[@##the following text has incomplete sections/ which are on order] @001 @#// bi b+huH b+ha nTa ra ka gu ru u tha ra mu ne ndra ba dza d+hA ra sya b+ha wa sa @#//khyab bdag rje btsun bla ma dam pa thub dbang rdo rje 'chad dang ngo bo dbyer ma mchis pa mphi nna ma nyju nA tha d+ha rma rA dza prA tsya ma hA sya a ba dA na mu ni 'jam mgon chos kyi rgyal po tsong kha pa chen po'i rnam par thar ba thub bstan mdzes sha sA na ru cai ra a nta ka e ka a ho ma Ni sya mA la nA ma bi dza har/ / pa'i rgyan gcig ngo mtshar nor bu'i 'phreng ba zhes bya ba bzhugs so/ / @002 mnyam pa'i pri tta las yi ge bcu gyis pa me tog phreng ldan/ sa rba dznyA dzA ya syA ku dku laM re Na yaH rgyal kun mkhyen brtse nus pa'i gur kum rdul/ / da rsha ka H NA ni li hhA wa dya de wa syaH gsal rdzogs mtshan dpe'i rol par shar pa'i lha/ / @003 manydzu shrI g+ho Sha sU kA bi sya nA tha yaH 'jam dpal dbyangs su snyan pa'i mgon de dang/ sa mb+hi nA shrI gu ru H shre yaM pra ya tstsha yaH dbyer med dpal ldan bla mas dge legs stsol// @004 bskal mang sngon nas bdud bzhi kun bcoms stobs bcu'i go 'phang mngon mdzad kyang/ / thun mong mos ngor zhing 'dir slar yang bcu gnyis mdzad pa'i rnam rol gyis/ /gdul dka'i 'gro rnams lhag par rjes 'dzin pad dkar ltar bsngags 'dren pa'i mchog /lha yi lhar gyur shAkya seng ger sgo gsum gus pas phyag bgyi'o/ /ston pa gang de'i sras kyi thu bo mchog /mi pham mgon dang rje btsun 'jam dbyangs zhes/ /rgyal sras tshul gyis rgyal ba'i mdzad pa kun/ /yongs su sgrub mdzad rnam gnyis phyag gi yul/ 3/ zab mo'i lta dang rlabs chen spyod pa yi/ /shing rta'i srol 'byed klu sgrub thogs med ces/ /sa chen 'di na sngon med nyi zla ltar/ /yongs su grags pa'i zhabs la mgos phyag 'tshal/ 4/'phags pa lha dang sangs rgyas bskyangs sogs dang/ /dbyig gnyen phyogs glang chos kyi grags pa sogs/ /'dzam gling mdzes byed 'phags yul paN grub kun/ / ngo mtshar dran pas gus pa'i gtsug tu bsten/ 5 /dam chos nyin mor byed pa'i snang ba yis/ /bod ljongs dkar po'i zhing du bsgyur mdzad pa'i/ /sngon byon chos rgyal lo paN grub brnyes sogs/ /grangs med rim par byon pa rnams la gus/ 6 /snang ba rten 'brel bslu ba med dang rang bzhin stong pa 'gal med 'char ba'i mtha' bral dbu ma'i lta ba dang/ /zabs gsang lam gyi gnad don mthar thug 'od gsal sgyu lus zung 'jug rnams kyi dka' gnad mdud rgya ma lus pa/ /cig car 'grol sogs mdo sngags chos kun 'tshang rgya'i nyams len kho nar 'khyer shes sngon med legs bshad bdud rtsi yis/ /thub bstan 'dab brgya slar yang bzhad mdzad rgyal ba gnyis pa blo bzang grags pa'i bka' drin bsam bzhin lan brgyar 'dud/ 7 /mgon po mchog de'i mdo sngags bstan pa dri med gser sbyangs btso ma'i khams/ /bshad dang sgrub @005 pa'i byi dor gyis sbyangs 'dzam gling khyon du gsal mdzad mkhan/ /sras kyi thu bo rnam gnyis nas bzung zla med dge ldan bka' brgyud kyi/ /'dren pa byon dang 'byon 'gyur kun gyi zhabs skyes spyi bo'i rgyan du bsten/ 8 /khyab bdag bcom ldan mi bskyod rdo rje dang/ /'jigs mdzad rdo rje bde ba mchog gi lha/ /rgyal ba'i yum gyur rje btsun tA re sogs/ /yi dam zhi khros mchog thun dngos grub stsol/ 9 /myur mdzad mgon dang las gshin phyi nang gsang/ /dmag zor zhi drag chos rgyal sku lnga sogs/ /bdud dpung 'joms la rdo rje'i shugs ldan pa'i/ /bstan srung rgya mtshos rnam bzhi'i 'phrin las mdzod/ 10 /zhing gi mchog gyur phyag 'os rin chen la; ;'dud cing gus pa'i dngos po lhur blangs nas/ /'bad pa don dang ldan pa'i gtam bzang gi /me tog 'phreng mdzes spyi bo'i rgyan du spud/ 11 /gang zhig dus gsum byon pa yi/ /'dren pa kun gyi mdzad pa'i khur/ /gcig tu bsnams pa'i rnam thar las/ /lhag pa'i smra ba ci zhig dgos/ 12 /'on kyang tshur mthong skye bo phal/ /blo mig rmongs pas ldong gyur pas/ /dam pa'i yon tan nyin mo'i 'od/ /lkog gyur mun pa'i tshul du'ang song/ 13 /lhag par phyogs 'dzin ser mig can/ /'ga' zhig nag po'i kun slong gis/ /sgro skur sna tshogs smyon pa yi/ /mu cor ji bzhin smra ba la/ 14 /legs nyes 'byed pa'i mthu dman pa'i/ /rmongs pa dag kyang rjes zhugs te/ /mi bzad 'jigs rung ngan 'gro'i sgor/ /khyu 'ded tshul gyis 'jug rnams la/ /15 ma bzod lhag pa'i bsam pa yis/ /drangs pa'i rtogs brjod zla ba'i bzhin/ /ngo mtshar ri mo 'dzum pa'i mdangs/ /kun la gsal bor ngoms byed na/ /16 blo ldan gang zhig dad @006 gus kyi/ /padmo snying dbus 'dzin bzhin par/ /rtogs brjod dbyangs kyi rgyal mo'i sgra/ /rim gro bskyed de nyan par rigs/ /zhes mchod par brjod cing rtsom par dam bca' ba dang/ nyan par gdams pa'i tshigs su bcad pa'i 'phreng ba de dang de dag spel ba sngon du btang nas gang gleng bar bya ba skabs su bab pa ni/ de yang ji skad du/ mkhas grub smra ba'i nyi ma dge legs dpal bzang po'i gsung las/ tshogs gnyis spyod pa rlabs chen shar ri'i rtser/ /rgyal sras dpa' bo smra ba'i zla ba 'dzegs/ /thub bstan ku mud bzhad pa'i dpal yon can/ /rje btsun bla ma snying gi mun sel rgyal/ /blau? bzango? dbyangs can ngag gi dpal mnga' ba/ /gragso? pa'io? rdza rnga phyogs kyi mdzes mas brdungs/ /dpal ldan mkhas pa kun gyi mgos gtugs pa; ;khyod kyi zhabs la bdag kyang phyag bgyi'o/ /mi dman brtul zhugs mchog gis legs bsdams shing/ /rnam dpyod ches phra thub pa'i gzhung lugs kun/ / zhib mor 'byed la zla dang bral gyur pas/ /gcig tu sgrub la dgyes pa 'di rmad do/ / zhes sogs ji ltar gsungs pa ltar gyi bsngags brjod kyi yul dam par gyur pa/ lha dang bcas pa'i 'gro ba thams cad kyi ma 'dris pa'i mdza' bshes chen po/ dpal ldan stobs bcu mnga' ba kun gyi mdzad pa'i khur mtha' dag gcig tu bsnams pa'i thugs bskyed dang snying stobs zla med pa'i pha rol tu son pa/ bde bar gshegs pa'i mdo sngags kyi lung dang rtogs pa'i chos kyi rgyal srid ma lus pa la rang dbang du mdzad pa'i chos kyi 'khor los bsgyur rgyal chen po/ ji lta ba dang ji snyed pa'i shes bya ma lus pa'i tshul la mkhyen rab kyi snang ba rab tu rgyas shing/ dmigs pa med pa'i thugs rje chen pos lus can mtha' dag la ma bu gcig pa la brtse ba bzhin du nyin @007 mtshan dus drug tu gzigs pa dri ma med pas rtag par yongs su gzigs pa'i snying rje'i bdag nyid chen po/ lhag par snyigs ma'i dus 'dir thub pa'i bstan la thub dbang rang nyid slar yang byon pa dang sgo kun nas mtshungs pa'i bshad sgrub kyi 'phrin las gzhan dring mi 'jog pas bstan pa rin po che nyin mo'i dpal ltar ches cher gsal bar mdzad pas rgyal ba gnyis pa zhes lha dang bcas pa'i 'jig rten na grags pa'i sgra dbyangs lham mer gsal ba/ mtshan dngos nas brjod par dka' na'ang dgos pa dang don gyi slad du smos na rje btsun dpal ldan bla ma dam pa thub dbang rdo rje 'chang chen po dang ngo bo dbyer ma mchis pa 'jam mgon chos kyi rgyal po shar tsong kha pa blo bzang grags pa'i dpal zhes mtshan snyan gyi gdugs dkar po srid pa dang zhi ba'i khyon kun tu yongs su khyab pa'i bdag nyid chen po de yi gsang ba gsum gyi rnam par thar pa ngo mtshar rmad du byung ba rnams ni skabs 'dir gang brjod par bya ba'i don gyi gtso bo yin la/ de la yang thog mar gleng bslang ba sngon du btang nas rnam par thar pa 'god dgos pa'i rgyu mtshan bshad pa dang/ dngos gzhi 'god bya'i rnam par thar pa nyid bshad pa dang/ rjes bsngo ba dang smon lam rnam par dag pa dang bcas pas mjug bsdu ba stes bcad rnam pa gsum las/ dang po ni/ de la spyir dam pa rnams kyi rnam par thar pa zhes pa ni 'khrungs rabs kyi 'phreng ba sngon ma'am/ sku tshe 'di nyid gang yin yang rung ste gang zag phal pa gzhan las khyad par du 'phags shing ngo mtshar ba'i sku gsung thugs kyi yon tan spyi dang/ lhag par du rgyal ba'i bstan pa la thos pa dang/ bsam pa dang/ sgom pa rnam par dag pa mdzad pa'i tshul dang/ de la brten nas mkhas pa'i yon tan 'chad rtsod rtsom gsum dang/ btsun pa'i yon @008 tan sdom pa gsum gyi bcas pa'i mtshams las mi 'da' ba/ grub pa'i yon tan sa lam gyi rtogs pa khyad par can thugs rgyud la 'khrungs tshul/ bzang po'i yon tan mkhas grub kyi lag rjes bstan pa dang 'gro ba yongs la sman pa'i 'phrin las rlabs po che ji ltar mdzad pa'i tshul la sogs pa rnams ngag gi 'phreng bar spel ba las/ mthong ba dang thos pa'i gdul bya gang gi rgyud la bcos ma ma yin pa'i dad pa dang gus pa gong nas gong du 'phel zhing/ de la brten nas gdul bya de dag gis kyang rnam par thar pa'i tshul de dang de la smon lam tshun chad kyis kyang 'jug par 'gyur ba'i legs bshad de lta bu la rnam par thar pa zhes brjod pa yin gyi/ de las gzhan du gang zag rang ga ba dag gis tshe 'dir dgra 'dul gnyen skyongs dang/ tshong khe dpogs sogs kyis nor sgrub tshul/ dge ba ltar snang 'ga' tsam byas tshul sogs la rab brtags kyi tshig gis brgyan te 'jig rten pa rnams ya mtshan skye thabs tsam du spel ba dag ni gtam rgyud kyi grangs su gtogs pa tsam las rnam par thar pa zhes pa'i grags su mi 'gro la/ der ma zad rnam thar 'god yul bdag nyid chen po yin du zin kyang rtsom pa po rnam dpyod dang mi ldan pa'i byed las la brten nas dam pa'i yon tan mkhas btsun bzang gsum sogs las brtsams pa cher med par gdul byar bsnyad pa'i 'di nas 'dir phebs dang/ 'di nas 'dir bzhugs/ mjal kha 'di gnang/ 'bul ba 'di byung sogs gtso bor bton pa tsam gyis kyang gdul bya'i rgyud la dad gus cher bskyed mi nus pas de dag rnam thar gyi grangs su gtogs pa tsam ni yin shas che rung/ rnam thar gyi don ji bzhin ni ma tshang ste/ tsi'i phyir na/ rnam par thar pa zhes pa'i don dngos ni/ brjod bya dang rjod byed kyi rnam pa de la brten nas mthong thos kyi gdul bya rnams thar pa dang thams cad mkhyen @009 pa thob pa'i rgyur 'gyur ba zhig dgos pa'i phyir/ /das na phyi rabs kya gang zag dag gis rang rang gi bla ma'i zhabs 'degs su bsam nas rnam thar bsgrigs par rloms pa dag mchis na yang/ gong du smos pa ltar gyi yon tan de dang de dag las brtsams te 'god pa nyid gtso bor bton dgos kyi/ de lta ma yin pa'i lung ma bstan gyi tshig gi 'phreng ba mang du spel ba tsam gyis ni zhabs 'degs su 'gyur ram gang du 'gyur mi shes par snang la/ 'on kyang da ni dus kyi dbang gis bstan pa 'jigs pa la mngon du phyogs/ 'gro ba rnams kyang bsod nams ches cher dman zhing tshul min yid byed kho na'i gzhan dbang du gyur pas chos dang chos smra ba la gus pa'ang shin tu nyung/ de'i dbang gis mkhas grub gnyis ldan gyi bdag nyid chen po 'byon pa'ang ches dkon zhing/ la la tsam byon du zin kyang rang nyid kun rtog ngan pa'i dbang du gyur pas de dag gi sku gsung thugs kyi yon tan mthong ba dang bsam pa sogs med pa'i khar sgro 'dogs dang skur 'debs sna tshogs kyis las gsogs pa la brtson pa las/ yul dam pa la dad pa dang gus pa dang rnam par thar pa rtsom pa dang bsgrigs pa sogs kyi 'dun pa tsam skye ba'ang shin tu dka' bar snang la/ 'ga' zhig gis dad pa dang rmongs zhen 'dres pas kun nas bslangs te rtsom par rloms na yang rnam dpyod kyi rtsal dang mi ldan pas de dang de 'dra bzhig las 'byung bar mi snang ngo zhes phal cher thag bcad chog pa'i gnas skabs su slebs 'dug pas/ des na 'di 'dra ba'i dus su mang du smras kyang rang nyid bya rog lus dkar sgrub pa'i ngal ba tsam du ma zad/ lha khang nang gi 'ur rdo bzhin du 'gyur nye bas de tsam las mi spro zhing/ skabs don brjod bya'i gtso bo rje bdag nyid chen po tsong kha pa lta bu ni/ nges pa'i @010 don du dus gsum gyi rgyal ba thams cad kyi mkhyen pa'i ye shes gcig tu bsdus pa'i ngo bo rje btsun 'jam dpal dbyangs nyid mthon mthing ral pa'i zur phud dor te bsam bzhin du ngur smrig gi rgyal mtshan 'dzin pa nyid du sangs rgyas/ byang sems/ yi dam zhi khro/ rtsod med mkhas grub kyi skyes bu du ma dang bcas pas lan gcig min par bsngags shing/ der ma zad thun mong gdul bya'i snang tshul tsam du yang/ mkhas btsun bzang gsum dang/ grub pa'i rnam par thar pa gang gi cha nas kyang 'gran pa'i zla thams cad dang bral ba rgyal ba'i bstan la rgyal ba rang nyid slar yang byon pa dang sgo kun nas mtshungs ba zhig yin pa ni rab brtags dang cam bu'i zol bstod tsam ma yin par/ 'dzam gling mtha' dbus kyi gzhir 'khod pa'i mchog dman kun la mngon sum du grags shing grub pa ma zad/ mkhas grub thams cad mkhyen pa'i gsung las/ 'di yi mtshan ni snying stobs chen po zhes/ /rgyal ba sras bcas kun la mthun par grags/ /zhes gsungs pa ltar/ phyogs bcu'i sangs rgyas kyi zhing khams kun tu yang yongs su khyab pa zhig yin na/ tshur mthong gi blo'i bu gar 'char ba'i mdzad pa 'ga' zhig ri mor spel ba tsam la ltos pa zhig ma yin mod/ de lta na'ang chos kyi rje blo gros legs bzang gis mdzad pa'i rje'i rnam thar las/ snod ldan dad pa rab yangs rgya che'i khyon/ / rlabs chen thugs rje'i chu bo bzhi yis gang/ /gzur gnas blo ldan don gnyer dad ldan 'ga'i/ /dngos grub gnyis kyi gter kha 'byed pa'i phyir/ /rab gsang rin chen gtam gyi 'phreng ba ni/ /rtse gcig gzhan phan khur gyis bsnyad par bya/ / zhes gsungs pa ltar/ skal pa mchog gi snod du gyur pa'i gang zag gzu bor gnas pa'i blo gros kyi 'jug pa yangs shing/ /dam pa'i yon tan don du gnyer pa'i dad @011 pa dang brtson 'grus dang ldan pa dag la bdag nyid chen po 'di lta bu'i gsang ba gsum gyi ngo mtshar drang por gleng ba'i rtogs brjod rin po che'i 'phreng ba spal ba las dad pa dang gus pa'i rgya mtsho ches cher 'phel zhing/ de la brten nas blo ldan de dag gi rgyud la rje bdag nyid chen po'i thugs rje dang byin rlabs zhugs pas tshul bzhin ma yin pa'i bsam sbyor rnams rim pa bzhin du 'gags/ rnam thar gtsang ma'i phyi rjes su 'jug pa'i gus pa dang spro ba ngam ngam shugs kyis 'phel te rgyal bas bsngags pa'i mdo sngags kyi lam tshul bzhin nyams su blangs pa las rang dang gzhan gyi gnas skabs dang mthar thug gi dgos pa rgya chen po bde blag tu 'grub pa'i slad dang/ lhag par deng dus kyi skye bo phal mo che ni blo gros kyi mig ma rig pa'i ling tog gis ldong pas lam dang lam min 'byed pa dang/ dam pa dang dam pa ma yin pa'i khyad par 'byed pa'i shes rab ni nam mkha'i madmo'i mched zlar gyur/ las dang nyon mongs pa'i sgribs pa shugs ches pas sangs rgyas byang sems rnams kyi sku gsung thugs gsang ba bsam gyis mi khyab pa'i yon tan zab pa dang rgya che ba rnams lta ci smos/ rang cag gi mos ngo dang 'tshams par ston pa'i yon tan rnams la'ang yon tan du shes pa'i dad gus ni padmo'i rtsa ba ltar shin tu phra/ thog ma med pa nas las ngan gyi goms pa shugs ches shing bsod nams kyi bsags rgyab dman pas mi dge ba'i gzhan dbang du gyur pa'i skye bo dang/ log pa'i bshes gnyen rnams kyi smra ba ngan pa dang/ spyod pa ngan pa dag gi rjes su zhugs te sangs rgyas dngos dang mtshungs pa'i dam pa rnams la log rtog ngan pas kun nas bslangs pa'i sgro skur gyi smra ba mang pos skad cig dang skad cig la yang bsod nams ma yin pa'i las tshab po che bsags te ngan song mu mtha' med @012 pa 'jigs su rung ba'i gnas su gtan 'khyams byed par 'gyur ba'i gang zag shin tu mang bar snang ba de dag gi rgyud kyi ngan rtog gi dra ba rnams drung nas phyungs shing/ dad gus kyi sa bon bskrun pa'i mthu las tshe rabs 'di dang tshe rabs kyi 'phreng ba gzhan du'ang 'dren pa bla na med pa 'di lta bus dngos dang sprul pas rjes su bzung ste/ des bstan pa'i lam rnam par dag pa la tshul bzhin du bslab pas ngan song gi sgo ni bcad/ thar pa dang thams cad mkhyen pa'i sgo ni phye/ dngos grub rnam pa gnyis kyi 'dod rgu lag rtser lon par 'gyur ba sogs kyi slad du rnam par thar pa 'di dag ri mor spel ba dang/ par du 'god pa dang/ gzhan la 'chad pa sogs kyis rgya cher spel ba ni las su bya ba shin tu don chen po dang ldan pa yin pas tshul de lta bu la nges par 'jug dgos shing/ de la 'ga' zhig 'di ltar du yang sems pa srid de/ ci khyed rang gi zer ba ltar rje thams cad mkhyen pa tsong kha pa chen po ni sangs rgyas 'jig rten du byon pa dang mtshungs pa'i rtsod med kyi bdag nyid chen po yin par kun la grags shing grub pa ma zad/ de'i rnam par thar pa yang sras kyi thu bo mkhas grub smra ba'i nyi ma dge legs dpal bzang po dang/ rtogs ldan 'jam dpal rgya mtsho sogs dang/ de'i rjes su'ang gsar rnying ris med kyi mkhas grub mang pos mdzad pa'i rnam thar rgyas bsdus ci rigs pa mang du mchis na/ de dag tu ma gsal ba'i rnam thar gyi tshul gsar pa dag ni khyod la 'god rgyu med la/ sngar glegs bam du 'khod zin pa rnams slar skyar zlos kyi tshul du bkod kyang sgrub zin sgrub pa'i gtan tshigs bzhin du 'gyur ba las mi 'dra ba'i dgos pa lhag po gang yang med do snyam na/ de la 'di skad brjod par bya ste/ rgyal sras zhi ba lhas/ sngon chad ma byung ba yang 'dir brjod med/ /sdebs sbyor mkhas pa'ang bdag @013 la yod min te/ /zhes dang/ dge ba goms phyir bdag gi dad pa'i shugs/ / 'di dag gis kyang re zhig 'phel 'gyur la/ /bdag dang skal ba mnyam pa gzhan gyis kyang/ /ci ste 'di dag mthong na don yod 'gyur/ /zhes rim pa bzhin du gsungs pa ltar/ kho bo cag lta bu rtsod ldan snyigs ma dus ngan dgu'i mtha' mar skyes pas sngon byon mkhas grub phal mo che'i zhabs ma zin pas dam pa'i zhal las dngos su thos pa'i legs bshad kyi skyes kyis ni phongs par gyur/ skyes thob kyi shes rab dman zhing sbyangs stobs kyi yon tan zhan pas gzhung lugs chen po dang rnam thar lo rgyus sogs la dpyad pa'i blo gros ni rgya khab kyi bug pa ltar shin tu phra/ sgrub pa nyams len gyi skal bas phongs pas rang stobs kyi mngon par shes pa la sogs pa lta ci/ tha na rmi lam du yang bla ma lha la sogs pas blang don brda' dang thabs tsam gyis lung ston pa sogs kyi go skabs ni nam du'ang med/ rnam pa kun tu nyon mongs pas kun nas bslangs pa'i kha na ma tho ba'i bya bar nyin mtshan du 'da' ba zhig gis sngon byon mkhas grub thams cad mkhyen pa la sogs pa bdag nyid chen po de dag gis ji ltar gsungs pa las lhag pa'i ngo mtshar ba'i gtam gsar pa dag ni 'ga' tsam yang brjod du med pa ni shin tu bden/ der ma zad gzhung lugs chen po dang/ rig pa'i gnas sogs la'ang phyogs mthong gi go ba rwa ltogs rtswa bza' ba'i ngang tshul tsam las thos bsam gting phyin pa ma song ba'i dbang gis lung dang/ rigs pa dang/ snyan ngag /sdebs sbyor sogs kyis spras pa'i tshig gi 'phreng ba mkhas pa mgu ba bskyed pa'i yan lag tu 'gyur ba dag kyang 'god nus pa'i rnam dpyod med bzhin du 'di ltar rtsom pa la 'jug pa ni spyi rtol che ba tsam du snang mod/ de la na'ang/ slob dpon daNDis/ bstan bcos @014 snga ma rnams bsdus shing/ /sbyor ba rnams kyang nyer mtshon te/ /ji ltar nus bzhin bdag gis ni/ /snyan ngag rnams kyi mtshan nyid bya/ /zhes dang/ 'on kyang rnam rtog sa bon ni/ /sngon gyi slob dpon rnams kyis bstan/ /de nyid rab tu legs sbyar phyir/ /yongs su ngal 'di bdag gi'o/ /zhes gsungs pa ltar/ sngar mkhas grub thams cad mkhyen pa la sogs pas kyang rje bdag nyid chen po ni/ gong du brjod pa ltar mkhas grub gnyis ldan gyi 'phrin las gang gi cha nas kyang sa steng na 'gran pa'i zla dang bral bar kun la grags shing grub pas na mdzad pa mtha' dag rnam thar du bkod pa la de tsam gyis ma ltos par gzigs nas thun mong ba'i rnam thar gtso che ba/ rgyal ba'i bstan pa la thos bsam sgom gsum rnam par dag pa mdzad pa'i tshul dang/ gsung gi mdzad pas gdul bya rjes su 'dzin tshul/ bstan pa rin po che la ma rtogs pa dang log par rtog pa'i dri ma drung nas phyungs te bstan pa'i snying po nyin mo ltar gsal bar mdzad pa sogs gtso bor bton nas gsung ba las/ 'jig rten 'khor gyi 'du 'god dang zang zing gis 'bul ba bsdus pa sogs rje thams cad mkhyen pa'i mdzad pa la mi mnga' ba ltar 'god par yang ma mdzad la/ ji ltar bkod pa rnams kyang mchog dman kun gyis go na dad gus kyi sa bon thebs che bar dgongs nas snyan ngag sdebs sbyor sogs kyis ma bcings shing/ lung rig gi spros pa yang cher ma mdzad par go sla zhing 'jug pa bde ba mdor bsgril ba'i tshul gyis 'god par mdzad snang la/ lhag par nang gi mngon par rtogs pa sa lam gyi yon tan khyad par can dpag tu med pa thugs rgyud la 'khrungs tshul dang/ sangs rgyas byang sems/ yi dam zhi khro/ rgya bod kyi paN grub du ma'i zhal gzigs shing/ lung bstan brnyes tshul la sogs pa thun mong @015 ma yin pa'i rnam thar dag rgyal tshab mkhas grub rnam gnyis dang/ rtogs ldan 'jam dpal rgya mtsho sogs kyi gsan zhing dgongs par gyur na'ang/ rje bdag nyid chen po ni; bdag gi yon tan sba bya zhing/ /gzhan gyi yon tan bsgrags par bya/ /zhes 'brom chos kyi rgyal po'i rnam thar kho na lhur bzhes te thun mong ma yin pa'i mngon par rtogs pa'i yon tan rnams gsang zhing sbed pa 'ba' zhig gtso bor mdzad pa ma zad/ slob ma rnams la yang bka' rgyas btab pas mtha' dag yi ger 'god par mdzad ma nus shing/ 'ga' zhig tsam mkhas grub thams cad mkhyen pa sogs la bka' 'khrol ba rnams kyang gsang rnam zur 'debs nyung ngu'i tshul du 'khod pa las/ yongs grags kyi rnam thar chen mo sogs su 'god par ma mdzad la/ mkhas grub thams cad mkhyen pas mdzad pa de dag tu ma gsal ba 'ga' zhig rje 'jam dpal rgya mtsho dang/ gnas rnying kun dga' bde legs/ zang zang ni ring pa 'chi med rab rgyas/ mkhar nag lo tsA ba sogs kyis thor bu'i tshul gyis 'god par mdzad 'dug kyang phyogs gcig tu sdebs par ma mdzad pas yongs grags kyi rnam thar chen mo tshig sna cung nyung ba tsam la brten nas/ blun po rtog dpyod dang mi ldan pa dag /rnam thar shog grangs mang ba tsam gyis mdzad 'phrin rgya che ba yin 'dug snyam ste dngos su 'di skad du/ sngon byon bla ma gzhan gyi rnam thar glegs bam chen por longs pa snang zhing/ rje tsong kha pa'i rnam thar ni nyung ngu zhig las mi snang ngo zhes rang bzhin du smras pa'i zol gyis don du mdzad 'phrin ha cang rgya che ba zhig ma byung ba yin 'dra snyam du sems pa dang/ tshul de dang de dag la dgongs nas rang phyogs ri bo dge lugs pa'i bstan 'dzin chen po dag gi gsung las kyang/ skye bo blo chung dag gis rnam thar nyung ba tsam rtags su bkod @016 nas zhing dam pa la bsod rnams ma yin pa'i las gsogs par snang bas de dag 'gog ched dang/ lhag par rje thams cad mkhyen pa chen po ni 'phrin las nam mkha' dang mnyam pa/ gangs ri'i khrod kyi bstan 'dzin kun gyi dbus na rgyal mtshan gyi tog ltar ches cher 'phags pa zhig yin pas na/ kun gyi dad pa'i gsos su rnam par thar pa rgyas par 'khod pa zhig nges par dgos par rngo thogs so/ /zhes bka' rtsal pa sogs zhib pa 'og tu sbyar sbyang gi skabs su 'god par bya la/ gzhan yang gsang ba'i rnam thar sogs mdzad pa ngo mtshar can zur du bkol ba rnams par du 'khod min kyang ci rigs la brten phal mo che'i mthong thos kyi yul du ma gyur pa'i khar/ rje thams cad mkhyen pa'i bzhed don dang rnam thar gyi gtso bo ni/ ji ltar sngon ston pa thugs rje can nyid kyis kyang skal ba dang ldan pa'i gang zag theg pa mchog gsang sngags kyi snod du gyur pa rnams kyi ngor rgyud sde rgya mtsho'i dkyil 'khor de dang de'i gtso bor dngos su bzhengs shing/ dkyil 'khor kyang mngon sum du bstan nas gsang ba sngags kyi chos 'khor mtha' yas pa bskor bar mdzad kyang/ thun mong ba'i gdul bya dag gi snang ngor mngon par rdzogs par sangs rgyas pa'i tshul bstan pa nas bzung/ mya ngan las 'das pa'i mdzad pa ma bstan gyi bar du mchog gi sprul sku dge slong gi rnam pa can kho nas/ 'khor byang chub sems dpa'i dge 'dun dang/ nyan thos kyi dge 'dun rnams dang lhan cig tu bzhugs te chos 'khor rim pa gsum du bskor ba la sogs pas bstan pa rin po che lhar bcas 'gro ba yongs kyi bsod nams kyi zhing du gsal bar mdzad pa'i rnam thar dang sgo kun nas mtshungs par/ phyi rol thun mong ba dag gi snang ngor byang sems dang 'dul ba'i bslab bya phra rags la nyes @017 ltung gi dri ma phra mos kyang ma gos pa'i bcas mtshams nyid gtso bor bzung ba las/ gsang sngags pa yin zhes 'dul ba khyad du gsod pa'i tho co dang/ rtsing spyod rnam pa kun tu mi mdzad cing/ gsang sngags kyi nyams bzhes rnams ni ming don dang mthun par shin tu gsang ba'i sgo nas nyams su bzhes shing/ snod ldan gyi gang zag rnams la yang gsang ba dam po'i sgo nas spel bar mdzad pa las khroms bsgrags su ma mdzad la/ lam bskyed rdzogs kyi rtogs pa mthar thug pa thugs rgyud la 'khrungs kyang mngon mtshan can gyi grub rtags dang rdzu 'phrul sogs byung rgyal du mi ston par/ phyi ru nyan thos spyod pa skyongs/ /nang du 'dus pa la rab dga'/ /zhes pa'i lung don kho na phyag bzhes su mdzad de bstan pa rin po che 'jig rten na yun du gnas pa 'ba' zhig gtso bor mdzad pa zhig yin pa ma shes par/ gsar rnying gi grub mtha' 'dzin par rloms pa mang po zhig gi bsam par/ rje tsong kha pa ni/ dbu phar 'dul mdzod chad ma sogs kyi gzhung lugs la mkhas pa'i yon tan mnga' zhing/ de'i steng du 'dul ba'i bcas khrims rnam par dag pa'i mkhas btsun bzang gsum 'dzom pa tsam las/ sngags kyi rtogs pa thon po brnyes pa zhig min 'dug snyam pa'i nyi ma me 'khyer du 'dzin pa'i log rtog skye ba dang/ des kun nas bslangs te ri bo dge lugs pa la gsang sngags kyi nyams len med do zhes smra ba dang/ la la dag gsang sngags tsam yod du srid kyang tshe gcig lus gcig la sangs rgya ba'i gdams ngag zab mo med do/ /zhes sogs sna tshogs su smra ba rnams kyi mi shes pa'i rgyu dngos sam rtsa ba ni rje thams cad mkhyen pa'i gsang ba gsum gyi rnam thar rnams ji bzhin du ma rtogs pas lan par snang la/ de dag las gzhan du rang nyid la chos dang chos min 'byed pa'i blo gros rta rnga tsam med bzhin du sa @018 dge rnying ma kar 'brug zhes sogs kyi ming tsam dang/ zhwa dmar ser gyi kha dog tsam la grub mthar 'dzin pa'i blun po snying khams can dag gis kun slong ngan pa'i smra ba sna tshogs kyis las mi bzad pa gsogs pa dag kyang mchis mod/ de 'dra ba'i las gsogs pa la bsam bzhin du smon lam btab pa dag la ni 'jam mgon sa paN gyis/ ngan pa ji ltar bcos gyur kyang/ /rang bzhin bzang po 'byung mi 'gyur// sol ba 'bad de bkrus na yang/ /kha dog dkar po 'byung mi srid/ /ces gsungs pa ltar snying rje'i yul du 'jog pa las mang du smras pas bcos dka' bar mchis mod kyang/ skye bo gzhan dag kyang tshul der kha drangs nas 'di phyi'i 'dun ma gtan rlag tu byed 'jug pa du ma zhig mngon lkog ci rigs su sngar yang byung zhing/ da lta yang yod tshod du snang bas de lta bu'i log rtog che 'bring chung gsum rnams kyi rgyun 'gog pa sogs kyi slad du rnam par thar pa rgyas pa zhig nges par du dgos par mngon yang deng gi dus mkhas grub gnyis ldan gyi bdag nyid chen po 'ga' zhig bzhugs pa rnams kyis ni/ ji skad du/ rje btsun 'jam dpal dbyangs kyis rje bdag nyid chen por gsungs pa las/ rmu rgod gdul dka'i 'gro ba 'di dag la/ /bshad pas phan thogs chen por ga la 'gyur/ /de bas dben pa bstan nas sgrub pa rems/ /rang bzhan gnyis ka 'tshengs pa'i lam rnyed 'gyur/ /zhes gsugns pa'i don thugs la brangs te dus ngan pas thugs yid 'byung bas nang du yang dag 'jog la gtso bor mdzad pa las mkhas pa'i bya bar btang snyoms su mdzad/ de las gzhan pa'i mchog dman phal mo che ni/ sa skya paNDi tas/ blun po'i dbus na dga' zhing rtse/ /mkhas pa'i mdun na zhum zhing zur/ /nogs dang lkog shal men na yang/ ya so can kyi ba lang yin// @019 zhes gsungs pa'i lung gis dngos su zin pa mang ba bcas/ de la brten nas bdag lta bu mkhas pa'i yon tan mtha' dag ma tshang yang dam pa rnams kyi drin las tshul dang tshul min 'byed pa'i blo gros phra mo tsam dang/ tshig sbyor dam dum spel shes pa tsam rtags su bkod nas 'brog pa khyis ded pa'i gral mgo 'am/ de pho med dus bong bus nam tshod 'dzin dgos pa ltar ming tsam gyi mkhas pa'i khral phog pas 'di ltar 'god pa'i las su bya ba bdag gir byed dgos pa'i skabs su bab par gyur na/ gong du rgyal sras zhi ba lha'i gsung drangs pa ltar/ bdag dang skal ba mnyam pa gzhan dag la yang phan par 'gyur ba gor ma chag go snyam nas smra ba'i mgrin pa cung zad gzengs su bstod de/ gtso bor mkhas grub thams cad mkhyen pas mdzad pa'i thun mong dang thun mong ma yin pa'i rnam thar rnams gzhir bzung ba'i thog /rje 'jam dpal rgya mtsho sogs mkhas grub gzhan dag mang pos mdzad pa rnams kyang thor ba bsdus pa'i tshul gyis phyogs gcig tu bsgrigs/ de dag la yang snyan dngags kyi tshig rgyan rmad du byung ba dag gis spud na rang nyid bsod nams kyi tshigs chen rdzogs pa'i rgyur snang na yang/ dus dbang gis phal mo ches go dka' bar snang ba la brten nas/ gong du brjod pa ltar mkhas grub thams cad mkhyen pas kyang go bde ba gtso bor mdzad 'dug pa bzhin/ mchog dman kun gyis go na dad gus kyi sa bon thebs pa la phan che bar bsams te rnam thar dngos gzhi'i tshig rnams go bde ba nyid gtso bor bton pa'i thog mkhas grub rin po che sogs kyi gsung rnams kyang thugs bskyed dang byin rlabs kyi rgyun khyad du bsams nas skabs 'gar lung gi tshul dang tshig dkyus rnams su'ang rgyas bsdus ci rigs pa thon par byas te bkod/ de dag gi thog mtha' bar gsum @020 skabs su gang bab rnams su dad ldan gus pa bskyed pa dang/ log smra tshar gcod pa'i lung dang rig pa'i gtan tshigs 'god dgos pa rnams kyang mdzad pa de dang de'i thad du zhabs 'degs kyi tshul du spros/ bar skabs rnams su snyan dngags kyi nyams kyis sgeg pa'i ngal bso'i tshigs su bcad pa'i 'phreng ba dag kyang spel te rim pa bzhin du 'god par bya na/ rang gzhan gyi grub mtha' 'dzin pa gang su yang rung ste/ bdag legs su 'dod pa'i blo can rnams kyis phyogs 'dzin dang sdang shugs kyi blo ngan spangs nas dad gus kyi rim gro bskyed de nyan par byos zhig /'dir smras pa/ 'dren pa kun gyi rmad byung mkhyen pa dang/ /'gro la gcig tu brtse ba'i thugs rje dang/ /nam mkha' mnyam pa'i 'phrin las phung po kun/ /gcig bsdus mgon der tsong kha pa zhes grags/ / khyod ni 'gro ba kun gyi mig gcig ste/ /thub bstan padmo bzhad pa'i nyin byed dang/ / skal ldan gdung ba sel ba'i bdud rtsi ste/ /kun la 'dod pa 'jo ba'i nor bu'ang yin/ / mgon khyod rgyal ba dngos dang mi gnyis zhes/ /phyogs dang phyogs bral khyon kun grags snyan gyis/ /rnam par 'gengs pa'i ngo mtshar mchis bzhin du/ /rtogs brjod ri mor 'god la ltos pa ci/ /de lta mod kyi tshu rol mthong ba'i blo/ /yun ring goms pa'i las nyon gyis bslad pas/ /dam pa'i yon tan mthong bas phongs gyur te/ /nor bu chings bur 'dzin pa'i blo can mang/ /de sogs log shes dri ma 'krud pa'i phyir/ /dag byed rnam thar gtsang ma lha yi chu/ /drang por gleng ba'i 'bab stegs la gzhol te/ /dad pa'i bzhin ras gsal phyir bkye ba'ang rigs/ /sngon byon mkhas pas bsngags pa'i legs bshad las/ /lhag pa'i gtam gyi sbyor ba ma dmigs kyang/ /rdo thal dgung zla'i 'od kyis dkar byas bzhin/ /gsal bar bya ba'i gnas ni 'ga' zhig mtshis/ / @021 ma rtogs rnams kyis rtogs par bya ba dang/ /log rtag zug rngu drung nas 'byin pa dang/ /smra ba ngan pa'i tshangs tshing bsregs pa'i phyir/ /lung dang rig pa'i me 'od dag kyang spro/ /bsod nams tshogs chen 'gugs pa'i nyer len dang/ /mkhas pa mgu ba bskyed ba'i cha rkyen dang/ /rnam thar mdzes pa'i rgyan rnams lhan cig pa'i/ /tshigs bcad nor bu'i do shal 'ga' yang spel/ /bdag nyid che rnams btang snyoms phyag rgyar gzhol/ /blun po'i khyu rnams ba glang brtul zhugs 'dzin/ /'di lta'i tshul rnams bag la zha ba'i tshe/ /cung zad smra ba kho bo'i skal bar thob/ /ces pa ni bar skabs kyi tshigs su bcad pa'i 'phreng ba'o/ /zhes khyab bdag rje btsun bla ma dam pa thub dbang rdo rje 'chang dang ngo bo dbyer ma mchis pa 'jam mgon chos kyi rgyal po tsong kha pa chen po'i rnam par thar pa thub bstan mdzes pa'i rgyan gcig ngo mtshar nor bu'i 'phreng ba las/ thog mar gleng bslang ba'i sgo nas rnam par thar pa 'god dgos pa'i rgyu mtshan 'chad pa'i skabs de dang po'o// ' //rtsa ba'i sa bcad gnyis pa/ dngos gzhi 'god bya'i rnam par thar pa nyid bshad pa la gsum/ /mdo rgyud gsung rab du ma'i lung khungs dang bcas te sprul gzhi ngos bzung ba dang/ thun mong snang tshul du sku 'phreng sngon ma rnams kyi byung ba dang phyi ma'i 'byung tshul mdo tsam brjod pa/ bye brag sku tshe 'di nyid kyi rtogs brjod rgyas par bshad pa'o/ /dang po ni/ mkhas grub smra ba'i nyi ma dge legs dpal bzang po'i gsung las/ de yang bdag cag gi dpal ldan bla ma dam pa sangs rgyas bcom ldan 'das kyi ring lugs pa chen po/ 'jig rten thams cad la rgyu med par yang gcig tu mnyes gshin pa'i ngang tshul can/ ring mo zhig nas byang @022 chub sems dpa'i spyod pa rlabs po che dag gi pha rol tu byon pa/ rje btsun 'jam dpal dbyangs kyi thugs kyi 'od zer gyis blo gros kyi padmo kha phye bas shes bya'i dkyil 'khor mtha' dag la gzigs pa dag pa'i spyan dang ldan pa/ thun mong dang thun mong ma yin pa'i mngon par rtogs pa'i yon tan rin po che'i tshogs kyis thugs kyi bang mdzod yongs su gtams pa'i bdag nyid chen po mtshan brjod par dka' ba 'di ni bskal pa dpag tu med pa'i snga rol nas sa bcu yongs su rdzogs par mdzad de/ ma dag pa'i 'jig rten gyi khams rnams su yang la lar ni 'khor los bsgyur ba dang/ la lar ni khams kyi rgyal po dang/ 'ga' zhig ni brgya byin dang tshangs pa'i gzugs dang/ de bzhin du byang chub sems dpa' khyim pa dang rab tu byung ba'i tshul la sogs pa gdul bya dang 'tshams pa'i sku'i rnam par 'phrul pa dpag tu med pa ji ltar nam mkha'i lam las zla ba'i dkyil 'khor gcig nyid kyis sa steng du chu snod tha dad pa sna tshogs pa zhig gi nang du cig car rang gi gzugs brnyan ston pa de bzhin du 'bad rtsol med par nye bar bstan pa las/ bdag cag rnams la ni 'u bu cag rang dang 'gro ba ris mthun par skye ba bzhes pa'i dge ba'i bshes gnyen nyid kyi rnam par bstan pas don mdzad do; ;zhes bya bar khong du chud par bya ba gor ma chag ste/ 'di la bdag nyid yid ches par bya ba'i lo rgyus kyi gtan tshigs gtam du gleng ba'ang thos so/ /zhes gsungs pa ltar/ rje bdag nyid chen po ni nges pa'i don du bskal pa dpag tu med pa'i sngon rol nas bla na med pa'i ye shes kyi bdud rtsi bsil ba mngon du mdzad de mngon par rdzogs par sangs rgyas zin pa zhig yin pa ni 'og nas rim pa bzhin du lung dang rig pas sgrub pas rtogs par 'gyur la/ des na mngon par sangs rgyas pa'i bdag nyid chen po rnams ni @023 gdul bya'i snang ngor sku dang gsung gi bkod pa so sor gsal ba rtsam las thugs zag med bde ba chen po'i klong du ro gcig pa nyid las tha dad du dbye ba byar med pas sprul pa gcig nyid sangs rgyas thams cad kyi rnam rol tu 'chad pa'am/ sprul pa thams cad sprul gzhi sangs rgyas gcig gi rnam rol tu 'chad pa gang byas kyang 'gal ba med pa las 'di dang 'di kho na'i rnam sprul yin gyi/ de las gzhan gyi rnam 'phrul ma yin no zhes mtha' gcig 'dzin gyi gu dogs bya mi dgos pa'i tshul ni/ sngar kho bos bsgrigs pa'i dam pa bdag nyid chen po gzhan gyi rnam thar du yid ches kyi lung dang bcas te bkod pa ltar yin la/ des na rje thams cad mkhyen pa chen po lta bu ni phyogs bcu rab 'byams na bzhugs pa'i rnam par 'dren pa thams cad kyi mkhyen pa'i ye shes/ brtse ba'i thugs rje/ mdzad pa'i nus mthu mtha' dag gcig tu bsdus pa'i rnam 'phrul lam rang gzugs yin pa ni rab brtags tsam ma yin par nges par don la gnas pa yin pas de ltar du nges pa rnyed pa'i sgo nas gcig tu gsol ba 'debs dgos pa yin cing/ 'on kyang gdul bya 'ga' zhig gi mos ngo dang mthun par sprul gzhi bye brag tu ngos 'dzin pa'i dbang du byas na yang/ mgon po 'di nyid ni rgyal ba kun gyi mkhyen rab gcig tu bsdus pa'i gong bu la rje btsun mkhyen pa'i gter zhes mtshan gsol ba gang de'i rnam 'phrul yin pa kun la grags pa ltar lung rig dri ma med pas sgrub tu yod pa ni/ ston pa nyid kyis 'jam dpal rtsa rgyud las/ 'jig rten nga ni mya ngan 'das/ /sa yi steng 'di stongs gyur na/ /khyod nyid byis pa'i gzugs kyis ni/ /sangs rgyas mdzad pa byed par 'gyur/ /de tshe dgon chen rab dga' ba/ /kha ba can na yod pa yin/ /zhes gnas kha ba can dang/ gdan sa dga' ldan gyi mtshan sgra dga' zhes dang/ khyod nyid ces @024 rje btsun 'jam dpal dbyangs nyid du gsal bar lung bstan pa dang/ mkha' 'gro gsang ba'i rgyud las/ 'jam dpal sprul pa blo bzang zhes/ /bstan pa rgyas byed ngo mtshar can/ /zhes dang/ mkhas grub thams cad mkhyen pa sngar rgya gar du paNDi ta rig pa'i khu byug chen por skye ba bzhes pa'i tshe/ dpal ldan zla ba grags pas mthar 'dzin gyi 'ching ba drungs nas phyung bar mdzad nas/ lan cig bka' lung du/ rje btsun tsong kha pa 'jam dbyangs dge slong gi tshul du mtha' khob tu bsam bzhin sku skye ba bzhes par 'dug pas khyod kyang der skye ba long la/ de'i bka' sgrub pa dang bstan pa rgyas par gyis shig /ces gsungs pa dang/ yang rig pa'i khu byug chen po la/ 'phags pa lha/ sangs rgyas bskyangs/ zhi ba lha gsum byon nas lung bstan du/ mtha' khob tu rje btsun tsong kha pa 'jam dbyangs byon nas bstan pa rgyas par byed pa yod pa yin/ khyod kyang de'i ched du bya ba'i gdul bya yin pas/ rje btsun gyi zhabs rdul spyi bos longs la/ ci gsungs nyams su longs/ sgrub pa snying por gyis shig /ces gsungs pa dang/ yang mkhas grub rin po che'i sku skye snga ma zhig rgya gar du 'khrungs pa'i dus/ rje btsun 'jam dbyangs byon nas/ mtha' khob kyi sems can rmongs pa blang dor gyi gnas mi shes pa tsho snying re rje/ 'khor bar 'khyams pa ma rig pas lan pas lam log par song ba yin/ kho bos de rnams thar pa dang thams cad mkhyen pa'i go 'phang la 'god pa'i slad du blo dman pa'i bsam pa dang bstun nas dge slong gi tshul du 'ong gi /khyod kyang nga'i gdul bya yin pas der 'ong bar gyis shig /ces gsungs pa dang/ yang lan gcig gi tshe/ rje btsun byams pa byon nas/ lho mdzam bu gling 'dir ston pa dngos dang khyad par ma @025 mchis pa'i shAkya mu ni'i bstan pa nyin mo ltar gsal bar bya ba'i phyir du/ rje btsun 'jam dbyangs kyi sprul ba rgyal ba sras bcas kyi mig gi bdud rtsi/ snying gi thig le lta bu zhig 'byon par yod/ khyod kyis kyang de'i bstan pa rgyas par gyis shig /ces gsungs pa'i tshul rnams mkhas pa'i dbang po chos ldan rab 'byor gyis mdzad pa'i mkhas grub rin po che'i rnam thar las byung zhing/ de dag skyes mchog bdag nyid chen po gzhan gyis tshigs bcad du sdebs par mdzad pa las kyang/ mkhas grub chos kyi rgyal por grags pa de/ /sku tshe snga mar snying rje'i gzhan dbang gis/ /'phags pa'i yul du 'gro don mdzad pa'i tshe/ /lan cig rje btsun 'jam dbyangs der byon nas/ /mtha' khob sems can rnams ni snying re rje/ /blos brtags bden par bzung bas 'khor bar 'khyams/ /lam dang lam min shes pa'i blo mig bral/ /phal cher ngan 'gro'i rgyu rnams 'bad nas sgrub/ /de dag rjes su bzung phyir kho bo yang/ /ma 'ongs lnga brgya'i dus su mtha' khob der/ /dge slong byang chub sems dpa'i tshul du 'ongs/ /thub bstan nyin mo lta bur gsal bar byed/ /de tshe khyod kyang zhing der shog ces gsungs/ / mi pham chos rje'i gsung gis 'di skad bskul/ /ma 'ongs dus na 'jam dbyangs sprul pa zhig /mu med ' gro la brtse bas rab bskyod nas/ /mtha' kho ba yul du bsam bzhin byon pa yod/ /de tshe khyed kyang zhing der skye ba longs/ /de yi bstan la bya ba gyis zhes gsungs/ /zhes sogs rgya cher byung la/ gzhan yang 'di dang 'di 'dra ba'i yid ches kyi lung ji snyed cig mchis pa rnams 'og nas rim pa bzhin 'god par bya bas skabs don de tsam gyis 'grub po/ /des na rje btsun 'jam dpal dbyangs ni gdul bya'i snang ngor rgyal sras sa bcu'i dbang phyug gi tshul @026 'dzin pa tsam las/ gzhan du na dpa' bar 'gro ba'i ting nge 'dzin gyi mdo las/ bskal pa dpag tu med pa'i snga rol nas 'jig rten gyi khams mnyam pa zhes bya bar de bzhin gshegs pa klu'i rigs mchog ces bya bar mngon par rdzogs par sangs rgyas te chos kyi 'khor lo bskor ba la sogs pa'i sangs rgyas kyi mdzad pa yongs su mthar phyin zin par gsungs la/ 'phags pa dkon mchog brtsegs pa las/ sngon bskal pa gang+ga'i klung gi bye ma snyed phrag bdun 'das pa na 'jig rten gyi khams 'byung ba bzang po zhes pa la/ 'phags pa 'jam dpal 'khor los bsgyur ba'i rgyal po nam mkha' zhes bya bar gyur pa'i tshe/ de bzhin gshegs pa 'brug sgra'i dbyangs kyi rgyal po'i spyan sngar byang chub tu thugs bskyed pa las/ 'jig rten gyi khams rdul med pa bsags pa zhes bya bar de bzhin gshegs pa kun tu gzigs su sangs rgya bar lung bstan pa bzhin rgyal sras kyi spyod pa la bslab ste mi skye ba'i chos la bzod pa thob nas kyang bskal pa gang+ga'i klung drug cu rtsu bzhi'i bye ma snyed 'das te de nas nye bar bzung nas de bzhin gshegs pa'i stobs bcu yongs su rdzogs kyang rnam pa byang sems kyi tshul 'dzin par gsungs pa dang/ 'jig rten gyi khams 'ga' zhig tu ni da lta yang sangs rgyas nyid kyi tshul bstan par bzhed pa yod de/ sor mo'i 'phreng ba la phan pa'i mdo las/ rgyal po chen po sangs rgyas kyi zhing 'di nas byang phyogs logs su gang ga'i klung bzhi bcu rtsa gnyis kyi bye ma snyed kyi 'jig rten gyi khams 'das pa na/ 'jig rten gyi khams rtag par rab tu dga' ba sdug cing mos pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas mos pa rab tu dga' ba'i snying po nor bu rin po che brtsegs pa'i rgyal po da ltar bzhugs te 'tsho zhing bzhes pa de na nyan thos @027 dang/ rang sangs rgyas thams cad med/ theg pa gcig las theg pa gzhan gyi ming yang med/ rga ba dang/ na ba dang/ sdug bsngal ba yang med/ bde ba thams cad dang rab tu ldan par gyur te/ sems can de dag tshe dpag tu med/ gzi brjid dang kha dog dpag tu med/ 'jig rten na dpe dang rgyu dang byed pa med de/ rtag tu dga' zhing mos pa dang/ dpe med pa de la de bzhin gshegs pa dgra bcom pa yang dag par rdzogs pa'i sangs rgyas mos pa rab tu dga' ba'i snying po nor bu rin po che brtsegs pa'i rgyal po da ltar bzhugs te 'tshe zhing bzhes pa de la rgyal po chen po thal mo sbyar te rjes su yi rang bar byos shig /de bzhin gshegs pa de gzhan ma yin gyi 'jam dpal gzhon nur gyur pa 'di nyid yin no/ /zhes sogs mdo rgyud du ma nas rgya cher gsungs la/ de bas na rje btsun 'jam dpal dbyangs dang thugs rgyud gcig pa yin pa'i phyir rje btsun tsong kha pa chen po bskal pa grangs med pa'i snga rol nas sangs rgyas zin pa'i lung dang rig pa'i sgrub byed ni 'di dag yin cing/ gong du drangs pa'i mkhas grub thams cad mkhyen pa'i gsung du/ 'di la bdag nyid yid ches par bya ba'i lo rgyus kyi gtan tshigs gtam du gleng ba'ang thos so zhes gsungs pa'ang 'di dang 'di 'dra ba dag la dgongs par sems so/ /de dag ni sprul gzhi bye brag tu ngos 'dzin pa'i tshul mdo tsam brjod pa yin la/ 'jam dpal dbyangs nyid kyi rtogs brjod rgyas pa ni sngon gyi rnam thar lo rgyus rnams su zhib cing gsal bar 'khod pas 'dir mang du bkod kyang rnam thar dngos gzhi gleng ba la sgrib par 'gyur ba ma zad nang pa sangs rgyas pa'i grub mtha' 'dzin par rloms pa zhig yin phyin chad rje btsun 'jam dbyangs tshad ma'i skyes bur mi 'dzin pa zhig mi srid pas na mang du 'god dgos par yang mi sems so/ / @028 smras pa/ rnam mkhyen khyu mchog stobs bcu mnga' ba kun/ /rnam pa thams cad mkhyen pa'i rang bzhin du/ /rnam par dbye ba tha dad byar med na/ /rnam pa gcig tu tshad bzung su yis nus/ /de phyir thar pa'i lam ston 'gro ba'i mig /'di lta bu rnams dus gsum rgyal kun gyi/ /mkhyen brtse nus gsum gcig tu 'dus pa yi/ /rang gzugs nyid du thag bcad blo yis mos/ /'on te snang tshul tsam du sprul gzhi ni/ /bye brag ngos bzung bya ba'ang mi 'gal ba'i/ /tshul dang bstun na 'dren mchog tsong kha pa/ / 'jam dbyangs gzhon nu'i rol pa nyid du nges/ /de yang phyogs lhung rmongs zhen gyis bslangs nas/ /'dra min 'phreng bsgrigs gtam dang mtshungs min te/ /ston mchog bu ram shing pa nyid nas bzung/ /tshad mar gyur pa'i lung gis dngos su bsngags/ /da dung 'di dang 'di lta'i lung rig gi /me tog 'phreng mdzes rna ba'i bcud len du/ /smin pa'i dga' ston rim bzhin spel bya yi/ /dpyod ldan tshogs rnams spro ba'i gar byos shig / ces pa ni bar gyi ngal bso'i tshigs su bcad pa'o// ' //gnyis pa thun mong snang tshul du sku 'phreng sngon ma rnams kyi byung ba dang/ phyi ma'i 'byung tshul mdo tsam brjod pa la; de ltar rje bdag nyid chen po ni nges don du rje btsun 'jam dpal dbyangs dang thugs rgyud gcig pa ma zad/ drang don gdul bya'i snang ngor yang sku tshe du mar rje btsun brtan pa'i 'khor lo nyid kyis theg pa mchog gi dge ba'i bshes gnyen dngos su mdzad pa'i sgo nas 'gro ba'i don la gcig tu brtson par mdzad pa zhig yin te/ de'i tshul yang mkhas grub thams cad mkhyen pas mdzad pa'i rnam dag gangs ri ma las/ khyod ni sku tshe du ma'i sngon rol du/ /rje btsun 'jam dbyangs sras kyi thu bor gyur/ /gzungs spobs ting 'dzin mngon shes rdzu 'phrul la/ /dbang bsgyur chos kun rnam dpyod spyan @029 gyis gzigs/ /zhes gsungs pa ltar/ sngon bskal pa dpag tu med pa'i snga rol tu; de bzhin gshegs pa dbang po'i tog ces bya ba 'jig rten du byung ste/ 'khor tshogs rgya mtsho lta bu'i dbus su theg pa mchog tu gyur pa rdo rje theg pa'i chos kyi 'khor lo rgya cher bskor bar mdzad la/ de'i tshe rje bdag nyid chen po 'di nyid rje btsun 'jam po 'di nyid rje btsun 'jam dpal dbyangs kyi sras kyi thu bo/ dpal dbyangs kyi sras kyi thu bo/ gzungs dang/ spobs pa dang/ mngon par shes pa dang/ ting nge 'dzin dang/ bden gnyis mngon sum du gzigs pa dag pa'i ye shes la sogs pa yon tan bsam gyis mi khyab pa dang ldan pa zhig tu gyur cing/ de nas rje btsun 'jam dpal dbyangs 'khor dang bcas pa de bzhin gshegs pa dbang po'i tog rdo rje theg pa'i chos 'khor bskor ba'i mdun sar gshegs shing bzhugs pa na/ bcom ldan 'das rgyal ba dbang po'i tog gi gsung tshangs pa'i dbyangs kyis/ byang chub sems dpa' gang dag ma dag pa'i zhing khams grangs med pa rnams su zab mo dbu ma'i lta ba dang 'brel ba'i rdo rje theg pa'i lam bzang lus dang srog la mi lta bar rgyas par byed pa de ni/ rgyal sras rnams kyi rlabs chen spyod pa rgya mtsho'i rab dang/ phul dang/ mchog tu gyur pa'o/ /zhes seng ge'i sgra sgrags pa na/ rje bdag nyid chen po dang thugs rgyud gcig pa'i byang sems chen po de snying stobs ches cher rgyas pas 'khor tshogs rgya mtsho'i dbus nas myur bar bzhengs te/ zhum pa med pa'i sgra dbyangs kyis/ deng nas brtsams te bdag gis lus dang srog la mi lta bar ma dag pa'i zhing grangs med par zab mo dbu ma'i lam dang 'brel ba'i rdo rje theg pa'i lam bzang rgyas par bya'o zhes de bzhin gshegs pa dbang po'i tog sogs phyogs bcu'i rgyal ba sras bcas dbang du bzhag ste dam bcas shing/ bden pa'i tshig gi sgra dbyangs bsgrags so/ / @030 de'i tshe de bzhin gshegs pa dbang po'i tog sogs phyogs bcu'i sangs rgyas thams cad kyis legs so/ /khyod ni byang chub sems dpa' snying stobs chen po'o/ /zhes dbugs dbyung zhing/ de nas bzung ste sangs rgyas kyi zhing thams cad du bdag nyid chen po de'i mtshan ni snying stobs chen po zhes yongs su grags so/ /de nas rgyal ba dbang po'i tog gi sku las 'od zer gyi tshogs bye ba dpag tu med pa 'gyed cing/ zhal 'dzum pa dang ldan pas/ khyod kyis ji ltar dam bcas pa bzhin du/ deng nas bzung ste ma dag pa'i zhing grangs med pa rnams su mdo sngags kyi dam chos rgyas par byas te/ mthar gyis ngo mtshar rmad byung bkod pa'i zhing du de bzhin gshegs pa seng ge'i nga ro zhes bya ba'i rdzogs pa'i sangs rgyas su 'gyur ro/ /zhes lung bstan par mdzad pa ste/ tshul 'di dag ni nges pa don gyi mkhas grub chen po rtogs ldan 'jam dpal rgya mtsho dpal bzang po la rje btsun 'jam dpal dbyangs kyi sku dang gsung gi snang ba sgrib med rgyun chags su 'byung ba ltar rje bla ba'i mdzad pa rnam thar/ sku tshe sngon ma'i skyes rabs/ ma 'ongs pa na 'tshang rgya ba'i mdzad pa ji ltar ston sogs yang yang gsol ba btab nas zhus pa na/ rje btsun 'jam dpal dbyangs nyid kyis dngos su lung bstan pa'i tshad ma'i gsungs bslu ba med pa yin cing/ don 'di dag mkhas grub thams cad mkhyen pas rnam dag gangs ri mar tshig bcad du sdebs par mdzad pa da lta se 'bras dge gsum sogs kyi tshogs 'don du mdzad pa ltar te tshigs bcad lhug gi khyad tsam las don gong du bkod pa dang khyad par gtan nas med pas na tshang ma bkod kyang mang skyon du 'gyur bar sems nas ma bkod de shes 'dod na 'bras spungs chos spyod sogs su blta bar bya'o/ /lho brag grub chen las kyi rdo rjes dpal gsang ba'i bdag po la rje rin po che sangs nam rgya zhus pa na/ sangs nam @031 rgya ngas mi ston/ 'jam dbyangs dang spyan ras gzigs kyis lung ston par 'gyur ro gsungs pa yang tshul 'di dag la dgongs pa yin zhes mkhas pa'i dbang po rnams gsungs pa don la gnas shing/ mi dbang 'jam dpal dbyangs sangs rgyas rgya mtshos dga' ldan chos 'byung du/ gong gi khungs rnams 'dren par mdzad pa'i mjug tu/ gtan tshigs 'di dag las ni/ rje bla ma 'di nyid bskal pa mang po'i sngon nas bla na med pa'i byang chub mngon du mdzad par nges te/ bde gshegs dbang po'i tog byon pa'i dus sngags lam la gnas par grub pa gang zhig /so skye rang bzhin pa yang dbang bzhi thob la dam tshig dang sdom pa ma nyams na/ bsgom pa sogs ma byas kyang snyigs dus kyi skye ba bcu drug tshun la nges par rdo rje 'chang gi go 'phang thob par rgyud sde rnams su gsungs pa 'gyur med kyi lung rig gis grub pa'i phyir/ zhes gsungs pa ltar nges don du bskal pa mang po'i sngon nas sangs rgyas zin pa'i sgrub byed dam/ gtan tshigs tu ni 'di dag kyang nges par 'gyur ro/ /de ltar rgyal ba dbang po'i tog gi drung du thugs bskyed cing dam bca' mdzad pa de nas bzung ma dag pa'i zhing rnams su zab mo'i lta ba dang zung du 'brel ba'i sngags kyi theg pa rgya cher spel ba'i sku'i bkod pa mtha' yas pa sna tshogs kyi sgo nas skad cig dang skad cig la yang tshul de rgyas par mdzad pa'i ngo mtshar mtha' dag pa ni brjod pa'i yul las 'das pa kho nar zad la/ mi 'jed 'jig rten gyi khams 'di nyid kyi dbang du byas na 'das pa'i sangs rgyas rnams kyi dus su'ang sprul pa'i rnas rol mtha' klas pa'i sgo nas 'gro ba'i don mdzad cing/ lhag par rgyal ba shAkya thub pa'i bstan pa 'di la ni/ rje btsun gsang ba'i bdag pos grub chen las kyi rdo rje la gsungs pa'i lung bstan du/ blo bzang grags pa 'gran zla @032 kun dang brel/ /shAkya'i rgyal po'i drung du sems mchog bskyed/ /zhing 'dir mdo dang sngags kyi gzhung lugs spel/ /'di nas 'phos te dga' ldan gnas su 'gro /'jam dpal snying po byams pa'i sras mchog de/ /myur du 'tshang rgya de bzhin gshegs par 'gyur/ /zhes dang/ de dang mthun par bla ma dbu ma pa la rje btsun 'jam dpal dbyangs kyis kyang lung bstan te/ ji ltar zhe na/ mkhas grub thams cad mkhyen pas mdzad pa'i rje bla ma'i gsang ba'i rnam thar rin po che'i snye ma las/ bla ma dbu ma pa zhes sku na phra mo'i dus bar khams su phyugs rdzi mdzad pa'i tshe thugs kha nas a ra pa tsa na'i sgra 'ur 'ur 'ongs shing/ de byung res kyi lus kyi spu zing ba thugs bzung mi thub pa 'dra ba re 'ong ba/ 'jam dpal dbyangs dang yang yang mjal ba de nyid kyis/ rje rin po che 'di'i sku skye snga phyi sogs kyi zhu ba mdzad pas/ sngon sangs rgyas 'jig rten na bzhugs pa'i dus su bla ma 'di rgya gar na bram ze'i khye'u zhig tu 'khrungs de'i tshe dge slong gi cha lugs 'dzin pa'i byang chub sems dpa' mos pa'i blo gros zhes bya ba dang mjal nas/ de nyid mnyes par byas zhing zhabs 'bring du 'brangs/ chos mang du gsan/ des khrid de ston pa shAkya thub pa'i zhabs drung du mjal zhing sems bskyed/ de'i tshe ston pa la shel dkar po dri ma med pa brgya rtsa'i 'phreng ba zhig dad pas phul nas smon lam btab pas stong pa nyid kyi lta ba phyin ci ma log par rtogs pa'i sa bon bzhag pa yin/ zhes sogs kyis lung bstan par gsungs shing/ de ni sangs rgyas bcom ldan 'das rang nyid kyis kyang mdo sde gdams ngag 'bogs pa'i rgyal po las/ kun dga' bo/ da lta nga la shel dkar gyi 'phreng ba ster ba'i khye'u 'di/ nga yi bstan pa gso byed la/ / ma 'ongs snyigs ma'i dus su ni/ /'bri dang ldan gyi sa mtshams su/ /dge zhes bya @033 ba'i dgon pa 'debs/ /blo bzang zhes bya'i ming can 'byung/ /zhes sogs gsal bar gsungs la/ de dag la brten nas mkhas grub chen po 'jam dbyangs chos rje bkra shis dpal ldan pas mdzad pa'i gsang rnam tshigs bcad mar yang/ sngon tshe rdo rje gdan du rgyal ba la/ /rin chen shel gyi 'phreng ba brgya rtsa gcig /legs par phul nas byang chub sems bskyed de/ /yang dag lta ba rtogs pa'i skal ldan gyur/ /dpal ldan bla ma'i zhabs la gsol ba 'debs/ /zhes dang/ mdzo dge mkhas dbang rong pa chos grags rgya mtshos mdzad pa'i rje'i rnam thar me tog 'chun po las/ nam zhig rdo rje gdan du de nyid kyis/ /yang dag gser gyi sku mnga' rgyal ba'i drung/ /'khrid tshe shel kyi 'phreng ba zla shel ltar/ /rab tu dkar ba brgya rtsa dad pas phul/ /'gro kun srid pa'i mtsho las sgrol ba'i blos/ /kun rdzob byang chub mchog tu thugs bskyed cing/ /don dam byang chub thugs la smon lam btab/ /dri med lta ba rtogs pa'i sa bon bskrun/ /zhes gsungs pa yin no/ /'o na sngar rgyal ba dbang po tog gi spyan sngar mdo sngags kyi bstan pa spel bar thugs bskyed cing dam bcas nas/ rgyal sras kyi spyod pa la slob bzhin par/ slar yang zhing 'dir gsar du thugs bskyed par bshad pa snga phyi go rim mi mtshungs pa'am/ thugs lan gnyis bskyed pa zlos pa'i skyon du 'gyur ro zhe na/ de'i skyon med de/ bskal pa dpag tu med pa'i snga rol nas byang chub tu thugs bskyed zin kyang/ gdul bya'i snang ngor slar yang thugs bskyed tshul bstan pa mi 'gal ba'i phyir te/ dper na/ ston pa thugs rje can nyid kyang/ rgyal po 'od ldan du gyur pa'i tshe/ glang po che 'dul sbyongs mkhan kyi tshig la brten nas byang chub tu thugs bskyed pa dang/ de bzhin gshegs pa shAkya thub pa chen po'i spyan sngar 'jam @034 gang zhig gi dbul pa byas nas thugs bskyed par gsungs pa sogs thugs bskyed tshul lan du mar byung ba rnams dang sgo kun nas mtshungs pa yin no/ /yang lang kar gshegs pa'i mdo rgya nag 'gyur las/ bcom ldan 'das la klu'i rgyal po ma dros pas dung dkar po zhig phul ba maunggal gyi bu la gnang nas/ 'di khyod kyis 'gog pa rir spos shig /ma 'ongs pa na dge slong padma'i ngad ldan 'dis gter nas 'don pas de'i tshogs dung du 'gyur gyi gter bdag spre'u'i gzugs kyis gnas byed do/ /zhes gsungs pa dang/ rje btsun 'jam dpal dbyangs kyis mdzad pa'i lung bstan gsal ba'i me long las/ bya rgod phung po'i rir ston pa sangs rgyas la klu'i rgyal po ma dros pas dung phul ba re zhig chos dung mdzad/ de rjes ston pa 'khor bcas kha cher phebs dus/ da lta'i slob ma dge slong padma'i ngad ldan 'di/ bod gdong dmar gyi yul du blo bzang grags pa zhes bya ba'i dge slong du gyur nas/ shes rab kyi pha rol tu phyin pa dang/ mdo sngags zung du 'brel pa'i bstan pa rgyas par byed par 'ong gsungs te/ kun dga' bo la bka' stsal nas/ kun dga' bos sngar gyi dung bsnams nas rdzu 'phrul gyis byon/ 'brog ri bo cher gter du spas/ gter bdag tshogs bdag la bcol ba spre'u'i gzugs su yod/ de'i dus lha sa nas rgyang grags 'di tsam na dga' ldan 'byung tshul gsal bar gsungs zhes dga' ldan chos 'byung las byung ste/ gter du sped mi maunggal gyi bu dang/ kun dga' bo mi 'dra ba tsam las gzhan gong dang mtshungs pa ste; don du ston pa'i spyan sngar dge slong padma'i ngad ldan zhes par gyur pa dang/ yang ayon rin po che padmas mdzad pa'i bskul byang du/ 'di ltar nyon cig rgyal po dad pa can// sangs rgyas 'jig rten byon dus nye bar 'khor/ /mya ngan 'das tshe u gupta zhes bya// @035 grong khyer 'ga' ru b+ha wa b+ha drar grags/ /shar phyogs rgya nag yul dang nye ba'i char// shAkya'i dge slong blo bzang zhes bya 'byung/ /zhes sogs gsungs la/ de dag gi don mkhar nag lo tsA bas mdzad pa'i rje'i rnam thar du/ thub pa'i spyan sngar padma'i ngang tshul du gyur kyang/ nye bar 'khor ni sku'i bkod pa'o/ /u gupta ni u pa gu pta zur chag pas dgra bcom pa nyer sbas te sangs rgyas gnyis pa'i rnam thar bstan no/ /b+ha wa b+ha dra ni dngos po bzang po zhes par 'gyur te/ rje'i sku tshe snga ma kha cher paNTi ta b+ha dra zhes pa blo gros bzang po ste/ 'khor lnga brgyas bskor ba zhig byung bar grub chen nam mkha' rgyal mtshan la dpal phyag na rdo rjes gsungs pas de'i mtshan gyi rnam grangs sam mtshan zur yin no/ / zhes gsungs la/ 'dir padma'i ngag tshul zhes gsungs pa dang/ mkhas mchog mnga' res shAg btsun ngag dbang 'jam dbyangs nyi ma bstan pa rgyal mtshan gyis mdzad pa'i rnam thar skal ldan pad tshal rgyas pa'i 'od stong zhes par yang/ bla ma 'di 'phags pa 'do srungs kyi slob ma dge tshul padma'i ngang tshul can du skye ba bzhes zhes gsungs snang ste/ 'di dang gong gi dge slong padma'i ngad ldan zhes pa gnyis rab tu byung ba'i gnas skabs dang/ dge slong du gyur pa'i dus kyi mtshan gyi khyad par tsam las rten gcig yin nam snyam pa ma zad ston pa'i spyan sngar shel dkar gyi 'phreng ba phul ba'i khye'u de kha rab tu byung zhing bsnyen par rdzogs pa'i mtshan la dge slong padma'i ngad ldan du grags par rje dkon mchog 'jigs med dbang pos mdzad pa'i dge ldan chos 'byung nor bu'i 'phreng ba las gsung zhes 'ga' zhig gsungs/ gang ltar yang ston pa'i spyan sngar shel dkar gyi 'phreng ba phul ba'i khye'u dang/ dge slong padma'i ngad ldan dang/ nye ba 'khor rnams ni dus mtshungs par sku'i bkod pa du mar bstan pa ste 'di 'dra ba ni mang du 'byung ngo/ / @036 der ma zad sngon gyi dus kyi byang chub sems dpa' nor bzang zhes pa yang rje bla ma dang thugs rgyud gcig par rnam thar skal ldan pad tshal rgyas pa'i 'od stong las gsungs te/ de nyid las/ mkhan chen thang sag pas rje btsun mi g.yo mgon la dri ba zhus lan du/ byang chub sems dpa' nor bzang dang blo bzang grags pa la dbyer med ces gsungs zhes byung ste; 'di'i sgrub byed zhib pa ni da dung 'og tu 'chad do/ /gzhan yang 'phags bod kyi yul du pan grub sogs kyi rnam rol ji snyed bzung ba'i tshul ni/ lho brag grub chen las kyi rdo rje'i gsang rnam du/ grub chen de nyid kyis gsang ba'i bdag po la blun po ba lang rdzis kyang tshig zin cing don rtogs pa'i chos kha gsal la tshig nyung ba/ don rgya che ba sangs rgyas kyi chos kyi sku myur du rtogs pa'i chos shig ma ti b+ha dra shri'sa zhus ngor bdag las kyi rdo rjes gsol ba btab pa'i don du gdams pa thun mong ma yin pa zhig bstan du gsol zhes zhus pa na/ bdag la ro thun mong ma yin pa so dbar nas babs/ lce'i steng du 'khyil te mid tshad byung/ bla ma khyed kyi thugs rje yin pa 'dra/ sku gzugs mi ston pa'i ngag gzhom med kyi sgras rgyal ba sras bcas kyi dgongs pa gnad du bsgril ba'i man ngag sogs stsal ba'i dus gsang ba'i bdag po la las kyi rdo rjes zhus pa/ blo bzang grags pa 'di'i rgyud tshod gang lags/ sangs nam rgya/ yi dam gyi lha gang gis rjes su bzung/ skye ba snga ma gang du 'khrungs zhus pas/ gsang ba'i bdag pa'i zhal nas/ blo bzang grags pa 'di ni tshogs gnyis rgya cher bsags pa'i gang zag yin te/ skye ba bdun gyi bar du paNTi ta'i tshul bzung/ sems can mtha' yas kyi don byas/ skye ba 'di'i snga ma kha che khri brtan gyi yul du panit ta ma ti b+ha dra shrI zhes bya bar 'khrungs te/ phun sum tshogs pa'i 'khor lnga brgya 'dus/ so so skye bo'i snang @037 ngor sbyor lam la gnas par grags/ kha bo lag na rdo rjes kyang 'di'i yon tan dpag par mi nus/ lhag pa'i lha phyi nang gi lha mos rjes su bzung zhing/ rigs gsum mgon pos kyang rjes su bzung ste lhag pa'i lha yin/ sangs nam rgya ngas mi ston/ 'jam dbyangs dang spyan ras gzigs kyis lung ston par 'gyur ro/ /mthong thos rig gsum gyi phan yon thob nges pa'i gang zag yin pas khong gi rgyud tshod gzhan gyis dpag par mi nus so/ /zhes dang/ blo bzang grags pa 'gran gyi do zla med/ /skye ba brgya ru paN chen rkyang du blangs/ /zhes kyang gsungs pa dang/ bshes gnyen chen po brag sgo rab 'byams pas mdzad pa'i rje'i rnam thar ngo mtshar lung bstan gyi rol mo las/ rje btsun 'jam dbyangs kyis bla ma dbu ma pa la gsungs par/ rje 'di ston pa'i drung du mjal ba nas da lta yan la sku skye ba bcu bdun song ba las/ rgya gar yul du paNTi ta che ba gsum dang/ chung ba gnyis/ bod du 'di ma gtogs pa'i bshes gnyen gyi sku skye gsum blangs pa la gcig paNDi tar bgrang du rung zhing bstan pa la phan shin tu che ba gcig tu 'khrungs/ lha'i skye ba gcig dang/ gzhan phal pa ltar blangs zhes gsungs par bshad/ des na lung bstan 'di dag tu sku'i skye ba bdun dang/ bcu bdun/ brgya zhes sogs sdom gyi tshul du gsungs pa las/ 'di dang 'di zhes re re nas gsal bar gsungs pa sngon chad mig lam du ma gyur pas 'ol tshod kyis 'god par ma spobs shing/ yid ches tshad mar gyur pa'i lung dang/ rtsod med yongs su grags pa'i mkhas grub rnams kyi gsungs rang gi go rtogs kyi yul du gyur pa thun mong dang thung mong ma yin pa'i tshul 'ga' zhig go rim nges med kyi tshul du zur tsam brjod na/ mkhas grub thams cad mkhyen pa'i rnam thar du/ gong du brjod pa ltar mkhas grub rin po che rgya gar du rig @038 pa'i khu byug che bar skye ba bzhes pa'i tshe/ mgon po klu sgrub byon te lta ba'i gnad shin tu zab pa bstan nas dngos 'dzin gyi rtsa ba drung nas phyung bar mdzad/ de'i tshe klu sgrub kyi zhal nas nged rgya gar ba'i mkhas grub rnams rje btsun 'jam dpal dbyangs la brten pa yin/ de'i rgyu mtshan yang gsung rab kyi dka' ba'i gnad shin tu phra ba gcig byung na/ rje btsun la gsol ba btab nas zab mo'i don la dpyod pa yin/ khyed kyis kyang rjes btsun la brten par byos shig /yang lhag pa'i lha rnams kyi mchog tu gyur pa ni rje btsun 'jam dbyangs yin la/ bdag gis kyang rje btsun la brten nas rten 'byung gi don phyin ci ma log par rtogs so/ /zhes dang/ yang klu sgrub kyi zhal nas/ bdag kyang ma 'ongs pa'i dus su kha ba can du 'gro don byed par smon la/ khyod kyang de'i dus su bdag gi 'khor gyi thog mar gdul bya rnams kyi mchog tu 'gyur ro/ /zhes gsungs pa'i lung 'dis ni rje bdag nyid chen po mgon po klu sgrub dang thugs rgyud gcig par 'grub pa dang/ yang rnam thar skal ldan pad tshal rgyas pa'i 'od stong las/ mdo phal chen gyi lung/ nor bzang nor rnams rab tu brtan pa'i bu/ /byang chub spyod pa dam pa yongs tshol zhing// mkhas pa nga yi drung du 'ongs pa legs/ /legs par 'ongs pa'i snying rje'i dbang gyur khyod/ /dga' ba'i snying po srid gsum mun sel ba/ /byams pa'i snum yod dran pa'i snod ldan la/ /drio? med byang chub me 'odo? bzang po yis/ /chos kyi mar me 'di ni 'bar o? byed 'gyur/ /zhes pa'i lung 'dis byang chub sems dpa' nor bu bzang po ni/ bod kyi yul du ska ba dri med 'od dang/ /gnyos ston chos 'bar du gyur nas byams pa dang snying rje'i snum gyis snod ldan gyi gdul bya la dam pa'i chos kyi mar me sbar lung bstan par gsungs la/ de'i nang tshan ska ba dri med 'od ni bstan pa snga dar gyi dus su rgya @039 gar nas mkhas grub rnams gdan 'dren pa'i pho nya mdzad cing/ bod du byon nas paN grub rnams kyis saM kri ta'i skad du chos gang gsungs pa rnams bod skad du bsgyur nas bstan pa spel bar mdzad pas bod ljongs yongs la bka' drin che ba yin/ gnyos ston chos 'bar ni phyi dar gyi dus su gnas brtan yan lag 'byung gi sprul pa bdag nyid chen po po to ba'i sras kyi thu bor gyur nas jo bo bka' gdams pa'i bstan pa nyin mo ltar gsal bar mdzad/ gsung las skyes pa'i slob ma yang mkhas mchog gro lung pa/ zhang tshe spong pa/ se spyil bu ba chos kyi rgyal mtshan/ ras chung rdo rje grags pa/ gser bye ba thugs rje rgyal mtshan sogs bstan pa la bya ba mdzad nus pa mang du byung/ po to ba chen pos lung bstan pa ltar mnyal du dpal ldan brag gor gyi chos sde chen po phyag btab pa sogs 'phrin las lhag par du che zhing/ dgung lo drug cu re gsum pa 'brug lo mchu zla ba'i gnam gang la chos dbyings su gshegs pa'i sku'i sgal tshig nyi shu rtsa gcig la sangs rgyas kyi sku'i rang byon shin tu mang po ring bsrel gyi dra bas 'brel ba dang/ dbu thod kyi nang la 'khor lo bde mchog gi sku dang/ phyi la sgrol ma nyer gcig /sog pa g.yas la mi g.yo ba dkar po/ g.yon la spyan ras gzigs/ thugs ljags spyan gsum la ring bsrel dpag tu med pa 'khrungs pa sogs ngo mtshar bsam las 'das pa byung ngo/ gnyos ston chen po de nyid slar yang bla ma lho pa kun mkhyen dar ma seng ge zhes pa'i slob ma/ lha re sde snod 'dzin par sku'i skye ba bzhes te/ de ni lung rtogs kyi yon tan spyi dang/ khyad par 'khor lo bde mchog la thugs dam gyi mthil du mdzad pas/ skabs zhig gsung gtor gnang ba'i gtor sder nang gi chu'i wu ba'i steng du bde mchog gi rten @040 dang brten pa'i dkyil 'khor yongs rdzogs gzigs/ cung zad chung ngo snyam pa thugs la 'khrungs pa na/ lung pa'i pha ri tshu ri la zhabs bzhag nas bzhugs pa gzigs/ gzhan yang yi dam gyi lha du ma thogs med du gzigs shing sku dang gsung gi snang ba rgyun chags su 'byung ba sogs bsam gyis mi khyab pa'i yon tan mnga' ba zhig yin par sngang de yang lha ri sde snod 'dzin pa sku gshegs pa'i spur zhu'i skabs/ spur khang nang nas 'od bya pho tsam zhig nam mkha' la thon te/ mtsho sna stod du yab yum gyi gzims khang du song ba yul mi kun gyis mthong ba dang/ yum gyi mnal lam du'ang 'od bya pho tsam zhig rang gi spyi bor thim pas lus sems la bde ba dpag med skyes pa sogs kyis mtsho sna ba chen po ni sde snod 'dzin pa'i rnam rol 'khrul med du kun nges pa rnyed par gyur/ 'di dag kyang rnam thar skal ldan pad tshal rgyas pa'i 'od stong du/ mdo phal po che'i lung/ zhi ba rin chen mchog gi gling nyid du/ /'di ni khams gsum mtsho o? yi skye ba 'dzin/ /zhes dang/ shes o? rab o? gzhol brtan bzang o? po o? 'di 'tshol lo/ /gti mug ma rig thug po'i bsam pa can/ /'gro ba shes o? rab o? mig ster mig med pa/ / de la phyogs te ston pa'i mthu yod pa/ /'gro ba'i ded dpon bzang o? por o? 'di 'gyur ro; ;zhes pa rnams kyis mtsho sna zhes pa'i tshig zur dang/ rab byung gi mtshan dngos shes rab bzang po zhes pa lan gnyis su bstan pa'i sgo nas/ don du nor bzang nyid kun mkhyen mtsho sna bar 'gyur tshul gsal bar bstan pa yin zhes dang/ yang de nyid du/ phal po che'i lung/ ye shes nyi mo? mchog gi 'od o? zer gyis/ /lus can nyon mongs rgya mtsho yongs skam zhing/ /zhes sogs kyis rje mtsho sna bas rnam bshad nyi @041 ma'i 'od zer sogs mdzad pas gdul bya rnams kyi nyon mongs pa'i rgya mtsho yongs su skems par lung bstan pa yin/ zhes gsungs pa rnams ni don la nges par gnas par sems so/ /gzhan yang sngar mnyos ston chen por skye ba bzhes pa'i mdzad pa phyag ris kyi phyi rjes skyong bar brag gor gyi chos sde chen por byon nas bstan don rgya cher mdzad pa dang/ yang lha ri sde snod 'dzin pa'i gsung las/ nga 'das nas mi lo nyer gcig nyer gnyis nas bstan pa'i me ro cung zhig ldang bar 'gyur zhes gsungs pa'ang rje mtsho sna ba 'di nyid lung bstan pa ste/ sde snod 'dzin pa mya ngan las 'das nas lo nyer gnyis lon/ mtsho sna ba chen po dgung lo nyer gcig lon nas thub bstan spyi dang bye brag 'dul bstan rin po che nyams pa bso ba'i byed po zla med par gyur pa'i phyir ro; ;yang/ gong du drangs pa'i rnam thar de nyid kyi 'phro las/ lha ri sde snod 'dzin pa'i rnam thar las/ bdag ni Do mb+hi he ru kar gyu tshe/ nags seb gcan gzan bkres skom gyis nyen par/ /bdag gis ska rags bkrol nas rang lus sbyin/ /zhes dang/ sgra bsgyur mar pa'i zhal nas/ ngas skye ba snga ma nags nyul ba zhig dran/ zhes gsungs pa dang/ yang dwags po lha rje'i zhal nas/ shin tu 'jigs pa'i keng rus gzugs gyur pa/ /Do mb+hi he ru ka ni nga yin gsungs/ /zhes gcan gzan gyis lus kyi sha zos pa'i keng rus kyi bdag po de dwags po lha rje rang nyid yin par rang gi gdul bya la gsungs zhes Domb+hi he ru ka dang/ sgra sgyur mar pa lo tsa/ dwags po lha rje rnams lha ri sde snod 'dzin pa chen po 'i rnam rol tu gsungs la/ yang de nyid du/ mnyos ston chen po 'i rnam thar las/ mnyos rang nyid la wa ba'i rnam 'phrul du zhal gyis bzhes pa dang/ lha ri sde snod 'dzin pa blo gros seng ges kyang rang nyid la wa @042 par zhal gyis bzhes pa rnams don gcig tu shes par mdzod cig /ces dang/ yang de nyid las bdag nyid chen po 'di lU hi par gyur pa'i tshe/ zangs chen pa dpal ldan sar har gyur/ de'i tshe bram ze chen pos kha ba can du skye ba blangs nas bstan pa spel ba'i skyes bu dam par gyur cig ces thugs bskyed mdzad pa na/ lU hi pas bdag kyang bla ma gang na bzhugs pa der skyes nas bla ma'i 'phrin las spel ba'i skyes bu dam par gyur te/ bstan pa'i sgron me sbar ba'i byed por gyur cig ces smon lam mdzad par gsungs la/ 'di'i skabs kyi bdag nyid chen po zhes pa ni kun mkhyen mtsho sna ba yin la/ zangs chen pa ni mtsho sna ba'i bsnyen rdzogs kyi mkhan po mdzad pa de nyid do// yang rnam thar de nyid las/ de ltar smod lam mdzad pa'i don bzhin bram ze chen po mkhas pa blo gros 'od du gyur pa'i tshe/ bdag nyid chen po 'di ska ba dri med 'od du gyur/ de nas dpon slob gnyis dga' ldan du byams pa'i zhabs drung du 'khrungs/ de'i tshe bdag nyid chen po 'di'i mtshan 'od zer 'phreng ba zer/ zhes dang/ yang/ bla ma chu mig pa chen por gyur skabs/ bdag nyid chen po 'di dan 'bag smra ba'i seng ger gyur/ zhes pa 'di'i skabs kyi bla ma zhes pa yang zangs chen pa ste/ gong gi lho pa kun mkhyen zhes pa dang thugs rgyud gcig par mngon/ yang de nas bal yul yam bur 'khrungs/ des lam 'phreng spra ri mchod rten bzhengs/ bal yul ba kun gyis mchod par gyur/ zhes dang/ bla ma kun mkhyen dar ma seng ger gyur/ bdag nyid chen po 'di sde snod 'dzin par gyur/ zhes pa'i dar ma seng ge ni lho pa kun mkhyen no/ /yang dar ma seng ge dar ma bsod nams su gyur/ bdag nyid chen po ni mtsho sna ba'o/ /zhes gsungs pa'i dar ma bsod nams ni zangs chen pa'i @043 mtshan du mngon no/ /bzhan yang rnam thar 'dir de 'dra ba du ma 'khod cing/ lung 'grel 'bru snon sogs mang tsam mdzad 'dug kyang ma phyir yig skyon che khar zhus dag byed yul gyi dpe rgyun dkon pa dang/ skabs 'gar gzhan dag gi 'o la tshod rang bzo'i lhad kyang ci rigs yod 'dra bas mtha' dag ma bkod la/ gong du bkod pa 'di dag ni khungs dang 'brel ba tshad mar snang bas bris pa yin no/ /rgyu mtshan des na gong gi rgya gar grub nyen Do mb+hi ba dang/ la wa pa dang/ lU hi pa dang/ bod kyi mnga' bdag mar pa dang/ dwags po lha rje rnams dang/ bka' gdams kyi srol 'dzin dan 'bag smra ba'i seng ge rnams kun mkhyen mtsho sna ba chen po 'i skye ba'i zlos gar du grub po/ /'a na de dag kun mkhyen mtsho sna ba'i skye 'phreng lung gis grub mod kyang/ mtsho sna ba rje tsong kha pa dang thugs rgyud gcig tshul ji ltar zhe na/ lha ri sde snod 'dzin pa nyid kyi zhal nas/ lha ri'i shar phyogs mtsho sna la sogs par/ /theg pa thun mong lugs ltar skye ba len/ /zhes mtsho sna dngos su bstan pa'i sogs khongs nas shar phyogs tsong kha'i yul bstan par gong gi rnam thar las byung zhing/ de bas gsal ba kun mkhyen chos skyabs bzang pos mdzad pa'i mtsho sna ba'i rnam thar gsol 'debs su/ nor bzang dpa' bo shar phyogs tsong kha sogs/ /sprul pas 'gro don mdzad pa lhag par gsal/ / zhes gsungs pa dang/ sku 'phreng snga ma mnyos ston chos 'bar gyis brag gor chos sde phyag btab pa'i rjes su kun mkhyen mtsho sna bas der byon nas bstan pa'i don mdzad pa'i thugs bskyed kyi goms shugs las/ slar yang rje tsong kha pa chen pos kyang mkhan chen chos skyabs pa mjal ba sogs la gnas der lan du mar byon nas mdo sngags kyi chos mtha' klas pa thang mar gdal bar mdzad 'dug pa 'di dag gis kyang mtsho sna ba @044 chen po 'i rnam rol 'khrul med du nges pa rnyad pa ma zad gtso bo ni gong du drangs zin pa ltar/ rje btsun mi g.yo mgon gyis nor bu bzang po dang/ rje tsong kha pa thugs rgyud gcig par sgrub pa nyid kyis nor bzang gi rnam sprul mtha' dag rje thams cad mkhyen pa'i rnam rol tu rang shugs kyis rtogs par 'gyur bas na mang du brjod ma dgos so/ / yang rnam pa gcig tu na/ jo bo rje dpal lha gcig dI paM ka ra yang rje bdag nyid chen po dang thugs rgyud gcig par gsungs te/ ji ltar na/ gong du brjod ma thag pa ltar mkhan chen chos skyabs pa zhes pa de brag gor gyi dpen gnas rin chen gling du/ mtshams nang 'di nas phyir mi ldog gi rtags ma thob bar them pa 'di las phyir 'da' ri zhes dbu mna' bzhes nas lo bzhi bcu song ba na nam zhig mnal lam du/ dpal ldan a ti sha yin zer ba'i paNDi ta zhwa dmar po byas pa/ ber dur kha bzhes pa zhig byung nas sang nyin nga a ti sha'i gdams pa rnams phyin ci ma log par ston nus pa'i bla ma zhig 'ong ba yod/ de la gdams pa rnams rtsad dpyod gyis gsung ba rmis/ sang nyin rje tsong kha pa dpon slob bzhi mkhan chen pa mjal bar byon pas nye gnas kyis tshoms su gdan drangs/ mkhan chen pas su byung zhes gsungs par/ rje blo bzang grags pa mkhan po mjal bar byon zhes zhus pas/ gos 'bol nyis brtsegs snye 'bol dang bcas pa bshams nas gzims chung du gdan drangs/ rje rin po che gos 'bol gyi steng du bzhugs/ mkhan chen pas 'bol grum steng du bzhugs/ rje rin po ches mkhan chen la mdo rgyud kyi dri ba mdzad pa rnams la mkhan chen pas lan so sor gsal bar phul bas rje la thugs nges chen po skyes/ mkhan chen pas kyang rje thams cad mkhyen par mdo sngags kyi dri ba mang du mdzad pa rnams la/ rjes lan so sor gsal @045 bar gsungs pa na/ mkhan chen pas rje thams cad mkhyen par a ti sha dngos kyi 'du shes mnal lam du gzigs pa ltar 'khrungs pa dang/ der ma zad thun mong snang ngor sku tshe 'di nyid la dgung lo bdun nas dpal ldan a ti sha'i zhal mngon sum du gzigs par gsungs pa sogs gang nas kyang thugs rgyud gcig par grub cing/ bka' gdams glegs bam du bla ma dri ma med pa'i lung bstan du/ bdag kyang gnas der lha 'dre 'dul du 'gro /zhes pas slob dpon pad 'byung dang/ sprul pa gcig ni rgya gar gnas chen 'grim/ /zhes pas jo bo rje dang/ sprul pa gcig ni mdo khams smad du 'gro /zhes pas rje tsong kha pa lung bstan par tshad mar gyur pa'i dam pa mang pos mthun par gsungs shing/ rgyu mtshan de dag la brten nas thams cad mkhyen pa dge 'dun rgya mtshos kyang/ rigs 'dzin grub pa'i dbang phyug padma 'byung/ /lnga brgya'i gtsug rgyan dpal ldan mar me mdzad/ /rdo rje 'chang dbang blo bzang grags pa'i dpal/ /sna tshogs sprul pa'i gar mdzad de la 'dud/ /ces thugs rgyud gcig par sgrub par mdzad la/ gzhan yang glegs bam gyi rdo rje'i glu las/ mar me mdzad kyang gnas mchog 'dir/ /sgrol mar bcas te sprul pa 'gyed/ /lhag par chags med bsod snyoms pas/ /snyan pa'i dbyangs kyis gsol ba 'debs/ /phyogs bzhi'i las can dbang du bsdus/ /de yis mchod tshogs rgyas par byed/ /ces sogs gsungs pa'i don mi dbang 'jam dpal dbyangs kyis dga' ldan chos 'byung du/ dpal mar me mdzad bka' gdams kyi bstan pa spel bar slar yang sprul pa mang du 'gyed pa'i nang nas gtso bor gyur pa/ chos brgyad kyi yo lang cung zad tsam yang ma bzung bar chags med bsod snyoms la brten pa'i rgyal ba tsong kha pa chen po 'byon pa @046 dang/ de'i 'phrin las kyi mthus phyogs bzhi'i 'gro ba las can rgya bod hor gsum rnams dbang du bsdud cing/ lha sa smon lam chen mo sogs jo bo rnam gnyis la mchod tshogs rgya mtsho bskal brgyar spel/ zhes sogs rgya cher gsungs shing/ de dang mthun pa rnam thar skal ldan pad tshal rgyas pa'i 'od stong du yang gsungs so/ / lung 'di dag gis na rje thams cad mkhyen pa ni bla ma dri ma med pa dang/ slob dpon padma 'byung gnas kyi rnam sprul du'ang nges pa yin te/ dga' ldan chos 'byung du/ bla ma dri ma med pa mtsho las skyes pa'i rdo rje'i sprul pa gcig mdo khams smad du 'byon pa yin/ zhes gsungs pa'i mtsho skyes rdo rje ni padma 'byung gnas so; ;yang grub chen phyag na rdo rjes rje'i 'khrungs rabs lung bstan du/ skye ba 'di'i gong rol tu/ kha cher rje btsun phyag rdor ba rang nyid paNDi ta don yod rdo rjer gyur pa'i tshe/ khyod paNDi ta ma ti b+ha drar gyur te mjal nas sde snod gsum la sbyangs shing rgyud kyang 'ga' nyan/ dbang yang zhus zhes gsungs pa'i ma ti b+ha dra ni gong du bshad zin pa nyid yin la/ yang de nyid las/ skye ba 'di'i gong gi gsum pa la rje btsun pa drang srong zhig tu gyur/ khyod bram ze'i bu mo sa brtan zhes par gyur/ yon tan dang ldan zhing phar kr-i yog gi chos skor mang du gnang/ khyod la'ang rje btsun gyis yo ga'i chos skor mang du zhus/ de'i gong gi skye ba la rgya gar gngag pa ta zhes par rje btsun rgyal rigs su 'khrungs nas gtsug lag khang gi mched dpon du gyur pa'i dus/ khyod na ga rA dza zhes par gyur/ klu sgrub kyi sprul pa yin zer ba'i dge tshul zhi ba bzang po zhes pa la klu sgrub kyi chos skor sogs mang du zhus/ khyod la chos skor de rnams rje btsun pas zhus/ khyod kyis mngon pa'i chos rnams phar zhus zhes @047 lung bstan du mdzad snang ste/ de la sogs pa thun mong dang thun mong ma yin pa'i rnam rol bstan tshul du ma mchis pa las rang blos ji ltar dpogs pa rnams phyogs gcig tu bkod pa yin la/ sku tshe 'di nyid rang gi lung bstan shas che ba ni 'og tu 'god par bya'o/ /da ni de dag rnams la the tshom dang log rtog sel phyir smra ba'i sgo 'di ltar dbye bar bya ste gong du 'khrungs rabs kyi 'phreng ba de ltar du spel ba na/ 'ga' zhig 'di snyam du dogs par 'gyur te/ 'khrungs rabs 'di dag tu sngon byon gsar rnying gi dam pa du ma zhig gsal ba nas 'ga' dang 'ga' zhig ni skyes chen gzhan dag gi 'khrungs rabs su yang snang bas/ des na dam pa de thams cad rje bdag nyid chen po dang thugs rgyud gcig par 'dod dam/ de min na gang rung zhig de dang de'i skye 'phreng ma yin par 'gyur ro snyam na/ de 'dra ba 'byung ba ni dam pa rnams kyi 'khrungs rabs la mang du srid mod/ de dag la 'thad mi 'thad kyi dbye ba 'di ltar du phye dgos te/ bdag nyid chen po gang zhig rang don du spangs rtogs mthar phyin nas gzhan don du bsam bzhin du srid pa'i sgyu 'phrul bzung ba zhig yin na ni sngar gong du brjod pa ltar dam pa de dag thun mong gdul bya'i mos ngor gzugs sku tha dad du snang ba tsam ma gtogs nges don chos sku bde ba chen po'i ngang du ro gcig pa'i phyir sprul sku gcig nyid dam pa mang po'i skye 'phreng du byung ba ni nam yang mi 'gal zhing nges par du 'thad la/ de ni thun mong ma yin pa'i dbang du ma zad theg pa thun mong ba ltar na yang/ mdzod rtsa ba las/ sangs rgyas thams cad tshogs dang ni/ /chos sku 'gro ba'i don spyod par/ /mnyam pa nyid de sku tshe dang/ /rigs dang sku bong tshod kyis min/ /zhes sangs rgyas rnams gdul bya'i snang ngor sku tshe dang/ rigs dang/ sku'i bong tshod sogs tha dad mi mnyam par ston pa tsam @048 las/ gzhan du rgyu tshogs gnyis bsags par mnyam pa nyid dang/ 'bras bu chos sku thob par mnyam pa nyid dang/ 'phrin las 'gro ba'i don spyod par mnyam pa nyid du bstan pa 'dis kyang/ dngos su sangs rgyas rnams thugs rgyud gcig pa yin zhes ma bstan kyang/ don gyis bstan pa yin te/ ji ltar zhe na/ sangs rgyas rnams 'gro ba'i don spyod par mnyam pa nyid yin zhes pa 'dis/ sangs rgyas 'dis 'gro ba 'di dang 'di'i don mdzad/ 'di dang 'di'i don ma mdzad ces dbye ba byar med pa gcig pa nyid du bstan pa'i phyir/ de lta min par gdul bya'i snang ngor rgyud tha dad du bstan pa ltar/ don la yang de ltar du nges na/ 'o na/ thams cad mkhyen pa dge 'dun rgya mtsho'i gsung las/ nges don gyi 'jam dpal ye shes sems dpa' ni sangs rgyas thams cad kyi gnyis su med pa'i ye shes yin pa dang/ drang don gyi 'jam dpal ye shes sems dpa' ni de nyid gdul bya'i don du 'jam dpal gyi lha'i 'khor lor shar ba'o/ /zhes gsungs pa ltar/ rje btsun 'jam dbyangs sangs rgyas thams cad kyi mkhyen rab gcig tu bsdus pa'i ngo bo yin pa dang/ 'phags pa spyan ras gzigs snying rje gcig tu bsdus pa'i ngo bo dang/ gsang ba'i bdag po mthu stobs gcig tu bsdus pa'i ngo bo yin par gsar rnying grub mtha' kun la thun mong du yongs su grags na de dag gcig tu 'dus tshul ji ltar 'chad/ rgyu mtshan de dag la brten nas nges don du 'phags pa rigs gsum mgon po nyid kyang thugs rgyud gcig par gsungs pa yin/ bka' gdams glegs bam rin po che'i lha'i rgyal po'i skyes rabs las/ de yang rigs gsum mgon po las/ /tha dad nyid du ga la 'gyur/ / sems can kun la spyan ras gzigs/ /'di ni snying rje byams pa'i rigs/ / @049 nga ni snying rje chen po nyid/ /nga la spyan ras gzigs zhes grags/ /lus ngag yid gsum zhi 'jam pas/ /'gro ba kun gyi dpal du gyur/ /'jam pa'i dpal du'ang 'gal ba med/ /kun mkhyen shes rab che ba'i rigs/ /phyag stong re na mi rtog pa'i/ /rdo rje dpa' bo re bzung ste/ /gdul ka 'dul pa'ang nga yin na/ phyag na rdo rjer 'gal ba med/ /de ni dpa' bo drag po 'i rigs/ /de gsum rigs gsum mgon po nyid/ phyogs su ma zad dngos yin no/ /zhes gsungs pas rigs gsum mgon po thugs brgyud gcig pa dang/ de gsum gyi sprul pa yin khyab snyam du khas len dgos na/ sangs rgyas gzhan rnams de ltar du mi 'grub pa'i rgyu mtshan gang yang med pa'i phyir/ yang rnam pa gcig tu na/ gdul bya'i mos ngor rgyud tha dad du snang ba ltar/ don la yang de ltar gnas dgos zhes dad dung rmongs rtags a 'thas kyis 'dod pa'i dbang du byas na yang/ sku'i rnam rol gcig nyid dam pa mang po'i skye 'phreng du byung ba mi 'gal te/ gser 'od dam pa'i mdo las/ sangs rgyas bcom ldan bsam mi khyab// de bzhin gshegs pa rtag pa'i sku/ /sems can rnams la phan pa'i phyir/ /bkod pa rnam pa sna tshogs ston/ /zhes dang/ rgyud bla ma las/ ji ltar gdul bya dag pa yi/ /chu yi snod ni thams cad du/ /bde gshegs nyi ma'i gzugs brnyan ni/ /dpag tu med pa cig car 'char/ /zhes nyi ma'i dkyil 'khor gcig nyid chu snod tha dad pa du mar gzugs brnyan de snyed du 'char ba ltar/ sprul gzhi gcig nyid kyis gdul bya so so'i snang ngor bkod pa mi 'dra ba du mar ston pa ni sangs rgyas su ma zad/ byang sems sa dang po ba rnams kyis kyang/ ji skad du/ @050 mdo phal po che las/ ting 'dzin brgya dang sangs rgyas brgya rnams mthong byed cing// zhing brgya bskyod cing rab tu snang byed kun tu 'gro /sems can brgya sbyong chos kyi sgo la 'god par byed/ /bskal pa brgyar 'jug lus brgya rab tu ston par byed/ /rgyal ba'i sras kyang brgya yi grangs tshang rab tu ston/ /zhes sogs yon tan brgya phrag bcu gnyis thob pas skad cig re re la yang sprul pa mi 'dra ba brgya phrag ston par nus na spangs rtogs yongs su rdzogs pa'i bdag nyid chen po rnams lta smos kyang ci dgos/ des na dam pa'i skyes bu 'ga' zhig skyes chen gzhan gyi 'khrungs rabs su 'byung ba la 'gal ba ci zhig mchis te dam pa de dag gis sprul pa re re kho na las ston mi nus pa ma yin pa'i phyir te/ dper na bod kha ba can 'di 'phags pa spyan ras gzigs kyi 'dul zhing yin pa'i dbang gis sngon dang da ltar gyi skyes chen mang po zhig gi sprul gzhir 'phags pa spyan ras gzigs nyid 'byung ba dang/ 'khrungs rabs sku 'phreng 'ga' zhig kyang gcig par 'byung ba mthong dang thos bzhin pa yin na gang rung zhig min zhes su zhig gis smra bar nus/ tshul 'di ltar du dpyod shes na rmongs rtags dang phyogs 'dzin gyis kun nas bslangs pa'i blo ngan gu dog gi 'ching ba las grol te dam pa rnams la dag snang phyogs med du skye bar 'gyur ro// yang 'ga' zhig 'di snyam du/ 'o na/ skye ba 'dzin pa'i dam pa de sa la gnas pa'i 'phags pa'am/ tshogs spyor la gnas pa'i sems dpa' lta bu zhig yin na/ de'i sprul gzhi dang 'khrungs rabs la sangs rgyas sogs 'dren du rung ngam mi rung zhe na/ de 'dra ba'i gang zag rnams don la sangs rgyas dang sems can gang yin rang cag so skye phal pas rgyud tshod ma rtogs par kha tshon gcod par dka' mod/ 'on kyang don la @051 sangs ma rgyas pa'i gang zag zhig yin na ni sangs rgyas sogs dang thugs rgyud gcig par ni ga la 'gyur/ de lta na yang gdul bya so sos sangs rgyas byang sems rnams kyi rnam rol tu mos nas gsol ba btab na ni/ de dag gi thugs rje chags thogs med pa'i dbang gis de dang de'i byin rlabs 'jug pas na/ gdul bya'i ngos nas ni de ltar du mos pa nges par rung ba ma zad/ bsam sbyor de ltar med mi rung du dgos pa zhig kyang yin pa ni bshes gnyen bstan tshul gyi gdams pas shes par nus la/ bla ma rang rang gis ngos nas ni rang blo rang la lkog tu ma gyur pa yin pas na rang gi rgyud tshod rang gis shes par nges pas de dang bstun pa las/ slob mas mos pa ltar rang yang de ltar yin nam snyam pa'i mngon pa'i nga rgyal 'chang na ni g.yang sar lhung ba'i sgo 'jigs su rung ba yin no/ /yang/ de tsam yang ma yin par deng sang dus dbang gis bla ma'i ming tsam zhig thogs na/ zhabs phyi dang yon bdag sogs kyi rmongs zhen gyis kun nas bslangs te gzhan mgo bskor ba'i slad du dam pa bzang bzang po 'ga' dang 'ga'i sprul pa yin zhes 'phreng bar bsgrigs pa rnams ni snyigs ma'i rang tshul bdo ba tsam du zad pas 'thad mi 'thad kyi sgrub byed smra ma dgos pas rnam dpyod dang ldan pa dag gis bzang ngan 'bring gsum gyi dbye ba de rnams legs par khong du chud par byos shig /des na rje bdag nyid chen po tsong kha pa lta bu ni/ bskal pa mang po'i sngon nas sangs rgyas pa'am/ sku tshe 'di nyid rang la zung 'jug gi go 'phang mngon du mdzad pa gang gi dbang du byas kyang/ don du nyi shar sbar mos mi khegs pa ltar sras bcas rgyal ba kun gyi mdzad pa'i khur chen gcig tu bsnams pa'i 'gran zla med pa'i skyes chen zhig yin pa gzu bor gnas pa kun la mthun snang du grub pas na @052 'khrungs rabs 'ga' zhig tsam 'phreng bar spal ba'i sgo nas bdag nyid chen por sgrub dgos pa zhig ma yin mod/ de la brten nas mkhas grub thams cad mkhyen pa sogs kyis mdzad pa'i rnam thar rnams su'ang sprul gzhi 'khrungs rabs sogs sa bon tsam las 'god par ma mdzad pa ni/ blo chung ci rigs kyi bsam par rje tsong kha pa rje btsun 'jam dbyangs kyi rnam sprul yin zhes pa tsam zhig ri bo dge lugs pa rnams kyis rang 'dod kyis smra ba las/ sangs rgyas byang sems/ lha dang bla ma sogs kyi lung gis zin pa'i 'khrungs rabs sogs med 'dra snyam pa dag kyang yod tshod snang bas de dag la sman pa'i slad du/ gzhan zer grags gtam tsam ma yin par yid ches tshad mar gyur ba'i lung gis zin pa'i 'khrungs rabs 'ga' zhig tsam smos pa yin la/ de dag gi nang du grub mtha' gzhan gyi skyes chen 'ga' zhig gi rnam rol bzung ba rnams kyang gsal tsam smos pa'i dgos pa yang/ rje bdag nyid chen po ni rgyal ba'i dgongs pa rma med pa'i mdo sngags kyi bstan pa rnam par dag pa nyid 'dzin cing spel ba'i thugs bskyed kho na las rang phyogs la rmongs zhen dang/ gzhan phyogs la sdang shugs kyi cha phra mo tsam mi mnga' yang/ bstan pa rin po che kho nar dgongs te lta grub rnam thar gtsang bar mdzad pa'i don ma go bar/ gzhan phyogs pa 'ga' zhig 'di ni bdag cag rnams kyi grub mtha' la sdang zhing gnod par mdzad pa zhig go snyam nas zhing dam pa la bsod nams ma yin pa'i las gsogs pa rnams la sman phyir du bkod pa yin no/ /de ltar dogs pa cung zad bcad zin nas 'dir smos pa'i sku 'phreng rnams sdom gyi tshul du 'god na de bzhin gshegs pa klu'i rigs mchog /de bzhin gshegs pa mos pa rab tu dga' ba'i snying po/ rje btsun 'jam dpal dbyangs/ byang sems snying stobs chen po/ @053 byang sems nor bu bzang po/ bdag cag gi ston pa'i spyan sngar shel dkar gyi 'phreng ba phul nas thugs bskyed pa'i khye'u/ dge slong padma'i ngad ldan/ dgra bcom pa nye bar 'khor/ dgra bcom pa nyer sbas/ slob dpon padma 'byung gnas/ mgon po klu sgrub/ Do mb+hi he ru ka /la wa pa/ lU hi pa/ ska ba dri med 'od/ dga' ldan byams pa'i zhabs drung du byang sems 'od zer 'phreng ba/ jo bo rje dpal ldan a ti sha/ mnga' bdag mar pa lo tsa/ mnyos ston chos 'bar/ dwags po lha rje/ dan 'bag smra ba'i seng ge / bal yul yam bu'i mchod gnas byang sems kyi tshul 'dzin pa/ lha ti sde snod 'dzin pa dar ma seng ge /kun mkhyen mtsho sna ba chen po/ rgya gar bangga pa tar 'khrungs pa nA ga rA dza/ bram ze'i bu mo sa brtan/ sku tshe 'di'i snga ma kha che'i paNDi ta ma ti b+ha dra rnams yin la/ da dung lung bstan gzhan du byams pa'i sprul pa yin pa dang/ bai ro tsa na dang/ sgom pa tshul khrims snying po sogs kyang yin par gsungs shing/ des na gong du smos pa'i paNDi ta'i skye ba bdun dang/ ston pa'i drung nas da bar sku skye bcu bdun bzhes tshul ni 'di dag ci rigs pa yin par sems la/ de las gzhan du paNDi ta kho na'i skye ba brgya bzhes tshul sogs mtha' dag ni so so skye bos brjod pa'i yul las 'das shing/ 'khrungs rabs 'di dag las lung bstan sogs su gsal ba 'ga' zhig gi rnam thar rags tsam gong du dkod pa ltar las/ la la zhig gi rnam thar zhib pa'i khungs ma rnyed cing/ paN grub grags che rnams kyi rnam thar ni gzhan du gsal bas 'dir yi ges 'jigs nas ma bkod do; ;smras pa/ rgyal bar gyur kyang rgyal sras tshul bzung nas/ / @054 rnam pa kun tu rnam mang don mdzad tshul/ /nam mkha'i mtha' bzhin nam yang rtogs min pa'i/ /ngo mtshar 'di ni ngo mtshar kun gyi phul/ /la lar de bzhin gshegs pa'i bkod pa dang/ /res 'ga' rgyas sras sar gnas sems dpa'i tshul/ /gzhan du dgra bcom grub brnyes paN chen sogs/ /sna tshogs sprul pa'i rol mo 'byams su klas/ /brgya phrag nyal 'gro'i snod du zla ba'i gzugs/ /'bad rtsol med par de snyed 'char ba ltar/ /gdul bya'i mos ngo dang 'tshams sgyu ma'i gar/ / ji snyed ston pa 'dren pa kun gyi lugs/ /'jam dbyangs rnam rol rje btsun tsong kha pa/ / 'jam dbyangs nyid phyir mkhyen brtse 'phrin las kun/ /'jam dpal dngos dang khyad par phra mo tsam/ /kun mkhyen srang la gzhal na'ang dmigs su med/ /tshul de'ang mchog dman phal la thun mong du/ /grags shing grub na sgrub zin sgrub pa ltar/ / 'khrungs rabs 'ga' zung tsam gyi mkhar ba la/ /brten nas dam par sgrub dgos ga la yin/ /'on kyang 'ga' zhig blo gros bug pa'i sgo/ /thos chung mun pas sgrib pa'i rang tshul las/ /ma mthong ma thos rgyu mtshan du byas nas/ /log par rtog pa rnams la sman phyir du/ /yid ches tshad ma'i lung gi nor bu'i bzhin/ / dri med rig pa'i phra tshom gyis spud pa'i/ /don ldan gtam gyi sbyor ba 'ga' zhig tsam; ;spel ba'i mgrin pa cung zhig btegs byas so/ /zhes pa ni bar skabs kyi tshigs bcad pa'o// ' //da ni sku 'phreng phyi ma rnams kyi 'byung rnams kyi 'byung tshul brjod pa la/ de yang skabs 'dir 'byung rim gyi dbang du byas na/ sku tshe 'di nyid kyi rnam thar 'god pa'i rjes su 'khrungs rabs phyi ma rnams 'god dgos pa ltar snang na yang/ lung bstan phal che bar 'khrungs rabs snga phyi rnams dkyus @055 gcig tu gsungs pa ltar/ dga' ldan chos 'byung du yang dkyus gcig tu gnang 'dug pa dang/ rnam thar gzhan dag tu yang snga phyi nges med kyi tshul du bkod par mdzad 'dug pa ma zad/ 'khrungs rabs phyi ma'i 'byung tshul yang rags rim las mang du brjod ma dgos pas na/ 'dir yang dkyus gcig tu bkod rjes sku tshe 'di nyid kyi rtogs brjod rgyas par bkod na 'jug pa bde zhing rgyas bsdus 'brel chags par mngon pas de ltar du 'god na/ de yang bla ma dbu ma pas rje btsun 'jam dpal dbyangs la rje thams cad mkhyen pa'i sku skye snga phyi sogs zhu bar mdzad pa'i lung bstan du/ sku skye 'di'i phyi ma dga' ldan du rgyal ba ma pham pa'i chos kyi mdun sar theg pa chen po'i 'byor pa dpag tu med pa la longs spyod par 'gyur zhing/ mtshan la byang chub sems dpa' 'jam dpal snying po zhes bya bar 'gyur ro/ /zhes gsungs shing/ de'i lo rgyus rje nyid la zhus pa na/ 'di'i phyi ma dga' ldan du 'gro ba 'di la rang bla ma dbu ma pa/ bla ma phyag rdor ba sogs mang po zhig kha 'cham par 'dug ces don la de ltar du zhal gyis bzhes par snang/ bla ma phyag rdor bas gsungs tshul ni/ rje btsun phyag rdor bas gsang ba'i bdag po la/ blo bzang grags pa skye ba rting ma gar skye zhus par/ dga' ldan du byams pa'i drung du byang chub sems dpa' 'jam dpal snying po zhes bya bar skye/ de nas 'dzam gling gzhan du sems can gyi don la dgongs te chos rgyal gcig tu skye ba bzhes nas sems can gyi don dpag tu med pa 'byung ngo/ /gsum pa 'dzam gling 'dir rgya gar shar phyogs su pu ri tsa zhes bya ba'i gtsug lag khang du paNDi ta dznyA na shrI zhes bya bar 'khrungs/ 'khor nyis stong 'du zhing/ 'khor rnams kyang tshogs lam chen po dang/ sbyor lam la gnas pa @056 sha dag 'byung/ zhes dang/ rje phyag rdor ba'i gsang ba'i rnam thar log rtog mun sel du/ yang dus lan gcig yi dam la gsol ba btab cing maNDal phul nas/ bdag la slob ma sgrub pa mthar phyin pa ji tsam yong/ de dag gi lung bstan gsal ba zhig gsungs 'tshal/ zhes gsol bas/ gsang ba'i bdag po byon nas 'di skad gsungs/ las kyi rdo rje gdul bya'i yul du gyur ba'i bu slob 'byung tshul rnams khyed rang gis shes par nus mod/ 'on kyan btsan sar phyin pa'i slob ma brgyud 'dzin mang du 'byung ste/ de rnams kyi nang nas kyang 'di ltar/ blo bzang grags pa 'gran zla kun dang bral/ /shAkya'i rgyal po'i drung du sems mchog bskyed/ /zhing 'dir mdo dang sngags kyi gzhung lugs spel/ /'di nas 'phos te dga' ldan gnas su 'gro /'jam dpal snying po byams pa'i sras mchog de/ / myur du 'tshang rgya de bzhin gshegs par 'gyur/ /zhes dang/ mchog de/ / bdag gi lung bstan las/ lus 'di bor tshe dga' ldan du/ /byams pa'i drung 'gro chos nyan 'gyur/ /'jam dpal snying po zhes bya ba/ /sems can kun la brtse ba ste/ /de ni sa bcu'i mthar phyin to/ /zhes gsungs pa rnams so; ;gzhan yang padma'i bka' chems las/ 'jam dbyangs sprul pa gdul bya bstan pa'i bdag /mdo sngags bstan 'dzin blo bzang grags pa zhes/ / mi rabs brgyad du mdo sngags rgyas par ston/ /zhing 'di 'das nas byams pa'i drung du 'gro /de yi brgyud 'dzin tshe gcig sangs rgyas yin/ /rang byung bskal pa chen po la/ /dgra bcom thob par the tshom med/ /ces dang/ grub chen sangs rgyas kyis dag snang la ayon du byon nas slob dpon la dri ba zhus pa'i gras @057 su'ang/ bod yul na chos rje blo bzang grags pa 'di skad che/ khong sems gar bskyed/ phyi ma gar gshegs zhus pas/ sems bskyed thub pa'i drung du bskyed/ /skye ba kun tu 'gro don mdzad/ /smon lam gcig gi bye brag gis/ / sems dpa' de la smad par byed/ /kye ma sems can snying re rje/ /'brel tshad don ldan snying stobs can/ /sde snod 'dzin pa'i 'khor gyis bskor/ /sangs rgyas bstan pa bsrung bskyed byed/ /snyigs ma'i dus su a la la/ /grib dang gza' gdon dag la 'dzems/ /tshe la bar chad yongs nye bas/ /gtsug tor rnam rgyal la sogs pa'i/ /bar chad bzlog pa'i cho gar 'bad/ /re zhig byams pa'i drung du 'gro /sems dpa' gser gyi me tog grags/ /zhes gsungs pa'i sems dpa' gser gyi me tog ni 'jam dpal snying po dang don gcig yin par dga' ldan chos 'byung las gsungs/ de sogs gsar rnying gi lung bstan mang po zhig mthun par byung ba las 'ga' zhig da dung 'og nas kyang rim par 'chad par 'gyur ba rnams kyi don ltar/ sku tshe 'di'i rting ma la dga' ldan du rgyal tshab mi pham mgon po'i drung du byang chub sems dpal 'jam dpal snying po zhes par gyur nas theg chen chos kyi bdud rtsir longs spyod par mdzad la/ de'i phyir mkhas grub thams cad mkhyen pas dpal ldan sa gsum mar/ rgyal ba'i spyan sngar byang chub spyod pa blangs/ / dga' ldan gnas su 'jam dpal snying por grags/ /kha ba can 'dir blo bzang grags pa'i dpal/ /rgyal sras thu bo khyod la gsol ba 'debs/ /zhes dang/ 'jam dbyangs chos rje bkra shis dpal ldan pas/ /dga' ldan gnas su mi pham chos rje'i drung/ /rgyal ba'i sras po 'jam dpal snying po zhes/ /'jam dpal @058 dbyangs dang gsang ba'i bdag po yis/ /gsal bar lung bstan rje btsun chos kyi rje/ /zhes gsungs pa yin no/ /de'i rjes su 'byon tshul lung bstan rnams su mtshan dngos su gsal ba ni/ gong du drangs pa ltar/ 'dzam gling gzhan du chos rgyal gcig tu skye ba bzhes pa dang/ de nas rgya gar shar phyogs su paNDi ta dznyA na shri zhes par 'khrungs pa rnams dang/ mtshan gyis ma gsal ba ni/ gsang bdag gi lung bstan las/ gsang 'dzin las kyi rdo rje la/ /sngon nas nye bar 'brel ba yi/ /blo bzang grags pa 'di nyid ni/ /sangs rgyas kun gyi sprul pa ste/ /paN chen rkyang gi lus bzung nas/ /mdo dang sngags kyi don bshad cing/ /nges pa kho nar 'tshang rgya'o/ /rgya gar rgya nag bal po dang/ / dbus gtsang mdo khams yul phyogs su/ /skye ba bzung zhing 'gro kun rnams/ / thar pa'i lam la 'khrid par mdzad/ /'jam pa'i dbyangs ni lhag pa'i lha/ / dbyangs can ma ni las rgya ste/ /nges pa kho nar byang chub bo/ /'phags pa'i slob ma bsdu bar byed/ /ces 'dzam gling 'di kho nar yang rgya gar rgya nag bal yul sogs dang/ /nang tshan bod yul 'dir dbus gtsang mdo khams sogs kun tu mkhas dang grub pa'i rnam rol mtha' klas pas 'gro ba'i don mdzad dang mdzad par 'gyur ba dang/ der ma zad bka' gdams glegs bam rin po che pha chos nyi shu rtsa drug gi ya gyal 'brom gyis 'bul mo che mdzad pa las 'phros pa'i ma 'ongs lung bstan du; bdag gi sprul ba dam pa gcig /res 'ga' dge slong nyid du sprul/ / des ni gnas de skyong bar byed/ /res 'ga' byis pa'i gzugs su 'ong/ / res 'ga' dbul phongs sprang po'i gzugs/ /res 'ga' byol song bya khyi'i @059 gzugs/ /res 'ga' gsol 'debs dbyangs kyi gzugs/ /res 'ga' yig 'bru gzungs kyi gzugs/ /grags pa can gyi dge slong ngo/ /bstan gnas bar du yang yang 'ong/ /de ni brgyud pa nyid dang mtshungs/ /khrims ldan de yis byin rlabs shing/ /skyes bu gsum ni don gnyer ba'i/ /bya ba myong ba brgya phrag tsam/ /gnas der bsam gtan sgom par byed/ /de la'ang cung zad lta bas gnod/ /'dod yon bdud kyi g.yab mo 'byung/ /bsam gtan chags sdang dag la 'char/ /'on kyang sprul pas byin rlabs pas/ /lha dang bcas pa'i mchod pa'i gnas/ /bkur 'os nyid du nges par 'gyur/ /mdor na gnas mchog de dag tu/ / dang po bzhi grwa nas bzung ste/ /tha mar stong phrag phyed dang gsum/ /bslab pa gsum ldan shAkya'i sras/ /'gro ba kun gyi mgon du 'gyur/ /gnas der phyogs dang phyogs mtshams nas/ /dge 'dun dpag med 'du bar 'gyur/ /spyir yang las can phyogs bcur 'phro/ /phyi yi rgya mtsho dag dang mtshungs/ /chu bo brgya yis gang mi nus/ /ci tsam zhig gis dma' mi nus/ /zhes gsungs pa'i lung bstan 'dir/ grags pa can gyi dge slong zhes rje thams cad mkhyen pa'i mtshan sgra dngos su smos nas/ de'i sprul pa bstan pa nam gnas kyi bar du yang yang 'byon pa dang/ /de yang sku gsung thugs kyi rnam 'gyur gcig tu ma nges par sna tshogs su 'byung ba dang/ de dag gi thugs rje dang byin rlabs la brten nas skyes bu gsum gyi lam thos bsam sgom gsum byed pa'i gang zag brgya phrag la sogs pa je mang du 'dus nas ri bo dge lugs pa zhes pa'i bstan pa rgya cher 'phel ba na/ gzhan phyogs 'ga' zhig ma bzod pas lta spyod kyi tshul la kha zer zhing 'phyas gdags pa cung @060 zad 'byung ba dang/ dad pa can mang pos bsod nams kyi zhing du bkur ba'i 'dod yon la brten nas thos bsam pa dang spong ba pa 'ga' zhig thos sgom las g.yel te rnam g.yeng dang chags sdang gi dbang du 'gyur ba srid na yang/ rje bdag nyid chen po nyid kyi byin rlabs dang 'phrin las kyi mthus 'dus pa dmangs rnams mang thos tshul ldan gyi brtul zhugs kho na la gnas pas lha dang bcas pa'i 'gro ba'i bsod nams kyi zhing dang/ yon yongs su sbyong ba'i gnas las nyams par mi 'gyur ba dang/ mdor na gnas mchog de dag tu/ /zhes pa nas/ se 'bras dga' gsum gyis gtsos pa'i phyogs dang phyogs bral gyi 'dus sde spyi dang/ nang tshan gdan sa chen po dang rgyud grwa rnam gnyis sogs 'di dag tu dang por bzhi grwa tsam nas rim gyis je mang gis dus phyis grwa sa grwa tshang rnams su brgyad stong sogs stong sogs nas nyung mtha' stong phrag phyed gsum gyi mtha' brten pa 'byung ba dang/ de dag kyang lam bslab pa gsum gyi nyams len dang/ lung sde snod gsum dang rgyud sde bzhi'i 'chad nyan la gcig tu brtson pas 'gro ba kun gyi mgon skyabs gcig pur 'gyur ba dang/ de lta bu'i snyan grags dang 'phrin las la brten nas rgya hor bod sogs kyi sa phyogs kun nas thos bsam sgom gsum don du gnyer ba'i skyes bu dpag tu med pa padmo'i mtsho la ngang mo bzhin du 'du ba dang/ /yang de dag las thos sgom gyi nor gyis phyug pa mang po zhig rin po che'i gling nas nor bu lon pa dang mtshungs par rang rang gi yul dang/ de las gzhan pa dag tu'ang bskyod nas zhwa ser cod paN 'chang ba'i ring lugs rgya cher spel ba sogs 'gro 'ong gi 'du 'god rgyun mi chad kyang/ ji ltar rgya mtsho chen po ni chu klung brgya phrag spro ba dang bsdu ba ci rtsom yang 'phel 'grib sdang/ bri gang gi rnam @061 pa cha tsam mngon pa dang mtshungs par 'byung ba sogs bstan pa'i sgo nas don du sprul pa'i rnam rol sna tshogs zad mtha' med pas 'gro don mdzad par lung bstan zhing/ de yang zhing 'dir ston tshul mtshon pa tsam te gzhan du phyogs bcu rab 'byams kyi zhing khams mtha' klas par de dang de 'dra ba'i rnam sprul dang 'phrin las 'khor ba ji srid pa de srid du ston na de'i tshul mtha' dag kun mkhyen pas kyang brjod par mi nus te/ mdo phal po che las/ sangs rgyas kyi zhing gang gA'i klung gi bye ma snyed kyi rdul phra rab kyi grangs las 'das pa'i 'jig rten gyi khas sa re re na de bzhin gshegs pa ji snyed bzhugs pa de thams cad kyi mdun na 'phags pa 'jam dpal re re bzhugs nas thugs bskyed par gsungs pa ltar ro/ /yang/ nam zhig gdul bya'i mos ngor slar yang sangs rgya ba'i mdzad pa ston pa'i tshul la/ ma cig lab sgron gyi lung bstan du/ bu mo khyod kyis dris pa'i byang sems de/ /ma 'ongs bskal bzang sangs rgyas bdun pa yin/ /da lta byang chub sems dpa' snying stobs che; ;snyigs dus log spyod bod yul 'byung ba'i tshe/ /dge slong tshul 'dzin grags pa'i mtshan thogs te/ /gang gi zhing du seng ge'i nga ror grags/ / khrims 'chal log spyod spobs pa zil mnon pas/ /khrims 'chal bag med yang dag khrims la sbyor/ /thub nyid srol bstod bstan pa'i phyag rtags 'dzin/ / bstan pa gsal bar byed pa'i dge slong ngo/ /mtha' yas rgyud sde'i tshogs la dbang bsgyur zhing/ /rgyud sde rgya mtsho'i dgongs pa'i bcud phyung nas/ / gdul byar gyur pa'i skal ldan tshim par mdzad/ /ces bskal bzang sangs rgyas bdun par sangs rgya tshul gcig dang/ rgyal ba seng ge'i nga ror sangs rgya tshul gnyis/ @062 gsungs pa dang/ yang rje btsun 'jam dbyangs dang thugs rgyud gcig pa'i phyir/ de bzhin gshegs pa kun tu gzigs su sangs rgya tshul dang gsum 'byung ba las/ dang po ni/ mi 'jed kyi zhing 'di'i bskal pa bzang po la 'tshang rgya ba'i mdzad pa ston pa'i dbang du byas pa yin la/ phyi ma gnyis ni mi dbang 'jam dpal dbyangs kyi dga' ldan chos 'byung du/ ma 'ongs par dkon mchog brtsegs pa'i rdul med bsags pa zhes bya ba'i 'jig rten gyi khams dang/ ngo mtshar rmad byung bkod pa gnyis kyang don gcig la/ de bzhin gshegs pa dgra bcom pa yang dag par rdzogs pa'i sangs rgyas kun tu gzigs dang/ dag pa'i snang ba rnams su byung ba'i rgyal ba seng ge'i nga ro gnyis kyang gcig pa e yin snyam/ zhes gsungs pa ltar don gcig tu byas kyang mi 'gal la/ don tha dad pa yin pa'i dbang du byas na yang gdul bya'i snang ngor sangs rgyas tshul lan du mar ston pa ni ji snyed cig 'byung ste/ dper na rang cag gi ston pa thugs rje can lta bu la mtshon na/ dkon brtsegs 'dus pa bcu drug pa yab sras mjal ba'i mdo las/ sngon 'das pa'i dus bskal pa dpag tu med pa'i sngon rol tu 'jig rten gyi khams gang gA'i klung gi bye ma snyed kyi zhing gcig tu gyur pa der/ bdag cag gi ston pa shAkya seng ge 'di nyid rdzogs pa'i sangs rgyas dbang po'i tog ces bya bar gyur te mdzad pa bcu gnyis gyi tshul bstan par gsungs pa dang/ mdo sde padma dkar po las/ bskal pa bye ba khrag khrig brgya stong grangs med dpag tu med pa nas/ bla na med pa yang dag par rdzogs pa'i byang chub 'di mngon par rdzogs par sangs rgyas mdo kyi/ ngas skabs skabs su thabs mkhas pa 'di lta bu dag sems can rnams 'dul ba'i phyir bstan te/ gnas der nga la rdzun du smra bar @063 'gyur ba gang yang med do/ /zhes dpe dang bcas te rgya cher gsungs pa'i mthar/ de nas bcom ldan 'das kyis don gyi rnam pa 'di nyid rgyas par ston cing/ de'i tshe tshigs su bcad pa 'di dag bka' stsal to/ /bskal pa bye stong bsam gyis mi khyab pa/ /de yi tshad ni nam yang med pa nas/ /byang chub mchog rab de ni ngas thob ste/ /ngas ni rtag tu chos kyang rab 'chad do/ /byang chub sems dpa' ming 'di yang dag bzung/ /sangs rgyas ye shes la ni de dag 'god/ / sems can bye ba khrag khrig mtha' yas pa/ /bskal pa bye ba mang por smin par byas/ /mya ngan 'das pa'i sa yang bstan bya ste/ /sems can rnam par 'dul phyir thabs brjod do/ /de tshe nga ni mya ngan mi 'da' ste/ /'di nyid na ni chos kyang rab ston to/ /zhes dang/ yab sras mjal ba'i mdo las/ bye ba brgyad cur rgyal ba nyid/ /sangs rgyas nyid du bstan gyur kyang/ /da dung chog pa'i 'du shes bsal/ /byang chub mchog tu thugs kyang 'jug /stong gsum drug cu rtsa gcig gi /sangs rgyas zhing rnams dag mdzad pas/ /ji ltar thub pa thabs mkhas pa/ /rgyal ba khyod ni kun gyis 'tshal/ /da dung dang po thugs bskyed par/ /de dang der ni yongs bstan te/ /da dung du yang 'dren pa khyod/ /sangs rgyas mang po ston par mdzad/ /ces bskal mang sngon nas sangs rgyas zin kyang da dung 'tshang rgya tshul lan du mar ston par gsungs pa dang/ grub mtha' 'og ma'i dbang du byas na yang zhing bye ba phrag brgyar sprul pa'i rnam rol bye ba phrag brgyas sangs rgyas tshul sogs mdzad pa bcu gnyis tshang bar bstan pa bshad pa dang/ rje btsun byams pa yang nges don du sangs rgyas zin kyang gdul bya thun mong @064 ba'i mos ngor sems dpa'i tshul bzung nas ma 'ongs pa na 'tshang rgya ba'i mdzad pa ston par gsungs pa dang/ mgon po klu sgrub sa dang po la gnas bde ba can du byon par bshad pa dang/ yang/ sku tshe de la zung 'jug brnyes par gsungs pa dang/ ma 'ongs pa na dang ba'i 'od ces bya ba'i 'jig rten gyi khams su de bzhin gshegs pa ye shes 'byung gnas 'od ces bya bar 'tshang rgya bar gsungs pa sogs dang mtshungs par/ rje bdag nyid chen po yang sngon de bzhin gshegs pa klu'i rigs mchog tu sangs rgyas zin kyang/ thun mong ba'i ngor rje btsun 'jam dbyangs sa bcu'i dbang phyug gi tshul du bzhugs pa dang/ snyigs dus ma dag pa'i 'gro ngor gsum ldan rdo rje 'dzin pa ngur smrig 'chang ba'i skur bstan nas bar dor zung 'jug mngon du mdzad pa'i tshul bstan pa dang/ slar yang bskal pa bzang po 'di nyid la de bzhin gshegs pa spyan legs dang/ zhing khams gzhan du rgyal ba seng ge'i nga ro dang/ kun tu gzigs su sangs rgya tshul gsungs pa rnams 'gro ba 'dul ba'i thabs mkhas kyi sgyu 'phrul 'gal ba med pa nyid du shes par bya'o/ /gong gi ma gcig lab sgron gyi lung bstan du/ bskal bzang sangs rgyas bdun pa zhes gsungs pa ni/ 'khor ba 'jigs nas rtsis pa'i bdun pa ni ma yin te/ byams pa nas rtsis pa'i bdun pa dang/ 'khor ba 'jigs nas rtsis pa'i bcu gcig pa sangs rgyas spyan legs yin par rnam thar skal ldan pad tshal rgyas pa'i 'od stong sogs las gsungs shing/ de ni mdo sde bskal pa bzang po las/ de bzhin gshegs pa spyan legs khyim bdag tshe/ /de bzhin gshegs pa legs par sgra sgrog la/ /khang pa brtsegs pa dag ni phul nas kyang; ;dang por byang chub mchog tu sems bskyed do/ /zhes thugs @065 bskyed tshul dang/ yab yum rigs rus 'dus pa sogs kyi khyad par yang/ de nyid las/ de bzhin gshegs pa spyan legs skye ba'i yul ni bzang byed ces bya'o; ;rigs ni bram ze'o/ /'od ni dpag tshad bcu gnyis so/ /yab ni rin po che zhes bya'o/ /yum ni gsal ba zhes bya'o/ /sras ni rgyu skar rgyal po zhes bya'o/ /shes rab cad rnams kyi mchog ni blo gros mtha' yas zhes bya'o; ;rdzu 'phrul can rnams kyi mchog ni seng ge'i 'gros zhes bya'o/ / 'dus pa dang po la ni nyan thos sum 'bum mo/ /gnyis pa la ni nyis 'bum brgyad stong ngo/ /'dus pa gsum pa la ni nyan thos gsum 'bum drug stong ngo/ / sku tshe'i tshad ni lo bdun khri'o/ /dam pa'i chos ni lo dung phyur phrag gsum gyi bar du gnas so/ /sku gdung ni rgyas par 'gyur ro/ /sangs rgyas bcu po de bzhin gshegs pa dang po de dag gis sems can rnams yongs su smin par mdzad pa de snyed cig ni de bzhin gshegs pa de gcig pus kyang mdzad par 'gyur ro/ /zhes gsungs pa ltar ro/ /yang ngo mtshar rmad byung bkod pa'i zhing du rgyal ba seng ge'i nga ror 'tshang rgya ba'i lung ni gong du gsal ba rnams su ma zad/ gzhan yang slob dpon padmas mdzad pa'i bskul byang gi lung sngar drangs pa'i 'phro las/ rgyal ba'i sras po grags pa'i mtha' can des/ /shAkya'i rgyal po longs spyod rdzogs skur bsgyur/ /pha rgyud zab gnad phra mo'i rnal 'byor dang/ /mtha' bzhi spros bral rig pa'i lta ba yis/ /skal bzang gdul bya mang po smin grol mdzad/ / zhing 'di'i sku yi bkod pa legs bsdus nas/ /ngo mtshar rmad byung bkod pa'i 'jig rten du/ /rgyal ba seng ge'i nga ngor mngon 'tshang rgya/ /de yi phyag @066 gi mchod sdong chen po las/ /'od zer bye ba'i phung po rab tu 'gyed/ /ces dang/ mdo sde gdams ngag 'bogs pa'i rgyal po'i bstan pa dwangs snyigs 'byed pa'i le'u'i lung gong du drangs pa'i 'phro las/ blo bzang zhes bya'i ming can 'byung/ / 'khor ni rnam mang bsdu bar byed/ /chos spyod bcu yi rgyun 'dzugs shing/ /lha khang ka ba shing lo can/ /nga yi gzugs sku rnam gnyis la/ /dbu rgyan 'bul zhing mchod par byed/ /ston pa'i mdo bzhin gsung sgrog cing/ /snyan pa'i dbyangs kyis gsol ba 'debs/ /nga la gsol ba rab 'debs nam/ /bstan pa lo stong bar du gnas/ /de nas 'phos nas shar phyogs kyi/ /rmad byung bkod pa'i 'jig rten du/ /seng ge'i nga ro zhes byar 'gyur/ /de la dad byed zhing der skye/ /zhing mchog de ni khyad par 'phags/ /zhes sogs mang du byung la/ rgyal ba seng ge nga ro'i sku'i tshad ni dpag tshad gcig sku tshe'i tshad ni bskal pa dpag tu med par bzhugs/ 'od ni dpag tshad du ma/ sku mdog ni ljang sngon mrgad kyi mdog can/ phyag g.yas pa chos 'chad kyi phyag rgya dang/ g.yon mnyam bzhag gi steng na bdud rtsis gang ba'i lhung bzed bsnams pa'i bdud rtsi'i kha dog gzhan las khyad par du 'phags pa/ de'i dbus nas bdud rtsi'i 'od zer las grub pa'i mchod sdong ches cher 'phags pa'i dbus cung zad mtho ba/ 'od zer sna tshogs pa kun tu 'phro ba/ bdud rtsi dang kha dog rigs gcig pa/ zhing de'i gdul bya dbang po rab rnams kyis mchod sdong de nyid mthong ba'i mdo la lta ba rnam dag dang 'brel ba'i sngags kyi rtogs pa rang 'khrungs su rgyud la bstar nas bdud rtsi mngon du byed pa/ dbang po 'bring dang mtha' ma rnams la gsung gis lta ba rnam @067 dag dang 'brel ba'i sngags 'doms par mdzad pa tsam gyis sa lam gyi rtogs pa mngon du 'gyur ba ste/ mdor na 'khor gyi tshogs rnams thams cad lta ba rnam dag dang 'brel ba'i sngags lam la brten nas 'tshang rgya bar 'gyur ba sha stag yin ces rje btsun 'jam dpal dbyangs kyis rtogs ldan 'jam dpal rgya mtsho la lung bstan tshul gong du drangs pa'i 'phro las gsal bar byung zhing/ tshul de dag mkhas grub thams cad mkhyen pas tshigs bcad du sdebs par mdzad pa rnam dag gangs ri ma las/ rgyal ba seng ge'i nga ro'i sku tshe ni/ /bskal pa dpag med tha mal sku yi tshad dpag tshad gcig pa mrgad mdog lta bu/ /dpag tshad du ma'i 'od ldan phyag g.yas kyis/ /chos 'chad g.yon pa mnyam bzhag la gnas pa'i/ /bdud rtsis gang ba'i lhung bzed de dbus nas/ /bdud rtsi'i 'od sdong mchod sdong cher 'phags pa// grangs med 'od zer 'gyed pa lham mer gsal/ /zhing de'i gdul bya dbang po mchog rnams kyis/ /mchod sdong de nyid mthong ba'i mdo nyid la/ /theg mchog lam bzang rgyud la mngon du byed/ /ces sogs gong dang mthun par gsungs pa'i mthar/ skye ba kun tu lus dang srog la yang/ /mi blta sngags kyi chos tshul kun bzung ste/ /rgyal ba seng ge'i nga ros sangs rgyas pa/ /de yi 'khor gyi dang por bdag gyur cig/ /ces gsungs pa dang/ mkhar nag lo