@#/ /bde bar gshegs pa'i bstan pa rin po che la 'jug pa'i lam gyi
rim pa rnam par bshad pa bzhugs so/ /

@01a {dd} @##/ /bde bar gshegs pa'i bstan pa rin po che la 'jug
{dd} pa'i rim pa rnam par bshad pa/ bla ma rje btsun dam pa
rnams la phyag 'tshal lo/ /

sangs rgyas dang byang chub sems dpa' thams cad la phyag 'tshal
lo/ /'gro ba'i bla ma sangs rgyas 'jig rten mgon/ /rgyal sras
brtse chen tshogs bcas la btud de/ /

bstan pa rin chen mchog la 'jug pa yi/ /rim pa'i don tshogs rnam
par dbye phyir 'bad/ /bstan bcos rtsom pa'i thog mar lha dang
bcas pa'i 'jig rten gyi dbang po

rnams kyi'ang gtsug gi nor bus zhabs kyi rdul la gus pas mchod
pa lha'i mchog rje btsun sangs rgyas la mchod pa brjod pa/ 'gro
la phan bzhed dka' spyad rmad byung sku

gsung thugs kyi rtsom dge las/ /kun rtog las byung kun nas nyon
mongs sgrib tshogs kun bcad rnam dag cing/ /mtha' dbus mi gnas
mkha' khyab chos spyan

@02a {dd} yon tan dpag yas mnga' brnyes pa/ /cho 'phrul gsum
gyis zab yangs zhi bde bla med lam gsung zhabs la 'dud/ /'di'i
dgos pa ni rang gi 'dod pa dang phan pa dang

'jig rten gyi don dag dang/ gzhan dag rgyu yongs su 'dzin pa
dang/ nges pa'i rkyen thabs la 'jug pa gsum po ston pa'i che ba
shes pa dang/ gzhung la ston pa rab tu grub pa dang/ gzhung nyid
don che bar shes

nas 'jug pa dang/ zhugs pa'i thabs la bar tshad med pas mi bzlog
par bya ba ste rnam pa brgyad do/ /spyi don ni bstod pa dang
phyag btsal ba gnyis so/ /bstod pa ni gsum ste/ sgrub byed phun
sum tshogs pa dang/

rang bzhin phun sum tshogs pa dang/ mdzad pa phun sum tshogs pas
bstod pa/ rtsa ba gcig dang gnyis dang gcig gis rim pa bzhin no/
/'di gsum yang ngo bo nyid brgyad du gnas te/ sgrub byed ni bsam
pa

dang sbyor ba'i ngo bo nyid do/ /rang bzhin ni ye shes dang
spangs pa'o/ /mdzad pa ni bzhi ste/ don dam pa ston pa dang/ kun
rdzob ston pa dang/ de dag kyang sngon gyi smon lam la sogs pa
dge legs kyi 'phen pa'i

@02b {dd} nus pa las byung ba dang/ da ltar yang rnam par mi
rtog pa'i ye shes kyi bdag po las byung ba'i ngo bo'i/ /de rnams
kyang tshig gi don so sor phye bas mtshan nyid bco brgyad dang
ldan par rtogs par bya'o/ /de la sgrub byed ni bsam pa phun sum
tshogs pa dang/

sbyor ba phun sum tshogs pa'i spyi dang/ bye brag gi tshig don
gsum gyis te/ bsam pa ni 'gro la phan bzhed ces bya ba brtse ba
chen po'i rtsa ba can gyi byang chub kyi sems rin po ches 'gro
ba ma lus pa bdag gir mdzad nas/ ma rgal ba bsgral ba la

sogs pa'i rnam pas phan pa dang bde ba mtha' dag bsgrub cing
gnod pa dang sdug bsngal ba thams cad bsal bar thabs mang pos
bus ring por goms pa rdzogs par mdzad pa'o/ /sbyar ba spyi ni
dka' spyad rmad byung ste/ /pha rol tu phyin pa bcu dang

bsdu ba'i dngos po bzhi la sogs pa 'gro ba la phan pa'i sbyor ba
sna tshogs la/ gtang bar dka' ba lus dang srog dang/ rgyal srid
dang bu la sogs pa sbyin pa gzhan gyis rjes su yi rang tsam yang
dka' ba la sogs pa sgo sna tshogs nas rnam

grangs sna tshogs kyis rdzogs par mdzad pa'o/ /de'i bye brag ni
sku gsung thugs kyi rtsom dge ste/ gzhi gsum po gang gis bsgrub
par 'os pa rnams de dag gi rtsom pa kha na ma tho ba med cing
dag par spyod pa kun tu bzang ba dag gis legs par

bsgrubs pa'o/ /de gsum la thun mong du mtshan nyid gsum ste/ dang
por sbyor ba dge ba kun nas slong ba dam pas zin pa dang/ bar du
'jug pa dge ba rjes su bsgrub pa dam pas spyod pa dang/ tha mar
mngon du thob pa dge ba byed pa dam pa rang

@03a gzhan la 'di dang pha rol dang gnyis kar phan pa dang 'brel
ba'o/ /rang bzhin ni spangs pa dang/ yi shes phun sum tshogs pa'i
ngo bo gnyis las/ dang po sgrib pa mtha' dag spangs pa'i ngo bo
la kun rtog ni tshul

bzhin ma yin pa'i rnam rtog mi bden pa la mngon par zhen pa ma
rig pa'i bag chags kyi sa zhe 'am gnas kyi sa zhes brjod pa kun
nas nyon mongs pa thams cad kyi rtsa bar gyur pa shes bya'i
sgrib pa gtsor byas pa'o/ /de las byung ba'i kun nas

nyon mongs pa ni nyon mongs dang ? las dang skye ba'i kun nas
nyon mongs pa gsum po mtha' dag ste/ nyon mongs pa'i sgrib pa
gtsor gyur pa'o/ /gnyis ka bsdus pa ni sgrib tshogs kun te/ nyon
mongs pa yi sgrib pa dang/ /shes bya'i sgrib pa gnyis

su bstan/ /der ni sgrib pa thams cad de/ /de zad nas ni grol bar
'dod/ /ces gsungs pa ltar sgrib pa thams cad bsdus pa'o/ /de dag
bcad pa ni 'phags pa'i shes rab kyis yang mi skye ba'i chos can
du legs par spangs pa'o/ /yang na kun rtog

dang kun nas nyon mongs gnyis ni sgrib pa gnyis kyi ngo bo yin
la/ de dag ma lus par bcad pa ni gnyis ka'i bag chags dang bcas
pa las rtsa ba drungs nas phyung ba'i shing ltar yang mi skye
ba'i chos can du rnam par spangs par lta'o/ /rnam dag

ni sems kyi rang bzhin 'od gsal ba sgrib pa gnyis dang gdod ma
nas ma 'dres pas kun rtog gi mun pa thams cad dang mi ldan pa'o/
/de ltar na spangs pa de'ang mtshan nyid gsum dang ldan pa ste/
bag la nyal chad pa dang/ kun nas ldang ba

@03b zhi ba dang/ rang bzhin gyis 'gags pa'i mtshan nyid do/
/snga ma gnyis ni sgrib pa gnyis gnyen pos spangs pa'o/ /phyi ma
ni rang bzhin rnam dag nyid do/ ye shes la gnyis las zab pa'i ye
shes ni mtha' dbus mi gnas te/ yongs su grub pa nam mkha' lta bu
spros pa thams

cad dang bral ba'i chos kyi dbyings spros pa thams cad dang bral
ba'i ye shes kyis mtha' yang mngon du byed pa med pa'i tshul gyis
mngon du mdzad pa ji lta ba mkhyen pa'o/ /'di la'ang mtshan nyid
gsum mo/ /sgro 'dogs kyi dmigs par mi 'dzin pa dang/ skur pa'i

dmigs par mi 'dzin pa dang/ dbu ma'i don du'ang mi dmigs pa ste/
de kho na mngon du mdzad pa na sgyu ma lta bu'i ye shes kyi
'dzin pa'ang mi mnga' ba'i phyir dang/ de kho na de ni dag pa
'jig rten pa'i ye shes kyi yul ma yin pa'i phyir ro/ rgya che
ba'i ye shes kyi rang

bzhin ni mkha' khyab chos can te/ nam mkha' dang mnyam pa'i shes
bya 'jig rten gyi khams dang/ sems can gyi rgyud ma lus pa
mkhyen pa'i sgrib pa thams cad dang bral ba'i ye shes sgyu ma
lta bus mngon du mdzad pa ji snyed pa mkhyen pa'o/ /de la brten
pa'i yon tan gyi

tshogs ni yon tan dpag yas mnga' brnyes pa ste stobs bcu dang mi
'jigs pa bzhi dang ma 'dres pa'i chos bco brgyad la sogs pa yon
tan rab mchog dam pa bsam gyis mi khyab pa mtha' dag la mnga'
bsgyur ba'i phyir ro/ /'di la'ang mtshan nyid gsum mo/ /shes

bya'i rnam pa thams cad la khyab pa dang/ yon tan gyi tshogs
thams cad dang ldan pa dang/ 'gro ba thams cad la rjes su zhugs
pa ste/ de bzhin gshegs pa'i ye shes dang/ yon tan rjes su ma
zhugs pa'i sems can gyi rigs na 'ga' yang med par gsung pa

bzhin no/ /mdzad pa la gnyis te/ lam ston pa'i ngo bo nyid dang/
rnam pa'i khyad par ro/ /dang po ni zab yangs zhi bde bla med
lam gsung ste/ 'phen pa dang bdag po'i rgyu gnyis las 'jug pa
zab pa don dam ston pa dang/ yangs shing rgya che ba kun rdzob
ston pa'i ngo bo dag

@04a gis bde ba mngon mtho'i lam dang/ zhi ba mya ngan las 'das
pa'i lam dang/ bla na med pa sangs rgyas kyi lam gsal bar mdzad
pa'i gsung rab rin po che mtha' yas pa rnams so/ /de dag la'ang
thun mong du mtshan nyid gsum ste/ rang bzhin

gyis rnam par dag pa dang/ shes bya'i don gsal bar byed pa dang/
sgrib pa'i mun pa 'joms nus pas nyi ma chen por gyur pa'i mtshan
nyid do/ /de dag gi sgo nas 'jug pa'i rnam pa'i khyad par ni cho
'phrul gsum gyi gsung ba ste/ rdzu 'phrul sku dang kun brjod
thugs dang

rjes bstan gsung gi cho 'phrul gyi sgo nas so/ /de dag la'ang
thun mong du mtshan nyid gsum ste/ nyid kyi rgyud las 'jug pa
dang nyan thos la sogs pa gzhan gyi rgyud las 'jug pa dang/ ma
zin pa rol mo dang sprin dang nam mkha' la sogs pa las kyang
'jug pa'o/ /de ltar tshig don

bcu bdun la mtshan nyid bco brgyad dang ldan pa 'dis ni phun sum
tshogs pa gsum gyis bsdus pa'i ngo bo nyid brgyad po spyi don de
gsal bar byas pa'o/ /phyag btsal ba ni zhabs la 'dud ces bya ba
ste/ yon tan de rnams dang ldan pa'i sangs rgyas nyid la zhes
bya ba yul du

byas nas dad pas sbyar ba'i lus dang ngag dang yid gsum gyi las
lhan cig ldan pas bkur sti'i mchod pa nye bar bsgrubs pa brjod
pa'o/ ! /skabs 'brel par byas pa'i gzhung mdzes par bsgrub pa la
sogs pa'i byed pa can bstan bcos kyi 'bras bu'i yan lag chang

bar rnam par 'jog pa dgos 'brel dgod pa/ thog med srid mtshor ma
rig thibs pos rnam 'khor mtho ris byang grol gyi/ /lam las phyir
phyogs rgyang ring rnam par 'khyams shing mgon med gyur kyang
blo/ /bdag la 'jal ba'i phyogs med smyos ltar kun spyod g.yang
sa

cher ltung ba/ /snying rje'i gnas nyid 'jig rten drang phyir
thub pa skyes mchog yang dag 'khrungs/ /de nyid kyis gzigs lam
dang gdul bya'i rjes mthun sgo mang lam gyi ste/ /'gro ba rnam
'grol zab yangs legs gsungs bdud rtsi chos ldan don ldan zhing/
/khams gsum

@04b nyon mongs rnam spong zhi bde bla med lam tshul gsal mdzad
pa'i/ /bstan pa rin chen mchog la 'jug rim lung rigs ji bzhin
mdor bsdus dgod/ /'di'i spyi don ni gnyis te/ rtogs pa'i don
dang/ brjod pa'i don no/ /dang po ni gzhung gi 'bras bu yod pa
dang/ bsgrub

par nus pa dang/ 'dod par bya ba dang/ de bsgrub pa'i thabs
kyang 'di kho na sla ba bzhis gzhan 'jug pa'i ma tshang ba med pa
bsgrub pas grangs nges pa can/ brjod bya dang/ dgos pa ni rtogs
pa'i don de rjes su bsgrubs pas gnas skabs dang mthar thug gi
rang dang bzhin gyi don

mtha' dag 'thob pa'o/ /'brel pa ni dgos pa de bstan bcos kyi
thabs la rag las pa dang/ dgos pa'i dgos pa yang dgos pa la rag
las pas med na ni mi 'byung bar gyur pa'o/ /brjod pa'i don ni
bshad bya dgod pa dang/ de bshad par khas blang ba gnyis kyis
bstan

bcos brtsam par dam bcas pa'o/ /dang po la bzhi ste/ 'bras bu'i
khyad par dang/ ston pa'i khyad par dang/ yul gyi khyad par
dang/ rang bzhin nyid do/ /khas blang ba'ang ngo bo nyid dang/
rang dga' spang ba dang/ zlos pa spang ba'i khyad par te gsum
mo/ /de ltar bdun gyi tshig

gi don las bshad bya'i 'bras bu ni thog med nas drang phyir gyi
bar te/ phyin ci log gis bslus pas sdug bsngal sna tshogs kyis
mnar ba'i 'gro ba rnams yang dag pa'i lam la bkod pas kun drang
ba'o/ /de'ang 'gro ba rnams ni thog ma dang tha ma med pa'i
'khor

ba'i rgya mtsho chen por ma rig pa'i mun pa dang tshang tshing gi
'thibs pos bsgribs pas yang dag pa'i don mi mthong zhing mi shes
bzhin du/ yod med dang rtag chad dang bdag dang bdag gi la sogs
par zhen pa'i dbang gis nyon mongs pa dang las dang skye ba'i
kun nas

nyon mongs pa gsum gyi 'khrul 'khor chen por zo ba'i chu skor
ltar mtho dman sna tshogs su shugs rab tu drag par rnam par
'khor
cing/ phal char ngan song gsum dang bde 'gro las kyang mi khom
pa'i gnas rnams su sdug bsngal drag la yun ring ba bar ma chad

@05a pas kun tu mnar ba ste/ de las mngon par mtho ba dang nges
par legs pa'i lam la rgyab kyis phyogs par gyur pas sangs rgyas
stong gis kyang gzung bar mi nus pas na thag ring zhing shin tu
ring bar rnam par 'khyams par gyur pa'o/ /

des na de dag las sgrol ba'i mgon skyabs med par gyur kyang blo
rmongs pa rim pa mang pos khebs pas bdag ci ri 'jal zhing bdag
gi tshod shes pa'i phyogs sam cha tsam yang med pas na/ smyon
pa'i spyod pa chen pos rang dang gzhan la gnod pa dang don med

pa nyi tshe la kun tu spyod pa'i phyir/ ya nga ba chen po'i sgor
zhugs shing kun tu ltung bas na/ sems dang ldan pa dag gis
snying rje'i gnas kho nar gyur pa sha stag go /de lta bu'i 'jig
rten mtha' dag sdug bsngal gyi gnas de nas kun tu drang ba'o/
/ston pa'i khyad par ni/

thub pa skyes mchog yang dag 'khrungs pa ste/ 'bras bu de bsgrub
pa kho na'i don du yang dag par rdzogs pa'i sangs rgyas sku
gsung thugs yang dag par bsdams pas thub pa'i dbang po rkang
gnyis kyi gtso bo rnams 'jig rten du yang dag par gshegs pa'o/ /

yul gyi khyad par ni de nyid kyis ji ltar gzigs pa zab pa dang
rgya che ba theg pa chen po'i lam dang/ gdul bya dang rjes su
mthun pa nyan thos la sogs pa'i lam dag /skyob pa nyid gzigs lam
gsung ba zhes bya ba dang/ yang na skyob pa/ bden pa bzhi ni
ston mdzad yin

zhes gsungs pa'i tshul gyis/ rnam par thar pa'i sgo bsam gyis mi
khyab pa nas 'jig rten 'dun pa dang smin pa dang rnam par grol
bar byed pa'i thabs gsal bar mdzad pa/ don dam pa spros pa'i
tshogs thams cad dang bral ba zab mo dang/ kun rdzob sgyu ma lta
bu'i

gzugs la sogs pa yon tan dmigs pa rgya chen po'am/ yang bden pa
gnyis kyi don/ snang ba ji lta ba dang rigs pa ji lta ba nyid
ston pas dus dang por bya bas snod bsgrub pa dang snod du gyur
pa la yang dag phul gyi chos bshad pa drang ba dang nges pa'i
don dag /

@05b sgra'i don du bsam pa nyid gzhan la go bar mdzad pa ldem
dgongs dang/ dgos pa la bltos nas don gzhan go bar ston pa
dgongs pa'i gsung gis bsdus pa'i gsung rab thog mar dge ba la
sogs pas legs par gsungs pa'i mtshan nyid can 'chi ba med pa'i go
'phang sbyin pas bdud

rtsi dam pa/ 'tshe ba dang gnod pa'i tshogs kyi gnyen por gyur pas
rims
nad dang bral ba/ sde snod gsum dang gsung rab yan lag bcu
gnyis
dang chos kyi sgo stong phrag brgyad cu rtsa bzhi la sogs pa
mtha' btsal bar dka' ba'i bstan pa'i chos dam pa'i tshogs rnams
so/ /de dag

kyang chen po bstan pa'i mtshan nyid chos kyi phyag rgya bzhi
dang ldan pa ste/ chos dang ldan pa ni yan lag lnga'am drug cu
la sogs pa dang ldan pa rjod byed phun sum tshogs pas so/ /don
dang ldan pa ni bden pa gnyis dang bzhi dang pha rol tu phyin pa
dang sa la sogs pa brjod bya

phun sum tshogs pas so/ /khams gsum gyi kun nas nyon mongs pa
thams cad nyes dmigs bstan pa la sogs pas spong ba dang/ bde
'gro dang thar pa dang thams cad mkhyen pa'i lam gyi phan yon
bstan pa la sogs pas bsgrub pa gnyis ni 'dor ba dang 'thob pa'i

'bras bu phun sum tshogs pas so/ /khyad par de gsum dang ldan
pa'i bshad bya'i rang bzhin nyid ni bstan pa rin chen mchog la
'jug pa'i rim pa ste/ ji skad brjod pa'i yul gsung rab dam pa de
don dang bcas pas lung dang rtogs pa'i bdag nyid ston pa'i dam
pa'i chos/

mchog tu rnyed par dka' zhing 'jig rten thams cad dang mi mthun
pa'i 'dod pa'i don thams cad bsgrub pas mthu mtha' yas pa dang
'brel pa las rin po che mchog tu brjod pa la ji ltar bsgrub cing
'jug pa'i rim pa'am tshul lam thabs ma tshang ba med cing yongs su
dag

pa'o; ;de bshad par khas blang ba'i ngo bo ni de'i bstan bcos
dgod cing brtsam par dam bcas pa'o/ /de'ang thub pa'i bka' nyid
las ma gsungs par rang dgar 'god na ni yid chas pa'i gnas su mi
rung la/ gsungs pa nyid 'god na'ang zlos pas dgos pa med par
@06a dogs pa spong ba'i khyad par gnyis ni lung rigs ji bzhin
dang/ mdor bsdus te lung gtsor byas shing de'i don la nges pa
brtan par byed pa rigs pa dang bcas pas don ji lta bar rnam par
bzhag pa'i phyir dang/ tshig gi spros pa dang

yan lag mang po dor te don gyi snying po'i cha rnams bsdus nas
rnam par bzhag pa'i phyir ro/ /de ltar bshad bya dgod pas ni
brjod bya bstan la/ bshad par khas blang bas ni de nyan pa po'i
thos pa las byung ba'i shes rab kyis rtogs pa bskyes ? pa khyad
par dang/

bcas pa'o/ /bshad bya'i 'bras bu dang ston pa'i khyad par gyis
ni ci rigs par rang dang gzhan gyi don phun sum tshogs pa grub pa
brjod pas rtogs pa'i don de rjes su bsgrubs pa'i 'bras bu dgos
pa'i dgos pa yang don gyis bstan pa'o/ /'brel pa ni rang dbang
du

bstan bya ma yin pas dgos pa gnyis kyi shugs kyis bstan par
lta'o/ /ngag dang po rnam par bshad pa'o// ! //brjod bya bstan
bcos kyi don gyi lus rnam par bzhag pa/ dang por dge legs 'byung
gnas bla ma gus pas legs bsten bya/ /dal 'byor rnyed dka'

chud mi gzon phyir snying po blang bar 'bad/ /le los phyi bshol
skabs ni 'chi ba'i 'du shes bsgoms pas spang/ /rten 'brel yang
dag lta bas tshul khrims rnam dag rab bsgrims sbyang/ /khams gsum
mtha' dag sdug bsngal phung po 'ba' zhig nyid du bsgom/ /sdug
bsngal

mang ldan 'gro la brtse bas byang chub sems mchog bsgrub/
/rgyal
sras kun gyi bgrod gcig bslab pa pha rol phyin bcur bslab/ /shes
rab pha rol phyin pas chos rnams chos nyid legs bsgoms bya/
/byang chub sems dpa'i sa mchog rnams ni rim gyis legs bgrod de/
/sku gsum

ye shes lnga ldan sangs rgyas go 'phang mthar thug bya/ /bstan
pa la 'jug pa'i dang por ni 'jig rten dang 'jig rten las 'das
pa'i bde legs ma lus pa'i 'byung gnas sam sgor gyur pa'i bla ma
dag la sangs rgyas kyi 'du shes nyid kyis rab tu gus pas rnyed
pa dang bkur sti dang

@06b rim gro thams cad dang bsgrub pa'i sgo nas legs par bsten
pa dang bsnyen bkur bya ste/ theg pa mtha' dag tu gtogs pa'i
chos dkar po thams cad kyi rtsa ba ni 'di yin pas so/ /'di ltar
thub pa'i brtul zhugs phyogs gcig pa yan chad 'thob pa la sogs
pa yon tan thams cad

skye ba dang gnas pa dang 'phel ba la bgrod pa gcig pa'i rten ni
dge ba'i bshes gnyen yin la/ de las yon tan 'thob pa'ang gus pas
bsten par byed pa kho na la rag las kyi/ nga rgyal la sogs pas
mi gus pa dang brnyas pa dang spong ba la ni thag ring zhing yon
tan thob

pa dag kyang nyams par 'gyur ba'i phyir ro/ /des na tha na 'jig
rten phyi ma'am ngan 'gro dang bde 'gro la sogs par 'khor ba yod
pa tsam mam/ yi ge brda phrad pa tsam shes pa'ang dge ba'i bshes
gnyen dang dge ba'i grogs dang dge ba'i rten la rag las na yon
tan

de lta bu dag lta smos su'ang med pa'i phyir gnas 'di la sems
thams cad kyis btud la rab tu bsgrims par bya'o/ /des slob ma'i
snod ji lta bar rjes su 'dzin pas lam du 'jug pa na thog mar ni
dal 'byor phun sum tshogs pa bcu thob pa'i rten dam pa shin tu

rnyed dka' ba 'di/ 'jig rten gyi chos brgyad kyi spros pa'i bun
long gis sbyar ba'i nyon mongs pa dang nyes par spyod pa rnams
kyis chud gzon nas snang ba nas mun khrod du 'gro bar phyogs pa
las blo ldog nas/ dam pa rnams kyi rjes su 'brangs pas chos rin
po che

lus dang ngag dang yid kyis ci nus ci 'os bsgrub pas snying po
dam pa blang ba la lhur bya bar sems thams cad kyis bsams shing
snying thag pa nas 'bad par bya'o/ /de'ang thog ma med pa nas
dman pa'i gnas la chags pa lhur byed pa'i sems kyi le los phyi
bshol gyi

long skabs med pa nyid du brtul ba dang brtson 'grus bskyed pas
la gor la gor du 'jug par ni rags pa'i mi rtag pa 'chi ba rjes
dran bsgom par bya ste/ 'di blos nges na ni 'jig rten 'di'i
spros pa rnams la mi chags par 'jig rten gzhan gyi sdug bsngal
gyi rgyu spang ba dang

@07a bde ba bsgrub pa'i don du dge legs la brtson pa'i skal ba
can du ngang gis kyang 'gyur pas so/ /des na 'di rmi lam du'ang
mi dran par tshe 'di 'ba' zhig gi rnam gzhag la lta bas ni chos
nyi tshe bya ba ltar byas kyang tshig tsam snying por 'gyur gyis/

don la reg pa cung zad kyang mi 'thob pas na 'du shes 'di'ang
chos kyi rtsa ba nyid kyi 'bad pas bsgom par bya ba'o/ /'jig
rten gzhan du 'pho ba na yang dge ba phra bas kyang bde ba mang
po 'dren la/ sdig pa phra bas kyang sdug bsngal chen po 'byin
pas na/ las dang 'bras

bu rten 'brel gyi sgo la rnam par dpyod pas nges pa brtan pa
'jig rten pa'i yang dag pa'i lta ba goms par byas la/ so so thar
pa'i tshul khrims rnam par dag pa ji ltar khas blangs pa ltar
nyes pa phra bas kyang 'dzem dgos shin tu che bas mi gos par bya
ba dang/

rkyen ngan pa'i dbang gis cung zad gos na yang 'gyod pa chen pos
la gor du phyir 'chos shing stobs bzhis sdig pa sbyong bas yongs
su mi nyams shing khyad par du 'gro ba la 'bad pa chen pos bslab
par bya ste/ 'di ni byang chub kyi sems dang ting nge 'dzin la
sogs pa

yon tan thams cad kyi gzhi/ man ngag thams cad kyi mchog  /bde
ba thams cad kyi rtsa ba chen por bsngags pa'i phyir ro/ /de dag
la sogs pa legs par spyod pa thams cad kyis kyang srid pa'i bde
ba tsam don du gnyer zhing tshol bas de tsam sgrub par byed pa
dor te/

srid pa'i bde ba thams cad ni phyin ci log gi yul du bde ba tsam
yin du zad kyi/ yang dag par na khams gsum thams cad sdug
bsngal
gyi phung po chen po 'ba' zhig pa nyid du rnam par lta zhing
bsgom pa la 'bad par bya ste/ 'ba' zhig pa ni tshor ba gsum po

thams cad kyang sdug bsngal nyid du zad pas na bde ba gtan med
pa'am/ byed pa po'am tshor ba po'i bdag med pa'i don to/ /des na
tshul khrims la sogs pa sngar brjod pa'i rtsom pa thams cad kyang
thar pa 'dod pa mya ngan las 'das pa'i bsam pa brtan po

@07b dang ldan pa nyid du 'gyur bar bslab par bya'o/ /de ltar
bdag nyid ngan song dang 'khor ba'i sdug bsngal las phyir phyogs
shing/ bde 'gro dang thar par blo gzhol ba las legs par 'gro
ba'i gnas thob pa ni theg pa thams cad kyi thun mong gi chos yin
te/ da ni

de tsam gyis chog par mi gzung bar skyes bu chen po'i blos theg
pa chen po nyid la bslab pa'i phyir/ 'gro ba'i tshogs tshe rabs
nas tshe rabs su bdag gi ma la sogs par gyur nas dka' ba sna
tshogs kyis phan btags pa'i grangs tsam bgrang bar yang mi nus pa

rnams sdug bsngal mang pos kun tu mnar ba la rnam par blta ba
byams pa dang snying rje la sogs pa'i brtse sems kyis rjes su
bzung bar 'dod pas/ de dag gi don kho nar rdzogs pa'i sangs
rgyas don du gnyer ba'i byang chub kyi sems skye ba dang gnas pa
dang

'phel ba'i ngang can du bsgrub cing sbyang bas 'gro ba mtha' dag
la phan pa dang bde ba'i bsam pa sbyang bar bya ste/ 'dis ma
bzung ba'i dge ba'i rtsa ba thams cad kyis ni rdzogs pa'i sangs
rgyas nyid mi 'thob pas so/ /de las ni 'das pa dang ma byon pa
dang da ltar gyi

sangs rgyas thams cad kyis bslab pa gang la bslabs par gyur pa
dang bslabs pa dang slob par 'gyur bas sangs rgyas nyid brnyes
par gyur pa dang brnyes pa dang brnyes par 'gyur ba dang/ dus
gsum gyi rgyal ba'i sras po thams cad kyi bgrod pa gcig pa'i

bslab pa gtsor sa bcu sgrub byed pha rol tu phyin pa bcu la tshul
khrims kyi phung po rnam pa gsum mam/ bslab pa gsum mam/ tshogs
gnyis sam/ thabs shes rab kyi lam gnyis kyi sgo nas 'jug pas
'gro ba thams cad la phan pa'i sbyor ba sbyang bar

bya'o/ /de ni thabs kyi char bsgyur ba'i sgo nas yin pas shes
rab kyi sgo nas ni shes rab kyi pha rol tu phyin pa nyid kyi
chos thams cad kyi de kho na nyid gang zag dang chos su brjod
pa'i mtshan nyid thams cad dang bral ba'i stong pa nyid bsgoms
pas bden par

@08a mngon zhen thams cad gzhig pa dang/ sgyu ma lta bu'i chos
rnams kyi mtshan nyid dam nus pa so sor nges pa'ang snang ba ji
lta bar rnam par lta bas mtha' gnyis spangs pa'i dbu ma'i lam du
'jug par bya'o/ /de ltar zung du 'brel ba'i lam

de nyid byang chub sems dpa'i mos pas spyod pa'i sa gnyis po
bsod nams kyi tshogs gtsor gyur pa dang/ ye shes kyi sbyor ba
gtsor gyur pa'i lam dag tu/ rtag tu byed pa dang gus par byed
pa'i sbyor bas bskal pa chen po grangs med pa gcig gam gnyis su
yang

bsgoms pa las/ de kho na mngon du gyur pa'i yid la byed pa'i ngo
bo mthong ba dang sgom pa'i lam 'jig rten pa dang 'jig rten las
'das pa dag gi ye shes kyi sa bcu por rdo rje lta bu'i ting nge
'dzin slob pa'i lam la mthar thug pa'i bar du yongs su sbyang
bar bya'o/ /

de las ni 'bras bu'i mtshan nyid sangs rgyas kyi sa kun tu 'od
kyis bsdus pa sku gsum ye shes lnga dang ldan pa yon tan rab
mchog dam pa bsam gyis mi khyab pa la mnga' brnyes pa las/ 'gro
ba thams cad mngon par mtho ba dang/ nges par legs par thabs
dang

bcas pa la 'god pa la sogs pa'i don ci rigs par mdzad pa'i phrin
las nam mkha' dang mnyam pa lhun gyis grub cing rgyun mi 'chad
pa la mnga' bsgyur bas bgrod bya'i go 'phang mthar thug par son
par bya ba'o// // ! de ltar don rnam pa bcu

po 'di ni theg pa thun mong ba dang thun mong ma yin pa'i bstan
pa la 'jug pa'i rim pa phyin ci ma log cing ma tshang ba med par
gnas pas grangs dang go rim nges pa can bstan bcos 'di mtha' dag
gi lus so/ /lus rnam par gzhag pa bshad pa'o// //

yan lag rnam par dbye ba las theg pa thun mong gi 'jug pa la
dang por dge ba'i bshes gnyen bsten pa 'chad pa na des gzung bar
bya ba'i skal ldan chos kyi snod du 'gyur ba'i gang zag brjod
pa/ dad dang snying rje bla ma la gus dang/ /des gsungs lam la

@08b nges brtan dge ba dang/ /mi dge gang yin de las cir 'gyur
sogs/ /tshol ba'i blo ldan chos kyi snod du 'gyur/ /gang dag mi
khom par ltung ba'am rigs chad pa la sogs pas snod du ma gyur pa
la ni dge ba'i bshes gnyen sangs rgyas mang pos kyang ci byar
yang med

pas na/ dal 'byor thob pa thar pa'i sa bon rigs sad byed kyi
rkyen 'ga' zhig gis nus pa sad par byas pa las/ dad pa dang
snying rje dang bla ma la gus pa dang the tshom med pa dang dge
ba ci yin tshol ba'i bsam pa lnga dang ldan pa ni chos kyi snod
du 'gyur ba'o/ /dad pa ni gsum

las kyang yid ches pa gtso bor gyur pa ste/ gnyis po'ang dkon
mchog la sogs pa'i yon tan la yid ches pa dang/ blang dor gyi
'bras bu la yid ches pa nyid la bltos pas so/ /'di ni dkar po'i
chos thams cad kyi rtsa ba 'ang yin pas na/ chos bcu pa las/ dad
pa med

pa'i mi rnams la/ /dkar po'i chos rnams mi skye ste/ /sa bon me
yis tshig pa la/ /myu gu sngon po ji bzhin no zhes gsungs la/
theg pa chen po'i sde snod nyid las ni/ /dad pa theg pa'i mchog
yin te/ /des ni 'dren pa nges par 'byung/ /de phyir blo dang
ldan pa yis/ /dad pa'i rjes su

'brang ba sten/ /zhes so/ /snying rje ni theg pa chen po'i rtsa
ba dang snod nyid de/ de med pa sems can gyi bde sdug yal bar
'dor ba la ni/ theg pa chen po gtan mi skye bas na/ chos 'gro ba
las/ gang la mgo yod pa la 'tsho ba yod pa ltar snying rje dang
ldan pa la sangs rgyas nyid

yod pa dang/ chos mang po la bslab par mi bya ste/ chos gcig la
bslabs na byang chub de'i lag na yod pa ni snying rje chen por
gsungs so/ /bla ma la gus pa ni sangs rgyas nyid du 'dzin pa
ste/ de ni thams cad kyang sangs rgyas nyid kyis bdag pos byas
pa dang des byin gyis brlabs

pa dang de'i bya ba byed pa nyid las/ slob dpon dang ni rdo rje
'dzin/ /tha dad par ni mi brtag go/ zhes gsungs so/ /nga rgyal
la sogs pas de la mi gus pa'am/ brnyas pa la ni yon tan gang
yang skye ba'i gnas med pas so/ /the tshom med pas ni bla ma'i
tshig la tshig tu byed

@09a byed pas yid rton pa ste/ de la ni yon tan bde blag tu skye
la/ yid gnyis za bas ni bsgrubs kyang 'bras bu mi thob pas na/
rgyal po me'i rnam thar las lha dag gzhon nu nor bzang la dge
ba'i bshes gnyen gyi gdams ngag la the tshom ma byed

cig  /de ni yang dag pa nyid ston gyi log pa mi ston no/ /de'i
phan 'dogs pa dang tshar gcod pa'i ye shes ni bsam gyis mi khyab
pa'o zhes 'doms pa'o/ /dge ba ci yin zhes 'tshol ba ni gang gis
dge bar 'gyur la gang gis ni mi dge bar 'gyur/ 'di byas na yun
ring

po'i don dang phan pa dang bde bar 'gyur ram/ gnod par 'gyur
ram/ 'di ni bdag gis nges par bya'o 'di ni spang ngo zhes don du
gnyer ba dang spro ba yod pa ste/ don du mi gnyer pa la ni sus
kyang ci byar yang med pas so/ /don du gnyer ba la ni rdzogs
pa'i byang chub kyang rnyed

dka' ba med par gsungs so/ /yang gzhon nu nor bzang sngon rgyal
ba la bya ba byas pa/ dge ba'i rtsa ba bskyed pa/ mos pa rgya
che ba/ bla ma'i rjes su 'brang ba'i bsam pa can/ lus dang ngag
dang yid kyi las kha na ma tho ba med pa/ byang chub sems dpa'i
lam sbyong ba la brtson pa/

thams cad mkhyen pa la mos pa/ chos kyi snod du gyur pa/ bsam
pa'i nam mkha' rnam par dag pa/ byang chub kyi sems chags pa med
pa yongs su rdzogs pa zhes dam pa mang pos gdams pa chen po'i
snod du gsungs pa'i rjes su mthun pa ci rigs pa dang ldan pa
yang

ngo/ ! de lta bu des bsten par bya ba dge ba'i bshes gnyen gyi
mtshan nyid brjod pa/ brtse bas rang bde dor te zang zing ci rigs
sbyin sogs kyis/ /'dun dang snod du byas nas gsal mdzes gsung gi
skyon med cing/ /bzod ldan 'jigs med ser sna dpe mkhyud thag
bsrings gdul

bya dang/ /rjes mthun tshad ma gsum ldan gus pas dus su legs ston
byed/ /sgrub la 'god cing gzengs bstod dga' byed gleng dang dran
byed dang/ /gdams dang rjes ston chos ston pa yis bstan pa don
dang ldan/ /dul zhing zhi la nyer zhi blo gsal thos mang rab
sbyangs pa/ /

@09b bsgoms las thob pa de nyid rab tu rtogs ldan brtson 'grus
mchog  /ji skad smras bzhin byed pas bzung 'os tshig ldan phan
bde yi/ /bsam pa drang zhing yi thabs mkhas gdul bya'i khams
sogs dang/ /mthun pa'i don bsgrub mthur ldan mnyam par 'dzin
sogs yon tan

gyi/ /tshogs kyis kun nas mthor gyur dge ba'i bshes su shes par
bya/ /'di dag gi don bsdus pa ni bsam pa phun sum tshogs pa dang/
sbyor ba phun sum tshogs pa dang/ nus pa phun sum tshogs pa gsum
gyis rnam pa thams cad du yongs su rdzogs pa'i dge ba'i bshes

gnyen gyi mtshan nyid kha na ma tho ba med pa'o/ /bsam pa ni
brtse bas rang bde dor ba ste/ gzhan la snying brtse bas don
dang phan pa dang bde ba dang bde ba la reg par gnas pa dang
grub pa dang bde bar 'gyur par 'dod pas/ rang bde bar gnas pa
dang rnyed pa la sogs pa zang

zing la lta ba ring du dor nas gzhan don 'ba' zhig la gzhol
ba'o/ /sbyor ba ni bsdu ba'i dngos po bzhis 'khor la phan 'dogs
shing skyong ba ste/ sbyin pa la sogs pas rim pa bzhin/ phan par
byed pas snod du bsgrub pa dang/ 'dzin par byed pas mos pa
bskyed pa dang/ 'jug

par byed pas bsgrub pa la 'jog pa dang/ rjes su 'jug pas bsgrub
pa rnam par sbyong bar byed pa'o/ /de la sbyin pa ni zang zing
ci rigs ci nus su sbyin zhing gsong por smra ba dang mgu bar
byed pas bag 'bebs pa la sogs pa'i sgo nas lus la phan 'dogs pa
dang dad pa dang 'dun par

byed pa las snod du bsgrub pa'o/ /rgyal ba'i yum las khyed ci'i
phyir dge ba bsgrub par mi byed ces dris te/ rkyen dang mi ldan
pa'i phyir ro zhe na/ nga la zas dang gos la sogs pa ci dang ci
dgos pa long la dge legs thams cad sgrub shig ces 'doms par
gsungs pa bzhin no/ /

snyan par smra ba ni rnam pa dgus chos legs par 'chad cing ston
pa ste/ gsal zhing mdzes pa'i gsung gis ston pa ni tshig yan lag
brgyad dang ldan pa dang ngag yan lag brgyad dang ldan pa la
sogs pas legs pa ston pa'o/ /dang po ni tshig dang yi ge rigs pa
dang mi 'gal

@10a bar bstan pas rigs pa dang/ bstan pa dang mi 'gal bar bshad
pas 'brel pa dang/ theg pa thams cad dang mi 'gal bas mthun pa
dang/ sgra bde zhing nyam mi nga bas rung ba dang/ don grags pa
brjod pas 'byor pa dang/ gdul bya dang ci rigs

su mthun pas 'phrod pa dang/ mya ngan las 'das pas nges par
'byin pas 'tsham pa dang/ slob ma'i tshogs gang 'os pa dang mthun
pas 'grus skyong gi yan lag gi tshogs su gyur ba'o/ /gnyis pa ni
brda mi zhan pas 'khor kun la khyab pa'i phyir grong khyer ba
dang/ rnar snyan

pas snyan cing 'jebs pa dang/ tshig dang yi ge legs par nges pa
bshad pas rnam par gsal ba dang/ don grags pa brjod pas rnam par
rig par byed pa dang/ gdul bya dang ci rigs su mthun pas mnyan
par 'os pa dang/ rnyed pa dang bkur sti'i zang zing la mi brten
pas brten pa

med pa dang/ rin pa la mi skye bas mi mthun pa med pa dang/
yangs shing rgyun mi chad pas gtugs pa med pa'o/ /gsung 'di la
ni cho ga bzang po shes pa dang/ smra mkhas pa dang ldan pa
dang/ tshig gi bya ba shes pas tshig dge ba la sogs par yang
gsungs so/ /skyo ba med pa ni 'khor

bzhi car la yang rnam grangs mang pos ston pa na stobs dang
ldan
zhing ngal ba med par le lo bsal nas bsgrub phod pas so/ /bzod
pa dang ldan pa ni de ltar ston pa na yang gzhan gyis brnyas pa
dang/ 'phya ba la sogs pa'i mi snyan pa'i tshig gi lam dang/ log
par bsgrub pa sna tshogs

kyang bzod la/ gshe'ang slar mi gshe ba la sogs pa dang/ bsdigs
pa dang rdung ba dang tsha grang dang bkres skom la sogs pa bab
kyang rang gi las ngan gyi nyes par sems pas bsran thub pa'o/
/mi 'jigs pa na zhum zhing bag tsha bas dran pa dang spobs pa
nyams pa dang/ skad 'dar

'dar po dang/ lus la rdul 'byung ba la sogs pa med pa'o/ /ser
sna dang dpe mkhyud med pa ni thams cad la dus thams cad du
thams cad zad par ston gyi 'chab pa thag bsrings pa'o/ /gdul bya
dang mthun pa ni chags ldan la mi sdug pa la sogs pa dang/ mdo
dang spros pa

@10b la sogs pa 'khor gang la gtam gang 'os pa ston pa'o/ /tshad
ma gsum dang ldan pa ni mngon sum dang rjes dpag dang yid ches
pa'i lung dang ldan pa'i don ston gyi/ de dag dang mi ldan par
rang bzos mi 'jug pa'o/ /gus pa ni chos la bla mar byed cing
nyan pa po

stan mtho ba la sogs pa mi gus pa la mi ston la/ bdag kyang kun
spyod gtsang ba la sogs pa bkur sti dang bcas pas ston pa ste/
chos ni sangs rgyas thams cad kyis kyang bla mar bya ba yin pa'i
phyir ro/ /rang gis bkur sti byas na gzhan yang gus par nyan
cing khyad

du mi gsod pa la sogs pas don du 'gyur bas kyang ngo/ /dus su
ston pa ni 'khor don du gnyer ba la sogs pas skabs la bab par
yin gyi/ gar bab bab tu ma yin pas gzhan gyis ma rtogs pa dang
log par rtog pa dang the tshom sel ba dang mthun pa'i dus su 'jug
pa'o/ /

don spyod pa ni rnam pa brgyad dang ldan pas ji skad bstan pa'i
chos nyams su len pa la sbyor ba ste/ bsgrub pa la 'god pa ni
snyan smras don ji lta bar rtogs par byas pa de nyid la le lo
dang 'dun pa med pa dang g.yeng bas bag med pa rnams rjes su
bsgrub pa la

yang dag par 'god pa'o/ /yang dag par gzengs bstod pa ni dman pa
la mos pa dang bdag khyed du gsod pa dang 'gyod pa mang ba
dang
bya ba mang bas 'jigs shing zhum pa rnams la brtson 'grus kyi
phan yon ston pas so/ /yang dag par dga' bar byed pa

ni phyin ci ma log pa dang mnyam pa dang chog mi shes pa'i
brtson 'grus kyis legs par zhugs pa rnams yon tan ji lta ba
brjod pas spro dga' 'phel bar byed pa'o/ /gleng bar byed pa ni
tshul khrims nyams pa la sogs pa gzhi gsum dang bcas pa rnams/

dus su dang don dang ldan par dang/ tshig 'jam pos dang phan sems
nyid kyis sdang ba dang brnyas pa dor nas gleng ba'o/ /dran par
byed pa ni ltung ba la sogs pa mi dran pa la yul dang dus dang
gzhi dang bcas par brjod pas dran par byed pa dang/ gzhan yang

@11a sdig pa'i grogs po dang bdud kyi las la sogs pa la brten pa
na yang yang dag pa'i spyod pa la sogs pa dran par byed pas de
dag gi nyes pa rnams sbron pa'o/ /gdams ngag ni gnas gsum gyis
bsdus pa rnam pa brgyad de/

sems gnas par bya ba'i phyir dmigs pa la 'dogs pa ni gdul bya'i
sems dang/ dbang po dang/ bsam pa dang/ bag la nyal bzhi ting
nge 'dzin gyi mthu'am 'grogs pa'i rgyu las shes par byas nas/ mi
sdug pa la sogs pa ci rigs pa la 'dzud pa ste lnga dang/

sems gnas pa la rang don thob pa'i thabs ston pa ni gzung bya ma
yin pa rtag pa'i mtha' dang/ chad pa'i mtha'i gnyen por dbu ma'i
lam ston pa gnyis so/ /rang gi don mthar ma phyin pa la bar ma
do'i gnas 'dor du 'jug pa ni ma byas pa dang ma thob pa dang ma
rig pa dang mngon du

ma byas pa la mngon du byas so snyam pa'i bar gyi mngon pa'i nga
rgyal 'dor du 'jug pa'o/ /rjes su bstan pa ni lnga ste/ kha na
ma tho ba dang bcas pa kun tu spyod pa dgag pa dang/ kha na ma
tho ba med pa kun tu spyod pa gnang ba dang/ gnang ba dang bkag
pa de dag la ma 'khrul bar

spyod pa bskul ba dang/ ma gus pas 'khrul pa lan mang du spyod
pa la rnyog pa med cing snum pa'i bsam pas sma dbab pas dran du
gzhug pa dang/ gnang ba dang bkag pa ji lta bar zhugs pa la yon
tan don dang mthun par brjod pas dga' bar bya ba'o/ /yang na
gdams

ngag dang rjes su bstan pa bzhis ston pa ste/ tshul khrims la
legs par sbyor ba bsngags pa dang/ nyes par spyod pa smad pa
dang/ ting nge 'dzin dang shes rab kyi bar du gcod pa'i chos
rnams ston pa dang/ rjes su mthun pa'i thabs ston pa bzhir yang
gsungs so/ /chos ston pa ni

sems can thams cad kyi don du dam pa'i chos yun ring du gnas par
bya ba'i phyir/ dus dang por bya ba sbyin pa dang tshul khrims la
sogs pa'i gtam ston pa dang/ snod du gyur pa la bden pa'i chos
nyid dang de bzhin nyid zab mo la sogs pa yang dag phul gyi chos

@11b ston pa'o/ /rnam pa brgyad po de dag gis ni ji skad bshad
pa'i chos la sbyar bas bstan pa don dang ldan par byed pa'o/
/don mthun pa yang rnam pa brgyad dang ldan pa ste/ dul ba ni
tshul khrims dang ldan pas dbang po dul ba'am byang chub sems
dpa'i tshul khrims

yan lag drug pa la gnas shing ma nyams la skyon med pa'o/ /zhi
ba ni ting nge 'dzin dang ldan pas sems nang du zhi bar gnas
pa'o/ /nye bar zhi ba ni shes rab dang ldan pas phyin ci log
dang nyon mongs ba rnams nye bar zhi ba'o/ /blo gsal ba ni lhan
cig skyes pa'i

shes rab rno ba'o/ /mang du thos pa ni thos pa bsags shing tshul
bzhin bsam pas blo sbyangs pa ste/ dam pa'i chos thog mar dge ba
la sogs legs par gsungs pa'i mtshan nyid can mang po mnyan cing
legs par bzung/ brtan par byas/ kha 'don byang/

yid kyis brtags/ mthong bas legs par rtog par byas pa'o/ /rtogs
pa dang ldan pa ni bsgoms pa las byung ba'i shes pa 'du shes nyi
shu dang bsam gtan bzhi la sogs pa ci thob pas zhi gnas dang
lhag mthong gnyis dang ldan pa'o/ /brtson 'grus dang ldan pa ni

gzhan gyi don la mi g.yel bar rtag tu bsgrin pa'o/ /tshig gzung
bar 'os pa ni gzhan bsgrub pa la 'god pa ji skad smras pa ltar
rang nyid kyang bsgrub pas ji skad smras bzhin byed pa'i ngang
tshul can du rig nas/ des dge ba gang la gzhan dag btsud pa de
legs par

bsgrub pas mthar phyin par 'gyur ba'o/ /rnam pa brgyad po des ni
rang nyid bsgrub pa phun sum tshogs pa la gnas pas ston pa'i don
dang mthun pa las gzhan gyi bsgrub pa'ang rnam par sbyong bar
byed pa'o/ /nus pa'i khyad par ni dang po nyid nas phan pa dang
bde ba 'dod

pa'i bsam pa drang po dang ldan pas mdza' bshes kyi phyogs su
gyur pa dang/ phan bde'i thabs la phyin ci log med pas yang dag
par shes shing mkhas pa dang/ cho 'phrul gsum gyis gdul bya'i
khams dang dbang po la sogs pa shes shing thabs gang chos

@12a gang gis gdul bya'i mthu dang ldan pa dang/ rab 'bring tha
mar gyur pa'i gdul bya thams cad mnyam du skyong ba'o/ /de ltar
na bsam pa phun sum tshogs pa dang/ sbyor ba sbyin pa dang/ snyan
par smra ba'i rnam pa dgu dang/ don spyod pa'i rnam pa brgyad
dang

don mthun pa'i rnam pa brgyad dang/ nus pa'i rnam pa bzhi ste/
rnam pa sum cu rtsa gcig dang ldan pas yon tan lhag pa lhag par
gyur pa ni rnam pa thams cad rdzogs pa'i dge ba'i bshes gnyen
yin te/ 'di dag las skabs so so dang 'brel pa gtso bo'i don nye
bar

bzung nas/ bshes gnyen dul ba zhi zhing nyer zhi ba/ /yon tan
lhag pa brtson bcas lung gis phyug /de nyid rab tu rtogs pa smra
mkhas ldan/ /brtse ba'i bdag nyid skyo ba spangs la brten/ /zhes
bya ba dang/ gang zhig blo bzang skyo ba med ldan brtse ba can/
/snyan par

rab grags cho ga bzang shes ldan pa yi/ /byang chub sems dpa'
legs par smra ba yin pa ste/ /bshad pas skye bo'i nang na nyi ma
bzhin du lham/ /zhes bya ba dang/ byang chub sems dpa' thos mang
dang/ /bden mthong smra mkhas brtse ba can/ /skyo med skyes bu
dam pa ni/

chen po yin par shes par bya/ /zhes bya ba dang/ rtag par dge
ba'i bshes gnyen ni/ /theg chen don la mkhas pa dang/ /byang
chub sems dpa'i brtul zhugs mchog /ces bya ba dang/ bla ma sdom
la gnas shing mkhas/ /nus dang ldan zhes bya ba dang/ /tshul
khrims

ldan dang 'dul ba'i cho ga shes/ /nad par snying brtse 'khor ni
dag pa dang/ /chos dang zang zing phan 'dogs brtson pa dang/
/dus su 'doms pa de ni bla mar bsngags/ /zhes bya ba la sogs pa
dang/ mdo las kyang dge ba'i bshes gnyen zhes bya ba ni sangs
rgyas

dang byang chub sems dpa' dang rang rgyal dang nyan thos dag
kyang ste/ mi dge ba bcu spong ba dang dge bcu bsgrub pa la
sbyor bas so/ /yang chos ji ltar ston cing bstan pa ji lta bar
spyod pas dge ba'i bshes gnyen no/ /yang rang nyid nor bdun la
sogs pas byang chub

@12b kyi don du nan tan byed cing gzhan yang de la 'dzud pa'o/
/yang dge ba'i chos dang ldan pa ste ci byed do cog rang bde bar
mi sbyor gyi rtag tu sems can bde ba la sbyor ba'o/ /gzhan gyi
skyon mthong yang mi brjod de rtag tu chos 'ba' zhig smra ba'o/
/yang nad shes shing

sman shes la phan pa'i sman sbyor ba gsum gyis te/ sman pa chen
pos nad brtags nas rlung la mar dang mkhris pa la kha ra dang
bad kan la lga'i khu ba blud pas gso ba ltar/ 'dod chags can la
keng rus la sogs pas gso ba'o/ /yang mnyan pa chen pos 'gro

ba bde bar chu bo las sgrol ba ltar des kyang srid pa'i rgya
mtsho las sgrol bas so/ /yang gangs ri sman mchog thams cad kyi
gnas yin pa ltar de'ang thams cad kyi dge ba'i gnas yin pas de
rdzogs par byed pa'o/ /yang rtsi shing dang lo tog than pas nyan
pa la klu'i

rgyal pos char phab na phyi phyir 'phel ba ltar/ des kyang sems
can gyi dge ba'i rtsa ba 'grib pa na bdud rtsi'i char phab pas
thams cad dge ba'i rtsa ba dang ldan par mdzad pa'o/ /yang sman
pa rig pa brgyad la mkhas pa nad pa rab 'bring tha ma thams cad
gso ba

ni sman pa chen po yin pa ltar/ nyon mongs pa'i nad can thams
cad la brtse bas chos ston pas dge ba'i bshes gnyen no zhes bya
ba la sogs pa dang/ yang gzhon nu nor bzang la dge ba'i bshes
gnyen ni bcu ste/ byang chub kyi sems la 'jog pa dang/ dge ba'i
rtsa

ba la sbyor ba dang/ pha rol tu phyin pa la 'jug pa dang/ chos
thams cad ston pa dang/ sems can smin par bya ba la 'jog pa
dang/ spobs pa nges par byed pa dang/ 'gro ba thams cad las gyen
du skyod par byed pa dang/ bskal pa thams cad du mi skyo ba
dang/ kun tu bzang po'i

spyod pa la 'jog pa dang/ sangs rgyas thams cad kyi ye shes la
'jug cing 'bab par byed pa'i dge ba'i bshes gnyen no/ /zhes
bstan pa la sogs pa ci rigs par gsungs pa ste/ thams cad tshang
ba dka'ang so sor skye bo dang 'phags pa dag la ji ltar srid pa
dang/

@13a rjes su mthun pa tsam mam cha 'ga' tsam dang ldan pa
la'ang
bsten par bya ba nyid du go bar bya ste/ thams cad la'ang sangs
rgyas nyid kyi bya ba byed pas de'i 'du shes dang/ shin tu rnyed
dka' bar yang bsams nas gus pa byas na don

thams cad 'grub par ni de ma thag tu bshad par bya'o/ ! /de lta
bu'i dge ba'i bshes gnyen bstan par 'dod pas/ dang por de yongs
su btsal ba'i bsam pa'i khyad par smras pa/ dam chos yongs 'dzin
dam pa'i bshes gnyen dag /ring na bzhugs kyang mchog

tu rnyed dka' dang/ /don chen bsgrub phyir rab tu gus pa'i blos/
/dka' ba'i 'du shes dor te yongs su btsal/ /chos bcu pa las/ dam
pa'i chos 'dzin pa dag gi drung du song ste/ mngon du ldang ba
dang/ thal mo sbyar ba dang phyag bya ba dang gus par smra ba
dang/ gus par bya ba'i las

byas nas/ zhe sa dang bcas gus pa dang bcas pas me tog la sogs
pa phul te tshul bzhin du gsol ba gdab bo/ /des lan gnang ba na
ston pa'i 'du shes dang/ dge ba'i bshes gnyen gyi dang/ srid
pa'i rgya mtsho las sgrol byed dang/ mkhan po dang slob dpon
dang/

bdag yun ring du 'khor bar 'khyams pa tshol byed dang/ bdag yun
ring du gti mug gis bsgribs shing gnyid log pa'i sad byed dang/
bdag srid pa'i rgya mtsho'i 'dam du bying ba'i 'byin byed dang/
bdag lam ngan par zhugs pa la lam bzang po ston byed dang/

bdag srid pa'i brtson rar bcings pa 'grol byed dang/ bdag yun
ring po'i nad kyis nyam thag pa'i sman pa dang/ bdag 'dod chags
la sogs pa'i mes kun tu 'bar ba zhi bar byed pa'i char sprin gyi
'du shes bskyed do zhes gsungs pa ltar shin tu gus pa bskyed do/
/

yang da ltar gyi sangs rgyas mngon du bzhugs pa'i ting nge 'dzin
las/ yon tan 'dod pa lhag pa'i bsam pa dang ldan pa byang chub
don du gnyer bas/ dge slong chos smra ba la gus shing zhe sa bya
ste klan ka btsal ba med pa'i sems kyis chos btsal bar

@13b gsungs pa dang/ yang sred med kyi bus zhus pa las/ gus dang
srog la 'phangs pa mi bya'o/ /dngos po sna tshogs mi bzung ngo/
/nor la chags pa mi bya'o/ /rnyed pa dang bkur sti 'dod par mi
bya'o/ /de thams cad yongs su spangs te btsal bar gsungs pa
dang/ yang chos bzhi dang

ldan pas dge ba'i bshes gnyen btsal te/ rgyun tu de blta bar
'dod pa dang/ brtson 'grus brtsam par 'dod pa dang/ bsam pa
yongs su dag pa dang/ chos 'dod par bya bas so zhes gsungs pa
dang/ yang zla ba sgron ma las/ myur du rdzogs pa'i byang chub
thob par 'dod pas snying rje

chen po las byang chub kyi sems bskyed de/ brtson 'grus brtsams
shing lus dang srog la mi lta bar chos dam pa ston pa'i dge ba'i
bshes gnyen rgyun tu btsal la g.yo med par bsnyen bkur bya'o/
/nam de tshol zhing sri zhu byed pas skyo ba med na bde bar mngon
par 'tshang rgya

@#ba'i chos 'thob bo/ /de bas na mgo la me shor ba ltar rtag tu
de yongs su btsal zhing bkur sti bya bar 'bad de/ byang chub
sems dpa'i byang chub kyang de'i khar rag las na chos gzhan lta
ci smos par gsungs pa dang/ yang gzhon nu nor bzang dge ba'i
bshes

gnyen tshol ba na de la sdug par sems/ rjes su 'brang zhing bkur
sti bya bar mos/ des bsgo ba dang mi 'gal bar bya bar 'dod/
thams cad mkhyen pa nyid de la rag las par blta/ de rjes su
bsam/ g.yo sgyu med par spyod/ de'i sems kyi dbang du byed/ de
ni gnod pa thams

cad spong bas ma tsam dang/ dge ba'i rtsa ba thams cad bskyed
pas pha tsam du sems shing 'gro ba ltar ro/ /yang byang chub
sems dpa'i sa las/ yon tan 'dod pa'i bsam pas 'gro'i klan ka
btsal ba'i bsam pas ma yin pa dang/ gus pa dang bcas pas 'gro'i
nga

rgyal gyis khengs pas ma yin pa dang/ dge ba ci yin zhes tshol
bas 'gro'i bdag nyid bsgrag pa'i phyir ma yin pa dang/ rang dang
gzhan gyi don bsgrub pa'i phyir yin gyi rnyed pa dang bkur sti'i
phyir ma yin par gsungs pa ltar yang ngo/ / ! bsten cing 'grogs
pa'i bsam

@14a pa'i khyad par ni/ /rnyed nas rang dga' dor te de yi ni/
/dbang gyur 'dzem zhing 'jigs bcas rab gus pas/ /yon tan blangs
las don chen bsgrub 'dod cing/ /gang gis mnyes 'gyur bsgrub
phyir rgyun du bsten/ /da ltar gyi sangs rgyas

mngon sum pa'i ting nge 'dzin las/ chos smra ba dag gi drung du
song ste/ ston pa'i 'du shes kyis gus pa dang/ bsnyen bkur bya
ba thams cad kyis bkur bar bya zhing de'i rjes su 'brang ngo/
/tha na chos nyan pa tsam gyi phyir yang lo gcig nas brgya'i bar
dam ji srid 'tsho'i

bar du rjes su 'brang bar bya na/ lung nod pa dang bri ba dang
bsgom pa la sogs pa'i phyir lta ci smos/ des thams cad du rang
nyams btang ste dge ba'i bshes gnyen de'i blo bzhin du 'jug par
bya'o/ /gus pa dang zhe sa dang bka' bzhin byed pa dang bka' mi
gcog

pa dang mdza' ba rtag pa dang/ mi rtag pa spang ba dang nyes pa
lta ba med par phyi bzhin 'brang bar bya'o/ /de ltar nan tan
byed na sngon chos spong ba'i las yod pa ma gtogs par slob dpon
de las chos mi 'thob pa gnas med cing skabs med do/ /des de la
khrel

yod pa dang byas pa gzo bar byas nas de'i chos yun du gnas shing
rmongs ba med par 'gyur ro zhes gsungs pa'o/ /yang gzhon nu nor
bzang byang chub chen por mos shing brtson 'grus rtsom pas dge
ba'i bshes gnyen 'phags pa 'jam dpal gyi phyi bzhin

'brangs te/ blo gros chen po mtha' yas spyod yul can/ /khyod kyi
mthus ni sems can sman slad du/ /bdag kyang byang chub mchog tu
zhugs par gyur/ /de la nges pa ma mchis bdag la gson/ /srid pa'i
chus gang 'obs kyis kun nas bskor/ /nga rgyal

dregs pa'i re ba mtho bar brtsegs/ /sems can las brgyud sgo mang
btsud cing gdangs/ /de 'dra'i khyim ni srid gsum ming ldan che/
/de ni gti mug ma rig gzengs pas khebs/ /'dod chags zhe sdang me
lces rab tu gdungs/ /rtag par bdud kyi dbang po'i dbang

@14b du gyur/ /de la byis pa rmongs pa rten kyang 'cha'/ /sred
pa'i sgrog dang zhags pas shin tu glags/ /g.yo dang sgyu yi
skyon gyis mtho brtsams shing/ /the tshom yid gnyis dag gis mig
ldongs pa/ /log pa phyin phyogs lam la rab tu zhugs/ /phrag dog
ser sna'i thag pas

btags shing bcings/ /yi dwags dud 'gro sems dmyal mi khom rgyu/
/skye rga na dang 'chi bas rab tu mnar/ /mgo rmongs lam brgyud
'khor bar kun tu 'khor/ /de la khyod ni thugs rje rnam dag pa'i/
/dkyil 'khor ye shes 'od zer snang ba mdzad/ /nyon mongs rgya
mtsho

bskam par shar te 'phags/ /nyi ma 'dra bas bdag la snang ba
mdzod/ /byams pa bsgoms pas dkyil 'khor rdzogs shing nya/ /bsod
nams zla 'od bde ba'i zer 'gyed pa/ /sems can kun gyi gnas su
shar gyur gyi/ /zla ba nya ba lta bus bdag snang mdzod/ /

dka' thub kun gyis yongs bsags bskor mnga' zhing/ /chos dbyings
mkha' la chags pa mi mnga' ba/ /chos kyi 'khor lo rin chen sngon
'dren pas/ /rgyal por gyur pas bdag la bskyang du gsol/ /byang
chub theg pa'i smon lam mthu mnga' ste/ /bsod nams ye shes

shin tu mang bsags shing/ /sems can kun la phan pa'i don zhugs
pa'i/ /ded dpon chen pos bdag kyang bskyang du gsol/ /bzod pa
brtan zhing bsra ba'i go mnabs te/ /ye shes spyan mnga' thugs
rje'i phyag ring bas/ /bdud kyi dmag dpung tshogs rnams mngon

gyur par/ /dpa' bo chen pos bdag gi bskyel yang mdzod/ /chos kyi
ri rab spo la brtan bzhugs shing/ /ting 'dzin mchog gis lha mos
kun nas bskor/ /nyon mongs sgra gcan lha min 'dul mdzad pa/
/brgya byin gyur pas bdag la gzigs su gsol/ /byis pa'i

gnas gyur khams gsum khang ba na/ /nyon mongs las rnams rnam
par
gsal bar mkhyen/ /rgyu ba'i sa dang lam brgyud 'khor rmangs par/
/mar me 'dra bas bdag kyang bshul bstan gsol/ /zhes bya ba la
sogs pa snyan tshig du mas bstod cing gsol ba

@15a btab pa na/ des gsungs pa/ de ltar bla na med pa'i byang
chub tu sems bskyed de bla ma'i rjes su 'brang zhing lam yongs
su rdzogs par 'dod pas byang chub sems dpa'i spyod pa btsal bar
sems pa legs kyi/ bla ma dang 'grogs

shing rim gro byed pa ni thams cad mkhyen pa 'grub pa'i gzhi'am
rgyu mthun pa yin gyi/ de bsten cing 'grogs pas mi skyo bar
bya'o zhes so/ / ! bsnyen bkur bya ba'i bsam pa'i khyad par ni/
gzhan yang ci nas mnyes shing nam du yang/ /yid mi 'byung

dang ji skad bsgo ba'i gsung/ /'bad pas rjes bsgrub khur bzod mi
skyo zhing/ /dma' ba'i yid kyis nga rgyal thag bsring bya/ /bdag
nyid nad pa chos smra sman pa dang/ /chos la sman dang rjes
bsgrub nan tan la/ /nad sel byed pa'i 'du shes la sogs pas/ /

sangs rgyas nyid 'dzin gus pa'i bsam pa sbyang/ /ci nus kyis
bsnyen bkur gang byed kyang ci ltar byas na de mnyes shing yid
mi 'byung ba dang/ des ji skad bsgo ba las mi 'da' bar bsgrub pa
dang/ de'i bya ba'i khur ji ltar dka' ba bab kyang bzod cing
bsran thub pa dang/

de'i bsnyen bkur gyis skyo ba med cing sdug bsngal thams cad
dang du blang ba dang/ shin tu dma' ba'i yid du bya bas nga
rgyal dang rlom zhing dregs pa thag bsring ba dang/ rang la nad
pa la sogs pa'i 'du shes bzhag ste/ mdor na sangs rgyas kho nar

'dzin pa'i gus pas bsnyen bkur thams cad bya bar bsam pa sbyang
bar bya'o/ /sred med kyi bus zhus pa las/ byang chub sems dpa'
mkhan po dang slob dpon la nga rgyal bcom pa dang bka' blo bde
bas bla ma'i sri zhu dang gus pa dang phangs pa dang gces par

'dzin pa'i sems bskyed do/ /chos la sman dang bla ma la sangs
rgyas dang rang la nad pa dang nan tan la sman bsten pa dang/
sems can thams cad la'ang nad pa'i 'du shes bskyed par gsungs
so/ /sdong po bkod pa las/ chos bcus bla ma bsnyen bkur bar

@15b mngon par dga' bar byed de/ lus dang srog la mi lta ba
dang/ srid pa'i longs spyod mi tshol ba dang/ chos thams cad
mnyam pa nyid du rtogs pa dang/ thams cad mkhyen par smon lam
brtan pa dang/ chos kyi dbyings kyi tshul thams cad la lta ba
dang/ srid pa thams

cad las 'phags par 'dod pa dang/ gnas med pa'i chos kyi dbyings
kyi nam mkha' la brten pa dang/ byang chub sems dpa' thams cad
kyi smon lam la sgrib pa med pa dang/ sangs rgyas kyi zhing
thams cad du 'da' ba dang/ byang chub sems dpa' ye shes sgrib

pa med pa shin tu sbyangs pas bla ma bsnyen bkur zhing dga' bar
byed do zhes bya ba dang/ yang bla ma'i yon tan bsam pas bsnyen
bkur bya ste khur thams cad bkur bas mi skyo bas sa lta bu'i
sems dang/ de bzhin du mi phyed pas rdo rje dang/ sdug bsngal
gyis mi bsgul

bas khor yug dang/ bka' nyan pas bran dang/ ngag mi gcog pas
slob ma dang/ las thams cad byed pa la mi smod pas g.yog dang/
nyon mongs pas mi skyo bas ma dang/ bya'o cog mthun par 'dzin
pas bsnyen bkur ba dang/ nga rgyal spangs pas phyag dar ba dang/

dus dang dus ma yin par mtho dman med pas zla ba nya ba dang/ mi
srun pa spangs pas rta cang shes dang/ khur lci ba'ang khur bas
theg pa dang/ dul zhing cang shes pas glang po che dang/ mi sgul
bas ri dang/ mi khro bas khyi dang/ nga rgyal med pas gdol bu
dang/ dregs pa

med pas khyu mchog rwa bcad pa dang/ rloms sems med pas mchan
bu
dang/ 'gro 'ong gis mi skyo bas gru dang/ ngag mthar 'byin pas
zam pa dang/ ngor lta bas bu mdzangs pa dang/ chos kyi rgyal
po'i bka' las mi 'da' bas rgyal bu gzhon nu lta bu'i sems

kyis bsnyen bkur bya bar gsungs so/ /yang rang la nad pa dang/
dge ba'i bshes gnyen la sman pa dang/ gdams pa la sman dang/ nan
tan nyams su len pa la nad gso ba'i 'du shes bskyed do/ /yang de
bzhi la rim pa bzhin du 'gron po dang/ lam mtshon
@16a pa dang lam dang phyogs bde bar 'gro ba'i 'du shes dag
dang/ de bzhin du pha rol tu 'gro ba dang mnyan pa dang mu stegs
dang gru dag dang/ zhing pa dang klu dbang dang char dang lo
tog
'grub pa dag dang/ dbul po dang ngal bso po dang nor

dang dbul ba sel ba dag dang/ slob ma dang slob dpon dang bzo
dang shes pa dag dang/ 'jigs pa dang dpa' bo dang/ mtshon dang/
dgra bsal ba dag dang/ tshong pa dang mnyan pa dang rin po che
dang/ de sdud pa dag dang/ bu dam pa dang/ pha ma dang rigs kyi
tshul

dang de ma nyams pa'i 'du shes dang/ rang la rgyal bu gzhon nu
dang/ dge ba'i bshes gnyen la chos kyi rgyal po dang/ chos la
blon po dang/ chos bsgrub pa'i nan tan la rgyal khrims kyi 'du
shes bskyed la bsnyen bkur gyis shig ces gsungs so/ /

! yon tan rjes su dran pa'i bsam pa'i khyad par ni/ dge ba'i
bshes gnyen sgrib dang sdug bsngal sogs/ /rgud pa kun sel theg
mchog lam gyi tshogs/ /shes rab thabs sogs dge legs rin chen gyi/
/'byung gnas rgya mtsho chen por rjes dran bya/ /

sdong po bkod pa las/ dge ba'i bshes gnyen ni sgrib pa thams cad
las sbyong ba/ sdig to las bzlog pa/ mi bya ba ston pa/ bag med
pa'i gnas las bzlog pa/ ma rig pa'i mun pa sel ba/ lta ba'i
'ching ba gcod pa/ 'khor ba'i grong khyer nas 'don pa/

'jig rten gyi gnas 'dor ba/ bdud kyi zhags pa las thar bar byed
pa/ sdug bsngal gyi zug rngu 'byin pa/ mi shes pa'i 'thibs po
sel ba/ lta ba'i mya ngan las do pa/ srid pa'i chu bo las sgrol
ba/ 'dod pa'i 'dam nas 'byin pa/ lam mi bde ba nas zlog pa/

byang chub sems dpa'i spyod pa ston pa/ yi dam la gzhog pa/ nan
tan la 'god pa/ thams cad mkhyen par 'gro ba'i phyogs ston pa/
shes rab kyi mig sbyong ba byang chub kyi sems spel ba/ snying
rje chen po bskyed pa/ byang chub sems dpa'i spyod pa ston pa/

@16b pha rol tu phyin pa'i gdams ngag ston pa/ sa la 'god pa/
bzod pa la rnam par 'byed pa/ dge ba'i rtsa ba thams cad sdud
pa/ chos thams cad bskyed pa/ yon tan thams cad stobs pa/ sangs
rgyas thams cad kyi zhabs drung du gtong pa/ de'i yon tan thams
cad ston pa/

don thams cad len du 'jug pa/ nan tan la gzengs bstod pa/ lam
ston pa/ lam gol ba las bsrung ba/ chos kyi sgo snang bar byed
pa/ chos kyi sgo glan par byed pa/ chos kyi char 'bebs pa/ nyon
mongs pa thams cad zhi bar byed pa/ lta ba thams cad bzlog par
byed pa/

sangs rgyas kyi chos thams cad la gnas par byed pa'o/ /yang dge
ba'i bshes gnyen ni sangs rgyas kyi rigs su skyed pas ma lta
bu'o/ /phan pa rgya chen po bsgrub pas pha dang/ sdig pa las
bsrung bas ma ma dang/ bslab pa la slob pas slob dpon dang/ pha
rol tu phyin pa'i

lam du 'dzud pas lam mkhan dang/ nye ba'i nyon mongs pa'i nad
sel bas sman pa dang/ ye shes kyi sman spel bas gangs ri dang/
'jigs pa las bsrung bas dpa' bo dang/ 'khor ba'i chu las sgrol
bas mnyan pa dang/ thams cad mkhyen pa'i rin po che'i gling du
bskyel bas

gdos pa 'dzin pa lta bu'o zhes bya ba dang/ yang byang chub sems
dpa'i spyod pa thams cad ni dge ba'i bshes gnyen la rag las so/
/yon tan rdzogs par bya ba thams cad ni de las byung ngo/ /smon
lam gyi rgyud thams cad kyang de las byung ngo/ /dge ba'i rtsa
ba thams cad des

bskyed cing tshogs thams cad des bsgrubs pa'o/ /chos kyi sgo
snang ba thams cad dang lam rnam par dag pa'ang de las byung
ba'o/ /bslab pa'i nan tan ni de la rag las so/ /yon tan thams
cad ni de la gnas so/ /lhag pa'i bsam pa dag pa la ni de rtsa
bar gyur pa'o/ /

sems bskyed pa brtan pa thams cad ni de las skyes so/ /gzungs
dang spobs pa'i snang ba thams cad du'ang des khrid pa'o/ /rnam
par dge ba'i sgo'i mdzod thams cad ni des yongs su bzung ba'o/
/ye shes kyi snang ba thams cad ni des bskyed pa'o/ /smon lam
khyad par can

@17a thams cad ni de'i lag na 'dug pa'o zhes bya ba dang/ yang
gzhon nu nor bzang dge ba'i bshes gnyen rnams ni bdag ngan song
thams cad las skyob pa'o/ /chos mnyam pa nyid rtogs par byed
pa'o/ /lam bde ba dang mi bde ba ston pa'o/ /kun tu

bzang po'i spyod pas 'doms pa'o/ /thams cad mkhyen pa'i grong
khyer gyi lam ston pa'o/ /thams cad mkhyen pa'i gnas su bskyel
ba'o/ /chos kyi dbyings rgya mtshor 'jug pa'o/ /dus gsum gyi shes
bya'i rgya mtsho ston pa'o/ /'phags pa'i tshogs kyi dkyil

'khor ston pa'o/ /dge ba'i bshes gnyen ni bdag gi dkar po'i chos
thams cad 'phel bar byed pa'o zhes rjes su dran zhing du bar
byed pa dang/ yang des bdag gi dge ba'i bshes gnyen 'jig rten
thams cad las gyen du 'phags pa'i skye mched drug dang ldan pa/

gnas med par gnas pa/ chags pa thams cad las 'das pa/ chags pa
med par 'gro ba'i lam du zhugs pa/ chos kyi lus shin tu rnam par
dag pa/ lus kyi las sgyu mas sprul pa dang ldan pa/ ye shes sgyu
mas 'jig rten na spyod pa/ smon lam sgyu ma'i

lus gzugs dang ldan pa/ sangs rgyas kyi byin gyis rlabs yid
bzhin gyi lus dang ldan pa/ ma skyes ma 'gags pa dang 'ong ba
dang/ 'gro ba med pa dang bden pa dang brdzun pa med pa dang/
ma
'phos pa dang ma zhig pa dang mi 'jig pa dang/ mtshan nyid med
par

mtshan nyid gcig pa dang gnyis la chags pa dang bral ba dang kun
gzhi med pa dang/ gnas med pa dang mi zad pa dang mi nyams pa
dang gzugs brnyan ltar rtog pa med pa dang rmi lam ltar rgyu
med
pa dang me long ltar 'pho ba med pa'i lus dang ldan pa/ rab tu

zhi ba khong du chud pa dang/ phyogs kun tu rgyas par 'gengs
pa'i lus dang ldan pa/ dus gsum du tha mi dad pa dang lus med
pa'i sems kyis lus su rtog pa dang/ 'jig rten thams cad kyi mig
las 'das pa dang/ kun tu bzang po'i mig gi rgyud kyis shes

@17b par bya bas 'dul ba'i lus dang ldan pa/ chags pa med pa nam
mkha'i spyod yul dang ldan pa rnams zhes gsungs pa la sogs pa
yon tan mtha' btsal bar mi nus pa'i sgo nas rjes su dran par bya
ba'o/ / ! dge ba'i rtsa ba bsngo ba'i bsam pa'i khyad par smras
pa/

de dag la sogs dge ba ci bsags rnams/ /dge ba'i bshes gnyen dag
dang smon lam dang/ /bsam dang spyod dang rgyud kyi tshul sogs
bcu/ /phun sum tshogs pa gcig par yongs su bsngo/ /yang sdong po
bkod pa nyid las dge ba'i rtsa ba yongs su bsngo ba ni bcu ste

bdag gi dge ba'i rtsa ba 'dis dge ba'i bshes gnyen rnams dang
smon lam gcig pa phun sum tshogs par gyur cig /phun sum tshogs par
'gyur ram 'gyur zhe na de ltar phun sum tshogs par gyur cig /de
bzhin du bsam pa gcig pa dang/ spyod pa gcig

tu rdzogs pa dang/ rgyud kyi tshul gcig pa dang/ gcig cing mnyam
pa dang/ yid la bya ba gcig pa dang/ yongs su dag pa gcig pa
dang/ gcig tu rnam par spyod pa dang/ gcig cing mnyam par 'jug
pa rdzogs pa la'ang rgyas par sbyar te/ bdag gi dge ba'i rtsa

ba 'dis bla ma rnams dang tha mi dad pa phun sum tshogs par gyur
cig /phun sum tshogs par gyur ram 'gyur zhe na rnam pa gzhan du
mi 'gyur bar de ltar phun sum tshogs par gyur cig ces gsungs pa
ltar ro/ / ! de ltar dge ba'i bshes gnyen

bsten pa'i bsam pa bshad nas dngos po'am gzhi'i khyad par ni/
rnyed dang bkur sti dag dang rim gro dang/ /bsgrub pa'i sgo nas
bshes gnyen bsten par bya zhes bya ba ste/ bzhi po 'dis bsten
cing mnyes par byed pa'i dngos po thams cad bsdus pa'i phyir ro/
/

de dag gis bsten pa'i rnam pa'i khyad par las rnyed pa'i dbang
du byas nas/ dus dang dus su mnabs bsam na bza' dang/ /gdan cha
snyun gyi rkyen sman bzhin pa'i tshogs/ /nor 'bru rin chen bzhugs
gnas la sogs pa/ /'byor tshogs bzang

@18a dgu rnams kyis ci nus mchod/ /'byor cing ldan pas longs
spyod la snying po bsgrub pa'am/ brtul zhugs blang ba la sogs
pa'i las rgya chen po bsgrub pa'am/ bla ma la nye bar mkho ba la
sogs pa'i dus ji lta bar bza' ba dang bca' ba dang myang

ba dang bldag pa dang btung ba dang bgo ba la sogs pa rang gi
longs spyod chen po la 'os pa bzang dgu rnams spro shugs chen po
la sogs pa bsam pa dam pas dbul ba'o/ / ! bkur sti'i dbang du
byas nas/ dus dang dus su nar ma'i bya ba dang/ /snyun g.yog la
sogs

kun la thog drangs te/ /dka' ba'i khur du mi brtsi spro ba dang/
/gus pas gter rnyed lta bur gtod de bsgrub/ /de yi bya ba gnyug
ma ba rnams dang/ /glo bur ba nad g.yog la sogs pa'i las ji lta
ji ltar bya dka' ba dag la yang dka' ba'i khur du mi brtsi bar/
dge legs rin

po che bsgrub pa'i rgyu thun mong ma yin pa nyid kyi gter chen
po rnyed pa la gtod pa ltar/ bdag kho nas bya ba nyid du lta bas
spro dga' dang gus pa chen pos bsgrub par bya'o/ / ! rim gro'i
dbang du byas nas/ gus par smra dang mngon du ldang ba dang/
/phyag dang bskor ba maNDal

'bul sogs dang/ /dril phyi sku mnye sku khrus gdan stobs sogs/
/sku yi rim gro dus bzhin legs par bsgrub/ /gzhan yang de la
sangs rgyas nyid 'dzin pas/ /mthong ba tsam yang rnyed dkar
mngon bsams te/ /lus ngag yid kyi ci nus gus pa'i las/ /

sna tshogs rjes su bsgrub pas bsnyen bkur bya/ /gus par smra ba
la sogs pa 'di dag dang/ bzhugs gnas dang nyen kor dag chag chag
dang phyag dar dang byug pas byi dor bya ba dang chu dang 'dag
rdzas dang so shing la sogs pa sta gon bya ba dang/ mchil snabs
'dor ba dang

tshig gis phyag mi byed par sbrid pa dang kha ma bkab par glal ba
dang gos gcig pa dang rkang pa brkyang ste 'dug pa la sogs pa ma
gus pa'i spyod pa dang spyod lam thams cad spang bya dang/ bya
ba thams cad la dran pa dang shes bzhin gyis bsgrims pas gzabs
te 'jug

@18b par bya'o/ /gzhan yang dus thams cad du sangs rgyas kyi 'du
shes kyis mthong ba dang thos pa tsam yang rnyed par dka' bar
shes nas/ sgo thams cad dang rnam grangs thams cad dang dmigs
pa
thams cad kyis ci nus ci 'os par gus pa'i las thams cad kyis rim
gro bya

bas ngoms mi shes par 'bad par bya'o/ /dngos po 'di gsum gyi
skabs la byang chub sems dpa'i so sor thar pa las/ chos 'dod pa
dag gis mkhan po'am slob dpon la gus pas gang yongs su mi gtong
ba'i dngos po de 'jig rten na med do/ /rin po che de med do/
/gang

lus kyi rim gro mi spro ba de med do/ /gang rkang pas btang ba
la mi spro ba de med do/ /gang dag gi las la mi spro ba de med
do zhes gsungs so/ /drag shul can gyis zhus pa las ni gal te
gzhan las tshigs su bcad pa gcig tsam mam/ sbyin pa la sogs dang
ldan pa'i

chos dag bzung na/ de'i yi ge 'bru re re'i bskal par ram don re
re bsam pa'i skal par bde ba'i yo byed thams cad kyis bsnyen
bkur byas kyang slob dpon gyi gus pa mi rdzogs na chos tshol lta
ci smos zhes so/ /dkon mchog sprin las ni sa phyogs gang na chos

smra ba gnas pa la mchod rten gyi 'du shes dang/ chos smra ba la
ni bla ma dang dge ba'i bshes gnyen dang lam ston pa'i 'du shes
bskyed do/ /de mthong ba na dga' ba dang dad pa dang rangs ba
bskyed do/ /rim gro byas te stan la bdar ro/ /bsngags pa brjod
do/ /legs so zhes

brjod pa mang po'i bar du bya'o/ /de la sangs rgyas nyid kyis
bskal par bsngags pa brjod kyang lan du phan pa byas pa ci yang
med de/ bkur sti la sogs pa dang bsngags pa ni gyi nar zad do/
/chos 'dod pa dag gis de'i lam rang gi khrag gis chag chag btab
kyang phan

pa byas pa med de/ sangs rgyas kyi dam pa'i chos kyi tshul 'dzin
pa ni shin tu dka' ba byed pa yin pa'i phyir ro zhes so/ /dge
ba'i rtsa ba yongs su 'dzin pa las ni gnas brtan 'od srungs chen
pos ston pa'i sha na'i ras phyag dar khrod blangs pa'ang mchod
rten gyi blos yin

@19a gyi spyad pa'i blos ni ma yin no/ /de blangs nas 'dod pa'i
rnam rtog la sogs pa ma dran no/ /mi slob par gyur gyi bar du
spyi bos mnos so/ /de blangs nas sems mtho dman du gyur pa ma
dran no/ /chos gos med pa'i lus la ma sbyar ro/ /

sug pa ma gsil bas ma reg go/ gar 'gro bar mgo bos khyer ro/
/yan lag mi gtsang bas ma reg go  /ston pas spangs shing gnang
ba la yang mchod rten nyid du bcangs so zhes gsungs pa'i rjes su
mthun pa tsam du yang bslab bo/ /bstan bcos dag las kyang/

mchog tu dad pas dus gsum du/ /dkyil 'khor me tog bcas thal mos/
/ston pa bla ma bsnyen bkur zhing/ /zhabs la spyi bos phyag bya
zhing/ /bla ma la ni gus bcas yon/ /rjes su mthun par dbul bar
bya/ /des ni rims sogs gnod pa rnams/ /phyir zhing 'byung

bar mi 'gyur ro/ /mi zad de nyid 'dod pa yis/ /cung zad yid 'ong
gang dang gang/ /shin tu khyad par gyur pa nyid/ /de dang de ni
bla mar 'bul/ /de phul sangs rgyas thams cad la/ /rtag tu phul
ba nyid du 'gyur/ /de phul bsod nams tshogs yin te/ /tshogs las

dngos grub mchog tu 'gyur/ /de bas bla ma snying rje gtong/
/tshul khrims bzod pa'i yon tan ldan/ /slob dpon dang ni rdo rje
'dzin/ /tha dad par ni mi brtag go /mchod rten bshig 'dra'i sdig
'jigs pas/ /grib ma'ang 'gom par mi bya na/ /lhams dang stan
dang bzhon pa

sogs/ /'gom mi bya ba smos ci dgos/ /blo gros chen pos dga' sems
kyis/ /bla ma'i bka' ni 'bad de mnyan/ /rigs pa yis ni mi nus
na/ /mi nus de la tshig gis sbyang/ /bla ma las ni dngos grub
dang/ /mtho ris dang ni bde ba 'thob/ /de bas 'bad pa thams cad
kyis//

bla ma'i bka' las 'da' mi bya/ /bla ma'i rdzas ni srog ji bzhin/
/de yi sdug pa'ang bla ma bzhin/ /de yi 'khor ni mnyen bzhin du/
/mnyam par bzhag pas rtag tu bsam/ /bla ma dag ni langs pa na/
/nyal dang 'dug par mi bya'o/ /rtag tu de yi bya ba la/ /ldang
mkhas phun

@19b sum tshogs par bya/ /mchil ma la sogs 'dor ba dang/ /stan la
rkang pa rkyong ba dang/ /'chag dang rtsod par smra ba dang/ bla
ma'i mdun du mi bya'o/ /gtam gyi sbyor ba mang po dag/ thos pa'i
nye 'khor du mi bya/ /btud de stan las ldang ba dang/ /gus pa
yis ni 'dug par bya/ /

mtshan chu 'jigs bcas lam du ni/ /bsgo ba thob nas mdun 'gro bya/
/slob dpon gyis mthong mdun du ni/ /blo dang ldan pas lus gcu
dang/ /ka ba la sogs brtan mi bya/ /sor mo'i tshig ni bgrang mi
bya/ /zhabs bkru ba dang sku khrus dang/ /dril dang mnye ba la
sogs la/ /

phyag ni sngon du 'gro bas bya/ /de bzhin mthar ni ci bder bya/
/de yi mtshan smos brjod na ni/ /mtshan sngar zhal snga ldan par
bya/ /gzhan dag gus par bya ba'i phyir/ /khyad par can gyi tshig
dag brjod/ /bla ma la ni bka' stsal zhu/ /bka' bzhin bgyid ces
brjod par bya/ /

thal mo sbyar zhing ma yengs par/ /bla mas bsgo ba mnyan par
bya/ /rgod dang lud pa la sogs la/ /lag pas kha ni dgab par bya/
/bya ba zin nas 'jam pa yi/ /tshig dag gis ni bdas par bya/ /mdun
du dul bar 'dug pa dang/ /gos sogs tshul ni bsdams pa dang/

pus btsugs thal mo sbyar ba yis/ /nyan sogs 'dod pas gsol gsum
gdab/ /bsnyen bkur spyod pa thams cad la/ /yid kyi nga rgyal med
par bya/ /ngo tsha 'jigs shing bsdams pa yis/ /bag ma gsar pa'i
tshul gnas bya/ /sgeg pa la sogs bya ba

kun/ /ston pa'i mdun du spang bar bya/ /gzhan yang de 'dra'i bya
ba rnams/ /rang gis brtags la dor bar bya/ /na bas bla ma'i bya
ba la/ /btud de rjes ma gnang bar yang/ /bkag pa rnams ni spyad
byas kyang/ /dge sems can la sdig mi 'gyur/ /'dir mang smras pa
ci

zhig dgos/ /bla ma dgyes byed gang yin bya/ /mi mnyes byed kun
spang ba ni/ /de dang de la 'bad de bslab/ /dngos grub slob dpon
rjes 'brang zhes/ /rdo rje 'dzin pa nyid gsung bar/ /shes nas
dngos po thams cad kyis/ /bla ma yongs su mnyes par bya zhes bya
ba dang/

@20a bla ma dag la bsnyen bkur byed pas ni/ /zas skom la sogs
zhim po kun kyang dbul/ /zhes dang/ bla ma bas sngar nang par
langs nas ni/ /gdong dag bkrus nas bde gshegs phyag btsal te/
/de nas bla mar gus pas phyag

byas nas/ /btud de sku la mnyam mam zhes dri zhing/ /bya ba nyid
kyi lung nod de'i 'og tu/ /de yi gnas khang nyen skor phyag dar
bya/ /zhes bya ba dang/ bla ma gnas pa'i sgo glegs la/ /lag pas
dal gyis brdung bar bya/ /nang zhugs gus pas bla ma la/ /

khams bde ma bde la sogs dri/ /stan chu sa dang so shing dang/
/'dag pa'i chal yang sta gon bya/ /lhung bzed bkru la sogs pa
dang/ /bla ma'i dgos pa thams cad bya /bla ma gnas pa'i mdun dag
tu/ /snabs dang mchil ma dor mi bya/ /so shing bca' bar mi bya
ste/ /

de ni stan la mi 'dug go /mdun du bcag par mi bya zhing/ /khye
rengs su yang mi dbyung ngo/ /zhes gsungs pa'o/ / ! bsgrub pa la
gnyis las dngos kyi dbang du byas nas/ ji skad gsungs bzhin thos
bsam bsgom pa yis/ /ci rigs legs par

bsgrub pa'i sgo nas ni/ /de yi gsung la gsung du byed pa gang/
/de ni bla ma mnyes byed mchog tu gsungs/ /des ji skad bka'
stsal pa'i tshig thams cad la'ang tshig tu byed pas de las mi 'da'
bar la gor gyis gyang 'gying med par bsgrub la/ /khyad par
du'ang

chos gsungs pa rnams la thos pa dang bsam pa dang/ sgom pa yan
lag dang bcas pa chos spyod bcu la sogs pa'i sgo nas ci rigs
pa'i nan tan gyis legs par bsgrub par byed pa ni bla ma mnyes
par byed pa'i rgyu'i gtso bo yin pas rang dang gzhan gyi don

thams cad ji ltar bsam pa bzhin du 'grub pa'i sgo chen po yin
te/ yang dag pa'i dge ba'i bshes gnyen dag ni bsgrub pa'i mchod
pas mnyes par bya ba yin gyis/ rnyed pa la sogs pas ni de'i cha
shas phra ba tsam gyis kyang ma yin pa'i phyir ro/ /rje btsun
gyis

@20b kyang bstan pa ji skad bstan pa bsgrub pa des/ /de yi sems
ni yang dag mgu bar byed// ces gsungs so/ /byang chub sems dpa'i
sde snod las sems can 'di dag ni bka' blo mi bde bas slob dpon
gyis bstan pa dang mi mthun par 'dzin pas na/ de la slob

dpon gyis 'phags pa'i nor bdun po mi ston pas nor bdun khong du
mi chud pa'i phyir rab tu dbul pa'o/ /bdag gis ni bka' blo bde
zhing mthun par 'dzin pas nor bdun khong du chud par bya ste/
bka' blo bde ba la ni bla mas chos rgya cher ston cing gsal bar

byed pas dbul ba rnam par chad pa na byang chub dam pa khong
du
chud par 'gyur ro/ /de ltar bka' blo bde bas snying po med pa'i
lus las snying po blangs par 'gyur ro snyam nas bla ma mnyes par
byed de tha na chu rdza gang tsam yang 'bul lo/ /dge ba'i rtsa
ba de dag gis

chos bzhi 'thob ste/ myur du dge ba'i chos la 'jug pa dang/ bla
ma'i bsngags pa brjod pa dang/ nan tan gyis bsgrub kyis log pas
mi bsgrub pa dang/ chos bsgrub pa'i sdug bsngal gyis gzhan du
phyogs par mi 'gyur ba'o/ /yang bzhi ste/ /skye bo mang po'i
rjes su bslabs

nas dkar po'i chos la gnas pa dang/ sbas shing bzhag pa la gnas
nas skye bo mang po mgu bar byed pa dang/ sems dga' bzhin du
nyin mtshan 'da' ba dang/ kun nas ldang ba med par 'chi ba'i dus
byed cing mtho ris su skye ba'o/ /de las kyang chos bzhi 'thob
ste/

lha'i stan mchog rnyed pa dang/ de la lha'i 'khor kun dga' zhing
bka' nyan pa dang/ dbang po dang bzhan yang der 'ong zhing tha
tshom 'dri'i gzhan la mi 'dri ba dang/ de'i longs spyod du gzhal
med khang chen por 'byung ba'o/ /de las kyang bzhi 'thob ste/
sngon gyi dge

ba gang gis skyes pa shes pa dang/ de na dge ba 'grib pa'ang
shes pa dang/ de nas gang du skye ba'ang shes pa dang/ lha'i
'khor la chos rgya cher bstan nas 'chi ba'o/ /yang bzhi ste lha
nas 'phos nas mir skye ba dang/ der yang btsun par byed pa lnga
po rigs dang/ gzugs dang/

@021a tshul khrims dang/ 'khor dang sems can btsun pa la byams pa
bsgom pa 'thob pa dang/ mi phyed pa lnga po mdza' bo mi phyed pa
dang/ lus myur du mi 'jigs pa dang/ longs spyod mi nyams pa
dang/ byang chub kyi sems dang bral

bar bya mi nus pa dang/ chos kyi mu ge byung ba na chos kyi lo
legs pa 'thob pa dang/ ngo mtshar yongs su rdzogs pa'i chos lnga
'thob pa ste/ snod gang bzhag par lag pa bcug pa na rin po ches
gang bar 'gro ba dang/ skom pa na chu yan lag brgyad dang ldan
pa'i

rdzing bu 'byung ba dang/ lus la gzhan gyi dug dang mtshon dang
me dang chu dang mdangs 'phrog pas gnod pa med pa dang/ bskal
pa
bar ma dgu po mtshon dang nad dang mu ge dang chu dang rlung
dang
skom dang gdung ba dang/ gnod sbyin gyi bskal pa bar ma 'byung
ba na 'dzam

bu gling du mi skye bar lha dge ba'i mthu dang ldan par skye ba
dang/ mi khoms pa'am ngan 'gror mi skye la/ 'gyod pas dkri bar
mi nus shing myur du nges par 'byung ba thob pa'o/ /yang chos
bzhi dang mi 'bral te/ sdug bsngal can mthong ma thag tu snying
rje skye ba dang/

bu smad kyang gus shing zhe sa che ba dang/ rgas kyang gzhan
gyis mi brnyas pa dang/ las kyi mtha' gang brtsam pa nyis 'gyur
dang sum 'gyur du 'grub pa'o/ /yang chos gsum gyis mi 'phrogs
te/ 'dod chags dang zhe sdang dang gti mug gis so/ /

yang nad med pa'i chos bzhi 'thob ste/ nad rgyun ring med pa
dang/ yan lag mi skam pa dang/ longs spyod mi nyams pa dang/ mi
dang mi ma yin pa'i 'tshe bas mi gnod pa'o/ /yang bla ma'i chos
bzhi 'thob ste/ 'khor los bsgyur ba mtha' bzhir rnam par

rgyal ba rin po che bdun dang bu stong dang gling bzhi dang ldan
pas blon po dang/ skar mkhan dang/ yul mi la sogs pa gus pa
dang/ 'dod pa'i yon tan la mi chags par dang bas rab tu byung
ste myur du mngon par shes pa lnga 'thob pas mi dang mi ma

@021b yin rnams gus par byed pa dang/ gar skyes par blo dang
shes rab dang spobs pa mchog gis rgyal por grags shing thams cad
gus pa dang/ sangs rgyas nas 'gro ba thams cad las tshul khrims
la sogs pas mngon par 'phags par 'gyur ba'o/ /bla ma la bka'

blo bde zhing tshur shog ces ma thag 'ong la ji skad smras pa
dang 'gal bar mi byed pas yo byad bzhi 'thob ste/ ma rabs kyi yo
byad ma yin pa rgyal po'i yo byad dang/ 'dod pa spangs te rab tu
byung ba dang drang srong gi yo byad dang/ gang du skyes par
skye ba dran pas byang chub

kyi sems mi rjed pa dran pa'i yo byad dang/ mngon par sangs
rgyas nas 'khor bzhi dang/ lha la sogs pas bskor ba'i yo byad
do/ /yang slob dpon gang las tshigs su bcad pa gcig tsam bzung
yang tshur shog ces sgo na 'ongs zhing songs shig ces sgo na 'gro
la/

'di ni dge ba'o 'di ni mi dge ba'o/ /'di byas na ni yun ring du
phan pa'o zhes bsgo ba ji lta bar mi dge ba spong zhing dge ba
bsgrub pa dang/ slar mi ldog cing mi mthun par mi byed na de dge
ba'i rtsa ba de nyid kyis mthon por byed pa'i chos bzhi 'thob
ste/ tshul khrims

mtho ba dang/ lus mtho ba lus ring zhing rgyas ba dang/ shes rab
mtho ba shes rab che ba yangs pa mgyogs pa mno ba myur ba zab pa
nges par rtogs pa'i shes rab dang phyi mar mtho ris su skye bas
'gro ba mtho ba'o/ /des yang ba bzhi 'thob ste/

sangs rgyas kyi bstan pa ma tshang ba med pa dang/ ston pas tshur
shog gis bsnyen par rdzogs pa dang/ sems can thams cad kyi dus
gsum gyi sems mkhyen pa dang/ sems can thams cad kyi sman ji lta
ba mkhyen pa yang ba'o/ /des gzhan gyis mi tshugs pa'i

chos bzhi 'thob ste/ me dang/ mtshon dang/ dug dang/ pha rol gyis
gnod pas 'chi ba'i gnas med pa'o/ /yang sangs rgyas kyi ltar mi
snang bar byed pa'i chos bzhi dang/ pha rol gyis mi tshugs pa'i
chos bzhi dang/ tshad med par byed pa'i chos lnga dang/ thogs pa
med

@022a par byed pa'i chos lnga'ang 'thob bo/ /shes rab byed pa'i
chos bzhi 'thob ste/ shes rab che ba dang/ sangs rgyas dang
'phrad nas mnyes par byed pa dang/ khyim nas khyim med par rab
tu 'byung ba dang/ mngon par 'tshang rgya ba'o/ /mang por

byed pa'i chos bzhi 'thob ste/ mir 'gyur ba mang ba dang/ sangs
rgyas mnyes par byed pa mang ba dang/ rab tu 'byung ba mang ba
dang/ mngon par 'tshang rgya ba mang ba'o/ /yan lag bzhi'ang
'thob ste/ 'khor los bsgyur ba dang/ dbang po dang/ tshangs pa
dang/

mngon par 'tshang rgya ba'i yan lag go zhes so/ /bla ma la lhag
pa'i bsam pa rnam par dag pa'i byang chub sems dpa' ni de'i bka'
bzhin bsgrub pa na gangs ri la brten pa'i rtsi sman ltar dge
ba'i rtsa ba thams cad kyis 'phel lo/ /mtsho chen po chu'i snod
du

gyur pa ltar chos thams cad kyi snod du 'gyur ro/ /rgya mtsho
chen po rin po che'i 'byung gnas su gyur pa ltar yon tan thams
cad kyi 'byung gnas so/ /me'i drod kyis gser yongs su byang ba
ltar/ byang chub kyi sems yongs su sbyangs pa'o/ /rgya mtsho las
ri rab

mngon par 'phags pa ltar 'jig rten thams cad las 'phags pa'o/
/padma la chus mi gos pa ltar 'jig rten gyi chos kyis mi gos so/
/rgya mtsho dang ro mi 'grogs pa ltar spyod pa ngan pa dang mi
'dre'o/ /nyi mas gling bzhir snang ba ltar chos kyi dbyings su

snang bar byed do/ /pha ma dang 'grogs pa'i bu ltar smon lam
gyis lus thams cad legs par skye'o/ /mdor na des gdams pa la
zhugs na yon tan bye ba khrag khrig brgya stong phrag brjod du
med pa bcu yongs su 'dzin to/ /lhag pa'i bsam pa de snyed gcig
sbyong ngo/ /

dbang po de tsam 'phel/ /byin rlabs de snyed 'byung/ sgrib pa de
snyed sbyong ngo/ /sgrib pa'i chos grangs med pa brgya stong
phrag bcu dag par 'gyur/ bdud de snyed las 'da'/ chos kyi sgo de
snyed la 'jug /tshogs rnam par dag pa de snyed yongs su 'dzin/
spyod pa de snyed

@022b rnam par dag/ smon lam grangs med pa brgya stong phrag
bcu
'grub pa'o/ /mdor na byang chub sems dpa'i spyod pa thams cad
yongs su rdzogs pa dang/ de bzhin du pha rol tu phyin pa dang sa
dang bzod pa dang ting nge 'dzin dang mngon par shes pa dang
gzungs dang spobs pa dang

bsngo ba dang smon lam dang/ sangs rgyas kyi chos thams cad
'thob cing yongs su rdzogs pa ni bla ma la rag las/ bla ma rtsa
bar gyur/ bla ma las byung/ bla ma skye gnas dang skye mched du
gyur/ bla mas bskyed/ bla mas spel/ bla ma la brten/ bla ma
rgyur gyur pa dag go zhes so/

sdong po bkod pa las kyang chos bcus dge ba'i bshes gnyen dang
nye bar bsnyen pa ste/ bsam pa dag pas g.yo sgyu med pa dang/
'gro ba sdug pa la snying rje ro gcig pa dang/ sems can la sems
can med par nges par rtog pa dang/ lhag pa'i bsam pa'i lta bas

thams cad mkhyen pa'i lam las mi ldog pa dang/ sangs rgyas kyi
dkyil 'khor la 'dun pa'i mos pa'i stobs dang/ chos thams cad kyi
rang bzhin rnam par dag pa'i mig dang/ sems can thams cad la ro
gcig pa'i byams pa chen po dang/ sgrib pa thams

cad 'thor ba'i ye shes dang/ 'khor ba'i sdug bsngal thams cad
kyi gdugs kyi gnyen po sprin chen po dang/ chos kyi dbyings kyi
rgyud thams cad la zhugs shing bla ma'i rjes su 'brang ba'i ye
shes so zhes so/ ! /zhar la byung ba bzhi las dge ba'i bshes

gnyen des chos bshad pa'i tshul smras pa/ chos smra des kyang
ston pa rjes dran zhing/ /gus pa chen pos chos don legs bsams
nas/ /brtse bas khyab pas kun spyod gtsang ba yis/ /zhum dang
dregs dang zang zing la bltos dang/ /skyo dang le lo ser sna
phrag

dog dang/ /bdag bstod gzhan la smod sogs rab spangs nas/ /gsal
mdzes rigs shing 'brel ba'i ngag gis ni/ /dpe dang gtan tshigs
lung dang ldan par bshad/ /des sangs rgyas la skyes bu dam pa'i
'du shes bzhag ste bka' drin rjes su dran pas

@023a chos kyi tshul yun ring du gnas par bya ba'i phyir/ chos la
shin tu gus shing gces la ri mor byed pas/ chos dang don ji ltar
thos shing rtogs pa'i rnam pas gzhal ba dang/ bgrang ba'i rnam
pas legs par bsams nas blo la bkod de/

'gro ba mtha' dag dang khyad par du rang gi gdul bya rnams kyi
don chen po bsgrub par 'dod pa'i brtse ba kho nas bzung la/ rang
la sman pa dang chos la sman dang nyan pa po la nad pa'i 'du
shes kyis/ kun tu spyod pa gtsang ba dang/ kun tu spyod pa gzo
pa phyi nang gi

gtsang sbra dang ldan par/ 'jigs pas zhum zhing bag tsha ba dang/
nga rgyal gyis rlom zhing dregs pa dang/ rnyed pa dang bkur sti
dang grags pa la sogs pa zang zing la re zhing bltos pa dang/
yang dang yang du dang/ mang po dag 'chad mi nus pas skyo ba
dang/

snyom las dang phyi bshol byed pa la sogs pa le lo dang/ chos la
slob dpon gyi dpe mkhyud kyis 'chab pa ser sna dang/ gzhan dag
mtho bar dogs shing mi bzod pa phrag dog dang/ bdag nyid sgrogs
shing gzhan gyi skyon gleng ba la sogs pas log par

'jug pa thams cad thag bsrings te/ ngag dang tshig yan lag brgyad
brgyad dang ldan pas gsal ba la sogs pa'i sgo nas don nges pa'i
yan lag dpe dang rtags dang lung dang bcas par bshad par bya'o/
/byang chub sems dpa'i sa las ni mthun pa'i

gtam bco lnga dang/ yongs su dag pa'i gtam lngar gsungs te de
nyid du lta'o/ /dam pa'i chos padma dkar po las/ mkhas pa dus su
sems par byed pa na/ /khang bur zhugs te de bzhin sgo bcad nas/
/chos rnams thams cad la ni tshul bzhin blta/ /

langs nas zhum pa med pa'i sems kyis bshad/ /gtsang zhing yid
'ong sa phyogs su/ /yangs pa'i stan ni rab bshams te/ /gos bzang
gtsang ba rnam bgos nas/ /bcos bu'i ras sogs rnam mang bting/
/rkang rten bcas khri la 'dug ste/ /sems can

@023b rtse gcig gyur tshogs la/ /zang zing ci la'ang mi sems par/
/byams stobs bsgoms pas sna tshogs gtam/ /skyo dang le lo med par
ston/ /sems can bsgral phyir gang bstan te/ /bdag gi yo byad
nyid du sems zhes so/ /'dul ba las kyang/ stan mtho rin chen 'od
kyis

mdzes pa la/ /'du byed 'jig pa'i dang can 'dir bsams shing/
/'dzegs nas chos bsgrags pa ni sbyin bya ste/ /bder gshegs chos
ni mchod bya yin pas so zhes so/ /sa'i snying po'i mdo las/ kun
nas nyon mongs pa yi nad bsal phyir/ /dam pa'i chos kyi sman dag
nyan par

bskul/ /khe dang dregs pa shin tu ring spangs te/ /dam pa'i chos
dag bstan cing bshad par bya zhes so/ /mya ngan las 'das pa las
zla ba ni tshes nas zhag bco lngar khad kyis skye'o/ /bla ma yang
slob ma bags kyis mi dge ba dang bsring zhing dge ba bskyed do/
/dbang po rno ba la nyin mtshan

du mi skyo bar chos ston to zhes so/ /rnam par bshad pa'i rig pa
las/ nyan pa po rmugs pa dang gnyid kyis non pa la sems gsal bar
bya ba'i phyir ngo mtshar dang rab tu dga' ba'i bya ba dang/ rnam
par g.yeng ba ldan pa la skyo bar bya bas rtse gcig pa bsgrub
pa'i gtam bya bar

gsungs pa ltar yang bya'o/ / ! chos bshad pa'i 'bras bu ni/ chos
kyi sbyin pa zang zing med pa yi/ /phan yon nyi shu la sogs bsam
las 'das/ /de'i 'bras bu ni dpag tu med pas lhag pa'i bsam pa
bskul ba las rnyed pa dang bkur sti mi 'dod pas zang zing med
pa'i chos

sbyin pa'i phan yon ni nyi shu ste/ dran pa dang ldan pa dang/
blo dang/ blo gros dang/ mos pa dang/ shes rab dang ldan pa
dang/ 'jig rten las 'das pa'i shes rab rjes su rtogs pa dang/
'dod chags dang/ zhe sdang dang/ gti mug chung ba dang/ bdud
kyis mi rdzi ba dang/ sangs rgyas

kyis dgongs pa dang/ mi ma yin pa rnams bsang ? ba dang/ lha
rnams lus la mdangs 'jug pa dang/ mi mdza' ba rnams kyis mi rdzi
ba dang/ mdza' bo mi phyed pa dang/ tshig gzung bar 'os pa dang/
mi 'jigs pa thob pa dang/ yid bde ba mang ba dang/ mkhas pa
rnams kyis

@024a bsngags pa dang/ chos kyi sbyin pa de nyid rjes su dran
par 'gyur ba'o zhes so/ /khyad par du ni rgyal ba'i yum dag las/
mchod rten 'jig rten gyi khams dpag tu med pa gang bar byed pa
dang/ sems can de snyed dag dge ba bcu nas rang rgyal

gyi bar la bkod pa bas/ yum dag las sems bskyed pa nas mngon
shes myur ba'i byang chub sems dpa'i bar la byin pa gong nas
gong du lhag par gsungs so/ /drag shul can las kyang khyim pas
zang zing dpag tu med pa byin pa bas/ rab tu byung bas chos
tshigs

su bcad pa gcig tsam byin pa bsod nams lhag pa la sogs par
gsungs so/ / ! de las chos nyan pa'i tshul brjod pa/ gus pas
mchod cing bsti stang cher byas te/ /dma' ba'i stan 'dug lhag
bsam dag pa yis/ /drang zhing mnyan la g.yel med rab bsgrims
pas/ /

don chen bsgrub phyir mchog tu gces 'dzin cing/ /khengs dang
khyad du gsod dang zhum pa dang/ /g.yeng dang skyo dang chog
shes rang lta dang/ /gti mug le lo rlom dang dregs spangs te/
/gcig tu dad pas legs gsung bdud rtsi mnyan/ /ston pa dam pa
dang bstan pa

dam pa dang bsgrub pa po dam pa la rab tu gus pas mchod pa byas
te/ seng-ge'i khri bshams pa la sogs pa bsti stang chen po dang
bcas pas/ rang stan ches dma' ba la 'dug cing zhwa la sogs pa
bor nas/ 'greng bar byed la sogs pa lnga zhes gsungs pa la sogs
pa

ma gus pa'i spyod lam thams cad spangs la/ byang chub kyi sems
la sogs pa'i bsam pa dam pas bzung ste/ dang ba mang ba dang
rgyud mnyen zhing drang bar bya'o/ /de dag ni 'du shes lngas
mnyan zhing chos smra ba la gnas lngar yid la mi bya bar mnyan
pa ste/ dang po ni

dkon pa'i don gyis rin po che'i 'du shes dang/ lhan cig skyes
pa'i shes rab chen po 'thob pa'i rgyu las mig gi 'du shes dang/
de thob nas shes bya ji lta ba dang rnam pa thams cad ston pas
snang ba'i 'du shes dang/ mya ngan las 'das pa dang byang chub
chen po 'thob par

@024b byed pas 'bras bu dang phan yon che ba'i 'du shes dang/ da
ltar yang de gnyis kyi rgyu zhi gnas dang lhag mthong gi bde ba
'thob par byed pas/ dga' ba kha na ma tho ba med pa'i 'du shes
so/ /gnyis pa ni de la tshul khrims nyams pa dang/ rigs dma' ba
dang/ byad ngan pa dang/

tshig 'bru ngan pa dang/ tshig rtsub cing mi snyan par smra bas/
'di la mnyan par mi bya'o snyam du yid la mi bya bas so/ /gzhan
yang snod kha sbub char mi 'bab pa lta bu rmugs pa dang gnyid la
sogs pas rna mi gtod pa spang bas g.yel ba med pa dang/ zhabs
rdol lta bu brjed

ngas pas mi gnas pa spang bar dran pa dang shes bzhin shin tu
bsgrims pa dang/ mi gtsang ba lta bu tshul bzhin ma yin pa yid la
byed pa 'dod pa'i rnam rtog la sogs pas sbag cing gnas kyang
skyon can du 'gyur ba spang bar rang dang gzhan gyi don chen po
rnam grol nyid

bsgrub pa la gtod pas mnyan no/ /'di gsum ni mdo dag las legs
par nyon rab tu nyon la yid bzung zhig ces ci rigs par gsungs
so/ /yang na nad pa gsum po sman pa'i lung ma shes pa dang/ log
par gzung ba dang/ legs par gzung nas chud gzon pa lta bu'i

nyan pa po gsum gyi gnyen por sbyar ro/ /yang na pha la gnod
pa'i nad pa gsum po zas mi za ba dang mi 'phrod pa za ba dang
zos pa skyugs pa ltar/ chos mi nyan pa dang/ tshul bzhin ma yin
pa yid la byed pa dang/ mnyan yang brjed pa gsum yang/ chos kyi
yab sangs

rgyas la gnod pas de gsum gyi gnyen por yang gus par mnyan pa
gsungs pa'o/ /mchog tu gces par 'dzin pa ni byang chub sems
dpa'i sa las/ legs par gsungs pa gcig gi phyir yang gzhan du de
mi thos pa yin na lcags 'bar ba'i lam la yang dga' bzhin

spro bzhin du 'gro na mang po'i phyir lta ci smos/ longs spyod
thams cad de lta zhog lus dang srog la dga' zhing gus pas kyang
dga' zhing spro ba snga ma de'i brgya'i char yang mi phod par
gsungs so/ /mya ngan las 'das pa las/ drang srong zhig chos 'dod
pa na ma rnyed pa la srin po

@025a las tshigs su bcad pa phyed thos pas dga' ba ni tshong pa
g.yang sar mtshan mo don mthun stor te 'jigs pas grogs rnyed
pa'am/ nad pa yun ring sman pa mkhas pas gsos pa'am/ rgya mtshor
lhung ba gzings dang phrad pa'am/

skom pas gdungs pa chu grang rnyed pa'am/ gshed mas bzung ba
dang/ btson yun ring dag thar pa'am/ than chen la char 'bab
pa'am/ 'gron lam ring por song ba phyir 'khor ba tsam du dga'
nas/ lag pas skra bteg ste phyogs bzhir bltas pas srin po de
mthong nas/

rnam par grol ba'i sgo 'byed pa su yin/ sangs rgyas kyi gsung
dbyangs 'brug sgra sgrogs pa/ 'khor ba'i gnyid kyis non pa sad
par byed pa/ mu ge chen pos gdungs pa la 'tshang rgya ba'i zas
stob pa/ srid pa'i rgya mtshor bying ba la gru chen po 'dren pa/
nyon mongs

pa'i nad chen pos gzir ba'i sman pa dam pa de su yin/ tshigs su
bcad pa phyed pos padma bags kyis phye ba ltar bdag gyur to zhes
te/ ser snas non pa dag nga'i lus btang ba 'di thos nas sbyin pa
la gnas pa dang/ sbyin pa la zhen pa nga rgyal can dag gis nga'i
lus

gtong pa 'di mthong bar shog cig /'di mchil ma'am sa rdo ltar
gtong ngo zhes te tshigs su bcad pa phyed po mnyan nas shing kha
nas mchongs par gsungs pa ltar ro/ /khengs pa la sogs pa drug
spang ba yang byang chub sems dpa'i sa las/ kun nas nyon mongs
pa med

pa dang/ rnam par g.yeng ba med par chos mnyan pa bya'o/ /dang
po ni gsum las rnam pa drug gis ni khengs pa'i nyon mongs pa
dang bral ba ste/ dus su nyan pa dang/ bkur sti byed pa dang/
sri zhu byed pa dang/ mi khro ba dang/ rjes su bsgrub pa dang/

klan ka mi 'tshol bas so/ /bzhis ni khyad du gsod pa'i nyon mongs
med par te/ chos la gus pa dang/ chos smra ba la gus pa dang/
chos la khyad du mi gsod pa dang/ chos smra ba la khyad du mi
gsod pas so/ /gcig gis ni zhum pa'i nyon mongs pa med par te/

@025b bdag nyid khyad du mi gsod pas so/ /rnam par g.yeng ba
med pa ni lngas te/ kun shes par 'dod pa dang/ rtse gcig pa
dang/ rna klags pa dang/ yid btud pa dang/ sems thams cad kyis
bsams nas nyan pa'o/ /de ltar nyan pa ni chos nyan pa'i dka' bas
mi skyo ba dang/ thos

pa dang dri bas chog mi shes par yang 'gyur ro zhes gsungs so/
/rang gi lta ba'i phyogs su lhung ba la sogs pa spang ba ni
byang chub sems dpa'i so sor thar pa las/ rang gi 'dod pa btang
ste mkhan po dang slob dpon gyi gzhung la rab tu gnas pa dang
gus par bya'o//

chos bzhi spang ste gnyid rmugs dang/ bre mo'i gtam dang/ khro
ba dang/ khengs pa'o/ /chos bzhi goms par bya ste/ mi nyal bar
sbyor ba dang/ brtson 'grus brtsam zhing 'chag pa dang/ bla ma'i
bsnyen bkur la gus shing ma khengs pa dang/ gzhan la gus pa
bskyed pas thos pa 'dzin

pa'o zhes so/ /sa'i snying po las kyang/ shin tu dad cing gus
pas chos nyan cing/ /de la 'phya zhing skur par mi bya'o/ /chos
smra ba la mchod pa bya ba ni/ /sangs rgyas 'dra bar de la 'du
shes bskyed/ /ces gsungs so// ! thos pa'i 'bras bus bsdus pa ni/
rjes su bsgrub dang

yang dag ston pa yis/ /rang gzhan don kun thos pas sgrub par
byed/ /byang chub sems dpa'i sa las byang chub sems dpa' ni chos
kyi rjes su mthun pa'i chos nan tan gyis bsgrub pa'i phyir dang/
gzhan la rgya cher bstan pa'i phyir chos tshol bar gsungs pas/

'di nyid kyi rang dang gzhan gyi don 'grub pa thams cad bsdus
pa'o/ /mya ngan las 'das pa las chos nyan pas dad pa skye'o/
/dad pas pha rol tu phyin pa drug la sogs pa la mos nas 'tshang
rgya ba'i bar du thob pas dge ba'i chos thams cad thob pa ni
thos pa'i rgyu stobs so/ /

khyim bdag gi bu gcig pa tshong la 'gron phas lam bde ba'i sa
ston cing/ res ma la chags par ma byed cig /lus dang srog yal te
'gro'o/ /grogs ngan pa dang ma 'grogs shig ces gdams pa bus
mnyan na don 'grub bo/ /dge ba'i bshes gnyen gyis kyang slob ma
la lam bde
@26a ba dang mi bde ba ston te/ des thos nas mi dge ba
spangs zhing dge ba bsgrubs pas don 'grub bo/ /me long gsal bar
gdong ji lta bar snang ngo/ /chos thos pa'i me long la'ang dge
ba dang mi dge ba dag gsal bar snang ngo/ /tshong dpon rin po
che'i gling

gi lam mi shes pa dag kyang gzhan gyis lam bstan te song na rin
po che mang po len to/ /bla ma sangs rgyas la sogs pas sems can
la lam bstan te dge ba'i gnas su sangs rgyas kyi rin po che len
pa'ang lam der zhugs pas don de 'grub bo/ /mang du gsod par

'dod pa'i ba glang myos pa la 'dul sbyong mkhan gyis lcags kyu
klad du btsugs na mod du thul bar 'gyur ro/ /nyon mongs pas
smyos te sdig pa mang du byed 'dod pa yang thos pa'i lcags kyus
mod du dul bar 'gyur ro/ /nga'i nye gnas rnams rtse gcig tu
thos pa byed na

sgrib pa lnga dang bral te byang chub kyi yan lag bdun bsgoms
pas rgyun du zhugs pa la sogs pa 'jigs pa thams cad dang bral ba
thob bo/ /thos pas ni mig 'byed de mig gsum la mig med pa ni
rtag tu chos mi thos pa'o/ /mig gcig pa ni thos kyang brjed
pa'o//

mig gnyis pa ni rtag tu rtse gcig tu nyan cing ji ltar thos pa ltar
spyod pa'o zhes so/ /nyi ma'i snying po las kyang rang dang
gzhan gyi don gnyis mthong ba'i rigs kyi bu'am rigs kyi bu mo
dag gis skyes bu dam pa bsten pa dang bsnyen bkur bya'o/ /de dag
las 'dod pa rnams

kyi ro myang ba dang nyes dmigs dang nges par 'byung ba dris la/
de thos nas rjes su bsgrub par mngon par 'tshang rgya ba'i bar du
bya'o/ /skyes bu dam pa zhes bya ba ni sangs rgyas dang byang
chub sems dpa' dang rang rgyal ba dang dgra bcom pa rnams so
zhes so/ /spros pa'i

dbang du byas nas/ sngon chad ma thos rmad byung thos pa dang/
/thos pa yongs su byang dang the tshom spong/ /lta ba drang dang
don chos zab mo rtogs/ /chos kun shes shing nyes spyod 'dor ba
dang// don med spong dang don mchog zhi thob sogs/ /thos pa yon
tan bsam yas

@026b 'byung khungs yin/ /mdo las chos nyan pa la phan yon lnga
gsungs pa ni thog ma med par gzhung lugs gzhan thams cad las
ma
thos pa phung po dang khams dang skye mched nas rnam pa thams
cad mkhyen pa nyid kyi bar rnams thos par 'gyur ba dang/ sangs
rgyas

'byung ba gzhan las sam 'dir thos pa brjed dam dri ma can du
gyur na/ de mnyan pas gsal zhing dri ma med pas thos pa yongs su
byang ba dang/ de sems pa na the tshom za ba yang nyan pas nges
par byed pa dang/ 'dis sems pa na log pa 'byung na yang dag par
rtogs pas lta

ba drang por byed pa dang/ rten 'brel gyi chos nyid thos nas
rtogs shing bden pa bzhi'ang mngon par rtogs pas shes rab kyis
tshig dang/ don zab mo rtogs par 'gyur ba'o/ /yang thos pas chos
rnams shes par 'gyur/ /thos pas sdig las bzlog par byed/ /thos
pas don ma

yin pa spong/ /thos pas mya ngan 'das pa 'thob/ /ces gsungs pa
ste/ sangs rgyas kyi chos 'dul ba thos pas lhag pa'i tshul khrims
la sogs pa ston pa kho na chos yin gyi/ mer 'jug pa la sogs pa
dka' thub drag po dang 'tshe ba'i mchod sbyin ston pa la sogs pa

ni chos ma yin par shes so/ /sdig pa las zlog pa ni chos 'dul ba
las tshul khrims thos na/ de la brten pas nyes par spyod pa rnams
'dor ba'o/ /don ma yin pa spong ba ni lhag pa'i sems thos pas
byis pa rnams don du 'du shes pa'i 'dod pa don ma yin pa spong
ba'o; ;

mya ngan las 'das pa 'thob pa ni lhag pa'i shes rab thos pas zag
pa zad pa mngon du byed pa'o// de ltar na thos pa'i phan yon
bzhi po yang dag pa'i lta ba brnyed pa dang/ bslab pa gsum gyis
sdig pa las yang dag par brgal ba dang/ 'dod pa las dang/ srid
pa las yang

dag par rgal ba'o/ /yang na nyon mongs pa gnon pas bzhi po ste/
yang dag pa'i lta ba rnyed pa dang/ las dang nyon mongs pa dang/
skye ba'i kun nas nyon mongs pa las brgal ba dag dang go rim
bzhin no/ /yang na 'di bzhi chos 'bul ba la dad pa rnyed pa
dang/ rab tu 'byung ba

@027a ba dang/ dbang po sdom pa la sogs pas bsam gtan bzhi
'thob ste/ 'dod khams la 'dod chags dang bral bas gnod pa spong
ba dang/ bden pa mthong nas zag pa zad pa bzhi dang sbyar ro/
/yang dper na 'khor lo legs par sbyar ba ni

'phul bar byed pa dang/ sa gnyis kyi yon tan gyis 'gril te/ legs
par 'phul ba dang gzhi mnyam pa la 'phul bas so/ /de bzhin du
gdul bya'i rgyud gzhan la 'pho ba kun rdzob ston pas chos kyi
'khor lo dang/ don dam pa ston pas chos dang ldan pa legs par
bshad

pa yang/ ston pa pos yang dag par ston cing nyan pa pos legs
par nyan pa'i yon tan gnyis kyis 'khor bar gsungs so/ /gzhan
yang nye bar mtshon pa ni sogs kyis bsdus pa thos pa yon tan bsam
yas 'byung khungs te/ yang mdo las thos pa'i phan yon lnga

po rnam par mi shes pa rnam par shes par byed pa dang/ nyes par
gzung ba 'dor ba dang/ the tshom zos pa nges pa dang/ nges pa
snying por byed pa dang/ 'phags pa'i shes rab kyi mig sbyong
ba'o zhes gsungs pa dang/ bstan bcos las/ legs par smra ba rnams
kyi rin

thang zhig /gal te nges par bcad du rung na ni/ /de yi rin du
rgyal srid nyid kyang 'os// de la gyod kyang brjod par ga la
'gyur/ /gang zhig thos pas yid ni dad gyur na/ /legs par dga' la
brtan pa nyid du 'gyur/ /shes rab skye zhing gti mug med par
'gyur/ /rang gi

shas kyang de ni nyo ba'i rigs/ /thos pa gti mug mun sel sgron
me yin/ /rkun po la sogs mi khyer nor gyi mchog /kun tu rmongs
pa'i dgra 'joms mtshon cha yin/ /thabs tshul man ngag ston pa
grogs kyi mchog /phongs par gyur kyang mi 'gyur mdza' bo yin/ /

gnod pa med pa mya ngan nad kyi sman/ /nyes pa chen po'i dpung
'joms dpung gi mchog/ grags dang dpal dang gter gyi mchog kyang
yin/ /ya rabs rnams dang phrad na skyes kyi mchog/ tshogs kyi
nang na mkhas pa dga' bar 'gyur/ /phas kyi rgol la nyi ma'i 'od

@027b dang 'dra/ /'gran zla rnams kyi grags dang dregs pa 'joms/
/mi shes rnams kyang rab tu dgar gyur nas/ /mig dang bzhin
mdangs rab tu gsal gyur cing/ lag pa'i se gol mgu byed rdob pa
yis/ /khyad par rab tu che ba rnam par sgrogs/ /gtan tshigs don
rnams

rab tu gsal bar ston/ /gtsug lag lung rnams sna tshogs ston dang
mthun/ /mnyen zhing sbyangs pas yid du 'ong ba'i phyir/ /me tog
'phreng ba ma rnyings bkram pa bzhin/ /dul zhing rab tu gsal
ba'i spobs pa bskyed/ /grags pa chen po 'phral du 'byung bar
'gyur/ /

smra lce bde 'gyur khyad par can gyi rgyu/ /thos pa'i dpal goms
don gsal rtogs par 'gyur/ /thos dang ldan na 'gal ba med pa yis/
/'khor gsum lam la rab tu gnas par 'gyur/ /thos pa'i rjes 'jug
bsgrub pa snying por byed/ /skye pa'i rdzong las tshegs

chung thar par 'gyur/ /zhes gsungs pa la sogs pa dpag tu med pa
ltar ro/ / ! dge ba'i bshes gnyen bsten pa'i 'bras bu spyir smras
pa/ srid mtsho'i pha rol bde blag sgrol byed phyir// bshes gnyen
bsten pa tshangs spyod rdzogs pa ste/ /chos rgyun thos nas gyen
du bskyod

pa yi; ;bsam pa thob nas nyes spyod las 'das shing/ /dge legs
sdud pas bzang po'i lam zhugs te/ /lam ngan zhugs rnams brtse
bas rjes su 'dzin/ /gzungs dang gter dang dbang dang cho 'phrul
sogs/ /yon tan ma lus thob cing rdzogs pa dang/ /ngan 'gror

yun ring 'khyams pa'i las la sogs/ /nyes tshogs ma lus zad pa'i
gnas 'thob 'gyur// rtogs pa brjod pa las/ 'phags pa kun dga' bos
dge ba'i bshes gnyen dang dge ba'i grogs ni tshangs par spyod pa
phyed lags snyam bgyid do zhes zhus pa la/ bka' stsal

pa phyed ces ma zer cig /de ni tshangs par spyod pa ril po dang
ma 'dres pa dang/ yongs su rdzogs pa dang yongs su dag pa dang
yongs su byang ba'o/ /ci'i phyir zhe na/ de la brten nas sems
can skye ba dang rga ba dang na ba dang 'chi ba dang mya ngan
dang smre sngags 'don pa dang

@028a sdug bsngal ba dang/ yid mi bde ba dang 'khrug pa'i
chos can rnams/ 'khrug pa'i bar de rnams las yongs su grol bas
so/ /snying rje chen po padma dkar po las kyang/ dge ba'i bshes
gnyen dang ldan pa ni tshangs par spyod pa rdzogs

pa ste; de la brten nas sems dge ba dang/ bsam pa dang sbyor ba
dge ba dang/ dge ba'i chos sems pa dang/ dge ba'i chos la nye
bar gnas pa dang/ sangs rgyas dang chos dang dge 'dun la shes
nas dad pa dang/ 'phags pa dgyes pa'i tshul khrims rnams

gong nas gong du 'thob bo/ /char bab na shang gshong gang ba
dang chu bran rnams brub pa dang klung chen po rnams grub pa
dang/ mtsho chen po brub pa rnams rim pa bzhin du 'gyur ba ltar/
dge ba'i bshes gnyen dang dge ba'i grogs dang dge ba'i sems la
brten

nas dge ba'i rtsa ba'i stobs thob pa ni rjes su mthun pa'i chos
bsgrubs pas rab tu mthar thug pa dang/ rab tu dri ma med pa
dang/ rab tu chos spyod pa dang/ rab tu mthar phyin par 'gyur
ro// phyi rol gyi dngos po rnams kyang dus su 'bras bu 'byin na/
legs par

spyod pa rnams kyis mi bslu ba lta ci smos zhes so/ /gsang ba
bsam gyis mi khyab pa las kyang rigs kyi bu'am rigs kyi bu mo
dag gis shin tu gus pas bla ma la brten pa dang/ bsnyen pa dang
bsnyen bkur bya'o/ /de ltar byas na dge ba'i chos thos pas bsam

pa dge ba dang de las sbyor ba dge bar 'gyur ro/ /des dge ba'i
las byed cing dge bar 'gro bas dge ba'i grogs mgu bar byed do/
/de las sdig pa'i las mi byed cing dge ba byed pas bdag dang
gzhan la gdung bar mi byed do/ /bdag dang gzhan rjes su bsrung

bas ni bla na med pa'i byang chub kyi lam rdzogs par byed pas
lam ngan par zhugs pa'i sems can rnams kyi don byed par nus so/
/de bas na byang chub sems dpa' bla ma la brten te yon tan gyi
tshogs thams cad rdzogs par bya'o zhes so/ /dkon mchog sprin las

@028b kyang; bla ma la brten na dge ba 'phel zhing mi dge ba
'grib par rtogs pas mkhan po thos pa che ba'am chung ba'am shes
pa'am mi shes pa'am/ tshul khrims dang ldan pa'am tshul khrims
'chal ba la'ang ston pa'i 'du shes bskyed do/ /ji ltar ston pa
la dga' ba dang dad pa ltar

mkhan po la'ang dad pa dang dga' bar bya'o/ /slob dpon rnams la
zhe sa dang rim gro bskyed de/ de la brten na byang chub kyi
tshogs ma rdzogs pa ni rdzogs par 'gyur/ nyon mongs pa ma spangs
pa ni spong bar 'gyur ro snyam ste/ dga' ba dang rangs pa 'thob
cing dge ba'i chos

la de dang mthun par spyod do zhes so/ /sa'i snying po'i mdo las
kyang/ dge ba'i bshes gnyen gyis yang dag par bzung ba'i byang
chub sems dpa' dbang bskur par 'gyur ba'i gzungs dang/ rgya mtsho
dam pa snying po dri ma med pa 'od gsal ba'i gzungs 'thob bo/
/des zin pa ni

bskal pa bye ba dpag tu med par ngan 'gror 'khyams par 'gyur
ba'i las rnams tshe 'dir rims la sogs pa'am mu ge la sogs pa lus
dang sems la gnod pa byung bas byang bar 'gyur te/ tha na brgyad
bkag gam rmi lam tsam gyis kyang byang bar 'gyur ro/ /

des sangs rgyas bye ba dpag tu med pa la dge ba'i rtsa ba bskyed
pa sbyin pa'am mchod pa'am bslab pa gzung ba las byung ba rnams
snga dro gcig gis zil gyis non to/ /bla ma la bsnyen bkur byed
pa ni yon tan bsam gyis mi khyab pa dang ldan pa'o/ /bla mas
yongs

su zin pas gter bcu rnyed par 'gyur te/ sangs rgyas kyi chos
thams cad la bgrangs bar sbyor ba dang/ nges par sems pa dang/
gzungs kyi snang ba dang/ so so yang dag par rig pa bzhi ston pa
dang/ brjod du med pa la mkhas pas rtogs par byed pa'i gter
dang/ sangs rgyas

kyi rnam par 'phrul pa thams cad mthong ba dang/ chos thams cad
mnyam pa nyid bsgrub pa la mkhas pa dang/ sangs rgyas thams cad
mthong ba dang mi 'bral ba dang/ sgyu mar gyur pa'i bskal pa
bsam gyis mi khyab pa yongs su grub par 'jug pa la mkhas pa
dang/

@29a sangs rgyas dang byang chub sems dpa' thams cad la dga'
ba dang dad pa 'thob pa'i gter ro/ /tshe la dbang ba la sogs pa
dbang bcu 'ang 'thob bo/ /rnam par 'phrul pa bsam gyis mi khyab
pa 'thob ste/ sangs rgyas kyi yon tan dang

rnam par 'phrul pa dpag tu med pa thams cad kyang 'di las 'byung
bar blta'o/ /des na sangs rgyas la bya ba ltar bla ma bsten pa
dang bsnyen pa dang bsnyen bkur bya'o zhes so// !mthong ba'i
'bras bu ni/ de mthong bas kyang yon tan rin chen tshogs/ /kun
'byung

rgyal sras spyod pa rdzogs pa'i rgyu/ /dran dang ting 'dzin
gzungs sogs 'grub pa ste// sangs rgyas mthong zhing don chen kun
rdzogs 'gyur/ /sdong po bkod pa las/ dge ba'i bshes gnyen mthong
ba ni yon tan rin po che thams cad kyi 'byung gnas so/ /byang
chub sems

dpa'i spyod pa thams cad yongs su dag cing yongs su rdzogs pa'i
rgyu'o/ dran pa rnam par dag par byed pa'o/ /gzungs kyi dkyil
'khor la sbyor ba'o/ /ting nge 'dzin gyi snang ba bskyed pa'o//
sangs rgyas mthong ba bsgrub pa'o/ /sangs rgyas kyi chos kyi
sprin gyi char 'bab bo/ /byang chub sems dpa'i smon lam gyi tshul
brjod pa'o/ /shes rab dang ye shes kyi snang ba bsam gyis mi khyab
pa bskyed pa'o/ /byang chub sems dpa'i dbang po brten pa'i rgyu
myu gu bskyed pa'o zhes so// !bsten pa'i bsam pa brtan pa'i
'bras bu ni/ de la

gus pa'i bsam pa brtan po yis/ /yongs su dag pa rnam bcu 'thob
par 'gyur/ /rgyal ba 'das kyang de yi phyag rgya yis/ /btab pa'i
chos kyi sgo rnams lag tu 'ong/ /sdong po bkod pa las/ de la
bsnyen bkur ba'i bsam pa dang ldan pas yongs su dag pa bcu

'thob ste/ chud mi za ba'i phyir lhag pa'i bsam pa yongs su dag
pa dang/ sems can gyi bstan pa'i phyir gzugs yongs su dag pa
dang/ tha snyad bsam gyis mi khyab pa la 'jug pa'i phyir dbyangs
kyi dkyil 'khor dag pa dang/ sangs rgyas

@29b kyi chos bsam gyis mi khyab pa la mkhas pas spobs pa dag pa
dang/ mi shes pa thams cad dang bral bas ye shes dag pa dang/
dbang thob pas skye ba dag pa dang/ sngon skal ba mnyam par
spyad pa'i sems can gyi dge ba'i rtsa ba smin pas 'khor dag pa
dang/

sgrib pa thams cad bzlog pas rnam par smin pa dag pa dang/ byang
chub sems dpa' thams cad dang/ tshul mthun pas smon lam dag pa
dang/ kun tu bzang po'i theg pas nges par 'byung ba'i phyir
spyod pa yongs su dag pa'o/ /da ltar gyi sangs rgyas mngon sum
du

bzhugs pa'i ting nge 'dzin las kyang chos smra ba la gus pas
chos don du gnyer ba la ni sangs rgyas mya ngan las 'das nas
kyang nges par chos kyi glegs bam la sogs pa lag tu 'ong ste/
glegs bam la sogs pa ni sangs rgyas kyi phyag rgyas btab pas so/
/phyag rgya gang

zhe na/ chos thams cad byed pa med pa/ mngon par 'dus ma byas pa
chags pa med pa/ dmigs pa med pa la sogs pa dang/ 'phags pa
thams cad kyis ma dkrugs pa/ byis pa thams cad kyis spangs pa/
mi shes pa thams cad kyis bor ba/ mkhas pa thams

cad kyis yongs su bzung ba ste/ phyag rgya des btab pa'o//
!gdams ngag thob pa'i 'bras bu smras pa/ de yi gdams pas mi
ngoms yongs bzung na/ /blo yi padma kha 'byed snang ba 'thob/
/bsod nams ye shes mang ldan dge tshogs brtan/ /yon tan brgyas
bskor

thos pa'i tshogs kyis phyug /sdong po bkod pa las/ gzhon nu nor
bzang bla ma'i gdams pa'i sprin gyi char 'dzin pas ni gangs chen
mtsho ltar ngoms mi shes/ bla ma'i nyi ma'i ye shes kyi 'od kyis
dge ba'i rtsa ba smin pa'i sa las ni dbang po'i myu gu 'thon/
de'i zla ba'i

'od kyis ni lus dang sems rab tu tshim/ dpyid kyi nyi mas gdungs
pa'i ri dwags chu bsil ba 'dod pa ltar de'i gdams ngag ni 'thung
'dod/ bung ba khyung lding bas rgyas pa'i padma'i mtsho ltar de'i
gdams pas sems kyi puNDa ri ka kha bye/ rin po che mang pos

@030a rgyas pa'i gling ltar gdams ngag rin po che'i snang
bas ni sems snang bar byas/ 'dzam bu'i shing chen po me tog dang
'bras bu mang po dang ldan pa ltar/ gdams pa tshogs gnyis phun
sum tshogs pa dang ni ldan/ sum cu rtsa gsum pa'i tshogs rten gyis
brgyan pa'i

ri sna tshogs kyi spo ltar gdams ngag las byung ba'i chos dri ma
med pa sna tshogs brtsegs pa'i spor ni gyur/ sum cu rtsa gsum
pa'i tshogs kyis bskor ba'i dbang pos lha ma yin gyi tshogs 'joms
pa ltar/ gdams ngag las byung ba'i yon tan dri ma med pa'i tshogs

kyis bskor cing zil gyis mi non la gzhan gyis zil gyis non par
mi nus/ klu'i dbang po chen po rtse ba'i sprin chen po ltar bla
ma'i gdams ngag thos pa'i tshogs su gyur pa'i snang ba ni shin tu
che zhes gsungs pa ltar ro/ /yang bla ma'i gdams pa la zhugs pas

sangs rgyas shin tu dgyes/ de'i tshig dang mi 'gal bas thams cad
mkhyen pa shin tu bsnyen/ de'i tshig la the tshom med na bla ma
rnams nye bar bsten/ de'i yid la bya ba dang ma bral na don
thams cad mngon sum du 'gyur bar gsungs so/ /yang sangs rgyas
dang bla ma'i byin

gyis brlabs kyis gdams pa'i don shin tu zab cing rgya che ba yid
ches par dka' ba dag la'ang yid ches pa dang/ rtogs pa dang shes
pa dang rnam par rtog pa dang rig pa dang dmigs su phebs pa dang
goms pa dang mi 'gal ba dang/ mi rtog pa dang sgro mi 'dogs pa
dang

mnyam par byed nus par yang gsungs so// !rgyun tu bskyangs pa'i
'bras bu'i khyad par ni/ de yis rgyun tu bskyangs shing legs
bzung ba/ /ngan song theg dman sdig grogs bdud las 'das// blo
ldan chos mthun brtsams pa kun mthar phyin/ /'jig rten chos las

'das shing yang dag 'phags/ /bslab dang mi 'gal byis pa'i sa las
'da'/ /byang chub yan lag kun gyis rnam par 'phel/ /sdong po
bkod pa las/ dge ba'i bshes gnyen gyis yongs su zin pa'i byang
chub sems dpa' ni ngan song du mi ltung ngo/ /theg pa chen po

@030b las mi ldog /nyan thos dang rang sangs rgyas su mi ltung
ngo/ /las dang nyon mongs pa rnams kyis thub par dka'o/ /byis
pa'i sa las yang dag par 'da'o/ /des bsam pa ni bslab pa dang
'gal bar mi byed do/ /des bsrungs pa ni sdig pa'i grogs pos
dkrir med do/ /des

bskyangs pa ni byang chub sems dpa'i chos nyid las mi nyams so/
/'jig rten gyi chos kyis mi gos par yang dag par 'phags so/ /de
la bsnyen bkur byed pa ni spyod pa thams cad la ma 'khrul par
spyod pa'o/ /des bsgrubs pa ni rtsa ba thams cad las mi ldog
pa'o/ /des nye bar

bstan pa ni bdud kyis mi brdzi ba'o/ /dge ba'i bshes gnyen gyi
rten la gnas pa'i byang chub kyi yan lag thams cad rnam par
'phel bar gsungs pa'o// !dgag pa'i bslab pa'i dbang du byas nas
de la ma gus pa'i nyes dmigs bstan pa/ gal te de la ston pa'i
'du

shes dang/ /dad gus med cing sdang bas brnyas spong na/ /bdud
kyis yongs zin yon tan 'grub pa ni/ /gnas med sngar thob dag
kyang yongs 'jig 'gyur/ /mi bzad sdig lcis dmyal sogs ya nga
bar/ /'khor zhing nam yang dge bshes 'phrad mi 'gyur/ /da ltar
gyi sangs rgyas

rgyas mngon sum pa'i ting nge 'dzin las gal te des de la mnar
sems sam/ tha ba'am sdang ba'i sems kyis gnas na yon tan 'thob
pa ni gnas med do/ /ston pa'i 'du shes mi skyed na'ang de bzhin
no/ /'di ltar theg pa gsum gyi gang zag dang chos ston pa'i dge
slong la

gus pa dang bla ma'am ston pa'i 'du shes mi skyed na/ de dag ma
thob pa'i chos 'thob pa'am thob pa chud mi za ba ni gnas med de
ma gus pas ni chos nub par 'gyur ba'i phyir ro zhes so/ /chos
thams cad kyi yon tan bkod pa'i rgyal po las bdud kyi las bzhi
ste/ le lo dang/

ma dad pa dang/ bla ma la sri zhu med pa dang/ chos smra ba'i
sems mi brtan pa'o/ /yang bzhi ste/ bla ma la mi gus pa dang/
yid la mi byed pa dang/ khengs pa'i tshig smra ba dang/ tshe 'di
la sems pa'o zhes so/ /bla ma la gus pas brten pa na yon tan
mang du thob pa dag kyang
@31a ma gus pa'i brnyas pas ni nges par nyams par 'gyur bar
blta'o/ /chos 'dzin pa ni chos las tha mi dad pas na/ des ni
chos smra ba dang chos spong ba'i sdig pa'i las shin tu lci ba
bsags pas sems can dmyal ba dang dud 'gro dang yi

dwags las kyang gang na sdug bsngal ches mi bzad cing drag la
yun ring ba dag tu mang du 'khor bar 'gyur la/ brgya lam na de
dag las thar te mir skyes na yang gang na sangs rgyas la sogs
pa'i sgra mi grags pa'i zhing dag dang/ yul mtha' 'khob kyi kla
klo dag dang/

dmus long dang/ 'on pa dang/ lkug pa la sogs pa dag tu skye bar
'gyur zhing/ nam yang dge ba'i bshes gnyen dag mthong ba'am
'phrad pa tsam gyi skal ba'ang med na/ bsten pa'am chos thos
pa'am yon tan thob pa lta ci smos pas na/ bdag legs su

'dod pa dag gis gnas 'di la shin tu bag dang bcas par bya'o/
/rgyud dag las kyang/ slob dpon gang la gang zhig gis/ /yi ge
gcig tsam blangs na yang/ /de la phyag ni mi byed pa/ /khyi'i
skye ba brgyar brgyud de/ /rme sha can sogs rigs su skye zhes
gsungs la/

bstan bcos las kyang/ de 'dra'i mgon la bsam byas nas/ /slob mar
gyur pas brnyas na ni/ /sangs rgyas thams cad brnyas pas na/ /de
ni rtag tu sdug bsngal 'thob/ /slob dpon la ni smod pa de/ /yams
dang 'tshe ba'i nad rnams dang/ /gdon dang rims dang dug

rnams kyis/ /rmongs chen de ni 'chi bar 'gyur/ /rgyal po me dang
sbrul gdug dang/ /chu dang mkha' 'gro rkun po dang/ /gdon dang
log 'dren rnams kyis kyang/ /bsad nas sems can dmyal bar 'gro/
/nam yang slob dpon dag gi ni/ /kun tu sems dkrugs mi

bya ste; ;gal te rmongs pas byas gyur na/ /dmyal bar nges par
'tshed par 'gyur/ /mnar med la sogs 'jigs rung ba'i/ /dmyal ba
bstan pa gang yin pa/ /slob dpon la ni smod pa rnams/ /der ni
gnas par yang dag bshad/ /ces so/ /yang rgyud las/

@31b gal te de la brnyas byed na/ /bskal pa bye ba brgya dag tu/
/dam chos ming yang mi thos na/ /gsang sngags byang chub smos ci
dgos/ /ces so/ /'di ni rtsa ba'i ltung ba dang por yang gsungs
te/ gang phyir rdo rje 'dzin pa yi/ /dngos grub slob dpon rjes
'brang gsungs/ /de

bas de la brnyas pa ni/ /rtsa ba'i ltung ba dang por bshad/ /ces
so// !de spang ba'i thabs ni/ de phyir gang la thos dang bri la
sogs/ /rag las dge ba'i bshes la bla ma dang/ /ston pa'i 'du
shes kho nas ma gus sogs/ /thag bsrings gus bsten dge legs

bder bsgrub bya/ /da ltar gyi sangs rgyas mngon sum pa'i ting
nge 'dzin las/ dge ba'i bshes gnyen ni rnyed par dka' bas mkhan
po dang slob dpon la bkur sti bya bar spro bar bya'o/ /su las
chos thos pa'am glegs bam bri bar rag las pa de la nges par dge

ba'i bshes gnyen dang ston pa'i 'du shes bskyed de/ chos de dang
rdzogs pa'i byang chub smin par bya ba'i phyir de la lhag par
dga' ba dang gus pa bskyed do/ /'du shes de lta bu bskyed cing
gus pa la ni yon tan 'thob pa la sogs pa'i gnas yod pas na gus
pas

'du shes de lta bu bskyed pa ni nga'i rjes su bstan pa'o/ /zhes
so/ /gsang ba bsam gyis mi khyab pa las kyang/ mig yod kyang
snang ba med na mi mthong ba ltar/ lha'i mig yod kyang dge ba'i
bshes gnyen gyi man ngag med na mos pa dang mthong ba med do
zhes so/ /

!gzhan yang/ de yi thabs mkhas rnam 'phrul bsam 'das pas/ /ji
ltar snang yang rab gus kho nar bya/ /rgyal sras rtag tu ngus
sgra thos pa las khyod kyis bdud kyi las rnams rtogs par bya
ste/ bdud sdig can ni byang chub sems dpa' la 'dod pa'i

yon tan dag spyad pa'i phyir stob mod kyi/ de dag chos smra ba
des zil gyis mnan nas thabs mkhas pas bsten par byed kyang srid
pas/ khyod kyis dge slong chos smra ba de la ma dad pa mi skyed
par 'di ni thabs mkhas pa shes pa'i spyod pas sems can 'dul

@32a ba'i rgyur chos 'di dag bsten par byed kyi/ byang chub
sems dpa' dag ni gang la'ang chags pa'am sgrib pa med pa'o/
/bdag ni thabs mkhas pa de mi shes par zad do zhes bsam pa dang/
yang khyod kyis bdud kyi las la soms

shig ;gal te chos smra ba dag chos 'dod pa dag la brnyas shing
mi sems pa lta na yang de la khyod kyis phyir bsngo bar mi bya
ste/ lhag par yang chos don du gnyer ba dang gus shing mi skyo
bas de'i phyi bzhin 'brang bar bya bar gsungs so/ /de bzhin du/
de bas

'bad pa thams cad kyis/ /rdo rje slob dpon blo gros che/ /dge ba
rab tu mi spyoms la/ /nam yang smad par mi bya'o/ /zhes bstan
bcos las kyang ngo// !sdig pa'i grogs po bsten pa'i nyes dmigs
brjod pa/ sdig grogs bsten pas 'du shes

lta dang sems/ /phyin ci log gis blo 'khrul rnam rmongs pas/
/nyon mongs kun rgyas dge legs thag bsring phyir/ /phongs dang
sdug bsngal kun gyi snod du 'gyur/ /sa'i snying po'i mdo las
sdig pa'i grogs po la brten na sems dang 'du shes dang lta ba
phyin ci log

tu 'gyur ro/ /de las ni sems 'khrul par 'gyur/ 'khrul na rnam
par rmongs/ rmongs na skrag par 'gyur bas byang chub kyi sems
'dor bar byed do/ /de dor bas lha rnams gtong bar 'gyur/ des ni
lha dang klu dang gnod sbyin la sogs pa nas sangs rgyas kyi bar

rnams bsngags pa ma yin pa smra bar 'gyur ro zhes so/ /dran pa
nye bar gzhag pa las/ 'dod chags dang zhe sdang dang gti mug
thams cad kyi gzhir gyur pa ni sdig pa'i grogs po ste de ni dug
gi sdong po lta bu'o zhes so/ /mya ngan las 'das pa las/ byang
chub sems

dpa' ni grogs ngan pa la 'jigs pa ltar glang po che smyos pa la
sogs pa la ni ma yin te/ 'dis ni lus tsam 'jig par byed kyi/
snga mas ni dge ba'i lus dang sems rnam par dag pa gnyi ga 'jig
par byed do/ /yang de gnyis kyis sha'i lus tsam dang chos kyi

@32b lus 'jig pa dang/ ngan song du gtong bar mi nus pa dang nus
par yang gsungs so/ /bden smras kyang/ gang dag sdig grogs sbrul
gyi sems zin cing/ /dge ba'i bshes kyi dug sman rnams spangs pa/
/de dag dam chos dkon mchog thos gyur

kyang; ;kye ma bag med g.yang sa che las ltung/ /zhes gsungs
te/ 'dis yon tan thams cad ci zhig ltar 'grib cing/ ma tshor ba
nyid du nyes pa thams cad 'phel bas na phongs pa dang rgud pa
thams cad kyi sgor gyur pas sdug bsngal thams cad nye bar

len par 'gyur ba ni mtha' gcig tu nges par blta'o// !de spang
ba'i thabs ni/ de phyir dug sdong sbrul gdug brag chen gyi/ /bya
skyibs 'bar 'dra'i sdig grogs skad cig kyang/ /'grogs dang kun
smra sogs bsten ring spangs te/ /grib ma tsam dang phrad pa'ang
'dod

mi bya; ;sa'i snying po las sdig pa'i grogs po ni brag gi bya
skyibs rab tu 'bar ba ltar spang ngo zhes so/ /dran pa nye bar
gzhag pa las/ sdig pa'i grogs po dang yud tsam yang 'dre bar mi
bya'o// kun tu smra ba'i tshig tsam yang smra bar mi bya'o/ /lam
du'ang 'grogs

par mi bya'o/ /dge ba'i chos thams cad kyi bar du gcod pa gtso
bo ni sdig pa'i grogs dang 'du ba yin pas na de dang smra ba'am
lhan cig tu 'gro 'ong byed pa'am de'i grib ma dang phrad par
byed pa tsam yang spang bar bya'o zhes gsungs pa ltar bslab par
bya'o/ /

!de rnams thams cad kyi don nye bar bsdu ba las brten pa dang
spang ba'i bslab pa la sogs pa spyir bstan pa'i dbang du byas
nas/ yon tan rab 'byams ma lus bsgrub pa dang/ /nyes tshogs kun
spong don gnyer blo ldan gyis/ /dge ba'i bshes dang

dge grogs dge bsten cing/ /rgyun tu nyer gnas sdig grogs sogs
ring spang/ /zla ba sgron ma las myur du rdzogs pa'i byang chub
'dod pas ni dge ba'i rtsa ba dang bslab pa dang yon tan thams
cad gdon mi za zhing tshul khrims rnam par dag par byed

@33a pas sdig pa'i grogs po spang zhing/ dge ba'i bshes
gnyen bsten te chos don du gnyer zhing yongs su 'dri ba la sogs
pa bya'o zhes so/ /mya ngan 'das pa las kyang gang zhig dge ba'i
bshes gnyen bsten par byed pa de'i tshul

khrims la sogs pa'i phung po lnga po dag sngar med pa ni skye
la/ yongs su ma rdzogs pa dang ma dag pa ni dag cing rdzogs par
'gyur ro// gsung rab bcu gnyis po thos shing rtogs par 'gyur ro/
/des sangs rgyas kyi snying po yod pa dang sangs rgyas nyid rtag

par yid ches par yang 'gyur/ lam gyi yan lag brgyad kyis nyon
mongs pa rnams gcod pa dang/ stong pa bcu gcig shes pas dngos
por lta ba spong ngo/ /thog mar byang chub tu sems bskyed pa nas
sangs rgyas kyi bar thams cad 'thob par 'gyur

ro zhes so/ /rtogs pa brjod pa dag las kyang/ dge ba'i bshes
gnyen dang dge ba'i grogs dang gnas par bya'i sdig pa'i bshes
gnyen dang sdig pa'i grogs dang gnas par mi bya'o zhes khyed
kyis de ltar bslab par bya'o zhes so/ /'phags pa rtag

tu ngus sgra thos pa las kyang khyod kyis sdig pa'i grogs po dag
spang bar bya'o/ /dge ba'i bshes gnyen chos thams cad stong pa
nyid la sogs pa ston pa dag la bsnyen par bya/ gus par bya/
bsnyen bkur bya'o/ /khyod kyis 'jig rten gyi zang zing dang ldan
pa'i

sems kyis de'i phyi bzhin 'brang bar mi bya bar chos don du
gnyer ba dang chos la gus par bya bas bsten par bya'o zhes so//
!de dag gi byed pa dpes bsgrub pa/ de gnyis bstan pas yon tan
nyes tshogs rnams/ /'phel ba tsan dan tsam pa ka sogs

dang; ;ro myags la sogs phyogs nas 'ongs pa'i rlung/ /mchog tu
dri zhim pa dang dri nga bzhin/ /mdo las dge ba'i bshes gnyen la
bsten pa ni dge ba 'phel la sdig pa'i grogs po la brten pa ni
sdig pa 'phel te/ rlung la dri med kyang tsan

@33b dan la sogs pa'i phyogs nas 'ongs na dri zhim zhing ro
bsung ba la sogs pa mnam zhing btsog pa nas 'ongs na dri nga'o/
/gos gsar pa spos snod du bcug na spos bro la rul bsung gi sar
bzhag na dri nga ba bzhin no/ /'phags pa rtag tu ngus sgra thos
pa las kyang

gang las yum thos pa de la ston pa'i 'du shes kyis byas pa gzo
bar bya ste/ bdag gis 'di las chos thos pas myur du phyir mi
ldog par 'gyur/ sangs rgyas la bsnyen pas de dang ma bral ba'i
zhing dag tu skye/ mi khom pa rnams spong/ dal ba phun sum tshogs
pa

'thob bo/ /zhes chos smra ba'i dge slong la ston pa'i 'du shes
bskyed do zhes so/ /chos 'gro ba las kyang sangs rgyas bcu las/
btags pa'i sangs rgyas ni mkhan po dang slob dpon la sangs rgyas
su lta zhing bsnyen bkur byas pas sangs rgyas kyi chos rnams rab
tu

'dzin cing yongs su bsgrub la yongs su rdzogs par byed pa'o zhes
so/ /de ltar gus pas bsten pa ni yon tan mtha' yas pa'i snod du
'gyur bas mchog tu khyad zhugs pa'i dge ba'i bshes gnyen rnams
kyis kyang don ji ltar bar bsngags par 'gyur te/ rje btsun

byams pas gzhon nu nor bzang spyan sngar 'ongs te phyag byed
pa na/ rang gi 'khor gyi tshogs la phyag g.yas pas bstan nas
bstod pa gsungs pa/ ltos shig bsam pa yongs su dag pa 'di// nor
bzang nor rnams rab tu brtan pa'i bu/ /byang chub spyod pa

dam pa yongs 'tshol zhing/ /mkhas 'di nga yi drung du nye bar
'ongs/ /legs par 'ongs sam snying rje byams byung khyod/ /byams
pa'i dkyil 'khor yangs pa bder 'ongs sam/ /bde bar 'ongs sam
blta na rab zhi khyod/ /spyad pa spyod tshe dub par

ma gyur tam/ /rnam dag bsam ldan tshur shog 'ongs pa legs/ /skye
med yid ldan tshur shog 'ongs pa legs/ /dbang po ma zhum tshur
shog 'ongs pa legs/ /mkhas pa spyod tshe dub par ma gyur grang/
/chos rnams thams cad rnam dbye'i don

@34a 'byung zhing/ /'gro ba thams cad rnam 'dul rab brtson
pa/ /bshes gnyen thams cad bsnyen bkur rab zhugs te/ /brtul
zhugs mi g.yo brtan pa khyod 'ongs legs// zhes bya ba la sogs
pa dang/ yang 'das pa'i

mgon pos gang la bslabs mdzad de/ /de bzhin ma byon rnams kyang
slob 'gyur la/ /bde gshegs bzhugs pa'i spyod par bya ba rnams/
/yongs su 'dri phyir 'di ni 'dir 'ongs so/ /'di ni bdag gi dge
bshes chos smra ba/ /chos kun yon tan

yongs su ston byed de/ /byang chub sems dpa'i spyod lam yongs
ston pa/ /yin zhes sems gcig bsams nas 'dir 'ongs so/ /'di dag
skyed pas bdag gi ma lta bu/ /yon tan 'o ma ldud pas ma ma 'dra/
/byang chub yan lag yongs su sbyong ba

yin; ;dge bshes 'di dag gnod pa rnam par bzlog /rga shi mthar
byed sman pa lta bu ste// bdud rtsi'i char 'bebs lha dbang brgya
byin 'dra/ /zla nya lta bur dkar po'i chos kyis rgyas/ /zhi ba'i
phyogs ston nyi ma gsal ba 'dra/ /dgra dang grogs la ri bo

'dra ba ste/ /rgya mtsho bzhin du mi 'khrugs sems dang ldan/
/yongs su skyong dang mnyan pa 'dra ba zhes/ /de 'dra'i sems
kyis nor bzang 'dir 'ongs so/ /byang chub sems dpa' bdag gi blo
bskyed pa/ /sangs rgyas sras po byang chub skyed byed pa/ /'di
dag

bdag bshes sangs rgyas bsngags pa zhes/ /de ltar dge ba'i sems
kyis 'dir 'ongs so// 'jig rten skyob pas dpa' bo lta bu ste/
/ded dpon mgon dang skyabs su gyur pa yin/ /'di dag bdag la bde
stob mig yin zhes/ /de 'dra'i sems kyis dge

bshes bsnyen bkur byed/ /mtho ris lam ni nye bar ston par 'gyur/
/sangs rgyas lam ni 'gro la 'byed par 'gyur/ /thar pa'i lam du
'gro ba 'khrid par 'gyur/ /de 'dra'i lam ni 'di yis rnam par
sbyangs/ /log pa'i lam ni rnam par bzlog par 'gyur/ /

@34b skye bo 'phags pa'i lam la 'dul bar 'gyur/ /brtan pa'i blo
gros le lo med pa 'di/ /mi g.yeng byang chub lam ni de ltar
tshol/ /srid pa'i rgya mtshor gnas pa'i lus can rnams// sdug
bsngal mthar phyin bya bar 'di brtson pas/ /'gro ba srid pa'i
mtsho las sgrol

bar 'gyur/ /'di yi yon tan mtsho chen de 'dra'o/ /sangs rgyas
mnyam med thams cad 'di yi pha/ /byang chub sems dpa' thams cad
'di dang spun/ /byang chub yan lag thams cad 'di yi gnyen/ /'di
ni bde gshegs thugs las skyes pa'i sras/ /

zhes bya ba la sogs pa mang po zhig gis so// !de dag rjes su
bsgrub pa la 'bad par gdams pa ni/ /de'i phyir bdag gzhan don
kun grub 'dod pa'i/ /rtogs ldan rnams kyis dam pa'i spyod pa'i
gnas/ /mi phyed dad pa'i gzhir gyur dge ba'i

bshes/ /ston pa'i 'du shes nyid kyis gus bsten bya/ /sdig pa'i
bshes grogs 'bad pas thag bsring bas/ /dge legs zla ba yang ngo
ltar spel ba/ /'di dag nges par rtag tu gtsor bya ba'i// snying
po dam par bltas te srog bsdos bya/ /ji skad bshad pa'i byed

pa de lta bu dpag tu med pa dang rjes su 'brel ba'i phyir/ bdag
dang gzhan gyi da ltar ma 'ongs pa'i phan pa dang bde ba bsgrub
pa dang gnod pa dang sdug bsngal sel ba'i don chen po ma lus pa
bsgrub par 'dod pa rtog pa dang ldan pa rnams kyis/ rgyal ba'i
sras po

dpa' bo rtag tu ngu dang brtan pa'i blo gros can gzhon nu nor
bzang la sogs pa dam pa'i spyod pa ngo mtshar rab dang ldan pa
bdag nyid chen po dag gi rjes su 'brangs te/ sngar bshad pa'i
yon tan de lta bu bsam las 'das pa dang ldan pas mi phyed pa'i
dad

ba'i yul du gyur pa dge ba'i bshes gnyen rnams la sangs rgyas
kho nar 'dzin pa'i dad pa dang dga' ba dang gus pa chen pos
bsten pa dang bsten pa dang bsnyen bkur bya ba dang/ sdig pa'i
grogs po rnams snying rjes bltas la sdang ba dang

@35a brnyas pa dor zhing re zhig btang snyoms kyi rnam pas
thag bsrings te gnas par bya bas/ dge legs rnams zla ba yar ngo
ltar 'phel ba dang ldog pa 'grib par bya ba'i gnas 'di la/ slar
yang las dang

po'i sdom brtson rnams kyis sems thams cad kyis bsams shing
snying thag pa rus pa'i gting nyid nas drag pa dang yun ring ba
dang bar ma chad pa las rtag tu byed pa dang gus par byed pa'i
sbyor bas bsgrub par bya ste/ 'di ni nges

par bya ba rtag par bya ba gtso bor bya ba nyid kyis snying po
dam pa dang ldan pa'i las yin gyi/ grub na'ang legs la/ ma grub
na'ang sla ba tsam gyi las gtan ma yin par bltas la/ 'di bsgrub
pa nan tan gyi don du ni lus dang srog

yal ba'ang mchil ma tsam yin na/ longs spyod la sogs pa gzhan
lta ci smos par nges par bya'o/ /sdong po bkod pa las/ byang
chub sems dpa'i spyod pa'i gnas bcu ste/ sangs rgyas mchod pa
dang/ sems can smin par

byed pa dang/ dge ba'i bshes gnyen bsten pa dang/ dge ba'i rtsa
ba bsags pa dang/ zhing dag par byed pa dang/ 'gro ba thams cad
yongs su mi gtong ba dang/ pha rol tu phyin pa thams cad la 'jug
pa dang/ smon lam thams

cad yongs su rdzogs par byed pa dang/ byang chub kyi sems tshad
med pa dang/ sangs rgyas thams cad kyi mngon par 'tshang rgya ba
la gnas shing byang chub sems dpa'i spyad pa spyod pa'o/ /dad pa
mi phyed pa ni bcu ste/ sangs rgyas dang/

chos dang/ dge 'dun dang/ byang chub sems dpa' dang/ dge ba'i
bshes gnyen dang/ sems can dang/ byang chub sems dpa'i smon lam
dang/ byang chub sems dpa'i spyod pa khong du chud par bya ba
dang/ sangs rgyas mchod

@35b pa dang/ sems can yongs su smin pa'i thabs rnams la dad pa
mi phyed pa'o zhes so/ /rgyal ba'i yum las kyang khyod kyis dge
ba'i bshes gnyen la shin tu gus pa bskyed par bya'o/ /rab tu
dang bar bya'o/ /des zin pa ni myur du 'tshang rgya'o/ /

khyod yun ring po nas byang chub sems dpa' chos 'phags kyis
byang chub tu smin par byas shing yongs su bzung ba ste/ shes
rab dang thabs dang sangs rgyas kyi chos rnams la bslabs so/ /de
ni khyod kyi dge ba'i bshes gnyen te byas pa shes pa dang

byas pa tshor bas des bsgo ba dang des byas pa bzhin bzungs shig
/gal te khyod kyis de la bskal ba brgya stong mang por mgo la
thod bzhin du thogs shing bde ba'i yo byad thams cad kyis rim
gro byas te stong gsum gyi 'dod pa'i yon tan ji snyed pa

thams cad phul yang de'i byas pa la lan lon pa ma yin no zhes
sangs rgyas mang pos gdams pa'o/ /yang des bram ze'i khye'u
snying la sogs pa nyo ba rnyed pa na 'di ni bdag gis rnyed pa'i
mchog legs par rnyed de/ bdag gi lus ni shes rab kyi pha

rol tu phyin pa la sogs pa rdzogs pa'i rgyur gyur to snyam nas
dga' ba chen po skyes pas gang 'dod pa rin la'ang ma rtseg par
btang ba dang/ des lus dang 'khor thams cad phul ba na/ brgya
byin gyis legs te de ltar 'byor ba thams cad

gtong bar bya'o/ /gtong ba'i sems de lta bus myur du 'tshang
rgya'o/ /de ltar chos smra ba la mchod pa byas na chos dam pa
nyan nus te/ sngon gyi sangs rgyas thams cad kyis kyang spyod
pa mdzad pa na 'di lta bu'i tshul du gtong bas chos dris shing
byang chub

bsgrubs so zhes bstod pa dang/ 'phags pa chos 'phags lo bdun
ting nge 'dzin mdzad pa na des kyang lo bdun gnyid dang rmugs pa
med par 'greng ba dang/ 'chag pa'i spyod pa gnyis kyis 'das te
de'i bar du 'dod pa'i rtog pa la sogs pa
@36a dang zas la sems pa'ang ma byung gi /chos smra ba dang
chos la mchod pa 'ba' zhig sems par zad do/ /chag chag gdab 'dod
pa la bdud kyis chu mi snang bar byas pa'ang khrag gis chag chag
btab ste/ sa phyogs

de rdul che bas des chos dang chos smra ba la gos na mi rung bar
bsams nas/ bdag gi lus gdon mi za bar 'jig pa'i chos can 'dis ci
bya/ 'di lta bu'i bya ba la zhig pa ni stes kyi / don med par
'dod pa'i ched la 'khor bar lus

stong phrag mang por zhig pas ni cir yang ma gyur par shes pas
so/ /yang gzhon nu nor bzang dge ba'i bshes gnyen dge slong rgya
mtsho rgyal mtshan la blta ba dang/ phyag byed pa dang/ rab tu
'dud pa dang/ gus par byed pa dang/ rim gror byed pa

dang; yid la byed pa dang/ bsam pa dang/ bsgom pa dang/ yongs su
bsgom pa dang/ legs pa brjod pa dang/ ngo mtshar du bya ba dang/
yon tan mngon du bya ba dang/ rjes su bsngags pa dang/ rjes su
'brang ba dang/ rjes su dran pa

dang; brtan par bya ba dang/ mi gtong ba dang/ yid la bsam pa
dang/ smon lam gyi rjes su 'jug pa dang/ mthong bar dga' ba
dang/ dbyangs kyi mtshan ma bzung ba dang/ gzugs rjes su bsam pa
dang/ ming bzung ba'i rjes su 'gro ba

dang/ kha dog dang dbyibs rjes su dran pa dang/ ye shes kyi yul
bsam pa dang/ ting nge 'dzin gyi yul la 'jug pa dang/ spyod yul
gyi yul la spyod pa dang/ ye shes kyi snang ba 'dzin cing/ bla
ma'i yon tan gyis ni mgu /des bsngags

te btang/ mthong bas byin gyis brlabs/ gdams ngag la nan tan
byed/ yid du 'ong bar sems/ de sangs rgyas kyi chos kyi 'byung
gnas su lta/ sangs rgyas kyi chos ston par lta/ sangs rgyas kyi
nam mkha' lta ba la mig tsam du 'dzin pas de'i

@36b drung nas 'gro ba ltar bslab bo/ /tshoms dag las kyang/ dad
ldan snyan par smra ba dang/ /thos mang tshul khrims ldan pa dag/
mkhas pa yis ni mdza' bya phyir/ /mi mchog dag dang 'grogs par
bya/ /gang dag thos mang gnas mang sems pa dang/ /dad dang

shes rab ldan de mi yis bsten/ /'dir ni de yi legs smras mnyan
byas na/ /ring po nas kyang khyad par 'thob par 'gyur/ /dman pa
bsten pas mi dag nyams 'gyur zhing/ /thad kar bab pa bsten pas
so na gnas/ /gtso bo bsten pas dam

pa 'thob 'gyur ba/ /de phyir bdag pas gtsor gyur bsten par bya/
/tshul khrims nye bar zhi ba dang/ /shes rab ches mchog ldan pa
yi/ /gtso bo gang yin de bsten na/ /gtso bo bas kyang ches gtsor
'gyur/ /de bas rgyu skar lam du zla ba ltar/ /

brtan zhing thos mang mchog 'dren byed pa dang/ /tshul khrims
ldan dang 'phags pa'i brtul zhugs can/ /mi mchog brtse ldan blo
bzang bsten par gyis/ /dad pa med cing 'jungs pa dang// brdzun
du smra dang phra ma can/ /mkhas pas bshes

par mi bya zhing/ /sdig can mi dang 'grogs mi bya/ /gal te sdig
pa byed pa dag /sdig mi byed pas bsten na yang/ /sdig pa byed
par dogs skye zhing/ /mi snyan pa yang 'phel bar 'gyur// bsten
bya ma yin bsten pa'i mi/ /de yi skyon gyis skyon can 'gyur//

dong bar dug bskus mda' bcug pas/ /dug ma bskus pa'ang gos pa
bzhin/ /don ldan tshig ni gcig gis kyang/ /mkhas pa la ni don kun
byed/ /sangs rgyas kun gyi gsung gis kyang// byis la bya ba
byed mi 'gyur/ /byis pa gang zhig byis pa zhes/ /

shes pa de 'dir mkhas pa yin/ /byis pa gang zhig mkhas rlom pa/
/de ni byis las byis pa nyid/ /byis pas bstod pa gang yin dang/
/mkhas pas smad pa gang yin las/ /mkhas pas smad pa ches rung gi
/byis pas bstod pa mi rung ngo/ /

@37a nyes na mkhas dang mi mdza' bla'i/ /byis pa rnams dang
mdzar mi rung// byis pa rnams dang mdza' byed pa/ /sems can
dmyal bar 'khrid par byed ces gsungs so// mkhas pa gzhan gyis
kyang/ mi yi tha ma

rnams kyang nam zhig na/ /skyes bu mchog la brten nas mchog tu
'gyur/ /ri rab gser gyi ngos la bya gnas pa/ /rang gi rang bzhin
dor nas gser du snang/ /gang gi ngang las bser ma gang ldang ba/
/de yi ngad dang ldan par rnam par

ldang zhes bshad do/ /bstan pa la 'jug pa'i rim pa rnam par
bshad pa las/ dge ba'i bshes gnyen bsten pa la 'jug pa ste le'u
dang po'o/ !//de ltar snod du gyur pa dge ba'i bshes

gnyen gyis yongs su zin pa des rten rigs sad pa can dal 'byor tshogs
bcu gnyis pa nyid kyi blo sbyang ba'i rim pa bstan pa'i don du
bsgrub pa'i bslab pa ston pa na dang por de'i rang bzhin brjod
pa/ mi nyid 'phags pa'i gnas skyes dbang

po tshang/ /gnas la dad cing las mtha' ma log dang/ /sangs rgyas
'byung zhing chos gsungs rnam par gnas/ /rjes su 'jug bcas gzhan
gyi phyir snying brtse/ /bdag gzhan 'byor ba'i dal 'byor bcu
gnyis tshogs/ /thar pa'i sa bon

rigs sad rgyud dang ldan/ /de sngon dge ba spyad sogs rkyen can
te/ /nyes dmigs bzhi sogs mi mthun gyis bsgribs min/ /ji skad du
nyan thos kyi sa las bdag gi 'byor ba lnga'i dbang du byas nas/
mir gyur pa ni mi rnams dang skal ba

mnyam pa/ skyes ba dang bud med kyi dbang po dang ldan par
skyes
pa'o/ /yul dbus su skyes pa ni gang du 'khor bzhi po dag dang
dam pa dang/ yang dag par song ba dag dang skyes bu dam pa
rnams
'gro ba'i yul dbus su skyes pa'o/ /

@37b dbang po tshang ba ni glen pa dang lkugs pa dang yan lag
dang nying lag ma tshang ba la sogs par ma gyur ba gang gis dge
ba'i phyogs bsgrub pa'i skal ba yod pa'o/ /gnas la dad pa ni
ston pas gsungs pa'i chos 'dul ba 'jig rten dang 'jig rten las

'das pa'i dkar po'i chos thams cad skye gnas su gyur pas drangs
pa'i dad pa dang ldan pa'o// las kyi mtha' ma log pa ni tshe 'di
la mtshams med pa lnga dang mi ldan par gsungs so/ /yang na las
'bras la sogs pa la skur ba'i log lta dang mi

ldan pa'o/ /gzhan gyi 'byor pa lnga las sangs rgyas 'byung ba ni
'gro ba thams cad la phan pa dang bde ba'i thugs bskyed nas
tshogs mtha' yas pa rdzogs par mdzad pa las rdzogs pa'i sangs
rgyas nyid brnyes pa ste dus gsum du'ang de kho na ltar

'grub pa'o/ /dam pa'i chos ston pa ni sangs rgyas dang nyan thos
rnams 'jig rten la thugs brtse bas bden pa bzhi la sogs pa las
brtsams te gsung rab yan lag bcu gnyis ston par mdzad pa'o/
/chos bstan pa rnams gnas pa ni de ltar

gsungs nas ston pa 'das nas kyang gnas kyi bar du ji srid bsgrub
pa mi nyams pas dam pa'i chos mi nub pa'o/ /chos gnas pa rnams
rjes su 'jug pa ni chos gnas pa de nyid rtogs pa dang mthun par
gdul bya skal ba dang ldan pa rnams la gdams shing

rjes su bstan pa rim pa nas rim par rjes su 'jug pa'o/ /gzhan
gyi phyir rjes su snying brtse bar byed pa ni sbyin pa po dang
sbyin bdag rnams kyis 'tsho ba'i yo byad rkyen du 'bab pa chos
gos dang bsod snyoms la sogs pas snying brtse bar byed par
gsungs

so/ /bdag gis lus 'byor par byed pa lnga dang/ rkyen gzhan de
lngas 'byor bar byed pa spyi gnyis nyid dang bcas pas tshogs bcu
gnyis par brjod do/ /de'ang rigs zhes bya ba ni thar pa'i sa bon
dang khams dag dang rang bzhin gyi 'ang rnam grangs can te/

@38a de dang ldan pas bsgrub pa'i rten du 'gyur gyi rigs
dang mi ldan pa ni ma yin no/ /de ni lus las tha dad pa skye
mched drug gi khyad par gyis zin pa thog ma med pa nas brgyud de
'ongs pa rgyud gcig tu rtogs pa'i rang bzhin can te/ ston

pa dang rgyud dang rten dang gzhi dang nyer gnas dang sngon
'gro
dang gnas zhes kyang bya'o/ /'di la gnyis te rang bzhin du gnas
pa dang yang dag par bsgrub pa'o/ /dang po ni skye mched drug gi
khyad par chos nyid kyis thob pa ste/ rigs can kun la'ang khyad
par

med pas na 'dir rten gyi chos su mi brjod kyi/ phyi ma yin pas
na sngon gyi dge ba'i rtsa ba goms pa la sogs pa mthun rkyen
gyis zin cing 'gal rkyen dang bral pas nus pa sad par gyur ba/
'khor ba la skyo zhing thar par 'dun pa la sogs pa byed

pa 'ga' zhig kun nas slong ba can la 'dod do/ /de la mthun rkyen
ni gnyis te/ gtso bo dang/ dman pa'o/ /dang po la yang gnyis te/
dam pa'i chos kyi dbang du byas pa bden pa bzhi la gdams pa'i
gzhan gyi sgra dang/ nang gi tshul bzhin yid la byed

pa'o; ;dman pa ni bcu gnyis te/ bdag gi 'byor ba dang/ dge ba'i
chos la 'dun pa dang/ rab tu byung ba dang/ tshul khrims kyi sdom
pa dang/ dbang po sdom pa dang/ zas kyi tshod rig pa dang/ srod
dang tho rangs mi nyal ba'i sbyor ba la brtson pa dang/ shes

bzhin du spyod pa dang/ dben par gnas pa dang/ sgrib pa dag pa
dang/ ting nge 'dzin la gnas pa'o/ /des na 'byor ba 'di gnyis ni
rigs sad par byed pa nyid las kyang rten gyi chos su bsten pa
ste/ mi khom pa brgyad dang bral ba la sogs pas

skal ba dang ldan pa nyid dang bcas pas so/ /de'i phyir rigs yod
kyang mthun rkyen de lta bus ma zin pa'am 'gal rkyen gyis zin pa
ni med pa dang 'dra bas na/ yod pa tsam gyis rnam par grol bar
mi 'gyur ba'o/ /'gal rkyen ni bzhi ste/ mi khom par

@38b skyes pa dang/ bag med dang/ log par zhugs pa dang/ sgrib
pa'i nyes pas so// dang po ni/ dmyal ba yi dwags dud 'gro dang/
/kla klo tshe ring lha dang ni/ /log lta sangs rgyas kyis stongs
pa/ /lkug sogs 'di ni mi khoms brgyad ces bshad pa'o/ /gnyis pa
ni/ yul

dbus la sogs par skyes shing rigs mtho la longs spyod dang ldan
yang 'dod pa la brkam pas spyod cing nyes dmigs su mi lta ba'o/
/gsum pa ni sangs rgyas la sogs pa dge ba'i bshes gnyen med par
mu stegs kyi lta bas sbyin pa la sogs pa

med par lta ba'o/ /sgrib pa ni glen pa dang lkugs pa la sogs pa
rnam smin dang/ mtshams med pa la sogs pa las dang/ drag cing yun
ring ba nyon mongs kyis bsgribs pas so/ /yang nyes dmigs bzhi po
sngon bag med par spyod cing nyon mongs pa

goms pas nyon mongs drag la yun ring ba can dang/ blun pas sdig
pa'i grogs pos 'khrid pa dang/ rgyal po la sogs pa'i dbang du
gyur cing rang dbang med pa dang/ phongs shing 'tsho ba la bltos
pa yang ngo/ /yang bzhi ste/ dge ba'i bshes gnyen dang ma

phrad pa dang/ phrad kyang bslab pa la log par slob pa dang/
yang dag par slob kyang sbyor ba la g.yel ba le lo byed pa
dang/ brtson yang dbang po ma smin zhing tshogs ma rdzogs pa'o/
/rigs chad pa ni rkyen rnyed dam ma rnyed kyang rung gtan thar
pa'i skal pa

med pa'o/ /de'i rtags ni spyir mang mod kyi mdor bsdus na drug
ste/ lus la gzhi'i sred pa dang po nyid nas zhen pa sangs rgyas
thams cad kyis thams cad du bsal mi spyod pa ring du rjes su
zhugs pa dam pa dang ldan pa dang/ 'khor ba'i skyon sna tshogs

rnam grangs du mar thos kyang dus gsum du'ang skyo ba'am nyes
dmigs su lta ba cung zad kyang mi skye ba dang/ mya ngan las
'das pa la phan yon tu lta ba'am dad pa dang 'dun pa chung
ngu'ang ngan ngon tsam yang mi skye ba dang/ dang po nyid nas
ngo
tsha med cing khrel med pa

@39a chen po ste/ snying brtse ba'am bag tsha bas 'dzem pa
med par rangs pa'i sems kyis sdig pa thams cad lhag par spyod
cing lan 'ga' tsam yang 'gyod pa med la/ tshe 'di'i zang zing
nyams par byed pa tsam ltar zad pa dang/

bden pa bzhi'i chos rnam pa thams cad yongs su rdzogs par gsal
zhing rigs pa ston pa na/ cung zad sems gtod pa tsam yang mi
thob na nam yang spu zing zhes byed pa'am/ mchi ma dkrug ces
byed pa lta ci smos pa dang/ brgya lam na rab tu byung na

yang rgyal po la sogs pas gtses pa'am 'tsho ba'i phyir yin gyi/
zhi ba dang dul ba dang mya ngan las 'das pa'i phyir ma yin la/
khyim pa rnams dang 'dre zhing lha la sogs par smon pa dang/
bslab pa phul te spangs pa la 'jug pa dang/ tshul khrims

'chal ba nang rul ba nyes 'dzag lug bong ltar kun tu spyod pa/
dge sbyong dang tshangs par spyod pa la sogs pa ma yin par de dag
tu khas 'che ba tsam gyis rab tu byung ba dang bsnyen par rdzogs
pa'i don med par rtags dang cha lugs 'dzin pa tsam

dang/ dge ba'i rtsa ba cung zad ci byed kyang srid pa dang longs
spyod 'dod pa tsam gyis byed pa la sogs pa'o/ /de dag las ldog
pa la sogs pa ni rigs dang ldan pa'i rtags su go bar bya'o//
rigs de rkyen de dag gong nas gong du 'phel bas gsos btab

pas sems yongs su byang ba bla na med pa drang po las su rung ba
la gnas nas/ bden pa bzhi la shes pa dang/ spang ba la sogs pa'i
bya ba'i phyir gzhan gyi gdams shing rjes su bstan pa thos na/
rigs pas bskyed pa'i yid la byed pa yang dag pa'i lta 

ba bskyed pa'i skal ba yod pas rim gyis rnam par grol ba yongs
su rdzogs par byed do// 'gal rkyen gyis zin pa na ni dge ba las
nyams pas res 'ga' ngan song du skye ba srid mod kyi/ ring mo
zhig na ngan song du/ /'gro zhing myur du thar ba dang/ /

@39b de na'ang sdug bsngal chung ngu myong/ /skyo bcas sems can
smin par byed/ /ces gsungs pa ltar/ gzhan las ni khyad par du
'phags so/ /khyad par du theg pa chen po'i rigs ni gnyis te/ don
dam pa dang/ tha snyad pa'o/ /dang po ni chos nyid kho na ste de
la dmigs

pas zag pa zad pa dang/ yon tan rdzogs par 'gyur bas rigs dang
khams dang dbyings dang rgyur brjod pa'o/ /tha snyad pa ni shes
rab dang snying rje'i sa bon thog ma med pa nas brgyud de 'ongs
pa rang bzhin gyi rigs dang/ dge ba'i rtsa bas nus pa gsos pa

rgyas pa las byung ba gnyis so/ /dang po ni theg pa gcig tu smra
ba rnams kyi ltar na/ 'gro ba 'di dag ma lus sangs rgyas 'gyur/
/'di na snod min sems can gang yang med ces bya ba la sogs pa
gsungs pa ltar thams cad la khyad par med pas na/ 'dir skal

ba dang ldan pa'i gzhi 'am bsgrub pa'i rten du bzhag pa ni skabs
su gtogs pa'i thar pa cha mthun gyi dge ba'i rtsa ba theg pa chen
po'i skyabs 'gro la sogs pas nus pa sad par byas pa can nyid de/
chos bcu pa las/ du ba las ni mer shes shing/ /chu skyar las ni

chur shes ltar/ /blo ldan byang chub sems dpa' yi/ /rigs ni
mtshan ma rnams las shes// mi rtsub brlang ba ma yin la/ /g.yo
dang sgyu ni rnam spangs shing/ /sems can kun la rab dang ba//
de ni byang chub sems dpa' yin/ /nor bu rin cen rang bzhin gyis//

