa rnams kyis
ji ltar bzung ba ltar du bzung na thar lam la bsgom 'dod kyi blo
mi skye bas lam rig pa sogs su gtan la phab pa la brten nas bdag
med rtogs pa'i lam bsten byar khong du chud

@78b pa de 'byung ba'i phyir/ de ltar byas na nyan thos kyi
mthong lam bar chad med lam chos can/ lam gyi rnam pa yin te/
'khor ba las thar ba'i thar pa'i go skabs 'byed byed kyi 'phags
rgyud kyi mkhyen pa yin pa'i phyir/ rig pa'i rnam pa yin te/
nyon mongs kyi gnyen po rigs pa'i 'phags rgyud kyi mkhyen pa yin
pa'i

phyir; sgrub pa'i rnam pa yin te/ sems kyi gnas tshul ji lta ba
bzhin du sgrub pa'i 'phags lam yin pa'i phyir/ nges 'byin gyi
rnam pa yin te/ sdug bsngal gtan zad par byed pa'i 'phags lam
yin pa'i phyir/ drug pa rnam pa sgom tshul la/ bden bzhi'i rnam
pa sgom pa'i tshul yod de/ nyer len gyi phung po

'di rang grub dus kyi skad cig gnyis par mi sdod pa'i mi rtag
pa dang/ 'khor ba spyi dang bye brag gi nyes dmigs bsams pa'i
sgo nas sdug bsngal ba dang/ don gzhan gyi bdag gis stong pa
dang/ rang rkya thub pa'i bdag tu ma grub pa'i bdag med pa'i
rnam par bsams pa'i sgo nas sdug bden shes byar khong du chud
par

byed/ de nas sdug bsngal de'i rgyu yod med brtags pa na las nyon
gnyis de'i rgyur shes te/ de gnyis rgyu kun 'byung rab skye
rkyen gyi rnam par shes pa'i sgo nas kun 'byung 'khor ba'i 'jug
rim shes par byed/ de nas sdug kun de gnyis 'gog pa'i 'gog pa de
nyid/ 'gog pa zhi ba gya nom pa nges 'byung gi rnam pa bzhir

bsams te 'gog pa mngon du byed nus su shes par byed/ de nas 'gog
bden de nyid 'thob byed kyi lam gang yin brtags pa na bdag med
rtogs pa'i ye shes de lam rig pa sgrub pa nges 'byin gyi rnam pa
bzhir bsams pa'i sgo nas bsten byar sgom pa'i phyir/ de yang
sems gzhan du ma g.yengs pa rim pa de ltar du

bsgom par bya dgos te/ spyod 'jug las/ bzlas brjod dang ni dka'
thub sogs/ /yun ring dus su spyad byas kyang/ /sems gzhan
g.yengs pas byas pa ni/ /de nyid rigs pas don med gsungs/ /zhes
dang/ theg pa chen po la dad pa sgom pa'i mdo las/ rigs kyi bu
rnam grangs 'dis kyang 'di ltar byang chub sems

dpa' rnams kyi theg pa chen po la dad pa theg pa chen po las
'byung ba gang ci yang rung/ de thams cad ni rnam par ma
g.yengs pa'i sems kyi don dang chos yang dag par bsams pa las
byung bar rig par bya'o/ /zhes gsungs pa'i phyir/ bdun pa bden
bzhi'i rnam pa de ltar du sgom pa la dgos pa yod de/ de ltar
'khor

@79a @#/ /ba'i nyes dmigs sgo du ma nas yun ring du bsams pa las
'khor ba mtha' dag me 'bar ba'i rlubs ltar mthong ste sdug kun
nye bar zhi ba'i thar pa 'thob 'dod kyi blo shugs drag skyes te/
des kun nas bslangs te bslab gsum nyams su blangs pa las 'khor
ba las grol ba'i

grol ba myang 'das 'thob pa'i ched du yin pa'i phyir/ de yang
yin te/ theg dman gyi rigs can rnams kyis kyang 'khor ba las
grol ba'i grol ba myang 'das la thob 'dod kyi blo bskyed pa la
'khor ba'i nyes dmigs mthong dgos pa gang zhig  theg chen gyi
rigs can rnams kyis sems can thams cad sdug bsngal

las skyob par 'dod pa'i snying rje chen po bskyed pa la yang de
lta bu'i bsam pa bskyed dgos pa'i phyir/ der thal/ bzhi brgya pa
las/ gang la 'dir skyo yod min pa/ /de la zhi gus ga la yod/
/rang khyim la gzhan srid pa ni/ /zhes gsungs pa'i phyir/ !
sangs rgyas la sogs dkon mchog gsum/ /zhes pa'i

skabs su/ bye brag tu smra ba'i lugs bshad/ theg chen pa'i lugs
bshad pa gnyis/ dang po la/ bye brag smra ba ni sangs 'phags kyi
rgyud kyi zad mi skye shes kyi ye shes mthar thug 'khor dang
bcas na zag med kyi phung po lnga po de gzugs sku gnyis sangs
rgyas su byed pa'i byed chos yin pas/ sangs rgyas dkon mchog
dang/

slob pa 'phags pa dang/ mi slob pa'i rgyud kyi zad mi skye shes
kyi ye shes de 'khor dang bcas na zag med kyi phung po lnga po
de/ de dge 'dun du byed pa'i byed chos yin pas/ dge 'dun dkon
mchog dang/ slob mi slob kyi 'phags pa de dag gi rgyud kyi 'gog
bden chos dkon mchog yin te/ gang zhig gsum

la skyabs 'gro ste/ /sangs rgyas dge 'dun byed pa'i chos/ /mi
slob pa dang gnyis ka dang/ /mya ngan 'das la skyabs su 'gro/
zhes gsungs pa'i phyir/ gzugs sku gnyis sangs rgyas dkon mchog
ma yin kyang sangs rgyas ni yin te/ de'i rgyud kyi zad mi skye
shes kyi ye shes mthar thug de gnyis sangs rgyas su byed

pa'i byed chos yin pa'i phyir/ longs sku'i tha snyad mi byed
kyang gzugs sku'i tha snyad byed de/ lung las/ chos kyi sku ni
yang nas yang du mthong mod gzugs kyi sku blta ba'i phyir 'dod
par bya'o/ /zhes gsungs pa'i phyir/ ston pa {shAkya} thub pa'i
lus ni sdug bden yin te/ de dang rgyal po don grub gnyis lus
rten

@79b gcig pa gang zhig  /rgyal po don 'grub de so skye yin pa'i
phyir/ dang po der thal/ de lus rten de ma dor bar sangs rgyas
pa'i phyir/ phyi ma der thal/ rgya cher rol pa las/ so so skye
bo yin kyang nga mi 'chi/ /zhes gsungs pa'i phyir/ ston pa
{shAkya} thub pa'i lus sangs rgyas ma yin kyang de la gnod pa
byas pas ston

pa {shAkya} thub pa la gnod pa mi 'gal te/ dper na/ rten mig la
gnod pas brten pa mig shes la gnod pa bzhin yin no/ /gnyis pa
theg chen pa'i lugs bshad pa la/ skyabs gsum spyi'i rnam gzhag
bshad/ theg chen thun mong ma yin pa'i skyabs gsum ngos bzung/
kun rdzob dang don dam pa'i skyabs

kyi khyad par bshad/ skyabs 'gro'i rnam gzhag bye brag tu bshad
pa dang bzhi las/ dang po la/ rgyu'i skyabs 'gro'i dbang du byas
na rigs can gsum gyis dkon mchog gsum ga la skyabs su 'gro yang
'bras bu'i skyabs 'gro'i dbang du byas na theg chen gyi rigs can
lam du zhugs pa rnams kyis sangs rgyas

dkon mchog thob bya'i gtso bor byas nas don du gnyer/ theg chen
gyi rigs can lam du ma zhugs pa rnams kyis de la mchod pa sogs
bya ba byed pa'i mos pas dbang du byas nas sangs rgyas dkon
mchog skyabs su bzhag  rang rgyal gyi rigs can lam du zhugs pa
rnams kyis chos dkon mchog thob bya'i

gtso bor byas nas don du gnyer/ lam du ma zhugs pa rnams kyis de
la mchod pa sogs bya ba byed pa'i dbang du byas nas chos dkon
mchog de'i skyabs su bzhag  nyan thos kyi rigs can lam du zhugs
pa rnams kyis dge 'dun dkon mchog thob bya'i gtso bor byas nas
don du gnyer/ lam du ma zhugs pa rnams

kyis de la mchod pa sogs bya ba byed pa'i dbang du byas nas
skyabs su bzhag pa yin te/ theg chen gyi rigs can rnams kyis
sems can thams cad rdzogs byang la 'god pa'i phyir du rang nyid
kyis rdzogs byang thob bya'i gtso bor byas nas don du gnyer/
rang rgyal gyi rigs can rnams kyis khyab pa 'du byed kyi sdug

bsngal nye bar zhi ba'i nyer zhi gtso bor don du gnyer bas nang
du yang dag 'jog la mos pa dang/ nyan thos kyi rigs can rnams
kyis ni de bzhin gshegs pa la theg pa chen po'i lam 'bras bu
dang bcas pa thos nas de don du gnyer ba'i gang zag gzhan la
sgrog par byed pa'i dgra bcom pa'i 'bras bu thob bya'i gtso

@80a @#/ /bor byas nas don du gnyer ba'i phyir/ der thal/ rgyud
bla ma las/ ston pa bstan pa slob don gyi/ /theg pa gsum dang
byed gsum la/ /mos pa rnams kyi dbang byas nas/ /skyabs gsum
rnam par gzhag pa yin/ /zhes gsungs pa'i phyir/ rgyu'i skyabs
'gro'i dbang du byas na

rigs can gsum gas dkon mchog gsum ga la skyabs su 'gro ba yin
te/ sangs rgyas dkon mchog skyabs ston pa po dang/ chos dkon
mchog skyabs dngos dang/ dge 'dun dkon mchog skyabs sgrub pa'i
zla grogs su byed pa sha stag yin pa'i phyir/ gnyis pa la/ 'dus
ma byas sogs yon tan brgyad po gang

rung dang ldan pa'i don gnyis mthar phyin gyi skyabs gnas mthar
thug  /sangs rgyas dkon mchog gi mtshan nyid/ sangs rgyas dkon
mchog de yang yon tan brgyad dang ldan te/ skye 'jig gnas gsum
gyis 'dus ma byas kyi yon tan dang/ 'bad rtsol dang rnam rtog
thams cad spangs pa'i lhun gyis grub pa'i yon tan

dang; sgra rtog sogs gzhan gyi rkyen gyis rtogs mi nus pa'i yon
tan dang/ mkhyen pa'i yon tan dang/ brtse ba'i yon tan dang/
spang bya spangs pa'i nus pa'i yon tan dang/ dang po gsum gyis
bsdus pa'i rang don gyi yon tan/ phyi ma gsum gyis bsdus pa'i
gzhan don gyi yon tan dang ldan pa'i phyir/ rgyud

bla ma las/ 'dus ma byas shing lhun gyis grub/ /gzhan gyi rkyen
gyis rtogs min pa/ /mkhyen dang brtse dang nus par ldan/ /don
gnyis ldan pa'i sangs rgyas nyid/ /ces gsungs pa'i phyir/ sangs
rgyas dkon mchog yin na 'dus ma byas sogs yon tan brgyad ldan
yin pas ma khyab ste/ ngo bo nyid kyi sku mkhyen

brtse'i yon tan dang mi ldan/ rnam mkhyen skye 'jig gnas gsum
gyis 'dus ma byas pa'i yon tan dang yang mi ldan pa'i phyir/
'gog lam gang rung gis bsdus pa'i theg chen gyi rnam byang bden
pa/ theg chen gyi chos dkon mchog gi mtshan nyid/ de yang yon tan
brgyad dang ldan te/ rtog ge'i blos mu bzhir

bsam du med pa'i yon tan dang/ las nyon gnyis ci rigs spangs
pa'i yon tan dang/ tshul min yid byed kyi rnam rtog ci rigs med
pa'i yon tan dang/ nyon mongs ci rigs kyis dag pa'i yon tan
dang/ de kho na nyid gsal ba'i yon tan dang/ mi mthun phyogs kyi
gnyen po byed pa'i yon tan dang/ dang po

@80b gsum gyis bsdus pa'i gang zhig chags pa dang bral ba 'gog
bden gyi yon tan dang/ phyi ma gsum gyis bsdus pa gang gis chags
pa dang bral ba lam bden gyi yon tan dang ldan pa'i phyir/ der
thal/ rgyud bla ma las/ bsam med gnyis med rtog med pa/ /dag
gsal gnyen po'i phyogs nyid kyis/ /gang

zhig gang gis chags bral ba/ /bden gnyis mtshan nyid can de chos/
/zhes gsungs pa'i phyir/ rigs grol gyi yon tan brgyad po gang
rung dang ldan pa'i theg chen 'phags pa/ theg chen gyi dge 'dun
dkon mchog gi mtshan nyid/ de yang yon tan brgyad dang ldan te/
ji lta ba mkhyen pa'i yon tan/ ji snyed

pa mkhyen pa'i yon tan/ nang ye shes gzigs pa dag pa'i yon tan/
chags sgrib ci rigs spangs pa/ thogs sgrib ci rigs spangs pa/
dman sgrib ci rigs spangs pa'i yon tan dang/ dang po gsum gyis
bsdus pa'i rigs pa'i yon tan/ phyi ma gsum gyis bsdus pa'i grol
ba'i yon tan dang ldan pa'i phyir/

rgyud bla ma las/ ji lta ji snyed nang gi ni/ /ye shes gzigs pa
dag pa'i phyir/ /blo ldan phyir mi ldog pa'i tshogs/ /bla med yon
tan dang ldan nyid/ /ces gsungs pa'i phyir/ gsum pa la/ lam gyi
bgrod pa mthar phyin pa'i skyabs gnas mthar thug  /don dam pa'i
skyabs kyi mtshan nyid/ bgrod pa mthar ma phyin

pa'i skyabs/ kun rdzob pa'i skyabs kyi mtshan nyid/ de ltar byas
na sangs rgyas dkon mchog  /don dam pa'i skyabs yin te/ de kho
na chos sku mthar thug pa can yin pa'i phyir/ des na lung rnams
don dam pa'i skyabs ma yin te/ bgrod pa mthar ma phyin bar du
rgyud la bsten par bya ba yin gyi mthar thug thob pa na de la

bltos mi dgos pa'i rdzings ltar spang bar bya ba'i rigs su gnas
pa yin pa'i phyir/ stong nyid mngon sum du rtogs pa'i theg chen
slob pa 'phags pa'i mkhyen pa rnams don dam pa'i skyabs ma yin
te/ gzigs ngor dri ma mtha' dag dang bral ba ltar snang yang
dri ma mtha' dag ma spangs pas der snang dang de stong tshogs

pa'i brdzun pa bslu ba'i chos can yin pa'i phyir/ nyan rang gi
lhag med myang 'das rnasm don dam pa'i skyabs ma yin te/ sdug
kun med pa tsam gyis rab tu phye ba yin pa'i phyir/ nyan rang
dgra bcom pa rnams don dam pa'i skyabs ma yin te/ nyon sgrib
spangs kyang 'du byed kyi mtshan ma la gshed mas ral gri gdengs@81a @#/ /pa ltar
shes sgrib kyi 'jigs pa dang bcas pa'i phyir/
de nyid las/ spangs phyir bslu ba'i chos can phyir/ /med phyir
'jigs dang bcas pa'i phyir/ /chos rnams gnyis dang 'phags pa'i
tshogs/ /gtan gyi skyabs mchog ma yin no/ /zhes gsungs pa'i
phyir/ lung gi chos

yin na don dam pa'i skyabs ma yin pas ma khyab ste/ sangs 'phags
kyi thugs rgyud kyi lung gi chos rnams don dam pa'i skyabs yin
pa'i phyir/ der thal/ de sangs rgyas yin pa'i phyir/ kha cig
nyan rang gi lhag med myang 'das chos can/ don dam pa'i skyabs
ma yin te/ bem rig rgyun chad pa'i myang 'das

yin pa'i phyir/ zhes pa'i thal 'gyur gyi rtags bsal nyan thos
sde pa la song ba dang/ kha cig  mthar thug gi tshe na med pas
don dam pa'i skyabs ma yin pa dang/ kha cig  med dgag gtan tshigs
su byas nas don dam pa'i skyabs ma yin no zer na/ dang po mi
'thad de/ rang lugs la yang nges par khas len

dgos pa'i nyan rang gi lhag med myang 'das don dam pa'i skyabs
ma yin par bsgrub pa'i sgrub byed 'god pa skabs su babs kyi/
nyan thos sde pa dang brgal lan byed pa'i skabs ma yin pa'i
phyir/ de ltar yin kyang/ 'grel pa las/ lam des rtogs pa'i 'gog
pa gang yin pa de yang nyan thos kyi tshul gyi mar

me rgyun chad pa bzhin du zhes gsungs pa dang mi 'gal te/ de ni
rang lugs la nges par khas len dgos pa'i nyan rang gi theg pa'i
stobs kyis thob pa'i lhag med myang 'das dang/ mar me shi ba'i
dpe yang khyab pa 'du byed kyi sdug bsngal nye bar zhi ba'i nyer
zhi'i dbyings la rang gi bsam ngo la bltos te slar

mi ldang ba'i tshul gyi mnyam par gzhag pa na gzhan don rgya chen
po la 'jug pa'i snang ba nub pa'i don yin gyi/ nyan thos sde
pa'i 'dod pas btags pa'i bem rig rgyun chad pa'i lhag med myang
'das la byed pa'i don ma yin pa'i phyir/ phyi ma la rang bzhin
rnam dag gi char gyur pa'i ngo bo nyid sku chos can/ der

thal/ de'i phyir/ der thal/ stong nyid yin pa'i phyir/ 'dod mi
nus te/ sangs rgyas yin pa'i phyir/ dkon mchog gsum gyi nang nas
sangs rgyas kho na don dam pa'i skyabs yin na/ mthar thug gi
skyabs la dkon mchog gsum ma tshang bar 'gyur ro/ /zhe na/ skyon
med de/ thub pa sangs rgyas

@81b bcom ldan 'das chos kyi sku mthar thug pa can yin pa dang/
de'i rgyud kyi 'gog lam gnyis chos dkon mchog yin pa dang/ slob
pa 'phags pa rnams kyang chos sku de'i mthar thug par 'gro ba
can yin pa'i phyir/ rgyud bla ma las/ dam pa'i don du 'gro ba
yi/ /skyabs ni sangs rgyas nyag gcig yin/ /thub pa

chos kyi sku can phyir/ /tshogs kyang de yi mthar thug phyir/
/zhes gsungs pa'i phyir/ kun rdzob pa'i sku yin na/ kun rdzob
pa'i skyabs yin pas ma khyab ste/ gzugs sku gnyis kun rdzob pa'i
sku yin kyang kun rdzob pa'i skyabs ma yin pa'i phyir/ dang po
der thal/ kun rdzob pa'i sangs rgyas dkon mchog yin pa'i phyir/

de ltar byas na sangs rgyas dkon mchog la kun rdzob pa'i sangs
rgyas dkon mchog dang/ don dam pa'i sangs rgyas dkon mchog dang/
chos dkon mchog la yang kun rdzob pa'i chos dkon mchog dang/ don
dam pa'i chos dkon mchog gnyis yod pa nas/ 'phrin las kyi bar la
sbyar ba bya ba yin te/ gzugs sku gnyis

kun rdzob pa'i sangs rgyas dkon mchog  ye shes chos sku don dam
pa'i sangs rgyas dkon mchog dang/ sangs rgyas kyi bka' kun rdzob
pa'i chos dkon mchog  lam bden don dam pa'i chos dkon mchog
dang/ theg pa gsum gyi 'phags pa rnams kun rdzob pa'i dge 'dun
dkon mchog dang/ de dag gi rgyud kyi lam

bden rnams don dam pa'i dge 'dun dkon mchog dang/ sems can gyi
rgyud kyi zag med kyi rtogs pa skye rung gi nus pa rnams kun
rdzob pa'i khams dang/ de'i rgyud kyi rang bzhin gnas rigs don
dam pa'i khams dang/ gzugs sku gnyis kun rdzob pa'i byang chub
dang/ ye shes chos sku don dam pa'i byang chub dang/ stobs

sogs bral ba'i yon tan sogs don dam pa'i yon tan dang/ mtshan
bzang po sum cu so gnyis sogs kun rdzob pa'i yon tan/ bya sgrub
ye shes don dam pa'i 'phrin las dang/ gsung rab yan lag bcu
gnyis kun rdzob pa'i 'phrin las yin pa'i phyir/ rgyud bla ma
las/ sangs rgyas chos tshogs khams dang byang

chub dang/ /yon tan sangs rgyas 'phrin las tha ma ste/ /bstan
bcos kun gyi lus ni mdor bsdus na/ /rdo rje yi ni gnas bdun 'di
dag go/ zhes gsungs pa'i phyir/ bzhi pa skyabs 'gro'i rnam gzhag
bshad pa la/ rgyu gang la brten nas skyabs su 'gro ba/ yul gang
la skyabs su 'gro ba/ ji tsam gyis

@82a @#/ /skyabs su song ba'i tshad/ skyabs 'gro'i ngo bo/ /dbye
ba bslab bya dang bcas pa/ skyabs su song ba'i phan yon/ dkon
mchog gi sgra don bshad pa dang drug  dang po ni/ 'khor ba spyi
dang bye brag gi sdug bsngal gyis mnar tshul dang/ de las skyob
pa'i nus pa dkon mchog la

yod par yid ches pa'i yid ches kyi dad pa la brten nas skyabs su
'gro ba yin te/ dang po de med na/ skyabs su 'gro 'dod kyi blo
mi 'byung/ phyi ma de med na skyabs yul log par 'gyur ba'i
phyir/ gnyis pa ni/ spyir skyabs 'gro'i yul la lha klu sogs du
ma yod kyang/ thar 'dod kyi skyes bu rnams kyi

skyabs 'gro'i yul la dkon mchog gsum du nges pa yin te/ skyabs
'gro bdun cu pa las/ sangs rgyas chos dang dge 'dun ni/ /thar pa
'dod pa rnams kyi skyabs/ /zhes gsungs pa'i phyir/ de ltar 'thad
de/ spel mar bstod pa las/ gting mtha' med pa'i 'khor ba ni/
/rgya mtsho'i nang na rnam par gnas/ /

'dod chags la sogs mi zad pa'i/ /chu srin gyi ni lus zos pa/ /de
ring gang la skyabs su mchi/ /gang la nyes pa thams cad kun/
/gtan nas yong ye mi mnga' zhing/ /gang zhig la ni yon tan kun/
/rnam pa kun tu gnas gyur pa/ /gal te sems shig yod na ni/ /de
nyid la ni skyabs 'gro zhing/ /de bstod de ni

bkur ba dang/ /de yi bstan la gnas pa rigs/ /zhes gsungs pa'i
phyir/ gsum pa ji tsam gyis skyabs su song ba'i tshad kyang yod
de/ legs nyes gang byung yang snying thag pa nas blo ltos 'cha'
nus pa de yin pa'i phyir/ bzhi pa ni/ yul gzhan la dpung gnyen
du re ltos 'cha' nus pa'i sems pa/ skyabs

'gro'i ngo bo yin/ lnga pa de la dbye na/ skyabs 'gro phal pa
dang/ khyad par can gnyis/ dang po ni/ 'jig rten pa'i lha klu
sogs la skyabs su 'gro ba'i skyabs 'gro lta bu yin/ dkon mchog
gsum po gang rung la rang stobs kyis dpung gnyen du re ltos
'cha' ba'i sems pa/ skyabs 'gro khyad par can

gyi mtshan nyid/ de la dbye na/ skyes bu gsum dang thun mong ba'i
skyabs 'gro gsum yod/ rang nyid ngan song gi sdug bsngal gyis
'jigs nas de las skyob pa'i nus pa dkon mchog la yod par yid
ches nas dkon mchog gsum po gang rung la rang stobs kyis dpung
gnyen du re ltos 'cha' ba'i sems

@82b pa; skyes bu chung ngu dang thun mong ba'i skyabs 'gro
dang/ rang nyid 'khor ba mtha' dag gi sdug bsngal gyis 'jigs nas
de las skyob pa'i nus pa dkon mchog la yod par yid ches nas dkon
mchog gsum po gang rung la rang stobs kyis dpung gnyen du re
ltos 'cha' ba'i sems pa/ skyes bu 'bring dang thun mong ba'i

skyabs 'gro dang/ sems can thams cad 'khor ba'i sdug bsngal gyis
mnar bar mthong nas de las skyob pa'i nus pa dkon mchog la yod
par yid ches nas dkon mchog gsum po gang rung la rang stobs kyis
dpung gnyen du re ltos 'cha' ba'i sems pa/ skyes bu chen po dang
thun mong ba'i skyabs 'gro yin/

des na theg chen gyi skyabs 'gro de theg dman gyi skyabs 'gro
las khyad par du 'phags te/ dmigs pa sems can thams cad la
dmigs/ sems can thams cad rdzogs byang la 'god par khas len pa
dang/ stong nyid rtogs pa'i shes rab dang theg dman gyi skyabs
'gro zil gyis gnon pa'i khyad par dang

ldan te/ mdo sde rgyan las/ kun tu 'gro dang khas len rtogs dang
zil gnon dang/ dbye ba'i rang bzhin don rnams bzhi yi khyad par
gyis/ theg pa mchog phyir dkon mchog skyabs rab song ba gang/
/de nyid skyabs su song ba rnams kyi mchog ces bya/ /zhes gsungs
pa'i phyir/ bslab bya la so so'i bslab bya

dang/ thun mong gi bslab bya gnyis/ dang po ni/ sangs rgyas dkon
mchog la skyabs su song nas dbang phyug sogs lha gzhan la skyabs
su mi 'gro ba dang/ chos dkon mchog la skyabs su song nas sems
can la gnod 'tshe spong ba dang/ dge 'dun la skyabs su song nas
grogs mu stegs sogs dang mi 'grogs

par bya ba yin te/ mya ngan las 'das pa las/ gang zhig gsum la
skyabs 'gro ba/ /de ni yang dag dge bsnyen te/ /nam du'ang lha
ni gzhan dag la/ /skyabs su song ba ma yin no/ /dam pa'i chos la
skyabs 'gro ba/ /'tshe zhing gnod pa'i sems dang bral/ /dge 'dun
la yang skyabs 'gro ba/ /mu stegs can dang

'grogs pa min/ /zhes gsungs pa'i phyir/ gzhan yang dkon mchog la
skyabs su song nas/ sangs rgyas kyi sku gzugs ri mor bris pa
sogs la legs nyes kyis dpyad mi brtags shing/ 'o rgyal sar mi
bzhag par shin tu gus par bya dgos te/ bshes spring las/ ji ltar
bde gshegs sku gzugs shing

@83a @#/ /las kyang/ bgyis pa ci 'drar rung yang mkhas pas mchod/
/ces gsungs pa'i phyir/ thun mong gi bslab bya yod de/ dkon
mchog gsum la yang nas yang du skyabs su 'gro ba dang/ dus rtag
tu mchod pa la sogs pa'i sgo nas shin tu gus par bya ba yin pa'i
phyir/ ting nge 'dzin gyi

rgyal po las/ ci 'dra ba yi las byas pa/ /'bras bu de 'dra nyid
du 'gyur/ /zhes dang/ sangs rgyas bsod nams kyis ni zas rnyed
kyang/ /de la byis pas byas pa gzo mi 'gyur/ /zhes gsungs pa'i
phyir/ drug pa skyabs su song ba'i phan yon yod de/ nang pa
sangs rgyas par tshud pa dang/ sdom pa thams cad kyi

rten byed pa dang/ ngan 'gro'i skye sgo gcod pa dang/ bsrung
ba'i mchog tu gyur pa dang/ gnas skabs lha mi'i phyag byed pa'i
'os su 'gyur ba dang/ bsod nams sngar med gsar du bsag pa dang/
bsags pa gong 'phel du 'gyur ba dang/ mthar thug dkon mchog gi
go 'phang thob pa'i phan yon yod pa'i phyir

dang; sdom pa thams cad kyi rten byed pa yin te/ mdzod 'grel
las/ skyabs su 'gro ba rnams ni sdom pa yang dag par blangs pa
thams cad kyi sgor gyur pa yin no/ /zhes dang/ skyabs 'gro bdun
cu pa las/ gang zhig gsum la skyabs 'gro ba/ /de ni sdom brgyad
rtsa ba yin/ /zhes gsungs pa'i phyir/

gsum pa ngan 'gro'i skye sgo gcod pa yin te/ gang dag sangs
rgyas skyabs song ba/ /de ni ngan 'gror 'gro mi 'gyur/ /mi yi
lus ni spangs nas su/ /de dag lha yi lus 'thob pa/ /zhes gsungs
pa'i phyir/ mthar thug dkon mchog gi go 'phang thob ste/ seng
ges zhus pa las/ dad pas mi khom spong

bar 'gyur/ /zhes gsungs pa'i phyir/ bdun pa la/ dkon mchog gsum
po de yid bzhin gyi nor bu rin po che dang chos mtshungs pa yin
te/ yid bzhin gyi nor bu rin po che 'jig rten du 'byung ba dkon
pa dang/ g.ya' la sogs pa'i dri mas dag pa dang/ 'jig rten gyi
dbul ba sel ba'i mthu dang ldan pa

dang; 'jig rten gyi rgyan yin pa dang/ 'jig rten gyi nor mchog
yin pa dang/ stod smad sogs kyis gzhan dbang du mi 'gyur ba de
bzhin du/ dkon mchog gsum po de yang 'jig rten du 'byung ba dkon
pa dang/ mi mthun phyogs ci rigs kyis dag pa dang mi mthun
phyogs sel ba'i mthu dang ldan pa

@83b dang; 'jig rten gyi rgyan yin pa dang/ skyabs gnas kyi
mchog yin pa dang/ stod smad sogs kyis gzhan dbang du mi 'gyur
ba yin pa'i phyir te/ rgyud bla ma las/ 'byung ba dkon phyir dri
med phyir/ /mthu ldan phyir dang 'jig rten gyi/ /rgyan gyur
phyir dang mchog nyid phyir/ /'gyur ba med phyir dkon mchog
nyid/ /

ces gsungs pa'i phyir/ skyabs 'gro'i rnam gzhag de ltar 'thad
de/ spyod 'jug las/ de bas rgyal ba 'gro ba'i mgon/ /'gro ba
skyob pa'i don brtson pa/ /stobs chen 'jigs pa kun sel la/ /de
ring nyid nas skyabs su mchi/ /de yi thugs su chud pa'i chos/
/'khor ba'i 'jigs pa sel ba dang/ /byang chub

sems dpa'i tshogs la yang/ /de bzhin yang dag skyabs su mchi/
/bdag ni 'jigs pas rnam skrag nas/ /kun tu bzang la bdag nyid
'bul/ /'jam dpal dbyangs la bdag nyid kyi/ /bdag gi lus ni dbul
bar bgyi/ /thugs rjes spyod pa ma 'khrul ba/ /spyan ras gzigs
mgon de la yang/ /nyam thag nga

ros 'o dod 'bod/ /sdig ldan bdag la skyab tu gsol/ /'phags pa
nam mkha'i snying po dang/ /sa yi snying po dag dang ni/ /thugs
rje che mgon thams cad la/ /skyabs 'tshol snying nas 'o dod 'bod/
/gang zhig mthong nas gshin rje yi/ /pho nya la sogs sdang ba
rnams/ /skrag nas phyogs bzhir 'byer byed pa'i/ /

rdo rje can la skyabs su mchi/ /sngon chad khyod kyi bka' las
'das/ /da ni 'jigs pa che mthong nas/ /khyed la skyabs su mchi
lags kyi/ /'jigs pa myur du bsal du gsol/ /zhes gsungs pa'i
phyir/ ! sha'i dang rnam par smin pa las byung ba'i lha'i/ zhes
sogs kyi skabs su/ rten dang/ ngo bo dang/

byed las/ sa mtshams/ dgos pa bshad pa dang lnga/ dang po la lus
rten/ sems rten gnyis/ dang po yod de/ spyan dang po gnyis so
skye'i rten la gsar du skye ba yang yod/ phyi ma gsum 'phags pa
kho na'i rten la skye ba yin pa'i phyir/ gnyis pa sems rten yod
de/ dang por skye ba'i tshe na rang gi sems rten

bsam gtan gyi dngos gzhi la brten nas skye zhing/ phyis ni gzugs
med kyi sems rten la brten nas kyang skye ba yod pa'i phyir/
gnyis pa la kha cig  sha'i spyan yin na/ stong gsum tshun chad
kyi gzugs phra rags thams cad mngon sum du mthong bas khyab pa
dang/ lha'i spyan yin na nam mkhas gang khyab kyi

@84a @#/ /sems can gyi 'chi 'pho byed pa'i gzugs mngon sum du
rtogs pas khyab pa dang/ spyan lnga po de sangs rgyas kyi sa kho
na na yod pa yin no/ /zhes zer/ slob dpon ka ma la shI las ni/
spyan lnga po de bsdu na/ gzugs rtogs pa'i yul can dang/ don dam
rtogs pa'i yul can

dang; kun rdzob rtogs pa'i yul can dang/ shes bya thams cad
rtogs pa'i yul can dang bzhir 'du zhing/ dang po la yang/ dpag
tshad brgya nas stong gsum tshun chad kyi gzugs phra rags thams
cad mngon sum du mthong ba'i yul can dang/ sems can rnams kyi
'chi 'pho byed pa'i gzugs thams cad rtogs

pa'i yul can gnyis las/ dang po sha'i spyan dang/ phyi ma lha'i
spyan du 'jog pa de bzhin du lhag ma bzhi yang 'jog pa'i phyir/
zhes gsungs/ gnod 'jom mkhan pos ni/ gzugs thams cad la 'jug
pa'i shes pa sha'i spyan/ bsam gtan gyi snyom 'jug thams cad
lha'i spyan dang/ de kho na nyid rtogs

pa'i shes pa ni shes rab kyi spyan dang/ gnas dang gnas ma yin
pa mkhyen pa ma gtogs lhag ma dgu ni chos kyi spyan dang/ sangs
rgyas kyi sa'i rdo rje lta bu'i ting nge 'dzin sangs rgyas kyi
spyan yin par 'dod pa yin te/ gnod 'joms las/ gzugs thams cad la
'jug pa'i shes pa ni sha'i mig go/ ting

nge 'dzin dang snyom par 'jug pa thams cad shes pa ni lha'i mig
go/ thams cad mkhyen pa'i ye shes ni shes rab kyi mig go/ gnas
dang gnas ma yin pa ma gtogs pa'i shes pa dgu po 'di dag ni chos
kyi mig go/ rdo rje lta bu'i ting nge 'dzin gyi ye shes ni sangs
rgyas kyi spyan yin no/ /zhes gsungs pa'i phyir/

kha cig  sha'i spyan yin na dpag tshad brgya nas stong gsum tshun
chad kyi gzugs phra rags thams cad mngon sum du mthong bas
khyab/ de phan chad mi mthong bas khyab zer na/ sangs 'phags kyi
thugs rgyud kyi sha'i spyan chos can/ der thal/ de'i phyir/ der
thal/ de yod pa'i phyir/ sangs rgyas 'phags pa'i

rgyud kyi spyan lnga ka yod pa'i phyir/ sher phyin sum brgya pa
las/ de bzhin gshegs pa la sha'i spyan mnga' snyam mam/ rab
'byor gyis gsol pa/ bcom ldan 'das mnga' lags so/ /bde bar
gshegs pa mnga' lags so/ zhes sogs gsungs pa'i phyir/ rtsa bar
'dod mi nus te/ chos thams cad

@84b mngon sum du rtogs pa'i shes pa yin pa'i phyir/ chos can de
yin pa'i phyir/ gzhan yang/ so skye'i rgyud kyi dge ba zag bcas
kyi rnam smin skyes kyi sha'i spyan chos can/ dpag tshad brgya
nas stong gsum tshun chad kyi gzugs phra rags thams cad mngon sum
du mthong bar thal/ sha'i spyan yin pa'i phyir/ 'dod

mi nus te/ des dbang po gzugs can pa mngon sum du mi mthong ba'i
phyir/ der thal/ de tshur mthong la shin tu lkog gyur yin pa'i
phyir/ kha cig  nyi snang las/ sha'i spyan de dpag tshad brgya
nas stong gsum tshun chad kyi gzugs phra rags thams cad mngon sum
du mthong ba dang/ sa mtshams nges pa can du

gsungs pa ni/ byang sems kyi sha'i spyan la dgongs pa yin zer
na/ de mi 'thad de/ dpag tshad brgya tshun chad mthong/ de phan
chad mi mthong ba'i byang chen gyi sha'i spyan yod pa'i phyir/
der thal/ mdo las/ byang chen gyi sha'i spyan gyi dpag tshad
brgya mthong ba yod do/ /nyis brgya mthong ba yod do/ /zhes sogs

gsungs pa'i phyir/ rang lugs la/ dge ba zag bcas kyi rnam smin
skyes kyi sha'i spyan gyis/ dpag tshad brgya nas stong gsum tshun
chad kyi gzugs phra rags rnams mthong zhing/ de phan chad kyi
gzugs phra rags rnams mi mthong ste/ de rnam smin skyes kyi
dbang shes gang zhig  des rang gi bdag 'bras las gzhan

pa'i yul la longs spyod mi nus/ stong gsum po de der skyes pa'i
sems can rnams kyi spyi mthun gyi las kyis bskyed pa'i bdag
'bras yin pa'i phyir te/ stong gsum po de chags 'jig dus mnyam
du byed pa'i phyir/ stong gsum po de dbang shes de'i bdag 'bras
yin te/ nang du dbang shes lnga grub pa la brten nas

phyi'i gzugs sgra la sogs pa grub pa yin pa'i phyir/ nyi snang
las/ de ni rnam par smin pa las byung ba nyid yul so sor nges pa
nyid yin pa'i phyir ram/ sha'i mig ni bdag po'i 'bras bu'i yul
can yin la/ de yang stong gsum gyi stong chen po'i 'jig rten gyi
khams kyis bsdus pa yin pa'i phyir ro/ /zhes gsungs pa'i

phyir/ kha cig  spyan dang po gnyis mig dbang gzugs can pa yin
pa dang/ phyi ma rnams shes par 'jog pa yin no zhe na/ mi 'thad
de/ spyan dang po gnyis gzugs rtogs pa'i yul can du gsungs pa
gang zhig  lugs 'dir dbang po gzugs can pas gzugs rtogs pa khas
mi len pa'i phyir/ dang po ma grub na

@85a @#/ /der thal/ gnod 'joms las/ gzugs thams cad la 'jug pa'i
shes pa ni sha'i mig go/ zhes gsungs pa'i phyir/ kho na re/
spyan dang po gnyis po de dbang po gzugs can pa yin par thal/
lha'i spyan de dbang po gzugs can pa yin pa'i phyir te/ rnam
bshad las/ lha'i

mig ni skal ba dang ma skal ba'i gzugs phra rags thams cad
mthong ba bsgoms pa las byung ba'i mnyam par gzhag pa'i sas
bsdus pa'i gzugs can dang ba yin la/ zhes gsungs pa'i phyir
dang/ gser phreng las/ des na sha'i mig kyang mig dbang khyad
par can zhig yin pas/ zhes gsungs pa'i phyir/

zhes zer na/ skyon med de/ lung dang po de'i don ni/ lha'i mig
gi mngon shes kyi thun mong ma yin pa'i bdag rkyen du gyur pa'i
lha'i mig de gzugs can dang ba yin pa'i don dang/ phyi ma'i don
ni mdzod kyi bzhed pa brjod pa tsam yin pa'i phyir/ kha cig
lha'i spyan la dge ba zag bcas kyi rnam smin skyes kyi lha'i

spyan yin pas khyab zer na/ sangs rgyas 'phags pa'i rgyud kyi
lha'i spyan chos can/ der thal/ de'i phyir/ 'dod mi nus te/ sdug
bden ma yin pa'i phyir/ de ltar byas na rten gyi gang zag gang
gis dbang po gang la brten nas gzugs la blta ba de'i tshe na sa
mtshungs mi mtshungs kyi khyad par yod de/ 'dod pa'i so

skyes 'dod pa'i dbang po gzugs can pa la brten nas 'dod pa'i
gzugs la blta ba dang/ bsam gtan dang po'i so skyes bsam gtan
dang po'i mig dbang la brten nas bsam gtan dang po'i gzugs la
blta ba de'i tshe na rim pa bzhin du 'dod pa dang bsam gtan dang
po'i sas bsdus pa mtshungs pa dang/

'dod pa'i so skyes bsam gtan dang po'i mig dbang la brten nas
'dod pa'i gzugs la blta ba dang/ bsam gtan dang po'i so skyes
bsam gtan gnyis pa'i mig dbang la brten nas bsam gtan dang po'i
gzugs la blta ba de'i tshe na/ dbang po gnyis ma gtogs gzhan
rnams rang sas bsdus/ dbang

po gnyis po de rim pa bzhin du bsam gtan dang po dang bsam gtan
gnyis pa'i sas bsdus pa dang/ de bzhin du 'dod pa'i so skyes
bsam gtan dang po'i mig dbang la brten nas bsam gtan dang po'i
gzugs la blta ba dang/ bsam gtan dang po'i so skyes bsam gtan
gnyis pa'i mig dbang la

@85b brten nas bsam gtan gnyis pa'i gzugs la blta ba de'i tshe sa
mtshungs pa dang mi mtshungs pa gnyis ka yod/ bsam gtan gnyis pa'i
so so'i skye bos bsam gtan gnyis pa'i mig dbang la brten nas
bsam gtan dang po'i gzugs la blta ba de'i tshe na/ dbang po rten
gyi sa pa dang/ rnam par shes pa dang

po'i sas bsdus yin te/ gnyis pa yan chad kyi dbang shes rnams
bsam gtan dang po'i sas bsdus pa'i phyir/ der thal/ dbang shes
rnams rtog dpyod kyi sa gang zhig  bsam gtan gnyis pa yan chad
rtog dpyod la 'dod chags dang bral ba'i phyir/ mdzod las/ gnyis
pa sogs na lus mig dang/ rna

ba'i rnam shes rnam rig slong/ /gang yin de ni dang por gtogs/
/zhes gsungs pa'i phyir dang/ kun btus las/ des na dri dang ro
rang bzhin gyis med de/ khams kyi zas la 'dod chags dang bral
ba'i phyir/ zhes gsungs pa'i phyir/ khams gong ma gong ma'i mig
dbang la brten pa'i 'og ma 'og ma'i sas bsdus

kyi mig shes yod kyang/ 'og ma'i sas bsdus pa'i mig dbang la
brten pa'i gong ma'i mig shes med de/ de rnams/ rten brten pa
mchog dman gyi khyad par yod pa'i phyir/ 'dod pa'i mig shes kyis
bsam gtan dang po'i gzugs sogs mthong ba med de/ mdzod las/ mig
gi gong ma'i gzugs ma yin/ /

zhes gsungs pa'i phyir/ rang gi lugs la/ spyan lnga'i nang tshan
gang zhig  rang gi gzhal byar gyur pa'i dpag tshad brgya'i gzugs
phra rags mthong ba'i sgo nas spyan du bzhag pa'i rab tu phye
ba/ sha'i spyan gyi mtshan nyid/ spyan lnga'i nang tshan gang zhig
rang gi gzhal byar gyur pa'i 'chi 'pho byed pa'i sems can gyi

gzugs phra rags mthong ba'i sgo nas spyan du bzhag pa'i rab tu
phye ba/ lha'i spyan gyi mtshan nyid/ spyan lnga'i nang tshan gang
zhig  rang gi gzhal byar gyur pa'i bdag med phra rags gsum po
gang yang rung ba mngon sum du rtogs pa'i sgo nas sbyan du bzhag
pa'i rab tu phye ba/ shes rab kyi spyan gyi mtshan nyid/ sbyan
lnga'i

nang tshan gang zhig  rang gi gzhal byar gyur pa'i 'phags pa'i
gang zag rnams kyi dbang po rno rtul gyi rim pa rtogs pa'i sgo
nas spyan du bzhag pa'i rab tu phye ba/ chos kyi sbyan gyi mtshan
nyid/ spyan lnga'i nang tshan gang zhig  bden gnyis dus cig car
du mngon sum du rtogs pa'i sgo nas spyan du bzhag pa'i rab tu
phye ba/ 
@86a @#/ /sangs rgyas kyi spyan gyi mtshan nyid/ gsum pa byed las
bshad pa la/ spyan lnga'i byed las kyi khyad par yod de/ sha'i
spyan gyis yongs 'dzin dang rang gi gzhal bya sogs gang na gnas
pa sogs ji lta ba bzhin du shes pa dang/ lha'i spyan gyis gdul
bya gang nas 'chi 'phos

nas 'dir skyes pa dang/ 'di nas shi 'phos nas gang du skye ba de
shes par byed/ shes rab kyi spyan gyis grol byed kyi thabs shes
par byed/ chos kyi spyan gyis gdul bya'i dbang po'i rim pa de
shes par byed/ sangs rgyas kyi spyan gyis gdul bya'i khams dang
bsam pa dang bag la nyal thams cad mngon sum

du shes par byed pa'i byed las dang ldan pa'i phyir/ bzhi pa sa
mtshams kyi khyad par yod de/ thob skal rtsis pa'i dbang du byas
na sha'i spyan tshogs lam dang/ lha'i spyan sbyor lam dang/ shes
rab kyi spyan mthong lam mnyam gzhag ye shes dang/ chos kyi
spyan mthong lam rjes thob ye shes dang/ sangs

rgyas kyi spyan rjes mthun pa sa brgyad pa nas dang/ sangs rgyas
kyi spyan mtshan nyid pa sangs rgyas kyi sa kho na la yod/ lnga
pa la/ spyan lnga rgyud la skyes pa la dgos pa yod de/ gzhan gyi
dring la mi 'jog par sgrub pa la rang dbang du 'jug pa'i dgos pa
yod pa'i phyir/ ! rdzu 'phrul dang lha'i rna ba dang/ zhes

sogs kyi skabs su/ rten/ ngo bo// khyad par/ sa mtshams/ dgos pa
bshad pa dang lnga/ dang po la/ lus rten/ sems rten gnyis/ dang
po yod de/ phyi rol pa nas bzung ste sangs 'phags kyi bar gyi
rten la yod pa'i phyir/ der thal/ kun las btus las/ yon tan 'di
rnams ji ltar mngon par bsgrub

ces na/ phyi rol pa 'am/ nyan thos sam/ byang chub sems dpa'
'am/ de bzhin gshegs pa yang rung ste/ zhes gsungs pa'i phyir/
gnyis pa sems rten yod de/ bsam gtan gyi dngos gzhi dag pa ba
bzhi la brten nas mngon shes dang po lnga gsar du bskyed pa'i
phyir/ de nyid las/ dag pa'i bsam

gtan bzhi la brten nas tshad med pa rnams mngon par bsgrub bo/
/tshad med pa rnams ji lta bar mngon par shes pa dang po lnga
yang de bzhin no/ /zhes gsungs pa'i phyir/ zag pa zad kyi mngon
shes de ni rab mtha'i bsam gtan gyi dngos gzhi la brten nas gsar
du skye ba yin te/ de nyid las/ yon