tsA bas/ blo bzang dge ba'i bshes de sangs rgyas sku/ /mrgad lhun po mtshan dpes brgyan pa bzhin/ dpag med 'od kyi gong bu lham me ba/ /rgyal ba seng ge'i nga ro sgrog la bstod/ /ces dang/ bgrang yas zhing rnams bsdoms ba'i dpal mnga' ba/ /ngo mtshar rmad byung bkod par grags pa der/ /bdag cag skyes nas rgyal ba mnyes byed cing/ /seng ge'i nga ro'i @068 sras kyi thu bor shog /ces dang/ /thams cad mkhyen pa blo bzang bskal bzang rgya mtshos/ byang shar ngo mtshar rmad byung bkod pa'i zhing/ /rnam 'dren seng ge nga ro'i zhabs drung du/ /'khor gyi thog mar skyes nas mdo rgyud la; ;thos bsam sgom pas rtag tu 'da' bar shog /ces sogs skyes chen bdag nyid chen po du mas bstod sngags dang smon lam mdzad pa mtha' yas so/ / yang/ 'phags pa 'jam dpal gyi zhing gi bkod pa rdul med yang dag bsags par de bzhin gshegs pa kun tu gzigs su sangs rgya ba'i tshul snying rje pad dkar las gsungs pa ltar na/ sngon bskal pa chen po 'dzin pa la gling bzhi pa 'di nyid du 'khor los bsgyur ba'i rgyal po rtsibs kyi mu khyud ces pa byung ste/ de la sras mig mi 'dzum la sogs pa stong dang/ rgyal phran brgyad khri bzhi stong mnga' zhing/ de'i mdun na 'don gyi gtso bo bram ze rgya mtsho'i rdul zhes pa la sras rgya mtsho'i snying po sogs brgyad cu dang/ slob ma stong dang bcas pa byung ba las/ sras rgya mtsho'i snying po khyim las nges par byung nas mngon par rdzogs par sangs rgyas pa'i mtshan de bzhin gshegs pa rin chen snying po zhes bya bar gyur pa na/ bram ze rgya mtsho'i rdul gyis rgyal po rtsibs kyi mu khyud sras stong dang bcas pa la thabs mkhas pas lan du mar bskul nas byang chub tu thugs bskyed du bcug pa bzhin/ de bzhin gshegs pa rin chen snying po'i spyan sngar rang rang gi sangs rgyas kyi zhing bzung zhing byang chub chen por sems bskyed pa las/ bram ze'i sras brgyad cu dang/ slob ma stong sogs rim pa bzhin rdzogs pa'i sangs rgyas rnam par gzigs dang/ gtsug tor can sogs su lung bstan/ bram ze chen po rgya mtsho'i rdul nyid dang/ rig byed slob pa @069 stong dang bcas pa bdag cag gi ston pa shAkya'i rgyal po sogs bskal pa bzang po'i sangs rgyas stong rtsa lngar lung bstan/ rgyal po rtsibs kyi mu khyud 'jig rten gyi khams bde ba can du sangs rgyas tshe dpag med dang/ sras thu bo mig mi 'dzum ni spyan ras gzigs te sangs rgyas 'od zer kun 'phags dpal brtsegs kyi rgyal po zhes pa dang/ sras gnyis pa gzhon nu mu khyud ni mthu chen thob ste rab tu brtan pa yon tan nor bu brtsegs pa'i rgyal po zhes pa dang/ sras gsum pa dbang po'i tshogs ni rje btsun 'jam dpal dbyangs te/ de bzhin gshegs pa kun tu gzigs su 'tshang rgya ba sogs rgyal bu stong du tshang bar lung bstan pa'i tshul rgyas par gsungs shing/ mdo sde gzhan las bshad tshul cung mi 'dra tsam byung rung don gcig pa yin la/ de'i tshe rje btsun 'jam pa'i dbyangs kyis thugs bskyed pa dang zhing bzung ba'i tshul ni/ mdo de nyid las/ de nas bram ze rgya mtsho'i rdul gyis snga ma rnams bzhin du rgyal bu gsum pa dbang po'i tshogs zhes bya ba la smras pa dang/ des thal mo sbyar nas de bzhin gshegs pa rin po che'i snying po la 'di skad ces gsol to/ / bcom ldan 'das bdag gis bcom ldan 'das dge slong gi dge 'dun dang bcas pa la yo byad thams cad kyis bsnyen bkur bgyis pa gang lags pa dang/ bdag gis lus dang ngag dang yid kyis legs par spyad pa gang lags pa dang/ rjes su yi rang ba 'di dang ldan pa'i bsod nams kyi phung po gang lags pa de dag thams cad bla na med pa yang dag par rdzogs pa'i byang chub tu yongs su bngo'o/ /sangs rgyas kyi zhing nyon mongs pa can du ni bla na med pa yang dag par rdzogs pa'i byang chub mngon par rdzogs par 'tshang rgya ba la mi bgyi zhing shin tu myur bar thob par yang mi bgyi lags so// @070 ji srid du bdag bla na med pa yang dag par rdzogs pa'i byang chub mngon par rdzogs par 'tshang mi rgya ba de srid du byang chub kyi spyad pa spyod cing/ phyogs bcu'i 'jig rten gyi khams mtha' yas mu med pa gzhan dang gzhan dag gi sangs rgyas bcom ldan 'das rnams mthong bar gyur cig /bdag byang chub sems dpa'i spyad pa spyod pa na/ gang dag bdag gis dang por byang chub yang dag par 'dzin du stsal ba dang/ bdag gis gang dag der dang por byang chub mchog tu sems bskyed de/ byang chub kyi sems la rab tu bkod pa dang/ gang dag bdag gis pha rol tu phyin pa rnams yang dag par 'dzin du stsal zhing btsud de/ rab tu bkod pa'i sangs rgyas bcom ldan 'das gang dag bdag gis byang chub yang dag par 'dzin du stsal ba de dag sangs rgyas kyi zhing gang ga'i klung gi bye ma snyed kyi rdul phra rab kyi rdul snyed kyi sangs rgyas kyi zhing dag na chos ston par mdzad pa rnams kyang bdag gi lha'i mig gis mthong bar gyur cig /bdag byang chub sems dpa'i spyad pa spyod pa na/ de ltar sangs rgyas kyi mdzad pa bgyi cing ji srid du bdag gis sangs rgyas kyi zhing du sems can gang dag skye bar 'gyur ba de dag 'di lta ste/ dper bgyi na/ tshangs ris kyi lha rnams lta bur 'gyur ba de bzhin du bdag gis sems can rnams kyi bsam pa yongs su sbyang bar bgyi zhing byang chub sems dpa'i spyad pa spyod par bgyi'o/ /ci nas stong gsum gyi stong chen po'i gang gA'i klung gi bye ma snyed dag sangs rgyas kyi zhing gcig tu 'gyur ba de ltar sangs rgyas kyi zhing gi yon tan bkod pa yongs su sbyang bar bgyi ste/ sangs rgyas kyi zhing de'i rwa ba dag kyang srid pa'i rtse mo'i mthar thug cing rin po che du mas kun nas gnas pa dang/ rin po che sna tshogs dag gis spras par gyur cig /sangs @071 rgyas kyi zhing de'i sa gzhi thams cad ni baiDUrya 'ba' zhig las bgyis par gyur cing/ rdul dang gor ma dang gseg ma ma mchis shing/ sa gzhi rnyog pa dang 'dres pa ma mchis par gyur cig /de na bud med ni ming du gdags pa yang ma mchis par gyur cig /sems can thams cad ni rdzas te skye bar gyur cig /de na sems can rnams zas kham gyis 'tshal ba ma mchis par gyur cig /de na sems can thams cad dga' ba'i zas dang chos kyi zas dang ldan par gyur cig / sangs rgyas kyi zhing de na nyan thos dang rang sangs rgyas rnams ni gdags su yang ma mchis par gyur cig /sangs rgyas kyi zhing de na tha ba dang/ dri ma dang/ zhe sdang dang/ 'chab pa dang bral zhing tshangs par spyod pa yongs su dag pa la gnas pa'i byang chub sems dpa' 'ba' zhig gis yongs su gang bar gyur cig /de na byang chub sems dpa' thams cad kyang skra bregs shing chos gos ngur smrig 'tshal ba sha stag 'byung bar gyur cig /skyes ma thag tu 'od chen po dang ldan par gyur cig /de dag gi sug par rin po che'i lhung bzed ro bro ba sna tshogs kyis yongs su gtams pa dag 'byung bar gyur cig /byung ma thag tu 'di snyam du gang bdag cag zas kham gyis za ba ni bdag cag gi cha ma yin gyi/ gang bdag cag 'jig rten gyi khams gzhan dag tu dong la/ sangs rgyas bcom ldan 'das bzhugs te 'tsho zhing bzhes pa dag la zhal zas 'di dbul bar bya'o/ /sangs rgyas kyi nyan thos rnams dang/ skye bo sdug bsngal ba rnams la yang byin par bya'o/ /yi dwags kyi gnas rnams su yang song la bkres pa dang skom pas lus rab tu 'bar ba'i sems can rnams la yang zas 'di byin par bya'o snyam pa'i dran pa thob par gyur @072 cig /byang chub sems dpa' sems dpa' chen po de dag gis de ltar sems bskyed ma thag tu bsam gyis mi khyab pa'i spyod pa dang ldan pa'i ting nge 'dzin kyang thob par gyur cig /zhes sogs nas/ bdag gi byang chub kyi shing ni rin po che sna bdun rnam par bkra bar snang zhes bya bar 'gyur zhing sboms su ni gling bzhi pa khri mchis par gyur la/ kho ra khor yug gi khyon ni stong gsum pa bcu mchis par gyur cig /byang chub kyi shing de'i dri dang/ 'od kyis sangs rgyas kyi zhing mtha' dag khyab par gyur cig /de'i drung du rin po che sna tshogs kyis spras pa'i rdo rje'i gdan rab tu zhi ba bzod pa'i ye shes shin tu 'gyed pa'i dril yang dag par gzhol ba zhes bgyi ba gling bzhi pa lnga'i khyon tsam mchis la/ 'phang du ni dpag tshad brgyad stong bzhi brgya mchis par gyur cig /byang chub kyi shing de'i drung du rdo rje'i gdan la bdag skyil mo krung bcas te mchis nas/ yud tsam de nyid la bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /yongs su mya ngan las 'das pa'i bar du skyil mo krung de mi 'jig mi 'grol bar 'gyur zhing byang chub kyi shing de'i drung nas mi ldang bar gyur cig /bdag byang chub kyi shing drung du gnas shing rdo rje'i gdan la mchis bzhin du sangs rgyas dang byang chub sems dpa'i sprul pa dag sangs rgyas kyi zhing bgrang ba las 'das pa gzhan dag tu 'gyed par gyur cig /sangs rgyas re res kyang snga dro gcig la sems can rnams la chos ston cing/ de nyid kyi snga dro la yang sems can bgrang ba las 'das pa snyed dag bla na med pa yang dag par rdzogs pa'i byang chub yang dag par 'dzin du stsol ba dang/ rab tu 'god pa dang/ phyir mi sdog pa la 'god par gyur cig /de bzhin @073 du byang chub sems dpa'i sprul pa dag kyang byang chub sems dpa'i bya ba bgyid par gyur cig /bdag gis byang chub thob pa na phyogs bcu'i 'jig rten gyi khams bgrang ba las yang dag par 'das pa gzhan dag tu yang bdag gi lus gda' bar gyur cig /ces sogs zab pa dang rgya che ba'i smon lam chen po de dag btab pa na/ bcom ldan 'das kyis bka' stsal pa/ skyes bu dam pa legs so legs so/ /khyod kyang mkhas shing gsal la yid gzhungs pa yin te/ khyod kyis ni smon lam shin tu bzang por btab po/ /rigs kyi bu khyod ni shin tu yon tan dang ldan zhing shin tu ye shes dang ldan pas na/ gang gi phyir sems can thams cad kyi don gyi phyir de ltar rab dang mchog blo gros bkra shis pa byas shing/ sangs rgyas kyi zhing gi yon tan bkod pa rab mchog bzung bas de'i phyir/ rigs kyi bu khyod 'jam dpal zhes bya bar gyur cig 'jam dpal khyod ni ma 'ongs pa'i dus na bskal pa grangs med pa gngga'i klung gnyis kyi bye ma snyed 'das nas/ grangs med pa gsum pa la bab pa na/ lho phyogs logs su 'jig rten gyi khams dag pa rdul bral yang dag bsags zhes bya ba zhig 'byung bar 'gyur te/ der 'jig rten gyi khams mi 'jed kyang 'dus shing khongs su chud par 'gyur la/ sangs rgyas kyi zhing der de lta bu'i yon tan bkod pa 'byung bar 'gyur te/ 'jam dpal khyod ni zhing der bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas kun tu gzigs zhes bya bar 'gyur ro/ /khyod kyi byang chub sems dpa'i 'khor kyang de lta bur yongs su dag par 'gyur ro/ /zhes lung bstan par gsung la/ mdo sde dkon mchog @074 brtsegs pa las kyang de dang phal cher mthun par byung ngo/ /de ltar rje btsun 'jam dpal dbyangs bzhin gshegs pa dgra bcom pa yang dag par rdzogs pas sangs pas lung ji skad bstan pa bzhin du rje bdag nyid chen pos kyang 'tshang rgya ba'i mdzad pa ston par nges pa ni/ nges don du rje btsun 'jam dpal dbyangs dang thugs rgyud gcig las gnyis su ma mchis pa nyid kyis 'grub par nus pas lung bstan sogs kyis sgrub pa la ltos mi dgos mod/ 'on kyang blo chung la la dag yid ches pa'i slad du gsal bar lung gis bstan tshul kyang 'god na/ gsang sngags snga 'gyur dpal gsang ba 'dus pa'i rgyud mngon brjod bla ma las/ ma 'ongs byang gi phyogs su 'byung/ /ming gi thog ma blo zhes bya// bzang o? po'i spyod pas bstan pa skyongs/ /grags? pa kun khyab skye ba ni/ /'jam dpal zhing gi bkod par 'gro /zhes gsungs te/ rgyud 'di'i rgya dpe slob dpon padmas nub phyogs ayon yul nas rdzu 'phrul gyis blangs te/ da lta yang bsam yas na bzhugs zhes 'jam dbyangs nyi ma bstan pa'i rgyal mtshan gyis mdzad pa'i rje'i rnam thar skal ldan pad tshal rgyas pa'i 'od stong las byung ngo/ /de la sogs pa'i sgrub byed mang yang mtha' dag 'god ma dgos te sngar smos pa rnams kyis shes par nus pa'i phyir ro/ /de dag ni sku 'phreng phyi ma'i 'byung tshul zur tsam smos pa'o/ /'dir smras pa/ kun khyab lha yi rdzing ring nam mkha'i mtha'/ /kun gyis bskal par bsam kyang rtogs byas dben/ /deo? bzhin sems can khams dang grangs kyi tshad/ / deo? yang gzhal bar bya ba'i yul las 'das/ /gdul bya'i khams kyi rang tshul ji lta bar/ /bdag nyid che 'di'i sku dang zhing khams dang/ /mdzad pa'i 'phrin las la sogs yon tan gyi/ /tshul yang gcig nas gnyis sogs su yis @075 bgrang/ /ma lus lta ci byis pa'i snang ngor yang/ /mi pham mgon drung 'jam dpal snying po dang/ /'dzam gling 'dir yang chos rgyal paN grub sogs/ / ma 'ongs sprul pa' rnam rol rgyun chad med/ /bskal bzang rnam 'dren nyi ma stong gi nang/ /gzugs dang zla ba'i grangs gyur de bzhin gshegs/ /spyan legs zhes bya'i 'dren pa bla med du/ /mngon par rdzogs sangs rgya ba'i mdzad pa ston/ /ngo mtshar rmad byung bkod pa'i 'jig rten du/ /bde gshegs seng ge'i nga ror sangs rgyas te/ /zab mo'i lta dang rdo rje theg pa yis/ /'gro mang phyir mi ldog pa'i sa la bkod/ /'jam dpal nyid kyis bdag gir mdzad pa'i zhing/ /rdul bo ru/ /mngon sangs rgya ba'i tshul yang ston par 'gyur/ /bskal mang sngon nas mngon par byang chub kyang/ /da dung yang yang 'tshang rgya'i tshul ston pa/ / gdul bya 'dul ba'i rmad byung thabs mkhas la/ /skyar dang zlos pa'i skyon du 'dzin na 'khrul/ /tshad dang bsam las 'das pa'i yon tan gyi/ /ngo mtshar snying nas dran te mos gus kyang/ /lhag par gzengs su bstod nas gsol btab na/ / de lta'i 'bras bu bskyed par gdon mi za/ /zhes pa ni bar skabs nas dran te mos gus kyang/ /lhag par gzengs su bstod nas gsol bcad pa'i 'phreng ba'o/ /zhes khyab bdag rje btsun bla ma dam pa thub dbang rdo rje 'chang dang ngo bo dbyer ma mchis pa 'jam mgon chos kyi rgyal po tsong kha pa chen po'i rnam par thar pa thub bstan mdzes pa'i rgyan gcig ngo mtshar nor bu'i 'phreng ba las/ mdo rgyud gsung rab du ma'i lung khungs dang bcas te sprul gzhi ngos bzung ba dang/ thun mong snang tshul du sku 'phreng sngon ma rnams kyi byung ba dang/ phyi ma'i 'byung tshul mdo tsam @076 brjod pa bcas kyi skabs te gnyis pa'o// ' //gsum pa bye brag sku tshe 'di nyid kyi rtogs brjod rgyas par 'god pa ni/ de yang mkhas grub thams cad mkhyen pa'i gsung las/ sos ka char sprin rgyas pa'i sgra dbyangs can/ /dpyid kyi dpal mo me tog do shal dgod/ /rma bya gzhon nu rol pa'i rtsed 'jo ston/ /'di dag 'jig rten ya mtshan ci yang byed/ /mkhas rnams yid kyi brtan pa nyams byed pa/ /dam pa'i spyod pa rmad byung brjod pa'i gtam/ /skal bzang rna ba'i bcud len bsgrags pas kyang// thub rnams yid ni ci yang chags par 'gyur/ /gzhon nu nyid dang nges par 'byung ba'i tshul/ /don chen gnas la dka' ba lhur blangs pas/ /rgyal ba dgyes pa'i go 'phang mchog brnyes pa/ /'di dag ngo mtshar gtam gyi gleng gzhi yin/ / zhes gsungs pa ltar gyi sku gsung thugs kyi rnam par thar pa ngo mtshar rmad du byung ba'i yon tan gyis yongs su gtams pa sngon med pa'i legs par bshad pa'i gtam gyi dga' ston 'gyed pa'i sa bcad kyi 'phreng ba la/ sngar brjod zin dang 'og nas brjod gyur gyi mdo rgyud bstan bcos du ma'i lung bstan dang 'brel bar yul dus yab yum rigs rus phun sum tshogs pa'i brgyud du skye ba bzhes shing gzhon nu nyid nas dam pa'i yon tan rmad du byung ba bdag gir bzhes tshul/ khyim nas khyim med par mngon par byung ste bstan pa rin po che'i sgor zhugs nas rim gyis dbus gtsang du byon te mdo phyogs kyi thos bsam rgya cher mdzad tshul/ bsnyen par rdzogs pa dge slong gi dngos po bzhes shing rdo rje theg pa'i tshul sogs la slob pa dang dam pa rnams las zab rgyas chos kyi bdud rtse nod de thos pa'i don rnams rang gis rtse gcig nyams su bzhes shing gdul bya gzhan la yang 'doms par mdzad tshul/ de ltar mdzad pa'i lag @077 rjes las lung dang mngon par rtogs pa'i yon tan mtha' dag la mnga' bsgyur pa'i mkhas grub 'gran zla med pa'i go 'phang mthon por gshegs nas bstan pa rin po che la ma rtogs log rtog gi dri ma bsal te bstan pa'i snying po bshad sgrub rnam par dag pa'i ring lugs kyi srol bstod pa'i sgo nas bstan 'gro'i don rlabs chen mdzad tshul/ mdzad pa de dag gi nang nas kyang gtso bor gyur pa ni 'chad rtsod rtsom gsum dang/ mkhas btsun bzang gsum/ grub pa'i go 'phang brnyes pa dang bcas pa'i sgo nas bstan 'gro'i don mdzad tshul nyid yin pas de dag slar yang sdom bshad kyi tshul du rtsal du bton nas go bder brjod pas mchog dman kun la nges pa bskyed pa/ zhing 'dir re zhig sku tshe 'di'i gdul bya rdzogs nas rtag 'dzin can rnams chos la bskul phyir mya ngan las 'das pa'i mdzad pa ston tshul/ gsung skyes slob ma'i tshogs ji ltar byon tshul dang bcas rnam pa bdun gyi sgo nas 'chad pa la zhugs so/ /dang po ni/ rje bdag nyid chen po 'di'i lung bstan sku 'phreng snga phyi dang 'brel ba phal mo che ni gong du bkod zin kyang/ da dung de dag tu ma gsal ba sku tshe 'di nyid kho na'i dbang du byas pa'i lung bstan mang du mchis pa rnams kyang phyogs gcig tu 'god na/ 'jam dpal rtsa rgyud kyi nang tshan phan yon nyes dmigs kyi nus pa bstan pa rab 'byams so drug pa las/ yi ge ba zhes sdom brtson grags/ /de las gzhan pa dang yig ra/ /dang po'i yi ge ba grags pa/ /ston pa'i gzugs brnyan don yang byed/ /blo ldan dang po yi ge ma/ /de bzhin sdom brtson dad pa 'byung/ / rnam pa du mar sdom brtson gsungs/ /de tshe mtha' yas 'byung bar 'gyur/ / sdom brtson thams cad bsgrags pa yang/ /ston pa'i bstan pa gsal bar byed/ / @078 bstan pa de tshes steng du/ /rnam par nyams shing snang med la/ /ston pa'i gzugs brnyan yid du 'ong/ /byed par 'gyur ba the tshom med/ /thams cad byang chub lung bstan te/ /nga yi byang chub mchog thob 'gyur/ /de bzhin 'jig rten sbyin gnas 'gyur/ /srid pa gsum gyi mthar yang byed/ /sngags dang rgyud la mngon brtson pa'i/ /grags pa 'dzin par shes par bya/ /zhes gsungs pa 'di snga rabs pa 'ga' zhig slos dpon dbyig gnyen gyi lung bstan du 'dod pa ni mi 'thad par gsungs te/ dga' ldan chos 'byung las/ snga rabs pa rnams 'di nyid yi gi ba dang ma 'gyur gyi khyad sogs nas dbyig gnyen la ngos bzung yang dbyig gnyen gyi dus bstan pa ma nyams pa dang/ phyis glang dar sogs kyis bstan pa bsnubs shing 'dul bstan nyag phra ba rje 'dis gsal bar mdzad pa dang/ ston pa dgung lo bcu gnyis pa'i sku tshad jo bo rin po che la longs spyod rdzogs pa'i sku rgyan yid du 'ong ba phul ba sogs kyis rje 'dir 'khrul pa med pa gsal bar bstan/ zhes gsungs pa dang/ rnam thar skal ldan pad tshal rgyas pa'i 'od stong las kyang/ kha cig 'di mkhas mchog dbyig gnyen lung bstan pa'i tshig yin gsungs kyang/ yi ge dang po bar grags pa mtshungs kyang/ grags pa 'dzin pa shes par bya/ /zhes 'byung bas dbyig gnyen gyi mtshan la grags pa zhes mi 'byung bas rje nyid kyi lung bstan du 'khrul pa med do/ /zhes gsungs shing/ /de yang yi ge ba zhes sdom bcon grags/ /zhes pa dang/ dang po'i yi ge ba grags pa/ /zhes pa gnyis ne rje thams cad mkhyen pa'i mtshan blo bzang grags pa zhes pa'i mtshan gyi thog ma la blo zhes pa'i ming gzhi'i mi ge la ba 'byung ba dang/ @079 grags pa zhes pas mtshan gyi mtha' ma gsal bar bstan pa yin la/ de las gzhan pa dang yig ra/ /zhes dang/ blo ldan dang po yi ge ma/ /zhes pa gnyis ni rgyal tshab dar ma rin chen lung bstan pa ste/ yi ge gong 'og gab dkrugs kyi tshul du byung pa yin cing gab tshul ji ltar zhe na/ tshig phyi ma/ blo ldan dang po yi ge ma// zhes pas mtshan gyi phyed dang po la dar ma zhes 'byung ba dang/ de las gzhan pa dang yig ra/ zhes pas/ phyed gnyis pa'i dang po rin chen zhes pa'i ra yig bstan pa'i phyir/ /de yang yin te/ tshig rkang de gnyis kyi phyi ma/ de bzhin sdom brtson dad pa 'byung/ /zhes pa nas/ ston pa'i bstan pa gsal bar byed/ / ces pa'i bar gyi rkang pa lngas sras kyi thu bo gzhan yang lung bstan pa ste/ de bzhin sdom brtson dad pa 'byung/ /zhes pa'i dad pa ni grangs gsum gyi ming gi rnam grangs yin pas/ rgyal tshab rin po ches mtshon te/ mkhas grub rin po che dang/ 'dul 'dzin rin po che ste sras kyi gtso bo rin chen rnam pa gsum dang/ rnam pa du mar sdom brtson gsungs/ /zhes pas/ lung bstan rnam dag yod pa'i thugs sras bdun sogs dang/ de tshe mtha' yas 'byung bar 'gyur/ /zhes sogs tshig rkang gsum gyis/ gzhan yang de 'dra ba'i mkhas grub gnyis ldan mtha' yas pa 'byung ba dang/ /de thams cad kyis kyang bstan pa'i snying po rnam par dag pa ches cher gsal bar mdzad pa bstan pa ste tshig don 'di rnams rnam dpyod can rnams kyis rtogs sla ba'i dbang du mdzad nas sngon chad kha gsal bar 'khod pa zhig mi 'dug kyang/ dus phyis blo gros can nyung bar snang bas gsal tsam bkod pa yin la/ slob ma'i byung tshul zhib pa ni mjug tu 'chad par 'gyur zhing/ bstan pa de tshe sa steng du/ / @080 zhes pa man chad ni gong gi dga' ldan chos 'byung gi lung sogs kyis shes par nus so; ;lung bstan gzhan yang/ lha mo dri ma med pas zhus pa'i mdo las/ byang phyogs gangs ri'i rgyud kyi sar/ /dge ba ldan pa'i sa phyogs su/ /dam pa'i chos ni rgyas par 'gyur/ /zhes dang/ mdo sde rgyan las/ de ltar blo bzang skyo ba med ldan brtse ba can/ /snyan par rab grags chog bzang shes ldan pa yi/ /byang chub sems dpa' legs par smra ba yin pa ste/ / bshad pas skye bo'i nang na nyi ma bzhin du lham/ /zhes mtshan sgra dang bcas gsal bar bstan/ rgyal po bka' 'bum gyi dus kyi mtha' ma ji ltar 'byung lung bstan pa las/ de nas bstan pa'i snying po sgrub pa po/ /byang chub sems dang ldan pa'i dge slong ni/ /yon tan dpag tu med pa'i dam pa 'byung/ /gsang sngags mngon par grub pa'i dge slong ni/ /dam pa mang pos bsnyen bkur byed par 'gyur/ /de nas khyad par bsnyen bkur cher mdzad pa/ /dge slong byang sems shar phyogs sku 'khrungs pa/ /gsang sngags 'chang zhing skyes chen dam pa ni/ /snying po'i mtha' brten rnal 'byor chen po des/ /zhal yang bsgyur zhing bsnyed bkur chen po mdzad/ /de la bsnyen bkur cher byed de dag ni/ / 'phags ba'i gang zag dge sbyong sha stag go /de phyir de dag kun la gus pa bskyed// de dag ci phyir 'phags pa yin zhe na/ /sangs rgyas rnams la mdzad pa chen po mdzad/ /de phyir de dag 'phags pa'i gang zag go /de ltar 'phags pa'i gang zag rnams 'byung zhing/ /'khor ni legs gnas ston pa'i gsung rab dang// ston pa'i sku gzugs dngos su bzhugs pa dang/ /ri bo yon tan can yang de na @081 yod/ /ces pa'i lung bstan 'di sngon rabs pa rnams kyis sgom pa tshul khrims snying po'i lung bstan du bzhed pa sogs sna tshogs byung rung/ don du rje bdag nyid chen po 'di nyid thub bstan lnga brgya phrag bcu'i sgrub pa'i le'u'i dus su byon pa dang/ shar phyogs zhes pas 'khrungs yul shar phyogs tsong kha'i yul dang/ snying po'i mtha' rten zhes pas yongs rdzogs dge bsnyen bzhes pa'i mtshan kun dga' snying po dang/ zhal bsgyur zhes pa dang/ ston pa'i sku gzugs dngos su zhes pas jo bo shAkya mu ni longs sku'i cha byad can du bsgyur bar mdzad pa dang/ bsnyen bkur chen po mdzad ces pas mnyan yod cho 'phrul chen po'i dus kyi mchod pa chen po 'dzugs par mdzad pa sogs dang/ ri bo yon tan can zhes pas gdan sa dga' ldan rnam par rgyal ba'i gling btab pa'i gnas 'brog ri chen po gsal bar bstan pa bcas tshig don snga phyi thams cad nas rje thams cad mkhyen pa'i lung bstan nyid du 'khrul pa med la/ yang/ rje'i rnam thar 'ga' zhig nas lung bstan 'di dang/ snying rje pad dkar las/ des nga'i sku gsung gi rten zhig cing ral ba rnams mthong nas gser gyis brgyan par byed/ gdugs dang rgyal mtshan dang ba dan dang dril bu g.yer kha'i dra bas g.yogs par byed/ ces sogs kyi lung 'di gnyis kyis sgom pa tshul snying dang/ rje bdag nyid chen po gnyis ka lung bstan tshul dang/ sgom tshul dang rje tsong kha pa thugs rgyud gcig par gsungs pa yang snang ste 'gal ba yod par ni ma mngon no/ /rgyal bo bka' thang las/ de phyis 'dus pa nyi shu rtsa lnga la/ /shAkya'i zhing khams 'phrul snang gtsug lag khang/ /smon lam dag pas byang sems gzhan don mdzad/ /'dus pa'i mchog gyur 'phags @082 pa 'byung bar 'gyur/ /zhes 'phrul snang du smon lam chen mo sogs gzhan don rgya cher mdzad par lung bstan/ yang padma thang yig lugs gcig las/ dga' ldan zhes bya'i dgon gnas dam pa ru/ /mkhas pa'i mchog gyur mdo rgyud don la mkhas/ /rdo rje 'chang sprul gsang sngags bka' sgo 'byed/ /'gro ba'i ded dpon lam ston sa mkhan ni/ /blo dang bzang gi mtshan can skyes bu 'byung/ / gsang mtshan las rab rdo rje bde ba rtsal/ /zhes dang/ yang lung bstan gzhan zhig las/ ayon nga yi thugs sprul snying rje can/ /bai ro khyod kyi 'od zer cha gcig la/ /sku lus gcig la bkod pa mi 'dras brgyan/ /bai ro tsa na'i skye ba gcig /dbus phyogs dge ldan zhes byar 'byung/ /byang sems blo bzang zhes grags pa/ /sangs rgyas ye shes skye ba gcig /byang chub sems dpa'i 'khor du skye/ /'khor blon phyag rdor zhes par grags/ / zhes gsungs/ gzhan yang gter lung gi rigs mang du snang zhing/ bka' gdams glegs bam pha chos le'u nyer drug pa las/ tha mar bstan pa'i me ro dag /grags pa'i mtshan gyis gso bar byed/ /du ma'i phan bde sgrub byed pa'i// de yang gnas mchog dam pa yin/ /zhes dang/ yang/ grags dang yang grags rin chen gyi/ /grags pa'i mtha' bzung dpal du grags/ / blo gros shes rab gzhan du gsal/ /gzhan yang grags pa'i mtshan rab can/ / mang pos 'gro ba'i bde skyid bskrun/ /zhes rgyal ba tsong kha pa chen po'i mtshan yongs rdzogs dang/ gzhan yang zhes 'dul 'dzin grags pa rgyal mtshan sogs rjes 'jug grags pa'i mtshan can mang pos 'gro ba'i bde skyid bskrun par bstan/ @083 yang/ pha chos thor bu'i tshoms su/ shar nas zla ba'i dkyil 'khor mdzes/ /zhes pa yang rje 'di nyid yin par gsungs/ lho brag mkhar chu'i gnas bshad las/ tsong kha'i yul du sku 'khrungs shing/ /'gro don dbus su skyong bar byed/ /mdo sngags bstan khrims srol yang 'byung/ /zhes dang/ yang/ ma gcig gi gcod gyi rnam bshad chen mo'i lung bstan du/ dus de dang mtshungs pa'i dus na sangs rgyas kyi bstan pa'i 'dul khrims la da lta bas cung gsal bar byed pa zhig smag rum du glog 'khyug pa tsam zhig 'ongs te gsungs/ de la bsod nams rgyan gyis zhus pa/ ma gcig lags/ de 'byung ba la da lta 'di nas lo ji tsam yod/ snyigs ma'i dus su rgyal khrims dang chos khrims nyams pa la/ sangs rgyas kyi bstan pa glog tsam gsal ba de ma gcig rang gi thugs rje yin nam ci 'dra yin/ rgyu ci las byung ba yin/ de'i dus kyi snyigs ma lnga 'byung ba la rtags ci 'dra yod lags zhes zhus pas/ ma gcig gi zhal nas; bu mo legs par nyon la yid la bzung dang/ ngas bshad do/ snyigs ma de nas bzung ste lo brgya phrag lnga 'das pa na dkyil du phyin to/ /snyigs ma de'i dus su bstan pa gsal bar byed pa ni nga ma yin no/ /de gsal bar byed pa'i skyes bu de ni da lta rgya gar gyi po ta ri'i shar lho mtshams su bzhugs shing/ sems can gyi don la dka' ba mdzad pa'i byang chub sems dpa' de ni khyad par dran pa dang ldan pa; khyad par shes pa dang ldad pa/ khyad par snying stobs dang sdan pa zhig yin te/ res spyan ras gzigs dbang po la chos zhu ba/ res mgon po byams pa la chos zhu ba/ res mgon po tshe dpag med la chos zhu ba/ res mgon @084 po 'jam dpal dang/ ku ku ri pa la chos zhu nus pa/ sems can gyi don byed pa la thugs bskyed shin tu che ba/ spyan ras gzigs dbang phyug shin tu khros pa nag po phyag drug pa'i mgon chen de bran bzhin du nyan nas bstan pa srung bar byed pa'i byang chub sems dpa' de/ snyigs ma de'i dus su 'dir byon nas dge slong gi chas su zhugs nas sangs rgyas kyi bstan pa gsal bar byed pa yin no/ /zhes dang/ yang/ lab sgron gyi lung bstan las/ bu mo khyod dri ba ha cang yang rim zhing/ khyad par yang snyigs dus bstan pa la bya ba byed par nus pa'i dge slong de'i dri ba la nan cher gda' ste legs so/ / de bas na bu mo khyod kyi dri ma nan che ba de sangs rgyas kyi bstan pa la gus pa yin pas nyon dang/ rgyal khrims chug pa'i dus su sangs rgyas kyi bstan pa gsal bar byed pa'i dge slong gcig 'byung bya ba de/ da lta bshad pa'i dge slong grags pa'i mtshan thogs pa 'di yin/ dge slong des bstan pa 'chol ba mang du byung ba rnams tshar gcod cing/ yang dag pa'i don dang bstan pa rnam dag gi khrims srol gtod pa ni/ 'dzam bu'i gling du thub pas chos 'khor bskor ba dang/ snyigs dus bod du dge slong grags pa'i mtshan can byung nas chos srol gtod pa ni mtshungs te/ zhes dang/ yang/ khyad par bstan pa gsal byed dge sbyongs mchog /mtha' yas rgyud sde'i chos rnams mnga' brnyes pa/ /rgyud sde rgya mtsho'i dgongs pa'i bcud phyung nas/ / dri med gsung zer rab tu rgyas pa yis/ /mtha' yas 'gro ba'i rmongs mun bsal bar byed/ /bslab gsum sde snod gsum sogs gzhung lugs rnams/ /lhag par gsal byed don rnams mngon phyung nas/ /gdul byar gyur pa'i skal ldan tshims par byed/ /ces dang/ yang mkhas grub rin po che rig pa'i khu byug che bar @085 skye ba bzhes skabs dpal ldan zla ba grags pas lung bstan mdzad pa gong du drangs pa'i khongs nas kyang/ ma 'ongs snyigs ma'i dus kyi mthar/ /mtha' khob kha ba'i yul ljongs su/ /blo bzang zhes pa'i skyes bu yis/ /zla med ston pa'i bstan pa dang/ /nga yi lugs bzang spel bar byed/ /gdong mar can gyi skal ldan rnams/ /myur du smin cing grol bar 'gyur/ /zhes gsungs/ de sogs gzhan yang mdo rgyud bstan bcos du ma nas dngos shugs ci rigs pa'i sgo nas lung bstan tshul shin tu mang yang kha gsal ba rags rim las mtha' dag 'god par ma langs shing/ 'ga' zhig ni 'og tu rnam thar dngos gzhir skabs su babs pa de dang de dag tu 'god par bya'o/ /yang/ phyogs zhen gyi kun slong ngan pa'i gzhan dbang du gyur pa 'ga' zhig gis lhas sbyin gyi brtul zhugs lhur blangs te lung bstan 'di dag la ji mi snyam zhing/ las 'bras la khyad gsod kyi bsam sbyor 'jigs su rung bas rang bzo'i tshig ngan 'phreng bar bsgrigs nas lung bstan ngan pa yod tshul sogs sgro skur sna tshogs smra ba byung 'dug kyang/ de dag ni rang nyid ltos par bcas pa tshe rabs nas tshe rabs kyi bar du ngan 'gro mi bzad pa'i gnas su gtan bsdod byed pa'i rgyu sgrub pa tsam las/ rje thams cad mkhyen pa'i gsang gsum mdzad 'phrin dang bcas pa la nyi shar sbar mos 'gebs pa'i klan ka rdul tsam 'jug pa'i skabs med pa'i lung rig rnam dag gi dgag bzhag ni 'og tu rim par brjod pa las rtogs par 'gyur ro/ /de lta bu'i yid ches tshad mar gyur pa'i lung bstan rtsod med rnams kyi don ltar/ 'gro ba'i don du bsam bzhin srid pa ji ltar bzung ba'i tshul ni/ de yang kun gzigs ye shes kyi nyi ma ngag dbang blo bzang rgya mtshos @086 mdzad pa'i 'jam mgon bla ma'i bstod pa dpyid kyi rgyal mo'i glu dbyangs las/ dag pa'i zhing gi bkod pa rgya mtsho'i rdul/ /ye shes rang snang las grub 'og min gyi/ /ngo mtshar sgyu ma'i rol rtsed thems skas las/ /rgyal sras dam pa'i rnam par bde bar byon/ /rnam 'dren kun gyi mkhyen pa'i phung po gang/ /gcig gyur 'jam mgon mi yi srid pa'i gar/ /bsam bzhin rnam par rol pa'i mdzad pa la/ / bskal bzang rgyal ba stong gis bsgrun du med/ /ces gsungs pa bzhin sangs rgyas bcom ldan 'das rnams sprul ba'i mdzad pa ston pa na/ ye shes rang snang las grub pa'i 'og min gyi zhing du longs spyod rdzogs sku nges pa lnga ldan gyi ngo bo las cung zad g.yo ba med bzhin du sprul pa'i rnam rol ngo mtshar sgyu 'phrul dra ba'i bkod pa mtha' klas pa ston pa ni chos nyid yin pa ltar/ rgyal kun mkhyen pa'i phung po 'jam mgon mi'i srid par bsam bzhin du rnam par rol pa'i tshe na'ang/ thugs zag med chos kyi dbyings las cung zad g.yo ba med bzhin du/ yul dang/ dus dang/ yab yum rigs rus cho 'brang phun sum tshogs pa la gzigs pa dri ma med pas gzigs shing brtags pa'i sgo nas lhums su zhugs par mdzad pa las gang du skye ba bzhes pa'i yul gyi khyad par ni/ mdo khams la stod smad gnyis las smad kyi char gtogs shing dge bcu tshang ba'i sa'i cha/ shar tsong kha zhes grags pa sngar dus kha ba can pa rnams gyi rje bo lha btsan po dag gi mnga' ris kyi chab 'og tu gtogs pa'i yul gyi ljongs la 'di nyid yon tan phul du byung bar rgan rabs tshad mar gyur pa dag gi brgyud pa'i ngag las gleng zhing bsngags par byed pa'i yul gru de lta bu la mngon par gzigs shing/ yab ni da ra kha che klu 'bum dge zhes bya ba mal gyi rigs phun sum tshogs @087 pa'i brgyud las byung ba/ dpa' zhing sgrims la brtul phod pa/ des zhing 'dzangs la gsal zhing yid gzhung pa/ dkon mchog bla mar 'dzin pa'i mos gus dang ldan zhing dbul phongs la byams pa/ dad pa dang gtong ba'i nor gyis phyug pa; 'phags pa 'jam dpal gyi mtshan yang dag par brjod pa la rgyun du zhal 'don mdzad pa sogs rnam dkar 'ba' zhig la gcig tu brtson pa ya rab bzang po'i ngang tshul dang ldan pa de nyid dang/ yum ni shing mo a chos sam/ shing bza' a chos su grags pa bud med kyi skyon dang bral ba/ g.yo sgyu chung zhing rang bzhin bzang ba/ kun la srong por smra ba/ nyams thag dang mgon med pa la lhag par brtse ba/ rnam kun phyag dang bskor ba/ yig drug 'dren pa sogs sgo gsum dge ba'i bya ba 'ba' zhig gis dus 'da' ba zhig ste/ de lta bu'i yab yum khyad par can la rnam par gzigs so/ /yab yum 'di gnyis la sras drug mnga' ba las bdag nyid chen po 'di bzhi ba yin cing/ dga' ldan chos 'byung du sras gsum gyi 'og mar 'khrungs zhes gsungs pa yang gsum gyi 'og ma bzhi par 'khrungs pa'i don nyid du snang ngo/ /rje thams cad mkhyen pa nyid dang gdung chos gcig pa tsam du gtogs pa la ni mi ngo stong phrag longs pa yod cing bdun brgyud ma chad pa'i gnyen dang snag gi gnyen mtshams kyang shin tu rgyas pa zhig ste/ de dag las snga phyir rab tu byung ba blangs pa mang po zhig byung ba thams cad kyang brtul zhugs rmad du byung zhing/ rnam dpyod yangs pa'i mig can sha stag yin par grags so/ /lhums su zhugs pa'i tshul ni mdzod las/ gcig ni shes bzhin du 'jug go /gzhan ni gnas pa yang gzhan ni/ /'byung ba'ang gzhan ni thams cad rmongs/ /zhes 'khor @088 los bsgyur rgyal la sogs pa rnams mngal du 'jug pa shes la gnas pa dang 'byung ba mi shes pa dang/ nyan thos dang rang sangs rgyas rnams kyis 'jug pa dang/ gnas pa shes la 'byung ba mi shes pa dang/ sangs rgyas kyis 'byung 'jug gnas gsum thams cad mkhyen par gsungs pa'i phyi ma dang mthun par 'khor ba pa rnams la rjes su chags pa'i snying rje tshad med pas ni nye bar drangs/ gdul bya rnams kyi mos pa dang bsam pa'i rjes su mthun pa'i sku'i bkod pa ji ltar ston pa ni thugs su chud/ 'byung 'jug gnas gsum gyi 'gro 'ongs mngon sum du mkhyen pa'i dran pa dang shes bzhin ni yang dag par ldan pa dang bcas pa'i sgo nas lhums su zhugs pa las tha mal pa ltar rmongs pa dang gya tshom gyis ni ma yin no/ /de ltar yum gyi lhums su 'jug par nye ba dang/ zhugs ma thag pa'i gnas skabs sogs nas bzung yab yum dang; yul mi khyim mtshes sogs la rmis ltas sogs kyi dge mtshan bzang zhing khyad par du 'phags pa ji ltar byung ba ni/ mi spre lo mjug yab kyi mnal lam du/ rgya nag ri bo rtse lnga nas 'ongs zer ba'i btsun pa me tog gi 'phreng ba du ma spel ba'i chos gos dang/ sum cu rtsa gsum gyi shing lo yin zer ba dar ser po 'dra ba'i sham thabs can/ po ti 'khyer ba zhig byung nas nga khyed la gnas zhig g.yor ba yin zer nas khang thog na mchod khang zhig yod pa'i nang du song ba'i snang ba byung bas/ yab nyid mtshan brjod kho na zhal 'don du mdzad cing yod pas 'jam dbyangs kyi rnam sprul yin snyam pa byung ba dang/ yang/ lcang lo can nas phyag na rdo rjes 'phangs sam snyam pa'i gser gyi rdo rje 'od 'bar ba zhig yum la thim pa rmis pas bu stobs ldan zhig skye ba yin nam zhes gsungs pa dang/ yum gyi mnal lam du me tog gi thang @089 zhig tu bud med stong phrag gcig gral la 'khod 'dug pa' khrod du mo rang yang bzhugs 'dug pa la/ shar nas khye'u dkar po bum pa 'dzin pa zhig dang/ nub nas bu mo dmar mo rma bya'i sgro mdongs sder ma tsam yod pa zhig g.yas su bzung/ me long chen po zhig g.yon du bzung nas byung bas de gnyis gros byas ste bud med thams cad la 'dis rung ngam/ 'dis rung ngam zhes khye'u des bu mo de la 'dri zhing/ bu mo des bud med gzhan rnams re re la skyon re btags pa'i mthar khye'u des yum nyid la mdzub mo btsugs nas rung ngam zhes 'dri ba la bu mo des 'dzum byas nas rung zer bas/ khye'u des yum la'o na khyed kyis khrus gyis zer te/ bum pa'i nang nas chu spyi bor blug cing/ ji ltar bltams pa zhes sogs dbyangs dang bcas nas khrus byas pas/ lus kyi dri ma dag nas bde sang sang ba'i snang ba zhig byung bas gnyid sad nas lus yang ba dang/ sems bde ba sogs kyi dge mtshan du ma byung ste/ gang gi rtags yin nam snyam the tshom du gyur pa byung ba dang/ yang/ yab dang khyim mtshes yul mi rnams kyi rmi lam du/ dge 'dun mang pos lha sa'i jo bo rin po che dbus nas gdan drangs te yab kyi nang du phebs pa rmis pa dang/ dngos su nyi zla skar gsum dus gcig la shar ba dang/ nyin par me tog gi char bab pa dang/ spos kyi dri ngad bzang po 'thul ba dang/ nam mkha' las rol mo'i sgra byung ba dang/ sa g.yo ba la sogs pa ngo mtshar ba'i ltas du ma yul de'i skye bo kun la mthun snang du grub par yongs su grags so/ / de nas me bya hor zla dang po'i tshes bcu'i nub mo yum gyi mnal lam du dge 'dun la sogs pa'i ser skya'i skye bo pho mo bsam gyis mi khyab pas rgyal mtshan dang rnga bo che la sogs pa rol mo'i bye brag mtha' yas pa bzung ste/ spyan ras gzigs byon pa @090 la bsu ba byed zer gyin 'dug pas phyogs kun tu bltas pas ma mthong/ de rjes nam mkhar bltas pas sprin gyi gseb tu gser sku ri bo tsam pa 'od zer nyi ma ltar phyogs thams cad du 'phro ba/ chos kyi sgra dbyangs sgrog pa zhig lha'i bu dang bu mo yin zer ba cha lugs phun sum tshogs pa du mas bskor ba zhig mar mar bab byung bas gser sku de rim bzhin je chung je chung du song ste spyi bo'i thad tsam du slebs pa'i tshe mtho gang tsam shin tu mdzes pa zhig tu gyur nas lus la thim pa'i mthar/ de'i 'khor rnams dang bsu ba rnams kyang rang la thims shing/ de mthong ba'i skye bo gzhan dag mang pos rang la phyag dang bskor ba dang/ mchod pa dang/ bkra shis brjod pa sogs rmis pas de'i phyi nyin nang par nas rig pa dwangs pa/ skyid snang che ba/ de phyin chad ma brtags ma dpyad pa'i dus na'ang nga'i lus 'di la brnyas bcos mi nyan snyam nas gces spras dang gtsang spra la brtson pa sogs rang shugs kyis byung bar snang/ des na sngon chad rje bdag nyid chen po'i rnam thar rnams su lhums su zhugs pa'i lo zla dus tshes 'di zhes dngos su gsal bar 'khod pa mi snang yang/ gong gi yum gyi mnal ltas phyi ma 'di bzhin bya lo zla ba dang po'i tshes bcu'i nub mo byung tshul rje btsun rtogs ldan 'jam dpal rgya mtshos mdzad pa'i rnam thar legs bshad kun 'dus su gsal bas mnal ltas ngo mtshar can de dang rjes su mthun par lhums su zhugs pa'i dus kyang me bya hor zla dang po'i tshes bcu'i tho rengs nyid yin par som nyi ma dgos shing/ zla ba 'di ni ston pa thugs rje can gyis mnyan yod du mu stegs ston pa drug cho 'phrul rnam pa du mas tshar bcad par mdzad pa'i cho 'phrul zla bar grags pa'i dus chen khyad par can yin la/ de'i nang tshan tshes bcu ni ston pa 'khor bcas rgyal po bzhis mchod pa'i tshe/ bcom ldan... @091 'das kyis sku'i bkod pa gcig gis rgyal chen bzhi'i rigs kyi sa nas srid rtse'i bar du yongs su gang bar mdzad pa 'khor mang po kun gyis mthong zhing/ dam pa'i chos bstan pa yang kun gyis thos pas thams cad bla na med pa'i byang chub tu sems bskyed pa sogs rmad du byung ba'i cho 'phrul rlabs po che bstan pa'i dus chen yin la/ des na lhums su zhugs pa'i zla tshes khyad par can 'di dang/ gong du bkod pa'i yul mi khyim mtshes sogs kyi rmi lam du dge 'dun mang pos lha sa'i jo bo rin po che shing rta la gdan drangs nas byon par rmis pa sogs ni/ dus mthar thub pa'i bstan pa nyams par mngon du phyogs pa na slar yang mi nub pa'i rgyal mtshan bsgrengs ste nyin mo ltar gsal bar mdzad pa la thub dbang rang nyid dngos su byon pa dang sgo kun nas kun tu mtshungs pa'i mdzad 'phrin ngo mtshar can bdag gir du bzhes pa dang/ ston pas mnyan yod du cho 'phrul chen po bstan pa'i mdzad pa slar yang mdzad pa dang mtshungs par lha ldan smon lam chen mor grags pa gsar du btsugs pa'i mdzad chen 'gran zla med pa ston par 'gyur ba sogs kyi dge mtshan snga ltas mngon du gyur pa yin la/ yab kyi mnal lam du rgya nag ri bo rtse lnga nas 'ongs zer ba'i btsun pa byon pa ni/ rje btsun 'jam dbyangs nyid mthon mthing ral pa'i zur phud dor te gsum ldan ngur smrig 'dzin pa'i rnam par byon pa yin no zhes pa'i brda mtshon dang/ yang phyag rdor gyis rdo rje 'phangs pa yum la thim pa rmis pa dang/ /yum gyi mnal lam du/ spyan ras gzigs byon pa la bsu ba byed pa yin zer ba rmis pa rnams ni/ gong du drangs pa'i bka' gdams glegs bam gyi lung du/ /nga ni snying rje chen po nyid/ /nga la spyan ras gzigs su grags/ /lus ngag yid gsum zhi 'jam pas/ /'gro ba kun gyi @092 dpal du gyur/ /'jam pa'i dpal du'ang 'gal ba med/ /gdul dka' 'dul ba nga yin na/ /phyag na rdo rjer 'gal ba med/ /de gsum rigs gsum mgon po nyid/ /phyogs su ma zad dngos yin no/ /zhes rigs gsum thugs rgyud gcig par gsungs pa nyid don la gnas pas na gsol 'debs yongs grags dmigs brtse mar yang/ dmigs med brtse ba'i gter chen spyan ras gzigs/ / dri med mkhyen pa'i dbang po 'jam dpal dbyangs/ /bdud dpung ma lus 'joms mdzad gsang ba'i bdag /zhes 'byung ba dang/ thams cad mkhyen pa blo bzang bskal bzang rgya mtsho'i gsung las kyang/ /rgyal kun mkhyen pa'i rang gzugs 'jam dpal dbyangs/ /rigs drug 'gro la snying rje'i pad dkar can/ /mthu stobs mnga' bdag rdo rje 'dzin pa'i lha/ /rigs gsum sgyu 'phrul rdo rje tsong kha pa/ / zhes gsungs pa ltar/ rje bdag nyid chen po ni rje btsun 'jam dbyangs su ma zad rigs gsum thams cad 'dus pa'i ngo bo nyid du byon pa yin no zhes lhums su zhugs pa'i dus nyid nas 'doms par mdzad pa yin la/ yang yum gyi mnal lam du gser sku ri bo tsam pa zhig je chung du gyur nas mthar spyi bor thim pa rmis pa ni; bdag nyid chen po rnams skye ba 'dzin pa'i tshe tha mal pa'i bar srid bzhin du sngon dus kyi srid pa kho na'i sha gzugs 'dzin pa'i sgo nas ma yin par rnam pa khyad par du 'phags pa gzhan dang gzhan gyi sgo nas 'jug par mdzad pas na/ gnas skabs 'dir yang gser btso ma'i kha dog dang ldan pa'i rje btsun 'jam dbyangs kyi sku'i rnam pas lhums su zhugs par mngon la/ bsu mi dang 'khor rnams sku lus la thims pa ni/ de dag kyang rje btsun nyid kyi sprul ba'i bye brag gcig las du mar 'char @093 ba las gzhan du med pa nyid du nges pas so/ /de'i phyi nyin yum la thugs rigs dwangs pa dang skyid snang che ba sogs byung ba ni/ sngon ston pa thugs rje can lhums su zhugs pa'i tshe na'ang yum sgyu ma lha mdzes kyis/ /gser gyi dra bas legs g.yog spyi gtsug dmar/ /thal dkar mche ba drug dang rab ldan zhing/ /dung dang kha ba dngul mdog lta bu yi/ /glang po'i mchog cig khong du song snyam byed/ /de zhugs nas ni bdag gi lus dang sems/ /sngon chad mthong thos myong bar ma gyur pa'i// gya noms bde bas shin tu bde gyur te/ /bsam gtan mnyam par bzhag pa bzhin du gyur/ /zhes gsungs pa rnams dang kun nas mtshungs so/ /yang yum gyi mnal lam du/ bud med stong phrag gi khrod du rang nyid bzhugs pa la/ khye'u dkar po zhig dang/ bud med dmar mo zhig gros kyi sgo nas rung mi rung brtags pa byed pa'i khye'u ni spyan ras gzigs dang/ bud med ni sgrol ma'i rnam sprul te 'jig rten na bud med mang yang su rung rung gis bdag nyid chen po rnams mngal du 'dzin par mi nus pas cho rigs btsun la rang bzhin bzang ba sogs legs pa'i yon tan khyad par can dang ldan pa zhig dgos pas na gzigs pa dri ma med pas dpyad pa'i sgo nas yum nyid la rnam par gzigs pa'i tshul dang/ khye'us 'dzin pa'i bum chu ni ye shes kyi bdud rtsi yin la/ des khrus byas pas mngal gyi dri ma sbyong ba dang/ rma bya'i sgro mdongs kyis grib dang mi gtsang ba las skyobs pa dang/ mtshan dpe'i snang snyan rma bya'i mdongs kyi 'ja' ris dang/ me long nang gi gzugs brnyan bzhin du sku'i skye mched mtha' dag gsal zhing rdzogs la so sor ma 'dres pa 'char ba mtshon pa ste mnal ltas 'di dag la rgyas bshad brjod par bya ba mang yang yi ges @094 'jigs pas de tsam las ma spros so/ /de ltar lhums su zhugs pas zla dgu ngo bcu 'das pa nas bltams pa'i dus la nye bar bab par gyur la/ bltams pa'i dus tshes kyang nges can gsal bar 'khod par mi snang rung/ rig pas dpyad na ston pa thugs rje can lhums su zhugs pa dang/ sangs rgyas pa dang/ mya ngan las 'das pa'i mdzad pa gsum ka bstan pa'i dus sa ga zla ba'i tshes bco lnga la mtshungs pa ltar/ bdag nyid chen po 'di yang dang por sku bltams pa dang/ mthar mya ngan las 'das pa'i mdzad pa gnyis char hor zla bcu pa'i tshes nyer lnga mkha' 'gro 'du ba'i dus chen khyad par can nyid la bstan par nges so snyam shing/ sum pa chos 'byung du smin drug zla ba'i dkar phyogs kyi rdzogs pa gnyis pa'i tho rengs skar chen shar dus zhes gsal ba'ang yi ge nor ba las don dmar phyogs kyi rdzogs pa gnyis pa tshes nyer lnga rang la dgongs pa ste/ ji ltar na/ lhums su zhugs pa'i dus tshes me bya hor zla dang po'i tshes bcu nas rtsis pa'i tshe lo de'i hor zla bcu pa'i tshes bcu yan gyi zla ba ril po dgu 'das shing/ de nas nga mthong bcu dang bcas na dus tshes de gar 'grig par snang ba'i phyir/ 'on kyang sngon chad rnam thar rnams su ha cang gsal bar ma 'khod pas na de ltar yin no zhes nges par kha tshon gcod du ni mi btub mod/ gang ltar kyang me bya hor zla bcu pa'i tshes nyi shu nas nyer lnga tshun la ni nges par yin par sems so/ /chos 'byung yid kyi mdzes rgyan du/ rje thams cad mkhyen pa 'khrungs pa'i lo de sangs rgyas mya ngan las 'das nas lo nyis stong brgya dang dgu bcu rtsa gcig /jo bo gshegs nas sum brgya dang gnyis 'das pa/ hor shun rtsi rgyal pos rgya nag la dbang bsgyur ba rab byung drug pa'i me bya lo yin par gsungs/ @095 de'i tshe na'ang yum gyi mnal lam du dge 'dun la sogs pa'i khroms chen po tshogs pa rnams kyis mchod pa'i bye brag bzang zhing tshar du dngar ba du ma 'khyer nas mchod khang mjal du 'ong ba yin zer ba la/ mchod khang gang du yod dris par sngar gyi khye'u dkar po de 'ong nas chu shel gyi lde mig zhig bzung ste mchod khang 'di na yod ces yum rang gi brang dbus na sgo chung ser po zhig 'dug pa phye ba'i nang nas sngar lus la thim pa'i gser sku de bton song bar/ sku de dri mas cung zad nogs 'dug pa la sngar gyi bud med dmar mo yongs nas bum chus khrus byas/ rma bya'i sgros byab/ rgya gar kyi skad yin snyam pa'i dar dir mang po dbyangs su len cing/ khroms kyi skye bo rnams kyis sku de la mchod pa 'bul ba dang gsol ba 'debs pa'i snang ba byung ba'i.. mod la mnal sad pa'i tho rengs kyi cha la skar chen lhag ger shar ba dang stabs gcig tu bde bar sku bltams par snang ngo/ /tshul 'di dag kyang sngon gzhon nu don thams cad grub pa lhums su bzhugs pa'i yum gyi lhums rgyal sras kyi nye bar spyad pa rin po che'i bkod pa zhes par byin gyis brlabs nas zla ba bcur zag med kyi bde ba.. la longs spyad cing lha mi'i skye rgu khri phrag sum cu rtsa gsum smin par mdzad pa dang/ lum bi'i chal du yum gyi rtsibs logs g.yas nas sku bltams ma thag tshangs pa dang.. brgya byin gyis ka shi ka'i ras kyis blangs/ dga' bo dang/ nyer dgas sku khrus gsol ba sogs dang mtshungs par tha mal pa'i mig ngor ma gyur pa las gzhan du yum kyi lhums ye shes rang snang las grub pa'i gzhal med khang gi bkod par byin gyis brlabs nas mchog tu gyur pa'i 'gro ba mang po'i don mdzad cing bzhugs pa dang/ bltams pa'i tshe na yang mngal gyi sgo nas ma yin par yum gyi thugs ka'i brang dbus kyi sgo phye nas @096 bltams pa dang/ bltams ma thag nas lha'i khye'u rnams kyis lag gis blangs shing/ DA ki ma rnams kyis ye shes kyi bdud rtsis sku khrus gsol te mngal gyi dri ma thams cad sbyong ba dang/ bkra shis kyi glu dbyangs dar dir du sgrog pa dang/ dkar phyogs skyong ba'i lha klu'i tshogs kyis mchod pa'i khyad par nam mkha' gang bas mchod pa la sogs pa mngon sum nyid du byung ba'i dge mtshan yang dag par mngon la/ tho rengs skar chen 'char ba dang dus mnyam du bltams pa yang/ skar chen 'di ni gza' pa wa sang du grags pa rgyu skar gyi dbus na ches cher 'phags pa kun la grags shing grub pa ltar/ thub pa'i bstan 'dzin grangs med rgyu skar gyi dbus na pa wa sang ltar ches cher gsal ba 'gran zla med pa'i bdag nyid chen po yin no zhes gsal bar mtshon pa'o/ /rje 'di nyid sku bltams pa'i lo dus 'di ni ston pa sangs rgyas mya ngan las 'das nas lo nyis stong chig brgya dgu bcu rtsa dgu 'das pa rab byung drug pa'i me bya lo yin par dga' ldan chos 'byung las gsungs so/ /de ltar sku bltams ba'i phyi nyin de khar yul der bzhugs pa'i bla ma chos kyi rje don grub rin chen ces pa bcom ldan 'das 'jigs mdzad rdo rje'i grub pa brnyes pa zhig yod pa des mngon par shes pas thogs med du mkhyen nas rten 'brel khyad par can bsgrigs par dgongs te gsol zan dang bdud rtsi ril bu bsres pa'i ril lu dang/ srung mdud/ rdo rje 'jigs byed kyi bris sku byin rlabs can gcig/ bu chung bskyangs lugs kyi yi ge dang bcas pa nye gnas tshul khrims dang ldan pa zhig la bskur bar mdzad la/ dus phyis yab kyis rje nyid la bka' dri zhus par/ ngas rmi lam du rdo rje 'jigs byed dang mjal bas byin gyis brlabs par gsol ba btab/ khyad par du zhal yang yang bstan du gsol zhes zhus pas/ tsong kha'i phyogs su @097 zhal gzigs nas/ sang phod da tsam lung pa 'di'i mda' ru 'ong/ de bar bde bar gyis gsungs byung bar/ de gang yin dpyad pa'i phyir ting nge 'dzin la mnyam par bzhag pas khyed gyi bur 'dug pa thigs pa yin zhes gsung snang ste/ tshul 'dis kyang rje bdag nyid chen po ni 'jam dpal dpa' bo rdo rje 'jigs byed dngos yin par lung rigs gzhan gyis sgrub mi dgos pa nyid do/ /rje'i rnam thar ngo mtshar ba'i gtam brgya rtsa brgyad pa zhes par sku bltams pa'i dus tshes 'di zhes kha gsal ma 'khod kyang tshig 'gros ltar na dpyid dus zhig la ngos 'dzin pa lta bur snang rung gong du.. smos pa ltar lhums su zhugs pa'i dus nas rtsis pas dus 'khor lugs kyi ston zla tha.. chung hor zla bcu ba nyid du nges te/ mkhas grub 'jam dbyangs bzhad pas mdzad pa'i rje'i rnam thar ras bris bzhengs lugs tsinta ma Ni'i 'phreng bar yang/ sprel lo'i mtshan ltas nas bzung rim bzhin 'god par mdzad pa las kyang 'di ltar byung ste/ /sprel lor yab kyi mnal lam du 'jam dpal rgya ban glegs bam can gyi rnam pas mchod khang du phebs pa rmis pas bu shes rab can yong ngam snyam pa dang/ /lcang lo can nas phyag rdor gyis rdo rje 'phangs pa yum la thim pas bu stobs ldan zhig skye ba yin nam snyam pa dang/ /yum gyi mnal lam du me tog gi thang du shel gyi khye'u dang/ mkha' 'gro mas khrus byas pa dang/ khyim mtshes gzhan gyis jo bo rin po che gdan drangs pa rmis pa dang/ nyi zla skar gsum cig char shar ba/ nyin par yang me tog gi char dang/ nam mkha' nas rol mo dang/ sa g.yo ba sogs dang/ chos rje don grub rin chen la mnal lam du rdo rje 'jigs byed zhal gzigs shing/ dngos su mthong ba dgos zhes gsol ba btab pas/ tsong kha'i ngos @098 bstan nas sang phod da tsam lung pa 'di'i mda' ru yong/ de bar bde bar gyis gsungs pas rje 'di 'khrungs pa mkhyen/ zhes pa rnams kyis sprel lo'i mjug gi mtshan ltas dang/ bya lor yum gyi rmi lam du spyan ras gzigs bsu ba yin zhes skye bo thams cad rnga rol mchod rdzas sna tshogs 'khyer nas 'gro bar bltas pas/ nam mkhar gser sku ri bo tsam 'od zer nyi ma ltar 'phro ba/ chos kyi sgra dbyangs dang bcas pa lha'i bu bu mo cha lugs phun sum tshogs pa du mas bskor ba zhig mar mar bab te lus la thim pas rang la phyag skor dang mchod pa bkra shis brjod pa sogs rmis zhes pas lhums su zhugs pa'i dus dang/ bya lo'i mjug yum gyi thugs ka'i shel sgo phye zhing mkha' 'gros khrus gsol ba rmis rjes tho rangs 'khrungs zhes sku bltams pa'i dus bya lo'i mjug yin pa gsal bar bstan no/ /bltams pa'i rjes su tha mal ba'i snang ngor sku'i lte ba bcad ba'i tshul las mtshal khrag byung bsal 'pho ba las tsandan dkar po'i sdong po khyad par du 'phags pa zhig rang shugs su 'khrungs pa'i lo ma rnams la rgyal ba seng ge'i nga ro'i sku dang a ra pa tsa na'i yi ge sogs byon pa rim gyis 'bum ther du longs pas sku 'bum tsandan zhes yongs su grags shing/ phyis rje nyid kyi 'phrin las las phyogs der dgon sde chen po chags pa la yang sku 'bum dgon du grags pa dang/ ljon shing de'i lo ma'i cha shas phra mo tsam khar song bas kyang nad gdon grib dang mi gtsang ba sogs sel nus pa ni da lta'i bar du kun la mngon sum du gyur pa 'di kha'o/ /yang/ sku 'bum byams pa gling du grags pa'i dgon sde 'di ni dus phyis 'dul ba chos rje zhes pas btab cing rim gyis 'chad nyan tshugs pa las da lta'i bar yar rgyas su gnas pa kho na'o/ /de ltar bltams ma thag nas @099 dam pa'i yod tan ji ltar mnga' ba ni mkhas grub thams cad mkhyen pa'i gsung rnam thar dad pa'i 'jug ngogs las/ 'di nyid gang gi tshe yum gyi lus las nye bar bltams pa de'i tshe/ 'di'i dbu ni gdugs lta bu dang/ dpral ba dbyes che zhing smin ma 'jar la shangs kyi gzengs mtho ba dang/ snyan shal ring du 'phyang zhing yan lag dang nying lag rgyas la dku skabs phye ba dang/ dbang po yongs su gsal zhing pags pa'i mdog ni me tog ku mud ltar dkar bas 'jig rten gyi skye bo gzhan gyis.. mthong na mi mthun pa med pa'i mtshan bzang po'i dpal gyis mdzes pa mig gi bdud rtsi zhig btsas te/ de dang lhan cig tu 'dzin ma mtha' dag nor bu rin po che'i cod paN blangs pa ltar gyur to/ /zhes dang/ gzhon nu de nyid byis pa'i gnas skabs nyid nas kyang byis pa'i rgud pa thams cad las yang dag par 'das shing/ bag med par rtse ba mtha' dag las ni rang gi ngang gis log /nyes par spyod pa rnams ni rang bzhin kyis bsdams/ kun la snyan par smra zhing khro ba spangs pa dang/ 'grogs na bde zhing slong ba'i skye bo dag la gtong ba'i lag pa bskyangs pa dang/ mgon med pa dag la snying brtse zhing bden par smra ba dang/ blo gros dpags par dka' zhing chos 'tshol ba la ngang gis zhugs pa la sogs pa byang chub sems dpa'i spyod pa rlabs po che dag ni/ byis pa gzhan dag skyes tsam nyid nas nu zho len pa'i kun tu spyod pa dag ched du bslab par bya mi dgos pa ji lta ba de bzhin du gyur to/ /zhes dang/ yang/ dad brtson dran dang bag yod shes bzhin dang/ /brtul zhugs mchog dang blo gros dpags dka' ba/ /ring nas 'dris pa'i yid bcugs grogs rnams kyis/ /gzhon nu nyid na'ang mdza' ba ma btang ngo/ /lus kyi myu gu dang @100 por gyur pa yi/ /gnas skabs der yang yon tan me tog ni/ /dpag med dri bzang rdzogs pa'i snying po can/ /'di lta'i ngo mtshar su yis bsam mi bya/ / zhes dang/ kun gzigs ngag dbang blo bzang rgya mtsho'i gsung las kyang/ mngal rgya'i brang 'gro'i mdud khrol dri bral sku'i/ /ma la yar skyes lcug phran gzhon nu dag /na tshod phra yang phan bde'i dri bsung ni/ /nam yang zad mi shes pa'i gter chen no/ /zhes gsungs pa ltar thun mong ba'i 'gro ba dag gi snang ngor yang byis pa tha mal pa'i kun tu spyod pa rang ga bas cha shas tsam yang gos pa mi mnga' bar sku'i rnam 'gyur dang gsung gi brjod pa/ thugs kyi 'khyer so gang gi cha nas kyang sa la gnas pa'i sems dpa' chen po'i ngang tshul sbed par mi nus pa shugs 'byung rang chas kyi tshul du kun la mngon sum du gyur pas skye bo rnams kyang 'di ni nges par rgyal ba'am/ rgyal ba'i sras sems dpa' chen po zhig snyigs dus bstan 'gro'i mgon du bsam bzhin srid pa nye bar bzung ba zhig yin pa ni gdon mi za'o/ /zhes sogs ngo mtshar ba'i bsngags pa rgya cher du brjod par gyur la/ lhums su zhugs pa nas bzung yul phyogs de dag tu nad dang 'khrug pa med pa dang/ lo legs pa dang/ 'byor pa rgyas pa dang/ mi rnams kyang rang bzhin bzang po'i tshul la gnas pa'i sgo nas rtsod pa med cing/ dge ba'i las la ngang gis 'jug pa sogs snod bcud kyi dge mtshan khyad par du 'phags pa du ma zhig kyang ma bos mgron gyi tshul du byung bar gyur do/ /7smas pa/ rnam 'dren du mas lung gis yang yang du/ /bskul ba'i 'bras bu don ldan mdzad phyir du/ /yul dus yab yum rigs rus cho 'brang sogs/ /phun sum tshogs pa'i gnas la @101 lan brgyar gzigs/ /'jam dbyangs gzhon nu btso sbyangs gser zhun gyi/ / mdangs kyis mdzes pa'i ngang tshul 'dzin bzhin par/ /ye shes bkod pa las grub lhums kyi rgyar/ /zhugs pa'i dge mtshan yum la mngon du gyur/ /rgyal ba'i myu gu lhar bcas 'gro ba yi/ /bsod nams zhing du smin pa'i ltas bzang ni// tha mal skye bo'i tshogs la'ang dngos dang nyams/ /rmi lam tshun du lan gcig min par 'char/ /'jigs mdzad rdo rje'i grub brnyes sems dpa' la/ /'jigs mdzad nyid kyis nga nyid tsong kha'i gzhir/ /'jigs bral gzhon nu'i rnam par 'ong ngo zhes/ /'jigs med gsung gis gsal bar lung yang bstan/ /gzhan yang rnam 'dren lha mi'i ston pa dang/ /rigs gsum la sogs rgyal kun 'dus pa yi/ /ngo bor nges pa'i dge mtshan du ma ni/ /yang yang gdul bya'i tshogs la gsal bar ngoms/ /gang gi byin mthu'i char gyis brlan gyur pas/ / nor 'dzin sgeg mo'i 'phang par gnas 'cha' ba'i/ /snod dang bcud kyi yon tan khyad par yang/ /rdzogs ldan dus la 'gran pa ji bzhin gyur/ /gzugs sku'i skye mched yongs su rdzogs pa'i mthar/ /ma ma'i thugs ka'i sgo 'phar phye ba las/ /'gro ba'i nyin byed bde bar bltams pa'i tshe/ /lha dang DA kis mngal gyi dri ma 'khrud/ /ye shes lha dang gtsang ris la sogs pa'i/ /dkar phyogs skyongs kun dus gcig 'dus nas kyang/ /bkra shis dbyangs su len pa'i glu dbyangs dang/ /lhan cig sil ma'i me tog char du bsnyil/ /bltams ma thag nas byis pa'i ngang tshul kun/ /ring du dor nas rgyal sras sems dpa' che'i/ /spyod pa rgya cher bdag gir mdzad pa ni/ /skye dang skye bar goms @102 pa'i gshis su nges/ /'di ni 'gro ba'i dpung gnyen dam pa zhig /mi yi zol la brten par nges so zhes/ /mchog dman bar mar 'khod pa'i yid can kun/ /gleng ba'i ca cos sa chen 'dar snyam gyur/ /ces pa ni bar skabs kyi bsdu ba'i tshigs su bcad pa'i 'phreng ba'o/ /zhes khyab bdag rje btsun bla ma dam pa thub dbang rdo rje 'chang dang ngo bo dbyer ma mchis pa 'jam mgon chos kyi rgyal po tsong kha pa chen po'i rnam par thar pa thub bstan mdzes pa'i rgyan gcig ngo mtshar nor bu'i 'phreng ba las/ /sku tshe 'di nyid kyi rtogs pa brjod pa'i nang tshan yul dus yab yum rigs rus phun sum tshogs pa'i brgyud du skye ba bzhes shing/ gzhon nu nyid nas dam pa'i yon tan rmad du byung ba bdag gir bzhes tshul sogs brjod pa'i skabs te gsum pa'o// ' //sa bcad gnyis pa khyim nas khyim med par mngon par byung ste rgyal ba'i bstan pa rin po che'i sgor zhugs nas rim gyis dbus gtsang gi ljongs su byon te thog mar mdo phyogs kyi thos bsam rgya cher mdzad pa sogs kyi tshul las brtsams te brjod pa ni/ de yang skyes rabs las/ brtson ra 'dra ba'i khyim la ni/ /nam yang bde bar ma sems shig /phyug gam yang na dbul yang rung/ /khyim na gnas pa nad du che/ /gcig ni 'tshol bas nyon mongs la// gnyis pa 'tshol bas sha thang ngo/ /zhes dang/ gal te chos spyod khyim gyi so nams 'chor/ khyim na gnas na chos kyang ga la 'grub/ /chos kyi las ni rab tu zhi ba yin// khyim gyi las ni drag shul can gyis 'grub/ /de bas chos dang 'gal ba'i skyon yod phyir// bdag la phan 'dod su zhig chags par byed/ /ces gsungs pa ltar khyim gyi gnas ni btson ra dang/ /me 'bar ba'i klong dang/ dug sbrul gyi mtshang ltar nyes @103 pa mi bzad pa'i 'byung gnas su gzigs te khyim nas khyim med pa mngon par byung bar 'dod pa thugs la rgyun chags su mnga' bar gyur la/ re zhig dgung lo phra bas rab tu byung ba'i nar ma son na'ang bstan pa rin po che'i sgor 'jug pa la thugs ha cang rings pa'i tshul du gyur pas sa phag dgung lo gsum gyi dus nas karma pa rol pa'i rdo rje las yongs rdzogs dge bsnyen gyi sdom pa bzhes pa'i mtshan yang kun dga' snying po zhes bya bar btags shing/ de'i tshe karma pa rol pa'i rdo rjes gzhon nu 'di nyid sangs rgyas gnyis pa lta bu zhig 'byung bar lung bstan tshul rol pa'i rdo rje'i lam yig las bshad ces mkhas grub rtsod med rnams kyi gsung las byung/ dgung lo de kha'i nang du chos rje don grub rin chen po de nyid yab kyis gdan drangs pa zhig gi dus chos rje rin po ches yab la rta dang lug la sogs pa'i zang zing gi gnang sbyin dpag tu med pa stsal nas/ khyod kyi bu 'di nga la phul zhig ces bka' gnang bar yab kyis kyang bka' stsal dang du len pa'i spro dga' chen po dang bcas te rje nyid dgung lo gsum bzhes pa sa mo phag gi lo la phul/ de nas bzung ste dbus gtsang du ma byon bar du chos rje de nyid kyi zhabs drung rang du bzhugs par snang la/ chos rje'i drung du thog mar phebs ma thag nas gsung rab klog pa po mang du 'dug pa rnams kyi 'khris su bzhugs nas gsung rab rnams la gzigs shing bklags tshul thugs kyis dpyad pa tsam gyis ched du bslab pa la ma ltos par klog rang nyid kyis thogs med du 'don nus pa byung/ rab tu ma byung ba'i snga rol tu chos rje des dben gnas bya khyung du dpal rdo rje 'jigs byed dang/ 'khor lo bde mchog dril bu lugs dang/ kyai rdo rje dang/ phyag na rdo rje la sogs pa'i dkyil 'khor du bcug cing dbang bskur/ gsang mtshan @104 don yod rdo rje zhes btags te gsang sngags rdo rje theg pa'i sgor smin par mdzad/ rig pa 'dzin pa'i sdom pa dang dam tshig yongs su rdzogs pa mnos te mig gi 'bras bu ltar srung bar mdzad do/ /dbang thob nas rab tu ma byung ba'i gong nyid nas bde mchog/ dgyes rdor/ kun rig /gshin rje gshed la sogs pa'i dkyil mchog mang po thugs la bzung/ bde mchog dril bu pa'i bdag 'jug kyang lan mang du bzhes shing/ gzhan yang lha'i rnal 'byor dang bzlas pa'i rim pa la sogs pa la gcig tu gzhol bar mdzad/ lhag par bla ma'i bka' bzhin a ra pa tsa na'i bsnyen pa grangs mang bar mdzad pas bzhugs sa'i gzims chung gi rdo'i logs su a ra pa tsa na'i yi ge mang po bris pa lta bu rang 'byon du byon pa phyis su mi srun pa 'ga' zhig gis mtshon sna tshogs btab nas mi mngon par byas zhes glengs/ dgung lo bdun gyi skabs shig nas bcom ldan 'das phyag na rdo rje gtum po phyag gnyis pa'i rnam pa can zhig yun ring po'i bar du nub re bzhin mnal lam du gsal bar 'char ba dang/ khyad par jo bo chen po dpal ldan a ti sha mnal lam du nar mar 'ong ba zhig byung; phyis dbus su phebs dus sku 'dra gzigs pa na rnam pa ji ltar bar 'dug ces gsungs te/ de ni mkhas grub thams cad mkhyen pa'i gsung las/ phyis ji bo nyid slar yang kha ba can pa'i bstan pa nyams pa bos ba'i slad du byon pa ltar/ mdo sngags kyi lam gyi rim pa yongs su rdzogs pas gdul bya rnams smin cing grol bar mdzad de/ bstan pa rin po che mi nub pa'i rgyal mtshan 'dzin pa rnams kyi gtsug gi nor bur 'gyur ba 'di nyid kyi snga ltas su gdon mi za'o/ /zhes gsungs pa nges par don la gnas shing/ /tshul de dag kyang mnal lam du bsnyad pa tsam @105 las gzhan du lha dang bla ma de dag gi zhal mngon sum du gzigs shing dam pa'i chos kyi sgo du ma zhig gsan par snang ste/ gsang ba'i rnam thar gsol 'debs las/ dgung lo bdun nas rje btsun gsang bdag dang/ /shing rta chen po dpal ldan mar me mdzad/ /mngon sum byon nas rgyun du rjes bzung bas/ /sngags dang pha rol phyin gzhung gdams par shar/ /zhes gsungs pa'i phyir ro/ /de nas ji skad du mkhas grub thams cad mkhyen pa'i gsung las/ gzhon nu nyid nas rgyal ba'i brtul zhugs kun/ /ma smad tshul khrims mchog gis legs bsdams shing/ / skye ba kun tu gcig tu bag yod la/ /goms pa'i thugs mnga' khyod la gsol ba 'debs/ /zhes dang/ thams cad mkhyen pa ngag dbang blo bzang rgya mtshos/ srid 'byor glog gi bu mo'i gar mkhan ma/ /sdug bsngal mun par mal 'cha'i mtshang rig ste; ;'khor ba mtshan mo'i mtha' las nges 'byung gi /mtshangs spyod dpal gyi skya rengs dang por shar/ /zhes gsungs pa ltar srid pa'i 'byor pa phun sum tshogs pa'i dpal ni glog gi bu mo'i gar mkhan ma ltar skad cig gis g.yo zhing 'jig pa dang/ sdug bsngal gsum gyi mun pa stug cing bsal bar dka' ba dam pa'i yon tan gyi cha sgrib par byed pa'i nang du mal 'cha' ba ltar gnas pa'i 'gro ba rnams kyi skyon gyi mtshang ring mo zhig nas rig cing dgongs pas/ 'khor ba'i gnas gang du gnas kyang bde ba'i snang ba dang bral ba'i mtshan mo'i rang bzhin dang mtshungs pa'i mtha' las nges par 'byung ste tshangs par spyod pa'i mchog /rab tu byung ba ni shAkya'i sras kyi brtul zhugs bla na med pa nyid du gzigs shing/ dus gsum gyi sangs rgyas thar sa cad kyis kyang rab tu byung ba yang dag par blangs pa nyid mchog tu 'dzin par mdzad pas na @106 bdag nyid kyang de dag gi rnam thar gtsang ma'i rjes su ci'i phyir mi 'jug snyam du dgongs pa sogs sngon lan gcig ma yin par goms pa'i bzang po'i rigs kyi thugs kyi bag chags yongs su sad pas rab tu byung ba la 'dod ldan mtho ris kyi dga' tshal du 'jug pa ltar thugs shin tu spro ba dang dgyes pa'i sgo nas dgung lo bdun pa de nyid kyi tshe/ lung rtogs yon tan rgya mtsho'i mnga' bdag 'gran zla med pa'i chos kyi rje don grub rin chen pas mkhan po dang/ mdo sngags yongs rdzogs kyi bshes gnyen chen po tA dbon gzhon nu seng ge'i slob ma gzhon nu byang chub ces bya bas slob dpon mdzad de tshig snga ma rab tu byung ba dang dge tshul gyi sdom pa yang dag par bzhes nas mtshan yang blo bzang grags pa'i dpal zhes bya bar gsol te tshangs par spyod pa rgyu skar gyi 'phreng ba'i dbus na ches cher 'phags pa bde 'byung gi gtsug rgyan chu shel gyi dbang po lta bur gyur cing/ ji ltar nod pa'i bslab pa'i gzhi phra rags thams cad la nyes ltung gi dri mas zhar yang ma gos pa rnam pa thams cad nas thams cad kyi tshe bsrung bar mdzad do/ /de dag la mkhas grub smra ba'i nyi mas/ dbang po rab zhi dul ba'i dpal gyis ni/ / tshangs spyod kyis rgan lha yi drang srong yang/ /mi bsrun byis pa ltar mdzad gzhon nu de/ /'dir ni gangs can sa yi thig ler gyur/ /rgyal sras gzhon nu snying rje'i zla ba de/ /thun mtshams ngur smrig gos bzang 'dzin gyur pa/ /de yi mod la khyim gyi skyed tshul du/ /'dod pa'i ku muta la dga'i rtse dga' btang/ / zhes gsungs so/ /des na chos kyi rje don grub rin chen pas rje bdag nyid chen po 'di ba dang/ mya ngan las 'das nas dus mchod ma chag par mdzad pa sku byis pa'i dus nyid nas bdag gir mdzad de bskyed bsring ba dang/ 'jam dpal dbyangs dang/ dbyangs @107 can ma la sogs pa'i sgo nas shes rab 'phel ba'i thabs du ma dang/ rab tu byung ba dang/ rdo rje theg pa'i sgor smin par mdzad pa sogs ji ltar sman gyi shing ljon pa chen po mngon par 'grub pa'i myu gu ltar legs par bskyangs shing/ slar dbus gtsang du 'byon pa'i rdzong brda' dang do dam sogs kyang shin tu che bar mdzad pas bka' drin lhag par du che ba yin zhes gsungs te/ dus phyis kyang bla ma de'i mtshan brjod pa tsam la'ang phyag thal mo sbyor zhing spyan chab sil ba dang/ mya ngan las 'das nas dus mchod ma chag par mdzad pa sogs bka' drin che shos kyi bla ma gcig tu mdzad par snang la/ de lta bu'i chos kyi rje don grub rin chen pa de nyid kyi rnam par thar pa mtshon tsam zhig kyang mkhas grub thams cad mkhyen pa'i gsung las byung ba ltar 'god na/ de'i 'khrungs yul ni mdo khams smad yin la/ gzhon nu nas rab tu byung zhing dbus gtsang du byon/ mnyes thang pa bkra shis seng ge sogs la phar phyin dang/ byams chos thams cad mkhas par bslab/ gtsang gi snar thang du byon nas bcom ldan rigs ral gyi bu chen bcom ldan pa rang gi gdan sa ba ldang ston rig pa'i seng gi la tshad ma rnam nges gsan sbyongs mdzad/ de'i tshe rig pa'i gnas kyi dgag sgrub cung zad 'char dka' ba byung ba la/ zha lur byon nas thugs rje chen po rang gyi drung du gsol ba drug tu btab cing/ zhabs la khrag rdol bar du nyid mtshan skor ba mdzad pas blo gros kyi nus pa mchog tu gyur pa 'khrungs te rig pa'i gnas la thogs pa med par gyur nas/ rtsod pa bzang ba'i mchog tu grags pa byung/ mthun rkyen dkon po byung yang snar thang pa'i skyo tshul la brten nas legs par sbyangs/ de rjes zha lur grwa skor la byon pas rin po che bu ston thams cad mkhyen pa yang gdan sar phebs @108 nas 'dug pa la/ tshogs su bgro gleng mdzad pas legs par zin te mkhas pa'i grags pa'ang thob/ slar mdo smad du byon nas shing kun sde gsar gyi mkhan po mdzad/ de'i skabs shig tu bde ba can gyi gdan sa mdzad par zhu ba'i gdan 'dren pa byung nas dbus su phebs par gdan sa'i stabs ma 'phrod kyang/ yo byad mang du bsnams byon pa rnams kyis bde ba can dang snar thang sogs su gtsug lag khang dang dge 'dun la zhabs tog rgya cher sgrub par mdzad/ de nas yab chos sdings su skyes mchog rtogs ldan pa'i drung du sgrub pa la byon/ de skabs kyi rje rtogs ldan pa zhes pa ni skyes mchog chos rje bsam gtan dpal zhes yab dgon pa sogs phyag 'debs pa po de yin par snang/ de'i tshe phyag rdza gang yod bla ma la phul nas sgrub pa la rtse gcig tu bsgril bas zhi gnas kyi myong ba khyad par can 'khrungs/ de rjes mdo smad la byon te bya khyung dang/ sha sbrang dgon zer ba'i dgon pa gnyis btab/ lo sbrel gyi bar du phar tshad kyis thog drangs byams chos rnams dang/ brtag gnyis/ spyod 'jug sogs kyi bshad pa mdzad kyang bzhed pa ltar gyi phan thogs cher ma byung bas thugs skyo bar gyur te/ sha sbrang du dbon po shAkya bzang po zer ba zhig gdan sar bkod/ rang nyid bya khyung du sgrub pa la rtse gcig tu gzhol bar mdzad pa las 'jigs mdzad rdo rje la sogs pa lhag pa'i lha du mas dngos su rjes su bzung zhing byin gyis brlabs/ lkog tu gyur pa'i chos thams cad mngon sum du gzigs pa la thogs pa mi mnga' ba sogs mngon par rtogs pa'i yon tan dpag tu med pa thugs rgyud la mnga' ba zhig ste/ dper mtshon na/ rje bdag nyid chen po sku drung na bzhugs skabs zhig chos rje rin po che nas bod phyogs su snar thang dang bde ba can du ja skol @109 dang 'bul ba mang du gtong bar mdzad nas ston dus zhig /de ring tshes grangs dang dus nges par yid la zungs zhig /snar thang na rang re'i ja skol dang 'bul ba byed kyin 'dug gsungs pa ltar/ rje rin po ches kyang dus tshigs thugs la bzhag nas rjes su 'bul bskyel ba rnams mar slebs dus bka' 'dri gnang bas ja skol byas pa'i nyi ma de nyid rang du 'dug ces gsungs pa dang/ yang/ yab du chos rje rin po che'i bla ma rtogs ldan pa sku gshegs nas byang sems pa gdan sar bskos pa las/ byang sems pas chos rje rin po cher gsung yig 'bul skyes dang bcas pa mdo smad du bskur ba'i lan rnams yar la gnang dus/ 'bul skal bskur ba sogs 'phrod pa'i rgyu mtshan gsung shog dang bcas pa thams cad gu ru dkon gzhon pa zer ba la gnang song bar/ drung na 'khod pa rnams kyis snga sor rang re la bskur mi byang sems pa yin 'dug pas de la gnang ba 'gab tshul zhus kyang 'di gas 'ongs gsungs pa bzhin/ lan 'bul ba rnams dbus su slebs skabs byang sems pa'ang grong nas gu ru dkon gzhon pa yab kyi gdan sar bskos tshar ba sogs ngo mtshar ba'i lo rgyus mang du yod par snang la; sku mya ngan las 'da' bar nye ba na lha'i sil snyan dang me tog la sogs pas mchod cing/ 'di nas byang phyogs su rnga sgra sgrog ces bya ba'i de bzhin gshegs pa'i zhing du 'byon no zhes pa'i sgra nam mkha' las mngon sum du byung ba sogs mdor na mkhas grub gnyis ldan gyi skyes bu/ spangs rtogs kyi yon tan yongs su rdzogs pa'i bdag nyid chen po 'gran zla dang bral ba zhig ste/ nges pa'i don du rje thams cad mkhyen pa dang 'jam dpal rdo rje'i ngo bor gcig tu zin kyang gdul bya'i mos ngor gnyis min gnyis su 'char ba'i bla slob kyi 'brel ba'ang sku tshe'i 'phreng ba du ma zhig nas grub par mngon @110 no; ;de dag la 'di skad ces/ srid pa'i phun tshogs sgyu ma'i rol mo la/ /sred pa'i 'khri ba ring nas spangs bas na/ /thub bstan rdzing bur 'jug la spro ba dang/ / rings pa'i ngang tshul 'gran pa ji bzhin gyur/ /yon tan gzhi rten so sor thar ba yi; ;tshul khrims bdud rtsis thugs rgyud gtams pa na/ /rgyal bstan slar yang mgon dang bcas so zhes/ /sa bla'i 'jig rten na yang yongs su grags/ / zhi dul bag yod brtul zhugs 'dab ma brgya/ /yongs su rdzogs pa'i sngon med buNDa ri/ /gzhan phan bdud rtsi'i zil mngar 'bum 'dzags pa/ /lung rtogs dga' tshal mdzes pa'i rgyan du grub/ /gzhon nu nyid nas mdo sngags lam bzang gi ;'khor lo phyag rgya'i mtshan mar yongs bzung tshe/ /bla ma lhar bcas dkyil 'khor rgya mtshos kyang/ /mngon sum dgyes pa'i 'dzum zhal ci yang ngoms/ / don o? kun grub o? pa'i skyes mchog rin o? chen o? gyis/ /bdag gir mdzad nas sman gyi myu gu ltar/ /gces par bskyangs 'di 'gro ba'i ded dpon zhes/ /'byung 'gyur mngon sum gzigs pa'i las su sems/ /dam pa'i don du mjam dpal rdo rje yi; ;ye shes ngo bor ro gcig nyid gyur kyang/ /thun mongs mos ngor gnyis min gnyis 'char ba'i/ /ngo mtshar sgyu 'phrul rol pa cir yang snang/ /zhes bya'o/ /de nas 'di snyam du dgongs par gyur te/ /e ma bdag nyid sangs rgyas bcom ldan 'das kyis legs par gsungs pa'i chos 'dul ba la rab tu byung nas de'i las su bya ba ni gnyis te/ 'di ltag klog pa thos bsam dang/ spong ba bsam gtan gyi bya ba gnyis so/ /de gnyis las kyang thog mar gang las su bya ba ni/ mdo sde rgyan las/ 'di na dang por thos la brten nas tshul bzhin @111 yid la byed pa 'byung/ /tshul bzhin yid la byed pa las ni yang dag don rtogs ye shes 'byung/ /zhes gsungs pa ltar/ rgyal ba'i gsung rab kyi dgongs don rgya mtsho lta bu rnams la bshes gnyen mkhas pa'i ded dpon la brten nas thos bsam gyis sgro 'dogs legs par bcad de nyams su len bya'i 'jug ldog spang blang gi gnas mtha' dag tshul bzhin khong du chud pa la dang por 'bad dgos kyi/ de lta ma yin par blun po chos par rloms pa dag gi ngang tshul ltar gya tshoms su mun sgom la 'jug pa ni dmus long rgyus med kyi lam du zhugs pa ltar sa chod med cing lam gol dang g.yang sar lhung bar 'gyur bas na/ nges par mdo sngags kyi gzhung lugs la sbyangs pa dpyis phyin pa mdzad dgos pa thugs la 'khrungs shing/ de yang gangs ri'i dpal dang ldan pas yongs su bskor ba'i dbus gtsang gi ljongs 'dir sngon gyi chos rgyal byang chub sems dpa' rnams dang lo paN mkhas grub rim par byon pa rnams kyis bstan pa rin po che yongs su rdzogs pa'i sgron me ches cher dang por gsal bar mdzad/ bar du'ang mkhas grub gnyis ldan gyi skyes bu nyi zla lta bu rnams kyi 'phrin las rmad du byung bas mi nyams shing rgyas par mdzad pa'i drin las/ da lta'ang bstan pa rin po che tshang la ma nor ba'i rgyun nyams pa med par gnas pas mkhas grub bye ba'i 'byung gnas su gyur pas na/ de lta bu'i yul ljongs 'di nyid du zhabs sen gyi padmo bkod nas thos bsam sgom gsum rnam par dag pas bstan pa rin po che nyin mo ltar gsal ba zhig ci nas kyang byed do dgongs pa thugs la nar mar 'khrungs te/ ring nas bgrod pa'i lam gyi sdug bsngal bzod par dka' ba dag la ji snyam du mi dgongs par dam pa'i chos 'tshol ba la rings pa dang dpa' zhig brtul phod pa byang chub sems @112 dpa' rtag tu ngu lta bur gyur to/ /de'i tshe bla ma'i bkas kyang bskul te yongs 'dzin ces pa chu byi dgung lo bcu drug pa'i tshe ji ltar ngang pa'i rgyal po pad mtshor 'jug pa ltar spro dga' shugs drag po dang bcas te dbus gtsang gi phyogs su 'byon par brtsams shing/ de'i tshe chos rje don rin pa'i zhal nas/ ngas khyod la chos zhig 'chad pa yin/ ji 'dra zhig 'dod ces gsung pa la/ sems la phan pa'i zhal ta zhig thugs la 'dogs 'tshal zhus bas/ bla ma de ma 'ongs mngon sum du mkhyen pa'i mngon par rtogs pa mnga' ba'i stobs kyis 'byung 'gyur lung bstan bslab bya'i tshul du dang por thos bsam 'di la gyis/ de'i rjes su 'di la gyis zhes sogs kyi rim pa dang/ de nas de dag gi don nyams su bzhes tshul/ de'i rjes su gdul bya rnams smin grol la 'god pa'i sgo nas bstan pa la bya ba rgya chen po mdzad dgos tshul rnams tshigs su bcad pa'i sgo nas 'doms par mdzad la/ gdams pa de'i don thams cad thugs la nan tan du mnga' bar mdzad pa ma zad tshig ris rnams kyang zin bris su mdzad nas byon pa las/ dus phyis dbus su phebs tsam na zin bris de bor te ma rnyed pas tshig ris phal che ba bsnyel na'ang/ don thams cad thugs la mnga' bas phyis thos bsam sogs mdzad pa'i rim pa thams cad de dang mthun pa byung 'dug ces bka' stsal zhing/ gdams pa de'i tshigs bcad phyis kyang thugs la tho re bzhugs pa rnams ni 'di ltar/ gzhon nu blo bzang grags pa khyod/ /sngon sbyangs dge ba'i las 'phro can/ /sngon tshe dam chos bdud rtsi'i ro/ /'thungs ba'i bag chags yod par nges/ /zhes dang/ yum chen rgyas 'bring bsdus gsum gyi/ / rgyan du gyur pa'i mngon rtogs rgyan/ /thog mar bslab cing nan tan bya/ /de @113 la mkhas par gyur pa na/ /lung chos kun la 'khrigs tshud 'gyur/ /de yang sems kyi zur la zhog /de nas byang chub sems dpa' yi/ /lam dang spyod pa'i rnam bzhag dag /ston par byed pa'i mdo sde rgyan/ /mkhas pa'i yan lag dag tu bslab/ /'khor ba mya ngan 'das pa yi/ /rten du ston pa'i chos dang ni/ /chos nyid rnam 'byed bstan bcos dang/ /thog ma mtha' ma rnam spang ba'i/ /dbu ma'i lam ni ston pas na/ /dbus dang mtha' ni rnam 'byed dang/ /sems kyi chos nyid dag pa ni/ /sems can kun la yod pa ste/ /de nyid bde gshegs snying por ni/ /ston byed theg chen rgyud bla ma/ /byams chos lnga po de dag la/ /mkhas par byed pa'i go cha gyis/ /rgyas pa'i bstan bcos rnam 'grel dang/ /'bring du ston pa'i rnam nges dang/ /shin tu bsdus pa'i rig thig ste/ /lus dang 'dra ba'i bstan bcos gsum/ /gtan tshigs thig pa 'brel brtag dang/ /rgyud gzhan sgrub pa rtsod rig ste/ /'phros ba yan lag lta bu zer/ /chos kyi grags pa las byung ba'i/ /tshad ma sde bdun 'dzam gling na/ /sangs rgyas bstan pa gsal byed pa; ;nyi ma zla ba lta bur grags/ /'di yi 'og tu de rnams slobs/ / zhes dang/ de nas 'ga' zhig bsnyel 'dug tshul gsungs/ yang/ blo gros bzang ldan khyod kyis ni/ /mtha' bral chen po'i lta ba la/ /gal te mos pa yod gyur na/ /'phags pa klu sgrub kyis mdzad pa'i/ /dbu ma rig pa'i tshogs rnams dang/ /de yi rjes 'brang zhes sogs yod de/ lhag ma rnams bsnyel 'dug ces bka' stsal te/ des na bdag nyid chen po 'di dag @114 gis bslab bya gdams ngag tu 'doms pa'i tshe 'khor ba'i snang tshul bya bzhag gi rigs tshig zur tsam mi mnga' bar chos ldan gyi gsung 'ba' zhig dang/ de yang spyir btang gi chos skad tsam ma yin par shlau ka 'ga' zhig tsam gyi nang du mdo sngags kyi lam gyi lus yongs su rdzogs pa la thos bsam sgom gsum bya tshul gyi gnas mtha' dag yongs su bsdus te 'doms par mdzad pa dang/ ji ltar 'doms pa'i don rnams rje bdag nyid chen pos kyang thos lo dang go yul tsam du ma lus par don lhag dang bcas pa thugs nyams su bstar ba 'di 'dra ba'i bla slob gyi rnam thar la ni bsam bzhin dad pa 'phel/ brtags kyin nges shes skye ba'i gnas dam pa'o/ /de ltar chos rje don grub rin chen pa'i sku drung du bzhugs ring mdo sngags la thugs sbyong mdzad tshul gong du smos pa rnams dang/ gzhan yang rdor dbyings rtse mo dpal mchog / chos dbyings gsung dbang/ gtsug dgu mi 'khrug pa/ grwa lnga la sogs pa rgyud sde 'og ma gsum gyi rgyud rgya gzhung/ dkyil chog /man ngag la sogs pa phal che ba gsan cing thugs su chud par mdzad/ dgra nag /'jigs byed/ gshed dmar skor gsum/ lo nag dril gsum/ phyag rdor 'khor chen la sogs pa bla med gyi skor mang du gsan cing ji lta bar mkhyen/ bla ma'i zhal nas/ khyed kyi bar chad srung ba'i lha 'khor chen dang/ shes rab bskyed pa'i lha 'jam dpal a ra pa tsa na/ tshe lha tshe dpag med dze tA re/ mthun rkyen sgrub pa'i lha rnam thos sras/ mi dang mi ma yin gyi gnod pa bskyab cing dngos grub sgrub pa'i lha ye shes mgon po phyag drug pa rnams nga'i yang yi dam yin cing/ da khyed la ster ba yan pas 'di rnams kyi bsnyen sgrub dang gtor ma bcas ma chag pa gyis zhes gsungs @115 pa ltar/ dang po lo gcig tsam de ltar 'grub kyang/ de rjes dbus gtsang du phebs pa'i lam bar dang/ bde ba can dang tshal du slob gnyer gnang skabs sogs su skabs 'gar chag pas/ dang por mtshan nyid la zhugs phral longs spyod dbul ba dang/ skabs 'ga' zhig tu 'tshe ba dang/ snyun mang ba 'di rnams rim pa bzhin du rnam thos sras/ phyag drug pa/ gsang ba'i bdag po sogs kyi bsnyen sgrub dang gtor bsngos bar skabs su chag cing/ bla ma'i bka' bzhin du rngo ma thogs pa'i rten 'brel du 'dug ces gsungs zhing/ de phyin chad phyag rdor 'khor chen gyi bdag 'jug bsnyen sgrub kyis mtshon pa rnams ma chag par mdzad pa ste/ des na rje bdag nyid chen po nyid la de lta bu'i thugs dam nyams chag dang/ de la brten pa'i bar chad gyi mtshan ma 'jug pa sogs don la mi mnga' na yang/ phyi rabs rnams la bla ma'i bka' stsal tshul bzhin du nyams su ma blangs na bar chad 'jug pas bag yod par sgrub dgos so zhes 'doms pa'i ched du'o/ /de ltar chos rje bla ma rin po ches zhal gdams bslab bya dang/ mthun rkyen gnang sbyin sogs tshad med pa stsal zhing/ gzhan yang de dus rje bla ma don grub rin chen pas rje nyid la phebs rdzong gi ched du tshogs kyi 'khor lo bshams/ mkha' 'gro chos skyong la gsol ba btab/ maNDal gyi steng du nas spar gang btab ste phul bas nas la rin po che 'bar ba zhig gi rnam pa dod pas bla ma shin tu dgyes te bstan pa'i bdag po 'ong bar 'dug ces lung bstan/ bla slob phan tshun 'bral mi phod pa lta bu'i ngang nas skyabs 'jug sogs nan tan zhu bar mdzad de/ byi ba lo de nyid kyi nang dbus gtsang gi phyogs su phyag btegs par snang zhing/ de dus bla ma'i sku drung nas zhabs thang @116 gis lam du zhugs ma thag rgyun du zhal 'don la goms pa'i stobs kyis/ 'jam dpal mtshan brjod gsung bzhin par byon pa las blo bur du bla ma dran te spyan chab char rgyun ltar bab bzhin du bla ma'i phyogs su gzigs pa na/ tshig mtshams/ phyir ldog pa phyir mi 'ongs/ /zhes pa dang mnyam du byung bas/ slar pha yul du mi ldog pa'i rten 'brel du mngon zhes dus phyis bka' stsal bar snang/ de skabs phebs lam gyi grogs dan ni 'bri khung thel pa'i 'bul dpon ldan ma rin chen dpal gyis gdan drangs par rnam thar dad pa'i 'jug ngogs sogs las gsungs shing/ rnam thar legs bshad kun 'dus su mdo smad pa'i 'grul pa mang po dang stabs gcig tu zhang po gnyis dang 'grogs nas byon zhes pa las ma gsal yang dbus su phebs pa'i thog ma 'bri khung du byon 'dug par gzhigs na gdan 'dren pa'i 'phris grogs dan byed mi'i gtso bo 'bri khung pa'i 'bul dpon nyid yin par snang la/ zhar la mdo smad pa'i 'grul pa gzhan dang zhang po gnyis kyang yod par snang ngo/ /tshul de dag la kun gzigs lnga pa chen pos/ gzhon nu'i lus can rgan po'i blo 'chang ba'i/ /rgyal bstan gyen du 'degs pa'i snying stobs kyis/ /thos bsam sgom pa'i sa chen dbus gtsang gi /ljongs su bde bar gshegs pa 'di rmad byung/ /zhes gsungs so; ;de nas rim gyis shul ring gi lam du phebs kyang dam chos 'tshol ba'i thugs 'dun shugs drag kho na'i gzhan dbang du gyur pas sku ngal ba'i cha phra mo rtsam gyis kyang gos par ma gyur cing/ lam phyogs kyang byang lam nas ma yin pa mod khams lho brgyud kyi lam nas byon par snang la/ bar khams kyi brgyud ngoms chu dang rdza chu 'dzoms pa'i mdo/ da lta chab mdo'i dgon gnas yod pa'i sa char zhag gcig @117 bzhugs par gnas brtan bcu drug gi gzigs snang dang/ da lta'i mgon khang yod sar mgon po'i zhal gzigs bcas byung bar ma 'ongs pa na gnas der chos sde chen po zhig 'byung bar lung bstan pa ltar/ dus phyis rje nyid kyi dngos slob bstan pa phyogs mthar spel ba'i dar chen drug gi nang tshan mdo smad byang sems shes rab bzang pos dgon gnas btab pa las chab mdo byams pa gling du grags pa'i chos sde 'di byung bar snang/ rim gyis byon nas dgung lo bcu bdun pa chu mo glang lo ston gyi dus 'bri khung dpal gyi nags khrod du phebs/ de'i tshe 'bri khung gi spyan mnga' rin po che chos kyi rgyal po bzhugs pa'i spyan sngar mjal zhing/ theg chen sems bskyed kyi cho ga dang/ phyag chen lnga ldan gsan/ rnam thar legs bshad kun 'dus sogs las de skabs 'bri khung pa'i bka' 'bum phal che ba dang/ rdo rje 'phreng ba/ nA ro chos drug sogs zab chos mang du gsan par gsungs/ de nas bstod pa tsong kha ring mo las/ grogs 'ga'i stobs kyis skyid shod gung thang du/ /bso ba rig pa'i slob gnyer mdzad pa'i tshe/ /ring por mi thogs 'bad pa chung ngu yis/ /'tsho byed go 'phang brnyes pa'i tshong kha pa/ /zhes gsungs pa ltar/ rje nyid kyi thugs 'dun dang po nyid nas gzhung lugs chen po'i thugs gnyer zhig la 'byon par bzhed kyang grogs 'ga' zhig gis zhus pa'i rkyen gyis tshal pa'i sman pa mkhas pa dpon dkon mchog skyabs zhes pa'i gam du byon nas/ yan lag brgyad pa thugs la bzung nas rgya bod kyi mkhas grub du ma'i bshad srol dang/ phyag len rnams la slob sbyangs mdzad pas ring min nyid du bso ba rig pa la shin tu mkhas par gyur pas dus phyis sku snyun pa sogs kyi skabs sman pa bcu bdun bco @118 brgyad tsam tshogs pa na'ang/ nad gang la sman gang 'jug pa dang/ sman gyi sbyor sde/ bsil drod la sogs pa'i khyad par thams cad rje nyid kyi drung du bka' 'dri zhus nas lag len bdag cag rnams kyis byed pa yin zer ba dang/ sman pa mkhas par grags pa thams cad kyang da lta kha ba can na chos rje rim po che las sman pa mkhas pa mi 'dug pa'i gnad kyis/ bdag cag rnams kyang zhabs drung du sman sbyor la phyin pas sman kyi rnam dbye mang du gsung ba thos pa la brten nas sngar lo mang du bslab pa bas blo bskyed che ba byung zhes gleng ba mang du byung ngo/ /de nas gnas der ha cang yun ring ma bzhugs par/ ji skad du/ rje rang nyid kyis mdzad pa'i rtogs brjod 'dun legs ma las/ blang dor gnas la kun nas thom pa'i mun/ /yang dag thos pa'i sgron mes ma bsal na/ /lam mi shes na thar ba'i grong mchog tu/ /'jug par 'gyur ba smos kyang ci zhig dgos/ /de nyid phyir na mi pham chos rje dang/ /'dzam gling rgyan drug mchog gnyis zhes grags pa'i/ /gzhung la phyogs re ba dang rags pa res/ /tshim par ma byas kun la zhib tu sbyangs/ /zhes gsungs pa ltar rgyal ba mi pham mgon po dang/ shing rta chen po rnam gnyis sogs 'phags yul mdzes par byed pa'i rgyan du gyur pa'i mkhas pa chen po rnams kyi gzhung lugs la mtha' mod pa'i sbyangs pa mdzad par bzhed nas/ thog mar chos grwa chen po bde ba can du byon/ bde ba can pa'i rin po che snye thang pa bkra shis sengge dang/ gdan sa dge skong pa gnyis ka la chos 'brel gsan/ klog pa'i slob dpon gtso bo bshes gnyen chen po yon tan rgya mtsho dang/ zhar chos pa slob dpon chen po u rgyan pas mdzad nas shes rab kyi @119 pha rol tu phyin pa'i man ngag gi bstan bcos mngon par rtogs pa'i rgyan rtsa 'grel la legs par thugs sbyong mdzad/ zhag bco brgyad tsam gyis gzhung 'grel gyi tshig mtha' dag shin tu byang bar thugs su chud de 'jam skya'i Ti ka'i steng nas bshad pa gsan cing don kun chub par mdzad/ 'jam skya zhes pa 'u yug pa'i slob ma mdo sde dpal gyi dngos slob nam mkha' dpal zhes pa yin par grangs/ sbyor ba rtsi ba sogs kyi thugs rtsol cher ma mdzad kyang ring por ma lon par sher phyin gyi tshig don la shin tu mkhas par gyur te/ slob dpon dang grogs mched thams cad kyang thugs rab dang blo gros kyi rtsal la ches cher ngo mtshar du 'dzin par gyur/ theg pa chen po mdo sde rgyan ni sngar mdo smad du bzhugs pa'i dus nas thugs la chud cing/ bshad gsar dang/ 'chad pa sogs kyang mdzad mod kyang/ bde ba can pa'i bla ma 'jam rin pa zhes grags pa'i dge bshes chen po de byams chos la shin tu mkhas par byed kyin 'dug pas/ de'i drung nas mdo sde rgyan la sogs pa'i byams chos rnams legs par gsan cing thugs la mnga' bar mdzad/ bde ba can du thugs sbyongs mdzad pa'i skabs shig tu sa skyongs mi'i dbang po'i cod paN 'jam dpal dbyangs kyi rnam par 'phrul pa/ dpal ldan bla ma dam pa bsod na sas? rgyal mtshan dben gnas chos rdzong du phyag phebs pa'i spyan sngar mjal/ 'jam dbyangs a ra pa tsa na'i rjes gnang dang/ bde mchog dril bu lus dkyil gyi dbang/ gur mgon gyi rjes gnang rnams gsan/ de ltar lo gnyis tsam nas phar phyin gyi tshig don la shin tu mkhas par gyur nas/ srin bu zhes pa shing yos dgung lo bcu dgu'i steng du gsang phu dang bde ba can la sogs pa rnams su grwa skor la byon/ blo @120 gros dang chos skad phun sum tshogs pa'i snyan pa ring du grags shing/ bshes gnyen mkhas pa dag gi yid kyi dbang po rnam par dpyod pa'i lcags kyus drangs par gyur to/ /de dag la rnam thar me tog chun po las/ de ltar lo ni gnyis shig phar phyin la/ /sbyangs pas chen po rnams kyis bskal pa brgyar/ /rab tu sbyangs pa'i blo ltar gyur pa dang/ /na tshod bcu dgur son pa mnyam du byung/ / rig pa'i 'byung gnas gsang phu mnyes thang du/ /pha rol phyin pa'i grwa skor mdzad pa na/ /bka' pod thams cad phyogs gcig bshad pa bzhin/ /rgol ngan tshar bcad thub bstan nyin mor bgyid/ /ces gsungs so/ /de nas gtsang phyogs la 'byon par bzhed nas rin spungs kyi rong che bar brgyud/ gzhung lam bsrangs nas sa skyar 'byon par dgongs pa la/ lam grogs jo gdan pa zhig yod pa'i stabs kyis rin spungs kyi rgyang mkhar phu'i la la byon/ nyang stod mkhar kha brgyud nas zha lur phebs/ bu ston rin po che'i dam pa'i chos kyi rgyal srid 'dzin pa'i gdan sa pa/ lo tsa ba mkhan chen rin chen rnam rgyal ba'i drung du mjal/ bde mchog mai tri bcu gsum ma'i dbang dang gshed dmar lha lnga'i dbang gsan/ de nas gdan sa chen po dpal ldan sa skyar phebs/ sa skya'i dus mchod ma tshugs pa'i ring la sa bzang du byon nas paN chen ma ti ba blo gros rgyal mtshan gyi drung du chos bka' ci rigs pa gsan/ chos tshugs nas sa skyar phar phyin gyi grwa skor mdzad/ de ga'i 'phro 'thud par la stod byang la byon/ 'dar bzang ldan/ ngam ring 'ga' rong chos sde rnams su'ang grwa skor mdzad nas jo mo nang du phebs/ chos rje phyogs las rnam rgyal ba'i drung du sbyor ba yan lag drug gi khrid la sogs pa gsan/ @121 de nas bo dong la byon/ yar lam spyi bo lhas su phebs nas de'i mkhan chen pa la bka' gdams lam rim gyi lung zhig gsan/ de nas chos grwa chen po er grwa skor mdzad nas snar thang du phebs/ sngar phar phyin gyi Ti ka 'jam skyas mdzad pa de'i nang na mngon pa mdzod kyi lung mang po drangs 'dug pa la 'bru gnon pa dka' bar 'dug pas rkyen byas nas mdzod cig gsan pa'i thugs bzhed che bar byung ste/ snar thang gi mkhas pa bla ma don bzang ba la bsam bzang gi Ti ka'i steng nas mdzod kyi bshad pa tshar gcig gsan kyang/ bdag nyid chen po 'di blo gros kyi dkyel che bas de tsam du thugs khengs pa ma byung/ de dus snar thang du dge bshes zhig gi lag na nya dbon pas mdzad pa'i phar phyin gyi Ti ka zhig 'dug pa gzigs pas sngar gyi 'jam skya'i Ti ka la ltos na shin tu gsal zhing go ba bskyed pa zhig 'dug pas thugs spro bar gyur te/ nya dbon pa la phar phyin gyi bshad pa zhig gsan par bzhed cing/ nya Tika de na mdzod kyi gzhung ci rigs la yang bshad pa gsal bo 'dug pas mngon pa yang legs po yod pa 'dra dgongs pa 'khrungs nas nyang stod du phyag phebs/ gnas rnying du thogs tsam zhig bzhugs nas gnas rnying pa'i gzungs sgrub kyi steng du phar phyin gyi grwa skor mdzad/ dgung lo nyi shu pa me 'brug lo'i dbyar chos la rtse chen du phebs nas mkhas pa'i dbang po rin po che nya dbon pa kun dga' dpal ba'i spyan sngar phar phyin gyi gzabs bshad tshad gcig gsan pa'i tshe/ mkhas dbang de nyid thugs rab gsal zhing rnam dpyod yongs su rno ba dang/ bshad par bya ba'i gnas rnams brda' sprod phul du byung bas gdul bya'i rna bar 'bab pa sogs mkhas pa'i rnam 'gyur tshad med pa mnga' bas rje nyid kyang thugs shin tu rangs par gyur/ de'i tshe khong la mngon pa mdzod cig gsung bar zhus pas/ ngas @122 legs por shod pa yongs te dus phyis don gnyer byed mkhan ma byung bas lta rtog 'ga' re dgos pa dang/ khams kyang ma bde zhing phar tshad 'chad dgos pa 'dis phral la bshad pa mi 'grub 'dug pas/ des na nged kyi slob ma red mda' ba 'di blo gros can mngon pa la shin tu mkhas pa zhig yod pa khyod rang khong la nyan na 'thad cing/ ci ste nyan bshad rgyas par mi spro na yang mdzub khrid cig bcol ba drag ces yang yang gsung ba dang/ khong gi slob ma sngar nas red mda' ba'i zhal 'tsho ba yod pa dag gis kyang mtshams sbyar nas/ rje btsun red mda' pa dbyar des skya nas rtse chen na phebs 'dug pa la mngon pa mdzod rang 'grel gyi steng nas mdzub khrid du gsan pas/ gzhung gi tshig ris tsam la brten pa ma yin par bstan bcos kyi lus yongs su rdzogs pa'i don gyi khog legs par bsgrigs nas 'gang 'chun pa'i go ba bogs chod du ster nus pa zhig 'dug pas dad pa chen po 'khrungs/ gang gsungs thams cad lan re kho nas tshig don lhag ma med par thugs su chud cing/ dka' ba'i gnas rnams la dri gtugs legs par mdzad pas rje btsun yang thugs shin tu phrogs par gyur te/ khyed la mdzub khrid byed pa la legs par sgrims dgos par 'dug ces gsungs/ des na dam pa 'di gnyis ni bskal pa dpag tu med pa'i snga rol nas snyigs ma'i dus 'dir rgyal ba'i dam chos mtha' dag legs par bzung ste/ bstan pa'i snying po mi nub pa'i rgyal mtshan 'dzin pa la thugs bskyed smon lam phyogs gcig tu yang dag par 'byor zhing/ sku tshe snga ma dag tu yang lan cig ma yin par theg pa bla na med pa'i dam tshig yongs su dag pa'i dri bsung rdzogs pa'i snying po can gyis dam chos padma dkar po'i 'phreng brgyud ring pos skyes mchog ngang pa'i ded dpon zung 'di phan tshun lu @123 gu brgyud pa'i 'brel ba yongs su chad pa med pa'i rten cing 'brel bar 'byung ba'i mthu las thog ma nyid nas dpon slob shin tu thugs bcug par gyur to/ /de yang rje btsun dam pa red mda' ba chen po ku ma ra ma ti zhes 'jig rten gsum na mchog tu dkar ba'i grags pa'i ba dan ches cher gsal ba 'di nyid kyi che ba'i yon tan gyi khyad par ni/ mkhas grub thams cad mkhyen pa'i gsung las/ 'di ni gzhon nu na tshod yongs su ma smin pa'i skabs nyid nas legs par spyad pa'i nus pa yongs su smin pas/ chos brgyad bung ba'i rol rtsed la chags pa'i kun rtog spros pa'i nyi 'od ni nub/ chags sdang 'byung po'i bya tshogs rgyu ba'i mun pa'i smag rum ni sangs/ thub bstan gangs kyi ri sul skyong ba'i rnam dpyod gdong lnga'i lus rtsal ni yongs su rdzogs/ srid gsum dri za'i grong khyer ltar gzigs nas rgyal sras sgyu ma'i rnam rol gyis spyod pa zhig ste; gzhon nu la rab tu byung nas rgyal ba'i bstan pa lung ge chos mtha' dag la legs par sbyangs/ dbang lung gsan pa tsam ma gtogs da lta'i bshes gnyen gzhan dag gi zhal la rag las pa med par mdo rgyud dgongs 'grel dang bcas pa gang la yang lan gcig gam gnyis zhig tu gzigs pa tsam gyis/ bstan bcos de'i rtswa 'grel legs par sbyar ba'i don gyi lus yongs su rdzogs pa khog bsgrigs te rang rang gi lugs ma 'dres par thugs su chud nas rig pa'i lam nas mtha' dag par drangs te gzhan la 'doms pa la thogs pa mi mnga' zhing/ khyad par dbu tshad kyi rig lam thams cad dus phyis nub nas ming tsam yang ma mchis par gyur pa na/ rang stobs kyis dbu tshad kyi rig pa'i lam srol phye nas byang phyogs kyi mkhas pa kun gyi mgo bo la bka'i 'phreng ba ngal bso bgyis pa'i shing rta chen por gyur pa bzhin no/ / @124 dam pa 'di'i mngon par rtogs pa'i yon tan ni/ lhag pa'i tshul khrims nyes spyod kyi dri ma thams cad dang bral ba mnga' bas gnas brtan 'dul ba 'dzin pa gser ri'i 'phreng ba'i dbus na lhun po ltar mngon par 'phags shing/ bdag pas gzhan gces pa'i byang chub kyi sems bcos ma ma yin pa thugs la rgyun chags par mnga' bas 'gro ba kun la bu gcig pa ltar dgongs te/ gzhan la phan par 'gyur na dmyal ba'i me yang padmo'i tshal ltar gzigs nas 'jug pa la ya mi nga zhing/ rang gi ched du ni yongs su dag pa'i zhing gi 'byor ba yang rmi lam gyi dga' ston ltar gzigs nas ltos pa med pa gang yin pa 'di ni/ so so skye bo'i byang chub sems dpa' phal mo che dag gis rjes su yi rang ba tsam yang bya dka' ba'i rgyal sras kyi snying stobs phul du byung ba mnga' zhing/ dpal gsang ba 'dus pa dang 'khor lo bde mchog sogs kyi bskyed rdzogs kyi ting nge 'dzin shin tu brtan po brnyes pas/ thun mong dang thun mong ma yin pa'i mngon par rtogs pa'i yon tan gyi tshogs la 'gran pa'i zla thams cad dang bral ba/ de'i mthus rgyal ba'i spyan sngar khas blangs pa'i dam tshig las mi g.yel ba'i srung ma khyad par can dang/ dkar phyogs mngon par skyong ba'i lha dag gis dngos su bsnyen bkur zhing/ legs so gsol ba'i tshig gis mngon par bsngags pa/ gzhan la chos ston pa'i 'phrin las lhur mdzad pa la dgongs pa mngon du phyogs pa'i tshe/ nub gcig nam mkha'i dbus nas 'phags pa klu sgrub dang thogs med la sogs pa shing rta'i srol 'byed chen po dag gis dam pa'i chos kyi rnga bo che bzhi mngon par brdungs ba'i sgra chen pos 'jig rten gang bar byas pa'i ltas mngon par gzigs pa la sogs pa brjod kyis mi lang ba'i yon tan gyi tshogs kyis mtho ba zhig ste/ rje rin po che 'di nyid @125 kyis kyang rgyal ba'i gsung rab kyi drang nges rnam par 'byed pa'i shing rta chen po dag gi lam srol dbu tshad kyi rig pa'i sgo dang po rje btsun 'di nyid las brnyes pas/ de'i phyir 'gran zla med pa'i bla ma'i gtso bor mdzad pa yin no/ /zhes gsungs pa ltar ro// de lta bu'i bla ma de nyid la mngon pa mdzod kyi tshig don rnams mdzub khrid kyi tshul du gsan cing/ don de las lhag pa'i khyad par ma mchis kyang da lta'i mtshan nyid pa rnams la grags pa dang bstun nas chos nyan bshad kyi lugs su mdzad nas kyang tshar gcig gsan/ rtse chen gyi dbyar chos de grol nas ston dus bla ma rje btsun pa dang dpon slob gnyis kas nyang stod bsam gling du chos dbar la byon/ rje btsun pa la dbu ma la 'jug pa tshar gcig gsan/ rje btsun pas kyang dbu ma la gsungs pa'i snga shos de gar 'dug /de'i dus su grub brnyes rnal 'byor gyi dbang phyug chen po gnas lnga rig pa'i mkhas pa/ mkhan chen lo tsa ba byang chub rtse mo dbus su byon nas dgun chos la skyid shod po ta lar mngon pa kun las btus gsung rgyu yin 'dug ces gsan pas/ khong de skabs mngon pa'i bdag por byed kyin 'dug pas ci nas kyang kun las btus gsan par bzhed de/ ston mjug nyang stod nas phyag btegs te dbus su phebs/ po ta lar byon nas mngon pa gsung bar zhus pas mkhan chen nyid nas shin tu gsang ba'i sgo nas gnang bar bzhed kyang/ dgung lo mang du bzhes pa sogs kyis dbang gis myur du gdan sar phebs pa 'thad tshul grwa slob zhabs phyi sogs nas zhus pa la brten nas de phral dbus nas gtsang phyogs la phyag btegs pa'i yar lam chos rdzong du chos rje bla ma'i 'dra sku mjal nas byon kyin 'dug pas mngon pa'i thugs bzhed ma 'grub kyang chos 'brel zhig gsan/ de'i dgun @126 chos bde ba can du byon nas bzhugs/ de rjes skyor mo lung pa'i mkhan po bka' bzhi ba blo gsal zhes grags pa 'dul mdzod la shin tu mkhas par byed pa de'i drung du skyor mo lung du byon/ mkhan chen bka' bzhi pa 'di nyid ni sngon dus kyi 'dul ba 'dzin pa rgya mtsho'i khrod na nyi ma ltar grags pa'i 'dul 'dzin chen po/ dge ba'i bshes gnyen thag ma pa'i bu chen sbal ti dgra bcom pa'i bshad brgyud 'dzin pa'i gdan sa pa/ 'dul ba la shin tu mkhas par 'dug pas de las legs par bshad pa'i bgo skal blang bar bzhed de/ khong la 'dul ba mdo rtsa ba 'grel pa cha lag dang bcas pa rdzogs par gsan te/ khong gi thugs la mnga' ba'i 'dul ba'i bshad srol lhag ma med pa thugs su chud pa ma zad khyad par lhag par du yang rtogs par gyur/ de'i tshe chos gsan pa'i zhar la mdo rtsa'i rgya cher 'grel gyi dbu nas nyin re bzhin mda' tshad bcu bdun re tsam ma chag par thugs la bzung/ dus de dag gi tshe tshogs su mang ja la byon pa'i skabs su dge 'dun rnams yum gyi sgrub pa mdzad pa'i mdo 'don pa'i ring la/ sher phyin zhal 'don du mdzad cing chos thams cad snang la ngos bzung med pa'i don la mnyam par bzhag pas/ dge 'dun gyi chos spyod dang bdud bzlog sogs kyi tshig 'bru tsam yang thugs kyis mi nges par rnam rtog gi rgyu ba rags pa thams cad log pas/ gsal stong 'dzin med kyi ngang la thugs rtse gcig tu gnas pa mang ja'i mgo mjug 'khyongs pa 'bad rtsol med par 'jug pa byung snang zhing/ 'di la mkhas grub thams cad mkhyen pa'i gsung las/ bod kyi grub thob tu byed pa'i rtogs pa bzang shos mthar thug pa de thugs la 'khrungs 'dug na'ang/ gsung rab kyi gnas ma lus pa thugs su chud pa'i bdag nyid chen po 'di ni/ de @127 'dra ba la'ang sems gnas kyi nyams bzang po thugs la 'khrungs pa'i ting nge 'dzin thun mong ba'i khyad par tsam ma gtogs/ de kho na nyid rtogs pa'i ting nge 'dzin thun mong ma yin par 'khrul pa'i dri ma tsam yang mi bro ba 'di lta bu ni mkhas pa mgu ba'i yon tan dpags par dka' ba yin no/ /zhes gsungs pa 'di tshad mar gyur pa drang po'i gsung kho na yin kyang/ bod 'dir grub thob la gtsigs su che ba'i grub mtha' 'dzin pa mang bas/ de dag gis bltas na so sor zur za ba'i gsung du mngon gyi yod 'dug kyang/ de ma yin te/ spyir grub pa thob pa la thun mong dang thun mong ma yin pa'i grub pa thob tshul gnyis las/ zhi gnas tsam la brten pa'i ting nge 'dzin dang/ des bskyed pa'i mngon shes rdzu 'phrul sogs dang/ sman dang rigs sngas la brten pa sogs ni phyi rol pa dang thun mong ba'i grub pa yin pas de dag thob kyang de kho na nyid rtogs pa'i shes rab dang bral na ji tsam bzang yang 'khor ba'i rtsa ba bdag 'dzin la cung zad kyang gnod par mi nus pas grub thob kyi mchog ma yin la/ de'i phyir rje bdag nyid chen po gang gi gsung las/ rtse gcig bsam gtan tsam la 'khor ba yi/ /rtsa ba gcod pa'i nus pa ma mthong zhing/ /zhi gnas lam dang bral ba'i shes rab kyis/ /ji tsam dpyad kyang nyon mongs mi bzlog pas/ /yin lugs phu thag chod pa'i shes rab de/ /g.yo med zhi gnas rta la bskyon nas ni/ /mtha' bral dbu ma'i rig pa'i mtshon rnon gyis/ /mthar 'dzin dmigs gtad thams cad 'jigs byed pa/ /tshul bzhin spyod pa yangs pa'i shes rab kyis/ /de nyid rtogs pa'i blo gros rgyas par mdzad/ /rnal 'byor ngas kyang nyams len de ltar byas/ /thar 'dod khyed kyang de bzhin bsten 'tshal lo/ / @128 zhes dang/ mnyam bzhag nam mkha' lta bu'i stong nyid dang/ /rjes thob sgyu ma lta bu'i stong pa nyid/ /goms nas thabs shes zung du 'brel ba yis/ /rgyal sras spyod pa'i pha rol 'gro ba bsngags/ /de ltar shes nas phyogs re'i lam gyis ni/ /tshim pa med pa skal bzang rnams kyi lugs/ /zhes gsungs pa ltar zhi gnas sgrub nas de kho na nyid rtogs pa'i lhag mthong bskyed pa'i zhi lhag zung du 'brel ba'i ting nge 'dzin gyis bdag 'dzin gyi zhen yul med par bsun phyung ba'i stong pa nyid kyi ngang du rtse gcig tu mnyam par 'jog pa dang/ de las langs pa'i rjes thob tu gang snang sgyu ma lta bur 'char ba la bslab pa'i mnyam rjes kyi rnal 'byor yun du goms pa las/ mthar sgom byung gi shes rab kyis stong pa nyid kyi don mngon sum du rtogs pa na 'phags pa'i sa thob pa yin pas de lta bu la thun mong ma yin pa'i grub thog tu 'jog cing/ de dag la brten pa'i mngon shes dang rdzu 'phrul la sogs pa'ang grub pa thob pa'i rtags yang dag ste/ sngon byon rgya bod kyi grub thob rtsod med mtha' dag de 'dra ba'i go 'phang brnyes pa yin pa las/ zhi gnas kyi nyams tsam la brten nas rnam rtog gi rgyu ba rags pa log pa'i gsal rig gi ngang la gnas pa tsam la rtogs pa mthar thug tu 'dzin pa ma yin na'ang/ dus phyis phal mo che zhig mdo sngags kyi thos bsam dang/ bla ma'i man ngag gi go ba dang ni bral/ bla mar khas 'che ba dag kyang rang nyid la nyams myong gi rgyus med na'ang long bas long ba 'khrid pa ltar byed pa rnams kyis de 'dra ba'i zhi gnas kyi nyams tsam la brten pa'i ting nge 'dzin dang/ ci yang yid la mi byed cing/ gang du'ang mi 'dzin par sems gsal rig tsam la rtsom 'jog byed pa rnams gnas lugs rtogs pa'i sgom mthar thug tu ngo sprod pa'i khul du byas/ slob ma rnams kyis kyang de kha yin rgyu bar @129 byas nas bla slob lag sbrel gyis g.yang sar 'phyong ba mang bas de dag la sman pa'i phyir du mkhas grub thams cad mkhyen pas bka' de ltar du stsal bar snang zhing/ de 'dra ba rnams la sgom mthar thug tu 'dzin mi rigs pa ni/ sngar mnyam med dwags po lha rje rje btsun mi la dang ma mjal gong du zhag bcu gsum tsam gyi ring bde gsal mi rtog pa'i ting nge 'dzin gyi ngang du gnas pa yod pa la/ rjes su rje mi la dang mjal nas bdag la ting nge 'dzin bzang po de ltar yod tshul zhus pas/ de tsam gyis gar yang mi phyin/ nga'i gtum mo a thung sgoms dang/ da gzod sems kyi ngo bo mthong ba zhig 'ongs zhes gsungs pa'i sems kyi ngo bo mthong ba ni sems kyi gnas lugs stong pa nyid rtogs pa la gsungs rgyu yin pa las/ sems kyi gsal rig gi cha ngos zin pa tsam la gsung rgyu ma yin zhing/ de bzhin du rje phag mo gru pa dwags po lha rje'i drung du ma phebs gong nas zhag bzhi bcu tsam ting nge 'dzin rgyun gcig gi ngang du 'byams nus pa yod pa la/ dwags po lha rje'i drung du phebs nas sgom bzang po de ltar yod tshul zhus par/ khyed de la snying nas sgom du 'dzin nam gsungs pa la/ de bla ma rnams kyis sgom du ngo yang sprad pas sgom lags kyang lags zhes zhus par/ phyag sbar bcangs su mdzad nas/ khyod kyi sgom de las zan chang cig mi dga' ri shi gsungs pas sngar gyi nyams bzang po hrul gyis zhig pa'i lo rgyus sogs phyi rabs kyi sgom chen pa rnams la'ang grags che bar yod na'ang/ da dung de rjes su 'jug pa mang ba ni/ mi shes pa ni sdug bsngal lo zhes pa de gar snang zhing/ rje btsun sa paN gyis kyang/ phyis kyi phyag rgya chen por grags pa ni hwa shang gi lugs dang mtshungs par gsungs pa yang 'di dang @130 'di 'dra ba la dgongs par snang/ lhag par da ni dus ngan snyigs ma dgu'i yang mthar thug pas ris med bstan pa rnam dag phal cher nyams shing/ 'on kyang rje thams cad mkhyen pa tsong kha pa yab sras kyi thugs bskyed dang 'phrin las kyi mthu las da lta'i gnas skabs su/ gdan sa chen po se 'bras dga' gsum dang/ dpal ldan rgyud grwa rnam gnyis kyis mtshon pa'i chos sde 'ga' dang 'ga' zhig tu 'dul ba'i bcas mtshams phra rags dang/ mdo sngags kyi 'chad nyan phyag len sogs ma nyams tsam gyi rgyun gnas shing/ dben pa'i gnas su thos don sgrub la tshul bzhin gzhol ba'i skyes bu yang 'ga' zhig tsam mchis pa las/ de las gzhan du rang gzhan gyi chos par rloms pa phal mo che thams cad tshe 'di'i lto gos dang/ rnyed bkur/ snyan grags/ tshong khe dpogs sogs kho na don du gnyer/ sde dgon rnams ni chags sdang dang rtsod pas bzung/ zhwa dmar ser dang/ 'don kha khral mi gcig pa tsam gyis grub mtha' 'dzin par rloms pa las chos kyi tshugs 'khyer phal cher zhig / sdom pa gsum gyi bcas mtshams mtha' dag ras su bor te khyim pa dang gnyis su ma mchis par spyod pa'i dus su snang ba las/ ri khrod sogs su sgrub pa tshul bzhin byed rgyu lta bzhag bsdod mi yang mi rnyed pa'i tshul du gyur cing/ 'ga' zhig bsdod blo byas kyang dge sbyor ltar snang 'ga' zhig tsam dang/ yi dam sgrub thabs nyung nyung 'ga' zhig gis bzlas grangs gsogs pa tsam nas grong chog la thags bzhin du sbran pa las/ zhi lhag dang bskyed rdzogs sogs sgom rgyu phar bzhag /chos skad gyi dud pa tsam yang gtong mi med pa'i dus su slebs 'dug pas/ des na nyams la sgom du 'khrul ba sogs kyi gol sa dang g.yang sa 'byung ba'i dogs pa tsam mi... @131 'dug pas blo bde bar mdzad chog par snang la/ gal te sdug pa stabs legs kyi nyams de 'dra skyes pa byung na ni grub thob bzang po yin shag las sgom mthar thug yin min sogs kyi gleng brjod gtong mi su yang yongs rigs mi 'dug pas mngon pa'i nga rgyal dang bcas te sgom bzang shos rang du bzung bar mdzod cig /yang rje thams cad mkhyen pa tsong kha pa lta bu ni/ nyams kyi ting nge 'dzin de 'dra ba la rtsigs mthong che bar mi mdzad kyang/ thos sgom phyogs re bar ma song bar thos bsam mdzad pa'i skabs nyid nas zhi lhag la sogs pa thos pa'i don rnams tshul bzhin nyams su bzhes pa'i nang gi yang dag 'jog la stabs cig tu brtson par mdzad pa'i rtags yang dag ni yin te/ gzhan du mi tshe hril por ri la sgom khul byas pa dag la yang 'bad med du ting nge 'dzin de tsam skye dka' ba mngon sum gyis grub pa'i phyir/ des na thos bsam dang sgom pa nyams len stabs gcig tu 'grub pa 'di lta bu yang dam pa'i yon tan shin tu ngo mtshar ba'i gnas yin no/ /zhes 'phros bshad kyi tshul du dogs pa cung zad dpyad nas/ slar yang dkyus kyi don la 'jug pa ni; de'i tshe 'dul ba rgya cher 'grel gyi bam po bzhi bcu lhag tsam thugs la chud par gyur pa'i mtshams su bar gcod kyi rnam pas sku stod snyung ba'i snyun drag po cig byung par/ stod lung phur u rgyan bsnyen sgrub la mkhas pa zhig gi gam du byon nas man ngag thugs nyams su bzhes pas kyang phan pa ma byung/ bde ba can du byon nas bcos thabs ci rigs mdzad kyang ma phan/ bde ba can na kha mchu dang 'khrug long mang du 'dug pas kyang thugs sbyong bar gyur te/ dpon slob dge 'dun 'ga' zhig dang bcas gtsang phyogs la byon/ sa skyar 'byon par bzhed pa la lam @132 du ha cang grang ba'i reg pas 'o brgyal bar 'dug pa dang shul lam thag ring bas ngur smrig gi phu nas gnas rnying la byon/ de'i dgun gnas rnying du bzhugs pas gnas rnying pa'i don gnyer ba dang/ phyag phyi la byon pa 'ga' zhig gis gsol ba nan cher btab pa la brten nas/ de gong mngon pa kun las btus la ched du gtad pa'i gzigs rtog ma mdzad kyang/ de dus tshig la gzigs pa tsam gyis don gang ci thugs la cig car du gsal bar 'char bas/ thog mar gzigs pa'i rim pa bzhin gzhan la yang 'doms pa'i sgo nas mngon pa kun las btus tshar gcig rtsal bshad.. mdzad do/ /dgung lo nyer gnyis pa sa pho rta lo'i dpyid ka snar thang brgyud nas sa skyar byon/ de'i tshe sa skyar bla ma rje btsun red mda' pa chen po lam 'bras gsan zhing 'dug pa dang mjal/ de nas bzung ste zla ba bcu gcig tsam gyi ring la sa skyar khong gi spyan sngar bzhugs/ rje btsun pa rang nyid lam 'bras sogs gsan pa'i ngang nas rje 'di nyid la mngon pa kun las btus kyi gzabs bshad tshar gcig gnang/ gzhan yang de'i tshe tshad ma rnam 'grel la gtso bor sbyangs shing/ dbu ma 'jug pa sogs kyi bshad pa dang/ 'dul ba lung la sogs pa bka' bstan bcos mang po'i lung yang gsan/ bla ma rdo rje rin chen pa'i drung du brtag gnyis sa lugs kyi bshad pa yang gsan/ bla ma rje btsun pas mtshams sbyor mdzad pa bzhin bla brang shar ba'i sngags kyi dge bshes bgres po man ngag la mkhas par byed pa zhig 'dug pa las man ngag blangs te/ bla brang rin chen sgang gi rgyab phyogs der byon nas/ ma ning gi ha 'don pa sogs lan kha yar mdzad pas sngar gyi sku stod kyi snyung gzhi de lhag ma med par thon/ sa skya nas dpon slob rnams kyis la stod byang @133 gi sa'i cha ngam ring du chos dbar la byon nas dpyid dang dbyar gnyis ka ngam ring du bzhugs/ bla ma rje btsun rin po ches mngon pa kun las btus kyi Ti ka chen mo legs bshad rgya mtsho zhes pa de rtsom par mdzad la brtsams tshar rim bzhin rje 'di nyid kyis kyang thugs la chud par mdzad/ rgyas pa'i bstan bcos tshad ma rnam 'grel de zhib tu gsung bar zhus nas lan gcig legs par gsan/ gzhan yang gsang 'dus rtsa rgyud kyi bshad pa dang rim lnga'i khrid sogs mang du gsan/ de'i ston 'khrungs yul nas rkyen du bab pa'i tshogs chas ci rigs pa 'grul pa'i mdun 'bul rgyu bskur yod tshul gsan pas de dag bzhes pa la sogs pa'i slad du ngam ring nas sa skya brgyad de dbus su byon nas 'bul bskur sogs bzhes/ de skabs grogs dang slob 'brel mang pos bskul zhing/ mdo smad nas yum gyis kyang zhu ba nan cher byung ba'i rkyen byas nas lan cig mdo smad la 'byon par bzhed pa 