'od 'bar 'byung gnas nyid na 'dug /byi dor byas na de bas ni/
/nyis 'gyur gyis kyang mdzes pa ltar/ /de bzhin rigs dang ldan
pa yang/ /byang chub sems ni tshol byed de/ /mtha' gnyis rnam par
dag pa yis/ /spyod yul du ni bdud mi 'ong/ /zhes bya ba dang/
rje btsun

gyis kyang/ sbyor ba'i sngon du snying rje dang/ /mos pa dang ni
bzod pa dang/ /dge ba yang dag spyod pa ni/ /rigs kyi rtags su
shes par bya/ /zhes gsungs pa la sogs pa'i byed pa dang ldan pa
nyid do// ! /rten de yang shin tu rnyed dka' bar bsam pa'i dbang
du byas

@40a nas/ 'di ni mchog tu rnyed dka' mtsho chen du/ /gnya'
shing 'phyo bug rus sbal mgrin chud dang/ /u dum wa ra'i me tog
sogs bzhin te/ /mi khom lhung rnams rgyu las ring bskal phyir/
/mi nyid rnyed dka' ba ni yang dag

par ldan pa'i lung las sa chen po 'di chu 'ba' zhig tu gyur la/
der gnya' shing bu ga gcig pa bor ba rlung gis phyogs bzhi car
du 'phyo'o/ /de na rus sbal zhar ba lo stong phrag du ma thub pa
zhig lo brgya zhing lan re steng du 'byung ba'i mgrin pa shing
gi bu ga der

chud srid dam/ bcom ldan 'das stes na chud lags te chud kyang
gda' mi chud kyang gda'o// dge slong dag mir gyur pa yang brgya
lam na stes na thob pa ste shin tu dkon no/ /sangs rgyas 'byung
zhing chos bstan pa'ang de dang 'dra bar gsungs so/ /sa'i snying
po'i

mdo las kyang/ gang zag 'di bcus ni 'khor bar mi nyid rnyed par
dka' ste/ dge ba'i rtsa ba mi skyed pa dang/ bsod nams kyi las
mi byed pa dang/ nyon mongs pa'i nying mtshams sbyor ba dang/
sdig pa'i grogs po'i rjes su byed pa dang/ tshe phyi ma'i sdug
bsngal la mi

'jigs pa dang/ 'dod chags bdo ba dang/ zhe sdang bdo ba dang/
gti mug bdo ba dang/ sems smyos shing 'khrugs pa dang/ log par
lta ba dam du 'dzin pa'o zhes so/ /sangs rgyas 'byung ba dkon pa
ni dam pa'i chos padma dkar po las/ sangs rgyas 'byung ba ni

rnyed dka' ste/ bskal pa bye ba khrag khrig brgya stong mang por
yang 'jig rten du sangs rgyas mthong yang srid/ mi mthong yang
srid de u dum wa ra'i me tog bzhin no zhes so/ /mya ngan las
'das pa las kyang/ u dum wa ra'i me tog ni sangs rgyas skye ba
dang

dus gcig tu 'byung ste/ kha dog bzang ba/ 'od gsal ba/ dri dpag
tshad tsam du khyab pa/ rab rib sel ba/ dran pa sbyong ba/ nad
thams cad sel ba'o/ /de ni 'khor los bsgyur ba'i rgyal po la'ang
mi 'byung na tshul khrims 'chal pa rnams la lta ci

@40b smos zhes so/ /rtogs pa brjod pa las mtsho ma dros pa'i byang
phyogs ri rtse lnga pa na u dum wa ra'i tshal yod de/ sangs
rgyas lhums na bzhugs pa na de kha 'bu'o/ /bltams pa na kha
phye/ byang chub brnyes pa na me tog rgyas/ sku tshe'i 'du byed
gtong ba na rnyings/ yongs

su mya ngan las 'da' ba na thams cad sa la lhag go/ sangs rgyas
rgyal rigs su 'byung na me tog dkar po rab tu 'gyur la/ bram zer
'byung na dmar por ro zhes so/ /sde snod las kyang sangs rgyas
'byung ba ni rnyed par dka' ste/ mchog tu rnyed par dka'o zhes
so/ /

ye shes rgyas pa las kyang yang dag par rdzogs pa'i sangs rgyas
byed pa dang ldan pa'i chos ston pa ni brgya lam na 'byung ngo
zhes so/ /zla ba'i snying po'i le'u las kyang sangs rgyas 'jig
rten du 'byung ba u dum wa ra ltar rnyed dka'o zhes so/ /sdong
po bkod pa las

gang dag mthong zhing thos pa dang/ /bsnyen bkur byas pa don
yod
pa/ /'jig rten 'dren pa 'jig rten na/ /bskal pa bye bar rnyed
par dka'/ /zhes so/ /yang dal 'byor spyir rnyed dka' ba ni de
nyid las mi khom pa brgyad las log pa rnyed par dka'/ mir gyur
pa

yang rnyed par dka'/ dal ba phun sum tshogs pa rnam par dag
pa'ang rnyed dka'/ sangs rgyas 'byung ba'ang rnyed dka'/ dbang
po rnams tshang ba yang rnyed dka'/ sangs rgyas kyis chos bstan
pa yang rnyed dka'/ skyes bu dam pa dang 'grogs pa'ang rnyed
dka'/

yang dag pa'i dge ba'i bshes gnyen yang rnyed dka'/ /yang dag
pa'i tshul bstan pa rjes su bsgrub pa'ang rnyed dka'/ yang dag
pa'i 'tsho ba yang rnyed dka'/ mi'i 'jig rten na chos dang rjes
su mthun pa'i chos la nan tan byed pa'ang rnyed par dka' na zhes
so/ /gcig

las 'phros pa'i lung las kyang mi khom pa brgyad po dag ni
tshangs par spyod pa la gnas pa'i dus ma yin no/ /tshangs par
spyod pa la gnas pa'i dus ni gcig ste/ sangs rgyas byung nas
chos ston la/ gang zag de'ang yul dbus kyi mir skyes te zhes bya
@41a ba la sogs pas dal 'byor dang ldan pa gsungs so/ /zla
ba'i snying po'i le'u las kyang/ dal 'byor ni rnyed par dka' ste
spos kyi shing dus kyi rjes su 'brang ba bzhin no// rnam par dag
pa zhes bya ba ni mir skyes pa ste yon tan

bcu rdzogs pa'o/ /'di lta ste rigs dman pa spangs pa dang/ mi
blun pa dang/ mi glen pa dang/ dbang po ma nyams pa dang/ phor
skyes pa dang/ gzugs bzang ba dang/ mi dbul ba dang/ mi bsnyas
pa dang/ tshig mnyan pa dang/ skye bo mang pos blta ba'o zhes so/
/

snying rje padma dkar po las kyang/ dal ba phun sum tshogs pa
rnyed dka'/ sangs rgyas 'byung ba u dum wa ra bzhin/ dge ba'i
chos la 'dun pa rnyed dka'/ yang dag pa'i smon lam rnyed par
dka'o zhes so/ /sde snod las kyang/ bskal pa khrag khrig mang

po 'das kyang ni/ /brgya lam dag na mi yi lus thob cing/
/brgya lam dag na sangs rgyas 'byung 'gyur te/ /dad dang shes
rab dag kyang brgya lam thob/ /ces so/ /gser mdog gi rtogs pa
brjod pa las/ u dum wa ra brgya lam na lan 'ga' 'byung ba ltar/

sangs rgyas kyang 'jig rten du brgya lam na lan 'ga' 'byung ngo/
/des gsungs pa'i chos 'dul ba'ang 'byung dka'o/ /dal 'byor ni
rnyed dka'o/ /mi nyid dang 'phags pa'i yul du skyes pa dang
dbang po tshang ba dang/ glen pa dang 'on pa la sogs pa ma

yin pa dang/ legs par bshad pa dang nyes par bshad pa dmigs
phyed pa dka'o zhes so// lha'i bu blo gros rab gnas kyis zhus pa
las kyang/ sangs rgyas 'jig rten du 'byung ba u dum wa ra ltar
brgya lam na ste/ de med na chos nyan pa med

pas sems can rnams kyi sdug bsngal zad pa'ang med do/ /'jig rten
gyi khams mi mjed 'di'i sems can ni 'dod chags la sogs pa shas
che ba dkar po'i chos dang bral ba sdig pa'i chos dang ldan pa/
glen pa blun pa mi gus pa dkon mchog

@41b gsum dang bral ba sha stag go zhes so/ /mar me 'bul ba las
kyang/ lnga po 'di ni mchog tu rnyed dka' ste/ mir skye ba dang/
sangs rgyas kyi bstan pa la rab tu 'byung ba dang/ de la mngon
par dga' ba dang/ tshul khrims yongs su rdzogs pa dang/ zag pa
zad

pa'o; ;yang bzhi ste/ mi nyid dang/ sangs rgyas 'byung ba dang/
de'i bstan pa la dad pa dang/ dad pa rnyed nas gnas dang gnas ma
yin pa dri ba shin tu rnyed par dka'o zhes so/ /sangs rgyas 'gro
ba las kyang/ mi nyid thob pa ni dkon no/ /mthun pa'i yul

na gnas pa dang/ sangs rgyas 'byung ba dang/ des gsungs pa'i
chos 'dul ba la dad pa dang/ rab tu byung ba dang/ bsnyen par
rdzogs pa dge slong gi dngos po dang/ dge ba'i bshes gnyen dang/
nan tan la gnas pa'i gang zag dang/ stong pa nyid la yid ches
shing mos

pa dang/ chos yongs su dag pa 'chad pa dang/ gtong ba'i sems
dang ldan pa dang/ len pa dang blangs nas sbyin pa sbyong ba
dang/ byas pa gzo zhing byas pa tshor ba dang/ bslab pa la gus
pas srog dang bsdo ba dang/ snying rjes byang chub kyi sems
bskyed pa dang/ bskyed nas nan

tan gyi spyod pa'ang shin tu dkon no zhes so/ /de tsam du rnyed
dka' ba nyid ci'i phyir zhe na/ 'khor ba'i byings ni mi khom par
lhung ba ste/ 'khyams pa dag nyid yin la/ der lhung nas ni dal
'byor de lta bu thob pa'i rgyu las shing tu bskal bas/ sangs
rgyas stong

gis kyang gzud par mi spyod pa'i phyir ro/ /bstan bcos las
kyang/ gang tshe dge spyad skal ldan yang/ /dge ba bdag gis ma
byas na/ /ngan song sdug bsngal kun rmongs pa/ /de tshe bdag gis
ci byar yod/ /dge ba dag ni ma byas la/ /sdig pa dag kyang nyer

bsags pas/ /bskal pa bye ba brgyar yang ni/ /bde 'gro'i sgra
yang thos mi 'gyur/ /de nyid phyir na bcom ldan gyis/ /rgya mtsho
cher g.yengs gnya' shing gi /bu gar rus sbal mgrin chud ltar/
/mi nyid shin tu thob dka' gsungs/ /zhes so// !de ltar

@42a rnyed dka' ba de'ang ci zhig ltar rnyed na don shin tu
che bar bsgrub pas/ de dag thob 'di shin tu don che ste/ /deng
nas sangs rgyas mthar thug bde kun gyi/ /lam gyi rten mchog
gyur
pas gter chen dang/ /chu bo sgrol byed gru sogs lta bur

bsngags/ /dus 'di nas sangs rgyas nyid kyi mthar thug pa'i bde
ba rgyun mi chad pa thams cad kyi gzhi ni 'jig rten dang 'jig
rten las 'das pa'i lam gyis bsdus pa'i dge ba'i rtsa ba'i tshogs
yin la/ de bsgrub pa'i rten mchog tu gyur pa ni dal 'byor dang
ldan pa

kho na yin pa'i phyir/ de thob pa ni gter chen po kha phye ba
'am yid bzhin gyi nor bu la sogs pa'i dpes kyang spyad du med
pa'i yon tan gyi bsngags pa gsungs pa'o/ /'di ltar 'dis ni bdag
legs su 'dod pa dag gis dad sems chen pos sangs rgyas kyi

mchod rten la sogs pa la yan lag lngas phyag btsal bas kyang
de'i lus kyis ci tsam non pa'i sa gser gyi gzhi la thug pa'i bye
ma snyed kyi 'khor los bsgyur ba thob kyang de'i dge ba mi zad
pa dang/ tha na spos chung ngu yungs 'bru tsam 'bul lam/ nam
mkha' la me

tog 'thor ram/ sangs rgyas la phyag 'tshal lo zhe 'am/ sangs
rgyas sam 'jig rten mgon po'am/ lha'i lha la sogs pa mtshan gcig
brjod pa tsam yang mthar mya ngan las 'da' bas mthar thug par
gsungs pa ltar ro/ /yang 'khor ba'i rgya mtsho las sgrol ba'i

gru la sogs pa mang por yang bsngags par bya ba'o/ /des na mngal
'jug las mir skyes na'ang de ltar sdug bsngal mtha' yas pa dang
ldan yang gnas mchog yin pas bskal pa bye bar yang rnyed dka'
ba'o/ /lha dag 'chi ba na'ang lha gzhan dag khyod bde 'gror skye
bar

gyur gcig /bde 'gro ni mi'i 'gro ba'o zhes bsngags te rgyu 'am
rten khyad par can nyid kyis so/ /mya ngan 'das chen las/ chos
bzhi dang ldan na bud med kyang skyes bu ste/ dge ba'i bshes
gnyen tshol ba dang/ chos tshol ba dang/ don sems pa dang/ ji skad
smras pa bzhin

@42b spyod pa'o/ /de bzhi med na ni lus skyes par gyur kyang
spyod pa dud 'gro dang 'dra'o zhes so/ /skyes bu'i don bsgrub
thob pa zhes kyang bya'o/ /bstan bcos las/ bde gshegs lam rten
'gro ba 'dren par chas gyur cing/ /sems kyi stobs chen mi yis
rnyed pa gang yin pa'i/ /

lam de lha dang klu yis mi rnyed lha min dang/ /mkha' lding rig
'dzin mi 'am ci dang lto 'phyes min zhes so// !snying po blang
ba la 'bad par brjod pa/ des na don chen bsgrub phyir rab
bsgrims nas/ /ci nus dge legs snying po blang bar 'bad/ /dam
chos bsgrub pa'i rten

phyir ma gtogs par/ /gzhan du 'di zhes bsngags 'os 'ga' yod min/
/'dis don chen po bsam gyis mi khyab pa dag sgo sna tshogs nas
bsgrub pa'i phyir skyes bu'i rtsal thams cad kyis rab tu bsgrims
nas/ thub pa'i brtul zhugs rnam par dag pa nas brtsams nas

dge legs thams cad la gcig kyang mi bya ba med par ci rigs pa ci
'os pa ci nus pa ci lcogs kyis bsgrub pa la brtson 'grus chen po
brtsam pas snying po dam pa blang bar bya'o/ /de ltar dam pa'i
chos rin po che bsgrub pa'i rten nyid kyis 'di rnam grangs du
mar bsngags

shing gces par 'dzin pas skyong ba ma gtogs pa/ 'khor ba'i phung
po nyes pa dang/ sdug bsngal sna tshogs kyi 'byung khungs gcig
pur gyur pa 'di la rnam pa gzhan du na mkhas pa rnams kyis dkon
pa dang don che bas mchog tu bsngags shing gces par 'dzin pa'i
rgyu

'ga'ang nam yang yod pa ma yin te/ lha la sogs pa lta zhog dud
'gro la'ang 'di bas lus dang longs spyod dang stobs la sogs pa
ches lhag pa mang du yod pa'i phyir ro/ /des na yum las kyi
grogs po dag dal ba phun sum tshogs pa ni dkon no/ /mir skye ba
ni dkon

no; ;de lta yin gyi/ dal ba 'di don med par ma byed cig /mi khom
par gyur cing gsor mi rung bar gyur pas phyis 'gyod par gyur ta
re/ grogs po dag sbyin pa la brtson par gyis shig/ phongs par
gyur pas ni rang don yang bsgrub par mi nus na gzhan gyi don lta
ci

@43a smos zhes bya ba la sogs pa mang du gdams pa gsungs so/
/snying rje chen po padma dkar po las kyang/ sangs rgyas 'byung
ba brgya lam na yin pas rnyed par dka'o// gnas med par zhi bar
'gyur bar sangs rgyas kyi bstan pa'ang brgya lam na'o/ /

mi'i lus thob nas 'phags pa'i gnas na tshul bzhin du gnas pa'ang
brgya lam mo/ /mi khom pa brgyad spangs nas dal ba thob pa'ang
brgya lam na snang du zad pas na bag yod pas legs par brtson
'grus brtsam par gyis shig phyis 'gyod par 'gyur ta re zhes

so/ /mya ngan 'das chen las/ byang chub sems dpa' ni lus 'di la
nad dang rma dang skrangs pa dang dgra dang mdangs gzer ba
lta
bur rtog ste/ sdug bsngal gyi phung po 'di ni dge ba dang mi dge
ba thams cad kyi rtsa ba'o/ /des na 'di skyon mang po dang ldan
yang bskyang

dgos pa ste/ lus la sred pas ma yin gyi chos kyi phyir ro/ /srid
pa'i phyir ma yin gyi zhi ba'i phyir ro/ /mi rtag pa dang sdug
bsngal ba la sogs pa'i phyir ma yin gyi/ rtag pa dang bde ba la
sogs pa'i phyir ro/ /srid pa'i lam gyi phyir ma yin gyi/ byang
chub kyi lam gyi

phyir ro/ /lus ma srung na srog 'tsho bar mi nus pas chos kyang
mi 'grub bo/ /des na chu brgal ba gru dang gzings bsrung ba
dang/ lam spyod pa rta dang/ zhing pa lud la sogs pa dang/ phyug
po sel ba dang/ dgra 'dul ba dpa' bo dang/ grang bas me bsrung
ba ltar/ byang

chub sems dpa' yang lus mi gtsang bas gang ba yin yang chos
bsgrub pa'i phyir bsrung zhing brel phongs par mi byed do/ /byis
pa dag ni lus dang sems bde ba tsam 'dod pas sdig pa mang po'i
sgo nas 'tsho ba 'tshol lo/ /rgyal sras ni 'tshol yang bkres pa
dang

skom pa la sogs pa bsal nas chos sgrub pa'i phyir yin gyi/ nyam
tshag dang dregs pa dang/ brkam pa la sogs pa'i phyir ma yin
no/ /shu ba can phye mar bskus/ gos kyis dkris/ sman byugs nas
rdzi bsrung bas khang pa zab mor 'dug pa ltar/ lus rmar rtogs

@43b pas gos dkri'o/ /bu ga dgu nas rnag la sogs pa zags pas zas
kyis gso'o// rlung dang char pa la sogs pa skyob pas gnas khang
la brten to/ /dug zhi bar bya ba'i phyir sman 'tshol bas na 'tsho
ba 'di bzhi yang byang chub kyi lam kho na'i phyir te/ 'di dag

med na lus mi 'tsho bas sdug bsngal mi bzod de chos bsgrub par mi
nus la/ sdug bsngal bzod na chos thams cad kyang bsgrub nus pas
so/ /yang sdug bsngal mi bzod na sdug bsngal la zhe sdang zhing
bde ba la chags la bde ba ma rnyed na rmongs pas ni byis pa

dag 'tsho ba de bzhi'i phyir zag pa skye'o/ /byang chub sems dpa'
ni rang bzhin shes pas mi skye ba'o zhes so/ /tshoms las kyang/
kha zas kyis ni sems zhir mi 'gyur yang/ /'tsho ba'i phyir ni mi
bza' mi bya ste/ /kha zas kyis ni lus dag gnas 'gyur ba/ /de
ltar rtogs

la bsod snyoms dag la rgyus zhes so/ /yang ston pa mthong ba
rnyed par dka'/ /dal ba 'di 'dra rnyed par dka'/ /chos thos pa
yang rnyed par dka'/ /dge byed rab tu rnyed par dka'/ /de ltar
khyed kyis gus byas te/ /byang chub tu ni 'dun pa bskyed/ /sdug
bsngal kun las

thar gyis la/ /'jig rten 'dren par 'gyur bar byos zhes so/ /gzhan
las kyang/ mi yi gru la brten nas su/ /sdug bsngal chu bo che
las sgrol/ /gru 'di phyi nas rnyed dka' bas/ /rmongs pa dus su
gnyid ma log /ring zhig lon nas dal ba'i mchog /thob pa

yang nas yang bsams te/ /sems de lta bu ri rab ltar/ /rab tu mi
g.yo bzung bar bya// des na 'di la nyes mang yang/ /las kyis
spyad bzhin bzung bar bya zhes so/ /gzhan las kyang mi'i dngos
po shin tu rnyed dka' rnyed gyur nas/ /don du brnag pa gang

yin de nyid brtun te bsgrub ces so/ /yang gzhan las log par lta
ba 'dzin dang dud 'gro nyid/ /yi dwags nyid dang dmyal bar skye
ba dang/ /rgyal ba'i bka' med pa dang mtha' 'khob kyi// kla klor
skye dang glen zhing lkugs pa nyid/ /tshe ring lha nyid gang yang
rung

@44a bar ni/ /skye ba zhes bgyi mi khom skyon brgyad po/ /de
dag dang bral khom pa rnyed nas ni/ /skye ba bzlog pa'i slad du
'bad pa mdzod ces so// !dgag pa'i bslab pa'i dbang du byas nas
de chud gzon pa'i nyes dmigs kyis smad pa la/ tshe

rabs gzhan gyis chud gzon khyim gyi gnas/ /'dzin dang de las
gzhan pa'i gnyis las ni// chags dang zhe sdang gti mug sbrul gyi
tshang/ /bsag bsrung brlag pas gdung zhing 'dod pa'i don// 'byor
pa'i mthu med mi 'dod mang phrad sogs/ /rgud pa kun

gyi sgor gyur khyim la ni/ /sred pa'i byur chen non par zhugs
rnams dang/ /de las thar kyang ro med 'dod pa yis/ /rang dbang
med par smyos bzhin kun spyod rnams/ /bzang po'i gnas 'di ma
rung byed pa brlag /khyim par gyur pa ni byur chen pos non par
zhugs pas dal

'byor thob pa chud gzon par byed pa'o/ /de ci'i phyir zhe na/ de
ni 'dod chags la sogs pa nyon mongs pa drag cing bar mtshams med
pa sbrul dug myur du khyab par byed pa lta bu mang po'i 'byung
gnas su gyur pa'i phyir dang/ nor phyugs dang zhing gzhis dang
srid tshan la sogs pa

gsog cing sgrub pa dang skyong zhing spel ba dang bral zhing
gong rlag gi sdug bsngal che zhing mang ba dag gis kyang kun tu
gdung ba'i gnas su gyur pa'i phyir dang/ rnyed pa dang grags pa
dang bkur sti la sogs pa 'dod pa btsal te ma rnyed pa dang/ nad
dang gnod pa dang gdon

dang dgra dang chom rkun la sogs pa mi 'dod pa mang po dang
phrad pa las re ba 'bras bu med pas g.yen spyo ba la sogs pa'i
phyir/ de ni rgud pa dang nyes pa thams cad kyi sgor gyur pa
gcig pu yin pa'i phyir ro/ /byams pa seng ge'i sgra las/ khyim
gnas nyon mongs

gnas pa ste/ /dkar po'i chos rnams 'jig par byed/ /bskal pa bye
bar rab spyad kyang// 'dod pa rnams la ngoms pa med/ /khyim na
gnas pa 'dod pa yis/ /mi ngoms bzhin du 'chi bar 'gyur/ /zhes
so/ /skyes pa'i rabs las kyang/ khyim gyi gnas ni bya ba ngan

@44b pas brel ba'i nyes pa glags pa/ bag med pa thams cad kyi
gnas/ nor bsgrub pa dang bsrung ba'i gzhar gyis dkrugs pa/ nye
bar zhi ba dang 'gal ba/ sdug bsngal mang po'i mda'i 'ben du
gyur pa/ so tshis kyi las mtha' yas 'grub pa/ chog mi shes pa/
bde

ba'i ro bro ba chung ba'o zhes so/ /de las gzhan pa'i dbang du
byas nas khyim gyi gnas su ma zhugs pa'am zhugs pa dang bral
ba'ang rung/ de las thar pa rab tu byung ba la sogs par gyur pa
dag kyang/ yang nyes dmigs mang la mnog chung ba 'dod pa'i 'dod

chags kyis rang dbang med par kun tu bslus te/ dge sbyong ma yin
par dge sbyong du khas 'che ba la sogs par gyur nas smyon pa'i
kun tu spyod pa lta bu don ci yang med pa dang/ rang dang gzhan
dang gnyi ga la 'di dang phyi ma dang gnyi gar gnod pa sdig pa'i
las gang dang gang

brlang ba sna tshogs spyod pas snang ba nas mun pa chen por gzhol
bar gyur pa rnams kyis/ bzang po'i gnas don chen po thams cad
kyi gzhir gyur pa sman sdong po chen po'i sa bon lta bu 'di chud
gzon pa las ches brlag par gyur pa gzhan 'jig rten na gang zhig
yod/ mya

ngan 'das chen las/ 'jig rten na phrad par dka' ba drug po sangs
rgyas byung ba dang/ chos thos pa dang/ 'jigs pa'i sems skye ba
dang/ yul dbus su skye ba dang/ mi'i lus thob pa dang/ dbang po
tshang ba rnams da ltar thob na mi dge ba'i rnam rtog bskyed pas
chud gzon par ji

ltar rigs/ dper na mi bzang po dag ni lud dang mi gtsang ba la
mi reg go /me 'bar ba ni su'ang lag gis mi len no/ /bram ze ni
ba glang gi sha mi za'o/ /'grangs pa ni zas ngan pa mi 'dod do/
/'khor los bsgyur ba'i rgyal po ni rigs ngan dang stan gcig la
mi gnas pa ltar/

byang chub sems dpa' yang 'dod pa'i rnam rtog la sogs pa mi
brten no/ /ci'i phyir zhe na/ sems can gyis bdag bsod nams kyi
zhing du 'dzin na bdag ji ltar sdig pa spyod cing dal ba 'byor
ba chud gzon par byed/ bdag bsod nams kyi zhing yin no zhes ma
smras kyang gzhan

@45a gyis ni spyod tshul las zhing du 'dzin na bdag gis de
dag ci ltar bslu bar bya zhes so/ /yang dus kyi mtha'i nyan thos
ni gsung rab bcu gnyis po spong zhing mu stegs pa'i gtsug lag
dang 'jig rten pa'i tshigs su bcad pa 'don te/ ma brtags

pa'i rdzas rnams kyang ston pas gnang ngo zhes bya ba la sogs
pas 'khrul par spyod pa ni/ tsan dan dang shing ngan pa brje/
gser dang rag gan brje/ dngul dang zha nye brje/ dar dang bal
snam brje/ zil dngar dang dug brje ba lta bu ste/ dang po ni
rnyed pa'i phyir khyim pa la

chos ston cing de dag rgyags pas nyan mi 'dod na'ang stan mtho
ba la 'jog /zas bzang po sbyin pa'o/ /gnyis pa ni tshul khrims
'dod pa lnga'i rkyen gyis stongs pa'o/ /gsum pa ni dge ba bcu
btang nas mi dge ba bcu spyod pa'o/ /bzhi pa ni ngo tsha shes pa
dang khrel yod btang

nas 'dzem pa med par spyod pa'o/ /lnga pa ni rnyed pa'i phyir
khyim pa'i drung du zag pa med pa'i chos ma thob pa thob par
sgrogs pa'o zhes te/ de dag kyang 'dis brlag par dgongs pa'o/
/bstan bcos las kyang phyugs kyis bsgrubs na'ang mi dkon pa'i/
/mnog chung gang yin

de don du/ /dal 'byor phun sum rnyed dka' 'di/ /las kyis mnar ba
rnams kyis bcom zhes so// !tshe 'di nyid kyis kyang chud gzon pa
ni/ /gzhan yang bab col sna tshogs spyod pa yis// nad ngan mang
pos gzir dang mi bzad ba'i/ /gdon dang chom rkun dug dang
g.yang

sa sogs/ /ya nga ma spangs 'chi bas ma rungs byed/ /'das chen las
rgyu dgus blo bur du 'chi ste/ mi 'phrod pa za ba dang/ mang du
za ba dang/ ma zhu bar za ba dang/ bshang gci dus su mi 'dor ba
dang/ na ba sman pa'i ngag mi nyan pa dang/ /nad g.yog la mi
nyan pa

dang/ skyug sman btang ba nan gyis mnan te mi skyug pa dang/ nub
mo 'phyan pa gdon drag pos btab pa dang/ bag med par 'khrig pa'o
zhes bya ba la sogs pa/ legs par ma brtags par bab col du spyod
lam dang spyod pa byed pa dang/ bya ba sna tshogs

@45b la 'jug pas mdze dang 'bras dang rims la sogs pa nad ngan
mang pos nyam thag cing gdung ba dang/ gdon drag po dang dgra
dang chom rkun la sogs pa mi dang mi ma yin pa'i gnod pa dang
'tshe ba sna tshogs dang/ dug dang mtshon dang me dang chu dang
g.yang du ltung ba la

sogs pa dag gis dus ma yin par 'chi bas kyang bar chad chen por
gyur nas chud gzon pa'o// !dbang du bya ba'i dpes bsgrub pa/ de
phyir gser snod rin chen spras pa yis/ /ngan skyugs 'phyag par
byed sogs gang gis kyang/ /dal 'byor mchog

thob sna tshogs sdig spyod pas/ /chud gzon ches blun char mi phod
par gsungs/ /phan par byed pa'i gnyen spangs nas gnod par byed
pa'i dgra la brten pa dang/ tshe'i mthar thug par bde ba bskyed
pa'i sman bor nas myur du gsod par byed pa'i dug za ba la sogs
pa mang

po gsungs pa lta bu ste/ de dag gis ni tshe na'ang lus 'di nyid
ma rungs par byed du zad kyi/ 'dis ni tshe rabs mtha' yas par
sdug bsngal chen po brjod du med pas gdung bar byed pa'i phyir
ro// !de dag spang ba la 'bad pa bskyed pa/ de phyir de 'dra'i
gnas skabs rnyed

gyur na/ /sems ldan su zhig 'bad pa thams cad kyis/ /gsod pa'i
gnas nas shor bzhin rnyed sogs kyi/ /spros kun dor nas la gor
'bros mi byed/ /dge legs kyi nor ji lta bu yang bsgrub la rag
pas sdug bsngal gyi gnas chen po nas nges par 'byung ba'i lam

bsgrub pa'i skal ba dang ldan pa'i rten 'di lta bu thob nas/
sems dang ldan pa bdag legs su 'dod pa dag gis ni/ sems thams
cad kyis bsams shing 'bad pa thams cad kyis/ btson khang 'jigs
su rung ba nas shor ba dag lam na nor gyi phung po chen po

yod kyang blta'ang mi lta bar ci thar du rtsal yod med sprugs
pas 'bros pa ltar/ lus dang longs spyod kyi bde ba la sogs pa
tshe 'di'i dpal du bzung bar bya ba gang la'ang mi chags par
phyis kyi gnas su bltas te/ de dag la zhen pas nyes par spyad pa
spyod cing 'di
@46a chud gzon nas/ yang sangs rgyas bye bas kyang drang du
med pa'i mun khrod du ldog pa las 'jigs pa'i gnas shin tu chen
por blta bas la gor du thag bsrings shing gzung bar bya'o/
/bstan bcos las/ rgyal po kri kri'i bu mo bdun gyi

rtogs pa brjod pa bshad pa bzhin du blta'o// !gnyi ga'i don
bsdu ba las rnyed dka' zhing don che bas yal bar mi 'dor ba bsdu
ba/ mkhas pa'i skyes bus rgyun tu 'di snyam du/ /lus 'di mi
gtsang snod gyur nyes mang yang/ /srid mtsho brgal ba'i lam gyi
rten gyur phyir/

gru gog bcos legs byed ltar legs bskyad bsam/ /lus kyis las bya
bar 'os pa byed/ ngag gis smra bar 'os pa smra/ yid kyis bsam
par 'os pa sems pa ni skyes bu dam pa skyes bu mkhas pa yin par
gsungs pas/ des 'di la rgyun tu 'di ltar bsam shing

gces spras bya bas yal bar mi 'dor bar dge legs kun la sbyor ba
bzod par bskyang ba dang/ lam log par 'jug pa thams cad las naM
bsrung bar blo sbyang zhing go cha brtan par bya ba'o// rgyas
par ni bshad zin to// !des snying po blang bar 'bad pa bsdus pa
ni/

nyin mtshan phyad par lus ngag yid kun gyis/ /g.yel med bsod
nams ngoms med bsgrub pas 'da'/ /gnod dang don med skabs med
rab
bsgrims pas/ /snying po blang bas tshe 'bras yod par bya/ /dus
thams cad du lus sems thams cad kyis dmigs pa 

thams cad la sgo thams cad nas yang yeng phyad phyod thams
cad
bor te bsod nams kyi las sam dge ba'i rtsa ba thams cad la gdams
pa gang yang med cing mi bya ba gcig kyang med par ci nus ci 'os
ngoms pa med par bsgrub pas nyin mtshan 'da' pa dang/ lus ngag

yid gsum gyis thams cad la thams cad du gnod pa'i sgo chen por
gyur pa mi dge ba bcu la sogs pa sdig pa thams cad dang/ lung du
ma bstan pa don med pa'i spyod pa thams cad kyang dpa' bo dgra
'dul ba'i rnam pas thag bsring zhing/ skabs med

@46b par bya la/ ngo tsha shes pa dang khrel yod pa dang dran pa
dang shes bzhin gyis shin tu bsgrims pa'i sgo nas brtson 'grus
mchog rtsom pas/ snying po dam pa rnams blang ba las tshe 'da' ba
nyin re nyin re dang skad cig skad cig du'ang 'bras bu dang bcas
par bya ba'o/ /mdo sde

las nyin par mtha' dag 'dug pa dang 'chag pas sgrib par 'gyur
ba'i chos las sems sbyong bar byed do/ /mtshan mo'ang srod dang
tho rangs mi nyal ba'i sbyor bas 'dug pa dang 'chag pa'i sgrib
pa las sems sbyong zhing/ nam gyi gung la phyir byung ste rkang
pa bskums

nas gnas mal sprugs shing ldang ba dang snang ba'i 'du shes kyis
seng ge'i nyal stabs lta bus gnyid kyis lus brta bar gsungs pa
ltar ro/ /bstan bcos las kyang rigs pa'i bdag nyid nyin par
mtha' dag dang/ /mtshan mo'ang thun gyi stod smad 'das nas ni/ /

mnal tshe'ang 'bras bu med par mi 'gyur bar/ /dran dang ldan
par de dag bar du mnol zhes so/ /yang yungs mar bkang ba'i snod
bskur la/ /ral gri thogs pa drung bsdad de/ pho na gsod bsdigs
'jigs pa ltar/ /brtul zhugs can gyi de bzhin bsgrims/ /nyin

mtshan phyed par ma 'bad na/ /bdag gi sdug bsngal nam mthar
phyin/ /zhes so// !chud bzon pa smad pa'i bsdu ba ni/ ji ste
ngan pa'i las rnams thog med nas/ /goms las 'jig rten spros pas
g.yen spyo zhing/ /nyes spyod nyi tshes phyir yang mun zhugs na/
/

de las bdag bslus 'jig rten 'dir gang yod/ /yang nyon mongs pa
sna tshogs kyis dman pa la mos pa'i bag chags thog ma med pa nas
ring du goms pas brtan pa chags pa chu bo'i rgyun ltar ngang gis
'jug pa las/ rnyed pa dang grags pa dang snyan pa dang bde

ba la sogs pa la mngon par zhen pas 'dod cing/ ma rnyed pa la
sogs pa mi 'dod pa'i spros pa sna tshogs kyis rang dbang ye med
par bkol nas sdig pa'i tshogs shin tu ya nga ba rnams ni gang yang
bkag pa med par gsog mi 'grub pa ltar yin pa chen

@47a por zhugs shing/ cung zad kyang 'gyod pa'am 'dzem pa'am
bag tsha bas sbyong ba'i rnam pa gang yang med pas/ dmyal ba la
sogs par mda' 'phangs pa ltar 'gro ba'i sgo chen por zhugs nas/
'chi ba'i dus su ltas ngan pa sna tshogs kyis

bsu zhing 'gyod pa'i me mi bzad pas rab tu bsreg par 'gyur yang/
dus las thal bas ci byar yang med pa'i gnas skabs thob pa 'di
las bdag bslus pa'am kho re chung ba 'jig rten gsum na gang yang
med par 'gyur ba'o// !dgag bsgrub gnyi ga'i skabs

bsdu ba ni/ de'i phyir skal ldan dang po'i las can gyis/ /lus
sems gnyis kyis rab bsgrims gnas mchog 'di/ /chud mi gzon par
bde legs thams cad kyi/ /rtsa ba brtan pas dga' bzhin 'gro bar
bya/ /lar yang las dang po ba'i sdom brtson rnams kyis skyes

bu'i rtsal thams cad sprugs pa'i 'bad pas/ 'di chud 'dza' ba'i
rgyu rnams drag tu sems la ldang du zin kyang sman kha ba la
brten pa ltar nan gyis brnags pas bzlog cing thag bsring ba
dang/ dge legs thams cad la'ang phra ba nas de ltar bsgrims te
'jug pas/ /

deng nas sangs rgyas ma thob kyi bar du bde ba rgyun mi chad
pa'i sa bon ci gsog rtsa ba ci brtan du byas pa las/ 'gyod pa
rdul tsam yang med par dga' ba dang spro bas rgyas bzhin du ltas
mdzes pa dag gis bsu nas 'chi ba'i dus byed par 'gyur ba de ltar
de ring nyid nas rgyun tu

bslab pa las bdag la bdag drin che ba sa steng na gang zhig yod/
dal 'byor bsgom pa la 'jug pa ste le'u gnyis pa'o// !//de ltar
dal 'byor gyi lus kyis snying po blang bar bya ba na yang phyin
ci log bzhi las mi rtag pa la rtag

par 'dzin pa ni dang por gnod pa'i sgo yin no/ /de las kyang
rags pa'i mi rtag par gtogs pa 'chi ba la mi 'chi ba'i rnam rtog
gis bsgribs pas ni 'jig rten pha rol dang thar pa dang thams cad
mkhyen pa la sogs pa don chen po dag la rnam par dpyod pa tsam

@47b yang med par 'jig rten 'di 'ba' zhig gi don tsam la zhen
pas/ gnod pa dang don med pa sna tshogs la 'jug la/ yang kha cig
ni de la lta ba tsam btang nas chos kyi don la sbyor bar 'dod du
zin kyang 'dis snyoms las la sogs pa'i le los gnas pas phyi nas
dang

bags kyis bsgrub par phyi bshol phyi bshol yang phyi bshol byed
pa na bsam pa ltar mi 'grub pas 'chi bas nye bar 'joms so/ /de'i
phyir myur du brtson pa bskyed pas chos dam pa bsgrub pa'i rgyur
'chi ba'i 'du shes bsgom dgos pa las/ !dang por phyin ci log

mi 'chi ba'i rnam rtog gi nyes dmigs ston pa na nyon mongs pa'i
gnod pa brjod pa/ de la brtan par zhen pa'i 'khrul pa yis/
/bslus pas lus dang longs spyod la sogs kyis/ /bde la brkam sogs
nyon mongs kun rgyas nas/ /don du 'gyur la rnam dpyod thag
bsring

byed/ /dal 'byor dang ldan pa'i lus 'di nyid chu bur rlung gis
btab pa ltar snying po med cing shin tu mi brtan pa la brtan pas
dus kyi mthar gnas su re ba la sogs pa'i 'khrul pa chen pos nye
bar bslus nas tshe 'di tsam gyi bde ba dang rnyed pa la sogs pa
'dod cing sdug

bsngal la sogs pa mi 'dod pa'i mngon zhen gyis/ lus dang phyi
nang gi longs spyod la sogs pa'i bde ba la chags pa dang/ de dag
gi mi mthun pa la zhe sdang dang/ de dag gi thob pa dang 'dor ba
la sogs pa la rmongs pa dang/ de dag la bdag dang bdag gir lta
ba

la sogs pa'i nyon mongs pa dang/ de dag gi char gtogs pa nye
ba'i nyon mongs pa sna tshogs rang dbang skad cig kyang med par
rgyas par 'gyur ba'o// !las dang skye ba'i gnod pa'i dbang du
byas pa/ de las nyes spyod brlang ba sna tshogs kyis/ /sbrul gdug
gis zin

legs gsungs dug sel ba'i/ /sman la rgyab phyogs nges par bde
'gro dang/ /thar pa'i chos kyi srog chad ngan 'gror gzhol/ /de
ltar nyon mongs pa rgyas pa de las ni yang rang dbang med par
cher smyos pa ltar/ 'dod chags las kyang lus kyi gsod pa la sogs
pa dang

@48a ngag gi brdzun la sogs pa dang yid kyi brnab sems dang
zhe sdang gi yang lus ngag gi bdun dang yid kyi gnod sems dang/
gti mug gis yang lus ngag gi bdun dang/ yid kyi log par lta ba
ste mi dge ba bcu dang/ mtshams

med pa lnga dang/ de dang nye ba lnga dang/ dam pa'i chos spong
ba dang theg pa chen po la sdang ba la sogs pa'i nyes par spyod
pa brlang zhing mi bzad pa sna tshogs/ sbrul dug drag po myur du
khyab par byed pas zin pa ltar/ sdug bsngal chen po mngon du
'dren pa la

mthu lhag pa lhag par gyur pa rnams kyis nye bar zin cing yongs
su khyab par gyur te/ sbyor ba rtsa ba gsum las skyes zhes bshad
pa'i tshul gyis so/ /de la'ang gso ba'i sman ni legs par gsungs
pa'i chos bdud rtsi sgrub par byed pa kho na yin na/ de la rgyab
kyis

phyogs shing yal bar dor la ring du byas pas/ thams cad nas
thams cad rnam pa thams cad kyi thams cad du bde 'gro dang
thar
pa dang thams cad mkhyen pa bsgrub pa'i chos rin po che'i srog
bcad de/ ngan 'gro thag thug sna tshogs su mi bzad par bgrod dka'

ba'i g.yang sa chen po dag tu ltung bas sdug bsngal mtha' yas
pas gdung ba la nye bar gzhol zhing mngon du phyogs par 'gyur
ba'o// !de'i gnyen por 'chi ba'i 'du shes bsgom pa nyid las
rgyu'i sgo nas brjod pa/ 'di 'dra rjes bsams skad cig rgyun dang
ni/ /glo bur mi

rtag gsum gyis rab gtses pas/ /srog ni klung 'gram shing ltar
myur 'jig pa'i// 'jigs pa nges bsam la gor legs spyad brtsam/
/'chi rkyen rnams kyang bzlog dka' mtha' yas te/ /nang dang phyi
dang mi dang mi min sogs/ /tha na rang dang zas sogs rton pas
kyang//

dus min dus kyi brgya dang gcig ces gsungs/ /brtan par 'dzin
pa'i nyes pa de lta bu bsams pas skyo zhing 'jigs pa la/ 'chi
ba'i rgyu gsum po skad cig gis mi rtag pas tshe 'dzad pa dang/
rgyun gyis mi rtag pa nyin mtshan la sogs pas tshe 'dzad pa dang/
tshe

@48b zad mi khom par rkyen glo bur ba'i mi rtag pas 'chi ba ste/
rgyu de gsum las kyang glo bur gyi nye bar 'tshe ba nang dang
phyi la sogs pa sna tshogs dang bcas pa na/ dus su 'chi ba gcig
dang dus ma yin par 'chi ba brgyar yang bshad pas mi'i srog ni
chu chen po'i

'gram gyi shing ngam rlung gi sgo chu bur dang lbu ba'i phung po
la sogs pa ltar myur du 'jig par nges par bsams pa bsten cing
lan mang du bya ba yid ches par byas la/ myur bar la gor du mgo
la me shor pa gsod pa lta bu'i bsgrim pas chos bsgrub pa phun
sum

tshogs pa la brtson 'grus drag po brtsam par bya'o/ /de bzhin
gshegs pa'i gsang ba bsam gyis mi khyab pa las/ rgyal po chen po
mi rnams kyi srog ni yun thung ba tshe'i tshad kyang thung ba ste/
tshe 'pho bar 'gro ba yin gyi khyod 'jig rten pha rol la 'jigs
par lta

bar bya'o zhes so/ /bden smras kyang rgyal po chen po mi rtag
par so sor rtog pa mang du bya'o// 'tsho ba ni yun thung tshe'i
tshad ni ring po mi thub pas 'jig rten pha rol tu 'gro dgos te/
tshe'i 'du byed ri'i 'bab chu ltar g.yo ba skad cig kyang mi
gnas pas na/ las kyi rnam par

smin pa drungs mi 'byung zhing 'jig rten pha rol gyi 'jigs pa
mthong bar bya'o zhes so// 'das chen las kyang/ 'chi ba'i 'du
shes ni srog 'di lta bu dgra sdang ba du mas bskor te/ skad cig
re rer nyams par byed kyi/ 'phel bar byed pa ni gang yang med
do/ /ri gzar po'i

chu dang rtswa rtse'i zil pa dang gsod sar khrid pa dang ba
glang ngam lug bshan pa'i drung du khrid pa dang 'dra'o/ /de'ang
mi bzhis lhan cig nas mda' bzhi phyogs bzhir cig car 'phangs pa
dus gcig tu lag pas zin pa bas ni sa la rgyu ba'i yi dwags myur
ro/ /de bas ni

nam mkha' la 'gro ba'i yi dwags so/ /de bas ni rgyal chen bzhi'i
lha'o/ /de bas ni nyi zla'i lha dag go /de bas ni shin tu myur
ba'i lha ste/ de bas kyang tshe 'da' ba ches myur te dbugs rgyu
ba gcig la tshe'i skye 'gag bzhi brgya yod do/ /de bdag rab tu
byung nas zhag bdun las

@49a mi thub kyang tshul khrims bsrung ba dang gzhan gyi don
du chos bstan pa la brtson 'grus brtsam mo/ /tha na thang cig
thub kyang de ltar brtson 'grus brtsam mo zhe'o/ /yang mi zhig
g.yang chen po las lhung ba rtswa phung gcig la zin te 'chang
ba

las byi ba dkar nag gnyis kyis rtswa nyag ma re mi dal bar res
kyis gcod na de myur du ltung ba ltar/ ngan song gi g.yang sa
shin tu che ba la tshe'i lhag ma'i rtswa phung la 'chang ba na
nyin mtshan res kyis ma dal bar myur du bcad pas myur du 'chi bar
gsungs so/ /yang tshe

mi sdod pa ni ri gzar po'i shwa po bas myur te/ deng yod kyang
sang yod par mi mngon na ci ste sems 'chal bar sdig pa la gnas/
lang tsho mi sdod pa na rta brgyug pa las myur na ci ltar des nga
rgyal bya/ yi dwags ma rungs pa skabs 'tshol ba ltar chen po
bzhi'i yi dwags

kyang rtag tu skabs 'tshol na ci ste rtog ngan bskyed/ khang rul
rdib tu nye ba ltar tshe de ltar zad par 'gyur na ci ste sdig pa
byed/ bdag ni dge sbyong ste de ni dge ba'i rtog pa dang ldan pa
yin na bdag mi dge bas rtog na ji sta dge sbyong yin/ rab tu
byung ba ni dge ba'i las

bsgom pa/ bram ze ni tshangs par spyod pa/ rgyal rigs ni dgra
thub pa/ dge sbyong ni nyon mongs pa 'joms pa yin na/ bdag de
dag las ldog pas na ji ltar rab tu byung ba la sogs par 'gyur
zhes so/ /rgya cher rol pa las kyang/ srid gsum mi rtag ston
ka'i sprin dang

'dra/ /'gro ba'i skye 'chi gang la blta dang mtshungs/ /'gro ba'i
tshe 'gro nam mkha'i glog 'dra ste/ /rig zar 'bab chu lta bur
myur mgyogs 'gro/ zhes so/ /rgya mtshos zhus pa las kyang/ tshe ni
yun thung ste 'jig rten phyi mar 'gro dogs so/ /'byor pa thams
cad ni mthar rgud

pa'o/ /rgyal po'i longs spyod dang dbang phyug kyang mi rtag pas
lhan cig mthun zhing gnod sems med pa dang/ 'jig rten pha rol la
blta ba dang/ las dang rnam par smin pa la brton pas gnas par
bya'o zhes so/ /bstan bcos las kyang/ bdag ni khyim la chags

@49b bzhin du/ 'chi ba'i dgra yis de'u re bsad/ /de bas phan
pa'i lam bzang pos// bdag ni rab tu 'byung bar 'dod ces so/
/yang gzhan las/ tshe ni gnod mang rlung gis btab pa yi/ /chu'i
chu bur bas kyang mi rtag na/ /dbugs 'byung dbugs rdub gnyid
kyis log pa

las/ /sad khom gang lags de ni ngo mtshar che zhes so/ /yang mar
me me lce shugs drag rlung gis bskyod pa lta'i/ /tshe ni skad cig
gnas pa'i gdeng yang yod ma yin zhe'o/ /yang tshe ni rtag tu god
'gyur zhing/ /snon pa gud na yod min na/ /bdag lta 'chi bar cis
mi 'gyur

zhe'o/ /yang mi rnams tshe ni lo brgya la'ang/ /mtshan mo nyal bas
phyed du byas/ /de ni nyin par yang nyal bas/ /de'i phyed kyang
dum bur byas/ /srog ni gshin rje'i 'khor lo sog ler ldan na gson
'dra gang phyir nyal byed pa/ /ci zhig rnyed pa las ni dbug
phyin ci zhig

rtogs shing gegs ni ci dag spangs/ /ngan 'gro rnams las brgal
lam ci yin mi bya'i nges pa'i las ni gang zhig yin/ /phra rgyas
me rnams kyis ni bsreg pa'i srid pa rnams kyis gang zhig 'das pa
smros/ /nang par mar me rlung gis bskyod dang 'dra ba dang/ /chu
bo'i 'gram

gyi ljon shing rtsa ba 'gul 'dra dang/ /snod chag nang gi chu ni
'dzag par byed pa ltar/ /'gro ba 'di ni dbang med 'jig pa'i chos
can yin zhes so// !de nyid 'chi ba'i gnod pa lnga bsam pas
bsgrub pa las/ dus la mi lta ba'i gnod pa las ni/ brtan par 'dzin
pas bya ba sna

tshogs dang/ /'dod pas bslus bas re ba rnam mang rnams/ /'di dang
'di dag 'di tsam gyis bsgrub ces/ /re ba bzhag rnams glo bur
'chi bas 'joms/ /mi 'chi ba'i rnam rtog 'ba' zhig dang ldan pa
rnams 'dod pa'i gdon mi bzad pas dbang med du bslus pas 'phral
gyi

sems rlabs che chung dang phyi thag ring thung gi bye brag gis
bya ba che ba dang bar ma dang chung ba 'di dang 'di dag ni lo
la sogs pa'i dus 'di dang 'di tsam gyis btsal bar bya'o/ /don
'di dang 'di dag ni 'di tsam dag gis so/ /'di dang 'di'i tshe ni
'di dag nye bar bsags la/ /bde

@50a ba 'di dang 'di dag la spyad par bya'o/ /zhes 'chi ba
med pa ltar re ba chen po 'jog cing gnas pa na/ blo bur tho
brdungs su 'chi bdag gi srin po brtse ba pa med pa 'jigs su rung
ba'i zhags pa ske bar btab zin pa cung zad bsdams

pas re ba thams cad 'bras bu med de kha stong par byed do/
/tshoms dag las/ 'di ni bya ba byas zin da 'di bya/ /de dag byas
nas bdag gis 'di bya'o zhes/ /de ltar mi ni yongs su gshom pa
na/ /rga dang na bcas 'chi bas mngon du 'joms zhes so/ /yang mi
yi

yid ni rnam chags dag /me tog bzhin du bsags byas nas/ /bya ba
mthar ni ma phyin par// 'chi bdag gis ni dbang du byed ces so/
/gzhan las kyang/ 'di ni sang bya 'di deng thang cig 'og tu bya/
/'di ni de'u re bya zhes skye bo sems pa na/ /gshin rje be con
lag thogs

zur gyis blta ba yis/ /mig rtsa dmar khros ma rangs gang mo re
snyan 'debs/ /so ga me tog rgyas pa'i dus 'di 'byung bar 'gyur/
/zla ba gsal bas mtshon pa'i ston dus 'di 'byung zhes// skye bo
thams cad dgar 'gyur bdag gi tshe 'di ni/ /zad par 'gyur

zhes shin tu mi dgar 'gyur ba med ces so/ /yang gzhan las/ nad
med nyi ma 'di lta bur// zas bcas 'tshe ba med kyang ni/ /tshe ni
skad cig bslu ba ste/ /lus ni thang cig brnyan po bzhin// yid
brtan mi rung 'chi bdag 'di/ /byas dang ma byas mi sdod pas/ /na
dang mi na

kun gyis kyang/ /glo bur tshe la yid mi brtan/ /'di ni ma byas
brtsams pa dang/ /'di phyed byas par gnas pa na/ /glo bur 'chi
bdag 'ongs nas ni/ /kyi hud bcom zhes sems par 'gyur zhes so//
!thams cad nges par 'joms pas ni/ /'dis ni rang dbang

med cing grogs med par/ /che bar grags pa tshang dbang skyong
bzhi dang/ /drag cing gtum pa'i gnod sbyin srin po sogs/ /gdug
cing dbang ldan klu rgyal la sogs dang/ /tshan chen stobs ldan
sred med bu sogs dang/ /rigs dang brtul zhugs grub pa'i

@50b tshogs kyang 'joms/ /dmod pa mi bzad 'dor nus drang srong
dang/ /mkha' la rgyang ring gsal 'gro nyi zla sogs/ /skye dgu
gang la'ang gdams dang thogs med par/ /rtswa shing tshogs chen
me
yis bsreg bzhin 'joms/ /'chi ba'i me chen po rab tu mi bzad pa
'dis

ni rang dbang skad cig kyang med cing/ skyobs pa'i grogs sam
rten 'ga'ang med pa'ang/ yang na grogs gang la'ang mi ltos pa
nyid du 'jig rten na brtan pa gnas par 'os pa che ba'i bdag nyid
du grags pa tshangs pa dang/ dbang po dang 'jig rten skyong ba
bzhi dang/

'khor los bsgyur ba gling bzhi la dbang ba la sogs pa dang/ yang
drag cing gtum pas thams cad la 'tshe bar byed pa gnod sbyin dang
srin po'i dbang po dag dang/ dug mi bzad pa gtong zhing kun gyis
'da' bar bya ba ma yin pa klu chen po rnams dang/ tshan po che
chen po'i

stobs kyis pha rol gnon pa sred med kyi bu la sogs pa dang/ rig
sngags dang gsang sngags dang dam tshig brtul zhugs grub pa'i mi
dang lha la sogs pa dang/ dmod pa chen po'i 'dor bas phan
'dogs pa la sogs par nus pa'i drang srong dam pa dag dang/ gling
bzhir

snang bar byed cing rgyang ring du 'gro bar nus pa'i nyi ma dang
zla ba la sogs pa'i skye dgu ma lus pa'i gang la yang/ gdam
zhing tshol ba dang thogs shing rdugs pa cung zad kyang med pa
nyid du gar bab bab kyis/ rtsi shing dang sbar sbur gyi tshogs ri
bo tsam yang me mdag gcig

gis myur du ma lus par bsreg pa ltar kun tu 'joms par byed pa
nyid kyis shin tu 'jigs par 'os pa chen po'o/ /rgya cher rol pa
las/ 'chi ba dbang yod pa dag dbang med byed/ /'chi ba 'phrog
byed chu bos shing ded bzhin/ /mi ni gnyis min grogs med gcig
pur

'gro/ rang las 'bras bu ldan pas dbang yang med/ /'chi bas srog
chags brgya phrag mang 'dzin te/ /'byung po'i tshogs la rgya
mtsho'i chu srin bzhin/ /klu la mkha' lding glang chen seng ge
'dra// rtswa rtsi 'byung po'i tshogs la me dang mtshungs/ zhes so/
/'das chen las
@051a kyang/ 'chi bas ni thams cad tshig par byed cing med par
byed do/ /me dang chu dang rlung gis 'jig rten 'jig pa na bsam
gtan gnyis pa la sogs pa ma gtogs pa thams cad 'jig pa ltar/
'chi bas kyang byang chub sems dpa'

mdo 'di la gnas pas dbang thob pa la sogs pa mi 'dod bzhin 'chi
ba med pa ma gtogs pa thams cad med par byed do/ /nam mkha'
lding gi rgyal pos rdo rje ma gtogs pa klu dang gser la sogs pa
thams cad 'ju bar nus so/ /'chi ba'i rgyal po la ni de lta bu

dag mang du byas kyang thar bar mi 'gyur ro zhes so/ /tshoms dag
las kyang/ gang du gnas na 'chi bas mi tshugs pa'i/ /sa phyogs de
ni yod pa ma yin te/ /bar snang la med rgya mtsho'i nang na med/
/ri bo rnams kyi gseb tu zhugs na'ang min/ /chu chung nang gi
nya lta bur/ /gang

zhig nyin zhag 'da' ba yis/ /tshe ni shin tu thung 'gyur na/ /de
la dga' ba byar ci yod// rgyun tu nad kyis mngon gdung zhing/
/rtag tu mi gtsang 'dzag pa na/ /rga dang 'chi bas 'grib pa yi//
lus 'di dor na cir mi rung/ /gang zhig nub mo kho na nas/ /mngal
du dang po 'jug pa'i

mi/ /de ni bsdod med 'gro 'gyur zhing/ /song ba las kyang ldog
pa med/ /kha cig mngal du 'chi bar 'gyur/ /de bzhin kha cig
btsas pa'i sar/ /de bzhin kha cig gog tsam na/ /kha cig dag ni
yongs brgyug na/ /la la gzhon dang la la rgan/ /la la dar la bab
pa'i mi/ /de la mi

'di gzhon zhes te/ /gson pa'i gdeng drod ci zhig yod/ /dper na
nges par gsod pa dag/ gom pa gang dang gang bor bas/ /gsod pa'i
drung du bsnyen pa ltar/ /mi rnams srog kyang de bzhin no/ /chu
klung drag tu 'bab pa'i rgyun/ /ldog pa med pa ji lta bar/ /de
bzhin mi yi tshe

'gro ba/ /slar ni ldog par 'gyur ba med/ /ces so/ /yang gzhan
las/ sa dang lhun po rgya mtsho nyi ma bdun/ /'phar bas bsregs
pas lus can 'di dag kyang/ /thal ba yang ni lus par mi 'gyur na/
/shin tu nyam chung mi ltas smos ci 'tshal/ zhes so// ! bdag

@051b gi bu thams cad dang 'bral bas ni/ phangs shing sdug pa'i
bu dang khyim thabs sogs/ /bshes pa'i skye bo'i tshogs dang shing
rta dang/ cang shes rta dang dul ba'i glang po sogs// nor 'bru
rin chen mdzod mang sogs kun 'dor/ /bu dang chung ma la sogs pa
gnyen

bshes kyi tshogs dang/ shing rta la sogs pa bzhon pa dang phyugs
kyi tshogs dang/ nor bu dang mu tig dang bai DUrya dang gser
dngul la sogs pa rin po che'i tshogs dang/ nor dang 'bru la sogs
pa'i bang mdzod mang po dang/ zhing dang skyed mos tshal la sogs
pa dang/

khang khyim la sogs pa longs spyod dang yongs su spyod pa thams
cad dang/ mi sde dang yul phyogs la sogs pa bdag gir bya ba lus
kyi sha rus phan chad thams cad 'dor zhing 'bral bar 'gyur pas
cung zad tsam dang yang 'grogs pa med pa'o/ /rgya cher rol pa
las/ 'chi

dang 'pho dang 'chi 'pho dus byed pa/ /phangs shing sdug pa'i
skye bo rtag tu 'bral/ /phyir mi 'ong zhing phrad par 'gyur ma
yin/ /shing las lo 'brul 'dra zhing chu rgyun mtshungs/ /zhes so/
/skyes pa'i rabs las kyang/ /yun ring lhan cig 'khod 'khod
kyang/ /'chi bas so sor 'bral

'gyur zhing/ /mya ngan chen pos gdung 'gyur ba/ /'di ni 'jig
rten 'di na nges/ zhes so// gzhan las kyang/ lus mtha' thal ba
mthar bskam mthar 'drul zhing/ /tha mar mi gtsang snying po ma
mchis pa/ rnam par 'jig dengs myags par 'gyur ba ste/ /so sor
'gyes

chos can du mkhyen par mdzod/ /ces so/ /yang gzhan las thams cad
bor te cha dgos par// bdag gis de ltar ma shes te/ /mdza' dang
mi mdza'i don gyi phyir/ /sdig pa rnam pa sna tshogs byas// mdza'
ba rnams kyang med 'gyur zhing/ /mi mdza' rnams kyang med

par 'gyur/ /bdag kyang med par 'gyur ba ste/ /de bzhin thams cad
med par 'gyur// zhes so// ! bzlog par mi nus pa'i lus dang sems
kyi sdug bsngal gyis ni/ /rin chen sra ba 'phan med 'thug po
yis/ /kun nas 'joms dang mi bzad seng ge'i khar/ /ri dwags

@052a phra mo chud ltar stobs sogs kyis/ /bzlog tu med pa'i lus
sems gdung bas gzir/ /rgyal po la gdams pa las dper na phyogs
bzhi car nas ri chen po sra pa brtan pa snying po dang ldan pa/
ma zhig pa/ ma gyes pa/ 'phan med pa/

shin tu 'khregs pa/ shin tu stug pa/ gnam la reg pa bzhis bzlog
ste/ rtswa dang shing la sogs pa dang srog chag 'byung po thams
cad phye mar 'thag cing 'ong ba la ni mgyogs pas bros pa'am/
stobs kyis bzlog pa'am/ nor gyis bzlog pa'am/ rdzas dang

sngags dang sman gyis bzlog par sla ba ma yin no/ /de bzhin du
rga ba dang na ba dang/ 'chi ba dang/ rgud pa'i 'jigs pa chen po
'di bzhi'ang dar la bab pa dang nad med pa dang srog dang phun
sum tshogs pa 'joms shing 'ong ste/ de dag las kyang mgyogs pas
bros pa'am/

stobs dang nor dang sngags la sogs pas bzlog par sla ba ma yin
no/ /yang dper na ri dwags kyi rgyal po seng ges ri dwags bzungs
te ci 'dod du bya ba byed do/ /de ni stobs po che'i kha mi bzad
pas bzung pas dbye byar med par 'gyur ro/ /de bzhin du 'chi bdag
gi gsal

shing gis zug ste rgyags pa dang bral/ mgon med skyabs med dpung
gnyen med/ gshis ni bye/ tshigs ni bye bral/ sha khrag ni bskams/
lus ni nad kyis gdungs/ skom ni skom/ bzhin ni 'gyur/ rkang lag
ni g.yob/ las ni mi nus/ mthu ni med/ kha chu

dang snabs dang gcin dang ngan skyugs kyis ni lus la gos/ mig la
sogs pa'i dbang po rnams ni 'gags/ skyigs bu ni 'byung/ sgra
ngar ngar po ni thon/ sman pas ni bor/ sman dang kha zas dang
thug pa thams cad kyis ni gles la bor te/ 'gro ba gzhan du 'gro

bar mal gyi tha ma la ni nyal/ thog ma med pa'i skye rga na
'chi'i 'khor ba'i rgyun du ni nub/ srog ni cung zad tsam lus/
gshin rje'i mis ni 'jigs skrag /byur gyi dbang du ni song/ dbugs
rgyu ba ni chad/ kha dang sna ni gdangs/ so ni gtsigs/ sbyin pa
byin zhes de

@52b skad gsol ba ni 'debs/ las kyi srid pa nas yang srid bar ni
'jug /gcig pu gnyis med grogs ni med/ 'jig rten 'di ni 'dor/
'jig rten pha rol tu ni 'gro/ bskyas chen po ni 'degs/ mun pa
chen por ni 'jug /g.yang sa chen por ni ltung/ khrod stug por
ni 'jug/

dgon pa chen por ni 'gro/ rgya mtsho chen pos ni khyer/ las kyi
rlung dmar gyis ni bdas/ sa tshugs pa med pa'i phyogs su ni 'gro/
g.yul ngo chen por ni 'jug /gdon chen pos ni zin/ nam kha' la
ni 'chel/ pha ma dang phu nu dang/ sring mo dang bu dang bu mos
ni bskor

dbugs ni chad/ nor bgo bsha' bya zhes ni zer/ kyi hud ma kyi hud
pha kyi hud bu zhes ni zer/ sgra ni zhigs pa na/ sbyin pa la
sogs pa chos ma gtogs pa'i skyabs med pa'o// ! shin tu dman pa'i
gnas skabs su rnam par 'gyur bas gnod pa ni/ legs par

bsrungs shing gos bzang sna tshogs dang/ /rin chen spras pa'i
khri stan bcas par ni/ /ro bro'i mchog sogs longs spyod bzang
spyad kyang/ /gcer bu 'jigs rung ce sbyang sogs nang 'dor// de
nyid las rgyal po chen por lta bas  na khyod kyis mi rtag par
lta zhing/ zad pa dang dengs

par lta ste 'chi bas 'jigs skrag par bya'o/ /chos kyi rgyal srid
gyis shig /chos ma yin pas ni mi bya'o/ /ci'i phyir zhe na/
khyod kyis lus 'di ltar legs par bsrungs shing yongs su btsas pa
yang 'chi ba'i dus byed par 'gyur ro/ /shin tu yun ring por bza'
ba dang bca'

ba dang myang ba dang btung ba bsod cing mang pos tshim par byas
pas bskyed bskyed pa'ang/ tha ma'i mal du sman pas bor te sman
pa dang bza' btung gis kyang gles la bor nas bkres skom gyis
nyen cing yid mi bde bzhin du 'chi'o/ /khyod kyis lus dkrus
shing bskus/

bdug pas bdugs me tog dri zhim pos bsgos kyang/ dus su rang
bzhin gyis lhan cig skyes pa'i dri nga ba nges par 'byung ngo/
/gos ka shi ka dang/ srin bal dang/ du ku la dang/ dar la sogs
pa'i bye brag gis g.yogs kyang/ mal gyi tha mar snum dang chus
gos pa dri ma

@53a can gyi gos gyon zhing 'chi'o/ /btsun mo'i 'khor gyis nang
na bud med kyi tshogs kyis glu gar dang rol mo sna tshogs kyi
rtse/ dga' mgur spyod pa yang 'jigs shing yid mi bde bzhin du
'chi'o/ /khyim nang na spos dri zhim pos ni bskus/

gtan pa ni bcug /skar khung ni bcad/ 'bru mar dri zhim po'i mar
me spar/ dar gyi lda ldi bres/ me tog dri zhim po mang po bcal
du bkram/ spos bzang pos bdugs/ rin po che'i khri la pa ti ka
dang/ dre'u rdog la sogs pa'i stan du mas bkab cing/ g.yas
g.yon

dar dmar po'i sngas bzhag pa la nyal nyal ba yang/ bya rog dang
wa la sogs pa dang ro dang sha dang rus pa dang/ skra dang rnag
khrag gis gnas mchog tu 'jigs su rung ba'i dur khrod chen por
lus g.yo ba med par sa la nyal du nges so/ /glang po che'am

rta'i rgyab bam shing rta la zhon te dung dang rnga la sogs pa
sil snyan len cing/ gdugs dang rgyal mtshan la sogs pa bsgreng/
bsil yab nor bu'i yu ba can la sogs pa g.yob cing dpung gi
tshogs du ma ni phyi bzhin 'brang/ rgyal bu dang blon po dang
mdun na

'don dang skye bo thal mo sbyar ba du mas phyag byed cing rgyal
bar spyon cig ces snyan pa brjod cing phyir 'byung 'byung ba
yang/ ring po mi thogs par shi ste g.yo ba med par mi bzhis
btegs nas 'khor gyi skye bo mang po mya ngan gyi dbang du song
ba lag pa bteg

nas brang brdung ba dang/ mchog tu snying rje rje skad kye hud
mgon po kye hud pha kye hud bu zhes ngu zhing/ skye bo kun gyis
'jigs pa lta ste lho phyogs kyi sgor phyung nas sa 'og la sogs
par bcug kyang wa la sogs pas za ba'am/ yang na mer bsregs sam
chur bskyur

yang dngas shing rul bar 'gyur ro// ! zhar la gnyen po la sbyar
ba brjod pa/ de tshe chos ma gtogs pa'i skyabs gzhan med/ /chos
nyid mgon dang rten dang gling yin te/ /grang bas nyen la me
sogs ji bzhin du/ /chos kyis skyob pas chos la legs brton bya/ /

@053b de nyid las/ sbyin pa dang dka' thub dang chos 'ba' zhig
grogs su gyur pa na chos ma gtogs pa skyabs gzhan med mgon
gzhan
med/ dpung gnyen gzhan med do/ /de'i tshe chos ni gling dang gnas
dang mgon dang brten par 'gyur ro/ /dper na grang bas nyen pa la
me dang/ mes gdungs pa la me gsod

pa dang/ tsha bas nyen pa la bsil ba dang/ skom pa la chu grang
mo dang/ nad kyi btab pa la sman dang sman pa dang/ nad g.yog
dang/ chus khyer ba la gzings dang/ dbul po la nor dang/ byed
par 'dod pa la grogs dang/ bcad par 'dod pa la lag cha dang/
bshig par 'dod pa la rdo rje

la sogs pa dag mgon dang skyabs dang rten du gyur pa lta bu'o
zhes gsungs pa bzhin no// ! 'du shes de bsgom pa'i byed pa'i
dbang du byas nas nyes pa thams cad 'dor ba ni/ 'di la nges par
yid ches blo ldan gang/ /'jig rten chos kun don med nyid rtogs
pas/ de

yi spros la chags sogs nges bzlog cing/ /nyes par spyod pa'i
tshang tshing kun las 'da'// 'di'i nges shes rnal ma skyes na ni/
/de ring ngam sang nyin rang 'chi bar shes na nye du dang nor
rdzas la sogs pa gang dang yang 'grogs su med pas de dag la sred
pa la sogs

pa bzlog cing/ gtong ba la sogs pas snying po len pa'i blo phal
cher la ngang gis kyang 'byung ba ltar/ rnyed pa dang grags pa
la sogs pa 'jig rten pa'i chos thams cad spun pa 'phyar ba la
sogs pa ltar snying por bya ba'i don ci yang med cing/ byis pa
rnams bslu brid byed

pa 'ba' zhig tu rtogs pas/ de dag la mngon par zhen pa'i spros
pas sbyar ba'i nyon mongs pa thams cad dang/ des kun nas bslang
ba'i nyes par spyod pa thams cad las ngang gis kyang 'da' bas na
'di las don che ba'i chos gzhan gang zhig yod/ / ! dge legs dang
yon tan

thams cad bsgrub pa ni/ rgud pa kun sel bde legs nyid sbyin pa/
/dam pa'i skyabs mchog rin chen lhar bzung nas/ /cis kyang chos
las mi 'da' bsod nams kyi/ /las kyi mi ngoms snying po len par
nges/ /des ni 'tshe ba dang ngan song dang 'khor ba'i sdug bsngal
dang

@054a gnod pa dang rgud pa thams cad sel zhing bde legs ma lus
pa thams cad kyi 'byung gnas skyabs kyi dam pa rin po che gsum
la skyabs su 'gro ba dang mchod pa la sogs pa'i sgo nas lha nyid
du bzung nas/ 'dun pa dang zhe sdang dang rmongs pa dang 'jigs

pa la sogs pa'am/ yang longs spyod thams cad dang lus dang srog
la lta ba la sogs pa ji lta ji lta bus kyang chos las mi 'da'
bar tshul khrims rnam par dag pa gzhir byas te/ sbyin pa la sogs
pa bsod nams dang ye shes kyi tshogs mang po ci nus ci

'os su gsog pa la rtag tu dang gus par sbyor bas/ lus dang srog
dang longs spyod snying po med pa thams cad la snying po dam pa
len pas skye ba don yod pa'i 'gros bzang po dang chen pos kun tu
'gro bar nges par shes par bya'o/ / ! dpes kyang bsngags pa

ni/ des na 'di ni 'du shes mchog nyid dang/ /nyon mongs nyes
tshogs kun 'joms tho ba dang/ /dge legs ci lcogs cig car bsgrub
pa'i sgo/ /la sogs legs tshogs mang pos rab tu bsngags/ /'das
chen las/ zhing rmo ba thams cad kyi nang na ston gyi log

mchog go /rjes thams cad kyi nang na ba lang gi rjes mchog go/
'du shes thams cad kyi nang na yang mi rtag pa dang 'chi ba'i
'du shes mchog yin te/ 'di dag gis ni khams gsum gyi 'dod pa
dang ma rig pa dang nga rgyal thams cad sel to zhes so/ /de

bzhin du nyon mongs pa dang nyas pa spyod pa thams cad cig car
'joms pa'i tho ba dang/ dge legs thams cad cig car bsgrub pa la
'jug pa'i sgo chen por gyur pa la sogs pas kyang bsngags pa'o/
/tshoms las/ lus 'di rdza snod 'dra bar rtogs byas shing/ /

de bzhin chos rnams smig rgyu 'drar shes nas/ /bdud kyi me tog
mtshon ni 'dir gcod pa// 'chi bdag rgyal pos bltar yang med par
'gro/ zhes gsungs so// ! skabs kyi don bsdu ba'i dbang du byas
pa/ /de ltar nges bsams ci nus rab bsgrims te/ /brtul zhugs

@054b gtsang byas skad cig thang cig kyang/ /g.yel med dge
tshogs spel dang sdig rnams kun/ /sbyangs nas snang mtha' ches
lhag des bgrod bya/ /de lta bu'i don la brten cing lan mang du
byas pa la nges pa brtan par byas nas/ khyad par du'ang 'chi
ba'i sbron pa nad mang ba

dang/ rga ba'i khur gyis non cing skra dkar ba dang gnyer ma
'dus pa dang so brul ba dang lus zhum zhing stobs nyams pa la
sogs pa rnams kyis nus pa ci yod gtugs pa'i bsgrim pas/ skya
reng skya reng gis mtshams bcad cing thub pa'i brtul zhugs rin po
che la

ltung ba phra bas kyang sngar phan byung ba rnams bshags
bsdoms
la sogs pa ci rigs pas phyir gso zhing/ phyi ma mi 'byung bar
dran pa dang shes bzhin dang ngo tsha shes pa dang khrel yod pas
rab tu bsgrims te dri ma med cing rnam par dag la rab tu gtsang
bas gnas par

bya'o/ /skad cig thang cig yud tsam re rer yang g.yeng ba med
par brtson 'grus drag pos dkon mchog mchod pa la sogs pa sgo sna
tshogs nas bsod nams kyi las ngoms pa'am skyo ba med par chung
ngu'i chung ngu yan chad la gtsigs po cher bzung ste bsgrub cing

spel ba dang/ thog ma med pa nas bsags pa'i sdig pa che phra
thams cad stobs bzhis byang ba'i mtshan ma mang du dmigs pa dang
bcas par sbyang ba la 'bad pa mi zhan pa rang sems kyis ma khrel
ba dam pa rnams la mi gnod pa'i ngo so dang bcas par nyin mtshan

'da' bas/ nam 'chi yang 'gyod pa med cing dga' ba dang bcas pa
nges pa thob pa'i re ba dang bcas pas snang ba nas snang ba'i
mtha' ches lhag cing gya nom pa lam bsgrub pa'i nus pa lhag pa
lhag par brgyud pa dag gis go 'phang je mtho je mthor 'dzeg cing
'gro ba las

sems can gyi tshogs mtha' dag la brtse ba'i mig gis rnam par blta
zhing bsdu ba'i lag pas yang ba'i gnas nas tsen gyis drangs te/
phan pa dang bde ba'i longs spyod chen po cis kyang mi brel ba'i
gnas mchog dam par bkod pas dbugs 'byin pa sbyin pa'i

@055a sbyin bdag chen por 'gyur bar bslab par bya'o/ /bstan pa
la 'jug pa'i rim pa rnam par bshad pa las mi rtag pa la 'jug pa
ste le'u gsum pa'o// !//de ltar rten des mi rtag pa yid la bya
bas bskul

te snying po blang bar 'bad par bya ba'ang mi dge ba spang zhing
dge ba bsgrub pa'i sgo kho nas yin te/ 'jig rten gzhan dang
gzhan du 'pho ba na dge ba'i rtsa ba ni chung ngus kyang phan
'dogs pa chen por 'gyur la/ sdig pa ni chung ngus kyang gnod pa
chen por 'gyur

pas na/ de dag bsgrub cing spang pa la 'bad pa'i don du las dang
'bras bu bsam pa ston to// ! 'di la mdor bsdus te bstan pa'i
dbang du byas nas chos thams cad rgyu'i gzhan gyis dbang can
rten cing 'brel par 'byung ba'i mtshan nyid las rgyu gtso bo yang
bzang po

dang ngan pa'i las nyid du zad pas na las la bltos par smras pa/
'jig rten mtha' dag las kyis bsgrub pa ste/ /de ni bskal pa
stong du'ang chud mi za/ /rang gis byas la spyod cing chung las
kyang// rnam par smin pa ched smin nges par bsam/ /snod dang
sems can

gyis bsdus pa'i 'jig rten mtha' dag ni las dang nyon mongs pa
las skyes shing de dag gi dbang gis byung bar gsungs la/ nyon
mongs pa yang las kun nas slong zhing gsos 'debs pa'i rkyen yin
pa'i phyir las kyi rgyu can nyid du grub pa ste/ snying rje chen
po padma

dkar po las/ 'jig rten ni las kyis byas pa las kyis sprul pa'o/
/sems can rnams ni las kyis byas pa/ las kyi rgyu las byung ba/
las kyis rab tu phye ba'o zhes so/ /las de ni gnyen po skyes pa
ma gtogs pa bskal pa mtha' yas par yang 'bras bu med

pas chud za bar mi 'gyur te/ bag la nyal yun ring du gnas pa dag
kyang ci zhig ltar rkyen dang phrad na 'bras bu 'byin par nus
pas na/ rba brgal bzhin du 'byung zhes kyang gsungs la/ lus can
dag gi las rnams ni/ /bskal pa brgyar yang chud mi za/ /

@055b tshogs shing dus la bab pa na/ /'bras bu nyid du smin par
'gyur/ /zhes kyang mang du gsungs so/ /las de'ang rang gis byas
pa la spyod pa ste byed pa po'i zin pa'i phung po nyid la smin
gyi/ gzhan la ma yin pa'i phyir ro/ /mdo las lhas byin gyis byas
pa'i las ni sa dang chu la

sogs pa la mi smin gyi/ de nyid kyi phung po dang khams dang
skye mched la smin par 'gyur te gzhan su zhig la smin par 'gyur
zhes so/ /de lta ma yin na las byas pa chud zos pa dang/ ma byas
pa dang phrad pa'i nyes par yang 'gyur bas so/ /de'ang chung ngu
las che ba dang

ches chen po la sogs pa nyid du smin gyi/ mnyam pa'am chung bar
ni nam yang mi srid de/ n+ya gro d+ha la sogs pa bzhin no/ /zhe
sdang la sogs pa'i sdig sems skad cig gi grangs kyis bskal par
dmyal bar sdug bsngal myong bar 'gyur ba la sogs pa mang du

gsungs pa ltar ro/ / !des na las phra ba nas bsgrim par 'bad par
bya ba ni/ de phyir dge ba phra bas bde 'byor ni/ /chen pos
dbugs 'byin sdig pa phra bas kyang/ /sdug bsngal chen pos gdung
'gyur nges bsams te/ /phra ba'i phra la'ang cher bsgrim nan tan
bya/ /

'chad par 'gyur ba ltar dge ba'i rtsa ba chung ngus kyang yun
ring por bde ba chen po dang mang po bskyed par nus la/ ngag gis
nyes par spyod pa re re tsam gyis kyang skye ba lnga brgya la
sogs par sdug bsngal mang po bskyed par nus pas na/ shin tu
bsgrim par bya dgos te/ dge ba

chung ngu'ang khyad du gsod na skur pa 'debs pa'i sdig pa yang
'gyur la/ chung ngu nas ma sbyangs shing ma bsags par chen po
nyid mi 'grub pas na lag pa stong par 'gyur ro/ /sdig pa dang
ltung ba la yang chung ngu khyad du gsod na sangs rgyas dang
chos la'ang skur bar 'gyur

bas chung ngu nyid du mi 'gyur ba'i phyir ro/ /mdo las/ chu'i
thigs pas bum pa dang po tha ma'i bar/ /rim gyis nyung ngu nyung
dus de yongs 'gengs pa ltar/ /zhes bya ba dang/ sdig pa shin tu
chung ngu la'ang/ mi gnod snyam du brnyas mi bya/ /chu yi thig
pa bsags pas
@56a kyang/ /snod chen khad kyis 'geng bar 'gyur/ /zhes bya ba
dang/ yang sdig pa chung byas bdag nyid kyi/ /phyi bzhin mi 'ong
ma sems shig /chu yi thigs pa lhung ba yis// snod chen gang ba
de bzhin du/ /cung zad bsags pa'i sdig pas kyang/ /byis pa rab
tu

gang bar 'gyur/ /dge ba chung byas bdag nyid kyi/ /phyi bzhin mi
'ong ma sems shig /chu yi thig pa lhung ba yis/ /bum chen gang
ba ji bzhin du/ /cung zad bsags pa'i dge ba yis// brtan pa rab
tu gang bar 'gyur// ! zhes gsungs so/ /des na dge ba chung ngu'i
chung ngu la'ang

gus par bsgrims pas sa bon btab cing bsags pa las chen po bde
blag du skye zhing spyod yul du 'gyur la/ /sdig pa phra ba'i
phra ba nas cher 'dzem pas spangs pas ni chen po'ang rang gis
bzlog cing/ gnyen po ma 'dres pa stobs dang ldan pa la 'jug pas
don shin tu

chen por 'gyur te/ chung ngu dag la'ang spros pa dang 'jigs pa
chen pos 'jug pa'i dad ldan dag la ni chos chen po thams cad lag
mthil du byung zin pas na 'di ni man ngag las kyang ches man
ngag chen po la zhugs par nges so/ /yang btso blag mkhan dag
chus 'khru zhing

mda' mkhan mes ni srong ba dang/ /shing mkhan shing la 'jog
sbyong ltar/ /mkhas pas bdag nyid dge bas 'dul/ /zhes te/ rim
gyis zhes dgongs so// ! las rnams bsam gyis mi khyab par brjod
pa/ chos dang chos min zhes brjod dge ba dang/ /mi dge'i las

lam 'di dag rten 'brel ni/ /zab mo'i chos sgo bsam mi khyab pa'i
gnas/ /kun mkhyen rgyal po'i spyod yul kho nar zad/ /chos dang
chos ma yin pa dang kha na tho ba med pa dang/ kha na ma tho ba
dang bcas pa la sogs pa'i rnam grangs can/ dge ba zag bcas dang
zag med la

sogs pa dang/ mi dge ba dag las/ 'bras bu 'dod dang mi 'dod pa
sna tshogs su 'gyur ba'i rgyu 'bras kyi nges pa 'di ni rten cing
'brel par 'byung ba zab pa phra ba mkhas shing mdzangs pas rig
par bya ba'i chos kyi sgo bsam gyis mi khyab pa'i gnas chen pos
te/ rnam pa

@56b thams cad ni thams cad mkhyen pa kho na'i spyod yul du zad
do/ /'di rnam par nges shing yid ches dang ldan pa ni 'jig rten
pa'i yang dag pa'i lta ba zab mo dang ldan pas ngan 'gro gcod
par yang gsungs so/ /dran pa nye bar bzhag pa las dran pa nye
bar bzhag pa zhes bya ba'i chos kyi rnam

grangs ni chos la chos dang chos ma yin pa la'ang chos ma yin pa
nyid du mthong ba de dran pa rtag tu nye bar gnas shing the tshom
med pas lus dang ngag dang yid kyi las dang/ las kyi rnam par
smin pa dang skye ba dang 'chi ba'i rnam par smin pa shes te lta
ba phyin ci ma log pas na gzhan

gyis kha ma phyin to/ /zhes so/ /yang gnas 'di ni byis pa rtog
ge pa dag gi spyod yul du 'gyur ba lta zhog /'phags pa'i ye shes
dang ldan pa dag gis kyang thams cad yul du bya bar mi nus pas
na dge slong las dang las kyi rnam par smin pa shes pa des thos
pa las byung ba'i

shes pa'am lha'i mig gis bltas na zhes phal cher drang srong
chen po chos la spyan du gyur pa nyid kyi lung la bltos par
gsungs so/ /snying rje chen po bstan pa las kyang/ de bzhin
gshegs pa rgyu la mkhas pa ste/ las kyi rnam smin tshul mkhyen
spyan dang ldan/ /dus gsum

dag la chags pa mi mnga' ste/ /sems can kun gyi spyod pa rab tu
mkhyen/ /rgyu ni gang zhig bde bar 'gyur ba ste/ /lha dang mi yi
rnam par smin ldan dang/ /gang yang sdug bsngal dag tu 'gyur
byed pa/ /de ni bde bar gshegs pas rab tu mkhyen/ /dge ba dang
ni mi dge'i las

rnams kyi/ /rgyu dang rnam par smin pa cir 'gyur ba/ /de ni bde
bar gshegs pas rab mkhyen te/ /nor bu rin chen phyag tu bzhag pa
bzhin/ /zhes so// ! las de'ang sems kyi rtsa ba can du bsgrub
pa/ las kyang sems pa dang ni bsam pas bsdus/ /gnyis ka'ang rtog
sogs

sems kyis byed pa ste/ /sems dman mchog sogs g.yo ba sna tshogs
kyis/ /srid dang zhi sogs mtho dman sna tshogs phye/ /las kyi bye
brag sna tshogs thams cad ni sems pa dang bsam pa'i las gnyis
kyis bsdus pa ste/ drang srong mchog gis las rnams

@57a ni/ /sems pa dang ni bsam par gsungs/ /las de dag gi bye
brag ni// rnam pa du mar yongs su bsgrags/ /zhes gsungs pa ltar
ro/ /yang 'jig rten sna tshogs las las skyes/ /de yang sems pa
dang des byas/ sems pa yid kyi las yin te/

des bskyed lus dang ngag gi las/ /zhes so/ /de gnyis ka'ang rnam
par rtog pa can gtso bor byas pa'i sems kyis byed pa kho na ste/
sems dman pa dang gya nom pa dang/ 'dod pa dang sdang ba dang
bde ba dang sdug bsngal la sogs pa'i g.yo ba sna tshogs kyis
legs

par spyod pa dang nyes par spyad pa la sogs pa'i las sna tshogs
bsgrub pa las 'bras bu 'khor ba dang mya ngan las 'das pa dag
dang/ 'gro ba dang skye ba dang lus dang dbang po la sogs pa rab
dang 'bring dang tha ma sna tshogs yang dag par len pa'i phyir
ro/ /klu'i rgyal po rgya mtshos

zhus pa las/ 'jig rten gnas pa 'di ni las sna tshogs kyis bskyed
nas/ sems kyi dmigs pa sna tshogs kyis las sna tshogs dag mngon
par 'du byed de 'gro ba sna tshogs su 'gyur ba'o/ /zhes so// !
rgyu 'bras kyi rnam par dbye ba bsdus pa ni/ ma rig la sogs nyon
mongs las

dang ni/ /skye ba'i 'khrul 'khor chen por srid gsum 'khor/ /yang
dag lta bas ma rig 'gags las kun/ /nyer zhi 'di dag rgyu 'bras
ma lus sdom/ /sa lu ljang pa las 'di yod pas 'di 'byung/ 'di
skyes pas 'di skye ba 'di lta ste/ ma rig pa'i rkyen gyis 'du
byed ces

bya ba la sogs pa dang/ 'di 'gags pas 'di 'gag pa'ang 'di lta
ste/ skye ba 'gags pas rga shi 'gag ces bya ba la sogs pa gsungs
pa ste/ 'di dag ni rten cing 'brel par 'byung ba lugs dang mthun
pa dang lugs las ldog par 'jug par 'khor ba dang mya

ngan las 'das pa'i rgyu dang 'bras bu rnam par dbye ba gnyis su
thams cad bsdu ba'o/ /snying rje chen po padma dkar po las/ 'jig
rten ni las kyis byas pa ste ma rig pa'i rkyen gyi 'du byed la
sogs pa 'jug pa dang ldog pa ma gtogs pa byed pa po'am byed du
'jug pa po'am

@57b 'jog pa po ni gang yang med de/ las dang nyon mongs dang
sdug bsngal zad pa tsam mya ngan las 'das par 'jog pa'o/ zhes
so/ /'das chen las/ ma rig pa ni 'das pa'i nyon mongs pa'o/ /'du
byed ni 'das pa'i las so/ /rnam par shes pa ni da ltar gyi thog
mar

mngal du 'jug pa'o/ /ming dang gzugs ni yan lag lnga dang dbang
po bzhi ma tshang ba'o// skye mched drug ni dbang po bzhi dang
ldan pa'o/ /reg pa ni bde ba dang sdug bsngal gyi bye brag mi
shes pa'o/ /tshor ba ni sred pa gcig la chags pa'o /sred pa ni
'dod pa'i yon tan lnga

la chags pa'o/ /len pa ni nang dang phyi rol dag la chags pa'o/
/srid pa ni phyi dang nang gi dngos po lus dang ngag dang yid
kyi las bskyed pa'o/ /skye ba ni da ltar gyi rnam par shes par
bzhag pa ma 'ongs pa'i skye ba'o/ /rga shi ni da ltar gyi ming
dang gzugs nas tshor ba'i bar ma 'ongs

pa'i rga shi'o/ /mngal du shi ba la sogs pa ni bcu gnyis med de
rdzogs ldan la yod pa'o// gzugs dang gzugs med pa dag na yang
thams cad kyi sa bon yod pas bcu gnyis su bzhag go zhes so// !
rtsa ba sems su grub pa nyid bsdu ba ni/ des na chos kun bcos bu

gzugs brnyan ltar/ /ji ltar bsgrub bzhin 'grub par dmigs pa ste/
/'di la bdag po'am byed po 'ga' med par/ /mthu chen sems kyi cho
'phrul cir yang gda'/ /rten 'brel ni stong pa'i rtags su'ang
'chad par 'gyur bas na de las chos thams cad kyi rtsa ba rgyu
rkyen gyis glo bur

du byas pas rtswa'i me la sogs pa lta bu yin pa'i phyir/ gang
zhig ji ltar bsgrubs pa de ltar 'grub pas na bden par gnas pa'i
rang bzhin gang yang ma grub pas/ byed pa po la sogs pa'i bdag
med cing g.yo ba med bzhin du sems bag chags sna tshogs rgyas pa
can

gyi gar mkhan gyis sbyar ba'i rnam 'phrul gyi snang ba tsam du
zad par blta'o/ /rgya mtshos zhus pa las/ sems sna tshogs kyis dge
ba dang mi dge ba sna tshogs kyis lus sna tshogs byas pa'o// sems
ni gzugs med bstan du med de/ des na chos thams cad ni bcos ma

@58a rnam par bsgrubs pas gnas pa'i mtshan nyid do/ /las kyang ci
ltar bsgrubs pa ltar 'grub pas bdag po'am byed pa po gang yang
med do/ /chos 'di dag ni bsam gyis mi khyab pa sgyu ma'i rang
bzhin no zhe'o// ! rtsa ba sems nyid du 'dul

bar bslab pa ni/ de bas mkhas pas sems nyid rab brtags te/ /'dul
sbyong mkhas pa'i lcags kyus legs btul ba'i/ /glang po bzhin du
log 'jug rab bzlog nas/ /bzang po'i dmigs la gtad de legs par
bkol/ /des na blo dang ldan pa bdag legs

su 'dod pa rnams kyis rtsa ba sems nyid kyi gya gyu dang yon po
la sogs pa skyon rnams rig par byas la/ glang po ma dul ba myos
pa dregs pa can mi la sogs pa la gnod pa sna tshogs byed par dpa'
zhing chas pa dag 'dul sbyong mkhan gyis lcags kyu klad du
btsugs

pas myur bar gang 'dod du bzhag cing dkri ba dang bkol bar nus
pa ltar/ sems de nyid log pa'i yul sna tshogs la yan par 'jug pa
las dran pa dang shes bzhin gyis legs par bslan te/ bzang po'i
gnas dge ba dang zhi ba dang mthun pa dang mtshungs par spyod

pa dag la stobs ci yod pas sbyar bar bya'o/ /dran pa nye bar
gzhag pa las/ sems can kun gyi las kun ni/ /sems la rag las 'jug
par 'gyur/ /de ltar rtag tu sems 'dul ba/ /'chi med gnas su
'khrid par byed/ /de lta'i sems ni gang yin pa/ /mkhas pa

rnams ni 'dul bar byed/ /de dag bdud kyi 'ching las 'das/ /pha
rol bde ba 'byung ba thob/ /rnam rtog mi bzad g.yon can te/ /de
ni gting dpag dka' zhing g.yo/ /de lta bu la brten pa'i sems/
/dmyal ba'i g.yang sar nye bar ltung/ zhes so/ /gzhan las
kyang/ yid

kyi glang po log 'gro ba/ /dmigs pa'i ka ba bzang po la/ /dran
pa'i thag pas nges bcings nas/ /ting 'dzin lcags kyus rim dbang
bya/ zhes so/ /yang chos la sems pa'i ka chen la// sems kyi
glang po dam btags na/ /'jigs pa thams cad med par 'gyur/ /

@58b dge ba thams cad lag tu 'ong/ zhes so// ! sems legs par
btul ba'i che ba brjod pa/ sems kyi dgra chen legs btul 'jig
rten gyi/ /gnod chen kun bzlog bsngags tshogs ma lus thob/ /de
phyir mkhas rnams shugs chen der gtug gi/ don

med dka' thub drag pos ci byar yod/ /'di ma dul ba nyon mongs
dang nyes par spyod pa sna tshogs la rnam par g.yo ba ni ma
rungs pa'i dgra chen po ste/ 'dis zhe sdang drag po skad cig gis
kyang mnar med par bskyur ba la tshegs med pas na/ gal te lha
dang

lha min rnams/ /thams cad bdag la dgrar langs kyang/ /de dag gis
kyang mnar med pa'i/ /me nang 'khrid cing 'jug mi nus/ /nyon
mongs stobs chen dgra 'di ni/ /gang dang phrad na ri rab kyang/
/thal ba yang ni mi lus pa/ /der bdag skad cig gcig la

'dor/ zhes gsungs pa dang/ yang sems kyi glang po yan btang bas/
/mnar med gnod pa byed pa ltar/ /glang chen ma dul myos ba yis/
/'di na de 'dra'i gnod mi byed/ /de ltas 'jig rten gsum po na/
/sems las 'jig pa gzhan 'ga'ang med/ /ces so/ /

de legs par thul ba la ni 'jig rten na gnod pa gang ji snyed yod
pa de thams cad bzlog par 'gyur la/ de lam legs par tshud pas ni
yon tan thams cad kyang bde blag tu thob pas na/ mkhas pa rnams
kyis ni nus pa thams cad sprugs pas sems kho na 'dul

ba nyid la nan tan bya'o/ /sems 'dul bar mi nus pa'i lus kyi
dka' thub drag po g.yang du mchong ba dang mer bsreg pa dang
tri shul la brgyug pa dang zas gcod pa la sogs pa thams cad ni
ngal ba 'bras bu med pas bdag dub pa'i mthar lhung du zad do/
/dran pa

nye bar bzhag pa las/ de ltar na sems can 'di dag sdug bsngal
te/ sred pas bslus shing gti mug gis bcings te bag la nyal dang
ldan pas dus gsum du 'tshed par byed kyang/ srid pa gcod pa la
'bad pa dang rtsol ba mi byed pa ci las yin/ 'di dag la

@59a snying med dam/ 'on te snying la mi shes pa yod dam/ shes
kyang yid mi 'byung ngam ji ltar gyur pa yin/ mtho ris su yun
ring na yang sems skyo bar 'os na sems bsra ba de lta ci smos/
thog ma med pa nas bslu bar byed pa'i sems la

mi mthun par gyur pa lnga ste/ rga ba dang na ba dang 'chi ba
dang mi sdug pa dang phrad pa dang sdug pa dang bral ba'o/ /yang
nyes dmigs bcus gnod de/ bkres pa dang skom pa dang/ sdug pa
dang bral ba dang/ yul nas yul du 'gro ba dang/ skye zhing 'chi
ba dang/ gzhan

gyis brnyas pa dang/ gzhan gyis bkol ba dang/ tsha zhing grang ba
dang/ zlas dbye ba dang/ 'byor ba rgud pa dang/ 'dod pa'i nyes
dmigs so/ /de lta bus mnar kyang mi dgag ba med pa'i sems dgra
lta bu/ rna ba dang snying med pa/ rdo dang rdo rje lta bu 'dod
pa la chog mi shes

pa/ dam pa'i chos la dga' ba rnams kyang mi byed pas yon tan
thams cad las phyi rol tu gyur pa'i phyir shin tu bslus pas na
snying rje bar 'os pa'o zhes so/ /yang sems dul ba ni legs pa
ste/ /sems dul bde ba thob par byed/ /gang gis rtag tu sems btul
ba/ /de

yis rtag tu nyes pa bcom/ /nyes pa bcom pa'i brtan po la/ /sdug
bsngal nyid kyis gnod mi 'gyur/ /las kyi thag pa dam po yis/
/skye bo bcings pa sdug bsngal che/ /tshe rabs dag ni stong snyed
du/ /'khrid par byed kyang mi mthong ngo/ /skad cig tu ni dge
byed cing/ /skad

cig tu ni mi dge byed/ /dge dang mi dge byed pa yi/ /sems dul ba
ni bde bar 'gyur// gang zhig 'dir ni sdug bsngal zhing/ /pha rol
tu'ang sdug bsngal ba/ /de dag thams cad mi bzad pa'i/ /sems 'di
yang zhing g.yo ba yin/ /lha dang lha min sha za klu/ lto 'phye
srin por

bcas pa yis/ /gtso bo mchog cig sems yin te/ /de ni srid gsum
rgyal po bzhin// sems kyis lha yi yul rnams dang/ /sems kyis mi
yul rnams su 'khrid/ /sems kyis ngan 'gro rnams su 'khrid/ /sems
kyis skye dgu 'khyam par byed/ /phan pa med pa'i

@59b yul rnams kyis/ /'khrul zhing nyams par gyur pa'i sems/
/sred pa yis ni bdas pas na/ /sdug bsngal mtha' med pa la gnas/
/spyod pa gcig la rtag tu sbas/ /snyen par dka' ba stobs po che/
/nyams par byed la mi mngon pa/ /de ni mi brtan myur du 'gro/
zhes so//

gzhan las kyang/ /sems ni gcig bu btul ba yis/ /gnod pa ma lus
thul bar 'gyur// sems 'di gcig pu btags pa yis/ /de dag thams
cad btags par 'gyur/ /sems bsrung brtul zhugs ma gtogs pa/
/brtul zhugs mang pos ci zhig bya/ /zhes

so// ! spros te bshad pa la dang por las 'bras bsgom pa'i rtsa
bar yang dad pa bsgom pa'i dbang du byas nas/ /las 'bras so sor
nges pa sna tshogs la/ /yid ches brtan zhing skyabs mchog rnams
la ni/ /rab dang thar pa dam pa don gnyer gang/ /des ni rten
'brel

zab sgor 'jug pa thob/ /dad pa ni yid ches pa dang/ dang ba
dang/ 'dod pa'i dad pa gsum mo/ /dang po las 'bras so sor nges
pa nyid la mi srid par dogs pa la sogs pas ma rtogs pa dang log
par rtog pa dang the tshom za ba spangs nas/ yid ches pa brtan
pas dge ba

mngon par 'du bya zhing mi dge ba spang bar don du gnyer ba
skyed par byed pa'o/ /dang ba ni dkon mchog dang bla ma la sogs
pa'i yon tan la sems mngon par dad cing dga' ba dang gus par
byed pa'o/ /'dod pa ni bden pa bzhi la sogs pa la thob pa dang
dor bar ched

du byed pa ste/ phan pa dang mi phan pa'i 'bras bu dag bsgrub pa
dang spang ba don du gnyer bar byed pa'o/ /de lta bu'i dad pa
dang ldan pa ni las phra ba'ang chud mi za bar nges pa las rten
'brel gyi sgo rgyu dang 'bras bu zab cing phra la zhib pa bsam
gyis mi khyab pa'i nus pa

dang ldan pa rnam par nges pa la 'jug pa thob pa'o// ! de dkar
po'i chos thams cad kyi rtsa bar yang bsgrub pa ni/ gzhan yang
rgyun tu skyabs mchog mi 'bras zhing/ /log pa'i lam spangs bag
yod lam spyod pas/ yon tan kun sdud myur du srid pa yi/ /

@60a rgya mtsho brgal nas 'gro kun sgrol bar 'gyur/ /de dang ldan
pas dus dang gnas skabs dang skye ba thams cad du'ang dkon
mchog
gsum dang bla ma la sogs pa skyabs dam pa dag dang mi 'bral bas
sangs rgyas mthong ba la sogs pas

mi gtong ba'i phyir/ log pa'i lam thams cad spangs shing bzang
po'i lam du zhugs te/ bag yod pa thob pas dkar po'i chos thams
cad bsgrub pa dang bzlog pa spong bar bsgrims pa la sogs pa'i
yon tan thams cad yongs su sdud pas na/ myur bar

rang dang gzhan gyi don phun sum tshogs pa ma lus pa bsgrub par
nus pa'o/ /rtsa ba dad pa bsgom pa 'di'i dbang du byas nas dad
pa'i stobs bskyed pa la 'jug pa'i phyag rgya las/ dad pa gang
gis sangs rgyas kyi chos thams cad la dad pa dang mos pa dang
yid ches pa dang the

tshom mi za ba de ni dad pa'o/ /yang las dang rnam par smin pa la
dad pa dang/ rnyog pa med pa'i sems la dad pa dang/ chos thams
cad stong pa la sogs pa la dad pa dang/ sbyin pa dang sbyin pa'i
'bras bu nas shes rab dang shes rab kyi 'bras bu'i bar la dad
pa'o/ /

dang ba'i mtshan nyid ni dad pa ste theg pa chen po la mos pa'o
zhes so/ /byang chub sems dpa'i sde snod las kyang dad pa dang
ldan pa zhes bya ba ni dad pa mang ba dang 'phags pa la blta bar
'dod pa dang/ dam pa'i chos nyan par 'dod pa dang/ las dang rnam
par smin pa

la yid ches pa dang/ mi dge ba bcu spangs shing dge ba bcu'i las
kyi lam yang dag par blangs te gnas pa'o/ /sangs rgyas dang
byang chub sems dpa' dang nyan thos la sogs pa dge ba'i bshes
gnyen du shes nas yid ches shing bsten par byed/ mnyes par

byed pa'o zhes so/ /zla ba'i snying po'i le'u las kyang/ dkon
mchog gsum la dad cing dang ba'i sems can ni dkon te yid bzhin
gyi nor bu rin po che bzhin no/ /zhes so/ /rgya mtshos zhus pa
las kyang byang chub sems dpa' chos lnga dang ldan pa ni dad pa
can

@60b yin te/ mos pa'i stobs dang/ las dang rnam par smin pa la
'jug pa'i stobs dang/ byang chub kyi sems mi 'dor ba'i stobs
dang/ yi dam la brtan pa'i stobs dang/ mi dge ba thams cad
spangs te nyes par byas pa thams cad bzod pa'i stobs dang ldan
pa'o

zhes so/ /gzhan las kyang/ 'di na skyes bu'i nor mchog dad pa
ste/ /'di na chos la longs spyod bde ba thob/ /bden pa kho na ro
bro rnams kyi phul/ /shes rab kyis 'tsho 'tsho ba'i mchog ces
gsungs/ /'phags pa blta bar 'dod pa dang/ /dam chos nyan par
dga' ba dang/ /

ser sna'i dri ma rnam spangs pa/ /de ni dad pa can zhes bya/
/zhes so/ /gsang ba bsam gyis mi khyab pa las kyang/ dad pa dang
ldan na sangs rgyas mthong ba dang chos nyan pa dang dge 'dun
la
bsnyen bkur byed pa las mi nyams so/ /gang du skyes par yang de
dag dang mi

'bral lo/ /sangs rgyas rnams kyi spyan sngar skyes nas dge ba
'tshol ba brtson pas khyim dang chung ma dang/ bu dang mu mo la
sogs pa don du mi gnyer ro/ /gzhon pa na yang rtse ba la mi dga'
bas na tshong mdzes pa'i tshe dad pas rab tu byung ste/ dge ba'i
bshes gnyen

bsten cing dge ba'i bsam pas chos nyan to/ /bsgrub pa snying por
byed kyi/ tshig lhur len par mi byed do/ /mang du thos pa la
brtson par byed cing ji ltar thos pa'i chos rnams kyang zang
zing la mi lta bas snying rjes gzhan la ston to/ /de chos 'ba'
zhig sgrub par

byed kyi/ 'dod pa 'tshol bar mi byed do/ /don la rton gyi tshig
'bru la mi rton no/ /'jig rten pa rnams kyi rton par yang 'gyur
ro/ /bag yod pa lhur byed pas dbang po'i sgo sdom zhing/ rang gi
sems 'dul bar byed/ gzhan gyi sems kyang srung bar byed do/ /de

ltar dad pa dang bag yod pa gnyis dang ldan pas na chos la gcig
tu gzhol bas/ tshe phyi ma ngan 'gror 'gro bas mi 'jigs te/ nyes
par spyod pa rnams la sems mi 'gro zhing/ 'phags pa rnams kyis
bsngags pa'i las byed pa'i phyir ro/ /yang dad pa dang dad
@061a mang ba dang/ rnyog pa med pa'i sems dang ldan pa dang/
las dang rnam par smin pa la yid ches pa dang/ mos pa dang rtogs
pa dang som nyi med pa dang/ the tshom med pa dang yid gnyis med
pa dang/ dkar ba dang gnag pa'i las

dang rnam par smin pa chud mi za bar shes nas srog gi phyir yang
sdig pa'i las mi byed de/ srog mi gcod pa la sogs pas mi dge
ba'i las kyi lam rnam pa bcu po la mi dmigs pa na chud mi za
pa'i lam yin no/ /sbyin pas longs spyod dang/ tshul khrims kyis

mtho ris dang/ thos bas shes rab che ba dang/ bsgom pas 'brel
bar 'gyur ba'ang ngo shes so/ /dkon mchog ta la las kyang/ dad
pa sngon 'gro ma ltar skyed pa ste/ /yon tan thams cad bsrung
zhing 'phel bar byed/ /dad pa nor dang gter dang rkang pa'i
mchog/ lag pa

bzhin du dge sdud rtsa ba yin/ zhes bya ba la sogs pa mang du
gsungs so/ /de ltar dad pa'i rtsa ba brtan pas dkar nag gi las
'bras spyir bsam pa ston pa na/ !las 'bras 'brel ba'i don rnam
par bzhag pa'i dbang du byas pa/ legs spyad nyes spyad so sor
spyad

pa yis/ /rnam smin sdug cing yid 'ong ma lus dang/ /mi 'dod sna
tshogs so sor myong 'gyur ba/ /rgyu 'bras rjes su byed pa'i chos
nyid do/ /legs par spyad pa'i las rnams kyi 'bras bu ni 'dod pa
sdug pa yid du 'ong ba dben pa phangs pa bde 'gro rnams kyi bde
'byor sna tshogs

ci rigs pa dag dang/ ngan song dag tu tha na dmyal ba'i mes
yongs su bsreg cing gdung ba na bser bu bsil bas skad cig thang
cig du ngal gso ba tsam yan chod lus dang longs spyod la sogs
pa'i bde ba gang dang gang so sor myong ba thams cad do/ /nyes
par spyod pa

rnams kyi rnam par smin pa ni mi 'dod pa mi sdug pa yid du mi
'ong ba mi dben pa mi phangs pa ngan song dag gi sems can dmyal
bar lus 'bar pa la sogs pa drag cing yun ring ba bar ma chad pa
rnams dang/ bde 'gro dag tu'ang tshe thung ba dang nad mang ba
la
sogs pa gang

@061b dang gang myong ba thams cad do/ /de dag kyang las lci ba
dang yang ba dang bar ma dag las gnas dang lus dang tshe dang
bde
sdug gi longs spyod rab dang 'bring dang tha ma ci rigs par so
sor nges pa thob pa nyid kyis cung zad kyang ma 'chol bar nyams
su myong bar

'gyur ba ste/ de dang de min rang bzhin can/ /de dang de min
rgyu las skyes/ /de dag phul byung 'grib pa las/ /'grib dang
'phel ba 'thob par 'gyur/ /zhes mkhas pa dag gis gsungs pa'i
tshul gyi 'bras bu sa bon ji lta ba'i rjes su byed pa ni rten
cing 'brel bar

'byung ba'i chos nyid yin pa'i phyir ro/ /mdo dag las kyang sems
can 'di dag ni lus kyi legs par spyod pa dang ldan pa/ ngag dang
yid kyi legs par spyod pa dang ldan pa 'phags pa la skur pa mi
'debs pa yang dag par lta ba dag ste/ yang dag par lta ba'i las

dang chos yang dag par blangs pa'i rgyu dang rkyen des/ lus zhig
ste shi nas bde 'gro mtho ris kyi 'jig rten du lha dang mi rnams
kyi nang du skye'o/ /sems can 'di dag ni lus gang ngag dang yid
kyi nyes par spyod pa dang ldan pa/ 'phags pa la skur pa 'debs
pa log par

lta ba dag ste/ log par lta ba'i las dang chos yang dag par
blangs pa'i rgyus/ lus zhig ste shi nas ngan song ngan 'gro log
par ltung ba sems can dmyal ba rnams su skye'o zhes las ji lta
bar nye bar 'gro ba'o zhes so/ /rgya mtshos zhus pa las kyang/
mkhas pa rnams

kyis ni bsam gyis mi khyab pa sgyu ma'i mtshan nyid du shes nas
dge ba'i las kho na mngon par 'du bya ste/ des yang dag par
bsgrubs pa'i phung po dang khams dang skye mched ni mdzes shing
gsal ba 'grub bo/ /sangs rgyas kyi sku bsod nams bye ba phrag
'bum gyis yang

dag par bsgrubs shing brgyan pas lha dang bcas pa'i 'jig rten
dang/ 'bum phrag bcu la dbang ba'i tshangs pa'ang mog mog por zil
gyis mnan cing/ de la lta na'ang mig khral khrul du 'gyur ba la
ltos/ byang chub sems dpa' rnams kyi rgyan du gyur pa'i mtshan
bzang

@062a po rnams la ltos/ de dag thams cad kyang dge ba'i rtsa bas
rnam par bsgrubs pa'o/ /gang yang dud 'gro la sogs pa mi sdug pa
'jigs su rung ba/ rags pa dang phra ba sna tshogs de dag kyang
rang gi sems dang dge ba dang mi dge ba rnams

kyis byas pa ste/ des na las bdag gir bya ba dang las kyi rnam
par smin pa la rton par bslab par bya'o/ de lta na dge ba nyid
bya bar blo 'jug cing rtag pa dang chad par lta bar mi 'gyur ro/
/sbyin gnas rnams mgu bar byas shing thugs ma phyung bar bkur
sti byas

pa'i dge ba'i rtsa bas lha dang bcas pa'i 'jig rten gyis bkur
sti'i gnas su 'gyur bar bya'o// chos gcig gis ni ngan 'gro gcod
par 'gyur te/ bdag ji ltar gyur pas nyin mtshan 'da' zhing 'dug
snyam du dge ba'i chos rnams la so sor rtog pa'o/ /des ni

mi bde ba'i skabs mi 'byed pas dge ba'i sems can sangs rgyas
dang byang chub sems dpa' rnams dang 'grogs ba rnyed do zhes so/
/dran pa nye bar gzhag pa las kyang/ dge ba'i las kyis skye bo
dag /lha yi yul du mchod bar 'gyur/ /de ltar mi dges dmyal

bar 'khrid/ /las kyi 'gyur ba de 'dra'o/ /las kyi thag pa ring
po yis/ /srid par rgyu ba bcings pa rnams/ /dgra dag 'khor los
bcings pa lhar/ /dbang med las kyis 'khyams par byed/ /ji ltar
mkha' la rlung shugs kyis/ /phyag dar dum bur 'thor ba ltar//

de ltar srid par rgyu ba rnams/ /las kyis steng 'og thad kar
'khyam/ /ji ltar chu ni rab dwangs shing/ /ji ltar nam mkha' rab
dwangs pa/ /bde ba mchog tu 'gro bar 'gyur/ /ngo tsha med cing
khrel med dang/ /rgod dang sdig pa'i grogs po ni/ /'di dag dug
dang me dang/

'dra/ /mkhas pas de dag spang bar gyis/ /bden dang sbyin dang de
bzhin du/ /bzod dang dge bshes rtag tu bsten/ /'byung bo rnams
la rtag byams pa/ /lha yul gyi ni lam brgyags yin// chos dang
chos min gtsor 'dzin pa/ /kun las 'jig rten srog yin te/

@062b 'di ltar chos las skyabs gzhan med/ /de bas chos la dga'
bar gyis/ /gang zhig chos ni yongs spangs nas/ /mi dag nyes pa
byed la dga'/ /de ni nyes pas gdungs pa yis// rtag tu sdug
bsngal nyid du 'gyur/ /zhes so/ /yang/ sems can rnams la bden

dang de bzhin du/ /sbyin dang byams pa bsrung zhing tshig snyan
smra/ /yang dag lta dang dri ma bral ba'i yid/ /sangs rgyas kyis
ni mtho ris lam du gsungs/ /dkar po'i chos dang yang dag ldan//
dkar po'i sems la brten pa rnams/ /snang las snang ba'i me tog

dang/ /sgron las sgron ma gzhan 'byung ltar/ /snang las snang
ba'i mchog 'byung zhing/ /bde las shin tu bde bar 'gro/ /de bas
skyes bu sgron me mchog  /ngam grog tu ni ltung mi 'gyur// 'dod
pa'i dri mas ma gos brkam pa med/ /skyon dag spangs shing bcom
ste

sred dang bral/ /nyes med dri bral sems can brtan pa de/ /rang
gi 'bras bu la spyod mtho ris 'gro/ sems can mir ni gyur pa dag/
legs par spyad pa mang spyad pa/ /las kyi rnam smin de yis ni/
/lha yi 'jig rten rab tu 'gengs/ /mi yi mthu yis lha 'byung la/
/lha yi

mthu yis mi 'byung ste/ /phan tshun mthus byung 'di dag ni/ /dam
pa'i chos kyi lam du gnas// lha yi bde 'gro mi yin la/ /mi yi
bde 'gro lha yin te/ /ngan song gsum gyi sa dag ni/ /dge ba'i
las rnams spangs pa yin/ /bde ba thams cad chos la las/ /mya
ngan 'das pa

chos la las/ /gnyid log rnams la chos ston cing/ /'gro ba mchog
ni chos yin no// zhes so/ /ye shes rgyas pa las kyang/ bdag gi
phyir dang gzhan gyi ched dag tu/ /bde ba 'dod na sdig pa mi bya
ste/ /byis pa bde 'dod gang zhig sdig byed na/ /de yi 'bras bu
so sor myong

bar 'gyur/ /zhes so/ /tshoms dag las ni/ sdig pa'i 'bras bu dmyal
sogs dang// bsod nams byas pas bde 'gro ste/ /gzhan dag gis ni
lam bsgoms pas/ /zag med mya ngan 'da' bar 'gyur/ /zhes so// !de
dag la spang ba dang bsten pas 'jug pa'i tshul ni/ de

@063a phyir rtog ldan dam pa'i rjes 'brang bas/ /'bad pa kun
gyis chags sogs sdig 'dod pa'i/ /rtog ngan rab spangs dge ba
'tshol yid kyis/ /legs spyad 'ba' zhig lhur bya brtson pa'i rigs/
/mkhas pa'i skye bo dam pa rnams kyi rjes

su 'brang ba rtog pa dang ldan pa rnams kyis ni las dang rnam
par smin pa'i sgo de lta bu la sogs pa mang du bka' dang bstan
bcos dag dang bla ma'i man ngag las rnam par nges par byas nas/
rang dang gzhan gyi don chen po bsgrub par 'dod pas bdag nyid
'dam na

gnas pas ni gzhan sgrol bar mi nus pa'i phyir/ dang por rang
nyid bzang bo'i gnas su dbugs phyin par bya ba'i don du/ 'dod
chags dang zhe sdang la sogs pa las sdig pa byed 'dod pa'i rnam
rtog ngan pa thams cad gnyen po sgo sna tshogs nas bsgom

pas gzhol zhing/ ngo tsha shes pa dang khrel yod pa chen po'i nan
tan gyis nyes par spyod pa phra ba nas ma lus par spang ba dang/
dge ba gang yin 'tshol ba'i yid drag pos thub pa'i brtul zhugs
nas brtsam pa'i legs par spyod pa thams cad la chung ngu nas

gtsigs po cher 'dzin pa'i nan tan gyis ci nus su bslab cing
bsgrub pa kho na lhur bya ba la 'bad cing bsgrub par bya ba'o/
/'das chen las/ bdag gnyen bshes la sogs pa thams cad btang nas
rab tu byung ste lam 'tshol bar byed pas/ dge ba'i rtog pa nyid

bsgom gyi/ ngan rtog bsgom pa'i dus ma yin no/ /dper na rgya
mtsho chen por song ste/ rin po che yang dag pa mi len par chu
shel len pa dang / rol mo dam pa spangs te lud khung du rtse ba
dang/ rin po che'i bu mo spangs te/ bran mo dang lhan cig nyal
ba dang/ gser

snod bor te kham phor spyod pa dang/ bdud rtsi bor te dug 'thung
ba dang/ sman pa mdza' bo dor te khon can ma rungs ba bsten pa
ltar/ ston pa chen po'i chos bdud rtsi dor te bdud kyi sdig pa'i
rnam rtog sna tshogs 'thung ba'o/ /yang bcom ldan 'das rtag tu
'di skad ces

@063b gsungs te/ ngo tsha shes pa dang khrel yod pa gnyis ni rnam
par dkar ba'i chos yin pas sems can thams cad kyi mgon skyabs su
'gyur bar byed pa'o/ /de gnyis ni rim pa bzhin du bdag sdig pa
mi byed pa dang gzhan sdig pa byed du mi 'jug pa'am/ bdag nying
ngo tsha

ba dang gzhan la mthol ba'am/ mi la ngo tsha ba dang lha la ngo
tsha ba ste/ de gnyis dang mi ldan pa ni byol song yin gyi/ mi ni
ma yin pa'o/ /'di gnyis dang ldan pa ni pha ma dang bla ma la
mchod par byed cing/ pha ma dang phu nu dang ming sring la sogs
pa yod par smra ba'o zhes

so/ /tshoms dag las kyang/ ci tsam mang du smra byed pa/ /de dag
dam chos 'dzin ma yin// gang dag 'di na thos nyung yang/ /lus
kyi chos dag mngon sum byas/ /gang dag chos la bag byed pa/ /de
dag dam chos 'dzin pa yin/ /gal te rigs bcas mang du smras kyang
ni/ /bag

med mi dag de ltar byed mi 'gyur/ /dper na phyugs rdzis gzhan
gyi phyugs bgrangs ltar// de dag dge sbyong skal pa thob ma yin/
/gal te rigs bcas nyung du smras byed kyang/ /chos kyi rjes su
chos la spyod pa dang/ /'dod chags zhe sdang gtib mug spong byed
pa/ /de dag dge sbyong skal

ba thob pa yin/ /dge sbyong bag yod la dga' zhing/ /bag med pa
la 'jigs lta bas// bdag nyid ngan 'gro las 'dren te/ /'dam rdzab
las ni glang chen bzhin/ /dge slong bag yod la dga' zhing/ /bag
med pa la 'jigs lta bas/ /sdig pa thams cad sprug par byed/
/rlung gis

ljon shing lo ma bzhin/ /zhes so/ /yang thos pa mang zhing chos
'dzin dang/ /shes rab ldan zhing mnyam gzhag pa/ /de dag sus
kyang smad 'os min/ /'dzam bu'i gling gi gser rgyan bzhin// gang
zhig 'phags pas bstan pa'i chos dga' zhing/ /de bzhin lus dang
ngag gis

spyod byed pa/ /de dag bzod ldan 'grogs dga' dbang po bsdams/
/thos dang shes pa'i pha rol phyin pa thob/ /gang zhig stong
phrag stong dag gis/ /mi yi g.yul las rgyal ba las/ /gang zhig
bdag las rgyal byed pa/ /de ni mi yi g.yul las rgyal/ /bdag
nyid dang por rigs

@064a par gnas byas nas/ /phyi nas gzhan dag bdag bzhin gdul bar
bya// bdag nyid dang por rigs par gnas byas nas/ /phyi dus 'dul
tshe mkhas la dka' ba med// gang dag chos dang mi ldan tshig/ tshig
bcad brgya dag smra ba bas//

gang dag nye bar zhi 'gyur ba'i/ /chos ldan tshig gcig thos pa
rung/ /tshul 'chal mnyam par ma gzhag dang/ /brtson med le lo
ldan pa dang/ /shes 'chal mnyam par ma gzhag pa/ /lo brgyar gson
pa gang yin pas/ /tshul khrims ldan zhing mnyam gzhag dang/

brtson 'grus brtan par brtsams pa dang/ /shes rab chen po mnyam
gzhag pa/ /nyin zhag 'ga' zhig gson par rung/ /dge ba byed pas
dge ba dang/ /sdig pa byed pas sdig pa ste //mi yis gang dang
gang byas pa/ /de de rang gis mthong bar 'gyur/ /bdag gis sdig

pa byas na ni/ /de bdag kho na kun nyon mongs/ /bdag gis sdig pa
ma byas na/ /bdag nyid kho na rnam par dag /gzhan gyis gzhan
sbyong mi byed kyi/ /dag dang ma dga rang rang byed/ /ces so//
gzhan las kyang/ ngan pa rnams ni snying rje med par sdig pa
spyod/ /'bring po rnams

ni phongs na snying rjer bcas shing spyod/ /skye bo dge ba dag
ni srog dang bral gyur kyang/ /rgya mtsho'i 'dus bzhin rang gi
tshig dang 'gal mi byed/ /ces so/ /yang gzhan las/ mi dge ba las
sdug bsngal 'byung/ /ji ltar 'di las nges thar zhes/ /nyin mtshan
rtag tu bdag gis

ni/ /'di nyid 'ba' zhig bsam pa'i rigs/ /zhes gsungs so// ! de
las 'das te nyes par spyod pa smad pa/ gal te nyon mongs chu bo
bzlog dka' bas/ /pham byas nyes spyod mi bzad rab bsags nas/
/phyir yang sdug bsngal mun nag smag gzhugs na/ /dre'u mo rang
gi

mngal gyis brlag sogs bzhin/ /de ltar 'bad pas zhugs kyang thog
ma med pa nas goms pa brtan pa nyon mongs pa'i tshogs rnams chu
po'i rgyun ltar rtag tu ngang gis 'jug pas bzlog par ma nus nas/
dam pa'i lam ci zhig ltar dor te nyes par spyod pa gang

@064b brlang ba lta bu sna tshogs bsags pas phyir yang dmyal ba
la sogs pa sdug bsngal mun pa mun gnag smag tu gyur bas khyab
par 'jug pa la phyogs pa las/ 'gyod bzhin du 'chi ba'i dus byed
par gyur na ni chos dang phrad cing sdom pa dang yi dam la sogs
pa mang

du khas blangs pas phyir brlag pa lta bur yang 'gyur te/ dre'u
mo mngal chags pa dang smig ma 'bru chags pa la sogs pa rang
nyid rang brlag pa'i rgyur gyur pa ltar ro/ /'on kyang dge ba'i
las ni tha na sangs rgyas la phyag gcig byas pa'ang 'bras bu
gtan med

par 'gyur bar ni mi srid par lta'o/ /'das chen las nyes par
spyod pa'i nyes dmigs drug gsungs te/ mi dge ba la gnas pa ni
lha la sogs pas smod pa dang/ 'phags pas smod pa dang/ 'jigs pa
skye ba dang/ bla ma rnams kyis spong ba dang/ sems can

gyi don du mi 'gyur ba'o/ /dge ba med par 'gyur ba ni sdig pa'i
'bras bu mang po skye ba dang/ ma rig pas rtag tu brlag pa dang/
mi ngan la brten pa dang/ dge ba bsgrub pa'i thabs mi shes ba
dang/ sems phyin ci log pa'o/ /chos sme bar byed pa ni lus dang

ngag rtag tu sme ba'o/ /sems rnam par dag pa sme bar byed pa ni
sdig pa bskyed pa dang dge ba spong ba'o/ /srid pa bskyed pa ni
de gsum gyi ngan 'gro bskyed de/ chos mi sems shing lus ngag gis
srid pa la mi skyo bas so/ /nyon mongs pas gdungs pa ni bzhi po
des

lus dang sems nyon mongs shing zhi bas spong bas gdung ba'o/
/dmyal ba'i rnam par smin pa yongs su 'dzin pas ni sems bsreg
pas gdung zhing dge ba'i chos tshig pas gdung ba ste/ dad pa ni
bsil zhing tshim pa yin la de dang mi ldan pas so/ /sdig pa'i
'bras bu

myong ba ni lnga po des shi ba na ngan song gsum du skye ba'o
zhes so/ /tshor sa dag las kyang/ brtul zhugs med cing brdzun
smra na/ /mgo bo bregs tsam dge sbyong min/ /zhan pa'i las ni ji
snyed dang/ /kun nas nyon mongs dka' thub dang/ /tshangs sbyod
yongs su ma dag de/ /

@065a don chen 'gyur snyam mi byed do/ /zhes so/ /gzhan las
kyang/ bdag nyid shes dang ldan bzhin du/ /phyir yang dmyal ba
der 'khrid na/ /sngags kyis rmongs par byas pa bzhin/ /bdag la
'dir sems med du zad/ /ces so/!/skabs kyi

don bsdu ba ni/ 'di ni yang dag lta ba zab yangs te/ /'jig rten
'jig rten 'das pa'i chos kun gyi/ /rtsa ba nyid kyis theg pa
thams cad dang/ /lam 'bras yon tan ma lus gzhir rtogs bya/ /rten
'brel la rnam par lta ba 'di ni 'jig rten pa'i yang dag pa'i lta
ba nyid kyis

ngan song sbong ba dang/ 'jig rten las 'das pa'i yang dag pa'i
lta ba'i yang rgyu mtshan chen por gyur ba bzhin te/ 'dis nyes
pa'i tshogs ci nus su spong ba dang yon tan gyi tshogs ci nus su
bsgrub pa ni theg pa thams cad du gtogs pa'i 'jig rten dang 'jig
rten las

'das pa'i lam dang 'bras bus bsdum pa'i yon tan ma lus pa thams
cad kyi rtsa ba dang gzhi dang rten dang rmang du gyur bas na/
'di nyid rtag tu dang gus par byed pa'i sbyor bas goms par byed
pa kho na las/ las dang po pa'i sa dag tu ni nyes pa spong ba la
sun 'byin pa gnyen

po dang/ yon tan thams cad kyi ni sa bon gsog cing tshogs dang
sta gon dang rtsom pa dang sbyor bar gyur pa'o/ /mthong lam
dang
sgom lam dag gi gnas skabs su mthong spang dang sgom spang
thams
cad spong ba dang thag bsrid bar byed la/ de dag gi lam gyi ye
shes dang yon

tan yongs su sbyong ba nyid do/ /mi slob pa'i lam mthar phyin
par ni spangs pa dang/ yon tan mthar thug pa nyid yin pas na/ de
kho nar btsal bar bya ba dang rtogs par bya ba dang bgrod par
bya ba dang sbyang bar bya ba dang 'bad par bya ba dang thob bar
bya ba thams cad bsdus pa'i

chos kyi sdom chen po ni 'di btsan par go bar bya'o//! yang zhar
la 'gro ba drug rnam par 'byed pa'i las ldog pa'i gnyen po la
bslab pa las/ 'gro ba drug nas mir skye ba'i tshul ni/ mi rnams
phal cher mngal na skye ba ste/ / las dang nyon mongs bsags pa'i
rgyu rkyen las/ /

@065b dri za mi gtsang nang zhugs mngal gnas su/ /skye zhing
'phel ba rgyas las btsa' bar 'gyur/ /yab sras mjal ba las/ mngal
du 'jug pa'i chos kyi rnam grangs la/ /ma zhes bya ba ni sngon
gyi las bsags pa'i rkyen no/ /pha ni rgyu'o/ /dri za ni rnam
shes las kyis 'phangs pa'o//

mer mer po ni de'i gnas so/ /mngal ni rnam shes de'i gzhi ste
der skye zhing 'phel ba dang rgyas par 'gyur bas so/ /dper na sa
chen po'i gzhi la rtswa dang shing la sogs pa skye ba dang 'phel
ba dang rgyas pa bzhin no/ /rgyas nas ni skye bar 'gyur la/
btsas nas yang 'phel bar

gyur ro zhes so/!/ 'gro ba drug nas 'phos pa'i rtags kyi dbye ba
ni/ de las 'gro drug gang las 'phos pa yi/ /sbyod pa'i rtags
dbye mkhas pas legs brtags te/ /zhes bya ba ste/ yang de nyid
las/ 'phel nas sbyod pa snang bar 'gyur te/ 'gro ba gang nas shi
'phos pa de

'dra ba'i spyod pa 'byung la/ de'ang mkhas pas shes par bya ste/
blun pos ni ma yin no// yun ring du 'grogs pas shes kyi/ thung
ngus ni ma yin no/ /yang dag par dpyod pas shes kyi/ mi brtson
pas ni ma yin no/ /de la dmyal ba nas 'phos pa'i rtags ni nyi
shu ste/ skad sha sha po

dang/ skad gyo dum gyi sgra lta bu dang/ skad brtag dgos pa
dang/ skad che ba dang/ skad lhang lhang po dang/ rtag tu 'dar
ba dang/ rtag tu sdang ba dang/ rtag tu spu zing zhes byed pa
dang/ rmi lam na me'i phung po 'bar ba mthong ba dang/ me mdag
'bab pa mthong ba dang/ ri brgyug

pa mthong ba dang/ lcags zangs su btso ba dang/ dbyig pa thogs
pa dang/ srin pos bdag 'phen pa dang/ bdag gson por gsal shing
la 'dzugs pa dang/ khyis dbrad pa dang/ khyis bskor ba dang/
glang po che la sbrul gyis gtse ba mthong ba dang/ phyogs bzhir
bros na

phyogs mi shes pa dang/ sems can kun la yid mi rton pa yin no/
/dud 'gro nas shi 'phos pa'i rtags ni gnyid dang rmugs pa che ba
dang/ le lo che ba dang/ mang du za ba dang/ sa la 'drud pa
dang/ mi 'jigs pa med pa dang/ tshig mi gsal ba dang/ glen pa la
dga' ba
@66a dang/ mun pa la dga' ba dang/ 'dam rdzab la dga' ba dang/
sos rtswa yang nas yang du gcod pa dang/ rgyun tu rkang ba'i
mthe bos sa brko ba dang/ yang dang yang mgo la sbrang bu 'du
ba
dang/ yang dang yang nam mkha' la so 'debs pa dang/

bskums te nyal ba dang/ sa sgre bo la nyal ba dang/ mi gtsang ba
mi zlogs pa dang/ yang dang yang nam mkha' la snom pa dang/
yang
dang yang ma smin pa za ba dang/ gzhan du smra la gzhan du byed
pas g.yo che ba dang/ gar bab bab tu spyod pa dang/ rmi lam na
rdzab kyis

gos pa rmi ba dang/ nags su song ste rtswa za ba dang/ sbrul
gdug pas bskor ba dang/ ri khrod du zhugs pa rmi ba yin te de
dag la sogs pa mtha' yas so/ /yi dwags nas shi 'phos pa'i rtags
ni skra ser ba dang/ mig wa'i 'dra ba dang/ rtag par bkres shing
skom pa

dang/ ser sna che ba dang/ 'dod chen che ba dang/ thob pa mi
rnyed pa dang/ gzhan gyi la re ba dang/ khro ba mang ba dang/
zas thams cad la sred pa dang/ bdog pa thams cad la chags pa
dang/ sbyin gnas mthong bar mi 'dod pa dang/ dngos po thams cad
la brku sems

skye ba dang/ dngos po ngan pa la dga' ba dang/ 'thab pa la mos
pa dang/ zas skom mi gtsang ba la dga' ba dang/ gzhan gyi 'byor
ba la phrag dog skye ba dang/ gzhan gyi longs spyod la sred cing
de bdag gi snyam du sems pa dang/ zas gtong ba na sems kyis mi

tshugs pa dang/ tshong dus kyi srang nas shing len pa ste de la
sogs pa mang du yod do/ /lha ma yin las tshe 'phos pa'i rtags ni
khengs pa dang/ 'thab krol che ba dang/ khon du 'dzin pa dang/
nga rgyal che ba dang/ lus che ba dang/ mig che ba dang/ mig
dkar ba dang/ mche ba

snang ba dang/ mthu dang ldan pa dang/ 'thab pa'i blo mang ba
dang/ dbyen la dga' ba dang/ bya ba thams cad la nga rgyal che
ba dang/ so snang ba dang/ 'jig rten thams cad la brnyas pa'i
blo bskyed pa dang/ mtshon cha rno ba dang/ tshig na ba dang/ bdag
gzengs bstod pa dang/

@66b mi shes pa dang nyon mongs pa'i stobs can yin te de la sogs
pa'o/ /mi las shi 'phos pa'i rtags ni ngo mtshar du 'dzin pa can
dang/ 'phags pa la brten pa dang/ 'phags pa ma yin pa la smod pa
dang/ dge ba byed pa dang/ mngon rtags 'dod pa dang/ grags pa
'dod pa

dang/ snyan pa 'dod pa dang/ bzo la dga' ba dang/ shes pa la
dga' ba dang/ nyon mongs pa chung ba dang/ khrel yod cing ngo
tsha shes pa dang/ rigs kyi bu'i tshul phun sum tshogs pa dang/
byas pa gzo ba dang/ mdza' bo la 'du ba dang/ gtong ba dang ldan
pa dang/ bye brag

shes pa dang/ byas pa dang ma byas pa la rtog pa dang/ tshig gi
mthu yod pa dang/ gros bzung bar bya ba'i mthu yod pa dang/
bzlum par bya ba dang 'thab mo bya ba la mkhas pa dang/ pho nya
nus pa dang/ skad thams cad 'dzin nus pa dang/ gnas dang gnas ma
yin pa shes pa la sogs

pa yin no/ /lha las shi 'phos pa'i rtags ni mdzes pa dang/
gtsang sbra che ba dang/ phreng ba dang spos dang bdug pa la
dga' ba dang/ glu len pa dang/ byug pa la dga' ba dang/ 'dod
pa'i yon tan ngan ngon tsam gyi mi mgu'i/ rgya chen po la dga'
ba dang rol mo dang glu thams cad

la dga' ba dang/ skyo bo chen po dang 'grogs par dga' ba dang/
gnas khang dang longs spyod chen po la dga' ba dang/ byams pa
dang ldan pa dang/ dgod ba dang/ 'jam par smra ba dang/ dga' ba
la mkhas pa dang/ rgyan la dga' ba dang/ cha zhing 'gro ba'i
ngang tshul can

dang/ lus kyi shugs 'byin pa dang/ chags pa dang ma chags pa'i
mtshan ma shes pa dang/ phan par bya ba la mkhas pa la sogs pa
yin no// ! de dag gi las ldog pa'i gnyen po nyid bshad pa la
spyir bstan pa'i dbang du byas nas/ rtags las 'da' phyir gnyen
po

ston pa yi/ /dge bshes bsten te gnyen po'i lam la bslab/ /rtags
de dag las 'da' bar bya ba'i phyir dge ba'i bshes gnyen rtags de
dag las 'da' ba'i chos ston pa bstan par bya bar gsungs te/ de
la mnyan nas de dag gi las ldog pa'i gnyen por gyur

@67a pa'i lam la nan tan gyis bslab par dgongs pa'o// ! drug po
so sor bshad pa la dmyal ba'i dbang du byas nas/ phal cher sdang
bas byas pa'i sdig pa'i las/ /mi bzad rnams kyis dmyal bar lhung
bas na/ de nas 'phos pas byams pa

nan tan gyis/ /bsgoms pas pha rol phyin drug sogs la 'bad/
/dmyal ba nas 'phos pa des ni sngon mir gyur ba'i tshe yang zhe
sdang gis las ngan pa bsags pas dmyal bar skyes te/ de'i spyod
pa spyad nas yang mir skyes kyang spyod pa de dang ldan pa'i
rtags 'di

dag snang na de'i rgyu spang ba'i phyir dge ba'i bshes gnyen
bsten par bya'o/ /des kyang zhe sdang gi gnyen po byams pa dang/
de dang ldan pa'i pha rol tu phyin pa dag dang tshul khrims kyis
lhag par yang bsdams par bya'o/ /de ltar bslabs pas zhe sdang gi
sa bon spong zhing pha rol

tu phyin pa thams cad rdzogs par 'gyur ro// ! dud 'gro'i dbang
du byas nas/ /gti mug lhag pas mi dge mang spyad las/ /rab blun
dud 'gro'i spyod pa thob pas na/ /rten 'brel bsgom zhing chos
rnams mnyam nyid la/ /'jug pa'i shes rab sbyang bas rmongs pa
gzhom / /

dud 'gro'i rtags can des ni sngon yang gti mug gis sdig pa'i las
byas pas dud 'gro'i spyod pa thob pa yin pas na/ de las 'da' bar
byed pa'i dge ba'i bshes gnyen bsten par bya'o// des kyang gti
mug spang ba'i phyir rten 'brel bstan pa bsgoms pas gti mug gi
sa

bon spong ngo/ /yang na shes rab kyi pha rol tu phyin pa dus
gsum mnyam pa nyid bstan pas gti mug ngo bo nyid med par shes pa
skye'o/ /yang na chos thams cad mnyam pa nyid bstan pas shes rab
kyi pha rol tu phyin pa rdzogs shing rnam pa thams cad mkhyen pa
thob pa'o/ /

!yi dwags kyi dbang du byas nas/ chags pas ser sna mang ldan
sdig spyad pas/ /bkres skom lhag pas mnar ba'i 'gro bar ltung/
/de nas 'phos pas gtong la mos sgom zhing/ /gtong ldan legs
spyad mang pos 'jungs pa gzhom/ /yi dwags kyi rtags can

@67b gyis ni sngon ser sna che bas/ chags sems kyis sdig pa'i
las mang du byas pa yin pas spyod pa de las 'da' ba'i don du bla
ma bsten par bya'o/ /des kyang gtong ba la gdams pas ser sna'i
sa bon spong bar 'gyur ro/ /yang na gtong ba dang ldan pa'i
byang chub kyi phyogs

kyi chos rnams dang/ sbyin pa'i pha rol tu phyin pas bsdams par
byas te/ de sgoms pas ni pha rol tu phyin pa drug rdzogs par
'gyur ro// ! lha ma yin gyi dbang du byas nas/ dge ba rnam mang
bsgrubs kyang nga rgyal gyis/ /khengs las ma rungs sdig spyad
lha min du/ /

lhung zhing dman pa'i spyod ldan gyur pas na/ /khams rab dbye
dang stong ltas khengs pa gzhom// lha ma yin gyi rtags can des
ni sngon dge ba rgya che ba byas kyang nga rgyal gyis sdig pa'i
las byas pa yin pas/ spyod pa de las 'da' bar bya ba'i phyir bla
ma la bsten par bya'o/ /des

kyang nga rgyal gzhom pa'i phyir khams rab tu dbye ba bstan pas
de spong ngo/ /yang na stong pa'am rten 'brel lam chos rnams
mtshan nyid gcig pa bstan pas de spong zhing/ shes rab kyi pha
rol tu phyin pa rdzogs pas thams cad mkhyen pa thob bo// ! mi'i
dbang du byas

nas/ dge bcu bsten pas mi yi spyod ldan des/ /mi rtag la sogs
'khor ba'i nyes dmigs dang/ zhi ba don gnyer mang du bsams nas
ni/ /byang chub sems sogs kun mkhyen lam mchog sbyang/ /mi'i
rtags can gyis ni sngon dge ba bcu bsten pa ste/ mi'i

spyod pa las 'da' ba'i don du bla ma btsal bar bya'o/ /des kyang
mi rtag pa'am 'khor ba'i nyes dmigs dang mya ngan las 'das pa'i
bsngags pa bstan pas spyod pa de spong zhing zhi ba don du gnyer
bar 'gyur ro/ /yang na pha rol tu phyin pa drug bstan pas byang
chub tu sems

bskyed cing/ thabs la mkhas pa bstan pas de yongs su bzung ba'i
pha rol tu phyin pa drug gis myur du thams cad mkhyen pa thob
bo// ! lha'i dbang du byas nas/ tshangs spyod sbyin dang tshul
khrims mchog 'dzin pas/ /lha yi dpal la spyad pa'i rtags can
des/ /mchog

@68a 'dzin spangs pa'i tshangs spyod sogs bsten cing/ /thabs
mkhas spyod pas kun mkhyen myur thob bya/ /lha'i rtags can des
ni sngon tshangs par spyod pa mchog tu bzung ste spyad/ sbyin pa
mchog tu bzung ste byin/ tshul khrims mchog tu bzung

ste bsrungs pas lha spyod pa can du skyes la/ mir gyur pa na
yang spyod pa de nyid spyod par gyur pas bdag lha nas 'ongs par
nges par byas te/ spyod pa de las 'da' bar bya ba'i phyir bla ma
bsten par bya'o/ /des kyang mchog tu 'dzin pa smad cing de med
pa mi gnas pa'i

tshangs par spyod pa la sogs pa gsum bstan pas mchog tu 'dzin
pa'i sa bon spong ngo// yang tshul khrims kyi pha rol tu phyin pa
bstan te de bsgoms pas pha rol tu phyin pa drug rdzogs shing/
thabs la mkhas pa bstan pas myur du thams cad mkhyen pa 'byung
ngo//

! 'gro ba dman pa bzhi'i khyad par gyi gnyen po brjod pa/ gzhan
yang dmyal ba'i rtags can dang po des/ /'khor bzhis gang ba'i
sar gnas bla ma dang/ /grogs bzang bsten la dus gsum mnyam nyid
bsgom/ /des ni chos kun stong pa nyid rtogs 'gyur/ /gnyis

pas bstan bcos la mkhas skye bo la/ /brten te stong pa'i lta bas
gti mug gzhom/ /gsum pas gang las gtong blo rnyed 'gyur zhing/
/mtshan med lta bas sred gcod bla ma bsten/ /bzhi pa nyon mongs
bdud dang g.yul sprad de/ /mi dmigs lta bas rlom sems

thag bsring bya/ /gzhan yang de ltar drug las dang pos ni bla ma
la brten te dus gsum mnyam pa nyid bsgom par bya'o/ /grong la
sogs pa gang na 'khor bzhi yod par gnas par bya'o/ /mnyam pa
nyid de goms pas chos thams cad stong pa nyid dus gsum mnyam pa

mngon sum du 'gyur ro/ /gnyis pas ni bla ma bsten cing bstan
bcos la mkhas pa'i skye bo dang 'grogs na gti mug spong bar
'gyur ro/ /bstan bcos kyi don rtogs pas rang bzhin med pa dus
gsum mnyam pa nyid mngon du 'gyur zhing/ thams cad mkhyen pa
nyid

@68b du nges par 'byung bar 'gyur ro/ /gsum pas ni gang la brten
na sbyin pa'i blo skye ba dang/ gang gi dus gsum mnyam pa nyid
dang mtshan ma med par mtshan nyid gcig mngon du 'gyur ba dang/
gang bsgoms pas thams cad mkhyen pa thob pa ston pa'i dge ba'i

bshes gnyen bsten par bya'o/ /bzhi pas ni bla ma la brten te
nyon mongs pa'i bdud dang 'thab par bya'o/ /nga rgyal zhes bya
ba de gang yin/ cis yongs su bzung/ gang las langs/ gang gis de
spong bar byed ces de dag mi dmigs shing/ log par rtog pa nyid
las

byung bas bdag dang 'jig rten bslu bar byed par blta'o/ /chos
thams cad kyi de bzhin nyid ni rang bzhin med pas ci'ang mi
dmigs pa'o/ /'jig rten gdags pa thams cad ni nga rgyal las te/
de las 'gro ba drug gi 'chi 'pho gdags su yod kyi/ nga rgyal med
na gnas

su med pa ni nga rgyal med pa'i ye shes so/ /de'ang thabs dang
shes rab dang dge ba'i bshes gnyen gsum gyis yongs su zin pas
shes nus par gsungs pa'o// ! las dang 'bras bu so sor rnam par
dbye ba las dge ba dang mi dge ba bcu'i dbang du byas nas mi dge

pa'i las kyi dbye ba byas pa/ lus kyi gsod dang brku dang 'khrig
pa dang/ /brdzun dang phra ma tshig rtsub ngag kyal te/ /ngag las
rnam bzhi yid kyi brnab sems dang/ /gnod sems log lta mi dge'i
las lam bcu/ /mi dge ba'i las kyi lam rnams ni gsum dang

bcur dbye ba'o/ /lus kyi las srog gcod pa dang/ ma byin par len
pa dang/ 'dod pas log par g.yem pa gsum dang/ ngag gi las
brdzun du smra ba dang/ phra ma dang tshig rtsub mo dang/ ngag
kyal ba bzhi dang/ yid kyi las brnab sems dang/ gnod sems dang/

log par lta ba gsum las so// ! de dag gi rang bzhin bshad pa'i
dbang du byas nas las kyi lam gyi dngos gzhi rnams kyi mtshan
nyid spyir bstan pa/ sems can sems can min gtogs bzhi dag dang/
/'du shes kun slong nyon mongs bsam pa gsum/ /

@69a sbyor dang mthar thug rnams kyis mi dge ba'i/ /las lam bcu
po'i mtshan nyid so sor bzhag /las kyi lam bcu po de'i so so'i
mtshan nyid kyi rnam par dbye ba ni re re la'ang rnam pa bzhi
bzhir rnam par bzhag ste/ gzhi dang bsam pa dang/

sbyor ba dang mthar thug pa'o/ /gzhi ni sems can du bgrang ba'am
sems can ma yin par bgrang ba'i dngos po so sor nges pa dag las
las kyi lam bcu po so so ci rigs par 'byung ba'o/ /bsam pa ni
gsum ste 'du shes dang kun slong dang nyon mongs pa'i

bsam pa ci rigs pa'o/ /'du shes ni bzhi rnam par 'byed pa'i bsam
pa ste/ de la der 'du shes pa dang/ de ma yin pa la der dang/ de
la de ma yin par dang/ de ma yin pa la de ma yin par 'du shes pa
bzhi'o/ /kun slong ni las byed 'dod kyi bsam pa ste/ 'du shes
phyin ci log pa'i

ma log pa'ang rung las de dang de bya bar 'dod pa'o/ /nyon mongs
pa ni rjes su chags pa la sogs pa'i bsam pa ste/ 'dod chags la
sogs pa re re'am gnyis sam gsum car gyis byed pa'o// chags pa
dang sdang ba ni cig car mtshungs par mi ldan pas na/ rim gyis

las de la 'jug byed du dgongs pa'o/ /sbyor ba ni gzhi de la bsam
pa des rang ngam gzhan nam gnyis ka ci rigs pa'i lus dang ngag
dang yid kyi rtsom ba las de dag la sbyor zhing byed la bsgrub
cing rtsol ba'o/ /mthar thug ni sbyor ba des de nyid kyi tshe'am
gzhan gyi

tshe'ang rung ste las kyi lam de dag yongs su rdzogs shing zin
par byas pa'o// ! so sor bshad pa las srog gcod pa la sbyar ba
brjod pa/ srog ldan gzhan la de ltar 'du shes shing// gsod par
'dod pa nyon mongs can gyi blos/ /rang ngam gzhan gyi gsod sbyor
gang

rung las/ /shi bas srog gcod las lam rdzogs pa yin/ /srog gcod
pa'i gzhi ni srog chags su gyur pa gzhan no/ /'du shes ni de la
de nyid du shes pas phyin ci ma log pa'o/ /kun slong ni de gsod
par 'dod pa'i sems mngon par 'du byed pa'o/ /nyon mongs pa ni

@69b chags pa dang sdang ba dang rmongs pa ci rigs pa'i zil gyis
non pa'o/ /sbyor ba ni rang dang gzhan gyis gsod pa'i rtsom pa
lus ngag gang rung gis bsgrub pa mtshon 'debs pa la sogs pa'o/
/mthar thug pa ni sbyor ba des de nyid kyi tshe'am phyis kyang
rung shi bar gyur pa'o//

!lhag ma dgu'i yang de las bsgre ba ni/ /gzhan gyis bzung dngos
bdag gir thob byas dang// bgrod min gnas su reg bde myong ba
dang/ /mthong sogs gzhan du bsgyur smras go byas dang// mthun
dang mi mthun 'byed tshig rig byed dang/ /mnar sems gzhir

gyur rtsub tshig gis spyod dang/ /don med ma 'brel byung rgyal
brjod pa dang/ /gzhan gyi rdzas la bdag byar nges bsams dang/
/mnar sems gzhi sogs gnod byar nges bsams dang// yod med don la
skur bar nges bsams pa/ /rnams kyang de las mtshan

nyid ji bzhin sbyar/ /snga ma ltar rgyas par sbyar te 'du shes
dang nyon mongs pa ni thams cad la gzhi der shes pa dang nyon
mongs pa ci rigs pa dag tu zad do/ /ma byin par len pa ni gzhan
gyis bzung ba'i dngos po la 'phrog par 'dod pas rku 'phrog gi
sbyor ba gang

rung gis bdag gis thob par nges pa'i gnas gzhan du spos pa'o/
/'dod pas log par g.yem pa ni 'jug par bya ba ma yin pa'i bud
med dam 'jug par bya ba yin yang yan lag ma yin pa dang gnas ma
yin pa dang dus ma yin pa dang/ tshod ma yin pa dang mi rigs par

byed pa dang/ skyes pa thams cad dang/ ma ning la/ bgrod par
'dod par gnyis sprad pa myong bar byas pa'o/ /brdzun du smra ba
ni mthong ba dang thos pa dang bye brag phyed pa dang rnam par
shes pa bzhi dang ldog pa bzhi la/ 'du shes bsgyur te smra bar
'dod pas sgyu'i

dbang po'i sbyor ba las pha rol gyis go ba'o/ /phra ma ni sems
can mthun pa dang mi mthun pa dag la dbye ba dang mi 'dum par
'dod pas 'byed pa'i tshig smras pa dbye bar bya ba dag gis go
ba'o// tshig rtsub ni kun nas mnar sems kyi gzhir gyur ba la sogs

@70a pa'i sems can la rtsub po smra bar 'dod pas brjod pa des go
ba'o/ /ngag kyal ni don med pa dang ldan pa smra bar 'dod pas ma
'brel ba'i byung rgyal smras pa'o/ /brnab sems ni gzhan gyi nor
ram yo byad la/ bdag gir bya bar 'dod de/

bdag gir bya ba'i bsam pa'i rtsom pas bdag gir bya bas nges par
byas pa'o/ /gnod sems ni tshig rtsub kyi gzhi lta bu la bsnun pa
la sogs par 'dod pas de'i yid kyi rtsom pas bsnun pa la sogs par
nges par byas pa'o/ /log par lta ba'i gzhi ni yod

pa'i don to/ /'du shes ni de bden par shes pa'o/ /kun slong ni
skur bar 'dod pa'o/ /nyon mongs pa ni ci rigs pa'o/ /sbyor ba ni
skur pa'i yid kyi rtsom pa'o/ /mthar thug ni skur pa gdab par
nges par byas pa'o/ /yang yid kyi las gsum yongs su rdzogs pa ni

mtshan nyid lnga lngas rnam par bzhag ste/ dang po ni/ rang gi
longs spyod la lhag par chags pa dang/ de gsogs par 'dod pa'i
brkam chags dang/ gzhan gyi nor bzang po la ro myang bas 'chums
pa dang/ de bdag gir bya 'dod pas 'khu ba'i sems dang/

de la 'dzem pa med cing nyes par mi lta bas zil gyi non pa lnga
tshogs pas so/ /gnyis pa ni gnod pa byed pa la de'i mtshan mar
'dzin pas zhe sdang ba dang/ gnod pa mi bzod pa dang/ yang dang
yang tshul bzhin ma yin pa dran pas khon du 'dzin pa dang/ 'di

dag brdegs sam bsad na ci ma rung snyam pa 'khu ba'i sems dang/
snga ma ltar zil gyis non pas so/ /gsum pa ni shes bya ji lta ba
mi shes pas rmongs pa'i sems dang/ sdig bya bar dga' bas drag
shul gyi sems dang/ tshul bzhin ma yin pa'i chos la

rtog pas log par zhugs pa'i sems dang sbyin pa dang mchod sbyin
la sogs pa med par skur bas nyon mongs pa'i sems dang/ zil gyis
non pa'i sems dang ldan pas so/ /de rnams ni sa'i rjes su
'brangs te bshad pa'o/ /yang dran pa nyer gzhag las/

@70b srog gcod pa ni sems can gzhan la der shes te gsod par 'dod
par srog dang bral ba'o/ /rgyu ldas ni byas kyang nyes pa med
de/ lam du 'gro bas ma shes te srog chags phra mo dag bsad pa
dang/ gso sems med pa gzhan la mtshon cha gzas pas phog pa dang/

sman pas phan par 'dod nas sman byin nas shi ba dang/ mas bu
gdul bar brdegs pas shi ba dang/me bus pa'i sar mi 'dod bzhin du
lhung ba'o/ /ma byin par len pa ni gzhan gyis bzung ba la brku
sems gyis brku bas bdag gir byed pa'o/ /rgyal bo'i

chad pas nyen pa dang/ pha ma dang bla ma dang nad pa la sogs
pa'i don du brku ba ni nyes pa chung ngo/ /'dod pas log par
g.yem pa ni rang dang gzhan gyi chung ma la skye gnas ma yin
par 'jug pa la sogs pa'o/ /brdzun du smra ba ni rang dang gzhan
bslu zhing log pa'i bsam

pas brdzun gyi tshig smras pa'o/ /brdzun du smra ba dag dang
'grogs par mi bya ste/ 'di 'ang brdzun du smra ba'o zhes gzhan
dag dogs par 'gyur bas so/ /las dri ma can la dga' ba dang
'grogs na dri ma can du brtsi bar 'gyur bas sdig pa'i grogs po
dang mi 'grogs

te/ /de ni 'khor bar 'ching bar byed pa dang ngan song gsum gyi
gnas yin no/ /dge ba'i bshes gnyen dang 'grogs pa ni thar pa'i
mchog yin no/ /phra ma ni mthun pa dbye bar 'dod pas 'byed pa'i
tshig smra ba'o/ /tshig rtsu ba ni rang dang gzhan gdung bar byed
pa'i

bsam pa gang yang rung bas de brjod pa'o/ /ngag kyal ni snga
phyi 'brel med smra bas ste/ myong bar ma nges shing nyes ba
chung ba'o/ /de'ang gnyis te tshig snga phyi ma 'brel ba nyid
dang/ sems g.yeng bas 'brel med smra ba ste/ thams cad kyis
smad pa'i rgyu don med par smra ba'o/ /de

rnams smras na 'gyod la 'chags shing sdom par byed/ gzhan yang
zlog par byed/ spong ba'i lam la'ang 'jog pa ni 'bras bu chung
la ldog pa ni che ba'o/ /brnab sems ni gzhan gyi nor mthong nas
rtog cing 'dod la bdag gir bya bar sems pa'o/ /gnod sems
@071a ni gzhan gyi phun sum tshogs pa mthong nas yid rab tu sdang
ba'o/ /log par lta ba'i phyin ci log tu mthong ba ste/ yod pa
'jig pa dang/ log par shes pa gnyis so/ /dang po ni/ sbyin pa
med/ sbyin sreg med/ ces lta ba la sogs pa'o/ /

gnyis pa ni bde ba dang sdug bsngal lhas byas kyi las kyis ma
yin par lta ba'o zhes gsungs so// ! rjes su mthun pa dang bcas
pa'i dbang du byas nas/ lus ngag yid kyi gnas ngan len gtogs pa/
/bcu po nyid dang dbyug pas brdeg sogs dang/ /rkang lag

rnam 'gyur nyes par smra sogs dang/ /phrag dog ser sna 'dod rtog
la sogs pa'o/ /chos bcu pa las/ lus kyi gnas ngan len ces bya ba
ni srog gcod pa dang/ ma byin par len pa dang/ 'dod pas log par
g.yem pa dang/ dbyig pa dang mtshon cha dang bong ba

dang lag pas brdeg pa dang/ rkang pa rgod pa dang lag pa rgod pa
dang/ dkyu ba dang mchong pa dang mgyogs par 'gro ba dang
rkyal
pa'o/ /ngag gi gnas ngan len ni brdzun dang phra ma dang tshig
rtsub dang ngag kyal smra ba dang/ nyes par smra ba thams cad
dang/ mdo sde

zab mo spong ba dang/ mkhan po dang slob dpon dang bla ma'i
gnas
lta bu dang tshangs pa mtshungs par spyod pa rnams la mi snyan par
brjod pa'o/ /yid kyi gnas ngan len ni brnab sems dang gnod sems
dang log par lta ba dang/ phrag dog dang/ ser sna dang

rnyed pa 'dod pa dang/ grags pa 'dod pa dang/ shes kyi khe 'dod
pa dang/ rigs kyis rgyags pa dang/ gzugs dang lang tsho dang nad
med pa gson pa dang mang du thos pa dang/ bsgoms pas rgyags pa
dang/ 'dod pa'i rnam par rtog pa dang/ gnod sems

dang rnam par 'tshe ba dang/ nye du dang yul dang chos gos dang
lhung bzed dang/ mal ca dang stan dang na ba'i gsos sman dang/
yo byad kyi rnam par rtog pa dang/ gnas la lhag par zhen pa
dang/ bzhon pa dang mal cha dang/ bza' btung dang/ che ba'i bdag
nyid dang/ /

@071b chung ma dang bu dang bu mo dang/ gshol dang zhing las
dang bran pho mo dang/ las byed pa dang zho shas 'tsho ba dang/
mdza' bshes dang gros grogs dang/ nye du dang snag gi gnyen
mtshams dang/ nor dang 'bru dang mdzod dang bang pa dang/ 'tsho
ba'i yo byad sna tshogs kyi bar

la lhag par zhen pa dang/ de dag las gang yang rung ba chud zos
pa na mya ngan dang smre sngags 'don pa dang/ sdug bsngal dang/
yid mi bde ba dang 'khrug pa 'byung zhing/ sred pa'i brlan gyis
brlan te yid kyi las kyi 'khrul 'khor gyis 'phangs nas 'khor
ba'i 'khor lor 'khyams

shing nying mtshams sbyor ba'o zhes gsungs pa'o/ !/lci yang gi
khyad par srog gcod pa las bstan pa/ srog gcod chags sogs drag
cing mngon zhen dang/ /mi bzad gdug pas rgyun tu sbyor byed
dang/ /bsnyen gnas sbyin sogs 'dzem dang 'gyod med dang/ /

sdig med chos 'phel sogs lta log pas 'jug /pha ma bla ma la sogs
gsod byed pa// rnam lngas lci zhing ldog rnams yang par gsungs/
/rgyu rnam pa lngas lci ba ste/ bsam pas ni 'dod chags la sogs
pa drag pos byed pa dang/ thams cad du sems rangs

shing dga' ba dang/ rang yang byed cing gzhan byed du 'dzud la/
rjes su yi rang zhing legs pa brjod pa dang/ yun ring du bsams
shing bsags pa'i sems kyis byed pa'o/ /sbyor bas ni rtag tu gus
par byed pa dang/ lan re re la'ang mang du gsod pa dang/ sdug
bsngal drag po

bskyed pas gsod pa dang/ zhan pa dang bkren pa dang snying rje
rje skad du smre bzhin pa'ang gsod pa'o/ /gnyen po med pas ni
dus bzang gi bsnyen gnas tsam mam nyin zhag gcig gi sdom pa
tsam
yang med pa dang/ dus dus su sbyin pa dang bsod nams dang phyag
'tshal ba dang

'dud pa la sogs pa mi byed pa dang/ dus dus su ngo tsha shes pa
dang khrel yod pa dang 'gyod pa mi 'thob pa dang/ 'jig rten gyi
'dod chags dang bral ba'am chos mngon par rtogs pa la mi rig par
gsod pa'o/ /log par mngon par zhen pas ni dge sbyong dang bram
ze/

@072a mchod sbyin byed pa dag gi lta ba la brten pas chos 'dod
nas gsod pa dang/ phyugs rnams ni skye dgu'i bdag pos longs
spyod kyi rgyur sprul pas na bsad kyang nyes pa med par lta ba
la sogs pa log par lta ba gang yang rung ba la

brten te gsod pa'o/ /gzhis lci ba ni dud 'gro bong chen po'am
mang po'am/ mi'am mir chags pa'am/ pha ma dang bu tsha dang phu
nu dang mdza' bshes sam/ slob pa dang byang chub sems dpa' dang
dgra bcom pa dang rang sangs rgyas gsod pa dang/ de bzhin

gshegs pa la ngan sems kyis khrag 'byin pa la sogs pa'o/ /rgyu
lnga po de las ldog pas ni yang bar blta'o// !gzhan la sbyar ba
ni/ dkon mchog gsum gyi dkor sogs brku ba dang/ /pha ma sogs la
log spyod bslu byed cing/ /'byed dang rtsub

pos spyo dang co 'dri dang/ /'dod dang gnod sems thams cad med
lta'ang lci/ /lhag ma dgu la ni gzhi la lci ba brjod pa ste/
gzhan ni srog gcod pa ltar ci rigs su lta ba'o/ /de la ma byin
par len pa ni mang po dang bzang po brku ba dang/ yid brtan pa
la

'khu zhing brku ba dang/ dman pa dang bkren pa la sogs pa dang/
rab tu byung ba la sogs pa dang/ grong du chud pa dang/ slob pa
la sogs pa dang/ dge 'dun gyi las brku ba'o/ /mchod rten gyi las
brku ba'o/ /'dod pa la log par g.yem pa ni gzhug par bya ba ma
yin

pa dang/ ma dang 'brel ba dang mdza' bo'i chung ma dang dge slob
ma dang dge tshul ma la nyal ba dang/ yan lag ma yin pa kha dang/
dus ma yin pa sbrum ma zla ba tshang ba dang/ nad pa dang/ gnas
ma yin pa mchod rten gyi nyen kor dang dge 'dun gyi

kun dga' ra ba rnams su 'jug pa'o/ /brdzun du smra ba ni gzhan
bslu zhing brid pa la don mang pos smra ba dang/ pha ma nas
sangs rgyas kyi bar dang/ bzang po'am mdza' bo la smra ba dang/
srog gcod pa la sogs pa snga ma gsum lci ba bskyed pa smra ba'o/
/phra ma ni dge 'dun

@072b 'byed na thams cad las lci ba'o/ /pha ma dang bu dang bu
mo 'am bla ma'am yun ring po nas mdza' ba 'byed pa dang/ snga ma
gsum po lci ba dag bskyed pa'i phra ma'o/ /tshig rtsub kyang pha
ma dang bla ma la sogs pa la dang/ brdzun gyis dang/ mngon sum
du brgyad bkag dang/ gshe ba

dang spyo pas smra ba'o/ /ngag kyal ni brdzun la sogs pa gsum po
lci ba'i sgo nas smra ba dang/ 'thab pa dang rtsod pa dang 'gyed
pa la brten pa dang/ chags pa'i sems kyis phyi rol ba'i bstan
bcos klog pa la sogs pa dang/ pha ma la sogs pa la co 'dri ba'o/
/brnab sems

ni dge 'dun dang mchod rten gyi dkor la 'dod pa dang/ yon tan
gyis rlom pas rgyal po la sogs pa dang/ tshangs pa mtshungs par
spyod pa mkhas pa rnams las shes kyi khe dang bkur sti 'dod
pa'o/ /gnod sems ni pha ma dang nye du dang bla ma la dang/ nyes
pa med pa dang

bkren pa dang sdug bsngal ba dang snying rje ba dag dang/ nyes
pa med pa dag snying thag pa nas bshags pa byed pa la mnar sems
bskyed pa'o/ /log par lta ba ni gzhi thams cad la skur pa 'debs
par zhugs pa ste de ni log lta gzhan pas kyang lci bas so/ /'jig
rten na

dgra bcom pa dang yang dag par song ba dang yang dag par zhugs
pa dag med ces lta ba yang ngo/ /ngo bo nyid kyis lci ba dang
yang ba yang yod de dang po bdun po ni snga ma snga ma lci zhing
phyi ma phyi ma dag yang ba'o/ /tha ma gsum po ni phyi ma phyi
ma lci bar blta'o// ! nyes

dmigs kyi khyad par ni bdun la sogs te/ mi dge'i las kyis rang
dang gzhan dag dang/ gnyi ga rnam 'joms 'di dang phyi ma dang/
gnyis ka kha na ma tho 'phel 'gyur zhing/ /des bskyed sdug
bsngal yid mi bde sogs thob/ /las kyi lam re res kyang nyes

dmigs bdun te/ bdag la gnod pa dang/ gzhan la gnod pa dang/
gnyis ka la gnod pa dang/ tshe 'di'i dang/ phyi ma'i dang/ gnyis
ka'i kha na ma tho bskyed pa dang/ de las skyes pa'i sems kyis
sdug bsngal ba dang/ yid mi bde ba myong bar 'gyur ba'o/ /dang
po ni/

@073a gzhan gyi srog la sogs pa la gnod pa byed pa na de ma grub
par yang rang la yang gsod pa la sogs pa 'byung bas so/ /gnyis
pa ni grub pas pha rol gyi srog bcad pa la sogs pas so/ /gsum pa
ni bdag gi tshul khrims la sogs pa

nyams par byed cing des gzhan dag la'ang gnod pa sna tshogs
bskyed pas so/ /bzhi pa ni de ltar sdig pa'i las byas pa na bdag
gis smad pas nyams pa dang bcas par gnas pa dang/ gzhan gyis
smad pas rnyed pa la sogs pas dman pa dang/ lha rnams kyis

smad pas bsrung ba la sogs pa nyams pa dang/ ston pas kyang smod
pa dang/ tshangs pa mtshungs par spyod pa gzhan gyis kyang chos
nyid kyis smod pa dang/ phyogs dang phyogs mtshams su'ang mi
snyan pa'i sgra grag par 'gyur ba'o/ /lnga pa ni/ /de las tshe
phyi mar mi

khom pa rnams su skye bar 'gyur ba'o/ /drug pa ni 'di dang phyi
ma dag gis thob pa dang ma thob pa'i bde legs las nyams par
'gyur ba'o/ /bdun pa ni de ltar gzhan la gnod pa'i las dag grub
na ni shar gnyer ba la sogs pa'i rgyus/ sdug bsngal dang yid

mi bde ba thob la/ ma grub na'ang 'dod pas phongs pa'i gzhi las
sdug bsngal zhing/ yid mi bde ba myong bar 'gyur ba'o/ /nyes
dmigs de lta bu 'byung ba na yang mi dge ba 'di dag sgo rnam pa
brgyad kyis sems can la log par zhugs pa'i rgyu mtshan las

yin te/ srog dang longs spyod dang chung ma la gnod pa gsum
dang/ rgyu'i dbang pos gnod pa dang/ grogs po'i tshul gyis gnod
pa dang/ mtshang 'bru ba'i gnod pa dang/ bag med pa bskyed pa yis
dang/ 'jigs pa bskyed pa'i gnod pas so/ /sogs pas

bsdus pa ni mdo las/ 'chal ba'i tshul khrims kyi nyes dmigs bcu
rgyas par gsungs pa dang/ dga' byed kyi mdor dge bsnyen gyi
bslab pa'i gzhi'i dbang du byas te/ dang po bzhis nyes dmigs bcu
bcu dang/ lnga pa myos byed 'thung ba la nyes dmigs

@073b sum cu rtsa lnga gsungs pa la sogs pa mtha' yas so/ /yang
dran pa nye bar bzhag pa las/ brdzun du smra bas ni mchog tu don
ma yin pa byed pa/ chos kyi stegs thams cad las brgal ba/ don ma
yin pa thams cad kyi sgo/ dge ba'i lo thog ma lus pa'i ser ba/

ngan 'gro thams cad kyi sgo/ bya ba ma yin pa thams cad kyi
gzhi/ sems can thams cad kyi yid mi ches pa'i sa/ 'phags pa'i
skye bo thams cad kyis mi gtsang ba ltar smad pa/ dug ltar bor
ba/ 'jig rten dang 'jig rten las 'das pa'i lam gyi mun nag/

su'ang 'dod pa med pa/ gcig tu dmyal ba mngon sum du gyur cing
mtshungs pa med pa'i mun nag /don med pa mang po 'byung ba ste/
'dis rang dang gzhan bslu bar byed pa ni dge ba'i rtsa ba thams
cad ma rungs par byed pa mun pa chen por gyur pa/ skye bo chen
po dag

yid mi ches pa/ skye bo mkhas pa thams cad dang lo stong du mi
mthun pa/ nyan thos la sogs pa 'phags pa thams cad kyis smad pa/
/'jig rten dang 'jig rten las 'das pa'i lam gyi skyon du bgrang
ba/ dge ba'i rtsa ba'i stegs thams cad la sta rer gyur pa/

rtag tu gnod pa'i g.yang sar 'gyur ba/ ro myags pa/ snying po
med pa las dug ltar langs pa/ 'khor ba'i 'gro ba ngan ba'i rgyur
gyur pa/ nyal nyil du gyur pa/ kha dri nga ba/ rtag tu kha'i dra
bar gyur pa/ mi 'dod pa mi sdug pa/ yid du mi 'ong ba dmyal ba'i
'jigs pa

chen po'i pho nya/ 'chi ba na sdangs par byed pa chen po/ gshin
rje'i yul du phyin pa rnams kyi dgra chen po/ yi dwags dang dud
'gro'i g.yang sa/ nyes pa'i las kyi mtha' thams cad kyi rgyu/
dbul pa'i rgyu/ dmyal bar gnod pa chen po byed la/ dud 'gro gcig
la gcig

za ba'i rkyen du gyur pa/ thog ma med pa nas zhugs pa'i 'khor
ba'i sa bon du gyur pa'o/ /yang tshig rtsub po ni rang dang gzhan
la gcig tu gnod par byed pa/ khong khro ba'i rgyu mthun pa/ yid
du mi 'ong ba/ nyan pa dang mi mthun pa dug gsum ga dang bcas
pa/ byis pa thams

@074a cad dang lhan cig spyod pa rnam par smin pa mang ba/ bde
'gro 'jig par byed pa/ skye bo thams cad la mi dga' bar byed pa/
'jig rten pa thams cad sdang ba'i rgyur gyur pa/ mthun pa 'jig
par byed pa/ yid mi ches pa'i gnas su gyur pa/ yid

gcugs pa ma yin pa/ lce dug lta bu'i dag gis dri mar gyur pa/
tshangs pa mtshungs par spyod pa thams cad kyis smad pa'o/ /yang
gnod sems ni sems can dmyal ba bskyed par byed pa/ dge ba'i lo
rtog gi ser ba/ yang dag pa'i ye shes kyi mig gi mun

gnag /snying la gnas pa'i me/ tshul khrims thams cad sreg par
byed pa/ mdog ngan pa'i rgyur gyur pa/ chos kyi stegs gcod par
byed pa/ 'jig rten 'di dang pha rol gyi dgra nang du zhugs pa/
sems gnas pa 'jig par byed pa/ byams pa dang mi mthun par gyur
pa/

bden pa bzhi 'jig par byed pa/ sems can dmyal ba'i pho nya chen
po ste/ skyes bu dam pa dag dang 'phags pa nyan thos dag dang
thos pa don du gnyer ba dag gis bsten par bya ba ma yin pa'o//
yang log par lta ba ni thog ma med pa nas rjes su zhugs pa/

ngan song gsum gyi rgyu thams cad bskyed pa/ mun pa mun nag
chen
po yang dag pa'i lam gyi 'gal zlar gyur pa/ mtshon dang me dang
dug dang g.yang sa lta bu/ skye bo thams cad 'jig par byed pa/
lta ba ngan pa phyin ci log tu lta ba'o zhes gsungs pa'o//

! mi dge ba de rnams kyi 'bras bu'i dbang du byas nas/ gnas
skabs kyi dbye ba ni/ 'di rnams che 'bring chung ngur bshad pa
yi/ /dmyal ba yi dwags dud 'gror skye ba ste/ /gtso cher chags
sdang rmongs pa che 'bring dang/ /chung ngus che ba'i las lam
rnams las

so/ /mi dge ba bcu chen po spyod pa rnams kyis ni sems can dmyal
ba rnams su skye'o// 'bring gis ni yi dwags rnams su skye'o/
/chung ngus ni dud 'gror skye'o/ /chen po'i gnas skabs rnams ni
chags pa la sogs pa chen po'i gzhi can no/ /'bring

@074b dang chung du'ang de bzhin du sbyar ro// ! ngo bo nyid kyi
dbye ba la so so'i 'bras bu'i dbang du byas nas rnam par smin
pa'i 'bras bu smras pa/ 'di dag bsten cing lan mang byas pa
yis// rnam smin ngan song sdug bsngal mtha' dag nyid/ /bcu car
gyi so sor bsten cing

bsgoms la lan mang du byas pas sems can dmyal ba dang yi dwags
dang dud 'gro rnams kyi nang du sdug bsngal mi bzad pa mtha' yas
pa rnam par smin par 'gyur ba'o// ! rgyu mthun gyi 'bras bu ni/
de nas thar kyang mtho ris dag tu ni/ /rgyu mthun tshe thung

dbul dang chung ma lhod/ skur mang mdza' bral mi snyan tshig mi
mnyan/ /'dod chags zhe sdang gti mug lhag spyod 'gyur/ gal te
ngan song dag nas thar te mi rnams su skyes na'ang srog gcod pa
la sogs pas rim pa bzhin tshe thung ba dang/ longs spyod kyis
phongs pa dang/

chung ma ma bsdams pa dang/ skur ba mang ba dang/ mdza' bo
dang
dbye ba dang/ yid du mi 'ong ba'i sgra thos pa dang/ tshig mi
snyan pa dang/ 'dod chags che ba dang/ zhe sdang che ba dang/
gti mug che bar 'gyur ba'o/ /byang chub sems dpa' sde snod las
ni srog gcod

pas tshe thung ba dang/ ma byin bar len pas dbul po dang/ 'dod
pas log par g.yem pas chung ma 'gran zla dang bcas pa dang/
brdzun du smra bas skur pa mang ba dang/ phra mas g.yog 'khor
gzhan gyis 'byed pa dang/ tshig rtsub kyis rtag tu yid du mi 'ong
ba thos

pa dang/ ngag kyal bas shin tu gdon mi za ba ba'i spobs par mi
'gyur ba dang/ brnab sems kyis longs spyod rab tu nyams par
'gyur ba dang/ gnod sems kyis dmyal bar ltung ba dang/ log par
lta ba 'phags pa'i lam mi rnyed par gsungs so/ /dran pa

nyer gzhag las kyang/ srog gcod pa la sogs pas rim pa bzhin du
mir skyes kyang tshe thung ba dang/ gzhan gyis gsod pa dang/ dbul
ba dang nor yod kyang rgyal po la sogs pa lngas chud gzon pa
dang/ chung ma mi gus pa dang mtshan gnyis 'byung ba dang thams
cad

@075a kyis brnyas pa dang/ tshig gzung bar 'os pa ma yin zhing
kha dri nga la so dang kha dang mdog mi sdug pa dang/ thams cad
kyis log par sbyor ba dang/ rtag tu 'jigs shing las brtsams pa
mi 'grub pa la don med pa thams cad spyod

pa dang/ mdza' ba mi brtan zhing lkug pa dang 'on pa dang/ kha
dri nga bar 'gyur la su'ang yid mi ches/ mdog mi sdug gnas gcig
la mi dga' ba dang/ sus kyang dbugs 'byin pa med cing thams cad
kyis rtag tu gtse la su las kyang dga' ba'i tshig mi thob/

rtag tu 'jigs shing dge ba'i bshes gnyen dang mi 'grogs par sdig
pa'i grogs po bsten pa dang/ thams cad mi dga' zhing ya nga bar
'gyur la gang du'ang smyon thabs mkhan lta bur 'gyur ba dang/
rtag tu dbul zhing nor rgyal po la sogs bas 'phrog

pa dang/ ri brag kla klo 'khrug pa mang bar skye zhing g.yang
du ltung la nam yang sems mi bde ba dang gnod pa mang ba dang/
log par lta ba la de dgu car gyi skyon rnams stong 'gyur du
'byung bar gsungs so/ /bden smra'i le'u las kyang/ de dag gis
rim pa bzhin du

tshe thung zhing nad mang ba dang/ dbul ba dang nor thun mong
bar
'gyur ba dang/ 'khor mi srun zhing chung ma 'gran zla dang bcas
pa dang/ skur pa mang zhing gzhan gyis bslu ba dang/ 'khor nyung
ba dang 'khor mi bzlum pa dang/ tshig ngan pa nyi tshe thos shing
'thab mo'i tshig

tu 'gyur ba dang/ tshig mi btsun zhing spobs pa ma nges pa dang/
'dod chen che ba dang chog mi shes pa dang/ mi phan pa tshol ba
dang gzhan la gnod pa byed pa dang/ lta ba ngan pa dang ldan pa
dang g.yo sgyu can du 'gyur par gsungs so/ /sa bcu pa las
kyang/ de dang

don 'dra bar gsungs so/ ! /dbang gi 'bras bu ni/ dbang gi 'bras
bu phyi yi dngos po rnams/ /mthu chung mi smin 'drul zhing gzhan
du 'gyur/ /shin te ma dang ro ngan mi brtan dang/ /'bras bu
chung dang gnod dang med 'gyur ba'o/ /yang rim pa bzhin du

@075b phyi rol gyi dngos po rnams kyi 'bras bu mthu chung ba
dang/ 'bras bu mi smin pa dang/ 'bras bu 'drul pa dang/ 'bras bu
gzhan du 'gyur ba dang/ 'bras bu shin te mar 'gyur ba dang/
'bras bu mi zhim pa dang/ 'bras bu rtag tu ma yin pa dang/ 'bras
bu chung ba dang/ 'bras bu

gnod par 'gyur ba dang/ 'bras bu med par 'gyur ba'o/ /rgyas par
ni/ srog bcad pa las phyi snod kyi 'jig rten gyi bza' btung dang
sman dang 'bras bu la sogs pa mthu chung ba dang/ nus pa dang
stobs chung ba dang/ nad bskyed pas sems can phal cher tshe ma
zad

par yang 'chi bar 'gyur ba'o/ /ma byin par len pa'i ni 'bras bu
nyung ba dang/ mi grung ba dang/ 'drul ba dang long ba dang/
than pa ches pa dang/ char ches pa dang/ 'bras bu bskams pa dang
med par 'gyur ro/ /'dod pa la log par g.yem pa'i ni bshang
gci dang

'dam rdzab dang/ ljan ljin dang mi gtsang ba dang/ dri nga ba
mang ba dang dog pa dang nyam nga ba dang nyams mi dga' ba'o/
/brdzun du smra ba'i ni zhing las dang gru spyod pa'i las kyi
mtha' rgyas par mi 'gyur ba dang/ mthun par mi 'gyur zhing phal
cher bslu ba dang/

'jigs pa dang 'jigs su rung ba'i rgyu rnam pa mang po dang ldan
pa'o/ /phra ma'i ni sa phyogs 'bar 'bur dang lcang lcong dang/
mtho dman dang bgrod dka' ba dang/ 'jigs pa dang/ 'jigs su rung
ba'i rgyu mang po dang ldan pa'o/ /ngag rtsub po'i ni sa phyogs
sdong

dum dang tsher ma dang rdo dang gseg ma dang gyo mo mang ba
dang/ rtsub pa dang mdangs mi snum pa dang/ 'bab chu dang mtsho
dang lteng ka med pa dang/ bskams pa dang tsha rgo dang dgon
dung
dang tha chad dang/ sdig pa can gyi sa gzhi dang 'jigs pa'i rgyu
mang po dang ldan pa'o/ /

tshig kyal pa'i 'bras bu ni ljon shing la 'bras bu mi chags pa
dang/ dus ma yin par 'bras bu chags pa dang/ dus su mi chags pa
dang/ ma smin pa smin par snang ba dang/ rtsa ba mi brtan pa
dang/ ring du mi gnas pa dang/ kun dga' ra ba'am/ nags tshal lam
@76a rdzing bu nyams dga' ba mi mang ba dang/ 'jigs pa'i
rgyu mang po dang ldan pa'o/ /brnab sems kyis ni phud sum
tshogs pa thams cad lo re re dang dus tshigs dang zla ba dang
zhag re rer yang nyams shing dbril 'phel ba ni ma yin pa'o/ /

gnod sems kyis ni yams dang gnod pa dang/ nad 'go ba dang 'khrug
pa
dang/ pha rol gyi dmag tshogs las 'khrug long mang ba dang/
sengge dang stag la sogs pa dang sbrul gdug pa dang/ sdig pa
dang srin gyi me mang ba dang/ gnod sbyin gdug pa dang chom
rkun la sogs

pa mang ba'o/ /log lta'i ni snod kyi 'jig rten na 'byung
khungs mchog dang gtso bo dag nub par 'gyur ba dang/ dngos po
mi gtsang ba dang sdug bsngal ba dag mchog tu gtsang ba dang/
bde bar snang ba dang gnas dang skyob pa dang/ skyabs med par
'gyur ba'o// ! mthong ba'i

chos la myong ba'i khyad par brjod pa/ lta dang mi lta gnod
dang brtse ba dang/ /mnar sems dang ba byas pa mi gzo dang/
/byas gzo'i bsam dang pha ma dgra bcom dang/ /sangs rgyas dge
'dun byams dang 'gog pa dang/ /rgyun zhugs la sogs gzhi yi
dbang gis

dang/ /sangs rgyas byang chub sems dpa' brtser ldan dang/
/'khor lo bsgyur sogs gzhin gyi dbang gis kyang/ /mthong chos
nyid la 'bras bu smin par gsungs/ /'dir ni bstan sla bas na
zhar la dge ba dang gnyis ka'i bshad pa'o/ /tshe 'di nyid

la'ang 'bras bu myong bar 'gyur ba'i rgyu ni gnyis te/ /bsam
pa'i dbang dang gzhi'i dbang gis so/ /dang po ni/ brgyad kyis
te lus dang longs spyod dang srid pa la lta ba shas che ba'i
bsam pas ni mi dge ba tshe 'dir myong bar 'gyur ba'o// de dag
la mi lta ba shas che ba'i bsam pas ni

dge ba'o/ /de bzhin du sems can la gnod sems shas che ba dang/
snying rje zhing phan sems shas che ba dag dang/ yang dkon
mchog dang bla ma la sogs pa la mnar sems shas che ba dang/ de
dag la dang ba dang mos pa'i bsam pa shas che ba dag dang/
yang pha ma

@76b dang bla ma la sogs pa pan 'dogs pa la 'khu zhing byas pa
mi gzo ba dang/ slar phan 'dogs pas byas pa gzo ba'i bsam pa
shas che ba dag la'ang sbyar ro/ /gzhi las ni mi dge ba mtshams
med pa lnga dang/ de dang nye ba lnga la sogs pa dang/ dge ba
pha ma dad pa med pa

dad pa la 'jog pa la sogs pa dang/ byams pa dang snying rje
dang nyon mongs pa med pa dang/ 'gog pa dang rgyun tu zhugs pa
las langs pa rnams la bsnyen bkur byed pa dang/ sangs rgyas
dang slob pa dang mi slob pa'i dge 'dun dag la bsnyen bkur
byed pa la sogs pa'o/ /

yang rnam pa gsum gyis mthong ba'i chos la myong bar rnam par
bzhag ste/ zhing rgya che ba dang/ sems pa rgya che ba dang/
sems kyi rgyud rnam par dag pas so/ /dang po ni/ lnga ste sems
can la mchog tu phan pa'i bsam pa can/ byams pa dang snying
rje las langs pa dang/

sems can la mchog tu sems rjes su bsrung ba nyon mongs pa med
pa'i ting nge 'dzin las langs pa dang/ rab tu zhi zhing mya
ngan 'das pa 'dra ba 'phags pa'i gnas pa 'gog pa las langs pa
dang/ mi bya ba'i sdom pa thob pa rgyun tu zhugs pa dang/ shin
tu mthar thug pa

dgra bcom pa dang rang sangs rgyas la sogs pa'i dge 'dun no/
/gnyis pa ni snying thag pa nas dad pa'i sems kyis bsnyen bkur
byed pa'o/ /gsum pa ni tshe snga ma la sogs par gzhan dag de
lta bu'i las byed pa la bar chad ma byas pas de'i sgrib pa med
pa'o/ /de gsum tshogs pas

ni tshe 'dir myong bar nges te/ skyes nas dang lan grangs gzhan
la'ang myong bar 'gyur ro// dper na skud pa gcig la'ang me tog
mang po brgyur rung ba bzhin no/ /yang gzhan gyi dbang 'bras
kyis kyang tshe 'dir myong ba yod de/ sangs rgyas gang na
bzhugs par yams

la sogs pa med cing bde ba la reg par gnas pa dang/ byang chub
sems dpa'i byams pa dang snying rje la gnas pa dag dang/ 'khor
los bsgyur ba dag gis kyang dbul po la sogs pa rnams bde ba la
reg par byed pa'o/ /de dag las ldog pas ni mi dge ba mthong
ba'i chos

@77a la myong bar 'gyur bar blta'o/ /mi dge ba tshogs pa'i
'bras bu ni ngan song gsum ci rigs par so so'i sdug bsngal
mang po myong bar 'gyur ba'o// ! de la dmyal ba'i dbang du
byas nas dren pa nyer gzhag las gsungs pa

bsdus bas ni dmyal ba chen po brgyad las yang sos kyi dbang du
byas pa/ de la srog gcod che 'bring chung ngu dag /gtsor byas
mi bzad sdig pa'i las rnams kyis/ /dmyal ba yang sos 'khor ni
ma rungs pa/ /bcu drug ldan par yun ring mnar bar 'gyur/ /'di
la

srog gcod pa nyid spyir gsungs kyang de gtsor byas pa ste
gzhan yang med pa ni ma yin pas 'og ma dag la'ang gtso bo'i
rgyus nye bar sbyar ro/ /'di'i 'khor bcu drug ni mi gtsang
ba'i 'dam rdzab dang/ lcags kyi 'khor ba dang/ snod du btso ba
dang/ gnod pa ma

zhi ba dang/ mun pa dang/ kun tu mi dga' ba dang/ tshor ba bdo
ba dang/ nad thams cad pa dang/ mtshon 'bab pa dang/ gnod pa
drag pa dang/ ne'u le nag po lta bu dang/ gzhan du 'gyur ba
dang/ sdug bsngal gyi gnod pa dang/ padma'i phreng ba dang/
mtshe'u gnod pa

bdo ba zhes bya ba'o/ /'di rnams su bya'am ri dwgas dag rgya
dang rdos kyis gsod pa la sogs pa sdig pa'i las ji lta bus
sdug bsngal dang gnod pa'i khyad par ji lta bu myong bar 'gyur
ba ni rgyas par mdo nyid las blta bar bya ste/ gzhung ha cang
lci ba'i 'jigs

pas 'dir mi bri'o/ /'og ma dag tu'ang de bzhin no/ /'di lta bu
la mang du so sor rtog par byed pa ni mchog tu dpa' ba bdud
kyi sde chen po 'joms pa/ 'khor ba'i rgya mtsho las sgrol ba/
tshul khrims kyi chus 'dod pa'i me gsod pa/ byams pa'i chu'i
bum pas

zhe sdang gi me gsod pa/ rten cing 'brel par 'byung ba'i sgron
mes gti mug gi rab rib sel bar byed do/ /thig nag ni/ srog
gcod chom rkun byed bcas las ngan gyi/ /tshogs kyi thig nag rab
'jigs mi bzad pa/ gnas tshogs bcu drug ldan par gshags

@77b gtub sogs/ /sdug bsngal bye bas kun tu gdung bar 'gyur/
/mdo las/ yang sos kyi zhabs dang 'di'i mgo las mang du chad
par snang bas/ 'khor tshor ba rtag tu 'dus dang/ rab tu mi bzad
pa dang/ bya rgod kyis 'jigs pa gsum las mi 'byung ste/ 'dir
srog gcod pa

dang/ /ma byin par len pa gnyis gtsor byas pa'i sdig pa'i
tshogs kyis so/ ! /bsdus 'joms kyi ni/ de dag 'dod pa log par
spyod bcas pa'i/ /sdig pa'i phung po 'jigs rung nyer spyad
pas/ /bsdus 'joms ri bo ches 'joms 'jigs rung ba/ /bcu drug
'khor

ldan sdug bsngal lhag pas 'joms/ /'dir ni snga ma gnyis 'dod
pas log par spyod pa dang bcas pa'i sdig pa'i phung po rnams
kyis te/ /'khor bcu drug ni tshor ba tshad med pa/ 'bras bu a
la bud ltar gcod pa dang/ nad dang gnad gcod pa dang/ bsdus pa
dang/ 'jigs

par lta ba dang/ nyam nga ba mang ba dang/ gnod pa mi bzad pa
dang/ a tsha zer dang/ kyi hud zer dang/ rgyob shig pa dang/
mchi ma'i rgyun me lta bu mi 'chad pa dang/ dbang po thams cad
'gags pa dang/ tsho
 ra ba mtha' med dang/ padma ltar gas pa dang/
padma ltar cher gas pa dang

me 'thab dang/ lcags kyi me'i ra ba mtho ba zhes bya ba'o// !
ngu 'bod kyi ni/ de rnams ma rungs myos byed 'thung dang bcas/
/mi rigs las mang dga' bzhin nyer spyad pas/ /ngu 'bod ces bya
nags mi rab 'byar can/ /sgra chen la sogs bcu drug tshogs chen
ltung/ /

snga ma dag 'bru'i chang dang bcos pa'i chang myos bar 'gyur
ba bag med pa'i gnas 'thung ba dang bcas pas so/ /'khor bcu
drug ni sgra chen po dang/ thams cad sgra 'byin dang/ skra me
'bar ba dang/ me'i phye ma'i srin bu dang/ lcags me 'bar ba'i
gtun shing dang/ rdo me

'bar ba char du 'bab pa dang/ gsod pa med pa dang/ lcags tshal
dgon pa dang/ rab rib kun bsags dang/ gshin rje'i mtshams kyi
dgon pa dang/ shal ma ri'i tshal chen po dang/ chu shing bsregs
pa'i dud pa'i tshal dang/ me mdag dud pa'i tshal dang/ glog gi
na bun

@78a tshal dang/ kun tu rtog byed ces bya'o// ! zhar la
chang las ldog par gdams pa/ chang gis kun tu g.yengs pa'i
yid/ /bya dang mi bya mi shes pa/ /mi de phyugs dang 'dra ba
yin/ /de lta bas na chang spongs shig /chang gis g.yengs

ba'i mi dag ni/ /gson yang shi ba dag dang mtshungs/ /gang zhig
rtag tu gson 'dod pas// rtag par chang ni rnam par spongs/
/chang ni nyes pa kun gyi gzhi/ /rtag par don kun med par
byed// ngan song kun gyi them skas te/ /mun gnag gnas ni chen
po yin/ /

chang gis sems can dmyal bar 'gro/ de bzhin yi dwags 'jig rten
dang/ /chang gi skyon gyis bslus pa ni/ /mi dag dud 'gro rnams
su 'gro/ /dug gi nang na dug ni chang/ /de bzhin dmyal ba'i
nang na dmyal/ /nad kyi nang na nad mchog ni/ /chang zhes
mkhas pa

rnams kyis bshad/ /blo dang dbang po nyams byed cing/ /rin
chen chos ni zad byed pa// tshangs par spyod pa 'jig byed pa'i/
/mi bzad chang ni skye gnas gcig / rgyal po dang ni bstan bcos
mkhan/ /chang gis yang bar byed 'gyur na/ /tha mal mi dag
chang 'thung pa/ /bslus

par 'gyur ba ci zhig smos/ /mi dag chang la brten pa ni/ /chos
rnams kun gyi sta re yin// ngo tsha med par byed pa'i mchog
/yang pa dag tu nye bar bstan/ /chang gis phrogs par gyur pa'i
sems/ /bya ba dang ni mi bya ba/ /mi shes rnam par mi shes
shing/ /thams cad mi yis

mi shes so/ /gang zhig chang la brten byed pa'i/ /skye be res
'ga' dga' byed cing/ /res 'ga' yongs su gdung byed la/ /res
'ga' sdig pa byed pa yin/ /blo ni shin tu rmongs byed cing//
'jig rten gnyis ni rnam 'jig byed/ /thar pa'i chos la me lta
bur/ /sreg byed kho na

chang yin no/ /mi gang dag ni chang spong ba/ /chos kyi ngang
tshul mnyam par bzhag/ gang na 'chi ba med pa yi/ /gnas mchog
dag tu de 'gro'o/ /chang 'thung ba yis bslus pa dag /de ni
byed pa dman pa yin/ /mi bzad sems can dmyal bar ltung/ /don
med ci zhig yongs su

@78b gdung/ /'thung ba'i tshe na chang zhim ste/ /rnam smin tshe
na mchog tu tsha/ /kim pa ka nang kim pa ka /chang zhes mkhas
pa rnams kyis bshad/ /bdag la 'di yis mi gnod ces/ /blo ldan
chang la yid ma rton/ /myong na bsil yang rnam smin tsha/
/chang gis dmyal bar 'gro bar byed ces so// ! 