@86b tan lhag ma rnams ni nyan thos sam/ byang chub sems dpa'
'am/ de bzhin gshegs pa yang rung ste/ rab kyi mthar phyin pa'i
bsam gtan bzhi pa la brten nas mngon par bsgrub bo/ /zhes gsungs
pa'i phyir/ rab mtha'i don yang yod de/ tshad med bzhi dang mngon
shes la sogs pa'i yon tan khyad par can gyi rten

byed pa'i bsam gtan gyi dngos gzhi rnams la byed pa'i phyir/
mdzod pa ba rnams ni/ bsam gzugs brgyad la lugs 'byung lugs ldog
tu snyom par 'jug pa'i sgo nas 'phel ba'i gnas skabs kyi bsam
gzugs kyi dngos gzhi rnams la byed pa yin te/ mdzod las/ de ni
sa kun gyis mthun byas/ /'phel

ba'i rab tu phyin pa yin/ /zhes gsungs pa'i phyir/ gzugs med kyi
rten la mngon shes gsar du skye ba med de/ kun btus las/ mngon
shes drug ka bsam gtan gyi dngos gzhi la brten nas gsar du skye
bar gsungs pa'i phyir/ rten brten pa'i don yang mkhar gzhong la
rgya shugs brten pa dang/ sa bon la myu gu

brten pa ste ngo bo tha dad pa'i rten brten pa ma yin par/ ngo
bo gcig pa'i rten brten pa yin te/ rang gi sems rten bsam gtan
dang po'i dngos gzhi la brten nas dag pa ba'i ngo bor skye ba
sogs yin pa'i phyir/ de ltar byas na/ mngon shes drug po de
rnams gnas pa yid byed kyi sgo nas sgrub tshul yod de/ rdzu
'phrul gyi

mngon shes bsgrub pa de'i tshe na rang gi sems rten bsam gtan gyi
dngos gzhi la brten nas lus yang bar yid la byed pa dang/ lha'i
rna ba'i mngon shes bsgrub pa de'i tshe na/ de la brtan nas 'jig
rten gyi khams sgra phra rags kyis khyab par yid la byed pa
dang/ lha'i mig gi mngon shes de yang de la brten nas phyogs

thams cad snang bas khyab par yid la byed pa dang/ gzhan sems
shes pa'i mngon shes bsgrub pa'i tshe na yang de la brten nas
bdag gi lus 'di lta bu la sems kyi 'jug pa 'di lta bu 'byung
bas/ gzhan gyi lus 'di lta bu la sems kyi 'jug pa 'di lta bu
'byung ngo snyam du yid la byed pa dang/ sngon gnas rjes dran
gyi mngon

shes bsgrub pa de'i tshe na yang de la brten nas yid shes 'gag ma
thag pa nas nying 'tshams sbyar ba'i bar lugs ldog tu yid la
byed/ zag pa zad kyi mngon shes kyang de la brten nas/ chos
thams cad bdag med par yid la byed pa'i sgo nas bsgrub pa'i
phyir/ mdo sde rgyan las/ bsam gtan bzhi pa shin tu ngag zon
nas/

@87a @#/ /mi rtog ye shes yongs su bzung ba dang/ /ji ltar rnam
gnas yid la byed pa las/ /mthar thug grub pa'i dam pa 'thob par
'gyur/ /zhes gsungs pa'i phyir/ gnyis pa/ ngo bo la/ rang gi
sems rten bsam gtan gyi dngos gzhi la brten nas rang yul mngon
sum du rtogs pa la yang

dag par 'byor ba'i rang gi grogs ting nge 'dzin shes rab mtshungs
ldan dang bcas pa/ mngon shes kyi mtshan nyid/ de la dbye na/
rdzu 'phrul gyi mngon shes nas zag pa zad kyi mngon shes kyi bar
drug yod/ mngon shes drug gi nang tshan gang zhig  sprul sgyur
sna tshogs mngon sum du rtogs pa'i sgo nas mngon

shes su bzhag pa'i rab tu phye ba/ rdzu 'phrul gyi mngon shes
kyi ngo bo dang/ de bzhin du mngon shes drug gi nang tshan gang
zhig  rang gi gzhal byar gyur pa'i nyon sgrib spangs pa'i bral
ba mngon sum du rtogs pa'i sgo nas mngon shes su bzhag pa'i rab
tu phye ba/ zag pa zad kyi mngon shes kyi ngo bo yin/ rdzu
'phrul

dang; rdzu 'phrul gyi mngon shes gnyis kyi khyad par yod de/
gcig tu sgyur nas mang por sprul pa dang/ mang por sgyur nas
gcig tu sprul pa'i rdzu 'phrul dang/ de mngon sum du rtogs pa'i
yid kyi shes pa de rdzu 'phrul gyi mngon shes yin pa'i phyir/
spyir rdzu 'phrul de la skyes stobs kyis thob pa/ las stobs kyis

thob pa/ sman dang sngags la brten nas thob pa/ zhing stobs kyis
thob pa dang rnam pa lnga yod de/ gnod sbyin dang sha za rnams
kyi rdzu 'phrul ni dang po dang/ rgyal po nga las nus kyi rdzu
'phrul dang srid pa bar do ba'i rdzu 'phrul gnyis pa dang/ rma
bya'i mdongs dang rus sbal gyi ze ba la sogs pa'i sman 'ga' zhig
la

brten nas bsgrubs pa'i rdzu 'phrul ni gsum pa dang/ gan d+ha ri'i
gzungs la sogs pa'i gzungs 'ga' zhig la brten nas bsgrubs pa'i
rdzu 'phrul ni bzhi pa dang/ zhing 'ga' zhig tu skyes pa tsam
gyi rdzu 'phrul ni lnga pa yin pa'i phyir te/ mdzod las/ rdzu
'phrul sman dang sngags dang ni/ /las las skyes dang rnam

pa lnga/ /zhes gsungs pa'i phyir/ gsum pa khyad par bshad pa/
kha cig  lha'i rna ba'i mngon shes dang/ mig gis mngon shes
gnyis la dbang shes kyis khyab pa dang/ lhag ma bzhi ni yid kyi
shes pa yin te/ dang po gnyis lung ma bstan dang/ phyi ma rnams
dge ba yin pa'i phyir/ der thal/ mdzod las/

@87b mig dang rna ba'i mngon shes ni/ /lung du ma bstan lhag
rnams dge / zhes gsungs pa'i phyir/ zer na/ bsam gtan gyi dngos
gzhi la brten nas bsgrubs pa'i lha'i mig gi mngon shes chos can/
der thal/ de'i phyir/ der thal/ chos can de yin pa'i phyir/ 'dod
mi nus te/ dge ba yin pa'i phyir/ der thal/

snyom 'jug yin pa'i phyir/ khyab ste/ de nyid las/ snyom 'jug
dge ba rtse gcig pa/ /zhes gsungs pa'i phyir/ gzhan yang/ byang
'phags kyi rgyud kyi lha'i mig gi mngon shes dang/ lha'i rna
ba'i mngon shes gnyis po de yang dbang shes su thal/ dam bca'
'thad pa'i phyir/ 'dod mi nus te/ yid shes yin

pa'i phyir/ rgyu lam shes yin pa'i phyir/ der thal/ sangs 'phags
kyi rgyud kyi mngon shes drug po de ye shes chos sku yin pa'i
phyir te/ sangs rgyas 'phags pa'i zag med ye shes sde tshan nyer
gcig po de ye shes chos sku yin pa'i phyir/ de ltar ma yin na
mngon shes drug po gang rung yin na 'jig rten pa'i rnam

grol lam yin dgos par thal/ de nyid las/ mngon shes rnam drug
rnam grol blo/ /zhes gsungs pa'i phyir/ yang kha cig  lha'i mig
gi mngon shes la dge ba zag bcas kyi rnam smin skyes kyi lha'i
mig gi mngon shes dang/ tshe 'dir bsam gtan gyi dngos gzhi sogs
kyis sbyor byung gi sgo nas bsgrubs pa'i

lha'i mig gi mngon shes gnyis yod pas/ dang po de lha'i spyan
yin pas/ lha'i spyan dang lha'i mig gi mngon shes gnyis kyi gzhi
mthun yod do/ /zer na/ mi 'thad de/ mngon shes la yid shes kyis
khyab/ spyan dang po gnyis dbang shes yin pa'i phyir/ spyan dang
po gnyis dbang shes su mtshungs kyang de gnyis

la khyad par ni yod de/ sha'i spyan de dpag tshad brgya'i skal ba
dang ma skal ba'i gzugs phra rags spyir mthong/ lha'i spyan gyis
khyad par 'chi 'pho byed pa'i sems can gyi gzugs phra rags rnams
mthong ba'i khyad par yod pa'i phyir/ bzhi pa sa mtshams kyi
khyad par yod de/ mngon shes dang po lnga phyi rol pa

nas sangs rgyas kyi sa'i bar na yod/ phyi ma ni dgra bcom pa kho
na'i rten la yod pa'i phyir/ lnga pa la/ mngon shes drug rgyud
la skyes pa la dgos pa yod de/ sems can rnams chos mnyam pa nyid
la 'god pa dang 'phags pa'i skye bo thams cad kyi byams pa dang/
yid du 'ong ba'i yul dang phrad pa dang/ lha rnams

@88a @#/ /kyis phyag bya bar 'os pa dang/ sangs rgyas kyis lung
bstan 'thob pa'i dgos pa yod pa'i phyir/ mdo sde rgyan las/ 'dab
gshog kun tu rgyas pa'i bya bzhin du/ /sems can smin par byed pa
nus pa nyid/ /sangs rgyas las ni shin tu bsngags pa 'thob /skye
dgu

rnams las tshig bzung 'os par 'gyur/ /zhes gsungs pa'i phyir/
mngon shes de 'jug shes drug gi nang nas mig  rna ba/ yid gsum
la brten nas bzhag nas gzhan rnams la mi 'jog pa'i rgyu mtshan ci
yin zhe na/ de'i rgyu mtshan yod de/ mig dbang la brten pa'i shes
pa dang/ rna ba'i shes pa

dang; yid shes gsum gyis rang yul dang ma phrad par 'dzin nus/
gzhan rnams kyis de ltar mi nus pa'i rgyu mtshan gyis de ltar ma
bshad pa'i phyir/ mdzod las/ mig dang yid dang rna ba ni/ /yul
dang ma phrad gsum gzhan du/ /zhes gsungs pa'i phyir/ sna shes
sogs gsum po des

rang dang mnyam pa'i yul 'dzin gyi lhag ma ni mi 'dzin te/ de
nyid las/ sna la sogs pa gsum gyis ni/ /yul ni mnyam par 'dzin
par 'dod/ /ces gsungs pa'i phyir/ 'di yang mdzod pa dang bstun
nas so/ /mngon shes drug gi byed las kyi khyad par yod de/ rdzu
'phrul gyi mngon shes kyis gdul

bya ma dad pa rnams dad par byed cing dad pa rnams gong nas gong
'phel du byed/ lha'i rna ba'i mngon shes kyis 'jig rten gyi
khams kyi chos ston pa'i sgra phra rags rnams thos par byed/
lha'i mig gi mngon shes kyis gdul bya dang yongs 'dzin gang du
gnas pa de shes par byed/ gzhan sems shes pa'i mngon

shes kyis rang gzhan gyi sems kyi dge mi dge'i spyod pa shes par
byed/ sngon gnas rjes dran gyi mngon shes kyis rang gzhan gyi
tshe rabs snga phyi du ma shes par byed/ zag zad kyi mngon shes
kyis gdul bya grol byed kyis thabs shes par byed pa'i phyir ro/
/ ! gnyis pa gdams ngag gi don sgom pa'i

stong nyid la dmigs pa'i sgom byung skyes pa'i thog ma bshad pa
la/ theg chen gyi gdams ngag bshad pa'i rjes su stong nyid la
dmigs pa'i sgom byung skyed pa'i thog mar gyur pa'i lhag mthong
'chad pa'i rgyu mtshan gang/ dmigs pa dang ni rnam pa dang/ /zhes
pa nas/ rnam pa kun tu yongs 'dzin yin//

@88b zhes pa'i bar gyis theg chen gyi sbyor lam de 'chad na de'i
tshul ji lta bu yin zhe na/ theg chen gyi gdams ngag bshad pa'i
rjes su de 'chad pa'i rgyu mtshan yod de/ rgyan gyi gdul bya
byang sems tshogs lam pa des theg chen gyi gdams ngag de dag gi
don nyams su blangs pa la brten nas stong nyid la dmigs

pa'i sgom byung gi lhag mthong gi thog mar gyur pa'i theg chen
gyi sbyor lam 'byung bas na de ltar bshad pa'i phyir/ 'di la
gzhung spyi'i bsdu ba bshad pa/ gzhung don so sor bshad pa
gnyis/ dang po la/ mdor bstan pa/ rgyas par bshad pa gnyis/ dang
po ni/ theg chen gyi sbyor lam de dman pa'i sbyor lam las

khyad par du 'phags tshul/ de'i rgyu mtshan/ theg chen gyi sbyor
lam bzhi gsum bcu gnyis po de bden bzhi la dmigs tshul/ rgyu/ ngo
bo// 'bras bu/ chos nyid kyi rnam pa bzhir dmigs par bsdu tshul/
bden bzhi mi rtag sogs bden stong la dmigs pa las gzhan bden
bzhi'i rnam pa mi rtag sogs

bcu drug la dmigs tshul de 'dir dngos su mi ston pa'i rgyu mtshan/
de la rtsod pa spong ba rnams rim pa bzhin du 'chad par byed pa
la/ dmigs pa dang ni/ zhes pa nas/ de'i phyir theg pa gzhan la
brten nas ni gang du yang sun 'byin pa brjod par mi bya'o/ /zhes
pa'i bar gyi rtsa 'grel rnams gsungs/ gnyis

pa rgyas par bshad pa la/ dmigs rnam rgyu gsum gyi khyad chos
rgyas par bshad pa/ rtog pa'i khyad chos rgyas par bshad pa/
yongs 'dzin gyi khyad chos rgyas par bshad pa'o/ /de la dang po
de 'chad pa la/ dmigs pa mi rtag la sogs pa/ /zhes pa nas/ chung
dang 'bring dang chen po yin/ /zhes pa'i bar gyi rtsa

'grel rnams gsungs/ gnyis pa rtog pa'i khyad chos rgyas par
bshad pa la/ gzhi dang de yi gnyen po yis/ /zhes pa nas/ phung
sogs rten las de bzhin no/ /zhes pa'i bar gyi rtsa 'grel rnams
gsungs/ gsum pa de 'chad pa la/ sems mi 'gong pa nyid la sogs/
/zhes pa nas/ yongs 'dzin yin/

zhes pa'i bar gyi rtsa 'grel rnams gsungs/ gnyis pa gzhung don
so sor bshad pa la/ dmigs pa dang ni rnam pa dang/ /zhes sogs
kyi skabs su/ mtha' dpyad pa la/ theg chen sbyor lam gyi rten
bshad pa/ brten pa sbyor lam bshad pa/ blo rig la dpyad pa'o/
/dang po la lus rten bshad pa dang/ sems

@89a @#/ /rten bshad pa gnyis/ dang po ni/ theg chen sbyor lam de
ngan song gsum dang/ tshe de la chos spong gi las dang/ mtshams
med kyi las stobs chen bsags la ma sbyangs pa dang/ za ma dang/
ma ning dang/ sgra mi snyan pa ma gtogs pa'i gling gsum gyi
skyes pa dang bud med kyi rten la skye

ba dang/ chos mchog dngos su skye ba'i rten min yang drod rtse
gnyis ni gzugs khams pa 'ga' zhig gi rten la skye ba yang yod/
'dod lha'i rten la yang skye ba yod pa'i phyir/ kha cig  ngan
song gsum gyi rten la theg chen gyi sbyor lam gsar skye med pa
dang/ gzugs khams pa'i rten la chos mchog gsar skye med

pa de mi 'thad de/ ngan song gi rten la sbyor lam de rang stobs
kyis skye ba med kyang gzhan stobs kyis skye ba yod pa'i phyir
dang/ gzugs khams pa'i rten la chos mchog rang stobs kyis skye
ba med kyang gzhan stobs kyis skye ba yod pa'i phyir/ dang po
der thal/ za ma tog bkod pa'i mdo las/ 'phags pa 'jig rten

dbang phyug gis yi dwags du ma bden pa mthong ba la bkod par
gsungs pa'i phyir/ ngan song de dag gi rten la rang stobs kyis
skye ba med de/ ngan song gsum po de rnam smin gyi sgrib pa shes
chen pos bsgribs pa'i phyir/ gnyis pa der thal/ gzugs khams pa'i
rten la mthong lam gsar skye yod pa'i phyir/ der

thal/ lha'i bu blo gros rab gnas kyis zhus pa'i mdo las/ gzugs
khams kyi rten la mthong lam gsar skye yod par gsungs pa'i
phyir/ de dag gi rten la chos mchog rang stobs kyis skye ba med
de/ gzugs khams pa'i so skye rnams bsam gtan gyi snyom 'jug gi
ro myang gi sred pa shas chen pos bsgribs

pa'i phyir/ zhes zer na/ de mi 'thad de/ ngan song gi rten la
sbyor lam gzhan stobs kyis kyang skye ba med pa'i phyir/ der
thal/ de dag las kyi sgrib pa shas chen pos bsgribs pa'i phyir/
gzugs khams kyi rten la chos mchog gzhan stobs kyis skye ba med
par thal/ gzugs khams pa'i so skye rnams bsam

gtan gyi snyom 'jug gi ro myangs pa'i sred pa shas chen pos
bsgribs pa'i phyir/ gzhan yang/ sbyor lam bzod pa thob nas las
dbang gis ngan song du skye ba len pa yod par thal/ mthong lam
rgyud la skye kha ma'i ngan song ba yod pa'i phyir/ der thal/
khyod kyi dam bca' de'i phyir/ 'dod mi nus te/ mdzod las/

@89b bzod thob ngan song yongs mi ltung/ /zhes dang/ 'grel pa
las kyang/ de ltar ngan 'gro med pas chos chen po la bzod pa'i
phyir bzod par gyur pa dmigs pa dang/ rnam pa dang ldan pa rnam
pa gsum mo/ /zhes gsungs pa'i phyir/ gnyis pa sems rten bshad pa
la/ sbyor lam gsar du skye ba'i sems rten gyi khyad

par yod de/ nyan thos kyi sbyor lam bsam gtan dang po'i nyer
bsdogs mi lcogs med dang bsam gtan gyi dngos gzhi ci rigs la
brten nas skye/ bse ru lta bu'i rang rgyal tshogs lam pa des bsam
gtan gyi dngos gzhi la brten nas sbyor lam skye/ theg chen gyi
sbyor lam de rab mtha'i bsam gtan bzhi pa'i dngos

gzhi la brten nas skye ba'i phyir/ dang po der thal/ spangs bya
cig car ba'i rgyun zhugs dang rgyud gcig tu gyur pa'i nyan thos
tshogs lam pa des bsam gtan dang po'i nyer bsdogs mi lcogs med la
brten nas sbyor lam bskyed pa'i phyir dang/ chags bral sngon
song gi phyir mi 'ong dang rgyud gcig tu gyur pa'i bsam gtan gyi

dngos gzhi thob pa'i nyan thos tshogs lam pa des bsam gtan gyi
dngos gzhi la brten nas sbyor lam bskyed pa'i phyir/ gsum pa der
thal/ bse ru lta bu'i rang rgyal tshogs lam pa des bsam gtan gyi
dngos gzhi la brten nas sbyor lam yan chad rten thogs gcig la
bgrod de/ srid pa tha ma pa'i tshe slob dpon

gzhan gyi gdams ngag la ma brten par rang nyid kyis byang chub
mngon du byed pa'i phyir/ phyi ma der thal/ theg chen gyi tshogs
lam chen po thob nas rab mtha'i bsam gtan bzhi pa'i dngos gzhi
la brten pa'i chos rgyun gyi ting nge 'dzin thob pa'i phyir/
gnyis pa brten pa sbyor lam bshad pa la/ mtshan nyid/ dbye ba/

skye tshul/ phye ba so so'i don bshad pa dang bzhi/ dang po la/
dgag bzhag gnyis las/ dang po la/ kha cig theg chen gyi thar pa
cha mthun rdzogs rjes su byung ba'i theg chen gyi bden pa mngon
rtogs thob pa dang rjes su mthun pa'i 'jig rten pa'i sgom byung
gtso bor gyur pa'i mkhyen pa de/ theg chen gyi sbyor lam gyi
mtshan

nyid zer na/ byang sems sbyor lam pa'i rgyud kyi thos byung gi
shes rab chos can/ mtshan nyid der thal/ mtshon bya de'i phyir/ ma
grub na/ der thal/ byang sems tshogs lam pa'i rgyud kyi thos
byung gi shes rab de tshogs lam gang zhig  rgyu mtshan mtshungs
pa'i phyir/ dang po der thal/ kun btus las/ tshogs kyi lam

@90a @#/ /gang zhe na/ so so skye bo'i tshul khrims dang dbang
po'i sgo bsdams pa dang zas kyi tshod shes pa dang/ nam gyi cha
stod dang cha smad la mi nyal bar rnal 'byor la brtson pa dang/
shes bzhin du gnas pas mngon par dga' ba'o/ /yang rgyur gyur
pa'i dge ba gzhan dang thos pa las byung ba

dang bsam pa las byung ba dang/ sgom pa las byung ba'i shes rab
kyang rung ste/ zhes gsungs pa'i phyir/ phyi ma der thal/ de
nyid las/ sbyor ba'i lam gang zhen/ tshogs kyi lam gang yin pa
sbyor ba'i lam yang de yin no/ /zhes gsungs pa'i phyir/ gzhan
yang/ nyan thos dgra bcom pa'i rtogs pa sngon du

song ba'i byang sems kyi sbyor lam chos can/ mtshan nyid der
thal/ mtshon bya de'i phyir/ 'dod mi nus te/ 'jig rten pa'i sgom
byung gi mkhyen pa ma yin pa'i phyir/ der thal/ 'jig rten las
'das pa'i lam yin pa'i phyir/ der thal/ 'phags lam yin pa'i
phyir/ gnyis pa rang lugs la/ rang gi nyer

len du gyur pa'i theg chen gyi thar pa cha mthun rdzogs rjes su
byung ba'i theg chen gyi don mngon rtogs/ theg chen gyi sbyor
lam gyi mtshan nyid/ gnyis pa dbye ba la/ de la ngo bo'i sgo nas
dbye na/ theg chen gyi sbyor lam drod sogs bzhi/ gnas skabs kyi
sgo nas dbye na re re la chung ngu 'bring chen po gsum gsum

ste; bcu gnyis yod/ skabs 'dir dngos bstan gyi theg chen gyi
sbyor lam la 'jig rten pa'i sgom byung gtso bor gyur pa'i mkhyen
pa yin pas khyab ste/ 'grel chung las/ nges par 'byed pa'i cha
dang mthun pa bzhi po 'jig rten pa'i sgom pa las byung ba dro
bar 'gyur ba zhes bya ba'i dge ba'i rtsa ba dang/ zhes

sogs gsungs pa'i phyir/ gsum pa skye tshul bshad pa la/ kha cig
/dman lam sngon ma song gi byang sems tshogs lam pas theg chen
gyi sbyor lam thob pa dang stong nyid la dmigs pa'i sgom byung
gi lhag mthong 'thob pa dus mnyam pa yin no zer na/ dman lam
sngon du ma song ba'i byang sems tshogs

lam pa yin na de ltar yin dgos par thal/ khyod kyi dam bca'
'thad pa'i phyir/ 'dod na/ theg dman lam du ltung nges kyi dman
lam sngon ma song gi byang sems tshogs lam pa chos can/ der thal/
de'i phyir/ 'dod mi nus te/ chos can de yin pa'i phyir/ kha cig
theg chen rigs nges kyi dman lam

@90b sngon ma song gi byang sems tshogs lam pas stong nyid la
dmigs pa'i sgom byung gi mkhyen pa 'thob pa dang sbyor lam 'thob
pa dus mnyam pa yin no/ /zer na/ de mi 'thad de/ dang po nyid
nas theg chen rigs nges kyi byang sems tshogs lam skad cig tha ma
pa'i rgyud la stong nyid la dmigs pa'i sgom byung gi mkhyen

pa yod pa'i phyir/ der thal/ de'i rgyud la stong nyid la dmigs
pa'i zhi gnas yod pa'i phyir/ der thal/ stong nyid la dmigs pa'i
lhag mthong rgyud la skye kha ma'i gang zag yin pa'i phyir/ yang
kha cig  dman lam sngon ma song gi byang sems tshogs lam pas
stong nyid la dmigs pa'i sgom byung gi shes rab

'thob pa dang sbyor lam 'thob pa dus mnyam mo zer na/ de mi
'thad de/ de 'dra'i byang sems tshogs lam skad cig tha ma pa'i
rgyud la stong nyid la dmigs pa'i sgom byung gi shes rab yod
pa'i phyir/ der thal/ de'i rgyud kyi stong nyid la dmigs pa'i
zhi gnas dang mtshungs ldan du gyur pa'i shes rab de stong nyid
la

dmigs pa'i sgom byung gi shes rab yin pa'i phyir/ der thal/ de
'dra'i gang zag des stong nyid la dmigs pa'i zhi gnas la rtse
gcig tu mnyam par gzhag bzhin pa'i ngang nas stong nyid kyi don
la rigs pas legs par dpyad stobs kyis lus sems shin sbyangs kyi
bde ba nam 'dren nus pa'i tshe/ de 'dra'i gang

zag de'i rgyud kyi stong nyid la dmigs pa'i shes rab de stong
nyid la dmigs pa'i sgom byung gi lhag mthong du gyur pa'i phyir/
rang lugs la/ dang po nyid nas theg chen rigs nges kyi byang
sems tshogs lam pa theg chen sbyor lam du 'phos pa'i dus mtshams
yod de/ byang sems de stong nyid la dmigs pa'i zhi

gnas la mnyam par gzhag bzhin pa'i ngang nas stong pa nyid kyi
don la rigs pas dpyad stobs kyis lus sems shin sbyangs kyi bde
ba nam 'dren nus pa de'i tshe/ stong nyid la dmigs pa'i zhi lhag
zung 'brel gyi rnal 'byor thob pa yin zhing de'i tshe sbyor lam
du 'phos pa yin pa'i phyir/ der thal/ de 'dra'i tshogs

lam skad cig tha ma la gnas pa'i byang sems kyi rgyud la mkhyen
gsum gyi rnam pa'i rigs ma lus par rdzogs par nyams su len pa'i
zhi lhag zung 'brel gyi rnal 'byor sgom pa'i nus pa yang yod/ mi
rtag pa dang mi sdug pa la dmigs pa'i sgom byung gi rnal 'byor
tsam gyi nus pa yang yod kyang stong nyid la dmigs
@91a @#/ /pa'i sgom byung gi lhag mthong med pa'i phyir/ dang po
der thal/ de'i rgyud la rnam rdzogs sbyor ba mtshan nyid tshang ba
yod pa'i phyir/ phyi ma'i zur dang po der thal/ lam ma zhugs kyi
gang zag gi rgyud la yang nyer len gyi phung po mi rtag pa dang
mi sdug par sgom pa'i zhi lhag zung

'brel gyi rnal 'byor yod pa'i phyir/ zur phyi ma der thal/ de
'dra'i gang zag des stong nyid la dmigs pa'i lhag mthong 'thob
pa dang sbyor lam du 'phos pa dus mnyam pa'i phyir/ kha cig  de
mi 'thad de/ byang sems tshogs lam pa'i rgyud kyi stong nyid
rtogs pa'i bsam gtan gyi dngos gzhi de stong nyid

la dmigs pa'i zhi lhag zung 'brel gyi rnal 'byor yin pa'i phyir/
der thal/ des stong nyid la dmigs pa gang zhig  zhi lhag zung
'brel gyi rnal 'byor yin pa'i phyir/ zer na ma khyab/ phyi ma
der thal/ bsam gtan gyi dngos gzhi yin pa'i phyir zer na/ 'o na/
sangs rgyas 'phags pa'i rgyud kyi stobs

bcu chos can/ nyan thos kyi lam shes pa'i lam shes yin par thal/
nyan thos kyi lam shes pa gang zhig  lam shes yin pa'i phyir/ de
ltar ma yin na stong nyid rtogs pa'i zhi lhag zung 'brel gyi
rnal 'byor yin pa tsam gyis stong nyid la dmigs pa'i zhi lhag
zung 'brel gyi rnal 'byor du 'gyur

dgos pa ni ma yin te/ der 'gyur ba ni stong nyid la dmigs pa'i
zhi gnas la mnyam par gzhag bzhin pa'i ngang nas stong nyid la
rigs pas dpyad stobs kyis lus sems shin sbyangs kyi bde ba nam
'dren nus pa de'i tshe stong nyid la dmigs pa'i lhag mthong 'thob
pa yin zhing/ de'i tshe de 'dra'i gang zag gi

rgyud kyi stong nyid rtogs pa'i shes rab de stong nyid la dmigs
pa'i stong nyid rtogs pa'i zhi lhag zung 'brel gyi rnal 'byor
yin pa'i phyir/ kha cig  stong nyid rtogs pa'i thos bsam sgom
gsum gyi shes rab kyi khyad par yod de/ stong nyid ston pa'i
gsung rab thos stobs kyis stong nyid rtogs pa'i shes rab de
stong nyid rtogs

pa'i thos byung gi shes rab dang/ stong nyid rigs pa yang dag
gis nges pa'i shes rab stong nyid rtogs pa'i bsam byung gi shes
rab sogs su 'jog pa'i phyir zer na/ mi 'thad de/ stong nyid
rtogs pa'i bsam byung gi shes rab sogs gnyis po de yang stong
nyid rtogs pa'i thos byung gi shes rab la bltos dgos pa'i

@91b phyir; des na de gsum gyi khyad par yod de/ gtso bor stong
nyid ston pa'i gsung rab thos stobs kyis stong nyid tshul bzhin
du go ba'i yid dpyod du gyur pa'i shes rab de stong nyid rtogs
pa'i thos byung gi shes rab dang/ go ba'i don de nyid gcig du
bral sogs kyi rtags yang dag la brten nas rtogs pa'i shes

rab de/ stong nyid rtogs pa'i bsam byung gi shes rab dang/ de'i
rgyun goms pa las byung ba'i stong nyid la dmigs pa'i zhi gnas
yan chad sgom byung du 'jog pa'i phyir/ stong nyid la dmigs pa'i
thos bsam sgom gsum gyi shes rab gsum po de la khyad par yod de/
de gsum gyis dgag bya bden grub bkag

pa'i stong nyid la dmigs par mtshungs kyang dang po gnyis kyi
skabs su yul stong nyid kyi don spyi legs par shar yang/ yul yul
can gnyis gnyis snang shin tu rags pa dang bcas te 'brel med lta
bur snang ba dang/ sgom byung gi shes rab kyis dmigs pa'i tshe
gnyis snang yod kyang snga ma gnyis kyi skabs su snang ba

lta bu'i gnyis snang rags pa yod pa de log nas yul stong nyid la
zug pa lta bur snang ba'i phyir/ bzhi pa phye ba so so'i don
bshad pa la/ kha cig  gzung ba rang bzhin med pa la gsal snang
chung ngu thob pa'i theg chen gyi nges cha dang po// theg chen
sbyor lam drod kyi mtshan nyid dang/ de 'phel ba'i theg chen gyi
nges cha

gnyis pa/ theg chen sbyor lam rtse mo'i mtshan nyid sogs su 'jog
go zer na/ de mi 'thad de/ dman lam sngon ma song gi sbyor lam
drod sogs bzhi po de gzung 'dzin gyi chos rnams mnyam gzhag tu
bden stong du rtogs pa yang mtshungs/ stong nyid la rtogs bral
gyi gsal snang med par mtshungs pa'i phyir/ gzhan

yang de mi 'thad par thal/ gzung 'dzin gyis chos rnams rang
bzhin gyis grub pa'i phyir/ gzhan yang/ theg chen gyi sbyor lam
yin na stong nyid rtogs pas khyab par thal/ khyod kyi dam bca'
'thad pa'i phyir/ 'dod na/ dman lam sngon du ma song ba'i byang
sems sbyor lam pa'i rgyud kyi mngon sum du gyur pa'i bsam

gtan gyi dngos gzhi chos can/ der thal/ de'i phyir/ ma grub na/
der thal/ chos can de yin pa'i phyir/ 'dod na/ stong nyid mngon
sum du rtogs pa'i ye shes yin par thal/ stong nyid rtogs pa'i
mngon sum yin pa'i phyir/ 'dod mi nus te/ so skye'i mkhyen pa
yin pa'i phyir/ theg chen gyi sbyor lam bzhi po de yon

@92a @#/ /tan 'thob tshul dang/ mi mthun phyogs 'joms pa'i nus pa
khyad par can 'thob tshul gyi sgo nas 'byed tshul yod de/ de bzhi
po stong nyid la ma 'khrul bar mtshungs kyang dman lam sngon ma
song gi stong nyid rtogs pa'i sbyor lam drod kyi ye shes des
dbang po lnga dang por thob cing/ shes

sgrib nyon mongs gzung rtog kun btags mngon gyur ba 'joms pa'i
nus pa khyad par can thob/ rtse mo'i ye shes des dbang po lnga
'phel zhing/ shes sgrib rnam byang gzung rtog kun btags mngon
gyur ba 'joms pa'i nus pa khyad par can thob/ bzod pa'i ye shes
kyis stobs lnga dang por thob cing/ shes sgrib rdzas

'dzin rtog pa kun btags mngon gyur ba 'joms pa'i nus pa khyad
par can thob/ chos mchog gi skabs su stobs lnga 'phel zhing/
shes sgrib rtag 'dzin rtog pa kun btags mngon gyur ba 'joms pa'i
nus pa khyad par can thob pa'i phyir/ der thal/ drod kyi skabs
su gzung ba chos kyi bdag med par snang ba

thob/ rtse mo'i skabs su de nyid 'phel ba dang/ bzod pa'i skabs
su 'dzin pa chos kyi bdag med par snang ba thob/ chos mchog gi
skabs su de 'phel ba'i yon tan thob pas bar chad med lam la myur
du 'jug pa'i phyir/ dang po der thal/ mdo sde rgyan las/ byang
chub sems dpa' mnyam gzhag pas/ /yid

kyi brjod pa ma gtogs par/ /don kun rab tu mi mthong ngo/ /zhes
gsungs pa'i phyir/ gnyis pa der thal/ chos kyi snang ba 'phel
bya'i phyir/ /brtson 'grus brtan po kun tu rtsom/ /zhes gsungs
pa'i phyir/ gsum pa der thal/ chos kyi snang ba 'phel nas ni/
/sems tsam la ni gnas par 'gyur/ /de nas don du

snang ba kun/ /sems su rab tu mthong bar 'gyur/ /zhes dang/ de
tshe de yi gzung ba yi/ /rnam par g.yeng ba de spong 'gyur/
/zhes dang/ 'di ltar de yi 'jug thogs su/ /'dzin pa'i rnam par
g.yeng ba spong/ /zhes gsungs pa'i phyir/ bzhi pa der thal/ de
nas de la 'dzin pa yi/ /rnam par g.yeng ba 'ba' zhig

lus/ /de tshe bar chad med pa yi/ /ting nge 'dzin la myur du reg
/ces gsungs pa'i phyir/ de ltar 'byung ba'i rgyu mtshan yod de/
shes sgrib gzung 'dzin gyi rnam par rtog pa kun btags mngon gyur
ba bzhi po de la 'go gnon pa dka' sla'i khyad par yod pa'i
phyir/ de 'dra'i khyad par 'byung ba'i rgyu mtshan yod de/ dmigs

@92b yul gzung 'dzin gyi chos bzhi po de la nges dka' sla'i
khyad par yod pa'i phyir/ drod sogs bzhi po de la yon tan 'thob
tshul yod de/ dang po'i skabs su mnyam gzhag tu kun nas nyon
mongs kyi chos rnams bden med du rtogs nas rjes thob tu shes
sgrib kun nas nyon mongs gzung rtog kun btags mngon gyur ba mi
'byung

zhing/ nyon mongs phyogs kyi chos rnams me long nang gi byad
bzhin gyi gzugs brnyan bzhin du rtogs pa dang/ de tsam du rnam
byang gi chos rnams mi 'byung/ rtse mo'i ye shes des mnyam gzhag
tu rnam byang gi chos rnams bden med du rtogs pa la brten nas
rjes thob tu shes sgrib rnam byang gzung rtog kun btags mngon

gyur ba mi 'byung zhing/ rnam byang gi chos rnams byad bzhin gyi
gzugs brnyan bzhin du snang ba de 'byung/ de tsam du 'dzin pa'i
chos rnams la mi 'byung/ bzod pa'i ye shes des mnyam gzhag tu
rdzas 'dzin gyi chos rnams bden med du rtogs pa la brten nas
rjes thob tu shes sgrib rdzas 'dzin rtog pa kun btags mngon

gyur ba mi 'byung zhing/ rdzas 'dzin gyi chos rnams byad bzhin
gyi gzugs brnyan bzhin du snang ba dang de bzhin du chos mchog
la yang sbyar bar bya ba yin pa'i phyir/ gzhan yang/ sbyor lam
bzhi po de la ming gi brjod tshul gyi khyad par yod de/ dang po
la de kho na nyid la snang ba thob pa/ gnyis pa la de kho na
nyid la snang ba

mched pa/ gsum pa la de kho na nyid kyi phyogs rnams la zhugs
pa/ bzhi pa la de ma thag pa'i ting nge 'dzin zhes brjod pa'i
phyir/ kun btus las/ dro bar gyur pa gang zhe na/ so so rang gi
bden pa rnams la snang ba thob pa'i ting nge 'dzin dang shes rab
mtshungs par ldan pa dang bcas pa'o/ /rtse mo gang zhe na so so
rang gi

bden pa rnams la snang ba la snang ba mched pa'i ting nge 'dzin
dang shes rab mtshungs par ldan pa dang bcas pa'o/ /bden pa'i
rjes su mthun pa bzod pa gang zhe na/ so so rang gi bden pa
rnams kyi phyogs gcig la zhugs pa dang rjes su song ba'i ting
nge 'dzin dang shes rab mtshungs par ldan pa dang bcas pa'o/
/'jig rten pa'i chos

kyi mchog gang zhe na/ so so rang gi bden pa rnams la de ma thag
pa'i sems kyi ting nge 'dzin dang shes rab mtshungs par ldan pa
dang bcas pa'o/ /zhes gsungs pa ltar yin pa'i phyir/ mdo sde
rgyan dang/ kun btus las bshad pa gnyis sems tsam gyi lta ba'i
dbang du byas kyang 'dir dbu ma'i lta ba la sbyar nas shes

@93a @#/ /par bya'o/ /de ltar byas na dman lam sngon ma song gi
theg chen gyi sbyor lam drod sogs bzhi po de la stong nyid kyi
don spyi shar ba mtshungs kyang khyad par yod de/ dang po gnyis
kyi skabs su stong nyid la mnyam par gzhag bzhin pa'i dus nyid
na yang yul yul can gyi gnyis snang

yod pa rang gis myong ba'i stobs kyis nges nus kyang/ bzod mchog
gnyis kyi skabs su gnyis snang yod kyang de myong stobs kyis
nges mi nus pa'i phyir/ nyan sa las/ gnyis snang nub pa ltar
snang gi gnyis snang nub pa ni ma yin no/ /zhes gsungs pa'i
phyir/ dman lam sngon ma song gi stong nyid rtogs pa'i

sbyor lam drod sogs bzhi po de stong nyid la ma 'khrul te/ stong
nyid la mi slu ba'i rig pa yin pa'i phyir/ der thal/ de stong
nyid rtogs pa'i bcad shes yin pa'i phyir/ de bzhi stong nyid kyi
don spyi la 'khrul te/ de la stong nyid kyi don spyi stong nyid
du snang ba'i phyir/ de la stong nyid de stong nyid kyi don spyi
'dres par snang yang

'dres par mi 'dzin te/ de ltar na log shes su 'gyur ba'i phyir/
kha cig  dman lam sngon ma song gi stong nyid rtogs pa'i byang
sems kyi sbyor lam bzhi po de stong nyid la mngon sum yin zhe
na/ de mi 'thad de/ stong nyid de la lkog gyur yin pa'i phyir/
de so skye'i ye shes yin pa'i phyir/ gzhan yang/ de stong nyid

la 'khrul lam ma 'khrul/ dang po ltar yin no zhe na/ 'o na/ de
stong nyid la rtog med log shes yin par thal/ de stong nyid la
'khrul zhing stong nyid la rtog bral gyi shes pa yin pa'i phyir/
'dod na/ dman lam sngon ma song gi theg chen gyi sbyor lam chos
mchog des shes sgrib nyon mongs gzung rtog kun btags

mngon gyur ba yang 'go gnon mi nus par thal/ 'dod pa de'i phyir/
phyi ma ltar yin no zhe na/ de stong nyid mngon sum du rtogs
pa'i shes pa yin par thal/ de stong nyid rtogs pa'i rtog bral
gyi shes pa yin pa'i phyir/ 'dod na/ des mthong spangs rtog pa'i
sa bon dngos su spang nus par thal/ 'dod pa'i phyir/ 'dod

na; theg chen mthong lam bar chad med lam gyis de spangs par
thal/ 'dod pa'i phyir/ yang kha cig  stong nyid rtogs pa'i theg
chen gyi sbyor lam de la stong nyid gsal bar snang zer na/ 'o
na/ de stong nyid la rtog bral ma 'khrul ba'i rig pa yin par
thal/ de stong nyid rtogs pa'i stong nyid gsal bar snang

@93b ba'i blo yin pa'i phyir/ khyab ste/ rnam 'grel las/ gsal
bar snang ba can blo gang/ de ni rtog med/ ces gsungs pa'i
phyir/ gzhan yang/ de la stong nyid gsal bar mi snang bar thal/
de stong nyid kyi don spyis bsgribs pa'i sgo nas stong nyid
snang ba'i blo yin pa'i phyir/ der thal/ stong nyid dang stong
nyid kyi don spyi

'dres par snang ba'i blo yin pa'i phyir te/ de sgra don 'dres
rung du 'dzin pa'i blo yin pa'i phyir/ yang kha cig  stong nyid
rtogs pa'i theg chen gyi sbyor lam drod de gcig du bral la sogs
pa'i rtags la brten nas skyes pa'i stong nyid rtogs pa'i rjes
dpag yin no zhe na/ de mi 'thad de/ stong nyid rtogs pa'i theg
chen

gyi sbyor lam drod kyi ngo bor gyur pa'i stong nyid rtogs pa'i
shes rab de sgom byung gi mkhyen pa yin pa'i phyir/ gsum pa blo
rig la dpyad pa la/ blo rig spyi'i rnam gzhag bshad pa dang/
theg chen gyi sbyor lam blo rig gang yin dpyad pa gnyis/ dang po
la/ gsal zhing rig pa/ blo'i mtshan nyid/ de la dbye na tshad ma

dang/ tshad min gyi blo gnyis/ gsar du mi slu ba'i rig pa/ tshad
ma'i mtshan nyid/ dbye na mngon sum gyi tshad ma dang rjes su dpag
pa'i tshad ma gnyis/ rang gi rten rtags la ma brten par rang gi
gzhal bya la rtog pa dang bral ba'i gsar du mi slu ba'i rig pa/
dang po'i mtshan nyid/ de la dbye na dbang po'i mngon sum gyi
tshad ma/

yid kyi mngon sum gyi tshad ma/ rang rig mngon sum gyi tshad ma/
rnal 'byor mngon sum gyi tshad ma dang bzhi/ rang gi thun mong ma
yin pa'i bdag rkyen dbang po gzugs can pa la brten nas skyes
pa'i rang gi gzhal bya la rtog pa dang bral ba'i mngon sum gyi
tshad ma/ dang po'i mtshan nyid/ dbye na/ gzugs 'dzin dbang po'i

mngon sum gyi tshad ma nas/ reg 'dzin dbang po'i mngon sum gyi
tshad ma'i bar lnga yod/ rang gi thun mong ma yin pa'i bdag rkyen
mig dbang la brten nas rang gi gzhal bya la rtog pa dang bral
ba'i gsar du mi slu ba'i dbang po'i mngon sum gyi tshad ma/ dang
po'i mtshan nyid/ de bzhin du 'og ma rnams la shes par bya'o/
/rang gi

thun mong ma yin pa'i bdag rkyen yid dbang la brten nas rang gi
gzhal bya la rtog pa dang bral zhing gsar du mi slu ba'i mngon
sum gyi tshad ma/ yid kyi mngon sum tshad ma'i mtshan nyid/ rang gi
gzhal bya la rtog pa bral zhing ma 'khrul ba'i gsar du mi slu
ba'i 'dzin rnam/ rang rig mngon sum gyi tshad ma'i mtshan nyid/
rang gi