'khrungs te mal gro lha lung du byon/ mdo smad phyogs su mkho ba'i man ngag lag len 'ga' zhig la thugs sbyong yang mdzad par brtsams pa las/ mtshams shig nas ci byed de 'dra ba la dgos pa mi 'dug /da ni mdo khams dang yul gyi phyogs la gtan nas mi 'gro ba'i yi dam 'cha' bar bya'o snyam du dgongs pa shugs drag po skyo shas dang bcas pa zhig 'khrungs nas de phral du mdo smad la mi 'byon pa'i thugs thag bcad do/ /lo rgyus 'di dag gi tshe rnam thar yi ger 'khod pa rnams su ma mthong yang/ sngon rabs dam pa'i gsung rgyun la mdo smad nas yum gyis 'byon dgos yang yang zhus pa'i mtha' ma la/ dbu skyes kyi lan bu dung ltar dkar bar gyur pa bskur nas nged na tshod 'di ltar du gyur pa bsams nas 'byon dgos zhus pa la/ yul du byon pa la dgag bya che zhing dgos @134 pa chung bas 'byon du ma btub pa'i gnas tshul dang chab gcig rje nyid kyi sku brnyan ri mor bris pa'i thang ka zhig kyang bskur bar mdzad pa yul du 'byor nas/ yum gyis zhal phye ma thag sku brnyan des a ma zhes gsungs pas yum gyi thugs rgyud la rje bdag nyid chen po dngos su mjal ba dang mtshungs pa'i mos gus dang spro dga' tshad med pa 'khrungs te thugs khral sangs pa yin gsungs pa ni tshad mar gyur pa'i gsung rgyun yin par sems so/ /gzhan yang mkhas grub thams cad mkhyen pas 'di ltar gsungs te/ lar yang bla ma 'di nyid kyi skye bas thob pa'i mngon par rtogs pa'i yon tan gyi tshogs bgrang ba las 'das pa'i yal 'dab rnam par rgyas pa'i tsandan gyi shing ljon pa chen po'i ngos las zag pa/ gsar du mngon par 'bad pa'i rkyen gyis cung zad kyang ma gos par yang lhan cig skyes pa'i dri bsung gis srid pa'i tsha gdung 'jil bar mdzad pa'i ga bur gyi thig pa'i cha shas re re snying la reg pa'am/ de'i ngo mtshar ba'i rnam par thar pa'i me tog rnam par bkra ba gcig tsam yang/ tshig gi srad bus gang gis rna lung mdzes par byas pa'i shes ldan rnams kyi mig gi padmo chu'i khur gyis mngon par non pa dang lhan cig tu/ bskyed tshal ba spu g.yo ba'i mgo lcog dang bcas pas yid kyi brten pa nyams pa gsal bar byed cing/ dad pa'i shugs kyis btab par gyur pa'i bstod cing smre ba'i tshigs bcad bab col du sgrog par 'gyur ba 'di lta bu mngon par bskyed pa'i rgyu ni bsam par bya dka' ba ste/ zhes dang/ de yang bdag nyid chen po 'di la ched du bsams pa'i sgo nas rnyed bkur dang/ snyan grags dang/ 'khor ba'i phun tshogs gzhan gang yang rung ba/ tshangs pa dang brgya byan gyi dpal la'ang mngon par 'dod pa'i sred pa skye ma myong ba ni lta ci smos/ phun @135 sum tshogs pa'i dpal ji tsam 'byor ba de tsam gyis slar sred pa zad pa'i stobs ches cher rgyas par 'gyur ba'i grogs byed pa ni/ dam pa rnams kyi dran shes kyi lcags kyus yid kyi gnyis 'thung yongs su bzung ba'i 'bad pa la ltos nas nyams su blang ba la shin tu bya dka' ba'i gnas yin na/ 'di ni blo sngon du gtong ba la cung zad ltos pa med par yang gzhan dag gis bsnyen bkur ba dang/ snyan par smra zhing legs par bsngags pa dang/ 'byor pa'i khyad par mchog tu gyur pa rgya chen pos mngon par mchod pa sogs phun sum tshogs pa ji tsam zhig byung ba de tsam gyis slar zhing 'du byed thams cad la mi rtag pa'i 'du shes dang/ mgon med pa thams cad skyabs par 'dod pa'i brtse ba dang/ rgyal ba sras bcas thams cad bsnyen bkur bar bzhed pa'i dad pa rnams phan tshun 'gran pa bzhin du 'phel bar 'gyur ba las/ gzhan du sred pa 'phel ba dang rjes su mthun pa ni gnas med cing go skabs med do/ / 'di ni 'di'i skye bas thob pa lhan skyes kyi yon tan yin gyi/ sku tshe 'di nyid la gnyen pos gsar du bskyed pa'i sbyor byung ni ma yin te/ de yang kho bo la gzhan gyis stan bzang po bshams pa dang/ gus pa'i bsnyen bkur sogs ci tsam byas pa tsam gyis ched du bsam mi dgos pa de'i skabs rang du/ 'di thams cad mi rtag cing yid brtan du mi rung ba sgyu ma'i bslu brid dang 'dra ba yin snyam pa'i skyo ba shugs drag po snang ba bun long du thongs pa yid gting nas 'gyur ba rgyun ring po re skye ba zhig dang po nyid nas rang chas su yod pa yin ces gsungs pas so/ /'di ni shin tu mtho ba'i rtogs pa khyad par can du bod la grags pa mang po zhig gis cha tsam du yang bsgrun par mi nus pa'i mngon par rtogs pa'i yon tan yin te/ zag bcas kyi phun tshogs @136 la sred pa 'gog pa med du mi rung ba'i dgos pa nye bar gzigs nas/ chos kyi rje sangs rgyas bcom ldan 'das kyis kyang de'i gnyen po yid la byed pa theg pa che chung gi mdo sde rnams su lan cig ma yin par bka' stsal ba gzhan rnams lta bzhog / tha na dge slong rnams la rin po che'i khri la 'dug pa sogs bya dgos pa byung na mi rtag pas gnyen po 'du shes nye bar bzhag par bya ba sogs kyi bslab pa bcas pa'i sgo nas kyang don de sgrub par mdzad pa'i phyir/ des na tshul 'di ni mkhas pa mgu ba bskyed pa'i rnam par thar pa ches ngo mtshar rmad du byung ba yin no/ /zhes gsungs pa ni nges par don la gnas pa yin te/ ji skad zhe na/ de yang snyigs ma'i dus 'dir skye bo phal mo che legs nyes 'byed pa'i rnam dpyod dang mi ldan pa'i dbang gis col chung g.yam la rgyug pa mang bas/ lkog gyur 'ga' zhig stabs legs kyis shes pa tsam dang/ mig 'phrul dang 'brel ba'i rdzu 'phrul phra mo tsam dang/ gzhan la phan gnod kyi nus pa 'ga' zhig thon pa tsam gyi steng du smin ru zeng zeng dang/ rlung shu shu byed pa zhig byung na rtogs pa mthon po yin par rloms nas drag zhan phal cher mgo bo gdugs ltar 'khor ba mang rung/ don la rtogs pa zer ba de gang la zer ba yin ngo ma shes pa'i rmongs rtags kho na ste/ rtogs pa zhes pa nang gi mngon par rtogs pa'i yon tan gyi khyad par la zer ba yin pas/ de la ni gtso bor rang gis ji ltar khas blangs pa'i dam tshig dang sdom pa ras su ma bor ba'i ngos nas nges 'byung/ byang sems/ yang dag pa'i lta ba gsum ga'am dma' mtha' nges 'byung tsam la bcos ma ma yin pa'i myong ba thon pa zhig byung na yang deng sang gi dus su rtogs pa bzang shos su bzhag chog ste/ ci'i phyir na/ nges @137 'byung mtshan nyid tshang ba rgyud la skye ba la/ 'dus byas thams cad mi rtag pa dang/ zag bcas thams cad sdug bsngal bar rtogs shing khong du chud de srid rtse nas mnar med bar gyi 'khor ba'i gnas kun me 'bar ba'i klong ltar mthong nas srid pa'i phun tshogs gang la'ang snying po rdul tsam med par nges pa rnyed de zhen pa gting nas log cing/ thar pa don gnyer gyi blo rgyun chags su skye ba zhig dgos pa yin te/ rje bdag nyid chen pos/ de ltar goms pas srid pa'i phun tshogs la/ /yid smon skad cig tsam yang mi skye zhing/ /nyin mtshan kun tu thar pa don gnyer blo/ /byung na de tshe nges 'byung skyes pa lags/ /zhes gsungs pa'i phyir/ de lta bu'i nges 'byung rgyud la skye ba la gnyen po bsten zhing 'khor ba'i nyes dmigs ched du bsam pa dang/ bla ma dkon mchog la gsol ba shugs drag tu 'debs pa'i sgo nas tshogs bsags pa dang sgrib pa sbyong ba la rgya cher ma 'bad par bdag lta bu'i rgyud la rang shugs kyis skye bar mi nus te/ thog ma med pa nas gom pa'i blo ngan de 'dor dgos pa'i phyir/ da dung byang chub kyi sems dang yang dag pa'i lta ba ni de bas kyang skye dka' ba mang du brjod pas mi langs la/ lam gyi gtso bo de gsum srog gam gzung shing du byas pa'i steng du thun mong bzhi lhag dang/ thun mong ma yin pa bskyed rdzogs kyi nyams len la 'bad de/ de dag gi rtogs pa gong nas gong du 'phel ba zhig byung na rtogs ldan dang grub thob kyi mchog tu 'dzin 'os na'ang/ dus phyis kyi rtogs pa bzang bzang por khas 'che ba'i tho cho dang/ rtsing spyod can rnams la ma brtags ma dris par bzhag na nges 'byung byang sems dang/ gnas lugs rtogs pa'i shes rab sogs rgyud la yad rgyu ba zhig byas yongs rung/ zhib tu rtsa ba dpyad de/ de dag @138 gi ngo bo dang/ thog mar rgyud la skye ba'i thabs/ skyes pa'i tshad sogs dris na mgo mjug 'drongs pa'i lo rgyus rags pa zhig kyang shod rgyu yod med ni/ stag lung la 'gro mi dgos/ bems po'i 'og nas mthong ba'i dpe kho nar zad la/ tshul de dang de'i lo rgyus tsam yang mi shes na sgom nas rgyud la skye ba ni ri bong rwa'i pha mtshan yin te/ 'jig rten pa rnams ston dus lo tog 'dod pa la yang dpyid dus so nams byed lugs shes dgos pa'i phyir/ des na 'khor ba la nges par 'byung tshul tsam yang mi shes pa'i rtogs pa de ji ltar mtho zhing bzang yang 'khor ba pa rang gi rtogs pa yin pa las/ de lhag gi rtogs pa ma yin par tshad mas nges/ rje bdag nyid chen po ni rtogs pa mtho mtho mo'i tshul mi 'dzin par mngon par rtogs pa'i yon tan gsang zhing sbed par mdzad pa zhig yin na'ang/ rje btsun sa paN gyis/ dam pa'i yon tan sbas gyur kyang/ /'jig rten kun la khyab par gsal/ /sna ma'i me tog bkab na yang/ /dri zhim kun tu khyab par 'gyur/ / zhes gsungs pa ltar sku tshe du mar 'dris shing goms pa'i shugs las gdul bya phal pa'i snang ngor yang/ gzhan dag ltar gnyen po bsten nas ched du bsgoms pa sogs la ma ltos par 'dus byas thams cad mi rtag par mngon sum thugs su chud pas 'khor ba'i phun tshogs gang la'ang gdug sbrul gyi mtshang ltar gzigs pa'i nges 'byung rnam dag bcos ma ma yin pa 'bad med rang chas su ngam ngam shugs kyis rgyun chags su 'khrungs pa ni gzhan gyis dpags par dka' ba'i mngon par rtogs pa'i yon tan rmad du byung ba ste/ de dag la ni gong du smos pa'i bzang por rloms pa'i rtogs pa de dag gis brgya dang stong gi char yang bsgrun par mi nus pa ni nges par yin no/ / @139 zhes mkhas grub thams cad mkhyen pa'i gsung la zhabs 'degs kyi tshul du gsal 'debs cung zad spros nas dkyus kyi don la 'jug pa ni/ de nas ston de mal gro lha lung pa'i bla ma bsod nams grags pa la lung chos mang rab gsan/ bar zhig tu sku mtshams bcad nas thugs dam mdzad pa'i bar seng la rnam 'grel gyi rnam bshad rigs mdzod la gzigs rtogs mdzad cing/ le'u gnyis pa'i skabs kyi lam gyi rnam bzhag ston pa'i tshul la legs par gzigs pas rkyen byas nas/ chos kyi grags pa'i gzhung lugs dang rig pa'i srol la dpag tu med pa'i dad pa shugs drag po mnan pas mi non pa 'khrungs shing/ ston der bzhugs kyi ring la rnam 'grel gyi gzhung la gzigs pa tsam nas dad pa'i spu long g.yos te spyan chab kyi rgyun bcad par mi nus pa rtag tu 'ong ba zhig byung zhes gsungs te/ de ni rje nyid kyi rtogs brjod las/ byang phyogs 'di na tshad ma'i gzhung lugs la/ /sbyangs dang ma sbyang du ma mgrin gcig tu; ;mdo dang sde bdun kun la byang chub tu/ /bgrod pa'i nyams len rim pa yod min zer/ /'jam dpal dbyangs kyis phyogs kyi glang po la/ /dngos su 'di rtsom 'di ni ma 'ongs dus/ /'gro ba kun gyi mig tu 'gyur ro zhes/ /gsung gi gnang ba stsal ba'ang tshad mar byed/ /de ni mi rigs smra ba'i phul byung du/ / mthong nas lhag par tshul der dpyad pa na/ /tshad ma kun las btus pa'i mchod brjod don/ /tshad mar sgrub pa lugs 'byung lugs ldog gis/ /rnam grol don du gnyer la bcom ldan 'das/ /tshad mar sgrubs shing de las de yi ni/ / bstan pa kho na thar 'dod 'jug ngogs su/ /nges pa gting nas rnyed pas theg gnyis kyi; ;lam gyi gnad kun 'gril pa rig lam nas/ /legs par thon pas @140 lhag par dga' ba rnyed/ /tshul 'di bsams shing 'dun ma legs nas gda'/ / bka' drin che'o rje btsun mkhyen pa'i gter/ /zhes gsung ste/ sngon chad kha ba can gyi ljongs 'dir tshad ma sde bdun mdo dang bcas pa rnams tha snyad rig pa'i rnam bzhag gtan la 'bebs pa'i thun mong ba'i gzhung lugs tsam du 'dzin pa las/ thar pa dang thams cad mkhyen par bgrod pa'i lam gyi rim pa ston pa'i gzhung lugs min par mkhas blun phal mo ches mgrin gcig tu sgrog par byed kyang/ rje thams cad mkhyen pa'i rnam dpyod dri ma med pas tshad ma'i gzhung lugs spyi dang nang tshan dpal ldan phyogs kyi glang po'i tshad ma kun btus dang/ dpal chos kyi grags pa'i tshad ma rnam 'grel sogs la zhib tu dpyad cing gzigs pa na/ theg pa gong 'og gi lam nyams su len pa'i rim pa mtha' dag rig pa'i lam nas tshang la ma nor bar bstan pa thugs su chud cing/ de la brten nas mdzad pa po'i slob dpon yab sras rnams la'ang bcos ma ma yin pa'i dad pa shugs drag po 'khrungs pa ste/ don du tshad ma'i gzhung lugs rnams phyi'i go rgya gcod byed tsam ma yin par nyams su len rgyu'i gdams par 'char ba'i thugs nges gting phyin pa de skabs 'khrungs par snang ngo/ /de dag la rnam thar me tog chun po las/ de nas rig pa smra ba thams cad kyi/ /gtsug gi nor bu chos kyi grags pa yi/ /gzhung dang de yi rig pa'i lam srol la/ / shugs drag dad pa dpag med rnam par g.yos/ /zhes gsungs so/ /de'i dgun chos bde ba can du bzhugs skabs 7gong ma hor rgyal po'i sras zhig nas zhu 'phrin legs skyes dang bcas pa phul ba'i lan stsal ba ni/ sku ni gzhan phan bsam pas mdzes kyi rab bkra'i gos kyis min/ /snyan ni legs bshad thos pas mdzes @141 kyi gser gyi rna chas min/ /phyag ni gtang la 'jug pas mdzes kyi sgra ldan gdub bus min/ /bsod nams brgya yis lhag par mtho ba'i mi dbang gang de rgyal/ / skyon med rigs kyi chu gter 'jings las 'khrungs/ /dge legs gser gyi rwa bas kun nas bskor/ /tshad med yon tan brgya yi dpal 'bar ba/ /mi dbang lhun po gling bzhi'i dbus na brjid/ /sa bdag gzhan la phan dgongs gangs ri'i gos/ /snyan zhing rnar 'bab gsung gi tsha zer gyis/ /legs par zhu ba'i chu rgyun bzang po'i tshogs/ /skye rgu kun gyi rna ba'i rgya mtshor zhugs/ /de tshe khrims gnyis mkhyen pa'i blo gros kyis/ /skye rgu bde la 'god pa'i khur 'khyer ba; ;sa skyong de yi lhag bsam 'di 'dra zhes/ /ya mtshan gtam gyis gtam gzhan go skabs 'phrog /dge mtshan rgyu skar bye bas bkra ba yi/ /sku yi nam mkha' mi mthun chu 'dzin gyi/ /sgrib g.yog bsal phyir bsam kun rdzogs mdzad pa'i/ /lhag pa'i lha la gsol ba 'debs shing mchis/ /mi dbang byams pa'i thugs kyis mnga' ris rnams/ /chos bzhin skyong ba'i chab srid gang yin pa/ /pad gnyen lha yi lam nas ma ltung ba/ /de srid yar ngo'i zla bzhin 'jug gyur cig /ces pa 'di ni 7gong ma hor rgyal bu mi'i dbang po'i drung du blo bzang grags pas phul pa'i zhu yig gi skyes mtshon par phyag phyis dar dkar po kha gang phul/ zhib kyi zhu ba dge bshes bsod nams rgyal ba la gsal/ zla ba bcu gnyis pa'i tshes nyer bdun la chos grwa chen po bde ba can nas phul zhes stsal te/ de skabs rgyal po tho kwan the mur gshegs kyang chen po hor yul yongs khyab tu rje thams cad mkhyen pa gang gi bstan pa dkar 'jam yug gcig dar ba'i rten 'brel du yul gru der gsung mchid thog ma dang/ @142 dar dkar po'i skyes bcas stsal bar snang/ dpyid chos sngon ma la grwa skor mdzad bzhed pas po sti 'ga' yar gyi gzigs rtog mdzad nas dgung lo nyer bzhi pa lcags spre la gtsang la byon te snar thang du phebs/ bla ma lo tsa ba don bzang bas tshad ma'i Ti ka zhig mdzad 'dug pa tshar gcig cis kyang gsan dgos bka' gnang ba ltar gsan/ dbyar chos der snar thang du rnam 'grel/ mngon pa gong 'og /mdo rtsa dang bcas pa'i grwa skor mdzad/ snar thang du gzhung bsgyur btsugs pa'i thog ma de yin par 'dug /skabs der rje red mda' pa'i bla ma theg chen chos rje kun dga' bkra shis las lugs kyi bla ma'i rnal 'byor dang/ 'bir srung zab mo gnyis gsan cing/ mnyam med nam mkha'i rnal 'byor pa chen po las su ka sidd+hi'i chos skor rnams tshang bar gsan tshul rnam thar gser 'phreng las byung/ de nas ston chos bla ma red mda' ba chen po po dong du chos dbar la phebs pa gsan nas er byon/ bla ba lo tsa ba nam mkha' bzang po la snyan ngag me long gi bshad pa sogs gsan/ gtso bor bla ma rje btsun pa la dbu tshad mngon phar gyi myu gu sogs gsan cing/ phar phyin dang 'dul ba yang rje btsun pa nyid las tshar re nyan na rten 'brel gyi khyad par zhig 'ong du re bas gsung 'tshal zhus nas tshar re gsan/ de skabs dbu ma 'jug pa'i bshad pa ma gtogs rtsa she sogs rigs tshogs gzhan gyi bshad pa gsan pa ma byung zhing/ dbu ma rigs tshogs thams cad kyi lung zhig snar thang mkhan po kun dga' rgyal mtshan pa las bzhes/ khong gis ni kho rang gi zur chen gyi go sa de sngar dbu ma'i zur chos pa zhig gi go sar 'dug pas de nas brgyud par 'dug ces gsungs/ yang bde ba can pa'i bla ma 'jam rin pa la'ang rigs tshogs kyi lung gsan/ khong gis @143 chos rje bla ma rje btsun la gsan par snang zhing/ rje bla ma rje btsun gyis rigs tshogs rnams kyi lung grang mo che'i gdan sa bla ma chos shes pa las bzhes/ khong gis snar thang sher seng gi drung nas gsan par 'dug ces gsungs te/ mdor na de'i tshe bdag nyid chen po dpon slob rnams la rigs tshogs kyi bshad pa lta zhog / lung bzhes pa'i yul yang dkon par byung la/ da lta'i dus su so sos don gnyer byed na bshad pa dang lung zhu yul lag ma thogs tsam yod pa 'di dag kyang rje tsong kha pa chen po yab sras kyi thugs rje ste/ 'di tsam kho na'i bka' drin yang gzhal bar dka'o/ /de nas dpon slob gnyis ka thabs gcig tu sa skyar byon/ rje rin po ches sa skyar gong du smos pa'i dka' chen rnams kyi grwa skor mdzad/ de skabs gzhan po sti bcu lhag tsam gyi grwa skor kyang mdzad chog pa yod na'ang/ de dus kyi grwa sa rnams na po sti gzhan rnams kyi grwa skor byed pa'i lugs ma dar bas ma gnang ngo/ / de nas phral du dbus la byon nas sos ka gung thang tshes bcu'i skabs nas brtsams te/ rim pa bzhin du gsang phu dang/ rtses dang la sogs pa'i grwa sa chen po rnams su phar phyin sngar nas mdzad tshar bas de ma gtogs pa'i dka' chen lhag ma bzhi'i grwa skor mdzad cing/ de'i tshe dbus gtsang gi grwa sa chen po rnams kyi dge ba'i bshes gnyen sde snod 'dzin pa rgya mtsho lta bu mtha' dag kyang/ dam pa 'di'i blo gros kyi bang mdzod las 'ong ba'i legs bshad gsar ba'i dus ston nyams su myong bas ni yid tshim/ rnam dpyod 'dab bzang dbang po'i spar khyim las thon pa'i dngos stobs rig pa'i sder mo mi bzad pas bsdigs pas ni snying 'dar/ mkhyen rab gting mtha' yangs pa'i chu gter chen po nga rgyal khengs pa'i rlabs 'phreng zhi ba'i dul ba'i dpal gyis ni dad @144 pa'i spu long kun nas g.yos te/ 'jig rten ma lus pa ngo mtshar ba'i gtam gyi dga' ston la rol bar byed pas dus 'da' zhing/ sa gsum na snyan pa'i bdan ches cher g.yo bar gyur to/ /de dag la mkhas grub thams cad mkhyen pas/ snying stobs zla ba rdzogs pa de yi snying/ /bde gshegs bstan pa bdud rtsi'i dpal la chags/ /legs bshad lam du blo gros goms pa ni/ /rtag tu ngal bso med par khyed kyis bkod/ /dge legs rtsa ba bshes gnyen nyin byed kyi/ / legs bshad 'od stong ma lus 'thung gyur pa/ /dam chos sbrang rtsi'i rgyal mtshan dbang bo de/ /bskal bzang bung ba kun gyi nyer 'tshor gyur/ /srid pa'i phun tshogs gdug pa'i sbrul gyi lce/ /bskyod pa'i zlos gar lta bur gzigs pa des/ / yul la mngon 'dod sred pa'i 'ching ba ni/ /mi gtsang mngal gyi rgya dang mnyam du grol/ / nu ma mngon dga' padmo'i bzhin ras can/ /lus phra'i mig zur 'phangs pa'i chags ldan bzhin/ /thub pa'i legs bshad sbrang rtsi'i dog pas kyang/ /khyod thugs rkang drug ldan pa'i brtan pa 'phrog /mi bzad rig pa'i sder mo phyogs kun gyi/ / rgol ba glang chen spyi bor ngal bso pa/ /khyod kyi rnam dpyod yangs pa'i khyon gyis ni/ / mtha' dag shes bya'i tshad kyang nyung ngur byas/ /khyod kyi rab dkar grags pa'i do shal gyis/ /phyogs kyi mdzes ma'i mgrin pa skal bzang byed/ /mgon khyod bsngags pas brel ba'i 'jig rten 'di/ /byas pa kun la chags bral blangs pa bzhin/ /zhes bsngags par mdzad de/ de dag ni thog mar pha rol tu phyin pa'i theg pa las gtso bor brtams te mang du thos pa yongs su 'tshol bar mdzad pa'i skor te/ de yang rags rim gtso che ba rnams bsgril ba'i tshul gyis bkod pa las @145 de tsam la cha bzhag gis chog par 'dzin pa ni ma yin te/ da dung zhib cing ches phra ba'i shes rab kyis yang dang yang du ngoms pa med pa'i tshul gyis dpyad cing gzhigs par mdzad pa ni 'og tu rim par 'chad par 'gyur zhing/ de la rje bdag nyid chen pos gzhung lugs chen po 'di dag la thos bsam mdzad pa'i tshul ni/ deng sang dus kyi slob gnyer ba bdag dang bdag 'dra ba rnams kyi tshul dang rnam pa thams cad du mtshungs pa ma yin te/ bdag cag rnams kyi slob gnyer byed lugs phal che ba ni/ rang rang gi lugs kyi spyi don dang mtha' gcod tsam gyi blo 'dzin dang dpe klog la skyabs su bcol nas gzhan la rtsod pa'i tshe go don gyis dben pa'i tshig 'khri skam po 'ga' zhig gis khar gog gcog thabs gtso bor bton/ rang nyid kyis dam bca' ba'i tshe na'ang khas len snga phyi mi 'gal ba 'dzin thub tsam zhig gtso bor bton pa las rtsod pa dam bca' gang gi tshe na'ang gzhung don gyi go ba la cir yang mi rtsi zhing/ rgya bod kyi gzhung chen po rnams la ni blta ba'i blo tsam mi byed pa mang la/ 'ga' zhig gis rje yab sras kyi gsung rab sogs la blta khul byas kyang gsung rlings pas phal cher gyis ji bzhin ma rtogs pas zhums shing sgyid lugs/ phyin chad pod mthong yang 'jigs shing skyi ya ba tsam du gyur/ blo rno bdag gis phyogs tsam rtogs kyang de tsam gyis chog par 'dzin pa las dpyis phyin par rtogs pa'i thabs la mi 'bad/ de dang de 'dra ba'i ngang du lo zla song nas nam zhig ming btags che chung zhig thon nas dge bshes kyi ming thob phyin chad thos pa rgya mtsho'i pha rol tu son pa'i tshod tsam gyis gzhung lugs la dpyod pa'i blo tsam mi byed/ mdo sngags gnyis gcig grogs su gcig 'gro ba dgos pa la sngags la slob gnyer zhig byed par rloms pa'i tshe mdo lugs kyi @146 thos bsam rnams mi dgos pa'i tshod tsam gyis 'dor bar byed/ der ma zad mdo sngags kyi thos bsam byas pa'i lag rjes la thos don gdams par shar nas nyams su len pa zhig dgos rgyu la/ de las g.yel te thos bsam gyi 'bras bur tshe 'di'i gos snyan grags longs spyod sogs gtso bor don du gnyer ba ni rang re phal mo che'i phyag len du snang la/ des na bdag cag gis thos bsam byed lugs 'di dag gis phugs yul sems steng du ye shes chos sku'i bag chags phra mo re tsam ni thebs pa gzhir bcas pas gang yang ma bslab ci yang mi shes pa dag las ni khyad par du gyur mod kyang/ gnas skabs 'khor ba las grol byed kyi thabs su 'gyur ba'i sa chod 'byung ba ni shin tu dka' bar mchis/ de lta na'ang deng sang dus ngan snyigs ma'i yang mthar gyur pas thos bsam sgom gsum gyi bya ba mtha' dag 'grib pa ste/ grub mtha' gzhan dag la ni 'dul ba'i kun spyod dang thos bsam gyi ming tsam yang nub.. cing/ de'i dbang gis 'ga' zhig sgrub pa tham thom zhig byed rtsis byas kyang/ 'brug pa chos rje ngag dbang sangs rgyas rjod rje'i gsung las/ u tshug snying por byas pa'i sgrub 'bras kyi/ /nyams myong rtogs pa de yang nag thom thom/ /zhes gsungs pa kho nar nges shing/ de las gzhan pa'i blang dor gyi gnas rags pa tsam la yang rmongs par gyur pa'i dus 'dir/ rang cag rnams gsung rab la thos bsam gzugs rnyan tsam gyi bag chags 'jog tu yod pa 'di yang shin tu skal ba bzang ba'i gnas yin la/ deng sang 'di tsam zhig nyams su star rgyu yod pa yang rje tsong kha pa nyid kyi bka' drin las 'byung ba min na gzhan su zhig gis byas blo gzu bor gnas te brtags na shes par 'gyur ro/ /7des na rje bdag nyid chen po tsong kha pas @147 thos bsam mdzad tshul ni/ thog ma'i thugs bskyed kyi skabs nyid nas rgyal ba'i bstan pa rin po che 'di la ma rtogs pa dang log par rtog pa'i dri ma drung nas phyungs te/ bstan pa'i snying po rnam par dag pa gang yin pa de nyin mo ltar gsal bar mdzad dgos dgongs pa'i dam bca' shugs drag po rgyun chags su mnga' ba'i stobs kyis/ gzhung lugs ji 'dra zhig la thos bsam mdzad kyang de dang de'i gzhung 'grel thar thor 'ga' zhig tsam gyis tshim par ma mdzad par/ der gtogs pa'i rgya bod mkhas pa'i gzhung spyi dang/ lhag par ston pa sangs rgyas nyid kyis lung bstan pa'i shing rta chen po rnam gnyis kyis mtshon pa'i 'dzam gling rgyan drug mchog gnyis sogs rgya gar kha spu can gyis byas pa'i gzhung chen po mtha' dag la gzigs pa rnam par dag pas lan gcig min par dpyad nas thugs su chud par mdzad pa ste/ phar phyin gyi skabs lta bu la mtshon na/ rgyan gnyis/ 'byed gnyis/ rgyud bla ma/ 'bum Tika /brgyad stong don bsdus/ thogs med kyi de nyid rnam ngas/ dbyig gnyen gyi nyi khri gzhung 'grel/ 'phags pa grol sdes mdzad pa'i le'u brgyad pa/ btsun pa grol sdes mdzad pa'i nyi khri rnam 'grel/ seng bzang gi don gsal/ brgyad stong 'grel chen/ le'u brgyad pa'i bsdus don/ sangs rgyas ye shes zhabs kyis mdzad pa'i panytsika /shanti ba'i dag ldan/ brgyad stong 'grel pa/ dri med bshes gnyen gyis mdzad pa'i sher snying gi 'grel pa/ ka ma la shI las mdzad pa'i rdor gcod kyi 'grel pa/ dbyig gnyen gyis mdzad pa'i mdo sde rgyan gyi 'grel pa/ btsun pa ngo bo nyid med kyis mdzad pa'i mngon rtogs rgyan gyi 'grel pa; de'i bsdus don kha che dznyA na shris mdzad pa/ blo brtan gyis mdzad pa'i @148 'grel pa/ des mdzad pa'i dbus mtha'i 'grel pa/ chos dang chos nyid rnam 'byed kyi 'grel pa la sogs pa de dag la mkhas pa rnams kyi lung dang gzhung bshad ci rigs pa dang/ rnam dpyod kyi rtsal dang ldan pa dag dang lhan cig tu brgal zhing brtags pa'i sgo nas gtan la 'bebs pa dang/ bod yul gyi mkhas pa so so'i mkhas khyad kyis kha brgyan pa'i 'chad srol rnams kyang ma 'dres par thugs su chud par mdzad pa dang/ mngon pa'i skor la mtshon na mdzod kyi mdzub khrid lan lnga drug dang/ mdzod rang 'grel/ rgyal sras grags pa bshes gnyen gyis mdzad pa'i mdzod don gsal/ zhangs spel gyis mdzad pa'i 'grel bshad dang/ mtshan nyid rjes su 'brang ba dang/ mngon pa kun las btus sogs lan grangs du mar gsan cing sbyangs te mngon pa gong 'og gi thun mong dang thun mong ma yin pa'i khyad par mtha' dag la mkhas par mdzad/ bstan pa'i nang mdzod so so thar pa ston pa'i 'dul ba'i skor la mtshon na/ mdo rtsa ba rgya cher 'grel dang sbyar ba'i bshad pa lan du ma dang/ slob dpon chos shes kyis mdzad pa'i rgyas 'grel/ yon tan 'ad kyis mdzad pa'i 'grel chung/ dge legs bshes gnyen gyis mdzad pa'i lung bzhi'i 'grel pa/ slob dpon dul ba'i lhas mdzad pa'i lung rnam 'byed kyi don 'grel/ tshul khrims skyabs kyis mdzad pa'i phran tshegs kyi 'grel pa/ dri med bshes gnyen gyis mdzad pa'i so thar gyi 'grel pa/ dgra bcom pa sa ga lhas mdzad pa'i me tog phreng rgyud/ shakyA 'od kyis mdzad pa'i dge tshul le'u'i 'grel pa/ dul ba'i lhas mdzad pa'i tshig le'ur byas pa lnga bcu pa sogs rgya bod kyi 'dul ba'i bstan bcos ji snyed pa'i don dgag sgrub gnang gsum gyi bcas pa/ bcas gzhi/ srung tshul/ phyir bcos @149 tshul sogs gang la'ang ma rtogs/ log rtog /the tshom dang rang bzo'i dri ma mtha' dag bsal te nges shes gting tshugs pa rnyed par mdzad/ tshad ma rig pa'i skor la tshad ma'i rig mdzod/ tshad ma sde bdun/ tshad ma'i rang 'grel/ kun btus rang 'grel dang bcas pa/ tshad ma rgyan gyi 'grel pa/ lha shaka bram ze gsum gyis mdzad pa'i rigs 'grel/ rnam nges kyi 'grel pa/ chos mchog gis mdzad pa'i tshad ma rig thig gi 'grel pa sogs dang/ de dag gi nang nas kyang rang 'grel gyi bshad pa mdzub khrid lan du mar gsan pa dang bcas pa'i sgo nas log smra tsar bcad pa dang/ mkhas pa mgu ba bskyed pa'i rigs pa'i gnad mtha' dag gting phyin pa thugs su chud par mdzad/ de dag la rje bdag nyid chen po gang gis kyang/ khyad par tshu rol mthong ba'i dngos po yi/ /de nyid gtan la 'bebs pa'i sgo gcig pu/ /yang dag rig pa'i gzhung gi dka' gnas la/ / 'bad pa du mas yang dang yang du sbyangs/ /zhes gsungs so/ /de nas kyang 'di ltar/ mdo sngags gzhung la ngal ba mang byas kyang/ /zab don nyams su len dang smra ba na/ /gang yang ma bslab ci yang mi shes pa'i/ /lta ba'i tshul las ring du ma song bar/ /mthong nas lhag par klu sgrub gzhung lugs kyi/ / zab mo 'byed pa'i phra ba'i rigs lam nas/ /yang dag lta ba 'dren pa'i gnad kun la; ;legs par sbyangs te the tshom chod par byas/ /zhes gsungs pa ltar mtha' gnyis spangs pa'i dbu ma'i lam la mi mkhas na/ kun mkhyen gyi sar bgrod mi nus pa ma zad srid pa'i rtsa ba drung nas mi 'byin pas na/ yang dag pa'i de bzhin nyid gtan la 'bebs pa ni gnad kyi don che shos yin na/ de yang mgon po klu @150 sgrub yab sras kyi gzhung lugs nyid la brten dgos par gzigs nas/ dbu ma rig pa'i tshogs drug /bzhi brgya pa/ 'grel pa budd+ha pa li ta/ dbu ma snying po rang 'grel dang bcas pa/ rtog ge 'bar ba/ shes rab sgron me/ de'i 'grel pa spyan ras gzigs brtul zhugs kyis mdzad pa/ 'jug pa rang 'grel dang bcas pa/ 'grel pa tshig gsal/ dza ya a nantas mdzad pa'i dbu ma'i 'grel pa/ bden gnyis rang 'grel/ spyod 'jug dang kun btus don bsgrigs sogs rgya 'gyur dang/ bod kyi dbu ma'i bstan bcos dgongs 'grel thams cad kyi tshig don la ngoms pa med pa'i thos bsam mdzad de/ dbu ma thal rang gi grub mtha'i khyad par thams cad dang/ de'i nang nas thal 'gyur ba'i thun mong ma yin pa'i 'dod tshul/ gnas lugs mthar thug gi don rig pa'i rnam grangs mtha' yas pas gtan la 'bebs tshul sogs legs par thugs su chud par mdzad la/ gzhung chen de dag la dpyod pa'i tshe na'ang dpe klog yam me ba lan re gnyis tsam dang/ tshig zin gyi don 'ga' mkhyen pa tsam la cha ma bzhag par dngos bstan dang shugs bstan gyi don thams cad dang/ rtsod pa'i tshe rig pa'i 'phen lugs/ don dang mi 'gal pa'i khas len 'dzin lugs/ nyams len gyi tshe rgyud la sbyor lugs sogs mdor na tshig gcig tsam gyi don la the tshom dang dogs pa byung na yang snang chung mi mdzad par/ mkhas pa rnams la dri rtsad dang brgal brtags kyis gtan la 'bebs pa/ bla ma yi dam dbyer med la gsol ba 'debs pa sogs kyi sgo nas don ji lta ba phu thag chod pa thugs la mnga' bar mdzad/ mdo sngags ji 'dra la thugs sbyong mdzad pa'i tshe na de dang der gtogs pa'i gzhung 'grel sogs nas nyin re bzhin shog ring 'phreng... @151 bcu tsam yod pa'i shog bu bcu bdun tsam re chag med thugs 'dzin mdzad pa dang/ ji ltar bzung ba rnams kyang brjed pa med par rgyun chags su thugs la mnga' ba sogs thugs rab dang/ brtson 'grus dang/ mi brjed pa'i gzungs kyi yon tan dpag par dka' zhing/ gong du smos pa ltar gsang phu dang/ bde ba can soD dbus gtsang gi grwa sa chen po rnams su grwa skor yang lan gcig ma yin par mdzad pa rnams kyang/ bdag nyid kyi mkhas pa'i yon tan ngom pa'i ched du ma yin te/ legs bshad las/ rgya mtsho chu yis mi ngoms te/ /rgyal po'i bang mdzod nor gyis min/ /'dod yon spyad pas mi ngoms te/ /mkhas pa legs bshad kyis mi ngoms/ /legs bshad byis pa dag las kyang/ /mkhas pa rnams ni yongs su len/ /dri zhim byung nas ri dwags kyi/ /lte ba las kyang gla rtsi len// zhes gsungs pa ltar/ da dung dpyod ldan rnams kyi ngag nas sngon med pa'i legs bshad kyi skyes ji 'dra zhig 'byung ngam dgongs pa'i thos pas ngoms pa med pa'i ngang tshul mngon du gyur pa ste/ de'i phyir mkhas grub thams cad mkhyen pas kyang/ rgyal ba'i gsung rab kun gyi tshig don la/ /thogs pa med par 'jug pa'i rnam dpyod kyis/ /rtag tu legs bshad 'tshol ba lhur len pa'i/ /rgya chen mkhyen pa'i gter la gsol ba 'debs/ /tshig 'phreng wu bas ngoms pa mi mnga' zhing// mkhas mchog bye bas dpags par dka' ba'i gnas/ /zhib cing ches phra dri med rig pa yis/ /ma lus chos kun gzigs la gsol ba 'debs/ /zhes sogs kyis bsngags par mdzad pa yin no/ /des na thos bsam mdzad tshul gcig pu'i rnam par thar pa 'di tsam la yang rang cag rnams kyis skye ba du mar 'bad kyang cha shas @152 tsam yang slob par mi nus pa tshad mas nges na/ 'di lta bu la snying thag pa nas dad pa dang gus pa bskyed de/ tshe rabs phyi ma rnams su 'jam mgon bla ma nyid kyis rjes su bzung ba'i mgon la brten nas rnam par thar pa'i rjes su tshul bzhin slob nus pa'i smon lam kha tsam min pa yang nas yang du 'debs pa la shin tu brtson par bya bar rigs so/ /yang/ sum pa chos 'byung sogs las/ bde ba can nas rdo rje rnal 'byor mas lung bstan pa ltar/ dbu zhwa paN gser gyi mdog can du bsgyur bar mdzad/ zhes byung ba ltar 'di dag gi snga phyi nas klu mes chen po sogs sngon gyi 'dul ba 'dzin pa rnams kyi rnam thar dang mthun par dbu zhwa gser gyi mdog can mnab pa las rje thams cad mkhyen pa'i ring lugs pa kun la zhwa ser cod paN 'dzin pa zhes yongs su grags pa 'di nyid byung ba yin no/ /'dir smras pa/ 'gro kun phral yun bde bar sbyor ba'i sman gyi ljon shing chen po ni/ /thub pa'i lugs bzang nyid du nges kyang snyigs mar spyod pa'i gdug sbrul gyis/ /kun nas dkris pas rnam dag lam gyi 'bras bu 'jig tu 'cha' ba na/ /rgyal sras mkha' lding dbang po'i zol can rnam dpyod 'dab bzang ngoms bzhan byon/ /lang tsho'i na tshod zla ba tshes pa'i bzhin/ /phra mo nyid na'ang snying stobs 'od dkar ni/ /bco lnga'i ri bong 'dzin la'ang co 'dri ba'i/ /dam pa khyod ni rgyal bstan kunda'i gnyen/ / bstan pa rin chen byi dor bya ba ni/ /thos sgom nyid la rag las de yang ni/ / mang thos sngon du sgrub pa dpyod ldan gyi/ /lugs su mkhyen nas legs bshad 'tshol la rings/ /mdo smad sa chen mdzes byed padmo khyod/ /mkhas grub sbrang rtsi'i bdog pa 'dzin slad du/ /thub bstan nyin byed dge mtshan 'char ba'i gling/ / @153 dbus gtsang dag pa'i ljongs su bde bar byon/ /rgya chen pha rol phyin pa'i gzhung lugs kyi/ /sa gsum rnam dpyod goms pa'i stobs gcig gis/ /'bad med gzhal ba'i ngo mtshar grags snyan ni/ /'khor yug ri bo'i khong pa las kyang brgal/ /dam chos mngon pa'i dka' gnad mdud pa'i rgya/ /phra zhib 'byed pa'i rig pa'i sor mo yis/ /'grol la zla med mkhas mchog dbyig gi gnyen/ / slar yang byon nam gnyis pa zhig ces gleng/ /'dul ba 'bum sde'i tshig don nor bu'i 'phreng/ /dpyad gsum dag pas blo gros mgrin rgyan du/ /bcang la khyod dang 'dul 'dzin nye ba 'khor/ /tha dad 'dzin pa'i 'du shes ring du bros/ /sgrub dang bsun 'byin rig pa'i nyag phran gyis/ /smra ba ngan pa'i ljon shing gcod byed pa'i// tshad ma'i gzhung brgya smra la chos kyi grags/ /'di las gzhan pa su zhes mgrin gcig sgrog /mthar 'dzin dmigs gtad ri bo 'joms byed pa'i/ /mtha' bral dbu ma'i rig tshul rtse brgya pa/ /gang gis bdag gir mdzad tshe klu sgrub de/ / mi mngon dbyings su bde bar ngal bso mdzad/ /nyin mtshan legs bshad 'tshol ba la/ /ngal ba med pa'i brtson 'grus kyi/ /yon tan bdog pa'i snod du ni/ / stong gsum 'jig rten 'di yang chung/ /tshig 'bru gcig gi don la'ang/ /ji mi snyam du mi mdzad par/ /lan brgyar dpyad pas chos kun la/ /'jigs pa med pa'i go 'phangs brnyes/ /legs bshad gdong lnga'i nga ro che/ /mkhas pa'i dbus su bsgrags pa na/ /smra ba ngan pa'i gnyis 'thung tshogs/ /snying dang lce rtse dus gcig 'gums/ /da dung thos pas mi ngoms par/ /rtag tu dam chos 'tshol ba ni/ /chu yi gter gyur rgya mtsho yis/ /chu phran bsdud @154 pa'i tshul la rgod/ /de ltar mgon po khyod kyi mdzad pa la/ /yang yang bsams tshe snying nas dad pa dang/ /gus pa'i bstod bsngags phan tshun 'gran bzhin du; ;yid dang mgrin pa'i lam nas chad med rgyu/ /tshe 'dir gang gi mdzad pa'i cha shas la'ang/ /slob pa'i nus pa ring du gyur mod kyang/ /phyi ma'i skye bar khyod kyis rjes bzung zhig /rnam par thar pa'i phyi rjes skyong bar smon/ /zhes pa ni bar gyi ngal bso'i tshigs su bcad pa'i 'phreng ba'o/ /zhes khyab bdag rje btsun bla ma dam pa thub dbang rdo rje 'chang dang ngo bo dbyer ma mchis pa 'jam mgon chos kyi rgyal po tsong kha pa chen po'i rnam par thar pa thub bstan mdzes ba'i rgyan gcig ngo mtshar nor bu'i 'phreng ba las/ khyim nas khyim med pa mngon par byung ste rgyal pa'i bstan pa rin po che'i sgor zhugs nas rim gyis dbus gtsang gi ljongs su byon te mdo phyogs kyi thos bsam rgya cher mdzad tshul sogs las brtsams te brjod pa'i skabs te bzhi pa'o// ' //sa bcad gsum pa/ bsnyen par rdzogs pa dge slong gi dngos po bzhes shing rdo rje theg pa'i tshul sogs la slob pa dang/ dam pa rnams las zab rgyas chos kyi bdud rtsi nod de don rnams rang gis rtse gcig nyams su bzhes shing gdul bya gzhan dag la yang 'doms par mdzad tshul sogs las brtsams te brjod pa ni/ de ltar chos sde chen po rnams su grwa skor la byon pa'i skabs de dag tu/ gang gi mkhas btsun bzang po'i yon tan gyis yid yongs su drangs pas/ dad pa'i shugs kyis gsol ba 'debs shing/ dam pa'i chos kyi bka' stsal pa nyan nas rje nyid kyi slob mar khas len pa'i sde snod 'dzin pa tsha kho dpon po ngag dbang grags pa sogs du ma zhig byung la/ bdag legs su 'dod pa dag @155 ni; 'di 'dra ba'i dam pa'i mgon la brten na 'dod pa'i gnas thob par 'gyur gyi/ gzhan gyis ni ma yin no snyam du bsams nas bdag nyid chen po 'di'i zhabs 'bring du khas len par yang byed do/ /de nas ji skad du/ mnyan med jo bo chen pos/ so so thar pa ris bdun du/ /de bzhin gshegs pas gsungs pa las/ /tshangs spyod dpal ni mchog yin te/ /dge slong sdom pa dag tu bzhed/ /ces gsungs pa ltar/ bstan pa'i nang mdzod so so thar pa ris bdun gyi nang nas ches mchog tu gyur pa/ rgyal mtshan gyi tog ltar mngon par 'phags pa ni dge slong gi sdom pa nyid du gzigs shing/ sdom pa phyi ma gnyis kyi rten du'ang 'di nyid khyad par du 'phags pa dang/ 'jig rten gyi khams su bstan pa gnas pa'i gtso bo'ang 'di kho nar rag las pa nyid du dgongs nas yar lung rnam rgyal du/ ma 'ongs sangs rgyas gsum pa kha che'i paNDi ta bsod snyoms pa chen po shAkya shrI b+ha dra'i mkhan brgyud/ tshogs chen po'i mkhan po tshul khrims rin chen pas mkhan po mdzad/ tshogs pa bye rdzing pa'i mkhan po gnas brtan 'dul ba 'dzin pa chen po shes rab mgon pos las slob dang/ /bye rdzing pa'i dbu mdzad sdom brtson bsod nams rdo rjes gsang ste ston pa/ tshogs pa gnyis kyi dge slong kha skong du 'os pa grangs nyi shu tshang bas dad pa'i dge 'dun mdzad pa dang bcas pa'i sgo nas bsnyen par rdzogs pa dge slong gi sdom pa yang dag par bzhes te/ lhag pa tshul khrims kyi bslab pa yongs su rdzogs pa'i lha'i chu bos thugs rgyud kyi bum bzang yongs su gang ste/ lha dang bcas pa'i 'jig rten gyi yon gnas zla med pa nyid du mngon par bzhengs shing/ de yang sdom pa bzhes pa la dpa' ba tsam ma yin par de nas bzung ste dge slong gi bcas pa'i @156 gnang bkag phra zhing phra ba tshun chod mig 'bras ltar srung ba la brtson par mdzad pas sku tshe'i mtha' brten pa ste da dung 'di dag gi tshul zhib pa 'og tu 'chad par 'gyur ro/ /de nas gdan sa thel du byon nas spyan snga rin po che grags pa byang chub pa'i drung du mjal/ legs bshad kyi skyes phul zhing dam pa'i chos kyi bka' mchid mdzad pas/ chos rje spyan snga ba dad pa'i shugs kyis spyan chab rang dbang med pa byung zhing/ rjes su drung na 'khod pa dag la bka' phebs la'ang/ sku na gzhon nu 'di 'dra ba la'ang yon tan gyi gter chen po 'di lta bu mnga' na/ 'di 'dra ba zhes thugs 'byung ba'i gsung yang yang byon par grags la/ de ni chos rje spyan snga ba chen po de yang mkhas grub kyi skyes bu dam pa yin pa'i dbang gis dam pa'i yon tan la ngo mtshar ba'i dad pa 'khrungs shing bsngags pa'i me tog 'thor bar mdzad pa yin gyi/ rang nyid la mkhas blun 'byed pa'i rnam dpyod tsam med na dam pa'i yon tan la yon tan du mthong ba dka' ste/ 'jam dbyangs sa paN gyis/ mkhas pa mkhas pa'i nang na mdzes/ /blun pos mkhas pa ji ltar go /tsandan gser las rin che ba/ /blun pos sol bar byas la ltos// zhes gsungs pa der zad do/ de dus spyan snga rin po che de nyid la lam 'bras bu dang bcas pa'i man ngag yongs su rdzogs pa dang/ nA ro pa'i chos drug dang/ rje phag mo gru ba dang/ 'bri khung 'jig rten mgon po'i gsung 'bum gyi lung sogs mdor na dwags po bka' rgyud gyi chos skor thams cad gsan cing/ thugs nyams su bzhes pas nyams rtogs kyang mthar phyin pa 'khrungs zhes rje rtogs ldan pa 'jam dpal rgya mtshos mdzad pa'i rnam thar zur 'debs legs bshad kun 'dus su gsal/ 'di skabs rnam thar dad pa'i 'jug ngogs su/ de dus bla ma lo tsa ba nam bzang @157 ba spyan snga bas gdan drangs nas phebs 'dug pas khong gi drung nas sgra'i sa ris yongs su rdzogs pa zhig gsan par bzhed pa'i thugs 'dun che bar yod pa la rkyen cung zhig byung bas mdzad pa ma grub/ ces gsal ba ltar dus skabs der stabs su ma 'grigs kyang/ rjes su ni gsan par snang ste/ rnam thar legs bshad kun 'dus las/ 'ol dga' la sogs par bo dong pa sgra pa nam bzang la ka lA pa dang/ tsandra pa la sogs pa gsan nas mkhas par mkhyen kyang dngos su zhal gyis mi bzhes so; ;zhes dang/ yang/ de nyid la me long ma la sogs pa snyan dngags kyi gzhung lugs rnams la gsan sbyong mdzad pas shin tu mkhas par gyur nas/ de dus dbyangs can ma la bstod pa/ padma'i bzhin la g.yo ldan bung ba'i mig / ces sogs mdzad pas rgyan gyi nyams 'char ces grags so/ /zhes dang/ de'i phyi lo spyan snga grags byang pa sku gshegs nas mi dpon bla dpon rnams kyi rnam thar zhig rtsom par zhus pa na/ togs brjod lhun po zhes pa brtsams pas 'di las lhag pa'i snyan dngags med ces grags so zhes byung zhing/ rnam thar gzhan dag las kyang sgra rigs sogs gsal bar byung bas/ mdor na sgra/ snyan dngags/ sdebs sbyor/ bso rig /rtsis sogs thun mong pa'i rig pa'i gnas che chung mtha' dag legs par gsan cing thugs su chud yod kyang/ gtso bor rgyal ba'i gzhung lugs mdo sngags gsung rab kyi dgongs don la thos bsam sgom gsum mdzad pa nyid thugs bzhed kyi gtso bor bzung pa las/ thun mong ba'i rig gnas che chung gi gnad la ha cang gi thugs brtsigs che bar mi mdzad pa ni/ gzhung lugs che chung gi gnad don mtha' dag thugs su chud pa'i 'bras rtags yang dag ste/ dus phyis gzhung lugs @158 nang don gyi go rtogs med par rig gnas thar thor 'ga' zhig phyogs tsam shes pa la/ blun po ci yang mi shes pa dag gis mkhas pa'i dbang por 'dzin pa na/ rang nyid kyang mkhas pa'i yang rtse zhig yin rgyu'i khul gyis mgo yon yon byed pa'i mngon pa'i nga rgyal can/ khron pa'i nang gi sbal ba'i brtul zhugs 'dzin pa rnams kyis cha tsam yang bsgrun du med pa'i rnam par thar pa shin tu rmad du byung ba yin no/ /'di dag gi snga phyi zhig nas dbyangs can ma'i ljags bsnyen mdzad de bye ba lnga song skabs gsang phur dbyangs can ma'i zhal gzigs par mkhas grub 'jam dbyangs bzhad pas mdzad pa'i rnam thar ras bris 'bri tshul las byung zhing/ de dang mthun par rnam thar legs bshad kun 'dus las kyang/ phyis dbyangs can ma sgrub pas gsang phur zhal gzigs pa nas bzung ste/ rtag par rjes su bzung bas 'chad rtsod rtsom gsum gyi bya ba shin tu rgyas shing/ khyad par nyid kyis mdzad pa'i yog dang/ bla yog dang/ bla med kyi chos skyong la sogs pa'i dbyangs dang mgur ma chos gzhas la sogs pa snyan cing shin tu 'jebs pa gzhan las khyad par du 'phags pa gda' zhing/ yog la legs pa'i dbyangs chen mo rnams ni brjid pa'i mthar thug par snang zhes gsungs te dbyangs can ma dngos kyi zhal bstan nas rtag par rgyun du rjes su bzung bas gzhung lugs rig gnas ji 'dra zhi gi 'chad rtsod rtsom pa'i gnas gang la'ang thogs pa med pa'i go 'phang brnyes par gyur/ de nas 'on gyi lha khang ke rung chos dbar la byon/ tsha sgo dpon po sogs sde snod 'dzin pa mang po zhig la phar tshad dbu ma sogs kyi chos mang du gsung/ de nas skyid shod du phebs te tshal du bzhugs nas bka' dang bstan bcos bod yul du 'gyur ro cog la gzigs rtog zhib par mdzad pas/ @159 gsung rab mtha' dag la rnam par dpyod pa'i sgo du ma zhig thugs la 'khrungs/ dgung lo so gnyis pa la bstan bcos mngon par rtogs pa'i rgyan 'grel pa dang bcas pa'i rnam bshad chen mo legs bshad gser gyi 'phreng ba'i bka' rtsom mdzad/ de'i tshe 'dzin bzang bar grags pa gling mtshungs med pa dang/ mdo smad pa 'jam dpal bkra shis/ shakya grub ces pa gsum dang/ rje 'dis 'dzin che chung gi khyad par nyams sad mdzad par/ rje 'dis nyi ma ri rtser shar ba nas tshal dbus gling gi gtsug lag khang gi gser tog gi rtse la nyi ma shar ba dang dus mnyam du sngar gzigs ma myong ba'i mda' tshad 'phreng dgu ma zhig gi shog bu bzhi shin tu dag par thugs la chud cing/ gling mtshungs med pas shog bu phyed dang gsum thor re ba zhig dang/ gzhan gnyis kyis re re las ma zin par grags/ skabs shig tu tsa sgo dpon po mkhan chen ngag dbang grags pa phyag phyi la khrid nas/ lha sar jo bo thugs rje chen po rang byon lnga ldan gyi drung nas snyung gnas mang du mdzad/ de dus nub gcig gi tshe dpon slob gnyis kas gsol ba drag tu btab nas mnal lam gyi ltas brtags pas/ tsha sgo ba la dung dkar chen po gnyis nam mkha' las bab nas khong gi thu bar lhung byung ba/ de ma khad de gnyis 'dres nas gcig tu song 'dug /de lag tu blangs nas bus pas sgra chen po dpag tu med pa bsgrags pa zhig rmis 'dug ste/ phyis khong gis rgyas mo rong gi smad du sangs rgyas kyi bstan pa dar zhing rgyas par mdzad de 'phrin las rgya chen po byung 'dug pa de'i ltas yin pa 'dra zhes gsungs zhing/ rje nyid kyi mnal lam du/ snye thang gi yar 'phrang yar la thon pa'i brag mda' sgo zer ba de 'dra ba zhig gi brag ri gzar po zhig 'dzegs byon pas/ rdo leb dkar @160 po shin tu 'jam pa zhig gi steng na utpal sngon po ches cher rgyas shing kha dog gsal ba; 'dab ma ma rnyid pa yu ba dang bcas pa zhig 'dug pa/ de phyag tu blangs nas 'di rje btsun sgrol ma'i phyag mtshan du 'dug pas des rje su 'dzin pa'i ltas yin nam dgongs pa la/ da lan de ma yin/ tshe'i ltas yin gsung ba zhig byung zhes dngos su de tsam las bka' ma stsal 'dug na'ang/ zhib tu dpyad na; rnam pa gcig tu sku tshe mdzad 'phrin rgyas pa'i ltas kyang yin pa ni gor ma chag mod kyang/ de tsam zhig tu nges pa ni min 'dra ste/ don gyi gtso bo ni/ brag ri gzar po'i ngos nas yar 'dzegs te byon pa ni 'khor ba'i g.yang las 'phags te thar pa'i lam du gshegs pa dang/ rdo leb dkar po shin tu 'jam pa ni/ thugs rgyud rang don yid byed kyi dri mas ma gos shing nyon mongs pa'i rtsub reg dang bral bas 'jam pa ste 'jam dpal dbyangs kyi thugs rgyud rang chas su mnga' ba mtshon pa dang/ utpal sngon po ches cher rgyas shing kha dog gsal ba ni/ ji lta ba dang ji snyed pa'i chos tshul mtha' dag ma 'dres par gzigs pa'i rab tu rnam 'byed kyi mkhyen rab ches cher rgyas shing gsal ba dang/ 'dab ma ma rnyid pa ni/ mkhyen rab rmad du byung ba'i byed las kyis bstan pa rin po che la ma rtogs log rtog gi dri ma drung nas phyung ste rgyal bstan gyi snying po gser zhun 'char ba'i ring lugs gsar du bzhad par mdzad pa mtshon pa dang/ yu ba dang bcas pa ni bstan pa de yang yun thung ngu tsam ma yin par dus ring po'i bar du 'gro ba'i bsod nams gyi zhing du gnas pa mtshon pa dang/ de rje nyid kyi phyag tu bzhes pa ni/ de lta ba'i bstan pa rnam par dag pa 'jig rten du dar rgyas yun ring du gnas pa ni/ rje thams cad @161 mkhyen pa nyid kyi thugs rje dang 'phrin las kyis bdag gir phyag mtshan du bzhes pa las 'byung bar lung du ston pa nyid du nges par sems so/ /de nas slar yang tshal du byon/ dgun chos la tshal nas bde ba can du phebs te don gnyer ba'i tshogs la sde snod kyi chos mang du gsungs/ dpyid chos la dbus stod bya yul du phebs/ dge ba'i bshes gnyen bdun cu skor zhig la/ phar tshad/ dbu ma 'jug pa/ mngon pa kun las btus rnams kyi bshad lung gsungs/ slar yang tshal du byon nas phar phyin rnam bshad gser 'phreng gi 'phro skyong zhing mjug bde ba can du rdzogs par mdzad/ tshal pa bla ma rtogs ldan ye shes rgyal mtshan zhes pa spyir mdo rgyud kyi gzhung che chung du ma la mkhas shing/ khyang par dus kyi 'khor lo cha lag dang bcas pa la mkhas par grags pa de la dus 'khor gsung bar zhus pas/ khong gis kyang zhal gyi bzhes nas dpon slob gnyis kas skyor mo lung du bzhugs te/ dus kyi 'khor lo'i 'grel chen dri ma med pa'i 'od kyi bshad pa zhib par gsan cing/ rgyu mtshan rtsis dang lag len rnams la'ang mkhas par sbyong bar mdzad/ skyor mo lung du sde snod 'dzin pa mang po la gzhung che chung du ma'i bshad pa'ang gsungs nas slar yang de'i phyi lo dbyar chos bde ba can du bzhugs/ blo gsal 'dus pa rgya mtsho'i tshogs la sde snod kyi bshad pa mang du gnang/ de nas dgun de stod lung mtsho smud dang ngang dkar du bzhugs nas dus 'khor la thugs sbyong shin tu 'grus par mdzad/ bshes gnyen du ma la sde snod kyang mang du gsungs/ de nas rdzong chi grags pa rin chen pa de rje 'di nyid la de gong nas mi phyed pa'i dad pa dang ldan pas snga phyir gsol ba mang du btab pa la brten nas yar lung phyogs su 'byon par bzhed de srin po rir @162 phebs pa na/ gong dkar na sgom pa chos rgyal ba yod pas khong yang rje nyid la snying nas dad pa'i dbang gis zhu ba nan cher phul ba bzhin/ sos de rigs lnga lha khang du bzhugs nas sde snod 'dzin pa bdun cu lhag tsam la phar tshad/ mngon pa gong 'og/ 'dul ba mdo rtsa ba/ dbu ma 'jug pa sogs gsungs shing/ gong dkar nas bsnyen bkur zhabs tog tshad med pa zhus/ de nas yar lung du byon nas smon mkhar du bzhugs te sde snod mang du gsungs shing/ rdzong chi bas yo byad mkho dgu thams cad kyis mchod/ de ltar snga phyir sde snod kyi chos dpag tu med pa nar mar gsungs pa de dag gi bar skabs rnams su/ rgyud sde gong 'og gi dkyil 'khor chen po rnams su skal ba dang ldan pa'i gdul bya dbang gis smin par mdzad pa dang/ gzhan yang lha du ma'i rjes gnang dang/ lung man ngag la sogs pa gang la gang 'tshams pa'i chos kyis gdul bya dpag tu med pa smin cing grol bar mdzad/ lhag par yang de'i tshe rje 'di nyid ngag gi lha mo dbyangs can mas rjes su bzung ba'i snyan grags sogs la brten/ rjes gnang sogs chos gang gnang thams cad du gdul bya mang du 'du ba byung ngo/ /de nas dgun mon mkhar bkra shis gdong du bzhugs/ de skabs nub gcig bzhugs me la bzhugs nas bod kyi mkhas grub rnams kyi rnam par thar pa ci rigs pa gsung ba las 'phros nas/ sngar bka' bzhi pa shar seng gis chos thog gcig la po sti bcu gcig gsung 'dug /dus phyis bod du po sti dus gcig tu gsungs pa la de mang shos su byung 'dug ces gsungs par/ dge bshes sha ston la sogs pas/ 'o na 'di nas kyang de tsam zhig dus gcig tu gsung 'tshal zhus pas/ rtsol ba byas na de tsam zhig 'chad @163 thub pa 'dra gsungs par/ des na cis kyang nas gsung 'tshal zhes nan gyis gsol ba btab pas zhal gyis bzhes te/ zla ba de yi tshes bcu nas gnam gang bar sku mtshams bcad nas phyag dpe gzigs rtog mdzad/ gnam gang gi nyin phyag dpe thams cad kyi sku rags bcings/ tshes gcig nas chos 'dzugs par bzhed pa la/ gsang phu sogs nas sde snod 'dzin pa mang po zhig 'byor rgyu'i snyan gsan phul bar brten/ zhag 'ga' 'then tsam mdzad nas nyin gsum gyi bar du mar pa dang/ mi la sogs kyi gsung rgyun thor bu ba 'ga' gsung/ tshes lnga nas nyi ma gcig la rgya gar skad bco lnga'i dbu dus gcig tu btsugs nas/ nyin re bzhin tho rangs nas srod kyi bar la chos mthun bco lnga re ma chag pa'i thugs bshad mdzad/ de'i nang nas po sti chung ba gnyis rdzogs par gsungs tshar ba na de'i dod du slar yang chung ba gnyis btsugs pa dang bcas yongs su bsgril bar/ tshad ma rnam 'grel/ phar phyin/ mngon pa gong 'og gnyis/ 'dul ba mdo rtsa ba/ byams chos phyi ma bzhi/ dbu ma rig pa'i tshogs lnga/ 'jug pa/ bzhi brgya pa/ spyod 'jug ste bstan bcos gzhung chen bcu bdun gyi gsung bshad mdzad/ de'i tshe na yang gzhung chen dka' ba'i gnas 'ga' zhig la bod kyi Ti ka chen mo re gzhir bzhag pa'i thog tu 'grel pa gzhan gyi 'chad tshul du ma dgag sgrub dang bcas pas gtan la phab cing/ gzhung gzhan rnams phal che ba rang rang gi 'grel pa'i steng nas gzhung phra rags ma lus pa la bshad pa zhib par mdzad de zla ba gsum la rdzogs par mdzad/ de'i skabs su'ang srod chos grol nas rda rje 'jigs byed kyi bdag 'jug la sogs pa thugs dam rim gnyis kyi rnal 'byor rnams ma chag par mdzad do/ /de'i tshe skye @164 bo kun yang 'di ni lhag pa'i lhas dngos su byin gyis brlab pa'am/ gzung thob pa'i byang chub sems dpa' chen po zhig yin par nges te/ gzhan la 'di lta bu 'byung ba mi srid do/ /zhes ngo mtshar ba dang dad pas kun nas bslangs pa'i bsngags pa brjod pa'i ca co'i sgra 'khor yug tu sgrog par gyur to/ /zang zang ne ring bas mdzad pa'i rje'i rnam thar du/ nyin gcig la rgya gar skad nas brtsams te phar tshad gnyis sogs rgya gzhung nyi shu rtsa gcig gi bshad pa nyi ma gcig la btsugs nas nyi ma gcig la grol bar mdzad/ ces gsungs pa ni dus skabs 'di rang min pa'i gnas skabs gzhan zhig tu gsung ba 'dra ste/ der ma zad rnam thar legs bshad kun 'dus las/ red mda' pas 'chad nyan la bskul nas bde ba can la sogs par lo bdun tsam bshad nyan mdzad/ po sti bcu tsam gung bsgrigs nas rang rang gi bzhed gzhung bzhin po sti re re la 'grel pa gnyis gsum dang sbrel nas gsungs pa lan mang du mdzad/ khyad par bya bral la 'byon khar po sti nyer dgu sbrel nas gsungs pas kun ngo mtshar bar gyur to/ /zhes 'byung bas tshul 'di ltar du bshad pa lan du mar mdzad par mngon no/ /yang/ gong du drangs pa'i zang zang ne ring pa'i gsung du/ gzhung de dag gi bshad pa nyi ma gcig la btsugs nas nyi ma gcig la grol bar mdzad/ ces pa la go rtog rtsing po'i hol rgyug can dag gi bsam par gzhung de dag gi bshad pa nyi ma gcig las ma gnang ba yin nam snyam du dogs shas che yang/ de ni ma yin te gzhung chen de dag gi bshad pa'i dbu yang nyin gcig la dus mnyam du btsugs/ mthar grol ba'i tshe yang nyi ma gcig rang la dus mnyam du tshar bar mdzad pa'i don yin gyi; gsung bshad dngos gzhi ni zla ba mang po'i bar du 'byams klas su gsungs @165 pa sha dag yin par snang la/ des na 'di 'dra ba ni gzungs dang spab pa'i mngon par rtogs pa bsam gyis mi khyab pa mnga' ba'i sa chen po'i go 'phang brnyes pa'i rtags yang dag ste/ rdzu 'phrul phal pa gzhan gyis cha tsam bsgrun par nus pa'i gnas ma yin no/ /de'i dbyar kha yar lung e dkar brag tu sku mtshams dam po la bzhugs nas/ bcom ldan 'das 'khor lo bde mchog gi bsnyen sgrub thun bzhi'i rnal 'byor la rtse gcig tu bzhugs shing/ bdag 'jug kyang shin tu mang bar bzhes/ ni gu chos drug gi dmigs skor rnams thugs nyams su bstar nas legs par sbyangs te zhag re la gtum mo'i rlung sbyor yang brgya brgya re tsam mdzad pas gtum mo la sogs pa'i thugs dam nyams rtogs bzang po'ang mang du 'khrungs so/ /de nas ston skyid shod du phebs/ rje btsun red mda' pa'i zhal snga nas kyang dbus su chos dbar la phebs pas dpon slob gnyis kas po ta lar bzhugs nas dam pa'i chos kyi bka' bgro ba mang du mdzad cing/ gdul bya rnams la'ang legs par bshad pa'i skyes stsal nas rje btsun pa gtsang la byon/ rje bla ma nyid de'i dgun skyor mo lung gi brag tu bzhugs nas sde snod 'dzin pa chen po du ma la dus 'khor dang/ phar tshad mngon pa sogs mang du gsungs so/ /de nas dgung lo so bzhi pa lcags pho rta lo'i dpyid dus la bab pa na/ rgyud sde chen po rnams kyi bshad pa dang dbang lag len man ngag dang bcas pa mtha' dag rdzogs pa zhig rtsad gcod mdzad par bzhed pa dang/ bla ma rje btsun pa dang dpon slob gnyis gsung gleng mdzad pa sogs kyi dgos pa 'ga' zhig gi phyir du gtsang la byon nas rong gi snubs chos lung du bzhugs/ tshogs pa'i mkhan po rin po che grags pa bshes gnyen pa la rim lnga'i chos skor sogs @166 bka' lung ci rigs gsan/ de dus rje 'di'i zhabs 'bring du yod pa'i snga phyi dbon po bsod nams grags dang/ mdo smad pa dge bshes shes rab grags zhes pa gnyis kyis bla ma dbu ma pa brtson 'grus seng ge bde mchog steng zhes pa'i dben gnas zhig na bzhugs pa'i drung du mjal bar phyin/ chos 'brel zhus shing gsung gleng gnang skabs/ bla ma dbu ma pa'i zhal nas/ nged khyod kyi slob dpon pa de la dbyangs can ma'i rjes gnang zhig zhu dgos gsungs pa rje nyid la zhus pa bzhin zhal 'dzoms mdzad/ bla ma dbu ma pas rje nyid la dbyangs can ma'i rjes gnang zhus/ de'i tshe gsung gleng zhib par mdzad skabs/ bla ma dbu ma pa nas nged rang mdo khams su phyug ma skyong ba'i dus nyid nas rje btsun 'jam pa'i dbyangs kyi sku dang gsung gi snang ba nar mar 'ong tshul dang/ de la brtag pa bya tshul la sogs pa zhib par zhus nas da dung nged 'di la gting nas nges pa rnyed pa med pas brtag dpyad yang dag cig thugs la 'dogs par zhu/ da lan kyang rje btsun gyi sku'i snang ba de'i zhal nas nyid la dbyangs can ma'i rjes gnang zhu bar rgyug ces gsungs pas 'ongs pa yin/ ces gsungs pa la rje bdag nyid chen pos dbu ma'i lta ba sogs chos kyi gnad zab mo rnams kyi dri gtugs mdzad pa sogs kyi sgo nas legs par brtags dpyad mdzad pas brtag thub nges su dgongs nas/ tshul 'di la thugs yid gnyis za dgos pa mi gda' bas gsol ba drag tu thob mdzod/ 'on kyang rje btsun gyi sku dang gsung rang mtshan pa da lta dbang shes la snang ba min/ yi dam gyi sku dngos kyis gtad pa'i rnam pa yid shes su snang ba zhig yin/ nged kyang 'jam dpal dbyangs kyi sgrub skor man ngag sogs kyi phyogs la shes 'dod che bar yod pas zhu dgos na'ang/ da lan @167 rje btsun red mda' pa stag tshang du 'byon pa dang dpon slob dus nges mdzad pa'i mjal 'phrad dgos par yod pa sogs kyi brel bas mi 'grub 'dug kyang/ rjes su rten 'brel zhig cis kyang nas bsgrigs 'tshal zhes gsungs so/ /des na bla ma dbu ma pa chen po ni 'og nas 'byung ba ltar rje btsun 'jam pa'i dbyangs nyid kyis dngos su dge ba'i bshes gnyen mdzad pa'i bdag nyid chen po 'gran zla dang bral ba ma zad/ rje btsun gyi sku dang gsung gi snang ba 'di dag la de gong nas lan du mar brtag dpyad mdzad pa zhig yin na'ang/ da dung nan tan gyi tshul du rje bdag nyid chen por brtag dpyad mdzad dgos gsungs pa dang/ rje nyid nas kyang sgo du ma nas da dung brtags par mdzad pa'i tshul 'di dag ni/ bdag nyid chen po de lta bu rnams la bdud kyi bar chad sogs kyi 'khrul pa cha tsam 'byung mi srid na'ang/ phyi rabs rnams la 'doms par mdzad pa'i slad du yin te/ ci'i phyir na/ yi dam gyi sku dang gsung gi snang ba 'di dag la bdud kyi bar chad kyi mtshan ma'ang ci rigs 'byung bas na/ de la brtag dpyad sogs ma byas par zhal gziD shig byung phyin bla ma yi dam sogs de dang dngos yin shag gis tshad mar bzung nas/ de dag gis chos gsung pa dang lung bstan pa sogs kyi rjes su 'brang ba las log chos 'dres khyer gyis bslad pa dang/ bstan pa la gnod pa'i 'chal spyod sna tshogs kyis rang gzhan mang po phung la sbyor ba ji snyed cig sngon nas da lta'i bar byung dang byung bzhin pa yin na/ phyi rabs rnam dpyod dang ldan pa dag gis ni de 'dra'i snang ba byung ba tsam la tshad mar mi 'dzin par/ bla ma yi dam la gsol ba drag tu btab pa'i sgo nas lan du mar brtag cing gzhig par ma byas na g.yang sa chen por ltung bar 'gyur ro zhes brtse ba chen pos 'doms par mdzad pa yin la/ @168 'on kyang deng sang gi dus kyi chos par rlas pa bdag dang bdag 'dra ba phal mo che ni/ lha'i bu'i bdud dang/ nyon mongs pa'i bdud kyi dbang du rnam pa kun tu song dang song mus su snang bas/ bdud kyis yi dam sogs su brdzus nas ched gtad kyis bar chad gtong dgos pa'i rigs su mi snang na'ang/ bsod nams dman la bar chad sdang ba'i dpe bzhin da dung snon ma'i tshul du de rigs mi 'byung ba'i nges pa yang ma mchis na dus gnas kun tu bla ma dkon mchog la blo ling bskyur gyis rtse gcig gsol ba 'debs pa la brtson par bya bar rigs so/ de nas stag tshang rdzong khar byon/ de'i dus su mkhan chen lo tsA ba grags pa rgyal mtshan dang/ rje btsun dam pa red mda' pa/ bla ma lo tsa ba don bzang ba/ rje bdag nyid chen po 'di pa'i zhal snga nas dang/ de dag gi zhabs 'bring du lhag pa'i bshes gnyen sde snod 'dzin pa phun sum tshogs pa du ma dang/ gnyug mar gnas pa'i dge 'dun gyi tshogs dang bcas pa'i yul mchog tu gyur pa rnams mngon par gdan 'dzoms shing/ de dag la nye bar 'kho ba'i tshogs chas/ zhal zas dang/ gnas mal la sogs pa phun sum tshogs pa'i mthel len gyi thugs khur rgya chen po dag ni rgyal sras 'dul ba 'dzin pa chen po gzhung lugs rab 'byams la mkhyen pa rgyas shing/ gcig tu bstan pa rin po che'i khur 'khyer ba la mi nyams pa'i brtul zhugs can/ chos rje lo tsa ba skyabs mchog dpal bzang pos bzhes shing/ khong gis mtshams sbyor mdzad nas mkhas mchog ngang pa'i ded dpon dag gis 'bel gtam mgrin pa'i sgra dbyangs sgrogs pas thub bstan padmo'i mtsho yang bskal bzang nyid du byas la/ de'i tshe rin po che grags pa rgyal mtshan pas phar phyin dang/ chos rje skyabs mchog pas brtag @169 gnyis gsung/ rje btsun dam pa red mda' ba'i zhal snga nas kyis khong rang gis mdzad pa'i rnam 'grel rgyan gyi 'grel bshad chen mo gsung ba rje 'dis gsan/ dpon slob gnyis kyis dka' ba'i gnas rnams gtan la 'bebs pa'i rig pa'i brgal brtags kyang mang du mdzad/ de nas dpon slob gnyis kas 'ba'u 'ba' gnyer du chos dbar bteg nas byon/ rje rin po ches bla ma rje btsun red mda' pa'i drung nas rgyud kyi rgyal po dpal gsang ba 'dus pa'i rtsa rgyud kyi bshad pa tshar gcig gsan/ de'i tshe gong gsum sde chen pa'i bla ma rin po che chos kyi dpal ba'i drung du dus 'khor zhig gsan dgongs pa byung ba'i nub gcig mnal lam du/ chos kyi dpal gyis bu ston rin po che la dus 'khor 'grel chen tshar bcu bdun nyan pa yin no zer ba zhig byung/ phyis khong dang mjal dus rin po ches bu ston gyi drung du dus 'khor tshar du gsan pa lags zhes zhus pas/ bcu bdun nyan ces gsungs 'dug ste rje nyid la dag pa'i lung bstan byung ba dang mthun par byung snang ngo/ /de dus rje btsun pa'i zhal nas sngags kyi rtsad gcod de tsam mdzad pa la yun ring 'gyang/ da lta sde snod kyi bshad pas phan thogs rgya chen po 'ong gin 'dug pas re zhig bshad pa mdzad pa mi 'thad dam gsung ba la/ bdag sngags kyi phyogs la 'dun pa drag po bdog pas sngon la sngags phyogs kyi rtsad gcod byed pa lags zhes zhu bar mdzad snang ste/ de ni rje bdag nyid chen po gang gi rtogs brjod las/ 'di na rdzogs sangs rgyas su bgrod pa la/ / zab mo rdo rje theg dang phar phyin theg /rnam pa gnyis yod gsang sngags phar phyin las/ /shin tu khyad par 'phags pa yin no zhes/ /nyi ma zla ba lta bur kun tu grags/ /tshig de bden pa'i tshig tu 'dod bzhin du/ /zag mo'i theg @170 de ji lta bu zhig ces/ /'tshol bar mi byed mkhas pa'i khur 'dzin pa/ /de 'dra de yang shes rab can yin na/ /de las gzhan pa'i dbang po brtul bo gang// shin tu phrad dka' gong na med pa'i lam/ /'di 'dra yal bar 'dor ba kye ma'o mtshar/ /de nyid phyir na rgyal ba'i theg pa mchog /sangs rgyas las kyang dkon pa'i rdo rje theg /dngos grub gnyis kyi gter gyur zab mo der/ /zhugs nas 'bad pa du mas ring du sbyangs/ /zhes gsungs pa'i don rnams dus de nyid nas thugs la rgyun chags su sems pa ste/ 'di dag la mkhas grub thams cad mkhyen pa'i gsung las/ de yang da lta'i dus kyi thos pa tshol ba rnams ni phal cher mtshan nyid theg pa'i phyogs kyi gzhung la cung zad blo kha phyogs na sngags kyi gzhung la rang nyid kyang 'jug par mi 'dod cing/ rang gi tshig nyan pa dag 'jug pa'ang thabs du ma zhig gis phyir phyogs par byed la/ kha cig ni sngags kyi phyogs la mos pa ltar snang zhig skyes na de nyid rgyu mtshan du byas nas/ pha rol tu phyin pa'i sde snod la dgos pa chung zhing dman par sems pas rang gzhan phyogs de nyid las phyir phyogs par byed de/ chos spong ba'i las kyi sgrib pa shin tu mi bzad cing rnam par smin pa rab tu tsha ba dag blo sngon du btang nas len par byed la/ rang bzhin bzang ba'i ngang tshul can du khas len pa dag kyang gcig shos kyi phyogs la 'jug par spro ba yang dang du mi len la smod pa yang mi byed pa tsam zhig snying por zad de/ rgyal ba'i bstan pa sgo thams cad nas 'dzin par 'dod pa'i las bzang po yongs su bsags pa de lta bu ni 'ga' tsam yang mthong bar bya dka' ba nyid du gyur la/ sngon du kha ba can gyi bshes gnyen chen po dag la'ang phyogs rer ma chad pa'i chos kyi spyan mnga' ba ni @171 shin tu dkon par byung snang ngo/ /zhes gsungs pa ni nges par don la gnas pa'i gsung yin te/ de dag la sgrub byed 'god rgyu mang tsam mchis pa ni 'og tu rim par brjod pa las rtogs par 'gyur ro/ /rje bdag nyid chen po ni bstan pa yongs su rdzogs pa'i khur 'khyer ba'i thugs bskyed phul du phyin pa ring mo zhig nas sngon du song ba'i dbang gis sngags phyogs la yang thos sgom yongs su rdzogs pa zhig mdzad bzhed kyi thugs 'dun ni sku gzhon nu'i dus nyid nas rang chas su mnga' ba zhig ste/ rje nyid kyi gsung las/ nga la sngags kyi phyogs la gzhan gyis bskul dgos pa med/ chung ngu nas 'di la shes 'dod drag po yod cing/ de yang rgyud sde mtha' dag yongs su rdzogs par bslab dgos snyam pa zhig dang po nas yod ces gsungs pa'i phyir ro/ / de nas bla ma rje btsun pas sa skya la phyag bteg /rje nyid sngar gyi gsung 'phros don bzhin rong chos lung du phebs nas bla ma dbu ma pa dang mjal 'phrad mdzad/ de yang bla ma dbu ma pa chen po 'di nyid ni sngar gong du zur tsam smos pa ltar/ sku gzhon nu'i dus nyid nas mdo khams su phyugs rdzi mdzad pa'i tshe sku lus kyi khong pa'i nang snying gi thad tsam nas a ra pa tsa na'i sngags kyi sgra 'ur 'ur ba 'ong zhing/ de byung res kyis sku lus kyi spu zing byed cing thugs bzung mi thub pa 'dra ba zhig yod/ lan gcig de ltar byung bas rkyen byas nas brgyal bar gyur cing/ brgyal ba sangs pa dang mdun na rje btsun 'jam dpal dbyangs sku nag po zhig 'dug pa dngos su gzigs pa'i snang ba byung/ de nas rjes gnang dang sgrub thabs kyi lung gsan nas bsnyen sgrub la shin tu 'grus par mdzad pas 'bad rtsol cher ma dgos par sku dang gsung gi snang ba lan du mar byung yang de dag la thugs nges che ba rang ma mdzad/ de nas dbus su phebs @172 nas gsang phur slob gnyer la byon/ phar phyin la gzigs rtog gis sbyangs pa mdzad pas chos skad phun sum tshogs pa byung/ grwa skor zhig mdzad par dgongs pa la yi dam gyis yo byad ci yod thams cad tshogs su thongs gsungs/ slob gnyer byed pa'i chas mi 'ong bar 'dug zhus pas gter cig 'don rgyu yod kyis gsungs/ der yo byad thams cad tshogs su gtang tshar nas da gter 'don 'tshal zhus pas/ da bya bral thag chod gyis la dge sbyor gyis shig ces bskul bar mdzad pa bzhin bya bral mdzad nas kong po phyogs la byon/ karma kam tshang gi chos skor phyag rgya chen po la sogs pa zhus nas thugs dam mdzad pas sngar las kyang yi dam gyi sku dang gsung gi snang ba ches gsal zhing brtan pa byung/ de nas bsam yas su rtogs ldan mtsho dkar ba la sbyor drug gsan pas de'i tshe yi dam gyi rnam 'phrul gsal zhing brtan pa dpag tu med pa byung/ rtogs ldan pa la zhus na ji ltar zhes yi dam nyid la bka' 'dri zhus par ma zhu gsung/ de nas dpal ri ba'i bla ma gzhon rgyal ba la zhu na zhus pas 'ongs gsungs pa ltar zhus pas/ khong gis lam 'bras nas bshad pa'i man ngag dbang bzhi'i brda' rnams bstan pa la brda' lan rgyud nas bshad pa ltar 'jal gyi 'dug pas/ brda' lan 'jal lugs rnams zhus par/ khyed kyi 'di rnam dag cig yin pa 'dug ces gsungs/ yi dam gyi zhal nas/ brda' ston pa la phyag rgya rnams yid la bsam pas chog /lus kyi rnam 'gyur mi dgos pa yin kyang khong rang gis mi shes 'dug ces gsungs/ de nas gtsang la 'byon par bzhed pa la de dus 'bar 'dzag gnyis grags che bar 'dug pas su'i drung du phyin pa 'thad zhus par/ khyod rang song dang 'bum tsho gdong gi 'phrang der mi zhig dang @173 'phrad par 'dug /des gang zer ba ltar gyis gsungs/ byon pas 'phrang der btsun pa zhig dang phrad pa de la dris pas 'ba' ra ba can song zer ba ltar 'ba' ra ba can du byon nas phyag chen sogs zhus/ rje 'ba' ra ba de skyo shas can cig 'dug pas de'i stobs kyis nges 'byung dang skyo shas drag po 'khrungs/ tshe 'di'i snang zhen chung du 'gro ba'i tshab chen po byung bas yi dam gyis de la dgongs par 'dug gsungs/ de skabs yi dam la khong gis bstan pa'i lhag mthong de mtshan nyid pa e yin zhus pas cis kyang yin gsungs/ de nas yang yi dam gyi lung bstan bzhin sa skyar byon/ rje btsun red mda' pa la dbu ma dang 'dul ba gsan/ de nas mar byon te rong chos lung na bzhugs pa'i tshe rje tsong kha pa chen po dang mjal bar snang la/ rje'i sku drung nas dbu ma 'jug pa'i rang 'grel kyang tshar gcig gsan to// mdor na rje btsun 'jam pa'i dbyangs kyis dge ba'i bshes gnyen mdzad de tho rengs mnal sad res kyis chos sho lo ka re ma chag par gsung bar zhal gyis bzhes/ nges 'byung dang/ byang chub kyi sems dang/ lta ba rnams sgom pa'i dmigs rnam skyong tshul sogs mtha' dag pa dngos su 'doms shing/ thugs rgyud la nyon mongs pa gang shas che ba de'i gnyen po 'doms par mdzad/ phral gyi sgo gsum gyi bya ba phal pa thams cad kyi 'jug ldog kyang yi dam nyid kyis ston pa ma gtogs pa rang dgar 'jug tu mi ster/ thugs dam la brtson pa dpag tu med pa'i tshul dang/ de las sa lam gyi rtogs pa khyad par can thugs rgyud la 'khrungs pa'i tshul rnams skye bo gzhan gyis bsam par dka' zhing/ de dag gi dus su rje btsun 'jam dpal dbyangs kyis bla ma dbu ma pa la gdams pa srid zhi mnyam nyid kyi lta khrid rdo rje'i tshig @174 zhes pa yang gsungs pa ni 'di ltar/ rten 'brel sna tshogs la brten nas/ / gnas lugs ji zhig bstan bya ste/ /skyabs song tshogs bsags sgrib pa sbyangs// rten 'brel lugs 'byung lugs ldog sgom/ /sku gsung thugs kyi rang bzhin dang/ / zab mo'i gdams pa dag gis ni/ /skal ldan byang chub sgrub pa pos/ /ting nge 'dzin la mnyam par bzhag /lus ngag yid gsum phung po'i tshogs/ / gang yang bdag tu ma grub pa/ /de las gzhan du bdag med pas/ /skal ldan byang chub sgrub pa pos/ /bdag med don 'di shes par bya/ /phung po khams dang skye mched dang/ /snang stong 'khor 'das la sogs pa'i/ /rten 'brel gang yang rang bzhin med/ /skye 'gag gnas pa dang bral zhing/ /yod med yin min brjod las 'das/ /spros bral dbyer med zab zhi 'di/ /gang gis shes pa mya ngan 'das/ /zhes dngos su gsungs pa sogs ngo mtshar ba'i rnam thar dpag tu med pa mnga'/ /mya ngan las 'das nas gdung zhugs la phul ba'i tshe na yang/ me lce dang du ba rnams lha bris pa mkhas pas bris pa lta bu'i ral gri dang utpala'i gzugs su rgyun ma chad par 'ongs nas grib ma bzhin nam mkhar yal 'gro ba der tshogs kun la mthun snang du byung ba ni rje btsun 'jam dpal dbyangs kyi phyag mtshan gyi rnam par shar ba yin la/ yang ring bsrel shel ltar dwangs pa gur kum gyi mdog can grangs las 'das pa byon pa rnams 'phel gdung du gyur pa la/ kha cig ni ring bsrel phra mo mang po gcig las gcig 'phel ba la 'khor lo rtsibs drug pa lte ba mu khyud dang bcas pa shin tu legs shing ngo mtshar ba du ma byung ba ni 'jam dbyangs kyi thugs ka'i sngags kyi 'khor lo'i rnam par shar ba ste/ don du rje btsun 'jam @175 dpal dbyangs dang sku gsung thugs ngo bo dbyer ma mchis pa nyid mtshon par snang ngo// de lta bu'i spangs rtogs yon tan 'gran zla med pas mngon par mtho ba'i bla ma dbu ma pa chen po'i spyan sngar zhal 'dzoms nas rje btsun 'jam dbyangs kyi chos skor mang du zhu bar mdzad/ de'i tshe bla ma dbu ma bas lo tsa mdzad/ rje bdag nyid chen pos dri ba po mdzad nas rje btsun 'jam dbyangs la chos kyi dri ba mang du zhus shing/ khyad par du yang rje nyid kyi thugs dgongs la zab mo dbu ma'i lta ba 'di ma btsal na lam gyi srog mi rnyed/ btsal kyang shin tu rnyed dka' bas phyin ci log tu bzung na gol sa dang nyes dmigs gzhan las che bar 'phags pa yab sras kyis gsungs 'dug pas 'di nyid phyin ci ma log par rnyed pa zhig byung na dgongs pa'i thugs kyi bzhed pa rtag tu rgyun chags pa byang chub sems dpa' rtag tu ngu dang 'dra ba yod pa'i dbang gis/ rje btsun la yang gtso bor lta ba'i dri ba shas cher mdzad/ de dus rje btsun la da lta nged kyi lta ba 'di thal rang gang gi yin zhus par gang yang min ces gsungs 'dug ste/ de skabs rje nyid kyi thugs la'ang/ khas len ci yang med cing gang du'ang bzung mi nyan par lta ba de thugs la bde ba tsam yod par 'dug /de nas lta ba'i skor la dri ba dang brgal brtags mang du mdzad par/ rje btsun 'jam dpal dbyangs kyi zhal nas/ snang phyogs dang stong phyogs la nye ring gtan nas byed mi nyan/ khyad par snang ba la rtsigs su byed dgos zhes yang yang gsungs shing/ rjes su dga' ba gdong du bzhugs skabs kyang de 'dra ba mang du gsungs te/ mdor na tha snyad tshad mas grub pa bzhag sa med par 'khrul ngo tsam la bsnyad nas gzhan ngor 'jog pa ma gtogs/ rang lugs la gang du'ang bzhag sa med par lta ba'i las 'bras la skur 'debs kyi chad lta @176 chen po la dbu ma'i lta ba mchog tu 'dzin pa de nyid 'gog pa la rje btsun 'jam dbyangs nyid kyis nan tur ches cher mdzad do/ /de ltar dri ba dang brgal brtags mang du mdzad pa'i skabs su/ rje btsun gyis thal rang gi khyad par lhan skyes dang kun brtags kyi bdag 'dzin gnyis kyis ji ltar bzung ba ltar gyi bdag dang/ rtags kyi dgag bya'i tshad phra rags/ lta ba rtogs pa'i tshad/ thal 'gyur pa'i lta ba 'di'i lugs kyi kun rdzob rnam par 'jog pa'i tshul la sogs pa rnams kyi dpyad pa zhib tu mdzad pa'i sa bon shin tu 'gril ba re dang/ sngags dang mtshan nyid kyi lam thun mong ba dang thun mong ma yin pa'i khyad par/ dpal gsang ba 'dus pa'i rdzogs rim rim pa lnga'i ngo bo dang/ go rim/ grangs nges la sogs pa rnams kyi gnad thun mong min pa shin tu 'gril ba re gsungs/ mi go ba 'dug lags zhus pas/ 'di rnams ma brjed par gyis la zin bris su btab/ bla ma dang yi dam tha mi dad du byas pa la gsol ba 'debs shing bsnyen sgrub byed pa dang/ bsags sbyangs gnyis la legs par 'bad pa dang/ gzhung lugs kyi don la rig pas rnam par dpyod cing zhib tu sems pa rnams gsum bsgril du nyams su long la/ tshim ma sla bar rgyun bsring la legs par dpyod cig dang/ skabs su babs pa na ngas da lta sa bon btab pa 'di rnams kyis rkyen byas nas legs par rtogs pa zhig myur du 'ong bar 'dug ces gsungs/ yang/ 'phags pa klu sgrub yab sras kyi lugs kyi dbu ma dang gsang ba 'dus pa la shes 'dod shin tu che bar yod pas de dag rtsad gcod pa'i bla ma bod na su drag zhus par/ red mda' pa las drag pa med/ 'on kyang khyod la mtha' ma lus par chod pa'i go ba rdzogs par bskyed mi thub/ dbu ma pas lo tsa byas nas ngas khyod la bshad na de @177 ga drag par 'ong na'ang/ khong yang myur du mdo khams la 'gro dgos par snang/ des na da lta nas bshad pa ma byed par bya bral gyis la dben pa brten/ gong du bshad pa ltar gsum sgril du nyams su len pa dang/ dmigs rnam skyong ba sogs la legs par 'bad na ring por ma thogs par de rnams kyi do rnyed par 'gyur ro gsungs/ gzhan yang chos kyi gnad zab mo gzhung gang la brten nas 'tshol dgos pa sogs rgya cher bka' stsal zhing/ rgya gar gyi paNDi ta mkhas pa rnams nas kyang 'ga' zhig gi gzhung la 'khrul med rang 'ba' zhig tu bzung mi nyan pa'i dmigs gsal re tsam yang gsungs byung bas/ 'o na 'phags pa klu sgrub kyi dgongs pa 'grel ba la slob dpon zla ba grags pa 'khrul med rang 'ba' zhig tu bzung bas e chog zhus par zla ba grags pa ni steng phyogs 'jig rten khams kyi zhing gcig gi de bzhin gshegs pa zhig ge zhabs drung nas byang chub sems dpa' rnam dpyod snying stobs mchog tu gyur ba zhig zhing 'dir 'phags pa klu sgrub kyi bstan pa'i snying po gsal bar bya ba'i slad du bsam bzhin du skye ba bzung ba yin pas/ 'di 'phags pa klu sgrub kyi dgongs pa 'grel ba la sngags mtshan nyid gang gi skabs su'ang 'khrul pa phra mo tsam yang med pas 'di la rnam pa thams cad du yid ches kyi gnas 'ba' zhig tu nges par bzung dgos pa yin zhes bka' stsal/ de dus bla ma dbu ma pas rje btsun la rje bdag nyid chen po'i sku 'phreng snga phyi sogs zhu bar mdzad pa rnams kyi gsung lan ni/ gong du sku 'phreng snga phyi rnams kyi lung bstan rgyas pa 'phreng bar spel ba rnams kyi khongs su gsal ba ltar yin/ de skabs rje nyid kyang cung zad 'chad nyan la thugs bzhed che zhing/ bla ma dbu ma pa'i thugs la'ang de dang mthun par yod pas/ bla mas rje btsun 'jam dbyangs nyid la 'di @178 ltar sku'i na tshod gzhon zhing mkhyen rab shin tu che ba 'di 'dra ba la da dung 'chad nyan mdzad na bstan pa la phan thogs shin tu che ba 'ong bar snang zhing/ 'chad nyan 'phel po 'di 'dra ba'i 'phrol bya bral la byon na nged la'ang skye bo rnams kyi kha zer du 'ong bas na; re zhig 'chad nyan mdzad chog pa zhig 'tshal zhes zhus pas/ rje btsun gyi zhal nas bstan pa dang sems can la gang phan khyod kyis mi shes/ kha zer ba la bzod pa bsgom/ dben pa bsten nas thugs dam ma mdzad na sku tshe ring po mi 'ong/ phan thogs kyang ltar snang zhig las mi 'ong bas bya bral la phyin pa 'thad ces gsungs/ gsung de dag la brten nas rje nyid kyang sngags skor gyi sbyangs pa rtsad gcod rnams myur du grub par mdzad nas ring min sgrub pa la 'byon par thag gcod par mdzad snang ngo/ / des na 'di dang 'di 'dra ba'i thun mong ma yin pa'i rnam thar ngo mtshar can rnams mkhas grub thams cad mkhyen pas gsang rnam zur 'debs kyi tshul du 'god par mdzad pa las/ yongs grags kyi rnam thar chen mor 'god pa ma gnang 'dug pa ni/ dus der rje thams cad mkhyen pa chen po nyid de 'dra ba'i tshul rnams skal ba can re gnyis la ma gtogs shin tu gsang bar mdzad pa las tshogs su brjod pa sogs la mnyes par mi mdzad pa'i dbang gis yin par snang la/ da dung 'di dag tu ma zad pa'i gsang ba bsam gyis mi khyab pa'i rnam thar ngo mtshar ba'i gnas ji snyed cig yod 'dug kyang rje thams cad mkhyen pa nyid kyis dngos su bka'i gnang ba thob pa rnams ma gtogs/ de las gzhan pa rnams mkhas grub thams cad mkhyen pas kyang rje'i dgongs pa kho na dang bstun te yi ger 'god pa ma gnang 'dug pa ni gsang rnam nyid kyi dbur/ thun mong ma yin pa'i rnam par thar pa sku dang gsung dang thugs kyi gsang ba bla na med pa/ blo @179 mchog tu gyur pa dag gis kyang bsam par bya dka' ba bgrang ba las 'das pa zhig mnga' ba las skal ba dang ldan pa dag la cung zad tsam zhig bsgrags par rjes su gnang ba rnams bdag gis phyogs tsam zhig blo la nges pa gang yin pa de 'dir brjod par bya'o/ /zhes gsungs pa'i phyir/ gsang rnam yi ger 'khod pa 'di dag kyang mkhas grub rin po che nyid nas dam ldan 'ga' zhig la ma gtogs yongs grags su gsung yod tshod mi snang zhing/ 'on kyang dus phyis rje thams cad mkhyen pa tsong kha pa chen po la ma gus pa'i rnam 'gyur 'chang ba ni phyogs lhung gi log rtog can 'ga' zhig tsam ma gtogs gzhan ma rang gzhan gyi grub mtha' ris su ma chad par gtogs pa'i skye bo thams cad kyis gus pas gtsug tu bsten cing bkur ba nyid du mngon sum gyis grub pas na/ mchog dman yongs kyi dad pa 'phel ba'i cha rkyen du 'gyur bar dgongs nas/ rje kun dga' bde legs rin chen dpal bzang pos mdzad pa'i rnam thar du'ang mkhas grub rin po ches mdzad pa'i gsang rnam gyi brjod bya rnams dkyus gcig tu 'god par mdzad 'dug pa dang/ de dang mtshungs pa rnam thar gzhan dag la'ang ci rigs su gsal zhing/ lhag par 'jam dbyangs chos rje bkra shis dpal ldan pas gsang ba'i rnam thar de dag gsol 'debs tshig bcad du sdebs par mdzad pa/ deng sang gdan sa se 'bras dge gsum gyis mtshon pa'i ri bo dge lugs pa'i chos sde che chung mtha' dang dbus su 'khod pa thams cad kyis tshogs 'don du mdzad pa dang/ lha ldan smon lam chen mor ris med kyi ser skya khri phrag du ma 'dus pa'i dbus su tshogs 'don du mdzad pa bcas/ des na bdag gis kyang rnam thar chen mo 'dir gsang ba'i rnam thar rnams kyang mgo mjug bar gsum gyi @180 mdzad pa skabs su bab pa de dang de'i thad du sbyar nas dkyus gcig tu bkod na phyi rabs gdul bya rnams kyi dad pa dang mos gus 'phel ba'i cha rkyen dang/ rje thams cad mkhyen pa'i bstan par sman pa'i gsos su 'gyur ba las gsang ba bsgrags pa'i nyes par mi 'gyur ram snyam nas bkod pa lags na/ de ltar nyes par mi 'gyur bar rje thams cad mkhyen pa yab sras rnams kyis byin gyis brlab tu gsol zhes gsol ba 'debs so/ /de nas bla ma dbu ma pa'i drung nas re zhig chos mtshams mdzad nas sngags phyogs kyi thugs gnyer gyi slad du thog mar nyang stod du rin po che sde chen pa chos kyi dpal ba'i drung du 'byon par bzhed pa la/ de skabs phag mo gru pa'i dmag chen stod la 'khyer ba log 'ong gin 'dug zer ba gsan pas de'i dmag ma chod bar gyi ston ka de rong gi ring lung phug tu bzhugs/ de nas ston mjug nyang stod mi gong gsum sde chen du phebs te/ thams cad mkhyen pa bu ston rin po che'i bu chen rnams kyi nang nas dus kyi 'khor lo la mkhas pa'i mchog tu gyur cing/ gzhan yang sngags kyi gzhung dang lag len man ngag sogs mtha' yas pa la mnga' 'byor ba'i rin po che chos kyi dpal ba'i drung du mjal/ thog mar mjal ba'i dgong mo de phyag phyis dar ser po zhig phul/ sang nyin ja zhu zhig mdzad de gos ne tso kha yugs cig phul nas dus kyi 'khor lo'i 'grel chen cha lag dang bcas pa gsung bar zhus pas/ de dus kyang dus 'khor 'grel chen gsungs bzhin pa'i skabs kyi le'u dang po rdzogs pa'i mtshams su 'dug pas bla ma'i zhal nas/ rten 'brel bzang/ mdang gi dar ser po de sa'i khams sdud rim dang mthun par 'dug pas rdzogs rim yongs su rdzogs pa 'ong bar... @181 'dug /da nang gi gos yug 'di ljang khu nam mkha'i khams yin/ bskyed rim dang mthun pas bskyed rim yongs su rdzogs pa 'ong par 'dug /chos mtshams le'u gnyis pa'i mgo /gang zhig chen po'i mi rnams smin par bya ba'i don du zhes pa'i skabs su sleb pa yang rten 'brel shin tu legs pas chos thams cad yongs su rdzogs par byed dgos zhes/ dgyes bzhin du zhal gyis bzhes par snang ste/ dpal dus kyi 'khor lo'i phyi nang gzhan gsum gyi gnad don ma lus pa thugs su chud cing/ rgyud nas ji ltar bshad pa'i bskyed rdzogs kyi nyams rtogs yon tan mtha' dag thugs rgyud la yongs rdzogs su 'byung bar lung bstan pa'o/ /de nas thog mar chos mtshams le'u gnyis pa'i mgo de kha nas dbu btsugs te gsungs shing/ slar yang le'u dang po'i mgo nas bskyar te gsungs/ gnas der ston zhugs nas dpyid chos snga ma ma rdzogs kyi bar bzhugs nas rgyud 'grel gyi bshad pa/ phyag len gyi mdzub khrid/ sbyor drug gi nyams 'khrid sogs rdzogs par gsan to/ / de nas yo ga'i bka' lung bshad pa mtha' dag gsan par dgongs pa la/ de'i sngon du phyag len zhig sbyong bar bzhed nas zhwa lu na sngar bu ston rin po che'i mchod g.yog pa'i gtso bo/ yo ga'i lag len la shin tu mkhas pa'i yog pa tshe dbang zhes pa'i slob mar grags pa/ yo ga pa mgon bzang zhes bya ba gdan drangs nas khong dang lhan du nyang stod smad kyi mtshams/ 'khris rtsa khang zhes par gzhugs te/ rdo rje dbyings dang dpal mchog rtse mo la sogs pa yo ga'i dkyil 'khor chen po mtha' dag gi bris thig /gar dbyangs/ dkyil chog gi phyogs sgrigs/ phyag rgya 'ching ba sogs la shin tu byang bar slob par mdzad/ de'i tshe nub gcig @182 mnal lam du/ khri chen po zhig gi steng na bla ma khyung po lhas pa yin zer ba'i bla ma bgres po dbu rgyan gsol ba/ rdo rje dril bu phyag tu bsnams pa zhig bzhugs 'dug pa de'i sku mdun na rje nyid kyang bzhugs pa la bla ma de bzhengs nas rdo rje'i 'gros kyis dril stabs dang bcas rje nyid la g.yas su bskor ba lan gsum mdzad cing/ 'phreng ba nas byung ba'i e ka pa tsi ka pa zhes sogs kyi sgra bsgrags nas rje'i dbu'i steng du rdo rje dril bu bzung ste/ karma badzra zhes bya ba'o/ /zhes gsungs nas khri la bzhugs song ba zhig byung/ mnal sad nas brtags pa na sngar gyi gsang mtshan don yod rdo rje yin pa dang/ karma badzra yang don grub kyi rigs kyi ming du 'dug pas 'dra bar 'dug dgongs pa zhig byung/ de nas slar yang sde chen du byon nas dpyid smad de nas dbyar dang ston mgo ma'i bar bzhugs te/ rin po che chos kyi dpal ba la rdo rje 'phreng ba'i dbang lung mdzub khrid bshad pa/ gar thig dbyangs gsum gyi phyag len 'khrid dang bcas pa gsan pa'i sgo nas 'phreng bskor gsum la mkhas par sbyangs/ gzhan yang bcom ldan 'das phyag na rdo rje 'khor lo chen po la sogs pa'i dbang lung man ngag dang bcas pa sogs zab cing rgya che ba'i chos mang du gsan/ de nas zhwa lur rin po che khyung po lhas pa la yo ga'i skor gsan pa la 'byon dgos dgongs pa yod pa la/ yang nub gcig mnal lam du/ khri chen po zhig gi steng na rin po che khyung po ba yin zer ba'i bla ma bgres po rang zhig bzang po'i 'dug stangs kyis bzhugs 'dug pa'i drung na rje nyid kyang bzhugs 'dug pa la/ bla ma des phyag gnyis kyis thugs ka'i na bza' bsal nas thugs ka ston gyin 'dug pa la gzigs pas/ bla ma de'i thugs ka nas sngags kyi 'phreng ba @183 ring po rim pa du mas bskor ba'i 'khor lo yig 'bru rnams hram me 'dug pa gzigs pa'i sngags rnams phal che ba klog par mdzad pa zhig rmis pa las/ dus phyis mjal ba na sku'i rnam pa mnal lam du byung ba de nyid rang du 'dug ces bka' stsal te/ de lta bu'i mnal lam gyi ltas dang po ni/ bla ma des rdo rje theg pa'i rgyud sde bzhi'i smin byed dbang gi bdud rtsi ma lus pa rje nyid la gtad nas karma badzra zhes bstan pa rgya cher spel ba'i 'phrin las kyi bdag por lung bstan pa dang/ mnal ltas rjes ma ni/ de ltar dbang gi rim pas thugs rgyud smin par byas nas bla ma rang gi thugs ka'i sngags 'khor gyi brdas mtshon te/ rdo rje theg pa'i bshad pa'i bka' dang sgrub pa'i man ngag /lung gi rgyun/ mngon par rtogs pa'i yon tan la sogs pa rang gi thugs la ji ltar mnga' ba mtha' dag rje nyid la gsal bar bstan pa dang/ bstan pa ltar du ma tshang ba med pa thugs su chud cing mngon du 'gyur ba'i lung bstan nam ltas khyad par can nyid du nges so/ /de ltar mnal lam gyi don bzhin ring min nyid du zhwa lur byon te/ lo de'i ston phyi ma dang/ dgun/ phyi lo de'i dpyid dbyar rnams rdzogs pa'i bar du bzhugs nas/ sngags 'chang rdo rje 'dzin pa chen po rin po che khyung po lhas pa'i drung du yo ga'i dkyil 'khor chen po rnams kyis thog drangs rgyud sde 'og ma rnams kyi bka' da lta bod na rnam par dag pa'i dbang gi chu bo'i rgyun ma chad par yod pa phal che ba yongs su rdzogs par gsan cing/ bcom ldan 'das 'khor lo bde mchog lu hi pa dang nag po pa'i lugs la sogs pa gsang chen bla na med pa'i chos bka' yang dpag tu med pa gsan te/ mdor na bla ma rin po che khong la mnga' ba'i rdo rje theg pa'i bka' lung man ngag bum pa gang byo'i @184 tshul du gsan pas thugs rgyud yongs su gtams par mdzad/ de'i tshe bla ma la 'bul ba tshogs 'khor/ zhabs tog nar ma sogs kyis mnyes par mdzad cing dad pa'i lcags kyus thugs kun tu drangs par gyur to/ /de dus rje btsun khyung lhas pa'i zhal snga nas dbang re re gnang tshar ba'i mjug tu/ 'di nga la yang bla ma 'di zhes bya bas dgyes bzhin du gnang ba yin bya ba re cis kyang nas gsungs pa la/ dus phyis rje thams cad mkhyen pa nyid kyi zhal nas/ sngags kyi dngos grub thams cad kyi rtsa ba gtso bor bla ma mnyes par byas pa 'ba' zhig la rag las 'dug pas/ dbang gnang ba'i dus thams cad du bla mas mnyes bzhin du rjes su gnang ba yin no/ / zhes gsungs pa de la dpyad rgyu chen po zhig 'dug ces gsungs par snang/ de ltar bka' lung rnams yongs su rdzogs pa na bla ma'i zhal nas/ da ni chos bdag po la 'phrod pas 'gyod pa med ces bka' stsal te/ gong gi mnal ltas kyi don lhag dang bcas pa 'grub pa'o/ /de yang sngar bu ston thams cad mkhyen pa dang/ bla ma khyung lhas pa gnyis kas kun mkhyen 'phags 'od pa'i drung du dpal gsang ba 'dus pa dang yog la sogs pa'i dkyil 'khor chen po rnams kyi dbang gsan dus tshogs 'khor zhig gi gral du/ kun mkhyen pa'i zhal nas/ rje mar pas/ nyis shar du ka chen btsugs pa de/ /zhes gsungs pa de'i tshig bsgyur nas/ nyi ma shar du ka chen btsugs pa de/ /khyung po ston sgom khyed la mi zer ram/ /zhes gsungs pa'i lo rgyus kyang dus 'dir gsungs te/ de ni rje btsun khyung lhas pas kun mkhyen 'phags pa 'od zer dang/ bu ston thams cad mkhyen pa gnyis las sngags kyi gdams pa rgya mtsho lta bu bzhes pa'i byin rlabs kyi ngad @185 ma nyams pa'i rdo rje theg pa'i bstan pa yongs su rdzogs pa rje bdag nyid chen po 'di'i phyag tu 'phrod pas ljongs 'di'i skye dgu thams cad kyi phan bde'i rtsa lag tu gyur pa'i don la dgongs par gsal lo/ /de ltar rje btsun dam pa khyung pa lhas pa las gsan dgos rnams legs par grub nas/ pa nam gyi phag pa ri na bla ma sde chen chos kyi dpal ba bzhugs 'dug pa'i spyan sngar slar yang byon te/ rdo rje snying 'grel/ phyag rdor stod 'grel/ nA ro 'grel chen la sogs pa dus 'khor gyi cha lag mang po zhig gsan cing/ dpal gsang ba 'dus pa lugs gnyis la bu ston rin po ches yig cha mdzad pa ci yod kyi bshad lung la sogs pa'i chos bka' mang du gsan/ de nas rin po che sde chen du phebs/ rje rin po ches phag pa rir zha lu ba'i yog la mkhas pa sde snod 'dzin pa chen po rgyal mtshan grags pa spyan drangs nas yo ga'i gar dbyangs sogs phyag len rnams la dag ther yang dag mdzad/ chos bka' yang ci rigs pa gsan cing/ khyad par du bu ston rin po ches mdzad pa'i rdo rje 'byung ba'i rnam bshad chen mo dang/ yo ga'i rtsa rgyud de nyid bsdus pa/ bshad rgyud rdo rje rtse mo/ dpal mchog ngan song sbyong ba'i rgyud la sogs pa dang/ de nyid snang ba/ ko sa la'i rgyan/ dpal mchog 'grel chen sogs rgyud dang 'grel pa rgya gzhung gi rigs dpag tu med pa'i lung gsan pa sogs rdo rje theg pa'i chos tshul rgya mtsho lta bu la mnga' 'byor bar mdzad do/ / de yang mkhas grub smra ba'i nyi ma'i gsung las/ rigs sngags 'chang gi gzhung lugs rgya mtsho che/ /rnam dag dbang bzhi'i rlabs 'phreng cher g.yo zhing/ / rim gnyis dbu ba'i 'dzum 'phreng rol pa can/ /dngos grub rin chen bye ba'i @186 gter gyur te/ /zhes dang/ /mang du thos pa'i 'dren byed stong ldan zhing// blo gsal 'chi med tshogs kyi ral pa'i rgyan/ /theg mchog bdud rtsi'i dpal la dbang bsgyur ba/ /thub bstan yongs 'du'i bdag po rgyal gyur cig /ces gsungs pa ltar/ rgyud dang rgya gzhung bod gzhung 'ga' zhig dang phyogs re ba tsam ma yin par mtha' dag la zhib cing mtha' chod pa'i sgo nas sbyangs par mdzad pa ste/ rgyud sde 'og ma gsum lta bu la mtshon na rje nyid kyis mdzad pa'i rtogs brjod las/ rgyud sde 'og ma gsum gyi lam gyi tshul/ /mi shes de yis rnal 'byor bla med rgyud/ / rgyud sde kun gyi mchog tu thag bcad kyang/ /dam bca' tsam du zad par legs mthong nas/ /gsang ba spyi rgyud legs par grub pa dang/ /dpung bzang gis zhus bsam gtan phyi ma sogs/ /bya rgyud rigs gsum spyi dang bye brag gi /rgyud sde rnams la ring du 'dris par byas/ /zhes dang/ rgyud sde gnyil pa spyod pa'i rgyud rnams kyi/ /gtso bor gyur pa rnam snang mngon byang gi /rgyud la sbyangs pas spyod pa'i rgyud kyi gnad/ /gang yin de yang legs par nges par byas/ / rgyud sde gsum pa rnal 'byor rgyud rnams kyi/ /gtso bo dpal ldan de nyid 'dus pa'i rgyud/ /bshad rgyud rdo rje rtse mo la sogs la/ /sbyangs pas rnal 'byor rgyud kyi dga' ston myong/ /zhes gsungs pa ltar gsang ba spyi rgyud/ legs grub kyi rgyud/ dpung bzang gis zhus pa dang/ bsam gtan phyi ma'i rgyud/ 'jam dpal rtsa rgyud/ rigs pa mchog gi rgyud/ lag na rdo rje gtum po'i rgyud/ rnam 'joms kyi rgyud/ rnam snang mngon byang/ dpal mchog gi 'grel pa/ ko sa la'i rgyan/ rtsa rgyud de nyid 'dus pa/ @187 bshad rgyud rdo rje rtse mo/ rdor dbyings la sogs pa 'og ma'i rgyud sde du ma'i gzhung don so so'i dkyil 'khor/ dbang sgrub thabs/ gar dbyangs/ mtshan bcas mtshan med kyi rnal 'khyor las kha tshar dang bcas pa kun ma 'dres shing/ rgyud sde rang rang gi khyad chos zur rgyan dang bcas pa kun la mkhas shing byang chub par mdzad/ de bzhin du rgyud sde gong ma bla med la mtshon na/ ji skad du rtogs brjod las/ bzhi ba rnal 'byor bla na med pa la/ /'phags yul mkhas pa rnams la nyi zla ltar/ / yongs su grags pa'i pha rgyud 'dus pa dang/ /rnal 'byor ma rgyud kyai rdor bde mchog gi ;rtsa rgyud bshad pa'i rgyud la sogs pa dang/ /mdo rgyud gzhan dang bshad srol mi 'dra ba'i/ /shing rta'i srol chen dus kyi 'khor lo'i rgyud/ /gsal byed dri ma med pa'i 'od la sbyangs/ /zhes gsungs pa ltar bla med rgyud sde thams cad kyi nang nas kyang rgyal mtshan gyi tog ltar cher 'phags shing/ 'phags yul mkhas pa kun la nyi ma dang zla ba ltar grags pa dpal gsang ba 'dus pa'i rtsa rgyud dang/ de'i 'grel pa slob dpon zla ba grags pas mdzad pa'i sgron ma gsal ba/ sgeg pa'i rdo rje'i gleng gzhi'i Ti ka /shrad+hA ra ka ra warmas mdzad pa'i rgyan bdun gyi 'grel pa/ tsi lu bas mdzad pa'i 'grel pa rin chen ljon shing/ dri med sbas pas mdzad pa'i bshad 'grel/ rdo rje bzhad pas mdzad pa'i 'grel pa/ shanti pas mdzad pa'i bshad sbyar snyim pa'i me tog /spyod bsdus/ mdor byas/ mdor bsre/ kun snying gis mdzad pa'i lha mo bzhis zhus kyi 'grel pa; bshad rgyud 'grel chung smri tis mdzad pa/ ye shes rdo rje'i don bsdus klu byang gis mdzad pa/ rnam bzhag rim pa/ dgongs pa lung ston gyi 'grel @188 pa; rim lnga bsdus gsal la sogs pa mdor na ye shes zhabs dang/ 'phags lugs gnyis ka'i bshad srol gyi gnad ma lus pa gting dpogs pa'i sgo nas dpal gsang ba 'dus pa'i lam srol gtso bo dang/ des rgyas bkab pa'i pha rgyud spyi'i don thams cad la rtsal du bton pa'i sbyangs pa mdzad/ ' bde mchog gi skor la mtshon na rtsa rgyud dang/ a b+hi d+ha na'i rgyud/ mkha' 'gro rgya mtsho/ rnal 'byor ma'i kun spyod/ bde mchog stod 'grel/ lag na rdo rjes mdzad pa'i stod 'grel/ sdom 'byung/ skal ldan grags pas mdzad pa'i bde mchog gi 'grel pa/ ka rgyal zla bas mdzad pa'i bde mchog gi 'grel pa/ langka bde mchog gis mdzad pa'i 'grel ba/ b+hra wa b+ha dras mdzad pa'i rdo rje mkha' 'gro 'i 'grel pa/ dpa' po rdo rjes mdzad pa'i dka' 'grel de kho na nyid ston par byed pa/ padma badzra gyis mdzad pa'i bde mchog gi Tik / paNTi ta nor bzang gis mdzad pa'i mkha' 'gro rgya mtsho 'i 'grel pa sogs 'khor lo sdom pa'i rtsa bshad man ngag ma lus pa'i tshig don mtha' chod par thugs su chud par mdzad/ zhe sdang thabs rgyud gshin rje gshed skor la mtshon na gshin rje gshed dmar bo 'i rgyud/ dgra nag gi rgyud rtogs bdun gyi dum bu so so'i 'grel gzhung la li tas mdzad pa dang/ don yod rdo rjes mdzad pa/ zhi ba ye shes kyis mdzad pa/ mtsho skyes rdo rjes mdzad pa sogs rgya 'gyur gyi bshad rgyud dang/ gzhan yang rwa lo tsa ba/ gnyos lo tsa ba/ dpal 'dzin la sogs pa bod kyi mkhas grub du mas mdzad pa'i gshin rje gshed kyi rgyud don cha lag dang bcas pa ma tshang ba med pa gsan nas 'di nyid kyi thun mong ma yin pa'i gdams pa'i gnad don @189 thams cad rtogs par mdzad/ ' dgyes pa rdo rje'i skor la/ sa lugs kyi bshad srol gyis bkral ba'i brtag gnyis kyi bshad pa cha tshang/ ' rdo rje klu'i sbas 'grel/ rdo rje snying pos mdzad pa'i 'grel pa/ mtsho dkyes kyis mdzad pa'i padma can/ mi thub zla bas mdzad pa'i saM b+hu di'i 'grel pa/ shanti pas mdzad pa'i mu tig 'phreng ba; nA ro'i 'grel chen dang chos drug byang chub dbang pos mdzad pa'i gur gyi dka' 'grel/ 'jigs med 'byung gnas kyis mdzad pa'i man snye/ rdo rje mkha' 'gro /rdo rje gur/ saM phu Ti ste thun mong dang thun mong ma yin pa'i bshad rgyud dngos dang/ bshad rgyud so so'i 'grel gsar du mas ji ltar bstan pa'i rnal 'byor ma'i rgyud don spyi dang/ khyad par du dpal kyai rdo rje'i zab mo'i gnad mtha' dag la mkhas shing byang chub par mdzad/ ' dpal dus kyi 'khor lo'i skor la/ rtsa rgyud stong phrag bcu gnyis kyi 'grel pa stong phrag drug cu pa/ bsdus rgyud stong phrag sum cu pa rigs ldan 'jam dpal grags pa'i bshad thabs thun mong ma yin pa me tog 'phreng 'dzin gyi sdeb sbyor can du grags pa'i mdzub khrid/ de'i 'grel chen dri med 'od padma dkar pos mdzad pa/ so ma nA thas mdzad pa'i 'grel pa/ sbyor drug gi 'khrid gzhung/ nA ro 'grel chen/ phyag rdor stod 'grel dang rdo rje snying 'grel sogs 'grel chen gyi cha lag zur 'debs kha skong dang bcas pa kun la mkhas pa'i phul du phyin par mdzad/ ' gzhan yang 'phags ma gdugs dkar mo'i rigs mang po dang/ 'od zer can gyi rigs mang po dang/ bsil ba tshal gyi rigs/ rma bya chen mo'i rigs/ stong chen mo'i rigs/ lo ma can gyi rigs/ ral gcig ma'i rigs/ khro gnyer can ma'i rigs/ sgrol ma'i rigs/ @190 rnam par rgyal ma la sogs pa'i rigs sngags kyi lha mo grangs mang ba dang/ mi g.yo ba'i rigs/ ku ru ku lli/ dbyangs can ma/ rta mgrin gyi rigs/ phyag rdor gyi rigs/ rnam 'joms kyi rigs/ rme rtsegs kyi rigs/ khyung nam mkha' sding gi rigs la sogs pa khro bo mang po'i rigs dang/ tshe dpag med kyi rigs/ 'jam dbyangs kyi rigs/ byams pa dang spyan ras gzigs sogs kyi rigs mang po dang/ rdo rje mkha' 'gro ma dang/ seng gdong ma sogs yi dam gyi lha zhi khro mtha' klas pa dang/ mgon chen bcu gsum/ chos rgyal phyi nang gsang gsum/ mgon po phyag bzhi pa/ gur zhal gyi rigs/ dur khrod bdag po/ dpal ldan lha mo'i rigs mang po/ gri gug dmar nag /beng/ beg rtse/ bstan ma bcu gnyis la sogs pa'i chos skyong pho rgyud mo rgyud mang po dang/ rnam sras kyi rigs/ tshogs bdag gi rigs/ dzamb+ha la'i rigs sogs nor lha mang po/ gzhan yang 'khor chen/ mi 'khrugs pa/ sman bla/ ltung bshags kyi sangs rgyas sum cu so lnga/ gnas brtan bcu drug sogs mdo dang sngags kyi gzhung nas bshad pa'i sangs rgyas byang sems/ yi dam/ chos skyong sogs kyi dbang/ rjes gnang/ bka' gtad/ lung man ngag sogs brgyud khungs btsun zhing phyag len rnam par dag pa'i rigs phal mo che ma gsan pa med pa lta bu mnga' ba yin te/ rje thams cad mkhyen pa nyid kyi rnam thar ngo mtshar ba'i gtam brgya rtsa brgyad ces pa las/ chos bka' gsan tshul gong du smos pa rnams bkod pa'i mjug du mdor na sangs rgyas byang sems yi dam chos skyong rnams kyi dbang gi rigs dang/ rjes gnang gi rigs dang/ bka' gtad kyi rigs dang/ lung sogs @191 bka' gsar rnying/ bka' gdams gong 'og /sa kar 'brug tshal la sogs pa chos so so'i brgyud lugs/ lo tsa ba so so'i 'gyur khyad/ lag len so so'i bab srol/ rang gzhan gyi bla ma brgyud pa tshad mar 'dzin 'os rnams kyi snyan nas snyan du brgyud bzhin pa/ phyag tu bzhes bzhin pa dag ni 'di mi mnga' 'di mi bzhugs bya ba med pa/ gdul bya'i 'dul sgo mi 'dra ba dang/ lha yi 'brel skal mi 'dra ba sna tshogs yod pa mkhyen pa ste/ zhes gsungs pa ltar rgyal ba rdo rje 'chang gi dgongs don rgya gar mkhas pas bkral ba'i gsang ba sngags kyi gzhung lugs rgya mtsho lta bu'i zab gnad mtha' dag rang gis nyams su bzhes pa dang/ gzhan la ston pa gang la yang 'jigs pa med pa'i mkhas pa'i go 'phang ni brnyes/ des mtshon pa'i rang dang gzhan gyi grub mtha' kun gyi gnad don phra rags ma lus pa ni thugs su chud/ log chos dug chu'i dri mas ma bslad pa'i dbang lung man ngag rnam par dag pa'i gdams pa'i bdud rtsi zad mi shes pa'i gter mdzod du ni gyur pa sogs thub bstan yongs su rdzogs pa'i bdag po zla med pa nyid du mngon par bzhengs so; ;smras pa/ bstan pa'i snying po spong ba bdun ldan gyi /sdom pa' nor bus thugs rgyud rin chen snod/ /yongs su 'gengs pa'i tshul khrims 'od snang gis/ /'chal tshul mun pa'i dngos po ring du gtang/ /thun mong rig tshul lha yi ganggA mo/ /mkhyen bzang dza hu'i snyim pas dus gcig tu/ / gsol bas gnas lnga smra la sa chen 'dir/ /nyid la bsgrun pa'i yid can dmigs su med/ /brtan pa'i 'khor lo'i gsung gsang dag byed chab/ /dpa' bo rdo rje'i sgra 'dzin bum bzang du/ /'khyil mthar gang gi rnam dpyod yol go ru/ / @192 ldugs pas thugs la rmad byung sim pa skyed/ /'jam dbyangs nyid kyis blang dang dor bya'i gnad/ /mtha' dag pa yis bu la ji bzhin du/ /'doms tshe 'dra min gol sar 'phyan pa'i gzhi/ /khyod la nam mkha'i padmo ji bzhin gyur/ / sangs rgyas kun gyi thugs kyi gsang ba'i mdzod/ /rdo rje theg pa'i zab mo'i gnad ma lus/ /phra zhing mdzangs pa'i mkhyen rab 'du byed kyis/ /'bad pa med pa thugs kyi dpal ber bzung/ /rgyud sde rgya mtsho'i smin grol bdud rtsi'i bcud// rang gis nyams su myong zhing skal bzang gi /gdul bya gzhan la'ang 'gyed par mi ngal ba/ /khyod las gzhan pa'i rdo rje 'chang dbang gang/ /mkhyen rab thugs bskyed nyin byed 'od stong gis/ /snyigs dus ston gyi mthar yang gsang chen gyi; ;bstan pa'i pad tshal bzhad pa'i snyan grags ni/ /ngo mtshar 'og min zhing du'ang rgod par gyur/ /rang gzhan grub mtha' rgya mtsho'i pha rol son/ / zab don gdams pa'i gter gyis thugs rgyud gtams/ /bstan pa yongs su rdzogs pa'i mnga' bdag khyod/ /rgyal ba'i gdung tshob nyid las gzhan du ci/ / mkhas par bya ba'i dngos po ma lus pa/ /thugs su chud nas sgrub la gzhol ba la/ /mkhyen pa'i gter chen de yis bskul ba na/ /tshul der spro dang rings pa'i gzhan dbang gyur/ /ces pa ni bar skabs kyi tshigs su bcad pa'i rim pa dag go /de nas sprel lo'i ston gyi dus su bla ma dbu ma pa dang lhan cig tu dpon slob gnyis kas dbus kyi dga' ba gdong du phyag phebs/ lha sar jo bo rin po che'i drung du gsol ba 'debs pa la byon/ slar yang dga' ba gdong du phebs nas dpon slob gnyis kas sku mtshams legs par bcad de/ gnyis po'ang @193 thugs dam mdzad pa'i tshe gzims khang so sor gnang zhing gsol ja sogs la lhan rgyas par mdzad pa'i skabs su bla ma dbu ma pas lo tsa mdzad nas rje btsun la chos mang du gsan cing dka' ba'i gnad kyi dri ba dpag tu med pa mdzad/ de dus thog mar bla ma dbu ma pa la rje btsun gyis gnang ba'i zhi gnas kyi dmigs pa gsan nas bsgoms kyin yod pa las/ nam zhig thugs dgongs la da 'di las rje btsun nyid la gsol ba btab cing bsnyen sgrub mdzad na don che ba 'dra dgongs nas bla ma dbu ma pa la de ltar zhus pas de bzhin mdzad pas khyab ces gsungs pa ltar/ bla ma dang rje btsun tha mi dad du byas pa la nyin mtshan du gsol ba btab cing bsnyen sgrub mdzad pas zhag mang po ma song ba la nyin gcig dkyil 'khor gyi lte ba rgya khyon 'tshams pa/ kha dog rgya mthing bzang pos legs par byugs pa 'dra ba la shin tu dwangs pa blta bas chog mi shes pa dbyibs zlum por 'dug pa zhig gi mtha' thams cad 'od zer kha dog sna lnga 'ja' mtshon lta bu'i dra bas 'khrigs pa'i dbus kyi lte ba sngon po'i rgya khyon dang mtshams par rdo rje dkyil dkrung gis bzhugs pa'i 'jam dpal dbyangs a ra pa tsa na gur kum gyi mdog can blta bas ngom pa med pa zhig gi sku'i snang ba mngon sum du gsal bar gzigs/ de bla ma dbu ma pa la ma zhus kyang bla ma'i zhal nas/ khyed rang la'ang sku'i snang ba yod pa 'dra zhes gsungs te thigs par byung/ de 'dra ba'i sku'i snang ba de nam 'dod res kyis gsol ba btab pa'i dus phal che bar dngos su nar mar 'byung ba zhig de nas brtsams te rtag par yod ces rje nyid kyis bka' stsal zhing/ de'i phyir 'jam dbyangs chos rjes gsang rnam gsol 'debs su'ang/ indra nI la'i mdog ltar rab sngo ba'i/ /rab mdzes 'od zer lnga yi dra ba can/ / @194 shin tu zlum pa'i dbus su 'jam dpal dbyangs/ /mngon sum gzigs pa rje btsun chos kyi rje/ /dpal ldan bla ma'i zhabs la gsol ba 'debs/ /de nas brtsams te rje btsun mkhyen pa'i gter/ /nam 'dod gzigs shing dpal ldan 'dus pa dang/ /shes rab pha rol phyin gzhung zab mo'i don/ /rgyun du gsan pa rje btsun chos kyi rje/ /dpal ldan bla ma'i x zhes gsungs pa yin no; ;de'i dus bla ma dbu ma pas lo tsa mdzad nas rje bdag nyid chen pos 'jam dbyangs dpa' bo gcig pa dang/ bla med la sogs pa dang/ bka' sdod gshin rje chos kyi rgyal po phyi nang gsang gsum la sogs pa rnams kyi rjes gnang byin rlabs/ ting nge 'dzin gyi dbang bzhi la sogs pa ni rje btsun 'jam dbyangs nyid la gsan cing/ de yang dpa' gcig gi rjes gnang mdzad pa'i ring la rje btsun 'jam dbyangs nyid dpa' bo gcig pa rang gi sku'i rnam par yod pa la/ nang sgrub gsang sgrub sogs kyi dbang mdzad pa'i tshe dpa' po gcig pa de/ de ma thag yab yum zhal sbyor gyi rnam par 'gyur 'gro ba dang/ chos skyong gi rjes gnang mdzad pa'i skabs/ de ma thag bcom ldan 'das rdo rje 'jigs byed kyi sku'i rnam par gyur nas gshin rje chos kyi rgyal po la bka' bsgo bar mdzad pa la sogs pa de 'dra ba'i rnam 'phrul ngo mtshar can skad cig dang skad cig la ston pa zhig yod par snang/ de las gzhan pa rje btsun gyis bla ma dbu ma pa la gnang ba'i las tshogs dang/ dmigs pa skyong ba'i rim pa sogs mang po zhig gi lung ni bla ma dbu ma pa nyid la gsan no/ /de nas rje btsun gyi bka' bzhin sgrub pa la 'byon par thugs thag bcad/ 'khor ji lta bu 'khrid rje btsun la zhus par slob dpon rin po che 'jam @195 dkar ba dpal ldan bzang po dang/ rtogs ldan byang seng ba/ gnas brtan rin chen rgyal mtshan pa/ gnas brtan bzang skyong ba ste dbus pa bzhi/ bla ma rtogs ldan 'jam dpal rgya mtsho/ dge bshes shes rab grags/ dge bshes 'jam dpal bkra shis/ dge bshes dpal skyong ste mdo smad pa bzhi bcas 'khrid chog pa'i gnang ba byung/ de nas bla ma dbu ma pa mdo khams la 'byon pa'i skyel mar lha sar byon nas dpon slob gnyis re zhig mi mjal bas/ gnas byin rlabs can 'dir rje btsun la gsol ba btab nas nyams len gyi gnad bsdus pa zhig zhus pa drag ces bka' bgros nas/ lha sa'i yang thog steng ma'i lho phyogs gser phub kyi bya 'dab 'og der mchod pa bshams gsol ba drag tu btab pas rje btsun gyis nyams len gyi gnad bsdus ba'i tshigs su bcad pa 'ga' zhig gsungs pa rnams/ dus der gsung rim bzhin rje nyid kyis yi ger btab par mdzad/ de dus bla ma dbu ma pa nyid las dpal gsang ba 'dus pa mi bskyod pa'i dbang bzhi rdzogs par gsan/ de nas bla ma dbu ma pa mdo khams su phebs shing/ rje nyid kyis skyor mo lung du phebs te ston mjug der gdul bya'i tshogs la chos mang du gsungs/ dgun dus su nye ba sprel lo zla ba bcu pa la bab pa dgung lo sum cu rtsa drug pa la 'khor dag pa rnam brgyad dang bcas skyor mo lung nas phyag bteg ste bya bral la 'byon par snang ngo/ /'di dag gi mtshams su mkhas grub thams cad mkhyen pa'i gsung las/ khyad par du rje rin po che 'di ni thog ma med pa nas legs par sbyangs pa'i rigs kyi nus pa yongs su smin pa'i dbang gis gsung rab dgongs 'grel dang bcas pa la thos bsam sgom pa ji snyed cig mdzad pa thams cad @196 la; tshe 'di'i rnyed bkur dang/ snyan grags dang/ 'khor dang 'du 'god phun sum tshogs pa dang/ bdag nyid gzhan las khyad par 'phags pa nyid du mthong na ci ma rung snyam pa sogs kyi kun slong gi dri tsam yang ma 'dres par/ gcig tu thams cad mkhyen pa'i ched du dmigs pa 'ba' zhig gis thugs rang dbang med par 'phrog pas/ tshig 'grig 'grig mo dang/ don mkhas pa gzhan gyis bshad pa las khyad du thon thon mo dang/ mang po tshogs pa'i dbus su rang gi lugs rnam par bzhag pa la gzhan gyis brgal bar mi nus shing/ gzhan gyi 'dod pa thabs sna tshogs kyi sgo nas dgag nus pa tsam gyis thugs tshim pa de 'dra ba tsam zhig lhur mdzad pa ni cha tsam yang mi mnga' la/ de bas na bdag nyid rgyal zhing pha rol dma' dbab par bzhed pa dang/ rang nyid mkhas par rlom pa'i nga rgyal gyis de nyid gzhan la grags par bya ba'i ched du 'chad pa'am/ rtsod pa'am/ rtsom pa 'di lta bu zhig dang po thos bsam gtso bor lhur mdzad pa'i thog ma nas brtsams te deng sang gi bar gang gi skabs su'ang dus 'di'i tshe tshul 'di ltar mdzad do zhes gzu bor gnas pa sus kyang drang por gleng ba'i skabs lan gcig kyang mi rnyed pa 'di ni/ chos la blo kha cung zad phyogs pa yan chad sus kyang gzu bo'i blos bsam na ni/ rang dbang med pa nyid du dad pa lhag par skye ba'i skyes bu dam pa'i rnam thar ngo mtshar ba yin no/ /de'i phyir gsung rab dgongs 'grel dang bcas pa'i don rnam par gtan la 'bebs pa na'ang/ thar pa dang thams cad mkhyen par bgrod pa'i lam gong 'og thams cad rgyal ba'i dgongs pa ji lta ba dang/ shing rta chen po rnams kyi lung ji lta ba bzhin du rnyed pa zhig ji ltar byas na 'ong zhig gu @197 snyam du 'di nyid 'ba' zhig thugs la bcags pas dpyad par mdzad cing/ de yang dbang po rnon po chos kyi rjes su 'brang ba'i rigs mchog tu gyur pa yin pas na/ gzhan gyi tshig tsam la brten nas rnam par dpyod pa dang/ lung tsam skyabs su gyur pa rnams kyi ngang tshul ni ngo bo nyid kyis mi mnga' bas/ 'di snyam du/ rgyal bas gsung rab 'grel ba'i mchog tu lung bstan pa'i shing rta'i srol 'byed chen po dag gis bstan pa'i rig pa la brten nas gsung rab kyi drang nges tshul bzhin du phye ba'i nang tshan/ nges don gsung rab kyi don shin tu phra ba'i rig pas rnam par dpyad kyang mtha' gzhan du mi 'gyur ba'i tshul gyis nges pa rnyed pa zhig byung na ci ma rung snyam du; ji ltar skyes bu skom pas gdung ba dag btung ba don du gnyer ba lta bu'i thugs kyi ngang tshul 'di nyid kyis gsung rab kyi don tshol ba 'ba' zhig lhur mdzad do/ / de yang nyid kyi zhal nas/ da lta bod na shes rab dang go ba bzang ba'i mthar thug tu rtsi ba 'di tsho ltar/ gsung rab dgongs 'grel dang bcas pa phal cher la bltas pa tsam nas 'di'i don 'dir 'dug snyam pa 'bad med du lam lam 'char ba dang/ de gzhan la bstan na go ba chen po blo yul du bde sang sang ba 'char thub pa zhig nga la snga mo nas yod de/ de la yid brtan bcar mi rung/ rig pa phra mos legs par dpyad pa na dang por yin yin 'dra ba'i go ba rnyed pa rnams kyang phal cher zhig 'gro ba ka mang/ des na rig pa rnam par dag pa phra mo zhig gis legs par dpyad pa'i dpyad pa ma rdzogs bar du der kha tshon bcad kyang shab shob tu 'gro ba yin/ zhes gsung ngo// yang de'i tshe 'phags pa klu sgrub yab sras kyi dgongs pa mthar thug pa'i lta ba dang/ gsang ba 'dus pa'i lam rim pa lnga/ de'i nang nas kyang sgyu lus 'di shin tu rtogs @198 dka' ba dang/ rtogs na don che zhing ma rtogs na ni log par ltung ba'i g.yang sa'ang shin tu che bas/ de kho na nyid sgom pa dang/ sngags bla med kyi lam la brten nas sangs rgyas 'tshol ba sogs tshig tsam du 'gyur bar dgongs te/ 'di dag mgon po klu sgrub yab sras kyi dgongs pa bzhin 'khrul med du ston pa'i bshes gnyen dam pa rgya bod bal gsum/ dbus gtsang khams gsum sogs gang na yod kyang de'i khungs shig rnyed na ni de 'tshol ba'i phyir du lus srog thed la bor nas dka' ba ci byung yang dang du blangs te da lta nyid du 'gro dgos dgongs pa snying nas shugs drag po de'i tshe yod do zhes rje nyid kyis gsung ngo/ /de'i phyir na bla ma dbu ma pa dang mjal ba'i dus su'ang bla ma pa la lo tsa ba bcol nas rje btsun 'jam pa'i dbyangs la dbu ma'i lta ba dang/ sngags mtshan nyid kyi khyad par/ sngags bla med kyi lam gyi gnad che shos rnams dang/ rim pa lnga'i go rim/ grangs nges sogs mtha' yas pa zhig gi dri ba dang/ dogs pa chod pa'i ched du brgal zhing brtag pa'i sgo nas 'dri ba la sogs pa 'ba' zhig gtso bor mdzad do/ /zhes gsungs pa 'di rnams ni cam bu dang rab btags ma yin pa rang bzhin drang por brjod pa tshad mar gyur pa'i gsung kho na yin la/ gzu bo'i blo can rnam dpyod dang ldan pa zhig na tshul 'di dag tsam la zhib mor brtags shing dpyad pa tsam gyis kyang rje tshong kha pa chen po 'gran zla med pa'i bdag nyid chen po yin par nges pa gting nas rnyed pa gdon mi za'o/ /de nas dgung lo so brgyad pa shing khyi lo bya bral la byon pa'i tshe gzhis kha sne'u rdzong pas de gong nas zhabs tog legs po mdzad kyin yod pa ltar/ de dus kyang khong gis zhabs tog bsgrubs te dpon slob dgus gzhung ko mdzad nas byon te 'ol @199 khar phebs/ de'i dgun dpyid rnams 'ol kha chos lung du bzhugs shing/ de nas bzung ste 'ol kha ba yab sras rnams kyis dad pa chen pos sbyin bdag mdzad de zhabs tog phun sum tshogs pa bsgrubs/ der bzhugs kyi ring la thog mar bsags sbyangs gnad che bar dgongs te dpon slob thams cad kyis stobs bzhi tshang ba'i bsags sbyangs la shin tu 'grus par mdzad la/ rje bdag nyid chen po rang nas ltung bshags dang 'brel ba'i brgya phyag dang/ maNDal 'bul ba sogs rgyun mi chad du mdzad pas phyag sor gyi rtse rnams ser gar song zhing/ rdo'i maNDal la brten pas phyag ngar kyang brdol ba sogs byung rung da dung ji snyam du mi mdzad par dpag par dka' ba'i brtson 'grus drag po mdzad/ de'i tshe ltung bshags dang brgya phyag 'brel ba mdzad res bzhin sangs rgyas sum cu so lnga'i snang ba dngos su nar mar byung/ khyad par du yang dge ba'i bshes gnyen gro lung pa chen po'i gsung