! ngu 'bod chen po ni/ las lam de dag rang gzhan bslu byed pa'i/
/brdzun smrar bcas pa ngu 'bod chen por te/ /sgra 'byin shin tu
sgra 'byin la sogs pa/ /'jigs rung 'khor ni bcu drug ldan par
bsrig /'dir ni brdzun du smra ba la sogs pa ngag gi las rnam
pa bzhi dang bcas pa

rnams kyis te/ 'khor bcu drug ni sgra 'byin shin tu sgra 'byi na
 dang/ tshor ba dpag med dang/ tshor ba tsha rtsub bzod dka'
dang/ gnod pa dpe med dang/ thams cad mun pa dang/ 'jig rten
gyi bar gyi du ba dang/ phye ma leb ltar rab ltung dang/ shi
ma thag 'tsho ba dang/ gzhan du 'gyur

ba dang/ bsam pa dga' med dang/ phan tshun snod 'jug dang/ nags
mes mched pa'i rgyud lta bu dang/ tshor ba ring ba dang/ tshor
ba mtha' yas dang/ khwa mchu rdo rje lta bu dang/ khrag dang/
rkang za dang/ me lce bcu gcig ces bya'o// ! tsha ba ni/ log
par lta sogs bcas

pa'i las rnams kyis/ /tsha ba zhes bya rab 'bar lcags kyis ni/
/lhag sgrar bcas pa chem chem rab brdung ba/ /ba spu slong
ba'i 'khor ldan dag tu bsreg / 'dir ni log par lta ba dang bcas
pa thams cad kyis te/ 'khor bcu drug ni rab bsreg chen po
dang/ padma dkar po lta

bu dang/ sbrul 'khyil ba lta bu dang/ zangs zhu bar nya 'khyug
pa lta bu dang/ lcags kyi bum pa dang/ chu bo dmar 'bab dang/
rkang dang rus pa srin bu mang ba dang/ skye bo kun bsreg
dang/ sar 'bying mtha' yas dang/ padma chen po lta bu dang/
mtha' drag dang/ rus pa rdo rje lta bu dang/ 

lcags nag po'i skud pas 'dral zhing gcod pa dang/ srin bu na tra
dang/ 'khor lo dang/ me 'jigs 'jigs ltar skyes pa dang/ nags
tshal me man ltar 'khrigs pa dang/ bung ba rdo rje lta bus gnod
pa'i go cha'o// ! rab tu tsha ba ni/ sdig las de rnams lhag
tu'ang dge slong ma/ /sun

@79a 'byin la sogs mang pos rab 'tshe ba/ /bum chen 'tshed
pa phyogs kun rab bsreg sogs/ /bcu drug 'khor ldan mi bzang
g.yang sar ltung/ /'dir ni de rnams dang khyad par du'ang  dge
slong ma sun 'byin pa la sogs pa sdig pa'i las mang po

rnams kyis te/ 'khor bcu drug ni phyogs kun bsreg dang/ lus
chen sgra chen 'jigs 'jigs lta bu dang/ me spyi tshugs lta bu
dang/ 'dab ma bye ma lta bu'i char rtag tu 'bab pa dang/
nang na me mdag yod pa dang/ a la la zer dang / shar gyur pa
thams cad sdug

bsngal dang/ chu be rab med rab tsha dang/ rtag tu mun nag
dang/ gnod pa'i rgyud dang/ srad bu'i rgyud bab pas dkrugs
dang/ skra shad 'dzings shing khwa yod pa dang/ snying rje rje
skad sgra 'byin dang/ snying rje chen po dang/ snying rje med
pa'i sa dang/ shing bskams bsdus pa lta bu'o/ /

 mnar med pa ni/ mtshams med la sogs ches lci'i sdig spyad
rnams/ /mda'i shugs kyis kyang 'gran med rab myur bar/ /mnar
med me chen bud shing nyid 'gyur te/ /bya rog khwa sogs ches
'jigs 'khor dang ldan/ /'dir ni lhag tu'ang mtshams med pa dang
dam

pa'i chos spong pa dang/ bla ma la 'khu ba dang dkon mchog
gsum la gnod pa byed pa la sogs pa mi bzad pa'i sdig pa'i las
kyi tshogs kyis te/ 'khor bcu drug ni bya rog khwa dang/ sa kun
gyi 'og dang/ tshor ba mtha' med ring ba dang/ wa ltar sgra
'byin dang/ lcags

dang lce spyang za dang/ bya rog lto dang/ lus zhu dang/ sgra
'jigs ston dang/ me tog kha ma bye lta bu dang/ ri brtsegs
'bab dang/ chu sgra dang/ 'gram mngar dang/ sdug bsngal kun
dkris dang/ dri 'dod dang/ lcags snam dang/ 'gro ba mes 'jigs
zhes bya ba'o/ /

mtshams med pa'i khyad par yang thos pa ngan pas bslus te/
g.yang dang chu dang me dang zas bcad pa la sogs pas ma bsad
na mtho ris 'dod pa gsod pa la sogs par gsungs so// ! mngon pa
gzhan las byung ba las sems can dmyal ba chen po brgyad

@79b kyi dbang du byas nas/ gzhan yang blo ngan chags sogs rab
bslus rnams/ /lus ngag yid kyis nyes spyad mang bsags pas/
/sems can dmyal ba chen po brgyad gnas su/ /sdug bsngal rab
'bar mang pos nye bar gdung/ /gzhan yang zhes bya ba ni chos
mngon pa

gzhan dang gzhan las de dag gi las dang 'bras bu'i rnam grangs
gzhan dang gzhan gsungs pa bsdus pa'i 'grel pa brjod pa'o// !gdags
pa'i bstan bcos la sogs pa las spyir gsungs pa ni/ /mi
rigs 'tsho ba'i mi rnams kyis/ /'dir ni gnod 'gyur

las byas pa'i/ /'gro ba phyi ma gang yin pa/ /dmyal 'gro de
dag nga las nyon/ /yang sos thig nag bsdus 'joms dang/ /ngu
'bod gnyis dang tshi ba gnyis/ /gzhan yang mnar med chen po te/
/dmyal ba brgyad po 'di dag ni/ /thar bar dka' ba bstan pa'o/
/brlang

pa'i las byas rnams kyi gang/ /re re'i 'khor ni bcu drug yod/
/cha bzhi dang ni sgo bzhir ldan/ /cha yi tshad ni rnam par
phye/ /lcags kyis sa ni kun nas bskor/ /lcags kyi sas ni kun tu
khebs/ /lcags kyi gzhi ni rab tshe ba/ /dpag tshad brgya phrag
du mar yang/ /me lce

dag ni mched par gnas/ /'jungs pa 'dul ba drag pa ste/ /me
lcer ldan zhing bsten par dka'/ /de dag ba spu slong ba'i
gzugs/ /'jigs shing 'jigs byed sdug bsngal ba/ /drang srong
dag dang sdom can dang/ /dka' thub can la kha zer ba/ /rkang
pa mtho zhing spyi tshugs su/ /dmyal

ba der ni ltung bar 'gyur// dbang po nyams pa de dag 'tshed/
/nya ni skam la bor ba bzhin/ /de ltar nyes byas las byed pa/
/nyin dang mtshan du cho nges 'dabs/ /de ni sgra chen rab tu
sgrogs// 'phang mdung gis phog glang chen bzhin/ /lus kyis nyes
pa spyad byas shing/ /ngag

gis nyes pa spyod rnams dang/ /yid kyis nyes pa spyad byas na/
/sems can dmyal ba rnams su skye/ /zhes so// !so sor bshad pa
gsungs pa la/ yang sos kyi sgra don ni/ de dag phan tshun nas
'dus pa na/ las las skyes pa'i ral gri rno spu gyen ded chod
pa dag lag tu byung nas phan tshun mthong

@80a mthong ba na/ sdang zhing gsod sems kyis bsnun pas gcod pa
dang/ 'bigs pa dang/ gtub pa dang gshags pa'i sgo nas bsad de
ro phyogs gcig tu pungs pa la/ rlung bsil ba langs shing nam
mkha' las sems can khyod yang sos shig /yang sos shig

ces sgra grags pas 'tsho bar 'gyur ro/ /shang lang dang chu gri
dang lcags kyi sen mo dang mdung thung dang tho ba dang/ 'khor
lo dang rdo rje rtse gcig pa dang/ mtshon rtse gcig pa la sogs
pas gsod pa la'ang rgyas par sbyar ro/ /phan tshun khon  cing
zhe non la/ /mi rnams

mi la gsod pa dag /lo ni bye ba stong dag tu/ /bsad cing bsad
cing phyir yang 'tsho/ /gang dag pha ma'am sangs rgyas dang/ /
nyan thos dag la sdang ba ni/ /dmyal ba chen po thig nag tu//
sdug bsngal tshor ba myong bar 'gyur/ /thig nag gi sgra don
ni/ der lcags las

skyes pa'i mi dag gis lcags kyis 'bar ba la gan rkyal du bzhag
nas/ zur  bzhi la sogs par gzhal zhing lcags kyi thig nag po
btab ste/ ste'u 'bar bas bzhog /sta re 'bar bas gsed/ sog le
'bar bas gshag go/ lcags kyi rgyud 'bar bas mgo nas

rkang pa'i bar thams cad bkri bas sha dang khrag dang lpags pa
thams cad phyir 'byung ba'o// yang sos dang gnyi ga'i bar sdom
ni/ ral gri shang lang chu gri dang/ /sen mo mdung thung tho
ba rnams/ /ste'u dang sta re sog le dang/ /rgyud bzhi dag ni
thig nag gi'o/ /sdig pa rnam

gsum byas pa dang/ /dge pa dag ni ma byas pa'i/ /blo ngan
bsdus 'joms song nas ni// sdug bsngal tshor ba myong bar 'gyur/
/bsdus 'joms kyi sgra don ni/ /der lcags kyi sa gzhi 'bar ba
dpag tshad mang por gnas 'tshol zhing mang po brgyug pas 'du'o/
/de la

steng du lcags kyi dra ba bkab nas tho bas rab tu bcom pas
bsad de mi snang bar 'gyur ro// yang sos te lcags kyi sgrom
dang gtun du 'bras brdung ba ltar kun tu rdung bar byed do/
/yang de ltar dra bas bkab pa la glang po che 'bar bas 'chag
cing 'joms so/ /yang

@80b lcags kyi 'khrul 'khor chen por kun bcug nas bu ram shing
brdungs pa 'tshir ba ltar btsir ba na khrag gi klung chen po
'bab bo/ /yang mang po der 'dus te skyabs 'tshol ba na/ lcags
kyi ri bo chen po steng mnyam pa 'og rtsub pa steng du lhung
bas gleb ste gsod do/ /yang lug dang/

ra dang rta dang glang po la sogs pa'i gdong lta bu'i ri sul
chen po dag gi bar du btsir zhing 'joms la 'gyed pa mang du
byed do/ /yang nags tshal chen po snang bar kun 'dus pa na
phyogs bzhi nas mi byung bas sa gzhi thams cad dang nags dang
sems can de dag rim gyis 'bar bas

phyogs bzhi gar me las mi snang bar 'bar ro/ /ba lang ra lug
ma he dang/ /ri dwags phag dang bya gag dang/ /de bzhin gzhan
gyi srog bcad pas/ /bsdus 'joms du ni bcom par 'gyur// sdom
nis gzhi dang ni tho ba sgrom/ /'khrul 'khor dang ni 'joms
dang ri/ /de nas ri sul

nags tshal rnams/ /bsdus 'joms na ni gnod pa brgyad/ /srog gcod
yi sems can rnams/ /brlang zhing khrag ni 'thung ba dang/
/ngan pa'i las ni kun sbyod pa/ /ngu 'bod chung ngur 'gro bar
'gyur/ /ngu 'bod kyi sgra don ni/ der lcags kyi sa gzhi la nags
'thibs po

mthong ste skyabs 'tshol zhing brgyuD pa na/ lcags kyi khang
par zhugs pa'i phyogs bzhi dang steng 'og nas mes bsregs pas
nags su bros pa dang/ me des sa gzhi dang nags tshal dang sems
can rab tu 'bar bas me 'ba' zhig las gzhan mi snang ba na ngu
zhing nyam thag

pa'i skad 'byin pa'o/ /mi rnams glang 'debs sgyu byed pa'i/
/skye bo dag gis bslus nas kyang// ngu 'bod du ni rab bsreg
cing/ /'jigs pa'i nga ros chos nges 'debs/ /de lta'i 'thibs
pos khebs pa dang/ /srid pa'i 'ching bas bcings pa dag /dma'
ba'i ni kun spyad pa/

ngu 'bod chen por skye bar 'gyur/ /nags de'i nang gi khyim dag
nyis rim du gyur pas khang sgrom phyi nang du phyogs ba zhi'i
mes sa dang nags dang khyim dang sems can bsregs pa ni 'di'i
khyad par ro/ /dang po/ sgyu byed pa'i mi rnams ni/ ngu 'bod
chen por song 
@081a /gyur nas/ /tshig cing spu'ang ldang 'gyur la/ /khyim gyi
nang du spung bzhin bsreg /skye bo mang pos bsad byas shing/
/tsha bar gyur pa'i las byas pas/ /blo ngan tsha bar song nas ni/
/sdug bsngal tshor ba nyams su myong/ /tsha bar ni dmyal ba'i
srung ma dag gis bzung

ste lcags kyi sa la dong rab tu 'bar bar bsregs nas skam pas
phyung ste lcags kyi gzhi'i steng du gan rkyal du bzhag nas mgar
bas lcags ltar rab tu brdung zhing kun tu dmyal lo/ /yang lcags
kyi gsal shing rtse gsum rab tu 'bar bas phug ste rtse mo gnyis
ni dku g.yas

g.yon nas phrag par 'byin to/ /gsum pas ni sbubs nas brtol te
spyi bor ro/ /des mig dang rna ba dang sna dang kha dang spu'i
khung thams cad nas me 'bar ro/ /yang bu ga de thams cad nas
phug pas kyang me 'bar pas rab tu bsreg pa'o/ /dge sbyong bram
ze dge ba dang/ /de bzhin gang zhig

pha ma la/ /gnod pa min pas gnod byed pa/ /de ni tsha ba rab tu
bsreg /bde 'gror 'gro ba'i las dang ni/ /'dod pa'i 'bras bur
'gyur ba spong/ /blo ngan 'dod min las byed pa/ /de ni rab tu
tsha bar bsreg /rab tu tsha bar ni dmyal ba'i bsrung mas mtshon
gyis dum bur bcad de

gsal shing la btsugs shing/ dong 'bar ba'i nang du ldog cing
ldog cing g.yos pa dag gis sha'i dum bu bsreg pa ltar bsreg go
/yang dum bur bcad de sa gzhi 'bar ba la sgre zhing snod du yang
brngo ste/ g.yos pas sha dum bu snod du sgre zhing brngo bas
khu ba bskam par byed pa

bzhin no/ /kha mang por gshags nas sla ngar yang nya ltar
brngo'o/ /yang lcags kyi rdza bum dga' ba dang nye dga' dpag
tshad lnga bcu pa dang/ lnga bcu gcig pa dga ba tshwa'i chu khol
bas bar spyi tshugs su bor te/ steng 'og dang phyogs mtshams kun
tu g.yeng bskol

zhing; til la sogs pa ltar 'tshed la/ dbus na ni dbu ba 'du'o/
/sha lpags kun bud nas keng rus nyi tshe lus pa na phyir phyung
ste lcags kyi sa la 'grems so/ /der sha la sogs pa phyir skyes
pa na yang 'tshed do/ /dge sbyong bram ze dge ba dang/ /de bzhin
gang zhig pha ma dang//

@081b gang zhig bla ma'am gzhan gsod pa/ /de ni rab tu tsha bar
bsreg /sdom la/ dong dang lcags dang dbyug pa ste/ /tsha ba na ni
gnod pa gsum/ /gsal shing snod dang sla nga dang/ /rdza bum bzhi
ni rab tsha ba'o/ /ngan 'gror 'gro ba'i las rnams las/ /shas cher
byas par gyur na ni/ blo dman

mnar med song nas kyang/ /sdug bsngal mi bzod myong bar 'gyur/
/mnar med du ni dmyal ba'i srung mas bzung ste sa gzhi 'bar ba
la gan rkyal du mnan nas mi bzang po'i 'ching ba lngas gnod par
byed de/ lag pa gnyis dang rkang pa gnyis dang snying gar lcags
kyi phur pa 'debs

pas so/ /yang de ltar mnan te lce phyung nas lcags kyi phur pa
brgyas gnyer ma rangs shing thang chad par ba lang gi ko ba ltar
brgyangs so/ /yang der spyi'u tshugs su mnan te glo gnyis nas
ltag par thug par lpags pa bshus nas/ lcags kyi shing rta 'dren
du bcug ste lam gyi

brgyad mdor gang du 'dod par btang zhing ldog pa mang du byed
do/ /yang lcags kyi zhib mar lcags kyi mdag ma rab tu 'bar ba
dag la 'khrab cing gsig tu 'jug go/ yang lcags kyi ri 'bar ba
dag la 'dzeg pa dang 'bab pa mang po byed du 'jug go/ gang zhig
chos la chos min dang/ /chos

ma yin la chos su smra/ skye bo dam pa dag la sdang/ /med par
lta na mnar med ltung/ /sdom ni/ mi bzad 'ching ba'i gnod pa
dang/ /de na lce ni phur brgyas brgyangs/ /shing rta 'khrid dang
'khrab dang ri/ /gnod pa lnga tsha na sbyar ba yin/ /gzhan yang
der ni phyogs bcu nas sa gzhi

dpag tshad brgya phrag mang po rab tu 'bar ba las me 'bar ba'i
shugs 'ong bas lpags pa dang sha la sogs pa thams cad bshig nas
rkang pa la thug pa lus thams cad mar me'i snying po ltar me
lces khyab par 'dug go// de lta bus me'i phung po nyid du snang
ste nyam thag pa'i skad

'byin pas sems can du mngon par zad do/ /yang sa de nyid du gan
rkyal du bzhag nas lcags kyi 'byed spyad kyis kha phye ste lcags
kyi thu lam rab tu 'bar ba bcug pas nang thams cad tshig cing
thal byung du 'byung ngo/ /zangs bskol ba khar blug pas kyang de
bzhin no//

@082a!de dag gi nyen kor ba'i dbang du byas nas/ sgo bzhi'i nyen
kor dag tu bros pa na/ /me ma mur dang ro myags spu gri'i lam/
/ral gri lo ma'i nags dang shal ma li/ /ba tshwa khol ba'i chu
klung rab med rnams/ /bgrod pas bzod brlag sdug

bsngal mang spyad nas/ /slar yang rim gyis de dag kun zhugs te/
/nang du sngar ltar rab bsreg de nas yang/ /phyogs gzhan kun nas
mi bzad yun ring 'khor/ /gnas brgyad po de dag gis phyogs bzhi'i
rtsig ngos la sgo bzhi yod la lcags kyi ra bas bskor ba'o/ /

sgo gcig bye nas brod par 'dod pa na yang chod de phan tshun rtsa
dang shing ltar spung zhing bsreg go/ yun ring zhig na de bye
nas bros pa na lhag pa'i 'khor bzhi myong bar 'gyur te/ dang po
ni/ drung de nyid na me ma mur pus nub tsam dpag tshad mang po
khyab par rkang pa

bzhag na ni lpags pa dang sha dang khrag kun 'jigs la/ gteg na
ni yang skye bar lo du ma 'jug dgos so/ /gnyis pa ni de'i drung
nyid na phyi sa'i 'dam ro myags ltar mnam pa mi 'greng tsam dpag
tshad mang po dri nga zhing btsog par 'bog pa na der 'gyel te mgo
dang rkang lag

dang bcas par bying ngo/ /de na 'bum mchu rnon thal kar mgo nag
pa mchu khab 'dra ba yod pas/ lpags pa dang sha dang rgyus pa
dang rus pa phug nas lha ba dru'o/ /gsum pa ni de'i drung nyid
na spu gri bltams pa'i lam/ lo ma ral gri lta bu'i tshl dang shal
ma li'i tshal dang bcas pa yod

de/ spu gri'i lam du brgyug pa dang rkang pa bzhag na sha lpags
thams cad gcod la/ bteg na yang skye bar lo mang po'o/ /de'i
drung gi tshal de a mra sngon po'i tshal 'dra bar snang nas zhugs
pa na rlung tsha bas ral gri de dag steng du lhung ste yan lag
dang nying lag thams cad

gcod do/ /der 'gyel ba na khyi sre po dag gis spyi bo sa la
brdabs te glo gnyis nas bshus shing gshul sha dang rgal tshigs
kyang phyung nas za'o/ /de'i drung na lcags kyi shing shal ma
li'i tshal mi 'greng sa ya tsam du mtho ba tsher ma rnon po sor
bcu drug pa tshal

@082b sngon po'i phreng bar snang ba la 'dzeg na kha thur du lta
la/ babs na gyen du lta bas yan lag thams cad 'bigs shing gshag
go /khwa lcags kyi mchu can dag kyang phrag pa'am mgor babs te
mig dang klad pa 'dru'o/ /lcags kyi rdza bum dang khar zangs ba
tsha'i chu kholbas gang

bar yang 'tshed do/ /bzhi pa ni shal ma li'i drung nyid na 'gyur
byed kyi chu khol mas gang ba'i klung rab med du lhung nas bskol
bas steng 'og tu 'phyo zhing 'tshed pa ni zangs chus bkang ba la
me chen po spar bar mon sran gre'u la sogs pa 'tshed pa bzhin no/
/'gram gnyis na ni

gshin rje ral gri la sogs pa thogs pas 'byung du mi ster bar
'tshed do/ /der skra dang spu thams cad ni 'byi/ sha khrag thams
cad ni 'jig pas rus pa nyid lus par zad do/ /yang lcags kyi
mchil pa dang nya rgyas nya ltar bcus te sa gzhi 'bar ba la gan
rkyal du bzhag

nas khyed ci 'dod ces so/ /bdag cag nyid kyang mi shes mi mthong
mod kyi/ 'on kyang bkres so zhes so/ /de dag gis lcags kyi 'byed
dpyad kyis kha phye nas thu lum 'jug cing zangs khol ma blud pa
yang snga ma bzhin no/ /de nas yang ldog te klung rab med dang/
shal ma li'i

tshal dang ral gri'i lam dang/ spu gri'i lam dang/ ro myags kyi
'dam dang me ma mur gyi 'obs nas yang sgo de nyid du 'jug go/
phyogs gzhan nas kyang de kho na bzhin 'khor lo ltar 'khor ba
rgyas par byed do// ! grang ba'i dmyal ba brgyad kyi dbang du
byas pa/ mi bzad

lhags pas chu bur ltar 'khums dang/ /chu bur rdol 'dra so thams
kyi hud dang/ /a chu zer dang sngo zhing kha lnga 'am/ /drug
gas dmar zhing kha bcu sogs gas dang/ /shin tu dmar zhing brgya
tshal gas pa las/ /grang ba'i sems can dmyal ba'i gnas brgyad do/
/chu bur can

ni sa de na yod pa rus pa la things pa'i lhags pa chen pos btab
nas lus thams cad chu bur byung ba ltar 'khums pa'o/ /chu bur
rdol ba ni chu bur rdol ba ltar 'khums pa'o/ /so thams dang kyi
hud zer dang a chu zer ni sgra'i bye brag las ming du btags
pa'o/ /ud pa la ltar gas

@083a pa ni de bas lhag pa'i lpags pa sngo zhing kha lnga'am
drug tu gas pa'o// padma ltar gas pa ni sngon po de las 'das nas
dmar zhing kha bcu 'am de las lhag par yang gas pa'o/ /padma
ltar gas pa chen po ni shin tu dmar ba kha brgya 'am

lhag par yang gas pa'o// !nyi tshe ba'i dbang du byas nas/ nyi
tshe ba rnams 'di dag nyid dang ni/ /mtho ris dag na'ang thor bur
gnas pa ste/ /mi dge'i las rnams spyad pas rang rang gi/ lus kyi
sdug bsngal brgya phrag myong ba'o/ /'di ni snga ma rnams kyi
nyan kor na'ang

gnas la/ kha cig mi la sogs pa'i nang na'ang yod pas gnas gzhan
gud na med do//gnas brtan maunggal gyi bus ngas sems can 'bar
zhing rab tu 'bar la kun tu mched cing 'bar ba me lce gcig tu
gyur pa mthong ngo zhes bya ba la sogs pa bzhin no/ /las du ma

las sdug bsngal du ma ci rigs par myong ba ste btsun mo dpal
ldan gyis maunggal gyi bu la dris pa las rgyas par blta'o// !
tsha grang gi dmyal ba gnyis kyi gnas kyi khyad par brjod pa/
yang sos 'di 'og sum khri nyis stong na/ /gzhan rnams de 'og
bzhi stong dag na ste/ /

chu bur can ni yang sos thad na gnas/ /gzhan ni nyis stong nyis
stong 'og na'o/ /yang sos ni 'di nas dpag tshad sum khri nyis
stong gi 'og na'o/ /de'i 'og na dpag tshad bzhi stong bzhi stong
gis bcad pa na ni thig nag la sogs pa gnas so/ /de dag gi thad
so dpag tshad

khri'i pha rol yang sos dang mnyam pa na chu bur can no/ /de'i
'og nyis stong nyis stong gis bcad pa na ni gzhan rnams gnas so/
/mngon pa gzhan las ni/ 'di'i 'og stong phrag nyi shu na//mnar
med pa'o de tsam mo/ /de yi steng na dmyal ba bdun/ chu bur can
sogs grang brgyad

gzhan zhes gsungs so// !de'i tshe'i tshad ni/ mi lo lnga bcu rgyal
chen lha yi zhag /des brtsis lo ni lnga brgya tshe tshad de/ /de
ni yang sos dmyal ba'i nyin zhag gcig /de yi lo ni lnga brgya
tshe tshad do/ /thig nag bsdu 'joms ngu 'bod chung dang che/ /tsha
ba'i bar rnams

@083b zhag dang tshe tshad dag /gnyi ga de las nyis 'gyur nyis
'gyur te/ /rab tu tsha ba'i bar gyi bskal pa phyed/ /mnar med
bskal pa gcig gis mthar thug pa'o/ /grang ba rnams kyi tshe ni de
dag gi/ phyi ma phyi ma phyed phyed zhugs pa ste/ /gzhan las
gzhan du bsgre ba dag kyang bshad/ /mi lo lnga

bcu ni rgyal chen ris bzhi'i nyin zhag gcig go/ zla ba bcu gnyis
la lo gcig tu brtsis pa'i lha'i lo lnga brgya des thub bo/ /de
thams cad ni yang sos kyi nyin zhag gcig tu zad de/ des brtsis
pa'i lo lnga brgya ni yang sos kyi tshe'i tshad do/ /de dag las
nyin zhag dang

lo gnyi ga nyis 'gyur gyis lhag pas gzhan 'phrul dbang byed kyi
tshe'i tshad lo khri drug stong rangs po ni dmyal ba chen po tsha
ba'i nyin zhag gcig ste/ des brtsis pa'i lo khri drug stong ni
tshe tshad do//rab tu tsha ba'i tshe ni bar gyi bskal pa phyed do/
/mnar med kyi ni bar gyi

bskal pa gcig go /chu bur can la sogs pa grang ba pa brgyad kyi
tshe'i tshad ni tsha ba pa brgyad po de'i phyi ma phyi ma phyed
phyed zhugs par brtsi bar bya'o/ /mngon pa gzhan las ni/ til
sbyang nang nas lo brgya zhing/ /til gcig phyung pas zad 'gyur
pa/ /chu bur can gyi tshe

yin te/ /gzhan gyi tshe ni nyi shur bsgyur zhes bshad do/ /nyi
tshe ba'i tshe ni nges pa med la/ nyen kor ba ni gnod pa'i bye
brag tsam du zad kyi/ chen po pa nyid yin no/ /yi dwags dang dud
'gro'i yang las ni mi dge ba bcu po nyid kyi 'bring dang chung
ngu dag yin par bshad

zin to/ /'on kyang 'di dag nyid kyi khyad par dang bcas pa bstan
par bya ste/ !yi dwags kyi rgyu'i khyad par brjod pa/ las lam
bcu po'i cha dang cha dag dang/ /gtso cher chags pas ser sna
phrag dog gis/ /bslus te sbyin pa rnam gsum ma btang zhing/
/sbyin gnas

sogs la bgo bsha' ma byas dang/ /sbyin par bsngos nas phri'am mi
sbyin dang/ /gzhan du bsgyur dang sbyin pa'i gegs byed sogs/
/blo ngan 'jungs las smad pa'i las rnams ni/ /rab 'jigs mang
bsags yi dwags 'gro bar ltung/ /mi dge ba bcu po 'bring du spyad

@084a pa'i cha dang chen po dag gi lhag mar gyur pa'i cha dang/
cha'am cha dag dang/ gzhan yang dran pa nyer gzhag las/ gtso
cher ser snas bslus shing longs spyod ngan pa 'dod la/ rnyed pa
ngan pas zil gyis non pa rnams sbyin pa ma byin te/

dge sbyong dang bram ze dang phongs pa dang long ba dang bkren
pa slong mo ba la ma byin/ bsod nams ma byas/ 'jig rten 'di dang
pha rol tu rgya mtsho lta bu'i tshul khrims ma srung/ bu dang
chung ma dang bran pho mo dang zho shas 'tsho ba rnams la'ang
ma
byin pa dang/ ser snas

'jig rten 'di dang pha rol bslus pa dang/ 'thab mo dang phrag
dog gi dri mas bslus pa rnams ni yi dwags su skye bar 'gyur te/
phal cher yi dwags mo rnams su'o/ /zhes gsungs so//de bzhin du
bsngos nas ma byin pa la sogs pa las ngan pa mang po

dag gis kyang ngo// !gnas kyi khyad par ni/ 'jig rten kun rgyu
yul na gnas pa ste// yul ni sa 'og dpag tshad lnga brgya dag /'di
nas sum stong drug brgya'i mtha' na gnas// gnas ni gnyis te/
'jig rten rgyu ba dang/ yul na gnas pa'o/ /dang po ni mtshan

mo mi dag gis kyang mthong srid pa'o/ /yul ni sa 'og dpag tshad
lnga brgya na ste/ rkyen gyi dbang ma gtogs par 'dzam bu gling
gi mtha' nas dpag tshad sum stong drug brgya na yod do/ /'di dang
thag nye ring ni nges pa med do/ /zhes gsungs so// !sdug bsngal

gyi khyad par ni/ longs spyod dag la phyi dang nang dang ni/
/zas skom sgrib pa can gyi bye brag gis/ /rnam gsum kun kyang
bkres skom lhag pa yi/ /me yis rab gdung sdug bsngal bgrang las
'das/ /'di la sdug bsngal gyi khyad par mdor bsdu na gsum las
longs

spyod dag la phyi'i sgrib pa can ni chu mig dang mtshe'u dang chu
klung la sogs par bza' ba dang/ btung ba dag mthong zhing de
dang der brgyug pa na lag na ral gri dang dbyug pa la sogs pa
thogs pas 'gog pa dang/ chu la sogs pa'ang rnag la sogs par
mthong

@084b bas spyad du med pa'o/ /nang gi sgrib pa can ni kha khab
kyi mig tsam la me 'bar ba dang/ mgrin pa jeng gi rgyud tsam la
gsus bo che dag ste/ gegs byed pa med cing zas skom rnyed du zin
kyang bza' btung byed mi nus pa'o/ /zas skom gyi sgrib pa can la
yi dwags me lce'i

phreng ba zhes bya ba ni zos so cog dang 'thungs so cog gis tshig
pa ste bkres skom yang zhi bar mi 'gyur ba'o/ /ljan ljin za ba
zhes bya ba ni/ phyi sa za zhing gcin 'thung ba ste/ btsog pa
mnam pa gnod pa smad pa de tsam spyod par nus pa'o/ /kha cig ni
rang gi sha

bcad cing bcad cing za la/ gtsang ba'am bsod pa la ni spyod par
mi nus pa'o/ /thams cad kyang bkres pa dang skom pas gdungs pas
lpags pa dang sha dang khrag kun bskams nas sdong dum tshig pa
'dra la/ gdong skras khebs shing bkres skom gyis nyen pa'i bzhin

dang kha shin tu bskams pa lces bldag pa/ bzhin 'gyur te gar bab
bab brgyug pa 'jigs su rung ba dag go!/dbye ba ni/ mdor bsdus
rigs kyis dbye ba sum cu drug /lto gug dang ni khab ltar phra
ba'i kha/ /bshang za kun bsten dri za la sogs pa'o/ /rgya cher

las kyi dbye bas mtha' las 'das/ /rigs kyi dbye ba spyir bsdu ba
sum cu rtsa drug ste/ lto gug dang/ kha khab ltar phra ba dang/
bshang za dang/ dri za dang/ chos za ba dang/ sbyin pa za ba
dang/ chu 'thung ba dang/ bsam pas 'tsho ba dang/ mchil ma za ba
dang/

phreng ba za ba dang/ khrag za ba dang/ sha za ba dang/ dud pa
za ba dang/ drag shul spyod pa dang/ glags lta ba dang/ sa 'og
na gnas pa dang/ mthu bo che dang/ mtshan mo lus 'bar ba dang/ mi
la glags lta ba dag 'dod pa'i gzugs can dang/ gling bar na gnas
pa dang/

gshin rje'i dbyug pa dang/ byis pa za ba dang/ tshangs pa'i srin
mo dang/ 'bru drus pa'i shun pa za ba dang/ mi gtsang ba za ba
dang/ lam chen gnas dang mang du za ba dang/ me mdag za ba
dang/
dug za ba dang/ dgon pa na gnas pa dang/ dur khrod na gnas pa
dang/ shing

@085a la gnas pa dang/ bzhi mdor gnas pa dang/ bdud kyi sde zhes
bya ba rnams so/ /'di rnams kyi'ang las dang sdug bsngal gyi
khyad par ci 'dra ba ni mdo las rgyas par blto'o/ /rgya cher
dbye ba ni bsam pa sna tshogs can gyi sems kyi

cha'i las kyi bye brag sna tshogs kyis bskyed pas/ sdug bsngal
dang sems pa dang g.yo ba dang gnas sna tshogs can dpag tu med
par blta'o/ /de dag kyang phal cher ser sna dang phrag dog gis
nyams pa ste/ rgya cher lus dang ngag dang yid kyi las mi dge ba

bcu skye ba'o/ /rgyu de la srog chags thams cad rag las/ de la
spyod/ de las skye zhing 'byung/ de'i phyi bzhin 'brang ste/
ngan song rnams su kun tu 'khor yang skyo ba med do/ /sems
spre'u lta bu thog ma med pa nas 'khor bar zhugs shing sdug
bsngal gzings

gzings pa'i nang na gnas pa la goms pa/ lus sna tshogs can gyi
dra ba na gnas shing sdom pas 'khor ba'i ri la 'dzeg pa/ sems
gzings pa'i bag chags kyis rtogs pa'am shes par sla ba ma yin
la/ de ltar sems 'gro myur du 'gro ba spre'u

lta bu 'di thog ma nyid du gdul te/ de lta ma yin na ngan song
mi bzad pas shin tu sdug bsngal zhing 'khor bar sems kyi dgras
zin pas bde ba mi 'thob bo/ /des na gtso bor sbyin pa rnam gsum
ni ma byin la/ ser sna dang phrag dog gi zil gyis

non pa dag yi dwags su skye ba'o/ /stobs dang ldan pa'i las dag
gis/ /zhags pa yis ni khrid pa dang/ /bshes gnyen bu dang chung
ma dag /rtsa lag gis ni skyob mi nus/ /lus dang tshe tshad phal
cher ma nges te/ /mthar thug zla nye zhag gis lnga brgya'o/ /

lus ni ngan song gsum char gyis ma nges te/ las ji lta bar sdug
bsngal gyi rten lus kyang che bar 'gyur ro/ /tshe ni yi dwags
phal cher gyi ma nges pa ste/ mchog tu ring ba'i ni mi'i zla ba
la nyin zhag tu brtsis pa'i lo ni lnga brgya// ! dud 'gro'i skye

@085b gnas kyi rgyu dang sdug bsngal gyi khyad par ni/ gzhan
yang mi dge'i cha dang cha shas dang/ /grtso cher blun pas phra
ba'i las rnams ni/ /khyad du bsad sogs las ngan nyer bsags pas/
/dud 'gro phan tshun gsod cing za ba dang/ /lha dang mi yis spyad
byar gyur ba yis/ /

dbang med gsod cing bkol spyod byed par ltung/ /rgyu ni mi dge
ba bcu'i phra bar gtogs pa'i cha dag dang/ khyad par du'ang
rmongs pa shes che ba dag gis bslab pa phra mo phra ba mang po
khyad du bsad pa dang gus par bya bar 'os pa rnams la ma gus pa
la sogs pa'i

nyes par spyod pa mang po bsags pa'o/ /sdug bsngal ni dud 'gro
nyid phan tshun lus dang stobs la sogs pa lhag pa dag gis dman pa
rnams gson mid byed pa la sogs pas za zhing gsod pa dang/ rnam
par 'tshe ba sna tshogs kyis gnod pa byed pa dang/

kha cig ni mi la sogs pa'i longs spyad byar gyur pas kyang sha
dang lpags pa dang rus pa la sogs pa'i phyir gsod pa dang/ brtse
ba bor te rang dbang med par 'bal ba dang/ bzho ba dang/ bda' ba
dang/ rmed pa dang/ drangs ba la sogs pas/ bkol spyad

sna tshogs byed pa'o// !dbye ba ni/ rigs kyi dbye ba bye ba sum
cu drug/ gzugs dang kha dog skye gnas sna tshogs te/ /mthun dang
mi mthun 'dab bcas 'dab med sogs / /las dang sems kyi dbye bas
mtha' yas so/ /rigs las spyir dbye ba ni bye ba phrag

sum cu rtsa drug ste/ mi'i lus nyid la yang stong phrag brgyad
cu yod par gsungs pa la sogs pas so/ /bye brag tu ni cha byad
sna tshogs 'chang ba dang/ gzugs sna tshogs dang ldan pa dang/
skye gnas bzhi skye ba dang/ zas bzhi la brten pa dang/ mthun
dang mi

mthun pa dang/ sdang/ sdang ba dang mi sdang ba dang/ bshes pa
dang mi bshes pa dang/ lhan cig spyod pa dang mi spyod pa dang/
'dab ma yod pa dang med pa la sogs pa sna tshogs mtha' yas pa
ste/ sems sna tshogs dang las sna tshogs kyi bye brag gis so// !
gnas kyi
@86a khyad par ni/ byings kyi gnas ni rgya mtsho chen po ste/
/gzhan dag sa steng mkha' sogs kun na gnas/ /'di yang lus dang
tshe tshad nges med de/ /tshe ni mchog ring bskal par gnas pa'o/
/dud 'gro byings na gnas pa'i gnas ni rgya mtsho chen

po yin la/ kha 'thor dag gi gnas ni nges pa med pas sa steng
dang sa 'og dang nam mkha' dang chu dang sems can gyi lus la
sogs pa thams cad na'ang yod do/ /gang du drod sher las skyes
pa'i/ /skye bo skye par mi 'gyur ba'i/ /sa sogs cha de 'ga'
na'ang med ces

gsungs la/ dud 'gro ni phal cher yang drod gsher las skye ba'i
phyir ro/ /lus kyi tshad ni nges pa med la/ tshe'ang phal cher ni
ma nges te mchog tu ring ba dag ni bskal par gnas pa'o// 'di
la'ang rgya mtsho la sogs pa 'og na gnas pa rnams kyi gnas dang
lus

dang longs spyod la sogs pa dang/ spyir las kyi bye brag gis bde
sdug ji lta bu myong ba'i khyad par ni rgyas par mdo las lta'o/
/'dir ni 'jig rten pa dag ltas kyi rnam pa phyin ci log 'chad pa
dgag pa'i phyogs cung zad brjod par bya'o// !de la nyi zla gzas
zin pa

dang gnam grum pa'i dbang du byas nas/ lha min dbang pos lha yi
tshal rnams dang/ /lha yi bu mo blta bar 'dod pa dang/ /nyi ma'i
zer gyis mig la gnod phyir dang/ /zla rgyas lha yi bu mo'i bzhin
'dra bas/ /reg par 'dod phyir nyi zla lag pas bsgrib/ /de la
bram ze rtog

ge ngan bslus rnams/ /nyi zla gza' dmar sogs kyis zin pas na/
/lo yi nyes legs la sogs ltas su ston/ /yang de lha min tshogs
kyi dbang po la/ /bsngo phyir rbad pas khros nas ring bag tu/
/skad 'byin brgyug la gnam grum ltas su'o/ /lha yi 'od byed nyi

zla bsgrib pas dang/ /gzi byin mi bzod 'bros pa'i sgra las
kyang/ /de gnyis su 'gyur ro zhes bya ba ni tshig gi lhag ma'o/
/de la rgya mtsho bar ma longs spyod ldan la chos dang mi ldan
zhing chos kyi rjes su mi 'jug pa'i klu'i rgyal po bzhi gnas te/
rab 'jom dang/ bsgyings

@86b pa dang/ nag po dang/ hu lu hu lu'o/ /gang gi tshe 'dzam
bu'i gling na mi rnams pha la phar mi 'dzin pa la sogs pas chos ma
yin pa byed pa de'i tshe/ klu de dag gi dbang du 'gyur te mi shis
pa dang sdug bsngal sna tshogs 'byung ngo/ /rgya mtsho'i gting gi
gzhi la ni lha dang

'gran par 'dod pa'i lha ma yin rnams gnas te/ 'di la yi dwags
dang dud 'gror gtogs pa gnyis so/ /dang po'ang gnyis te bdud kyi
rigs dang/ rdzu 'phrul chen po'i yi dwags so/ /dud 'gror gtogs
pa ni 'og gzhi la gnas te/ ri rab kyi rten dpag tshad brgyad khri

bzhi stong yod pa'i sa 'og na gnas so/ /mdor bsdus na gzhi'ang
bzhi las/ dang po dpag tshad nyi khri chig stong na dbang po sgra
gcan gnas so/ /des ni 'dod pa'i khams su thams cad pas lhag pa'i
lus sprul nus pa ste/ las 'dren ma'i dbang gis lha

la'ang 'gran zlar mthong nas lha'i tshal dag dang lha'i bu mo
rnams blta 'dod pas/ nor bu mthon kha la sogs pa dang gos kyi
rgyal po ma btags pa kha dog bzhis brgyan nas 'gro'o/ /de'i
grong khyer ni 'od can zhes bya ba dpag tshad brgyad stong pa rin
po che'i

tshal la sogs pa 'byor pa chen po can no/ /de lha'i tshal dag blta
bar 'dod pa na gal te mi rnams chos ma yin pa spyod na ni lha sa
tha ma pa rgyal chen bzhi'i ris dag mthu chung bas phan tshun
sogs nas/ kye lha dag sengge mo'i bu sgra gcan ni bdag cag bsad

pa'i phyir brtul te byung ngo zhes 'dzer to/ /mi dag pha la phar
'dzin pa la sogs pas chos bzhin byed cing/ dkon mchog gsum mchod
la dge ba dang mi dge ba'i las la lta ba na ni lha de rnams rin
po che sna tshogs dang me tog la sogs pa sna tshogs kyis brgyan
te/

mtshon cha sna tshogs char du 'bebs la ha la ha la'i sgra sgrogs
shing ri rab kyi nang du sgra gcan ga la bar brgyug go/ de ste
mi rgal na ni ri rab kyi ngos la tshal dang nye ba'i tshal yod pa
la nyi ma'i 'od phog pa'i zer 'bum 'bum mang po de'i gdong du
bab pas mig 'khrug

@87a pa na tshal dang lha'i bu mo dag blta bar ma nus pas/
khros te mig rtsa dmar por gyur cing lag pas nyi ma bsgrib bo/
/des de dag blta ba la rtse tshugs su 'dud pa rgya mtshos ni sked
par phyin/ de yan chad nor bu'i rgyan gyis khyab pas nor bu

so so'i 'od kyis de'i lag pa'ang sngon po la sogs par snang ba
na/ bram ze rtog ge pa log pa'i thos pas bslus pa dag nyi ma
gza' sdig can gyis zin to/ /gza' sngon pos zin to/ /dmar pos zin
to zhes/ las dang 'bras bu rgyab tu bor nas des 'tsho ba

'tshol bas 'di ltar lo legs so/ /lo nyes so/ /rgyal po la dge'o/
/rgyal po la mi dge bar 'gyur ro/ /ltas bzang ngo ltas ngan no
zhe'o/ /yang sgra gcan gyi 'khor dag rgya mtsho'i steng na rgyu
bas zla ba shar ba na bai DUrya'i 'od kyis dkyil 'khor brgya
'gyur bas mdzes pa

mthong ste/ /sgra gcan la zla ba nya ba ni lha'i bu mo'i bzhin
kho na 'dra'o/ /zhes brjod pas/ yang de lha'i bu mo la sred pa'i
phyir blta 'dod nas der song ste lha'i bu mo'i bzhin la reg par
'dod cing snga ma ltar bsgribs pa na yang rtog ge ngan pa dag
snga ma bzhin ltas

su sgrog go/ yang lha ma yin dag gis dbang po dang g.yul 'gyed
par rbad pa na khro ba dang bcas pas grong khyer 'od can nas
skad 'byin cing rings par brgyug pa la rtog ge pa dag gnam
grum pa'i sgra yin no zhes te ltas bzang ngan du 'chad do/ /nyi
zla gzas zin pa

dang gnam grum pa'i rgyu gnyis pa ni/ yang de 'di snyam du 'od
can na nor bu dag 'od gsal na pho brang yang gsal la/ nor bu 'od
zhan na de'ang zhan pa ltar/ lha'i 'od byed pa'ang nyi ma dang
zla ba yin pas/ 'di gnyis bsgribs na lha 'od med par 'gyur zhes
te/

lag pa gcig gis ni nyi ma bsgrib la gcig gis ni ri rab kyi zom
la nom mo/ /lha dag gi lag pa de mthong ste brgyugs pa na de dud
'gro yin pas snying stobs chung ba'i phyir lha'i gzi byin mi
bzod nas skad 'byin cing 'bras pa'o// !sa g.yo ba'i ltas kyi
ni/ mi rnams

@87b chos kyi rjes su 'jug pa na/ /lha min pham pas dbang po
mgul phreng dang/ /brtan pas nag po'i phyogs kyi klu dbang bzhi/
/mi la gnod phyir rbad pas rgya mtsho ni/ /g.yos pas sa yang de
tsam g.yo ba dang/ /sems can dag gi dge mi dge las kyang/ /sa
'dzin rlung g.yos chu dang sa g.yo la'ang/ /rgyu ma rtogs par

ltas rnams log par 'chad/ /yang mi dag chos kyi rjes su 'jug pa
na lha ma yin rnams pham pas de dag gis rgyal po mgul phreng
dang brtan pas klu'i rgyal po chos kyi rjes su mi 'jug pa bzhi
po mi rnams la gnod pa bya bar rbad pa na/ de dag gi chu dpag
tshad brgya'am nyis

brgya'am sum brgya la sogs pa g.yo bar byed do/ /des sa yang de
tsam de tsam dag g.yo na/ yang rtog ge ngan pa dag ltas su
'chad
do/ /sems can de dag gi dge ba dang mi dge ba las kyang rlung sa
'dzin ces bya ba g.yo la/ des chu g.yo zhing/ des sa g.yo
ba'ang tshad snga ma

bzhin te/ rlung gis ni chu 'dzin la sa'ang chu la brten pa'i
phyir ro/ /de dge bas g.yo ba yin na ni bde ba bskyed la/ mi
dge bas g.yo na ni mi bde ba bskyed de/ bde dang sdug bsngal
thams cad ni las kyi rgyu can yin gyi/ rgyu med pa ma yin/ 'dod
rgyal las ma

byung; byed pa pos ma byas pas so/ /de la'ang rtog ge ngan pa
dag dbang po'i phyogs nas sa g.yos so/ /me'i phyogs nas sa
g.yos so/ /lo legs par 'gyur zhes bya ba la sogs pas ltas su
'chad pa'o zhes gsungs so// !ngan song las gzhan pa'i mi

khom pa'i dbang du byas nas/ legs spyad bzhung yang nga rgyal
gyis khengs pas/ /dkon mchog gsum dang bla ma'ang chos smra
dang/ /'khor bzhi dag la ma gus las rnams kyis/ /dbang po nyams
sogs mi khom dag tu 'khyam/ /sdom pa che long dag la sogs pa dge

ba 'ga' tsam dang ldan du zin kyang/ dkon mchog la sogs pa la ma
gus pa tha na thal mo legs par ma sbyar ba dang/ spyi bo sa la
ma gtugs pa'i phyag la sogs pas kyang yul mtha' 'khob dang dbang
po ma tshang ba la sogs par skye zhing de nas yang ngan song du

@88a 'khyam par 'gyur ba'o/ /dge ba'i las kyang phal cher mi
dge ba'i las kyi skabs las ldog pa rtogs byed sla'o/ /dbye
ba ni lus dang ngag dang yid kyi dge ba'i las gsum las/ srog
gcod pa spong ba la sogs pa bcur dbye ba'o/

rgya mtshos zhus pa las/ dag pa'i chos rnams ni dge ba bcu'i las
kyi lam dag ste/ de ni lha dang mi dang nyan thos dang rang
sangs rgyas dang/ /sangs rgyas kyi yon tan gyi tshogs thams cad
kyi rtsa ba'am rten no zhes gsungs so// !rang bzhin las dngos

gzhi'i las so so'i mtshan nyid kyi dbang du byas nas/ sems can
gzhan gsod nyes dmigs lta ba yis/ /spong sems dge dang ldan pas
de sdom pa'i/ /sbyor las yang dag blangs te gnas pa dang/ /gzhan
yang de bzhin ci rigs sbyar bas lta/ /srog gcod

pa spong ba'i gzhi ni srog chags bzhin no/ /'du shes ni de nyid
du shes pa'o/ /kun slong ni srog gcod pa'i nyes dmigs shes pas
spong bar 'dod pa'o/ /dge ba'i bsam pa ni dad pa la sogs pa ci
rigs pa'o/ /sbyor ba ni gsod par byed pa yang dag par

sdom pa'i 'du byed do/ /mthar thug ni de yang dag par bsdam
pa rdzogs par spyod pa'o// gzhan dgu po yang gzhan gyis yongs su
bzung ba'i dngos po la sogs pa gzhi so so la snga ma'i rjes su
'brangs te ci rigs su sbyar bas rtogs par sla'o/ /rjes su mthun
pa dang

bcas pa'ang lus la sogs pa'i gnas ngan len rnams las ldog pa
phyag 'tshal ba dang/ mngon du ldang ba dang/ sngon du gsong por
smra ba la sogs par sbyar ro/ /lci yang gi khyad par yang mi dge
ba'i bsam pa la sogs pa las ldog pa nyid kyis te/

gnyen po med pa ni mi mthun pa'i phyogs kyis ma sgribs shing bar
du ma chod pa la lta'o/ /phan yon yang bdag la phan pa la sogs pa
dang/ de las skyes pa'i bde ba dang yid bde bas gnas par sbyar
ro/ /'bras bu la gnas skabs kyi dbye ba spyir ni/ dge ba'i


@88b las chung ngu rnams kyis mir skye ba dang/ 'bring rnams
kyis 'dod khams kyi lha dang/ chen po rnams kyis gzugs khams
dang gzugs med khams kyi lhar skye ba ste/ chung ngu la sogs pa
yang ma chags pa la sogs pa gzhi'i dbang gis dbye ba'o/ /'bras
bu'i

ngo bo'i dbye ba so so'ang rnam par smin pa ni/ dge ba bcu'i las
kyi lam rnams bsten cing bsgoms te mang du byas pa la sogs pas
bde 'gro mtho ris lha dang mi rnams su skye ba'o/ /rgyu mthun ni
srog gcod spong bas tshe ring ba la sogs pa'o/ /dbang gi 'bras

bu ni phyir rol gyi dngos po rnams mthu che ba la sogs pa'o/
/mthong ba'i chos la myong ba'i khyad par yang bshad zin to/
/tshogs pa'i 'bras bu la gnyis te/ rgya mtshos zhus pa las dang/
dran pa nyer gzhag las gsungs pa bsdus pa'o//!dang po la re re
gtsor

byas pa ni/ srog gcod spong sogs las lam bcu po yis/ /rab tu zhi
byed bcu dang yid brtan lnga/ /mkhas dang lha sogs bsngags 'os
bzhi dang brgyad/ /mi phyed lnga dang ngag dag brgyad nges
gsum/
/bdag po'i chos lnga yid bde byed chos brgyad/ /yon tan

bcu rnams mthar thug bcas pa thob/ /rgya mtshos zhus pa las/ srog
gcod pa spong bas rab tu zhi bar byed pa'i chos bcu thob ste/
des sems can thams cad la mi 'jigs pa byin pa dang/ byams pas
dmigs pa dang/ zhe sdang 'chad pa dang/ nad nyung ba'i las

bsags pa dang/ tshe ring ba'i sa bon btab pa dang/ mi ma yin pa
rnams kyis bsrung ba dang// bde bar gnyid kyis log cing bde bar
sad pa dang/ sdig pa'i rmi lam mi rmi ba dang/ gnyid log pa
na'ang lha rnams kyis bsrung ba dang/ shar gnyer ba med pa dang/ 

ngan 'gro thams cad kyis mi 'jigs pa dang/ shi nas bde 'gror
skye ba'o/ /de rdzogs pa'i byang chub tu bsngos bas ni mthar
thug pa na tshe la dbang thob pa'o/ /ma byin par len pa spangs
pas yid brtan pa'i chos lnga thob ste/ longs spyod yid brtan pa
rgyal po dang

@89a chom rkun dang me dang chu dang bgo skal la spyod pa mi
mdza' ba rnams kyis mi 'phrogs pa dang/ skye bo mang po'i yid du
'ong ba dang/ dogs pa med pa dang/ phyogs dang phyogs su snyan
pa'i sgra grags pas gzhan gyi gnod pas mi 'jigs

pa dang/ de'i sems sbyin pa'i bgo bsha' la 'jug pa'o/ /snga ma
bzhin du bsngo bas ni nyon mongs pa can ma yin pa'i ye shes rang
gis rtogs nas 'tshang rgya'o/ /'dod pas log par g.yem pa spong
bas mkhas pas bsngags pa'i chos bzhi 'thob ste/ dbang

po shin tu bsdams pa dang/ rgod pa las 'das pa dang/ 'jig rten
pas bsngags pa dang/ chung ma mi 'phrogs pa'o/ /bsngo bas ni
mtshan sbubs su nub pa 'thob bo/ /brdzun du smra ba spangs pas
lha dang mi rnams kyis bsngags pa'i chos brgyad 'thob ste/ utpa

la'i dri bro bas kha yongs su dag pa dang/ 'jig rten thams cad
kyi tshad mar 'gyur ba dang/ lha dang mi thams cad dga' bas dbang
gcig pur 'gyur ba dang/ bsam pa dag pas dogs pa med pa dang/
lhag pa'i bsam pa dag pas lus dang ngag dang yid

yongs su dag pa dang/ tshig 'khrug pa med pas dga' ba mang ba
dang/ tshig bzung bar 'os pas ngag nyan pa dang/ shes rab thob
pas lha dang mir skyes pa na dbang gcig pur 'gyur ba'o// bsngo
bas ni bden pa'i tshig 'grub pa'o/ /phra ma spangs pas mi phyed
pa lnga

'thob ste/ gzhan gyi gnod pa med pas lus mi phyed pa dang/ gzhan
gyi lam chags pas 'khor mi phyed pa dang/ las dang 'bras bu
mthong bas dang ba mi phyed pa dang/ bsgrub pa snying por byed
pas chos las mi phyed pa dang/ mi bslu bas mdza' bshes mi phyed

pa'o/ /bsngo bas kyang 'khor bdud kyis mi phyed pa'o/ /tshig
rtsub spangs pas ngag yongs su dag pa brgyad 'thob ste/ ran pa'i
tshig dang/ phan pa dang rigs pa dang 'jam pa dang gzung ba dang
nyan pa dang skye bo mang po dga' ba dang ma smad pa'i tshig go/
/bsngo bas ni

@89b tshangs pa'i dbyangs so/ /ngag rkyal  spangs pas gcig tu
nges pa gsum 'thob ste/ mkhas pa rnams gcig tu nges par dga' ba
dang/ lan legs par ldon pas gcig tu nges par blo bden pa la 'gro
ba dang/ bcos ma ma yin pas gcig tu nges par lha

dang mi'i bdag nyid chen po 'thob pa'o/ /bsngo bas ni khyad par
lung ston cing gzhan du mi gsung ba'o/ /brnab sems spangs pas
bdag po'i chos lnga 'thob ste/ dbang po tshang bas lus dang ngag
dang yid kyi bdag po dang/ dgras mi rdzi bas longs spyod dang
dbang

phyug rgya che ba'i bdag po dang/ bsod nams la dbang bas sems
nyer spyad dang longs spyod rgya chen po la 'jug pa'i bdag po
dang/ phyis bkrabs pa thob pas rgyal po bdag pos mchod pa dang/
phrag dog med pas longs spyod ji lta bar 'bum 'gyur du khyad par
du

'gyur ba'o/ /bsngo bas ni 'jig rten thams cad kyis mchod pa'i
ston pa gcig pur 'gyur ro// gnod sems spong bas yid bde bar byed
pa'i chos brgyad 'thob ste/ sems rnam par mi 'tshe ba la 'jug pa
dang/ gnod sems zhi ba la 'jug pa dang/ 'thab rtsod med

pa la 'jug pa dang/ gnam po dang mnyen nges la 'jug pa dang/
byams pa'i sems dang ldan pas 'phags pa'i skye bos bkur ba dang/
sems can thams cad kyi bde ba la dga' bas phan pa'i dngos po
mang ba dang/ skye bo mang pos bkur bas mdzes pa dang/

sems las su rung bas tshangs par skye ba'o/ /bsngo bas ni ye shes
thogs pa med pa dang/ sku blta bas chog mi shes pa'o/ /log lta
spangs bas yon tan bcu 'thob ste/ bsam pa dge bas dge ba'i grogs
po rnyed pa dang/ las dang 'bras bu la yid ches

pas srog la thug kyang sdig pa'i las mi byed pa dang/ lhar sangs
rgyas 'dzin pas gzhan la lhar mi 'dzin pa dang/ dge mtshan nam
bkra shis la sogs pa mi 'dzin pas lta ba drang ba dang/ lha dang
mi dag grogs yin gyi/ dud 'gro dang yi dwags ma yin pa dang/

@90a bsod nams rab tu 'bar bas khyad par du 'gro ba dang/
log pa thams cad med pas 'phags pa'i lam du 'jug pa dang/ 'jigs
tshogs la lta ba las bskyed pa'i sdig pa'i lta ba thams cad dang
bral ba dang/ sgrib pa med par mthong

ste mi khom pa dang bral ba'o/ /de'i dge ba rdzogs pa'i byang
chub tu bsngo bas ni sangs rgyas pa na mngon par shes pa myur ba
dang chos thams cad mngon sum pa'i ye shes 'thob pa'o// ! de dag
tshogs pa dge legs gzhan dang bcas pa ni/ 'di

rnams pha rol phyin drug tshad med bzhi/ /bsdu dngos bzhi dang
phyogs chos sum cu bdun/ /zhi gnas lhag mthong thabs rnams kyis
brgyan pas/ /phun tshogs mchog kun ci rigs bde blag 'thob// dge
ba bcu po 'di nyid pha rol tu phyin pa drug las sbyin

pas brgyan pas ni longs spyod che zhing tshe ring ba la sogs par
'gyur ro/ /tshul khrims kyis brgyan pas ni sangs rgyas kyi chos
thams cad la smon pa rdzogs par byed do/ /bzod pas ni mtshan dang
dpe byad la sogs pa 'thob bo/ /brtson 'grus kyis ni

bdud thams cad 'joms shing sangs rgyas kyi chos rnams mthar
phyin par 'gyur ro/ /bsam gtan gyis ni dran pa dang blo gros
dang blo la sogs pa rnam par dag par 'gyur ro/ /shes rab kyis ni
lta ba thams cad 'joms par 'gyur ro/ /byams pas ni sems

can dang zhe 'gras pa med par 'gyur ro/ /snying rjes ni sems can
yongs su mi gtong bar 'gyur ro/ /dga' bas ni sems mi zhum par
'gyur ro/ /btang snyoms kyis ni 'dod chags dang zhe sdang med
par 'gyur ro/ /bsdu ba'i dngos po rnams kyis ni

sems can yongs su smin par byed do/ /dran pa nye bar gzhag pa
rnams kyis ni lus la sogs pa la mkhas par ro/ /yang dag par
spong bas ni dge ba'i chos thams cad rdzogs par ro// rdzu 'phrul
gyi rkang pas ni lus dang sems yang bar ro/ /dbang

@90b pos ni dad pa brtan pa dang/ brtson 'grus brtun pa dang
rmongs pa med pa dang sems las su rung ba dang nyon mongs
thams
cad spong bar ro/ /stobs kyis ni brdzi ba med cing dgra thams
cad 'joms par ro/ /byang chub kyi yan lag gis ni chos thams cad
ji lta bar rtogs

par ro/ /lam gyi yan lag gis ni yang dag pa'i ye shes 'dren par
ro/ /zhi gnas kyis ni nyon mongs pa tshar gcod par ro/ /lhag
mthong gis ni chos thams cad ji lta ba bzhin shes par ro// thabs
la mkhas pas brgyan pas ni 'dus byas dang 'dus ma byas kyi

bde ba thams cad yongs su rdzogs par ro// ! skabs kyi don bsdu
ba ni/ grong dang grong khyer lo tog rmo brko yi/ /la sogs kun
gyi gzhi rten sa yin ltar/ /mtho ris byang grol sangs rgyas chos
kun gyi/ /mthar thug dge legs gzhi rten 'dir 'bad bya/ /dper

na sa ni grong la sogs pa dang lo tog la sogs pa dang rmo brko
la sogs pa'i las thams cad kyi gnas dang rten yin pa ltar/ 'di
rnams kyang lha dang mi dang slob pa dang mi slob pa dang/ rang
rgyal dang/ byang chub sems dpa'i spyod pa thams cad dang/ sangs

rgyas kyi chos thams cad kyi rten dang gnas te/ mdor na bcu po
'di kho nas stobs dang mi 'jigs pa la sogs pa sangs rgyas kyi
chos thams cad yongs su rdzogs par 'gyur bas/ 'di dag nyid rgyas
par rnam par dbye bar bya zhing rgyun du brtson par bya'o

zhes gsungs so/ /sa bcu pa las kyang mi dge ba bcus ngan 'gror
ltung ba las dge ba'i las kyi lam rnam pa bcus bzlog par byed
cing bde 'gror 'gro bar byed pa'o/ /de las gong du bcu po 'di
dag 'khor bas skrag nas snying rje dang bral bar gzhan gyi
sgra'i

rjes su 'brangs nas bsgoms pas ni nyan thos kyi 'bras bu 'grub
bo/ /yang snying rje med par gzhan gyi dring mi 'jog cing rang
nyid 'tshang rgya bar 'dod nas/ rten cing 'brel bar 'byung ba
shes pas sbyangs na ni rang rgyal ba 'grub bo/ /sems rgya che
bas snying rje dang thab
@91a @#/ /mkhas pa dang smon lam chen po dang sems can thams cad
yongs su mi gtong ba dang/ sangs rgyas kyi ye shes shin tu rgyas
pa la dmigs pas sbyangs na byang chub sems dpa'i sa dang pha rol
tu phyin pa thams cad 'grub bo/ /de rnam pa

thams cad du chos sbyangs pa las ni sangs rgyas kyi chos thams
cad 'grub bo/ /de lta bas na bdag gis bsgrub tu 'dra ba la rnam
pa thams cad yongs su sbyang ba nyid bsgrub la 'bad par bya'o
zhes so// ! dran pa nye bar gzhag pa la yang re re gtsor byas
pa'i

smras pa/ srog gcod spong bas mi 'jigs sbyin sogs dang/ /'di
dang phyi mar bsngags tshogs rmad byung 'thob/ /bsngo ba'i sems
kyi khyad par ci rigs pas/ /byang chub gsum sogs kun kyang nges
par bsgrub/ /de bzhin ma byin len sogs spangs pas

kyang/ /gzhan gyi rdzas la chags grol la sogs dang/ /dge ba'i
lam bzang spyod pas bsngags sogs dang/ /kun gyi yid brtan sogs
dang 'khor brtan sogs/ /thams cad dbugs 'byin sogs dang tshig
btsun sogs/ /longs spyod brtan sogs

gzhan gyi yid 'ong sogs/ /yang dag lta bas don med kun spong
sogs/ /rgud pa kun sel phun tshogs ma lus 'thob/ /mdo sde las/
srog gcod pa spong ba ni sems can thams cad la mi 'jigs pa sbyin
pa dang/ tshe 'di nyid du'ang bsngags pa dang/

bzhin dang dbang po gsal ba dang/ tshe ring ba dang/ srin po la
sogs pa gzhan la 'tshe bar byed pa rnams kyis kyang nyin mtshan du
bsrung ba dang/ lha dag kyang phyi bzhin 'brang zhing bsrung ba
dang/ shi 'phos nas kyang lha rnams kyi nang du skye zhing/ ci
'dod pa'i

'bras bu thams cad nges par 'byin pa ste/ nyan thos kyi byang
chub tu bsngos na dgra bcom pa 'thob bo/ /de bzhin du rang rgyal
ba'i byang chub dang/ rdzogs pa'i byang chub tu bsngos na yang
de dag 'thob bo/ /chos thams cad kyi rtsa ba'am srog yin pas/ de
bsrungs

@91b na bde ba thams cad sbyin pas sbyin pa'i mchog go /tshul
khrims kyi nang na bde 'gror bskyed pa mchog kyang 'di bsrung
ba'o/ /gzhan yang tshangs pa dang dbang po dang 'khor los bsgyur
ba la sogs pa gang du bsngos pa thams cad kyang 'thob bo/ /'di
ni dam

pa'i chos thams cad kyi sa bon/ 'khor ba thams cad kyi skyabs/
'khor ba mun nag gi sgron ma ste/ 'dis ni byams pa bsgoms shing
snying rje rgyud la gnas la dga' ba dang btang snyoms 'thob
pa'o/ /de'i dge ba'i rtsa ba ni snying po bsam gyis mi

khyab pa ste ji ltar bsngos pa dag 'grub pa'o/ /gser mgar gser
las rgyan la sogs pa'am/ mi 'am lha 'am sangs rgyas kyi sku'i
bar ci 'dod byed pa ltar/ 'di ma nyams na'ang ci 'dod pa 'grub
ste/ mya ngan las 'das pa dang nye zhing/ dge ba'i bshes

gnyen dang bsnyen la/ rang dang gzhan la phan 'dogs nus shing/
ngan song gsum gyi 'gro ba la bsod nams kyi zhing du 'gyur ro/
/chos dang ldan pa'i don ci 'dod 'grub cing sus kyang 'phrog
tu med la/ 'gran zla gzhan gyis zil gyis mi non to/ /ma byin par
len pa spangs pas

ni gzhan gyis yongs su bzung ba'i chags pa las grol ba dang/ tshe
'di nyid la dbugs phyin pa dang/ rgyal po la sogs pa'i yid brtan
dang/ sdug cing tshig gzung ba'i 'os su 'gyur ro// longs spyod
rtag cing gzhan la mi gnod pa rgyal po la sogs pa'i

'jigs pa mi 'byung/ ma bsam par 'phral du 'byung zhing byung nas
kyang zhing bzang po las snying po len par byed do/ /snga ma
bzhin du gang du bsngos pa thams cad kyang 'grub ste 'og ma dag
kyang de bzhin du lta'o/ /'dod pas log par g.yem pa spong bas

ni dge ba'i lam bzang po la spyod cing tshe 'dir yang bsngags pa
dang/ yid ches pa'i gnas su 'gyur te bud med kyi nang na 'dug
kyang 'dod chags med/ rgyal po la sogs pa'i yid brtan par 'gyur/
chung ma gzhan gyis mi 'phrog te rang gi yid

@92a bzhin du rim gro byed cing nyam thag pa na'ang khyad du
mi gsod la/ rtag tu yid dang mthun zhing brnyas thabs mi byed
do/ /'jig rten thams cad la yang ma sring ltar spyod par 'gyur
ro/ /lha las shi nas der lha'i bu gzhan

skye'o/ /'dod pas log par g.yem pas ni ma shi bar lha mo des
spong ste/ lha gzhan dang 'du bas phrag dog gis dmyal bar ltung
ngo/ /'di spong ba ni dge ba'i lam chen po ste/ mya ngan las
'da' ba'i skal pa can no/ /dge ba'i phyogs thams cad dang

'gal ba brdzun du smra ba spong ba ni deg ba phyogs chen po
yongs su 'dzin pa ste/ skye bo thams cad kyi mig dang rna ba'i
lkog tu gyur ba la yang yid ches pa'i gnas su 'gyur/ nor med
na'ang rgyal po la sogs pa thams cad kyis mchod par 'gyur/

nam mkha' la zla ba skar ma'i dbus na gsal ba ltar 'jig rten kun
gyi nang na bden par smra ba gsal lo/ /rin po che'i nang na bden
par smra ba'i rin po che mchog go /'khor ba las sgrol byed kyi
nang na'ang bden par smra ba'i sgrol byed mchog go /de bzhin

du ngan 'gro las sgrol ba dang/ sgron ma dang lam ston dang
rtsal dang skyob pa dang rdzas dang mdza' bshes kyi nang na'ang
bden pa'i mdza' bshes mchog go /bden pa'i nor can ni nam yang
ngan 'gro'i dbul ba med cing lha dang nye la/ gang du skyes
kyang

rigs che ba dang gzugs bzang ba dang thams cad kyi yid du 'ong
ba dang yid ches pa dang/ gnod sbyin la sogs pas mi mthong zhing
gtse bar mi nus pa dang/ yul gzhan du song yang longs spyod la
sogs pa rnyed pa dang/ gang bsam pa 'grub pa dang

tshe ring ba dang rdzu 'phrul che ba dang shin tu mtho bar
skye'o/ /phra ma spong bas ni mdza' bshes dang gnyen 'dab dang
'khor brtan pa dang/ gzhan gyis kha drang du med pa dang/ rgyal
po la sogs pas kyang dbye bar mi nus pa dang/ nor dang bral
ba'am

@92b dkos thag kyang mi 'dor ba dang/ de'i skyon smra ba la'ang
mi nyan pa dang/ rgyal po la sogs pa'i yid brtan par 'gyur ba
dang/ dgra la sogs pa'i 'jigs pa med pa'o/ /tshig rtsub po 'jig
rten thams cad skyo bar byed pa spang bas ni dge ba mthong ba
dang/ drang po

dbugs dbyung ba'i gnas su 'gyur ba dang/ kun gyis shes pa dang/
tshig 'jam pas gzhan la mi 'tshe ba dang/ thams cad kyi dbugs
'byin pa dang/ mdza' bshes mang po dang 'du ba dang/ rdzas med
na yang thams cad de'i bran dang 'dra bar 'gyur ba dang

don thams cad 'grub pa dang/ 'jig pa thams cad med pa dang/ lhar
skye zhing thams cad la phan 'dogs pa dang/ rdzu 'phrul dang
mthu che bar 'gyur ba'o/ /ngag kyal spong bas ni rigs btsun pa
dang/ bkur ba'i tshig dang/ tshig snga phyi 'brel pa dang tshig la

thams cad dga' ba dang/ su'ang 'tshe bar mi byed pa dang/ dal
snyan dang ldan pa dang/ chos dang ldan pa dang/ thams cad kyis
bla ma bzhin du lta ba dang/ nor rdzas brtan pa dang/ thams cad
kyis yon tan dang ldan par 'dzin pa'o/ /brnab sems spong bas

ni rgyal po la sogs pa su'ang de'i nor 'phrog pa'i blo mi skye
ba dang/ nor stor na'ang sus rnyed pas gtod pa dang/ rtag tu nor
dang ldan zhing gzhan gyi mi rdzi ba dang/ lha'i dpal yang 'thob
pa'o/ /gnod sems spong bas ni tshe 'dir yang 'byor cing bde bar

gnas pa thams cad kyi yid du 'ong ba dang/ 'jigs pa dang 'tshe ba
brgyad la sogs pa gang yang mi 'byung/ skye bo thams cad kyi
spun lta bur 'gyur ro/ /gang du 'dod par skyo ba skye/ lha las
shi 'phos na'ang 'khor los bsgyur ba gling bzhi la dbang ba

rin po che bdun dang/ nye ba'i rin po che bdun dang ldan par
'gyur ro/ /log lta spong bas ni 'khor ba thams cad kyi sa bon
thog ma med pa'i mun pa chen po legs pa'i sbyor ba thams cad kyi
bar chad de las grol ba yang dag pa'i lta bas don med pa

@93a thams cad spong ngo/ /'khor ba dang ring zhing mya ngan
las 'das pa dang nye la/ chos la dga' bas sangs rgyas kyi yon
tan thos na 'khor ba'i sdug bsngal sna tshogs la dmigs shing/
'gro ba lnga'i 'jigs pa lnga po lha la

'chi ba dang/ mi la 'dod pa dang/ dmyal ba la gnod pa mang po
myong ba dang/ dud 'gro la gcig la gcig za ba dang/ yi dwags la
bkres pa dang skom pas sdug bsngal gyi yan lag dpag tu med pa
dmigs so/ /des thog mar srid pa las nges par 'byin

pa'i lam bskyed par sems bskyed de/ sems gcig las kyang dge ba'i
chos kyi rgyun nyid skye'o/ /de la bar snang gi gnod sbyin la
sogs pa thams cad dga' bas bstod par byed do zhes so// ! gnyis
la sogs pas tshogs pa'i dbang du byas nas mir skye

ba'i ni/ 'di dag bsnyen gnas yan chad sdom pa dang/ /sbyin dang
bzod sogs bsod nams ci rigs las/ /mi nyid gling bzhi 'khor bcas
phal cher gnas/ /lus dang tshe tshad nges dang ma nges 'thob/
/gzhan yang sbyin dang tshul khrims bzod brtson 'grus/ /

skyabs dang bla ma chos mtshungs grogs rnams la/ /gus sogs mang
bsten longs spyod tshe ring dang/ /nad med gzugs rigs stobs dang
'khor dang ni/ /bstan pa rgyas shing bshes gnyen dam pas zin/
/nga rgyal med cing dad ldan 'chi bas skrag /dge legs bsgrub

pa'i rkyen rnams 'byor gyur cing/ /nyon mongs lhag sogs 'gal
rkyen bral ba 'thob/ /de las mnyam med las kyi bde chen la/
/spyod pa 'khor bsgyur rin chen bdun sogs ldan/ /rgyu'i khyad
par ni las kyi lam 'di dag chang la sogs pa dang bcas pa rnams

ci rigs par spong ba bsnyen gnas yan chad kyi sdom pa'i tshul
khrims ci nus la brten nas/ sbyin pa la sogs bsod nams kyi las
ci rigs pa dag bsten cing bsgoms la/ lan mang du byas pas ni
mi'i lus 'thob ste/ lus dang longs spyod dang rigs

@93b dang gzugs dang 'khor la sogs pa mchog dang bar ma dang
dman pa las kyi stobs ni ci rigs pa'i bde ba dang ldan pa'o/
/gnas kyi khyad par ni gling bzhi g.yog dang bcas pa phal cher
te/ la la dag na ni srin po la sogs pa'ang gnas par bshad pas
so/ /lus dang

tshe'i tshad ni 'dzam bu gling pa'i ma nges pa dang gsum po'i nges
pa ste/ 'dzam bu gling pa'i ni tshe res 'ga' dpag tu med la/ res
'ga' lo brgyad khri ba nas bcu pa'i bar du'ang 'gyur ro/ /lus
kyang res 'ga' chen por 'gyur zhing res 'ga' chung ngur yang
'gyur te/

de'ang phal cher rang gi khru tshad phyed dang bzhi pa'o/ /shar
gyi lus 'phags po'i tshe ni nges pa ste lo nyis brgya lnga bcu'o/
/nub kyi ba lang spyod pa'i ni lo lnga brgyar nges so/ /byang gi
sgra mi snyan pa'i ni stong du'o/ /lus kyang shar gyi ni shin tu
che ba rang gi khru tshad phyed

dang bzhi pa'o/ /nub dang byang gi ni ches che ba khru phyed
dang bzhi pa'o/ /chos kyi snod du rung ba'i khyad par ni las de
dag las gzhan yang rten thams cad la mnyam du gus pa la sogs pa
las bstan pa dar zhing rgyas pa dang phrad pa la sogs pa dag gis
chos bsgrub pa

phun sum tshogs pa la 'jug pa'i skal pa dang ldan par 'gyur ro/
/mi rnams las thun mong ma yin pa'i las kyi bde ba mchog la
spyod pa ni 'khor los bsgyur ba'i rgyal po ste/ gling gcig dang
gnyis dang gsum dang bzhi dang lha'i gnas gnyis la'ang dbang
bsgyur ba/

lus mtshan dang ldan pa/ nad med pa/ bu stong dang ldan pa rin po
che bdun dang nye ba'i rin po che bdun la sogs pa'i longs spyod
la spyod pa ste/ rin po che bdun la btsun mo ni lus la tsan dan
dang spos kyi dri 'byung ba/ kha nas utpa la'i dri 'byung ba/
lus reg na

bde ba ste/ gang la reg pa de la lus kyi nyon mongs pa med par
'gyur te/ de gang na gnas pa'i gling der mi rnams bkres pa dang
skom pa dang mya ngan dang bral bar 'gyur/ 'khor los bsgyur ba'i
rgyal po grang ba'i dus su ni dro bar byed/ tsha ba'i dus su ni
bsil

@94a bar byed/ gzhan gyis reg par yang mi nus/ mi thams cad
kyis ma sring ltar mthong/ rgyal po'i yid du 'ong zhing rtag tu
bde bar byed/ bud med kyi skyon lnga po skyes pa gzhan la chags
pa dang/ ser sna dang mi rigs par chags pa dang

mi rigs pa'i gnas la dga' ba dang/ khyim thab gsod par sems pa
spangs pa'o/ /bud med kyi yon tan lnga dang ldan te/ bsam pa
mthun pa dang/ bu mang ba dang/ rigs mthun pa dang/ srid mtho ba
dang/ khyo bud med gzhan la sems na yang phrag dog med pa'o/ /

bud med chen mo'i yon tan gsum dang ldan te/ tshig cal col med pa
dang/ log par lta ba med pa dang/ khyim thab med kyang 'dod pa'i
yon tan gyi dbang du mi 'gyur ba'o/ /nor bu rin po che ni yon
tan brgyad dang ldan pa ste/ mtshan mo ston gyi zla ba nya ba
ltar 'od

gsal ba dang/ nyin par tsha ba sel bas gsil ba dang/ lam du zhugs
na chu
med pas skom gyis gdungs pa na chu yan lag brgyad dang ldan pas
sel ba dang/ rgyal pos ci bsams pa 'byung ba dang/ cha brgyad
las cha re res 'od zer kha dog lnga pa 'gyed pa dang/ de gang

na 'dug pa'i dpag tshad brgya tshun chad du nad med cing mnyam
par
'jog la/'dod pa'i 'brs bu bsgrub pa dang/ rnams kyis klu ngan pa
? char mi bzad pa 'bebs mi nus pa dang/ mya ngam dang g.yang
sa dgon par ljon pa dang tshal gyis rgyas par byed pa dang/ mi
'ga'

yang dus ma yin par mi 'chi zhing sbrul la sogs pa dud 'gro gnod
pa byed pa gang yang mi 'byung ba'o/ /'khor lo ni yon tan lnga
dang ldan pa ste/ 'dzam bu chu bo'i gser las byas pa dpag tshad
lnga dang ldan pa rtshi bas stong pa/ 'jig rten na nyi ma gnyis
pa

ltar mdzes pa dang/ nam mkha' la nyin gcig gis dpag tshad 'bum du
'gro bar nus pa dang/ gling gsum po dang rgyal chen rigs bzhir
'gro bar 'dod pa na des dpung gi tshogs yan lag bzhi dang lhan
cig nam mkha' nas 'gro ba dang/ rgyal po gang du ma

@94b thos pa'i sar thos par byed pa dang/ bsdo ba gang yang med
de rgyal rigs dang blon po dang chos kyi grogs dag gis mthong ma
thag tu thams cad 'bul ba'o/ /glang po che ni cang shes mchog tu
bka' nyan pa/ sde gzhan las rgyal bar byed pa/ rkang lag bzhi
dang mjug

ma dang rlig pa dang sna ste  yan lag bdun bdun legs par gnas
pa/ glang po stong gi stobs yod pa/ mdog dngul ltar dkar ba/
brgya byin gyi glang po che 'dra ba/ de'i dri tshor na glang po
gzhan gyis de'i mdun du 'dug mi nus pa'o/ /gnas gsum du g.yul
'gyed de/

chu dang bskam sa dang bar snang la'o/ /shugs phun sum tshogs pas
nyin cig gis 'dzam bu gling lan gsum bskor ba/ skud pas kyang
bkrir rung ba rgyal pos bzhon pa na ma bskul yang gar 'dod du
'gro ba/ dal gyis 'gying zhing mdzes par 'gro ba/ byis pa'i nang

du'ang skrag par mi byed pa/ lam srang la sogs par bud med kyis
kyang reg gzod pa/ g.yul 'gyed pa na rab tu drag la 'jug pa na
skud pas kyang bkrir rung ba'o/ /rta ni mdog dkar ba lha'i nor
bu'i gtsug la sogs pa mtshan dang ldan pa/ bongs tshod dang mdog

dbyibs phun sum tshogs pa/ bsgo na nyin zhag gcig la 'dzam bu
gling lan gsum bskor ba/ las yongs su dag pa nad med pa'o/ /blon
po ni rgyal po'i don du bya ba gang 'dod pa la bsgo'ang shes te
'bul ba shin tu rdzogs par bsags pa/ chags pa med

pa/ chos ma yin pa spangs pa/ rigs pa rtsom pa yul dang dus shes
pa/ nyon mongs pa dang gnod pa med pa/ skye bo rnams la mi 'tshe
ba/ yang dag pa'i tha snyad dang ldan pa/ skyo ba med pa rgyal
po'i chos dang ldan pa'i bya bar 'os pa ma 'ongs pa rnams kyang
stob

pa/ 'jig rten la pha dang ma ltar phan 'dogs par 'dod pa'o/
/khyim bdag rin po che ni bka' nyan pa/ ma bskos kyang rin po
che dang rdo rje dang spug la sogs pas ngam grogs la sogs pa
'gangs ba/ rin po che rnams kyang mi zad na gser dang dngul la
sogs pa lta

@95a ci smos/ 'byor pa rtag pa g.yo sgyu med pa/ gzhan la
gnod pa spangs pa/ skye bo kun de la dga' ba'o/ /de bdun dang
ldan pas mi'i gling bzhi la bsgo bar byed/ klu rnams dang lha'i
ris gnyis po rgyal chen rigs bzhi dang sum cu rtsa gsum pa'i
dbang

po'i stan phyed kyang 'phrog par nus pa'o/ /nye ba'i rin po che
bdun ni de dag las cung zad dman pa ste/ ral gri ni rgyal po la
mi nyan pa'i yul du rang song nas btab pa med par kun tu 'dud
par byed de/ chad pa med cing mtshon gyis bda' ba med kyang yul
'khor thams

cad 'dul ba'o/ /lpags pa ni rgya mtsho nas byung ba tshong pas
rgyal po la 'bul te/ klu'i lpags pa chu zheng dpag tshad lnga bcu
pa/ char gyis mi rlan rlung gis mi 'khyer mes mi 'tshig pa/ grang
na dro bar byed/ tsha na bsil bar byed pa/ rgyal po gang du 'gro
bar

blon pos khyer te khyim gyi bya ba gang 'os pa thams cad byed
pa/ bud med mi sdug pa mi mthong ba/ nyi ma dang zla ba'i 'od
snang ba'o/ /mal cha ni yang zhing 'jam la mtho dman can te/ der
'dug pas bsam gtan dang shes rab skye ba/ 'dod chags la sogs pa
skyes

na 'jil bar byed pa/ bsam gtan gyi gnas dang 'dra ba/ de na 'dug
pa bud med kyis mthong na rab tu dga' yang chags pa mi skye
ba'o/ /tshal ni de'i nang du song na bsam gtan la dga' ba/ lha'i
dga' tshal gyi nye bar spyod pa thams cad 'ong bas/ der rgyal pos

lha bzhin du 'dod pa'i yon tan lnga dang bud med la dga' mgur
spyod pa'o/ /khyim ni nyer nyal te nub mo lta bar 'dod na zla ba
dang skar ma'i tshogs der 'ong/ nor bu mthong na'ang dga' zhing
lha mo dag kyang rol mo byed do/ /bde bar gnyid kyis log cing
rmi lam dge ba'ang

rmi bar byed do/ /grang na dro bar byed/ tsha na bsil bar byed
la/ reg na bde ba'i rlung ldang ngo// thun gnyis nyal te gsum pa
la sad nas chos la gnas par byed pa'o/ /gos ni thags bzang ba
'jam pa dri ma med pa/ gyon na tsha ba dang grang ba dang bkres
pa dang skom

@95b pa dang nyam chung ba dang ngal dub sel bar byed pa/ mes mi
tshig mtshon gyis mi chod pa'o/ /lham ni gyon na chu la skam ltar
mi bying/ 'gro bar 'dod na dpag tshad brgyar yang dal gyis phyin
pa'o/ /de la bu stong yod pa ni thams cad kyang dpa' ba brtul
phod pa yan lag mchog

gi gzugs dang ldan pa/ pha rol gyi sde rab tu 'joms pa/ chos
dang ldan pa chos bsgrub pa/ rigs mthun pa/ 'khor thams cad dga'
zhing ngo bo nyid kyi rjes su chags pa'o/ /mdo las ni 'di dag
skabs gzhan du gsungs pa'o// ! lha'i dbang du byas nas 'dod pa'i

khams kyi spyir brjod pa/ de bas rlabs che'i dge ba'i las rnams
ni/ /chung 'bring chen pos 'dod lha rigs drug tu/ /tshe dang lus
sogs chung 'bring chen po dag /ci rigs dpal gyis rgyas pa'i mtho
ris 'thob/ /mdo las/ las dge ba rnams kyi 'bras bu ni 'dod

pa; sdug pa/ yid du 'ong ba yin la/ gtso bor spong ba bdun gyi tshul
khrims bsten cing bsgoms la mang du byas pas ni mtho ris dag tu
skye ste/ de'ang chung ngu dang 'bring dang chen po gsum gyis
'dod pa'i khams kyi lha ris drug tu skye ba ni tshe dang zas dang

gzugs dang brtson 'grus dang bde ba chung ngu dang 'bring dang
chen po rnams su'o/ /'di rnams las gnyis ni ri rab la gnas la/
bzhi ni nam mkha' la sprin gyi phung po ltar gnas so//tshul
khrims rnam pa bdun las kyang gtso bor srog gcad pa spong ba ni
rgyal

chen rigs bzhi dag tu skye'o/ /ma byin par len pa spong ba dang
gnyis kyis ni sum cu rtsa gsum du'o/ /'dod pas log par spyod pa
spong ba dang gsum gyis ni 'thab bral du'o/ /ngag gi bzhi spong
ba dang bdun gyis ni dga' ldan du'o/ /'jig rten pa'i sdom pa
blangs la/

sangs rgyas 'ba' zhig la dad pa/ lus kyi rnam pa gsum dang ngag
gi gsum gyis ni 'phrul dgar ro/ /des ngag kyal pa spangs pas ni
gzhan 'phrul dbang byed du ste/ gong nas gong du tshe dang lus
dang bongs stobs dang/ brtson 'grus dang spro ba dang gzugs
@96a dang dbang phyug mchog tu 'gyur ba'o// ! so sor bshad
pa las ri rab la brten pa gnyis las/ ngos la gnas pa ni rgyal
chen riD bzhi ste/ ri rab la brten gnyis las rgyal chen ris/
/phreng thogs yol go thogs dang rtag myos

dang/ /pi wang gsum pa kun tu rgyur bcas kyi/ /gnas rnams bcu
tshan bzhi dag ngos la brten/ /ri rab ni ri bo khri phrag drug
cus bskor ba/ rin po che sna tshogs 'bar ba'i 'od kyis gsal ba/
steng padma'i rdzing la sogs pas mdzes par byas pa/ 'phang du
dpag

tshad brgyad khri bzhi stong pa/ ngos rin po che rnam pa bzhi'i
rang bzhin can/ legs par spyad pa'i las la spyad pa lha rnams
kyis bskor ba/ sa gzhi bde zhing 'od zer du mas gsal la nyams
dga' ba'o/ /de la gnas dang po na ni/ lag na phreng thogs kyi
lha'i

gnas bcu ste/ zur la gnas pa dang/ mtha' la gnas pa dang/ 'bras
bus 'tsho ba dang/ yon tan dkar spyod dang/ thams cad rab tu dgar
gnas dang/ 'gro mgyogs dang/ yul la chags dang/ 'dod la chags
dang/ yid g.yo ba dang/ tshal dang nye ba'i

tshal na gnas pa'o/ /de'ang rim pa bzhin du lho dang nub dang
shar dang byang la lta ba bzhi dang/ lho dang nub dang shar la
nye ba gsum dang/ byang la nye ba gsum du lta'o/ /so so la dpag
tshad stong stong ste rgya mtsho'i nang gi steng na'o/ /de la tshul
khrims dang ldan pas

gzhan la mi gnod par me tog bskyed pa'am nyos pa sangs rgyas la
phul na/ thams cad dgar gnas kyi lhar skye ste/ 'gran zla med pa
dang dga' mgur 'gro ba dang/ lha gzhan gyis zil gyis mi non pa
dang/ lha mo'ang lha gzhan mi 'dod par sil snyan yan

lag lnga pas rtse ba ste/ bde ba rnam pa bzhi myong ba la sogs
pa/ las dang rnam par smin pa'i dbye ba rgyas par ni 'di dang
'og ma dag thams cad du'ang mdo nyid las rgya cher lta bar
bya'o// gnyis pa lag na gzhong thogs kyi lha rnams kyi gnas
kyang bcu ste/

@96b padma'i nang na rgyu dang/ bung pa sgra snyan dang/ sgra la
chags dang/ dris dregs dang/ rlung spyod dang/ me tog 'phreng
dga' dang/ kun tu lta dang/ rtag tu dga' dang/ dri la chags
dang/ 'chi rtsug ces bya ba'o/ /gsum pa rtag myos pa'i gnas
kyang bcu ste/ lhag par

dga' ba dang/ utpa la'i mdog dang/ padma dkar spyod dang/
grong
khyer dmar gnas dang/ sna tshogs dang/ mtho bar gnas dang/ rgun
chang myos gnas dang/ yul la 'dod dang/ chu bsil gnas dang/
brtan dga' zhes bya ba'o/ /bzhi pa pi wang gsum

pa can gyi gnas kyang bcu ste/ dri dga' dang/ sgra snyan dang/
de la chags dang/ skyor chus skyes dang/ lus dkar dang/ phan
tshan dga' dang/ yang dag chags spyod dang/ 'khor dang rnam
spyod
dang/ skyil krung steng skyes dang/ spyod pa dang ldan par gnas

pa zhes bya ba'o/ /gnas bzhi pa'i kun tu rgyu ni de kho nar zad
de/ ri rab kyi ngos bzhi la 'khor ba'o/ /gzhal med khang dang
ldan pa de dag la mu stegs can gzhan gyis gza' dang skar ma dang
rgyu skar du shes te/ de dag gi rags par  bgrang na bye ba phrag
sum

cu rtsa drug go/ nyi ma dang zla ba'ang de dag bzhin du 'khor te
de dag thams cad rlung 'khor lo bskor ba zhes bya ba'i dbang gis
'khor ro/ /de dag gi bar yangs pa na 'jig rten skyong ba yul
'khor skyong dang ku be ra gnyis rin po che sngon po dang ser po
dang ljang

gu sna tshogs kyi khang pa na gnas so/ /byang phyogs na rlung
'khor lo'i gzugs zhes bya ba gnas shing/ des byang phyogs kyi
skar ma dag 'char nub byed du mi ster bar byang phyogs de nyid
na 'khor zhing 'dug go /mu stegs byed rmongs pa dag gis skar
ma'i dpyad

mi shes par de mthong nas chu srin byis pa gsod yin te nub tu mi
ster la/ drang srong bdun gyis ni 'jig rten 'dzin pa'o snyam mo//
! steng na gnas pa sum cu rtsa gsum pa ni/ ri bo'i steng na sum
cu rtsa gsum ste/ /chos bzang dang ni mtho bar gnas la sogs/ /

@97a kun gyi bdag po brgya byin rdo rje dang/ /dbang po sum
cu brgyud pas legs skyong ba'o/ /'di'i gnas sum cu rtsa gsum ni
chos bzang na gnas pa dang/ de bzhin du mtho ba dang/ ri rtse
dang/ legs mthong dang/ phyogs gcig dang/ shing gseb dang/ shing

rta sna tshogs dang/ dga' byed dang/ yongs 'du dang/ 'dres pa'i
'gram dang/ tshang tshing gi 'gram dang/ nor bu snying po gnas pa
rnams dang/ kun tu gsal spyod dang/ gser phug khang dang/
phreng
ba'i grib ma dang/ mtho dman na rgyub dang/ bkra ba sna tshogs
kyis

phye ba dang/ sbyor ba la 'jug pa dang/ zhib tu spyod pa dang/
glu sgra la chags dga' ba dang/ gzi brjid 'bar ba dang/ zla pa'i
gnas ltar rgyu ba dang/ shing sa la zung dang/ mig phye nas 'gro
ba dang/ btsum nas 'gro ba dang/ lus mdog che bzang dang/ nor bu
'chang dang/

ris mthun dang/ 'khor na gnas dang/ mtho bar spyod dang/ gzi
brjid mchog dang/ gzi phreng dang/ ma 'dres pa zhes bya ba'o/
/de rnams kyi bdag po ni brgya byin te/ des rin po che'i khang
bzang gi rtsig ngos dwangs ba la rang tshe 'phos pa sum cu dbang
po nyi tshe brgyud pa ming

dang bcas pa ri mor bris pa lta bur mthong ste/ legs 'byor dang/
'byor pa dang/ legs spyod ldan dang/ dkar po dang/ blo gros
bzang dang/ kun bde dang/ brtan pa dang/ kun tu mig dang/ mig
stong dang/ thams cad dga' dang/ steng snang dang/ gzi brjid
phreng dang dpal 'dzin dang/

mdog sngo dang/ mi 'chi dang/ mi 'gyur dang/ bde byed dang/
mchod sbyin 'dzin dang/ bkra shis 'dzin dang/ kun dga' dang/
brgya byin zhes bya ba la sogs pa'o/ /yang ngan song gsum car du
sdug bsngal dpag tu med par myong ba'ang mthong bas shin tu yid
'byung ngo/ /

yang lhar lan bdun mir lan bdun 'pho ba mthong ste brgyad pa ni
gang du'ang skye ba ma mthong nas/ bsam pa dang dran pa rnyed
pas bcom ldan 'das la tshe rabs bdun na rgyun du zhugs pa nas mya
ngan las 'das par 'gro ba thos pa las dad pas phyag 'tshal

@97b bar yang byed pa'o//! nam kha' la brten pa'i dbang du byas
nas/ nam mkha' la brten gzhal yas khang gnas pa/ /'thab bral gnas
ni nyi shu rtsa brgyad de/ /gzhan rnams rgyas par gsungs pa mi
snang ngo/ /'di rnams tshe tshad dmyal ba'i skabs las lta/ /lus

ni dang po'i rgyang grags bzhi cha ste/ /gzhan rnams rgyang
grags
bzhi cha re res bskyed/ /nam bkha' la brten pa bzhi las 'thab
bral gyi gnas ni nyi shu rtsa brgyad du rgyas par gsungs la/ de
yan chad gzugs dang gzugs med dang bcas ba ni mdo 'di las ma
gsungs

so; ;gzhan las kyang 'di lta bu'i rgyas par gsungs pa ni ma
mthong ngo/ /spyi tsam du gsungs pa bsdus pa'i dbang du byas
nas/ 'dod pa ba'i lha drug gi tshe'i tshad ni phyogs gcig tu sngar
dmyal ba'i tshe bshad pa las brjod zin to/ /lus kyang 'dir phyogs
gcig

tu brjod de/ rgyal chen riD bzhi pa ni rgyang grags kyi gzhi cha
gcig go /de'i gong ma rnams ni bzhi cha re res lhag par lta'o// !
chos gzhan dang ldan pa'i 'bras bu las gzugs kyi khams pa ni/
gzugs kyi khams ni gnas gzhan bco brgyad de/ /bsam

gtan bzhi po chung 'bring cher bsgoms pas/ /tshangs ris la sogs
bcu gnyis spel ma lngas/ /gnas gtsang lnga dang dbang phyug
chen
po'i gnas/ /sa dag las/ gzugs kyi khams ni gnas gzhan bco brgyad
de/ bsam gtan dang po yan lag lnga dang ldan

pa chung ngu dang 'brang dang chen po bsgoms pas ni tshangs ris
dang tshangs pa mdun na 'don dang/ tshangs pa chen po rnams su
skye'o/ /bsam gtan gnyis pa yan lag bzhi ldan chung 'bring chen
pos ni 'od chung dang tshad med 'od dang 'od gsal du'o/ /bsam
gtan

gsum pa yan lag lnga ldan chung 'bring chen pos ni dge chung
dang tshad med deg dang dge rgyas su'o/ /bsam gtan bzhi pa yan
lag bzhi dang ldan pa chung 'bring chen pos ni sprin med dang
bsod nams skyes dang 'bras bu che ba rnams su ste bsam gtan
rnams
ni/

@98a yan lag las 'da' bar byed pa yin pas so/ /'du shes med
pa ni 'bras bu che'i nang du gtogs so/ /bsam gtan bzhi pa spel
mar bsgoms pa chung ngu dang 'bring dang chen po dang/ ches che
ba dang/ mchog tu che ba dang ldan pa bsgoms

pas ni gnas gtsang ma'i sa lnga po mi che ba dang mi gdung ba
dang gya nom snang dang shin tu mthong dang 'og min rnams su'o/
/byang chub sems dpa'i sa bcu bsgoms pas ni gnas gtsang ma rnams
las 'das pa dbang phyug chen po'i gnas su skye ba'o// 

!de rnams kyi lus dang tshe'i tshad ni/ tshangs ris la sogs bzhi yi
lus kyi tshad/ /dpag tshad phyed nas gnyis par phyed phyed bskyed/
/de yi gong rnams nyis 'gyur bskyed pa las/ /sprin med la ni
dpag tshad gsum dor  ro/ /tshe tshad rang lus tshad kyi

bskal chen te/ /dang po gsum gyis rnam grangs gzhan gyis gsungs/
/tshangs ris pa'i lus ni dpag tshad phyed do/ /tshangs pa mdun na
'don gyi ni gcig go /tshangs chen gyi ni phyed dang gnyis so/
/'od chung gi ni dpag tshad gnyis so/ /de yan chad kyi

lha'i lus ni de'i nyis 'gyur nyis 'gyur du blta ba las sprin med
la dpag tshad gsum dbri'o// tshangs ris pa'i tshe'i tshad ni bar kyi
bskal ba nyi shu la bskal pa gcig tu bzhag pa'o/ /tshangs pa mdun
na 'don gyi ni bar gyi bskal pa bzhi bcu la bskal pa

gcig tu bzhag pa'o/ /tshangs chen gyi ni bar gyi bskal pa drug cu
la bskal pa gcig tu bzhag pa'o/ /'od chung gi ni bar gyi bskal
pa brgyad cu la bskal pa gcig tu bzhag pa'i bskal pa gnyis so/
/de yan chad ni de'i nyis 'gyur nyis 'gyur la sprin

med kyi bskal pa gsum dbri'o// ! gzugs med pa'i khams kyi dbang
du byas nas/ gzugs med bzhi ni snyoms 'jug rnam bzhi las/ /zhi
dang rnam thar bde ldan skye ba bzhi/ /gnas ni gang nas shi
'phos de nyid de/ /tshe tshad nyis khri nas ni brgyad

@98b khri'i bar/ /gzugs med pa bzhi po 'di ni nam kha' mtha' yas
skye mched la sogs pa dmigs pa las 'da' ba'i snyoms par 'jug pa
bzhi las skye ba phra rags bzhi 'grub pa ste/ thams cad kyang
zhi ba dang rnam par thar pa'i bde ba can mi g.yo ba myong

ba'o; ;'di rnams la gzugs kyi lus med pas gnas gzhan rnam par
gzhag pa ni gud na med de/ gang nas shi 'phos pa de nyid du ming
bzhi'i phung po tsam 'grub par zad pa'i phyir ro/ /tshe'i tshad ni
nam kha' mtha' yas nas bskal pa nyi khri nyi khri lhag

par brgyad khri'i bar du rnam par gzhag go  /gzugs dang gzugs
med 'di dag bsod nams kyi/ /las gtogs snga ma dag dang mi g.yo
ba'i/ /bsam gtan snyoms 'jug zag med lam bcas pa/ /ting 'dzin
las byung skye ba mchog tu brjod/ /de ltar na

gzugs kyi khams pa dang gzugs med pa'i khams pa 'di rnams ni
sngar gyi dge ba bcu la sogs pa bsod nams kyi las su gtogs pa'i
ci rigs pa dag dang/ de las gong du mi g.yo ba'i las su gtogs
pa bsam gtan la sogs pa ci rigs pa dang/

zag pa med par gtogs pa'i ting nge 'dzin dag dang ldan pa las
'grub par lta'o/ /gal te de lta na dge ba bcu po dag kun gyi
rnam par smin pa'i 'bras bu ni bde 'gro lha dang mi'i skye bar
thun mongs du bshad la/ yang mdo gnyis po dag las kyang srog
gcod pa

spong ba la sogs pa'i 'bras bu so sor nges par bshad pa bzhin du
snga ma ni so so'i 'bras bu dang phyi ma ni tshogs pa'i 'bras bur
brjod pa ci ltar mi 'gal zhe na/ de ni 'gal ba med de 'di ltar
bde 'gro tsam gyi lus 'phen pa'i nus pa ni dge ba bcu'i las kyi
srog gcod pa las rnam

pa thams cad du ldog ba lta bu re re la'ang nges par gnas par
lung du ma las gsungs pa'i phyir dang/ mdo gnyis las gsungs pa'i
'bras bu ni rnam grangs de dag kyang re re gtsor byas pa tsam
yin gyi/ gzhan dang gzhan du ma'i 'bras bur yang rjes su 'gro

@99a ldog las mang du gsungs pa dag las 'grub pa'i phyir/
'di dag ni shin du 'grig pa nyid du bzung ngo// ! de las gzhan
pa'i dbang du byas pa las pha rol tu phyin pa drug so so ni/
gzhan yang pha rol phyin drug spyad pa 'dis/ /longs

spyod sogs dang ldog bas dbul sogs 'byung/ /byang chub sems
dpa'i sde snod las sbyin pas longs spyod dang/ tshul khrims kyis
bde 'gro dang/ bzod pas gzugs mdzes pa dang/ brtson 'grus kyis
thob pa dang mngon par rtogs pa dang/

bsam gtan gyis nges par gyur ba la 'jug pa dang/ shes rab kyis
bag chags kyi mtshams spyor ba yang dag par 'joms pa 'thob par
gsungs te/ ser snas dbul por 'gyur ba la sogs pa ni don gyis so/
/'di dag ni mdo mang po las kyang gsal/

 sbyin pa'i khyad par las sbyin pa gsum so so yis ni/ zang zing
sbyin pas longs spyod ldan pa ste/ /mi 'jigs sbyin pas yul bzang
bdag sogs 'thob/ /sbyin pa'i nang na chos sbyin mchog yin te
/'on kyang bsam pa'i dbang gis gzhan du'ang

'gyur/ /mdo de nyid las zang zing sbyin pas longs spyod phun sum
tshogs pa 'thob bo/ /mi 'jigs pa sbyin pas yul bzang po'i rgyal
por 'gyur te/ /mtshon dang lo nyes dang dus ma yin par 'chi ba
dang/ dgra dang nad dang me dang chu la sogs pa'i 'chi

ba'i 'jigs pa dang bral te tshe ring bar 'gyur ro/ /sbyin pa'i
nang na mchog ni chos kyi sbyin pa ste/ srid pa thams cad las
nges par 'byung ba'i sa bon yin pas byang chub gsum po dag 'byin
pa'o/ /de'ang bzhi las rang gi 'tsho ba'i phyir byin pa ni tha ma
ste/ rang

nyid bsgrub pa med par gzhan la 'chad par zad pas bro gar ba lta
bu'o/ /de'i 'bras bu ni lha'i bya tshigs su bcad pa smra ba la
mkhas pa'o/ /'bring ni grags pa'i phyir dang/ gzhan zil gyis
mnan pa'i phyir 'chad pa gnyis te/ lha dang mi 'bring po'i 'bras
bu

@99b can no/ /mchog ni gzhan la phan pa'i don du brtse bas ston
pa'o// ! thun mong gi ni/ gzhan yang sbyin pa nyid kyis skal
ldan rnams/ /'di dang gzhan gyi dpal 'byor mtha' dag 'thob//
bden pa po'i le'u las/ sbyin pa byin pas thog mar ser sna bcom
ste gtong

pa'i lag brkyangs pas med par lta ba bsal zhing yang dag pa'i
lta ba mngon par phyung ba'o// skyes bu dam pa rnams kyis rjes
su bsnyags shing ngan pa rnams dor ba'o/ /mtho ris dang thar
pa'i sgo phye ba'o/ /ngan 'gro'i sgo bcad pa'o/ /dge ba'i rtsa
ba bskyed cing mi

dge ba phyung ba'o/ /nyon mongs pa rnams bsrabs shing dge ba'i
phyogs spel pa'o/ /tshul khrims dang ldan pa rnams tshim par byas
shing rang dang gzhan la phan pa chen po byas pa'o/ /longs spyod
phun sum tshogs pa thams cad 'thob ste/ kha dog phun sum

tshogs pa byin pas ni mdog bzang ba 'thob bo/ /de bzhin du dris
grags pa dang/ ros yo byad dam pa dang/ reg gis rkang lag 'jam
zhing gzhon sha can dang/ rim gro dang bcas pas bsnyen gnas la
sogs pa las rim gro dang/ lag bdar bas bsti stang

dang dus su byin pas don rnams dus su 'grub pa dang/ yid du 'ong
bas longs spyod ci la dga' ba dang/ gzhan la mi gnod pas longs
spyod brtan pa dang/ dka' ba bzod pas 'khor snying nye ba dang/
kha zas kyis nyams stobs dang/ gos kyis mdog dang

ldan pa dang/ mar mes mig dang/ sil snyan gyis rna ba ma nyams
pa dang/ bzhon pas bde ba dang/ sman gyis nad med pa dang/ gnas
byin pas thams cad phun sum tshogs par 'gyur ba'o// gzhan yang
srog gcod pa spong ba la sogs pas tshe ring ba

la sogs pa dang/ nga rgyal spangs pas rigs mtho ba dang/ khro ba
spangs pas mdzes pa dang/ phrag dog spangs pas gzi brjid che ba
dang/ yang zas byin pas ni srog dang kha dog dang stobs dang bde
ba dang spobs pa lnga byin pa'o// ! bzod pa'i khyad par

@100a ni; khro bas tshig rtsub smra ba kun tu pham/ /bzod
ldan dka' thub mchog 'thob kun las rgyal/ /tshoms dag las/ byis
pa khros nas tshig rtsub dag/ /smras na rgyal bar 'gyur snyam
sems/ /gang zhig de dag bzod byed pa/ /de ni rtag tu

rgyal ba yin/ /gang zhig khros la slar 'khro ba/ /de ni sdig pa
can 'gyur bas/ /khros la slar ni mi khro dang/ /thub par dka'
ba'i g.yul las rgyal/ /gang zhig khro ba phyung ba dang/ /shing
rta 'khyams las 'dzin pa de/ /'dul sbyong mkhan du nges gsungs
kyi/ /

zhags 'debs skye bo phal ba yin/ /zhes gsungs pa'o// ! lus la
sogs pa bzhi bsgoms pa las lus bsgoms pa ni/ rdza so ma btang
char sogs mi bzod ltar/ /lus kyang bkres skom brdeg sogs mi bzod
do/ /thor bu skrangs ltar reg mi bzod pa dang/ /

dre'u sbrum sogs bzhin nad/ tshogs ldang bas gsod/ /des na ngang
pa dur khrod mi bsten ltar/ /mkhas pas lus la ma chags rtag tu
bsgom/ /'das chen las/ rdza so ma btang ba rlung dang char dang
brdeg pa dang 'dor ba dang mnan mi bzod pa ltar

lus kyang bkres skom dang tsha grang dang rlung dang char dang
brdeg pa dang/ 'ching ba dang spyo ba mi bzod do/ /thor bu
skrangs pa rtag tu bag byed de reg tu mi ster la/ reg na na tsha
'byung ba dang 'dra'o/ /dre'u sbrum na 'chi ba dang chu shing
'bras bu chags na bskams la

snying po med pa ltar/ lus kyang khong gi nad dag gis 'chi zhing
snying po med do/ /sbrul dang sre mo rtag tu gnod par 'dod pa
ltar lus kyi chen po bzhi yang ngo/ /des na ngang pa'i rgyal po
dur khrod la mi dga' ba ltar/ byang chub sems dpa' yang lus la
mi

chags so/ /rigs ngan rab bdun brgyud pa ni thams cad kyis smad
pa ltar lus kyang khu chu dang khrag brgyud pas na mkhas pas
smad pa'o/ /ri ma la ya dang mi 'dra ste tsan dan dang utpal la
sogs pa mi skye bar bu ga dgu nas rtag tu rnag dang khrag dang

@100b bshang gci 'dzag pa mnam pa sme ba mi sdug pa rtag tu skyo
bar rung ba srin bu rnams dang lhan cig gnas pa'o/ /skyed mos
tshal bzang por yang mi ro bzhag na mi gtsang bas kun gyis spong
zhing sred pa mi skye ba ltar/ gzugs kyi khams kyang ste gtsang
la bzang yang

lus dang ldan pas sangs rgyas dang byang chub sems dpa' rnams
spong ba'o zhes so sor rtog pa'o// ! tshul khrims bsgom pa ni/
tshul khrims dge tshogs kun gyi rtsa ba ste/ /gnod dang sdug
bsngal lam 'gog sgo gtan mchog /de ni dge ba'i chos thams

cad kyi them skas lta bu'o/ /shing la sogs pa'i rtsa ba sa yin
pa ltar rtsa ba'o/ /tshong dpon tshong pa kun gyi thog mar 'gro ba
ltar thog mar 'gro ba'o/ /brgya byin gyis rgyal mtshan bsgreng ba
ltar dge ba'i chos kun gyi rgyal mtshan no/ /sdig pa dang ngan
song gi

las thams cad gtan du gcod pa'o/ /sdig pa'i nad thams cad gso
bas sman gyi sdong po'o// srid pa'i lam nyam nga pa'i brgyags
so/ /nyon mongs pa'i dgra 'joms pa'i go mtshon no/ /nyon mongs
pa'i sbrul gdug pa sel ba'i rig sngags so/ /sdig pa

thams cad las sgrol ba'i zams par rtog pas so/ !/sems bsgom pa
ni/ sems ni glang po dregs ltar gdul dka' ba/ /ma rungs nyes kun
rtsa bar brtags pas gdul/ /sems ni g.yeng ba 'char ba 'gyur ba
bzung dka' ba gdul dka' ba ste/

kun tu rgyul ba glang ma rungs pa bzhin no/ /skad cig myur bas
glog dang/ rgod cing mi gnas pas spre'u dang/ da ltar bde pa la
sred cing phyis kyi nyes pa la mi rtog pas ba lang ljang bu la
sred pa byug pas brdeg pa dang/ srid pa nyi shu rtsa lngar 'khor
bas shing ba la

rlung drag pos 'bud pa dang/ tshel bar mi rigs pa tshol bas chog
mi shes pas blun po me mi tsha ba tshol ba dang/ rtag tu srid pa
la sred cing rnam grol mi tshol bas srin bu 'dzim pa la chags pa
dang/ bslad cing 'khor ba mnam po la sred pas btson btson rdzi'i
@101a bu mo la chags pa dang/ phag mi gtsang ba la chags pa dang
'dra bar rtog pas so/ ! shes rab bsgom pa ni/ shes rab stobs kyi
nyi mas mun sel ltar/ /ma rig 'joms pas rgyal ba sras bcas yum/
/shes rab nam mkha' lding lta

bu'i stobs kyis las ngan pa thams cad 'joms pa dang/ nyi ma'i
'od ltar ma rig pa'i mun pa 'joms pa dang/ chu drag po ltar
phung po'i shing rtsa g.yeng ba dang/ me ma mur ltar log par
lta ba bsreg pa dang/ dkar po'i chos thams cad kyi rtsa ba dang/
sangs rgyas dang

byang chub sems dpa' thams cad kyi yum du rtog pa'o/ ! 'gro ba
lnga'i bde sdug bskyed pa'i las kyi dbang du byas te 'gro ba
lnga po so sor skyed par byed pa'i las brjod pa/ byams pas gzhan
gyi lus srog la gnod pa/ /spong sogs bslab gzhi lhag lngas

lha lus 'thob/ /sbyin sogs rnam bzhi nges par sems bcas lngas/
/longs spyod tshe ring sogs ldan mi nyid do/ /dkon mchog gsum
spong mchod rten 'jig la sogs/ /mi bzad las lngas sems can dmyal
myong 'gyur/ /tshul khrims 'chal zhing

brku 'phrog bu lon brnog /srog gcod chos log spyod lngas dud
'gror 'gro/ bkren zhing brkam sogs 'jungs pas zil non pa'i/ /las
lngas bkres skom lhag pa'i yi dwags 'gyur// spobs pa'i blo gros
kyis zhus pa las/ las lngas ni lha nyid 'thob pa ste/

byams pas gnod sems med par sems can skyong ba dang/ brku
'phrog
mi byed cing ma 'jungs par gtong ba dang/ gzhan gyi chung ma la
mi rlom pa dang/ gso sbyong la gnas shing brdzun du smra ba
spong ba dang/ myos byed 'thung ba spong zhing rang bzhin du
gnas

pas nyes pa mang po las ldog pa'o/ /dran pa nyer gzhag las ni/
bden par smra zhing 'khrug mi bya/ /slong na chung yang sbyin
par bya/ /gnas 'di gsum dang ldan pa ni/ /lha rnams dag gi drung
du 'gro/ zhes kyang gsungs so/ /las lngas ni mi 'thob par

@101b 'gyur te/ byas pa gzo zhing bkren pa la sogs pa la sbyin
pa dang/ dge ba bcu ma nyams pa bsten pa dang/ bzod pas zhe
'gras pa med pa dang/ brtson 'grus kyi le lo can dag dge ba la
'dzud pa dang/ nges pa'i sems kyis gus pa dang bcas la mthun

par 'dzin pa ste/ de dag gis ni longs spyod dang tshe dang mdzes
pa dang gzi brjid dang rje dpon nyid lnga dang ldan pa 'thob
pa'o/ /las lngas ni dmyal bar ltung ste/ dkon mchog gsum la mi
dad pas skur cing 'phags pa'i lam la brnyas pa dang/ mchod rten

'jig pa dang/ 'khor bzhi po dag phan tshun mi mthun par byed cing
skur pa dang/ dkon mchog gi dkor la spyod pa dang/ rgyal po dang
blon po'am rje 'bangs sam bu dang pha'am ma dang bu mo'ang phan
tshun 'byed cing gnod pa byed pa dang dge sbyong ma yin par

dge sbyong ltar bcos te mkhan po dang slob dpon la mi gus shing/
chos mi sgrub par rnyed pa dang bkur sti la brkam pa'i nga rgyal
gyis/ bdag bstod cing gzhan smod par byed pas so/ /las lngas ni
dud 'gror te/ tshul khrims 'chal pa dang/ chom rkun

byed pa dang/ bu lon brnog pa dang/ srog gcod pa dang/ dad pa
med pas chos log pa la dga' zhing log 'tsho la sred pas so/ /las
lngas ni yi dwags su skye ste/ bkren zhing brkam pa dang/ mun
nag chen po'i bshes gnyen dang/ gsog pa lhur byed pas

rang yang mi spyod pa dang/ chos ma yin pa la goms pas phrag dog
dang ser sna las pha ma dang bkren pa dang dge sbyong dang
bram
ze la sogs pa la mi sbyin pa dang/ nges par bskyang par 'os pa
dag mi skyong zhing bla ma la bkur sti mi byed pas so/ / ! dud
'gro'i

khyad par klur skye ba'i las ni/ pha rol phyin drug la sbyor
theg chen tshol/ /sbyin la shas cher sbyor yang 'dod bslus dang/
/tshul khrims nyams pas dmyal bas 'jigs la sogs/ /smon lam dman
pas klu yi skye ba 'dzin/ /'das chen las/ sems can

@102a dag las kyi sgrib pa bcus myur du klur skye ste/ pha rol
tu phyin pa drug la brtson zhing theg pa chen po tshol ba dag
/'dod pa'i nyes dmigs mi lta la/ /sbyin pa rgya cher gtong ba
dang/ theg pa chen po la brtson zhing sbyin ? pa la 'jug kyang

tshul khrims rdzogs par bsrung ma nus pa dmyal ba dang yi dwags
kyis 'jigs pa dang/ theg pa chen po tshol yang nga rgyal che ba
dang/ theg pa chen por sbyor yang khro ba mang ba sha khon che
ba dang/ nyan thos kyi theg pa can sbyin gnas la mchod par
brtson pa rnams

klur smon pa'i dbang gis dang/ ser sna dang nga rgyal gyi las
can dang/ nga rgyal can brdzun dang mu cor smra ba dang/ dkon
mchog gsum dang bla ma la sogs pa la nga rgyal gyis mi gus pa'i
'khrul pa can dang/ nga rgyal dang phra ma dang tshig rtsub dag
la goms

pa'o; ;yang lus la sogs pa'i nyes par spyod pa mang pos ngan
song gsum du skyes pa dag shi 'phos pa las lhag mas klur skye ba
gsum yang yod de/ klu ni longs spyod kyi dpal lha dang mnyam pa
yang yod la/ mi smad rigs dang dud 'gro dang/

yi dwags dang dmyal ba dang 'dra ba'ang yod do zhes so/ / ! mi'i
khyad par ram dman pa bran du skye ba'i las ni/ pha ma la brnyas
dman mos sdig la dga'/ /rku 'phrog bu lon brnog lngas bran du
skye/ /yang spobs pa'i blo gros kyis zhus pa las/ las

lngas bran du skye ste/ pha ma la mi gus pa dang/ dman pa la mos
pa dang/ sdig pa la ci dgar spyod pa dang/ chom po byed pa dang/
bu lon 'phrog pas bdag sbed pa'o/ ! skur pa mang ba la sogs par
'gyur ba'i las ni/ brdzun dang g.yo sgyus

gzhan bslu 'brel gtam spong/ /grogs brnyas dman mos skur mang
la
sogs 'gyur/ /yang las lngas ni/ skur pa mang zhing kha dri mi
zhim la/ /gzhan gyi yid du mi 'ong bar 'gyur te/ brdzun zer ba
dang/ brdzun gyis gzhan bslu pa'i sems lhur

@102b byed pa dang/ chos kyi 'brel ba'i gtam smod pa dang/
tshangs pa mtshungs par spyod pa rnams la brnyas shing khyad du
gsod pa dang/ dman pa la mos pas so/ ! dam pa dag gis spong bar
'gyur ba'i las ni/ phrag dog le lo smra la dga' ba dang/ /tshul
bzhin sems bral mi

sbyor dam pas spong/ /tshangs pas byin gyis zhus pa las/ gang zag
phrag dog can dang/ mngon par mi brtson pa dang/ smra ba la
dga'
zhing bre mo'i gtam mang ba dang/ tshul bzhin sems pa las ring ba
dang/ sbyor ba dang bral ba gang du gnas par sangs rgyas dang
nyan thos la

sogs pa mi gnas par gsungs pa'o/ / !mngon par mi brtson par
'gyur ba'i rgyu ni/ gnyid che mkhas rlom bdag bstod gzhan smod
cing/ /bre mo'i gtam mang smra dang tshogs la dga'/ / rnyed dang
bkur sti lhur byed tshul 'chos pa/ /de ni mngon par mi brtson
sgrub

las nyams/ /yang de nyid las/ rgyu rnam pa bcus mngon par mi
brtson par 'gyur te/ gnyid che ba dang/ mkhas par mngon pa'i nga
rgyal dang/ bdag la bstod pa dang/ gzhan la smod pa dang/ bre
mo'i gtam la dga' ba dang/ smra ba la dga' ba dang/ tshogs la
dga' ba

dang; rnyed pa la ches cher 'dzin pa dang/ bkur sti la ches cher
'dzin pa dang/ tshul 'chos byed pa'o zhes so/ / !gya nom pa'i
khyad par las tshe ring bar 'gyur ba'i las ni/ sems can gces
'dzin byams sogs bsgom pa dang/ /srog gcod las ldog gzhan dag

dge la 'god/ /ngan 'gro'i sems can bsgral bar brtson pa gang/
/des ni tshe ring ji srid 'dod rnams 'thob/ /'das chen las/ sems
can thams cad la bu lta bur bsrung ba dang/ byams pa la sogs pa
bzhi bsgom pa dang/ srog gcod pa'i sdom pa 'dzin pa dang/

sems can rnams dge ba bcu la 'god pa dang/ dmyal ba la sogs par
brgyu ba'i sems can ma rgal ba bsgral bar byas na sangs rgyas
kyi sku tshe ltar ring ba 'thob par gsungs pa'o/ / !rigs mtho bar
'gyur ba'i las ni/ gtong ldan bla ma'i gnas la gus shing des/ /

@103a mchog mos gsung rab klag brtson rigs mthor skye/ /yang
spobs pa'i blo gros kyis zhus pa las/ las lngas ni rigs mtho bar
te/ sbyin pa gnyis kyis 'jig rten thams cad la gnod sems med pa
dang/ dkon mchog dang pha

ma la gus pa dang/ lhan cig skyes pa'i bzod pa dang des pa dang
bzang po la mos pa dang/ mchog la mos pa dang/ sangs rgyas kyi
bka' klog pa la brtson pa'o/ ! /bskal pa bzang bar 'gyur ba'i
las ni/ yang dag tshig smra chos smra la gus sogs/ /

dam pa'i spyod lnga bsten pas bskal bzang 'thob/ /yang las lngas
bskal pa bzang por 'gyur te/ yang dag pa'i tshig sgro skur med pa
dang ldan pa dang/ theg pa gsum ston pa la mi smod par 'dzin
cing ston pa dang/ ngag gi skyon rnam pa bzhi spong

zhing 'phags pa'i lam la skur bar mi byed pa dang/ sems can log
par bsgrub pa dag snying rjes bzlog cing dge ba la 'god pa dang/
gzhan gyi skyon mthong yang sgrogs par mi byed pa'o/ / ! rtag tu
skyabs dang mi 'bral ba la sogs pa'i rgyu ni/

gsum la skyabs 'gro sku gzugs rgya chen byed/ /bla ma la gus
'gro la snying brtser ldan/ / mdo don thos sogs bsgrub la sbyor
ba lngas/ /rgyun du skyabs dang mi 'bral don kun 'grub/ /yang
lngas rtag tu dkon mchog gsum dang 'phrad cing/ sangs

rgyas mthong ba la chos thos nas ji ltar 'dod pa'i byang chub
thob pas phun sum tshogs pa gang bsam pa 'grub ste/ gsum la
skyabs su song nas gzhan yang de la 'god pa dang/ sku gzugs rnam
pa thams cad rdzogs shing legs pa rgya che ba dag byed

pa dang/ mkhan po dang slob dpon la bla mar 'dzin cing gus pas
mthun par bsgrub pa dang/ sems can thams cad la bu gcig pa ltar
lta ba dang/ ji ltar brtsams pa'i mdo rnams la thos pa dang bsam
pa dang bsgom pas bsgrub pa rdzogs par byed

@103b pa'o zhes gsungs so/ /!dngos po lnga'i dbang du byas pa
ni/ dad dang sems dben tshul khrims bla ma bsten/ /mang du thos
pas don rnams thams cad 'grub/ /'das chen las/ byang chub sems
dpas dngos po lnga gong du bskyed na don thams cad 'grub ste/
dad pa dang/

sems dben pa dang/ tshul khrims dang/ dge ba'i bshes gnyen bsten
pa dang/ mang du thos pa'o zhes gsungs pa'o/ / !bag med pa'i las
la dngos kyi dbang du byas nas/ bag med bsten pas dman pa'i las
len sogs/ /nyes dmigs mi bzad lnga dang bcu

gsum 'thob/ /yang de nyid las/ bag med pa la 'bras bu lnga ste/
nor yod kyang dbang med pa dang/ mi snyan par grags pa dang/
dbul po la sbyin pa mi byed pa dang/ 'khor bzhi po dag mthong
bar mi 'dod pa dang/ lha'i lus mi thob pa'o/ /yang bcu gsum

ste/ 'jig rten pa'i las la mos pa dang/ don med pa'i tshig smra
ba dang/ gnyid la dga' ba dang/ 'jig rten pa'i gtam la dga' ba
dang/ sdig pa'i grogs po la dga' ba dang/ le lo che ba dang/
gzhan gyis brnyas pa dang/ thos pa myur du brjed pa dang/ yul
mtha'

'khob tu dga' ba dang/ dbang po 'dul bar mi nus pa dang/ zas la
chog mi shes pa dang/ dben par mi mos pa dang/ lta ba ngan pa
'dzin pa'o/ /des na bag yod pa kho na lhur bya ste/ 'jig rten
dang 'jig rten las 'das pa'i chos thams cad ni de las skye bas
so/ / !

bag med pa las rmugs pa dang/ gnyid la brten pa'i nyes pa ni/ de
las gnyid rmugs dang len chos kun 'grib/ /ye shes dang ni spong
las ring bar 'gyur/ /bden smra'i mdo las rmugs pa dang gnyid yur
bas ni 'jig rten dang 'jig rten las 'das pa'i

chos thams cad 'grib par byed cing/ ye shes dang spong ba dag gi
bar chad du 'gyur bar gsungs pa'o/ / !yang de las ma gus par
spyod pa'i nyes dmigs ni/ legs spyad bzung yang nga rgyal gyis
non pas/ /dkon mchog gsum dang bla ma chos smra dang/ /'khor

@104a bzhi dag la ma gus las rnams kyis/ /dbang po nyams sogs mi
khom dag tu 'khyam/ /gal te sdom pa la sogs pa'i chos dag bzung
zhing spyad kyang bag med par gyur cing nga rgyal gyis zil gyis
non pas dkon mchog gsum gyi rten la

sogs pa dang/ bla ma dang bla ma'i gnas lta bu'i gang zag dam pa
dag dang/ bcom ldan 'das kyi 'khor bzhir gtogs pa thub pa'i
brtul zhugs dang ldan pa la sogs pa/ gus par bya ba'i gnas rnams
la ma gus pa'i spyod pa tha na phyag 'tshal ba na yang

thal mo legs par mi sbyor ba dang mgo po sa la mi gtugs ba la
sogs pa phra ba yan chad kyis kyang/ yul mtha' 'khob tu skye ba
dang/ dbang po ma tshang ba la sogs pa mi khom pa'i gnas lnga po
dag tu nges par ltung la/ der ni chos dang mi 'phrad cing

skal ba med par 'gyur bas/ mtho ris tshe de tsam du zad cing skye
ba gnyis pa nas ngan song dag tu 'khyam par 'gyur bas na g.yang
sa shin tu che ba'i phyir mkhas pa bdag legs su 'dod pa rnams
kyis bag dang ldan par gus pas bsgrub par bya ba'i gnas

thams cad la'ang shin tu bsgrims pas gus par byas na/ bdag nyid
kyang thams cad kyi gus pa'i gnas su 'gyur bar shes par bya'o/ /
!byams pa bsgom pa'i las ni/ byams pa bsten pas bsngags 'os don
kun 'grub/ /rdzas kyi mchod pa rgya

chen zil gyis non/ /rgya mtshos zhus pa las/ byams pa ni sangs
rgyas thams cad kyis bsngags pa ste/ de'i rjes su 'jug pas ni
tshe 'di dang phyi ma'i don thams cad 'thob pa'o/ /de ni sangs
rgyas la mchod pa'i mchog yin te/ rdzas kyi mchod pa thams cad

pas ches mchog tu gyur pa'o/ /zhes gsungs so/ /dge ba dang mi
dge ba'i las stobs dang ldan pa dang mi ldan pa'i khyad par gyi
dbang du byas nas spyir bstan pa ni las lci yang gi skabs su
brjod zin to/ /!da ni yul la sogs pa'i khyad par can 'ga'

@104b zhig bstan par bya ste/ de la dge ba stobs dang ldan pa'i
dbang du byas nas bsod nams chen po can gyi las la dkon mchog
gsum la brten pa spyir brjod pa/ de bzhin gshegs la bya ba chung
byas kyang/ /don dang rnam par smin pa dpag med 'gyur/ /yon tan
tshogs thos

dpag med zhing 'gyur phyir/ /chos dang dge 'dun dag kyang de
rjes mthun/ /sangs rgyas kyis ni 'jig rten pa dang nyan thos
dang rang sangs rgyas dang byang chub sems dpa' sems dpa' chen
po thams cad kyi'ang bsod nams kyi zhing chen po tshul khrims kyi
phung po la

sogs pa'i yon tan thams cad kyis dpag tu med pa yin pa'i phyir/
de la bya ba chung ngu zhig byas kyang don dang phan yon dang
'bras bu dang rnam par smin pa chung zhes bya ba ye med de thams
cad kyang don ches che ba dang ldan pa nyid du shes par bya'o/
/des legs

par gsungs pa la sogs pa'i chos dang/ de la legs par zhugs pa'i
dge 'dun dag kyang de nyid kyis zhing chen por 'gyur/ / 'das
chen las/ zla ba gcig tu sems can thams cad la zas dang gos la
sogs pa byin pa bas ni sangs rgyas skad cig tsam

rjes su dran pa'i bsod nams kyi bcu drug char yang mi phod do/
/yang shing rta brgya gser las byas pa'i mi dang bcas pa byin pa
bas/ sangs rgyas la dad pas de phyogs su gom pa gcig dor ba'i
char mi phod do/ /de bzhin du yul chen po'i rin po che thams cad
las

ba lang gis drangs pa'i shing rta brgya bkang ba dang/ bud med
do shal dang 'phreng bas brgyan pa brgya snyed byin pa dang/
yang mchod rdzas sna bzhi stong gsum gyi sems can thams cad la
byin pa bas kyang de'i char mi phod do zhes gsungs pa ltar ro/
/yang de nyid las/ 'jig

rten gyi khams 'dir sngon sangs rgyas shAkya thub pa zhes bya
ba byung ba na ngas bla ma las de shin tu rgyas pa'i mdo gsung
ngo zhes thos pas/ shin tu dad pas mchod pa bya bar 'dod pa la
dbul por gyur pas ci'ang med do/ /lus btsongs pa'ang bsod nams
chung bas

@105a nyo ba ma rnyed do/ /phyir log pa na mi zhig na re bdag la
las shig yod de sus kyang mi nus so/ /gal te khyod kyis nus na
ngas nyo'o zhe'o/ /las ci yin dris bas/ nga la nad ma rungs ba
zhig yod nas sman pa mkhas pa dag la bsten pas/ nyin re

zhing mi'i sha srang gsum gsum zos na 'tsho'o zhe'o/ /de ltar
'tsho nus na khyod la gser gyi dong tse lnga sbyin no zhe'o/ /de
thos pas shin tu dga' ste dong tshe nga la byin la/ zhag bdun
bshol cig nga'i bya ba byas nas khyod ji ltar 'dod pa ltar
bya'o/ /zhes pa la/

zhag bdun mi rung ste 'o na zhag gcig khyod kyis don bsgrub tu
gnang ngo zhe'o/ /ngas dong tse blangs nas sangs rgyas de la ci
bdog pa thams cad phul te sems thag pa nas shin tu rgyas pa'i
mdo mnyan pa la/ dbang po rtul bas tshig bzhi pa'i le'u gcig las
ma zin

te; de bzhin gshegs pa mya ngan 'da' ba ni/ /'khor ba thams cad
yongs su bcad pa ste/ / gang gis rtse gcig sems kyis rab mnyan
no/ /tshad med bde ba rtag tu 'thob par 'gyur/ /zhes so/ /'di yid
la byed cing nad pa de la nyin re sha srang gsum gsum

byin pas na ba yang med par zla ba gcig na nad pa de gsos te/
nga'i lus la rma'ang med pas byang chub tu sems bskyed nas bdag
kyang ma 'ongs pa na sangs rgyas shAkya thub par gyur cig ces
smon lam btab par gsungs so/ /!/sangs rgyas la brten pa

las sku gzugs dang mchod rten byed pa'i ni/ mi dang lha yi la
sogs longs spyod mchog / rnams kyis 'phags pa'i dge 'dun mchog
bkur bas/ /bde gshegs mchod rten sku gzugs chung ngu dag /byed
pa'i bsod nams grangs dang char

mi phod/ /sgra chen po'i mdo dang/ rmad du byung ba'i chos kyi
rnam grangs dag las/ khang bzang bkod pa dam pa dang ldan pa
dag
phyogs bzhi'i dge slong rgyun du zhugs pa nas rang sangs rgyas
kyi bar la phul te/ ji srid 'tsho'i bar du bde ba'i yo byad

@105b thams cad kyis bsnyen bskur byas pa bas ni/ sangs rgyas
kyi mchod rten bum pa skyur ru ra'i 'bras bu tsam la/ srog shing
khab tsam btsugs gdugs rgyu shugs kyi lo ma tsam bkab bas ring
bsrel yungs 'bru tsam gyi snying po can dang/ sku gzugs mtshon
gang tsam

byed pa'i bsod nams kyi char mi phod do/ /de dpe dang rgyur yang
mi phod/ de bzhin du gling chen po bzhi dang/ lha'i rnam par
rgyal ba'i khang bzang rnams la gong nas gong du 'gres lnga
gsungs nas/ de ci'i phyir zhe na/ sangs rgyas ni tshul khrims kyi
phung po la

sogs pa'i yon tan thams cad kyis dpag tu med pa'i phyir/ de la
dad pa'i rnam par smin pa yang dpag tu med par gsungs pa'o/
/bstan bcos las kyang/ yon tan mchog tshogs gcig pu yi/ /yon tan
shas tsam 'ga' zhig la/ /snang na'ang de la

mchod don du/ /khams gsum phul yang chung par 'gyur zhes so/ /
!/de la mchod pa byed pa spyi'i ni/ rgyal ba nyid dang ring
bsrel mchod rten sogs/ /mchod dang sangs rgyas dang bas yid
byed
dang/ /de la dmigs nas me tog 'thor lta zhog  /skal med

me tog 'thor ba'ang srid mthar 'gro /snying rje chen po padma
dkar po las/ kun dga'o nga 'dug pa la mngon sum du mchod pa
byed
pa lta zhog  /ring bsrel yungs 'bru tsam dang nga'i phyir mchod
rten byas pa la mchod pa byed pa'ang lta zhog ste/ sangs rgyas
la dmigs

nas me tog gcig nam mkha' la 'dor na de'i 'bras bu'ang mthar mya
ngan las 'das par nga smra'o/ /de'i rnam par smin pa ni gal te
la las bskal pa gcig tu 'khor bar kun tu brgyugs kyang 'khor
ba'i sngon gyi mtha' mi shes pa ltar de'i mtha'ang brgya byin

nyid rnams kyis kyang rnyed par sla ba ma yin no/ /de ci'i phyir
zhe na/ sangs rgyas la phul ba'i yon ni 'khor ba'i bde ba thams
cad kyi mthar thug par sla ba ma yin gyi/ mya ngan las 'das pas
mthar thug par nga smra'o/ /yang snga ma de rnams lta'ang zhog
ste
@106a mya ngan las 'da' ba'i skal ba med pa zhig gis sangs rgyas
la dmigs nas tha na me tog gcig nam mkha' la dor na/ de'i 'bras
bu'ang mya ngan las 'das pa'i mthas gtugs par nga smra'o zhes
so/ /!dri'i thig le la me tog 'grems pa'i

khyad par gyi ni/ bde gshegs mchod rten mchod pas gzugs dang ni/
/'khor sogs ma tshang med pa brgyad rnams 'thob/ /byang chub sems
dpa'i sde snod las de bzhin gshegs pa'i mchod rten la me tog
'grems sam/ spos ris 'dri na ma tshang ba med par

brgyad 'thob ste/ gzugs dang longs spyod dang 'khor g.yog dang
tshul khrims dang ting nge 'dzin dang thos pa dang shes rab dang
smon lam ma tshang ba med pa'o zhes so/ /!sangs rgyas mthong ba'i
ni/ 'jig rten kun gyi rdul snyed rang rgyal la/ /bskal mang nyin
rer rdzas kyis

mchod pa yis/ /bde gshegs sku gzugs mthong ba'i bsod nams kyi/
/char yang mi phod mchod pa smos ci dgos/ /dad pa'i stobs bskyed
pa'i phyag rgya las/ gang gis bskal pa gangga'i klung gi bye ma
snyed du 'jig rten thams cad kyi rdul snyed kyi rang sangs rgyas
dag

la/ nyin gcig bzhin du lha'i zhal zas ro brgya ba dang lha'i gos
rnams byin pa bas/ gzhan zhig gis/ sangs rgyas ri mor bris pa'am
gzugs su byas pa mthong na 'di bsod nams ches grangs med pa
bskyed na/ thal mo sbyar ba'am me tog la sogs pa 'bul ba lta

ci smos zhes gsungs so/ /sku gzugs tsam mthong ba'ang de tsam du
don che na/ rang gi ngo bo mthong ba lta ci smos te/ sdong po
bkod pa las/ bskal pa bye ba phrag brgyar yang/ /sangs rgyas
sgra ni rab dkon na/ /the tshom thams cad gcod pa'i mchog /mthong
bar 'gyur ba smos ci

dgos/ /rkang gnyis dam pa mthong na ni/ /sems rgya chen po skye
'gyur zhing/ /shes rab stobs ni 'od gsal ba/ grangs med pa yang
skye bar 'gyur/ /ngan song gsum po mi bzad par/ / bskal pa bye
bar bsregs bla yi/ /chags pa thams cad rnam bzlog pa/ /ston pa
mi mthong

@106b de lta min/ /ci yi phyir na ngan song du/ /yun ring gnas
par 'dod ce na/ /gang phyir rgyal ba'i dbang po dang/ /mthong na
ye shes 'phel phyir ro/ /'jig rten dbang phyug rgyal mthong na/
/sdug bsngal thams cad rgyun chad 'gyur/ /rdzogs pa'i sangs
rgyas spyod yul gyi/ /ye shes

la yang 'jug par 'gyur/ /mi mchog sangs rgyas mthong na ni/
/sgrib pa thams cad zad pa 'gyur/ /gang gi byang chub 'thob
'gyur ba'i/ /bsod nams dpag tu med pa 'phel/ /zhes gsungs pa
ltar ro/ /!mchod pa bla na med pa'i ni/ gzhan yang byang chub
sems bskyed

dam chos 'dzin/ /'gro la snying rje sgom pas bla med pa'i/
/mchod pas bde bar gshegs la mchod byed na/ /de yi bsod nams dpe
dang tshad las 'das/ /blo gros rgya mtshos zhus pa las/ gsum po
'di dag ni de bzhin gshegs pa la mchod pa dang rim gro bla na
med pa

ste/ byang chub tu sems bskyed pa dang/ dam pa'i chos yongs su
'dzin pa dang/ sems can rnams la snying rje chen po bskyed pa'o
zhes gsungs pa'o/ /gsang ba bsam gyis mi khyab pa las ni/ sangs
rgyas mchod pa bla na med pa ni gsum ste/ byang chub tu sems
bskyed pa

dang/ dam pa'i chos 'dzin pa dang/ ji ltar thos pa'i chos bsgrub
pa'o zhes so/ /!rten gyi khyad par gyi dbang du byas nas tshul
khrims dang ldan pa'i mchod pa khyad par du 'gyur ba ni/ gzhan
yang stong gsum sems can 'khor los bsgyur/ /theg chen zhugs pas

mchod tshogs rmad byung gis/ /sangs rgyas nyan thos bcas la
mchod
pas ni/ /khyim nas mngon byung tshul khrims rnam dag pa'i/ /dge
sbyong dag gis chu gtsang snod gang sogs/ /mchod rten phul ba'i
bsod nams char mi phod/ /rin po che'i phung po las/ stong gsum
gyi

'jig rten na sems can gang dag yod pa de thams cad theg pa chen
po la yang dag par zhugs la/ 'khor los bsgyur ba'i rgyal srid
dang ldan pas rgyal po re res kyang mar me'i snod rgya mtsho
tsam
las snying po ri rab tsam gyi mar mes sangs rgyas kyi mchod rten
rnams la

@107a mchod pa bas ni/ byang chub sems dpa' khyim gyi gnas nas
byung ba gang gis mar me'i snying po 'bru mar gyis bskus pa
mchod rten gyi drung du 'dzin pa'i bsod nams kyi brgya'i char
yang mi phod pa nas rgyu'i bar du yang mi bzod do/ /yang rgyal
po

de dag gis sangs rgyas dang dge 'dun la bde bar sbyar ba thams
cad kyis phu dud byed pa bas/ dge slong gis lhung bzed du chud
pa'i bsod snyoms gzhan dag dang bgo bsha' byas te za ba ches
lhag pa dang/ rgyal po de dag gis ri rab tsam gyi gos kyi phung
po phul

ba bas/ dge sbyong gis chos gos gsum mchod rten la sogs pa la
phul ba ches lhag pa dang/  rgyal po de dag re re nas 'dzam bu
gling me tog gis mdzes par byas te phul ba bas/ dge sbyong gis
me tog gcig phul ba ches lhag par gsungs pa'o/ /!byang chub

kyi sems dang ldan pa ni/ srid gsum gtogs pa'i sems can re res
kyang/ /mchod rten ri rab tsam byas mchod pas ni/ /blo ldan kun
mkhyen sems dang rab ldan pas/ /me tog gcig 'dor bsod nams char
mi phod/ /rin po che'i phung po nyid las/ srid pa

gsum du gtogs pa'i sems can thams cad so so nas sangs rgyas kyi
mchod rten ri rab tsam pa byed la/ de dag la'ang bskal pa
ganggA'i bye ma snyed du bsti stang bya ba thams cad kyis bsti
stang byed pa bas/ byang chub sems dpa' gang thams cad mkhyen
pa'i sems dang ma

bral bas me tog gcig tsam 'dor ba'i bsod nams ches mang ngo zhes
gsungs pa'o/ /!shes rab dang ldan pa'i dge ba stobs che ba ni/
shes rab ldan pa sdig pa mi 'chab par/ /myur du spong zhing
gnyen po stobs can la/ /brtson pas nyon mongs stobs chung 'gyur

ba dang/ sdug bsngal sdug bsngal med par shes pas 'phags/ /'das
chen las/ shes rab can ni bdag gi zag pa rnams spang zhing sdig
pa mi bya ste/ bdag da dung ngan song gsum las ma thar bas gnyen
po la nan tan byas na sdug bsngal gcod par 'gyur ro snyam du
brtags

@107b pas/ nyon mongs pa nyams dma' bar gyur nas bde ba 'thob
bo/ /de ltar sdig pa dang bral zhing/ dge ba thob pas lam mngon
du bya ba brtson 'grus brtsams te/ des ni nyon mongs pa dang
sdug bsngal thams cad dang bral bar 'gyur bar mang du bsgom
mo/
/yang shes rab can ni dmyal ba'i

sdug bsngal thos kyang lcags kyis lcags brdung la rdos rdo la
brdeg pa ste/ me'i srin bu me la dga' ba ltar/ dmyal ba la 'jigs
pa ci yod shes pa'o zhes gsungs so/ /!chos la brten pa'i ni/ dam
chos yongs 'dzin chung ngu'ang bdud kyi tshogs/ /dpung bcas tshar
gcod bsod

nams rlabs chen sdud/ /bshes gnyen dam pas rjes 'dzin yon tan
tshogs/ /rmad byung brgya phrag bde blag nyid du 'thob/ /dpal
phreng gi mdo las/ lha mo 'di lta ste skyes bu stobs bo ches
gnad du mi drag bar bsnun yang gnod pa chen por 'gyur ba ltar/
dam pa'i chos yongs su 'dzin

pa chung dus kyang bdud sdig can la gnod pas mya ngan chen po
bskyed do/ /de lta bur bdud la gnod pa'i chos gzhan ni ngas gcig
kyang ma mthong ngo zhes so/ /blo gros rgya mtsho zhus pa las/ de
bzhin gshegs pa'i dam pa'i chos 'dzin pa/ /de lus sum cu rtsa
gnyis mtshan ldan zhing/ /

mkhas pa yan lag smad pa med par 'gyur/ /de la blta bas ngoms
par yang mi 'gyur/ / de bzhin gshegs pa'i dam pa'i chos 'dzin
pa/ /gang dag chos kyi phyag rgya 'di ston pa'i/ /dge ba'i bshes
gnyen de la dkon mi 'gyur/ /chos mdzod zad mi shes pa nyan par
byed/ /de bzhin

gshegs pa'i dam pa'i chos 'dzin pa/ /lus dang ngag dang yid
kyang rnam par dag /tshul khrims ting 'dzin shes rab rnam par dag
/rnam grol ye shes shin tu rnam par dag /de bzhin gshegs pa'i
dam pa'i chos 'dzin pa/ /de ni byang chub sems brjed 'gyur ba
med/ /pha rol phyin pa

spyod dang 'gal mi 'gyur/ /dge ba brgya rnams kyis kyang rab tu
bzung/ /zhes gsungs so/ / gsang ba bsam gyis mi khyab pa las
kyang/ sangs rgyas gcig gi chos tshigs su bcad pa gcig bzung na
dus gsum gyi sangs rgyas thams cad kyi byang chub yongs su
bzung
ba ste/ byang chub ni chos

@108a las nges par byung bas chos kyis mchod pa bya'i/ zang zing
gis ni ma yin no zhes so/ /!dge 'dun la bsten pa spyir brjod pa/
dus gsum sangs rgyas kun gyis dge 'dun ni/ /bsod nams zhing du
bstod bkur bsngags pa ste/ /bum pa bzang po grub ltar de la ni/
/

cung zad mchod kyang 'bras bzang gzhal med 'thob/ /skyes rabs
las/ bde bar gshegs la bkur sti byas pa chung ngu yang/ /'bras
bu 'byor ba chung ngu med ces sngon thos kyi/ /zan dron khengs
pa rtsub pa lan tshwa med pa yi/ /'bras bu 'byor ba chen po 'di
ltar gyur la ltos/ /shing rta sna

tshogs rta dang glang po 'gying ba dang/ /bdag gi dmag tshogs chen
po 'di dang sa chen 'di/ / nor mang dpal yang rjes chags btsun
mo rgya chen ldan/ /zan dron changs shig 'bras bu bzang po 'grub
pa ltos/ /dge slong bzhi zhig bsod snyoms phyir lhags mthong par
'gyur/ /dbang po dul

dge slong dpal gyis rjes 'brang bzhin/ /dad cing byams pa'i yid
kyis de la phyag byas nas/ / zan dron tsam zhig bdag gis khyim
du gus par byin/ /de yi myu gu tsam zhig byung ba 'di yin te/
/rgyal po gzhan gyi gtsug gis nga yi zhabs la gtugs/ /nga yis de
la bsams nas ni/ /

lha mo khyod la smras pa yin/ /'jig rten pa ni sbyin pa'i 'bras
bu thos nas ster/ /de bdag nyams su myong na ci phyir sbyin mi
bya/ /sbyin pa nor gyi snying po len par gsungs/ /sbyin pa dbang
phyug rnams kyi rgyu zhes bya/ /sbyin pa dpal ldan skye bo mchog
gi tshul/ /shes rab chung ngus rdul tsam sbyin mi nus zhes

bshad do/ /des dge 'dun ni sbyin pa'i zhing bzang por sangs
rgyas rnams kyis kyang bsngags pa ste/ sa bon chung ngu btab
kyang 'bras bu chen por 'gyur ba'i phyir ro/ /!de'i rang bzhin
gyi khyad par ni/ tshul khrims rnam dag 'phags pa'i rigs la gnas/
/ngo tsha khrel ldan lnga sde yan chad ni/

dge 'dun rgya mtsho lta bur rab bsngags te/ /sa bon chung yang
'bras bu tshad 'das zhing/ / 'das chen las/ dge slong re re la
sogs pas ni zhing la sogs pa'i gzhi len par ma gnang ste/ tha na
lnga yan chad tshul khrims rnam par dag pa ngo tsha shes shing
khrel yod pa dang ldan pa tshe phyi ma'i las

@108b la 'jigs pas sbyangs pa'i yon tan dang 'phags pa'i rigs la
brtson 'grus dang ldan pa ni rgya mtsho lta bu'i dge 'dun te/
skye bo dpag tu med pa'i bsod nams kyi zhing yin na bcu'i tshogs
nas brgya'i tshogs la sogs pa lta ci smos/ /de dag gaNDI brdung
zhing tshogs pa la bsnyen bkur byed pa

ni bsod nams dpag tu med pa gsog pa'o zhes gsungs pa'o/ /!gnas
skabs kyi khyad par ni/ dge slong nad pa dag dang nad g.yog
dang/ /'gro bar chas dang glo bur 'ongs rnams la/ / bkur sti
byed pa bde gshegs mchod pa dang/ /mi mnyam med pa nyid du
rgyal
bas gsungs/

lung las nad pa ni sman la sogs pa ma 'byor na 'tsho bar mi nus
la/ nad g.yog kyang zas la sogs pa tshol bas nad pa nyam thag
par 'gyur zhing/ /'gro bar chas pa ni lam brgya gas med na lam
du zas 'tshol bas don mthun dang bral nas chom rkun la sogs pas
gnod pa dang

glo bur du 'ongs pa'ang spyod yul ma 'dris pas khyi la sogs pas
'tshe ba dang 'phrad par 'gyur ba'i phyir/ 'di dag la byin pa ni
bsod nams ches che bar gsungs so/ /'di rnams ni gang zag re
re'ang zhing chen po ste dge 'dun ni smos kyang mi dgos pa'o/ /
!theg pa chen

po'i gang zag la brten pa la de la dad pa'i dbang du byas nas/
rgyal sras theg pa mchog la mos pa yang/ /gang zhig dang bas
blta 'am bstod byed na/ /sems can kun la mig sbyin la sogs pa/
/bde ba mtha' yas byin pas char mi phod/ /nges pa dang ma nges
pa la

'jug pa'i phyag rgya las yongs su brtag pa bzung ste gal te
phyogs bcu'i 'jig rten gyi sems can kun gyi mig phyung la/ gang
gis byams pa'i sems kyis de thams cad la mig bskyed pa bas/
gzhan gang gis theg pa chen po la mos pa'i byang chub sems dpa'
la dang ba'i

sems kyis blta na bsod nams ches grangs med pa bskyed do/ /yang
la las phyogs bcu'i sems can btson rar bcug pa thams cad bton te
'khor los bsgyur ba'am tshangs pa'i bde ba la 'god pa bas/ gang
gis theg pa chen po la mos pa la dad pas blta

@109a 'dod cing de'i bsngags pa'ang brjod na de'i bsod nams ches
mang ngo zhes gsungs pa'o/ /!de la bsnyen bkur byed pa'i ni/
'jig rten kun gyi rdul snyed sems can dang// dge bsnyen dge
slong dad dang chos rjes 'brang/ /brgyad pa nas bzung rang rgyal

bder gshegs pa/ /ganggA'i bye snyed bskal par rgyun tu yang/
/lha rdzas rnam mang byin pa gong nas gong/ /khyad par gyur pas
gang gis theg mchog la/ /mos pa tsam gyis blo ldan sman pa
la'ang/ /zan gcig byin pa'i bsod nams char mi phod/ /dad pa'i
stobs

bskyed pa'i phyag rgya las/ gang la las 'jig rten thams cad kyi
rdul snyed kyi sems can la bskal pa ganggA'i bye ma snyed du
nyin re zhing lha'i zas ro brgya ba dang lha'i gos rnams byin pa
bas/ gang gis dge bsnyen ston pa gzhan la mi sten pa dge ba bcu
dang ldan pa dag

la 'di ni sangs rgyas kyi bslab pa la slob pa'o snyam pas nyin
cig zan gcig byin pa bsod nams ches mang ngo/ /de bzhin du dge
slong gcig nas dad pas rjes su 'brang ba dang/ chos kyi rjes su
'brang ba dang/ brgyad pa dang/ rgyun du zhugs pa dang/ lan cig
phyir

'ong ba dang/ phyir mi 'ong ba dang/ rang sangs rgyas de snyed
la gong nas gong du brjod pa dang/ yang bskal pa de snyed du
rang sangs rgyas nyan thos kyi dge 'dun dang bcas pa la de ltar
mchod pa bas/ phyugs kyi shing rta lta bus 'gro ba'i byang chub
sems dpa' bsam pa

phun sum tshogs pa gcig la nyin cig zan gcig byin pa yang bsod
nams ches grangs med pa bskyed pa la sogs par gsungs pa'o/ / !
chos dang ldan pa'i gang zag la brten pa'i ni/ rgyal po chos
ldan la sogs gang dag gis/ /tshul khrims ldan

nam sdig pa spyod kyang rung/ /thub pa'i cha lugs ldan pa dag la
ni/ /phan 'dogs byed dam gnod las srung byed na/ /bde gshegs
mchod pa dpag med zil gnon cing/ /sdig pa kun spyod don chen
mtha' yas 'grub/ /sa'i snying po'i mdo las/ gang

@109b gis 'dzam bu gling rin po che sna bdun gyis bkang ste
sangs rgyas rnams la lo brgya stong du nyin re zhing dus gsum du
phul ba bas/ rgyal rigs dge ba'am blon po dge ba'am bshor ba dge
ba'am dge sbyong dge ba'am bram ze dge ba gang zhig bdag dang
gzhan dang 'jig

rten pha rol dang ston pa'i bstan pa bsrung bar 'dod pa des/
nyan thos snod du gyur ba'am snod du ma gyur pa'ang rung skra
bregs te ngur smrig bgos pa yongs su bsrung zhing mchod pa dang/
theg pa chen po'i gang zag dam pa dag la mchod cing chos kyang
nyan par byed

pas bsod nams ches grangs med pa bskyed do/ /gang zhig lnga
brgya tha ma la de ltar dam pa'i chos kyi tshul bsrung ba de ni
ngan song zad par byed pa dang/ lha'i gnas 'phel bar byed pa
dang/ nyon mongs pa sel ba dang/ byang chub kyi lam la pha rol
tu phyin pa drug

ston pa dang/ 'khor ba na ring du mi gnas pa dang/ sangs rgyas
la sogs pa dge ba'i bshes gnyen dang 'phrad cing rtag tu mi
'bral bar 'gyur ro/ /ji ltar bsams pa'i sangs rgyas kyi zhing du
mi ring bar mngon par 'tshang rgya bar 'gyur ro/ /de nas lha la

sogs pa'i dbang po thams cad 'khor dang bcas pas kyang de ltar
dkon mchog gsum gyi rigs 'bar bar byed pa de dag la rnam pa
bcu'i sgo nas bsrung bar dam bcas te/ tshe 'phel ba dang/ tshe'i
bar chad bzlog pa dang/ nad med pa dang/ 'khor dang bcas

pa dang/ chos kyi phung po dang/ longs spyod dang/ dbang phyug
dang snyan pa dang/ dge ba'i bshes gnyen rnams dang/ shes rab
phun sum tshogs pa 'phel bar bya'o zhes gsungs so/ /'das chen las
kyang/ chos byed pa dag bsrung ba ni sbyin pa mi byed kyang
sangs

rgyas thams cad kyi sbyin bdag go /dam pa'i chos 'dzin pa yin
pas na zhing yongs su dag par skye zhing myur du 'tshang rgya bar
gsungs so/ / !rjes su yi rang ba dang yongs su bsngo ba'i khyad
par las ni/ stong gsum ri rab srang gis gzhal nus kyis/ /rgyal
sras gang

@110a zhig 'gro phan zhugs rnams kyi/ /dge la rjes su yi rang
yongs bsngo ba/ / bla na med pa'i bsod nams gzhal mi nus/ /rgyal
ba'i yum las stong gsum gyi stong chen po 'jig rten gyi khams ni
srang tshad kyis gzhal bar nus kyi/ theg pa la dang por

zhugs pa dang spyad pa spyod pa dang phyir mi ldog pa'i byang
chub sems dpa' rnams kyi dge ba'i rtsa ba de dag la rjes su yi
rang ba'i mod las skyes pa'i bsod nams ni tshad gzung bar mi nus
so zhes so/ /yang stong gsum ganggA'i klung gi bye ma snyed kyi
sems can thams cad

bla na med pa'i byang chub la gnas nas bskal pa ganggA'i klung
gi bye ma snyed du dmigs pa'i 'du shes kyis bsam gtan bzhi la
snyoms par 'jug pa la sogs pa bas ni/ byang chub sems dpa' shes
rab kyi pha rol tu phyin pa dang thabs la mkhas pas zin pa gang

gis/ dus gsum gyi sangs rgyas la sogs pa rnams kyi tshul khrims
kyi phung po la sogs pa thams cad gcig tu bsdus te rjes su yi
rang ba mchog dang dam pa la sogs pas rjes su yi rang nas bla na
med pa'i byang chub tu yongs su bsngo ba'i bsod nams kyi phung
po'i

brgya'i char yang nye bar mi 'gro ba nas rgyu'i bar du yang mi
bzod do zhes gsungs pa'o/ / !yang sdig pa chen po sbyong ba'i
las kyi khyad par spyir bstan pa/ rnam par sun 'byin gnyen po
kun tu spyod/ /nyes pa las ldog rten gyi stobs rnams ni/ /mtshams
med la

sogs sdig pa'i tshogs chen yang/ /zil gyis gnon cing sbyong bar
rgyal bas gsungs/ /chos bzhi bstan pa las byang chub sems dpa'
chos bzhi dang ldan na sdig pa byas shing bsags pa zil gyis gnon
par 'gyur te/ rnam par sun 'byin pa kun tu spyod

pa dang/ gnyen po kun tu spyod pa dang/ nyes pa las ldog pa'i
stobs dang/ rten gyi stobs so/ /rnam par sun 'byin pa kun tu
spyod pa ni mi dge ba'i las spyad pa de la 'gyod pa mang ba yin
no/ / gnyen po kun tu spyod pa ni mi dge ba'i las byas nas kyang
dge ba'i las la shin tu

@110b brtson pa yin no/ /nyes pa las ldog pa'i stobs ni sdom pa
yang dag par blangs pas mi phyed pa'i sdom pa thob pa'o/ /rten
gyi stobs ni sangs rgyas dang chos dang dge 'dun la skyabs su
'gro ba dang; byang chub kyi sems mi gtong ba ste/ de stobs dang
ldan pa la rten pas sdig

pas zil gyis gnon par mi nus so zhes gsungs pa'o/ / !so sor
bshad pa bzhi las sun 'byin pa'i stobs ni/ /dang po 'gyod pas
bdag la rab smad nas/ /dug zos skyug ltar bshags pas sbyang ba
ste/ /nye bar 'khor gyis zhus dang bsngo ba'i rgyal/ /gser

'od dam pa'i cho gas bshags pa'o/ /'di ni 'gyod pas nyes dmigs
su blta ba mang du goms par bya zhing mthol ba dang bshags pa
snying thag pa nas bya bas sbyong ba ste/ mdo gsum las gsungs
pa'i cho gas bshags pa las dang po ni bdag gi sdig pa lci ba

rnams blos bsdus pa la dmigs nas sdig pa dag pa'i rten du mtshan
byin gyis brlabs shing smon lam yongs su bzung ba'i sangs rgyas
sum cu rtsa lnga thog mar byas pa'i sangs rgyas dang byang chub
sems dpa' thams cad mngon sum lta bur bsams nas bshags pa'i cho
ga nye bar 'khor gyis zhus pa las

! de ltung ba bshags pa'i cho ga ni 'di yin te/ bdag ming che ge
mo zhes bgyi ba/ sangs rgyas la skyabs su mchi'o/ /chos la
skyabs su mchi'o/ /dge 'dun la skyabs su mchi'o/ /de bzhin
gshegs pa dgra bcom pa yang dag par rdzogs pa'i sangs rgyas
shAkya thub

pu la phyag 'tshal lo/ /rdo rje snying po rab tu 'joms pa la
phyag 'tshal lo/ /rin chen 'od 'phro la phyag 'tshal lo/ /klu
dbang rgyal po la phyag 'tshal lo/ / dpa' bo'i sde la phyag 'tshal
lo/ /dpal dgyes la phyag 'tshal lo/ /rin chen me la phyag 'tshal
lo/ /rin chen zla 'od

la phyag 'tshal lo/ /mthong ba don yod la phyag 'tshal lo/ /rin
chen zla ba la phyag 'tshal lo/ /dri ma med pa la phyag 'tshal lo/
/dpal byin la phyag 'tshal lo/ /tshangs pa la phyag 'tshal lo/ /
/tshangs pas byin la phyag 'tshal lo/ /chu lha la phyag 'tshal lo/
/chu lha'i lha la phyag 'tshal lo
@111a dpal bzang la phyag 'tshal lo/ /tsan dan dpal la phyag
'tshal lo/ /gzi brjid mtha' yas la phyag 'tshal lo/ /'od dpal la
phyag 'tshal lo/ /mya ngan med pa'i dpal la phyag 'tshal lo/ /sred
med kyi bu la phyag 'tshal lo/ /me tog dpal la phyag

'tshal lo/ /de bzhin gshegs pa tshangs pa'i 'od zer rnam par rol
pas mngon par mkhyen pa la phyag 'tshal lo/ /de bzhin gshegs pa
padma'i 'od zer rnam par rol pas mngon par mkhyen pa la phyag
'tshal lo/ /nor dpal la phyag 'tshal lo/ /dran pa'i dpal la phyag

'tshal lo/ /mtshan dpal shin tu yongs bsgraD la phyag 'tshal lo/
/dbang po'i tog gi rgyal mtshan la phyag 'tshal lo/ /shin tu rnam
par gnon pa'i dpal la phyag 'tshal lo/ /g.yul las shin tu rnam
par rgyal ba la phyag 'tshal lo/ /rnam par gnon pas gshegs

pa la phyag 'tshal lo/ /kun nas snang ba bkod pa'i dpal la phyag
'tshal lo/ /rin chen padmas rnam par gnon pa la phyag 'tshal lo/
/de bzhin gshegs pa dgra bcom pa yang dag par rdzogs pa'i sangs
rgyas rin po che'i padma la bzhugs pa ri dbang gi rgyal po la
phyag

'tshal lo/ /de dag la sogs pa de bzhin gshegs pa dgra bcom pa
yang dag par rdzogs pa'i sangs rgyas ji snyed 'jig rten gyi
khams thams cad na bzhugs te 'tsho zhing gzhes pa'i sangs rgyas
bcom ldan 'das de dag bdag la dgong su gsol/ bdag

gi skye ba 'di dang skye ba gzhan dang thog ma ma mchis pa'i
skye ba nas 'khor bar 'khor ba na/ sdig pa'i las bgyis pa dang/
bgyid du stsal ba dang/ bgyid pa la rjes su yi rang ba dang/
mchod rten gyi dang dge 'dun gyi dang phyogs bzhi'i dge 'dun gyi
dkor

'phrog pa dang/ 'phrog tu stsal ba dang 'phrog pa la rjes su yi
rang bar 'gyur ba dang/ mtshams ma mchis pa'i las bgyis pa dang/
bgyid du stsal ba dang/ bgyid pa la rjes su yi rang ba dang/ mi
dge ba bcu'i las kyi lam bzung ste spyad pa dang spyod du stsal

@111b pa rjes su yi rang bar 'gyur ba dang/ las kyi sgrib pa
gang gis bsgribs te sems can dmyal bar 'chi ba'am/ dud 'gro'i
skye gnas dang gshin rje'i 'jig rten du 'chi ba dang/ yul mtha'
'khob kyi kla klo rnams su skye bar 'gyur ba'am/ lha tshe ring
bor skye ba'am/ dbang po ma

tshang par 'gyur ba'am/ log par lta ba yong su 'dzin pa'am/ sangs
rgyas 'byung ba mnyes pa mi bgyid pa'i las kyi sgrib pa de dag
thams cad ye shes su gyur pa/ spyan du gyur pa/ dpang du gyur
pa/ tshad mar gyur pa'i sangs rgyas bcom ldan 'das mkhyen cing

gzigs pa de dag gi spyan sngar so sor bshags so/ /mthol lo/ /mi
'chab bo/ slan chad kyang bsdom pa bgyi'o/ /sangs rgyas bcom
ldan 'das de dag bdag la dgong su gsol/ bdag gis skye ba 'di
dang skye ba gzhan dang thog ma ma mchis pa'i skye ba nas 'khor

bar 'khor ba'i tshe/ tha na dud 'gro'i skye gnas su gyur pa la
zan cangs gcig tsam sbyin pa stsal ba dang/ tshul khrims bsrungs
par gyur pa dang/ bdag tshangs par spyad pa la gnas pa'i dge ba'i
rtsa ba dang/ gang bdag gis sems can yongs su smin par bgyis
pa'i dge

ba'i rtsa ba dang/ gang bdag gis byang chub kyi sems kyi dge
ba'i rtsa ba dang/ gang bdag gis bla na med pa'i ye shes kyi dge
ba'i rtsa ba de thams cad gcig tu bsdus gcig tu spungs/ gcal te
mngon par bsdus nas/ bla ma'i yang bla ma bla na med pa yang dag
par

rdzogs pa'i byang chub tu yongs su bsngo bas yongs su bsngo'o/
/ji ltar 'das pa'i sangs rgyas bcom ldan 'das rnams kyis bsngos
pa dang/ ji ltar ma byon pa'i sangs rgyas bcom ldan 'das rnams
kyi yongs su bsngo bar 'gyur ba dang/ ji ltar da ltar byung ba'i
sangs rgyas

bcom ldan 'das rnams yongs su bsngo ba de bzhin du bdag gis
kyang yongs su bsngo'o/ /sdig pa thams cad so sor bshags so/
/bsod nams thams cad la rjes su yi rang ngo/ /sangs rgyas thams
cad la gsol ba 'debs so/ /bdag bla na med pa'i ye shes su gyur
cig /

@112a mi mchog rgyal ba gang dag da ltar bzhugs pa dang/ /gang
dag 'das pa dag dang de bzhin gang ma byon/ /yon tan bsngags pa
mtha' yas rgya mtsho 'dra kun la/ /thal mo sbyar ba bgyis te
skyabs su nye bar mchi/ /byang chub sems dpa' gang dag snying

rje'i stobs ldan zhing/ /dpa' bo sems can rnams la phan phyir
spyod byed pa/ /de dag rnams kyis skyabs med sdig byed bdag la
skyobs/ /byang chub sems dpa' de dag rnams la skyabs su mchi
zhes gsung so/ /yongs su bsngo ba'i rgyal po las gsungs

pa'i chogs kyang bshags par bya ste/ phyogs bcu'i 'jig rten gyi
khams su 'dus pa sangs rgyas dang byang chub sems dpa' thams
cad
bdag la dgongs su gsol/ /gang bdag mi shes pa'i rab rib kyis
khebs te/ mun par gyur nas tshe 'di 'am skye ba gzhan

nam skye ba thog ma dang tha ma ma mchis pa'i 'khor ba na 'khor
ba'i bar du/ sangs rgyas dang chos dang dge 'dun nam pha ma dang
bla ma dang yon gnas sam mkhan po dang slob dpon dang tshangs
pa
mtshungs par spyod pa rnams la/ lus dang ngag dang yid kyis

nyes par spyad pa bgyis pa dang bgyid du stsal ba dang rjes su
yi rang bar gyur pa dang/ sangs rgyas sam chos sam dge 'dun gyi
'am/ phyogs bzhi'i dge 'dun gyi 'du ba'i sgo chen po 'phrog pa
dang/ 'phrog tu stsal ba dang rje su yi rang bar 'gyur ba dang/
so sor

thar pa'i sdom pa dang byang chub sems dpa'i sdom pa las ltung
ba chung ngu dang 'bring dang chen po byung ba rnams mthol lo
bshags so/ /rnam par gzhig go/ rab tu gzhom mo smad do/ /byis pa
blun pa log par lta bar zhugs pa/ 'khor bar bying ba'i nongs pa
nongs

par gzung du gsol/ /gang bdag gi tshe 'di 'am skye ba gzhan du
skye ba brgya 'am khri'am stong ngam skye ba thog ma dang tha
ma
ma mchis pa'i 'khor ba na 'khor ba'i tshe/ sangs rgyas 'byung ba
ma rungs par bgyis pa 'am/ dam pa'i chos spangs pa'am/ mtshams

@112b med pa lnga bgyis pa dang/ bgyid du stsal ba dang rje su
yi rang ba dang/ chos chos ma lags par bstan pa dang/ chos ma
lags pa chos su bstan pa dang/ byang chub kyi sems btang ba
dang/ dge ba'i bshes gnyen ma rungs par bgyis pa dang/ dud
'gro'i bar gyi sems can gcig

tsam la yang 'gal ba bgyis pa dang bgyid du stsal ba dang rje su
yi rang ba dang/ sgrib pa gang gis bsgribs nas sa'i rgyu mi
'byung ba dang/ ting nge 'dzin gyi rgyu dang gzungs kyi rgyu
dang/ mngon par shes pa'i rgyu dang so so yang dag par rig pa'i
rgyu dang rdzu 'phrul gyi rkang pa'i rgyu dang

dbang gi rgyu dang/ pha rol tu phyin pa'i rgyu nas/ de las gzhan
byang chub kyi phyogs kyi chos dang snang ba'i bar gyi rgyu mi
'byung ba'i las kyi sgrib pa dang/ rnam par smin pa'i sgrib pa
dang/ shes bya'i sgrib pa dang nyon mongs pa'i sgrib pa de thams
cad/ phyogs bcu'i 'jig rten gyi khams su

'dus pa sa chen por tshud pa ye shes chen po brnyes pa/ thugs rje
dang ldan pa byams pa dang ldan pa phan par bzhed pa thugs
brtse
ba can sangs rgyas thams cad dang/ byang chub sems dpa' skye ba
med pa dang/ 'gag pa med pa'i chos dang ldan pa/ 'das pa dang ma
'ongs pa

dang da ltar byung ba de rnams kyi sbyan sngar mthol lo bshags
so rnam par gzhig go rab tu gzhom mo smad do/ /byis pa blun pa
log par lta bar zhugs pa 'khor bar bying ba'i nongs pa nongs par
gzung du gsol/ /zhes so/ /gser 'od dam pa las gsungs pa'i tshogs
kyang

bshags par bya ste/ sangs rgyas rkang gnyis dam pa dag /thugs
brtse thugs rje ldan pa'i thugs/ /gang dag phyogs bcu'i 'jig
rten na/ /bzhugs pa bdag la dgongs su gsol/ /bdag gis sngon chad
sdig pa'i las/ /shin tu mi bzad bgyis pa de/ /stobs bcu'i spyan
sngar

mchis nas ni/ /de dag thams cad bshags par bgyi/ /pha ma dag tu
mi 'dzin dang/ /sangs rgyas rnam su mi 'dzin dang/ /dge ba dag
tu mi 'dzin pas/ /sdig pa bdag gis gang bgyis dang/ /phyug pa'i
rgyags pas dregs pa dang/ /rigs dang longs spyod rgyags pa dang/
/gzhon

@13a pa'i rgyags pas dregs pa yis/ /bdag gis sdig pa gang bgyis
dang/ / nyes pa'i dmig su ma mthong pas/ /nyes par bgyis pa'i
las dang ni/ /nyes bar bsams shing nyes smras pa'i/ /sdig pa
bdag gis gang bgyis dang/ /byis pa'i blo yis 'jug pa dang/ /

mi shes mun pa'i sems dang ni/ /sdig pa'i grogs po'i dbang gyur
dang/ /nyon mongs rnam par 'khrug sems dang/ /rtsed mo dga' ba'i
dbang nyid dang/ /mya ngan dang ni nad dbang dang/ / nor gyis mi
chog nyes pa yis/ /bdag gis sdig pa gang bgyis dang/ /'phags min
skye bo

'dre ba dang/ /phrag dog ser sna'i sgyu dang ni/ /g.yo dang
dbul ba'i nyes ba yis/ /bdag gis sdig pa gang bgyis dang/
/phongs dang rgud pa'i dus kyi tshe/ /'dod pa rnams kyi 'jig rgyu
dang/ / phyugs po ma yin gyur pa yis/ /bdag gis sdig pa gang
bgyis dang/ /g.yeng ba'i sems

kyi dbang nyid dang/ /'dod dang khro ba'i dbang dag dang/ /bkres
dang skom pas nyen pa yis/ / bdag gis sdig pa gang bgyis dang/
/bza' ba dag dang btung ba dang/ /bud med sgyu dang gos kyi
phyir/ /nyon mongs gdung ba sna tshogs kyis/ /bdag gis sdig pa
gang bgyis dang/ /

lus dang ngag dang yid kyi sdig/ nyes byas rnam pa gsum bsags
ni/ /'di 'dra'i tshul gyis gang bgyis pa/ /de dag thams cad bdag
'chagso/ /sangs rgyas rnams dang chos rnams dang// de bzhin nyan
thos rnams la yang/ /gus pa ma lags gang byis pa/ /de dag

thams cad bdag 'chagso/ /gang yang rang sangs rgyas rnams
dang/
/byang chub sems dpa' rnams la yang/ /gus pa ma lags bgyis pa
rnams/ /de dag thams cad bdag 'chagso/ /dam chos smra ba rnams
la yang/ /gus pa ma lags bgyis pa dang/ /chos

la'ang gus pa ma bgyis pa/ /de dag thams cad bdag 'chagso/ /bdag
gis rtag tu mi shes pas/ /dam pa'i chos ni spangs pa dang/ /pha
ma rnams la ma gus dang/ /de dag thams cad bdag 'chagso/ /blun
pa dang ni byis pa dang/ /'dod chags zhe sdang gti

@113b mug dang/ nga rgyal dregs pas bsgribs bgyis pa/ /de dag
thams cad bdag 'chagso/ /dgongs pa'i thugs kyis sangs rgyas
rnams/ /bdag la rnam par gzigs su gsol/ / thugs brtser ldan pa'i
thugs kyis ni/ /nongs par rab tu bzung du gsol/ /bdag gis bskal
pa

brgya rnam su/ /sngon chad sdig pa gang bgyis pas/ /de phyir
bdag ni mya ngan sems/ /phongs dang mya ngan 'jigs pas gzir/
/sdig pa'i las la 'jigs par bgyid/ /yid ni rtag tu dman par
gyur/ /gang dang gang du spyod bgyis pa/ /bdag ni gang du 'ang
dga' ma

mchis/ /sangs rgyas thams cad thugs rje ldan/ /'gro ba kun gyi
'jigs sel bas/ / nongs par rab tu bzung du gsol/ /bdag gis nyon
mongs las rnams kyi/ /dri ma de bzhin gshegs pas sol/ /sangs
rgyas rnams kyis bdag la ni/ /snying rje'i chu yis bkru bar

gsol/ /sdig pa thams cad bshags par bgyi/ /sngon chad bdag gis
gang bgyis dang/ / da ltar bdag gi sdig pa gang/ /de dag thams
cad bdag 'chagso/ /nongs par bgyis pa'i las rnams kun/ /slan
chad mi bgyid bsdam par bgyi/ /bdag gis nongs par bgyid

pa gang/ /sdig de bcab par mi bgyi'o/ /lus kyi las ni rnam gsum
dang/ /ngag gi rnam pa bzhi dag dang/ /yid kyi las ni rnam gsum
bo/ /de dag thams cad bdag 'chags so/ /lus kyis bgyis dang ngag
gi las/ /yid kyis rnam par bsams pa dang/ /las rnams

bcu po bgyis pa rnams/ /de dag thams cad bdag 'chagso/ /bdag gi
sdig pa'i las gang dag/ mi 'dod 'bras bu thob bgyis pa/ /sangs
rgyas spyan sngar mchis nas ni/ /de dag thams cad bshags par
bgyi/ /gser 'od dam pa zhes bgyi ba/ /las rnams thams cad

byad bgyid pa/ /gang gis bskal pa stong rnams su/ /sdig pa shin
tu mi bzad bgyis/ / lan cig rab tu bshags pa yis/ /de dag thams
cad byang bar 'gyur/ /zhes gsungs pa'o/ /! gnyen po'i stobs ni/
gnyis pa theg mchog mdo zab la sbyor dang/ /chos kun

@114a stong pa nyid la 'jug pa dang/ /gsang sngags mthu chen
bzlas brjod byed pa dang/ /bde gshegs sku gzugs byed dang mchod
sogs so/ /mdo sde zab mo la brten pa ni rdo rje gcod pa las/
gang dag 'di lta bu'i mdo sde'i tshig 'di dag len pa dang