@94a @#/ /thun mong ma yin pa'i bdag rkyen zhi lhag zung 'brel
gyi ting nge 'dzin la brten nas rang gi gzhal bya yang dag pa'i
don la rtog pa dang bral zhing gsar du mi slu ba'i mngon sum
tshad ma/ rnal 'byor mngon sum gyi tshad ma'i mtshan nyid/ de la
rten gyi sgo nas dbye na/ nyan thos 'phags

pa/ rang rgyal 'phags pa/ byang sems 'phags pa/ sangs 'phags kyi
rgyud kyi rnal 'byor mngon sum dang bzhi yod/ yul gyi sgo nas
dbye na ji snyed pa rtogs pa'i de/ ji lta ba rtogs pa'i rnal
'byor mngon sum gnyis yod/ rang gi rten rtags la brten nas rang
gi gzhal bya lkog gyur la gsar du mi slu ba'i zhen

rig  rjes su dpag pa'i tshad ma'i mtshan nyid/ dbye na/ dngos
stobs rjes dpag  yid ches rjes dpag  grags pa'i rjes dpag gsum
yod/ byas pa'i rtags la brten nas sgra mi rtag rtogs pa'i gsar
du mi slu ba'i zhen rig dang po dang/ dpyad gsum gyi dag pa'i
lung gi rtags las sbyin pas longs spyod

khrims kyi bde/ zhes sogs kyi lung rigs kyi bstan bya'i don la
gsar du mi slu ba'i zhen rig gnyis pa yin/ rtog yul na yod pa'i
rtags las ri bong can la zla sgras brjod rung du rtogs pa'i gsar
du mi slu ba'i rig pa de gsum pa yin/ gsar du mi slu ba ma yin
pa'i rig pa/ tshad min gyi blo'i mtshan nyid/

dbye na/ bcad shes/ the tshom/ yid dpyod/ log shes/ snang la ma
nges dang lnga/ rang gi nyer len du gyur pa'i tshad ma snga mas
rtogs zin pa'i don la mnan nas 'dzin pa'i rig pa/ bcad shes kyi
mtshan nyid/ dbye na/ rtog pa bcad shes/ mngon sum bcad shes
gnyis/ tshur mthong gi rgyud kyi sngon 'dzin

mig shes kyis drangs pa'i sngon po don mthun du nges pa'i nges
shes de dang po dang/ sngon 'dzin mig shes skad cig gnyis pa
gnyis pa yin/ rang gi dmigs pa la mtha' gnyis su dogs pa'i sems
pa/ the tshom gyi mtshan nyid/ dbye na/ don 'gyur gyi the tshom/
don mi 'gyur gyi the tshom gnyis yod/ sgra rtag gam

mi rtag phal cher mi rtag snyam du 'dzin pa'i the tshom dang po
dang/ sgra rtag gam mi rtag phal cher rtag snyam du 'dzin pa'i
the tshom gnyis pa yin/ myong ba dang rang gi rtags yang dag la
ma brten par rang yul bden pa mtha' gcig gsar du nges pa'i zhen
rig  rang nyid yid dpyod kyi mtshan nyid/ de la rgyu mtshan can
gyi

@94b yid dpyod/ rgyu mtshan med pa'i yid dpyod gnyis/ rang gi
zhen yul la 'khrul ba'i rig pa/ log shes kyi mtshan nyid/ dbye
na/ rtog pa log shes dang/ rtog med log shes gnyis yod/ gang zag
gi bdag 'dzin lta bu dang po dang/ zla gcig zla gnyis su snang
ba'i dbang shes gnyis pa yin/ rang yul mngon

sum du snang yang nges pa 'dren mi nus pa'i rig pa/ snang la ma
nges kyi blo'i mtshan nyid/ yid gzugs mdzes la lhag par chags
bzhin pa'i gang zag gi rgyud kyi sgra 'dzin nyan shes lta bu yin
no/ /gnyis pa theg chen gyi sbyor lam de blo rig gang yin dpyad
pa la/ dman lam sngon ma song gi stong nyid rtogs pa'i theg

chen gyi sbyor lam drod sogs bzhi po de/ stong nyid la bcad shes
yin te/ de la tshad ma gnyis ma yin pa bsgrubs zin/ tshad min gyi
blo rnams kyi nang nas the tshom/ log shes/ yid dpyod/ snang la
ma nges kyi blo gang rung ma yin pa'i phyir/ dang po gsum der
thal/ de stong nyid la mi slu ba'i rig pa yin pa'i

phyir; phyi ma der thal/ de mngon sum ma yin pa'i phyir/ khyad
chos gsum ldan gyi theg chen gyi sbyor lam de/ theg dman gyi
sbyor lam las khyad chos drug gi sgo nas khyad par du 'phags te/
de dmigs pa bden bzhi mi rtag sogs bcu drug bden par grub ma
grub gtso bor gcod pa'i sgo nas dmigs pa

dang; rnam pa de gtso bor bden med du 'dzin pa dang/ rgyu'i
khyad par theg pa gsum gyi rtogs rigs tshang bar thob pa'i theg
chen mthong lam gyi thun mong ma yin pa'i nye rgyu byed pa/ theg
chen dge ba'i bshes gnyen gyis thabs shes rdzogs par ston pa'i
yongs 'dzin gyi khyad par dang/ shes sgrib gzung

'dzin gyi rnam par rtog pa bzhi spang bya'i gtso bor byas nas
spong ba dang ldan pa/ theg chen lam gyi lus yongs su rdzogs pa
snga ma snga ma las phyi ma phyi ma gong nas gong du khyad par
du 'phags pa'i khyad chos drug gi khyad par du 'phags pa'i
phyir/ chung 'bring gi khyad par de rgyud gcig pa'i dbang du
byas na de ltar yin

gyis rgyud tha dad pa'i dbang du byas na theg chen gyi rigs can
dbang po rtul 'bring rno gsum gyi sbyor lam gsum ni rim pa bzhin
du sbyor lam chung ngu 'bring chen po gsum du 'jog  de ltar
gsungs pa mtshan nyid pa ma yin te/ rgyan gyi ched du bya ba'i
gdul byas sbyor lam thob ma thag pa'i ye shes de theg chen gyi

@95a @#/ /sbyor lam chung ngu yin pa'i phyir/ theg chen gyi sbyor
lam de dman pa'i sbyor lam las khyad chos drug gi sgo nas khyad
par 'phags pa'i rgyu mtshan yod de/ dman pa'i sbyor lam de khyad
chos de dag dang bral ba'i phyir/ skabs 'dir mi rtag sogs bden
med la dmigs

par gsungs kyang/ der nges pa ni ma yin te/ mi rtag sogs bcu
drug la dmigs pa'i sbyor lam dang bden bzhi'i steng du chos bdag
rags pas stong pa la dmigs pa'i theg chen gyi sbyor lam yod pa'i
phyir/ !khyad par gzhan spang ba dang mi spong ba/ zhes sogs kyi
skabs su/ rtsod pa dang/ lan

gnyis/ dang po la kha cig  dmigs rnam lhag ma rnams ston pa'i
gzhung tshig gis dmigs rnam lhag ma rnams chos can bden bzhi la
brten pa sgras zin la mi ston pa mi rigs par thal/ rgyan gyi
ched du bya ba'i gdul byas dmigs rnam lhag ma rnams chos can
bden bzhi la brten nas rtogs dgos

pa gang zhig  des sgras zin la ma bstan na rgyan gyi ched du bya
ba'i gdul byas dmigs rnam lhag ma rnams chos can bden bzhi la
brten pa rtogs mi nus pa'i phyir/ dang po der thal/ mi rtag sogs
bden med du rtogs pa'i theg chen gyi sbyor lam chos mchog de
theg pa gsum gyi rtogs rigs tshang

bar thob pa'i mthong lam gyi thun mong ma yin pa'i nye rgyu byed
pa'i phyir/ gnyis pa lan la/ sgra gnyis kyi rnam gzhag spyir
bshad pa dang/ lan dngos bshad pa gnyis/ dang po la kha cig
dmigs rnam lhag ma rnams stan pa'i gzhung tshig gis dmigs rnam
lhag ma chos can bden bzhi la brtan

pa sgras zin la ma brjod kyang/ de ltar brten pa mi rtogs pa'i
skyon med de/ de bden bzhi la bltos te chos brjod kyi sgra gang
zhig  chos brjod kyi sgra dang chos can brjod pa'i sgra gnyis
khyad par gzhan spong mi spong ma gtogs gzhi gcig po de brjod pa
la khyad par med pa'i phyir/ zer na/ don dam par dgag

sgrub dang bral ba'i bden pa bzhi zhes brjod pa'i sgra de bden
bzhi la bltos te chos brjod kyi sgra yin par thal/ khyod kyi dam
bca' 'thad pa'i phyir/ 'dod na/ bden bzhi bden par med ces pa'i
sgra de de la bltos te chos brjod kyi sgra yin par thal/ 'dod
pa'i phyir/ 'dod na/ sgra mi rtag ces pa'i sgra

@95b de sgra la bltos te chos brjod kyi sgra yin par thal/ 'dod
pa'i phyir/ 'dod na/ ma yin par thal/ de la bltos te chos can
brjod pa'i sgra yin pa'i phyir/ gzhan yang/ dmigs rnam lhag ma
rnams stan pa'i gzhung tshig gis dmigs rnam lhag ma rnams chos
can bden bzhi la brten pa sgras zin la brjod par thal/ khyod

kyi dam bca' 'thad pa'i phyir/ 'dod mi nus te/ de sgras zin la
mi ston pa mi regs pa'i rtsad par rnam bshad las gsungs pa'i
phyir/ kha cig  don de khyad gzhi khyad chos gnyis kyi nang nas
khyad chos lta bur go bar byed pa'i snyan bya de/ don de la
bltos pa'i chos brjod pa'i sgra'i mtshan nyid zer na/ ri bong

gi rwa khyad gzhi khyad chos gnyis kyi nang nas khyad chos yin
zhes pa'i sgra de chos can/ ri bong rwa la bltos te chos brjod
kyi sgra yin par thal/ ri bong rwa khyad gzhi khyad chos gnyis
kyi nang nas khyad chos su go bar byed pa'i snyan bya yin pa'i
phyir/ der thal/ chos can de yin pa'i phyir/ 'dod na/ khyad chos

brjod pa'i sgra yin par thal/ 'dod pa'i phyir/ yang kha cig  don
de yod pa gang zhig  don de khyad gzhi khyad chos gnyis kyi nang
nas khyad chos lta bur go bar byed pa'i snyan bya/ chos brjod
kyi sgra'i mtshan nyid/ de yod pa gang zhig  de gnyis kyi nang
nas khyad gzhi lta bur go bar byed pa'i snyan bya de/ don de la

bltos te chos can brjod pa'i sgra'i mtshan nyid zer na/ bum pa
khyad gzhi khyad chos gnyis kyi nang nas khyad chos yin zhes
pa'i sgra chos can/ mtshon bya dang po der thal/ mtshan nyid de'i
phyir/ der thal/ chos can de'i phyir/ 'dod na/ mi 'thad de/ bum
pa la bltos te khyad par gzhan spong gi sgra'i don ma tshang

ba'i phyir/ yang kha cig  khyad par gzhan spong gi sgra/ chos
brjod kyi sgra'i mtshan nyid/ khyad par gzhan mi spong ba'i sgra/
chos can brjod pa'i sgra'i mtshan nyid zer ba dang/ chos chos can
gyi sgra gnyis 'gal lo/ /zer na/ 'o na sgra'i mi rtag ces pa'i
ngag de chos can/ chos can brjod pa'i sgra ma yin par thal/

chos brjod kyi sgra yin pa'i phyir/ der thal/ sgra la bltos te
chos brjod kyi sgra yin pa'i phyir/ der thal/ chos can de dang
gcig yin pa'i phyir/ 'dod mi nus te/ sgra'i mi rtag pa la bltos
te chos can brjod pa'i sgra yin pa'i phyir/ der thal/ chos can
de dang gcig yin pa'i phyir/ gnyis pa rang lugs la/
@96a @#/ /don de khyad gzhi khyad chos gnyis kyi nang nas khyad
chos lta bur go bar byed pa'i snyan bya don mthun/ don de la
bltos pa'i chos brjod pa'i sgra'i mtshan nyid/ de dang don de la
bltos pa'i khyad par gzhan spong gi sgra gnyis don gcig  don de
khyad gzhi khyad chos gnyis kyi nang nas

khyad gzhi lta bur go bar byed pa'i snyan bya don mthun/ don de
la bltos te chos can brjod pa'i sgra'i mtshan nyid/ de dang don
de la bltos pa'i khyad par gzhan mi spong ba'i sgra gnyis don
gcig  sgra'i mi rtag ces brjod pa'i sgra de dang po'i mtshan gzhi
yin zhing/ de la sgra la bltos pa'i khyad par gzhan spong gi
sgra

zhes 'chad pa'i rgyu mtshan yod de/ sgra'i mi rtag ces brjod pa'i
tshe mi rtag pa de sgra las gzhan pa'i chos gzhan gyi khyad chos
yin pa blo ngor spangs te go bar byed pa'i phyir/ sgra mi rtag
ces brjod pa'i sgra de gnyis pa yin zhing/ de la sgra la bltos
pa'i khyad par gzhan mi spong ba'i sgra zhes 'chad pa'i rgyu
mtshan yod de/ sgra

mi rtag ces brjod pa'i tshe mi rtag pa de sgra las gzhan pa'i
chos gzhan gyi khyad chos yin pa blo ngor ma spangs par go bar
byed pa'i phyir/ der thal/ rnam 'grel las/ de spyi yan lag tu
byas te/ /bum pa yi ni gzugs so zhes/ /zhes dang/ la la sor mo'i
ldan pa zhes/ /zhes gsungs pa'i phyir/ gnyis pa lan

dngos la/ dmigs rnam lhag ma rnams stan pa'i gzhung tshig gis/
dmigs rnam lhag ma rnams chos can bden bzhi la brten pa sgras
zin la ma bstan kyang mi rtogs pa'i skyon med par bstan pa dang/
sgras zin la ma bstan kyang don gyi go bar bstan pa dang gnyis/
dang po la/ dmigs rnam lhag ma rnams

stan pa'i gzhung tshig gis dmigs rnam lhag ma rnams chos can bden
bzhi la brten pa sgras zin la ma bstan kyang de la brten pa mi
rtogs pa'i skyon med de/ des bden bzhi'i khyad chos brjod pa'i
sgo nas bden bzhi brjod pa gang zhig  gzhi gcig la bltos pa'i
chos chos can brjod pa'i sgra gnyis po de

gzhi gcig po de la bltos pa'i khyad par gzhan spong ma spong ma
gtogs gzhi gcig po de brjod pa la khyad par med pa lta bu yin
pa'i phyir/ gnyis pa la/ de yi na/ rnam pa mngon zhen la sogs
'gog  ces pa'i gzhung gis bden bzhi don dam par dgag sgrub dang
bral bar rtogs pa'i drod chung ngu'i ye

@96b shes de drod chung ngu'i rnam par bstan pa la brten nas
drod 'bring gi rnam pa sogs la yang don gyi go bar bya ba yin
te/ de ltar du bshad pa la brten nas bden pa bzhi po don dam par
dgag sgrub dang bral bar rtogs pa'i drod 'bring gi ye shes de
drod 'bring gi rnam par don gyi go bar 'gyur ba'i phyir/ yang/
gzugs

sogs 'du 'god gnas bral dang/ /zhes pa'i gzhung gis don dam par
dgag sgrub dang bral bas khyad par du byas pa'i bden pa bzhi po
de drod 'bring gi dmigs par bstan pa la brten nas drod chen po'i
dmigs pa sogs la yang go bar bya ba yin te/ de ltar bstan pa la
brten nas don dam par dgag sgrub dang

bral ba'i bden pa bzhi po drod chen po'i dmigs par don gyi go
bar 'gyur ba'i phyir/ de yi ni/ rnam pa mngon zhen la sogs 'gog
/ces sogs kyi bden bzhi don dam par med par rtogs pa'i drod
chung ngu'i ye shes de de'i rnam par bstan pa la brten nas go
bar 'gyur ba'i rgyu mtshan yod de/ thog ma'i gsal

byed de sbyar bas drod 'bring gi dmigs rnam sogs la yang shugs
kyi go bar 'gyur ba'i phyir/ de ltar go dgos kyang de sgras zin
la mi ston pa'i rgyu mtshan yod de/ rgyan gyi tshig sbyar sla ba'i
ched yin pa'i phyir/ skabs 'dir dmigs rnam lhag ma rnams ston
pa'i gzhung tshig gis dmigs rnam lhag ma

rnams chos can bden bzhi la brten pa sgras zin la bstan pa la
rtsod pa yin gyi ma bstan pa la rtsod pa ma yin te/ de ltar yin
na slob dpon 'phags pas/ de mi rtag sogs par mi gnas/ /de rnams
de yis ngo bos stong/ /de dag gcig gi rang bzhin gcig  ces sogs
rtse mo chung ngu'i dmigs rnam

la bden pa'i tshig rnam par ma gzhag pa dang gzhag pa gsungs pas
khyod ltar na chos can bden bzhi la brten pa ma bstan pa'i skyon
med par thal/ bstan pa'i phyir zhes lan mdzad dgos pa'i phyir/ !
gzhi dang de yi gnyen po yi/ /zhes sogs kyi skabs su/ rtog pa
spyi'i rnam gzhag bshad pa dang/ 'dir

bstan spang bya rtog pa bye brag tu bshad pa gnyis/ dang po la/
sbyinr rtog pa'i sgras bstan pa la du ma yod de/ dbus mtha' las/
sems dang sems byung khams gsum po/ /zhes khams gsum gang rung
gis sas bsdus pa'i gnyis snang 'khrul pa'i char gyur pa'i sems
dang sems byung rnams la rtog pa dang/

@97a @#/ /mdzod las/ rtog dang dpyod pa rtsing zhib nyid/ ces yul
la rtsing ba'i rnam pas 'jug pa'i rig pa la rtog par bshad pa
dang/ yang dag pa ma yin pa'i kun rtog la rtog par bshad pa
dang/ rnam 'grel las/ shes gang gang la sgra don 'dzin/ /de ni
de la rtog pa yin/ /

zhes sgra don 'dres rung du 'dzin pa'i zhen rig la rtog par
bshad pa bzhi las phyi ma de rtog pa mtshan nyid pa yin kyang/
dang po gsum po de btags pa ba yin te/ khyi rgan rgya bo'i rgyud
kyi gzugs phyi rol don 'dzin gyi dbang shes de dang mtshungs ldan
gyi tshor ba gnyis rim pa bzhin du khams gsum gang

rung gi sas bsdus pa'i gnyis snang 'khrul pa'i char gyur pa'i
sems dang sems byung gang rung yin kyang rtog pa ma yin pa'i
phyir dang/ yul la rtsing ba'i rnam pas 'jug pa'i khyi rgan rgya
bo'i rgyud kyi gzugs 'dzin dbang shes de yul la rtsing ba'i rnam
pas 'jug pa'i rig pa yin kyang rtog pa ma yin pa'i phyir/

der thal/ dbang shes yin pa'i phyir/ phyi ma de rtog pa mtshan
nyid pa yin te/ rtog pa yin na sgra don 'dres rung du 'dzin pa'i
zhen rig yin pas khyab/ de yin na yang rtog pa yin pas khyab
pa'i phyir/ de ltar byas na sgra don 'dres rung du 'dzin pa'i
zhen rig  rtog pa'i mtshan nyid/ dbye na/ phyin ci ma log pa'i

rtog pa dang/ phyin ci log gi rtog pa gnyis/ dang po la yang/
ming sbyor rtog pa dang/ don sbyor rtog pa gnyis/ rtog pa'i
mtshan nyid kyi zur du 'dres rung zhes smos pa'i rgyu mtshan yod
de/ brda la ma sbyang ba'i gang zag gi rgyud kyi rtog pa rnams
bsdu ba'i ched yin pa'i phyir/ de yang yin te/ brda la ma sbyang

ba'i gang zag gi rgyud kyi bum 'dzin rtog pa de la bum pa'i don
spyi snang yang bum pa'i sgra spyi mi snang ba'i phyir/ der
thal/ des lto ldir ba la bum pa zhes pa'i tha snyad mi byed pa'i
phyir/ de la bum pa zhes pa'i brda mi sbyor ba'i phyir/ gnyis pa
skabs 'dir bstan gyi rtog pa bye brag tu bshad pa la/ rtog pa'i

ngo bo// dbye ba/ grangs nges/ go rim/ dgag sgrub gang gi rnam
pa can yin pa sogs dpyad pa/ phye ba so so'i don/ rtog pa khyad
chos su 'gyur tshul bshad pa dang bdun/ dang po la/ rang gi dmigs
yul chos can tshad grub la dmigs nas bden par 'dzin pa'i bden
'dzin/ 'dir bstan bya'i

@97b gtso bor gyur pa'i shes sgrib tu gyur pa'i spang bya rtog
pa'i mtshan nyid/ dbye na/ der gyur pa'i shes sgrib gzung rtog
dang 'dzin rtog gnyis/ gsum pa grangs nges la/ de la shes sgrib
gzung 'dzin gyi rnam par rtog pa bzhir grangs nges te/ dmigs yul
gzung 'dzin gyi chos la bzhir grangs nges pa'i phyir/ bzhi pa
la/

gzung 'dzin gyi rnam par rtog pa bzhi po go rim de ltar du 'chad
pa'i rgyu mtshan yod de/ shes sgrib gzung 'dzin gyi rnam par rtog
pa mngon gyur ba bzhi po de la 'go gnon dka' sla'i dbang gis de
ltar bshad pa'i phyir/ de ltar 'byung ba'i rgyu mtshan yod de/ de
rnams kyi dmigs yul gzung 'dzin gyi chos rnams nges

dka' sla'i dbang gis de ltar 'byung ba'i phyir/ lnga pa dgag
sgrub gang gi rnam pa can yin dpyad pa la/ kha cig  'dir bstan
spang bya rtog pa la dgag rtog gis khyab zer na/ mi 'thad de/
skabs 'dir theg chen gyi mthong lam la dmigs nas 'jug byar bden
par 'dzin pa'i bden 'dzin dang/ skabs lnga par theg chen

gyi lam 'bras la dmigs nas byang sems lam la bltos pa'i 'jug
byar bden par 'dzin pa'i bden 'dzin bstan bya'i gtso bor byas
nas bstan pa gang zhig  de rnams sgrub rtog yin pa'i phyir/ yang
'dir bstan spang bya rtog pa la sgrub rtog gis khyab zer na/ mi
'thad de/ gzung 'dzin bden med la dmigs

nas 'jug byar bden par 'dzin pa'i bden 'dzin de 'dir bstan spang
bya rtog pa gang zhig  dgag rtog yin pa'i phyir/ dang po der
thal/ de 'dir bstan spang bya'i gtso bo yin pa'i phyir/ der
thal/ dman lam sngon ma song gi byang sems sbyor lam pas spang
bya'i gtso bor byas nas spong ba'i phyir/ der thal/ de shes

sgrib phra zhing phra ba yin pa'i phyir/ kha cig  de dgag rtog
yin kyang 'dir bstan bya'i gtso bo ma yin no/ /zer na/ de yin
par thal/ skabs 'di dang 'og tu shes sgrib kyi bsdus pa'i gzung
'dzin gyi rnam par rtog pa rnams bstan bya'i gtso bor byas nas
bstan dgos pa'i phyir/ der thal/ de ltar ma yin na theg chen

gyi sbyor lam drod sogs bzhi po de spang bya mngon gyur ba gang
gi gnyen po yin pa khong du chud par mi 'gyur ba dang/ mthong
sgom gyi rtse sbyor gnyis po spang bya'i sa bon gang gi gnyen po
yin pa khong du mi chud pa'i phyir/ kha cig  'dir bstan rtog pa
la dgag rtog yod na rnam pa'i khyad chos bstan pa dang zlos par

@98a @#/ /'gyur ro zhe na/ 'o na/ dgag rtog la stong nyid rtogs
pa'i ye shes yin dgos par thal/ dam bca' 'thad pa'i phyir/ 'dod
na/ mi 'thad de/ de ltar 'dod pa ni spang gnyen gyi rnam dbye la
rmongs pa'i skyon yin pa'i phyir dang/ gzung 'dzin gyi chos bden
med la dmigs

nas 'jug byar bden par 'dzin pa'i bden 'dzin yang 'dir bstan
dgos pa'i phyir/ yang 'dir bstan spang bya rtog pa la rang gi
dmigs yul gzung ba tsam la dmigs nas 'jug byar bden par 'dzin
pa'i bden 'dzin yin mi dgos par thal/ nyan rang gi lam 'bras la
dmigs nas byang sems

lam la bltos pa'i ldog byar bden par 'dzin pa'i bden 'dzin de
'dir bstan spang bya rtog pa yin kyang/ rang gi dmigs yul gzung
ba la dmigs nas 'jug byar bden par zhen pa'i bden 'dzin ma yin
pa'i phyir/ de ltar ma yin na 'dir bstan gzung rtog dang/ 'og
nas 'byung ba'i shes sgrib gzung

rtog gnyis don gcig par gsungs pa dang 'gal lo zhe na/ mi 'gal
te/ des na 'dir gzugs sogs sgrub pa'i chos bden par 'dzin pa'i
bden 'dzin dang/ gzung 'dzin bden med la dmigs nas bden par
'dzin pa'i bden 'dzin gnyis ka bstan bya'i gtso bor byas nas
bstan dgos pa'i phyir/ de bstan

bya'i gtso bor byas nas bstan dgos te/ de dman lam sngon ma song
gi byang sems rnams kyis spang bya'i gtso bor byas nas spang
dgos pa'i phyir/ der thal/ de'i zhen yul med par bsgom bya'i
gtso bor byas nas sgom dgos pa'i phyir/ der thal/ dgag bya yod
pa ma yin pas/ /yang dag tu ni bkag med gsal/ /

zhes gsungs pa'i phyir/ 'dir bstan gzung rtog dang 'dzin rtog de
gang/ rdzs 'dzin dang rtag 'dzin de ji lta bu zhe na/ kha cig
gzung ba la gzung rtog 'dzin pa la 'dzin rtog tu byas nas de
gnyis bden par 'dzin pa'i bden 'dzin rim pa bzhin du shes sgrib
gzung rtog dang/ 'dzin rtog tu 'jog go zhe na/ de mi 'thad

de; de gnyis ni dmigs yul tsam gyi sgo nas mi 'jog par dmigs par
'jog tshul gyi sgo nas 'jog pa'i phyir/ kha cig  de gnyis 'dzin
stangs mi mthun pa'i sgo nas 'jog pa yin no zhe na/ 'o na/ theg
chen mthong lam bar chad med lam la 'dzin stangs mi mthun pa
gnyis yod par thal/ de dang rang gi

@98b dmigs yul bzung ba'i chos la dmigs nas 'jug byar bden par
'dzin pa'i bden 'dzin dang/ rang gi dmigs yul 'dzin pa'i chos la
dmigs nas longs spyod pa por bden par 'dzin pa'i bden 'dzin dang
dmigs pa gcig la dmigs nas rnam pa 'dzin stangs dngos 'gal du
zhugs pa'i blo gang zhig

de gnyis 'dzin stangs mi mthun pa'i sgo nas 'jog pa'i phyir/
'dod mi nus so/ /kha cig  gang zag rang rkya thub pa'i rdzas yod
la rdzas 'dzin dang/ gang zag phung po'i chos la btags pa'i
btags yod la btags 'dzin du byas nas/ dang po la dmigs nas 'dzin
pa'i rtog pa shes sgrib rdzas 'dzin rtog pa dang/ phyi

ma la dmigs nas 'dzin pa'i rtog pa shes sgrib btags 'dzin rtog
pa yin no/ /zhe na/ dang po de mi 'thad par thal/ de shes sgrib
ma yin pa'i phyir/ der thal/ de nyon sgrib yin pa'i phyir/ gang
zag gi bdag 'dzin yin pa'i phyir/ phyi ma mi 'thad de/ de 'dzin
stangs don mthun yin pa'i phyir/ der thal/ gang

zag phung po'i chos la btags pa'i btags yod yin pa'i phyir/ kha
cig  gang zag don byed nus pa rdzas 'dzin dang/ de don byed mi
nus pa btags 'dzin du byas nas dang por 'dzin pa'i rtog pa shes
sgrib rdzas 'dzin rtog pa dang/ phyi mar 'dzin pa'i rtog pa shes
sgrib btags 'dzin rtog pa yin no zhe na/ de mi rigs

par thal/ dang po de 'dzin stangs don mthun yin pa'i phyir dang/
phyi ma de'i zhen yul 'gog pa la stong nyid rtogs mi dgos pa'i
phyir/ der thal/ de zhen yul 'gog pa la tha snyad pa'i tshad mas
khegs pa'i phyir/ dang po der thal/ de'i zhen yul bkag na gang
zag la skur 'debs su 'gyur ba'i phyir/ der thal/

gang zag don byed nus pa yin pa'i phyir/ kha cig  gang zag bden
par grub pa rdzas yod dang/ de bden par ma grub pa btags yod du
byas nas dang por 'dzin pa'i rtog pa shes sgrib rdzas 'dzin rtog
pa dang/ phyi mar 'dzin pa'i rtog pa shes sgrib btags 'dzin rtog
pa yin no zhe na/ de mi 'thad par thal/ rtog

pa de gnyis kyi dmigs yul gyi gtso bo la 'dzin pas khyab pa'i
phyir dang/ de lta na phyi ma 'dzin stangs don mthun du 'gyur
ba'i phyir/ gzhan yang/ phyi ma de mi 'thad par thal/ 'dir bstan
shes sgrib btags 'dzin rtog pa la kun btags kyis ma khyab pa'i
phyir/ 'dir bstan shes sgrib rtog pa la lhan

@99a @#/ /skyes yod pa'i phyir/ kha cig  gang zag la rdzas yod
kyis khyab pa dang/ skyes bu la btags yod kyis khyab pa yin no
zhe na/ de mi 'thad de/ de gnyis ming gi rnam grangs yin pa'i
phyir/ der thal/ rgyal po la gdams pa'i mdo las/ rgyal po chen
po skyes bu gang zag 'di

ni khams drug pa can no/ /zhes gsungs pa'i phyir/ de ltar yin
kyang/ 'grel pa las/ gang zag rdzas su yod pa dang skyes bu
btags par yod pa'i rten can zhes gsungs pa dang 'gal ba'i skyon
med de/ de ni gang zag don byed nus par 'dzin pa'i shes pa shes
sgrib rdzas 'dzin rtog pa'i dmigs yul

du gyur pa'i rdzas 'dzin dang/ skyes bu phung po'i chos la btags
yod du 'dzin pa'i shes pa shes sgrib btags 'dzin rtog pa'i dmigs
yul du gyur pa'i btags 'dzin du bstan pa'i phyir/ gang zag rang
rkya thub pa'i rdzas yod du 'dzin pa'i rtog pa'i zhen yul so
skyes mngon sum gyis myong stobs kyi khegs pa

med kyang/ 'phags pa la yod pas rdzas 'dzin so skye'i rten can/
btags 'dzin 'phags pa'i rten can du bshad pa yin gyis/ der nges
pa ni ma yin te/ 'phags pa'i rten la rdzas 'dzin yang yod/ so
skye'i rten la btags 'dzin yod pa'i phyir/ dang po der thal/
'phags pa'i rten la nyon mongs dang bden

'dzin yod pa gang zhig  de gnyis gang rung yin na rdzas 'dzin
yin dgos pa'i phyir/ phyi ma der thal/ gang zag phung po'i chos
la btags yod du rtogs pa'i so skye yod pa'i phyir/ der thal/
gang zag rang rkya thub pa'i rdzas yod kyis stong par rtogs pa'i
so skye yod pa'i phyir/ der thal/ gang zag gi bdag med

rtogs pa'i lam du ma zhugs pa'i gang zag yod pa'i phyir/ rang
lugs la/ shes sgrib rdzas 'dzin rtog pa'i dmigs yul du gyur pa'i
rdzas 'dzin de la shes pa dang gang zag gnyis yod/ shes pa de la
yang don mthun dang don mi mthun gnyis yod de/ gang zag don byed
nus par 'dzin pa'i rtog pa de dang po dang/

gang zag rang rkya thub pa'i rdzas yod du 'dzin pa'i rtog pa de
gnyis pa yin pa'i phyir/ shes sgrib btags 'dzin rtog pa'i dmigs
yul du gyur pa'i btags 'dzin la yang shes pa dang gang zag gnyis
yod/ shes pa de la du ma yod de/ gang zag phung po'i chos la
btags yod du 'dzin pa'i rtog pa dang/

@99b gang zag bden stong sgyu ma lta bur 'dzin pa'i blo sogs yin
pa'i phyir/ gnyis pa btags 'dzin du gyur pa'i gang zag yod de/
gang zag phung po'i chos la btags yod du 'dzin pa'i 'phags pa
rnams de ltar yin pa'i phyir/ gang zag bden stong sgyu ma lta
bur 'dzin pa'i rtog pa de rtog pa kun btags yin

kyang de la dmigs nas longs spyod pa por bden par 'dzin pa'i
bden 'dzin la kun lhan gnyis ka yod de/ rtog pa kun lhan gyi
khyad par dmigs yul gyi sgo nas 'byed na ha cang thal ba'i
phyir/ der thal/ der gyur pa'i sgrib pa lhan skyes yod pa'i
phyir/ 'o na rdzas btags kyi khyad par ji lta bu zhe na/ spyir

rdzas yod kyi sgras bstan pa la/ rigs pas grub pa'i rdzas yod/
brten pa'i rdzas yod/ don byed nus pa'i rdzas yod/ rang rkya
thub pa'i rdzas yod dang bzhi yod cing/ de rnams kyi khyad par
yod de/ gzhi grub na dang po yin pas khyab/ re 'ga' ba ma yin
pa'i rtag pa yin na gnyis pa de yin pas khyab/ dngos

po yin na gsum pa de yin pas khyab/ rdzas yod yin na bzhi pa yin
pas khyab pa'i phyir/ phyi ma de yin na rdzas yod mtshan nyid pa
yin dgos par thal/ dang po gsum rdzas yod btags pa ba dang/ phyi
ma de rdzas yod mtshan nyid par kun btus las gsungs pa'i phyir/
de ltar byas na rang nyid nges pa la rang

gi cha shas nges pa la ltos dgos pa'i chos/ rang nyid btags yod
yin pa'i mtshan nyid/ mtshan gzhi gang zag dang shing rta lta bu
yin/ rang nyid nges pa la rang gi cha shas nges pa la ltos mi
dgos pa'i chos/ rang nyid rdzas yod yin pa'i mtshan nyid/ sngon
po dang shes pa rnams de'i mtshan gzhi yin te/ bsdu

ba las/ gang ci yang rung ste de las gzhan pa dag la mi ltos
shing de las gzhan pa dag la mi brten par rang gi mtshan nyid
'dogs par byed pa de ni mdor na rdzas su yod pa yin par rig par
bya'o/ /gang ci yang rung ste de las gzhan pa dag la ltos shing
de las gzhan pa dag la brten nas rang gi mtshan nyid 'dogs

par byed pa de ni mdor na btags pa'i yod pa yin par rigs par
bya'i rdzas su yod pa ni ma yin te/ zhes gsungs pa'i phyir/ drug
pa phye ba so so'i don bshad pa la/ gzung rtog bshad/ 'dzin rtog
bshad pa gnyis/ dang po la/ kha cig  'dir bstan spang bya rtog
pa la shes sgrib kyis khyab zer na/ gang zag gi

@100a @#/ /bdag 'dzin chos can/ der thal/ de'i phyir/ der thal/
mi rtag sogs bcu drug rtogs pa'i theg chen gyi sbyor lam de/
dmigs pa dang ni rnam pa dang/ /zhes sogs kyi skabs nas bstan
pa'i theg chen gyi sbyor lam yin pa'i phyir/ ma grub na/ der
thal/ skabs der bden

bzhi bden med las gzhan du mi rtag sogs bcu drug la dmigs pa'i
theg chen gyi sbyor lam gcig gsungs pa'i phyir/ 'dod na/ mi
'thad de/ nyon sgrib yin pa'i phyir te/ gang zag gi bdag 'dzin
yin pa'i phyir/ yang kha cig  'dir bstan spang bya gzung rtog la
bden 'dzin gyis khyab zer na/ gzugs

phyi rol don 'dzin gyi rtog pa chos can/ der thal/ de'i phyir/
der thal/ de'i zhen yul gyis stong par rtogs pa'i theg chen gyi
sbyor lam de/ dmigs pa dang ni rnam pa dang/ /zhes sogs kyi
skabs nas bstan pa'i sbyor lam yin pa'i phyir/ der thal/ bden
bzhi'i steng du chos bdag rags pas stong pa la

dmigs pa'i theg chen gyi sbyor lam bstan pa'i phyir/ 'dod na mi
'thad de/ chos can de yin pa'i phyir/ rang lugs la/ rang gi
dmigs yul gzung ba'i chos la dmigs nas longs spyod byar bden par
'dzin pa'i bden 'dzin/ skabs 'dir dngos bstan gyi shes sgrib
gzung rtog gi mtshan nyid/

dbye na/ der gyur pa'i shes sgrib nyon mongs gzung rtog  rnam
byang gzung rtog gnyis/ rang gi dmigs yul kun nas nyon mongs
phyogs kyi chos la dmigs nas longs spyod byar bden par 'dzin
pa'i bden 'dzin/ 'dir dngos bstan gyi shes sgrib nyon mongs
gzung rtog gi mtshan nyid/ de la dbye na/

dmigs yul gyi sgo nas phye ba rnam pa dgu yod/ rang gi dmigs yul
rnam byang phyogs kyi chos la dmigs nas longs spyod byar bden
par 'dzin pa'i bden 'dzin/ 'dir dngos bstan gyi shes sgrib rnam
byang gzung rtog gi mtshan nyid/ dbye na/ dmigs yul gyi sgo nas
dgu yod/ de la kha cig  theg chen

gyi mthong lam la dmigs nas longs spyod bya dang spyod pa po
gnyis kar bden par 'dzin pa'i bden 'dzin chos can/ shes sgrib
gzung rtog yin par thal/ rang gi dmigs yul gzung ba'i chos la
dmigs nas longs spyod byar bden par 'dzin pa'i bden 'dzin yin
pa'i phyir/ der thal/ de la dmigs nas

@100b longs spyod bya dang spyod pa po gnyis kar bden par 'dzin
pa'i bden 'dzin yin pa'i phyir/ zer na/ rnam pa gcig tu na ma
khyab/ 'dod mi nus te/ shes sgrib 'dzin rtog yin pa'i phyir/ zer
na/ ma khyab/ rtags der thal/ rang gi dmigs yul 'dzin pa'i chos
la dmigs nas longs spyod pa por bden par 'dzin pa'i

bden 'dzin yin pa'i phyir/ der thal/ de la dmigs nas longs spyod
bya dang spyod pa po gnyis kar bden par 'dzin pa'i bden 'dzin
yin pa'i phyir/ zer na/ nyer len gyi phung po rtag mi rtag gnyis
kar bden par 'dzin pa'i bden 'dzin chos can/ nyer len gyi phung
po mi rtag par bden par 'dzin pa'i bden 'dzin

yin par thal/ de rtag mi rtag gnyis kar bden par 'dzin pa'i bden
'dzin yin pa'i phyir/ 'dod na/ bden 'dzin yin par thal/ 'dod
pa'i phyir/ 'dod na/ khyod kyi zhen yul gyis stong pa de stong
nyid yin par thal/ 'dod pa'i phyir/ 'dod na/ nyer len gyi phung
po rtag mi rtag gnyis kar bden par med pa stong

nyid du thal/ 'dod pa'i phyir/ 'dod na/ rtag par bden par med pa
stong nyid du thal/ 'dod pa'i phyir/ yang/ nyer len gyi phung po
rtag mi rtag gnyis kar 'dzin pa'i shes pa chos can/ nyer len gyi
phung po rtag par 'dzin pa'i shes pa yin par thal/ de rtag mi
rtag gnyis kar 'dzin pa'i shes pa yin pa'i phyir/

khyab pa khas/ 'dod na/ log shes su thal/ 'dod pa'i phyir/ gzhan
yang/ de chos can/ 'dzin stangs don mthun gyi shes par thal/
nyer len gyi phung po mi rtag par 'dzin pa'i shes pa yin pa'i
phyir/ der thal/ chos can de yin pa'i phyir/ khyab pa khas/ 'dod
na/ mi rigs par thal/ log shes yin

pa'i phyir/ de rtag par 'dzin pa'i shes pa yin pa'i phyir/ kha
cig  'dir bstan shes sgrib rtog pa la longs spyod bya dang spyod
pa por bden par 'dzin pa'i bden 'dzin gang rung yin pas khyab
zer na/ mi 'thad de/ bum pa la dmigs nas longs spyod bya dang
spyod pa po gang du yang bden par mi 'dzin par bum pa

bden par 'dzin pa'i bden 'dzin de 'dir bstan shes sgrib rtog pa
yin pa'i phyir/ shes sgrib gzung rtog dang 'dzin rtog 'gal mi
'gal dpyad pa la/ 'phags seng gnyis ka/ gzhi dang zhes pa'i
gzhung gi dngos bstan gyi shes sgrib gzung rtog dang po dang/ de
yi gnyen po yi/ zhes pa'i dngos bstan gyi
@101a @#/ /shes sgrib gzung rtog gnyis 'gal bar bzhed pa mtshungs/
'phags pas gzhi dang zhes pa'i gzhung gi dngos bstan gyi gzung
rtog de kun byang so sor ma phye bar spyir dmigs/ de yi gnyen po
yi/ zhes pa'i dngos bstan gyi shes sgrib rnam byang gzung rtog
de rnam byang phyogs kyi

chos kho na la dmigs pas khyab par bzhed/ slob dpon ni/ gzhi
dang zhes pa'i dngos bstan gyi gzung rtog la kun nas nyon mongs
phyogs kyi chos kho na la dmigs pas khyab/ de yi gnyen po yi/
zhes pa'i dngos bstan gyi gzung rtog la rnam byang phyogs kyi
chos kho na la dmigs pas khyab par bzhed pa'i phyir/

phyi ma der thal/ gzhi dang zhes pa'i dngos bstan gyi gzung rtog
dang po'i dmigs yul du gyur pa'i rnam byang phyogs kyi chos med
par bzhed/ de yi gnyen po yi/ zhes pa'i dngos bstan gyi gzung
rtog gi dmigs yul du gyur pa'i rnam byang phyogs kyi chos de/
gzhi dang zhes pa'i dngos bstan gyi gzung rtog

dang po'i dmigs yul du gyur pa'i nyon mongs phyogs kyi chos kyi
gnyen po'i rigs su bzhed pa'i phyir/ der thal/ de yi gnyen po
yi/ zhes gsungs pa'i phyir/ rtsa ba'i rtags dang po ma grub na/
der thal/ 'phags pa'i lugs la/ gzhi dang zhes pa'i dngos bstan
gyi gzung rtog dang po'i dmigs yul du

gyur pa'i rnam byang phyogs kyi chos yod pa'i phyir/ der thal/
de'i dmigs yul 'chad pa'i skabs su/ mdo las/ gzugs nang stong pa
nyid dang dngos po med pa'i ngo bo nyid stong pa nyid kyi bar du
mi shes mi mthong/ zhes dang/ gzugs kun nas nyon mongs par mi
shes mi mthong/ rnam par byang bar mi shes

mi mthong/ zhes dang/ gzugs gnas pa ma yin ji ltar gnas pa ma
yin zhe na/ sbyin pa'i pha rol tu phyin pa la gnas pa ma yin
zhes gsungs pa'i phyir/ phyi ma der thal/ de yi gnyen po yi/
zhes pa'i dngos bstan gyi rnam byang gzung rtog la rnam byang
phyogs kyi chos kho na la dmigs pas khyab par bstan

par bzhed pa'i phyir/ 'phags pas de gnyis kyi dngos bstan 'gal
bar bzhed kyang/ spyir shes sgrib nyon mongs gzung rtog dang
rnam byang gzung rtog 'gal bar ma bzhed de/ gzhi dang zhes pa'i
dngos bstan gyi gzung rtog de rnam byang gzung rtog dang nyon
mongs gzung rtog gnyis ka yin/ nyon mongs phyogs

@101b kyi chos kho na la dmigs nas longs spyod byar bden par
zhen pa'i bden 'dzin/ nyon mongs gzung rtog kho na yin gyi rnam
byang gzung rtog ma yin/ de yi gnyen po yi/ zhes pa'i dngos
bstan gyi gzung rtog de rnam byang gzung rtog kho na yin la/
nyon mongs gzung rtog ma yin par bzhed pa'i phyir/ nyi snang
las/

de la gzung ba'i rnam par rtog pa dang po ni dngos po thams cad
pa kho na yin la/ gnyis pa ni rnam par byang ba'i dngos po kho
na yin te/ 'di ni gzung ba'i rnam par rtog pa 'di dag gi khyad
par yin no/ /de ltar byas nas gzung ba'i rnam par rtog pa dang
po gang yin pa de ni/ gnyis pa yang yin no zhes bya ba ni tshig
snga ma

dang ldan pa'o/ /re zhig dang po de ni gnyis pa yang yin pa ni
dper na gzung ba'i rnam par rtog pa dang por gyur pa dngos po
thams cad pa bzhin no/ /gnyis pa kho na yin gyi dang po ma yin
pa ni/ gzung ba'i rnam par rtog pa gnyis pa rnam par byang ba
tsam la brten pa bzhin no/ /zhes gsungs pa'i phyir/ dngos po
tsam gyi

rten can zhes pa'i don yod de/ gzhi dang zhes pa'i dngos bstan
gyi gzung rtog dang po des kun byang so sor phye nas dmigs pa
bcad pa'i don yin pa'i phyir/ der thal/ nyi snang las/ tsam smos
pa ni khyad par gsal ba'i don du yin no/ /zhes gsungs pa'i
phyir/ kha cig  slob dpon 'phags pas gzhi dang zhes

pa'i dngos bstan gyi gzung rtog dang po la/ de yi gnyen po yi/
zhes pa'i dngos bstan gyi gzung rtog gnyis pa yin pas khyab/ de
yi gnyen po yi/ zhes pa'i dngos bstan gyi gzung rtog gnyis pa la
rnam byang gzung rtog kho na yin pas khyab/ gzhi dang zhes pa'i
dngos bstan gyi gzung rtog la nyon mongs gzung

rtog gis khyab par bzhed pas 'khor gsum song ngo zer na/ de mi
'thad de/ 'grel pa de dag gi don sngar bshad pa de dag yin pa'i
phyir dang/ sgrib gnyis kun btags spangs pa'i 'phags pa/ de lta
bu'i rags pa'i gnas la rmongs pa mi srid pa'i phyir/ de ltar yin
kyang/ gzung ba'i rnam par rtog pa dang po

gang yin pa de ni gnyis pa yang yin no zhes dang/ dang po kho
nar 'gyur gyi zhes sogs dang mi 'gal te/ dang po'i don ni gzhi
dang zhes pa'i dngos bstan gyi gzung rtog dang po la gzung rtog
gnyis pa rnam byang gzung rtog yin pas khyab pa'i don dang/ phyi
ma'i don/ nyon mongs phyogs kyi chos kho na la dmigs nas