las/ mdo sangs rgyas phal po che 'di ma 'gyur na bod kyi byang chub sems dpa' rnams spyod pa la slob tshul ji ltar byed dam/ zhes gsungs pa ltar du/ sangs rgyas phal po che la sogs pa byang chub sems dpa'i spyod pa rlabs po che rnams ston pa'i mdo sde rnams la gzigs rtog zhib par mdzad de/ theg pa chen po'i rigs kyi nus pa yongs su rgyas par byed pa'i thabs rmad du byung ba/ byang chub sems dpa'i snying stobs dpag par dka' ba'i rgyal sras kyi spyod pa rlabs shin tu che zhing/ rnam pa mtha' yas pa rnams la sngon gyi byang chub sems dpa' chen po rnams kyis bslab pa ltar/ da ltar dang ma 'ongs pa'i byang chub sems dpa' chen po rnams kyis kyang slob pa dang slob par 'gyur ba'i tshul mdo sde las mtha' yas pa gsungs pa de rnams la/ bdag nyid kyang da lta nas 'jug @200 pa la zhum pa gtan mi skye zhing/ spro dga' shugs drag po dang bcas te mdo sde nas byung ba'i rgyal sras kyi snying stobs dang spyod pa gang rlabs che che rnams la re re nas dmigs phug pa'i thugs sbyong nar mar brten pas/ dang po zhig cung dka' tsam byung yang phyis legs par goms nas 'bad rtsol mi dgos par shugs kyis rgyal sras kyi snying stobs dang spyod pa rmad du byung ba ji 'dra'i dpag dka' ba zhig la'ang zhum pa med pa'i spro dga' shugs drag pos ngang gis 'jug pa zhig byung zhes rje nyid kyis bka' stsal te/ gsung 'di tsam yang theg pa chen po la slob par 'dod pa'i gdul bya rnams la rmad du byung ba'i gdams ngag dang/ blo chen dag gis kyang dpags par dka' ba'i rnam par thar pa ste yang dang yang du gus pas thal mo sbyor zhing gsol ba 'debs pa la 'bad par rigs so/ /gnas der bzhugs skabs zhig rje btsun byams pa mgon po sku gser btso ma'i kha dog lta bu la rin po che'i rgyan dang/ chos 'chad kyi phyag rgyas me tog gi sdong bu bsnams pa/ rin po che'i khri la skyil krung gis bzhugs pa de 'dra ba'i sku shin tu che ba dang/ yang rgyal ba shAkya'i rgyal po dang/ sman gyi bla ma bla gos ser po bsnabs pa dang/ rje btsun byams pa bzang po'i 'dug stangs mdzad pa rab byung gi cha byad can snam sbyar gsol ba phyag gis klu shing gi sdong bu ril bas mtshan pa 'dzin pa dang/ gzhan yang rgyal ba tshe dpag tu med pa la sogs pa rnams kyi sku'i snang ba dngos su gzigs pa mang du byung ste/ gsang rnam gsol 'debs las/ lha mi'i ston pa shAkya'i rgyal po dang/ /sman gyi bla dang 'dren pa 'od dpag med/ /'khor tshogs rgya mtsho'i dbus na lham me ba/ /mngon sum gzigs pa rje btsun cho @201 kyi rje/ /dpal ldan bla ma'i zhes gsungs pa yin no/ /gzigs snang de dag nyams snang yin pas nges pa cher med dgongs nas de tsam du ched cher ma mdzad par/ bla ma rtogs ldan 'jam dpal rgya mtsho la rje brtsun 'jam dbyangs kyi sku dang gsung gi snang ba mngon sum 'khrul med du 'byung ba yod pas khong la rje btsun gyi gsung nas/ rje la gzigs snang byung ba de rnams nyams snang rang ga ba min pas gsol ba drag tu thob/ phyis kyi rten 'brel khyad par can yod pa yin zhes gsungs pa byung/ rtogs ldan pa'i gzigs snang de la'ang rje nyid nas brtags dpyad mang du mdzad cing/ chos kyi gnad zab mo dris pa rnams kyi lan chug med du 'ong ba 'dug pas thugs legs par ches so/ /de'i dpyid dus bshad bka'i gsol ba 'debs pa kha shas byung bar bshad pa zhig mdzad dam dgongs pa la/ rje btsun 'jam dbyangs kyi zhal nas/ rmu rgod 'dul dka'i sems can 'di dag la/ / bshad pas phan thogs chen por ga la 'gyur/ /de bas dben pa bsten nas sgrub par rems/ /rang gzhan gnyis ka 'tshengs pa'i lam rnyed 'gyur/ /zhes gdams shing sgrub pa la bskul bar mdzad do/ /de'i dbyar rdzing phyi'i jo bo byams pa 'jal zhing mchod pa dang smon lam rlabs po che mang du mdzad/ de nas dgun dwags po sman lung rgya sogs phur byon/ thugs dam shin tu 'phel zhing mngon par rtogs pa'i yon tan gyi khyad par bsam gyis mi khyab pa mang du brnyes/ de'i dus rje btsun 'jam dpal dbyangs kyi sku shin tu che ba gzi brjid phun sum tshogs pa zhig la sangs rgyas dang byang chub sems dpa' dpag tu med pa'i 'khor gyis bskor ba dang/ gzhan yang gsang rnam gsol 'debs las/ dngos grub 'byung gnas @202 rje btsun sgrol ma dang/ /gtsug tor rnam rgyal 'phags ma 'od zer can/ / bar chad kun sel gtsug tor gdugs dkar sogs/ /lhag pa'i lha rnams yang yang gsal bar gzigs/ /dpal ldan + rgyal sras klu sgrub rje btsun sangs rgyas bskyangs/ /'phags pa lha dang dpal ldan zla ba'i zhabs/ /rnal 'byol dbang phyug klu yi byang chub rnams/ /mngon sum byon nas rgyun du rjes bzung ba/ / dpal ldan + sa gsum brnyes pa'i 'phags pa thogs med dang/ /kun mkhyen gnyis pa rgyal sras dbyig gi gnyen/ /'phags pas rjes bzung phyogs kyi glang po rnams/ /mngon sum byon nas + dpal ldan + smra ba'i zla ba chos kyi grags pa dang/ /yon tan 'od dang rgyal sras shAkya 'od/ /zhi ba lha dang dpal ldan a b+hya ya/ /mngon sum + dpal ldan x indra bo d+hi dpal ldan sa ra ha/ / lU hi pa dang rje btsun dril bu'i zhabs/ /nag po spyod pa padma'i ngang tshul sogs/ / mngon sum + dpal ldan + 'di dag gzhung la brten nas rang gzhan la/ / phan pa rgya cher 'grub pa'i rten 'brel zhes/ /'jam dpal dbyangs kyis gsal bar lung bstan pa/ /gzhan don lhun gyis grub pa'i sems dpa' che/ /dpal ldan + zhes gsungs pa rnams kyi don ltar/ bcom ldan rje btsun 'phags ma sgrol ma dang/ gtsug tor rnam par rgyal ma/ 'phags ma 'od zer can/ gtsug tor gdugs dkar mo la sogs pa'i lhag pa'i lha du ma zhig gnas dus de nas bzung ste snga phyi nges med kyi tshul du zhal yang dang yang du mngon sum gsal bar gzigs la/ de bzhin du dpal mgon 'phags pa klu sgrub dang/ Arya de wa/ slob dpon sangs rgyas bskyangs/ klu'i byang chub/ dpal ldan zla ba grags pa la sogs pa zab mo lta @203 ba'i brgyud pa'i paNTi ta dang/ 'phags pa thog med sku mched/ slob dpon phyogs kyi glang po/ dpal chos kyi grags pa/ slob dpon yon tan 'od dang/ shAkya 'od/ lha dbang blo/ /rgyan mkhan po/ ka ma la shI la/ a b+hya ya la sogs pa rgya chen spyod pa'i brgyud kyi paNTi ta dang/ rgyal po indra bo d+hi/ bram ze chen po sa ra ha/ slob dpon chen po lU hi pa/ dril bu pa/ nag po spyod pa la sogs pa'i grub chen rnams la sogs pa rgya gar paN grub du ma'i sku'i snang ba dngos su gsal bar gzigs/ 'di dag kyang nyams snang yin pas gtad pa cher med dam dgongs pa la/ sngar bzhin rje btsun 'jal dpal dbyangs kyis/ nyams snang rang ga ba min pas de dag la gsol ba drag tu thob/ 'di dag gi gzhung la brten nas rang gzhan la phan pa rgya chen po 'grub pa'i rten 'brel yod do zhes lung bstan pa ni nges par don la gnas pa ste/ shing rta chen po rnam gnyis la sogs pa 'phags yul mkhas pa de dag gi bzhed srol gzhung lugs rgya mtsho lta bu rnams kyi 'chad nyam gyi srol dang/ gzhung lugs de dag gi dgongs don gdams par shar te gdams don ltar nyams su len pa'i sgrub pa'i srol dang/ grub thob rnal 'byor gyi dbang phyug chen po de dag gis rgyal ba rdo rje 'chang gi dgongs pa ji bzhin bkral ba'i gsang ba sngags kyi rgyud sde rgya mtsho'i dbang lung man ngag dang/ bshad bka'i srol/ lam bskyed rdzogs kyi rnal 'byor nyams su len tshul/ lam bgrod tshul/ 'bras bu sgrub tshul la sogs pa mdo sngags bshad sgrub kyi bstan pa rnam par dag pas/ stod dza ti'i dri bsung rnam par 'thul ba nas smad za 'og thags su bskrun pa'i yul gru chen po'i bar yug gcig tu khyab ste/ 'gro ba rnams dam @204 chos bdud rtsi'i dpal la ci dgar longs spyod du yod pa 'di dag rje thams cad mkhyen pa nyid kyi thugs rje 'phrin las kho na'i mthu las byung ba ni kun gyi mngon sum gyi yul du gyur ba 'di kha yin pa'i phyir ro/ /yang gsang rnam tshig bcad ma las/ zhi lhag zung du 'brel ba'i rnal 'byor gyis/ /ting 'dzin yar ngo'i zla ltar 'phel ba na/ /bcom ldan rdo rje 'jigs byed rab brjid pa/ /zhal phyag yongs su rdzogs pa'i sku mchog gzigs/ /dpal ldan x zhes gsungs pa ltar gnas der bzhugs skabs bcom ldan 'das dpal rdo rje 'jigs byed kyi sku zhal phyag yongs su rdzogs pa shin tu che zhing gzi brjid bzod par dka' ba zhig mngon sum du zhal gzigs shing/ dus de nas bzung ste nyin re bzhin 'jigs byed kyi bdag 'jug bzhes pa nam yang ma chag par mdzad pa dang/ yang de nyid las/ 'jam dpal dbyangs dang rje btsun bla ma yi/ /thugs kar shes rab ral gris 'brel ba las/ /zag med bdud rtsi'i chu rgyun thugs kar zhugs/ /lhan skyes bde ba'i ting 'dzin bzang po 'khrungs/ /dpal ldan + zhes gsungs te/ sngar gong du byung ba ltar rje btsun 'jam dpal dbyangs la sangs rgyas byang sems kyi 'khor du mas bskor ba zhig dngos su gzigs pa'i rje btsun gyi thugs ka'i nang nas phar ral gri'i yu ba zug cing/ rje'i thugs kar ral gri'i rtse mo zug pa la/ bdud rtsi'i rgyun kha dog dkar ser shin tu snum pa 'od kyi chu rgyun 'dra ba zhig rje btsun gyi thugs ka nas ral gri'i steng la brgyud de na ra ra byung nas rje'i thugs kar zhugs pas sku'i nang thams cad zag med kyi bde ba chen po dpag tu med pa brjod par mi nus pa 'dra bas yongs su gang ba 'khrungs/ dus der ngo mkhyen pa dang mi mkhyen pa'i 'khar du ma ka @205 gdangs nas bdud rtsi bzed bzhin 'dug pa la 'ga' zhig gi khar bdud rtsi'i rgyun mang du 'gro zhing/ 'ga' zhig gi khar nyung zad tsam re 'gro ba dang/ 'ga' zhing gis kha gdangs kyang cung zad kyang mi 'gro ba de 'dra ba'ang 'dug ces bka' stsal bar snang/ de la rje nyid kyi gsungs las/ ka ta ra yi grong khyer du/ /skyed mos tshal ni rnam par rgyas/ /bung ba mang po de la rol/ /bdud rtsi mchog kyang 'thung bar snang/ /zhes brda' tsam zhig lung bstan mdzad la/ de'i nang tshan bung ba mang po de la rol/ zhes pa ni gdul bya rnams kyi nang nas mang po zhig gis rje nyid kyis ji ltar bstan pa'i lam bskyed rdzogs kyi nyams len la 'bad pa las bde stong gi ting nge 'dzin brnyes pa du ma zhig sngar rje nyid zhal bzhugs pa'i skabs dang/ dus phyis kyang 'byung bar lung bstan pa dang/ bdud rtsi mchog kyang 'thung bar snang// zhes pa ni mchog gi dngos grub brnyes pa yang mang du 'byung ba'i don dang/ de las gzhan bdud rtsi ma thob kyang thob tu re bas kha gdangs pa rnams ni lam bskyed rdzogs kyi nyams len la brtson par byas kyang skal ba'i dbang gi tshe 'dir bde stong gi ting nge 'dzin ma thob na'ang/ tshe rabs gzhan dang dma' mtha' rmad byung bkod pa'i 'jig rten du rje nyid rgyal ba seng+ga'i nga ror sangs rgyas tshul bstan pa'i tshe bdud rtsi thob pa'i rten 'brel gyi lung bstan yin tshul rje kun dga' bde legs kyis mdzad pa'i rnam thar las byung zhing/ des na/ ka ta ra yi grong khyer zhes pa yang bod gangs can gyi ljongs dang/ skyed mos tshal ni rnam par rgyas/ /zhes pa ni ljongs 'dir rje btsong kha pa nyid kyi thugs rje las mdo sngags spyi dang/ khyad par du zab gsang bla na med pa'i rim gnyis kyi lam gyi tshul rnam par rgyas pa'i don du nges sam snyam mo// @206 yang rnam thar 'ga' zhig las/ gzigs snang de dag byung ba' skabs shig rje btsun gyi gsung las/ gang la gnas pa med par ni/ /sems nyid nam mkha' lta bur sgoms/ /de yi grogs rnams kun la 'bad/ /bse ru lta bur gnas par bya/ /'du 'dzi dag kyang spang bar bya/ /nang du mnyam par bzhag par bya/ /byang chub chen po mnyes par bya/ /las kyi rnam par smin pa gdon mi za// nges par 'byung dang byang chub sems sgom ste/ /dran pa'i me chen rgyun chad med par sbar/ /yul drug bud shing nges par tshig par 'gyur/ /'khor dang mya ngan 'das pa'i chos rnams kun/ /sngon chad gang gis ma dmigs mi dmigs phyir/ / nam mkha' bzhin du de yi mtha' dang bral/ /yul gyi snang ba nam mkha'i padma bzhin/ /sems kyi 'dzin pa bde gshegs su yis rnyed/ /dbyings rig gcig pa mo gsham bu yis sgrub/ /de 'dra gang yin de dag rgyal ba'i lam/ / zhes gsungs zhes 'khod do/ /mdor na gnas der de 'dra ba'i dag pa'i gzigs snang mtha' klas pa byung zhing/ /de nas rje btsun 'jam dbyangs kyi gsung gis bskul ba bzhin rdzing phyi'i gtsug lag khang zhig bso mdzad par dgongs nas dpyid kyi dus la babs pa na 'ol khar byon/ /de yang rdzing phyi'i gtsug lag khang der sngon gar mi yon tan g.yu drung gis bzhengs pa'i jo bo byams pa'i sku li 'dra mi tshad lhag tsam shin tu byin rlabs che zhing/ ngo mtshar phul du byung ba zhig bzhugs pa dang/ gtsug lag khang rnams kyang bkod pa mdzes shing bde bar gshegs pa'i snang brnyan ldeb bris sogs byin rlabs kyi tshan kha dang ldan pa du mas gtams pa zhig yin na'ang/ dus phyis lha ris thams cad nyams shing shin tu gog /jo bo'i sku de la'ang sri @207 zhu bkur sti sogs med par rdul khrod na 'o brgyal zhing/ sku la bya brun dang thal ba sogs mi gtsang bas gos par gyur pa gzigs pas thugs kyis ma bzod pa'i spyan chab byung zhing/ de'i zhig bso'i slad du thog mar gtsug lag khang gi rtsig pa dang thog dang zhal ba sogs 'ol kha stag rtse pa la 'chos dgos zhal lta gnang ba bzhin khong gis kyang de dag thams cad legs par bka' bzhin du bsgrub/ de nas ri mo ba sogs kyi cha rkyen rnams rje dpon slob rnams rang gi phyag rdzas kyis sgrub par brtsams pa'i tshe/ dpon slob bcu gnyis yod pa'i phyag rdzas gtor cha sogs gang yod la ri gong btab pas dngul zho bcu gnyis las ma zin pas ji ltar mdzad rngo ma thogs pa la/ rnam sras pa 'dzin gtor zhig bcas nas 'phrin las 'chol bar dgongs pa'i tshe mar med pa la btsun pa zhig gis mar grod bu gang phul/ de la 'dzin gtor bcas nas 'phrin las bcol bas de'i sang nyin rang la 'brog pa 'gas mar thud mang po bkal te phul/ de nas bzung ste 'bul ba mang po rim bzhin byung bas yo byad kyis phyag cung zad kyang thogs par ma gyur cing/ 'dir ma zad chos ldan gyi dgos pa khyad par can gzigs pa'i skabs gzhan du'ang rnams sras la mar gyi gtor ma dang bcas te 'phrin las bcol bas yo byad dpag tu med pa blo bur du byung ba'i lo rgyus mang du yod ces mkhas grub thams cad mkhyen pas gsungs/ de nas yar lung phyogs nas kyang lha bzo ba tshon rtsi 'khyer nas ri mo'i dang blangs la 'ongs pa'ang mang du byung/ de'i tshe ri mo pa rnams kyang bsnyen gnas dang gso sbyong gi sdom pa la bkod nas 'brir bcug pa dang/ las byed pa'i mi gzhan rnams kyang tha mal pa'i tshig smra ba spangs nas smon lam gyi tshigs su bcad pa sogs shas cher kha ton du byed pa'i sgo @208 nas las sgrub pa la gzhol du 'jug par mdzad/ dus der rje btsun 'jam dbyangs kyi gsung gis/ rje btsun byams pa mgon po la phyogs bcu'i sangs rgyas thams cad kyis 'od zer chen pos dbang bskur ba la gzhi gyis la bstod pa rtsoms shig ces bskul bar mdzad pa ltar/ byams mgon gyi bstod pa rin po che gsal ba'i sgron me zhes pa gsung rtsom mdzad/ /de bzhin du bde ba can du skye ba 'dzin pa'i smon lam zhing mchog sgo 'byed dang/ rang nyid ma 'ongs pa na gang du sprul pa'i skur 'tshang rgya ba'i mdzad pa ston pa'i zhing yongs su bzung ba'i smon lam yang rje btsun gyi gsung gis bskul nas rtsom par mdzad la/ de yang gsang rnam gsol 'debs las/ bde ba can du skye ba'i smon lam dang/ /mi pham mgon gyi yang dag don bstod pa/ / don gyi ngo bo go rim 'jam dbyangs kyis/ /gsal bar gsungs nas tshig sbyor legs sbyar ba/ /dpal ldan + zhes gsungs pa ltar gong gi bstod pa dang smon lam de dag gi don gyi ngo bo dang go rim sogs rje btsun 'jam dbyangs nyid kyis ji ltar gsungs pa rnams nged kyis tshig sbyor du bsgrigs pa yin ces rje nyid kyis bka' stsal par snang/ yang de nyid las/ sku gsung thugs rten rab gnas mdzad pa'i tshe/ /dam tshig pa la ye shes mngon sum zhugs/ /gang gis byin gyis brlabs pa'i lha tshogs rnams/ /skye rgu'i bsod nams zhing du legs grub pa/ / dpal ldan zhes gsungs pa'i don ni/ de skabs thog mar rje btsun 'jam pa'i dbyangs kyi zhing bkod bzhengs pa'i skya ris btab tshar ba la rab gnas zhig mdzad pas rje btsun gyi sku dngos su byon nas thim song ba'i gzigs snang byung zhing/ de nub de'i sku mdun la kong bu chung ngu zhig tu mar me bkang ste srod kyi mgo nas phul bas @209 sang nyin phyed kyi bar du ma zad par 'dzin pa byung/ de bzhin du zhing bkod re re bris tshar rim gyis rab gnas mdzad cing mar me phul ba la ma bzung ba gcig kyang ma byung zhing/ rab gnas mdzad pa'i gnas skabs gang du'ang ye shes pa dgug bstim mdzad pa na lha de dang de'i rnam par thim song ba'i snang ba ma byung ba med ces bka' stsal te; des na rten de dag ni rgyal ba dngos dang khyad par med pa'i mchod pa'i zhing bla na med pa nyid du shes par bya ste/ me tog chun po las/ rab gnas mdzad tshe gang gang dam tshig par/ /ye shes de de slar yang mngon sum thim/ /de phyir ya mtshan rten gyi ljon pa rnams/ /mchod pa'i zhing du rgyal ba dngos yin no// zhes gsungs pa ltar ro/ /dus der sangs rgyas sum cu rtsa lnga'i sku 'bri bar brtsams pa'i tshe/ lha bzo ba rnams kyis sku mdog phyag rgya sogs ji ltar 'bri ba ma shes nas rje nyid la zhus par/ gsol btab mdzad pas ji ltar 'bri ba'i go rim dang mthun par rgyal ba sum cu so lnga'i sku rim gyis gzigs snang byung ba bzhin sku mdog phyag rgya sogs 'di dang 'di lta bur bris shig ces zhal lta gnang nas 'brir bcug par mdzad la/ 'di dang sngar 'ol kha chos lung du sangs rgyas so lnga'i zhal gzigs pa dang/ gzhan yang de 'dra ba snga phyi nges med rgyun du nar mar byung ba rnams phyogs gcig tu gsang rnam tshigs bcad ma las/ yan lag bdun pa'i cho ga mdzad pa'i tshe; ;sangs rgyas sum cu so lnga mngon sum du/ /rang rang sku yi dbyibs dang phyag mtshan sogs/ /ji bzhin rgyun du gzigs pa chos kyi rje/ /dpal ldan + zhes gsungs pa yin no/ /de ltar ri mo sogs legs par grub nas 'jam dpal gsang ldan gyi dkyil 'khor bzhengs te byams mgon gyi snang brnyan gtso bor gyur @210 pa'i rten dang brten pa mtha' dag la rje nyid dkyil 'khor gyi gtso bor bzhengs nas rab tu gnas pa'i rim pa rgyas par mdzad cing/ de skabs slob ma skal ldan bcu lhag pa zhig la 'jam dpal gsang ldan gyi dbang chen yang bka' drin du stsal/ de'i tshe rab gnas dngos gzhi'i nyin rje nyid rgyun gyi thugs dam ma chag pa'i thog / las byed dang/ bya ba'i dus tshig 'dzin pa mang po zhig gi thugs dam dge sbyor dang bya ba sogs kyang sngar las ches snga ba'i tshod la zin pas/ 'di ci zhig snyam ste grib tshod btsugs shing zhib tu brtag par de nyin nyi ma tshad las ches ring du gyur par snang ngo zhes du ma zhig mthun par gleng ba byung ste/ de ni sngon rgya gar du grub chen 'bir wa pas rgyun gyi nam phyed la sleb tshod bar du nyi ma bzung ba sogs kyi rnam thar dang mtshungs pa ste gang snang la 'dod rgur dbang bsgyur ba'i rtags yang dag go / gzhan yang las can 'ga' zhig gi rmi lam du mkha' 'gros ri mo 'bri ba mthong ba dang/ lho brag mkhan chen phyag rdor ba'i gzigs snang la sangs rgyas rabs bdun sogs rgyal ba du ma nam mkha'i lam nas byang phyogs su byon pa gzigs/ gang du bzhud ces gsol bas rdzing phyi'i rab gnas la spyan 'dren gyin 'dug ces gsungs pa ltar/ dus phyis zhal 'dzoms skabs rtsis pas mkhan chen la gzigs snang byung ba'i tshes grangs dang rab gnas mdzad pa'i tshes grangs gnyis mthun par byung snang la/ des na rgyal ba sras bcas ting nge 'dzin gyis dngos su spyan 'dren nus pa 'di lta bu grub rtags phal dang phal gyi do zla ma yin pa shes par gyis shig /rab ston mdzad pa'i skabs su gdan sa phan tshun gyi mdo smad tshong pa sogs nas gos dar sogs kyi 'bul ba mang du byung bas rten 'bur du dod pa rnams kyi na bza' dang logs bris... @211 thams cad la zhal khebs dang bcas pa legs par phul ba sogs bstan pa dang 'gro ba yongs la lhag par sman pa'i mdzad pa rlabs che ba zhig dus der grub par mdzad do// de nas rin po che lho brag grub chen nam mkha' rgyal mtshan pa la bu ma dkar mo zhig gis/ byams pas byin gyis brlabs pa'i gang zag 'jam dpal dang gnyis su med pa/ lha mo dbyangs can mas rig pa ster bar byed pa'i skyes bu phun sum tshogs pa zhig dang skye ba bco lnga'i gong nas 'brel ba yod cing/ skye ba 'dir yang phan tshun dpon slob tu 'brel ba'i rten 'brel yod pas gdan drangs nas chos bka' la sris ma 'jug par byin/ phar la yang chos zhus zhes sogs lung bstan pa la brten nas mkhan chen phyag rdor ba thugs mos gus tshad med pa 'khrungs te rje nyid la 'dir cis kyang nas phebs par zhu/ bka' 'dri zhu ba'i 'dun pa'ang yod la sku tshe bsring ba'i rten 'brel bsgrigs pa sogs kyi snyan bskul yang 'bul ba lags/ zhes pa'i gsung yig nan cher byung bar brten nas dgung lo so dgu pa shing phag lo la mnyal brgyud de lho brag bra'o dgon par byon/ de yang mkhan chen phyag rdor ba 'di nyid ni sku tshe sngon rabs du ma nas spangs rtogs kyi yon tan bsam gyis mi khyab pa brnyes shing/ dpal phyag na rdo rje dngos kyis rjes su bzung ba/ bsam gtan la mnyam par bzhag pa na sngon gyi skye ba lnga brgya tsam gzigs shing/ skye ba bcu drug ni nyal ba'i rmi lam du'ang dran zhes zhal gyis 'ches pa/ bzhugs khang gi phyi nang dang gnas ri'i dbus mtha' sogs su skye bo gang yod kyis spyod lam rnam bzhi ci byas sgrib med du gzigs pas tshul min byed pa dag la zhal ta mdzad pa/ mtshan tsam kha ton du byed pa dag la'ang 'byung po'i 'tshe ba mi 'byung ba sogs che ba'i yon tan bsam gyis mi khyab @212 pa dang ldan pa zhig ste/ de dang rje bdag nyid chen po gnyis yi dam gyi lung bstan ltar sku tshe du ma nas gar 'khrungs/ gar bzhugs thams cad du lhan cig par byon nas phan tshun gcig gi ngang tshul gcig la mnga' ba bzhin du chos kyi skyes 'bul res dang/ smon lam gyi nus pa bsgrub res/ zag pa med pa'i mchod tshogs kyi bsnyen bkur res sogs kyi 'brel ba rmad du byung ba grub pa zhig yin par snang la/ 'di dus kyang thog mar mjal du nye ba'i tshe/ mkhan chen phyag rdor ba la mgon po byams pa 'byon gyin yod ces pa'i skad lhang ba zhig snyan lam du byung/ de dus rje thams cad mkhyen pa rgya mo ri 'phred la phebs pa'i tshod du 'dug ces gsungs/ de nas bcom ldan 'das kyis chos 'khor bskor ba'i dus chen hor zla drug pa'i tshes bzhi'i nyin bra'o dgon par phebs skabs mkhan chen gyis bsu ba la byon pa na rje btsun 'jam dpal dbyangs 'od kyi dra bas mdzes pa zhig byon pa gzigs shing/ rje nyid kyis bla ma mkhan chen phyag na rdo rje dngos su gzigs pa de'i bsus pa'i dkyil 'khor shin tu ldir ba baiDUrya ltar dwangs pa la sbrul sngo khras spras pa gzigs 'dug pa ni sngar las kyang gdul bya 'phrin las rgyas su 'gro ba'i brda' yin par gsungs/ de nub rang mkhan chen la bla ma'i rnal 'byor zhig gsan pas phyag na rdo rje rje nyid la dngos su thim pa'i gzigs snang dpon slob gnyis ka la byung/ de'i tho rengs mkhan chen gyi snyan lam du byams pa nyid la bslab btus zhus zer ba zhig byung nas rje nyid la gsung bar zhus pas/ yi dam lhas de skad gsung ngam zhus pas gsungs lags zhes gsung ba ltar/ mkhan chen gyis gtso mdzad pa'i lho brag gi dge 'dun rnams la bslab btus la sogs pa'i chos mang du gsungs/ chos gsan skabs mkhan chen gyi gzigs snang la rje nyid kyi dbu'i steng na rje @213 btsun byams pa/ sku dpung g.yas su 'jam dbyangs dkar po/ g.yon du lha mo dbyangs can ma bzhugs pa dang/ mgon po phyag bzhi pa dang phyag drug pas gtso byas pa'i chos skyong mkha' 'gro bsam gyis mi khyab pas bskor zhing gzhan yang dkar phyogs la dga' ba'i lha 'dre'i tshogs mang po chos nyan zhing 'dug pa gzigs pas sngar bas lhag pa'i mos gus thun mong ma yin pa 'khrungs/ mkhan chen sku rkyang la'ang grwa lnga'i dbang la sogs pa'i dbang rjes gnang mang du gnang/ rje nyid kyis mkhan chen pa'i drung nas grub chen nyid kyi bka' 'bum dang byang chub lam gyi rim pa'i bka' bab gnyis kyi khrid/ phyag na rdo rjes gsungs pa'i gsang ba bsam gyis mi khyab pa'i khrid lung rjes gnang/ phyag rdor sku lnga'i rjes gnang/ zhu lan rdo rje'i 'phreng ba/ zhu lan gces phreng gi lung rjes gnang/ phyag na rdo rje khyung lnga'i dbang dang rjes gnang/ dregs pa kun 'dul gyi dbang/ rta mgrin dpa' bo gcig pa zhal gsum phyag drug gi rjes gnang sogs gsan/ de dag gi tshe dbang dang rjes gnang gi bya ba rnams DA ki ma rnams kyis byed pa dang/ bla mas bdud rtsi ka pA la gang rje nyid la phul ba der lbub gsum shar ba'i nang du 'jam dbyangs/ dzam lha/ rnam sras rnams re re nas bzhugs pa sogs ngo mtshar can mang du byung/ rje'i 'khor bla ma 'jam dkar ba sogs dag pa'i 'khor slob mang ba rnams la'ang mkhan chen gyis chos lung mang du stsal/ rje dpon slob thams cad la mkhan chen nyid kyang thugs shin tu gus pa 'khrungs/ de'i stobs kyis bdag la yon tan bag re skyes pa byung zhes bka' stsal/ rje rin po cher gdams ngag rnams stsal dus phal che bar mkhan chen gyi dbu thog tu shAkya thub pa/ g.yas su phyag na rdo rje/ @214 g.yon du gdugs dkar mo rnams byon gyin 'dug pa ni bar chad mi 'byung ba'i rtags su 'dug ces gsungs/ de nas re zhig na rje bdag nyid chen pos bdag la lta ba'i skor gyi the tshom 'ga' zhig mchis pas/ de sel ba la rgya gar shing gi ri na rje mi tra chen po bzhugs pa'i drung du 'gro 'dod pas de la bar chad mi 'byung lags sam zhus par/ bla mas yi dam la zhu bar mdzad pa'i lan du/ lta ba'i gnad rnams bdag gi yi dam la zhus pas chog par 'dug /rgya gar la byon na khyed rang rje mi tra dang mjal zhing rdo rje gdan gyi mkhan po mdzad pa sogs 'gro phan ngo mtshar ba 'ong na'ang/ 'khor rnams kyi tshe'i bar chad du 'gyur ba 'dug cing/ des na khyed kyi 'khor 'di rnams tshogs sbyor gyi lam chen po la gnas pa sha stag tu 'dug pa 'di dag bar chad kyi dbang du song na mi legs shing/ khyed rang yang rgya gar du bzhugs nas tshur mi 'byon par snang bas/ de bas bod phyogs 'dir bstan pa la phan pa'i thabs la 'bad na 'grub pas de bzhin du mdzad 'tshal ces shol 'debs par mdzad pa ltar rje nyid rang la'ang rje btsun gyis gsungs pas de bzhin du mdzad pa'i thugs dgongs gtad/ de nas lta ba'i gnad rnams yi dam la zhus pas bdud rtsi sman mchog ces pa'i gdams pa gnang nas 'dis ma ti b+ha dra shri'i the tshom sel lo gsungs/ ma ti b+ha dra shri de gang lags zhus pas/ blo bzang grags pa skye ba 'di'i gong paNDi ta'i skye ba bdun du sems can gyi don byas/ skye ba 'di ga'i gong du'ang kha che gri stan du paNDi ta ma ti b+ha dra shri bya bar skyes zhes sogs sngar gong du bkod pa ltar gsungs shing/ gzhan yang rje'i sku 'phreng snga phyi sogs yi dam la mang du zhu bar mdzad pa rnams kyi lung bstan phal che ba ni gong du bkod pa rnams kyis @215 shes so/ /de nas yi dam gyi bka' bzhin rdzing phyi'i jo bo la bstod pa tshangs pa'i cod paN zhes pa 'gro ba sdug bsngal gyis mnar ba rnams la thugs rjes gzigs pa'i gsol btab dang/ rab tu byung ba'i rtags cha tshang ba dang bcas pa phul na/ dus phyis sangs rgyas kyi bstan pa'i gzhi ma 'dul ba'i bslab khrims shin tu dar ba'i rten 'brel yod ces mkhan chen nas bskul bar mdzad pa ma zad/ rje nyid rang la'ang rje btsun 'jam dpal dbyangs kyis de ltar gsung gis bskul ba bzhin/ bstod pa tshangs pa'i cod paN don bzang tshig sbyor phun sum tshogs pa bka' rtsoms su mdzad pa de dang/ chos gos rnam gsum/ mkhar sil/ lhung bzed/ gding ba/ chu tshags sogs dge sbyong gi yo byad tshang ma dang bcas te rdzing phyi'i byams par 'bul bskur mdzad/ dgung lo bzhi bcu rtsa lnga la sku tshe'i bar chad zhig yongs nyen 'dug pas de sel ba'i phyir du dpal 'khor lo chen po bdud rtsi thig pa'i bskyed rdzogs zab mo de rje nyid la gnang zhing/ da lan 'di nas tsA ri dang mnyal sogs la byon na bstan pa dang sems can la phral dang phugs su phan pa'i thabs khyad par can 'grub pa 'dug cing/ rgya gar gyi mkhas grub zhig gi sku'i snang ba dang bstan bcos la brten nas zab mo'i don la dpyis phyin pa'i nges pa rnyed pa yod pas de ltar mdzad pa dang/ de nas re zhig bar du 'chad nyan kyang mdzad na 'gro phan che tshul sogs yi dam gyi lung bzhin bka' zhib par stsal/ gzhan yang de 'dra ba mang du gsungs pa las 'ga' zhig ni 'og tu brjod 'gyur gyis gsal zhing/ rje nyid nas kyang lho brag gi grwa bu slob skye bo'i tshogs dang bcas pa la gsung chos kyang mang du gsung ba sogs lho brag tu zla ba bdun du bzhugs/ mkhan chen nas rje'i sku bsod rgyas pa'i phyir @216 du rnam sras la gtor ma phul bas de'i nub mo rdo rje rnam 'joms la rnam sras bzhis bskor ba zhal gzigs shing/ de'i sgrub thabs las mtha' dang bcas pa gsungs pa sogs ngo mtshar dag pa'i snang ba 'byams su klas so/ /lho brag mkhan chen dang mjal tshul gyi lo rgyus 'di rnams ni/ rje'i dngos slob bshes gnyen kun dga' bzang po dang/ mdo khams pa rgyal mtshan bzang po sogs dge ba'i bshes gnyen mang pas mkhan chen phyag rdor ba mjal bar byon nas khong rnams kyis mkhan chen la bdag cag gi bla ma dam pa tsong kha pa chen pos khyed kyi mtshan brjod pa na mtshungs med nam mkha' rgyal mtshan pa zhes dang/ lho brag rje btsun phyag rdor ba 'di skad gsungs zhes bka' drin che zhing ngo mtshar ba'i bsngags pa mdzad kyin 'dug pas rje tsong kha pa dang mjal dus ngo mtshar ba'i gzigs snang dang/ rtags rten 'brel 'byung tshul rnams gsung 'tshal zhes nan cher zhus pa'i ngor mkhan chen nyid nas bka' stsal tshul gyi zin bris nyung ngu yi ger 'khod pa zhig 'dug pa ltar bkod pa'o/ /des na tshul 'di dag ni bdag nyid chen po nang phan tshun gyi gsang ba bsam gyis mi khyab pa'i rnam thar kho na las so skye tha mal pa'i mngon sum gyi spyod yul du ni ga la 'gyur zhing/ 'on kyang rnam par thar pa yi ge'i lam du 'khod pa tsam zhig rang cag gi mthong thos kyi yul du gyur pa 'di yang rje bdag nyid chen po yab sras kyi thugs rje dang byin rlabs kyi mthu kho nar shes pa'i sgo nas dkon pa'i 'du shes ches cher bskyed de snying thag pas gsol ba 'debs pa la 'bad par bya'o/ /'di skor gyi gzigs snang la sogs pa rnams rje thams cad mkhyen pa nyid nas su la'ang gsal bar bka' ma stsal rung/ rje'i slob ma 'ga' zhig gis mkhan chen phyag rdor bar bka' dri zhus pa las mkhan chen nyid kyis @217 bka' stsal bar snang ste/ de nyid kyi gsung las/ yang phyis chos 'khor gyi dus zhig / rje dka' bzhi ba blo bzang grags pa'i slob ma bshes gnyen kun dga' bzang po dang/ yi dam gyis lung bstan pa'i slob ma mdo smad gser ldan pa d+hwa dza b+ha dra sogs dge ba'i bshes gnyen mang po bdag mjal du byon byung bas khong rnams kyi gsung nas/ bdag cag gi bla ma dam pa tsong kha pa chen pos khyed kyi mtshan brjod pa na mtshungs med nam mkha' rgyal mtshan pa zhes pa dang/ lho brag rje btsun phyag rdor ba 'di skad gsungs zhes sogs bka' drin che zhing ngo mtshar ba'i bsngags pa mdzad kyin 'dug pas/ rje tsong kha pa dang mjal ba'i dus ngo mtshar ba'i gzigs snang dang rtags rten 'brel byung tshul rnams gsung 'tshal zhes nan cher zhus pa'i ngor rags rim zhig brjod na/ bdag gis bdun cu lon dus bu mo dkar mo zhig na re/ byams pas byin gyis brlabs pa'i gang zag zhes sogs gong du ji ltar bkod pa rnams gsungs pa'i mjug tu dka' bzhi pa dang mjal tshul zur tsam bkod pa'o/ /zhes gsungs pas/ 'di dag kyang rags bsdus tsam las mtha' dag ni yin par mi snang ste/ gsung de nyid las/ rtags ngo mtshar can mang zhig byung ste bshad kyis mi lang zhes gsungs pas so/ /des na rje bdag nyid chen po dang mjal skabs rje btsun phyag rdor ba dgung lo bdun cu yin par snang la/ gong du yi dam gyis lung bstan pa'i slob ma d+hwa dza b+ha dra zhes pa ni/ rje thams cad mkhyen pa'i dngos slob mkhyen rab nam mkha' dang mnyam pa gung ru ba rgyal mtshan bzang po yin par sems shing/ de la rnam dpyod can dag gi dogs par/ gung ru ba rgyal mtshan bzang po 'khrungs yul khams lho rdzong pa yin pa dang/ rnam thar 'dir mdo khams gser ldan pa d+hwa dza b+ha dra zhes gsungs pa ltar na 'bri chu'i rgyud du @218 'khrungs ba zhig yin 'dra zhes dogs slong mdzad kyang/ gser ldan zhes pa sa gzhi'i ming la'ang 'jug na mdo khams kyi sa char 'khrungs pa zhes gsungs rgyu las/ chu bo gser ldan la gsungs rgyu min 'dra ba ma zad/ rje'i dngos slob khrod du gung ru rgyal mtshan bzang po ma yin pa'i rgyal mtshan bzang po zhes pa zhig e yod mi shes 'dra yang da dung dpyod ldan rnams kyis dpyad par mdzod cig /'di skor la rje rtogs ldan pa chen pos mdzad pa'i rnam thar legs bshad kun 'dus su/ 'ol kha la sogs par byon nas byams pa gling la sogs pa'i gtsug lag khang la zhig gso mdzad/ de nas thugs dgongs la kha ba can na da lta yod pa'i bka' bstan bcos man ngag dang bcas pa legs par nyan cing khong du chud nas/ da dung the tshom som nyi la sogs pa'i sgro 'dogs gcod pa dang/ khyad par du dbu ma dang sngags kyi skor/ bye brag tu gsang 'dus dang bde mchog gi skor rnams gtan la 'bebs pa'i ched du rgya gar du byon nas/ o tan na lendra la sogs pa rnams su klu'i byang chub sogs la gtugs par dgogs te dpon slob bcu gsum tsam rtags dang rmi lam sogs la dpyad nas/ smon lam dang rten 'brel gcig tu bsgrigs te mnyal nas lho brag la lam gtod/ rgya gar shing gi ri nas lam byas grub thob mi tra dzo ki dang mjal nas ma g+ha d+har 'byon dgongs te lho brag tu gshegs/ grub chen phyag rdor ba nam mkha' rgyal mtshan dang mjal nas rgya gar du byon na rje rang rig pa'i gnas bco brgyad la mkhas pa'i paNTi ta rdo rje gdan gyi mkhan po byed pa zhig tu 'gyur na'ang sku tshe thung bas slob ma rnams la phan dka'/ de bas bod du bzhugs nas 'jam dbyangs la gsol ba thob dang/ myur du rjes su 'dzin pa 'dug gsungs nas khong rang la mnga' ba'i lung man ngag rnams dang/ @219 khyad par du mtshan nyid lam rim la sogs pa bka' gdams kyi chos skor rnams dang/ phyag rdor gyi sgrub skor/ de'i rdzogs rim la sogs nyams khrid du mdzad/ de nas mtshur mnyal du byon/ zhes gsungs snang ste/ don du rje thams cad mkhyen pa ni dam chos 'tshol ba la ngoms pa med pa'i brtson 'grus thugs rgyud la rang chas su mnga' ba'i stobs kyis sngar bod du thos sgom de tsam mdzad pa de dag gis kyang thugs ma tshim par nges par rgya gar rang du 'byon dgongs pa zhig sngar nas thus la rgyun chags su yod pa ltar/ 'di dus kyang mkhan chen nas lho brag tu 'byon dgos gsung ba bzhin thog mar lho brag tu byon/ de nas mkhan chen gyis shol 'debs ma mdzad par bka' 'khrol na lam bskyangs te nges par rgya gar du 'byon pa zhig yin par snang ngo/ / gong du rje phyag rdor ba dang mjal skabs gzigs snang sogs kyi lo rgyus 'di dag gsang ba'i rnam thar sogs su'ang zur tsam las 'god par ma gnang zhing/ rje kun dga' bde legs kyis mdzad pa'i rnam thar dad pa'i 'jug ngogs chung bar 'ga' zhig tsam zhig 'god par mdzad kyang mtha' dag gsal bar ma 'khod 'dug pa rje nyid bka' dogs pa'i dbang gis yin par snang rung/ lo rgyus 'di dag dpe rgyun yang shin tu dkon pa bcas nam zhig nas 'og gi gter ltar gyur dogs pas bdag gis rang gzhan gyi dad pa'i gsos kho nar bsams nas rang gi mig lam du gang gyur pa rnams gsal bar bkod pa lags na/ bla ma lha dang DA ki srung mar bcas pas sgrib pa dang nyes par mi 'gyur bar byin gyis brlab tu gsol lo/ /des na tshul 'di dag la zhib tu bsams na bdag nyid chen po yab sras 'di rnams nges pa'i don du rigs gsum la sogs pa rgyal kun 'dus pa'i ngo bo yin par lung rig gtan @220 tshigs gzhan gyis sgrub pa la ltos mi dgos pa nyid do/ /de nas mkhan chen gyi bka' bzhin rgya gar du 'byon rgyu shol nas slar yang mnyal du byon/ mnyal nas lo ror phebs te lo ro stong stag tu zla ba lnga tsam bzhugs nas thugs dam la gcig tu 'grus par mdzad/ der dge ba'i bshes gnyen chen po brin las pas mdzad pa'i bstan rim chen mo gdan drangs byung ba la bsu ba mdzad cing/ mchod pa phul nas zhib tu gzigs pas rgyal ba'i gsung rab kyi dgongs don mtha' dag gang zag gcig gis nyams su len tshul dang/ lam gyi ngo bo/ grangs nges go rim sogs shing rta chen po gnyis kyi bzhed pa dang lhag par mthun pas thugs nges chen po 'khrungs shing/ der bstan rim tshar gcig gsungs/ mnyal du byon pa'i snga phyi 'di dag zhig la sngar gong du 'khrungs rabs 'chad pa'i skabs su zur tsam smos pa ltar/ mkhan chen chos skyabs bzang po dang mjal 'phrad mdzad par snang la 'di skor rnam thar chen mor gsal kha ma 'khod rung rnam thar zur pa gzhan dag tu gsal zhing/ mjal dus snga phyi'i skor rje 'jam dbyangs bzhad pas mdzad pa'i rje'i rnam thar ras bris 'bri tshul gyi go rim ltar na lho brag grub chen dang mjal 'phrad grub nas slar mnyal dang lo ror byon/ dge bshes brin las pa'i bstan rim gzigs pa dang/ bstan rim gsung tshul rnams bkad pa'i rjes su/ g.yon dang po mnyal brag gor du mkhan chen chos skyabs bzang po la mngon dbu sogs gyi lung dang/ shar ba'i lam rim/ be bum sngon po rtsa 'grel/ spyod 'jug /blo sbyong sogs bka' gdams gzhung pa'i mdo sngags kyi gdams pa mang po rdzogs par gsan/ zhes 'byung ba'i go rim ltar na lho brag mkhan chen dang mjal rjes slar mnyal du... @221 phebs nas mkhan chen chos skyabs pa dang thog mar mjal ba las de'i gong du ma mjal ba 'dra zhig snang rung/ 'jam dbyangs nyi ma bstan pa rgyal mtshan gyis mdzad pa'i rje'i rnam thar skal ldan pad tshal rgyas pa'i 'od stong ltar na/ lho brag mkhan chen dang ma mjal gong du mnyal du mkhan chen chos skyabs bzang po dang mjal zhing/ mkhan chen chos skyabs pa de lho brag phyag rdor ba'i bla ma yin par snang bas de la lho brag phyag rdor ba'i sku che ba'i yon tan rnams bka' 'dri mdzad pas thugs nges cher gyur nas lho brag tu byon pa dang/ lho brag nas mkhan chen phyag rdor bas/ bde mchog pho brang brag gor du zhes sogs kyis mnyos ston chos 'bar dang mtsho sna pa sogs la bsngags pa mdzad tshul dang/ slar yang rje thams cad mkhyen pas brag gor du phebs pa sogs kyi lo rgyus gsal bar snang bas/ des na rnam thar ras bris kyi skabs su ri mo'i 'jug pa bde phyir mjal thengs snga phyi gnyis ka phyogs gcig tu bsdoms nas 'god par mdzad pa yin 'dug pa las/ gzhan lho brag mkhan chen dang ma mjal gong phebs lam mnyal brgyud nas byon skabs mkhan chen chos skyabs dang thog mar mjal ba yin par snang ste/ de dag gi lo rgyus rnam thar skal ldan pad tshal rgyas pa'i 'od stong ltar zur tsam 'god na/ de yang mkhan chen chos skyabs pas brag gor gyi dben gnas rin chen gling du phyir mi ldog gi rtags ma thob par them pa 'di las mi 'da' zhes sku mtshams la bzhugs skabs/ rje nyid lho brag tu 'byon pa'i lam zhor mnyal du mkhan chen chos skyabs pa mjal bar byon pas/ mkhan chen gyi mnal lam du a ti sha byon tshul dang/ sang nyin rje dang mjal nas mdo sngags kyi gsung gleng mdzad par a ti sha dngos su gzigs tshul sogs gong du @222 brjod zin pa ltar dang/ de nas mkhan chen gyis rje nyid la gos kha gsum 'brel zhig phul nas chos zhu bar rtsom pa na rje'i zhal nas/ khyod nyi ma lta bu'i dge ba'i bshes gnyen la bdag srin bu me 'khyer lta bus chos 'chad par rngo mi thogs/ cis kyang thugs bzhed mdzad na rnal 'byor pa rten 'brel la mnga' brnyes pas sngon la mkhan chen pas bdag la gnang bar zhu zhes nan cher mdzad pas/ mkhan chen gyis rje rin po che la lam sgron gyi 'grel pa mtsho sna ba'i lam rim tshang bar gsungs/ de'i dus rje'i zhal nas/ nga de'i tshe der gyur to/ /zhes gsungs te/ de ni rje nyid sngar kun mkhyen mtsho sna ba'i skye ba bzhes par zhal gyis 'ches par snang/ rje rin po che nas mkhan chen pa la a ti sha'i gdams pa tshang bar gsungs shing/ gzhan yang gsang ba 'dus pa'i rim lnga'i lam gyi gnad rnams dang/ klu sgrub yab sras kyi dgongs pa'i gnad sogs mdo rgyud kyi gnad don mang du gsungs/ yang mkhan chen pas rje nyid la gro lung pa'i bstan rim dang mtsho Tik sogs gsungs/ de skabs rje'i zhal nas mkhan chen pa la/ khyod kyi slob ma grub chen phyag rdor ba de bla ma gang la thug /sku gsung thugs kyi yon tan ji lta bu lags zhus pas/ bla ma dang po mkhan chen rgyal sras bzang po la thug /de la spyan ras gzigs kyi gsung gi snang ba rgyun chad med/ de rjes rgyal ba'i rgyal tshab mon grwa pa tshul khrims bkra shis la thug /de la mngon shes thogs pa med/ mdo rgyud kun la mkhas shing khyad par mngon pa'i sde snod la mkhas pa dbyig gnyen dang mtshungs/ phyag na rdo rje khyung lnga'i gsung gi snang ba rgyun chad med/ dge ba'i bshes gnyen de nyid la yon tan gang yod khyed rang gis dgongs pa de ltar lags/ gzhan yang rgya ma rin po che dang ri @223 zan rngog pa rnams la thug /grub chen pa kho rang slob dpon Arya de wa dang/ sangs rgyas ye shes zhabs kyi sprul par phyag na rdo rjes mkhan chen mon grwa pa la gsungs tshul sogs bka' stsal pas rje nyid mkhan chen phyag rdor ba la thugs nges che bar 'khrungs de nas rje thams cad mkhyen pa lho brag tu byon/ mkhan chen chos skyabs pa de de sngon thang sag pa'i gzhir lta ba la gom pa shas cher yod pas/ rjes gsungs pa'i dbu ma'i lta ba la khrid dka' bar byung nas rje btsun mi g.yo mgon la/ rje blo bzang grags pa'i lta ba 'di gang lags zhus pas/ thub pa sangs rgyas la 'khrul pa med/ lta ba rnam dag mthar thug pa de rang yin/ bla med rdo rje theg pa'i skabs su'ang lta ba rnam dag de las ma 'das pas de la gtso bor gyis gsungs/ 'o na/ mtsho sna pa'i lta ba de ltar lags sam zhus pas/ de yang klu sgrub kyi lta ba skye ba'i phyir yin/ byang chub sems dpa' nor bzang dang blo bzang grags pa la dbyer med ces gsungs pas de phyin chad mkhan chen pas kyang rje thams cad mkhyen pa'i lta ba la thugs dam gtso bor mdzad pas phyir mi ldog pa'i rtags rnams kyang ring min nyid du thob bo/ / rje nyid lho brag phyag rdor ba dang mjal tshul gong du gsal ba ltar nas/ de skabs grub chen phyag rdor ba'i zhal nas/ bde mchog pho brang brag gor du/ /'khor lo bde mchog la wa pa/ /de yi rnam 'phrul chos 'bar zhes/ /thub dbang de yi zhabs la 'dud/ /slar yang 'khor lo bde mchog gi /rnam 'phrul kun mkhyen mtsho sna pa/ /rgyal ba'i sras kyi thu bo la/ /dpal ldan 'khor lo bde mchog dang/ /dbyer med rtsa ba'i bla ma mchog /kun mkhyen mon gra'i zhabs la 'dud/ /'phags pa spyan ras gzigs dbang gi /sku gsung thugs @224 kyis mngon sum du/ /rjes gzung byin rlabs theg mchog ston/ /rgyal sras bzang po'i zhabs la 'dud/ /ces sogs dang/ mkhan chen chos skyabs pa'i che ba'i yon tan sogs gsungs/ de nas slar yang rje thams cad mkhyen pa brag gor du phebs skabs brag gor nas rgyang grags gcig tu khyab par tshul khrims kyi dri ngad bsam gyis mi khyab pa zhig shangs kyi dbang por sim pas su zhig gi yin nam dgongs pa 'khrungs/ de dus mkhan chen sang sher ba yang gnas der bzhugs yod pas rje nyid la chos bka' stsol par gsol ba btab pa bzhin sang sher ba dpon slob rnams la zla ba gcig gi bar du snga dro phyi dro srod gsum la chos thun re re mdzad nas lam sgron sogs dang/ klu sgrub yab sras kyi dgongs don gyi bka' lung dang rjes gnang sogs mang du gnang/ de mtshams nas kun mkhyen chos skyabs pas nyin gcig nye gnas la de ring rta sga rgyob cig /rje blo bzang grags pa gdan 'dren pa la rta rgyug byed pa yin gsungs chibs pa chibs te rje dpon slob gdan 'dren la byon pa bzhin/ mkhan chen sang sher bas rje'i phyag phyi mdzad nas rin chen gling du phebs/ dus der rje'i zhal nas mkhan chen chos skyabs pa la khyed nyid thugs dam mthar phyin te phyir mi ldog pa'i rtags thob pa thugs la btags zhes gsungs pas/ kun mkhyen chos skyabs pa dang mkhan chen sang sher ba sogs rje tsong kha pa la gzhan rgyud rtogs pa'i mngon mkhyen thogs med du 'dug dgongs thugs dad ches cher skyes/ de skabs skye bo tha mal pa gzhan gyis kyang kun mkhyen chos skyabs pas phyir mi ldog gi rtags thob pa yin 'dug ces gleng ba byung 'dug /mkhan chen sang sher ba chos grwa la byon pa na sngar gyi tshul khrims kyi ngad pa de yal song bas rje nyid nas dri ngad bzang po de mkhan chen @225 sang sher ba'i yin par dgongs nas mos gus 'khrungs te 'di ltar/ rje btsun mkha' 'gros dngos su byin rlabs nas/ /tshul khrims dri bzang ngad kyis nang khyab pas/ /skal ldan gdul bya'i nyon mongs gdung ba sel/ /tshul khrims mthar phyin zhabs la phyag 'tshal lo/ /zhes bstod bsngags mdzad par grags so/ /des na kun mkhyen chos skyabs pas phyir mi ldog gi rtags mnyes nas rje nyid slar brag gor du phebs pa'i dus 'di ni lho brag nas byon te lo ro stong stag tu zla ba lnga bzhugs nas slar mnyal du phebs pa'i dus der yin par sems la/ lar nas rje nyid sngar mnyos ston chos 'bar dang/ kun mkhyen mtsho sna bar skye ba bzhes pa'i thugs bskyed dang 'phrin las kyi phyi rjes skyong bar mnyal phyogs su bstan 'gro'i don mdzad nas yun ring tsam bzhugs pa yin 'dug pas/ kun mkhyen chos skyabs pa sogs lan 'di gnyis su ma zad yang yang du mjal 'phrad mdzad pa gor ma chag go /de nas dgung lo bzhi bcu pa me byi lo mnyal smad gsal rje gangs kyi yar 'dren dgon par dbyar thog gcig rje btsun 'jam dbyangs la gsol ba 'debs pa sogs thugs dam la brtson zhing bzhugs pa'i tshe/ rje btsun gyi zhal nas rgya gar gyi paNDi ta gcig gi gzhung la brten nas ring por mi thogs par dbu ma'i lta ba rtogs par 'gyur zhes lho brag grub chen gyi gsung dang mthun pa'i lung bstan stsal/ de'i tshe dpon slob rnams mthun rkyen dkon par byung ba la rnam thos sras la gtor ma phul dgos pa'i mtshan mar dgongs nas gtor ma phul bas myur du mthun rkyen phun sum tshogs pa lhag dang bcas pa byung zhing rnam sras kyi zhal yang gzigs/ de nas lho brag mkhan chen gyi bka' bzhin tsa ra'i gnas gzigs la 'byon par dgongs te dpon slob sum cu lhag tsam gyis mnyal nas tsa ri ma chen la byon/ @226 der zhag 'ga' bzhugs nas ri pa rnams la mang ja gnang sbyin dang bcas pa mdzad/ ri khrod gzigs shing bde mchog gi bdag 'jug la sogs pa gnang/ ngo mtshar ba'i ltas mang du byung zhes rnam thar du 'khod kyang gsal cha 'god pa ma gnang 'dug rung/ don du dpal 'khor lo bde mchog gi lha tshogs/ gnas gsum gyi DA ki chos srung la sogs pa du ma zhig gi zhal mngon sum du gzigs pa gdon mi za ba nyid du mngon/ de nas tsA ri'i zhabs skor la 'byon pa'i la kha zhig nas mar phebs dus gnas 'dir yang nang mchod dang bcas pa'i tshogs 'khor rang byed pa mi 'ong dgongs pa zhig thugs la 'khrungs pas/ de ma khad nas zhabs kyi khol bu zhig la blo bur du tsher ma zug pa 'dra ba'i tsha zug dang snyung zug chen po rang yod pa/ skrang pa nag po chen po dang bcas pa zhig byung ba la skabs shig nas nang mchod dang bcas pa'i bde mchog gi tshogs 'khor zhig mdzad pas tshogs 'khor ma grol ba nas snyun zug med par de ma thag gzhi med du dwangs so/ /'di la tsA ri ba rnams kyi gnas bshad du/ de skabs rje'i zhabs la snyun gzhi byung bar ma mkha' 'gro rnams kyis zhal dngos su bstan nas/ gnas 'di 'khor lo bde mchog gi thun mong ma yin pa'i dkyil 'khor yin pas nang mchod 'bul bar mdzad dgos zhus pa la brten nas nang mchod dang bcas pa'i tshogs 'khor mdzad tshul dang/ yang mkha' 'gro ma rnams kyis/ gnas dag pa mkha' spyod dpal gyi tsA ri tra/ /bka' brgyud bla ma rnams dang yi dam lha; ;mkha' 'gro chos skyong rnams la gsol ba thob/ /ces gsungs pa la rje'i zhal nas/ las ngan sdig sgrib dag par byin gyis rlobs/ /rkyen ngan bar chad zhi bar mdzad pa dang/ /mchog dang thun mong dngos grub stsal du gsol/ /zhes thugs smon @227 mdzad pas snyun las dwangs tshul dang/ tshig 'di'i gsol ba thob ces pa gsol ba 'debs zhes pa'i tshig tu bsgyur nas tshig rkang drug po deng sang tsa ri'i gnas skor ba rnams kyis 'ur 'don du byed pa yang de dus nas byung ba yin ces gleng zhing/ de skabs zhabs snyung nas phug pa zhig tu bzhugs pa la deng sang tsong kha phug tu grags shing/ de'i nang rje'i snang brnyan zhig kyang bris te snang la/ gzhan yang lo rgyus kha shas 'dug kyang khungs dag min cha ma rtogs pas ma bris shing/ gang ltar yang dus gsum dngos su mkhyen pa'i lho brag mkhan chen gyis gnas 'dir 'byon par bskul ba la dgos pa khyad par can du ma zhig yod nges pas/ gnas 'dir byon nas lam bskyed rdzogs kyi rtogs pa mang po zhig thugs rgyud la 'khrungs shing bstan pa dang 'gro ba yongs la sman pa'i rten 'brel gyi sgo du ma zhig 'grig par ni gor ma chag ste/ ci'i phyir na/ de ltar tsa ri'i gnas gzigs grub nas mnyal du byon pa'i lam bar mo la zhes pa'i la rtsar zhag bzhugs mdzad pa'i nub mo; rje btsun byams mgon sku shin tu che ba lhun po ltar mngon par brjid pa zhig gis/ rigs kyi bu khyod kyis sangs rgyas 'jig rten du byon pa 'dra ba zhig 'ong ba shes par byos shig ces sengge'i sgras dbugs dbyung zhing/ spro ba bskyed par mdzad pa dngos su byung ba'i phyir/ de la mkhas grub thams cad mkhyen pas/ thub bstan padmo'i tshal la 'jig rten 'dir/ /khyod ni rgyal ba'i nyi ma ji bzhin zhes/ / mi pham mgon pos khyod la mngon sum du/ /dbugs dbyung mchog tu bsngags la gsol ba 'debs/ /zhes dang/ 'di'i thad kyi gsang ba'i rnam thar rin chen snye ma las/ de bas na snyigs ma'i dus 'dir rje btsun bla ma 'di ni rgyal ba'i @228 bstan pa la rgyal ba nyid dang khyad par ma mchis pa'i tshig gis bsngags pa ni rang bzhin brjod pa ste/ shes ldan dag gis ston pa nyid dang mtshungs par ci'i phyir blta bar mi bya/ zhes gsungs shing/ gsang rnam tshigs bcad mar gzigs snang 'di dang snga phyir byams pa'i gzigs snang byung ba rnams gcig tu bsgril nas/ g.yas g.yon phyag gis chos 'chad phyag rgya can/ /bzang po'i bzhugs stangs mdzad pa'i byams mgon gyis/ /slar yang stobs bcu mnga' ba gshegs pa bzhin/ / rgyal ba'i mdzad pa sgrub par lung bstan pa/ /dpal ldan + zhes gsungs so// tshul 'di dag dang gong du lho brag grub chen la thog mar yi dam gyis lung bstan pa rnams kyi dbang du na rje nyid byams pa'i sprul par yang nges pa ste/ lho brag grub chen gyi gsung las/ ma 'ongs 'gro ba'i ded dpon byams mgon gyis/ / snyigs dus 'gro la thugs rjes nyer dgongs nas/ /gangs can dpal du byon pa'i tsong kha pa/ /dpal ldan bla ma'i zhabs la gsol ba 'debs/ /zhes gsungs pas so/ /de nas re zhig mnyal smad sengge rdzong du bzhugs te thugs dam gyi khongs nas dpal dus kyi 'khor lo'i rdzogs rim yan lag drug la sogs pa'i lam gyi gnad rnams la dpyad pa phul phyin du mdzad pas mi 'khrul ba'i nges pa 'khrungs shing/ 'chug med kyi gzer thabs te mi 'jigs pa'i spobs pa brnyes/ de'i tshe bcom ldan 'das dus kyi 'khor lo dpa' bo gcig pa'i sku'i gzigs snang nar mar 'ong zhing/ nub gcig gi tshe de'i zhal nas/ khyod kyis dus kyi 'khor lo 'di la rgyal po zla ba bzang po byon pa 'dra ba zhig 'ong ba yod do/ /zhes gsung ba byung de la rje nyid kyi bka' las/ sngon chad dus 'khor la bshad pas phan thogs 'jigs rung tsam @229 zhig ma byung/ rang rgyud la go ba rnam par dag pa skyes pa la dgongs pa yin 'ong zhes sbas pa'i tshul du bka' stsal zhing/ don 'di gsang rnam gsol 'debs las/ rgyud kyi mthar thug dpal ldan dus 'khor lo'i/ /yan lag drug gi gnad rnams dgongs pa na/ /bcom ldan dus kyi 'khor lo mngon sum gzigs/ / zla ba bzang po 'dra bar lung bstan pa/ /dpal ldan zhes gsungs so/ /der bzhugs skabs dbyangs can ma'i gsung gis dgung lo lnga bcu rtsa bdun thub/ de bar rang gzhan gyi don dpag tu med pa 'grub ces gsungs pa la/ rje btsun rnam par rgyal ma sogs la gsol ba btab cing bsnyen sgrub mang du byas pas de las ring zhig thub par mi 'gyur ram zhus pas/ de dag phal che ba sngon gyi smon lam gyi shugs dang/ chos rab tu rnam 'byed kyi shes rab la thugs 'dun ches pa la sogs pa'i dbang gis blo gros gong nas gong du 'phel ba'i rgyu 'ba' zhig tu song bas sku tshe la de tsam du phan pa ma byung zhes gsungs pa zhig byung/ bla ma rtogs ldan pa la rje btsun gyis gsung bar/ da phyin chad sku tshe'i bar chad la sgos su dmigs pa'i bzlog thabs dang/ sku tshe bsrings pa'i phyi nang gi rten 'brel legs par bsgrigs na dka' se ba zhig la bzlog par nus so/ /zhes gsungs pa'i rgyu mtshan de rnams gzhan la ni ma bshad/ nged rang gis zhe zon byas nas thabs mang du bgyis pa yin na'ang lo lnga bcu rtsa bzhi'i bar du bzlog pa'i mtshan ma ma rnyed ces grags seng ba la gsungs shing/ nga bzhi nas nga brgyad bar du bzlog thabs mdzad tshul rnams ni 'og tu gsal lo/ /de yang gtso bor rje thams cad mkhyen pa nyid la rje btsun 'jam dbyangs kyi sku dang gsung gi snang ba rgyun mi chad du 'byung bar @230 ma zad/ bla ma rtogs ldan pa chen po 'di la yang rje btsun gyi sku gsung gi snang ba byung ba la gong du smos pa ltar rje nyid nas brtag dpyad lan du mar mdzad par 'khrul med du thugs ches shing/ phral gyi chos ldan gyi bya ba dang/ lhag par chos kyi go yul gnad che ba rnams dri gtugs mdzad pa na 'di dang 'di bzhin gyis dang/ lo zla tshes grangs 'di tshun chad la rtogs pa 'ong gsung ba rnams ji lta ba bzhin du byung bas sngon gyi bag chags 'jog lugs kyi phyogs nas byin rlabs 'jug par sla ba zhig yin par snang zhes rje nyid kyis bka' stsal zhing/ 'khor slob kyi khrod nas rje btsun gyi sku dang gsung gi snang ba byung ba 'ga' zhig yod pa'i nang nas rtogs ldan pa 'gran gyi zla med yin te/ rje nyid nas bla ma dbu ma pa la zhu yig gnang ba'i nang du'ang/ khyed kyi rje btsun gyi chos skor rnams kyis nged la phan pa shin tu che/ 'khor gyi gseb tu rje btsun kyi sku dang gsung gi snang ba 'ga' zhig la byung ba'i nang nas gcig la gsung gang byon nges don du 'byon pa zhig byung gsung ba de rje btsun dam pa rtogs ldan pa yin no/ /zhes pa 'di dang gong gi sku tshe'i bar chad bzlog thabs kyi skor rnams rje blo gros legs bzang gis mdzad pa'i gsang rnam rin po che'i 'phreng ba las byung ngo/ /mnyal smad sengge rdzong der bzhugs skabs rje btsun la rtse gcig gsol btab mdzad pa'i sgo nas sngags mtshan nyid kyi lam gyi ngo bo dang/ go rim grangs nges sogs dang/ khyad par zhi lhag gi nyams len gyi gnad rnams zhus par lan mdor bsgril ba re stsal nas/ da nged la yang yang 'dri mi dgos/ sde snod gsum dang rgyud sde bzhi'i dgongs 'grel shing rta chen po rnams kyis mdzad pa'i gzhung chen mo dag la zhib par dpyod dang/ nged kyis bstan pa rnams dang phal cher @231 mthun pa sha dag 'ong/ mi mthun pa re tsam byung na 'dor 'os gdams ngag tu 'dod pa rnams la bab kyi gzhung chen mo rnams 'dor du mi rung/ man ngag rnam par dag pas lde mig byas nas mdo rgyud dgongs 'grel dang bcas pa rnams la dpyad pas dpyad pa rdzogs pa'i tshad ni/ lung rigs kyi lam nas drangs pa'i nges pa rnyed nas blos don der thag bcad kyang gting nas mi bde ba'i rnam pa med pa zhig 'ong/ de dus don de la dpyad pa rdzogs pa yin no zhes gsungs te phyin chad tshad de 'khrul med rang zhig byung zhes gsungs/ gzhan yang de nas bzung ste sgo gsum gyi bya ba chos ldan ci byed thams cad bstan pa dang sems can gyi don du gyis zhes gsungs pas de ltar du mdzad ces gsungs/ gsang rnam rin chen 'phreng bar rje btsun gyi gsung 'di dag stsal yul mnyal gyi gsal rje gangs su yin par 'khod kyang/ mkhas grub rin po ches mdzad pa'i gsang rnam du mnyal smad sengge rdzong nyid yin par gsung ngo/ / de yang dus skabs 'di dag gi snga rol nas gsung rab la dpyad pa yongs su rdzogs mod kyang thos don gdams par shar ba dang/ gdams don nyams su len pa zhig ma byung na thos bsam byas pa'i ngal ba don dang bcas par mi 'gyur bar gzigs nas bya bral la ma 'byon pa'i gong dang/ byon pa'i gnas skabs thams cad du bla ma dang rje btsun 'jam dbyangs dbyer med la gsol ba shugs drag tu btab pa'i sgo nas da dung gzhung lugs kyi don la dpyad pa dang/ dpyad pa'i don rnams 'tshang rgya ba'i nyams len gyi gdams par 'char ba dang/ gdams don tshul bzhin nyams su bzhes pa sogs la 'bad brtson drag po rgyun chags su mdzad cing/ de ltar mdzad pa'i lag rjes las mdo sngags kyi gnad don mtha' dag gdams ngag tu 'char ba'i tshul ni rje nyid kyi rtogs @232 brjad las/ de nas gdul bya'i blo mun sel ba'i mchog /'jam dpal dbyangs la shugs drag rgyun ring gi /dad pa brtan pos gzhung lugs gdams pa ru/ / 'char phyir gsol btab rgyu tshogs kun la 'bad/ /tshul 'di bsams shing 'dun ma legs nas gda'/ /bka' drin che'o rje btsun mkhyen pa'i gter/ /de ltar 'bad pa'i klu sgrub thogs med las/ /rim bzhin brgyud pa'i byang chub lam rim la; ;thun mong min pa'i nges pa rnyed gyur nas/ /zab mo'i gzhung mchog phar phyin gdams par shar/ /tshul x zhes pas mdo phyogs kyi gzhung lugs spyi gdams par shar ba'i tshul dang/ bye brag tu/ byang phyogs 'di na tshad ma'i gzhung lugs la/ /zhes sogs kyis tshad ma'i gzhung lugs gdams par 'char tshul sngar gong du bkod zin pa ltar dang/ de nas byang sa mdo sde rgyan gnyis po/ /legs par sbyar te tshul bzhin rab 'bad pas/ /mi pham chos rje'i gzhung dang rjes 'brang gi ;gzhung kun nyams su len pa'i gdams par shar/ /tshul + zhes pas byams mgon dang thogs med yab sras rjes 'brang dang bcas pas bstan pa'i mngon pa gong 'og gi gzhung lugs rnams dang/ 'dul ba'i sde snod dang bcas pa rnams kyi gnad don gdams par shar ba dang/ lhag par zab cing rgya che'i gsung rab tshogs/ /bsgrigs pa'i go rim nyid las lam gyi gnad/ /kun la nges ster bslab pa kun btus la/ /brten nas mdo sde kun las btus pa sogs/ /klu sgrub lugs kyi gzhung mchog du ma'i don// nyams su len pa'i rim pa legs par mthong/ /tshul + zhes pas mgon po klu sgrub yab sras rjes 'brang dang bcas pa'i bzhed srol dbu ma'i gzhung lugs rnams kyi gnad don mtha' dag gdams par shar zhing/ khyad par du dbu ma thal 'gyur ba'i thun mong @233 ma yin pa'i lta ba rnam dag mgon po klu sgrub kyi dgongs pa ji lta ba bzhin 'khrul med du rtogs tshul zhib pa 'og nas 'byung ba ltar dang/ de bzhin du 'bras bu rdo rje theg pa'i skor la mtshon na/ de nas bsam gtan phyi ma rnam snang ni/ /mngon par byang chub sangs rgyas gsang ba yis/ /legs par bshad pa'i man ngag la brten nas// lam gyi gnad kun legs par gdams par shar/ /tshul x dpal ldan de nyid bsdus pa'i lam gyi gnad/ /ting 'dzin gsum gyis bsdus par mthong ba ni/ /cung zad sla yang lam der zab mo'i don/ /sgom tshul rtogs par dka' ba paN chen ni// sangs rgyas gsang bas rtsa bshad cha mthun rgyud/ /rnam gsum sbyar te tshul bzhin bshad pa dang/ /rgyud sde gsum gyi zab mo'i nyams len rnams/ /sgom rim ji bzhin bshad pas blo mun bsal/ /tshul + zhes pas rgyud sde 'og ma gsum gyi zab don nyams su len pa'i tshul mtha' dag dpyis phyin par thugs su chud pa dang/ khyad par du yang/ thub pa'i legs bshad kun gyi mthar thug pa/ /dpal ldan rnal 'byor bla na med pa'i rgyud/ /de yi nang nas shin tu ches zab pa/ /dpal ldan gsang ba 'dus pa'i rgyud rgyal la/ /smra ba'i dam pa klu sgrub 'di skad gsungs// rtsa ba'i rgyud du lam gyi gnad rnams ni/ /mtha' drug tshul bzhi'i rgya yis btab ste gnas/ /de phyir bshad pa'i rgyud kyi rjes 'brangs nas/ /bla ma'i man ngag las ni shes byar gsungs/ /tshul de gnad du gzung nas man ngag gi /mthar thug mdor byas spyod bsdus rnam bzhag sogs/ /'dus pa 'phags pa'i skor gyi gnas kun la/ /ring du 'dris par byas te rtsa ba'i rgyud/ /sgron ma lTa bur gsal bar byas pa la/ /brten nas bshad rgyud chen po lnga dang ni/ /legs @234 par sbyar la 'bad pa chen pos sbyangs/ /sbyangs pas 'dus pa'i rim gnyis spyi dang ni/ /khyad par rdzogs pa'i rim pa'i gnad kun rnyed/ /tshul + de yi mthu las bde dgyes dus 'khor sogs/ /rgyud sde mang pa'i gnad don gdams par shar/ /de dag bdag gis gzhan du bshad pas na/ /'dir ni rnam dpyod can la sgo tsam zhig /ces rgyud sde kun gyi mthar thug rnal 'byor bla na med pa'i pha rgyud/ ma rgyud gnyis med kyi rgyud dang bcas pa thams cad kyi smin byed kyi dbang dang/ grol byed kyi lam bskyed rdzogs kyi gnad don mtha' dag dang/ de'i nang nas kyang ches cher zab cing phul du byung ba dpal gsang ba 'dus pa'i rgyud kyi dgongs don mtha' drug tshul bzhi'i rgyas btab pa rnams rgya 'grel dang/ man ngag /bshad pa'i rgyud rnams la brten nas lam bskyed rdzogs kyi gnas mtha' dag dang/ khyad par du rdzogs pa'i rim pa lnga'i nang tshan 'od gsal/ sgyu lus/ zung 'jug dang bcas pa'i gnad don phra zhing phra ba rnams nyams len gyi gdams pa'i mthar thug tu 'char zhing/ ji ltar gdams par shar ba ltar tshul bzhin du nyams su bzhes pa las mdo phyogs nas bshad pa'i sa lam gyi rtogs pa dang/ sngags kyi bskyed rdzogs kyi rtogs pa khyad par can dpag tu med pa thugs rgyud la 'khrungs shing/ rang nyid kyis brnyes pa'i lam drangs po la gdul bya rnams bkri ba'i tshul yang 'dul ba ka ri ka nas bzung ste/ pha rgyud gsang ba 'dus pa'i bar thams cad rim gyis gang zag gcig 'tshang rgya ba'i lam du gru bzhi lam gyis 'khyer ba'i thabs la 'khrid pa las/ thun mongs lam gyis rgyud ma sbyangs par sngags nyams su len pa skad zer nas gang thod thod du 'jug pa dang/ sngags par khas ches nas 'dul ba'i bcas mtshams khyad du gsod pa dang/ byang @235 chub kyi sems dang lta ba rnam dag gi go ba tsam ma rnyed par rtogs pa mthon por snyeg tu 'jug pa sogs rnam pa kun tu mi mdzad par gdul bya lam la bkri ba'i thabs la shin tu mkhas pa sogs 'gran zla med pa'i 'gro ba'i ded dpon yin pa ni da dung 'og tu yang.. rim pa bzhin du 'chad pas shes par 'gyur la/ de'i phyir mkhas grub thams cad mkhyen pa'i gsung las kyang/ lar yang bya bral la byon pa nyid nas rgyal ba'i gsung rab mtha' dag gi don tshig spyi tsam du ma lus par da lta las dang po pa nyid nas ngang gis rgyud la bskor nas nyams su blangs pas chog pa'i tshul/ lam gyi ngo bo/ grangs nges/ go rim sogs thams cad shing rta chen po rnams kyi lam srol dang mthun pa zhig med du mi rung bar gzigs nas bla ma yi dam la gsol ba drag tu btab cing/ gsung rab dgongs 'grel dang bcas pa mtha' dag la zhib tu dpyod pa rgyun mi chad du mdzad pas/ thog mar bshes gnyen bsten pa nas 'go brtsams te mthar zhi gnas dang lhag mthong la slob tshul bar gyi theg pa che chung thun mong dang/ theg chen thun mong ma yin pa'i lam spyi dang/ de'i steng du sngags kyi thabs mkhas kyi khyad par thun mong ma yin pa rnams snon pa btab nas nyams su len tshul/ lam gyi ngo bo dang go rim grangs nges la phyin ci ma log pa'i nges pa 'khrungs nas gsung rab dgongs 'grel dang.. bcas pa gang la yang khol ton re tsam ma yin par thams cad gang zag gcig 'tshang rgya ba'i cha rkyen du sbyar nas nyams len gyi phyogs su shes pa/ de yang bshad pa tsam ma yin par da lta blo mtho dman dbang po rab 'bring mtha' ma gang yin gyi rgyud la bskor nas dmigs rnam gyi rim par nyams su len pa'i lag len du 'khyer bde zhing 'chun che ba/ sems 'dul ba'i rim pa 'ba' zhig lhur mdzad pa'i sgo nas gdul bya mchog dman @236 thams cad ji ltar bkri ba'i rim pa la mnga' brnyes shing/ gangs ri'i khrod 'dir sems dpa' chen po dpal mar me mdzad ye shes kyi gdams pa byang chub lam gyi rim pa'i mtshan nyid dang sngags kyi theg pa'i lam gyi rim pa phyin ci ma log par gtan la phab pa'i shing rta'i srol 'di nyid ya mtshan par gzigs shing/ de'i srol la thugs nges cher 'khrungs/ dpal a ti sha'i gdams pa'i srol la yang dge ba'i bshes gnyen chen po po to ba sogs kyi gdams pa yang rmad du byung ba'i thugs nges yod mod kyi/ 'on kyang lhag par bla ma lo tsa ba chen po blo ldan shes rab kyis mdzad pa'i bstan rim dang/ de'i sras kyi thu bo dpal ldan gro lung pas mdzad pa'i bstan rim chen mo sogs dang rang nyid kyis dgongs pa'i lam gyi rim pa rnams mthun shas che zhing srol phul du byung bar gzigs so/ /dpal ldan a ti sha'i gdams pa de yang gsung rab dgongs 'grel gyi bstan bcos man ngag mtha' dag lam gyi rim pa gcig tu bsgril nas ston par snang bas/ 'chad shes pa dang nyan shes pa gnyis kyis bshad cing nyams su blangs na man ngag chung chung du ma zad gsung rab mtha' dag gi gung 'grig 'ong bar snang bas/ lam thun mong bas blo sbyong ba nas 'khrid dgos pa'i gdul bya rnams la khrid kyi rnam grangs mang po ston pa ma byas gsungs shing/ 'di kho na'i steng nas gtso bor 'khrid par mdzad do/ /zhes gsung ngo/ /de ltar zur bshad cung zad spros nas dkyus kyi don la 'jug pa ni/ de nas mnyal gyi gser phye 'bum pa la mchod pa chen po phul zhing/ gnas der gdul bya rnams la 'dul ba'i chos mang du gsungs te yon tan thams cad kyi gzhi khas blangs pa'i tshul khrims dag dgos pa yin/ nged la ni so so thar pa'i pham lhag sbom po dang bcas pa'i ltung ba 'ong ma myong/ ltung byed nyes byas @237 dang bcas pa 'ga' re byung ba rnams la bshags sdom byed gsungs nas mdzad cing/ 'khor rnams kyang tshul de la sbyor bar mdzad/ lhag par rje btsun 'jam dbyangs kyi gsung gis rab tu byung ba'i rtags cha lugs yongs rdzogs dang 'dul ba'i phyag len phra zhing phra ba tshun chod nas byed dgos gsung ba la/ dus kyi dbang gis mtha' dag rang gis kyang sgrub dka'/ gzhan gyi blor yang mi ldan pa'i rgyu mtshan zhus par de ltar mi 'grub pa mi 'ong bas bstan par bsam nas nan gyis byed dgos gsungs pa bzhin/ de phyin chad 'dul ba'i bcas mtshams phra zhing phra ba tha na rung chu 'debs pa tshun chad ma nyams pa lag len du bstar zhing/ dpon slob thams cad kyis phebs bzhugs kyi gnas skabs kun tu chos gos rnam gsum/ 'ding ba/ lhung bzed/ chu tshag sogs dge sbyong la 'os pa'i rtags cha lugs tshang ma 'chang bar mdzad pas 'dul ba 'dzin pa'i snyan pas phyogs kun tu khyab cing/ de nas bzung ste rtags cha lugs phun sum tshogs pas rim gyis sa steng thams cad khyab par gyur la/ 'di ltar du mdzad pa yang yi dam gyi gsung gis bskul ba ltar bstan pa nyams pa sems kyis ma bzod nas 'dul ba'i srol ka legs par btsugs pa yin gyi gzhan las khyad du thon pa tsam zhig don du gnyer nas byas pa ga la yin zhes bka' stsal te/ phyi rabs gangs ri'i khrod kyi skye bo yongs la rgyal ba nyid dang mtshungs pa'i bka' drin lhag par du che ba yin no; ;de nas mnyal gyi sgang chung du bzhugs nas dge 'dun rnams la chos sna tshogs gsungs shing/ thugs rje'i shugs kyis grong ba'i skye bo'i tshogs dpag tu med pa'ang dad pa drag po dang bcas te 'dus pa thams cad kyang bsnyen gnas dang skyabs 'gro sogs phral dang yun du phan pa'i dge ba la rab tu sbyor bar mdzad/ @238 rje nyid kyis thog ma mdzad pa'i sgo nas thams cad bskul te tshwa tshwa 'bum ther mang po btab cing/ phyis kyang tshul de ltar sgrub pa la bskul bar mdzad/ de nas mnyal stod ra grong du byon nas dbyar bzhugs mdzad pa'i tshe/ slob dpon rin po che dar ma rin chen pa'i zhal snga nas dbus su byon te chos sde rnams su grwa skor mdzad pas mkhas pa'i grags pas khyab par gyur na'ang/ rje 'di'i snyan pa gsan pas ji 'dra zhig gu dgongs nas mjal ba la phebs te thog mar dri ba mang du zhus par/ rje 'dis rtogs ldan la skye ba'i dgos pa 'ga' zhig slong bar mdzad pa la lan gyi spobs pa ma byung zhing/ de nas chos kyi grags pa'i rigs lam la brten nas gsung rab thams cad thar 'dod rnams la med mi rung du nyams su len pa'i gdams pa'i gnad lung rigs dang bcas pa thog cig gsungs pas/ dbang rnon chos kyi spyan ldan yin pa'i dbang gis de ma thag thugs su chud de dngos stobs kyi rig pas gsung rab thams cad nyams len du bsgril nas ston pa'i sngon med pa'i legs bshad kyi bdud rtsi bgo skal du thob pas thugs rangs pa'i dga' ba dang/ 'di ni thams cad mkhyen pa rgyal ba'i dam chos ma lus pa cig char du ston pa'i smon lam rlabs po che grub pa zhig kho na'o snyam pa'i dad pa drag po mnan pas mi non pa gnyis 'gran pa bzhin du 'khrungs shing/ e ma'o da ni bdag bla na med pa'i dam pa'i mgon gyis zin par gyur to snyam du dgongs nas phyag mang du mdzad cing zhabs spyi bor blangs te/ bdag bla ma rje btsun chen pos snang ba stsal na deng phyin chad sku dang grib ma bzhin du zhabs 'bring du rjes su 'brang bas thugs rjes bzung 'tshal zhes dad pa'i nga ro spyan chab dang bcas te zhu ba phul bas/ rje nyid kyis kyang dgyes bzhin du zhal gyis bzhes te @239 'khor gyi thog mar nam yang 'bral ba med par mdzad do/ /'di skor dga' ldan chos 'byung du/ rje dar ma rin chen gyis rtses dang du grwa skor zin phral 'jam mgon bla ma'i grags pa gsan pas rtsod pa mdzad par mnyal gyi ra grong du bzhugs pa'i drung du byon pas spyir sku gsung thugs kyi yon tan dang/ khyad par du rton pa bzhi'i bshad pas shin tu dad de lo bcu gnyis kyi bar zhabs phyir rgyun 'thud nas chos gsung tshad gsan/ gsan tshad bzung/ bzung tshad brjed du ma bcug par mdo sngags mtha' dag la thogs pa med pa'i mkhyen pas mkhas pa rnams legs bshad kyis yid 'phrog par mdzad ces gsal la/ yang zang zang ni ring pa 'chi med pas mdzad pa'i rnam thar gser gyi myu gu las/ rgyal tshab dar ma rin chen de nyid la/ rje rin po che red mda' pa chen pos kyang/ rtsod bzang mchog gyur dar ma rin chen de/ /zhes gsungs pa ltar dbus gtsang gnyis ka ru rtsod pa bzang ba'i grags chod cing/ rig pa yang rno myur zab gsum yod pa la brten nas rje tsong kha pa dang mjal ba'i thog mar rje'i gsung re re la lan re re'i tshe na'ang thal 'gyur du ma re gsungs pa yin 'dug kyang/ rje'i bka' las/ slob dpon dka' bcu pa rang ga le gson cig /khyod kyi khas len de mi 'thad de/ de ltar na 'di ltar 'gyur zhes dang/ des na 'di ltar yin te rgyud dam mdo'i rgya gzhung khungs ma nas 'di lta bu bshad pa'i phyir zhes pa'i lung rig cung zad tsam zhig gsungs pas kyang khong gi khas len dang/ dam bca' rig pa bzang por byas pa rnams kyang zhig la song ste lan med dang/ de phyin chad smra ba'i spobs pa rmeg med du mdzad pa yin ces rang gi bla ma 'jam dbyangs chos rje dang/ chos rje @240 rta zhal ba dang/ slob dpon chos kyi bzang po rnams kyis gsungs zhes byung yang/ 'di skor la brag g.yab blo bzang bstan pas mdzad pa'i rgyal tshab kyi rnam thar yon tan chu gter las/ rgyal tshab rin po ches g.yag rong gnyis lung rig gis pham par nus pas thugs rgyal nas/ rje thams cad mkhyen pa dang rtsod pa'i bsam pas phebs de'i dus rje rin po che chos gsungs pa dang thug pas thog ma nas rtsod pa'i skabs dbye dgos pas brnyas thabs mdzad par dgongs nas dbu zhwa yang ma phud par chos grwar byon pa rgyal ba tsong kha pa chen pos gzigs te/ chos gsung 'phro ma bcad bzhin du khri las gzhol nas bzhugs par/ slob dpon rin po che yang thugs rgyal ba'i tshul gyis rje'i bzhugs khri'i steng du dbu zhwa mnab bzhin par bzhugs nas rje tsong kha pa chen pos gsung bshad mdzad pa gsan pas/ sngon chad mkhas pa gzhan las ma thos pa'i legs bshad sha dag snyan gyi bu gar son pas khengs pa'i ri po bsnyil te/ dbu zhwa zul gyis phud nas khri las bab te slob ma'i khrod du byon/ de nas rtsod pa'i re ba dang bral te slob ma mdzad pa yin la/ de'i tshe rje'i bzhugs khrir phebs pa de phyis su gdan sa'i khrir phebs pa'i rten 'brel kyang 'grig ces gsung ngo/ des na mkhas pa rnams kyi ngang tshul ni/ legs bshad las/ mkhas par rtsad cing ma dris pa/ /de yi bar du gting mi dpog / rnga la dbyug gus ma bsnun pa/ /de srid gzhan dang khyad ci yod/ /ces gsungs pa ltar lung rig gis rtsad cing ma dris par grags gtam tsam gyi rjes su 'brang bar mi mdzad pas na/ kun mkhyen dar ma rin chen pas kyang rje thams cad mkhyen pa'i mkhas pa'i snyan grags tsam la cha ma bzhag par thog mar rtsod cing brtag pa'i slad du... @241 sku drung du byon par snang yang/ yun ring po'i dpyad pa ma dgos par rje bdag nyid chen po'i legs bshad rmad du byung ba 'ga' zhig tsam gyis thugs rang dbang med par ches te dus de rang nas zhabs rdul spyi bos nod pa'i slob mar gyur pa ste/ mkhas pa mkhas pa'i nang na mdzes/ /zhes pa yang tshul 'di dang 'di 'dra ba la zer ba yin no/ /de skabs mnyal du chos 'khor zhig 'dzug par bzhed nas ra grong mkhan po la zhal ta gnang bas khong gis sbyin bdag gi mthil len zhus shing/ gzhan yang dad 'bul mang du byung ba la brten nas mnyal phyogs dge 'dun gyi sde phal che ba'i sde snod 'dzin pa thams cad bsdus te chos kyi 'khor lo zhag mang po'i bar du mdzad/ de'i ring dge 'dun tshogs pa rnams la zhabs tog bsnyen bkur phun sum tshogs pa sgrub/ de yang mnyal gyi sde pa rnams phan tshun gral sogs la ye mi 'cham pas lhan cig tu tshogs pa mi srid pa tsam yin na'ang/ de dus rje nyid kyi thugs rje'i stobs dang thabs mkhas pa'i dbang gis thams cad rtsod pa med cing dam pa'i chos kyi dga' ston gyis dus 'da' bar gyur la/ rje nyid nas dad can so so la dad 'bul dang rgyun pa'i bsnyen bkur khas len dge bskul sogs kyi zhal ta gnang bar yang thams cad spro dga' dang bcas pas lhur len pa gyur snang te/ de lta bu'i chos 'khor la mnyal gyi lung ra chen mar grags shing/ dus phyis kyang de'i lo dus la chos 'khor zhag mang por byed pa ma chag par yod cing/ de dag gi tshe ni sngar ltar thams cad rtsod pa med la chos 'khor de las gzhan pa'i skabs su ni phan tshun gral sogs la rtsod pa dang bcas pas lhan cig tu 'du 'god mi byed ces grags te bdag nyid chen po'i thugs bskyed kyi khyad par ni de 'dra ba'o/ /de ltar @242 myal phyogs su bstan pa dang sems can gyi don rmad du byung ba rgya chen po rnams legs par mdzad zin nas slar yang 'ol khar phebs nas 'o de gung rgyal gyi lha zhol dben gnas lha ldings su lo gcig bzhugs te thugs dam nyams bzhes kyi rnal 'byor dang/ 'khor rnams la'ang chos mang du gsungs/ lhag par thal rang gi lta ba'i gnas rnams la bya bral la 'byon pa'i gong nyid nas de bar du dpyad pa nar mar mdzad na'ang/ mthar thug pa'i gnas la mi bde ba gtan nas log pa'i nges pa 'dren ma thub/ gnas der bla ma dang rje btsun 'jam dpal dbyangs tha mi dad du byas nas gsol ba shugs drag lan mang du btab cing rig pa'i dpyad pa zhib par mdzad pas nub gcig la mnal lam du/ mgon po klu sgrub dang 'phags pa lha/ sangs rgyas bskyangs/ zla ba grags pa/ legs ldan 'byed rnams rang bzhin yod med kyi gnas la 'bel gtam gyis bka' bgro ba mdzad kyin 'dug pa'i nang nas slob dpon sangs rgyas bskyangs yin zer ba'i paNDi ta sngo sangs sku bongs che ba zhig gis/ dbu ma'i rgya dpe zhig phyi nyin tsa she'i 'grel pa budd+ha pa li ta gzigs pas 'bad pa med par thal 'gyur pa'i lta ba'i gnad mthar thug pa dang/ dgag bya'i mtshams 'dzin sogs la sngar dang mi 'dra ba'i nges pa gting tshugs pa 'khrungs shing/ mtshan 'dzin gyi dmigs gtad thams cad zhig /de kho na nyid kyi don la mtha' gzhan du dogs pa'i sgro 'dogs lhag ma med par drung phyung ste gnas lugs kyi don ji lta ba bzhin mngon sum du gzigs pas sngar lho brag tu mkhan chen phyag rdor ba dang/ mnyal gyi gsal rje gangs kyi yar 'dren du rje btsun 'jam dbyangs gnyis kyi lung bstan du rgya gar gyi paNDi ta zhig @243 gi sku'i snang ba dang de'i bstan bcos la brten nas zab mo'i don la dpyis phyin pa'i nges pa rnyed par gsungs pa yang don la nges par gnas par dgongs shing phyin chad rang re'i rjes 'jug rnams la slob dpon sangs rgyas bskyangs kyi 'grel pa 'di'ang blta dgos zhes yang yang gsung ba'i rgyu mtshan yang/ 'di la bltas na lta ba'i gnad la nges pa lhag par rnyed pa'i rten 'brel zhig yod pas de ltar byas pa yin gsungs ltar byas pa yin gsungs shing/ rtsa she'i rgya che'i 'grel mdzad pa'i skabs su'ang gzhung gi dka' ba'i gnad phal che bar sangs rgyas bskyangs kyi 'grel pa re drangs pa'i bshad pa ched kyis mdzad pa'i rgyu mtshan yang de yin par gsungs/ de'i tshe zab mo rten cing 'brel bar 'byung ba gsung ba'i ston pa sangs rgyas bcom ldan 'das la shes nas dad pa lhag par brnyes pa'i shugs kyis drangs te/ rten 'brel gsung ba'i sgo nas bstod pa legs par bshad pa'i snying po zhes bya ba'ang mdzad do/ /gong gi gzigs snang byung tshul sogs 'di dag kyang gzhan ngor mnal lam du brnyed pa tsam dang/ 'grel pa budd+ha pA li ta gzigs pa'i rkyen gyis lta ba mthar thug brnyes tshul gsungs pa las/ dngos gnas la yul der slob dpon de dag gi zhal mngon sum du gzigs mthar thug gi lta ba'i gnad rnams bgro gleng dang nyan bshad kyi tshul gyis dngos su 'doms shing byin gyis brlabs par mdzad pa las phyin ci ma log pa'i lta ba brnyes pa zhig yin par snang ste/ rje'i rnam thar ngo mtshar ba'i gtam brgya rtsa brgyad pa las/ khyad par du zab mo'i lta ba phyin ci ma log pa'i phra ba'i gnas nges par bzhed pa na/ dpal mgon klu sgrub/ 'phags pa lha/ sangs rgyas bskyangs/ zla ba grags pa; legs ldan 'byed rnams zhal gzigs shing/ 'phags pa yab sras @244 rnams rten 'brel rang bzhin yod med kyi bgro gleng dang nyan bshad kyi tshul du dam pa 'dis 'tshol bar bzhed pa'i dka' gnad rnams go bar mdzad pa dang/ res 'ga' sangs rgyas bskyangs kyis budd+ha pA li ta'i don rnams dang/ zla bas 'jug pa'i don dang/ 'phags pa lhas bzhi brgya pa'i don sogs paNDi ta so sos bstan bcos so so'i don rnams rang 'grel gyi tshul du rang rang gis 'chad pa dang/ glegs bam dbu la bzhag pas de'i mod la dogs pa'i cha phra mo'ang chod par mdzad pa ni rmad du byung ba'i gtam bdun cu rtsa bzhi pa'o/ /zhes dang/ rnam thar legs bshad kun 'dus las kyang/ khyad par du slob dpon sangs rgyas bskyangs byung nas 'grel pa budd+ha pA li ta'i steng nas rtsa she tshar gcig gsungs pas/ de'i phyi de nyin par 'grel pa de 'bul mi byung bas rten 'brel 'grig ste dbu ma'i lta ba phun sum tshogs pa shar zhes gsungs pa'i phyir/ rgyu mtshan des na mkhas grub thams cad mkhyen pas kyang/ klu sgrub 'phags pa lha dang sangs rgyas bskyangs/ /zla ba'i zhabs kyis gang tshe byin rlabs pa/ /de yi mod la zab mo'i chos nyid la/ /'khrul pa'i dri ma spangs la gsol ba 'debs/ /zhes dang/ gsang rnam tshigs bcad ma las/ rgyal sras klu sgrub yab sras gtso 'khor lnga/ /zab mo rten 'byung gtam gyi bgro ba mdzad/ /de yi nang nas dpal ldan sangs rgyas bskyangs/ / rgya dpes byin rlabs 'phags pa'i dgongs pa'i 'khrungs/ /dpal ldan + zhes gsungs pa rnams kyang de dang mthun pa yin la/ spyan snga blo gros rgyal mtshan gyis rje thams cad mkhyen pa la bstod pa las kyang/ srid pa'i rtsa ba drung 'byin zhing/ / zab zhi spros pa kun bral ba'i/ /lam mchog gdul bya'i tshogs rnams la/ / @245 khyod kyi thugs su chud de bstan/ /mdor na sgrub bya'i chos kyis ni/ /rtag lta ma lus kun sel zhing/ /gtan tshigs kyis ni chad lta kun/ /sel bar dpa' bo khyod kyis gsungs/ /de ni chos rnams thams cad kun/ /mtshan ma ci dang cir snang yang/ /snang ba de dang des stong par/ /dpa' bo khyod kyis legs par mkhyen/ /mi mkhas rnams ni stong nyid kyis/ /lta bas chad lta'i g.yangs su lhungs/ /khyod ni stong nyid lta ba yis/ /rtag lta sel ba lta ci smos/ / chad par lta ba'ang stong nyid kyi/ /lta ba kho nas sel ba lags/ /stong pa nyid ni kho na la/ /rgyu 'bras rten 'brel kun 'thad cing/ /gzhan dag la'ang ma 'thad par/ /mtshungs med khyod kyis dgongs pa lags/ /zhes pa'ang lta ba brnyes pa'i tshul de lta bu la bsngags par mdzad pa yin no/ /de ltar kho na nyid kyi don la sgro 'dogs lhag ma med par ched de stong pa nyid la thugs rtse gcig tu mnyam par 'jog pa'i ting nge 'dzin lhur mdzad cing/ yang dag pa'i dran shes kyis legs par bskyangs pa'i goms pa phul du phyin par mdzad pa'i stobs kyis/ rje nyid kyi zhal nas/ da lta legs par goms pas rjes thob tu'ang sna tshogs pa'i snang ba 'di thams cad stong bzhin du snang ba'i sgyu ma ltar 'char gyi/ stong pa nyid kyis rgyas ma thebs pa'i snang ba rang ga ba cher mi 'char bar 'dug /ces gsungs shing/ nyams mgur las kyang/ mnyam gzhag nam mkha' lta bu'i stong nyid dang/ / rjes thob sgyu ma lta bu'i stong pa nyid/ /goms nas thabs shes zung du 'brel ba yis/ /rgyal sras spyod pa'i pha rol 'gro ba bsngags/ /de ltar shes nas phyogs re'i lam gyis ni/ /tshim pa med pa skal bzang rnams kyi lugs/ / @246 rnal 'byor ngas kyang nyams len de ltar byas/ /thar 'dod khyod kyang de bzhin bsten 'tshal so/ /zhes gsungs so/ /des na tshul 'di dag ni rnam par thar pa ngo mtshar rmad du byung ba las kyang ches rmad du byung ba/ rgyal ba sras dang bcas pas kyang bstod pa'i 'phreng bas yang dang yang du bsngags par bya ba'i yul yin na bdag cag gis lta smos kyang ci 'tshal/ de'i phyir mkhas grub smra ba'i nyi mas bo phal pa rnams kyi blo yul du bya dka' ba tsam gyi bsnyen gzhag ting 'dzin mchog gis legs goms shing/ /rjes thob tu yang sgyu ma lta bu'i thugs/ / skad cig g.yo ba med la gsol ba 'debs/ /zhes bsngags par mdzad pa yin no/ / gzhan yang 'di'i thad kyi rnam thar dad pa'i 'jug ngogs las/ de yang bla ma 'di ni gong du brjod pa ltar/ bla ma dang yi dam tha mi dad du byas nas gsol ba 'debs pa dang bsags sbyangs sogs la rtse gcig tu brtson par mdzad cing/ skye bo phal pa rnams kyi blo yul du bya dka' ba tsam gyi bsnyen sgrub la rgyun mi chad du brtson par mdzad pas lhag pa'i lha du mas byin gyis brlabs pa'i tshul dpags par dka' ba yod la/ khyad par du rgyal ba kun gyi yab gcig rje btsun 'jam pa'i dbyangs kyi zhal mngon sum du yang yang gzigs shing dge ba'i bshes gnyen mdzad pa'i stobs kyis gsung rab mtha' dag gi don la 'khrul pa mi mnga' bar gyur pa yin la/ ji 'dra ba'i rtogs dka' ba zhig yin na'ang thog mar rig pas zhib tu dpyad pas phal cher dgongs 'ong/ de ltar mdzad kyang thugs nges mtha' chod pa 'dren ma thub pa rnams la bla ma dang rje btsun 'jam pa'i dbyangs tha mi dad pa la gsol ba drag tu btab cing mNDal phul bas/ de ma thag 'bad med du dpyis phyin par dgongs nas 'ong @247 ba bsnyon mi nus par yod la/ gzhan yang rje btsun 'jam pa'i dbyangs kyi sku dang gsung gi snang ba sogs kyi rnam par thar pa zhib par ni dngos su yongs la bsgras par mi nus mod/ 'on kyang gsung rab kyo don la tshul ji ltar dpyod/ dpyod pa rdzogs ma rdzogs/ nyams len gyi gnad/ gdul bya ji ltar bkri /'khor ji lta bu bsten/ gnas ji lta bur bzhugs pa sogs phal cher rang bzos zhugs pa ma byas/ zhes gsung ngo/ /zhes dang/ rnam thar legs bshad kun 'dus las/ des na rje rin po che 'di'i grub mtha' rnams 'jam dbyangs kyi grub mtha' yin gsung ngo/ /zhes dang/ yang dpa' bo rdo rje brgyud nas 'jam dbyangs la mtshan nyid kyi bshad nyan kho na dang/ sngags kyi dbang bka'/ rgyud kyi bshad nyan/ sgom sgrub nyag gcig byed pa rnams bstan pa'i rgyun la gang phan/ bdag gis ji ltar bgyi/ phyi ma zhing khams gang du skye/ khyad par bde ba can dang dga' ldan gang du 'brel pa che zhes bya ba la sogs pa sku tshe 'di phyi thams cad kyi 'dun ma rnams zhus pas gsal bar gsungs shing/ khyad par du sngags mtshan nyid gnyis ka'i sgo nas bstan pa la bya ba gyis/ dbang bka'i rigs ma byed/ gzhan du tshe thung bar 'gyur zhing dngos grub las ring du 'gyur ba dang/ bstan pa la phan thogs kyang chung du 'gro gsungs pas/ zhal bzhugs dus su rjes gnang re tsam ma gtogs dbang bskur gtan mi mdzad pa'i rgyu mtshan de yin gsungs/ zhes dang/ rnam thar ngo mtshar pa'i gtam brgya brgyad pa las kyang/ gzhan yang dam pa 'di nyid kyi mdzad pa gang dang gang mdzad dang/ gnas gzhi gang nas gang du 'byon pa dang/ thun mong gi 'khor rab byung gi sde dang/ khyim pa'i khrom sogs spyi'i @248 chos sgo ci zhig dbye ba dang/ thun mong ma yin pa'i slob ma dag la gdams pa gang dang gang ston pa dang/ sku'i skye ba snga phyi'i dus nas las 'brel gang dang gang yod pa dang/ phyi rabs kyi skye dgu'i phan bde'i rtsa lag tu gang dang gang gis 'gyur ba'i rten 'brel gyi sgo dang/ tha na'ang nyi ma gcig gi mdzad spyod kyang yi dam lha la zhus nas yi dam gyi gsung kho na la dpang du mdzad pa las/ gzhan du lhas lung du ma bstan pa'am/ gsung las 'gal ba'am/ 'jig rten snang grags kyis bsgyur ba'i gzhan dbang du song ba yi mi mnga' zhes gsungs te/ des na rje nyid don la rje btsun 'jam dbyangs dang ngo bo gcig pa ma zad/ thun mong ba'i snang tshul yang rje btsun nyid kyis dge ba'i bshes gnyen mdzad de/ bla ma dbu ma pas lo tsA mdzad pa'i gnas skabs nas bzung phral dang yun gyi mdzad pa'i sgo mtha' dag zhu bar mdzad la/ phyis nas ni rje nyid rang la rje btsun gyi zhal nam 'dod du gzigs pa'i sgo nas blang dor gyi gnas kun 'dams par mdzad pas/ sku gsung thugs kyi mdzad pa dmigs kyis gsal ba phra mo tshun chad kyang 'os mi 'os yi dam nyid la zhu bar mdzad pa las gyi tshoms su mi gnang zhing/ de yang gtso bo ni gdul bya rnams lam phyin ci ma log pa la bkri ba'i slad du gsung rab dgongs 'grel dang bcas pa'i dka' ba'i gnad thugs kyis ma chod pa rnams dang/ phan bde'i 'byung gnas bstan pa rin po che rnam par dag pa 'phel zhing yun du gnas pa'i thabs tshul/ gdul bya rnams lam la bkri ba'i 'jug sgo gang zab/ 'chad rtsod rtsom gsum dang sgom sgrub nyams len gyi 'bad lugs/ 'gro ba rnams phan bde la sbyor ba'i rgyu tshogs rlabs po che gang la 'bad dgos sogs gzhan don du 'gyur ba'i thabs 'ba' zhig gtso bor @249 bton nas zhu bar mdzad la/ yi dam gyis ched du gsung gis bskul ba na'ang bstan 'gror phral yun phan 'gyur gyi bshad sgrub kyi mdzad pa 'di dang 'di ltar mdzad dgos sogs 'doms pa las/ la tog legs nyes dang/ mnag phyugs kyi 'phel 'grib/ tshong khe'i sgyu thabs/ kha mchu'i rgyal pham sogs 'jig rten 'di snang gi bya bzhag ni zur tsam yang zhus gnang lta bzhag thugs kyi gu la bsam pa tsam yang mi mnga' zhing/ ji ltar lung bstan pa rnams kyang rang gi thugs yul du bzhag nas de dang de'i 'jug ldog ma nor bar mdzad pa las gzhan la ched kyis gsung ba lta bzhag sras kyi mthu bo 'ga' zhig tsam gyis phyag dang bcas te nan gyis gsung bar bskul na'ang 'ga' zung tsam las mi gsung zhing/ gang gsung ba rnams la'ang mang por mi bsgrags pa'i bka' rgyas btab pa las/ dge bskul yin tshul la bsnyad nas lung bstan byung zhes tshong zong ltar bkrams pa ni rnam pa thams cad du mi mdzad pas/ des na zhal gzigs lugs dang lung bstan lugs 'di 'dra ba byung na lung bstan pa'i dgos pa ches cher don dang ldan pa nyid du shes par byos shig/ /yang gong du drangs pa'i rnam thar legs bshad kun 'dus su/ rje btsun gyis dbang bka'i rigs ma byed gsungs pa ltar rjes gnang tsam las ma gnang gsung ba'i don/ mang po'i tshogs dang kun la mngon mtshan can gyi sgo nas de ltar nam yang mi gnang ba'i don la dgongs pa las/ snod ldan skal ba mchog gi gang zag khyad par can 'ga' zhig tsam la shin tu gsang ba'i sgo nas kyang gnang mi chog pa dang/ ma gnang ba'i don ni min 'dra ste 'og tu brjod 'gyur gyis shes la/ lar nas dbang bka'i rigs la shin tu bka' dog pa ni mdzad de bskyed rdzogs sogs gsung bar bzhed pa'i tshe slob ma @250 dbang ma thob pa'i rigs mchis na bla ma gzhan dag la zhur 'jug pa las rje nyid nas gnang bar mi mdzad pa yin no/ /'dir smras pa/ gur kum mdangs kyis mdzes pa'i lha mchog de'i/ /gsung gi bdud rtsis thugs rgyud sbran gyur pas/ /thos don rtse gcig sgrub par gzhol ba la/ /bung ba sbrang rtsir rings pa ji bzhin gyur/ /'du 'dzi g.yeng ba'i 'khrul 'khor ring btang nas/ /dag pa'i slob 'khor bkra shis grangs ldan dang/ /lhan cig bas mtha'i gnas su chas pa ni/ /'dab chags mkha' la thogs pa med bzhin rgyu/ /bsam gtan pa la 'os pa'i gnas mchog tu/ /lus sems ngal ba khyad bsad dka' ba brgyas/ /bsags dang sbyangs sogs rlabs chen tshogs gnyis kyi/ /mdzad par gzhol ba'i ngang tshul dpags par dka'/ /de tshe sras bcas rgyal ba rgya mtsho'i mgron/ /ma bos sprin bzhin 'dus te khyod nyid la/ /legs so'i 'dzum zhal ngoms dang lhan cig par/ /byin rlabs rgyun gyis khyod thugs gar bu 'gengs/ /rgya gar paNDi ta dang grub brnyes tshogs/ /yang yang dngos su byon nas zab mo'i lam/ /'doms par mdzad na 'phags yul sa chen der/ /dngos su byon kyang de las gzhan du ci/ /byams mgon gnas su byams pa'i dpa' bo khyod/ /gnyis min gnyis par bzhengs nas rten brten pa/ / nyams pa bso zhing rab tu gnas sogs kyis/ /dga' ldan chos kyi pho brang dngos bzhin byas/ /rgyal ba zhi khro'i bkod pa ma lus par/ /de de'i ye shes sems dpa' mngon sum du/ /bstims pa'i ngo mtshar 'dis ni bsod nams zhing/ / gzhan du 'tshol ba'i 'du byed bag la zhi/ /gsang bdag ngo bo grub pa'i dbang phyug dang/ /'jam dpal dngos khyod dkyil 'khor gnas gcig tu/ / @251 'dus pas dag pa rab 'byams 'ba' zhig gi /ltad mos nyin mtshan snang ba'ang ga shed bros/ /bde ba'i mchog gyur 'khor lo sdom pa yi/ /dag pa'i zhing du dkyil 'khor lha tshogs dang/ /lhan cig dgyes dgur rol las zag med kyi; ;bde ba chen po'i ro la ngoms med rol/ /mnyos ston che dang mtsho sna ba la sogs/ /sngon byon 'khrungs rabs phyi rjes skyong slad du/ /mnyal zhes grags pa'i yul gyi lte ba ru/ /zhabs sen nor bu'i thig le yang yang bkod// chos kyi sde chen gzhir 'khod 'dul 'dzin tshogs/ /padmo'i mtsho la ngang mo bzhin bsdus nas/ /zab dang rgya che'i chos kyi dga' ston la/ /'khor mo yug tu spyod pa'i skal bzang stsal/ /mdo sngags gzhung gi tshig don gzugs mtshar brgya/ /mkhyen rab me long ngos su rdzogs zin kyang/ /da dung gzhung don gdams par 'char ba la/ /brtson pa du mas 'bad 'di ches rmad byung/ / de yi mthu las mdo rgyud ma lus pa'i/ /gnad don gdams par shar nas de yi don/ /nyams su bzhes shing gzhan la'ang 'doms pa yi/ /tshul 'dir rgyal kun bsngags pa mgrin gcig sgrog /phyogs re tsam gyi lam du ma 'phyan par/ / gsung rab ma lus stan thog gcig nyid du/ /nyams len 'khyer shes gdams pa zab mo 'di/ /nyid kyi drin las byung bar nges pa rnyed/ /stong dang rten 'brel zung 'jug dbu ma'i gnad/ /phal dang phal gyis rtogs par mi nus de// 'phags pa yab sras rnams kyis 'khrul med du/ /'doms pa'i ngo mtshar mgon po khyod kyis brnyes/ /de las mnyam rjes kun tu stong nyid kyi/ /rgya las nam yang 'gongs par ma gyur ces/ /snyan pa'i gtam 'di rna bar son pas @252 kyang/ /srid pa hrul por byed pa nyid du 'gyur/ /sku gsung thugs kyi rnam thar phra mo'ang/ /'jam dbyangs dngos kyi lung gis bstan gyur na/ /'gro la don du mi 'gyur mdzad pa ni/ /cha tsam rgyal bas dpyad kyang dmigs su med// ces pa ni bar skabs kyi don bsdu'i tshigs su bcad pa dag go /zhes khyab bdag rje btsun bla ma dam pa thub dbang rdo rje 'chang dang ngo bo dbyer ma mchis pa 'jam mgon chos kyi rgyal po tsong kha ba chen po'i rnam par thar pa thub bstan mdzes pa'i rgyan gcig ngo mtshar nor bu'i 'phreng ba las/ bsnyen par rdzogs pa dge slong gi dngos po bzhes shing rdo rje theg pa'i tshul sogs la slob pa dang/ dam pa rnams las zab rgyas chos kyi bdud rtsi nod de thos pa'i don rnam rang gis rtse gcig nyams su bzhes shing/ gdul bya gzhan dag la yang 'doms par mdzad pa'i tshul sogs las brtsams nas brjod pa'i skabs te lnga pa'o// //sa bcad bzhi pa/ de ltar mdzad pa'i lag rjes las lung dang mngon par rtogs pa'i yon tan mtha' dag la mnga' bsgyur ba'i mkhas grub 'gran zla med pa'i go 'phang mthon por gshegs nas bstan pa rin po che la ma rtogs log rtog gi dri ma bsal te bstan pa'i snying po bshad sgrub rnam par dag pa'i ring lugs kyi srol btod pa'i sgo nas bstan 'gro'i don rlabs chen mdzad tshul las brtsams te brjod pa ni/ de nas ston gyi dus la babs pa na 'ol khar byon/ dgun dpyid 'gar phug tu bzhugs nas 'ol kha'i dge 'dun rnams la chos mang du gsungs/ de nas e te'u rar byon nas dbyar bzhugs mdzad cing e pa'i dge 'dun rnams la chos mang du gsungs/ skye bo tha mal pa gzhan dag du mar 'dus pa rnams kyang skyabs 'gro dang bsnyen gnas sogs kyi dge ba'i lam la @253 bkod/ gnas 'dir bzhugs dus rje btsun mi la'i gsung bgros bar do'i dris lan gyi skor gzigs pas gsang sngags kyi gdams pa'i gnad thun mong ma yin pa la thugs nges chen po 'khrungs te gsung bgros de la mchod pa rgya chen po'ang 'bul bar mdzad ces rnam thar skal ldan pad tshal rgyas pa'i 'od stong las gsungs/ de skabs slob ma'i thu bo tsha kho dpon po ngag dbang grags pa nas snga sor khams su phebs gong rgyal rong gi yul du dgon sde grangs bcad zhig 'dzugs rgyu'i dam bca' phul ba ltar tshang ba'i mtha' ma la da tshang dgon pa zhes pa btab nas gnas tshul zhu yig phul ba'i lan du tshul khrims srung ba'i bslab bya dang/ lam gyi gtso bo rnam gsum brtsams nas bskur bar mdzad cing/ 'phrin yig gi mjug tu/ chos kyi blo ldan ngag dbang grags pa khyod/ /kho bos smras pa'i rjes su zhugs shig dang/ / tshe rabs kun tu spyod dang smon lam kun/ /mtshungs par spyod de nam zhig 'tshang rgya'i tshe/ /bdud rtsi'i bgo bsha' thog mar sbyin par bya/ /zhes stsal zhing/ phyis slar yang yi ge phul ba'i lan du lam rim chen mo brtsams nas bskur bar mdzad do; ;dgun dus 'ol kha'i brag gdong du byon nas zab lam rim gnyis kyi rnal 'byor la gcig tu brtson bzhin par bzhugs/ de nas rdzing phyi'i jo bo chen po byams pa'i drung du mjal zhing/ gnas der cho 'phrul chen po'i dus mchod la dgongs nas zhag bco lnga'i ring la mchod pa rgya che zhing bkod pas yid 'phrog pa rgyun mi chad du 'bul bar mdzad pa'i thog /bstan pa dang sems can 'ba' zhig la dgongs pas 'phral dang yun du phan bde rgyas pa'i thugs smon rlabs che bar mdzad/ 'di'i skabs su mchod yul spyan 'dren pa'i thugs dmigs mdzad pa na/ shar phyogs kyi de bzhin gshegs @254 pa thams cad kyi sku mdog dkar po rnam snang gi rnam pa can gyis shar phyogs kyi nam mkha'i khyon thams cad gang bar 'khrigs pa dang/ de bzhin du lho dang nub dang byang dang steng gi nam mkha' thams cad rim bzhin rin 'byung/ 'od dpag med/ don grub/ mi bskyod pa'i rnam pa can gyi de bzhin gshegs pas khyab ste/ steng dang logs kyi nam mkha' thams cad bar mtshams med par de bzhin gshegs pa'i skus gur phub pa ltar gyur pas mchod pa bdag gir mdzad pa'i gzigs snang dngos su yang yang byung zhing/ de'i dus mchod yul dang mchod pa thams cad la bde stong gis rgyas btab cing phul bas de thams cad bde stong gi rnam rol du 'char ba byung gsungs/ phyis lha sar smon lam chen mo mdzad pa'i dus su'ang gzigs snang de 'dra ba nar mar byung zhes gnas rnying pa kun dga' bde legs kyis mdzad pa'i rnam thar dad pa'i 'jug ngogs su gsal la/ yang/ mkhas grub thams cad mkhyen pas mdzad pa'i gsang ba'i rnam thar dang/ 'jam dbyangs bzhad pas mdzad pa'i rnam thar ras bris 'bri tshul rnams su sman lung gi rgya sog phur cho 'phrul mchod pa mdzad dus gzigs snang de dang de dag byung tshul 'dug pa ni lo snga rting gi khyad par las gnyis ka yin par snang ste/ 'di gnyis su ma zad lo snga phyi so sor gnas de dang de dag tu cho 'phrul mchod pa mdzad res bzhin 'di 'dra ba'i gzigs snang rgyun mi chad du byung ba zhig yin 'dug na; mtha' gcig tu gnas 'di 'dra zhig tu byung gzhan du ma byung ngam snyam pa'i gu dogs bya mi dgos so/ /de nas dpyid dus de khar slob dpon dka' bcu pa dar ma rin chen pa'i zhal snga nas kyis gtso mdzad/ sde snod 'dzin pa nyis brgya lhag tsam la mdo sngags kyi chos mang du gsungs/ rdzing phyir bzhugs skabs de mo thang pa blo @255 gros rgyal mtshan gyis mjal te sangs rgyas dngos kyi 'du shes 'khrungs shing/ rje rin po ches kyang btsun chung las 'bras pa zhes bsngags par mdzad/ de skabs grwa gzhon blo gros gsal ba dgu skyor mo lung du slob gnyer la rdzeng bar mdzad ces kyang byung/ nyang po phyogs nas skal ldan gyi gdul bya mang pos kha zhe med pa'i mos gus chen pos gsol ba btab pa la brten nas nyang po mdang mdo'i dgon par byon nas der dbyar bzhugs mdzad/ phyogs de'i dge 'dun rnams la chos 'khor mang du bskor zhing/ skye bo gzhan dag gi tshogs la'ang 'di phyi'i phan pa rgya chen po sgrub par mdzad/ nyang po mdang mdor byon skabs 'phrang zhig nas dbu zhwa lhungs pas chu brgyud 'dir nga'i bstan pa chu bo'i rgyun bzhin 'ong/ zhwa gang du chags pa der dbu ma'i bshad srol 'byung zhes lung bstan pa ltar/ nyang po sang sing sgang theg chen chos 'khor gling byung zhes 'jam dbyangs bzhad pa gsungs te des na sngar sang sing dgon du dbu ma'i 'chad nyan yang dar ba gor ma chag go /yang/ snga rabs dag gi gsung rgyun la/ nyang po nas kong po phyogs su 'byon dgongs pa'i lam bar du bud med zhig la 'di nas mar sa cha ji dang ji skad bya ba yod bka' 'dri mdzad par/ bshan pa thang dang khrag mdog thang zer ba sogs yod ces zhugs par/ tshig bkra mi legs par dgongs te zhwa ser thang zer ba nas ma phebs par rten 'brel gyi slad du dbu zhwa dang/ chos gos kyi sne tshal/ chab shub bcas chu brgyud la bskur bas dbu zhwa 'gag pa'i sar sang sing dgon dang/ chos gos kyi tshal bu 'gag sar sne tshal dgon dang/ chab shub 'gag sar chab ri bo dga' ldan chags pa yin ces byung/ yang/ dga' ldan chos 'byung du/ rje btsun 'jam dpal snying po nyang po mdang mdor byon skabs/ @256 dbu zhwa dang/ phyag mkhar chur lhungs pas bstan pa chu bo'i rgyun ltar ring zhing nyon mongs pa'i skom nad sel ba dang/ khyad par du phyag mkhar gang du gnas pa der phar phyin gyi bshad grwa dang/ dbu zhwa chags pa der dbu ma'i bshad grwa 'byung zhes gsungs pa bzhin phyag mkhar ri khar chags pas ri kha chos sde ni zhes sogs dang/ 'jam mgon chos kyi rgyal po'i dngos slob sems dpa' chen po chos 'phags pas nyang po sang sing sgang ngam theg chen chos 'khor gling btab/ rje'i dbu zhwa chags pa'i rten 'brel gyis dbu ma'i bshad srol legs par dar zhes gsungs pa las chos gos kyi sne tshal dang/ chab shub chu brgyud la bskur ba sogs ma gsal zhing/ gang ltar kyang dbu zhwa chags sar sang sing dgon chags pa dang/ der dbu ma'i bshad srol dar ba bcas la lo rgyus rnams mthun pa dang/ zhwa ser thang zhes pa'i bar du'ang phebs nges kyis da lta zhwa ser thang du rje'i bzhugs khri dang zhabs rjes yod cing/ de man chad du ma phebs kyang bstan pa dar ba'i slad du thugs bskyed dang rten 'brel ni rgya cher mdzad pa zhig go /de'i skabs su dpon chen nam mkha' bzang pos rngog lo chen po'i gdan sa pa/ slob dpon chen po dkon mchog tshul khrims ngo chen la sgron te skyid shod phyogs su phebs dgos kyi gsol ba snga mo nas rim par btab pa ma zad/ slar yang zhabs bskul kyi gsol 'debs pa slebs pa dang/ jo shag yid bzhin nor bu sogs mjal bar bzhed pas kyang thugs drangs te/ de'i ston skyid shod du phebs nas po ta lar bzhugs thog /gsang bde gung gsum/ dga' skyor zul gsum gyi gdan sa ba rnams kyis thog drangs pa'i sde snod 'dzin pa brgya phrag du ma la/ dbu ma snang ba/ 'dul ba/ lam rim la sogs pa'i chos 'khor rgya chen po @257 bskor/ de'i phyi lo dgung lo zhe bzhi pa lcags pho 'brug gi sos kyi dus la babs pa na dga' ba gdong du byon nas snod ldan gyi gdul bya rgya mtsho lta bu la byang chub sems dpa'i sa'i tshul khrims le'u/ bla ma lnga bcu pa rtsa ltung bcu bzhi pa rnams gyi bshad pa zhib cing shin tu rgyas par gsungs la/ de yang mkhas 'dod dang grags 'dod sogs kyi kun nas bslangs pa ma yin par rje bdag nyid chen po nyid kyi gsung las/ rang nyid srid mtshor lhung ba ji bzhin du/ /mar gyur 'gro ba kun kyang de 'dra bar/ / mthong nas 'gro ba sgrol ba'i khur 'khyer ba'i/ /byang chub sems mchog 'byongs par byin gyis rlobs/ /sems tsam bskyed kyang tshul khrims rnam gsum la/ / goms pa med na byang chub mi 'grub pa/ /legs par mthong nas rgyal sras sdom pa la/ /brtson pa drag pos slob par byin gyis rlobs/ /zhes dang/ thun mong lam sbyangs snod du gyur pa na/ /theg pa kun gyi mchog gyur rdo rje'i theg / skal bzang skye bo'i 'jug ngogs dam pa der/ /bde blag nyid du 'jug par byin gyis rlobs/ /de tshe dngos grub rnam gnyis sgrub pa'i gzhi/ /rnam dag dam tshig sdom pa srung ba la/ /bcos ma min pa'i nges pa rnyed gyur nas/ /srog dang bsdos te srung bar byin gyis rlobs/ /zhes thugs bskyed ji ltar mdzad pa'i bzhed don rnams gdul bya'i rgyud la ngo bo dang/ go rim sogs phyin ci ma log cing/ tshang la ma nor bar skye ba zhig byung na snyam pa'i gzhan phan gyi lhag bsam tshad med pa 'ba' zhig gis kun nas bslangs pa yin te/ 'di'i thad kyis mkhas grub thams cad mkhyen pa'i gsung las/ theg pa chen po bar khas che ba rnams gyis/ sangs rgyas dang byang chub sems dpa' thams cad dbang por byas te khas @258 blangs pa'i sems bskyed kyi bslab bya rnams la ji ltar slob pa'i tshul mtha' dag par shes nas tshul bzhin du slob pa zhig ma byung na/ de'i theg pa chen po pa ming tsam du 'gyur bar dgongs shing/ gsang sngags rdo rje theg pa la 'jug par 'dod pas kyang lam thun mong ba la blo legs par sbyangs pa'i steng du/ bla ma bsten tshul theg chen thun mong ba'i skabs su bstan pa las kyang ches khyad par du gyur pa zhig gi sgo nas/ bla ma mtshan nyid dang ldan pa las dbang bskur rgyud sde dang mthun pa zhig mnos te/ de'i dus su khas blangs pa'i dam tshig dang sdom pa rnams mig gi 'bras bu ltar gces par 'dzin cing/ khyad par rtsa ltung la srog bsdos byas nas legs par sdom pa zhig ma byung na/ khas blangs pa'i dam tshig yal bar dor nas sngags kyi lam la slob pa skad byas kyang ngan 'gro mi bzad pa'i sgo 'byed par dgongs te/ e ma theg pa chen po spyi dang khyad par ba la slob par khas che ba 'di dag tshul 'di lta bus spyod par gyur na ci ma rung snyam du snying nas shas mi bzod pa'i brtse ba chen pos kun nas blangs te; gdul bya rnams la tshul de nyid 'doms par mdzad pa'i slad du byang sa'i tshul khrims le'u/ bla ma lnga bcu pa/ rtsa ltung bcu bzhi pa rnams kyi bshad pa shin tu zhib par gsungs zhes ji ltar bka' stsal pa ltar ro/ /gong du po ta la sogs su bzhugs skabs rong ston shAkya rgyal mtshan dang/ ngor pa kun bzang pa sogs kyis rje'i zhabs la gtugs te chos 'brel kyang rgya cher gsan par snang la/ de'i chos gzhug la rje bla ma rje btsun re mda' pa chen po'i zhal snga nas mnga' ris nas byon/ dbyar gnas stag tshang du mdzad de dbus su byon nas dga' ba gdong du phebs par rje bdag nyid chen pos bsu ba dang bsnyen bkur zhabs tog rmad du byung ba mdzad/ de @259 skabs rje btsun re mda' pas rje la phyag mdzad par rjes de ltar mi mdzad par zhu zhes nan gyis bzlog par mdzad pa sogs phan tshun gcig la gcig gus pa'i ngo mtshar ba'i rnam thar rmad du byung ba kun la mngon sum du gyur/ gnas der dpon slob gnyis kas chos kyi 'khor lo rgya cher bskor bar dge ba'i bshes gnyen phyed lnga brgya tsam 'dus shing/ de dus gsang phu'i dge bshes phar tshad kyi ston pa bzang ba ldan ma dkon mchog seng ge zer bas tshogs nas langs te/ deng sang gtsang na mkhas pa re mda' ba/ dbus na mkhas pa tsong kha pa zer bas khyed yab sras gnyis dbus gtsang gi bstan pa'i bdag por gyur gda' zhing/ da lta zhal 'dzoms pa'i dus 'dir theg pa gsum dang/ grub mtha' rnam bzhi'i gshog ral rnams lkog tu mi mdzad par/ bdag cag dbus gtsang gi don gnyer ba rnams kyi the tshoms dang log rtog sel ba'i phyir du tshogs su 'bel gtam mdzad pa zhu zhing/ lung rig gi dgag sgrub mdzad nas yin min gyi kho thag chod pa'i chos 'khor yun ring du bskor du gsol/ de bas na re mda' pas gangs bu le dang/ chos rje blo bzang grags pas 'o de gung rgyal gyi gangs la gshegs mi gsung bar/ dbus gtsang gi gzhung du bstan pa'i bya ba rgya chen po mdzad par zhu zhes zhus tshul rnam thar gzhan las byung/ de nas yab sras gnyis ka dben pa la dgyes pa che zhing/ lhag par byang rwa sgreng rgyal ba'i dben gnas chen po 'di nyid bka' gdams glegs bam rin po che sogs du ma nas lung bstan pa'i gnas/ dpal ldan a ti shas bsngags pa rgya cher mdzad pa ltar 'brom chos kyi rgyal bo yab sras kyi gdan sa/ bka' gdams pa'i dam pa'i chos kyi chu bo thams cad kyi 'byung khungs su gyur pa dang/ gnas kyi ngo mtshar @260 pa'i yon tan du ma ring mo zhig nas snyan du gsan pas thugs g.yos par gyur te/ yab sras gnyis kyis thog ma mdzad pa'i dge 'dun sde snod 'dzin pa shin tu mang ba'i tshogs dang bcas te rwa sgreng du phyag bteg /dgun bzhugs rwa sgreng du mdzad cing de'i tshe bla ma rje btsun re mda' pa chen pas rig pa drug cu pa dang/ gsang 'dus nyer lnga sogs kyi bka' chos gsungs/ rje bdag nyid chen pos theg pa chen po mdo sde rgyan dang/ dbus mtha' dang/ kun las btus dang/ nyan sa la sogs pa theg pa chen po'i gzhung chen rnams kyi gung legs par bsgrigs te lam gyi rim pa spyi dang/ khyad par zhi gnas skor gyi ngo bo/ dmigs rnam/ sgom rim la sogs pa'i bshad pa mtha' dag dpyis phyin pa mdzub 'khrid kyi tshul du gnang nas sgom du bcug pas/ 'ga' zhig gi rgyud la gsung rab nas ji ltar bshad pa dang mthun pa'i zhi gnas kyi myong ba khyad par can 'khrungs pa byung ngo/ / de dus rje btsun pas rje bla ma la 'grel pa sgron gsal dang/ rtsa she'i bshad khrid gsan cing/ rje bla mas kyang rje btsun pa la 'grel pa tshig gsal gyi steng nas dbu ma'i lta 'khrid zhib cing rgyas pa gsan pa sogs phan tshun chos kyi skyes bzang po stsal res su mdzad/ gzhan yang yab sras gnyis kyis sngags mtshan nyid kyi lam gyi gnad du ma la 'bel ba'i gtam gyi bka' mchid shin tu zhib cing zab pa rgyun mi chad du mdzad pas slob ma rnam dpyod kyi rtsal dang ldan pa du ma zhig kyang mdo sngags kyi dka' ba'i gnas phal mo che'i sgro 'dogs dus gcig la chod par gyur/ de nas chos rje lo tsA ba dang/ 'bri khung chos rje gnyis kas zhal 'dzoms par zhu ba'i pho nya dang/ gsung 'phrin nar mar byung ba bzhin/ rje thams cad mkhyen pas @261 dgung lo zhe lnga pa lcags sbrul lo'i dpyid mgo'i dus su 'bri khung du byon nas thugs bzhed ltar gyi chos mang du gsungs/ de skabs spyan snga rin po che chos kyi rgyal bo las nA ro chos drug dang/ phyag chen lhan cig skyes sbyor la sogs pa gsan nas slar yang rwa sgreng du byon/ de nas rje btsun yab sras gnyis kas phyag btegs nas phebs shing/ rin po che lo tsA ba skyabs mchog dpal bzang po dang bcas pa'i chos rje rnam pa gsum ga gnam rtse ldeng du a ra chen po byang chub ye shes kyi gtsug.. lag khang du zhal mngon par 'dzoms shing/ dad pa dang gtong ba'i nor gyis phyug pa dpon yon tan rgya mtsho zhes pas rnam par dkar ba'i lhag bsam rgya chen pos zhabs tog bsgrub ste/ sde snod 'dzin pa rgya mtsho lta bu du mas thog drangs pa'i dge 'dun drug brgya lhag tsam gyis gnas der dbyar gnas par zhal gyis bzhes/ de'i dus chos rje rnam pa gsum dgongs pa mthun par rgyal ba'i bstan pa rin po che 'di nyid la ma rtogs pa dang/ log par rtog pa dang/ the tshom dang/ gya tshom gyi bsam pas 'jug pa sogs kyi dri ma ngan pa mtha' dag drung nas 'byin pa'i dag ther rnam par dag pa zhig mdzad dgos pa ni nges par du rngo thogs la/ de yang rgyal ba'i bstan pa'i nang mdzod du gyur pa ni/ ji skad du/ 'dul ba lung las/ ji ltar 'di na shing rtsa gtso bo ste/ /rnam par 'phel dang kun 'dzin gnyis kyi gzhi/ /de bzhin dam chos tshogs rnams kun gyi yang/ /gzhi dang rtsa ba 'dul ba yin par gsungs/ /zhes gsungs pa ltar dam pa'i chos 'dul ba nyid gtso bo yin te/ ji srid 'jig rten gyi khams su 'dul ba'i bstan pa rdzogs par yod pa de srid du sangs rgyas gyi bstan pa yod la/ de med na bstan pa med @262 par gsungs pa nyid thugs la ches lci bar gyur pas/ 'dul bstan rin po che 'di nyid mi nyams nyin mo ltar gsal bar gyur pa zhig byung na dgongs pa'i thugs bskyed tshad med pas kun nas blangs te 'dul ba mdo rtsa ba'i bshad pa shin tu rgyas pa re gsungs pa dang lhan cig /'dul ba'i phyag len gzhi bcu bdun nas gsungs pa'i bcas pa phra mo da lta'i gang zag gis nyams su blangs nus pa yan chod rnams dang/ rnam 'byed nas byung ba'i bcas pa phra rags la sogs pa rnams kyi ngo bo/ go rim/ srung tshul la sogs pa zhib cing phra ba dang/ bcas pa de dag las 'das tshe gang 'das pa'i ltung ba thams cad rang rang gi ming rigs kyis phyir 'chos pa'i cho ga 'dul ba nas ji ltar bshad pa bzhin gyi phyag len rnam par dag pa'i srol legs par btsugs/ de'i tshe 'dul ba gsan pa phal che bas kyang rang rang gi rgyud la brtags nas/ ltung ba phra rags thams cad bshags yul mang nyung gi bye brag dang/ dngos po spangs pa'i chad las sngon du gtong ba sogs ji ltar bshad pa bzhin du phyag len la btab nas phyir bcos mdzad de/ deng phyin chad phyag phyi ba gnyug mar gnas pa phal che bas nyin re bzhin yang rang rang gi rgyud la brtags nas ltung ba dang yun du mi 'grogs par phyir 'chos pa dang/ yo byad byin rlabs/ rung khang gcod pa/ nub lhag nyal srung ba sogs kyi phyag len phra mo dag la'ang ches cher brtson par mdzad par gyur na/ de tsam du bsgrub mi dka' ba rnams la lta smos kyang ci dgos/ rgyu mtshan de dag la brten nas mkhas grub thams cad mkhyen pas/ des na sangs rgyas kyi bstan pa'i rtsa ba so so thar pa'i rmangs rdzogs par gsos pas bstan pa la bya ba mdzad pa zhig la 'di ya mtshan pa yin no/ /zhes @263 gsungs pa dang/ gnas rnying pa kun dga' bde legs kyi gsung las/ spyir na gangs ri'i khrod du bstan pa snga dar la dpal ldan zhi ba mtsho dang/ padma saM b+ha was bstan pa rnam par dag pa'i srol btsugs pa la bar skabs zhig stong pa nyid kyi go ba gnad du ma song bas thabs kyi cha la skur ba 'debs shing/ yid la byed pa thams cad 'gog pa'i rgya nag gi mkhan po hwa shang gis bstan pa dri ma can du byas pa na/ slob dpon chen po ka ma la shI las tshul de legs par bkag nas rgyal ba'i dgongs pa ji bzhin du gtan la phab pas sku drin che la/ phyi dar la rgyud sde'i don log par bzung ba la brten nas paNDi ta dang/ rnal 'byor bar rloms pa 'ga' zhig gis bstan pa'i rtsa ba tshangs par spyod pa la gnod pa chen po byas pa na/ skyes bu dam pa mgon po a ti shas legs par bkag cing/ gzhan yang log par bzung ba rnams nub par byas nas phyin ci ma log pa'i bstan pa 'phel bar mdzad pas kha ba can pa thams cad la sku drin gyis lhag par du khyab pa yin/ de ltar mdzad kyang da dung rim bzhin ches snyigs mar song ba'i dbang gis snga dar dang phyi dar gnyis ka'i dus kyi log rtog gi ri mo rnams langs pa'i khar/ sngags dang pha rol tu phyin pa dang/ thos pa dang sgom pa la sogs pa phan tshun tsha grang ltar 'gal bar bsams nas sun 'byin pa dang/ de thams cad kyis kyang dam pa'i chos 'dul ba'i bslab khrims rnam par dag pa snying thag pa nas sun 'byin par byed pas/ kha ba can gyi ljongs 'dir rgyal ba'i bstan pa gzugs brnyan tsam zhig lhag mar gyur pa'i tshe/ rje rin po che 'di nyid dam pa'i chos 'dzin pa'i smon lam rlabs po che yongs su grub pa'i mthus/ byang phyogs kyi rgyud 'dir bstan pa rin po che gso ba'i slad du @264 nye bar byon te/ bstan pa dang sems can gyi don bsam gyis mi khyab pa dag la rmad du byung ba'i brtson pa drag po lhur mdzad pas/ deng sang gi dus na grub mtha' gzhan dag gi'ang grwa pa slob gnyer pa'i mgo byed slob dpon sogs dang/ sgom chen pa'ang cung zad drag par rlom pa phyin chad chang dang dus min gyi kha zas sogs 'khyol nyog tu spyod pa la ngo tsha bar byed pa dang/ sngon dus grwa sa chen po'i btsun pa phal che bas kyang gding ba dang/ lhung bzed la sogs pa'i dge sbyong gi yo byad dag ngo shes pa tsam yang med cing/ bla gos dang thang gos snam phran dang glegs bu sbyar ba la sogs pa ni rna bas kyang thos par ma gyur pa las/ deng sang kha che dang rgya nag gi bar thams cad du dge sbyong gi rtags dang cha lugs rnam par dag pa thang gos dang sham thabs kyi gzan la sogs pa tshun chad 'chang zhing phyin gyis rlobs pa la sogs pa'i phyag len dang/ byin len/ rung chu/ chu tshag 'chang ba/ nub lhag nyal/ 'chang 'bral 'jog pa/ me reg / rin po che la reg pa/ skyes pa gcod pa sogs srung ba dang/ dus dran bsten pa/ rung ba byed pa'i tshul/ rung khang byin rlabs la sogs pa'i bslab pa'i gzhi phra mo gcig yan chan la'ang nan tan du byed pa'i dge sbyong gi tshul dang mthun.. pas khyab par gyur pa 'di 'dra ba ni rje rin po che 'di kho na'i thugs rje las byung pa yin cing/ der ma zad rang ra'i chos brgyud 'dzin par khas mi len pa'i grwa pa rnams kyi nang na'ng/ chos gos/ gting ba/ lhung bzed tsam 'chang zhing/ chang dang phyi dro'i kha zas la 'dzoms pa tsam yod pa 'du dag kyang/ bdag cag rnams kyi skyabs gnas dam pa rje tsong kha pa chen po 'di 'ba' zhig gi bka' drin @265 dang 'phrin las las byung ba ma yin na gzhan gang nas byung/ blo gros dang ldan