'dzin pa dang/ klog pa dang kun chub par byed pa de dag ni mnar
bar 'gyur/ shin tu mnar bar 'gyur ro/ /ci'i phyir zhe na/ sems
can de dag gi mi dge ba'i las ngan song du skye bar 'gyur ba
gang yin pa de dag tshe 'di la mnar bas byang bar 'gyur te/ sangs
rgyas kyi byang

chub kyang 'thob par 'gyur ro zheso/ /stong pa nyid la mos pa ni
de bzhin gshegs pa'i mdzod las gang gis pha'ang yin la/ rang
sangs rgyas kyang yin pa gsod pa dang/ dkon mchog gsum gyi dkor
brku ba dang/ ma'ang yin la dgra bcom pa'ang yin pa la log

par spyod pa dang/ sangs rgyas la skur ba 'debs pa dang/ 'phags
pa'i dge 'dun la mi snyan pa brjod pa dang/ 'phags pa rnams la
gnod pa'i tshigs dang/ chos 'dod pa rnams g.yeng bar byed pa
dang/ yang dag par song ba dag gi rnyed pa 'phrog pa'i sems
dang/ mtshams

med pa byed par gshom pa dang/ lta bas gzing pa dang bcu ni srog
gcod pa la sogs pa'i nang na ma rungs pa ste/ mi dge ba bcu'i
las kyi lam 'di dag ni kha na ma tho ba chen po dang bcas pa'o/
/ gal te sems can gcig cig 'di rnams kun dang ldan par gyur la/
de'ang de bzhin

gshegs pas rgyu dang rkyen du ldan pa'i chos bstan pa la 'jug
ste/ 'di la bdag gam sems can nam/ srog gam gang zag gam/ gang
byed pa'am/ gang myong ba ni 'ga' yang med do snyam nas chos
thams cad kyi byas pa med pa dang mngon par 'du bya ba med pa
dang sgyu

ma lta bu dang/ kun nas nyon mongs pa med pa dang rang bzhin
gyis 'od gsal ba'i chos nyid la 'jug cing chos thams cad gzod ma
nas dag par yid ches te mos na/ sems can de ngan song du 'gro
bar nga mi smra'o/ / zhes gsungs so/ / las kyi sgrib pa rnam par
dag

@114b pa las kyang/ byang chub sems dpa' ltung ba la ltung ba ma
yin par mthong ba dang/ 'dul ba ma yin pa la 'dul bar mthong ba
dang/ kun nas nyon mongs pa la rnam par byang bar mthong ba
dang/ 'khor ba'i khams la mya ngan las 'das pa'i dbyingsu mthong
ba des las kyi sgrib pa

rnam par dag pa 'thob bo zhes gsungso/ /rmi lam bstan pa las
kyang/ ma skyes dgra yis pha ni bsad gyur cing/ /de bzhin gshegs
pa bkrongs pa'i sbyor byas kyang/ /de sems gcig gis ngan 'gro
rnam grol na/ /gang zag dam pa gang yin smos ci dgos/ /sems kyis

'ching bar byed cing grol byed pas/ /lus sems 'di la nges pa ci
yang med/ /lus kyi 'du 'dzi mthong nas gshe ma byed/ /pha rol
dag la ma smra lus sbyongs shig ceso/ /gsang sngags bzlas pa bya
ba ni dam tshig gsum gyi rgyal po las mig btsums la sangs rgyas

dang byang chub sems dpa' la dmigs pa'i sems kyis yi ge brgya pa
lan stong phrag brgyad bzlas brjod byas na/ mig btsums bzhin du
sangs rgyas dang byang chub sems dpa' mthong bar 'gyur/ sdig pa
thams cad dang bral bar 'gyur ro/ /yang na mchod rten la skor ba

byed cing stong phrag brgyad bzlas pa bya'o/ /sku gzugs dang dam
pa'i chos kyi glegs bam gang yang rung ba zhig mdun du byas nas
kyang cho ga ni 'di nyid do zhes so/ /skul byed kyi gzugs las
kyang ji srid du sdig pa byang ba'i mtshan ma byung ba de srid du
bzlas pa bya ste/ rmi lam na zas

ngan ya skyug pa dang/ zho dang 'o ma la sogs ba 'thung ba dang
skyugs pa dang nyi ma dang zla ba mthong ba dang/ namkha' la
'gro ba dang/ me 'bar ba dang/ ma he dang mi nag po thub pa
dang/ dge slong dang dge slong ma'i dge 'dun mthong ba dang/ 'o
ma 'byung ba'i shing dang glang po dang khyu

mchog dang ri dang sengge'i khri dang khang bzang gi steng du
'dzeg pa dang/ chos nyan pa rmis na sdig pa dang bral bar 'gyur
te/ sdig pa byang bar sheso/ /zhes gsungso/ /dpung bzang gis
zhus pa las kyang/ so gnags mes mched pa'i me lce yis/ /ma
sgrims bzhin du tshang

@115a tshing kun bsreg ltar/ /bzlas brjod me la tshul khrims rlung
gis sbar/ / brtson 'grus chen po'i me lces sdig pa bsreg/ ji
ltar gangs la nyi ma'i 'od zer gyis/ /gdungs na gzi brjid mi
bzod 'ju ba bzhin/ /tshul khrims nyi ma'i 'od zer bzlas

brjod kyis/ /gdungs na sdig pa'i gangs kyang zad par 'gyur/ /mun
nag smag la mar me phyung ba yis/ /mun nag ma lus sel bar byed
pa bzhin/ /tshe rabs stong nas bsags pa'i sdig pa'i mun/ /bzlas
brjod mar mes myur du sel bar byed/ /ces gsung so/ /

sku gzugs byed pa ni de bzhin gshegs pa'i gzungs kyi le'u las
dper na mi zhig ngan skyugs kyis reg pa las legs par bkrus te/
spos byugs na de'i dri nga ba dang bral bar 'gyur ro/ / de bzhin
du nge bzhin bshegs pal dad pa rnyed nas sku gzugs

byed na mi dge ba bcu dang mtshams med pa lnga'i sdig pa yang
byang ste me mngon par 'gyur ro/ / bye brag tu ni byang chub kyi
sems dang ldan pa dang khyim gyis gnas nas byung ba tshul khrims
dang ldan pa'i sdig pa byang bar 'gyur ro zheso/ /sangs rgyas la

mchod pa byed pa ni me tog brtsegs pa'i gzungs las/ gang gis
sangs rgyas la lo brgya stong du bde ba'i yo byad thams cad kyis
bsnyen bkur byas pa dang/ yang byang chub kyi sems dang ldan pa
gang gis sangs rgyas mchod pa'i phyir de yongs su mya

ngan las 'das pa'i mchod rten la me tog 'ga' 'bul lam/ chu snyim
pa gang tsam 'thor ram/ byug ba'i thig le 'dri 'am me tog nyal
nyil 'chag gam/ byug spos dang mar me la sogs pa phul nas dga'
ba'i sems kyis gom pa'i gar

stabs 'ga' bor te sangs rgyas de la phyag 'tshal lo/ /zhes brjod
pa de dag ni bskal pa brgya phrag stong du yang ngan 'gror 'gro
ba'i gnas med do zheso/ /sman gyi bla bai DUrya'i 'od kyi mdo
las/ gang dag bslab pa'i gzhi 'ga' zhig bzung ba de las nyams te
ngan song

@115b gis 'jigs pa de dag sangs rgyas sman gyi bla bai DUrya'i
'od de la mchod pa sna tshogs byed na ngan song gsum gyi sdug
bsngal med par shes par bya'o zhes so/ /sangs rgyas dang byang
chub sems dpa'i mtshan 'dzin pa ni yang mdo sde las/ sangs rgyas
de'i mtshan su'i

rna lam du grags pa de ngan song du 'gro ba ni gnas med de go
skabs ma yin no/ /kun dga' bo sangs rgyas kyi spyod yul ni yid
ches bar dka'o/ /khyod dad cing yid ches pa ni sangs rgyas kyi
mthu'o/ /byang chub sems dpa' skye ba gcig gis thogs pa rnams ma
gtogs

par 'di ni nyan thos dang rang sangs rgyas thams cad kyis ma yin
no/ /gang dag bsnyen gnas la gnas te lo gcig gam zla ba gsum du
bslab pa'i gzhi 'dzin cing/ bdag gi dge ba'i rtsa ba 'dis nub
phyogs kyi sangs rgyas tshe dpag med kyi zhing bde ba

can du skya bar shog cig ces smon lam btab pa des sangs rgyas
'di'i mtshan thos na de 'chi ba'i tshe byang chub sems dpa' brgyad
rdzu 'phrul gyis lhags nas lam bstan te/ der pad ma las brdzus
te skye'o zheso/ /'jam dpal gyi sangs rgyas kyi zhing gi yon

tan bkod pa las kyang/ yi shes bla ma 'od kyi tog/ de bzhin smon
lam blo gros dang/ / dbang po zhi dang 'jam dbyangs la/ /bdag ni
gus par phyag 'tshal lo/ /su zhig byang chub sems dpa' 'di dag gi
ming 'dzin pa de ni ngan song du mi 'gro'o/ /bud med du mi 'gyur
ro

zheso/ /nyes pa las ldog pa'i stobs ni/ gsum pa nyes spyod ma
lus sdom ba yis/ /sngar spyod rnams kyang zad byed stobs brten
pa'o/ /phyin chad sdom pa dam du 'dzin pas stobs/ gsum po dag
kyang brten par byed pa ste/ 'di med na ni bshags pa'ang tshig
tsam

snying por zad pa'i phyir/ /sa'i snying po'i mdo las srog gcod
pa spong ba ni sems can thams cad la mi 'jigs pa sbyin pa ste/
/dge ba'i las des sngon gyi mtha' nas 'khor ba'i chu bos khyer
te srog gcod pa'i las kyi sgrib pa dang nyon mongs pa'i sgrib pa
dang chos kyi
@116a sgrib pa byas pa dang byed du bcug pa dang rjes su yi rang
ba thams cad 'joms te ma lus par zad par byed do/ /de la rigs
mthun pa'i lha dang mi rnams dga' bar 'gyur ro/ /nad med cing
tshe ring bar 'gyur ro zhes bya ba la sogs pa gsungs so/ / !

rten gyi stobs ni/ bzhi pa skyabs 'gro sems bskyed brtan pa yi/
/rten las brdzi ba med pa'i gnas thob yin/ /rten gnyis la brten
pa ni chos nyid kyis sdig pas mi brdzi ba'i gnas la gnas pa'i
phyir ro/ /phag gi rtogs pa brjod pa las/ gang dag sangs rgyas
skyabs dong

pa; ;de dag ngan 'gror 'gro mi 'gyur/ /mi yi lus ni spangs nas
su/ /de dag lha yi lus 'thob bo/ /chos dang dge 'dun la'ang de
kho na ltar bton to/ /sdong po bkod pa las/ byang chub kyi sems
ni nyes par byas pa thams cad bsreg pas bskal pa'i me lta bu'o/
/mi dge

ba'i chos thams cad zad par byed pas sa'i 'og lta bu'o/ /yang
dper na dngul chu'i rigs gser du snang ba srang gcig gis lcags
srang stong gser du bsgyur ro/ /dngul chu srang gcig po de ni
lcags de tsam gyis kyang lcags su bya ba'am zad par mi nus so/
/de bzhin du byang chub kyi sems

kyi dngul chu'i khams dge ba'i rtsa ba bsngo ba dang ye shes
kyis bzung ba gcig gis las dang nyon mongs pa'i lcags thams cad
zad par byas te chos thams cad thams cad mkhyen pa'i kha dog du
byed kyang sems bskyed pa gcig po de ni de dag gis nyon mongs
can du bya

ba'am zad par mi nus so/ /dper na mar me gcig khang pa ci lta
bur bcug kyang rung/ de ma thag tu lo stong bsags pa'i mun pa
sel cing snang bar byed do/ /byang chub kyi sems kyi mar me gcig
gis kyang sems can gyi bsam pa'i 'thibs po ma rig pa'i mun nag
dang ldan

par zhugs ma thag tu bskal pa brjod du med par bsags pa'i las
dang nyon mongs pa'i mun pa thams cad sel zhing ye shes kyi
snang ba bskyed do/ /dper na yid bzhin gyi nor bu rin po che'i
rgyal po cod paN thog pa'i klu'i rgyal po la gzhan gyi gnod pa'i
'jigs pa med

@116b do; ;byang chub kyi sems dang snying rje chen po rin po
che'i cod paN thogs pa la yang ngan song dang ngan 'gros gnod
pa'i 'jigs pa med do zhes so/ /nye bar 'khor gyi zhus pa las
kyang/ byang chub kyi sems kyi stobs kyis byang chub sems dpa'
rnams kyi ltung ba ni nyin mtshan gyi sum cha

sum cha'i nang du gnyen pos zin na byang chub kyi sems dang mi
'bral bar gsungs so/ / !bsod nams chen po 'dzin cing sdig pa
chen po sbyong ba gnyi ga bsgrub pa ni phung po gsum pa'i bya ba
la 'jug pa ste/ gzhan yang dge ba rgya chen spel ba ste/ /sdig
pa ma lus yongs su sbyang ba

yis; ;don chen bsgrub phyir phung po gsum pa yis/ /bya bas yan
lag bdun sogs rab rdzogs bya/ /de la phung po gsum ni sdig pa
bshags pa dang/ bsod nams la rjes su yi rang ba dang / sangs
rgyas la gsol ba ste bsod nams kyi phung po yin pa'i phyir ro/
/drag shul can gyis

zhus ba las/ nyin lan gsum mtshan lan gsum gtsang ba dang gos
gtsang ma bgos te phung po gsum pa bklag par bya'o zhes so/
/phung po gsum pa nyid las kyang sdig pa bshags pa kha na ma tho
ba med pa la sogs pa gsum rgya cher gsungs pa'o/ /de dag kyang
bzang po spyod pa la

sogs pa las yan lag bdun du gsungs pa nyid de/ phyag dang mchod
pa ni sdig pa bshags pa'i sngon du bya ba nyid do/ /bskul ba
dang gsol ba ni rjes su mthun pa nyid do/ /bsngo ba ni de rnams
kyi 'bras bu mchog tu bsgyur ba'i yan lag go /des na 'di gsum ni
gtso bo las rnam par

bzhag par zad do/ /yang 'di rnams nyid la sdig pa bshags pa dang
rjes su yi rang ba dang/ gsol ba gdab pa dang/ rdzogs pa'i byang
chub tu bsngo ba bzhi las sangs rgyas myur du 'thob pa'i thabs
la mkhas pa yang gsungs te/ mdor na rang dang gzhan gyi 'dod
pa'i don thams cad 'grub

cing/ gnod pa dang sdug bsngal thams cad sel ba'i rgyu'i dam pa
ni 'di dag la rtag tu byed pa dang gus par byed pa'i sbyor bas
mang du byed pa nyid do/ /des na chos kyi sgo 'di las las gzhan
med pa lta bur byed pas kyang don thams cad 'grub par yid ches
par bya'o/ /las kyi sgrib pa rgyun

@117a gcod pa las gsungs pa ni rigs kyi bu'am rigs kyi bu mo
nyan thos dang rang sangs rgyas kyi theg pa'am theg pa chen po
la zhugs pa'am gzhan yang rung/ bla na med pa yang dag par
rdzogs pa'i byang chub 'thob par 'dod pas nyin lan gsum

mtshan lan gsum du bla gos phrag pa gcig tu gzar te pus mo g.yas
pa'i lha nga sa la btsugs shing thal mo sbyar nas/ 'di skad du
skye bo mang po phan pa dang skye bo mang po la  bde ba dang/
'jig rten la thugs brtse ba dang/ skye bo phal po che dang lha
dang mi rnams kyi don dang sman pa

dang bde ba'i slad du/ sangs rgyas bcom ldan 'das gang dag da
lta na phyogs bcu'i 'jig rten gyi khams su bla na med pa yang
dag par rdzogs pa'i byang chub tu mngon par rdzogs par sangs
rgyas nas/ chos kyi 'khor lo bskor ba/ chos kyi 'khor lo ston
pa/ chos kyi tshul rab

tu 'dzin pa/ chos kyi sbyin pa mdzad pa/ chos kyi sgron ma 'bar
bar mdzad pa/ chos kyi char 'beb pa/ chos kyi rnga brdung ba/
chos kyi rnga bo che rab tu brdung ba/ chos kyi dung rab tu 'bud
pa/ chos kyi srog shing bsgreng ba/ sems can thams cad chos kyi
sbyin pas tshim par mdzad pa/

nyam bag tu spyod du 'dzud par mdzad pa'i sangs rgyas bcom ldan
'das de dag la phyag 'tshal lo/ /sangs rgyas bcom ldan 'das mchod
pa'i gnas/ phyag bgyi ba'i gnas/ ri mo bgyi ba'i gnas/ mkhyen
par gyur pa/ spyan du gyur pa/ dpang du gyur pa tshad mar gyur
pa/

mkhyen pa dang ldan pa gzigs pa dang ldan pa de dag la bdag mgo
dang ngag dang yid kyis phyag 'tshal lo/ /thog ma dang tha ma ma
mchis pa'i 'khor ba na 'khor ba'i tshe bdag 'dod chags kyis gzir
ba dang zhe sdang gis gzir ba dang/ gti mug gis gzir ba'i lus
dang

ngag dang yid kyi las kyi sgrib pa gang lags pa/ sangs rgyas su
ma 'tshal ba dang/ chos su ma 'tshal ba dang/ dge 'dun du ma 'tshal
ba dang/ sangs rgyas la ngan sems kyis khrag phyung ba dang/
dam
pa'i chos spangs pa dang/ dge 'dun gyi dbyen bgyis pa dang/ pha
ma bsad pa

@117b dang/ lus kyi las gsum dang ngag gi las bzhi dang yid kyi
las rnam pa gsum ste mi dge ba bcu'i las kyi lam bgyis pa dang
bgyid du stsal ba dang/ bgyid pa la rjes su yi rang ba dang/
sems can kha cig la ngag rtsub po smras pa dang/ skur pa btab pa
dang/ srang la g.yo bgyis ba dang gzhal ba la g.yo

bgyis pa dang/ 'gro ba drug tu 'khor bar 'khor ba na pha dang ma
mi dga' bar bgyis pa dang/ gang zag 'ga'i 'am mchod rten gyi 'am
dge 'dun gyi'am phyogs bzhi'i dge 'dun gyi nor brkus pa'am/ ji
ltar bslab pa'i gzhi bcas pa rnams kyi 'dul ba dang 'gal bar
bgyis

pa'am/ mkhan po dang slob dpon gyi bsgo ba ma mnyan pa dang/
nyan thos kyi theg pa'am rang sangs rgyas kyi theg pa 'am/ theg
pa chen po la yang dag par zhugs pa'am/ de las gzhan pa'i sems
can la mi snyan pa bgyis pa'am/ spyos pa'am brdegs pa'am/ de dag
la tha

ba dang zhe sdang bskyed pa'am/ phrag dog dang ser sna'i sems
kyis sangs rgyas bcom ldan 'das rnams la tshig rtsub mos smras
pa'am/ chos la chos ma lags pa dang/ chos ma lags pa la chos
zhes bgyis ba de dag thams cad sangs rgyas bcom ldan 'das
mkhyen
par

gyur pa/ spyan du gyur pa dpang du gyur pa/ tshad mar gyur pa
mkhyen pa dang ldan pa gzigs pa dang ldan pa de dag gi spyan
sngar/ so sor 'chags so/ /mthol lo/ mi 'chab bo/ slan chad kyang
mi bgyid do/ /bdag las kyi sgrib pa gang gis bsgribs nas sems
can dmyal ba dang/

dud 'gro dang yi dwags dang/ lha ma yin gyi tshogs kyi nang du
'chi bar 'gyur ba dang/ sangs rgyas dang chos dang dge 'dun
mnyes pa bgyid par mi 'gyur ba dang/ mi khom pa rnams su skye
bar 'gyur ba'i las de lus 'di nyid la smin te gzhan du myong bar
mi 'gyur bar

shog cig /de'ang sangs rgyas bcom ldan 'das mkhyen par gyur pa/
spyan du gyur pa/ dpang du gyur pa/ tshad mar gyur pa/ mkhyen pa
dang ldan pa gzigs pa dang ldan pa de dag gi spyan sngar so sor
'chags so mthol lo mi 'chab bo slan chad mi bgyid do/ /ji ltar
sngon gyi

@118a byang chub sems dpa' chen po de dag sngon byang chub kyi
phyir spyod pa na/ las kyi sgrib pa rnams so sor bshags pa dang
ma bcabs pa bzhin du/ bdag kyang las kyi sgrib pa rnams so sor
'chags so/ /mi 'chab bo slan chad kyang mi bgyid do/ /ji ltar ma
'ongs pa'i

byang chub sems dpa' chen po rnams byang chub kyi phyir spyod ba
na las kyi sgrib pa rnams so sor 'chags par 'gyur/ mi 'chab par
'gyur ba de bzhin du bdag kyang las kyi sgrib pa rnams so sor
'chags so mthol lo mi 'chab po slan chad mi bgyid do/ /ji ltar
da ltar byung

ba'i byang chub sems dpa' chen po rnams byang chub kyi phyir
spyod pa na las kyi sgrib pa rnams 'chags pa dang mi 'chab pa
bzhin du/ bdag kyang las kyi sgrib pa rnams so sor 'chags so/ /
mthol lo mi 'chab bo slan chad mi bgyid do/ /ji ltar 'das pa
dang ma 'ongs pa dang da

ltar byung ba'i byang chub sems dpa' chen po rnams byang chub
kyi phyir spyod pa na las kyi sgrib pa rnams so sor 'chags pa
dang 'chags par 'gyur ba dang/ ma bcabs pa dang mi 'chab par
'gyur pa dang mi 'chab pa bzhin du/ bdag kyang las kyi sgrib pa
rnams so sor

'chags so mthol lo mi 'chab bo slan chad mi bgyid do/ /gang dag
'jig rten dang 'jig rten las 'das pa'i 'bras bu gang 'dod pas de
bzhin du so sor bshags par bya'o/ /mi bcabs par bya'o/ /phyin
chad mi bya'o/ /de ci'i phyir zhe na/ de bzhin gshegs pas

chos thams cad stong pa dang bdag med pa dang ma skyes pa dang
ma 'gags pa dang 'dus ma byas par gsungs pa'i phyir ro/ /su la
la dag chos thams cad bdag med pa'i mtha'i chos kyi tshul 'di la
'jug ba ni las kyi sgrib pa rgyun gcod pa'o/ /rjes su yi rang
ba'i phung po ni/

yang rigs kyi bu'am rigs kyi bu mo des rjes su yi rang bar bya
ba ni nyin lan gsum mtshan lan gsum bla gos phrag pa gcig tu gzar
nas/ pus mo g.yas pa'i lha nga sa la btsugs te thal mo sbyar
nas 'di skad du phyogs bcu'i 'jig rten gyi khams kyi sems can

@118b gang su dag sbyin pa las byung ba'i bsod nams bgyi ba'i
dngos po dang/ tshul khrims las byung ba'i bsod nams bgyi ba'i
dngos po dang/ bsgoms pa las byung ba'i bsod nams bya ba'i dngos
po mngon par 'du bgyis pa de dag thams cad la rjes su yi rang ba
mchog gis rjes su

yi rang ngo/ /rjes su yi rang ba dam pa dang gtso bo dang khyad
par can dang rab dang phul dang gya nom pa dang bla ma dang
bla
na med pa dang lhag pa med pa dang mnyam pa med pa dang/ mi
mnyam pa dang mnyam pas rjes su yi rang ngo/ /phyogs bcu'i 'jig
rten gyi khams kyi sems can gang su

dag sbyin pa las byung ba'i bsod nams bya ba'i dngos po dang/
tshul khrims las byung ba dang/ bsgoms pa las byung ba'i bsod
nams bya ba'i dngos po mngon par 'du bgyid par 'gyur ba dang/
mngon par 'du bgyis pa de dag thams cad la yang rjes su yi rang
ba mchog gis rjes su

yi rang ngo/ /rjes su yi rang ba dam pa dang gtso bo dang khyad
par can dang rab dang phul dang gya nom pa dang bla ma dang
bla
na med pa dang lhag na med pa dang mnyam pa med pa dang mi
mnyam
pa dang mnyam pas rjes su yi rang ngo/ /byang chub sems dpa'
gang dag da lta na sems dang po bskyed pa de

dag gis dang po byang chub tu sems bskyed pa dang ldan pa'i dge
ba'i rtsa ba gang lags pa dang/ byang chub sems dpa' bskal pa
brgyas nges par byung ba rnams kyi bsod nams kyi phung po gang
lags pa dang/ byang chub sems dpa' mi skye ba'i chos la bzod pa
thob pa

rnams kyi bsod nams kyi phung po gang lags pa dang/ phyir mi
ldog pa rnams kyi bsod nams kyi phung po gang lags pa dang/
byang chub sems dpa' skye ba gcig gis thogs pa rnams kyi bsod
nams kyi phung po gang lags pa de dag thams cad la yang rjes su
yi rang ba

mchog gis rjes su yi rang ngo/ /rjes su yi rang ba dam pa nas mi
mnyam pa dang mnyam pa'i bar gyi rjes su yi rang ngo/ /byang
chub sems dpa' chen po de dag sngon byang chub sems dpa'i spyad
pa spyod pa na pha rol tu phyin pa drug dang ldan pa'i dge ba'i
rtsa ba mngon par 'du bgyis pa gang

@119a lags pa de thams cad la'ang rjes su yi rang ba mchog nas
mi mnyam pa dang mnyam pa'i bar gyis rjes su yi rang ngo/ /byang
chub sems dpa' gang dag byang chub sems dpa'i spyad pa spyod pa
na pha rol tu phyin pa drug dang ldan pa'i dge ba'i rtsa ba
mngon

par 'du bgyid par 'gyur ba dang da ltar mngon par 'du bgyid pa
gang lags pa de dag thams cad la'ang rjes su yi rang ba mchog
nas mi mnyam pa dang mnyam pa'i bar gyi rjes su yi rang ngo/ /
skye bo mang po la phan pa dang skye bo mang po la bde ba dang
'jig rten la snying brtse ba dang/ skye

bo phal po che dang lha dang mi rnams kyi don dang phan pa dang
bde bar bgyi ba'i slad du sngon gyi de bzhin gshegs pa dgra bcom
pa yang dag par rdzogs pa'i sangs rgyas da dag gis bla na med pa
yang dag par rdzogs pa'i byang chub tu mngon par rdzogs par
sangs rgyas nas chos kyi

'khor lo bskor ba dang/ chos kyi 'khor lo ston pa dang/ chos kyi
tshul rab tu 'dzin pa dang chos kyi sbyin pa mdzad pa dang chos
kyi sgron ma 'bar bar mdzad pa dang/ chos kyi char rab tu phab
pa dang chos kyi rnga bo che brdungs pa dang chos kyi dung bus
pa dang/ chos kyi srog shing bsgrengs

pa dang sems can thams cad chos kyi sbyin bas tshim par mdzad pa
dang nyam bag tu spyod du 'dzud pa gang lags pa dang/ de la
nyan
thos kyi theg pa'am/ rang sangs rgyas kyi theg pa'am/ de las
gzhan pa'i sems can rnams kyis dge ba'i rtsa ba bskyed pa gang
lags pa

de dag thams cad la yang rjes su yi rang ba mchog nas bla na med
pa'i bar gyis rjes su yi rang ngo/ /ma 'ongs pa'i sangs rgyas
bcom ldan 'das gang dag mngon par rdzogs par sangs rgyas nas
chos kyi 'khor lo bskor ba nas nyam bag tu spyod du 'dzud par
'gyur ba'i bar

gang lags pa dang/ de la nyan thos kyi theg pa la sogs pa dang
de las gzhan pa'i sems can rnams kyis dge ba'i rtsa ba bskyed
par 'gyur ba gang lags pa de thams cad la yang rjes su yi rang
ba mchog nas mi mnyam pa dang mnyam pa'i bar gyis rjes su yi
rang ngo/ /

@119b da ltar gyi sangs rgyas bcom ldan 'das dag mngon par
rdzogs par sangs rgyas nas chos kyi 'khor lo bskor ba nas nyam
bag tu spyod du 'dzud pa'i bar gang lags pa dang/ de la nyan
thos kyi theg pa pa la sogs pa 'am de las gzhan pa'i sems can
rnams kyis dge

ba'i rtsa ba bskyed ba thams cad la'ang rjes su yi rang ba mchog
nas mi mnyam pa dang mnyam pa'i bar gyis rjes su yi rang ngo/
/bskul ba'i phung po ni rigs kyi bu'am rigs kyi bu mo nyan thos
dang rang sangs rgyas kyi theg pa pa'am de las gzhan yang rung
bla na med pa yang

dag par rdzogs pa'i byang chub 'dod pas nyin lan gsum mtshan lan
gsum bla gos phrag pa gcig tu gzar te/ pus  mo g.yas pa'i lha
nga sa la btsugs te thal mo sbyar nas 'di skad du sangs rgyas
bcom ldan 'das gang dag da lta na phyogs bcu'i 'jig rten

gyi khams na bla na med pa yang dag par rdzogs pa'i byang chub
mngon par rdzogs par sangs rgyas pa de dag la phyag 'tshal lo/
/sangs rgyas bcom ldan 'das de dag la phyag 'tshal nas chos kyi
'khor lo bskor bar bskul gyi/ sangs rgyas bcom ldan 'das de dag

gis skye bo mang po la sman pa dang bde ba dang 'jig rten la
thugs brtse ba dang/ skye bo phal po che dang lha dang mi rnams
kyi don dang sman pa dang bde ba'i slad du chos kyi 'khor lo
bskor du gsol/ chos kyi 'khor lo bstan du gsol/ chos kyi tshul
rab tu bzung du

gsol/ chos kyi sbyin pa mdzad du gsol/ chos kyi sgron me 'bar
bar mdzad du gsol/ chos kyi char dbab tu gsol/ chos kyi rnga
brdung du gsol/ chos kyi rnga bo che brdung du gsol/ chos kyi
dung 'bud du gsol/ chos kyi srog shing bsgreng du gsol zhes
brjod do/ /yang

rigs kyi bu'am rigs kyi bu mo de dag gis 'di skad du sangs rgyas
bcom ldan 'das gang dag da lta na phyogs bcu'i 'jig rten gyi
khams na sku tshe'i 'du byed btang ba'i sangs rgyas bcom ldan
'das de dag la phyag 'tshal lo/ /sangs rgyas bcom ldan 'das de
dag /

@120a la phyag 'tshal nas gsol ba 'debs kyi/ sangs rgyas bcom
ldan 'das de dag skye bo mang po la sman pa dang skye bo mang po
la bde ba dang 'jig rten la thugs brtse ba dang skye bo phal bo
che dang lha dang mi rnams kyi don dang sman pa dang bde ba'i
slad du chos kyi

'khor lo ni rab tu bskor/ chos kyi sgron me ni 'bar bar mdzad/
chos kyi char ni rab tu 'bebs/ chos kyi char ni rab tu gtong/
chos kyi rnga ni rab tu brdung/ chos kyi dung ni rab tu 'bud/
chos kyi srog shing ni bsgreng/ chos kyi sgron me ni mched par
mdzad/ sems can thams cad chos kyi sbyin
 
pas ni tshim par mdzad/ nyam bag tu ni spyod du 'dzud par mdzad
cing re shig bzhugs su gsol/ gsol ba gdab pa'i phung po 'di 'ang
bla na med pa yang dag par rdzogs pa'i byang chub tu bsngo ste/
ji ltar bla na med pa'i byang chub tu bsngo ba de bzhin du 'di
yongs su bsngo'o zhes brjod do/ /

bsngo ba ni rigs kyi bu'am rigs kyi bu mo bla na med pa'i byang
chub 'dod pas nyin lan gsum mtshan lan gsum bla gos phrag pa gcig
tu gzar te pus mo g.yas pa'i lha nga sa la btsugs te thal mo
sbyar nas 'di skad ces thog ma dang tha ma ma mchis pa'i 'khor
bar 'khor

ba'i tshe bdag gis dge ba'i rtsa ba mngon par 'du bgyis par gyur
pa/ sangs rgyas sam chos sam dge 'dun nam tha na dud 'gro'i skye
gnas su song ba rnams sam sems can gzhan la'ang rung ste/ zan
changs gcig tsam stsal bar gyur pa dang/ 'chags pa gang lags pa
dang/

gsol ba gdab pa dang/ skyabs su mchi ba gang lags pa dang/ bslab
pa'i gzhi dang ldan pa'i dge ba'i rtsa ba gang lags pa dang/ so
sor 'chags pa dang ldan pa'i dge ba'i rtsa ba gang lags pa dang/
rjes su yi rang ba dang ldan pa'i bsod nams bgyi ba'i dngos po
gang lags pa dang

gsol ba gdab pa dang ldan pa'i dge ba'i rtsa ba gang lags pa de
thams cad gcig tu bsdus/ gzhal bzlums te/ sems dul zhing rnam
par grol ba dang gzung ba ma mchis pas sems can thams cad la
stsal to/ /ji ltar dge ba'i rtsa ba rnams sems can thams can

@120b la gtong bar bgyi ba dang/ sangs rgyas bcom ldan 'das kyis
sangs rgyas ye shes chags pa mi mnga' bas ji ltar mkhyen pa de
lta bus bdag gis dge ba'i rtsa ba de yongs su gtong ngo/ / sems
can thams cad lag na rin po che dang ldan par gyur cig /nam
mkha' mdzod dang longs spyod zad mi shes

pa dang/ bsod nams zad mi shes pa dang chos zad mi shes pa dang/
ye shes zad mi shes pa dang spobs pa zad mi shes pa dang bla na
med pa yang dag par rdzogs pa'i byang chub dang rnam pa thams
cad mkhyen pa'i ye shes 'thob par gyur cig /bdag gis dge ba'i
rtsa ba sems can

thams cad la stsal ba las byung ba'i bsod nams gang lags pa de
thams cad gcig tu bsdus/ gzhal bzlums te bla na med pa yang dag
par rdzogs pa'i byang chub tu yongs su bsngo'o/ / dge ba'i rtsa
ba 'dis bdag dang sems can thams cad bla na med pa yang dag par
rdzogs pa'i byang

chub mngon par rdzogs par sangs rgyas par gyur cig /thams cad
mkhyen pa'i ye shes kyang thob par gyur cig /ji ltar sngon gyi
byang chub sems dpa' chen po de dag gis byang chub kyi phyir
spyod pa de thams cad mkhyen pa nyid du 'gyur bar bgyi ba'i slad
du dge ba'i rtsa ba rnams

yongs su bsngos pa de bzhin bdag gis kyang thams cad mkhyen pa
nyid du 'gyur bar bgyi ba'i slad du dge ba'i rtsa ba rnams yongs
su bsngo'o/ /dge ba'i rtsa ba 'dis bdag dang sems can thams cad
bla na med pa'i byang chub mngon par rdzogs par sangs rgyas par
gyur cig /thams

cad mkhyen pa'i ye shes 'thob par gyur cig /ji ltar ma 'ongs
pa'i byang chub sems dpa' chen po gang byang chub kyi phyir
spyod pa de thams cad mkhyen par 'gyur bar bgyi ba'i slad du dge
pa'i rtsa ba rnams yongs su bsngo bar 'gyur ba de bzhin du/ bdag
gis kyang thams cad

mkhyen pa nyid du 'gyur bar bgyi ba'i slad du dge ba'i rtsa ba
rnams yongs su bsngo'o/ /dge ba'i rtsa ba 'dis bdag dang sems
can thams cad bla na med pa'i byang chub mngon par 'tshang rgya
bar gyur cig /thams cad mkhyen pa'i ye shes thob par gyur cig
/ji ltar da ltar byang
@121a chub sems dpa' chen po gang dag bzhugs pa de dag gis byang
chub kyi phyir spyod pa de thams cad mkhyen par 'gyur ba'i slad
du dge ba'i rtsa ba rnams yongs su bsngo bar mdzad pa de bzhin
du bdag gis kyang thams cad mkhyen par 'gyur bar

bgyi ba'i slad du dge ba'i rtsa ba rnams yongs su bsngo'o/ /dge
ba'i rtsa ba 'dis bdag dang sems can thams cad bla na med pa'i
byang chub mngon par 'tshang rgya bar gyur cig /thams cad
mkhyen
pa'i ye shes thob par gyur cig /ji ltar bcom ldan 'das de bzhin
gshegs pa

shAkya thub pa de byang chub kyi snying por bzhugs te/ sangs
rgyas kyi ting nge 'dzin bsam gyis mi khyab pa dri ma med pa
shin tu dkar ba la bzhugs nas bdud sdig can bcom ste/ shes par
bgyi ba dang blta bar bgyi ba dang mngon par rtogs par bgyi ba
dang mngon par byang chub

par bgyi ba gang ci yang rung ba de thams cad/ nam gyi tho rangs
skya rengs 'char khar skad cig gcig dang ldan pa'i shes rab kyis
bdud rtsi brnyed de 'chi ba med par 'gro ba'i lam mngon par
rdzogs par sangs rgyas pa de bzhin du bdag dang sems can thams
cad kyang bla na

med pa'i byang chub mngon par 'tshang rgya bar gyur cig /thams
cad mkhyen pa'i ye shes kyang thob par gyur cig /ji ltar bcom
ldan 'das de bzhin gshegs pa 'od dpag med dang 'od mchog dang
'od dge dang bsod nams 'od dang mi 'khrugs pa dang sengge dang
'od

zer brgya pa dang 'od zer mtho dang 'od dra ba can dang rin chen
'od 'phro dang 'di 'bar dang snang ba'i rgyal po dang shin tu
brgyan pa dang/ rin po che'i tog dang chos kyi rgyal mtshan dang
yan lag mchog rnams dang/ sangs rgyas bcom ldan 'das gzhan dag
gis bla na

med pa'i byang chub mngon par sangs rgyas nas/ ji tsam du skye
bo mang po la sman pa dang skye bo mang po la bde ba dang/ 'jig
rten la thugs brtse ba dang/ skye bo phal po che dang lha dang
mi rnams kyi don dang phan pa dang bde ba'i slad du chos kyi
'khor lo bskor ba de bzhin

@121b du/ bdag dang sems can thams cad kyang bla na med pa yang
dag par rdzogs pa'i byang chub mngon par rdzogs par sangs rgyas
nas/ skye bo mang po la sman pa dang bde ba dang 'jig rten la
thugs brtse ba dang/ skye bo phal po che dang lha dang mi rnams
kyi don dang sman pa dang bde ba'i slad du

chos kyi 'khor lo rab tu bskor bar shog cig ces brjod do zhes
gsungs pa'o/ / !mi dge ba stobs dang ldan pa'i dbang du byas nas
kyang rten las ni/ gti mug can gyis sdig pa chung byas kyang/ /
'gyod sems mi bskyed 'chab cing dge legs la/ /brtson par mi nus
sbrang bu snabs chaD ltar

dmyal ba'i rnam smin mi bzad nyid du ldang/ /'das chen las gti
mug can ni sbrang bu ngar snabs la 'byar ba 'byung mi nus pa
dang 'dra bar nyes pa chung ngu las kyang 'byung mi nus shing
'gyod sems med pas dge ba spyod mi nus la/ skyon bcabs pas sngar
gyi dge ba dag

yod kyang sdig pas rme bar byas pas na/ da ltar rnam par smin pa
myong ba'i rgyu'ang bsgyur te dmyal bar shin tu lci bar 'gyur
ro/ /chu nyung ngur lan tshwa phul gang btab na btung dka' ba
bzhin nam/ gzhan gyi dong rtse gcig chags pa 'jal mi phod pas
bcing drags te sdug

bsngal myong ba dang 'dra'o/ /yang rnam pa lngas da ltar gyi
rnam par smin pa yang ba'am dmyal bar rnam par smin par 'gyur
te/ gti mug can dang dge ba'i rtsa ba chung ba dang/ sdig pa'i
las lci ba dang/ 'gyod tshangs ma byas pa dang/ thog mar dge ba
mi spyod pa dang/ yang lnga

ste sdig pa spyod pa dang/ tshul khrims kyi nor med pa dang/ dge
ba'i rtsa ba spong ba dang/ lus la sogs pa bzhi mi sgom pa dang/
sdig pa'i bshes gnyen la brten pa'o zhes gsungs pa ltar ro/ !
/yul gyi khyad par las sangs rgyas la brten pa ni/ gang zhig bde
bar gshegs

la ma gus dang/ /skur cing spong ngam mi bsngags brjod pa dag
/bdud kyi dbang gyur dug chen zos pa ste/ /mun chen sgor zhugs
g.yang sa mi bzad ltung/ /sangs rgyas la ma gus pa la sogs pa
ni zhing chas shin tu lci ba la brten pas sdig pa shin tu lci
bas na lhas byin la sogs

@122a pa ltar mnar med par lan mang du 'khor ba la sogs pa rnam
par smin pa ches mi bzad pa myong bar 'gyur ba'o/ /tshangs pas
byin gyis zhus pa las rab tu byung ba'i g.yang sa chen po bzhi
ste/ sangs rgyas la ma gus pa dang chos spong ba dang chos

smra ba la sdang ba dang brtson 'grus dang mi ldan par dad pas
byin pa spyod pa'o zhes gsungs te/ 'di bzhi ka las stobs dang
ldan par dgongs pa'o/ /sprin chen po las/ sems rmongs shing
'khrul pa dag sangs rgyas mi rtag pa dang/ mi brtan pa dang ther
zug ma yin pa

dang nub par 'gyur zhes log pa smra ba ni mkhris pas brgyal
zhing dug gi zug rngus bsregs pa/ lta ba'i mun pas non pa'i
khyim du gnyid log ste/ lta ba mi bzad pa'i rmi lam gyis bsregs
nas smyos shing rmis pas skrag pa'i nyan thos dang rang sangs
rgyas dang/

ba rgan drus mo lta bu'i sems can la/ sangs rgyas kyi yon tan
gyi che ba rtag pa'i rang bzhin shes pa'i 'bru mar dang de kho
na rig pa'i snying po 'bar bar gyis shig /sangs rgyas kyi rigs
kyi che ba yang dag pa'i ye shes spangs la/ sangs rgyas kyi rjes
su rab tu

byung ste nyes pa brjod pa de dag gi lce chod de 'or cig ces so/
/ !chos la brten pa ni/ rmongs pa gang zhig dmigs par lta ba
las/ /nga rgyal dregs smyos zab cing rgya che ba'i/ /dam chos
spong zhing skur 'debs rgyang phan sogs/ /lam ngan zhugs rnams
yun ring

mnar med 'khor/ /ma dros pas zhus pa las byang chub sems dpa'
bdud kyi las gnyis te/ byang chub sems dpa'i sde snod pha rol tu
phyin pa'i lam 'dor ba dang/ 'jig rten rgyang phan gyi gsang
tshig gam nyan thos dang rang sangs rgyas kyi mdo sde 'dzin pa'o/
/yang gnyis

ste/ thabs dang bral ba'i shes rab dang/ shes rab dang bral ba'i
thabs so/ /dang po ni/ sems can la mi lta bar 'dus ma byas la
rtog pa'o/ /gnyis pa ni dmigs pa'i lta bar lhung ba'i bsdu ba'i
dngos po'o/ /yang gnyis te thos pa nyung ngus bsam gtan rnyed pa
dang/

@122b mang du thos pa bdag bstod pa'o/ /yang gnyis te dge ba'i
rtsa ba med par skye ba 'dzin pa dang/ dge ba'i rtsa ba bsags
kyang rang nyid zhi ba 'dod pa'o/ /yang gnyis te/ dam pa'i chos
mi 'dzin pa dang/ sems can smin par mi byed pa'o/ /yang gnyis
te/ dge ba'i rtsa ba 'dor ba

dang; mi dge ba dang du len pa'o/ /yang gnyis te/ dgon par gnas
pa 'dod pa'i rnam rtog la sogs pa la rtog pa dang/ tshogs su
rnyed pa dang bkur stis bskor ba'o/ /yang gnyis te/ snod ma yin
pa la ston pa dang/ snod du gyur pa khyad du gsod pa'o/ /yang
gnyis te

bdud kyi las 'di lta bu mi shes pa dang/ byang chub kyi sems las
g.yeng ba'o zhes gsungs te/ thams cad kyang zab pa dang rgya
che ba'i lam 'dor ba las ? so/ /'das chen las kyang/ 'khor lo
rnon pos bdag gi lus/ /kun tu gtubs pa byas bla yi/ /legs par
gsungs

pa'i chos rnams la/ /rgyags dang gshe ba bskyed mi bya/ /zhes
so/ /rgyal ba'i yum las kyang/ dmigs par ltar la sogs pas zab pa
dang/ rgya che ba'i lam ston pa yum gyi tshul spong ba ni chos
kyis phongs par 'gyur ba dang shes rab 'chal par 'gyur ba dang/
mthun pa'i las

bsags pas sems can dmyal ba chen po nas sems can dmyal ba chen
por yun shin tu ring bar 'khor bar 'gyur bas na/ sdig pa'i las
'di la ni mtshams med pa lngas kyang cha tsam du'ang mi chog par
rgya cher gsungs pa'o/ / !dge 'dun la brten pa'i dbang du byas

nas/ dkon mchog gsum gyi dkor spyad lci ba ste/ /de yang dge
'dun dag gis ches lcir gsungs/ /bsod nams zhing bzang tshogs
mchog la bsngos pa/ /tshul khrims 'chal pas lo 'dab gcig tsam
yang/ /spyad las myur bar gnod pa bzhi 'byung zhing/ /phyi mar

'bras bu mi bzad bzhi sogs so/ /khyim pas de la zhing sogs longs
spyad na/ /'phral du gnod chen mi bzad nyi shu 'byung/ /phyi mar
mnar med la sogs ma rungs pa'i/ /sdug bsngal brnag dka' dpag med
brgyud pas 'joms/ /dge sbyong rdol pa shing rul lta bu yis/ /

@123a dge 'dun dag gi til gyi phub ma yang/ /spyad par mi 'os
der gnas smos ci dgos/ /de ni kun gyi ngan song 'dren byed nyid/
/lags kyi thu lum za 'am spu gri yis/ / yan lag gtub par byed
bla dge 'dun la/ /bsngos nas spyod dam gzhan

la sbyin mi bya/ /gnyi ga rnam smin mi bzad me 'bar myong/ /dran
pa nyer gzhag las/ dkon mchog gsum las ni chung ngu zhig ma
byin
par blangs kyang kha na ma tho ba shin tu che ste/ sangs rgyas
dang chos kyi ni rigs mthun par slar phul na dag par 'gyur la/
dge

'dun gyi ni zhing shin tu lci bas tshor ba ma myong bar mi 'dag
go /de'ang zhal du 'du ba'i sgo yin na ni mnar med par ltung la/
gzhan gyis ni de'i 'khor mun nag chen po la sogs pa skye bar
gsungs so/ /nyi ma'i snying po las chos dang ldan pa'i dge 'dun
la bsngos pa'i

rdzas la/ sdig pa spyod pa tshul khrims 'chal pa rnams kyis tha
na 'dab ma'am me tog gam/ 'bras bu gcig tsam spyad kyang blun po
de la don ma yin par 'gyur bas gnod pa bzhi 'byung ste/ phyogs
dang phyogs su mi snyan pa grags pa dang/ mdza' bo dang bla ma
la

sogs pa dang myur du 'bral ba dang/ nad chen po rgyun ring gis
'debs pa dang/ chos gos la sogs pa 'jigs pa chen po lngas 'phrog
pa ste/ rgyal po dang chom rkun dang me dang chu dang dgra
rnams
kyis so/ /mi 'dod pa'i 'bras bu bzhi myur du 'byung ste/ sems

can dmyal ba chen por skye ba dang/ brgya la yun ring po na thar
kyang 'brog dgon pa ro bskam dag tu dud 'gro dang yi dwags long
ba rkang lag med par lo mang po sdug bsngal myong ba dang/ ring
mo zhig na de nas shi 'phos de sbrul gdug pa long ba rdul za bar

skye'o; ;brgya la de nas shi 'phos kyang zhing stong pa snyigs
ma lnga dang ldan pa rmong rtul ba dang tshul du mi shis pa dang
dbang po dang yan lag ma tshang ba dang/ khyi'i longs spyod
bshang gci'i khung gi zas za ba dang/ 'dam rdzab dang rdul khrod
na nyal ba dang/ 'brog dgon

@123b pa dang lam po che na 'tsho bar 'gyur la/ de nas yang dmyal
bar ltung ste chos kyi tshul dang dkon mchog gsum gyi gdung la
gnod pa byed pa'i las de ches lci ba'i phyir ro/ /des na mi nyid
ma thob kyang bla'i/ bza' ba dang btung ba la log par bsgrub pa
ni de lta ma yin no/ /yang

chos dang ldan pa rnams la bsngos pa'i zhing la sogs pa khyim
pas spyad na tshe 'dir yang gnod pa nyi shu 'byung ste/ lha rnams
kyis spong ba dang/ phyogs dang phyogs mtshams su mi snyan pa'i
sgra grags pa dang/ gnyan dang 'grogs bshes rnams kyis spong ba
dang/ dgra

mang bar 'gyur ba dang/ longs spyod nyams par 'gyur ba dang/
rnam par g.yeng ba mang ba dang/ yan lag ma tshang bar 'gyur ba
dang/ gnyid med pa dang/ rtag tu sred pas gnod pa dang/ de'i
bza' ba dang btung ba rnams dug tu 'gyur ba dang/ sdug pa dag
dang myur du 'bral ba

dang; rtag tu gzhan dang 'thab cing rtsod pa dang/ pha ma dang
spun zla dang bran 'khor yang bsgo ba mi nyan pa dang/ gsang
thams cad 'tshor ba dang/ rgyal po la sogs pa lngas kyang longs
spyod la gnod pa dang/ nad chen pos 'debs pa dang/ sman dang rim
gro mi rnyed pas sha

dang khrag bskams nas sdug bsngal myong bar 'gyur ba dang/
rang
gi bshang gci'i nang du 'chi bar 'gyur ba'o/ /shi nas ni mnar
med par longs spyod thams cad mer nyams su myong bar 'gyur ro/
/de nas thar kyang 'brog dgon pa ro bskam dag tu yi dwags long
ba

rkang lag med par skye ste phyogs bzhi nas rlung tsha bas gdung
bar 'gyur ro/ /spu gri dang 'dra ba'i steng du nyal bar byed do/
/de nas thar kyang rgya mtsho chen por lus dpag tshad brgya pa sha
nar nar po skye ste/ dpag tshad tsam tshun chad du chu zangs zhun
dmar pos sreg par byed do/ /de

nas yang 'grog dgon par brdzus te skye ba sha nar nar po ri rab
tsam du 'gyur la/ phyogs bzhi nas rlung tsha bas bsreg cing gcan
gzan dang bya rnams kyis ci 'dod du za bar byed do/ /de nas yang
dmyal ba nyid du ldog ste thar ba'i dus med do/ /brgya lam na
thar srid

@124a na'ang snyigs ma bdo bar mi long ba tshul du mi shes par
skye'o/ /zhes so/ / gzhan yang 'das chen las/ dper na rgyal po'i
khrims dang 'gal ba dag de'i dga' ston gyi sar nye'ang mi nus
na/ longs spyod par lta ci smos pa dang 'dra bar tshul khrims

'chal pa dag kyang shing rul pa lta bu dge sbyong ma yin par dge
sbyong du khas 'che ba dus gsum gyi sangs rgyas rnams la gnod pa
byed pa yin pas/ dge 'dun gyi tha na til gyi phub ma tsam yang
longs spyod par mi 'os pa'o/ /mi gdol pa dge 'dun gyi gnas na
gnas pa ni bla'i/ dge

sbyong gdol pa rgyud tshig pa don la mi lta ba tshe phyi ma btang
ba brtse ba med pa/ phyi sa khung chen po dang 'dra ba/ bdud kyi
lam du zhugs pa/ lha dang mi rnams la gnod pa byed pa/ dus gsum
thams cad kyi drang srong thub pa rnams slu bar byed pa/ dkon
mchog gsum gyi gdung

dang chos kyi mar me med par byed pa/ chos kyi rgya mtsho skem
par byed pa/ chos smra ba rnams kyi dbyen byed pa/ sbyin pa po
dang sbyin bdag rnams 'drid par byed pa dge slong chos la gnas
pa rnams la mtho 'tsham par byed pa/ dge 'dun mthun par byed pa
rgyud

gcod par byed pa rnams ni de lta ma yin no/ /de ni spyod pa ngan
pa dag gis rgyal po la sogs pa'i skye bo mang po mtho ris kyi
lam las bzlog par byed cing ngan song gsum la gzhol bar byed
pa'o/ / de lta bu dag dang gnas gcig tu'ang 'dug par mi bya ste/
byams

pas bltas shing rgyal po la sogs pa dag la sbran la de dag gis
gzhan du btang na ni legs te der gnas par bya'o/ /de dag de'i
zang zing gis brid de phyogs byed na ni khro ba dang nga rgyal
mi bstan par rang nyid bzur bar bya'o/ /de lta bu'i phyogs byed
pa de dag kyang sbyin pa

mang du gtong ba la sogs pa byed kyang mnar med pa nyid du
ltung
bar lta'o zhes so/ /yang de nyid las sems can rnams rang bslu ba
la ltos/ sngar dge 'dun la phul ba dbul bas nyen nas rang spyod
dam gzhan la sbyin na yun ring du ngan song gsum du 'khyam par
'gyur ro/

@124b yang thar pa'i bsam pas rab tu byung yang rnal 'byor dang
klog pa btang ste nyams nas dge 'dun la bsngos pa rang spyod
dam/ khyim pa dag la byin na gnyi ga yun ring du ngan song gsum
du sdug bsngal myong bar 'gyur ro/ /des na dge 'dun nam dge
slong la bsngos pa'i lo ma dang me tog la

sogs pa tsam yang khyim pa la mi sbyin zhing rang gis mi spyad
la/ dge 'dun las nyo tshong dang bsgyur log dang gta' ma yang mi
bya'o/ /des na sems can zang zing gis bsdu bas ngan song gi sdug
bsngal la mi 'god par chos kyis bsdu ba'i bca' ba yang mdzad
pa'o/ /yang spu gri

rnon po dag gis su/ /rang gi yan lag gtubs pa bla'i/ /dge 'dun
dag la bsngos zin pa/ / khyim pa rnams la sbyin mi bya/ /me lce
'bar ba lta bu yi/ /lcags kyi thu lum zos pa bla'i/ /dge 'dun
dag las gang de ni/ /dge 'dun gyi la longs mi spyad/ /lhun po
dang ni 'dra ba'i me/ /

blang ba byas te zos pa bla'i/ /khyim par gyur pas dge 'dun gyi/
/longs spyod par ni mi bya'o/ / thams cad dbyung ba byas pa
dang/ /gsal shing steng du bteg pa bla'i/ /khyim par gyur pas
dge 'dun gyi/ /longs spyod par ni mi bya'o/ /me mdag dag gis
gang ba yis/

gnas khang der ni zhugs bla yi/ /khyim pas dge 'dun gnas khang
du/ /mtshan mo gnas par mi bya'o/ /me lce 'bar ba lta bu yi/
/lcags kyi thu lum blangs pa bla'i/ /rab tu byung dang khyim pa
yis/ /dbyig ni blang bar mi bya'o zhes gsungs so/ /theg pa chen
po'i gang zag la brten

pa ni/ 'jig rten kun gyi rdul snyed sems can gyi/ /mig phyung
bdog kun phrogs sogs sdig pas ni/ /rgyal sras rnams la sdang bas
brnyas sogs kyi/ /grangs dang cha dang dpe dang rgyur mi bzod/
/dad pa'i stobs bskyed pa la 'jug pa'i phyag rgya las/ gang gis
phyogs bcu'i

'jig rten thams cad kyi rdul snyed kyi sems can gyi mig phyung
ste bdog pa thams cad phrogs pa bas/ gzhan gang gis byang chub
sems dpa' la brnyas pa'i sems kyis spyos shing brgyad de nyam
nga bar byas na sdig pa ches mang du bskyed do/ /yang la las
rkyen gang yang rung bas

@125a byang chub sems dpa' la khyad du bsad de spyos na dmyal ba
ngu 'bod chen por skyes nas/ lus dpag tshad lnga brgya pa la mgo
lnga brgya ste/ mgo re re la yang lce lnga brgya lnga brgya ste/
mgo re re la yang lce lnga lnga rgya dang lce re re la'ang lcags
kyi thong gshol

'bar ba lnga brgya lnga brgyas rmod do/ /yang la las stong gsum
gyi sems can thams cad la dbyug pas brdeg pa dang/ mtshon gyis
btab ste bdog pa thams cad phrog pa bas/ gang gis rgyal sras la
brnyas pa'i sems kyis khros shing gnod sems dang tha ba dang
khro ba'i

sems bskyed pa sdig pa ches grangs med pa bskyed do/ /yang gtum
sems can sems can la gnod par dga' ba la las ganggA'i bye ma
snyed kyi 'jig rten gyi khams re re'i yang dgra bcom pa gang
gA'i bye ma snyed bsad pa dang/ mchod rten de snyed gcig bshig
pa bas/

gang gis theg pa chen po la dad pa'i rgyal sras la theg pa chen
po nyid la gzhi blangs te brnyas pa'i sems bskyed pa dang/ gzhan
gang yang rung bas khro zhing gshe ba dang spyo zhing nyam nga
bar byas na sdig pa ches grangs med pa bskyed do/ /de ci'i phyir
zhe na/ sangs rgyas rnams ni byang

chub sems dpa' las skyes pa'i phyir te/ de la bskur ba ni sangs
rgyas kyi rigs gcod par zhugs pa'o/ /dam pa'i chos spangs pa'o/
/chos gzhan la chos 'dzin pa gzhan ma yin te chos 'dzin pa nyid
chos yin pas so/ /yang la las khros te phyogs bcu'i 'jig rten
gyis sems can

thams cad btson ra mun nag tu bcug pa bas/ gang gis khros te
rgyal sras la rgyab kyis phyogs shing ma rungs pa de ma mthong
yang bla snyam pa de sdig pa ches mang du bskyed do/ /yang la
las 'dzam bu gling gi sems can thams cad bsad cing bdog pa thams
cad 'phrog pa bas/

gang gis rgyal sras ci 'dra ba yang rung ba la smad na sdig pa
ches grangs med pa bskyed do zhes gsungs so/ /rab tu zhi ba rnam
par nges pa cho 'phrul gyi mdo las kyang la las 'dzambu gling gi
sems can thams cad bsad dam de dag gi bdog pa thams cad phrogs
pa bas

@125b gang gis rgyal sras kyi dge ba'i rtsa ba gcig gis sems
bskyed pa tha na dud 'gro la zan changs gcig sbyin pa'i bar chad
byas na sdig pa ches mang du bskyed do/ /de ci'i phyir zhe na/
sangs rgyas 'byung ba'i dge ba'i bar chad byed par gnas pa'i
phyir ro/ /yang byung chub sems dpa'

la las gzhan gyi khyim rnams su rgyal sras la phrag dog dang ser
sna byed na 'jigs pa chen po gsum 'byung ste/ sems can dmyal ba
dang dmus long dang yul mtha' khob tu skye ba'i 'jigs pa'o/
/yang des de la khong khro ba'am brnyas pa'i sems bskyed pa de
snyed kyi bskal par

gnas pa'i go cha bgo dgos te/ rgyal sras nang la skur pa ma
gtogs pa las gang gis kyang log par ltung bar byed mi nus so/
/dper na rdo rje rin po che ni rdo rje nyid ma gtogs pa rdo 'am
mtshon la sogs pa gang gis kyang bcag par mi nus pa bzhin no/
/byams pa sengge'i sgra las kyang/

rgyal sras las stong gsum gyi sems can thams cad la spyos pa
dang brgyad pa dang dbyug pa dang khu tshur gyis brdegs pa de
tsam gyis rgyal sras de la rma byung zhing smas par mi 'gyur
gyi/ rgyal sras gzhan la tha na gnod sems dang tha pa dang/ zhe
sdang gi sems bskyed pa de tsam

gyis ni rma phyung zhing smas par 'gyur ro/ /de ci'i phyir zhe
na/ gal te des thams cad mkhyen pa yongs su mi gtong na rgyal
sras cig shos la gnod sems ji snyed bskyed pa de snyed kyi bskal
par yang gdad go cha bgo dgos pas so zhes so// !rab tu byung
ba la brten pa ni/ rab tu 'byung ba'i

bar chad byed pa 'am/ tshul khrims 'chal la'ang gnod dang 'tshe ba
dang/ /rab tu byung las 'bebs sogs gang byed pa/ /sangs rgyas
kun spong mnar med sogs par ltung/ /rab tu byung ba'i bar du
gcod pa'i mdo las khyim pa chos bzhi dang ldan na gang dang
gang
du skyes par

mi khom pa dang dmus long dang blun pa dang lkug pa dang gdol
par 'gyur/ nam du yang mi bde ba mang ba dang/ skur pa 'debs pa
mang ba dang/ rtag par za ma dang ma ning dang bran dang bud
med
du 'gyur/ khyi dang phag dang bong bu dang rnga mo dang sprul
gdug par 'gyur te/ sngon gyi rgyal ba la
@126a lhag par bya ba byas pa'i sems can rnams kyi mngon
par 'byung ba dang rab tu 'byung ba'i sems dang 'phags pa'i
lam gyi bar chad byed pa dang/ nor dang bu smad la chags nas
las kyi rnam smin la yid mi ches te bu la sogs pa gnyen gyi

tshogs rab tu 'byung ba'i bar chad byed pa dang/ dam pa'i chos
spong ba dang/ dge sbyong dang bram ze rnams la khong khro
ba'o/ /bzhi po de gang yang rung bas kyang nyes pa snga ma de
dag tu 'gyur ro// dper na la la mi gtsang ba'i dong du lhung
nas gzhan la chu 'di shin tu

dwangs pa ni ngo mtshar to zhes zer ba ltar/ gang la la bdag
nyid 'dod pa'i 'dam du bying ba dag gzhan yang 'dod pa'i 'dam
du 'jug par byed do/ /bdag nyid 'dod chags dang zhe sdang dang
gti mug gi g.yang sar lhung nas gzhan yang der ltung bar byed
do/ /yang

la las dgra bo bzung ste me mdag du ba med pa 'dom bdun par
'jug pa ltar/ me dang mtshungs pa'i 'dod pa dang bud med dang
bsten cing gzhan yang 'dod pa'i me'i rlubs su 'jug par byed
pa'o/ /yang la la gzhan la 'di ni bde ba'i longs spyod do/
/zhes

spu gri so lta bu'i ri la 'dzeg tu 'jug pa ltar/ phal cher pha
ma bu la byams pas bu'i chung ma len te 'dod pa bsngags nas
'dod pa la bcug pa ni mdza' bo'i gzugs kyis sbrul gdug pa drag
po dang/ g.yang sa bgrod dka' ba 'jigs 'jigs ltar 'dug  pa

dang/ dmyal ba la sogs par 'gro ba'i lam ston pa'o zhes gsungs
so/ /sa'i snying po'i mdo las kyang/ rab tu byung ba tshul
khrims dang ldan pa'am tshul khrims 'chal pa'ang rung ba la
'khor los bsgyur ba'i rgyal po 'ang chos dang mthun pas kyang
lus la

chad pas gcod pa btson rar 'jug pa dang yan lag gcod pa dang
gsod pa mi gnang na chos ma yin pas lta ci smos/ nga'i phyir
rab tu byung ba snod du gyur tam ma gyur kyang rung ba rnams
la gang dag 'tshe ba de thams cad ni dus gsum gyi sangs rgyas
thams cad

@126b la nyes pa dang bcas pa yin no/ /dge ba'i rtsa ba chad
pa dang rgyud tshig pa dang/ mnar med par gzhol ba yin no/
/zhes gsungs so/ /yang mar 'chir gnas sdig bcu po dag/ smad
tshong gnas sdig gcig dang mnyam/ /smad 'tshong gnas sdig bcu po
dag /'chang 'tshong gnas

sdig gcig dang mnyam/ /chang 'tshong gnas sdig bcu po dag
/bshan pa'i gnas sdig gcig dang mnyam/ /bshan pa'i gnas ni bcu
bcas pas/ /rgyal rigs gdol can gcig mnyam zhes so// ! bsam pa
las ni/ nyon mongs pa drag pos byas pa ste/ khong khros bskal

mang bsags pa'i dge ba'ang 'joms/ /'dod brkam ya nga'i 'tsho
bas dmyal mes bsreg / 'jam dpal rnam par rol pa las khong khro
ba khong khro ba zhes bya ba ni gang dge ba'i rtsa ba bskal pa
brgyar bsags pa 'joms par byed pa ste de bas khong khro ba
zhes bya'o/ /

zhes gsungs so/ /'das chen las/ legs par gsungs pa'i chos can
gyis/ /mig ni rang gis phyung ba bla'i/ /sems can du ni bgrang
ba la/ /khros pas skye dgu mi gnag go /legs par gsungs pa'i
chos can gyis/ /me yi gos ni gyon pa bla'i/ /tshul 'chos dang
ni

brkam pa'i mthus/ /khyim pa las ni gos mi bslang/ /me 'dra bar
ni bskol ba yis/ /rtsub 'gyur chu ni 'thungs pa bla'i/ /rab tu
byung bas g.yo sgyu yis/ /bza' btung bslang bar mi bya'o zhes
so/ /bstan bcos las kyang/ bskal pa stong du bsags pa yis/
/sbyin dang

bde gshegs mchod la sogs/ /legs spyad gang yin de kun kyang/
/khong khro gcig gis 'joms par byed/ /zhe sdang lta bu'i sdig
pa med ces so/ /gzhan las kyang 'dod pa dag la brten pa'i mi/
/ldongs gyur pha dang ma yang gsod/ /'dod brten tshul khrims
ldan pa'ang

gsod/ /de lta bas na spang bar bya// ! dge ba dang mi dge ba
de gnyi ga stobs dang ldan pa'i rgyu las rang don gyi dbang du
byas nas lam ngan pa dang bzang por 'jug pa las ni/ sred pas
'chums gang khyim gyi ros 'tsho ba/ /de ni ngang gis sdig pa mi
bzad len/ /gang zhig

@127a dad pas rab byung dben par gzhol/ /chos kyi ros 'tsho
ngang gis tshogs mchog sdud/ /gang dag 'dod sems drag pos bslus
nas khyim bzung ste chung ma dang bu la sogs pa la gces par
'dzin pas de dag gi dbang du gyur cing las ngan pa sna tshogs

kyis 'khol ba de ni kha na ma tho ba lci ba ches lci ba mang
ba ches mang ba dag la ngang gis 'jug pa'i rgyu gcig po yin
la/ yang gang zhig ston pa'i bstan pa la dad pas rab tu byung
ste/ chos 'ba' zhig lhur byed pas dge ba'i bshes gnyen bsten
cing lus dang sems

dben par gnas pas rnal 'byor dang spong ba la gzhol ba de ni
chos nyid kyis dge legs stobs dang ldan pa mang po ches mang
ba dag 'du ba'i sgo chen por 'gyur ba'o/ /byams pa sengge'i
sgra chen po las/ rab byung sangs rgyas rnams kyis bsngags/
/nges 'byung de bzhin

gshegs pas bsngags/ /khyim gnas nyon mongs gnas pa ste/ /dkar
chos rnam par 'jigs par byed/ /gang zhig dkar po'i chos rnams
ni/ /nyams par mi 'gyur 'phel 'dod pa// rab tu 'byung bar bya
ba'i phyir/ /'jig rten mgon thad myur du song/ /bskal pa

bye bar rab spyad kyang/ /'dod pa rnams la ngoms pa med/
/khyim na gnas pa 'dod pa yis// mi ngoms bzhin du 'chi bar
'gyur/ /ji ltar rgya mtshor chu klung rnams/ /'bab pas ngoms
par mi 'gyur ba/ /de bzhin byis pa 'dod rnams la/ /bsten pas
nam yang ngoms mi

'gyur/ /dper na me ni rtsa dag dang/ /shing gis nam yang ngoms
pa med/ /de bzhin byis pa 'dod rnams la/ /brten pas ngoms par
'gyur ba med/ /'jig rten rnam par 'dren rnams kyis/ /'dod pa
'di dag chags par gsungs/ /de phyir chags pa yongs spangs

te; ;rab tu 'byung phyir mngon byung shig /myur du dgon par
gnas byed na/ /'dod pa'i sred pa spong 'gyur zhing/ /nyes pa
ji bzhin rnam rig nas/ /de dag las ni sems ldog 'gyur/ /chags
la sogs pas gzir ba yi/ /sems can grol byed su 'dod pa/ /de ni
khyim

@127b na gnas pa yis/ /skrag cing dgon pa kun tu bsten/ /gang
zhig bdud las rgyal ba dang/ /'chi med go 'phang rtogs pa dang/
/'khor lo dam pa bskor 'dod pa/ /des ni dgon pa bsten par gyis
zhes gsungs pa'o/ ! /gzhan don gyi dbang du byas nas gzhan dag
ya nga ba'i gnas las bzlog pa dang mi bzlog pa las ni/ gzhan
yang tshul 'chal rab byung khyim pa gang/ /chos ldan rnams kyi
longs spyod la rlom dag /tshar gcod nus bzhin btang snyoms byed
pa yi/ /rgyal po la sogs sdig pa'i khur chen len/ /de las ldog
cing chad pas gcod byed pa/ /des

ni mtshungs med bsod nams dam pa thob/ /rab tu byung ba tshul
khrims 'chal pa lha dang bcas pa'i 'jig rten gyi chom rkun du
gyur pa dag dang/ khyim pa ma rungs pa dag rdzas dang dkon
mchog gi dkor la thugs thub tu spyod pa ni ri chen po bsreg
par 'jug pa yin

pas na/ chos dang ldan pa'i rgyal po la sogs pas brtse ba'i
sems kyis de las bzlog cing tshul dang mthun pa'i chad pas gcod
pa ni bsod nams phul du byung ba bsgrub pa yin la/ de dag yal
bar 'dor ba ni nyes pa shin tu che ba ste/ 'das chen las/
rgyal po la sogs

pas dkor la spyod pa de lta bu'i rab tu byung ba dang khyim pa
dag chad pas tshul bzhin du mi gcod na de'i sdig pa ni shin tu
che ste/ rang sangs rgyas man chad sems can thams cad kyi bsod
nams dang sems can gcig ldan na/ de ni de man chad pas bsod
nams khyad par du

'phags pa ste/ gal te sems can thams cad kyang bsod nams de
tsam dang ldan pa ma lus pa'i mig 'byin pa dang yan lag thams
cad gcod pas ni snga ma de'i sdig pa'i char yang mi phod do/
/de dag las ldog cing chad pas gcod pa'i bsod nams shin tu che

ba ni sngar gyi bsod nams de tsam dang ldan pa de thams cad
btson ra nas bton te lo brgya phrag tu rim gro byed pas bsod
nams de'i char yang mi phod par gsungs so// ! las de lta bu
dag la nges pa bskyed pa'i ched du byung ba'i mtha' rjes su
brjod pa na/ mi dge ba'i las 'bras

@128a kyi dbang du byas nas lus kyi las gtsor gyur pa ni/
rdul bral tshogs rnams sdang bas srog bcad dang/ /dge 'dun dkor
mang bsgyur zhing spyad byin bsregs/ /dmyal ba yi dwags ma
rungs lus ldan pa/ /sdug bsngal shugs drag brnag dka'

mnar bar 'khor/ /las brgya pa las ji skad du sems can dmyal ba
lus che zhing dmus long du gyur pa zhig lus zhu rlubs su rmas
khyab ste thams cad du srin zhugs nas mi bzod pas phan tshun
brgyugs pa na/ thang dang chu dang nam kha' gang du phyin par
sengge dang chu srin dang bya rog

la sogs pas za la/ nags su ni shal ma li'i ral gri la sogs pa
'bab bo/ /rtsig gseb la sogs par bros pa na las las skyes pa'i
mi dag gis mtshon sna tshogs 'debs so// ston pas skyo ba mang po
skye ba bskyed pas gdul ba'i phyir sems can de chu klung khang
ldan gyi

'gram du bzhag go /de na tsha mi bzod de brgyugs pa na sngar
gyi gnod pa de rnams kun myong ba'i ngu skad kyis mnyan yod
thams cad khyab pas thams cad brgyugs nas blta ba'i phyir der
'dus so/ /ston pa 'khor dang bcas pa'ang der byon nas des tshe
rabs dran zhing

mi'i skad smra bar byin gyis brlabs te bka' stsal pa la/ bzhin
bzang khyod sgam po yin nam/ gsol pa bdag sgam po lags so/
/lus dang ngag dang yid kyis nyes par spyod pa mi sdug pa mi
'dod pa yid du mi 'ong ba yod dam/ mchis lags so/ /khyod kyi
mi dge ba'i

bshes gnyen su yin/ rang gi sems lags so zhe'o/ /kun dga' bos
de'i rgyu zhus pas/ sngon sangs rgyas 'od zer can gyi dgra
bcom pa zhig 'khor lnga brgya dang bskyed mos tshal zhig tu
rgan rim gyis shing drung der bsam gtan byed pa na/ rgyal po
sgam po der song ba'i

btsun mo dag 'khyams pas de dag mthong nas dad par gyur te/
rgan pa de la chos nyan pa dang/ rgyal pos sgra de thos pas
ral gri phyung ste song ba dang mthong nas nga'i btsun mo
'khor bslad do snyam ste khros pas 'khor dag la bsgo nas/ de
rnams lcag gis lus

@128b zhu rlubs su sha sna dgu ltar bzhus/ la la gson por gsal
shing la btsugs/ ral gri la sogs pas bsnun/ la la gson por
khyi la zar bcug /la la dum bu drug tu bcad de phyogs thams
cad du bor ba'o/ /de nas da ltar gyi bar du lus 'di lta bu nyi
tsher bskyar

zhing skyes pa ste/ da dung bskal pa bzang po 'dir sangs rgyas
lnga brgya'i bar du 'di nyid du skye'o/ /de nas rigs ngan zhig
tu skye ste nags khung du rnyi la sogs pas ri dwags bshor ba
na/ der rang sangs rgyas shig mtshan mo gnas pa'i dris ri dwags
mi 'ong bas/ yang de

bsad pa las mnar med nyi tsher lan mang du skye'o/ /de nas
sangs rgyas bla ma zhes bya ba'i ring la mir skye ste/ dgra
bcom pa thob pa na yang rgyal po zhig gis sngar gyi de kho na
ltar gsod pas sdug bsngal mthar byed par gsungs so/ /tshe dang
ldan pa maunggala gyi bus yi

dwags lus che ba la ro smad gcig rked pa yan chad gnyis su
gyes pa 'bar rab tu 'bar zhing phan tshun brgyug pa na las las
skyes pa'i sengge dang stag la sogs pa lcags kyi mche ba can
mang pos gcod cing za/ mis ral gri rnon pos ro stod gcig bcad
na gcig

skye ba'i res kyi sdug bsngal mang po myong ba mthong nas/ las
bsams pas ston pa 'od srungs kyi dge slong zhal lta bas dge
slong dbyar gnas pa'i rnyed pa bcad de rgun gnas pa la phul/
rgun gyi dbyar gyi la phul/ la la'i bcad de rang gis spyad cing
gzhan la byin pa las yin

par shes so/ /yang des ri bin de'i nags na yi dwags lus rab tu
'bar ba kun gyi za ba mthong ste/ ston pa 'od srungs kyi dge
slong gnyer pas dge 'dun dang mchod rten dang phyogs bzhi'i dge
'dun gyi dkor dang/ 'tsho ba nar ma ci dgar spyod cing gzhan
la'ang

byin pa'o/ /yang des rgya mtsho'i 'gram na yi dwags sha sna dgu
'dra ba gtsang khang phyur po tsam pa zhig /sa la ni lus thog
thag nas srin khab kyi mchu can gyis za la/ de ma bzod de mkhar
phyin pas me 'bar te sdug bsngal ba mthong ste/ ston pa 'od
srungs

@129a kyi dge slong gnyer pas dkor rnams spyad cing nye du
la'ang byin la/ la la ni khros pas mer bsregs pa'o// ! ngag
gis gtsor gyur pa'i dbang du byas nas/ dam pa'i zhing la sdang
bas gshe ba dang/ /skur pa smra dang gzhan gyi 'khor 'byed pa/

'gro ngan lhung nas sdug bsngal mang ldan 'gyur/ /sangs rgyas
nyid na'ang gzhan gyis 'khor 'byed 'thob/ /sdig ltas 'phags la
sdang bas skur pa dang/ /phrag dog gis ni dam pa la smod pa//
dmyal ba'i sdug bsngal bzod dkas gdung 'gyur zhing/ /tshe

rabs mang por skur dang mi snyan 'thob/ /yang ston pa 'od
srungs kyi tshe
dge slong ma zhig gnyi ga'i dge 'dun gyi zhal
ta byed pas na/ brel ba zhig gi tshe slob pa dang mi slob pa'i
dge slong ma mang po la grogs bcol ba ma nyan pas khros te/
nga ni khyi mo 'dra ba khyed

dgang zhing gso ba 'ba' zhig byed na/ khyed ni skad cig tsam
du nga'i don byed du'ang mi btub bam zhes tshig ngan smras
pas/ bshags kyang tshe rabs lnga brgyar khyir skyes so/ /yang
de'i tshe dge slong zhal ta ba sbyin bdag la gung skyems dgos
pa na/ phyi dro gung skyems

kyi zhal ta ba dge slong dgra bcom pa zhig dge 'dun la gung
skyems brims nas lus ngal te gnas khang du 'dug pa dang/ zhal
ta ba des ma rnyed pas khros te dris nas mig btsums te mig
dang 'di 'dra ba de yin pa lta zhes nas/ de'i drung du song
ste nga ni khyed kyi

bsnyen bskur byed na khyed ni dad rdzas spyad nas tshang du
khyi bzhin nyal zhes pas/ bshags kyang skye ba lnga brgyar
khyir skyes te mir skyes pa na'ang mig chung du gyur pa'o/
/yang maunggala gyi bus dmyal ba lus shin tu cha ba'i kha nas
mi dag gis lce phyung ste lcags 'bar

ba'i sa la lcags phur 'bar bas thang chad par brgyangs shing/
rmon dor 'bar ba stong gis glang gi rmig pa spu gri 'dra bas
dmyal bar rmod pa mthong ste/ las bsams pas ma shes nas ston
pa la zhus pas sngon ston pa bgrod pa ma nyams pa'i dge slong
sde

@129b snod gsum pa rgyal po'i pho brang na brtan pa rnyed pa
dang grags pa che ba zhig ste/ der dgra bcom pa sde snod gsum
pa 'khor lnga brgya pa zhig 'ongs thams cad de la dad par gyur
te bkur sti byed cing snga ma spangs pa dang/ des phrag dog
gis ni sdig pa can tshul khrims 'chal

ba'o zhes skur pa btab cing bskrad pa'o/ /phyis sangs rgyas
bla ma'i tshe dgra bcom par gyur pa na'ang skur pa thob bo/
/ston pa'i dge slong lnga brgya lhas byin gyis phye ba ni
sngon wA rA Na sEr rgyal po tshangs byin gyi drang srong gi
gnas zhig na drang srong mngon shes lnga dang ldan pa 'khor

lnga brgya pa zhig yod do/ /der lho phyogs nas bram ze 'khor
lnga brgya pa rig pa'i gnas bco brgyad kyi pha rol tu phyin pa
zhig 'khor la gsang tshig slob bo/ /drang srong de'i 'khor gyis
kyang bslab par zhus pas/ gzhan gyi slob ma slob par mi byed
ce'o/ /bdag cag mkhan po bor

te khyod nyid la brten ces pa dang da dag bsduspa las so/ /des
yun ring por dmyal bar bcos shing gang du skyes par yang khor
dbya bar gyur te/ /yang tshe dang ldan pa ka ka li ka sab kang
ri la 'jigs byed ma'i nags tshal ri dwags kyi gnas na/ yul de'i
mi dag gis

bkur sti cher byas te der dge slong 'ongs so cog la yo byad
thams cad kyis mkho ba stobs/ shA ri'i bu dang mo'u 'gal gyi
bu gnyis kyang der dong nas nags na gnas pa das thos te phyag
byas nas kho bos mkho ba thams cad sbyar gyi/ thugs khral
chung ngur bzhugs shig ce'o

ri 'di 'jigs pas gnas mi phod kyi dgon pa zhig tu cha'o/ /der
yang kho bos yo byad sbyar ro/ /nged der 'dug pa su la'ang mi
smra na dang du blang ngo/ /smras na dad ma sbran bar 'gro'o/
/de ltar chad nas des de gnyis la bkur sti byed do/ /phyis des
'khor dag de gnyis la bcol te

ljongs rgyur song ngo/ /de gnyis kyi de dag la chos bstan pas
dgra bcom pa'ang thob bo/ /yang phyis lhas sab kang ri pa la
khyed kyi grong 'dab na mchog gnyis po gnas na de dag la mchod
pa ma byas par khyed kyis legs pa ci rnyed ces bsgrags pas sde
tshan nas sde tshan

@130a dang pha tshan nas pha tshan dang/ dga' sde nas dga'
sder 'dus te kun gyis bsnyen bkur byas so/ /de gnyis rnyed pa
dang bkur stis g.yengs bas sngar gyi chad las de nas 'gro ba
na 'khor rnams nged kyang 'gro'o zhes pa la/ khyed rgyab tu
songs shig /nged

gud du 'gro ba dag gi don bya'o zhes de gnyis lam gzhan du
zhugs so/ /char bab pa dang ri sgab de'i ri phug zhig na ma
he'i rdzi mo zhig dang sngar mi gnyis nyal po byas nas song
ba'i 'og tu de gnyis kyang phug sgo der 'dug go /ko ka li ka
rang gi sar log pa dang 'khor su'ang

med pas gar song dris pa na de gnyis kyi phyir dong ngo zhe'o/
/de cher khros te rang gis 'khor 'gug 'dod nas lam der bsnyags
pas phug der sleb pa dang/ phyag byas te kun dga' ba'i gtam
byas shing 'khod pa dang/ bud med des skad thos pas phug nang
nas byung ste song ngo//

ko ka li ka khu 'phrig za ste de mtshan rtags mkhas pas de la
skyes pa gnyis nyal ba shes nas sdig lta skyes shing de gnyis
sdig pa can du rig pa las zhe gcod pa'i tshig gis kun tu de
skad bsgrags so/ /dge slong dag gis thos pas ston pa la zhus
so/ /des ko ka li

ka khyod de gnyis ngas pa bye brag phyed pa tshangs pa mtshungs
par spyod pa la dga' bar gyis shig/ yun ring por gnod par gyur
ta re/ bdag ston pa la dad mod kyi de gnyis ni sdig pa can
lags so zhes te/ ston pas lan gsum bzlog kyang ma nyan to/ /de
langs te song

ma thag lus thams cad 'bras yungs 'bru tsam gyis gang ngo/ /da
nas rgya sran dang rgya shug dang skyu ru ra dang bil ba dang
ka pid ta'i 'bras bu tsam gyis rim gyis gang nas/ kha nas
khrag dron skyug cing bdag tshig go zhes te lus thams cad nas
rnag khrag zag cing shi'o/ /

dmyal ba padma ltar cher gas par skyes te/ lus chen po la mi
dag gis lce phyung nas lcags 'bar ba'i sa la lcags phur 'bar
bas brkyangs shing rmon dor 'bar ba lnga brgyas rmo'o/ /glang
gi rmig pa spu gri 'dra bas kyang dmyal lo/ /stag la sogs pa
lcags kyi

@130b mche ba can dang bya lcags mchu can mang pos kyang za
bas sdug bsngal drag pa'i skad cher 'byin to/ /nam sros pa na
lha gsum ston pa la phyag 'tshal te/ gcig ni ko ka li ka gum
lags so zhes so/ /gcig ni padma ltar cher gas par skyes so/
/zhe'o/ gcig ni/ skyes bu gcig ni

skyes pa na/ /kha nas lta re byung bar gyur/ /nyes par smra
ba'i tshig brjod pa/ /des ni bdag nyid gcod par byed/ /gang
zhig smad 'os skye bo bsngags pa dang/ /bsngags par 'os pa'i
skye bo smod byed pa/ /des ni kha nas rtsod pa de bsags te/
/rtsod pa des ni bde ba myong mi 'gyur/ /'di

na tsho los bdag lkugs pham pa na/ /rtsod pa gang yin de ni
chung ba yin/ /bde bar gshegs la sems ni sdang ba yi/ /rtsod
pa gang yin de ni shin tu che/ /ngag dang yid kyis sdig byas
'phags la smad/ /des na lo grangs dung phyur phrag gsum dang/
/bye ba phrag ni sum

cu lnga yi bar/ /sems can dmyal ba nyams su myong bar 'gyur
zhe'o/ /ma ga ng+ha'i til gyi bang ba til khal bcu tshad nyi shu
pa til phyu bur bkang ba las lo brgya zhing re re phyung bas
zad kyang chu bur can gyi tshe mi zad de gzhan gyi ni nyi shu
'gyur ro/ /des na sdong dum me reg

la'ang khro bar mi bya na shes pa dang bcas pa la lta ci smos
zhes bslab par bya ste nga 'am nga dang 'dra ba ma yin pas
gang zag la tshad mi bzung ngo/ /'dzin na rgyu brgyad kyis
brtag ste spyod pa dang spyod yul dang mdza' bo dang grogs po
dang 'tsho ba dang thos pa dang/ lus kyi las

dang ngag gi las kyis so/ /de gnyis kyis snying rjes de bltar
phyin pa na/ des mthong bas lhag par snying na ste 'dir yang
sdig can gnyis kyis ma btang ngo snyam pas rmon dor stong du
gyur to// kyi hud blun po gsor med ces yi mug ste song ngo/
/sngon grong khyer rdul ldan na dka'

thub can gnyis 'khor lnga brgya dang 'dug pa la/ thams cad
kyis dgra bcom pa ltar rnyed pa dang bkur sti dang grags pas
bstod pa na/ ri sul zhig na drang srong mngon shes can snying
rje che ba gzhan la phan par gzhol ba zhig yod pa rdul ldan du
song ste 'gro ba la phan 'dog 
@131a bar byed do/ /de la bsnyen bkur lhag par gyur pas dka'
thub can de gnyis phrag dog skyes te 'di ni tshul khrims 'chal pa
sdig can 'dod pa spyod pa'o zhes bcil bas de song ba na/ bsnyen
bkur byung bas dga' ba rnyed pa las skye ba thams cad du

de gnyis kyis skur ba thob pa'o// ! lus ngag gnyi ga'i las kyi
dbang du byas pa/ /sdang bas ma dang 'phags pa gsod pa dang/
/dge 'dun ma la skur cing brnyas byed pa/ /mi bzad dmyal ba dud
'gro yi dwags dang/ /bkres pas 'chi sogs sdug bsngal mtha'

yas thob/ /bram ze dbul po zhig gis bu sgur chung ma'i lto na
'dug nas lhag par yang slong mo mi rnyed do/ /btsas nas ma'i nu
zho bskams pas ba'i 'o mas ngan ngon gsos te srid pa tha ma pa
bar ma dor 'chi ba ni mi srid do/ /phyis slod mo la btang ba na
ring du bskor kyang

srog bzungs tsam las mi rnyed do/ /de sangs rgyas la dad pa
rnyed nas rab tu byung ba na'ang bsod snyoms res rnyed res mi
rnyed do/ /gral du 'dug na'ang der zas chad pa 'am rkyen 'ong ba
'am/ yang byung na'ang de lus nas 'og tu 'drim pas/ gong mas ma
thob par 'og mas

mi blang/ ci zhig ltar blangs na'ang der 'dug ste gong mas thob
pa bsgrub/ ma grub na'ang rang gi phyed bshug par yang bcas so/
/des ston pa'i dri gtsang khang phyag dar byas pas zhag gsum
bza' bca' mang po rnyed pa'i lus kyi mthus spong ba bzod de 'bad
rtsol byas pas

dgra bcom pa thob ste/ khams gsum pa'i 'dod chags dang bral ba
gser dang bong ba mnyam pa/ /nam mkha' dang lag mthil du
mnyam
pa'i sems dang ldan pa/ tsan dan spangs pa lta bur bsil bar gyur
pa/ ma rig pa'i sgo ba'i sbubs bcom pa/ rig pa dang mngon par

shes pa dang so so yang dag par rig pa thob pa/ srid pa'i rnyed
pa dang chags pa dang bkur sti la mi lta 'o/ dbang po dang nye
dbang dang bcas pa'i lha rnams kyis kyang mchod pa dang rjed pa
dang gus pa smra ba'i gnas su gyur to/ /de nyin gzhan gyis phyag
dar byas pas zan

@131b chad do/ /phyis nyin phyags ma thogs te phyin pa dang yang
gzhan gyis byas te 'dug pas zan chad do/ /de nas khyim bdag zhig
ston mo byed par 'gro snyam pa na bsam gtan byed cing 'phyis te/
des brel ba zhig gis gdugs tshod snga rabs su byas pas yang chad
do/ /phyi nyin

yang gzhan gyis phyag bdar byas so/ /kun dga' bos thos pas sbyin
bdag gcig de la zan sbyin du bcug pa dang de'i las ngan gyis des
brjed pas nyin gsum bsnyung bar 'dug go /bzhi pa la kun dga' bos
bsod snyoms lhag pa bslangs te sbyin du song ba na lam du

khyi dag gis phrogs so/ /lnga pa la maunggal gyi bus de ltar
byas pa lam du bya rog dag gis phrogs so/ /drug pa la shA ri'i
bus blangs pa mi ma yin pas mi snang bar byas so/ /bdun pa la
yang des de ltar byas pa na yang de'i las ngan gyis khang pa la
sgo la sogs pa med par gyur

to/ /rdzu 'phrul gyis phye ba dang lhung bzed sa la bying ste
gser gyi sa gzhi la thug par lhung ngo// rdzu 'phrul bskyed de
blangs nas byin pa na kham blangs so cog mi snang bar gyur to/
/shA ri'i bus kham gcig khar bsnyod pa na kha byil por gyur to/
/rdzu 'phrul bskyed kyang kha dbye bar

ma nus pa dang nyi ma yol te gdod kha bye'o/ /der da cis gnad
dris pas skom pa'o zhe nas chu byin par las las skyes pa'i mis
thal ba blugs so/ /myong bar nges pa'i las su shes nas thal skyo
de 'thungs te cho 'phrul bstan nas 'das so/ /sngon ri khrod kyi
khyim bdag phyug po sbyin

pa la dga' ba zhig gis bur gyur te/ /pha shi ste ma sngar ltar
sbyin pa byed pa bus bzlog kyang ma bzlog pas khang phugs su
bcug ste sgo bsdoms nas zas skom gcod do/ /zhag bdun na nye du
dag gis thos nas bton pa dang srog rgyu tsam ste bu la chu
bslangs par thal ba

btab nas bsad pa'o/ /des lo dpag tu med par dmyal bar brtsas
btsos thar nas kyang gang du skyes par thal skyo 'thung zhing
bkres pas shi'o/ /dgra bcom par gyur kyang de ltar shi ba'o/
/yang ston pa 'od srungs kyi dge slong spun gnyis las phu bo
rnyed pa che bas dge 'dun gyi

@132a zhal ta byed 'dod pa na/ nu bos de kun ni rtag tu yi dwags
ltar gzhan la re ste khyod dge ba btang nas de ltar byed dam
zhes/ rnyed pa'i bar chad dang ngan brjod smras pa bshags kyang
de ltar gyur pa ste las gnyis kyis so/ /rgya mtsho la byings rim
pa gsum

las/ dang po ni dpag tshad nyi khri brgyad stong ngo/ /de la chu
srin nya mid dpag tshad bdun brgya pa ste/ de nas thon cing kha
gdangs pas srog chags chu dang bcas pa khar babs pas lto gang ba
na chu sos btsags nas srog chags rnams za'o/ /byings gnyis pa
nyi khri lnga stong ba

na chu srin nya mid dpag tshad stong bzhi brgya pa byings de
gnyis nas thon cing sngar ltar za'o// gsum pa nyi khri lnga
stong pa chu srin nya mid nyis stong chig brgya pa byings de
gsum nas thon te de ltar za'o/ /nya mid gcig la chu srin chung
ba dag gis dum bu dum bur bcad

cing rgyang grags gcig nas brgya'i bar du za'o/ /de ma bzod de
thad la thon pa na las las skyes pa'i gnod sbyin lnga brgyas
zhag lnga brgyar sta re lnga brgyas rtsib ma zhe gcig gcod do/
/tshul des rtsib ma thams cad bcag pas skad po che phyung ste
rgya mtshor 'gre ldog pa'i khrag

gis 'khrugs shing 'dres pas thams cad khrag du snang ngo/ /der
srog chags dag gis yang za ste chu thang gnyi gar sdug bsngal mi
bzad pa myong ngo/ /nga ? maunggal gyi bus mthong nas las cis
skyes pa rabs kyi mtha'i bsam gtan gyis kyang ma shes nas ston
pa kho nas mkhyen

snyam ste zhus so/ /bka' stsal pa sngon ston pa ri bo'i ring la
khyim bdag gis chos thos nas dad pa rnyed pas phyir mi 'ong ba
thob ste/ tshangs par spyod pa'i gzhi dag mnos nas chung ma la
khyod 'dir 'dug na yang zas dang gos byin no/ /khyim thabs 'dod
na'ang gzhan la btang ngo zhes

pa dang/ nga 'di nyid du jo bo'i rim gro byed de gzhan mi 'dod
ce'o/ /de gzugs mdzes pas kun yid smon byed de/ sna chen po la
gtogs pa zhig thabs cis 'di spyad snyam nas gser mang po khyer
zhing dbang po khrid da/ nga rgyal po'i don la ring du 'gro bas
'di bcol lo

@132b zhes dge bsnyen de la gtad do/ /phyis tha gi tsam na dbang
po med par blangs pa dang/ de drang po zhig pas byin no/ /phyis
dbang po khrid de yang len pa na/ ngas phyir byin zin zhe'o/
/ngas cung zad kyang ma blangs te dbang po med par ga la sbyin
zhes nas/ rgyal po'i grwar khrid pas

gshags kyis pham par byas shing rang gi khyim du khrid de 'breng
rlon gyis pa zhus pa dam rab tu byas pas rtsib ma thams cad zhe
ma ste shi'o/ /de la bu med pas rdzas thams cad bsdus shing
chung ma khrid khyod kyi phyir ngas 'di ltar byas pas da bza' mi
bya'o zhes pa dang/

'di'i rus bu la mchod pa ma byas par khyod dang 'dur ji ltar
rung ste de byas la 'du'o zhes pas/ des rus pa de bsregs pa na
bud med de der mchongs te shi'o/ /des 'di dmyal bar ring du
'khor nas dud 'gro'i skye gnas 'dir yang nas yang du skyes so/
/phyis ston

pa yid bzang gi tshe/ las zad de thar nas dgra bcom par 'gyur ro/
/yang dga' byed kyis rgya mtsho'i 'gram na yi dwaD mo sgren mo
skras g.yogs pa sdong po me reg 'dra ba dmus long/ kha nas srin
bu mang po 'byung ba'i dris dpag tshad mang po khyab pa/ gar 'gro
bar

khyi sngo khras za bas sdug bsngal te skad cher 'thon cing
brgyug pa mthong ste/ ston pa 'od srungs kyi dge slong ma kha
tshas ngan pa 'thab dgrol can gyis dge slong ma mang po la skur
ba btab cing rnyed pa'i bar chad byas la/ sdang mig gis kyang
bltas pa'o// ! gzhan

yang sdang bas bse ru skyes mchog mig phyung ba/ /brtse bas cho
'phrul bstan las 'gyod pa yis/ /bshags kyang yun ring dmyal sogs
dmus long 'gyur/ /srid mthar phyin kyang bya yis mig brus 'das/
/yul mi thi la'i khyim bdag phyug po sna tshogs can

zhes bya ba la bu byad ngan pa long ba zhig btsas pas pha ma yi
mug ste nam sros pa na lam po cher khyi la bor ro/ /ston pas de
la brten pas gdul bya dag drang bar bzhed pas der byon to// yul
gyi mi mang po yang sngon gyi dge ba'i rtsa bas bskul te der
'dus pa na

@133a ston pas de tshe rabs dran te smra shes par byin gyis
brlabs nas gsungs pa/ khyod mi sdug pa yin nam/ bdag mi sdug pa
lags so/ /lus dang ngag dang yid kyi nyes par spyod pa'i 'bras
bu mi sdug pa nyams su myong ba yod dam/ mchis lags so khyod kyi
mi

dge ba'i bshes gnyen su yin/ rang gi sems lags so/ /thams cad
ngo mtshar skyes te zhus pas/ sngon gyi mi thi la 'di nyid na
rgyal po phrag dog can zhig nam btsun mo'i 'khor dang rgyu ba
na
lam du mi su'ang med par byed/ sgo dang skar khung dag kyang
yol
bas gcod brgya la glo

bur du la las btsun mo bltas na mig 'byin pas mang po dag gi mig
phyung ngo/ /de phyis skyed mos tshal du song ba na ma tshor bar
rang sangs rgyas gcig btsun mo'i 'khor du bab pa dang de shin tu
gzugs bzang ba zhig pas btsun mo dag dad nas btud cing phyag
'tshal lo/ /rgyal

pos de thos pas phrag dog gis cher khros te mig gnyis 'byin du
bcug go /de'ang sngon gyis las ngan pas rdzu 'ang ma dran na
'phrul ba lta ci smos/ de nas des cho 'phrul bstan pas 'gyod de
bshags pa byas so/ /de 'das pa na yang gdung la mchod pa byas te
smon lam

btab kyang/ yun shin tu ring por dmyal bar sdug bsngal chen po
myong ngo/ /tshe rabs lnga brgyar ni yi dwags dmus long du'o/
/lnga brgyar dud 'gro dmus long du'o/ /lnga brgyar mi dmus long
du'o/ /phyis ston pa yid bzang gi ring la mir gyur te rab tu
byung nas dgra

bcom pa thob pa na yang nyal ba'i tshe bya gag dag gis mig gnyis
phyung nas 'da' bar 'gyur ro// ! 'dren ma'i las 'bras kyi dbang
du byas nas/ log g.yem srog gcod mang byed legs bsdams te/
/'dren pa mnyes byas longs spyod gzugs sogs ldan/ /dgra

bcom 'das kyang rgyal bas mchod pa thob/ /'on kyang kun tu tshe
thung nad mang gyur/ /skye dgu tshe lo bzhi khri pa na rgyal po'i
pho brang bde ldan du mdun na 'don bram ze mes byin gyi bu gnyis
las bu pho ni ston pa 'khor ba 'jig go /nu bo bag med pas log
g.yem dang srog gcod mang

@133b du byed pa ri dwags bshor ba na/ ston pa des mi dge ba las
bzlog ste skyabs 'gro dang bslab pa'i gzhi la bzhag pas/ gtsug
lag khang yongs su rdzogs par byas shing ston pa la phul nas
smon lam btab pas/ rdzogs byed ces bya ba 'byor pa dang ldan pa
gzugs bzang zhing

mdzes par gyur pa ste gang du skyes par tshe thung zhing nad
mang
bar gyur to/ /yang ston pa 'od srungs kyi tshe dgra bcom pa zhig
'das pa na mkhan pos pha ma la spran te sku gdung gi mchod pa
byas nas/ bdag gang du skyes par 'byor pa che ba dang/ rgyal ba
mnyes par byas nas dgra bcom pa

thob ste 'das pa na rgyal ba 'khor dang bcas pas mchod passmon
lam btab pa las/ 'di 'das pa na'ang de ltar mchod pa'o// ! gzhan
yang khro bas dge slong gnod byas lus nyams te// 'gyod pas gsos
las rgyal bas gnod bsal 'gyur/ /dam pa smad pa

'gyod pas bshags nas ni/ /rab byung smon pas gnyi ga'i 'bras bu
thob/ /tshig ngan brjod pas lus ngan thob gyur pa/ /rgyal la dad
pas myur du don chen thob/ /yang ston pa 'od srungs kyi dge
slong mtshe ma gnyis las/ phu bo rgod bag che bas nu bo brtan po
zhig nyal ba na yang

dang yang ljid kyis mnan pas/ de khros te der so bag bsgreng ba
na phu bos yang ljid kyis phab pas rked pa chog /de 'gyod nas
gsos pas sos te dgra bcom pa thob pa na yang bkur sti byas so/
/dkon mchog gsum la yang mchod pa byas te/ de'i las smin na yang
rgyal

bas gnod pa sel bar smon lam btab pas/ sgur bun ltar gyur pa ste
gang du skyes par rked pa chag pa'o/ /yang ston pa 'od srungs
kyi tshe/ khyim bdag spun gnyis las phu bos ston pa de las/ chos
thos pas sdig pa'i las bor nas dge ba nyi tshe la gnas so/ /nu bo
zhing las

byed pas nga ni tsha ba dang grang bas nyen bzhin du las byed na/
'di ni khyim na 'phye bo ltar 'then cing ci'ang mi byed do zhes
pa dang/ phyis 'gyod de bshags nas gnyi ga rab tu byung bas phu
bos ni dgra bcom pa thob bo/ /nu bos kyang smon lam btab pas
'phye bor skyes kyang rab tu

@134a 'byung ba'i sems bskyed pa na yan lag yongs su rdzogs nas
dgra bcom pa'ang thob bo/ /yang ston pa 'od srungs kyi dge slong
ma kha tshas ngan pa zhig dge slong ma mang po la 'phya zhing/
rigs ngan rigs ngan mor brjod pa/ phyis 'gyod de bshaD

nas smon lam btab pa las/ bu mo mi sdug pa sna bco brgyad dang
ldan pa zhig tu skyes te/ pha mas bskrad pas sa sgre bo la sgren
mor nyal ba mdze nad kyis nyam thag nas 'gyel ba la/ kun dga'
bos brtse bas skra dang sen mo'i mchod rten la spos byug 'bul

du bcug go /de mgon med zas sbyin gyis mthong nas gos dag byin
no/ /des ston pa mthong ba na skra dang sen mo la bkur sti byas
pa'ang 'di 'dra na zhes dad pas gos phul te dga' bzhin shi bas/
bu mo gser mdog tu skyes te kun dga' bo la lhag par bkur

sti byed pa'o/ /rab tu sbyin pa chen po bzhi ni gser gyi mkhar
ba dang ril ba dang gzhong ba dang rin po che sna bzhis spras
pa'i lam khri dang/ kar sha pa na lnga brgya dang/ bu mo rgyan
thams cad kyis klubs pa'o/ / ! gzhan yang sde snod gsum pas dge
'dun mnyes

byed pa/ /sred pas gser dngul bskungs nas ngan brjod pas/ /sdug
bsngal bzod dkas yun ring rab mnar nas/ /srid mthar phyin cing
chos smra'i mchog tu gyur/ /mnyan yod du phyi sa'i 'dam na srin
mgo dge slong 'dra ba lus thams cad srin bu khab rtse

'dra bas za bas lwa ba'i spu ltar khyab bo/ /ma bzod pas 'dam na
phan tshun brgyug cing 'dam dkrug glong la phyi sa nyid za'o/
/ston pas de la brten nas mang po zhig drang ba'i don du phyi
sa'i dris kun tu khyab par sprul pa dang/ thams cad der 'dus pa
na ston

pa'ang byon te srin des tshe rabs dran zhing mi'i skad du smra
bar ting nge 'dzin mdzad nas khyod sde snod gsum pa yin nam zhes
pas/ /bdag sde snod gsum pa lags so/ /lus dang ngag dang yid kyi
nyes par spyod pa'i 'bras bu mi sdug pa myong ba yod dam/ mchis

@134b lags so; ;khyod kyi mi dge ba'i bshes gnyen su yin/ rang
gi sems lags so/ /thams cad ngo mtshar skyes nas zhus pas bka'
stsal pa/ sngon ston pa thams cad mchog gi tshe khyim bdag gcig
rab tu byung ste sde snod gsum lobs pas rnyed pa dang bkur sti
chen

po dang ldan nas dkon mchog gsum gyi rim gro tshul bzhin du byed
do/ /nog ri la 'phags pa'i dge 'dun bdun khri bdun stong dbyar
gnas par 'dod pas de zhal ta bar bsko ba na khas blangs te/ de
rnams der dbyar gnas par dam bcas so/ /sde sdod gsuM

pas sbyin bdag bskul du phyin pa na tshong pa lnga brgya gru bo
che'i don grub pa dang phrad de/ de dag gi zhal ta ba mthong ba
dang dad par gyur to/ /zhal ta ba'ang der phyin pa la de dag gis
dris te/ 'o na thugs ma gtser cig nged kyis thams cad sbyar ro
zhes te gser

dngul mang du phul lo/ /des ma chog na'ang ci dgos pa 'bul lo/
/dbyar zad pa na'ang gos dag 'bul lo zhe'o/ /de gser dngul gtsug
lag khang du khyer te chags nas bskungs shing dge 'dun la zas
skom ngan po byin no/ /'di tsam gyis nged mi 'tsho zhes pa

la; nga'i mthu de tsam du zad de da khyed nyid sbyin bdag bskul
zhig ce'o/ /de dag gi tshong pa la bslangs pa dang/ nged kyi zhal
ta ba la gser ci dgos pa gtad do zhes nas de la gshe ba dang/
skyengs nas khros te zhal ta ma btub bo/ /nged ni khyod la brten

te dbyar gnas na khyod ci ste mi byed ces pas/ khyed ni nga kho
na'i dad rdzas spyod la/ nga dma' 'bebs pa bas phyi sa'i 'dam du
bying ste za ba bla'o zhes so/ /de dag gis de 'gyod du bcug ste
bzod pa gsol yang 'dir skyes pa ste/ ston pa de'i ring nas nga'i
bar

du 'di nyid du yang dang yang skyes so/ /bskal pa bzang po 'di
la sangs rgyas lnga brgya'i 'og tu snang mdzad kyi ring la 'di
nas thar te mir skyes/ rab tu byung nas mtshams med byas pas
dmyal bar ring du sdug bsngal myong bar 'gyur ro/ /de nas thar
nas ston

@135a ba de'i ring la dgra bcom pa thob nas lung 'bog pa rnams
kyi mchog tu 'gyur ro// ! gzhan yang gzugs kyi dregs pas yon
gnas rnams brnyas shing/ /rang rgyal mi gtsang bsgos nas cho
'phrul la/ /dad pas bkur dang bslab bzung dge bsaD

pas/ /mi sdug dri nga'i lus spangs dgra bcom gyur/ /sde dpon
sengge la bu mi sdug pa sna bco brgyad tshang ba lus la phyi sa'i
dri bro bas khyim gang ba/ sngar mngal ni yod pa na'ang ma la
dri de bro'o/ /de mi dga' ste khyi la bor bar 'dod pa na/ ston
pa las chos thos te bden

pa mthong bas gsos te/ dkon mchog gsum la gus pa dang sangs
rgyas mchod pa mchod du bcug go /des ston pa 'khor bcas la chos
ston gsol nas chos thos pas bden pa mthong ngo// lus 'di lta bur
ma gyur na rab tu byung la 'bad pa bya snyam pas/ lus 'phral du
bzang por gyur te rab tu byung bas dgra bcom pa thob bo/ /sngon
ri khrod kyi grong zhig na bram ze gzugs bzang po zhig gzugs
kyis dregs pas dge sbyong dang bram ze du ma la brnyas pa byed
do/ /der rang rgyal ba zhig zas khyer te song ba la/ des phyi

sa'i gyo mo rkang pas 'phul bas mgo dang lus dang lhung bzed
khyab par bsgos so/ /des cho 'phrul bstan pas 'gyod de/ dad pas
gos der bor nas lus spos chus bkrus shing gos bzang po phul/
bzod pa gsol smon lam btab pa'o/ /yang ston pa 'od

srungs kyi dge bsnyen du gyur pa na bslab pa'i gzhi bzungs te
bsod nams dag byas pas 'byor pa che bar gyur ba'o// ! gzhan yang
'jyngs pas rang rgyal bsod snyoms phul ba las/ /'gyod de
phrogs nas mtho brtsams bskrad pa dang/ /cho 'phrul la dad bkur

dang tshangs spyod smon/ /mi sdug lus spangs 'byor ldan dgra bcom
gyur/ /shi shu ma ra'i ri la khyim bdag phyug po zhig la bu mi
sdug pa sna bco brgyad tshang ba zhig btsas pa ngan ngon tsam
gsos te slong mo la btang ba na byis pa dag gis 'dre yin no zhes
brdung

@135b zhing skrod do/ /bskyed mos tshal du song bas kyang de ltar
bskrod do/ /nyin mo tshang tshing du gab cing/ nyi ma nub pa na
tshal du zas brul ba dag gis srog zungs tsam byed do/ /ston pas
de bas kyang mi sdug par sprul te bza' bcas gyo mo bkang nas
phyin pa mthong bas des bros so/ /

'bros mi nus par mdzad pas de'i drung du blta 'dod nas song ba
dang/ sprul ba'ang bros pas khyod ci ste 'bros zhe'o/ /khyod
kyis nga 'dre yin snyam te brdeg tu dogs so/ /nga'ang las ngan
pas 'di ltar gab pa yin gyis/ da 'o skol 'grogs so/ /de ltar
bya'o zhes te de la zas byin pa zos

pas lus brtas nas dga' bzhin du bltas pa dang/ rang bzhin gyis
sku mtshan dang dpe byad bzang pos brgyan cing sba ba/ mi'i lus
kyi dbyibs su 'dug pa/ me lce mar gyis btab pa'am mar me gser
gyi snod du bzhag pa'am mchod rten rin po che sna tshogs kyis
spras pa lta

bu blo gsal zhing dri ma med la rnam par dag pa mthong ngo/ /de
mchog tu dga' ste dge ba'i rtsa ba bsags pa'i sems can gyis dang
po sangs rgyas mthong ba'i nyams bde ba lta bu ni lo bcu gnyis
su zhi gnas goms pa'ang mi skye bas so/ /chos gsungs pas bden pa
mthong

ste bdag lus 'di lta bu zhig tu ma gyur na rab tu byung la 'bad
pa byas na snyam du bsams ma thag lus bzang po zhig tu gyur te
rab tu byung bas dgra bcom pa thob bo/ /sngon ri khrod kyi khyim
bdag 'jungs pa zhig gis drung du rang rgyal ba bsod snyoms la
byung ba na phul

nas 'gyod de/ de la byin pa bas las byed la byin bla zhes te
phrogs nas lus ngag gi tshul mi sdug pas mtho brtsams shing bskrad
do/ /des brtse bas cho 'phrul bstan pas dad nas bzod pa gsol te/
bsod snyoms phul nas smon lam btab pa'o/ /ston pa 'od srungs

kyi tsha 'ang rab tu byung nas tshe gcig tu tshangs par spyad de
smon lam btab pa'o// ! gzhan yang khro bas rdul bral la smad
'gyod pa yis/ bzod gsol chos bzhin zhal ta byas pa las/ /dud
'gror 'khyams tshe rgyal la dad thob pas/ /lus bzang thob nas
dgra bcom
@136a dge 'dun mchod/ /mnyan yod na glang khyu gcig yod par
glang khyu mchog gnyis 'thabs pas gcig gi lto dral te rgyu ma
lhug nas zla la zhe sdang skyes bzhin du 'gyel/ /ston pas de da
lta shi na dmyal bar 'gro bas 'don par dgongs te/ rgyu ma

lto bar bcug /rma drups rtsa chu byin nas chos gsum gsungs shing
nga la dga' bar gyis dang dud 'gro las thar srid kyis zhes
gsungs pas/ de dad bzhin du shi ba mnyan yod nyid du tshong dpon
gyi bur skyes so/ /lo bdun na ston pa la dad pas pha ma la zhus
te rab

tu byung bas dgra bcom pa thob bo/ /rdzu 'phrul gyis gling gzhan
nas me tog dang 'bras bu blangs shing dge 'dun la 'bul lo/ /dge
slong dag dge tshul de la ya mtshan skyes ba'i sngar gyi glang de
yin par gsungs so/ /sngon ston pa 'od srungs kyi dge slong chu'i
zhal ta bas

dge 'dun la chu 'brim pa na/ dgra bcom pa zhig yengs pa dang
thug pas ril ba shor te chag nas khros te glang dir bo ltar che
la tshor 'phrig med do zhe'o/ /des 'gyod du bcug pas bzod pa gsol
nas smon lam btab pa ste tshe rabs lnga brgyar ni glang du skyes
so// !gzhan yang

phrag dog gis ni rdul bral la gshe zhing/ /bzod gsol chos bzhin
zhal ta byas sogs kyis// bshang gcis gos shing de dag za 'thung
ba/ /rgyal la dang thob rab byung zag pa zad/ /mnyan yod du
khyim bdag phyug po zhig la bu bshang gcis g.yogs pa zhig btsas
te khyim

thams cad de'i dris gang ngo/ /'gro nus pa na phyi sa la la za/
la la lus la skud cing mi gtsang ba'i 'dam snyags snyigs su gnas
te gcin 'thung ngo/ /gzhan gyis mthong bas 'di wa 'dra'o// zhes
te war grags so/ /'od srungs rdzogs byed nged ni gci ba za ba'i
yi dam byed na

'di ni de bas lhag pa'o snyam nas/ khyod nga la rab tu byung la/
yi dam du long zhig dang bsod nams mang du 'phel lo zhes te skra
gtogs/ phor pa dang rma bya'i mdongs kyi phyags ma byin nas yi
dam de la bkod do/ /yi dwags lnga brgya'ang nub mo 'dam rdzab

@136b der za 'thung byed pa'i sgra ni des thos la gzugs ni ma
mthong ngo/ /rdzogs byed kyis yi dam des khyad par cung zad thob
bam zhes pa la/ khyad par ci lags ma 'tshal lo zhe'o/ /lha'i
gzugs mthong ba'am sgra thos pa'o zhes pa la/ gzugs ni ma mthong
na mang po zhig gi skad

thos so zhes pas/ de dag ni bdag nyid chen po brtul zhugs grub
pa yin gyi/ yi dam 'di nyid kyis lus mthong yang srid do zhe'o/
/phyis lus mthong ba na dris pas/ lus ni bstan te mi sdug pa dag
cig go zhes so/ /da dung yi dam de la 'bad dang rang gi gzugs
ston

to zhe'o/ /yi dwags de dag 'chi ba shA ri'i bus shes te chos
gsum bshad pa dang shi ba lhar skyes nas/ sangs rgyas mchod pa
byas te chos thos pas bden pa mthong ngo/ /wa dran nas de'i don
bya'o zhes der song ngo/ /des mthong ste khyed su yin zhes pas/
khyod kyi

grogs de dag go zhe'o/ /yi dam des khyed 'di ltar gyur tam zhes
pas/ ma yin te nged las ngan pas yi dwags su skyes pa shA ri'i
bus bton nas lhar skyes kyi/ khyod kyang sangs rgyas la skyabs
su gsol cig ces te song ngo/ /rdzogs byed kyi de dag mthong bas
'di ni

brtul zhugs grub pa bdag nyid chen po ste lha rnams kyang lus
ston pa'o zhes bsgrags pas sems can mang po de la yi dam du byed
do/ /wa ni chu klung khang ldan gyi 'gram du song ste lus thams
cad sas drud cing khrus byas nas ston pa la phyag byas shing
chos thos

pas bden pa mthong ngo/ /rab tu byung ba dang dgra bcom pa'ang
thob bo/ /sngon ston pa 'od srungs kyi tshe khyim bdag phyug po
zhig gis gtsug lag khang rnam pa thams cad rdzogs par byas te yo
byad thams cad sbyar nas dge slong zhal ta ba bskos so/ /de
gzhan du song ba

ni dgra bcom pa zhig der 'ongs pa la khyim bdag dad par gyur te
de'i ngor sang dge 'dun spyan drangs shing 'dreg mkhan bkug nas
dge slong rnams kyi skra bregs/ tshig dang ldan pa'i khrus phul
chos ston gsol/ zhal ta ba de log ste de ltar byas pa la nga bya
ba thams

@0137a cad byed na gsar pa 'ongs pa gcig gi phyir 'di tsam byed
pa zhes khros te/ der song ba na de la gus pa che ba mthong nas
cher phrag dog skyes nas/ dgra bcom pa la khyod de las skra
'dreg pa bas skra gtogs bla'o/ /khrus de bas phyi sar bying

bla'o; ;zas skom len pa bas bshang gci za 'thung byed pa bla'o/
/zhes so/ /des 'gyod pa bskyed pas bzod pa gsol te zhal ta chos
bzhin byas pa la sogs pa dang smon lam las so/ /yi dwags de dag
ni ston pa 'od srungs kyi dge bsnyen te/ dge slong dag yang dang
yang

slong ba la ser snas non te 'di dag ni yi dwags ltar khor zug tu
gzhan la re'o zhes gshe ba las so// !gzhan yang/ dad rdzas
blangs shing khyim pa la brten te/ /dge sbyong dag la khro bas
smad pa dang/ 'gyod pas legs sbyangs tshangs spyod bsten byas
pas/ /

byar gyur rgyal la dad nas chos mngon rtogs/ ri spos ngad ldang
na bya ku mu da'i dus ston sna tshogs can zhes bya ba na ste 'chi
ka ma zhig gis rtsar ston pa byon te bya tsa sha lnga brgya
bskor ba byed pa sprul to/ /des mthong bas nga'ang bskor ba bya
na snyam ste dad bzhin

du shi ba lhar skyes so/ /de la ston pas chos bstan pas bden pa
mthong bar gyur to/ /de'i las shA ri'i bus rtsad ma chod de bya
nyi tshe brgyud pa las ma mthong nas ston pa la zhus pas/ sngon
rgyal ba don gzigs kyi dge slong zhal ta bas sbyin bdag la bza'
btung bslangs

te khyim pa la ster ro/ /dge slong mang pos bkag pas khros te/
khyed ni dud 'gro ltar bsam mno med pas dge slong gi bya ba mi
byed do zhes so/ /phyis 'gyod pas bshags te tshe gcig tu tshangs
par spyad cing zhal ta chos bzhin byas nas smon lam btab pa'o//
!gzhan

yang; mang du thos pa'i chos smra rnyed ldan pas/ /dge 'dun
mchod byed khros pas ngan brjod las/ /'phye bor gyur te dpal
'byor ston pa la/ /dad pas lus rangs rab byung zag pa bcom//
khyim bdag zhig la bu stod gzugs shin tu mdzes pa smad 'phye bo
zhig btsas pa na/

@137b khyim de'i don thams cad 'byor grub ste thang dang tshul
'gro ba'i tshong thams cad dang gru bo che'ang grub/ phyugs kyi
khyu'ang 'phel/ las kyi sgo thams cad kyang grub pas/ pha ma la
sogs pa kun 'di ni dpal yon can zhig go snyam mo/ /de ltar kun
tu'ang grags pas

thams cad du de lta ba la 'du zhing/ don ci rtsom pa'ang de'i
ming gis byed pa na 'byor pa 'grub bo/ /de rin po che'i khyogs
la zhon te bskyed mos tshal du 'gro ba na/ lam du sangs rgyas kyi
mtshan thos pas blta bar 'dod de/ rgyal byed tshal du song ba
dang/ mthong ma

thag tu dga' ba skyes pas khyogs las babs nas sug bzhis 'phye
zhing song ste phyag btsal nas chos nyan pas bden pa mthong ngo/
/lus 'di lta bur ma gyur na rab tu byung la brtsol bar bya na
zhes bsams ma thag yan lag thams cad rangs te rab tu byung nas

'bad pa byas pas dgra bcom pa thob bo/ /ston pa 'od srungs kyi
dge bsnyen mang du thos pa chos smra ba/ kun gyis bkur ba zhig
dge bsnyen lnga brgya tsam la chos ston cing/ de dag gis kar sha
pa Na lnga brgya lnga brgya yon la 'bul la/ des ni thams cad dge
'dun

la 'bul lo/ /nyin gcig de rnams gtsug lag khang du song ba na
dge 'dun dag 'dul ba'i las shig byed pas khang skyong gis de
rnams phyir bskrad do/ /'khor de dag nged ni bskrad du rung na
khyod chos smra ba ci ste skrod ces nas de la mkhas par 'dzin pa
med

pas de khros te/ /ngas ni 'phye bo khri la 'dug pa khyed la ji
tsam rnyed pa kun byin na/ khyed nga nyid la mi bsgo bar tshogs
su dma' phab bo zhes so/ /dge slong dag gis 'gyod du bcug pas
bzod pa gsol te tshe gcig tu 'bad pa byas pa'i bsod nams la 'di
ltar smon

lam btab pa'o// !dge ba'i las kyi dbang du byas nas/ rgyal la
dad pas bskor ba byed sogs bzhi/ /bse rur lung bstan rnam kun
yongs rdzogs pa'i/ /gtsug lag khang byas sangs rgyas rab mchod
de/ /mchod rten rdzogs byas mi nang lha'i dpal thob/ /bram ze

@138a zhig mchod sbyin byed pa'i shing rta zhon te song ba na
sangs rgyas mthong ba la rab tu dga' zhing bskor ba byas pas/
bskal pa bcu gsum na rang sangs rgyas 'od skor byed ces bya bar
'gyur bar lung bstan to/ /yang de lta bu zhig gis dga' bzhin du
ston pa

la shing rta bstabs pas/ bskal pa bcu gsum na rang rgyal dga'
bar lung bstan to/ /yang bram ze zhig gis rgyal ba mthong nas
dge slong bkra mi shis pa snyam ste bros pa na rgyal bas gar
bros par bzhugs pas/ 'di ni rdzu 'phrul dang ldan pa'o zhes dad
cing dga'

bas me tog spar gang gtor ba rang rgyal me tog bla mar lung
bstan to/ /yang bram ze shing rta zhon pa zhig babs te ston pa
la shing rta bstabs so/ /ston pas de'i steng gi nam mkhar bzhugs
pas dga' ba chen po skyes pas bskal pa bcu gsum na rang rgyal
shing rta sbyin zhes bya bar

lung bstan to/ /khyim bdag gi chung ma zhig sbrum pa na rgyan
mang po btags te khang bzang brgyan nas mal khri brgyan pa la
'dug go/ ltas mkhan la dris pas khong na 'dug pa'i mthur bstan
to/ /zla ba tshang ba na bu gzugs bzang ba rgyan dang bcas pa sha
ma dang dri

mas ma gos pa zhig btsas so/ /khrus bya 'dod de rgyan bkrol ba
na yang byung bas bsod nams kyi mthur shes te rgyan dang bcas
par dkrus so/ khri la bzhag pa na mi'i khri mi snang bar lha'i
mal khri byung ngo/ /khyim du'ang lha'i khang pa brtsegs ma
rgyan sna tshogs kyis

brgyan pa byung ngo/ /sngas su ni gser gyi mchod sdong rin po
che sna tshogs kyis spras pa byung ngo/ /der gter rin po che sna
tshogs kyis gang ba kha phye ba bzhi byung ste/ brgya stong
phyung yang 'bri ba dang gang ba mi mngon no/ /de dbyig tshor
brtags te gang du 'gro bar yang mi ma

yin dag gis ras tshar tshar can 'ding ngo/ /me tog sna tshogs
'grems so/ /de'i phas dgun la sogs pa'i dus dang mthun pa'i
khang pa byas pa yang lha rdzas su gyur ste/ lha mo dag dang
rgyan dang rol mo sna tshogs kyis rtse'o/ /phyis dkon mchog gsum
la dad pa spel te rab tu byung ba

@138b na yang gar phyin par lha'i longs spyod de dag 'ong bas
ngo tsha ba na/ ston pas snying thag pa nas mi 'dod pa'i sems
bskyed du bcug pas thams cad med par gyur te dgra bcom pa thob
bo/ /sngon ston pa 'od srungs kyi khyim bdag zhig gis rnam pa
thams cad yongs su rdzogs pa'i

gtsug lag khang brtsigs par sangs rgyas 'khor dang bcas pa spyan
drangs nas cho ga dang ldan pa'i khrus dang chos ston gsol te/
dbu skra dang sen mo'i mchod rten yongs su rdzogs par byas so/
/de bya dag gis mi gtsang bar byas pas gtsang khang phyur po
rgyan thams cad tshang

ba byas shing sa gzhi 'ang brgyan par byas nas dus ston btsugs
te smon lam btab pa'o// !gzhan yang dbul yang rgyal la bshos
sogs 'byor ldan pas/ /mchod byas tshangs spyod bsten pas don chen
grub/ /rdul bral bshos gsol byar smon mir gyur nas/ /rab byung
zag

pa zad thob dge 'dun mchod/ /bram ze dbul po bza' mi gnyis rgyal
byed tshal dang nye ba na zhing las byed pas/ ston pa 'khor dang
bcas pa phyi nang du gshegs pa mthong ste/ dad nas bgros pas
bshos tsam sbyar ba zhing gar gsol zhing/ bdag cag dbul ba dang
bral

te zhing 'di'i myu gu 'ang gser du gyur cig ces smon lam btab
pas de ltar gyur to/ /rgyal po la sku skal phul ba la khyod nyid
kyi bsod nams yin pas ci bder spyod la sbyin pa dag byin/ bsod
nams dag gyis shig ce'o/ /de ston pa'i bka' drin gzo bas 'byor
ba chen pos

zla ba gsum du 'khor dang bcas pa spyan drangs te/ yo byad thams
cad sbyar zhing tha mar ras zung re phul nas chos mnyan pas
bden
pa mthong ngo/ /rab tu byung ste 'bad pa byas pas dgra bcom pa
thob bo/ /ston pa 'od srungs kyi tshe bram zer gyur cing tshe gcig
tu tshangs par spyad

nas smon lam btab pas kyang ngo/ /ri spos ngad ldang la rma bya
lta sdug ces bya ba lding bas ston pa mthong ste/ babs nas zhabs
drung du 'dug go /chos gsum gsungs pa mnyan te song ba na khras
bsad pa tshong dpon zhig gi bur skyes nas dkon mchog gsum la dad

@139a pas rab tu byung bas lo bdun na dgra bcom pa thob cing dge
'dun la bkur sti byed do/ /sngon rgyal po tshangs byin bi de ha'i
rgyal pos pham par byas pa nags khrod du 'khyams pa na/ rma bya
zhig bya mos bskor te 'dug pa la bde bar mthong ngo/ /

rang sangs rgyas zhig dang phrad pas dad par gyur te rta la zas
cung zad bkal ba phul bas des 'jigs pa med par bskyal lo/ /las
'dis bdag rma byar skyes te ston pa 'di bas lhag pa mnyes par
byed par shog cig ces smon lam btab pa'o// 'gzhan yang/

bslab pa dral bas glang por skyes nas ni/ /rgyal la dad thob
shing grib phul byas pas/ /lhar gyur 'dran pa mnyes byas bden pa
mthong/ /skyabs gsol bslab gzhi bzung bas bye chen gyis/ /char
las thar te dad pas mnyes byas pas/ /lha mi'i dpal myong

bse rur lung bstan thob/ /ston pa 'od srungs kyi dge slong zhig
bslab pa la g.yel bas che phra mang po las 'gal ba byas so/
/kha cig bsrungs nas smon lam btab kyang glang po cher skyes te/
sangs rgyas mthong ba la dga' bas n+ya gro ng+ha'i yal gas nyin

mtshan bskyabs so/ /de sengges bsad pa lhar skyes te/ ston pa
mchod nas chos thos pas bden pa mthong ba'o/ /yang klu'i rgyal
po dbyig gi bu dbyig bzang shed bye ba na/ dus drug tu lus la
bye tshan bab pas sdug bsngal drag po myong ngo/ la la la mi 'bab
pa

mthong ste pha ma la de'i rgyu dris pas che bar grags pa dag go
zhe'o/ /de bas chas ngan pa la'ang mi 'bab pa mthong nas dris
pas skyabs 'gro dang bslab pa'i gzhi blangs pa'o zhe'o/ /de su
las thos dris pas sangs rgyas las so zhe'o/ /de len par zhus pas
ma

len cig ma thub na dmyal bar 'gro ba 'di bas ches sngug go
zhe'o/ /'di tsam gyi phyir yang ci ste mi bsrungs zhes te ston
pa la me tog gtor nas de dag mnos pas bye tshan mi 'bab bo/ /bka'
drin dran te ji srid 'tsho'i bar du mkho ba bstabs par zhus pa
dang/

@139b gzhan la'ang phan gdags dgos so zhes te ma gnang ngo/
/dbyar thon nas ston pa mnyan yod nas rgyal po'i khab tu gshegs
pa'i lam thog thag des mchod bkur rgya tsher byas so// 'od ma'i
tshal du'ang zla ba gsum yo byad thams cad sbyar te na bza' 'bum
ri ba phul/

dge slong rnams la'ang yo byad thams cad phul bas/ de bskal pa
brgyar lha dang mi'i longs spyod myong nas tha ma mi las rab tu
byung ste/ rang sangs rgyas smon lam legs btab ces bya bar 'gyur
bar lung bstan to// !gzhan yang/ bstan bcos mthar phyin rdzu
'phrul

mthu thob kyang/ /nga rgyal dregs pas lam mchog snod ma gyur/
/rang gi tshod shes nges pas don bsams shing/ /bsgoms pas myur
bar tshangs spyad mthar phyin thob/ /ri sul zhig na drang srong
bstan bcos thams cad kyi mthar phyin pa rdzu 'phrul dang mthu
che ba zhig 'khor nyis stong

la chos ston pas de rnams bsam gtam bzhi dang mngon shes lnga
la
bkod do/ /ston pa mtsho ma dros pa nas nam mkha' la gshegs pa de
rnams kyis mthong bas rab tu dga' ste slad bzhin 'brangs nas
rgyal byed kyi tshal du phyin te chos thos pas 'khor rnams kyi ni
bden

pa mthong bar gyur to/ /drang srong de ni nga rgyal gyis dregs
pas ci'ang ma thob bo/ /thams cad rab tu byung ste 'bad pa byas
pas dgra bcom pa thob pa na'ang des ci'ang ma thob bo/ /des
kyang de ltar shes nas 'bad pa byas pas myur du sde snod gsum
lobs te chos smra bar gyur to/  /de 'di snyam du bdag sems can
ston phrag du ma la chos ston kyang rang la mi ston te/ 'di
thams cad bya ba byas na/ bdag gis ci'ang ma thob pas ci bya'i
gtol med kyis/ da nyan pa la sogs pa btang la bsgrims par bya'o
snyam nas/ thos pa'i don de nyid sems

pa dang mjal ba dang nye bar brtags pas dgra bcom pa thob bo/
/de lta bas na don bsgrub pas rdzogs par bslab bo zhes gsungs pa
lta bu'o/ /de dag la sogs pa las phra ba dag las kyang 'bras bu
che zhing mang ba 'byung ba rnam pa du ma gsungs te/ rgyas par
ni mdo nyid las

@140a lta bas nges pa brtan po bskyed par bya'o//'de las tshul
khrims rnam par dag pa la bslab par bya ba'i don du de yang dag
par blang ba la 'bad pa ston pas/ de ltar las 'bras nges brtan
yang dag pa'i/ /lta las 'khor ba'i sdug bsngal gyis skrag cing/
/

mya ngan 'das la 'dun bsam brtan pa yis/ /thub pa'i brtul zhugs
ci nus yang dag blang zhes smos te/ de ltar las dang 'bras bu
sna tshogs la nges pa brtan pa yang dag pa'i lta ba thob na/ de
la las dang nyon mongs pa'i 'bras bu khams gsum gyi 'gro ba lnga
po mtha'

dag sdug bsngal gyi phung po 'ba' zhig par shes nas/ de la skyo
zhing yid 'byung ba dang 'jigs shing skrag pa'i blo bskyed/ de
las ni sdug bsngal de thams cad zad pa'i mya ngan las 'das pa la
bde zhing bsil ba la sogs pa'i yon tan du lta bas don du gnyer
ba'i bsam pa

brtan po las/ yon tan thams cad kyi gzhi rten du gyur pa'i tshul
khrims rnam par dag pa yang dag par blang ba la brtson par byed
de/ mkhan po 'am slob dpon nam dge 'dun du 'os pa tshang zhing mi
mthun pa med pa la sogs pa mthun pa'i rkyen tshang zhing 'gal
ba'i rkyen bar chad la

sogs pa dang bral ba'i tshogs pa tshang ba las/ bslab pa'i gzhi
lnga la sogs pa sngon du btang nas so sor thar pa'i sdom pas
mchog tu gyur pa dge slong gi sdom pa'i mthar thug pa dag ci nus
pa/ gsol ba dang bzhi'i las mi g.yo ba dang bzhag par mi 'os pa
la sogs pa/

sdom pa so so'i sbyor ba dang dngos dang rjes kyi cho ga ci rigs
pas yang dag par nod par bya'o// dran pa nyer gzhag las log par
lta ba spong ba ni 'khor ba thams cad kyid sa bon thog ma med
pa'i mun pa chen po/ log pa'i sbyor ba thams cad kyi bar chad du
gyur ba de las grol

ba yang dag pa'i lta bas/ don med pa thams cad spong zhing 'khor
ba dang ring la/ thar ba dang nye ba ste chos la dga' bas sangs
rgyas kyi yon tan thos pa na/ 'khor pa'i sdug bsngal sna tshogs
la dmigs pas 'gro ba lnga'i lha la 'chi 'pho dang/ mi la 'dod pa
dang/ dmyal ba

@0140b la gnod pa mang po dang/ dud 'gro la phan tshun za ba
dang/ yi dwags la bkres pa dang skom pa la sogs pas sdug bsngal
gyi yan lag dpag tu med pa dmigs so/ /deS ThOG MAR SR-iD PA LAS
nges par 'byin pa'i lam bsgrub par sems bskyed de/ sems gcig las
kyang dge ba'i chos

kyi rgyun nyid skye'o/ /de nas rtag tu rab tu 'byung ba'i sems
bsgom la/ dge ba'i bshes gnyen bsten/ dam pa'i chos nyan chos la
sems phyir zhing gsal bas phyag la sogs pa byed/ lus dang ngag
dang yid kyi las zhi zhing/ gsal bas khyim gyi gnas gzeb lta bu
la mi

chags/ bdud dang g.yul 'gyed par 'dod/ nyon mongs pa thams cad
spang bar 'dod pa las/ ches rab tu 'byung bar sems bskyed de/
dang por bslab ba'i gzhi lnga'i sdom pa len to// dge bsnyen
rdzogs pa na yang bar snang gi gnod sbyin la sogs pa bstod pa
sgrogs pa ste/ rigs

kyi bu che ge mo zhig yul che ge mor skra dang kha spu bregs nas
gos ngur smrig bgos shing yang dag par dad pas khyim nas khyim
med par rab tu 'byung bas bdud kyi phyogs ni dma' bar byed/ chos
kyi phyogs ni mtho bar byed/ nyon mongs pa chen po 'dod chags la
sogs pa las

grol bar byed do/ /de khyim gyi gnas ni sdug bsngal mang po dang
ldan pa nyam nga ba 'ching ba du ma can rang dbang med par rigs
nas 'byung bar 'dod ba na yang sa bla dang bar snang la spyod
pa'i gnod sbyin dag gis rgyal po chen po bzhi la bsnyad pas de
dag rab tu dga'o/ /de dag

dge sbyong gi mkhan po la ci rig gsu bsnyen bkur byas te rab tu
'byung nas so sor thar pa'i sdom pa blangs pas rgyal chen rigs
bzhi pa man chad la sgrogs shing rab tu dga' 'o zhes so/ /des na
'di nyid kyang shin tu don che la rnyed par dka' ba yin pas re
zhig tsam gyis bsam

pa dang sbyor ba btang ste spro ba dang 'bad pa chen pos gtsigs
po cher gzung ba/ ji ltar byas na legs par 'thob par 'gyur ba'i
rgyu rnams la nan tan chen pos bsgrims te btsal bar bya'o// sla
chos dang gyi na tsam sbyor bas ni rang nyid bslu ba kho nar zad
do// !de rjes
@141a su bsrung ba'i thabs las dge ba'i bshes gnyen la brten te
bsrung ba'i dbang du byas pa/ de nas gnas su gyur pa mkhan po
dang/ /slob dpon dag la legs par gnas bcas te/ /ji skad bshad
bzhin legs bsten bslab pa'i gzhi/ /ma lus gus pas

ci nus legs par bslab/ /bya ba kun gyi lung nod bka' bzhin du/
/bsgrub pas rang dgar 'jug pa thag bsrings te/ /kha lo bsgyur ba
dge ba'i bshes gnyen gyi/ /dbang gyur kun tu de rjes 'brang bar
bslab/ /de ltar brtul zhugs rin po che de yang dag par thob
kyang de

tsam gyis ni don mi 'grub pas na/ de rjes su bsrung bas mi nyams
shing 'phel bar bya ba la nan tan chen po bya dgos pas na/
bsnyen par ma rdzogs pa thams cad dang/ rdzogs kyang lo bcu ma
lon pa thams cad dang/ lo bcu lon yang lnga pa dang mi ldan pa
mtha' dag gis

dang po ni dge ba'i bshes gnyen gang gnas par bya ba'i gnas su
'os pa mkhan po dang slob dpon dag ci nas kyang bsten pas bsrung
bar bya ste/ mkhan po ni der gsol ba btab pa nyid na gnas su
grub pa yin pas de dang mtshams gcig tu gnas nas bya ba thams cad

zhu bas de la brten pa dang/ de ltar ma 'dzom na gnas kyi slob
dpon du 'os pa dag la cho ga ji lta bar gnas bcas nas brten par
bya ste/ sngar rgyas par bshad pa ltar de dag yang dag par bsten
pa'i cho gas mnyes par bya zhing/ rang gis dgag pa dang bsgrub
pa dang gnang bar

gtogs pa'i bslab pa'i gzhi thams cad la ci nus kyis legs par
bslab pa dang/ zas dang gos dang spyod lam dang/ dge ba'i sbyor
ba dang/ 'phral gyi bya ba thams cad kyang dus gsum la sogs par
zhu ba dang/ de'i bka' bzhin du bsgrub pa la sogs pas rang dgar

'jug pa ring du dor nas/ kha lo bsgyur ba dang 'dren pa dang
dmigs bu dang/ ded dpon du gyur pa bla ma dag gi gzhan gyi dbang
du gyur pas gnas pa las/ dkar po'i chos thams cad zla ba yar gyi
ngo ltar gong nas gong du 'phel ba'i skal ba can dang/ nyes pa
dang

@141b nyon mongs pa thams cad 'grib pas/ spyod pa thams cad de
dag gi rjes su bslab pa la nan tan chen pos bsgrims te 'jug par
bya ba'o/ /de ltar bla ma dang mtshams gcig las gzhan du skya
rengs shar ba dang bya ba phal cher ma zhus par byas na nyes bar
'gyur bar bcas pas

dge ba'i bshes gnyen la brten pa'i nan tan gsungs pa 'di ni gtso
bor dam pa'i chos 'dul ba'i man ngag chen po'o// ! dge ba'i bshes
gnyen la brten nas kyang rang gi bsam pa'i stobs kyis gnyen po
sbyang bar bya ba yin pas na/ rang gi bsam pa'i stobs kyis

bsrung ba'i dbang du byas nas dang por rang gis sdom pa gang
blangs pa dag gi rtsa ba bag yod pa la bslab pa ni/ bag yod
brtan pos ltung ba sde lnga sogs/ /nyes pa phra ba'ang rab
bsgrims spang bya zhing/ /'phags rigs dge sbyong rgyan dang gso
sbyong sogs/ /gnyen po phra

la'ang rab bsgrims 'bad pas bsgrub/ /bag yod pa ni nyes pa spong
zhing dge ba bsgrub pa la bsgrims pa goms par byed pa yin pas
na/ des ltung ba sde lnga la sogs pa'i nyes par spyod pa dang
de'i rtsa ba nyon mongs pa'i tshogs rnams phra ba'i phra ba yan
chad gnod

par byed pa'i dgra chen po nyid du bltas nas spang ba la bsgrim
pa dang/ 'phags pa'i rigs bzhi dang de'i yan lag tu gyur pa'i
sbyangs pa'i yon tan bcu gnyis dang/ dge sbyong gi rgyan bcu
bdun dang/ gso sbyong dang dbyar gnas pa dang/ dgag dbye dang/
bsam

gtan dang klog pa la sogs pa gnyen por gtogs pa'i chos rnams
phra ba'i phra ba la yang nan tan gyis bsgrims te gtsigs pa cher
bsgrub par bya ba'o// ! de'i rjes su mthun pa'i thabs rnams la
bslab pa ni/ de yang dran dang shes bzhin ngo tsha dang/ /khrel
yod

'jigs dang dul dang legs bsdams dang/ /gus pas mjug sogs rjes
mthun thabs kyi sgo/ /sna tshogs dag nas 'bad pas 'jug las
bsgrub/ /dran pa ni dmigs pa ma brjed pa'o shes bzhin ni blang
dor dmigs phyed pa'o/ /ngo tsha shes pa ni bdag gam


@142a chos kyi dbang du byas te nyes par 'dzem pa'o/ /khrel yod
pa ni gzhan gyi dbang du byas te 'dzem pa'o/ /'jigs pa ni nyes
pa'i 'bras bus bag 'khum pa'o/ /dul ba ni dbang po sdom pa'o/
/legs par sdoms pa ni yul dang thug pa na nyon mongs

pa 'gog pa'o/ /gus pas 'jug pa ni skyabs dang bla ma dang tshangs
pa mtshungs par spyod pa rnams la gus pa dang/ bslab pa thams cad
bsgrub pa la'ang gus pa'o/ /sogs pas ni nyon mongs pa'i gnyen po
mi sdug pa la sogs pa thams cad kyang bsdus pa

ste/ de lta bu'i bag yod pas bslab pa phun sum tshogs pas de
'grub pa'i thabs kyis sgo sna tshogs dang rnam grangs sna tshogs
dang/ dmigs pa sna tshogs dag la 'bad pa'i sgo nas 'jug pas
bsgrub par bya ba'o/ /don 'di gnyis ni dran pa nyer gzhag las de

nas de nyes pa phra ba la'ang 'jigs par lta ba dang/ bzod pa
dang dul ba dang yang dag par sdom pa dang 'du 'dzi la mi dga'
ba dang/ khro ba 'dor ba dang/ rigs nas rigs su bsten pa dang/
sdig pa'i grogs po spong ba dang/ yul gyi rnam rtog la mi lta ba
dang/ zas

bzang po dang mang po mi 'dod pa dang tshogs ngan pa la mi spyod
pa dang/ yul gyi spyod pa la mi dga' ba dang/ nam yang mdza'
bshes la mi blta ba dang/ yul la spyod pa'i tshul khrims mi byed
pa dang/ dran pa nye bar gzhag pa la rtag tu brtson pa dang/ mya
ngan las 'das

pa'i zas kyis gnas pa dang/ bdud kyi 'ching ba gcod pa la rtag
tu brtson pa dang/ yang dag pa'i lta ba la rtag tu brtson zhing/
skyes bu dam pa 'jig rten thams cad la phan par 'dod pa'o// de
la ni dbang po dang sum cu rtsa gsum man chad dga' bas bstod pa
sgrogs

par byed do/ /zhes so/ /chos bcu pa las kyang de mkhan po dang
slob dpon la ston pa'i 'du shes dang/ tshangs pa mtshungs par
spyod pa rgan gzhon bar ma thams cad la'ang zhes dang gus pa
dang bcas pas gcig pu dben pa na'ang 'di snyam du bdag sems can

@142b thams cad bsgral ba'i phyir brtson par byed pa na rang ma
dul ba ni cha ma yin pas/ ci nas bdag mthong ba tsam gyis sems
can 'dul ba dang sangs rgyas kyi bka' bzhin byed pa dang lha la
sogs pa'ang rjes su yi rang bar 'gyur ba de ltar brtson 'grus
brtsam mo snyam pa ni

ngo tsha shes pa'o/ /khrel yod pa ni bdag la la la dag tshul
khrims dang lta ba la sogs pa nyams pa gang rung gis gleng bar
mi 'gyur bar bya'o snyam ste nyin mtshan dus drug tu tshul khrims
la so sor rtog go /de yongs su dag pas 'gyod pa med par sangs
rgyas kyi

'dul bar sangs rgyas kyi 'dul ba la brten cing gnas pa'o/ /zhes
so// ! de dag gi nyes pa phra ba'ang spang bar bsgrims pa ni/ chu
thigs bsags pas snod chen 'gengs pa ltar/ /nyes pa phra ba'ang
khyad du bsad nas ni/ /mang du bsags pas chen por ldang 'gyur
phyir/ /

srin po rkyal pa slong la bzlog ltar bsgrims/ /'das chen las
sdig pa chung byas bdag nyid kyi/ /phyi bzhin mi 'ong ma sems
shig /chu yi thigs pa lhung ba yis/ /bum chen gang ba ji bzhin
du/ /cung zad cung zad bsags pa yis/ /sdig pas byis pa gang bar
'gyur zhes bya

ba dang/ yang nyes byas phra mo gcig las nyams na yang sdug
bsngal dpag tu med pa myong ste/ rus sbal yan lag drug sbed pa
ltar lus shin tu bsrung ngo/ /tshul khrims nyams kyang nyes pa
med par smra ba ni bdud kyi tshig ste de dang brten pa spang ngo/
/rgya mtshor zhugs pa la srin

pos rkyal pa slong ba na/ 'di byin na nges par 'chi snyam ste
khyod kyis bsad kyang bla ste mi rung ngo zhe'o/ /yang phyed nas
rim gyis tha na lag mthil tsam dang/ de mi ster na yang nga shin
tu ltogs pas rdul gyi cha tsam byin ce'o/ /khyod slong ba'ang
shin tu chung mod kyi/ bdag

rgya mtsho brgal bar 'dod pa na de tsam byin yang dbugs phyir
'byung ste bdag 'chi bas mi sbyin no zhes bzlog pa ltar/ byang
chub sems dpa' la yang nyon mongs pa'i srin pos pham pa nas nyes
byas re re'i bar la de ma bsrungs kyang rgyu des rab tu zhi ba'i
bde ba 'thob

@143a ces smras kyang/ nga la nyes byas tsam byung ste phyir ma
bcos na srid pa'i rgya mtsho brgal bar mi nus shing mya ngan las
'das pa mi thob snyam pas/ chung ngu na nyes byas kyang rdo rje
lta bu'i sems kyis pham pa ltar bsrung ba la brtan par gsungs
so//

! dge sbyong gi dri ma la sogs pa thams cad kyang spang bar 'bad
pa ni/ gzhan yang dge sbyong dri ma sum cu gnyis/ /sgrib pa
brgyad dang dge slong sdig can du/ /byed chos lnga bcu rtsa
gnyis ngan pa'i las/ /bcu drug la sogs nyes tshogs rnam mang
spang/ /rin po che'i

phung po las dge sbyong gi dri ma sum cu rtsa gnyis spangs na
dge sbyong ste/ 'dod pa'i rnam rtog dang/ gnod sems kyi rnam
rtog dang/ rnam par 'tshe ba'i rnam rtog dang/ bdag bstod pa dang
gzhan la brnyas pa dang/ mi mthun pa'i rnyed pa 'tshol ba dang/
rnyed pas rnyed pa

'dod pa dang/ dad rdzas chud gzon pa dang/ ltung ba 'chab pa
dang/ khyim pa la brten pa dang/ rab tu byung ba la mi brten pa
dang/ 'du 'dzi la dga' ba dang/ rnyed pa ma grub par rtog pa
dang/ rang gi rnyed pas chog mi shes pa dang/ pha rol gyi bsod
nams la phrag dog byed

ba dang/ gzhan gyi rnyed pa 'dod pa dang/ rang gi 'khrul pa la
mi rtog pa dang/ gzhan gyi 'khrul pa la rtog pa dang/ so sor
thar pa dang 'dul ba mi bsrung ba dang/ khwa ltar mu cor smra ba
dang/ ma gus shing rgod pa dang/ lta bas kun nas dkris pa dang/
rten 'brel dang 'gal

ba dang/ mtha' gnyis su lta ba la gnas pa dang/ 'khor ba la dga'
ba dang/ mya ngan las 'das pa la mi dga' ba dang/ 'jig rten
rgyang phan gyi gsang tshig 'dzin pa dang/ sgrib pas kun nas
dkris pa dang/ rnam par smin pa dang 'gal ba dang/ rnam par thar
pa'i sgo

gsum gyis skrag pa dang/ chos zab mo spong ba dang/ chos dang
'gal bar gnas pa dang/ dkon mchog gsum la mi gus pa'o/ /dge
sbyong gi sgrib pa yang brgyad de/ bla ma la mi gus pa dang/
chos la ri mo med pa dang/ tshul bzhin ma yin pa yid la byed pa
dang/

@143b mdo sde ma thos pa rnams spong ba dang/ bdag med pa'i chos
kyis skrag pa dang/ 'dus ma byas bstan pa la mi 'jug pa dang/
'dus byas nyid kyi rjes su snyegs pa dang/ 'du byed ma skyes pa
la skrag pa dang/ chos thams cad rang bzhin gyis ma skyes par
thos na g.yang sa chen por

blta ba'o/ /chos bzhis dge slong sdig pa can te/ 'dod chags dang
zhe sdang dang/ gti mug dang nga rgyal lo/ yang bzhi ste khengs
pa dang/ mu cor smra ba dang/ khwa lta bu dang/ tshig 'chal
pa'o// yang bzhi ste rgod pa dang/ pho theg can dang/ rnyed pa
'dod pa dang/ chos ma yin pa

'dod pa'o/ /yang bzhi ste g.yo dang/ sgyu dang/ mi mthun pas
'tsho ba dang/ mi rigs pa smra ba'o/ /yang bzhi ste/ byas pa mi
gzo ba dang/ byas pa la smod pa dang/ sngon byas pa brjed pa
dang/ mdza' bo la 'khu ba'o/ /yang bzhi ste/ dad rdzas chud gzon
pa dang/ tshul khrims mi bsrung

ba dang/ so sor thar pa khyad du gsod pa dang/ 'dul ba mi bsrung
ba'o/ /yang bzhi ste/ bdag dang sems can dang/ srog dang gang
zag tu smra ba'o/ /yang bzhi ste/ sangs rgyas dang/ chos dang/
dge 'dun dang/ bslab pa la mi gus pa'o/ /yang bzhi ste/ dge 'dun
mthun pa la mi dga'

ba dang/ gtsug lag khang la dga' ba mi skyed pa dang/ 'du 'dzi
la dga' ba dang/ rgyang phan gyi gsang tshig brjod pa'o/ /yang
bzhi ste/ rnyed pa 'dod pa dang/ grags pa 'dod pa dang/ gnyen
bshes 'dod pa dang/ chos la dga' ba mi skyed pa'o/ /yang bzhi
ste/ bdud kyis zin pa dang/ bdud kyis

zil gyis non pa dang/ rmugs pa dang/ gnyid mang ba dang/ 'phags
pa'i rigs la mi gnas pa dang/ yang bzhi ste/ 'dod chags dang/
zhe sdang dang/ gti mug dang/ nyon mongs pa thams cad kyi yongs
su gdung bas gdung ba'o/ /yang bzhi ste/ lus kyi dang ngag gi
dang sems kyi dang spyod lam gyi tshul 'chos pa'o zhes so/ /yang
'das chen las/ tshul khrims sgom pa ni las ngan pa bcu drug spong
ba ste/ rnyed pa'i phyir lu gu gso zhing sos nas 'tshong ba dang/
rnyed pa'i phyir lu gu nyos nas gsod pa dang/ de bzhin du phag
phrug dang/ be'u dang/ bya'i phru gu la yang

@144a gnyis gnyis dang/ nya pa dang/ rngon pa dang/ tshom po ba
dang/ bshan pa dang/ bya ba dang/ phra ma pa dang/ btson srung
dang/ klu la sngags 'debs pa'o/ /zhes so// sdom pa gsum bstan pa
las kyang/ tshul khrims rnam par dag pa ni byams pa dang ldan
pa'i sems

kyis gnas nyi shu spong ste/ bud med spong zhing su dang yang
sprod par mi byed la/ 'thab par yang mi byed de/ smra ba la
phyir mi smra ba dang/ pha ma la mi gus par mi byed cing dkon
mchog gsum la mi gus par mi byed pa dang/ lo nyi shu ma tshang
bar bud med la chos mi

ston te skyes pa'i gnas su ston pa dang/ dge slong ma'i phun sum
tshogs par thams cad du mi 'gro ba dang/ dge slong mas dris pa'i
lan yang mi gdab pa dang/ bud med kyi yi ge mi bri zhing ma gsol
bar sbyin pa mi bya ba dang/ gnyen gyis mgron du bos pa rnam pa
thams

cad du bdag gir mi bya ba dang/ rnam pa thams cad du 'dod sems
kyis bud med kyi drung du yud tsam yang mi gnas pa dang/ de gcig
pu dben par song ste rang gi yul bstan pa thams cad du brjod par
mi bya ba dang/ dge slong mas phyir skugs pa la thams cad du
phyir skugs par

mi bya ba dang/ dge slong mas byin pa'i gos rnam pa thams cad du
mi gyon te 'khor bzhi'i nang na chos ston pa'i chos kyi dga' bar
byin pa blangs zhing de la g.yang sa dang 'dra ba'i sems kyis
spyad la yang de'i ngor blta bar mi bya ba dang/ thams cad du
dge slong

mas byas pa'i gos chos nyan pa'i gnas su mi bgo ba dang/ na
na'ang dge slong mas mgron du bos pa bdag gir mi bya na bde ba
na lta ci smos pa dang/ thams cad du dge slong ma dbang du mi
bya ba dang/ de 'bod na'ang lag pa bsnol te mgo smad la phyogs
de nas 'gro bar bya

ba dang/ chos ston pa na de'i rkang pa la phyag byed na'ang
snyim pas gdong bkab ste 'dug cing rkang pa bskyod par mi bya
bar skyes bu dam pa'i 'gros kyis lus dpa' bar mi bya'o/ sems
dpa' bar bya ba dang/ dge slong ma'i dbyar khang du thams cad du
'jug par mi bya

@144b ba dang/ yug sa mos mgron du bos nas dge 'dun med par
thams cad du khas mi blang ba dang/ dngos po ci la'ang kun tu
'dod chags kyis sems thams cad du mi skye ba dang/ khong khro
ba'i sems rnam pa thams cad du mi skyed de/ thams cad mkhyen
pa'i phyir dam bcas

pa brtan par bya ba ste/ chos 'di dag thos nas nan tan gyis
bsgrub par brtson par bya'o// nan tan med par byang chub thob na
ni rwi bong dang byi la dang wa la sogs pas kyang 'thob par
'gyur bas so/ /tshig tsam gyis sangs rgyas thob na yang nga sangs
rgyas thob par

bya'o zhes brjod pa thams cad kyis 'thob pas sgra'ang sangs
rgyas su 'gyur bas so/ /so sor thar pa las ji skad bstan pa dang
mthun par bya'o/ /de dang mi mthun par bya bar sems pa ni sangs
rgyas kyi stobs dang mi 'jigs pa dang mi mthun par bya bar sems
pa'o/ /

de ltar sems pa de ni dus gsum gyi sangs rgyas kyi byang chub
dang mi mthun par bya bar sems pa ste/ de'i rnam par smin pa ni
stong gsum gyi sems can ji snyed pas dmyal ba myong ba'i sdug
bsngal gyi grangs dang cha dang/ dpe yang mi phod pa'i sdug
bsngal myong bar

'gyur ba'o/ /zhes so// ! thub pa'i rtags dang 'tsho ba bsten pa'i
tshul ni/ 'phags pa'i rgyal mtshan ngur smrig 'di dag kyang/ /skyo
zhing chags bral nyer zhi byams mthun gyon/ /'phags pa'i rgyal
mtshan bcu gnyis sogs ldan pa/ /rnyog med sems kyis bcang par bya

ba yin/ /rtog bcas gzhan dag 'chang ba 'tshig pa'i rgyu/ /'on
kyang 'bras bu ma thob rnams kyis ni/ /dge sbyong tshul mthun gus
pa brgya dag gis/ /dma' ba'i yid kyis rab tu bsgrims pas bcang/
/yang rin po che'i phung po las rnyog pa med pa'i sems kyis ngur

smrig bcang bar gnang gi /rnyog pa dang bcas pas 'chang na de
'tshig pa ste bsam pas mos pa rnams ni ma gtogs so/ /'di ni
'phags pa'i rgyal mtshan te skyo zhing 'dod chags dang bral ba
spyod pa'i gos 'di dag ni nye bar zhi ba dang byams pa dang rjes
su mthun pa'o/ /

@145a 'phags pa'i rgyal mtshan ni bcu gnyis te tshul khrims la
sogs pa'i phung po lnga dang/ bden pa la 'jug pa dang/ rten
'brel la 'jug pa dang/ bsam gtan bzhi dang/ tshad med bzhi dang/
gzugs med pa'i snyoms par 'jug pa bzhi dang/

skyon med pa la 'jug pa dang/ zag pa zad pa'o/ /'di rnams dang
mi ldan pas 'phags pa'i rigs ngur smrig 'chang ba ni chos dang
'gal bar gnas pa'o/ /'bras bu ma thob pa rnams kyis de gus pa
brgyad kyis bcang ste/ mchod rten gyi 'du shes dang/ ston pa'i
'du

shes dang/ nye bar zhi ba'i 'du shes dang/ byams pa'i 'du shes
dang/ sangs rgyas la gus pa'i 'du shes dang/ ngo tsha shes pa'i
'du shes dang/ khrel yod pa'i 'du shes dang/ rnyog pa med par
bya'o snyam pa ste/ dge sbyong gi tshul dang mthun pa'i gus pa
brgyad kyis so//

! de las 'das pa'i nyes dmigs ni/ dge sbyong bcos mas sbyin gnas
rnams kyi ni/ /phyag sogs dang len de la 'os pa yi/ /dad rdzas
cha shas spyad kyang gnod chen 'gyur/ /sengge'i ro ltar bstan pa
'jig byed phyir/ /yang de nyid las dge sbyong ma yin par dge
sbyong du

khas 'che bas tshul khrims dang ldan pa'i dge sbyong gi phyag la
sogs pa dang du len na brnyas pa brgyad 'thob ste/ bems po lta
bu dang go dka' zhing le lo can dang/ skye bo mang pos bgod pa'i
bud med dang/ rang dbang med pa bran dang/ mdog ngan cing mi
sdug pa dang/ dbang chung

ba grags par 'gyur/ de la su'ang bsu bar mi byed pa dang/ sbyin
gnas rnams la mgu bar mi byed pa'o/ /de ni sa chen po 'di la
mchil ma 'dor ba'i sa tsam yang mi dbang na/ gom pa 'jog pa dang
'deg pa lta ci smos te/ sa chen po 'di ni sngon gyi chos kyi
rgyal po

dag gis tshul khrims la sogs pa dang ldan pa sbyin gnas dag la
spyad pa'i don du phul ba yin pa'i phyir ro/ /de la blun po de
dag gom pa 'dor ba thams cad kyang dad rdzas la mi dbang bar
spyod pa yin na/ dge 'dun gyi gnas mal lam lhung bzed la sogs pa
thams

@145b cad la lta ci smos/ des ni dad rdzas skra'i rtse mo tsam
yang dag par byed mi nus te/ 'phags pa'i dge 'dun ston pas rgya
mtsho lta bu dang bsod nams kyi zhing dang sbyin gnas mchog tu
gsungs pas so/ /de la sbyin bdag dad pa can yon 'bul ba'ang tshad
med pa'i blos 'bul bas na/

tshul khrims 'chal pas ni tha na skra rtse brgya cha tsam spyad
kyang de tsam ji snyed pa'i las kyi rgya mtsho gsog go/ des na
dad rdzas ni tshul khrims rnam par dag pas spyad par bslab bo/
/dge slong zhes bya ba ni nyon mongs pa dang bdag tu lta ba la
sogs pa bcom pa/ lus dang tshul

khrims dang sems dang shes rab legs par bsgoms pas/ 'jigs pa med
pa'i lam la gnas pa ste/ chos 'di dag med pa dge slong du khas
'tshen bsam pas mos pa ma gtogs par nga 'ang de dag gi ston pa ma
yin la/ de dag kyang nga'i nyan thos ma yin no//

dge slong sdig pa can dag bstan pa nub par byed pa ltar ni ya
mtshan can dgu bcu rtsa lnga dang phas kyi rgol ba dag gis nub
par byed mi nus so/ /dper na sengge shi ba'i ro ni gcan gzan
nam/ byas za mi nus kyis/ de nyid kyi srin bus za ba ltar/ bstan
pa 'di na'ang blun

po lhod pa brdzun du smra ba dag gis nub par byed do/ /mi dag mi
ma yin pas gzi phrogs na dbang chung zhing mdog ngan la mi sdug
ste/ sman nam sngags kyis mi bzlog par 'chi'o/ /dge slong tshul
khrims la sogs pa'i gzi med pa'ang sangs rgyas kyis gsungs

pa'i sman 'dod chags la mi sdug pa la sogs pa sbyar bas mi tshugs
te dmyal ba nyid du ltung ngo zhes so// ! nyams na phyir gso ba'i
thabs la rang gi nyes pa sbyang ba'i thabs ni/ de ltar bsgrims
kyang nyon mongs sogs stobs kyis/ /brtul zhugs las 'das

ltung bas reg gyur na/ /myur du 'gyod las ci rigs chad pas gso/
/nyes las ldang byed skyes bu mkhas par bsngags/ /gal te de ltar
'bad du zin kyang nyon mongs pa mang ngam/ bag med pa la sogs
pas ltung ba lhag par spyad par gyur na ni myur du 'gyod pas
phyi
@146a bcos pa la brtson par bya ste/ pham pa 'chab sems med pa
la bslab pa byin pa dang lhag ma la spo mgu la sogs pa ched pa'i
las ci rigs pa dag dang/ mthol ba dang bshags pa dang re zhig
byin gyis brlabs pa la sogs pa'i cho ga ji lta ba dag

dang; stobs bzhis sdig pa sbyang ba ji skad bshad pa'i cho gas
lhag ma ma lus par sbyangs shing rnam par dag par gnas par
bya'o/ /lung las nga'i bstan pa la skyes bu dam pa ni gnyis te/
ltung ba mi 'byin pa dang/ byung ba phyir 'chos pa'o zhes gsungs
pa ltar/ ci nas

kyang skyes bu dam par chud par 'bad do/ /'das chen las kyang
shes rab can gnyis te/ sdig pa mi byed pa dang/ byas na'ang
phyir 'chos pa'o/ /gti mug can ni gnyis te sdig pa byed pa dang/
byas na'ang 'chab pa'o/ /sdig pa byas kyang 'gyod de phyir 'chos
na/ chu rnyog pa can

nor bu chu mdangs kyis dwang ba'am sprin dang bral na zla ba
gsal ba dang 'dra'o/ /dge ba gcig gis kyang sdig pa mang po
'joms te ba lang la sogs pa mang pos kyang rin po che gcig gi
rin du mi chog pa ltar/ dge ba gcig gis phyug pa yang sdig pa
mang pos mi rdzi'o/ /rdo rje

chung ngus ri rab bam/ me chung ngus rtsa shing ngam/ dug chung
ngus sems can 'joms pa ltar/ dge ba chung ngus kyang sdig pa
chen po 'joms pa ltar na don du gnyer ba chen po nyid do/ /de
bas na sdig pa la 'gyod cing ma bcabs par bshags na ji ltar yang
byang bar 'gyur ro/ /

chu'i thig pa nyung yang snod 'gengs pa ltar dge ba chung ngus
kyang sdig pa chen po 'joms par nus so/ /de bcabs na ni phyir
zhing skye'o/ /des na mkhas pa ni sdig pa mi 'chab bo/ /las dang
'bras bu la yid ches pa'o/ /glen pa ni de dag las ldog pa'o/
/log sred can ni sdig pa

'chab cing rgyu dang 'bras bu la yid mi ches so/ /khrel 'dzem
med des las mi mthong zhing rgyal ba'i bstan pa la mi 'jug pas/
sangs rgyas kyis kyang gso bar mi nus te mi ro sman pa sus kyang
gsor med pa bzhin no zhes so/ /tshoms dag las kyang/ gang zhig
dran dang shes

@146b bzhin mnyam 'jog dang/ /dga' dang rab tu dang bas dus dus
su/ /chos la spyod cing mel tse byed pa de/ /skye rga rnams las
brgal bar 'gyur zhes gsungs/ /gang zhig nyin dang mtshan rnams
su/ /sangs rgyas rjes su dran byed cing/ /gang dag sangs rgyas
skyabs 'gro ba/ /de dag mi yi rnyed

pa che; ;gang zhig nyin dang mtshan rnams su/ /dam chos rjes su
dran byed cing/ /gang dag chos la skyabs 'gro ba/ /de dag mi yi
rnyed pa che/ /gang zhig nyin dang mtshan rnams su/ /dge 'dun
rjes su dran byed cing/ /gang dag dge 'dun skyabs 'gro ba/ /de
dag mi yi rnyed pa che/ /gang zhig nyin dang

mtshan rnams su/ /sangs rgyas rjes su dran byed pa/ /go'u ta ma'i
nyan thos kyi/ /legs par sad pas sad par 'gyur/ /rjes su dran pa
drug car la de ltar gsungs te/ sdig pa byas nas kyang 'gyod pas
bshags shing 'di ltar brten pa la dgongs pa'o/ /yang gang zhig
sdig pa'i las

byas pa/ /dge bas 'gegs par byed pa de/ /sprin bral nyi ma zla
ba ltar/ /'jig rten 'di na kun nas gsal/ /gang zhig sdig pa'i
las byas pa/ /dge bas 'gegs par byed pa de/ /'jig rten 'di na
sred pa las/ /dran pas legs par 'da' bar 'gyur/ /zhing gi skyon
ni rtswa yin ltar//

skye dgu 'di la 'dod chags skyon/ /de bas 'dod chags bral rnams
la/ /byin na 'bras bu che bar 'gyur/ /zhe sdang dang gti mug
dang nga rgyal dang/ chags pa dang/ sred pa la'ang de ltar 'don
no// ! gzhan dag nyes pa las bslang ba'i tshul ni/ des na phan
tshun brtse sems nyer

gzhag ste/ /ltung ba gling sogs dag byed las rnams kyi/ /chos
bzhin ltung dang rtsod pa zhi byar 'bang/ /de ltar mi nus bdag
nyid smas las bsrung/ /phan tshun gcig gis gcig ltung ba las
slong bas ston pa'i bstan pa 'phel bar gsungs pas na/ gzhan la
brtse

ba'i sems 'ba' zhig nye bar gzhag ste/ dus dang skabs dang gzhi
ji lta bar ltung ba gleng ba la sogs pa dang/ rgyu ji lta bar
bsdigs pa dang/ smad pa la sogs pa'i nan tur ci rigs pas kyang
ltung ba las slong bas/ rtsod pa zhi bar byed pa'i chos ci rigs
pa dag

@147a gis kyang chos dang 'dul ba dang ston pa'i bstan pa ji lta
bar zhi bar bya bas bstan pa 'di 'phel bar bya'o/ /gleng ba 'am
bskrad dgar la sogs pa nan tur gyi las dag chos ji lta bar
bsgrub par ma nus na ni de dag la khro ba la sogs pa'i rnam
'gyur mi

bstan par snying rjes lta zhing rang nyid bzung bar bya'i sdang
bas brtsod cing gnas pa ni srog la thug kyang mi bya'o/ /sa'i
snying po'i mdo las/ mu stegs can dang khyim pas dge slong gi
nyes pa gleng bar mi bya'o/ /dge 'dun gyis kyang chos bzhin ma
yin pa dang ma rtogs

pa gleng du'ang mi rung na dgar ba'am bskrad pa lta ci smos/
chos min pa'am ma rtogs pa bcus tshul khrims nyams pa la gleng na
sdig pa shin tu che ste/ dge 'dun la dad pa'i rgyal po'i spyan
sngar dang/ kun tu rgyu'i mdun dang/ blon po dang/ tshong dpon
dang/ khyim bdag dang/ bud

med dang/ skye bo mang po dang/ ma rungs par byed pa mang po
dang/ dge slong pha ma mang po dang/ khon yod pa dang/ zhe 'gras
pa mang po'i mdun du ma rtogs bzhin du gleng ba'o/ /de ni bden
pa gleng ba yang sdig pa che na mi bden pa lta ci smos/ yang
chos ma yin pa bcus gleng ba sdig pa

che ste/ mu stegs can gyis gleng ba dang/ tshul khrims med pa
dang/ mtshams med byas pa dang/ chos spong ba dang/ 'phags pa la
smod pa dang/ sems 'khrug pa dang/ nad pa dang/ dge 'dun gyi
rung ba byed pa dang/ bza' shing gyi rwa ba bsrung ba dang/ dge
slong tshad pa bas dge slong

gi nyes pa gleng ba'o/ /gal te dge slong tshul khrims 'chal ba
dag dge 'dun gyi nang na 'dug na/ gleng ba po tshul bzhin byed pa
spyod lam dang ldan pa chos lnga ldan gyi gos tshags bcos la gus
pas dge 'dun la phyag 'tshal nas/ ma dag pa de'i mdun du 'dug ste
tshe dang

ldan pa dgongs shig /bdag deng tshe dang ldan pa khyod kyi nyes
pa gleng ngo/ /bden pa brdzun ma yin pa dus la bab pa dus las mi
'da' ba/ 'dzum bzhin du smra ba mi brlang ba'i tshig gis/ byams
pa'i sems dang zhe sdang med pa dang/ phan pa dang bde ba dang
gnod pa ma yin pa dang

@147b sangs rgyas kyi chos kyi mig dang chos kyi sgron ma yun
ring du gnas par bya ba'i phyir gleng ngo/ /tshe dang ldan pa
khyod kyis nyes pa bdag gis chos bzhin du gleng ngo zhes gsol ba
gdab po/ /des gnang na chos bzhin du gleng ngo/ /ma gnang na
yang gnas brtan dang dge 'dun la phyag byas te

gus pas dge slong ming 'di zhes bgyi bas nyes pa 'di bgyis te/
bdag gis chos lnga la brten te gleng bar 'tshal lo zhes gsol ba
gdab bo/ /gnas brtan gyis shin tu brtags te ci gleng nyes pa ci
byas/ bden pa'am brdzun pa'am lci ba'am yang ba ji lta bu zhig
yin zhes

brtags la/ 'dul ba dang mdo sde la brten nas sdig pa dang gzhol
ba'i thabs sna tshoD kyis 'dri zhing gleng ngo/ /zhi bar byed
pa'i chos bdun gang rigs pas zhi bar bya'o/ /nyes pa che phra
rnams la chad pa chung 'bring che gsum ci rigs pa bcad do/
/phyir 'chos su gzhug go/ /gal te nyes pa

can de khyim pa'i mthu 'am nor ram thos pa'am smra gshags sam/
slob ma'i mthu snyems te/ dge 'dun gyi ngag mi nyan zhing gnas
brtan sde snod 'dzin pas chos bzhin bcos kyang mi nyan na/ gnas
brtan des dge 'dun la dad pas dres te rgyal po dang blon po dag
la mthu rtsal

ba'i pho nya btang la chad pas gcod do/ /des nor la sogs pa'i
mthus rgyal po dang blon po dag kyang brid nas de'i dpung byed
na ni de mi gnas pa dang mi bya ba la brten te dge 'dun gyi nang
du gnas pa dang sdig pa chen po mngon sum du mi snang na re zhig
bzhag go/ snang na dge 'dun dag dad

pa dris te chos bzhin du bskrad do/ /nas kyi ngo dag bdag pos
snye ma ma byung ba na re zhig bzhag nas byung ba na phyung ste
'dor ba ltar/ de'ang khyim pa dang mthu bsdoms te cha lugs dge
'dun 'dra ste'ang dge 'dun sme bar byed pas na/ srung ma'i lhas
ma glengs shing sdig pa mngon sum du

mi snang na re zhig bzhag la/ lhas bskul cing sdig pa'ang snang
na bskrad do/ /rgya mtshor ro zhag tu mi 'jog pa ltar dge 'dun
yang tshul khrims 'chal pa dang lhan cig mi gnas pas so/ /de
skrad kyang nor chen po la sogs pa'i mthus rgyal po la sogs pa
mgu bar byas te thams cad

@148a de'i phyogs su song nas dge 'dun gyi nang du 'jug pa ni
tshul khrims dang 'dzem pa dang ngo tsha dang ldan pa'i dge slong
gis de dag la sdang ba chen po mi skyed par rang gzur te 'gro
bar bya'o zhes so// ! de ltar 'bad pas tshul khrims rnam par dag
pa'i phan yon la

gnyis las dngos ni/ de ltar 'bad byas tshul khrims rnam dag pa/
/de ni dge chos kun gyi them skas yin/ /sa ltar yon tan ma lus
gzhi rten sogs/ /legs tshogs dpag med dag gis rab tu bsngags/
/'das chen las tshul khrims ni dge ba'i chos thams cad

kyi them skas so/ /shing la sogs pa'i rtsa ba sa yin pa ltar
rtsa ba'o/ /tshong dpon tshong pa thams cad kyi thog mar 'gro ba
ltar dge ba'i chos thams cad kyi thog mar 'gro ba'o/ /brgya byin
gyi rgyal mtshan bsgreng ba ltar chos thams cad kyi rgyal mtshan
no/ /sdig pa thams cad dang ngan

song gi lam gtan du gcod pa'o/ /sdig pa'i nad thams cad gso bas
sman gyi sdong po lta bu'o// srid pa'i lam nyam nga ba'i rgyags
tshogs so/ /nyon mongs pa'i dgra gzhom pa'i go mtshon no/ /nyon
mongs pa'i sbrul gdug pa sel ba'i rig sngags so/ /sdig pa'i chu
las sgrol ba'i zam pa'o

zhes so; ;dran pa nye bar bzhag pa las dge slong gis tshul khrims
rnam par dag pa la slob pa de la brgya byin dang sum cu rtsa
gsum pa'i lha man chad rab tu dga' bas bstod pa sgrogs so/
/gnyen blta ba la dga' med cing/ /mkhas pa dag la blta 'dod pa/
/khyim gyi skyon las nges byung

ba; ;de lta bu ni dge slong yin/ /khro med khyim la spyod med
cing/ /tshong zong nyo tshong mi byed la/ /srang dang bzhi mdor mi
dga' ba/ /de lta bu ni dge slong yin/ /glu dang gar la mi dga'
zhing/ /nyes rtsom rnam la chags med la/ /gang dag dur khrod
dga' byed pa/ /de lta bu ni dge slong

yin; ;nyi ma gcig la bsod snyoms mchog /blangs nas sang gir mi
sems la/ /lto 'grangs tsam gyis chog shes pa/ /de lta bu ni dge
slong yin/ /gang dag gos bzang rnams spong zhing/ /phyag dar
khrod kyis chog 'dzin pa/ /gang dag rigs par zas za ba/ /de lta
bu ni dge slong

@148b yin; ;gang dag las ni mi brtson zhing/ /las rnams kun la
bsam med la// spro med 'dun pa med 'gyur ba/ /de lta bu ni dge
slong yin/ /'dod dang khro las rnam grol zhing// gti mug 'dam ni
rnam spangs la/ /sdig pa'i chos kyis ma gos pa/ /de lta bu ni
dge slong yin// dbang po dul zhing

blo gros brtan/ /'dod pa'i 'dam ni rnam par spangs/ /rtse gcig
yid ni legs gnas pa/ /de lta bu ni dge slong yin/ /tshangs par
spyod pa drang zhing zhi/ /rmugs dang gnyid ni rnam spangs la/
/nang par ldang zhing mkhas gtsang ba/ /de lta bu ni dge slong
yin/ /gang zhig zhi gnas lhag mthong

la; ;dga' zhing bsam gtan bzhi la dga'/ /dgon pa kun dga' dga'
'gyur la/ /de lta bu ni dge slong yin/ /nam mkha' la ni bya gnas
pa/ /de grib rtag tu rjes 'gro ltar/ /gang la dam pa'i chos rjes
'gro /de lta bu ni dge slong yin/ /gang zhig dga' la mi chags
shing/ /'jigs

pa dag la 'jigs pa med/ /dbang po dga' dang 'jigs mnyam pa/ /de
lta bu ni dge slong yin/ /gang zhig snam sbyar lhung bzed kyis/
/chog 'dzin gsog 'jog mi byed la/ /'dod pa chung zhing tshangs
bar spyod/ /de lta bu ni dge slong yin/ /dri med stan gcig zas
za zhing/ /zhim pa'i ro la mi

chags la/ /rnyed dang bkur sti rnam spangs pa/ /de lta bu ni dge
slong yin/ /dge slong brtson 'grus zhan pa dang/ /le lo byed
cing lta ba la/ /gang zhig rtag tu spro dga' med/ /de lta bu ni
dge slong yin/ /nyon mongs rnams kyi gzhi gcig ni/ /le lo yin te
gang la yod/ /gang la le lo gcig yod pa/

/de la chos kun med pa yin/ /gtsug lag khang dang kun dgar
brtson/ /chos kyi spyod yul dga' med cing/ /bud med chang la
chags pa'i blo/ /de lta bu ni dge slong min/ /gang zhig bdud kyi
'ching gcod dang/ /sdig pa'i las dag gcod byed la/ /dge 'dun
spyod yul mi spyod

pa; ;de ni dge slong sangs rgyas gsung/ /gang zhig rnyed dang
bkur sti dang/ /gang zhig yul sdug sems byed la/ /bud med lta
zhing de 'dod pa/ /dge min khyim min g.yo can yin// gang zhig
bstan bcos bstan bcos don/ /rtag tu rnam shes blo gros dga'/
/bza' btung dag la dga'

@149a med pa/ /zhi ba'i yid de dge slong yin/ /gang dag tshal
dgon gtsug lag khang/ /dur khrod dang ni rtswa stan la/ /yid ni
dga' bar byed gyur pa/ /de lta bu ni dge slong yin/ /bsngags pas
snying la dga' ba med/ /smad bas zhum pa med pa ni/ /rgya mtsho
lta bur zab pa ste/ /rnal rig dge slong zhes bya'o/ /'jig rten
gtam la chags med cing/ /gang gi yul dag dug lta bu/ /chags pa'i
skyon dag rtag 'joms pa/ /dge slong de ni sangs rgyas bstan/
/gang gi blo gros 'dod rnams la/ /'dam rdzab lta bur rtag tu
lta/ /brtan pa blo gros nges grol zhing/ /de ni

'khor ba'i 'ching las grol/ /gang zhig le lo thag bsrings pa/
/bsam gtan kha ton las rung zhing/ /sems can rnams la phan byed
pa/ /dgon gnas dge slong zhes bya'o/ /tshong zong phyir min longs
spyod min/ /grags pa'i don du ga la zhig /gang blo dge 'dun don
sems pa//

de ni 'khor ba'i 'ching las grol/ /sdig pa dag ni rtag tu
spangs/ /legs par byed la rtag dga' zhing/ /sdig pa'i bshes dang
mi 'dre ba/ /sangs rgyas bstan la dge slong yin/ /dge dang mi
dge dag gi las/ /bdag gis byas pa'i las kun gyi/ /'bras bu nges
par spyod 'gyur te/ /lus

can kun dang 'brel ba yin/ /nyes pa kun las rab grol zhing/
/dbang po don gyi dbang mi 'gro/ sdig pa'i chos kyis ma gos pa/
/'chi med gnas su 'khrid par 'gyur/ /tshul khrims legs par
bsrungs pa dang/ goms pa du ma byas pa yi/ /yongs su gdung ba
bde ba dang/ /mya ngan 'das

pa'ang rtogs par 'gyur/ /tshul khrims ngan 'gro rnams las skyob/
/tshul khrims bzang 'gror 'khrid par byed/ /de ltar tshul khrims
rtag tu bsrung/ /yongs su 'gyur ba bsil ba yin// 'chi dus yang
dag byung ba na/ /khrims ldan ga las 'jigs pa med/ /ngan 'gro
las skyob bdag

las med/ /tshul khrims skyob pa mchog yin no zhes so/ /tshoms las
kyang/ gang dag sdig pa che phra dag /kun la so sor rtog pa yis/
/sdig pa zhi ba de dag ni/ /dge sbyong nyid ces brjod par bya/
/srid pa'i zug rdu gcod byed lam/ /ngas ni khyed cag rnams la
bstan/ /de bzhin gshegs

@149b pa ston pa ste/ /khyed cag rnams kyis bya dgos so/ /skye
shi'i mtha' rtogs phan mdzad thugs brtse bas/ /bgrod pa gcig lam
rab tu bstan pa yi/ /lam 'dis chu bo rnams las sngon brgal
zhing/ /de bzhin brgal bar 'gyur zhing brgal bar mdzad/ /dri'u
mo rang gi mngal gyis dang/ /'dam

bu smig ma 'bras bu dang/ /chu shing 'bras bus phung ba ltar/
/pho bshal bkur stis phung bar byed/ /skra bregs ngur smrig gyon
pa yis/ /bza' ba dang ni btung ba dang/ /gos dang mal cha rnyed
par lta/ /dgra byed mang ba kho nar zad/ /de ltar bkur sti 'jigs
chen gyi/ /skyon rnams khong du

chud byas nas/ /'phrig nyung sems khral bskyungs nas su/ /dran
ldan dge slong kun tu gnas/ /srid la chu shing dag gi snying po
ltar/ /snying po med par sems pa'i dge slong gang/ /de ni pha
rol min pa'i pha rol po/ /spong ste sbrul rgas lpags rnying brje
ba bzhin/ /rta bzang la ni lcag

bzhin du/ /gang zhig ngo tsha bshes bsten cing/ /shes rab legs
par mnyam gzhag pa/ /des ni sdig pa sel bar byed/ /bdag nyid kho
na bdag gi mgon/ /bdag nyid bdag gi skyabs yin pas/ /'dul sbyong
byed pas rta bzang ltar/ /bdag nyid legs par dul bar bya/ /gang

zhig pha rol khros rig nas/ /bdag nyid nye bar zhi byed pa/ /de
ni bdag dang gzhan dag dang// gnyi ga'i don ni spyod pa yin/
/bdag nyid dang ni gzhan dag dang/ /gnyi ga'i don spyod de la
ni// skye bo chos la mi mkhas rnams/ /byis pa yin zhes sems
kyang bla/ /gal te thos pa mang gyur

kyang; ;tshul khrims legs par mi sdom na/ /de ni tshul khrims
phyir smad cing/ /de yi thos pa'ang phun tshogs min/ /gal te thos
pa nyung gyur na/ /tshul khrims legs par sdom byed na/ /de ni
tshul khrims phyir bsngags shing/ /de yi thos pa phun tshogs
'gyur/ /dge slong bsod

snyoms byed pa bdag rang tsam/ /'grangs par byed kyi gzhan dag
mi gso ba/ /skyob ba de la lha rnams dga' byed kyis/ /bkur sti
nor dang grags 'dod rnams la min/ /gang la kun tu gsog med cing/
/gang dag bdag gir byed med pa/ /gang dag med na mi gdung ba/
/de ni dge sbyong zhes

@150a brjod do/ /gang gi lus dang ngag dang ni/ /yid la nyas
byas med gyur pa/ /de ni dge ba'i tshul khrims can/ /ngo tsha'i
yid ldan dge slong yin/ /gang zhig gshe ba dang ni gsod pa dang/
/'ching dang grong gi tsher ma thul ba dang/ /gang zhig ri bo
bzhin gnas mi dkri zhing/ /sdug

bdes mi g.yo de ni dge slong yin/ /skur pa mi 'debs sgro 'dogs
mi byed cing/ /'jig rten 'di kun rdzun rtogs dge slong gang/ /de
ni pha rol min pa'i pha rol po/ /spong ste sbrul rgas lpags
rnying brje ba bzhin/ /sprul gyi dug btang ba la smin bzhin du/
/nyon mongs langs pa 'dul

ba'i dge slong gang/ /de ni pha rol min pa'i pha rol po/ /spong
ste sbrul rgas lpags rnying brje ba bzhin/ /mthu chung 'dam bu'i
rigs la klung chen ltar/ /nyon mongs ma lus drungs 'byin dge
slong gang/ /de ni pha rol min pa'i pha rol po/ /spong ste sbrul
rgas lpags rnying brje ba bzhin//

mgo bo bregs tsam dge sbyong min/ /oM zhes zer ba bram ze min/
/sdig pa che chung kun spong ba/ /dge sbyong bram ze de yin no
zhes so// ! zhar la de khas len cing rtags tsam 'dzin pa'i phan
yon bstan pa ni/ sangs rgyas skyabs gsol rab byung sdig spyod
cing/ /tshul khrims 'chal

pas nang rul nyes 'dzag kyang/ /lhar bcas 'jig rten kun gyi ston
pa dang/ /'dren pa dge bshes yon tan gter chen 'gyur// ! de nyid
bshad pa ni/ cha lugs spyod lam 'phags pa'i rjes mthun pas/
/mthong ba tsam yang sems can mang po yi/ /lhag bsam bcu sogs
dge

legs tshad med pa/ /bskyed cing spel bas mtho ris byang grol
rgyu/ /sa'i snying po'i mdo las/ rab tu byung ba tshul khrims
nyams te sdig pa spyod pa nang rul ba/ mi gtsang bas gang ba'i
srin kwa lwa dang 'dra ba/ dge sbyong ma yin la dge sbyong du
khas 'che ba/ tshangs spyod ma yin la tshangs

spyod du khas 'che ba/ nyon mongs pa sna tshogs kyis pham pa/
bshig pa khas phub pa/ tshul khrims 'chal ba'i dge slong ngan pa
yang/ lha dang klu nas mi dang mi ma yin pa'i bar thams cad kyi/
'dren pa dang/ yon tan rin po che dpag tu med pa'i gter du gyur
te/ de'i gzugs mthong ba