@102a @#/ /longs spyod byar bden par zhen pa'i bden 'dzin de/
nyon mongs gzung rtog yin gyi rnam byang gzung rtog ma yin pa'i
don yin pa'i phyir/ slob dpon ni/ gzhi dang zhes pa'i dngos
bstan gyi gzung rtog dang rnam byang gzung rtog 'gal bar bzhed
de/ gzhi dang zhes pa'i dngos bstan

gyi gzung rtog dang po'i dmigs yul du gyur pa'i rnam byang
phyogs kyi chos med par bzhed pa'i phyir dang/ rnam byang gzung
rtog yin na rang gi dmigs yul du gyur pa'i rnam byang phyogs kyi
chos yod pas khyab pa'i phyir/ der thal/ 'grel chen las/ gzhan
dag na re/ kun nas nyon mongs pa'i gzhi la brten pa ni

dang po yin la rnam par byang ba'i gzhi la brten pa ni gnyis pa
yin pas/ 'di gnyis phan tshun rnam par chad pa'i rang bzhin can
yin pa'i phyir 'di gnyis ni tha dad pa kho na'o/ /zhes gsungs
pa'i phyir/ shes sgrib nyon mongs gzung rtog gi dmigs yul du
gyur pa'i nyon mongs phyogs kyi chos yin na nyon

mongs kyi chos yin pas ma khyab ste/ zag bcas nyer len gyi phung
po de nyon mongs phyogs kyi chos yin kyang nyon mongs kyi chos
ma yin pa'i phyir/ rnam byang gzung rtog gi dmigs yul du gyur
pa'i rnam byang phyogs kyi chos yin na rnam byang gi chos yin
pas ma khyab ste/ stong nyid bcu drug po de rnam byang

phyogs kyi chos yin kyang/ rnam byang gi chos ma yin pa'i phyir/
dang po der thal/ stong nyid bcu drug ston pa'i mdo rnams rnam
byang phyogs kyi 'grel rkang yin pa'i phyir/ slob dpon gyi
gzhung gis dngos bstan gyi gzung rtog gnyis 'gal bar bzhed
kyang/ kun byang gnyis ka la dmigs nas longs spyod byar

bden par 'dzin pa'i bden 'dzin bzhed de/ srid zhi gnyis ka bden
par 'dzin pa'i bden 'dzin yod/ chos thams cad bden par 'dzin
pa'i bden 'dzin yang yod/ chos thams cad longs spyod bya yin
pa'i phyir/ dang po der thal/ srid zhi bden stong mnyam pa nyid
du rtogs pa'i sa brgyad pa'i ye shes de

dang dmigs pa gcig la dmigs nas 'dzin stangs dngos 'gal du zhugs
pa'i blo yod pa'i phyir/ gnyis pa ma grub na/ chos thams cad
chos can/ khyod bden par 'dzin pa'i bden 'dzin yod par thal/
khyod gang zag gi bdag med yin pa'i phyir/ gsum pa ma grub na/
de chos can/ khyod longs

@102b spyod bya yin par thal/ gzhi grub pa'i phyir/ shes sgrib
rnam byang gzung rtog dang nyon mongs gzung rtog mi 'gal te/
phyi rol pa'i rgyud kyi rgyu snyom 'jug gi bsam gtan gyi dngos
gzhi la dmigs nas longs spyod byar bden par 'dzin pa'i bden
'dzin de de gnyis ka yin pa'i phyir/ de shes sgrib nyon mongs

gzung rtog yin par thal/ rang gi dmigs yul nyon mongs phyogs kyi
chos la dmigs nas longs spyod byar bden par 'dzin pa'i bden
'dzin yin pa'i phyir/ der thal/ nyon mongs phyogs kyi chos gang
zhig  de la dmigs nas longs spyod byar bden par 'dzin pa'i bden
'dzin yin pa'i phyir/ dang po

der thal/ kun nas nyon mongs kyi bden pa yin pa'i phyir/ de rnam
byang gzung rtog yin par thal/ bsam gtan gyi snyom 'jug de rnam
byang phyogs kyi chos gang zhig  de longs spyod byar bden par
'dzin pa'i bden 'dzin yin pa'i phyir/ dang po der thal/ bsam
gtan bzhi tshad med bzhi rnams ston pa'i mdo

rnams rnam byang phyogs kyi 'grel rkang yin pa'i phyir/ nyi
snang las/ gzung ba'i rnam par rtog pa yin la 'dzin pa'i rnam
par rtog pa ni ma yin pa zhes bya ba ni mu bzhi ste/ mu dang po
ni gzugs la sogs pa'i yul drug go/ gnyis pa ni skad cig ma gcig
dang ldan pa'i rnam par rig pa'o/ /gsum pa ni skad cig ma

gzhan gyi de nyid do/ /bzhi pa ni rnam pa de dag dang bral ba'i
shes rab kyi pha rol tu phyin pa'o/ /zhes pa'i don la kha cig
gzung rtog dang 'dzin rtog gnyis la mu bzhi rtsi ba yin no/ /zhe
na/ 'o na/ gzugs sogs yul drug po gzung rtog yin la 'dzin rtog
ma yin pa'i mu yin par thal/ dam bca' 'thad pa'i phyir/

'dod na/ gzugs sogs yul drug po chos can/ gzung rtog ma yin par
thal/ shes pa ma yin pa'i phyir/ dus mtha'i skad cig mar gyur
pa'i mig shes de chos can/ 'dzin rtog tu thal/ de 'dra'i mu yin
pa'i phyir/ 'dod mi nus te/ rtog pa ma yin pa'i phyir/ der thal/
dbang shes yin pa'i phyir/ gsum

pa ni rgyun can gyi shes pa de chos can/ de gnyis ma yin par
thal/ khyod dang sangs 'phags kyi rgyud kyi shes pa'i gzhi mthun
yod pa'i phyir/ yang kha cig  gzung rtog dang 'dzin rtog gi
dmigs yul la mu bzhi rtsi ba yin no zhe na/ dus mtha'i skad cig
mar gyur pa'i shes pa de 'dzin rtog gi dmigs yul ma yin

@103a @#/ /pa'i mu yin par thal/ khyod kyi dam bca' 'thad pa'i
phyir/ 'dod mi nus te/ de gnyis ka'i dmigs yul yin pa'i phyir/
rang lugs la/ de'i don yod de/ so skye'i mngon sum gyi yul du
gyur pa'i gzung rtog dang 'dzin rtog gi dmigs yul la mu gzhi
rtsi ba yin pa'i

phyir/ der thal/ gzugs sogs yul drug po de de'i mngon sum gyi
yul du gyur pa'i gzung rtog gi dmigs yul yin zhing/ 'dzin rtog
gi dmigs yul ma yin pa dang/ dus kyi thung mtha'i skad cig mar
gyur pa'i shes pa de de'i mngon sum gyi yul du gyur pa'i 'dzin
rtog gi dmigs yul yin zhing/

de'i mngon sum gyi yul du gyur pa'i gzung rtog gi yul ma yin pa
dang/ rgyun ldan gyi shes pa de de'i mngon sum du gyur pa'i
gzung rtog dang 'dzin rtog gnyis ka'i dmigs pa yin pa dang/
'bras bu sher phyin de'i mngon sum gyi yul du gyur pa'i gzung
rtog 'dzin rtog gnyis ka'i de ma yin pa'i phyir/ zhes pa'o//

rdzas 'dzin dang btags 'dzin mi 'gal te/ rnam mkhyen de gnyis ka
yin pa'i phyir/ der thal/ rnam mkhyen de gang zag don byed nus
par 'dzin pa'i shes pa yang yin/ gang zag phung po'i chos la
btags yod du 'dzin pa'i shes pa yin pa'i phyir/ bdun pa rtog pa
khyad chos su 'gyur tshul bshad pa la/

mdor bstan pa dang/ rgyas par bshad pa/ rtsod pa spong ba'i sgo
nas don bsdu ba dang gsum/ dang po la/ theg chen sbyor lam drod
sogs bzhi po de shes sgrib gzung 'dzin gyi rnam par rtog pa bzhi
po khyad chos su ldan pa'i don yang yod de/ de bzhi spang byar
ldan pa tsam ma yin par nyon mongs bya mongs byed

du ldan pa'i phyir/ 'grel chen las/ de ltar 'og nas 'chad pa'i
rtse mo'i mngon par rtogs pas bsdus pa mthong ba dang sgom pa'i
lam gyis spang bar bya ba rnam par rtog pa bzhi po rnams kyi
grangs ji lta ba bzhin du nges par 'byung ba'i cha dang mthun pa
'di dag kun nas nyon mongs pa la brten par brjod par

bya'o/ /zhes gsungs pa'i phyir/ gnyis pa rgyas par bshad pa la
dogs pa bkod pa dang/ lan bshad pa gnyis/ dang po la/ theg chen
gyi sbyor lam drod sogs bzhi po la shes sgrib gzung 'dzin gyi
rnam rtog bzhi rim pa bzhin ldan pa'i don yang yod de/ sa bon
dang rim pa bzhin ldan pa yin nam

@103b mngon gyur ba dang rim pa bzhin ldan pa 'am/ 'on te/ rim
pa de ltar du spong ba dag las gang yin/ dang po ltar na mi
'thad de/ drod sogs bzhi ka'i skabs su de bzhi ka'i sa bon yod
pa'i phyir/ gnyis pa ltar yin no zhe na/ de dag dang dus mnyam
mam mi mnyam/ mnyam na dus mnyam ngo bo gcig gam tha dad

yin/ dang po ltar na mi 'thad de/ de rnams dmigs pa gcig la
dmigs nas 'dzin stangs dngos 'gal du zhugs pa'i blo yin pa'i
phyir/ dus mnyam ngo bo tha dad yin na mi 'thad de/ dmigs pa
rigs mthun rdzas tha dad pa'i shes pa du ma gang zag gcig gi
rgyud la mngon gyur du cig car du skye ba med pa'i phyir/

gang zag gcig rgyud tha dad pa gnyis su 'gyur ba med pa'i phyir/
dus mnyam ma yin na/ des rim can du spong ba'i don ma tshang bar
thal/ de dang dus mi mnyam pa'i phyir/ zhe na/ ma khyab/ de
rnams kyi gzung 'dzin gyi chos rnams bden med du rtogs ma rtogs
kyi khyad par byed pa yang mi 'thad de/ stong nyid

rtogs pa'i theg chen gyi sbyor lam drod kyi ye shes des gzung
'dzin gyi chos thams cad bden med du rtogs pa'i phyir/ kha cig
kun nas nyon mongs kyi chos bden med du rtogs pa la de rtogs
dgos pa gzhir byas nas stong nyid rtogs pa'i sbyor lam drod kyi
ye shes des nyon mongs phyogs kyi chos bden med du

rtogs rnam byang phyogs kyi chos bden med du ma rtogs pa sogs
rim can du ldan pa'i don yin/ zhes zer/ de la skyon 'phen pa kha
cig  de gzhir byas nas 'o na stong nyid rtogs pa'i theg chen gyi
sbyor lam drod kyi ye shes des khyab pa'i stong nyid ma rtogs
par thal/ des rnam byang phyogs kyi chos bden med du ma

rtogs pa'i phyir/ zhes zer na/ de yang mi 'thad par thal/ khyab
pa'i stong nyid dang nyi tshe'i stong nyid kyi don yang dgag bya
bden grub kyi spros pa phra rags rdzogs par chod ma chod kyi sgo
nas 'jog gi/ chos can rgya che chung gi sgo nas mi 'jog pa'i
phyir/ de lta ma yin na/ theg chen mthong lam bar chad med lam
des

khyab pa'i stong nyid mngon sum du ma rtogs par thal/ chos thams
cad bden med du mngon sum du ma rtogs pa'i phyir/ der thal/ chos
thams cad mngon sum du ma rtogs pa'i phyir/ khyab pa khas/ gsum
pa rim pa de ltar spong ba yang mi 'thad par thal/ theg chen gyi
sbyor lam drod kyi ye shes de gzung 'dzin

@104a @#/ /gyi chos thams cad bden med du rtogs pa mtshungs pa la
des shes sgrib nyon mongs gzung rtog spong/ rnam byang gzung
rtog mi spong ba'i khyad par de mi 'thad pa'i phyir/ gnyis pa
lan bshad pa la/ kha cig  sbyor lam drod sogs bzhi po de la shes
sgrib gzung 'dzin gyi rnam

par rtog pa bzhi rim can du ldan pa'i don yod de/ drod kyi ye
shes de dang shes sgrib nyon mongs gzung rtog kun btags mngon
gyur ba gnyis po de dngos rgyu gcig tu skyes pa nas/ sbyor lam
chos mchog gi ye shes dang btags 'dzin rtog pa kun btags mngon
gyur ba gnyis dngos rgyu gcig gi ngo bo gcig

tu skyes pa'i phyir/ zer na/ 'o na/ sbyor lam chos mchog de theg
chen mthong lam bar chad med lam la dngos su gnod byed dang/ de
la phan 'dogs byed gnyis ka yin par thal/ dngos su gnod byed
gang zhig  phan 'dogs byed yin pa'i phyir/ dang po der thal/
shes sgrib rtag 'dzin rtog pa yin pa'i phyir/

phyi ma der thal/ de'i rigs mthun gyi rgyu yin pa'i phyir/ gzhan
yang/ theg chen gyi sbyor lam chos mchog chos can/ dman lam
sngon ma song gi byang sems rnams kyis khyod 'bad pas spong dgos
par thal/ shes sgrib rtag 'dzin rtog pa yin pa'i phyir/ 'dod mi
nus te/ byang chub sems dpa' rnams kyi

tshogs mtha' yas pas brgyan pa'i sgo nas bskal pa du mar 'bad pas
sgrub dgos pa'i phyir/ kha cig skyon med de/ theg chen gyi sbyor
lam drod kyi ye shes des nyon mongs phyogs kyi chos rnams bden
med du bsgoms pa la brten nas drod kyi ye shes de nyid kyi cha
rnams 'phel zhing nyon mongs gzung rtog gi

cha rnams nyams par 'gyur ba'i phyir/ dper na/ chu dang 'o ma
'dres pa ngang pas so sor 'byed pa bzhin yin pa'i phyir/ zer na/
de yang mi 'thad de/ ngo bo gcig tu skyes pa'i dngos rgyu nus pa
ji ltar che yang sgra mi rtag par rtogs pa'i tshad ma dang sgra
rtag 'dzin gyi sgro 'dogs mngon gyur ba gnyis ngo bo gcig

tu bskyed mi nus pa'i phyir/ der thal/ de gnyis dmigs pa gcig la
dmigs nas 'dzin stangs dngos 'gal du zhugs pa'i blo yin pa'i
phyir/ ! rang lugs la/ theg chen gyi sbyor lam drod sogs bzhi po
shes sgrib gzung 'dzin gyi rnam par rtog pa bzhi rim can du ldan
pa'i don yang de bzhi'i sa bon

@104b dang ldan pa la byed na sbyor lam bzhi ga'i gnas skabs su
de bzhi'i sa bon yod pas rim can du ldan pa'i don ma tshang bas
mi 'thad de/ des na nyon mongs bya mongs byed du ldan pa la byed
cing nyon mongs bya mongs byed kyi don yang/ nyan rang sdug kun
nye bar zhi ba'i nyer zhi don du gnyer ba rnams kyis nyon sgrib
spang

bya'i gtso bor byas nas 'bad pa drag pos spong ba byed kyi/ de
ltar spangs pas rang gi 'dod bya'i 'bras bu byang chub thob/
spang bya'i gtso bor byas nas mi spong na/ rang gi 'dod bya'i
'bras bu byang chub mi thob pa de bzhin du byang sems rnams kyis
kyang shes sgrib gzung 'dzin gyi rnam rtog bzhi po de rnams
spang

bya'i gtso bor byas nas spong zhing/ de ltar spong bas rnam
mkhyen thob/ de las gzhan du na 'bras bu rnam mkhyen mi thob pas
de'i don du 'bad pa byed pa kun nas nyon mongs bya mongs byed du
ldan pa'i don yin te/ byang chub sems dpa' rnams kyi nyon mongs
pa ni rnam par rtog pa'o/ /zhes gsungs pa gang zhig

gzung 'dzin gyi rnam rtog bzhi po de nyon mongs su yang med/ de
las gzhan du nyon mongs bya mongs byed du ldan pa'i don med pa'i
phyir/ gsum pa rtsod pa spong ba'i sgo nas don bsdu ba la/ kha
cig  dman lam sngon ma song gi theg chen gyi sbyor lam drod sogs
bzhi po de shes sgrib gzung 'dzin gyi rnam rtog bzhi spang

byar ldan pa'i sgo nas dman pa'i sbyor lam las khyad par du
'phags par thal/ de spang byar ldan pa'i sgo nas khyad par du
byas pa'i phyir/ zer na/ ma khyab/ dmyal ba pa de sdug bsngal
che bas 'gro ba gzhan las khyad par du 'phags par thal/ de sdug
bsngal che bas 'gro ba gzhan las khyad par du byas pa'i phyir/

khyab pa khas/ ma grub na/ der thal/ de 'gro ba gzhan las sdug
bsngal che ba'i phyir/ kha cig  shes sgrib de la mthong spangs
sgom spangs gnyis su grangs ma nges par thal/ sbyor lam drod
sogs bzhi po des shes sgrib gzung 'dzin gyi rnam par rtog pa kun
btags mngon gyur ba bzhi po de rim can du spang ba'i

phyir; zer na/ ma khyab/ 'o na/ theg chen gyi sbyor lam drod
sogs bzhi po des shes sgrib gzung 'dzin gyi rnam rtog bzhi po de
rim can du spong ngam mi spong/ mi spong na/ sgra mi rtag rtogs
kyi rjes dpag des sgra rtag 'dzin rtog pa la mi gnod par thal/
khyod kyi dam bca' 'thad pa'i phyir/ 'dod mi nus te/ rnam

@105a @#/ /'grel las/ nges pa dang ni sgro 'dogs kyis/ /gnod bya
gnod byed ngo bo'i phyir/ /'di ni sgro 'dogs dben pa la/ /'jug
ces bya ba shes pa yi/ /zhes gsungs pa'i phyir/ spong na shes
sgrib de la mthong spangs sgom spangs gnyis su grangs ma nges
par thal/ des

rim can du spong ba'i phyir/ khyab pa khas/ kho na re/ skyon med
de/ spang bya'i sa bon spong byed kyi bar chad med lam de la
mthong sgom gyi bar chad med lam gnyis su grangs nges pa'i
phyir/ zer na/ cig shos la yang mtshungs te/ sbyor lam drod sogs
bzhi po des shes sgrib gzung 'dzin gyi rnam rtog

bzhi'i sa bon spong bar khas ma blangs pa'i phyir/ des na theg
chen gyi sbyor lam drod sogs bzhi po des shes sgrib gzung 'dzin
gyi rnam rtog kun btags mngon gyur ba bzhi rim can du spong ba'i
rgyu mtshan yod de/ sbyor lam bzhi la chos thams cad bden med du
rtogs pa la khyad par med kyang/ gom

pa yun ring thung dang/ yon tan gong nas gong du 'phel ba'i
khyad par gyi de ltar du spong ba'i phyir/ der thal/ theg chen
sbyor lam drod kyi ye shes des shes sgrib nyon mongs gzung rtog
kun btags mngon gyur ba nyams dmas pa de tsam du rnam byang
gzung rtog kun btags mngon gyur ba nyams ma

dmas pa'i phyir dang/ sbyor lam bzhi po des shes sgrib bzung
'dzin gyi rnam rtog bzhi'i sa bon spong byed kyi bar chad med
lam rang dus su 'dren par byed pa'i phyir/ ! sems mi 'gong pa
nyid la sogs/ /zhes sogs kyi skabs su/ dgag gzhag gnyis las/
dang po la/ kha cig  byang sems

sbyor lam pa la thabs shes khyad par can gnyis rdzogs par ston
pa'i bdag rkyen dge ba'i bshes gnyen/ byang sems sbyor lam pa'i
phyi'i yongs 'dzin gyi mtshan nyid/ byang sems sbyor lam pa srid
zhi gnyis kyi mthar mi ltung bar 'dzin par byed pa'i thabs shes
khyad par can/ de'i nang gi yongs 'dzin

gyi mtshan nyid zer ba dang/ thabs shes khyad par can gnyis 'gal
lo zhe na/ byang sems sbyor lam pa'i yongs 'dzin du gyur pa'i
nyan thos dgra bcom pa chos can/ mtshan nyid dang po der thal/
mtshon bya dang po de'i phyir/ der thal/ de yod pa'i phyir/ der
thal/ nyan thos dgra bcom pa rnams kyis

@105b de bzhin gshegs pa las theg chen gyi lam 'bras bu dang
bcas pa thos nas de don du gnyer ba'i theg chen gyi rigs can
gzhan la sgrog pas de dag la thos sgrog pa zhes bshad pa'i
phyir/ 'dod mi nus te/ nyan rang rnams kyi thabs shes rdzogs pa
ston mi nus pa'i phyir/ der thal/ de rnams kyi mi nus/ sangs

rgyas rnams kyi nus pas byang chub sems dpa' rnams kyi de dag la
gus par bya dgos par gsungs pa'i phyir/ byang sems sbyor lam
pa'i rgyud kyi stong nyid rtogs pa'i shes rab chos can/ mtshan
nyid phyi ma der thal/ de'i nang gi yongs 'dzin yin pa'i phyir/
der thal/ de'i rgyud kyi mkhyen pa yin pa'i phyir/ 'dod na/

thabs khyad par can yin par thal/ 'dod pa'i phyir/ 'dod mi nus
te/ shes rab khyad par can yin pa'i phyir/ khyab pa khas/ kha
cig  mchog gi sprul sku de/ byang sems sbyor lam pa'i bdag rkyen
dge ba'i bshes gnyen yin no zhe na/ de'i bdag rkyen yin par
thal/ dam bca' 'thad pa'i phyir/ 'dod na/

de'i rgyu yin par thal/ 'dod pa'i phyir/ rang lugs la/ byang
sems sbyor lam pa la thabs shes gang yang rung ba ston pa'i dge
ba'i bshes gnyen/ de'i phyi'i yongs 'dzin gyi mtshan nyid/ byang
sems sbyor lam pa srid zhi gang rung gi mthar mi ltung bar 'dzin
pa'i de'i rgyud kyi mkhyen pa/ de'i nang gi yongs 'dzin

gyi mtshan nyid/ de'i rgyud kyi snying rje chen po lta bu de'i
mtshan gzhi yin/ gzhung gi bstan tshul yod de/ 'phags pa ltar na/
sems mi 'gong pa nyid la sogs/ /de yi mi mthun phyogs bor ba/
/rnam pa kun tu yongs 'dzin yin/ /zhes pas nang gi yongs 'dzin
bstan/ ngo bo nyid med sogs ston byed/ /de yi

mi mthun phyogs bor ba/ /rnam pa kun tu yongs 'dzin yin/ /zhes
pas phyi'i yongs 'dzin bstan/ slob dpon ltar na gzhung des nang
gi yongs 'dzin dngos su bstan nas/ phyi'i yongs 'dzin shugs la
bstan pa'i phyir/ gsum pa rtog pa yi ni chos drug dang/ zhes pa
man chad kyis theg chen gyi sgrub pa de 'chad

na de'i tshul ji lta bu zhe na/ sgrub pa'i rten rang bzhin gnas
rigs kyi dbye ba rtsod spong dang bcas pa 'chad pa la/ rtog pa
yi ni chos drug dang/ /zhes pa nas/ de'i dbye ba yongs su brjod/
/ces pa'i bar gyi gzhung gsungs/ de'i dmigs pa la bcu gcig tu
bsdus nas 'chad par byed pas/ dmigs pa chos
@106a @#/ /rnams thams cad de/ zhes pa nas/ gang dag thub pa'i
thun mong min/ /zhes pa dang/ thams cad mkhyen pa nyid gsum gyi
yul la spyir dge ba'i chos kyi rten can zhes pa'i rtsa 'grel
rnams gsungs/ de'i ched du bya ba la chen po gsum du bsdus nas
'chad pa la

sems can kun mchog nyid sems dang/ /zhes sogs shlo ka gcig
gsungs/ ! rtog pa yi ni chos drug dang/ /zhes sogs kyi skabs su/
nyan thos sde pa'i lugs bshad pa dang/ theg chen pa'i lugs bshad
pa gnyis/ dang po la bye brag tu smra ba rnams kyi ni bdag dang
bdag gi ba la ma chags pa'i

sems byung zhig rigs su 'dod pa yin la/ de la yang bsod snyoms
ngan ngon tsam gyis chog shes pa'i 'phags pa'i rigs sogs su 'dod
pa yin te/ lung las/ chos gos ngan ngon tsam gyis chog shes pa
'phags pa'i rigs/ bsod snyoms ngan ngon tsam gyis chog shes pa
'phags pa'i rigs

gnas mal ngan ngon tsam gyis chog shes pa 'phags pa'i rigs/
spong ba dang sgom pa la dga' ba 'phags pa'i rigs/ zhes gsungs
pa'i phyir/ de bzhi po de yang bsdu na lam sgrub pa'i tshul dang/
sgrub pa'i las dngos gnyis su 'du ste/ dang po gsum lam sgrub
tshul du 'du/ tha ma de las

dngos su 'du ba'i phyir/ der thal/ lung las/ dge slong dag khyed
tshul 'di las 'di byas na ring por mi thogs par thar pa thob bo/
/zhes gsungs pa'i phyir dang/ mdzod las/ ma chags 'phags rigs de
dag las/ gsum gyi tshul bstan tha ma las/ /zhes gsungs pa'i
phyir/ de dag bdag

dang bdag gi ba la chags pa'i gnyen por 'gyur tshul yod de/ dang
po gsum po des chos gos sogs bdag gi ba la chags pa'i chags pa
mngon gyur ba ldog par byed/ tha ma des bdag dang bdag gi ba la
chags pa gtan du zhi bar byed pa'i phyir/ der thal/ mdzod las/
bdag dang bdag

gir mngon 'dod pa/ /de yi dus dang gtan zhi'i phyir/ /zhes
gsungs pa'i phyir/ de la 'phags pa'i rigs zhes 'chad pa'i rgyu
mtshan yod de/ de dag la brten nas 'phags pa rnams skye zhing
'byung bas de ltar du bshad pa'i phyir/ mdzod 'grel las/ 'di dag
las 'phags pa rnams skye bas na

@106b 'phags pa'i rigs bzhi ste/ zhes gsungs pa'i phyir/ gnyis
pa theg chen pa'i lugs bshad pa la/ sems tsam pa'i lugs bshad pa
dang/ dbu ma pa'i lugs bshad pa gnyis/ dang po la rigs kyi ngo
bo/ dbye ba/ rigs kyi khyad par/ rigs 'dus byas su sgrub tshul/
rtsod pa spong ba dang lnga/ dang po ni/ zag

med kyi rtog pa skye rung gi nus pa zhig rigs su 'jog la/ de
yang kun gzhi bzhed pa rnams ni kun gzhi'i steng gi zag med kyi
rtog pa skyed pa'i sa bon de 'jog /mi bzhed pa rnams ni nang
skye mched drug gi steng na yod pa'i zag med sems kyi sa bon la
bzhed de/ mdo las/ byang chub sems dpa' rnams kyi rigs de ni
thog

ma med pa nas brgyud de 'ongs pa chos nyid kyis thob pa skye
mched drug gi khyad par gang yin pa ste/ zhes gsungs pa'i phyir/
gnyis pa la dbye na/ rang bzhin gnas rigs dang/ rgyas 'gyur gyi
rigs gnyis yod de/ thos sogs rkyen gyis gsos ma btab pa'i zag
med kyi sems kyi sa bon de rang bzhin gnas rigs dang/

des gsos btab pa'i zag med sems kyi sa bon de rgyas 'gyur gyi
rigs su 'jog pa'i phyir/ der thal/ byang sa las/ de la rigs gang
zhe na/ mdor bsdu na/ rnam pa gnyis te/ rang bzhin gyi gnas pa
dang/ yang dag par sgrub pa'o/ /de la rang bzhin gyi gnas pa'i
rigs ni byang chub sems dpa' rnams kyi skye mched drug

gi khyad par gang yin pa ste/ de ni gcig nas gcig tu brgyud de
'ongs pa thog ma med pa'i dus can chos nyid kyis thob pa de lta
bu yin no/ /de la yang dag par sgrub pa'i rigs ni sngon dge ba'i
rtsa ba goms par byas pa las thob pa gang yin pa ste/ zhes
gsungs pa'i phyir/ gsum pa rigs gnyis kyi khyad par bshad pa la/

rigs gnyis po de 'gal ba yin te/ de gnyis rten mi brtean dang
rgyu dus su yod med kyi khyad par yod pa'i phyir/ der thal/ mdo
sde rgyan las/ rang bzhin dang ni rgyas pa dang/ /de ni rten
dang brten pa dang/ /yod med nyid dang yon tan ni/ /sgrol ba'i
don du rigs zhes bya/ /zhes gsungs pa'i phyir dang/ rgya mtsho
sbrin las/ sems

bskyed pa ni gzhan yin par rigs par bya ste/ rigs de nyid gnas
skabs kyi khyad par gzhan du 'gyur ba la ming gzhan gyis bstan
pa ni yang dag par sgrub pa zhes bya bas so/ /zhes gsungs pa'i
phyir/ bzhi pa 'dus byas su sgrub tshul la/ rigs gnyis po de 'dus
byas yin te/ sems can rnams la khams mi 'dra ba

@107a @#/ /bden grub gsum/ de la brten nas mos pa mi 'dra ba bden
grub gsum/ de la brten nas gnas skabs sgrub pa mi 'dra ba bden
grub gsum/ de la brten nas 'bras bu byang chub mi 'dra ba bden
grub gsum 'byung ba'i phyir/ der thal/ rgyan las/ khams rnams
dang ni thos

pa dang/ /sgrub pa tha dad dbye ba dang/ /'bras bu tha dad dmigs
pa'i phyir/ /rigs yod nyid du nges par brjod/ /ces gsungs pa'i
phyir/ rgyas 'gyur gyi rigs rgyu dus su med/ 'bras dus su yod/
rang bzhin gnas rigs thos sogs kyis ma gsos pa'i rgyu dus su
yod/ 'bras bu'i dus su med pa'i phyir dang/ mi zad

pa yi rgyu mtshan phyir/ /rigs mchog nyid ces brjod pa yin/ /zhes
theg dman gyi rigs de rang gi lhag med myang 'das kyi tshe zad/
theg chen gyi rigs de lhag med myang 'das kyi tshe mi zad pas
theg chen gyi rigs de rigs mchog tu gsungs pa gang zhig  'dus ma
byas yin na de ltar mi 'thad pa'i phyir/ lung gi rjes

'brang gi sems tsam pas gtan rigs chad gsum/ gnas skabs rigs
chad gcig dang rigs chad kyi gang zag bzhi 'dod de/ mtha' gcig
tu nyes spyod la 'jug pa dang/ dge rtsa gtan nas bcom pa'i rigs
chad gcig dang/ kha cig  bsod nams cha mthun gyi dge rtsa tsam
yod kyang thar pa cha mthun gyi dge rtsa med

pa'i rigs dang/ kha cig  bsod nams cha mthun gyi dge rtsa tsam
yang med pa'i gang zag gcig 'dod pa'i phyir/ der thal/ mdo sde
rgyan las/ la la gcig tu nyes par spyod nges yod/ /la la dkar
po'i chos rnams kun tu bcom/ /la la thar pa'i cha mthun dge ba
med/ /dkar po dman pa yod pa rgyu dang bral/ /

zhes gsungs pa'i phyir/ rigs pa'i rjes 'brang gi sems tsam pa ni
de ltar mi 'dod de/ sems can gyi rgyud kyi sgrib pa gnyen pos
spong rung du 'dod pa'i phyir/ der thal/ sems can gyi rgyud kyi
sgrib pa gnyen pos spong mi rung ba/ rtag yin phyir ram/ zhes
sogs mtha' gzhan 'gog pa'i rigs pa la brten nas

khegs par 'dod pa'i phyir/ yang lung gi rjes 'brang gi sems tsam
pa ni rigs chad kyi gang zag la rigs rgyud la mi ldan pas ma
khyab ste/ rigs dman pa rgyud la ldan pa'i rigs chad kyi gang
zag yod par 'dod pa'i phyir/ der thal/ dkar po dman pa yod pa
rgyu dang bral/ /zhes gsungs pa'i phyir/ de dag

@107b gi lugs la sems can gyi rgyud la khams bden grub de la
brten pa'i sgrib pa bden par grub par 'dod kyang de dag blo bur
bar ni 'dod de/ theg chen gyi rigs can rnams kyi sgrib pa de'i
rtsa bar gyur pa'i bdag 'dzin de de'i zhen yul la 'khrul ba'i
log shes su mthong ba'i sgo nas de las grol ba'i thar pa 'thob
par

byed pa'i phyir/ lnga pa rtsod pa spong ba la/ kha cig  rigs la
'dus byas kyis ma khyab par thal/ rigs dang de bzhin nyid kyi
gzhi mthun yod pa'i phyir/ der thal/ mdo sde rgyan las/ de bzhin
nyid ni thams cad la/ /khyad par med kyang dag gyur pa/ /de
bzhin gshegs nyid de yi phyir/ /'gro kun de yi snying po can//

zhes gsungs pa'i phyir dang/ slob dpon shanti pas rtogs pa yi ni
chos drug dang/ /zhes pa'i skabs su rigs dang chos nyid kyi gzhi
mthun gsungs pa'i phyir dang/ kun btus su yang/ ci'i phyir chos
kyi dbyings zhes bya zhe na/ nyan thos dang rang sangs rgyas
dang sangs rgyas kyi chos thams cad kyi rgyu yin pa'i phyir ro/
/

zhes gsungs pa'i phyir/ zer na/ skyon med de/ dang po gnyis po'i
don ni/ sems can thams cad kyi rgyud la khyad par med par de
bzhin nyid kyis khyab pas rigs kyi ming gis btags pa'i phyir/
phyi ma'i don ni rnam par bzhag 'jog gi rgyu tsam la dgongs pa'i
phyir/ yang kha cig  rigs gnyis po de mi 'gal

bar thal/ rang bzhin gnas rigs la rgyas 'gyur gyi rigs kyis ma
khyab kyang/ rgyas 'gyur gyi rigs la rang bzhin gnas rigs kyis
khyab pa'i phyir/ nyan sa las/ sa bon des 'bras bu de ma bskyed
cing 'bras bu ma grub pa na phra ba zhes bya'o/ /gang gi tshe
'bras bu bskyed cing 'bras bu grub pa de'i tshe na ni/ sa

bon gang yin pa de dang 'bras bu gang yin pa de gcig tu bsdus
nas de'i phyir rigs de rags pa zhes bya bar ston par 'gyur ro/
/zhes gsungs pa'i phyir/ zer na/ mi 'thad de/ des rigs gnyis
'gal bar grub pa'i phyir/ der thal/ rang bzhin gnas rigs de phra
ba dang rgyas 'gyur gyi rigs de rags par

bstan pa gang zhig  rigs phra rags gnyis 'gal ba'i phyir dang/
rgyas 'gyur gyi rigs de rang bzhin gnas rigs las gzhan du gsungs
pa'i phyir dang/ rgya mtsho sprin las/ sems bskyed pa ni gzhan
yin pa rigs par bya ste/ zhes gsungs pa'i phyir dang/ sems tsam
pas zag med kyi rtog pa bskyed

@108a @#/ /rung gi nus pa de rang bzhin gnas rigs su khas blangs
pa la slob dpon 'phags pas 'o na rkyen gyi yang dag par blangs
pa yang rang bzhin gnas rigs su thal ba'i mi 'dod pa'i thal ba
'phangs pa'i phyir/ gnyis pa dbu ma pa'i lugs bshad pa la/ rigs
kyi mtshan nyid/

dbye ba/ rigs ma sad pa'i nyes dmigs/ sad pa'i phan yon/ sgra
bshad pa dang/ rigs chad gsungs pa'i dgongs gzhi bshad pa/ rigs
nas ji ltar 'khrid tshul dang drug /dang po la/ sangs rgyas su
'gyur rung gi chos/ rigs kyi mtshan nyid/ gnyis pa dbye na/ rang
bzhin gnas rigs/ rgyas

'gyur gyi rigs/ de gnyis las gzhan pa'i rigs dang gsum/ kha cig
dri bcas sems kyi chos nyid/ rang bzhin gnas rigs kyi mtshan
nyid/ zer na/ rgyun mtha'i bar chad med lam gyi chos nyid chos
can/ mtshan nyid der thal/ mtshon bya de'i phyir/ 'dod na/ rgyun
mtha'i bar chad med lam dri

ma dang bcas pa'i mkhyen par thal/ 'dod pa'i phyir/ kha cig sems
can gyi rgyud kyi chos dbyings gang zhig  gnas gyur mthar thug
pa'i tshe na ngo bo nyid skur 'gyur rung/ rang bzhin gnas rigs
kyi mtshan nyid zer na/ rgyun mtha'i bar chad med lam gyi chos
nyid chos can/ mtshan nyid der thal/

mtshon bya de'i phyir/ 'dod mi nus te gnas gyur mthar thug pa'i
tshe na ngo bo nyid skur gyur zin pa'i phyir/ rang lugs la/ sems
can gyi rgyud kyi chos dbyings gang zhig ngo bo nyid skur 'gyur
rung/ rang bzhin gnas rigs kyi mtshan nyid/ khyi rgan rgya bo'i
rgyud kyi sems bden stong de'i mtshan gzhi yin/ sangs

rgyas kyi sa'i 'dus byas kyi skur 'gyur rung gi chos/ rgyas
'gyur gyi rigs kyi mtshan nyid/ rgyas gyur gyi rigs la rgyas
'gyur gyi rigs kyis khyab kyang/ rgyas 'gyur gyi rigs la rgyas
gyur gyi rigs kyis ma khyab ste/ khyi rgan rgya bo'i rgyud kyi
zag med sems kyi sa bon de rgyas 'gyur gyi rigs yin kyang

rgyas gyur gyi rigs ma yin pa'i phyir/ der thal/ thos sogs kyi
rkyen gyi gsos ma btab pa'i phyir/ dbye na/ der gyur pa'i gang
zag  shes pa/ ldan min 'du byed dang gsum yod/ der gyur pa'i
gang zag yod de/ byang sems sa dang po ba de yang yin/ 'jug sdom
gsar du thob pa'i gang zag de yang

@108b yin pa'i phyir/ dang po der thal/ 'jug pa las/ 'di ni de
bzhin gshegs pa rnams kyi rigs su'ang skyes pa ste/ /zhes gsungs
pa'i phyir/ phyi ma der thal/ de ring sangs rgyas rigs su skyes/
/sangs rgyas sras su da gyur to/ /zhes gsungs pa'i phyir/ der
gyur pa'i shes pa yod de/ byang sems kyi

rgyud kyi stong nyid rtogs pa'i shes rab dang/ de'i rgyud kyi
snying rje chen po yang de yin pa'i phyir/ der thal/ rgyud bla
ma'i rnam bshad las/ dam pa'i chos thos pa'i rkyen gyis bzhag
pa'i zag pa med pa'i sems kyi sa bon la yang dag par blangs pa
las byung ba'i rigs zhes bya ste/ de tsam du zad pa ni ma yin
te/

byang chub sems dpa'i snying rje la sogs pa yang der shes par
bya'o/ /zhes gsungs pa'i phyir/ kha cig  de mi rigs par thal/
rgyas 'gyur gyi rigs yin na gzugs skur 'gyur rung yin dgos pa
gang zhig  byang sems kyi snying rje sogs gzugs skur 'gyur ba
med pa'i phyir/ dang po der thal/ rnam

bshad las/ yang dag par blangs pa las byung ba'i rigs zhes bya
ba gnas gyur mthar phyin pa ni gzugs kyi skur 'gyur ba de nyid
yin la/ zhes gsungs pa'i phyir/ zhe na/ skyon med de/ byang
'phags kyi rgyud kyi snying rje la sogs pa'i rgyas 'gyur gyi
rigs de rnams gnas gyur mthar thug pa'i tshe ye shes kyi skur
gyur pa'i ye

shes de nyid gzugs sku gnyis su snang ba bskyed pa la dgongs
pa'i phyir/ de gnyis las gzhan pa'i rigs yod de/ byang sems
mthong lam pa'i rgyud kyi kun rdzob bden par gyur pa'i 'gog bden
de de gnyis las gzhan pa'i rigs yin pa'i phyir/ der thal/ blo
bur rnam dag gi char gyur pa'i ngo bo nyid skur 'gyur rung

gi rigs yod pa'i phyir/ ma nges pa'i rigs yod de/ spyir myang
'das thob 'gyur gyi rigs yin pa la theg pa gsum po gang rung gi
rigs su ma nges pa'i rkyen gyis gzhan nas gzhan du 'gyur tu rung
ba'i rigs gcig yod pa'i phyir/ rigs gnyis po de yang gter dang
'bras bu can gyi shing gi dpe'i sgo nas bstan pa yin

te/ rgyud bla ma las/ gter dang 'bras bu'i shing bzhin du/ /rigs
de rnam gnyis shes bya ste/ /thog med rang bzhin gnas pa dang/
/yang dag blangs pa mchog nyid do/ /zhes gsungs pa'i phyir/ rang
bzhin gnas rigs de gter dang chos mthun te/ dper na mi dbul po'i
khyim gyi sa 'og tu mi zad pa'i gter yod kyang

@109a @#/ /mi des de ma shes shing/ gter des kyang nga 'di na yod
ces mi smra bas mi de gter dang ma phrad kyi bar du dbul ba'i
sdug bsngal de las mi thar zhing phrad pa na de las thar ba
ltar/ sems can rnams kyi rgyud la chos nyid rang bzhin gnas rigs
yod/ de mngon sum du ma rtogs na mi grol

zhing rtogs na grol bar 'gyur ba'i phyir/ der thal/ rgyud bla ma
las/ ji ltar mi dbul khyim nang sa 'og na/ /mi zad pa yi gter ni
yod gyur la/ /mi des de ma shes shing gter de yang/ /de la nga
'dir yod ces mi smra ltar/ /de bzhin yid kyi nang chud rin chen
gter/ /dri med bzhag dang bsal med chos nyid kyang/

ma rtogs pas na dbul ba'i sdug bsngal ni/ /rnam mang rgyun du
skye dgu 'dis myong ngo/ /zhes gsungs pa'i phyir/ sems can rnams
kyi mngon sum du mi mthong ba'i rgyu mtshan yod de/ blo bur gyi
dri mas bsgribs pa'i dbang gis ma mthong ba'i phyir/ rgyud bla
ma las/ gos rul nang na rgyal ba'i sku dang ni/ /bud med ngan

pa'i lto na mi bdag dang/ /sa la rin chen gzugs yod ci lta bar/
/blo bur nyon mongs dri mas bsgribs pa yis/ /sems can rnams la
de bzhin khams 'di gnas/ /zhes gsungs pa'i phyir/ rigs gnyis
sbyangs pa la brten nas sku gsum 'thob tshul yod de/ rang bzhin
gnas rigs sbyangs pa la brten nas

ngo bo nyid sku thob/ phyi ma sbyangs pa la rten nas gzugs sku
gnyis 'thob pa'i phyir/ der thal/ rgyud bla ma las/ rigs 'di
gnyis las sangs rgyas kyi/ /sku gsum 'thob par 'dod pa yin/
/dang po'i sku ni dang po ste/ /gnyis pa yis ni phyi ma gnyis/
/zhes gsungs pa'i phyir/ gzhung de dag gi dgongs pa de ltar

yin gyi sems tsam pas 'dod pa ltar ni ma yin te/ sems tsam pas
rang bzhin gnas rigs su 'dod pa'i rigs de la rang bzhin gnas
rigs kyi don ma tshang ba'i phyir/ zag med kyi rtog pa bskyed
pa'i rgyu yin pa'i phyir/ zhe na/ yang dag par khas blangs pa
las byung ba'i rigs kyang rang bzhin gnas rigs su thal/

de yang zag med kyi rtogs pa bskyed pa'i rgyu yin pa'i phyir/
der thal/ nyi snang las/ gzhan dag gi rigs ni skye mched drug gi
khyad par yin no/ /de yang rnam pa gnyis te rkyen gyis yang dag
pa blangs pa dang rang bzhin du gnas pa'o/ /ji skad du de dag gi
ni rang bzhin du gnas pa'i rigs la rang bzhin du brjod pa'i

@109b don brjod dgos so/ /rgyu'i rnam grangs yin no zhe na/
rkyen gyis yang dag par blangs pa yang de yin pa des na don gyi
khyad par ci yod chos nyid kyi rnam grangs yin pa la ni nyes pa
'di med do/ /yang na de dag gi rigs ni btags pa ba yin la 'di
mtshan nyid pa yin te/ des na de dang 'di 'grig pa ma yin no/
/zhes gsungs

pa'i phyir/ gsum pa rigs ma sad pa'i nyes dmigs/ sad pa'i phan
yon/ sgra don dang bcas pa bshad pa la/ sems can rnams rigs de
dag dang ldan pa yin na rigs ldan gyi 'gro ba kha cig da dung
'khor bar 'khor ba ci yin zhe na/ de'i skyon med de/ rigs sad
pa'i bgegs de la bzhi yod pas de'i dbang gis

'khor bar 'khor ba'i phyir/ bgegs de la bzhi yod de/ nyon mongs
shas che ba dang/ grogs ngan gyis zin pa dang/ 'chi ba'i yo byad
kyis phongs pa dang/ rje bo sogs sems can gzhan gyis dbang du
gyur pa dang bzhi yod pa'i phyir/ mdo sde rgyan las/ nyon mongs
goms dang grogs ngan dang/ /'phongs dang

gzhan gyi dbang nyid de/ /mdor na rigs kyi nyes dmigs ni/ /rnam
pa bzhir ni shes par bya/ /zhes gsungs pa'i phyir/ sad pa'i phan
yon gyi khyad par yod de/ rigs sad pa'i gang zag de ngan song du
'gro dka' zhing song yang myur du thar ba dang/ der yang sdug
bsngal chung ngu myong ba dang/ 'khor ba skyo shas dang

bcas pa'i sgo nas sems can smin par byed pa'i phyir/ der thal/
ring mo zhi gnas ngan song du/ /'gro zhing myur du thar ba dang/
/der yang sdug bsngal chung ngu myong/ /skyo bcas sems can smin
par byed/ /ces gsungs pa'i phyir/ khyad par du theg chen gyi
rigs sad pa na sems bskyed pa'i snga rol du snying rje chen po

bsgom pa la dga' ba dang/ bzod pa rgya chen po bsgom pa la dga'
ba dang/ sbyin pa rgya chen po gtong ba la dga' ba sogs 'byung
ba'i phyir/ der thal/ de nyid las/ sbyor ba'i sngon du snying
rje dang/ /mos pa dang ni bzod pa dang/ /dge ba yang dag spyad
pa ni/ /rigs kyi rtags su nges par bshad/ /ces gsungs pa'i

phyir; chos bcu pa'i mdo las/ du ba las ni mer shes dang/ /chu
skyar las ni chur shes ltar/ /byang chub sems dpa' blo ldan gyi/
/rigs ni mtshan ma dag las shes/ /zhes gsungs pa'i phyir/ theg
chen sgrub pas rang nyid la dmigs nas bsgom pas de rnams gong
nas gong 'phel du 'gyur ba'i theg chen