zhing gzu bor gnas pa rnams kyis zhib tu dgongs par zhu zhu/ 'di dag ni da lta dngos su snang bas shes par sla la/ mdo sngags kyi lam rnam par dag pa'i srol phye zhing gdams pa'i gnad rnams gsal bar mdzad pa'i tshul ni gsung rab mdzad pa dag las shes par bya dgos bas/ zhal gyi gdams pa rnams la dpyad na nges pa mngon sum bzhin du skye bar 'gyur bas 'bad nas btsal bar bya dgos so/ /zhes gsungs pa 'di dag ni cam bu dang zol bstod kyi rab btags dang/ 'dod zhen gyis bslangs pa sogs min par bstan pa'i gnad ji bzhin du mkhyen pas snying nas rang dbang med par yid ches shing/ gus pas thugs rgyud gting nas 'khul ba'i gsung yang dag pa ste/ da lta 'jig rten gyi khams 'dir sangs rgyas kyi bstan pa rnam par dag pa nyams pa med tsam.. du gnas pa 'di rje thams cad mkhyen pa'i bka' drin kho nar nges na'ang/ da dung bstan pa'i gnad mgo zhing phyogs lhung gi ling tog gis blo mig 'grib pa ci rigs pa'i bsam blo la/ 'dul ba ni theg pa dman pa'i chos yin pas de la rtsis su byed pa ni dbang po brtul bo'i lugs srol yin no snyam pa dang/ de bzhin du thun mong lam sbyang la gal bo cher 'dzin pa yang myur du 'tshang rgya ba las ring du byed pa yin pas dang po nas sngags kyi lam la zhugs na 'dul ba sogs de dag gi srung sdom gang yang.. dgos pa zhig min no snyam du rang yang de ltar sems shing gzhan dag kyang tshul de la 'khrid de bstan pa'i gzhi rtsa dang/ lam gyi rtsa ba rmangs nas bshig par byed pa ches mang bar snang na/ de dag la dgag sgrub kyi rnam bzhag mtha' chod pa zhig 'og tu 'god par spro bas 'dir mang du ma spros so/ /gzhan yang gnas der chos @266 rje rnam gsum nas dbu tshad 'dul ba la sogs pa'i chos kyi 'khor lo mang du bskor/ de skabs zhig rje tsong kha pas rje btsun re mda' pa chen po la/ dri med mkhyen pa'i dbang po 'jam dpal dbyangs/ /tshad med brtse ba'i gter chen spyan ras gzigs/ / gngas can mkhas pa'i gtsug rgyan re mda' pa/ /gzhon nu blo gros zhabs kyi padmar 'dud/ /thar 'dod bung ba bdag kyang skyab tu gsol/ /zhes bstod pa phul ba la/ rje re mda' pas/ de la tshig zur spos te/ dmigs med brtse ba'i gter chen spyan ras gzigs/ /dri med mkhyen pa'i dbang po 'jam dpal dbyangs/ /gangs can mkhas pa'i gtsug rgyan tsong kha pa/ /blo bzang grags pa'i zhabs la gsol ba 'debs/ /zhes 'bul bar mdzad pa'i dmigs brtse ma'i gsol 'debs 'di da lta grags che zhing byin rlabs kyi tshan ka rmad du byung ba dang ldan pa yin la/ dben sa snyan brgyud lugs su de'i khar/ bdud dpung ma lus 'joms mdzad gsang ba'i bdag /ces snon par mdzad pa ste/ 'di dag la brten pa'i bla ma'i rnal 'byor thun mong ma yin pa'i man ngag ches shin tu zab mo rnams dus 'di dag gi snga phyi nas byung ba yin no/ /dgag dbye thon nas rje btsun re mda' pa chen po gtsang la phyag btegs shing/ rje nyid dang chos rje lo tsA ba rnam gnyis 'khor dang bcas pa slar yang rwa sgreng du byon/ brag sengge'i zhol du dben gnas btab lo chen gyis dbu ma sogs gsungs shing/ rje thams cad mkhyen pas lam rim sogs chos bka' mang du gsungs/ khyad par dgon pa gong du jo bo'i 'dra sku dbu yon ma che bar grags pa'i drung du zhag mang por gsol ba btab pas/ thub pa'i dbang po nas rje nam mkha' rgyal mtshan gyi bar yan chad kyi bka' gdams kyi bla @267 ma brgyud pa rnams dang/ lhag par du'ang jo bo rje/ 'brom ston pa/ po to ba/ sha ra ba rnams zla ba gcig gi bar zhal gzigs shing/ gdams pa dang rjes su bstan pa mang du stsal ba'i mthar/ po to ba sogs gsum jo bo la thim/ a ti shas phyag spyi bor bzhag nas bstan pa la bya ba rgya cher gyis dang/ byang chub bsgrub pa dang/ sems can gyi don byed pa'i grogs bdag gis bya yis gsungs nas mi snang bar gyur pa sogs ngo mtshar ba'i ltas mang du byung/ de nas lo chen skyabs mchog dpal bang dang/ mkhan chen zol phu ba/ 'bri khung chos rje sogs dbus gtsang gi mkhas pa dang/ chen por grags pa du mas lam rim chen mo rtsom par gsol ba nan gyis btab par/ gong gi gzigs snang gi dge mtshan rnams dang bcas phyi nang gi rten 'brel 'grig par dgongs nas zhal gyis bzhes te dgung lo zhe drug pa chu rta lo skyes bu gsum gyi lam gyi rim pa chen po rtsom pa'i dbu 'dzugs par mdzad cing/ de skabs dge bshes ston pas bzhengs pa'i sku 'dra dbu yon ma che bar grags pa yang dbu mangs su spyan drangs te mchod 'bul dang gsol 'debs mdzad/ rim gyis rwa sgreng yang dgon du zhi gnas yan chad kyi bka' rtsom zin/ de mtshams zhig nas thugs dgongs la lhag mthong brtsams kyang gzhan la phan dka' 'am dgongs nas thugs 'dun chung du song ba'i skabs su/ rje btsun 'jam dpal dbyangs kyi gsung gi snang bas cis kyang nas rtsoms shig /phan thogs kyang 'bring zhig 'ongs zhes gsungs pas/ de nas slar yang bla ma rje btsun dbyer med du byas nas gsol ba drag tu btab ste/ stong nyid la dpyad pa mdzad pa'i skabs su 'bum gyi stong nyid nyi shu'i 'grel rkang rnams mdun gyi nam mkha' la dngul @268 gyi yi ge 'khrigs pa'i rnam pa can dang/ shog bu'i ngos la bris pa'i rnam pa can gyi nyams snang dpyad pa mdzad res kyis 'ong ba byung zhes gsungs te/ de nas lhag mthong chen mo'i rtsom pa yang mthar phyin/ 'di skabs lhag mthong gi skor la gzhan la phan pa dka' 'am dgongs pa'i rgyu mtshan/ lhag mthong gi gtso bo ni zab mo stong pa nyid kyi don rig pa'i rnam grangs mtha' yas pa'i sgo nas gtan la 'debs shing khong du chud par byed pa yin la/ de ni gang zag phal pa gzhan dag gis lta ci smos/ blo gros mchog tu gyur pa'i skye bo dag gis kyang/ bla ma yin dam la gsol ba rtse gcig tu 'debs pa sogs bsags sbyangs rgya chen po dang/ gdams pa'i don thos bsam sgom gsum gyis 'bad rtsol chen pos nyams su len pa sogs dka' ba du mas ma 'bad par/ rang bzhin thos lo dang/ go yul tsam dang/ skyid chos dang 'brel ba sogs kyis ni phyogs tsam yang rtogs dka' zhing/ da dung de kho na nyid mngon sum du rtogs pa la ni 'phags lam thob dgos pa bcas/ des na ches cher snyigs mar gyur pa'i dus kyi yang mthar skyes pa'i gang zag phal mo che ni las dang nyon mongs pa'i sgrib pa shas che zhing/ chos rab tu rnam 'byed kyi shes rab kyis phongs pas dbang po brtul/ bsod nams dman pas chos kyi phyogs la dka' spyad snying rus bzod sran sogs stobs chung zhing chos la blo kha phyogs pa tsam yang shin tu dkon pa/ chos byed par rloms pa dag kyang dang po nyid nas chos zab zab mo dang/ mtho mtho mo/ nyin bsgom na nyin sangs rgya/ mtshan bsgom na mtshan sangs rgya zhes pa lta bu'i gdams ngag kha pho can gyi rjes su zhugs te/ dam tshig sdom pa'i srung sdom dang dka' spyad snying rus @269 sogs la ltos mi dgos par gang byung gis nyams su len chog pa'i chos la mos par byed pa las/ yang dag pa'i lta ba dang/ byang chub kyi sems sogs kyi chos skad tsam go na/ de dag mtshan nyid theg pa'i chos yin 'dug ces rtog 'jug tsam byed blo med par dor te/ de bas zab pa'i lta ba dang/ lhag bsam sogs yod khul byed pa mang ba'i dbang gis lhag mthong gi skor rgyas par mdzad kyang ji bzhin du rtogs shing khong du chud pa dka' ba 'dra dgongs te thugs 'byung ba'i tshul mdzad pa la/ yi dam gyis de ltar thugs ma zhums par cis kyang nas rtsoms shig ces bkas bskul bas slar yang thugs bskyed kyi go cha ches cher bgos te mthar phyin par rtsom par mdzad pa yin la/ 'dis mtshon te rje thams cad mkhyen pas zab mo dbu ma'i lta ba rnam par dag pa 'di nyid thos bsam sgom gsum dang/ 'chad rtsod rtsom gsum gyi sgo nas rgyas par mdzad pa'i mthu las/ bar lam gangs ri'i khrod 'dir ci yang yid la mi byed pa'i lta ba dang/ yod min med min gyi lta ba dang/ gzhan stong gi lta ba sogs lta ba'i mthar thug tu 'dzin pa'i bshad srol rnams bag la zha bar gyur te/ mgon po klu sgrub yab sras kyi dgongs pa rma med pa'i mtha' bral dbu ma'i lta ba 'di nyid rab dang phul dang gtso bor gyur pa nyid du dpyod ldan phal mo ches khong du chud de/ dbang po yang rab rnams kyis lta ba'i don mngon sum du rtogs pa nas/ dma' mtha' go ba rnam par dag pa chags pa dang/ phyin ci ma log par blo kha phyogs pa sogs bgrang ba las 'das pa deng sang gi bar du byung dang byung bzhin pa ni gzu bor gnas pa kun la mngon sum du gyur pa de ltar bcas/ des na yi dam gyis phan thogs 'phring zhig 'byung zhes gsungs pa yang/ rje thams cad mkhyen pa'i gzhan @270 phan gyi thugs bskyed rgya che tshad med pa'i bzhed don ltar na/ gnas skabs su phan pa 'bring tsam zhig gi tshod du 'byung zhes gsungs rgyu las/ gzhan du na stong pa nyid kyi lta ba la bag chags thebs pa'i gdul bya yang bgrang las 'das pa zhig byung bas na phan pa rgya che bsam las 'das pa byung ba ni brjod ma dgos so/ /de lta bu'i skyes bu gsum gyi lam gyi rim pa tshang la ma nor bar ston pa'i bstan bcos chen mo 'di ni/ rje thams cad mkhyen pa nyid kyi nyams mgur las/ bstan pa thams cad 'gal med rtogs pa dang/ /gsung rab ma lus gdams par shar ba dang/ /rgyal ba'i dgongs pa bde blag rnyed pa dang/ /nyes spyod chen po'i ga -yang sa las kyang srung/ / de phyir rgya bod mkhas pa'i skye bo ni/ /skal ldan du mas bsten pa'i gdams pa mchog / skyes bu gsum gyi lam gyi rim pa yis/ /yid rab mi 'phrog dpyod ldan su zhig yod/ /gsung rab kun gyi snying po bsdu bsdu ba/ /tshul 'di thun re bton dang nyan pas kyang/ /dam chos 'chad dang 'dzin pa'i phan yon tshogs/ /rlabs chen bsdud par nges pas de don soms/ /zhes gsungs pa ltar rgyal ba'i gsung rab kun gyi nying khu gcig tu bsdus pa'i za ma tog /dus gsum gyi gyal ba thams cad kyi bgrod pa gcig pa'i lam po che/ skal ldan thar 'dod yongs kyi 'jug ngogs bla na ma mchis pa/ sa gsum na 'gran zla dang bral ba'i legs bshad chen po ste/ 'di nyid bka' rtsom mdzad pa'i tshe srid pa'i lha chen mnyan chen thang lha dang/ zhogs lha phyugs po la sogs pa dbus phyogs kyi gzhis bdag dkar phyogs la dga' ba du mas/ nged cag padma saM b+ha wa dang/ jo bo la sogs pa'i dge bsnyen yin/ da khyed kyi bstan par sman pa'i thugs bzhed ltar gyi mthun rkyen rnams bsgrub pas thugs... @271 rjes 'dzin par zhu zhes sgo gsum gus pas 'dud par gyur/ de'i phyir lam rim gyi bsngo ba'i skabs su/ lam bzang bsgrigs pa'i mthun rkyen bsgrub byed cing/ /'gal rkyen sel byed mi dang mi min kun/ /tshe rabs kun tu rgyal bas bsngags pa yi/ / rnam dag lam dang 'bral bar ma gyur cig /ces thugs smon ched kyis mdzad par snang/ de skabs bka' las/ dphyin chad sngags kyi chos than thun 'chad par 'dod pas khyed drag pa 'ga' res chos rje lo tsa ba la/ dpal gsang ba 'dus pa mi bskyod pa'i dbang zhus la sngags kyi sdom pa gsor chug gsungs/ de nas/ slob dpon rin po che 'dul 'dzin pa'i zhal snga nas kyis gtso mdzad pa'i dpon slob nyi shu rtsa lngas chos rje lo tsa ba la gsang 'dus kyi dbang chen zhus/ de'i tshe yang sngar rje nyid kyis smon 'jug gi sdom pa phog pa zhig ma yin pa rnams la chos rje lo tsa bas sngon la smon 'jug gi sdom pa sbyin cing/ de nas dbang bskur ba sogs phyag len shin tu zhib cing rung bar mdzad/ rje nyid kyis snga sor gnam rtse ldeng dang/ lam pa dgon sar gnas brtan bzang skyong ba sogs 'ga' zhig la smon 'jug gi sdom pa gnang ba rnams kyi ched dang/ gzhan yang don gnyer ba mang pos gsol ba btab pa la brten nas byang sa'i tshul khrims le'u'i rgya cher 'grel dang/ rtsa ltung bcu bzhi dang/ bla ma lnga bcu pa'i rnam bshad sogs kyang mdzad/ de nas chos rje lo tsa bas lam rim gyi glegs bam phyag tu bzhes shing/ legs bshad rin po che'i skyes kyis thugs kyi bang mdzod yongs su gtams pas dgyes pa tshad med pa dang bcas te gtsang phyogs su btegs/ rje nyid dbyar dgun thog gnyis tsam gyi ring gnas de nyid du bzhugs nas lam rim la sogs pa'i chos mang du gsungs/ cho 'phrul chen @272 po'i dus chen la mchod pa dang smon lam shin tu rlabs che zhing ngo mtshar bar mdzad/ 'di mtshams su gnas rnying pa kun dga' bde legs kyis mdzan pa'i rnam thar du/ de skabs khyad par du mngon par rtogs pa'i rgyan mdo dang sbyar ba'i bshad pa rgyas pa zhig gsungs pa rdzogs pa'i dus su mchod pa rgyas pa zhig gyis gsungs par/ gzhan rnams kyis kong rnams blangs tshar rjes kun mkhyen dar ma rin chen gyis mchod kong gzhan ma rnyed par mchod khang nas kaTor chen po zhig bzhes te/ sdong bu chen po zhig mar gyis brgyan par mdzad nas phul bas/ rje nyid zhal 'dzum mdzad nas gzhan rnams kyi kong bu'i mar khu thams cad kaTor der blugs gsungs pa bzhin blugs pas mar gyis khengs shing mar me chen po gsal zhing mdzes pa zhig byung bas rje'i zhal nas rten 'brel legs gsungs/ de dus sngar gser 'phreng gi grub mtha' dang mi 'dra ba mang po byung bas slar yang Ti ka zhig mdzad 'tshal zhes slob ma rnams nas zhu bzhin yod pa la/ da 'di'i gnad rnams bla ma dka' bcu bas zin phris thob la phyis khyed kyis Tik rtsoms shig ces zhal ta byon pas/ dngos su Tik rtsoms pa'i gnang ba dang/ pha rol tu phyin pa'i bstan pa gtad pa lta bu nas don gyis rgyal tshab tu'ang dbang bskur bar mdzad do/ /'di bdag gis rwa sgreng du phyin dus sgro skur med pa las thos pa yin no/ /zhes byung ngo/ /des na sngar gser 'phreng gi grub mtha' dang mi 'dra ba byung zhes pa ni/ legs bshad gser 'phreng 'di nyid snga dus rje bdag nyid chen pos rgyal ba'i gsung rab mtha' dag la dpyad pa yongs su rdzogs pa'i tshul ma bstan gong du mdzad pas/ don gyi cha la 'khrul pa med kyang khas len gyi 'dzin mtshams dang/ bshad srol 'ga' zhig bod snga rabs @273 pa'i zhe 'dod ltar gyi spam bshad du song ba sogs kha shas yod tshod la/ dus phyis mdo sngags kyi dka' ba'i gnad mtha' dag dpyis phyin par thugs su chud zin pas bka' rtsom dang gsung bshad kyi gnas skabs spyi dang/ lhag par gong du bkod ma thag pa ltar gnas 'dir mdo rgyan sbyar ba'i bshad pa mdzad pa'i tshe tshig don gyi gnad 'gag dang/ go ba'i bskyed lugs/ rtsod pa'i tshe khas len gyi 'dzin mtshams/ nyams len gyi thog tu gtan la 'bebs tshul sogs mtha' chod par gsungs pa na/ sngar gser 'phreng du gsungs pa rnams dang 'ga' zhig mi mthun tsam byung bar slob ma rnams nas slar yang mtha' chod pa'i phar Tik mdzad dgos zhes zhu bar snang yang/ don gyi chal la 'khrul pa cher med cing tshig skyon gcod lugs sogs kyi legs bshad gsung bshad du gnang ba rnams sras kyi thu bo dar ma rin chen pas zin bris su thob la slar khyod nas mtha' chod pa'i Ti ka rtsoms shig ces bka' stsal te don gyis bstan pa gtad par mdzad pa bzhin du/ kun mkhyen dar ma rin chen pas kyang de ltar thugs la bzhag nas/ rje'i dgongs pa mthar thug rtsal du bton pa'i phar phyin gyi rnam bshad snying po rgyan la sogs pa'i legs bshad rmad du byung ba rnams mdzad par snang ngo/ / de nas rim gyis dgung lo zhe brgyad pa shing spre lo lhas phu dgon gsar du phyag phebs/ gnas der blo gros dang ldan pa'i sde snod 'dzin pa du ma la tshad ma rnam 'grel gyi bshad lung stsal/ de yang rje thams cad mkhyen pa chen po nyid nas sngar gong du brjod zin pa ltar tshad ma'i gzhung lugs la thos bsam mdzad pa'i skabs nyid nas gzhung lugs 'di dag gi bstan don las theg pa che chung gi lam nyams su len pa'i rim pa tshang bar ston pa thugs su chud pa ltar/ gdul bya rnams la'ang 'doms pa'i slad du/ skabs @274 'dir yang tshad ma rnam 'grel gyi brjod bya'i gtso bo mtha' dag rig pa'i lam nas drangs te gzhung don lam gyi rim par bsgrigs nas/ nyams su len tshul dang sbyar te sngon med pa'i legs bshad kyi phul chen po stsal bar mdzad/ de la mkhas grub thams cad mkhyen pa'i gsung las/ sde snod 'dzin pa thams cad sngon lan gcig kyang ma myong ba'i legs par bshad pa'i bdud rtsi'i ro phul du byung ba myong bas yid kyi brtan pa rang dbang med par 'phrog ste ngo mtshar ba'i gtam gyis dus 'da' bar byed cing/ de phyin chad kyang skabs skabs su gsungs pas/ sngon chad gangs ri'i khrod 'dir tshad ma tshig gi na yaM maM/ phyi'i go rgya gcod pa'i tshe bstan bcos gzhan blta ba la blo cung zad drag tu 'gro ba'i yan lag tsam du nye bar mkho ba'o snyam du 'dzin par zad kyi/ 'di nyams len la mkho ba'i the tshom tsam zhig su la'ang med pas phal mo che zhig don ma yin pa'i blo bskyed par byed pa de ltar la/ da lta blo gros dang ldan zhing gzu bor gnas pa dag gis 'di nyid nyams len ston pa'i bstan bcos rmad du byung bar phyogs mthong tsam yod pa 'di ni/ rje rin po cha 'di 'ba' zhig gi thugs rje la brten pa yin te/ 'di tsam kyi bka' drin yang gangs can pa yongs kyis gsab par sla ba ma yin no/ /zhes bka' stsal to/ /des na sngar dpal chos kyi grags pas tshad ma rnam 'grel brtsams nas le'u dang po la nyid kyis rang 'grel mdzad/ lhag ma la lha dbang blo 'grel ba rtsom du bcug par/ dan po brtsams te gzigs phul bas/ chul bskyur gsungs/ gnyis pa phul bas me la bsregs/ gsum pa'i mjug tu/ phal cher skal ba med nyid dang/ /dus la'ang sdod pa med pa'i phyir/ /goms pa'i phyir na mdor @275 bsdus nas/ /dka' 'grel 'di ni 'dir byas so/ /zhes sbyar te phul bas 'phros dang tshig zur gyis bstan pa nges pa'i don rnams ma byung ba 'dug ste/ tshig gis dngos su bstan pa'i don byung 'dug /gsungs nas bzhag /nga'i rig pa 'di gzhan gyis ma nor bar mi shes par 'dug dgongs nas/ rnam 'grel du/ skye bo phal cher phal la chags shing shes rab rtsal med pas na legs bshad rnams/ / zhes sogs kyi tshigs bcad 'di gsar du bsnan par mdzad pa yin ces grags te/ des na 'phros dang tshig zur gyi bstan pa'i nges pa'i don yang nyams len gyi gnad khyad par can ston pa rnams su nges la/ de'i phyir dpal chos kyi grags pa nyid kyis de ltar bstan yod pa dngos su gsungs kyang/ sngon chad mkhas pa rnams la dogs pa tsam ma byung rung/ rje bdag nyid chen pos mkhyen rab kyi rtsal rmad du byung bas legs par gsal bar phye ste dpal chos kyi grags pa'i dgongs pa gting phyin pa kun la 'doms par mdzad pa 'di lta bu ni/ chos kyi grags pa nyid slar yang dngos su byon pa dang khyad par gang zhig mchis/ tshul 'di kho nar bsam na yang rje btsun 'jam dpal dbyangs kyi sgyu 'phrul nyid du som nyi dang bral ba'i nges pa rnyed par snang ngo/ /rgyal tshab thams cad mkhyen pas rje'i gsung bshad zin bris btab pa'i tshad ma'i brjed byang ngam/ tshad ma'i lam bsgrigs su grags pa'ang 'di dus mdzad pa yin no/ /smras pa/ phyogs dang phyogs bral skal ldan ngang mo'i khyu/ /mtha' dag dbyar skyes chu 'dzin ji bzhin du/ /bos pa med par khyod drung bsnyegs pa ni/ /legs bshad bdud rtsi myong ba'i slad du yin/ /de dag rnams la rang rang skal ba dang/ / 'tshams pa'i chos kyi rgyun bzang bgo skal du/ /bkye bas ring nas bsags pa'i @276 rmongs chen dri/ /ma lus dus gcig phyis pa bzhin du byas/ /theg chen gzhung lam rgyal sras tshul khrims dang/ /dngos grub rtsa ba bshes gnyen bsten tshul du; ;nges phyir de dag rnams kyi blang dor gnad/ /brtse bas gdul bya'i tshogs la 'doms par mdzad/ /bstan pa'i rtsa ba so sor thar pa yi/ /'dul khrims nyid du rgyal bas bsngags na yang/ /chos rloms phal gyis gcan gzan rtswa sngon bzhin/ / mthong yang da dung mi len 'dor bar byed/ /gsang chen sngags pa'i gral du dog tshangs kyis/ /'dul ba'i bcas mtshams khyad du gsod pa la/ /rang yang brtson zhing gzhan yang sbyor byed pa'i/ /bstan pa'i chom rkun gangs can ljongs 'dir mang/ / tshul des rgyal ba'i bstan pa'i nang mdzod mchog /ming tsam lhag mar gyur tshe mgon khyod kyi/ /dam chos 'dzin pa'i thugs bskyed dus smin pas/ /'dul bstan gso ba'i chog dag la brtson/ /de mthus rang bzhin grub mtha' dzin pa mdangs kyis sa chen khyon/ /gur kum tshos kyis spran pa ji bzhin gyur/ / bcas pa'i gnad 'gag phra zhing phra ba tshun/ /tshul bzhin nyams su len pa'i skyes bu ni; ;nye ba 'khor dang mtshungs pas mtha' dbus gzhi/ /'gengs bas 'dus pa dang por co 'drir byed/ /deng sang dus na'ang rgyal bstan snying po 'di/ / nyams pa med par shar nub yul gru'i bar/ /khyab cing gdal 'di mgon khyod bka' drin las/ /gzhan du shes ldan su zhig dogs par 'gyur/ /bka' gdams bstan pa'i 'byung gnas rwa sgreng du/ /bka' dang bstan bcos rgya mtsho'i gnad bsdus pa/ /bka' bab che ba bzhi ldan legs bshad ni/ /bka' dang gdams @277 ngag kun gyi phul du bskrun/ /chos kyi grags pa'i zab dgongs rgya mtsho'i gting/ / chos bzhin dpogs pa'i zab don nor bu'i gter/ /chos ldan gdul byar 'bad med bkye bas na/ /chos grags slar yang byon kyang de las ci/ /de sogs mgon po khyod kyis skad cig rer/ /bshad dang sgrub pas rgyal bstan spel ba'i tshul/ /re re'i mtha' yang rtogs par nus min na/ /mtha' dag gleng ba'i spobs pa su yis bsten/ /ces pa ni bar skabs kyi tshigs su bcad pa'o/ / de nas mi'i dbang po grags pa rgyal mtshan pas gsol ba nan cher btab pa la brten nas 'on bde chen steng du phebs/ sde snod 'dzin pa brgya phrag du ma 'dus pa dang bcas pa rnams kyis de nyid du dbyar gnas par zhal gyis bzhes/ rgyal bzang smon mkhar nas zhabs tog gi rim pa bsam gyis mi khyab pa bsgrubs/ gdul bya rnams la byang chub lam gyi rim pa'i khrid dang/ dbu tshad kyi dka' pa'i gnad du ma lhug par 'grol ba'i chos kyi 'khor la mang du bskor/ de nas 'o de gung rgyal gyi lha zhol 'ol dagI byams pa gleng du phyag phebs/ don gnyer can rnams la lam rim dang bskyed rdzogs kyi chos mang du gsungs/ de nas dpon slob rnams dgun gyi sku mtshams shin tu dam pa'i ngang nas thugs dam 'ba' zhig lhur mdzad pa'i skabs su/ rje btsun 'jam dpal dbyangs kyi gsung gi snang bas/ slob dpon klu byang gi rnam gzhag rim pa la Ti ka rtsoms dang/ phan thogs chen po 'ongs zhes bskul ma byung bas de ma thag tu dgos pa'i yig cha rnams bsags nas bka' rtsom mdzad pa la zhugs pas rtsom pa myur du mthar phyin te don gnyer can rnams la'ang zhib par gsungs/ de yang spyir dpal gsang ba 'dus pa'i rim pa lnga'i ngo bo/ /go rim/ grangs @278 nges/ rim pa so so'i byed las sogs dang/ khyad par du rim pa gsum pa'i sgyu lus sgrub tshul gyi skor sogs 'dus pa'i rtsa bshad kyi rgyud dang/ 'phags pa yab sras lnga'i gzhung nas byung ba'i don thun mong ma yin pa rnams dpyis phyin pa zhig legs par mkhyen nas lo bcu lhag tsam song ba la da bar du smra ma nus/ da nas zur tsam smras pa yin ces rje nyid kyis bka' stsal te/ des na gsang chen rdo rje theg thugs su chud nas ring zhig lon kyang/ re zhig snod min rnams 'dus pa'i rdzogs rim rim pa lnga'i nang tshan rim pa gsum pa'i sgyu lus sgrub tshul gyi gnad thun mong ma yin pa rgyal ba rdo rje 'chang gi dgongs don bzhin slob dpon 'phags pa yab sras kyis ji ltar gtan la phab pa rnams/ sngon chad gangs ri'i ljongs kyi mkhas rloms phal mo ches ji bzhin rtogs pa'i yul du ma gyur pa las/ rje bdag nyid chen pos dri ma med pa'i mkhyen rab kyis don mtha' dag dpyis phyin par thugs su chud nas ring zhig lon kyang/ re zhig snod min rnams la gsang sgrog gi nyes pa 'byung ba sogs kyis skabs su ma babs par dgongs nas/ rang nyid kyi thugs yul du mnga' ba las gzhan dag la shin tu gsang bar mdzad la/ dus la bab nas snod ldan rnams la rim bzhin bka' stsal bas/ gsang chen theg pa'i gdul bya rnams la rmad du byung ba'i bka' drin tshad med pa stsal ba ste/ rgyu mtshan de'i phyir kun gzigs lnga pa chen pos/ mkhas rloms nyi 'od phal gyis 'byed min pa'i/ /sgyu lus sind+hu wa ra'i padmo'i sgo/ /khyod gsung sked med kha yi 'gram chang gis/ /'thor tshe 'dab brgya pa de rang dbang ci/ /zhes dang/ stag tshang lo tsabs/ rim gnyis mtha' dag khyad par sgyu lus la/ /sngon med legs bshad gter chen khyod @279 la 'dud/ /ces bsngags par mdzad pa yin la sgyu lus kyi skor sogs la sngon med pa'i legs bshad kyi phul ji ltar yod ni/ 'dir mtha' dag 'god par ma langs pas rje nyid kyi gsung rab rnams las shes par 'gyur bas/ des na 'di 'dra ba'i bka' drin ni cha shas tsam zhig sus kyang gzhal bar nus pa ma yin no/ /de bzhin du lo chen skyabs mchog dpal bzang la sogs pa dam pa du mas gsol ba nan cher btab pa dang/ sngar rgya sog phur bzhugs dus grub chen rnams kyis a b+hya'i gzhung la brten nas bstan bcos brtsam na bstan pa dang sems can la phan thogs rgya chen po 'ongs zhes lung bstan pa rnams kyi don bzhin/ rgyud sde bzhi'i lam gyi lus yongs su rdzogs pa ston pa'i bstan pa cos chen po gsang chen lam gyi rim pa mdzad de/ sde snod 'dzin pa du ma la sngags kyi lam rim rgyas par gsungs/ de yang rje nyid nas thun mong ba dag gi ngor gsung rigs su sngags rim chen mo rtsom pa 'di la sngar rgya sog phur grub chen rnams kyi lung bstan byung ba de ltar ma gtogs/ dus kyis gtugs pa dang/ rtsom pa myur du mthar phyin pa byed dgos pa byung ba'i don gyis gsol ba yun ring du 'debs long ma byung bas/ rgyu mtshan khyad par can gzhan med ces bka' stsal mod kyang/ don du rgyud sde bzhi'i gnad don ma lus pa la rje btsun 'jam dpal dbyangs nyid kyis gsung gi snang ba dngos su stsal ba'i sgo nas rtsom par mdzad pa ste/ rje rtogs ldan pa chen pos mdzad pa'i rnam thar legs bshad kun 'dus su/ sngags rim la sogs pa lo chen skyabs mchog dpal bzang po la sogs pas bskul nas brtsams pa rnams kyang rje btsun 'jam dpal dbyangs kyi gsung ji lta ba bzhin yin pas/ 'di lta bu'i rtsom pa sngon chad byung ma byung mkhas pa rnams @280 kyis dpyad na rigs par 'gyur ro/ /zhes dang/ de ltar 'jam dpal dbyangs kyis rjes su 'dzin pa'i rgyu rkyen yang sngags rim du/ rgyal ba kun gyi yab gcig 'jam dpal dbyangs/ /dgyes pa'i spyan ras tsam gyis btsa' ba las/ /rgyal ba'i dgongs zab rtogs pa'i rnam dpyod kyis/ /mchog sbyin mdzad ces thos pas ring zhig nas/ /rgyun mi chad du lhag pa'i lhar bsten cing/ /da dung khyod kyi zhabs pas spangs nas ni/ /nam yang skyabs gzhan med do mkhyen pa'i gter/ /bdag gi re ba'i 'bras bu mchis par mdzod/ /ces gsung zhing/ lha 'di'i mtshan rjen par mi ston par mkhyen pa'i gter zhes gsung ngo/ /de dus sngags spyi dang khyad par du bla med/ bye brag tu bde mchog gi skor bod du 'gyur ro cog gi don rnams gsungs pas/ lung bde la gsang sngags nang zhes gsungs shing/ gzhan rnams kyis kyang de ltar du sgrog go /zhes 'byung ba ltar don la gnas pa nyid do/ / de'i tshe bar chad kyi ltas shin tu rtsub pa ci rigs pa byung/ dge bshes gcig gnyis kyang 'das pa la/ dpon slob rnams kyis sku mtshams dam par mdzad de/ thugs dam dang bzlog pa sogs la shin tu 'grus par mdzad pas tshogs med par bzlog / de'i tshe bcom ldan 'das rdo rje 'jigs byed kyi sgrub thabs bdud las rnam par rgyal ba dang/ sbyin bsregs kyi chog rgyas pa'i bka' rtsom mdzad/ thugs dam shin tu 'phel bar gyur/ de yang bdag nyid chen po 'di ni tha mal pa dag gi snang ngor ' yang/ thugs dam sgom bzlas dang lta ba'i dpyad pa sogs mdzad pa'i skabs su sku mdun rang na yod pa rnams kyis sgo gsum gyi spyod pa ci byas kyang/ ched du gtad nas thugs zhib bcug na ma gtogs/ gzhan de rnams thugs kyis cir yang mi [@##data incomplete here] @291 ma gus pa dang/ brnyas pa byas pa ma lags na'ang/ mi mang po dang nam 'phrad pa'i dus rnams su nad drag po 'ba' zhig 'ong ba byung ba'i don gyis/ 7bka' lung bzhin du sgrub par ma nus pa la nam mkha' dang 'dra bar zab la shin tu rgya che ba'i thugs kyis mi dgyes pa mi mdzad pa thugs la dgongs par zhu/ sngon gyi dus su byon pa'i chos rgyal chen po rnams kyis 'jig rten 'di'i khrims lugs dang/ 'jig rten phyi ma'i chos lugs phyogs thams cad du legs par dar ba'i thugs khur chen po bsnams 'dug pa'i lung bzhin du/ da lta'i dus su gong ma chen po'i thugs dgongs rnam par dag pa dang/ mdzad pa ngo mtshar bas lha dang bcas pa'i 'jig rten gyi yid mgu bar byed pa'i gtam snyan po yang dang yang du thos pas/ bdag cag 'di phyogs na yod pa'i rab byung drag pa phal mo ches/ 7gong ma chen po'i sku tshe dang rgyal srid yun ring du brtan pa'i smon lam rnam par dag pa yang dang yang du 'debs kyin yon pa'i tshul 'di dgongs par zhu zhing/ de ltar yin lags na de la sa skyong chen po'i 'phrin las kyis ji ltar skyong/ chos kyi rgyal po nyid kyis mkhyen pas bdag cag 'dra bas zhib tu mi spobs lags/ zhes gus pas phul ba'i zhu yig spyan lam du 'bab pa'i thabs kyi rten mtshon par li'i yul nas spyan drangs pa'i spyan ras gzigs kyi sku gcig /bcom ldan 'das shAkya thub pa'i gser sku gcig /de bzhin gshegs pa 'jam dpal gyi gser sku gcig /de bzhin gshegs pa'i ring bsrel 'phel bzhin pa gsum/ sel bra gcig / yang de bzhin gshegs pa'i ring bsrel gcig /rgya gar gyi grub chen rgya dang bod gnyis kar sangs rgyas kyi bstan pa dar rgyas su mdzad pa'i sku drin can jo bo chen po @292 lha gcig gi gdung rus las byon pa'i ring bsrel gcig rnams phul/ byi ba lo zla ba drug pa'i tshes bcu dgu la yul dbus nas phul ba'i zhu yig /ces 'bul bar mdzad de 'di yang zhu yig gi ngo bshus 'khrul med 7 gzhung sa'i phyag dpe'i khrod du yod pa las lhag chad med par bshus shing/ 'di'i 'bul rten gyi gras su sel bra gcig zhes pa gang yin ma shes kyang ma phyir 'dug pas de nang ltar bris pa yin la 'ga' zhig gis ring bsrel 'phel bzhin pa gsum sbrel gcig zer rgyu las/ sel bra gcig ces pa ma dag pa yin ces gsungs 'dug ste dpyad par mdzod/ 7gong ma chen pos rje tsong kha par phul ba'i rten chos kyi grangs mngon rtogs sogs gong bsal tshur 'bul phar 'bul gyi zhu yig le tshan gnyis nang gsal go bsdur bar/ tshur phul zhu yig nang gsal gos yugs bdun zhes pa dang/ dar mdog can yugs bdun zhes pa gnyis nyis zlos yig skyon byung tshod dang/ gzhan ma ming 'bod lugs sogs ma gcig pa las kha grangs phal cher 'grig gi 'dug pa dogs sel tsam du bkod cing/ yang/ rnam thar chen mo rnams su 'di skabs rgya yul du sku tshab slob ma mngags tshul kha gsal bar ma 'khod kyang/ gser yig pa rnams nas cis kyang rje nyid phebs ma thub rung/ slob ma bzang nges zhig gnang dgos zhus don/ byams chen chos kyi rje shAkya ye shes mngags par mdzad la/ chos rje rin po ches kyang bka' bzhin rgya nag tu byon nas 7gong ma tA ming rgyal po'i dgongs bzhed mthun pa'i bshad sgrub 'phrin las khyab gdal du che bar mdzad nas slar yang bod du phebs pa sogs zhib pa 'og tu slob ma byon tshul gyi skabs na gsal lo/ /yang rnam thar dad pa'i @293 'jug ngogs sogs su 7gong ma ta ming rgyal po 'i gdan zhu gser yig sogs thengs gcig las byung tshul ma gsal yang rje rtogs ldan pa chen pos mdzad pa'i rnam thar legs bshad kun 'dus su/ mi dbang tA ming rgyal pos nan chen pos rgya yul du spyan 'dren pa'i 'ja' sa dang/ phyag rten gyi rnam pa du ma dang/ tA shin bre bos gser yig dang bcas par lan mang du spyan drangs kyang ma byon pas/ da res 'bul ba byed zer nas phan yul brgyud nas nam lang tshe se ra chos sdings su sleb par byas/ zhes byung ba ltar na de gong nas spyan 'dren pa'i 'ja' sa phyag rten sogs lan mang du byung yang bdag gir ma mdzad pa nyid du nges la/ yang/ rnam pa gcig tu na rjes 'byor gyi gser yig pa rnams nas dang po 'i char spyan 'dren pa'i sbyor ba mang du brtsams kyang zhal gyis ma bzhes shing/ mjal du yang ma gnang bar brten rjes sor gsang stabs kyis sku drung du bcar rtsis byas pa'i don yin shas che snyam du'ang dogs pas ji ltar yin blo gros dang ldan pa rnams kyis dgongs par 'tshal lo/ / de yang skabs 'dir gong ma tA ming rgyal pos gser yig 'bul skyes dang bcas gdan 'dren pa'i pho nya mngags pa dang/ rje nyid nas thog mar mjal 'phrad kyang dka' dka' ltar mdzad cing/ rjes su thabs la mkhas pa'i bka' rmad du byung ba stsal ba'i sgo nas 'byon du ma bzhed kyang sku tshab tu byams chen chos kyi rje mngags pa sogs kyi tshul 'di dag thun mong ba'i snang tshul tsam las yang dag par na/ rje tsong kha pa na rje btsun 'jam dpal dbyangs nyid yin par ma zad/ gnam bskos gong ma sa'i tshangs pa chen po'ang/ rje btsun thams cad mkhyen pa blo bzang 'jam dpal rgya mtsho'i gsung las/ sa bcu'i dbang phyug rje btsun 'jam dpal dbyangs/ /sa chen @294 chos kyi khrims la 'god pa'i phyir/ /sa bdag mi yi gar mdzad tshangs pa che/ / sa steng bstan 'gro'i mgon zhes gsungs pa ltar/ /'jam dpal dbyangs nyid kyi rnam 'phrul yin pas 'di 'dra ba'i mdzad pa la brten nas yon mchod du 'brel ba'i tshul gyis/ don du sku'i bkod pa gcig gis mdo sngags yongs rdzogs kyi bstan pa'i snying po gser zhun 'chang ba'i ring lugs kyi srol rgya cher btod cing/ rnam 'phrul gcig gis sa chen po la dbang ba'i stobs kyi 'khor lo bsgyur ba chen po 'i rnam par bstan nas bstan pa'i snying po 'di nyid la sri zhu bkur sti gzengs bstod rmad du byung ba dang/ chab 'bangs mtha' dag kyang 'di nyid la gcig tu dad cing gus pa lhur len pa la sbyor zhing/ log par 'khu ba mtha' dag bsod nams dang dpung pa'i stobs kyis tshar bcad cing srung ba sogs la 'khor yug gi lcags ri chen po dang mtshungs pa ste/ de lta bu'i yon mchod zung du 'brel ba'i thabs mkhas kyi mdzad pa'i mthu las/ deng sang snyigs mar gyur pa'i dus gyi mthar yang ri bo dge lugs pa zhes grub mtha' gzhan las lhag par khyad du thon pa'i dar rgyas yun du gnas pa 'di lta bu byung ba yin no/ /de nas rtsa she'i rnam bshad chen mo yang mdzad zin cing/ gnas 'di nyid du dga' skyor zul gsum gyi gdan sa pa dang/ thang sag pa'i gdan sa zur pa la sogs pa sde snod 'dzin pa drug brgya tsam 'dus pa rnams la rtsa she'i rnam bshad chen mo'i steng nas bshad lung rgyas pa dang/ gzhan yang byang chub lam rim/ drang nges rnam 'byed/ bzhi brgya pa/ gsang sngags lam rim/ rtsa ltung dang/ bla ma lnga bcu pa'i bshad lung la sogs pa chos kyi 'khor lo zab cing rgya che bar bskor/ sne'u nas dbyar gnas kyi bdag rkyen gyis mtshon dpon @295 slob spyi sgos thams cad kyi zhabs tog phun sum tshogs pa mdzad pa dang bcas chos mthun gong 'phel gyi ngang du lo gnyis tsam ser chos sdings su bzhugs/ lo phyi ma'i dgag dbye thon pa dang mi dbang grags pa rgyal mtshan pas gsol ba btab pa la brten nas skyid smad grum bu lung du phyag bteg /phyag phyir byon pa'i bshes gnyen lnga brgya tsam la mi'i dbang pos phogs dang zhabs tog phul du byung ba mdzad/ gzhan yang phyogs tha dad nas dam pa'i chos kyi gsung gi bdud rtsi len par 'dus pa dang bcas khyon dge 'dun stong longs pa tshogs shing dgun bzhugs kyang de khar mdzad/ lam rim dang/ bde mchog lU hi ba'i sgrub thams dang/ ma rgyud kyi rdzogs rim sogs zab chos kyi 'khor lo rgya cher bskor/ snga sor ser nas phyag mi 'degs pa'i gong tsam nas lha sar smon lam chen mo gsar 'dzugs mdzad rgyu'i thugs kyi 'dun pa btang ste/ dpon nam mkha' bzang po la'ang zhal ta byon/ khong pas kyang lha sa'i dkyil 'khor steng dang seng g.yab sogs kyi zhig gso rlabs chen mdzad cing/ smon lam gyi mchod pa'i yo byad rnams kyi sta gon yang legs par mdzad/ gzhan yang grub bu lung du bzhugs kyi ring la 'bri khung dang rwa sgreng/ 'on dang 'ol dga' tshun chad kyi sde dgon/ mi chen/ yon bdag / bu slob kyi tshogs la dad 'bul bskul ba phyogs phyogs su mngags pa sogs kyi zhal ta dang thugs stsol cher mdzad cing/ mi dbang grags pa rgyal mtshan pa la'ang zhal ta zhib par byon/ de ltar mdzad pa'i thugs rje'i shugs kyis dad 'bul kyi dngos po 'i 'byor tshogs mtha' yas shing dpags par dka' ba byung/ smon lam gyi thugs 'dun mdzad phyin chad bdag nyid chen po dpon slob rnams rang la'ang phyag @296 tu yo byad ci byung phal mo che smon lam gyi cha rkyen nyid du bsngo bar mdzan do/ /smras pa/ mkhyen pa'i gter gyi gsung gsang rta bdun gyis/ /drangs pas gsang chen theg pa'i legs bshad kyi/ /sngon med nyin byed mchog 'dir shar ba yis/ / 'bras bu'i theg pa'i pad tshal dus gcig phye/ /zab gsang lam gyi rim pa'i gnad spyi dang/ /khyad par thob bya'i gnad don mthar thug pa/ /'od gsal sgyu lus zung 'jug dang bcas pa'i/ /dka' ba'i gnas kun ma sbas lhug par dkrol/ /rdo rje 'chang gis ji ltar dgongs pa'i don/ /'phags pa klu sgrub yab sras kyis dkrol ba/ /sngon chad phyogs 'dir phal gyis ma rtogs kyang/ /gang gis lag mthil skyu ru ra bzhin ston/ /tshe gcig 'tshang rgya'i lam bzang zla med kyi/ / theg par mchog dman kun gyis gleng mod kyang/ /mthar thug gnad don khong du ma chud na/ /myur du 'tshang rgyar 'dod kyang yid smon tsam/ /'di lta'i tshul la legs par bsams byas na/ /rang cag kha ba can pa'i yid can la/ /rgyal dang de sras gzhan las lhag par du/ /bka' drin che ba'i ngo mtshar shes par 'gyur/ / dam chos bdud rtsi'i gru char 'bebs pa'i tshe/ /nag phyogs bdud sde'i 'tshub ma ldang gyur kyang/ /byams pa'i ting 'dzin gcig gis gzhil mdzad pa'i/ /tshul 'di zas gtsang sras dang dbye ba ci/ /grub pa'i bsti gnas se ra chos sdings su/ / zab don nyams su bzhes la brtson bzhin par/ /zab mo dbu ma'i rnam bshad la sogs pa'i/ /zab gsang legs bshad rgya che thang mar gdal/ /smra ba'i nyi ma mkhas mchog dge legs dpal/ /mjal ba'i mod la yab sras skyes rabs su/ / 'brel ba'i ngang tshul gsal bar mngon gyur pas/ /dpyod ldan mtha' dag lag @297 pad snying gar zum/ /gang gi mkhas btsun bzang po'i snyan grags rnga/ /srid pa'i khongs na ches cher ldir ba yis/ /shar phyogs sa yi tshangs pa'ang mos gus kyi; ;rgya mtsho'i rba rlabs ci yang mkha' la phyur/ /bsngags tshig nor bus spud pa'i zhu 'phrin dang/ /srid na rin thang che ba'i bdog pa'i skyes/ /rigs gzugs 'byor pas mtho ba'i mi sna sogs/ /'bad pa chen pos kha ba'i ljongs 'dir mngags/ / gdul bya'i snang ngor gshegs bzhud ma bzhed kyang/ /zhu 'phrin sgo nas yon mchod thugs 'dres pa'i/ /tshul 'dis zhwa ser bstan pas 'dzam gling khyon/ /khyab pa'i rten 'brel sgo 'phar phye bar gyur/ /ces pa ni bar skabs kyi bsdu ba'i tshigs su bcad pa'o/ /de nas sngon rgya gar 'phags pa'i yul gyi grong khyer khyad par du 'phags pa mnyan yod kyi gnas su/ bdag cag gi ston pa mnyam med shAkya'i rgyal pos/ mu stegs kyi ston pa rdzogs byed dang/ kun tu rgyu gnag lhas kyi bu dang/ smra 'dod kyi bu mo 'i bu yan lag rgyal ba can dang/ mi pham skra'i la ba can dang/ ka tya'i bu nog can dang/ gcer bu pa gnyen gyi bu ste mu stegs ston pa drug 'khor dang bcas pa sogs nag phyogs kyi sder gtogs pa thams cad cho 'phrul chen pos tshar bcad cing pham par mdzad de bdud kyi rgyal mtshan ni yongs su bsnyil/ bstan pa la dad pa'i dkar po 'i phyogs rnams rgyal bar mdzad pa'i sgo nas dam pa'i chos kyi rgyal mtshan phyogs bcur bsgrengs pa'i dus khyad par can mnyan yod cho 'phrul chen po'i dus chen du grags pa 'di nyid la/ sngon rgya gar 'phags pa'i yul du'ang chos kyi rgyal po rnams kyi sku ring la bde bar gshegs pa'i rten gsum khyad par can rnams la mchod pa'i bye brag bzang zhing mtha' klas pa du ma dang/ dge 'dun gyi sde @298 rnams la zang zing gi bsnyen bkur rgya chen po dang 'brel bar mchod pa dang/ smon lam gyi bye brag 'byams su klas pa'i sgo nas 'gro ba dpag tu med pa'i bsod nams kyi sgo 'phar phye ba'i srol bzang bar ma chad du dar zhing/ bod yul 'dir yang sngon gyi dus nas bzung de lta bu'i srol bzang po rim par mchis mod kyang/ dus kyi 'gyur ba sna tshogs pas star chags min ci rigs ma zad/ lhag par mchod pa dang sbyin pa sogs rnam dkar gyi 'du 'god ha cang rlabs che ba'i srol yang phal mo che la ma dar ba la/ rje bdag nyid chen po nas gtso bo thub bstan spyi dgos dar rgyas yun ring du gnas pa dang/ mtha' dbus kyi skyes 'gro bgrang ba las brgal ba'i rgyud la rnam dkar gyi 'brel ba rlabs po che 'jog pa'i sgo nas thar pa dang thams cad mkhyen pa'i gzhi rten rmangs nas tshugs pa dang/ 'jig rten gyi khams kun phan pa dang bde ba'i snang ba dkar pos yugs gcig tu khyab par 'gyur ba sogs kyi thugs bskyed tshad med pas kun nas blangs te/ de gong nas kyang lo ltar gar bzhugs kyi gnas su cho 'phrul smon lam chen mo'i dus kyi mchod pa rgya che chag med du mdzad pa nas/ rab byung drug pa'i nang tshan sa mo glang gi lor rwa sa 'phrul snang gi gtsug lag khang du jo shAkya yid bzhin nor bu nyid kyi spyan sngar cho 'phrul smon lam chen po'i mchod sbyin gyi 'du 'god rlabs che ba mdzad par dgongs te/ gong du brjod ma thag pa ltar mi dbang grags pa rgyal mtshan pa sogs la bka' bkod gnang don bzhin tshang mar dge bskul gyis khyab pas rnam dkar gyi yo byad mtha' klas pa'i 'bul ba dang/ tshon rtsi gser shog sogs bzang zhing gya noms dpag tu med pa byung bas/ sa byi lo 'i ston dus tsam nas lha sar zhal ta mdzad de lha bzo ba mang du bsags/ lha @299 sa'i bris 'bur gyi sku rnams la bar lam sri zhu ma byung ba yun ring bas snang brnyan phal mo che dri mas sbags pas sku mdog tsam yang nges dka' ba'i gnas su gyur pa rnams dri bzang gi chu la sogs pas legs par bkrus/ dag byed kyi rdzas kha na ma tho ba med pa rnams kyis yongs su dag par bgyid pa'i thog /slar tshon bzang po rnams kyis nyams pa mtha' dag bsos shing/ gser shog la sogs pas legs par spras te gsar du bzhengs pa dang gnyis su ma mchis par mdzad/ gzhan yang bzo rig pa du ma bsags nas gos dar gyi 'bul ba byung ba rnams la sku gzugs rnams kyi na bza'i khyad par du ma dang/ rgyal mtshan dang bdan la sogs pa'i bye brag du ma tshems pa sogs sta gon gyi rim pa rnams legs par 'du mdzad/ de nas byi lo zla ba bcu gnyis pa'i smad tsam la grum bu lung nas phyag btegs te lha sar byon/ gnam gang gi nyin snyan gsan 'bebs pa'i mchod pa mdzad/ dge 'dun stong phrag brgyad lhag tsam 'dus pa la/ dpon slob rnams rang gis sbyin bdag mdzad nas mi re la mar lha srang gi nyag bzhi tsam re dang/ ja dkar zho drug cu rtsa grangs kyi mang ja dang bcas pa'i 'dzugs ston drangs/ rje nyid dgung lo nga gsum du phebs pa sa mo glang gi lo hor zla dang po'i tshes gcig nas bco lnga'i bar cho 'phrul chen po 'i dus kyi mchod pa dngos gzhi mdzad pa la/ de yang sngon 'phags pa'i yul gyi sbyin bdag rgyal po gsal rgyal la sogs pa dang mtshungs par/ dus 'dir yang tshes gcig nas nyin so sor dmigs gsal kyi sbyin bdag dang/ de dag gi zang zing gi bkur sti ji ltar sgrub tshul dang bcas pa rnams 'og tu dkyus gcig tu 'god par bya la/ snga 'phros rje bdag nyid chen po rang nas smon lam chen mor mdzad pa ji ltar mdzad tshul @300 rnams rags rim sdom gyi tshul du bkod na/ jo bo shAkya ne'i snang brnyan la gser bzang po 'ba' zhig gi rgyu tshogs las sgrub pa'i dbu rgyan la de bzhin gshegs pa rigs lnga'i snang brnyan 'phul ma 'bur dod dar dpyangs kyang gser las byas pa/ rin po che nal dang/ mu tig dang/ g.yu la sogs pa srid na dkon zhing rin thang che ba'i rin po che'i phra tshoms du mas mdzes par byas pa sogs bzo bkod phun sum tshogs pa dang ldan pa dang/ jo bo mi bskyod rdo rje dang bcu gcig zhal gnyis so sor dngul dkar lhad med kyi rgyu tshogs las sgrub pa'i dbu rgyan bzo bkod rmad du byung ba dang bcas pa 'bul bar mdzad/ jo bo shAkya mu ne'i sku mdun du dngul gyi lhung bzed che tshad du longs pa/ de'i kha la 'tshams pa'i dngul gyi maNDal dang bcas pa/ jo shAka rnam gnyis/ bcu gcig zhal dang bcas pa la cho 'phrul gyi ring nyin re bzhin zhal gser chag med dang/ tshes brgyad dang bco lnga rnams su sku yongs rdzogs la gser chab dang bcas pa 'bul bar mdzad/ jo shak gnyis dang thub pa gangs can mtshos gtso mdzad pa'i rab byung sprul sku'i rnam pa can gyi 'bur sku thams cad la/ gos dar phun sum tshogs pa las grub pa'i bla gos dang snam sbyar/ sems dpa' sems ma bcu drug sogs dang/ khro ba'i rnam pa can la sogs pa la dar bzang po dang/ gan gos la sogs pa'i stod g.yogs smad g.yogs dang/ gzhan yang mdo mang po las byung ba ltar gtsug lag khang che chung rnams kyi tog dang bya 'dab la sogs pa'i rtse zur phan tshun du tha gus sbrel ba thams cad la ba dan dang/ rnga yab dang/ dril bu la sogs pas bar ma chad du mdzes par bas shing/ phyi'i skor lam chen mo'i phyi rol nas shing @301 chen po 'phang shin tu mtho ba rnams la gos dar sogs las byas pa'i ba dan chen po 'jigs su rung ba la phyogs skyong de dang de'i skus tog la rgyan cing/ de dang de'i sngags ba dan nyid la bris pa bco lnga phyogs skyong ba bco lnga bo rang rang gi phyogs su legs par btsugs nas nub re bzhin de dag gi rtsa ba'i gtor stegs khar phyogs gtor gtong ba dang/ de dag gi bar bar du gdugs dkar la sogs pa'i rgyal mtshan rang rang gi cho ga bzhin du legs par btsugs shing/ sher phyin gyi mdo sde las byung ba ltar ba dan dang rgyal mtshan de dag gi shing rnams tha gus sbrel ba la phan dang/ rnga g.yab dang/ dril bu sogs pas bar ma chad du mdzes par byas pa ni 'ja' tshon kun nas bkra bas nam mkha'i khams khyab par byas pa lta bu dang/ nyin par yang khyams nang ma yan chad la mar me brgya phrag bzhi re tsam dang/ bar skor la brgya phrag lhag pa dang/ phyi skor la rdo ring gi 'gram/ jo bo rin po che'i zhal drang thad du kong bu chen po gru bzhi ba phyogs re la 'dom tshad ma gsum gsum yod pa de nyid/ mar gyis legs par bkang ba la sdong bu 'tshams pa re bskrun pa las 'bar ba'i me lce ni gser gyi mchod sdong gis nam mkha'i khams 'gog par byed pa lta bus thog drangs/ rdza'i khog ma chen po mar gyis bkang ba la sdong bu mi chen po'i lag pa'i sbom tsam/ 'phang mda' tshad lhag tsam la sbar ba'i mar me'i 'phreng ba bar thag 'tshams par bkod pas phyi skor gyi phyi rim 'khor ba dang/ gzhan yang rwa mo che/ klu sbug /po ta la/ gung thang rnams su'ang mar me du ma dang/ mtshan ma ni bar skor gyi rtsig 'gram 'khor ba dang/ khyams rwa phyi ma'i ka tshar ji ltar yod pa bzhin du mar me'i 'phreng ba bkod pas mig gis blta ba tsam yang bzod dka' bar byas te/ ji ltar sa chen po la mngon par bkra ba'i sgron @302 me'i 'phreng bas/ lha'i lam la 'khrigs pa'i rgyu skar gyi tshogs la 'phya ba gsal bar byed pa'i so so'i 'od zer gyis mtshan gung la bab pa'i mun pa'i tshogs dpung dang bcas pa'ang rab tu zhum zhi nga ngo tsha bas sa'i 'og tu song ste kun gyi mig lam du mi mngon par gyur la/ rwa mo che dang po ta la tshun chad kyi lcang ma'i lcug phran gzhon nu dag gi rang rang gi lus kyi grib ma'ang nyin mo ji ltar sa la bab pas nyin mtshan gyi khyad par mi phyed pa ltar du gyur cing/ rgyu skar gyi tshogs ni 'di ltar nyi ma brgya phrag mang po zhig cig car sa gzhi las thon te bdag cag rnams gnas nas skrod par chas sam snyam du 'jigs pa lhur len pa'i bab col gyis mtshan phyed la nam mkha'i lam btang ste rgya mtsho chen por bros pa ltar/ mtshan mo'i gung la steng du mngon par bltas pa na nam mkha' mar me'i 'od kyi gos dang bcas pa'i kha dog dmar skya nyid du mthong ba ma gtogs rgyu skar gcig gi gzugs kyang mthong ba'i yul las 'das par gyur to/ / gzhan yang nyin re bzhin yon chab brgya phrag brgal ba gsar du mngon par bshams pa la kha che'i dri bzang sbangs pa'i khu bas kha legs par bsgyur bas baiDU rya ser po'i zhun ma snod kyi 'phreng bar blugs pa ltar gyur cing/ gur kum gyi ro ma ni nyin re la'ang bre grangs du mar longs pa dang/ de bzhin du spos kyi rgyal mtshan dang/ gdugs dang/ spos snod tha dad du mngon par bsregs pa la sogs pa'i dri bzang pos phyi rol 'khor yugs thams cad nyin mtshan bar med du mngon par khyab cing du ba rnams ni bar snang la sprin sna ring po dag dang phan tshun 'dus pas lda ldi bres pa lta bu dang/ tha na phyi skor gyi lam tshun chod kyang spos kyi chus chag chag btab par byas na nang skor gyi sa gzhi gzhan dag lta ci smos/ kong bu chen po'i g.yas g.yon du sa stegs kyi khar @303 rtsam khal brgya re las byas pa'i lha bshos rgyan bzang po dpag tu med pas spras pa dang/ 'phyar ba dang btsugs pa la sogs pas lhag par mdzes par byas pa dag mngon par bshams shing/ gzhan du zhal zas mda' tshad lhag tsam la rgyal srid rin po che sna bdun la sogs pa'i rgyan yid 'phrog pas brgyan pa brgya rtsa brgyad re nyin re bzhin gsar du 'bul bar mdzad/ zhal zas rnying pa rnams ni bdag gir byed pa med par skye bo phongs pa sprang po'i tshogs la ltos med du byin pas/ phongs pa dag bkres pa'i 'du shes kyi 'ching ba las grol nas bza' btung gis tshim pa lhag par thob pas slar bza' ba yid la mi byed pa lta bur gyur to/ /gzhan yang rje nyid kyis gyere mas 'phrang nas gter du bzhes pa'i dngul dam rta mgo ma la sogs pa ngo mtshar ba'i mchod pa'i bye brag mtha' yas pa dang/ rgyal srid rin po che sna bdun dang/ bkra shis pa'i rtags brgyad dang/ rdzas brgyad la sogs pa lha mi'i 'dod yon phun sum tshogs pa'i bkod pa yid 'phrog pa dpag tu med pa mngon par bshams shing/ de thams cad rje bla ma nyid kyis sngags dang phyag rgya dang ting nge 'dzin gyis bde ba chen po'i ngo bor byin gyis brlabs nas/ sdom brtson sde snod 'dzin pa'i 'dus pa'i tshogs dang bcas mdo dang rgyud sde nas byung ba'i cho ga rnam par dag pas mchod de phyogs bcu'i rgyal ba sras dang bcas pa thams cad yongs su mnyes par mdzad pa dang/ bstan 'gro 'ba' zhig la dgongs pa'i thugs bskyed shugs drag pos thub bstan rin po che 'jig rten gyi khams su mi nub yun ring du gnas pa dang/ sems can mtha' dag la phan pa dang bde ba rgyun mi chad du 'byung ba'i smon lam gyi mtshams sbyor rnam par dag cing rgya chen po nyin re bzhin du mdzad la/ tshul de dag la gsang ba'i rnam @304 thar gsol 'debs su/ chos 'khor lha sar cho 'phrul chen po'i dus/ / ngo mtshar bkra shis sna tshogs brgya bkod pa'i/ /mchod pa bde ba chen por byin brlabs nas/ /phyogs bcu'i rgyal ba sras bcas mnyes par mdzad/ /ces gsungs pa yin no/ /de dag gi tshe sngar rdzing phyi dang/ rgya sogs phu sogs su gzigs snang byung ba dang mthun par phyogs bcu'i rgyal ba rnams mchod pa'i yul dang smon lam gyi dpang por spyan drangs pa'i tshe/ shar phyogs kyi de bzhin gshegs pa thams cad rnam snang gi rnam pa can gyis shar phyogs kyi nam mkha' thams cad khyab par 'khrigs pa dang/ de bzhin du lho phyogs pa thams cad rin 'byung/ nub phyogs pa thams cad 'od dpag med/ byang phyogs pa thams cad don grub/ steng gi cha thams cad mi bskyod pa'i rnam pa can gyis bar mtshams med pa gur phub pa ltar gyur te mchod tshogs bdag gir mdzad pa'i gzigs snang rgyun mi chad du byung ste/ gsang rnam gsol 'debs las/ phyogs bcur bzhugs pa'i rgyal ba sras bcas rnams/ /rnam dag smon pa'i dpang por spyan drangs tshe/ /rang rang phyogs kyi de bzhin gshegs pa yi/ /sku yi bkod pas mchod pa bdag gir mdzad/ / ces gsungs so/ /gzhan yang de dus grub chen ku cor rtogs ldan pa'i gsung las/ smon lam gyi skabs ltung bshags zhal 'don mdzad pa'i tshe/ phyogs kyi de bzhin gshegs pa de dag gi 'og tsam gyi nam mkhar sangs rgyas sum cu so lnga dang/ sman bla bde gshegs bdun/ byams pa/ tshe dpag med/ sgrol ma/ gdugs dkar/ dbyangs can ma/ grub chen brgyad cu sogs bzhugs par gsungs la/ yang mkhan chen phyag rdor ba'i gzigs snang la/ rje bdag @305 nyid chen po'i dbu'i steng na rigs gsum mgon po bzhugs shing/ mtha' bskor du dkar phyogs skyong ba'i srung ma phal che bas mel tshe mdzad cing bzhugs pa gzigs pa dang/ yang/ de dus ku cor rtogs ldan lha sa'i rag khar mtshams mdzad yod pa nam zhig grol nas byon pas glang chen gdong nas grub chen sha wa ri dang mjal bar gar 'byon zhus par/ nged cag grub chen brgyad cu rnams chos rje blo bzang grags pas smon lam gyi mgon du gdan drangs pa las gzhan rnams phebs zin/ kho bo cung zad phyis pa yin gsung ba dang/ gzhan yang las dag pa mang po'i mthong snang la nam gung la grub chen brgyad cu skor ba smon lam mdzad pa dang/ lha klus skor ba rgyun mi chad du byed pa mthong ba sogs ngo mtshar ba'i yon tan mtha' klas shing/ dge 'dun skye bo'i tshogs dang bcas pa la nyin re bzhin slob dpon dpa' pos mdzad pa'i skyes rabs nas chos thun re yang chag med du gsungs so/ /de'i tshe lha mchod mi mchod rnams kyi mthil len dang/ phyogs phyogs nas 'dus pa'i bla ma dge ba'i bshes gnyen/ mi dpon sogs dang 'bul bskyel ba la byon pa thams cad dang/ bzo rig pa so so la sogs pa thams cad kyi sne len dang/ chas ka rnams kyi do dam la sogs pa mtha' dag dpon nam mkha' bzang po khu dbon gyis dad pa dang gtong ba rgya chen pos gus pas bsgrubs shing/ bdag po chen po mi dbang grags pa rgyal mtshan pas kyang mchod pa sogs kyi mthil len thugs khur rgya cher bzhes pa dang/ gzhan yang 'og nas 'chad 'gyur ltar 'bri khung sogs sbyin bdag fkhag mang nas dad 'bul dang/ bsten bkur mang bas zhag bcu drug gi ring la nyin ltar dge 'dun khri ra can tsam la mang ja nyin 'khyongs/ snga dro bzhes thug @306 thengs gnyis/ tsha gro dang bcas pa chag med du byung zhing/ tsha gro la dge 'dun tshogs pa'i tshe bsod nams che ba la dgongs nas gral du tsha gro mi bzhes par skor ba mdzad pa'i dge 'dun yang stong lhag tsam re yod par snang/ de bas kyang skye bo mi nag pa'i tshogs 'dus pa ni shin tu mang ba khri phrag du mar yod par snang la; rje nyid kyi thugs rje'i shugs kyis de tsam du 'dus pa'i skye bo thams cad kyang phad tshun tshig rtsub mo tsam gyi 'thab mo mngon mtshan can byed pa sogs gcig kyang med par dga' zhing mdza' ba lhur byed pa dang/ skor ba gzhan gyi skabs ltar glu gzhas dang/ rkang bro/ chang 'thung ba la sogs pa bag med pa'i spyod pa mtha' dag rang shugs kyis rgyang ring du bsrings te/ thams cad rang bzhin gyis rgyud 'jam pa dang/ dad pa dang dge ba la spro ba sogs kyi gzhan dbang du gyur pas nyin mtshan 'khor yug tu chos nyan pa dang/ phyag dang/ skor ba dang/ smon lam 'debs pa dang/ gzungs kha ton du byed pa sogs 'ba' zhig gis dus 'da' bar gyur la/ de yang mtshan phyed rang gi dus la bab pa na phyi skor byed pa nyin mo bas cung zad nyung ba mngon pa tsam ma gtogs skor ba byed pa bar chad pa ni cung zad kyang ma byung ngo/ / de skabs shig nyams snang bzang por yod pa'i thugs dam pa zhig gi mnal lam du/ bud med chen po zhig gis lag pa gnyis kyis gtsug lag khang la 'khyud 'dug / ci byed byas pas me'i gnod pa srung ba yin zer ba zhig byung 'dug pa ltar/ de'i phyi nub kong bu chen po'i mar khu phal mo che rdzogs/ mar gsar pa ma blugs pa'i mtshams shig tu kong bu'i nang gi ras rdog rnams dang/ mar lhag dang bcas par me 'bar nas shin tu che ba'i me'i phung por gyur te/ skye bo thams cad 'jigs @307 shing skrag par gyur pa la rje nyid de ma khad gzims chung du byon nas thugs dam la bzhugs pas rlung sir bu cung zad kyang ma ldang zhing/ dka' ba med par thabs rnams kyis shin tu bzlog sla bar byung nas de ma thag zhi zhing gnod pa cung zad kyang ma byung ba dang/ yang thugs dam pa nyams snang shin tu bzang ba zhig gi mnal lam du/ lha sa'i nye skor gyi gzhi las skye bo'i tshogs grangs las 'das pa thon nas/ thams cad nam mkha' la yar thal byung du 'gro ba zhig 'dug pa la/ 'di ci yin byas pas nged rnams jo bo rin po che la 'di ltar mchod pas tshangs pa'i 'jig rten du 'gro ba yin zer ba byung 'dug pa ltar 'gro ba tshad med grangs med dpag tu med pa thar pa dang thams cad mkhyen pa'i sa la 'god pa'i 'phrin las rlabs chen tshad med pa zhig dus skad cig nyid la grub par mdzad do/ /smras pa/ lha ldan 'phrul snang gando la chen por/ /lha yi lha mchog shAkya mu ne'i drung/ /lha mi kun gyi bsod nams spel ba'i slad/ /lha mchod smon lam chen mor grags pa tshugs/ /sngon byung ston pa'i cho 'phrul chen po la/ /rjes su yi rang dge ba rgya chen po/ /dpag med 'gro ba'i rgyud la bskrun pa des/ /srid pa'i gzhi 'di hrul po nyid du byas/ /lha dang mi yi mkho dgu'i dngos po kun/ /ma bos dbyar gyi sprin tshogs ji bzhin du/ / 'bad med dus gcig 'dus pa'ang mgon khyod kyi/ /thugs bskyed rgya mtsho gyen du phyur ba'i mthu/ /sde snod 'dzin dang grub pa'i dbang po sogs/ /khrims ldan mkhas grub 'dus pa ngang mo'i khyu/ /grangs med chos kyi rdzing bur 'dus nas kyang/ /'khor gsum bya ba'i mgrin rnga ci yang 'khrol/ /mtha' dbus skye bo bgrang bya'i yul 'das pa/ /phyogs 'dir 'dus nas mchod dang bsnyen bkur dang/ / @308 phyag skor kha bton la sogs rnam dkar gyi/ /bya bas nyin mtshan bye brag phyed ma gyur/ /mnyan yod rgyal byed tshal de ji bzhin du/ /chos dang zang zing gnyis ka'i 'du long gis/ /'khor yug khyon 'di 'gengs pa'i ltad mo la/ /gtsang ma'i lha rigs man chod blta bas brel/ /phyogs bcur bzhugs pa'i rgyal dang de sras kun/ /nam mkha'i lam nas chu 'dzin btib pa ltar/ /dngos su byon nas mchod tshogs bdag gir du/ / bzhes pa'i bskal bzang mngon sum gyur 'di mtshar/ /mchod dang mchod yul mchod pa'i dngos po kun/ /ngo bos grub pa med pa'i rang gshis las/ /bde ba chen po'i phyag rgyas btab pa yi/ /zung 'jug dga' ba'i ngo mtshar 'khor mo yug /ces pa ni bar skabs kyi tshigs su bcad pa'o/ /de lta bu'i cho 'phrul smon lam chen mo de'i ring la tshes gcig nas bco lnga'i bar 'phags pa'i yul gyi byung ba dang mthun par nyin re bzhin sbyin pa'i bdag po'i khyad par mi 'dra ba dang/ de dag gis bkur bsti zang zing gi mchod sprin ji ltar spros pa sogs rags tsam 'god na/ de yang sngon 'phags pa'i yul du grong khyer khyad par du 'phags pa mnyan yod ces bya bar/ dus khyad par du 'phags pa cho 'phrul zla ba'i tshes gcig gi dus su/ sbyin bdag khyad par du 'phags pa theg pa chen po la ring nas zhugs pa'i rgyal po gsal rgyal gyis sbyin bdag mdzad pa'i tshe/ bcom ldan 'das kyis zas kyi bya ba dang/ tshems shing gi bya ba mdzad zin pa'i 'og tu tshems shing sa la btsugs pa/ de ma thag tu mtho khyad dang/ yal ga dang/ lo ma kho ra khor yug tu dpag tshad lnga brgya pa'i shing zhig skyes par gyur/ de skyes ma thag pa de la me tog shing rta'i 'phang lo tsam skyes shing/ 'bras bu ni bre lnga tsam shong ba'i bum pa @309 can du gyur/ rtsa ba dang/ yal ga dang/ 'dab ma la sogs pa thams cad rin po che sna bdun du gyur nas kha dog rnam pa sna tshogs pa 'tsher zhing 'bar bas nyi ma dang zla ba'i 'od kyang zil gyis mnan zhing/ de'i 'bras bu'i ro ni lha'i bdud rtsi'i ro bas lhag pa dang/ dri bsung gis phyogs kun tu khyab nas skye bo kun gyi yid tshim par mdzad pa dang/ dri zhim po dang ldan pa'i rlung gis yal ga dang lo ma bskyod pa na/ shin tu yid du 'ong ba'i chos kyi sgra byung nas thams cad dad par byas te/ lha dang mi dpag tu med pas mngon par mtho ba dang/ nges par legs pa'i 'bras bu thob par mdzad pa'i cho 'phrul dang po bstan to/ / ' sngon byung ba'i dus khyad par can de dang rjes su mthun par sa mo glang gi lo hor zla dang po'i tshes gcig gi dus su/ 'jam mgon bla ma blo bzang grags pa dpal bzang po'i zhal snga nas dpon slob rnams kyis lha mchod mi mchod kyi sbyin bdag mdzad de/ mnyam med shAkya'i rgyal po'i gser gyi dbu rgyan dang/ lha sku rnams kyi gser chab kyi rgyu bcas la gser zho sum brgya dang drug cu rtsa brgyad/ de bzhin gshegs pa mi bskyod rdo rje dang/ 'phags pa bcu gcig zhal gnyis kyi dbu rgyan la dngul rkyang spor brgya dang sum cu rtsa gsum/ jo bo shAkya mu ni la dar gyi chos gos gsum/ dngul gyi lhung bzed/ mkhar sil/ jo bo rnam gnyis kyis gtso mdzad pa'i lha rnams kyi na bza'i rgyu la/ ta hun gyi ber thul gcig /bzang gos btsem ma bzhi/ gos yug bcu/ gan dar yugs bcu gnyis/ 'bring dar yugs drug cu rtsa gnyis/ ling yugs bzhi/ phan bco lnga/ rgyal mtshan bzhi/ ka gdan dril ma drug /ras yug brgya dang drug cu re gsum/ @310 ras ya nyi shu rtsa dgu /snam bu dang/ tshon dang/ rta sga dang/ ral gri dang/ sman sogs la gong byas gser zho bdun cu don bzhi/ mchod me'i rgyu la mar lha srang gi khal brgya dang dgu bcu/ zhal zas sogs kyi rgyur rtsam khal brgya dang dgu bcu/ nas khal bzhi brgya/ dge 'dun tshogs pa spyi'i tshogs ston gyi rgyur rtsam khal nyis brgya nyi shu rtsa drug /gos dar snam phrug la sogs pa la srang brgya/ ja nag khal bcu drug /ja dkar khal bzhi bcu zhe bdun/ gser zho drug brgya dang drug cu tham pa/ dngul srang bzhi brgya dang bzhi bcu tham pa/ nas khal drug brgya/ mar lha srang gi khal sum brgya dang drug cu rnams phul ba'i sgo nas cho 'phrul chen po bstan pa'i dus kyi mchod pa bsgrub par mdzad pa ni skabs dang po'o/ / ' thog ma'i dus chen de nyid kyi nyin sgrub brgyud bstan pa'i 'jug ngogs gdan sa chen po dpal gyi phag mo gru nas/ lus can gyi 'dren pa mnyam med chos kyi rje spyan snga rin po che bsod nams bzang pos lha mi'i mchod chas la zhal gser dang dbu rgyan gyi rgyur gser zho nyi shu rtsa lnga/ de byings dkar me/ zhal zas/ sman gyi rnam grangs/ gos dar gyi gdugs/ rgyal mtshan/ 'phan/ mchod rnga/ maNDal/ rin po che'i bum pa/ tshen/ dri bzang/ dge 'dun gyi mang skol/ 'gyed/ 7rje bdag nyid chen po'i drung du 'bul ba dang bcas pa la rin gong spyir dngul srang lnga brgya skor gyi mthun rkyen mdzad de/ skye rgu mtha' dag gi phan bde'i rtsa ba sangs rgyas bcom ldan 'das kyi bstan pa'i snying po sdom pa gsum gyi nyams len dang/ bshad sgrub chos kyi 'khor lo phyogs dus kun tu dar zhing rgyas pa/ yongs 'dzin dam pa zhi bar gshegs pa rnams kyi dgongs pa yongs su @311 rdzogs shing/ zhal bzhugs pa rnams kyi sku tshe mdzad 'phrin rgya che la dag cing rgyun mi chad par chos ldan gyi bzhed don mtha' dag yid bzhin 'grub pa'i smon lam skyabs 'jug bcas zhu bar gyur to/ /' yang/ sngon gyi dus cho 'phrul zla ba'i tshes gnyis kya dus su sbyin bdag khyad par du 'phags pa grong khyer stong yangs pa'i chos kyi rgyal po u tra ya nas mdzad pa'i tshe/ bcom ldan 'das kyis sku'i g.yas g.yon du rin po che'i ri gnyis sprul te/ shin tu mtho ba/ mdzes pa/ rin po che rnam pa sna tshogs pa'i kha dog ltar 'tsher zhing/ ri de la me tog dang 'bras bu rab tu rgyas pa las sgra skad shin tu snyan pa 'byung ba/ ri gcig gi rtse mo la 'bras bu ro brgya dang ldan pa 'jam zhing mngar ba byung ste mi mang po dag gis yid bzhin du re ba tshem par bza' ba/ ri gcig gi rtse mo la rtswa shin tu 'jam pa dang mngar ba skyes te; dud 'gro'i skye gnas su gyur pa rnams kyis bza' zhing bde la yid bzhin du tshim par gyur pa dag sprul zhing/ bcom ldan 'das kyis mi dang dud 'gro de dag la chos ci rigs su bstan pas sems rnam par grol te bla na med pa'i byang chub tu sems bskyed pa dang/ dud 'gro de dag ngan song gi lus spangs te mtho ris kyi lhar skye ba sogs dngos su mthong bas thams cad dad par byas te/ lha mi dpag tu med pa mngon par mtho ba dang/ rnam par grol ba'i 'bras bu thob par mdzad pa'i cho 'phrul gnyis pa bstan to/ / ' sngon byung ba'i dus khyad par can de dang rjes su mthun par sa glang hor zla dang po'i tshes gnyis kyi dus su/ 'bri khung rdzong nas mi dbang rin po che grags pa rgyal mtshan pas sbyin bdag mdzad de/ mnyam med shAkya'i rgyal po'i dbu rgyan dang/ lha rnams kyi gser chab kyi rgyur gser zho @312 bzhi bcu/ jo bo mi bskyod rdo rje dang/ 'phags pa bcu gcig zhal gnyis kyi dbu rgyan zhal 'debs su dngul gyi phud phor gsum/ theb rtse gcig / de byings dar ta hun gyi chos gos gcig /yang dar gyi chos gos skyer kha gcig / sku sham gcig /stan khebs che ba gcig /lha dar par ma yugs gcig / dar yugs bcu bzhi/ rgyal mtshan dang/ ka phan gyi rgyur gom yugs sna tshogs/ ga bur sogs sman sna/ 'bru mar sogs gtso bor mi dbang nyid kyis thog drangs/ gzhan dag la bskul ba brag tshab/ la go / spang sa/ 'chad kha/ bla ma ral gcig pas klung shod nas bskul ba khra khungs rtse la yan sdom par/ mar lha srang gi khal phyed nyis stong dang nyi shu tham pa/ rtsam khal brgya dang lnga bcu/ dge 'dun tshogs pa spyi'i ston chas la mar thud khal sum brgya/ rtsam khal sum brgya/ sha khog dgu bcu go gcig /mang ja'i rgyur ja dkar 'degs khal bzhi bcu/ mar khal sum cu so gnyis/ spyi 'bul ja dkar sgam gcig bcas phul te cho 'phrul chen po'i dus kyi mchod pa bsgrub pa ni skabs gnyis pa'o/ / ' yang/ sngon cho 'phrul zla ba'i tshes gsum gyi dus su sbyin bdag khyad par du 'phags pa rgyal po shun rtsi da las mdzad pa'i tshe/ bcom ldan 'das kyis zhal gyi chu slar sa la 'pho ba rin po che'i rdzing bur gyur nas kho ra khor yug tu dpag tshad nyis brgya yod pa/ rin po che sna bdun gyis rnam par spras pa/ kha dog rnam pa sna tshogs su 'tsher ba/ rdzing bu de'i chu yon tan brgyad dang ldan pa/ rdzing bu'i zhabs kyang rin po che sna bdun gyi bye ma gdal ba/ padma che khyad shing rta'i 'phang lo tsam rnam pa sna tshogs kyis gang ba 'di lta ste/ padma @313 sngon po dang/ ser po dang/ dmar po dang/ dkar pa dang/ leb rgan la sogs pa'o/ /padma de dag gi dri yang shin tu mngar zhing 'phro ba/ padma'i kha dog ji lta ba bzhin du 'od zer yang 'tsher te/ de'i 'od zer gyis rnam pa kun tu snang bar byas shing/ 'khor mang po thams cad kyang rin po che'i rdzing de la rab tu dga' bas blta ba/ de nas bcom ldan 'das kyis 'khor mang po de dag la yo byad byar nas chos rnam pa snga tshogs chub tu sems bskyed/ la la ni zhing rtogs par mdzad pa las ni bla na med pa'i byang chub tu sems bskyed/ la la ni 'bras bu thob nas mtho ris kyi lhar skyes/ bsod nams kyi las bskyed pa yang dpag tu med pa thob par mdzad pa'i cho 'phrul gsum pa bstan to/ / ' sngon byung ba'i dus khyad par can de dang rjes su mthun par chos 'khor dpal gyi lha sar sa glang hor zla dang po'i tshes gsum gyi dus su rgyan bu lhun grub rgyal mtshan sku mched yum sras kyis sbyin bdag mdzad de lha mchod mi mchod kyi rgyur/ zhal gser spos dang bcas pa/ mar lha srang gi khal drug brgya dang gsum/ ja sig gsum/ rtsam nas khal sum brgya/ sha khog lnga bcu/ bsngo rten dang bcas pa phul/ de dang dus mtshungs par bla ma yang blo ba dang/ dpon bsod rin pa gnyis 'khor dang bcas pa nas/ lha mchod la mar khal sum brgya drug cu/ gser srang phyed/ rtsam khal drug cu/ mchod 'bru khal nyi shu rtsa bdun/ 'phan gyi rgyu la dar yugs lnga/ ras khru lnga ma bco lnga/ spos dkar khal phyed/ si la a ka ru'i sbyor sdebs bcas pa'i spos nag bre gang/ spos rengs stong/ sdong ras la cha ther gsum/ dge 'dun gyi bsnyen bkur la mar thud khal brgya dang phyed drug /sha khog sum cu so gsum/ ja sig @314 gsum/ rtsam khal bdun cu don gnyis/ bur ltang gnyis la rgya ma nyi shu rtsa gcig /tshi lu rgya ma dgu /tshwa 'bo gang rnams phul te cho 'phrul chen po'i dus kyi mchod pa bsgrub pa ni skabs gsum pa'o/ / ' yang/ sngon cho 'phrul zla ba'i tshes bzhi'i dus su sbyin bdag khyad par du 'phags pa rgyal po indra war mas mdzad pa'i tshe/ bcom ldan 'das kyis de'i nyin rin po che'i rdzing de'i ngos bzhir yur ba chen po brgyad brgyad yod pa chu phyir yang 'khor zhing rdzing de nyid du 'bab pa; chu 'bab pa'i sgra las dbang po lnga dang/ stobs lnga dang/ byang chub kyi yan lag bdun dang/ 'phags pa'i lam yan lag brgyad dang/ rnam par thar pa gsum dang/ mngon par shes pa drug dang/ pha rol tu phyin pa drug dang/ snying rje chen po dang/ byams pa chen po dang/ dga' ba chen po dang/ btang snyoms chen po dang/ tshad med pa bzhi ste chos rnam pa sna tshogs kyi sgra byung ste/ skye bo rnams kyis chos sgra de dag gi don tshul bzhin du rtogs shing khong du chud pas sangs rgyas su gyur pa'i 'bras bu dang/ mtho ris lhar skye ba dang/ bsod nams mchog bskyed pa yang rab tu mang po thob par mdzad pa'i cho 'phrul bzhi pa bstan to/ / ' sngod byung ba'i dus khyad par can de dang rjes su mthun par sa glang cho 'phrul zla ba'i tshes bzhi'i dus su brag dkar nang sos sbyin bdag byas nas/ lha mchod kyi rgyur mar khal nyis brgya dang bco lnga/ jo bo rin po cher tA hun gyi na bza' gcig dang zhal gser/ dbu rgyan gyi g.yu khra/ spos dkar bre bzhi/ spos reng mda' tshad ma stong dang nyis brgya/ ba dan dkar po gcig /'phan gcig /mchod 'bru nas khal lnga bcu nga lnga/ zhal zas @315 rgyur rtsam khal bdun cu don gsum/ dge 'dun gyi zhabs tog rgyur/ rtsam khal brgya dang bdun cu/ mar thud khal brgya dang sum cu so gsum/ ja khal lnga bcu/ thug rdor rgyur sha skam khog nyi shu rtsa lnga/ mnga' 'og na yod pa'i gra dgon pa/ dgon gsar ba/ gru bzhi ba/ sha ra hor pa/ thar rgyas pa/ lha phyug /ro skam/ ldan/ ba lam/ 'brom/ yer pa/ chos lung yan kun bsgril ba nas lha mchod la mar khal drug brgya dang dgu bcu/ rtsam nas khal nyis brgya dang bcu bzhi/ zhal gser dang dbu rgyan rgyur gser zho phyed dang dgu/ na bza' ngo bzhi/ bla bre gser 'jam gcig /dar cha'i rgyud dar yugs bzhi bcu rtsa bdun/ ka bsgril bub bzhi/ sdong ras rgyul ther gcig dang/ pang khebs kyi ras gcig /spos reng sum stong/ gser zho do ri ba'i gur kum/ /bum pa nyi shu/ dge 'dun gyi zhabs tog rgyur ja sig gsum dang sdum gcig /ka ra ltang gcig /gung thang du 'bul rgyu'i mar nag khal sum cu so gsum/ yang/ gru bzhi bas mar khal drug cu/ gzhan dag bsgril ba nas mar khal brgya dang drug cu rtsa bzhi/ brag dkar nang sos lo re bzhin shar phyogs nas yul 'khor srung gi ba dan dang/ gdugs dkar gyi rgyal mtshan gcig /gra dgon pas tshangs pa'i ba dan/ gru bzhi pas lha'i dbang po'i ba dan/ sha ra hor pas gdugs dkar gyi rgyal mtshan gcig /dpon kun rgyal dang/ /dpon chos dbang bzang po gnyis kyis nye dbang gi bdan/ gsol dpon grags pa dpal dang/ gsol ja ba rdor rin gnyis kyis klu'i rgyal po mtha' yas kyi ba dan rnams kyi zhig bso byed par dam bca' phul ba rnams dang bcas pas cho 'phrul chen po'i dus kyi mchod pa bsgrub pa ni skabs bzhi @316 pa'o / / ' yang/ sngon cho 'phrul zla ba'i tshes lnga'i dus su/ sbyin bdag khyad par du 'phags pa rgyal po tshangs byin gyis mdzad pa'i tshe/ bcom ldan 'das kyis zhal gyi sgo nas gser gyi kha dog lta bu'i 'od zer bkye nas stong chen po'i 'jig rten gyi khams kun tu snang bar byas te/ 'od zer des reg pa'i sems can thams cad dug gsum dang/ sgrib pa lnga dang bral te lus dang sems rab tu bde ba ni ji ltar dge slong dag bsam gtan gsum pa thob pa dang 'dra zhing/ 'khor mang po dag sangs rgyas kyi yon tan la mos pas 'dud pa la bcom ldan 'das kyis chos bstan te bla na med pa'i byang chub tu sems bskyed pa dang/ mtho ris kyi lhar skye ba dang/ bsod nams kyi las bskyed pa yang grangs med pa'i cho 'phrul lnga pa bstan to/ / ' sngon byung ba'i dus khyad par can de dang rjes su mthun pas glang hor zla dang po'i tshes lnga'i dus su sbyin bdag dpon mdzes pa yab sras nas/ dpon grags pa bzang po'i thugs dgongs rdzogs pa'i phyir du lha mchod la mar khal nyi shu/ dar 'phan gcig / dbu rgyan rgyur gser zho do/ dge 'dun gyi zhabs tog rgyur nas khal brgya tham pa'i rtsam pa/ mar lha srang gi khal brgya dang lnga bcu nga bdun/ ja dkar khal nyi shu rtsa bdun/ sku 'gyed mtshon byed rgya khab nyis stong brgyad brgya/ tsan dan phye ma bre phyed/ spos dkar bre do/ ' yang de nyin zul bu mkhan chen dpon slob dge 'dun dang bcas pa nas lha mchod rgyur/ mar lha srang gi khal sum brgya dang dgu bcu go gsum/ nas khal brgya dang bcu/ rtsam pa rgya ma sum brgya dang brgyad cu gya gsum/ zhal gser zho lnga/ dge bshes kun rin gyis dar gyi na bza' gcig /spos kyi 'phan brgyad/ spos reng mda' tshad sum stong bdun brgya/ zul bu mkhan chen @317 pas dge 'dun gyi bsnyen bkur rgyur ja sig gcig/ /nye gnas dpal ldan bzang pos ja sig gcig /khams pa zhig nas ja dum gcig/ /ston pa brtson 'grus chos skyong gis mar khal bcu rnams phul te cho 'phrul zla ba'i tshes drug gi dus su sbyin bdag skabs lnga pa'o/ / ' yang/ sngon cho 'phrul zla ba'i tshes drug gi dus su sbyin bdag khyad par du 'phags pa li tsa byi rnams kyis mdzad pa'i tshe/ bcom ldan 'das kyis 'khor mang po de dag thams cad gcig gi bsam pa gcig gis shes par byas te so so'i dge ba'i las kyang rtogs par mdzad pas so so nas dga' ste sangs rgyas kyi yon tan bsngags so/ /de dag la bcom ldan 'das kyis dam pa'i chos bstan pas khong du chud cing rtogs nas sangs rgyas su smon lam 'debs pa dang/ 'bras bu thob pa dang/ mtho ris kyi lhar skye bar smon pa yang grangs med pa'i bar du byung ba de lta bu'i cho 'phrul drug pa bstan to/ / ' sngon byung ba'i dus khyad par can de dang rjes su mthun par sa glang cho 'phrul zla ba'i tshes drug gi dus su sbyin bdag skabs lnga pa'o/ / ! yang/ sngon bo sa la yab sras dang/ brang phu mda'/ snon gsang rgyal/ grib pa rnams nas byas pa'i nang tshan jo bo sa la yab sras nas/ bdag po chen po 'jam dbyangs gu shri dang/ dpal grags pa bzang po/ dpon gnyer ba gnyis kyi sku drin gsab pa dang/ thugs dgongs rdzogs pa'i phyir du lha mchod la gser zho bzhi/ mar lha srang gi khal bcu bdun/ 'phan gyi rgyu ling yugs gcig /sdong ras ras yugs gnyis/ mchad 'brul nas khal nyid shu phyed rtsa lnga/ dge 'dun gyi bsnyen bkur rgyur rtsam khal brgya dang bdun cu don brgyad/ mar khal brgya dang sum cu so gcig/ /thud khal gcig /ja @318 sig bzhi/ thug rdor mar tshil khal dgu/ /a phing khal brgyad/ sha skam khog pa dgu /rtsam pa zhib rgyab gnyis/ bsngo rten gos phyi nang can gcig rnams phul/ gsang mda' ba/ lhun grub sgang pa/ gling smad mo yan/ sgra pa rnams kyis mar khal brgyad cu gya bdun/ nas khal drug cu re lnga dang bre lnga/ rtsam khal sum cu so dgu dang bre bco lnga/ gsang phu gling smad pas dar yug gnyis/ phrug gcig /dar kha lnga/ gling stod pas zha yugs gcig /pang khebs gcig /kha 'khri bub gcig /ras ya gcig /dkon rgyal dbon po spo b+hor bas gser zho brgyad cu/ yar kha pa grogs mched kyis gser zho dgu bcu dang se ba bcu gsum/ snon pas mar khal bzhi bcu zhe lnga dang srang bco lnga/ nas khal bzhi/ rtsam khal nyi shu rtsa dgu /bar rdzings pas mar khal gnyis/ dpon yig bsam gtan gyis zhal gser dang dbu rgyan rgyur gser zho gsum/ dar yug gi phan gcig /mar khal lnga/ rtsam 'bo gang/ nas 'bo gang/ dge 'dun gyi bsnyen bkur la mar khal bcu bzhi/ nas khal drug cu'i rtsam pa/ grib pas mar khal sum cu so lnga/ nas khal lnga bcu nga gcig dang bre bco lnga/ rtsam khal bco lnga/ brang bu mdas mar khal brgya dang bdun cu don lnga dang srang drug / nas khal phyed bdun cu tham pa/ rtsam khal sum cu so brgyad/ zhol ra mgo tshal pas mar khal bzhi bcu phyed zhe drug /nas khal nyi shu rtsa lnga dang bre brgyad rnams phul te cho 'phrul chen po'i dus kyi mchod pa bsgrub pa ni skabs drug pa'o/ / ' yang sngon cho 'phrul zla ba'i tshes bdun gyi dus su/ sbyin bdag khyad par du 'phags pa shAkya'i rigs rnams kyis mdzad pa'i tshe/ bcom ldan 'das kyis de'i nyin par @319 'khor de dag thams cad so so nas 'khor los bsgyur ba'i rgyal por bsgyur te/ rin po che sna bdun dang/ bu stong du ldan pa sprul te/ rgyal phran dang blon po rnams kyis bsti stang byas par mthong ste/ so so nas ngo mtshar rmad du byung ba'i spro ba skyes pa de la bcom ldan 'das kyis chos rnams phye zhing bstan pas/ so so'i yid tshim par gyur te bla na med pa'i byang chub tu sems bskyed pa dang/ 'bras bu thob pa dang/ mi skye ba'i chos la bzod pa thob pa yang grangs med par gyur pa'i cho 'phrul bdun pa bstan to/ / ' sngon byung ba'i dus khyad par can de dang rjes su mthun par sa glang hor zla dang po'i tshes bdun gyi dus su bkra shis cha'u da'o nas sbyin bdag byas te/ bstan pa spyi'i rim gro dang/ gong ma chen po yon mchod/ dpon gnyer gyi sku'i rim gro bcas la dmigs nas/ lha mchod la zhal gser dang dbu rgyan rgyur gser zho bdun/ mchod me'i rgyur mar lha srang gi khal sum cu so gsum/ zhal zas rgyur rtsam khal bcu/ mchod 'bru'i rgyur nas skyor mo lung gi khal sum cu/ phan gyi rgyur dar yugs gsum/ sdong ras yugs bdun/ spos dkar bre lnga/ dge 'dun gyi chos ston la skyor mo lung gi bre'i nas khal brgya dang drug cu'i rtsam pa/ lha srang gi mar khal brgya dang brgyad cu/ thud khal bcu gsum/ thug rdor sha skam rlon khog nyi shu dang/ thud khal bzhi/ mang ja'i rgyur ja sig chen gcig /ja rdor khal gsum/ bsngo rten na bza' gcig /dar yugs gcig sog po pang khebs sngo khra gcig rnams phul/ yang de nyin smon mkhar nas jo bo la bas gtso mdzad pa'i gang zag gzhan dag dang/ khang skya skor gyi drag btsan/ lha sde/ mi ser dmangs bcas nas mar khal @320 bzhi brgya dang dgu bcu go bzhi/ nyag bco lnga/ nas khal dgu bcu go gcig /rtsam khal brgya dang bzhi bcu zhe gnyis rnams phul te cho 'phrul chen po'i dus kyi mchod pa bsgrub pa ni skabs bdun pa'o/ / ' yang sngon cho 'phrul zla ba'i tshes brgyad kyi dus su sbyin bdag khyad par du 'phags pa lha'i dbang po brgya byin gyis mdzad de seng ge'i khri bshams so/ /bcom ldan 'das kyis de la bzhugs pa dang/ brgya byin gyis g.yon nas mchod pa byed/ tshangs pas g.yas phyogs nas mchod pa byed/ 'khor mang po rnams cang mi smra bar 'khod pa las/ bcom ldan 'das kyis phyag gis seng ge'i khri la bsnan pas seng ge'i khri las glang po che'i skad lta bu'i sgra chen po zhig byung ba dang/ de ma thag tu srin po lnga byung nas mu stegs ston pa drug gi khri drangs te bshig /phyag na rdo rje ni rgyu ma'i rtse mo la me 'bar ba thogs te ston pa drug gi mgo la btags so/ /ston pa drug po 'jigs skrag nas byer zhing bros te skyengs nas kha cig chur 'chongs te tshe 'phos so/ / ston pa drug gi 'khor las stong phrag dgu bcu ni sangs rgyas la skyabs su song nas rab tu byung bar gsol ba dang/ bcom ldan 'das kyis legs par 'ongs so zhes bka' stsal bas skra dang kha spu rang byi ste dge slong du gyur to/ /bcom ldan 'das kyis de dag la ci rigs par chos bstan pas zag pa kun tu zad de nyon mongs pa las rnam par grol te dgra bcom par gyur to/ /de nas bcom ldan 'das kyi sku'i ba spu'i bug brgyad khri las 'od zer bkye nas nam mkha' yongs su gang bar mdzad de/ 'od zer de dag re re'i thog ma la padma chen po re re sprul/ padma re re'i steng nas sprul pa'i sangs rgyas 'khor dang bcas pa re re sprul te/ 'khor mang po kun @321 gyis sprul pa de lta bu mthong bar byas pas lhag par dad pa'i sems skyes pa de la bcom ldan 'das kyis chos ci rigs par bstan pas/ de dag las kha cig ni bla na med pa'i byang chub tu sems bskyed/ kha cig ni 'bras bu thob nas lha dang mir skye ba'i bsod nams kyi tshogs bskyed pa yang grangs med pa'i cho 'phrul brgyad pa bstan to/ /des na tshes bdun yan chod du ston pa drug pos kyang rdzu 'phrul 'gran pa'i khul gyis khri bshams nas gnas pa las/ tshes brgyad nas sprul ba'i srin po lnga dang phyag na rdo rjes tshar bcad pas 'di man chad kyi cho 'phrul la 'gran zla med pa'i cho 'phrul du grags so/ / ' sngon byung ba'i dus khyad par can de dang rjes su mthun par sa glang hor zla dang po'i tshes brgyad kyi dus su/ sbyin bdag dpon nam mkha' bzang po yab yum gyis mdzad de/ spyan snga rin po che grags pa rgyal mtshan dang/ drung chen rin po che ta'i si tu byang chub rgyal mtshan sku mched khu dbon rnams kyi thugs dgongs rdzogs pa'i ched dang/ bstan pa rin po che dang 7 gong ma mi'i dbang po grags pa rgyal mtshan dpal bzang po khu dpon sku mched kyi sku'i rim gro /pha mas gtso byas pa'i drin lan bsab pa bcas kyi slad du/ lhar bcas 'gro ba kun gyi gtsug rgyan rje bdag nyid chen po gtso bor bzhugs pa'i dge 'dun rten gsum rgya mtshor sri zhu bkur sti sogs kyi rgyur/ jo bo'i zhal gser dang dbu rgyan la gser zho lnga bcu rtsa lnga/ phra rgyur rin po che nal rdog gser bre chen lnga ri ba gcig /g.yu gser srang lnga bcu ri ba gcig /mu tig tsha ba rdog brgya dang nyi shu rtsa brgyad kyis thog drangs pa'i g.yu dang mu tig gi phra rgyan phon che ba/ @322 dngul gyi lhung bzed zhal 'debs su dngul spor nyi shu/ ong bu la ta hung gi sku chos gcig /jo bo mi bskyod rdo rjer ling ta hun gyi sku chos gcig /jo bo bcu gcig zhal la stod g.yog sham bu dang bcas pa/ byams pa mched gnyis dang/ 'od dpag med so sor sku chos re/ tshon sna tshang ba/ gser shog stong bam gnyis/ mchod rdzas la rma bya'i sgro gdugs legs pa gcig /rgyal mtshan gcig /phan gtos/ mchod rnga gcig /dung dkar gcig /a ka ru/ sog spos/ si la/ tsan dan dkar dmar/ ga bur dang kha che dri bzang gis thog drangs pa'i spos/ dri bzang gser srang drug dang zho gsum ri ba/ na gi sogs bzang fsman sna tshogs sbyar ba'i spos phye khal gsum/ spas reng drug stong lnga brgya/ chag chag gi rgyur spang spos dang dri bzang sbyar ba phad bu nyi shu rtsa lnga/ rdza kong phyed bdun brgya/ phyogs skyong/ mchod lha/ ba dan/ gdugs skar rnams kyi rgyur dar chen yugs bzhi bcu/ 'ju lang che ba gcig /ka sgril sngo dmar dkar gsum khyon sdom bub bcu drug /dril bu nyi shu/ dril chung brgya dang brgyad/ zangs las byas pa'i me tog gi par bcu/ rnga g.yab rgyur rnga dkar bdun/ lha mchod kyi dkar me'i rgyur mar lha srang gi khal sum brgya dang nyi shu rtsa bzhi/ mchod 'bru nas khal nyi shu/ zhal zas rgyur rtsam khal lnga bcu/ bzang spos kyi rigs mang ba dang bcas pa/ dge 'dun gyi zhabs tog rgyur ja dkar 'degs khal bzhi bcu/ ja sig nyi shu/ mar khal sum brgya/ thud khal bcu/ rtsam gser bre'i khal chig stong bzhi brgya/ khur ba'i rgyur mar nag khal bdun/ gro khal sum cu/ sha skam khog brgya/ tshil lu khal lnga bcu nga bzhi/ gtsug @323 lag khang gi nyams bso'i rgyu dang/ lha rten khag gi gser chab/ snyan dar/ dkar me/ chos gsung sgrog /smon lam/ gtor sgrub/ chab gtor klu gtor/ bum gter/ do dam rig byed dang bcas pa'i rgyur/ yon/ ston mo/ kha btags/ smon lam gyi mchod shoms/ bzo rigs ma dang/ sogs pa mon lam la phebs mi yon mchod kyi zhabs tog bcas la/ dar chen kha sum cu; de 'og dar kha nyi shu/ mu tig bzhi brgya/ g.yu byir sogs rin po che sna tshang/ zangs kyi ga'u bzhi/ rdza bum nyis brgya/ dar dkar gyi gos nang sha can gcig /ja dkar kha la bcu drug /ja nag sig lnga/ mar thud khal lnga bcu/ sha khog brgyad brgya dang nyi shu rtsa dgu/ /nas kha la song dang bzhi brgya/ rtsam khal lnga brgya dang drug cu rtsa bdun/ tshwa khal lnga bcu phyed nga drug /rta/ go khrab/ gos dar/ snam phrug /mdzo sogs la gong byas dngul srang stong dang nyis brgya nyi shu rtsa lnga/ gzhi ka'i mnga' 'og gi chos sde che chung/ dpon skya/ bza' pa/ bod 'brog kun dang/ nang so bcas bsgril ba nas lha mchod mi mchod gyi zhabs tog rgyur/ zhal gser dbu rgyan bcas la gser zho brgya dang se ba nyi shu rtsa gnyis/ phra rgyur nal rdog gser bre chen lnga ri ba gcig dang/ g.yu dngul srang lnga bcu ri ba gcig /g.yu chung gcig / mu tig rdog che ba brgya dang nyi shu rtsa brgyad/ rdog chung ba drug brgya/ dngul spor nyi shu rtsa gnyis/ dngul gor gnyis/ na bza' sku chos bdun/ stod g.yogs gnyis/ gser shog stong bam gnyis dang brgya bam phyed lnga/ tshon sna tshang ba la ri gong gser zho nyi shu rtsa bdun/ rma bya'i gdugs gcig / @324 rgyal mtshan bzhi/ phan gnyis/ dar phan che ba brgyad/ tA hun gyi ber thul gcig /gos ling yugs lnga/ gan dar yugs phyed dang brgyad/ dar yugs nyi shu rtsa gnyis/ kha btags gcig /gos ling kha drug cu rtsa gnyis/ gan dar kha sum cu/ dar kha sum brgya dang bdun cu rtsa bzhi/ ka sgril bub bcu bdun/ 'ju lang che ba gcig /cha ther khol thub bdun/ ras khru bco lnga/ spang khe bas skya khra bsgril bas brgya dang brgyad cu/ ras ya bzhi brgya/ zha yugs gnyis/ phrugs gnyis/ rnga dkar bdun/ mchod rnga gcig /dung gcig /dril bu sum cu so gnyis/ dril chung brgya dang brgyad/ ting shag gcig /zangs las byas pa'i me tog ge par bcu/ a ka ru/ sog spos/ si la/ tsan dan dkar dmar/ ga bur/ dri bzang gis thog drangs ba'i bzang spos kyi sman la gser srang drug dang zho gsum ri ba/ yang na gi sogs bzang sman sbyar ba'i spos phye khal gsum/ spos dkar ltang rtse gnyis/ spos rengs gser shog ma phyed nyis brgya/ de byings spos rengs khri phrag gnyis dang lnga stong dgu brgya lnga bcu/ chag chag rgyu spang spos dang dri bzang sbyar ba phad bu nyi shu rtsa lnga/ zangs kyi ga'u bzhi/ rdza bum nyis brgya/ rdza'i kong bu phyed bdun brgya/ ja dkar sig bzhi/ ja nag sig bdun cu don lnga/ mar thud khal bdun stong nyis brgya sum bcu so lnga/ tshil lu khal brgya dang bco brgyad/ tshwa khal brgya dang phyed gsum/ sha khog stong dang drug brgya dgu bcu/ rtsam khal lnga stong brgyad cu rtsa gcig /nas khal nyis stong bdun brgya brgyad cu/ rta/ go khrab gos dar/ snam phrug /mdzo phyugs rnams la gong byas dngul srang stong dang nyis brgya nyi shu rtsa lnga rnams @325 phul te cho 'phrul chen po'i dus kyi mchod pa sgrub pa ni skabs brgyad pa'o/ /skabs 'dir gong gi gzhis ka'i mnga' 'og gi chos sde che chung sogs dang/ nang so bcas bsgril ba zhes pa man chad kyi dngos po'i sdom khongs su/ de'i gong gi gser dang phra rgyan sogs kyis gtsos pa'i dngos po rnams 'gril bas nyis zlos yin 'dra yang/ sngar gyi yig rnying dkar chag tu de ltar 'khod 'dug pas dgos pa zhig yod shas che snyam de nang ltar bkod pa yin no/ /' yang sngon cho 'phrul zla ba'i tshes dgu'i dus su sbyin bdag khyad par du 'phags pa tshangs pa'i rgyal pos sbyin bdag mdzad pa'i tshe/ bcom ldan 'das kyi sku tshangs pa'i lha la thug gi bar shin tu mtho ba lhang nge lham mer bzhugs pa sprul nas 'od zer chen pos gnas kun tu snang zhing gsal bar mdzad pa thams cad kyis mthong ba dang/ gsung yang thos par gyur nas/ de la bcom ldan 'das kyis ci rigs su chos rnam pa sna tshogs phye zhing bstan pas/ 'khor mang pos bla na med pa'i byang chub tu sems bskyed de 'bras bu thob pa dang/ lha dang mir skye ba'i dge ba'i rtsa ba bskyed pa yang grangs med pa'i cho 'phrul dgu pa bstan to/ /' sngon byung ba'i dus khyad par can de dang rjes su mthun par sa glang hor zla dang po'i tshes dgu'i dus su gzims g.yog rnams kyis sbyin bdag byas nas lha mchod la/ dbu rgyan dang zhal gser rgyur gser zho nyi shu rtsa drug dang zho gsum/ phan gyi rgyur dar yugs gnyis/ dar ling kha sum cu so gsum/ ras bub bcu/ li khri dang spang ma la gser zho nyi shu rtsa gnyis ri ba/ spos dkar ltang rtse gcig /g.yu phra drug /mtshal thur srang gang/ dge 'dun gyi chos ston la mar lha srang gi khal brgya dang drug cu re gnyis/ rtsam khal nyis brgya dang bdun cu don gsum/ ja @326 sig bzhi dang zho bzhi/ sha khog nyi shu rtsa gnyis/ tshil lu khal bzhi/ yang de nyin lha sa gnas khag gnyis kyis lha mchod mi mchod rgyur mar khal nyis brgya dang brgyad cu gya drug nyag bco lnga/ nas khal brgya dang bzhi bcu zhe brgyad/ bur ba bde ba can pa dang bcas pas mar khal dgu bcu go dgu /rtsam khal brgyad cu fgya dgu dang bre bcu gsum/ rgya grong pas mar khal dgu bcu phyed go brgyad/ rtsam khal brgya dang brgyad cu gya gcig /snye stod pas mar khal nyi shu rtsa lnga/ rtsam khal sum cu dang bre gsum/ a 'brug gis rtsam khal bcu rnams phul te cho 'phrul chen po'i dus kyi mchod pa bsgrub pa ni skabs dgu pa'o/ / ' yang sngon cho 'phrul zla ba'i tshes bcu'i dus su sbyin bdag khyad par du 'phags pa rgyal po chen po bzhis mdzad pa'i tshe/ bcom ldan 'das kyi skus rgyal pa chen po bzhi'i rigs nas srid pa'i tshe mo la thug gi bar du yongs su gang bar mdzad cing sku de dag las kyang 'od zer chen po byung ba yang 'khor mang po thams cad kyis mthong ba dang/ de dag la dam pa'i chos ci rigs su bstan pa yang gsal bar thos pas lhag par dga' ba skyes shing/ bla na med pa'i byang chub tu sems bskyed nas 'bras bu thob pa dang/ lha mi'i dge ba'i rtsa ba bskyed pa yang grangs med pa'i cho 'phrul bcu pa bstan to/ / ' sngon byung ba'i dus khyad par can de dang rjes su mthun par sa glang hor zla dang po'i tshes bcu'i dus su/ yon bdag bsod nams 'phel gyis mgo byas pa'i gnyer pa rnams nas sbyin bdag byas te/ bstan pa spyi'i rim gro dang/ dpon grags pa bzang po'i thugs dgongs rdzogs pa/ pha ma'i drin lan bsab pa sogs kyi slad du lha mchod rgyur dbu rgyan la gser zho bzhi/ zhal gser la zho drug dang se @327 ba gsum/ cod pa Na che ba gcig /ba dan dkar hril gcig /mchod me'i rgyur mar khal bzhi bcu/ zhal zas rgyu rtsam khal nyi shu rtsa lnga/ sdong ras rgyu cha ther gcig /ras bub gsum/ spos kyi rgyur tsandan dkar po zho bzhi/ bzang sman sna tshang dang bcas pa/ dge 'dun gyi chos ston la/ nas khal sum brgya'i tsam pa/ mar khal nyis brgya lnga bcu tsa bdun/ ja sig bzhi/ 7 yang dpon yon bdag pas bstan pa spya'i rim gror dmigs mar thud khal brgya/ nas khal brgya/ ja dkar nag gi rin nas khal brgya/ ji srid 'tsho'i bar du lo re bzhin gshin rje'i ba dan bso ba'i dam bca' bas phul/ 7 yang de nyid bya yul rin po che'i gra nang gis/ zhal gser dang dbu rgyan la gser gzho bco brgyad/ jo shAka yid bzhin nor bur dar chen dur kha'i snam sbyar gcig / gcig /jo bo yab sras kyi dbu thog tu gos bzang gi bla bre gcig /ba dan gyi rgyur dar yugs gcig /ka bsgril bub gcig /ras yugs gnyis/ spos rengs mda' tshad ma dgu brgya/ sdong ras rgyur ras yugs gnyis/ mchod me'i rgyur mal lha srang gi khal phyed dgu brgya/ zhal zas dang mchod 'bru'i rgyur 'bru gser bre'i khal brgyad/ dge 'dun spyi'i bzhes thug rdor dod bcas la sha tshag khog nyi shu rtsa gcig /ja dkar khal phyed gnyis/ mar khal gnyis/ zhib 'thud khal gcig /sgrub mchod pa'i dgongs ja la/ ja dkar khal gsum/ mar khal phyed gnyis/ bsngo rten thud bdar gcig /sha khog gcig /phrug dkar gcig /dge 'dun spyi'i mang ja/ ja sig @328 bzhi'i ja phye/ 7 rje thams cad mkhyen par bsngo rten gser zho do/ gos phyir nang ma cha gcig /ling phyi nag ma cha gnyis/ ja sig gcig /sdong dbon po nas gser zho bzhin/ mar khal brgya dang bcu gsum/ ka bsgril bub gcig /ja nag zho gsum/ sdong ras rgyur cha ther gcig rnams phul te cho 'phrul chen chen dus kyi mchod pa bsgrub pa ni skabs bcu pa'o/ /' yang sngon cho 'phrul zla ba'i tshes bcu gcig gi dus su sbyin bdag khyad par du 'phags pa khyim bdag mgon med zas sbyin gyis mdzad pa'i tshe/ de'i nyid par bcon ldan 'das kyis seng ge'i khri la bzhugs bzhin du sku mi snang bar mdzad nas 'di zer chen po bskye ste/ shin tu 'jam pa'i gsung gis dam pa'i chos rnam par phye zhing bstan pa 'khor mang po dag gis thos par mdzad pas/ la la ni bla na med pa'i byang chub tu sems bskyed de phyir mi ldog pa'i sa la gnas/ la la ni 'bras bu thob/ la la ni lha dang mir skye ba'i bsod nams grangs med pa bskyed pa'i cho 'phrul bcu gcig pa bstan to/ / ' sngon byung ba'i dus khyad par can de dang rjes su mthun par sa glang hor zla dang po'i tshes bcu gcig gi dus su/ gnyer chen dge 'dun 'phel gyis sbyin bdag mdzad nas 7 gong ma grags pa 'byung gnas dpal bzang po'i sku'i rim gro dang/ lha btsun lha dbang blo gros rgya mtsho dang/ gnyer chen chos skyabs gnyis kyi bka' drin bsab pa bcas kyi ched du lha mchod la/ jo bo'i zhal gser rgyur gser zho gsum/ gser shog brgya bam gnyis/ rgya mthing spor lnga/ spang ma spor lnga/ mar khal bcu/ dge 'dun gyi chos ston la/ ja sig chen bzhi/ rtsam khal nyis brgya dang bzhi bcu/ mar lha srang gi khal @329 brgya dang nyi shu/ thug rdor sha skam khog bcu/ mar khal bdun/ thug rgyur gro khal bco lnga dang/ gro zhib khal gsum/ lo re bzhin rnam sras kyi ba dan zhig bso byed pa'i dam bca'/ bsngo rten na bza' gcig bcas dang/ dge slong dpal grub nas zhal gser rgyur gser zho gsum/ dge 'dun gyi zhabs tog la mar khal lnga bcu/ bsngo rten na bza' gcig /phrug dkar bzhi/ 7 yang dga' ba gdong pas jo bo rin po cher na bza' ling yugs gcig /sdong ras rgyu cha ther gcig /spos reng nyis brgya dang bdun cu/ mar khal nyis brgya dang gsum/ rtsam khal brgyad cu gya gcig /nas khal phyed bcu bzhi/ dge 'dun gyi chos ston zhal 'debs su ja sig gcig dang zho gsum/ 7 stod lung mda' pas mar khal phyed lnga/ rtsam khal sum cu phyed so brgyad/ nas khal drug cu re drug dang bre bco lnga/ 7 a 'o dge bsnyen skyabs kyis dpon grags pa bzang po dang/ pha ma'i drin lan bsab phyir du lha mchod la mar khal brgya tham pa/ zhal gser zho do/ sdong ras cha ther gcig /lo re bzhin gnod sbyin ku be ra'i ba dan bso ba'i dam bca'/ dge 'dun gyi chos ston la la ja sig drug gi ja phye/ mar khal bzhi bcu zhe bzhi/ rtsam khal bcu gnyis/ bsngo rten dar yugs gcig 7 bzang grong pa dge bsnyen gyis phan rgyu'i dar yugs gcig /ras khru lnga pa gsum/ 7 gnyer ba sher bzang gis mar khal lnga/ 7 rta rdzi dpal bang gis mar khal phed drug /thug rdor tshad sha stod lag gcig / rtsam ya do/ 7 bu tsha mo dben/ tshur mda' pa rnams kyis mar khal bdun cu phyed don gsum/ nas khal sum cu phyed so lnga/ ras khru bcu ma nyi shu rtsa @330 gnyis/ 7 dpon po a rgyal dang/ slob dpon bsam rgyal gnyis kyis ja dum re/ 7 sa ra mi dpon padma mgon gyis mar khal nyi shu/ stan khebs gcig / dar kha gang/ sdong ras cha ther gcig /ras ya lnga/ pang khebs gcig / ras kha nyi shu/ spos phye bre gsum/ 7 sangs rgyas grags pa nas lo re bzhin shar lho'i gdugs dkar gyi rgyal mtshan bso ba'i dam bca' bcas phul te cha 'phrul chen po'i dus kyi mchod pa bsgrub pa ni skabs bcu gcig pa'o/ /' yang sngon cho phrul zla ba'i tshes bcu gnyis kyi dus su/ sbyin bdag khyad par du 'phags pa khyim bdag tsi tas mdzad pa'i tshe/ bcom ldan 'das kyis de'i nyin byams pa'i ting nge 'dzin la bzhugs nas gser gyi mdog lta bu'i 'od zer bkye ste/ stong chen po'i 'jig rten gyi khams kun 'od kyis snang bar mdzad nas/ 'od kyis reg pa'i sems can de dag thams cad dug gsum gyi bsam pa zhi nas snying rje'i sems bskyed de/ sems can gcig la gcig pha ma lta bu'am/ phu nu lta bur mdza' zhing bcugs par gyur cing/ de'i rjes su chos rnam pa sna tshogs bsan pas bal na med pa'i byang chub tu sems bskyed de phyir mi ldog pa'i sa la gnas pa dang/ 'bras bu thob pa dang/ lha dang mir skye ba'i dge ba'i rtsa ba bskyed pa'ang grangs med pa'i cho 'phrul bcu gnyis pa bstan to/ /' sngon byung ba'i dus khyad par can de dang rjes su mthun par sa glang hor zla dang po'i tshes bcu gnyis kyi dus su skyor mo lung pas sbyin bdag zhus nas lha mchod rgyur/ mar lha srang gi khal bdun brgya dang so gnyis/ zhal zas rgyur rtsam khal bdun cu don gcig /mchod 'bru nas khal drug cu re gsum dang bre nas lha mchod rgyur/ mar lha srang gi khal bdun brgya dang so brgya/ sdong ras rgyur... @331 ras yugs khru bcu yod bcu gsum/ dge 'dun kyi chos ston la skyor mo lung gi bre'i nas khal brgya dang drug cu re lnga'i rtsam pa/ mar thud khal brgya dang drug cu re gcig /thug rdor rgyur thud khal drug dang/ sha khog bzhi/ tshil lu khal drug /lug mgo bdun/ mar dang rtsam nas kun bsgril bar ri gong nas khal stong dang nyis brgya/ ja sig phyed dang bzhi'i ja phye/ bsngo rten gan dar kha gang/ dar yugs gcig /ja sig gcig/ /7 yang de nyin spyan snga rin po che legs pa rgyal mtshan gyi dgongs rdzogs su/ tshal gung thang dge 'dun spyi nas nas khal nyis brgya dang lnga'i rtsam pa/ mchod 'bru nas khal nyi shu rtsa brgyad/ yang dgon pa sger nas lha mchod mi mchod rgyur mar khal sum cu so gcig /ja sig gcig gi ja phye/ 7 bla ma sher rin pas 'bum mo che'i nas khal sum brgya dang drug cu re drug /snam bu'i gyon pa nyi shu rtsa lnga/ phrug bcu gsum/ dar yugs gcig /7 mkhan po bas rtsam nas khal bzhi bcu/ mar khal brgyad/ dar phan che chung lnga/ sdong ras rgyu ras mi khur gcig /7 dbus gling dge 'dun rnams nas/ nas khal brgya dang nyi shu/ slob dpon kun rgyal bas ja sig gcig gi ja phye/ sdong ras cha ther gcig /7 gnyer dpon grags seng nas gser chab rgyur gser srang phyed/ g.yu phra gser zho bzhi ri ba gcig / dkar me'i rgyur mar khal bzhi bcu phyed zhe gnyis/ ras yugs gcig / 7 dge 'dun gyi zhabs tog rgyur gser zho gsum/ nas khal bdun cu/ bsngo rten gser zho bcu rnams phul te cho 'phrul chen po'i dus kyi mchod pa bsgrub pa ni skabs bcu gnyis pa'o/ /' yang/ sngon cho 'phrul zla ba'i tshes @332 bcu gsum gyi dus su sbyin bdag khyad par du 'phags pa rgyal po shun rtsi da las mdzad pa'i tshe/ de'i nyin par bcom ldan 'das kyis seng ge'i khri la bzhugs te/ sku'i lte ba nas 'od zer gnyis zhig byung nas sku las 'dom bdun tsam 'phags pa/ de'i steng na padma re re yod pa'i padma re re la yang sangs rgyas re re sprul zhing/ sangs rgyas de dag gi lte ba nas kyang 'od zer byung ba rnam pa gnyis su gyes nas 'dom gang tsam du 'phags pa'i steng na padma re re dang/ de re re'i steng na sprul pa'i sangs rgyas kyang re re bzhugs pa/ de bzhin du mthar gyis stong chen po'i 'jig rten gyi bar du de dang 'dra ba sha dag sprul pa rnams/ 'khor mang po thams cad kyis mthong nas ngo mtshar du gyur pa la bcom ldan 'das kyis ci rigs par chos bstan pa las/ bla na med pa'i byang chub tu sems bskyed pa dang/ phyir ma ldog pa'i sa la gnas pa dang/ 'bras bu thob pa dang/ lha dang mir skye ba grangs med pa'i cho 'phrul bcu gsum pa bstan to/ /' sngon byung pa'i dus khyad par can de dang rjes su mthun par sa glang hor zla dang po'i tshes bcu gsum gyi dus su/ tre hor dpal 'byor bzang po'i thugs dgongs rdzogs phyir du/ tre hor pa rnams nas sbyin bdag byas te dge 'dun gyi chos ston la nas khal brgya dang drug cu'i rtsam pa/ mar khal brgya dang nyi shu/ bsngo rten ja sig gnyis kyi ja phye/ thug rdor sha skam khog bcu gcig /7 yum pas zhal gser zho bzhi/ mchod 'bru nas khal brgya/ mi mchod rgyur mar khal gnyis/ rtsam khal bcu/ lha mchod skyor mo lung pas bsgrubs/ 7 yang chen po dpal ldan gyis dge 'dun gyi chos ston la mdzo gnyis/ mdzo mo gnyis/ rta gcig /ja rdor mar khal sum cu/ thud @333 khal bzhi bcu zhe drug /dkar me'i rgyur mar khal sum cu so drug /jo bo rin po cher sku chos ngur kha gcig /7 rje thams cad mkhyen pa'i drung du rta gcig / 7 yang de nyin grwa phyi nas blon po tshul rgyal bas/ lha mchod la mar khal brgya dang drug cu re bzhi/ gser phan yugs gcig /sdong ras cha ther gcig / ka leb gcig /spos dkar bre gsum/ spos reng mda' tshad ma bzhi brgya/ ja dum gcig /sha mar khal phyed lnga/ 7 chen po kun rin gyis nas bre tshad kyi khal brgyad/ 7 yang kha dpon bsod kyis nas khal nyi shu/ a 'o kun dga' don grub kyis zhal gser zho gang/ mar khal gcig /sdong ras cha ther gcig / 7 O nyi ma grags kyis dge 'dun gyi chos ston rgyur/ mar khal gsum nyag brgyad/ sgom bde rin chen shAkya rdo rje'i thugs dgongs rdzogs phyir du nas khal brgya/ rtsam khal lnga bcu/ mar khal nyi shu rnams phul te cho 'phrul chen po'i dus kyi mchod pa bsgrub pa ni skabs bcu gsum pa'o/ /' yang sngon cho 'phrul zla ba'i tshes bcu bzhi'i dus su sbyin bdag khyad par du 'phags pa rgyal po u tra ya nas mdzad pa'i tshe/ bcom ldan 'das la rgyal po u tra ya nas me tog gtor ba dang/ gtor ba'i me tog rnams de ma thag tu rin po che'i shing rta stong nyis brgya lnga bcus stong gsum gyi stong chen po'i 'jig rten gyi khams kun snang zhing thams cad kyis mthong bar byas so/ /de dag la bcom ldan 'das kyis ci rigs par nad pa la sman btang ba bzhin du dam pa'i chos bstan pas kha cig ni bla na med pa'i byang chub tu sems bskyed de phyir mi ldog pa'i sa la gnas pa dang/ lha dang mir skye ba yang grangs med pa'i cho 'phrul bcu bzhi pa bstan to/ / ' sngong byung ba'i @334 dus khyad par can de dang rjes su mthun par sa glang hor zla dang po'i chos bcu bzhi'i dus su/ bu tshal ba dang/ las chen rdor rgyal bas sbyin bdag zhus te/ bu tshal bas lha mchod rgyur gser chab gser zho bco brgyad/ dkar me mar khal bdun cu phyed don brgyad/ dge 'dun gyi chos ston la mar lha srang gi khal brgya dang dgu bcu phyed go lnga/ thud khal nyi shu rtsa bdun/ rtsam khal nyis brgya drug cu re bdun/ thug rdor mar khal bcu gcig /sha khog gnyis/ ja zhib brdungs rgya ma phyed bcu gnyis/ tshwa khal gnyis/ bsngo rten khra phrug gcig / phrug srab ngur kha gcig /spos dkar ltang rtse gcig /7 las chen rdor rgyal pas/ 7 gong ma chen po'i sku'i rim gro dang/ pha ma'i drin lan bsab phyir du lha mchod la mar khal bcu dang/ mchod 'bru khal bco lnga/ dge 'dun gyi chos ston la nas khal brgya dang brgyad cu gya brgyad kyi rtsam pa/ zhib do gcig / mar khal brgya dang nyi shu rtsa drug /ja sig gsum/ ja rdor mar khal bco lnga/ thug rdor sha khog lnga/ bsngo rten gos chen gyi sku ber gcig /7 dpon dpal gyis zhal gser zho do/ 7 dpon yon gyis dbu rgyan zhal 'debs gser zho gsum/ zhal gser zho do/ dkar me mar khal phyed dang brgyad/ zhal zas rgyu rtsam khal lnga/ phan rgyu dar yugs gnyis/ dge 'dun gyi chos ston la/ mar khal bzhi bcu zhe gsum/ rtsam khal nyi shu rtsa lnga/ thud khal phyed dang brgyad/ ja khal lnga/ ja rdor mar khal bzhi dang nyag bcu gsum/ thug rdor sha khog phyed gsum/ bsngo rten phrug ngur kha gcig /7 mun phu nas phrug phyed dang gnyis/ ras tshal bdun/ dar kha bco brgyad/ 7 gnas @335 chung pas dbu rgyan dang zhal gser la gser zho bdun/ dngul spor bdun/ 7 bsam 'grub gling pa bkra shis rgyal pos mar khal sum cu/ 7 phan yul smon mkhar bas mar khal brgya dang phyed gnyis/ nas khal drug cu/ 7 ram pa bas mar khal sum cu phyed so gsum/ 7 dan 'bags pas mar khal bzhi bcu zhe gsum dang nyag lnga/ nas khal nyi shu rtsa drug dang bre lnga/ 7 yog thang pas mar khal bzhi bcu zhe brgyad rnams phul te cho 'phrul chen po'i dus gyi mchod pa bsgrub pa ni skabs bcu bzhi pa'o/ / ' yang sngon cho 'phrul zla ba'i tshes bca lnga'i dus su/ sbyin bdag khyad par du 'phags pa rgyal po gzugs can snying pos mdzad pa'i tshe/ bcom ldan 'das kyis rgyal po la 'di skad ces/ rgyal pos zhal zas kyi snod sbyor cig ces bka' stsal pa bzhin snod sbyar bas/ gdugs tshod kyi dus la bab pa na snod kun zhal zas ro brgya dang ldan pa rnam pa sna tshogs pas gang ste 'khor mang po thams cad la chog par gyur te/ de dag gis zos pas lus sems rab tu bde bar gyur to/ /de nas bcom ldan 'das kyis phyag sa la brten pa dang/ dmyal ba'i gnas bco brgyad dag na sems can tshad med pa dmyal ba'i sdug bsngal myong zhing/ de dag so so nas 'di skad smras te/ bdag cag gis sngon sdig pa ji lta bu zhig byas nas sdug bsngal 'di lta bu myong bar gyur/ zhes smras pa/ 'khor mang po thams cad kyis thos shing mthong bar mdzad pas/ 'khor thams cad snying rje ba'i sems bskyed de ngus shing ba spu langs pa tsam du skrag par gyur to/ /de nas bcom ldan 'das kyis de dag la ci rigs pa'i chos bstan pas tshim par gyur nas/ la la ni bla na med pa'i byang chub tu sems bskyed/ la la ni phyir mi ldog pa'i sa la @336 gnas/ la la ni lha dang mir skye ba'i dge ba'i rtsa ba grangs med pa bskyed pa'i cho 'phrul bco lnga pa bstan to/ /' sngon byung ba'i dus khyad par can de dang rjes su mthun par sa glang hor zla dang po'i tshes bco lnga'i dus su/ thor bu ba rnams nas sbyin bdag zhus te lha mchod la/ rgya ma rin chen sgang pa sde dgon gyis mar lha srang gi khal sum brgya dang bzhi bcu/ sdong ras rgyu ras do gcig /zhal gser dang dbu rgyan la gser zho phyed dang bcu/ 7 dge 'dun sgang pas mar khal brgya dang bdun/ rtsam nas gos dar sogs la dngul srang bcu gsum/ sras khang pas mar khal nyi shu phyed rtsa gnyis/ nas khal phyed dang bdun/ ras bar ma'i bla bre gcig / ras khru bcu ba gcig /skam dgon pas mar khal bzhi bcu zhe gnyis/ btsan dgon pa dang phran tshogs gzhan gyis mar khal bdun/ rin chen sgang pas dge 'dun gyi chos ston la mar khal brgyad/ ja dkar zho gang/ bur ltang gcig / 7 chos 'khor dge 'dun mkhan slob dang bcas pas lha mchod la gser zho drug dang se ba bzhi/ mchod 'bru nas khal lnga bcu/ mchod me'i rgyu mar khal bzhi/ sdong ras rgyu ras kha chung sum cu/ phan rgyu dar yugs gcig kha 'khyar bcu drug /dge 'dun gyi chos ston la rtsam rgyu nas khal nyis brgya nyi shu/ mar thud khal bzhi bcu zhe lnga/ ja nag khal gnyis/ sha skam khog gcig / 7 yang dge bshes 'byung gnas seng ges gtso byas bra'e rnams kyis lha mchod la/ mar lha srang gi khal sum brgya dang nyi shu rtsa gsum/ dar yugs lnga/ pang khebs gcig /dge 'dun gyi chos ston la thud khal nyis brgya dang gcig /ja thug rdor mar khal bcu/ 7 dog bde bas lha mchod la/ mar khal brgya dang bzhi @337 bcu phyed zhe gnyis/ nas khal dgu bcu phyed go gsum/ rtsam khal nyi shu rtsa gnyis/ 7 sba bran sgang rgyud pas lha mchod la mar khal brgya dang bcu nyag lnga/ nas khal sum cu so drug dang bre brgyad/ rtsam khal bzhi bcu zhe lnga dang bre bcu gcig / 7 nyang bran pas lha mchod la/ mar khal bdun cu phyed don gnyis/ 7 dge sbyong dge blo bas lha mchod la mar khal brgyad/ nas khal bcu gnyis dang bre bco lnga/ rtsam khal lnga bcu nga brgyad dang bre bzhi/ sde bzhi bas mar khal brgya/ nas khal drug cu dang bre bco lnga/ 7 rtsam khal lnga dang bre phyed bco brgyad rnams phul te cho 'phrul chen po'i dus kyi mchod pa bsgrub pa ni skabs bco lnga pa'o/ /de lta bu'i cho 'phrul smon lam gyi mchod pa chen po ji srid thub bstan rin po che gnas pa de srid du rgyun mi chad pa'i phyag srol bzang po dang/ skye dgu rnams ma 'ongs pa na rgyal ba byams pa 'jig rten du byon pa'i tshe 'dus pa dang por skye ba'i rten 'brel du smon lam grol nyin byams pa'i snang brnyan mchod tshogs du ma dang bcas te phyi skor la gdan 'dren pa'i phyag len yang 'dzugs par mdzad do/ /de ltar gtso bo rje thams cad mkhyen pa chen po nyid kyi thugs bskyed smon lam tshad med pa'i mthu dang/ gnas skabs kyi lhan cig byed rkyen mi'i dbang po grags pa mtshan dpal bzang pos bka' lung zhal ta mdzad pa sogs las/ dge 'dun rnams dang/ 'bri khung pa sogs stod smad kyi sde ba che chung thams cad dang/ nang sos thog drangs pa'i mchog dman bar pa thams cad kyis dad gus dang/ gtong ba'i sems rgya chen pos kun nas bslangs te rang rang gi 'byor 'khos dang bstun pa'i lha mchod/ mi mchod kyi bkur ste sgrub lugs gong du yi ger 'khod pa dang ma 'khod pa sogs tshang @338 ma gcig tu bsgril bar/ lha mchod kyi rgyur gser zho brgyad brgya dang brgyad chu thams pa/ dngul spor brgya dang bdun cu don bzhi/ phra rgyan rin po che nal rdog po gcig /g.yu che ba gcig /chung ba brgyad/ mu tig che chung nyis brgya sum cu so gnyis/ gser shog stong bam gnyis/ brgya bam gsum/ leb brgyad cu/ sku chos nyi shu/ stod g.yogs dang sham bu gsum/ stan khebs gsum/ stod le gsum/ bla bre gsum/ rma bya'i gdugs gcig /rgyal mtshan lnga/ phan nyi shu rtsa drug /ba dan gcig /rnga zlum lnga/ dung gnyis/ rnga dkar bdun/ dril bu che ba brgyad cu gya lnga/ chung ba brgya dang brgyad/ me tog gi par bcu/ zangs phye khal gsum bre phyed do/ /dri bzang dang spos kyi rgyu bzang sman sna tshang la ri gong gser zho lnga bcu nga dgu /spos dkar ltang rtse gnyis dang/ sil ma khal lnga bre bzhi/ spos phan brgyad/ spos reng khri phrag gsum dang stong phrag brgyad/ brgya phrag gnyis/ chag chag gi rgyur spos phad bu nyi shu rtsa lnga/ a ka ru skyal pa gang/ mchod mi'i rgyu mar khal khri phrag gcig dang drug brgya nyi shu thams pa/ rtsam khal nyis stong dang phyed bco lnga/ mchod 'bru khal nyis stong lnga bcu nga brgyad/ mar nag khal sum cu/ gos ta hun yugs gnyis/ ta hun gyi ber thul gcig /kha thi ta hun yugs gcig /gos tshems ma drug dang/ yug bcu gcig /ling yugs drug /gan dar yugs bcu dgu /dar yugs brgya dang bzhi bcu zhe bzhi/ gos ling kha sum cu so gsum/ dar nyi shu rtsa bzhi/ ka bsgril sngo dmar dkar gsum ngo nyi shu phyed rtsa bdun/ 'ju lang @339 che ba gnyis/ cha ther bcu gcig /ras khru bcu ma dang/ lnga ma/ pang khebs 'dres pa brgya dang nyi shu rtsa brgyad/ 7 dge 'dun gyi chos ston la/ ja dkar khal nyis brgya dang bzhi bcu phyed zhe bzhi/ ja nag sig brgya dang bzhi bcu phyed zhe lnga/ bu ram khal bco brgyad/ ka ra ltang drug /mar thud khal bzhi stong brgya dang drug cu re brgyad/ sha khog bzhi brgya dang bzhi bcu zhe gnyis/ rtsam khal lnga stong/ nas khal nyis stong sum brgya sum cu so bzhi/ tshwa khal sum cu phyed so drug /tshil lu khal bdun cu don gnyis/ gser zho dgu brgya dang nyi shu rtsa gcig /dngul spor nyi shu rtsa gnyis/ mdzo rta snam phrug sogs la ri gong gser zho lnga brgya bcas thob cing/ gong du bkod pa rnams dang gung 'grig min re gnyis yod 'dra yang sngar gyi yig rnying ltar bkod pa ste/ de lta bu'i tshul gyis 'gro ba dpag tu med pa bsod nams dang ye shes kyi tshogs rgya chen po gsogs pa'i skal bzang la bde blag tu 'god par mdzad cing/ phan bde'i 'byung gnas rgyal ba'i mdo sngags kyi bstan pa rin po che sgo thams cad nas phyogs thams cad du dar zhing rgyas la yun ring du gnas pa'i bka' drin tshad med pa stsal bar.. mdzad do/ /7 'dir smras pa/ sngon tshe grong khyer chen po mnyan yod du/ / sa chen chos kyis skyong ba'i mi'i bdag po/ /gsal rgyal u tra ya na la sogs dang/ / tshangs dang brgya byin la sogs skabs gsum gtso/ /mgon med zas sbyin la sogs khyim bdag gi /tshul 'dzin lha mi'i sbyin bdag du ma yis/ /mchod dang bsnyen du bkur ba'i zang zing gi /'byor tshogs nam mkha' 'gengs pa'i tshul du spros/ /thub dbang smra ba'i zla ba de yis kyang/ /nyin re bzhin du rgya chen cho @340 'phrul gyi/ /bkod pa bla na med pa'i ngo mtshar ni/ /'byams su klas pa'i dga' ston spel ba dang/ /lhan cig mtho ris lha dang mi'i bsod nams/ /dpag med bskrun dang 'bras bu'i sar 'god dang/ /byang chub mchog tu sems bskyed la brten nas/ /theg chen lam las phyir mi ldog pa dang/ /rnam par 'dren pa'i go 'phang thob pa sogs/ /gnas skabs mthar thug mngon mtho nges legs sar/ /'gro ba grangs med bkod pa'i ngo mtshar gtam/ /deng sang dus na'ang dbyar gyi rnga bzhin gyur/ /de bzhin snyigs ma'i dus kyi yang mtha' 'dir/ / rgyal ba dngos dang rnam dbyer ma mchis pa'i/ /mthong ba don ldan jo shaka rnam gnyis sogs/ /srid na dkon pa'i rten mchog du ma dang/ /sa dang lam la gnas pa'i sems dpa' nas/ /so so skye bo'i dge 'dun yan chod kyi/ / khrims ldan ngur smrig 'dzin pa'i 'dus pa'i sde/ /padmo'i mtsho la ngang mo ltar 'dus shing/ /khyad par rgyal ba gnyis pa chos kyi rje/ /'jam mgon bla ma blo bzang grags pa'i dpal/ /gtso bor bzhugs pa'i sras bcas rgyal ba'i tshogs/ / lha yi lam kun 'gengs pa'i spyan snga ru/ /chos kyi spyan mnga' bsod nams bzang po dang/ /'bri khung chos rje grags pa rgyal mtshan sogs/ /chos dang srid kyis mngon par mtho ba dang/ /dad dang gtong ba'i blo gros ldan pa yi/ /mchog dman bar ba'i skye bo mtha' dag gis/ /rang rang 'byor tshogs bstun pa'i zang zing gi /mchod pa'i sprin dang phyag skor gsol 'debs sogs/ /lus dang ngag gi dge ba'i phung po dang/ / zhing la mchog tu gus pa'i dad pa dang/ /dman la gcig tu brtse ba'i snying rje dang/ / 'khor bar yid rab 'byung ba'i skyo shas dang/ /gnas lugs don la sems pa'i @341 lta ba dang/ /rim gnyis rnal 'byor mchog la gzhol ba sogs/ /sgo gsum dge ba'i bya ba 'ba' zhig gis/ /nyin mtshan 'khor mor 'da' ba'i dge mtshan gyis/ /phyogs bcu'i rgyal kun yongs su mnyes par byas/ /de lta'i rlabs chen mdzad pa bzang po'i mthus/ /'phags pa'i sa kun dog por byas pa dang/ / lhan cig 'khor ba'i gnas 'di stong gyur zhes/ /lha mi kun gyi mgrin pa'i lam las sgrog /mgon po khyod kyi mdzad pa'i cha shas la'ng/ /slob pa'i nus pa shin tu dman gyur kyang/ /rjes su gus pa'i yid kyis tshe rabs su/ /slob pa'i smon lam rgyun chad med par 'debs/ /zhes pa ni bar gyi ngal bso'i tshigs su bcad pa'o/ /' bar 'dir rang gzhan gyi rgyud kyi log rtog dang dogs pa ngan pa sel zhing/ dad gus gong 'phel du bya ba'i slad du dgag sgrub kyi rnam bzhag zur tsam smra na/ de yang rje tsong kha pa chen po 'di nyid ni ring mo zhig nas rgyal ba'i dam chos 'dzin pa la thugs bskyed dang smon lam kyi mthu grub pa'i dbang gis snyigs ma'i dus 'dir rgyal ba'i bzhed srol rnam par dag pa'i ring lugs ri bo dge ldan pa zhes pa'i bstan pa gser sbyangs btso ma byi dor byas pa lta bu 'di nyid/ stod dza ti'i dri bsung rnam par 'thul ba nas smad za 'og thags su bskrun pa'i yul gru chen po'i bar 'byams gdal yugs gcig tu khyab pa na/ grub mtha' gzhan phyogs pa'ang chos kyi spyan dang ldan pa dag ni dad gus kyis thal mo sbyar zhig/ bstod