@150b tsam gyis lhag pa'i bsam pa bcu skye ba nas yon tan rin po
che dpag tu med pa bcu 'thob bo/ /tshul khrims nyams kyang de
sems can gyis mthong nas sangs rgyas rjes su dran pa'i lhag pa'i
bsam pa las bkur sti dang bcas pa'i dad pa dang gus pa skye'o/
/des mu stegs can dang de'i

gtsug lag khang nam yang mi phyogs pa nas/ 'jigs dang bral ba
mya ngan las 'das pa'i grong khyer la 'jug pa'i bar du 'gyur ro/
/la la ni des tshul khrims rjes su dran pa'i lhag pa'i bsam pas
srog gcod pa la sogs pa bzhi chang dang bcas pa spong ba nas de
bzhin du 'gyur ro/ /la la ni gtong

ba rjes su dran pas longs spyod thob cing yon gnas rnams la
mchod bkur byed pa nas dang/ ngang des pa'i bzod pa rjes su dran
nas phra ma dang tshig rtsub dang ngag kyal dang zhe sdang
spong
ba nas dang/ rab tu byung zhing brtson 'grus rjes su dran pas
khyim na gnas pa ma yin pa'i chos la brtson 'grus kyis nan tan

byed pa dang/ rnam par g.yeng ba spong zhing bsam gtan la
mnyam
par 'jog pa dang dben pa la dga' ba las nyin mtshan du ting nge
'dzin sgom pa dang/ shes rab rjes su dran pas chos nyan pa dang
klog pa dang kha ton byed pa la dga' ba dang/ dge ba'i rtsa ba
sngon bskyed pa rjes su dran pa'i lhag

pa'i bsam pas 'dzum bzhin du smra la gus shing rigs mtho ba kun
gyi mthong na dga' bar skye bas mya ngan las 'das pa'i grong
khyer du 'jug pa'i bar du 'gyur ba'i phyir ro/ /sangs rgyas la
skyabs su song ste rab tu byung ba tshul khrims 'chal ba yang lha
dang mi la sogs pa thams cad kyi

ston pa dang 'dren pa dang/ dge ba'i bshes gnyen byed cing yon
tan dpag tu med pa'i gter du 'gyur te/ cha lugs dang spyod lam
'phags pa dang mthun pas sems can tshad med pa'i dge ba'i rtsa ba
bskyed pa dang spel bar byed pas mtho ris dang thar pa'i lam la
'dzud pa'o/ /des

na 'khor los bsgyur ba'i rgyal pos kyang khyim pa'i chos dang
sbyor du yang mi gnang na gsod pa la sogs pa lta ci smos/ /de
'dul ba las ro lta bur bshad kyang rab tu byung ba dang tshul
khrims dang yon tan lhag pa'i mthu yod/ /khyu mchog dang gla ba
shi ba'ang gi wang dang gla rtsis
@151a mang po dag la phan pa bzhin no/ /spos tshig kyang dri la
longs spyod pa ltar de'ang dad rdzas kyis bsregs te ngan song du
ltung yang gzhan la chos ston pa la sogs pas phan pas na mtho
ris dang thar pa'i dri sbyin pa'o/ /tsam pa ka yi me tog rnyings
gyur kyang/ /me tog

rnam pa gzhan pas shin tu lhag /dge slong tshul khrims nyams
shing sdig spyod kyang/ /mu stegs can dag thams cad kun bas
mchog ces so/ /de ltar tshul khrims kyi cho ga tsam mam dri tsam
mam rtags tsam la'ang phan yon de lta bu 'byung na dngos la lta
ci smos pas na mkhas pa

rnams kyi yon tan thams cad kyi rten/ tshul khrims kho na la nan
tan bya bar bslab bo// ! las dang 'bras bu'i skabs kyi don bsdu
ba ni/ de ltar dge dang mi dge'i las rnams ni/ /bde dang sdug
bsngal kun gyi rgyur nges pas/ /bya 'phur ring yang grib ma rjes
'brang ltar/ /skyes bu'i las

rnams kun tu bdag rjes 'brang/ /de phyir rtogs ldan kun tu der
gnas shing/ /sdug bsngal 'dor 'dod brtan pa'i yid ldan gyis/
/phra ba'i las la'ang rab bsgrims bag bcas pas/ /nyin mtshan dge
legs ci nus nyid kyis 'da'/ /ched du brjod pa'i tshoms las/ mkha'
la bya dag gnas pa de'i/ /grib ma lhan

cig 'gro ba bzhin/ /legs par byas dang nyes par byas/ /de dag
'gro ba'i rjes su 'brang// ji ltar lam brgyags nyung ba dag /lam
zhugs sdug bsngal 'gro ba ltar/ /de bzhin las bzang ma byas
pa'i/ /sems can dag ni ngan 'gror 'gro/ ji ltar lam brgyags mang
bdog pa/ /lam

zhugs bde bar 'gro ba ltar/ /de bzhin las bzang byas pa yi/
/sems can dag ni bde 'gror 'gro/ yun ring yul gzhan bgrod pa yi/
/mi dag bde bar 'ongs pa dang/ /gnyen dang sdug pa mdza' bshes
dag /'dir 'ongs mngon par dga' ba ltar/ /de bzhin bsod nams byas
pa'i mi/ /

'jig rten 'di nas phar 'gro ba/ /bsod nams nyid kyis mngon dga'
ste/ /gnyen sdug dag ni 'ongs ba bzhin/ /de lta bas na tshe phyi
ma'i/ /bsod nams dag ni bya zhing bsag /dge ba byed pas dge ba
dang/ /sdig pa byed las sdig pa ste/ /mi yis gang dang gang byas
pa/ /de de rang

@151b gis mthong bar 'gyur/ /bdag gis sdig pa byas na ni/ /de
bdag kho na kun nyon mongs/ /bdag gis sdig pa ma byas na/ /bdag
nyid kho na rnam par dag /gzhan gyis gzhan sbyong mi byed kyi/
/dag dang ma dag rang rang byed/ /bdag nyid kyis ni sdig pa dag
/byas shing nye bar bsags pa

yis; ;bsam brlag mngon du 'joms par byed/ /rdo rjes nor bu 'bigs
pa bzhin/ /mig ldan 'gro bar byed pa yis/ /nyam nga'i lam dag ji
lta bar/ /mkhas pas 'tsho ba'i 'jig rten 'dir// sdig pa dag ni
yongs su spang/ /nor chen gyis ni grogs nyung dang/ /tshong pas
'jigs

bcas lam dang ni/ /gson par 'dod pas dug lta bur/ /mkhas pas
sdig pa yongs su spang/ /sdig pas sdug bsngal gsog pas na/ /de
la dga' bar mi bya'o/ /brgya la sdig pa byas na yang/ /yang dang
yang du de mi bya/ /bsod nams bde ba gsog pas na/ /de nyid la ni
dga' bar bya/ /

gal te bsod nams byas na yang/ /de ni yang dang yang du bya/
/sdig pa chung ngu byas pas kyang/ /'jig rten pha rol 'jigs chen
dang/ phung krol chen po byed 'gyur te/ /khong par song ba'i dug
bzhin no/ /bsod nams chung ngu byas pas kyang/ /'jig rten pha
rol bde chen 'dren/ /don chen dag kyang

byed 'gyur te/ /'bru rnams phun tshogs smin pa bzhin/ /sdig pa
byas shing bsod nams ma byas la/ /chos dang gol zhing chos min
thob pa'i mi/ /sdig pa'i las can 'chi bas 'jigs 'gyur te/ /chu
chen nang du gru ngan zhig pa bzhin/ /bsod nams byas shing sdig
pa ma byas la/ /dam

pa rnams kyi lugs kyi chos spyad pas/ /de ni nam yang 'chi bas
'jigs med de/ /brtan pa'i gru yis pha rol 'gro ba bzhin/ /'jig
rten 'di na legs par ma bsdams pa/ /phal cher legs bsdams rtags
kyis rgyu byed pas/ /legs par ma brtags bar du mi dag gis/

mdog gzugs lan 'ga' mthong bas yid ma rton/ /gzhan la sdug
bsngal bskyed pa yis// gang zhig bdag gi bde 'dod pa/ /dgra dang
mi 'bral 'grogs pa dang/ /de ni sdug bsngal las mi grol/ /'di na
gang dag chos mang thos pa dang/ /rtogs shing ci yang

@152a med pa kye re bde/ /skye bo skye bo'i lus la rab chags
shing/ /cung zad yod pa brlag par gyur la ltos/ /'jig rten 'di
na sdug dang bde ba yis/ /skyes bu dam pa mtho dman mi 'gyur
zhing/ /brtan rnams 'dod pa'i rgyu yis mi 'chal bar/ /skyes bu
dam pa kun tu

'gro bar byed/ /sems 'di sngon chad ji ltar 'dod pa dang/ /dga'
mgur spyod cing rgyu bar byed pa gang/ /glang chen smyos pa mi
yis lcags kyu ltar/ /de ni tshul bzhin bya bas de bzung ngo// log
pa'i smon ldan sems gang gis/ /bdag nyid sdug bsngal byed 'gyur
ba/ /de ltar khon

gyis khon can dang/ /dgra bos dgra la byed mi 'gyur/ /yang dag
smon ldan sems gang gis/ /bdag nyid bde ba byed 'gyur ba/ /de
ltar pha dang ma dag dang/ /gnyen gzhan gyis kyang byed mi
'gyur/ /zhes gsungs pa lta bu'o/ /skyes pa'i rabs las kyang/ dge
dang mi dge'i las

rnams goms byas pas/ /mi rnams la ni 'dris pa nyid du 'gyur/ /de
lta bu dag ched du ma sgrims kyang/ /tshe rabs gzhan la rmi lam
bzhin du spyod/ /rab tu sbyin dang tshul khrims la sogs ma
sbyangs na/ /rigs dang gzugs dang lang tsho'i yon tan rnams dang
ni/ /stobs ni rab tu che

zhing nor gyis phyug kyang rung/ /phyi ma'i tshe la su yang bde
ba thob mi 'gyur/ /rigs la sogs pa dma' yang sdig la ma chags
shing/ /rab tu sbyin dang tshul khrims la sogs yon tan ldan/
/dbyar gyi dus na 'bab chus rgya mtsho gang ba bzhin/ /phyi ma'i
tsho la nges par bde ba rgyas par

'gyur/ /dge dang mi dge'i las pas 'jig rten pha rol tu/ /bde
dang sdug bsngal 'byung bar rab tu nges byas nas/ /sdig pa
spangs te dge ba'i gnas la rab tu 'bad/ /dad pa med pa dag ni ji
ltar 'dod par spyod ces gsungs so/ /de ltar las dang 'bras bu'i
nges la brtan po nyid bsgom par bya ba

'di ni dkar po'i chos thams cad skye ba dang mi nyams pa dang
'phel ba kun gyi rtsa ba dang gnad dang 'gag gi don du nges par
zungs shig /bstan pa la 'jug pa'i rim pa rnam par bshad pa las
las dang 'bras bu bsgom pa la 'jug pa bshad pa ste le'u bzhi
pa'o// //

@152b! 'khor ba'i nyes dmigs spyir bsgom pa mdor bzhag par 'dod
nas/ gzugs sogs snying po med cing mi rtag dang/ /sdug bsngal
bdag med mi gtsang dri nga sogs/ /nyon mongs mang smad sred pa
rgyud mas sbrel/ /las kyis bris pa rma bya'i mdongs bzhin no/
/de la snying po yod sogs bden

zhen pa/ /gti mug la gzhol ldongs shing lta bas gzings/ /chos
rnams mkha' ltar stong sogs nges rtog la/ /skyo zhing chags bral
skye ba zad par 'bad/ /chos dang don rnam par 'byed pa las/
phung po lnga snying po med pa 'di dag la byis pa rnams snying
por 'du shes so/ /phung po rnams

ni kha dog ngan pa dri nga ba rnag dang khrag gi 'byung gnas/
shing dang bong ba dang lam dang mtshungs pa/ snying po med pa
g.yo ba med pa/ dga' ba dang mi dga' bar 'brel ba/ sred pa'i lu
gu rgyud kyis phan tshun 'brel ba/ nyon mongs pa mang ba shin tu
smad pa yin na/ byis pa dag ni snying po med

pa la snying por shes/ mi rtag pa la rtag par shes/ mi sdug pa
la sdug par shes/ mi gtsang ba la gtsang bar shes/ mi bden pa la
bden par shes so/ /phung po lnga ni rma bya'i mdongs ltar rang
gi las kyis bris pa'o/ /de la snying por shes pa ni yang dag pa
ma yin pa ldongs pa rmongs pa gti mug la

gzhol ba mun pa dang rab rib dang ling tog gis khebs pa lta ba
thams cad kyi tshang tshing 'thibs pos gtibs pa'o/ /chos thams cad
ni nam mkha' ltar zab pa'o zhes so/ /mngal du 'jug pa las kyang
gzugs la sogs pa mi rtag pa dang/ sdug bsngal ba dang bdag med
par shes rab kyis so

sor brtags na skye bar 'gyur ro/ /de las ni mngon par mi zhen
no/ /ma zhen pas ni rnam par grol ba thob nas/ bdag gi skye ba
ni zad do/ /tshangs par spyod pa ni bsten to/ /bya ba ni byas
so// 'di las srid pa gzhan mi shes so zhes sgrogs par 'gyur ba
so sor rtog go zhes so// ! rgyas par dbye ba las/

byang chub sems dpa'i sde snod las 'byung ba'i dbang du byas nas
de bzhin gshegs pa'i mngon rtogs kyi rjes su 'brangs te bsgom pa
ni/ 'jig rten gnas pa 'di dag gtse ba bcus/ /rab gtses mnar sems
gzhi bcus phan tshun sdang/ /lta ngan 'thibs po bcus non zug rngu
bcus//

@153a yongs zug sred rtsa las byung chos bcus gnas/ /log pa bcu
yis log rtog mi dge bcus/ /ngan 'gro'i lam zhugs kun nas nyon
mongs pa/ /bcu yi dri mas yongs sbags yongs 'khri bcus/ /'khris
par gzigs nas rang byung mngon byung gshegs/ byang chub

sems dpa'i sde snod las khyim bdag tshong dpon bzang skyong la
sogs pa lnga brgya tsam go'u ta ma ci zhig gzigs nas khab spangs
te rab tu byung bar gshegs snyam pa dang/ bcom ldan 'das kyis
bka' stsal pa/ kye ma khyim bdag rnams 'jig rten gnas pa 'di ni
gtse ba bcus

gtse bar mthong nas byang chub thob par bya'o zhes nga dad pas
rab tu byung ste/ bcu gang zhe na/ skye ba dang/ rga ba dang/ na
ba dang/ 'chi ba dang/ mya ngan dang/ smre sngags 'don pa dang/
sdug bsngal ba dang/ yid mi bde ba dang/ 'khrug pa dang/ 'khor
bas gtse ba'o/ /yang 'jig rten gnas pa 'di zhe sdang zhing

kun nas mnar sems kyi dngos po bcus phan tshun mnar sems byed
par
mthong nas de dag bsal ba'i phyir te bdag la gnod pa byas so
byed do byed par 'gyur ro zhes bya ba gsum dang/ bdag gi mdza'
bo la gnod pa byas so zhes bya ba la sogs pa gsum dang/ bdag
dang mi mdza' ba'i

don byas so zhes bya ba la sogs pa gsum las sems la mnar sems
skye ba dgu dang/ gnod pa'i rab tu sdang ba nyid do/ /yang lta
bar byas pa lta ba ngan pa'i 'thibs po bcus gnod par mthong nas
de dag gzhig pa'i phyir te/ bdag dang/ sems can dang/ srog dang/
gang zag dang/ chad pa dang/

rtag pa dang/ bya ba med pa dang/ rgyu med pa dang/ mi mthun pa
rgyur lta ba dang/ log par lta bar 'gyur ba'o/ /yang zug rngu
chen po bcus yun ring por zug par mthong nas de dag bsal ba'i
phyir te/ sred pa dang/ ma rig pa dang/ 'dod pa dang/ 'dod chags
dang/ zhe sdang dang/ gti mug dang/ nga rgyal

dang/ lta ba dang/ 'byung ba dang/ 'jig pa'i zug rngu'o/ /yang
sred pa'i rtsa ba las byung ba'i chos bcus rtsa ba'i gnas la
gnas par mthong nas rtsa ba med pa'i byang chub thob par bya'o
zhes te/ sred pa la brten nas kun tu tshol ba dang/ de la brten
nas rnyed pa dang/ de las nga yir 'dzin pa

@153b dang/ de las rnam par nges pa dang/ de las 'dun pa'i 'dod
chags dang/ de las lhag par chags pa dang/ de las ser sna dang/
de las yongs su 'dzin pa dang/ de las kun tu bsrung ba dang/ de
la brten nas sdug bsngal te dbyig pa dang mtshon cha thogs pa
dang 'thab pa dang rtsod pa dang 'gyed pa dang mtshang

'bru ba'o/ /de'i phyir phra ma la sogs pa mang po'ang 'byung
ngo/ /yang log pa'i chos rnam pa bcus log par nges par mthong
nas log pa thams cad las 'da' ba'i phyir te/ log pa'i lta ba
dang /log pa'i rtog pa la sogs pa brgyad dang/ log pa'i rnam
grol dang/ log pa'i shes pa'o// yang mi

dge ba bcus lam ngan par zhugs shing phal cher ngan song du
gzhol ba dang 'bab pa dang 'bab par mthong nas ngan song las
'da' ba'i phyir te/ srog gcod pa nas log lta'i bar ro// yang kun
nas nyon mongs pa bcus nyon mongs pa dang nye ba'i nyon mongs
pa'i dri ma dang ldan par mthong nas

dri ma med pa'i byang chub thob par bya ba'i phyir te/ ser sna'i
nyon mongs pa la sogs pa drug dang/ sri zhu med pa dang/ the
tshom dang/ ma mos pa dang/ ma gus pa'i dri mas kun nas nyon
mongs pa'o/ /yang 'jig rten gnas pa 'di yongs su 'khri ba bcus
bsgribs par mthong nas te/ phrag dog dang ser

sna'i kun sbyor dang ldan pa dang/ ma rig pa'i ling tog gis
khebs pa dang/ gti mug gi 'obs su nub pa dang/ 'dod pa'i rlung
dmar gyis ded pa dang/ 'dod pa'i zug rngus gshis su zug pa dang/
khro ba dang khon 'dzin gyi du bas shin tu bdugs pa dang/ 'dod
chags kyi mes kun tu 'bar ba dang/

zhe sdang gi dug gis kun tu khebs pa dang/ sgrib pa'i tsher mas
kun tu bskor ba dang/ 'khor ba'i 'brog dgon par 'khyams pas
brtson 'grus nyams par mthong nas so zhes so/ /! byang chub sems
dpa'i mngon rtogs bcu bsgom pa ni/ brtan rnams sems bskyed bcu
yis mngon 'phags

te/ /lus gnod mang po g.yo bas snying po med/ /bdag kyang thog
med 'khrul pas las ngan tshogs/ /mang spyad ngan song sdug bsngal
mtha' yas myong/ /gus spangs khengs las lus dman ngan ltar ldan/
/med ltas dge tshogs mi 'tshol dbang po nyams/ /don ldan tshig
spang

@154a skur brjod tha chad gyur/ /'gro 'di don med bskor bdag
gces 'dzin brlag /bka' blo mi bde bla ma khyad gsod rnams/ /ring
spangs lus sogs snying po med pa las// snying po blang phyir bla
ma mnyes don du/ /snod gang chu yang 'bul zhing dge tshogs
bsgrub/ /yang sde snod nyid

las byang chub sems dpa' rnams ni sems bskyed ba bcu bskyed par
byed de/ dang po ni kye ma lus 'di na ba ste khams bzhi'i sbrul
gdug pa bzhi rtag tu mi mthun pa'o/ /'di ni sdug bsngal dang
nyes pa mang ba/ smya ba dang 'bras dang phol mig dang me dbal
dang g.yan pa dang rlung dang mkhris

pa dang bad kan gyis gang ba ste/ nad dang phol dang zug rngu
dang chu bo dang gnod pa dang 'dra ba dang/ g.yo ba 'jig pa
nyam chung ba snying po med pa shig shig po yun thung ba skad
cig pa dur khrod du 'jig par shes nas snying po med pa las
snying po blang bar 'dod pas chos 'tshol zhing bla ma

la rim gro byed de tha na chu phor gang tsam yang 'bul lo/
/gnyis pa ni lus 'di snying po med pa rtag tu dril ba bku ba
mnye dgos pa/ 'jig pa 'gyed pa 'bral ba'i chos can no/ /dper na
rdza mkhan gyi snod che chung byas pa thams cad mthar 'jig pa
ltar mthar 'jig pa'o/ /shing gi yal

ga dang lo ma dang 'dab ma dang me tog dang 'bras bu thams cad
mthar ltung ba ltar ltung ba'i chos can no/ /rtswa rtse'i zil pa
nyi mas phog pa ltar ring du mi gnas pa'o/ /chu'i tshogs kyi dbu
ba rdos pa ltar rang bzhin gyis nyam chung ba'o/ /char gyi chu
bur ltar nyam chung ngu'o snyam nas kyang snga

ma ltar snying po len to/ /gsum pa ni bdag yun ring por dge ba'i
bshes gnyen dang bral te sdig pa'i grogs po'i dbang du song ba
le lo can brtson 'grus nyams pa snyoms las dang ldan pa blun pa
log par lta ba ste/ mchod sbyin la sogs pa logs par byas pa dang
nyes par byas

pa med par lta zhing 'dod pas zil gyis non pas mi dge ba mang po
byas pa las/ yi dwags 'jigs su rung bar skyes nas lo bye ba
phrag mang por me ma mur za la/ chu'i sgra'ang mi thos na lus
kyi reg pa lta ci smos pas na/ da ltar dge ba'i lus thob pa na
sbyin gnas dag la mchod pa dang

@154b chos btsal ba'i ched du snga ma bzhin no/ /bzhi pa ni yang
bdag snga ma bzhin gyur pas gzhan la khu tshur la sogs pas brdeg
cing gtses te/ /med par lta ba dang zhe sdang gis sdig pa'i las
mang po byas pas/ dud 'gro 'jigs su rung ba rnga mo dang bong bu
la sogs par gyur nas rtswa za zhing

dbyug pas bsdigs te mi 'dod bzhin du khal bkal ba la sogs pa las
snga ma bzhin no// lnga pa ni yang snga ma ltar gyur pas sems
can thams cad kyis sha gcig tu spungs kyang sdig pa med la/ rgya
mtsho'i tshu rol pa thams cad la sbyin pa byas kyang dge ba med/
pha rol thams cad

bsad kyang sdig pa med ces sdig lta dang gti mug gis sdig pa
mang po byas pas/ dmyal ba 'jigs su rung bar skyes te lcags kyi
thu lum za ba la sogs pa lo bye ba phrag mang por bde ba'i
sgra'ang mi thos na lus kyi reg pa lta ci smos snyam pas snga ma
bzhin no/ /drug pa ni yang snga ma

ltar gyur pas 'dud pa dang/ phyag byed pa dang gus par smra ba
dang thal mo sbyor ba dang ldang ba la sogs pa'i las med ces lta
zhing nga rgyal gyis sdig pa mang po byas pas mi'i nang du smad
pa'i lus thob ste dbul po dang bran dang gzhan gyi dbang du gyur
pa dang 'dod chen can dang/ log pa'i

lta ba can mi dge ba gsum la gnas pa/ bgrod par bya ba ma yin pa
bzhi la bgrod pa/ sgrib pa lngas bsgribs pa/ bla ma drug la mi
gus pa/ dam pa ma yin pa bdun la 'jug pa/ log pa brgyad la log
par nges pa/ gnod pa dgus gnod pa/ mi dge ba bcu'i lam phan par
zhugs pa/

dmyal ba la phyogs pa mtho ris las byol ba dge ba'i bshes gnyen
dang bral ba/ sdig grogs dang bdud kyi dbang du gyur ba dang/
dge ba spangs shing mi dge ba la spyod pa dag /mi 'dod bzhin du
dbyug pa la sogs pas bsdigs shing 'khol lo snyam pas snga ma
bzhin no/ /bdun

pa la snga ma ltar gyur pas dkar nag gi las dang 'bras bu med
par lta zhing nga rgyal gyis dam pa dag la dge ba ni ci/ mi dge
ba ni ci zhes bya ba la sogs pa mi 'dri bar sdig pa mang po byas
pas/ dbang po ma tshang ba'i mir skyes nas blun pa dang lkugs pa
dang long ba dang dig pa dang 'on par gyur

@155a te; legs par bshad pa dang nyes par bshad pa mi shes so
snyam pas dge ba dang mi dge ba la sogs pa dri bar brtson zhing
snga ma bzhin no/ /brgyad pa na yang snga ma ltar gyur bas tshig
don dang ldan zhing legs par brjod pa spangs te ldog pa chad pa
lta ba ston par bzung

nas sdig pa mang po byas pas/ mi'i nang na smad pa dbang po
thams cad ma tshang ba log pa'i lta ba can du gyur par bsam
zhing/ chen po bstan pa'i tshig dag btsal bar snga ma bzhin no/
/dgu pa ni sems can 'di dag ni don med pas bskor ba lus dang
srog la lta zhing byang chub kyi

phyogs kyi chos rnams la mi lta bas/ rang nyid sba dang dril ba
dang mnye ba dang khrus dang/ chung ma dang bu la sogs pa
dang/
bran pho mo la sogs pa bsrung zhing zhen pa'o/ /don gyi bskor ba
ni de las ldog pa byang chub kyi sems sngon du 'gro ba'i lus
dang ngag dang yid kyi las yongs su

dag pa dang/ pha rol tu phyin pa drug dang/ bsdu ba'i dngos po
bzhi dang/ byang chub kyi phyogs kyi chos sum cu rtsa bdun dang/
pha dang ma dang mkhan po dang slob dpon la bkur sti byed cing
'dud pa dang/ dkon mchog gsum gyi zhal ta byed pa ste/ bdag gis
don med pa'i

bskor ba spangs la don gyi bskor bas bla ma mnyes par bya zhing
snying po blang ba dang/ tshogs gnyis kyis nye bar brtan pas
snying po byang chub dang nye bar bya'o snyam pa'o/ /bcu pa ni
sems can 'di dag ni bka' blo mi bde bas slob dpon gyis bstan pa
dang mi mthun par

'dzin cing slob dpon gyi nor bdun po khong du mi chud pas rab tu
dbul ba'o/ /bdag ni bka' blo bde zhing mthun par 'dzin pas nor
bdun khong du chud par bya ste/ bka' blo bde ba la ni bla mas
chos rgya cher ston par byed pas dbul ba dang bral ba byang
chub
chen po khong du

chud par 'gyur ro/ /de ltar bka' blo bde bas snying po med pa'i
lus las snying po blangs par 'gyur ro snyam pas bla ma la bsnyen
bkur byed de tha na chu rdza gang tsam yang 'bul lo zhes so// !
'das chen las 'byung ba las gnod pa dpes mtshon pa bsgom pa'i
dbang du byas

@155b nas dpe 'god pa ni/ dper na sbrul gdug bzhi snod gshed ma
lnga/ /mdza' bar 'chos pas bslu dang grong stong dang/ /dgra bo
drug dang chu chen 'jigs pa yis/ /rab skrag gzings bcas bros pas
bder gnas 'thob/ /dper na rgyal pos mi zhig la sbrul gdug pa
bzhi snod gcig

tu 'tshor bcug pas/ 'di dag gcig bros na'ang khyod gsod do zhes
pas bred de bor nas bros so/ /yang rgyal pos gshed ma lngas de
bsnyegs su btang ste ral gri thogs te byung ba mthong bas ches
myur bar bros so/ /de lngas ral gri sbas te gcig mdza' ba ltar
sgyus bsnyen nas khyod

phyir log cig ces pa dang/ de yid ma ches nas grong khyer gcig
tu bros pa na khang pa thams cad na mi gcig kyang med de snod
kun kyang stong bar mthong nas/ der 'dug pa dang nam mkha' la
kye 'di na su yang med la do nub dgra ma rungs pa drug 'ong bas
khyod gsod na ci

ste le lo byed ces grag go /yang bros pa na chu che la drag pa
zhig dang phrad de gru gzings ni med pas skrag nas/ rtswa shing
bsdus pa'i gzings bcas te 'dir 'dug na ni snga ma de rnams kun
gyis 'tshe/ chu brgal na'ang gru gzings ngan mod kyi chur shi'ang
bla sbrul dang 'tshe

ba med par bya'o snyam nas/ rtswa'i gzings su zhugs shing lag
pas brus/ rkang pas 'phras pas bde bar thar par gyur pa'o// !
don la sbyar ba ni/ de bzhin lus kyi chen po bzhi yi sbrul// dug
chen dor phyir 'phags lam brtson pas bros/ /srid par gsod byed
gshed ma phung po lnga/

mdzar bcos bslu la 'dod chags 'ching 'di yin/ /skye mched drug
po grong stong rkun sogs tshangs/ /dgra chen drug ni yul drug
gnod mang byed/ / nyon mongs chu klung gting zab mtha' yangs
te/
/tshul khrims la sogs gzings bcas legs brgal bya/ /dpe snga ma
dang 'dra bar byang

chub sems dpa' yang lus ni snod lta bur rtog go /chen po bzhi ni
sbrul gdug pa ste mthong ba dang rag pa dang dbugs dang zos pa'i
dug las bltas pa la sogs pas sdig pa byed pa'i phyir ro/ /de dag
por te 'phags pa'i lam yan lag brgyad pa bsgom pas bros so/
/gshed
@156a ma lnga ni phung po lnga ste des mdza' sdug dang phral nas
dgra sdang ba dang sprod pa ltar mi dge ba la chags shing dge
ba'i chos bral bar byed pas so/ /yang de dag ral gri dang phub
la sogs pas brgyan te gzhan gsod pa ltar/ phung po yang nyon
mongs pa mang pos

shin tu brgyan te gti mug can rnams la 'tshe zhing 'khor bar
ltung bar byed do/ /yang des mi rkang pa dang mtshon cha dang
g.yog med pa gsod pa ltar/ phung po lngas kyang tshul khrims
dang shes rab dang bla ma gsum med pa dag gsod do/ /gshed mas ni
bsad kyang ngan song du skyur

mi nus la/ phung po lngas ni nus pas na de bas ches rlang bar
rtog go /des na tshe gcig tu rigs ngan de dang 'grogs pa ni
bla'i/ phung po dang skad cig kyang nye bar mi 'dod do/ /sgyus
mdza' ba ltar 'chos pa ni 'dod chags te de ni nye zhing mdzar mi
rung yang rung ba ltar ston/ mi dge'ang

dge bar ston/ mi sdug kyang sdug par ston pas thams cad bslu ba
ltar/ 'dod chags kyang bslu bar byed pas 'khor bar 'ching ba'o/
/de ltar shes pa ni slur med pa'o/ /grong stong pa ni skye mched
drug ste/ der rkun po zhugs na bde ba thob pa ltar/ nyon mongs
pa rnams kyang drug po

der zhugs na stobs skye'o/ /der stag la sogs pa gnas pa ltar
skye mched kyang nyon mongs pa can gyi gcan gzan mang po'i
gnas
so/ /yang dag pa ma yin pas bslu bas kyang grong stong ngo//
dgra drug ni yul drug ste dge ba'i nor thams cad 'phrog pas so/
/dgra drug la nang yan med

na ldog pa ltar/ yul drug kyang phyin ci log gi nang yan med na
'phrog mi nus te/ shes rab can la ldog pa'o/ /des na srung ma ni
shes rab bo dgra ni da ltar gyi nor tsam 'phrog la/ yul ni dus
gsum gyi dge ba'ang 'phrog pa'o/ /yang dgra nyi ma nub na dga'
ba ltar yul yang ma

rig pa'i mun nag la dga'o/ /dgra rgyal pos phabs pa ltar yul
yang sangs rgyas dang byang chub sems dpa' rnams kyis phabs so/
/dgras ni pha tshan che zhing rags pa la mi tshugs pa ltar dge
ba'i bshes gnyen bsten na yul gyis mi 'phrogs so/ /chu chen po
ni nyon mongs

@156b pa ste des spos kyi glang po yang 'khyer ba ltar nyon
mongs pas rang sangs rgyas kyang g.yeng bar nus so/ /zab cing
gting ring bas chu klung ngo/ /mtha' med pas chen po ste/ sangs
rgyas dang byang chub sems dpa' dag kho nas brgal bar nus pa'o/
/yang chus rtswa shing la sogs pa kun bskyed pa ltar

nyon mongs pas kyang srid pa nyi shu rtsa lnga kun bskyed do/
/mi chur lhung na khrel 'dzem med pa ltar nyon mongs par lhung
ba yang ngo/ /gzings ni tshul khrims la sogs pa'i phung po lnga
dang pha rol tu phyin pa drug dang byang chub kyi phyogs kyi
chos sum cu rtsa bdun no zhes gsungs te/ de dag la

brten nas 'jigs pa thams cad las 'das shing bde ba phun sum
tshogs pa la longs spyod pa'i gnas thar pa'i grong khyer chen por
bgrod par bya ba la 'bad pa bskyed par dgongs pa'o// ! 'du shes
bcu dang de'i rgyu mthun gyi dbang du byas nas bsgom pa ni/
gzhan yang 'du shes

bcu la 'bad pa yis/ /mya ngan 'das mthar bgrod bya mi rtag dang/
/sdug bsngal bdag med zas la mi mthun dang/ /'jig rten mi rga
'chi dang nyes dmigs mang/ /spong dang 'gog dang sred med 'di
rnams kyi/ /rgyu ni mi rtag bde dang sdang med sogs/ /'du shes
bdun te de dag goms

byed pa/ /dge sbyong bram ze rab zhi mkhas mchog yin/ /mdo de
nyid las 'du shes bcu la 'bad pa byas na/ mya ngan las 'das pa
'thob ste/ mi rtag pa nas sred pa med pa'i 'du shes kyi bar ro/
/mi rtag pa ni byang chub sems dpa' gnyis po thog ma sems bskyed
pa dang/ rdzogs

pa'i byang chub la nan tan byed pa dag gis rags pa dang phra
ba'i mi rtag pa gnyis las/ rgyal sras dang pos ni phyi dang nang
gi dngos po gnyis las nang gi dngos po ni mi rtag pa ste/ lus
kyi mngal dang btsas pa'i gnas skabs dang/ stobs dang longs
spyod dang yon tan dang dge ba

dang mi dge ba dang/ che ba dang chung ba la sogs pa'i rnam
'gyur sna tshogs dmigs pa'i phyir ro/ /phyi'i yang sa bon dang
myu gu la sogs pa 'phel 'grib kyi rnam 'gyur las so/ /gzhan yang
lha dag gi ni longs spyod dang mngon shes la sogs pa dang ldan
pa las 'chi ltas lnga

@157a 'byung ba dang 'chi ba dang ltung ba la sogs pas so/
/mi'ang bskal pa dang por 'od la sogs pa dang ldan pa 'grib
cing/ 'khor los bsgyur ba rin po che sna bdun la sogs pa dang
ldan pa'ang 'chi ba las mi thar ba la sogs pas so/ /sa chen po
'di'ang sngon sa

stongs med par sman la sogs pas gang ba las rim gyis stobs bri
zhing/ de las skyes pa rnams kyang ro med cing gsob tu gyur
pa'o/ /des na phyi nang thams cad kyi mi rtag ni rags pas so//
phra ba ni gzugs rnams rdul phran gyi bar du dang po nyid nas
skad cig ma'i mi rtag pa

ste mer mer po la sogs pa gzhan du 'pho bas so/ /skad cig re rer
yang rtag na ni 'pho ba de mi rung ngo/ /yang dbang po dang mdog
la sogs pa gsal ba phyis rgud cing nyams pa'ang skad cig re re
nas brtsams pa yin pas phra ba'i mi rtag pa ni skad cig gis 'jig
pa'o/ /sems

kyang 'dod pa dang sdang ba dang/ bde ba dang sdug bsngal la
sogs pa'i rnam 'gyur sna tshogs kyis so/ /sdug bsngal ba ni de
ltar mi rtag pa'i rkyen can gyi rga ba dang na ba dang 'chi ba
la sogs pa las phyi dang nang gi sdug bsngal bkres pa dang/ skom
pa la sogs pa mtha'

yas pas lus 'di nyid mi rtag pa dang sdug bsngal gyi snod du
shes pa'o/ /de nyid kyi bdag med pa'i yang ste/ de ltar rang
dbang med cing 'jig la sdug bsngal ba la su zhig bdag tu rtog/
yang bdag yod na gcig gam du mar yod/ dang po ltar na rigs bzhi
dang 'gro ba lnga la

sogs pa yang ji ltar 'thad/ du ma yin na'ang gcig gis thams cad
la khyab par ji ltar 'dod/ zas la mi mthun pa'i ni de ltar mi
rtag sdug bsngal bdag med na ci'i phyir zas kyi don du lus dang
ngag dang yid kyis sdig pa byed de/ zas la sred pas sdig pa byed
pa ni zas

ni gzhan dang thun mong du 'gyur la/ rnam smin ni rang nyid la
'bab bo/ /des na zas la brten dgos kyang bu'i sha za ba lta bur
brten du zad do/ /yang kham gyi zas la ni lpags pa bshus pa la
srin bu mang pos za ba ltar rtog  /sems pa'i la me'i phung po
lta bu dang/ yid la byed

@157b pa'i la mtshon shag ti sum brgyas btsugs pa ltar rtog go
/des na zas bzang po la'ang mi gtsang bar rtog pas rma mi bzad
pa la sman bsku ba ltar sred pa sel ba'o/ /de nyid kyi 'jig rten
thams cad la mi chags pa'i yang ste/ 'jig rten thams cad ni skye
ba dang rga ba dang na ba dang 'chi ba'i gnas

ma yin pa med do/ /bdag gang du ma skyes pa dang ma shi ba'am/
sems can re res kyang sdug bsngal thams cad ma myong ba'i gnas
med de/ tshangs pa la sogs pa'i lha nas kyang ngan song gsum du
dang/ 'khor los bsgyur ba yang dbul po la sogs par dang/ longs
spyod sna tshogs

yod kyang 'bral bas sdug bsngal kho na'o/ /nad chen pos btab na
rol mo la sogs pa la chags pa med pa ltar mkhas pa ni 'jig rten
thams cad la'o/ /de las 'chi ba'i yang ste srog 'di rtag tu dgra
sdang ba du mas bskor bas rtag tu nyams par byed kyi/ 'phel bar
byed pa gang

yang med pa la sogs par bshad zin pa ltar ro/ /'du shes drug bo
de dag dang ldan pas ni yang de dag gi rgyu'i 'du shes bdun la
nan tan du bya ste/ mi rtag pa'i dang/ bde ba'i dang/ zhe sdang
med pa'i dang/ phrag dog med pa'i dang/ bde ba'i smon lam gyi
dang/ nga rgyal med pa'i dang/ ting

nge 'dzin gyi dbang du gyur pa'i 'du shes so/ /de lta bu'i 'du
shes dag dang ldan pa de ni dge sbyong dang bram ze dang rab tu
zhi ba dang/ yongs su dag pa dang/ rnam par grol ba dang/ mkhas
pa shes rab can dang/ yongs su dag pa'i lta ba dang/ pha rol tu
son pa dang/ sman pa'i rgyal po dang/ ded dpon

dang/ sangs rgyas kyis dgongs te gsungs pa la mkhas pa dang/
yang dag pa shes shing mthong ba dang/ gsung rnam pa bdun rtogs
pa zhes kyang bya'o/ /'du shes drug dang ldan pa de ni 'jig rten
gsum la nyes dmigs mang bar shes pas mi smon cing spong ba'o/
/'jig rten gsum

zhi bar byed pa'o/ /'jig rten gsum la ma chags pa ste/ mkhas pa
shes rab can 'du shes bcu dang ldan pa'o zhes gsungs so// !
skabs kyi don bsdu ba'i dbang du byas te smras pa/ de phyir srid
gsum thams cad sdug bsngal dang/ /nyes ba kun gyi 'byung gnas
chen po ste/ /me yi rlubs

@158a dang btson ra mi gtsang rdzab/ /spu gri'i lam dang dug
sdong sogs ltar smad/ /ya nga'i gnas chen 'di na byis pa rnams/
/bdag tu lta sogs rtag chad mthar lhung zhing// nyes mang 'dod
bas bslus te bag med las/ /khyim gyi gnas sogs byur chen non par
gyur// rmongs sogs

gnod pa'i ro gcig ldan pa yi/ /yan lag bcu gnyis 'khor los rnam
'khor bas/ /bde 'gro'ang rgyang bsrings thar pa smos ci dgos/
/'di 'dra rjes bsams rab tu skyo yid bsgrub// mnar med pa nas
srid pa'i rtse mo'i mthar thug pa khams gsum po 'di mtha' dag gi
'gro ba lnga car yang sdug

bsngal gyi phung po chen po 'ba' zhig pa dang/ rtsod pa dang
nyon mongs pa la sogs pa nyes ba thams cad kyi 'byung gnas chen
po ste/ lus dang sems rab tu gdung bar byed pas me'i dong chen
po dang/ 'dod pa'i gnas su 'gror med pas btson ra dang/ nyon
mongs pa dang nyes spyod kyis spag

pa thams cad kyis spag pas rtsog pas mi gtsang ba'i rdzab chen
po dang/ dge legs kyi yan lag thams cad gcod pas spu gri'i lam
dang/ bde 'gro dang thar ba'i lam gyi srog ma rungs par byed pas
dug shing lta bu la sogs par rab tu smad pa nyid do/ /mdo las/
dge slong dag khams

gsum pa'i sems dang sems las byung ba thams cad ni gang ci tshor
yang rung ste mtha' dag sdug bsngal 'ba' zhig go /de'i phyir nga
ni se gol gtogs pa srid tsam gyi'ang srid pa 'grub pa bsngags
par mi byed do zhes gsungs so/ /rje btsun gyis kyang/ ji ltar mi
gtsang ba la dri zhim med

bzhin 'gro lnga dag na bde ba med/ /de yi sdug bsngal rtag tu me
mtshon rgya mtsho la sogs reg skyes bzhin/ /zhes bya ba la sogs
pas rab tu smad do/ /'das chen las kyang/ rtag pa dang ni chad
pa'i blo/ /chos gnyis myur du spangs nas ni/ /'du byed thams cad
bdag med pa/ /tshul

bzhin rab tu brtag pas byos/ /kun 'byung sred dang sdug bsngal
yang/ /ye shes chu yis bkru bar byos/ /zhes 'di la 'jigs par lta
bar gsungs so/ /yul 'khor skyong gis zhus pa las kyang/ 'khor ba
'di ni yang nga ba dang phrad cing byas pa mi gzo ba'o/ /byis ba
dag ni byas pa mi

@158b bzod pa'o/ /'jig tshogs la lta ba ni ya nga ba'o/ /khyim
gyi gnas ni nyes pa mang ba'o/ /bag med pa ni mkhas pa rnams
kyis smad pa'o/ /ma rig pa'i mun nag ni rmongs par byed pa'o/
/'du byed rnams ni rtogs par dka' ba'o/ /rnam par shes pa ni
gdul bar dka' ba'o// ming dang gzugs ni zab

pa'o/ /skye mched drug ni dbugs 'byin pa med pa'o/ /reg pa ni
yongs su mi shes te sdug bsngal smin pa'o/ /tshor ba ni nyes
dmigs mang ba'o/ /sred pa ni 'ching ba rab tu dam pa'o/ /nye bar
len pa las ni 'byung bar dka' ba'o/ /srid pa'i sred pa ni 'phags
pa ma yin pa'o/ /sred pa yod na

skye ba rgyun gcod par dka' ba'o/ /rga bas ni rnam par 'gyur bar
byed pa'o/ /nad kyis ni rnam par 'jig par byed pa'o/ /'chi ba ni
rjes su mi bsrung ba'o/ /'jug pa ni ro bro ba chung ba'o/ /srid
pa 'grub pa ni nyes dmigs mang ba'o/ /ji ltar sangs rgyas kyi
bstan pa nyams dga' ba ltar 'di bya bar

mi nus te/ 'dod pa'i khol bo nyon mongs pas rmongs pa/ sems can
tha ba can bag med pa la dga' ba/ byis ba'i nang na 'dug pa tshul
bzhin ma yin pa'i sems dang ldan pa/ 'khor ba la chags pa'i sems
dang ldan pa/ skye bo ma rungs pa'i nang na 'dug pas ni bde
'gro'i lam yang sbyang bar mi

nus na mngon par rdzogs par 'tshang rgya ba lta ci smos zhes so/
/dran pa nyer gzhag las kyang/ 'khor ba'i sems can gyi tshos nyid
ni brgyad de/ skyes pa 'chi ba dang/ nad med pa na ba dang/ lang
tsho rgas pa dang/ ldan pa las 'bral ba dang/ las dge mi dge la
spyod de las bdag gir bya ba/ las kyi

bgo skal la spyod pa/ las ston pa dang dga' ba dang yid du 'ong
ba thams cad las kyang dams shing med la 'bral ba dang/ gzhan
gyi dge sdig gzhan la mi dmigs pas mi bslu ba dang/ bag med pa
dag dge bar 'gyur mi srid pa'o zhes so// !rnam par phye ste
bsgom pa'i dbang du byas nas rgyu

'bras gnyis gnod pa 'gro ba lnga la thun mong du bsgom pa ni/
phung po lnga sogs 'jig rten srid pa ni/ /nyi shu rtsa lngas rab
bye mtha' dag kyang/ /ma rig sred sogs nyon mongs las rnams
kyis/ /sdug bsngal 'khrul 'khor chen por rnam par 'khor/ /skye
rga na 'chi sogs kyis rab mnar zhing/ /

@159a skyabs med mgon med rmongs pas nyer bcings rnams/ /shes
pas rnam par rgol phyir 'jig rten du/ /brtse chen drang srong
mchog rnams yang dag brtan/ /'das chen las srid pa nyi shu rtsa
lnga ni dmyal ba dang/ yi dwags dang/ dud 'gro dang/ mi 'dzam bu
gling pa dang/

shar gyi lus 'phags po dang/ nub kyi ba lang spyod pa dang/
byang gi sgra mi snyan pa dang/ rgyal chen bzhi'i rigs kyi lha
dang/ sum cu rtsa gsum dang/ 'thab bral dang/ dga' ldan dang/
'phrul dga' dang/ gzhan 'phrul dbang byed kyi lha dang/ bsam
gtan dang po ba dang/ bsam gtan gnyis pa ba

dang/ bsam gtan gsum pa ba dang/ bsam gtan bzhi pa ba dang/
tshangs pa chen po dang/ 'du shes med pa dang/ gtsang ma'i gnas
kyi ris pa dang/ nam mkha' mtha' yas skye mched dang/ rnam shes
mtha' yas skye mched dang/ ci yang med pa'i skye mched dang/ 'du
shes med 'du

shes med min gyi lha rnams so zhes so/ /rgya mtshos zhus pa las
kyang/ byis pas bdag dang bdag gir 'dir brtags nas/ /blun po
sred pas gzir ba 'dir rmongs te/ /'khor ba'i 'khor los yongs su
'khor ba na/ /sdug bsngal gyis non zhi ba 'thob mi 'gyur zhes
so/ /ye shes rgyas pa'i mdo

las kyang/ 'jig rten zhes bya ba ni phung po lnga ste/ de ni
skye ba dang rga ba dang na ba dang 'chi ba la sogs pa 'jigs pa
rab tu 'jigs pa/ shig shig por 'gyur ba/ lhod lhod por 'gyur ba/
rnyings par 'gyur ba/ mdog ngan par 'gyur ba'o/ /gang gis de
ltar shes pa la ni rga ba la sogs

pa'i sdug bsngal 'gag par 'gyur te sems can rnams kyis ni de
ltar mi shes so snyam nas thugs rje chen po skye bar gsungs so/
/rgya mtshos zhus pa de nyid las kyang/ skyabs med 'gyur dang
rten med gyur pa yi/ /'jig rten sdug bsngal thams cad gzigs nas
ni/ /drang srong chen po thugs brtse thugs rje

can/ /sdug bsngal rnam par 'grol phyir yang dag bltams zhes so//
!'bras bu sdug bsngal gyi gnod pa 'gro ba lnga la so sor bsgom
pa mdor bsdus pa ni/ lha la 'chi 'pho mi la 'tshol 'gro sogs/
/dmyal ba tshwa grang yi dwags bkres bskom dang/ /dud 'gror kun
rmongs gcig la gcig za ba//

@159b la sogs sdug bsngal me chen rab tu 'bar/ /rgya mtshos zhus
pa las/ lha rnams sdug bsngal 'chi 'pho'i chos gcig pa/ /mi
rnams kyi ni sdug bsngal 'tshol 'gro lags/ /dmyal ba dag gis me
sogs gnod pa rnams/ /gcig la gcig 'tshal dud 'gro rnams kyi lags/
/yi dwags sdug

bsngal 'di na bkres dang skom/ /'jig rten thams cad sdug bsngal
rnams su nub ces gsungs te/ gtso bos nye bar mtshon par dgongs
pa'o/ /snying rje pad ma dkar po las kyang/ lha dang mi'i rgyal
srid las kyang/ sdug bsngal gyi rgyu nyid de yun ring du 'khor
ba'i sdug bsngal myong bar byed pa'o/ /lha dang

mi'i 'byor pa ni rlung gi shugs ltar g.yo zhing mi gnas pa'o/
/byis pa rnams 'dod pa'i yon tan lngas mi ngoms shing yul la mos
nas lha dang mi'i dpal 'dod de/ de dag yang dang yang du sems
can dmyal bar tsha grang gi gnod pa dang/ dud 'gro kun tu rmongs
pa'i sdug bsngal dang/

mir sdug pa dang bral ba dang/ lhar 'chi 'pho ba dang/ yang
mngal du gnas pa dang/ mgo gcod pa dang/ phan tshun za ba'i gnod
pa myong zhing 'khyams pa na sdug bsngal nyi tshe myong ba'o/ /de
ci'i phyir zhe na/ dge ba'i bshes gnyen dang bral bas ma thob pa
thob pa dang ma rtogs pa rtogs pa dang mngon du

ma byas pa mngon du byas pa'i smon lam mi 'debs shing rtsol bar
mi byed pa'i phyir te/ blun po dag sdug bsngal thams cad zad par
byed pa'i byang chub kyi sems kyis ni skyo la/ sdug bsngal thaM
cad kyi snod 'khor bas mi skyo ba dang/ yid 'byung ba mi skye
bas so/ /des na 'khor ba thaM cad sdug bsngal gyi

snod kho nar brtag cing dge legs thaM cad ni ci nus su bsags pas
byang chub tu sems bskyed par bya'o zhes gsungs te 'di ni 'dod
pa'i nyes dmigs su 'ang sbyar bar bya'o// !rgyas par bshad pa
ni/ dmyal chen bcu drug 'khor can tsha rtsub drag /gzugs sogs yul
rnams gang myong mi 'dod dang/

mi sdug yid du mi 'ong lus chen 'bar/ /lcags zangs rab 'bar za
sogs yun ring mnar/ /dud 'gro rab phra skra rtse lnga bcu yi/
/cha nas dpag tshad brgyad khri bar gyi lus/ /tshe yang yud tsam
bskal par dge legs bsrings/ /brtse dang 'dzem med rab rmongs
rtag tu skrag  /phan tshun za zhing dbang med khol

@160a dang gsod/ /sdig las kun ldan gti mug mun khrod zhugs/ /yi
dwags lus ngan che chung sna tshogs ba/ /lce rtsub gnag cing skem
bas 'jigs su rung/ /bkres skom me yi dbugs drag sdang chen ldan/
/thu lum rnag sogs za ba'ang bder mi rnyed/ /mi la'ang skye rga
na 'chi sdug bral sogs/ /

'khrug khro phrag dog ser sna mi dge mang/ /tsha grang phan tshun
gnod mang tshe thung dang/ /'chi dang ngan 'gror ltung sogs mang
dran gzir/ /'dod pa'i lha rnams 'dod sred nyer spyod dang// bged
cing sdug bral dge zad ltung sogs sdug  /gzugs khams na'ang zag
bcas rnam grol tshol/ /gzhan la

mi lta ngan 'gros skrag sogs ldan/ /gzugs med bzhi 'ang sred kun
ma gcod cing/ /thos spangs yon tan mchog la dbang dang bral/
/sa'i snying po'i mdo las/ 'jig rten thams cad las mngon par mi
dga' bar bya ba la/ 'jig rten ni gnyis las sems can gyi 'jig
rten ni 'gro ba

lnga'o/ /de la 'dod pa'i khams gnas rigs nyi shu las dmyal ba
chen po brgyad ni 'khor bcu drug pa ste/ rgyas bar sngar bshad
pa ltar lus dang ngag dang/ yid kyi nyes par spyod pa'i rgyu
las/ de dag tu skyes pa na sdug bsngal tsha ba rtsub pa mi bzad
pa nyams su myong bas/ mig gis gzugs ci mthong yang

de thams cad yid du mi 'ong ba/ yid du mi 'thad pa/ mi sdug pa/
mi legs pa mthong gi yid du 'ong ba la sogs pa ni ma yin no/
/rna bas sgra thos pa la sogs pa lnga po thaM cad kyang de bzhin
no/ /lus rab tu 'bar ba dang lcags kyi thu lum za zhing lcags
zangs khol ma 'thung ste las ma zad kyi bar du mi 'chi ba'o/
/bde

ba 'dod ci sdug bsngal mi 'dod pa su zhig de la dga' zhing 'dod
par byed/ dud 'gro ni lus rab tu phra ba skra rtse lnga bcu'i
cha cam nas nyi zer gyi rdul dang rgya shug gi tshad dang dpag
tshad brgyad khri'i bar ro/ /tshe'ang kha cig ni yud tsam gyi tshad
nas la la ni bskal ba'i bar ro/ /der ni chos med

pa dge ba med pa/ ngo tsha khrel yod spangs pa brtse ba med pa/
rtag tu sdug bsngal gyis gzir ba/ rtag tu skrag pa/ gcig la gcig
za bmi dge ba'i las kyi lam thaM cad dang ldan pa/ gti mug gi
mun khrod du zhugs pas bde 'gro dang ngan 'gro'i lam la phyin
cig log dang ldan pa'o/ /mkhas pa su zhig de

@160b lta bu la dga' zhing 'dod par byed/ yi dwags kyang la la
lus mtho gang tsam nas mi tsam dang dpag tshad stong gi bar te/
gcer bu rtsub pa gnag pa skems zhing sha khrag dang bral ba/
rtag tu bkres pa dang skom pas gzir ba/ bza' ba dang btung ba
dang bral ba/ me dbugs 'byung rdub byed pa/ phan tshun rab tu
sdang zhing

brtse ba med pa/ rtag par lus dub pa sprin bsil ba dang bral
ba'o/ /zas ni la la'i lcags zangs dang thu lum la la'i rnag
khrag tsha ba dang rdul tsha ba dang phyi sa tsha ba dang/ gcin
khol ba dang/ rlung tsha ba dang/ rtswa 'am 'dab ma 'am/ me tog
gam/ 'bras bu'am shing 'bar bas ste/ de'ang rnyed par dka' bas
res

'ga' nan gyis rnyed pa tsam mo/ /tshe ni la la lo stong nas stong
phrag brgya'i bar ro/ /rtag par sdug bsngal zhing bde ba med pa
ma rig pa'i mun par zhugs pa yin na/ mkhas pa su zhig de la
mngon par dga' ba'i 'du shes bskyed/ mi la'ang rga ba dang na ba
dang 'chi ba dang mi sdug pa dang phrad pa dang sdug pa dang
bral ba

dang; rnam pa sna tshogs kyi tshol 'gro dang/ 'khrug pa dang khro
ba dang phrag dog dang ser sna dang phra ma dang tshig rtsub
dang
brnab sems dang/ phan tshun gnod pa'i sdug bsngal gyis gzir
ba'o// rtag tu 'chi ba dran pa dang tshe thung ba dang/ 'jig rten
pha rol tu 'gro ba dran pa'i sdug bsngal gyis gzir bas mkhas pa
su

zhig dga' bar byed/ 'dod pa'i khams kyi lha drug po'ang 'dod pa
dang sred pa'i sdug bsngal dang/ bged pa dang longs spyod dang
nye bar spyod pa'i sdug bsngal dang/ sngon bsags pa'i dge ba
'dzad pa dang yongs su 'tshol ba dang sdug pa dang bral ba dang
bsod nams zad pas 'chi 'pho ba dang/ ngan song du ltung

ba'i sdug bsngal gyis gzir ba'o/ /gzugs kyi khams pa dag kyang
'jig rten pa'i bsam gtan bsgom te zag bcas thaM cad sdug bsngal
las ma grol bas gzir pa'o/ /phung po lhag ma dang bcas par 'gro
dgos pa dang/ pha rol la mi lta ba dang/ nges par 'byung ba ma
mi lta ba dang/ ngan song las ma

grol ba'i sdug bsngal gyis kyang gzir ba'o/ /yang zag pa med
pa'i bsam gtan la gnas kyang rnam par ma grol ba dag lam de
rdzogs pa 'tshol ba dang/ sa ma lus pa'i ting 'dzin la dbang mi
byed pa dang/ rang sangs rgyas dang sangs rgyas kyi spyod yul la
dbang bsgyur ba med pa'i sdug bsngal gyis@161a gzir pa'o/ /gzugs
med pa bzhi'ang zag bcas kyi ting nge
'dzin dang ldan mod kyi/ zag bcas kyi sdug bsngal las ma grol
ba'o/ /slob pa dang mi slob pa'i sa thams cad la dbang bsgyur ba
med pa dang/ chos mi thos pa dang/ sred pa thaM cad gtan du gcod
pa la dbang bsgyur ba

med pa dang/ 'chi 'pho ba dang lhag ma dang bcas par 'gro ba
dang/ ngan song thams cad kyi sdug bsngal las ma grol bas/ de
dag gis sdug bsngal gyis gzir bas na srid pa gsum gyi btson rar
thaM cad du srid pa mngon par 'grub pa la/ mkhas pas mngon par
mi dga' ba'i 'du shes bskyed cing/

'dun pa drag pos lam gyi yan lag brgyad bsgom par bya ba'o/
/mngal du 'jug pa las kyang/ mir skyes na yang de ltar skye ba
la sogs pa'i sdug bsngal tshad med pa dang ldan pa'o/ /lha dag
kyang rtag tu ltung ba'i 'jigs pas sdug pa dang bral ba'i sdug
bsngal shin tu che ste/ 'chi ba na lha gzhan dag

khyod bde 'gror skye bar gyur cig /bde 'gro ni mi'i 'gro ba'o
zhe'o/ /dmyal ba ni rtag tu sdug bsngal mi bzad pa yid du mi
'ong bar rab tu tsha zhing rtsub pa myong bas dpe byar yang mi
nus so// yi dwags ni rang bzhin gyis zhe sdang dang ldan pa/
mnyen pa dang dul ba'i sems med pa/ g.yo sgyu dang ldan pa

gsod cing gnod pa byed pa/ lag pa khrag gis bskus pa/ byams pa
dang snying rje med pa/ byad bzhin mi sdug pa mthong na 'jigs su
rung ba/ gal te mi dang nye na yang bkres pa dang skom par byed
pas rtag tu sgrib pa dang bcas pa'o/ /dud 'gro'i 'gro ba ni dpag
tu med pa'o/ /don gyi dpyod pa

dang mi ldan pa/ bsod nams dang dge ba dang chos kyi spyod pa
dang mi ldan pa/ drang po'i spyod pa med pa/ phan tshun za zhing
mthu dang ldan pas mthu chung ba gsod pa dang za ba'o/ /kha cig
mun par skyes te mun par rgas shing mun pa nyid du 'chi ba'o/
/kha cig mi gtsang ba'i

nang du dang/ kha cig chu'i nang du skye ba la sogs pa'ang de
bzhin no/ /la la bshang ba dang gci ba'i dri tshor na der brgyug
cing bza' btung byed la phag la sogs pa'o/ /la la rtag tu rtswa
dang shing za ba'o zhes so// !skabs bsdu ba ni/ ltos shig mkhas
pa dag la

@161b legs 'dod pa/ /su zhig 'di lta bu la mngon dga' bas/ /bag
med 'dod sogs dbang 'gyur rab skrag nas/ /snying po dang ldan
legs gsungs bdud rtsi mchog /bde legs kun gyi 'byung gnas gcig
pu la/ 'bad mang bsgrims te la gor 'bros mi byed/ /sngar mdo las
gsungs pa de dag nyid

de gtsang sbra can mi sha dang ro gos la sogs pa dang dur khrod
bsrung ba'i las la brtson par 'dzin pas 'jigs pa'am/ gshed mas
'khrid pa de las thar na ci la'ang mi lta bar 'bros pa las ches
cher bsgrims pa ltar/ mkhas pa rnams kyang 'du byed kyi spros pa
thams cad la nyes dmiD

mi bzad par lta bas rnam grol gyi lam la lhur byed pa la bsgrims
par lta'o/ /yang mngal du 'jug pa las/ kye ma kyi hud srid pa'i
rgya mtsho 'di 'bar/ rab tu 'bar bas 'ga' zhig kyang der ma
bsregs pa med do/ /ci zhig 'bar zhe na/ 'dod chags dang zhe
sdang dang gti mug dang skye ba dang rga ba

la sogs pa rtag tu 'bar bas/ 'ga'ang thar pa med do/ /de bas na
lus 'di myur du 'jig par ltas la rtag tu brtson 'grus brtsams
pas rtse gcig tu nges par 'byung ba la bslab bo/ /des na rtag tu
gcig pu dben par song la chos la so sor rtog pa mang du byas pas
bdag nyid bdag gi gling

dang skyabs dang/ chos gling dang skyabs su bya'o/ /de ci'i
phyir zhe na/ skyes bu rang bzhin drang la sgyu med pa la la
snga dro nga'i drungs du 'ongs pa la ngas dbang po dang mthun
par chos bstan nas de phyi dro bdag nyid bsgoms pas thos pa dang
ldan pa'i chos smra ba yang byed do/ /de nas nga'i legs par

gsungs pa'i chos ni mthong ba'i chos la mngon sum du rtogs par
byed pa/ rab tu gdung ba sel bar byed pa/ thabs dang ldan pa/
rang gis rig pa'i chos/ legs par skyob par byed pa yin pas na/
gang gis nga la mngon sum du chos thos na mya ngan las 'das pa'i
rjes su mthun zhing

rdzogs pa'i byang chub la gzhol bar byed pa gang yin pa 'di ni
nga'i mkhyen pa ste/ de bas na khyed kyi rang dang gzhan dang
gnyi ga'i don de lta bu mthong nas chos 'di la rtag tu yang dag
par bslabs te rab tu byung ba'i chos bag yod par bsgrubs nas/
chud mi gzon cing 'bras bu dam par 'dus ma byas

@162a kyi bde ba thob par byas la/ gzhan gyis byin pa'i chos gos
la sogs pa blang zhing sbyin bdag gis bsod nams phan yon dang
'bras bu rgya che ba thob par 'gyur bar khyed kyi de ltar bslab
bo zhes so// ! mi'i sdug bsngal bye brag

tu bshad pa las/ skye ba dang de la brten pa'i gnod pa rags pa
mngal du 'jug nas 'byung ba'i dbang du byas nas skye ba'i las
dang po mngal du 'jug pa nyid kyi ni/ skye bo mngal 'jug phyin
ci log blo yis/ /ma dang pha la pho mo'i 'dod sdang skye/ /las
kyi rjes

'brang rdzi char drag sogs kyis/ /grang bas khyim sogs 'jug pa'i
'du shes bcus/ /shin tu btsog cing smad pa'i gzugs dang ming/
/bzhi 'dus sdug bsngal phung po 'ba' zhig len// mngal du 'jug pa
las/ bar ma do'i sems can mngal du 'jug pa na phyin

ci log gis gal te pho yin na ma la ni 'dod chags skye la/ pha la
ni zhe sdang skye'o/ /mo yin na ni pha la 'dod chags dang ma la
zhe sdang skye'o/ /snga ma'i las kyi 'du shes phyin ci log skye
ste/ grang ba dang rlung chen po langs pa dang char 'bab pa dang
nam dmus

pa dang/ skye bo mang po'i sgra ca co thos pa las/ las kyi mtho
dman ci lta bar 'du shes bcu 'byung ngo/ /deng bdag khang bar
'jug go /khang pa brtsegs ma dang/ gzhal med khang dang/ khri
dang/ rtswa spyil dang/ lo ma'i khyim dang/ rtswa stug po dang/
nags dang/

rtsig phug dang/ sab mo'i gseb tu 'jug go snyam nas mngal der
'jug go /de ni mer mer po ste pha ma'i khu ba dang khrag go /de
dag nyid 'dus rnam par shes pa'i rkyen las lhan cig gnas par zad
kyis/ 'di la byed pa po ni gang yang med do/ /de yang

'byung ba bzhi car 'dus pa'i gzugs dang ming bzhi 'dres pa sdug
bsngal gyi phung po chen po 'ba' zhig pa ni smad pa yin pas na/
da ni skad cig tsam yang bsngags par mi byed do/ /skyugs pa ni
chung ngu yang btsog cing mnam pa ltar srid pa'i skye ba ni

@162b chung yang sdug bsngal te/ mkhas pa su zhig srid pa'i rgya
mtsho 'dir srid pa'i ro bskyed nas mngal na nyal zhing sdug
bsngal 'di 'dra ba mi bzad pa myong bar byed ces so// !der rgyas
shing smin pa ni/ zhag ni bdun phrag sum cu rtsa brgyas kyis/
/mngal gyi gnas

skabs rnam bcus rgyas min byed/ /mer mer nur nur la sogs rlung
gi tshogs/ /dri ldan kun tu dag segs drod bcas 'khrug /de yis rab
'tshed sdug bsngal mi bzad ldan/ /rtsibs log g.yas g.yon zhu ma
zhu'i bar na/ /gnas lnga bcings shing gsal

shing rtser bskyon ltar/ /phyi sa'i khung bzhin dri nga rab
btsog 'dam/ /srin tshogs tshang chen khu khrag rul myags khung/
/rtag tu mi gtsang 'dzag gyur sdig chen skor/ /kun tu bskums nas
ma yi spyod lam dang/ /zas sogs mtho dman gyi nas rab sdug
bsngal/

'di ni mngal gyi gnas skabs bcu gsungs te/ /dang por mer mer po
la sogs pa bzhi ni de nyid las dbang zhag bdun phrag sum cu rtsa
brgyad du gnas so/ /dang po la ni mer mer po ste mi gtsang ba
thog ma'i gnas su 'bras khu'am zho spris lta bu zangs rab tu

tsha bar btsos shing brngos pa ltar rlung dang drod kyis btsos/
rab tu btsos pas sdug bsngal mi bzad pa myong ba'o/ /gnyis pa la
ni nur nur bo 'o ma bska ba'am mar 'khyags pa 'dra ba kun tu reg
pa zhes bya ba'i rlung gis btsos pa'o/ /gsum pa la ni ltar

ltar po ste btsod ka'i rlung gis btsos la lcags 'thur ram grol
ba 'dra ba'o/ /bzhi pa ni mkhrang gyur te rab tu 'byed pa'i
rlung gis btsos pa bong ba'am mchi gu 'dra ba'o zhes so/ /yan
lag 'grub pa ni yang lnga pa la sdud pa'i rlung gis dpung pa
gnyis dang

brla gnyis dang mgo'i mtshan ma lnga po dbyar char gyis shing lo
rgyas pa lta bu'o/ /drug pa la ni rgya chen po'i rlung gis dpung
pa gnyis dang pus mo gnyis te mtshan ma bzhi po shing yal ga skye
ba lta bu'o/ /bdun pa la ni 'khyil ba'i rlung gis rkang lag bzhi
'byung ste dbu

@163a ba'am nya lcibs lta bu'o/ /brgyad pa la ni mngal log pa'i
rlung gis sor mo nyi shu'i mtshan ma'o zhes so/ /bu ga dang nang
rol dang rtsa rgyus 'grub pa ni yang dgu pa la rnam par 'byed
pa'i rlung gis mig gnyis dang rna ba gnyis dang sna

bug gnyis dang kha dang bshang ba dang gci ba'i bu ga dgu snang
ngo/ /bcu pa la ni sra bar byed pa'i rlung gis de rnams sra
zhing brtan par byed do/ /kun nas skye ba'i rlung gis bus pas ni
rkyal pa ltar rgyas par byed do/ /bcu gcig pa la ni bu ga snang
ba'i rlung gis 'khor

stong du byed pas bu ga dgu 'phel bar byed do/ /bcu gnyis pa la
ni yod pa'i sgo'i rlung gis nang rol gyi rgyu ma padma'i rtsa ba
ltar bsnol mar gnas pa la sogs pa rnams 'byin to/ /ba spu rgyu
ba'i rlung gis ni tshigs brgya sum cu dang gnas brgya rtsa gcig
bskyed do/ /bcu

gsum pa la ni rlung snga ma des bkres skom tshor nas mas zos pa'i
ro ji snyed pa lte bar zhugs te lus la phan no/ /bcu bzhi pa la
skud pa'i kha'i rlung gis rtsa rgyus stong skyed par byed de/
mdun na nyis brgya lnga bcu dang/ rgyab dang g.yas dang
g.yon
na yang de snyed dag gis

so/ /bco lnga pa la ni pad ma'i rlung gis rgyab la sogs pa na
lnga lnga nas rtsar rgyu ba bskyed nas ro rnams gzhib bo/ /re re
la yan lag bzhi bcu tsha re yod pas dbugs gzhib pa'i rtsar rgyu
ba brgyad brgya'o/ /re re la'ang yan lag brgyad brgyas stong
phrag brgyad bcu'o/ /de re re

la bu ga mang po yod pas/ ba spu'i khung bu re re dang 'dres pas
pad ma bu ga mang po dang 'dra ba'o/ /bcu drug pa la ni padma
'gro ba'i rlung gi skye mched drug dang kha sgo dang mid pa dang
snying gi 'khor yug dang bza' btung 'jug pa'i gnas brgyad bskyed
de/ /dbugs rgyu

ba mi thogs par byed do/ /bcu bdun pa la ni 'bri gdong gis rlung
gis bu ga de rnams me long phyis pa ltar dwang bar byed do zhes
so/ /dbang po 'grub pa ni yang bco brgyad la dri ma med pa'i
rlung gis dbang po drug dwang bar byed do/ /bcu dgu pa la mig
dang/ rna ba dang/

@163b sna dang lce'i dbang po bzhi bskyed do/ /rus pa la sogs
'grub pa ni yang nyi shu pa la shin tu brtan pa'i rlung gis
rkang pa g.yas g.yon gyi sor mo'i rus pa bzhi bcu dang/ rting
ba'i rus pa bzhi dang/ rje ngar gyi gnyis dang/ brla'i gnyis
dang/ pus mo'i gnyis

dang/ long bu'i gnyis dang/ rked pa'i gsum dang/ sgal tshigs bco
brgyad dang/ rtsib ma'i nyi shu rtsa bzhi dang/ lag pa gnyis kyi
sor mo'i bzhi bcu dang/ lag ngar gyi bzhi dang/ dpung pa'i gnyis
dang/ brang gi bdun dang/ phrag pa'i bdun dang/

gnya' ba'i bzhi dang/ 'gram pa'i gnyis dang/ so'i sum cu rtsa
gnyis dang/ mgo'i rus pa bzhi bskyed do/ /nyi shu gcig pa la ni
yang dag par bskyed pa'i rlung gis sha rnams zhal ba ltar bskyed
do/ /nyi shu gnyis pa la ni kun tu rgyal ba'i rlung gis khrag

bskyed do/ /nyi shu gsum pa la ni yongs su dag pa 'dzin pa'i
rlung gis lpags pa'o/ /nyi shu bzhi pa la ni kun tu 'phyo ba'i
rlung gis lpags pa'i mdog 'byin to/ /nyis shu lnga pa la ni
grong khyer 'dzin pa'i rlung gis sha khrag dwang bar byed do/
/nyi shu drug pa la ni skye ba

mngon par grub pa'i rlung gis skra dang spu dang sen mo bskyed
de thams cad rtsa rgyus dang 'brel ba'o/ /nyi shu bdun pa la ni
sman yon chen po'i rlung gis skra la sogs pa 'phel bar byed do/
/de gal te sdig pa can yin na ni mi sdug pa 'on long la sogs par
'gyur ro//

dge ba can yin na ni mdzes shing gsal la yid du 'ong ba'o/
/khye'u yin na ni rtsib logs g.yas na tsog pur lag pa gnyis
gdong pa la bkab nas sgal pa la bltas te 'dug go /bu mo ni
g.yon na de bzhin du lto ba la bltas te 'dug go /ma zhu ba'i
'og

na des mnan cing zhu ba'i steng na des bteg ste/ gnas lnga
bcings nas gsal shing rnon po la btsugs pa ltar gnas so/ /mas
zas mang ba la sogs pa dang/ 'dod pa spyod dam drag shul du 'gro
ba la sogs pas shin tu sdug bsngal te/ mi la sdug

@164a bsngal de ltar brjod du med na dmyal ba ni dpe bya bar
yang lta ci smos te/ mkhas pa su zhig 'di lta bu 'dod par byed/
nyi shu brgyad pa la ni de la phyin ci log brgyad skye ste/
khyim dang bzhon pa dang/ kun dga' ba dang/ khang pa

brtsegs ma dang/ skyed mos tshal dang khri dang/ chu bo dang/
rdzing na 'dug pa'i 'du shes so// nyi shu dgu pa la ni me tog gi
phreng ba'i rlung gis lpags pa'i mdog gsal ba dang dwangs ba
dang dkar bar byed do/ /sum cu pa la ni lcags kyi sgo'i rlung
gis skra dang spu dang

sen mo rnams rgyas par byed do/ /sum cu rtsa gcig dang/ rtsa
gnyis dang rtsa gsum dang rtsa bzhi pa'i bar du ni mthar gyis
cher skye zhing 'phel lo/ /sum cu rtsa lnga pa la ni yan lag
dang nying lag thams cad rdzogs so zhes so/ /phyir skye ba la
phyogs pa ni yang sum

cu rtsa drug pa la der 'dug mi 'dod par 'gyur ro/ /sum cu rtsa
bdun pa la ni phyin ci log ma yin pa'i 'du shes gsum 'byung ste/
mi gtsang ba dang/ dri mi zhim pa dang/ mun gnag gi 'du shes so/
/zhag bdun phrag sum cu rtsa brgyad pa la ni utpal zhes bya
ba'i

rlung gis lus bsgyur te lag pa thur du brkyangs nas skye gnas
kyi sgor phyogs par byed do// yang kha thur du blta ba'i rlung
gis bus pas mgo thur du bltas rkang pa gyen du bltas nas phyir
'byung ngo/ /gal te sdig can zhig ste gzhan gyi mngal rlugs par
byas

cna ni rkang lag log cing bsnol mar gyur nas bsgyur mi nus pas
de nyid du 'chi'o/ /dge ba can ni bde bar btsa'o zhes so// !
phyir skye ba'i sdug bsngal ni/ de nas srog la bab pa'i sdug
bsngal gyis/ /phyir 'byung cung zad dran pa'ang kun nyams myos/
/lag pa'am

gos steng lhung yang tsha rtsub la/ /ba lang gson bshus srog
chags mang za 'dra/ /chu 'jam bkrus kyang mdze po'i pags rul ba/
/lcag gis bzhus ltar mi bzad rab tu tsha/ /yang phyir 'byung ba
ni sdug bsngal srog la bab pas gdod skye bas na shin tu sdug

@164b bsngal gyi gnas te/ snam phyi sa dang 'dra bar mchog tu
dri mi zhim pa/ skyug bro ba'i 'dam gyi khung/ srin bu'i rigs
mang po rtag tu gnas pa/ mi gtsang ba'i khu ba rtag tu 'dzag pa/
khu ba dang khrag rlangs rul myags pa/ mthong na skyo bar
'gyur
ba/ lpags pa srab

mos g.yogs pa/ sdig pa'i gnas kyi rma dang bcas pa/ mi gtsang
ba'i gnas de lta bu la su zhig chags/ de btsas nas lag pa'am gos
kyi steng du ltung nas nyi ma'am grib ma'am shing leb bam stan
nam pang du bzhag pa na mi bzad pa tsha ba brtsub pa myong ste/

ba lang gson por bshus pa srog chags kyis za ba lta bu'o/ /chu
dron gyis bkrus na'ang mdze po lpags pa rus pa rnag khrag 'dzag
pa lcag gis bzhus pa tsam mo/ /de lta bu thams cad kyi tshe'ang
de dag myong zhing dran pa 'byung ba'o// !de la brten pa'i gnod
pa rags

pa ni/ /bcos nas zhag bdun phyin chad srin bu'i tshogs/ /brgyad
khris za bas nyams chung bkres skom sogs/ /na rga 'chi dang sdug
bsngal mi sdug phrad/ /'dod tshol mi rnyed phung po'i khur gyis
mnar/ /khyad par du'ang nad mang 'byung gnas kyi/ /mi rtag sdug
bsngal

yid brtan mi rung ste/ /yan lag gcod 'bigs go rar 'jug dang
bcing/ /sdig sbrul 'tshe sogs sdug bsngal nyid la brtag /yang
btsas nas zhag bdun phan chad srin bu'i tshogs brgyad khri byung
nas lus la za'o/ /des na rtag tu gdung zhing nyam chung

ba dang bkres pa dang skom pa dang nad sna tshogs kyang snang
ba'o/ skye ba'i rtsa ba de la rga ba dang na ba dang 'chi ba
dang sdug pa dang bral ba la sogs pa sdug bsngal 'ba' zhig go
/lo brgya thub na'ang gnas skabs bcu ste/ byis pa gan rkal du
nyal ba dang/ gzhon nu rtse dga'

byed pa dang/ lang tsho 'dod pa'i bde ba can dang/ mthu dang ldan
pa dpa' stobs can dang/ dar la bab pa bshes pa dang/ spobs pa
can dang/ yongs su rdzogs pa legs par spyod pa la mkhas pa dang/
mthar gyis rgas pa chos kyi gzhung shes pa dang/

@165a rgas pa bya ba mang po la mthu zhan pa dang/ shin tu rgas
pa ci'ang mi nus pa dang/ mtha' ma 'chi ba'i gnas skabs so/ /de
dag la dus sum brgya yod de/ dpyid dang dbyar dang dgun brgya
brgya'o/ /zla ba ni brgya phrag bcu gnyis te

dkar gnag gi ngo bo ni brgya phrag nyi shu rtsa bzhi'o/ /nyin
mtshan ni stong phrag sum cu rtsa drug du 'tsho'o/ /nyin gcig lan
gnyis za bas zan ni stong phrag bdun cu rtsa gnyis za ste/ rkyen
gyis ma zos pa'i grangs kyang der gtogs so/ /'di lta bu bsams
shing

yang skyo bar bya'o/ /de ltar skyes pa'i lus la yang nad mang po
klad nad dang mig nad de la sogs pa mtha' yas te/ nang nas skye
ba'i nad kyi rigs ni bzhi brgya rtsa bzhi yin pas lus 'di ni
'bras dang zug rngu lta bu dang/ skad cig tsam yang mi gnas

pas rang bzhin gyis mi rtag pa dang sdug bsngal ba dang bdag med
pa 'chi ba dang nye ba yid brtan du mi rung ba'o/ /yang lag pa
dang rkang pa la sogs pa bcad pa dang mig phyung ba la sogs pa
dang/ go rar gzhug pa dang bcing ba la sogs pa dang/ bkres shing

skom pa dang/ sdig sbrul la sogs pas reg pa la nyin mtshan du
sdug bsngal drag pos bsreg cing gdungs pa'o zhes so// ! 'khor
ba'i nyes dmigs bsgom pa'i skabs kyi don la sbyar ba ni/ de ltar
bde 'gro'i skye gnas dman pa'i yang/ /sdug bsngal de 'dra

dmyal sogs smos ci dgos/ /'di 'dra rjes bsam skyo bas nan tan
gyis/ /brtson 'grus brtan pos rnam grol btsal bar 'bad/ /yang de
lta bu la yid 'byung bas chos btsal zhing shin tu skyo ba bskyed
de nan tan gyis brtson 'grus kyis rnam par grol ba btsal bar

bya'o/ /de ltar bde 'gro'i skye gnas mi gtsang ba'i sdug bsngal
yang brjod du med na ngan song gsum gyi mi bzad par bzod par
dka' ba lta ci smos// ! 'das chen las 'byung ba la skye ba nyid
kyi ni/ skye 'di sdug bsngal gzhan gyi rtsa ba ste/ /dug gi sa
bon lta bur

@165b gnod kun bskyed/ /bkra shis ma dang rna nag ma 'brel ltar/
/skye ba 'dod pas gnod gzhan spang mi nus/ /des na 'gro ba'i
skye ba ma lus la/ /mkhas pas gnod chen nyid brtag phyir phyogs
bya/ /ngan skyugs mang nyung dri ngar mtshungs pa ltar/ /tshe ring
tshe thung skye kun

sdug bsngal nyid/ /mdo sde las skye ba ni sdug bsngal thams cad
kyi rtsa ba ste 'khrul pa can dag skye ba 'dod kyi/ rgas pa dang
na ba la sogs pa mi 'dod kyang/ dpal thams cad ster ba'i bkra
shis ma dang byur thams cad 'bebs pa'i rna nag ma dag 'brel bar
mi nus

pa dang 'dra ba'o/ /byang chub sems dpa' ni dang po skye ba nyid
nas skyon du rtogs te/ dug gi sdong po ni rtsa ba la sogs pa
thams cad kyis kyang gsod pa ltar/ skye ba thams cad ni nad la
sogs pa dang 'brel ba'o/ /ngan skyugs ni mang nyung 'dra ste
mnam pa ltar tshe ring

thung thams cad sdug bsngal nyi tsher mtshungs pa'o/ /yang mi tha
ma mngal na 'dug pa ni phyi sa khung ngam mun khung na gnas mi
ro'i gnas sam tsher khung ngam mun khung na gnas shing 'byung
na'ang de dag nas 'byung ba snyam mo/ /'bring ni skyed mos tshal
lam chu gtsang

ngam khyim bzang por shes so/ /rab ni yang thog bzang po'am
skyed mos tshal lam rta'am glang po che gzhon pa'aM ri mthon po
la 'dzeg pa'am de dag nas 'byung ba snyam mo zhes so// ! de la
brten pa'i gnod pa rags pa las rgas pa ni/ rgas pas glen sogs

nad ldang stobs sogs 'joms/ /'chi bdag khar bstobs yul rnams
spyod mthu 'phrog/ kun gyis brnyas 'gyur rab 'byung thos sogs
nyams/ /lus rid las kyi mthu med myur bar 'chi// yang rgas pa na
ni skyug bro zhing ldang dang/ dpa' ba dang nyams rtsal 'phrog
pa'o//

brtson 'grus dang 'dzin pa dang gzhon dar ba dang rab tu bde ba
dang nga rgyal dang rgyags 'chos dang bde ba ci 'dod pa la spyod
pa rnams ma rungs par byed pa'o/ /le lo dang snyoms las che
ba'o// gzhan gyis brnyas par byed pa'o/ /dper na rdzing du padma
rgyas pa na kha dog 'tsher@166a bas kun gyi yid du 'ong zhing 'dod
de/ ser bas ma rungs
par byed pa ltar/ rgas pa'ang gzhon dar ba'i mdog bzang po yid
du 'ong ba ma rungs ba byed do/ /rgyal po'i blon po mdzangs pas
de la bsdo ba'i rgyal phran thabs kyis bzung ste 'bul

lo; ;rgas pas kyang gzhon dar ba bzung ste 'chi bdag gi rgyal po
la 'bul lo/ /phyug po'i nor gser la sogs pa mang po rkun pos
'joms pa ltar gzhon pa kha dog la sogs pa rga ba'i dgras rtag tu
'joms so/ /dbul po dag rtag tu zas dang gos

bzang po 'dod kyang mi rnyed pa ltar/ rgas pa'ang 'dod pa'i yon
tan lnga'i bde skyid la longs spyod par 'dod kyang nus pa med
do/ /skam sa'i rus sbal rtag tu chu dran yang mi rnyed pa ltar/
rgas 'khogs pas bskams pa'ang rtag tu gzhon pa'i 'dod pa'i yon
tan

lnga po dran no/ /ston padma kha bye ba yang kun gyi yid du 'ong
pa rnyings nas kun gyis mi 'dod pa ltar/ rgas pa yang kun gyi
yid du mi 'ong bas mi 'dod do/ /bu ram shing btsir ba'i tshigs ma
la ro med do/ /rgas pas gud pa na yang rab tu 'byung ba dang
klog pa dang

bsam gtan gyi ro gsum med do/ /zla ba rgyas pa mtshan mo gsal
yang nyin mtshan gnyis mi 'dra'o/ /gzhon pa bzang zhing mdzes pa
yang rgas pa na bskams shing rid do/ /rgyal po srid bzang po
skyong ba gzhan gyis phab ste 'khyams pa na kun snying rje bas
khyod

lta bu ji ste 'di ltar 'khyam zhe'o/ /rgas pas nyams pa la yang
sngar gzhon pa'i lus ngag la bstod du zad do/ /mar me mar zad pa
myur du 'chi'o/ /gzhon pa rgas pa yang de bzhin no/ /shing rta'i
srog shing chag na khal 'khur mi nus so/ /rgas pas kyang

dge ba'i chos thams cad 'dzin par mi nus so/ /byis pa chung ngu
shed ma bye pa ni kun gyis brnyas pa ltar rgas 'khogs pa yang
ngo zhes so// ! na ba ni/ nad kyis bde ba kun 'joms 'jigs sogs
bskyed/ /dbang sogs gzugs nyams 'chi ba nyer 'dren

@166b pa; ;dre'u sbrum sogs dang rgyal po'i 'khor sogs bzhin/
/mdog stobs ngo tsha sogs 'joms lus sems bsreg /yang ser bas lo
tog kun 'joms pa ltar na bas bde kun 'joms so/ /sha 'khon can
gyi dgra la rtag tu 'jigs pa ltar na bas kyang

rtag tu 'jigs shing mya ngan byed do/ /mi gzugs bzang pos rgyal
po'i btsun mo la spyad pa des tshor te mig phyung/ rna ba gcig
bcad/ lag pa gcig bcad na sngon gyi gzugs nyams te kun gyis mi
'dod do/ /na ba yan lag kun gzir ba yang de bzhin no/ /chu shing

la sogs pa ni rang gi 'bras bus brlag par byed do/ /nad kyis
kyang 'chi bar byed do// 'khor los bsgyur ba'i rgyal po ni dmag
dang blon po'i phyi bzhin du 'brang ngo/ /'chi ba'i rgyal po
yang rtag tu na ba'i blon po'i rjes su 'brang ngo/ /rgyal po
gzhan gyi rjes su 'khor

dag 'brang ngo/ /na ba'i rgyal po'i rjes su yang 'chi ba'i 'khor
'brang ngo/ /na ba'i rgyus ni sdug bsngal dang 'khrug pa dang
zlos pa'i mya ngan dang smre sngags 'don pa lus dang sems mi bde
bar byed pa ste/ dgra ma rungs pas nyen pa dang/ rkyal pa 'bral
ba dang/ zam pa 'jig pa

dang/ dran pa 'phrog pa dang/ gzhon pa'i kha dog dang stobs dang
bde ba ma rungs par byed pa dang ngo tsha med pa dang khrel med
par byas pa dang/ lus dang sems 'bar zhing tshig par byed pa'i
rnam grangs can no/ /zhes so// ! 'chi ba ni/ bskal me sogs ltar
'chi bas kun

'joms te/ /rgyal sras dbang thob zab chos rtogs ma gtogs/ /rgyal
po sdang sogs nor dbyig dbul sogs kyis/ /bzlog par nus kyi 'chi
bdag de lta min/ /yang 'chi ba ni 'jig cing med par byed pa'o/
/me dang chu dang rlung gis bsam gtan gnyis pa la sogs pa

ma gtogs pa kun 'jig pa ltar/ 'chi bas kyang byang chub sems
dpa' mdo 'di la gnas pa ma gtogs pa thams cad med par byed do/
/nam mkha' lding gi rgyal pos klu dang gser la sogs pa kun 'ju
bar nus kyang rdo rje ni mi 'ju'o/ /'chi ba'i rgyal pos kyang
rgyal

@167a sras de ma gtogs pa 'ju nus so/ /nam mkha' lding klu thams
cad za'ang gsum la skyabs su song ba ni za mi nus so/ /shi ba'i
mkha' lding sems can dpag tu med pa za'ang rnam par thar pa'i
sgo gsum la gnas pa ni ma yin no/ /mi

la rgyal po sdang ba ni nor dbyig phul te 'jam pa'i tshig smras
pas byams par 'gyur gyi/ 'chi ba'i rgyal po las ni de dag gis
thar pa med do zhes so// ! 'dod pa dang bral ba ni/ sdug bral
gnod pa kun gyi rtsa ba ste/ /tshe zad mtho ltung rgyal srid nor
brlag sogs/ /yang

'dod pa dang bye bral ba ni sdug bsngal kun gyi rtsa ba ste/
'dod pa'i rkyen gyis mya ngan skye// 'dod pa'i rkyen gyis 'jigs
pa ste/ /'dod pa thams cad yongs spangs na/ /mya ngan 'jigs pa
ga la 'ong/ /yang 'dod pa dang bral ba ni/ tshe zad pa la sogs pa
ste sdug bsngal sna tshogs

gzhan yang rgyal po spyi bo skyes la sogs pa bzhin no zhes so//
! mi 'dod pa dang phrad pa ni/ mi sdug dang phrad dgra bos nyer
bcom zhing/ /btson rar bcug dang 'byung pos brlams sogs yin//
yang dgra sdang ba dang phrad pa ni 'gro ba lnga car la yang
yod
de/ mi la ni bzung ste

btson rar bcug pa la sogs pa'o zhes so// ! 'dod pa btsal te ma
rnyed pa ni/ 'dod pa mi rnyed dge ba ma thob dang/ /mi dges nyer
bcom ngal mang 'bras med sogs/ /yang 'dod pa mi rnyed thams cad
kyang 'dod pa gnyis po dge ba dang mi dge ba 'dod pa dag las/

dge ba ni ma rnyed na sdug bsngal lo/ /mi dge ba dang ni ma bral
na sdug bsngal lo zhes so// ! mdor na nye bar len pa'i phung po
lnga sdug bsngal ba ni/ phung po'i khur non g.yang sa chen po
can// grogs med mtha' mi mngon pa'i lam ring du/ /mun chen snang
med thar sgo

mthong med cing/ /gzhig par mi nus thos nas skrag par 'khyam/
/yang mdo sde las/ byis pa ma rabs ni g.yang sa chen por 'jug
ste/ lam shin tu ring la grogs med pa nyin mtshan du phyin kyang
mtha' mi shes pa/ shin tu gnag pa'i mun par 'thom pa/ snang ba
dang sgron me

@167b med par 'jug sgo med pa gnas yod pa/ snang ba'i dmigs med
la gsor mi rung ba/ 'gro ba la bar chad dang thar pa med pa'i
gnas su phyin pa/ gzhig tu med pa/ mthong ba tsam gyis mya ngan
gyis gdungs pa gzugs sdug pa ma yin yang kun gyis 'jigs

skrag pa/ lus la khyab par yod kyang tshor mi shes so zhes gsungs
te/ phung po lnga ni blangs pa tsam gyis tshor ba gsum dang rjes
su 'brel pa nyid du ro gcig la/ bde ba thams cad kyang 'gyur
ba'i sdug bsngal nyid do/ /sdug bsngal thams cad ni sdug bsngal
gyi sdug

bsngal nyid do/ /btang snyoms thams cad kyang 'du byed kyi sdug
bsngal nyid kyi na phung po grub bo cog ma lus pa ni sdug bsngal
'ba' zhig pa ste/ 'ba' zhig pa ni bde ba gtan med pa'am byed pa
po'i bdag med pa'i don to/ /sngar gyi sdug bsngal brgyad po yang
sdug

bsngal gsum po 'di nyid kyi dbye bar ci rigs su sbyar ro// !
skye ba la ni brten pa'i gnod pa phra ba ni mtha' yas pa nyid
de/ 'on kyang 'dir bsdus pa ni/ lam ngan 'jug dang zhum dang ser
sna dang/ /bsngos bsgyur dbul dang nor dang sred zhen dang/ /log
'tsho

gzhan sdug mi lta phrag dog dang/ /'dzem med spyod dang gzhan
skyon rtog byed dang/ /las ngan gyis g.yeng thos sogs don mi
gnyer/ /'jig rten pha rol mi lta gzhan bslu dang/ /yon tan mi
brtan nyes brtan bzod med dang/ /mdza' bshes yal 'dor byas

mi gzo la sogs/ /yid 'byung skyo ba'i gnas mang legs brtags nas/
/mkhas pas de dag rgyang rings dor bar 'bad/ /lam ngan par 'jug
pa ni sdig pa spyod pa la sogs pa ste/ de spang bar/ sdug bsngal
gzhir gyur gtam ngan rjes 'brang ba'i/ /sdig pa'i

lam las bde 'dod slar log la/ /de bas bsod nams spyod pa dpal
ldan pa/ /bde ba rab 'byung sgrub la blo byos shig /ces so/
/zhum pa ni bya dka' ba'i las sems kyis mi lcogs pa ste/ de
spang bar/ zhum pas phongs las thar la mi phan gyi/ /de bas mya
ngan gdung

@168a bar ma byed par/ /dgos pa'i don bsgrub mkhas la brten byas
na/ /rab tu dka' ba'ang sla bas thar bar 'gyur/ /de bas 'jigs
shing mi dgar ma byed par/ /ji ltar bya ba'i thabs kyis dgos pa
bsgrubs/ /mkhas pa'i gzi brjid brtan pas

gzengs bstod na/ /don rnams thams cad 'grub pa lag na yod/ /ces
so/ /ser sna ni yo byed la kun 'dzin dam pas gtong mi nus pa
ste/ de spang bar glog ni 'gyu ba lta bur mi brtan nor// kun
dang thun mong phongs pa du ma'i rgyu/ /bde ba 'byung ba'i rgyu
ni sbyin yin

na/ /ya rabs su zhig ser sna'i lam la brten/ /zhes so/ /bsngos
pa bsgyur ba ni bsngos nas mi sbyin pa'am bsngos pa las gzhan pa
sbyin pa'am gzhan la bsngos nas gzhan la sbyin pa la sogs pa
ste/ de spang bar sbyin no zhes ni khas blangs pas/ phongs ba'i
re ba

brtan byas nas/ /bslu ba'i tshig ni rtsub mo de'i/ /skyin pa bsab
pa ci yang med/ /phongs pa rnams kyis bag phab spobs te bslangs
pa la/ /sbyin pa'i dus su brnyas te ma byin dga' ba bas// mi
bzad me lce 'bar ba'i sems can dmyal ba der/ /me lce 'bar bas
phog nas

spyi'u tshugs lhung yang rung/ /gang zhig slong ba de nyid sbyin
par bya/ /mi 'dod pa ni byin yang dgar mi 'gyur/ /chus khyer ba
la chu yis ci zhig bya/ /de bas bslangs pa'i don ni 'di la
sbyin// zhes so/ /dbul ba ni nor dang mi ldan pa ste/ dma' 'bab
gnas gyur nyon mongs ngal

ba'i gzhi/ /bde ba yongs spangs shin tu mi brjid pa/ /nyams nyes
bzhin du rtag tu mya ngan byed/ /nor med gyur pa shin tu 'jig su
rung/ zhes so/ /nor dad ni nor sgrub cing phangs par 'dzin pa
ste/ bsags dang bsrung dang brlag pa'i gdung ba yis/ /nor ni
phung krol mtha' yas

shes par bya/ /nor la chags pas g.yengs par gyur pa rnams/
/sred pa'i sdug bsngal las grol skabs med do/ /zhes bya ba dang/
'jig rten dag na nor ni phal cher yang/ /chags pa'i gzhi dang
ngan 'gro'i grogs su 'gyur zhes so/ /de spang bar gtong dka'i
nor ni bdag

@168b dang gzhan dag gis/ /'byor ba thob pas don dang mthun par
'gyur/ zhes so/ /sred zhen ni ma 'ongs pa'i 'dod pa'i yul dag
gis skom zhing don du gnyer ba ste/ dman pa rnams ni phal cher
yang/ /mi bzod par ni yid gdungs nas/ /dngos po gang la de grags
pa/ /de

yis lhag par gdungs par 'gyur/ zhes so// log 'tsho ni tshul 'chos
la sogs pas nyes par spyod pa sna tshogs la 'dzem pa med par
rnyed pa dang bkur sti bsgrub pa ste/ spyi brtol byed cing
'phrog rlom can/ /mi gtsang las ldan khwa lta bu/ /shin tu nyon
mongs 'tsho ba

can/ /ngo tsha med pa'i 'tsho ba las/ /rtag tu gtsang ma 'tshol ba
dang/ /thub tshod mi byed 'dzem bag can/ /'tsho ba dag pa lta ba
yis/ /ngo tsha shes pa'i 'tsho ba dka'/ zhes so/ /de spang bar/
chog shes des pa'i bdag nyid can/ /'tsho ba gang na'ang btsal mi
dka'/ /rtswa dang

lo ma chu ni gnas/ /gang na'ang med pa ma yin no/ /mang du thos
pa snyems pa med/ /'byor pa thob la ser sna med/ /nags tshal gnas
la chog shes pa/ /yon tan kun gyi mchog yin no zhes so/ /gzhan
gyi sdug bsngal la mi lta ba ni snying sra bas gzhan gyis bde
sdug

khyad du bsad cing rang gi bde ba chung ngu'ang 'tshol ba ste/ de
spang bar/ dam pa rnams ni pha rol smad la sogs/ /gnod pa byas
nas rang gi bde mi bsgrub/ /de bas mkhas pa gcig la'ang mi gnod
par/ /chos la gnas nas bdag gi don bsgrub bo zhes so/ /phrag dog
ni gzhan

gyi dpal la sdang bas mi bzod pa ste/ rang gi yon tan grags pa
khyad par can/ /'gro ba mgu bar nus pa'i mthu can la/ /yon tan
bcos mas bkur sti thob pa rnams/ /phrag dog me ni gor ma chag
par 'bar zhes so/ /'dzem pa med par spyod pa ni ngo tsha dang
khrel yod shas

chung ba ste/ 'jig rten spyod pas 'dzem pa med pa dang/ /chos
dang phyi ma'i 'bras bu mi lta ba// gang yin de la skye bo yid
mi ches/ /lha dang dpal gyis rab tu spangs par 'gyur zhes te/ de
spang bar/ lha dbang phyir yang ngo tsha bor nas ni/ /yid la chos
dang 'gal ba byed pa bas//

@169a gyo mo'i snod thogs gos ngan gyon nas ni/ /dgra yi khyim
du 'byor ba slong yang bla/ /byis pa rnams ni mtshan ma chung zad
la/ /brten nas rang gi chos lam 'dor bar byed/ /dka' thub chos
dang shes pa'i nor ldan pa/ /dge ba rnams ni phongs

kyang mi 'gyur ro zhes so/ /gzhan gyi skyon dang 'khrul pa la
rtog pa ni/ bdag las gzhan pa'i skyon dag ni/ /phub ma gtor ba
ji bzhin du/ /gzhan gyi skyon mthong sla ba ste/ /rang gi skyon
ni mthong bar dka' zhes te/ de spang bar/ gzhan skyon rtog pa
spong ba dang/ /rang

gi nyes pa lta ba'o zhes so/ /las ngan pas g.yengs pa ni khyim
gyi so tshis la sogs pas rtag tu rang dbang med par bkol ba ste/
khyim gyis so tshis byed pas ni/ /brdzun du mi smrar mi rung
zhing// pha rol gnod pa byed pa la/ /nan tur mi byar mi rung
ngo/ /phyugs kyis bsgrub

na'ang mi dkon pa'i/ /mnog chung gang yin de don du/ /dal 'byor
phun sum rnyed dka' 'di/ /las kyis mnar ba rnams kyis bcom zhes
so/ /thos pa la sogs don du mi gnyer ba ni dam pa rnams kyi las
su bya ba thos pa dang tshul khrims la sogs pa yon tan gyi tshogs
la

rtsis med pas yal bar 'dor zhing mi sems pa ste/ de spang bar/
yon tan ldan pa yon tan la dga' zhing/ /yon tan med pa yon tan
la mi dga'/ /bung ba nags na gnas kyang mtsho'i pad gzhib/ /spal
pa drung na 'dug pa de lta min/ /mkhas pa rnams kyi grags pa

ni; ;mkhas pa rnams kyi nang du 'phel/ /rin chen shes la rin
chen dang/ /g.yul ngo'i nang du dpa' bo bzhin/ /gang zhig 'don
dang 'dri dang klog pa dang/ /gzhan la 'dri dang thos pa 'dzin
byed pa/ /de yi blo ni nyi ma'i 'od zer gyis/ /padma bzhin du
rnam par kha 'bye'o/ /

mang du thos pa thos pa 'dod/ /gtsang sbra can ni gtsang la
dga'/ /dka' spyod rnams ni des mi 'jigs/ /skyes bu goms pa'i lam
du 'gro /me tog rnams ni ljon pa'i shing gi rgyan du 'gyur//
glog phreng 'gyur ba char sprin rnams kyi rgyan du 'gyur/ /bung
ba myos pa 'du ba'i

@169b padma mtsho yi rgyan/ /yon tan khyad par 'phags pa lus can
rnams kyi rgyan// zhes so/ /gzhon yang rgan pa'i nye bar zhi la
dga'/ /gzi brjid che'ang bzod cing des pa'i ngang// mkhas par
gyur kyang shes pa'i nga rgyal med/ /dpal dang ldan zhing 'byor
kyang dregs pa med/ /

skye bo rnams la sdug bsngal dbang med pa/ /de yis ma bzod
snying rje'i gzhu dag dang/ /sbyin pa'i mda' rnams char bzhin
'bebs pa yis/ /de dang lhan cig g.yul chen 'gyed pa 'dra/ zhes
so/ /'jig rten pha rol la mi lta ba ni tshe phyi ma phan chad kyi
bde sdug mi sems par

tshe 'di nyid du ci bde tsam 'tshol bar zad pa ste/ lha yi dpal
dang 'khor los bsgyur la sogs/ /gzugs dang lang tsho 'byor sogs
bde ldan yang/ /mtho ris byang grol 'tshol la spyod med pa/ /dud
'gro mi yi cha byad 'dzin par zad ces so/ /gzhan yang bslu ba ni

g.yo sgyu 'ba' zhig spyod pas rang gi don cung zad kyi don du
yang gzhan dag tshegs chen pos ngal ba la sogs pa la sbyor ba'o/
/yon tan yod kyang myur du nyams pa dang skyon byung zhing
skyes
pa dang rtag tu mi 'bral ba spang bar/ yon tan goms pas dge ba
rnams/ /

legs par byas pa sems la gnas/ /padma'i 'dab la chu 'bo bzhin/
/nyes par byas pa mi chags so zhes so/ /bzod pa med pa ni mthu
chung ngus kyang kyal ka byed pa la sogs pa'ang bsran mi nus pa
ste/ de spang bar/ sdig can rnams ni rang bzhin gyis/ /'dul dang
'gal

ba'i lam la brten/ /dam pa rnams ni goms pa'i phyir/ /de la'ang
phan btags bzhin du bzod/ /dge zhing dul ba'i tshul spyod la/
/bzod pa byar yang ci zhig yod/ /mthu chung 'khrul pa dag la ni/
/mthu yod bzhin du bzod na legs/ /de phyir yon tan nyams pa bas/
/

rab tu brnyas par gyur kyang rung/ /gang zhig rang gi chos nyams
mi sems par/ /bdag gis sdig sbyang phyir ni zhugs 'dra ba/ /'di
la'ang bdag ni bzod par mi byed na/ /de las gzhan pa drin med ci
'dra zhig ces so/ /mdza' bshes yal bar 'dor ba ni de'i sdug

@170a bsngal bsal ba la sogs pa la 'bad par mi byed pa ste/! de
spang bar/ byams pa'i bcing bas yid ni bcings pa rnams/ /rang gi
srog dang bral ba'ang mi sems so// mdza' bshes nyam nyes gyur
pa'i mya ngan ni/ /srog dang bral ba bas

kyang sdug bsngal che zhes so/ /byas pa mi gzo ba ni gzhan gyis
phan btags pa mi sems shing lan du phan mi 'dogs pa'am gnod pa
byed pa ste/ ri rnams dang ni rgya mtsho dang/ /sa rnams bdag gi
khur min gyi/ /byas pa mi gzo gang yin pa/ /de ni bdag gi

khur chen yin/ /zhes smad cing/ de spong ba ni/ byas pa shes
shing byas pa gzo/ /byas pa chud zos mi byed pa/ /mi la dpal
mgon nye bar gnas/ /zhes bsngags so/ /sogs pas ni gzugs ngan pa
dang gzi brjid med pa dang 'khor ngan pa dang dbang po ma dul ba

dang ngan du smra ba la sogs pa skyo ba'i gnas su gyur pa thams
cad bsdu ste brjod kyis mi lang ngo/ /de la 'khor ngan pa ni
gang dang 'grogs pas sdig pa 'phel ba'i grogs la sogs pa ste/ de
spang bar/ brtan pa legs gnas lhan cig spyad pa yi/ /grogs po

mkhas pa gal te rnyed na ni/ /nyon mongs thams cad mngon par zil
mnan nas/ /dran ldan dga' ba'i yid kyis de dang spyad/ /brtan pa
legs gnas lhan cig spyad pa yi/ /grogs po mkhas pa gal te ma
rnyed na/ /yul 'khor yangs pa spangs pa'i rgyal po ltar/ /

gcig pu spyad bya sdig pa mi bya'o/ /byis pa grogs su mi 'gyur
bas/ /gcig pu spyod par byed pa bla/ /ma bstang dgon pa'i glang
po ltar/ /sems khral bskyungs te sdig med gnas zhes so// ma dul
ba ni dbang po rnams yul la phyar g.yeng gis nyams par byed pa
ste/ de

spang bar/ btso blag mkhan dag chus 'khru zhing/ /mda' mkhan mes
ni srong ba dang/ /shing mkhan shing la 'jog sbyong ltar/ /mkhas
pas bdag nyid gdul bar bya zhes so/ /ngan du smra ba ni mnyan
par mi bde ba dang gzhan sun par byed pa'i tshig la sogs pa ste/
de spang

@170b bar/ gang dag snyan par smra la dga'/ /'jig rten kun gyis
phyag byed do/ /'jig rten kun la ma dang 'dra/ /de ni pha dang
'dra bar dga'/ /dbang po snyan par smra ba dge/ bde 'jam bde ba
'byung ba yin/ /sdig pa mi bzad sel ba dang/ /mi sdug pa kun
sbyong ba yin/ /tshig snyan mtho ris

skas yin te/ /tshig snyan dge ba'i gter yin no/ /tshig snyan 'jig
rten gnyen yin te// tshig snyan legs kun mngon par 'grub ces so/
/'di lta bu thams cad legs par brtags nas de dag gi rgyu spang
zhing ldog pa'i rgyu dang gnyen po la nan tan bya ba ni 'khor
ba'i nyes

dmigs la mkhas pa'i skyes bu'i rtsal du go bar bya'o// ! de ltar
'bras bu'i gnod pa brjod nas/ rgyu las dang nyon mongs pa spyi'i
gnod pa'i dbang du byas nas de gnyi ga'i gnod pa ni/ sems ni
gdul dka' nyon mongs drag po'i tshogs/ /rab 'bar dgra yi dbang
gyur

nyes spyod ni/ /mi bzad rang dbang med par gsog pas na/ /ngan
song la sogs sdug bsngal g.yang sar 'phen/ /thog ma med pa can
gyi ma rig pa las bdag dang gzhan dang sdug pa dang mi sdug pa
la sogs par zhen pa'i rtsa ba can 'dod chags dang zhe sdang la
sogs pa nyon

mongs pa dang nye ba'i nyon mongs pa mtha' yas pa rab tu 'bar
zhing 'khrug pas kun nas bslang ba/ mtshams med lnga dang de
dang
nye ba lnga dang mi dge ba bcu la sogs pa shin tu brlang po ma
rungs pa mang zhing mang ba bsags pa las/ ngan song gsum dang
mtho ris dag

tu'ang tshe thung ba dang nad mang ba la sogs pa sngar brjod pa'i
sdug bsngal mtha' yas pa rab tu 'dren par byed do// ! gtsaur
nyon mongs pa'i gnod pa ni/ zhe sdang la sogs tha ba rab sra
ba// gnyen po'i gshol gyis gzhig dka' khyi bzhin du/ /nye bar
rab bsnyen gnyen po

ri dwags ltar/ /cung zad nyer bsten de ma thag nyams 'gyur/
/khyad par du yang phyi rol mu stegs byed/ /thams cad ma rig lta
ba'i mun chen gyis/ /khebs shing nyon mongs nad chen gso dkas
thebs/ /thar byed 'dren pa sman sogs dang bral 'khyams/ /'das
chen las
@171a sran bskams la khab mig zug ba la sogs pa ltar nyon mongs
pa rab tu sra ba la nyi ma 'ga' tsam sems rtse gcig pa thob
kyang 'dul bar mi nus so/ /khyi mis mi 'jigs pa ltar zhe sdang
la sogs pa ni spang dka'o/ /shwa ba mis mthong ma

thag 'bros pa ltar byams pa la sogs pa ni nyams par sla'o/ /nyon
mongs pa ni rdo la ri mo bris pa dang 'dra'o/ /dge ba ni chu'i
ri mo dang 'dra'o/ /zhe sdang ni me'i phung po dang 'dra la/
byams pa ni glog dang 'dra bas na sems ni shin tu gdul dka'
ba'o/ /mu stegs can thams

cad ni thar par 'dod kyang tshul khrims kyi rkang pa med pa/ bde
ba 'dod kyang bde ba'i rgyu rkyen mi tshol ba/ sdug bsngal mi
'dod kyang spyod pa thams cad du sdug bsngal gyi rgyu mi spong
ba/ ma rig pa'i mun pas khebs pas dge ba'i bshes gnyen spong ba
ste/ khams gsum pa'i sred

pas mi rtag pa'i me chen po las mi thar ba/ nyon mongs pa'i nad
lci ba 'tsho dka' bas btab kyang sman pa mkhas pa mi tshol la/
mtha' med pa'i lam ring por 'gro yang bde ba'i rgyags mi gsog
pa'o zhes so//! gtsor las kyi gnod pa ni/ thams cad 'du 'dzis
g.yengs

shing smra la chags/ /don la gzhol med gnyid rmug mun chen
'thibs/ /bya ba dman pas rang bkol spyod 'dzin pa'i/ /spros pas
g.yen spyo'i nyes tshogs brgyas rab 'joms/ /lhag pa'i bsam pa
bskul ba las 'du 'dzi la dga' ba'i nyes dmigs nyi shu ste/ lus
kyis

ma bsngams pa dang/ ngag gis ma bsngams pa dang/ yid kyis ma
bsngams pa dang/ 'dod chags che ba dang/ zhe sdang che ba dang/
gti mug che ba dang/ 'jig rten pa'i gtam gyis gos pa dang/ 'jig
rten las 'das pa'i gtam las nyams pa dang/ chos la ma

gus pa dang/ chos spong ba dang/ bdud kyis glags rnyed pa dang/
bag med pa la brten pa dang/ bag med pa dang ldan pa dang/ rtog
dpyod shas che ba dang/ thos pa las nyams pa dang/ zhi gnas dang
lhag mthong mi 'thob pa dang/ myur du tshangs par spyod par mi
'gyur

@171b ba dang/ sangs rgyas dang chos dang dge 'dun la dga' ba
nyams pa gsum gyis so// smra ba la dga' ba'i nyes pa yang nyi
shu ste/ thos pas rgyags pas gus pa med pa dang/ rtsod pa lhur
len pas phyogs la zhen pa dang/ nang du sems pa dang bral bas
dran pa nyams pa dang

lus dang sems ma sbyangs pas shes bzhin med par spyod pa dang/
chos la bzod pa nyams pas khengs pa dang 'dud par 'gyur ba dang/
zhi gnas dang lhag mthong spangs pas sems dmu rgod du 'gyur ba
dang/ smra bas sbags pas dus ma yin par smra ba dang/ 'phags

pa'i shes pa ma thob pas ma bsdams pa dang/ lha la sogs pas bkur
sti mi byed pa dang/ so so yang dag par rig pa thob pa dag gis
brnyas pa dang/ lus mngon sum du gyur pa dag gis spyo pa dang/
bsgrub par mi gnas pas 'gyod pas zin pa dang/ the tshom ma

spangs pas mi brtan pa dang/ sgra tsam lhur len pas thos pa dang
bye brag phyed pa nyams pa dang/ rnam par shes pa'i spyod yul
can yin pas 'dod pa'i yon tan la chags pa dang/ yang dag pa ji
lta bar mi rtogs pas myur du chos spong ba dang/ gzhan dang
gzhan rtsom

pas mi brtan zhing rten med pa dang/ sems ma dul bas bkur sti mi
'thob pa dang/ chos nyid ma rig pas gzhan gyi dring 'jog pa
dang/ dbang po rnams mi shes pas nyon mongs pa'i dbang du 'gyur
ba'o/ /gnyid la dga' ba'i yang nyi shu ste/ rmugs pa dang gnyid

kyis non pas le lo che ba dang/ lus sha che ba dang/ mdog ma dag
pa dang/ 'byung ba rnams nad gzhis non pa dang/ me'i khams chung
ba dang/ zas legs par mi 'ju ba dang/ 'bras dang phol mig 'byung
ba dang/ le lo can du 'gyur ba dang/ gti mug gi dra ba 'phel

ba dang/ shes rab nyam chung ba dang/ dwangs ga mi bde ba dang/
gti mug gi mun pa 'dzin pa dang/ mi ma yin pas bkur sti mi byed
pa dang/ sems brtul ba dang/ mi sdang ba mang ba dang/ bag la
nyal gyis 'khri ba dang/ dge ba la mi 'dun pa dang/ dge ba'i
chos kun

@172a las nyams pa dang/ spyod pa zhum nas brtson 'grus can la
smod pa dang/ 'khor du brnyas bar 'gyur pa'o/ /las la dga' ba'i
yang nyi shu ste/ 'jig rten pa'i las kun la brtson ba dang/ las
ngan pa thams cad la gnas pa dang/ klog pa

la dga' ba dag gis brnyas pa dang/ bsam gtan la dga' ba dag gis
brnyas pa dang/ 'khor mtha' med pa 'dzin pa'i las rtsom pa dang/
khyim pa dad can gyi yon sbyong mi nus pa dang/ sems dngos por
'dzin pa la 'jug pa dang/ chags pa mang ba dang/ khyim

so rnams la sbyor ba dang/ dbang byed par mi nus pa dang/ ldog
par byed pa'i ngang tshul can yid smon mang po la rgyun du gnas
pa dang/ khyim gyi bya ba la brtson pa dang/ ro la shas cher
chags pa dang/ len pa med par mi dga' ba dang/ mnar sems mang ba
las kyi

sgrib pa rgyun du mngon par 'du byed pa dang/ dge bsnyen pho mo
la rton pa dang/ zas kyi rnam rtog gis nyin mtshan 'da' ba dang/
'jig rten pa'i bya ba rgyun du 'dri ba dang/ mi rigs pa'i smra
ba la dga' ba dang/ zhal ta byed pa'i dregs pas tshangs pa
mtshungs par spyod

pa rnams dbang phyug gis tshar gcod pa dang/ gzhan gyi 'khrul ba
rtog cing rang gi mi rtog pa dang/ don dang ldan zhing rnam par
nges pa'i gtam dag la skyen par brnyas par 'gyur ba'o/ /spros pa
la dga' ba'i nyes pa yang nyi shu ste/ tshe 'di nyid la sdug
bsngal ba dang/

yid mi bde ba mang ba dang/ bzod pa las nyams pa dang mi mdza'
ba rnams yid rangs pa dang/ bdud mgu ba dang/ bdud kyi 'khor
dga' ba dang/ dge ba ma skyes pa mi skye ba dang/ skyes pa 'jig
pa dang/ 'thab rtsod mang ba dang/ de las ngan song gi las gsog
pa

dang/ bag med pa'i lam 'dzin pa dang/ lce'i dbang po rtsub pa
dang/ lung mnos pa'i chos legs par mi gnas pa dang/ mdo sde lung
ma mnos pa rnams rna lam du mi grag pa dang/ dge ba'i bshes
gnyen kun gyis spong ba dang/ sdig grogs dang myur du 'phrad pa

@172b dang/ dka' ba'i sems kyis nges par 'byung ba dang/ rtag tu
tshig ngan thos pa dang/ gang nas gang du skyes par the rtsom can
du 'gyur ba dang/ mi khom pa brgyad dang nye ba dang/ rtag tu
de'i dge ba rtsom pa la bar chad 'byung ba'o zhes so// ! skabs
la spyar ba ni/ de'i phyir

srid pa'i ro la sems ldan mi/ /bdag la phan 'dod su zhig yid
rton byed/ /des na nyes dmigs mtha' yas pa dang rjes su 'brel
cing bde ba'i ros shin tu stongs pa 'khor ba 'di la/ rtog pa
dang ldan pa mkhas pa'i skyes bu su zhig yid rton cing rjes su
chags pa

dang// !khyad par 'dod pa'i gnod pa spyir bstan pa'i dbang du
byas nas ngoms mi shes pa'i nyes pa ni/ thog med dus nas lha
rdzas rnam mang dang/ /rin chen bdun dang gling bzhi'i dbang
phyug dang/ /'dod pa'i yon tan ji tsam nyer bsten yang/ /ngoms
med phyir

zhing rab skom rjes su brgyug /de ltar 'dod pa'i rjes 'brang
ngoms med phyir/ /shes rab kyis ni yul rnams gsog nyid du/ /so
sor brtags nas gang dag rtog byed pa/ /mkhas rnams sred zad bde
bas dgyes mchog brnyes/ /'khor ba sngon dang phyi ma'i mtha' mi

mngon par mtho dman sna tshogs su yongs su 'khor zhing 'khyam pa
na sngar yang tshangs pa dang/ dbang po dang/ 'jig rten skyong ba
la sogs pa lha'i dbang phyug dang/ 'khor los bsgyur ba dang
rgyal rigs sa la chen po dang bram ze sa la chen po dang khyim
bdag sa

la chen po la sogs pa mi'i dbang phyug dag tu gyur nas/ 'dod
pa'i longs spyod dang dga' bde dpag tu med pa la sogs pa'i bde
dpal ji tsam gyi ro myangs shing longs spyod kyang ngoms pa'am
chog shes pa cung zad kyang med de/ lan tshwa'i chu 'thung ba
dang g.yan

pa 'phrug pa la sogs pa ltar sred pa je 'phel je 'phel du 'gyur
ba 'ba' zhig go /des na nam zhig nyes pa 'di lta bu shes nas
spangs pa de'i tshe ngoms pa mthar phyin par zad do/ /byang chub
sems dpa'i sde snod las/ sngon 'das dus ni shin tu rgyas pa nas/
/lha rdzas

@173a dag dang mi nor bzang po dang/ /'dod pa'i yon tan lnga dag
bsten gyur kyang/ /de la nam yang ngoms pa ma rnyed do/ /de
phyir rgyal srid rgyas dang gnyen tshogs dang/ /'dod pa'i yon tan
'di dag spang bya ste/ /lus skyes nas ni myur du rab byung

la/ /byang chub phyir ni brtson 'grus brtsam par bya zhes so/
/tshom las kyang/ ji srid 'dod pa'i rjes 'brang ba/ /de srid bar
du ngoms mi 'gyur/ /de las gang dag shes rab kyis/ /zlog byed de
dag tshim par zad/ /lha yi 'dod pa rnams la yang/ /lhag par dga'
bar mi

'gyur gyis/ /rdzogs sangs rgyas dang nyan thos rnams/ /sred pa
zad pas dgyes pa thob// gang dag rnam rtog nye bar zhi dga'
zhing/ /mi sdug bsgom pa rtag tu dran byed na/ /de yi sred pa
rab tu spangs pa yi/ /rang gi 'ching ba de dag rul te 'grol/ /mi
gang rtag tu

bde la rab brkam pa/ /skye dang rga bar nye bar 'gro 'gyur
zhing/ /skye dgu sred pa rnams kyi mdun du bdar/ /rgya nang rwi
bong yongs su brgyug pa bzhin zhes so// ! sdug bsngal mtha' yas
bskyed pa ni/ sdug par bzud la brkam zhing rjes chags pas/ /'dod
zhen

dgras bslus sdig lci mang bsags nas/ /smad pa'i gnas gyur 'di
dang phyi mar ni// gnod dang sdug bsngal mtha' yas snod chen
'gyur/ /tshom las/ sdug gu ma las mya ngan skye// sdug las sdug
bsngal sdug las 'jigs/ /sdug gu ma dag gzhan gyur na/ /yi

mug 'gyur ba thob par byed/ /gang zhig 'jig rten 'ga' na'ang
sdug med pa/ /gang yin de dag bde zhing mya ngan med/ /de bas
gdung med rdul bral don gnyer bas/ /nam yang sdug par zhen par
mi bya'o zhes so/ /gang pos zhus pa las kyang 'dod pa'i ro ni
myang nges/

pa'i phyir/ /'khor ba dag ni rgyun mi gcod/ /dgra ni gsos na dur
khrod 'jug /don med sdug bsngal mang po myong zhes so/ /bstan
bcos las kyang/ 'jig rten 'di dang pha rol tu/ /'dod pa rnams ni
phung grol bskyed/ /'dir ni bsad dang bcing dang gcod/ /pha rol
tu

@173b ni dmyal sogs bsgrub ces bya ba dang/ 'dod pa dag la brten
pa'i mi/ /ldongs 'gyur pha dang ma'ang gsod/ /'dod bsten tshul
khrims ldan pa'ang gsod/ /de lta bas na rab tu spangs zhes bya
ba dang/ yang gang gi tshe na 'dod chen dgras bslus te/ /smad
pa'i gnas su

nye bar 'di song la/ /grags pa bas pas de tshe bkum par 'gyur/
/bsod nams bas pas slad ma'i tshe la'ang bkum/ /sdug bsngal bzod
par dka' bas yid gdungs nas/ /mi rnams 'di lta bur ni brlag par
'gyur/ /'bras bu phun sum tshogs pa 'dod pas bslus/ /

mar me'i 'od kyis phye ma leb brid bzhin zhes so// !nyon mongs
pa dang nyes rtsom thams cad bskyed pa ni/ 'dod pas rab gzir
rmongs chen 'dod pa'i yul/ /gyi na gegs byed pha ma dgra bcom
yang/ /gsod pa'i zhe sdang la sogs nyon mongs dang/ /nyes rtsom
mtha' dag

rgyas byed rgyu gcig pu/ /de phyir kim pa ka dang dug snod dang/
/srin mo'i gling dang gshed ma sogs ltar smad/ /skyes bu 'dod pa
la brten pas sdig pa mi bya ba'i las med ces rnam grangs du mar
gsungs pa ltar/ pha ma'ang gsod pa la sogs pa'i nyon mongs pa
drag

po dang/ rtsod pa la sogs pa'i nyes rtsom thams cad kyi rgyu
gcig pu lta bur gyur pa ni 'dod pa yin pas na/ ye shes rgyas
pa'i mdo las/ 'dod pa'i zag pa ni yongs su rtog pa las byung ba/
ngo bo nyid dang bral ba/ yang dag pa ma yin pa so sor nye bar
'jog pa/

dge ba'i rtsa ba 'jig par byed pa/ bcings pa lhod kyang rab tu
thar par dka' ba/ mi bshes kyang bshes pa ltar snang ba/ bar du
gcod par byed pa/ mi mthun pa rnam pa du ma dag tu mtshungs pa'o
zhes so/ /sa'i snying po'i mdo las kyang/ 'dod pa rnams ni mi
sdug pa dag go /

kim pa ka'i 'bras bu lta bu'o/ /me mdag gi phung po lta bu'o/
/dug gi bum pa lta bu'o// snam phyis lta bu'o/ /spu gri'i so lta
bu'o/ /chom rkun lta bu'o/ /gdol ba'i khyim lta bu'o/ /lcags kyi
thu lum lta bu'o/ /ser ba 'bab pa lta bu'o/ /sbrul gdug ba lta
bu'o/ /dgra lta bu'o/ /dgon

@174a pa'i lam lta bu'o/ /srin mo'i gling lta bu'o/ /gshed ma
lta bu'o/ /phyag bdar ba lta bu'o/ /'dod pa rnams ni dur khrod
lta bu dag go zhes so// !mnog chung la nyes dmigs mang ba ni/
spu gri'i sor chags sbrang rtsi god kyi sha/ mchil pa'i gzan

dang khyi rgan rus bskams 'cha'/ /sbrul gdug snod sogs lta bur
mnog chung zhing/ /nyes mang sna tshogs rjes 'brel byur chen
sgo// 'dod pa'i gzhi las lus ngan dpag med pas/ /don med sdug
bsngal 'ba' zhig rab spyad pa'i/ /rus pa ri dang zho khrag mchi
ma ni/ /

rgya mtsho bzhi dang pha ma byas pa yang/ /rtsi shing sor bzhi'i
tshad las ches lhag nyid/ /de yang phal cher ngan song gzhir gnas
te/ /bde 'gro glo bur 'gron rgyu tsam du zad/ /'di 'dra rjes
bsams yungs mar snod bskur te/ /ral gri thog pas bsdigs ltar
'dod spang bsgrim/ /

'das chen las 'dod pa'i yon tan lnga ni bde ba med pa khyi keng
rus 'cha' ba'am rlung gi phyogs su sgron me thogs pa'am/ /sbrul
gdug pa'i snod dam rmi lam gyi rnyed pa lta bu'o/ /yang lam gyi
bza' shing ltar kun gyis thog pa/ god la bya dag rtod pa'am
chu'i

chu bur ram chu'i ri mo'am thags kyi rgyu zad pa'am btson gsod
sar 'khrid pa'am brnyan po dag ring du mi gnas pa la sogs pa
ltar skyon sna tshogs kyis gang ba'o/ /de'i las dbang gis sems
rnams bskal pa dang bskal pa rnams su rus pa bsags na ni

rgyal po'i khab kyi ri byi bo bas mtho/ /nu zho 'thung ba dang
zho dang khrag dang shi ba na pha ma la sogs pa ngus ba'i mchi
ma bsags na ni rgya mtsho bzhi'i chu bas mang/ rtsi shing thams
cad sor bzhi par byas pa bas ni sems can re res pha ma byas pa
ches

mang ngo/ /ngan song gsum du skyes te sdug bsngal grangs med pa
myong ba ni re re'i yang mtha' mi mngon no/ /des na til mar
bskur te stegs 'dred pa la btang ba ral gri thogs pas gsod pa
dag bsgrims te 'dod pa'i yul ji la'ang mi blta ba ltar/

@174b dran pa dang shes bzhin bsgrims pas mi chags par bya'o
zhes so// !tha shal rnams rten gyi dam pas smad pa ni/ des na wa
dang khyi dang phag dang phyugs/ /'on long glen lkug la sogs rab
dman rnams/ /bsten pas 'dod yon 'di dag byis rmongs

nyid/ /bslu bar zad kyi mkhas rnams rgyang bsrings bzhugs/
/khye'u bzhi'i ting nge 'dzin las/ sems can gang dag 'dod dbang
song/ /de dag byis pa rmongs pa yin/ /'dod pa spu gri'i so 'dra
bas/ /'dod pa de la su yid rton/ /khyi dang phag dang wa dag
dang/ /ba

lang bong bu dre'u la sogs/ /de dag 'dod pa bsten byed kyi/
/sangs rgyas mi mdzad nyan thos min/ /zhar ba theng po long ba
dang/ /glen pa sgur po mi'u thung sogs/ /de dag 'dod pa bsten
byed kyi/ /sangs rgyas mi mdzad nyam thos min/ /sbrang bu sbur
ba phyel ba dang/ /de

bzhin rma bya khu byug rnams/ /de dag 'dod pa bsten byed pas/
/kho bo khyad par med par 'gyur/ /ji ltar me yi rlubs kyis ni/
/'dzam bu'i gling 'di gang gyur na/ /long ba der ni ltung ba
ltar/ /rgyal ba 'dod pa de bzhin no zhes so/ /bstan bcos las
kyang/ yul gyi

bde ba tsam gyi tshod kyis kyang/ /byis pa rnams ni bag med dbang
du 'gyur/ /dam pa rnams ni bsam gtan bde bas kyang/ /gzhan la
phan par 'dod pa yongs mi nyams zhes so//!spang ba'i thabs kyis
skabs la sbyar ba ni/ 'du byed 'jig rten lus ngag yid

gsum dang/ /gos dang zas dang gnas khang la sogs dang/ /grang
dro gsal mi gsal dang mi lpags dang/ /sha khrag sogs dang mi
ro'i khri la sogs/ /mi mthun sna tshogs rab brtags thams cad la/
/mngon par mi dga'i 'du shes rab bsgoms te/ /stong

sogs rnam thar sgo yi bzod pa las/ /ma rig nga rgyal chags sogs
spangs thob bya// 'jig rten thams cad la mngon par mi dga' ba'i
'du shes la/ /'jig rten ni gnyis las sems can gyi 'jig rten la
mi dga' ba ni/ sngar 'gro ba lnga'i sdug bsngal dang

@175a gnod pa las bshad zin pa'o/ /'du byed kyi 'jig rten la
bsgom pa la lus dang ngag dang yid kyi 'du byed gsum dang/ de'i
longs spyod du gtogs pa la bsgom pa gnyis las/ dang po ni/ lus
kyi 'du byed dbugs 'byung rngub la

gsar pa dang rnying pa dang grang ba dang dro ba la sogs pa
dang/ ngag gi 'du byed rtog dpyod dag la nges pa dang ma nges pa
la 'jug pa la sogs pa dang/ yid kyi 'du byed sems pa la sogs
pa'ang gsal ba dang mi gsal bar 'jug pa la sogs pa mi

mthun pa'i rnam par brtags pas thams cad mi rtag pa la sogs pa
dang/ longs spyod bya gos la sogs pa la'ang mi'i pags pa la sogs
pa'i rnam par mi mthun par brtags pas mngon par mi dga' ba'i 'du
shes bsgom pa ste/ 'das chen pas/ 'du

byed las 'du byed kyi 'jig rten la mngon par mi dga' ba la gsum
ste/ lus kyi 'du byed ni dbugs 'byung ba dang rngub pa'o/ /ngag
gi ni rtog pa dang dpyod pa'o/ /yid kyi ni rnam par shes pa dang
sems pa'o/ /de dag la yang mkhas pa rnams kyis dbugs

'byung rngub pa la ni gsar rnying dang bsil dro dang mi mthun
pa'i tshul gyis brtag ste/ thams cad mi rtag pa dang mi brtan pa
dang stong pa dang bdag med par ro/ /de lta bu la sogs pa brtags
pas 'du byed thams cad la mngon par mi dga'o/ /gos la'ang mi
mthun

pa'i 'du shes ni chos gos mthong ngam reg gam sham thabs su byed
dam gyon nam bzhag gam sbas kyang rung/ 'di ni mi'i pags pa ste
khrag gis bskus pa/ rnag 'dzag pa shin tu dri nga ba/ srin bu'am
sbrang bus gang bas na mkhas pa dag gis dga' bar bya ba

ma yin pa'o zhes so/ /zas la ni de blangs pa na 'di'ang nang
khrol te skra dang pags pa med cing rnag khrag bskus pa srin bu
dang sbrang bus gang pa'o/ /snod ni mgo'i thod pa dri nga ba
skyon du bgrang ba du ma dang ldan pa'o/ /yang 'bras chen la mi
ro srin bus gang ba'am/ chu la

@175b mi'i khrag dang/ phye la mi rus kyi phye ma dang/ 'khur
skya la mi lpags dang/ sha khu la sogs pa la khrag dang khrag
rlangs dang snga sngo la mi'i skra'am so dang/ sha la mi sha
dang/ li kha ra dang bu ram dang rgun chang la sogs pa la mi'i
khrag dang klad pa dang rkang mar dang

bad kan gyi rnam par ro/ /gnas khang la sogs pa la'ang 'jigs
pa'i gnas chen por te/ shing la mi dang 'jim pa la mi sha dang
ri mo la mi khrag dang mal stan la mi lpags dang khri la mi rus
kyi gong bu'am mi ror byin gyis brlob pa'i 'du shes kyis so/ /

de ltar 'jig rten thams cad la mi dga' ba'i 'du shes kyis ni
rnam par thar pa'i sgo gsum gyi bzod pa thob pas/ /khams gsum
gyis 'dod chags dang nga rgyal dang rgod pa dang the tshom dang
ma rig pa'i mun pa thams cad spong ste/ bdag dang gzhan gyi don
thams

cad 'grub pa'o zhes so/ /sngar bstan pa thams cad kyi dbang du
byas nas nam mkha' mdzod kyi mdo las/ 'dod pa mi rtag de bzhin
rgyal srid sogs/ /srog ni rtswa yi zil pa'i thig pa 'dra/ /rtse
ba de bzhin 'dod pa rmi lam 'dra/ /mkhas pa su zhig 'di la dga'

pa bskyed/ /sems can gang yang 'dod pas ngoms med do/ /phyir
yang de bzhin 'dod pa skom zhing brgyug/ /byis pa ngoms mi shes
shing yul la zhen/ /shes rab gang ngoms de dag shin tu ngoms/
/sgyu ma bslu zhing snying po med pa ltar/ /de bzhin phung po la
yang sgyu

ma 'dra/ /khams 'di dag ni sbrul gdug bzhin du bstan/ /dbang po
drug ni stong pa'i grong dang 'dra/ /bu dang chung ma rgyal srid
yul 'khor yang/ /'chi bar phyogs pa'i grogs su 'gyur ba med/
/sbyin dul kun sdom tshul khrims phung po ni/ /de dag pha rol
phyin dang grogs

mchog yin zhes gsungs so// !bye brag tu phye ba las lus la chags
pa'i gnod pa ni yul lus kyi nyes pa'i dbang du byas nas rang
bzhin dman pa la mi gtsang bar brtag pa ni/ lus 'di mi gtsang
tshogs kyi khyim chen te/ /rus gzeb chu rgyus sprel la sha tshil
sogs//
@176a dkris shing glan te pags pa'i sha yis bkab/ /gnad dang bu
ga'i tshogs kyi sgo mthongs can/ /skra spu sen mo'i kha khyer
tsher thags bskor/ /rab bkren nad rnams glo snying mkhal mchin
mtsher/ /rgyu ma che phra mi gtsang gang bas

bcer/ /zhag dang khrag rul srin rigs brgyad khris khyab/ /steng
'og bu ga kun nas bshad gci dang/ /mchil snabs la sogs mi gtsang
rgyun du 'dzag /zas sogs kha chus bsres pa rab btsog pa/ /khyi
rgan rus bskam 'chas 'dra lto bar 'bab/ /'on kyang gtsang

blta'i phyin ci log chen gyis/ /ro la brkam pas bad kan gnas
phyin zas/ /gyen du slong 'gyur ngar snabs dang 'dra yang/ /zhim
zhim slar med byed pa re mtshar kye/ /mngal 'jug las/ lus 'di mi
gtsang ba thams cad kyi khyim yin zhing/ mi brtan pa

bems po ste rmongs pa dag slu bar byed pa'o/ /rus pa'i 'khrul
'khor rtsa rgyus kyis sprel ba/ bu ga dang gnad rnams dod pa/
sha dang khrag dang rkang dang tshil/ phan tshun khris shing pags
pas g.yogs pa/ rab tu gdungs pa'i phug mi gtsang bas gang ba/
skra

dang spu dang sen mo dang so'i gnas skabs tha dad pa dag la'ang
nga dang nga yir bzung bas rtag tu rang dbang med par khrid pa/
rtag tu mchil ma dang snabs dang bshang gci dang kha chu dang
rdul dang mkhris pa dang bad kan 'byung zhing zhag dang 'tshil
rul te myags pa/ /

mkhal ma dang mcher pa dang mchin pa dang glo ba dang snying
dang/ rgyu ma cha phra mi gtsang bas gang zhing slon bro ba/
srin gyi rigs mang pos khyab par gang ba/ steng 'og gi bu ga nas
rtag tu mi gtsang ba zag pa/ zhu ba dang ma zhu ba'i gnas gnyis
pags pa srab mos

bkab pa 'di ni snam phyis dang 'dra bar so sor brtag go /ci tsam
du bza' ba dang bca' ba dang zos shing bldags pa mchil rdzab tu
gyur nas mid par 'dzud cing/ rkang dang klad pa'i bar du 'dres
nas lto bar 'bab ste/ khyi rgan rus pa bskam po 'cha' ba lta bur

@176b gyur pa yin kyang/ phyin ci log gis zhim par 'du shes nas
zas rked par phyin pa gyen du slong yang slar mid par byed do/
/yang klad rgyas dang ni pags pa dang/ /snying dang nang rol glo
mchin dang/ /'di la sogs pa'i rul myags dang/ /mi gtsang rnams
dang lhan

cig gnas/ /sdig pa'i las ni 'jigs rung bas/ /'di nyid bdag gi
dgra yin no/ /bshas med 'dod la zhen pa yi/ /blun po rtag tu
phangs par byed ces so// !/mi rtag pa la sogs par brtag pa ni/
snying po med cing mig bslu myur 'jig cing/ /spyod po spyad bya

ltar snang ring mi gnas/ /bsring ba mi nus g.yo ba med pa'i
lus/ /'di la sems shes su zhig gces 'dzin byed/ /'das chen las/
lus ni chu shing lta bu'o zhes bya ba nas gtun shing lta bu'o
zhes bya ba'i bar du gsungs te/ snying po med pas chu shing lta
bu'o/ /blun po'i mig

bslu bas smig rgyu lta bu'o/ /myur du 'jig pas chu bur ro/
/spyod pa po med kyang der snang bas sgyu ma'i mi la sogs pa'o/
/spyad bya med kyang der snang bas rmi lam gyi bza' btung ngam
dri za'i grong khyer la sogs pa'o/ /ring du mi gnas pas rdza ma
so ma btang ba dang glog gi

'od dang chu'i ri mo dang gsod sar khrid pa'i btson dang shing
thog smin pa dang ro rul pa lta bu'o/ /ring du gnas par bya mi
nus pas thags kyi rgyu zad pa lta bu'o/ /g.yo ba med pas gtun
lta bu'o/ /lus kyi 'du byed rnams kyang zas dug can dang 'dra
ba/ nyes pa'i 'byung gnas

gcig bur gsungs so// !/rgyu dman par brtag pa mdor bstan pa ni/
/thog ma'i rgyu ni pha ma'i mi gtsang bsdus/ /gnas shing 'phel
rgyas zas sogs rgyu las so/ /dpal byin gyis zhus pa las/ lus kyi
thog ma'i rgyu ni pha dang ma'i khu chu dang khrag 'dus pa'o/
/tha ma'i rgyu

zas 'ju ba la sogs pa'o zhes so// !/snga ma bshad pa ni/ dang po
rus pa sum brgya drug cu'i khog /sprel chings rgyus pa'i dra ba
bdun brgya sogs/ /rgyu ma 'dom ni phyed dang bzhi la sogs/ /mi
bzad mi gtsang tshogs kyis nang rgyas byas/ /pags rim bdun
g.yogs

@177a dbang sogs bu ga dgus/ /yul la 'jug dang 'dzag sgo'i lam
srang ngo/ /yang lus ni rus pa sum brgya drug cus khog pa bslang
ba/ shing ngan pa'i khyim ltar tshigs sum brgyas sbyar ba/ rtsa'i
dra ba bzhi brgyas glags pa/ sha spar

tshad sum brgyas g.yogs pa/ sdom rtsa drug gis khebs pa/ rtsa
bdun brgyas gang ba/ rgyus pa bdun brgyas sprel ba/ chu ba bcu
drug gis nye bar brtan pa/ chu ba chen po gnyis kyis khyab par
dkris pa/ rgyu ma 'dom phyed dang bzhis nang khrol byas pa/ long
ga

dang pho ba dang 'brel ba'i gnye ma rim pa bcu drug 'khyil ba/
rtsa phran nyis stong lnga brgyas skar khung byas pa/ gshis
brgya rtsa brgyad gyis snod chag pa ltar shig shig por gyur pa/
spu'i khung bye ba phrag brgyad cus rtsa ltar khebs pa/ dbang po
lnga'i bu ga dgu dod pa/

gnas bdun po thams cad mi gtsang bas yongs su gang ba/ klad pa
snyim pa gang dang/ tshil snyim pa gang dang/ khrag snyim pa gsum
dang/ bad kan snyim pa drug dang/ mkhris pa snyim pa drug dang
ldan pa/ rlung gis mtha' dag drangs pa/ khrag bre gang dang/
ngan skyugs

phul gang ste/ de thams cad kyis bang ba bar chad can ltar so
sor gang ba/ pags pa rim pa bdun gyis bskor ba rtag tu mthar
'dzag par byed pa'o zhes so/ /mdo snga mas ni mi gtsang ba'i
rdzas de thams cad kyi 'bras bur gnas pa'i cha gsungs pas lus
kyi

rang bzhin du blta'o/ /'dis ni de thams cad bskyed cing 'phel
bar byed pa'i rgyu'i cha gsungs pa'o// !/phyi ma bshad pa ni/
gnyis pa ro bro drug sogs gsos kyis ni/ /nang gi me la ngan
skyugs sbyin sreg byed/ /de yang gnas gsum brgyud las dwangs mas
khrag /

sha tshil rus rkang khu chu rim gyis bskyed/ /tshigs mas bshang
gci dri ma bskyed pa ste/ /'di 'dra'i rgyus bskyed smad pa'i
gnas gyur pa'o/ /yang ro bro ba drug gis gso ba/ lus kyi me la
ngan skyugs kyi sbyin sreg byed pa ste/ kham gyi zas dang po bad
kan gyi gnas su song

@177b nas kyang rkyang rkyang por byas pas shin tu mi gtsang
ngo/ /de nas mkhris pa'i gnas su zhu zhing skyur por 'gyur ro/
/de nas rlung gi gnas su lhung ba rlung gis dwangs tshigs phye
nas/ dwangs ma las ni khrag go /de las ni sha'o/ /sha las ni
tshil lo/ /de las ni rus pa'o/

de las ni rkang ste snying khu'o/ /de las ni khu chu'o/ /tshigs
mas ni bshang gci dang dri mar 'gyur te/ de ltar rgyu mi gtsang
pas lus mi gtsang pa'o/ /zhes so// !/byed pa dman pa ni/ mi sdug
dri nga bkres skom na rgas sogs/ /sdug bsngal kun gyi rten gyur
mi bcang 'dzag  /

gze re che zhing gnod mang nyon mongs dang/ /nyes spyod mi bzad
kun gyi sgor gyur pa'o/ /yang lus kyi cha de thams cad kyis blta
na mi sdug pa/ dri nga ba rnag gi rang bzhin rtag tu mi gtsang
ba 'dzag pa/ 'di la su zhig gus par byed/ yang rang bzhin gyis
yid du mi 'ong zhing

mi mthun pas smad pa'i gnas dang/ rnag zags pas dri mi zhim pa
la sogs pa bzhi bcu rtsa bzhir brtags pa'ang gsungs so/ /tshoms
las kyang/ rgyun tu nad kyis mngon gdungs shing/ /rtag tu mi
gtsang 'dzag pa dang/ /rga dang 'chi bas 'tsher 'grib pa'i/ /lus
'di

dor na cir mi rung zhes so// !/de la chags pa'i nyes pa ni/ /da
lta kho na'i lus 'di 'ba' zhig la/ /gtan du rjes 'brel bzhin du
dam zhen pa'o/ /sred chen gyis bcings nyes kun slong byed pa/
/kye ma 'dod mthu mi bzad ngo mtshar ltos/ /de yang 'khor ba thog
ma dang

tha ma med pa 'dir mtho dman gyi lus dpag tu med pa ji tsam 'dor
len byas kyang/ bdag cag gis da ltar gyi lus 'di lta bu'i rigs
dang rus dang ming dang kha bzhin dang cha byad la sogs pa'i
rnam pa dang ldan pa ni sngon chad nam yang len ma myong
zhing
phyin chad

kyang nam yang len mi srid kyi/ 'on kyang gzhi'i sred pa brtan
par chags pa rab tu dam pos 'di 'ba' zhig ma gtogs pa/ snga phyi
thams cad la dpyod pa tsam gyi blo yang ya med par 'di nyi tshe
la gces par 'dzin cing bde sdug blang dor gyi mngon par zhen pas
sbyar ba'i

@178a 'dod pa 'ching ba dam pa rab tu dam pa chen pos bcings
shing g.yen spyo ba las/ nyon mongs pa sna tshogs 'gran pa lta
bur mi bzad par rab tu 'bar bas sdig pa'i las ma rungs pa che
zhing che ba rnams la yang mi bya ba med pa lta bur

shin tu spro bzhin du 'jug par gyur nas nyes par spyod pa shin
tu lci ba mang po'i khur gyis rab tu non te/ sdug bsngal sna
tshogs dang rjes su 'brel ba ngan song gsum la sogs pa'i g.yang
sa chen por 'jug pa la dga' dga' ltar rtsol zhing 'bad pa mang

pos sam bsgrim sha drag po bton nas byed la/ skyes bu dam pa
rnams kyis rjes su bsten par gyur cing bsten par mdzad la bsten
par yang 'gyur bas/ bde ba dam pa gang 'dod sna tshogs thams cad
kyis dbugs 'byin pa brnyes par gyur cing brnyed la brnyed par

'gyur ba/ bzang po'i gnas dge ba'i rtsa ba'i tshogs kyi khyad par
gang dang gang gis dus dang gnas skabs dang skye ba thams cad
du
bde legs thams cad ji ltar 'dod pa bzhin du sbyin par byed pa/
brtul zhugs dang sdom pa dang thos pa dang gtong ba

la sogs pa rnams la ni snying por 'dzin pas rjes su bsgrub pa'i
blo yud tsam yang rmi lam tsam mam yid kyi dgu la yang mi rgyu
ba nas/ res 'ga' ci zhig ltar bde blag tu zhar tsam la yang
ngang gis bsgrub par nus pa byung du zin kyang rtsa nyil dang
mchil snabs

bzhin du yal bar dor ba phal cher nye bar gnas pa'i phyir/ kye
ma kyi hud phyin ci log dang 'dod pa'i mthu rab tu mi bzad pa
'di lta bu la ltos// !/skabs la sbyar ba ni/ 'di 'dra rjes bsam
kun tu yid 'byung bas/ /lus la sred pa'i gces 'dzin thag

bsrings te/ /khur sogs don du shing rta'am brnyan spyad ltar/
/chos la bkol spyad byar bsams snying po blangs/ /dpal byin gyis
zhus pa nyid las/ de ltar brtags na nyes pa thams cad kyi snod
'di la su zhig gus par byed de/ lus la lus su 'dun pa

@178b dang lus la dga' ba dang/ lus la bdag gir byed pa dang lus
la sred pa dang lus gnas pa dang lus la zhen pa thams cad ldog
cing/ srog la srog tu 'dun pa la sogs pa dang/ bu smad dang nor
la 'dun pa la sogs pa thams cad kyang ldog ste/ lus

dang srog la yang mi lta bar pha rol tu phyin pa drug la sogs pa
yongs su rdzogs par byas nas myur du mngon par rdzogs par
'tshang
rgya'o/ /des na 'di la skad cig dgos pas snod brnyan po tsam
dang/ khur bkur ba'i shing rta lta bu 'ba' zhig yin par chos kyi

blos gzung bar bya'o/ /bstan bcos las kyang/ des na 'di la nyes
mang yang/ /las kyi spyad bzhin gzung bar bya/ zhes gsungs te/
chos bsgrub pa'i lus ni gces spras kyis bskyang dgos pas bab col
du chud mi gzon par dgongs pa'o// !/lus la chags

pa'i gnod pa'i dbang du byas nas 'khrig pa'i 'dod chags kyi yul
la chags pa'i nyes pa spyir bstan pa ni/ 'gro kun sdug bsngal
sgo dang lam chen po/ /khyim thab rjes chags yid kyis rab bcings
bslus/ /gshed mas gsod sar 'khrid dang glang chen ni/ /'dam

byid me lcer phye ma leb lhung dang/ /rnyong la spre'u thogs nya
ni nya rgyas zin/ /rgya mtshor gru zhig dmus long g.yang sar
lhung/ /gsal shing rtser btsugs sogs ltar dkos thag pa/ /sum cu
gnyis kyi brtse ldan smre gnas gyur/ /rgya cher rol pa las/ 'jig
rten mgon gyis

gang mthong yid 'byung ste/ /snying rjes shugs ring phyung nas
'di skad smra/ /e ma skye dgu dag ni sdug bsngal gyur/ /srin
mo'i tshogs la dga' ba ji ltar rnyed/ /'dod pa yon tan med la yon
tan 'dzin/ /gti mug mun pas rab bsgribs blo gros ngan/ /dper na
bya ni bya

rgyar chud pa bzhin/ /nam yang 'byung ba rnyed par 'gyur ma yin
zhes so/ /yang byang chub sems dpa' chos snang ba'i sgo 'dis
rnam pa sum cu rtsa gnyis kyi snying rje'i smra bas sems can gyi
phyir smre zhing bud med la so sor rtog ste/ byis pa 'di dag ni
gsod pa ste gsod

@179a pa'i gnas su gsad bya gsod pa lta bu'o/ /de bzhin du 'di
dag ni chags pa ste snod ri mo can ngan skyugs kyis gang ba la
mi mkhas pa chags pa lta bu'o/ /bying ba ste glang po che 'dam
du bying ba lta bu'o/ /bsrung ba ste btson ra'i btson

bsrung ba lta bu'o/ /mngon par dga' ba ste phag mi gtsang ba la
dga' ba lta bu'o/ /chags pa ste khyi keng rus la chags pa lta
bu'o/ /lhung ba ste phye ma leb me lcer lhung ba lta bu'o/
/thogs pa ste spre'u rnyong la thogs pa lta bu'o/ /yongs su
gdung ba ste nya rgyas zin pa lta

bu'o/ /gtubs pa ste sha 'tshong gi lug lta bu'o/ /btsugs pa ste
sdig byed pa gsal shing la btsugs pa lta bu'o/ /yang thogs pa
ste glang rgan 'dam du thogs pa lta bu'o/ /phongs pa ste rgya
mtshor gru zhig pa lta bu'o/ /rab tu lhung ba ste dmus long
g.yang sa chen por lhung

ba lta bu'o/ /zad par 'gyur ba ste sa'i mtshams kyi chu lta bu'o/
/du ba 'thul ba ste bskal pa zad pa'i sa chen po lta bu'o/
/'khor ba ste rdza mkhan gyi 'khor lo'i shugs lta bu'o/ /'brog
'tshol ba ste dmus long gis ri la phyin pa lta bu'o/ /btags shing
'khor ba ste khyi

sdong la btags pa lta bu'o/ /rnyings pa ste dpyid kyi rtswa dang
shing lta bu'o/ /nyams pa ste mar ngo'i zla ba lta bu'o/ /za ba
ste klu la nam mkha' lding lta bu'o/ /'cha' ba ste gzings la chu
srin lta bu'o/ /'joms pa ste 'gron po la chom rkun lta bu'o/
/'jigs par byed pa ste shing

la rlung dmar lta bu'o/ /yang gsod par byed pa ste skye bo la
sbrul gdug pa lta bu'o/ /chod pa ste ral gri'i so'i sbrang rtsi
bldag pa lta bu'o/ /khyer ba ste shing phung chus khyer ba lta
bu'o/ /rtse ba ste byis pa chung du gcin rtug la rtse ba lta
bu'o/ /bsgyur ba ste glang po la lcags kyu

lta bu'o/ /bslu ba ste g.yo can gyis byis pa lta bu'o/ /dge
ba'i rtsa ba 'dzad pa ste rgyan po la dga' ba'i nor lta bu'o/
/'di dag ni byis pa rnams 'cha' bar byed pa ste/ srin mo'i tshogs
kyis tshong pa 'chos pa lta bu'o/ /zhes so// !/chung ma dngos
bsten pa'i nyes pa ni/

@179b 'jig rten 'di na chung mas dbang bsgyur ltar/ /gnod par
nus pa'i dgra gzhan mi srid de/ /de yis mi bya'i sdig med sdug
bsngal rnams/ /de yis mi myong 'ga' yang med phyir ro/ /'di ni
de nyid gzigs pas mtho ris dang/ /thar pa'i lam gyur dkar chos
ma lus

pa'i/ /bar du gcod cing nyon mongs nyes spyod tshogs/ /ma lus
'dzin pa'i snod chen nyid ces smad/ /des snang gang de yang dag
smad pa'i gnas/ /byis pa blun pos bder bzung phyin ci log  /gnod
pa kun gyi 'byung khungs gcig pu ste/ /bdag la phan 'dod su zhig

bsten par byed/ /byang chub sems dpa'i sde snod las 'dod pa
bsten pas ni sdig pa mi byed pa cung zad kyang med de/ de'i
'bras bu sdug bsngal mi myong ba ci'ang med do/ /stong gi 'jig
rten gyi khams su brtags na chung ma ltar dgrar gyur pa ni gang
yang med

do/ /de ci'i phyir zhe na/ sangs rgyas rnams ni ye shes dang
ldan pa'o/ /sems can thams cad ni mi shes pa ste/ gang ye shes
dang ldan pas smad pa de ni yang dag pa'o/ /gang mi shes pas
bzung ba de ni yang dag pa ma yin pa'o/ /des 'dus byas kyi spros
pa

bzung zhing 'phags pa'i lam ma bzung bas bu dang chung mas bskor
cing de dag la sred pa ni rab tu byung ba'i bar du gcod pa'o/
/tshul khrims dang ting nge 'dzin dang/ shes rab dang mtho ris
dang mya ngan las 'das pa dang dge ba'i chos thams cad kyi bar
du gcod

de/ de dag yongs su 'dzin pa ni dgrar gyur pa 'dzin pa/ ngan
song gsum 'dzin pa/ mi dge ba thams cad 'dzin pa/ tha na zas
bzang po'i yang bar du gcod pa'o/ /sangs rgyas mthong ba dang
chos nyan pa dang dge 'dun la bsnyen bkur byed pa dang/ de gsum
la dad

pa dang dal ba 'byor pa rnyed pa dang/ 'phags pa'i nor bdun
rnyed pa'i bar du gcod pa'o/ /de dag yongs su 'dzin pa ni ma dad
pa dang ser sna dang 'chal ba'i tshul khrims dang/ gnod sems dang
le lo dang rnam par g.yeng ba dang shes rab 'chal ba dang ngo
tsha med pa dang

@180a khrel med pa yongs su 'dzin pa'o/ /nad dang 'bras dang zug
rngu dang/ me'i phung po dang sbrul gdug pa 'dzin pa'o zhes so//
!/de'i yan lag tu gtogs pa khyim gyi gnas la sogs pa 'dzin pa
ni/ khyim gnas dur khrod bde 'joms chom

rkun gnas/ /bu smad sred pa rdo rje'i me sogs 'dzin/ /de yi rim
gro'i ro myang lcags khri dang/ /thu lum lcags zangs khol ma la
sred yin/ /bran 'khor rta glang rnga mo sogs 'dzin pa/ /dmyal
srungs lcags kyi lce spyang sogs 'dzin pa'o/ /yang khyim gyi
gnas ni dur

khrod dam mya ngam dgon pa smra ba'i sa med pa ste/ chos dkar po
thams cad brku bar ngas bshad do/ /chung ma dang bu la sogs pa
la chags pa ni rdo'i ser ba 'bab pa dang ral gri'i so dang/
lcags kyi khri bsregs pa la chags pa'o/ /de'i me tog phreng ngam
spos byung pa

la sogs pa la chags pa ni lcags kyi khri dang lcags kyi thu lum
dang bshang gci byug pa la chags pa'o/ /khyim 'dzin pa ni lcags
zangs chen po 'dzin pa'o/ /bran pho dang bran mo 'dzin pa ni
dmyal ba'i srung ma 'dzin pa'o/ /rta dang glang po dang rnga
mong dang ba lang dang bong

bu dang bya dang khyi dang phag dang ra dang lug 'dzin pa ni
srog chags bre bo dang khra bo dpag tshad brgya pa 'dzin pa'o/
/bu dang chung ma 'dzin pa ni sdug bsngal dang yid mi bde ba
dang 'khrug pa thams cad 'dzin pa'o zhes pa'o/ /dran pa nyer
gzhag las kyang lcags sam shing ngam

dres ma gang yin pa/ /'ching ba 'di ni dam par 'phags mi gsung/
/blo zhan bu smad rnams la lta ba gang/ /kun nas chags pa'i sems
ni dam zhes gsungs zhes so// !/bud med la blta ba dang reg pa la
sogs pa bsten pa ni/ de phyir lcags khri 'bar ba chen po la/ /

dam du 'khyud bla'i chung ma blta ba'ang min/ /yang lcags kyi
khri dpag tshad stong yod pa kun nas 'bar ba la mthang sbyar ba
ni bla'i/ chung ma la rgyang ring po nas chags pa'i sems kyis
blta ba'ang de ma yin na mthang sbyar ba lta ci smos/ !/yul gyi
nyes dmigs ston pa na

@180b gnod pa spyir brjod pa ni/ de ni sdig gnod kun gyi rtsa ba
ste/ /dge legs thags bsrings gol ba'i lam 'dzud pa'o/ /yang de
ci'i phyir zhe na/ chung ma ni sdug bsngal dang sdig pa dang
mnar sems dang 'ching ba dang mya ngan dang dgra dang dmus
long
gi rtsa ba'o/ /shes

rab kyi mig dang mi mthun pa/ lcags sam rdo bsregs pa bkram pa'i
sa bzhi/ pha rol tu gnod pa byed pa log pa'i las kyis gzir ba'o
zhes so// !/chung ma'i sgra don ni/ /chung ma zhes bya rab gnon
khur lci dang/ /dbang med pham byed 'khol byed gso bya dang/
/phung

po'i khur chen mi 'dod tshul khrims sogs/ /nyams byed sdug bsngal
kun sdud gnyis pa'i ming/ /yang ci'i phyir chung ma zhes bya zhe
na/ khur bskur ba dang khur 'khyer ba dang khur len pa dang
khur
thegs pa dang khur gyis nyon mongs pa dang khur gyis nyen pas
na
chung ma'o/ /

sred pas 'khol ba las de gsol ba dang de la gzhol ba dang des
zin pa dang/ des pham par byas pa dang des bsdus pa dang des
dbang byas pa dang/ des 'khol ba dang de'i rjes su 'brang ba na
chung ma'o/ /de'i phyir phung po lnga'i khur chen po mi 'dor bas
chung ma zhes bya'o/ /yang

gos gnyis pa zhes bya ste tshul khrims nyams pa gnyis pa'o/ /lta
ba dang cho ga dang bza' btung nyams pa gnyis pa'o/ /ngan song
gsum du 'gro ba gnyis pa dang/ 'phags pa'i ye shes kyi bar chad
byed pa gnyis pa dang/ mya ngan las 'das pa'i bde ba'i bar chad
byed pa

gnyis pa dang/ sdug bsngal thams cad sdud par byed pa gnyis pa
yin pa'i phyir ro zhes so// !/bud med kyi sgra don ni/ bud med
ces bya nyes mang sgyu ma'i tshang/ /bdud dang sdig pa'i lag pa
sems yang ba/ /spre'u ltar mi brtan sgyu ma'i grong khyer sogs/
/mtha' yas

ston pas slu byed ming du gsungs/ /yang ci'i phyir bud med ces
bya zhe na/ nyes pa mang zhing rgyu mtha' yas pas sgyu mas te
bud med ces bya'o/ /de ni sgyu ma'i grong khyer dang grong rdal
dang rgyal po'i pho brang dang yul 'khor dang rgyal srid dang
yul dang sgyu ma'i 'jig rten gyi@181a khams te/ sgyu ma mtha' yas
pa rgyas pa dpag tu med pa
bsam gyis mi khyab pas na bud med ces bya'o/. !/gzhan yang de yi
sgyu ma mthong thos reg pa dang/ /glu gar rgod 'bod sogs kyis
skyes pa'i sems/ /dam du 'ching bas

dbang byed lo tog la/ /ser chen bab ltar dkar po'i chos kun 'jig
/yang dper na sgyu ma mkhan ltad mo ba'i nang du sgyu ma sna
tshogs ston pa ltar/ bud med kyi sgyu ma shin tu bslabs pa yang
mthong ba dang thos pa dang reg pa dang glu len pa dang gar
byed
pa dang rgod pa

dang ngu ba dang 'bod pa dang 'gro ba dang 'greng pa dang 'dug
pa dang nyal ba'i rnam pa thams cad kyis kyang skyes bu 'ching
dbang du byed do/ /dper na 'bras kyi zhing la ser ba chen po bab
na brlag pa ltar/ skyes bu'i zhing la'ang bud med kyi ser bas
chos dkar po'i lo tog

thams cad 'jig par byed do zhes so// !/zhar la gnod pa de spang
ba'i thabs mdor bstan pa ni/ mkhas pas byis rnams skyes bu ngan
pa dang/ /'phags rnams skyes bu dam par mngon bltas te/ /dam
pa'i 'gros kyis bgrod bya ngan pa'i min/ /seng ge cang

shes wa sogs de bzhin no/ /yang mkhas pa rnams ni 'dod pa'i nyes
pa de lta bu dag rig nas 'du shes gnyis bskyed de/ byis pa so
so'i skye bo thams cad la skyes bu ngan pa dang/ 'phags pa'i
skye bo thams cad la skyes bu dam par 'du shes pa'o/ /bdag

gis ni de gnyis las skyes bu dam pa'i 'gros su bya'i ngan pa'i
'gros su mi bya ste/ dmyal ba dang dud 'gro dang yi dwags dang
tshul khrims 'chal ba'i 'gros su mi bya'o/ /mchog dam pa gtso bo
chos thams cad sgrib pa med par rtogs pa sangs rgyas kyi 'gros
su

bya'o/ /seng ge'i sgra bsgrag gi wa'i sgra mi bsgrag go /mi cang
shes su bya'i mi ma rungs bar mi bya'o/ /zas bzang po bza'i zas
ngan mi bza'o/ /sangs rgyas kyi ye shes btsal bar bya'i 'dod pa
tshol bas ni chog go zhe'o// !/rgyas par phye ba ni/ 'dod

@181b sogs bzhi las rab ldog 'gro ngan gyi/ /gnas skabs thob
kyang yul gyi bzang mo la/ /nyams sogs rnam bzhir brtag bsam ma
sring dang/ /bu mor bltas shing stong par tshul bzhin brtag /yang
mkhas pa ni ldog pa bzhi bskyed par byed de/ 'dod

pa dang/ srid pa dang/ byas pa mi gzo ba dang/ 'du byed kyi sdug
bsngal thams cad las ldog pa'o/ /byang chub sems dpa' ngan song
na gnas pas kyang kha dog rgyas pa'i bud med mthong na 'du shes
bzhi bskyed par bya ste/ nyams par 'du shes pa dang/ g.yang

sar 'du shes pa dang/ phyi sa khung du 'du shes pa dang/ rnag tu
blos spyod par 'du shes pa'o/ /mir gyur pa na lta ci smos te
theg chen la zhugs pas bzhi po de bskyed do/ /de ltar brtags
kyang 'dod chags skye na 'du shes gsum bsgom ste/ ma dang 'dra
ba la ma'i 'du

shes dang/ sring mo dang 'dra ba la sring mo'i 'du shes dang/ bu
mo dang 'dra ba la bu mo'i 'du shes so/ /de lta na yang 'dod
chags skye na ni thams cad ma grub pa stong par tshul bzhin so
sor brtag par bya'o zhes so// !/gnyi ga'i gnod pa'i rnam grangs
kyi dbye ba ni// !/gzhan

yang bud med dmyal ba'i rgyu gcig pu/ /'byor tshogs brlag byed
g.yo sgyu phrag dog 'bar/ /dang por mnyen 'jam phyi nas rdo
rje'i sems/ /mi brtan byas mi gzo sogs 'jigs su rung/ /me yi tsha
bzhin chags dang lhan cig skye/ /tshig snyan snying ni dug can
spu gri 'dra/ /lha

dang lha min gnod sbyin srin po dang/ /klu sogs mthu ldan rnams
kyang 'ching bar nus/ /bung bas me tog bskam po 'dor sogs ltar/
/'byor sogs kun gyis ji ltar phan btags kyang/ /dbul sogs rgud
tshe gcig kyang 'dor byed de/ /skyes bu brlag bya nyid phyir 'di
skyes

'dra/ /bud med sred 'di 'dod chags nang nas lci/ /'di yis yad
bsregs phyi nas mi bzad mes/ /rab tu bsreg cing 'di dang pha rol
tu/ /bdag la legs 'dod mkhas pas thag ring dor/ /dran pa nyer
gzhag las/ bud med ngan song gzhi yin zhing/ /kun nas

@182a nor ni zad par byed/ /mi gang bud med tshig nyan pa/ /de la
bde ba ga la yod/ /don med chos la dga' ba ni/ /bud med g.yo
dang phrag dog mang/ /'jig rten gnyis ni rnam 'jig pa/ /skyes pa
dag gi mdun na gnas/ /de tshig shin tu mi

brtan te/ /rtag tu 'dod chags bskyed la mkhas/ /de yi snying ni
gzhan sems la/ /gzhan gyi tshul du smra bar byed/ /dang por mnyen
zhing srun byed pa/ /phyi nas sems ni rdo rje 'dra/ /sems ni
yang la phan mi byed/ /bkur sti dag ni dran mi byed/ /legs pa
brgya ni

chud gzon la/ /ma legs gcig pu'ang dran par byed/ /sdig pa'i sa
gzhi bud med yin/ /snying ni glog gi ngo bo bzhin/ /skyes pa
chags pa'i sems yod pa/ /'jig pa'i rgyu ni bud med byed/ /'jig
rten 'di dang pha rol tu/ /'jig rten nang ni bud med 'jig /gal
te

bde ba mchog 'dod na/ /de lta'i bud med rnam par spongs/ /bud
med rtag tu spangs pa ni/ /'jig rten 'di dang pha rol bde/ /gang
zhig dbul ba spong 'dod cing/ /gang zhig bdag nyid 'byor 'dod
dang/ /gang zhig mya ngan 'das 'gro 'dod/ /mi des bud med spang
bar byas/ /

ji ltar 'jig rten dag gi me/ /tsha dang lhan cig skye ba ltar/
/bud med mi bzad 'dod chags dang/ /nges par lhan cig skye bar
'gyur/ /ji ltar bud med las byung me/ /lus can rnams kyi snying
'jug pa/ /me gzhan gang zhig byung ba ni/ /de ltar tsha bar mi
'gyur ro/ /'jig rten

thams cad rnam 'jig cing/ /chos ni thams cad zad byed la/ /sems
can dmyal ba'i rgyu gcig pu/ /bud med yin zhes drang srong
gsungs/ /bud med kha ni tshig snyan smra/ /snying ni gdug pa'i
dug dang mtshungs/ /yid du 'ong dang 'dug mi byed/ /de la mi ni
su zhig

dga'/ /yud tsam gyis ni dgar byed la/ /de bzhin yud kyis dgar mi
byed/ /snying du sdug pa'ang gnas mi byed/ /brtan pa med de glog
dang mtshungs/ /lha dang mi dang sha za dang/ /lto 'phye rnams
dang srin po yang/ /'ching bar 'gyur ba bud med de/ /shin tu mi
bzad

@182b dug dang mtshungs/ /phan pa med dang rigs med dang/ /mthu
rtsal che ba'ang dran mi byed/ /sems ni gnas pa med pa ste/ /bud
med rlung gi shugs dang mtshungs/ /gang du phun sum tshogs gyur
pa/ /der ni bud med chags byed pa/ /dbul bar gyur na 'dor byed
de/ /skyes

pa nges par gtong bar byed/ /skyes pa gang dang gang phrad pa/
/de la bud med chags 'gyur zhing/ /de ni myur zhing ches myur
bar/ /gtong ste mi mthun gnas par byed/ /ji ltar bung bas me tog
dag /bskams na thams cad gtong byed ltar/ /de bzhin nor dang
bral ba yi/ /

mi ni bud med rnams kyis gtong/ /snying ni mi bzad ral gri 'dra/
/mun pas khebs pa brtan pa med/ /gang gi rgyu yis bud med rnams/
/skyes pa 'jig pa'i phyir skyes so/ /bud med las byung 'dod
chags gang/ /'dod chags nang na 'di che ste/ /bud med 'dod pas
yid bsreg

pa/ /phyi nas me chen gyis sreg byed/ /skyes pa dang ni yid
bcugs shing/ /dga' ba du ma byas nas su/ /sbrul gyi pags pa 'dor
ba ltar/ /bud med kyis ni glo bur 'dor/ /thabs kun gyis ni bud
med bsgrubs/ /thams cad du ni yongs bskyangs kyang/ /bud med
shin tu mi

bzad pa/ /bdag gir bya bar mi nus so/ /de ltar rang bzhin de yin
te/ /bud med rnams ni sems mi brtan/ /skyes pa brtan pa'i sems
kyis su/ /de la nam yang yid ma rton/ /zhes so// !/rnyed pa la
sogs pa la chags pa'i nyes dmigs ni/ rnyed dang bkur sti

grags dang snyan la sogs/ /bde ba'i longs spyod 'dod byar rab
brtags pa'i/ /yul la chags pa'ang nyes pa thams cad kyi/ /'byung
gnas kho nar mkhas pas nges par brtag /ci'i phyir zhe na rnyed
sogs ma lus rnams/ /bsgrub par dka' zhing bjig sla snying

po dang/ /mnog chung sbun pa 'phyar 'dra byis rmongs rnams/
/dga' bas bslu brid byed pa kho nar zad/ /lhag pa'i bsam pa
bskul ba las rnyed pa dang bkur sti la dga' ba'i nyes pa nyi shu
gsungs pa rgyas par blta'o/ /bstan bcos las kyang/ bdag ni rnyed
mang

@183a bkur stir bcas/ /bdag la mang po dga' bo zhes/ /de 'dra'i
snyems pa 'chang gyur na/ /shi ba'i 'og tu 'jigs pa skye/ /rnyed
pa dag ni mang byung zhing/ /grags dang snyan pa byung gyur
kyang/ /rnyed dang grags pa'i tshogs bcas te/ /gang du 'gro ba'i

gtol med do/ /zhes bya ba la sogs pas rab tu smad pa ltar ro/
/bstan pa la 'jug pa'i rim pa rnam par bshad pa las 'khor ba'i
nyes dmigs bsgom pa la 'jug pa bshad pa ste le'u lnga pa'o//
//de ltar 'khor ba'i skyon mtha' yas pa

mthong bas rang dang gzhan ya nga ba'i gnas chen por yongs su
'khyams par shes nas/ rang nyid sdug bsngal las bros shing bde
ba bsgrub pa'i phyir ni sngar brjod pa ltar las 'bras bsgoms nas
tshul khrims rnam par dag pa gzhir byas te dge ba sna tshogs ci
nus

bsags pa la 'bad par bya ba yin la/ de'ang 'gro ba mtha' dag la
bltos nas ni bdag 'ba' zhig gi bde sdug sa chen po las rdul
phran nam rgya mtsho las skra rtses blangs pa'i chu lta bur snang
zhing/ sems can gyi tshogs sa chen po dang rgya mtsho chen po
rnams kyang

skye ba dang skye ba mtha' yas pa rnams su bdag gi ma la sogs
par gyur nas/ lan cig ma yin par dka' ba mang pos phan btags pa
sha stag yin pas/ 'di rnams la mi lta bar rang bde tsam gyis
sems tshim pa ni skyes bu dam pa'i tshul las thag ring bar

'gyur ba'i phyir na/ khyim rnying la me mched pas skrag ste rang
nyid phyir bros nas bu sdug pa rnams dran pas slar me'i rlubs su
de dag 'don par 'jug pa'am/ mya ngam dgon pa chen por lam stor
ba 'bad pa drag pos lam rnyed nas bu dran te yang dgon pa de
nyid du tshol du

'gro ba ltar/ slar 'khor ba'i sdug bsngal la mi skrag par rang
gi sdug bsngal khyad du bsad nas/ gzhan gyi don du sdug bsngal
ji lta bu yang dang du len cing rdzogs pa'i byang chub chen por
sems bskyed pa las dka' ba'i spyod pa rmad du byung ba bskal pa
mtha' yas

@183b par rjes su bsgrub pa la skyo ba med par spro ba chen pos
'jug pas na 'dir byang chub kyi sems 'chad pa ni/ de rnam par
nges par bya ba'i don du rgyu dang mtshan nyid dang dbye ba dang
rnam par gtan la dbab pa ste/ shes par bya ba'i gnas bzhi rnam
par bzhag pa las/

rgyu spyir bstan pa mdor bsdus nas/ kun nas nyon mongs rgya
mtsho'i klong 'khor ba'i/ /sems can ma lus yongs su bskyab don
du/ /sangs rgyas chos kun yongs rdzogs don gnyer rgyus/ /brtan
rnams byang chub mchog gi sems rab bskyed/ /zhes smos te/

lha'i bu rab rtsal sems kyis zhus pa las/ gang la brten nas
byang chub kyi sems skye zhe na/ sems can thams cad kyi nyon
mongs pa la brten nas te/ de byang chub sems dpa'i theg pa ma
yin na byang chub sems dpa' byang chub kyi sems bskyed nas go
cha gyon par

mi byed do/ /byang chub kyi sems de ci la dmigs zhe na/ sangs
rgyas kyi chos thams cad la dmigs pa ste/ de thams cad ni byang
chub kyi sems kyi rtsa ba las skye ba'o zhes so/ /de dag nyid
kyi rnam par dbye ba ni/ sdong po bkod pa las/ byang chub kyi
sems skye ba'i don

rkyen ni rnam pa bcu ste/ sems can smin par bya ba dang/ sems
can gyi sdug bsngal bzlog pa dang/ sems can bde ba'i yo byad
kyis 'thud pa dang/ sems can gyi mi shes pa bsal ba dang/ sems
can la sangs rgyas kyi ye shes bsgrub pa dang/ sangs rgyas

mchod pa dang/ sangs rgyas mnyes par bya ba dang/ sangs rgyas
kyi gzugs dang mtshan dang dpe byad bstan pa dang/ sangs rgyas
kyi ye shes la 'jug pa dang/ sangs rgyas kyi stobs dang mi 'jigs
pa ston pa'i rkyen las so zhe'o// !/rgyas par dbye ba bden
smra'i

le'u las 'byung ba ni/ theg mchog la mos snying rje lhag bsam
brtan/ /bsod nams bsags shing sdig bcom 'jig rten mgon/ /mnyes
byas bshes gnyen bzang bsten dam bcas brtan/ /kun 'ged ngang can
rgyal bas byin brlabs pa/ /brtse bas 'gro

@184a ba rjes 'dzin bdog kun gtong/ /gang yin de la sems mchog
bde blag skye/ /mdo de las/ chos bcu gnyis dang ldan na byang
chub kyi sems skye ste/ rang bzhin gyis rgya che ba la mos shing
dman pa la mos pa med pa dang/ rang bzhin gyis snying rje

dang ldan zhing dkar ba'i ngang tshul can dang/ bcos ma ma yin
pa'i lhag pa'i bsam pa dang ldan zhing yi dam la brtan pa dang/
tshogs rgya chen po bsags shing spyad pa legs par spyad pa dang/
sangs rgyas 'byung ba legs par bsnyen bkur byas shing dkar

po'i chos legs par bsdus pa dang/ bzhi gsum gyi chos kyi las kha
na ma tho ba med pa dang ldan zhing sdig pa'i las thams cad bor
ba dang/ sdig pa'i grogs po thams cad du spangs shing dge ba'i
bshes gnyen la bsten pa dang/ ji skad smras pa bzhin byed

pas bslu ba med pa dang/ kun 'gyed pa'i ngang can yin zhing ro
bro ba rnams la ma chags pa mang ba dang/ sangs rgyas kyis byin
gyis brlabs shing bdud kyi byin rlabs dang bral ba dang/ sems
can thams cad la yang dang yang du snying rje chen pos yang dag
par 'jug

pa dang/ bdog pa thams cad gtong zhing ma chags pa'i sems dang
ldan pa zhes so// !/chos bcu pa las 'byung ba ni/ gang yang dam
pa gzhan gyis bskul ba dang/ /bsngags tshogs thos dang 'gro ba
mgon med la/ /brtse dang sangs rgyas rnam kun mchog ldan pa/ /

mthong nas rab tu spro ba las kyang ngo/ /mdo de las/ 'di la
byang chub sems dpa' rigs gnas pa sems ma bskyed na/ de bzhin
gshegs pa'am de'i nyan thos kyis bskul cing byang chub kyi sems
bskyed pa ni 'di'i rgyu dang po'o/ /rdzogs pa'i byang chub kyi
sems kyi

bsngags pa brjod pa thos nas bskyed pa ni gnyis pa'o/ /sems can
mgon med skyabs med pa mthong nas snying rje'i sems nye bar
bzhag ste bskyed pa ni gsum pa'o/ /de bzhin gshegs pa'i rnam pa
thams cad kyi mchog yongs su rdzogs pa mthong nas dga' ba

@184b skyes te bskyed pa ni bzhi pa'o zhes so// !/byang chub
sems dpa'i sa las 'byung ba ni/ bdag nyid chen po'i cho 'phrul
stobs mthong ngam/ /theg mchog thos nas de la rab mos dang/
/dam
chos 'jig pa'am snyigs ma'i dus kyi ni/ /nyes mang mthong ba'i
rkyen

bzhi dag las te/ /gzhan yang rigs dang bshes gnyen snying rje
dang/ /sdug bsngal bzod pa phun tshogs rgyu bzhi dang/ /rang dang
gzhan dang rgyu dang sbyor ba yi/ /stobs bzhi rnams las brtan
dang mi brtan 'thob/ /byang sa las sems skye ba de'ang rkyen
bzhi dang stobs

bzhi las skye bar rig par bya'o/ /de las rkyen bzhi ni rigs kyi
bu'am rigs kyi bu mos de bzhin gshegs pa'am byang chub sems
dpa'i cho 'phrul dang mthu bsam gyis mi khyab pa thams cad
mthong ngam thos nas/ kye ma gang la gnas pa'am zhugs nas cho
'phrul

'di lta bu dang ldan pa'i byang chub de ni mthu che'o snyam nas
byang chub chen por mos shing der sems bskyed pa ni rkyen dang
po'o/ /byang chub kyi sde snod thos nas dad pa las sangs rgyas
kyi ye shes la mos shing sems bskyed pa ni gnyis pa'o/ /dam pa'i
chos nub tu nye ba na kye ma

chos gnas pa ni sems can mang po'i sdug bsngal sel bar byed pa
yin gyi/ de'i don du bdag gis chos yun ring du gnas par bya'o
zhes sangs rgyas kyi ye shes la mos shing sems bskyed pa ni gsum
pa'o/ /dus kyi snyigs ma'i tshe sems can gyi lta ba'i nyon mongs

pa bcu po gti mug dang ngo tsha med cing khrel med pa dang/ phrag
dog dang ser sna dang/ sdug bsngal dang/ gnas ngan len dang/
nyon mongs pa dang/ nyes par spyod pa dang/ bag med pa dang/ le
lo dang/ ma dad pa bcu po shas che ba dag gis nye bar nyon mongs
par mthong

nas/ kye ma snyigs ma'i dus chen po byung gi bde legs med do/
/dus 'dir ni byang chub dman pa gnyis su sems bskyed pa'ang
rnyed par dka' na mchog tu lta ci smos te/ re zhig bdag gis sems
bskyed na gzhan dag kyang slob par 'gyur ro zhes byang chub
chen
por

@185a mos shing sems bskyed pa ni bzhi pa'o/ /rgyu bzhi la rigs
phun sum tshogs pa ni chos nyid kyis thob pa'i rigs dang ldan
pa'o/ /bshes gnyen phun sum tshogs pa ni bzhi ste/ dang po nyid
nas yid rtul po ma yin pa mkhas shing

mdzangs pa lta ba ngan par ma zhugs pa dang/ bag med pa dang
de'i gnas la 'jug par mi byed pa dang/ nyes pa spyod pa dang/
de'i gnas la 'jug par mi byed pa dang/ dad pa dang 'dun pa dang
brtson 'grus mchog dang theg pa chen po la 'jug pa dang

bsgoms pa las byung ba la sogs pa yon tan khyad par du 'phags pa
dag la 'jug pa las ldog nas/ 'dun pa la sogs pa dman pa dang/
theg pa dman pa dang/ bsams pa las byung ba la sogs pa yon tan
ches dman pa 'dzin du 'jug par mi

byed pa'o/ /snying rje phun sum tshogs pa ni rgyu bzhi las skye
ba ste/ phyogs bcu'i 'jig rten gang na sdug bsngal med pa der
byang chub sems dpa' mi skye bar sdug bsngal yod pa dag tu skye
ba dang/ gzhan sdug bsngal ci'ang rung bas non cing gnod pa
mthong

ba dang/ bdag kyang sdug bsngal ci'ang rung bas gnod cing non pa
dang/ rang ngam gzhan sdug bsngal drag po bar chad med pas non
pa mthong na/ dmigs pa de bzhi la brten nas rang gi rigs nyid
las goms pa med pa yang snying rje chung 'bring chen po dag skye
ba'o/ /

sdug bsngal bzod pa phun sum tshogs pa ni snying rje de sngon du
btang nas rgyu bzhi las 'khor ba'i sdug bsngal chen pos kyang mi
skrag na/ chung ngus lta ci smos pa ste/ rang bzhin gyis snying
stobs che zhing brtan pa dang/ mkhas shing yang dag par so sor
rtog pa'i

stobs can dang/ byang chub mchog la mos pa che ba dang/ sems
can
la cher snying brtse ba'o/ /stobs bzhi la rang gi stobs ni rang
nyid kyi mthus byang chub chen po 'dod pa'o/ /gzhan gyi stobs ni
gzhan gyi mthus de 'dod pa'o/ /rgyu'i stobs ni sngon theg pa
chen

@185b po'i chos la goms pas da ltar sangs rgyas la sogs pa
mthong ba tsam mam bsngags pa thos pa tsam gyis kyang sems de
skye na chos thos pa'am mthu mthong bas lta ci smos pa'o/ /sbyor
ba'i stobs ni tshe 'di nyid la skyes bu dam pa bsten pa'am chos
nyan pa'am sems

pa la sogs pa goms pa byas pa las sems skye ba'o/ /de ltar rkyen
bzhi dang rgyu bzhi tshogs pa'am so so la brten nas rang dang
rgyu'i stobs gnyis ka'am so so las skye ba ni brtan pa snying po
yod pa'o/ /gzhan dang sbyor ba'i stobs las ni mi brtan pa skye
bar blta'o/ /

zhes so// !/rgyu'i khyad par las phan yon mthong ba las skye ba
ston pas phan yon spyir bsngags pa ni/ mchog tu rnyed dka'i rin
chen sems mchog de/ /klu rgyal ma dros bzhin du chos chen gyi/
/chu klung bzhi yis 'jig rten bsreg skom sel/ /rnam thar sgo
gsum yan

lag brgyad lam sogs/ /chos kyi brlan gyis 'gro dge'i sman sogs
bskyed/ /dbang stobs byang chub yan lag bdun la sogs/ /yon tan
rin chen 'byung gnas rnam grol gyis/ /rgya mtsho chen po kun tu
'gengs par byed/ /skyes ma thag tu bsod nams zhing mchog

dang/ /gnod pa med pa'i bsod nams mchog 'dzin 'gyur/ /sred med
kyi bus zhus pa las/ mi lus thob pa rnyed par dka'/ /sangs rgyas
'byung ba'ang rnyed par dka'/ /sangs rgyas dad pa'ang rnyed par
dka'/ /byang chub sems kyang rnyed par dka'/ /gnas skabs bzhi po
'di dag ni/ /bskal par rnyed par dka' ba ste/ /de phyir thob nas
ma spang zhig /mthu stobs dag kyang chud mi gzon/ /sems de'i
brtson 'grus bskyed nas kyang/ /rtag tu bag ni yod par gyis/
/drang srong chen po dag gis kyang/ /bag yod pas ni byang chub
brnyes/ /sangs

rgyas chos rnams thams cad kyi/ /rtsa ba'i sgo dang tshul gyi
lam/ /bag yod pa dang brtson 'grus yin/ /mkhas pa rnams kyang
'di la slob ces so/ /dge ba'i rtsa ba yongs su 'dzin pa las
kyang/ skal pa bye ba rnams su yang/ /'jig rten snang byed rnams
ni dkon/@186a u dum wa ra'i me tog ltar/ /'jig rten du ni res 'ga'
'byung/ /gang dag byang chub phyir zhugs pa/ /byang chub sems
dpa'i sems de'ang dkon/ /dpa' bo yi ni sems de yang/ /'jig rten
du ni res 'ga' 'byung zhe'o/ /yang de nyid las

dper na klu'i rgyal po ma dros pa'i gnas nas phyogs bzhir rlung
chen po bzhi gtong bas rkang gnyis pa dang rkang bzhi pa rnams
kyi skom pa sel/ 'bru dang sman dang rtsi shing la sogs pa
bskyed/ rin po che'i 'byung gnas rgya mtsho chen po'ang kun tu
tshim par byed pa ltar/

byang chub kyi sems yod na de la gnas nas byang chub chen po
'thob ste/ chos kyi klung chen po so so yang dag par rig pa
bzhi'i chu klung rgyal po bzhi gtong/ rnam par thar pa'i sgo
gsum dang/ lam yan lag brgyad pa'i sgra dbyangs kyi nga ro chos
rin po che'i chu dang/ dbang

po dang stobs dang byang chub kyi yan lag bdun gyi chus sems can
tshad med pa'i nyon mongs pa'i skom pa rgyun bcad nas yon tan rin
po che'i 'byung gnas rnam par grol ba'i rgya mtsho chen po'ang
tshim par byed ces/ /byang sa las kyang sems dang po bskyed pa
brtan

pa'i phan yon ni gnyis te/ sems bskyed ma thag nas sems can
thams cad kyi yon gnas dang bla ma dang bsod nams kyi zhing
dang
pha dang 'dra bar 'gyur ba dang/ gnod pa med pa'i bsod nams
yongs su 'dzin pas 'khor los sgyur ba kun nas bsrung ba'i nyis
 