@110a @#/ /sgrub pa'i chos nyid/ theg chen sgrub pa'i rten rang
bzhin gnas rigs kyi mtshan nyid/ bzhi pa ni/ theg chen gyi sbyor
lam drod sogs bzhi bden stong chos can/ khyod la de rnams kyi
rten rang bzhin gnas rigs zhes 'chad pas rgyu mtshan yod de/ theg
chen sbyor lam drod

sogs bzhis rang nyid la dmigs nas bsgoms pas de rnams gong nas
gong 'phel du 'gyur ba'i de rnams kyi chos nyid yin pa'i phyir/
theg chen sbyor lam drod sogs bzhi la gnas pa'i gang zag gi
rgyud kyi zag med kyi rtogs pa bskyed pa'i nus pa chos can/
khyod la rgyas 'gyur gyi rigs zhes 'chad

pa'i rgyu mtshan yod de/ byang sems de rnams kyi rang nyid
sbyangs pa la brten nas sangs rgyas kyi sa'i 'dus byas kyi skur
'gyur ba'i rgyu mtshan gyis de ltar bshad pa'i phyir/ lnga pa
rigs chad gsungs pa'i dgongs gzhi bshad pa la/ nges pa'i rigs
gsum/ ma nges pa'i rigs gcig ste rigs bzhi yod na/

rigs chad gsungs pa'i dgongs pa ji lta bu yin zhe na/ de'i
dgongs pa yod de/ de ni dgongs gzhi dgos pa dngos la gnod byed
gsum gyi sgo nas drang don du 'grel bar byed pa'i phyir/ dgongs
gzhi yod de/ theg pa chen po'i chos la sdang ba'i log sred can
dus yun ring por thar pa mi thob pa la dgongs pa'i

phyir/ dgos pa yod de/ de dag theg chen gyi chos la sdang ba
ldog pa'i dgos pa yod pa'i phyir/ dngos la gnod byed yod de/
sems can thams cad kyi sgrib pa gnyen pos 'bral rung yin pa'i
phyir/ der thal/ sems can thams cad la rang bzhin gyis rnam par
dag pa'i rigs yod pa'i phyir/ der thal/

sangs rgyas kyi 'phrin las sems can thams cad la 'jug pa'i
phyir/ der thal/ mngon mtho lan gcig tsam yang thob ma myong
ba'i sems can med pa'i phyir dang/ de lan cig tsam thob pa de
yang sangs rgyas kyi 'phrin las kyi dbang gis yin pa'i phyir/
rgyud bla ma'i 'grel pa las/ 'di skad du log sred

can gtan yongs su myang ngan las mi 'da' ba'i chos can zhes
gsungs pa gang yin pa de ni theg pa chen po'i chos la sdang ba
log sred can nyid kyi rgyu yin pa'i phyir/ theg pa chen po'i
chos la sdang la ldog pa'i don du dus gzhan la dgongs nas gsungs
pa yin no/ /rang bzhin gyis rnam par dag pa'i rigs

@110b yod pa'i phyir 'ga' yang rten rnam par dag pa mi 'gyur bar
ni 'os pa ma yin te/ gang gi phyir bcom ldan 'das kyis khyad par
med par sems can thams cad la rnam par dag pa rung ba nyid yod
pa la dgongs nas/ thog med gyur kyang tha ma dang ldan pa/ /rang
bzhin gyis dag rtag pa'i chos can ni/ /thog med

sgrubs kyi phyir sgrib mi mthong ste/ /ci ltar gser gyi gzugs ni
sgrib pa bzhin/ /zhes gsungs pa'i phyir/ sems can thams cad kyi
dri ma gnyen por 'bral rung yin te/ de ltar ma yin na sems can
'ga' zhig gi sgrib pa rtag pa yin pa'i phyir ram/ mi rtag kyang
'joms byed kyi thabs mi srid pa'i phyir ram/

srid kyang thabs de shes pa'i gang zag med pa'i phyir ram/ yod
kyang de la don gnyer skye mi srid pa'i gang zag yod pa'i phyir
ram/ de med kyang sdug bsngal gyi yid 'byung skye mi srid pa'i
gang zag yod pa'i phyir ram/ de med kyang sangs rgyas kyi thugs
rje'i yul du ma gyur pa'i sems can yod pa dag las de thams

cad mi rigs pa'i phyir/ rnam 'grel las/ rtag yin phyir ram thabs
med phyir/ /yang na thabs ni mi shes phyir/ /bya ba yongs su
rtogs grangs na/ /rgyu yod phyir na rgyu yis ni/ /gnyen po
bsgoms pas zad phyir ro/ /zhes gsungs pa'i phyir/ kha cig 'phags
pa thogs med kyi kun gzhi bzhed ces smra ba ni mi

rigs par thal/ res sa sde sogs su kun gzhi ston pa'i shes byed
du/ thog ma med pa'i dus kyi khams/ /chos rnams kun gyi gnas yin
te/ /de yod pas na 'gro kun gyis/ /mya ngan 'das pa'ang thob par
'gyur/ /zhes pa'i chos mngon pa'i mdo 'di drangs pa de nyid/
rgyud bla ma'i 'grel par sems can gyi rgyud

kyi sems bden pas stong ba rang bzhin gnas rigs su ston pa'i
khungs su drangs pa gang zhig  kun gzhi bzhed na de'i khungs su
'dren pa de mi 'thad pa'i phyir/ drug pa rigs nas 'khrid tshul
bshad pa la/ thog mar gdul bya'i mos pa rtogs par byed pa'i
thabs nyan sa nas bshad pa ltar du theg pa che chung gi sde

snod thos par byas nas de dag gi don la 'khrid pa na dbang po'i
rim pa rtogs par 'gyur/ de rjes rigs bsags sbyangs kyis khyad
par du byas pa yin pas skyes bu gsum gyi lam gyi rim pa'i sgo
nas 'khrid de/ theg chen gyi rtogs pa bskyed pa'i phyir tshogs
sgo du ma nas bsog sgrib pa sgo du ma nas sbyangs/ sems bskyed
@111a @#/ /pa'i snga rol nas snying rje chen po bsgom pa la dga'
ba dang/ sbyin pa rgya chen po gtong ba dang/ tshul khrims rgya
chen po srung ba dang/ bzod pa rgya chen po sgom pa sogs rgya
chen po'i chos la mos pa brtan po thog mar rnyed pa'i tshe theg
chen gyi rigs la gnas pa zhes bya la/ de nas

skyes bu chung ngu dang 'bring gi bsam pa gting tshugs pa skyes
pa yin na gzhan don gnyer gyi blo dang byang chub don gnyer gyi
bsam pa legs par sbyangs te brtan pa na byang chub mchog tu sems
skyed par byed/ de'i rjes su byang sems kyi spyod pa mtha' yas
pa la slob nus mi nus brtags nas byang sems kyi sdom

pa dang 'gal ba'i rtsa ltung gis mi gos par srung nus par mthong
ba na 'jug sdom len par byed/ sngon tshe rabs du mar nyan thos
dang rang sangs rgyas kyi lam la nan tan byas shing/ thog mar
'khor ba'i sdug bsngal shas cher mi bzod pa'i yid 'byung skyes
nas thog mar de zhi ba la don gnyer skyes nas rgya chen

po'i chos nyams su len pa la re zhig bkrir mi rung zhing/ mi mos
na nyan rang gang rung gi lam la 'khrid par byed pa'i phyir/ !
rkun po phyung ba dang sgo 'phar bcad pa/ zhes sogs kyi skabs
su/ spang gnyen spyi'i rnam gzhag bshad pa dang/ gzhung don
dngos bshad pa gnyis/ dang po la/ kha cig  gnyen

po dang ni spong ba dang zhes pa'i gzhung 'dis sa brgyad pa'i
bar chad med lam gyi spang bya spong tshul kho na bstan pa yin no
zhe na/ de mi 'thad de/ gzhung des mthong sgom bar chad med lam
spyi'i spang bya spong tshul bstan pa'i phyir/ theg chen mthong
lam bar chad med lam pa'i rgyud la bden 'dzin kun btags kyi sa

bon med kyang rgyun mtha'i bar chad med lam gyi gnas skabs su
gnas ngan len gyi dri ma phra mo yod/ de lta bu ni rnam khyen
skad cig dang pos spong ba yin no/ /zer na/ mi 'thad de/ de ltar
'dod pa de ni gnyen po skye 'gyur gyis tshul gyis spong ba dang
'gag 'gyur gyi tshul gyi spong ba'i grub mtha' phyogs gcig tu
khas

blangs pas 'gal ba'i phyir dang/ rnam mkhyen skad cig dang po'i
ngos skal gyi dri ma med pa'i phyir/ der thal/ des dri ma mtha'
dag spangs pa'i phyir/ rtags dang po der thal/ theg chen mthong
lam bar chad med lam gyis bden 'dzin kun btags spong ba na gnyen
po skye 'gyur dang bden 'dzin kun btags

@111b 'gag 'gyur gyi tshul gyi spong/ rgyun mtha'i bar chad med
lam gyis rang dang gnas ngan len gyi dri ma gnyis mnyam du 'gag
'gyur gyi tshul gyi spong ba yin pa'i phyir/ kha cig  rgyun mtha'
bar chad med lam gnas ngan len gyi dri ma phra mo dang ma bral
zer na/ de dang bral bar thal/ 'grel pa las/ gang gi rgyu

byang chub sems dpas gnyen po bsgoms pas mi mthun pa'i phyogs
thams cad dang bral bas na rnam par byang ba'i phyogs rnam par
smin pa'i chos nyid kyi gnas skabs dri ma thams cad dang bral
bas ston ka'i zla ba'i 'od bzhin du dkar po'i ngo bor skyes pa
de'i tshe/ zhes gsungs pa'i phyir/ rang gi lugs la/

gnyen pos spang bya spong tshul yod de/ bsam gtan dang po'i dngos
gzhi gsar du thob pa de'i tshe 'dod sred mngon gyur ba spangs
pa'i don snyom 'jug de las ma nyams tshun chad du 'dod sred mngon
'gyur ba mi 'jug pa dang/ sbyor lam bzod pa thob nas ngan 'gror
skye ba len pa spangs pa'i don ni der las nyon

gyi dbang gis skye ba mi len pa la byed/ byang 'phags kyis skye
rga na 'chi spangs pa dang sdug kun spangs pa'i don ni las nyon
gyi dbang gis de dang de mi byed pa dang de mi 'byung ba'i don
dang/ longs skus ma dag pa'i zhing spangs pa'i don ni zhing der
mi gnas pa'i don dang/ mthong sgom gyi bar chad med lam gyi
spang bya

spong ba'i don ni gnyen pos lag rjes bzhag pa'i sgo nas spong ba
yin pa'i phyir/ kha cig  gnyen po dang ni spong ba dang/ /zhes
pa'i gzhung des mthong sgom gyi rnam grol lam gyi spang bya
spong tshul bstan par thal/ rkun po phyung ba dang sgo 'phar bcad
pa ltar dus mnyam du zhes gsungs pa gang zhig  rkun po phyir
phyung

ba dang sgo 'phar bcad pa dus mnyam pa'i phyir/ zer na/ skyon
med de/ theg chen mthong lam bar chad med lam rdzogs par skyes
pa dang rkun po phyir phyung ba dus mnyam pa'i dpe bshad pa'i
phyir/ yang kha cig  theg chen mthong lam bar chad med lam dang
bden 'dzin kun btags kyi sa bon gnyis dngos su

gnod bya gnod byed yin gyi/ bden 'dzin kun btags mngon gyur ba
dang dngos su gnod byed ma yin te/ bden 'dzin kun btags mngon
gyur ba 'das pa rnams de'i dus su 'das zin pas de dang gnod bya
gnod byed ma yin/ de ma 'ongs pa rnams de'i dus su ma skyes pas
de dang gnod bya gnod byed ma

@112a @#/ /yin/ da lta ba rnams de dang dus mnyam du mi 'jug pas
ma yin pa'i phyir/ der thal/ kun btus las/ gang gi gang las
spong zhe na/ 'das pa ni 'gags pa'i phyir ma yin no/ /ma 'ongs
pa ni ma byung ba'i phyir ma yin no/ /da ltar byung ba ni lam
dang dus mnyam du mi 'jug

pa'i phyir ma yin no/ /'on kyang nyon mongs pa'i gnas ngan len
gang yin pa de las spong ngo/ /gnas ngan len gyi rnam pa gang gi
gnyen po gang byung ba gnyen po'i rnam pa de 'byung ba dang/
gnas ngan len gyi rnam pa de 'gag pa ni mnyam pas mnyam ste
snang ba dang mun pa 'byung ba dang 'gag pa bzhin no/ /

zhes gsungs pa'i phyir/ zer na/ skyon med de/ gang gi zhes pa
nas mi 'jug pa'i phyir ma yin no/ /zhes pa'i bar gyi don ni/
theg chen mthong lam bar chad med lam des spang bya bden 'dzin
kun btags kyi sa bon rang dus su 'das pa bum pa tho bas bcom pa
ltar spong pa yang ma yin/ rang dus su ma 'ongs pa

mdun nas 'phul ba ltar spong ba yang ma yin/ da ltar ba rnams
mdzo sbrel g.yang la skyur ba ltar dus mnyam du 'gag pa'i tshul
gyi spong ba yang ma yin pa'i phyir/ 'on kyang/ zhes pa man chad
kyis bden 'dzin kun btags 'gag pa la mngon du phyogs pa dang bar
chad med lam skye ba la mngon du phyogs pa

dus mnyam pa dang/ de 'gag pa dang bar chad med lam rdzogs par
skyes pa dus mnyam pa'i tshul gyi spong ba snang ba dang mun pa'i
dpe bstan pa'i phyir/ kho na re/ bden 'dzin kun btags kyi sa bon
rdzogs par 'gags zin par thal/ theg chen mthong lam bar chad med
lam rdzogs par skyes zin pa'i phyir/

khyab ste/ bden 'dzin kun btags rdzogs par 'gags pa dang de
skyes pa dus mnyam pa'i phyir/ zer na/ rkun po phyung ba dang
sgo 'phar bcad pa dus mnyam du zhes pa'i don ma grub par thal/
bden 'dzin kun btags 'gags pa dang bar chad med lam skyes ba dus
mi mnyam pa'i phyir/ kho na re/ skyon

med de/ gang zag de'i rgyud la dus mnyam pa'i don yin pa'i
phyir/ zer na/ 'o na/ dman lam sngon ma song ba'i theg chen
sbyor lam chos mchog pa'i rgyud la de ltar dus mnyam pa'am/ theg
chen mthong lam bar chad med lam pa'i rgyud la de ltar dus mnyam
pa gang rung yin par thal/ de gang zag de'i

@112b rgyud la dus mnyam spyir dus mi mnyam pa'i phyir/ sbyor
lam pa'i rgyud la mnyam mo zer na/ sbyor lam pa de'i rgyud la
theg chen mthong lam bar chad med lam/ skyes sam ma skyes/ dang
po ltar na/ de'i rgyud la bden 'dzin kun btags 'gags par thal/
de'i rgyud la bar chad med lam skyes zin pa'i phyir/

khyab ste/ de'i rgyud la bden 'dzin kun btags rdzogs par 'gags
zin pa dang cig shos skyes zin pa dus mnyam pa'i phyir/ khyab pa
khas/ 'dod mi nus te/ de 'dra'i gang zag de so skye yin pa'i
phyir/ phyi ma ltar na de'i rgyud la bar chad med lam skyes par
thal/ bden 'dzin kun btags 'gags pa'i phyir/

ma khyab na sngar ltar ro/ /theg chen mthong lam bar chad med
lam pa'i rgyud la dus mnyam zhe na/ 'o na/ theg chen mthong lam
bar chad med lam pa'i rgyud la bden 'dzin kun btags yod par
thal/ de'i rgyud la de 'gags bzhin pa yin pa'i phyir/ der thal/
de'i rgyud la de 'gags pa la mngon du phyogs pa yin

pa'i phyir/ der thal/ de'i rgyud la de 'gag pa la mngon du
phyogs pa dang bar chad med lam skye ba la mngon du phyogs pa
dus mnyam pa'i phyir/ rtsa bar 'dod mi nus te/ mdo las/ ye shes
la brten mi shes dri ma 'joms/ /ye shes dang ni nyon mongs rtag
par yang/ /de dag res 'ga' tsam yang phrad pa med/ /

ces dang/ nyi ma'i dkyil 'khor mngon par shar ba'i tshe mun pa'i
gnas med cing mi dmigs so/ /zhes sogs gsungs pa'i phyir/ kha cig
/rgyun mtha'i bar chad med lam des gnas ngan len gyi dri ma de
gnyen pos lag rjes bzhag pa'i sgo nas skye mi rung gi chos can
du byas pa yin no zhe na/ des gnas ngan

len gyi dri ma spangs par thal/ khyod kyi dam bca' 'thad pa'i
phyir/ kha cig  des gnyen po'i sgo nas skye mi rung gi chos can
du ma byas zer na/ byas par thal/ de'i rgyud la gnyen po bar
chad med lam skyes stobs kyis skye mi rung gi chos can du byas
pa'i phyir/ yang kha cig  rgyun mtha'i bar chad med lam de dri
ma

dang bral ba'i lam bden yin kyang rgyun mtha'i bar chad med lam
pa'i rgyud kyi 'gog bden de dri ma dang bral ba'i 'gog bden ma
yin zer na/ de yin par thal/ rgyun mtha'i bar chad med lam gyi
chos nyid dri ma dang bral ba'i chos nyid yin pa'i phyir/ der
thal/ rgyun mtha'i bar chad med lam de dri ma dang bral ba'i

@113a @#/ /chos can yin pa'i phyir/ kha cig  de'i rgyud kyi 'gog
bden de gnas ngan len gyi dri ma spangs pa'i 'gog bden yin par
thal/ de dang bral ba'i 'gog bden yin pa'i phyir/ khyab ste/ dri
ma zad ba dri ma dang bral pa dri ma spangs pa rnams ming gi
rnam grangs su gsung rab du ma

las gsungs pa'i phyir/ zer na/ ma khyab bo/ /gnyis pa gzhung don
dngos la/ mthong sgom gyi bar chad med lam bden stong chos can/
rim pa bzhin du de gnyis kyi rten rang bzhin gnas rigs yin te/
de gnyis kyis rang nyid la dmigs nas bsgoms pas de gnyis gong
nas gong 'phel du 'gyur ba'i

de gnyis kyi chos nyid yin pa'i phyir/ ! de'i 'og tu bsam pa ji
lta ba bzhin du/ zhes sogs kyi skabs su/ mtha' dpyad pa la/
drang nges spyi'i rnam gzhag bshad pa dang/ gzhung don dngos
bshad pa gnyis/ dang po la/ kha cig  don dam bden pa dngos bstan
bstan bya'i gtso bor byas nas ston pa'i

mdo/ nges don gyi mdo'i mtshan nyid/ kun rdzob bden pa dngos
bstan bstan bya'i gtso bor byas nas ston pa'i mdo/ drang don gyi
mdo'i mtshan nyid zer na/ dgongs gzhi chos nyid la dgongs nas kun
gzhi yod par ston pa'i mdo chos can/ mtshan nyid phyi ma der
thal/ mtshon bya phyi ma de'i phyir/ 'dod mi nus

te; de'i dngos bstan bstan bya'i gtso bor gyur pa'i kun rdzob
bden pa med pa'i phyir/ der thal/ kun gzhi de yang de ma yin/
dgongs gzhi chos nyid de yang de ma yin pa'i phyir/ dang po der
thal/ kun gzhi med pa'i phyir/ phyi ma der thal/ des chos nyid
dngos bstan bstan bya'i gtso bor byas nas ma bstan

pa'i phyir dang/ de kun rdzob bden pa ma yin pa'i phyir/ gzhan
yang/ sher phyin 'bum gyi nang tshan du gyur pa'i gzugs la ngo bo
nyid med do/ /zhes pa nas/ rnam pa thams cad mkhyen pa nyid la
ngo bo nyid med do/ /de dag ni don dam par yin gyi 'jig rten tha
snyad du ni ma yin no zhes pa'i mdo chos can/ mtshon

bya phyi ma der thal/ mtshan nyid phyi ma de'i phyir/ der thal/
de gzugs nas rnam mkhyen gyi bar gyi chos rnams don dam par med
cing tha snyad du yod pa dngos bstan bstan bya'i gtso bor byas
nas ston pa'i mdo yin pa'i phyir/ yang yum bar ma'i nang tshan du
gyur pa'i byang chen yod bzhin du byang chen yang dag

@113b par rjes su mi mthong ngo zhes pa'i mdo chos can/ drang
don gyi mdo yin par thal/ mtshan nyid de'i phyir/ der thal/ des
yum la sbyod pa'i chos bzhi dngos bstan bstan bya'i gtso bor
byas nas bstan pa'i phyir/ 'dod mi nus te/ nges don gyi mdo yin
pa'i phyir/ kha cig  shes rab snying pos don dam bden pa

dngos bstan bstan bya'i gtso bor byas nas bstan zer na/ 'o na/
de'i nang tshan du gyur pa'i phung po lnga po de dag kyang rang
bzhin gyis stong par rnam par yang dag par rjes su blta'o/ /zhes
pa'i mdo nges don dam bden pa dngos bstan bstan bya'i gtso bor
byas nas bstan par thal/ dam bca' 'thad pa'i phyir/ 'dod mi

nus te/ de la don dam pa'am blo gnod med la snang ba'i dbang gis
bzhag pa ma yin pa'i yul rang gi bsdod lugs kyi ngos nas ma grub
pa zhes pa'i tshig med pa'i phyir/ yang de nges don gyi mdo yin
zhe na/ de chos can/ sgra ji bzhin pa'i mdo yin par thal/ nges
don gyi mdo yin pa'i phyir/ khyab ste/ dbu ma snang ba

las/ nges pa'i don yang gang la bya zhe na/ tshad ma dang bcas pa
dang don dam pa'i dbang du mdzad nas bshad pa gang yin pa ste/
de ni de las logs shig tu gzhan gyis gang du yang drang bar mi
nus pa'i phyir/ zhes gsungs pa'i phyir/ rang lugs la/ don dam
bden pa dngos bstan bstan bya'i gtso bor byas nas

ston pa'i mdo/ nges don gyi mdo'i mtshan nyid/ mtshan gzhi ni
rgyas 'bring bsdus gsum sdud pa dang bcas pa lta bu yin/ don dam
bden pa dngos bstan bstan bya'i gtso bor byas nas mi ston pa'i
mdo/ drang don gyi mdo'i mtshan nyid/ de la drang don sgra ji
bzhin pa'i mdo/ sgra ji bzhin pa ma yin pa'i mdo gnyis

las/ dang po ni/ kye ma 'dus byas rnams mi rtag  skye zhing 'jig
pa'i chos can yin/ /zhes pa'i mdo lta bu yin/ dang po de la nges
don gyi mdo zhes 'chad pa'i rgyu mtshan yod de/ dngos bstan bstan
bya'i gtso bo de las gnas lugs kyi don gzhan du drang mi dgos
pa'i mdo yin pa'i rgyu mtshan gyis de ltar

bshad pa'i phyir/ phyi ma de la drang don gyi mdo zhes 'chad
pa'i rgyu mtshan yod de/ dngos bstan bstan bya'i gtso bo de las
gnas lugs kyi don gzhan du drang dgos pa'i mdo yin pa'i phyir/
de skad du yang ting nge 'dzin rgyal po las/ stong pa bde bar
gshegs pa'i bstan pa ltar/ /nges don mdo sde dag gi bye

@114a @#/ /brag shes/ /gang las sems can gang zag skyes bu
bstan/ /chos de thams cad drang ba'i don du shes/ /zhes gsungs
pa'i phyir dang/ 'jug pa las/ mdo gang de nyid ma yin bshad don
can/ /drang don gsungs pa'ang rtogs nas drang bya zhing/ /stong
nyid don can nges

don shes par gyis/ /zhes gsungs pa'i phyir/ de yang kun rdzob
bden pa dngos bstan bstan bya'i gtso bor byas nas ston pas drang
don gyi mdo dang/ don dam bden pa dngos bstan bya'i gtso bor
bstan pas nges don gyi mdo dang/ ston tshul kun rdzob bden pa
tshig mi 'dra ba sna tshogs pa'i sgo nas don

mi 'dra ba sna tshogs pa ston pa dang/ don dam bden pa ston tshul
zab mo lta dka' zhing rtogs dka' ba dgag bya bden grub kyi spros
pa rnam par bcad pa'i bden stong ro gcig par ston pa dang/ gang
gis bstan pa'i kun rdzob bden pa dang don dam bden pa ni bdag
dang sems can sogs yod pa ni kun

rdzob bden pa dang/ chos dang gang zag bden par med pa de don
dam bden pa yin te/ blo gros mi zad pa'i mdo las/ nges pa'i don
gyi mdo sde ni gang drang ba'i don gyi mdo sde ni gang zhe na/
mdo sde gang dag kun rdzob tu grub pa bstan pa de dag ni drang
ba'i don zhes bya'o/ /mdo sde gang dag don dam du grub pa

bstan pa de dag ni nges pa'i don zhes bya'o/ /mdo sde gang dag
tshig dang yi ge sna tshogs bstan pa de dag ni drang ba'i don zhes
bya'o/ /mdo sde gang dag zab mo lta dka' ba rtogs par dka' ba
bstan pa de dag ni nges pa'i don zhes bya'o/ /mdo sde gang dag
bdag dang sems can dang srog dang gso ba dang skyes bu dang

gang zag dang shed las skyes dang shed bu dang byed pa po dang
tshor ba po skad sna tshogs kyis bshad par bya ba bdag po med pa
la bdag po lta bur bstan pa de dag ni drang ba'i don zhes bya'o/
/mdo sde gang dag stong pa nyid dang/ mtshan ma med pa dang/ smon
pa med pa dang/ mngon par 'du byed pa med pa dang skye ba med pa
dang ma skyes

pa dang sems can med pa dang/ srog med pa dang gang zag med pa
dang bdag po med pa rnam par thar pa'i sgo ston pa de dag ni
nges pa'i don zhes bya ste/ 'di ni nges pa'i don gyi mdo sde la
rton gyi drang ba'i don gyi mdo sde la mi rton pa zhes bya'o/
/zhes gsungs pa'i phyir/ sgra ji bzhin pa ma yin pa'i drang don
gyi mdo la dgongs pa

@114b can gyi mdo dang/ ldem por dgongs pa'i mdo gnyis/ kha cig
mdo yin na/ dgongs pa can gyi mdo dang ldem por dgongs pa'i mdo
gang rung yin pas khyab ste/ theg bsdus las/ dgongs pa bzhi dang
ldem por dgongs pa rnam pa bzhis sangs rgyas kyi gsung rab thams
cad khong du chud par bya'o/ /zhes

gsungs pa'i phyir/ zer na ma khyab ste/ de'i don ni/ de gnyis
gsung rab thams cad khong du chud par bya ba'i thabs yin zhes
pa'i don yin pa'i phyir/ dgongs gzhi dgos pa gnyis kyi nang nas
dgongs gzhi gtso bor byas nas ston pa'i mdo/ dgongs pa can gyi
mdo'i mtshan nyid/ de gnyis kyi nang nas dgos

pa gtso bor byas nas ston pa'i mdo/ ldem por dgongs pa'i mdo'i
mtshan nyid/ zer na/ 'o na/ dgongs pa can gyi mdo dang ldem por
dgongs pa'i mdo gnyis 'gal bar thal/ khyod kyi mtshan nyid 'thad
pa'i phyir/ 'dod mi nus te/ de gnyis yin khyab mnyam yin pa'i
phyir/ der thal/ dgongs gzhi gzhan

zhig la dgongs nas dgos pa'i dbang gis sgras zin la gzhan zhig
ston pas dgongs pa can dang/ dgongs pa gzhan zhig la dgongs nas
dgos pa'i dbang gis lde'u ste 'khyog po'i ngag gis sgras zin la
gzhan zhig ston pas ldem por dgongs pa'i mdo zhes bstan pa'i
phyir/ rang lugs la/ dgongs

gzhi brjod bya'i gtso bor byas nas ston pa'i sgra ji bzhin pa ma
yin pa'i mdo/ dgongs pa can gyi mdo'i mtshan nyid/ dgos pa brjod
bya'i gtso bor byas nas ston pa'i sgra ji bzhin pa ma yin pa'i
mdo/ ldem por dgongs pa'i mdo'i mtshan nyid/ dang po de la dbye
na/ mnyam pa nyid gsum la dgongs nas

gsungs pa'i mdo/ don gzhan la dgongs nas gsungs pa'i mdo/ dus
gzhan la dgongs nas gsungs pa'i mdo/ gang zag gi bsam pa la
dgongs nas gsungs pa'i mdo dang bzhi yod de/ mdo sde rgyan las/
mnyam pa nyid dang don gzhan dang/ /de bzhin du ni dus gzhan
dang/ /gang zag gi ni bsam

pa la/ dgongs pa rnam pa bzhir shes bya/ /zhes gsungs pa'i
phyir/ dang po ni/ nge de'i tshe sangs rgyas rnam gzigs su gyur
te/ zhes pa'i mdo lta bu/ gnyis pa ni/ mdo las/ pha dang ma ni
bsad bya zhing/ /rgyal po gtsang sbra can gnyis dang/ /yul 'khor
'khor dang bcas bcom na/ /mi de dag pa nyid du

@115a @#/ /'gyur/ /zhes pa'i mdo lta bu/ gsum pa ni dus gzhan du
skye ba la dgongs nas bde ba can du skye ba'i smon lam btab pa
tsam gyis der skye bar gsungs pa'i mdo lta bu/ bzhi pa ni/ las
'bras kyi rten du gyur pa'i gang zag rang rkya thub pa'i rdzas
yod 'dod pa'i gang zag gi ngo

bor/ dge slong dag khur yod do/ /zhes sogs kyi mdo lta bu yin/
dang po la/ mnyam pa nyid gsum la dgongs pa zhes 'chad pa'i rgyu
mtshan yod de/ sangs rgyas rnams ni rgyu tshogs gnyis bsags pa
mnyam pa dang/ 'bras bu chos sku brnyes pa mnyam pa la dgongs
nas de ltar du gsungs pa'i phyir/ rnam

pa thams cad du mnyam pa ma yin te/ rigs dang sku bongs kyi tshad
mi mnyam pa'i tshul stan pa yod pa'i phyir/ mdzod las/ sangs
rgyas thams cad tshogs dang ni/ /chos sku 'gro ba'i don mdzad pa/
/mnyam pa nyid de sku tshe dang/ /rigs dang sku bongs tshad kyis
min/ /zhes gsungs pa'i phyir/ gnyis pa des

don gzhan la dgongs nas bstan tshul yod de/ pha ma lta bu'i sred
len gnyis/ rgyal po lta bu'i 'jig lta/ gtsang sbra can lta bu'i
brtul zhugs mchog 'dzin/ yul 'khor lta bu'i rtsa nyon dang nye
nyon rnams bcom na dag pa myang 'das thob par dgongs nas gsungs
pa'i phyir/ ldem por dgongs pa'i mdo

de la rnam pa bzhi yod de/ mdo sde rgyan las/ bzhugs pa ldem por
dgongs pa dang/ mtshan nyid ldem por dgongs pa gzhan/ gnyen po
ldem por dgongs pa dang/ bsgyur ba ldem por dgongs pa ste/ zhes
gsungs pa ltar du yod pa'i phyir/ dang po ni/ nyan thos sde pa
kha cig theg chen la kha drang pa'i ched du

gsungs pa'i mdo lta bu'o/ /gnyis pa ni/ dbu ma pa ltar na gzugs
sgra sogs bden grub tu ston pa'i mdo dang/ sems tsam pa ltar na
gzugs sgra sogs phyi rol don du grub par ston pa'i mdo lta bu
yin/ gsum pa gnyen po la ldem por dgongs pa la du ma yod de/ mdo
sde rgyan las/ sangs rgyas chos

la brnyas pa dang/ /le lo cung zad mchog 'dzin dang/ /nga rgyal
'dod chags spyod pa dang/ /'gyod dang ma nges ldog pa ni/ /sems
can rnams kyi sgrib pa ste/ /de yi gnyen por theg mchog gsungs/
/zhes sogs gsungs pa ltar du yod pa'i phyir/ sangs rgyas la
brnye pa'i gnyen por ni/ nga de'i tshe sangs

@115b rgyas rnam gzigs su gyur to/ /zhes pa'i mdo lta bu yin/
chos la brnyas pa'i gnyen por gang ga'i klung gi bye ma snyed
dang mnyam pa'i sangs rgyas la bsnyen bkur byas na theg chen gyi
rtogs pa skye'o/ /zhes gsungs pa'i mdo lta bu/ le lo can gyi
gnyen por/ de bzhin gshegs pa zla 'od dri med kyi mtshan

smos pa tsam gyis bla na med pa'i byang chub tu nges pa yin no/
/zhes pa'i mdo lta bu yin/ mchog 'dzin gyi gnyen por ni sbyin pa
tsam gyis chog par 'dzin pa'i gang zag gi ngo bor sbyin pa la
cung zad dmad nas tshul khrims kyi bsngags pa brjod pa'i mdo lta
bu yin/ nga rgyal gyi gnyen por sangs rgyas kyi zhing la

la'i yon tan las 'ga' zhig gi yon tan khyad par du 'phags par
ston pa'i mdo lta bu yin/ 'dod chags la spyod pa'i gnyen por ni/
de'i gnyen por yon tan rnams kyi nang nas sangs rgyas kyi zhing
gi 'byor pa'i yon tan gyi bsngags pa ston pa'i mdo lta bu yin/
'gyod pa'i gnyen por gang dag sangs

rgyas byang sems la gnod pa byed pa de dag mtho ris su 'gro'o/
/zhes pa'i mdo lta bu yin/ ma nges pa ldog pa'i sgrib pa'i gnyen
po ni sems tsam pa ltar na mthar thug theg pa gcig tu grub par
ston pa'i mdo dang/ dbu ma pa ltar na mthar thug theg pa gsum du
grub par ston pa'i mdo lta bu yin/ bzhi pa ni/

snying po med la snying por shes/ /phyin ci log la legs par
gnas/ /nyon mongs pas ni rab nyan mongs/ /byang chub dam pa
'thob par 'gyur/ /zhes pa'i mdo lta bu yin te/ snying po ni rnam
g.yeng dang/ de med pa ni ting nge 'dzin gyi bslab pa dang/
phyin ci ma log pa ni gtsang bde rtag bdag tu 'dzin pa dang/ log

pa ni mi rtag sdug bsngal sogs su rtogs pa'i shes rab kyi bslab
pa dang/ de nyid kyi rten tshul khrims kyi bslab pa dang/ nyon
mongs pa'i rab tu nyon mongs pa ni yun ring por rgyal sras kyi
dka' spyad kyis ngal ba byas pa la byed pa'i phyir/ de la sgyur
ba la ldem por dgongs pa zhes 'chad pa'i rgyu mtshan yod de/

rab tu grags pa'i tshig ngan pas rab tu ma grags pa'i don bzang
po bsgyur te ston par byed pa'i rgyu mtshan gyis de ltar bshad
pa'i phyir/ spyir gsung rab kyi brjod bya de la gsung pa po ston
pa'i dgongs pa yin zhing gsung rab de'i dgongs pa ma yin pa
dang/ gsung rab de'i dgongs pa yin zhing/ gsung ba po
@116a @#/ /ston pa'i dgongs pa ma yin pa dang/ de gnyis ka'i
dgongs pa yin pa dang/ de gnyis ka'i dgongs pa ma yin pa ste mu
bzhi yod/ dngos po bden med dang po yin te/ ston pa'i dgongs pa
yin kyang/ sems tsam pa'i mdo'i dgongs pa ma yin pa'i phyir/
dngos po bden

grub de de'i dgongs pa yin kyang/ ston pa sangs rgyas kyi dgongs
pa ma yin/ chos thams cad bden med de gsum pa yin te/ de rgyas
'bring bsdus gsum dang ston pa gnyis ka'i dgongs pa yin pa'i
phyir/ pha ma bsad bya yin pa de ston pa dang/ pha dang ma ni
bsad bya zhing/ /zhes sogs kyi mdo gnyis

ka'i dgongs pa ma yin pa'i phyir/ kha cig  las 'bras kyi rten du
gyur pa'i gang zag rang rkya thub pa'i rdzas yod du grub par
'dod pa'i gang zag gi ngo bor nga rang rkya thub pa'i rdzas yod
du grub pa de bstan pa'i sgo nas kun rdzob bden pa bstan pa yin
no/ /zer na/ de'i ngo bor gang zag rang rkya thub pa'i rdzas yod
du grub

pa de 'dra'i gang zag des las 'bras kyi rten du gyur pa'i gang
zag tu 'dod par thal/ khyod kyi dam bca' 'thad pa'i phyir/ 'dod
na/ mi 'thad de/ de 'dus ma byas yin pa'i phyir/ kha cig  byang
chen yod bzhin du byang chen yang dag par rjes su mi mthong ngo/
/zhes sogs kyi mdo de drang don gyi mdo yin par

thal/ de dngos bstan bstan bya'i gtso bo'i don de las gnas lugs
kyi don gzhan du drang dgos pa'i mdo yin pa'i phyir/ zer na/ ma
khyab/ kho na re/ khyab ste/ drang don du 'grel tshul la/ bstan
bya'i gtso bo de las gnas lugs kyi don gzhan du drang ba'i sgo
nas 'grel ba dang/ dgongs gzhi dgos pa dngos

la gnod byed gsum gyi sgo nas drang don du 'grel tshul gnyis yod
pa'i phyir/ zer na/ skyon med de/ dang po'i don ni/ dngos bstan
bstan bya'i gtso bo gang yin thams cad las gnas lugs kyi don
gzhan du drang dgos pa'i don yin pa'i phyir/ kha cig  dge slong
dag khur yod de/ /zhes sogs kyi mdo des las

'bras kyi rten du gyur pa'i gang zag rang rkya thub pa'i rdzas
yod 'dod pa'i gang zag gi ngo bor de bstan pas drang don gyi mdo
la kun rdzob bden pa dngos bstan bstan bya'i gtso bor byas nas
bstan dgos te/ mdo de dang/ pha dang ma ni bsad bya zhing/ /zhes
sogs kyi mdo gnyis drang don gyi mdo yin par mtshungs kyang/ de
gnyis

@116b drang don du 'grel tshul mi mthun par drang nges rnam 'byed
las gsungs pa'i phyir/ zhe na/ skyon med de/ mdo dang por gang
zag rang rkya thub pa'i rdzas yod bstan/ mdo phyi mas pha ma
bsad bya yin par ma bstan pas 'grel tshul mi mthun par bstan pa'i
phyir/ khur yod do/ /khur khur pa po yod do zhes pa'i mdo 'dis/

khur dang khur ba po'i dpes gang zag rang rkya thub pa'i rdzas
yod bstan kyang/ gang zag gi bdag ma bstan par ma zad des sgras
zin la yang ma bstan te/ gang zag gi bdag khas len pa'i nang sde
med pa'i phyir dang/ mdo de'i ched du bya ba'i gdul bya des chos
thams cad stong zhing bdag med par khas len pa'i phyir/

gnyis pa gzhung don dngos bshad pa la/ rjes thob tu drang nges
kyi mdo sde sna tshogs pa la brten nas/ gzhan don go rims su byed
pa'i sa bcu pa bden pas stong pa chos can/ de'i rten rang bzhin
gnas rigs yin te/ des khyod la dmigs nas bsgoms pas de gong nas
gong 'phel du 'gyur ba'i de'i chos nyid

yin pa'i phyir/ ! rten pa'i chos kyi bye brag gis/ /zhes sogs
kyi skabs su/ rtsod pa dang lan gnyis/ dang po la/ rtog pa yi ni
chos drug dang/ /zhes pa'i skabs su/ theg chen gyi sgrub pa bcu
gsum bden pas stong pa theg chen sgrub pa'i rten rang bzhin gnas
rigs su bstan pa la/ kha cig  sems can

thams cad theg chen gyi lam gyi gnas skabs kyi rigs la gnas par
thal/ sgrub pa bcu gsum bden pas stong pa de rigs gang zhig sems
bden pas stong pa sems can thams cad kyi rgyud la spyir gnas
pa'i phyir/ zer na/ skyon med de/ sems bden pas stong pa rgyud
la gnas pa tsam gyi theg chen lam gyi gnas

skabs kyi rigs la gnas pa ma yin pa'i phyir dang/ theg chen
sgrub pas rang nyid la dmigs nas bsgoms pas rtogs pa gong nas
gong 'phel du 'gyur te/ rigs khyad par can du gnas pa na theg
chen lam gyi gnas skabs kyi rigs la gnas par 'jog pa'i phyir/
yang gnas skabs rigs gsum dang rigs can

gsum gyi dbye ba mi 'thad par thal/ sems bden pas stong pa rigs
gang zhig  de la ngo bo la rigs mi 'dra ba'i khyad par med pa'i
phyir/ zer na/ gnyis pa lan bshad pa la/ dgag bzhag gnyis las/
dang po la kha cig  'dir bstan gyi rtsod lan ni/ theg chen gyi
rigs bcu gsum gyi dbye ba mi 'thad pa'i

@117a @#/ /rtsod lan byed pa yin no/ /zhe na/ mi 'thad de/ 'dir
bstan pa'i rtsod lan ni/ mdo las/ 'jam dpal chos kyi dbyings
gcig dang de bzhin nyid gcig dang yang dag pa'i mtha' gcig yin
na de la snod dang snod ma yin pa ji ltar gdags zhes gsungs pa
dang mthun par kho na

mdzad pa gang zhig  khyod ltar na theg chen gyi sgrub pa bcu
gsum rgyud la ldan pa'i byang sems rnams theg chen gyi snod dang
snod ma yin pa'i khyad par yod ces pa'i lan mdzad rigs pa las de
lta bu'i dogs pa rgol ba rtogs ldan la mi skye ba'i phyir/ yang
'di'i rtsod lan ni nyan thos slob pa 'phags pas rang

rgyud kyi sems gang zag gi bdag med pa la dmigs nas bsgoms pas
rtogs pa gong 'phel du 'gyur ba dang/ rang rgyal slob pa 'phags
pas rang rgyud kyi sems gzung 'dzin rdzas gzhan gyis stong pa la
dmigs nas bsgoms pas rtogs pa gong 'phel du 'gyur ba dang/ theg
chen slob pa 'phags pa rnams

kyis rang rgyud kyi de bzhin nyid la dmigs nas bsgoms pas rtogs
pa gong 'phel du 'gyur ba'i gnas skabs rigs gsum dang rigs can
gsum gyi dbye ba mi 'thad pa'i lan mdzad pa yin no zhe na/ de
yang mi 'thad de/ 'dir rtog pa yi ni chos drug dang/ zhes sogs
kyi skabs su sgrub pa bcu gsum bden

pas stong pa theg chen sgrub pa'i rten rang bzhin gnas rigs su
bstan pa la/ gnas skabs rigs gsum dang rigs can gsum gyi dbye ba
mi 'thad pa'i rtsod lan mdzad pa gang zhig  khyod kyi de la
'brel med pa'i phyir/ rtags phyi ma der thal/ bdag med phra rags
gsum 'gal ba'i phyir/ kha cig  'phags

pa la stong nyid mngon sum du rtogs pas khyab pas/ theg pa gsum
gyi 'phags pa'i rgyud kyi chos dbyings la ngo bo la rigs mi 'dra
ba'i khyad par med kyang/ gnas skabs rigs gsum dang rigs can
gsum gyi dbye ba mi 'thad pa'i lan mdzad pa yin zhe na/ de yang
mi 'thad de/ bden 'dzin gyis bcings

pa'i theg dman 'phags pa yod pa gang zhig  thal 'gyur ba'i 'dod
pa ltar nyan thos kyi mthong lam thob pa la stong nyid mngon sum
du rtogs dgos par mi bzhed kyang/ stong nyid rtogs pa'i nyan
thos yod par bzhed pa'i dbu ma rang rgyud pa shin tu mang bar
rnam bshad snying po rgyan du gsungs pa'i phyir/ rtags

@117b dang po der thal/ de ni mtshan mar dmigs sgo nas/ /zhes
sogs gsungs pa'i phyir/ gnyis pa rang gi lugs la/ lan dngos
dang/ rgyan rtsa 'grel gyi dgongs pa thal 'gyur du gnas mi gnas
sogs la dpyad pa dang gnyis/ dang po la/ sems can thams cad kyi
sems bden stong la ngo bo la rigs mi

'dra ba'i khyad par med kyang/ gnas skabs rigs gsum dang rigs
can gsum gyi dbye ba mi 'thad pa'i skyon med de/ theg pa gsum
gyi slob pa 'phags pa gsum po de la tshogs rgya che chung dang
dbang po rno rtul gyi khyad par gyi de gsum gyi sgrub pa gsum po
des rim pa bzhin du de bden stong gsum la

dmigs nas bsgoms pas theg pa gsum gyi rtogs pa gong nas gong
'phel du 'gyur ba'i khyad par du 'phags pas gnas skabs rigs gsum
dang rigs can gsum gyi dbye ba 'thad pa'i phyir/ gzhan yang/
gnas skabs rigs gsum dang rigs can gsum gyi khyad par mi 'thad
pa'i skyon med de/

rten pa sgrub pa mi 'dra ba gsum gyi dbye bas gnas skabs rigs
gsum dang rigs can gsum gyi dbye ba 'thad pa'i phyir/ dper na/
nyer len 'jim pa gcig las grub cing rkyen me lce gcig gis so
btang ba'i bum pa'i nang du li kha ra dang/ sbrang rtsi la sogs
blugs pa na bcud mi 'dra ba'i dbye bas li kha ra'i

bum pa sogs kyi tha snyad byed pa bzhin yin pa'i phyir/ 'grel pa
las/ ji ltar nyan thos kyi theg pa la sogs pa'i rtogs pas rim
gyis dmigs pa de bzhin du 'phags pa'i chos rtogs par bya ba'i
phyir/ chos kyi dbyings rgyu'i ngo bor rnam par 'jog pa'i sgo
nas rigs nyid du tha snyad 'dogs so/ /zhes gsungs

pa'i phyir/ yang de nyid las/ dper na/ 'jim pa las mngon par
grub cing me lce gcig gis so btang ba'i rten bum pa la sogs pa
brten pa sbrang rtsi dang li kha ra la sogs pa'i snod nyid kyi
tha dad pa de bzhin du brten pa'i chos theg pa gsum gyis bsdus
pa rtogs par bya ba tha dad pa nyid kyis rten tha dad pa nyid
do/ /

zhes gsungs pa'i phyir/ gnyis pa rgyan gyi dgongs pa thal 'gyur
du gnas mi gnas sogs dpyad pa la/ kha cig  de'i dgongs pa thal
'gyur du gnas so/ /zhe na/ 'o na/ rgyan gyi dgongs pa 'grel ba'i
skabs 'dir/ bden 'dzin nyon sgrib dang de yang sa brgyad pa nas
spangs pa dang/ 'phags pa la stong