bsngags kyi me tog 'thor bar mdzad pa 'og nas 'byung ba ltar rung/ phyogs 'dzin dang phrag dog gi kun slong ngan pas rgyud gtams shing/ rnyed bkur 'dod sred kyi gzhan dbang du gyur pa'i blun po 'ga' zhig gi snying la mi bzod pa'i zug rngur gyur na'ang/ rje'i bshad sgrub kyi @342 bstan pa'i tshul la chos dang mthun par brgol ba dang bsun 'byin pa'i spob pa ni cha tsam ma rnyed pas ci bya ltol med du gyur pa na/ slob dpon padma'i gsung la kha g.yar ba'i lung bstan ngan pa dag brtsams na 'ga' zhig gi rgyud la dogs pa dang the tshom skye bar 'gyur ro snyam nas blun tshig 'phreng bar bsgrigs pa 'ga' zhig lkog lab kyi tshul du spel ba rnams sngon byon ri bo dge lugs ba'i mkhas grub phal mo che'i spyan lam du ma son cing/ dus phyis mkhas pa'i dbang po brag sgo rab 'byams par gzhan phyogs pa 'ga' zhig gis/ dri ba'i tshul du zhus par dgag pa'i rim pa 'ga' zhig gnang 'dug pa las/ rang phyogs mkhas pa gzhan dag nas dgag lan sogs cher ma mdzad 'dug pa ni lung bstan 'di dag dpyod ldan gyis ni mthong tsam nyid nas blun pos byas par tshad mas nges pas na/ ji skad du/ 'phen zel rin chen la blta yi/ / mgal dum la ni su zhig spyod/ /ces gsungs pa ltar mkhas pas dgag pa mdzad pa'i 'os su ma gzigs nas btang snyoms su mdzad mod kyang/ ji skad du/ nyi ma'i 'od zer shad ba na/ /'byung po'i bya rnams long bar 'gyur/ /zhes pa ltar rje thams cad mkhyen pa'i 'phrin las nam mkha' dang mnyam par gyur pas bstan pa thams cad kyi nang nas gser zhun 'chang ba'i ring lugs 'di nyid rgyal mtshan gyi tog ltar ches cher 'phags shing/ nyid ma'i dkyil 'khor ltar 'gran zlas dben par gyur pas smra ba ngan pa mtha' dag rang shugs kyis bag la zha bar gyur mod/ 'on kyang da dung mtha' khob dang cha 'dra ba'i yul gru 'ga' zhig tu ri bo dge ldan pa'i chos dang gang zag la dmod cing shung bar byed pa 'ga' zhig yod tshod du snang bas de dag gi rjes su/ ji ltar lug dang rmongs pa'i 'phreng/ /gcig song rjes su rgyugs @343 pa nyid/ /ces dang/ blun pos grags pa'i rjes su 'brang/ /khyi rgan ku co 'don pa la/ /rgyu mtshan med par gzhan dag rgyug/ /ces pa ltar blun po 'ga' zhig rtog dpyod med par rjes zlos kyi tshul du zlo zhing/ gzhan dag la yang sgrog gang thub byed pa sogs yod par snang mod/ des na spyir ngan pa'i rang gshis ni/ 'jam dbyangs sa paN gyis/ ngan pa ji ltar bcos gyur kyang/ /rang bzhin bzang po 'byung mi srid/ /sol ba 'bad de bskrus na yang/ / kha dog dkar po 'byung mi 'gyur/ /zhes gsungs pa ltar bcos su dka' ba dang/ lhag par du yang las ngan gsogs pa la shin tu goms pa dag la ni bsam pa bzang pos ji tsam smras kyang rna ba'i lam du 'gro ba shin tu dka' bas btang snyoms su ci bder bskyur ba nyid 'os su che mod/ 'on kyang 'di 'dra ba'i gan 'chal gyis da dung yang mang po zhig gi rgyud la dogs pa dang the tshoms ngan pa skye ba dang/ deng dus rnam dpyod dang ldan pa nyung ba'i dbang gis lung ngan 'di dag la dgag pa tsam med na/ nges par tshad mar gyur pa'i lung zhig go snyam nas log rtog gi sa bon rgyud la bskrun pas rnam smin brnag par dka' ba myong bar 'gyur ba sogs la ma bzod pas lhag bsam bzang pos dgag sgrub cung zad 'god na/ de yang slob dpon padma'i gsung la kha g.yar ba'i lung bstan yin tshul tshig dam dum kha shas yod 'dug pa'i nang nas sngon chad mig lam du son par/ legs kar skye ba mdo khams phyogs nas 'byung/ /spyan ras gzigs kyi sprul pa yin nges zer/ /bstan pa'i mgo nyes mdzad spyod gling log mkhan/ /sprul pa'i sku la rin chen rgyan 'dogs shing/ /thems pa'i 'og nas dam sri'i srog snying bton/ /shAkya mu ni'i rab @344 gnas chug pa'i mthus/ /nyi zla mtho gang khru gang mar bab pas/ /gang po'i gza' skar gnas med 'khrug par 'gyur/ /gling log lo gcig zla ba bcu gsum 'byung/ /zhes dang/ yang/ lung bstan 'di kha'i tshig yi nam/ gzhan zhig tu drangs par/ khyod kyi gsugs brnyan bgyis pa'i 'dra 'bag la/ / ma 'ongs dus na 'gro phan cher 'byung tshe/ /bdag gis log pa'i rgyan cha 'dogs par shog/ /ces dang/ yang 'ga' zhig tu/ sprul sku'i dbu la longs sku'i sprog zhu skyon/ /nyi zla dpag tshad tsam gyis dma' ru song/ /zer ba sogs smyo lam 'dra ba'i bab col sna tshogs smra ba rnams la mkhas pa'i dbang po brag sgo rab 'byams pas padma bka' thang la snga rabs pa'i rang bzo'i tshig lhad kyi skyon zhugs pa rnams dgag pa dang chab gcig lung bstan yin tshul gong 'khod rnams la'ng gnad du 'khel ba'i dgag pa mdzad 'dug kyang/ 'di dag par du ma 'khod pas dpe rgyun shin tu dkon par snang bas phal mo che'i mig lam du son pa med 'dra bas de dag gi lung yang 'dir zur tsam 'dren na/ de la dang por/ legs kar skye ba mdo khams phyogs nas 'byung/ /zhes pa 'di la brag sgo rab 'byams pa'i gsung du/ spyir legs pa'i krma zer ba ni los yod kyang/ ston pa'i dus su yod pa'i dge slong legs pa'i krma zer ba gang nas kyang bshad pa'i khungs bdag gis ni ma mthong/ zhes dang/ mdo sde rnams su ston pa'i rim gro ba kun dga' bo las yod par ma bshad/ ces gsungs pa rnams ni nges par don la gnas te/ de yang da lta'i bka' thang shel brag ma sogs kyi tshig ris su/ dang por dge slong legs pa'i krma zhes pa'i ston pa'i nyi gnas byas tshul dang/ de nas nam zhig nas log lta @345 byas te/ lo ni nyi shu rtsa lnga khyod g.yog byas/ /yon tan til 'bru tsam zhig ngas ma mthong/ /zas gtsang sras po rgyal srid ma zin pa'i/ /go ma chod kyi mi 'khyams rkang 'dren po/ /zhes sogs skur pa btab cing khros nas 'gro tshul dang/ legs kar gyi blo la mdo sde bcu gnyis kha ton du byed rgyu yod tshul sogs ni bka' thang du blun po gzhan gyis rang bzo'i tshig lhad bcug pa nges par yin te/ ston pa sangs rgyas kyi rtogs pa brjod pa'i mdo sde rnams su shAkya thub pa'i rim gro ba kun dga' bo ma gtogs snga phyi gnyis byang bar gang nas kyang ma bshad la; lhag par dge slong legs pa'i kar ma zhes pas byas par bshad pa ni bdag cag gis kyang gang du'ang ma mthong zhing/ de la kho na re/ khyod kyis ma mthong shes bya mang/ /bong bus ma bgrod lam 'phrang mang/ /zhes pa ltar khyod rang mthong rgya chung bas lan par snang bas khyod kyis ma mthong ba tsam yis ma byung bar khas len mi thub po zhe na/ 'o na bskal bzang sangs rgyas byings dang mi 'dra ba'i sangs rgyas shAkya thub pa la rim gro ba snga rting gnyis byung ba'i lo rgyus tshad ldan gyi mdo rgyud 'di nas gsungs zhes pa'i khungs ston rgyu zhig dgos par snang yang sngon chad rnying ma ba'i mkhas pa su la'ng khung ston rgyu ma byung ba ma zad/ ris med mkhas grub gzhan gyi gsan gzigs kyi yul du'ang gyur mi 'dug pas de'i khungs tshad ldan med pa ni de gas grub cing/ de bzhin du dge slong legs kar la mdo sde bcu gnyis kha ton du byed rgyu yod par bshad 'dug pa/ legs kar gyi rgyud kyi mdo sde bcu gnyis po de ston pa shAkya thub pas gsungs pa'i bka' yin nam/ de min sangs rgyas 'od srungs sogs gzhan zhig gi bka' yin// dang po ltar na/ ston pa @346 shAkya thub pas mdo sde bcu gnyis gsungs pa legs kar gyis thos pa ma zad/ blo la bzung nas kha bton du'ang byed bzhin du/ yon tan til 'bru tsam zhig ngas ma mthong zhes mngon sum la bsnyon nas skur pa btab pa mi 'thad/ phyi ma ltar na ma yin te/ de'i tshe 'od srungs sogs kyi bstan pa 'gag zin ba'i phyir/ de la kho na re/ skyon med de/ dge slong lhas sbyin yang sangs rgyas la log par lta ba yin na yang/ de'i rgyud la chos kyi phung po gcig yod par bshad pa dang mtshungs so zhe na/ mi mtshungs te; dge slong lhas sbyin gyis sangs rgyas kyi sku gsung thugs kyi yon tan mthong nas de dag la 'gran sems kyis log par zhugs pa las/ legs kar bzhin du yon tan til 'bru tsam ma mthong ba ma yin pa'i phyir dang/ nges don du lhas sbyin dang/ mu stegs ston pa drug sogs sangs rgyas nyid kyi sku'i yin tan gyi che ba 'don pa'i slad du gdul bya 'dul ba'i thabs mkhas kyi sprul pa yin par nges don gyi mdo sde sogs las gsungs pa'i phyir/ gal te legs kar kyang de dag dang 'dra ba'i sprul pa yin no zhe na/ legs kar zhes ngan ngan por bzung ba don med pa nyid du zad do/ /des na sangs rgyas la snying thag pa nas log par lta ba'i las kyi sgrib pa tshan po che dang ldan pa'i gang zag gi rgyud la mdo sde bcu gnyis 'bad med du thon pa'i shes rab mi srid pas tshul 'di yang rigs pa'i gtam ma yin no/ /yang bka' thang du/ legs kar skye ba de'i phyi ma la me tog ldum rar yi dwgas su skye bar bshad pa dang/ yang lo rgyus 'ga' zhig tu/ legs kar ston pa'i mdzad par log mthong bas/ /sa yi thongs bye dmyal ba chen por skyes/ /zhes kyang bshad 'dug rung gong du lung rig gis bkag pa ltar sangs rgyas kyi rim gro ba dge slong @347 legs kar zhes pa ni ma byung bar nges la/ der ma zad sangs rgyas la log lta tshan po che skyes pa'i gang zag ni phyi ma mnar med la sogs pa'i dmyal ba'i gnas su tshe bar bskal la sogs par gnas dgos pas ring por ma lon par mi lus tsam yang thob pa'i gnas med na lo rgyus 'di dag gang nas bsam kyang 'thad par ma mthong zhing/ de la brten nas brag sgo rab 'byams pa'i gsung du/ tshul 'di dag la dpags na; dang por bka' thang du tshig lhad bcug nas rjes su lung bstan ngan pa zhig brtsam bsam pa yin 'dug ces gsungs pa ltar kun slong ngan pa 'ga' zhig gis de ltar bgyis pa'am/ yang na/ bka' thang du 'dis mi tshad pa'i lhad zhugs sna tshogs yod pa dus phyis kyi rnying ma'i mkhas grub kyi gtso bo rgod tshang sna tshogs rang grol gyis kyang zhal gyis bzhes pa ma zad lhad zhugs ji dang ji yod mkhas dbang brag sgo rab 'byams pa dang/ sna tshogs rang grol sogs kyi dri ba rtsod lan rnams su bltas na shes pa las 'dir thams cad 'god pa skabs su ma bab cing/ des na sngar 'ga' zhig gis rang bzo'i tshig lhad bcug pa de dus phyis kyi blon po phyogs zhen can zhig gis mthong ba na brtag dpyad ma shes par ston pa'i rim gro ba dge slong legs kar zhes pa zhig byung shag dang/ gang zag ngan pa zhig yin shag gis de'i skye ba rje thams cad mkhyen pa yin zhes pa'i lung ngan zhig brtsams na rje tsong kha ba'i mdzad 'phrin snyan grags dang/ ri bo dge lugs pa'i bstan pa la gnod par 'gyur ram snyam pa'i kun slong gis byas pa yin 'dug kyang/ de ni nyi ma'i dkyil 'khor la mdzub mo btsugs nas 'di ni mun pa'i rang bzhin no zhes smra ba ltar blo gros dang ldan pa su 'dra zhig gi yang rna lam du 'gro ba ma yin te/ ci'i phyir na/ rje @348 tsong kha pa chen po ni tshad ldan gyi mdo rgyud du ma nas lan cig min par lung bstan tshul sngar gong du drangs pa ltar dang/ de'i nang nas slob dpon pad 'byung nyid kyis/ dga' ldan zhes bya'i dgon gnas dam pa ru/ /mkhas pa'i mchog gyur mdo rgyud don la mkhas/ /zhes pa nas/ blo dang bzang gi mtshan can skye bu 'byung/ gsang tshan las rab rdo rje bde ba rtsal/ /zhes dang/ bai ro tsa na'i skye ba zhig /dbus phyogs dge ldan zhes par 'byung/ /byang sems blo bzang zhes grags pa/ /zhes sogs kyi rtsod med kyi skyes bur lung bstan bzhin du/ phyogs gcig nas legs kar gyi skye ba yin zhes snga tshig rjes 'gal gyi lung bstan ci la mdzad/ der ma zad rje thams cad mkhyen pa'i rnam thar ni gong du bkod pa ltar/ sku gzhon nu nas rgyal ba'i bstan pa rin po che'i sgor zhugs/ dbus gtsang dag pa'i zhing du byon nas mdo sngags gzhung lugs kun la thos bsam gyi sgro 'dogs legs par bcad/ thos don nyams su bzhes pas sa lam gyi rtogs pa khyad par can du ma thugs rgyud la 'khrungs/ rje btsun 'jam dpal dbyangs kyis dge ba'i bshes gnyen dngos su mdzad de yang dag pa'i lta ba dang/ lam rim pa gnyis kyi dka' ba'i gnad sogs la the tshom gyi dra ba drung nas phyungs/ dbu ma'i lta ba phu thag chod pa brnyes pas ston pa sangs rgyas kyi yon tan la snying thag pa nas nges shes 'khrungs te zab mo rten 'brel gyi sgo nas bstod par mdzad/ de la sogs pa mdor na bstan pa rin po che la ma rtogs pa dang log par rtog pa'i dri ma drung nas phyungs te gser sbyangs btso ma byi dor byas pa lta bur mdzad pa sogs dus kyi mtha' 'dir rje tsong kha pas bstan pa la bya ba mdzad pa tsam dus mtshungs pa dang phyis byon pa'i mkhas @349 grub gzhan lus kyang ma mdzad pa mngon sum tshad mas grub pa de ltar yin na/ legs kar sangs rgyas la log lta skyes pa'i gang zag des skye ba phyi ma la lung rtogs kyi yon tan de tsam thob/ bstan pa la bya ba de tsam byas pa de log lta skyes pa'i mthu las byung ba yin zer ram/ rgyu gang la brten nas byung zer blo mnal du phab nas bsam na shes so/ /7yang/ spyan ras gzigs kyi sprul ba yin nges zer/ / zhes pa ni/ dmigs med brtse ba'i gter chen spyan ras gzigs/ /zhes pa la ma rangs pa'i tshigs ste/ de ltar zer yang don spyan ras gzigs kyi sprul pa min zhes zer rgyur snang rung/ rje bla ma ni spyan ras gzigs su ma zad rigs gsum kun 'dus kyi ngo bo yin par tshad ma'i lung gis grub cing/ mang du brjod ma dgos te/ deng sang dmigs brtse ma'i bsnyen pa tshad ldan song ba'i gang zag gis rigs gsum spyi sgrub kyi sgo nas las tshogs de dang de dag bsgrub na ji ltar bshad pa'i las kun bde blag tu 'grub bzhin pa mngon sum du gyur pa 'di kha yin na lung rig gzhan gyis bsgrub pa'i ngal ba bsten ma dgos so/ /bstan pa'i mgo nyes mdzan spyod gling log mkhan/ /zhes pa ni tshig ngan mu cor du smra ba tsam las snying po ma mchis pas lan bya ma dgos shing/ sprul pa'i sku la rin chen rgyan 'dogs shing/ /zhes pa ni rang gi nang 'khrol phyir bstan pa'i tshig ste/ de yang lung bstan 'di rtsom mkhan gyi mkhas pa 'gangs chen de'i bsam blo la/ ston pa shAkya thub pa mchog gi sprul sku yin pa dang/ mchog gi sprul sku dge slong yin dgos pa tsam zhig rna bas thos pa rtags su bkod nas/ sprul sku yin na dge slong gi rnam pa can zhig nges par dgos pa yin 'dug snyam pa zhe phugs su bcug nas dge slong la rin @350 po che'i rgyan 'dogs pa mi 'os zhes zer rgyur snang rung/ de ni sprul sku la mchog gi sprul sku/ skye ba sprul sku/ bzo bo sprul sku gsum dang/ sprul sku khyad par can sogs du ma yod pa ma shes pa'i rdzob rtags yang dag ste/ sprul sku la sangs rgyas/ byang sems/ yi dam zhi khro/ mkha' 'gro /chos skyong gi rnam pa can la sogs pa ji snyed cig 'byung na/ de thams cad la rin po che'i rgyan mi 'os pa yin nam sogs shig /yang rnam pa gcig tu/ mchog gi sprul sku dge slong gi rnam pa can la dbu rgyan 'bul ba ma 'os zer rgyu yin zhes smra na/ dge slong gi rten la dbu rgyan sogs mi rung na/ dge slong la sngags bla med kyi dbang sogs bskur ba'i tshe dbu rgyan thor tshugs/ rigs lnga/ dar spyangs/ stod g.yog /smad g.yog /rin po che'i rgyan sogs lha'i chas 'jug rnams sbyin du mi rung ba dang/ dge slong rdo rje 'dzin pas sngags kyi bdag 'jug sogs len pa'i tshe yang lha'i chas 'jug byed mi rung ba sogs kyi skyon du 'gyur la/ ston pa thugs rje can nyid kyis kyang ayon gyi yul du rgyal po indra bo d+hi sogs la dpal gsang ba 'dus pa'i dbang bskur ba'i tshe dkyil 'khor gyi gtso bo mi bskyod rdo rje la sogs pa'i rnam par bzhengs pa dang/ de bzhin du dpal ldan 'bras spungs su dus kyi 'khor lo la sogs pa'i gsang sngags kyi chos 'khor rnams bskor ba'i tshe dkyil 'khor gyi 'khor lo de dang de'i rnam pa can du bzhengs nas gsung pa yin na de thams cad ston pa shAkya thub pa'i mdzad par mi 'os zhes smra rgyu yin nam/ des na jo bo rin po cher dbu rgyan phul ba ni/ spyir na jo bo'i snang brnyan 'di nyid sngar ayon gyi yul du bzhugs pa sogs kyi tshe dbu rgyan yod par grags pas sngar gyi... @351 lugs dang mthun par bya ba sogs dang/ lhag par dgos pa'i gtso bo ni dbu rgyan phul te longs sku'i cha byad dang mthun par mdzad pa'i rten 'brel las/ nges pa lnga ldan gyi ston pa dang mtshungs par 'khor ba ma stong gi bar du 'gro ba'i bsod nams kyi zhing du brtan par bzhugs pa sogs kyi slad du yin la/ dbu rgyan phul zhing smon lam chen mo'i rgyun btsugs pa sogs kyis bstan pa dang 'gro ba'i phan bde bla nas blar 'phel te snyigs ma'i dus kyang rdzogs ldan bzhin du gyur ba mthong bzhin du/ kun slong ngan ba'i dug chus myos pas/ shAkya mu ni'i rab gnas chug pa'i mthus/ /nyi zla mtho gang mkhru gang mar bab pas/ /dang pa'i gza' skar gnas med 'khrug par 'gyur/ / zhes sogs zer ba'i bsam don gyi gtso bo ni/ dbu rgyan phul ba'i tshe lcags gzer btab yod rgyu ba'i khul gyis rab gnas nyams tshul byas na rgyus med kyi mi rnams kyi blo la e 'thad snyam pa dang/ de la brten nas nyi zla bab pa sogs kyi ngan ltas byung tshul lab na rgyab skyor du e 'gro snyam pa yin 'dug kyang/ lcags gzer btab min mig gis bltas shing lag pas nyul na shes pas lung bstan khungs ma dag yin pa'i rgyu mtshan ni 'di gcig pus kyang shes par nus so/ /'di dag gi lan zhib pa ni mkhas dbang brag sgo rab 'byams pa'i gsung du/ nyi zla ni 'jig rten de kha'i sems can spyi mthun gyi las las grub pas/ gsung rab nas bshad pa'i thog mtha' bar gsum gyi bya ba byed tshul las gzhan pa'i rje rin po ches dbu rgyan phul bas rab gnas nyams nas nyi zlas yar mar du blo bur ba'i bya ba byed bsam pa ni/ mi la mi'i sems dang ldan pa rnams la ni mi 'byung bas de ltar ma byas zhes sgrub mi dgos pa 'dra ste/ sngar jo bo sa 'og tu sbas pa'i dus su'ang rab gnas nyams @352 nas nyi zla mar bab snyam pa'i dogs pa ni khyi rgan rgya'o la yang ma byung 'dug pas so/ / jo bo la dbu rgyan 'bul dus dbu la lcags gzer btab pas rab gnas nyams zhes pa'i dogs pa zhig de kha'i dus kyi mig bu dang mi ldan pa'i mi phal cher zhig la byung tshod 'dug ste/ de dag la ni lag pas nyul zhig ces brjod par bya'o/ /zhes dang/ nyi zla mtho gang mkhru gang mar bab pas/ /zhes sogs zer ba ni/ rab gnas nyams pa'i dogs pa zhig mi rnams kyi sems la shar na/ de'i ngan rtags su nyi zla mar bab/ glog 'khyug /thog bab/ skar mda' rgyab/ gza' du ba mjug ring shar/ nyi zla gza' 'dzin byung/ sa g.yos/ sdigs byung/ 'khyug rgyab/ dgu tshigs log /thal rlung langs pa sogs kyi ngan ltas skrag rngams dpe med zhig byung bar mi rnams kyi go ru re ba yin 'dug /gling log lo gcig zla ba bcu gsum 'byung/ /zer ba ni/ gti thug la song ba'i gshis kyis gling log gi don ni ma shes/ rna bas de 'dra zhig thos pa na mi shis pa go ba log pa 'dra ba zhig byung bar go ru re ba dang/ de yang grangs nges 'dogs kha po byas na bden par 'dzin e yongs bsam pa yin 'dug kyang/ kho rang dang rigs mthun byung na ma gtogs sus bden bar 'dzin/ lhas sbyin gyis de bzhin gshegs pa'i sku la ngan sems kyis khrag phyung ba'i dus su'ang nyi zlas mar ma bab na/ sangs rgyas kyi sku la dbu rgyan sgron pas nyi zla mar bab yongs snyam pa ni chos kyi sgra mi grags par skyes na ma gtogs mi 'byung/ mtshams med lnga dang nye ba'i mtshams med lnga byas kyang nyi zla mgor bab yongs snyam pa ni su la'ang mi 'dug na/ yid mug de gcig pu'i sems la ci shar na/ /zhes gsungs pa rnams kyis shes @353 par snang bas skyar du brjod ma dgos la/ gzhan yang lung bstan 'di dag gi tshig ris gong du drangs pa/ khyod kyi gzugs brnyan bgyis pa'i 'dra 'bag la/ / bdag gis log pa'i rgyan cha 'dogs par shog /ces pa'ang legs kar gyis smon lam btab pa yin zhes zer 'dod pa ma zad/ dge slong gi rnam pa can la dbu rgyan phul ba dge slong la mi 'os pa'i rgyan char song ba yin zhes zer rgyur snang mod/ tshig ris 'di dag la dpags na lung bstan 'di rtsom pa po'i gang zag de'i phugs kyi zhe 'dod la/ dge slong gi rten can la dbu rgyan phul bas 'dul ba'i bstan pa la gnod pa yin zhes pa zhig shin tu zer 'dod che ba yod 'dra yang/ 'dul ba'i bstan pa ni sngar gong du bkod pa ltar bod 'dir bar skabs su bdag med lta bur song ba la rje tsong kha pa chen pos dag ther lan cig min par mdzad nas/ phyag len phra zhing phra ba tshun chad thugs nyams su bstar zhing spel bar mdzad pas 'dzam bu'i gling gi yul gru phal mo cher ngur smrig 'dzin pa'i gang zag gis khyab cing/ lhag par jo bor dbu rgyan phul ba dang/ smon lam chen mo 'dzugs pa sogs tshun chad nas de bas kyang je rgyas kyis da lta'i dus su'ang 'dul bstan tshang la ma nor ba mtha' dbus skyes 'gro mchog dman kun gyis nyams su len byar yod pa 'di ni/ rje tsong kha pa chen po'i thugs rje las gzhan du med pa kun gyi mthong chos su gyur pa'i dbang gis 'dul bstan la gnod ni zer ma shes/ de bas gzhan du zer rgyus phongs pas nyi zla mar bab pa sogs shes bya la mi srid pa 'ga' zhig 'byung zhes pa'i blun gtam 'di dag lab dgos byung ba yin par sna ngo/ /7 thems pa'i 'og nas dam sri'i srog snying 'don/ /zhes pa'ang sngon du lung bstan yin khul gyi tshig ngan 'di @354 ltar brtsams nas/ rjes su de'i khungs bskyel khul kyis slob dpon padmas dam sri spun dgu ga'ur bcug nas thems pa'i 'og tu bsnan pa/ rjes sor rje tsong kha pas bton pa yin 'dug ces pa'i gtam 'chal zhig dang bcas spel 'dug mod/ de ni mkhas dbang brag sgo ba'i gsung du/ bod 'di 'dre srin du mas gang ba'i gnas yin pas gdon gyi gnod pa chen po yong gi 'dug pa dang/ rgyal 'gong zhugs pa sogs 'dre'i 'tshub cha thams cad rje rin po ches byas par khag ngan 'jog e thub bsam pa red/ ces gsungs pa ltar kun slong gi gtso bo ni de tsam zhig rang yin 'dug mod/ gang ltar snyigs ma'i dus 'dir rje tsong kha pa'i ring lugs mdo sngags rnam par dag pa'i bstan pa 'di dar ba na/ bstan 'dzin du khas ches nas chang dang bud med la byung rgyal du spyod pa'i bstan pa'i rma 'byin mkhan rnams rang shugs kyis nyams dma' ru song ba 'di dam sri'i srog snying bton pa'i mthu yin na ma gtogs/ gzhan ma srog snying bton lugs 'di byas dang/ de bton pas bstan pa la gnod lugs 'di byung gi lo rgyus til 'bru tsam yang shod rgyu med do/ /des na lung bstan 'di dag ni sus byas 'dis byas kyi khungs ji bzhin ni ma rnyed de/ 'ga' zhig gis chen po shaka mchog pa dang/ padma gling pa gnyis gros mdzad nas rdo'i ga'u kha sbyar gyi nang du/ khyod kyi gzugs brnyan bgyis pa'i 'dra 'bag la/ /zhes sogs kyi shog sgril bcug /kha khro chus bsdams nas yar 'brog mtsho nang du 'phangs/ padma gling pas 'don mkhan mdzad pa yin tshul du/ nga ni mkhas pa yin pas 'di rtsoms shing/ /khyod ni grub thob yin pas 'don dgos zhes/ /mkhas par rloms pa'i chen po shAka mchog dang/ /padma gling par bcos pa'i snying chen gnyis/ /gros ngan @355 btab ste yar 'brog mtsho nang du/ /zhes sogs kyi lo rgyus zhig 'dug pa 'di yang dge lugs la zhen che ba'i gang zag zhig gis gong gi lung ngan de dag la sems ma rangs pas shAka mchog pa dang/ padma gling pa gnyis la khag bzhag nas byas pa 'dra ste/ brag sgo rab 'byams pa'i rtsod lan du/ gang ltar paN chen shaka mchog kyang ha cang blun pa rang ni yin 'dogs ma kha/ lung bstan 'di na rnam dbye cung zad kyang mi shes pa'i rmongs pa'i nang nas kyang rmongs pa zhig gis/ padma thang yig la bltas nas byas pa 'dra/ zhes gsungs pa bden par mchis shing/ yang brag sgo bas mdzad pa'i rje'i rnam thar ngo mtshar lung bstan gyi rol mor/ chen po shAka mchog pa yang 'khrungs tsam nas rje rin po che la sdang bas zhugs pa zhig ni yin 'dug /thos bsam mdzad nas kyang khungs rnams la nan tan mi mdzad par/ 'dra 'grig gi dgag pa dpag med dang ngan rtsoms tshigs bcad ma mang du brtsams/ de nas padma gling pa dang gros mdzad nas yar 'brog gter lung brtsams pa yin zhes zer/ chen po shAka mchog pa dpyod pa dang ldan pa zhig gis de ltar mi brtsom bsam kyang phal cher bden pa 'dra ste/ se ra rje btsun pas shaka lan du/ gal te rig pas ma thub na/ /lung bstan ngan pa brtsams pa dang/ /gdug 'dre'i sprul pa yin zhes smras/ /de 'dras gzhan la gnod mi nus/ /rang nyid 'di phyir pham 'gyur bas/ /de phyir bag yod mdzad du gsol/ /zhes tshig brda spros pas so/ /zhes dang/ padma gling pa la khag byung ba la nges pa med kyang/ 'di mkhar rigs su 'khrungs pas lcags kyi rdo rje'i gter thams cad 'di'i dus su byung zhes gleng bas de bden na na 'di yang bden par nges so/ /zhes phyogs gcig @356 nas skAka mchog pa dang/ padma gling pa gnyis la khag byung ba ltar phal cher min nam dgongs pa zhig kyang byung 'dug rung/ padma gling pa la ngo 'dra gnyis byung tshul zhig kyang 'dug pa ltar na 'dra min des ma byas pa'i nges pa ni ga la mchis kyang/ paN chen shaka mchog pas brtsams pa ni min par nges te/ ci'i phyir na/ shAg mchog pa de rje thams cad mkhyen pa la ma gus pa zhig yin 'dug kyang/ gzhung lugs la sbyangs pa mdzad cing mkhas pa'i khur che tsam bzhes pa zhig yin 'dug na/ lung bstan brtsams kyang 'di bas 'dra chags tsam dang/ 'brel mtshungs tsam zhig yongs ris la blun gtam lag pas 'khyog tshad 'phreng bar bsgrigs pa 'di 'dra rang ni mi gsung bar nges so/ /yang 'ga' zhig gter ston snang rtse bas byas zhes zer yang/ de yang min 'dra ste/ brag sgo ba'i gsung du/ gter ston snang rtse bas rje rin po che la lung bstan ngan pa ni brtsams yod shas che yang/ legs kar gyi sprul ba yin zer ba'i lung bstan 'di ni ma brtsams par tshad mas nges te/ lung bstan 'di ni yid bzang rtse ba bzhugs dus nas byung zhing/ yid bzang rtse ba rje'i zhabs la thug pa dang/ gter ston snang rtse ba ni nang pa gzhu khang pa dang sku nye yin pas bar khang gi seng ge mi gdong can gyi 'og nas gter 'don dus drung pa yang phebs dgos zhes zhal snga nas gzhu khang pas kyang phebs pa rgan po rnams kyis dran 'dug / ces gsungs pas dus mi mtshungs par nges so/ /gang ltar lung bstan ngan pa 'di dang 'di 'dra ba brtsams pa'i rgyu mtshan ni/ rnam thar ngo mtshar lung bstan gyi rol mor/ rje rin po che la lung bstan ngan pa byed pa'i rgyu mtshan ni/ grub mtha' gzhan dag ltar rim gyis byung ba ma yin par/ lo skor gcig tsam gyi nang du grub @357 mtha' ris mi gcig pa'i mkhas pa phal cher slob mar 'dus/ 'jig rten gyi che dgu thams cad kyis zhabs la btud de ri bo dge lugs pa zhes sha mo rdol ba ltar skad cig la byung bas thabs cad mig hur re lus/ bya thabs dang bral bas 'ga' zhig gis gter lung yin tshul brtsams/ go shAka sogs kyis kha ngan mang du byas/ dus phyis gter ston snang rtse bas kyang kar dge'i kun slong la brten nas chos rgyus gtan nas med pa'i lung bstan yang byas/ zhes sogs gsungs pa ltar kun slong phyogs zhen sdang shugs kyi gzhan dbang du gyur pas sran mi bzod pa lta bur song rung bya thabs kyis dben pas lung ngan 'di dag brtsams dgos byung ba yin par snang la/ 'di dang 'di 'dra'i lung bstan gzhan dag kyang kha shas yod tshod snang rung mig lam du ma gyur cing/ gong du bkod pa 'di dag ni kha nas 'don rgyu lce min pa med pa'i blun po snying khams can/ phrag dog gi dug chus myos/ log rtog gi 'dam du tshud/ rang 'dod kyi zhags pas zin/ rmongs zhen gyi mun pa 'thib pa zhig gis so so'i 'khor slob gti thug kha shas dang/ sha mar rtsam pa sogs kyis phan 'dogs pa'i sbyin bdag 'ga' zhig tsam ri bo dge lugs pa'i phyogs su kha 'chus dogs kyi sdug bsngal gyis kun nas bslangs te 'di 'dra zhig brtsams na/ rmongs rgan de dag la bzang ngan 'byed pa'i blo gros med pa'i dbang gis gang smras pa de dag yin shag gis bden par 'dzin yong snyam pa'i ltogs 'dod kyi bsam pa de tsam zhig gis sbyar ba yin 'dug cing/ sus byas 'di byas kha gsal mi 'god pa'ang lung rig tshad ldan gyi dgag pa byung na lan gyis phongs pas ngo tsha snyam pa dang/ phyogs gcig nas dus der che dgu mtha' dag rje tsong kha pa'i zhabs la 'dud pa sha stag lta bur song bas @358 rgyal khrims gyi chad pa'i 'jigs pa yang byung dogs pas ming med kyi yig bskyur dang mtshungs par bkod dgos byung ba las gdong dngos su bstan ma nus pa'i rang rtags bcas/ des na ming med kyi yi ge la 'jig rten rang ga ba dag kyang tshad 'dzin mi byed pa ltar na/ 'di dag la'ang lan bya ba'i 'os su mi snang yang deng sang phal mo che blo gros dman zhing legs nyes 'byed pa'i mthu chung bas lan zhig ma mthong na bden par bzung nas rang gzhan mang po log pa'i lam du 'khrid pa mang ba rnams la sems kyis ma bzod pas dgag sgrub mdor bsdus tsam zhig spel ba yin no/ / 7'dir smras pa/ mdo sngags bstan la rmad byung mkhyen rab kyis/ /bsregs bcad bdar ba'i gser bzhin legs dpyad pas/ /ma rtogs log rtog the tshom drung phyungs te/ / dri med rgyal ba'i dgongs zab mngon du gyur/ /de lta'i lam srol bshad sgrub gnyis ldan gyis/ /tshul bzhin 'dzin pa'i rnam dag ring lugs la/ /ri bo dge ldan pa zhes sa gsum na/ /snyan pa'i grags pa dbyar gyi rnga bzhin ldir/ /dza ti'i dri bsung 'thul ba'i yul gru nas/ /za 'og thags su bskrun pa'i nor 'dzin bar/ /gser zhun mdangs kyis mdzes pa'i ring lugs kyis/ /skad cig mig 'phrul bzhin du khyab gyur tshe/ /phyogs su lhungs ba'i chos rloms phal mo che'i/ /rnyed bkur snyan grags tshul la gnod gyur pas/ /phrag dog dug chus myos pa'i gzhan dbang gis/ /snying la zug rngu'i tsher mas zin na yang/ /bstan pa'i snying po rnam dag ring lugs la/ /chos bzhin rgol ba'i klan ka phra mo tsam/ /smra ba'i nus pa cha tsam ma mchis pas/ /ci bya rtol med ngang tshul la 'phyan tshe/ / lung rig tshul dang 'gal ba'i blun po'i tshig /'phreng bar bsgrigs la lung @359 bstan sgro btags nas/ /rang rang rigs mthun mgrin pa bzang po'i khyur/ / spel ba'i ngal ba ci yang khur du 'khyer/ /de ni 'od zer stong ldan nyi ma'i gzhir/ / bltas nas 'di ni mun pa'i 'khor lo'o zhes/ /gleng dang mtshungs phyir rnam dpyod ldan pa'i tshogs/ /rna ba gtod pa tsam yang ches dkon na/ /lung dang rig pas 'gog pa la zhugs kyang/ /smyon par lan du smra ba ji bzhin du/ /'gyur phyir sngon byon mkhas dbang phal cher gyis/ /lan du ma mdzad snying rje'i yul du bzhag /de lta mod kyi deng dus mkhas pa bas/ /blun po mgo 'phang mtho ba'i dus ngan 'dir/ /blun po'i rjes su blun po mang zhugs na/ /ngan 'gro'i gnas kun dog por byas dogs nas/ /lung rig lam las drangs pa'i dgag sgrub kyi/ /rnam bzhag nyung zad tsam zhig kho po yis/ /spel ba 'di yang lhag bsam bzang po yis/ /kun nas bslangs kyi phyogs lhung bsam pas min/ / de phyir dpyod ldan dag gis tshul 'di la/ /zhib mos brtags nas rang gzhan ngan song du/ /'khrid pa'i bsam sbyor dag las rgyab phyogs te/ /dad gus bag yod tshul la gnas par rigs/ /zhes pa ni bar skabs kyi gtam du bya ba'i tshigs bcad do/ / ' gzhan yang mdzad chen 'di dag gi skor la mkhas grub thams cad mkhyen pa'i gsung du/ de yang 'ga' zhig 'di skad du gleng ste/ sngon chos rgyal srong btsan sgam pos ka ba shing lo can du gter du sbas pa'i dkar chag gi shog ril jo bo chen po dpal ldan a ti sha la mkha' 'gros lung bstan te gter nas byung ba la shog ril gsum yod de/ blon po rnams kyis mdzad pa'i zla ba 'od 'jo/ jo mo rnams kyis mdzad pa'i dar dkar gsal ba/ rgyal po rang nyid @360 kyis mdzad pa'i bka' chems ka khol ma'o/ /de la rgyal po rang gi bka' chems de'i nang nas bstan pa la bya ba mdzad pa dang/ jo bo rin po che la mchod pa mdzad pa'i skyes bu dam pa 'di 'dra ba 'byung bar 'gyur zhes pa'i lung bstan mang du yod pa la/ khong rang nas brgyud pa'i rgyal po 'byon lugs dang/ lo chen rin bzang 'byon par lung bstan pa'i rjes nas rngog lo chen po lung bstan/ de nas de'i legs bshad nyams te ci yang yid la mi byed pa lam gyi mchog yin zer nas kun rdzob khyad du gsod pa'i lta ngan dar bar 'gyur bar lung bstan/ bar skabs su dwags po lha rje khu dpon gyis lha sa la zhig bsos dang zhabs tog phun sum tshogs pa mdzad par lung bstan/ de nas dus phyis rig pa la mkhas pa dag gis gong gi lta ngan de lta bu cung zad nyams par byed pa lung bstan cing/ dge slong byang sems rdo rje 'dzin pa zhig gis jo bo'i zhal bsgyur zhing/ mchod pa phul du byung ba mdzad par lung bstan pa ni rje bla ma 'di nyid yin no zhes zer te/ ji skad du/ bka' chems las/ de nas khyad par bsnyen bkur cher mdzad pa/ /dge slong byang sems shar phyogs sku 'khrungs pa/ /gsang sngags 'chang zhing rnal 'byor chen po ni/ / snying po'i mtha' rten skyes chen dam pa ni/ /zhal yang bsgyur zhing bsnyen bkur dam pa mdzad/ /de la bsnyen bkur cher byed de dag ni/ /'phags pa'i gang zag dge sbyong sha dag go /zhes 'byung ba'o/ /zhal yang bsgyur zhes pa ni/ jo bo rin po che sngar dbu rgyan dang mi ldan pa las dbu rgyan dang bcas pa nyid du zhal bsgyur ba'o/ /zhes gsungs shing/ gong gi bka' chems kyi lung bstan 'di la sngar gyi yi ge 'ga' zhig tu yig nor gyis/ dge slong byang sems shar lhor sku @361 'khrungs pa/ /zhes 'khod pa la brten nas 'ga' zhig gis dwags sgom tshul khrims snying po'i lung bstan du ngos 'dzin par mdzad mod/ sgom pa tshul khrims snying pos kyang jo bo rin po che rten dang brten par bcas la nyams bsos sri zhu bkur sti rgya cher mdzad pa rnams bka' chems las lung bstan tshul yod pa ni/ mkhas grub rin po che'i gsung gong du bkod pa las shes mod kyang/ drangs ma thag pa'i lung bstan 'di la ni sngar gyi yig rnying khungs dag rnams su/ dge slong byang sems shar phyogs sku 'khrungs pa/ /zhes 'khod pa ltar rje tsong kha pa nyid kyi lung bstan du rtsod pa med pa yin la/ gong gi mkhas grub rin po che'i gsung 'di dag ni/ sngar gong du lung bstan ngan pa rtsom pa rnams kyi dgag pa yang dag tu yang don gyis song ba yin no/ /de nas lo snga phyi 'di dag tu rje nyid kyi zhabs 'bring du byon pa'i 'khor rnams 'byon bzhud mang bas cung zad thugs bsun par gyur nas/ gdan sa dben dgon zhig 'ding ba'i zhu ba sngar nas yang yang 'bul gyin yod pa ltar/ de'i tshe sde pa dang bu slob yon bdag so so nas kyang dgon pa rnying pa 'bul ba dang/ gsar ba 'ding ba'i bdag rkyen byed ces gsol ba 'debs pa yang mang du byung ba la/ dgongs pa'i mthil dngos gzhi ni rje btsun gsang bdag gis/ dbang bskur ri yi 'debs dag tu/ /btsun mo sding gi ngos phyogs su/ /dge 'dun dpag med 'du bar 'gyur/ / ri ni gang yin 'jam dpal mched/ /mnga' ris byang khams kun gyi skyabs/ /phyogs bcur sde dgon rgyas pa 'byung/ /zhes sogs rtsod med kyi lung bstan du ma'i don ltar dbang bskur ri'i zhol 'brog ri bo che nyid du gdan sa 'debs pa'i dus la bab par mngon sum du gzigs shing mkhyen na'ang/ skye bo mang po'i the tshoms @362 dang dogs pa sel zhing sgro skur gyi klan ka mi 'jug pa'i slad du/ gong gi smon lam chen mo'i skabs dad ldan so sos zhus pa rnams dang/ rje nyid kyi dgongs bzhed sogs gang bzang jo bo rin po che'i drung du gsol ba btab nas mar me dang mnal lam sogs kyi ltas brtags pas/ thams cad kyi nang nas 'brog ri bo che bzang bar byung ste/ smon lam grol ba dang rje nyid kyis kyang zhabs kyis bcags shing sa gzhi byin gyis brlabs pa sogs mdzad/ de nas dpyin sngon ma la se ra chos sdings su bzhugs te/ sde snod 'dzin pa drug brgya tsam la rtsa she dang/ byang sa'i tshul khrims le'u/ sgrub thabs kun bzang/ lam rim la sogs pa'i mdo sngags kyi chos mang du gsungs/ de nas spyan snga rin po che bsod nams bzang pos gsol ba nan cher btab pa la brten nas dpyid rting ma la rje bdag nyid chen po dpon slob nyis brgya tsam gyis zangs ri'i phu chen du byon/ spyan snga rin po che bsod bzang ba nyid dang/ mkhan chen rgyal bzang bas gtso mdzad thel pa'i ri dge mang po dang/ gzhan yang sde snod 'dzin pa mang du 'dus pa rnams la lam rim sogs kyi chos mang du gsungs/ de nas sras kyi thu bo slob dpon dka' bcu ba dar ma rin chen dang/ slob dpon 'dul 'dzin pa rnam gnyis kyis thog ma mdzad pa'i dge 'dun phal che bas 'brog ri bo cher byon te/ rje nyid kyi bka' bzhin gdan sa dge ldan rnam par rgyal ba'i gling btab pa'i dbu tshugs pa na/ phyogs dang nye skor gyi yon bdag dang/ ser skya'i sde ba thams cad kyis dad bslangs kyi 'bul ba dang/ sgyu lus kyi bkur sti sogs tshad med pa dga' spro dang bcas te bsgrub pas glang lo de kha'i nang la gzims khang gis thog drangs pa'i brang khang rdzogs par grub pa @363 bdun cu lhag tsam dang/ gzhi bting ba brgya phrag brgal ba byung/ brang khang so so phal che ba la'ang 'dul ba nas ji ltar gsungs pa bzhin du/ dang por gzhi brtag pa dang/ brtags nas dge 'dun la gsol ba dang/ de nas dge 'dun gyi gnang ba sbyin pa dang/ lag gi bla bsko ba dang/ rdo bteg pa'i mtha' las byung ba'i rung khang gcod pa dang/ khang pa'i tshad las ma lhag par brtsigs pa sogs kyi phyag len dag ther can mdzad pas mkhar las kyi phyag len tsam gyis kyang bstan pa rin po che gsal bar mdzad pa ni rmad du byung ba'i rnam par thar pa'o/ /'di lo dbyar 'ol kha bas gdan drangs pa bzhin dbyar gnas 'ol kha bsam gtan gling du mdzad nas/ 'ol kha dang dwags po sogs kyi rab tu byung ba mang po dang bcas pa la chos mang du gsungs/ mnyal gyi rab grong dge bshes 'das par khong rang gis kha chems bzhag pa ltar nye 'brel shul na mchis pa rnams kyis kyang g.yo zol med par/ /rje bdag nyid chen por gser phye ma mgur zho stong phrag gcig gis thog drangs dngul la sogs pa'i 'bul ba dpag tu med pa byas/ ston ka sogs kyang phyogs der rang gzhan gyi don rgya chen po mdzad/ de skabs 'ol kha bsam gtan gling du sku mtshams dam po bcad nas bla ma dang yi dam tha mi dad du dmigs pa la gsol ba shugs drag po mang du 'debs par mdzad cing/ dpal gsang ba 'dus pa'i rdzogs rim rim pa lnga'i ngo sprod chen mo rim pa lnga gsal ba'i sgron me rtsom pa'i thugs 'dun btang nas zin bris 'debs par mdzad pa'i skabs su/ mnal lam gyi ltas ngo mtshar ba byung ba bsnyel bar gyur na mi rung snyam du dgongs nas/ brda'i tshig gis rnam par bcings pa'i tshigs su bcad pa yi ger mdzad de/ kun @364 gyi yid lam du mi 'gyur pa'i gnas ji lta bar bzhag par mdzad pa de ni 'di yin te/ rje btsun 'jam pa'i dbyangs la gus pas phyag 'tshal lo/ /bya g+ha'i gong gi tsandra ni/ / mig dang zla ba'i grangs gsum la/ /bgro ba mdzad pa'i chu 'dres chus/ /ka la sha bkang ster rtsis byed/ /phul byung nas ni sum brgya bcu/ /song zer yab gcig dkyil 'khor gtso/ /bgro ba mdzad pa gnyis kyang snang/ /grangs bzhi pa la rnam pa can/ /khri yi steng nas rtsa ba ni/ /gtad nas 'di dag gyis zhes tshe/ /sngags rgyas lan gsum bteg sngon gyi/ /de 'dra'i ltas go lnga pa la/ /lho yi thugs bcud dam pa la/ /'phrig tshud de nas drug pa la/ / nges rnyed de nas bdun pa la/ /rtogs bsres las ni shin tu nges/ /shid zan zhes pa'ang de nas go /de 'dra'i ngo mtshar rmad du byung/ /brjed kyi dogs nas yi ger bkod/ /de don sgrub pa mthar phyin shog /ces glang gi zla ba bcu gnyis pa'i tshes bdun la 'ol kha'i bsam gtan gling du bris pa dge legs su gyur cig /ces bya ba'o/ /de dag gi don rje thams cad mkhyen pa'i gsung ngag ji lta ba bzhin du mkhas grub thams cad mkhyen pas dgrol bar mdzad pa ni 'di ltar/ de yang bya g+ha ni stag gi skad dod yin la/ de'i gong zhes pa glang gi lo go bar bya ba'o/ /tsandra ni zla ba'i ming yin la/ mig ni gnyis dang/ zla ba ni gcig yin te/ gcig gi brda' yig g 'og tu gnyis yig bzhag pa ni bcu gnyis yin pas zla ba bcu gnyis pa go bar byed pa'i/ /gsum pa zhes bya ba ni zla ba de'i tshes gsum gyi mtshan mo'o/ /de'i tshe rgyal ba kun gyi yab gcig rje btsun 'jam pa'i rdo lha bcu dgu'i dkyil 'khor yongs su rdzogs par snang zhing/ @365 dkyil 'khor gyi gtso bos rgyan bzang po sna tshogs pas spras pa'i rin po che'i bum pa chus bkang ba zhig rje nyid la ster rtsis mdzad cing/ ka la sha ni bum pa ste bum pa'i chu 'di jo bo chen po dpal ldan a ti sha mnyes thang gi skyi chu'i 'gram na bzhugs dus rje btsun 'jam dpal dbyangs dang/ rje btsun byams pa gnyis sku gsum dang gnyis gang yin la chos kyi bgro ba mdzad pa'i chu 'dres pa'i chu yin/ 'di jo bo chen po nas bzung ste da bar lo sum brgya dang bcu song/ de'i bar du ster sa ma rnyed/ da khyod la ster ba yin no zhes gsungs shing/ de'i tshe chos kyi bgro ba mdzad pa po rje btsun byams pa dang 'jam dbyangs gnyis kyang snang ngo/ / zhes gsungs te/ 'di'i skabs kyi sku gsum dang gnyis zhes pa ni sangs rgyas kyi sku la chos longs sprul pa'i sku gsum dang/ chos gzugs kyi sku gnyis kyi tha snyad byas pa don la khyad par med kyang grangs mi mthun pa ji ltar yin gyi bgro ba mdzad pa ni tshul bstan mtshon pa tsam te/ don du rje btsun 'jam pa'i dbyangs nas brgyud pa zab mo lta ba'i brgyud dang/ rje btsun byams pa nas brgyad pa rgya chen spyod pa'i brgyud gyi gdams pa'i chu bo gnyis 'dres dang/ de'i khongs nas rdo rje 'chang dang/ tilli/ nA ro nas brgyud pa'i nyams len byin rlabs kyi brgyud pa ste/ brgyud pa gsum ldan gyi gdams pa'i chu bo mtha' dag jo bo rje dpal ldan a ti sha la mnga' ba ltar/ jo bos kyang gangs ri'i khrod 'dir dar rgyas su mdzad la/ de nas rje thams cad mkhyen pa tsong kha pa chen po ma byon gyi bar brgyud pa gsum gyi gdams pa'i chu rgyun ma nyams par gnas kyang/ bshad pa dang sgrub pa gnyis kyi sgo nas ches cher dar rgyas su mdzad pa dang/ ma rtogs log rtog gi @366 dri ma mtha' dag bsal nas rgyal ba'i dgongs pa rma med pa ji lta ba bzhin du gsal bar mdzad pa'i thun mong ma yin pa'i bstan pa'i bdag por bka' bab pa ni mar me mdzad slar yang byon pa dang mtshungs pa'i rje tsong kha pa kho na yin no zhes rje btsun 'jam pa'i rdo rje nyid kyis mdo sngags yongs rdzogs kyi bstan pa'i bdag por dbang bskur ba'i ltas su mngon no/ /7 yang/ zla ba de kha'i tshes bzhi'i nub mo rin po che sna tshogs pas spras pa'i khri zhig gi steng na/ thams cad mkhyen pa bu ston rin po che yin zer ba'i bla ma'i rnam pa can zhig bzhugs 'dug pa des/ dpal gsang ba 'dus pa'i rtsa rgyud kyi glegs bam zhig gnang nas 'di'i bdag po gyis shig ces gsung byung bar/ mjug nas cung ma tshang ba med dam dgongs nas gzigs pas thams cad tshang 'dug / de nas bla ma des phyag gnyis kyis glegs bam de blangs nas/ hUM badzra u ttiShTha zhes pa'i sngags dang phyag rgyas lan gsum dbu'i steng du btegs nas byin gyis brlabs pa'i tshe/ kha sang nub sngon ma la bum pa chus bkang ba ster rtsis byed pa'ang 'di'i ltas su 'dug dgongs pa byung zhes gsungs te/ nub sngon ma'i mnal ltas spyi tsam ni gong du smos pa ltar mdo sdags yongs rdzogs kyi bstan pa'i bdag por dbang bskur ba dang/ de'i nang nas kyang theg pa thams cad kyi yang rtse ni rnal 'byor bla na med pa dang/ de'i nang nas rab dang phul dang gtso bor gyur pa ni dpal gsang ba 'dus pa yin pas de nyid dmigs gsal gtso bor bton nas bdag por dbang bskur ba ste; don du gsang chen bstan pa'i bdag po rdo rje 'chang nyid du dbang bskur ba ltar rje rang nyid kyis kyang de ltar du dgongs shing zhal gyis ches pa'o/ /7 tshes lnga la lho brag mar ba'i thugs bcud dam pa bsre 'pho'i skor gyi brjod don la nges shes @367 'phrig tshud cing/ tshes drug pa la bsre 'pho'i man ngag de nyid rgyud dang 'phags pa yab sras kyi dgongs pa la gnas pa'i rmad du byung ba'i man ngag yin par nges pa rnyed/ tshes bdun nyin slob dpon 'phags pa lha'i spyod bsdus gzigs pas gnyid dang/ rmi lam dang/ bsre ba'i skor gyi man ngag gi gzhi thams cad gting yod pa gzigs nas shin tu nges pa rnyed/ nub sngon ma'i dus su bcom ldan 'das 'khor lo bde mchog rten dang brten pa'i dkyil 'khor gyi bris sku zhig gi 'og nas bde mchog gi tshes bcu'i mchod pa byed pa'i bkod pa zhig bris 'dug pa/ de'i 'og na shid zan gtong ba yin zer ba'i yi ge zhig bris 'dug /de la nub bdun pa'i dus bcom ldan 'das 'khor lo bde mchog gi chos skor rnams dus phyis gangs ri'i khrod 'dir shi ba ltar gyur pa la/ rje bdag nyid chen po nyid kyis legs par gsal bar mdzad pa ni mi shi ba'i rjes su shid zan gtong ba ltar sngags kyi bstan pa la lhag par phan par 'gyur ba'i ltas su go zhes gsungs la/ gdan rdzogs kyi khrid dang/ gsal sgron du 'dod pa'i mtshan ma brtan po rnyed ces gsungs pa ni don 'di nyid la dgongs pa'o/ /zhes pa rnams mkhas grub thams cad mkhyen pas ji ltar gsungs pa ltar la/ skabs 'gar gsal byed kyi tshig phran bu bsnan pa dang bcas te bkod pa'o/ /gong gi mnal ltas de dag gsang rnam tshigs bcad ma las kyang/ 'jam dpal rdo rje'i dkyil 'khor gtso bo yis/ /'jam pa'i dbyangs dang rje btsun byams pa gnyis/ /chos kyi bgro ba mdzad pa'i chus bkang ba'i/ /rin chen bum bzang ster ba gsal bar rmis/ /dpal ldan bla ma'i x rin chen du mas spras pa'i khri steng na/ /thams cad mkhyen pa bu ston rin chen @368 grub/ /'dus pa rtsa ba'i rgyud kyi glegs bam ni/ /gnang nas 'di yi bdag po gyis shig gsungs/ /dpal ldan bla ma'i x glegs bam btegs nas sngags dang phyag rgya yis/ /lan gsum dbu yi steng du byin brlabs pas/ / lho brag mar pa'i dgongs pa bsre 'pho'i gnad/ /rgyud dang 'phags pa'i man ngag yin par nges/ dpal ldan gsol ba 'debs/ /zhes gsungs so; ;dgung lo nga bzhi ba lcags stag lo zla ba gnyis pa'i tshes lnga la 'brog ri bo dge ldan rnam par rgyal ba'i gling du phyag phebs nas rab tu gnas pa'i rim pa sogs kyang rgyas par mdzad cing/ lam rim/ gsang 'dus sgron gsal rim lnga dang bcas pa dang/ mngon pa kun las btus dang/ sa sde la sogs pa mdo sngags kyi chos 'gangs che du ma'i rnam bzhag gi bshad pa dang/ tshang ma'i dka' gnas kyang mang du bka' stsal/ dpal gsang ba 'dus pa'i bshad rgyud lha mo bzhis zhus dang/ ye shes rdo rje kun las btus pa gnyis kyi rnam bshad rgyas pa'i rtsom pa'ang mdzad/ de'i phyi lo rim pa lnga rab tu gsal ba'i sgron me zhes bya ba'i legs par bshad pa'i gter chen po de nyid dang/ rim lnga gdan rdzogs kyi khrid yig dang bcas pa rnams legs par grub par mdzad de/ gsang chen theg pa chen po'i chos kyi 'byor pa dpag tu med pa'i bka' drin stsol ba sogs gdan sa khyad par can de nyid du mdo sngags yongs su rdzogs pa'i bstan pa'i rmangs tshugs par mdzad la/ de lta bu'i rten 'brel rmad du byung ba'i mthu las gang gi ring lugs phyogs dang phyogs bral kun tu khyab pa mtha' dag la'ang ri bo dge lugs pa zhes 'gran zla med pa'i snyan pa'i grags pas yongs su khyab pa 'di nyid byung ba yin no/ /yang rnam pa gcig tu ni/ @369 gdan sa 'di'i mtshan la dga' ldan zhes su'ang grags pa yin te/ grub chen las kyi rdo rje lung bstan du/ dgon pa'i ming la rten 'brel gyi sgra don yod pas/ khyed rang 'di nas dga' ldan du byams pa'i drung du 'byon zhing der bzhugs pas dgon pa'i ming yang dga' ldan du byams pa'i drung du khyed rang bzhugs pa dang 'dra ba'i rten 'brel yod ces lung gis gsal ba bcas/ des na dge ldan zhes pa dang/ dga' ldan zhes pa gnyis char lha dang bla ma'i lung gis zin pa ltar gang du 'bod kyang 'gal ba med pa'i 'dams nga can du shes par bya dgos te/ mkhas grub thams cad mkhyen pas mdzad pa sogs rnam thar phal mo cher dge ldan rnam par rgyal ba'i gling zhes 'khod pa dang/ yang rnam thar legs bshad kun 'dus sogs dang/ dga' ldan chos 'byung/ 'jam dbyangs bzhad pa'i gsung sogs lo rgyus mang bar dga' ldan rnam par rgyal ba'i gling zhes 'khod 'dug pa rnams 'gal ba med pa'i rgyu mtshan gyis yin no/ /de nas dgung lo lnga bcu nga bdun pa'i steng du sku tshe'i bar chad chen po yod pas de'i gong lnga bcu lnga bzhi pa'i dus nas rje bla ma rang nyid kyi dgongs pa ji lta ba bzhin du 'khor gyi thog ma 'ga' zhig la zhal ta gnang ste/ lcags yos dgung lo lnga bcu nga lnga'i dgun stod nas rje nyid kyis gtso mdzad pa'i dpo slob sum cu rtsa grangs kyis/ sku tshe 'phel ba dang bar chad bzlog pa'i thabs su dpal rdo rje 'jigs byed kyi rgyas pa'i 'khrul 'khor mang du mdzad nas sku mtshams dam par bcad de snga dro rgyas pa'i bzlas sgom dang/ phyi dro bzlog gi bzlas sgom shugs drag la rgyun ring bar mdzad/ de'i tshe rje'i bka' las/ da dung lan mang byas na dga' rab yong ba e yin gsungs/ lo 'di nang rim lnga gsal gyi bka' rtsom yang @370 mdzad/ cu pho 'brug gi lo dgung lo nga drug pa'i steng du phebs pa na'ang/ dpon slob bzhi bcu rtsa grangs kyis sngar bzhin mdzad na'ang bar chad bzlog pa'i mtshan ma gsal ba rang ni ma byung zhes bka' stsal/ de ltar sku mtshams shin tu dam par bzhugs ba'i dus lan gcig thugs dam la bzhugs pa'i tshe/ steng gi sna rtse'i phyogs la a wa d+hu ti'i yar sna'i thad nas mar/ e waM gzugs 'od kyi thag pa lta bu skya na ra ra 'ong ba zhig mnal lam du byung/ dus de nas thun mong ma yin pa'i zhu bde khyad par can dang stong ba nyis sbyor ba'i bde stong gi ye shes dga' ba bzhi dang stong pa bzhi'i bdag nyid can thugs rgyud la 'khrungs par snang zhing/ de la mkhas grub thams cad mkyen pa'i gsung las/ de ni deng sang phyi rol pa dang nang pa gnyis ka'i ting nge 'dzin thun mong ba'i char gtogs tsam re la bod stong gi ye shes su ming btags pa de lta bu ma yin par/ bde stong gi ye shes dga'ba bzhi dang stong pa bzhi'i bdag nyid can 'khrungs nas/ de phyin chad bde stang gi ye shes khyad par can nar mar bskyangs pas/ mnyam bzhag tu bde stong gi ye shes rgyud sde nas gsungs shing/ grub chen gyi gzhung las ji ltar byung ba ltar gyi ting nge 'dzin la mnyam par bzhag cing/ rjes thob tu gang shar lha'i 'khor lo bde stong gi rol par 'char bas dus 'da' bar gyur te/ tshul 'di ni rgyud sde dang grub chen gyi man ngag la blo'i 'khrig tshud pa zhig gis bsams na dpag par dka' ba'i mngon par rtogs pa'i yon tan/ rdo rje 'chang chen po tshe 'di nyid la ster ba'i lam gyi rigs thugs rgyud la 'khrungs pa yin par shes par gyis shig/ /ces gsungs shing/ de dag ni gsang rnam gsol 'debs las/ tha mal snod bcud snang stong sgyu ma dang/ /zab gsal gnyis @371 su med pa'i rnal 'byor gyis/ /bde chen lha yi rnam par shar ba'i tshe/ /sku yi rdo rje'i rnal 'byor chos kyi rje/ /dpal ldan bla ma'i + snying ga'i padmor sku gsum rdo rje yi/ /'byung 'jug sngags kyi gdangs su bzlas pa na/ /zhugs gnas thim pa'i 'od gsal phyag rgya che/ /gsung gi rdo rje'i rnal 'byor chos kyi rje/ / dpal ldan bla ma'i + lte ba'i 'khor lo'i gtum mo tsaNDa lis/ /spyi bo'i haM yig dbu mar zhu ba las/ /lhan skyes bde chen dpal la rnam rol ba'i/ / thugs kyi rdo rje'i rnal 'byor chos kyi rje/ /dpal ldan + gsol ba 'debs/ / zhes gsungs pa rnams kyi don te/ rdzogs rim gyi rtogs pa khyad par can thugs rgyud la 'khrungs pa'o/ /'di lo ston gyi dus la bab pa na bka' phebs su/ da yang yang bshad pa e yong mi shes pas da lan rgyud sde bzhi'i gtso bo rnams kyi bshad pa re smon lam gyi steng du byed pa yin ces gsungs pa la/ 'khor gyi gtso bo rnams bka' bgros nas/ da mtshan ma ngan pa'i lo dus kyis gtugs pas rje'i zhal snga nas sku mtshams la dam par bzhugs pa thugs rjes bzung 'tshal zhing/ bdag cag rnams kyis kyang sku'i rim gro 'bad nas bsgrub par bgyi zhes nan cher gsol ba btab pa la brten nas/ 'brug lo zla ba brgyad pa'i tshes bdun gyi nyin nas rje thams cad mkhyen pa nyid kyis gtso mdzad pa'i dpon slob sum cu rtsa grangs sku mtshams la bzhugs shing/ de nas slob ma'i gtso bo gzhan rnams kyang rim gyis sku mtshams la bzhugs nas sngar bzhin sku'i rim gro bsgrub par mdzad na'ang/ zla ba bcu gcig pa'i nang nas sku khams cung mi bde ba zhig byung zhing/ de nas bzung ste sku khams bsnyel ba yun ring du byung ba'i gnas skabs su'ang/ mnal gtan @372 nas med pa zhag nyi shu tsam re 'thud pa dang/ sku'i smad kyi cha la snyun zug tu mngon pa res 'ga' 'dug ces gsung pa ma gtogs/ thugs dam zab mo la mnga' brnyes pa'i ting nge 'dzin las g.yo ba mi mnga' ba'i dbang gis/ gsol zas cher 'gag pa dang/ thugs dam la sbyor mi bzod pa sogs ye med pas phyi nas mngon pa'i sku mi bde ba mngon mtshan can rang ni med la/ zla ba bcu gnyis pa'i tshes bcu gsum gyi mtshan mo mtshan ma brtan po zhig byung bas da 'bungs na legs po 'ong ba 'dra zhes bka' phebs/ de'i skabs su sras kyi thu bo slob dpon dka' bcu bas gtso mdzad pa'i dge 'dun byings dang/ nang du sku la nye bar gnas pa 'ga' zhig dan bcas pas lo ngo sbrel gyi bar du cung zad kyang g.yel ba med par sku'i rim gro nyin mtshan 'khor yug tu bsgrubs pa la bsam gyis mi khyab cing/ sngon chad gangs ri'i khrod du bla ma'i sku'i rim gro bsgrub pa la 'di lta bu gzhan ma byung zhes mthun par gleng la/ de dag gi skabs su bu slob dang sbyin bdag thad thad nas rje bla ma 'di nyid ma bzhugs na bdag cag thams cad mgon dang bral bar 'gyur ro snyam.. pa'i gdung shugs drag pos kun nas bslangs te/ bla ma'i sku'i rim gro 'ba' zhig la dmigs nas dge 'dun gyi mang ja dang/ gdugs tshod kyi bsnyen bskur bsgrub pa sogs tshad med de/ sku rim gyi skabs su dge 'dun gyi mang ja 'dren pa phyi nang kun bsgril ba la ja dkar zho stong dang drug brgya lhag tsam song bar grags so/ /de ltar dgung lo nga bdun par sku khams bsnyel tshul bstan pa'i skabs der nang du sku mtshams kyi khongs su sgrub grogs 'ga' zhig kyang shog gsung ba ltar/ dam tshig dang sdom pa la gnas shing lha'i rnal 'byor la goms par byas pa/ bsnyen sgrub dang bzlas pa @373 tshad du phyin pa'i rtsa ba'i rdo rje'i slob ma bdun gyis nyin mtshan du zhabs drung du nye bar bsnyen nas/ lha'i rnal 'byor dang phyir bzlog dang/ srung ba'i 'khor lo sogs la brtson par mdzad cing/ rje bdag nyid chen po rang nyid kyis ni nyin par bcom ldan 'das rdo rje 'jigs byed dang/ 'khor lo chen po'i thugs dam gtso bor mdzad la/ mtshan mo bde stong dbyer med kyi ting nge 'dzin la mnyam par 'jog pa 'ba' zhig lhur mdzad/ sngar rje bdag nyid chen po 'ol dga' stag rtser byon pa'i skabs shig tu/ rje rin po ches bstan pa dang sems can la phan pa rgya chen po mdzad pa la bar chad byed pa'i gtso bo bzhi yod pa nas gcig gis srog snying phul te dam la btags/ bka' bsdod byed pas gtor ma zhu zer ba la/ rgyun du mi lcogs/ stag rtser 'byon pa'i nub snga ma la lan re ster zhes gsungs 'dug cing/ 'di lo sku bsnyun pa'i tshe gong du brjod pa ltar dpon slob du mas bsnyen sgrub la brtson par mdzad pa las bar chad kyi mtshan ma shin tu rtsub pa'i skabs shig tu/ yang gnod byed bzhi'i gtso bo gcig gis da las sbyor glod par zhu/ bka' bzhin bsgrub zer te mna' phul ba ni/ rje rin po che sku 'khor dang bcas pa la gnod pa byas na dpal rdo rje 'jigs byed/ dpal phyag na rdo rje/ dpal ye shes kyi mgon po phyag drug pa/ slob dpon padma 'byung gnas rnams kyis bdag gi mgo ardza ka'i dog pa ltar khos shig /slob dpon rnam gnyis la gnod pa byas na'ang de ltar khos/ sku rim pa bdun la gnod pa byas na'ang de ltar khos/ legs bzang la sogs su gnod pa byas na'ang de ltar khos/ gdan sa 'di'i bla rabs bcu gsum gyi bar du gnod pa byas na'ang de ltar khos zhes rtsigs phul te/ da bdag la gnod pa'i thugs dam glod nas @374 gtor ma re ma cag pa dang/ 'du khang du nga'i gzugs zhig kyang bris/ bka' bzhin bsgrub pa lags zer ba la/ khyod kyis gnod pa ma byas na nged kyi dge sbyor gyis khyod la gnod pa'i don med/ gtor ma ster ba dang gzugs 'bri ba mi 'ong/ gzhan gyi rim gro mi byed pa dgos zer ba'i cha la khyod kyi ngo yod byas nas gnod pa chen por ma song ba byed/ de ltar min na sbyin bdag re ltos bcas pas rim gro byed dgos pa 'ong zhes gsungs tshul dang rtsigs 'bul tshul rnams rje blo gros legs bzang gis mdzad pa'i gsang rnam las byung/ de nas sngar las kyang thugs dam la brtson pa cher mdzad pa'i skabs shig tu sku khams cung mi bde bar mngon pa zhig byung ba la; bzhengs nas skor ba 'ga' yar zhig mdzad nas bzhugs gdan la bzang po'i 'dug stangs kyis bzhugs te/ dpon slob rnams kyis ting nge 'dzin brtan po'i ngang nas sngags sgra chen por gsung bzhin yod pa'i skabs su rje'i gzigs snang la/ mnyam med shAkya'i gyal po gser btso ma'i kha dog lta bu sku shin tu brjid pa gzi byen bzod dka' ba/ 'od kyi dkyil 'khor rab tu 'phro ba/ bdud 'dul chen pa'i phyag rgya mdzad pa zhig mdun gyi nam mkhar byon pa gzigs/ de'i tshe ting nge 'dzin gyis spyan drangs pas rje rang nyid la dngos su thims ma thag bdud sde mtha' dag zil gyis gnon pa la 'jigs pa dang bag tshe ba med pa'i go 'phang brnyes shing/ de dang dus mnyam du dpal ye shes kyi mgon po phyag drug pas sna drangs/ las kyi gshin rje chos kyi rgyal pos gnod byed kyi gtso bo gcig gi mgrin pa nas zhags pas bcings te 'khrid/ gnod sbyin k+She DapA las bsdigs bzhin pa dang bcas pas mjug nas ded cing mgo bo gri gug gis bcad nas/ rje nyid kyis ting nge 'dzin @375 brtan pos sprul pa'i 'brub khung gi nang du bcug pa dang dus mnyam du/ phyi rol nas nag po'i phyogs kyi gza'/ rgyal po/ klu/ sha za bzhi sde dang bcas pa'i dmag pham mo zhes pa'i cho nges chen po mi bzad pa ngud mo'i sgra dang bcas nas phyogs bcur byer ba 7zhabs drung na 'khod pa dag gi mthong snang la yang byung zhing/ de'i phyi nyin yang du tshod de kha la las mkhan gnyis kyis gnod byed kyi gtso bo gzhan zhig kyang sngar bzhin btul ba'i snang ba byung/ mdor na zhag nyi shu rtsa gcig gi bar nyin par bzlas sgom dang/ mtshan mo bde stong gi ting nge 'dzin 'ba' zhig gi thugs dam mdzad pas gsol dang 'gags pa dang/ sku shes chung du 'gro ba sogs sku la gnod pa'i mtshan ma gtan nas ma byung/ ston pa'i gzigs snang byung ba'i mtshan mo nas mnal yang phebs/ de'i tshe snyung ba dang mnal mi 'ong ba sogs gnod byed de dag gi 'phrul du mngon zhing/ de nas sngar las snyun zug chung du song ba'i rnam pa dang/ sku mdun du bsdod mi rnams la yang gsung gi bkur ste stsal zhing/ gsung gi gtso bo ni rang re rnams tshe lhag gang yod sgrub pa la bsgril dogs rgyu yin/ 'khor ba'i bde 'byor la snying po med/ gtan gyi 'dun ma tshugs mi tshugs tshe 'di'i bya sbyod la rag las pa yin sogs yang yang du bka' stsal/ gzhan yang de'i tshe bar chad kyi mtshan ma rtsub pa 'ong res kyes bcom ldan 'das dpal rdo rje 'jigs byed kyi sku gzi byin bzod par dka' ba dang/ 'khor lo chen po'i sku rags la sbom pa spyan 'bras nyi ma bye ba lta bu/ bskal pa'i me'i 'od can/ sku tshad tshe ba tshangs pa'i 'jig rten du slebs pa lta bu'i gzigs snang re nges can 'ong zhing/ de'i stobs kyis bar chad kyi mtshan ma de'ang myur du @376 zhi 'gro ba zhig 'dug ces gsung ngo/ de dag ni gsang rnam tshigs bcad ma las/ bdud dpung gzhil ba'i thugs dam mdzad pa'i tshe/ /gser sbyang btso ma'i mdangs ltar rab gsal zhing/ /nyi ma bye ba'i 'od kyi 'khor yugs can/ /bdud 'dul chen po 'i thub pa mngon sum gzigs/ /dpal ldan bla ma'i +rje yi thugs dang rgyal ba'i sku gsung thus/ /dbyer med mdzad nas bdud sde zil mnan tshe/ / bstan srung rnams kyis bdud rigs tshar bcad pas/ /bdud kyi dmag dpung pham pa'i sgra chen grags/ /dpal ldan bla ma'i x zhes gsungs pa rnams kyi don yin la; de bzhin du bcom ldan 'das rnam par rgyal ma dang/ sgrol ma dang/ gdugs dkar dang/ 'od zer can dang/ rgyal ba sman gyi bla dang/ de bzhin gshegs pa tshe dpag tu med pa rnams kyi sku'i snang ba dngos su gzhigs pa ni rgyun du'ang nar mar byung zhing/ sku bsnyun pa'i tshe skabs 'gar sangs rgyas byang sems nam mkha'i khams khyab pa gzigs pa'ang byung la/ chos skyongs ye shes kyi mgon po phyag drug pa dang/ gru gyi mgon po/ dpal mgon phyag bzhi pa/ rnam thos sras rnams kyi gzigs snang yang nar mar 'ong zhing/ de'i nang nas dpal mgon phyag drug pa 'di ni sngar se ra chos sdings su zhal gzigs pa nas bzung 'du 'bral med ces gsungs te mgon po rnams kyi mchog tu 'dzin par mdzad/ bka' bsdod gshin rje chos kyi rgyal po dang/ gnod sbyin k+She Da pa la gnyis ni rnam kun bran bzhin du bka' bsgrub par byed de zhib pa 'ga' zhig 'og tu 'chad do/ /de dag kyang gsang rnam las/ dngos grub 'byung gnas rje btsun sgrol ma dang/ / gtsug tor rnam rgyal 'phags ma 'od zer can/ /bar cad kun sel gtsug tor @377 gdugs dkar sogs/ /lhag pa'i lha rnams yang yang gsal bar gzigs/ / dpal ldan bla ma'i + zhes dang/ bstan srung rgya mtsho'i tshogs kyis mngon sum du; ;sngon tshe rdo rje 'chang gi bka' stsal bzhin/ /khyod kyi bstan pa 'dzin dang sprel ba la/ /lhag par gus pa'i yid kyis tshul bzhin bsgrub/ /dpal ldan bla ma'i + zhes sungs so/ /de dus sku khams bsnyel ba cung zad drangs pa'i skabs shig tu/ rje btsun 'jam dpal dbyangs dngos su byon pa'i zhal nas/ da phyin chad gtso bor bskyed rdzogs kyi rnal 'byor thugs nyams su bzhes pa la 'grus par mdzad na sngags bla med kyi rtogs pa khyad par can myur du thugs rgyud la 'khrungs shing/ slob ma skal ldan bdun la'ang lam gyi rtogs pa khyad par can re skye bar 'gyur ro zhes pa'i lung bstan byung zhing/ 'di byung ba'i dus ni rnam thar gzhan rnams su snyun cung zad dwangs pa'i dus zhes pa las gsal cha mi 'dug kyang/ paN chen blo gros legs bzang gis mdzad pa'i gsang rnam du/ shing rta lo zla ba dang po'i nang yin par gsungs 'dug /gzigs snang de la rje'i zhal nas/ nged khams ma snyoms pa'i skabs kyi snang ba la gtad pa cher med dam/ rtogs ldan pa la'ang 'dri dgos gsungs nas bka' gnang bas/ rtogs ldan pa'i zhal nas/ de skyar du zhu dgos pa med/ tshe blos btang gi slob 'khor snod du rung ba rnams la mdo sngags kyi lam rdzogs par bstan nas sgom du bcug /rje nyid rang nas gtso bor sku mtshams kyi ngang nas sgrub pa lhur mdzad na thugs rgyud la lam de myur du 'khrungs pa'i nang gi rgyu bde stong gi ye shes khyad par can la sogs pa sngar thugs rgyud la 'khrungs tshe zhing/ phyi'i rkyen zhing skyes kyi pho nya mo rnams kyis grogs khyad par @378 can mdzad pa sogs kyang myur du 'ong/ lhag pa'i lhas byin gyis rlobs pa'i rgyu tshogs rnams kyang tshang bas lam de myur du thugs rgyud la 'khrung ngo zhes rje btsun gyis bka' stsal to zhes zhu bar mdzad/ tshul de dag la 'jam dbyangs kha ches/ dam chos bka' drin thob pa'i 'khor mang yang/ /lhun po'i drung na gser gyi ri bdun ltar/ /'gran zlas dben pa'i thugs sras bdun 'byung zhes/ /yi dam lung bstan thob pa'i tshong kha ba/ /zhes gsungs so/ /de skabs nub gcig rtogs ldan pa'i mnal lam du/ rje rin po che'i mchod rten yin zhes ba cha tshad yongs su rdzogs pa rin po che'i tog sprin gyi seb na sleb pa kha dog shin tu dkar zhing/ 'khregs la kar yol gyi rnam pa lta bur byas pa zhig la mkha' 'gro mang po 'dus pa'i la la ni mi'i bu mo lta bu dang/ la la ni lha'i bu mo lta bu rung pa dang rin po che'i rgyan sna tshogs 'chang ba/ lag na rin po che'i bum pa bdud rtsi dkar pos gang ba 'thogs pa dpag tu med pas bdud rtsi'i rgyun gyis khrus gsol zhing 'dug /mchog rten de'i drung na de'i seng khri dang mnyam pa'i mchod rten drug 'dug pa la/ 'ga' zhig na re bdud rtsi gsol ba drag ces zer ba la/ la la na re 'di rnams da dung bcos dgos par 'dug pas da lta mi gsol/ bcos tshar nas gsol bar byed zer/ yang mchod rten gcig gi go sa zhig 'dug pa der gsol zer ba la/ da lta mchod rten ma byung bas mi gsol/ byung nas gsol zer ro/ /de nas mnal sad pa dang rje btsun 'jam pa'i dbyangs la sngar 'di 'dra ba'i rmi lam mi 'ong ba la dad lam 'di ltar byung ba ji lta bu lags zhus pas/ rje'i thugs rgyud la sngags mtshan nyid kyi go ba thams cad legs par rdzogs/ rdzogs rim gyi rtogs pa khyad par can thugs @379 rgyud la 'khrungs pa rnams kyi ltas yin ces gsung ngo/ /rje nyid rang la 'di rnams kyi go rtogs thams cad yongs su rdzogs par thugs rgyud la 'khrungs pa ji tsam nas lags zhus pas/ sngags kyi gnad thams cad la the tshom gyi lhag ma med par yongs su rdzogs pa dgung lo nga drug nas yin/ pha rol tu phyin pa'i gnad rnams snga mo nas rdzogs rgyu yin na'ang/ pha rol tu phyin pa'i yang dag mtha' mngon sum du byed tshul dpyis phyin pa zhig go ba ni sngags kyi spyod pa'i skabs shig legs par ro ba la rag las par 'dug ces gsung ngo/ /skabs 'dir rje rtogs ldan par mnal ltas byung tshul skor/ mkhas grub thams cad mkhyen pas mdzad pa'i gsang rnam sogs su gong du bkod pa ltar byung zhing/ rje blo gros legs bzang gis mdzad pa'i gsang rnam du 'khor gyi mnal ltas gong gi de dag dang cung zad mi 'dra ba 'di ltar byung ste/ rtogs ldan pa'i mnal lam la/ rje rin po che'i mchod rten yin zer ba cha tshad yongs su rdzogs pa rtse mo sprin gyi seb la sleb pa/ kha dog shin tu dkar zhing 'khregs pa kar yol gyi rtsi ltar dwangs pa zhig la/ sprin gyi seb nas mkha' 'gro ma yin zer ba lha mo 'i rnam pa lta bu dang/ bud med phal ba'i rnam pa lta bu rus pa dang rin po che'i rgyun sna tshogs gsol ba/ phyag na rin po che'i bum pa dkar po bdud rtsi dkar pos gang ba 'thogs pa mtha' yas pas bdud rtsi'i rgyun gyis sku dkar rdzogs par gsol/ mchod rten de'i mtha' na 'bum pa mang du snang zhing/ khyad par du byang phyogs na mchod rten de la nye bar bskor ba'i mchod rten bdun snang/ de thams cad cha tshad ldan pa gang zag 'di dang 'di'i yin zer zhing bdun ka la sku dkar gsol/ mchod rten kyi go sa gcig 'dug pa der @380 gsol byas pas da lta mchod rten mi 'dug pa zer/ gzhan mang po la gsol byas pas bcos dgos par 'dug pas mi gsol zer/ de nas mnal sad pa dang rje btsun gyi drung du/ sngar 'di lta bu'i mtshan ma khyad par can mi 'ong ba la da lan byung ba ji ltar lags zhus pas/ mtshan ma de rnams rje'i thugs rgyud la sngar mtshan nyid kyi lam gyi rnam bzhag med mi rung thams cad kyi go ba phu thag chod par rdzogs pa dang/ bde stong gi ting nge 'dzin khyad par can thugs rgyud la 'khrungs pa rnams kyi ltas yin gsungs/ rje nyid la bde stong gi ting nges 'dzin thugs rgyud la 'khrungs pa'i gleng snga mo nas yod/ go rtogs rnams ji tsam nas rdzogs pa lags zhugs pas/ sngags kyi med mi rung rnams nga drug nas rdzogs/ pha rol tu phyin pa'i skor snga mo nas rdzogs rgyu yin na'ang/ yang dag mtha' mngon du byed tshul dpyis phyin par go ba sngags kyi spyod pa'i skabs shig go ba la lto gos par snang bas de yang nga drug nas rdzogs zhes gsungs/ zhes dang/ yang de'i dus su thus dam shin tu 'phel/ chos kyang gsung spro ba'i skabs su snang bas nged grogs mched bdun la yang sngags dang pha rol tu phyin pa'i rnam bzhag med mi rung gi ngo bo/ go rim/ grags nges/ so so'i byed las khyad par du bla med kyi rgyud dang dgongs 'grel tshad ldan rnams nas bskyed rdzogs kyi rnam bzhag gtso bor gsung tshul/ gcig tu tshig don mi gsal ba don thob yod pa rnams gzhan gyis 'chad dgos lugs dang/ de rnams so so rtsal du ba ton nas ji ltar 'chad/ bla med kyi rtsa bshad so so nas 'jug sgo mi 'dra ba du ma gsungs kyang de thams cad kyi lag rjes 'ong tshul/ bde dgyes gsang gsum sbyor drug rnams kyi lam gyi dbye bsdu zhar byung dang bcas pa/ @381 srog rtsol gyi bogs 'don btsan thabs kyi sbyor ba/ phyag rgya bzhi la brten pa'i rdzogs rim sgrub lugs khyad par can gsal sgron dang khrid yig gnyis kyi zhal shes bsre ba'i gnad dang bcas pa rnams rdzogs par gsungs/ yang de dus thugs dam gyi skabs su sku mdun du 'gro chag sogs ci byed kyang thugs bcug nas gtad na ma gtogs gtan mi nges par snang ba 'di ci tsam nas byung zhus pas/ byams pa gling nas yin/ da dge sbyor dang blta rtog gang byed kyang 'dra bar snang gsung/ gsung rab kyi dka' ba'i gnad mthar thug pa rnams gzigs rtog chen po mi dgos par dgongs pa 'di rje btsun gyis gsungs pa yin nam ji ltar lags zhus pas/ sems la shar 'ong ba yin/ de'i shes byed du yid ches pa'i khungs mang du ma rnyed kyi bar du 'tshol dgos pa yin gsungs/ gzhan yang bod du bla med kyi gdams ngag brgyud pa mi 'dra ba byung tshul/ de rnams kyi 'khrid lugs 'dra mi 'dra'i nang nas gcig tsam ma gtogs gzhan rnams rnam dag yin lugs/ rnam dag rnams la'ang 'chad pa pos 'chad tshul ji lta ba bzhin du ma byung lugs dang bcas pa mang du gsungs/ mchod rten nye ba dang sku dkar gsol ba rnams la rje btsun gyi gsung gis bkral ba mang du yod na'ang 'dir ma bris so/ zhes gsungs la/ des na 'khor gyi mnal ltas byung tshul cung mi 'dra tsam mchis pa la dogs pa byed mi dgos te/ rje bdag nyid chen po ni 'di 'dra ba'i rnam thar gsang ba'i gnas rnams gzhan la bsgrags pa dang/ yi ger spel ba sogs la shin tu bka' dog pa'i dbang gis mkhas grub rin po che sogs kyis rags bsdus mtshon tsam las 'god par ma mdzad pa yin la/ rje blo gros legs bzang gis rje thams cad mkhyen pa nyid kyi spyan sngar spyan mchi ma dang bcas te gsol ba drag @382 tu btab pa'i ngor chos thun nyer gcig gnang ba kun bzung zhing thugs la bsam pa rnams sgrub pa'i brtul zhugs 'dzin pa rnams kyi nang nas zla dang bral ba sgrub pa dpal gyis nan gyi bka' stsal ba'i ngor zin bris su btab nas rje'i spyan sngar gzigs phul nas dag ther mdzad/ brjed pa rnams bsos/ sngar ma gsungs pa rnams gsar du gsungs pa dang/ mkhas grub rin po ches mdzad pa la yang gzigs nas phan tshun gung bsgrigs te shin tu gal che ba rnams kyi sa bon ma lus pa tshang bar bkod pa yin ces gsungs pas na/ rje blo gros legs bzang gis mdzad pa 'di nyid zhib cing rgyas pa yod par snang bas gzhan dag tu ma gsal ba rnams 'di nyid gzhir bzung bar bya dgos so/ /des na mnal ltas 'di dag ni rje bdag nyid chen po yab sras rnams kyi thugs rgyud la sngags kyi rtogs pa khyad par can mnga' ba dang/ lhag par rje bdag nyid chen po ni rdzogs rim gyi rtogs pa shin tu mthon por phebs pa'i brda' mtshon te/ 'di dag gi sgrub byed zhib pa ni 'og tu 'chad rtsod rtsom gsum dang/ mkhas btsun bzang gsum/ grub pa'i go 'phang zla med pa brnyes tshul sogs re re nas rtsal du bton nas sdom bshad kyi tshul du 'god par bya ba las shes par 'gyur zhing/ yang/ rnam thar 'ga' zhig tu mnal ltas de dag gi don 'chad pa na/ rin po che lho brag pas/ khyed rang gi rjes su bstan pa 'dzin pa'i rgyal tshab tu mkhas shing grub pa brnyes pa du ma 'byung bar 'dug /khyad par du gtsang rang nas 'byung zhing 'phags pa'i 'khor mang du 'du bar 'dug ces gsungs pa bzhin mchod rten chung ba drug dang/ 'byung 'gyur gyi mchod rten dang bdun po de 'jam dbyangs gtsang pa bdun brgyud la dgongs pa dang/ mnal ltas @383 'di byung dus sbrul lo'i nang la yin cing/ de'i phyi lo shing pho rta la gtsang pa bdun gyi phyi ma rin po che smon lam dpal ba sku 'khrungs pa yin pas de skabs mchod rten gcig byung ma tshar ba rje de nyid sku bltams ma grub pa'i don dang/ mchod rten rnams da dung bcos dgos par gsungs pa ni da dung rgyal ba gnyis pa'i chos kyi rgyal srid la gzhi nas mnga' gsol dgos pa'i don yin/ zhes sogs gsungs pa'ang mkhas pa rnams kyis mnal ltas kyi don 'grel tshul mi 'dra ba'i rnam grangs yin pas mi 'thad pa ni ma yin mod/ 'on kyang yongs grags ltar 'khor kyi mchod rten bdun sogs byung ba'i bshad pa mi 'dra ba rnams 'og tu gsung skyes slob ma byon tshul gyi skabs su 'god par bgyi'o/ /de ltar bdud dpung gi nyer 'tshe yongs su gzhil ba'i slad du bla slob tshang mas rim gnyis zab mo'i rnal 'byor la gcig tu brtson zhing/ phyi nang gi zhabs brtan rim gro rgya che 'byams klas su mdzad pa sogs kyi mthu las nag phyogs kyi g.yul las yongs su rgyal te/ ring por ma lon par zla ba sgra gcan gyi gzebs las grol ba bzhin du snyun gzhi med sing dwangs su gyur nas lha dang bcas pa'i 'gro ba mtha' dag yongs su dbugs phyin pa thob par mdzad do/ /snyun dwangs pa'i dus kyang rnam thar gzhan rnams su gsal kha cher ma byung yang rje blo gros legs bzang gis mdzad par/ rta lo zla ba drug pa'i tshes lnga nas bsnyel sangs so; ;zhes dang/ rje rin po che'i ting nge 'dzin gyi mthu rmad du byung ba'i zil gyis mnan cing dpa' bkong ba dang/ gnod byed rnams kyis rtsigs rim par phul ba de'i phyir/ rje rin po che'i rjes 'brang rnams kyis rje'i yi dam dang chos skyong gi bskyed rdzogs kyi rnal 'byor rnams la 'grus par byas na 'di rnams kyis gnod pa'i bsam @384 sbyor byas kyang ji lta ba bzhin du mi tshugs shing/ shin tu bya sla bar yang shes par byos shig /ces gsungs so/ /'dir smras pa/ gsang chen bstan pa'i mnga' bdag rdo rje 'chang/ /snyigs ma'i 'gro ba 'dren phyir tha mal gyi/ /rdo rje slob dpon gzugs su gnas na yang/ /zung 'jug go 'phang nyid las g.yo med phyir/ 1 /bla ma lhar bcas kun gyis gsang chen gyi/ /bstan pa'i bdag por slar yang mnga' gsol zhing/ /dbang bskur gzengs su bstod pa'i dge mtshan gyi; ;ngo mtshar rgya che'i rol pas 'khor yug sbrel/ 2 /'dren pa du mas lung gis bsngags pa'i gnas/ /dbang bskur ri'i zhol 'brog ri chen po'i spor/ / dge 'dun 'du ba'i bsti gnas gand+ho la/ /bskrun pa'i dus la nye bar bab gzigs nas/ 3 /nyi zla lta bu'i sras kyi thu bo dang/ /rgyu skar lta bu'i 'dus pa'i sde rnams la; ;bka' bzang bdud rtsi'i thig pa dbab pa las/ /ngur smrig mdangs kyis phyogs de klubs par gyur/ 4 /'dul ba'i gzhung dang rgyud sde'i dgongs don las/ / zhar yang 'gongs pa med pa'i las tshul gyis/ /gtsug lag khang pa bskrun dang lhan cig tu/ /bstan pa'i rmangs kyang yongs su bso bar mdzad/ /dad ldan mchog dman skye bo'i tshogs rnams kyang/ /'di ni don ldan bya ba chen po'o zhes/ / 'byor pa'i tshogs dang sgo gsum ngal ba'i khur/ /yongs su 'khyer te zhum med phyogs der gtong/ /dkar phyogs skyong ba'i lha srung tshogs kyis kyang/ /gdong grogs 'phrin las g.yel med bsgrub pa'i mthus/ /ring min nyid du sngon med gand+ho la; ;le lag bcas pa phal cher dus gcig 'byongs/ /gnas de'i chos kyi khri la mgon khyod kyi/ /zhabs sor bkod tshe dge ldan phyogs kun las/ /rnam @385 par rgyal ba'i gling zhes bsngags pa ni/ /don ldan lhag dang bcas pa nyid du gyur/ / mdo dang sngags kyi chos sgo brgya phrag ni/ /dus gcig phye ba'i ngo mtshar 'byams klas pas/ /gdul bya'i tshogs rnams skal bzang mdzad pa'i tshul/ /'og min gnyis pa ji lta ba bzhin no/ /de 'dra'i rten 'brel rmad du byung ba'i mthus/ / gang gi chos tshul 'phel ba'i ring lugs la'ang/ /ri po dge ldan zhes su snyan pa'i dbyangs/ /'khor yug ri ba'i khyon yang brgal bar gyur/ /de lta'i tshul la ma bzod nag phyogs kyis/ /bar du gcod pa'i 'du 'god rtsom na yang/ /gang gi byin mthu bskal pa'i me chen gyis/ /bdud ris sder bcas ming gi lhag mar bsregs/ /bde stong zung 'jug lhan skyes bde ba ches/ / gang gi thugs la 'khyud pa'i rtse dga' yi/ /rnam par rgyal ba'i rgyal mtshan srid pa'i rtser/ /bsgrengs pa'i go 'phang mchog de mngon sum mdzad/ /'di ni bcom ldan shAkya seng ge yis/ /byang chub shing drung bdud sde nyer bcoms nas/ / zhi ba bla na med pa'i bdud rtsi'i phul/ /mngon du mdzad dang khyad par ga la zhig / ces pa ni bar skabs kyi don bsdu'i tshigs bcad do/ /shing rta lo de kha'i dbyar gnas la mi dbang grags pa rgyal mtshan pas gsol ba btab nas/ 'on gyi bkra shis do khar gdan drangs pa ltar phebs nas dbyar zhal bzhes mdzad/ dus der thams cad mkhyen pa dge 'dun grub pa dpal bzang pos kyang rje'i zhabs thog mar zin cing/ sems dpa' chen po kun bzang ba dang/ shes rab seng ge sogs kyis rje dge 'dun grub kyi thugs rab la bsngags pa phul bas rje thams cad mkhyen pas kyang mjal ma khad nas thugs shin tu dgyes shing gsung chos thams cad kyang thob @386 par mdzad/ gnas der sde snod 'dzin pa brgya phrag mang po la lam rim/ dbu tshad/ spyod 'jug la sogs pa zab rgyas chos kyi 'khor lo rgya cher bskor bas gdan sa'i spyan snga rin po ches thag drangs/ mi dbang grags pa rgyal mtshan 'khor dang bcas pa thams cad mchog tu dad cing dge ba'i sa la bkod par mdzad/ bkra shis do kha mar grags pa'i sku brnyan byin rlabs can yang de dus byung ba yin te/ 'di'i lo rgyus la dus der lha bzo ba sprul pa'i gang zag zhig gis nyi ma gcig la rje'i sku brnyan bdun rdzu 'phrul gyis bzhengs pa na/ rje bdag nyid chen pos kyang rdzu 'phrul gyis nyin gcig po de rang la dbu skra lan bdun bsil ba'i dbu lo bub re re nang zhugs su 'bul bar mdzad pas byin rlabs kyi tshan kha 'gran zla med pa nyid du nges pa yin no/ /rnam thar lo rgyus gzhan du bkra shis do khar bzhugs skabs 'jam dbyangs chos rjer 'bras spungs chos sde 'debs dgos pa'i bka' phebs par/ dngos grub kyi dang po bla ma'i bka' yin pas bka' bzhin sgrub par zhus/ de nub chos rje'i mnal lam du/ chu chen po zhig gi 'gram na skye bo dpag tu med pa chu la ma thar bar 'dug pas snying rje chen po zhig skyes nas chu de la 'chongs pas phar 'gram du sleb byung bar zam pa zhig btsugs pas skye bo dpag tu med pa de rnams nyes med du thon pa byung bas chos sde khyad par can tshugs pa'i thugs nges 'khrungs/ gzhan yang 'di dag gi snga phyir chos rje rin po cher chos sde tshugs pa'i mnal ltas ngo mtshar can mang du byung tshul lo rgyus gzhan du gsal/ de nas slar yang gdan sa chen po dge ldan rnam par rgyal ba'i gling du phyag phebs/ de nas bzung ste rim pa bzhin du dpal 'khor lo bde mchog lU hi pa'i Ti ka chen mo dang/ rdzogs rim rnal 'byor bzhi ldan @387 gyi khrid yig che chung/ sgrub thabs/ dpal gsang ba 'dus pa'i rtsa rgyud dang/ 'grel ba sgron gsal bcas la dag ther nan can mdzad nas tshig don shin tu zhib par 'chad pa'i mchan bu dang/ le'u so so dang spyi'i dka' ba'i gnas rnam par gtan la 'bebs pa'i mtha' gcod dang/ don tshan so so'i dmigs 'byed pa'i bsdus don dang bcas 'grel ba bzhi sbrags su grags pa mdzad cing/ rgyud sde bzhi dang 'grel pa'i bshad pa mtha' dag rgyun ma chad par gsungs pas rgyal ba'i bstan pa'i snying po gsang chen rdo rje theg pa'i gnad don mthar thug pa rnams bar skabs su sa 'og gi gter bzhin du mi mngon par gyur pa de nyid gzhi nas bslangs te legs par gsal bar mdzad pas rgyal ba las kyang bka' drin che bar gyur pa yin no/ /de skabs rje'i bka' las/ sgrub mchod sogs tshogs khang du byas na dbang ma thob pa rnams kyis dkyil 'khor sogs mthong ba'i dgag bya che bar 'dug pas sngags kyi sgrub mchod khang pa 'gol ba zhig logs su byed dgos par 'dug ces gsungs pa bzhin dgung lo lnga bcu nga dgu pa shing lug lo'i dbyar yangs pa can gyi rmangs gting/ de'i mthun rkyen dad bskul sogs kyi thugs 'dun mdzad pas phyogs phyogs nas 'bul ba dpag tu med pa byung/ rten bzhengs kyi rgyu zangs kyi dngos po thog mar cung zad dkon tsam byung na'ang/ mnyal sogs nas zangs ru mang dang ru gnyis ma yan chad che chung 'dres pa brgya rtsa brgyad dang/ zangs ban mang pos thog drangs pa'i zangs kyi dad 'bul yang mtha' yas pa byung bas rten dang brten pa mtha' dag gi rgyu tshogs lhun grub kyi tshul du gyur/ sngar bka' rtsam mdzad pa'i byang chub lam rim chen mo ha cang rgyas pas blo dman rnams kyi blor chud dka' bas/ slar yang de las @388 bsdus pa rtogs sla ba zhig rtsoms zhes rje btsun 'jam dbyangs kyi bkas bskul ba la brten nas lo 'di nang lam rim chung ba bka' rtsom mdzad ces dam pa'i gsung rgyun las byung/ de nas rim gyis yangs pa can gyi gtsug lag khang 'khyams gtsang khang dang bcas ba ka ba bdun cu rtsa gnyis kyi sa me spre lo legs par 'byongs/ me bya lo zla ba gsum pa nas bzo rig pa'i 'du byed la shin tu mkhas pa du ma bsags nas rten khyad par can rnams bzhengs pa'i dbu tshugs/ de yang dbus kyi gtsang khang du ston pa thugs rje can gyi snang brnyan lha sa'i jo bo rin po che'i sku tshad las cung zhig gis che ba thub pa tshul khrims mar grags pa dang/ steng gi gtsang khang du dpal gsang ba 'dus pa lha sum cu rtsa gnyis kyi dkyil 'khor blos bslangs dang/ dpal 'khor lo bde mchog lU hi pa'i lugs lha drug cu rtsa gnyis kyi dkyil 'khor/ dpal rdo rje dbyings kyi dkyil 'khor chen po bcas kyi blos bslangs rten dang bcas pa rnams rgyu rin po che 'ba' zhig las grub pa/ de yang gzhal yas khang dang 'khor gyi lha gzhan rnams kyi sku rgyu zangs tsha gser ma dang/ gtso bo rnams dang/ phyogs kyi de bzhin gshegs pa dang/ snying pa'i rnal 'byor ma rnams kyi sku rgyu dngul bzang po 'ba' zhig las grub cing/ gtso bo yum dang bcas pa rnams kyi sku brnyan re re la'ang rgya dngul bre chen gnyis re lhag pa dang/ rdor dbyings kyi gtso bo la dngul bre chen gnyis ma long tsam dang/ 'khor gyi lha bcu gnyis re re la'ang dngul bri chen phyed gnyis ma long tsam gyi rgyu tshogs dang/ de dag la g.yu rnying bzang po sogs rin thang can gyi rin po che dpag tu med pa'i 'phra rgyan gyis yongs su phyug pa dang/ gzhan yang rje btsun 'jam pa'i dbyangs dang/ rgyal @389 ba tshe dpag med/ rje btsun byams mgon/ bcom ldan 'das dpal rdo rje 'zigs byed zhal phyag yongs su rdzogs pa rnams kyi gser sku mda' tshad re dang/ bcom ldan 'das gtsug tor rnam par rgyal ma dang/ gtsug tor gdugs dkar gnyis kyi gser sku khru tshad re dang/ gos dar bzang po mtha' yas pa brdungs pa'i dar 'dam la byin rlabs kyi rten dang/ rin po che brdar ba dang/ sman sna tshogs bsres pa las grub pa'i bcom ldan 'das rdo rje 'jigs byed zhal phyag yongs su rdzogs pa'i sku brnyan rgyab mtho bcu bdun yod pa rnams bzhengs par mdzad/ de dag thams cad kyi lha bzo'i bzo thig dang cha tshad sogs phal pa'i rig bcos ma yin par/ shA ri'i bu dang tshangs pa e Da'i bus zhus pa sogs kyi phyag tshad kyi yi ge dang/ gtso bor dpal 'khor lo bde mchog sdom pa 'byung ba'i rgyud kyi le'u gcig nas lha'i phyag tshad zhib par bstan cing/ de'i rgya cher 'grel ratna rak+Shi tas khyad par zhib tu gtan la phab pa dang/ dpal gshin rje gshed dmar po dang nag po'i rgyud gnyis kyi le'u re res lha'i phyag tshad bstan pa rnams gung legs par bsgrigs pa'i thig khog nas drangs te/ rgyal bas ji ltar gsungs pa'i phyag tshad dang ldan par bzhengs shing/ de dag la'ang rgyu'i byin rlabs dang/ bzo bo rnams lhar bskyed pa dang/ lag cha byin gyis brlabs pa sogs tshul bzhin du mdzad pa las sla bcos dang 'ol tshod sogs kyis cha tsam ma gos par mdzad/ rje nyid kyi thugs rje dang byin rlabs tshad med pa'i mthu las sngon chad lugs btang ba la 'di 'dra ba'i lugs 'dren bde ba dang ngo mtshar ba 'ong ma myong zhes lha bzo ba dag gleng bar byed/ sku brnyan la sogs pa thams cad bltas pa tsam gyis yid 'phrog @390 par byed pa mig gi bdud rtsir che ba 'ba' zhig nye bar byon to/ /te dag las kyang khyad par du gzhal yas khang gsum bzhengs pa'i lugs snga ma btang ba'i lugs phud la dpa' bo khaNDa ka pA la 'ja' tshon ma byon te/ de yang sku rgyu zangs yin kyang lugs kong nas byon ma khad la zangs kyi kha dog yung 'bru'i rjes tsam yang mi mngon par sku thams cad 'od zer lnga'i gong bur gyur pa'i sngon po rnams ni rgya mthing bzang po'i mdangs kyis bsgrun du med pa dang/ dmar po dag ni mtshal cog la ma bzang po'i kha dog las bdun 'gyur kyis lhag pa/ dmar ser dag ni li khri'i mdangs mog mog por byed pa/ ser po dag ni gser bzang po'i rgyan gyi mdangs kyang rag rgan ltar byed pa/ gzhan yang dkar po dang/ ljang khu dang/ btsod kyi kha dog sogs du ma spel ba nam mkha'i 'ja' tshon sku la 'khyud pa'i rnam pa lta bu mig gis bzod par dka' ba'i 'od zer gyi phung po chen po zhig byon te/ brad brdar sogs cung zad kyang ma byas par shin tu 'jam zhing gtsang ba yid du 'ong bar gyur pas bzo ba sogs lhag par ngo mtshar du gyur te/ 'di lta bu ci zhig ces gzigs su phul zhing dag byed kyi rdzas du mas shin tu dag par byi dor byas kyang sngar las kyang 'od zer rnams ches cher kha dog gsal bar gyur nas lugs kha bcad pa'i mtshams la bltas pas zangs kyi mdog thams cad kyang de 'dra ba 'ba' zhig tu song ste bcad mtshams 'od zer sna lngar khrig ger snang ba de lta bur der yod kun la mngon sum du gyur/ rje'i zhal nas/ rten 'di la rgyan dang na bza' khyad par can phul la gsol ba thob/ brad brdar ma byed ces bka' stsal zhing/ gsol 'debs kyang 'di ltar mdzad de/ he ru ka yi pho brang nas/ /'khor @391 lo bde mchog yab yum ni/ /'gro ba'i bsod nams zhing mchog tu/ / thod pa'i dum bu yab yum gyi/ /sku mdangs ngo mtshar ltas mang gis/ / brgyan pa 'dir ni byon pa legs/ /e ma ho bdag cag gdul bya rnams/ / shin tu tshogs bsags skal bar ldan/ /zhes sogs gsungs so/ /gzhan yang rnam thar chen mo sogs su mi gsal yang/ /rje rtogs ldan pas mdzad pa'i rnam thar legs bshad kun 'dus sogs su/ dar 'dam las grub pa'i rdo rje 'jigs byed mtho bcu bdun pa bzhengs dus rtsa zhal rang 'byon du byon pa dang/ blos bslangs rnam gsum bzhengs dus rdor dbyings dang/ mi bskyod rdo rje/ bde mchog ste gtso bo gsum yang rang 'byon lta bur byon cing/ bde mchog gi thugs kar drod rta rnga tsam yod pa dang/ gzugs can la sogs pa'i lha mo bzhi yang rang 'byon du byon pa yin la/ gzims khang na bzhugs pa'i bde mchog gi dar sku khru gang tsam pa'i zhal bzhi kha dog dang bcas pa yang rang 'byon du byon par gsungs la/ rdor dbyings kyi rdo rje rgyal po dang/ rdo rje chags pa gnyis kyang 'ja' tshon mar byon pa rnam thar gzhan las gsungs/ de ltar gtsug lag khang dang rten khyad par can rags rim zhig lo de kha'i khongs su grub pa la/ dpal rdo rje 'jigs byed chen po'i sgo nas rab tu gnas pa'i rim pa rgyud sde nas ji ltar gsungs pa bzhin gyi cho ga phyag len rnam par dag pa sbyor dngos rjes gsum tshang ba rgyas shing phun sum tshogs par mdzad/ de dang 'brel bar nye skor gyi dge 'dun gyi sde rnams dang/ lhas kyi grong pa skye bo 'i tshogs dang bcas pa bsags te rab ston bzang po gya noms pa bka' drin che bar gyur/ de ltar rab gnas mdzad pa'i nyin nam mkha' dwangs @392 pa'i dkyil nas sgra chen po 'brug gi skad lta bu zhig byung nas mchod khang du zhugs pa der 'dus kun gyis go zhing tsher ba dang/ de dang mtshungs par gsang 'dus rim lnga dang/ bde mchog rim lnga'i rnal 'byor pa gang zag khyad par can 'ga' zhig gi gzigs snang la; rdo rje 'jigs byed kyi dkyil 'khor nam mkha' gang ba tsam phyogs bzhi ga nas byung ste sku rnams la thim par gzigs pa sogs dam tshig pa rnams la ye shes pa rten dang brten par bcas pa dngos su zhugs pa'i ngo mtshar ba'i dge mtshan bsam las 'das pa mngon du gyur te/ don du gtsug lag khang rten gsum dang bcas pa mtha' dag ji srid 'gro ba'i bsod nams kyi zhing du dag pa rab 'byams kyi 'khor lor 'byams su klas pa'i byin mthu'i phung po nyid du grub par mdzad do/ /yang dus de'i tshe bde mchog gi blos bslangs la brten nas sgrub mchod mdzad pa na bde mchog gi dkyil 'khor gyi lha tshogs rnams zhal gzigs shing/ nam mkha' nas mkha' 'gro ma'i tshogs kyis mchod pa bstod dbyangs byed pa thugs la bzung nas/ de'i tshul tshigs su bcad pa ting 'dzin pir legs ma dang/ dpyid kyi rgyal mo'i glu dbyangs su grags pa'i mchod bstod rnams dbyangs dang bcas pa mdzad pa ste/ 'di'i tshig dang dbyangs rnams dus der lha mo rnams kyis 'then pa dngos su gzigs shing gsan pa yin par snang zhes rje rtogs ldan pa'i gsung las byung/ yang de'i gsung las/ rje'i drung du bud med mdzes ma gos yid du 'ong ba gyon pa/ zhwa dmar mo leb 'jog byas pa zhig rgyun du 'ongs te/ lha'i rnam par mi 'ong ba de snod min la sngags kyi gsang ba bstan pa'i skyon yin par snang/ lU hi pa'i 'grel pa 'dod 'jo brtsams phyin chad rdo rje rnal 'byor ma la sogs pa'i rnam par 'ongs/ grogs khyad par can @393 mdzad ba yin bar 'dug ces gsungs/ de dag gi don gsang rnam tshigs bcad ma las/ bde mchog 'khor lo'i sgrub pa mdzad ba'i tshe/ /dkyil 'khor pa rnams mngon sum gsal bar gziD/ /phyi nang gnas gsum mkha' 'gro'i tshogs rnams kyis/ /rdo rje glu yi mchod bas dgyes par mdzad/ /dpal ldan bla ma'i zhes gsungs so/ /'de dag ge don gyis rang cag rjes 'jug rnams nas nyams len cher ma byung yang cho ga phyag len ma nyams par byas na byin rlabs shin tu myur ba yin te/ sngon smon lam gnang dus sangs rgyas thams cad kyis byin gyis brlabs par bshad pas so/ /zhes rje tsun 'jam dbyangs bzhad pas gsungs so/ / de ltar rab gnas mdzad pa nas bzung dbu ru stod smad kyis mtshon ba'i phyoD kun tu char chu dus su 'bab pa dang/ lo legs pa dang/ bshad sgrub rgyas ba la sogs ba'i dge mtshan gyi khyad par sngar las phul du byung ba'i ngo mtshar dang ldan par gyur to/ /'di dag gi sngar phyir dga' ldan chos 'byung du/ sne'u rdzong phyi ba nam mkha' bzang po dang/ 'jam dbyangs chos rje bkra shis dpal ldan pas rig grol gyi sde dpal ldan 'bras spungs gzhi things pa zhabs kyis bcags shing chos rje dgung long dgu thog thebs/ se ba'i rwa ba yod pa'i se ra chos sdings su theg chen bshad sgrub ma lus pa'i gling 'byung ba'i rten 'brel mdzad pa ltar byaMs chen chos rje dgung lo re gnyis bzhes dus btab/ /zhes gsungs pa ltar na 'bras spungs shing lug lo dang/ se ra sa khyi lo la phyag 'debs par snang bas se 'bras dge gsum phyag btab pa'i lo snga phyi phran bu ma gtogs don du khyi lo tshun la gdan sa chen po gsum char grub ba ste rje thams cad mkhyen pa'i thugs bskyed nang 'phrin las rmad @394 du byung ba'i mthu ni de lta bu'i/ /yang dga' ldan chos 'byung gi lung gong gi 'phro las/ 'dul ba dang thal gyur gyi lta ba gtsor gyur gyi rgyal ba'i bstan pa spye bye brag la bka' drin che zhing/ khyad bar du dri med bla mas spra la ba gcig ni rgya gar gnas chen 'grims/ /zhes ba'i jo bo dI baM ka ra dang/ 'brom rgyal ba'i 'byung gnas/ rngog legs ba'i shes rab yab sras kyi lha chos bdun ldan byang chub lam gyi sgron ma sogs stong nyid kyi don rgyas bar spel ba'i ring luD bar skabs nyag phra ba bsos pa dang/ 'dul ba'i bstan pa sa dkar sogs dar rgyas che na'ang lag len gyi cha bcas ba pha mo rnams yul dus kyi dbang gis ji bzhin phyoD 'dir ma dar ba paN chen sdom rgyun rnam dag la brten nas bcas ba rnam pa gsum gyis gtan la phab/ tshig tsam ma yin par lag len du btab pa sogs kyis khyad par du stong nyid kyi lta ba dang 'dul ba'i bstan par bka' drin che/ 'on kyang rab byung rnams dras dra ba ma dang/ 'ding ba lhung bzed sogs yo byad dang/ phyi rol sa'i rdul ma spangs te zla gam gyon ba las zhwa dang lugs ka sger 'dzin thugs la med ba ni nyid kyi gsung las/ bstan pa thams cad 'gal med rtogs pa dang/ / gsung rab ma lus gdams par 'char ba dang/ /zhes sogs mtshungs par spyir nang pa'i chos tshul la blang bya dang dor bya zhes phyogs 'dzin mi 'thad bar ma zad/ gzhan gyis phrag dog dang/ de la brten nas rang gzhan mang pos rnam smin gyi las 'thug po gsog bar dgongs de/ 'jam mgon chos kyi rgyal po dang paN chen dge 'dun grub yab sras kyi dgongs par med kyang/ slob 'khor gzhan gyi 'dod pa ltar zha mdog kyang zur pa gser btso ma lta bu sger 'dzin byed du 'jug pa gnang/ @395 zhes dang/ rang phyogs rnams de skabs gang dag sor bzhag mdzad na/ mtshan nyid sa lugs/ lta ba dbu ma thal 'gyur/ sdom po paN chen brgyud sngags bu luD dang khyad bar sgron gsal/ yi dam rwa lugs kyi 'jigs byed rong pa sher sang yan khyad med pa de nas phran bu mi 'dra ba dang/ brgyud pa gnyis las chos rje don rin par ring brgyud gsan/ nye brgyud stod lung dga' ba gdong du dngos su zhal gzigs/ chos skyong shangs lugs kyi phyag drug bar bka' mi 'dra ba bcu gsum yod pa nas rjes gnang bar chad kun sel snar thang lo tsa ba dom 'grub bzang por gsan cing/ rnam sras tshar lugs la bka' mi 'dra ba bcu drug yod pa las/ zhi ba bde bye lha dgu'am ser chen dang/ drag byed mthing ga bu ston gyi thugs sras sgra tshad pa rin chen rnam rgyal la gsan/ las gshin phyi nang gsang gsum grub chen dpa' bo rdo rje'am/ bla ma dbu ma par gsan ba rnams gtso bor mdzad rigs/ zhes gsungs pa rnams kyang rje rin po che'i rnam thar gtsang ma sgro skur med ba ste da dung zhib pa 'og tu 'chad do/ /sa khyi lo la sde snod 'dzin pa brgya phrag du ma phyogs thad thad nas byon pa dang/ gnyug mar gnas pa'i dge 'dun dang bcas ba la dge ldan nyid du chos kyi 'khor lo rgyun ma chad bar bskor zhing/ khyad par du dpal gsang ba 'dus pa'i 'grel ba sgron gsal mchan dang bcas pa dang/ bshad rgyud 'ga' zhig /rim lnga'i khrid rgyas pa/ sbyor ba yan lag drug gi khrid rgyas pa dang/ dus kyi 'khor lo'i 'grel chen dri ma med pa'i 'od rnams kyi gsung bshad ches zhib pa dang/ gzhan yang dbu tshad/ bde mchog / lam rim la sogs pa'i chos zab cing rgya che ba dpag tu med pa gsungs/ de'i @396 dbyar dang ston la gtsug lag khang gi khyams kyi logs bris kyang grub bar mdzad cing/ dbu ma la 'jug pa'i rnam bshad chen mo brtsams ba'ang legs par rdzoD par mdzad/ lo 'di'i dgun smad zhig la bka' phebs su/ chos skyongs 'di rnams la gtor ma 'bul ba'i dus/ dbyangs kyi nga ro dang bcas na shin tu dgyis bar 'dug pas/ 'di bzhin byen pa yin gsungs nas/ gshin rje chos kyi rgyal po spyan 'dren pa dang/ bstod cing bskul ba sogs kyi dbyangs bzhi mdzad/ de dus nub gcig sku drung na gnas pa bsnyen sgrub la brtson pa zhig gi rmi lam du/ gshin rje chos kyi rgyal bo sku shin tu brjid cing che ba zhig pa tshad nas byon te/ bstod ba'i dbyangs 'di ltar gyis la 'then cig ces khong rang gis 'then gyin 'dug bas sa dang re bo thams cad be re re 'ong ba zhig rmis 'dug cing/ gzhan yang de 'dra ba'i rmis ltas 'ga' re la byung bar snang/ rgyu mtshan de la brten nas bstod ba'i dbyangs 'di la gshin rje'i ngar dbyangs sam/ then dbyangs zer pa'ang don 'di 'dra yin snyam zhes rje 'jam dbyangs bzhad pas gsugns/ de nas dbyangs bya mi rung bar 'dug pas ma by7ed gsungs/ skabs ma ma bshams par dbyangs bya mi rung bar 'dug pas ma byed gsungs/ skabs sheg tu de dag gi rgyu mtshan ji lta bu mchis zhus pas/ lar gshin rje chos rgyal 'di kho rang gi sku'i rnam pa ji lta bas kyang mang du 'ong/ khyad par sku drung na zhabs tog la rgyun par yod pa gang yang rung ba'i gzugs su byas nas gzims khang nang du phar 'gro tshur 'gro dang/ sku mdun sogs su bya byed mang bo byed/ snyan drung du shab shub kyi zhal ta zhu ba'i rnam pa byas nas gtam mang po smra ba zhig nar mar 'ong/ de 'dra ba gzims khang na nar mar gnas pa mang pos mthong ba 'ong yang gang gi @397 gzugs su bsgyur ba der 'khrul nas gzhan tshos ngo mi shes pa zhig 'dug /kha sang nas dbyangs byed pa'i dus thams cad du de 'dra ba zhig 'ong nas lab lab rang byed/ gtor ma gter dgos pa 'dug /gtor ma byas nas dbyangs kyi nga ro byas pa'i tshe dga' ba'i rnam 'gyur sna tshogs byed par 'dug ces bka' stsal to/ /gzhan yang chos kyi rgyal po 'di rje bdag nyid chen pos rje btsun 'jam dbyangs kyi bsnyen sgrub dang por mdzad pa'i dus nas rje nyid kyi 'phrin las bsgrub pa lta ci smos/ de'i thugs la shin tu nye ba'i slob 'khor 'gro 'ong byed pa rnams kyi bskyel bsu dang/ khyad par du rje la snying thag pa nas gus pa rnams la lhag par 'go ba yin ces gong ma rnams kyi gsung las byung bas/ rang cag rje thams cad mkyen pa'i rjes 'jug rnams kyis kyang chos skyong 'di la bsnyen cing mchod na dngos grub rnam gnyis bde blag tu stsol ba dang/ 'phrin las rnam bzhi sgrub pa la thogs pa mi mnga' bar shes par gyis shig / lo 'di'i mjug nas thugs kyi dgongs pa ltar sta gon mdzad nas dpal gsang ba 'dus pa'i rtsa rgyud 'grel pa sgron gsal dang bcas pa par du brko ba'i sbyor ba nye bar rtsom par mdzad pa las/ 'bad rtsol med par sa phag lo'i nang du legs par mthar phyin par gyur/ phag lo la sde snod 'dzin pa mtha' yas pa la dpyid dang dbyar gyi ring dpal 'khor lo bde mchog gi rtsa ba'i rgyud la sogs pa'i chos dpag tu med pa gsungs shing/ bde mchog rtsa rgyud kyi Ti ka rmad du byung ba'i bka' rtsom yang rdzogs par mdzad do/ /rnam par thar pa'i tshul de dag la mkhas grub thams cad mkhyen pas 'di ltar gsungs te/ mdor na bdag cag rnams kyi 'dren pa/ 'jig rten ma lus pa'i mig gcig pu 'di ni/ lhag pa'i lhas dngos su rjes su @398 bzung bas dge legs thams cad kyi rtsa ba theg pa chen po 'i yongs su 'dzin pas nye bar bzung ba'i tshul la 'gran pa'i zla dang bral zhing/ sdom pa gsum gyi bcas pa phra zhing phra ba yang mig gi 'bras bu ltar gces par 'dzin pas thub pa'i brtul zhugs 'dzin pa thams cad kyi cod pan/ rtag tu bstan pa dang sems can 'ba' zhig la dgongs pa'i theg pa chen po'i lhag bsam rnam par dag pa'i rgyal sras kyi snying stobs rlabs po che'i gzhan dbang du gyur pas sgo gsum gyi kun tu spyod pa phra zhing phra ba tsam yang don du mi 'gyur ba'i go skabs mi mnga' ba/ rig pa'i lam du ngal ba brgya phrag lhur byas pa'i mang du thos pa blo'i nus pa mchog tu gyur pa ji tsam gyis legs par brtags kyang gting dpogs par rngo yang mi thogs pa'i blo gros kyi lus yongs su rdzogs shing/ rig pa dri ma med pa'i lam la legs par sbyangs pa'i nyer len dam pa bsags sbyangs mtha' yas pa'i grogs kyis rgyun ldan du bskyangs shing/ mang du thos pa'i lhan cig byed rkyen bsam gyis mi khyab pas zin par mdzad pas/ rgyal ba'i dam chos ma lus pa rgyal ba'i dgongs pa 'grel bar rgyal ba nyid kyis lung bstan brnyes pa'i shing rta'i srol 'byed chen po rnams kyis ji ltar bkral ba'i dgongs don 'byed pa la 'khrul pa'i dri ma tsam yang mi mnga' ba/ bstan pa rin po che mi nub pa'i rgyal mtshan 'dzin pa thams cad kyi nang na ston pa gnyis pa lta bur gyur pa yin te; de yang tshul 'di gcam bu'i ngag gam snyan dngags kyi gtam gyis rab tu btags nas brjod pa ma yin gyi kho bo cag gis ma 'khrul ba'i tshad mas legs par grub pa yin no/ /zhes dang/ slar tshigs su bcad pa'i sgo nas kyang 'di ltar/ dpal ldan gsung rab kun la lta ba'i mig /dri med rig pa'i 'dren byed stong @399 ldan pa/ /khyod kyi dngos stobs rig pa'i lag nyal gyis/ /mthar 'dzin ri bo ming gi lhag mar mdzad/ /bzod dka' rig pa'i dri bzhon rlung shugs kyis/ ma lus phyogs kyi go skabs la gnas pa'i/ /log pa'i gzhung lugs sprin tshogs kun bcom ste/ /phan bde sbrang rtsi'i gnyen gcig mkha' la mdzes/ /dri med rig pa rnon po'i mtshon 'chang ba/ /khyong kyis rtsub mo'i sbyor ba rgyan bsrings kyang/ /smra ba'i seng ge kun gyi nga rgyal gyi/ /ral pa ma lus cig car sa la lhung/ /bde gshegs bstan pa'i sa chen khyod kyis ni/ /legs bshad dpung pa kha ba la brten nas/ / theg mchog 'khor lo bsgyur ba khyod kyi bka'/ /dpal ldan mkhas pa kun gyi mgo bos 'dzin/ /mi dman rgyal ba'i sa bon snying rje'i khams/ /shes rab yum gyi lto bar bsam gtan gyi/ /bde drod snyoms par brten pas legs smin pa/ /dus gsum rgyal ba'i gdung 'tshob sras 'di bskrun/ /snying rje'i zla ba rdzogs pa'i gzhon nu ni/ /lhag bsam kun gsal mdzes pa'i phang pa las/ / rmad byung brtson pa'i 'gyogs 'gros rab blangs te/ /gzhan don shar ri'i ba gam rtse la 'dzegs/ /de tshe dam chos ku mud bzhad pa dang/ /mnyam du thub bstan gos dkar gyon pa'i lus/ /gzigs nas sa gsum 'gro 'di mun bral ces/ / dgyes ldan rgyal ba kun ni btang snyoms mdzad/ /rtsod dus 'phrog slad ched du 'ongs pa yi/ /rdzogs ldan bzhin du 'khor yug ri bo 'i khongs/ /ma lus khyab par bslab gsum rgyal mtshan ni/ /khyod grags snyan pa'i ba dang bzhin du btsugs/ /de phyir dus mthar legs bshad sbrang rtsi'i gnyen/ /thub pa'i nyi ma ma lus zil mnon pa'i/ /sa gsum 'od mdzad 'gro ba'i bla ma gang/ /khyod @400 dang mtshungs pa'i snang ba gzhan yod min/ /ches pa'i tshig bcad lhug 'di rnams kyis mkhas grub gnyis ldan gyi rnam par thar pa'i lus yongs su rdzogs pa sdom bshad kyi tshul du gsungs pa ste/ bshad gzhi shin tu ched yang yi ges 'jigs pa ma zad rnam dpyod dang ldan pa dag gis ni gong 'og rnam par thar pa'i tshul rnams la zhib tu brtags na shes par snang bas ma spros so/ /yang rje thams cad mkhyen pa'i rnam thar gyi nang tshan mdzad chen bzhir grags pa de gang dang gang zhig snyam na/ sngar gong du bkod pa de dag las dgung lo so drug par 'ol kha rdzing phyi'i byams pa'i sku shin tu 'o bgyal ba gzigs nas rten dang brten par bcas la zhig bso bla na ma mchis par mdzad cing/ rab tu gnas pa'i tshe sangs rgyas rab bdun dngos su byon te bris sku la thim pa dang mar me 'dzin pa sogs ltas ngo mtshar ba du ma byung ba dang bcas pa ni mdzad chen dang po dang/ dgung lo so dgu pa la gnyal gyi gser phye 'bum par mchod pa chen po dang 'dul ba'i chas mang du gsungs shing/ ltung byed nyes byas dang bcas par bshags pa dang/ skye bo'i tshogs rnams kyang bsnyen gnas dang skyabs 'gro'i sdom pa la sbyar zhing/ skya ser thams cad kyis sa tshwa 'debs pa sogs lung ra chen mor grags pa mdzad pa ni mdzad chen gnyis pa dang/ dgung lo nga gnyis pa'i nang lha ldan gtsug lag khang rten gsum dang bcas par zhig bso phul phyin dang/ nga gsum par cho 'phrul dus chen dang 'brel bar jo shAka rnam gnyis sogs la dbu rgyan/ na bza'/ mchod rdzas sogs bzang zhig phul du phyin pa dang/ tshes gcig nas bco lnga'i bar rten rnams la mchod pa rgya chen po dang/ dge 'dun 'dus pa'i sde la bsnyen bkur/ skye bo phongs pa'i tshogs la sbyin gtong sogs rnam dkar mchod sbyin @401 rgya chen po dang/ /mtha' dbus kyi 'gro ba bgrang ba las brgal ba thar pa dang thams cad mkhyen pa'i lam la 'god pa sogs 'phags pa'i yul gyi byung ba dang mthun pa'i lha ldan smon lam chen mor grags pa 'dzugs par mdzad pa ni mdzad chen gsum pa dang/ dgung lo nga dgu pa lug gi lo la yangs pa can gyi gtsug lag khang bskrun cing gsang 'dus/ bde mchog /rdor dbyings rnams kyi dkyil 'khor blos bslangs rin po che 'ba' zhig las grub pa gsar du bzhengs pa'i tshe 'ja' tshon ma dang/ rang 'byon la sogs pa'i rten ngo mtshar can du ma byon zhing/ rab tu gnas pa'i tshe ltas ngo mtshar can mang du byung ba dang/ dkyil 'khor de dag dang 'brel ba'i sgrub mchod kyi cho ga rgyud sde'i dgongs pa bzhin gyi phyag len rnam par dag pas brgyan pa dga' ldan sgrub mchod chen mor grags pa 'dzugs par mdzad pa ni mdzad chen bzhi pa yin no/ /gzhan yang rnam legs bshad kun 'dus sogs las/ rje rin po che 'di'i thugs dam gyi rim pa ni/ nam phyed yol tsam nas gsang 'dus mi bskyod rdo rje'i bdag 'jug rgyas par mdzad nas rim lnga yun ring du bsgom par mdzad/ nam langs nas nyi shar bar la 'jigs byed kyi rim gnyis rgyas pa dang/ nyi ma shar nas tsha bzhes la thug gi bar la mdo rgyud gang rung gi shog 'debs sum cu tsam ljags klog dang/ gra lngas thog drangs pa'i bya spyod kyi gtor ma du ma'i mjug tu zas kyi rnal 'byor dang ldan pa'i gsol ba mdzad ring dge bshes rnams la bka' rtsom gyi 'phro dang/ don gnyer ba rnams kyi the tshom gcod/ de nas zab mo mdo gsum thugs thog nas bton te bsngo ba dang bcas pa mdzad/ sa tshwa bcu re/ tshe dpag med/ sman bla/ 'jam dbyangs/ @402 sgrol ma rnams kyi sku par bdun bdun/ nyin gung la bka' 'gyur bstan 'gyur gang rung nas gsung sgrog ji ltar 'tshams pa re dang/ bka' rtsom gyi 'phro/ nyin phyed yol nas srod kyi bar la dmar nag 'jigs gsum/ gdong drug rnams kyi sbyin bsregs/ 'khor chen dang/ mgon po phyag bzhi pa/ phyag drug pa rnams kyi mngon rtogs/ gtor bsngos/ gur mgon/ seng gdong/ gri gug dang/ dud sol ma la sogs pa'i gtor bsngos rgyas pa/ bde mchog la'u hi pa'i bdag 'jug dang/ bde mchog gi rim lnga bsgom pa rnams go rim nges pa can yin/ gzhan yang zhag gcig la hrI Shi khri tsho/ bde mchog gi yi ge bdun pa sum stong/ a ra pa tsa na bdun stong/ sku mtshams kyi khog nas kyang mdo sngags kyi chos thun gnyis gsum re gsung ba mthun snang ba yin/ chos gsungs bzhin du gtor bsngos dang/ lha bsgom pa/ rdzogs rim gyi ting nge 'dzin rnams las mi g.yo ba sogs thun mong ma yin pa'i chos spyod kyang mtha' yas so/ /zhes gsungs te/ des na thun mong ba'i snang ngor yang skad cig dang skad cig la gzhan phan gyi mdzad pa rlabs chen 'di lta bu rgyun chags su grub pa ni/ sa chen po yan chad la gnas pa'i bdag nyid chen po rnams kyi ngang tshul yin gyi so so skye bos bsgrun par nus pa ni ma yin la/ de'i phyir mkhas grub smra ba'i nyi mas kyang/ mgon po khyod kyi zhal gyi dbugs tsam yang/ /mtha' dag 'gro la sman pa'i rgyur 'gyur na/ /tshogs gnyis spyod pa gzhan dag smos ci 'tshal/ /sa gsum skye rgu'i gnyen la gsol ba 'debs/ /zhes gsungs pa yin no/ /yang/ gzigs snang dang lung bstan sogs byung ba'i tshul rnams la rje blo gros legs bzang @403 gis mdzad pa'i rnam thar du/ sngar lan mang du bshad pa'i sku dang gsung gi snang ba de rnams la dbang shes la rang mtshan pa dngos su snang ba dang/ nyams dang rmi lam gyi yid shes la rnam pa snang ba gnyis yod pa las/ dang po ni/ lha'i mig dang rna ba'i mngon par shes pa ma thob par lha'i sku dang gsung rang mtshan pa dbang shes la mi snang bas da ltar gyi gang zag la shin tu dka'/ yid shes la snang ba la rang gi sems der snang ba dang/ phyi rol nas rnam pa gtod byed yod pa gnyis/ phyi rol nas rnam pa gtod byed yod pa la yang mi mthun phyogs kyi rnam pa gtad pa dang/ mthun phyogs kyi rnam pa gtad pa gnyis/ mthun phyogs la'ang 'jig rten las 'das pas gtad pa dang/ 'jig rten pas gtad pa gnyis/ 'jig rten las 'das pas gtad pa la'ang rnam pa khyad par can dang phal pa gnyis yod pa rnams zhib tu bshad dgos par yod na'ang tshig mngas su dogs pas 'dir rnam dpyod 'jug pa'i sgo tsam zhig bstan pas shes ldan dag gis tshul de khong du chud par gyis shig /ces gsungs pa rnams dpyod ldan dag gis mkhyen par bya phyir 'dir yang bkod pa ste/ don bsgril na/ rje thams cad mkhyen pa chen por gzigs snang dang/ lung bstan byung ba rnams ni lha'i mig dang rna ba'i mngon shes kyi yul dang/ dri ma med pa'i ye shes gzigs pa yongs su dag pa'i spyod yul nyid du shes par bya'o/ /'dir smras pa/ yangs pa'i nor 'dzin rgya mtsho'i gos can gzhir/ /'khod pa'i 'gro rnams bde legs mdzad pa'i phyir/ /phyogs 'dir snga na med pa'i gand+ho la/ / gsar du bskrun pa'i 'du 'god ci yang rtsom/ /ma smad rgyu tshogs rin chen khams bzang las/ /grub pa'i dkyil 'khor rten dang brten par bcas/ /bi? shwa karma gnyis @404 pa dang mtshungs pa'i/ /sprul pa'i bzo bo'i 'du byed rtsal gyis bzhengs/ / de tshe 'ja' tshon dwangs pa'i gzugs kyi sku/ /ting 'dzin pir gyis bris 'drar byon pa ni/ /'od zer lnga las grub pa'i zung 'jug sku/ /dngos su byon pa'i tshul las gzhan du ci/ /de phyir ltar snang tsam du bzo bkod kyi/ / 'phrul la brten pa'i rdzu bag 'chang ba las/ /nges pa'i don du dag pa ye shes kyi; ;sgyu 'phrul bkod pa mngon sum nyid du nges/ /ye shes dngos kyi rol pa nyid na'ang/ /gzhan ngor mtha' klas rgyal ba rgya mtsho yi/ /byin chen slar yang 'bebs pa'i rab gnas kyi/ /rgya chen cho ga mdzad pa de yi tshe/ /rab 'byams phyogs bcu'i zhing khams thams cad nas/ /bde bar gshegs pa sprin tshogs bzhin 'dus te/ /rten dang brten par bcas la dbyer med du/ /zhugs pa'i ngo mtshar ltad mo 'byams su klas/ /bde ba mchog gi dkyil 'khor 'khor lo'i gtsor/ /mgon khyod bzhengs tshe mkha' 'gro'i tshogs rnams kyis/ /rdo rje glu yi mchod pas gang gi thugs/ /lhan skyes bde ba che la dgyes dgur rol/ / 'jam dbyangs bka' bsdod gshin rje'i rgyal po sogs/ /mngon sum bran du 'khol na mgon po khyod/ /'jam dbyangs dngos su lung dang rig pa yis/ / bsgrub pa'i ngal ba gzhan du ci zhig bsten/ /gzhan dag lo zlar 'bad kyang mi bsgrun pa'i/ /skad cig skad cig rer yang rlabs chen gyi/ /mdzad pa zad mi shes su ston pa 'di/ /'phags chen rgyal ba'i tshul las gzhan du ci/ /de sogs gang gi mdzad pa'i phung po yi/ /pha mtha' spyan dang mngon shes mnga' bas kyang/ / 'dzin mi nus na bdag cag tshur mthong gis/ /cha tsam 'jal ba'i go skabs ga la @405 zhig /de lta na'ang rgya mtsho'i 'jings zab nas/ /skra rtse bye ba'i chu thig ji bzhin du/ /nyung zad brjod pa'i skal bzang thob pa'ang/ /gang gi thugs rjer shes nas slar yang gus/ /zhes pa ni bar skabs kyi tshigs su bcad pa'i 'phreng ba'o/ /zhes khyab bdag rje btsun bla ma dam pa thub dbang rdo rje 'chang dang ngo bo dbyer ma mchis pa 'jam mgon chos kyi rgyal po tsong kha pa chen po'i rnam par thar pa thub bstan mdzes pa'i rgyan gcig ngo mtshar nor bu'i 'phreng ba las/ rgyal ba'i bstan la thos bsam sgom gsum mdzad pa'i lag rjes las lung dang mngon par rtogs pa'i yon tan mtha' dag la mnga' bsgyur ba'i mkhas grub 'gran zla med pa'i go 'phang mthan por gshegs nas/ bstan pa rin po che la ma rtogs log rtog gi dri ma bsal te bstan pa'i snying po bshad sgrub rnam par dag pa'i ring lugs kyi srol btod pa'i sgo nas bstan 'gro'i don rlabs chen mdzad tshul las brtsams nas brjod pa'i skabs te drug pa'o// ' //sa bcad lnga pa/ mdzad pa de dag gi nang nas kyang gtso bor gyur pa ni 'chad rtsod rtsom gsum dang/ mkhas btsun bzang gsum/ grub pa'i go 'phang brnyes pa dang bcas pa'i sgo nas bstan 'gro'i don mdzad tshul nyid yin pas/ de dag slar yang sdom bshad kyi tshul du rtsal du bton nas go bder brjod pas mchog dman kun la nges pa bskyed par byed pa ni/ de yang rje bdag nyid chen po'i mdzad pa ni mkhas grub gnyis ldan gyi sgo nas bstan 'gro'i don mdzad rgyu kho na las/ bstan don du ming btags nas chen po'i gos dang/ zang zing gi gsogs 'jog /sa zhing dang tshong khe'i bskyed 'phel/ 'khor g.yog dang mdzo rta'i skyong bran/ dgra 'dul gnyen skyong sogs la ni rang nyid du ma @406 zad slob 'khor du gtogs pa mtha' ma tshun chad kyis kyang mi 'jug pas/ ci mdzad thams cad rgyal ba dgyes pa'i lam 'ba' zhig la gnas pa ni rmongs zhen gyi rab btags tsam ma yin par dngos po'i gnas tshod kho na yin cing/ des na sngar gong du che long rags bsdus tsam bkod pa de thams cad kyang gtso bor 'chad rtsod rtsom gsum dang/ mkhas btsun bzang gsum/ grub pa'i rnam thar bsam gyis mi khyab pa dang bcas pa las brtsams te brjod pa sha dag yin pa ni zhib mo'i blos brtags na shes par nus mod/ 'on kyang da dung de dag tu ma gsal ba'i cha 'ga' zhig 'thor ba bsdus pa'i sdom bshad kyi tshul du 'god cing/ lhag par 'chad rtsod rtsom gsum sogs kyi mdzad pa re re'i thad la'ang mkhas grub gzhan las lhag par khyad du thon pa'i ngo mtshar ba'i phul rnams rtsal du bton nas bshad na/ rang gzhan gyi grub mtha' 'dzin pa gang su yang rung ba thams cad dad pa dang gus pa gong 'phel du gyur nas rnam thar gtsang ma de lta bu la smon lam tshun chad kyis slob pa sogs bkod pa'i dgos pa don ldan du 'gyur bsam nas/ slar yang gal po che la nan tan gyi tshul du nges par 'god par rngo thogs so/ /de la dang por 'chad rtsod rtsom gsum las brtsams te brjod na/ thog mar 'chad pa'i rnam thar lta bu la mtshon na/ rje bdag nyid chen po ni 'ga' zhig ltar chos bshad pa la dpa' ba tsam ma yin par chos 'chad pa'i slob dpon du 'os pa'i mtshan nyid dam yon tan thams cad tshang ba yin te/ de yang slob dpon gyi mtshan nyid mdo rgyud bstan bcos rnams las mang po zhig gsungs te/ sum brgya pa las/ tshul khrims ldan zhing 'dul ba'i cho ga shes/ /nad par snying brtse 'khor ni dag pa dang/ /chos dang zang @407 zing phan 'dogs brtson pa dang/ /dus su 'doms pa de ltar bla mar bsngags/ / zhes dang/ slob dpon klu sgrub kyis/ dge ba'i bshes gnyen de dag gi / mtshan nyid mdor bsdus mkhyen par mdzod/ /chog shes snying rje tshul khrims ldan/ / nyon mongs sel ba'i shes rab can/ /de dag la ni khyod brten na/ /khyod kyis mkhyen gyis gus par mdzod/ /ces dang/ mdo sde rgyan las/ bshes gnyen dul ba zhi ba nyer zhi ba/ /yon tan lhag pa brtson bcas lung gis phyug / de nyid rab tu rtogs pa smra mkhas ldan/ /brtse ba'i bdag nyid skyo ba spangs la brten/ / zhes tshul khrims dang ldan pas dul ba dang/ ting 'dzin dang ldan pas zhi ba dang/ shes rab dang ldan pas nyon mongs pa nye bar zhi ba dang/ yon tan gzhan las khyad par 'phags pas lhag pa dang/ gzhan don le lo med pas brtson 'grus dang bcas pa dang/ thos pa che bas lung gis phyug pa dang/ shes par bya ba'i de kho na nyid rab tu rtogs pa dang/ tshig smra mkhas pa dang/ zang zing la mi lta bas brtse ba dang/ chos ston pa la skyo ba med pa ste chos bcu ldan dang/ yang byang chub sems dpa' thos mang dang/ /bden mthong smra mkhas brtse ba can/ / skyo med skyes bu dam pa ni/ /chen po yin par shes par bya/ /zhes lung gi yon tan thos pa mang ba/ rtogs pa'i yon tan bden pa mthong ba/ tshig smra mkhas pa/ bsam pa zang zing la mi lta bas brtse ba can/ bsam sbyor snyom las med pas skyo med chos lnga ldan nam/ yang/ rgya che the tshom sbong ba dang/ /bzung 'os de nyid gnyis ston pa/ /'di ni byang chub sems dpa' yi; ;ston pa phun tshogs yin zhes bya/ zhes mang du thos pas thos pa @408 rgya che ba dang/ shes rab che bas gdul bya'i the tshom spong ba/ sgo gsum dge bas bla mar bzung bar 'os pa/ nyon mongs dang rnam byang gi de kho na nyid ston pa ste chos bzhi ldan du bshad la/ bu ston thams cad mkhye na pas/ de dag phal cher 'phags pa'i chos yin pas ldan par dka' zhes gsung yang/ rje tsong kha pa chen po la ni gong du smos pa de dag thams cad las gcig tsam yang ma tshang zhes sus kyang smrar med pas mtshan nyid de thams cad lhag dang bcas pa mnga' ba yin la/ gzhan yang mdo rgyud kyi chos gang 'chad pa'i yan lag tu nges par dgos pa'i shes rab/ brtse ba'i bsam ba/ sbyor ba bzod pa dang ldan pa gsum/ mkhas pa'i zhes rab la yang/ bshad bya la mkhas pa spyir sde snod kun la mkhas pa dang/ bye brag tu gang 'chad par bya ba'i tshig don lung rig man ngag dang bcas par mkhas pa dang/ 'chad byed la mkhas pa brjod byed kyi brda' dag pa dang/ gang nas bshad kyang 'brel/ ji tsam bshad kyang ran/ ji ltar bshad kyang 'thad pa gsum gyis ngag 'brel ba/ gzhan dga' bar nus pa'i dbyangs snyan pa dang/ kun spyod la mkhas pa ni/ sgo gsum dge bas kun gyis bkur bar 'os pas rang gi kun spyod la mkhas pa dang/ gdul bya'i kun spyod la mkhas pa ni/ khams dang dbang po dang bag la nyal ji lta ba bzhin du gzigs pas de dang mthun pa'i chos bstan na don du 'gyur gyi/ gzhan du na sa'i snying po 'khor lo bcu pa las/ byis pa dbang po zhan cing le lo zhan/ /theg pa gnyis la nan tan mi byed pa/ /theg pa chen po'i 'khor lo ldan mi 'gyur/ /de ni rgya chen theg chen snod ma yin/ /zhes dang/ de bzhin snod min nyan thos theg pa dag/ @409 theg chen bshad pa thos na rmongs 'gyur zhing/ /chad par lta la ngan song ltung 'gyur bas/ /des na dbang po brtags te chos bstan to/ /zhes dang/ rgya chen chos kyi snod gyur pa/ /dman pa'i chos la sbyar mi bya/ /zhes sogs gsungs pa ltar theg pa che chung gi chos gang ston pa'i snod du rung ba dang/ theg chen la yang mdo sngags kyi chos gang ston pa'i snod du rung ba ste/ gdul bya'i kun spyod dam mtshan nyid la mkhas pa dgos par gsungs pa dang bcas pa'i mkhas bya'i gnas de thams cad kyang rje bdag nyid chen po la mnga' zhing/ de bzhin du mdo sde rgyan las/ bstan pa rnams ni srog dang longs sbyod tshegs chen rnyed cing snying po med pa dag /rab dga'i yid kyis sems can sdug bsngal rnams la sbyin rnams rgya chen rtag btang ba/ /chos yang skye dgu rnams la rnam pa kun tu phan byed tshegs chen rnyed min zhing// shin tu btang yang zad med 'phel 'gyur ba lta lan cig ma yin smos ci dgos/ / zhes sogs gsungs pa ltar spyir sems can thams cad byang chub chen po la bzhag 'dod kyi snying rje dang/ gang 'chad par bya ba'i chos kyi don de legs par shes shing phan par 'dod pa'i lhag bsam kho nas zang zing la ltos med du 'chad pa'i thugs rje chen po dang nges par ldan la/ chos 'chad pa'i ngal dub dang dka' las la skyo ba med pa'i bzod pa dang/ slob mas ji tsam dri bar bzod pa dang/ gzhan gyis brtsod par bzod cing lan 'debs nus pas gdul bya rjes su 'dzin nus pa sogs kyi yon tan kun la mnga' brnyes shing/ sngags kyi dbang du byas na yang/ sgo gsum legs bsdams blo chen bzod ldan drang/ /g.yo dang sgyu med sngags dang rgyud shes shin/ /de nyid bcu bzung 'bri dang 'chad mkhas pa/ /rdo rje @410 'dzin pa'i gtso la gsol ba 'debs/ /zhes sogs rgyud sde nas bshad pa'i rdo rje slob dpon du 'os pa'i mtshan nyid kun tshang ba ste/ bshad ma thag pa'i mtshan nyid de dag re re nas tshang tshul gong du bkod zin gyi rnam par thar pa rnams dang sbyar nas bshad du yod mod kyang yi ges 'jigs pas ma bkod kyang/ dpyod ldan dag gis ni sngar bshad pa'i rnam thar rnams la zhib tu brtags na re re nas zhes par nus so/ /de ltar rang nyid la slob dpon du 'os pa'i yon tan nam/ mtshan nyid thams cad tshang ba'i gang zag khyad par can yin pa tsam rgyu mtshan du byas nas chos 'chad nyan gyi kun spyod bzang ngan sogs la ji mi snyam pa'i gzu lum spyi brtol sogs gtan nas mi mdzad par/ ji skad du dam chos pad dkar las/ gtsang zhing yid du 'ong ba'i sa phyogs su/ /yangs pa'i stan ni rab tu bshams bting ste/ / bzang po'i tshon gyis legs par kha bsgyur ba'i/ /chos gos gtsang ma de ni rab bgos nas/ /rngul gzan nag po de bzhin bshams byas la/ /sham thabs che tshad legs par rab bgos nas/ /bcos bu'i ras rnams sna tshogs legs bting ba/ /rkang rten bcas pa'i khri la rab 'dug cing/ /rkang pa legs par 'krus te steng 'dzegs nas/ /gdong dang bzhin gyi mdangs ni rab snum zhing/ /chos kyi stan la de ni rab 'dug nas/ /sems can lhags pa rtse gcig gyur rnams la/ /gtam mang rnam pa sna tshogs nye bar ston/ /zhes pa nas/ gzhan du mkhas pas rtag tu bdag nyid dang/ /sems can 'di dag sangs rgyas 'grub par shog /phan phyir 'jig rten chos gang bstan pa de/ / bdag gi bde ba'i yo byad kun snyam sems/ /zhes pa'i bar gsungs pa ltar gyi @411 thog mar khri phyag mdzad pa nas bzung chos 'chad pa'i kun spyod dang/ kun slong rnam par dag pa dang/ slob ma rnams kyang skyes rabs las/ rab tu dma' ba'i stan la 'dug /dul ba'i dpal ni rnam par bskyed/ /dga' dang ldan pa'i mig gis blta/ /tshig gi bdud rtsi 'thung ba bzhin/ /rim gro bskyed de chos nyon cig /ces sogs gsungs pa ltar mchil lham phud cing/ khrus dang gtsang sbra la gnas pa dang/ rgyan dang mtshon cha sogs spong ba dang/ dma' ba'i stan la 'dug pa dang/ snod kyi skyon gsum spangs shing/ 'du shes drug bsten pa sogs chos nyan pa'i kun slong kun spyod rnam par dag pa 'dzin du 'jug pa sogs rje tsong kha pa bla slob kyi rnam thar gtsang ma'i phyag bzhes ni da lta'i bar du'ang ri bo dge lugs pa'i bla slob rnams la nyams pa med par gnas pa kun gyi mthong chos su gyur pa 'di dag gis shes par nus so/ /gang 'chad par mdzad pa'i chos ni/ tha na bklags lung tsam zhig yin na'ang/ tshar gang rkyen dang 'gro gang che gtsor 'don mi mdzad par tshig zur tshun chad nyams pa med pa'i gsal dag snyan gsum gyi sgo nas nyan pa po'i rna bar 'bab cing/ yid la go ba bskyed nus pa gtso bor mdzad la/ de ltar mdzad kyang gzhan dag gis 'bad rtsol chen pos ngal med kyi tshul du klog pa bas chod che zhing grub rkyen pa'i ngo mtshar gyi phul chen po mnga' ba dang/ mdo rgyud kyi gzhung chen po rnams 'chad pa'i tshe klog pa gtso bor mi mdzad par bshad lung zung du 'brel ba'i sgo nas tshig don legs par 'chad pa nyid gtso bor mdzad la/ de yang 'chad byed kyi gzhung gang dang gang yin kyang de dang de'i tshig don rnams ma 'dres shing/ ma 'dzings pa/ ma nor ba/ grub mtha' rang rang gi @412 'dod tshul dang/ khas len gyi khyad par mi 'dra ba/ drang ba dang nges pa'i don gyi 'byed lugs/ sngon byon rgya bod kyi mkhas pa rnams kyi bshad srol mi 'dra ba yod lugs/ de dag las gang 'thad pa'i phyogs rang lugs su khas len tshul/ go ba'am don gyi snying po rnam par dag pa 'tshol dgos lugs/ de thams cad gtso bor rang rgyud la bskor nas nyams su len dgos tshul sogs zhib cing mtha' chod pa'i sgo nas 'doms par mdzad pas chos lan cig gsungs pas kyang/ gdul bya rnams kyi rgyud la rmad du byung ba'i myong ba thon pa'i khyad chos dang ldan zhing/ tshul de lta bu'i sgo nas chos kyi rnam grangs gang dang gang 'chad par mdzad pa ni phal mo che gong du bkod zin pa nyid na'ang/ mdzad pa rnam thar gzhan gyi khongs su kha 'thor ba'i tshul du bkod pa rnams kun gyis nges sla ba'i phyir/ 'dir dkyus gcig tu sdom gyi tshul du bkod na/ dgung lo bcu dgu pa'i dus dgun gnas rnying du bzhugs skabs don gnyer ba dang/ phyag phyi la byon pa 'ga' zhig nas gsol ba nan cher btab pa'i ngor/ mngon pa kun las btus la rtsal bshad tshar gcig mdzad pa 'di gzhung chen mo la bshad pa gnang ba'i thog ma yin tshod du snang/ de nas rim par 'on gyi lha khang ke rur chos dbar la byon skabs/ tsha kho dpon po sogs sde snod 'dzin pa mang por phar tshad dbu ma sogs kyi bshad lung mang du gsungs/ de'i dgun chos la bde ba can du'ang sde snod mang du gsungs/ de'i phyi lo dpyid chos la dbus stod bya yul du dge bshes bdun cu tsam la phar phyin/ tshad ma/ dbu ma 'jug pa/ mngon pa kun btus rnams kyi bshad pa rgyas par stsal/ dbyar chos la yang bde ba can du blo gsal ba rnams la sde snod mang po gsungs/ phyi lo sos rigs lnga @413 lha khang du sde snod 'dzin pa bdun cu lhag tsam la phar tshad/ mngon pa kun btus/ mngon pa mdzod/ 'dul ba mdo rtsa ba/ dbu ma 'jug pa sogs zhib par gsungs/ yar lung du byon nas smon mkhar du'ang sde snod mang po'i bshad pa gsungs zhing/ de dag gi bar skabs rnams su rgyud sde gong 'og gi dkyil 'khor chen po rnams su snod ldan gyi gdul bya dbang gis smin par mdzad pa dang/ lha so so'i rjes gnang/ lung man ngag sogs gang la gang 'tshams pa'i chos kyis gdul bya dpag tu med pa smin grol mdzad/ lhag par mon mkhar bkra shis gdong du bzhugs skabs rgya gzhung chen mo bco lnga'i bshad pa dus gcig tu gnang zhing/ de'i tshe yang dam chos padma dkar po las/ mkhas pas dus su sems par byed pa na/ /khang bur zhugs te de bzhin sgro bcad nas/ /chos 'di thams cad la ni tshul bzhin blta/ / langs nas zhum pa med pa'i sems kyis shod/ /mkhas pa bde la rtag tu gnas par 'gyur/ /bde la 'dug nas de bzhin chos kyang ston/ /zhes gsungs pa dang don gcig tu mthun par/ zhag nyer gcig gi bar sku mtshams bcad nas rgya bod kyi 'grel pa sogs la gzigs rtog mdzad/ de nas phyag dpe tshang ma sku rags bcings te/ rgya gar skad bco lnga'i dbu nyin gcig la btsugs nas nyin ltar tho rengs nas srod kyi bar la chos thun bco lnga re chag med dang/ de'i nang nas gzhung chung ba gnyis rdzogs pa na de'i dod du slar chung ba gnyis btsugs pa dang bcas/ tshad ma rnam 'grel/ phar phyin/ mngon pa gong 'og gnyis/ 'dul ba mdo rtsa ba/ byams chos phyi ma bzhi/ dbu ma rigs tshogs lnga/ 'jug pa/ bzhi brgya pa/ spyod 'jug ste gzhung chen bcu bdun gyi bshad pa zhib rgyas zla ba @414 gsum la rdzogs par mdzad/ de yang 'grel ba sogs la sngar gong du gzigs pa de ga las gsung chos dngos gzhi'i tshe 'grel bshad tshang ma thugs thog 'ba' zhig nas 'chad pa las phyag dper zhar yang gzigs ma dgos shing/ de ltar ma gzigs kyang tshig don tshang ma thugs la mnga' bas gzhung chen 'ga' zhig bod Dik chen mo re gzhir bzhag pa'i thog tu 'grel pa gzhan gyis 'chad tshul du ma dgag sgrub dang bcas pas gtan la phab/ gzhung gzhan rnams rang rang gi 'grel pa gang yang rung ba'i steng nas gzhung phra rags ma lus pa la bshad pa rgyas par mdzad pa ste/ des na dus phyis dka' bzhi ba sher seng gis chos thog gcig la po ti bcu gcig gsung ba bod du po ti dus gcig tu gsungs pa la mang shos yin 'dug na'ang/ de bas kyang lhag pa'i skabs 'dir bod bco? lnga dus gcig tu 'chad pa dang/ der ma zad dus gzhan du'ang pod bcu dang/ pod nyi shu rtsa gcig dang/ pod nyi shu rtsa dgu sbrel nas gsungs tshul sngar gong du bkod pa ltar te/ 'di dag ni bod du ma zad rgya gar du yang ma byung bar mngon te/ rnam thar ngo mtshar gyi gtam brgya rtsa brgyad pa las/ 'di ni bod du ma zad sngon rdo rje gdan gyi paNTi ta rnams kyis kyang 'gran du med pa'i brjod pa ste/ gzungs la dbang thob pa'i rnam rol ston par mdzad pa ni rmad du byung ba'i gtam so lnga pa'o/ /zhes gsungs pa ltar gzungs dang spobs pa mthar phyin pa'i gang zag ma gtogs gzhan dag gis cha tsam yang bsgrun du med pa'i mdzad pa ches rmad du byung babs kyang rmad du byung ba'o/ /lo de'i phyi lo dgun dus skyor mo lung du sde snod 'dzin pa mang por dus 'khor dang/ phar tshad/ mngon pa sogs kyi chos mang du gsungs/ de'i phyi lo po ta lar gsang bde gung gsum dang/ dga' skyor zul gsum gyi @415 gdan sa pa rnams kyis thog drangs pa'i sde snod 'dzin pa brgya phrag mang po la dbu ma snang ba/ 'dul ba/ lam rim sogs dang/ de'i phyi lo sos ka dga' ba gdong du byang sa'i tshul khrims le'u/ bla ma lnga bcu pa/ rtsa ltung bcu bzhi rnams kyi bshad pa rgyas par stsal/ de'i dbyar rwa sgreng du theg pa chen po mdo sde rgyan/ dbus mtha'/ kun btus/ nyan sa sogs gung bsgrigs nas zhi gnas kyi bshad pa mtha' klas pa gsungs pas zhi gnas kyi nyams bzang po skyes pa'ang byung/ gnam rtse ldeng du 'dul ba'i phyag len la zhus dag phul phyin du mdzad de 'dul bstan rmangs nas bsos shing/ dbu tshad sogs kyi 'chad nyan yang rgya cher mdzangd?