'gyur gyis bsrung pa las gnyid log gam myos pa la sogs par gyur
kyang gnod sbyin la sogs pas gtse bar mi nus te/ tshe brjes kyang
gnod pa dang nad nyung ba dang/ lus dang ngag gis chos ston pa
la sogs pas sems can gyi don byed pa na ngal ba la sogs

par mi 'gyur ro/ /rigs la gnas pa'ang rang bzhin gyis gnas ngan
len shas chung la/ sems bskyed na ni lus sems kyi gnas ngan len
shin tu nyung ngo/ /yams la sogs pa zhi bar byed pa'i gsang
sngags gzhan gyis ma grub pa dag kyang de'i

@186b lag tu 'ong na 'grub bo/ /lhag par yang bzod pa dang des
pa che bas gzhan gyi gnod pa bzod cing gzhan la gnod pa mi byed
par/ gzhan dag gzhan la gnod pa byed pa mthong na yang shin tu
mi dga'o/ /nye ba'i nyon mongs khong khro dang phrag dog dang

g.yo la sogs pa nyams dams pas rgya la skyes na yang myur du
'bral lo/ /de gang du gnas pa'i grong la sogs par mu ge dang mi
ma yin pa la sogs pa'i gnod pa mi 'byung zhing byung ba dag
kyang zhi bar 'gyur ro/ /rgya la sngar gyi las kyis dmyal bar
skyes

kyang myur du thar ba dang sdug bsngal chung ba dang skyo ba
dang snying rje la sogs pa phan yon mang po 'thob pa'o// !/sangs
rgyas mchod pa mchog tu 'gyur ba ni/ /'jig rten mgon la
ganggA'i bye snyed kyis/ /zhing rnams rin chen me tog sogs
bkang bas/ /mchod bkur

dpag med byas pas 'gro ba kun/ /bsgral phyir sems mchog bskyed
pa'i char mi phod/ /gzhan yang phyogs bcu'i rgyal la 'gro mang
gis/ /zhal zas spos dang rin chen gdugs sogs kyi/ /mchod pa zil
gnon 'jig rten 'byam klas pa'i/ /sangs rgyas mtha'

yas mchod phyir 'di bskyed phyir/ /sgyu ma lta bu'i ting nge
'dzin las/ sems can kun la phan pa'i phyir/ /byang chub tu ni
sems bskyed na/ /mtshan mchog sum cu gnyis ldan pa'i/ /sangs
rgyas mchod pa mchog tu 'gyur/ /mi gang zhig gis sangs rgyas

zhing/ /gang gA'i bye ma'i grangs snyed pa/ /me tog rnams kyis
bkang byas te/ /'jig rten mgon la phul ba bas/ /gang gis 'dir ni
thal sbyar nas/ /byang chub tu ni sems btud nas/ /'di ni mchod
pa mchog yin te/ /de la tshad ni yod ma yin/ /byang chub sems

ni ci 'dra ba/ /de ltar blo mchog gis bstan pa/ /de 'dra'i mchod
pa gang yang med/ /de 'dra ba yi dpal yang med ces so/ /dpal
byin gyis zhus pa las kyang/ gang gA'i bye ma'i grangs snyed
kyi/ /sangs rgyas zhing rnams mi gang gis/ /rin chen dag gis

@187a kun bkang ste/ /'jig rten mgon la phul ba bas/ /sems can
thams cad thar bya'i phyir/ /gang gis byang chub sems btud na/
/mchod pa 'di ni khyad par 'phags/ /de la mtha' ni ma mchis so/
/rin chen sems kyi bsod nams gang/ /de la

gal te gzugs mchis na/ /nam mkha'i khams ni kun bkang ste/ /de
ni de bas lhag par 'gyur zhes so/ /rgya mtshos zhus pa las kyang/
skyes bu khyu mchog la ni mchod chen mang/ /dpag med rgya chen
bsam yas byas zin gyis/ /'gro ba dag la snying brtse bskyed

nas kyang/ /rab mchog byang chub sems ni bskyed par gyis/ /byang
chub sems ni yang dag sgrub byed gang/ /de ni mchod mchog dam
pa
khyad par phags/ /de ni phyi ma'i bsod nams gzi chen yin zhes
so/ /gzhan yang/ sdong po bkod pa las/ mi bcus sems can gzhan

thams cad dang yang lhan cig tu phyogs bcu'i sangs rgyas thams
cad la/ zhal zas la sogs pa dang/ spos la sogs pa dang/ rin po
che la sogs pa dang/ gdugs la sogs pa thams cad kyi mchod pa
dang bkur sti thams cad byas pas ni/ byang chub kyi sems

dang po skye ba'i bsod nams kyi cha tsam du'ang mi phod de/ 'di
ni 'jig rten gyi khams 'byam klas pa ma lus pa'i dus gsum gyi
sangs rgyas 'byam klas pa ma lus pa thams cad mchod pa'i don du
bskyed pas so zhes so// !/lam dman pa 'dor zhing mchog bsgrub pa
ni/

dang por mos pas nyan thos sa kun dang/ /lhag bsam dag pas rang
rgyal sa las 'da'/ /phyir mi ldog pas rgyal sras ma nges las/
/byang chub snying por bzhugs sems kun mkhyen rdzogs/ /pha rol
tu phyin pa lnga'i mdo las/ sems dang po bskyed pa la gnas

na dgra bcom pa'i sa las 'da'o/ /gnyis pa las ni rang sangs
rgyas kyi sa las 'da'o/ /phyir mi ldog pa'i sems kyis ni byang
chub sems dpa' ma nges pa lung ma bstan pa las 'da'o/ /byang
chub kyi snying po la 'dug pa ni thams cad mkhyen pa'o zhes so/
/

@187b bsod nams thams cad sdud cing zil gyis gnon pa'i dbang du
byas nas// !/sred med kyi bus zhus pa las 'byung ba sdud pa'i
tshul ni/ 'di ni bsod nams kun bsdus sdom yin te/ /klung sogs
thams cad rgya mtshor 'dus sogs ltar/ /byis dang nyan thos rang

rgyal rgyal sras kyi/ /bsod nams ma lus dang po'i sems kyis
bsdus/ /mdo sde las/ bsod nams bya ba'i dngos po thams cad ni
byang chub kyi sems kyi khongs su 'dus pa ste/ chu mig la sogs
pa thams cad rgya mtsho chen por 'dus shing rjes su zhugs pa

bzhin no/ /des na sbyin pa las byung ba la sogs pa dang/ zag pa
dang bcas pa dang zag pa med pa dang/ 'jig rten dang 'jig rten
las 'das pa dang/ lha dang mi'i bsod nams thams cad ni 'dir
'du'o/ /yang rtswa shing la sogs pa dang grong la sogs pa dang/

gling bzhi pa dang stong dang stong gnyis dang stong gsum dang/
khams gsum dang nyi ma dang zla ba thams cad ni stong gsum gyi
stong chen po'i 'jig rten gyi khams su 'dus so/ /so so skye bo
dang slob pa dang mi slob ba dang rang rgyal ba dang byang chub
sems dpa'i bsod

nams thams cad kyang byang chub kyi sems dang po bskyed par
'dus
so zhes so// !/'khor los bsgyur ba'i dang tshangs pa'i dang sbyin
pa'i phung po chen po'i bsod nams zil gyis gnon pa ni/ 'khor los
bsgyur gyi bsod nams tshangs pa ni/ /gsum gyis byams

chen sbyin byung bsam 'das rnams/ /dang po'i sems bskyed lhag
bsam dam pa yis/ /'gro la brtser ldan bsod nams char mi phod/
/mdo sde nyid las stong gsum gang gA'i bye ma snyed kyi sems
can thams cad 'khor los bsgyur ba'i bsod nams dang ldan pa bas

ni; byang chub kyi sems dang po bskyed pa'i bsod nams ches mang
ngo/ /stong dang stong gnyis dang stong gsum gyi 'jig rten rin
po che bdun gyis gang ba sbyin pa bas ni 'jig rten gyi khams de
gsum gyi bdag po tshangs pa gsum po de gsum gyis sems

@188a can la byams pas khyab par byed pa'i bsod nams ches mang
ngo/ /de'i bsod nams pas kyang sems dang po bskyed pa'i bsod
nams ches mang ngo/ /gal te 'jig rten gyi khams gang gA'i klung
gi bye ma snyed yungs 'brus gang ba'i 'bru

re re la yang yungs 'bru de rnams ji snyed pa'i cha re gses pa'i
grangs kyi gling bzhi'i sems can thams cad shA ri'i bu lta bu'i
shes rab dang ldan par gyur kyang/ yungs 'bru gcig gi grangs
kyang bskal par yang mi chod na thams cad lta ci smos/ shar
phyogs la

sogs par phyogs re re'i yungs 'bru de thams cad snyed kyi'ang
'jig rten gyi khams 'das par yungs 'bru'i cha re re por yang
phyogs re rer yungs 'bru'i cha de thams cad zad kyang 'jig rten
gyi khams ni zad pa med de/ de ltar phyogs bcu nas nam mkha'i
mthas

khyab pa'i 'jig rten gyi khams thams cad rin po che sna bdun
gyis bkang ste sbyin pa byin pas ni/ byang chub kyi sems dang po
bskyed pa lhag pa'i bsam pa phun sum tshogs pa g.yo sgyu med pa/
sems can thams cad rab tu sgrol bar brtson pa'i byams pa dang
snying rje

bsgom pa'i bsod nams bsdus pa de'i char yang mi phod do zhes so/
/'jam dpal gyi zhing gi bkod pa las kyang/ chos gcig dang ldan
na myur du mngon par rdzogs par 'tshang rgya zhing sangs rgyas
kyi zhing bkod pa phul du phyin pa sbyong ste/ de sems can thams
cad la

snying rje dang lhag pa'i bsam pas byang chub kyi sems bskyed
pa'o/ /lhag pa'i bsam pa ni byang chub kyi phyir sems bskyed nas
mi dge ba'i las gang yang mi spyod pa ste/ 'dod chags dang zhe
sdang dang gti mug mi spyod/ khyim pa'i rtags la sred pa mi
spyod/ rab tu

byung bas rnyed pa dang bkur sti dang tshigs su bcad pa mi 'dod/
rab tu byung ba'i bsgrub pa la gnas te chos thams cad yang dag
par rtogs pa'o/ /de ji lta bar rtogs pa ni sgyu ma lta bu dben
pa stong par rtogs pa ste/ de'ang yang dag par rjes su mi
mthong/ mi

@188b shes rlom sems su mi byed/ mi rtog la rtog pa thams cad
nye bar zhi ba'o/ /de ltar rtog na rang gis ji ltar shes pa
gzhan la ston cing sems can dang chos kyang mi dmigs par sems
can yongs su mi gtong ba'o zhes so// !/sdong po bkod pa las
'byung ba

las sbyin pa las byung ba la sogs pa zil gyis gnon pa ni/ gzhan
yang dang po'i sems kyi bsod nams kyang/ /gting dpag dka' bas
kun mkhyen spyod yul nyid/ /phyogs bcu'i sems can bskal mang bde
kun gyis/ /tshim byas tshul khrims dang ni bsgoms

byung dang/ /slob dang mi slob rang rgyal 'bras bu la/ /bkod pas
'di yi bsod nams char mi phod/ /mdo de las byang chub sems dpa'i
sems dang po bskyed pa'i bsod nams ni shes par dka'/ yid chis
par dka'/ brtag pa la sogs par dka' ste/ sangs

rgyas kyi ye shes kyi yul du zad do/ /la la zhig gis shar phyogs
su 'jig rten gyi khams grangs med pa'i sems can thams cad la
bskal par bde bar spyad pa thams cad kyis bsnyen bkur byas te
bslab pa'i gzhi lnga la btsud la/ de ltar phyogs thams cad
du'ang byas

pa'i bsod nams kyis ni 'di'i char yang mi phod do/ /dpe de lta
zhog ste phyogs bcu'i sems can thams cad bskal pa brgyar de ltar
bsnyen bkur nas dge ba bcu'i las kyi lam la bzhag pa dang/ bskal
pa stong du bkur te bsam gtan bzhi dang/ brgya stong du

bkur te tshad med pa bzhi dang/ bye bar bkur te gzugs med pa'i
snyoms par 'jug pa bzhi dang/ bye ba phrag brgyar bkur te rgyun
tu zhugs pa dang/ bye ba stong du bkur te lan cig phyir 'ong ba
dang/ bye ba 'bum du bkur te phyir mi 'ong ba dang/ bye ba khrag
khrig

bkur te dgra bcom pa dang/ bye ba khrag khrig 'bum du bde bar
spyad pa thams cad kyis bsnyen bkur byas te rang sangs rgyas la
bzhag pa'i bsod nams kyis kyang sems dang po bskyed pa'i bsod
nams kyi char yang mi phod do// !/de'i 'thad pa ni/ gang phyir
de snyed dge bas

@189a @#/ /sangs rgyas kyi/ /rigs 'tsho mi nus 'dis ni 'jig rten
kun/ /bsgral phyir zhugs las rgyal ba kun gyi gdung/ /rgyun mi
'chad par nye bar gnas phyir ro/ /yang de ci'i phyir zhe na/ de
tsam gyis ni sangs rgyas su mi 'gyur gyi/ 'dis ni 'jig rten

gyi khams thams cad khyab par sangs rgyas kyi rigs rgyun mi
'chad pas sems can thams cad bsgral bar sems bskyed pa'i phyir
ro zhes so// !/'jig rten shes pa zil gyis gnon pa ni/ gzhan yang
phyogs bcu'i 'jig rten khams dang ni/ /sems

can khams mang rgyud dang 'jig chags dang/ /mos dang dbang sogs
shes par nus srid kyi/ /dang po'i sems kyi bsod nams zad mi nus/
/gang phyir 'dis ni 'jig rten mtha' yas pa'i/ /'jug kun shes kyi
de tsam gyis min phyir/ /yang mi la las shar phyogs

su sems bskyed pa gcig gis 'jig rten gyi khams grangs med pa
'das la/ sems bskyed pa de 'dra bas bskal pa grangs med pa 'das
kyang/ 'jig rten gyi khams brgyud pa ma zad nas/ mi gnyis pa
zhig gis de kho na ltar 'das kyang ma zad pa nas mi bcu pa'i bar
gyis

'das kyang zad par mi shes so/ /phyogs bcu car du 'ang de bzhin
te de lta bu'i 'jig rten gyi khams brgyud pa ni shes par rung gi
/byang chub kyi sems dang po'i bsod nams ni mtha' med de/ de ni
phyogs bcu'i 'jig rten gyi khams mtha' yas pa yangs

pa dog par dang/ dog pa yangs par dang/ snrel zhi la spyi'u
tshugs su dang/ spyi'u tshugs snrel zhi la sogs par shes pa skye'i
tshad de tsam gyis ni ma yin pa'i phyir ro/ /yang de kho na ltar
skyes bu bcus phyogs bcu'i 'jig rten gyi khams 'jig pa dang
chags pa

bgrangs pa'i mtha' ni shes par srid kyi/ 'di'i bsod nams ni ma
yin te/ 'jig rten gyi khams ma lus pa thams cad kyi 'jig rten
'jigs pa dang chags pa shes pa la 'jug pa'i phyir skye bas na
bskal pa ring po la thung ngu dang/ gcig la grangs med pa dang/
grangs

@189b med pa la gcig la sogs par 'jug pa shes par bya ba'i phyir
sems de skye bas so/ /de kho na ltar phyogs bcu'i sems can thams
cad kyi mos pa sna tshogs dang/ dbang po dang bsam pa dang/ sbyor
ba dang/ las dang nyon mongs pa sna tshogs skye ba'ang

sbyar ro// !/skabs kyi don bsdu ba ni/ de phyir rgyal ba'i bsod
nams mtha' yas dang/ /rgyal sras rang rgyal nyan thos ma lus
dang/ /'jig rten 'jig rten 'das pa'i chos rnams kun/ /'di las
'thob cing 'di yis bsdus pa'o/ /des na sangs rgyas

ma lus pa'i yon tan thams cad dang/ byang chub sems dpa' dang
nyan thos dang rang sangs rgyas kyi chos thams cad dang/ 'jig
rten dang 'jig rten las 'das pa'i chos thams cad ni des bskyed
cing der 'dus pa'o zhes so/ /bslab pa kun las btus

par yang bsod nams thams cad bsdu ba'i phyir byang chub kyi sems
brtan par bya ste/ rgyal bu seng ges zhus pa las/ bsod nams
thams cad bsdu ba ni/ /chos gang gis ni 'thob par 'gyur/ /sems
can thams cad thar bya'i phyir/ /byang chub don du sems

btud pa/ /des ni chos kun bsdu ba 'thob ces so/ /gsang ba'i mdo
las kyang/ 'khor los bsgyur ba la rin po che bdun 'byung ba
ltar/ byang chub kyi sems las kyang pha rol tu phyin pa drug
dang thabs la mkhas pa ste chos rin po che bdun la sogs pa thams

cad 'byung ngo zhes so// !/sdug bsngal thams cad gcod pa ni/
thub la brten nas sems mchog 'di bzung na/ /srid pa'i sdug
bsngal kun las 'da' bar 'gyur/ /nyi ma'i snying po las/ dge ba'i
don du zhing gcig las/ /nged cag thams cad gshegs pa

yin/ /sangs rgyas rnams ni mi bzhugs na/ /sus kyang dpal chen mi
'thob bo/ /khyed cag gis ni byang chub tu/ /gcig tu sems ni
gzhol byas nas/ /khyed cag phyin chad 'khor bar ni/ /sdug bsngal
skye bar mi 'gyur ro zhes so// !/de thams cad pas bsngags pa

@190a ni/ de ni sa bon zhing sa chu rlung me/ /nyi zla sgron mig
mu stegs lam bzhon sgo  / /bza' shing ra ba gzhal med khang gnas
brten/ /pha ma ma ma rgyal blon mtsho chen gzhi/ /rin chen khor
yug gangs ri spos ngad ldang/ /nam mkha' padma glang po cang

shes rta/ /kha lo bsgyur dang sman pa sa 'og dang/ /rdo rje spos
snod me tog can dan bsil/ /a ka ru nag sman rgyal blta sdug
dang/ /'bral byed sman dang dbang po ngal bso ba/ /lhab lhub
bskal me rtsa phra sman rgyal dpal/ /klu yi rin chen chu mdangs
yid bzhin

mchog /bum bzang 'dod 'byin sdong po shing bal rgyud/ /ngang ris
can gos 'de'u thung mda' mdung gshol/ /go ca ral gri ral so mda'
ste'u kha/ /dpa' bo ro mtshon lag cha sta re mtshon/ /lag rkang
mig mkhan skam pa tsher bzung nor/ /mdza' bo gtsug lag me

long chu mig gter/ /pad dkar klung chen klu rgyal srog dbang po/
/bdud rtsi kun nas 'khor snying mchil pa sngags/ /dug gi gnyen
po dug sman rlung dkyil 'khor/ /rin chen gling rigs 'byung gnas
tshod dus snod/ /chu khams sbrang rtsi'i gnas dang gnas khang
mar/ /

khab long indra nI la bai DUrya/ /'dzam gling gser rgyan ri
rab tho rangs rnga/ /don skyabs mchod sbyin dang ba'i chu dang
'byig /rgan pa gleng gzhi mdor bstan srung ma rdzi/ /dbang po'i
mig 'phrul de'i me chu lha'i zhags/ /mchod rten dpe las nyi shu
lhag bcas brgya/ /rtsi dang rin

chen shing sogs khyad par gyi/ /dpes kyang rmad byung yon tan
dpag yas rnams/ /ji skad gsungs bzhin blta bas rnam nges bya/
/mdor na sangs rgyas yon tan chos kun ni/ /'di la gnas pas rgyal
sras spyod mchog gis/ /dkyil 'khor kun 'byung gang gis 'di

bskyed de/ /dus gsum rgyal ba'i bsngags tshogs ma lus bzung/
/sdong po bkod pa las/ rigs kyi bu byang chub kyi sems ni sangs
rgyas kyi chos thams cad kyi sa bon lta bu'o/ /'gro ba thams cad
kyi chos dkar po rnam par 'phel bar byed pas zhing lta bu'o/
/'jig rten

@190b thams cad rten pas sa lta bu'o/ /nyon mongs pa'i dri ma
thams cad dag par byed pas chu lta bu'o/ /'jig rten pa thams cad
la mi brten pas rlung lta bu'o/ /lta ba'i rtsa thams cad bsreg
pas me lta bu'o/ /sems can thams cad kyi gnas su snang bar byed
pas

nyi ma lta bu'o/ /chos dkar po thams cad kyi dkyil 'khor rgyas
par byed pas zla ba lta bu'o/ /chos thams cad kyi snang ba byed
pas sgron ma lta bu'o/ /mnyam pa dang mi mnyam pa thams cad
mthong bar byed pas mig lta bu'o/ /mu stegs ngan pa thams cad
spong bar

byed pas mu stegs lta bu'o/ /thams cad mkhyen pa'i grong khyer
du phyin par byed pas lam lta bu'o/ /byang chub sems dpa' thams
cad gnas pas bzhon pa lta bu'o/ /byang chub sems dpa'i spyod
pa'i sgor 'jug pas na sgo lta bu'o/ /chos kyi dga' ba dang mos
pa myong

bar byed pas bza' shing gi ra ba lta bu'o/ /ting nge 'dzin gyi
khang par gnas par byed pas gzhal med khang lta bu'o/ /'gro ba
thams cad skyob pas gnas lta bu'o/ /'jig rten thams cad la phan
pa bskyed pas rten lta bu'o/ /byang chub sems dpa' thams cad
bsrung bas pha

lta bu'o/ /byang chub sems dpa' thams cad bskyed pas ma lta
bu'o/ /byang chub sems dpa' thams cad skyong bas ma ma lta bu'o/
/nyan thos dang rang rgyal thams cad zil gyis gnon pas rgyal po
lta bu'o/ /smon lam khyad par du 'phags pas blon po lta bu'o/
/yon tan

thams cad 'du bas mtsho chen po lta bu'o/ /byang chub sems dpa'i
spyad pa spyod par byed pas gzhi lta bu'o/ /sems can thams cad
la sems mnyam pas rin po che lta bu'o/ /'jig rten thams cad
brten pas khor yug lta bu'o/ /ye shes kyi sman thams cad 'phel

bar byed pas gangs ri lta bu'o/ /yon tan gyi spos thams cad kyi
gnas su gyur pas ri spos ngad ldang lta bu'o/ /yon tan rgya che
bas nam mkha' lta bu'o/ /'jig rten gyi chos kyis mi gos pas
padma lta bu'o/ /sems dul zhing cang shes pas glang po lta bu'o/
/rgod pa dang@191a bral bas rta cang shes lta bu'o/ /theg pa chen
po
skyong ba'i sngon du 'gro bas kha lo sgyur ba lta bu'o/ /nyon
mongs pa'i nad gso bar byed pas sman pa lta bu'o/ /sdig pa thams
cad las thar par byed pas sa'i 'og lta bu'o/ /chos thams cad

nges par rtogs par byed pas rdo rje lta bu'o/ /yon tan gyi dri
zhim po dang ldan pas spos snod lta bu'o/ /'jig rten pas mthong
na dga' bas me tog lta bu'o/ /'dod chags kyi gdung ba bsil bar
byed pas kha ba'i tsan dan lta bu'o/ /chos kyi dbyings rgyas par

'gengs pas a ga ru nag po lta bu'o/ /nyon mongs pa'i nad thams
cad 'dzoms pas sman gyi rgyal po blta na sdug lta bu'o/ /bag la
nyal gyi zug rdu 'byin pas 'bral bar byed pa'i sman lta bu'o/
/dbang po kun dbang bsgyur bas dbang po lta bu'o/ /dbul ba thams
cad sel

bas ngal bso ba lta bu'o/ /byang chub sems dpa' mdzes par byed
pas lhab lhub lta bu'o/ /nyes byas thams cad bsreg pas bskal
pa'i me lta bu'o/ /sangs rgyas kyi chos thams cad 'phel bar byed
pas rtsa ba ma dkrugs pa'i sman gyi rgyal po lta bu'o/ /yon tan
thams

cad kyis brgyan par byed pas dpal lta bu'o/ /nyon mongs pa'i dug
sel bas klu'i rin po che lta bu'o/ /rnyog pa thams cad sel bas
rin po che chu dwangs lta bu'o/ /don thams cad sgrub par byed
pas yid bzhin gyi rin po che'i rgyal po lta bu'o/ /bsam pa thams

cad rdzogs par byed pas bum pa bzang po lta bu'o/ /yon tan gyi
rgyan char du 'bebs pas 'dod 'byin gyi shing rta lta bu'o/ /rang
bzhin gyis 'od gsal bas shing bal gyi rgyud lta bu'o/ /'khor
ba'i skyon thams cad dang ma 'dres pas gos dang ris can lta
bu'o/ /'jig

tshogs la lta ba'i go cha brtol bar byed pas mde'u thung lta
bu'o/ /sdug bsngal gyi 'ben 'bigs par byed pas mda' lta bu'o/
/nyon mongs pa'i dgra 'dul bar byed bas mdung thung lta bu'o/
/bsam pa'i zhing yongs su sbyong bas gshol lta bu'o/ /tshul bzhin
ma yin pa

@191b 'gebs par byed pas go cha lta bu'o/ /nyon mongs pa'i klad
pa 'gems pas ral gri lta bu'o/ /nga rgyal gyi dregs pa dang rlom
pa'i go cha 'dral bas ral gri'i so lta bu'o/ /bag la nyal gyi go
cha gshog pas mde'u ste'u kha lta bu'o/ /nga rgyal gyi rgyal
mtshan snyol bas dpa'

bo'i ru mtshon lta bu'o/ /mi shes pa'i shing bsgyel bas lag cha
lta bu'o/ /sdug bsngal gyi shing gcod pas sta re lta bu'o/ /gnod
pa thams cad las skyob pas mtshon cha lta bu'o/ /pha rol tu phyin
pa'i lus bsrung bas lag pa lta bu'o/ /yon tan thams cad la so
sor 'god pas

rkang pa lta bu'o/ /ma rig pa'i ling tog sel bas mig mkhan lta
bu'o/ /'jig tshogs kyi zug rngu 'byin pas skam pa lta bu'o/ /bag
la nyal gyi tsher ma 'don pas tsher bzung lta bu'o/ /gnod pa thams
cad sel bas nor lta bu'o/ /'khor ba'i bcings pa 'grol bas mdza'

bo lta bu'o/ /byang chub sems dpa'i spyod pa kun 'byung ba'i lam
shes par byed pas gtsug lag lta bu'o/ /chos thams cad kyi gzugs
brnyan ston pas me long lta bu'o/ /ye shes mi zad pa 'byung bas
chu mig lta bu'o/ /bsod nams zad mi shes pas gter lta bu'o/ /'go

ba med pas padma dkar po lta bu'o/ /pha rol tu phyin pa dang
bsdu ba'i dngos po rtag tu 'bebs pas chu klung chen po lta bu'o/
/chos kyi sprin las char 'bebs pas klu'i rgyal po lta bu'o/
/snying rje chen po yongs su 'dzin pas srog gi dbang po lta
bu'o/ /'chi ba med pa'i dbyings

su bskyel pas bdud rtsi lta bu'o/ /gdul bya sdud cing 'dren pas
kun nas 'khor ba'i snying po lta bu'o/ /'khor ba'i chu las 'byin
pas mchil pa lta bu'o/ /tshul bzhin ma yin pa yid la byed pa'i
dug sbyong bas sngags lta bu'o/ /'dod pa'i dug sel bas dug gi
gnyen po

lta bu'o/ /shin tu na ba sel bas dug sman lta bu'o/ /sgrib pa
dang bar chad kyi rtswa thams cad 'thor bas rlung gi dkyil 'khor
lta bu'o/ /byang chub kyi phyogs kyi chos rin po che thams cad
'byung bas rin po che'i gling lta bu'o/ /chos dkar po thams cad
'byung bas rigs

@192a lta bu'o/ /yon tan thams cad skye ba'i sgo yin pas
'byung gnas lta bu'o/ /byang chub sems dpa'i tshong pas spyad par
bya bas tshong dus lta bu'o/ /chos dkar po thams cad 'dzin pas
snod lta bu'o/ /las dang nyon mongs kyi sgrib pa'i dri ma sbyong

bas chu'i khams lta bu'o/ /thams cad mkhyen pa'i tshogs yongs su
rdzogs par byed pas sbrang rtsi'i gnas lta bu'o/ /rnam par dgos
pa thams cad ston pas gnas khang lta bu'o/ /nyon mongs pa'i rdul
gnon pas mar lta bu'o/ /nyan thos kyi rnam par grol ba dang

mi 'dre bas khab long lta bu'o/ /nyan thos dang rang rgyal ba
dang 'jig rten pa thams cad zil gyis gnon pas indra nI la lta
bu'o/ /rang bzhin dri ma med pas baiDU rya lta bu'o/ /'dus byas
dang 'dus ma byas kyi dge ba zil gyis gnon pas 'dzam bu'i gling
gi gser gyi

rgyan lta bu'o/ /'jig rten gsum las mngon par 'phags pas ri rab
lta bu'o/ /nyon mongs pa'i gnyid kyis myos pa sel bas tho rangs
kyi rnga lta bu'o/ /don ma yin pa thams cad 'joms pas don lta
bu'o/ /skyabs 'tshol ba rnams mi gtong bas skyabs lta bu'o/ /'gro

ba kun tshim par byed pas mchod sbyin chen po lta bu'o/ /rnyog pa
med pas na chu dwang ba lta bu'o/ /snying dga' bar byed pas dbyig
lta
bu'o/ /'gro ba thams cad kyi sems kyi gtso bo thu bo yin pas rgan
pa
lta bu'o/ /sangs rgyas kyi chos thams cad 'dzin pas gleng gzhi
lta bu'o/

byang chub sems dpa'i spyod pa dang smon lam thams cad sdud pas
na mdor bstan pa lta bu'o/ /sdig to thams cad bzlog pas bsrung
ma lta bu'o/ /'jig rten thams cad skyong bas rdzi bo lta bu'o/
/nyon mongs pa'i lha ma yin 'dren pas dbang po'i mig 'phrul lta
bu'o/ /

bag chags dang nyon mongs pa thams cad gzhob tu rlog pas dbang
po'i me lta bu'o/ /gdul bya 'dren par byed pas chu lha'i zhags
pa lta bu'o/ /lha dang lha ma yin du bcas pa'i 'jig rten la
mchod rten lta bu'o zhes so/ /yang gser 'gyur gyi rtsi ltar dman
pa las

@192b mchog tu bsgyur zhing de nyid ni dman pas nyams par bya mi
nus pa la sogs pa'ang rgya cher gsungs te de nyid las blta bar
nges par bya'o/ /yang mdor bsdus pa gsungs pa de ni yon tan de
dag dang/ yon tan tshad med pa gzhan dang yang ldan te mdor

na sangs rgyas kyi chos thams cad dang sangs rgyas kyi yon tan
ji snyed pa de snyed byang chub kyi sems la yang yod de/ 'di las
byang chub sems dpa'i spyod pa'i dkyil 'khor thams cad 'byung
bas dus gsum gyi sangs rgyas thams cad 'byung ba'o/ /de bas na

gang gis 'di bskyed pa de ni thams cad mkhyen pa'i sems dang lhag
pa'i bsam pas shin tu bzung nas yon tan tshad med pa phun sum
tshogs pa dang ldan pa'o zhes so/ /gal te de lta bu'i phan yon
dpag tu med pa 'byung ba ni sa thob pa'i byang chub kyi sems yin

gyis/ nyes pa thams cad kyi snod du gyur pa dag la de ji ltar
skye snyam na// !/so se'i skye bo la yang byang chub kyi sems dam
pa de skye bar bsgrub pa ni/ 'di ni byis pa'i sa la'ang nges
'thob ste/ /'jig tshogs lta dang ma rig khong khros bsgribs/
/sbyor ba dman par zhugs pa blo

chung ba/ /mos spyod chung ngu sogs la'ang gsungs phyir ro/
/lung la brten pa'i rigs pa ste byang chub sems dpa' la'ang sa
thob pa dang mi mthun pa'i nyon mongs pa dang sdug bsngal dang
las kyi sgrib pa dang/ sgrub pa la dman pa la 'jug pa dmigs par
gsungs pas

de la skye bar bsgrub pa'o/ /'di ltar dri ma med par grags pas
bstan pa las/ 'jig tshogs la lta ba ri rab dang mnyam pa'i nang
nas bral nas byang chub kyi sems skye bar gsungs so/ /dkon mchog
za ma tog las kyang/ ka la ping ka'i phru gu sgo nga'i nang na
yang ka la ping ka'i

sgra 'byin pa ltar/ byang chub sems dpa' ma rig pa'i sgo nga'i
sbubs gyi nang na 'dug pa bdag tu lta ba ma brtol cing khams
gsum nas ma byung yang stong pa nyid la sogs pa sangs rgyas kyi
sgra 'byin to zhes so/ /nges pa dang ma nges pa la 'jug pa'i
phyag rgya las kyang/ gang

@193a la la byang chub tu sems bskyed la/ theg pa chen po mi
'dzin mi klog par nyan thos kyi theg pa pa la brten cing de'i
theg pa klog cing kha ton byed/ dpyod par byed la/ gzhan dag
kyang klog pa la sogs pa byed du 'jug na de ni shes rab rtul

por 'gyur te bla na med pa'i ye shes kyi lam las phyir ldog go
/de'i byang chub kyi sems bsgoms pa las byung ba'i shes rab kyi
dbang po rtul por bsgyur zhing nyams par byed de 'di ni phyugs
kyi shing rta lta bus 'gro ba'i byang chub sems dpa'o zhes te/
de lta bu

ni tshogs kyi lam la dang por zhugs pa dag gi dbang du byas pa
yin gyi/ de lta bu'i nyes pa dag sa thob pa la ga la srid/ de
bas na mos pa spyod pa rab tu phyin pa'i byang chub sems dpa'
yang dkon mchog sprin las byis ba'i spyod pa dang log par 'jug
pa thams

cad las 'das pa dang/ ting nge 'dzin dang gzungs dang rnam par
thar pa dang/ mngon par shes pa la sogs pa yon tan grangs med pa
dang ldan par gsungs pa'i phyir ro/ /'o na yang sbyin pa la sogs
pa'i spyod pa dam pa mang po dang ldan pa la yin gyi/ byang chub

tu smon pa'i bsam pa tsam gyis phan yon de lta bu thob na ni/ ha
cang thal bar 'gyur ro snyam na// !/bsam pa tsam gyis kyang 'thob
par bsgrub pa ni/ de ni 'gro kun bsgral phyir bskyed pas na/
/bsam pa tsam yang phan yon mtha' yas ldan/ /bslab pa kun las

btus pa las/ byang chub kyi sems ni spyod pa dang bral ba la
yang brnyas par mi bya ste/ des kyang 'khor ba pa'i bde ba mtha'
yas pa bskyed pa'i phyir ro/ /sdong po bkod pa las/ rdo rje rin
po che ni chag kyang gser gyi rgyan bzang po thams cad zil gyis
gnon cing rdo rje

rin po che'i ming yang mi 'dor la/ dbul ba thams cad kyang rnam
par bzlog go /de bzhin du thams cad mkhyen par sems bskyed pa'i
rdo rje rin po che ni nan tan dang bral yang nyan thos dang rang
rgyal gyi yon tan thams cad zil gyis gnon cing byang chub sems
dpa'i

@193b ming yang mi 'dor la/ 'khor ba'i dbul ba thams cad kyang
rnam par bzlog go zhes so/ /rgyal po la gdams pa las kyang/
rgyal po chen po khyod ni bya ba mang po byed pa mang bas nyin
mtshan du rnam pa thams cad nas sbyin pa'i pha rol tu phyin pa la
sogs pa

la bslab par mi nus kyi/ des na khyod yang dag par rdzogs pa'i
byang chub la 'dun pa dang/ dad pa dang smon pa 'gro ba la sogs
pa'i spyod lam thams cad dang/ za ba la sogs pa'i dus thams cad
du dran par gyis la sgoms shig /sangs rgyas la sogs

pa thams cad kyi dus gsum gyi dge ba'i rtsa ba thams cad bsdus
la rjes su yi rang ba mchog gis rjes su yi rang bar gyis shig
/rjes su yi rang nas sangs rgyas la sogs pa thams cad la mchod
par phul cig /sems can thams cad dang thun mong du nyin

re zhing dus gsum du byang chub chen por sngos shig /khyod de
lta bur zhugs na rgyal po'i bya ba yang mi nyams la byang chub
kyi tshogs kyang rdzogs par 'gyur ro/ /khyod byang chub kyi sems
de'i dge ba'i rtsa bas lan du mar lha'i nang du skyes/ lan du
mar mi'i nang du skyes te/

thams cad du dbang po byed par gyur kyang da dung dge ba'i rtsa
ba de la dbri ba dang gang bar mi mngon no/ /de ci'i phyir zhe
na/ byang chub kyi sems de lan gcig skyes pa yang sems can ma
lus pa thams cad bsgral ba dang dgrol ba dang/ dbugs dbyung pa
dang/ mya ngan las bzla

bar dmigs pa'i phyir/ dge ba'i rtsa ba dpag tu med pa gsog par
'gyur na de ltar lan mang du byed pa lta ci smos zhes so/ /ha
cang thal bar yang mi 'gyur te byang chub kyi sems bskyed pa
tsam gyis dngos su 'bras bu de dag 'thob pa ni mi 'dod la/ de'i
rgyu dang

dmigs pa la sogs pa las skyes pa'i khyad par las skyes pa tsam
nyid nas phan yon de dag thams cad la nus pa gnas pa ni gdon mi
za bar shes par bya'o// !/tshul khrims kyi sdom pa ni/ 'khor los
bsgyur ba khang bzang legs bstar zhing/ /rgyan gyis

@194a spras par spyan drangs gzhan min ltar/ /sems kyi rgyal
po'ang tshul khrims rgyan spras pas/ /lus ngag yid gsum dri ma
med par bskyed/ /byang chub kyi sems dang ting nge 'dzin la sogs
pa'i yon tan dam pa thams cad tshul khrims rin

po che'i gzhi la brten par mang du gsungs shing/ 'di ni shin tu
'thad pa'ang yin te lus dang ngag dang yid gyis srog bcod pa la
sogs pa'i nyes par spyod pa kun nas slong nus pa'i nyon mongs pa
rags pa tsam yang rnam par ma mnan pa'i rgyud la ni yon tan 'di

dag skye ba'i skabs med par gsal ba'i phyir ro/ /des na so sor
thar pa'i sdom pa zhes bya ba ni gzhan la gnod pa gzhi dang bcas
pa spong bas mi dge ba bcu chang dang bcas pa las ldog pa/ bcas
pa'i kha na ma tho ba ci rigs pa spong ba'i 'khor dang bcas pa'i
tshul

khrims te/ tha na dge bsnyen gyis kyang dug dang mtshon dang
chang 'tshong ba la sogs pa'ang spang bar bya ba yin pas so/
/'di'ang theg pa mtha' dag gi spong ba thun mong pa/ bsam pa'i
khyad par gyis nyan thos la sogs pa'i sdom pa so sor bzhag pa
yin pas na/ gzhan

don du mos pa la sogs pas zin pa'i sdom pa'i rigs gang rung zhig
med pas srog gcod pa la sogs pas gzhan la gnod pa byed pa'i nyes
par spyod pa las ma log pa la/ snying rjes rang gi don la mi lta
bar gzhan gces par 'dzin pas phan 'dogs pa'i sems

skye ba ni mi srid pa'i phyir ro/ /sdom pa rgya chen de yi rten
zhes rje btsun gyis gsungs la/ 'grel bar yang sems de'i rten
gang zhe na/ byang chub sems dpa'i tshul khrims kyi sdom pa ni
rten to zhes gsungs pa'o/ /des na 'khor los bsgyur ba'i rgyal po
spyan drang ba'i

gnas ni khang bzang byi dor byas pa rin po che la sogs pa'i
rgyan gyis spras pa la sogs pa'i sa phyogs bzang po dag yin gyi
lud dang ljan ljin la sogs pas khyab pa ma yin pa ltar/ sems kyi
rgyal po de'ang tshul khrims la sogs pa'i rgyan dam pa dang ldan
pa lus

@194b ngag yid gsum sdig pa'i dri mas ma gos pa bsod nams dam
pas nye bar brtan pa'i rgyud kyis bskyed par bya'i gzhan du ni
ma yin par nges par lta'o/ /de'i phyir sdom pa la ma ltos par
skye bar 'dod pa rnams ni rang dga' 'ba' zhig gis sbyar ba'i
blun chos su

zad do/ ! /theg pa chen po'i skyabs su 'gro ba ni/ de yang bdag
nyid 'jigs pas bag 'khums shing/ /bde bas phongs la gnas 'di'i
skal med pas/ /'gro ba'i skyabs mchog gsum la legs rton cing/
/skyabs kyi go 'phang bgrod phyir rab 'bad bya/ /

'gro ba'i don du sangs rgyas 'dod pa de'ang bdag nyid 'khor ba'i
sdug bsngal dang sgrib pa'i 'jigs pa las ma thar cing yon tan
gyi dbang phyug dam pas bde ba'i go 'phang ma thob pas ni bsgrub
par mi nus pas tshig tsam du 'gyur ba'i phyir/ lha dang bcas pa'i

'jig rten mtha' dag gi skyabs kyi mchog 'jigs pa thams cad las
'das shing bde legs kyi yon tan thams cad la dbang bsgyur ba/
theg pa chen po'i skyabs gsum po la bdag gis bsgrub par bya ba'i
go 'phang de'i rgyu dang 'bras bu nyid du blo rab tu bltos shing

khas len la dam 'cha' ba ste/ theg pa chen po'i lam gyi ston pa
dang lam gyi rang bzhin dang/ lam gyi grogs su gyur pa'i rgyu
'di dag la brten nas/ rang gis kyang 'bras bu gsum po 'di lta bu
thob par byas la go 'phang de bsgrub par bya'o zhes/ skyabs su

'gro ba'i rtsa ba brtan pa las sems kyi mchog de yang brtan por
'thob par 'gyur gyi/ de med par ma yin pa'i phyir/ skyabs 'gro
'di la nan tan bya ste/ rje btsun gyis/ 'di ni de'i dngos 'dod
pas khas len de'ang snying rje las rig bya/ /de las rnam pa kun
mkhyen

phan dang bde byed dka' la skyo ba med/ /nges par 'byung ba theg
pa kun gyis rton pa'i yon tan rtag tu ldan/ /brda' dang chos
nyid thob pa blo ldan rnams kyi skyabs 'gro 'di mchog yin zhes
gsungs pa ltar/ ngo bo nyid dang rgyu dang 'bras bu dang las
dang ldan pa

@195a dang dbye ba'i don drug gi khyad par dang ldan pa/
de'ang bsam pa dang sbyor ba gnyis kyis rdzogs pa'i byang chub
mchog thob byar khas len pa'i mtshan nyid can te/ gang zhig dka'
ba mang pos byang chub mchog don gnyer/ /gang zhig skyo

ba med par dka' ba yang dag spyod/ /gang zhig rnam sangs rgyas
nas sangs rgyas kun mnyam 'gyur/ /blo ldan de ni khas len mchog
tu shes par bya zhes gsungs pa'o/ /'o na de'ang 'gro ba'i don du
sangs rgyas 'dod pa las ma 'das pa'i phyir na smon pa'i sems
dang

khyad par ci yod ce na/ de ni 'di ltar lta ste/ skyabs 'gro 'di
ni sngar bshad pa ltar dang por theg pa chen po'i chos mnyan te
bsams shing bsgoms pa'am dge ba'i bshes gnyen gyis bsgo zhing
bskul ba sngon du byas pa'i cho ga la sogs pa las snying rjes
'gro ba'i don du

sangs rgyas nyid 'dod pas bsam pa dang sbyor ba'i sgo nas thob
byar khas len pa'i blo rkyang pa 'byung ba yin la/ smon pa'i
sems ni de'i 'og tu sdom pa 'ga' zhig sngar med na'ang yang dag
par blang ba la sogs pa'i rgyu gzhan la'ang bltos nas/ sngar gyi
bsam pa de

dam 'cha' ba'i lcags kyu khas len gyi shes pa gnyis pa zhig gis
'di snying po byang chub kyi mthar thug par skad cig kyang yal
bar mi 'dor bar bskyed par bya'o zhes rgyud la brtan par bcings
shing dbang du byas pa'i gnas skabs phyi ma thob pa'i khyad par
can gyi

bsam pa rin po che bskyed pa'o/ /des na dbus mtha' las/ sems
bskyed ba'i rgyu ni ngo bo skye ba'i byed rgyu ma yin gyi/ lus
grub zin pa la sa la sogs pa ltar yang dag par 'dzin pa'i byed
rgyur gsal bar gsungs so/ /de nas sngar gyi sbyor ba de dam
'cha'

ba'i shes pas brtan par bzung ba'i gnas skabs thob pa ni byang
chub sems dpa'i bslab pa'am spyod pa ste/ de 'dzin pa ni sdom pa
blang ba'i cho ga las 'chad par 'gyur bas ha cang spros pas chog
go /skyabs 'gro de'ang 'jam dpal rnam par rol pa las/ /

@195b pha ma khyod kyi skyabs ma yin/ /mdza' bshes rtsa lag
rnams kyang yin/ /de dag gis ni khyod bor nas/ /ji ltar 'dod pa
bzhin du 'gro/ /'jigs 'gyur 'jigs pa sel mdzad cing/ /skyabs med
skyob pa'i sangs rgyas dang/ /chos dang tshogs mchog dge 'dun la/
/

de ring skyabs su 'gro bar gyis/ /lha dang dri za mi rnams las/
/gang dag de la skyabs song ba/ /'jigs pa kun las thar bar
'gyur/ /bde ba rnyed pa dka' ba med ces so/ /ma dros pas zhus pa
las kyang/ zang zing med pa'i sems kyis skyabs su song ba gang

zhe na/ chos thams cad bdag med par shes nas gzugs su ma yin/
mtshan ma ma yin chos su ma yin par/ sangs rgyas yang dag par
mthong ba ni sangs rgyas la skyabs su song ba'o/ /sangs rgyas
kyi chos nyid ni chos kyi dbyings so/ /de ni thams cad kyi

rjes su song ba ste/ de ltar chos thams cad chos kyi dbyings kyi
rjes su song bar mthong ba ni/ chos la skyabs su song ba'o/
/chos kyi dbyings 'dus ma byas bsgom zhing/ nyan thos rnams la
'dus ma byas ston la/ 'dus byas dang 'dus ma byas gnyis su med
par mthong

ba ni zang zing med pa'i sems kyis dge 'dun la skyabs su song
ba'o zhes so/ ! /sems sbyang ba ston pa na tshad med pa'i gzhi
ni/ thog med 'khor bar 'gro kun bdag gi mar/ /gyur nas dka' ba
mang pos bskyangs pa yang/ /grangs las 'das pa'i drin bsams

byas gzo bas/ /gces shing yid 'ong mnyes gshin mang du bsgom/
/ma yi thug mtha' rgya shug tshig gu tsam/ /ril bur bgrangs kyang
sa yis lang mi 'gyur/ /zhes gsungs pas/ 'khor ba thog ma med pa
nas sems can re res bdag gi ma byas shing de'i ltor

nyal ba la sogs pa dka' ba dang sdug bsngal shin tu mang pos
rang gi bde sdug khyad du bsad nas bdag bskyangs shing/ phan pa
dpag tu med pas phan btags pa'ang grangs kyis mi chod pas na/
tha na nu zho nyi tshe 'thungs pa dang smra ba nyi tshe bslabs pa
la sogs pa@196a nu zho'i mi'i gnas skabs gcig tsam gyi drin yang
'khor bar
dka' bar bsams la/ sems can thams cad la phan btags pa'i drin de
lta bu la byas pa shes shing gzo ba las byung ba'i gces shing
yid du 'ong ba dang sdug par 'dzin

pa'i blo yang nas yang du bsten cing bsgom pa mang du bya ba'o//
!/de las byung ba tshad med pa'i ngo bo dang gtso bo dang byed pa
gsum bsdus pa na/ de las tshad med bzhi yi brtser ldan pas/ /gtso
cher byams dang snying rje rab brtan sbyang/ /'di nyid bde mchog
tshad med

'byung gnas te/ /de la lhag bsam dam pas 'gro la lta/ /ngo bo ni
de ltar goms pa las ma drin can rnams la lan du phan pa dang bde
ba dang phrad par 'dod pa ni byams pa'o/ /de ltar 'dod kyang ma
rnams sdug bsngal rgyu dang bcas pas yongs su gdungs par shes

nas de dang bral bar 'dod pa ni snying rje'o/ /bde ba thob pa
dang sdug bsngal dang bral bas sems tshim zhing yi rangs pa ni
dga' ba'o/ /de dag phrad pa dang bral ba'i yul bde sdug la sogs
pa la chags sdang la sogs pa'i nyon mongs pa med pas gtan du bde
zhing

sdug bsngal dang bral bar 'dod pa ni btang snyoms so/ /snga ma
gsum ni bde ba'i bsam pa yin la/ tha ma ni phan pa'i bsam pa ste
thams cad kyang brtse ba'i bsam pa yin pas na/ sems can rnams la
brtse ba can/ /phrad dang bral ba'i dgongs pa can/ /mi

'bral ba yi dgongs pa can/ phan bde dgongs khyod la phyag 'tshal/
/zhes bstod pa'ang gsungs pa'o/ /'di sems bskyed pa'i rgyu yin
par ni 'das chen las/ tshad med pa bzhis ni pha rol tu phyin pa
drug rdzogs par 'gyur gyi spyod pa gzhan gyis ni ma yin no/
/tshad

med pa bzhi las ni byang chub kyi sems skye ste rim gyis 'jig
rten las 'das pa'ang 'thob bo zhes so/ /de la rtsod pa spang
ba'ang gsungs te/ gal te phan bde 'dod pa tsam gyis de mi 'thob
pas tshig tsam du mi 'gyur ram/ thob na ji ltar sangs rgyas dang
byang chub sems

@196b dpa' rnams kyi thugs rjes thams cad bde bar mi mdzad/ des
na dge slong mi sdug pa bsgom pa gos la pags pa dang/ zan la
srin bu dang/ sran tshod la rnag dang zho la klad pa dang phye la
rus phyer 'du shes kyang de dag yang dag pa ma yin pa ltar/ des

phan pa dang bde bar mi 'gyur ro snyam na 'di ni brdzun pa ma
yin te/ ji ltar mngon shes ldan pa yi/ /drang srong sa chen gang
ba la/ /dbang ldan rgyal pos glang chen sogs/ /longs spyod kun
bstob bsod nams kyis/ /byams pa bsgoms pa'i dge ba yi/ /bcu drug

char yang mi phod do/ /zhes bya ba la sogs pa ltar ro zhes so/
/gzhan yang sems ma bsrung na lus ngag kyang bsrung bar mi
'gyur
la/ sems bsrung na lus ngag kyang bsrung bar 'gyur ro/ /lus ngag
ma bsrung na ni ngan song du ltung la bsrung na ni bde 'gro dang

thar pa 'thob bo zhes gsungs te/ des na rtsa ba sems nyid mthu
che bas tshig tsam du mi 'gyur par dgongs pa'o/ /yang byang chub
kyi sems ni dngos po bzhi la brten te tshad med pa bzhi'o/ /des
byang chub kyi sems 'thob pas rtse gcig pas brten to zhes so/
/de

las kyang gtso bo ni byams pa'i brlan las 'byung ba'i snying rje
ste/ khyi la dbyug pa bsnun pas dge tshul yang brgyal ba la sogs
pa ltar/ gzhan gces par 'dzin pas de'i sdug bsngal mi bzod pa
las ni de dag bskyab pa'i phyir sangs rgyas 'dod ches pas byang

chub kyi sems bde blag tu skye bas so/ /des na rnam snang mngon
par byang chub pa las thams cad mkhyen pa ni snying brtse'i rtsa
ba can byang chub sems kyi rgyu las byung bar gsungs la/ rje
btsun gyis kyang/ de'i rtsa ba snying rjer 'dod ces so/ /gzhan
las kyang bdag

gi sdug bsngal chen pos kyang/ /snying rje'i bdag nyid brtan pa
gsal/ /gzhan gyi sdug bsngal chung ngus kyang/ /'dar bar 'gyur
bar byed zhes so/ /byed pa'am che ba ni nyi ma'i snying po las
su zhig dmigs pa med pa'i tshad med pa bsgom pa de la bdud bye

@197a bas kyang mtho btsams pa'am bar chad byed nus pa ni gnas
med do zhes te tshad med thams cad la'ang de ltar dgongs pa'o/
/sprin chen po las kyang byams pa la gnas na dug dang mtshon
dang
me dang chus mi tshugs so/ /pha rol gyis

dmag tshogs kyis zil gyis mi non to/ /bde bar gnyid log cing bde
bar sad par 'gyur ro/ /rang gi bsod nams kyis bsrung bar 'gyur
ro/ /bsod nams chen po'i gzi brjid kyis brjid par 'gyur ro/ /lha
dang bcas pa'i 'jig rten gyis brdzi ba med do/ /

mdzes shing mthong na dga' la/ 'gro ba thams cad du thags thogs
med do/ /sdug bsngal thams cad rgyun chad do/ /rab tu dga' zhing
bde ba dang ldan par 'gyur ro/ /mi'i chos bla ma rtogs par 'gyur
ro/ /shi 'phos na yang tshangs pa'i 'jig rten du skye'o/ /des na

byams pa'i lus dang ngag dang yid kyi las kyis gnas par bya'o/
/zhes so/ /gzhan yang snying rje las sems can la snying thag pa
nas bde ba stob cing sdug bsngal sel bas phan 'dogs pa'i lhag
pa'i bsam pa bskyed la/ de las ni dngos su byang chub kyi

sems skye bas na/ bzhi po bsgrub pa las byang chub sems dpa'i
lhag pa'i bsam pa'i sems bskyed pa ni bzhi ste/ sems can dpag tu
med pa yongs su bsdu ba'i phyir dang/ sems can dpag tu med pa
smin par bya ba'i phyir dang/ dge ba'i rtsa ba dpag tu

med pa bsags pa'i phyir dang/ sangs rgyas kyi chos dpag tu med
pa yongs su rdzogs par bya ba'i phyir sems bskyed par bya'o zhes
so// !/de ltar sems bskyed pa'i rgyu bshad nas mtshan nyid rnam
pa lnga las/ ngo bo nyid kyi mtshan nyid ni/ chos rnams mkha'

dang rmi lam 'drar rtogs nas/ /'gro kun 'khrul pas sdug bsngal
rgyar chud pa/ /kun tu bsgral phyir rdzogs pa'i sangs rgyas
nyid/ /rab tu don gnyer byang chub sems su brjod/ /shes rab kyis
chos thams cad kyi rang bzhin don dam par spros pa'i tshogs

@197b mtha' dag dang bral ba nam mkha' lta bu la/ 'khrul pa'i
ngo bo kun rdzob pa rmi lam lta bu yang dag pa ma yin pa'i kun
tu rtog pa las/ 'gro ba rnams kun nas nyon mongs pa gsum gyi
'khor lo chen pos zo ba'i chu skor ltar khams gsum gyi mtho dman
sna tshogs su

kun tu 'khor zhing 'gro ba rgyud lngar sdug bsngal 'ba' zhig gis
rab tu mnar ba ste/ de rnams kyang bdag gi ma la sogs par gyur
nas dka' ba mang pos phan 'dogs pa sha stag yin par shes nas/
snying rjes de thams cad kyi sdug bsngal rgyu dang bcas pa mi
bzod

pas de rnams kun tu bsgral bar 'dod la/ de'ang bdag gi spyod yul
las thag ring ste/ de thams cad pas 'ga' zhig tsam mam de bas ni
rang gi skye ba la sogs pa'i sdug bsngal gcig tsam bsal ba la
dbang bar yang ma gyur pas/ de lta bu la dbang ba'i go

'phang btsal dgos na 'jig rten pa'i chos sam zag bcas kyi bde ba
gong ma dag gam/ rang nyid zhi ba'i 'bras bu rnams ni thob kyang
de la dbang ba ma yin pas na/ da 'gro ba skal ldan thams cad kyi
don mdzad pa la sangs rgyas thams cad ni ye shes sgrib med dang
thugs

rje bshol med dang mthu thogs med du mtshungs shing 'dres pa yin
pas na/ bdag gis kyang sangs rgyas thob par byas la/ 'jig rten
long ba 'dren pa med pa rnams kyi 'dren pa dang mgon dang skyabs
bya'o zhes/ 'gro ba'i don du sangs rgyas nyid don du gnyer ba'i
rnam pa can

gyi sems ni byang chub kyi sems kyi mtshan nyid do/ /'di ni sems
dang sems las byung ba mang po'i tshogs pa yin pas na bdag nyid
chen po dag gis gtso bo'i cha la dgongs nas/ sems bskyed pa ni
gzhan don phyir/ /yang dag rdzogs pa'i byang chub 'dod ces don

khyad par can don du gnyer ba'i 'dun pa dang/ sems yul khyad par
du 'phags pa snang ba can zhes rdzogs pa'i byang chub thob byar
'dzin pa'i sems dang/ spro ba che dang rtsom pa che/ /don che ba
dang 'byung ba che/ /byang chub sems dpa'i sems pa ste/ /don
gnyis ldan pa'i

@198a sems 'byung ba/ /zhes yon tan gsum dang ldan pa dmigs pa
gnyis la 'jug pa'i khyad par can gyi sems pa dang/ stong nyid
snying rje'i snying po can zhes chos kyi dbyings dang sems can
la lta ba dang/ byams pa dang snying rje dang/ shes

rab chen pos brgyan pa yi/ sangs rgyas sa bon byang chub sems
zhes kyang gsungs pa'o/ /gtso bo'i cha ston pa ni rigs pa ste/
gang tshe skyes bu dge yid kyis/ /rang gi rdzas dag sbyin byed
pa/ /de tshe dge ba'i phung po rnams/ /sbyin pa zhes ni nges par
brjod/ /ces gsungs

pa ltar ro// !/mtshungs ldan gyi mtshan nyid ni/ dang po'i smon
lam bzhi dang mtshungs ldan te/ /sdug bsngal nyer len bcas bcings
rab dgrol dang/ /ma rig dpyis 'phyin nga rgyal drungs nas
dbyung/ /'khor bar rnam 'khor zlog phyir chos bstan 'dod/ /rgya
cher rol

pa las/ rang byung thams cad mkhyen pa 'dod pa'i dang po'i smon
lam bzhi ste/ sems can sdug bsngal dang ldan pa mthong nas kye
ma ngas 'jig rten gnas pa bcing bas bcings te/ 'khor ba'i btson
rar 'jug pa la bcing ba dral te dgrol ba'i sgra bsgrag go /

sred pa'i zhags pa dang sgrog dam pos bcings pa'ang dgrol lo
zhes bya ba dang/ kye ma ngas ma rig pa'i mun pa chen por zhugs
pa mi shes pa'i rab rib dang ling tog gis mig bsgribs pa/ shes
rab kyi mig dang bral ba/ gti mug gis ldongs pa la chos kyi
snang ba

chen po bya zhing ye shes sgron ma bsgrubs la/ rnam par thar
pa'i sgo gsum shes pa'i ril bu dang sman thabs dang shes rab
dang ye shes dang ldan pa btang ste/ mun pa la sogs pa thams cad
bsal nas shes rab kyi mig sbyang ngo zhes bya ba dang/ kye ma
ngas 'jig rten nga

rgyal gyi rgyal mtshan bsgreng ba/ nga dang nga yir 'dzin pa la
mngon par zhen pa'i yid can/ 'du shes dang lta ba dang sems
phyin ci log tu gyur pa/ bzung ba ngan pas zin pa la 'phags pa'i
lam bstan te nga rgyal gyi rgyal mtshan bsnyal lo zhes bya ba
dang/ kye ma ngas

@198b 'jig rten rnam par ma zhi ba thags 'khrugs pa'am dru gu
'dzings pa lta bu/ 'jig rten 'di dang pha rol tu song zhing 'gro
ba kun tu brgyug cing 'khor ba las mi ldog pa 'gal me 'khor ba
lta bu rnams la/ nye bar zhi bar byed pa'i shes rab kyis chog
par byed pa'i chos

bstan par bya'o zhes bya ba smon lam gyi tshig bzhi mngon du bya
bar gsungs pa'o// !/byed pa'i las kyi mtshan nyid ni/ mngon
'phags bzhi dang snying po mi phyed bzhi/ /bsnyen dka' bzhi dang
bla na med chos bzhi/ /phan brtse brtse chen byams dang rnam
dag
dang/ /dri med

'od gsal sgyu ma dngos bral brtan/ /ji skad smras bzhin byed
dang 'gro kun sgrol/ /ston pa mchod cing sems can thar bya dang/
/dam chos yongs 'dzin sangs rgyas tshul rgyun gnas/ /bya ba sum
cu gnyis kyis don kun sgrub/ /las ni bya ba sum cu rtsa gnyis
kyis rang dang

gzhan gyi don thams cad sgrub par byed pa'o/ /bzhi pa bsgrub pa
las sems bskyed pa mngon par 'phags pa ni bzhi ste/ tshul khrims
dang thos pa dang byams pa dang snying rje chen pos mngon par
'phags pa'o/ /sems bskyed pa brtan pa mi phyed pa/ snying po
dang ldan pa

rdo rje lta bu bzhi ste/ bsam pa las mi phyed pa dang/ mdza' ba
las dang/ nan tan las dang/ theg pa chen po las mi phyed pa'o/
/sems bskyed pa bsnyen par dka' ba bzhi ste/ nyon mongs pa dang
ma 'dres pa dang/ rnyed pa dang bkur sti dang tshigs su bcad pa
dang ma 'dres

pa dang/ theg pa dman pa dang ma 'dres pa dang/ skye bo sems ni
mi bsrungs pa thams cad dang ma 'dres pa'o/ /sems bskyed pa bla
na med pa bzhi ste/ phangs pa'i dngos po thams cad gtong ba'i
sems dang/ de la 'gyod pa med pa'i sems dang/ rnam smin la mi re

ba'i sems dang/ yongs su bsngo ba'i sems so zhes so/ /bden
smra'i le'u las kyang/ byang chub kyi sems ni sems can thams cad
bde bar bya ba'i phyir phan pa'i sems so/ /sdig pa thams cad mi
byed pas snying rje'i sems so/ /sems can thams cad kyis khur

@199a bkur ba'i phyir snying rje chen po'i sems so/ /ngan 'gro
thams cad sim par byed pa'i phyir byams pa'i sems so/ /theg pa
gzhan la 'dod pa med pas dag pa'i sems so/ /nyon mongs pa'i
rnyog pa sel bas nyon mongs pa med pa'i sems

so; ;rang bzhin gyis 'od gsal bas 'od gsal ba'i sems so/ /rdzas
med pas sgyu ma'i sems so/ /dngos po dang bral bas dngos po med
pa'i sems so/ /mi bsgul bas brtan pa'i sems so/ /chos thams cad
nges par rtogs pas phyir mi ldog pa'i sems

so; ;ji skad smras pa bzhin byed pa'i phyir sems can thams cad
sgrol ba'i sems te mtshan nyid bcu gnyis dang ldan pa'o zhes so/
/dpa' bar 'gro ba'i ting nge 'dzin las ni sangs rgyas mchod pa
dang/ sems can gyi sdug bsngal zhi ba dang/ dam pa'i chos yongs

su bzung ba dang/ sangs rgyas kyi tshul rgyun mi chad par bya
ba'i phyir byang chub kyi sems bskyed do/ /zhes so// !/de kho
na'i mtshan nyid dngos ni/ byang chub nyid ni brjod sogs kun 'das
shing/ /sems kyang de las gud na mi dmigs te/ /'di dag phan tshun
rang

bzhin dben pa ltar/ /chos kun nges rtogs byang chub sems dpar
brjod/ /byang chub dus gsum las 'das sems de bzhin/ /chos kun
dben rtogs byang chub sems zhes bya/ /gser 'od dam pa las/ byang
chub kyi sems dang ldan pa zhes bya ba ni/ byang chub

la sems sam sems dpa' ma dmigs dmigs par mi 'gyur/ byang chub
las gud na'ang byang chub kyi sems mi dmigs te/ byang chub ni
brjod du med la/ sems ni gzugs med bstan du med/ thogs pa med/
rnam rig med sems par yang mi dmigs na

don 'di ji ltar rtogs par bya zhe na/ byang chub ni brda'am tha
snyad dam gdags par mi dmigs shing/ byang chub las gud na byang
chub kyi sems mi dmigs te/ byang chub ni brjod du med la/ sems
ni gzugs med bstan du med thogs pa med rnam rig med

@199b sems par yang mi dmigs so/ /de ci'i phyir zhe na/ sems
dang byang chub phan tshun ji lta bar brjod du med/ de gnyis ji
lta bar sems dpa' rnams kyang de bzhin/ sems dpa' ji lta bar dus
gsum gyi chos thams cad kyang de bzhin te/ de ltar na byang chub
sems dpa'

chen po byang chub sems dpa'i ming 'thob bo/ /chos thams cad kyi
rjes su song ba'i sems ni byang chub kyi sems zhes bya'o/ /byang
chub ni 'das pa dang ma 'ongs pa dang da ltar byung ba ma yin pa
ste/ sems kyang de bzhin pas 'di la chos ji'ang mi rnyed do zhes
so// !/de'i byed

pa ni/ mngon zhen las grol rang bzhin sems kyis ni/ /sems can
bdag med ya ma brlar shes nas/ /'gro kun byang chub chen por
yongs 'dren pa'i/ /thabs dang shes rab gnyis med byang chub
sems/ /lha'i bu rab rtsal sems kyis zhus pa las/ gang tshe sems
ni

chags med pas/ /bla med byang chub sems yin te/ /sems kyi rang
bzhin mngon sum pa/ /de ni shes rab mtshan nyid do/ /sems rnams
bskyed pa thams cad ni/ /byang chub tu ni yongs bsngo zhing/
/byang chub sems la rab brtas pa/ /de ni thabs kyi mtshan nyid
do/ /sems

sogs thams cad bdag med cing/ /mi bden ya ma brla gsog tu/ /gang
tshe shes pas shes byed pa/ /de ni shes rab mtshan nyid do/ /gang
phyir sems can thams cad dag /byang chub phyir ni smin byed
cing/ /bsam pa thag pas sdud byed pa/ /de ni thabs kyi mtshan
nyid do//

zhes so// !/mtshan nyid kyi don bsdu ba ni/ yang dag smon lam kun
sdud dang po ste/ /bdag gzhan don bsgrub tshul gyi byang chub
dang/ /sems can la dmigs dge mchog dri med ldan/ /phul byung
smon lam theg chen la 'jug pa/ /byang chub chen po'i rtsa ba
snying rjes

brtan/ /rgyal sras lam tshogs kun la sbyor byed pa'i/ /sa las
byang chub sems dpa'i dang po sems bskyed pa ni yang dag pa'i
smon lam thams cad kyi nang na yang dag pa'i smon lam gyi dang
po'i ngo bo ste/ de las gzhan pa'i yang dag pa'i smon lam rnams
sdud

@200a pa'o/ /tshul ni byang chub sems dpa' byang chub tu sems
kyis smon pa na 'di ltar sems mngon par 'du byed cing tshig
tu'ang brjod de/ kye ma bdag bla na med pa yang dag par rdzogs
pa'i byang chub tu mngon par 'tshang rgya bar gyur cig /

sems can thams cad kyi don yang byed cing shin tu mthar phyin
pa'i mya ngan las 'das pa dang/ de bzhin gshegs pa'i ye shes la
'god par gyur cig ces bdag gi byang chub dang sems can gyi don
bsgrub par sems bskyed pas na bsgrub pa'i tshul yin

no; ;de'i dmigs pa ni byang chub dang sems can gyi don yin pas
de gnyis la dmigs pa'o/ /yon tan ni byang chub kyi phyogs thams
cad sdud pa'i thog mar 'gro bas dge ba dang bzang ba dang legs
pa'i mchog ste sems can thams cad la brten pa'i lus

ngag yid kyi nyes par spyod pa dang mi mthun pa'o/ /khyad par du
'phags pa ni de las gzhan/ 'jig rten dang 'jig rten las 'das
pa'i don dag la smon lam dge ba kun gyi nang na yang dag pa'i
smon lam gyi mchog bla na med pa'o/ /yang bsdu ba ni sems de
bskyed

ma thag tu bla na med pa yang dag par rdzogs pa'i byang chub
theg pa chen po la zhugs pa ste brda' dang tha snyad kyi tshul
gyis byang chub sems dpa' zhes bya ba'i grangs su 'gro bas na
'jug par bsdus pa'o/ /rtsa ba ni sems de bskyed nas rim gyis
mngon par 'tshang rgya'i

ma bskyed par ma yin pas byang chub chen po'i rtsa ba'o/ /rgyu
ni snying rje ste sems can sdug bsngal rnams la brtse bas bskyab
pa'i don du sems bskyed pas so/ /rten ni de la brten nas byang
chub kyi phyogs dang bslab pa thams cad la sbyor zhing sems can
gyi don

byed pas na bslab pa rnams kyi rten to/ /byang chub kyi sems
de'i rab tu dbye ba'i dbang du byas nas rgyu'i sgo nas ni/ yang
dag blangs dang chos nyid 'thob pa ste/ cho gas yang dag par
blangs pa la sogs pa 'bad rtsol gyis thob pa dang/ bsgoms pa'i
stobs las

@200b chos nyid kyis thob pa gnyis so/ /rje btsun gyis/ grogs
stobs rgyu stobs rtsa ba'i stobs/ /thos stobs dge ba goms pa
las/ /mi brtan pa dang brtan 'byung ba/ /gzhan gyis bstan pa'i
sems bskyed bshad/ /ces mos pas spyod pa'i sar stobs lnga'i dang
po dang/

gzhan las mi brtan pa dang brtan pa gnyis 'byung ba ni gzhan gyi
rig byed kyis 'bad rtsol las thob pa kun mtshon pas dang po
gsungs la/ gnyis pa ni/ rdzogs pa'i sangs rgyas rab bsnyen byas/
/bsod nams ye shes tshogs rab bsags/ /chos la mi rtog ye

shes ni/ /skyes phyir de ni dam par 'dod/ /ces yongs su 'dzin pa
dam pa dang/ rjes su bsgrub pa dam pa dang/ yang dag par rtogs
pa dam pa gsum las don dam pa'i khyad par can sa dang por 'thob
pa gsungs pa'o/ /yul las ni kun rdzob dang don dam bden pa'i yul

can gnyis te/ gtsor sems can dang chos kyi dbyings la dmigs pa'i
dbye bas kun rdzob byang chub kyi sems dang don dam byang chub
kyi sems gnyis so/ /rnam pa las ni/ de'ang byang chub smon dang
'jug pa dag ste/ 'gro ba'i don du byang chub 'thob par 'dod pa'i
bsam pa

tsam sbyor bas ma zin pa dang/ de nyid 'gro ba la phan pa'i
sbyor bas zin pa byang chub sems dpa'i spyod pa dang ldan pa'i
sems bskyed pa gnyis te/ sdong po bkod pa las/ sems can gang dag
bla na med pa'i byang chub tu smon pa de dag ni sems can gyi
khams na dkon no//

de bas kyang gang bla na med pa'i byang chub tu chas pa dag ni
ches dkon no zhes so/ /bstan bcos las kyang/ byang chub sems de
mdor bsdu na/ /rnam pa gnyis su shes bya ste/ /byang chub smon
pa'i sems dang ni/ /byang chub 'jug pa nyid yin no/ /'gro bar
'dod dang 'gro ba yi/ /bye

brag ji ltar shes pa ltar/ /de bzhin mkhas pas 'di gnyis kyi/
/bye brag rim bzhin shes par bya/ /zhes so// !sa'i dbye ba bsdus
pa ni/ mos dang lhag bsam rnam smin sgrib spangs te/ /tshogs dang
sbyor bar mos pa las byung ba/ /sa dang po nas bdun pa'i bar du
lhag pa'i
@201a bsam pa rnam par dag pa dang/ sa brgyad pa la sogs pa gsum
du rnam par smin pa dang/ sangs rgyas kyi sa la sgrib pa spangs
pa'i sems bskyed pa'o/ /rje btsun gyis/ sems bskyed de ni sa
rnams la/ /mos dang lhag bsam dag pa dang//

rnam par smin pa gzhan du 'dod/ /de bzhin sgrib pa spangs pa'o
zhes so/ /sa'i dbye ba rgyas pa ni gnyis las sa bcur dbye bas
bcu gnyis te/ snga ma bzhi'i lhag pa'i bsam pa dag pa dang rnam
par smin pa gnyis nyid las sa dang po rab tu dga' ba la sems
bskyed

pa dang po la sogs pa bcur phye bas bcu gnyis su dbye ba'o/ /bcu
po de ni gser 'od dam pa las/ sems bskyed pa dang po ni ri rab
ltar dge ba'i rtsa ba rnams kyis mngon par 'phags pa ste/ 'di la
rgyu ni sbyin pa'i pha rol tu phyin pa'o/ /sems bskyed pa gnyis

pa ni chos thams cad kyi bya ba'i gnas kyi sa lta bu ste rgyu ni
tshul khrims kyi pha rol tu phyin pa'o// sems bskyed pa gsum pa
ni 'jigs pa dang bag tsha ba dang skrag pa med pas/ seng ge ral
pa can gyi rtsal lta bu ste rgyu ni bzod pa'i pha rol tu phyin
pa'o/ /bzhi pa ni phyir

mi ldog pas sred med kyi bu'i stobs lta bu ste rgyu ni brtson
'grus kyi pha rol tu phyin pa'o/ /lnga pa ni bsod nams kyi tshogs
kyis chog mi shes pas dge ba'i tshogs kyis 'phags pa lta bu ste
rgyu ni bsam gtan gyi pha rol tu phyin pa'o/ /drug pa ni mun pa
chen po

sel bas nyi ma lta bu ste rgyu ni shes rab kyi pha rol tu phyin
pa'o/ /bdun pa ni 'khor ba'i 'brog dgon pa las sgrol bas ded
dpon phyug po lta bu ste rgyu ni thabs kyi pha rol tu phyin
pa'o/ /brgyad pa ni sgrib pa thams cad dag par byed pas zla ba
nya ba lta bu ste rgyu ni smon lam

gyi pha rol tu phyin pa'o/ /dgu pa ni sangs rgyas kyi zhing
yongs su dag pa'i yon tan gyi dkyil 'khor gyis bsam pa thams cad
rdzogs par byed pa lta bu ste/ rgyu ni stobs kyi pha rol tu
phyin pa'o// sems bskyed pa bcu pa ni yon tan dang ye shes dang
chos thams cad

@201b la dbang bsgyur ba 'khor los bsgyur ba'i rgyal po lta bu
ste/ de la rgyu ni ye shes kyi pha rol tu phyin pa'o zhes so//
!/mtshungs par ldan pa'i grogs las dbye ba ni/ 'dun dang bsam
sbyor lhag bsam sbyin sogs drug /tshad med bsdu dngos mngon shes
so sor

rig /rton bzhi zhi gnas lhag mthong phyogs chos tshogs/ /gzungs
spobs chos kyi dga' ston bgrod gcig thabs/ /mi zad pa brgyad cu
ste/ blo gros mi zad pa las/ byang chub sems dpa' rnams kyi 'dun
pa ni mi zad pa zhes bya ba la sogs pa mi zad pa brgyad cu

gsungs pa dang mtshungs par ldan pa las so/ /de nyid dpe'i sgo
nas dbye ba ni/ dpe las nyi shu gnyis te/ rje btsun gyis/ de
yang sa gser zla ba me/ /gter dang rin chen 'byung gnas mtsho//
rdo rje ri sman bshes gnyen dang/ /yid bzhin nor bu nyi ma glu/
/rgyal po mdzod dang lam

po che/ /bzhon pa bkod ma'i chu dang ni/ /sgra snyan chu bo
sprin rnams kyis/ /rnam pa nyi shu rtsa gnyis so zhes so/ /de la
tshogs kyi lam dang por sems bskyed pa nyid ni 'dun pa dang ldan
pa sa lta bu ste dkar po'i chos thams cad kyi gzhir gyur pa'i
phyir ro/ /bar du ma nyams par gnas

pa ni bsam pa dang ldan pa gser lta bu ste/ thams cad du mi
'gyur ba rten par gnas pa'i phyir ro/ /tha mar sbyor bas kyang
zin pa ni sbyor ba dang ldan pa zla ba yar tshes lta bu ste/ gong
nas gong du dge ba'i chos kyis rgyas pa'i phyir ro/ /sbyor ba'i
lam gyi lhag pa'i bsam pa dang ldan

pa ni me lta bu ste rgyu'i stobs kyis khyad par du 'phel ba'i
phyir ro/ /mthong lam dang sgom lam sa dang po nas drug pa'i bar
du pha rol tu phyin pa drug so sor shas che bas de dag dang ldan
par drug go/ sa dang por sbyin pa dang ldan pa ni gter lta bu
ste/ zang zing la sogs pas

sems can tshad med pa tshims par byed kyang mi zad pa'i phyir ro/
/gnyis par tshul khrims dang ldan pa ni rin po che'i 'byung gnas
lta bu ste yon tan rin po che thams cad kyi gzhir gyur pa'i
phyir ro/ /gsum par bzod pa dang ldan pa ni rgya mtsho lta bu
ste/ mi 'dod pa thog

@202a tu bab pa thams cad kyis mi 'khrugs pa'i phyir ro/ /bzhi
par brtson 'grus dang ldan pa ni rdo rje lta bu ste mi mthun
pa'i rkyen gyis mi phyed pas sra ba'i phyir ro/ /lnga bar bsam
gtan dang ldan pa ni ri rgyal lta bu ste/ dmigs pa'i g.yeng

bas mi bsgul ba'i phyir ro/ /drug par shes rab dang ldan pa ni
sman mchog bdud rtsi lta bu ste sgrib pa'i nad sel ba'i phyir
ro/ /bdun par thabs kyi khyad par lnga las sems can mi 'dor ba'i
thabs tshad med bzhi dang ldan pa ni dge ba'i bshes gnyen lta bu
ste/

gnas skabs thams cad du gdul bya mi 'dor bar brtse bas 'dzin
pa'i phyir ro/ /'bras bu la dbang bsgyur ba'i thabs mngon shes
lnga dang ldan pa ni yid bzhin gyi nor bu ste ji ltar 'dod pa'i
'bras bu 'byor bar nus pa'i phyir ro/ /sems can smin pa'i thabs
bsdu

bzhi dang ldan pa ni nyi ma lta bu ste/ gdul bya'i dge ba'i lo
tog smin par byed pa'i phyir ro//sems can rnam par grol bar byed
pa'i thabs so so yang dag par rig pa bzhi dang ldan pa ni glu
dbyangs snyan pa lta bu ste/ gdul bya'i yid tshim par byed pa'i
phyir ro/ /chud mi

za bar byed pa'i thabs rton pa bzhi ni rgyal po lta bu ste de la
brten pa don yod pa'i phyir ro/ /sa brgyad pa'i smon lam las
bsngo bar bya ba phun sum tshogs pa gnyis kyis rnam pa thams cad
mkhyen pa bsgrub pa'i tshogs gnyis ni bang mdzod lta bu ste/ bsod
nams

dang ye shes mang po dang mchog gi snod yin pa'i phyir ro/ /mya
ngan las 'das pa bsgrub pa byang chub kyi phyogs kyi chos sum cu
rtsa bdun dang ldan pa ni lam po che lta bu ste dus gsum du'ang
'phags pa thams cad kyi gshegs shul yin pa'i phyir ro/ /sngo
byed kyi sems

phun sum tshogs pa zhi gnas dang lhag mthong gnyis dang ldan pa
ni bzhon pa lta bu ste gang du 'gro bar 'dod par mi ngal bar
phyin par byed pa'i phyir ro/ /sa dgu pa'i stobs rnam pa gnyis
las rang gi mi mthun pa'i phyogs gtsor zil gyis gnon pa'i stobs
gzungs

@202b dang spobs pa gnyis dang ldan pa ni bkod ma'i chu lta bu
ste thos pa la sogs pa'i chos zad mi shes par 'dzin cing 'byin
par nus pa'i phyir ro/ /gtsor gzhan gyis mi mthun pa'i phyogs
zil gyis gnon pa'i stobs chos kyi dga' ston bzhi dang ldan pa ni

gtam snyan pa'i sgra lta bu ste chos kyi sdom bzhi legs par ston
pas thar pa 'dod pa'i gdul bya dga' ba bskyed pa'i phyir ro/ /sa
bcu par bgrod pa gcig pa'i lam dang ldan pa ni/ chu klung chen
po'i rgyun lta bu ste/ mi skye ba'i chos la bzod pa thob pas
gzhan

don ngang gis 'byung ba'i phyir ro/ /sa brgyad pa la sogs pa
gsum dang/ sangs rgyas kyi sa thun mong gi thabs la mkhas pa
chen po dang ldan pa ni sprin lta bu ste/ 'jig rten dang 'jig
rten las 'das pa'i yon tan gyi 'byor ba thams cad de la rag las
pa'i phyir

ro/ !/'jug pa dang ldog pa'i sgo nas dbye ba ni/ gzhan yang 'jug
dang ldog pa'i rnam dbye ba/ /brtan dang mi brtan gnyis gnyis
dag tu gsungs/ /sa las sems bskyed pa de'ang mdor na rnam pa
gnyis te nges par 'byin pa dang nges par 'byin pa ma yin pa'o/ /

dang po ni/ gang skyes nas gtan du 'jug la phyir mi ldog pa'o/
/gnyis pa ni gang skyes nas gtan du mi 'jug la phyir ldog pa'o/
/de'i ldog pa'ang gnyis te/ gtan du ba ni sems lan cig log nas
phyis mi skye ba'o/ /gtan du ba ma yin pa ni log kyang yang dang
yang

du skye ba'o zhes so/ /rnam par gtan la dbab pa ni/ dogs pa'i
gnas phra ba sum cu rtsa drug bsal nas yongs su 'dzin pa la sogs
pa gtan la dbab pa ste/ byang chub kyi sems 'di rnams kyi yongs
su 'dzin pa ni gang gang gis ni yongs su bsdus zhes bya ba dang/

!dge ba gzhan las ni gang gis khyad par du 'phags zhes dogs pa
la/ sangs rgyas chos rnams kun 'dzin bsam pa dang/ lhag bsam la
sogs sum cu gnyis kyis bsdus/ /bcu drug tshogs bsags kun mkhyen
rjes su 'gro /lam ngan nyi shu gnyis spangs

@203a kun mkhyen 'thob/ /rgyal mtshan bcu gnyis kyis 'phags
bdud las rgyal/ /gnas gnyis chud mi za gnyis zil gnon gnyis/ /yi
ge gnyis dang rton gnyis rgyun 'chad gnyis/ /sgrib dang sgrib
med gsum gsum bzhi pa gnyis/ /

rin thang med chos lnga thob brtul ba lnga/ /khyad zhugs lnga
dang mchog tu dga' ba lnga/ /stobs lnga rigs pa lnga dang shing
ljon de'i/ /snang ba sa bon rtsa sdong yal ga dang/ /lo ma me
tog 'bras bu lnga tshan brgyad/ /byang chub phyogs sogs yon tan
kun yongs bzung

gzhan yang lhag bsam gnyis dang sbyor ba gnyis/ /dge chos chen
po'i 'du sgo gnyis dang ni// tshogs chen gnyis dang dpag med
phung po gnyis/ /rgyu 'bras khyad 'phags brtan pa'i khyad par ro
zhes smos te/ ma dros pas zhus pa las/ chos gcig gis rnam

pa thams cad kyi mchog dang ldan pa sangs rgyas kyi chos rnams
yongs su 'dzin te/ sems can thams cad mi gtong ba'i byang chub
kyi sems so/ /de'ang rnam pa sum cu rtsa gnyis kyis shin tu
bsdus pa ste/ bsam pas bsdus pa yin/ de bzhin du lhag pa'i bsam
pa

dang/ byams pa chen po dang/ snying rje chen po dang/ yongs su
mi skyo ba dang/ stobs dang/ rnam par gnon pa dang/ mthu dang/
so sor brtags pa dang/ dge ba'i bshes gnyen dang/ chos spyod pa
dang/ dge ba spyod pa dang/ bsdu ba'i dngos po dang/ sdom pa
dang/ thabs

dang/ bcos ma ma yin pa dang/ ji skad smras pa bzhin byed pa
dang/ phyir bya ba la mi re ba dang/ ngo tsha shes pa dang/ khrel
yod pa dang/ mchog tu dga' ba dang/ dad pa dang/ brtson 'grus
dang/ dran pa dang/ ting nge 'dzin dang/ shes rab dang/ dge ba'i
rtsa ba thams

cad dang/ theg pa dman pa la 'dod pa med pa dang/ rgya che ba la
mos pa dang/ sems can la lta ba dang/ sangs rgyas dang chos dang
dge 'dun gyi rigs mi gcod pas bsdus pa yin no//  yang de tshogs
bsags pa bcu drug gis thams cad mkhyen pa'i ye shes kyi

@203b rjes su 'gro bar 'gyur te/ tshul khrims kyi tshogs bsags pa
yin/ /de bzhin du thos pa dang/ shes rab dang sangs rgyas mchod
cing rim gro bya ba dang/ dgon par gnas pa dang/ thos pa'i chos
ston pa dang/ tshangs pa'i gnas bzhi dang/ mgu bar 'gyur ba'i

chos drug dang/ dge ba bcu'i las kyi lam dang/ lus dang ngag
dang sems kyi rgyan dang/ sbyangs pa'i yon tan dang/ yo byad
bsnyungs pa dang/ 'dod pa chung zhing chog shes la rab tu dben
pa dang/ phung po gsum gyi bsngo ba dang/ zhi gnas dang lhag
mthong dang /

dge ba'i rtsa ba thams cad kyi tshogs bsags pa'o/ /yang sems de
lam log pa dang lam ngan pa nyi shu rtsa gnyis dang bral te de
dag spangs nas thams cad mkhyen pa nyid thob par byed pa ste/
nyan thos kyi sems dang bral ba dang/ de bzhin du rang rgyal gyi
sems dang/

nga rgyal dang/ lhag pa'i nga rgyal dang/ g.yo dang/ 'jig rten
rgyang phan gyi gsang tshig 'dzin pa dang/ log par zhugs pa dang/
skyo ba dang/ skrag pa dang/ khengs pa dang/ rtsod pa dang/ dug
gsum dang/ las kyi sgrib pa dang/ chos kyi sgrib pa dang/ bdag
bstod gzhan smod

dang/ slob dpon 'chab pa dang/ brjed ngas pa dang/ sdig pa'i
grogs po dang/ dge ba'i bshes gnyen la 'khu ba dang/ ser sna
dang 'chal pa'i tshul khrims la sogs pa drug dang/ rtag chad du
lta ba dang/ thabs mi mkhas pa'i bsdu ba dang/ sdig pa thams cad
dang

bral pa'o/ /yang de rgyal mtshan bcu gnyis kyi 'phags na bdud
dang phyir rgol ba thams cad kyis mi tshugs te/ tshul khrims kyi
rgyal mtshan gyis 'phags pa dang/ de bzhin du ting nge 'dzin
dang/ shes rab dang/ rnam par grol ba dang/ snying rje dang/
thabs dang/ stong pa

nyid dang/ mtshan ma med pa dang smon pa med pa dang/ gang zag
med pa dang/ rten 'brel rtogs pas mtha' gnyis su lta ba dang
bral ba dang/ sems yongs su dag pas sangs rgyas kyi byin gyis
brlabs pa dang/ thams cad mkhyen pa la rlom sems dang rtog pa
dang

@204a  bral ba'i rgyal mtshan gyis 'phags pa'o/ /byang chub kyi
sems de'i gnas gnyis te/ ji skad smras pa bzhin du byed pa dang/
dge ba'i rtsa ba thams cad byang chub tu bsngo ba'o/ /de'i chud
mi za gnyis te/ sems can la zhe sdang med pa dang/

log par zhugs pa dag la cher brtse ba'o/ /zung du 'brel ba gnyis
kyis nyan thos dang rang rgyal zil gyis gnon te thabs dang/ shes
rab bo/ /rton pa gnyis te bsgrub pa la 'gyod pa med pa dang/
'gyur ba la yid mi ches pa'o/ /yi ge gnyis te/ theg pa gnyis mi
'dod pa

dang/ theg pa chen po'i phan yon mthong ba'o/ /rgyun chad pa
gnyis te/ g.yo sgyu dang/ mi drang ba chad pa'o/ /sgrib pa gsum
ste/ lus dang ngag dang yid kyi nyes par spyod pa'o/ /sgrib pa
med pa gsum ste/ de gsum gyi legs par spyod pa'o/ /yang sgrib pa
bzhi ste/ chos spong ba

dang/ bla ma la mi gus pa dang/ byang chub sems dpa' la sdang ba
dang/ bdud kyi las mi rigs pa'o/ /sgrib pa med pa bzhi ste/ de
bzhi las ldog pa'o/ /rin thang med pa'i chos thob pa lnga ste/
re ba med pa'i sbyin pa dang/ skye ba la mi gnas pa'i tshul
khrims dang/ sems can

mi gtong ba'i snying rje dang/ byams pa dang mi byams pa la mi
lta bar lus dang srog gtong ba dang/ rnyed pa dang bkur sti mi
tshol bar chos ston pa'o/ /brtul ba lnga ste/ dge ba'i bshes
gnyen bsten pa dang/ 'khor bas mi skyo ba dang/ ye shes la nga
rgyal med pa dang/ dus ma yin pa'i

rnyed pa spong ba dang/ sangs rgyas kyi ye shes la mi zhum pa'o/
/nyan thos dang rang rgyal las khyad par du 'phags pa lnga ste/
de gnyis las rnam par grol ba dang/ ye shes khyad par du 'phags
pa gnyis dang/ chos thams cad bdag med pa shes pa dang/ sems can
thams

cad kyi sems dang spyod pa shes pa dang/ bag chags kyi mtshams
sbyor ba 'joms pa shes pa'o// mchog tu dga' ba lnga ste/ ngan
'gro las 'das pas dga' ba dang/ thams cad mkhyen pa dang nye bar
gyur pa dang/ sangs rgyas kyi ye shes mthong ba rdzogs pa'i nan
tan dang/

@204b tshul khrims kyi nan tan gyis 'gyod pa med pa dang/ sems
can gyi don bya ba myong bas dga' ba'o/ /stobs lnga ste/nga
rgyal bcom pas ye shes kyi stobs dang/ thos pa dang ma bral bas
shes rab kyi stobs dang/ khong khro ba med pas byams pa'i stobs
dang/ mtshan

rdzogs pas bzod pa'i stobs dang/ 'khor du bag mi tsha bas mi
'jigs pa'i stobs so/ /rigs pa ma yin par mi ltung ba'i rigs pa
lnga ste/ las dang 'bras bu la yid ches pa'i rigs pa dang/ rten
'brel dang mi 'gal ba dang/ dus dang dus ma yin pa la rtogs pa
dang/

yang dag par sbyor ba dang/ dge ba'i chos thams cad bsgrub pa'i
rigs pa'o/ /byang chub kyi sems kyi shing ljon pa de'i snang ba
lnga ste/ nyon mongs pa dang brel ba dang/ rang gi sems nges par
sems pa dang/ shes rab dang/ mig lnga dang/ thams cad mkhyen
pa'i

ye shes kyi snang ba'o/ /sa bon lnga ste/ bsam pa dang/ lhag
pa'i bsam pa dang/ sems can la lta ba dang/ mos pa dang/ rgya
chen po la mos pa'o/ /rtsa ba lnga ste/ byams pa dang/ snying
rje dang/ dge ba'i rtsa bas mi ngoms shing bsngo ba dang/ nyes
pa 'chags pa dang/

de dag gzhan mi 'dod pa'o/ /sdong po lnga ste/ thabs la mkhas pa
dang/ shes rab kyi pha rol tu phyin pa dang/ sems can smin par
byed pa dang/ dam pa'i chos 'dzin pa dang/ chags sdang med pa'i
btang snyoms so/ /yal ga lnga ste/ sbyin pa nas bsam gtan gyi
bar ro/ /

lam lnga ste/ tshul khrims dang/ thos pa dang/ khyim gyi gnas nas
mngon par 'byung ba dang/ dgon par gnas pa dang/ 'phags pa'i
rigs kyi chog shes pa'o/ /me tog lnga ste/ bsod nams bsags pas
mtshan phun sum tshogs pa dang/ sbyin pa sna tshogs kyis

dpe byad phun sum tshogs pa dang/ sems nges par sems pas byang
chub kyi yan lag phun sum tshogs pa dang/ chos rnam par 'grel pa
spobs pa phun sum tshogs pa dang/ gzungs thob pas brjed pa med pa
phun sum tshogs pa'o/ /'bras bu lnga ste/ slob pa'i

@205a 'bras bu dang/ mi slob pa'i 'bras bu dang/ rang rgyal ba'i
dang/ byang chub sems dpa' phyir mi ldog pa'i dang/ thams cad
mkhyen pa'i 'bras bu'o/ /byang chub kyi sems shin tu bzung ba
des gang ma zin pa'i yon tan phun sum tshogs pa de

ngas ma mthong ngo/ /shing gi sa bon bzung bas yal ga la sogs pa
bzung ba ltar/ 'di yongs su bzung bas byang chub kyi phyogs kyi
chos thams cad yongs su bzung ba'o zhes so/ /sa las sems dang po
bskyed pa brtan pa'i sems can la lhag pa'i bsam pa

bzang po 'jug pa ni gnyis te/ phan par bya ba'i lhag pa'i bsam
pa ni mi dge ba'i gnas nas bton nas dge ba'i gnas su 'god par
'dod pa'o/ /bde bar bya ba'i lhag pa'i bsam pa ni sems can
phongs pa dang mgon med pa dag la nyon mongs can spangs te

phan pa bsgrub par 'dod pa'o/ /de'i sbyor ba ni gnyis te lhag
pa'i bsam pa'i sbyor ba ni bsam pa de gnyis nyin gcig bzhin du
yang dag par spel ba'o/ /sgrub pa'i sbyor ba ni nyin gcig bzhin
du bdag gis sangs rgyas kyi chos smin par byed pa'i sbyor ba
dang/ lhag pa'i

bsam pa'i sbyor ba de nyid la brten nas ci nus ci lcogs kyis
sems can rnams la phan bde bsgrub pa'i sbyor ba'o/ /de'i dge
ba'i chos chen po 'du ba'i sgo ni gnyis te/ rdzogs pa'i byang
chub yang dag par bsgrub pa'i phyir bdag gi don la sbyor ba
dang/ sems can

thams cad kyi sdug bsngal bsal ba'i phyir/ gzhan gyi don la
sbyor ba'o/ /dge ba'i chos kyi tshogs chen po gnyis dang/ dge
ba'i chos kyi phung po dpag tu med pa gnyis kyang de gnyis nyid
la blta bar bya'o/ /de'i dge ba yongs su 'dzin pa gzhan thams
cad las

khyad par du 'phags pa ni gnyis te/ rgyu khyad par du 'phags pa
ni bla na med pa'i byang chub kyi rgyu'i dge ba yongs su 'dzin
pa'o/ /'bras bu khyad par du 'phags pa ni bla na med pa'i byang
chub de nyid yin no zhes so// !de ltar sems bskyed pa rnam par
nges par byas nas

@205b rjes su bsgrub pa ston pa na dang por skye ba rjes su
bsgrub pa'i dbang du byas te sbyor ba'i cho ga ni/ bde gshegs
sras bcas sku gzugs mchod rten dang/ /dam chos 'phags pa'i tshogs
mchog bla ma la/ /cho ga ji bzhin maNDal byas nas ni/ /bsod nams
ci nus

bsag phyir sta gon bya/ /byang chub sems bskyed sdom pa mchog
ldan zhing/ /theg chen bslab gzhi legs sbyangs brtser ldan pa/
/cho ga bzang pos rjes 'dzin bla ma la/ /rab gus gsol gdab ci
nus tshogs bsags bya zhes bya ba'o// !dngos gzhi'i cho ga ni/ de

nas 'gro ba mtha' dag drang don du/ /rnam pa kun gyi mchog ldan
sangs rgyas nyid/ /rab tu don gnyer dmigs pa kun bral ba/ /stong
nyid snying rje'i snying po can gyi sems/ /rgyal ba sras bcas
kun gyi rjes slob bas/ /byang chub snying po'i mthar thug rab
brtan bzung/ zhes

bya ba'o// !rjes kyi cho ga ni/ de la sogs pa'i dge tshogs gang
bsags kun/ /'gro ba'i don phyir kun mkhyen rgya mtshor bsngo/
/brtul zhugs mchog 'di yongs su bskyang don du/ /bslab gzhi mdor
bsdus legs par brda sprad bya zhes bya ba'o/ /'di la dam pa'i
skye bo mkhas

pa dag gis lung so so la brten pa bla ma brgyud pa'i man ngag
cho ga'i tshul tha dad pa du ma snang ste/ slob dpon rje mtsun
dpal mar me mdzad ye shes kyis ni mgon po byams pa nas bla ma
gser gling pa la thug pa'i man ngan brgyud pa las/ dang por ston
pa shA-kya'i rgyal po'i sku gzugs

gtsor byas pa'i rten rnams la maNDal dang mchod pa ci 'byor pa
legs par bshams nas bla ma mtshan nyid dang ldan pas blo legs par
khrid de/ dang por gsol ba lan gsum gdab bo/ /de nas dkon mchog
dang bla ma la phyag 'tshal ba dang me tog la sogs pa mchod pa ci

'byor pa so sor dbul ba la sogs pas tshogs bsags shing/ sngar ma
blangs na theg pa chen po'i skyabs su 'gro ba yang dag par blang
ba bslab pa brjod pa dang bcas pas thog drangs pa ni sbyor ba'o/
/dngos gzhi ni blo sbyang ba sngon du btang ste/ rgyu dang rnam
pa dang dus dang yul dang
@206a byed pa'i khyad par lnga dang ldan pa'i cho ga lan gsum
bla ma'i rjes su brjod pas sems rin po che de yang dag par bzung
ba khas len pa'i cho gas nod pa'o/ /rjes ni de mi nyams shing
'phel bar byed pa'i bslab pa lnga dang/ 'phags pa spyan ras

gzigs kyis zhus pa'i chos bdun pa brjod par bya bar gsungs te
rgyas par ni gzhan du lta'o/ /slob dpon byang chub sems dpa' zhi
ba lhas ni bden pa gzigs pa'i slob dpon klu sgrub nas brgyud
pa'i man ngag las/ ston pa de'i sku gzugs la sogs pa'i

mdun du yan lag bdun gyis tshogs ci 'byor ba bsag pa sngon du
byas nas bla mar 'os pa la gsol ba btab ste/ theg pa chen po'i
skyabs su 'gro ba nod pa ni sbyor ba'o/ /dngos gzhi ni lus la
sogs pa bltos pa med par btang bas byang chub chen po thob par
bya ba

la sogs pas sems de'i mtshan nyid mngon gyur du bsgoM pa sngon du
byas nas dam bca' ba tshig tu brjod pa/ rje btsun 'jam dpal sngon
rgyal po nam mkhar gyur pa na sangs rgyas 'brug sgra dbyangs
kyi
rgyal po la sems bskyed pa dang sdom pa gnyi ga ji ltar mnos
pa'i cho

ga lan gsum brjod pa ltar/ nod pa ste bslab pa kun las btus pas
gsung pa ltar ro/ /spyod 'jug nas kyang de gnyi ga mdor bsdu ba
gsungs pa'o/ /'di dag kyang so sor len par 'dod na ni gang rung
de dag gis brjod par bya ba ste/ slob dpon dgra las rnam rgyal
gyis mdor

bsdus pa las gnyis su phye ba ltar ro/ /bslab pa kun las btus
par yang so so'i cho ga brjod pa don gyis go bar bya'o/ /rjes ni
ltung ba'i mtshan nyid la sogs pa bslab pa'i spyi tsam brjod de
de la slob pa phan yon brjod pas spro ba 'phel bar bya'o/ /'dir
slob dpon tsandra go

mi zhes bya ba skye bas thob pa'i shes rab zab la rgya che ba
mnga' ba des ni 'di ltar gsungs te/ sbyor ba'i cho ga rnam pa
drug las/ gsol ba gdab pa ni dang por ston pa'i sku gzugs la
sogs pa la cho ga ji lta bas maNDan la byas nas/ ci 'byor pa'i
mchod pa bshams

@206b te; bla ma mtshan nyid dang ldan pa la sangs rgyas su 'du
shes pas gus par phyag byas la ci 'byor ba'i me tog phul nas/
dgongs su gsol zhes gang 'os pa'i ming dang bcas pas thugs gtad
par gsol zhing/ ji ltar sangs rgyas bcom ldan 'das rkang gnyis

kyi mchog rnams dang/ sa chen por chud pa'i byang chub sems
dpa'i mchog rnams kyis bla na med pa yang dag par rdzogs pa'i
byang chub chen por thugs bskyed par mdzad pa de bzhin du/ bdag
ming 'di zhes bgyi ba yang khyed kyis bla na med pa yang dag par
rdzogs pa'i

byang chub chen por sems bskyed par mdzad du gsol zhes lan
gsum
gyis so/ /phyag btsal zhing mchod pa dbul ba ni phyogs bcu'i
'jig rten gyi khams mtha' yas mu med pa dag na bzhugs pa'i de
bzhin gshegs pa dgra bcom pa yang dag par rdzogs pa'i sangs

rgyas dang dam pa'i chos dang byang chub sems dpa'i dge 'dun
chen po dang bcas pa thams cad la phyag 'tshal lo zhes brjod de/
mchod pa'i tshogs ci 'byor cing ci 'os pa yang dbul ba'o/ /sdig
pa bshags pa ni sangs rgyas dang byang chub sems dpa' thams cad

bdag la dgongs su gsol/ bdag ming 'di zhes bgyi ba thog ma dang
tha ma ma mchis pa'i 'khor ba na 'khor ba'i tshe lus dang ngag
dang yid kyis sangs rgyas dang chos dang dge 'dun dang pha ma
dang sems can gzhan dag la/ sdig pa mi dge ba'i las bgyis pa
dang bgyid du

stsal ba dang/ bgyid pa la rjes su yi rang ba ci mchis pa de dag
thams cad gcig tu bsdoms shing bsdus te/ sangs rgyas dang byang
chub sems dpa' thams cad kyi spyan sngar/ bla na med pa'i so sor
bshags pas 'chags so mi 'chab bo/ /slan chad kyang 'di lta bu mi
bgyid do

zhes lan gsum brjod pa'o/ /bsod nams kyi rjes su yi rang ba ni/
sangs rgyas dang byang chub sems dpa' thams cad bdag la dgongs
su gsol/ ji ltar sangs rgyas bcom ldan 'das rnams kyi bsod nams
kyi rjes su yi rang ba bla na med pa thugs su chud pa de bzhin
du/

@207a bdag ming 'di zhes bgyi bas sangs rgyas dang byang chub
sems dpa' dang rang sangs rgyas dang 'phags pa nyan thos thams
cad dang 'gro ba ma lus pa'i bsod nams thams cad la rjes su yi
rang ngo zhes lan gsum brjod do/ /skyabs su 'gro ba

ni sangs rgyas dang byang chub sems dpa' thams cad bdag la
dgongs su gsol/ bdag ming 'di zhes bgyi bas sangs rgyas kyi
gdung rgyun mi 'chad par bgyi ba'i slad du/ dus 'di nas bzung
ste byang chub kyi snying po la gnas kyi bar du/ yang dag par
rdzogs pa'i

sangs rgyas rkang gnyis rnams kyi mchog la skyabs su mchi ste/
thugs rje chen po dang ldan pa/ thams cad mkhyen pa/ thams cad
gzigs pa/ 'jigs pa thams cad dang bral ba/ skyes bu chen po'i
khyu mchog /sku bsam gyis mi khyab pa bla na med pa'i sku chos
kyi sku mnga' ba la

skyabs su mchi'o/ /chos 'dod chags dang bral ba'i mchog la
skyabs su mchi ste/ bla na med pa/ de bzhin gshegs pa la mnga'
ba/ zhi ba chos kyi sku so so rang gis rig pa la skyabs su
mchi'o// dge 'dun 'dul ba tshogs kyi mchog la skyabs su mchi ste/
phyogs bzhi'i 'phags pa

phyir mi ldog pa byang chub sems dpa' chen po'i dge 'dun la
skyabs su mchi'o zhes lan gsum brjod pas so/ /bdag 'bul ba ni
sangs rgyas dang byang chub sems dpa' thams cad bdag la dgongs
su gsol/ bdag ming 'di zhes bgyi ba dus 'di nas bzung ste byang
chub

kyi snying po la gnas kyi bar du sangs rgyas dang byang chub
sems dpa' thams cad la dus ji lta ba dang stobs ji lta ba bzhin
du bdag nyid 'bul zhing mchis na/ mgon po thugs rje chen po dang
ldan pa dag bdag la bzhes su gsol zhes lan gsum brjod pas so/
/dngos

gzhi'i cho ga ni sangs rgyas dang byang chub sems dpa' thams cad
bdag la dgongs su gsol/ sngon gyi de bzhin gshegs pa dgra bcom
pa yang dag par rdzogs pa'i sangs rgyas de dag sngon byang chub
sems dpa'i spyad pa spyod pa'i tshe/ sems can thams cad

@207b bsgral ba dang/ sems can thams cad dgrol ba dang/ sems can
thams cad dbugs dbyung ba dang/ sems can thams cad yongs su
mya
ngan las bzla ba dang/ sems can thams cad thams cad mkhyen pa'i
ye shes la 'god pa'i slad du/ bla na med par yang dag

par rdzogs pa'i byang chub tu thugs bskyed pa de bzhin du/ bdag
ming 'di zhes bgyi ba yang dus 'di nas bzung ste/ byang chub kyi
snying po la gnas kyi bar du/ sems can thams cad bsgral ba dang/
sems can thams cad dgrol ba dang/ sems can thams cad dbugs

dbyung ba dang/ sems can thams cad yongs su mya ngan las bzla
ba
dang/ sems can thams cad thams cad mkhyen pa'i ye shes la 'god
pa'i slad du/ bla na med pa yang dag par rdzogs pa'i byang chub
tu sems bskyed do/ /ji ltar sngon gyi sangs rgyas bcom ldan 'das
dang byang

chub sems dpa' de dag gis dngos po thams cad dang bral ba/ phung
po dang khams dang skye mched dang gzung ba dang 'dzin pa rnam
par spangs pa/ chos bdag med par mnyam pa nyid kyis sam/ rang gi
sems gzod ma nas ma skyes pa stong pa nyid kyi rang bzhin gyi
byang chub tu thugs

bskyed pa de bzhin du/ bdag ming 'di zhes bgyi ba yang dus 'di
nas bzung ste snying po byang chub la gnas kyi bar du byang chub
tu sems bskyed do/ /ji ltar sngon gyi de bzhin gshegs pa dgra
bcom pa yang dag par rdzogs pa'i sangs rgyas bcom ldan 'das de
dag gis bdud dpung dang bcas pa pham

par mdzad de nyid mngon par rdzogs par sangs rgyas pa de bzhin
du/ bdag ming 'di zhes bgyi ba yang bdud dpung dang bcas pa pham
par bgyis te bdag nyid mngon par rdzogs par 'tshang rgya bar
bgyi'o/ /ji ltar sngon gyi de bzhin gshegs pa dgra bcom pa yang
dag par rdzogs

pa'i sangs rgyas de dag gis/ nyid mngon par rdzogs par sangs
rgyas nas chos kyi 'khor lo rab tu bskor ba de bzhin du/ bdag
ming 'di zhes bgyi ba yang nyid mngon par rdzogs par sangs rgyas
te chos kyi 'khor lo rab tu bskor bar bgyi'o/ /ji ltar sngon gyi
de bzhin gshegs

@208a pa dgra bcom pa yang dag par rdzogs pa'i sangs rgyas de
dag gis nyid mngon par rdzogs par sangs rgyas nas tshogs yongs su
bsdus pa de bzhin du/ bdag ming 'di zhes bgyi ba yang nyid mngon
par rdzogs par sangs rgyas te tshogs

bsdu bar bgyi'o/ /byang chub mchog gi sems ni bskyed par bgyi/
sems can thams cad bdag gis mgron du gnyer/ /byang chub spyod
mchog yid 'ong spyad par bgyi/ /'gro la phan phyir sangs rgyas
myur 'grub shog /ces lan gsum bzlas pas te/ snying rje dang

shes rab kyi rnam pa gnyis dang ldan pas 'gro ba'i don kho nar
byang chub 'dod pa'i byang chub kyi sems khas blang bas so/
/rjes ni bsod nams yongs su bsngo ba ste/ de la sogs pa dus gsum
dang 'brel ba'i dge ba chung ngu yan chad kyang pha ma la sogs
pa thog mar byas

pa'i 'gro ba ma lus pa'i don du thams cad mkhyen pa'i rgya mtshor
bsngo ba/ bdag gis byang chub tu sems bskyed pa'i dge ba'i rtsa
ba 'di dang/ gzhan yang bdag gis bsod nams cung zad ci bgyis pa
dang bgyid pa dang bgyid par 'gyur ba de dag thams cad/ pha ma
la sogs

pa sems can thams cad dang bdag gi don du bla na med pa yang
dag
par rdzogs pa'i byang chub tu yongs su bsngo'o/ /bdag gis bsod
nams kyis pha ma la sogs pa sems can ma brgal ba thams cad ni
bsgral lo/ /ma grol ba thams cad ni dgrol lo/ /dbugs ma phyin

pa thams cad ni dbugs dbyung ngo/ /yongs su mya ngan las ma 'das
pa thams cad ni yongs su mya ngan las zla'o/ /mngon par rdzogs
par sangs ma rgyas pa rnams ni mngon par rdzogs par sangs rgyas
par bgyi'o/ /skyabs ma mchis pa dang gnas ma mchis pa dang dpung
gnyen

ma mchis pa'i 'jig rten rnams la skyabs dang gnas dang dpung
gnyen du gyur cig/ /bsod nams 'di yis thams cad gzigs pa nyid/
/thob nas nyes pa'i dgra rnams pham byas nas// rga nad 'chi ba'i
rlabs chen 'khrug pa yi/ /srid pa'i mtsho las 'gro ba bton par

@208b bgyi; ;da slan chad bdag gis sbyin pa stsol ba dang/ tshul
khrims bsrung ba dang/ bzod pa bsgom pa dang/ brtson 'grus rtsom
pa dang/ bsam gtan la mnyam par 'jog pa dang/ shes rab rnam par
dpyod pa dang/ thabs la mkhas pa la slob pa ci'ang rung ste/ de
dag thams

cad sems can thams cad kyi don dang phan pa dang bde ba'i slad
du bla na med pa yang dag par rdzogs pa'i byang chub las brtsams
nas/ 'das pa dang ma 'ongs pa dang/ da ltar byung ba'i byang
chub sems dpa' sems dpa' chen po snying rje chen po dang ldan
pa/ theg pa chen po

la yang dag par zhugs pa/ sa chen po la gnas pa rnams kyi rjes
su mthun par 'jug go/ 'phags pa dag bdag byang chub sems dpa'
lags kyis/ byang chub sems dpa' lags par bzung du gsol/ sa dang
chu dang me dang rlung/ /rtsi dang nags kyi shing bzhin du/
/rtag

tu sems can thams cad kyi/ /'dod dgur dgag med spyod par shog
/mthong ba dang ni reg pa dang/ /thos pa dang ni dran pas kyang/
/bdag ni sems can thams cad kyi/ /nad rnams gso bar bgyid gyur
cig /sems can thams cad bde dang ldan gyur cig /ngan song dag ni

rtag tu stong par shog /byang chub sems dpa' gang dag su bzhugs
pa/ /de dag kun gyi smon lam 'grub gyur cig /ces lan gsum brjod
par gsungs pa'o/ /sems kyi rgyal po de rjes su bsgrub pa'i ched
du 'dir yang bslab pa brjod pa ni don gyis lta'o/ /cho ga'i tshul

de thams cad la yang bla mar 'os pa rnyed na ni tshegs la sogs
pa'i dka' ba la mi lta bar de las nod pa la nan tan bya ste/ de
bslus par dogs pa'i 'jigs pa dang/ ngo tsha shes pa dang khrel
yod brtan po skye bas ngang gis bslab pa la gus pa 'byung ba'i
phyir ro/ /bla mar

'os pa ma rnyed na ni gsol ba gdab pa la sogs pa sngar brjod
pa'i cho ga de rnams sangs rgyas dang byang chub sems dpa' thams
cad la bya bas sku gzugs kyi spyan sngar nod par bya'o/ /maNDal
byed pa nas brtsams pa'i tshogs thams cad la'ang rang rang gi cho
ga dang phan yon ni

@209a khang bu brtsegs pa dang/ spyan ras gzigs dang/ gsal
rgyal gyi tshigs su bcad pa la sogs pa'i mdo las/ ji skad gsungs
pa lta bu yid la bya bas spro ba dang gus pa dang/ nan tan gyis
bsgrub par bya ste/ khang bu brtsegs pa las/ kun dga'

bo gang la la sems dang bas de bzhin gshegs pa'i ched du gru
bzhi'am zla gam mam zlum po'am sog kar maNDal byas na/ de rim pa
ji lta bar byang gi sgra mi snyan dang shar gyi lus 'phags dang
nub kyi ba lang spyod dang lho'i 'dzam bu gling gi dbang phyug
gi bdag por

'gyur zhing/ rim pa ji lta bar sum cu rtsa gsum dang 'thab bral
dang dga' ldan dang 'phrul dgar skye bar 'gyur bar nga smra'o/
/zhes gsungs pa dang/ yang kun dga' bo gang la la thal mo sbyar
te/ bcom ldan 'das de la phyag 'tshal lo zhes phyag byed pa'i
sems can de

rnams ngas yongs su bzung zhing mya ngan las 'das pa yin no zhes
bya ba la sogs pa gsungs so// !de ltar bskyed nas de gnas pa
dang 'phel ba rjes su bsgrub pa la dgag sgrub kyi bya ba spyir
bstan pa'i dbang du byas te brjed pa'i rgyu spang zhing skye ba
gzhan du'ang mi brjed pa'i rgyu

la bslab pa ni/ bla ma mchod 'os bslu dang sems can la/ /g.yo
dang sgyus spyod rgyal sras sdang bas smod/ /dge ba'i rtsom la
'gyod pas gdung byed bzhis/ /byang chub sems ni ma rungs byed pa
yin/ /srog la bab kyang brdzun tshig mi smra zhing/ /'gro la lhag
bsam gyis brtse

rgyal sras la'ang/ /ston par lta bas bsngags brjod sems can
rnams/ /theg mchog la 'god tshe 'phos gyur kyang ldan/ /'od srung
gis zhus pa las/ chos bzhi dang ldan na byang chub kyi sems
brjed par 'gyur te/ bla ma dang mchod par 'os pa rnams bslu bar
byed pa dang/

sems can la g.yo dang sgyus spyod pa dang/ sems bskyed pa rnams
la mi snyan pa dang brjod pa ma yin pa dang tshigs su bcad pa ma
yin pa sgrogs pa dang/ gzhan dag 'gyod pa med pa'i gnas la 'gyod
pa bskyed pa'o/ /chos bzhi dang ldan na gang du skyes par byang
chub kyi sems

@209b mi brjed par 'gyur te/ shes bzhin du brdzun gyi tshig srog
gi phyir yang mi smra ba dang/ sems can thams cad la phan pa
dang bde bar bya ba'i lhag pa'i bsam pas gnas pa dang/ byang
chub sems dpa' rnams la ston par 'du shes pas yang dag pa'i
bsngags pa

phyogs bzhir sgrogs pa dang/ sems can dge ba la 'god pa dag
rdzogs pa'i sangs rgyas kyi theg pa la 'god kyi/ nyi tshe ba'i
theg pa la ma yin pa'i don du gsungs pa'o// !sems can yal bar mi
'dor ba la sogs pa bzhi la bslab pa ni/ ci la bab kyang sems can

mi spang zhing/ /phan yon rjes bsams rgyun du sbyang bya ste/
/ci nus bsod nams ye shes tshogs bsags pas/ /stobs bskyed mi
nyams khyad par 'gro bar 'bad/ /gzhan yang sems can 'ga' tsam
gyi'ang bde sdug la lta ba med par 'di'i don mi byed kyang bla'o
zhes

yal bar 'dor ba la 'dzem pa med par thun tshod las 'da' bas ni
gtong bar 'gyur bas/ gnod pa chen po byed pa la sogs pas ci la
bab kyang de ltar dor bar mi bya'o/ /sngar bshad pa lta bu'i
phan yon mang du bsams pas spro ba las bsgrim pa drag pos mi
nyams

shing 'phel bar bslab par bya'o/ /rgyun tu ci nus su bsgom
zhing/ nyin mtshan dus drug tu cho ga rgyas bsdus ci rigs pas
spel bas kyang rtag tu rgyun mi 'chad par sbyang bar bya'o/
/bsam pa rin po che de nyid kyis 'phangs pa dkon mchog mchod pa
la brtson par bya ba la sogs

pa tshogs rnam pa gnyis po ci nus su bsags pas ni gong nas gong
du stobs spel bar bya ba'o// !dgag pa'i bya ba la nyams par byed
pa'i chos kyi dbye ba'i dbang du byas nas/ nga rgyal sogs bzhi
dman zhugs bsten sogs bzhi/ /g.yo sgyu sogs bzhi bdud las mi
shes

sogs/ /bzhi dang srid pa'i bde ba don gnyer bas/ /byang chub
sems mchog gtong bar byed pa yin/ /sred med kyi bus zhus pa las/
chos bzhis byang chub kyi sems bskyed gtong bar 'gyur te/ nga
rgyal dang chos la ma gus pa dang bla ma khyad du gsod pa dang/
log pa'i tshig smra

@210a ba'o/ /yang bzhi ste/ nyan thos dang rang rgyal ba'i rnal
'byor ba bsten pa dang/ theg pa dman pa la mos pa dang/ byang
chub sems dpa' la sdang zhing skur ba dang/ chos la dpe mkhyud
byed pa'o/ /yang bzhi ste/ sgyu dang/ g.yo dang/ bla ma la lce
gnyis byed pa

dang/ rnyed pa dang bkur sti la zhen pa'o/ /yang bzhi ste/ bdud
kyi las ma shes pa dang/ las kyi sgrib pas bsgribs pa dang/ lhag
pa'i bsam pa stobs chung ba dang/ thabs dang shes rab dang mi
ldan pa'o/ /nga rgyal gyis ni chos lnga dang yang bral bar byed
de/ sangs rgyas mthong ba

dang/ chos thos pa dang/ byang chub sems dpa' rnams la 'bel btam
'gro ba dang/ dge ba'i rtsa ba bsngo ba dang/ byang chub kyi
sems brtan por bya ba dang 'bral pa'o/ /srid pa'i bde ba don du
gnyer ba ni yang de nyid las/ dper na mi zhig shes rab 'chal/
/byis pa'i rang bzhin

gyur pas na/ /rgyal po bsnyen bkur byas nas ni/ /bya dga' chung
ngu gsol bar byed/ /de bzhin la las sangs rgyas la/ /bsam gyis
mi khyab mchod byas nas/ /tshangs dang brgya byin rgyal po'i
srid/ /dma' sa'i gnas la 'dod par byed/ /rgyal por gyur dang
brgya byin dang/ /de

bzhin tshangs par gyur pa rnams/ /thams cad mi rtag bstan pa yin/
/brtan ma yin te 'jig tshul can/ /des na 'gro kun phan don du/
/byang chub sems ni bskyed par gyis/ /sangs rgyas 'jig rten
mkhas rnams kyis/ /de 'dra'i sems ni bsngags pa yin zhes so/

! gzhan yang ma dad la sogs bcu gnyis dang/ /chos la ser sna
byed sogs drug dang ni// mu stegs byed chos la mos sbyor sogs
lnga/ /'dod pa lnga la chags sogs gnyis kyis gtong// 'das chen
las/ byang chub sems dpa' chos bcu gnyis kyis phyir ldog par
'gyur

te/ ma dad pa dang/ nan tan mi byed pa dang/ the tshom za ba
dang/ lus dang longs spyod la chags shing ser sna byed pa dang/
mya ngan las 'das pa chen pos skrag ste sems can thams cad ji
ltar mya ngan las bzla bar nus snyam pa dang/ bzod sems med pa
dang/ ma dul ba

@210b dang/ mya ngan gyis gdungs pa dang/ mi bde ba dang/ bag
med pa dang/ bdag gi lus la brnyas pa dang/ nyon mongs pa gzhig
mi nus par lta ba dang/ byang chub kyi phyogs kyi chos la 'jug
par mi mos pa'o/ /chos drug gis ni byang chub kyi sems 'jig par
byed de/ chos

la ser sna byed pa dang/ sems can la sdig pa'i sems bskyed pa
dang/ sdig pa'i bshes gnyen bsten pa dang/ le lo byed pa dang/
nga rgyal byed pa dang/ 'jig rten pa'i las byed pa'o/ /chos
lngas ni byang chub kyi sems las ldog par 'gyur te/ mu stegs kyi
chos las rab

tu 'byung bar dga' ba dang/ byams pa chen po mi sgom pa dang/
chos smra ba'i skyon 'tshol bar dga' ba dang/ rtag tu 'khor ba
nyid la dga' ba dang/ gsung rab yan lag bcu gnyis po 'dzin pa la
sogs pa la mi mos pa'o/ /yang gnyis kyis gtong ste/ 'dod pa'i
yon

tan lnga la chags pa dang/ dkon mchog gsum la mi gus pa'o/ /sa
las kyang skye ba'i rgyu bzhi las ldog pa rigs med pa dang/
grogs ngan pa dang/ snying rje chung ba dang/ sdug bsngal mi
bzod pa bzhi ni sems de las ldog pa'i rgyur gsungs so// !de las
ldog pa'i rgyu ni/ 'di

la grangs med zhugs kyang 'khor ba yi/ /nyes mang mthong sogs
rkyen gyis bzlog pas na/ /bsgrub dka' gzhig sla sngar ma g.yul
'jug pa/ /go mtshon brtan yang skrag nas ldog dang 'dra/ 'das
chen nyid las sems can grangs med pa sems bskyed du zin kyang
rkyen cung zad kyis

bzlog ste/ chu 'gul na chu zla ltar ram/ ri mo'i sku gzugs ltar
bsgrub dka' la gzhig sla bas so/ /yang mi sdar ma go mtshon bstar
te g.yul du phyin kyang dgras skrag nas phyir ldog go/ /sems
can dag kyang sems bskyed pa'i go mtshon gyis brgyan nas 'khor
ba'i skyon

mthong ste skrag nas ldog pa'o zhes so// !de'i bar chad byed
pa'i nyes pa ni/ rin chen rin thang med dang sman sdong la/
/gnod byas nor tshogs mang dang nad pa mang/ /gsod par zhugs
ltar
sems mchog gcig gi yang/ /gegs byas yon tan rin chen dpag
@211a med dang/ /'gro ba kun gyi nyon mongs nad chen rnams/ /zhi
ba chen pos gso ba'i bar chad do/ /dge ba'i rtsa ba yongs su
'dzin pa las/ /rin thang med pa'i rin po che la bar chad byas na
nor gyi phung po chen po la bar chad byas pa ltar/ byang chub tu

sems bskyed pa gcig gi bar chad byas na yon tan rin po che'i
phung po 'bum phrag mang po dpag tu med pa'i bar chad do/ /sman
gyi sdong po bskrun pa la bar chad byas na nad pa mang po gsod
pa yin pa ltar byang chub kyi sems kyi sman la bar chad byas na
sems can grangs

med pa 'dod chags la sogs pa'i nad chen pos gang ba rnams mya
ngan las 'das pa chen po'i nad med par 'gro ba'i bar chad do
zhes so// !skabs kyi 'bras bu bsdu ba ni/ des na zhar ba mig
gcig bsrung sogs ltar/ /rtag tu bsgrims pas gcig po 'di bsrung
ste/ /de las

theg pa gcig tu blo sbyang bas/ /rtag sogs bzhi ldan byang chub
mchog thob bya/ /'das chen las/ byang chub sems dpas dngos po
gcig rtag tu brtson bas bsrung bar bya ste byang chub kyi sems
so/ /'jig rten pa bu gcig po bsrung ba dang/ zhar ba mig gcig po
bsrung ba dang/ dbye

dgon par 'gro ba ded dpon bsrung ba ltar gces par 'dzin pas so/
/des byang chub chen po thob pas rtag pa la sogs pa'i pha rol tu
phyin pa bzhi dang ldan pa'o/ /yang dag pa gcig la dad cing
gzhol te theg pa gcig par sbyong ngo/ /gsum ni gdul bya'i rim pa
tsam yin

pas mi 'gal lo zhes so// !bsgrub pa'i bya ba las go cha'i khyad
par ni/ gzhan yang 'di ltar sems ni sbyang bya ste/ /sngon gyi
rgyal rnams 'gro la brtse chen gyis/ /theg mchog lam la sbyangs
bas sangs rgyas pas/ /bdag kyang nges par bsgrub ces go cha bgo
/de nyid las/

byang chub kyi sems las phyir mi ldog pa'i thabs ni sangs rgyas
rnams kyis sems can skye ba la sogs pa las bzlog par mdzad de
gzhan la rag ma las pa'i nan tan gyis byang chub thob par thos
nas byang chub kyi lam thob na bdag gis kyang/ shin tu nan tan
byas te

@211b nges par thob par bya'o snyam mo zhes so// !smon lam gyi
khyad par ni/ dge rtsa bsags kun byang chub chen por ni/ /yongs
su bsngo zhing de las mi ldog par/ /gong du khyad zhugs 'gro
ba'i tshogs pa kun/ /legs 'byor dngos dang brgyud pas de yi ni/
/gegs su gyur ba mtha' dag

dang bral bar/ /smon lam rgya chen rtag tu gdab par bya/ /de
nyid las byang chub kyi sems bskyed pas dge ba'i rtsa ba che'ang
rung/ chung yang rung ci bsags pa thams cad byang chub chen por
bsngos nas 'di ltar smon lam gdab ste/ bdag rtag tu sangs rgyas
rnams dang de'i slob

ma rnams la bsnyen bkur byed cing chos zab mo thos la dbang po
lnga ldan de sdug bsngal gyis gdungs kyang byang chub kyi sems
mi stor bar shog cig /sangs rgyas dang de'i slob ma rnams kyis
bdag la rtag tu dgongs shing dge ba'i rtsa ba lnga dang ldan te/
sems can rnams

kyis bdag gi lus bcad pa la sogs pa byas kyang de dag la byams
pa chen po bskyed de dga' bas/ 'dis ni bdag gi byang chub bskyed
pa dang 'phel bar byas so/ /'di med na bdag ci'i rkyen gyis
mngon par rdzogs par 'tshang rgya snyam pas so/ /yang 'di ltar
smon lam gdab

ste; bdag mtshan med pa'am mtshan gnyis pa'am mo'i lus su ma gyur
cig /gzhan gyi dbang byed par ma gyur cig /rje po ngan pa dang
phrad par ma gyur cig /rgyal po ngan pas dbang byed par ma gyur
cig /yul ngan par skye bar ma gyur cig /lus byad bzang po thob
cing cho rigs

btsun pa dang nor dang rin po che mang po bdog kyang dregs par
ma gyur cig /rtag tu gsung rab sde snod bcu gnyis thos nas 'dzin
cing klog pa la sogs pa byed par gyur cig /de sems can la bshad
pas yid ches shing 'dzin pa dang dad nas the tsom med de rtag tu
bdag

la ngan sems mi skye bar gyur cig /nyung ngu thos la mang du
shes par gyur cig /mang du thos la don mi shes par ma gyur cig
/sems kyi ston par gyur la ston pa'i sems su ma gyur cig /lus
dang ngag dang yid kyi las sdig pa dang 'dres par ma gyur cig/
sems can thams

@212a cad la bde ba sbyin par gyur cig /lus kyi tshul khrims dang
sems kyi shes rab ri rab dang 'dra bar mi g.yo bar gyur cig
/bla na med pa'i dam pa'i chos 'dzin pa'i phyir lus dang srog
dang zang zing la 'jungs par ma gyur cig /ma brtags pa'i

rdzas kyis bsod nams kyi las byed par ma gyur cig /yang dag pa'i
'tsho bas bdag gso zhing g.yo sgyu'i sems med par gyur cig /rtag
tu drin dran zhing drin chung ngu la'ang lan ldon par gyur cig
/'jig rten gyi rtsal gyi dngos po la mkhas par gyur cig /sems
can

thams cad kyi skad la mkhas par gyur cig /gsung rab sde bcu
gnyis klog pa la sogs pa la le lo dang snyoms las med par gyur
cig /gal te sems can la la thos par mi dga' na thabs kyis thos
par dga' ba byed par gyur cig /smra ba mnyen des shing mi dga'
ba'i

ngag brjod par ma gyur cig /mi bzlum pa rnams kyi sdums byed par
gyur cig /mya ngan dang 'jigs pa dag gi mya ngan dang 'jigs pa
spong bar gyur cig /mu ge byung na chog shes 'grangs par gyur
cig /nad dang gor byung na sman pa'i rgyal por gyur te/ nad kyi
rkyen sman dang nor la sogs

pa ci dgos pa sbyin pas nad rnams sel bar gyur cig /mtshon gyi
bskal par stobs chen pos gnod pa dang 'tshe ba thams cad gcod par
gyur cig /sems can gyi 'jigs pa sna tshogs 'chi ba dang 'ching ba
dang brdeg pa dang me dang chu dang rgyal po dang rkun po
dang
dbul ba

dang khrims 'jig pa dang mi snyan pa dang ngan song la sogs pa
gcod par gyur cig /pha dang ma dang mkhan po dang bla ma la
shin
tu bkur sti'i gus pa byed par gyur cig /khon dang sdo ba la
byams pa chen po byed par gyur cig /rtag tu rjes su dran pa drug
dang/ stong pa'i ting nge

'dzin gyi rnam grangs dang/ rten cing 'brel bar 'byung ba'i yan
lag bcu gnyis dang/ skye zhing 'gog pa la sogs pa'i lhag mthong
dang/ dbugs bgrang ba dang/ lha dang tshangs pa dang 'phags pa'i
gnas pa dang/ rdo rje lta bu dang dpa' bar 'gro ba la sogs pa'i
ting nge

@212b 'dzin bsgom par gyur cig /dkon mchog gsum mi bzhugs pa'i
sar yang rang nyid kyis rab tu zhi ba'i sems thob cing/ lus dang
sems nyon mongs pa cher myong yang byang chub kyi sems stor
bar
ma gyur cig /nyan thos dang rang sangs rgyas kyis sems kyis chog
par mi

'dzin par gyur cig /dkon mchog gsum mi bzhugs pa'i gnas su mu
stegs kyi chos la rab tu byung ste ngan par lta ba 'jig cing/ mu
stegs kyi chas mi sgom par sems dang chos la dbang thob par gyur
cig /'dus byas kyi skyon gsal bar mthong bar gyur cig /

srog phangs par 'dzin pa lus gtong ba la 'jigs pa ltar nyan thos
dang rang rgyal ba'i sems dang 'bras bu la 'jigs par lta bar
gyur cig /ji ltar sems can dag sum cu rtsa gsum pa'i lha'i bde
ba la mos pa ltar/ 'gro ba'i don byed par ngan song gsum la

mos par gyur cig /sems can gcig gi phyir yang bskal pa tshad med
par dmyal ba'i sdug bsngal myong yang 'gyod pa'i sems mi skye
bar gyur cig /gzhan gyi rnyed pa la phrag dog med par bdag gi
bde ba ltar rtag tu dga' bar gyur cig /dkon mchog gsum dang
'phrad pa na

na bza' dang zhal zas dang gzims cha dang me tog la sogs pa
dang/ rin po che bdun gyis mchod pa byed par gyur cig /sangs
rgyas kyi bcas pa'i tshul khrims mnos nas brtan par 'dzin cing
nam yang 'jig pa'i sems med par gyur

cig /byang chub sems dpa'i bya dka' ba'i spyod pa rnams thos na
rab tu dga' zhing chos la 'gyod sems mi skye bar gyur cig /sngon
gyi gnas rjes su dran zhing nam yang 'dod chags dang zhe sdang
dang gti mug gi las gsog par ma gyur cig /'bras bu la re bas
rgyu dang

rkyen gsog par ma gyur cig /da ltar gyi bde ba la nam yang chags
par ma gyur cig ces so// !de dag gi byed pa'i khyad par ni/ de
lta'i yi dam la gnas nams kyang ni/ /mi ldog 'gro ba'i ded dpon
chen por 'gyur/ /des ni chos phyir mar mer lus gtong ba'i/ /tshor
ba

@213a myong tshe 'di ni don med par/ /dmyal ba'i sdug bsngal
mang myong char mi phod/ /ces brtags bzod byas sems can bsgral
ba'i phyir/ /dmyal ba'ang len na sdug bsngal gzhan ci smos/ /'di
'dra'i go cha'i khur chen khyer bar bslab/ /de nyid las

de ltar yi dam 'cha' ba ni nams kyang byang chub kyi sems las mi
ldog cing byang chub kyi sems mi stor ba'o/ /sbyin bdag chen po
de bzhin gshegs pa'i sangs rgyas kyi rang bzhin mthong ba/ 'khor
ba las sgrol ba/ bla na med pa'i chos 'dzin cing bsrung ba/ pha
rol

tu phyin pa drug dang ldan pa zhes kyang bya'o/ /byang chub sems
dpa' chos 'dod pas lus la ras dkris te mar byugs nas mar mer
gtong ba na/ sdug bsngal chen po myong ba'i tshe rang gi sems la
'di ltar smod de/ 'di ni dmyal ba'i sdug bsngal gyi brgya stong
gi cha tsam

du'ang mi phod na/ khyod don med par de ni bskal pa tshad med par
yang bzod la/ chung ngu 'di tsam yang mi bzod na dmyal bar sems
can bsgral ba'i phyir ci ltar 'gro bar nus/ de ltar bsams na lus
kyis kyang sdug bsngal de mi tshor la sems kyang mi ldog go /de'i
tshe

ni bdag nges par mngon par rdzogs par 'tshang rgya bar rtogs te/
lus gtong ba'i sdug bsngal gzhan ci lta bu yang bzod do zhes
gsungs te/ sems de spyad pa'i ched du zhes dgongs pa'o// bstan
pa la 'jug pa'i rim pa rnam par bshad pa las/ byang chub kyi

sems bsgom pa la 'jug pa bshad pa ste/ le'u drug pa'o// !de ltar
byang chub kyi sems smon pa la bslab pa brjod nas de tsam gyis
sngar brjod pa'i phan yon thams cad yongs su rdzogs shing mthar
thug pa'i sangs rgyas nyid mi 'grub pas

na; bcom ldan 'das kyis rnam pa thams cad mkhyen pa nyid ni
snying rje'i rtsa ba las byung ba/ byang chub kyi sems kyi rgyu
las byung ba/ thabs kyis mthar phyin par byed par gsungs pas/
byang chub sems dpa'i bslab pa la bslabs pa las byang chub kyi
sems snga ma'ang brtan

@213b zhing mthar phyin par 'gyur ba'i phyir 'jug pa'i byang
chub kyi sems zhes bya ba byang chub sems dpa'i sdom pa'i mtshan
nyid can la bslab par bya bas na/ 'jug sems bdag nyid sdom pa ma
gtogs pa/ /yang dag smon pa 'phel bar 'gyur ma yin/ /rdzogs pa'i
byang chub

sdom pa spel 'dod pas/ /de phyir 'bad pas 'di ni nges par blang
zhes gsungs pa'o// !dang por sbyor ba dang dngos dang rjes dag
gis yang dag par blang ba'i cho ga bstan par 'dod nas/ bsam pa
tsam gyis kun mkhyen mi 'grub pas/ /tshul khrims phung po gsum
gyi

bslab pa blang/ /bla mar 'os la gsol gdab bar chad dri/ /bslab
gzhi lci yang nyes dmigs phan yon dag /bsgo zhing tshogs bsags
myur du bskul nas ni/ /bsam pa sbyang zhing mdor bsdus dri ba
brjod/ /phyogs bcu dus gsum bzhugs pa'i rgyal sras rnams/ /bslab

pa'i gzhi dang tshul khrims gang dag la/ /bslabs shing slob dang
slob 'gyur ma lus pa/ /bsdus pa'i tshul khrims phung po gsum mnos
bya/ /bder gshegs sras bcas ji snyed bzhugs pa la/ mkhyen par
gsol gdab gzigs shing dgongs pa dang/ /mchog tu gsang

dang bslab pa mdor bsdus brjod/ /bka' drin gzo bas mchod cing
phyag bya bsngo/ /'di dag byang chub sems dpa'i sa las gsungs pa
bla ma brgyud pa'i man ngag gi go rim gyis brjod par bya ste/
sbyor ba'i cho ga rnam pa bcu las gsol ba gdab pa ni byang chub
sems dpa'

khyim pa'am rab tu byung ba byang chub sems dpa'i bslab pa tshul
khrims kyi phung po gsum la slob ? par 'dod cing bla na med pa'i
byang chub tu smon lam btab pas/ byang chub sems dpa' byang
chub
tu smon lam btab pas chos mthun pa sdom pa dang ldan pa mkhas
pa
dag gi

rnam par rig byed kyi don 'dzin pa dang go bar nus pa la phyag
byas nas snying thag pa nas len par 'dod pas gsol ba gdab ste/
slob dpon dgongs su gsol/ bdag ming 'di zhes bgyi ba slob dpon
khyed las byang chub sems dpa'i tshul khrims kyi sdom pa yang dag
par

@214a blang ba mnod par 'tshal gyi/ de las khyed la gnod pa ma
mchis na bdag la thugs brtse ba'i slad du cung zad gcig gsan
cing stsal ba'i rigs so zhes lan gsum rjes su bzlas pas so/ /bar
chad dri ba gnyis las thun mong ba dri ba ni/ rigs kyi

bu ming 'di zhes bya ba khyod/ byang chub sems dpa'i tshul khrims
kyi sdom pa yang dag par len pa gzhan dang 'gran pa'i phyir ma
yin nam/ gzhan gyis rang dbang med par len du bcug pa ma yin
nam/ byang chub sems dpa'i sde snod dam sde snod kyi ma mo thos

sam/ shes sam dad dam cung zad bsrung nus sam/ sems can ma
brgal
ba rnams bsgral bar 'dod dam/ ma grol ba rnams dgrol bar 'dod
dam/ dbugs ma phyin pa rnams dbugs dbyung bar 'dod dam/ yongs
su
mya ngan las ma 'das pa rnams yongs su

mya ngan las bzla bar 'dod dam/ sangs rgyas kyi gdung rgyun mi
'chad par 'dod dam zhes so/ /des kyang lan ci rigs pa dang ci
nus pas gdab pa'o/ /bslab pa'i gzhi lci yang brjod pa ni rnyed
pa dang bkur sti la lhag par chags nas bdag la bstod cing gzhan
la

smod pa la sogs pa pham pa'i gnas lta bu bzhi po byas nas/ rgyun
ma chad par kun tu spyod pa dang/ ngo tsha shes pa dang khrel yod
chung ngu tsam yang mi bskyed pa dang/ des mgu bar byed cing de
la dga' ba dang/ de nyid la yon tan du lta bar gyur pas ni kun
nas dkris pa

chen por bskyed la/ ngo tsha khrel yod chung ngu tsam skyes na
'bring bskyed cing/ ngo tsha khrel yod myur du skye na chung ngu
bskyed par ro/ /bslab pa de nyams pa'i nyes dmigs ni kun nas
dkris pa chen pos nyams na blo gros rgya mtsho dang/ sa'i snying
po dang chos yang dag par

sdud pa la sogs pa las gsungs pa ltar shes par bya'o/ /bslab
pa'i phan yon ni de las ma nyams na byang chub chen po myur du
'thob pa dang/ sangs rgyas thams cad kyis dgongs pa dang/ tshul
khrims mnyams pa'am lhag pa'i dge ba'i bshes gnyen gyi thad du

@214b du skye ba dang/ skye ba thams cad du rang bzhin gyis tshul
khrims dang mi 'bral ba dang / bdag dang gzhan gyi rgyud la tshul
khrims kyi phung po rgyas par byed pa dang/ dga' bzhin du 'chi
ba'i dus byed pa dang/ de ma thag tu ngan 'gro gcod par 'gyur
ba'o/ /tshogs bsags pa

ni de lta bu'i nyes dmigs spangs pas mi skrag pa dang phan yon
la spro bas dus gsum gyi sangs rgyas dang byang chub sems dpa'
sa chen po la bzhugs pa ye shes dang mthu chen po thob pa phyogs
bcu na bzhugs pa rnams dang/ bla ma la mchod pa bshams nas/ de

dag gi yon tan rnams mngon sum du byas te bsam pa thag pa nas
dad pa'i sems kyis ci nus pa dang/ rgyu'i stobs ci yod pas chung
ngu'ang bskyed la/ sangs rgyas kyi sku gzugs bdun du bzhugs ba
la sogs pa la phyag dang mchod pa so sor 'bul ba'o/ /bar chad

thun mong ma yin pa dri ba ni de la byang chub sems dpa' mkhas
pa 'greng ba'am 'dug kyang rung sems ma g.yengs pas/ rigs kyi
bu'am chos kyi spun ming 'di zhes bya ba khyod byang chub sems
dpa' yin nam/ byang chub tu smon lam btab bam/ byang chub sems
dpa'i

tshul khrims kyi sdom pa nga las yang dag bar len par 'dod dam
zhes so/ /des kyang de ltar lags so zhes khas blang ba'o/ /bla
ma la myur du bskul ba ni 'dud pa'i tshul gyis pus mo'i lha nga
sa la btsugs pa'am tsog tsog por 'dug kyang rung/ rigs kyi bu'am
tshe dang ldan pa'aM

btsun pa'am slob dpon dgongs su gsol/ khyed kyis byang chub sems
dpa'i tshul khrims kyi sdom pa yang dag par blang ba bdag la
stsal du gsol/ shin tu myur bar stsal du gsol zhes lan gsum rjes
su brjod pas so/ /bsam pa sbyang ba ni byams pa dang snying rje
chen po

mngon du byas nas dran pa rtse gcig tu bzhag ste sems dang ba
kho na bskyed nas da ni bdag gi ring po mi thogs par/ byang chub
sems dpa'i tshul khrims kyi sdom pa bsod nams kyi gter chen po
bla na med pa zad mi shes shing dpag tu med pa de 'thob par
'gyur ro/ /

@215a @#/ /zhes mchog tu dga' bas don de nyid rjes su bsam zhing
cang mi smra bar gnas par bya'o/ /bslab pa mdor bsdus brjod pa
ni rigs kyi bu khyod byang chub sems dpa'i bslab pa'i gzhi thams
cad dang byang chub sems dpa'i tshul khrims thams

cad nga las len par 'dod dam zhes dri zhing/ des 'tshal lags zhes
khas blang ba'o// dngos gzhi ni rigs kyi bu ming 'di zhes bya ba
khyod 'das pa'i byang chub sems dpa' thams cad kyi bslab pa'i
gzhir gyur pa gang yin pa rnams dang tshul khrims su 'gyur pa

gang yin pa rnams dang/ ma 'ongs pa'i byang chub sems dpa' thams
cad kyi bslab pa'i gzhir 'gyur ba gang yin pa rnams dang tshul
khrims su 'gyur ba gang yin pa rnams dang/ da ltar phyogs bcu
dag na da ltar byung ba'i byang chub sems dpa' thams cad kyi
bslab pa'i

gzhi gang yin pa rnams dang tshul khrims gang yin pa bslab pa'i
gzhi gang dag dang tshul khrims gang la 'das pa'i byang chub sems
dpa' thams cad kyis bslabs par gyur pa dang/ ma 'ongs pa'i byang
chub sems dpa' thams cad slob par 'gyur ba dang/

phyogs bcu dag na da ltar byung ba'i byang chub sems dpa' thams
cad da ltar na slob pa/ byang chub sems dpa'i bslab pa'i gzhi
thams cad dang/ byang chub sems dpa'i tshul khrims thams cad de
sdom pa'i tshul khrim dang dge ba'i chos sdud pa'i tshul khrims

dang sems can gyi don bya ba'i tshul khrims nga las nod dam zhes
lan gsum brjod cing/ nod pa'i byang chub sems dpa' nas kyang/
nod lags so zhes lan gsum khas blang bar bya'o/ /rjes kyi cho ga
las mkhyen bar gsol ba ni nod pa de ma langs par 'dug tu

bcug la slob dpon gyi sku gzugs de'i spyan sngar phyogs bcu'i
sangs rgyas dang byang chub sems dpa' thams cad la phyogs re
re'i zhabs la gtugs par bsam zhing phyag lan gsum gsum btsal la
me tog lan re re gtor nas thal mo sbyar te 'greng

@215b bzhin du 'dud pa dang bcas pas phyogs bcu rnams na bzhugs
pa'i sangs rgyas dang byang chub sems dpa' thams cad bdag la
dgongs su gsol/ byang chub sems dpa' ming 'di zhes bgyi ba 'dis
bdag byang chub sems dpa' ming 'di zhes bgyi ba las/ byang

chub sems dpa'i tshul khrims kyi sdom pa yang dag par blangs pa
lan gsum gyi bar du mnos lags te/ bdag ming 'di zhes bgyi ba las
byang chub sems dpa' ming 'di zhes bgyi ba 'dis byang chub sems
dpa'i tshul khrims kyi sdom pa yang dag par blangs pa

la bdag dbang du gyur par 'phags pa'i mchog lkog tu gyur kyang/
sems can thams cad la thams cad du lkog tu ma gyur ba'i thugs
mnga' ba phyogs bcu'i 'jig rten gyi khams mtha' yas mu med pa na
bzhugs pa rnams la mkhyen par gsol lo zhes lan gsuM

brjod pas so/ /ye shes kyi gzigs pa 'jug pa cho ga'i phan yon
'di ni chos nyid yin te/ de ltar tshul khrims kyi sdom pa yang
dag par blang pa'i las rdzogs ma thag tu/ phyogs bcu mtha' yas
mu med pa na bzhugs pa'i sangs rgyas dang byang chub sems dpa'
sa chen

por chud pa rnams la/ gang gis de dag 'di snyam du byang chub
sems dpa' des tshul khrims kyi sdom pa yang dag par blangs so/
/snyam du dgongs par 'gyur ba'i ltas sa g.yo ba dang me tog
lhags pa la sogs pa 'byung ngo/ /de'i rjes la de dag kyang rgyal
sras de la dgongs par

'gyur te ye shes gzigs pa 'jug go /des 'di ltar byang chub sems
dpa' ming 'di zhes bya bas/ 'jig rten gyi khams che ge mo zhig
tu byang chub sems dpa' ming 'di zhes bya ba las byang chub sems
dpa'i tshul khrims kyi sdom pa yang dag par legs par mnos

so zhes thugs su chud par 'gyur ro/ /thams cad kyang de la spun
dang 'dra ba dang sbun dang 'dra ba'i dgongs pa bzang pos so so
nas thugs brtse bar mdzad do/ /de las de'i dge ba'i chos rnams
rgya cher 'phel bar 'gyur te nyams par mi 'gyur bar shes par
bya'o/ /mkhyen
@216a par gsol ba de yang de dag gi thugs su chud par rig
par bya'o/ /sdom pa gya tshom du mi sgrag pa ni rigs kyi bu
khyod kyis byang chub sems dpa'i tshul khrims kyi sdom pa nod
pa 'di byang chub sems dpa'i sde snod la sdang zhing ma dad pa
la sogs

pa'i sems can rnams la mchog tu gsang bar bya'i/ gya tshom du
bsgrag par mi bya zhing bshad par mi bya'o/ /de ci'i phyir zhe
na/ de dag gis thos na ma mos shing mi shes pa'i sgrib pa chen
pos bsgribs pas skur par 'gyur ba'i phyir te/ de la skur pa
'debs pa de

ni sdom pa la gnas pa de'i bsod nams kyi phung po dpag tu med
pa ci tsam pa de tsam du sdig pa'i tshig dang sdig pa'i lta ba
de dag ji srid thams cad du ma spangs pa de srid du bsod nams
ma yin pa'i phung po dpag tu med pa de tsam de kho na dang
ldan par 'gyur bas so/ /

bslab pa mdor bsdus pa brjod pas rjes su bsrung ba la sbyar ba
ni/ gzhan rnams dang ni bdag la'ang rung/ /sdug bsngal yin
yang gang phan dang/ /phan dang bde ba rnams bya ste/ /bde
yang mi phan mi bya'o zhes spyir bstan pa dang/ nyon mongs
drag las byung ba yi/ /sdom pa zhig

bar gang 'gyur ba/ /de yi nyes pa bzhi po ni/ /pham pa 'dra
bar dgongs pa yin/ /rnyed dang bkur stir chags pa yis/ /bdag
bstod gzhan la smod pa dang/ /sdug bsngal mgon med gyur pa la/
/ser snas chos nor mi ster dang/ /gzhan gyis bshags kyang mi
nyan par/ /khros

bas gzhan la 'tshog pa dang/ /theg pa chen po spong byed cing/
/dam chos 'drar snang ston pa'o/ /zhes pham pa'i nyes pa dang/
sdom pa slar yang blang bar bya/ /zag pa 'bring ni gsum la
bshags/ /gcig gi mdun du lhag ma rnams/ /nyon mongs mi mongs
bdag sems

bzhin/ /zhes nyes pa rnams phyir gso ba'i thabs dang/ dkon
mchog gsum la gsum mi mchod ces bya ba la sogs pa nyes byas
kyi rigs bzhi bcu rtsa drug dang/ de dag gi lci yang gi khyad
par yang nyon mongs pa can dang nyon mongs pa can ma yin pa'i
nyes pa

@216b dag dang/ nyes pa med pa'i khyad par rnams kyang/ 'dod
chags khong khro nga rgyal sogs/ /nyon mongs ltung bar 'dir
bstan te/ /le lo brjed ngas la sogs pa/ /mched las gzhan du
nyon mongs min/ /sems ni shin tu nyon mongs dang/ /sdug bsngal
tshor bas nyen

pa dang/ /gnyid dang smyos pa dag la yang/ /byung ba la ni
nyes pa med/ /snying rje'i phyir dang byams phyir dang/ /sems
dge ba la nyes pa med/ /ces gsungs pa rnams lung 'bog pa ste/
'di rnams ni rgyas par sa'i tshul khrims le'u dang/ de las
bsdus pa sdom pa nyi shu pa

las blta bar bya bas 'dir ma spros te gzhung ha cang lci ba
spang bas so/ /bka' drin gzo ba'i mchod pa ni sdom pa blang
ba'i las de rdzogs nas slob ma'ang spyi bo sa la gtugs shing
ldang du bcug la gnyi gas phyogs bcu'i sangs rgyas dang byang
chub sems dpa' thams cad la

phyag dang mchod pa rgyas par byas nas zhabs la gtugs te ldang
bar bya ba'o/ /de nas ni dge ba'i rtsa ba bsngo ba rgya cher
bya'o// !de ltar sdom pa yongs su bzung ba'i byang chub sems
dpa'i bslab pa 'chad pa na bsgrub pa'i bslab pa spyir rnam pa
bzhag par 'dod nas dgos pa bstan

pa ni/ de ltar rgyal sras bslab mchog legs bzung nas/ /ji skad
smras bzhin bsgrub pas rdzogs bya ste/ /tshig tu bros pas bdag
gzhan kun bslu'i phyir/ /bsgrub la brten cing lan mang rab
brtson sbyang/ /byang chub kyi sems dang sdom pa rin po che de
legs par bzung nas/ 'gro ba mtha'

dag bsgral bar bsam pa dang sbyor ba dag gis ji ltar dam bcas
pa'i don de dag rjes su mthun pa'i bslab pa bsgrub pas yongs
su rdzogs par bya ba la sems thams cad kyis bsams shing bsgrim
pa chen pos brtson par bya ste/ gzhan du na gal te de ltar dam
bcas nas/

las kyis bsgrub pa ma byas na/ /sems can de dag kun bslus pas/
/bdag gi 'gro ba ci 'drar 'gyur/ /dngos po phal ba cung zad
la'ang/ /yid kyis sbyin par bsams byas nas/ /mi gang sbyin par
mi byed pa/ /de yang yi dwags rgyur gsungs na/ /bla na med
pa'i bde ba la/ /bsaM

@217a pa thag pas mgron gnyer nas/ /'gro ba thams cad
bslus byas na// bde 'gror ci ga 'gro 'gyur ram/ /zhes bstan
bcos las bsdus pa ltar/ blo gros rgya mtshos zhus pa las/ byang
chub sems dpas tshig tu bros shing tshig lhur blang bar mi
bya'o//

ji skad smras pa bzhin bya'o/ /ji ltar zhe na/ sangs rgyas su
'gyur bar bya'o zhes bya ba'i tshig 'di brjod par sla'i/ dge
ba'i phyogs byang chub kyi phyogs rnams ni bsgrub par dka'o
snyam pas so// yang dper na rgyal po'am blon po chen pos grong
khyer gyi skye bo thams cad sang

zan sbyin no zhes mgron du gnyer nas yal bar dor te bza' btung
ma sbyar na/ des skye bo'i tshogs de bslus pas/ de dag bza'
btung ma thob pas 'phya zhing 'gro'o/ /de bzhin du byang chub
sems dpa' sems can ma brgal ba bsgral ba la sogs par khas
blangs

nas mang du thos pa dang byang chub kyi phyogs rnams la brtson
par mi byed na/ de ni ji skad smras pa bzhin byed pa ma yin
pas lha dang bcas pa'i 'jig rten bslu ba'o/ /de sngon sangs
rgyas mthong ba'i lha dag gis mthong na 'phya zhing smod de/
mchod sbyin bya bar dam bcas

pa nyams 'og tu chud par byed pa ni dkon no/ /de bas na tshig
gang gis lha dang bcas pa'i 'jig rten bslu ba'i tshig de lta bu
smra bar mi bya'o zhes so/ /dran pa nyer gzhag las kyang cung
zad gcig bsams nas mi sbyin na yi dwags su skye la/ khas
blangs nas mi sbyin pa ni

dmyal bar skye bar gsungs na/ 'gro ba ma lus pa'i bla na med
pa'i don dam bcas nas bsgrub par mi byed pa lta ci smos/ chos
yang dag par sdud pa las kyang bden pa yang dag par brjod pa
ni chos yang dag par brjod pa'o/ /bden pa gang zhe na byang
chub tu sems bskyed nas

de srog gi phyir yang mi gtong zhing sems can la log pa mi
byed pa ni bden pa'o/ /sems bskyed nas de phyir 'dor zhing
sems can la log pa byed pa ni brdzun du smra ba tha chad do
zhes so/ /sa'i snying po'i mdo las kyang/ dge ba bcu po 'di
dag gis sangs rgyas su 'gyur gyi/

@217b ji srid 'tsho'i bar du dge ba'i las gcig tsam yang mi
sgrub la/ nga ni theg pa chen po ba ste bla na med pa'i byang
chub 'tshol lo zhes tshig tsam smra na/ de ni shin tu tshul 'chos
pa brdzun chen po smra ba sangs rgyas thams cad kyi spyan
sngar 'jig rten bslu ba chad par smra ba

ste de ni rmongs bzhin du 'chi zhing log par ltung ba'o zhes
so/ /da ltar gyi sangs rgyas mngon sum du bzhugs pa'i ting nge
'dzin las kyang/ chos bsgrub pa zhes bya ba ni kun tu bsten/
nges par bsten cing bsgoms la lan mang du byas/ lam du byas/
gzhir byas/ yang dag

par blang/ legs par byang bar byas/ shin tu yongs su sbyang/
shin tu mnyam par bzhag / shin tu yang dag par brtsams pa'o
zhes gsungs te/ bslab par bya ba'am bsgrub par bya ba dag la
ci nus ci 'os su lus dang ngag dang yid kyis 'bad pa drag pos
'jug par bya

pa'i don no/ /de dag gis ni bslab pa'i dgos pa gtsor bstan to//
! /shes par byed pa gtsor ston pa ni/ legs gsungs bdud rtsis
lam kun rab gsal bar/ /ston mdzad blo gros mig 'chos bstan
bcos don/ /ma lus bsdus pa bla ma'i dmigs bu la/ /legs

bsten mnyan sogs gus pas rab 'jug bya/ /ye shes rgyas pa las/
byang chub sems dpa' bstan bcos thams cad la mkhas pa ni/
thams cad mkhyen pa nyid la zhugs pa'o/ /thams cad mkhyen pa'i
ye shes kyi rtsom pa ni bstan bcos thams cad la mkhas pa

yin pa'i phyir ro/ /de ni bstan bcos byed pa thams cad kyi ngo
bo nyid kyi rjes su 'gro ste ngo bo nyid 'dis bstan bcos de
ston pas so/ /zhes so/ /de la yang don gyi gnad bsdus pa'i
tshul gyis 'jug par bya'i/ tshig gi spros pa ni mtha' yas pas
thams cad bsgrub par mi nus

pas na/ zla ba sgron ma las/ ngas ni 'jig rten stong rnams su/
/mdo sde du ma rab bshad pa// tshig 'bru tha dad don gcig ste/
/yongs su brjod par mi nus so/ /gcig gi don cig bsams na ni/
/thams cad shin tu bsgoms par 'gyur/ /ji snyed sangs rgyas
thams cad

@218a kyis; ;chos rnams mang po bshad pa yang/ /chos rnams
kun la bdag med pa/ /mi gang don la mkhas pa yis/ /tshig 'di la
yang bslabs pa ni/ /sangs rgyas chos rnams rnyed mi dka' zhes
so/ /'das chen las kyang/ chos bsrung ba zhes bya ba ni

chos 'chad pa dang klog pa dang kha ton byed pa dang yi ger
'dri ba dang don sems pa dang rgyas par byed pa dang ston pa
dang/ gzhan yi ger 'dri ba la sogs pa la gos la sogs pa 'tsho
ba sbyin pa dang/ lus dang srog la mi lta bar chos bsrung ba'o
zhes so/ /sa las kyang /

byang chub sems dpa'i mdo sde'i sde snod las kyang bsgrims te
mnyan pa'am/ yang na byang chub sems dpa'i mdo sde'i sde snod
kyi ma mo bsdus pa 'di las kyang mnyan te/ 'di ltar bcom ldan
'das kyis mdo sde de dang de dag tu byang chub sems dpa' rnams
kyi bslab pa'i gzhi

stong phrag du ma gsungs pa dag bsgrub pa'i phyir de kho na
bzhin du bslab par bya'o zhes so// gzhan las kyang/ byang chub
sems dpa'i sdom pa ni/ rgyas par theg pa che las 'byung/ /dge
ba'i bshes gnyen mi btang zhing/ /mdo sde dag la rtag lta bas
zhes so// !slob pa'i rnam pa

ni; des na 'jig rten shes pa bcus gnas te/ /'jig rten mi gos
byed chos bcu bsten cing// byang chub snying po'i lam chen
bzhir gnas pas/ /tshul khrims thos dang bsgom zhing ston pa
mchod/ /dkon mchog sprin las/ chos bcus 'jig rten shes pa
ste/

khengs pa dag la dma' ba rnams yin/ de bzhin du pho theg can
la nga rgyal med pa dang/ sgyu can la drang po dang/ brdzun du
smra ba la bden pa smra ba dang/ kha mi mkhas pa la snyan pa
smra ba dang/ tshig rtsub pa la 'jam pa smra ba dang/ khro ba
la bzod pa mang ba dang/ gtum

pa la byams pa dang/ sdug bsngal ba la snying rje ba dang/ ser
sna can dag la bgo bsha' byed pa'i ngang tshul can dag yin no
zhes so/ /'das chen las/ chos bcu dang ldan na 'jig rten dang
mi rtsod cing 'jig rten pa'i chos kyis mi gos pa yin te/ dad
pa dang/ tshul

@218b khrims dang/ dge ba'i bshes gnyen bsten pa dang/ nang du
yid la byed pa dang/ brtson 'grus dang/ shes rab dang/ dran pa
dang/ yang dag pa'i ngag dang/ chos la mos pa dang/ sems can
la snying rje dang ldan pa'o zhes so/ /sgyu ma mkhan bzang
po'i mdo las lam gang

la zhugs na byang chub kyi snying por 'gro bar 'gyur ba'i lam
ni bzhi ste/ byang chub kyi sems mi 'dor ba dang/ sems can
yongs su mi gtong ba dang/ dge ba'i rtsa ba thams cad tshol bas
mi ngoms pa dang/ dam pa'i chos bsrung ba'i brtson 'grus brtan
pa rtsom pa'i

zhes so/ /zla ba sgron ma las/ tshul khrims rnam par dag byas
nas/ /mang du thos pa bsgrub par bya/ /ting 'dzin yongs su
btsal bya zhing/ /ston pa'i ring bsrel mchod par bya/ /byang
chub mchog gi don gyi phyir/ /spos dang phreng ba bdug pa
dang/ /gos dang phye ma la sogs pa/ /de dag kun

gyis mgon mchod bya zhes so// !bslab pa'i gzhi'i khyad par
las ngo bo nyid ni/ bdag gzhan 'di dang phyi ma'i bde sdug
rnams/ /che chung mang nyung phan bde legs brtags nas/ /gzhan
la phyi ma'i phan pa gtsor byas te/ /don chen brtsams pas
bslab pa mchog la bslab/ / 

bslab pa mchog ni dkon mchog sprin las/ ji ltar byang chub
sems dpa'i bslab pas bsdams pa yin zhe na/ 'di la byang chub
sems dpa' 'di ltar spyod de/ so sor thar pa'i sdom pa tsam
gyis bdag bla na med pa'i byang chub tu 'tshang rgya bar mi nus
gyi/ de bzhin gshegs 

pas gang 'di mdo sde de dang de dag las byang chub sems dpa'i
spyod pa dang byang chub sems dpa'i bslab pa'i gnas bcas pa
gang yin pa de dag la bdag gis bslab par bya'o zhes so/ /sa
las kyang/ byang chub sems dpa'i tshul khrims kyi sdom pa yang
dag par blang ba 'di

ni sdom pa yang dag par blang ba thams cad las khyad par du
'phags ba ste/ bla na med pa dang bsod nams kyi phung po dpag
tu med pa dang ldan pa dang sems kyi bsam pa mchog tu dge bas
bskyed pa dang sems can thams cad la nyes par spyod pa rnam pa
thams cad kyi gnyen

@219a por gyur pa'o/ /so sor thar pa'i sdom pa ni/ bsod
nams yongs bzung ba la brten nas 'di'i brgya stong gi cha dang
grangs dang cha dang bgrang ba dang dpe dang rgyur yang nye
bar mi 'gro'o zhes so/ /'di'i spyi'i rang bzhin yang de nyid
las/ sdom pa de

la gnas pa'i byang chub sems dpa' 'di ltar bdag nyid kyis
kyang brtag cing brtag cing 'di ni byang chub sems dpa'i bya
ba'i cha yin no/ /'di ni bya ba'i cha ma yin no zhes de phyin
chad de kho na bzhin du las su bsgrub par bya zhing bsrung bar
bya'o zhes so/ /brtags pa yang

slob dpon btsun pa zla bas/ gzhan rnams dang ni bdag la'ang
rung/ /sdug bsngal yin yang gang phan dang/ phan dang bde ba
rnams bya ste/ /bde yang mi phan mi bya'o zhes bya ba bshad pa
dang bcas pas rgyas par gsungs la/ bslab pa kun las btus pa
las kyang/ gang tshe

bdag dang gzhan dag kyang/ /'jigs dang sdug bsngal mi 'dod pa/
/de tshe de bsrung gzhan min gang/ /bdag dang bye brag ci zhig
yod snyam pa de lta bu'i bsam pa skyes nas de bdag dang sems
can gyi khams rnams kyi sdug bsngal mthar 'byin 'dod pa dang/
bde ba'i

mthar yang 'gro 'dod pas zhes ched du bya ba dang/ rang bzhin
yang de ltar sdom pa yang dag par bzung ba la ltung ba'i mtshan
nyid gang gi brjod pa'i dngos po bdag nyid kyis brtags te
spong ba dang/ ltung ba'i gzugs brnyan dang ltung pa ma yin
pa'i gzugs brnyan

la rmongs par mi 'gyur bar ltung ba spyi'i mtshan nyid brjod
do/ /byang chub sems dpa' sems can thams cad kyi da ltar dang
ma 'ongs pa'i sdug bsngal dang yid mi bde ba thams cad bsal ba
dang da ltar dang ma 'ongs pa'i bde ba dang yid bde ba thams
cad bskyed pa'i

phyir/ g.yo med par lus dang ngag dang yid brtson pas nan tan
mi byed pa dang de'i rkyen tshogs pa mi tshol ba dang de'i bar du 
gcod pa'i gnyen po la mi 'bad pa dang/ sdug bsngal dang yid mi 
bde ba chung ngu'i sdug bsngal dang yid mi bde ba chen po'i gnyen 
por 'gyur ba mi

@219b skyed pa dang/ don chen po bsgrub pa'i phyir don chung
ngu nyams par mi byed par skad cig gcig tsam yang yal bar bor
na ltung ba dang bcas pa yin no/ /mdor na rang gi nus pa'i yul
ma yin pa'i bya ba rnams la ltung ba med de don med pa nyid
kyis de la bslab pa bca' ba

med pa'i phyir ro/ /gzhan la ni rang bzhin gyi kha na ma tho
ba dang bcas pa'i kho na'o/ /rang gi nus pa'i yul ma yin pa la
brtson par byed na ltung ba ste de ni spyir sdig pa bshags pas
phyir gso bar bya bar zod do/ /yang mdor na byang chub sems
dpa'i ltung ba gnyis te/ ci

nus su rigs mi rigs ma brtags par rtsom pa'am ldog pa'am btang
snyoms su 'jog pa ni ltung ba dang bcas pa'o/ /brtags te gar
'os pa las 'das par byed na tha na gdol pa bran gyis 'phya
na'ang ltung ba dang bcas pa'o zhes gsungs te/ 'dir don che
chung

las chen po gtsor bya bar gsungs pa ni gang zag mang nyung
dang bzang ngan dang dus ring thung la sogs pa la'ang lta bar
bya bas na/ mdor na rang dang gzhan ni gzhan gyi don ches gtso
che ba'o// gzhan la'ang 'di dang phyi ma gnyis ni phyi ma gtso
bo'o/ /'phral du bde zhing

'dod pa bas ni yun du phan pa gtso bo yin pas na/ chung ngu'i
phyir ni che mi btang/ /gtso cher gzhan gyi don bsam mo zhes
gsungs pa ltar/ rang gi don chen po la'ang yal bar dor zhing
khyad du bsad nas sdug bsngal chen pos kyang gzhan gyi don
chung du tsam yang gtsigs

po cher bsgrub pa ni byang chub sems dpa'i bslab pa'i gzhir
shes par bya ste/ rgyal sras brtson 'grus mchog la brten pa
de/ /sems can tshogs rab smin par byed pa na/ /pha rol sems dge
gcig gi phyir yang ni/ /bskal pa bye ba stong du'ang skyo pa
med ces gsungs pa

ltar ro// !rnam pa'i dbye ba ni/ de yang pha rol phyin dang
bsdu dngos dang/ /bslab pa gsum dang tshogs gnyis zung 'brel
lam/ /theg mchog dus gsum rgyal sras lam gyi sdom// tshul
khrims phung po gsum du bsdus pa'o/ /'di la theg pa chen po'i
sde snod rgya chen po

@220a dag las sangs rgyas kyi chos rdzogs par byed pa dang
sems can smin par byed pa dbye bas pha rol tu phyin pa dang
bsdu ba'i dngos po dag dang/ legs par spyod pa'i las dang/
sems las su rung ba dang/ de kho na shes pa las sgrib pa dang
bcas

ba thob par byed pa bslab pa gsum dang/ de kho na shes pa
dang/ de khyad par du 'gro ba'i rton pa las rig pa dang rkang
pa'i rang bzhin tshogs gnyis dang/ srid pa dang zhi ba'i mtha'
gnyis las 'da' bar byed pas rang dang gzhan gyi don gnyis
bsgrub pa thabs dang shes rab

zung du 'brel ba'i lam dang/ yon tan la dbang bsgyur ba dang
phyin ci log sel bar byed pa zhi gnas dang lhag mthong zung du
'brel ba'i lam la sogs pa dang/ de dag bskyed cing 'phel bar
byed pa'i yan lag tu gyur pa dkon mchog mchod pa dang dge ba'i
bshes gnyen

bsten pa la sogs pa theg pa chen po'i lam gyi tshogs su gtogs
pa thams cad la slob par byed pa'i sdom du gyur pa/ sngar
brjod pa ltar dus gsum gyi rgyal ba'i sras po thams cad kyi
bgrod pa gcig pa'i bslab pa rin po che tshul khrims kyi phung
po rnam pa gsum gyis mi

mthun pa'i phyogs su gtogs pa mtha' dag phra ba'i phra ba nas
spang ba dang/ gnyen po'i phyogs su gtogs pa mtha' dag phra
ba'i phra ba nas bsgrub pa dang/ de dag gis kyang dngos dang
brgyud nas sam/ bsam pa dang sbyor bas gzhan gyi don phra ba'i
phra ba la'ang nan tan byed pas

slob par bsdus pa bslab pa'i gzhi'i gtso bo'i don du rnam par
bzhag pa'o// !bsgrub pa'i bslab pa de rgyas par dbye ba la
byang chub sems dpa' khyim pa dang/ rab tu byung ba'i phyogs
gnyis thun mong gi bslab pa'i dbang du byas nas/ bslab pa'i
kun slong gi khyad par ni

yi dam dang smon lam dang mos pa dang spro ba'i khyad par
bzhis yin pas na/ 'di dag mang du bsam zhing bsgom pa la nan
tan bya ba ste/ 'gro kun rjes 'dzin sbyor ba rgya chen 'di/
/yi dam mchog brtan bcu dang smon lam ni/ /rgya chen gsum dang
theg mchog mthong ba'am/ /shes

@220b pas mos dang spro shugs chen pos bsgrub ces bya ba'o/
/de'ang yi dam gyi khyad par ni lha mo dpal phreng gi seng
ge'i nga ro las/ yi dam chen po bcu la bslab par bya ste/ tshul
khrims kyi dus las 'da' ba'i sems mi bskyed par yi dam chen po
bca' ba dang/ de bzhin du

bla ma la ma gus pa'i sems mi bskyed pa dang/ gang du yang
sems can la khro ba dang gnod sems mi bskyed pa dang/ gzhan
gyi 'byor ba la phrag dog gi sems mi bskyed pa dang/ tha na
kham phyi ma tsam la'ang ser sna'i sems mi bskyed pa dang/
rang spyad pa'i phyir nor dang

rdzas mi bzung ste dbul po la sogs pa'i don du bzung ba dang/
bsdu ba bzhis sems can rjes su 'dzin pa yang rang la phan pa
la mi ltos par zang zing med pa'i sems kyi bsdu ba dang/ sems
can mgon med pa'am na ba'am bcings pa la sogs pa mthong na de
dag

la ma brtags par gom pa gcig kyang mi 'dor te/ de dag
thar bar byas nor gyis bsdu bas bsgrubs nas gdod 'gro ba dang/
phag 'tshong dang bya ba la sogs pa yal bar mi dor bar ci nus kyis
tshar bcad pa dang/ phan gdags pa bya ste 'di gnyis kyis ni
'jig rten du dam pa'i

chos yun ring du gnas pa las bde 'gro 'phel zhing ngan 'gro
'grib pas sangs rgyas kyi chos kyi 'khor lo rjes su bskor ba
dang/ dam pa'i chos bzung ba las brjed pa'am nyams pa'i sems
gcig tsam yang mi bskyed de de nyams na theg pa chen po nyams
pa las pha rol tu phyin pa

las nyams pas theg pa chen po la 'dun pa med par 'gyur la/ de
med na dam pa'i chos 'dzin pa la 'dun pa med par rang nyams su
'gyur bas byis pa'i sa la gnas par 'gyur te/ dam pa'i chos
'dzin pas ni rang dang gzhan gyi yon tan dpag tu med pa 'grub
pa'i phyir ro

zhes so; ;smon lam gyi khyad par ni de nyid las smon lam chen
po gsum gdab ste/ tshe rabs thams cad du dam pa'i chos rtogs pa
'thob par gyur cig /de thob nas kyang skyo ba dang dub pa med
par gzhan la chos ston par gyur cig /bstan pa de'ang lus dang
srog la mi lta bar
@221a chos bsrung zhing yongs su 'dzin par gyur cig ces bya
ba'o/ /gzugs thams cad ni nam mkha'i khongs su 'dus pa ltar smon
lam ganggA'i klung gi bye ma snyed thams cad kyang 'di gsum du
'du bas yul che'o/ /yang de thams cad dam pa'i chos yongs su

bzung ba'i smon lam gcig tu'ang 'du bas de yul che ste/ de'i
phan yon ni rgyas par sangs rgyas nyid kyis bshad kyang mi
rdzogs so/ /des ni sangs rgyas kyi chos dpag tu med pa yongs su
rdzogs par 'gyur zhing chos kyi sgo brgyad khri bzhi stong yang
sdud pa'o/ /dper na

'jig rten chags pa'i dus kyi sprin chen po ni kha dog mtha' yas
pa/ rin po che mtha' yas pa'i chu rgyun dang ldan pa ltar/ dam
pa'i chos 'dzin pa'ang bsod nams kyi 'bras bu'i rgyun dang/ ye
shes kyi rin po che'i rgyun dpag tu med pa dang ldan no/ /'jig
rten chags pa'i

chu'i phung po stong gsum gyi 'jig rten gyi khams 'di'i skye
gnas las ni gling dang gling phran kha dog dang dbyibs sna tshogs
can bye ba phrag mang po 'byung ba ltar/ dam pa'i chos 'dzin pa
theg pa chen po'i 'byung khungs las kyang/ byang chub sems dpa'i
rnam 'phrul thams cad

dang/ chos snang ba'i sgo sna tshogs dang/ 'jig rten dang 'jig
rten las 'das pa'i phun sum tshogs pa ma myong ba thams cad
'byung ngo/ /sa chen po ni khur chen po bzhi'i rten yin te/
chu'i phung po dang/ ri mang po dang/ rtsi shing dang lo tog la
sogs pa dang/ sems can

thams cad kyi rten no/ /dam pa'i chos 'dzin pa yang lha dang mi
dang/ nyan thos dang/ rang rgyal dang/ theg pa chen po'i phun
sum tshogs pa bzhi la sbyor bas khur ches che ba khyer ba'o/
/yang sa chen po 'di rin po che rin thang med pa dang/ rin thang
che ba dang/ chung ba dang/ chung ba dang/ de bas kyang chung

ba bzhi'i 'byung khungs yin pa ltar 'di'ang theg pa bzhi po de'i
phun sum tshogs pa thams cad kyi 'byung gnas so/ /gter chen po
rin po che mtha' yas pa'i 'byung gnas kyang dam pa'i chos 'dzin
pa'o/ /chos dang chos 'dzin pa po'ang gzhan ma yin pas/ pha rol
tu phyin pa drug

@221b la sogs pa nyid chos 'dzin pa po yin la/ chos 'dzin pa po
nyid pha rol tu phyin pa la sogs pa yin te/ chos 'dzin pa po dag
gis ni sems can sbyin pa la sogs pas smin par bya ba dag tha na
rang gi lus dang yan lag gis kyang pha rol tu phyin pa drug gis
smin par byed

pas de dag dam pa'i chos la gnas par 'gyur ba'i phyir ro/ /yang
chos 'dzin pa de nyid 'dzin pa po'ang yin te/ 'dzin pa pos ni
chos bzung ba'i don du yan lag gsum po lus dang srog dang longs
spyod gtong bas so/ /lus gtong bas ni sangs rgyas kyi sku rtag
pa yon tan

bsam gyis mi khyab pa 'thob bo/ /srog gtong bas ni chos rtag pa
yon tan dpag tu med pa dang ldan pa 'thob bo/ /longs spyod gtong
bas ni sems can thams cad kyis mchod pa rtag tu gnas pa yon tan
bsam gyis mi khyab pa 'thob bo/ /mi stobs po ches gnad du mi

drag par bsnun yang nad chen po bskyed do/ /dam pa'i chos 'dzin
pa chung ngus kyang bdud la gnod pa lta bu gzhan med do/ /ba
lang khyu mchog gi chu zheng gis ba lang thams cad zil gyis gnon
pa ltar/ theg pa chen po'i chos 'dzin pa chung ngus kyang nyan
thos dang rang rgyal gyi dge ba'i

chos thams cad zil gyis gnon to/ /ri rab che zhing mtho bas ri
nag po thams cad zil gyis gnon te lhag ger 'dug go /theg pa chen
po ba lus dang srog la mi lta ba'i dam pa'i chos 'dzin pas kyang
theg pa chen po la gsar du zhugs pa lus dang srog la lta ba dang
bcas pa

thams cad kyang zil gyis gnon na gzhan lta ci smos/ dam pa'i
chos zhes bya ba'ang theg pa chen po nyid de/ theg pa gzhan gyi
'jig rten dang 'jig rten las 'das pa'i dge ba'i chos thams cad
ni des rab tu phye ba'i phyir ro/ /dam pa'i chos gnas pa dang/
nub pa dang/ so sor

thar pa dang/ 'dul ba dang/ rab tu byung ba dang/ bsnyen par
rdzogs pa ste/ gnas drug po 'di'ang theg pa chen po nyid las
bstan cing btags pa ste/ theg pa chen po nyid gnas pa dang nub
pa las gnyis dang theg pa chen po nyid kyi bslab pa las gnyis
dang/ sangs rgyas nyid kyi

@222a phyir rab tu byung ba dang bsnyen par rdzogs pa byed
pas theg pa chen po'i cho ga'i tshul khrims las de gnyis te/ nyan
thos dang rang sangs rgyas kyi ched du de gnyis byas pas ni mi
'grub pas nyan thos dang rang rgyal la ni rab byung dang bsnyen
rdzogs med do/ /

de ci'i phyir zhe na/ 'di gnyis ni/ 'jigs pa dang bcas pa sangs
rgyas la skyabs su song bas 'bras bu'i skyabs ma yin pas so/ /de
gnyis kyi mya ngan las 'das pa zhes bya ba ni sangs rgyas rnams
kyis thabs yin te/ mya ngan las 'das pa zhes bya ba ni nyes pa
thams cad

spangs pa yon tan thams cad dang ldan pa yin pas na de gnyis la
de dag med pa'i phyir ro// bdag gi skye ba zad do zhes bya ba la
sogs pa dbugs phyin pa bzhi'ang rgyun chad pa'i 'chi 'pho ba la
sogs pa la dgongs pa can te/ bsam gyis mi khyab par bsgyur ba la
bltos

nas med pa'i phyir ro/ /dam pa'i chos 'dzin pa'i smon lam de ni/
ma dros pas zhus pa las kyang/ chos smra ba theg pa chen po la
zhugs pa bsrung zhing 'dzin pa ni chos 'dzin pa nyid de/ chos
smra ba bzung bas chos bzung ba'o/ /chos 'dzin pa ni rnam pa bcu
ste/ khengs pa med pa

dang/ lhag pa'i nga rgyal med pa dang/ g.yo med pa dang/ chos
don du gnyer ba dang/ chos 'dod pa dang/ chos 'tshol ba dang/
chos la so sor rtog pa dang/ chos la nan tan byed pa dang/ chos
bsgrub par gnas pa dang/ chos la mos shing rnam par grol ba'o/
/yang bcu ste/

chos smra ba gang na yod pa thos pa'i sa phyogs der phyag 'tshal
ba dang/ mthong na dga' ba dang / 'ongs na mgu bar byed pa dang/
bting bding zhing zas dang gos 'bul ba dang/ kun tu bsrung ba
dang/ bsti stong byed pa dang/ chos nyan pa dang/ gang thos pa
de gzhan la ston pa dang/ de'i

mi snyan pa 'gog pa dang/ bsngags pa brjod pa'o/ /yang bzhi ste/
gro ga dang snag tsha dang snyu gu dang glegs bam sbyin pa dang/
chos smra ba la zas la sogs pa sbyin pa dang/ legs so zhes bya
ba sbyin pa dang/ chos sbyin pa'o/ /mos pa'i khyad par yang snga
ma de nyid las chos gsum

@222b dang ldan na zab mo'i don la rang mi dmas par bsrung zhing
bsod nams kyang mang du bskyed la/ theg pa chen po'i lam du'ang
zhugs par 'gyur te/ rang gi rig pa'i chos zab mo dang ldan pa
dang/ chos dang mthun par sdud pa'i ye shes dang ldan pa dang/
chos zab mo rnams la

rang nyid mi shes par rig nas sangs rgyas nyid kyis mkhyen to
zhes dad pas 'gro ba'o// gzhan ni chos zab mo la nan gyis bzung
nas go log gis zhen cing smra bar zad pas/ sa bon rul ba lta bu
dam pa'i chos la rgyab kyis phyogs pa mu stegs can no zhes so/
/spro ba'i khyad

par ni/ de nyid las brtson 'grus rnam pa bzhis dam pa'i chos
'dzin pa ste/ chos ston pa'i brtson 'grus dang/ chos tshol ba
dang/ chos smra ba la bkur sti bya ba dang/ chos spong ba rnams
chos dang mthun par tshar gcod pa'i brtson 'grus so/ /yang byang
chub sems dpa'i dge ba'i

chos thams cad sdud pa'i brtson 'grus na bzhi ste brtsom pa
dang brtul ba dang so sor rtog pa dang bsgrub pa bzhis rim pa
bzhin du/ byang chub kyi sems bskyed pa dang/ dge ba'i rtsa ba
thams cad rtsom pa dang/ sems can thams cad la phan pa'i dngos
po dang/ de byed pa'i

chos la bzod pa la sogs pa mang ba'o zhes so// !yongs su shes
pa'i khyad par ni/ bdag dang gzhan la bskyed bya'i lam dang ni/
/'bras bu theg gsum ma lus shes byas nas/ /gnyis pos dman mos
rjes bzung theg mchog gis/ /bdag gzhan don kun bsgrub phyir rab
'bad

bya; ;rgyal sras rnams kyis mi bslab pa/ /de ni gang yang yod
min te/ /de ltar gnas pa'i mkhas pa la/ /bsod nams mi 'gyur gang
yang med/ ces gsungs pa'am/ rig pa'i gnas lnga dag la brtson par
ma byas na/ /'phags mchog gis kyang thams cad mkhyen nyid mi

'gyur te/ /de lta bas na gzhan dag tshar bcad rjes bzung dang/
/bdag nyid kun shes bya phyir de la de brtson bya zhes gsungs pa
ltar/ byang chub sems dpa' rnams kyis ni sa gsum gyi ston pa bya
bas 'gro ba mtha' dag sgo sna tshogs nas rjes su 'dzin dgos pa'i
phyir na

@223a shes bya'i gnas mtha' dag la bslab par bya'o/ /gtso
cher yang rang dang gzhan la bskyed pa'i lam dang 'bras bus
bsdus pa'i theg pa gsum dang/ de ston pa'i sde snod ma lus pa la
mkhas par byas nas gnyis po ni shes nas 'da' bar bya ba yin pas/

de dag gis gdul bya gzhan snod ji lta bar rjes su bzung zhing
theg pa chen pos ni rang gi 'bras bu mngon sum du bya bas rang
dang gzhan gyi don thams cad yongs su rdzogs par bya ba'o/ /de
la sde snod gsum ni/ ma skyes dgra'i 'gyod pa bsal ba las/ nyan
thos kyi sde snod ni

pha rol gyi sgra'i rjes su 'brangs pas 'thob pa'o/ /rang sangs
rgyas kyi sde snod ni rten 'brel rtogs pas rgyu zad par rtogs
pa'o/ /byang chub sems dpa'i sde snod ni chos tshad med pa
rtogs shing rang byung gi ye shes dang mthun pa'o/ /yang byang
chub sems dpa' chos 'chad pa na theg

pa gsum gyis nges par 'byung ba 'chad pas na byang chub sems
dpa' nyid sde snod gsum pa'o/ /bslab pa gsum las nyan thos kyi
ni phyogs gcig pa bdag gi rgyud tsam snang ba'i mtshan nyid do/
/rang rgyal gyi ni nan tan bar ma dang ldan zhing snying rje
dang bral ba'o/ /byang

chub sems dpa' ni gnyis po'i bslab pa'ang shes mod kyi/ theg pa
gnyis po mi 'dod cing des nges par mi 'byung ste/ byang chub
sems dpa'i bslab pa la slob cing theg pa chen pos nges par
'byung ngo/ /des ni gsum ga'i rnam par grol ba ston pa'o zhes
gsungs te/ rang

sangs rgyas kyis ni nyan thos kyi sde snod nyid la brten pas don
la dgongs par blta'o/ /sa'i snying po'i mdo las kyang/ gang gis
yang dag pa'i dran pa la bde bar gnas shing ting nge 'dzin bsgom
par mos pas rtag tu brtson pa dang/ g.yo sgyu spangs shing las
dang 'bras bu la

yid ches pa dang/ 'dod pa'i yon tan lnga la mi chags shing 'jig
rten pa'i chos brgyad kyis mi gos pa dang/ mgo la me 'bar ba
ltar dge ba la shin tu brtson pa dang/ phung po dang khams dang
skye mched la shin tu rtogs pa dang/ 'phags pa'i rigs la bde bar
gnas