@118a @#/ /nyid mngon sum du rtogs myong gis khyab par khas len
rigs par thal/ khyod kyi dam bca' 'thad pa'i phyir/ 'dod na/ mi
'thad de/ nyon mongs shes bya lam gsum gyis/ /zhes sogs kyi
skabs su bden 'dzin shes sgrib tu bstan pa'i phyir dang/ sa dgu
la ni chen po yi/ /

zhes sogs kyi skabs su bden 'dzin lhan skyes chung ngu 'bring
chen po dgur byas nas/ sa dang po'i ngo bor gyur pa'i sgom lam
bar chad med lam nas rgyun mtha'i bar chad med lam gyi bar gyis
spong bar gsungs pa'i phyir dang/ rnam bshad du dbu ma thal
'gyur ba'i bzhed pa ltar nyan thos kyi mthong lam 'thob

pa la stong nyid mngon sum du rtogs dgos par mi bzhed kyang/
stong pa nyid kyi don mngon sum du rtogs pa'i theg dman 'phags
pa yod par bzhed pa'i dbu ma rang rgyud pa shin tu mang bar
gsungs pa'i phyir/ yang kha cig  rgyan rtsa ba'i dgongs pa rang
rgyud du gnas kyang/ rigs rtsa 'grel gyi dgongs pa mthar

thug thal 'gyur du gnas pa yin zhe na/ de mi 'thad de/ skabs
'dir rnam bshad du dbu ma thal 'gyur ba'i bzhed pa ltar zhes
stong nyid mngon sum du rtogs myong gis khyab par mi bzhed kyang
zhes thal 'gyur ba logs su bkar nas gsungs pa'i phyir/ de ltar
ma yin na rnam mkhyen mtshon byed kyi chos bcu med

par thal/ theg chen sgrub pa'i rten rang bzhin gnas rigs med
pa'i phyir/ der thal/ rtog pa yi ni chos drug dang/ /zhes sogs
kyi skabs su sgrub pa bcu gsum rang bzhin gyis grub pas stong pa
de theg chen sgrub pa'i rten rang bzhin gnas rigs su bstan pa
gang zhig  de rnams rang bzhin gyis grub pa'i phyir/

rtags dang po der thal/ rigs rtsa 'grel gyi dgongs pa mthar thug
thal 'gyur du gnas pa'i phyir/ rang lugs la/ rgyan rtsa ba'i
dgongs pa rang rgyud du gnas kyang rgyan 'dir lta ba mchog dman
'bring gsum la bltos pa'i gdul bya dbang po rno rtul 'bring gsum
'jog pa yin te/ lta ba rab dbu ma'i lta ba la

bltos nas theg chen gyi rigs can rnams dbang po rnon po dang/
lta ba 'bring gzung 'dzin gnyis stong gi lta ba la bltos nas
rang rgyal gyi rigs can rnams dbang po 'bring dang/ lta ba tha
ma gang zag rang rkya thub pa'i rdzas yod du grub pas stong par
rtogs pa'i lta ba la ltos nas nyan thos kyi rigs can rnams dbang

@118b rtul du gsungs pa'i phyir/ de kho na nyid rtogs pa'i nyan
rang yod pa'i dbang du byas na yang dbang po rno rtul 'bring
gsum gyi khyad par yod de/ de kho na nyid kyi gting dpogs nus mi
nus dang/ de rigs pa'i rnam grangs mtha' yas pa'i sgo nas rtogs
ma rtogs sogs kyi khyad par yod pa'i phyir/ de ltar na nyan rang
la stong

nyid rtogs pa yod de/ 'dir rten brten pa'i don kyang rtog bya
rtogs byed la byed cing/ rten rigs de yang sems kyi ngo bo dang
khyad par la bden par sgro btags pa'i bden 'dzin gyi zhen yul
gyis stong pa la byed pa'i phyir/ nyi snang las/ de la rtog pa
dang rnam par rtog pa ni dngos po dang de'i mtshan ma la mngon
par zhen

pa ste/ de med pa'i phyir chags pa med pa nyid du rig par bya'o/
/yod par ma gyur ba nyid ni chos thams cad kyi de bzhin nyid do/
/des na 'dis ni chos kyi dbyings 'phags pa'i chos rnams kyi rgyu
yin pa'i phyir/ rang bzhin du gnas pa'i rigs sgrub pa'i rten yin
no/ /zhes ston par byed do/ /zhes gsungs pa'i phyir/ rten

brten pa'i don yang rtog bya rtogs byed la byed cing chos nyid
dmigs pa la de blo ngor 'grub dgos la/ bden grub blo ngor ma
bcad par bden med blo ngor mi 'grub/ de yang dang por gzhi chos
can gcig gi steng du nges dgos pas nyan rang la yang phyi nang
gi chos can la dmigs nas de'i chos nyid bden med rtogs pa yod/

rang rgyal la rang lam du shes pa bden par 'dzin pa'i bden 'dzin
mngon gyur ba re zhig spong mi nus pas ma khyab ste/ rang rgyal
la de kho na nyid kyi don rtogs pa yod pa'i phyir/ rnam bshad
las/ rten ni 'dir dmigs pa dang brten pa ni dmigs byed yin la
dmigs byed la nyan rang gi theg pa gnyis kyang yod cing chos
nyid la

dmigs pa la de blo ngor 'grub dgos/ bden grub blo ngor ma bcad
par bden stong blo ngor mi 'grub cing de ma grub na chos nyid
blo ngor mi 'grub bo/ /de yang dang por gzhi chos can gcig gi
steng du nges dgos pas nyan rang la yang phyi nang gi chos can
la dmigs nas de'i chos nyid bden par med par dmigs par yod par

bstan no/ /de ltar byas na rang rgyal la de kho na nyid kyi don
rtogs pa gcig kyang yod pas rang rgyal la shes pa la bden zhen
spong mi nus pas ma khyab bo/ /zhes gsungs pa'i phyir/ skabs
'dir rten chos nyid la dmigs pa'i blo la chos nyid rtogs pa'i
blo dang chos nyid la brten pa'i blo la chos nyid rtogs pa'i
blor gsungs

@119a @#/ /kyang; de gnyis gang rung la chos nyid rtogs pa'i blo
yin pas ma khyab ste/ stong nyid ma rtogs pa'i blo yin na rang
gi rten chos nyid la brten pas khyab pa'i phyir dang/ chos nyid
bden par 'dzin pa'i bden 'dzin des chos nyid la dmigs pa'i
phyir/ der thal/ de dang chos nyid

bden med du rtogs pa'i blo gnyis dmigs pa gcig la dmigs nas
'dzin stangs dngos 'gal du zhugs pa'i blo yin pa'i phyir/ mngon
par rtogs pa'i rgyan 'dir theg dman 'phags pa la stong nyid
mngon sum du rtogs pa med pa dang yod par gsungs pa'i skabs
gnyis yod de/ de ni mtshan mar

dmigs sgo nas/ /zhes sogs kyi skabs su med par gsungs/ skabs
'dir yod par gsungs pa'i phyir dang/ 'jug pa'i {TIka} chen las/
rgyan gyi 'grel mdzad de dag gi lugs la yang tshul gnyis yod par
shes par bya'o/ /zhes gsungs pa'i phyir/ rgyan 'dir lta ba mchog
dman 'bring gsum la

ltos nas dbang po rno rtul 'bring gsum 'jog pa'i rgyu mtshan yod
de/ rgyan 'dir theg pa gsum gyi lam shes pa'i lam shes bstan pa
yang rigs can gsum rjes su 'dzin pa'i phyir bstan pa yin zhing/
rjes su 'dzin rgyu'i nyan rang la yang zab mo ston pa'i snod du
rung mi rung gnyis yod cing/ de

yang phyi ma ches mang bas cher de dag gi lam gyi rnam gzhag
bstan pa'i phyir/ kha cig  rnam bshad dgongs pa rab gsal gyi
gsung de'i don ni/ skabs 'dir theg dman 'phags pa la/ stong nyid
rtogs myong gis khyab pa dang/ de ni mtshan mar dmigs sgo nas/ /

zhes sogs kyi skabs su theg dman 'phags pa la stong nyid rtogs
ma myong bas khyab pa bstan pa'i don yin zhe na/ de mi rigs par
thal/ skabs 'dir rnam bshad du/ nyan thos 'phags pas kyang stong
pa nyid kyi don mngon sum du rtogs pa yod par bzhed pa'i dbu ma
rang rgyud pa ni shin tu mang ngo zhes gsungs pas

stong nyid rtogs pa'i theg dman 'phags pa yod par bzhed pa'i dbu
ma rang rgyud pa mang bar gsungs kyi/ theg dman 'phags pa la de
rtogs myong gis khyab par bzhed pa'i rang rgyud pa mang bar ma
gsungs pa'i phyir/ yang kha cig  rnam bshad chen mo'i lung de'i
don ni/ de ni mtshan mar dmigs sgo nas/ /zhes sogs

@119b kyi skabs su dang po nyid nas theg dman rigs nges kyi theg
dman 'phags pa la stong nyid ma rtogs pas khyab pa bstan pa yin
zhe na/ 'o na/ skabs 'dir dang po nyid nas theg dman rigs nges
kyi theg dman 'phags pa la stong nyid rtogs myong gis khyab pa
bstan par thal/ rnam bshad las/ rgyan gyi 'grel mdzad de

dag gi lugs la yang tshul gnyis shes par bya'o zhes gsungs pa
gang zhig  khyod kyi lung don 'thad pa'i phyir/ 'dod na/ stong
nyid ston pa'i theg dman thun mong ma yin pa'i mdo yod par thal/
'dod pa'i phyir/ 'dod na/ slob dpon legs ldan 'byed kyis theg
chen bstan pa don med par thal/ theg dman thun mong

ma yin pa'i sde snod las chos kyi bdag med bstan pa'i phyir/
zhes pa'i rtsod pa de 'brel ba med par thal/ 'dod pa'i phyir/
kho na re/ rgyan rtsa ba'i dgongs pa mthar thug thal 'gyur du
gnas par thal/ nyan thos kyi mthong sgom gyi bar chad med lam
gyi gzhal byar gyur pa'i gang zag rang rkya thub pa'i rdzas yod
kyis stong

pa de gang zag gi bdag med rags pa dang/ de rtogs pa'i nyan thos
kyi lam gyi rnam gzhag dang/ yang de gang zag gi bdag med thun
mong ba yin te/ rnam bshad las/ yang 'go mjug phal cher gyi
skabs su gang zag gi bdag med rags pa'i dbang du byas nas nyan
thos kyi lam gyi rnam gzhag mdzad la/ de ltar

mdzad pa la yang rjes su bzung rgyu'i theg dman la zab mo'i snod
du gyur ma gyur gnyis yod cing/ de la'ang phyi ma ches mang ba
dang thun mong ba'i bdag med rtogs pa goms par byas na rgyud
myur por smin pas zab mo'i lam gyi snod du 'gyur bas phal cher
de'i lam mang du gsungs shing/ gzhung gzhan du yang gnyis ka'i
rnam

gzhag mdzad pa'ang mang ngo/ /dper na/ dbu ma'i lta ba'i rgyud
smin byed du sems tsam pa'i lta ba gsungs pa bzhin no/ /zhes
gsungs pa'i phyir/ zer na/ skyon med de/ de'i don ni gang zag
rang rkya thub pa'i rdzas yod kyis stong pa'i stong nyid de nang
sde phal che bas khas len pas bdag med thun mong ba zhes bshad
pa dang/ gang zag

rtag gcig rang dbang can gyis stong pa bstan pa'i sgo nas gang
zag rang rkya thub pa'i rdzas yod du grub pas stong pa rtogs
pa'i nyan thos lam gyi rnam gzhag mdzad pa'i phyir te/ dper na
dbu ma'i lta ba'i rgyud smin byed du sems tsam gyi lta ba gsungs
pa lta bu yin pa'i phyir zhes pa'i don yin pa'i phyir/ kha cig
stong nyid

@120a @#/ /rtogs ma myong ba'i nyan rang 'phags pa rnams dang
byang sems 'phags pa gsum la rigs can gsum dang de dag gi rgyud
kyi sgrub pa bden stong gsum po de la rigs mi 'dra ba gsum gyi
dbye ba mi 'thad par thal/ 'dir rtan brten pa'i don rtogs bya
rtogs byed la byed pa gang zhig  stong nyid

rtogs ma myong ba'i nyan rang 'phags pa rnams kyis rang rgyud
kyi sgrub pa bden stong rtogs ma myong ba'i phyir/ zer na/ ma
khyab ste/ rten brten pa la rtogs bya rtogs byed ma yin pa'i
rten brtan pa yang yod pa'i phyir/ kha cig  'phags pa la stong
nyid rtogs myong gis khyab par thal/ rnam bshad 'di dang rnam
bshad

dgongs pa rab gsal gnyis las 'dir rten brten pa'i don rtogs bya
rtogs byed la byed cing zhes gsung mthun par 'byung ba gang zhig
dgongs pa rab gsal du gzung don rtog pa spong phyir dang/ zhes
sogs kyi rtsod pa bkod nas de'i lan 'chad pa na rten ni 'dir
dmigs pa dang/ zhes sogs gsungs pa'i

phyir; kha cig  'phags pa la stong nyid rtogs myong gis khyab
par thal/ 'phags pa'i gang zag thams cad kyis stong nyid rtogs
pa'i phyir/ zer na/ 'dir ma khyab/ rtags der thal/ 'phags pa'i
gang zag thams cad ni 'dus ma byas kyi rab tu phye ba'i slad
du'o/ /zhes pa'i mdos 'phags pa'i gang zag thams cad

chos nyid 'dus ma byas mngon sum du rtogs pa'i cha nas so skye
las rab tu phye ba gsungs pa'i phyir/ der thal/ 'grel chen gnyis
kar mdo de sangs rgyas dang/ des bstan pa'i chos thams cad ma
mchis so/ /zhes pa'i mdo'i sgrub byed du bkod pa'i phyir/ ma
khyab mtshams la/ 'phags pa la bsam gtan gyi dngos

gzhi thob pas khyab par thal/ 'phags pa'i gang zag thams cad kyi
bsam gtan gyi dngos gzhi thob pa'i phyir/ der thal/ 'grel pa
las/ 'phags pa'i gang zag thams cad kyi rgyud la 'byung ba'i
bsam gtan bzhi dang/ zhes gsungs pa'i phyir/ ! dmigs pa chos
rnams thams cad de/ /zhes sogs kyi

skabs su/ dmigs pa bshad pa la/ mtshan nyid/ dbye ba/ phye ba so
so'i don/ rtogs dka' ba bye brag tu bshad pa gsum/ dang po la/
kha cig  theg chen mthong lam bar chad med lam gyi dmigs pa yin
na/ des dmigs pas khyab zhe na/ chos thams cad chos can/ der
thal/ de'i phyir/ der thal/ de'i

@120b sgro 'dogs dpyad gzhi yin pa'i phyir/ 'dod na/ don dam
bden par thal/ de'i dngos kyi gzhal bya yin pa'i phyir/ rang
lugs la/ theg chen sgrub pa'i sgro 'dogs dpyad gzhi/ de'i dmigs
pa'i mtshan nyid/ theg chen mthong lam bar chad med lam gyi sgro
'dogs dpyad par bya ba'i gzhi/ de'i dmigs pa'i mtshan

nyid/ gnyis pa de la dbye na/ rnam pa bcu gcig yod/ chos thams
cad theg chen sgrub pa'i dmigs pa yin pa la/ de'i dmigs pa bcu
gcig tu bsdus nas/ 'chad pa'i rgyu mtshan ci yin zhe na/ de'i
rgyu mtshan yod de/ byang chub sems dpa'i nyams len gyi rim pa'i
dbang du byas nas/ bcu gcig tu bsdus

nas bshad pa'i phyir/ de yang yin te/ byang chub sems dpa' rnams
kyi dang por blang bya dge ba de gang/ dor bya mi dge ba de gang
yin/ blang dor btang snyoms su bzhag bya de gang yin snyam du
rtogs par byed/ de'i rjes su 'jig rten de gang/ 'jig rten las
'das pa de gang snyam du rtogs par byed/ de'i rjes su spang bya

zag bcas de gang/ gnyen po zag med gang yin snyam du rtogs par
byed/ de nas 'dus byas lam bden de gang/ 'dus ma byas 'gog bden
de gang snyam du rtogs par byed/ de rjes thob bya'i 'bras bu
thun mong ba dang thun mong ma yin pa de gang yin snyam du rtogs
par byed pa'i phyir/ gsum pa phye ba so so'i don bshad

pa la/ kha cig  dge mi dge gang rung yin na sems byung yin pas
khyab zer na/ mi 'thad de/ theg chen sems bskyed de dge ba dang
gnod sems mi dge ba yin pa'i phyir/ dang po der thal/ spyod 'jug
las/ 'di dang dge mtshungs ga la yod/ /bsod nams 'di 'dra ga la
yod/ /ces gsungs pa'i phyir/ mi dge bcu ga mi dge ba yin

pa'i phyir/ de sems byung ma yin te/ sems byung sems pa 'jug
pa'i gzhi yin pas las kyi lam yin zhing/ yid las sems pa dang
lus dag ngag rung gi las ma yin pas las ma yin pa'i phyir/ kha
cig  dge mi dge gang rung yin na rang 'bras rnam smin gyi 'bras
bu yid 'ong 'byin byed dang/ yid mi 'ong 'byin byed gang

rung yin pas khyab zer na/ mi 'thad de/ gnyen po stobs bzhis
'dag kha ma'i mi dge ba de rang 'bras rnam smin gyi 'bras bu yid
mi 'ong 'byin byed kyang ma yin/ khong khro log lta sogs kyis
'joms nges kyi dge ba de rang 'bras rnam smin gyi 'bras bu yid
'ong 'byin byed ma yin pa'i phyir/ rang lugs la/ rang gi rnam
@121a @#/ /smin gyi 'bras bu yid 'ong 'byin rung du lung du bstan
pa gang zhig  skyes bu dam pa'i blang byar 'os pa/ dge ba'i
mtshan nyid/ de la sgras brjod rigs kyi sgo nas dbye na/ don dam
pa'i dge ba/ ngo bo nyid kyi dge ba/ mtshungs ldan gyi dge ba/
kun slong gi dge ba dang bzhi/ thar pa

lta bu dang po dang/ ngo tsha khrel yod kyi bsam pa lta bu gnyis
pa dang/ de dang mtshungs ldan gyi sems dang sems byung lta bu
gsum pa dang/ de kun nas slong byed kyi sems sems byung lta bu
bzhi pa yin/ rang gi rnam smin gyi 'bras bu yid mi 'ong 'byin
rung du lung du bstan pa gang zhig  skyes bu dam pa'i dor byar
'os

pa; mi dge ba'i mtshan nyid/ de la yang sgras brjod rigs kyi sgo
nas dbye na/ don dam pa'i mi dge ba/ ngo bo nyid kyi mi dge ba/
mtshungs ldan gyi mi dge ba/ kun slong gi mi dge ba dang bzhi/
'khor ba lta bu dang po dang/ ngo tsha khrel med kyi bsam pa lta
bu gnyis pa dang/ de dang mtshungs ldan gyi sems pa de gsum

pa dang/ de kun nas slong byed kyi sems sems byung lta bu bzhi
pa yin/ rang gi rnam smin gyi 'bras bu yid 'ong dang/ yid mi
'ong gang rung 'byin rung du lung du ma bstan pa'i chos/ lung ma
bstan gyi mtshan nyid/ de la dbye na/ don dam pa'i lung ma bstan
sogs bzhi yod/ nam mkha' dang po dang/ kha na ma tho ba med

pa'i bzo bo'i las dang spyod lam gyi las gnyis pa dang/ de kun
nas slong byed kyi sems sems byung lta bu gsum pa dang/ de dang
mtshungs ldan gyi sems sems byung lta bu bzhi pa yin/ gzhan yang
de la dbye na/ sgrib lung ma bstan dang/ ma sgrib lung ma bstan
gnyis/ sgrib par gyur pa'i lung ma bstan dang

po dang/ gang zag tu gyur pa'i lung ma bstan rnams gnyis pa yin/
bzhi pa rtogs dka' ba bye brag tu bshad pa la/ bshad bya'i lung
bkod/ lung gi don bshad pa dang gnyis/ dang po ni/ 'grel chen
las/ gang yang chos kyi dbyings rtag tu rnam par dag pa gnyis su
med pa'i ye shes nyid ni dmigs pa

yin na snyam du sems pa de dag gis rtag tu rnam par dag pa nyid
yin pa'i phyir/ gong nas gong du rnam par dag pa khyad par du
'gro ba ji ltar brjod par bya/ chu khams gser dang nam mkha'
rnams/ /dag pa bzhin du dag par 'dod/ /ces bya ba yin zhe na/ de
ltar na ni dag pa ni de kho na nyid kyi ye shes yin no

@121b zhes gnyen po'i phyogs la mngon par zhen pa yin pa'i
phyir/ mi mthun pa'i phyogs la mngon par zhen pa don gyis
'phangs pa yin no/ /de bas na mi mthun pa dang gnyen po'i phyogs
kyi rnam par rtog pa spangs pa med pas phyogs gcig pa'i dag par
thal bar 'gyur ro/ /khyod kyi phyogs ltar na yang rab 'byor

rnam pa thams cad mkhyen pa nyid kyi dmigs pa ni dngos po med pa
yin no zhes bya bas dmigs pa dag pa mthar thug pa ji ltar yin
zhe na nyes pa med de/ gang gi phyir rigs pa'i rjes su 'gro ba'i
dngos po med pa'i phyir/ dngos po med pa ni yang dag pa'i kun
rdzob yin par brjod la/ de kho na nyid kyi rang bzhin bsgribs

pa de rims kyis sgyu ma lta bur rtogs pa nyid ni rnam par dag pa
yin no zhes bshad do/ /zhes gsungs/ gnyis pa lung gi don bshad
pa la/ gzhan lugs dgag pa/ rang lugs bzhag pa gnyis/ dang po la/
gzhan gyi 'dod pa bkod pa/ pha rol po'i 'dod pa ma yin par bstan
pa dang/ rang lugs gzhag pa mi 'thad

par bstan pa'o/ /dang po la/ kha cig  'grel pa de'i don la
sems tsam pas gnas lugs mngon sum du rtogs pa'i slob pa 'phags
pa'i mnyam gzhag ye shes kyis gzung 'dzin rdzas gzhan gyis stong
pa'i stong nyid 'ba' zhig rtogs par khas blangs pas de 'gog pa'i
phyir du 'grel pa 'di bkod pa yin no zhe na/

de'i don tshur mthong gi rgyud kyi gzugs 'dzin dbang shes la sogs
pa'i ma dag gzhan dbang rnams khyad gzhi dang de gzugs 'dzin
rdzas gzhan gyis stong pa'i stong nyid khyad chos su byas nas/
ma dag gzhan dbang gzugs 'dzin rdzas gzhan gyis stong pa'i stong
nyid ma rtogs par/ gzugs 'dzin rdzas gzhan gyis stong

pa'i stong nyid mngon sum du rtogs pa la byed dam/ de las gzhan
pa la byed/ dang po ltar na mi 'thad par thal/ de ltar 'dod pa'i
sems tsam pa'i shing rta chen po su yang med cing/ sde bdun mdo
dang bcas pa nas dngos su gnod bya gzugs 'dzin rdzas gzhan du
'dzin pa'i rtog pa dang/ dngos su gnod byed gzugs

'dzin rdzas gzhan gyis stong pa'i stong nyid rtogs pa'i ye shes
gnyis dmigs pa gcig la dmigs nas 'dzin stangs dngos 'gal du
zhugs par lan gcig ma yin par yang nas yang du gsungs pa'i
phyir/ gzhan yang/ gzugs 'dzin rdzas gzhan gyis stong pa'i stong
nyid mngon sum du rtogs pa'i ye shes med

@122a @#/ /pa'am/ so skye'i rgyud kyi gzugs 'dzin rdzas gzhan
gyis stong pa'i stong nyid mngon sum du rtogs pa'i ye shes yod
pa gang rung yin par thal/ dam bca' 'thad pa'i phyir/ kho na re/
rigs shes rtogs pa'i ngo bor khyad gzhi khyad chos de ltar snang
mod kyang/ gnas lugs

mngon sum du rtogs pa'i 'phags pa'i mnyam gzhag ye shes kyi
gzigs ngor gzhan dbang mi snang bar 'dod pas de 'gog pa'i phyir
du yin no/ /zhe na/ 'o na/ dbu ma pa rang lugs la yang myu gu
bden stong du mngon sum du rtogs pa'i slob pa 'phags pa'i mnyam
gzhag ye shes kyi gzigs ngor chos can myu gu

yod pa'am/ des myu gu bden stong mngon sum du ma rtogs par bden
stong 'ba' zhig mngon sum du rtogs pa gang rung yin par thal/
dam bca' 'thad pa'i phyir/ de'i gzigs ngor myu gu snang ngo zhe
na/ 'o na/ bden 'dzin bden med du mngon sum du rtogs pa'i ye
shes kyi gzigs ngor bden 'dzin snang bar thal/

khyod kyi dam bca' 'thad pa'i phyir/ 'dod na/ de'i gzigs ngor
gnyis snang gi spros pa snang bar thal/ 'dod pa'i phyir/ 'dod na
mi 'thad par thal/ de'i gzigs ngor dri ma mtha' dag dang bral ba
ltar snang yang dri ma mtha' dag dang ma bral bas de snang dang/
de stong tshogs pa brdzun pa bslu ba'i chos can yin pa'i

phyir; der thal/ spang phyir bslu ba'i chos can phyir/ /zhes
sogs gsungs pa'i phyir/ rang lugs bzhag pa mi 'thad par bstan pa
la/ kha cig  gnas lugs mngon sum du rtogs pa'i slob pa 'phags
pa'i mnyam gzhag ye shes kyi gzigs ngor chos can gzhan dbang yod
pas sems tsam pa bkag pa'i

rigs pas mi gnod do/ /zhe na/ 'o na/ sdug bden bden stong du
mngon sum du rtogs pa'i theg chen mthong lam chos bzod kyi gzigs
ngor sdug bden yod par thal/ dam bca' 'thad pa'i phyir/ 'dod na/
de'i gzigs ngor sdug bden gnyis snang nub pa'i tshul gyis snang
ngam/ gnyis snang dang bcas

pa'i tshul gyis snang/ dang po ltar na/ sdug bden don dam bden pa
yin par thal/ de bden stong du mngon sum du rtogs pa'i theg chen
mthong lam chos bzod kyi gnyis snang nub pa'i tshul gyis rtogs
pa'i phyir/ gnyis pa ltar na/ sdug bden bden stong du mngon sum
du rtogs pa'i mnyam gzhag ye shes

@122b de'i gzigs ngor de gnyis snang dang bcas pa'i tshul gyis
snang bar thal/ dam bca' 'thad pa'i phyir/ 'dod na/ mnyam gzhag
ye shes de de nyid dang rdzas tha dad yin par thal/ 'dod pa'i
phyir/ yang na sdug bden bden stong mngon sum du rtogs pa'i slob
pa 'phags pa'i mnyam gzhag ye shes la/ sdug

bsngal gnyis snang dang bcas pa'i tshul gyi snang zhing/ sdug
bsngal bden stong gnyis snang nub pa'i tshul gyi snang ba 'am/
'on te/ sdug bsngal bden stong shugs la rtogs pa gang yin/ dang
po ltar yin no zhe na/ mi 'thad de/ gnas lugs mngon sum du rtogs
pa'i slob pa 'phags pa'i mnyam gzhag ye

shes gcig nyid la/ ji lta ji snyed kyi chos gzigs tshul mi 'dra
ba gnyis snang ni rigs lam las 'das pa'i phyir/ de ltar ni slob
lam na mnyam rjes ngo bo gcig tu thal ba khas blangs dgos pa
sogs kyi skyon yod pa'i phyir/ gnyis pa ltar yin no zhe na/ sdug
bsngal bden stong shugs la rtogs pa'i dngos

rtogs de gang yin/ sdug bsngal dngos su rtogs pa'i shugs la de
bden stong rtogs pa yin no zhe na/ 'o na/ sdug bsngal chos can/
don dam bden pa yin par thal/ sdug bsngal bden stong du mngon
sum du rtogs pa'i slob pa 'phags pa'i mnyam gzhag ye shes kyi
dngos gzhal yin pa'i phyir/ des na gnas

lugs mngon sum du rtogs pa'i slob pa 'phags pa'i mnyam gzhag ye
shes kyi gzigs ngor/ chos can gzhan dbang yod pa mi rigs par
thal/ de ltar 'dod pa'i dbu ma thal rang su yang med pa'i phyir/
der thal/ thal 'gyur ba rnams ni slob pa 'phags pa'i mnyam gzhag
ye shes kyi gzigs ngor kun

rdzob pa'i chos snang na de la bden snang yod dgos pa las de la
bden snang med par 'dod pa'i phyir dang/ rang rgyud pa rnams des
gzigs na gnyis snang nub pa'i tshul gyi gzigs dgos par 'dod pa'i
phyir/ de ltar yin kyang 'og tu sgyu ma lta bu'i bdag nyid du
snang ba'i blo zhes gsungs pa dang mi 'gal te/ de'i don

ni; mnyam gzhag ye shes de nyid sgyu ma lta bur ston pa yin gyi
ye shes des bden par snang yang bden par ma grub pa sgyu ma lta
bur rtogs pa'i don ma yin pa'i phyir/ gnyis pa rang gi lugs la/
so skye'i rgyud kyi gzugs 'dzin dbang shes la sogs pa'i shes pa
rnams gzhan dbang yin zhing/ de la gzugs

@123a @#/ /'dzin rdzas tha dad du snang zhing snang ba ltar du ma
grub pa de de bzhin nyid dang/ de 'phags pa'i mnyam gzhag ye
shes kyi mngon sum du gzigs par 'dod cing/ de lta bu'i ye shes
dang de bzhin nyid bden par grub par 'dod pa de 'gog pa'i dbang
du byas nas gang yang

chos kyi dbyings rtag tu rnam par dag pa zhes sogs kyi 'grel pa
'di bkod pa yin la/ 'gog tshul ni mnyam gzhag tu gzugs 'dzin
rdzas gzhan gyis stong pa'i stong nyid mngon sum du rtogs pa la
brten nas gzugs 'dzin rdzas tha dad du 'dzin pa'i rtog pa'i sa
bon dang/ rjes thob tu de rdzas tha dad

du snang ba'i 'khrul snang je dag tu song ste mnyam rjes kyi dag
pa gong nas gong du 'phel ba'i khyad par du 'gyur ba med par
thal/ de lta bu'i rtog pa dang 'khrul snang de ma dag gzhan
dbang gi rang bzhin la bzhugs shing/ bzhugs pa'i ma dag gzhan
dbang de bden par grub pa'i phyir/ kho na re/ skyon med de/

chu dang gser dang nam mkha' rnams rang bzhin gyis rnam par dag
kyang blo bur gyi rnyog pa dang g.ya' dang sprin la sogs pas
bsgribs pa sogs de dang bral rung yin pa de lta bu yin pa'i
phyir/ zer na/ 'o na gzugs 'dzin rdzas tha dad du 'dzin pa'i
rtog pa bden par grub par thal/ de rdzas gzhan gyis stong pa'i

stong nyid dang de rtogs pa'i ye shes gnyis bden par grub pa'i
phyir/ 'dod na/ de chos can/ khyod la snang ba de snang ba ltar
du grub par thal/ khyod bden par grub pa'i shes pa yin pa'i
phyir/ 'dod na/ khyod 'dzin stangs don mthun can gyi shes pa yin
par thal/ khyod la snang ba snang ba ltar du grub pa'i

shes pa yin pa'i phyir/ 'dod na/ khyod gnyen pos spang du mi
rung bar thal/ khyod 'dzin stangs don mthun can gyi shes pa yin
pa'i phyir/ 'dod na/ sangs rgyas kyi sa na blo bur rnam dag med
cing/ rang bzhin rnam dag 'ba' zhig yod pa'i dag pa phyogs gcig
pa yin par thal/ 'dod pa'i phyir/ byas

pa la sems tsam pa rnams na re/ chos nyid bden pas stong pa de
gnas lugs mngon sum du rtogs pa'i slob pa 'phags pa'i mnyam
gzhag ye shes kyi rnyed don du grub par thal/ rab 'byor rnam pa
thams cad mkhyen pa nyid kyi dmigs pa ni dngos po med pa yin no/
/zhes pa'i mdo khyod kyi sgra ji bzhin du

@123b khas blangs pa'i phyir/ 'dod na/ de bden par grub par
thal/ blo don dam pa slob pa 'phags pa'i mnyam gzhag ye shes kyi
rnyed don yin pa'i phyir/ 'dod na/ de bden par 'dzin pa'i bden
'dzin de bden par grub par thal/ 'dod pa'i phyir/ 'dod na/ de
'dra'i bden 'dzin de 'dzin stangs don mthun can

gyi shes pa yin par thal/ 'dod pa'i phyir/ 'dod na/ de gnyen pos
spang du mi rung bar thal/ 'dod pa'i phyir/ 'dod na/ sangs rgyas
kyi sa na rang bzhin rnam dag ma gtogs blo bur rnam dag gi cha
med pa'i dag pa phyogs gcig yin par thal/ 'dod pa'i phyir/ zer
na/ blo don dam pa gnas lugs mngon

sum du rtogs pa'i slob pa 'phags pa'i mnyam gzhag ye shes kyi
rnyed don du grub na bden par grub mi dgos te/ chos thams cad
bden grub bkag pa na/ de bden stong bden grub kyang khegs par
'gyur ba'i phyir/ rnam 'grel las/ dgag bya yod pa ma yin pas/
/yang dag tu na bkag med gsal/ /

zhes gsungs pa ltar yin pa'i phyir/ gnas lugs mngon sum du rtogs
pa'i slob pa 'phags pa'i mnyam gzhag ye shes rnams blo don dam
pa yin kyang bden par mi 'dod de/ de lta bu ni gnyen po brdzun
pas spang bya brdzun pa 'joms par byed pa'i yang dag kun rdzob
yin pa'i phyir/ dper na/ sgyu ma'i

glang pos sgyu ma'i glang po gzhan pham par byed pa lta bur
gsungs pa'i phyir/ dmigs pa'i skabs su rang bzhin dang rnam
'gyur gnyis kyi nang nas rnam 'gyur gtso bor bstan pa yin pa
dang/ rigs kyi skabs su de gnyis kyi nang nas rang bzhin gtso
bor bstan pa yin pas de gnyis ka'i skabs su gnyis ka

ston rigs te/ nang skye mched drug bden pas stong pa'i rigs chos
nyid kyang theg chen sgrub pa'i dmigs pa yin pa'i phyir dang/
skye mched drug bden pas stong pa rigs su 'gyur ba chos can skye
mched drug ma spangs pa'i sgo nas dmigs dgos pa'i phyir/ dang po
der thal/ chos thams cad theg chen sgrub

pa'i dmigs pa yin pa'i phyir/ de de'i sgro 'dogs dpyad gzhi yin
pa'i phyir/ phyi ma der thal/ chos can skye mched drug ma spangs
pa'i sgo nas de bden pas stong pa theg chen sgrub pa'i rten rang
bzhin gnas rigs su 'gyur gyi chos can skye mched drug spangs na
de bden pas stong pa de theg chen sgrub pa'i rten rang bzhin

@124a @#/ /gnas rigs su mi 'gyur bas skye mched drug kyang rigs
kyi skabs su bstan dgos pa'i phyir/ 'grel chen las/ de ltar byas
na rang bzhin gtso bor gyur pa ni rigs yin la/ rnam par 'gyur ba
gtso bor gyur pa ni dmigs pa yin pas gnyis ka yin pa la ni dgag
pa

med do/ /zhes gsungs pa'i phyir/ !sems can kun mchog nyid sems
dang/ /zhes sogs kyi skabs su/ theg chen sgrub pa'i ched du bya
ba la/ mtshan nyid/ dbye ba gnyis/ dang po la/ gang gi ched du
byang chen sgrub pa la 'jug pa'i thob bya mthar thug  theg
chen sgrub pa'i ched du bya ba mthar thug

gi mtshan nyid/ gnyis pa de la dbye na/ sems chen po/ spong ba
chen po/ rtogs pa chen po dang gsum/ sangs rgyas kyi sa'i sems
can thams cad sdug bsngal las skyab par 'dod pa'i snying rje
chen po dang po dang/ sgrib gnyis bag chags dang bcas pa spangs
pa'i spangs pa mthar thug gnyis pa dang/

ji lta ji snyed kyi chos thams cad mngon sum du rtogs pa'i
mkhyen pa mthar thug de gsum pa yin/ !thams cad mkhyen pa nyid
gsum gyi yul la/ zhes sogs kyi skabs su/ theg chen sgrub pa
sbyi'i rnam gzhag bshad pa dang/ so so'i rang bzhin bshad pa
dang gnyis/ dang po la mtshan nyid/ dbye ba/

sgrub pa brtson 'grus kyi ngo bor bzhag pa'i don bshad pa/ sa
mtshams bshad pa bzhi/ dang po la/ rten sems bskyed de la brten
nas gzhan don byang chub chen po 'thob pa'i phyir sgrub pa
brtson 'grus kyis khyad par du byas nas nyams su len pa'i sems
dpa'i ye shes/ theg chen sgrub pa'i mtshan nyid

yin te/ mdo sde rgyan las/ gnas rtsom 'bras bu 'byung ba che
bdag nyid/ /rgyal sras rnams kyis sgrub pa yin par 'dod/ /ces
gsungs pa'i phyir/ theg chen sgrub pa de rten sems bskyed la
brten pas len pa che ba dang/ brtson 'grus kyis khyad par du
byas pas bzod pa che ba/ 'bras bu byang chub chen po 'byin

par byed pas don chen po dang ldan pa yin te/ de nyid las/ rtag
tu len pa che dang bzod pa che/ /don chen yang dag 'byung ba'i
bya ba byed/ /ces gsungs pa'i phyir/ gnyis pa dbye ba bshad pa
la/ ston tshul gyi sgo nas gnyis su dbye ba/ mtshan gzhi'i sgo nas
bzhir dbye ba dang gnyis/ dang po la mkhyen pa yul

@124b gyi sgrub pa dang/ sbyor ba bye brag gi sgrub pa gnyis/ de
gnyis kyi khyad par la/ kha cig  thos bsam gtso bor gyur pa'i
sgrub pa de mkhyen pa yul gyi sgrub pa dang/ sbyin sogs phar
phyin drug la gtso bor spyod pa'i sgrub pa sbyor ba bye brag gi
sgrub pa yin no/ /zer na/ thos bsam gtso bor gyur pa'i don de
sbyin

sogs phar phyin drug ldan du nyams su mi len par mkhyen gsum
thos pas gtan la 'bebs pa'i skabs gtso bor gyur pa la byed dam/
thos pas gtan la phab pa'i don bsam byung gi yang nas yang du
'dris par byed pa'i gnas skabs la byed/ dang po ltar na/ lam ma
zhugs kyi gnas skabs na yang mkhyen

pa yul gyi sgrub pa yod par thal/ rtags dang po 'thad pa'i
phyir/ 'dod na/ theg chen sgrub pa la du yod dris pa na mkhyen
pa yul gyi sgrub pa dang/ sbyor ba bye brag gi sgrub pa gnyis
yod pa yin no zhes lan 'debs mi rigs pa yin par thal/ 'dod pa'i
phyir/ phyi ma ltar yin no zhe na/ de yang mi rigs par thal/

thos pa'i gtan la phab pa'i don de nyid bsam byung gi yang nas
yang du 'dris par byed pa de'i tshe na/ sbyin sogs phar phyin
drug gi spyod pa nyams su len pa'i nyams len med pa'i shes byed
cung zad kyang med pa'i phyir/ yang kha cig  mkhyen pa gsum
gyi gnas skabs su lta ba gtso bor gyur pa dang/ sbyor ba

bzhi'i gnas skabs su spyod pa gtso bor gyur pa yin no zhe na/ de
yang mi 'thad de/ mkhyen gsum dang sbyor bzhi gnyis la lta ba
dang/ spyod pa gtso bor gyur ma gyur gyi shes byed cung zad
kyang med pa'i phyir dang/ mkhyen gsum gang rung gi rnam pa
nyams su len pa'i sems dpa'i ye shes yin na/ sbyor bzhi gang

rung gi nyams len yin dgos pa'i phyir dang/ gzhan gyi de las
ldog ste khas blangs pa na nyes pa cung zad kyang med pa'i phyir
dang/ 'og tu/ mtshan nyid de yi sbyor ba dang/ /de rab de yi go
rim dang/ /de mtha' de yi rnam smin ni/ /don bsdus gzhan de rnam
pa drug  ces bsdus don drug tu 'chad pa'i skabs su

yang; mkhyen gsum gyi rnam pa sbyor bzhis nyams su len pa'i
nyams len yin par gsungs pa'i phyir/ yang kha cig  sbyin sogs
phar phyin drug gi 'go mig gtod ma gtod dang/ phar phyin drug so
sor nges pa'i nyams len gyi bsam pas zin ma zin la byed pa yin
no/ /zhe na/ 'o na/ sbyin sogs

@125a @#/ /phar phyin drug gi 'go mig gtod ma gtod dang/ phyin
drug so sor nges pa'i nyams len gyi bsam pas zin ma zin la byed
pa'i don de/ phyin drug nyams su len pa'i nyams len gyi bsam pa
yod med la byed dam/ phyin drug rdzogs par thob ma thob la byed/
dang po ltar na/

mkhyen pa yul gyi sgrub pa de lam ma zhugs kyi gnas skabs nas
yod par thal/ theg chen gyi tshogs lam thob pa nas go sgrub thog
mar thob pa gang zhig  de thob pa nas phyin drug nyams su len
pa'i nyams len gyi bya ba yod pa'i phyir dang/ khyod kyi dam
bca' 'thad pa'i phyir/ 'dod na/ sgrub pa'i ngo bo

gang yin dris pa na mkhyen pa yul gyi sgrub pa dang/ sbyor ba
bye brag gi sgrub pa gnyis yod ces lan 'debs mi rigs par thal/
'dod pa'i phyir/ gnyis pa ltar na mi 'thad de theg chen gyi
tshogs lam thob pa dang/ mkhyen gsum gyi rnam pa brgya bdun cu
rtsa gsum go rim nges can du sgom pa'i

nyams len gyis zin pa'i rnam rdzogs sbyor ba thob pa dus mnyam
pa'i phyir dang/ theg chen gyi tshogs lam nas phar phyin drug
rdzogs par thob pa med pa'i phyir dang/ khyod kyi sbyor ba dang
po de sbyor ba bye brag gi sgrub par khas blangs pa dang 'gal
ba'i phyir/ rang lugs la/ de gnyis sgras brjod tshul

'gal yang spyir de gnyis mi 'gal te/ sbyor ba bye brag gi sgrub
pa yin na mkhyen pa yul gyi sgrub pa yin dgos pa'i phyir/ de
gnyis ston tshul mi 'dra ba'i khyad par yod de/ skabs dang po
gsum du go sgrub la sogs pa'i skabs 'ga' zhig tu phyin drug
nyams len gyi ngos nas bshad pa ma gtogs

phal cher mkhyen gsum nyams len gyi ngos nas bshad/ sbyor bzhi'i
skabs su phal cher phyin drug nyams len gyi ngos nas bshad pa'i
phyir/ skabs dang po gsum du phyin drug nyams len gyi ngos nas
bshad par thal/ go sgrub kyi skabs su/ de dag so sor sbyin la
sogs/ /zhes dang/ tshogs sgrub

kyi skabs su/ rtse dang sbyin la sogs pa drug  ces dang/ 'jug
sgrub kyi skabs su/ bsam gtan gzugs med sbyin sogs dang/ /zhes
gsungs pa'i phyir/ skabs lhag ma bzhir yang bstan pa yin te/
sbyin dang tshul khrims sogs spyod pas/ /zhes sogs dang/ rtse
sbyor gyi skabs su/ sbyin pa la

@125b sogs re res ni/ /zhes dang/ mthar gyis sbyor ba'i skabs
su/ sbyin pa shes rab bar dag dang/ /zhes dang/ skad cig sbyor
gyi skabs su/ sbyin pa la sogs re res kyang/ /zhes gsungs pa'i
phyir/ sbyor ba bzhi'i gnas skabs su mkhyen gsum nyams len gyi
ngos nas bshad pa yin par thal/ kun mkhyen nyid

ni rnam gsum phyir/ /zhes sogs dang/ kun mkhyen nyid gsum chos
rnams kyi/ /zhes sogs gsungs pa'i phyir/ gnyis pa mtshan gzhi'i
sgo nas dbye na bzhi yod de/ go 'jug tshogs nges kyi sgrub pa
dang bzhi yod pa'i phyir/ gsum pa sgrub pa brtson 'grus kyi ngo
bor bzhag pa'i don bshad pa la/ sgrub pa

brtson 'grus kyis khyad par du byas nas 'chad pa'i rgyu mtshan
yod de/ rgyan las/ thog mar go cha'i brtson 'grus de nas ni/
/tshul bzhin rab bzhugs sbyor ba'i brtson 'grus dang/ /ma zhum mi
'khrug chog mi shes brtson 'grus/ /zhes gsungs pa ltar brtson
'grus la bsam pa rgya chen po go cha'i brtson