/ lhas phu dgon gsar du sde snod 'dzin pa du ma la tshad ma rnam 'grel gyi bshad pa rtsod pa'i rig pa 'bab lugs dang/ lhag par gzhung don lam gyi rim par bsgrigs nas nyams len la sbyar ba'i sngon med kyi legs bshad rgyas par gsungs/ /'on bde chen steng du lam rim dang dbu tshad kyi dka' ba'i gnad 'grol ba'i chos mang du gsungs/ 'ol dga' byams pa gling du lam rim dang/ bskyed rdzogs kyi chos du ma dang/ slob dpon klu byang gis mdzad pa'i rnam bzhag rig pa'i Ti ka mdzad pa'i thog nas don gnyer can rnams la rim lnga'i gnad don spyi dang/ khyad par du rim pa gsum pa'i sgyu lus bsgrub tshul gyi zab gnad thun mong ma yin pa rnams zhib par gsungs shing/ sngags rim chen mo mdzad pa'i steng nas sngags kyi rgyud sde bzhi'i dka' gnad rnam bzhag kyang rgyas pa stsal/ byang chub lung du dgun bzhugs skabs sde snod 'dzin pa brgya phrag du ma la gsang sngags kyi lam rim gsungs/ de'i phyi lo dbyar gnas se ra chos sdengs su mdzad skabs gsang @416 'dus rim lnga dang/ ma rgyud kyi rdzogs rim 'ga' zhig dang/ gzhan yang se rar rtsa ba shes rab/ drang nges rnas 'byed/ bzhi brgya pa/ sngags rim chen mo'i thog nas sngags kyi lam rim/ rtsa ltung rnam bshad dang/ bla ma lnga bcu pa/ lam rim sogs kyi bshad khrid zhib par gnang/ skyid smad grum bu lung du dgun bzhugs skabs dge 'dun stong longs par lam rim dang/ bde mchog lU hi pa'i sgrub thabs/ ma rgyud kyi rdzogs rim sogs rgyas par stsal/ lha ldan smon lam chen mo gsar 'dzugs skabs de'i ring nyin ltar bzhin slob dpon dpa' bos mdzad pa'i skyes rabs nas chos thun re chag med gsungs/ smon lam grol nas dpyid sngon ma la se ra chos sdings su sde snod 'dzin pa drug brgya tsam la rtsa she/ tshul khrims le'u/ sgrub thabs kun bzang/ lam rim la sogs pa'i bshad pa rgyas par stsal/ dpyid rting ma la zangs ri'i phu chin du spyan snga bsod bzang pa dang/ mkhan chen rgyal bzang pas gtsos pa'i thel ba'i ri pa mang po dang/ gzhan yang sde snod 'dzin pa mang du 'dus par lam rim la sogs pa'i chos du ma gnang/ 'ol gar dbyar gnas skabs dwags po sogs kyi rab byung mang po dang bcas pa la chos bka' du ma stsal/ de'i phyi lo dge ldan rnam par rgyal ba'i gling du lam rim dang/ gsang 'dus 'grel pa sgron gsal rim lnga dang bcas pa'i bshad pa zhib rgyas dang/ mngon pa kun btus dang sa sde la sogs pa gzhung 'gangs che du ma'i rnam bzhag dang/ tshad ma'i dka' gnas sogs theg pa chen po'i chos kyi 'byor pa dpag tu med pa stsal/ de'i phyi lo sogs la 'on gyi bkra shis do khar sde snod 'dzin pa brgya phrag du ma la dbu tshad dang lam rim sogs mang du gsungs/ slar yang dge ldan du @417 phebs shing/ de nas bde mchog lU hi pa'i Dik chen dang/ rdzogs rim rnal 'byor bzhi ldan gyi khrid yig che chung/ sgrub thabs sogs mdzad pa rnams dang/ gsang 'dus rtsa rgyud dang/ 'grel pa sgron gsal la zhus dag nan tan du mdzad nas tshig don shin tu zhib par 'chad pa'i mchan bu rang/ mtha' gcod/ bsdus don dang bcas pa bzhi sbrags su grags pa mdzad pa'i steng nas rgyud kyi bshad pa mtha' dag zhib cing rgyas par stsal/ khyi lo la yang dge ldan du sde snod 'dzin pa brgya phrag du ma phyogs nas 'dus pa dang/ gnyug mar gnas pa'i dge 'dun dang bcas pa la chos kyi 'khor lo rgyun mi chad du bskor/ khyad par du dpal gsang ba 'dus pa'i 'grel pa sgron gsal mchan dang bcas pa bzhi sbrags su grags pa dang/ bshad rgyud 'ga' zhig dang/ rim lnga'i khrid rgyas pa/ sbyor ba yan lag drug gi khrid rgyas pa dang/ dus 'khor gyi 'grel chen dri med 'od kyi bshad pa ches zhib pa dang/ gzhan yang dbu tshad/ lam rim/ bde mchog la sogs pa'i mdo sngags kyi chos zab cing rgya che ba dpag tu med pa gsungs/ phag lo la sde snod 'dzin pa mtha' yas pa la dpyid dang dbyar gyi ring dpal 'khor lo bde mchog gi rtsa ba'i rgyud kyi bshad pa sogs ches rgya che 'byams klas su bka' drin che bar gyur te spyir mdo sngags kyi bstan pa mtha' dag dang/ khyad par du gsang chen rdo rje theg pa'i bstan pa nyin mo ltar gsal bar mdzad pa la rgyal ba rdo rje 'chang dngos su byon pa dang sgo thams cad nas mi gnyis par gyur to/ /gong du bkod pa de dag kyang che long rags pa rnams yin gyi gzhan du ni gdul bar bya ba'i 'gro ba gcig gnyis tshun chod la'ang rang rang gi blo dang skal bar 'tshams pa'i dam pa'i chos 'doms @418 par mdzad pa'i tshul mtha' klas te ma lus pa ni brjod pa'i yul las 'das so/ / gsang sngags zab mo'i dbang rjes gnang sogs kyang yongs grags su bka' dog par mdzad pa las snod ldan gyi gang zag dag la shin tu gsang ba'i sgo nas stsal ba ni sngar smos pa ltar/ rdzing phyi'i rab gnas skabs snod ldan gyi slob ma bcu la 'jam dpal gsang ldan gyi dbang chen stsal ba dang/ mkhas grub thams cad mkhyen pa la 'jigs byed kyi dbang chen gnang ba dang/ gzhan yang zang zang ne ring pas rje'i 'chad rtsod rtsom gsum gyi rnam thar du/ la la zer dus/ chos rje rong po blo bzang grags pa zhes pa'i mkhas grub de nyid kyis/ ri bo dge ldan sogs su rdo rje 'phreng ba'i nang gi dkyil 'khor bzhi bcu zhe gnyis lhag gi dbang lung yongs rdzogs gnang ba'i brgyud pa phal mo che yang rje ring po che nas brgyud pa yin ces sreng ba ltar na/ rdo rje 'phreng ba'i dbang lung yang gsungs pa'am/ 'chad par mdzad pa 'dug ste/ zhes dang/ yang/ de nyid las/ ne ring bum 'dzin tshul khrims bkra shis bas rong po chos rje blo bzang grags pa la/ rdo rje 'phreng ba'i dbang du ma zhig thob 'dug pa dang/ de lta bu'i lo rgyus cung zad brjod kyin 'dug pa'i phyir bden nam bsam pa 'dug go /ces dang/ bshad pa sogs mdzad pa'i skabs kyi khyad chos lta bu la mtshon na yang/ de nyid las/ mdor na dbang lung man ngag gang gnang rung shin tu mkhas pa dang/ khrid gang gnang ba'i tshe yang dmigs rim dang go nyams sogs shin tu gsal bar 'chad pa dang/ rgyud gzhung sogs kyi bshad pa mdzad pa'i dus su ni de bas kyang 'byams klas pa dang/ bshad srol mi 'dra ba du ma'i sgo nas gsungs pa yin te/ dper na bde mchog gi thad du @419 bshad srol yod tshul rje rang gis mdzad pa'i bde mchog 'dod 'jo'i nang gi mchan yig tu gsungs pa ltar dang/ dus kyi 'khor lo'i rgyud la yang bshad srol mi 'dra ba bcu bdun gsan cing gsung ba lta bu yin/ yang/ rje nyid mdo sngags kyi chos gang gsung rung bla ma gzhan gyis tshar mang po re gsungs pa las/ rje nyid kyis tshar rer gsungs pa sangs rgyas kyi bstan pa la phan pa dang/ bshad pa'i klong zab pa yin te/ de yang rje rin po che yid bzang rtsa ba'i bka' las/ rje rin po che tsong kha pa chen pos dus kyi 'khor lo'i rgyud la bshad pa tshar gcig gsungs pa de/ bla ma gzhan gyis bshad las bshad pa brgya phrag las lhag pa'i bstan pa la phan thogs byung tshul deb thir sngon po sogs las bshad pa ltar go dgos pa yin no zhes dang/ yang de nyid las/ gong du brjod pa ltar mdo sngags kyi bshad pa rnam dag mdzad pa la brten nas/ dbur stod phyogs su rgyud pa gong 'og tu grags pa'i sngags kyi grwa sa rnam dag yod pa dang/ gtsang gi srad lung par yang srad rgyud du grags pa'i sngags kyi grwa sa rnam dag tshugs pa dang/ yang gtsang gi lhun po rtse dang/ dbus kyi gsang sngags mkhar dang/ se 'bras gnyis sogs su gsang bde 'jigs gsum/ dus 'khor/ kun rigs sogs kyi sgrub mchod rnam dag tshugs pa dang/ yang 'bras spungs dang se ra sogs su mdo phyogs kyi po sti mang po'i 'chad nyan gyi grwa sa tshugs pa dang/ ri bo dge ldan rang du sngags kyi bshad sgrub ci rigs pa btsugs pa dang/ gzhan yang dgon pa che chung mang por 'dul ba'i rnam bshad dang/ 'dul grwa rnam dag 'dzugs par mdzad pa sogs mdor na mdo sngags kyi 'chad nyan rnam dag yod pa thams cad/ phyogs @420 gcig nas bu chen mkhas grub mang po zhig gi mdzad 'phrin rnam par dkar ba la brten nas byung ba yang yin kyang/ gtso bor rje rang gis 'chad nyan gyi grwa sa rnam dag btsugs pa dang/ tshugs pa la brten nas byung ba yin/ ces gsungs pa rnams ni nges par de de bzhin te/ da lta yang gdan sa chen po se 'bras dge gsum dang/ rgyud grwa stod smad/ bkra shis lhun po sogs su mdo sngags kyi 'chad nyan nyams len rnam par dag pa'i rgyun ma nyams par gnas pa dang/ des mtshon pa'i dbus gtsang dwags kong/ mdo khams stod smad/ rgya sog gi yul gru sogs thams cad du ri bo dge lugs pa'i dgon sde che chung grangs med pas khyab cing/ de thams cad du'ang rang rang gi bgo skal du bab pa'i mdo sngags kyi bshad sgrub dang/ 'dul ba'i bcas khrims sogs bstan par sman pa'i bya ba dus kyi mthar yang nyams mi dma' bar yod pa 'di thams cad gang las 'byung ba'i gzhi ma dros gnyis pa lta bu ni/ rje tsong kha pa chen po nyid kyis bstan pa 'ba' zhig la dgongs pa'i thugs bskyed tshad med pa kho nas mad sngags kyi 'chad nyan rnam par dag par mdzad pa'i 'phrin las kyi mthu 'ba' zhig las byung ba yin no/ /yang/ ne ring pas mdzad pa'i rje'i rnam thar las/ gsung skad kyi rtsa ba khams skad re gyong zhig yod zer yang dbus gtsang du phebs pa sogs kyi rang shugs yin nam/ gsung chos gnang ba'i tshe gzhan las gsungs 'jebs shing gdangs skad snyan pa dang/ 'bol ba zhig yod zer la/ yang mdo sngags kyi tshig don la mi bde ba chen po byung ba dang/ nyams rtogs la the tshom dang/ dogs pa byung ba rnams kyi dri ba che chung ci zhus kyang khyad gsod sogs mi mdzad cing/ khyed rnam pa'i go rtogs de tsho dang/ @421 dri bde tsho dga' tshad yin/ dga' tshad yin ces dang/ nga la yang bshad rgyu yod/ bshad rgyu yod ces gsungs te/ rang rang gi mi bde ba dang/ dogs pa rnams sel nges kyi legs bshad dang bka' lung gnang ba la brten nas/ mi tha mal pa'am/ blo chung ba rnams kyang ya nga dang bag tsha sel zhing sems spro bar 'gyur ba dang/ yang tshogs chen por chos gsungs dus gsung gi gdangs shin tu mtho ba'i ngang nas tshig don rnams 'jebs par gsungs pa la brten nas tshogs kyi mtha' dbus gnyis la khyad med pa'i go rig dang/ tshor rig byung ba yin/ yang gsung skad 'jam zhing nges pa de nyid 'dris pa la brten nas gsung chos grol nas kyang dge bshes dang dad 'dun can rnams kyi snyan yul du zhag du ma'i ring la yang rje rin bo che'i gsung snyan zhing 'jebs pa de nyid kyi rnam pa lhang lhang ba dang/ khrol khrol ba dang/ yang rin po che'i gsung bzang zhing gdangs mtho ba la brten nas ber ber gyi rnam pa can rna bar 'jags pa yong ba yin ces zer ba 'dug /ces byung ste/ de dag ni rje nyid kyis 'jam dbyangs la bstod pa mdzad pa las/ gsung snyan 'jam zhing yid 'ong yid du 'thad/ /dag cing dri med rab gsal rna bar snyan/ /ces sogs dang/ de tshe nye bar gnas la ha cang che bar mi snang ring bar gnas la chung min pa/ /sna tshogs tshon dang 'phrad pa'i shel bzhin grangs med gdul bya'i rang rang skad dang 'tshams par ni; ;spyi gtsug mdzod spu mgrin pa la sogs khyod sku'i cha shas kun nas 'byung bar rab ston kyang/ /de dag kun la rtog pa nyer zhi 'di ni nam mkhas tshangs dbyangs sgrog na mtshon par nus/ /zhes gsungs pa rnams dang rjes su mthun pa ngo mtshar rmad du byung ba'i khyad chos te/ de dag ni 'chad pa'i yon tan gyi rnam par thar pa mdo tsam @422 ched du brjod pa'o/ /smras pa/ 'jam dbyangs thugs kyi dpal ber rtag rol zhing/ /dbyangs can mgrin pa'i pad mtshor legs 'gyings bas/ /dam chos 'chad la mi 'jigs seng ge'i sgra/ /thub gzhung gangs ri'i spo nas lan brgyar sgrog /phar tshad 'dul mngon dbu ma la sogs pa'i/ /gzhung lugs rgya che'i dka' gnad 'dab brgya'i sbub/ /legg bshad nyi 'od 'bum gyis phye ba'i tshe/ / zab don sbrang rtsis don gnyer ma lus tshims/ /gsang chen sngags zhes bskal mang mtshan tsam yang/ /thos par dka' ba'i rgyud sde'i zab mo'i don/ /ma lus lhug par 'grol ba'i ngang tshul 'dis/ /rdo rje 'chang dbang gzhan du su zhig sems// rang nyid dam pa'i skyes bur nges pa yi/ /khengs rloms mi mdzad 'chad nyan kun spyod sogs/ /rgyal bas ji ltar bsnyad pa'i rnam thar las/ /cung zad 'gongs par mi mdzad e ma mtshar/ /legs bshad ji tsam 'doms pa de thams cad/ / bstan 'gror sman pa'i thugs bskyed 'ba' zhig gis/ /zin pa nyid las rnyed dang/ bkur bsti dang/ /snyan grags re ba'i 'du byed ring du btang/ /zab yangs mkhyen rab bum pa bzang po nas/ /don bzang 'dod pa 'jo ba'i legs bshad rgyun/ / skal bzang blo yi yol gor 'bebs pa las/ /dga' bde'i tshor bas nyin mtshan 'khor mor 'da'/ /khyod gsung tshig gi cha shas re res kyang/ /gnad dag lan brgyar 'chad pa las lhag pa'i/ /ngo mtshar ci yang thob pa'i gtam bzang ni/ / 'khor yug 'dzin ma'i gzhi 'dir lhag par snyan/ /smra ba zla med ston pa mchog de dang/ /gnas dus sha tshugs khyad par gling zhig las/ /gdul bya'i skal bar mtshams pa'i chos kyi tshul/ /ston la dbye ba 'byed chos dmigs su med/ / @423 ces pa ni bar skabs kyi tshigs su bcad pa'o/ / ' gnyis pa rtsod pa'i yon tan rmad du byung ba ji ltar mnga' tshul ni/ de yang sngon rgya gar 'phags pa'i yul du mgon po klu sgrub yab sras dang/ dpal chos kyi grags pa yab sras rnams kyi bzhed pa ltar rje tsong kha pa yab sras kyis rtsod pa'i rig pa la gal po cher mdzad pa 'di la gzhung lugs la ma sbyangs pa phal mo che zhig gis bsam blo la/ rtsod pa'i rig pa zhes pa de gzhan pha rol po dang kha bshags 'gyed pa sogs kyi tshe rig pa dran rkyen pa dang/ tshig rno ba la sogs pa'i sgo nas pha rol po'i khar sgog gcogs thabs tsam las gzhung lugs kyi go don rtogs pa sogs la cher mi phan zhing/ lhag par rgyud steng du nyams su len pa sogs la ni mi mkho ba'i khar nga rgyal dang kha ngan je 'phel gyis rgyud ma rung bar byed pa'i rgyur nges so snyam pa'i log rtog gis rang yang tshul der mi gus shing/ gzhan dag kyang 'jug pa 'gog par byed pa ches mang ba dang/ der ma zad mkhas grub smra ba'i nyi ma'i gsung las/ gang zhig sde snod la thos bsam lhur byed pa/ de nyid 'ba' zhig la zhen pa ches cher 'thas par gyur pa/ grags pa'i ba dan gyis mdzes par gyur pa dag la'ang/ nyams su len pa la nye bar 'kho ba'i tshe rang gi rgyud 'dul bar byed pa'i tshul/ gzhung lugs chen po dag nas gsungs pa lag tu blang ba'i rim pa 'di lta bu'o/ /zhes bya ba ni cung zad kyang bstan du med cing/ gzhung lugs chen mo dag na de lta bu'i nyams len gyi gnad yod pa'i the tshom yang med par/ gang gi tshe rang nyid na so yol ba'i pho nyas zin pas 'chi bdag gi chad pa la 'jigs pa cung zhig skyes par gyur pa na/ blun po ci yang ma bslab pa ri'i phug tu mi tshe yol bar byas pa zhig gi drung du song ste/ @424 des ji skad gdams pa las cung zad kyang 'da' bar mi nus shing/ sngon chad thos bsam la ji snyed 'bad pa byas pa thams cad 'gyod pa lhur len pa'i yul du byas nas/ ci yang yid la mi byed pa dud 'gro'i sgrub thabs hwa shang gi ring lugs la gnas bzhin du gsung rab chen po rnams 'chi ba'i tshe dgos pa med par 'dzin pa'i chos spong ba'i las kyi sgrib pa shin tu che bas non bzhin du tshe'i dus byed par 'gyur ba 'di nyid 'ba' zhig tu zad pa las/ zhes sogs gsungs pa dang rjes su mthun par gzhung lugs la sbyangs par rloms pa la la zhig gi sems la yang/ rtsod pa'i rig pa 'dis gnas skabs su gzhung lugs kyi go don tsam la phan cing/ rtsad pa dang lan sogs kyi tshe rig pa rno myur dang/ dam bca' brtan pa sogs la phan nges kyang lam nyams su len pa la phan mi thogs pas nyams len gyi gnad de de las gzhan du nges par yod do snyam pa yang mang po zhig yod 'dra ba/ de dag ni rtsod pa'i gnad don ji bzhin ma rtogs pas lan pa yin te/ ci'i phyir na/ rtsod pa'i rig pa zhes pa 'di pha rol gyi rgol ba tshar gcod pa sogs kyi ched tsam zhig tu nges pa ma yin te/ mdo sngags sogs rang gzhan gyi gzhung lugs che chung thams cad kyi gnad don phra rags ji ltar yod pa rnams la 'ol spyi dang/ g.yam la rgyug pa'i go ba tsam ma yin par dpyis phyin par rtogs pa'i thabs su med du mi rung ba yin pa'i phyir/ de yang yin te rtsod pa'i rig pa la ma brten pa'i go ba ji tsam bzang yang/ rgyal mchog lnga pa chen pos/ rig pas bdar sha ma bcad gzhung don la/ /tshig spyi'i go ba lam tsam yod gyur kyang/ /brgal zhing brtags na bye ma'i chang bu ltar/ /'gyur phyir rig pa'i gnad gsang zhib tu slobs/ /zhes dang/ rje don yod mkhas @425 grub pas rig pa la ma sbyangs pa'i 'jig rten pa sogs kyi yon tan de ji cim bzang yang sob sob zhig yongs zhes gsungs pa ltar/ chos kyi tshig don gang la yang thog mar lan cig tsam dris pa'i tshe ga don ma lus pa legs par rtogs rgyu ba'i khul gyis tshig zin gyi brjod don 'ga' zhig phyogs mthun tsam go ba de spyi brtol dang bcas te smra pa'i khul byed mod kyang/ de la yang skyar zhib tu lan cig dris na bshad ma thag pa'i dam bca' phal cher zhig nas lan zer ngo mi 'dod par 'gyur la/ da dung zhib cha brtsad cing dris na sngar lab pa rnams brjed pa bzhin du gyur nas rang tshig snga phyi 'gal ba dang/ dam bca'i rtsa ba rmangs nas zhig pa sogs kyis blun po'i rang mtshang gsal bor ston par 'gyur ba ni rig pa la ma sbyangs pa'i skyon yin cing/ nye la kho na re/ brgal zhing brtags pa sogs kyi tshe gzhung lugs la zhib tu ma sbyangs pa'i dbang gis lan ji bzhin mi thebs pa bden rung/ nyams len gyi gnas skabs su tshig gi lan thebs mi dgos pas don ma chug par gon des chog ga zhe na/ de yang ma yin te/ nyams len gyi gnas skabs su yang nyams su len bya'i chos gang yin pa de'i dngos bstan dang/ shugs bstan gyi don dang/ dmigs pa dang rnam pa'i khyad par/ dgag bya phra rags kyi 'gog lugs sogs phra zhing phra ba nas shes na/ shes pa ltar du nyams su blangs pa'i lag rjes las nyams rtogs kyi sa chod kyang gzhan dang mi 'dra ba zhig 'byung la/ de min tshig spyi'i go ba yam me ba zhig la brten nas nyams su len khul byas kyang dmigs rnam go rtogs sogs kyang de 'dra ba zhig las mi 'byung zhing/ des na/ ci 'dra ba yi las byas pa'i/ / 'bras bu de 'dra 'byung bar 'gyur/ /zhes pa ltar nyams su blangs pa'i 'bras @426 bu la yang sa chod gtan nas med pa zhig las mi 'byung ste/ dper na/ 'dus byas thams cad mi rtag pa'o/ /zhes pa'i tshig zin tsam la brten nas 'dus byas kyi chos rnams yun du mi gnas pa 'gyur ba'i chos can yin pas mi rtag pa yin 'dug snyam pa tsam zhig gi blo skyes pas go mi chod de/ 'dus byas zhes pa'i don dang/ de skad cig dang skad cig la 'gyur ba'i mi rtag pa yin lugs sogs lung rig dri ma med pa'i sgrub byed la brten nas legs par gtan la phab cing/ mi rtag pa la'ang rags pa dang phra ba'i mi rtag pa yod lugs sogs mtha' chod pa'i nges shes gting tshugs pa khong du chud pa'i thabs la 'bad pa dang/ de tsam zhig gis kyang mi rtag pa rgyud la skye ba'i go mi chod pas de'i don bcos ma ma yin pa rgyud la skye ba'i slad du gtso bor bla ma dkon mchog la gsol ba 'debs shing tshogs gsogs pa dang/ sdig sgrib sbyong ba dang/ don la sems pa sogs zung 'brel du byas nas nyams su blangs na nam zhig na go yul tsam min pa'i mi rtag pa'i don ji lta ba bzhin rtogs pa'i nges shes rgyud la skye zhing/ da dung sgom pa las mi rtag pa mngon sum du rtogs pa'i she rab skye ba yin la/ de bzhin du zag bcas thams cad sdug bsngal ba dang/ chos thams cad stong zhing bdag med pa dang/ mya ngan las 'das pa thams cad zhi ba'o/ /zhes pa'i lta ba bka' rtags kyi phyag rgya bzhi po re re la de 'dra ba'i gnad yod par shes dgos la/ des mtshon te nyams len gyi gnad 'gag gang la yang mtha' chod pa'i nges shes skye ba la rtsod pa'i rig pa nges par gal che ba yin/ de la kho na re/ sngon gyi grub thob gong ma mang po zhig gzhung lugs 'dzin rtsod sogs kyi sbyangs pa mang po ma mdzad kyang bla ma'i mos gus @427 dang/ dka' spyad/ snying rus/ sdug rgur sogs la brten nas lam zab mo nyams su bzhes pa las grub pa'i go 'phang mthon por gshegs pa ji snyed cig byung snang bas/ 'tshang rgya ba la nges par thos bsam sngon du 'gro ba la ltos dgos pa ma yin no zhe na/ de lta bu'i grub brnyes rnams ni sku'i skye ba sngon ma rnams su rgyal ba'i bstan pa la thos bsam sgom gsum dang/ tshogs bsags sgrib sbyong sogs rgya cher mdzad pas rtogs pa'i rgyud tshod mthon por phebs zin pas/ sku tshe 'dir thos bsam sogs rgya cher ma mdzad kyang gsung rab kyi don rnams dka' ba med par thugs rgyud la rtogs shing 'khrungs la/ de'i steng du gang zag phal dang phal gyi sems la bsam par yang mi nus pa'i bla ma bsten tshul dang/ dka' spyad snying rus tshad med pa mdzad pa'i mthu las grub pa'i go 'phang brnyes pa ste/ de dag la grub mtha' gzhan gyi chos skad la dbang rnon cig char ba dang/ dbang brtul rim gyis pa zhes pa gnyis bshad pa'i nang gi dbang rnon cig char ba ste rin po che lta bu'i gang zag dang mtshungs pa'i rigs yin la/ de dag kyang skye ba sngon ma rnams su thos bsam dang/ tshogs bsags pa sogs mdzad pa'i mthu las byung ba yin pa las thog mar las dang po pa'i dus nyid nas/ gang yang ma bslab ci yang mi shes pa'i brtul zhugs kho na bzung nas nyams len than thun 'ga' zhig tsam mdzad pas grol ba ni gtan nas min cing/ des na sngar gyi dus su sbyangs pa sngon du song zin gyi gang zag khyad par can dbang rnon gyi rigs can mang du mchis pas/ de dag tshe 'dir gzhung lugs la ched gnyer gyis sbyangs pa sogs kyi ngal ba la cher ltos ma dgos par/ bla ma'i mos gus dang/ dka' sbyad sdug rgur sogs kyi sgo @428 nas nyams len la 'bad pas rtogs pa mthon por gshegs nus pa de dang de 'dra ba'i gang zag rnams la dgongs nas/ jo bo chen pos kyang/ tshe 'di yun thung shes bya'i rnam pa mang/ /tshe yi tshad kyang ji tsam mi shes pas/ /ngang pas chu la 'o ma len pa ltar/ /rang gi 'dod pa dang du blang bar bya/ /zhes dang/ rnal 'byor dbang phyug mi la ras pas/ shAka thub bstan pa'i snyigs ma la/ /mi rnams tshe thung longs spyod dbul/ /bdud rigs bar gcod mang ba'i phyir/ / bu rgyud sde'i mkhyen rgya mi 'tshal gyi/ /sgrub pa snying por longs shig gsungs/ / zhes pa lta bus thos bsam la ched gnyer gyis ma bskul bar sgrub pa nyams len la bskul bar mdzad la/ tshul de ltar du nyams su blangs pa las grol ba thob pa yang ji snyed cig byung mod kyang/ rim gyis dus snyigs mar gyur pa na sbyangs pa sngon song gi gang zag dbang rnon ni shin tu nyung zhing/ dbang po rtul po'i rigs can kho na shas che bar gyur na'ang/ dam pa gong ma rnams kyis gang zag gi rgyud tshod dang bstun nas gsungs pa de dbang po rno rtul thams cad la rgyas 'gebs kyi sgra ji bzhin par bzung nas/ thos bsam byed pa ni snying po med pa'i sbun pa 'phyar ba dang mtshungs pas 'tshang rgya ba la ci yang mi phan no zhes thos bsam rtsa ltar dor te nyams len 'ga' zhig la 'bad khul byas kyang/ gong ma rnams lta bu'i nyams rtogs kyang ma skyes/ thos bsam gyi shes rab kyang med/ thun mong las sbyang gi chos sna gcig tsam la'ang myong ba mthon pa'i nag thom me bar lus pa'i ngang du mi tshe zad pa'ang 'ga' dang 'ga' mthong zhing/ tshul de dang de 'dra ba dag la dgongs nas 'jam mgon sa paN gyis/ sgom na thos pa mi dgos zhes/ /blun po blo rgya @429 chung rnams smra/ /thos pa med pa'i sgom pa de/ /'bad kyang dud 'gro'i sgom thabs yin/ /ces gsungs pa dang/ mkhas grub thams cad mkhyen pas/ de bzhin du gsang sngags la rig pa'i dpyad pa dor bar bya ba yin no/ /zhes bya ba'i blun gtam tshogs su bsgrags pas sde snod la blo kha cung zad kyang ma phyogs pa'i gsang sngags par khas 'che ba dag /blun po rang dang mthun pas mgu / zhes bya ba'i tshul gyis shin tu ya mtshan par gyur te/ gsang sngags la rtog ge'i dpyad pa byar med do zhes bya ba'i tshig 'di tsam la skyabs su bzung nas phyi rol pa'i grub mtha' las kyang dmad par bya ba'i lugs/ lung rig la blo kha ma phyogs pa'i blun po dag gis bsam nas rnyed pa'i don la bla ma'i man ngag las 'ongs pa'i gsang sngags kyi lam gyi gnad mthar thug pa'o/ /zhes bsgrags pas phal che ba dag rtog dpyod mi byed par tshul 'di nyid la yid brten par byed cing/ de'i mthus rgyud sde'i dgongs pa grub chen gyis bkral ba'i lam gyi gnad mthar thug pa dag ming tsam yang ma lus par byed do/ /zhes dang/ de bzhin du bsam gtan lhur len pa nang la gzhol bas ni gsung rab dang dgongs 'grel gyi bstan bcos dag la blta ba dang nyan pa la sogs pa ni spang bar bya ba yin te/ de dag ni phyi'i go rgya gcod pa tsam ma gtogs nang sems kyi gnas lugs sems pa'i tshe rnam par g.yeng ba'i rgyu yin cing/ de dag med kyang bla ma'i man ngag las gnas lugs rtogs par 'gyur bas so; ;de bzhin du dkyil 'khor gyi 'khor gyi 'khor lo sgom pa dang/ gzungs sngags khyad par can gyi bzlas brjod dang/ phyag 'tshal ba dang mchod pa 'bul ba la sogs pa spros bcas kyi dge sbyor dag dor nas/ spros pa med pa gnas lugs kyi don 'ba' @430 zhig bsgom par bya la/ gnas lugs kyi dom sgom pa la ni rig pa'i rjes su 'brangs pa'i nges pa rnyed mi dgos kyi/ ci yang yid la mi byed par tha mal gyi shes pa so ma rang babs su bzhag pas chog go zhes bsam gtan pa dag mgrin gcig tu smra bar byed do/ /zhes gsungs pa yin la/ yang thos bsam par khas 'che ba la la dag kyang/ mkhas grub thams cad mkhyen pas/ de las gzhan pa thos bsam gyi tshe rgyal ba'i gsung rab mthar thug pa'i lam ston pa'i phyogs rdo rje theg pa'i bskyed rdzogs dang/ dkyil 'khor gyi cho ga la sogs pa dag la don du gnyer zhing slob par byed pa mthong na/ slob dpon dang/ grogs dang/ nye zhing snying brtse bar sems pa thams cad kyis 'di ni bya ba'i dus ma yin/ dgos pa chung/ snying po med pa ste nam zhig thos bsam dang 'chad nyan gyi bya ba la ma lcogs pa'i tshe/ grong dang nye ba'i dgon pa zhig tu song ste/ gtor ma dang/ khrus kyi chog dang/ gshin po rjes su bzung ba la sogs pa'i sgo nas rang gi lto btsal bar bya ba'i thabs yin gyi/ da lta ni thos bsam gyi par du gcod pa chen po 'o zhes rdo rje 'chang gi go 'phang las 'bad pa du mas phyir phyogs par byed kyi/ gang zag gcig la sngags dang mtshan nyid kyi thos bsam gzhi mthun du 'dug pa cung zad kyang med do/ / zhes gsungs pa ltar/ thos bsam bya ba ni don dang ldan pa chen po yin cing/ de yang mtshan nyid kyi theg pa dang/ rig pa'i gnas la slob pa sogs gtso bo yin te/ rig pa'i gnas lnga dag la mkhas par ma sbyangs na/ /'phags mchog gis kyang thams cad mkhyen pa thob mi 'gyur/ /zhes gsungs pa yin zhes gtan tshigs su 'khyer nas gang zag mchog dman la ma ltos par gzhung lugs... @431 la thos bsam rgya che ma byas par sgom la 'jug pa ni lag rdum brag la 'dzegs pa ltar don med pa'i mi tshe 'phyid thabs kho na yin ces mtha' gcig tu sgrub pa byed pa rnams la sdang zhing smod par byed la/ rang nyid kyang nyams len la cir yang mi rtsi bar thos bsam ltar snang tsam 'ba' zhig la zhen nas 'chib 'i tshe 'gyod med kyi gdengs sna gcig kyang med par rang rgyud skam thag ge ba'i ngang nas tshe'i dus byed pa sogs thos sgom gnyis dang/ mdo sngags gnyis sogs phan tshun tsha grang ltar 'gal bar bzung nas lam log par gol ba mang du byung ba na/ yang mkhas grub thams cad mkhyen pas/ de ltar rgyal bas tshul khrims gzhir byas nas gnas lugs thos bsam gyis gtan la phab cing/ de'i don sgom byung gis yid la byed pa'i bslab pa gsum gyi go rim rjes su 'gro ldog mi 'khrul bar gsungs pa de nyid 'bad pa'i 'gog cing/ sngags dang pha rol tu phyin pa dang/ thos pa dang sgom la sogs pa phan tshun tsha grang ltar 'gal bar bsams nas sun 'byin pa dang/ thams cad kyis kyang dam pa'i chos 'dul ba'i bslab khrims rnam par dag pa la snying thag pa nas sun 'byin par byed pa'i sgo nas kha ba can gyi ljongs 'dir rgyal pa'i bstan pa gzugs brnyan tsam zhig lhag mar gyur pa'i tshe/ rje btsun rin po che 'di nyid dam pa'i chos 'dzin pa'i smon lam rlabs po che yongs su grub pa'i mthus byang phyogs kyi rgyud 'dir bstan pa rin po che gso ba'i slad du nye bar byon de/ zhes gsungs pa ltar 'jam mgon rgyal ba gnyis pa 'di nyid snyigs ma'i gdul bya rnams la lhag par brtse ba chen pos bsam bzhin du srid pa nye bar bzung nas rgyal ba'i dgongs pa ji lta ba bzhin bstan pa la rim gyis 'jug pa'i rnam thar rmad du byung ba 'di nyid kyi srol @432 btod par mdzad la/ 'di ni spyir gdul bya dbang po mchog dman thams cad kyis nyams su blang bya'i gnas thun mong ba med du mi rung ba yin par ma zad/ nang tshan rang cag snyigs mar spyod pa'i 'gro ba blo dman zhing dbang po rtul bo shas che ba rnams la ni lam la dkri ba'i thabs mkhas rmad du byung ba'i bka' drin stsal ba yin te/ ji ltar zhe na/ rang cag las dang po ba rnams kyis thos bsam dang thun mong lam gyis rgyud sbyangs pa tsam sngon du ma song bar/ sngar gyi gang zag khyad par can sbyangs pa sngon song dbang po mchog gi rigs can rnams kyi brtul zhugs bzung ste dang po nas rdzogs rim la sogs pa'i lam mtho mtho mo dang/ chos zab zab mo la 'jug khul byas na zung zad kyi nad pas zas bcud can bsten pa ltar mi phan pa'i steng du nyes ba du ma bskyed pa yin pas rje bdag nyid chen pos ji ltar bstan pa ltar/ thog mar nyams su len bya'i chos rnams thos bsam gyis legs par gtan la phab cing/ thos bsam byed pa'i dus nyid nas ji ltar thos pa'i don rnams rgyud steng du bkal ba'i nyams len la sbyor gang thub kyis mgo bshes gnyen bsten tshul nas bzung thun mong lam sbyangs kyi rim pa rnams la myong ba thon nges su byas/ de nas dbang thob cing dam tshig dang sdom pa tshul bzhin du srung ba'i sgo nas lam bskyed rdzogs kyi nyams len la rim gyis 'bad na bgegs dang gol sa chung zhing/ lam gyi rim pa rnams 'di dang phyi ma'i gnas skabs su tshul bzhin du rgyud la skye bar 'gyur ba yin la/ lam la slob tshul 'di ni ri bo dge lugs pa kho nar ma zad sa rnying/ kar 'brug sogs grub mtha' gzhan gyi lam srol la yang thun mong du yod pa zhig yin na yang/ deng sang gi dus su thun mong lam sbyangs sogs la snang chung du byas nas dang po nas @433 lam mthon po'i nyams len la 'jug blo byed pa mang bar snang mod/ de la brten nas sngar gong du brjod pa ltar bsags sbyangs sogs kyis rgyud sbyangs pa yang med/ sgom pa'i nyams myong yang med/ thos bsam gyi shes rab dang yang bral ba mang bar snang bas grub mtha' gzhan dag 'dzin pa rnams kyis kyang lam la slob tshul 'di bzhin du byas nas rang rang gi chos la nyams len byas na sa chod che zhing dal 'byor don dang ldan pa 'ongs ris su snang ngo/ /yang gang zag gi rigs la la zhig dbang po rtul bas tshe 'dir gzhung lugs rgya chen po la slob pa sogs ma nus na rang rang gis khas blangs pa'i tshul khrims dag pa gzhir bzung ba'i sgo nas so so'i blo dang skal bar 'tshams pa'i phyag skor maNDal sogs bsags sbyangs dang/ lhag pa'i lha'i bsnyen sgrub sogs sgo gsum gyi dge ba gang 'grub dang/ zang zing gi rnam dkar sogs ji ltar 'os pa bgyir mi rung ba ni ma yin te/ ston pa thugs rje can gyis gdul bya lam la dkri ba'i sgo mtha' yas pa zhig gsungs pa'i phyir/ 'on kyang de 'dra ba'i gang zag rnams kyis kyang tshe 'dir gzhung lugs la thos bsam sogs ma nus na yang tshe rabs phyi ma rnams su nges par slob nus pa'i smon lam rnam dag tshun chad la 'bad dgos te/ mthar 'tshang rgya ba la thos bsam sgom gsum tshang la ma nor ba'i sgo nas lam gyi lus yongs su rdzogs pa la ma bslab par/ bsags sbyangs dang/ bsnyen sgrub dang/ thos sgom sogs phyogs re tsam la brten pas ni thams cad mkhyen pa'i go 'phang thob par mi nus pas mtha' gcig tu phyogs su lhung ba'i rmongs zhen gyis bdag gi 'di ni bden gyi/ gzhan ni gti mug go zhes pa'i brtul zhugs mi bzung zhing/ 7gong ma rnams kyi gsung la yang drang ba dang/ nges pa dang/ sgra @434 ji bzhin pa dang/ sgra ji bzhin pa ma yin pa dang/ dngos bstan dang shugs bstan sogs kyi dgongs pa len lugs legs par shes par byas nas don du bstan pa thams cad 'gal med du rtogs dgos pa ni nges par gal che zhing/ des na rje bdag nyid chen pos/ blang dor gnas la kun nas thom pa'i mun/ /yang dag thos pa'i sgron mes ma sel na/ /lam mi shes na thar pa'i grong mchog tu/ / 'jug par 'gyur ba smos kyang ci zhig dgos/ /zhes gsungs pa ltar blang dor gyi gnas la blo gros rgyas pa'i slad du gzhung lugs la thos bsam rnam dag bya dgos pa ni gnad kyi don po yin la/ de la yang mtha' chod pa'i nges shes bskyed pa la rtsod pa'i rig pa med du mi rung zhing/ tshul de yang gzhung tshan res 'ga' ba tsam dang/ gang zag re gnyis tsam la lan gcig gnyis rtsod pas gar yang mi phyin pas rgya bod kyi gzhung chen mo rnams la ring du 'dris par byas nas rnam dpyod dang ldan pa mang po zhig la lan du mar rtsad cing dris pa dang/ brgal zhing brtags pa sogs byas pa las phu thag chod pa'i go ba gting phyin pa rnyed par 'gyur la/ de la brten nas thos don nyams su len pa na yang ma rtogs pa dang/ gol sa dang/ the tshom gyi sgrog las grol ba dang/ rgyal ba'i bstan pa la ma rtogs log rtog gi dri ma bsal nas dpyad gsum rnam par dag pas gtan la 'bebs pa dang/ gzhan gyi rgol ba ngan pa tshar gcod pa sogs bstan pa 'dzin pa'i cha rkyen du yang med du mi rung ba yin pas thos bsam sogs kyi phyir du rtsod pa byed pa ni byang chub kyi rgyur mi 'gro bas snying po med do snyam pa'i log rtog rnam pa kun tu byar mi rung zhing/ lar nas rtsod pa tsam du ma zad thos bsam sgom gsum gang byas kyang gzhan phan dang byang chub kyi rgyur @435 'gro mi 'gro ni gtso che ba kun slong nyid la rag las pa yin te/ kun slong byang chub kyi sems kyis zin pa zhig byung na ni byang chub kyi rgyur mi 'gro ba'i thabs med la/ de las gzhan du rang nyid la mkhas pa'i grags pa dang/ pha rol po dma' dbab 'dod dang/ nga rgyal dang khengs sems sogs kyis kun nas bslangs na ni rtsod pa'i rig par ma zad ltar snang dge ba gang byas kyang gzhan phan dang byang chub kyi rgyur mi 'gro ste/ kun slong rnam par ma dag na ri phug tu mi tshe'i ring dge sbyor la 'bungs blo byas kyang 'bras bu de 'dra ba zhig tu zad la/ de'i phyir/ chos rnams thams cad rkyen yin te/ /'dun pa'i rtse la rab tu gnas/ /zhes gsungs pa yin/ de lta bu'i gnad 'gag shes pa yang thos bsam la ma brten par rang stobs kyis shes mi nus pas nges par thos pa sngon du 'gro dgos pa ni tshul 'di lta bus kyang shes par nus so/ /des na rgyu mtshan dang dgos pa khyad par can de dang de lta bu la brten nas rje bdag nyid chen pos kyang gdul bya rnams lam rnam par dag pa la rim gyis bkri ba'i slad du/ thog mar rang nyid kyis rgya chen po'i gzhung lugs la thos bsam mdzad pa'i tshe na yang tshig spyi'i go ba yam me ba tsam gyis chog par mi 'dzin par gzhung lugs kyi tshig don rnams re re bzhin bshes gnyen mkhas pa'i ngag la brten pa dang/ bdag nyid kyis zhib tu sems pa dang/ mkhas pa'i dbang po du ma zhig dang lan cig ma yin par rtsod cing dris pa dang/ brgal zhing brtags pa dang/ grwa skor dam bca' sogs ji ltar mdzad pa sngar gong du kha thor ba'i tshul gyis bkod pa rnams 'dir dkyus gcig tu 'god na/ thog mar bod du byon nas chos grwa chen po bde ba can du bstan bcos mngon rtogs rgyan rtsa 'grel dang/ @436 mdo sde rgyan sogs byams chos rnams la rtsol ba chen pos 'dzin rtsod thugs sbyong mdzad pas lo gnyis tsam la phar phyin gyi tshig don la shin tu mkhas par gyur nas/ dgung lo bcu dgu'i steng du gsang phu dang bde ba can la sogs pa rnams su phar phyin gyi grwa skor mdzad pas blo gros dang chos skad phun sum tshogs pa'i bdan ring du skyong bar gyur/ de nas gtsang du byon te sa skyar phar phyin gyi grwa skor mdzad/ de ga'i 'phro 'thud de la stod byang la byon nas 'dar bzang ldan/ ngams ring/ 'ga' rong chos sde rnams su'ang grwa skor mdzad/ de nas chos grwa chen po er grwa skor mdzad nas snar thang du phebs/ snar thang gi mkhas pa bla ma lo tsa ba don bzang la bsam bzang gi Di ka'i steng nas mdzod kyi bshad pa gsan/ nyang stod du phebs nas gnas rnying du bzhugs shing/ gnas rnying pa'i gzung sgrub kyi steng du phar phyin gyi grwa skor mdzad/ dbyar chos la rtse chen du phebs nas mkhas pa'i dbang po nya dbon kun dga' dpal ba las phar phyin gyi gzabs bshad gsan/ de dus rje btsun red mda' pa'ang dbyar de rtse chen du phebs 'dug pa la thog mar mngon pa mdzod rang 'grel gyi steng nas mdzub khrid du chos thun kha shas gsan/ rjes su 'chad nyan gyi lugs su mdzad nas kyang gsan/ ston de rje btsun pa dang dpon slob gnyis kas nyang stod bsam gtan gling du chos dbar la byon nas rje btsun pa la dbu ma 'jug pa'i bshad pa gsan/ ston mjug nyang stod nas dbus su phebs te skyor mo lung pa'i mkhan po dka' bzhi ba blo gsal zhes pa 'dul ba la shin tu mkhas pa de las 'dul ba mdo rtsa ba 'grel pa cha lag dang bcas pa rdzogs par gsan te khong gi thugs la mnga' ba'i bshad srol mtha' dag thugs su chud cing khyad par lhag par rtogs/ de'i dgun gtsang du byon nas @437 gnas rnying du bzhugs/ dpyid dus sa skyar byon nas rje btsun red mda' pa chen po las lam 'bras sogs gsan pa'i ngang nas kun btus kyi gzabs bshad gsan/ de'i tshe gtso bor tshad ma rnam 'grel la sbyangs pa mdzad cing dbu ma 'jug pa sogs kyi bshad pa'ang gsan/ rje btsun pas mngon pa kun btus kyi Tika chen mo rtsom pa'ang rje 'dis thugs su chud par mdzad cing/ tshad ma rnam 'grel gyi rgyas bshad kyang tshar gcig gsan/ de nas dbus su phebs te de'i dgun chos bde ba can du bzhugs/ dpyid chos sngon ma la gtsang du grwa skor mdzad bzhed kyis po sti 'ga' la gzigs rtog mdzad nas gtsang du byon/ snar thang du bla ma lo tsa ba don bzang bas tshad ma'i Di ka zhig mdzad 'dug pa gsan/ dbyar chos la snar thang du rnam 'grel/ mngon pa gong 'og gnyis/ 'dul ba dang bcas pa'i grwa skor mdzad/ ston chos la bla ma rje btsun pa chen po chos dbar la er byon pa gsan pas der byon te gtso bor dbu tshad mngon pa rnams gsan cing/ phar phyin dang 'dul ba yang tshar re gsan/ de nas sa skyar byon nas gong du smos pa'i dka' chen rnams kyi grwa skor mdzad/ de nas dbus su byon nas sos ka gung thang tshes bcu'i gnas skabs nas bzung ste rim pa bzhin gsang phu/ rtses dang la sogs pa'i grwa sa chen po rnams su phar phyin sngar nas mdzad tshar ba'i 'phros dka' chen lhag ma bzhi'i grwa skor mdzad la/ de lta bu'i grwa skor snga phyi'i gnas skabs dang/ gzhan yang gnas dus nges med du dbus gtsang gi dge ba'i bshes gnyen chen por rloms pa mang po dang brgal zhing brtags pa'i rtsod pa mdzad pa gang gi tshe na'ang/ nga rgyal dang dregs pa dang/ khengs rloms bsun 'byin sogs gtan nas mi mdzad cing/ tshad ldan @438 gyi gsung rab dang/ bshes gnyen bzang po dpang du bzhag nas dka' gnad ji 'dra zhig la rtsod pa mdzad kyang rje nyid kho na rtsod pa bzang ba dang/ mkhas pa'i snyan grags kyi rgyal rnga kun tu khyab ste gdul bya gang su yang rung ba thams cad dad pa dang gus pa'i dpal la dbang med du sbyor bar mdzad pa yin te/ rnam thar ngo mtshar gyi gtam brgya rtsa brgyad pa las/ de ltar chos kyi rnam par dbye ba kun la rang nyid dpyis phyin kyang phyi rabs mig rgyan bzang po'i srol bzhag gi lung gi chos 'khor la zol gyis ma bslad pa'i dgos don gyis/ dgung lo bcu dgu'i thog gsang phur byams chos kyi grwa skor gcig /bde ba can du phar phyin gyi grwa skor gcig / snar thang du 'dul ba/ mngon pa/ tshad ma rnam 'grel gsum la grwa skor/ rtses dang du phar phyin ma gtogs pa'i dka' chen phyi ma rnams kyi grwa skor/ sa skyar grwa skor gcig ste/ mdor na de dag gi tshe lhag pa dang/ chad pa dang/ 'khrug pa dang/ nor pa dang/ zlos pa dang/ ma 'byor ba sogs skyon gyi cha tsam yang med par glegs bam so so'i spyi skad/ grub mtha' so so'i 'jog tshul dgag sgrub kyi gnad sogs sngar ma grags pa'i legs bshad bdud rtsis gzu bor gnas pa'i dpyod ldan rnams dga' zhing ngo mtshar ba'i bcud kyis tshim pa dang/ grags pa'i seng ge'i nga ros bod yul gyi khengs ldan gnyis thung sun 'byin gyi sna zhags can ma lus pa zhum pa dang 'jigs pa'i khur gyis non par mdzad pa ni rmad du byung ba'i gtam nyer bdun pa'o/ /zhes dang/ yang de nyid las mdo khams nas phebs phral nas sbyor ba rtsi ba'i gnas skabs dang/ phyis kyang rig pa zla med du grags pa'i ston pa su zhig dang brgal yang/ gang gzhir bzhag pa'i grub mtha'i @439 gdod las mi 'da' zhing/ rang gi zhal 'dzin la ldog 'jug gi glags skabs mi rnyed pa dang/ pha rol po'i phyogs la dngos shugs kyi gnod pa'i mtshon thog ltar 'bebs pa dang/ de yang rang lugs kyi cha rnam par dag pa'i che 'don du phyogs las yongs su rgyal ba'i 'khor gsum khrims kyi d+hu nd+hu b+hi'i sgra snyan por sgrog pa las/ gzhan du rloms sems kyi cho nges mgrin pa 'dral 'dral du 'debs pa sogs mi mdzad pas rtsod pa'i pha rol tu son pa ste rmad du byung ba'i gtam so bdun pa'o/ /zhes dang/ yang de nyid las/ de'i dus na gtsang phyogs kyi dgon grwa rnams su sa dge'i chags sdang dang/ lhag par dam pa 'di'i legs bshad gsar pa rnams rin po che'i muu gu ltar rmad du byung ba'i dbang gis sa skya'i rig smra'i dwang ma phal cher 'di nyid kyi slob mar zhugs pa dang/ jo nang bo dong sogs kyi yig gzhung rnying pa la yod pa'i ma dag pa dang/ ma yin pa/ ma nges pa'i tshig don du ma la'ang rang shugs kyi dgag pa gnad du phog pa mang dag byung ba'i rkyen ma bzod pa'i le lan zhe la brnags nas sun 'byin par brtsams ba'i tshe/ 'jam dbyangs kyis thog mar 'dra zhal mjal bar byos shig ces gsung bas bskul te/ rdo rje nag po chen po'i bse zhal la gzigs pas daNDa dkar po'i steng du gser gyi yi ge 'dug pa tshad ma'i gzhung gi tshigs su bcad pa gcig tu gzigs shing/ de nyid rtags can du mkhyen nas dpyad pa na/ de'i skabs kyi rgol ba snga phyi dang/ tshul gsum pa'i gtan tshigs kyi rigs lam/ sgrub dang sun 'byin gyi cha/ brgal zhing brtag pa la nges pa'i dbang mtho ba'i spob pa dang ldan par gyur pa na/ mi srun pa'i skyes bu des 'bel gtam gyi tshul du da lta'i tshig de nyid gzhung skyur du byas te lan med @440 du re ba la/ dam pa 'di'i chos mthun gyi sgo nas de'i don 'di dang 'di lta bu yin zhes rgyu mtshan rtsad nas phyung bas brtul ba ni rmad du byung ba'i gtam drug cu pa'o/ / zhes gsungs pa dang/ sngar gong du bkod zin ltar rgyal tshab dar ma rin chen dbus gtsang gnyis kar rtsod pa bzang ba'i dper grags pa yin na'ang/ rje thams cad mkhyen pa dang thog mar mjal nas rtsod pa'i tshe rje'i zhal nas lung rig nyung zad tsam re gsungs pas kyang rgyal tshab rje'i khas len dang dam bca' rnams rang zhig la song ste smra ba'i spobs pa rmeg med du mdzad pa dang/ gzhan yang zang zang ne ring pa'i gsung las/ glang gi lo lha sar smon lam chen mo mdzad dus dge 'dun stong phrag du ma sogs 'dus shing/ bon po'i yog thang dgon pa'i rin po che dpon slob mang pos kyang zas nor stobs che ba phul ba sogs longs spyod bsam gyis mi khyab pa byung ba'i tshe/ mi phal mo ches 'di ni chos rje 'di nyid sprul pa'i sku yin pa la brten nas byung ba yin zer ba dang/ grub thob yin pa'i rtags su 'dug zer ba dang/ mkhas grub yin pa'i rtags su 'dug zer ba byung yang/ blo chung ba dang/ tshogs ma bsags pa dang/ log lta can kha cig na re/ chos rje tsong kha pas dbang bsdud kyi thabs zhig mdzad pa yin zer ba byung ba bzhin/ dpal sa skya pa'i dge bshes chen po ratna shri ru grags pa de nyid kyi thugs la yang log rtog de ga shar nas/ dge 'dun dang bcas pa'i dbus su rje rang la zhu ba 'di ltar phul ba yin zer te/ rje rin po che lags dbang bsdud rnams kyi nang nas gang zab par gda' lags zhus pas/ rje'i bka' lung la/ bla ma pa dbang bsdud rnams kyi nang nas chos bzhin byas pa de ga zab par byung gsungs pa'i tshe/ mkhas @441 pa'i thugs la 'jigs snang dang dad snang gnyis ka rang dbang med par byung ba yin zer zhing/ mkhas pa gzhan thams cad rgol ba rang zhig la 'gro ba dang/ sgrog rang gdal la 'gro ba byung zer ba'i dpes mtshon te brgal lan nam/ thal 'gyur dang/ rig pa rnams la gsung tshig tshan pa re res phyir rgol 'jigs so cog thams cad skad cig la 'joms nus zhes pa mkhas grub snga ma mang po'i gsung las byung ba yang rje rin po che'i rtsod pa bzang ba'i rnam thar zab mo gcig tu bzung zhig / ces dang/ yang de nyid las/ rje'i gsung rab rnams la thos bsam dang/ rigs grwa mdzad pa dang/ bgro gleng mdzad pa phal che ba yang rtsod pa bzang ba dang/ rig pa rno bar yong ba yang/ rje de nyid rtsod pa bzang ba dang/ dogs pa bzang ba'am/ zab pa'i rang shugs dang/ rten 'brel la brten nas byung ba yin no/ / zhes gsungs te gong du smos pa'i khyad chos de dag ni mdo sngags gang gi thad la yang mtshungs shing/ lhag par sngags kyi rgyud sde kun la sbyangs pa phul phyin du mdzad pa ni sngar gong du rgyas par bkod pa rnams kyis shes la/ dmigs gsal sngags kyi dam bca' sogs mdzad tshul ni rnam thar rnams su gsal bar 'khod pa mi snang zhing/ mdor na mdo sngags rigs gnas sogs gang gi thad la yang rje bdag nyid chen por tshul bzhin du rgol bar nus pa ni su yang ma byung ste/ de dag ni rtsod pa'i yon tan phul du phyin pa mnga' tshul mdo tsam ched du brjod pa'o/ /smras pa/ rgya chen gzhung lugs dgongs don sa gsum khyon/ /rnam dpyod rig tshul goms pas ma gzhal na/ / rmongs pa'i stobs ldan sa 'og 'ching mi nus/ /de phyir thos dang bsam pa'i tshul la bsngags/ /thos pa'i rim pa sngon du ma song bar/ /mun sgom sgrub pa'i brtul zhugs @442 bzung na yang/ /kun mkhyen 'bras bu 'byin par mi nus pas/ /mang du thos pa btsal ba mkhas pa'i lugs/ /rtsod rig nyi ma'i zer brgyas gzhung lugs kyi/ / dgongs don 'dab brgya 'byed pa ma shes par/ /snying po med pa'i ngal bar sems pa ni/ /kye hud rmongs pa'i rang tshul kho nar zad/ /de phyir 'dren pa 'dis kyang rang gzhan gyi/ /gzhung lugs kun la 'ol spyi tsam min pa'i/ /rtsod rig srang la gzhal nas gting phyin par/ /nges pa rnyed pa'i thos bsam lhur bzhes mdzad/ / de tshe pha rol rgol bas ltar snang gi /lung rig sir bu'i rgyu ba spro byas kyang/ / mi 'jigs dam bca'i sa 'dzin rtsa ba ni/ /cha tsam g.yo bar nus pa'i go skabs bral/ /thal ngag rig pa'i sbyor ba re res kyang/ /pha rol dam bca' brgya phrag 'jig byed pa/ /khyod mthong smra ba'i seng ge chos grags kyang/ /re zhig zhi ba'i btang snyoms gzhal lam snyam/ /de lta na'ang rgyal ba'i bstan pa la/ /ma rtogs log rtog bsal te yang dag pa'i/ /lam bzang gsal ba'i thugs bskyed 'ba' zhig lam/ /khengs dregs brgyags pa'i ngang tshul zhar mi mnga'/ / e ma khyod kyi mkhyen pa'i cha re re/ /gzhan dag lo brgyar 'bad kyang mi bsgrun na; ;da dung klan ka 'tshol ba'i bsam pa ni/ /sbrang bu me la 'thab pa'i spyod tshul nyid/ /gzhan gnod cha tsam khyod thugs mi mnga' yang/ /drang pa'i lung dang rig pa'i tshangs thig gis/ /gzhal tshe 'khyog po'i blo can ma lus pa/ /dbang med mun pa'i mal du mchi ma bku/ /ces pa ni bar skabs kyi ngal bso'i tshigs bcad do; ' ;gsum pa rtsom pa'i yon tan rmad du byung ba ji ltar mnga' tshul bshad pa la/ de yang phyis kyi blun po mkhas par rloms pa kha cig na re/ sngon sangs rgyas bcom @443 ldan 'das kyis bka' mdo rgyud ji snyed cig gsungs pa dang/ de'i dgongs pa 'grel ba'i bstan bcos sngon byon 'phags bod kyi mkhas grub rnams kyis mdzad pa las lhag pa'i don gsar du ston rgyu med na/ dus phyis slar yang bstan bcos mang du brtsams pa la dgos pa lhag po med do zhes mgrin pa gzengs bstod nas smra ba dag mchis mod/ de dag ni rnam par ma brtags pa'i gtam kha na ma tho ba chen po yin te; sangs rgyas kyi dgongs pa las lhag pa'i don ston rgyu med pa rgyu mtshan du byas nas bstan bcos brtsams pa don med par 'dod na/ sangs rgyas nyid kyis lung bstan pa'i 'phags yul gyi shing rta chen po rnams kyis dgongs 'grel gyi bstan bcos brtsams pa don med par 'gyur te/ sangs rgyas kyi dgongs pa las lhag pa zhig 'chad rgyu med pa'i phyir/ de bzhin du shing rta chen po rnams kyi rjes su zhugs pa'i 'phags yul gyi mkhas grub rnams dang/ bod 'dir yang sa dge rnying ma kar 'brug sogs kyi bstan 'dzin du mas bstan bcos man ngag sogs ji snyed cig rtsom pa mtha' dag don med par 'dod dgos pas ha cang thal lo/ /tshul de ltar du smra ba rnams ni gang yang ma bslab ci yang mi shes pa'i rang rtags gsal bar ngoms pa yin te/ de dag la bka' mdo rgyud kyi don chen gcig smos nas de'i don 'chad lugs sangs rgyas kyi dgongs pa ji lta ba de gang yin dris na tshig spyi tsam gyi lan yang 'debs rgyu med par shes so/ /des na don gyi gnas tshod sangs rgyas dang shing rta chen po rnams kyi bzhed pa las brgal ba med na yang/ gdul bya rnams rim gyis dbang po je zhan je zhan du gyur pa na/ rgyas pa rnams don bsdu ba'i sgo nas 'chad dgos pa dang/ mi gsal ba rnams gsal ba dang/ gab pa rnams brjen @444 cher phyung ba dang/ dkrugs pa rnams 'khrigs su sdebs pa dang/ drangs nges kyi khyad par la sogs pa gdul bya'i dbang po dang 'tshams pa'i bstan bcos man ngag sogs du ma zhig mdzad dgos te/ dper na sangs rgyas kyis chos kyi 'khor lo thog mar bskor ba'i dus su gdul bya rnams dbang po rnon po gzungs dang spob pa thob pa sha dag pas sangs rgyas kyis zhal nas gsungs pa'am/ rjes su gnang ba'am/ byin gyis brlabs pa'i bka' gang yin kyang lan re re gsungs pa tsam gyis tshig rnams mi brjed par 'dzin nus pa dang/ gsungs pa'i mod nyid la don yang ji lta ba bzhin rtogs shing khong du chud pas po sti dang glegs bam la 'god pa sogs ma dgos na'ang/ rjes 'jug rnams de ltar mi nus pa shas che bas phyi rabs kyi gdul bya la dgongs nas dgra bcom pa rnams kyis bka' bsdu rim pa gsum la sogs pa mdzad nas rim gyis glegs bam du bkod pa las da lta'i dus na'ang rang cag rnams kyis nyan sems klog pa'i spyod yul du gyur pa 'di ltar byung ba dang/ sangs rgyas mya ngan las 'das shing bka' bsdu la sogs pa mdzad zin nas kyang rgyal ba'i bka' la dgongs pa len tshul tha dad pas nyan thos sde ba bco brgyad la sogs pa gyes shing/ lhag par theg pa chen po bka' ma yin no zhes bsun 'byin pas theg chen gyi ming yang nub par nye ba na/ rgyal bas lung bstan pa'i shing rta chen po mgon po klu sgrub yab sras dang/ thog med sku mched la sogs pa byon ste zab pa dang rgya che ba'i theg chen gyi bstan pa nyin mo ltar gsal bar mdzad la/ sangs rgyas nyid kyis ayon gyi yul dang dpal ldan 'bras spung sogs su gsang chen rdo rje theg pa'i chos 'khor bskor ba rnams phyag na rdo rje sogs kyis bka' bsdu mdzad cing/ de dag gi @445 don paNDi ta dang grub chen rnams kyis bkral te phyi rabs kyi don du bstan bcos rgya cher mdzad pa sogs kyi bka' bstan rnams mkhan slob chos gsum gyi sku ring la lo paN rnams kyis bsgyur zhus gtan la phab pa las bka' 'gyur dang bstan 'gyur du grags pa byung ba dang/ rab byung dang sngags kyi sde 'dzugs pa sogs kyis bstan pa rgya cher spel ba ltar gdul bya rnams kyis nyams su blangs pa las grol ba thob pa'ang ji snyed cig byung mod kyang/ slar yang bstan pa 'phel 'grib sna tshogs la brten pas phyi dar gyi mgo tshugs pa'i dus su 'dul ba dang sngags kyi bstan pa rnam dag ni nyams/ gang zag 'ga' zhig gi rang bzo las gsang sngags sgra ji bzhin par zhen nas sbyor sgrol du bsnyad pa/ 'tshe ba chos su smra ba'i mu stegs kyi grub mtha' dang mtshungs pa'i chos log dar ba na lo chen rin chen bzang po sogs kyis sngags log sun 'byin pa'i bstan bcos mdzad pa dang/ lhag par lha bla ma ye shes 'od khu dbon gyis mnyam med jo bo chen po dI baM ka ra bod du spyan drangs pas bstan pa la ma rtogs pa dang log par rtog pa'i dri ma bsal zhing/ sngon chad gsang sngags kyi chos skad mthon po khar 'khyer ba'i rtsing spyod lhag par dar ba'i rkyen gyis 'brom chos kyi rgyal pos jo bo rje la/ bod gyi mi rnams la chos zab zab mo dang/ mtho mtho mo mi gsung bar las rgyu 'bras kyi chos gsungs 'tshal zhes zhus pa ltar/ chos log la 'jug pa ni las 'bras kyi rnam dbye ma shes pa nyid la thug par gzigs nas gtso bor las rgyu 'bras kyi chos zhib tu gsungs shing/ skyes bu gsum gyi lam gyi rim pa'i gnad kun tshang ba'i gzhung byang chub lam gyi sgron ma sogs mdzad nas bstan pa rnam par dag pa'i gzhung btsugs pa dang/ gang zag snod ldan 'ga' @446 zhig la gsang sngags kyi chos rnams shin tu gsang zhing lkog tu gyur pa'i tshul gyis gdams pa las khroms chos su mi mdzad la/ bstan pa'i rtsa ba 'dul ba yin par dgongs nas 'dul khrims la gces spras su byed pa'i bka' gdams lha chos bdun ldan gyi rnam thar gtsang ma'i phyag srol btod pa dang/ de bzhin du sgra bsgyur 'brog ldan gyi rnam thar gtsang ma'i phyag srol btod pa dang/ de pa bzhin du sgra bsgyur 'brog mi lo tsa ba dang/ mnga' bdag mar pa lo tsa ba/ rwa lo/ mnyan lo la sogs pas rgya gar du byon nas gsang sngags kyi chos kyi skyes bsnams na bod du dar bar mdzad pa las sa skya/ bka' brgyud sogs kyi grub mtha' byung ba de dag kyang dam pa gong ma'i brgyud pa bar ma chad pa las 'ongs pa'i rang rang gi lugs kyi lta sgom spyod gsum rnam par dag pa'i nyams bzhes dang/ rjes 'jug rnams kyi don du man ngag bstan bcos du ma zhig mdzad pa de ltar dang/ rnying ma tshad ldan rnams kyang bka' gter tshad mar gyur pa nyams su len pa las zob chos sa chos rdo chos sna tshogs pa la yid brtan 'cha' ba min 'dug na'ang/ de nas kyang da dung bstan pa rim gyis 'grib pa la phyogs pas gang zag rnams dbang po je brtul du gyur pas legs nyes 'byed pa'i mig ni ldongs/ chos par rloms pa rnams kyang rang rang gi grub mtha' 'dzin khul gyis bdag cag gi chos lugs 'di kho na mchog yin gyi gzhan ni de lta ma yin no zhes rmongs zhen a 'thas su 'then kyang/ don du rang lugs kyi lta sgom spyod gsum dang/ gzhi lam 'bras gsum gyi rnam bzhag ji bzhin khong du ma chud pas rmongs tshod dang spyi brtol kho nas bstan 'dzin du rloms/ zog dang/ rdzun dang/ rang bzo dang/ 'chal spyod mkhan rnams spobs pa mtho bas phal mo che zhig de dag gi rjes su zhugs pa mang ba sogs kyis bstan pa rnam par dag @447 pa'i srol nyams te/ la la ni gsang sngags pa yin zhes sha chang dang/ bud med la byung rgyal du spyod de bu dang bu mos mtha' brten cing/ glu bro gzhas sogs khyim pa dang gnyis su ma mchis pas sngar dus kyi sbyor sgrol du grags pa'i bstan pa slar yang spel ba dang/ la la gsang sngags pa yin zhes grong chog mdos dang gtor ma/ bzlog pa glud rdzong sogs dkor chog kho nar gzhol ba las srung sdom dang nyams len la cir yang mi rtsi ba dang/ la la 'dul ba sogs ba ni theg pa dman pa'i chos yin zhes dge tshul slong gi tshul khrims la dmad cing/ lha med 'dre med dang/ dug lnga ye shes lnga dang/ 'dod yon lam du 'khyer ba sogs lta spyod mtho mtho mo'i chos skad dang/ rtsing spyod gtso bor bzung ste gzhan dag bstan pa la rim gyis slob pa sogs la de dang de tsam du bas zhes khyad gsod byed kyang/ rang lugs kyi lta sgom spyod 'bras 'di zhes 'dzub mo 'dzugs rgyu med bzhin du zog rdzu kho na'i ngang du mi tshe bskyel ba dang/ la la bsags sbyangs sogs thun mong lam sbyangs la cir yang mi rtsi bar ci yang yid la mi byed pa 'ba' zhig mchog tu 'dzin pa'i mun sgom nag yor re ba'i ngang du mi tshe yol bar byed pa dang/ la la tha snyad tshig spyi tsam gyi kha bshad kho na mchog tu bzung nas tshul khrims dang nyams len la cir yang mi rtsi ba dang de bas cung drag par rloms pa 'ga' zhig 'dul khrims sna kha shas srung khul dang/ gtor ma bsur sogs chos spyod 'ga' la slob pa tsam las gsang sngags zab mo'i nyams len la snang chung du byed pa sogs bstan pa dri bcas su byed pa po ni sngar dang da ltar gyi dus su byung dang byung bzhin pa ma zad/ da dung 'byung bar 'gyur ba'ang 'gog par mi nus par snang la/ des na bstan pa gzugs brnyan tsam du gyur pa na sngar @448 gong du'ang lan cig ma yin par brjod pa ltar rje bdag nyid chen po tsong kha pa byon nas dri ma med pa'i ring lugs gser sbyangs btso ma lta bu 'di nyid dar bar mdzad pa yin na'ang/ deng sang gi dus su 'di yang nyams je dmar gyur te da lta'i gnas skabs su gtso bor gdan sa se 'bras dge gsum dang/ sde dgon 'ga' zhig bcas su gzhung lugs kyi thos bsam 'chad nyan dang/ 'dul khrims rnam dag gi rgyun ma nub tsam dang/ rgyud gra stod smad sogs su sngags kyi 'chad nyan dang/ cho ga phyag len gyi rgyun ma nyams par gnas tsam las/ rje thams cad mkhen pa'i bzhed don gyi gtso bo ni/ dang por rgya chen thos pa mang du btsal/ /bar du gzhung lugs thams cad gdams par shar/ /mtha' mar nyin mtshan kun tu nyams su blangs/ /kun kyang bstan pa rgyas pa'i ched du bsngo/ /zhes gsungs pa ltar yin na'ang/ bdag dang bdag 'dra ba rnams ni de lta bu'i rnam thar gyi rjes su zhugs khul tsam las/ gzhan du thog mar thos pa btsal ba na yang rang rang gi grwa sa grwa tshang gi yig cha spyi mtha' dpyod tsam la skyabs su 'tshal nas dam bca'i khas len 'dzin thub tsam dang/ rig lung bgro gleng ma chad tsam nas ming btags che chung zhig thon na thos bsam mthar phyin khul byed pa las rgya chen po'i gzhung lugs la mtha' chod pa'i thos bsam ni blo gros kyis ma dpogs shing brtson 'grus kyis ma lcogs pa dang/ de la brten nas gzhung lugs gdams par shar rgyu yang de 'dra zhig tu zad la/ mtha' mar nyin mtshan du nyams su len rgyu ni thar pa don du gnyer ba'i gang zag khyad par can 'ga' zhig tsam las bdag lta bu phal che ba ni tshe 'di'i go sa da nga/ gtam snyan grags/ zang zing gi 'du 'god sogs kyi ngang du lang tsho yol bar gyur pa @449 ches mang ba las thos don sgrub la gzhol ba ni nyin ma'i skar ma ltar gyur la/ 'on kyang gzhan dag gi dbang du byas na rje tsong kha pa yab sras kyi thugs rje dang bka' drin kho na'i mthu la brten nas gzhung lugs kyi thos bsam/ tshul khrims kyi srung sdom/ nyams len gyi gnad 'gag sogs gang la'ang ri bo dge lugs pa rang drag shos su 'dug pa ni gzu bo'i blos brtags na shes la/ kho bos 'di ltar smra ba yang bdag nyid ri bo dge lugs pa'i bstan pa la zhugs pa'i phyogs zhen gyis kun nas bslangs pa ma yin te/ ji skad du/ slob dpon tho btsun grub rjes/ bdag ni sangs rgyas phyogs mi 'dzin/ /ser skya sogs la mi sdang yang/ /gang zhig rigs par ldan pa'i tshig /de nyid ston par yongs su 'dzin/ /zhes dang/ thams cad mkhyen pa dge 'dun grub kyis/ mi kho bo'i rjes 'jug grogs po rnams/ / yid phyogs su lhung bar ma byed par/ /blo gzu bor gnas pa'i rtog dpyod kyis/ / lam drang bor zhugs pa cis kyang legs/ /zhes gsungs pa ltar phyogs lhung spangs pa'i drang po'i blos yongs su brtags nas smras pa yin cing/ sa rnying kar 'brug sogs kyi grub mtha'i 'gro lugs dang/ zab mo'i gnad don/ chos skad kyi rnam bzhag sogs phyogs tsam zhig bdag cag gis kyang mthong zhing thos pas/ de dag la dus phyis 'dra min gyi bsre lhad dang/ rang bzo'i rtog bcos/ / mi shes pa'i bab bcol gyis bslad pa zhugs pa sogs 'ga' zhig mchis pa rnams ma yin pa'i rang rang gi dam pa gong ma rnams kyi bzhed srol rnam dag gang yin la rgyal ba'i dgongs pa dang mi mthun pa ma mchis rung/ phyis kyi rjes 'jug rnams kyis rang rang gi rgyud tshod dang bstun pa'i nyams su len lugs ma shes pa'i khar/ /gzhan @450 gyi lad mo sna tshogs zhig bkab pas gang zag gis chos mdzad pa ltar du song ba yang ci rigs pa snang la/ de ltar 'ong ba yang dam pa gong ma rnams kyi bzhed don thun mong dang thun mong ma yin pa'i gnad rnams sbyangs pa dman pas rang stobs kyis shes par ni ma nus/ bla ma slob dpon mkhas shing nyams myong can gyis 'di dang 'di lta bu zhes tshul bzhin du gsal por 'doms pa yang med/ dbang rjes gnang 'ga' zhig dang/ bklags lung tsam la brten nas rang nyid kyis tshod tshod du nyams len byed khul byas kyang bshad tshod ltar gyi nyams myong ni ma skyes/ ji zhig ltar na gzhan gyi chos gsar zab zab mo yin khul kha bo dang bcas pa zhig go ba na/ de bas de drag pa yongs rgyu yin 'dug snyam rang lugs bzhag nas de dag la zhugs pas ci min 'di min du song ba yin 'dug pas/ de ltar mi mdzad par gtso bor bstan pa'i gzhi ma dge tshul slong sogs kyi tshul khrims rnam par dag pa zhig gzhir bzung/ de'i steng du bshes gnyen bsten tshul rnam par dag pa dang/ dal 'byor rnyed dka'/ 'chi ba mi rtag pa/ las 'bras dang/ 'khor ba'i nyes dmigs/ thar pa'i phan yon bsam pa sogs la sbyangs pa rgya chen po ma thub rung/ dam pa gong ma'i gsung dang/ slob dpon mkhas pa'i ngag sogs la ring du 'dris par byas nas tshul bzhin khong du chud pa la 'bad cing/ don rnams yang yang bsams nas myong ba ci thon la 'bad/ skyabs 'gro dang/ phyag/ maNDal/ yig brgya/ bla ma'i rnal 'byor sogs bsags sbyangs rnams zla ba kha shas dang/ grangs khri 'bum kha shas tsam gyis sdig pa tshab chen 'dag pa dang/ byin rlabs tshan po che 'jug par mi nus pas lo zla du mar rgyun 'khyongs @451 su 'bad na/ nam zhig na sgrib pa dag cing/ bla ma lha'i byin rlabs zhugs pas chos rnams la bltas na yang sngar dang mi 'dra ba'i nges shes nang nas rnyed pa zhig 'ong rgyu yin par snang la/ de ltar bsags sbyangs dang sbrel nas rang rang gi lugs kyi bskyed rdzogs sogs zab mo'i chos rnams la rgyud tshod dang bstun nas nyams su blangs na dal 'byor don dang ldan par 'gyur bas de ltar du 'bad 'tshal zhes 'phros bshad kha chems rlung bskur gyi tshul du spel nas dkyus kyi don la 'jug pa ni/ des na sngar sangs rgyas kyis mdo dang rgyud sde rgya mtsho lta bu bka' stsal pa dang/ de dag gi dgongs don 'grel byed shing rta chen po rnams kyis bstan bcos zab cing brling ba du ma zhig mdzad na'ang/ phyis kyi gdul bya rnams dbang po je brtul du song bas/ deng sang gi dus su bka' 'gyur bstan 'gyur sogs kho na la brten nas thos bsam dang nyams len byed rgyu lta bzhag /lan re klog pa tsam yang mi nus par glegs bam rnams rten khri'i nang du bzhag nas rim gro sogs kyi tshe zhal phye nas klog 'don tsam dang/ rgyun par phyag mchod pa'i yul du byed pa tsam las thos bsam dang nyams len la mi mkho ba'i dus tshod du gyur pa mngon sum gyis mthong ba bcas/ de lta bu la brten nas mkhas grub rnams kyis de dag gi brjod byed kyi tshig rnams nyung ngur bsdus/ don mi gsal ba dang go mi bde ba rnams gsal por ston pa sogs gdul bya rnams kyi blo dang 'tshams par mdzub tshugs dmar bcang gi tshul du 'chad pa'i bstan bcos man ngag rgyas bsdus mtha' klas pa zhig mdzad pa rnams la gdul byar sman pa'i dgos pa lhag po bsam gyis mi khyab pa yod bzhin du/ rang nyid kyis mi shes pa rtags su bkod nas dam pa rnams kyis bstan bcos brtsams @452 pa sogs la dgos pa med do zhes chos spong gi las tshab chen po bsags par mi bya'o/ /rgyu mtshan de dag gi phyir rje bdag nyid chen pos kyang/ rang gis ji bzhin rtogs pa'i lam gyi gnad/ /shugs drag brtse bas drangs pa'i thabs mkhas kyis/ /'gro ba'i yid kyi mun pa bsal byas nas/ /rgyal ba'i bstan pa yun ring 'dzin gyur cig /ces thugs bskyed rmad du byung ba ji ltar mdzad pa ltar rang nyid kyis brnyes pa'i lam drangs po la gdul bya rnams bkri ba'i slad du sngar zhal bzhugs pa'i gnas skabs su'ang mdo sngags kyi thos bsam nyams len gyi gnad mtha' dag tshul bzhin du 'doms pa'i chos kyi 'khor lo rgyun mi chad du bskor te 'gro ba dpag tu med pa smin pa dang/ grol ba dang/ rab kyis mthar phyin pa la 'god par mdzad cing/ bstan pa'i snying po dri ma med pa lha dang bcas pa'i bsod nams kyi zhing du nyin mo ltar gsal bar mdzad pa ma zad/ ji ltar gsungs pa'i don de dag bstan bcos su 'khod pa zhig med na bdag cag phyi rangs pa rnams chos kyi bgo skal gyis phongs par 'gyur ba la brtse ba shas mi bzod pas kun nas bslangs te mdo sngags kyi zab don rnams glegs bam du 'khad pa'i bstan bcos rnams zhal chems kyi tshul du stsal ba la brten nas/ deng sang gi dus su bdag lta bu'i skal dman rnams kyis kyang nyan sems bsgom gsum bya ba'i yul du gyur pa dang/ mdo rgyud bstan bcos rgya chen po blta bar ma lcogs kyang rje yab sras kyi gsung 'di rnams la thos bsam sgom gsum tshul bzhin du byas na lam gol ba dang log pa'i g.yang sa las grol te zung 'jug gi go 'phang du ring por mi thogs par bgrod nus pa'i bka' drin bsam las 'das pa stsal ba yin te/ 'og nas 'chad 'gyur ltar rje nyid dag @453 zhing du gshegs nas mkhas grub thams cad mkhyen par slar yang zhal gzigs skabs kyi gsung las/ nga dran na sngags mtshan nyid lam rim gnyis kyis gtso byas pa'i yig cha 'di rnams nga'i kha chems yin pas 'di rnams la ltos zhes sogs rje nyid dngos su byon kyang de dag las lhag pa gsung rgyu med ces bka' stsal pa ste/ 'di 'dra ba'i bka' drin ni cha shas phra mo tsam zhig kyang dus nam du'ang 'jal bar nus pa ma yin no/ /'o na de lta bu'i bstan bcos gsung rtsom mdzad pa ji lta bu mchis zhe na; rags rim 'ga' zhig sngar gong du bkod zin dang/ da dung des kyang mi tshad pa mang du mchis pa rnams dang bcas la glegs bam gyi grangs kyi dbang du byas na/ rnam thar ngo mtshar ba'i gtam brgya rtsa brgyad pa las ni 'di ltar byung ste/ de ltar 'chad pa'i rtser son pa ma zad rtsom pa'i legs par bshad pa yang du ma yod pa'i gtso che ba tsam smos na/ dpal mar me mdzad chen po'i gzhung byang chub lam gyi sgron me dang/ bstan rim gnyis la sogs pa'i snying po'i don thams cad gcig tu bsdus pa/ theg pa gsum gyi byed sgo/ skyes bu gsum gyi 'jug rim/ che ba bzhi ldan gyi sgo nas bde bar gshegs pa'i chos kyi phung po brgyad khri bzhi stong gi brjod bya mtha' dag be'u bum gcig tu bsgril ba byang chub lam gyi rim pa/ rje btsun 'jam dpal dbyangs kyis rtsom pa'i bskul ma mdzad cing/ bla ma nyid kyis tshig phrad sdebs pa tsam ma gtogs don gyi brjod bya thams cad yi dam nyid kyis smos spel mdzad nas rgyud sde bzhi'i rnam par bzhag pa/ gang zag sngags la sbyor ba'i rim pa/ rgyud snod du rung thabs/ rgyud smin par bya thabs/ rgyud grol bar bya thabs/ de dag la'ang lung gi shes byed/ rig pas sgrub @454 tshul/ zhal rgyun gyi rgyab skyor/ de la sogs pa gsang ba'i gnas/ dka' ba'i gnad phra zhing phra ba dag kyang nor bu mkhan mkhas pas bai DArya'i sbyong thabs ltar mdzad nas/ thub bstan rgyal mtshan gyi rtse mor mchod 'os gsang chen dbang gi rgyal po sngags kyi rim pa dang/ bye brag tu sngon 'phags yul na'ang che brjod du mas bsngags shing/ phyogs 'dir sangs rgyas las kyang rnyed dka' ba'i dpal gsang ba 'dus pa'i lam rim pa gnyis 'bras bu dang bcas pa'i don thams cad mtha' drug dang tshul bzhi'i rgyas btab ste zab pa'i gnad thams cad sa 'og gi gter ltar gyur pa la gsal ba'i sgron me don dang mthun par mdzad pa dang/ des gtan la phab pa'i don mngon par rtogs pa rim pa lnga stan gcig la rdzogs par byed pa'i glegs bam dang/ rnal 'byor ma rgyud rgyal po'i snying po dngos grub rnam gnyis 'dod 'jor bya thabs spas pa'i don kun gsal bar byed pa dang/ glegs bam de'i dgongs pa thos bsam gyis ji ltar lon pa de nyid sgom byung gi dgos par bsgril ba gtso bor ston pa rdzogs rim rnal 'byor chen po dang/ nA ro'i chos drug blo mchog mgu ba bskyed pa'i gser gyi 'phreng ba/ sngan de bzhin gshegs pas dgongs gzhi/ dgos pa/ dngos la gnod byed/ dgos pa gzhi'i dbang gis sgras zin mi mthun pa gsum du bstan pa la/ rjod byed 'gal ba las brtsams pa'i dri ba dang brjod bya 'gal med las brtsams pa'i dris lan gyi khongs nas gzhi dang/ lam dang/ 'bras bur 'jog tshul smra ba'i sgo bzhi rang gi khas len mi 'khrugs pa'i 'dzin mtshams dang/ de dag gi dngos la bstan tshod dang don la gnas tshod mi mthun pa'i srol gyi theg pa che chung gi gzhung don yongs la sgro skur gyi dri ma mtha' dag 'khrud pa drang ba dang nges pa'i @455 don rnam par 'byed pa legs bshad snying po/ khyad par du thar pa'i nor gling du 'jug pa la med du mi bzod pa/ mthar 'dzin gyi chu bo thad du gcod pa'i gru bo che dbu ma'i rnam bshad chen mo/ gzhan yang dkyil chog /bstod tshig / smon lam/ mngon rtogs/ bskyed rdzogs/ 'khrul 'khor la sogs pa kha 'thor ba thams cad rkang grangs su rtsi ba lhur byed na glegs bam lnga bcu brgal bar mchi ste/ gsung gi dbang phyug brnyes pa'i tshul ni rmad du byung ba'i gtam so drug pa'o/ /zhes gsungs te 'di'i rtsi tshul ni gsung rtsom bstan bcos gzhung che ba rnams tshan pa re la pod re dang/ gnyis sogs ci rigs su byas nas rtsi bar snang zhing/ lar nas gsung rtsom par du ma 'khod pa yang 'ga' zhig yod pa 'og nas 'byung ba ltar dang/ da lta yongs grags par du 'khod pa rnams mi rje sangs rgyas rgya mtshos pod che tshad bco brgyad du bsgril bar mdzad pa dkar chag nang bzhin 'god na/ pod dang por rgyal ba khyab bdag rdo rje 'chang chen po'i lam gyi rim pa gsang ba kun gyi gnad rnam par phye ba'i stod le'u bcu ba dbang gong ma gsum mtha' brten dang bcas pa; 7gnyis par de'i 'phros le'u bcu gcig pa rim gnyis zung sbrel gyis byang chub bsgrub dgos par bstan pa/ 'dus pa'i sgrub thabs rnal 'byor dag pa'i rim pa/ dbang don de nyid rab gsal/ rdzogs rim rim lnga gdan rdzogs kyi dmar khrid/ bsre 'pho'i gdams ngag /rim lnga bsdus pa dang/ bshang rgyud rdo rje 'phreng ba'i zin bris/ 7gsum par 'dus pa'i gnad kyi don gsal ba; rdor bzlas dang/ mngon par byang chub pa/ bdag byin rlabs/ dgongs pa bla na med pa rnams kyi zin bris/ cho ga nyi shu'i khungs dgad pa/ lam @456 la slob tshul/ dka' gnad bstan pa tshigs bcad ma/ ye shes rdo rje kun btus kyi rgya cher bshad pa/ bshad rgyud rgyud thabs/ 7bzhi par sgron gsal gyi bshad pa mchan bcas/ 7lnga par mtha' gcod rin po che'i myu gu / bshad pa 'chad pa'i bsdus don/ 'dus bshad de kho na nyid gsal bar byed pa/ yig chung nyer gcig dang thor bu ba/ sa chog gar 'phreng ba'i dgongs pa bzhin dang/ 'dus pa le'u dang po'i 'grel pa'i zin bris/ 'jam rdor dkyil chog / sgrub thabs 'jam pa'i dbyangs kyi dgongs gsal/ 7drug par 'dus pa'i man ngag rim pa lnga rab tu gsal ba'i sgron me/ rim gnyis bsgom tshul gyi zhal gdams zin bris/ 7bdun par gsang 'dus bskyed rim/ bzhi brgya lnga bcu'i skor/ sgrub thabs tshig don cung zad bkod pa la/ drang nges kyi sngags btu dang byin rlabs kyi cho ga rnams kyi zin bris/ 'dus pa rdor sems ngag 'don gyi rim pa/ dka' gnad zin bris/ stobs po che'i sgo nas char 'bebs pa/ rta mgrin gyi sgo nas sprin dbral ba/ khro bcu'i zin bris/ 'jigs byed kyi sgrub thabs bdud las rnam rgyal/ lha bcu gsum/ lha zhe dgu /phyi nang ngag sbyor/ dgra nag sgrub thabs/ gshin rje'i cho ga rin chen 'phreng ba/ 'jigs byed kyi sbyin sreg dngos grub rgya mtsho/ 'jam dpal zhi drag gi sgo nas bar gcod srung ba dang tshe bsring ba sogs kyi gdams pa/ yi ge bzhi srung/ yi ge bzhi pa'i man ngag /rtsa ro rkyang dbu gsum dang gshin rje sbyor tshul/ grub chen dpal 'dzin gyi de kho na nyid bzhir bshad pa/ nang gi rtsa 'khor dang gshin rje sbyor tshul/ 'khor chen mngon rtogs/ skyil chog /7brgyad par @457 bde mchog bsdus rgyud kyi bshad pa sbas don kun gsal/ rim lnga'i rnam bshad sbas don blta ba'i mig rnam par 'byed pa/ dkyil chog dang rdzogs rim rnal 'byor chen mo'i khrid kyi rim pa mdor bsdus pa/ lU hi pa'i dkyil chog /de lugs kyi sgrub thabs bde chen gsal ba/ 7dgu par bde mchog gi mngon rtogs bshad pa 'dod 'jo/ rdzogs rim dngos grub snye ma/ phyi rol mchod pa'i cho ga'i zin bris/ mchod 'phreng/ dril lugs kyi sgrub thabs/ ngag 'don gyi cho ga'i rim pa/ lus dkyil/ chog rin chen bang mdzod/ rim lnga'i khrid yig /rdo rje mkha' 'gro'i 'grel pa'i zin bris/ tshes bcu'i mchod pa/ man ngag snye ma'i skor dang/ mi 'jigs gzhung 'grel la sogs pa'i zin bris/ 7bcu par na ro chos drug gi khrid yig lag tu len tshul bsdus pa/ rdzogs rim/ kyai rdor rgyud dang/ bdag med ma'i dkyil 'khor sgrub thabs/ brtag gnyis rnams kyi zin bris/ mkha' spyod ma dmar mo'i sgrub thabs/ lhag pa'i lha ni gcig pu'i don bshad pa/ kha sbyor gyi brtag pa brgyad kyi rab byed gsum pa/ 'pho ba gser gyi sgo 'byed/ sbyor drug /de'i don bshad/ dus 'khor gnyis med dang/ mngon rtogs dbang sbyor drug nyer 'kho rnams kyi zin bris/ 'chi zhag dang tshe lhag bshad pa/ sbyor drug dang sgrub po'i phyag rgya bzhi'i zin bris/ rdzogs rim gnad bsdus/ 'khrid/ khams le/ bsam gtan phyi ma/ gsang ba khyad bzhi/ grub chen brgyad kyi bzhugs tshul rnams kyi zin bris/ 7bcu gcig par dri med 'od kyi dka' gnad rnam par 'byed pa/ dus 'khor spyi don/ bsdus 'grel dang/ rdor dbyings sa chog /rdor sems bsnyen pa'i rim pa/ rdo rje rtse mo'i dkyil @458 chog sogs kyi zin bris/ sbyong rgyud mchan yod/ dkyil chog rgyud don gsal ba/ 'jam dpal sgrub thabs/ bya spyod spyi'i rnam bzhag /'od zer can ma/ lo ma gyon ma/ dbyangs can ma/ sme brtsegs rnams kyi sgrub thabs/ sangs rgyas so lnga'i mngon rtogs/ sgra mi snyan pa'i tshe sgrub/ rab gnas rgyas bsdus/ 7bcu gnyis par bla ma lnga bcu pa'i Ti ka /sngags kyi spyad pa dngos grub snye ma/ sdom pa gong ma gnyis kyi phyir bcos/ rtsa she'i rnam bshad rig pa'i rgya mtsho/ lta khrid/ rgyan gyi zin bris/ 7bcu gsum par dbu ma 'jug pa'i rnam bshad dgongs pa rab gsal/ rgyan gyi brjed byang/ rig pa drug cu pa/ shes rab le'u rnams kyi zin bris/ thal rang gi khyad par/ bden gnyis/ dka' gnad brgyad kyi zin bris/ 7bcu bzhi par mngon rtogs rgyan gyi legs bshad gser 'phreng las skabs dang po gsum gyi rnam bshad/ 7bco lnga par skabs phyi ma lnga'i rnam bshad/ byang chub sems sdoms rnam bshad byang chub gzhung lam/ 7bcu drug par byang chub lam rim chen mo las skyes bu chung 'bring gi thun mong ba'i lam gyi rim pa las rgyal sras gyi spyod pa spyi la bslab pa dang/ zhi lhag gi skabs rnams/ 7 bcu bdun par byang chub lam rim chung ba/ skyes bu chen po'i rnam bzhag / drang nges rnam 'byed legs bshad snying po/ dge 'dun nyi shu/ yid kun 'grel pa/ 7 bco brgyad par bslab btus kyi zin bris/ tshad ma'i brjod byang chen mo/ mngon le'i brjed byang/ Tikka /'dul ba rgya mtsho'i snying po bsdus pa/ /Tikka /bslab bya gnam rtse ldeng ma rgyas bsdus/ tshul khrims rnam bshad/ yongs sbyong gzhi gsum cho ga so thar gyi blang dor rnams mdor bsdus pa/ gsan yig gi dum bu/ cha @459 tshad blta ba'i me long/ chab shog le tshan gnyis/ gsung thor bu pa rnams dang bcas pa dang/ par du ma 'khod cing deng sang dpe rgyun yang shin tu dkon pa rgyan dang nyi ma sbas pas rnam 'grel thal 'gyur du 'grel tshul/ drang nges rnam 'byed kyi rnam rig pa'i skor gyi zin bris/ bsam gzugs kyi dka' gnad che long tsam gtan la phab pa sogs dang/ sras kyi thu bo rnams nas zin bris su mdzad pa/ mngon rtogs rgyan gyi dka' gnad kyi bshad pa dang/ dge 'dun nyi shu'i skor dang/ byams chos kyi grangs dang go rim/ nyams len sogs lam kyi rim par bsgrigs tshul/ sngags kyi skor la gsang 'dus zhal shes thor bu mdor byas zin bris rje rang nas mdzad pa; yang gsang 'dus skor gyi zin bris 'jam dbyangs chos rjes mdzad pa/ slob ma gzhan dag gis zin bris btab pa dus 'khor spyi don/ sbyor drug /'pho khrid sogs du ma zhig yod par snang yang phal che ba dpe rgyun dkon pas deng sang sa 'og gi gter lta bur gyur tshod du snang/ de lta bu'i gsung de dag thams cad la'ang ma brtags pa dang gya tshoms su smra ba dang/ lung rig dang 'gal ba sogs kyi 'khrul ba'i cha ni tshig gcig la yang mi mnga' ba'i 'phags pa rnams dgyes pa bskyed pa'i legs bshad 'ba' zhig yin pa ni/ mkhas grub thams cad mkhyen pa'i gsung las/ ji ltar rgyal bas lung bstan brnyes pa'i shing rta'i srol 'byed chen po dag gi gzhung lugs rnams la rig pa'i dbang phyug dag gis ji tsam dpyad kyang khas blangs snga phyi 'gal ba sogs kyi dri tsam yang brtags par mi nus pa ltar/ bdag nyid chen po 'dis kyang mdo sde dang rgyud sde'i dgongs pa 'grel ba'i bstan bcos shin tu mang po 'di tsam zhig mdzad pa thams cad la'ang/ bdag cag gi dge ba'i bshes kyi gsung @460 yin pa rgyu mtshan du nye bar bkod pa'i rang gi yin pa'i 'du shes kyis sgro 'dogs pa dang/ yid phrag dog gi dug chus ches cher myos pas skyon gdags par 'dod pa 'ba' zhig gi sems kyis skur ba 'debs pa gnyis ka spangs te/ dri ma med pa'i rigs pa'i lam nas 'ongs pa'i blos ji tsam legs par brtags kyang/ rgyud sde gong 'og /theg pa che chung/ grub pa'i mtha' so so la sogs pa gang yin pa de'i gzhung lugs de dang de las phyi rol tu gyur par lung dang rig pa 'dis mngon no zhes bya ba'am/ lugs de nyid gzhir byas pa la'ang rang tshig 'gal ba'i nyes pa 'di lta bus reg go /zhes bya ba'i dri tsam yang brtag par mi nus pa mngon sum gyis grub pa 'di nyid 'di'i rig pa yang dag pa yin no/ /de'i phyir tshul 'dis ni ji 'dra ba'i mkhas pa rmad du byung ba grags pa'i ba dan gyis mdzes par byas pa sngon byon pa'i chen po dag la'ang rang rang gi gzhung lugs la rnam par dpyad na/ lugs de nyid gzhir byas pa la'ang rang tshig 'gal ba'i nyes pa lan cig ma yin par 'bab pa dag mthong ba lags na/ bdag nyid chen po 'di'i blo gros dang mkhyen rab rmad du byung ba la bsgrun par bzod pa'i bshes gnyen sngon chad gangs ri'i khrod 'dir lan cig kyang ma byon pa nyid du kho bos yid ches pa'i tshad mas grub pa yin no/ de lta mod kyi ji tsam mang du thos pa de tsam du de dang de'i don thugs nyams su bstar nas sgrub pa snying por mdzad pas bslab pa gsum gyi mngon par rtogs pa'i yon tan gyi cha la 'gran pa'i zla thams cad dang bral ba 'di ni de bas kyang dpag par dka' ba'i yon tan gyi phung po yin no/ /zhes gsungs pa dang/ de bzhin du zang zang ne ring pa 'chi med rab rgyas kyi gsung las/ yang thugs rtsom mdzad pa rnams kyang/ shes @461 rab dang blo gros yod cing/ gzu bor gnas pa'i dge bshes sam/ dad 'dun can gyis yang yang bltas shing bsams nas zhib tu dpyad na/ legs par bshad pa dang zab gnad kho na yod cing rnam dpyod can dang/ shes rab can dang/ skal ldan rnams la dga' ba bskyed pa kho na dang/ grol byed kyi lam sha stag dang rnam dag tu yod pa yin/ yang rang tshig dngos shugs 'gal ba dang/ khas blang snga phyi 'gal ba dang/ mdo rgyud bstan bcos rnam dag gi dgongs pa dang 'gal ba sogs kyi skyon yang med la/ blo ldan gyis bsam brjod dang bsgom tshul shes na lo zla sogs song gin tshig don rnams zab tu zab tu song ba 'dra ba zhig yong bar nad pa kho bos kyang go la/ mkhas grub gzhan mang po yang de ga bzhin du gsungs/ yang skal ba med pa dang/ shes rab med pa dang/ log lta can tshos ni res 'ga' log pa dang min par go ba dang/ res 'ga' rgya 'grel la bltas pa bzhin du tshig don go mi nus pa du ma zhig kyang byung ba mthong ba ni/ rang gi skyon dang gsung rab rlings drag pa'i rang shugs yin pas rje rin po che'i gsung rnams kyi skyon du ma 'dzin zhig /'o na/ paN chen phyogs las rnam rgyal sogs kyis skyon brjod dang/ dgag tshig mdzad pa ci yin snyam na/ paN chen gyis ni dpyad gzhi tsam du mdzad pa yin pa las skyon can gyi dgag pa mdzad pa mi 'dug / gzhan dgag tshig byed pa du ma ni/ la las phyogs snga tsam yang ma longs pa dang/ la las ni gsung rab spyi'i mtha' phugs cher ma brtags pa dang/ la las ni mdo rgyud spyi'i gnas tshul ma shes pa dang/ la las ni rang gi blo la bdud zhugs te phyogs 'dzin pa dang/ shes 'dod che zhing chags sdang gi dbang du song ba'i skyon yin par @462 'dug go /de bas na rje'i gsung rab rnams la ni legs bshad yod cing/ skyon med pa'i rnam dag dang/ skal ldan gyi spyod yul kho nar shes par byas te/ rjes 'jug gi bu slob dang bstan 'dzin rnams kyis gsung don dang mthun nges kyi bshad sgrub la brtson par mdzod cig /gzhan nye ring rnams kyis kyang mthong log spong bar mdzod cig /nga 'chi med pa 'di bzhin du ma song ba'i dus yin na/ gong gi tshig don re re la yang ya mtshan pa'i tshig don mang du spro rgyu yod cing/ yang nga dad 'dun dang shes brtson che ba yin pa'i phyir/ rje'i gsung rab rnams na zhal 'phang che chung yod pa thams cad mdo rgyud dam bka' bstan bcos sogs nas brtsams te lhan thabs lta bu'i yig cha chen mo zhig rtsom snyam pa yod kyang/ de ni nga rang la snga phyi'i bar chad ches pa dang/ khyad par lug lo man na tsha dam pos zin pa la brten nas spro ma thub song/ zhes sogs gsungs te mkhas grub de nyid sku tshe'i bar sked nas snyun gzhi shin tu thu bas zin na'ang rje thams cad mkhyen pa la gting nas yid ches kyi thugs dad tshad med pas kun nas bslangs te snyung bzhin du'ang rje'i rnam thar thor bu mang du rtsom par mdzad de/ 'di ni rnying ma'i bstan 'dzin gyi gtso bo zhig yin par snang la/ 'di dang 'dra bar grub mtha' gzhan gyi mkhas grub tshad ldan du mas rje bdag nyid chen po'i sku gsung thugs kyi rnam par thar pa la snying thag pa nas gus pas kun nas bslangs te bstod cing bsngags pas yongs su brel ba dang/ mkhas pa 'ga' zhig gis dang por rje'i gsung rab la zur za ba ltar mdzad kyang rjes su 'gyod pas bshags pa 'bul ba dang/ bsngags pa'i me tog 'thor ba sogs ji snyed cig byung ba ni 'og tu rim par 'god pa las rtogs par 'gyur te/ de dag ni rtsom pa'i yon tan rmad du byung @463 ba ji ltar mnga' tshul mdo tsam ched du brjod pa'o/ /smras pa/ gang thugs dri bral me long dwangs pa'i ngos/ /shes par bya ba'i chos tshul gzugs brnyan brgya/ / ma 'dres cig char gsal ba'i ngo mtshar gyi/ /gzigs mo kun la ngoms pa'i dge mtshan 'bar/ /'gro ba kun mkhyen sa la 'god slad du/ /rgya chen gzhung lugs zab mo'i gnad kyi don/ /legs bshad srad bur brgyus pa'i rin chen gyi/ / 'phreng ba dpyod ldan mgul ba'i rgyan du spel/ /sngon chad gangs ri'i khrod 'dir mdo rgyud kyi/ /dgongs pa gsal byed 'od dkar mang na yang/ /zab don padmo 'byed pa'i nyin mor byed/ /khyod dang mtshungs pa'i dper 'os cang ma mchis/ / ji tsam legs par bshad pa'i tshig don la/ /de tsam mkhas pa brgya yis nyi mtshan du; ;bsams tshe slar yang gus pa 'phel ba las/ /klan ka 'jug pa'i go skabs cha tsam dben/ /don gyi ngo bo go rim la sogs pa/ /'jam dbyangs dngos kyis legs par 'doms pa'i phyir/ /smra ba gang la'ang 'gal 'khrul nongs pa sogs/ /cha tsam rgyal bas gzigs kyang dmigs su med/ /'ga' zhig phyogs lhung gser mig 'khyil ba yis/ /klags blta bsun 'byin go skabs btsal na yang/ /mun pa'i khung bur rang sgra 'byin pa las/ /ji bzhin gleng ba'i ro 'dzin mdud pas 'chings/ /'phags yul mdzes byed rgyan drug mchog gnyis kyi/ /mkhyen pa mtha' dag gcig tu bsdus pa'i dpal/ /mgon po khyod la mnga' zhes bsngags tshig 'di/ /cam bu tsam min gsung rab rnams kyis shes/ /'chad pa'i khrir 'gyings rtsod pa'i ba dan bsgrengs/ /rtsom pa'i gdugs dkar g.yo ba'i grib bsil gyis/ /'gro tshogs bde bar dbugs 'byin mdzad @464 pa'i tshul/ /rgyal ba kun gyi 'phrin las bsdus pa bzhin/ /dus mthar rnam dag rgyal ba'i ring lugs tshul/ /nub rir gzhol la mngon du phyogs pa'i tshe; ;thub dbang gnyis pa'i nyi ma khyod shar tshe/ /slar yang 'dus pa dang po'i bskal bzang ngoms/ /zhes pa ni bar skabs kyi ngal bso'i tshigs su bcad pa'o/ ' /de bzhin du mkhas btsun bzang gsum gyi yon can mnga' tshul la mtshon na; de yang mkhas pa'i yon tan gyi nang tshan phar tshad 'dul mngon dbu ma la sogs pa mdo phyogs kyi gzhung lugs rgya che mtha' klas pa rnams dang/ bya spyod rnal 'byor/ rnal 'byor bla med dang bcas pa'i rgyud sde rgya mtsho lta bu la sbyangs pa mthar son te mkhas dbang kun gyi cod paN la zhabs skyes lan brgyar bkod pa ni sngar gong du rgya cher bkod zin pa dang/ bshad ma thag pa'i 'chad rtsod rtsom gsu gyi rnam thar de dag kyang mkhas pa'i yon tan gyi gtso bo ste/ bshad zin de dag slar skyar 'dab kyis 'god ma dgos shing/ de dag tu ma zad da dung bdag nyid chen po 'dis ni ris su ma mchis pa'i tshad ldan gyi dam pa du ma rigs kyi cod paN du bzhes nas rang gzhan gyi grub mtha' du ma'i chos bka' dbang lung man ngag mtha' klas pa gsan bzhes dang/ thun mong ba'i rig gnas sogs la'ang sbyangs pa phul phyin gyis mkhas par mdzad pa yin te/ de yang dam pa 'di'i yongs su 'dzin pa ji dang ji lta bu mchis pa dang/ de dag las dam pa'i chos gang dang gang gsan pa sogs phal che ba gong du bkod zin na'ang/ gsar du 'god rgyu 'ga' zhig mchis pa rnams dang bcas rtogs sla ba'i phyir 'dir dkyus gcig tu 'god pa la/ dga' ldan chos 'byung ltar na/ karma pa rol pa'i rdo rje las dge bsnyen gyi sdom pa/ chos @465 rje don grub rin chen las dge tshul gyi sdom pa dang/ 'jigs byed/ bde mchog /kye rdor/ phyag rdor sogs kyi dbang chen/ 'bri gung spyan snga rin po che las theg chen sems bskyed sogs dang/ tshal gyi sman pa dkon mchog skyabs las bso ba rig pa gsan cing/ rgyud sde bzhi yang thugs 'dzin mdzad/ mnyes thang bde ba can du mkhan po bkra shis seng ge dang/ ye shes seng ge gnyis la'ang chos 'brel gsan/ bde ba can gyi bla ma 'jam rin par byams chos rnams dang/ bla ma dam pa bsod nams rgyal mtshan dang/ mkhan chen rin chen rnam rgyal/ paN chen ma ti pa rnams las 'jam dbyangs bde mchog sogs kha shas dang/ sa bzang pa'i drung du sgra rig pa/ bo dong phyogs las rnam rgyal las sbyor ba yan lag drug pa; snar thang mkhas pa lo tsa ba dan bzang las mdzod dang tshad ma'i Ti ka / shangs lugs kyi phyag drug pa bka' bcu gsum nas rjes gnang bar chad kun sel rnams gsan/ gnyags dbon kun dga' dpal las phar phyin/ red mda' ba gzhon nu blo gros las mdzod rang 'grel/ dbu tshad sngags sogs ji snyed gsan/ lo chen byang chub rtse mo las mngon pa kun btus/ skyor lung mkhan po blo gsal ba las 'dul mdzod/ mal gro lha lung bla ma bsod grags las chos lung mang ba/ lo tsa ba nam mkha' bzang por snyan ngag me long la bshad rgyugs/ rje btsun pa las dbu tshad mngon pa/ snar thang mkhan po kun dga' rgyal mtshan pa las dbu tshad sogs gsan/ yar klung tshogs pa'i mkhan po dka' bzhi tshul rin pa las kyi kha skong dang bcas pa las dge slong gi sdom pa/ dar yul ba las gsang sngags rnying ma'i skor slob dpon chen po'i snying gtam shog hril ma @466 sogs shog ser dang tshe sgrub/ rta mgrin gyi skor sogs gsan/ bde can 'jam rin pa/ bla ma rje btsun pa/ bla ma chog shes pa rnams las lung kha yar gsan/ gdan sa thel spyan snga chos grags par nA ro chos drug sogs dang/ sgra rig gsan/ bla ma ye shes rgyal mtshan las dus 'khor rtsa ba 'grel chen sogs zhib par gsan cing/ skar rtsis la yang mkhas par mdzad/ bu ston rin po che'i dngos slob bla ma bde chen pa chos dpal la'ang dus 'khor dang/ rdo rje 'phreng ba'i dbang lung mdzub khrid gar thig dbyangs sogs dang/ rdo rje snying 'grel/ gsang 'dus lugs gnyis/ bu ston gyi yig cha sogs du ma gsan/ khyung po lhas pa las yo ga'i skor gyis thog drangs rgyud sde 'og ma rnams kyi bka' dang dbang gi chu bo rgyun ma chad par yod pa rnams bum pa gang byo'i tshul gyis bzhes/ sde snod 'dzin pa rgyal mtshan grags par yo ga'i gar dbyangs dag ther mdzad/ gtso bor rje btsun 'jam dpal dbyangs kyi zhal gzigs shing/ grub chen dpa' bo rdo rje'am/ bla ma dbu ma pas lo tsa mdzad de dbu ma'i lta ba dang/ sngags mtshan nyid kyi khyad par/ sngags bla med kyi lam gyi gnad dang/ rim pa lnga'i go rim drang nges sogs la dogs gcod legs par gnang ste sgro 'dogs chod par mdzad/ lho brag grub chen las kyi rdo rje las snyan brgyud dang lam rim kyi khrid sogs mang du gsan/ spyan snga rin po che chos kyi rgyal po las nA ro chos drug gsan pa sogs yongs su 'dzin pa bcu phrag bzhi lhag bsten par mdzad/ de rnams kyi nang nas kyang chos rje don grub rin chen dang/ gnyags dbon kun dga' dpal/ red mda' ba gzhon nu blo gros/ sa bzang ma ti paN chen/ lo chen nam mkha' @467 bzang po/ rnying ma'i chos rje dar yul pa/ spyi bo lhas pa/ 'bri khung spyan snga chos kyi rgyal po/ thel gyi spyan snga chos grags/ rtogs ldan ye shes rgyal mtshan/ tshogs mkhan chen tshul rin pa/ tshal pa'i sman pa dkon mchog skyabs/ bla ma dbu ma pa/ grub chen las kyi rdo rje ste bcu bzhi ni bka' drin che shos kyi bla mar 'dzin par mdzad la/ de nas kyang chos rje don grub rin chen dang/ rje btsun red mda' pa/ grub chen dpa' bo rdo rje/ las kyi rdo rje dang bzhi ni 'gran zla dang bral ba'i bla ma yin par gsungs/ gong du chos 'brel gsan gras gdan sa thel gyi spyan snga ba'i mtshan la chos grags zhes pa dga' ldan chos 'byung du gsal ba ltar bkod pa yin kyang/ chos kyi spyan ldan gzhan dag nas rje'i bla ma de ni tshes bzhi rnying ma bar grags pa thel spyan snga grags pa byang chub zhes pa ste rje nyid kyis rtogs brjod byin rlabs lhun po zhes pa mdzad yul de yin par gsung ba ma zad/ 'di mjug de ma thag tu 'god par 'gyur ba'i rnam thar ngo mtshar ba'i gtam brgya rtsa brgyad pa dang zang zang ne ring pa'i gsung rnams las kyang/ thel gyi spyan snga grags byang ba zhes byung bas/ des na chos grags zhes pa yig skyon zhig byung bar sems/ ngo mtshar ba'i gtam brgya rtsa brgyad pa las/ dam pa 'di'i nye bar bsten pa'i bla ma ni/ sngon nas bsten pa'i chos rje don grub rin chen pa/ karma pa rol pa'i rdo rje/ 'bri khung spyan snga ba/ mnyes thang bkra shis seng ge o rgyan pa/ bde ba can pa'i 'jam rin pa/ bla ma dam pa bsod nams rgyal mtshan/ zha lu ba rin chen rnam rgyal/ sa bzang paN chen ma ti/ jo nang pa phyogs las rnam rgyal/ mkhan chen spyi bo lhas pa/ gnyags dbon kun dga' dpal/ @468 lo chen byang chub rtse mo/ skyor mo lung dka' bzhi blo gsal ba/ snar thang pa kun rgyal/ dka' bzhi tshul rin pa/ 'dul 'dzin shes rab mgon/ gdan sa thel gyi spyan snga grags byang ba/ rdogs ldan ye shes rgyal mtshan/ gnub chos lung gi grags pa bshes gnyen/ grags rgyal ba/ gong gsum bde chen pa chos dpal/ dka' bzhi yon tan rgya mtsho/ lo chen don grub pa/ rje btsun khyung po lhas pa/ grub chen nam mkha' rgyal mtshan/ rje btsun mA ra ma ti/ rnal 'byor dpa' po rdo rje ste/ de dag ni gdul bya'i mthun snang du mthong ba'i bla ma ste rmad du byung ba'i gtam bco lnga pa'o/ /zhes gsungs shing/ de lta bu'i bshes gnyen rnams las dbang lung man ngag khrid sogs mtha' klas pa dang/ rang gzhan gyi grub mtha'i chos kyi tshul sogs dpyis phyin par thugs su chud cing mkhas par mdzad de thub bstan yongs rdzogs kyi bdag por mngon par bzhengs shing/ da dung thun mong ba'i rig gnas dang/ grub mtha' gzhan gyi chos skor gsan tshul sogs zhib par brjod na/ rnam thar ngo mtshar ba'i gtam brgya rtsa brgyad pa las/ dbus su phebs pa'i thog ma nas tshal du 'tsho byed dkon mchog pa la rgyud bzhi'i don 'ol spyi tsam dri rtog mdzad pas/ da lta'i bso rag pa spyi la ma grags pa'i skye dgu'i tshe srog srung ba'i man ngag du ma mkhyen par gyur pa dang/ lo chen pa la ka tsan gyi don gleng mo tsam gyi khongs nas sgra rig la mkhyen pa thogs med du 'jug pa dang/ me long rtsa 'grel/ a ma ra ko Sha sogs/ sdeb sbyor dang snyan dngags kyi tshul la ma rmongs par mdzad pa sogs ni rigs gnas kun la mtha' rgya chod pa'i tshul te rmad du byung ba'i gtam bcu dgu pa'o/ /zhes dang/ gzhan yang dam @469 pa 'dis phyogs 'dzin gyis kun nas bslangs pa'i sgo nas da lta'i mkhas pa rnams kyi 'dod zhen ltar nga'i rang lugs yin pas bzang/ kho'i gzhan lugs yin pas ngan zhes sangs rgyas kyi bka' la ris gcod mi mdzad de/ kaM tshang lugs kyi bskyed rim phyag chen lnga ldan/ rje sgam po pa'i bka' 'bum/ rje phag mo gru pa'i bka' 'bum/ rje gling ras pa'i bka' 'bum/ rje 'jig rten mgon po'i bka' 'bum/ gzhan yang 'bri khung pa'i chos skor dang/ bka' brgyud gong ma mang rabs kyi rnam thar/ gsung mgur/ man ngag /bka' gdams glegs bam cha lag dang bcas pa dang/ bka' gdams pa'i brgyud 'dzin so so'i blo sbyong nyams khrid brjod las 'das pa zhig gang dang gang la bzhugs kyang dbul pos nor 'tshol ba'i 'bad pa las kyang brtson par byas nas chos tshul mtha' dag gis 'byor par mdzad pa ni rmad du byung ba'i gtam nyi shu pa'o/ /zhes dang/ zang zang ne ring pas mdzad pa'i rnam thar las/ rje btsun shar tsong kha pa blo bzang grags pa'am/ rje btsun tsong kha pa chen po zhes bya ba de nyid la rnam par thar pa ngo mtshar zhing rab tu gyur pa mang po yod pa'i nang nas/ mkhas btsun bzang gsum gyi yon tan zab mo mnga' ba'i tshul cung zad cig brjad par bya ste/ de yang rje rin po che re mda' pa sogs gtsang phyogs kyi bla ma bzang po drug tsam dang/ rje karma pa rol pa'i rdo rje dang/ 'bri khung rin po che chos kyi rgyal po dang/ phag gru rin po che grags pa byang chub sogs dbus dang khams la gtogs pa'i bla ma khyad par can drug lhag sogs/ mdor na dbus gtsang khams gsum gyi sa cha la bzhugs pa'i bla ma mkhas grub khyad par can mang po'i drung du mdo sngags kyi rgya gzhung @470 dang/ gzhung lugs che chung brgya phrag du ma la thos bsam gyi bya ba rnam dag mdzad cing/ dbus kyi sa cha gcig na bzhugs dus sangs rgyas kyi gsung rab bka' 'gyur ro cog la gzigs rtog zhib tu mdzad pa ma zad/ yang/ rje mar pa dang/ mi la ras pa'i gsung ngag rnams dang/ mes rngog mtshur gsum rjes 'brang dang bcas pa'i gsung ngag spyi dang/ khyad par du yang chos drug dang/ tshe ring skor gsum dang/ mi la'i mgur drug /snyan brgyud so so dang/ yang/ khro phu bka' brgyud kyi gdams pa spyi dang/ mchog tu bu ston rin po che yab sras kyi gsung bgros mtha' dag dang/ yang/ bka' gdams kyi gsung ngag che chung spyi dang/ khyad par jo bo rje'i bka' gdams glegs bam/ po to ba'i dpe chos rin chen spungs pa/ be bum sngon po/ dge ba'i bshes gnyen gro lung pa dang/ brin las pa'i bstan rim dang/ lam rim sogs dang/ sa skya pa'i rje btsun gong ma rjes 'brang dang bcas pa'i gsung ngag dang yig cha phal che ba la yang gzigs rtog zhib par mdzad 'dug ste/ mdor na rgyud dang rgya gzhung mang po dang/ de dag gi rgya 'grel dang bod 'grel stobs che ba dang bcas pa la gzigs rtog dang/ rnam dpyod thugs rab kyis dpyad cing bsam pa la brten nas rang gzhan gyi grub mtha' phra rags kun la mkhas par gyur pa yin cing/ phar tshad dbu gsum mngon 'dul dang bcas pa dang/ gsang bde 'jigs gsum dus 'khor sogs mdo sngags kyi rgyud rgya gzhung gal che ba mang po la ni de bas kyang mkhas par mdzad pa dang/ de la yang thos bsam dang/ gzigs rtag rnam dag zhib rgyas su mdzad tshul mang du yod la/ yang lha'i sku ri mor bris pa @471 dang/ lugs su blugs pa sogs kyi cha tshad sogs bzo rig pa'i gnas dang/ yang/ slob dpon klu sgrub dang/ rta dbyangs kyis mdzad pa'i yan lag brgyad pa sogs bso ba rig pa'i gnas dang/ yang ka lA pa dang/ tsandra pa sogs sgra rig pa'i gnas dang/ tshad ma sde bdun sogs tshad ma rig pa'i gnas dang/ yang snyan ngag me long dang/ britta dang/ dzA ti la sogs pa'i sdeb sbyor dang/ ming gi mngon brjod dang/ zlos gar dang/ srid srung sogs mdor na rig pa'i gnas che ba lnga dang/ chung ba bzhi la sogs te rig gnas phra rags mang po zhig la mkhas par mdzad pa la brten nas/ dbus gtsang khams gsum du grags pa'i mkhas mchog chen por gyur pa yin la/ de ltar yin tshul ni/ rje rang gis mdzad pa'i mdo sngags kyi bstan bcos spyi dang/ gsung thor bu dang/ rnam thar che chung rnams dang/ rje rang gi mgur 'dun legs ma'i tshig don rnams la dad 'dun can dang/ shes rab yod pas zhib tu bltas shing/ phyogs bral gyi bsam blo btang na shes pa yin/ der ma zad sku gzugs kyi cha tshad shin tu legs pa zhig mdzad pa'i rgyab yig tu/ 'di na lha sku'i cha tshad rgyal ba yi/ /gzugs brnyan legs par blta ba'i me long mchog / blo bzang grags pa zhes bya'i mdzes ma yis/ /blo gsal sems kyi rten la sbyin pa bzhugs/ /zhes pa'i tshigs bcad gcig bris pa'i dpe zhig bzhugs 'dug pa la bsams na bzo rig rnam dag mkhyen pa'i rtags dang/ rje'i bstod pa tsong kha ring mo las/ grogs 'ga'i stobs kyis skyid shod gung thang du/ /bso ba rig pa'i slob gnyer mdzad pa'i tshe/ /ring por mi thogs 'bad pa chung ngu yis/ / @472 'tsho byed go 'phang brnyes pa'i tsong kha pa/ /zhes gsungs pa ltar tshal ba'i sman pa dkon mchog skyabs las sman yan lag brgyad pa'i rtsa 'grel rnams la rgya bod kyi mkhas grub du ma'i bshad srol yod pa dang/ phyag len rnams la bslab sbyangs mdzad pas gso ba rig pa la shim tu mkhas par gyur tshul rnam thar chen mo dang/ gsung bgros du ma las byung ba ltar yin pa dang/ yang/ rje rin po ches dpal dus kyi 'khor lo'i rgyud 'grel rnams zhib tu gsungs pa ltar gyi gsung bgros mkhas grub chos kyi rgyal pos mdzad pa'i dus 'khor 'grel chen du grags pa de nyid kyi nang na yang/ gso ba dang/ sgra dang/ ming gi mngon brjod dang/ sdeb sbyor la sogs pa'i rig pa'i gnas kyi gsung bgros re mang yod pa la yang bsams na shes pa yin no/ /zhes dang/ yang de nyid las/ rje re mda' pa chen pos kyang/ mkhas pa'i mchog gyur blo bzang grags pa'i dpal/ /ces dang/ dri med mkhyen pa'i dbang po 'jam pa'i dbyangs/ /zhes gsungs pa dang/ paN chen rin po che phyogs las rnam rgyal gyis/ blo bzang mkha' lding dbang po'i zhabs drung du/ /'jigs med bung ba gzhon nus 'di skad zhu/ /zhes sogs zhu yig rgyas bsdus gnyis phul 'dug pa la bsams na yang/ mkhas grub chen po khong lta bus kyang rje rin po che la mkhas mthong mdzad tsa na/ rje rin po che tsong kha pa de nyid bsam gyis mi khyab pa'i mkhas grub chen por shes dgos la/ yang de bzhin du sa bzang lo tsa pa ngag dbang dang/ tshal dbus gling gi mkhan po chos rin pa dang/ dge ba'i bshes gnyen byang chub bla ma sogs kyis kyang res 'ga' rtsod 'dri lta bu'i zhu yig phul 'dug kyang/ phal che ba'i tshe rang rang gis @473 gsung rab kyi gnad mang po ma dgongs par mkhyen nas rje rin po che la mkhas mthong kho na'i zhu yig zhib rgyas phul ba yang mang du yod pa la bsams na yang/ rje rin po che tsong kha pa chen po de nyid mkhas pa'i tshul la nges shes 'drongs par byed dgos pa yin/ ces dang/ ces dang/ yang paN chen phyogs las rnam rgyal gyis stag lung rin po che ngag dbang grags pa sogs la gsung chos gnang ba'i dus su/ deng sang bod yul 'di na rlung sems kyi chos skad smra ba mang du 'dug kyang chos rje blo bzang grags pa kho na zab pa yin/ zhes dang/ blo bzang grags pa 'jigs po yin/ 'jigs po yin sogs gsungs pa ltar/ stag lung rin po ches kyang mi drag zhan mang po la chos gnang ba'i dus su gsungs tshul drung gnas brtan nam mkha' chos skyong zhes pa de nga rang la chos zhu bar byon dus gsung ba thos shing/ drung gnas brtan pa de nyid chos bkra shis lhun po sogs su mdzad cing/ stag lung rin po che rang gi yang dngos slob ngo ma zhig yin no/ /zhes dang/ ne ring pa nyid kyi gsung rje'i rnam thar thor bu las/ yang der ma 'dus pa kha cig brjod na/ dpal sa skya pa'i bu chen rtogs ldan sngo nyal ma zhes pa zhig la bde mchog dril bu lugs kyi rim lnga'i khrid gsan/ snar thang lo tsa ba don grub bzang po'i drung du mgon po phyag drug pa'i dbang zab mo zhig gsan/ yang/ snar thang mkhan chen gcig gi drung du mdo sde la sogs pa bka' 'gyur du gtogs pa'i lung mang po zhig kyang gsan 'dug /tshul 'di dag ni rje tsong kha pa rang gi gsan yig zhal bshus bkra shis lhun po'i bla brang na bzhugs 'dug pa'i nang na mthong ba yin/ yang/ gnas rnying gi gzungs sgrub chen mo mdzad dus/ gnas rnying rin po che 'jam dbyangs rin @474 chen rgyal mtshan gyi drung du/ chos rje g.yag gzhon gnyis dang/ rje tsong kha pa sogs kyang phebs shing rig lung mdzad pa bcas kyi skabs rje de gsum ka la yang tshogs chos kyi zhor la chos 'brel cung zad gnang ba'i lo rgyus gnas rnying chos rje rang gi rnam thar zhig na bkod 'dug pa gnas rnying rin po che gzhan dang mi 'dra bas bden pa yang dpe char 'dug /yang/ la la zer dus/ chos rje 'ba' ra ba rgyal mtshan dpal bzang po'i drung du yang tshe dpag med ras chung lugs lha gcig ma'i dbang dang/ tshe khrid yongs rdzogs gsan zer ba yang 'dug /nga rang gis shes byed rnam