@223b par rtag tu mos pa ni nyan thos kyi theg pa'i mtshan nyid
do/ /rang sangs rgyas kyi ni yon tan snga ma de dag dang ldan
zhing nye bar len pa'i phung po lnga la yang dang yang du mi
rtag par rtog pa dang/ skye 'gag la yang dang yang du so sor
rtog pa dang/ rten cing 'brel par 'byung

ba'i chos rnams 'gog pa'i chos can du shin tu rtog pa'o/ /theg
pa chen po'i ni phul du gyur pa'i tshul khrims rnam par dag pa
bsrung ba dang/ phul du gyur pa'i dge ba'i rtsa ba la spyod pa
dang/ phul du gyur pa'i ngo tsha shes pa dang khrel yod pa bsten
pa dang/ tshe phyi ma dag gi

sdug bsngal la shin tu 'jigs pa dang/ mi dge ba'i chos thams cad
spong zhing dge ba'i chos thams cad la nan tan byed pa dang/
byams pa dang snying rje chen pos sems can thams cad la khyab pa
dang/ sems can thams cad la phan pa dang bde bar bya bar rtsol
ba dang/

sems can thams cad 'khor ba'i sdug bsngal las sgrol ba dang/
bdag bde ba la mi lta bar sems can thams cad la phan pa dang bde
ba stobs pa'o zhes so/ /blo gros mi zad pas bstan pa las kyang/
nyan thos kyi theg pa ni bsod nams la sogs pa'i 'du byed gsum la

smod pa dang/ khams gsum thams cad la yid 'byung zhing 'dod
chags dang bral ba dang/ 'du byed thams cad mi rtag pa la sogs
pa chos kyi sdom bzhir so sor rtog pa dang/ skad cig tsam yang
skye ba don du mi gnyer ba dang/ rtag tu 'jig par lta ba dang/
rtag tu yid mi

rton pa dang/ phung po la gsod par 'du shes pa dang/ khams la
sbrul gdug par 'du shes pa dang/ skye mched la grong stong par
'du shes pa dang/ skye gnas thams cad la mi smon pa dang/ mya
ngan las 'das pa la gnas dang skyabs su 'du shes pa'o/ /rang
sangs rgyas kyi theg

pa ni rnam pa dang rkyen gang gis rang rgyal bar nges par 'byung
bar byed pa ste/ 'dun pa dang brtson 'grus dang bag yod pa chen
pos/ nyan thos kyi lta ba ma yin pa sbyin pa dang tshul khrims la
sogs pa'i tshogs gsog pa dang/ thos pa nyung la chos kyi nan tan
che ba dang/

@224a sangs rgyas la rim gro bya ba la mi zhum pa dang/
dbang po bar ma dang ldan pa dang/ rtag tu rab tu byung ba la
gzhol ba dang/ don nyung zhing bya ba nyung ba dang/ 'du 'dzi la
mi dga' zhing dben pa la dga' ba dang/ dben par gnas mal 'cha'
ba dang/

bsnyen par dka' ba dang mthu che ba dang/ sbyin gnas kyi sa la
dga' ba dang/ rtag tu rten 'brel la so sor rtog pa dang/ nges
par 'byung ba'i dbyings gcig la rtog pa dang/ rang byung gi ye
shes kyis rab tu brgal ba dang/ dmigs pa la 'dug pa thob pa
dang/ bsam

gtan dang rnam par thar ba dang ting nge 'dzin la snyoms par
'jug pa rgyun mi chad pa dang/ gzhan gyi dring mi 'jog pa'i ye
shes bskyed pa dang/ dmigs pa gang yang rung ba la rkyen gyi ye
shes rtogs pa'o/ /theg pa chen po ni sems can thams cad la go
skabs 'byed pa la

sogs pa dpag tu med pa'i chos dang ldan par gsungs so// !rjes
su bsgrub pa'i khyad par las spyod pa'i gzhi'am ma rten tshul
khrims ni/ rgyal sras rnams kyis tshul khrims thun mong ba/ /so
sor thar pa ci rigs legs bsrung zhing/ /thun mong ma yin pham
pa'i rigs rnams

dang/ /nyes byas che phra'i sdom pa rnam dag bya/ /byang chub
sems dpa' tshul khrims thun mong ba so sor thar pa rigs bdun ci
rigs pa la ni nges par brten par bya bas na/ de dag gi rtsa ba
dang yan lag la sogs pa nyes pa phra bas kyang ma gos par dam
pa'i chos 'dul ba

las gsungs pa la shin tu gus pas bslab par bya'o/ /thun mong ma
yin pa'i pham pa'i rigs bzhi dang las dang po ba'i rtsa ltung
brgyad la sogs pa dang nyes byas kyi rigs che phra rnams la ni
sngar brjod pa ltar sa'i rjes su 'brangs te bslab bo/ /thun mong
ba ni/ sa'i snying po'i

mdo las/ byang chub sems dpa'i tshul khrims thun mong ba ni khyim
pa'i dge bsnyen pha ma dag gam rab tu byung ba'i so sor thar
pa'i sdom pa las bsnyen par rdzogs pa ni/ nyan thos dang thun
mong ba ste dman pa'o zhes so/ /sa las kyang/ byang chub sems
dpa'i sdom pa'i

@224b tshul khrims ni so sor thar pa'i sdom pa yang dag par
blangs pa rigs bdun po dag dge slong dang dge slob ma dang dge
slob ma dang dge tshul dang dge tshul ma dang dge bsnyen dang
dge
bsnyen ma'i tshul khrims gang yin pa ste/ de'ang khyim pa dang rab
tu byung ba'i phyogs la ci

rigs par rigs par bya'o zhes so// !bslab pa thams cad kyi rtsa
ba ni bag yod pa ste/ de la gnas pa'i mtshan nyid ni/ gang gis
rgyal ba mnyes shing brtan rnams kyi/ /spyod pa yongs dag bsgrub
pa rab rdzogs pa'i/ /rtsa ba bag yod la gnas mtshan nyid ni/
/rnam pa bcu la

rab bsgrims gnas par bya/ /phal chen las/ de ltar bsod nams tshad
med pa'i tshogs dang ldan pa sems dang po bskyed pa'i byang chub
sems dpa' sangs rgyas kyi bstan pa la brtson pa'i rnam pa gang
gis sangs rgyas thams cad mnyes par 'gyur ba dang/ byang chub

sems dpa'i spyod pa yongs su dag pa dang/ dkon mchog gsum gyi
gdung rgyun mi chad pa dang/ ji ltar dam bcas pa ltar sems can
sgrol ba la sogs par 'gyur ba'i spyod pa la 'jug pa rtsom pa
gang zhe na/ thog mar bskyed pa'i sems de mi nyams par bsrung
zhing

rim gro bya ba'i phyir bag yod par bya'o/ /de la gnas pa ni rnam
pa bcu ste tshul khrims shin tu bsrungs pa dang/ byang chub kyi
sems ma nyams shing sbyangs pa dang/ bsam pa g.yo sgyu med pa
dang/ dge ba'i rtsa ba'i sbyor ba las mi ldog pa dang/ rang gi
sems bskyed pa shin tu rtogs

pa dang/ khyim pa dang mi 'dre ba dang/ sdig pa'i las 'jig rten
pa'i 'du shes dang bral ba dang/ byang chub sems dpa'i lam nyan
thos dang/ rang rgyal gyi theg pa spangs pa 'thob pa dang/ dge
ba'i rtsa ba rtsom pa'i nan tan rgyun mi chad pa dang/ rang gi
stobs kyis shugs shin

tu brtags pa'o// !de yongs su dag pa'i mtshan nyid ni/ de ni ji
skad smras bzhin byed pa dang/ /dran dang shes bzhin rab ldan
sogs bcus sbyangs/ /yang de nyid las chos bcu dang ldan na bag
yod pa yongs su dag par 'gyur te/ ji skad smras pa bzhin byed pa
dang/ dran pa dang

@225a shes bzhin dang ldan pa dang/ khengs shing g.yeng ba
med par bsam gtan la gnas pa dang/ chos zab mo btsal ba la nan
tan rgyun mi 'chad pa dang/ lhag mthong la mkhas shing thos pa'i
tshul bzhin rtog pa dang/ bsam gtan gyis

sangs rgyas kyi rnam par 'phrul pa'i rjes su 'gro ba dang/ sa
ltar mtho dman dang bral ba dang/ sbyor ba bzang ngan dang bar
ma la sems ma nyams pa dang/ sems can tha na byang chub kyi
sems
gcig bskyed pa la yang ston par 'dzin pa dang/ bla ma dang chos
smra ba la

gus par byed pa'o// !des ston pa mnyes par byed pa'i mtshan
nyid ni/ de ni brtson 'grus brtsam pa thams cad la/ /mi ldog la
sogs rnam bcus sangs rgyas rnams/ /rab tu mnyes bya gzhan yang
bag yod la/ gnas pa nyid sogs bcus kyang legs mnyes

'gyur/ /yang de nyid las bag yod pa de lta bus ni sangs rgyas
mnyes pa chos bcus de mnyes bar bya ste/ brtson 'grus thams cad
la mi ldog pa dang/ lus dang srog la mi lta ba dang/ 'tsho ba'i
yo byad don du mi gnyer ba dang/ chos thams cad nam mkha' ltar
mnyam pa

bsgom pa dang/ chos kyi dbyings la gzhol ba'i lhag mthong la
mkhas pa dang/ mi gnas pa'i chos bsgom pa'i phyag rgya dang/
rgyun mi chad par bsgrubs pa'i smon lam dang/ bzod pa shes pa
yongs su sbyangs pa dang/ dge ba'i tshogs bsags pa dang/ ma bsags
pa shin

tu brtags pa dang/ 'du bya ba med pa'i sgo shin tu byang ba'o/
/gzhan yang chos bcu la gnas na sangs rgyas mnyes par 'gyur te/
bag yod pa dang/ mi skye ba'i chos la bzod pa dang/ snying rje
dang pha rol tu phyin pa drug rdzogs par bya ba dang/ spyod pa
rdzogs par bya ba dang/

smon lam bsgrub par bya ba dang/ thabs la mkhas pa dang/ brtan
pa'i stobs kyi shugs dang/ chos thams cad nam mkha' lta bu dang/
len pa med pa rnams la gnas pa'o// !des spyod pa yongs su
sbyong bar byed pa'i mtshan nyid ni/ 'dis ni yo byad yongs 'dzin
med la

@225b sogs/ /rnam bcus spyod pa'i dkyil 'khor rnam sbyangs te/
/'jig rten gzhan bzhugs rgyal bas dgongs la sogs/ /rnam bcus de
ni shin tu rnam dag 'gyur/ /yang de nyid las/ chos bcus spyod
pa'i dkyil 'khor yongs su sbyangs te/ yo byad bzung ba med pa
dang/ 'gro 

ba thams cad tshim par byed pa dang/ tshul khrims kha na ma tho ba
med pa dang/ bzod pa dang des pa mi zad pa dang/ brtson 'grus mi
ldog pa dang/ dran pa'i stobs ma rmongs pa dang/ gcig las tha
dad pa'i chos rtogs pa dang/ gnas med par dka' ba'i spyod pa ri
rab ltar brtan

pa dang/ sems can dang ma 'dres pa'i mu stegs su gyur pa dang/
'gro ba kun tu sangs rgyas thams cad dang rgyud kyi tshul gcig
pa'o/ /de ltar sbyangs pa'i spyod pa de chos bcus shin tu dag
par 'gyur te/ 'jig rten gyi khams gzhan gyi sangs rgyas kyis
dgongs pa dang/ 'das

pa'i byang chub sems dpa'i grogs kyis dge ba'i rtsa ba bskyed pa
dang/ sangs rgyas kyi byin gyis brlabs bzung ba la mkhas pa
dang/ dge ba'i bshes gnyen la brten pa dang/ mos pa dang brtson
'grus dang bag yod pa la gnas pa dang/ chos tha dad pa la tha mi
dad par rtogs pa

dang/ snying rje'i byin gyis brlabs chen po dang/ chos thams cad
ji lta ba bzhin lta ba'i shes rab kyi pha rol tu phyin pa bsgrub
pa dang/ thabs la mkhas pa la spyod pa'i sbyor ba dang/ sbyor ba
thams cad sangs rgyas kyi stobs kyi rjes su 'brang bas so//
!de'i smon lam rnam par dag cing

rdzogs par byed pa'i mtshan nyid ni/ de yi smon lam rnam bcu
sbyang bya ste/ /skyo med sems can smin par 'dod sogs so/ /skye
ba med dang rgya chen bsgrub sogs pa/ /rnam bcus de ni yongs su
rdzogs par byed/ /yang de nyid las de'i smon lam rnam par dag pa
bcu sbyang ste/ skyo ba med par

sems can smin par bya bar smon pa dang/ dge ba'i rtsa ba sna
tshogs bsags pas zhing dag pa dang/ lus dang srog dang bsngos te
dam pa'i chos gzung ba dang/ ye shes kyi sgo la rnam par dpyad
pas sangs rgyas kyi zhing la 'jug pa dang/ byang chub sems dpa'
thams cad
@226a gnyis su med pas tshul gcig tu 'gro ba dang/ sangs rgyas
kyi sgo la 'jug pas chos thams cad rdzogs pa dang/ mos pa
sbyangs pas mthong na don yod pa dang/ phyi ma'i mthar byin gyis
brlabs pas bskal par gnas pa dang/ byang chub sems dpa'

kun tu bzang po'i theg pa'i rgyan thams cad nas sbyong ba'i smon
lam mo/ /chos bcus de yongs su rdzogs par byed de/ mi skyo ba
dang/ rgya chen po bsgrub pa dang/ byang chub sems dpa'i smon
lam khyad par du 'phags pa'i rjes su 'jug pa dang/ 'jig rten
gzhan

gyi sangs rgyas kyi zhing thos nas smon lam du bsgrub pa dang/
bsam pa phyi ma'i mur thug pa dang/ sems can thams cad smin par
bya bar gtugs pa'i smon lam dang ldan pa dang/ bskal pa thams
cad du gnas pas mi 'jigs pa dang/ sdug bsngal thams cad

kyis ji mi snyam pa dang/ bde ba thams cad la ye mi rngams pa
dang/ bsam pa mnyam pa med pa'i rnam par thar pa bsrung bas so//
!spyod pa'i nye bar ston pa'i khyad par las rtag tu bya ba'i dge
ba bcu gnyis ni/ brtan pas rtag tu bya ba'i dge ba ni/ /sangs
rgyas mchod

dang rim gro bya sogs kyis/ /ngoms mi shes par bya ba bcu gnyis
las/ /spyod pa mchog gi stobs ni rab rgyas pa/ /sdong po bkod pa
las/ byang chub sems dpas dge ba bsgrub pas ngoms mi shes pa bcu
gnyis te/ sangs rgyas mchod pa dang rim gro bya bas mi ngoms pa

dang/ de bzhin du chos mnyan pa dang/ chos 'dzin pa dang/ chos
bstan pa dang/ sems can smin par bya ba dang/ dge ba'i rtsa ba
bsgrub pa dang/ dgon par gnas pa dang/ pha rol tu phyin pa thams
cad bskang ba dang/ ye shes dang zhing smin par bya ba dang/
chos nges par sems

shing tshul bzhin la sbyor ba dang/ bsod nams dang ye shes kyi
tshogs btsal ba dang/ byang chub kyi phyogs kyi chos thams cad
bsgrub par mi ngoms pa'o / ! nges par bya ba'i dge ba sum cu
rtsa gnyis ni/ gzhan yang nges par bya ba sum cu gnyis/ /rab tu
bsgrub pas byang

@226b chub sems sogs kyi/ /snod du 'gyur phyir rgyal la gsol
gdab cing/ /bsam sbyor lhag bsam la sogs gong du bsgrub/ /yang
de nyid las sum cu rtsa gnyis dang ldan na chos kyi don du 'gyur
te/ byang chub kyi sems kyi snod sangs rgyas kyi byin rlabs
dang/ lhag pa'i

bsam pa'i snod bsam pa dang/ de bzhin du byang chub kyi lam nye
bar ston pa'i sbyor ba dang/ dge ba'i rtsa ba khyad par du 'gro
ba'i lhag pa'i bsam pa dang/ mang du thos pa'i dran pa dang/ lam
la 'jug pa'i blo gros dang/ don rtogs pa'i rtogs pa dang/ longs
spyod che ba'i sbyin

pa dang/ bsam pa rdzogs pa'i tshul khrims dang/ mtshan sum cu rtsa
gnyis kyi bzod pa dang/ sangs rgyas kyi chos thams cad kyi
brtson 'grus dang/ sems las su rung ba'i bsam gtan dang/ dogs pa
thams cad las 'das pa'i shes rab dang/ sems can thams cad la

sems snyoms pa'i byams pa dang/ dbul zhing nyam thag pa bskyab
pa'i snying rje dang/ chos la dga' ba'i dga' ba dang/ rjes su
chags pa dang khong khro ba spong ba'i btang snyoms dang/ dge
ba'i rtsa ba thams cad 'dzin du 'jug pa'i dge ba'i bshes gnyen
dang/ shes rab kyi

pha rol tu phyin pa'i thos pas mi ngoms pa dang/ mi ltos pa'i
rab tu 'byung ba dang/ don nyung ba dang/ bya ba nyung ba'i dgon
par gnas pa dang/ bsam gtan dang mngon par shes pa'i dben pa la
dga' ba dang/ sems can smin par byed pa'i bsdu ba bzhi dang/
chos snang

ba'i dam pa'i chos 'dzin pa dang/ thos pa thams cad 'dzin pa'i
gzungs dang/ sems can gyi the tshom gcod pa'i spobs pa dang/
sangs rgyas mthong ba'i sangs rgyas rjes su dran pa dang/ shes
rab 'phel ba'i chos rjes su dran pa dang/ dge ba'i rtsa ba
bsrung ba'i zhe sdang

med pa dang/ lta ba thams cad sel ba'i stong pa nyid la mos pa
dang/ mthar 'dzin thams cad spong ba'i rten 'brel shes pa dang/
mi 'khrugs shing phyad par lung ston pa'i snod mi skye ba'i chos
la bzod pa dang/ stobs dang mi 'jigs pa dang sangs rgyas kyi
chos ma 'dres pa'i

@227a snod phyir mi ldog pa'i sa'o zhes so / ! spyod pa'i ngo bo
nyid kyi mtshan nyid las pha rol tu phyin pa rgya che ba'i ngo bo
nyid ni// !rgyal sras spyod mchog sangs rgyas ma lus pas//
gsungs shing gsung la gsung 'gyur bgrod gcig lam/ /pha rol phyin

bcu rgya chen sgrub byed dang/ /yo byad kun gyis 'gro kun tshim
byed sogs/ /phal chen las byang chub sems dpa'i spyod pa sangs
rgyas 'das pa dang ma 'ongs pa dang da ltar byung ba thams cad
kyis gsungs pa dang gsung bar dang gsung bar 'gyur ba'i pha rol
tu phyin pa

rgya che ba bsgrub pa'i chos ni bcu ste/ sems can thams cad
tshims par bya zhing yo byad thams cad kyis sdud la sbyor ba
mnyam pas gtong ba dang/ blangs pa mi gtong bar gnas shing nga
rgyal med pa dang/ nyes pa thams cad khyad du bsad de sems can
thams cad kyis mi

'khrugs la mnyam pa nyid la gzhol ba las mtho dman med cing zad
mi shes pa'i sa 'dzin pa dang/ rtsol ba chen po rtsom pa dang
zhum pa med pa dang sbyor ba mi ldog pa dang yid la byed pa mi
'gyur ba dang mthu mtha' yas pa dang stobs thub pa med pa dang
dad pa'i mthu che ba

dang blang dor med pa'i tshogs rgyas shing thams cad mkhyen pa'i
sgom pa nyams pa med pa la 'jug pa dang/ 'dod pa'i 'du 'dzi
spong zhing bsam gtan dang ting 'dzin rim gyis bsgrub pa dang
gnas med cing blang dor med pa dang rtog pa dang nyon mongs
thams cad

sel ba dang mngon shes chen pos rnam par 'phrul ba dang ting nge
'dzin sgo mtha' yas par 'jug pa dang/ snyoms par 'jug pa thams
cad kyi ye shes kyi phyag rgyas mi 'khrugs pa thams cad mkhyen
pa'i ye shes la nye ba dang/ sangs rgyas kyi chos thams cad nyan

pa dang blang ba dang bzung ba dang bcang ba dang bla ma la
bsnyen bkur bas mi skyo ba dang/ thos pas mi ngoms pa dang/ gang
thos pa tshul bzhin du rtog pa dang/ de sgom pa dang sgro skur
dang bral ba dang chos thams cad rnam par 'byed pa dang thams
cad mkhyen pa'i ye shes la

@227b 'jug pa dang/ shes rab kyi sgo thams cad dang ldan pas
thams cad mkhyen pa la 'jug pa dang/ sems can smin par byed pas
mi skyo zhing bsam pa bzhin bya ba ston la byis pa dang 'phags
pa'i spyod pa ji ltar 'tsham pa ston te 'gro ba kun gyi rjes su
'gro ba sems

can thams cad sgrol ba'i spyod pa dang/ sems can mthar thug pa
smin par byed cing zhing mthar thug par sbyong la sangs rgyas
mthar thug par mchod pa dang bskal pa mthar thug par gnas
shing
sangs rgyas kyi ye shes mthar thug pa thob par bya ba dang/ bsam
pa'i

stobs kun nas nyon mongs pa med pa dang/ lhag pa'i bsam pa'i
stobs dbang du 'gyur ba dang snying rje'i stobs skyo ba med pa
dang/ byams pa'i stobs snyoms pa'i sbyor ba can dang gzugs kyi
stobs don thams cad la sgrib pa med pa dang/ spobs pa'i stobs
'gro ba

thams cad tshim par byed pa dang/ pha rol tu phyin pa'i stobs
theg pa thams cad kyi rgyan byed pa dang smon lam gyi stobs
bcad
du med pa bsgrub pa dang/ 'dod chags kyi spyod pa khong du chud
pa dang zhe sdang gi spyod pa rjes su rtog pa dang/ gti mug gi
spyod pa rab tu rtog pa dang/ cha

mnyam pa'i spyod pa rjes su shes pa dang sems dang bsam pa kun
shes par byed pa dang chos thams cad ji lta bar rtog pa dang
sangs rgyas kyi stobs kyi rjes su 'jug pa dang chos kyi dbyings
kyi sgo thams cad khong du chud pas ye shes kyi pha rol tu phyin
pa yongs su dag par byed

pas so/ /de ltar sngon las dang po ba'i tshe sems can thams cad
sgo sna tshogs nas bzung bar bya'o zhes seng ge'i sgra bsgrags pa
ltar/ ye shes thob nas sems can bsgral ba'i phyir zhugs pa'o//
de'ang rtag tu dkon mchog gsum gyi gdung rgyun mi gcod par
zhugs

pas te/ rim pa bzhin du gzhan gyi rgyud la byang chub kyi sems
'jog pa dang/ chos kyi mdzod rnam par 'grel pa dang/ bstan pa'i
tshul dang 'gal bar mi byed pa'i phyir dang/ yang smon lam chen
po brjod pa dang/ rten cing 'brel par 'byung ba yang dag par
ston pa

@228a dang/ snying rje chen po thob par byed pa'i chos la brtson
pa'i phyir dang/ sangs rgyas kyi sa bon sems can la 'debs pa
dang/ dam pa'i chos 'dzin pa dang/ tshogs chen po sdud pas mi
skyo ba'i phyir dang/ 'das pa dang ma 'ongs pa dang da ltar

gyi sangs rgyas thams cad kyi mdzad pa rjes su dran pas rtag tu
sangs rgyas kyi gdams ngag dang rjes su bstan pa mi gtong ba las
gsum ka'i gdung mi gcod pa la zhugs pa'i phyir rtsom pa thams
cad kha na ma tho ba med pa la gnas pas na rtsom pa thams cad
don

yod pa zhes so / ! des 'gro ba la phan par byed pa'i ngo bo nyid
ni/ de yi sems can dga' bar bde bskyed cing/ /mi mthun med sogs
rnam bcus phan par sbyor/ /yang de nyid las gzhan yang byang
chub sems dpa'i spyod pa de'i mtshan nyid bcu ste/ dga' bar byed
pa dang/

bde ba bskyed pa dang/ mi mthun pa med pa dang/ mi zad pa dang/
rmongs pa med pa dang/ lta ba bzang po dang/ gnas med pa dang/
thub par dka' ba dang/ chos bzang po dang/ bden pa dang ldan
pa'i spyod pa dag pha rol tu phyin pa bcu dang rim pa bzhin no /
! de dag mi zad par

byed pa'i ngo bo nyid ni/ de dag mi zad byed pa'i gter bcu ste/
/dad dang tshul khrims ngo tsha khrel yod dang/ /thos dang gtong
dang ye shes de bzhin du/ /dran dang rtogs dang blo gros gter
chen no/ /yang byang chub sems dpa'i gter bcu ste dad pa la sogs
pa'o/ /dad pa ni

chos thams cad stong pa la sogs par yid ches pa ste/ des chos
thams cad bsam gyis mi khyab pa dang/ sangs rgyas thams cad
bsam
gyis mi khyab pa la sogs pas mi zhum pa'o/ /tshul khrims ni sems
can thams cad la phan pa dang bde ba sems pas thog

mar phun sum tshogs pa dang/ dus gsum mnyam pa nyid kyi go chas
mu stegs can thams cad dang mi mtshungs pas byin gyis ma brlabs
pa dang/ khams gsum la bdag dang bdag gir mi lta bas mi gnas pa
dang/ mtshams med pa byed pa la sogs pas mi

@228b lhod pa na 'gyod pa med pas lhag par lta ba med pa dang/
legs par brtags te dam 'cha' bas 'gal ba med pa dang/ gzhan la
'tshe ba'i sngags la sogs pa mi bsgrub kyi/ sems can thams cad
skyob pas gzhan la mi gnod pa dang/ rtag chad du mi lta zhing
rten

'brel la brten pas ma 'dres pa dang/ 'byung ba'i lam 'tshol gyi/
gzhan gyi ngor mi lta bas nyon mongs pa med pa dang/ bdag bstod
pa dang gzhan smod pa med pas skyon med pa dang/ mi dge ba bcu
spangs pas kha na ma tho ba med pa'i tshul khrims so/ /ngo tsha
shes pa ni

dus gsum du'ang pha ma la sogs pa su dang 'grogs kyang/ nyon
mongs pas phan tshun 'tshe ba dang gnod pa la sogs pa byed pa la
'dzem pa ste/ sangs rgyas la sogs pas mkhyen no snyam pas so//
khrel yod pa ni mtha' med par gzugs la sogs pa 'tshol bas

'dzem pa'o/ /thos pa ni 'di yod pas 'di 'byung zhes bya ba la
sogs pa dang/ 'jig rten pa dang 'jig rten las 'das pa dang 'dus
byas dang 'dus ma byas la sogs pa shes par byed pa thos pa'i
mdzod bzung ba'o/ /gtong ba ni gang bsags pa rnams shas kyi rang
yang

spyod par byed cing gzhan la bgo gsha' byed pa ste/ rang spyod
pa'ang srin bu rnams gso ba tsam du zad pas phyi nang gi dngos
po rnams yongs su gtong ba'o/ /ye shes ni gzugs la sogs pa bden
pa bzhir rnam par gzhag pas shes pa dang/ nyan thos dang rang
sangs rgyas la

sogs pa'i gang zag shes pa dang/ de thams cad de bzhin gshegs pa
nyid du shes nas ston pa'o/ /dran pa ni sngon gyi gnas skye ba
dang bskal pa la sogs pa dang/ gsung rab sde bcu gnyis la sogs
pa dang/ gzhan gyi dbang po dang khams la sogs pa rjes su dran
pa'o/ /

rtogs pa ni tshe'i rgyud dang sangs rgyas kyi mtshan dang bskal pa
la sogs pa gcig nas gcig tu brjod du med pa'i bar yongs su 'dzin
pa'o/ /blo gros ni de dag gi ldog chos kyi dbye ba mtha' yas pa
shes shing 'dzin la ston pa'o/ ! /nus pa'i khyad par las spyod
pa nyid yongs su

@229a rdzogs par byed nus pa ni/ sems can mi gtong rgyal sras
thams cad la/ /ston par lta sogs bcu la brtson bya bas/ /spyod
mchog de dang sa dang sa rnams su/ /myur du yongs su rdzogs par
byed pa'o/ /yang byang chub sems dpa'i spyod pa myur du

rdzogs par byed pa'i chos ni bcu ste/ sems can thams cad yongs
su mi gtong ba dang/ byang chub sems dpa' thams cad la ston pa'i
'du shes su bya ba dang/ sangs rgyas kyi chos thams cad mi spang
ba dang/ sangs rgyas kyi zhing thams cad la mi zad pa'i ye shes
kyis

'jug pa dang/ byang chub sems dpa'i spyod pa thams cad la mos
shing dad pa dang/ nam mkha'i mthas klas pa'i chos kyi dbyings
mnyam pa nyid rnam par bsgoms pa'i byang chub kyi sems mi gtong
ba dang/ sangs rgyas kyi stobs la 'jug pas rdzogs pa'i byang
chub la rnam par

dpyad pa dang/ so so yang dag par rig pa bzhi la brtson pa dang/
sems can yongs su smin par bya bas mi skyo ba dang/ 'jig rten
gyi khams thams cad du gnas pa la chags pa med pa'o ! spyod pa
rnam par dag par byed pa'i nus pa ni/ des ni zab chos la 'jug
dge ba'i bshes//

bsten sogs rnam par dag byed rnam bcu 'thob/ /yang de dag la
gnas pas rnam par dag par byed pa'i chos bcu 'thob ste/ chos zab
mo la 'jug pa rnam par dag pa dang/ de bzhin du dge ba'i bshes
gnyen dang 'grogs pa dang/ sangs rgyas kyi bstan pa bzung ba
dang/ nam

mkha'i dbyings bsgom pa dang/ chos kyi dbyings la 'jug pa dang/
mtha' dang dbus med pa'i sems la rnam par dpyad pa dang/ byang
chub sems dpa' thams cad kyis grogs bya ba'i dge ba'i rtsa ba
dang/ bskal pa thams cad la mngon par zhen pa med pa dang/ dus
gsum

thams cad rab tu brtag pa dang/ sangs rgyas thams cad kyi rigs
su nan tan bya ba rnam par dag pa'o zhes so// ! spyod pa chud mi
za bar byed pa'i nus pa las go cha'i khyad par ni/ dus gsum
sangs rgyas ma lus mir gyur pa'i/ /rtsol bas thob na bdag gis
cis mi 'thob/ /de

@229b phyir bdag kyang nges par brtson bya zhes/ /go bgos rgyal
sras bslab la ci nus 'bad/ /dpal byin gyis zhus pa las/ sangs
rgyas dpag du med cing grangs med pa da ltar bzhugs pa dang
'das
pa dang 'byung bar 'gyur ba thams cad ni mir gyur pa dag gis
'bad de brtsal

bas thob na bdag gis ci'i phyir mi 'thob ces bsams la/ las dang
po ba'i byang chub sems dpas ci ltar bya ba dang ji ltar bsgrub
pa la bslab par bya ste zhes so/ /rje btsun gyis kyang gang
phyir sems can mir gyur pas/ /tshad med skad cig re re la/
/rdzogs pa'i byang chub thob de'i phyir//

zhum pa dang du blang mi bya zhes so/ /gzhan las kyang/ bdag lta
rigs kyi mir skyes la// phan dang gnod pa ngo shes pas/ /byang
chub spyod pa ma btang na/ /bdag gis byang chub cis mi 'thob ces
so// ! sbyor ba'i khyad par lnga po dkon mchog gsum la mchod pa
dang/ skyabs su 'gro ba dang/

gsol ba gdab pa dang/ sbyin pa btang ba dang/ tshul khrims bsrung
ba rnams ni/ bsam pa thag pas nyin rer dus gsum du/ /dkon mchog
gsum mchod skyabs 'gro gsol gdab bya/ /dus dang dus su sbyin
gnas rnams la ni/ /ci nus gnod med sbyin pa gang 'os btang/
/bslab

gzhi lnga sogs tha na gcig tsam yang/ /ci nus bzung ste rab
bsgrims mi lhod bsrung zhes bya ba ste/ yang dpal byin las/ des
nyin re bzhin du dus gsum du snying thag pa rus pa'i gting nas
sems thams cad kyis bsams te dkon mchog gsum la mchod pa dang
rim gro bya

ba mi btang ngo/ /dus gsum du gsum la skyabs su 'gro ba mi btang
ngo/ /de bzhin du 'jig rten gyi khams thams cad du dkon mchog
gsum gyis mi stongs par gsol ba gdab bo/ /yang de bzhin du dkon
mchog gsum bskal pa du mar gnas par gsol ba gdab bo/ /bskal ba
du

mar sems can thams cad la chos bstan par gsol ba gdab bo/ /sems
can thams cad ci nus ci lcogs su theg pa gsum gyi byang chub kyi
sems bskyed par gsol ba gdab bo/ /de bzhin du sems can thams cad
dge ba'i rtsa ba thams cad myur zhing rings par rdzogs pa dang/

@230a sems can thams cad kyis byang chub gsum thob par 'gyur ba
dang/ sems can ngan 'gror skyes pa thams cad bton pa dang/ sems
can thams cad kyi sdig pa thams cad spong ba dang/ 'jigs pa
thams cad dang sdug bsngal dang yid mi bde ba

dang 'khrug pa thams cad spong bar gsol ba gdab pa mi btang ngo/
/dus gsum gyi sangs rgyas dang byang chub sems dpa' rnams dang
rang rgyal dang nyan thos thams cad dang sems can thams cad
kyi
dge ba'i rtsi ba thams cad la rjes su yi rang ba mi btang ngo/
/rdzogs

pa'i byang chub tu smon lam gdab pa dang/ rang nyid sdig pa
spyod pa la smad pa dang/ bshung ba dang nges par 'byung bar
bya'o/ /dge ba'i rtsa ba thams cad 'dod pa dang/ dge ba'i rtsa
ba thams cad dang du brang ba dang/ tshe rabs tshe ra bsu dkon
mchog gsum la bkur sti bya bar

gsol ba gdab bo/ /de bzhin du gcig tu nges par rnam par dag pa'i
dge ba'i spyod pa dang/ byang chub chen po'i tshogs rdzogs par
bya ba dang/ sangs rgyas kyi chos thams cad 'thob pa dang/ chos
kyi 'khor lo bskor ba dang/ bskal pa du mar chos bstan par gsol
ba

gdab pa yongssu mi btang ba'o/ /gzhan yang las dang po ba'i
byang chub sems dpas pha ma nas rgan rabs kyi bar la mi gnod par
dus dus su ci mos ci nus su sbyin pa btang ngo/ /bslab pa'i gzhi
lnga la gnas pa dang brtan por 'dug pa dang/ mi lhod par gnas
par

bslab bo/ /mi nus na bzhi'am gsum mam gnyis sam gcig tsam la
gnas par bslab bo ! dge ba dang mi dge ba la 'jug pa'i bsam pa'i
khyad par ni/ ! nus rang dbang med par sdig spyod na'ang/ /mi
'dod bzhin du zhen pa drag min pas/ /dgos pa'i

dbang bsams thog mtha' bar du yang/ /rnam par smad cing bsdam
sems ldan par spyad// legs pa'i las dang dge ba gang spyod
kyang/ mngon zhen drag cing mi lhod bar ma chad/ /ro myang rjes
su yi rang mngon dga' zhing/ /don chen bsgrub phyir rnam dag
bsngo bas spyad//

@230b nyon mongs pa mang ba la sogs pas rang dbang med par sdig
pa byed 'dod pa'am/ mi spro bzhin du gzhan gyi ngo tsam du'ang
dge ba byed pa'am/ bde ba khyad par myong ba la sogs pa'i tshe
bsam pa 'di lta bu nan tan gyis bsgrub pa ste/ mdo de nyid las
bslab pa

gcig kyang bsgrub mi nus na yang sdig pa gang la spyod pa de la
zhen pa ma yin pa dang/ drag po ma yin pa dang/ mi dga' bzhin du
dang/ lhod pa dang yang ba'i sems dang/ don dang dgos pa'i dbang
tsam gyis spyod de/ mi dge ba bcu ga la khro ba'am khon 'dzin
gyi dbang dang/

dga' ba dang mchog tu dga' ba'i dbang gis mi spyod do/ /spyod pa
'dod pa dang/ spyod pa dang spyad nas kyang smad do bshung ngo
bshags so nges par 'byung bar bya'o/ /legs pa'i las sam dge ba'i
rtsa ba ni gang la spyod kyang de la sems zhen pa dang drag pa
dang tshim pa dang mgu

ba dang mi lhod dang pa dang mi spang ba dang bar ma chad pa
dang dad pa dang dga' ba dang mchog tu dga' ba'i dbang du gyur
pa'i sems kyis kun tu spyad par bya'o/ /spyod 'dod pa na yang
snying thag pa rus pa'i gting nas sems thams cad kyis bsams te/
sems can thams cad

bsgral ba dang/ dgrol ba dang dbugs dbyung ba dang yongs su
mya
ngan las bzla ba dang/ thams cad mkhyen pa thob pa'i ched du
sangs rgyas kyi chos thams cad rdzogs par bya ba'i phyir byang
chub chen por bsngo ba'o/ /dge ba'i rtsa ba kun tu spyod pa 'das
pa dang/ ma 'ongs pa dang

da ltar ba thams cad la'ang snying thag pa nas bsdoms te bzlums
nas rjes su yi rang bar bya'o/ /rjes su yi rang ba mchog dang
phul nas mya ngan las 'das pa dang mnyam pa'i bar gyis rjes su
yi rang ngo/ /rjes su yi rang nas kyang dge ba kun tu spyad pa
des sangs rgyas dang byang chub

sems dpa' dang rang rgyal dang nyan thos thams cad la dbul lo/
/phul nas kyang sems can thams cad dang thun mong du bya zhing
sems can thams cad bsgral ba la sogs pa dang/ sangs rgyas kyi
chos thams cad rdzogs par bya ba dang/ thams cad mkhyen pa nyid
thob par
@231a bya ba'i phyir nyin re bzhin du dus gsum du byang chub
chen por bsngo'o// yang des ka shi'i gos sam tsan dan dang a ka
ru'i bdug pa la sogs pa yo byad mchog sna tshogs myong ngam/ 'dod
pa'i yon tan lnga la spyod pa'am/ lam du 'gro'am las

byed pa la sogs pa thams cad kyi tshe'ang/ rdzogs pa'i byang chub
tu 'dun pa dang dad pa dang don du gnyer ba dang smon pa de 'ba'
zhig rtag tu rgyun mi chad par rjes su dran par bya'o/ /yid la
bya'o/ /bsgom par bya'o/ /lan mang du bya'o// ! de'i 'bras bu'i
khyad par ni/ des

ni sdig pa srab lhod gsob yang bas/ /lan tshwa chur bcug lta bur
myur 'jig 'gyur/ /dge legs chung ngu'ang don chung nyid med de/
/bsgrub pa yongs rdzogs brtan sra rdo rje 'dra/ /gnas skabs kun
tu bdag gzhan dbugs 'byin pas/ /'gro kun 'dren pa'i dad dpon
myur

du 'thob/ /yang de nyid las de ltar byas pas ni sdig pa spyod na
yang sems lhod pa dang yang ba dang chung ba dang/ srab pa
dang
gsob tu 'gyur ro/ /dge ba spyod na ni sems zhen pa dang drag pa
dang mi lhod pa dang mi chung bar 'gyur ro/ /des na srid pa'i
'gro ba gang du don mi chung

bar 'gyur ro/ /'khu ba dang gsod pa dang 'ching ba dang 'tshe ba
dang spangs pa dang/ 'jig rten gyi khams mu med par gtogs pa'i
sems can mu med pa rnams kyi thog ma med pa nas bsags pa/ dus
mtha' yas par myong bar 'gyur ba'i skye ba dang rga ba la sogs
pa

sdug bsngal brgyad dang/ 'gro ba drug so so'i sdug bsngal dang/
'dod chags dang zhe sdang dang gti mug gi sdug bsngal gcod bar
bya ba dang dgag par bya ba dang zhi bar bya ba'i phyir zhugs pa
dang/ byams pa'i sems dang brtse ba'i sems su gyur pa dang/ go
cha chen po

bgos pa dang/ theg pa chen po la zhugs pa dang/ sangs rgyas kyi
chos rgya chen po la mos pa dang/ sangs rgyas dang chos dang
dge
'dun gyi gdung rgyun mi chad par byed pa'i phyir/ sdig pa kun tu
spyod pa rnams 'grib pa dang chung ba dang bsrabs par 'gyur/ dge
ba

@231b 'phel ba nas dpag tu med pa'i bar du 'gyur ro/ /de'i byang
chub sems dpa'i bsam pa gsogs shing bsgom pa yang yongs su
rdzogs pa dang sra ba dang brtan pa dang rdo rje lta bur 'gyur
ro/ /de ltar las dang po pa go rim 'dis mthar gyis srid pa 'di
dang phyi ma dang

srid pa gzhan la sdig pa 'grib pa la sogs pa dang/ dge ba 'phel
ba la sogs pa dang/ byang chub sems dpa'i bsam pa gsogs shing
bsgom ste legs par spyad pa rnams smin pas myur du mngon par
rdzogs par 'tshang rgya bar 'gyur ro zhes so/ bras bu sangs rgyas

nyid thob par byed pa'i nus pa'i khyad par ni/ ! 'di dag las
kyang chos kyi rnam pa yi/ /khyad par grangs med bcu dang rgyal
rnams kyi/ /chos chen char dang ye shes chen po yi/ /rlung
bzhi'i stobs las sangs rgyas myur 'thob 'gyur/ /phal chen las/
sangs rgyas 'byung

ba ni/ chos rnam pa tha dad pa grangs med pa bcu las te/ sngon
'gro ba thams cad bskyab pa'i byang chub kyi sems bsgrubs pa
dang/ sngon bsam pa dang lhag pa'i bsam pa sbyangs pa dang/
byams pa dang snying rje tshad med pas sems can bskyab pa dang/
spyod pa dang smon lam tshad

med pa dang/ bsod nams dang ye shes kyis mi ngoms pa dang/ sangs
rgyas mchod pa dang sems can smin par byed pa tshad med pa dang/
thabs dang shes rab rnam par dag pa dang/ yon tan rnam par dag
pa dang/ lam gyi yan lag rnam par 'god pa'i ye shes dang/ don

dang ldan pa'i chos tshad med pa khong du chud pas mthar phyin
par bya ba yang dag par bsgrubs pa'o/ /dper na stong gsum gyi
'jig rten gyi khams rgyu rkyen re res mi 'byung gis tshad med pas
'grub ste/ sprin chen po'i char dus su 'bab pa dang rlung
bzhi'ang rgyun mi chad pa

las so/ /'di ltar yongs su 'dzin pa'i rlung gis bzung zhing/
yongs su skem pa'i rlung gis chu'i phung po skam mo/ /yongs su
gzhog pa'i rlung gis ni gzhal med thams cad rnam par 'god do/
/rnam par 'god pa'i rlung gis ni sems can rnams kyi las dang/
byang chub sems

@232a dpa' rnams kyi dge ba'i rtsa ba rnam par 'byed pas so/ /de
bzhin du sangs rgyas kyang rgyu tshad med pa las 'grub pa ste/
sngon sangs rgyas kyi drung du chos kyi char chen po bab pa
dang/ ye shes kyi rlung chen po bzhi rgyun mi chad pas kyang
ste/ dran pas

'dzin cing chud mi za ba'i ye shes kyis ni chos kyi char chen po
'dzin to/ /zhi gnas dang lhag mthong gis bsgrub pas ni nyon
mongs pa skems so/ /bsngo ba la mkhas pas ni dge ba'i rtsa ba
thams cad bsngo'o/ /sprul ba'i rgyan rnam par 'byed cing 'god
pa'i ye shes kyis ni

sems can sngon smin par byas pa'i dge ba'i rtsa ba rnam par dag
pa dang/ sangs rgyas kyi dge ba'i rtsa ba'i stobs bskyed bas so/
/de dag la sogs pa rgyu rkyen tshad med pa las byung ste don dam
par skye ba'ang med do zhes so// ! phyogs gnyis so so'i bslab pa
bshad pa las khyim

pa'i dbang du byas nas khyim na gnas pa'i bslab pa'i gzhi la
bslab pa ni/ rgyal sras khyim pas gsum la skyabs 'gro zhing/
/dge rtsa bsags rnams kun mkhyen rgya mtshor bsngo/ /snying po
med pa'i lus srog longs spyod las/ /bsod nams ci nus bsags pas
snying po blang//

bslab gzhi lnga bzung phra ba'ang rjes bsgrub pas/ /mi dge bcu
po ci nus spang bya zhing/ /sangs rgyas nyid las lha gzhan mi
bsten pas/ /rgyun tu khyim gyi nyes mang so sor brtag /der gnas
sbyin byung dge tshogs gtso cher bsgrub/ /byin dang bzhag pa'i
legs nyes mang bsam

zhing/ /slong la dge ba'i bshes sogs 'du shes pas/ /pha rol
phyin pa kun rdzogs bya bar bslab/ /drag shul can gyis zhus pa
las/ byang chub sems dpa' khyim pas dkon mchog gsum la skyabs su
'gro bar bya'o/ /de'i dge ba'i rtsa ba byang chub chen por bsngo
bar bya'o/ /snying

po med pa'i lus la snying po blang ste gzhan gyi ci bya'o cog
bya bar spro ba dang/ bla ma la gus par smra ba dang/ phyag
'tshal ba dang ldang ba dang thal mo sbyor ba dang 'dud pa la
sogs pa'i las byed pas so/ /snying po med pa'i srog la snying po
blang ste gang sngar thob pa'i dge ba rnams yongs

@232b su mi nyams shing gong du yang 'phel bar bya bas so/
/longs spyod snying po med pas snying po blang ste/ ser sna'i
sems tshar gcod cing gtong ba'i sems chen po spel la sbyin pa
yang dag par 'ged pas so/ /des bslab pa'i gzhi lnga bzung zhing
phra ba'ang rjes su bsgrub la

de'ang rdzogs pa'i byang chub tu yongs su bsngo'o/ /gong du yang
phra ma la sogs pa mi dge ba bcu car spang ngo/ /sangs rgyas la
bsam pa rjes su song bas lhar bzung zhing lha gzhan mi 'dzin par
bya'o/ /des khyim na gnas pa'i nyes pa la mkhas shing so sor
brtag par bya ste/ khyim

zhes bya ba ni dge ba'i rtsa ba thams cad 'joms pa/ 'byung ba
sun 'byin pa/ dge ba'i sdong po bsgyel bar byed pa ste/ nyon
mongs pa thams cad kyi gnas/ mi dge ba la rtog pa'i gnas/ byis
pa ma dul ba sdig pa spyod pa rnams kyi gnas/ skye bo ngan pa
'dus pa'i phyir khyim zhes

bya'o/ /sdug bsngal thams cad kyi gnas/ sngar goms pa'i dge
ba'ang nyams par byed pa/ der gnas nas bya bar mi rigs pa rnams
byed pa/ pha ma dang dge sbyong dang bram ze la sogs pa la mi
gus par 'gyur ba'o/ /gsod pa dang bcing ba dang brdeg pa dang
bsdigs pa

dang/ gtse ba dang/ gshe ba la sogs pa'i tshig gi lam rnams 'du
ba'o/ /der gnas na bu smad dang bran la sogs pa 'dzin pa la sred
pa'o/ /phan tshun du 'thab pa'o/ /las kyi mtha' thug pa med pas
rtag tu bkol ba'o/ /ro bro ba chung bas spu gri'i so'i sbrang
rtsi lta bu'o/ /der

gnas pas ni sbyin pa la sogs pa la 'bad par bya ste/ byin pa
dang bzhag pa'i legs nyes mang du bsams nas so/ /slong ba la'ang
dge ba'i bshes gnyen dang phyi ma'i longs spyod kyi gzhi dang
byang chub kyi lam nye bar ston pa'i 'du shes gsum la sogs pa
bskyed

par bya ba'o/ /de las pha rol tu phyin pa drug car rdzogs par
yang bsam mo/ ! /rab tu byung ba dman pa la'ang gus par bya'i/
brnyas pa spang ba ni/ dge sbyong dman la'ang brnyas spangs gus
bya ste/ /nyon mongs glo bur sbyang ba'i skabs yod cing/ /thub
pa rab zhi'i ngur

@233a smrig 'dzin pas kyang/ /de yi drod bzung smad pas nyams mi
bya/ /mdo de nyid las gal te dge sbyong tshul las nyas pa dag
mthong na yang drang srong gi rgyal mtshan las gus par bya zhing
snying rje bskyed de mi gus pa mi bya'o/ /'di ni da ltar nyon
mongs

pas rang dbang med par zad kyis/ ston pa'i bstan pa ni nges par
'byung ba dang bcas pa yin pas 'di'ang nyon mongs pa 'di rig nas
tshul bzhin du so sor rtog na 'bras bu 'thob pa'i gnas yod de/
nyon mongs pa ni ye shes kyis bsal bar bya ba yin pas/ gang

zag gis gang zag gi tshod bzung na nyams par 'gyur bar gsungs
pa'i phyir/ ston pa nyid kyis mkhyen gyi bdag gis ni mi shes so
snyam pas de la ngan sems mi skyed do/ /des na 'di ma byang ba
ma sbas pa ma dul ba yin yang/ drang srong gi rgyal mtshan 'di ni
thub pa rnyog pa med

pa zhi ba dul ba de'i tshul khrims la sogs pas bsgos pa'i ngur
smrig yin no zhes bsam mo// ! rtag tu rab tu 'byung ba'i bsam pa
sbyang ba ni/ gtsug lag khang 'jug gus pas phyag bya zhing// 'di
ni dam chos mchog rab bsgrub gnas te/ /bdag kyang nam zhig rdul
gnas

khyim spangs nas/ /gso sbyong la sogs bsgrub pas 'dir gnas zhes/
/rab tu 'byung bar 'dod pa'i sems sbyang bya/ /khyim du yun ring
ganggA'i bye snyed kyi/ /mchod sbyin byas pas rab du la zhi
ldan pa'i/ /rab byung ? sems kyi char mi phod la sogs/ /khyim
dang mngon

'byung legs nyes rnam mang bsgom/ /mdo de nyid las/ des gtsug
lag khang du 'jug pa na gus shing dad pas sgo drung nas yan lag
lngas phyag byas la 'jug par bya ste/ 'di ni stong pa nyid la
sogs pa dang byams pa la sogs pa dang bsam gtan pa'i gnas

te; bdag kyang rdul gyi gnas khyim nas 'byung zhing nam zhig 'di
lta bur gnas nas dge 'dun gyi gso sbyong la sogs pa'i las la
gnas par 'gyur zhig gu snyam pas rab tu 'byung ba'i sems la dga'
bar bya ste/ khyim na gnas pa dang rab tu 'byung ba'i

@233b skyon dang yon tan mang po bsam par bya'o/ /khyim du nyi
ma mang por ganggA'i ? bye ma snyed kyi mchod sbyin bya ste
bdog pa thams cad btang bas ni chos 'dul ba la rab tu 'byung
ba'i sems skyed pa'i char mi phod do zhes bsam par bya'o/ /sbyin
pa ni chom rkun la sogs pa'ang

gtong bas de tsam gyis mi chog par tshul khrims dang thos pa la
sogs pa'i snying po'ang blang bar bya'o/ /gtsug lag khang du
zhugs nas de bzhin gshegs pa'i sku gzugs la sogs pa la phyag
byas te 'du shes 'di gsum bskyed do/ /bdag kyang 'di 'dra ba'i
mchod

'os su 'gyur bar bya/ sems can rnams la brtse bas bdag gi lus
byin ? gyis brlab par bya/ myur du mngon par sangs rgyas nas
sangs rgyas kyi bya ba byas te mya ngan 'da' bar bya ba de ltar
bslab ces so/ /grong dang gtsug lag khang phan tshun du gsang
bsnyad par mi

bya'o zhes so// ! rab tu byung ba'i bslab pa las 'phags pa'i
rigs la bslab pa ni/ rab tu byung nas byang chub phyogs kun gyi/
/rten gyur 'phags pa'i rigs bzhi la gnas bya/ /mdo sde de nyid
las rab tu byung nas ni/ 'phags pa'i rigs bzhi la gnas par bya
ste/ byang chub kyi

phyogs kyi chos thams cad 'di dag la gnas pa'i phyir ro// !
'grogs pa ?  bzhi las gzhan spang ba ni/ 'dre zhing 'grogs spang
dam mchos mnyan sogs phyir/ /'grogs pa rnam bzhi thub pas gnang
ba bsten/ /yang de nyid las rab tu byung bas 'grogs pa med cing
'dre ba med

par bya ste/ chos mnyan pa'i phyir dang/ sems can smin pa'i
phyir dang/ /sangs rgyas mchod pa'i phyir dang/ thams cad mkhyen
pa'i sems 'dres pa med pa dang 'grogs pa bzhi ni sangs rgyas
kyis gnang ba'o/ /gzhan yang zhal ta ? byed pa'i las ni ci bya'o
cog la brtson

pa'o/ /lag gi bla'i las ni dngos po gtong len byed pa'o/ /dpon
sna byed pa'i las ni yid mi skyo ba yin pas na de la sogs pa ci
rigs pa dang du blang ngo zhes so/ ! byang chub sems dpa'i bya
ba nyi shu la bslab pa ni/ gzhan yang rgyal sras rnams kyis
bsgrub pa'i las/ /ser

@234a sna tshar gcod gtong ba spel la sogs/ /rnam pa nyi shu
rdzogs bya gzhan du na/ /byang chub snying por bgrod pa'i gnas
med do/ /byams pa seng ge'i sgra chen po las/ rab tu byung nas
byang chub sems dpa'i las nyi shu bya ste/ de dag ma rdzogs

par ni byang chub kyi snying por 'gro bar mi nus so/ /nyi shu
gang zhe na/ ser sna tshar gcod pa dang/ gtong ba spel ba dang/
'chal ba'i tshul khrims spang ba dang/ tshul khrims yongs su
rdzogs par bya ba dang/ gnod sems spang ba dang/ bzod pa'i stobs
la gnas par

bya ba dang/ le lo rnam par mnan pa dang/ brtson 'grus chen po
brtsam pa dang/ brjad ngas pa spang ba dang/ dran pa dang shes
bzhin gyis bsam gtan bya ba dang/ zab mo la bzod pa bsgom pa
dang/ shes rab kyi pha rol tu phyin pa rtogs par bya ba dang/
rnam par

rtog pa spang ba dang/ mtshan ma med pa la gnas pa dang/ smon pa
dang bral bar bya ba dang/ smon pa med par rdzogs par bya ba
dang/ sems can yongs su mi btang ba dang/ snying rje chen pos
gnas pa dang/ nyan thos dang rang rgyal gyi theg pa la dga' ba
spang ba dang/

sangs rgyas kyi ye shes la mos shing nem ? nur med la yid ches
par bya'o/ /zhes so// ! bsgrub pa'i bslab pa so sor rnam par
dbye ba las/ spyod pa rnams kyi thun mong gi ngo bo thabs dang
ldan pa'i las ni/ gzhi gsum dag pas sbyin soD rab bsgrub cing/
/chud mi

za dang phul byung nyid du byed/ /phan 'dogs 'dzin dang 'jug
byed mthun par sgrub/ /bsdu dngos lan gsum thabs kyis zin pa'o/
/phyed dang po ni mdo sde'i rgyan las 'byung ba ste/ dge ba
rnams bsgrub pa'i thabs ni ji ltar sa chen po 'di nye bar spyad
bya nags

tshal la sogs pa dang/ spyod pa po sems can rnams dang/ brtan pa
ri bo la sogs pa dang/ mi brtan pa chu bo la sogs pa bzhi'i rten
yin pa ltar/ rgyal sras rnams kyi lus la sogs pa'i las gsum rnam
par dag pa yang pha rol tu phyin pa la sogs

@234b pa'i spyod pa rnams kyi rten du gyur pa'o/ /dge ba chud mi
za ba'i thabs ni las gsum rnam par dag pa des dka' spyad rmad du
byung ba dus ring por bsgrub par bya bas kyang yid mi 'byung bas
theg pa chen po'i skyo ba spong ba dang/ theg pa dman pa'i lam
la 'bras bu dman

par bsgyur bas dug dang/ dge ba'i rtsa ba gcod pas mtshon dang/
dge ba'i lo tog 'joms pas gnam lcags dang/ sangs rgyas kyi phun
sum tshogs pa 'thob pa'i gegs byed pas dgrar lta ba las theg pa
dman pa de spong ba'o/ /dge ba phul du byung ba'i thabs

ni dkar po'i phyogs kyi las thams cad la byed pa po dang las
dang bya bar mi rtog pas rnam par dag par 'gyur ba'i thabs dam
pas khyad par du 'phags par bsgrub pa'o/ /phyed phyi ma ni byang
chub sems dpa'i sa las 'byung ba ste/ bsdu ba'i dngos po bzhis
zang zing gis

phan btags nas tshig nyan par byed pa dang/ snyan par smra bas
rmongs pa bsal nas rigs pas ston cing 'dzin du 'jug pa dang/
bstan nas kyang don spyod pas mi dge ba'i gnas nas bslang ste
dge ba'i gnas 'dzin cing 'dul ba dang/ 'jog pa dang 'god pa
dang/ bkod

nas de dag dang mthun pa'i tshul kun tu spyad pas mthun par
bsgrub pa'o/ /thabs de bzhi so so'am bsdus pas zin pa ni gdul
bya sdud pa dang 'dul ba dang smin par bya ba la thabs kyis zin
pa zhes bya'o zhes so/ /pha rol tu phyin pa'i spyod pa'i dbang
du byas nas sangs rgyas kyi chos

rdzogs par byed pa pha rol tu phyin pa drug so sor rnam par
gzhag pa dang por ston to/ /'di la byang chub sems dpa'i sde
snod las 'byung ba la/ ! /sbyin pa'i yongs su dag pa'i khyad par
ni/ byang chub sems dpa' rnams kyi sbyin pa ni/ /bcu tshan bzhi
yis rnam kun yongs dag

'gyur/ /mdo de las byang chub sems dpa'i sbyin pa ni rnam pa
bcus yongs su dag pa ste/ byang chub sems dpa' rnams la mi mthun
pa'i longs spyod tshol zhing sbyin pa med do/ /de bzhin du sems
can la gnod pa'i dang/ 'jigs shing skrag pa'i dang/ yongs su ma
btang ba la

@235a mgron du gnyer ba dang/ gdong du blta bas dang/ mdza' bo
dang/ sdang ba dang/ zhing tshol ba dang/ sems can la sbyin gnas
ma yin zhes brnyas pa'i sbyin pa med pas so/ /yang bcus te las
kyi rnam smin la 'dod pa dang/ bsam pa log pa dang/

yongs su skyo ba dang/ nye bar bstan nas dang/ rjes su mi dga'
ba dang/ 'gyod pa dang/ tshul khrims can la bkur ba dang/ tshul
khrims 'chal ba la brnyas pa dang/ rnam smin la re ba'i sbyin pa
med pas so/ /yang bcus te smad pa dang/ gzhan du phyogs pa dang/
nyon

mongs pa dang/ khro ba dang/ phrag dog dang/ gnod sems ston pa
dang/ ri mor mi byed pa dang/ lag nas ma yin pa dang/ ji tsam
sbags pa las bri ba dang/ skye ba 'dod pa'i sbyin pa med pas so/
/yang bcus te/ mi brtan pa dang/ tshod 'dzin pa dang/ yongs su
chad pa dang/

gzhan gyi dring 'jog pa dang/ nyung zhing chung ba dang/ gzugs
dang longs spyod la dga' ba dang/ brgya byin la sogs pa 'dod pa
dang/ nyan thos dang rang rgyal du bsngo ba dang/ mkhas pas
smad
pa dang/ thams cad mkhyen par ma bsngos pa'i sbyin pa med pas
so// ! phan yon

gyi dbye ba ni/ srid pa gcod cing 'gog par bsngos pa yi/ /sbyin
pa'i phan yon rnam pa sum cu yin/ /yang mdo de nyid las 'dus
byas la nges par 'byung zhing 'dus ma byas thob par bya ba'i
phyir sbyin pa'i phan yon ni bcu ste/ bza' ba byin pas tshe dang
spobs pa dang bde ba

dang stobs dang kha dog phun sum tshogs pa 'thob pa dang/ btung
ba byin pas nyon mongs pa dang/ sred pa bsal ba phun sum tshogs
pa dang/ bzhon pas bde ba thams cad kyi dngos po dang/ bgo bas
khrel yod pa dang/ ngo tsha shes pa dang mdog gser ltar yongs su
dag

pa dang/ spos dang phreng bas tshul khrims dang thos pa dang/
ting nge 'dzin gyi dri dang byug pa dang/ dri zhim pa'i phye ma
dang byug pas lus kyi nan tan gyi dri zhim po dang/ ro yis ro
bro ba'i mchog mkhyen pa dang/ gnas kyis sems can thams cad kyi
gnas dang/ rten dang

@235b gling dang skyabs dang dpung gnyen dang/ nad pa la sman
byin pas rga ba med pa dang na ba med pa dang 'chi ba med pa'i
bde ba yongs su rdzogs pa dang/ yo byad sna tshogs byin pas byang
chub kyi phyogs kyi yo byad yongs su rdzogs pa phun sum tshogs pa
'thob pa'o/ /gzhan yang bcu

ste/ mar me byin pas sangs rgyas kyi spyan lnga yongs su dag pa
phun sum tshogs pa 'thob pa dang/ sil snyan byin pas lha'i rna ba
dang/ gser la sogs pa rin po ches mtshan sum cu rtsa gnyis dang/
rin po che tha dad pa sna tshogs dang me tog sna tshogs kyis dpe
byad bzang

po brgyad cu dang/ rta dang glang po dang shing rtas rgyas pa
dang yangs pa dang che ba dang/ skyed mos tshal dang dka' thub
kyi nags tshal gyis bsam gtan dang rnam par thar pa la sogs pa
dang/ nor dang mdzod dang 'bru dang bang bas chos rin po che'i
mdzod yongs su rdzogs pa dang/

bran pho mos dang las byed pa dang rang dbang dang rang nyams
dang rang byung gi ye shes yongs su rdzogs pa dang/ bu pho dang
bu mos mdza' ba dang sdug pa dang 'dod pa bla na med pa'i byang
chub dang/ gling bzhi'i rgyal po'i longs spyod thams cad byin
pas byang chub sems dpa'i rnam

pa'i mchog thams cad dang ldan pa'i thams cad mkhyen pa'i ye
shes phun sum tshogs pa 'thob pa'o/ /yang bcu ste/ 'dod pa'i yon
tan lnga byin pas tshul khrims la sogs pa'i phung po lnga yongs
su dag pa dang/ dga' rtsed thams cad kyis chos kyi dga' rtsed
dang/ rkang pas

chos kyi rkang pa byang chub kyi snying por 'gro ba dang/ lag
pas sems can thams cad la chos kyi lag pa sbyin pa dang/ rna ba
dang snas dbang po tshang zhing rdzogs pa dang/ yan lag dang
nying lag gis kha na ma tho ba med cing mdzes pa'i yan lag sangs
rgyas kyi sku dang/ mig gis

sems can thams cad la chos kyi mig sgrib pa med pa dang/ sha
khrag gis sems can thams cad kyi lus dang srog snying po med pa
las snying po len pas nye bar 'tsho ba la mkhas pa dang/ rkang
gis rdo rje ltar mi shigs pa'i lus dang/ yan lag gi dam pa mgo
byin pas @236a 'jig rten thams cad las mchog tu gyur pa bla na
med cing
ltag na med pa thams cad mkhyen pa'i ye shes khong du chud pa
yongs su rdzogs pa phun sum tshogs pa 'thob pa'o// ' bras bu mdor
bsdus pa ni/ 'di yi 'bras bzang lha mi'i dbang phyug

dang/ /sa rnams kun bgrod rnam kun mkhyen nyid 'thob/ /yang
khyim bdag gi zhing gi rmo brko rdzogs par byas pas gshol gyis
'tsho ba las rin po che la sogs pa dngos po sna tshogs 'grub ste
'bru dang mtshungs pa'i nor med pas so/ /de bzhin du 'jig rten
gyi zang zing

la gnas nas kyang byang chub sems dpa' mngon par rdzogs par
'tshang rgya ba'i dus yod do// bas rtswa bskam gsher dang chu
grang dro 'thungs pa las 'o ma dang zho dang mar dang mar gyi
snying po 'grub bo/ /de bzhin du byang chub 'dod pas/ 'jig rten
gyi zang zing byin pa na mi 'dod

kyang 'khor los bsgyur ba dang dbang po dang tshangs pa 'grub la
de nas ni sa bcu'o/ /de nas stobs dang mi 'jigs pa dang/ las
stong gis 'grub pa ma 'dres pa'i chos bco brgyad dang/ las stong
gis 'grub pa'i gsung dbyangs yan lag drug cu pa dang/ las brgyas

'grub pa'i mtshan re re dang/ las nyis brgyas 'grub pa dbu'i
gtsug tor dang/ rnam pa dang yon tan brgyas rdzogs pa'i chos kyi
dung chen po'ang 'grub pa'o/ /sngon tha ga pa zhig gis sangs
rgyas chos mos la dgongs re ras kha tshar re phul zhing/ 'dis
bdag bsdu ba

thams cad dang ldan pa'i sangs rgyas su gyur cig ces te rim gyis
kha tshar stong lnga brgya phul bas bskal pa bye ba phrag bco
lngar ngan song du ma ltung ngo/ /dge ba'i rtsa ba de nyid kyis
'khor los bsgyur ba dang brgya byin bye ba phrag stong stong
myong ngo/ /las dang po pa'i las

de nyid kyis sangs rgyas bye ba phrag stong me tog la sogs pa
thams cad kyis mnyes par byas te/ de tsam gyis bskal pa grangs
med pa na rgyal ba rab tu bsdus pa zhes bya bar gyur to/ /de bas
na sems ni rgya che'i sbyin pa tsam ni ma yin par blta'o// !
tshul khrims

@236b kyi rtsa ba dang de rnam par dag par byed pa'i chos kyi
dbye ba dang 'bras bu'i khyad par gsum ni/ khrims kyi rtsa ba
dge ba'i las lam bcus/ /bsdus pa'i bsam pas dam chos yongs 'dzin
byed/ /de nyid rnam par dag byed bcu tshan lnga/ /rang gzhan don
kun yongs

rdzogs 'bras bur gsungs zhes bya ba ste/ yang tshul khrims ni lus
dang ngag dang yid kyis legs par spyad pa bcu kho na rtsa ba'o//
! lus kyis dag cing ngag gis dag pa dang/ /yid kyis dag cing
rtag tu spyod pa dag /dag pa'i brtul zhugs la ni rtag gnas ba/
/de ni

byang chub sems dpa' tshul khrims ldan/ /shin tu bzang po'i las
lam bcu po 'di/ /gang dag bsrung ba byang chub sems dpa' mkhas/
/lus dang ngag dang yid kyis gang ma byas/ /de ni mkhas pa tshul
khrims can zhes bya/ /der ni bsam pa'i chos bcu 'dus pa ste//

dad pa dang/ brtson 'grus dang/ rab tu mthun pa dang/ rnam smin
rgya chen po la dad pa dang/ 'phags pa la ldang ba byed pa dang/
bla ma la rim gro byed pa dang/ slob dpon la bsnyen bkur byed pa
dang/ chos 'tshol ba la 'jug par byed pa dang/ byang chub 'tshol
zhing lus dang

srog la mi blta ba'i bsam pa'o/ /bcu po de la gnas pas ni dam
pa'i chos 'tshol zhing bla ma la bkur sti byed de/ tha na chu
snod gang cam yang 'bul lo/ /rnam pa bcus ni tshul khrims rnam
par dag par 'gyur te/ sems can thams cad la mi 'tshe ba dang/
gzhan

gyi rdzas ma byin par mi len pa dang/ gzhan gyi chung ma spangs
pa dang/ sems can thams cad mi bslu ba dang/ gzhan gyi 'khor
mthun pa mi 'byed pa dang/ tshig drag po bzod pas ngag mi rtsub
pa dang/ tshig bsdams pas kyal pa spangs pa dang/ gzhan gyi longs
spyod

la nga yir mi 'dzin pa dang/ tshig ngan bzod pas gnod sems spangs
pa dang/ lha gzhan mi 'dod pas log lta spangs pa'o/ /yang bcu
ste/ mi shes pa mi 'dod pas ma nyams pa'i tshul khrims dang/ ngan
par skye ba spangs pas skyon med pa dang/ nyon mongs pa thams

@237a cad dang ma 'dres pas 'dres ma ma yin pa dang/ gcig tu
dkar po'i chos spel bas sra sre med pa dang/ ji ltar 'dod pa
bzhin 'gro bas rang dbang yod pa dang/ mkhas pas ma smad pas des
bsngags pa dang/ nyes pa thams cad mi bsgrub

pas ma smad pa dang/ dbang po bsrungs pas shin tu sbas pa dang/
dran pa dang shes bzhin gyi phyir shin tu bsrungs pa'i tshul
khrims so/ /yang bcus te rung ba'i tshod shes pas 'dod pa nyung
ba'i tshul khrims dang/ 'dod pa spong bas chog shes pa dang/ lus
sems

dben pas nan tan dang/ 'du 'dzi la smod pas dgon par gnas pa
dang/ bdag gi khar las pas sbyangs pa'i yon tan dang yo byad
bsnyungs ba dang/ pha rol gyi ngor mi lta bas 'phags pa'i rigs
la dga' ba dang/ lha dang mi la mi bslu bas ji ltar smras pa

ltar byed pa dang/ rang gi sems nges par rtogs pas bdag gi
'khrul pa la rtog pa dang/ gzhan gyi sems bsrung bas gzhan gyi
'khrul pa mi lta ba dang/ bsdu ba'i dngos po mi gtong bas sems
can smin par byed pa'i tshul khrims so/ /yang bcu ste/ tha ba'i

sems med pas sangs rgyas la dad pa'i tshul khrims dang/ dam pa'i
chos bsrung bas chos la dad pa dang/ 'phags pa 'dus pa la dad
pas dge 'dun la gus pa dang/ sangs rgyas dang byang chub sems
dpa' yid la byed pa dang ma bral bas 'dus pa dang/

byang chub kyi yan lag gi tshogs bsags pas dge ba'i bshes gnyen
la brten pa dang/ mi dge ba thams cad spong bas sdig pa'i grogs
po spangs pa dang/ sems can thams cad smin par byed pas byams pa
dang/ nyam thag pa'i sems can smin par byed

pas snying rje dang/ chos la dga' zhing mos pas dga' ba dang/
rjes su chags pa dang khong khro ba spangs pas btang snyoms kyi
tshul khrims so/ /yang bcu ste/ sems can smin par byed pas sbyin
pa'i tshul khrims dang/ sems bsrung pas bzod pa dang/ mi ldog pas
brtson

@237b 'grus dang/ ting nge 'dzin gyi tshogs rdzogs par byed pas
bsam gtan dang/ thos pa dang tshul khrims kyis mi ngoms pas shes
rab dang/ byang chub sems dpa'i sde snod tshol bas thos pa tshol
ba dang/ mi rtag pa'i 'du shes so sor rtog pas lus la mi lta ba
dang/ sems

la sgyu mar rtog pas srog la yid mi rton pa dang/ thog ma nas
dge bas bsam pa thams cad rdzogs par byed pa dang/ tshul khrims
thams cad yongs su bsngo bas de bzhin gshegs pa dang phrad pa'i
tshul khrims so/ /de ltar tshul khrims rnam par dag pas ni lha
dang mi'i

dpal mi myong ba ni gang yang med do/ /'jig rten gyi bzo dang
las kyi gnas mi shes pa gang yang med do/ /sems can thams cad la
longs spyod dang nye bar spyod pa thob par mi byed pa gang yang
med pa la sogs pa'o// ! bzod pa la de'i 'bras bu bsam pas bsgom
pa ni/

lus dang ngag gis gnod chen byed pa la'ang/ /rigs pa'i lam la
gnas pa'i go cha ni// chen po rnam mang bgo bas dka' thub mchog
/bzod stobs chen pos sengegI ? sgra bsgrag bya// byang chub
sems dpas ni bzod pa dang ldan pa dang dang du len pa'i ngang
tshul can du bya ste/

tsha ba dang gang ba dang bkres pa dang skom pa dang rlung dang
nyi ma dang sbrang bu la sogs pa'i reg pa dang/ ngan du brjod pa
dang ngan du smra ba'i tshig gi lam la'ang bzod/ lus kyi tshor ba
sdug bsngal drag po shin tu rtsub ? cha ba srog 'phrog pa 'chi
ba la thug pa la'ang bzod do/ /gshe

ba dang mi snyan pa ther ba ltar rnyed sla ba gang yang med mod
kyi/ de la btang snyoms bya zhing snying rje bskyed de/ de smra
bas ni phyir yang de lta bu kho na rnyed par 'gyur/ gang du
skyes par gzugs ngan pa dang mi sdug par 'gyur bas na/ de dag mi
'dod pas ni gshe ba spang ngo/ /de ni mi rigs

pa byis pa'i las dang dman pa'i las so/ /des ni ngan song gsum
du ltung zhing dmyal ba'i g.yog byed/ gnod sbyin dbul par
skyes/ yi dwags dang mi dbul por byed pas na mkhas pa ni de dag
mi 'dod do/ /gshe ba la phyir gshe na bdag cag rigs pa dang de
dag mi

@238a rigs pa'i khyad par yang ci yod/ yang 'di ltar bsam zhing
bzod par bya ste/ gling bzhi rin po che bdun dang 'gron bus
bkang ba byin pa bas ni de dag la bzod pa'i dge ba ches mang
ngo/ /yang pha rol gshe'am mi snyan pa zer na bdag dkon mchog

gsum yid la byed dam zhes rang gi mthu brtags te yid la byed na
legs/ mi byed na rnam grangs du mar de dag yid la bya zhing bzod
par bya'o/ /bzod pa mi byed na bdag de dag dang khyad par ci yod
kyis/ bdag gis ni de dag la gnod sems skye ba na dkon mchog

gsum yid la bya zhing bzod pa'i go cha bgo bas khyad par du
'phags par bya'o/ /zhes bdag la bskul lo/ /de ci'i phyir zhe na/
bdag ni sangs rgyas thob nas sems can thams cad la chos bstan
par dam bcas pa ste/ sangs rgyas thams cad kyis kyang bdag la de
ltar mkhyen

to; ;des na bdag gis dkon mchog gsum yid la byas la bzod pas
sengge'i sgra bsgrags par bya'i wa'i sgra bsgrag par mi bya ste/
sengge'i sgra ni bzod pa ston pa'o/ /wa'i sgra ni gshe ba'am mi
snyan pa smra ba'o/ /yang sems can dag ni mi mdza' yang nor byin
na mdza' la/ gnod

pa byas na phan tshun gsod par byed do/ /bdag ni gzhan gyi don la
tsham tshom med de gnod pa byed pa'i yang don bya'o snyam mo/
/bskal pa bye ba mang po brgyar/ /bdag la gnod par gyur kyang
ni// sems can sdug bsngal rnams mthong na/ /yal bar bor zhing mi
'dug go /byis

pa'i spyod pa gzhan yin te/ /gang gis mya ngan 'da' ba'ang
gzhan/ /bdag ni khyad par tshol bas na/ /byis pa dag gis ltar mi
slob// ! khong khro'i nyes pa bsam pas bsgom pa ni/ /khong khros
dge ba kun 'joms bdud kyi khar/ /nges par stob pas sdig las kun
slong

phyir/ /brtan rnams sems can rmu rgod dang po ni/ /brtse bas
rjes 'dzin des la de lta min// yongs su brtag pa bzung na bdag
gom pa bdun 'dor ba'i yun la mgo ganggA'i bye ma snyed gcod
kyang khong khro bar mi bya ste/khong khro khong khro zhes bya
ba ni bskal pa brgya stong du bsgrub

@238b pa'i dge ba 'joms pa yin pas na/ yang phyir bskal pa de
snyed du dge ba bsgrub dgos pas so/ /de ltar na byang chub ni
'byung dka' la chos ni bsgrub dka' bas bzod pa'i go cha bya dgos
so/ /theg pa chen por zhugs pa sems sdang bar gyur pa la ni bdud
kyis glags rnyed

nas byang chub kyi bar du gcod cing byang chub la g.yel bas/
sems g.yengs pa la bdud kyi las 'dod pa tshol ba thams cad
'byung ngo/ /byang chub sems dpa' ni sems can tshul khrims dang
ldan pa dge ba'i chos can nyon mongs pa chung ba dag gi don du
dka' ba

spyad mi dgos kyi/ rmu rgod gdul dka' ba tshul khrims 'chal ba
sdig can nyon mongs pa mang ba dag gi don du dka' ba spyad pas
byang chub bsgrubs nas thog mar ma rungs pa de dag gi don bya
bar 'dod pa'o// ! bzod pa bsgom pa'i mtshan nyid bshad pa ni/
bzod pa zhes

bya gnod sems sogs spangs shing/ /bdag gzhan lus ngag yid bsrung
bde 'gro dang// thar pa'i bde ba kun bsgrub stod smad sogs/
/mkha' sogs ltar bltas g.yo med sran thub pa'o// de la bzod pa
zhes bya ba ni gnod sems med pa/ mi khro ba/ mi 'tshe ba/ rtsod
pa med pa/ gnod

pa mi byed pa/ bdag bsrung ba/ gzhan bsrung ba/ lus dang ngag
dang sems bsrung ba/ tshul bzhin du so sor rtog pa/ zhi ba/ 'dod
chags dang bral ba/ las kyi rnam par smin pa la rton pa/ lus
dang ngag dang sems yongs su dag pa'o/ /yang lha dang mi'i phun
sum tshogs pa

myong bar byed pa/ sangs rgyas kyi mtshan dang dpe byad yongs su
rdzogs par byed pa dang/ tshangs pa'i dbyangs thob par byed pa
byang chub sems dpa'i spyod pa dang dge ba'i rtsa ba thams cad
chud mi gzon pa/ phas kyi gnod pa byed pa dang phyir rgol ba
thams cad bcom pa/

mdor na sangs rgyas kyi stobs dang mi 'jigs pa dang ma 'dres
pa'i chos dang byams pa chen po la sogs pa bzhi dang sangs rgyas
kyi chos thams cad yongs su rdzogs par byed pa ni bzod pa'o//
yang sgra brag cha ltar shes pas gshe'ang slar mi gshe/ lus
gzugs brnyan

@239a ltar shes pas brdegs kyang slar mi rdeg /sems sgyu ma ltar
shes pas khros kyang slar mi khro/ rang gi yon tan rdzogs pas de
ma bsngags pa la mi khro'o/ /bsngags pa la mi chags/ dul zhing
zhi bas rnyed pa dang/ ma rnyed pa la dga' ba dang zhum pa med/

rab tu brtags pa'i blo rgya che bas/ grags pa dang ma grags pa
la ngo mtshar dang 'khrug pa med/ mi g.yo bar gnas pas bstod pa
dang smad pas khengs pa dang 'dud pa med/ sems can la lta bas
sdug bsngal gyis mi skyo/ 'dus byas kyi bde ba mi rtag pas bde
ba la

dga' ba med/ srid pa'i skye ba thams cad la mi gnas pas 'jig
rten gyi chos kyis mi gos/ byang chub kyi tshogs rdzogs par byas
pas yan lag bcad kyang bzod/ sangs rgyas kyi sku 'dod pas lus
btubs kyang bzod/ legs par byas pa'i las stobs bskyed pas ngan

du byas pa thams cad kyang bzod pa'o/ /yang bzod pa zhes bya ba
ni stong pa nyid rtogs pas gnyis su 'dzin pa thams cad las grol
ba'i phyir ci la'ang bzod pa'o// ! brtson 'grus kyi rang bzhin
gyi khyad par ni/ rgyal sras rnams kyi brtson 'grus mi zlogs pa/
/lus dang srog la

gnod chen gyis bsdigs kyang/ /zhum med gnod sems gcig kyang mi
bskyed par/ /phyir zhing brtson 'grus brtan pos dam chos 'dzin/
/de ni snying stobs lhag pas sbyin sogs kyi/ /dka' spyod mchog
la rab tu dpa' chen te/ /tshangs dbang lhun po dang mtshungs brtse
chen

bdag /nyon mongs kun spong 'gro ba'i gsos gyur pa'o/ /yang byang
chub sems dpa'i mi zlog pa'i brtson 'grus ni lus dang srog la mi
lta bar theg pa chen po'i chos tshol ba ste/ chos 'dzin pa la
mda' mdung brgyas phug ste/ bsad pas bsdigs kyang mi skrag pas
chos mi

spong bar phyir zhing brtson 'grus drag po dang brtan po rtsom
pa'o/ /yang gal te stong gsum gyi sems can ji snyed pa yongs su
brtag pa bzung ste skad cig la mir gyur cing thams cad kyis
mtshon rnon po thogs nas su chos 'dzin pa bzung ba la bsad do
zhes zer yang mi skrag ste

@239b lhag par yang dam pa'i chos 'dzin par byed do/ /de ni mi
zlogs shing mtha' yas pa'i brtson 'grus thob pas brtson 'grus la
dpa' ba sems dpa' ba/ sbyin pa dang tshul khrims la sogs pa thams
cad la dpa' bas spyod pa'i khyad par gyis dpa' ba'o/ /de dag la
tha na

gnod sems gcig tsam yang mi skyed pa de ni tshangs pa dang
mtshungs pa/ dbang po dang mtshungs pa/ lhun po dang mtshungs pa
ste/ mi bsgrul ba'i snying rje can/ byams pa la gnas pa/ sems
can thams cad kyi bsam pa gso ba la zhugs pa/ sems dang chu dang
me dang rlung

dang nam mkha' dang mtshungs pa/ 'dod chags dang zhe sdang dang
gti mug dang tha ba sel ba la zhugs pa'o// ! byed pa'i khyad par
ni/ zhing mang rin chen bdun bkang rgyal ba la/ /mchod pas theg
mchog lam la bslab par ni/ /bsam pa tsam gyis char yang mi phod
de/ /sgrib med

yongs dag rnam bzhis khyad zhugs phyir/ /yang gang gis ganggA'i
bye ma snyed kyi 'jig rten gyi khams rin po che bdun gyis bkang
ste sangs rgyas la phul ba bas/ gang gis chos 'di lta bu thos
nas ngas 'di la bslab par bya'o zhes sems la bzhag na ma bslab
su zin kyang de

bsod nams ches mang ste bla na med pa'i byang chub ni 'di'i kha
na las pas so/ /gang 'di lta bu'i chos 'di thos nas 'bad pas
'dzin pa des sgrib pa med cing yongs su dag pa bzhi thob ste/
tshul khrims dang/ dal ba 'byor pa thob pa dang/ sangs rgyas dang
'grogs pa dang/ sangs

rgyas byams pa mthong nas de ma thag tu rnam par dag cing sgrib
pa med pa'o// ! bar chad spang ba'i thabs ni/ 'di la bdud rnams
cher 'bad gegs byed pas/ /nad dang rtsod sogs gnod chen mang
'byung zhing/ /'dod pas zin gnon nyes spyod kun gsog pas/ /dam
chos

bdud rtsi spong zhing 'jig par bye/ /mkhas pas 'di 'dra shes
byas rab bsgrims te/ /g.yul chen bzlog ltar dpa' bas dam chos
bsrung/ /yang 'di 'dzin pa la bar chad mang du 'byung ste/ mkhas
pas de dag shes par bya zhing dbang du mi 'gyur bar bya'o/ /bdud
sdig

@240a can gyis tshig 'jig par byed/ mig nad 'byung/ yan lag dang
nying lag na bar 'gyur/ /gnas la mi dga' zhing 'gro ba'i sems
skye/ phan tshun khro zhing gnod sems skye/ 'thab pa dang rtsod
pa dang 'gyed par zhugs pas chos don du mi gnyer/ bdud

kyis zin pas chos spong bar byed/ chos 'dzin pa gsar bu dag la
mkhan po dang slob dpon gyis 'di chos ma yin zhes bzlog pas de
dag gis kyang spong bar byed do/ /dge slong 'dod pas zil gyis
non pa dag lhung bzed dang chos gos tshol ba dang bza' btung la
chags

pa dang 'jig rten rgyang pan tshol ba ste las gsum la brtson par
byed do/ /yang dge slong bdud kyis byin gyis brlabs pa dag sgrib
pas kun tu bsgribs pas/ las la dga' ba dang smra ba la dga' ba
dang gnyid la dga' ba dang 'du 'dzi la dga' bas chos spong ste/
sangs rgyas/

kyi bstan pa'i bar chad dang bstan pa 'jig par byed pa ni dge
slong sdig pa can lta bu gzhan gang yang med do/ de lta bu
mthong nas theg pa chen po la zhugs pa dag gis sangs rgyas kyis
bskal pa grangs med pa nas dka' ba spyad pas bzung ba pa'i chos
kyi nor mi btang

ngo zhes chos yongs su gzung bar bya'o/ /g.yul chen po'i nang
na gang zhig skye bo mang po bsrung zhing dmag gi mdun na 'dug
pa de lta bu nyung ste/ gang dpa' ba 'os su gyur pa 'ga' zhig
nyid der 'then pa ltar/ dam pa'i chos 'jig pa'i dus su'ang lhag
pa'i bsam

pas mya ngan las 'das pa don du gnyer pa/ brtson 'grus brtan pa
go cha sra ba bgos pa dpa' bo dag /bdud kyi dmag las rgyal zhing
chos rin po che 'di lta bu las snying po len par byed de/ 'di ni
sangs rgyas kyis bshad pa yang dag pa'o zhes sgrogs shing dus

gsum gyi rgyal ba rnams kyis legs par bshad pa la rjes su yi
rang bar byed pa de dag ni bsod nams kyi phung po chen po dang
ldan pas skyes bu mchog dpa' bo nyid do// ! bras bu'i khyad par
ni/ de ni 'dren pa mnyes byed dge bshes bsten/ /dal 'byor

@240b thob dang dge bsags chud mi 'dza'/ /brtul zhugs mchog ldan
rgyal sras rjes bslabs pas/ /mngon 'phags lnga yis myur bar kun
mkhyen 'thob/ /brtson 'grus ma nyams na chos lngas mngon par
'phags par 'gyur te/ sangs rgyas 'byung ba mnyes par

byed pas mngon par 'phags pa dang/ dge ba'i bshes gnyen bsten
par byed pa dang/ dal 'byor phun sum tshogs pa thob pa dang/ dge
ba ji ltar bsgrubs pa rnams chud mi 'dza' ba dang/ sdom pa la
gnas pa'i byang chub sems dpa'i rjes su bslabs pas mngon par

'phags pa ste/ 'di dag gis myur bar mngon par rdzogs par 'tshang
rgya'o// ! brtson 'grus la log par zhugs pa'i gnod pa ni/ khyim
pa dang ni rab byung sdig spyod pa/ /nyes pa lnga lngas de rnams
spong byed de/ /khyi ltogs rus bskam ro med mchog 'dzin ltar/
/khyim la chags

pa'i dge sbyong g.yang sar ltung/ /khyim pa chos lnga dang ldan
na snga ma de rnams mi 'thob par de las ldog pas gnod par 'gyur
te/ rgyal pos bkrabs par gyur nas skye bo mang po skrag par byed
la/ gzhan gyi don bya bar gsol ba btab pa na khas blangs nas mi
sgrub pa

dang/ 'khor bzhi po tshul khrims las nyams par byed pas grong
khyer la 'tshe ba dang/ pha ma dang bu tsha la sogs pa'i chos kyi
bar chad byed pa dang/ chos 'di lta bu 'dod pa nyung ba dang yo
byad bsnyungs pa dang mthun pa thos na mi dad cing gzhan yang
bzlog pas smad pa'i 'gro

ba mi khom pa brgyad la phyogs pa dang/ blon po la sogs pa stobs
dang ldan pa dag dang bsdongs te skye bo mang po la tshig rtsub
pos spyo ba la sogs pas ngan song 'jigs su rung ba la phyogs par
'gyur pa'o/ /rab tu byung ba chos lnga dang ldan pa'ang de bzhin
du 'gyur te/

'chal pa'i tshul khrims la spyod pa dang/ dam pa'i chos spong ba
dang/ rnyed pa dang bkur sti la chags pa dang/ bdag tu lta ba
thibs po dang ldan pa dang/ gzhan gyi khyim la ser sna skyed
pa'o/ /dper na khyi bkres pa rus pa bskam po mur ba rang gi kha
chu dang khrag gis gos
@241a pa 'cha' ba na/ rgyal rigs sA la chen po la sogs pa
mthong nas nga'i zas zhim po 'di 'phrog go snyam pas mig tshugs
su blta zhing brang bsnyer te shas cher zugs pa ltar/ dge slong
khyim gyi ser sna la brtson pa bshang ba dang gci ba'i

dkyil 'khor la chags pa dag kyang dal 'byor chud gzon pas khyi
lta bu'o/ /byang chub sems dpa' 'gro ba kun la phan pa'i don du
sangs rgyas kyi ye shes tshol ba ni rang gi sha'ang yongs su
gtong na gzhan gyi khyim la zhen cing ser sna dang phrag dog ci
ste byed

gang la la dag bla na med pa'i byang chub 'dod la khyim la ser
sna dang phrag dog byed na de'i 'jigs pa gsum du shes par bya
ste/ gzhan gyi khyim du zas kyi phyir smra zhing kun tu smra ba/
'phags pa'i dge slong gzhan mthong ba na phrag dog dang ser sna
bskyed la/ khro bas mi smra

ba dang/ mi mthun par byed pa des/ dmyal ba pa'i lam bzung ba
dang/ dmus long gi sa bon btab pa dang/ mtha' 'khob tu skye pa'i
gnas 'dzin pa'i 'jig pa'o/ /gang dag lhag pa'i bsam pas mya ngan
las 'das pa 'dod pa ni shin tu nyung ngo/ /phal cher dngos po

gsum la gnas te/ rnyed pa dang bkur sti dang tshigs su bcad pa
tshol ba dang/ mdza' bo dang slong mo ster ba'i khyim tshol ba
dang/ gnas yongs su 'dzin pa'i phyir phyug pa tshol ba'o/ /de
gsum la gnas pas lam bsgrub pa la spro ba chung zhing skye bo
kun dang 'dre bar gnas

pa'i phyir sred pa 'phel ba las sdig pa sna tshogs spyad nas ngan
song gsum las mi thar ba'o// ! gnod pa de spang ba'i thabs ni/
rgyal sras brtson mchog ldan pas de lta bur/ /nad chen gsum gyis
gdungs la rab brtse bas/ /sangs rgyas byang chub sems mchog

rnams kyi sman/ /mi sdug la sogs chos kyis rab gso bya/ /byang
chub sems dpa' brtson 'grus ma nyams pas ni de lta bu spangs te/
sems can thams cad la 'dod chags dang zhe sdang dang gti mug gi
nad chen po gsum gyis rtag tu gdungs pa'i nad par 'du

@241b shes bskyed nas/ de dag zhi bar byed pa'i sman dang rtsis
bsku ba'i sbyor ba bsgrub par bya'o/ /de'ang sangs rgyas dang
byang chub sems dpa' chos kyi lus dang ldan pa rnams kyi sman
gsum ste/ mi sdug pa dang byams pa dang rten cing 'brel par
'byung ba bsgom

pa'i chos kyi sman chen po'o/ /zhes so// ! bsam gtan gyi dbang
du byas nas/ brtan pa'i bsam gtan mchog gi las rnam gnyis/ /rdzu
'phrul la sogs mngon shes drug dang na/ /de dag nam mkha' ltar
mthong ye shes te/ /thabs dang shes rab dag gis rab rdzogs byed/
/

byang chub sems dpa'i bsam gtan gyi las ni rnam pa gnyis te/
mngon par shes pa dang ye shes yongs su rdzogs par byed pa'o/
/mngon par shes pa ni rdzu 'phrul la sogs pa rnam pa drug shes
pa'o/ ye shes ni de dag nam mkha' ltar shes pa'o/ /bsam gtan
de'ang

thabs dang shes rab gnyis kyis rab tu bsgrub pa'o// ! shes rab
kyi rnam pa dang 'jug pa'i khyad par ni/ thos rnam brgyad cu la
sogs shes rab ste/ /thos nas tshul bzhin sems dpa'i nan tan gyis/
/ji ltar bstan pa'i don la rab gnas te/ /mngon zhen thams cad
gcod

par byed pa'o/ /shes rab kyi rnam pa ni thos pa'i rnam pa brgyad
cu la sogs pa'o/ /'jug pa ni de dag nyid tshul bzhin du yid la
byed pa ste/ thos nas shes shing nan tan byed pa'o/ /de'ang ji
ltar bstan pa bzhin du gnas pa dang chos thams cad len par mi
byed pa'o// ! byed

pa'i khyad par ni/ des ni dge dang mi dge rnams shes pas/ /srog
gi phyir yang sdig pa mi byed de/ /dge ba phra la'ang rab
bsgrims sbyor byed pas/ /don la mkhas phyir lam mchog bder sgrub
byed/ de snang ba thob pas dge ba dang mi dge ba'i chos rnams
rab tu shes te/

srog gi phyir yang mi dge ba mi byed de dge ba thob pa zhi ba'o/
/ji ltar mun pas khyab bsgribs pa'i/ /khyim du zhugs par gyur na
ni/ /yod par gyur pa'i gzugs rnams kyang/ /mig gis mthong bar mi
'gyur ro/ /de bzhin du ni 'di la yang/ /la la'i mig dag skyes
gyur kyang/ /

@242a dge ba dang ni sdig pa'i chos/ /ma thos par ni shes mi
'gyur/ /thos nas chos rnams rnam par shes/ /thos nas sdig pa
bsten mi byed// thos nas gnod pa spong bar byed/ /thos nas mya
ngan 'das pa 'thob/ /thos par 'dod pas thos pa 'phel/ /thos

'phel shes rab 'phel bar 'gyur/ /shes rab kyis ni don rnams
sbyong/ /don thob pas ni bde 'thob 'gyur/ mkhas pa de dag tshig
rnams 'byed la mkhas/ /bslabs pas don rnams khong du chud par
byed/ /de dag dkar po'i phyogs ni rtag par sbyong/ /nag po'i
phyogs

ni rtag tu spong bar byed// ! rgyu'i khyad par ni/ sbyin rnam
bzhi dang kun tu bsrung ba bzhi// nyer ston rnam bzhis shes rab
rgya chen bsgrub/ /ye shes kyi tshogs su 'gyur ba ni sbyin pa
rnam pa bzhi ste/ chos smra ba la gro ga dang snag tsha dang snyu
gu dang glegsbam byin pa dang/ chos

kyi gtam sna tshogs sbyin pa dang/ rnyed pa dang bkur sti dang
tshigs su bcad pa sbyin pa dang/ chos kun tu bsdu ba'i phyir
g.yo med par kun legs so zhes bya ba sbyin pa'o/ /kun tu bsrung
ba bzhis ye shes kyi tshogs rdzogs par 'gyur te/ chos smra ba
rnams kyi lus bsrung ba

dang/ dge ba bsrung ba dang/ yul ljongs la sogs par 'jug pa la
bsrung ba dang/ phan pa'i dngos po bsrung ba'o/ /nye bar ston pa
bzhi'ang ye shes kyi tshogs su 'gyur te/ chos smra ba'i chos nye
bar ston pa dang/ ye shes dang zang zing dang/ byang chub nye
bar ston pa'o// ! mtshan

nyid kyi khyad par ni/ stobs lnga tshul khrims bzhi dang bzod pa
bzhi/ /brtson 'grus rnam bzhi bsam gtan rnam pa bzhi/ /shes rab
snang ba'i chos bzhi ye shes tshogs/ /yongs grub shes rab mtshan
nyid yin par gsungs/ /'di rnams ye shes kyi tshogs su 'gyur ba
ste/ stobs

lnga ni mos pa'i phyir dad pa'i stobs dang/ thos pa tshol bas
brtson 'grus kyi stobs dang/ byang chub kyi sems mi brjed pas
dran pa'i stobs dang/ mnyam pa nyid kyi chos la nges par rtogs
pas ting nge 'dzin gyi stobs dang/ thos pa'i stobs kyi phyir
shes rab kyi stobs so/ /

@242b tshul khrims bzhi ni chos la nges pa'i tshul khrims dang/
chos tshol ba dang/ chos la nges par rtog pa dang/ byang chub tu
bsngo ba'i tshul khrims so/ /bzod pa bzhi ni chos 'tshol ba la
brtson pas ngan du smra ba'i tshig bzod pa dang/ rlung dang tsha
grang la sogs pa bzod pa dang/

mkhan po dang slob dpon gyi rjes su 'jug pa dang/ rnam par thar
pa'i sgo gsum la bzod pa'o/ /brtson 'grus bzhi ni thos pa'i
brtson 'grus dang/ gzungs dang/ brtan pa dang/ nan tan gyi
brtson 'grus so/ /bsam gtan gyi yan lag bzhi ni dben par gnas pa
dang/ gcig

pur dga' ba dang/ ye shes dang mngon par shes pa tshol ba dang/
sangs rgyas kyi ye shes la 'jug pa'o/ /shes rab snang ba'i chos
bzhi ni chad pa la mi gnas pa dang/ rtag pa la mi 'jug pa dang/
rten 'brel dang mi 'gal ba dang/ bdag med pa la mos pa'o/ !
/mtshungs

par ldan pa'i khyad par ni/ thabs rnam bzhi dang lam ni rnam
bzhi po/ /shes rab dang ni mtshungs par ldan pa'i chos/ /chos
bzhi dang ldan na thabs kyi ye shes kyi tshogs su 'gyur te/ 'jig
rten pa'i rjes su 'jug pa dang/ mdo sde dang/ chos dang/ ye shes
kyi rjes su 'jug pa'o/ /chos

bzhi ni lam kyi ye shes kyi tshogs su 'gyur te/ pha rol tu phyin
pa'i lam dang/ byang chub kyi phyogs dang/ yan lag brgyad dang/
thams cad mkhyen pa'i ye shes su 'gro ba'i lam mo// ! shes rab
yongs su rdzogs pa'i thabs kyi khyad par ni/ thos la sogs pas mi
ngoms rnam bzhi yis/ /ye

shes tshogs ni yongs su rdzogs par 'gyur/ /mi ngoms pa rnam pa
bzhis ye shes kyi tshogs yongs su rdzogs par 'gyur te/ thos pas
mi ngoms pa dang/ bstan pa dang/ dpyod pa dang/ ye shes kyis mi
ngoms pa'o/ /zhes gsungs pa'o// ! lag bzangs kyis zhus pa las/
'byung ba

la sbyin pa'i rang bzhin gyi khyad par ni/ chos kyis bsgrub pa'i
longs spyod bdog sogs rnams/ /gzhan la gnod dang grags sogs don
gnyer dang/ /brnyas dang sbyin gnas gdam sogs spangs nas ni/ /ci
nus spro dang rlabs chen sems kyis btang/ mdo de las byang chub

@243a sems dpa' myur du mngon par rdzogs par 'tshang rgya bar
'dod pas pha rol tu phyin pa drug rtag par rgyun tu yongs su
rdzogs par bya'o/ /sbyin pa ci ltar rdzogs par byed ce na/ chos
kyi longs spyod tshol bar byed kyi chos ma yin pas ma yin no/
/btsal

nas kyang sems can gzhan la gnod cing nyam nga bar mi byed par
sbyin/ grags pa dang 'jigs pa dang lan dang mtho ris kyi phyir
ma yin/ tshul 'chos pa'am brnyas pas sbyin pa ma yin gyi/ sbyin
gnas mi gdam par thams cad la bkur sti dang bcas par sbyin

dga' ba dang 'dun pa dang dad pa drag pos mang nyung la sogs pa
ci 'byor pa sbyin/ mang ba dang bzang ba dag rlabs po che'i sems
kyis sbyin pa ltar ka ka ni tsam yang de lta bu'i sems kyis
sbyin pa'o// ! ched du bya ba'i khyad par gnyis las dngos po
dang 'brel pa ni/ de

yang zas skom gos sogs gang 'dod pa/ /sbyin dang ye shes stobs
kyis nyer brtan dang// nyon mongs gdung bsal ngo tsha khrel yod
gos/ /thob sogs rjes mthun 'bras bu'i ched du'o/ /de zas 'dod pa
la zas sbyin te sems can thams cad thams cad mkhyen pa'i

ye shes kyi stobs kyis nye bar brtan pa thob par bya ba'i phyir
ro/ /de bzhin du skom ni nyon mongs pa'i gdung ba thams cad bsal
ba'i dang/ gos ni ngo tsha shes pa dang khrel yod pa'i gos thob
pa dang/ bzhon pa ni byang chub sems dpa'i theg pa bla na med pa
dang/ spos ni

tshul khrims kyi dri bsung dang/ me tog ni byang chub kyi yan lag
bdun dang/ phye ma ni nyes par spyod pa'i dri nga ba gzhom pa
dang/ byug pa ni tshul khrims dang spyod pa'i byug pa dang/ gdugs
ni nyon mongs pa'i gdung ba zhi ba dang/ lham ni mngon par shes
pa'i bde ba dang/ mal

cha ni lha'i gnas la sogs pa gnas pa gsum gyis bde ba dang/ stan
ni byang chub kyi snying por sgrib pa thams cad kyis mi phyed pa
dpa' bo'i stan dang/ gnas ni mgon skyabs kyi lus dang/ rdza
spyad ni chos kyi rdzing dang/ dkon mchog gsum la dka' thub kyi
nags

@243b tshal ni nye bar zhi ba bla na med pa'i ting nge 'dzin
dang/ mchod rten la rgyan ni mtshan dang dpe byad dang/ mun
khrod
kyi mchod rten nam lam du mar me ni sangs rgyas kyi lha'i spyan
dang/ dkon mchog gsum la rol mo'i sgra dbyangs ni sangs rgyas
kyi lha'i snyan dang/ lhung bzed

dang chos gos ni cha byad dang/ tshul khrims dang spyod pa mdzes
pa dang/ chu tshags ni dbugs dbyung ba sbyin pa dang/ shog shog
dang snag tsha la sogs pa ni shes rab kyi tshogs bskang ba dang/
sman ni nyon mongs pa'i nad gzhom pa dang/ sa ni byang chub gsum
dang bdud rtsi

dbyings kyi sa dang/ mchod rten dang sku gzugs mthon po byed pa
ni rang byung gi chos mthon po thob par bya ba'i phyir ro// !
sbyor ba dang 'brel ba ni// myur zhing nyon mongs med pa'i sbyor
sogs ni/ /mngon shes myur ba thob sogs don du'o/ /yang myur
zhing/ nyon ma mongs par sbyin pa ni

sems can thams cad kyis mngon par shes pa myur ba thob par bya
ba'i phyir ro/ /rung ba ni bar chad med par byang chub thob pa
dang/ ma chad pa ni spobs pa mi chod pa dang/ mnyam pa ni snying
rje mtshungs pa med pa dang/ gzhan la mi gnod par sbyin pa ni
sems can thams cad

kyis bdud dang mu stegs la sogs pas gnod par mi nus pa'i chos
mngon par byang chub par bya ba'i phyir ro// ! mngon par dga'
ba'i khyad par ni/ dngos su 'byor ba med kyang yid kyis ni/
/'jig rten kun tu 'gro rnams bdag nyid kyis/ /bde bar sbyar ba
rgya chen thams cad kyis

rab tu tshim bya mngon par dga' zhing spro/ /'di lta bu sbyin du
med na yang 'jig rten gyi khams thams cad du sems can thams cad
la sbyin pa mtha' yas pa 'di dag sbyin par yid kyis smon par
byed de/ 'di dag sbyin par nus kyang rung/ mi nus kyang rung/
'jig rten thams cad

sems can thams cad bdag gi bde bar sbyar ba dang ldan zhing/
'bad mi dgos par brnag pa thams cad kyi thams cad rdzogs nas bde
ba la reg par 'gyur bar bdag gi de bzang por gyur cig dge bar
gyur cig ces so/ /yang zhing thams cad du sems can thams cad la

@244a rin po che'i rgya mtsho dang dbyig dang gos la sogs pa'i
rigs dang gnas legs par byas pa mtha' yas pa'ang sbyin par smon
to// ! rjes su yi rang ba'i khyad par ni/ 'gro ba kun gyi sbyin
pa ma lus la/ /dus gsum dag tu'ang dga' bas rjes

yi rang/ /sems can thams cad kyi gtong ba dang rnam par gtong ba
zang zing dang chos dang mi 'jigs pa sbyin pa thams cad la tha
na dus gsum du'ang dga' zhing rjes su yi rang ngo// ! 'jug pa'i
khyad par ni tha na btsal grogs tsam mam chu tsam mam/ /sngo
rngad tsam mam

zan skal tsam nas bslab/ /slong ba dag la nor sbyin du med na
yang zan skal tsam mam grogs bya ba'am btsal ba'i thabs tsam
yang bstan to/ /chos kyi gtam gyis kyang de'i 'dod pa bsal lo//
! bsngo ba la sogs pa'i khyad par ni/ sbyin pa kun gyi thog
mtha' bar du yang/ /

'gro kun bskyab phyir kun mkhyen rgya mtshor bsngo/ /gal te 'di
ltar 'jug par ma nus na'ang// dus dang dus su cung zad ci nus
su/ /kun 'dzin dor zhing gtong ba'i blo sbyang ste/ /skye ba
gzhan du'ang bde blag 'jug par bslab/ /byang chub sems bskyed
smon lam mang 'debs pa/ /'jig

rten kun tu chos sbyin char gyis ni/ /'gro ba tshim byar 'dod
phyir sbyin rnams las/ /mchog tu gyur par 'dren pa rnams kyis
bsngags/ /sbyin pa de'ang dang po dang tha mar yang sems can
thams cad bsgral ba dang dgrol ba dang dbugs dbyung ba dang
mya
ngan las bzla ba

dang thams cad mkhyen pa thob par bya ba dang/ sangs rgyas kyi
chos thams cad yongs su rdzogs par bya ba'i don du bla na med
pa'i byang chub tu yongs su bsngo bar bya'o/ /gtong ba de lta bu
la slob pa'i nus pa med na yang dus dus su'am cung zad du'ang
chags pa dang ser sna dor ba

dang/ gtong ba dang sbyin pa bsgrub par rtsol lo 'bad do/ /srid
pa gzhan du'ang zhum pa dang sgyid lug pa med par 'gyur bar
bslab bo/ /byang chub kyi sems bskyed pa dang rjes su dran pa
dang bsgom pa dang byang chub tu smon pa dang smon lam 'debs
pa
nyid ni sbyin pa chen po grangs

@244b med pa ste/ 'jig rten thams cad du sems can thams cad la
chos kyi char sbyin par 'dod pa ni sbyin pa'i mchog yin pa'i
phyir ro/ /de ltar bde ba dang yid bde ba dang tshegs chung ngu
dang sdug bsngal chung ngus myur du sbyin pa'i pha rol tu phyin
pa yongs su rdzogs par byed do/ /

bsngo ba la sogs pa 'di dag ni 'og ma lnga la yang ci rigs su
sbyar ro// ! dgag pa'i khyad par ni/ rgyal ba'i sras kyis bsam
pa ma smin par/ /yan lag gcod dang pha ma 'khor sogs la// gnod
pa'i dngos po btang bar mi bya ste/ /kun la brtse bar mtshungs
par 'jug

phyir ro/ /byang chub sems dpa' ni slong ba la lus bcad nas mi
sbyin te/ de dag nyid kyis sems can dmyal ba'i rgyu sdig pa chen
po spong bas so/ /gzhan la phan na ni mi gtong ba'ang ma yin no/
/yang bdog pa thams cad bslangs pa na rang gi pha'am bu la sogs
pa la gnod pa

byas nas mi sbyin te/ sems can thams cad la mtshungs par brtse
bas de dag la mi gnod cing mi spong bar sbyin no/ /des gzhan gyi
don du thams cad mi gtong bar yang mi 'gyur ro/ /sems can la
gnod pa'i sbyin pa smad pa nyid kyis yan lag bcad nas sbyin pa
ga la

rigs zhes gsungs te/ dgongs pa ni bstan bcos las/ snying rje'i
bsam pa ma dag par// lus 'di btang bar mi bya ste/ /ci nas 'di
dang gzhan du yang/ /don chen bsgrub pa'i rgyur btang ngo zhes
gsungs pa'o// ! de'i zhar la sbyin pa'i pha rol tu phyin pa'i
mdo las 'byung ba sbyin pa'i

dngos po dang bsam pa'i khyad par ni/ gzhan yang tshe dang kha
dog stobs dang bde/ /spobs pa lnga bsgrub ched du zas sbyin
zhing/ /nyon mongs sred bsal skom dang bde ba dang/ /rdzu 'phrul
don du bzhon pa sbyin la sogs/ /rjes mthun 'bras bu don gnyer de
dag la/ /smon pa'i bsam

pas ci nus sbyin par bslab/ /mdo sde de las des pha rol tu phyin
pa drug la bslab ste/ sbyin pa la ji ltar bslab ce na/ zas sbyin
pa ni tshe dang kha dog dang stobs dang bde ba dang spobs pa lnga
'grub pas zas sbyin par bya'o zhes bsams nas so/ /skom byin pas
ni nyon mongs

@245a pa'i skom pa sel bas de sbyin par bya ste/ sangs rgyas
kyis bsngags pa'i smon lam bdag sems can thams cad kyi nyon
mongs pa sred pa'i rgya mtsho skems par gyur cig/ rnam par grol
ba'i ro'i skom gyis tshim par gyur cig ces 'debs so/ /

bzhon pa byin pas ni bde ba dang rdzu 'phrul gyis gzhi sdud par
ro/ /gos ni ngo tsha shes pa dang khrel yod pa dang kha dog yongs
su dag par ro/ /rgyan ni mtshan dang dpe byad yongs su rdzogs par
ro/ /mar me ni lha'i mig rnam par dag par ro/ /rol mo'i sgra ni
lha'i rna ba yongs su

rdzogs par ro/ /spos dang phye ma dang byug pa ni tshul khrims
dang thos pa dang ting nge 'dzin gyi spos dang byug pa thob par
ro/ /me tog ni gzungs dang spobs pa dang/ byang chub kyi yan lag
gi rin po ches brgyan par ro/ /sbyang rtsi dang bu ram la sogs
pa ro bro ba ni mtshan

ro bro ba'i mchog mkhyen par ro/ /gnas ni sems can thams cad kyi
mgon dang skyabs dang rten byed par ro/ /mal dang sngas ni sgrib
pa spong bar byed pa 'phags pa dang lha dang tshangs pa'i gnas pa
de bzhin gshegs pa'i gzims mal dang phangs pa thob par ro/ /stan

ni stong gsum gyi gzhi la rdo rje'i gdan thob par ro/ /yo byad
ni byang chub kyi phyogs kyi yo byad rdzogs par ro/ /sman ni rga
shi med par bdud rtsi'i bde ba rdzogs par ro/ /bran po mo la
sogs pa ni rang dga' dang rang dbang dang rang byung gi ye shes
yongs su rdzogs par ro/ /

gser dang dngul la sogs pa'i rin po che rnams ni sangs rgyas kyi
zhing bye ba mtha' yas par 'od zer kha dog sna tshogs pa 'gyed
par ro/ /rta dang glang po dang shing rta ni theg pa chen po
theg pa mchog gtso bos sdud par ro/ /skyed mos tshal dang dka'
thub kyi nags tshal

dang gtsug lag khang rnams ni bsam gtan gyi yan lag yongs su
rdzogs par ro/ /bu dang chung ma ni rdzogs pa'i byang chub yid
du 'ong ba mngon par 'tshang rgya bar ro/ /nor dang 'bru dang
bang mdzod ni dam pa'i chos kyi mdzod yongs su rdzogs par ro/
/gling bzhi dang rgyal srid

@245b ni chos kyi rgyal srid la dbang phyug thob par ro/ /gtsug
gi nor bu dang cod paN ni spyi gtsug bltar mi mthong bar ro/
/rkang pa ni chos kyi rkang pas byang chub tu 'gro bar ro/ /lag
mthil ni chos kyi lag pa sbyin par ro/ /rna ba dang sna ni dbang
po tshang zhing rdzogs par ro/ /mig ni

chos kyi mig sgrib pa med pa yongs su dag par ro/ /mgo ni khams
gsum thams cad las 'phags pa thams cad mkhyen pa thob par ro/
/lpags shun ni lpags pa 'jam la srab pa gser gyi mdog tu'o/ /sha
dang khrag ni snying po med pa la snying po blang bar ro/ /gzhan
yang

kha dog bzang po byin pas mdog dang ldan par 'gyur bas de sbyin
gor ma chag snyam pas sbyin no/ /de bzhin du dris grags pa 'phel
ba dang/ ro bro bas yo byad gya nom pa rnams dang/ reg gis rkang
lag 'jam zhing gzhon sha can dang/ dus su byin pas nor dus su
'grub pa

dang/ yid du 'ong bas longs spyod yid du 'ong ba dang/ mi gnod
pas longs spyod brtan pa dang/ dka' ba'ang byin pas 'khor snying
nye ba dang/ zas kyi stobs dang/ skom gyis skom pa med pa dang/
gos kyis mdog bzang ba dang/ mar mes mig dang/ rol mos rna ba
gsang ba dang/ bzhon

pas bde ba dang/ sman gyis nad nyung ba dang/ me tog gis mchod
pa thob pa dang/ phreng bas rim gro dang/ bstod pas tshangs pa'i
dbyangs dang/ stan gyis bla ma'i gnas dang/ rta la sogs pas rdzu
'phrul dang/ byug pas rma med pa dang/ phyag dar gyis sgrib pa'i
rdul dang bral ba dang/

dril bus tshe rabs dran pa dang/ gnas kyis thams cad dang/ chos
byin pas bdud rtsi byin par 'gyur bas de sbyin gor ma chag snyam
pas so/ ! /sbyor ba dang bsngo ba'i khyad par ni/ 'dun pas ngor
blta sdang bad 'jigs bzhin du/ /sbyin sogs spangs te zhing la
gus pa

dang/ /bkur stis zin sogs lhug par btang bya ste/ /rang don thag
bsrings 'gro kun bsgral phyir bsngo/ /de'ang chags pas mi sbyin/
sdang ba dang rmongs pa dang tshig pa za ba dang/ brnyas bzhin du
dang/ brdeg cing dang/ tshar bcad pa dang/ khyad du gsod pa dang/
smad pa dang nga rgyal
@246a dang 'gyid pa dang lag ma dar ba dang ma gus pa dang lhag
ma dang rul myags pa sbyin par mi byed kyi/ gus par byas te
sbyin/ de bzhin du bla ma dang rim gro dang mchod pa dang mang
du dang bzang po dang dga' bas dang mgu bas dang lag nas dang

gus pa dang zhe sa dang gtsang bar dang rgya che bar dang/ bsam
pa dad cing dge bas dang/ ser sna dang brkam pa dang zhum pa
dang/ 'jigs pa med par dang/ zhing mi 'dam par dang rgya che
zhing yangs pas sbyin no/ /de'ang srid pa'i bde bar mi bsngo'i/
rdzogs pa'i byang chub tu

bsngo'o/ /sems can ma brgal ba bsgral ba la sogs pa dang/ 'jig
rten long ba 'dren pa med pa rnams kyi 'dren par bsngo'o zhes
so// ! lag bzangs kyis zhus pa nyid las tshul khrims kyi rang
bzhin gyi khyad par ni/ bslab gzhi bzung nas srog gcod la sogs
la/ /

rang gzhan sbyor dang rjes su yi rang ba'ang/ /spong la yun ring
brtan por mi lhod bsgrub// zhing rmed sogs dang phra ma sogs
kyang ngo/ /byang chub sems dpa'i tshul khrims ni srog gi phyir
yang brdeg pa'am gsod pa nas chang 'thung ba'i bar lnga mi byed
cing byed du mi 'jug la

rjes su yi rang bar yang mi byed de/ lnga po 'di la ring du dang
brtan por dang mi lhod par bsgrub cing gnas so/ /de bzhin du
zhing rmed pa dang 'ching ba dang go rar 'jug pa dang brdeg pa
dang gcod pa'ang spang ngo/ /phra ma la sogs pa gsum po'ang
spong ngo/ /sems can thams

cad 'khu'am brdeg gam gsod par byed kyang/ pha ma'am bu gcig pa
ltar lta bas slar 'khu ba la sogs pa mi byed do/ /bu gcig pa
phangs pa yun ring du 'khyams pa slar byung na rab tu dga' ba
ltar sems can thams cad kyang ngo// ! ched du bya ba'i khyad par
las/

tshul khrims dngos kyi ni/ tshul khrims lnga po 'gro kun mi slob
pa'i/ /tshul khrims phung po lnga la 'god phyir te/ /brdeg sogs
spong ba'ang bdud dang sgrib ? yis/ /mi brdzi la sogs rjes mthun
'bras don du'o// de la tshul khrims lnga po ni sems can thams cad
mi

@246b slob pa'i tshul khrims lnga la 'god pa'i phyir ro/ /de
bzhin du zhing rmed pa spong ba'i ni rdo rje lta bu'i ting nge
'dzin gyi'o/ /'ching ba'i ni nyon mongs pa'i 'ching ba bcing
ba'i 'o / /go rar 'jugpa'i ni 'gro ba lnga dgag par ro/ /brdeg
pa'i ni bdud dang sgrib pas mi brdzi bar ro/ /gcod

pa'i ni lus dang ngag dang yid kyi las bsrungs par ro/ /phra
ma'i ni nyan thos kyi 'khor ma phyed par ro/ /tshig kyal pa'i ni
tshig bzung bar 'os par ro/ /tshig rtsub kyi ni tshangs pa'i
dbyangs yan lag lnga dang ldan par ro/ /srog skyob pa'i ni skye
ba dang rga ba dang na ba la sogs

pa zhi bar ro/ /yo byad 'jig pa skyob pa'i ni byang chub kyi
phyogs kyi nor thob par ro/ /bud med 'phrog pa skyob pa'i ni
'khrul pa med pa'i chos nyid thob par ro/ /go ra las 'don pa'i
ni sems la rang dbang thob par ro/ /'ching ba 'grol ba'i ni dpa'
bo'i stan byang chub kyi snying por

bdud dang nyon mongs pa gzhig par ro/ /khyim nas 'byung ba'i ni
sems rnam par grol bar ro/ /yang brdeg pa la sogs pa bzlog pas
mi 'jigs pa bzhi dang/ gcod pa bzlog pas bsrung ba bzhi dang/ mi
bslu ba smra bas byang chub kyi snying por bdud dang sgrib pas
mi bslu ba

dang/ dbye ba bsdums pas 'khor mi phyed pa dang/ snyan cing 'jam
pa smra bas gzhan gyi yid du 'ong ba'i ngag dang/ mthun pa smra
bas tshar mi gcod cing bzung bar 'os la don yod pa'i chos ston pa
dang/ sangs rgyas kyi yon tan brjod pa'i tshul khrims kyis 'phags
pa'i dge

'dun gyi 'khor thob par bya ba'i phyir ro// ! tshul khrims kyi
yan lag nges par bya ba'i ni/ phyogs bcu'i dus gsum sangs rgyas
la sogs la/ /nyin rer phyag dang mchod sogs nges bya ba'i// yan
lag rnams dang rab ldan tshul khrims ni/ /sangs rgyas nyid kyi
phun tshogs kun

bsgrub phyir/ /yang phyogs bcu'i dus gsum gyi sangs rgyas dang
chos dang dge 'dun rnams la dus gsum du yan lag lngas phyag
byed
pa'i tshul khrims ni dpa' bo'i brtan byang chub kyi snying por mi
phyed cing brtan pa'i dad pa la sogs pa mchog gi chos lnga thob
par ro/ /dus

@247a gsum du mchod rten la rim gro byed pa'i ni sangs rgyas kyi
chos thams cad bskang ba dang/ dus gsum du chos kyi yon tan
brjod pa'i ni chos kyi 'khor lo bla na med pa bskor ba dang/ dus
gsum du dge 'dun gyi yon tan brjod pas dge 'dun gyi

'khor dang/ dus gsum du skyabs su 'gro bas sems can thams cad la
skyabs sbyin pa dang/ dus gsum du 'jig rten thams cad dkon mchog
gsum gyis mi stongs par gsol ba 'debs pas gcig tu nges par bde
ba'i byang chub dang/ sangs rgyas thams cad

la chos ston par gsol ba 'debs pas sa bcu pa chos kyi sprin
dang/ dus gsum du sdig pa bshags pas bag chags kyi mtshams sbyor
ba thams cad gzhoms pa dang/ dus gsum du dge ba'i rtsa ba thams
cad 'dzin pas pha rol tu phyin pa thams cad bskang ba dang/

dus gsum du sangs rgyas la sogs pa'i dge ba'i rtsa ba thams cad
la rjes su yi rang bas byang chub kyi tshogs mtha' yas pa rdzogs
pa dang/ dus gsum du bla na med pa'i byang chub tu smon pas
byang chub chen po la nges par 'jug pa dang/ dus gsum du dge
ba'i rtsa ba rdzogs

pa'i byang chub tu bsngo ba'i tshul khrims ni sangs rgyas kyi
stobs dang mi 'jigs pa thob par bya ba'i phyir ro// ! gtso bor
bya ba'i yan lag gi ched du bya ba ni/ pha ma bsnyen bkur 'jigs
skrag rnams skyob cing/ /blo chen rnams kyis rnam 'phrul bsngags
brjod sogs/ /gtso bor

bya rnams zil gyis mi non pa'i/ /chos nyid thob sogs ched du
rab bsgrims bsgrub/ /yang pha ma dang bla ma la sogs pa la
bsnyen bkur byed pa'i tshul khrims ni zil gyis mi non pa'i chos
nyid thob par bya ba'i phyir ro/ /de bzhin du 'jigs pa la sogs
pa mgon med pa dbugs

'byin pas dris pa thams cad la lan 'debs par mkhas pa dang/
rgyal po dang chom rkun la sogs pa'i 'jigs pa la sogs pa skyob
pas gnas pa dang sa dang pha rol tu phyin pa chen po yongs su
bskang ba dang/ sangs rgyas la sogs pa'i cho 'phrul bsngags pas
sangs

@247b rgyas kyi rdzu 'phrul bla na med pa dang/ pha rol gyi sems
srung zhing dga' bar byed pa'i lus dang ngag dang yid kyi las
kyis sangs rgyas kyis gzhan gyi sems mkhyen pa dang/ tshe 'di
dang gzhan gyi don dang theg pa gsum gyi don la bag med pa
dang/
brjed pa rnams kyi dran pa

bskyed pas brjed pa med pa'i chos nyid dang/ chos nyan pa dang
'dzin pa dang goms par byed pa dang ston par byed pa'i tshul
khrims ni so so yang dag par rig pa dang pha rol tu phyin pa
yongs su bskang ba thob par bya ba'i phyir ro// ! bsngo ba la
sogs pa'i khyad par ni/ sems can

bsgral phyir bsngo sogs sngar bzhin te/ /cung zad nas bslab kun
mkhyen sems bskyed mchog/ bsngo ba la sogs pa ni sbyin pa bzhin
du ci rigs su sbyar te/ ma zhig pa dang ma ral ba la sogs pa
bsrung bar ma nus na yang cung zad cung zad nas mi dge ba spang
ba dang dge ba bsgrub

pa la 'bad par bya'o/ /byang chub kyi sems bsgom pa ni sems can
la zag pa med pa dang mi slob pa'i tshul khrims bskyed par 'dod
pas mchog nyid du blta'o// ! bzod pa la rang bzhin gyis khyad
par ni/ gzhan gyi lus ngag yid kyis gsod sogs kyi/ /gnod chen
byed la'ang

sran thub bzod par bya/ /byang chub sems dpa'i bzod pa ni gzhan
dag gis rang gsod dam/ bdog pa dang chung ma 'phrog gam/ brdzun
la sogs pa bzhi po smra'am/ gshe'am 'dzin tam gcod dam brdeg par
byed kyang slar gsod pa la sogs pa'i gnod pa de dag mi byed

cing shar mi gnyer ba'o// ! de la bzod par rigs pa'i 'thad pas
de bsgrub pa las/ rang gi las kyi nyes par brtags pas ni/ /bdag
gis sngon chad gzhan gyi srog bcad sogs/ /byas pa'i las smin
gzhan la ci phyir khro/ /'di ltar rang gis sngon gzhan gsod pa
la

sogs pa'i sdig pa'i las 'di dag byas pa'i 'bras bu myong ba la
gzhan la ci'i phyir khro/ ? khong khro'i nyes dmiD bsam pas ni/
'di la slar yang gsod sogs sdig spyad na/ /de las rnam smin
brnag dka' stong 'gyur 'thob/ /yang de dag gi lan gsod pa la
sogs pa

@248a so sor byas na sdig pa'i las de'i 'bras bu stong 'gyur ram
de las lhag par mi 'dod pa dang mi sdug pa dang yid du mi 'ong
ba 'byung bar 'gyur ro snyam pas so// gnod pa'i rgyu lus bzung
ba'i nyes par brtag pas ni/ sdug bsngal gzhir gyur lus

ngan 'di bzung bas/ /brdeg sogs thob phyir gzhan la ci ste khro/
/yang rang la srog yod pas de gcod pa dang/ nor la sogs pa yod
pas de 'phrog pa dang/ rna ba yod pas brdzun la sogs pa thos pa
dang/ lus yod pas brdeg pa la sogs pa thob pas na rang gi

sdug bsngal gyi gzhi yongs su bzung nas gzhan la ci ltar khro/
sa la sogs pa'i mtshan nyid dang ngo bo nyid dang chos nyid sra
ba la sogs pa yin pa ltar/ srog thams cad ni zad par 'gyur ba
dang/ dbang po thams cad ni zad par 'gyur ba/ dbang po thams cad
ni sdug

bsngal ba/ lus thams cad kyang sdug bsngal gyi mtshan nyid dang
ngo bo nyid dang chos nyid can yin na de bzung nas gzhan la ci
ltar khro zhing shar gnyer/ ! gnod par byed pa la sogs pa'i bdag
ma grub pas ni/ gzhan yang lus dang gnod byed sogs kun la/ /bdag

med phyir na gang la chags shing khro/ /yang rang dang gzhan
gyi
mig la sogs pa thams cad ni bdag dang bdag gi med pa yin na de
la ji ltar dga' ba dang chags pa'am khong khro ba'am shar gnyer
bar byed/ ! bzod pa'i 'bras bu bsam pa las sdug bsngal bzlog pas

ni; da lta'i sdug bsngal chung ngu bzod byas pas/ /ngan 'gro'i
gnod chen ldog phyir cis mi bzod/ /yang mi'i sdug bsngal ni
chung zhing nyung gi /ngan song gsum gyi ni ches mang zhing bzod
par dka' na/ ci ltar chung ngu 'di tsam gyi phyir gzhan la khro
ba'am gnod par bya/ ! gzhan

gyi don 'grub pa ni/ bdag bde 'dod kyang khro bar mi rigs na/
/'gro kun phan bde 'dod pas smos ci dgos/ /yang rang gcig pu'i
don dang phan pa 'dod pas kyang gzhan la gnod pa dang khro bar
mi rigs na/ 'jig rten thams cad kyi don bya 'dod pa yi dam chen
po can

@248b theg pa chen po la zhugs pa bdag gis lta ci smos te khro
ba dang gnod pa spangs na don 'di rdzogs par bsam pas so// !
rang gi don 'grub pa ni/ sangs rgyas nyid 'dod mnar med gnod
sogs la'ang/ /khro bar mi rigs gzhan lta ci smos te/ /de phyir
spyos brgyad mig

'byin mgo gcod kyang/ /brtse bas don chen bsgrub phyir dang du
blang/ /yang sangs rgyas kyi chos rnams thob par 'dod pas ni
mnar med pa'i sdug bsngal gyis reg kyang gzhan la khro ba dang
gnod pa mi bya na/ mi'i sdug bsngal gyis lta ci smos/ de spyos
sam brgyad dam drud tam

bshal tam yan lag bcad kyang /byams pa dang snying rje dang/
sems can thams cad kyis kyang sangs rgyas kyi chos thob par bya
ba'i phyir dang du len to/ /mig phyung ngam mgo bcad kyang
byams
pa dang snying rjes shes bzhin gyi mig dang thams cad mkhyen
pa'i mgo thob par

bya ba'i phyir dang du len to/ /zhes so// ! brtson 'grus kyi
'bras bu bsam pa'i dbang du byas te/ phyogs bcu'i sems can tshogs
chen brjod 'das la/ /phan phyir go bgos dmigs pa mtha' yas las/
/bag med gnyid log g.yengs kyang skad cig rer/ /dge tshogs mtha'
yas

'phel phyir rdzogs sangs rgyas/ /rnyed mi dka' bas srog gi don
du yang/ /brtson 'grus brtan po ci ste nyams par byed/ /brtson
'grus ni phyogs bcu re rer yang 'jig rten gyi khams mtha' yas mu
med de/ re re na yang sems can mtha' yas so/ /bdag ni de ltar
sems

can gyi tshogs mtha' yas shing mtha' yas pa de la phan pa dang
bde bar bya ba'i phyir go cha bgos pas na/ sems can thams cad la
phan pa dang bde bar dmigs pa mtha' yas shing mtha' yas pa'i dge
ba'i rtsa ba mtha' yas pa bag med dam sems gzhan du

gyur tam gnyid log kyang/ skad cig skad cig la 'phel zhing rgyas
pa dang yongs su rdzogs par 'gyur te/ skad cig re rer dge ba'i
rtsa ba dang byang chub kyi tshogs kyi phung po mtha' yas shing
mtha' yas pa skye bas byang chub rnyed mi dka' na/ de lta bu
rtogs nas bdag gis

@249a @#/ /byang chub thob par 'gyur ba'i brtson 'grus srog gi
phyir yang ji ste nyams par bya/ ! gzhan yang/ de dag kun gyi
sdug bsngal ma lus pa/ /phyi ma'i bskal pa mtha' yas bsal 'dod
cing /re re'ang sangs rgyas yon tan dpag med pa/ /thob

par 'dod cing smon pas de bzhin du/ /de ltar rgyu rkyen dmigs pa
rnam bzhi las/ /thob pa'i bsod nams phung po mtha' yas bzhi/
/'phel ba'i mtha' mi mngon pa rjes bsams nas/ /srog gi don
du'ang brtson 'grus nyams mi bya/ /yang sems can mtha'

yas pa de'i rga ba'i sdug bsngal gcig pu bsal bar 'dod na yang/
skad cig re rer dge ba'i rtsa ba mtha' yas shing mtha' yas pa
'phel na/ de dag gi skye ba la sogs dang/ ngan song gsum po
dang/ tsha ba dang grang ba la sogs pa'i sdug bsngal thams cad
bsal

bar 'dod pa lta ci smos/ yang de rnams kyi sdug bsngal sems kyi
skad cig re re dang 'brel ba bsal bar 'dod pa'ang skad cig re
rer dge ba'i rtsa ba mtha' yas shing mtha' yas pa 'phel na/ phyi
ma'i mtha'i bskal pa mtha' yas pa'i lta ci smos/ yang gang zhig
nyan thos dang

rang sangs rgyas kyi bde ba'am yon tan 'dod pa'ang skad cig re
rer dge ba'i rtsa ba mtha' yas pa 'phel na/ gang sangs rgyas kyi
yon tan stobs la sogs pa 'dod pa dang smon pa lta ci smos te/
bag med par gyur tam gnyid log kyang rgyu bzhi dang rkyen bzhi
dang dmigs pa bzhi po

de dag ni de'i dge ba'i rtsa ba'i phung po bzhi dang byang chub
kyi tshogs kyi phung po bzhi skad cig re rer 'phel bas sangs
rgyas rnyed mi dka' na srog gi phyir yang brtson 'grus ci ste
nyams par bya snyam mo/ /rgya mtsho chen po bzhi ni shar la sogs
pa'i mtha' mngon la/ dge ba'i rtsa ba'i

rgya mtsho chen po bzhi po de'i mtha' mi mngon pas kyang ngo/
/'di la bstan bcos las/ sems can rnams kyi klad nad tsam/ /bsal
lo snyam du bsams na yang/ zhes bya ba la sogs pa gsungs pa'o//
! zhum pa spang ba ni/ stag dang seng ge'am tha na sbrang bus
kyang/ /brtson 'grus

@249b stobs kyis byang chub 'thob 'gyur zhing/ /mir gyur dpag
med sangs rgyas nyid gyur na/ /bdag gis 'di la ci phyir brtson
pa dor/ /yang stag dang seng ge nas sbrang bu yan chad kyis
byang chub thob na bdag mir gyur bzhin du ji ltar brtson 'grus
nyams par bya/ yang mi brgya'am

stong gis sam/ ganggA'i bye ma snyed kyang sangs rgyas thob na
bdag gis ji ltar brtson 'grus nyams par bya/ ! sbyor ba'i khyad
par las gnyi ga'i don gyi sbyor ba ni/ sdom brtson sangs rgyas
ston par khas len pas/ /sangs rgyas nyid nas tha na smyon pas
kyang/ /theg mchog lam bstan

srog bsdos byas nas ni/ /legs par bslab cing gzhan la'ang bstan
pas bsgrub/ /byang chub sems dpa' brtson 'grus rtsom pas sangs
rgyas la ston par khas len na/ sangs rgyas nyid nas tha na smyon
pas chos bshad kyang rung/ pha rol tu phyin pa drug dang gzhan
yang sangs

rgyas thob par byed pa'i chos de dag /mgo'am gos la me 'bar bar
ltar rgyun tu mnyan pa dang bsam par bya'o/ /mkhas pa le lo med
pa ni rus shing ltar yid la byed pas mdung thung gis bzlog kyang
chos de dag la slob cing gzhan la'ang ston to// ! gzhan don gyi
sbyor ba

ni; chen po bzhi po 'gro kun nyer spyod ltar/ /rgyal sras rnams
kyang 'gro ba'i don du ni// dkon mchog gsum dang bla ma sogs
bkur phyir/ /lus ngag yid kyis snying po blang bar 'bad// de
mdung thung gis bzlog kyang sems can gyi don chos dang ldan pa
dag bcol yang rung/

ma bcol yang rung/ rang gi lus kyis bsgrub cing lus yo byad du
gyur par byed do/ /'byung ba bzhi po 'di sems can thams cad kyis
nye bar spyad par bya ba yin pa ltar/ byang chub sems dpa'i lus
kyang ste/ dkon mchog gsum dang bla ma dang rgan pa dang nad
pa
dang mgon med

pa dag la sri zhu dang yongs su spyad pas bye brag tu 'gyur ro/
/mgo'am gos la me 'bar ba ltar gzhan dga' ba smra ba dang mthun
'jug dang bgo bsha' dang grogs dang don mthun pas mngon du dad
par byed cing bsdus te theg pa gsum gang 'os pa la 'dzud do// !
rang don gyi

@250a sbyor ba ni/ brtson ldan mkhas rnams dge tshogs spel don
du/ /gnod dang sdug bsngal mtha' dag khyad bsad 'jug /mkhas pa
le lo med pa ni mdung thung gis bzlog kyang mgo'am gos la me
'bar ba ltar chos kyi ched dang pha rol tu phyin pa drug

la sogs pa'i dge ba'i rtsa ba'i ched du tsha ba dang grang ba
dang bkres pa dang skom pa dang ngal ba la sogs pa dang/ gzhan
gyi tshig ngan la sogs pa dang/ lus dang srog kyang khyad du gsod
do// 'gro ba drug gi sdug bsngal yang khyad du gsod do/ ! /bsam
gtan gyi byed pa'i khyad

par las dbang po'i sgo sdom pa ni/ gzugs sogs yul la mtshan mar
mi 'dzin pas/ /mig sogs ma bsdams zag pa rgyas las bsrung/ /bsam
gtan ni mig gi gzugs rnams mthong ba na mtshan ma dang mngon
rtags su mi 'dzin te/ mig gi dbang po ma bsdams

pas 'dod chags dang zhe sdang dang sdig pa'i chos rnams la sems
zag par 'gyur ba bsdams pa'i phyir nan tan byed pas mig gi dbang
po sdom par byed do/ /rna ba la sogs pa la yang de bzhin du
sbyar bar bya'o/ ! /spyod lam gyis mi 'khrugs pa ni/ spyod lam
kun tu

mi g.yeng gzhi gsum gyis/ /'khrul pa sna tshogs kun tu bsrungs
par 'gyur/ /'gro'am 'chag gam nyal lam 'dug pa na yang zhi gnas
mi 'dor ro/ /lus dang ngag dang yid kyi 'khrul pa mig g.yeng ba
la sogs pa dang/ mu cor smra ba la sogs pa dang/ 'dod pa'i rnam

par rtog pa la sogs pa med do/ /dben yang rung mi dben yang rung
ste spyod lam mi nyams so/ ! /'phags pa'i rigs mi 'dor ba ni/
'phags pa'i rigs bzhis chog shes spyod yul dang/ cho ga dge
zhing 'du 'dzi rnam par spong/ /bza' ba dang bca' ba dang btung
ba dang mal cha

la sogs pa'i ngan ngon tsam gyis chog shes shing gso sla la
dgang sla'o/ /cho ga dang spyod yul dge ba dang 'du 'dzi thams
cad spong ngo/ ! /mtho dman gyi rnam par mi 'gyur ba ni/ rnyed
dang ma rnyed sdug dang mi sdug sogs/ /mtho dman cis kyang mi
g.yo ? ri rgyal bzhin/ /'jig

@250b rten gyi chos brgyad la mnyam par gnas pa yin/ /mdza' ba
dang mi mdza' ba la sogs pa dang/ dben pa dang lang long la yang
mnyam zhing 'gyur ba med de ma khengs ma dud pa'o// sdug pa
dang
mi sdug pa la sogs pa la'ang de bzhin no/ ! /'dod pa la nyes
dmigs nyid du blta

ba ni/ 'dod pa rnams ni mi bden ro myang bas/ /khyi rgan rus
bskam 'cha' sogs lta bur mthong/ /'dod pa rnams la 'khrul bas
brtags nas ro myang bar byed pas keng rus ltar lta'o// dgra mang
bas na sha sna dgu dang/ blangs na sdug bsngal la btang na bde
bas rtsa'i me dang/

gnod pa byed pa mang bas shing tog dang/ rang dbang med pas
slong mo ba dang/ nor ba la skad cig tsam dga' bas rmi lam gyi
longs spyod dang/ sdug bsngal la bde bar phyin ci log pas g.yan
pa 'phrug pa dang/ nyes par spyod pa dang/ ngan 'gror 'khrid par
byed pas mchil pa

dang/ ngoms mi shes shing skom pa 'phel bar byed pas tshwa chu
ltar yid la byed do/ ! /ngo bo nyid ni bsam gtan tshad med snyoms
'jug dbugs rjes dran/ /'du shes lnga dang zil gnon zad par sogs/
/de 'dod pa las dben pa la sogs pa'i mtshan nyid can bsam gtan

bzhi dang tshad med pa bzhi dang gzugs med pa'i snyoms par 'jug
pa bzhi dang/ dbugs 'byung ba dang rngub pa rjes su dran pa
dang/ mi sdug pa dang 'chi ba dang nyes dmigs dang zas la mi
mthun pa dang 'jig rten thams cad la mngon par mi dga' ba'i 'du
shes lnga dang/ zil

gyis gnon pa'i skye mched brgyad dang zad par gyi skye mched bcu
la snyoms par 'jug go/ ! ched du bya ba'i khyad par ni/ 'gro ba
drang zhing sgrib tshogs kun gzhig dang/ /yon tan dpag med mthar
phyin don du bsgrub/ /de dag la snyoms par 'jug pa na yang dge
ba'i rtsa ba

thams cad la dmigs nas te/ snying rje chen po bskyed pa dang/
dam pa'i chos yongs su bzung ba dang/ dkon mchog gsum gyi gdung
rgyun mi chad pa dang/ sangs rgyas kyi sku dang rgyan dang/
gsung tshangs pa'i dbyangs dang/ sngon gyi smon lam dang/ sems
can yongs su smin
@251a pa dang/ zhing yongs su sbyang ba dang byang chub kyi
snying por gshegs pa dang/ chos kyi 'khor lo bskor ba dang/ sems
can thams cad kyi nyon mongs pa gzhom par dmigs pa la sems 'dogs
so/ /rnam par shes pa'i gnas bzhi dang bral ba dang/ sa

la sogs pa'i khams drug la mi gnas pa dang/ 'jig rten 'di dang
pha rol la mi gnas pa dang/ ting nge 'dzin dang snyoms par 'jug
pa bla na med pa thams cad thob par bya ba'i phyir bsam gtan
byed pa'o/ ! /shes rab la de'i rgyur dge ba'i bshes gnyen bsten
pa'i khyad par

ni/ thos sogs bsgrub phyir don la mkhas pa yi/ /dpyod ldan dam
pa'i las can legs bsten bya/ /byang chub sems dpa'i shes rab kyi
pha rol tu phyin pa ni mdung thung gis bzlog kyang gang thos pa
mang ba thos pa bsags pa thos pa 'dzin pa don shes pa chos shes
pa

spyod pa dang ldan pa/ ji ltar thos pa'i don sems pa dag la
bsnyen par byed sten par byed bsnyen bkur byed pas so/ ! /dka'
ba bzod pa'i khyad par ni/ bla ma bsnyen bkur thos btsal don
sems la/ /gnod dang sdug bsngal sna tshogs khur bzod bya/ /thos
pa'i ched dang bshad

pa'i ched dang don sems pa'i ched dang dge ba'i bshes gnyen
bsnyen bkur gyi ched la/ tsha ba dang grang ba la sogs pa dang/
ngan du smra ba la sogs pa dang lus kyi tshor ba drag po srog
chad pa dag kyang khyad du gsod do/ ! /don du gnyer zhing gus
pa'i khyad par ni/ chos la rin chen

chos smra rin chen gter/ /mnyen la rnyed dka' 'dzin la srog don
yod/ /so sor rtog la tshe rabs brgya stong du/ /mi rnyed 'du shes
la sogs lhur bya bskyed/ /de dam pa'i chos la rin po cher 'du
shes pa dang/ chos smra ba la rin po che'i gter du 'du shes pa
dang/

chos nyan pa la dkon par 'du shes pa dang/ chos 'dzin pa la srog
la sogs pa don yod par 'du shes pa dang/ chos la so sor rtog pa
la tshe rabs brgyar mi rnyed par 'du shes nye bar gnas te chos
nyan cing sems pa'o/ /yul gyi dbye bas rang bzhin bshad pa

@251b ni khams dang phung po dang skye mched dang bden pa dang
rten 'brel dang dus dang theg pa dang dge ba bsags pa'i thabs
shes pa brgyad do/ ! /de la khams la mkhas pa'i dbang du byas
na/ khams ni gnyis dang gsum sogs so so dang/ /thams cad mi rtag
sdug bsngal bdag

med shes/ /khams ni gnyis te 'dus byas dang 'dus ma byas kyi
khams so/ /dang po ni skye ba la sogs pa'o/ /gnyis pa ni skye ba
med pa la sogs pa'o/ /yang khams gsum ste/ dge ba dang mi dge ba
dang lung du ma bstan pa'i khams so/ /dang po ni ma chags pa la
sogs pa dang de dang

ldan pa la sogs pa'o/ /gnyis pa ni 'dod chags la sogs pa dang de
dang ldan pa la sogs pa'o/ /gsum pa ni de gnyis las ma gtogs
pa'i chos rnams so/ /yang khams gsum ste 'dod pa'i khams ni sems
can dmyal ba nas gzhan 'phrul dbang byed kyi bar dag la

'dun pa dang 'dod chags dang zhe sdang dang gti mug dang yid kyi
smon pa dang mngon par 'du byed pa'o/ /gzugs kyi khams ni tshangs
ris nas 'og min gyi bar la 'dun pa la sogs pa'o// gzugs med pa'i
khams ni nam mkha' mtha' yas skye mched la sogs pa bzhi la 'dun

pa la sogs pa'o/ /yang khams bzhi ste 'dod pa la sogs pa'i khams
gsum dang 'dus ma byas kyi khams so/ /yang khams drug ste/ 'dod
pa dang gnod sems dang rnam par 'tshe ba dang mngon par 'byung
ba
dang gnod sems med pa dang rnaM par 'tshe ba med pa'i khams so/
/yang khams

drug ste sa dang chu dang me dang rlung dang nam mkha' dang
rnam
par shes pa'i khams so/ /de thams cad ni mi rtag pa dang mi
brtan pa dang 'gyur ba'i chos can yin la/ gang mi rtag pa de
sdug bsngal ba dang/ gang mi rtag cing sdug bsngal ba de ni bdag
med par shes pa'o/ ! /phung po la

mkhas pa ni/ gzugs sogs dbu ba brdos dang chu bur dang/ /smig
rgyu chu shing sgyu ma ltar dman rtogs/ /phung po rnams la
gzugs
ni lbu ba lta bu ste ngan pa 'jig pa ring du mi gnas pa'o/ /de
bzhin du tshor ba ni chu'i chu bur lta bu dang/ 'du shes ni smig
rgyu lta bu dang/ 'du byed ni chu shing lta

@252a bu dang/ rnam par shes pa ni sgyu ma lta bu ste ngan pa
dang 'jig pa dang ring du mi gnas par shes pa'o/ ! /skye mched
shes pa ni nang dang phyi'i yul can gnyis te/ mig sogs na rga
'chi zhing sdug bsngal 'bar/ /gzugs sogs nyams chung brdzun pa

mgon med pa'o/ /nang gi skye mched drug po mig la sogs pa ni na
ba dang rga ba dang 'chi ba'i chos can dang/ bdag dang bdag gis
stongs pa dang/ 'dod chags dang zhe sdang dang gti mug gi me kun
tu 'bar ba/ skye ba dang rga ba dang 'chi ba dang mya ngan dang
smre sngags 'don

pa dang/ sdug bsngal ba dang yid mi bde ba dang 'khrug pa'i sdug
bsngal gyis kun tu 'bar bar shes so/ /phyi'i skye mched gzugs la
sogs pa ni skyabs med pa mgon med pa stobs med pa nyam chung ba
ste/ de la rtag pa dang brtan pa dang ther zug dang de bzhin
nyid dang ma

nor ba de bzhin nyid dang gzhan ma yin pa de bzhin nyid ni gang
yang med kyi/ sgyu mar byas pa sems rmongs par byed pa de ni yod
par shes so/ ! /bden pa bzhi shes pa ni/ phung po mi rtag la
sogs sdug bsngal te/ /nyon mongs las tshogs kun 'byung de dag
nyid/ /zad cing spangs

pa 'gog pa'o sdug bsngal sogs/ /shes dang srid zhi'i skyon yon
rtog sogs lam/ /sdug bsngal ni phung po dang khams dang skye
mched de dag nyid de mi rtag pa dang sdug bsngal ba dang nad
dang 'bras dang zug rngu dang sdig pa dang rab tu 'jig pa'i chos
nyid do/ /'dod chags

dang zhe sdang la sogs pa dang bdag tu lta ba sna tshogs dang/
bsod nams dang bsod nams ma yin pa dang mi g.yo ba'i las gsum
ni kun 'byung ngo/ /'gog pa ni 'dod chags la sogs pa zad cing
spangs pa'o/ /sdug bsngal la sdug bsngal nyid la sogs par yid la

byed pa dang/ 'du byed rnams la nyes dmigs dang/ mya ngan las
'das pa la phan yon du lta ba dang/ ji ltar mthong ba rgyur byas
pa la so sor rtog pa yang dag pa'i lta ba la sogs pa lam gyi yan
lag brgyad do/ ! /rtan cing 'brel par 'byung ba lugs su 'byung
ba shes pa dang de'i

@252b byed pa ni/ nyon mongs las dang skye ba'i lu gu rgyud/ /ma
rig la sogs lugs 'byung sdug bsngal gyi/ /phung po kho nar shes
las rlom med cing/ /rnam thar gsum rig ldog pa'ang yongs shes
'gyur/ /rten cing 'brel par 'byung ba ni lugs su 'jug pa ma rig
pa'i rkyen gyis

'du byed la sogs pa ste/ ma rig pa ni bden pa dang rten 'brel mi
shes pa'o/ /'du byed ni lus dang ngag dang yid kyi las bsod nams
la sogs pa gsum dang/ 'dod pa'i khams su nye bar 'gro ba la sogs
pa gsum mo/ /rnam par shes pa ni de las byung ba sems dang yid

do/ /ming dang gzugs ni de las byung ba tshor ba la sogs pa bzhi
dang/ de dang lhan cig tu byung ba mer mer po'am brdzus te
byung
ba'i gzugs dang rnam par rig byed do/ /skye mched drug ni de las
byung ba mig dang gzugs la sogs pa'o/ /reg pa ni dbang po dang
yul la brten

te rnam par shes pa 'byung ba gsum 'dus pa'o/ /tshor ba ni de las
byung ba bde ba la sogs pa gsum mo/ /sred pa ni de las 'dod
chags dang chags pa dang dga' ba'o/ /len pa ni de las kun tu
chags pa dang/ lta ba dang/ tshul khrims dang brtul zhugs mchog
'dzin dang /

bdag tu smra ba'o/ /srid pa ni de las byung ba gzugs la sogs pa
lnga'o/ /skye ba ni de 'byung ba dang mngon par 'grub pa'o/ /rga
ba ni de 'gyur ba dang 'jig pa dang nye bar 'khrid pa'o/ /'chi
ba ni de 'bral ba dang 'pho ba'o/ /de ltar rtog pa na sa la sogs
pa la gcig pa dang tha dad pa dang/ mthong

ba dang thos pa dang bye brag phyed pa dang/ rnam par shes pa
dang/ mya ngan las 'das pa la'ang rlom sems med do/ /rten cing
'brel te 'byung ba mthong na rnam par thar pa'i sgo gsum khong
du chud cing/ rnam pa bcu gnyis po de lugs las ldog pa yang
khong du chud mod kyi mngon sum

du ni mi byed do/ ! /dus gsum shes pa las/ dngos po shes pa ni/
dngos gang 'gags dang ma skyes da lta bar/ /gyur rnams kun rig
dus gsum shes pa yin/ /'das pa ni 'du byed gang 'gags pa rnams
so/ /ma 'ongs pa ni ma skyes pa rnams so/ /da ltar byung ba ni
da lta ba rnams so/ ! /de

@253a dag tu dge ba dang mi dge ba shes pa'i byed pa ni/ de'i
sdig dran la rnam smod phra la'ang 'jigs/ /skye ba 'gog pas gzhi
gsum legs sdom byed/ /dge ba dran dang 'byung 'gyur 'dun pas
bsngo/ /bsngo bar smon cing mngon 'gyur bsngo bas 'dzin/ /

'das pa'i sdig pa dran na ni smod cing gshung ste rnam par spong
ngo/ /ma 'ongs pa'i sdig pa ni phra ba la yang rnam par smin pa
che bar rig pas 'jigs par gnas so/ /da ltar gyi sdig pa ni skye
ba'i skabs mi byed de lus dang ngag dang yid gsum dang dbang po
drug sdom pas

bsdams pas so/ /'das pa'i dge ba ni dran nas 'dun pa drag pos
bsngo'o/ /ma 'ongs pa'i yang 'dun pa drag pos bsngo bar smon to/
/da ltar gyi'ang sngo ba mi nyams par 'dzin to/ ! /bdag med par
shes pa ni/ 'gags dang ma skyes med cing da ltar yang/ /skad cig
'jig

pas bdag dang bdag gis stongs/ /'das pa'i phung po la sogs pa ni
med pas da ltar bdag dang bdag gir med do/ /ma 'ongs pa'ang de
bzhin no/ /da ltar gyi ni mi gnas pa ste 'jig rten ni skad cig
las lhag par mi gnas pa'i phyir ro/ /de'i skye ba dang 'gag pa
dang gnas

pa'i dus kyang gzhan yin pas sdod pa med pas na bdag dang bdag
gi med do/ /des na srid pa thams cad la bdag med pa dang 'dod
chags dang bral ba dang spangs pa dang 'gog pa'i 'du shes can du
gnas te 'gog pa mngon sum du'ang mi byed do/ ! /theg pa la mkhas
pa

las lha la sogs pa'i theg pa gsum shes pa ni/ lha dang tshangs
dang 'phags pa'i theg pa ni// bsam gtan tshad med yan lag brgyad
lam mo/ /de ltar dus gsum shes pa de chos de dag nyan cing 'dzin
pa dang/ mang du byed cing rtog pa na theg pa gsum shes te/ lha
dang tshangs

pa dang 'phags pa'i theg pa'o/ /dang po ni bsam gtan bzhi'o/
/gnyis pa ni tshad med pa bzhi'o/ /gsum pa ni lam yan lag brgyad
pa'o/ /dus dus su de gsum ci rigs par bsgom zhing gzhan dag
kyang 'god par byed la/ 'phags pa'i rnam par grol ba mngon
du'ang mi

@253b byed do/ ! /nyan thos la sogs pa'i theg pa gsum shes pa
ni/ dbang sogs dman 'bring mchog gi rang don dang/ /gzhan don
lhur 'bad nyan thos theg sogs yin/ /yang theg pa gsum shes te
nyan thos kyi theg pa ni dbang po la sogs pa dman pa skad cig
tsam yang srid

pa la mi chags par dor zhing/ skad cig tsam nyid la yang mya
ngan las 'das pa'i phan yon mthong bas mgo la me 'bar ba ltar
bden pa bzhi khong du chud par bya ba'i phyir 'dun pa dang rtsol
ba bskyed pa'o/ /rang rgyal gyi theg pa ni dbang po la sogs pa
'bring po dben par dga' ba

rang don 'dod pas bsam gtan la sogs pa la brtson pa/ rten 'brel
rnam par 'byed pa la mkhas pa/ rang byang chub tu smon par byed
pa'o/ /theg pa chen po ni dbang po la sogs pa mchog tu gyur pa/
sems can thams cad bsgral ba la sogs pa'i phyir sangs rgyas kyi
chos thams

cad yongs su bskang ba dang/ pha rol tu phyin pa drug yongs su
bskang bar 'dod pa/ 'jig rten gyi don du 'khor ba'i sdug bsngal
la mi lta ba/ 'khor ba'i bde ba la'ang smod pas tshul khrims dang
spyod pa khyad par du 'phags pa/ theg pa chen po'i sde snod la
mang du sbyor ba/ shes bya thams

cad la slob pa/ ting nge 'dzin thams cad bskyed pa/ rang gi don
la mi lta ba ci nus su gzhan gyi don lhur len pa/ rtag tu rdzogs
pa'i byang chub tu smon lam 'debs pa'o/ ! /dge ba bsgrub pa'i
thabs shes pa las/ yongs su bsgrub pa'i khyad par ni/ skyabs
mchog rin chen

gsum la phyag 'tshal zhing/ /mchod dang skyabs 'gro la sogs dge
tshogs dang/ /spyod lam kun tu'ang 'gro don kun bsgrub phyir/
/dpag yas dge legs tshogs chen thob phyir 'jug /dge ba'i thabs
shes pa ni dkon mchog gsum la phyag 'tshal lo/ /phyogs bcu'i dus

gsum gyi sangs rgyas dang chos dang dge 'dun thams cad la lan
cig phyag 'tshal na yang mtha' yas shing dpag tu med par phyag
'tshal bar sems bskyed do/ /skyabs su 'gro ba la sogs pa dang/
spyod lam thams cad dang za ba dang 'thung ba la sogs pa dang
las thams cad

@254a byed pa na yang mtha' yas par rdzogs pa'i byang chub tu
smon lam gdab par sems bskyed do/ /dge ba'i rtsa ba gang spyod
kyang sems can thams cad kyi 'jigs pa med pa dang ngan 'gro gcod
pa dang/ sdug bsngal dang nyon mongs pa zhi ba dang/ mya ngan
las

'das pa 'thob par bsngo'o/ /theg pa gsum po'i gang zag da ltar
dang ma 'ongs pa thams cad kyi theg pa gsum yongs su rdzogs pa'i
phyir bsngo'o/ /phyogs bcu dus gsum du sangs rgyas thams cad
bskal par bzhugs pa dang chos ston pa dang dge 'dun mthun par

'gyur bar bsngo'o/ ! /yongs su shes pa dang rjes su bsgrub pa'i
khyad par ni/ bdag gzhan mtho ris byang grol lam shes shing/
/yan lag bdun sogs nyin rer dus gsum bsgrub/ /gang mtho ris dang
thar pa'i lam la 'god pa'am/ bsdu ba bzhis rjes su 'jug pa'am/
ji

lta ji ltar gzhan dag dge ba'i rtsa ba gsog par 'gyur ba'ang
shes so/ /yan lag bdun la sogs pa la nyin re bzhin dus gsum du
'jug par byed do/ ! /bsngo ba la sogs pa'i khyad par ni bsngo ba
dang/ 'jug pa dang/ mchog nyid dang/ skabs kyi 'bras bu bsdu ba
bzhi ste/ bsngo

dang 'jug dang mchog nyid sngar bzhin blta/ /de ltar spyod mchog
rdzogs pas myur 'tshang rgya// shes rab dang ye shes de mngon sum
du bya bar 'dod pa na yang bsngo/ mngon sum du byed pa dang
byas
pa na yang bsngo'o/ /rdzogs par slob mi nus na yang dus dus
su'ang cung zad cung

zad du mi mthun pa'i phyogs spang ba dang de nyid bsgrub pa ci
nus kyis bslab pa la 'bad par bya'o/ /skye ba gzhan du'ang mi
zhum pa dang sgyid mi lug par ro/ /byang chub tu sems bskyed pa
dang rjes su dran pa dang bsgom pa dang smon lam 'debs pa nyid
shes rab dang ye shes dang dge

ba grangs med dpag tu med pa ste/ 'jig rten gyi khams thams cad
du sems can thams cad la zag pa med pa dang/ mi slob pa'i shes
rab bskyed par 'dod pa ni shes rab kyi mchog yin pa'i phyir ro/
/de ltar na bde blag tu shes rab kyi pha rol tu phyin pa rdzogs
par byed de/

@254b pha rol tu phyin pa thams cad yongs su rdzogs pa ni myur
du mngon par rdzogs par 'tshang rgya'o zhes so/ ! /chos yang dag
par sdud pa las 'byung ba pha rol tu phyin pa'i sngon du 'gro
ba'i chos dang pha rol tu phyin pa nyid kyi spyi don gyi rnam
par dbye ba ni/ gzhan yang pha rol phyin bcu

sgrub byed chos/ /dad pa'i dbang po la sogs bcu tshan bcu/ /spyod
pa'i khyad par yongs rdzogs byed la sogs/ /nyi shu rtsa brgyad
pha rol phyin pa'i don/ /mdo sde de las sbyin pa'i pha rol tu
phyin pa'i sngon du 'gro ba'i chos bcu ste/ dad pa'i dbang po
dang/ bsam pa dang/ lhag pa'i

bsam pa dang/ pha rol tu phyin pa dang/ byams pa chen po dang/
snying rje chen po dang/ sems can gyi rten dang/ bsdu ba'i dngos
po dang/ sangs rgyas kyi chos 'dod pa dang/ thams cad mkhyen
pa'i ye shes 'dod pa sngon du 'gro ba'o/ /tshul khrims kyi sngon
du 'gro ba'i chos kyang

bcu ste/ lus dang ngag dang yid kyi las yongs su dag pa gsum
dang/ rnam par mi 'tshe ba dang/ ngan song thams cad spong ba
dang/ mi khom pa brgyad spong ba dang/ nyan thos dang rang
sangs
rgyas kyi sa las 'da' ba dang/ sangs rgyas kyi yon tan la 'god
pa dang/ bsam pa yongs su

rdzogs pa dang/ smon lam yongs su rdzogs pa'o/ /bzod pa'i yang
bcu ste/ rjes su chags pa spong ba dang/ khong khro ba spong ba
dang/ lus la mi lta ba dang/ srog la yid mi rton pa dang/ mos pa
dang/ sems can smin par bya ba dang/ chos zab mo la bzod pa
dang/ rgya chan po la

mos pa dang/ mi shes pa bsal ba'o/ /brtson 'grus kyi yang bcu
ste/ sems can thams cad kyi bya ba ci yod snyam pa dang/ dge
ba'i lus dang ngag dang yid kyi las rjes su yi rang ba dang/
zhum pa med pa dang/ phyir mi ldog pa'i sa bsdu ba thob par bya
ba dang/ yang dag

pa'i rtsol ba dang/ dran pa nye bar bzhag pa dang/ nyon mongs
pa'i dgra 'dul ba dang/ chos thams cad kyis dben pa dang/ sems
can smin par bya ba dang/ thams cad mkhyen pa'i ye shes bsgrub
pa'o/ /bsam gtan gyi yang bcu ste/ dge ba'i chos la gnas pa
dang/ ting

@255a nge 'dzin dang/ snyoms par 'jug pa dang/ rdzogs pa'i byang
chub dang/ bsam gtan dang/ rnam par thar pa dang/ ting nge 'dzin
gyi dbang po dang/ de'i stobs dang/ sems can thams cad kyi nyon
mongs pa dang/ ting nge 'dzin gyi phung po rdzogs par byed pa

dang/ dam pa'i chos bsrung ba'o/ /shes rab kyi yang bcu ste/
phung po la mkhas pa dang/ khams la mkhas pa dang/ skye mched
la
mkhas pa dang/ rten 'brel la mkhas pa dang/ bden pa la mkhas pa
dang/ lta ba thams cad bsal ba dang/ shes rab kyi dbang po dang/
mi

skye ba'i chos la bzod pa dang/ sangs rgyas kyi chos thams cad
rdzogs par bya ba dang/ sgrib pa med pa'i ye shes mthong ba'o/
/thabs kyi yang bcu ste/ sems can gyi bsam pa dang spyod pa la
'jug pa dang/ sems can gyi rten dang/ byams pa dang/ snying rje
dang/ sems

can gyi bya ba la mi skyo ba dang/ sangs rgyas kyi chos thams
cad la 'jug pa dang/ khyad par gyi ye shes mthong ba khong du
chud pa dang/ pha rol tu phyin pa yongs su byang bar bya ba
dang/ dngos po ci lta bar rtog pa dang/ sems can gyi stobs nye
bar bsgrub pa dang/ phyir mi ldog pa'i sa thob

par byed pa'o/ /smon lam gyi yang bcu ste/ sems can gyi sems kyi
thibs po rgyu ba shes pa dang/ de bzhin du sems can gyi nyon
mongs pa dang/ dbang po dang/ bsam pa dang mos pa dang/ bsam pa
dang lhag pa'i bsam pa dang/ mos pa dang 'jig rten gyi khams tha
dad pa dang/

khams gsum dang/ bsam pa bag la nyal ba dang/ 'chi 'pho dang
skye ba dang/ phung po gsum rnam par gzhag pa'i thibs po shes pa
dang/ dbang po mi skyo ba'i sems can smin par bya ba shes pa'o/
/stobs kyi yang bcu ste/ chos thams cad bzod ma nas 'byung ba
med pa

dang/ de bzhin du mtshan nyid med pa dang/ skye ba med pa dang/
yod pa ma yin pa dang/ chags pa med pa dang/ 'jug pa med pa
dang/ ldog pa med pa dang/ dngos po med pa'i ngo bo nyid dang/
thog ma dang tha ma mnyam pa nyid dang/ chos thams cad gzod
ma
nas de bzhin nyid la

@255b 'jug pa la rtog pa dang rnam par rtog pa med pa'o/ /ye
shes kyi pha rol tu phyin pa'i sngon du 'gro ba'i chos kyang bcu
ste/ chos thams cad rnam par dbye ba la shin tu brtags pa dang/
dkar po'i chos shin tu rdzogs pa dang/ byang chub kyi tshogs dpag
tu med pa bsags pa dang/

ye shes kyi tshogs chen po bzung ba dang/ snying rje chen po
yangs pa khong du chud pa dang/ 'jig rten gyi khams rnam par
dbye ba'i rim pa shes pa dang/ sems can gyi khams dang nyon
mongs pa'i spyod pa la 'jug pa dang/ sangs rgyas kyi spyod yul
la 'jug cing rjes su 'gro ba shes

pa dang/ stobs dang mi 'jigs pa dang ma 'dres pa'i chos la lhag
par dmigs shing kun shes par bya ba dang/ rnam pa thams cad kyi
mchog dang ldan pa/ rnam pa thams cad mkhyen pa'i ye shes la
dbang bskur ba'i sa thob pa sngon du 'gro ba'o/ /pha rol tu
phyin pa'i don ni spyod

pa'i khyad par rdzogs par byed pa'i don dang/ ye shes zab cing
rgya che ba yongs su rdzogs par byed pa dang/ 'dus byas dang
'dus ma byas la chags pa med pa dang/ 'khor ba'i nyes pa ji lta
ba bzhin du rtogs pa dang/ skye bo rmongs pa khong du chud par
byed pa dang/ chos kyi mdzod

mi zad pa ston pa dang/ sgrib pa med pa'i rnam par thar pa
rdzogs par byed pa dang/ sems can gyi khams shes par byed pa
dang/ sbyin pa'i mnyam pa nyid rjes su rtogs pa dang/ tshul
khrims dang/ bzod pa dang/ brtson 'grus dang/ bsam gtan gyi
mnyam pa nyid rdzogs par

byed pa bzhi dang/ shes rab la mkhas pa rdzogs par byed pa dang/
chos thams cad shes par byed pa dang/ mi skye ba la bzod pa
rdzogs par byed pa dang/ phyir mi ldog pa'i sa rdzogs par byed
pa dang/ sangs rgyas kyi zhing sbyong bar byed pa dang/ sems can
smin par byed pa dang

byang chub kyi snying po la sangs rgyas kyi ye shes rdzogs par
byed pa dang/ bdud thams cad 'dul bar byed pa dang/ srid zhi
gnyis med pa ston cing sgrol bar byed pa dang/ yon tan thams cad
kyi pha rol tu 'gro ba dang/ phas kyi rgol ba tshar gcod pa dang/
stobs dang mi
@256a 'jigs pa dang ma 'dres pa'i chos rdzogs par bya ba dang/
sangs rgyas kyi chos thams cad rdzogs par byed pa dang/ bla na
med pa'i byang chub thob par byed pa dang/ chos kyi 'khor lo lan
gsum du bzlas te rnam pa bcu gnyis su bskor ba'i don ni pha rol

tu phyin pa'i don no zhes gsungs pa'o/ ! /bden pa po'i le'u las
'byung ba las pha rol tu phyin pa drug po so so la 'jug pa'i
tshul gyi dbang du byas nas sbyin pa'i ni/ byang chub sems kyi
lam ston longs spyod mchog /'grub sogs yon tan bcu gnyis don
gnyer

bas/ /rgyal sras sbyin pa'i pha rol phyin sbyor te/ /'gro kun
drangs phyir kun mkhyen rgya mtshor bsngo/ /mdo sde las/ byang
chub sems dpas yon tan bcu gnyis mthong ba las sbyin pa'i pha
rol tu phyin pa la sbyar bar bya ste/ byang chub kyi sems kyi
lam ston par mthong bas

de la sbyar ba dang/ de bzhin du longs spyod chen po 'grub pa'i
lam yin pa dang/ 'dod pa'i rigs su skye ba dang/ ser sna tshar
bcad pa dang/ gtong ba'i rgyun 'phel ba dang/ yi dwags kyi grong
khyer gyi sgo 'gog pa dang/ skye bo mang po dang tshe thun mong
gi longs spyod la snying

po len pa dang/ yo byad yongs su rdzogs pa dang/ bdog pa thams
cad gtong ba la goms par byas par 'gyur ba dang/ bdag la dngos
po thams cad yongs su 'dzin pa'i sems med pa dang/ bdag gi sbyin
pa'i pha rol tu phyin pa yongs su rdzogs pa dang/ sangs rgyas
kyis rjes su

bstan pa la mthun par zhugs par 'gyur bar yang dag par mthong
bas sbyin pa'i pha rol tu phyin pa la sbyar bar bya ste/ de'ang
bla na med pa yang dag par rdzogs pa'i byang chub tu yongs su
bsngo bar bya'o/ /'di ni 'og ma dag la yang sbyar ro/ ! /tshul
khrims dang bzod pa ni de bzhin

byin rlabs phun tshogs yongs bzung sogs/ /yon tan bcu gnyis las
ni tshul khrims te// 'du byed skad cig nges sogs bcu gnyis kyis/
/rnam pas rnam dag bzod pa bsgom par bya/ /yang yon tan bcu
gnyis mthong bas tshul khrims kyi pha rol tu phyin pa la brtson
par

@256b bya ste/ bdag gis byin brlabs phun sum tshogs pa yongs su
'dzin pa dang/ byang chub sems dpa'i lam du zhugs pa dang/ nyon
mongs pa'i 'ching ba lhod pa dang/ ngan 'gro thams cad las 'da'
ba dang/ ngan 'gro'i lam thams cad sbyangs pa dang/ gzhi gsum
gyi las

kha na ma tho ba med pa dang/ mkhas pa'i skye bo rnams kyis ma
smad pa dang/ bag yod pa'i chos la brten pa dang/ sems can thams
cad la mi 'jigs pa sbyin pa dang/ lus la sogs pa'i las sdom pa
thob pa dang/ sangs rgyas kyi chos thams cad bsgrubs pa dang/
bdag gis

sangs rgyas kyi tshul khrims bla na med pa sbyangs par 'gyur bar
mthong bas tshul khrims kyi pha rol tu phyin pa la brtson par
bya'o/ /rnam pa bcu gnyis kyis bzod pa'i pha rol tu phyin pa
bsgom par bya ste/ 'du byed thams cad skad cig ma'o zhes bdag mi
dmigs par bya ba'i

phyir dang/ bdag dang gzhan bsrung ba dang/ 'khrug pa gtan med
par bya ba dang/ bag la nyal dang kun nas dkris pa bsal ba dang/
rjes su chags pa dang khong khro ba spang ba dang/ mtshan dang
dpe byad bsgrub pa dang/ tshangs pa'i 'jig rten du skye ba dang/
gzhan gyi gnod pa thams

cad las 'da' ba dang/ zad pa shes pa dang mi skye ba shes pa
'thob pa dang/ bdud kyi yul thams cad las 'da' bar bya ba'i
phyir dang/ sangs rgyas kyi sku tshad med pa mthong ba bsgom par
bya'o/ ! /brtson 'grus la sogs pa drug gi ni/ brtul ba bcu gnyis
kyis ni brtson 'grus

te/ /rnam pa bcu gnyis dang ldan bsam gtan no/ /rnam gzhan bcu
gnyis shes rab pha rol phyin/ /thabs rnam bcu gnyis yul la lta
bas bsgom/ /sangs rgyas rnams kyis thabs mkhas bcu gnyis te/
/zhing gi yon tan snying po'ang bcu gnyis so/ /brtul pa bcu

gnyis kyi brtson 'grus brtsam par bya ste/ chos thams cad mngon
par byang chub par bya ba'i brtul ba dang/ de bzhin du sangs
rgyas thams cad la mchod cing rim gro bya ba dang/ sangs rgyas
thams cad mnyes par bya ba dang/ /sems can thams cad smin par
bya ba dang/ sems can thams cad sangs rgyas kyi chos la 'god par
bya ba dang/ sems can thams cad mi shes pa bsal ba dang/ sems
cad la sangs rgyas kyi ye shes bsgrub pa dang/

sangs rgyas kyi zhing thams cad yongs su sbyong ba dang/ phyi
ma'i mtha'i mur thug pa'i bskal par sems can gyi don du spyod
pas mi skyo ba dang/ /skad cig gis 'jig rten gyi khams thams cad
du 'gro ba dang/ sangs rgyas kyi zhing thams cad du byang chub
mngon par 'tshang rgya zhing

chos kyi 'khor lo bskor ba'i brtul bas brtson 'grus brtsam pa'o/
/rnam pa bcu gnyis kyis bsam gtan gyi pha rol tu phyin pa bsgom
par bya ste/ shin tu mi 'khrugs pa'i phyir nyon mongs pa zhi bar
bya ba'i rnam pa dang/ de bzhin du yul la mi rgyu bas sems gnas

pa dang/ khams gsum las 'da' bas mi gnas pa dang/ 'jig rten pa'i
snyoms par 'jug pa zil gyis gnon pas 'jig rten las 'das pa dang/
de la mchags pas khyad par dang/ bsam gtan bzlog pas 'dod rgyal
ba dang/ dngos po'i 'du shes dang bral bas ngo

bo nyid dang/ tshad yod pa'i ting nge 'dzin la smod pas tshad med
pa dang/ shin tu zhi bas zhi gnas dang/ cang shes pas sems dul
ba dang/ dbang po nges par bsdams pas ?nges par sems pa dang/
byang chub kyi bsam pa ma bor ba'i phyir thabs la mkhas pa'i
rnam pas bsgom

par bya ste/ nga rgyal dang lta ba dang sred pa shas che ba'i
bsam gtan pa ni ma yin pas snyoms par 'jug pa thams cad zil gyis
gnon pa'o/ /rnam pa bcu gnyis kyis shes rab kyi pha rol tu phyin
pa rtogs par bya ste/ gti mug gi mun nag med pa'i phyir snang
ba'i rnam pa

dang/ de bzhin du nyon mongs pa'i thibs po snang bar byed pas
sgron ma dang/ mi shes pa dang bral bas ye shes kyi 'od zer
'gyod pa dang/ ma rig pa drungs nas 'byin pas gshol dang/ srid
pa'i rgya mo 'jig par byed pas lcags kyu dang/ nyon mongs pa'i
'dam rdzab skem pas

@257b nyi ma'i dkyil 'khor dang/ skye ba'i shing bsreg pas me
dang/ phongs pa sel bar byed pas nor bu dang/ rdzas med pas
stong pa nyid dang/ mtshan nyid med pas mtshan ma med pa dang/
khams gsum las yang dag par 'da' ba'i phyir smon pa med pa'i
rnam pa'o/ /yang byang chub sems

dpa'i thabs la mkhas pa ni yul bcu gnyis la lta bar bya ste/ zhi
ba'i yul la'ang gnas la/ thabs kyis srid pa'i yul la'ang gnas
par snang ba dang/ de bzhin du dben pa dang 'du 'dzi dang/ bsam
gtan dang btsun mo'i 'khor dang/ mngon par 'du mi byed pa dang/
'du

byed thams cad dang/ skye ba med pa dang skye shi dang/ bdud
bzhi'i yul las 'das pa dang/ bdud 'dul bar ston pa dang/ 'phags
pa'i skye bo dang/ 'phags pa ma yin pa dang 'jig rten pa'i yul
las 'das pa dang/ 'jig rten pa dang/ ye shes kyi yul rnyed pa
dang/ mi shes pa'i

mthu dang/ yang dag pa'i mtha'i yul mngon du gyur pa dang nyan
thos dang rang rgyal gyi yul du'ang mi ltung ba dang/ mtshan
nyid
med pa'i chos khong du chud pa dang mtshan dpes legs par brgyan
pa'i lus kyis sems can smin par byed pa dang/ sangs rgyas kyi
yul la yang dag

par zhugs pa'ang yin la/ bdud kyi yul thams cad la gnas par yang
snang ba'o/ /sangs rgyas kyi thabs la mkhas pa'ang rnam pa bcu
gnyis te/ yon tan gyi snying po bcu gnyis kyis mngon par 'phags
pa'i sangs rgyas kyi zhing du mngon par sangs rgyas kyang bskal

pa'i snyigs ma ston pa dang/ de bzhin du dus dang/ sems can dang
tshe dang/ nyon mongs pa'i snyigs ma dang/ theg pa tha dad pa
dang/ kun nas nyon mongs pa can gyi sangs rgyas kyi zhing dang/
sems can dmu rgod dang/ chos bstan pa la bye brag dang/ mu stegs
can gyi 'khrug pa

yod pa dang/ bdud dang bdud kyi las kyang ston la/ nyes pa de
dag thams cad kyang yod pa ma yin pa'o/ /yon tan gyi snying po
bcu gnyis ni gang du sangs rgyas mngon par sangs rgyas pa'i
zhing de yon tan gyi snying pos bsgrubs pa'i phyir bskal pa'i
snying po dang ldan pa dang

@258a chos spyod pa'i dus las mi 'da' bas dus kyi snying po
dang/ chos shes pa dang ldan pas sems can gyi snying po dang/
chos la dbang bas tshe'i snying po dang/ legs shing dag pas nyon
mongs pa can ma yin pa'i zhing gi snying po dang/ sems can

dmu rgod med pas sems can cang shes kyi snying po dang/ theg pa
gcig gis nges par 'byung bas thog pa'i snying po dang/ rdzas
lhag pa yod pas sa'i snying po dang/ mu stegs kyi bstan pa mi
spyod pas bstan pa'i snying po dang/ g.yo med pas yon tan gyi
snying po dang/ sems can

rang bzhin gyis dkar bas bsam pa dang lhag pa'i snying po dang/
sbyin gnas dang mi 'bral bas 'phags pa'i snying po dang/ zhing
de ni sngon gyi sangs rgyas bzhud cing rjes su zhugs pa'i phyir
byang chub kyi snying po dang ldan pa'o zhes so/ /byang chub
sems dpa'i sa las 'byung ba ni/ /ngo bo

nyid dang thams cad dang/ /dka' ba dang ni sgo kun dang/ /skyes
bu dam par ldan pa dang// de bzhin rnam pa thams cad dang/
/phongs shing 'dod dang ldan pa dang/ /'di dang gzhan du bde
'gyur dang/ /de bzhin rnam dag de mdor na/ /byang chub sems
dpa'i sbyin pa yin/ /pha rol phyin

pa gzhan lnga dang/ /bsdu ba bzhi yang de bzhin no/ /zhes don
rnam pa dgu dgur gsungs pa las/ 'dir ni drug po'i ngo bo nyid
drug dang so so'i rnam par dbye ba bco brgyad kyis phyogs tsam
rnam par bzhag ste/ gzhan ni de nyid las rgyas par blta bar
bya'o/ /'dir gzhung ha cang

lci ba spangs pas ma bris so/ ! /de la sbyin pa'i pha rol tu
phyin pa'i ngo bo nyid ni/ yongs bzung kun la ma chags sems pa
yis/ /kun bslangs las kyis dngos kun legs gtong ba/ /nyes rnams
spong zhing 'bras bu rig pa yis/ /gang 'dod de la so sor sbyin
pa'o/ /

de la sbyin pa'i ngo bo nyid ni yo byad thams cad dang rang gi
lus la mi lta ba'i rgyal sras kyi ma chags pa dang lhan cig
skyes pa'i sems pa dang/ des kun nas bslang ba'i dngos po yongs
su gtong ba'i lus ngag gi las dang sbyin bya kha na ma tho ba
med pa thams cad gtong

@258b ba dang/ sdom pa la gnas pa dang/ 'ong ba mthong zhing
'bras bu la lta ba dang/ su gang 'dod pa de la dngos po de so
sor sbyin par byed pa'o/ ! /rab tu dbye ba ni/ de yang phyi nang
dngos po ma lus dang/ bden dang rigs ston bslab sogs 'dzin 'jug
dang/ /rgyal po chom rkun

chu sogs 'jigs skyob pas/ /rnam pa kun tu bde bskyed rnam gsum
mo/ /yang 'di dang gzhan du bde bar 'gyur ba'i skabs nas/ zang
zing gi sbyin pa dang/ chos kyi sbyin pa dang/ mi 'jigs pa'i
sbyin pa ni mdor bsdu na sbyin pa'i dbye ba'o/ /dang po ni sems
kyi kun tu 'dzin pa

btang bas ser sna'i dri ma bsal ba dang/ longs spyod kun tu
'dzin pa btang bas gsog 'jog gi dri ma bsal nas/ bzang po dang/
gtsang ba dang/ rung ba dag sbyin pa'o/ /chos kyi ni phyin ci ma
log par chos ston pa dang/ rigs par ston pa dang/ bslab pa'i
gzhi yang dag

par 'dzin du 'jug pa'o/ /mi 'jigs pa'i ni stag dang seng ge dang
chu srin 'dzin khri dang rgyal po dang chom rkun dang chu la
sogs pa'i 'jigs pa las skyob pa'o/ ! /tshul khrims kyi ngo bo
nyid ni/ gzhan las legs mnos bsam pa rnam dag dang/ /nyams na
phyir gso gus

pas rab bsgrim pas/ /khrel dang ngo tsha shes dang 'gyod med
phyir/ /tshul khrims legs bsrung nyams na'ang rab gso ba'o/ /tshul
khrims kyi ngo bo nyid ni mdor bsdu na yon tan bzhi dang ldan pa
te/ pha rol las legs par blangs pa dang/ bsam pa shin tu rnam
par dag pa dang

nyams na phyir gso ba dang/ mi nyams pa'i don du gus pas nye bar
gnas pa'o/ /dang pos ni bslab pa la nyams par byed na gzhan la
brten te khrel yod skye'o/ /gnyis pas ni rang la brten te ngo
tsha shes pa skye'o/ /gsum pa dang bzhi pa gnyis kyis ni 'gyod pa
med par 'gyur te/

de ltar na snga ma gnyis las tshul khrims legs par bsrungs la
bsrung na 'gyod pa med par 'gyur bas na chos snga ma gnyis ni
phyi ma gnyis 'dren par byed pa'o/ /yang dang po gnyis dang tha
mas ni tshul khrims nyams par mi 'gyur la/ gsum pas ni zhig pa
las phyir

@259a 'chos shing slong bar rig par bya'o/ ! /rab tu dbye ba ni/
de yang phyogs gnyis la brten ris bdun dang/ /byang chub don du
gzhi gsum dge sogs dang/ /bya ba don ldan rnams kyi grogs byed
sogs/ /sdom dang dge sdud sems can don byed gsum/ /

mdor bsdu na khyim pa'i phyogs dang rab tu byung ba'i phyogs la
brten pa'i tshul khrims rnam pa gsum ste/ byang chub sems dpa'i
sdom pa'i tshul khrims ni so sor thar pa'i sdom pa ris bdun po
dge slong dang dge slong ma dang dge tshul dang dge tshul ma
dang/
dge bsnyen

dang dge bsnyen ma'i tshul khrims te/ de'ang khyim pa dang rab tu
byung ba'i phyogs la ci rigs pa'o/ /dge ba'i chos sdud pa'i tshul
khrims ni sdom pa yang dag par blangs nas byang chub chen po'i
phyir lus dang ngag dang yid kyi dge ba bsags pa gang ci'ang
rung ba de thams

cad do/ /sems can la phan 'dogs pa'i tshul khrims ni mdor bsdu na
sems can gyi bya ba don dang ldan pa sna tshogs la grogs byed pa
dang/ nad la sogs pa'i sdug bsngal byung ngo cog la nad g.yog
la sogs pa'i grogs byed pa nas/ rdzu 'phrul gyis bsdigs pa

la sogs par byed pa'i bar rnam pa bcu gcig go ! /bzod pa'i ngo
bo nyid ni/ so sor rtog dang rang bzhin nyid stobs las/ /zang
zing med cing brtse bas gnod kun bzod/ /bzod pa'i ngo bo nyid
ni/ so sor brtags pa'i stobs la brten nas sam/ yang na rang
bzhin gyis gzhan

gnod pa byed pa la ji mi snyam pa dang/ thams cad kyi ji mi
snyam pa dang thams cad la ji mi snyam pa ste/ zang zing med
pa'i sems dang snying rje 'ba' zhig gis ji mi snyam pa'o/ !
/dbye ba ni/ phyogs gnyis gnod dang sdug bsngal dang len dang/
/chos la nges sems mos pa'i

bzod pa'o/ /bzod pa de'ang rnam pa gnyis te khyim pa dang rab tu
byung ba'i phyogs la brten pa'o/ /de dag kyang rnam pa gsum du
lta ste/ gnod pa byed pa la ji mi snyam pa dang/ sdug bsngal
dang du len pa dang chos la nges par sems pa la mos pa'i bzod
pa'o/ /dang po ni/ gzhan

@259b gnod pa byed pa las byung ba'i sdug bsngal mi bzad pa
rgyun mi chad pa sna tshogs byung na 'di ltar slob ste/ 'di ni
rang gi las kyi le lan yin te/ rang gi byas pa'i mi dge ba'i
'bras bu 'di 'dra ba myong ngo zhes bya ba la sogs par ro/
/gnyis pa ni bdag sngon 'dod pa la spyod

cing 'dod pa tshol ba na de sdug bsngal gyi rgyur tshor bzhin du/
'dod pa'i ched du zhing las dang tshong la sogs pa sdug bsngal
mang la drag pa myong zhing don med par mi shes pa'i nyes pas
rab tu mnar na/ da bdag bde ba'i don du dge ba bsgrub pa la
zhugs par tshor

bzhin du/ de las bye ba phrag 'bum 'gyur du sdug bsngal dang du
blang bar rigs na/ de bas chung ngu lta ci smos snyam ste/ gzhi
thams cad byung ba'i sdug bsngal dang du len to/ /de ni brgyad
de/ gnas la brten pa dang/ 'jig rten gyi chos dang/ spyod lam
dang/ chos 'dzin pa

dang/ slong mos 'tsho ba dang/ mngon par brtson pas dub pa dang/
sems can gyi don dang/ phral gyi bya ba la brten pa'o/ /gsum pa
ni chos yang dag par rab tu rnam par 'byed pa shin tu brtags
pa'i blos mos pa'i gnas brgyad la shin tu mos pa ste/ dkon mchog

gsum gyi yon tan dang/ de kho na'i don dang/ sangs rgyas dang
byang chub sems dpa'i mthu dang/ rgyu dang 'bras bu dang/ bdag
gi thob bya'i don dang/ de thob pa'i thabs dang/ shes bya'i
spyod yul la'o/ /de yang rgyu gnyis kyis legs par gnas pa ste/
yun ring po nas goms

pa dang/ shes ba shin tu rnam par dag pa thob pas so/ ! /brtson
'grus kyi ngo bo ni/ dge ba dpag med bsdu dang gzhan don phyir/
/rab spro sbyangs shing brtan la ma 'khrul dang/ /des slang gzhi
gsum dge la g.yo ba ni/ /brtan pa'i brtson 'grus ngo bo nyid du
gsungs/ dge ba'i

chos dpag tu med pa bsdu ba dang/ sems can gyi don bya ba'i
phyir mngon par spro ba sbyangs pa bar chad med pa phyin ci ma
log pa dang/ de las byung ba'i lus dang ngag dang yid kyi g.yo
ba gang yin pa'o/ ! /dbye ba ni/ de yang go cha dge tshogs rab
bsgrub dang/ /sems can