'grus/ sbyor ba lag len rgya chen po sbyor ba'i brtson 'grus/
theg chen gyi chos mtha' dag la ma zhum pa'i brtson 'grus/ mi
mthun phyogs mtha' dag gi mi 'khrug pa'i brtson 'grus/ theg chen
gyi chos mtha' dag nyams su len pa la ngoms mi shes pa'i chog mi
shes kyi brtson 'grus bzhis khyad par

du byas nas sgrub pa nyams su len par byed pa'i phyir/ sgrub pa
brtson 'grus kyis khyad par du byas nas bshad pa la dgos pa yod
de/ byang chub mchog tu sems bskyed kyang sgrub pa nan tan gyi
nyams su len pa la 'bad pas brtson 'grus rtsom pa med na byang
chub chen po thob mi nus so/ /zhes shes par bya

ba'i ched du yin pa'i phyir/ theg chen sgrub pa de brtson 'grus
kyis khyad par du byas pa yin kyang/ de yin na/ brtson 'grus yin
pas ma khyab ste/ byang sems mthong lam pa'i rgyud kyi sems
bskyed theg chen sgrub pa yin kyang brtson 'grus ma yin pa'i
phyir/ sgrub pa bzhi po de go rim de ltar bstan pa yang dpa'

bo g.yul du 'jug pa dang chos mthun pa yin te/ dpa' bo g.yul
du 'jug pa'i tshe dang por sra ba'i go gyon/ de rjes g.yul du
zhugs te/ dpung tshogs yan lag bzhi bshams pa'i sgo nas pha rol
gyi dgra sde las rgyal bar byed pa de bzhin du byang sems rnams
kyi dang por bsam pa rgya chen po go cha'i sgrub pa//
@126a @#/ /de rjes sbyor ba lag len rgya chen po la 'jug pa'i
sgrub pa nyams su len/ de rjes tshogs gnyis kyi dpung rgya chen
pos zin pa'i tshogs sgrub nyams su len par byed/ de rjes tshogs
gnyis kyi dpung rgya chen pos zin pa'i sgo nas bdud bzhi'i
g.yul las rgyal ba'i

rnam mkhyen nges par 'byin pa'i nges 'byung gi sgrub pa nyams su
len par byed pa'i phyir/ bzhi pa sa mtshams bshad pa la/ de ltar
ji lta ba bzhin du zhes sogs kyi 'grel pa 'dis sa de dang de na
sgrub pa de dang de yod ces mtshan gzhi bstan pa yin gyis sa
mtshams nges pa can ma yin te/ go

sgrub theg chen tshogs lam nas rgyun mtha'i bar du 'jog pa dang/
'jug sgrub de theg chen sbyor lam thob ma thag nas rgyun mtha'
bar du yod pa'i phyir/ des na 'grel pa des sgrub pa bzhi'i dbye
ba mtshan gzhi dang bcas pa bstan pa yin te/ theg chen gyi tshogs
lam de theg pa chen po'i mthong lam

la rgyud nas sbyor bas go sgrub dang/ de la dngos su sbyor ba'i
theg chen gyi sbyor lam chos mchog de 'jug sgrub dang/ sa dang
po nas bdun pa'i bar gyi sgrub pa rnams tshogs sgrub dang/ dag pa
sa gsum gyi sgrub pa rnams nges 'byung sgrub pa yin par bstan
pa'i phyir/ gnyis pa so so'i rang bzhin

bshad pa la/ go sgrub bshad pa sogs bzhi las/ dang po la de dag
so sor sbyin la sogs/ /zhes sogs kyi skabs su go sgrub dngos
bshad pa dang/ phar phyin drug gis rnam gzhag bshad pa dang
gnyis/ dang po la mtshan nyid/ dbye ba/ bsdus tshul bshad pa dang
gsum/ dang po la/ kha cig /

phar phyin re re'i nang du drug drug tshang bar bsdus nas nyams
su len pa'i sems dpa'i ye shes des zin pa'i sems dpa'i ye shes/
go sgrub kyi mtshan nyid/ zer ba dang/ sems dpa'i ye shes yin na
go sgrub yin pas khyab zer na/ de mi 'thad de/ sems tsam par
gyur pa'i byang sems tshogs

lam pa'i rgyud kyi mkhyen pa de de 'dra ba'i nyams su len pa'i
zin pa'i sems dpa'i ye shes ma yin pa'i phyir/ der thal/ de
stong nyid rtogs pa'i shes rab kyis ma zin pa'i phyir/ rang
lugs/ phar phyin re re'i nang du drug drug tshang bar bsdus nas
nyams su len pa'i rigs su gnas pa'i sems dpa'i

@126b ye shes/ go sgrub kyi mtshan nyid/ gnyis pa de la rgyas par
dbye na/ sum cu rtsa drug yod/ kha cig  sbyin pa'i go cha yin na
sbyin pa yin pas khyab zer na/ de mi 'thad de/ sbyin pa'i go
char gyur pa'i sbyin pa'i 'khor gsum bden med du rtogs pa'i shes
rab yod pa'i phyir/ gsum pa bsdus tshul la/ kha cig  

sbyin pa drug sbyin par chos mthun pa nas shes rab drug shes rab
tu chos mthun pa de go sgrub so drug drug tu 'du ba'i don yin no
zhe na/ de mi 'thad de/ de ltar smra ba ni sbyin pa drug sbyin
par bsdu ba'i tshul du 'gyur gyi/ sbyin pa'i go cha drug sbyin
pa'i go char bsdu ba'i tshul du mi 'gyur ba'i phyir dang/ sbyin
pa'i go cha la

sbyin pas ma khyab pa'i phyir/ gsum pa rang lugs la/ go sgrub
sum cu so drug drug tu bsdu ba'i tshul yod de/ sbyin pa'i go char
gyur pa'i sbyin sogs drug po de sbyin pa'i go char chos mthun pa
nas shes rab kyi go char gyur pa'i sbyin sogs drug shes rab kyi
go char chos mthun pa'i phyir/ byang sems kyi sbyin pa phar

phyin drug ldan du nyams su len tshul yod de/ des chos dang zang
zing dang mi 'jigs pa skyabs kyi sbyin pa gtong ba de'i tshe/
sbyin par byed pa'i gtong ba'i sems de sbyin pa dang/ de'i tshe
rang nyid gcig pu zhi bde don du gnyer ba'i nyan rang yid byed
kyi bsams pas dben pa'i spong ba'i sems de tshul khrims dang/

skye ba thams cad kyis mi snyan par smra ba la bzod pa bzod pa
dang/ de'i tshe theg pa chen pos chos mtha' dag la 'dun pa'i 'dun
pa brtson 'grus dang/ theg pa gzhan dang ma 'dres pa'i rtse gcig
pa'i sems de bsam gtan dang/ de'i tshe sbyin pa'i 'khor gsum bden
par mi rtog pa'i shes rab kyis zin pa'i sgo

nas nyams su len pa'i phyir/ de bzhin du tshul khrims sogs la
sbyor bar byed pa'i phyir/ gnyis pa phar phyin drug gi rnam
gzhag bshad pa la/ phar phyin drug po de don tshan rnam pa bcu
gcig gi sgo nas 'chad par byed pa yin te/ mdo sde rgyan las/
grangs dang de yi mtshan nyid go rims dang/ /nges pa'i tshig

dang goms pa'i yon tan dang/ /de dag rab dbye bsdu dang mi mthun
phyogs/ /yon tan phan tshun rnam nges yin zhes bya/ /zhes gsungs
pa'i phyir/ rgyal sras kyi spyod pa rnams bsdu na/ phar phyin
drug tu grangs nges pa yin te/ bslab pa gsum gyi dbang du byas
na yang der grangs nges/ mngon mtho nges legs sgrub

@127a @#/ /pa'i dbang du byas na yang der grangs nges/ rang don
dang gzhan don sgrub pa'i dbang du byas na yang der grangs nges/
rgyal sras kyi spyod pa rnams kyang phyin drug gi nyams len las
'byed pa'i phyir/ bslab pa gsum gyi dbang du byas na yang der
grangs nges pa yin te/ phar

phyin dang po gsum po de tshul khrims kyi bslab pa'i nyams len du
'du/ phar phyin tha ma gnyis ni rim pa bzhin du ting nge 'dzin
gyi bslab pa dang/ shes rab kyi bslab pa'i nyams len du 'du/
brtson 'grus kyi phar phyin de bslab pa gsum char gyi nyams len
du 'du ba'i phyir te/ mdo sde rgyan las/ bslab

gsum dbang du mdzad nas ni/ /rgyal bas pha rol phyin pa drug
/yang dag bshad de dang po gsum/ /tha ma gnyis ni rnam pa gnyis/
/gcig ni gsum char la yang gtogs/ /zhes gsungs pa'i phyir/ mngon
mtho nges legs sgrub pa'i dbang du byas na'ang der nges te/ phar
phyin dang po gsum mngon mtho sgrub

pa'i dbang du byas/ phyi ma gnyis nges legs sgrub pa'i dbang du
byas/ brtson 'grus gnyis ka'i nyams len du 'du ba'i phyir/ rang
gzhan gyi don sgrub pa'i dbang du byas na yang der nges te/ dang
po gsum gzhan don sgrub pa'i dbang du byas/ shes rab rang don
sgrub pa'i dbang du byas/ brtson 'grus gnyis

ka'i nyams len du 'du ba'i phyir/ byang sems kyi sbyin pa chos
bzhi dang ldan te/ mi mthun phyogs ser sna nyams byed/ grogs
stong nyid rtogs pa'i shes rab kyis zin pa dang/ sems can gyi
'dod pa rdzogs par byed/ de la brten nas sems can rnams smin par
byed pa'i khyad chos bzhi dang ldan pa'i phyir/

de bzhin du tshul khrims sogs la yang sbyar bar bya ba yin te/ mi
mthun phyogs tshul 'chal nas rim pa bzhin du shes 'chal gyi bar
nyams par byed pa'i phyir te/ mdo sde rgyan las/ sbyin pas mi
mthun phyogs nyams dang/ /rnam par mi rtog ye shes ldan/ /'dod
pa thams cad yongs rdzogs byed/ /

sems can rnam smin byed rnam gsum/ /zhes gsungs pa'i phyir/ go
rim de ltar du 'thad pa yin te/ snga ma snga ma la brten nas
phyi ma phyi ma skye bas rgyu 'bras kyi go rim dang/ snga ma
snga ma las phyi ma phyi ma mchog tu gyur pas dman mchog gi go
rim dang/ snga ma snga ma la 'jug sla phyi ma phyi ma la 'jug
dka'

@127b bas phra rags kyi go rim de ltar du bstan pa'i phyir te/
mdo sde rgyan las/ snga ma la rten phyi ma skye/ /zhes sogs
gsungs pa'i phyir/ de dag gi nges tshig gi khyad par yod de/
sbyin pas dbul ba 'dor bar byed pas na sbyin pa dang/ tshul 'chal
gyi tsha gdung sel bar byed pas na tshul khrims dang/ gzhan gyis
mi

snyan par smra ba la mi khro bar bzod pas na bzod pa dang/ mchog
dge ba la sbyar bas na brtson 'grus dang/ rtse gcig tu rnam
mkhyen yid la 'dzin pas na bsam gtan dang/ don dam pa'i chos
nyid rtogs pas na shes rab ces bshad pa'i phyir/ mdo sde rgyan
las/ dbul bar 'dor bar byed pa dang/ /bsil ba thob

dang khro bzod dang/ /mchog sbyar ba dang yid 'dzin dang/ /don
dam shes pa'i phyir bshad do/ /zhes gsungs pa'i phyir/ sgom pa'i
yon tan gyi khyad par yod de/ rgyu rigs kyi sgo nas sgom pa de
dngos po'i sgo nas sgom pa dang/ yon tan mthong ba'i sgo nas
sgom pa de yid ches pa'i sgo nas sgom pa dang/ ngoms mi shes

pa'i sgom pa de bsam pa'i sgo nas sgom pa dang/ 'khor gsum rnam
par mi rtog pa'i sgo nas sgom pa de thabs kyi sgo nas sgom pa
dang/ longs sku thob nas sgom pa de dbang 'byor pa'i tshul gyis
sgom pa yin pa'i phyir/ de nyid las/ thams cad sgom pa dngos po
dang/ /de bzhin yid la byed pa dang/ /bsam pa dang ni thabs

dag dang/ /dbang 'byor nyid la brtan par mdzad/ /ces gsungs pa'i
phyir/ rab dbye la/ sbyin sogs drug po de la so sor dbye na/
gsum gsum yod de/ sbyin pa la chos kyi sbyin pa/ zang zing gi
sbyin pa/ mi 'jigs pa skyabs kyi sbyin pa dang gsum/ tshul khrims
la nyes spyod sdom pa'i tshul khrims/ dge ba chos sdud

kyi tshul khrims/ sems can don byed kyi tshul khrims gsum/ bzod pa
la yang chos la nges rtogs kyi bzod pa/ gnod pa la ji mi snyam
pa'i bzod pa/ sems can don byed kyi bzod pa dang gsum/ brtson
'grus la yang go cha'i brtson 'grus/ sbyor ba'i brtson 'grus/
sems can don byed kyi brtson 'grus dang gsum/

bsam gtan la yon tan mngon par sgrub pa'i bsam gtan/ mthong chos
la bde bar gnas pa'i bsam gtan/ sems can don byed kyi bsam gtan
dang gsum/ shes rab la yang ji lta ba rtogs pa'i shes rab/ ji
snyed pa rtogs pa'i shes rab/ sems can don byed kyi shes rab
dang gsum yod pa'i phyir/ mdo sde

@128a @#/ /rgyan las/ chos dang zang zing mi 'jigs gtong/ /sbyin
pa de 'drar yongs shes nas/ /mkhas pa yang dag sgrub par byed/
/ces sogs gsungs pa'i phyir/ de dag bsdu na rnam par g.yeng
pa'i dge rtsa dang/ mnyam par gzhag pa'i dge rtsa dang/ de gnyis
ka'i dge rtsa

gsum du 'du ste/ phar phyin dang po gnyis rnam par g.yeng ba'i
dge rtsa dang/ tha ma gnyis mnyam par gzhag pa'i dge rtsa dang/
bar pa gnyis de gnyis ka'i dge rtsar 'du ba'i phyir/ de nyid
las/ dkar po'i chos kun rnam g.yengs dang/ /mnyam gzhag gnyis
kar shes par bya/ /pha rol phyin pa

gnyis dang ni/ /gnyis dang gnyis kyi yongs su bsdus/ /zhes
gsungs pa'i phyir/ de rnams kyi mi mthun phyogs bdun bdun 'joms
pa yin te/ sbyin pa lta bu la mtshon na ser sna'i sgo nas ma
chags/ longs spyod kyi sgo nas mi chags/ phyi bshol gyi sgo nas
chags pa med/ de tsam gyis chog par

'dzin pa'i chags pa nyid kyang ma yin/ lan la re ba'i sgo nas mi
chags/ rnam smin la re ba'i sgo nas mi chags/ rnam g.yeng gi
sgo nas chags pa med pa'i phyir/ de nyid las/ byang chub sems
dpa'i sbyin pa ni/ /ma chags mi chags chags pa med/ /chags pa
nyid kyang ma yin te/ /ma chags mi chags

chags pa med/ /ces gsungs pa'i phyir/ de dag yon tan bzhi bzhi
dang ldan pa yin te/ yon tan grangs med pas rgya che ba dang/
kun slong zang zing med pa dang/ 'bras bu byang chub chen po
'byin pas don che ba dang/ lhag med myang 'das thob pa'i tshe na
yang/ dge rtsa rgyun mi chad pa'i yon tan bzhi bzhi

dang ldan pa'i phyir/ de nyid las/ rgya che ba dang zang zing
med/ /don che ba dang mi zad pa/ /sbyin pa la sogs thams cad
kyi/ /yon tan bzhir ni shes par bya/ /zhes gsungs pa'i phyir/
phar phyin drug po de'i phan tshun rnam par nges pa'i yon tan gyi
khyad par yod de/ phar phyin drug po de'i rgyu ngo bo rnam smin
gyi

'bras bu dbye ba drug po de dang/ de ston pa'i shin tu rgyas
pa'i sde snod brjod bya rjod byed du 'brel ba dang/ re re'i
nyams len las drug drug gi nyams len 'byed cing/ re re'i nang du
drug drug gi nyams len 'du ba'i phyir te/ de nyid las/ phan tshun
bsdus tshul rab dbye phyir/ /chos nyid phyir dang rgyu mtshan
phyir/ /

@128b pha rol phyin drug rnam kun tu/ /rnam par nges par shes
par bya/ /zhes gsungs pa'i phyir/ de yang byang sems kyi sbyin
pa rang nyid 'ba' zhig gi phyir gtong ba min pa dang/ byang sems
kyi tshul khrims gsum gyi nang nas sems can don byed kyi tshul
khrims de gtso che ba dang/ gzhan gyis khros pa la bzod pa
dang/

dkar po dge ba'i chos mtha' dag gong nas gong 'phel du byed pa
brtson 'grus/ /bsam gtan gyi rtse gcig tu rnam mkhyen don du
gnyer ba dang/ shes rab kyis bden pa'i don de kho na nyid gtan
la 'bebs par byed pa dang/ de rnams snying rjes zin pa'i sgo nas
nyams su blangs na/ 'jig rten gyi mgon po thams

cad mkhyen pa 'thob par 'gyur ba sogs yin te/ sbyin pa rang don
yongs btang ba/ /tshul khrims gzhan phan bya ba'o/ /bzod pa khro
ba spangs pa ste/ /dkar po'i chos 'phel brtson 'grus so/ /bsam
gtan rtse gcig nyon mongs med/ /shes rab bden don gtan la 'bebs/
/snying brtse sems can thams cad la/

snying rje ro gcig blo gros so/ /sbyin pas longs spyod khrims
kyi bde/ /bzod pas mdangs ldan brtson pas brjid/ /bsam gtan gyis
zhi blo yi grol/ /snying brtse bas ni don kun 'grub/ /bdun po
'di dag ma lus par/ /cig car pha rol phyin pa yis/ /ye shes bsam
mi khyab pa'i yul/ /'jig rten mgon po nyid

'thob 'gyur/ /zhes gsungs pa'i phyir/ ! bsam gtan gzugs med
sbyin sogs dang/ /zhes sogs kyi skabs su/ 'jug sgrub spyi'i rnam
gzhag bshad pa dang/ rtogs dka' ba bye brag tu bshad pa dang
gnyis/ dang po la/ kha cig /stong nyid rtogs pa'i sgom byung gi
shes rab kyis zin pa'i sgo nas theg chen gyi

rgyu 'bras kyi chos ci rigs pa sbyor ba lag len gtso bor byas
nas nyams su len pa'i sems dpa'i ye shes/ 'jug sgrub kyi mtshan
nyid/ zer na/ stong nyid rtogs pa'i shes rab kyis zin pa'i sgo
nas bsam gtan dang gzugs med kyi snyom 'jug nas rnam mkhyen gyi
bar du nyams su len pa'i byang sems

tshogs lam pa'i rgyud kyi mkhyen pa chos can/ mtshon bya der thal/
mtshan nyid de'i phyir/ 'dod na/ theg chen gyi sbyor lam thob par
thal/ 'dod pa'i phyir/ rang lugs la/ theg chen gyi sbyor lam
thob pa'i gang zag gi rgyud kyi stong nyid rtogs pa'i sgom byung
gi shes rab kyis zin pa'i sgo nas/ theg chen gyi rgyu 'bras kyi

@129a @#/ / chos ci rigs pa sbyor ba lag len gtso bor byas nas
nyams su len pa'i sems dpa'i ye shes/ 'jug sgrub kyi mtshan nyid/
dbye na/ dgu yod de/ rgyu theg pa chen po la 'jug pa brgyad/
'bras bu rnam pa thams cad mkhyen pa nyid la 'jug pa gcig dang
dgu yod pa'i phyir

! brtse dang sbyin la sogs pa drug /ces sogs kyi skabs su/ tshogs
sgrub kyi dbye ba bshad pa/ tshogs gsum bye brag tu bshad pa dang
gnyis/ dang po ni/ theg chen gyi sbyor lam chos mchog chen po
thob pa'i sems dpa'i rgyud kyi tshogs gnyis kyi dpung rgya chen
pos zin pa'i sgo nas rang 'bras gnas skabs

dang mthar thug gi byang chub chen po gang rung dngos su 'byin
byed kyi sems dpa'i ye shes/ tshogs sgrub kyi mtshan nyid/ de la
dbye na bcu bdun yod de/ rten rtse ba snying rje chen po/ sbyin
sogs phar phyin drug gi tshogs sgrub/ mnyam gzhag gis bsdus pa
zhi gnas lhag mthong de gnyis zung du 'brel ba'i

sgrub pa/ rjes thob kyis bsdus pa'i gzhan don sgrub pa'i thabs
mkhas kyi sgrub pa/ de la brten pa'i bsod nams dang ye shes kyi
sgrub pa/ 'bras bu sgrub cing dmigs rnam 'dzin pa'i lam dang
gzungs kyi sgrub pa/ yon tan gyi rten byed cing spang bya spong
ba dang/ gnyen po'i tshogs sgrub dang bcas pa rnams su

yod pa'i phyir/ bcu bdun po 'dis mthar thug gi byang chen dngos
su 'byin nus pas na tshogs kyi sgrub pa zhes bya zhing/ de dngos
su 'byin nus pa yang yin te/ de 'byin par byed pa'i zab pa dang
rgya che ba'i lam gyi rim pa khyad par can gyis bsdus pa'i
phyir/ de rnams kyi nang nas snying rje chen po la mtha' cung
zad

dpyad na/ mtshan nyid/ dbye ba/ phye ba so so'i don bshad pa/
phan yon dang bzhi/ dang po la/ sdug bsngal can gyi sems can
gang la dmigs kyang ma bu gcig pa la brtse ba'i tshod tsam gyi
sdug bsngal thams cad dang bral 'dod rang gi ngang gis skye ba'i
snying rje/ snying rje chen po'i mtshan nyid/ gnyis pa la/

grogs kyi sgo nas dga' ba/ smon lam/ lhag bsam dang mtshungs ldan
gyi snying rje gsum/ dmigs yul gyi sgo nas sems can dang chos
dang dmigs med kyi snying rje chen po gsum yod/ gsum pa phye ba
so so'i don la/ nyan rang la yang lhag bsam dang mtshungs ldan
gyi snying rje chen po med kyang/ dga'










@129b ba dang/ smon lam dang mtshungs ldan gyi snying rje chen po
yod/ nyan rang dgra bcom pas chags sdang spangs shing/ sgom rims
las kyang/ gang gi tshe yid du 'ong ba'i bu mi bde ba bzhin du
sems can thams cad la sdug bsngal gtan nas byang bar 'dod pa'i
rnam pa'i snying rje bcos ma ma yin pa rang gi ngang gis

'jug pa bdag nyid thams cad la mtshungs par 'jug pa de'i tshe de
rdzogs pa yin pas snying rje chen po zhes bya ba'i grangs su
'gro'o/ /zhes de tsam gyi snying rje chen po'i mtshan nyid rdzogs
par gsungs pa'i phyir/ snying rje chen po la gsum du phye ba'i
sems can la dmigs pa'i snying rje yin na sems can tsam la

dmigs pa'i snying rje yin pas khyab kyang/ sems can la dmigs
pa'i snying rje yin na sems can tsam la dmigs pa'i snying rje
yin pas ma khyab ste/ snying rje yin na sems can la dmigs pa'i
snying rje yin dgos pa'i phyir/ der thal/ snying rje phyi ma
gnyis la de ltar dgos pa'i phyir/ 'jug pa las/ 'gro ba

g.yo ba chu yi nang gi zla ba ltar/ /g.yo dang rang bzhin nyid
kyis stong par mthong ba yi/ /'gro la snying rjer gyur gang de
la 'dud/ /ces gsungs pa'i phyir/ sems can gyi rgyud kyi chos
dang dmigs med la dmigs pa'i snying rjes rim pa bzhin du mi rtag
sogs chos dang sems can bden med rtogs mi dgos kyang/ de





dmigs med la dmigs pa'i snying rje'i don bzhag tu med par 'gyur
ba'i phyir/ de ltar byas na

rang gi dmigs yul du gyur pa'i mi rtag sogs kyi chos kyi rnam pa
dang bdag med pa'i rnam

pa ma shar bar sems cam tsam po de nyid la dmigs nas sdug bsngal
dang bral 'dod kyi

snying rje chen po/ dang po'i mtshan nyid/ rang gi dmigs yul du
gyur pa'i sems can mi

rtag sogs chos kyi rnam pa shar nas sdug bsngal dang bral 'dod
kyi snying rje chen po

gnyis pa'i mtshan nyid/ rang gi dmigs yul du gyur pa'i sems can
bden med

kyi rnam pa shar nas sdug bsngal dang bral 'dod kyi rnam pa can
gyi snying rje chen po

gsum pa'i mtshan nyid/ de yang sa bdun pa man chad du de gsum ga
yod kyang

sa brgyad yan chad du dang po med de/ dag sa'i snying rje yin na
dmigs yul sems

can bden stong sgyu ma lta bur snang ba'i blo yin dgos pa'i
phyir/ rgyas par gzhan las

shes par bya'o/ bzhi pa phan yon bshad pa la/ snying rje chen po
de phan yon khyad par

can dang ldan te/ sdong po bkod pa'i mdo las/ chos gcig lag
mthil du mchis na

sangs rgyas kyi chos thams cad lag mthil du mchis so/ gcig po
gang zhe na snying

rje'o/ zhes dang/ 'jug pa las/ sa bon dang ni spel la chu 'dra
yun ring du/ zhes

sogs gsungs pa'i phyir/






rgyud ldan gyi gang zag gis dmigs yul sems can mi rtag sogs dang
bden par med par mthong ba ni dgos te/ drangs ma thag pa'i lung
gis 'grub pa'i phyir dang/ de ltar ma yin na chos dang dmigs med
la dmigs pa'i snying rje'i don bzhag tu med par 'gyur ba'i
phyir/ de ltar byas na rang gi dmigs yul du gyur pa'i

mi rtag sogs kyi chos kyi rnam pa dang bdag med pa'i rnam pa ma
shar bar sems can tsam po de nyid la dmigs nas sdug bsngal dang
bral 'dod kyi snying rje chen po// dang po'i mtshan nyid/ rang gi
dmigs yul du gyur pa'i sems can mi rtag sogs chos kyi rnam bshar
nas sdug bsngal dang bral 'dod kyi snying rje chen po/ gnyis
pa'i

mtshan nyid/ rang gi dmigs yul du gyur pa'i sems can bden med kyi
rnam pa shar nas sdug bsngal dang bral 'dod kyi rnam pa can gyi
snying rje chen po// gsum pa'i mtshan nyid/ de yang sa bdun pa
man chad du de gsum g.yod kyang sa brgyad pa yan chad du dang
po med de/ dag sa'i snying rje yin na dmigs yul sems can 'den

@130a @#/ /stong sgyu ma lta bur snang ba'i blo yin dgos pa'i
phyir/ rgyas par gzhan las shes par bya'o/ /bzhi pa phan yon
bshad pa la/ snying rje chen po de phan yon khyad par can dang
ldan te/ stong po bkod pa'i mdo las/ chos gcig lag mthil du
mchis na sangs rgyas kyi chos thams cad

lag mthil du mchis so/ /gcig po gang zhe na snying rje'o/ /zhes
dang/ 'jug pa las/ sa bon dang ni spel la chu 'dra yun ring du/
/zhes sogs gsungs pa'i phyir/ gzungs kyi mtha' dpyad pa la/ ngo
bo// dbye ba/ phye ba so so'i don/ sa mtshams dang bzhi las/ dang
po ni/ gzungs kyi ngo bo ni rang gi grogs zhi

gnas dang mtshungs ldan gyi dran pa dang shes rab khyad par can
zhig la 'jog pa yin te/ rgyan snang las/ gzungs kyi ngo bo ni
dran pa dang shes rab ste dran pa dang shes rab khyad par can
gzungs zhes bya'o/ /zhes gsungs pa'i phyir/ gnyis pa dbye ba la/
gzungs tsam dang/ de khyad par can gnyis/ dang

po;; gzungs tsam gyi dbye ba la/ skye ba snga mar dmigs rnam
bsgoms stobs kyi tshe 'dir rnam smin skyes kyi gzungs chung du
gcig dang/ tshe 'dir thos bsam gyi stobs kyis thob pa'i 'bring bo
gcig dang/ mnyam gzhag gi sas bsdus kyis thob pa'i chen po gcig
dang gsum/ phyi ma la yang/ sa la ma

zhugs pa'i mos pas spyod pas rgyud kyi chung du gcig dang/ ma
dag sar gnas pa'i rgyud kyi 'bring po gcig dang/ dag sa la gnas
pa'i rgyud kyi chen po gcig dang gsum yod de/ mdo sde rgyan las/
rnam smin thos la goms pa dang/ /ting nge 'dzin gyi gzungs dag
ni/ /chung du dag ni chen po ste/ /chen po de yang

rnam pa gsum/ /blo ldan mzhugs zhugs pa dang/ /ma dag sa pa
rnams kyis ni/ /chung du dang ni 'brang po ste/ /dag pa'i sa
ba'i gzungs chen yin/ /zhes gsungs pa'i phyir/ gsum pa la/ tsam
po gsum po de'i mtshan nyid sla/ gnyis pa khyad par can gyi mtshan
nyid la/ nang du bzong pa'i gzungs thob pa la

brten nas rgyal ba'i gsung rab kyi tshig bskal pa'i bar du mi
brjed par 'dzin nus pa'i gzungs/ tshig gi gzungs khyad par can
gyi mtshan nyid/ nang du bzod pa'i gzungs thob pa'i mthus rgyal
ba'i gsung rab kyi don bskal pa'i bar du mi brjed par 'dzin nus
pa'i gzungs/ don gyi gzungs khyad par can gyi

@130b mtshan nyid/ rang gi grogs zhi gnas la brten nas a ra pa tsa
sogs yi ge'i gnas lugs kyi don la dpyad stobs kyis mi skrag pas
rab tu phye ba'i gzungs/ bzod pa'i gzungs khyad par can gyi
mtshan nyid/ nang du bzod pa'i gzungs thob pa'i sdig pa zhi ba
sogs gzhan skyob pa'i sngags rtsom pa sogs kyi

nus mthu khyad par can du gyur pa'i gzungs/ gsang sngags kyi
mtshan nyid/ 'di rgyu la 'bras bu'i ming gis btags pa'o/ /gzungs
bzhi rgyud la skyes pa la dgos pa yod de/ rgyal ba'i gsung rang
gi tshig don mi brjed pa sogs rang gzhan gyi don du ma 'grub pa'i
ched du yin pa'i phyir/ bzhi pa sa mtshams

la; gzungs tsam po gsum ni lam du ma zhugs pa nas kyang yod/
/gzungs khyad par can la chung ngu 'bring chen po gsum du phye
ba'i chung ngu theg chen gyi sbyor lam bzod pa nas dang/ 'bring
ma dag sa nas dang/ chen po dag sa nas thob/ gnyis pa tshogs gsum
bye brag tu bshad pa la/ ye shes kyi tshogs sgrub bye brag

tu bshad pa/ sa'i tshogs sgrub bye brag tu bshad pa/ gnyen po'i
tshogs sgrub bye brag tu bshad pa dang gsum/ /dang po la yul
stong nyid nyi shu bshad/ yul can de rtogs pa'i ye shes nyi shu
bshad pa/ ye shes kyi dmigs pa gang yin dpyad pa dang gsum/
stong nyid phra mo la stong gzhi chos can gyi sgo nas nyi shu
po de

mig sogs nang/ gzugs sogs phye/ gnyis ka'i rten dbang rten khog
pa bden pas stong ba nyid sogs gsum/ stong nyid bden pas stong pa
stong pa nyid stong pa nyid/ phyogs bcu dang/ myang das dang/
rkyen las skyes pa la sogs pa'i 'dus byas dang/ ma skyes pa nam
mkha' lta bu'i 'dus

ma byas dang; rtag chad kyi mthas stong pa'i dbus dang/ 'khor ba
dang/ sbyin sogs dor byar med pa rnams bden pas stong pa rnams
rim pa bzhin du chen po stong pa nyid nas dor ba med pa stong pa
nyid kyi bar du 'jog  gnas lugs dang/ rnam 'gyur gyi chos thams
cad dang/ phyi nang gi chos skye ba sogs dang/ dus

gsum dang/ rgyu rkyen ldan zhing tshogs pa dang/ phung po lnga'i
ngo bo bden stong rnams rim pa bzhin/ rang bzhin stong pa nyid
nas dngos po stong pa nyid kyi bar du 'jog /'dus ma byas kyi nam
mkha' dang/ rang bzhin stong pa nyid ces bya ba dang byed pa po
don gzhan gyis stong pa rnams bden pas stong rnams rim pa/
@131a @#/ /bzhin dngos po med pa stong pa nyid dang/ rang gi ngo
bo stong pa nyid dang/ gzhan gyi ngo bo stong pa nyid rnams su
'jog pa'i phyir/ gnyis pa yul stong nyid nyi shu rtogs pa'i yul
can nyi shu bshad pa la/ stong nyid nyi shu ston pa'i mdo rnams
kyis nyi shu po rtogs pa'i ye shes

nyi shu 'phangs nas ston cing/ ji ltar ston na stong nyid dang
po bzhi ston pa'i mdo las de bzhi rtogs pa'i ye shes bzhi

'phangs tshul yod de/ dang po gsum ston pa'i mdos gsum po de
rtogs pa'i theg chen gyi tshogs lam chung ngu 'bring chen po gsum
'phangs nas ston/ bzhi pa ston pa'i mdos/ de rtogs

pa'i theg chen gyi sbyor lam 'phangs nas ston pa'i phyir/ chen
po stong pa nyid nas dor ba med pa stong pa nyid ston pa'i mdo
rnams kyis rim pa bzhin du stong nyid de rnams rtogs pa'i yul
can rnams 'phangs nas bstan tshul yod de/ chen po stong pa nyid
ston pa'i mdos chos dbyings kun tu 'gro ba'i don rtogs

pa'i sa dang po'i ye shes 'phangs nas bstan/ gnyis pa ston pa'i
mdos chos dbyings mchog gi don rtogs pa'i sa gnyis pa'i ye shes
'phangs nas bstan/ gsum pa ston pa'i mdos chos kyi rgyu mthun
pa'i don rtogs pa'i sa gsum pa'i ye shes 'phangs nas bstan/ bzhi
pa ston pa'i mdos chos

dbyings yongs su 'dzin pa med par rtogs pa'i sa bzhi pa'i ye
shes 'phangs nas bstan/ lnga pa ston pa'i mngos chos dbyings
rgyud tha dad pa med par rtogs pa'i sa lnga pa'i ye shes 'phangs
nas bstan/ drug pa ston pa'i mdos chos dbyings kun byang med par
rtogs pa'i sa drug pa'i ye shes 'phangs nas

bstan/ bdun pa ston pa'i mdos chos dbyings mtshan med rtogs pa'i
sa bdun pa'i ye shes 'phangs nas bstan/ rang bzhin stong pa nyid
dang/ chos thams cad stong pa nyid ston pa'i mdo gnyis kyis chos
nyid rnam par rtog pa med cing/ dag sa la dbang ba'i sa brgyad
pa'i ye shes bstan/ rang gi mtshan

nyid stong pa nyid dang mi dmigs pa stong pa nyid ston pa'i mdos
chos dbyings ye shes la dbang ba'i sa dgu pa'i ye shes 'phangs
nas bstan/ dngos po med pa'i ngo bo nyid stong pa nyid ston pa'i
mdo gnyis kyis chos dbyings las la dbang ba'i don rtogs pa'i sa
bcu pa'i ye shes 'phangs nas bstan/

@131b stong nyid tha ma gsum ston pa'i mdos chos dbyings sgrib
gnyis spangs pa'i rten dang rang byung la dbang ba'i don rtogs
pa'i sangs rgyas kyi sa'i ye shes 'phangs nas bstan pa'i phyir/
kha cig  byang sems kyi ye shes stong nyid dang po bzhi rtogs
pa'i ye shes sbyor lam bzhi la rims bzhin 'jog  'og

ma bdun rtogs pa'i ye shes sa dang po nas bdun pa'i bar la 'jog
/de'i 'og ma drug dag pa sa gsum la re res gnyis gnyis rtogs par
byas nas 'jog /tha ma gsum rtogs pa'i ye shes sangs rgyas kyi sa
la 'jog /de yang sa mtshams nges pa can yin zhing/ dang po gsum
rtogs pa'i ye

shes tshogs lam nas mi 'jog ste/ 'grel chen las/ stong nyid gsum
ni mos spyod kyis bsdus pa yin no/ /zhes dang/ 'di sbyor ba'i
lam gyis bsdus pa yin no/ /zhes gsungs pa'i phyir/ 'grel chen
gnyis kyi skabs mang po zhig tu theg chen gyi tshogs lam mos
spyod kyi sa las logs su

gsungs pa'i phyir/ zhes gsungs pa ni mi 'thad de/ de gsum don
spyi'i tshul gyis rtogs pa'i ye shes kyi tshogs theg chen gyi
tshogs lam na yang yod/ mngon sum du rtogs pa theg chen rigs nges
la sbyor lam na yang med/ chos dbyings kun tu 'gro dang mchog
'gro'i tshul du mngon sum du rtogs

pa sa gsum pa yan chad du yod pa'i phyir/ theg chen gyi tshogs
lam mos spyod kyi sa las logs su mos spyod kyi sar mi 'dod pa
yang ma nges te/ nyan thos kyi rigs kyi sa sogs drug nyan thos
kyi sa las logs su gsungs kyang/ drug po nyan thos kyi sar gtogs
pa lta bu yin pa'i phyir/ rang lugs la

sa mtshams nges pa can ma yin kyang sgras don gyi stong nyid
rtogs pa'i ye shes 'phangs tshul de ltar 'chad pa'i rgyu mtshan
yod de/ sa bcu ka'i skabs su chos nyid de mngon sum du rtogs
pa'i ye shes yod par mtshungs kyang ye shes de rnams gong 'phel
du song ba'i dbang gis gtso bor nges shes mi 'dra bar

'dren pa sa bcu pa'i skabs su 'byung ba dang theg chen gyi slob
mi slob gnyis ka'i skabs kyi stong nyid rtogs pa'i ye shes kyi
tshogs gtan la 'bebs pa'i ched du yin pa'i phyir/ de yang ye shes
kyi tshogs sgrub las 'phros nas theg chen tshogs lam pa dang/
sangs rgyas kyi sa'i stong nyid rtogs

@132a @#/ /pa'i ye shes kyi tshogs bshad pa yin gyi/ de gnyis su
ye shes kyi tshogs sgrub med de/ de sbyor lam chos mchog yan dang
rgyun mtha' man chad la 'jog pa'i phyir/ gsum pa ye shes kyi
dmigs yul gang yin dpyad pa la/ lugs gnyis bkod pa/ lugs

phyi ma 'thad par sgrub pa/ de la klan ka spang pa/ lugs snga ma
dgag pa/ ye shes kyi dbye ba gzhan ma smos pa'i rgyu mtshan bshad
pa dang lnga/ dang po ni/ stong nyid nyi shu rtogs pa'i mi rtog
ye shes kyi dmigs pa gang yin zhe na/ sems tsam pa na re gzhan
dbang gzung 'dzin rdzas tha dad kyis stong

pa'i stong nyid bden grub mi rtog ye shes de rnams kyi dmigs pa
yin zhes zer/ dbu ma pa rnams na re/ chos thams cad bden stong
de rnams kyi dmigs pa yin zer ro/ /gnyis pa phyi ma 'thad par
sgrub pa la/ gang dang gang shes pa yin na de'i shes bya yin na/
bden med yin pas khyab ste/

dper na/ rmi lam du rta glang snang ba'i shes pa'i dmigs pa
bzhin/ mi rtog ye shes 'di yang shes pa yin no zhes 'god cing/
mdor bsdu na slob pa'i rgyud kyi mi rtog ye shes chos can/ khyod
kyi gzhal bya bden par med de/ shes pa yin pa'i phyir/ zhes bya
ba yin la/ de lta bu'i phyogs chos

ma grub pa ma yin te/ shes pa rang myong rang rig mngon sum gyis
grub pa'i phyir/ rnam nges las/ dmigs pa mngon sum ma yin na/
/don mthong rab tu 'grub mi 'gyur/ /zhes gsungs pa'i phyir/
mthun phyogs la yod pa'i phyir/ 'gal ba'i gtan tshigs kyang ma
yin/ bden grub kyi chos

gzhi med 'gro med skye med dang/ zhes pa'i skabs su 'gag par
'gyur bsa ma nges pa yang ma yin pa'i phyir/ yang don 'dra yang
slob pa'i rgyud kyi mi rtog ye shes kyi gzhal bya chos can/ bden
par med de/ mi rtog ye shes kyi dmigs pa yin pa'i phyir/ zhes
bkod nas 'gal ma nges ma grub pa

gsum gyi skyon spong lugs byas na'ang rung ngo/ /de ltar yang
'grel chen las/ yang rnam par mi rtog pa'i ye shes 'di'i dmigs
pa gang yin zhe na/ kha cig ni stong pa nyid 'di yin no/ /zhes
'dod do/ /gzhan dag ni chos thams cad kyi ngo bo nyid stong pa
nyid la dmigs par 'dod do/ /'di nyid

@132b rigs pa yin te/ gang dang gang shes pa yin pa de dang de
ni chos thams cad kyi rang bzhin stong pa nyid la dmigs pa yin
no/ /dper na/ rmi lam du rta la sogs pa'i ngo bo nyid stong pa
nyid dmigs pa lta bu'o/ /bdag med pa'i gnas su gyur pa'i rnam
par mi rtog pa'i ye shes 'di yang shes pa yin no/ /

zhes bya ba ni rang bzhin gyi gtan tshigs so/ /dmigs pa mngon sum
ma yin na/ /don mthong rab tu 'grub mi 'gyur/ /zhes bya bas gtan
tshigs ma grub pa ma yin la/ mi mthun pa'i phyogs la yod pas 'gal
ba ma yin no/ /chos thams cad kyi rang bzhin de kho na nyid du
yod pa ni phyis 'gog

par 'gyur pa'i phyir/ ma nges pa nyid kyang ma yin no/ /zhes
gsungs pa'i phyir/ rang bzhin gyi gtan tshigs so zhes bya bas ni
'bras bu rang bzhin ma dmigs pa'i gtan tshigs gsum du phye ba'i
rang bzhin gyi gtan tshigs su bstan pa ma yin gyi rtags chos rang
bzhin gcig pa tsam la dgongs

pa'i phyir/ rang bzhin gyi gtan tshigs la sgrub rtags dgos pa'i
phyir/ gsum pa de la klan ka spang pa la/ sems tsam pa na re/ 'o
na chos thams cad bden stong chos can/ bden par med par thal/ mi
rtog ye shes kyi dmigs pa yin pa'i phyir/ dper na zla gcig zla
gnyis su snang ba'i dbang

shes kyi dmigs pa bzhin/ 'dod na/ chos thams cad bden par grub
par thal/ chos thams cad bden stong de med pa'i phyir/ de bden
par med pa'i phyir/ de dbu ma pas yongs grub tu khas blangs pas
de don dam par med na med dgos pa'i phyir/ snyam du bsams so/
/gal te 'dod na/ dngos su

'gal ba yin te/ 'grel chen las/ gang dmigs pa de ni med pa ma
yin nam/ dper na/ zla ba gnyis la sogs pa bzhin no/ /chos thams
cad kyi ngo bo nyid stong pa nyid kyang dmigs pa yin pas med par
'gyur la/ des na chos thams cad yod par 'gyur ro/ /zhes gsungs
pa'i phyir/ lan la

nyes pa de mi 'jug ste/ sngar bshad pa'i rigs pa de nyid kyis
chos thams cad bden stong bkag pa ma yin gyi chos thams cad bden
grub bkag pa gang zhig  chos thams cad bden stong bden grub rigs
pas bkag pas chos thams cad slar yang bden par grub mi dgos pa'i
phyir/ te/ chos

@133a @#/ /thams cad bden stong bden grub de chos thams cad bden
stong gi khyab byed dang/ de dang bdag nyid gcig pa'i cha gang
yang ma yin pa'i phyir/ dper na/ gsod byed mchod sbyin de bsad
bya lhas sbyin gyi khyab byed dang/ de dang bdag nyid gcig pa
gang yang ma yin

pas de nyer sbas kyis bsad pa'i lha sbyin gyi srog dbang slar
'byung mi dgos pa bzhin yin pa'i phyir/ bzhi pa lugs snga ma
dgag pa la/ 'o na/ gzhan dbang gzung 'dzin rdzas gzhan gyis
stong pa'i stong nyid de chos can gzhan dbang dang ngo bo gcig
gam tha dad/ dang po ltar na de gnyis tha dad

gtan med kyi gcig tu thal/ de gnyis bden par grub pa'i ngo bo
gcig yin pa'i phyir/ khyab ste/ bden grub yin na snang tshul dang
gnas tshul mthun dgos/ de ngo bo gcig tu snang ba'i tshur mthong
gi blo la de gnyis gcig tu snang ba'i phyir/ 'dod na/ de 'dra'i
stong nyid chos can/ gzhan

dbang dang gcig yin par thal lo/ /'dod na gzung 'dzin rdzas
gzhan gyis stong pa'i stong nyid chos can/ khyod 'dzin stangs
kyi yul du byas nas sgom pas shes sgrib dag par mi 'gyur bar
thal/ khyod gzhan dbang yin pa'i phyir/ 'dod na 'gal/ ngo bo tha
dad yin na/ de gnyis 'brel med don

gzhan du thal/ de gnyis bden grub kyi ngo bo tha dad yin pa'i
phyir/ 'dod na/ gzhan dbang gzung 'dzin rdzas tha dad kyis stong
pa sgom par byas pas/ gzhan dbang la phyin ci log tu sgro 'dogs
pa'i sgro 'dogs la cung zad kyang mi gnod par thal/ 'dod pa'i
phyir/ gzhan yang/ don dam bden pa de blo

don dam pa gnas lugs mngon sum du rtogs pa'i slob pa 'phags pa'i
mnyam gzhag ye shes kyi rnyed don yin kyang de tsam gyi don dam
par grub mi dgos te/ de chos can brdzun pa sgyu ma lta bu la
brten pa'i gnas lugs mthar thug yin pa'i phyir/ khyab ste/ bden
grub chos can brdzun pa sgyu ma lta bu

la brten pa 'gal ba'i phyir/ lnga pa ye shes kyi dbye ba gzhan
ma smos pa'i rgyu mtshan bshad pa la/ me long lta bu'i ye shes
sogs ye shes kyi dbye ba du ma zhig yod kyang ye shes kyi tshogs
kyi dbye ba 'chad pa'i skabs 'dir mi 'chad pa'i rgyu mtshan ci
yin zhe na/ de'i rgyu mtshan yod de 'dir tshogs sgrub

@133b bcu bdun gyi nang nas stong nyid rtogs pa'i ye shes kyi
tshogs sgrub kyi dbye ba tsam zhig gtan la 'bebs pa bzhed cing de
dag gi dbye ba rgyas par bshad na skabs don nges pa'i bgegs su
'gyur ba'i phyir/ gnyis pa sa'i tshogs bye brag tu bshad pa la/
khyad gzhi sa'i ngo bo bshad pa/ khyad chos sa'i

yon tan bshad pa/ sa'i nges tshigs bshad pa/ 'phos mtshams bshad
pa dang bzhi/ dang po ni/ spyir byang chub sems dpa'i tshogs
sbyor gyi lam yang byang sems kyi mos spyod kyi sa sogs kyi tha
snyad byed kyang 'dir ni byang 'phags kyi mngon rtogs byang sems
kyi sar mdzad nas gtan la 'bebs pa

yin pas/ de ltar byas na snying rje chen po sogs thabs kyi cha
rgya chen pos zin pa'i byang 'phags kyi ye shes byang chub sems
dpa'i sa'i mtshan nyid/ de la rab dga' la sogs sa bcu yod/ gnyis
pa ni/ khyad chos sa'i yon tan bshad pa la/ phar phyin lhag pa'i
khyad par/ yongs sbyong gi khyad par/ spang

bya spong ba'i nus pa'i khyad par/ bslab pa gsum gyi yon tan/
zag med kyi phung po lnga'i yon tan gyi khyad par/ rjes kyi
skabs su nges shes 'dren tshul gyi khyad par/ yon tan gyi grangs
kyi khyad par/ rnam smin gyi skye ba 'dzin tshul gyi khyad par/
rmi lam gyi rtags kyi khyad par rnams las/ dang po'i khyad par

yod de/ sa dang por sbyin pa'i phar phyin lhag pa nas/ sa bcu
par ye shes kyi phar phyin lhag pa'i bar rnams yin pa'i phyir/
phar phyin so so lhag pa'i don yod de/ sa dang por lus longs
spyod sogs gzhan la gtong ba'i tshe ser sna'i kun 'dzin med par
gtang ba'i tshod du rmi lam gyi gnas skabs su

yang 'tshul khrims kyi dri ma med pa'i tshul khrims kyi nyams len
ma thob pa sogs yin pa de'i phyir/ gnyis pa la/ sa dang po la
mtshon na sa dang po'i skyon sel zhing yon tan yongs su rdzogs
par byed pa'i sa dang po ba'i rgyud kyi yon tan/ sa dang po'i
yong sbyong gi mtshan nyid/ de la rnam pa bcu yod/ sbyong tshul
yod

de/ khang bzang sbyong ba bzhin/ sa de dang de'i skyon sbyong
yon tan yongs su rdzogs par byed pa'i phyir/ des 'og ma rnams
yang mtshon/ gsum pa la/ nyon sgrib spong pa'i nus pa dang/ shes
sgrib spong ba'i nus pa gnyis las/ dang po la yang sa bcu pa'i
bar chad med lam bcu po rims kyi rang rang gi ngos skal gyi

@134a @#/ /nyon sgrib kun lhan rnams spong tshul yod de/ dman lam
sngon ma song gi sa dang po'i mthong lam bar chad med lam gyis
nyon mongs kun btags brgya dang bcu gnyis kyi sa bon spong ba
nas/ de'i ngo bor gyur pa'i sgom lam bar chad med lam nas rgyun
mtha'i bar chad med

lam gyi bar rang rang gi ngos skal gyi nyon mongs lhan skyes bcu
drug gi sa bon spang ba'i bar rnams yin pa'i phyir/ mthong
spangs nyon mongs la brgya dang bcu gnyis yod de/ 'dod pa'i sas
bsdus kyi lta ba lnga/ lta min lnga/ bden bzhi la dmigs pas phye
ba bzhi bcu/ de bzhin du gzugs gzugs

med gnyis su/ khong khro phri ba'i so drug so drug dang bcas
pa'i brgya dang bcu gnyis yod pa'i phyir/ lta ba lnga'i khyad
par yod de/ 'jigs lta kun btags nas/ log lta/ mthar lta/ lta ba
mchog 'dzin/ tshul khrims brtul zhugs mchog 'dzin gyi lta ba kun
btags dang bcas pa rnams su yod

pa'i phyir/ lta min lnga'i khyad par yod de/ 'dod chags kun
btags nas khong khro nga rgyal ma rig pa kun btags nas/ the tshom
nyon mongs can dang bcas pa'i lnga yod pa'i phyir/ de yang kun
btus kyi lugs ltar yin gyi gtan la dbab pa bsdu ba las ni/ 'dod
khams su sdug bden la dmigs pa'i

lta ba lnga lta min lnga bshad pa ltar dang/ bden pa phyi ma la
dmigs pa la 'jig lta dang mthar 'dzin gyi lta ba gnyis gnyis
phri ba dang/ gong ma gnyis su de'i steng du khong khro phri ba
dang bcas pa'i 'jog tshul gsungs kyang/ rang lugs kun btus ltar
ro/ /mdzod pa'i lugs la/ 'dod pa na sdug bsngal

mthong spangs bcu/ kun 'byung dang/ 'gog pa gnyis la 'jig lta/
mthar lta tshul khrims brtul zhugs mchog 'dzin gyi lta ba gsum
gsum phri bas bdun bdun/ lam la tshul khrims brtul zhugs mchog
'dzin gyi lta ba tshur bsnan pa'i brgyad/ khams gong ma gnyis su
de rnams dang mthun

pa'i steng nas khong khro phri bas brgyad cu rtsa brgyad du
bzhed de/ mdzod las/ de dag bcu dang bdun bdun brgyad/ /lta ba
gsum gnyis ma gtogs pa/ /'dod na sdug bsngal la sogs pa/ /mthong
bas rim bzhin spong bar byed/ /ces gsungs pa'i phyir/ kun btus
las gsungs pa bden bzhi la log

@134b zhugs kyi sgo nas 'jog na de'i tshul ji lta bu zhan/ lta ba
lnga/ lta min lnga ste bcu po log mar zhugs mkhan yin te/ de
rnams kyis rang rgyud la ldan pa'i gang zag bden pa bzhi'i gnas
tshul ji lta ba bzhin mthong gi bar du de'i rgyud la sdug bsngal
dang rigs 'dra phyi ma skyed par byed cing/ mthong ba la brten

nas spong bar 'gyur ba yin pa'i phyir/ bden pa bzhi po de log
par zhugs pa'i yul yin te/ de la dmigs nas nyon mongs de dag gi
phyin ci log tu zhugs pa yin pa'i phyir/ tshul ji ltar bzung na/
dngos dang/ dbang gi dang/ brgyud nas log par bzung tshul gsum/
ma rig pa the tshom nga rgyal/ 'dod

chags 'jig lta/ log lta rnams kyis dngos su log par zhugs/ khong
khro ma gtogs gzhan gsum gyis brgyud nas log par zhugs/ khong
khro dbang gis log par zhugs pa yin te/ drug gis bden pa bzhi la
dmigs nas dngos su phyin ci log tu bzung ba'i phyir dang/ bar pa
gsum bden bzhi la

dmigs pa'i phyin ci log gi shes pa la dmigs nas phyin ci log tu
bzung ba'i phyir dang/ khong khros log lta dang mthun pa'i chos
la dmigs nas de la mnar sems pa'i sgo nas log par zhugs pa yin
pa'i phyir/ nyon mongs lhan skyes la bcu drug yod de/ 'dod
chags/ khong khro nga rgyal ma rig pa/

'jig lta/ mthar lta lhan skyes dang bcas pa'i ngo bo'i sgo nas
drug /khams kyi sgo nas 'dod khams na drug po de dang/ khams
gong ma gnyis su khong khro bor bas lnga lnga dang bcas pa'i bcu
drug yod pa'i phyir/ sa'i sgo nas zhib par phye na brgya dang
lnga bcu rtsa gsum yod de/ khams gsum sa dgus bsdus

pa'i sgom spangs nyon mongs re re la chung 'bring chen po gsum
du phye ba'i de ltar yod pa'i phyir/ nyon mongs de rnams spong
tshul la byis lam gyis spong tshul dang/ 'das lam gyis spong tshul
gnyis las/ dang po ni/ sa gong 'og la zhi rags su lta ba'i nyer
bsdogs sogs kyi sgo nas 'og sa la 'dun pa'i 'dun

sred mngon gyur ba la chags bral byas pa'i sgo nas spong gi/ 'og
sa dang rang sa'i nyon mongs kyi sa bon dang/ rang sa dang 'og
sa'i nyon mongs kyi sa bon dang/ rang sa dang 'og sa'i nyon
mongs mngon gyur ba ci rigs kyang spong mi nus te/ bsam gtan
dang po'i nyer bsdogs rgyud la ldan pa'i phyi rol pa'i rgyud la

@135a @#/ /'jig lta yod pa'i phyir/ de'i rgyud la yan lag bcu
gnyis kyi thog mar gyur pa'i ma rig pa yod pa'i phyir/ rgyas par
gzhan las shes par bya'o/ /'das lam gyis spang tshul la theg pa
che chung gi 'das lam gyis spong tshul gnyis las/ theg dman gyi
'das

lam gyis spong tshul dge 'dun nyi shu'i skabs su bshad pa las
shes par bya zhing/ theg chen gyi 'das lam gyis spong tshul gnyen
po'i tshogs sgrub dang/ rnam dag sgom lam gyi skabs las shes par
bya'o/ /gnyis pa shes sgrib spong tshul la bden 'dzin gyi dbang
du byas pa'i shes sgrib

spong tshul dang/ de las gzhan pa'i kun rmongs spong tshul gnyis/
dang po la/ bden 'dzin kun lhan gnyis po re re la yang brgya
rtsa brgyad re yod cing/ mthong spangs rtsa brgyad kyi sa bon
theg chen gyi mthong lam bar chad med lam dang/ sgom spangs
brgya rtsa brgyad kyi sa bon sgom lam bar chad

med lam dgus spong bar byed/ brgya rtsa brgyad po der 'byed tshul
yod de/ 'dod pa'i sas bsdus kyi bden pa bzhi la dmigs pa'i shes
sgrib gzung 'dzin gyi rnam par rtog pa dgu bzhi so drug  de
bzhin du gong ma gnyis na yang so drug so drug re byas pa'i de
ltar yod pa'i phyir/ de la brten

nas sgom spangs shes sgrib gzung 'dzin gyi rnam rtog brgya rtsa
brgyad 'byed tshul yang shes par bya zhing/ dman lam sngon ma
song gi theg chen gyi sgom lam bar chad med lam gyis rang rang
gi ngos skal gyi sgrib gnyis lhan skyes cig car du spong ba yin
te/ kun btus las/ cig car nyon mongs

pa dang shes bya'i sgrib pa spang cig car dgra bcom pa dang de
bzhin gshegs par 'gyur/ zhes gsungs pa'i phyir/ de las gzhan
pa'i kun rmongs spong tshul la/ sa dang po gsum du kun rmongs sa
bon dang bcas pa gnyis gnyis spong tshul yod de/ sa dang por
'khor ba dang ngan song gis

'jigs pa'i kun rmongs de dang/ gang zag dang chos kyi bdag tu
mngon par zhen pa'i kun rmongs gnyis sa bon dang bcas pa dang/
sa gnyis pa la ltung ba phra mo la 'khrul ba'i kun rmongs dang/
las dang spyod pa sna tshogs ston pa la kun tu rmongs pa sa bon
dang bcas pa gnyis spong/ gsum

@135b pa la/ gzungs kyi mchog dam pa thob pa la kun rmongs sa
bon dang bcas pa dang/ 'dod chags kyi mtshan mas ma thob pa thob
pa la kun rmongs sa bon dang bcas pa gnyis spong ba'i phyir/ bar
pa gsum la spong tshul yod de/ sa bzhi par rnam par dag pa'i chos
la sred pa/ snyom 'jug gi

ro la sred pa'i kun rmongs sa bon dang bcas pa spong/ lnga par
'khor ba la gcig tu mi phyogs shing mngon du phyogs pa'i kun
rmongs sa bon dang bcas pa dang/ mya ngan 'das la gcig tu phyogs
shing mngon du mi phyogs pa'i kun rmongs gnyis spang/ drug pa la
'du byed kyi mtshan ma mngon du byed

pa dang/ mtshan ma sbom po yid la byed pa'i kun rmongs gnyis sa
bon dang bcas pa spong ba'i phyir/ phyi ma bzhi la spong tshul
yod de/ bdun par mtshan med la byed du rtsol ba dang/ mtshan med
phra mo la kun rmongs gnyis spong/ brgyad pa la/ mtshan med yid
la byed pa dang/ mtshan ma

rnams la mi dbang ba'i kun rmongs gnyis spong/ dgu par chos stan
pa dang tshig dang yi ge sna tshogs la mkhas par ma gyur pa dang/
spobs pa la dbang byed pa'i kun rmongs gnyis sa bon dang bcas pa
spong/ bcu pa la gsang ba phra mo la rjes su 'jug pa dang/ mngon
par shes pa chen po'i

las la bgegs byed pa'i kun rmongs gnyis sa bon dang bcas pa
spong ba'i phyir/ kun rmongs 'di rnams sems tsam gyi gzhung du
ma zad/ dbu ma pa'i mdo rnams las bshad pas thal rang gnyis ka'i
skabs su khas len dgos so/ /sa bcu la bslab pa gsum gyi yon tan
lhag tshul gyi khyad

par yod de/ sa dang por tshul khrims kyi bslab pa'i rten sbyin
pa'i nyams len khyad par can thob/ sa gnyis par tshul khrims kyi
bslab pa'i nyams len lhag par thob/ gsum par ting nge 'dzin gyi
nyams len lhag par thob/ bzhi pa lnga pa drug pa gsum la shes
rab kyi bslab pa'i nyams len

lhag par thob/ phyi ma bzhi la bslab pa'i 'bras bu'i yon tan
lhag par thob/ de yang sa bzhi pa sa lnga pa sa drug pa gsum la
shes rab kyi bslab pa'i nyams len lhag par thob ste/ sa bzhi par
byang phyogs so bdun phra rags la mkhas pa'i shes rab kyi bslab
pa'i nyams len lhag par thob/
@136a @#/ /lnga par bden bzhi phra rigs la mkhas pa'i nyams len
lhag par thob/ drug par rten 'brel lugs 'byung lugs ldog la
mkhas pa'i shes rab kyi bslab pa'i nyams len lhag par thob pa'i
phyir/ sa phyi ma bzhi la bslab pa'i 'bras bu'i yon tan lhag par

thob ste/ sa bdun par mdo la sogs pa'i mtshan med kyi yon tan
thob/ brgyad par zhing dag pa la dbang ba'i 'bras bu thob/ dgu
bar ye shes la dbang ba'i 'bras bu thob/ bcu par las la dbang
ba'i 'bras bu thob pa'i phyir/ sa bcu la zag med kyi phung po
lnga thob tshul gyi khyad par yod de/

sa dang po gnyis la tshul khrims kyi phung po'i nyams len lhag
bar thob/ gsum par ting nge 'dzin gyi phung po'i nyams len lhag
par thob/ bzhi pa lnga pa drug pa rnams la shes rab kyi phung
po'i nyams len thob/ brgyad pa dgu pa bcu pa gsum la rnam par
grol ba'i phung po'i nyams len

lhag par thob/ sangs rgyas kyi sa la rnam par grol ba'i ye shes
gzigs kyi phung po'i nyams len lhag par thob pa'i phyir/ sa bcu
la rjes kyi gnas skabs su nges shes mi 'dra ba 'dren tshul gyi
khyad par yod de/ sa dang po'i rjes kyi gnas skabs su chos
dbyings kun tu 'gro ba'i don rtogs pa

la nges shes 'dren pa nas/ sa bcu pa'i rjes kyi tshe chos dbyings
las la dbang ba'i don rtogs pa la nges shes 'dren pa'i phyir/ sa
bcu la yon tan gyi grangs kyi khyad par yod de/ sa dang po bas
yon tan brgya phrag bcu gnyis/ gnyis pa bas stong phrag bcu
gnyis/ gsum pa bas 'bum phrag bcu

gnyis/ bzhi ba bas bye ba brgya phrag bcu gnyis/ lnga pa bas bye
ba stong phrag bcu gnyis/ drug pa bas bye ba 'bum phrag bcu
gnyis/ bdun pa bas bye ba khri khrag bcu gnyis/ brgyad pa bas
stong gsum 'bum phrag gcig gi rdul gyi grangs dang mnyam pa'i
yon tan bcu gnyis thob/ dgu pa bas

stong gsum grangs med 'bum phrag bcu'i rdul gyi grangs dang
mnyam pa'i yon tan thob/ bcu pa bas sangs rgyas kyi zhing brjod
kyi mi lang ba'i yang brjod kyi mi lang ba'i rdul gyi grangs
dang mnyam pa'i yon tan thob pa'i phyir/ yon tan brgya phrag bcu
gnyis kyi khyad par yod de/ dus skad cig ma gcig la

@136b sangs rgyas mi 'dra ba brgya mthong ba dang/ de dag gis
rang la byin gyis brlabs pa mngon sum du rtogs pa/ dus skad cig
ma gcig la bskal pa brgyar gnas nus pa/ 'di ni tha mal bas bskal
pa brgyar bya dgos pa'i skad cig ma gcig la 'grub pa'i dus byin
gyis rlobs nus pa la byed dgos par mngon

te/ dus skad cig ma gcig la bskal pa brgya'i yun tshad dngos su
byas na ngan song ba'i sdug bsngal myong ba'i yun tshad kyang
ring du song bas ngan song ba rnams skad cig yud gcig la sdug
bsngal las thar bar 'dod pa dang 'gal zhing/ phyi nang gi rten
'brel gyi shugs dgag mi nus pa'i phyir/ da dung dpyod

mdzod/ dus skad cig ma gcig la bskal pa brgya'i sngon dang phyi
ma'i mtha' la ye shes kyi gzigs pa 'jug pa dang dus skad cig ma
zhes pa 'og ma rnams la yang sbyar/ ting nge 'dzin gyi sgo mi
'dra ba brgya la 'jug ldang byed pa dang/ 'jig rten gyi khams mi
'dra ba brgya dus gcig tu g.yo zhing 'jig rten gyi

khams brgya 'od kyi snang bar byed pa dang/ rdzu 'phrul mi 'dra
ba sna tshogs pas sems can brgya phrag dus gcig tu smin par byed
pa dang/ dus gcig tu sangs rgyas kyi zhing mi 'dra ba brgyar
'gro ba dang/ dus gcig tu chos kyi sgo mi 'dra ba brgya 'byed pa
dang/ rang gi lus las lus mi 'dra ba brgya sprul pa dang/ lus

re re'i 'khor du yang byang chub sems dpa' brgya phrag re sprul
pa dang bcas pa'i bcu gnyis yin pa'i phyir te 'jug pa las/ de'i
tshe de ni sangs rgyas brgya mthong zhing/ /de dag byin gyis
brlabs kyang 'di yi rtogs/ /de nyid tshe na bskal pa brgyar gnas
shing/ /sngon dang phyi ma'i mthar yang yang dag 'jug /blo ldan
ting

'dzin brgya phrag snyoms par 'jug cing stong byed de/ /'jig rten
khams brgya kun nas g.yo zhing snang bar nus/ /de bzhin rdzu
'phrul gyi ste sems can brgya phrag smin byed cing/ /brgya phrag
grangs dang rjes 'grel zhing dag tu yang 'gro bar 'gyur/ /des ni
chos kyi sgo rnams yang dag 'byed byed thub dbang sras/ /rang gi

lus las lus rnams kun nas ston par byid pa'ang yin/ /zhes gsungs
pa'i phyir/ spyir byang sems skye ba len tshul la bzhi yod de/
byang sems mos spyod pa phal tshar 'dod khams lta bur las dbang
gis skye/ byang 'phags rnams dman gnas su snying rje dang smon
lam gyi dbang gis skye/ gzugs khams su ting nge

@137a @#/ /'dzin gyi dbang gis skye/ sprul bas dga' ldan du skye
ba mngon par skye ba'i mdzad pa ston pa lta bu dbang gis skye
ba'i mtha' rnyed de/ mdo sde rgyan las/ blo ldan rnams kyi las
dang ni/ /gzhan yang smon lam dag dang ni/ /ting nge 'dzin dang
dbang 'byor ba'i/ /dbang gis skye bar

'dod pa yin/ /zhes gsungs pa'i phyir/ byang 'phags gzugs med
khams su mi skye ste/ der mi skye ba rang dbang yod pa gang zhig
/gzugs med du gzhan don rgya chen po mi 'byung ba'i phyir/ sdud
pa las/ byang chub yon tan pha rol phyin nyams 'gyur 'ong zhes/
/gzugs med khams su skye ba don du

gnyer mi byed/ /ces gsungs pa'i phyir/ 'dis byang sems so skye
der mi skye ba mi grub bam snyam ste/ de las nyon gyi dbang gis
mi khom pa'i gnas su skye ba yod par gong du bsgrubs zin pa'i
phyir/ sar gnas kyi sems dpa' rnams kyi skye ba 'dzin tshul yod
de/ sa dang po phal cher 'dzam bu gling la dbang

ba'i bdag por skye ba len/ gnyis pa bas gling bzhi la dbang ba'i
bdag por skye ba len/ gsum pa ba sum cu rtsa gsum la dbang ba'i
bdag por skye ba len/ bzhi pa ba 'thab bral la/ lnga pa ba dga'
ldan la/ drug pa ba 'phrul dga' la/ bdun pa ba gzhan 'phrul
dbang byed la/ brgyad pa ba stong dang po la/

dgu pa ba stong gnyis pa/ sa bcu pa ba gnas gtsang la dbang ba'i
bdag por skye ba 'dzin pa'i phyir/ de yang/ de dag rnam smin gyi
skye ba blangs pa'i rgyal po dang rnam pa mtshungs par mdzad nas
gzhan don rgya chen mdzad pas rnam smin gyi skye ba 'dzin zhes
brjod pa tsam yin gyi/ rnam smin gyi skye ba dngos

gnas ma yin te/ de 'dra'i byang 'phags kyi phung po rnam smin
gyi phung po ma yin pa'i phyir te/ mdzod las/ rnam smin rgyu ni
mi dge dang/ /dge ba zag bcas rnams kho na/ /zhes gsungs pa'i
phyir/ rmi lam gyi rtags kyi khyad bar la/ sa bcu po de thob
pa'i rmi lam gyi rtags kyi khyad par yod de/ sa dang po thob

pa'i rtags su stong gsum 'jig rten gyi khams 'di gter bye ba
khrag khrig brgya stong du mas gang ba rmis/ gnyis pa la 'jig
rten gyi khams 'di lag mthil ltar mnyam pa rin po che sna tshogs
kyis brgyan pa rmis/ sa gsum pa la rang nyid dpa' zhing go mtshon
thogs nas pha rol gyi rgol ba 'dul ba rmis/

@137b sa bzhi pa thob pa na phyogs bzhi nas rlung gi dkyil 'khor
bzhis thams cad dang ldan pa'i sa gzhi 'der me tog sna tshogs pa
'thor ba rmis/ lnga pa thob pa na bung med kyis rin po che rang
gi mgo la me tog tsam pa ka'i 'phreng ba 'dogs pa rmis sa drug
pa'i rtags su them skas bzhi dang ldan pa'i rdzing gser gyi bye

ma brngal ba la chu dwangs shing dri ma med pa yan lag brgyad
ldan gyis gang ba la/ me tog utpal dang/ ku mu ha dang/ padma
dkar pas khebs pa la rang nyid rtse dgar longs spyod pa rmis/ sa
bdun pa thob pa'i rtags la rang gi g.yas g.yon du sems can
dmyal ba'i g.yang sa chen po gnyis mthong nas rang

nyid de las ma smas lam nyams par lag pa rmis/ sa brgyad pa thob
pa'i rtags su rang gi phrag pa g.yas g.yon dus dge ral pa can
cod pan thogs pa gnyis kyis pha rol gyi rgol ba 'dul ba rmis/ sa
dgu pa thob pa'i rtags su 'khor los bsgyur ba'i rgyal po 'khor
skye bo bye ba khag khrig brgya stong du mas bskor

bas rang gi steng phyogs su gdugs dkar po 'dzin pa rmis/ sa bcu
pa thob pa'i rtags su de bzhin gshegs pa'i sku gser gtso ma'i
mdog lta bu 'od 'dom gang ba 'khor tshangs pa bye ba khrag khrig
brgya stong du mas bskor bas mdun gyi bltas te chos ston pa rmis
pa yin pa'i phyir/ rmi lam gyi rtags de

thams cad phar phyin lhag pa sogs kyi mtshon don dang ldan yang/
de rnams kyi nang nas sa drug pa'i rmi lam gyi rtags de mtshan
don khyad par can dang ldan te/ rdzing des sangs rgyas kyi bstan
pa mtshon/ them skas bzhis de la 'jug pa'i sgo grub mtha' bzhi
mtshon/ gser gyi bye mas rgyu rigs mtshon/ chu

dwangs shing dri ma med bas rim pa bzhin rang bzhin rnam dag
dang blo bur rnam dag mtshon/ yan lag brgyad kyis 'phags lam yan
lag brgyad mtshon/ me tog gsum gyis gdul bya rigs can gsum mtshon
pa yin pa'i phyir te/ utpa las nyan thos kyi rigs can dang/
phyi ma gnyis kyis rigs can phyi ma gnyis

mchod pa yin pa'i phyir/ ku mu tas rang rgyal gyi rigs can mtshon
pa yin te/ ku mu ta de nyi ma'i 'od zer gyis kha mi 'byed zla
ba'i 'od zer gyis kha 'byed pa bzhin du/ sangs rgyas 'jig rten
du byon pa'i che 'jig rten du mi 'byung zhing dus gzhan gyi tshe
na 'byung ba'i phyir/ padma dkar pos thig chen gyi rigs

@138a @#/ /can mtshon te/ me tog gsum gyi nang nas padma dkar po
mchog yin pa bzhin du/ rigs can gsum gyi nang nas theg chen gyi
rigs can mchog yin pa'i phyir/ kha cig /gnyid kyi gnas skabs su
rtags de lta bu 'byung ba mi rigs te/ gnyid sgrib pa lnga'i ya
gyil

yin pa'i phyir/ zer na/ skyon med de/ tha mal gyi gnyid la
dgongs/ 'dir bstan pa'i gnyid dge ba yin pa'i phyir/ phyogs
gzhan du yod par ma zad phar phyin theg pa'i skabs su yang lam
dang gnyid kyi gzhi mthun yod pa'i phyir te/ de dang phyin drug
gi dge ba'i gzhi mthun yod par srid zhi

mnyam nyid sbyor du gsungs pa'i phyir/ byang 'phags kyi rgyud la
'phral gyi 'khrul rgyu med kyang rgi lam 'byung ba yang mi 'gal
te/ gnyid kyi rkyen la brten nas snod bcung kyi zhing dag pa'i
snang ba don la gnas pa de'i snang ba yin pa'i phyir/ gnas lugs
mngon sum du rtogs pa'i sa bcu'i ye shes la

ngo bo la rigs mi 'dra ba'i khyad par med kyang/ yon tan thob
tshul dang spang bya spong tshul la mi 'dra ba'i khyad par de ltar
'byung ba'i rgyu mtshan yod de/ yong sbyong gi nus pa gong 'phel
du song ba'i dbang gis yin pa'i phyir/ gsum pa nges tshig la/
spyi dang/ so so'i nges tshig gnyis las/ rang dka' la

sogs pa'i bcu po de la sa zhes 'chad pa'i rgyu mtshan yod de/ sa
'dis sems can dpag tu med pa 'jigs pa mod par gnas pa'i rten
byed/ 'bras bu lo thog ma skyes pa bskyed/ skyes pa gong 'phel
du byed pa de bzhin du byang sems kyis 'di rnams kyis kyang/
'byung po dpag med 'jigs pa

med par gnas par byed/ yon tan ma thob pa 'thob par byed/ thob
pa gong nas gong 'phel du byed pa'i rgyu mtshan gyis sa zhes
bshad pa'i phyir/ mdo sde rgyan las/ 'byung po dpag med 'jigs
med phyir/ /dpag tu med pa de dag la/ /phyi phyir gong du 'gro
ldan phyir/ /de dag nyid ni sar 'dod do/ /zhes

dang/ rang 'brel las kyang/ byang chub sems dpa' rnams kyi zag
pa med pa'i ye shes snying rje la sogs pas yongs su zin pa nyid
char rnam par phye bas nas zhes bya ba'i mid thob ste/ yon tan
gyi rten du gyur ba'i phyir/ zhes gsungs pa'i phyir/ so so'i
nges tshig la/ sa dang po la rab tu dga' ba zhes 'chad

@138b pa'i rgyu mtshan yod de/ mdo sde rgyan las/ byang chub la
ni nye ba dang/ /sems can don sgrub mthong ba la// rab tu dga'
ba skyes 'gyur te/ /de phyir rab dga' zhes brjod do/ /zhes
gsungs pa ltar yin pa'i phyir/ sa gnyis pa la dri ma med bzhes
'chad pa'i rgyu mtshan yod de/ rmi lam gyi gnas skabs su yang
'tshal khrims

kyi dri ma mi 'byung ba'i rgyu mtshan gyis de ltar bshad pa'i
phyir te/ 'chal tshul rtsol ba'i dri bral phyir/ /dri ma med pa'i
sa zhes bya/ /zhes gsungs pa'i phyir/ sa gsum pa la 'od byed pa
zhes 'chad pa'i rgyu mtshan yod de/ mnyam gzhag tu shes sgrib kyi
bud shing sreg par byed pa'i ye shes kyi me 'byung ba'i snga
ltas zangs kyi 'od

lta bu'i dmar ser 'byung zhing/ gdul bya rnams kyang chos kyi
snang ba rgya chen po byed pa'i rgyu mtshan gyis de ltar bshad
pa'i phyir/ chos kyi snang ba chen po ni/ /byed pa'i phyir na
'od byed pa'o/ /zhes gsungs pa'i phyir/ sa bzhi pa la 'od 'phro
ba zhes 'chad pa'i rgyu mtshan yod de/ byang chub yan lag bdun
gyi ye shes lta bu'i gnyen

pos rang gi ngos skal gyi shes sgrib bsregs pa'i 'od sngam las
kyang che par 'byung ba'i rgyu mtshan gyis de ltar bshad pa'i
phyir te/ 'di ltar byang chub phyogs mthun chos/ /rab tu sreg
byed 'od lta bu/ /de dang ldan phyir sa de ni/ /gnyis po sreg
byed 'od 'phro can/ /zhes gsungs pa'i phyir/ lnga pa la sbyangs
dka' ba zhes 'chad pa'i rgyu

mtshan yod de/ gdul bya rnams yongs su smin par byed cing 'khor
gyi log sgrub bzod pas rgyu mtshan gyis de ltar bshad pa'i phyir
te/ de nyid las/ sems can rnams yongs smin byed cing/ /rang gi
sems kyang bsrung ba'i phyir/ /blo ldan rnams kyis sbyangs dka'
ba/ /de phyir sbyangs dka' zhes bya'o/ /zhes gsungs pa'i phyir/
drug

pa la mngon du phyogs pa zhes 'chad pa'i rgyu mtshan yod de/ srid
zhi bden stong mnyam nyid kyi sgo nas shes rab kyi phar phyin
gyi nyams len lhag par thob pa'i rgyu mtshan gyis de ltar bshad
pa'i phyir/ de nyid las/ 'khor ba dang ni mya ngan 'das/ /gnyis
'di mngon du gyur ba'i phyir/ /mngon du gyur pa'i sa zhes bshad/
/ces

gsungs pa'i phyir/ bdun pa la ring du song ba zhes 'chad pa'i
rgyu mtshan yod de/ bgrod pa gcig pa'i lam sa brgyad pa dang nye
bar 'brel ba'i rgyu mtshan gyis de ltar bshad pa'i phyir/ de nyid
las/ bgrod gcig lam dang 'brel ba'i phyir/ /ring du song ba'i
sar 'dod do/ /zhes gsungs pa'i phyir/ brgyad pa la mi g.yo ba

@139a @#/ /zhes 'chad pa'i rgyu mtshan yod de/ mtshan bcas rtsol
bcas/ mtshan med rtsol med kyi 'du shes mi g.yo ba'i rgyu mtshan
gyis de ltar bshad pa'i phyir/ de nyid las/ 'du shes gnyis kyis
mi g.yo'i phyir/ /mi g.yo ba zhes nges par brjod/ /ces gsungs
pa'i phyir/ dgu pa la

legs pa'i blo gros zhes 'chad pa'i rgyu mtshan yod de/ so so yang
dag pa'i rig pa bzhi'i sgo nas legs pa'i blo gros can du gyur
pa'i rgyu mtshan gyis de ltar bshad pa'i phyir/ de nyid las/ so
so yang dag rig blo bzang/ /sa de legs pa'i blo gros yin/ /zhes
gsungs pa'i phyir/ bcu pa la chos kyi sprin zhes 'chad

pa'i rgyu mtshan yod de/ nam mkha' lta bu'i sa bcu pa ba'i thugs
rgyud kyi ting nge 'dzin dang gzungs kyi chos kyi sprin gnyis
las gdul bya la chos char 'bab pa'i rgyu mtshan gyis de ltar
bshad pa'i phyir/ de nyid las/ sprin bzhin gnyis kyis nam mkha'i
chos/ /khyab pa'i phyir na chos kyi sprin/ /zhes gsungs pa'i

phyir/ bzhi pa 'pho tshul la/ sa de dang de'i yongs sbyong ma
rdzogs pa de srid dus der gnas rdzogs nas sa gzhan du 'pho ba
yin te/ rgyan snang las/ sa de dang de'i yongs sbyong ma rdzogs
pa de srid du sa de yin la rdzogs nas ni sa gzhan du 'pho bar
rig par bya'o/ /zhes gsungs pa'i phyir/ sa bcu pa yongs sbyong
gi sgo nas

ma bshad par mtshan nyid kyi sgo nas bshad pa la/ kha cig  'di la
yongs sbyong med nas ma bshad pa yin te/ byang chub sems dpa'i
sa mthar mthug gi bar la yongs sbyong 'jog /mthar thug nas mi
'jog pas 'di byang sems kyis mthar thug pa yin pa'i phyir dang/
'dir theg pa gsum gyi spangs rtogs kyi rigs

yar ldan du rdzogs pa'i phyir zer na/ mi 'thad de/ nyid snang
las/ sa'i bdag nyid kyi yongs su sbyong ba'i dbye bas rnam pa
bcur 'gyur/ zhes gsungs pa'i phyir dang/ der spang bya mthar
thug spong ba'i yongs sbyong yod pa'i phyir te/ der spang bya
mthar thug spong ba'i phyir/ kha cig  sa 'og ma 'og ma gong ma
gong ma'i

yongs sbyong yin zhing sa bcu pa'i gong na byang sems kyi sa med
pas yongs sbyong ma bshad pa yin/ zer na/ 'o na/ dgu pa bcu pa'i
yongs sbyong yin na de la yongs sbyong yod par 'gyur ba'i phyir/
rang lugs sa bcu pa mtshan nyid kyi sgo nas bshad yongs sbyong gi
sgo nas mi 'chad pa'i rgyu mtshan yod de/ sa bcu pa

@139b mtshan nyid kyi sgo nas bshad pas sa dgu pa man chad kyi
mtshan nyid kyang shes par 'gyur ba dang/ dgu pa man chad yongs
sbyong gi sgo nas bshad pas sa bcu pa'i yongs sbyong yang rtogs
par 'gyur ba'i rgyu mtshan gyis de ltar bshad pa'i phyir/ sa bcu
pa mtshan nyid kyi sgo nas bshad tshul yod de/ 'da' byas sa dgu
'das/

sangs rgyas kyi sa ma bshad gong du sangs rgyas kyi sa zhes
bshad pa'i byang sems kyi sa de de'i mtshan nyid du bstan pa'i
phyir/ 'da' bya sa dgu'i khyad par yod de/ nyan thos kyi sbyor
la ma de'i rigs lam 'khrul ba'i rtogs pa/ rigs kyi sa/ dgra bcom
nas yas grangs pa'i brgyad pa rgyun zhugs zhugs pa'i sa/

brgyad pa'i sa/ bden pa mngon sum du mthong bas rgyun zhugs kyi
rtogs pa/ mthong ba'i sa/ phal cher la 'dod chags dang bral ba'i
phyir 'ong gi rtogs pa/ srabs pa'i sa/ 'dod pa la 'dun pa'i 'dun
sred dgu pa mngon gyur ba dang bral ba'i phyir mi 'ong gi rtogs
pa/ 'dod chags dang bral ba'i sa/ nyon mongs

spangs pa mngon sum du rtogs pa'i nyan thos dgra bcom gyi rtogs
pa/ byas pa rtogs pa'i sa/ 'bras zhugs lhag ma gnyis kyi mngon
rtogs nyan thos kyi sa zhes gcig tu byas pa rang rgyal gyi rtogs
pa rnams/ rang rgyal gyi sa/ byang sems kyi sa dgu pa man chad
byang sems kyi sar byas nas 'da' bya sa dgur

'dren pa'i phyir/ 'dren tshul de ltar byas na 'da' bya sa dgu la
nyan thos kyi sa dang/ rang rgyal gyi sa byang chub sems dpa'i
sa gsum 'dren pa'i rgyu mtshan yod de/ sa bcu par theg pa gsum
gyi rtogs rigs yar ldan gyi tshul gyi rdzogs par shes pa'i phyir
du yin pa'i phyir/ sa bcu pa'i ye shes la sangs

rgyas kyi sa zhes 'chad pa'i rgyu mtshan yod de/ rjes thob kyi
skabs su gzhan don byed pa'i sgo nas sangs rgyas dang mnyam pa
thob pa'i rgyu mtshan gyis de ltar bshad pa'i phyir/ !mthong dang
sgom pa'i lam dag la/ /zhes sogs kyi skabs su/ rang gi ngos skal
gyi sgrib gnyis kyi sa bon dngos su 'joms byed kyi

sems dpa'i ye shes/ 'dir dngos bstan gyi gnyen po'i tshogs sgrub
kyi mtshan nyid/ de la dbye na/ mthong spangs gnyen po'i tshogs
sgrub dang/ sgom spangs gnyen po'i tshogs sgrub gnyis/ rang gi
ngos skal gyi sgrib gnyis mthong spangs dngos su 'joms byed kyi
theg chen gyi bar chad med lam/ dngos

@140a @#/ /bstan gyi mthong spangs gnyen po'i tshogs sgrub kyi
mtshan nyid/ de la spang bya'i gtso bo shes sgrib gzung 'dzin gyi
rnam par rtog pa bzhi'i sgo nas dbye ba rnam pa bzhi yod/ rang
gi ngos skal gyi sgrib pa lhan skyes dngos su 'joms byed kyi
theg chen gyi bar chad med lam

'dir dngos bstan gyi sgom spangs gnyen po'i tshogs sgrub kyi
mtshan nyid/ de la yang sgom spangs gzung 'dzin gyi rnam rtog
bzhi'i sgo nas rnam pa bzhi yod/ dngos bstan la de ltar yin gyi/
spyir theg chen gyi mthong lam la mthong spangs gnyen po'i tshogs
sgrub kyis khyab cing/ sgom lam la

yang sgom spangs gnyen po'i tshogs sgrub yin pas khyab bo// !ched
du bya dang mnyam nyid dang/ /zhes sogs kyi skabs su/ rang 'bras
rnam khyen gdon mi za bar nges par 'byin par byed pa'i dag sa'i
ye shes/ nges 'byung sgrub pa'i mtshan nyid/ de la dbye na/ nges
par 'byung ba brgyad kyi sgo nas

brgyad yod/ nges par 'byung ba brgyad yod de/ chen po gsum gcig
tu byas pa dang/ sems chen po'i khyad par gsum/ spong ba chen
po'i khyad par gnyis/ rtogs pa chen po'i khyad par gnyis dang
bcas pa'i brgyad yod pa'i phyir/ nges par 'byung ba brgyad du
nges pa yin te/ brgyad po de las khyad

par du 'phags pa'i nges par 'byung ba med pa'i phyir/ rab 'byams
zhing gi rgyal dang de sras kyis/ /legs par bsngags pa'i rgyas
'bring bsdus gsum gyi/ /sbas don mngon rtogs rim pa lung rigs
kyis/ /rdzogs par 'grel ba rje btsun gzhung lugs mchog/ tshul
bzhin 'grel mdzad 'phags

seng rnam gnyis kyis/ /'grel mdzad gzhan dang thun mong ma yin
pa/ /blo bzang grags pa'i lugs bzang rmad du byung/ /de phyir
mgon de'i bka' drin bsam mi khyab/ /de bsab phyir du don gnyer
'ga' zhig la/ /phan par srid snyam spyi don 'di byas so/ /de
phyir gzur gnas blo gros ldan rnams kyis/ /

rnyed bkur don gnyer dri mas ma gos par/ /rang gzhan don gnyis
bsgrub par bya ba'i phyir/ /'jug ngogs 'di la thos bsam sgom
gsum gyis/ /'jug par rigs so brtson pas stobs bskyed cig /'on
kyang bdag ni blo dman brtson pa chung/ /zab mo'i lam 'di rtogs
par shin tu dka'/ /de'i phyir

@140b bdag blo ku sha'i rtse mo yis/ /gzhal nus min yang cung
zad 'dir bkod la/ /nongs par mchis rnams mkhas pa'i spyan sngar
bshags/ /dge 'dis mtshon pa'i dus gsum dang 'brel ba'i/ /bdag
gzhan dge ba'i rtsa ba ci mchis pa/ /gnas skabs zab mo'i don 'di
legs rtogs nas/ /mthar

thug byang chub chen po myur 'thob shog  de ma thob kyi tshe rabs
thams cad du/ /blo bzang bstan pa'i rgyal mtshan phyogs kun tu/
/bsgreng la sa steng 'gran zlam mchis pa'i/ /phyogs las rnam par
rgyal ba 'thob par shog /'di nyid 'chad dang nyan par byed pa
rnams /rgyal ba'i spyan sngar skyang bar zhal bzhes pa//

zhing skyong gzi ldan dbang phyug 'khor bcas kyis/ /g.yel ba
med par rtag tu grogs byed shog /shes rab kyi pha rol tu phyin
pa'i man ngag gi bstan bcos mngon par rtogs pa'i rgyan rtsa
'grel gyi spyi don rnam bshad snying po rgyan gyi snang ba zhes
bya ba/ mkhas shing grub pa brnyes pa'i dge slong dge 'dun bstan
pa dar

rgyas kyis mdzad pa'i skabs dang po'i rnam bshad bshad zin to//
! //oM swasti/ 'og min gnas su nges pa lnga ldan du/ /mngon par
sang rgyas lnga bdo'i 'gro 'dren phyir/ ;sgyu 'phrul las bltams
rnam 'dren nyi ma'i gnyen/ /gang gi gsung rab sher phyin

dgongs pa'i gnas/ /sbas don ji bzhin gsal mdzad mi pham mgon/
/thog med sku mched la sogs mkhas rnams kyi/ /zab rgyas legs
bshad rin chen 'byung khung las/ /rnam bshad bsam 'phel dbang gi
rgyal po rnyed/ /lung rigs dpyad gsum dag pa'i rnam dpyod kyis/
/thub bstan rgyal

mtshan rtser bkod rnam dkar mthus/ /rgyal bstan spyi dang rje
btsun btsong kha pa'i/ /bshad sgrub bstan pa nam yang mi nub
shog /de nyid 'dzin pa'i rtsa lag rnam 'dren rje/ /phyag na
padma'i sku tshe rab brtan cing/ /bslabs gsum gter mdzod thos
bsam nor bu'i gling/ /bshad sgrub sde bzhi'i 'phrin las rgyas

par shog /'di'i ched sgo gsum ngal ba bsten pa dang/ /dag pa
spel sogs mthun rkyan bsgrubs pa kun/ /gnas skabs lha mi'i srid
pa rim brgyud de/ /ring min sku gsum thob pa'i rgyu ru bsngo/
/dge legs kun gyi 'byung gnas bla ma dang/ /dngos grub 'dzad med
gter gyur lhag pa'i lha/ /mthun

@141a @#/ /rkyen spel mdzad li byin ha ra ches/ /bsam don lhun
grub bkra shis bde legs mdzod/ /ces bstan bcos chen po mngon par
rtogs pa'i rgyan gyi spyi don mkhas grub bstan pa dar rgyas kyis
mdzad pa'i rnam bshad snyang po rgyan

gyi snang ba zhes bya ba 'di snga sor ser smad rang du par zhig
yod par snang yang lcags sbrul la zhugs kyis rkyen dbang du song
ba bcas/ spyi don gyi bstan bcos 'di bzhin blo gsal rnams la
phan thogs che nges yod stabs bstan rgyun la bsams gzhung sa nas
par gsar bskrun bgyid rtsis yod thog

rgyal khab pi cing nas g.yung dgon khri pa rgyud stod shar pa
chas rjes kyang bskul ma'i nyer len la brten sngon yod par ma la
yig nor phran bu yod 'dug pa rnams rang lugs khas len dang mthun
khyad ser smad thos bsam nor bu'i gling gi slob dpon las thog pa
grags pa 'phrin las nas zhib 'jug

bgyis shing/ dge bshes rab 'byams pa rin chen rgyal mtshan dang/
dka' bcu 'phrin las chos 'khor gnyis nas kyang ched du yig char
dag ther skyon sel legs par byas/ do dam rtse drung spyang grong
bskal bzang 'phrin las yar 'phel dang/ e snye'i bris brkos
mkhas bsdus

bzhi bcu skor nas me khyi lo 'phags pa 'jig rten dbang phyug gi
gzhal med khang phe brang chen po po ta lar par gsar bskrun
bgyis dus par byang smon tshig tu shAkya'i dge slong de mo no
mon han ngag dbang 'jam dpal bde legs rgya mtshos dga' ldan gsang
sngags dga' tshal gyi

gtsug lag khang du sbyar ba 'dis kyang rgyal ba'i bstan pa rin
po che phyogs dus gnas skabs thams cad du dar zhing rgyas la yun
ring du gnas pa'i rgyur gyur cig/ manggalaM/ //