@260a don byed dbye bas rnam gsum mo/ /brtson 'grus kyang rnam
pa gnyis po khyim pa dang rab tu byung ba'i phyogs la brten pa
dag rnam pa gsum du lta ste/ go cha'i brtson 'grus dang/ dge
ba'i chos sdud pa dang/ sems can gyi don byed pa'o/ /dang po ni/

sbyor ba'i sngon rol nas gal te bdag sems can gcig sdug bsngal
las thar ba'i phyir yang nyin mtshan bskal pa stong dang mnyam pa
kho nar dmyal bar gnas pa'i dus ji srid kyis mngon par 'tshang
rgya ba'i dus de nyid bye ba phrag 'bum 'gyur gyi byang chub
thob tu

zin kyang spro bar byed kyi zhum par mi byed na/ ches yun thung
zhing chung ba'i sdug bsngal gyis lta ci smos snyam pa'i go cha
de lta bu la mos shing dang ba tsam yang byang chub sems dpa'i
brtan po yin te brtson 'grus dpag tu med pa'i rgyu brtas par
byed pa yin na/ go cha'i

brtson 'grus de lta bu dngos dang ldan pa lta ci smos te/ de la
ni byang chub dang sems can gyi don du zhum par 'gyur ba'i bya
dka' ba ni ci'ang med do/ /gnyis pa ni brtson 'grus gang sbyin
pa la sogs pa drug 'grub par bya ba'i phyir pha rol tu phyin pa
drug la sbyor bar byed pa'o/ /

gsum pa ni sems can gyi don bya ba bcu gcig po nyid bsgrub pa'i
brtson 'grus so// ! bsam gtan gyi ngo bo nyid ni/ theg mchog sde
snod thos dang bsam pa las/ /rtse gcig sems gnas dge ba zhi gnas
dang/ /lhag mthong zung 'brel phyogs gtogs gang yin pa/ /

'di ni rgyal ba'i sras kyis bsam gtan no/ /byang chub sems dpa'i
sde snod thos pa dang bsam pa sngon du 'gro ba'i 'jig rten dang
'jig rten las 'das pa'i sems rtse gcig pa dge ba sems gnas pa/
zhi gnas sam lhag mthong ngam gnyi ga'i phyogs gang yin pa'o/ /

! dbye ba ni/ 'jig rten 'jig rten 'das gnyis mthong chos la/
/bde bar gnas dang yon tan kun bsgrub dang/ /sems can don byed
bcu gcig bsdus pa gsum/ /bsam gtan ji snyed ji lta'i dbye bar
gsungs/ /bsam gtan thams cad ni rnam pa gnyis su lta ste/

@260b 'jig rten pa dang 'jig rten las 'das pa'o/ /de'ang ci rigs
par rnam pa gsum ste/ tshe 'di la bde bar gnas par bya ba dang/
ting nge 'dzin gyi yon tan bsgrub pa dang/ sems can gyi don byed
pa'o/ /dang po ni rnam rtog thams cad dang bral ba lus sems shin
tu

sbyangs pa bskyed pa rab tu zhi ba rlom sems sam/ ro myang ba'am
mtshan ma thams cad dang bral ba'o/ /gnyis pa ni stobs bcu'i rigs
kyis bsdus pa'i ting nge 'dzin dpag tu med pa nyan thos la sogs
pas ming tsam yang mi shes pa dang/ byang chub sems dpa'i rnam

thar dang zil gnon dang zad par dang so so yang dag par rig pa
la sogs pa'i yon tan bsgrub par byed pa'o/ /gsum pa ni bsam gtan
la brten nas sems can gyi don bya ba bcu gcig po de bsgrub pa'o/
! /shes rab kyi ngo bo nyid ni/ shes bya kun la rab 'jug chos
rnam

'byed/ /rig pa'i gnas lnga'i spyod yul dang ldan pa'o/ /shes bya
thams cad la 'jug pa dang shes bya thams cad la zhugs pa chos
rnams rab tu rnam par 'byed pa gang yin pa/ rig pa'i gnas lnga
po nang gi rig pa dang/ gtan tshigs dang/ gso ba dang/ sgra dang
bzo dang las

kyi gnas rig pa la dmigs nas 'jug pa'o/ ! /dbye ba ni/ 'jig rten
'jig rten 'das pa'i shes rab dag /de nyid mos dang mngon gyur
legs rtogs dang/ /chos kyi tshogs kyi gnas brgyad la mkhas dang/
sems can don byed dbye bas gnyis dang gsum/ /byang chub

sems dpa'i shes rab ni rnam pa gnyis te/ 'jig rten pa dang 'jig
rten las 'das pa'o// de'ang mdor bsdu na rnam pa gsum du lta
ste/ shes bya'i de kho na rtogs pa dang/ rig pa'i gnas lnga
dang/ tshogs gsum la mkhas pa dang/ sems can gyi don byed pa'o/
/dang po

ni; chos bdag med pa brjod du med pa las brtsams te/ bden pa
rtogs par bya ba'am rtogs pa'i dus sam rtogs phyin chad mchog tu
zhi bar gnas pa rnam par mi rtog pa spros pa thams cad dang bral
ba chos thams cad mnyam pa nyid kyi rjes su song ba spyi'i mtshan
nyid chen
@261a po la zhugs pa/ shes bya'i mthar phyin pa sgro 'dogs pa
dang skur ba 'debs pa'i mtha' gnyis spangs pa'i phyir dbu ma'i
lam du 'gro ba'o/ /gnyis pa ni rig pa'i gnas lnga dang tshogs
gsum la mkhas pa ste/ don dang ldan pa dang/ don dang mi ldan

pa dang/ don dang ldan pa yang ma yin mi ldan pa yang ma yin
pa'i chos rnams kyi tshogs la mkhas pa'o/ /sems can gyi don byed
pa ni rnam pa bcu gcig gi gnas nyid la mkhas pa'i shes rab bo/ !
/pha rol tu phyin pa bsdus te rnam par gzhag pa'i dbang du byas

nas dgongs pa nges par 'grel pa las 'byung ba la spyir bzhag pa
las pha rol tu phyin pa drug la bslab pa'i thabs ni/ mos dang
bsgrub dang rjes bsrung nyer bsten sbyar/ /rnam lngas pha rol
phyin pa bsgrub par bslab/ /mdo de las/ pha rol tu phyin pa drug
la rnam

pa lnga'i sgo nas bslab par bya ste/ de dag ston pa'i sde snod
la mos pa che ba dang/ chos kyi spyod pa bcus thos pa dang bsam
pa dang sgom pa las byung ba'i shes rab kyis bsgrub pa dang/
byang chub kyi sems rjes su bsrung ba dang/ dge ba'i bshes gnyen
bsten pa dang/ rgyun tu

dge ba'i phyogs la sbyor bas so/ ! /pha rol tu phyin pa nyid kyi
don ni/ mi mthun phyogs la zhen med mi lta dang/ /sgra bzhin mi
rtog kha na ma tho med/ /nye bar bsags rnams zab cing rgya che
ba'i/ /bsngo bas yongs bsgyur pha rol phyin pa'i don/ /yang rnam
pa lnga'i phyir na pha

rol tu phyin pa zhes bya ste/ mi mthun pa'i phyogs kyi dngos po
la ma chags pa dang/ lan dang rnam par smin pa la mi lta ba
dang/ mtshan nyid la sgra ji lta ba bzhin du mi rtog pa dang/
nyon mongs pa dang thabs ma yin pa spangs pas kha na ma tho ba
med pa dang/ byas shing bsags

pa rnams rdzogs pa'i byang chub tu yongs su bsngo ba'i phyir ro/
! /mi mthun pa'i phyogs rnam pa drug gis ni/ yongs 'dzin ma
bsdams mi bzod le lo dang/ /rnam g.yeng spros la mngon zhen mi
mthun phyogs/ /pha rol phyin pa drug gi mi mthun pa'i phyogs
rnam pa drug ni 'dod

@261b pa'i dga' ba dang longs spyod dang dbang phyug dang bsod
nyams la yon tan du lta ba dang/ lus dang ngag dang yid kyis ci
'dod dgur spyod pa dang/ brnyas mi bzod pa dang/ mi brtson pas
bsod nyams byed pa dang/ 'du rdzi dang 'jig rten pa'i bya ba sna
tshogs dang rnam

par g.yeng ba dang/ mthong ba dang thos pa dang bye brag phyed
pa dang/ rnam par shes pa'i tha snyad kyi spros pa la yon tan du
lta ba'o/ ! /'bras bu'i khyad par ni/ longs spyod bde 'gro mdza'
dang bdag po dang/ /gnod med che bar grags rnams 'bras bur
gsungs/ /'bras bu

rnam pa drug ni longs spyod che ba dang/ bde 'gro dang/ kho na
med cing bde ba dang yid bde ba mang ba dang/ sems can gyi bdag
po dang/ lus la gnod pa med pa dang/ dbang che bar grags pa'o/ !
/log par zhugs pa'i rnam pa ni/ brtse bral tshul bzhin min dang
mi brtan

dang/ /mi gus sbyor ba rnam bzhis log zhugs 'gyur/ /pha rol tu
phyin pa nyon mongs pa can dang 'dres pa ni rnam pa bzhi ste/
snying rje med pa'i sbyor ba dang/ tshul bzhin ma yin pa'i sbyor
ba dang/ rtag tu mi byed pa'i sbyor ba dang/ gus par mi byed
pa'i sbyor ba'o/ /tshul bzhin ma

yin pa ni re re la gzhan ma tshang ba'o/ ! /pha rol tu phyin pa'i
don de nyid kyi khyad par rgyas par dbye ba las rnam par dag
pa'i khyad par ni/ spyi yi rnam dag shes khe mi tshol sogs/
/longs spyod dri ma med sogs sbyin pa'i ste/ /bslab gzhi kun la
mkhas sogs tshul khrims

kyi/ gnod pas mi 'khrugs bzod pa'i rnam dag yin/ /brtson 'grus
mnyam pa nyid sogs bsam gtan ni/ /mtshan ma legs rtogs ting 'dzin
dbu ma yi/ /lam gyis nges 'byung la sogs shes rab rnams/ /pha
rol phyin pa'i rnam dag don du gsungs/ /pha rol tu phyin

pa'i don lnga po de nyid kyi rnam par dag pa ni bsdus pa bdun
dang so so ba bdun phrag drug go /dang po ni/ drug po 'dis shes
kyi khe mi tshol ba dang/ de dag la lta bas ma zhen pa dang/
byang chub tu nges par 'phyin tam 'on te ma yin zhes the tshom mi
za ba dang/ bdag la mi

@262a bstod la gzhan la mi smod cing brnyas par mi byed pa dang/
dregs shing bag med par mi byed pa dang/ cung zad tsam dang
ngan
ngon tsam gyis chog par mi 'dzin pa dang/ de rnams kyi ser sna
dang phrag dog mi byed pa'o/ /sbyin pa'i ni sbyin par bya ba'i

dngos po rnam par dag pa dang/ de bzhin du tshul khrims dang/ lta
ba dang/ sems dang/ ngag dang/ shes pa dang/ dri ma rnam par dag
pas so/ /tshul khrims kyi ni sdom pa bcas pa la bslab pa'i gzhi
thams cad la mkhas pa dang/ ltung ba las bslang pa la mkhas

pa dang/ de la nges pa'i tshul khrims dang ldan pa dang/ brtan
pa'i tshul khrims dang ldan pa dang/ rtag tu byed pa dang/ rtag
tu 'jug pa dang/ bslab pa'i gzhi rnams yang dag par blangs te
slob pa'o/ /bzod pa'i ni thams cad kyis gnod pa byed pa kun rang
gi las ngan pa'i

nyes par lta bas mi 'khrugs pa dang/ lan du gshe ba la sogs pa'i
sbyor ba mi byed pa dang/ khon gyi bsam pa mi 'dzin pa dang/
bshad sbyangs byed pa la mi 'khrugs pa dang/ bshad kyis sbyong
ba la mi bsdod pa dang/ 'dun pa dang 'jigs pas bzod pa ma yin pa
dang/ phan

gdags par bya ba yal bar mi 'dor bas so/ /brtson 'grus kyi ni
de'i mnyam pa nyid shes pa dang/ des bdag la mi bstod cing gzhan
la mi smod pa dang/ mthu dang ldan pa dang/ brtson 'grus dang
ldan pa dang/ spro ba dang/ ldan pa dang/ brtul ba brtan pa
dang/ dge ba'i chos

la brtson pa ma dor bas so/ /bsam gtan gyi ni mtshan ma legs par
rtogs pa'i ting nge 'dzin dang/ de bzhin du yongs su rdzogs pa
dang/ gnyi ga'i cha dang/ shugs kyis 'byung ba dang/ mi gnas pa
dang/ shin tu sbyang ba byas pa dang/ byang chub sems pa'i sde
snod kyi dmigs pa

bsgoms pa dpag tu med pa'i ting nge 'dzin te bdun la bsam gtan
pa'o/ /shes rab kyi ni sgro skur spangs te/ dbu ma'i lam gyis
nges par 'byung ba dang/ rnam par mthar pa'i sgo gsum ji lta ba
shes pa dang/ ngo bo nyid gsum ji lta ba shes pa dang/ mtshan
nyid la sogs

@262b pa ngo bo nyid med pa gsum shes pa dang/ rig pa'i gnas
lnga'i kun rdzob kyi don shes pa dang/ de bzhin nyid bdun gyi
don dam pa'i don shes pa dang/ rnam par mi rtag cing spros pa
med pa'i tshul gcig la mang du gnas pa dang/ 'dres pa tshad med
pa'i chos la dmigs

pa'i lhag mthong gis chos kyi rjes su mthun pa'i chos yang dag
par bsgrub pa'o/ ! /las kyi khyad par ni/ rtag tu gus par sbyor
bas bag yod sogs/ /bzang po'i gnas kyi lam ni rnam lnga'o/ /pha
rol tu phyin pa'i don lnga po de'i las ni go rim bzhin du tshe
'dir rtag tu

byed pa dang gus par byed pas bag yod pa dang/ tshe phyi ma la
bag yod pa de'i rgyu yongs su 'dzin pa dang/ thabs des myur du
rdzogs par byed pa dang/ shin tu yongs su rdzogs shing dag la
byang bar byed pa dang/ tshe rabs thams cad du byang chub chen
por rnam par smin pa 'dod pa

dang bcas pa'i pha rol tu phyin pa mi zad pa nyid 'thob pa'o/
/de dag las kyang chags pa med pa dang mi lta ba dang yongs su
bsngo ba gsum gyis ni rgya che ba'o/ /rnam par mi rtog pa dang
kha na ma tho ba med pa gnyis kyis ni nyon mongs pa med pa 'grub
par lta'o/ ! /don du gnyer ba'i

khyad par ni/ pha rol phyin nyid ches lhag bde 'dzin sogs/ /rnam
lngas de nyid don gnyer 'bras bus min/ /rnam pa lnga'i sgo nas
pha rol tu phyin pa nyid 'dod kyi/ 'bras bu 'dod pa la dad pas
mi gnas te/ pha rol tu phyin pa rnams nyid ches lhag par bde ba
dang yid bde ba'i rgyu

yin pa'i phyir dang/ bdag dang gzhan la phan pa dang bde ba'i
rgyu yin pa'i phyir dang/ phyi ma la rnam par smin pa 'dod pa'i
rgyu yin pa'i phyir dang/ kun nas nyon mongs pa med pa'i gzhi
yin pa'i phyir dang/ mi 'gyur ba'i chos nyid yin pa'i phyir ro/
! /mthu la sogs pa'i khyad par

ni/ mthu rnam bzhi dang rgyu 'bras rmad byung ldan/ /don chen
rdzogs byed sa yi dbye bas gsum/ /mthu ni rnam pa bzhi ste/ ser
sna la sogs pa spong ba dang/ byang chub thob par 'gyur ba dang/
tshe 'dir rang dang gzhan la phan pa dang/ phyi ma rnams su 'dod
pa'i 'bras bu zad mi shes pa

@263a 'byung ba'o/ /pha rol tu phyin pa rnams rgyu ni snying rje
chen po las byung ba'o/ /'bras bu ni rnam par smin pa 'dod pa
'grub cing sems can la phan 'dogs pa'o/ /don ni byang chub chen
po yongs su rdzogs par byed pa dang ldan pa'o/ /yang rnam pa
gsum

ste; pha rol tu phyin pa ni mos pas spyod pa'i sa chung 'bring
dag tu dus yun ring du bsgoms pa'i dge ba'i rtsa ba yin du zin
kyang nyon mongs pa 'byung zhing des zil gyis kyang gnon pa'o/
/nye ba'i pha rol tu phyin pa ni yun ches ring du bsgoms pa des
sa dang po thob pa

nas bzung ste/ nyon mongs pa 'byung yang de zil gyis gnon nus
pa'o/ /pha rol tu phyin pa chen po ni ches shin tu bsgoms pa de
sa brgyad pa nas nyon mongs pa gtan mi 'byung ba'o zhes so/ !
/mdo sde rgyan las/ 'byung ba'i dbang du byas nas pha rol tu
phyin pa drug gi grangs

dang go rim rnam par bzhag pa ni/ mngon mtho nges legs gnyis don
gzhan don dang/ /theg chen don dang lam dang bslab gsum dang/
/rten dang dman dang rags pa'i rnam dbye las/ /pha rol phyin
pa'i grangs dang go rim bzhag /shin tu rgyas pa'i sde snod kyi
don

ni gtsaur pha rol tu phyin pa rnams kyi grangs la sogs pa'i don
bcu po 'di rgyas par gsungs pa las yin la/ de mdor bsdus pa ni
rje btsun gyis kyang/ grangs dang de yi mtshan nyid go rim dang/
/nges pa'i tshig dang yon tan go rim dang/ /rab tu dbye dang bsdu
dang

mi mthun phyogs/ /yon tan phan tshun rnam nges yin zhes bya/
/zhes gsungs pa'o/ /de dag las 'dir ni tshig gi spros pa dor la/
don bsdus pa tsam 'god par bya ste rgyas pa ni de nyid du
blta'o// de la grangs dang go rim gyi rgyu ni drug dang gsum
gyis te/ grangs

kyi rgyu drug las mngon mtho'i yan lag lus dang longs spyod
dang
'khor dang rtsom pa phun sum tshogs pa bzhi dang/ nges legs kyi
yan lag nyon mongs pa rnam par gnon pa dang/ rtsa ba phyin ci
log spong bas bya ba thams cad yang dag pa ji lta ba shes pa
bsgrub pa las

@263b drug kho nar nges pa ni dang po'o/ /gnyi ga'i don gyi yan
lag ma tshang ba med pa las ni byang chub sems dpa' gzhan gyi don
bsgrub pa na gzhan la phan 'dogs pa dang gnod pa spong ba dang
gnod pa byed pa bzod pa gsum gyis ni gzhan gyi don bsgrub la/
gnyi ga'i rten dang

sems gnas pa dang/ shes rab rnam par grol ba gsum gyis ni rang
gi don rdzogs par byed pas so/ /gzhan don gyi yan lag las ni
gzhan la 'dod dgu sbyin pas legs par bsgrub pa dang/ gnod 'tshe
spong zhing tshur gnod pa byas kyang lan mi byed pa gnyis kyis

log par bsgrub pa spong ba dang/ 'dun cing smin par byed pa
dang/ rnam par grol bar byed pas gzhan don rdzogs par bsgrub
pas
so/ /theg pa chen po'i don rdzogs par byed pa las ni 'dis 'gro
bar byed pa ni theg pa yin la chen po rnams kyis bgrod par bya
bas na chen

por gyur pa'i lam spyad pa dang lta ba yongs su rdzogs par byed
pas te/ ma zhen pa dang/ gus pa dang/ sdug bsngal bab pa la mi
skyo ba dang/ dge ba bsgrub pa la mi skyo ba'i khyad par bzhi
dang/ zhi gnas dang lhag mthong bsgom pa'i rang bzhin gnyis kyis
so/ /de rdzogs par byed

pa'i thabs lam gyi yan lag las ni yul thob pa rnams la yongs su
'dzin pa dang/ ma thob pa la don du gnyer ba'i 'bad pa dang bral
ba gnyis kyis ma chags pa'i yan lag dang/ gzhan yongs su mi 'dor
ba'i yan lag dang/ rang gi dge ba 'phel ba'i yan lag dang/ sgrib

pa gnyis rnam par sbyong ba'i yan lag ste/ rnam pa bzhi las so/
/bslab pa gsum rdzogs par byed pa las ni longs spyod la mi lta
bas tshul khrims 'grub cing de dang ldan pas bzod pa'i stobs thob
pas tshul khrims bzhi dang 'khor dang bcas pa las dang po gsum

dang/ sems dang shes rab bsgrub pa las tha ma gnyis dang/ de
thams cad kyi grogs su gyur pas gsum car bsgrub pas so/ /go rim
gyi rgyu gsum las rten gyi rim pa ni longs spyod dang lus la ma
zhen pas tshul khrims 'grub cing de las bzod par 'gyur la/ de
dang ldan pas

@264a brtson 'grus rtsom zhing de las ting nge 'dzin skye ste/
mnyam par bzhag na yang dag pa ji lta ba shes pa skye ba'o/
/dman pa'i rim pa ni snga ma snga ma dag skye bo dman pas kyang
'jug par nus pa dang/ nyon mongs pa'ang mang ba la sogs pa dang/
phyi ma

phyi ma ni de las ldog pa'i phyir ro/ /rags pa'i rim pa ni snga
ma snga ma dag mtshan nyid shes par sla ba dang mthar phyin par
sla zhing/ phyi ma phyi ma ni de las ldog pas so/ ! /mtshan nyid
ni/ kun slong bsam dang lhan cig spyod pa dang/ /rang bzhin dang
ni las kyi mtshan nyid bzhi/

ser sna sogs spangs mi dmigs 'dod pa kun/ /yongs bskong 'gro ba
theg gsum la 'god byed/ /kun nas slong ba'i bsam pa ni ser sna
la sogs pa rnam pa drug dang ma 'dres pa'i gtong sems la sogs
pa'o/ /lhan cig spyod pa'i grogs ni chos bdag med pa rtogs

pa dang ldan pas 'khor gsum du rnam par mi rtog pa'i ye shes
dang ldan pa'o/ /rang bzhin ni gang ci 'dod pa de la de sbyin pa
dang/ lus dang ngag gis gzhan la gnod pa thams cad spong ba
dang/ gnod pa thams cad bzod pa dang/ bya ba thams cad la grogs
byed pa

dang/ sems can thams cad kyis rjes su 'dzin pa dang/ the tshom la
sogs pa thams cad sel bas so/ /las kyi mtshan nyid ni sbyin pa la
sogs pas bsdus shing mgu bar byas nas theg pa gsum gyi skal ba
ji lta bar sems can rnams smin par byed pa'o/ ! /nges pa'i

tshig dang bsgom pa'i thabs ni/ dbul ba 'dor sogs sgra don yid
byed dngos/ /bsam dang thabs dang dbang 'byor la brten bsgom/
/sgra don ni rang dang gzhan gyi dbul ba 'dor bar byed pas sbyin
pa'o/ /nyon mongs pa'i gdung ba sel zhing bsil ba thob par byed
pas tshul

khrims so/ /khro ba bzod pas bzod pa'o/ /dge ba'i chos dam pa la
sbyor bas brtson 'grus so/ /yid nang du 'dzin cing sdud pas bsam
gtan no/ /don dam pa shes pas shes rab bo/ /bsgom pa'i thabs ni
lnga ste/ dngos po dang/ yid la byed pa dang/ bsam pa dang/
thabs

@264b dang; dbang 'byor pa la brten pa'o/ /dang po la bzhi las
rgyu la brten pa ni rigs nyid las pha rol tu phyin pa rnams goms
par byed pa'o/ /rnam smin la brten pa ni lus phun sum tshogs pa'i
stobs kyis so/ /smon lam la brten pa ni sngon gyi smon lam las
so/ /so sor rtog

pa la brten pa ni shes rab kyi stobs kyis goms par byed pa'o/
/yid la byed pa la brten pa yang bzhi las mos pa yid la byed pa
ni de drug dang ldan pa'i mdo thams cad la mos pa'o/ /ro myang
ba ni de drug thob pa dag la yon tan du lta bas myang ba'o/
/rjes su yi rang ba ni gzhan

thams cad kyi de drug la dga' bas khyab pa'o/ /mngon par dga' ba
yid la byed pa ni rang dang gzhan gyi yid la byed pa drug po ma
'ongs pa la re bas dga' ba'o/ /bsam pa la brten pa ni drug ste/
chog mi shes pa dang/ bar ma chad pa dang/ zhing la byams pa
dang/ rang gi ngo bo la

dga' ba dang/ 'bras bu la ches cher lta ba dang/ bltos pa med pa
dang/ 'bras bu gzhan la bsgyur bar mos pa ste/ ngoms mi shes pa
dang/ rgya che ba dang/ dga' ba dang/ phan pa dang/ ma gos pa
dang/ dge ba'i bsam pa'o/ /thabs la brten pa la gsum ste/ rnam
par mi rtog pa'i

ye shes kyi byed pa po dang/ las dang bya ba gsum mi dmigs par
so sor rtog pas yid la byed pa thams cad yongs su dag par bsgrub
pa'o/ /de'ang byed pa por mi rtog pa ni gang zag med pas so/
/las dang bya bar mi rtog pa gnyis ni chos med pa las so/ /dbang
'byor ba la

brten pa ni sa brgyad pa yan chad du lhun gyis grub par goms par
byed pa'o 'di la gsum ste/ sku la dbang 'byor ba ni chos kyi sku
dang longs spyod rdzogs pa'i sku la rnam par dag pa ngang gis
'jug pa'o/ /spyod pa la dbang 'byor ba ni sprul pa'i skus sems
can thams

cad la rjes su mthun pa'i spyod pa ston pa'o/ /ston pa la dbang
'byor ba ni gzugs sku gnyis kyi gsung gis pha rol tu phyin pa
rnam pa thams cad thogs pa med par ston pa'o/ ! /rab tu dbye ba
dang bsdu ba dang mi mthun pa'i phyogs gsum gyi dbang du byas
nas/ ngo bo nyid

@265a dang rgyu dang 'bras bu dang/ /las dang ldan dang 'jug pas
rnam par dbye/ /rnam g.yeng mnyam par bzhag dang gnyi gas
bsdus/ /longs spyod sogs dang phyi bshol chog 'dzin dang/ /lan
dang rnam smin ldog phyogs bag nyal dang/ /rnam g.yeng chags

pa rnam bdun mi mthun phyogs/ /dbye ba ni re re la ngo bo nyid
la sogs pa'i don drug drug gis rnam par dbye ba ste/ sbyin pa'i
ngo bo nyid ni len pa po rnams la zang zing la sogs pa gtong
ba'o/ /rgyu ni ma chags pa la sogs pa dang lhan cig skyes pa'i
sems pa'o/ /

'bras bu ni lus dang longs spyod phun sum tshogs pa'o/ /las ni
rang dang gzhan rjes su 'dzin pa'o/ /ldan pa ni tshogs rdzogs par
byed pa'o/ /'jug pa la rten gyi 'jug pa ni ser sna med pa la yod
pa'o/ /rab tu dbye ba'i 'jug pa ni chos dang zang zing dang mi
'jigs pa'i

sbyin pa gsum mo/ /tshul khrims kyi ngo bo nyid ni yan lag drug
rdzogs pa ste/ tshul khrims dang ldan par gnas pa dang/ so sor
thar pa'i sdom pas bsdams pa dang/ cho ga phun sum tshogs pa
dang/ spyod yul phun sum tshogs pa dang/ kha na ma tho ba phra
rab tsam la'ang 'jigs

par lta ba dang/ bslab pa'i gzhi rnams la yang dag par blangs te
slob pa'o/ /rgyu ni mya ngan las 'das pa'i bsam pas len pa'o/
/'bras bu ni bde 'gror 'gro ba dang/ 'gyod pa med pa la sogs
pa'i rim gyis sems gnas pa thob pa'o/ /las ni yon tan thams cad

kyi rten nyid dang/ nyon mongs kyi gdung ba zhi bar byed pa
dang/ srog gcod pa la sogs pa'i rkyen can gyi khon dang 'jigs pa
thams cad med pa'o/ /ldan pa ni rgyun tu gzhi gsum gyi legs par
spyod pas bsod nams kyi tshogs mang po dang ldan pa'o/ /'jug pa
la rten gyi 'jug

pa ni sdom pa la gnas pa la yod pa'o/ /rab tu dbye ba'i 'jug pa
ni so sor thar pa'i sdom pa brdar btags pas thob pa dang/ bsam
gtan dang zag med kyi sdom pa chos nyid kyis thob pa ste gsum
mo/ /bzod pa'i ngo bo nyid ni gsum ste/ gnod pa byed pa la mi
thing bas

@265b mi mjed pa dang/ sdug bsngal la ji mi snyam pa dang/ chos
la nges par rtog pa'i ngo bo nyid do/ /rgyu ni snying rje las
tshul khrims len pa dang/ thos pa chud pa'o/ /'bras bu ni phan
yon lngar gsungs pa ste/ khon mi mang ba dang/ dbyen mi mang ba
dang/ bde ba dang yid bde ba mang ba

dang/ 'gyod pa med par 'chi ba'i dus byed pa dang/ shi nas kyang
bde 'gror skye ba'o/ /las ni bdag dang gzhan gnyi ga'i don byed
pa'o/ /ldan pa ni dka' thub kyi mchog dang ldan pa'o/ /rten gyi
'jug pa ni bzod pa dang ldan pa la yod pa'o/ /dbye ba'i 'jug pa
ni bzod pa gsum

po nyid do/ /brtson 'grus kyi ngo bo nyid ni spro ba med pa dang
bya ba gzhan la spro ba dang dge ba la log par spro ba bsal nas
dge ba la yang dag par spro ba'o/ /rgyu ni dad pa dang 'dun pa
ste yid ches shing 'dun pa'o/ /'bras bu ni dran pa dang ting nge
'dzin la sogs pa'i yon tan 'phel

ba'o/ /las ni kun nas nyon mongs pa spong ba'o/ /ldan pa ni ma
chags pa la sogs pa'i yon tan dang ldan pa'o/ /rten ni brtson
'grus brtsams pa la yod do/ /dbye ba ni bdun te/ yul las bslab
pa gsum la spro ba gsum dang/ rang bzhin gyis lus dang sems gyi
gnyis

dang/ sbyor bas rtag tu byed pa dang/ gus par byed pa gnyis su
dbye ba'o/ /yang na lus kyi la rnam shes lnga'i lhag pa'i tshul
khrims kyi lnga dang/ sems kyi la yid kyi ting nge 'dzin dang
shes rab kyi gnyis su dbye ba'o/ /bsam gtan gyi ngo bo nyid ni
sems nang du gnas pa'o/ /rgyu

ni dran pa dang brtson 'grus te/ dmigs pa ma brjed na brtson
'grus la brten nas bsam gtan bsgrub pas so/ /'bras bu ni gnod pa
med par skye bas bde ba skye ba'o/ /las ni bsam gtan gyi mngon
shes dang/ 'phags pa la sogs pa'i gnas pa gsum la

dbang bsgyur ba'o/ /ldan pa ni chos thams cad kyi gtso bo nyid
do/ /rten ni bsam gtan pa'o/ /dbye ba ni rtog pa dang bcas shing
dpyod pa dang bcas pa la sogs pa gsum mam/ dga' ba dang/ sim pa
dang/ btang snyoms dang ldan pa gsum mo/ /shes rab kyi ngo bo
@266a nyid ni shes bya bden pa gnyis la sogs pa yang dag pa ji
lta bar rab tu rnam par 'byed pa ste/ 'jig rten pa'i bya ba dang
log par 'byed pa bsal ba'o/ /rgyu ni sems mnyam par bzhag pa
ting nge 'dzin no/ /'bras bu ni shes rab kyi dbye ba

gsum gyis kun nas nyon mongs pa las grol ba'o/ /las ni 'tsho ba
rnams kyi nang na bla na med par 'tsho ba dang/ chos legs par
'chad pa'o/ /ldan pa ni chos thams cad kyi mchog nyid do// rten
ni shes rab can la yod pa'o/ /dbye ba ni gsum ste/ 'jig rten pa

dang/ 'jig rten las 'das pa dman pa dang/ 'jig rten las 'das pa
chen po'o/ /pha rol tu phyin pa drug gi bsdu ba ni rnam pa gsum
ste/ mnyam par ma bzhag pa dang/ mnyam par bzhag pa dang/ gnyi
ga'i ngo bo nyid dang gnyis so/ /dang po ni sbyin pa dang yang

dag par blangs pa'i tshul khrims so/ /gnyis pa ni bsam gtan dang
ji lta ba shes pa'i shes rab bo/ /gsum pa ni bzod pa dang brtson
'grus te/ bzod pa dang po gnyis ni ma bzhag pa'o// chos la nges
par sems pa ni bzhag pa'o/ /brtson 'grus ni gnyi ga lhur len
pa'i

sbyor ba'o/ /mi mthun pa'i phyogs ni chags pa rnam pa bdun te/
longs spyod dang 'chal ba'i tshul khrims la sogs pa la chags pa
dang bshol ba la chags pa dang log par 'dzin pa la chags pa
dang/ lan re ba la chags pa dang/ rnam par smin pa la chags pa
dang/

mi mthun pa'i phyogs la chags pa dang/ rnam par g.yeng ba la
chags pa gnyis te/ theg pa dman pa yid la byed pa dang/ 'khor
gsum du rtog pa'i g.yeng ba'o/ ! /yon tan ni/ rang bzhin bsam
dang las dang 'bras bu bzhi/ /rgya che yongs dag bsam pas rab
sbyar dang//

byed po las dang byed pa ched du bya/ /'byung khungs 'brel pa
dbang bya rab dbye mchog /pha rol phyin pa rnams kyi yon tan ni
rnam pa gsum ste/ rgya che ba dang/ yongs su dag pa dang/ mchog
tu gyur pa'i yon tan no/ /dang po ni rnam pa bzhi ste/ lus dang
srog la sogs pa'i dngos po thams

@266b cad gtong ba dang/ tshul khrims gsum po rnam pa thams cad
la slob pa la sogs pa ni rang bzhin rgya che ba'o/ /snying rjes
rang la phan pa'i 'bras bu ci la'ang mi lta bar 'jug pa ni bsam
pa rgya che ba'o/ /sbyin pa la sogs pa de dag gis kyang 'gro ba
rnams byang chub gsum ci rigs

pa la 'god pa ni byed pa rgya che ba'o/ /sangs rgyas pa'i gnas
skabs kyi chos sku sbyin pa la sogs pa rgyun mi chad pa dang
ldan pa ni 'bras bu rgya che ba'o/ /yang na de rnams dngos po
dang/ bsam pa dang/ 'bras bu dang/ dus rgya che ba'i yon tan du
sbyar ro/ /yongs su dag pa'i yon tan

ni bsam pa dag pas bslang bas mi mthun phyogs kyi cha shas cung
zad tsam dang ma 'dres pa ste/ sbyin pa'i ni slong ba po dang
sbyin pa po la bltos nas dga' ba dang mi dga' ba dang smon pa
gsum skye bas/ byang chub sems dpa' slong ba po la bltos nas
ches lhag par skye ba brtse ba

mi zad pa las yin pas so/ /tshul khrims kyi la gsum ste/ lus kyi
spong ba gsum yongs su dag pa ni snying rjes gzhan la srog dang
longs spyod dang chung ma'ang gtong bas gzhan gsod pa la sogs
pa
ring du spong ba'o/ /ngag gi la brdzun du smra ba spong ba'i ni
rang gi lus srog la lta

bas sam/ gzhan mdza' bo dag la byams pas sam/ rgyal po la sogs
pa la 'jigs pas sam/ zang zing la lta bas rnyed pa'i phyir
brdzun smra ba yin na/ byang chub sems dpa' la ni de bzhi med
par 'gro ba kun la mnyam du brtse ba 'ba' zhig gis thams cad
gtong par zhugs

bas so/ /phra ma la sogs pa spong ba'i ni kun la snyoms pas
brtse ba dang/ gzhan gyi sdug bsngal gyis shin tu 'jigs pa dang/
thams cad legs par 'dul bar 'dod pas so/ /bzod pa la sogs pa
bzhi'i ni gzhan gyi gnod pa dang sdug bsngal thams cad la phan
pa'i don

chen por lta ba'i phyir dang/ gzhan la bdag bas ches lhag par
byams pas sbyor ba'i phyir dang/ bde ba mang zhing bdag dang
gzhan gnyi ga bde ba la zhen pa med pa dang/ ma rmongs pa dang/
mi zad pas 'jig rten pa la sogs pa las khyad zhugs pa'i bsam
gtan gyis

@267a gnas pa'i phyir dang/ nyi ma'i 'od zer ltar rgya che zhing
dri ma med la mngon sum pa'i shes rab kyis/ phug tu sgron ma'i
snang ba la sogs pa'i shes pa lta bu 'jig rten pa la sogs pa'i
shes rab zil gyis gnon pa'i phyir ro/ /mchog tu gyur pa'i yon

tan ni sbyin pa la sogs pa'i byed pa po dang/ las su bya ba dang
byed thabs dang/ ched du bya ba dang/ 'byung khungs dang/ 'brel
pa can dang/ dbang du bya ba dang/ rnam dbye bod pa ste/ rnam
par dbye ba'i sgra'i gnas kyi tshig brgyad dang sbyar nas bstan
pas dmigs pa can gyi rten

la sogs pa bas phul du byung ba'i phyir ro/ /de la byed pa po ni
thams cad kyi'ang rten byang chub sems dpa'o/ /las su bya ba ni
zang zing sbyin pa'i ni lus srog la sogs pa'o/ /tshul khrims kyi
ni byang chub sems dpa'i sdom pa'o/ /bzod pa'i ni rang bas ngan
pas gsod pa'o/ /

brtson 'grus kyis ni pha rol tu phyin pa'i gnyen po dang spang
bya'o/ /bsam gtan gyi ni byang chub sems dpa'i ting nge 'dzin
rnams so/ /shes rab kyi ni de bzhin nyid do/ /byed thabs ni
thams cad kyi'ang snying rjes rab tu sbyar ba ste thun mong gi
rkyen no/ /ched du bya ba ni byang chub chen po'o//

byung khungs ni so so'i rgyu sngon gyi goms pa'i bag chags so/
/'brel pa can ni 'khor gsum du mi rtog pa'i ye shes kyis zin
pa'o/ /dbang du bya ba'i gzhi ni sbyin pa'i yon tan dang ldan pa
la sogs pa dang/ tshul khrims la sogs pa'i theg pa chen por gtogs
pa'am/ yang na gang

la tshul khrims la sogs pa mchog 'grub pa'i sems can la sogs
pa'o/ /rnam dbye bod pa ni gang la gnas nas sbyin pa la sogs pa
ji snyed pa 'grub pa mos pa dang yid la byed pa dang/ ting nge
'dzin gyi sgo nas so/ ! /phan tshun rnam par nges pas ni/ ngo bo
nyid dang kun 'ged

yan lag dang/ /rjod byed rgyu mtshan phan tshun rnam nges bsgom/
/ngo bo nyid kyis phan tshun nges pa ni mi 'jigs pa'i sbyin pas
tshul khrims dang/ bzod pa dang/ chos kyi sbyin pas bsam gtan
dang shes rab dang/ de gnyi gas brtson 'grus dang/ dge ba'i chos
sdud pa'i tshul

@267b khrims kyi pha rol tu phyin pa thams cad bsdus pa la sogs
pa'o/ /gzhan la kun 'ged pa'i yan lag las ni gzhan gyi rgyud la
sbyin pa dang tshul khrims la sogs pa 'jog pas kun 'ged pa na
sbyin pa'i sbyin pa dang/ tshul khrims kyi sbyin pa la sogs pa
yan lag suM

cu rtsa drug gis 'jug pas so/ /rjod byed kyi chos kyi sgo nas ni
ji ltar bskal pa bzang po'i mdo la sogs pa sbyin pa'i rjod byed
yin pa ltar gzhan gyi'ang yin la/ sbyin pa bskal bzang la sogs
pa'i don yin pa ltar gzhan yang yin pas so/ /rgyu mtshan gyi sgo
nas ni sbyin pa ni tshul

khrims la sogs pa'i rgyu ste longs spyod la mi lta na tshul
khrims la sogs pa la 'jug pas so/ /tshul khrims kyang gzhan gyi
rgyu yin te dge slong gi sdom pa la legs par gnas na yongs su
'dzin pa thams cad gtong zhing bzod pa la sogs pa dang yang ldan
pa'i phyir ro/ /de bzhin

du gzhan la yang ci rigs par gzhan dang gzhan gyi rgyu yin par
blta'o/ ! /bsdu ba'i dngos po'i dbang du byas nas mdo sde rgyan
las 'byung ba ni/ sbyin mtshungs de ston len 'jug bdag rjes 'jug
/phan dang 'dzin dang 'jug dang rjes 'jug byed/ /snod gyur mos
dang bsgrub

dang de rnam sbyong/ /zang zing dmigs dang bsgrub dang sbyong
pa'i chos/ /phra rags don gyi dbye bas rnam pa drug /'khor sdud
don bsgrub bgrod gcig thabs chen te/ /pha rol phyin drug nyid
kyis sems can tshogs/ /smin sogs byed pa bsdu ba'i dngos por
gsungs zhes bya ba'o/ /'di la

drug las bsdu ba'i dngos po bzhi'i mtshan nyid kyi dbang du byas
nas sbyin pa ni pha rol tu phyin par bshad pa nyid dang mtshungs
te gtsor zang zing sbyin pa'o/ /snyan par smra ba ni de ston pa
ste de'i sgras pha rol tu phyin pa bzung bas drug car phyin ci
ma log par sngar bshad pa bzhin du

gzhan la rgya cher ston pa'o/ /don spyod pa ni de dag gi don
nyams su len pa la sbyor ba'o// don mthun pa ni gang la gzhan
len du bcug pa de la bdag nyid rjes su 'jug pas ji skad bshad pa
ltar bsgrub pa la gnas pa ste/ rang ma dul bar gzhan 'dul ba ni
gnas ma yin pa'i

@268a phyir ro/ /grangs nges pas ni gzhan rjes su 'dzin pa'i
thabs ma tshang ba med pa 'di bzhi kho nas 'grub pa ste/ gzhan la
phan pa bskyed pas 'dun par byed pa dang/ ma rtogs pa la sogs pa
sel bas don 'dzin cing rtogs par byed pa dang/ rtogs pa'i

don bsgrub pa la sbyor bas dge ba la 'jug par byed pa dang/ gang
la gzhan sbyar ba de la rang nyid rjes su 'jug cing gnas na mi
bslu bar yid ches nas brtan par 'gyur bas bsgrub pa mthar phyin
par byed pa'i phyir ro/ /las ni gzhan dag zang zing byin pas
chos nyan pa

la gus shing snod du 'gyur ba dang/ chos kyi don nges pa las mos
par byed pa dang/ chos bzhin du sgrub par byed pa dang/ bsgrub
pa brtan pas rnam par sbyong ba'o/ /dbye ba la gnyis te bsdus
pa'i dbye ba ni zang zing dang chos kyis bsdu ba gnyis su bsdus
pa'o/ /chos la gsuM

ste; dmigs pa'i chos dang/ bsgrub pa'i chos dang/ de rnam par
sbyong ba'i chos kyi dbye bas so/ /rnam pa'i dbye ba ni theg pa
gsum gyi rang bzhin gyis dbye ba dman pa dang 'bring mchog gsum
dang/ theg pa chen po'i gnas skabs kyi dbye ba mos pa spyod pa'i
sa la phal

cher don med pa dang/ sa bdun la phal cher don yod pa dang/ sa
brgyad pa yan chad du gzhan don nges par 'grub pas rnam pa
thams
cad du don yod pa gsum ste drug go /phan yon ni su dag 'khor
sdud pa dang sdud par 'gyur ba dang da ltar sdud pa de thams
cad
kyis

bsdu ba bzhi'i thabs kho na la brten par 'os pa ste/ 'di ni
thams cad kyi don bsgrub pa la bgrod pa gcig pa'i thabs bzang po
yin par sangs rgyas rnams kyis bstod bkur bsngags pa mdzad pa'o/
/rten ni pha rol tu phyin pa drug po de nyid de/ des longs spyod
la soD

pa la ma chags pa dang/ nyes par spyod pa'i rdul zhi ba dang/
pha rol gnod pa byed pa la'ang 'khrug pa sdom pa dang/ don bya
bar brtson pa dang/ de la sems nang du gnas pa'i bdag nyid dang/
nang dang phyi'i chos kyi mtshan mar mi rtog pa las/ 'di rnams
kyis gzhan gyi

@268b don bsgrub pa 'grub pa'i phyir ro/ ! /byang chub sems
dpa'i sa las 'byung ba ni/ gzhan gyi yid 'ong bden zhing chos
don ldan/ /rgyal sras rnams kyi snyan smra yin par gsungs// yang
dag dga' byed kun dga' byed pa gang/ /rnam kun yon tan ldan pa'i
chos ston pa'o//

snyan smras legs bstan de dag brtse chen gyis/ /bslab dang
bsgrub la sbyor byed don sbyor ba// smin dang grol byed 'di dang
phyi ma dang/ /gnyi ga'i don dag yang dag 'dzin 'jug gsuM/ /gang
la gzhan dag bkod pa'i don rnams la/ /bdag nyid mtshungs pa'am
lhag bsten

don mthun pa'o/ /zhes bya ba ste/ 'dir yang sbyin pa ni snga ma
bzhin no/ /snyan par smra ba'i ngo bo nyid ni sems can rnams la
yid du 'ong ba dang/ bden pa dang chos dang mthun pa dang/ don
dang ldan pa'i tshig smra ba'o/ /dbye ba ni gsum ste/ yang dag
par dga' bar byed pa'i ngag

ni khro gnyer med la gsong bor smra zhing/ gang gis bde legs su
'gyur ba'am khams snyoms pa dang ma snyoms pa la sogs pa 'dri
bas 'jig rten dang mthun par dga' bar byed pa'o// kun dga' bar
byed pa ni sems can rang gi bu dang nor la sogs pa'i 'byor ba ma
shes

pa dag la de dag mthong nas bsnyad pa'am/ dad pa'am tshul khrims
la sogs pa'i 'byor bas dga' bar byed pa'o/ /rnam pa thams cad
kyi yon tan dang ldan pa'i chos ston pa ni sems can rnams la
phan pa dang bde ba mchog gis rtag tu nye bar gnas pas phan

'dogs pa ste/ snga ma gnyis ni 'jig rten gyi tshul dang ldan
pa'o/ /tha ma ni yang dag pa'i chos bstan pa dang ldan pa'i
snyan par smra ba'o/ /don spyod pa'i ngo bo ni de ltar snyan par
smra bas rigs pa yang dag par bstan pa'i sems can rnams la
snying rje bar bzhag ste zang zing

med pa'i sems kyis/ bslab pa rnams dang chos kyis rjes su mthun
pa'i chos bsgrub pa'i spyod pa ci rigs pas yang dag par 'dzin du
'jug pa dang 'dul ba dang 'god pa'o/ /dbye ba ni gnyis te sems
can ma smin pa smin par byed pa dang/ smin pa grol bar byed
pa'o/ /de'ang

@269a sgo gsum nas te tshe 'di'i don dang/ phyi ma'i don dang/
gnyi ga'i don yang dag par 'dzin du 'jug pas so/ /dang po ni
chos dang mthun pa'i las kyis longs spyod bsgrub pa dang spel ba
'dzin du 'jug pa'o/ /gnyis pa ni longs spyod spangs nas slong

mos 'tsho ba rab tu byung ba 'dzin du 'jug pa ste/ des phyi mar
nges par bde'i 'dir nges pa med pa'o/ /gsum pa ni khyim pa'am
rab tu byung ba'ang rung/ rim gyis 'dod chags dang bral ba 'dzin
du 'jug pa ste/ des tshe 'dir lus dang sems shin tu sbyangs bas
bde

ba dang/ phyi mar rnam par dag pa'i lha'am phung po med pa'i bde
ba thob pas so/ /don mthun gyi ngo bo nyid ni don gang dang dge
ba'i rtsa ba gang la gzhan 'dzud pa de la rang nyid mtshungs
pa'am lhag par bsten pa'o zhes gsungs te/ dbye ba ni snga ma'i
de dag tu zad par

dgongs pa'o/ /de ltar rgya cher bstan pa de dag las pha rol tu
phyin pa rnams kyis ni bdag gi sangs rgyas kyi chos smin par
byed do/ /bsdu ba'i dngos po rnams kyis ni sems can smin par
byed de/ byang chub sems dpa'i dge ba'i chos kyi las ni de dag
tsam du zad do zhes

so; ! /spyod pa rnam pa gnyis po de'i nus pa gong nas gong du
spel ba'i bla na med pa'i 'bras bu la sbyor ba las stobs rgyas
par byed pa dang/ sngar ma thob pa'ang thob par byed pa'i thabs
dkon mchog mchod pa la sogs pa gsum spyir bstan pa ni/ bde legs
'byung gnas

dkon mchog gsum mchod cing/ /lam gyi ston gyur dge bshes mchog
bsten dang/ /brtse bas 'gro ba rjes 'dzin tshad med bsgom/ /spyod
pa rnams kyis stobs 'phel byed pa'o/ /legs pa'i 'byung gnas dkon
mchog gsum la rnyed pa dang bkur sti dang bsgrub pas mchod

pa dang/ phan pa dang bde ba'i lam gyi ston par gyur pa'i dge
ba'i bshes gnyen bkur sti dang rnyed pa dang rim gro dang bsgrub
pa'i sgo nas bsten pa dang/ brtse ba chen pos 'gro ba rjes su
'dzin pa tshad med pa bsgom pa gsum gyis so/ ! /'di rnam par dbye
ba la mdo sde'i rgyan

@269b nas 'byung ba'i dbang du byas nas mchod pa dang bsten pa
rnam par dbye ba ni/ rten dang dngos dang rgyu mtshan yongs
bsngo
dang/ /nyer len mtshungs ldan zhing dang gnas rnams kyis// dkon
mchog mchod dang bshes gnyen bzang bsten pa/ /phun sum tshogs
pa'i khyad

par rab tu bsten/ /de la dkon mchog mchod pa'i rten ni/ gang la
brten pa'i dmigs pa ste/ mngon sum dang lkog tu gyur pa'i sangs
rgyas la sogs pa'o/ /gang gis mchod pa'i gzhi'am dngos po nan
bza' dang mnabs bsal la sogs pa'o/ /rgyu mtshan ni

rab tu dang pa'i bsam pa'o/ /ched du bya ba'am yongs su bsngo ba
ni tshogs gnyis rdzogs par bya ba'o/ /nye bar len pa'i rgyu ni
bdag la sangs rgyas 'byung ba don yod par smon pa'o/ /mtshungs
ldan gyi grogs ni mchod pa po la sogs pa gsum mi dmigs pa'i ye
shes so//

zhing ni sems can rnams so/ /de dag mchod pa sa bon lta bu la
sbyar ba las lo tog lta bu'i 'bras bu 'phel ba'i gzhir gyur pas
so/ /gang las mchod pa 'grub pa'i gnas ni rdzas dang sems kyi
khyad par te/ rdzas la brten nas ni me tog la sogs pas mchod
pa'o//

sems la brten nas mchod pa ni mos pa dang ro myang ba dang rjes
su yi rang ba dang/ mngon par dga' ba dang byang chub tu sems
bskyed pa la sogs pas so/ /dge ba'i bshes gnyen bsten pa'i rten
ni/ bshes gnyen phun sum tshogs pa dul ba dang zhi ba la sogs
pa'i

yon tan gyi tshogs mang po dang ldan pa'o/ /gzhi'am dngos po ni
bkur sti dang rnyed pa dang rim gro dang bsgrub pa dang gis sgo
nas so/ /rgyu mtshan ni kun shes par 'dod pa dang/ dus shes pa
dang/ nga rgyal med pa'i bsam pa'o/ /yongs su bsngo ba ni bsgrub
pa'i ched du bsten gyi/

rnyed bkur gyi ched ma yin pa'o/ /rgyu ni ji skad bstan pa ltar
bsgrub pa ste/ des mnyes par 'gyur bas so/ /mtshungs ldan ni theg
pa gsum la mkhas shing mi dmigs pa'i ye shes so/ /zhing ni sangs
rgyas kyi zhing snod dag pa gang du sems can gang la chos ston
pa'i khyad

@270a par gnyis so/ /gnas ni chos kyi bgo skal la spyod pa la
brten nas bsten par bya'i/ zang zing las ma yin pa ste/ 'di
rnams rgyas par ni bshad zin to/ ! /tshad med pa bsgom pa'i dbang
du byas nas/ ngo bo nyid dang mtshungs ldan dmigs pa dang//

las dang rnam pa rgyu dang 'bras bu dang/ /rtags kyi khyad par
rnam pa brgyad kyis ni/ /'gro la rjes brtse tshad med bzhi rnams
bzhag /byams pa la sogs pa'i ngo bo nyid ni gnod sems la sogs pa
dang bral ba'i brtse sems so/ /mtshungs ldan ni mi dmigs pa'i ye
shes so//

dmigs pa ni sems can dang chos dang de dag gi de bzhin nyid gsum
ste/ de dag yul du byas nas sems can la dmigs pa dang chos la
dmigs pa dang dmigs pa med pa'i tshad med pa bzhi po rnams 'jug
pas so/ /las ni sems can smin par byed pa la sogs

pas rjes su 'dzin pa'o/ /rnam pa la sems can la dmigs pa'i dbang
du byas nas byams pa ni sems can rnams bde ba dang phrad par
'dod pa'o/ /snying rje ni sdug bsngal dang bral bar 'dod pa'o/
/dga' ba ni bde ba dang mi 'bral bar 'dod pa'o/ /btang snyoms ni
tshor ba de dag

la kun nas nyon mongs pa med par 'dod pa'o/ /chos la dmigs pa'i
ni de dag bstan pa'i chos la ji skad bstan pa ltar 'jug pa'o/
/dmigs pa med pa'i ni de dag gi de bzhin nyid la 'jug pas de dag
tu rnam par mi rtog pa'i phyir dmigs pa med pa dang 'dra bas na

dmigs pa med pa'o/ /rgyu ni de dag nyid goms pa'i bag chags so/
/'bras bu ni lnga ste/ rnam smin gyi ni gang 'dod par skye ba'o/
/bdag po'i ni tshogs rgya chen po rdzogs par byed pa'o/ /skyes
bu'i byed pa ni sems can smin par byed pa'o/ /rgyu mthun ni
thams cad du de dag

nyid bsgom pa dang mi 'bral ba'o/ /bral ba'i 'bras bu ni gnod
sems la sogs pa las rnam par grol ba'o/ /goms pa'i rtags ni mi
mthun phyogs kyi rkyen nye bar gnas kyang 'gyur ba med pa'o/ !
/byang chub sems dpa'i sa las 'byung ba las dkon mchog mchod/

@270b pa'i dbang du byas nas/ sku dang mchod rten mngon sum
mngon sum min/ /byas dang byed bcug rnyed bkur rgya chen dang/
/nyon mongs can min bsgrub pa'i mchod pa bcu/ /lhag bsam rnam pa
drug gis rab tu bsgrub/ /byang chub sems dpa'i de bzhin gshegs
pa la mchod pa ni

mdor bsdu na rnam par bcu ste/ sku la mchod pa dang/ mchod rten
la dang/ mngon sum dang/ mngon sum ma yin par dang/ bdag gis
byas pa'i dang/ gzhan byed du bcug pa'i dang/ rnyed pa dang/
bkur sti'i mchod pa dang/ rgya chen po'i dang/ kun nas nyon
mongs pa can ma yin

pa'i dang/ sgrub pa'i mchod pa'o/ /dang po ni sangs rgyas kyi
gzugs sku nyid la dngos su mchod pa byed pa'o/ /gnyis pa ni de'i
mchod rten nam gtsang khang byur bu'am gtsang khang ngam
mchod
rten rnying ngam gsar pa la mchod pa byed pa'o/ /gsum pa ni de
dag dbang po la snang

bar mngon sum nyid du mchod pa ste/ lhag pa'i bsam pa dang dga'
ba'i sems kyis sangs rgyas gcig dang mchod rten gcig gi chos
nyid gang yin pa de ni dus gsum pa thams cad kyi'ang yin pas
bdag gis sangs rgyas dang mchod rten la sogs pa mngon sum pa

'di la'ang mchod do/ /dus gsum pa phyogs bcu na bzhugs pa thams
cad la'ang mchod pa bya'o snyam pa ni de gnyi ga'i thun mong gi
mchod pa'o/ /bzhi pa ni de gnyis mngon sum du ma gyur pa la
sangs rgyas dang mchod rten thams cad kyi phyir snga ma bzhin
du
bsams nas

mchod pa byed pa'o/ /lnga pa ni de dag la mchod pa bya bar 'dod
pas rang nyid kyi lag gis mchod pa byed kyi/ le lo dang snyoms
las dang bag med pas bran 'khor la sogs pa la byed du mi 'jug
pa'o/ /drug pa ni rang 'ba' zhig mi byed par pha ma dang bu tsha
nas rigs ngan

yan chad kyang byed du 'jug pa dang/ mkhan po dang slob dpon
nas
phyi rol pa'i rab tu byung ba yan chad kyang byed du 'jug pa'o/
/bdun pa ni de dag la na bza' dang zhal zas dang gzims cha dang
gdan dang snyun sman dang/ gus par smra ba dang yan lag lngas
phyag btsal ba
@271a la sogs pa dang/ me tog dang bdug spos la sogs pa dang/
rin po che sna tshogs dang/ rgyan gyi rnam pa dang/ tha na dril
bu dkrol ba dang karsha pa Ni gtor ba dang srsd bus bre ba yan
chad do/ /brgyad pa ni bsnyen bkur de dag nyid kyis yun ring po
dang/

dngos po mang po dang bzang po dang/ mngon sum dang mngon
sum ma
yin pa dang/ rang dang gzhan gyis dang/ snying thag pa nas dga'
ba dang mos pa drag pos byed la/ byang chub chen por bsngo bar
yang byed pa'o/ /dgu pa ni rang gi lag gis byed kyi/ le lo la
sogs pas

gzhan la mi 'chol ba dang/ gus pa dang mi g.yeng ba dang/ rgyal
po la sogs pa las rnyed bkur 'dod pas tshul 'chos pas ma yin pa
dang/ rung ba'i dngos po mchod kyi bab bla byug pa dang mar khus
bkru ba dang/ gu gul gyis bdug pa dang arga'i me tog la sogs

pa rung ba ma yin pas mi byed pa'o/ /bcu pa ni cung zad cung zad
dang yud tsam yud tsam tha na ba 'jos tsam gyi bar du'ang sems
can thams cad la byams pa la sogs pa bsgom pa dang/ 'du byed
thams cad la mi rtag pa la sogs pa dang/ dkon mchog gsum dang
pha

rol tu phyin pa rjes su dran pa dang/ chos thams cad kyi de
bzhin nyid la mos pa bsgom pas gnas par byed pa ste/ de'i gong
dang de las lhag pa lta ci smos/ gzhan yang tshul khrims bsrung
ba dang zhi gnas dang lhag mthong dang byang chub kyi phyogs
kyi
chos la brtson pa dang/

pha rol tu phyin pa dang bsdu ba'i dngos po la brtson pa ni
mchod pa mchog dam pa gong na med pa ste/ snga ma de ji tsam
byas pas kyang cha tsam du'ang mi phod pa'o/ /sangs rgyas la
mchod pa de ji ltar bar chos dang dge 'dun la mchod pa'ang ci
rigs su sbyar ro/ /dkon mchog

mchod pa bcu po de dag kyang sangs rgyas la dmigs pa'i lhag pa'i
bsam pa drug gis byed de/ yon tan gyi zhing bla na med pa'i lhag
pa'i bsam pa dang/ phan 'dogs pa bla na med pa dang/ rkang med
dang rkang gnyis la sogs pa sems can thams cad kyi mchog tu

@271b gyur pa dang/ u dum wa ra'i me tog ltar shin tu dkon pa
dang/ stong gsum gcig tu gcig pu 'byung bas 'ba' zhig pa dang/
'jig rten dang 'jig rten las 'das pa'i phun sum tshogs pa'i don
thams cad rtogs pa'i lhag pa'i bsam pas so/ /de dag gis dkon

mchog gsum la mchod pa byas pa ni chung yang 'bras bu dpag tu
med par 'gyur na mang po lta ci smos/ !/dge ba'i bshes gnyen
bsten pa ni/ mtshan nyid bya ba don yod dad gzhi'i gnas// gdul
bya'i bya dang bsten pa'i thabs dang ni/ /dam chos mnyan pa'i
blo dad bsam min

pa'i/ /gnas rnams kyis ni bshes gnyen bsten pa bstan/ /'dir yon
tan brgyad kyis ni rnam pa thams cad rdzogs pa'i dge ba'i bshes
gnyen gyi mtshan nyid bstan to/ /rnam pa lngas ni de'i bya ba yon
tan yod pa bstan to/ /lngas ni de dad pa'i gzhi la gnas pa'o/
/lngas ni gdul

bya la dge ba'i bshes gnyen gyi bya ba byed pa'o/ /bzhis ni de
la bsten pa'i thabs so/ /'du shes rnam pa lngas ni chos mnyan
par bya'o/ /nyan pa na chos smra ba la gnas rnam pa lnga ni yid
la mi bya bar rna bar blags te dang ba'i yid kyis mnyan par bya
ba ste/ 'di rnam ni sngar

spros pa dang bcas te bshad zin to/ !/tshad med pa bsgom pa'i
dbang du byas nas/ dmigs pa dang rnam pa'i dbye ba ni/ sems can
bde ba 'dod pa rnams la ni/ /bde ba bsgrub pa'i lhag bsam rgya
chen dang/ /chos tsam sems can btags la de goms dang/ /chos su

zhen pa'ang med las byams pa gsum/ /sdug bsngal can la de bsal
bde ldan la/ /dga' bas rjes su yi rang tshor ba ni/ /gsum ldan
dag la rmongs sdang chags pa rnams/ /bsal 'dod lhag bsam snying
rje sogs de bzhin/ /byang chub sems dpa'i tshad med pa ni rnam pa

bzhi ste/ byams pa dang snying rje dang dga' ba dang btang
snyoms so/ /de dag kyang rnam pa gsum du sgom par byed de/ sems
can la dmigs pa dang/ chos la dmigs pa dang/ dmigs pa med pa'o/
/de'ang sems can thams cad bde ba dang ldan pa la sogs pa'i
phung po

@272a gsum du bzhag nas/ sems can bde ba 'dod pa rnams la bde ba
sgrub pa'i lhag pa'i bsam pa dang ldan pa'i byams pas phyogs bcu
khyab par byas nas mos pas gnas pa ni sems can la dmigs pa'i
byams pa'o/ /chos tsam du

'du shes dang ldan pa chos tsam la sems can du 'dogs par snying
thag pa nas mthong ste byams pa bsgom pa ni chos la dmigs pa'o/
/chos su rtog pa'ang med par de bsgom pa ni dmigs pa med pa'o/
/snying rje la sogs pa'ang de ltar gsum gsum du dbye ste/ sems
can

sdug bsngal dang ldan pa rnams la sdug bsngal bsal ba dang bde
ba dang ldan pa rnams la rjes su yi rang zhing dga' ba dang/ bde
ba dang ldan pa la sogs pa gsum la chags pa dang sdang pa dang
rmongs pa bsal ba'i lhag pa'i bsam pa ni snying rje la sogs par
blta'o/

! /thun mong dang thun mong ma yin pa la sogs pa'i mtshan nyid
gsum rnam par bzhag pa ni/ de dag mu stegs nyan thos thun mong
dang/ /thun mong ma yin bde ba'i bsam pa gsum/ /phan pa'i lhag
pa'i bsam pa gcig yin te/ /kun kyang snying brtse'i bsam pas rab
tu bsdus/ /

de la sems can la dmigs pa'i byams pa la sogs pa ni gzhan mu
stegs can dang thun mong pa'o/ /chos la dmigs pa ni nyan thos
dang rang rgyal dang thun mong ba'o/ /dmigs pa med pa ni thams
cad dang thun mong ma yin pa'o/ /yang byams pa la sogs pa gsum
ni

bde ba'i lhag pa'i bsam pas bsdus la/ btang snyoms ni phan pa'i
lhag pa'i bsam pa'o// 'di thams cad kyang snying brtse ba zhes
bya ba ste de dag dang ldan pa'i rgyal sras ni snying brtse ba
can no// ! snying rje bye brag tu bshad pa ni/ sdug bsngal brgya
rtsa bcu la dmigs nas

ni; ;snying rje chen pos 'gro ba'i blo ldan gyis/ /pha rol phyin
sogs gang yang mi rdzogs med// tshe 'dir bde sogs phan yon mchog
bzhi thob/ /sems can gyi khams la sdug bsngal brgya rtsa bcu
mthong nas snying rje chen po bsgom par byed de/ sdug bsngal
gcig dang gnyis

@272b nas brtsams pa rgyas par blta'o/ /de las kyang rmongs pa'i
rnam par smin pa'i sdug bsngal la sogs pa bcu dgu la dmigs nas
ni snying rje chen po 'jug go /rgyu bzhis snying rje chen po
zhes bya ste/ sdug bsngal zab cing phra la rtogs par dka' ba la
dmigs nas

skyes pa dang/ bskal pa mang por goms pas yun ring po nas 'dris
pa dang/ rtsol ba drag pos 'jug pas srog lan brgyar yang gtong
zhing sdug bsngal dang gnod pa thams cad nyams su len pa dang/
de bzhin gshegs pa dang/ mthar thug pa'i byang chub sems dpa'i

sa la shin tu rnam par dag pa'i phyir ro/ /de ltar snying rjes
yid bsgos pa ni sbyin pa gang mi gtong ba'am/ tshul khrims mi len
pa la sogs pa gang yang med do/ /des na sangs rgyas rnams la
byang chub gang la gnas zhes zhus na snying rje la gnas so zhes
lung ston par mdzad do/ /tshad

med pa de dag re re yang tshad med pa phun sum tshogs pas 'jug
ste/ sdug pa'i 'bras bu tshad med pa 'dzin cing/ gcig tu nges par
dge ba dang/ kha na ma tho ba med pa dag gis 'jug pa'i phyir ro/
/'di bsgom pa la phan yon bzhi ste/ tshe 'di nyid la bde ba mchog
la gnas pa dang/

bsod nams tshad med pa 'dzin cing 'phel ba dang/ bla na med pa'i
byang chub la bsam pa brtan pa dang/ gzhan don du 'khor bar
sdug
bsngal thams cad dang du len pa'o zhes so// ! //de ltar byang
chub sems dpa'i 'bras bu thun mong ma yin pa bsgrub pa'i

thabs pha rol tu phyin pa'i spyod pa bshad nas/ theg pa gsum gyi
thun mong gi 'bras bu mya ngan las 'das pa bsgrub pa'i thabs
byang chub kyi phyogs kyi spyod pa ston to /de ni ngo tsha shes
pa nas ting nge 'dzin gsum gyi bar chos bcu bzhi ste/ de yang
spyod pa po dang/ spyod pa'i rang

bzhin dang/ spyod pa dbang du byed pa'i thabs dang/ dbang du
gyur pa'i nus pa bzhir bsdu'o// de la spyod pa po'i khyad par ni
gnyis te/ spyod pa'i ngo bo tshul khrims phun sum tshogs pa dang/
lta ba'i ngo bo shes rab phun sum tshogs pa dang ldan pa'o/ /dang
po la gsum ste/ ngo tsha shes

@273a pa ni nyes pa thams cad la mi 'jug pas sdom pa'i tshul
khrims so// brtan pa ni dge ba thams cad rab tu bsgrub pas dge
ba'i chos sdud pa'o/ /mi skyo ba ni sems kyi log par bsgrub pa
la sogs pa la mi skyo bar don bsgrub pas sems can gyi don

byed pa'i tshul khrims yin pa'i phyir ro/ /shes rab la bzhi las/
bstan bcos shes pa dang/ 'jig rten shes pa gnyis ni shes rab kyi
rang bzhin te/ chos shes pa dang/ don shes pa'i ngo bo'o// shes
rab yongs su mi nyams shing chud mi za ba'i rgyu ni rton pa
bzhi'o/ /shes

rab kyi gzhan rjes su 'dzin pa'i thabs ni so so yang dag par rig
pa bzhi'o/ /de ltar tshul khrims kyi yan lag gsum dang shes rab
kyi yan lag bzhi ni spyod pa po'i chos te/ de rnams dang ldan
pa'i gang zag kho nas byang chub kyi phyogs kyi spyod pa la 'jug
par nus kyi

gzhan gyis ni mi nus pa'i phyir ro/ /spyod pa'i rang bzhin ni
bsod nams dang ye shes kyi bdag nyid tshogs dang/ chos sum cu
rtsa bdun gyi bdag nyid lam gnyis te/ rgyags kyis nye bar brtan
pa'i skyes bu lam bde bar zhugs pas don bsgrub pa ltar/ tshogs
kyi nye bar brtan

pa'i chos sum cu rtsa bdun gyis 'bras bu bsgrubs pas so/ /chos
de dag dang ldan pa'i gang zag gi spyod pa de gnyis rgyud la
dbang du byed pa'i thabs ni gnyis te/ rnal 'byor la mnyam par
'jog pa dang/ ldang ba'i spyod pas so/ /dang po ni zhi gnas dang
lhag mthong zung du

'brel ba bsgom pas so/ /gnyis pa la gsum ste/ ldang ba'i spyod
pa'i rang bzhin ni thabs la mkhas pa rnam pa lnga'o/ /de'i rtogs
pa chud mi za ba'i rgyu ni gzungs thob pa'o/ /rjes su bsgrubs pa
chud mi za ba'i rgyu ni smon lam mo/ /dbang du byed pa'i thabs
de dag gis spyod pa dbang

du gyur pa'i nus pa ni chos kyi sdom bzhi rnam par spyad pa'i
rgyu las ting nge 'dzin gsum thob pas log par 'dzin pa bdun
spong ba'i mthu thob pa'o/ /'di rnams rnam par dbye ba mdo sde'i
rgyan las 'byung ba la/ ! ngo tsha shes pa'i mtshan nyid dang yul
gyi dbye ba ni/ 'dzem

@273b bag dang bcas mi dmigs ye shes ldan/ /dge dman yul can
'gro ba yongs smin byed/ /ser sna sogs 'phel gnyen po 'grib bsam
dang/ /de la mi sbyor bzlog par spyod las skye/ /mtshan nyid ni
bzhi ste/ ngo bo nyid dang/ grogs dang/ dmigs pa dang/ las phun
sum tshogs

pas so/ /dang po ni/ bsdam bya theg pa dman pa las kyang ldog na
kha na ma tho ba las lta ci smos te/ log pa'i lam las ldog cing
yang dag pa'i lam la 'jug pa'i mtshan nyid do/ /'dis khrel yod
kyang bsdus te log par 'jug pa la 'dzem pa'i mtshan nyid kyis
khyab pas so/

grogs ni 'khor gsum du mi rtog pa'i ye shes kyis zin pa'o/
/dmigs pa ni bsdam bya'i yul theg pa dman pa'i dge ba yang ngo/
/las ni sems can smin par byed pa ste/ de nyid la gzhan bkod
pa'i sgo nas so/ /yul las dbye ba ni/ ser sna la sogs pa'i bsam
pa

'phel ba dang/ de'i gnyen po 'grib pa dang/ gnyen po de'i sbyor
ba 'grib pa dang/ bzlog pa'i sbyor ba 'phel ba la dmigs nas ngo
tsha shes pa skye bas so/ ! /yon tan dang skyon gyi rnam pa'i
dbye ba ni/ ngo tsha med pas rang gzhan gnyi ga 'joms/ /'di dang
phyi ma dag dang gnyi gar yang/ /

nyes tshogs rnam 'phel yongs gdung mang 'thob cing/ /bzlog pas
bzang po'i gnas gyur 'bras bu 'thob/ /ngo tsha dang khrel yod pas
'dzem pa med pa ni gnyen po'i go cha dang bral pas nyes par
spyod pa'i rtsa ba tshul bzhin ma yin pa yid la byed pa las nyon
mongs pa mngon par

'du byed cing nyes spyod gsog pa la phyogs pa'o/ /de'i nyes
dmigs kyi rnam pa las rang dang gzhan dang gnyi ga'i rten la
gsum ni khro ba la sogs pas rang 'joms pa dang/ sems can gyi don
la bag med cing yal par 'dor bas gzhan 'joms pa dang/ nga rgyal
gyis tshul

khrims 'jig pas gnyi ga 'joms pa'o/ /tshe 'di dang phyi ma dang
gnyi ga'i dus su gnod pa gsum las/ 'dir gnod pa ni drug ste/
rgyud nyams shing 'gyod pas zin pas bdag gis smad pa dang/ rnyed
bkur nyams pas gzhan gyis smad pa dang/ lha rnams kyis smad pas
bsrung ba las

@274a nyams pa dang/ ston pas kyang lug bong ltar spyod pa la
sogs par smad pa dang/ tshangs pa mtshungs par spyod pa mkhas pa
dag kyang chos nyid kyis smod pa dang/ phyogs dang phyogs
mtshams
su'ang mi snyan par grags pa'o/ /phyi mar gnod pa ni mi

khom pa rnams su ltung ba'o/ /gnyi gar gnod pa ni dge ba'i chos
thob pa las nyams pa'o// de las byung ba'i sdug bsngal dang yid
mi bde ba mtha' yas pa'ang so sor myong bar 'gyur ba'o// yon tan
gyi rnam pa ni ngo tsha shes pa dang khrel yod pa'i 'bras bu
bzang po

lnga la spyod pa ste/ rnam par smin pa'i 'bras bu ni rtag tu lha
dang mi'i 'gro ba bzang po dag tu skye ba'o/ /bdag po'i 'bras bu
ni byang chub kyi tshogs myur du rdzogs par byed pa'o/ /skyes
bu'i byed pa ni sems can smin par byed pas mi skyo ba'o/ /rgyu
mthun ni rtag tu gnyen po dang mi

'bral pa'o/ /bral ba'i 'bras bu ni mi mthun pa'i phyogs dang mi
'dre ba'o/ ! /yon tan dpes bsngags pa dang rtags ni/ gos dang
nam mkha' rgyan ma bsrung ma'i dpes/ /gnas tshe nyon mongs mi gos
sogs lngas bsngags/ /nyes tshogs dang du mi len mi 'jug dang/
/dge

legs dang len 'jug pa'i bsam sbyor rtags/ /gos dang nam mkha'
dang rgyan dang ma dang bsrung ma'i dpe lngas ni rim pa bzhin/
bsam gtan byed pa la sogs pas 'dug pa na nyon mongs pas mi gos
pa dang/ bsod snyoms la sogs pa la rgyu ba na 'jig rten gyi

chos kyis mi gos pa dang/ rang gi yon tan gyi che ba dang/ sems
can gzhan la phan pa dang/ rnam par dag pa'i 'khor bar gnas
pa'o/ /rtags ni ser sna la sogs pa'i bsam pa dang du len cing
de'i sbyor ba la mi 'jug pa dang/ gtong ba la sogs pa'i bsam pa

dang du len cing sbyor ba la 'jug pa'o/ ! /brtan pa'i mtshan nyid
ni/ brtson 'grus ting nge 'dzin dang shes rab gsum/ /snying
stobs sran thub brtan par rab brjod de/ /zhum g.yo rmongs pas
bya ba rnams la 'jigs/ /de spong gnyug ma gsum po brtan par
grub/ /brtan pa

@274b zhes bya ba ni bsam pa mi phyed pas dge ba bsgrub pa la
mthu dang ldan zhing bya ba lci ba'i rgyu rnams kyis mi bskyod
pa ste/ 'di'i mtshan nyid kyi ngo bo ni le lo la sogs pa gsum
bsal bas brtson 'grus la sogs pa gsum mo/ /mtshon bya ni snying
stobs la sogs pa'i tha snyad

du bya ba gsum mo/ /brtson 'grus la sogs pas de gsum du ji ltar
mtshon par byed snyam na/ mtshan nyid de bsgrub pa ni bya ba rnams
la 'jigs pa'i rgyu gsum po zhum pas mi spro ba dang/ sems rnal
du mi gnas pas g.yo ba dang/ thabs mi shes pas rmongs pa dag

'di gsum gyis sel bas 'jigs pa med par 'jug pa'i phyir ro/
/gnyug ma zhes bya ba ni goms pas ngang gis 'jug pa'i brtson
'grus la sogs pa'o/ ! /mi 'gyur ba'i khyad par ni/ phye leb
mkha' lding rgya mtshos ri rab ltar/ /chung 'bring chen po'i
rkyen gyis 'gyur ba med; ;

phye ma leb dang nam mkha' lding gi gshog rlabs dang/ rgya
mtsho'i rlabs kyis ri rab mi sgul ba ltar/ rkyen chung ngu la
sogs pa grogs ngan pa dang/ sdug bsngal bab pa dang/ zab mo
bstan pa gsum gyis mi 'gyur ba'o/ ! /mi skyo ba ni/ ngo tsha
brtan las byang chub chen po la/ /'dun pa

rab drag thos pas mi ngoms dang/ /brtson 'grus mchog dang 'khor
ba'i sdug bsngal gyis// skyo med sa yi dbye bas chung 'bring
mchog  /mi skyo ba zhes bya ba ni/ sems can gyi nyes pa mtha'
yas pas mi 'khrugs par de dag gi don du tshogs bsgrub pa la 'dun
pa brtan pos drangs

pa'i bsam pa'i khyad par ro/ /de'i rten ni ngo tsha shes pa dang
brten pa ste de gnyis kyis skyo bas ngo tsha zhing mi skyo bar
byed pas so/ /ngo bo nyid ni byang chub chen po la 'dun pa brtan
pa ste 'dun pa log na skyo bas so/ /gzhi ni gsum ste/ thos pas
mi ngoms pa dang/ yun ring por brtson

'grus rtsom pa dang/ 'khor ba'i sdug bsngal rnams la mi skyo
ba'o/ /mos pa spyod pa'i sa la ni chung ngu ste ma rdzogs pa'o/
/sa bdun la ni rdzogs pa ste 'bring ngo/ /de yan chad ni chen po
ste shin tu rdzogs pa'o/ /'di ni dbye ba'o/ ! /bstan bcos shes
pa'i dbang du byas nas/ gnas

@275a lnga legs rtogs bsgrub dang ston sogs kyis/ /rang bzhin
don rgyun mi chad kun mkhyen thob/ /ting 'dzin gzungs sgos sems
can smin byed cing/ /dam chos 'dzin par byed pa'i las can no/
/'di la gsum las khyad par drug gis khyad par du 'phags

pa ni mtshan nyid de/ dmigs pa'i khyad par gzhi ni nang dang/
gtan tshigs dang/ sgra dang/ gso ba dang/ bzo'i las kyi gnas rig
pa'i gnas lnga'i gtsug lag go/ mtshan nyid ni lnga po de thos pa
dang 'dzin pa dang kha ton byed pa dang/ yid kyis brtags pa dang
mthong bas

legs par rtogs pa'o/ /las ni gzhi dang po shes pas bdag nyid
bsgrub cing gzhan la ston pa'o/ /gnyis pas gzhan gyi rtsod pa'i
skyon shes pa las rgol ba tshar gcod pa dang/ gsum pas nges tshig
bzang po brjod cing gzhan yid ches par byed pa dang/ bzhi pas
nad

sel ba dang/ lnga pas gzhan la bgo bsha' byed pa'o/ /ched du bya
ba ni rang dang gzhan gyi don bsgrub pa'o/ /mi zad pa ni phung
po bzhi yang rgyun mi chad pa'o/ /'bras bu 'grub pa mi rnam pa
thams cad mkhyen pa bsgrub pa'o/ /dbye ba ni ting nge 'dzin dang
gzungs kyi sgo gnyis kyis bsdus

pa'o/ /las ni de gnyis kyis rim pa bzhin sems can smin par byed
pa dang/ dam pa'i chos 'dzin par byed pa'o/ !/'jig rten shes pa
ni/ 'jig rten lus ngag yid kyis rab shes pas// dam chos bsgrub
phyir sems can snod du byed/ /'jig rten 'byung dang nub pa'i
bden

pa bzhi/ /spang dang thob par bya ba rjes su bsgrub/ /'di la
bzhi ste lus ngag gis shes pa'i mtshan nyid ni dngos su lus ngag
gis mi shes pas bslang ba'i rtsom pa dge ba bzhin 'dzum pa dang
gsong por smra ba la sogs pa la btags pa'o/ /de'i las ni dam
pa'i chos bsgrub pa'i don

du sems can snod du bya ba'o/ /yid kyis shes pa'i mtshan nyid ni
'jig rten 'jug pa dang/ ldog pa'i mtshan nyid bden pa bzhi shes
pa ste/ sdug bsngal dang kun 'byung ni gang dang gang gis 'jig
rten 'khor bar yang dang yang du 'byung ba'o/ /'gog pa dang lam
ni gang dang gang

@275b gis de dag nub par 'gyur ba'o/ /de'i las ni bden pa snga
ma gnyis zhi bar bya ba dang/ phyi ma gnyis thob par bya ba'o/
!rton pa bzhi ni/ chos don nges pa'i don dang ye shes kyi// rjes
'brang chos spong gang zag tshig 'bru dang/ log par drangs dang
rjod bcas shes kyi min/ /chos

la mos dang don la legs dpyod dang/ /gzhan las ji bzhin thos
dang 'jig rten las/ /'das pa'i ye shes thob las yongs mi nyams/
/'di la gsum las blang ba'i byed par ni tshad ma'i skyes bus
bstan pa'i chos dang/ de'i dgongs pa'i don dang/ tshad ma dang
ldan pa

nges pa'i don dang/ so so rang rig pa'i ye shes bzhi la rton pa
ste/ rton pa ni rjes su 'brang ba'i don do/ /dor ba'i khyad par
ni gtsug lag gi chos spong ba'i gang zag dang/ tshig 'bru'i sgra
ji bzhin gyi don dang/ log par bsam pas phyin ci log tu drangs
ba'i don dang/ brjod

pa dang bcas pa rnam par shes pa'i rjes su mi 'brang ba'o/ /phan
yon gyi khyad par ni/ rim pa bzhin gtsug lag gi chos la mos pa
dang/ rang gis dgongs pa can gyi don dpyod pa dang/ gzhan las
don phyin ci ma log par thos pa dang/ 'jig rten las 'das pa'i ye
shes las

nyams par mi 'gyur ba'o/ !/so so yang dag par rig pa ni/ bstan
bya mtshan gzhi mtshan nyid dag dang ni/ /ston byed sgra dang tshad
rtogs legs ston byed/ /chos nyid mngon gyur yongs gcod shes pa
yis/ /gdul bya'i the tshom ma lus sel ba'o/ /'di la bzhi ste/
mtshan

nyid dang grangs nges pa ni chos ston pa la thogs pa med pa'i ye
shes kyi yan lag yongs su rdzogs pa las te/ don so so yang dag
par rig pa ni dngos po rnams kyi rjod byed ji snyed pa rnam
grangs zhes bsnyad pa sgra'i don tsam mtshan gzhi shes pa yin pas
spyi 'am mdor

bstan pa shes pa'o/ /chos so so yang dag par rig pa ni mtshan
nyid gang la don de'i sgra 'am ming 'jug pa'i rgyu mtshan shes
pas ming shes par brtags pa ste/ snga ma gsal bar byed pas rgyas
par bshad pa shes pa'o/ /nges pa'i tshig so so yang dag par rig
pa ni sgra 'am
@276a tshig shes pa ste yul so so'i gang zag gang la sgra gang
gis don gang go bar 'gyur ba de la des de ston par shes pa'o/
/spobs pa so so yang dag par rig pa ni de dag 'jal byed kyi tshad
ma shes pas spobs pa thogs pa dang gtugs pa med pa'o/ /

'di bzhis kyang chos ston pa'i yul dang yul can ma tshang ba med
pa bstan te/ gang bstan bya yul ni chos dang don mtshan gzhi dang
mtshan nyid do/ /gang gis ston byed yul can ni sgra dang tshad ma
ste/ sgras ni chos dang don rtogs pa thob par byed la tshad mas
ni rgol

ba'i lan 'debs pa'i phyir ro/ /nges pa'i tshig ni so so yang dag
par rig pa shes pa zhes bya ba chos kyi dbyings rang byung gi ye
shes mngon du gyur nas de yongs su gcod pa rjes thob kyis chos
dang don la sogs pa shes pa'o/ /las ni gzhan gyi the tshom thams
cad gcod par

byed pa'o/ !/tshogs ni/ rig dang rkang pa'i mtshan nyid tshogs
gnyis kyis/ /yongs dag 'khor bar gos med gzhan don bsgrub/ /lus
dang longs spyod bsod nams dri med pa'i/ /shes rab rgyu dang de
gnyis la sbyor dang/ /dka' spyod zab mo bzod dang mi g.yeng
dang/ /de nyid

rtse gcig pha rol phyin drug bsdus/ /rgyun du bsgom pa thob nas
yang dang yang/ /dge ba bsgrub pas rang gzhan don rdzogs byed/
/sar 'jug mtshan med lhun grub dbang bskur dang// mthar thug bya
phyir tshogs gnyis rab sgrub bo/ /'di la drug las mtshan nyid ni
rig pa

dang rkang pa'i rang bzhin te/ de kho na rnam par nges pas lam
shes pa ni ye shes kyi tshogs yin la/ dge ba'i rtsa ba yongs su
'dzin pas lam des don grub pa'i sar phyin par byed pa ni bsod
nams kyi tshogs so/ /grangs nges pa'i rgyu ni gzhan gyi don du
'khor ba na mngon par mtho ba'i

dpal thob par byed pa dang/ der kun nas nyon mongs pas mi gos
par rgyu bar byed pas so// bsdu ba ni 'di dag dang pha rol tu
phyin pa drug phan tshun bsdus pa ste/ lus dang longs spyod phun
sum tshogs pa bsgrub pas sbyin pa dang tshul khrims ni bsod nams
kyi tshogs so/ /dri

@276b ma med pa'i rtogs pa bsgrubs pa'i shes rab ni ye shes kyi
tshogs so/ /bzod pa la sogs pa gsum ni de gnyi ga ste/ bsod nams
bsgrub pa dang yang dag par shes pa la 'jug pa'i phyir dang/
dka' ba spyod pa dang zab mo'i don la bsran thub pa'i phyir
dang/ gzhan du mi g.yeng ba

dang de kho na la mnyam par 'jog pa'i phyir ro/ /nges tshig ni
saM b+ha ra zhes bya ba saM ni sa na ta na ste rgyun tu'o/ /b+ha
ni b+ha ba na ste bsgom pa thob pa'o/ /ra ni ra big k+Sha na ste
yang dang yang du dge ba bsgrub pa'o/ /las ni rang dang gzhan
gyi don thams cad sgrub par byed pa'o/ /dbye ba ni mos

pa spyod pa'i sa'i tshogs gnyis ni sa la 'jug pa'i don can no/
/sa dang po drug gi ni sa bdun pa mtshan ma med pa'i don can no/
/sa bdun pa'i ni sa brgyad pa dang dgu pa la lhun gyis grub pa'i
don no/ /de gnyis kyis ni sa bcu pa la dbang bskur ba'i don no/
/sa bcu pa'i tshogs

gnyis ni sangs rgyas kyi sa la 'bras bu mthar thug pa'i don can
te lnga'o/ /byang chub kyi phyogs kyi chos ni tshogs de dag dang
lhan cig spyod pa sa dang sa rnams su dngos po la yongs su rtog
pa la sogs pa'i lam sgom pa ste/ sde tshan bdun du brjod pa/
rdzas bcu'i bdag nyid/

slob pa'i lam bzhi pos bsdus pa'o/ !/dngos po la yongs su rtog
pa'i lam dran pa nye bar gzhag pa bzhi ni/ rten dang gnyen po
'jug dmigs yid byed dang/ /thabs dang mthun dang rjes 'jug yongs
shes dang/ /skye dang chen po mchog dang bsgom pa dang/ /yang
dag

'grub pas dran pa nyer gzhag 'phags/ /rten la sogs pa bcu bzhis
rgyal sras rnams kyi dran pa nye bar gzhag pa bzhi khyad par du
'phags pa ste/ rten ni theg pa chen po thos pa dang bsam pa dang
bsgoms pa las byung ba'i shes rab gsum mo/ /gnyen po ni lus la
sogs pa

la bdag med par 'jug pas phyin ci log bzhi'i gnyen po mi gtsang
ba la sogs pa'i 'du shes kyi'ang gnyen po yin pas so/ /'jug pa
ni 'di bzhis go rim bzhin du bden pa bzhi la rang 'jug cing
gzhan 'dzud pa ste/ dbus mtha' las bshad pa ni rim pa bzhin gnas

@277a ngan len rab tu brtags pa dang/ sred pa'i rgyu brtags pa
dang/ bdag tu zhen gzhi brtags pa dang/ kun nas nyon mongs pa
dang rnam byang gi chos la ma rmongs pas bden pa bzhi la 'jug
pa'o/ /dmigs pa ni sems can thams cad kyi

lus la sogs pa'o/ /yid la byed pa ni lus la sogs pa mi dmigs
pa'o/ /thob pa ni lus la sogs pa dang 'bral ba dang mi 'bral bar
bya ba'i phyir yang ma yin pa ste/ chos sku dang ma dag pa'i lus
la bltos pa'o/ /mthun pa ni pha rol tu phyin pa dang mthun

zhing bzlog pa'i gnyen po nyid kyis te/ lus mi rtag par shes nas
phyi nang gi don la ser sna 'gog pa la sogs pas so/ /rjes su
'jug pa ni 'jig rten pa dang nyan thos dang rang rgyal gyi'ang
rjes su 'jug pas de dag la de bstan pa'i phyir de sgom pa'o/
/yongs su shes pa ni yang dag

pa ma yin pa snang bas lus sgyu ma lta bu dang/ log par myong
bas tshor ba rmi laM lta bu dang/ rang bzhin gyi 'od gsal bas
sems nam mkha' lta bu dang/ glo bur pa nyid kyis chos rnams
sprin la sogs pa lta bur shes pa'o/ /skye ba ni bsam bzhin du
srid par 'khor los bsgyur

ba la sogs par skye zhing de la nyon mongs pa med pa'o/ /chen po
ni rang bzhin gyis dbang po rno bas chung ngu yang gzhan gyi de
bsgom pa yang dag pas che ba'o/ /mchog ni bsgom pa yongs su grub
pa rnams 'dres shing nye bar 'dres pas so/ /bsgom pa ni shin tu
bsgoms pas phung

po zhi ba na yang mi zad pa'o/ /yang dag par 'grub pa ni sa bcu
dang sangs rgyas kyis nyid 'thob pa'o/ !/rtsol ba pa'i lam yang
dag par spong ba bzhi ni de goms byed pa'i nyes pa'i gnyen por
ni/ /mtshungs med yang dag spong bzhi rab tu bsgom/ /yongs dag
srid spyod sgrib

dang yid byed 'dor/ /sar 'jug mtshan med lung bstan sems can
smin/ /dbang bskur zhing sbyang mthar thug bya ba'i phyir/ /'dun
pa la brten rnal 'byor rgyur bcas bsgom/ /'di la gsum las spyi'i
mtshan nyid ni dran pa nye bar bzhag pa bsgom pa de'i mi mthun
pa'i

@277b phyogs nyes pa rnams kyi gnyen por 'di bsgoms pas de dag
spong ba'i gnyen po nyid do/ /dbye ba ni bcu ste/ 'khor ba'i
phun sum tshogs pa la kun nas nyon mongs pa med par spyod pa
dang/ sgrib pa lnga 'dor ba dang/ theg pa dman pa'i yid la byed
pa 'dor ba dang/ sa la 'jug

pa dang/ sa bdun par mtshan ma med pa dang/ brgyad par lung
bstan
thob pa dang/ dgu par sems can smin pa dang/ bcu par dbang bskur
ba dang/ de gsum la thun mong du zhing dag pa dang/ sangs rgyas
kyi sa la 'bras bu mthar thug par bya ba'i phyir de ltar gnyen
po bsgom

pa'o; ;bsgom pa'i thabs ni 'dun pa bskyed do/ /'bad do/ /brtson
'grus rtsom mo// sems rab tu 'dzin to// yang dag par rab tu 'jog
go zhes bya ba ste/ dang por rnal 'byor bsgom pa la mos par byed
pas 'dun pa bskyed do/ /de las ni rtsol ba bskyed nas 'bad par
byed de

rnal 'byor rnam pa gnyis rgyu mtshan dang bcas par bsgom mo/
/yan
lag gang gis zhe na/ brtson 'grus rtsom pas so/ /ji ltar rtsom
pas zhe na/ sems rab tu 'dzin pa'i shes rab dang yang dag par
'jog pa'i zhi gnas gnyis kyis/ zhi gnas kyi gegs su gyur ba'i
nye

ba'i nyon mongs pa zhum pa dang/ lhag mthong gi gegs rgod pa'i
gnyen po zung ngu 'brel ba goms pa las mnyam par gnas pa btang
snyoms 'thob pa ni gnyen po yin pa'i phyir ro/ !ting nge 'dzin
spyod pa'i lam rdzu 'phrul gyi rkang pa'i dbang du byas nas/
bsam gtan la brten

'dun sogs mtshan nyid bzhi/ /thabs rnam bzhi las 'bras bu rnam pa
drug /mngon par sgrub pas grub pa'i yan lag ni/ /rdzu 'phrul
rkang pa bzhi po rnam par bzhag /'di la bzhi las rten ni bsam
gtan gyi pha rol tu phyin pa'o/ /rab tu dbye ba ni bzhi ste/
'dun pa bskyed pa

tsam dang/ brtson 'grus brtsam pa dang/ sems yang dang yang du
gtod pa dang/ yul dpyad pa las thob pa'i ting nge 'dzin bzhi'i
mtshan nyid can no/ /'bras bu la las su rung bar byed pa'i thabs
ni rnam pa bzhi ste/ spong ba'i 'du byed brgyad las dad pa dang
'dun pa dang brtson 'grus

@278a gsum ni yid ches shing don du gnyer nas 'bad par byed pa'i
phyir 'bad par byed pa'i thabs so/ /shin tu sbyangs pa ni phan
'dogs pa'i thabs so/ /dran pa dang shes bzhin gnyis ni dmigs pa
las mi 'gro ba dang 'phro ba shes pa'i phyir gtod par byed

pa'i thabs// //sems pa dang btang snyoms gnyis ni gnyen po'i
thabs te zhum pa dang rgod pa'i gnyen po yin pa'i phyir ro/ /des
'bras bu mngon par bsgrub pa ni drug ste/ spyan lnga'i mthong ba
dang/ mngon shes drug gi gdams

ngag dang/ ting nge 'dzin mang pos sprul pa la sogs par rtse ba
dang/ smon lam gyi stobs rmad du byung bas lus dang dbyangs
dang
'od la sogs pa grangs med pa bsgrub pa'i smon lam dang/ tshe la
sogs pa'i dbang bcu dang/ stobs dang mi 'jigs pa la sogs pa
sangs

rgyas kyi chos rnams thob pa las rang dang gzhan gyi don thams
cad yang dag par 'grub pa'o// rdzu 'phrul gyi rkang pa'i sgra
don ni grub pa'i yan lag ste rdzu 'phrul la sogs pa'i 'bras bu
bsgrub pa'i ting nge 'dzin du blta'o/ !mngon par rtogs par sbyor
ba'i lam dbang po dang/

mngon par rtogs pa dang 'brel ba'i lam stobs gnyis kyi dbang du
byas nas/ byang chub spyod dang thos mchog gi gnas dang/ /lhag
mthong gzhi la dad sogs dbang byed de/ /de nyid sar 'jug dri mar
bcas pa yang/ /mi mthun nyam chung nyid phyir stobs su brjod/
/dbang

po'i gzhi'am dmigs pa ni lnga ste/ dad pa'i yul byang chub dang/
brtson 'grus kyi byang chub sems dpa'i spyod pa dang/ dran pa'i
theg pa chen pos bsdus pa'i thos pa mchog dang/ ting nge 'dzin
gyi zhi gnas dang/ shes rab kyi lhag mthong ngo/ /rang bzhin gyi
dbye ba ni dad pa'i

dbang po la sogs pa lnga ste/ dad pa'i dbang po ni byang chub
yod pa dang yon tan can du yid ches nas thob par nus par 'dun pa
kun nas slong ba'o/ /brtson 'grus ni spyod pa des mi skyo bar
sbyor ba'o/ /dran pa ni ji ltar thos pa'i don nges par 'dzin pas
sems pa'o/ /ting nge

@278b 'dzin ni zhi gnas bsgrub pa'o/ /shes rab ni lhag mthong
bsgrub pa'o/ /dbang po nyid kyi sgra don ni dmigs pa de dag la
dbang byed pas don thams cad bsgrub pa'o/ /stobs kyi rang bzhin
ni dad pa la sogs pa lnga po de dag nyid mthu rtas pas sa'i
sbyor ba thob pas sa

la 'jug par brjod pa'o/ /sa la 'jug pa tsam yin gyis non pa ni
ma yin te ma dad pa la sogs pa kun nas nyon mongs pa dang ldan
pas so/ /'o na stobs su ji ste brjod snyam na/ sgra'i don ni mi
mthun phyogs nyam chung zhing gnyen po stobs che bas so/
!/mngon
par

rtogs pa'i lam byang chub kyi yan lag ni/ sa la zhugs pas chos
rnams bdag med dang// bdag gzhan mnyam rtogs byang chub yan
lag
bdun/ /shes bya las rgyal mngon zhen kun sel dang// mngon shes
myur thob chos kyi snang ba yis/ /rab tshim rnam thar bde dang
ting 'dzin

gyis/ /dbang 'byor kun tu ji ltar 'dod pa bzhin/ /gnas las 'khor
los bsgyur rgyal rin po che/ /bdun gyis dbang bsgyur lta bur rab
bder gnas/ /rang bzhin gnas dang nges 'byung phan yon dang/
/nyon mongs med pa'i yan lag las bdun nyid/ /'di la gsum las/
thun

mong gi mtshan nyid ni sa la zhugs shing sa thob pa'i gnas skabs
kyi chos la bdag med par rtogs pas chos thams cad mnyam pa nyid
dang/ bdag dang gzhan gyi bde sdug mnyam pas sems can thams
cad
mnyam pa nyid du rtogs pa'o/ /byed pa dpes bstan pa ni dran pas

shes bya ma rgyal ba rgyal bar byed pas 'khor lo rin po che
g.yul ma phebs pa phebs pa lta bu dang/ chos rnam par 'byed pas
rtog pa thams cad 'joms pas glang po phyir rgol ba kun 'joms pa
lta bu dang/ brtson 'grus kyis mngon shes myur ba bsgrubs pas
rta myur

dus chen po rgya mtsho'i mthas klas par 'gro ba lta bu dang/ dga'
bas chos kyi snang ba 'phel ba las lus thams cad bde bas tshim
par byed pa nor bu'i snang ba dga' bar byed pa lta ba dang/ shin
tu sbyangs pas gnas ngan len gyi sgrib pa thams cad las grol bas
bud med

@279a kyis dga' bar byed pa lta bu dang/ ting nge 'dzin gyis
bsams pa'i don thams cad 'byor par byed pas khyim bdag gis don
thams cad bsgrub pa lta bu dang/ btang snyoms kyis yon tan dman
pa las 'da' zhing mchog la sbyor ba la ji ltar

'dod pa bzhin gnas pa thob pas blon pos dpung gi tshogs dbul ba
dang 'dor ba ci rigs pa byed cing de dag mi dub par 'gro ba dang
gnas par byed pa lta bu ste/ 'khor los bsgyur ba'i rgyal po rin
po che sna bdun gyis dbang bsgyur ba ltar bde bar gnas pa

mchog thob pa'o/ /grangs nges pa ni yan lag lngas don thams cad
bsgrub pa ma tshang ba med pa las te/ dran pa ni thams cad de la
brten nas 'byung bas gnas kyi yan lag go /chos rnam par 'byed pa
ni byang chub kyi ngo bo nyid kyis rang bzhin no/ /brtson 'grus
ni mthar

ma thug gi bar du rgyun mi gcod pas nges par 'byung byed do/
/dga' ba ni lus sems bde bar byed pas phan yon no/ /shin tu
sbyangs pa dang ting nge 'dzin dang btang snyoms gsum ni gang
gis dang/ gang la brten nas dang/ kun nas nyon mongs pa med pa
gang yin pa'i dbang du

byas kun nas nyon mongs pa med pa'i yan lag yin pa'i phyir/
!/rnam par dag pa nges par 'byin pa'i lam gyi yan lag brgyad ni/
rtogs don yongs gcod rnam gzhag go byed dang/ /las gsum dag pas
gzhan yid ches par byed/ /shes bya lam dang yon tan

mngon 'gyur ba'i/ /sgrib gsum gnyen por lam gyi yan lag brgyad/
/de'i 'og tu chos rnam par 'byed pa'i yan lag de nyid 'phags
pa'i chos kyi rgyur yongs su gcod pas ji lta ba bzhin du rtogs
pa'i rjes su 'jug pa ni yang dag pa'i lta ba'o/ /rtogs pa de
nyid brjod pa'i

tshul la mkhas pas tha snyad du byed pa rnam par bzhag pa yongs
su gcod cing/ sangs rgyas rnams kyis ji ltar mngon sum du mdzad
pa'i rgyu mthun pa bstan pa'i chos rin po che la yang 'jug pa ni
yang dag pa'i rtog pa'o/ /ngag gi las dang/ lus kyi las dang/
gnyi ga'i las

@279b gsum rnam par dag pas skyes bu dam par yid ches par byed
pa ni yang dag pa'i ngag dang/ yang dag pa'i las kyi mtha' dang/
yang dag pa'i 'tsho ba'o/ /mi mthun phyogs kyi gnyen po ni gsum
ste/ yang dag pa'i rtsol bas yun ring por mi skyo bar sbyor ba
shes bya'i sgrib

pa'i gnyen po dang/ yang dag pa'i dran pas zhi gnas kyi rgyu
mtshan zhum pa'i gnyen po'i dmigs pa dang/ rab tu 'dzin pa'i rgyu
mtshan rgod pa'i gnyen po'i dmigs pa dang/ btang snyoms kyi rgyu
mtshan gnyi ga'i gnyen po'i dmigs pa la zhum pa dang rgod pa med
pa'i

phyir lam mngon du bya ba'i sgrib pa'i gnyen po dang/ yang dag
pa'i ting nge 'dzin ni yon tan la khyad par can gyi sgrib pa'i
gnyen po'o/ /des na grangs nges pa'ang rje btsun gyis/ yongs su
gcod dang go byed dang/ /rnam gsum gzhan yid ches par

byed/ /mi mthun phyogs kyi gnyen por ni/ /lam gyi yan lag de
brgyad do zhes gsungs so/ !/zhi gnas dang lhag mthong dag ni/
mnyam par bzhag pas dmigs la rtse gcig dang/ /de nyid rnam 'byed
zhi gnas lhag mthong ste/ /lam rnams kun khyab gtso ches mnyam

'jug pas/ /yon tan ma lus rab tu sgrub byed pa'o/ /'di la gsum
las/ mtshan nyid ni yang dag pa'i ting nge 'dzin la brten nas
mnyam par bzhag pas dmigs pa la brtan par chags pa'i phyir sems
la sems 'jog pa rtse gcig pa dang/ chos rnams kyi de kho na ji

lta bar rnam par 'byed pas 'jug pas te/ gnyi ga ting nge 'dzin
gyi mtshan nyid can no/ /dbye ba ni lam dang ngo bo nyid kyi dbye
ba gnyis so/ /dang po ni/ mos pa spyod pas sa la 'jug pa dang/
sa dang po drug tu mtshan ma dang bcas pa las nges par 'byung ba
dang/ sa bdun par

mtshan ma med pa dang/ sa brgyad pa la sogs pa gsum du lhun gyis
grub par 'jug pa dang/ sa de gsum nyid las yongs su dag pa zhing
sbyang ba dang/ rnam par dag pa sangs rgyas nyid 'thob par byed
pa'o/ /ngo bo nyid kyi dbye ba ni cha gcig pa zhes bya ba ni
gnas gtso bor gyur pa'i lam

@280a dang/ lhag mthong gtso bor gyur pa'i lam dang/ cha gcig pa
ma yin pa gnyi ga cha mnyam pa'i lam ste gsum mo/ /las ni yon
tan thams cad sgrub par byed pa'o// ! thabs la mkhas pa'i dbang
du byas nas/ mi rtog bsdu dang sdig pa 'chags

sogs dang/ /sgo gnyis mi gnas zhi bas don kun 'grub/ /'di la
gnyis las/ rang bzhin gyi dbye ba ni lnga ste/ sangs rgyas kyi
chos rdzogs par byed pa'i thabs rnam par mi rtog pa'i ye shes
dang/ sems can smin par byed pa bsdu bzhi dang/ myur du mngon
par 'tshang

rgya ba sdig pa bshags pa dang/ rjes su yi rang ba dang/ gsol ba
'debs pa dang/ bsngo ba dag dang/ bya ba 'grub pa ting nge 'dzin
dang gzungs kyi sgo gnyis dang/ lam rgyun mi gcod pa'i thabs mi
gnas pa'i mya ngan las 'das pa'o/ /las ni rang dang gzhan thams
cad kyi

don sgrub par byed pa ste/ dang po dang gsum pas ni rang don no/
/gnyis pa dang bzhi bas ni gzhan don no/ /tha mas ni gnyi ga'i
don no/ !/gzungs rnam par dbye ba ni/ rnam smin thos la goms
gzungs chung ngu ste/ /ting 'dzin la brten chen po de yang gsum/
/sar ma zhugs

dang ma dag pa yi sas/ /dam chos 'dzin cing ston pas don chen
byed/ /'di la gnyis las/ rab tu dbye ba ni sngon gyi las kyi
rnam par smin par gyur pa dang/ mthong ba'i chos la mang du thos
pa goms pas len pa dang 'dzin par nus pa chung ngu gnyis dang
ting nge 'dzin la brten pa'i

gzungs te chen po'o/ /de'ang 'bri ba dang klog pa dang mchod pa
la sogs pa'i rgyu las dran pa dang shes rab dang spobs pa'i
khyad par thob pas rtogs pa dang mi brjed pa dang ston par nus
pa'o// chen po de'ang rnam pa gsum ste/ sa la ma zhugs pa'i
chung ngu dang/ zhugs pa ma dag pa'i

sa bdun gyi 'bring dang/ dag pa'i sa gsum gyi chen po'o/ /las ni
dam pa'i chos ston pa dang/ 'dzin pas don chen po bsgrub pa'o/
!/smon lam rnam par dbye ba ni/ sems pa 'dun bcas smon lam ye
shes ldan/ /sa rnams kun khyab mod dang phyis 'bras 'grub/ /mos
dang sa

@280b bcu sangs rgyas sa rnams su/ /sna tshogs sogs gsum rang
gzhan don rab sgrub// 'di la lnga las/ ngo bo nyid ni thob bya
dam pa la sems mngon par 'du byed pa'i sems pa/ de thob pa don
du gnyer ba'i 'dun pa dang mtshungs ldan no/ /gzhi ni ye shes te/
des yul rtogs pa

las 'jug pas so/ /yang na sems la ye shes su bsngos pas so/ /sa
ni so so'i skye bo'i sa dang/ sa bcu dang/ sangs rgyas kyi sa
ste bcu gnyis su khyab pa'o/ /rab tu dbye ba las 'bras bu'i sgo
nas dbye ba ni gnyis te/ mod la 'bras bu 'grub pa ni sems tsam
las ji ltar 'dod

pa'i 'bras bu 'grub pa sangs rgyas kyi smon gnas mkhyen pa la
sogs pa'o/ /ma 'ongs pa na 'dod pa'i don 'grub pa ni de las
gzhan no/ /sa'i sgo nas dbye ba ni sna tshogs pa mos pa spyod pa
dang/ sa la zhugs pa'i smon lam rgya chen po bcu dang/ rnam par
dag pa byang chub kyi

bar du sa gong nas gong du sa rnam par dag pa'i khyad par ro/
/las ni rang dang gzhan gyi don rab tu bsgrub par byed pas so/
!/ting nge 'dzin rnam par dbye ba ni/ bdag med gnyis dang bdag
'dzin rten dang ni/ /de rtag zhi la dmigs pa'i ting 'dzin gsum/
/bdag tu mi rtog rten la

rgyab phyogs dang/ /de rtag zhir dga' shes spong mngon sum byed/
/mi rtag pa dang sdug bsngal bdag med dang/ /zhi ba rab rtogs
ting 'dzin gsum gyi rgyu/ /kun btags med don gzhan dbang rnam
rtog don/ /de dag rtog tsam yongs grub rtog bral don/ /'di la
lnga las dmigs

pa'i khyad par ni mtshan nyid gsum gyi de kho na ste lta ba'i
spyod yul bdag med pa gnyis dang/ de'i rten phung po lnga dang/
de rab tu zhi ba'i don no/ /rang bzhin ni gzung ba spyod yul de
gsum la 'dzin pa stong pa nyid kyi ting nge 'dzin la sogs pa
gsum 'jug pa'o/ /rnam pa ni gang

zag dang chos kyi bdag tu rnam par mi rtog pa dang/ bdag tu
'dzin pa'i rten de la rgyab kyi phyogs pa dang/ de'i rten nye
bar zhi ba de la dus thams cad du dga' ba dang ldan zhing spro
ba mang ba'o// dgos pa ni bdag med gnyis yongs su shes pa dang/
bdag tu 'dzin pa'i rten spangs pa@281a dang/ de nye bar zhi ba
mngon sum du bya ba'o/ /rgyu'i
khyad par ni chos kyi sdom rnam pa bzhi ste/ dbye ba ni 'du byed
thams cad mi rtag pa dang sdug bsngal ba gnyis ni smon pa med
pa'i ting nge 'dzin gyi rgyu'o/ /chos thams cad bdag med pa ni
stong pa nyid kyi sa'o/ /

mya ngan las 'das pa zhi ba ni mtshan ma med pa'o/ /mtshan nyid la
mi rtag pa ni kun btags rtag tu med pa'i don no/ /sdug bsngal ba
ni gzhan dbang yang dag pa ma yin pa'i don te/ gdung ba'i mtshan
nyid 'ba' zhig ni ma yin gyi dman par gyur pa tsam yin pas

sdug bsngal gsum char bzung ngo/ /yang bdag med pa ni kun tu
rtog pa tsam gyi don te kun btags pa'i bdag ni med kyi kun rtog
tsam yod pas kun btags de'i med pa'i don du blta'o/ /zhi ba ni
yongs su grub pa rnam rtog nye bar zhi ba'i mya ngan las 'das
pa'o/ /gal

te mi rtag pa med pa'i don du 'dod na de shes pa stong pa'i
rgyur 'thad de shes pa tsam gyis mthar phyin pas so/ /spang
bya'i don ni ci yang med pas smon pa med pa'i rgyud ci ltar
'thad snyam na/ de ni skad cig ma'i dngos po nyid du dgongs pa
ste/ med par gsungs pa ni rnam grangs tsams

du zad do/ !/byang chub sems dpa'i sa las 'byung ba yang ngo tsha
shes pa ni/ bya ba mi byed bya min la sbyor dang/ /sdig pa 'chab
dang gnas min 'gyod gnas la/ /bdag gzhan dbang byas rab tu 'dzem
pa gang/ /rgyal sras rnams kyi ngo tsha khrel yod yin/ /'di la
gnyis

las/ gnas ni bzhi ste/ bya ba la nan tan mi byed pa dang/ bya ba
ma yin pa la nan tan byed pa dang/ rang gi sdig pa 'chab pa
dang/ 'gyod pa skyes pas rtog pa dang bcas pa zhar la byung
ba'o// ngo bo nyid ni de bzhi la bdag gi cha ma yin pa shes nas
'dzem pa ngo tsha shes pa dang/

gzhan dag la 'jigs shing gus pas 'dzem pa khrel yod pa ste/
byang chub sems dpa'i 'dzem pa de'ang rang bzhin nyid kyis shas
che ba yin na goms pa lta ci smos pa'o/ !/brtan pa ni/ gnas lnga
dag la nyon mongs sdug bsngal dang/ 'jigs sogs bsran thub snying

@281b stobs brtan par gsungs/ /'di'i gnas lnga ni 'khor ba'i
sdug bsngal sna tshogs dang phrad pa dang/ gdul bya'i log bsgrub
sna tshogs pa dang/ gzhan don du 'khor bar ring du gnas par khas
blangs ba dang/ rgol ba dag gis 'tshe'ang 'khor mang po la chos
ston pa dang/

rgyal sras kyi bslab pa'i gzhi bzung ste zab cing rgya che ba'i
chos nyan pa'o/ /ngo bo nyid ni gnas lnga po de la nyon mongs
kyi dbang du mi 'gyur bar sdom pa dang/ sdug bsngal dang du len
pa dang/ 'jigs pa mi bzad pa dang phrad kyang yang dag pa'i
sbyor ba las mi g.yo ba dang/ rang

bzhin gyis snying stobs che ba'am so sor brtags pas brtan pa'i
stobs bskyed pa'o/ !/mi skyo ba ni/ stobs ldan goms dang brtson
'grus shes rab dang/ /snying rje yang dag sbyor la mi skyo
ba'o// yang dag pa'i sbyong ba thams cad la rgyu lngas mi skyo
ba ste/ rang bzhin gyis stobs dang

ldan pas dang/ yid mi skyo ba nyid mang du goms pa dang/ thabs
kyis zin pa'i brtson 'grus kyis snga phyi'i bye brag shes pa
dang/ shes rab kyis so sor rtogs pa'i stobs drag po dang ldan pa
dang/ sems can la snying brtse ba drag po rgyun tu nye bar gnas
pas skyo bar mi 'gyur ba'o//

! bstan bcos shes pa ni/ rig pa'i gnas lnga'i gtsug lag dag la
ni/ /thos dang bsam pas dmigs phyed bstan bcos rig /rig pa'i
gnas lnga las brtsams te ming gi tshogs la sogs pa dang ldan pa'i
chos gzhan las legs par thos shing kha ton byang ba dang/ don
yang

legs par thos pa'am/ yang na bdag nyid kyis legs par brtags pas
chos dang don shes pa dang/ de nyid mi brjed pa dang bye brag
sar pa dag gong nas gong du shes par bya ba'i phyir sbyor ba mi
gtong ba'o/ /thos bsam gyi mthar thug pa des chos dang don de la
dus gzhan na

smin par byas pa'i dad pa thob pa'ang yin te/ rnam pa de dag gis
ni bstan bcos shes pa tshad med pa dang yongs su rdzogs pa dang
phyin ci ma log par blta'o/ !/'jig rten shes pa ni/ skye rga na
'chi snyigs ma lnga bdo bas/ /sems can 'jig rten dman yongs shes
shing/ /'jig

@282a dang 'chags pa snod dang skye 'gog dang/ /ro myang nyes
dmigs nges 'byung sogs kun shes/ /mtho dman bar ma 'dris dang ma
'dris sogs/ /kun la brtse zhing des dang dul ba dang/ /drang
po'i sbyor bas gnod byed thag bsrings te/ /rtag tu

phan dang bde la ci nus 'god/ /'di la gnyis las/ mtshan nyid ni
sems can gyi 'jig rten la nyam nga bar zhugs pa skye ba la sogs
pas nyen kyang de las nges par 'byung ba mi shes so// snyigs ma
lnga shas che ba dang chung ba dang med pa'i dus kyang shes te/
da ltar

ni snyigs ma lnga bdo bas/ mi rnams tshe thung ste ring na lo
brgya thub par zad do/ /sems can phal cher phar mi 'dzin pa la
sogs pas don du 'gyur ba dang bya bar rigs pa mi byed pa/ 'jig
rten 'di dang pha rol gyi kha na ma tho ba la mi 'jigs pa/ sbyin
pa dang bsod nams

dang bsnyen gnas dang tshul khrims la mi gnas pa sha stag go
/phal cher chos ma yin pa la 'dod chags shing mi mthun pas chags
pa/ mtshon cha dang dbyig pa thogs pa/ 'thab rtsod dang mtshang
'bru ba dang 'drid pa dang mi srun pa dang rdzun smra ba la sogs
pa sdig pa'i

chos mang po snang ngo/ /dam pa'i chos 'jig cing nub par 'gyur
ba chos ltar bcos pa mang po log pa'i chos dang don spyod pa
sngon du 'gro ba 'byung ngo/ /mu ge dang nad mtshon gyi bskal pa
phal cher 'byung ste/ sngon ni de lta bu ma byung bar shes so/
/snod kyi 'jig rten ji ltar chags

pa dang 'jig pa yang shes/ /yang 'jig rten dang 'jig rten kun
'byung ba dang 'jig rten 'gog pa dang/ 'jig rten 'gog par 'gyur
ba'i lam dang/ 'jig rten gyi ro myang ba dang nyes dmigs dang
nges par 'byung ba yang shes so/ /las ni ches rgan pa'am yon tan
che

bas mtho ba mthong na legs par smra/ langs te stan stobs/ mngon
du ldang/ thal mo sbyor/ 'dud phyag 'tshal lo/ /de dag gi mnyam
pa la ni 'jam pa dang mnyen pa'i tshig smra dga' bar byed kyi nga
rgyal gyis bdag dpog par mi byed do/ /dma' ba la ni yon tan
bskyed par ci nus su

@282b spo ba bskyed/ yon tan chung ngu yang brjod/ nyes pa 'chab
cing brnyas pa spong ngo// thams cad la yang gsong por smra ste
tshur shog 'ongs pa legs so zhes te/ ngal gsor 'jug cing chos
dang zang zing ci nus pas sdud do/ /gzhan la gya gyus mi slu/
mtho ba'i khyad par gang gis kyang

mi 'gying ngo/ /thams cad la yang yo byad dang gzhi gsum gyi las
kyis yal bar mi 'dor ro// 'dris pa ltar ma 'dris pa la yang byed
do/ /kun kyang mdza' por byed pas phyir rgol ba mi byed do//
mgon med rten med dag gi bya ba ci nus byed do/ /rnam grangs
gang gis kyang gzhan la mi bde bar

mi byed do/ /gzhan gyis yid dang mi mthun par byas na'ang so sor
brtags nas chos nyid la rton pa'am yang na rang gi sngon las su
blta'o/ /tshe 'di'i longs spyod la sogs pa bsgrub pa la'ang rtsol
phod cing bsrung ba la bsgrin pa dang mthun pas 'tsho ba dang/
bzo dang las kyi gnas la

mkhas pas so/ /g.yo sgyus gzhan mi 'drid cing sdig la 'dzem pas
spyod pa phun sum tshogs pa'o/ /gzhan gyis rdzas gtams pa la
g.yo mi byed cing bu lon la dor mi byed do/ /rin po che nas kar
sha pa Na yan chad mi shes pa dag mi slu'o/ /tha snyad kyi tshul
'jig rten pa la

phan pa rnams la g.yer bag che ba dang/ gzhan gyi bya ba gang
gi grogs bcol ba de la grogs byed cing mi 'gyur la gtam rlung la
mi skur ro/ /las kyi mtha' bzang po kho na rtsom mo/ /rgyal po
byed na'ang chos bzhin byed cing chos ma yin pas chad pa mi gcod
de/ skye bo mang

po sdig pa las bzlog cing tshul khrims la 'dzud do/ /'phags pa'i
tha snyad brgyad dang ldan te mthong ba dang ma mthong ba la
sogs pa brgyad la de kho na ltar smra bas so/ /de ltar 'jig rten
shes pa'i ngo bo nyid dang las de gnyis ni 'jig rten ji ltar
shes par bya ba dang/

'jig rten na ji ltar gnas par bya ba la mkhas pas 'jig rten shes
par brjod pa'o/ ! /rton pa bzhi ni/ don lta lhur byed tshig 'bru
legs sbyar min/ /rigs pa'i rjes 'brang gang zag tsam gyi min/
/thub pa'i nges don gsung 'dzin drang don min/ /bsgoms rtogs ye

@283a @#/ /shes gtsor byed shes tsam min/ /bstan don rigs pa ston
pa bsgoms rtogs pa'i/ /tshad ma bzhi yis ji bzhin lam la sbyor/
/don 'dod pas chos nyan gyi tshig 'bru legs par sbyar ba 'dod pas
ma yin pas phal pa'i skad kyis chos bstan

na yang don la gus pas nyan no/ /nag po bstan pa dang chen po
bstan pa shes nas rigs pa la rton gyi gnas brtan nam shes pa can
nam ston pa'am sangs rgyas kyis bshad do zhes gang zag la mi
rton no/ /de ni de kho na las mi g.yo zhing gzhan gyi dring mi

'jog pa'o/ /sangs rgyas la dad pa dang dga' bas zhen te gsung la
gcig tu nges par dga' bas nges don gyi mdo la rton gyi drang don
la ma yin no/ /des chos 'dul ba las mi 'phrogs te/ drang don gyi
mdo ni sgo sna tshogs nas zhugs pa'i don gyi dbye ba ma nges pas
the

tshom bskyed pa'o/ /nges don la'ang yid mi ches na ni chos 'dul
ba las phrogs par 'gyur ro/ /rtogs pa'i ye shes la snying por
blta'i/ thos bsam gyis rnam par shes pa tsam la ni ma yin no/
/bsgoms pa'i shes pas rig par bya ba ni thos bsam gyi don rnam
par

shes pa tsam gyis shes par mi nus par rig nas/ ston pa'i gsung
mchog tu zab pa'ang mi spong zhing mi skur ro/ /de ltar na legs
par zhugs pa'o/ /rton pa bzhi las ni tshad ma bzhi bstan te/
bstan pa'i don dang/ rigs pa dang/ ston pa dang/ bsgoms pa las

byung ba rtogs pa'i ye shes so/ /rtogs pa de bzhi ni yang dag
pa'i sbyor ba rtsom pa'i nges par 'byin pa 'khrul pa med pa gsal
bar byas pa'o/ !/so so yang dag par rig pa bzhi ni/ mtshan gzhi
mtshan nyid sgra dang tshad ma rnams/ /ji bzhin ji snyed mngon
gyur phung po

khams/ /skye mched rten 'brel gnas dang gnas min la/ /mkhas pas
legs par rtogs shing ston par byed/ /chos thams cad kyi rnam
grangs kyi don mtshan bzhi la ji snyed yod pa dang ji lta ba
bzhin yod pas bsgoms pa las byung ba'i shes pa thogs pa med

@283b cing mi bzlogs pa chos so so yang dag par rig pa dang/
chos thams cad kyi mtshan nyid thams cad la de bzhin pa don so so
yang dag par rig pa dang/ chos thams cad kyi nges pa'i tshig
thams cad la de bzhin pa dang/ chos thams cad kyi rnam pa rab tu
dbye ba thams

cad la de bzhin ba spongs pa so sor yang dag par rig pa'o/ /de
dag gis ni gnas lnga la mkhas pa dpag tu med par 'gyur te/ phung
po dang khams dang skye mched dang/ rten 'brel dang gnas dang
gnas ma yin pa la mkhas pa'o/ /'di bzhis chos thams cad

bdag nyid kyis legs par mngon par sangs rgyas nas gzhan la'ang
rab tu ston te/ de las gong na rang gis mngon par byang chub
pa'ang med na gzhan la rab tu bstan pa lta ga la yod/ ! tshogs
gnyis ni/ sbyin tshul bzod gsum bsod nams shes rab ni/ /ye shes
tshogs

te brtson 'grus bsam gtan gnyis/ /gnyi ga'i phyogs gtogs de dag
rgyu rnam gsum// 'dun dang mthun la mi mthun med pa'i rkyen/
/gnyi ga sngon goms gnod med nus ldan dang/ /phyin ci ma log
mkhas pa 'bras bu bzhi'o/ /bsod nams kyi tshogs ni pha rol tu
phyin pa

gsum ste/ sbyin pa dang tshul khrims dang bzod pa'o/ /ye shes ni
gcig ste shes rab bo// brtson 'grus dang bsam gtan ni gnyi ga'i
phyogs te/ brtson 'grus las sbyin pa dang tshul khrims dang byams
pa la sogs pa bsgrub pa ni bsod nams kyi tshogs so/ /des thos pa

dang bsam pa dang bsgom pa la sbyor zhing/ phung po la sogs pa
lnga dang/ bden pa bzhi dang dge ba dang mi dge ba dang ngan pa
dang bzang po la sogs pa ji lta bar rnam par 'byed pa ni ye shes
kyi tshogs so/ /bsam gtan gyis kyang sbyin pa la sogs pa bsgrub
pa dang/ thos pa la

sogs pa bsgrub pa las de bzhin no/ /tshogs gnyis kyi rgyu ni gsum
ste/ de gnyis thob pa dang gnas pa dang 'phel ba la 'dun pa
dang/ mthun pa dang mi mthun pa med pa'i rkyen dang/ sngon yang
de gnyis goms pa'o/ /bar ma de ni phyin ci log gi rkyen sdig
grogs dang phrad

@284a nas tshogs gnyis log par bstan pas log par yid la byed pas
nye bar mi 'gyur zhing/ bzlog pa phyin ci ma log pa'i rkyen nye
bar gyur pa dang/ de gnyis thob pa dang gnas pa dang 'phel ba'i
bar du gcod pa spong zhing mi skyed pa'o/ /rgyu de gsum

gang rung gcig ma tshang na'ang mi skye'o/ /'bras bu ni bzhi ste
bsod nams kyis gnod pa med par 'khor ba na 'khor zhing sdug
bsngal gyis gzir ba med pa dang/ ci dgar sems can gyi don byed
nus pa dang/ ye shes kyis yang dag par bsod nams 'dzin gyi log

par ma yin pa dang/ mkhas par bya ba dpag tu med pa mngon par
'tshang rgya ba'i bar du 'gyur ro/ /rnam par smin pa dang de'i
rgyu 'bras thams cad ni bsod nams la brten nas 'byung la/ bsod
nams ni ye shes la brten nas te 'di gnyi ga byang chub thob pa'i
rgyu dam pa ste/

bsod nams ni gtso bo'o/ /ye shes ni bla na med pa'o/ /'di gnyi
ga bskal pa grangs med pa dang po la ni chung ngu'o/ /gnyis pa
la ni 'bring ngo/ /gsum pa la ni chen por blta'o/ !/byang chub
kyi phyogs kyi chos ni/ so sor rig bzhis thabs kyis yongs zin
pa'i/ /ye shes kyis

ni phyogs chos sum cu bdun/ /yang dag shes kyang mngon sum byed
min te/ /theg pa gnyis dang bden gnyis tshul gyis shes/ /so so
yang dag par rig pa bzhi po la brten nas thabs kyis zin pa'i ye
shes kyis chos 'di rnams ji lta bar shes kyang mngon sum du ni
mi byed do/ /

des nyan thos kyi theg pa dang theg pa chen po'i tshul gnyis ji
lta bar shes te/ dang po ni nyan thos kyi sa las rgyas par
blta'o/ /gnyis pa ni lus la lus kyi rjes su blta yang dngos por
mi rtog la thams cad du med par yang mi blta ste/ lus brjod du
med pa'i ngo bo chos nyid

du shes pa ni don dam pa ste/ kun rdzob tu ni rnam par bzhag
pa'i tshul tshad med pa dang ldan par lus la blta'o/ /dran pa nye
bar gzhag pa lhag ma dang byang chub kyi phyogs lhag ma yang
de
bzhin no// yang lus la sogs pa la sdug bsngal lam kun 'byung bar
yang mi

@284b rtog la/ des byas pa'i spangs pa la yang 'gog par mi rtog
/de thob pa'i rgyu la'ang lam du mi rtog la/ brjod du med pa'i
chos nyid kyis bden pa bzhi'i chos nyid kyang shes te/ don dam
pa la brtan pa'o/ /kun rdzob tu ni bden pa la dmigs pa'i bsgom
pa'i tshul tshad med pa shes

par blta'o/ !/zhi gnas dang lhag mthong gi dbang du byas nas/
chos la mi rtog de nyid ji bzhin shes/ /zhi gnas lhag mthong
rnam dbye bzhi bzhir gsungs/ /chos de dag la de ltar rnam par mi
rtog pa ni zhi gnas so/ /chos rnams la yang dag par ji lta ba
shes pa don dam pa

de dang/ rnam par bzhag pa'i tshul tshad med pa shes pa ni lhag
mthong ngo/ /zhi gnas ni bzhi ste/ don dam dang brdar btags pa'i
shes pa sngon du 'gro ba dang de gnyis kyis shes pa'i 'bras bu
dang/ spros pa'i 'du shes thams cad la lhun gyis grub par 'jug
pa dang/ brjod du

med pa'i dngos po tsam de la yang mtshan ma med pa'i phyir mi
rtog pa'i sems zhi bas chos thams cad mnyam pa nyid du ro gcig
par 'gro ba ste/ 'di bzhis zhi gnas kyi lam ni bla na med pa'i
byang chub kyi ye shes gzigs pa 'grub pa dang yang dag par 'grub
pa'i bar du

'jug go /lhag mthong yang bzhi ste/ zhi gnas sngon du 'gro ba de
bzhin nyid dang/ chos thams cad la sgro 'dogs pa dang/ skur pa
'debs pa 'dzin pa ngan pa'i mtha' spangs pa gnyis dang/ chos rab
tu dbye ba rnam gzhag gi tshul tshad med pa dang ldan pa ste/ snga
ma ltar

'grub pa'i bar du 'jug pa'o/ !/thabs la mkhas pa ni/ nang gi
sangs rgyas chos bsgrub rnam drug dang/ /phyi rol sems can smin
byed rnam drug gi/ thabs las sems can rjes 'dzin tha ma bzhi/
/'grub pa'i thabs kyang rnam drug nyid du gsungs/ /thabs la
mkhas pa ni bcu gnyis

te nang gi sangs rgyas kyi chos 'grub pa las brtsams pa drug
dang/ phyi rol gyi sems can smin par bya ba las brtsams pa drug
go /dang po ni/ sems can thams cad la snying rjes blta ba dang/
'du byed thams cad ji lta bar shes pa dang/ byang chub chen po'i
ye shes 'dod pa dang/

@285a sems can la blta bas 'khor ba mi 'dor ba dang/ 'du byed
rnams ji lta bar shes pas nyon mongs med par 'khor ba na 'khor
ba dang/ sangs rgyas kyi ye shes 'dod pas brtson 'grus 'bar
ba'o/ /gnyis pa drug ni/ gang gi sems can gyi dge ba

chung ngu yang 'bras bu tshad med par bsgyur ba dang/ tshegs
chung
ngus dge ba tshad med pa bsgrub pa dang/ bstan pa la zhe 'gras
pa'i sems can gyi khong khro sel ba dang/ tha mal pa bstan pa la
'dzud pa dang/ zhugs pa smin par byed pa dang/ smin pa grol bar
byed pa'o/ /

dang po ni sems can gang rung dag dngos po tha chad phye khyor
gang tsam zhig tha chad dud 'gro la sbyin du bcug nas byang
chub
chen por bsngor bcug pas 'bras bu tshad med par bsgyur ba'o/
/gnyis pa ni zla bar zan mi za ba la sogs pa log par mos pas
tshegs che zhing

mi sdug pa'i 'bras bu can gyi bsnyen gnas la brten pa las bzlog
ste/ 'phags pa'i bsnyen gnas yan lag brgyad pa blang ba tshegs
chung la 'bras bu che ba la 'dzud do/ /yang mer 'jug pa la sogs
pa bdag dub pa'i mthar lhung ba thar pa 'dod pa log par zhugs pa

las bzlog ste dbu ma'i lam mtha' gnyis dang bral ba la 'dzud pa
la sogs pas so/ /zhe 'dras pa'i khong khor sel ba la sogs pa
bzhi ni thabs rnam pa drug gis bsgrub ste/ mthun pa dang/ 'khyig
cing sdod pa dang/ mi mthun pa'i bsam pa dang/ nan tur las byung
ba

dang/ byas pa la lan lon pa dang/ dag pa'i thabs kyis so/ /dang
po sems can gang la chos bstan par bya ba de la dang por lus
ngag gi spyod pa 'jam zhing mnyen la zhi ba dag gis mthun par
'jug pas bdag la khong khro bsal nas dga' ba dang gus pa bskyed
do/ /de bskyed

nas chos la 'dod pa bskyed de/ gdod chos ston to/ /de'ang brtse
ba dang mi skyo bas ci rigs pa dang ci ltar go bar 'gyur ba'i
thabs sna tshogs kyis rim gyis ston par byed pa'o/ /'khyig cing
sdod pa ni gang zas skom nas bya ba'i grogs kyi bar dngos po
thams cad

@285b 'dod pa rnams la/ khyed rnams gal te phar 'dzin pa dang
mar 'dzin pa nas tshul khrims len pa'i bar du byed na ngas de
rnams thams cad sbyin gyi de lta ma yin na mi sbyin no zhes
'khyig cing sdod do/ /yang sems can nyes pa byed pa dag gzhan
gyis zin te gsod

pa la sogs pa dang/ rgyal po la sogs pas 'jigs pa la yang snga
ma ltar ngas bskyab bo zhes/ thabs des de dag kyang myur ba
myur
bar sdig pa spang ba dang dge ba blang ba la gzhug par nus pa'o/
/mi mthun pa'i bsam pa ni thabs des ma dul na yang de dag

nyid la phan par 'dod pas dngos po de dag re shig mi sbyin te
ser snas ni ma yin no/ /yang thabs des 'dul yang 'gyur zhing mi
nyan na phan sems kyis 'khrugs par yang ston te snying nas
'khrug pa ni ma yin no/ /phan sems kyis rgyab ston cing gnod pa
'ga' byed de snying

nas ni ma yin pas so/ /de dag la mi mthun par byed pas kyang
sdig pa spong zhing dge ba la 'dzud do/ /nan tur las byung ba ni
bdag rje bo'am rgyal po la sogs pa bdag por gyur na bran la sogs
pa la snga ma ltar mi byed na ngas dbang thang gi zas la sogs pa
gcod

do/ /brdeg pa dang nor dang dbral ba dang yul nas spyug go zhes
sdig pas dge ba la mi 'dod bzhin du nan gyis 'dzud pa'o/ /lan
lon pa'i thabs ni rang gi gang la sngar byin pa'am sdug bsngal
las bskyabs pa la sogs pas phan btags pa de dag /byas pa gzo bas
tshur

lan du phan 'dogs na de dag la dge ba blang ba kho na la lan du
'tshol gyi zang zing ni mi 'dod pa'o/ /rnam par dag pa'i thabs ni
mthar thug pa'i sa la gnas pa'i byang chub sems dpa' dag dga'
ldan gyi lhar skye ba dang/ de nas 'dir rigs mtho bar skye ba
dang /'dod pa'i

yul rgya chen po spangs nas rab tu 'byung ba dang/ dka' thub
spyod pa la sogs pas ci rigs pa'i gdul bya'i don byed pa ste/ de
dag mdo dang rgyas par bstan pas zhe 'gras pa'i khong khro sel
ba la sogs pa bzhi bsgrub par blta'o/ !/gzungs ni/ 'dod la ma
zhen phrag dog
@286a med pa dang/ /gtong la 'gyod med chos la rab dga' bzhis/
/chos don gsang sngags bzod bsgrub gzungs rnam bzhi/ /rgyal sras
tshogs rab bsags pas thob par 'gyur/ /'di la gsum las/ rang bzhin
gyi dbye ba ni bzhi ste/ tshig gi gzungs

dang/ don gyi gzungs dang/ gsang sngags kyi gzungs dang/ bzod pa
thob par byed pa'i gzungs so/ /dang po ni gang gis chos thos pa
tsam kho nas ma goms shing kha ton ma byang ba'i tshig rnams rim
bzhin bsdebs shing sbyar ba'i yi ge tshad med pa dag dus tshad med
par

'dzin par 'gyur ba'i dran pa dang shes rab kyi stobs thob pa'o/
/gnyis pa ni snga ma dang 'dra ba las khyad par 'di yod de chos
de dag gi don tshad med pa dag ma goms shing yid kyis ma byang
bar dus tshad med pa dag tu 'dzin pa'o/ /gsum pa gang gis gsang
sngags 'di

gzhi gang dag yams nad la sogs pa zhi bar byed pa byin gyis
brlabs pa 'grub pa'i ting nge 'dzin la dbang thob pa'o/ /bzhi pa
ni rgyu la spyad pa shes rab dang ldan pas dben pa la gnas shing
tshig kyang mi smra la su dang yang mi phrad par/ zas rung ba za
ba dang/ sems pa lhur

byed pa dang/ mtshan mo yun thung ngu nyal ba ni bzod pa thob
pa'i sngags ston pas gsungs pa/ ta dya thA/ oM i Ti mi Ti ki
Ti b+hi k+ShaM Ti pa dA ni swA hA/ zhes pa'i don sems shing
'jal la nye bar rtogs pas zhugs te/ su la'ang ma thos pa rang
gis sngags 'di dag la ni don

'grub pa ci yang med de don med pa kho na'o/ /'di'i don ni don
med pa nyid do snyam du don rig pas de'i pha rol tu don gzhan mi
tshol na don legs par rtogs pa ste/ de'i rjes su 'brang bas chos
thams cad kyi don yang rtogs par 'gyur ro/ /'di ltar brjod pa
thams cad kyis

chos thams cad kyi ngo bo nyid kyi don grub par byed do/ /de dag
gi brjod du med pa'i ngo bo nyid ni de dag gi ngo bo nyid kyi
don no snyam pas don rtogs pa'i dga' ba dang mchog tu dga' ba
rgya chen po thob bo/ /des gzungs kyi tshig thob pa de la brten
nas bzod pa zhes bya ste/ de

@286b thob pas myur du lhag pa'i bsam pa dag pa thob par 'gyur
zhing mos pa spyod pa'i sa'i bzod pa chen po gnas pa'o/ /thob
pa'i dus ni/ dang po gnyis ni bskal pa grangs med dang po 'das
nas lhag pa'i bsam pa dag pa'i sa la zhugs pa'i tshe 'thob ste/
nges pa dang brtan

pa dang che ba'o/ /de man chad ni smon lam gyi dbang ngam bsam
gtan la brten nas thob ste/ nges pa dang brtan pa dang rgya che
ba ni ma yin no/ /gsang sngags kyi 'ang de dang 'dra'o/ /bzod pa
thob par byed pa'i gzungs ni sngar brjod pa ltar thob bo/ /'grub
pa'i rgyu ni yon tan bzhi

dang ldan pa ste/ 'dod pa rnams la lhag par zhen pa med pa dang/
gzhan mtho ba la phrag dog mi byed pa dang/ bslangs pa thams
cad
sbyin zhing mi 'gyod pa dang/ byang chub sems dpa'i sde snod dam
sde snod kyi ma mo las brtsams te chos la kun tu dga' ba'o/
!/smon lam gyi

dbang du byas nas/ smon lam lnga ste sems bskyed skye ba dang/
/spyod yul yang dag smon lam chen po bcu'o/ /sems bskyed pa'i
smon lam ni dang po bla na med pa'i byang chub tu sems bskyed
pa'o/ /skye ba yi ni phyi ma la sems can gyi don dang mthun pa'i
'gro bar skye bar smon pa'o//

spyod yul gyi ni chos yang dag par rab tu dbye ba dang tshad med
pa la sogs pa dge ba bsgom pa'i yul la smon pa'o/ /yang dag pa'i
ni phyi ma la mdo 'am rgyas par dge ba thams cad dang yon tan
thams cad bsdu bar smon pa'o/ /smon lam chen po ni yang dag pa
de nyid kyi dbye

ba bcu ste/ phyi ma la sangs rgyas mchod pa dang/ rim gro bya ba
dang/ dam pa'i chos gzung ba dang/ sangs rgyas kyi mdzad pa
bsgrub pa dang/ byang chub sems dpa'i spyod pa spyod pa dang/
sems can smin par bya ba dang/ 'jig rten gyi khams bstan pa
dang/ zhing sbyang ba dang/ theg pa chen po

la 'jug pa dang/ spyod pa thams cad don yod pa dang/ mngon par
rdzogs par byang chub par bya ba'i smon lam chen po'o/ !/ting
nge 'dzin gsum gyi mtshan nyid ni/ brjod med ngo bo nyid shes
sems gnas dang/ /de la log zhugs nyes la mi smon dang/ /brjod
med spros kun zhi bar

@287a yid byed las/ /sems gnas de dag ting 'dzin gsum du gnas//
stong pa nyid kyi ting nge 'dzin ni rjod pa thams cad kyi bdag
nyid kyi ngo bo nyid dang bral ba brjod du med pa'i ngo bo nyid
kyi dngos po mthong nas sems gnas pa'o/ /smon pa med pa'i ting

nge 'dzin ni brjod du med pa'i ngo bo de nyid log par brtags pa
las byung ba'i nyon mongs dang/ sdug bsngal gyis zin pa'i phyir
nyes pa du ma'i skyon chags par rig nas phyis de la mi smon pa
sngon du 'gro ba'i sems gnas pa'o/ /mtshan ma med pa'i ting nge
'dzin ni brjod

du med pa'i dngos po de nyid kyi rnam rtog dang spros pa'i mtshan
ma thams cad bsal nas yang dag pa ji lta ba bzhin zhi bar yid la
byed pa'i sems gnas pa'o/ !/grangs nges pa'am dgos pa'i khyad
par ni/ 'dus byas 'dus ma byas gnyis yod pa las/ /log par

smon dang yang dag mngon dga' dang/ /bdag dang bdag gi med par
legs blta bas// 'di gsum kho nar nges par rtogs par bya/ /ci'i
phyir 'di gsum du bzhag gi 'di las gong na yang med la 'di las
lhag par yang med ce na/ yod pa dang med pa ni gnyis yin te/

yod pa ni 'dus byas dang 'dus ma byas so/ /med pa ni bdag dang
bdag gi 'o/ /de la 'dus byas la mi mthun par bden par smon pa
las ni smon pa med pa'o/ /'dus ma byas mya ngan las 'das pa la
smon cing dga' bar 'dzin pa las ni mtshan ma med pa'o/ /med pa
kho

na gang yin pa de la ni smon par ram mi smon par mi bya bar de
med pa kho nar yang dag pa ji lta bar blta bar bya ba las stong
pa nyid kyi ting ngi 'dzin bzhag pa'o/ !/chos kyi mdo bzhi bstan
pa ni/ 'du byed mi rtag sdug bsngal chos rnam kun/ /bdag med
myan ngan 'das zhi

chos mdo bzhi/ /thub pa thugs zhi rgyal sras snga ma rnams/
/'gro la phan phyir rgyun tu gsung mdzad pa'o/ /chos kyi mdo
bzhi po 'di dag ni sems can rnam par dag par bya ba'i phyir
sangs rgyas dang byang chub sems dpa' rnams gsung bar mdzad
de/
'du byed thams cad mi

@287b rtag pa dang sdug bsngal lo zhes bya ba gnyis dang/ chos
thams cad bdag med pa dang mya ngan las 'das pa zhi ba'o zhes
bya ba chos kyi mdo'o/ /sangs rgyas rnams ni de dag dang ldan
pa'i don gyis chos phal cher ston pa'i phyir chos kyi mdo'o/
/yang thub pa thugs zhi ba snga ma

rnams kyis rtag tu brjod cing brjod pa'i phyir yang mdo'o/
/'byor pa chen por 'gyur zhing srid rtse'i gong du 'gro ba'i lam
yin pa'i phyir yang mdo zhes bya'o/ !/de dag nyid bshad pa ni/
mi rtag brjod pa'i ngo bos rtag med dang/ /skye 'gag la brten
'dus byas mtshan nyid

bzhi/ /sdug bsngal gsum gyis yongs gdung sdug bsngal don/ /phung
sogs bdag ma zhi zhing gzhan yang med/ /brjod pa'i mtshan nyid
kun gyis chos kun stongs/ /'du byed spros kun nyer zhi mya ngan
'das/ /'du byed thams cad mi rtag par ji ltar mthong zhe na/ de
thams cad kyi

brjod du med pa'i ngo bo nyid bdag med kho nar dmigs na mi rtag
par mthong ngo/ /yang brjod du med pa'i ngo bo nyid ma shes pa'i
rgyu las byung ba skye ba dang/ 'jig pa dmigs nas brjod du med
pa'i ngo bo nyid kyi 'du byed thams cad mi rtag par mthong ste/
'das pa'i 'du byed skyes

nas 'gags pa dang/ da ltar gyi skyes la ma 'gags pa dang/ ma
'ongs pa'i ma skyes pa dang ma 'gags pa dag gis dang ngo bo nyid
ci rigs par mi dmigs pa dang dmigs pa las/ dus gsum du 'du byed
kyi rgyun 'jug pa mthong nas skad cig re re la 'dus byas kyi

mtshan nyid gsum mthong ste/ skad cig gi 'og tu ni bzhi pa'ang
mthong ngo/ /de la skad cig dang por snga ma zhig ma thag sngar
med byung ba ni skye ba'o/ /de nyid ma zhig pa ni gnas pa'o/
/sngar 'gags pa la bltos nas de gzhan du 'gyur ba ni rga ba'o/
/skad cig gnyis par 'gags

pa ni 'jig pa ste/ de ltar bzhi char yang de nyid kyi ngo bor
blta'o/ /de ltar 'du byed rgyun gyis 'jug pa'i mi rtag pa de dag
nyid sdug bsngal gyi gnas kyi dngos por yang dag par shes so/
/'dus byas dang 'dus ma byas kyi chos thams cad bdag med pa
gnyis su shes te/ gang zag

@288a la bdag med pa dang/ chos la bdag med pa'o/ /dang po chos
yod pa 'di dag bdag ma yin la 'di dag las gzhan pa'i gang zag
kyang med pa'o/ /gnyis pa ni brjod bya'i dngos po thams cad la
brjod pa'i ngo bo nyid kyis chos thams cad med

pa'o/ /yang 'du byed rnams kyi rgyu sngar chad la phyis ma lus
par med par gyur nas de las gzhan yang gtan du mi 'byung ba ni
mya ngan las 'das pa ste/ de'ang nyon mongs pa dang sdug bsngal
nye bar zhi bar rig par bya'o/ !/yang byang chub kyi phyogs kyi
spyod pa mdo las

'byung ba'i dbang du byas nas thabs la mkhas pa'i khyad par ni/
dngos po chung la sogs kyang byang chub kyi/ /sems dang bsngo
sogs bsam rlabs rgya che bas/ /yongs su bzung bas don chen nyid
'gyur te/ /dngos dang sbyor sogs chen po'ang zil gyis gnon/
/thabs la mkhas

pa'i mdo las byang chub sems dpa'i thabs la mkhas pa ni zan kham
gcig kyang sems can thams cad la sbyin te/ dud 'gro la zan kham
gcig sbyin par byed na yang thams cad mkhyen pa dang ldan pa'i
sems kyis sbyin zhing/ dge ba'i rtsa ba de'ang sems can thams

cad kyi sangs rgyas kyi chos yongs su rdzogs par bya ba'i phyir
bsngo'o/ /rgyu gnyis te thams cad mkhyen pa'i sems dang yongs su
bsngo ba la mkhas pas so/ /yang des gzhan gyi dge ba'i rtsa ba
la rjes su yi rang nas kyang sems can la bsngo ste/ thams cad
mkhyen par bsngos pa des

byang chub sems dang bral ba'i sbyin pa po 'ang zil gyis gnon
pa'o/ /yang phyogs bcu'i 'jig rten gyi khams dag na me tog gi
shing ? ngam/ spos kyi shing ljon pa dang/ me tog la sogs pa
gzhan gyis ma gzung ba dag ni bsam pas blang nas sangs rgyas
thams cad

la 'bul zhing dge ba'i rtsa ba bsngo'o/ /bzung ba dag ni dri
rlung gis btab pa'i ngad tsam 'bul zhing bsngo'o/ /bsngos pa des
tshul khrims la sogs pa'i phung po dpag tu med pa thob bo// yang
sems can thams cad kyi sdug bsngal dang sdig pa ji snyed pa
bsdus te 'chags

@288b par byed cing/ de thams cad bdag la 'bab pas sems can de
dag bde bar gyur cig ces go gyon no/ /sems can thams cad kyi bde
ba kun la rjes su yi rang nas de thams cad kyi sdug bsngal zhi
ba'i don du bsngo'o/ /dge ba'i rtsa ba des kyang de dag gis
sangs rgyas

kyi bde ba'i yo byad rnams thob bo/ /yang sangs rgyas gcig la
phyag dang mchod pa dang bkur sti byas nas sangs rgyas rnams ni
chos nyid gcig las byung ba/ tshul khrims kyi phung po la sogs pa
gcig par so sor rtog go/ des gcig la mchod pa la sogs pa

byas pas thams cad la'ang byas par shes so/ /phyogs bcu'i sangs
rgyas dag gi mchod pa 'byung bar 'gyur ba de thams cad kyang
bsam pas yongs su bzung nas bsngo bar byed do/ /rang shes rab
rtul na yang mi zhum par tha na tshigs su bcad pa gcig tsam la
yang 'jug

cing de'i don de ni gsung rab thams cad kyi don du rtog go /de
kha ton bslabs nas mi zhum zhing snying rje bskyed de rnyed pa
dang bkur sti mi 'dod par yul dang yul du skye bo mang po la
ston cing/ sems can sus tshigs su bcad pa 'di thos pa de bla na
med pa'i byang chub las phyir

mi ldog par gyur cig ces smon lam 'debs so/ /de'i thabs la mkhas
pa des sems can thams cad kun dga' bo ltar mang du thos pa dang
sangs rgyas kyi spobs pa 'ang thob bo/ /brgya la rang dbul por
gyur na yang tha na gzhan gyi gla mi byas te zas nal ? ze gang
tsam

blangs nas ma zhum par dge 'dun nam gang zag la 'bul lo/ /phul
nas kyang sangs rgyas kyi sems rgya chen pos byin na sbyin pa
che bar gsungs pas/ nga'i dngos po 'di chung mod kyi byang chub
kyi sems kyis byin pa las dpag tu med par 'gyur ro zhes rtog go
/bdag gis

dge ba'i rtsa ba 'dis sems can thams cad sangs rgyas shAkya
thub pa ji lta bar mtshan ro bro ba mchog tu 'grub cing/ lag na
rin po che 'grub par gyur cig ces bsngo'o/ /des de gnyis kyang
'grub cing byang chub kyi sems dang bral ba'i sbyin pa thams cad
kyang zil gyis

@289a gnon to/ /yang nyan thos la sogs pa dang 'grogs na dga'
bar mi byed cing/ rang bas de dag rnyed pa dang bkur sti che bar
gyur kyang rgyu gnyis kyis bdag la rtog ste/ byang chub sems
dpa' las ni sangs rgyas 'byung zhing/ sangs rgyas las ni nyan

thos la sogs pa 'byung bar 'gyur ro/ /de dag rnyed pa dang bkur
sti che'ang mchog dang gtso bo ste de dag ni pha'i nor la spyod
pa yin pas ngas 'di dag la dga' bar yang mi gzung phrag dog
kyang mi bya'o zhes rtog go /lhag pa'i bsam pa des sangs rgyas
la bsnyen bkur

byas kyang khengs pa med/ ma byas kyang zhum pa med cing/ sems
can thams cad la thugs mnyam pa lta bu'i chags sdang spangs pa
thob bo/ /yang thabs la mkhas pas sbyin pa gcig pus kyang pha
rol tu phyin pa drug car rdzogs par byed de/ slong ba byung na
ser sna tshar

gcod cing gtong ba spel bas sbyin pa dang/ tshul khrims la gnas
pas tshul khrims dang ldan pa la sbyin zhing tshul khrims 'chal pa
tshul khrims la 'god pas tshul khrims dang/ byams shing mi 'khrugs
pas sbyin pas bzod pa dang/ bza' ba la sogs pa gus pas

bsgrub cing rtsol bas brtson 'grus dang/ sems rtse gcig pas bsam
gtan dang/ sbyin pa po la sogs pa mi dmigs pas shes rab bo/ /des
na thabs la mkhas pas sbyin pa chung ngu ni chen por byed/ chen
po ni dpag tu med par byed do/ !/gzhan yang nyes pa byung na'ang
mi

zhum sbyong byed cing/ /gzhan dag de las bzlog phyir rab 'bad
byed/ /brgya la sdig pa'i grogs po la sogs pa'i dbang gis nyes
pa byung na/ bdag phung po 'di nyid kyis mya ngan las 'da' bar
'dod na sems gdung bar bya dgos pas/ sems can smin pa'i don du
phyi ma'i mtha'i

bar du 'khor bar gnas par bya ba la sems zhum pa'am skrag par mi
bya bar/ 'khor ba nyid na gnas pas sems can smin par bya ba
dang/ nyes pa 'di'ang chos bzhin du bya/ phyin chad bsdams par
bya/ gzhan yang nyes pa las dbyung ba'i don du chos bstan par
bya'o zhes go cha

@289b gyon no/ /gal te byang chub sems dpa' rab tu byung ba la
rtsa ba'i ltung ba bzhi byung yang thabs la mkhas pa 'dis sel ba
lta na nyes pa med par nga smra'o/ /gal te so sor thar pa la
slob pa na bskal pa 'bum du rtsa ba dang 'bras bu za zhing/ sems
can thams cad kyi legs par

smras pa dang/ nyes par smras pa bzod kyang nyan thos kyi sems
bskyed na rtsa ba'i nyes pa lci ba'o// nyan thos la rtsa ba'i
ltung ba byung na phung po de nyid kyis zhi ba'i skal pa med pa
ltar/ byang chub sems dpa' nyan thos kyi yid la byed pa ma
bshags pa'ang sangs rgyas thob pa'i skal ba

med do zhes so/ !/mi skyo ba'i khyad par ni/ dge rtsas yongs zin
byams chen la sogs chos/ /nyi shus rgyal sras 'khor bar skyo mi
'gyur/ !/gtsug na rin po ches zhus pa las/ chos nyi shus byang
chub sems dpa' 'khor bar yongs su mi skyo ste/ dge ba'i rtsa bas
yang dag

par zin pa'i byams pa chen po dang/ des zin pa'i snying rje chen
po dang/ de bzhin du sems can smin par byed pa dang/ brtson
'grus dang/ lhag pa'i bsam pa dang/ thabs dang/ shes rab dang/
bsam gtan dang/ mngon shes dang/ ye shes dang/ brtul ba dang/
dran pa dang/

byang chub kyi sems kyi lhag pa'i bsam pa dang/ bsdu ba bzhi
dang/ tshul khrims kyi sdom pa dang/ thos pa'i nan tan dang/
gzungs dang/ spobs pa dang/ bsod nams kyi tshogs dang/ des zin
pa'i ye shes kyi tshogs so/ !/de'i byed pa ni/ de las sems can
yongs smin byed

pa yi/ /chos kyi dbye ba bzhi pa bzhi ru gsungs/ /mdo sde nyid
las/ chos bzhi dang ldan na sems can yongs su smin par byed par
nus te/ yongs su mi skyo ba dang/ rang bde ba la ma chags pa
dang/ dus su bskul ba dang/ bsam pa shes pa'o/ /yang bzhi ste/
bka' blo bde ba dang/

snyan par smra ba dang/ ngang tshul 'jam pa dang/ 'dzum zhing
khro gnyer med pa'o/ /yang bzhi ste/ khong khro med pa dang/
snying rje che ba dang/ phan pa'i dngos po sems pa dang/ bdag
dul ba'i sems so/ /yang bzhi ste/ bsam pa dag pa dang/ g.yo
sgyu med pa dang/ brtson 'grus brtan

@290a pa dang/ nyes byas bzod pa'o zhes so/ !/zung du 'brel ba'i
lam gyi spyod pa ni/ yongs bzung kun gtong tshul khrims rnam dag
par/ /slob sogs 'gro kun don du yongs bsngo zhing/ /byed dang
las dang bya bar mi rtog pa/ /thabs dang shes rab mnyam

par sbyor ba'i lam/ /lha'i bu rab rtsal sems kyis zhus pa las/
gang tshe bdag dang byang chub dag /gtan du mthong bar mi byed
cing/ /'khor gsum yongs su dag gyur pa/ /de ni shes rab mtshan
nyid do/ /nang dang yang na phyi rol dag /thams cad yongs su
gtong byed

cing/ /sems can kun la yongs bsngo ba/ /de ni thabs kyi mtshan
nyid do/ /zhi zhing rab zhi gtsang dag cing/ /tshul khrims rlom
sems mi byed la/ /lus dang ngag yid zhi gyur pa/ /de ni shes rab
mtshan nyid do/ /tshul khrims la ni zhugs gyur cing/ /gzhan yang
tshul khrims sbyor byed

la/ /sangs rgyas tshul khrims sngo byed pa/ /de phyir thabs zhes
bya ba yin/ /chos rnams thams cad rab stong zhing/ /bdag med
bzod pa sgom byed la/ /lus dang sems kyis ma smas pa// de ni
shes rab pha rol phyin/ /sems can kun gyi khro ba dang/ /gsod
dang 'ching ba bzod byed

cing/ /sems can de dag mi spong ba/ /de ni thabs kyi pha rol
phyin/ /lus kyi sbyor bar mi byed cing/ /ngag dang sems kyis ma
yin la/ /chos rnams kun la dben gyur pa/ /de ni shes rab pha rol
phyin/ /sems can yongs su smin byed cing/ /bsam gtan bde ba rab
spangs nas/ /grong

dang yul na snang byed pa/ /de ni thabs kyi pha rol phyin/ /tshu
rol ma yin pha rol min// mthun pa'i pha rol rab gnas shing/
/spros pa'i lta ba rgyun chad pa/ /shes rab pha rol phyin rtog
yin/ /gang gis stong nyid rtogs gyur nas/ /de ni btang snyoms mi
byed cing/ /sems can stong nyid

sbyor byed pa/ /de ni thabs kyi tshul yin no zhes so/ /gsang ba'i
mdo las kyang/ byang chub sems dpa'i chos nyan pa'i tshogs ni
sgrib pa spong bar 'gyur ro/ /dgon par gnas pa'i tshogs ni byas
pa'i las chud za bar mi 'gyur ro/ /bla ma bsten pa'i tshogs ni
yon tan thams cad skye ba'i

@290b sgor 'gyur ro/ /nang du yang dag 'jog gi tshogs ni thos
pa'i chos rnams chud mi gzon par 'gyur ro/ /thabs la mkhas pa'i
tshogs ni thams cad mkhyen pa'i ye shes yongs su rdzogs par 'gyur
ro/ /tshogs thams cad ni bsod nams dang ye shes kyi tshogs gnyis
su 'dus te/

bsod nams kyi tshogs kyis ni bsgrub par bya ba thams cad bsgrub
pa/ ye shes kyi tshogs kyis ni sems can thams cad legs par bshad
pa'i chos kyis tshim par byed pas so/ /des na de gnyis kho na la
brtson par bgyi'o/ /de gnyis kyis kyang thabs dang shes rab
gnyis

yongs su rdzogs par bgyis pas na byang chub sems dpa'i lam thams
cad sdud pa'o/ /lam de dag la gnas na ni bdud las 'da' bas phyir
mi ldog pa thob pas na de bzhin gshegs pas sangs rgyas kyi gsang
ba thams cad kyang ston te mi 'chab bo zhes so/ !/zhing sbyong
ba'i spyod

pa ni/ srog gcod sdom pas 'gro rnams tshe ring zhing/ /stobs dang
rdzu 'phrul thob par bsngo la sogs/ /sdom pa rnam bcus sems can
'jig rten ni/ /yongs su sbyong sogs rmad byung spyod la bslab/
/'di ni rgyal ba kun gyi rnam thar sgo/ /mtshungs pas 'jig rten
mtha' dag zhing gcig

tu/ /byas nas sbyong phyir zhing dman mchog sogs rnams/ /'gro ba
'dren pa'i thabs tshul tsam du blta/ /'das chen las/ zhing sbyong
ba ni srog gcod pa'i sdom pas sems can thams cad tshe ring ba
dang stobs che ba dang rdzu 'phrul dang ldan par smon lam 'debs
so/ /rku 'phrog spong

bas sa gzhi rin po che bdun du gyur te rang nyams su spyod la
phyug cing chog shes par ro// 'khrig pa spong bas 'dod chags
dang zhe sdang dang gti mug dang/ bkres pa dang skom pa med par
ro// rdzun spong bas ni me tog dang 'bras bu dang spos kyi shing
yod pa dang sgra snyan pa

thos par ro/ /phra ma spong bas ni bzlum zhing phan tshun chos
ston par ro/ /tshig rtsub spong bas ni gzhi mnyam zhing tsher ma
la sogs pa med pa dang/ sems can thams cad sems mnyam par ro//
ngag kyal spong bas ni nyon mongs pa'i sdug bsngal med par ro/
/brnab sems
@291a spong bas ni 'dod pa dang phrag dog gis 'tshe ba dang ngan
par lta ba med par ro/ /gnod sems spong bas ni byams pa sgom
zhing bu gcig pa'i sa thob par ro/ /log lta spong bas ni shes
rab kyi pha rol tu phyin pa thob par ro/ /ngas zhing sbyong ba
de lta bu ma

bsten par yang mi lta ste/ la la nyi ma dang zla ba gling 'di
kho na na yod par smra ba ltar/ sangs rgyas dag zhing ngan pa na
bzhugs par smra ba yang ngo/ /nub phyogs su gang gA'i klung sum
cu rtsa gnyis kyi bye ma snyed 'das pa na 'jig rten gyi khams mi
pham pa zhes bya ba nub phyogs

bde ba can dang/ shar zla gam dag dang de'i bkod pa thams cad
mnyam pas mi pham pa zhes bya ste/ de ni nga'i zhing yin pas der
byung nas 'dir chos gsung bar ston pa'o/ /nga 'ba' zhig ma yin
gyi sangs rgyas thams cad kyang 'dir chos ston to zhes so/
!/spyod pa yongs su bsngo ba'i

khyad par las bsngo ba chen po'i rnam par dbye ba ni/ zab cing
rgya che'i bsngo ba dam pa bcu// dpa' chen rdo rje rgyal mtshan
mdo las blta/ /de las byang chub sems dpa'i bsngo ba bcu rgya
cher bstan pa nyid las blta ste/ sems can gyi 'du shes 'gog cing
'gro ba thams cad

yongs su skyob pa'i bsngo ba dang/ mi phyed pa dang ldan pa
dang/ sangs rgyas thams cad la yang dag par bskyed pa dang/
thams cad kyi rjes su song ba dang/ bsod nams kyi mdzod mi zad
pa dang/ dge ba'i rtsa ba thams cad dang mnyam pa nyid kyi rjes
su song ba dang/ 'gro ba thams cad mnyam

pa nyid kyi rjes su song ba dang/ de bzhin gshegs pa'i mtshan
nyid kyi rang bzhin dang/ chags pa med cing bcings grol med pa
dang/ chos kyi dbyings tshad med pa'i rjes su song ba'i bsngo
ba'o/ !/dge ba'i rtsa ba'i khyad par dag bsngo ba ni/ dge ba'i
rtsa ba'i khyad par yongs bsngo ba/ /bsngo

ba'i rgyal dang phung po gsum las so/ /mdo dang po las ni/ gang
dag srid pa gsum po 'di na lha dang mi'i bdug spos kyi rnam pa
dang/ me tog dang 'bras bu dang ro bro ba dang/ lo tog gi rnam
pa dang/ gser dang dngul dang nor bu dang mu tig dang bai
DUr+ya dang/ rdo'i snying po la

@291b sogs pa bdag gi ba med cing yongs su bzung ba med pa gang
lags pa de thams cad bdag dang sems can thams cad thun mong du
bgyis la/ phyogs bcu'i 'jig rten gyi khams kyi rdul phra rab
snyed kyi 'das pa dang ma 'ongs pa dang da ltar byung ba'i sangs
rgyas dang byang

chub sems dpa' dang nyan thos dang rang sangs rgyas dang bcas
pa
rnams la dbul bar bgyi'o/ /dge ba'i rtsa ba des sems can thams
cad la rnam pa thams cad kyi mchog dang ldan pa'i stong pa nyid
mngon sum du gyur cig /sangs rgyas byams pa dang byang chub

sems dpa' dang nyan thos kyi dge 'dun dang bcas pa mnyes par
gyur cig  /na bza' dang zhal zas dang gzims cha dang bsnyun gyi
gsos dang rkyen sman gyi yo byad rnams dang/ de las gzhan pa
sangs rgyas kyi zag pa med pa'i mchod pa rnams kyis mchod nas/
de'i

drung du byis pa'i rab tu byung ba dang gzhon nu'i rab tu 'byung
ba dang lkog ma yin par rab tu byung ba dang de bzhin nyid du
rab tu byung ba dang yang dag pa'i mthar rab tu byung bas de kho
na nyid mthong ba'i bar du rab tu byung ba thob par gyur cig
/de'ang 'jig rten dang 'jig rten

las 'das pa'i khyad par du 'phags pa skyon med pa dang ma 'dres
pa dang rnyog pa med pa dang/ lha dang mi dag mngon par dga' ba
dang/ sangs rgyas dang byang chub sems dpa' thams cad kyis
bsngags pa dang/ sems can thams cad la smon pa'i slad du bdag
rab tu

'byung bar gyur cig /sa dang chu dang me dang rlung dang nam
mkha' nye bar 'tsho ba ltar/ dge ba bcu'i las kyi lam gyis
bsgrubs pa'i phung po lnga po 'di sems can thams cad dang thun
mong du bgyis nas/ sangs rgyas dang chos dang dge 'dun yongs su
spyod pa dag la 'bul lo/ /

nam kun ? nas kyang bya rgod dang spyang ki dang khyi dang wa
dang gcan gzan dang bya rnams kyis pags ? pa dang rgyus pa dang
rus pa dang rkang dang khrag rnams yongs su za bar gyur cig /de
dag thams cad kyang bla na med pa'i byang chub tu nges par gyur
cig /de nas khams gsum

@292a na rdul phra mo ji snyed yod pa'i sems can de snyed sems
kyi skad cig skad cig la rnam par thar par byed par gyur cig
/byas nas phyir mi ldog pa'i sa la 'god par gyur cig / de nas
mthong bas kyang sems can smin par byed par gyur cig /thos

pa dang dran pas kyang sems can smin par byed par gyur cig
/sangs rgyas kyi zhing gang du sems can gang dag sangs rgyas
dang byang chub sems dpa' thams cad kyis yongs su btang ba phar
mi 'dzin pa/ mar mi 'dzin pa/ dge sbyong du mi 'dzin pa/ bram
zer mi 'dzin

pa/ rigs kyi rgan rabs kyi rjes mi snyegs pa/ ngang tshul ngan
pa/ sdig pa'i chos la spyod pa/ rgyud bsregs pa/ bsam pa bsregs
pa/ sa bon bsregs pa/ dge ba'i rtsa ba chad pa/ ngan song la
phyogs pa/ mtshams med pa lnga dang ldan pa/ byang chub sems dpa'
gtum po

chos spong ba rnams 'dus pa dang por 'byung zhing/ de thams cad
bdag gi mya ngan las 'das pa'i lam bla na med pa sangs rgyas
nyid la 'god par gyur cig /de nas zhing 'dus pa gnyis pa la
khams gsum pa'i sems can kun 'byung zhing/ bdag gis de thams

cad bag chags dang mtshams sbyor ba'i nyon mongs pa thams cad
spangs pa thams cad mkhyen pa'i ye shes la 'god par gyur cig ces
so/ /phung po gsum pa las ni/ byang chub sems dpa' 'das pa dang
ma 'ongs pa dang da ltar byung ba'i sangs rgyas rnams kyi

chos mnyam pa nyid la 'jug cing yan lag lnga sa la gtugs par bya
ste/ pus mo g.yas pa sa la 'dzugs pa'i tshe sems can thams cad
g.yas phyogs kyi lam la gnas par gyur cig ces brjod do/ /g.yon
pa 'dzugs pa'i tshe sems can su dag g.yon

phyogs kyi lam la gnas pa de thams cad 'phags pa'i lam la gnas
shing yang dag pa'i lam la gnas par gyur cig ces so/ /lag pa
g.yas pa ? 'dzugs pa'i tshe ji ltar sangs rgyas byang chub kyi
snying po mchog dam par bzhugs pa dge ba'i chos thams cad

@292b dang ldan pas/ dbu dang sku dang skyil mo krung la byugs
te phyag g.yas pa sa la bsnun nas bdud dpung dang bcas pa brtul
zhing byang chub brnyes pa ltar/ sems can 'di dag gis kyang bdud
phyir rgol ba choms par gyur cig /byang chub kyi snying po la
'dug cing sa

la bsnun te sangs rgyas kyi ye shes thob par gyur cig /lag pa
g.yon pa 'dzugs pa'i tshe sems can su dag byis pa'i chos la gnas
te g.yon phyogs su 'dzin pa gdul dka' ba de thams cad bsdu ba'i
dngos po bzhis shin tu sdud par gyur cig /gdong pa dang dpral

ba sa la gtug pa'i tshe sems can thams cad nga rgyal ma mchis pas
bla ma rnams la rim gro bgyid cing spyi gtsug bltar mi mthong ba
dang/ dge ba'i chos thams cad kyis 'phags par gyur cig / de ltar
bdag yan lag lngas phyag 'tshal ba 'dis/ sems can

thams cad sgrib pa lnga sel bar gyur cig /dbang po lnga yongs su
rdzogs par gyur cig / mig lnga yongs su dag par gyur cig /mngon
par shes pa nyams pa med pa lnga thob par gyur cig / sems can
'gro ba lngar skyes pa rnams 'gro ba lnga las khyad par du
'phags pa dang/ tshul

khrims khyad par du 'phags pa dang/ ting nge 'dzin khyad par du
'phags pa dang/ shes rab khyad par du 'phags pa dang/ rnam par
grol ba khyad par du 'phags pa dang/ rnam par grol ba'i ye shes
mthong ba khyad par du 'phags par gyur cig /ces so/ !/spyod yul
la

spyod pa yongs su bsngo ba ni/ spyod yul kun la 'jug pa yongs su
bsngo ba/ /spyod yul yongs su dag pa'i mdo las te/ /rgyal sras
spyod tshe ji lta ji lta bur/ /dbang po'i spyod yul sna tshogs
'jug 'gyur ba/ /de lta de ltar rigs shing mthun tshig gis/ /sems
can phan phyir de

mngon 'du byed do/ /phal chen gyi le'u de las byang chub sems
dpa' lus dang ngag dang yid kyi las kha na ma tho ba med pa dang
ma nyams pa dang ma smad pa dang/ mi 'phrogs pa dang mi 'khrugs
pa dang bsngags pa dang dag pa dang nyon mongs pa med pa dang
ye
shes

@293a sngon du 'gro ba dang/ rigs dang rus dang rgyud dang
gzugs
dang mtshan dang dran pa dang blo gros la sogs pa phun sum tshogs
pa dang/ blo gros bsam gyis mi khyab pa la sogs pa dang/ rgyu
dang bsam pa dang sbyor ba la sogs pa'i stobs

can dang/ phung po la sogs pa la mkhas pa dang/ pha rol tu phyin
pa drug dang tshad med pa bzhi dang stobs bcu dang ldan pa dang/
lha dang klu'i dbang po la sogs pas bzung zhing bkur ba dang/
sems can thams cad kyi gnas dang skyabs la sogs par 'gyur

ba'i rgyu ni sems kyi las yid la byed pa'i sbyor ba dag ste/
'dis yon tan de thams cad thob cing sangs rgyas kyi chos thams
cad la thogs pa med pa'i las su 'gyur/ dus gsum gyi sangs rgyas
rnams kyi lam du 'jug par 'gyur/ sems can thams cad mi gtong/

mi dge ba thams cad spong/ dge ba thams cad la 'jug /chos thams
cad la dbang bsgyur zhing sems can thams cad la ston pa gnyis
par 'gyur ba ste/ spyod yul la spyod pa yongs su bsngo ba'o/
/'di ltar khyim na 'dug pa'i tshe sems can thams cad rang bzhin

shes pa dang ldan pas khyim gyi thibs pos zil gyis mi non par
gyur cig ces sems bskyed do// de bzhin du pha ma dang 'grogs pa
na sems can thams cad skye bo ma lus pa bskyab pa'i phyir sangs
rgyas dang 'grogs pa dang/ bu smad dang 'grogs tsa na sred pa
dang

bral bas dga' ba dang mi dga' ba dang bral ba dang/ 'dod pa'i
yon tan lnga dang 'grogs na yon tan gyi pha rol tu phyin pas
'dod pa'i gsal shing sel ba dang/ glu gar dang rol mo dang
'grogs na gar mkhan gyi mtshon lta bur mthong zhing chos 'gro
ba'i brjod pa thob pa

dang/ chung ma dang 'grogs na 'dod pa'i gsal shing dang bral
zhing 'phags pa'i sar chud pa dang/ rgyan gyis brgyan na srid
par 'byung ba dang 'jig pa'i khur bor ba dang/ khang steng du
phyin na chos thams cad kyi khyad par rtogs pa chos kyi khang
steng du phyin pa dang/ sbyin pa

@293b gtong na bdag 'dzin med pas thams cad gtong ba dang/ ma
bral zhing 'grogs na thams cad mkhyen pa'i mthar phyin cing 'du
ba dang bral ba dang btson ra mthong na gnas med par spyod pa
dang gar dga' bar 'dod pa dang/ khyim nas 'byung na bcings grol
dang chags

pa med pa dang/ dge 'dun gyi nang du 'gro na 'gal ba med pa'i
chos dang ldan zhing mthun par 'gro ba dang/ mkhan po dang slob
dpon gyi thad du 'gro ba na chos la rtsom zhing mkhas pa dang/
rab tu byung ba zhu na bar chad med cing mi ldog pa dang/ gos
dkar po 'dor na sdig

pa spangs shing dge ba sbyangs pa dang/ skra dang kha spu 'dregs
na mnyam par 'jog cing nyon mongs pa med pa dang/ ngur smrig
gyon na drang srong chen po'i sems dang ldan zhing rnyog pa med
pa dang/ rab tu 'byung na skye bo thams cad bskyang ba'i phyir
sangs rgyas kyi rab tu 'byung ba

dang/ sangs rgyas la skyabs su 'gro ba na dge ba la mos pas
sangs rgyas kyi gdung mi chad pa'i don du brtson pa dang/ chos
la skyabs su 'gro na chos kyi gter thob pa dang/ dge 'dun la
skyabs su 'gro na chags pa med cing tshogs sdud pa dang/ bslab
pa'i gzhi len na tshul bzang po

la spyod cing bslab pa thams cad la bslab pa dang/ slob dpon gyi
rjes su bstan na las ma log pa la spyod cing spyod yul phun sum
tshogs pa dang mkhan pos rjes su bstan na gnas med pa la gzhol
shing mi skye ba'i shes rab kyi pha rol tu phyin pa dang/ bsnyen
par rdzogs

na chos kyi khyad par dang thabs kyi pha rol tu phyin pa dang/
gtsug lag khang du 'gro na mi 'phrogs pa'i chos can dang bla na
med pa'i gnas la spyod pa dang/ stan 'ding na chos ji lta ba
mthong zhing legs par bkod pa'i chos can dang/ 'dug na mi gnas
pa'i sems

kyis byang chub kyi snying po la 'dug pa dang/ skyil krung 'cha'
na mi g.yo ba'i sa la dge ba'i rtsa ba brtan pa dang/ zhi gnas
sbyong na ma lus pa mthar thug pa la brtson zhing zhi ba dang
dul ba la gzhol ba dang/ lhag mthong sbyong na shin tu nyon
mongs pa med pa'i chos can dang chos

@294a yang dag par mthong ba dang/ skyil krung 'jig na mnyam par
'jog pa dang/ 'du byed thams cad 'jig pa mthong ba dang/ rkang
pa 'jog na sems rnam par grol ba mi 'khrugs pa la gnas pa dang/
rkang pa 'degs na kha na ma tho ba med cing 'khor bar bying

ba las 'thon pa dang/ smad g.yogs gyon na ngo tsha shes pa dang
khrel yod dang ldan zhing dge ba'i rtsa ba brtan pa dang/ ska
rags 'ching na mi 'khrugs pa'i chos can dang dge ba'i rtsa ba
shin tu 'phel ba dang/ bla gos gyon na chos thams cad kyi khyad
par gyi pha rol tu phyin

cing gong nas gong du dge ba'i rtsa ba thob pa dang/ snam sbyar
gyon na mi 'khrugs pa'i chos can thabs dam pas bkab pa dang/ so
shing len na yongs su dag pa'i dngos po thob cing dam pa'i chos
rnam par dag pa thob pa dang/ so shing za na nyon mongs pa bcom
pa dang/ sems dul

zhing dag pa dang/ dben par 'gro na 'dod chags dang zhe sdang
dang gti mug spangs shing sdig pa thams cad spangs pa dang/ chu
ngogs su 'gro na'ang 'jig rten las 'das pa'i chos thams cad las
shin tu byung ba dang/ gtsang spra byed na shin tu dag pas
gtsang zhing des pa dang/

lag pa 'khru na chos thams cad bzung ba dang bcang ba dang bkra
shis kyi lag pa dang ldan pa dang/ gdong 'khru na nyon mongs pa
thams cad dang bral zhing chos thams cad kyi sgo dag pa thob pa
dang/ 'khor ba len na chos sbyin byas shing lam ston pa dang/
lhung bzed len na 'gro ba thams cad

kyi mchod par 'os pa'i snod dang/ spyod yul du zhugs na gnas med
pa la gzhol zhing sangs rgyas kyi spyod yul la phyogs pa dang/
lam du zhugs na phyi nang kun tu 'gro zhing sangs rgyas kyi lam
du zhugs pa dang/ 'gro ba shin tu rnam par dag pa'i chos sgrib
pa med pa thob pas chos

kyi dbyings mtha' dang dbus ? med pa rtogs pa dang/ lam mtho ba
mthong na shin tu ma zhum pas khams gsum las gyen du 'phags pa
dang/ dma' ba mthong na dge ba'i rtsa bas nye bar brtan cing
sangs rgyas la 'dud pa dang lam nyam nga ba mthong na yon po
dang bral zhing nyam nga ba

@294b spangs pa dang/ lam drang po mthong na g.yo sgyu med
cing
sems drang po dang ldan pa dang/ lam rdul can mthong na rdul
med
pa'i chos thob cing 'dod chags las grol ba dang/ lam rdul med pa
mthong na snying rjes bsgos shing 'jam pa dang/ g.yang sa
mthong na sgrib pa med pa

rtogs pa dang sdig pa bsal ba dang dge ba la gzhol ba dang/
'khor mthong na dus gsum gyi chos zab mo bstan pa dang mthun pa
dang/ ka ba mthong na khro ba dang khon du 'dzin pa dang khengs
pa dang 'khrugs pa dang bral ba dang/ nags tshal mthong na lha
dang bcas pa'i phyag

gi gnas dang/ ri mthong na thob par dka' ba thibs po med pa thob
cing dge ba'i rtsa ba thams cad kyis 'phags pa dang/ tsher ma
mthong na 'dod pa dang sdang ba dang gti mug gi tsher ma dang
bral ba dang/ lo ma mthong na bsam gtan dang rnam par thar pa
la
sogs pas khyab

pa dang/ me tog mthong na chos thams cad la mngon par shes pa'i
me tog rgyas pa dang/ me tog gi shing mthong na mtshan sum cu
rtsa gnyis kyi me tog rgyas pa dang/ shing tog mthong na byang
chub kyi snying po la gzhol zhing sangs rgyas kyi chos btsal
ba'i 'bras bu

dam pa thob pa dang/ chu klung mthong na sangs rgyas kyi ye
shes
myong ste chos kyi rgyun la mnyam par 'jog pa dang/ lu ma
mthong
na chos thams cad ro gcig pa se gol gtogs pa tsam gyis rtogs pa
dang/ rdzing bu mthong na chos thams cad kyi tshig rgyas pa la
mkhas pa

dang/ khron pa mthong na chos thams cad 'byor cing spros pa
mang
ba dang/ mtsho mthong na gong nas gong du dmigs pa la brtson
zhing dge ba mi zad pa dang/ zam pa mthong na skye bo thams cad
sgrol ba'i zam par red pa dang/ yur pa mthong na 'gro ba thams
cad kyi bsam pa la mkhas

shing bag la nyal dang kun nas ldang ba med pa dang/ ra ba
mthong na 'dod pa'i yon tan la sred pa zhi ba dang/ mya ngan med
pa'i nags mthong na sred pa dang mya ngan med pa thob pa dang/
bza' shing gi ra ba mthong na sangs rgyas kyi byang chub mi
gtong ba la brtson pa dang/ sems can

f@295a @#/ /rgyan gyis brgyan pa mthong na mtshan sum cu rtsa
gnyis kyis brgyan pa dang/ rgyan med pa mthong na sbyangs pa'i
yon tan thob pas rgyan med pa dang/ sems can dga' ba mang ba
mthong na chos la spro dga' mang ba dang/ mi dga' mang ba
mthong
na

'dus byas thams cad la mi dga' ba mang ba dang/ bde ba mthong na
sangs rgyas kyi bde 'byor gyis bde ba dang/ sdug bsngal ba
mthong na ye shes kyi rtsa bas sdug bsngal zhi bar byed pa dang/
sdu ? gu ma mthong na sangs rgyas dang byang chub sems dpa' la
mos pa

mang ba dang/ mi sdug pa mthong na sdig pa'i bshes gnyen la mos
pa chung ba dang/ drin gzo ba mthong na sangs rgyas dang byang
chub sems dpa'i mdzad pa shes pa dang/ drin mi gzo ba mthong na
sdig lta la drin gzo med pa dang/ dge sbyong mthong na zhi ba
dang dul ba la

gzhol ba dang/ bram ze mthong na tshangs pa'i dam pa sdig pa
spangs pa dang/ dka' thub can mthong na dka' thub la gzhol ba
dang/ brtul zhugs can mthong na sangs rgyas dang byang chub
sems
dpa' mi gtong ba'i brtul zhugs dam pa dang/ go gyon pa mthong na
rab tu byung

ba'i chos btsal ba'i go cha bzang po bgos pa dang/ go ma byon pa
mthong na sdig pa'i las thams cad la go cha med pa dang/ rgol ba
mthong na phas kyi rgol ba tshar gcod pa dang/ 'tsho ba mthong na
spyod lam ma bcos shing 'tsho ba dag pa dang/ rgyal po mthong na
thogs pa

med pa'i chos kyi 'khor lo bskor ba'i rgyal po dang/ rgyal bu
mthong na sangs rgyas kyi sras chos las skyes pa dang/ khyim
bdag mthong na rnam par nges pa'i blo can grong pa'i chos spangs
pa dang/ blon po mthong na mi dge ba'i gnyen po thob pa dang/
grong khyer mthong na gdul

dka' ba'i sems dang mthu bo che'i lus 'dra ba dang/ rgyal po'i
gnas mthong na yon tan gyi rjes su 'brang ba la mos pa dang/
nags 'dab mthong na lha dang bcas pa'i 'jig rten gyis bsngags
par 'os pa dang/ grong du 'gro na chos kyi dbyings sgrib pa med
pa rtogs pa

@295b dang/ sgor phyin na sangs rgyas kyi chos thams cad kyi
sgor phyin pa dang/ nang du phyin na sangs rgyas kyi theg pa dus
gsum du mnyam pa nyid kyi nang du phyin pa dang/ mi sbyin ma
byas na bsod nams thob cing mi spong ba dang/ de byas na ngan
song gsum las phyir spangs pa dang/

lhung bzed stong pa mthong na nyon mongs pa thams cad kyis
stongs pa dang/ de gang ba mthong na chos dkar po thams cad
kyis
rgyas pa dang/ rim gro byas na chos spyod pa rnams la rim gro
byed pa dang/ de ma byas na sdig pa thams cad la rag ma las pa
dang/ sems can khrel

yod pa mthong na dbang po dben par spyod cing khrel yod pa
dang/
'dzem pa med pa mthong na byams pa la gnas shing 'dzem pa med pa
spangs pa dang/ zas bsod pa thob na zang zing med pa'i sems dang
smon lam phun sum tshogs pa thob pa dang/ mi bsod pa thob na ting
nge 'dzin

nyams bde ba thob pa dang/ snum bag thob na snying rje 'jam pa
dang/ snum med pa thob na sred pa'i snum bag med pa dang/ zas za
na chos la dka' bas rgyas shing bsam gtan gyi zas za ba dang/ ro
myang na bdud rtsis ngoms shing ro bro ba mchog gi mtshan thob
pa
dang/ zan zos

na sangs rgyas kyi chos kyi pha rol tu phyin pa dang/ chos ston
na sangs rgyas kyi chos la gzhol zhing spobs pa mi zad pa dang/
phyir 'byung na sangs rgyas kyi ye shes myong zhing khams gsum
thams cad nas 'byung ba dang/ chu brgal na dus gsum mnyam pa
nyid thams cad mkhyen

pa'i ye shes la brgal ba dang/ khrus byed na 'od mtha' yas shing
lus dang sems dri ma med pa dang/ dro ba la spyod na yongs su
gdung ba zil gyis gnon pa dang/ bsil ba la spyod na bla na med
pa'i bsil ba'i dngos po rtogs pa dang/ chos thos na chos kyi
gtam gyi

rjes su 'gro zhing chos kyi dbyings dang 'dris pa dang/ sangs
rgyas mthong na sangs rgyas thams cad dang 'grogs shing sgrib
pa
med pa'i mig dang ldan pa dang/ mig blta na kun tu mdzes pas kun
tu bzang ba dang/ mchod rten mthong na 'gro ba kun gyis chod
par
'os pa