dag gzhan ni ma mthong/ 'ba' ra pa rang gi rnam thar ltar na/ rje 'ba' ra bas 'ba' ra'i dgon pa btab rjes yang dgon pa'i bka' 'bum bzhengs grub pa'i mtshams su rje tsong kha pa dang mjal ba 'dra ste/ de yang rnam thar las/ de nas zhag 'ga' song ba dang bla ma blo bzang pa zhes bya ba'i khams pa'i dge bshes bzang po zhig yod pa byung nas/ bsnyen bkur byas/ chos kyi gsung gleng byas pas khong yid mgu nas song ba'i phyi nub de/ khong la yang nyams myong dang go ba bzang po zhig 'dug ste/ nga la yang 'di 'dra yod snyam nas kha lta'i gro ba 'di glu ru blangs so/ / zhes mgur zhig gsungs 'dug pa dang/ yang/ rje ran po che rang gi bla ma rtogs ldan dpa'o rdo rje'am bla ma dbu ma par grags pa de nyid rje 'ba' ra ba'i slob ma yin pa la bsams na yang/ rje rin po che dang rje 'ba' ra ba gnyis dngos su mjal ba dang/ chos 'brel gsan pa bden par 'dug snyam pa dang/ yang / nga rang gi slob ma yin pa'i chos rje bkra shis dpal bzang ngam/ drung rab 'byams pa bkra shis dpal bzang zhes pa bde gling shar par grags pa'i grwa dgon gnyis ka'i bdag @475 po mdzad cing/ dbang sdings nang so sogs skya ser mang po'i bla ma yang mdzad la; ngams ring chos sde'i che bsgres slob dpon rnams kyi nang nas kyang sku na so bsgres pa dang/ sku yon dga' rab la gtogs pa'i bshes gnyen de nyid sngon dus nga dge sdings na yod dus/ phyag rgya chen po'i khrid sogs khrid dang dbang lung man ngag mang du gsan pa la byon byung dus khong pa na re/ rje tsong kha pas rje 'ba' ra ba la tshe dpag med ras chung lugs lha cig ma'i dbang khrid gsan pa'i brgyud yig mthong myong lags zhes dang/ rje tsong kha pas mdzad pa'i rdzogs chen gyi khrid yig dang/ ni gu chos drug gi khrid yig gnyis yod pa yang bdag rang gis kyang mthong zhing/ dge bshes gzhan du mas kyang de ga bzhin yod gsungs lags zhes pa yang gsung gin 'dug pas drung pa de thugs rab che zhing gzigs rgya che ba zhig yin pa dang/ rje rin po che rang gi yab mes du mas kyang gsang sngags rnying ma'i chos la thos sgom mdzad pa byung tshul rnams bstun tsa na/ rdzogs chen gyi khrid yig mdzad pa dang/ rdzogs chen gsan pa gnyis kyang bden pa 'dra snyam pa shar/ thugs rtsom de gnyis la nga nad pa yang shin tu dad cing sems dga' nas dpe 'tshol 'dod dang/ blta 'dod chen po byung na'ang dam nyams kyi gnod pa mang ba dang/ sa ngan pas shugs pa'i steng du lug lo ston man ngan ngon gya nyes la song nas dpe cha'i rtsad dpyod dang/ blta rtog gi yu ba bud song/ yang/ ni gu'i skor rnams rje gang gis kyang bla ma la gsan cing thugs dam yang mdzad pa'i tshul rnam thar chen mo sogs na 'dug na'ang/ sngon dus su 'di skor gyi gsung bgros sam lo rgyus gzhan re tsam yang mthong thos byung bas ni gu chos drug la khrid yig mdzad pa @476 dang/ dpe cha yod pa yang bden cing srid par 'dug /yang mi la la zer dus/ theg chen chos kyi rgyal po la yang gsung chos gsan zer na'ang gsal cha gzhan ni ma tshor zhing ma rig /byang bdag chen rnam rgyal grags bzang gis ngam ring dang bzang ldan gyi chos sde gnyis kyi dge 'dun rnams la gnang ba'i phyag rtags na/ spyir du sa dge la brten pa'i grub mtha'i kun slong ngan pa ma byed/ khyad par du rje tsong kha pa sa skya pa rang gi bu chen yin tshul dang/ mchog tu theg chen chos rje la mjal dus rje de nyid rje btsun tsong kha pa spyan ras gzigs su gzigs tshul sogs 'dug pa dang/ rje re mda' pa'i bla ma yang theg chen chos rje yin pa'i phyir na/ rje tsong kha pa'i bla ma yang yin shas shin tu che bar 'dug snyam mo/ /chos ji 'dra gsan na sa lugs kyi bla ma'i rnal 'byor dang/ 'bir srungs zab mo gnyis gsan nges can yin tshul ngam ring mkhan chen chos dgra bcom pa don bzang rgyal mtshan gyis nga rang gi mes rin po che bde legs mgon po don grub la gsungs shing/ de nyid kyis 'jam dbyangs bkra shis dpal bzang la gsungs tshul khong nas nga la gsungs byung ba dang/ yang/ dgra bcom pa rang gi dbon po chos rje blo gros rgyal mtshan pas kyang rang gi khu bo las gong ltar gyi lo rgyas tsho gsan tshul 'dug ces gsungs pa sogs gang gsungs rnams phri bsnan med par 'dir bkod pa yin la/ de yang thun mong ba'i rig gnas dang/ grub mtha' gzhan gyi chos skor la gsan bsam dang/ dbang khrid man ngag gsan tshul sogs dam pa gong ma'i gsung bgros las byung ba rnams cung zad gsal bar bkod pa'i rgyu mtshan ni/ sngon dang da ltar dus kyi gang zag mthong rgya dang dag snang chung zhing/ phyogs 'dzin gyi kun dkris @477 can 'ga' dang 'ga'i bsam par/ rje tsong kha pa ni 'dul ba'i kun spyod dang/ mtshan nyid kyi theg pa la gtsor 'don mdzad pa zhig las rig gnas gzhan dang sngags phyogs la dag snang gsan bzhes cher mdzad pa zhig min 'dug snyam pa dang/ yang la la zhig ni/ sngags phyogs spyi tsam la gsan bsam nyams bzhes sogs ji ltar 'os pa tsam mdzad kyang/ bskyed rdzogs zab mo'i skor dang/ nang tshan rtsa thig rlung gsum gyi nyams len zab gnad dang/ sems kyi gnas lugs gtan la 'bebs pa'i phyag rdzogs kyi skor sogs la gsan gzigs tsam ma mdzad cing/ de la brten nas de dag la dag snang sogs mdzad pa lta bzhag dngos shugs nas sdang shugs kyis grub mtha'i phyogs ris dam par mdzad pa zhig yin 'dug snyam pa dang/ de'i rjes su zhugs pa'i ri bo dge lugs pa rnams kyang de 'dra ba sha stag zhig go snyam ngos lkog ci rigs pa'i sgo nas dmod cing bshung ba dang/ rang dang grub mtha' gcig pa'i kha mnyam lag mnyam tshun chod la lung rig gtan tshigs sogs kyi sgrub byed rnam dag ci yang med bzhin du 'dra 'dra 'grig 'grig sna tshogs kyis mgo bo bskor zhing blo bsgyur te dge lugs pa'i chos ni kha bshad tsam du zad pas phyi ma phan chod la phan pa med par ngag nas kyang smra zhing/ sems la'ang bsam pa sogs rang snang dgrar langs na/ khyi rgan brag la zug pa ltar byed pa ni ci rigs mthong zhing thos pas/ de dag gi log rtog 'byung rkyen gyi rtsa ba ni/ rje bdag nyid chen pos rnying ma kar 'brug sogs kyi chos la dag snang gis gsan bzhes mdzad lugs 'di dag phyogs tsam ma go zhing/ lta grub rnam thar shin tu gtsang bar mdzad pa de phyogs 'dzin gyis mdzad pa zhig go snyam pa'i ma go ba yus che ba'i dpe kho @478 nas las gsogs par snang bas de dag gi log rtog sel phyir ris med kyi grub mtha' tshang mar dag snang gsan bsam gyis mkhas par mdzad pa dang/ de dag dang rjes su 'brel ba'i bstan bcos kyang ci rigs brtsams par mdzad tshul sogs cung gsal bar bkod pa yin la/ der ma zad phyis kyi sgom chen par rloms pa 'ga' zhig la brtse ba chen pos kun nas bslangs te/ rje nyid kyi gsung las/ 'bras bu mtho na 'du shes med pa dang/ /dma' na dud 'gro'i rgyu la nyin mtshan du; ;'bad pa'i sgom chen rnams la ma bzod par/ /zhes gsungs pa ltar/ phyag rdzogs sogs kyi lam gyi gnad sgom tshul ji bzhin ma shes pas blun sgom gtsor 'don byed pa rnams lam log par gol ba thugs kyis ma bzod pas dri ba lhag bsam rab dkar zhes pa mdzad pa ni/ grub mtha' de dang de dag gi ma dag pa'i skyon sel nas rang rang gi sgom tshul phyin ci ma log pa'i gnad ston par mdzad pa ma go bar/ nges par phyag chen dang/ rdzogs chen zhes pa'i sgom tshul tshang mar mi 'thad ces dgag pa mdzad do snyam/ phyogs snga'i nam ma langs par/ dgag sgrub kyi nyi ma 'char rtsis byed pa yang ci rigs byung zhing/ 'di dang tshul mtshungs par sa skya paNDi tas/ blun pos phyag rgya che sgom pa/ /phal cher dud 'gro'i rgyu ru 'gyur/ /yang na nyan thos 'gog par lhung/ /min na gzugs med khams su skye/ / zhes sogs gsungs pa yang blun pos phyag chen sgom tshul ma shes par ci yang yid la mi byed pa tsam gyi mun sgom la phyag chen bsgom par rloms pa rnams kyi 'bras bu ni mtho na nyan thos 'gog pa dang gzugs med sogs dang/ dma' na dud 'gror skye'o zhes gong du rje bdag nyid chen po tsong kha pas gsungs pa dang don gcig pa yin pa las/ @479 mkhas blun la ma ltos pas phyag chen sgom tshad dud 'gro sogs su skye zhes gsungs rgyu min 'dug na'ang/ tshig gi dngos shugs kyi don la ma dpyad par phyag chen gyi chos kho na mi 'thad pa'i dgag pa mdzad par 'dug snyam pa dang/ de dag gi bsam tshod dang bstun nas mkhas pa 'ga' zhig gis kyang dgag lan ci rigs mdzad 'dug kyang tshig don la dpyad shes na log rtog gi re 'khang 'byung ba'i rgyu med cing/ sgom ma shes na skyon de dang de dag tu 'gyur ba ni sa skya paNDi ta dang/ rje thams cad mkhyen pa'i gsung du ma zad phyag chen sogs kyi sgom rim rnams su yang bde ba la zhen na 'dod khams su gol/ gsal ba la zhen na gzugs khams su gol/ mi rtog pa la zhen na gzugs med du gol/ 'du shes bkag pa'i tshor ba la yang dag par 'dzin na lha tshe ring po'i 'du shes med pa'i snyoms 'jug dngos yin zhes so so'i ring lugs kyi gzhung las byung ba rnams kyang mi 'thad par 'dod dgos pa sogs gnod pa du ma zhig 'bab kyang zur tsam las ma spros so/ /des na rje thams cad mkhyen pa sogs kyi dgongs pa ni de ltar yin pa las phyag chen dang/ rdzogs chen zhes pa'i chos thams cad ma dag zhes bsun 'byin par mdzad pa ni ma yin te/ de ltar yin na gong du smos pa'i phyag rdzogs kyi gdams pa rnams gsan pa'i don ma mchis par 'gyur ba'i phyir/ des na rje bdag nyid chen pos ni ris med kyi grub mtha' rnam dag kun la mkhas shing byang chub par mdzad nas de dag gi gnad don phyogs re ba dang rags pa tsam res chog par mi 'dzin par tshang la ma nor ba'i lam gyi rim pa'i gnad mtha' dag yongs su 'gril ba thun mong ba byung chub lam gyi rim pa che chung dang/ thun mong ma yin pa gsang chen rgyud sde bzhi'i sngags kyi rim pa/ de'i nang nas sngags kyi gnad don @480 mthar thug pa dpal gsang ba 'dus pa dang/ 'khor lo bde mchog la sogs pa'i bskyed rdzogs kyi zab gnad ma lus pa gsal bar phyung ba'i gsung man ngag bstan bcos rnams su phyag chen sogs kyi gnad mthar thug pa mtha' dag kyang 'dus pa ni mkhas pa gang zhig phyogs lhungs spangs pa'i gzu bo'i blos legs par brtags na shes pa yin te/ spyan snga rin po che bsod nams rgyal mtshan nam lha gzigs ras pa'i gsung las/ thams cad mkhyen pa blo bzang grags pa'i gsang sngags kyi gnad mang po dang/ bye brag tu gsang ba 'dus pa'i man ngag rnams mthong bas/ spyir gsang sngags dang khyad par rje btsun nA ro pa yab sras kyi gdams pa la'ang thun mong ma yin pa'i gnad du ma rnyed/ rdo rje 'chang dang gnyis su ma mchis pa'i mos pa drag po skyes/ spyir bla ma 'di lo bcu dgu'i steng nas mjal te chos kyang thob na'ang/ gsung rab rnams la cher ma bltas/ dgongs pa bskyar mi rnams kyis kyang tha snyad gtso cher bshad pas mkhas pa chen po zhig yin par 'dug bsam pa tsam las med/ dus phyis kyang gsang sngags kyi skor rnams ni legs par mthong/ dbu ma'i skor rnams gyi tha snyad du yod tsam 'jog pa sogs phyag chen pas spros bral las ro gcig khyad par 'phags chos su 'jog pa'i skabs dang/ stong nyid rten 'brel dbyer med dang/ gang shar gyi snang ba grwa ma nyams pa sgom du 'jog pa sogs dang mthun che bar byung bas mos par yod na'ang/ lhag mthong gi sgom tshul la cung zhig the tshom yod/ bla ma'i dgongs pa mdor bsdus pa'i zhi gnas kyi skor zhig mthong bas gnas pa sgrub tshul 'di la lhag mthong sgom tshul phyag chen pa dang 'dra ba zhig 'ong thang pa la bsam pa byung/ phyis mjal ba'i tshe lha @481 mthong gi gnad rnams kyang phyag chen pa dang ji lta ba bzhin mthun par 'dug /ces dang/ khyad par du bdag gi thun mong ma yin pa'i bla ma mchog tu gyur pa ni/ slob dpon chen po sher gzhon pas rig pa'i gnas rnams khong du chud par mdzad cing man ngag kyang du ma gnang ba dang/ mtshungs pa med pa'i thugs rje mnga' ba bla ma rin po che rin gzhon pas sems nyid sangs rgyas su ngo sprad/ 'khor ba la mi 'jigs pa'i spob pa byin pa dang/ thams cad mkhyen pa blo bzang grags pa'i dpal gyis bka' mdo rgyud ma lus pa'i don khong du chud par nus pa'i blo gros byin pas 'di gsum la gtso bor byed pa yin/ zhes gsungs pa rnams kyi shes so/ / des na dam pa gong ma rnams kyi gsung bgros dang sgom rim rnams su ci yang yid la mi byed pa sgom gyi mchog yin gsungs pa tsam gyi spam tshig la 'khrul nas phyis kyi sgom chen par rloms pa dag gis tshogs bsags sgrib sbyong dang/ sdam pa'i srung sdom sogs la ma 'bad par dang po nyid nas kun rtog bzang ngan thams cad bkag nas dmigs pa gang yang yid la mi byed pa'i rtsom 'jog byas pa kho na las mchog tu gyur pa med 'dug snyam du sems pa mang la/ de ltar sgom na hwa shang gi sgom dang gnyis su ma mchis pa'i gol sa chen por 'gyur ba la dgongs nas rje yab sras sogs kyis skyon spong mdzad pa yin cing/ dam pa gong ma rnams kyis ci yang yid la mi byed pa zhes gsungs pa'i dgongs don gyi gtso bo ni/ mnyam bzhag gi tshe chos thams cad kyi gnas lugs stong pa nyid spros pa'i mtha' thams cad dang bral ba'i rnam par mi rtog pa'i ngo bo nyid las gzhan du bzang ngan gyi dmigs gtad gang yang yid la mi byed pa'i don yin la/ de ni skye ba sngon ma rnams su lam @482 thun mong bas rgyud legs par sbyangs shing/ thun mong ma yin pa'i rim pa gnyis kyi rnal 'byor yang phal che ba sngon du song ba'i dbang rnon sbyangs pa can gyi gang zag gis tshe 'dir dang po nas de ltar du bsgom na'ang 'bad med du grol bar nus pa yin gyi/ lam 'og ma rnams sngon du ma song ba'i las dang po pas dang po nas phyag chen sgom pa skad byas na ji skad bshad pa'i nyams myong rgyud la mi skye ba'i khar sgom mi shes pa'i bying ba bsags pa sgom du 'khrul nas dud 'gro dang/ 'du shes med pa sogs su skye ba ni nges par yin/ yang/ zhi gnas la sogs pa sgom pa'i skabs su'ang yid la mi byed pa zhes pa 'byung ba ni/ dmigs pa gang rung gcig dag la/ / yid ni dge la bzhag par bya/ /zhes dang/ dmigs pa la ni sems gtad nas/ /de rgyun rnam par g.yengs mi bya/ /zhes sogs gsungs pa ltar/ las dang po pas zhi gnas sgom pa'i tshe dmigs pa gang yang rung ba zhig la sems gtad nas de las gzhan du bzang ngan gyi rtog pa yid la mi byed pa dang/ de bas blo mchog tu gyur pa dag gis dmigs rten sogs med par sems rnam par mi rtog pa'i ngang du ji tsam gnas par 'jog pa ste de'i tshe yang gsal la mi rtog pa'i ngo bo nyid las chos gzhan yid la mi byed pa dang/ zhi gnas kyi gnas cha brtan po rnyed nas de las lhag mthong gi shes rab bskyed de rig pa'i rnam grangs mtha' yas pas chos dang gang zag gi bdag med gtan la phab pa'i bdag med pa'i don de las chos gzhan yid la mi byed pa ste/ gnas skabs de dang de dag tu yid la mi byed pa zhes gsungs pa'i don yang so sor ma 'dres par shes dgos shing/ sems rnam par mi rtog pa'i ngang du mnyam par 'jog pa'i gnas skabs gang gi tshe na'ang/ @483 mi rtog pa'i ngo bo de las gzhan du sems g.yeng ba'i rgod pa'am/ mi gsal ba'i bying ba dang bral ba zhig dgos pas na dran shes bzhin gyi bya ra dang ma bral ba zhig nges par dgos rgyu yin 'dug pa las/ ci yang yid la mi byed pa zhes pa'i tshig zin tsam la 'khrul nas gang zag tha mal pa brgyal ba'am/ gnyid log pa lta bu'i bsam rgyu rig rgyu gang yang med pa la sgom du 'dzin pa ni ha cang 'khrul tshab che zhing/ de bzhin du rjes kyi gnas skabs su da dung tshogs bsags sgrib sbyangs la lhag par du 'bad dgos pa las ci yang yid la mi byed pa yin zhes 'dus byas kyi dge rtsa khyad du bsad pa ni de bas kyang log par ltung tshab che'o/ /des na phyag chen sogs kyi sgom tshul rnam par dag pa 'di dag ni gong du bshad ma thag pa ltar dbang rnon sbyangs pa sngon song gi sgom tshul yin pas su rung rung gis dang po nas dmar 'jus su byed mi rung pa las ma dag pa'i chos log tu 'dzin mi rigs pa ni/ gong gi spyan snga lha gzigs ras pa'i gsung rnams dang/ der ma zad ri bo dge lugs pa'i bstan 'dzin gyi gtso bo mkhas grub nor bzang rgya mtshos gsang ba 'dus pa'i bskyed rim du 'di ltar gsungs te/ bka' brgyud gong ma sogs ni sems can thams cad kyi rgyud la dang po nas gzhi la gnas pa'i rlung sems shin tu phra ba gnyis kyi nang nas rlung la gtso bor mi mdzad par sems nyid la gtso bor mdzad cing/ sems de'i ming gi rnam grangs la gnyug ma'i sems dang/ lhan cig skyes pa'i bde ba chos sku phyag rgya chen po/ 'od gsal gyi sems sogs du ma'i sgo nas bsnyad la/ de'i ngo bo la gdod ma nas nyon mongs pa dang/ rnam rtog sogs kyi gos ma myong ba chos sku dang/ stong nyid mngon sum du rtogs pa'i mnyam bzhag ye shes dang rnam pa ji bzhin mthun pa stong @484 sang gi rnam pa ma gtogs pa'i yul snang ci yang med pa'i sems shin tu phra ba zhig yin no/ /de mngon du byed pa'i thabs la/ nA ro'i chos drug sogs thabs lam dang/ phyag rgya chen po bsgom pa gnyis las/ dang po ni gtum mo sogs kyi sgo nas rtsa thig rlung sogs la gnad du bsnun te kun rtog gi bzhon pa'i rlung ro rkyang nas rgyu ba dbu mar bkag nas rlung de'i bzhon pa can gyi kun rtog mi rgyu bar byas pas 'od gsal gyi sems nyams su myong bar byed pa yin la/ phyag rgya chen po bsgom pa ni rnam rtog gi rgyu ba bkag nas yul gzhan gang yang yid la mi byed par sems la bcas bcos ci yang med par sems kyi ngo bo la lhan ner 'jog pa'o/ /de ltar bzhag pas chu ma rnyog na dwangs pa'i tshul du kun rtog thams cad je dag je dag tu song bas kun rtog gi bzhon pa'i rlung yang ro rkyang nas rgyu ba je zhan je zhan du song ste/ mthar dbu mar 'gag pa'i sgo nas 'od gsal kyi sems mngon du 'gyur ro/ /'di ni phyag chen kho nar ma zad sgom rnying pa ba rnams kyis sngags bla med kyi sgom tshul du 'dod pa'i dmigs pa gzhan yid la mi byed par mi rtog pa nyid yid la byed pa las mthar 'od gsal gyi ye shes skye tshul du yang 'gyur ba yin/ zhes gsungs te/ gsung 'di dag la yang gong du stong nyid mngon sum du rtogs pa'i mnyam bzhag ye shes dang rnam pa ji bzhin mthun pa stong sang nge ba'i rnam pa ma gtogs zhes pa dang/ dmigs pa gzhan yid la mi byed par mi rtog pa nyid yid la byed pa/ zhes gsungs pa 'di rnams kyi tshig gi nus pa la zhib tu ma brtags par/ rnam rtog gi rgyu ba bkag nas yul gzhan gang yang yid la mi byed pa/ zhes gsungs pa tsam la 'khrul na sngar bzhin gol bar 'gyur ba mtshungs so/ /yang de nyid las/ des na @485 phyag chen bsgom pa ni shin tu zab pa'i rdzogs rim dang/ gtum mo sogs bsgom pa'i rdzogs rim ni mi zab pa'i rdzogs rim yin/ des na rdzogs rim gyi snod ldan gyi gang zag la rim gyis pa dang/ cig char ba gnyis las rim gyis pas mi zab pa'i rdzogs rim dang/ cig char bas zab pa'i rdzogs rim phyag rgya chen po 'ba' zhig bsgom par bshad cing/ cig char ba ni/ gang zag sbyangs pa'i 'phro can la/ /cig char pa ni bstan par bya/ /zhes gsungs pa ltar skye ba sngon ma sogs su mi zab pa'i rdzogs rim bsgom nas 'od gsal cung zad nyams su myong ba zhig yin la/ des ni phyag rgya chen po 'ba' zhig bsgoms pas lam thams cad bde blag tu 'grub pa sogs mtha' yas te re zhig de tsam mo/ /zhes gsungs so/ / des na rang cag snyigs dus kyi gang zag nga dang nga 'dra ba rnams ni rdzogs rim gyi 'od gsal sogs la myong ba thon pa'i dbang rnon lta bzhag /bskyed rim rags pa tsam dang/ nges 'byung/ byang sems/ yang dag pa'i lta ba sogs la'ang myong ba ma thon zhing/ mtha' na dal 'byor dang/ mi rtag pa'i chos skor la'ang nges pa ma tshud bzhin du/ dang po nas dbang rnon gyi sgom tshul la 'jug pa ni/ 'jig rten gyi kha gtam la/ ya rur ma sleb gong nas mdzo 'gros rgyab pa zhes pa'i dpe der song nas gcong can gyis zas bcud can mi 'chun pa ltar du 'gyur bas/ sngar yang lan du mar brjod pa ltar rang gzhan gyi grub mtha' 'dzin pa gang su yang rung ste/ thun mong lam sbyangs nas bzung nas rim bzhin 'bad pa nyid gnad du che' zhes da dung gal po che la nan tan gyi tshul du smras so/ /de bas na rje tsong kha pa chen pos thugs bskyed tshad med pas kun nas bslangs te grub mtha' gzhan gyi sgom tshul sogs la'ang dag ther mdzad nas @486 lugs de dang de'i lta sgom spyod gsum rnam dag gang yin gsal bar mdzad pa ma shes par/ rta rgan rgal bcos byas pa ngan la mngon pa ltar/ 'di ni bdag cag gi grub mtha' la nges par sdang shugs kyis 'gog par mdzad do snyam pa'i log rtog phra mo tsam byar mi rung ba'i khar da dung bka' drin rjes su dran pa'i mos gus kyis snying nas thal mo sbyor bar rigs shing/ gzhan phyogs su ma zad ri bo dge lugs pa rang gi rjes 'jug tu rloms pa dag gis kyang rje yab sras kyi gsung rnams kyi dgongs pa ji bzhin ma lon pa'i khar/ mkhas grub thams cad mkhyen pa sogs kyis blun sgom byed pa'i sgom chen pa sogs la bka' skyon ches lci bar mdzad pa sogs la brten nas/ nges par phyag chen dang rdzogs chen zhes sogs kyi chos yin tshad ni ma dag pa'o snyam nas dmad par byed pa'ang snang na/ de ltar yang mdzad mi rigs pas bdag nyid chen po rnams kyi gsung gi dngos shugs kyi don rnams la legs par brtags nas bstan pa rnam dag gang yin la phyogs lhung spangs pa'i dag snang gis khyab par mdzad rigs shing/ 'on kyang dus phyis snyigs ma'i rang rtags bdo bas chos min chos ltar bcos pa'i bsre lhad rnyogs ma can gyi zog chos kyang shin tu mang bar mchis pa re re nas dgag sgrub byar mi lang bas/ des na rang rang gi chos lugs dam pa gong ma rnams kyi brgyud pa ma nyams pa gang yin pa la nyams len byas na legs pa las/ gsar 'grogs dang gzhan zer gyi rjes su 'brangs nas gang thod thod la mi 'jug par lta grub rnam thar gtsang ma byed pa ni shin tu gal che'o zhes kun la gsol ba 'debs so; ;de dag ni rje thams cad mkhyen pa'i mkhas pa'i rnam thar bye brag pa 'ga' zhig 'phros bshad dang bcas pa mdo tsam brjod pa'o/ /smras pa/ rang dang @487 gzhan gyi grub mtha'i gnas kun la/ /phyogs ris spangs pa'i thos bsam lhur bzhes te/ /legs pa'i cha kun yongs su bsdud pa ni/ /rgya mtsho chu yi gter du gyur pa bzhin/ /ma rtogs pa dang log par rtog pa'i dris/ /rnam dag chos kyi me long nogs gyur pa/ /lung dang rig pas byi dar mdzad pa na/ / yang dag don gyi bzhin ras gsal bar ngoms/ /brtse ba chen po'i rta bdun gyis drangs pa'i/ /legs bshad nyid mor byed pa'i 'od stong gis/ /lam gol mun pa'i smag rum bsal nas kyang/ /rnam dag lam gyi padmo bzhad par mdzad/ /de tshe phyogs 'dzin gser mig 'khyil ba'i tshogs/ /legs nyes 'byed pa'i tshul la thoms gyur pas/ /bzang byas ngan du mngon pa'i log smra'i sgra; ;mun pa'i mal du khun bu 'byin bzhin sgrog /tshul bzhin dpyod pa'i blo gros dang ldan na/ /'di dag rang rang grub mtha'i gnad don rnams/ / ji bzhin gsal byed sgron me nyid yin phyir/ /lhag par bka' drin dran pas thal sbyor rigs/ /bde bar gshegs pas gdul bya'i dbang po dang/ /bstun pa'i chos tshul ji snyed gsungs pa rnams/ /rgyud tshod dang sbyar nyams su len shes na; ;thad ka'i lam las gzhan du gol mi srid/ /dbang brtul sa la 'gre ldog brtsen bzhin du/ /thun mong lam sbyangs tsam la'ang ma 'bad par/ / dbang rnon mthon po'i nyams len la 'jug pa/ /glang lto be'us ma chun 'chi ba bzhin/ /des na 'jam mgon chos kyi rgyal po ni/ /rang gzhan grub mtha'i gnad bzang ma lus pa/ /thugs su chud nas rjes 'jug gdul bya la/ / rgyal bas bsngags pa'i lam bzang 'doms par mdzad/ /de lta bas na legs su @488 'dod pa kun/ /mgon 'di'i gsung la thos bsam gyis dpyad cing/ /de don tshul bzhin nyams su blangs byas na/ /ring min gtan gyi btsan sa zin no kye/ / zhes pa ni bar gyi ngal bso'i tshigs bcad do/ /7 de bzhin du btsun pa'i yon tan nam rnam par thar pa ji ltar mnga' ba'i tshul ni/ 'di yang phal che ba ni gong du rnam par thar pa'i dkyus su 'khod zin cing/ da dung gal po che la nan tan gyi tshul du 'ga' zhig zur du bkol te cung zad brjod na/ de la rje bdag nyid chen po ni sku tshe der 'dul ba'i kun spyod gtsang ba tsam gyi btsun pa ma yin par sdom pa gsum gyi bcas mtshams phra rags gang gi thad la nyes ltung gi dri mas zhar yang ma gos pa'i btsun pa'i phul du gyur pa yin pa ni/ mkhas grub thams cad mkhyen pa'i gsung las/ rgyal ba'i mkhyen pas ji tsam legs dpyad kyang/ /khyod kyi thugs la rnam dag bslab pa'i khrims/ /lhod par gyu pa'i nyes pa phra mo ni/ /cha tsam gzigs pa spangs la gsol ba 'debs/ /zhes gsungs pa ltar yin la/ de yang so so nas rags tsam brjod na/ so thar gyi bcas mtshams la mtshon na sngar gong du bkod pa ltar/ pha yul du bzhugs skabs rje karma pa rol pa'i rdo rje las yongs rdzogs dge bsnyen gyi sdom pa bzhes nas rtsa bzhi chang dang lnga sogs srung sdom dang/ chos rje don grub rin chen las dge tshul gyi sdom pa bzhes nas blangs 'das so drug gis mtshon pa'i spang blang gi gnas kun la nyes pa'i dri mas ma gos pa rgyun 'khyongs su srung sdom mdzad cing/ lhag par bod du byon nas tshogs mkhan chen pa las bsnyen par rdzogs pa dge slong gi dngos po bzhes tshun chad nas pham lhag /ltung byed/ sor bshags bcas kyi nyes ltung gi dri mas ma gos pa lta ci smos/ nyes byas phra @489 mo tshun chad kyi dri mas kyang ma gos shing brgya la nyes byas phra zhing phra ba 'ga' re tsam yul dus kyi dbang gis byung na'ang zhag dang za mar mi 'grogs pa nan re nub re bshags sdom sogs phral phral du mdzad de/ ji ltar 'phags pa dgra bcom pa nye ba 'khor dang/ rta thul la sogs pa bzhin du tshul khrims kyi phung po yongs su rdzogs pa yin la/ de yang thos bsam dang nyams len sogs kyi gnas skabs gang gi tshe na'ang rnam kun mig gi 'bras bu bzhin du srung sdom bar ma chad du mdzad pa las/ 'ga' zhig ltar da lta thos bsam gyi skabs yin pas cir yang mi lto zhes thos bsam la khag 'dogs kyis bslab khrims bag yangs su spyod pa dang/ yang/ 'ga' zhig ni gsang sngags kyi nyams len gyi skabs yin pas chang dang bud med sogs 'dod yon lam du 'khyer bas gang yang mi lto zhes 'dul bstan rmangs nas 'jigs par byed pa'i tshul de dag la rang nyid 'jug par mdzad pa lta ci/ gang la blo gtad 'cha' ba'i gang zag gsar bu ba tshun chad kyang ngan spyad de dang de dag las bzlog nas bag yod pa'i tshul la 'god par mdzad pa yin te/ mkhas grub thams cad mkhyen pa'i gsung las/ de ltar rje btsun rin po che 'di nyid kyis kha ba can gyi ljongs 'dir sangs rgyas bcom ldan 'das kyi bstan pa rin po che sgo thams cad nas rnam par dag pa'i srol chen po rmad du byung ba gzhi nas btsugs shing ches cher rgyas par mdzad pa yin te/ de yang sngon chad bod 'dir rab tu byung ba dag gis sgrub cing lag tu blang bar bya ba'i tshul ni 'di lta ste/ gang zhig klog pa kha ton gyi tshul la zhugs nas bstan bcas chen po dag gi tshig blo la len pa dang/ slob dpon las lung nod pa sogs kyi tshe dus ma yin pa'i kha zas dang/ bag med pa'i rtsed mo sna tshogs pa dag dang glu @490 dang gzhas dang bro gar la sogs pa khyim pa ya rab kyi ngang tshul la brten pa dag gis kyang lag tu blang ba la ngo tsha ba'i gnas su byed pa gang ci yang rung ba thams cad longs spyod cing lag tu len pa ni/ thos bsam la nan tan lhur len pa'i lus bso ba dang/ khams bsnyod pa'i phyir skyon med pa yin no zhes bya ba'i gtam 'di bshes gnyen chen por rlom pa dag nas byis pa ngur smrig gsar du blangs pa dag yan chad la rlung ltar grags pa yin no/ /de bzhin du thos bsam lhur len pa'i tshe 'thab pa dang/ rtsod pa dang/ g.yul 'gyed pa nas dmag gi bya ba la gnas kyi bar thams cad nyams su len pa la'ang/ 'di ni bya ba ma yin pa/ chos ma yin pa/ rab tu byung ba'i tshul nyams par byed pa'o zhes smad par byed pa su yang med kyi/ gzhan du na klog pa thos bsam gyi grwar zhugs tsam nas phal che ba bya ba ma yin pa de dag la the tshom tsam yang med par ngang gis 'jug pa la su yang ya nga ba med do/ /zhes dang/ yang/ gang zhig gsang sngags rdo rje theg pa bar khas che ba zhig yin na ni/ myos par 'gyur ba'i btung ba dang/ dus ma yin pa'i kha zas la sogs pa longs ma spyad pa las ltung bar 'gyur zhing dam tshig dang 'gal ba yin no/ /zhes bya ba la sogs pa log pa'i gtam gyi sbyor ba rgya cher spel bas 'dod yon la ches cher sred pa dag rang gi 'dod pa dang mthun pas yid shin tu rangs par gyur cing/ de'i stobs kyis gsang sngags kyi tshul la zhugs phyin chad rab tu byung ba'i tshul khrims rtswa ltar dor nas/ gdul bya du ma'i 'dren par rloms pa chen po dag gis bkur ba yin du zin kyang/ ngur smrig gi rgyal mtshan dang bcas bzhin du bu dang bu mo dang chung ma'i tshogs chen po mngon sum du bab pa la rang nyid kyang ya mi nga zhing/ sus kyang @491 smod par mi byed la/ de lta na'ang rang gi srid du gtogs pa dag gis rab tu byung ba dang bsnyen par rdzogs par 'dod pa dag the mi tshom par bsgrub pas/ rgyal ba'i bstan pa ched du nyams par byed pa'i sbyor ba ngan pa lhur len pas khyab par gyur ba ni gsang sngags la 'dod pa spyod pa skyon ma yin no/ /zhes bya ba'i tshig gis 'jig rten bslus pa yin no/ zhes dang/ yang gang zhig ri khrod dgon pa dag tu song ste dben pa'i gnas la brten nas bsam gtan lhur len par 'dod pa dag ni 'dod pa dag ni 'di skad du/ myos pa'i btung ba dang/ phyi dro'i kha zas spong ba la sogs pa 'dul ba las gsungs pa dag ni nyan thos pa'i dbang du byas pa dang theg pa 'og ma dman pa la mos pa dag gi dbang du byas pa yin gyi/ theg pa gong ma dang sems kyi rang ngo shes pa la de 'dra ba 'ching byed yin pas dgos pa med do/ /zhes gleng zhing/ rab tu byung ba'i kun tu spyod pa dag yul par 'dor ba la ji mi snyam par ma zad kyi/ kha cig ni bla gos dang/ thang gos la sogs pa'i rtags kyang ched du 'dor bar byed do/ /zhes sogs nas/ de ltar kha ba can gyi ljongs 'dir rgyal ba'i bstan pa gzugs brnyan tsam zhig lhag mar gyur pa'i tshe/ rje btsun rin po che 'di nyid dam chos 'dzin pa'i smon lam rlabs po che yongs su grub pa'i mthus byang phyogs kyi brgyud 'dir bstan pa rin po che bso ba'i slad du nye bar byon te/ gong du ji skad brjod pa'i tshul gyis rang gzhan gyi don bsam gyis mi khyab pa dag la rmad du byung ba'i brtson pa drag po lhur mdzad pas/ deng sang gi dus thos bsam pa dag gis thos bsam la brtson pa lhur byed pa'i tshe yang bslab pa'i gzhi la gces spras su byed pa dang/ khyad par du yang sde snod 'dzin pa cung zad drag par @492 rloms phyin chad chang dang dus ma yin pa'i kha zas sogs 'chol nyog tu spyod pa la ngo tsha ba'i gnas su byed pa dang/ sngon dus gra sa chen po dag gi rab tu byung ba phal che bas kyang gding ba dang/ lhung bzed la sogs pa'i dge sbyong gi yo byad dag ngo shes pa'ang dka' bar gyur cing/ bla gos dang thang gos snam phran glegs bu sbyar ba la sogs pa ni rna bas kyang thos par ma gyur pa la/ deng sang kha che dang rgya nag gi bar thams cad du dge sbyong gi rtags dang cha lugs rnam par dag pa de lta bu dang/ chang dang phyi dro'i kha zas spong ba dang/ byin len dang/ rung chu dang/ nub lhag nyal srung ba sogs bslab pa'i gzhi phra mo tshun chad la nan tan du byed pa'i dge sbyong tshul dang mthun pas khyab par gyur pa 'di 'dra ba ni/ bdag cag gi dpal ldan bla ma dam pa rje btsun rin po che 'di 'ba' zhig gi bka' drin ma yin na/ gzhan gang zhig la brten nas byung bar gyur pa soms shig /ces dang/ 'di dang 'dra ba gnas rnying pa kun dga' bde legs kyi gsung las byung ba sngar gong du drangs zin pa ltar dang/ yang mkhas grub rin po che'i gsung las/ deng sang gi tshe nyams len gyi gnad mthar thug par ston pa ni gzhung lugs chen po dag yin par yid ches nas cung zhig nyams su len par 'dod pa na'ang tshul khrims la gces spras su byed pa gzhir byas nas/ bsags sbyangs la 'bad de gsung rab chen po dag gi dgongs pa shing rta chen po dag gis bkral ba dang mthun par nyams su len pa dgos kyi/ gzhan du na ngal ba lhur len pa'i dka' ba ji tsam zhig dpyad du zin kyang 'bad pa 'bras bu med pa yin no snyam pa'i go ba rnam par dag pa chags pa dang/ tshul de dang mthun par nyams su len pa'i bshes gnyen dam pa mtha' yas pa zhig gis kha @493 ba can gyi mtha' gru kun tu khyab par gyur te/ chos ma yin pa ches cher nyams dmas par gyur pa 'di yang/ bdag cag gi rje btsun 'di nyid 'ba' zhig gi bka' drin mdzad pa ma yin na/ yod kyang snang du mi rung ba su zhig gi bka' drin rjes su dran par bya/ zhes gsungs pa 'di rnams ni dge ba'i bshes gnyen gyi mchog mtshang thog tu brgol ba yin/ gdams ngag gi mchog mtshang thog tu 'bab pa yin/ zhes gsungs pa ltar/ rang bzhin drang por brjod pa'i sgo nas tshul bzhin ma yin pa'i bya ba la 'jug pa rnams kyi mtshang thog tu 'bab pa'i gsung dam pa yin la/ tshul min de dang de lta bu ni da dung snyigs ma'i rang mdangs bod ba'i dbang gis dus phyis sngar bas kyang ches cher mang bar mchis te/ rab tu byung ba'i dgon sde rnams nas kyang deng sang grwa sa se 'bras dge gsum dang/ rgyud grwa stod smad kyis gtsos dbus gtsang gi gzhi 'dir 'khod pa'i ri bo dge lugs pa'i dgon sde che chung rnams su 'dul ba'i bcas khrims dang/ gzhi gsum gyi phyag len sogs ma nyams tsam gnas pa dang/ de bzhin du mdo stod mdo smud dang/ rgya hor gyi yul gru rnams su'ang gdan sa pa chen po rnams kyi rjes su zhugs pa'i dge dgon mang tsam yod 'dug pa las/ gzhan lung lkug dang/ sa mtha' rnams su 'khod pa'i dge lugs pa'i dgon sde 'ga' zhig ni phyi khul gyi mig lam tsam du chos gos thang sham sogs 'chang khul tsam las nag chang sogs la 'dzems med du spyod pas ser khyim par grags pa dang khyad par med pa yang mang du mchis shing/ de las gzhan du rnying ma sogs kyi dgon sde phal che bar ni bla slob tshang mas 'dul khrims la cir yang mi rtsi ba'i khar 'dul ba'i bcas pa ni theg dman gyi lugs dang/ de @494 la dad cing rtsis su byed pa'i gang zag de yang theg dman par 'jog pa dang/ nang du rtogs pa'i gdengs tshad gang yang med bzhin du gzhan ngor smin ru zengs zengs dang/ sna shu hur hur gyi ngang nas dkor zas dang nag chang sogs la ji mi snyam par spyod pa de theg pa chen po'i yang rtser sleb pa'i khul byed mi shin tu mang bar mchis pa dang/ de la brten nas dgon sde de dag tu phal che ba dge tshul slong gi sdom pa zhu bar mi mos shing/ gal te re gnyis nas zhu khul dang/ bla mas gnang khul byas na yang/ don du sdom pa 'bogs pa'i mkhan slob nas las kyi chog rnams tshig gcig kyang ma 'khrul bar blo nas thon pa dgos zhes 'dul ba nas bshad bzhin du/ blor ma zin par dpe thog nas 'bogs pa dang/ zhu ba po nas kyang snam sbyar bla gos sogs kyi rgyu'i byin rlabs byed pa'i gzhi tsam yang rtsol sgrub mi byed par gnas skabs der chos gos rnam gsum sogs gzhan la g.yar te sdom pa zhus pa'i skad cig gnyis pa nas snam sbyar bla gos sogs mi dgos gzhir bzhag gis spong ba dang/ sdom pa zhu ba'i tshe pham lhag ltung byed sogs bsrung bar khas blangs kyang don du srung rgyu lta bzhag ltung ba rnams kyi grangs dang ming tsam yang mi shes pa dang/ dgon 'ga' zhig tu bud med la mi tshangs spyod byas pa'i gleng ngan byung na dngos po'i bshags pa 'bul srol tsam las/ gzhan du pham lhag ltung byed sogs ci byung yang bshags sdom sogs kyi snang ba cha tsam med pa dang/ 'ga' zhig tu ni tshogs kyi skabs sogs la rab byung gi chas byed pa tsam las rgyun du bla slob tshang mas khyim pa'i rtags cha lugs 'chang zhing/ nag chang la ji mi snyam pa'i byung rgyal du spyod pa dang/ dus min gyi kha zas spong ba sogs ni sngags kyi dam tshig dang 'gal ba yin zhes da @495 dung ched gnyer gyis longs spyod pa sogs bstan pa'i gzugs brnyan tsam yang med par gtong ba mang zhig mchis pa de dag rnams la 'di ltar 'dri bar bya ste/ theg pa che chung gi khyad par de sems bskyed rgya che chung gi sgo nas mi 'jog par/ 'dul ba'i bcas pa srung ba de thog dman pa dang/ chang dang bud med dang/ dus min gyi kha zas la longs spyod pa sogs theg chen par 'jog pa'i khungs 'di nang pa sangs rgyas pa'i gzhung gang las rnyed/ 'dul ba'i chos theg dman gyi chos dang/ de la gnas pa'i gang zag rnams theg dman par 'dod dgos na/ dge tshul slong sogs so thar ris bdun gang rung gi sdom ldan yin na theg dman pa yin pas khyab par 'dod dgos la/ de ltar na dge slong sogs yin phyin de'i rgyud la byang chub kyi sems dang sngags sdom sogs med par 'dod dgos pa dang/ theg chen pa yin na de'i rgyud la so thar gyi sdom pa med pas khyab pa dang/ dge slong byang sems rig pa 'dzin pa'i gzhi mthun sogs med par 'dod dgos na/ 'di 'dra ba'i gtam smra ba las tha chad pa su zhig yod/ yang de ni ma yin te/ dge slong dang sngags kyi rig pa 'dzin pa'i gzhi mthun sogs yod mod kyang/ sngags kyi theg pa la zhugs pa'i dge slong des chang dang dus min gyi kha zas spong ba dang/ chos gos rnam gsum gyi 'bral spang dang/ chab len/ lham phud sogs la rtsigs su byed mi dgos te/ de dag la rtsigs su byed pa de theg dman gyi gnas skabs su yin gyi/ sngags la zhugs nas bza' btung tshogs kyi 'khor lo dang/ gang snang lha dang bde stong gi rnam rol sogs su 'char ba yin pas chang dang dus min gyi kha zas sogs tshogs su byin gyis rlabs nas rol bar nyes pa mi bskyed pa'i khar @496 phan yon khyad par can thob pa dang/ bud med bsten pa yang bde ba chen po'i ye shes bskyed pa'i grogs su 'gyur ba las pham pa sogs mi bskyed cing/ des mtshon te lus ngag gi spyod pa ci byas kyang lha sngags ye shes kyi rol pa las ma 'das pa yin pas 'dul ba nas bshad pa ltar gyi gu dog bya mi dgos so zhes smra 'dod kyi kha po'i gtso bo ni 'di 'dra zhig yin par snang mod/ de la yang 'di ltar 'dri ste/ chang dang dus min gyi kha zas sogs la longs spyad na tshogs 'khor du 'gyur ba dang/ bud med bsten pa las kyi phyag rgyar 'gyur ba dang/ gang snang lha sngags dang bde stong gi rnam rol tu 'char ba sogs kyi dus mtshams de sngags la ma zhugs pa'i gong nas yod pa zhig sngags la zhugs pa la brten nas ha go ba zhig yin nam/ yang de gong nas med kyang sngags la zhugs pa tsam gyis de ltar rang shugs kyi 'byung ba zhig gam/ sngags la zhugs nas rtogs pa mthon por sleb pa la ltos dgos pa rnams gang zhig yin/ dang po ltar na/ khyim pa'i skye bo phal mo che nas khyi phag sogs dud 'gro rnams kyis kyang tshogs 'khor dang/ las kyi phyag rgya la spyod par 'gyur te; de ltar 'gyur ba sngags la zhugs pa la ltos mi dgos par dang po nas yod pa yin pa'i phyir/ gnyis pa ltar na/ sngags la zhugs pa'i thog ma ni dbang thob pa nas 'jog pas/ dbang zhus pa tsam gyis de ltar 'byung na lam bskyed rdzogs kyi gnas rnams 'bad pa chen pos bsgoms pa don med par 'gyur te/ dbang zhus pa tsam gyis grol bar 'gyur ba'i phyir/ yang de ltar ni ma yin kyang sngags la zhugs rjes bza' btung sogs sngags rgya ting nge 'dzin gyis byin gyis brlabs na bdud rtsir 'gyur bas/ de la longs spyod na 'dud rtsi la longs spyad pa'i phan yon @497 thob pa dang/ rang dang phyag rgya gnyis lha dang lha mor mos pa'i nga rgyal gyi sgo nas snyoms par 'jug na rjes chags kyi bde ba chen po la rol pa'i phan yon thob pa yin no zhe na/ bza' btung sogs sngags dang/ phyag rgya dang/ mos pa'i ting nge 'dzin gyis byin gyis brlabs pa tsam gyis bdud rtsi dngos gnas par 'gyur ba dang/ rang dang phyag rgya gnyis lha yab yum du mos pa tsam gyis zag med kyi bde ba la rol pa'i phan yon thob na/ 'o na/ las dang po pas sgom bzlas sogs la 'jug pa na/ snod gzhal yas khang dang bcud lha dang lha mor mos pa tsam gyis de dang der dngos gnas la 'gyur ba dang/ rang nyid rdo rje 'chang dngos yin snyam pa'i nga rgyal byas pa tsam gyis rdo rje 'chang du 'gyur ba sogs dod dgos la/ de ltar na yang bskyed rdzogs kyi lam rnams 'bad pa chen pos mthar ma phyin bar du bsgoms pa don med du 'gyur te/ mos pa tsam gyis grol bar 'gyur ba'i phyir/ de la kho na re/ las dang po pas mos pa tsam gyis byin gyis brlabs pas bza' btung sogs bdud rtsir dngos gnas la 'gyur ma thub rung/ yid kyis bdud rtsir mos nas bla ma dkon mchog dang/ rang nyid kyi phung khams skye mched lhar gsal ba la phul na tshogs kyi mchod pa phul ba'i phan yon thob pa'i phyir skyon med do zhe na/ spyir btang zas la longs spyod pa'i tshe de ltar du mos pa'i sgo nas phul na phan yon khyad par can thob pa ni nges par yin cing/ rgyu mtshan de la brten nas sngags kyi skabs su bza' btung rnams bdud rtsir byin gyis brlabs nas bla ma dkon mchog la 'bul ba dang/ rang nyid lhar gsal ba la nang gi sbyin bsregs kyi tshul du 'bul ba sogs zas kyi rnal 'byor nges par du dgos par gsungs pa ltar/ sngags la zhugs pa'i rab tu byung ba rnams @498 kyis kyang 'dul ba dang mi 'gal ba'i zas la longs spyod pa'i tshe zas kyi rnal 'byor de lta bu bsten dgos pa yang yin mod kyang/ 'dul ba dang 'gal ba'i chang dang/ dus min gyi kha zas sogs la las dang po pas 'dra dpe rgyas 'geb kyis de ltar longs spyod du mi rung ste/ ci'i phyir na/ da lta rang cag rnams kyis sngags rgya ting nge 'dzin gyis byin gyis brlabs na yang mos pa tsam las dngos gnas la 'dud rtsir bsgyur mi thub pa'i khar/ mos pa dang lha'i nga rgyal sogs kyang thog mar rib tsam zhig las zas bza' ba'i mgo mjug 'khyongs pa yang gnas mi thub pa rang gi myong bas grub pas/ des na thog mar mos pa yud tsam byas pa'i phan yon tsam las gzhan du tha mal pa zas la longs spyod pa'i ngang tshul kho na las ma 'das pas na/ de lta bu'i sgo nas chang btung ba dang phyi dro'i kha zas sogs zos na 'dul ba dang 'gal ba'i nyes pa chen po thog tu 'bab pa las tshogs la longs spyod par mi 'gyur ba'i phyir te/ dper na/ da lta rang cag rnams kyis dug zhig sngags rgya ting nge 'dzin gyis bdud rtsir byin gyis brlabs shing rang nyid lha'i nga rgyal la gnas pa'i khul gyis longs spyad na tshogs la rol ba'i phan yon 'byung ngam/ dug zas pa'i sdug bsngal 'byung rig pas dpyad na shes pas gang zag rang ga bas longs spyod mi nus pa dang/ de bzhin du mi gtsang ba dri chen dri chu sogs kyang de ltar du longs spyod mi nus la; gal te longs spyad na dri nga ba dang/ skyug pa ldang ba sogs mi gtsang ba'i mtshan nyid mngon du 'gyur ba las bdud rtsi'i yon tan cha tsam yang mi 'byung ba shes sam/ de bzhin du rtogs pa'i rgyud tshod mthon por ma sleb par bud med bsten pa ni dge slong dge tshul sogs yin na pham pa dang/ pham 'dra sogs bskyed pas @499 dgos pa sgrub nus kyi sdom pa gtong ba dang/ rab byung min ma yang chang dang bud med la dga' ba tsam gyis chos par rloms pa de ni khyim pa'i skye bo dang gnyis su ma mchis pa'i tha shal kho na las/ las kyi phyag rgya bsten pa'i mtshan nyid tshang ba ni rmi lam na yang med pa'i phyir/ yang khyed cag theg chen gsang sngags par khas ches pa 'ga' zhig gis dge tshul slong gi sdom pa ltar snang tsam zhig blangs nas bcas pa sna gcig tsam yang srung mi dgos pa'i 'dul ba de gang nas bshad pa yin/ sdom pa blangs nas bcas pa srung mi dgos na 'dul khrims nyis brgya lnga bcu sogs kyi bcas pa mdzad pa la dgos pa gang zhig yod/ de theg dman pa la dgongs pa yin no zer na/ 'o na/ dge tshul slong gi sdom pa 'bogs pa yang theg dman par dgongs pa yin nges la/ khyed cag theg chen pa'i yang rtse rnams kyis de dag blangs nas gang byed/ deng sang 'jig rten la grags pa'i kha gtam ltar skal ba bzang bzang yin zer na/ theg chen pa theg dman pa'i chos la zhugs pa ni skal ba bzang bzang ma yin te/ skal ba ngan ngag yin pa'i phyir dang sdom pa blangs nas bcas pa la mi rtsi ba de yang skal ba ngan ngan ched dmigs kyis bsgrub pa yin pa'i phyir/ de bzhin du gsang sngags pas rab tu byung ba la cing yang rtsi mi dgos na sngags pa'i dgon sde rnams kyang khyim pa'i cha lugs sam/ sgrub pa ba'i cha lugs sha dag byas chog rigs la mgo ril dang/ gzan bsham sdod 'gag sogs rab tu byung ba'i rtags cha lugs tsam la nges par skyabs bcol ba mang du 'dug pa de gang zhig yin/ de ni 'jig rten gyi mig sngar mdzes shing dang ba 'dren pa'i ched du yin no zer na/ 'jig rten gyi mig sngar mdzes shing dang ba 'dren pa zhig byung na snyam pa'i kun slong de/ @500 skye bo rnams dad pa 'phel bas de dag gi bsod nams kyi zhing du 'gyur ba'i ched yin nam/ dad pa 'phel ba la brten nas zang zing gi rnyed bkur tsam 'byung ba'i ched gang zhig yin/ dang po ltar na/ de bas lhag pa'i dge sbyong la 'os pa'i yo byed rnams tshul bzhin du 'chang zhing/ srung sdom rnam par dag pa byas na skye bo 'ga' zhig tsam du ma zad 'gro ba lha dang bcas pa'i bsod nams kyi zhing sa bla na ma mchis par 'gyur ba'i phyir/ gnyis pa ltar na ni/ rab byung gi cha lugs tsam bgos kyang tshul khrims dang mi ldan bzhin du dad zas la longs spyod pa ni/ ji skad du/ lcags gong me lce 'bar ba zos chog ste/ /tshul 'chal yang dag mi sdom de lta min/ /zhes lcags gong me lce 'bar ba zos pa las lhag pa'i sdug bsngal ches cher bskyed par gsungs pa'i phyir/ der ma zad rab tu byung ba'i rtags cha lugs gyon nas bcas pa mtha' dag khyad du gsod cing/ chang dang bud med dang/ bu bu mo'i tshogs dang bcas te rkang bro glu gzhas sogs khyim pa'i chos la bag med du spyod pa dang/ ngan skyug kyang sos mi zin pa'i smyon pa dang khyi phag gi brtul zhugs la gnas pa dag la ni skye bo bcol chung lre gnyis tsam gyis rnyed bkur stob na las/ gzhan du khyim pa tha shal pa tshun chod kyis kyang dmad pa'i gnas su byed pa las bkur sti sogs mi byed pa mngon sum gyis mthong ba'i phyir/ de lta na yang rab tu byung ba'i rtags tsam zhig la nges par skyabs bcol dgos pa rnams kyi 'dun ma'i gtso bo ni/ rab byung gi gos tsam zhig gyon nas 'du khang zhig tu tshogs pa skad byas na dma' mtha' gzhan gyis shi gson gyi rim gror bsnyen bkur ja thug zhig las ma byung kyang gtong mi yongs thabs dang/ mgo ril @501 lus bsgyur byas nas grwa pa'i gral la tshud tsam zhig byung na dpon kyi khral sogs 'then mi dgos pa'i bsam blo tsam las/ thar ba dang thams cad mkhyen pa don du gnyer ba dang/ bstan pa dang sems can gyi bde skyid la phan pa sogs ni nam du yang ma yin te/ tshul de lta bus ni rang nyid thar pa dang thams cad mkhyen par 'gro ba'i srog rtsa gcod cing/ bstan pa dang 'gro ba'i bde skyid la lhag par gnod pa las phan par 'gyur ba'i gnas med pa'i phyir/ de ltar 'chal spyod mkhan rnams la lung rig dri ma med pas mtha' bkag pa na/ mthar gyi 'jog sor/ las dang po pas 'dul ba dang 'gal ba sogs kyi kha na mtho ba'i las la 'jug na spyir btang la nyes pa de dang de lta bu bskyed pa yin na yang/ sngon gyi grub chen gong ma sogs kyi rnam thar la dad pa'i sgo nas de dag gi phyi rjes skyong ba la nyes pa med do zhes bsnyon ham dang 'brel ba'i gtam de tsam zhig smra na las rigs pa don mthun gyi lan gang yang smra rgyu med mod/ de la yang 'di ltar smra ste/ sngon gyi grub brnyes gong ma rnams rtogs pa'i rgyud tshod mthon par phebs pas 'dod yon sogs lam du 'khyer bar mdzan rigs kyang/ de lta bu'i rgyud tshod la sleb pa la sngar lan mang du bshad pa ltar lam thun mong bas rgyud legs par sbyangs/ thun mong ma yin pa gsang chen rdo rje theg pa'i bskyed rdzogs kyi lam rnams la dka' ba dang 'bad pa du mas ma 'bad par mos pa yid byed tsam gyis rgyud tshod mthon por sleb mi nus la/ da ma sleb bzhin du rgyud tshod mthon por phebs pa rnams kyi lad mo byas na rang nyid phung ba yin te/ rje btsun mi la ras pa lho brag mar pa'i zhabs drung nas rang yul du phebs skabs/ sngar klog slob pa'i slob dpon gyi sras zhig yod pa de'i drung du phebs @502 pa na/ sras des bla ma dang chos kyi lo rgyus dri bzhus par lan drang por gsungs pa las/ de ltar yin na ngo mtshar che/ des na khyed rang yang mdzes se khab tu bzhes/ khang zhing rnams kyang bdag gir mdzad nas bla ma'i rnam thar skyong ba drag ces zhus pa la/ rje btsun gyi zhal nas/ skyes mchog mar pa lo tsa khong ni 'gro ba'i don du yum bzhes 'dug /de lta bu'i yon tan dang nus pa bdag la med pas/ stag gi 'phyong sar was 'phyongs na/ wa sked pa chag pa las 'os med pas dka' spyad snying rus dang sdug rgur drag pos sgrub pa nyams len snying por byed pa yin ces gsungs mi 'dug gam/ dbang phyug mi la ras pa lta bu'i sbyangs pa sngon song gi skyes bu chen po de 'dra bas kyang dang po nas dogs zon de.. ltar mdzad na/ rang cag rnams kyis de ltar rung min smos kyang ci dgos/ deng sang dbang rnon sbyangs pa sngon song gi gang zag rgyud tshod mthon por phebs pa 'ga' zhig yod par nges kyang/ de dag ni sbras pa'i brtul zhugs 'dzin pa las mngon mtshan du mi mdzad la/ gzhan ni dus dbang gis nga dang nga 'dra ba phal mo che ni sngar bshad pa ltar/ thun mong lam sbyang gi rim pa sna gcig la yang myong ba ma thon pa'i chos pa'i gzugs brnyan tsam 'dzin pa kho nar bas na/ grub dbang gong ma rnams kyi brtul zhugs kyi mdzad pa'i rjes su da lta nas 'jug rung ba'i spyi brtol ma bskyed par khas blangs pa'i dam tshig dang sdom pa spyi dang/ nang tshan rab tu byung ba rnams kyis ni 'dul ba'i bcas pa gtsang sing nge srung ba nyid gzhir bzung ba'i steng du rang rang gi kha tshod bstun pa'i sngags kyi nyams len la 'bad na 'di phyi'i legs tshogs kyi tsa ba tshugs shing bstan pa la yang de rang phan che ba yin la/ de yang ri bo @503 dge lugs pa gcig pu'i bgo skal lta bu ma yin par/ sa rnying 'bri ltag kar 'brug sogs sangs rgyas pa'i grub mtha' 'dzin pa thams cad kyis de ltar mdzad na rang rang gi bstan pa rnam par dag pa dar zhing rgyas la yun ring du gnas par 'gyur ro; ;zhes da dung yang dang yang du gsol ba 'debs shing/ der ma zad gang zag rang nyid rgyud tshod mthon por slebs pa zhig yin na yang snyigs ma'i dus ngan 'di lta bur dngos su phyag rgya bsten pa sogs byas na rang nyid la 'ching ba'i rgyur mi 'gro na yang/ rjes 'jug rnams kyis gdengs tshad gang yang med bzhin du mig ltos de kha'i rjes su zhugs nas bstan pa la gnod tshab che bar 'gyur pas/ de la dgongs nas jo bo rjes byang chub lam gyi sgron ma las/ gsang dbang shes rab ye shes ni/ /tshangs par spyod pas blangs mi bya/ /zhes tshangs spyod la gnas pa'i dge slong rdo rje 'dzin pa rtogs pa mthon por son pa zhig yin na yang/ gsang dbang dang shes rab ye shes kyi dbang gnyis dngos dbang du blangs mi rung bar gsungs pa yin la/ des na rje tsong kha pa'i rnam thar gtsang ma sngar gong du bshad pa rnams dang/ da dung 'og nas kyang 'chad par 'gyur ba ltar 'dul khrims phra rags la nyes pas mgos pa'i sgo nas bstan pa 'ba' zhig gces par bzung ba ni bstan pa 'jigs pa la mngon du phyogs pa 'di lta bu'i dus su phan yon lhag par du che ba thob pa yin te/ mdo ting 'dzin rgyal po las/ bskal pa bye ba gang gA'i bye snyed du/ /dwang ba'i sems kyis zas dang skom rnams dang/ /gdugs dang ba dan mar me'i 'phreng ba yis/ /sangs rgyas bye ba khrag khrig rim gro byas/ / gang gis dam chos rab tu 'jigs pa dang/ /bde gshegs bstan pa 'gags @504 par gyur pa'i tshe/ /nyin mtshan du ni bslab pa gcig spyod pa/ /bsod nams 'di ni de bas ches khyad 'phags/ /zhes gsungs pa'i phyir/ des na bstan pa'i rtsa ba med du mi rung ba ni dam pa'i chos 'dul ba kho na yin la la dgos nas thub pa'i dbang po nyid kyis kyang chos gos rnam gsum sogs dge sbyong la 'os pa'i yo byad rnams 'chang bar mdzad cing/ 'dul ba'i kun spyod rnam par dag pas sku tshe'i mtha' brten par mdzad pa dang/ 'khor byang chub sems dpa'i dge 'dun dang/ nyan thos kyi dge 'dun rnams kyis kyang de lta bu'i rnam thar la brten nas mod sngags kyi bstan pa rin po che 'jig rten gyi khams su yun ring du gnas par mdzad pa yin la/ ston pa thugs rje can gyi rnam thar bzhin du rje bdag nyid chen po tshong kha pa chen po'i bzhed don gyi gtso bo yang mdo sngags kyi bstan pa 'di nyid 'jig rten na 'phel rgyas yun ring du gnas bzhig byung na ci ma rung dgongs pa kho na yin pa ni rje nyid kyi thugs smon tshigs bcad las/ rang gis ji bzhin rtogs pa'i lam gyi gnad/ /shugs drag brtse bas drangs pa'i thabs mkhas kyis/ / 'gro ba'i yid kyi mun pa sel byas nas/ /rgyal ba'i bstan pa yun ring 'dzin gyur cig /bstan pa rin chen mchog gis ma khyab pa'am/ /khyab kyang nyams par gyur pa'i phyogs der ni/ /snying rje chen pos yid rab bskyod pa yis/ / phan bde'i gter de gsal bar byed par shog /ces gsungs pa yin/ de lta bu'i mdo sngags kyi bstan pa thams cad 'phel ba dang/ yun du gnas pa'i rtsa ba ni gong du lan du mar bzlas pa ltar 'dul bstan rin po che kho na yin pa la 'di nyid bar skabs su ha cang nyams dmas par gyur ba thugs kyis ma bzod nas @505 gong du rnam thar gyi dkyus su bkod zin ltar thog ma'i rten 'brel gyi slad du mkhan chen phyag rdor ba dang/ rje btsun 'jam pa'i dbyangs kyi gsungs gis bskul ba bzhin rdzing phyi'i jo bo la bstod pa tshangs pa'i cod paN zhes pa'i bka' rtsom dang bcas chos gos rnam gsum/ mkhar sil/ lhung bzed/ gding ba/ chu tshag sogs dge sbyong gi yo byad tshang ma phul ba'i sgo nas 'dul bstan rmangs nas bso ba'i thugs bskyed rgya chen por mdzad pa dang/ mnyam du bzhugs skabs gser phye 'bum par mchod pa zhen po phul zhing gdul bya rnams la 'dul ba'i chos mang du gsungs pa dang/ der yang rje btsun 'jam pa'i dbyangs kyi gsung gis bskul ba bzhin/ de phyin chad 'dul ba'i bcas mtshams phra zhing phra ba tha na rung chu 'debs pa tshun chad ma nyams pa phyag len du bstar zhing/ dpon slob tshang mas phebs bzhugs kyi gnas skabs kun tu chos gos rnam gsum gyis gtsos pa'i dge sbyong la 'os pa'i rtags cha lugs tshang ma 'chang bar mdzad pas 'dul ba 'dzin pa'i snyan grags kyis phyogs kun tu khyab cing/ de nas bzung ste rtags cha lugs phun sum tshogs pas rim gyis sa steng thams cad khyab par gyur pa dang/ gnam rtse lteng du chos rje rnam pa gsum zhal 'dzoms pa'i sgo nas 'dul ba'i phyag len gzhi bcu bdun nas gsungs pa'i bcas pa phra mo yan chod dang/ rnam 'byed nas byung ba'i bcas pa phra rags la sogs pa rnams kyi ngo bo/ go rim/ srung tshul la sogs pa zhib cing phra ba dang/ bcas pa de dag las 'das tshe gang 'das ba'i ltung ba thams cad rang rang gi ming rigs kyis phyir 'chos pa'i cho ga 'dul ba nas ji ltar bshad pa bzhin gyi phyag len rnam par dag pa'i srol legs par @506 btsugs pa dang/ gzhan yang dus dang gnas skabs gang gi tshe na'ang 'dul ba'i bcas pa rin po che la nyes ltung gi dri mas zhar yang ma gos pa shin tu rnam par dag pa'i tshul 'ba' zhig la sbyor ba gtso bor mdzad pa'i mthu las dus kyi mthar yang 'dus pa dang po slar yang byon pa dang mtshungs par 'dul bstan ches cher rgyas pa'i bka' drin de lta bu stsal zhing/ de bzhin du byang chub sems dpa'i bslab bya dang/ rigs pa 'dzin pa sngags kyi dam tshig phra rags rnams la ni de bas kyang gal po cher 'dzin pa'i sgo nas nyes pas cha tsam ma gos pa mig 'bras bzhin du srung ba gtso bor mdzad pa las/ deng dus kyi sngags par khas che ba 'ga' zhig ltar gsang sngags khar 'khyer nas tho cho dang rtsing spyod la 'jug pa ni nam yang mi mdzad pa sogs mdor na sku gsung thugs kyi rnam thar gang la yang 'chal spyod kyi dri tsam mi mnga' ba ni/ zang zang ne ring pa 'chi med rab rgyas kyi gsung las/ rin po che tsong kha pa de nyid mkhas par ma zad btsun pa'i yang mchog tu gyur pa zhig yin te/ de yang so sor thar pa'i nang nas kyang dge slong gi bslab bya tsho bzhes phyin chad chos gos gsum dang/ mkhar sil dang/ lhung bzed sogs nyer ldan gyi yo byad rnams 'bral med du bsten pa dang/ chab len pa dang/ rung chu 'debs pa sogs mdor na 'dul ba 'bum sde'am/ gzhi bcu bdun gyi phyag len sogs la sngar dus tshogs pa sde bzhi'i mkhan slob rnams bzang ba dang ba dang 'dams par byed kyang/ dus de'i tshe rje rin po che 'di nyid kyi drung du slebs pa la pho skyes su byed pa dang/ pho las byas par 'dzin cing 'dams pa byung 'dug la/ tha na de dus ri bo dge ldan gyi chu bskyel mi dang/ thab kha ba dang/ ja ma tsam gyis kyang phyis kyi @507 chos rje dang/ bla mar ming btags nas 'dul khrims srung rlom mang po las lhag pa'i bslab khrims bsrung zhing/ btsun tshugs kyang bzang ba byung 'dug pa'i rgyu mtshan du ma yod kyang ma spros te/ shes rig can dang gzu bo'i blo can rnams kyis bsams shing bltas na cung zad shes par 'gyur ro/ /zhes dang/ yang rin po che sku btsun te khyim pa'i spyod pa dang rtags sna gcig kyang mi 'dres pa'i 'dul 'dzin rnam dag tu bzhugs la/ gsung btsun te tha mal gyi tshig gam phal tshig phal che ba spangs pa ma zad/ chos ldan gyi thad re re tsam ma gtogs pa thugs dam spyi dang/ khyad par yi dam gyi bzlas brjod kho na gtso bor mdzad pa yin/ yang mi drag zhan su byung yang de rnams la chos 'jig rten gyi zhal ta gnang ba thams cad chos dang mthun zhing/ ya rabs su gyur pa'i tshig gis brda' sprod rnam dag mdzad pa dang/ che brjod mdzad par 'os pa rnams la yang snyom las dang ras chod mi mdzad par don mthun gyi che brjod mdzad pa yin te/ de yang mtshan nyid kyi yon tan 'dzin pa dag la slob dpon dka' bcu ba zhes dang/ slob dpon dka' bzhi bzhes sogs kyi bsngags tshig skabs dang mthun par gsung ba dang/ dgon pa la brten pa'i btsun pa mtshan nyid kyi yon tan dang mi ldan pa sngags phyogs cung zad shes pa la yang dge bshes zhes pa'am/ bla ma zhes sogs kyi snyan tshig dang bcas te gsung ba yin/ zhes dang/ yang/ rje rin po che de nyid 'bri phag gnyis kyi rin po che du ma dang/ gsang bde gung gsum gyi mkhan po dang/ dga' skyor zul gsum gyi mkhan po rnams kyi bla ma mdzad pa ma zad/ dbus kyi gong ma chen po grags pa rgyal mtshan sogs kyi yang bla ma mdzad pa la brten/ ri bo @508 dga' ldan du yang sde dgon shin tu che ba gcig gi 'dzin tshugs rang shugs kyis byung 'dug pa dang/ phyogs kyi mi phal mo che'i sems la/ rin po che 'di nyid rtsa ba khams pa'i dge bshes yin pas ltag tshugs bzang ba'i steng du gong ma mchod yon sogs kyi 'degs bzang snyam pa'i 'jigs zil la brten/ lan re tsam la rin po che'i drung du slebs pa lta ci smos/ skor lam gyi khongs su sleb pa tsam dang/ gzims khang mthong ba tsam dang/ sgo nang du slebs pa tsam la yang 'dar sil sil yong ba dang/ 'jigs zhum yong ba sogs byin rlabs kyi zil lam/ gzi brjid kyi zil shin tu che bar 'ong ba zhig yin 'dug kyang/ rin po che rang gi drung du slebs te bka' lung gnang ba'am/ brda' spod legs po mdzad pa'i rjes su mi drag zhan phal mo che dad pa rang dbang med par skye ba dang/ blo bag phebs pa dang/ khyad par du phyin chad sku drung du bsdod 'dod pa dang/ gzhan du 'gro mi 'dod pa sogs yod par snang/ zhes dang/ mdor na sku btsun pa sogs gzhir bzhag /gsung yang btsun zhing yon tan mang po dang ldan pa zhig byon par 'dug /thugs ni de bas kyang btsun te/ thugs la nyon mongs pa spyi shas chung ba dang/ khyad par du chags sdang gi kun slong mi mnga' zhing/ byams snying rje dang/ dag snang che tshul sogs du ma 'dug ste nga rang na ba 'dis zhib cha spro ma thub pas yig cha gong 'og du ma las shes dgos so/ /zhes gsungs pa ltar te/ de dag ni btsun pa'i yon tan las brtsams pa'i rnam par thar pa 'phros bshad dgag sgrub dang bcas pa mdo tsam ched du brjod pa'o/ /smras pa/ rnam dag 'dul khrims gtsang ma'i sdong po'i gzhir/ /byang chub sems kyi lo @509 'dab khur gyis brjid/ /rim gnyis 'bras bu g.yur du za ba yi/ /gsum ldan dpag bsam ljon pa 'gro ba'i dpal/ /gang gi thugs rgyud me long gtsang ma'i ngos/ /bcas dang rang bzhin nyes pas cha tsam yang/ /gos pa'i ngang tshul rgyal ba'i ye shes kyis/ /bsgrims te bskal par gzigs kyang dmigs su med/ /legs lam kun gyi gzhi dang rtsa ba ni/ /dam chos 'dul ba nyid du rnam 'dren gyis/ /lan cig min par lung du bstan na yang/ /rang gar dor ba rmongs pa'i rtags su nges/ /dom pa blangs nas tshul khrims mi srung zhing/ / rab byung rgyal mtshan 'chang nas khyim pa yi/ /brtul zhugs spyod rnams nyes ltung khur chen po/ /'bad nas bsgrub pa'i tshul las gzhan du ci/ /so thar khrims kyi rmangs gzhi mi brtan par/ /gsang chen lam gyi khang bzang brtsegs na yang/ / rtsa ba rul pa'i ljon shing ji bzhin du/ /'gyel bar gyur las bslangs thams shin tu dka'/ /rmad byung 'dul ba'i khrims gtsang zhing sa la/ /byung chub sems dang rig pa 'dzin pa yi/ /sa bon bskrun na ring min don gnyis kyi/ /'bras bu lag rtser 'byin la bslu ba med/ /de ltar pa'i gnad gsang ma lus pa/ / thugs su chud pas thog mar 'dul ba'i bstan/ /'phel rgyas yun du gnas pa'i mdzad pa la/ /mgon po khyod kyis nyin dang mtshan du brtson/ /de yi mthu las thar pa don gnyer kun/ /gang gi bstan pa'i tshul la rab zhugs nas/ / gnang bkag bcas pa'i mtshams las mi brgal ba'i/ /tshul khrims dag pa'i phung po khur du 'khyer/ /dza ti'i dri bsung 'thul ba'i yul gru nas/ /za 'og thags su bskrun pa'i nor 'dzin bar/ /li khri'i chab kyis ched du bran pa bzhin/ / @510 ngur smrig 'dzin pa'i mdangs kyis khyab par gyur/ /da dung snyigs ma'i yang mthar gyur na yang/ /bstan pa'i rtsa ba tshul khrims gces 'dzin pa'i/ /gang zag mtha' dbus kun tu khyab pa 'di/ /mgon po khyod kyi drin las gzhan na gang/ / zhes pa ni bar skabs kyi tshigs su bcad pa'i 'phreng ba'o/ /H yang phul du byung ba'am bzang po'i yon tan ji ltar mnga' ba'i tshul ni/ de yang bzang po'i yon tan zhes pa thugs rgyud rang bzhin bzang ba tsam la byed pa ma yin zhing/ spyir na rnam par dkar ba'i yon tan mtha' dag bzang po'i yon tan yin mod kyang/ 'dir mkhas btsun bzang gsum zhes pa'i nang tshan gyi bzang po'i yon tan ni/ thams cad mkhyen pa blo bzang bskal bzang rgya mtsho'i gsung las/ nges 'byung snying rje mchog gis rgyud dul zhing/ /shes bya'o gnas kun mthong ba'i blo gros rgyas/ / khyad par mtha' bral gnas lugs de bzhin nyid/ /rtogs pa'i ye shes stsol zhig 'jam dpal dbyangs/ /zhes gsungs pa ltar/ thugs rgyud nges 'byung dang/ snyeng rje chen po dang/ byang chub kyi sems kyis yongs su dul zhing/ shes bya'i gnas kun la thogs pa med par 'jug pa'i shes rab dang/ yang dag pa'i lta ba'i gdengs dang ldan pa de lta bu zhig la byed pa yin/ de yang thugs rgyud nges 'byung khyad par can gyi gzhan dbang du gyur tshul ni/ las dang po pa ltar 'khor ba spyi dang bye brag gi sdug bsngal rnams yang yang ched du gnyer nas bsams pa dang bsgom pa sogs la ltos mi dgos par/ sku gzhon nu'i dus nyid nas 'khor ba mtha' dag me 'bar ba'i klong ltar gzigs pa'i nges 'byung bcos ma ma yin pa ngam ngam shugs kyis thug rgyud la 'khrungs pa yin te/ mkhas grub thams cad mkhyen @511 pas/ khyod sku'i nyin byed yum gyi chu 'dzin las/ /gsal bar byon tshe srid pa'i phun tshogs la/ /kun nas sred pa'i glog gi rol rtsed dang/ /nam yang 'grogs pa spangs la gsol ba 'debs/ /gzhon nu nyid nas rgyal ba'i brtul zhugs kun/ /ma smad tshul khrims mchog gis legs bsdams shing/ /skye ba kun tu gcig tu bag yod la/ /goms pa'i mthu ldan khyod la gsol ba 'debs/ / zhes gsungs pa ltar yin la/ de lta bu'i nges 'byung gis thugs rgyud bskul bas khyim gyi 'du 'dzi gdug sbrul gyi mtshang ltar du dgongs pas dgung lo gsum pa'i dus nyid nas karma pa rol pa'i rdo rje las yongs rdzogs dge bsnyen gyi sdom pa bzhes shing/ lo de kha'i nang nas khyim du ma bzhugs par chos rje don grub rin chen gyi drung du bcar bzhugs su mdzad de khyim gyi 'du 'god mchil ma'i thal ba bzhin du dor ba mdzad pa sogs/ mdor na nges 'byung rnam dag thugs rgyud la rang chas su mnga' ba'i tshul ni/ sngar gong du bkod zin pa ltar rje thams cad mkhyer pa rang nyid kyi gsung las/ de yang kho bo la gzhan gyis bstan bzang po bshams pa dang/ gus pa'i bsnyen bkur sogs ji tsam byas pa tsam gyis ched du bsam mi dgos par de'i skabs rang du/ 'di thams cad mi rtag cing yid brtan du mi rung ba sgyu ma'i bslu brid dang 'dra ba yin snyam pa'i skyo ba shugs drag po snang ba bun long du thongs ba/ yid gting nas 'gyur ba rgyun ring por skye ba zhig dang po nas rang chas su yod pa yin/ zhes dang/ nyams mgur las/ sdug bden nyes dmigs bsams la ma 'bad na; ;thar pa don gnyer ji bzhin mi skye zhing/ /kun 'byung 'khor ba'i 'jug rim ma bsams na/ /'khor ba'i rtsa ba gcod tshul mi shes pas/ /srid @512 las nges 'byung skyo shas bsten pa dang/ /'khor bar gang gis bcings pa shes pa gces/ /rnal 'byor ngas kyang nyams len de ltar byas/ /thar 'dod khyed kyang de bzhin bsten 'tshal lo/ /zhes rang gi thugs rgyud nyams myong gi steng nas bka' stsal pa rnams kyis shes la/ de dag la mkhas grub thams cad mkhyen pas/ 'di ni 'di'i skye bas thob pa'i lhan skyes kyi yon tan yin gyi/ sku tshe 'di nyid la gnyen pos gsar du bskyed pa'i sbyor byung ni ma yin te/ zhes dang/ 'di ni shin tu mtho ba'i rtogs pa khyad par can du bod la grags pa mang po zhig gis cha tsam yang bsgrun par mi nus pa'i mngon par rtogs pa'i yon tan yin te/ zhes dang/ tshul 'di ni mkhas pa mgu pa bskyed pa'i rnam par thar pa ches ngo mtshar rmad du byung ba yin no/ /zhes gsungs so/ /de bzhin du sems can thams cad la ma bu gcig pa la brtse ba lta bu'i byams pa dang snying rje chen po yang sku tshe 'dir 'bad rtsol la ltos mi dgos par rang shugs kyis thugs rgyud la mnga' ba ni nges pa'i don du rje btsun 'jam dpal dbyangs dang ngo bo gcig pas na lung rig gis bsgrub mi dgos pa ma zad/ thun mong gdul bya'i snang tshul ltar gyi dbang du byas na yang bdag nyid chen po 'di snyigs ma'i dus mthar rgyal ba'i bstan pa rnam par dag pa 'dzin cing spel ba'i slad du bsam bzhin du srid pa nye bar bzung ba 'di yang spyir mkha' khyab kyi sems can thams cad dang/ nang tshan kha ba ri pa'i gdul bya rnams la shas mi bzod pa'i snying rje chen pos kun nas bslangs te byon pa yin la/ de yang deng dus kyi bla mar grags pa phal che ba la gzhan dag gis khyod ni 'gro ba'i don du bsam bzhin du byon pa yin no zhes cam bu'i ngo bstod byas pa dang mi mtshungs te/ ngo bstod de ltar byas pa rnams @513 las 'ga' zhig bstod pa ltar don la gnas pa'i bdag nyid chen po'ang mchis mod/ la la ni bstod pa ltar gyi yon tan gyi cha 'ga' dang 'ga' zhig tsam yang med pa'i blun po dar bstums pa'ang mang du srid la/ rje bdag nyid chen po ni ngo bstod la ltos mi dgos par thog mar rang yul du bzhugs pa'i gzhon nu'i gnas skabs dang/ bar du dbus gtsang gi ljongs su phebs nas rgyal ba'i bstan pa la thos bsam sgom gsum rnam par dag pa mdzad pa dang/ de thams cad kyang rnyed bkur snyan grags sogs kyi dbang du ma song bar bstan pa rin po che kho na mi nyams shing rgyas la yun du gnas pa 'ba' zhig gi rgyur 'gyur bar mdzad pa ni gong du rim par zhib cing rgyas par bkod pa rnams kyi shes la/ de ltar mdzad pa'i thugs bskyed kyi gtso bo ni 'gro ba sems can thams cad 'khor ba sdug bsngal gyi 'dam las dbugs phyungs te thar pa chen po'i gling du bgrod pa zhig byung na ci ma rung dgongs pa kho na dang/ de ltar du bgrod par byed pa la ni/ lung las thub rnams sdig pa chu yis mi 'khru zhing/ / 'gro ba'i sdug bsngal phyag gis sel min la/ /nyid kyi rtogs pa gzhan la spo min te/ / chos nyid bden pa bstan pas grol bar 'gyur/ /zhes sdig pa chu yis 'khru ba dang/ sdug bsngal phyag gis tsher ma 'don pa ltar byar med cing/ rang nyid kyi rtogs pa gzhan la bgo bshar yang byar med pas/ dam pa'i chos bstan pa de'i don nyams su len pa nyid la rag las shing/ de la bstan pa rin po che tshang la ma nor ba 'jig rten du gnas pa zhig med na thar pa 'dod kyang dmus long thang la 'khyams pa ltar don mi 'grub par gzigs nas bstan pa rin po che la ma rtogs pa dang/ log par rtog pa dang/ rang bzo dang/ ltar snang tshul 'chos sogs kyi dri ma @514 mtha' dag sbyangs te rgyal ba'i dgongs pa ji lta ba de nyid sgo thams cad nas rnam pa thams cad du 'phel zhing rgyas pa'i thabs 'ba' zhig la nyin dang mtshan du lus srog la ma ltos par brtson par mdzad pa ni/ rje nyid kyi gsung las/ rten nas 'byung ba'i de nyid gsal mdzad pa'i/ /thub pa'i lugs bzang skye ba thams cad du/ / lus dang srog kyang btang nas 'dzin pa la/ /skad cig tsam yang lhod par ma gyur cig/ 'dren pa mchog des dka' ba dpag med kyis/ /nan tan snying por mdzad nas bsgrub pa 'di/ /thabs gang zhig gis 'phel bar 'gyur snyam pa'i/ /rnam par dpyod pas nyin mtshan 'da' bar shog /ces gsungs pa ltar yin la/ de ltar du mdzad pa yang rang gi don du ni cha tsam ma yin par 'gro ba la gcig tu brtse ba'i byams snying rje tshad med pa kho na'i gzhan dbang du gyur pa yin la/ de'i phyir mkhas grub thams cad mkhyen pas/ rin chen 'byung gnas chu yi phung po bzhin/ / khyod thugs snying rje'i gting mtha' ji tsam zhes/ /ye shes spyan ldan kun gyi yul las 'das/ /rje btsun thugs rje'i gter la gsol ba 'debs/ /zhes gsungs pa yin/ de lta bu'i byams pa dang snying rje chen po'i gzhan dbang du gyur ba'i bdag nyid chen po rnams ni/ lcang skya rol pa'i rdo rje'i gsung las/ srid pa'i 'brog tu nyams thag 'gro rnams la/ /thugs rjes phyag ring skyong bas dbugs 'byin pa/ /dpal ldan thub pa kun gyi mdzad pa'i khur/ /gcig tu bsnams pa khyod la mgos phyag 'tshal/ /zhes gsungs pa ltar gzhan ngor rgyal ba'i sras kyi tshul bzung na yang/ sku gsung thugs kyi mdzad pa'i ngo mtshar ni rgyal ba kun gyi 'phrin las kyi phung po gcig tu bsdus pa dang mtshungs par 'jug pa yin no/ / ' byams @515 pa dang snying rje de lta bus bskyed pa'i byang chub kyi sems rin po che gang gi thugs rgyud la rgyun mi chad du mnga' ba ni/ sngon rje btsun 'jam dpal dbyangs 'khor los bsgyur ba'i rgyal po rtsibs kyi mu khyud kyi sras dbang po'i tshogs su gyur pa'i thugs bskyed pa'i smon lam ji ltar mdzad pa gong du zur tsam bkod zin pa ltar dang/ yang/ sngon 'khor los bsgyur ba'i rgyal po nam mkhar gyur pa'i tshe de bzhin gsheD pa 'brug sgra'i dbyangs kyi rgyal po'i spyan sngar thugs bskyed pa'i tshe smon lam ji ltar mdzad pa ni/ 'phags pa dkon mchog brtsegs pa las/ 'khor ba'i thog ma med pa yi/ /sngon gyi tha ma ji srid pa/ /de srid sems can phan don du/ /spyod pa dpag yas spyad par bya/ /'jig rten mgon po'i spyan snga 'dir/ /byang chub mchog tu sems bskyed do/ /'gro ba thams cad mgron gnyer te/ /dbul zhing phongs las sgrol bar bya; ;de ring phan chad gal te yang/ /bdag gis 'dod chags sems bskyed na/ / phyogs bcu dag na gang bzhugs pa'i/ /sangs rgyas thams cad bslus par 'gyur/ / byang chub nam zhig thob bar du/ /tha ba'i sems dang gnod sems dang/ /phrag dog dang ni ser sna yang/ /de ring phyin chad mi bya'o/ /tshangs pa'i spyod pa bdag gis spyad/ /sdig pa'i 'dod pa yongs su btang/ /tshul khrims sdom dang des pa la/ / sangs rgyas rjes su bslab par bya/ /bdag ni byang chub ring tshul du/ /'tshang rgyar mos shing spro ba med/ /phyi mthar thug gi bar du yang/ /sems can gcig phyir spyod par bya/ /tshad med bsam gyis mi khyab pa'i/ /sangs rgyas zhing ni sbyang bar bya/ /phyogs rnams bcu po thams cad du/ /bdag gi ming ni thos par bya/ / bdag gis bdag la lung bstan te/ /sangs rgyas 'gyur ba dogs pa med/ /bdag @516 gi lhag bsam rnam par dag /bdag dbang 'di na 'dren pa rnams/ /lus dang ngag gi las rnams kyang/ /rnam pa kun tu bdag gis sbyangs/ /yid kyi las kyang sbyang bar bya/ /mi dge'i las ni spyad mi bya/ /ma 'ongs dus na sangs rgyas te/ /'jig rten mgon du 'gyur zhe na/ /bden pa des ni sa 'di yang/ /rnam pa kun tu g.yos gyur cig /bdag gis bden tshig gang brjod pa; ;ma nor yang dag smra shes na/ /bden pa des ni mkha' dbyings las/ / sil snyan dag kyang sgra grag shog /bdag la gal te g.yo med cing/ /de bzhin tha ba med ce na/ /manda ra ba'i me tog bzang/ /bden pa des ni char du phob/ /yang dag don du nges pa yi/ /tshig bden de skad brjod pa dang/ / phyogs bcu mtha' yas thams cad kyi/ /bye ba'i zhing rnams rab tu g.yos/ / de yi mod la mkha' dbyings nas/ /sil snyan byed ba'i sgra yang byung/ /me tog manda ra ba dag /mi 'greng bdun srid bab par gyur/ /rgyal po de yi rjes bslabs te/ /srog chags bye ba nyi shu yis/ /'dren par bdag cag 'gyur smon zhes/ /yid du 'ong ba'i sgra yang bsgrags/ /de ltar srog chags bye ba phrag /nyi shu pa rnams thams cad kyang/ /rgyal po mchog gi rjes slob cing/ / byang chub mchog la zhugs par gyur/ /zhes gsungs pa de lta bu'i tshul gyis byang chub tu thugs bskyed cing smon lam mdzad pa ltar/ /'khor ba ma stong gi bar du rgyal sras kyi spyod pa rlabs po che la rgyun mi chad du slob par mdzad pa ma zad/ drang don thun mong ba'i mos ngo dang 'tshams pa'i rje bdag nyid chen po'i sku tshe 'di kha'i dbang du byas na yang byang chub kyi sems bcos ma ma yin pa thuD rgyud la rgyun chaD su @517 mnga' ba ni/ rje nyid kyi nyams mgur las/ sems bskyed theg mchog lam gyi gzhung shing ste/ /rlabs chen spyod pa rnams kyi gzhi dang rten/ /tshogs gnyis kun la gser 'gyur rtsi lta bu/ /rab 'byams dge tshogs bsdud pa'i bsod nams gter/ /de ltar shes nas rgyal sras dpa' bo rnams/ /rin chen sems mchog thugs dam mthil du mdzad/ /rnal 'byor ngas kyang nyams len de ltar byas/ /thar 'dod khyod kyang de bzhin bsten 'tshal lo/ /zhes dang/ /rang nyid srid mtshor lhung ba ji bzhin du/ /mar gyur 'gro ba kun kyang de 'dra bar/ / mthong nas 'gro ba sgrol ba'i khur 'khyer ba'i/ /byang chub sems mchog 'byongs par byin gyis rlobs/ /zhes pa rnams rang gi thugs rgyud la ji ltar mnga' ba'i nyams myong gi thog nas gsungs pa yin la/ de'i phyir mkhas grub thams cad mkhyen pas kyang/ khyod kyi lhag bsam mkhyogs la ma blangs pa'i/ /lus can phan bde'i khur ni cang ma mchis/ /rlabs chen spyod pa kun gyi mthar son pa/ /snying stobs rmad du byung la gsol ba 'debs/ /zhes gsungs pa yin/ sems bskyed nas rgyal sras kyi spyod pa phar phyin drug la sogs pa'i sgo nas 'gro ba'i don ji ltar mdzad pa yang/ nyams mgur las/ sbyin pa 'gro ba'i re skong yid bzhin nor/ /zhes pa nas/ lam de 'bad pa du mas bskyed par mdzad/ /rnal 'byor ngas kyang nyams len de ltar byas/ /thar 'dod khyed kyang de bzhin bsten 'tshal lo/ /zhes gsungs pa rnams kyis shes te zhib par ni yi ge 'jigs nas ma spros kyang/ mdor sgril na mkhas grub smra ba'i nyi mas/ mgon po khyod kyi zhal gyi dbugs tsam yang/ /mtha' dag 'gro la sman pa'i rgyur 'gyur na/ /tshogs gnyis spyod pa gzhan dag smos ci 'tshal// @518 sa gsum skye rgu'i gnyen la gsol ba 'debs/ /zhes gsungs pa ltar ro/ / 7 lhag par du yang dag pa'i lta ba rnam par dag pa thugs rgyud la mnga' ba ni/ sku tshe 'di'i thun mong snang tshul gyi dbang du byas na yang/ sngar gong du rnam par thar pa'i dkyus su lan du mar bkod pa ltar/ bla ma dbu ma pa dang ma mjal ba'i gong nyid nas zab mo dbu ma'i lta ba 'di nyid phyin ci ma log par rnyed pa zhig byung na ci ma rung dgongs pa'i thugs 'dun shugs drag po rgyun chags su mnga' pa'i dbang gis/ bla ma dbu ma pa dang mjal nas bla mas lo tsa mdzad de rje btsun 'jam dpal dbyangs la chos kyi gnad zab mo dri ba mdzad pa'i tshe na yang/ gtso bor dbu ma'i lta ba'i skor gyi dri ba rang shas cher mdzad pa las rje btsun gyis kyang thal rang gi lta ba'i khyad par dang/ rtags kyi dgag bya'i tshad phra rags/ lta ba rtogs pa'i tshad/ thal 'gyur ba'i lugs kyi kun rdzob rnam par dag pa 'jog tshul sogs kyi gnad don shin tu 'dril bar gsungs shing/ de nas kyang rje btsun gyi bka' bzhin 'khor dag pa rnam brgyad dang bcas te bya bral la byon nas/ 'ol dga' chos lung sogs su bsags sbyangs rgya chen po rgyun mi chad du mdzad pa las sangs rgyas byang sems/ yi dam zhi khro sogs dpag tu med pa'i zhal mngon sum du gzigs shing/ khyad par 'al dga' lha sdings su bla ma dang rje btsun tha mi dad du byas nas gsol ba shugs drag tu btab ste dbu ma'i lta ba'i dpyad sgom zheb par mdzad pa'i tshe/ klu sgrub yab sras gtso 'khor lnga zhal gzigs shing/ de'i nang nas slob dpon sangs rgyas bskyangs kyis dbu ma'i rgya dpe phyag gis bzung nas byin gyis rlabs pa'i mtshan ma byung ba ltar 'grel pa bud d+ha pA li ta gzigs pa'i rkyen gyis dbu ma'i lta ba'i gnad mthar @519 thug pa la nges pa gting tshugs pa thugs la 'khrungs te/ mtshan 'dzin gyi dmigs gtad thams cad rang sar zhig /de kho na nyid kyi don la mtha' gzhan du dogs pa'i sgro 'dogs lhag ma med par drung nas phungs pa'i gnas lugs kyi don ji lta ba mngon sum du gzigs pas ston pa sangs rgyas la lhag par du shes nas dad pa 'khrungs pas/ gang zhig gzigs shing gsung ba yi/ /mkhyen dang ston pa bla na med/ /rgyal ba rten cing 'brel bar 'byung/ /gzigs shing 'doms pa de la 'dud/ /zhes sogs rten 'brel gsungs pa'i sgo nas bstod pa legs par bshad pa'i snying po zhes bya ba mdzad pa dang/ nyams mgur las kyang/ yin lugs phu thag chod pa'i shes rab de/ /g.yo med zhi gnas rta la bskyon nas ni/ / mtha' bral dbu ma'i rig pa'i mtshon rnon gyis/ /mthar 'dzin dmigs gtad thams cad 'jigs byed pa/ /tshul bzhin dpyod pa yangs pa'i shes rab kyis/ / de nyid rtogs pa'i blo gros rgyas par bdzad/ /rnal 'byor ngas kyang nyams len de ltar byas/ /thar 'dod khyod kyang de bzhin bsten 'tshal lo/ /zhes gsungs pa rnams kyis shes par nus so/ /smras pa/ srid pa'i 'du 'dzi dug sbrul mtshang ji bzhin/ /mi bzad nyes pa brgya yi 'byung gnas su/ /thugs su chud pa'i bcom min nges 'byung ni/ /nyi dang zer bzhin rang chas thugs la mnga'/ / de bzhin 'gro tshogs sdug bsngal las skyob pa'i/ /shugs drag snying rje chen po'i gzhan dbang du/ /gyur pas rnam kun yid can don nyid las/ /gzhan du g.yel ba'i go skabs cang ma mchis/ /kun la ma ltar brtse ba'i byams pa dang/ / bu sdug lta bur gzigs pa'i snying rje dang/ /'gro phan khur du 'khyer ba'i lhag bsam @520 rnams/ /gang gi thugs la 'gran pa ji bzhin gyur/ /tshogs gnyis mtha' dag rgyal ba'i lam bzang du/ /bsgyur byed bla med byang chub sems mchog ces/ / theg chen lam gyi gzhung shing dam pa de/ /nam yang mi 'bral mdza' bas 'khyud pa bzhin/ /phar phyin drug dang bsdu ba bzhi la sogs/ /rgyal ba'i sras kyi spyod tshul rgya mtsho rnams/ /mtha' dag bdag gir nyid du mdzad pa na/ /rgyal sras gzhan dag ngal bsor bzhugs sam snyam/ /yang dag mtha' bral dbu ma'i lta ba zhes/ /phal dang phal gyis rtogs par dka' ba de/ /gang gis 'bad pa brgya yis btsal ba na/ /rang zhal ngoms pa bzhin du mngon sum gyur/ /mdor na khyed kyi bzang po'i yon tan che/ /mtha' dag gleng ba'i spobs pa dman na yang/ /cha shas 'ga' tsam dad pa'i gsos smun du/ /spel ba'i skal bzang thob pa'ang nyid kyi drin/ /zhes pa ni bar skabs kyi tshigs su bcad pa'o/ / ' da ni bye brag tu grub pa'i yon tan rmad du byung ba mnga' ba'i rnam thar mdo tsam brjod pa ni/ /de yang spyir nges 'byung/ byang sems/ yang dag pa'i lta ba sogs dang/ lhag pa'i bslab pa gsum/ bskyed rdzogs zab mo'i rtogs pa la sogs pa mngon par rtags pa'i yon tan mtha' dag grub pa'i yon tan gyi khongs su 'du ba yin te/ grub pa zhes pa de thun mong dang thun mong ma yin pa'i mngon par rtogs pa'i yon tan gyi cha rnams rang rgyud la thob pa'am/ grub pa la byed cing/ de rnams rgyud ldan gyi gang zag de dag grub thob tu 'jog pa yin/ grub pa de dag thob pa las gzhan ngor mngon par shes pa 'chad pa dang/ rdzu 'phrul sna tshogs ston pa dang/ /sprul pa la 'dod rgyur dbang bsgyur ba sogs kyi rtags khyad par can rnam @521 la grub rtags zhes zer ba yin/ des na gtso che ba bslab pa gsum la sogs pa nang gi mngon par rtogs pa'i yon tan khyad par can thugs rgyud la grub pa de/ grub pa thob pa rnams kyi nang nas mchog yin pa las mngon shes dang rdzu 'phrul sogs thun mong ba'i grub pa 'ga' zhig tsam thob pa la grub thob kyi mchog tu mi 'dzin te de tsam thob pa'i phyi rol pa'ang yod pa'i phyir/ de ltar yin na'ang deng sang bstan pa'i gnad mgo ba phal mo che'i bsam blo la/ mngon shes 'chad pa dang/ gnam la 'phur ba dang/ chu la mi bying ba sogs byung na grub thob tu 'jog pa a cang che ste; tha na bzang ngan gyi mo dang brtag pa sogs bden pa tsam dang/ char 'bebs gcod thub pa dang/ phral rkyen gdon bgegs phra mo srung nus pa sogs byung na 'chal spyod ji 'dra byed kyang grub thob yin 'dug ces dad dad mos mos su byed pa mang la; de las gzhan du 'dul khrims gtsang ba dang/ nges 'byung dang/ byang chub kyi sems thugs rgyud la mnga' ba dang/ bskyed rdzogs kyi rnal 'byor lhur bzhes pa sogs la rang bzhin gyi bla ma bzang ba tsam du 'dzin pa las grub thob tu mi 'jog pa mang yang/ jo bo bka' gdams pa'i phyag bzhes ni gong du lan du mar smos pa ltar/ rang rgyud kyi mngon par rtogs pa'i yon tan sogs kyang gsang zhing sbed par mdzad pa las gzhan ngoms su mi mdzad la/ mngon shes dang rdzu 'phrul sogs snod ldan re gnyis tsam gyi ngor mdzad pa las yongs grags su mi mdzad pa yin/ de ltar mi mdzad pa'i rgyu mtshan ni rang nyid grub pa'i go 'phang brnyes pa rtags su bkod nas grub rtags sogs byung rgyal du bstan na gnas skabs gdul bya 'ga' zhig 'dun pa tsam 'byung srid kyang/ rje 'jug tu rloms pa dag gis ya rur ma sleb gong @522 nas mdzo 'gros rgyab pa ltar/ yon tan khyad par can ma thob na'ang bla ma'i rnam thar yin zhes tho co dang rtsing spyod lhur len cing/ grub rtags yin khul gyi zog gis gzhan mgo bskor bas bstan pa'i mig rgyan la gnod cing/ rang dang rang la re ltos 'cha' ba mtha' dag lag sbrel gyi g.yang sar 'chong ba mang ba la gzigs nas grub rtags sogs la ched gnyer du mi mdzad pa yin la/ lhag par rje thams cad mkhyen pa tsong kha pa chen po'i thugs 'dun gyi gtso bo ni/ 'gro ba rnams thar ba dang thams cad mkhyen pa'i sar bgrod pa la med du mi rung ba rgyal ba'i dgongs pa rma med pa'i mdo sngags kyi bstan pa rin po che tshang la ma nor ba 'di nyid 'jig rten gyi khams su dar rgyas yun du gnas pa zhig ni med du mi rung la/ de ltar 'byung ba'i gzhi'am rtsa ba 'dul ba'i bstan pa rnam par dag pa med na bstan pa'i rmangs yun du mi tshugs par gzigs nas/ rang nyid gzungs dang mngon par shes pa dang/ rdzu 'phrul la sogs pa 'phags pa'i yon tan mtha' dag la mnga' 'byor zin na yang/ gzhan ngor mkhas btsun bzang po'i rnam thar kho nas bstan pa rin po che 'di nyid yun du gnas pa 'ba' zhig gtso bor mdzad pa las mngon shes dang rdzu 'phrul sogs ched gnyer gyis mdzad pa lta bzhag /re gnyis rang shugs 'gog tu med pa'i tshul du byung ba dag kyang bu slob rnams la gzhan la mi sgrog pa'i bka' rgyas btab pa sogs mdzad pa las mngon tshan du nam yang mi mdzad la/ de la brten nas gzhan phyogs pa dag rje tsong kha pa la ni mkhas pa dang btsun pa'i rnam thar mnga' pa las/ grub pa'i go 'phang mthon por ma phebs zer ba dang/ nyams len gyi gtso bo yang 'dul ba dang/ bka' gdams kyi chos spyod dang/ mtshan @523 nyid kyi 'chad nyan sogs gtso bor mdzad pa las gsang sngags kyi bskyed rdzogs zab mo'i gnad don thugs nyams su ma myong ngo zhes rang nyid kyang bsam zhing/ gzhan la yang de ltar bsgrags te las ngan tshab po che bsags pa dang gsogs par 'gyur ba mang po zhig mthong bas de dag gi log rtog 'gog pa'i slad du grub pa'i yon tan rmad du byung ba mnga' tshul ched gnyer gyis mdo tsam brjod na/ de yang bslab pa gsum dang/ lam gyi gtso bo gsum sogs theg chen thun mong ba'i mngon par rtogs pa rnams thugs rgyud la mnga' ba ni brjod ma dgos shing/ thun mong ma yin pa gsang sngags spyi dang/ khyad par sngags bla med kyi bskyed rdzogs kyi rtogs pa phra rags thugs rgyud la 'khrungs pa'i tshul ni/ mkhas grubs thams cad mkhyen pa'i gsung las/ phyogs 'dir sngon chad gzhan gyis ma myongs pa'i/ /lam gyi mthar thug rim gnyis zab mo'i gnad/ /ji bzhin gzigs nas de don sgrub pa la/ / nyams len snying por mdzad la gsol ba 'debs/ /zhes gsungs pa ltar gyi rim gnyis kyi rnal 'byor thugs nyams su bstar ba las/ bskyed rim gyi rtogs pa ji ltar 'khrungs pa ni/ gong gi 'phro las/ phra rags lha yi rnal 'byor mthar phyin pas/ /tha mal snang zhen kun rtog rgyang bsrings shing/ /gang shar dkyil 'khor 'khor lo'i rnam rol las/ /skad cig g.yo ba med la gsol ba 'debs/ / zhes dang/ de'i tshig 'grel las/ de ltar rim gnyis thugs nyams su bzhes na rtogs pa ji ltar 'khrungs zhe na/ bskyed rim phra mo rtogs pa'i rnal 'byor dang/ rags pa ting nge 'dzin gsum la sogs pa'i lha'i rnal 'byor mthar phyin pas tha mal gyi snang zhen la sogs pa'i kun rtog spangs te gang snang gi rten thams cad gzhal yas @524 khang dang/ brten pa dkyil 'khor mchag gi rnam rol las skad cig kyang g.yo ba med pa khyod la zhes so/ /zhes dang/ de bzhin du rdzogs rim gyi rtogs pa ji ltar 'khrungs pa yang mkhas grub rin po che'i gsung de nyid las/ kun rtog rlung gi rgyu bad+hu tir gdengs/ /'od gsal thams cad stong pa'i de nyid gzigs/ /gang shar bde stong mchog gi rnam rol las/ /rdo rje'i thugs dang ldan la gsol ba 'debs/ /zhes dang/ de'i 'grel pa las/ bskyed rim gyi rtogs pa mthar phyin nas rdzogs rim gyi rtogs pa ji ltar 'khrungs zhe na/ dug gsum shas che ba'i kun rtog brgyad cu bzhon pa'i rlung dang bcas pa d+hu tir drangs pa ste dbu ma'i nang du thim pas/ thams cad stong pa 'od gsal lhan skyes kyi bde bas de kho na nyid gzigs shing nyams su blangs pas/ de las langs pa'i rjes thob tu gang shar thams cad bde stong dbyer mi phyed pa'i ye shes kyi rnam rol tu 'char ba'i sems dben thugs rdo rje'i ting nge 'dzin dang ldan pa khyod la/ zhes so/ /zhes dang/ sngar drangs pa'i gsang rnam tshigs bcad ma'i lung/ tha mal snod bcud snang stong sgyu ma dang/ /zhes sogs kyis mnyam bzhag gi tshe lus dben gyi rnal 'byor bsgoms pas dga' ba bzhi dang stong pa sbyar ba'i bde stong dbyer med dam/ zab gsal gnyis med kyi rnal 'byor la bslab pas rjes thob kyi snod bcud thams cad bde stong gi ye shes kyi rnam rol dang/ ye shes de nyid rang gi phung sogs bde chen lha'i rnam par shar ba'i lus dben mthar thug sku rdo rje'i rnal 'byor brnyes pa'i don dang/ snying ga'i padmor sku gsum rdo rje yi/ / zhes sogs kyis snying ga'i mi shig pa'i thig le las rdo rje gsum gyi rang bzhin sngags kyi gdangs su bzlas pa'i rlung sngags dbyer med kyi rdor bzlas bsgom pa las @525 rlung dbu mar zhugs gnas thim gsum 'od gsal dang bcas pa 'char ba dang/ de rnams kyi ngo bor gyur pa'i bde bas stong pa yul du byed pa'i bde stong gi ting nge 'dzin ngag dben gsung rdo rje brnyes pa'i don dang/ lte ba'i 'khor lo'i gtum mo'i tsandra lis/ /zhes sogs kyis sems dben bskyed pa'i phyi nang gi thabs kyi rim pa bsgom pa las lus dben dang ngag dben gyi skabs las khyad par du gyur pa'i lte ba'i gtum mo'i mes spyi bo'i haM yig byang sems bzhu ba'i yar mar gyi dga' ba bzhi dang/ snang mched thob gsum 'od gsal dang bcas pa yang yang drangs pa stong nyid dang sbyar te bsgom pa las sgyu ma'i sku 'grub byed bde stong dbyer med lhan skyes kyi bde ba chen pos sems dben mthar thug thugs rdo rje'i rnal 'byor thugs rgyud la 'khrungs par bstan pa'o/ /des na rdzogs rim du ma zad bskyed rim phra rags kyi rnal 'byor mthar phyin pa la'ang rtogs pa mthon por son dgos te/ bskyed rim bsgom pa las nga rgyal bzung ba'i tshe de dang de'o snyam pa'i nga rgyal bcos min du 'pho nus pa dang/ rnam pa gsal ba'i tshe ji ltar gsal btab pa bzhin shin tu gsal snang skyes nas yid ngo der tha mal pa'i snang zhen log pa shin tu brtan po zhig byung na de ni bskyed rim gyis tha mal gyi snang zhen 'gog tshul yin la/ de ltar bskyed rim dang por bsgom pa nas bzung rags pa'i rten brten pa'i dkyil 'khor rim gyis gsal btab na mngon sum bzhin 'char la/ yud tsam res gsal bar 'char mi nus pa'i bar thams cad las dang po pa yin par gsungs/ rags pa'i rten brten pa rnams yud tsam gyis gsal bar 'char nus la/ gtso bo'i mig gi lha sku sogs phra ba rnams rim gyis gsal nus kyang yud tsam gyis gsal btab mi nus pa @526 ni ye shes cung zad bab pa dang/ phra ba'i sku rnams kyi zhal phyag spyan sogs mtha' dag yud tsam res mngon sum bzhin du gsal nus pa nas bzung ye shes la yang dag par dbang ma thob pa'i bar ni ye shes la cung zad dbang thob par 'jog /de ltar phra ba rnams yud tsam res gsal nus shing thun 'khyongs pa dang/ nam 'dod du mthar phyin pa na bskyed rim rags pa mthar phyin par 'jog la/ yud tsam gyis gsal nus mi nus ni dus gcig tu gsal nus mi nus la byed par snang/ 7bskyed rim phra mo ni 'og sgo'i phra mo bsgom pa'i skabs kyi yum gyi padmar phab pa'i thig le yung 'bru tsam gyi nang du rten brten pa'i dkyil 'khor mtha' dag cig car du mngon sum bzhin gsal bar snang zhing/ cha phra mo'i lha rnams kyi spyan 'bras dkar dmar sogs kyang shin tu gsal zhing mi g.yo ba'i brtan pa thob pa ni bskyed rim phra mo mthar phyin pa'i tshad yin la/ des na deng sang gi dus su bskyed rim phra rags mthar phyin pa'i gang zag khyad par can 'ga' zhig ni yod mchis/ nga dang nga 'dra ba dag ni 'di dag gi rnam bzhag thos pa tsam yang skal ba bzang ba'i gnas su zad do/ / da dung rdzogs rim gyi rtogs pa khyad par can rnams ni de bas kyang shin tu skye dka' ste/ bskyed rim phra mo mthar ma phyin par rdzogs rim sgom pa la zhugs kyang mos pa yid byed tsam las rtogs pa ji bzhin mi skye la/ phra mo mthar phyin nas 'og sgo'i phra thig bsgom pa'i lus dben nas bzung ste rim pa bzhin bskyed pa yin/ de yang gsang ba 'dus pa ltar na rim pa gsum pa'i sgyu lus kyi nye rgyu sems dan dpe'i 'od gsal thob pa yang dka' ba shin tu che ste/ sems dben mthar thug thob pa'i sa mtshams ni sngar bshad pa ltar phyi nang gi thabs la brten nas snang mched thob gsum @527 'od gsal dang bcas pa stong nyid dang sbyar te yang yang bsgom pa dang/ de'i bogs 'byin pa'i thabs su spyod pa gsum po gang rung ngam de'i dod thub kyi bsod nams kyi tshogs mtha' yas pa bsags pa las rlung thams cad 'chi rim ji lta ba bzhin du snying ga'i mi shig pa la bsdus pa las 'chi dus ji lta ba'i snang mched thob gsum 'od gsal dang bcas pa bdag med pa dang sbyar ba'i bde stong gi ye shes skyes pa la byed pa yin la; de 'dra'i sems dben mthar thug thob pa la ngag dben rdo rje'i bzlas pa la brten nas snying ga'i rtsa mdud ma lus pa grol dgos/ de grol ba la de'i sngon du ro rkyang gi rlung gnyis d+hu tir tshud nas thim pa las byung ba'i bde bas stong nyid rtogs pa'i gzung rnam lhar shar ba'i lus dben thob dgos pa'i phyir/ des na rje thams cad mkhyen pa tsong kha pa chen po ni nges don du ring mo zhig nas zung 'jug gi go 'phang brnyes zin pa ma zad/ drang don thun mong ba ltar na yang sku tshe 'dir sgyu lus kyi nye rgyu sems dben man chod kyi rtogs pa thugs rgyud la 'khrungs zin pa yin te/ de ltar yin pa gong du bshad ma thag pa'i lung rig rnams kyis 'grub kyang/ da dung shes byed gsal bar 'god na/ gong du rnam thar gyi dkyus su bkod zin pa ltar dga' ldan du bzhugs skabs sku tshe'i bar chad bzlog phyir sku mtshams shin tu dam par thugs dam la bzhugs pa'i dus lan gcig gi tshe/ steng gi sna rtse'i phyogs la a bad+hu ti'i yar sna'i thad nas mar/ e waM gyi gzugs 'od kyi thag pa lta bu skya nar ra 'ong ba zhig byung ba de nas bzung ste thun mong ma yin pa'i zhu bde khyad par can dang stong pa nyid sbyar ba'i bde stong gi ye shes dga' ba bzhi dang stong pa bzhi'i bdag nyid can thugs rgyud la 'khrungs par snang zhing/ de phyin chad bde stong gi ye @528 shes khyad par can de nyid nar mar bskyangs pas mnyam bzhag tu bde stong gi ting nge 'dzin la yun du mnyam par bzhag cing/ rjes thob tu gang shar lha'i 'khor lo bde stong gi rol par 'char bas dus 'da' bar gyur cing/ de la mkhas grub thams cad mkhyen pas/ tshul 'di ni rgyud sde dang grub chen gyi man ngag la blo'i 'phrig tshud pa zhig gis bsams na dpags par dka' ba'i mngon par rtogs pa'i yon tan/ rdo rje 'chang chen po tshe 'di nyid la ster ba'i lam gyi rigs thugs rgyud la 'khrungs pa yin par shes par gyis shig ces gsungs pa ltar te/ tshul 'di dag gis lus dben dang ngag dben gyi rtogs pa mthar thug thugs rgyud la 'khrungs zin cing/ sems dben gyi ting nge 'dzin kyang ring min nyid du brnyes pa'i mtshan ma 'khrul pa med pa nyid do/ /de rjes bsnyel ba cung zad dwangs pa'i skabs shig rje btsun 'jam dpal dbyangs kyis zhal mngon sum du bstan nas/ da phyin chad bskyed rdzogs kyi rnal 'byor nyams su bzhes pa la gtso bor 'grus par mdzad na sngags bla med kyi rtogs pa khyad par can myur du thugs rgyud la 'khrungs shing/ slob ma skal ldan bdun la'ang lam gyi rtogs pa khyad par can re skye bar 'gyur ro/ /zhes pa'i lung bstan byung ba rje rtogs ldan pa la brtags dpyad mdzad dgos gsungs par/ rtogs ldan pa'i zhal nas/ de skyar du zhu dgos med/ tshe blos btang gi slob 'khor snod du rung ba rnams la mdo sngags kyi lam rdzogs par bstan nas bsgom du bcug / rje nyid rang gtso bor sku mtshams kyi ngang nas sgrub pa lhur mdzad na thugs rgyud la lam de myur du 'khrungs pa'i nang gi rgyu bde stong gi ye shes khyad par can la sogs pa sngar nas thugs rgyud la 'khrungs tshar zhing/ phyi'i rkyen zhing skyes kyi pho nya mo rnams kyis @529 grogs khyad par can mdzad pa sogs kyang myur du 'ong/ lhag pa'i lhas byin gyis rlobs pa'i rgyu tshogs rnams kyang tshang bas lam de myur du thugs rgyud la 'khrung ngo zhes rje btsun gyis bka' stsal to/ /zhes zhu bar mdzad de/ 'di'i skabs kyi lam de thugs rgyud la 'khrung ngo zhes pa'i lam ni sems dben nas zung 'jug gi bar spyi dang/ de'i nang nas kyang sems dben gyi rtogs pa ni myur du thugs rgyud la 'khrungs par bstan pa yin te/ sems dben gyi rtogs pa skye ba'i nang gi rgyu ngag dben man chad kyi bde stong gi ye shes khyad par can sngar nas thugs rgyud la 'khrungs zin pa dang/ phyi'i rgyu ye shes kyi phyag rgya dang/ las kyi phyag rgya gang rung la brten nas bskyed dgos pa la/ de yang zhing skyes kyi pho nya mo rnams kyis grogs mdzad par 'gyur ba dang/ de lta bu'i phyi nang gi rgyu tshogs khyad par can mtha' dag tshang ba la brten nas sems dben mthar thug gi rtogs pa myur du thugs rgyud la 'khrungs par lung du bstan pa yin/ de lta na'ang rje bdag nyid chen po ni bstan pa 'ba' zhig thugs la gces par dgongs pa'i dbang gis phyag rgya brten ran pa'i mtshams su phebs na yang/ mi'i rigs ma bsten pa sogs ni nam du yang ma mdzad pa ma zad ye shes kyi phyag rgya dang/ zhing skyes kyi DA ki ma sogs la brten nas lam rdzogs par mdzad pa yang thun mong ba'i gdul bya rnams la phyogs tsam yang ma gsungs pa la brten nas gzhan phyogs pa dag /rje tsong kha pas thabs lam gyi gnad zab mo ma brnyes zer ba dang/ de la brten nas sngon gyi grub chen gong ma rnams lta bu'i nyams rtogs kyang med do zer ba sogs las ngan gsogs pa la brtson pa mang du byung ba yang tshul 'di dag ji bzhin ma rtogs pas lan pa yin te/ @530 zang zang ne ring pa 'chi med rab rgyas kyi gsung las/ yang mi la la na re/ chos rje tsong kha pa la gsang sngags kyi lam gyi gnad zab shos sam myur lam du gyur pa/ phyag rgya bsten tshul lam/ pho nya'i lam mam/ 'og sga'i lam rnam dag med zer ba dang/ phyag rgya bsten nus pa'i man ngag zab mo rtsa rlung thig le'i gnad rnams kyang med zer ba dang/ de dag la brten nas 'dul ba skam thag thag cig min pa ma byung ba yin zhes pa dang/ yang/ gdams ngag gi gnad med pa la brten nas rje rang gis kyang phyag rgya ma ma bsten cing/ bsten ma nus pa yin zer ba dang/ de la brten nas rje rin po che la phyis kyi bka' brgyud pa'i grub thob chos rje gtsang smyon pa dang/ dbus smyon pa sogs kyi nyams rtogs lta bu ma 'khrungs pa yin zhes pa/ snga dus su ne ring bum 'dzin pa bla ma sangs rgyas bde legs sogs kyis nged rang gi gam du yang zer ba dang/ gzhan yang de 'dra'i tshig ngag tu brjod pa dang/ 'char sgo sems la 'byung ba'i mi nye ring du srid par 'dug kyang de lta bu ma yin/ rje rin po che la rtsa thig rlung gsum gyi gdams pa rnam dag gam/ zab mo mi mnga' ba ma yin zhing zab la rgya che ba mnga' na yang bstan pa'i rtsa ba 'dul ba'i bslab khrims nyid yin pa la gnod kyi dogs nas mi'i rigs ma bsten pa la rang gis kyang nyams len ma mdzad cing/ gzhan la yang de lta bu'i lam ston lugs ma mdzad pa yin pas gsang sngags kyi myur lam ma tshang ba dang ma byung ba'i skyon yang med pa yin no/ /des na rje rin po ches bskyed rdzogs kyi nyams rtogs mang du brnyes te tshe gcig lus gcig la 'tshang rgya mi rgya'i thad du phebs shing/ de yang phyag rgya bsten pa'i spyod pa la rag las dus bu chen du ma zhig gis/ da rin @531 po che khyed la nang gi nye rgyu dang/ gnad dam rkyen rnams 'dzoms pas/ da phyi rkyen nam nye rgyu la las kyi phyag rgya ma gang rigs zhig bzhes pa zab ces zhus dus/ nga rang la nang gi nyer len rnams tshang bar yod cing/ phyag rgya bsten btub pa'i gnad rnams yod pas nyes skyon mi 'byung zhing/ myur du 'tshang rgya ba'i thabs su 'gyur bar 'dug ste/ sangs rgyas kyi bstan pa spyi la gnod pa dang/ khyad par nga rang gi slob ma rnams kyis 'u rang gi bla mas kyang phyag rgya dngos su bsten pa yin pas 'u rang yang bsten pa drag ces zer yong ba dang/ khong tsam gyi bla mas bsten du rung na 'u yis kyang bsten du rung zer zhing gdams ngag yod med dang/ bsten pa'i skabs su bab ma bab thams cad phyogs gcig tu 'dres shing 'chol nas bud med la rtsigs byed cing/ tshe 'di phyi gnyis su rang gzhan mang po phung la gtong ba zhig 'ong ba yin gsung ba sogs la nad pa nga ni de ga mad snyam pa sogs dad gus kyi snang ba dang/ spro snang rnam dag 'char gyin 'dug /ces dang/ yang/ 'o na/ phyag rgya ma ma bsten pa la brten nas skyon chen po ma bskyed dam snyam na/ de la ni bshad rgyu yod de/ phyag rgya srog rtsol gyi gnad mthar thug pa zhig mi'i rigs ma bsten pa'i gnad shes shing bsten pa las 'byung ba yod mod/ /yang bde stong gi ye shes sbar ba sogs kyi gnad du ma ni de las gzhan pa'i phyag rgya gzhan la brten nas 'byung ba dang/ tha na yid kyi rigs ma tsam la brten nas kyang nyams rtogs du ma skye ba'i gnad yod pa sogs shes dgos pa yin/ de la dpal ldan dus kyi 'khor lo'i rdzogs rim phyag rgya bzhi la brten nas nyams su len tshul dang/ gsang bde gnyis kyi rgyud don la mkhas pa zhig dgos gsungs yang/ da ni de ka dkon par @532 'dug /nga nad pas sngon dus su gsung rab de rnams la yang yang du bltas shing cha tsam yang thob par byas la/ khyad par phyag rgya bzhi la brten nas rdzogs rim nyams su len lugs de nyid rje rin po ches bla ma brtson rdor ba la gnang zhing zin bris su mdzad pa zhig nga rang gi mes por gyur pa bde legs mgon po grub kyis rtsad gcod kyi rtsol ba mdzad pa las/ ne ring zur chen dbu ma pa sangs rgyas dpal gyis phyag ris su bris pa zhig rang gi lag tu byung zhing/ gzhan yang gong ltar gyi gsung rab du ma dang/ yang rje tsong kha pa'i gsung 'bum po ti gcig nga rang gi mes rin po ches bzhengs pa zhig na yang/ dpal ldan 'dus pa'i don la zhes sogs kyi gsung ngag zab mo shog bu kha shas yod pa sogs dpe cha 'dzoms pa dang/ lung dang man ngag thob che ba dang/ gnad du ma shes pa zhig kyang nga 'chi med pas sngon dus su byas pa yin kyang/ lug lo ston nga rang na ba phyin chad dpe phal cher 'thor ba dang/ man ngag gi gnad kyis kyang sems can la phan thogs ma byung snyam snang ba skyo byung rung/ dam ldan rnams ni ci sems kyang dam nyams tsho ni dga' ba der 'dug go/ /zhes dang/ yang/ rje rin po ches mi'i bu mo phyag rgyar ma bsten kyang/ ye shes kyi mkha' 'gro ma dang/ zhing skyong gi mkha' 'gro ma phyag rgyar bsten pa dang/ rtsa rlung gi gnad la mkhas pa'i rang shugs dang/ spong sems rnam dag soT dus rgyun du mdzad pa'i nus mthu las sku lus kyi byang chub kyi sems cung zad tsam yang ma nyams shing brten par gyur ba'i rtags su/ sku gzugs shin tu che zhing dgung lo drug cu tsam du phebs pa'i dus na'ang bgres pa'i rnam pa cher med pa ma zad/ da dung gzhon sha shin tu che ba dang/ sku lus la dri ma'i rnam pa ye @533 mi chags pa zhig yod zer ba dang/ yang lung las/ tshul khrims ldan pa'i dge slong 'od dang ldan/ /zhes sogs 'byung ba bzhin du sku la 'od zer shin tu che ba yod pa dang/ tshul khrims kyi dri shin tu zhim pa ring du 'phro ba dang/ na bza' dang phyag 'phreng sogs la yang mi gzhan gyi lta bu'i dri ma nag khal khal de 'dra ye mi chad pa yin zer ba ltar/ rin po che bde legs mgon po grub la rje tsong kha pa rang gi phyag 'phreng rgyu chos g.yang gi ril bu las grub pa zhig gnang ba ne ring pa rang gi rten sgam chen mo nang 'dug pa'i 'phreng thag de nyid rgya'i si tha hu dmar po zhig la bzos 'dug pa la yang sngon dus su dri ma ye mi chags pa'i bkrag ye re ba zhig 'dug pa rang gis mthong ba yin kyang/ phyis su mi ham can re re tsam gyi lag pa reg 'dug pa dang/ gam na mo'i spyad pa dri ma can gyis reg pa dang/ chos g.yang rang gi snums bag gis kyang cung zad gos 'dug kyang/ sngon dus su de ltar med ces rdzun ni byas ri shi'o/ /zhes dang/ mdor na rje btsun chos kyi rgyal po de nyid la gong ltar gyi yon tan mnga' tshul mtha' yas pa zhig yod pa'i zhib cha ni rje rang gi gsung rab che chung rnams dang/ yang rje'i rnam thar snga ma tsho dang/ nad pa 'chi med pa nga rang gis brtsams pa'i rnam thar che chung du ma zhig yod pa dang/ khyad par du rnam thar nor bu'i 'phreng ba dang/ rin po che'i 'phreng ba gnyis su bltas na shes par 'gyur la/ yang/ ayon gyi gu ru rin po ches lung bstan snga phyi du mar gsung 'dug pa la bltas pa dang/ mkhyen rig yod pa'i gang zag bgres po tshos bshad pa dang/ yang snga phyi'i tshig don 'di rnams la dag snang yod cing shes rig yod pa'i gang zag gis bltas pa dang bsam na yang shes pa yin no/ /de ltar @534 rje rin po che shar tsong kha pa chen po la mkhas btsun bzang gsum gyi yon tan rgya chen po mnga' ba las/ cung zad tsam brjod pa nor bu'i bang mdzod ces bya ba 'di yang nga la shes rig mthong gsum yod pa dang/ rje la yang shes nas dad pa thob pa'i blos bskul ba dang/ phyis 'jug gi gdul bya gzhan la yang phan pa'i phyir dang/ yang rang nyid la phyogs 'bul byed mi du ma gong 'og nas byung ba dang/ rang gi tshe phyi ma la las 'brel bzang po bzhag pa'i ched sogs la dmigs te/ ne rings kyi nad pa yun ring po 'chi med rab rgyas kyis lcags pho stag gi lo/ nag pa zla ba'i tshes bco lnga dus 'khor ba'i lugs kyi dus chen yod pa'i nyin rang la phal mo che bkod cing/ mjug cung zad tsam ni zla ba de ga'i nyi shu brgyad la bkod pa'i yi ge ba ni ne btsun bstan rgyal dang/ rigs 'dzin gnyis dang/ ri bo che pa'i dpon yig padma dang/ nga rang rnams kyis byas pa yin la/ 'di lta bu'i dge ba la brten nas log rtog can rnams kyi log rtog sel ba dang/ dmigs yul rnams sangs rgya bar gyur cig /ces gsungs te 'di dag ni gsang ba bsam gyis mi khyab pa'i rnam thar rnams rang bzhin drang por brjod pa'i sgo nas gsungs pa kho na yin/ des na sems dben gyi rtogs pa mthar thug phyag rgya la brten nas skye dgos na yang dbang po rnon pos ye shes kyi phyag rgya la brten nas 'grub pas mtha' gcig tu las rgya la brten mi dgos pa dang/ las rgya bsten na yang thun mong ba'i skye bo rnams kyi spyod yul du ma gyur pa'i zhing skyes kyi DA ki ma sogs la brten nas 'grub pa dang/ spyod pa gsum gang rung dngos su ma mdzad kyang de'i dod thub bsod nams kyi tshogs mtha' yas pa gsog tu yod pa sogs khong du ma chud par/ nges par mi'i @535 rigs ma bsten dgos pa dang/ de ma bsten na thabs lam gyi gnad ma rnyed cing/ rtogs pa mthon por 'jug mi nus par 'dod pa sogs ni rang rang gi nang gi de nyid gsal bar ngoms pa yin no/ /sems dben gyi lam mthar thug thugs rgyud la 'khrungs rjes spyod pa gsum gang rung mdzad na sgyu lus tshegs med par 'grub cing/ sgyu lus grub na tshe de la sangs mi rgya ba mi srid par gsungs pas gong gi ne ring ba'i gsung du 'tshang rgya mi rgya'i thad du phebs pa yin ces gsungs pa'i don yang de yin la/ de lta na'ang bstan pa rin po che'i mig rgyan kho na gces par gzigs nas sku tshe 'dir spyod pa dngos su ma mdzad par/ slar mya ngan las 'da' tshul ston pa'i tshe spyod pa'i dod du 'chi ba'i 'od gsal dang/ lam gyi 'od gsal bsre pa'i 'od gsal ma bu 'dres pa la mnyam par bzhag cing/ de las bar do longs spyod rdzogs pa sgyu ma'i skur bzhengs nas 'tshang rgya bar mdzad pa ste/ zhib pa 'og tu mya ngan las 'da' tshul gyi skabs su 'chad do/ /des na rang don du 'tshang rgya ba la rings par ma mdzad par/ gzhan don bstan pa rnam dag ring du gnas pa'i thabs 'ba' zhig gtso bor mdzad pa 'di lta bu ni/ bdag pas gzhan gces pa'i byang chub kyi sems kho na'i gzhan dbang du gyur pa'i sems dpa' chen po'i spyod tshul zla med pa ste lhag par du gus pa dang rjes su yi rang bar byar rigs so/ / gzhan yang sngar rje rtogs ldan pa'i mnal lam du/ rje rin po che'i mchod rten yin zer pa cha tshad yongs su rdzogs pa rtse mo sprin gyi seb la sleb pa/ kha dog shin tu dkar zhing 'khregs pa kar yol gyi rtsi ltar dwangs pa zhig la/ sprin gyi seb nas mkha' 'gro ma yin zer ba lha mo'i rnam pa lta bu dang/ bud med phal pa'i rnam pa @536 lta bu rus pa dang rin po che'i rgyan sna tshogs gsol ba/ phyag na rin po che'i bum pa dkar po bdud rtsi dkar pos gang ba thogs pa mtha' yas pas bdud rtsi'i rgyun gyis sku dkar rdzogs par gsol ba sogs byung ba/ mnal sad nas rje btsun 'jam dbyangs la bka' 'dri zhus par/ mtshan ma de rnams rje'i thugs rgyud la sngags mtshan nyid kyi lam gyi rnam bzhag med mi rung thams cad kyi go ba phu thag chod par rdzogs pa dang/ bde stong gi ting nge 'dzin khyad par can thugs rgyud la 'khrungs pa rnams kyi ltas yin ces bka' stsal pa rnams kyang gong du bkod pa de dag dang mthun pa yin te; de yang mchod rten cha tshad yongs su rdzogs pa ni sngags mtshan nyid kyi lam gyi rnam bzhag thams cad kyi go ba phu thag chod pa thugs rgyud la rdzogs pa dang/ rtse mo sprin gyi seb tu sleb pa ni thun mong dang thun mong ma yin pa'i rtogs pa rim gyis thugs rgyud la 'khrungs te shin tu mtho ba sems dben gyi rtogs pa mthar thug brnyes nas/ sprin nam 'ja' 'od dang mtshungs pa'i rim pa gsum pa'i sgyu lus thob kha ma'i mtshams su phebs pa dang/ kha dog shin tu dkar zhing 'khregs pa'i rnam pa can du yod pa ni/ bde ba chen po'i rten kunDa lta bu'i byang chub kyi sems nyams pa'i dri mas cung zad kyang ma gos par gong nas gong du 'phel ba mtshon pa dang/ mkha' 'gro ma rnams kyis khrus gsol ba ni/ bde stong gi ye shes khyad par can bskyed pa'i grogs ye shes kyi mkha' 'gro ma dang/ zhing skyes kyi DA ki ma rnams kyis mdzad pa mtshon pa'o/ /de lta bu'i grub pa'i go 'phang ches mtho bar phebs pa ma shes par tha mal pa'i yid ngor gang mngon pa tsam zhig rtags su bkod nas grub thob gong ma rnams lta bu'i nyams rtogs ma 'khrungs so zhes sogs yul dam pa la ched gnyer gyis las @537 gsogs pa rnams ni shin tu yang ba dang snying rje ba'i gnas su zad do/ /des na grub rtags sogs ni thun mong ba'i dngos grub phra mo thob pa dag gis kyang 'ga' zung ston par nus na grub pa'i go 'phang 'di tsam du phebs pa dag gis ni mngon shes dang rdzu 'phrul sogs la 'dod dgur dbang bsgyur pa gdon mi za na'ang/ gang gi yon tan mngon mtshan du mi mdzad par sbed pa 'ba' zhig gtso bor mdzad pas na grub rtags sogs byung rgyal du nam yang ston par mi mdzad mod/ de lta na'ang legs bshad las/ dam pa'i yon tan sbas gyur kyang/ /'jig rten kun la khyab par gsal/ /sna ma'i me tog bkab na yang/ /dri zhim kun nas khyab par 'gyur/ / zhes gsungs pa ltar ched gnyer gyis ma mdzad kyang/ rang shugs 'gog par mi nus pa'i tshul gyis ci rigs su mngon pa phal che ba sngar gong gi dkyus su bkod zin pa ltar rung/ da dung tshig gis gsal bar mtshon te brjod na/ rnam kun bla ma; yi dam/ sangs rgyas byang sems/ mkha' 'gro chos skyong sogs dpag tu med pa'i zhal gzigs nar mar byung ba rnams kyang nang gi grub pa'i yon tan mthon por phebs pa'i rtags yang dag yin la/ de bzhin du rdzing phyi'i rab gnas kyi tshe sangs rgyas rab bdun dang sangs rgyas sum cu so lnga sogs dngos su byon pa dang/ lha ldan smon lam chen mo'i skabs phyogs bcu'i rgyal ba nam mkha' gang ba spyan drangs pa rnams rang rang gi phyogs kyi kha dog dangm mtshungs pa'i sku'i bkod pas mchod pa bdag gir du mdzad pa dang/ rgya gar grub chen brgyad cu dngos su byon nas bskor ba dang smon lam mdzad pa sogs ting nge 'dzin gyi nus pa'i mthu phul phyin du grub pa'i rtags dang/ yang rnam thar ngo mtshar ba'i gtam brgya rtsa brgyad pa las/ chos grwar 'chad nyan @538 mdzad pa sogs kyi skabs 'ga' rer dngos po thogs bcas kyi 'tshe ba ci byung yang de nyid du bzlog par mdzad pa las mthu nus gzhan la g.yar ba'i srol ka med de/ 'tshub ma mi bzad pa dang/ ri gzar gyi rdo 'gril ba dang/ chu bo chen po'i rgyun phyogs la'ang phyag gi bsdigs mdzub gtad pas bzlog pa du ma byung ba rnams bskyed rim gyi stobs tsam gyis kyang min te/ sngon grub thob mang po zhig gis chu bo ganga gyen du bzlog pa dang/ rje ha sa bdzras dwags po la rlung tshad blangs pa lta bu ste rdzogs rim gyi rtogs pa khyad par can gyi 'phrul dang ldan pa ni rmad du byung ba'i gtam brgyad bcu pa'o/ /zhes gsungs pa dang/ gzhan yang rdzing phyi'i rab gnas kyi tshe nyi ma yun tshad las ches ring du gyur pa dang/ lan gcig sku tshe'i bar du gcod pa'i mtshan ma byung ba bzlog thabs mdzad dgos zhes 'khor gyis zhu gsol tsam gyi ngor bcad rgya mdzad cing/ las bzhi'i sbyin bsregs mdzad pa'i tshe kha ba shin tu che ba bab ste/ sa gzhan du mtho gang gi rngams su chags kyang rje'i sku drung 'dom do'i 'khor yug tu rdul dkar gyi cha tsam ma gos pa dang/ smon lam chen mo'i skabs mar me'i kong bu rnams las me'i phung po shin tu che bar 'bar bas gtsug lag khang la gnod pa 'byung nyes skye bo thams cad 'jigs skrag tab tab pos ci bya rtol med du gyur pa na/ rje nyid thugs dam ting nge 'dzin la bzhugs pa tsam gyis rang zhir gyur pa sogs ni nang du rlung sems la rang dbang thob pas phyi rol gyi 'byung ba bzhi la 'dod rgur dbang bsgyur nus pa dang/ se ra chos sdings su bzhugs skabs rgya nag rgyal pos gdan 'dren gyi mi sna mang po yongs ba mkhyen nas gsang stabs kyis ra kha @539 dang/ skabs shig rje rtogs ldan pas bla ma'i drung du dogs gcod zhig zhu bar phebs pa na bla ma ni ma gzigs/ gdan khri la 'jam dbyangs gur gum gyi mdog can zhig 'od kyi gong bu'i dbus su bzhugs pa gzigs pa las/ tha dad du 'dzin pa'i rtog pa ma 'khrungs na sku'i rnam pa de nyid kyis dogs pa sel rgyu la/ 'di ci yin bla ma gang du bzhugs snyam ma thag rang mtshan par mjal ba dang/ gzhan yang dag snang can gyi 'khor 'ga' zhig gis longs sku/ 'ga' zhig gis sprul sku/ 'ga' zhig gis yi dam zhi ba/ 'ga' zhig gis drag po sogs sna tshogs su mjal ba dang/ lho brag grub chen dang mjal ba'i tshe grub chen gyis rje nyid dbyangs can ma sogs su gzigs pa dang/ sngar gong du brjod zin ltar pha yul du yum gyi lhums su zhugs nye'i skabs chos rje don grub rin chen la dpal rdo rje 'jigs byed kyis do bzhag nged lung pa 'di'i mdo ru 'ongs zhes gsungs pa dang/ 'og tu 'chad 'gyur ltar mya ngan las 'das tshul bstan rjes mkhas grub thams cad mkhyen pas nyin gcig bla ma dran pas spyan chab sil zhing gsol 'debs mdzad pas 'khor lo bde mchog gi zhal mngon sum du bstan nas bka' las/ chu bur gyi mig la blo bzang grags par mthong ba yin gyi/ nga dang gnyis su med ces gsungs pa sogs rje btsun 'jam dpal dbyangs dang/ bde gsang 'jigs mdzad/ dus kyi 'khor lo sogs rgyal ba rgya mtsho'i tshogs dang gdul bya' mos ngor tha dad du snang tsam ma gtogs bde chen ye shes kyi klong du ro gcig par mtshon pa dang/ sngon sangs rgyas bcom ldan 'das la klu'i rgyal po ma dros pas dung phul ba kun dga' bo la gtad nas 'gog pa rir gter du sbos shig ces bka' stsal pa ltar/ kun dga' bos gter du sbas pa rje 'di nyid kyis sangs @540 rgyas kyi lung bstan ltar gter nas bzhes shing chos dung mdzad pa dang/ lha ldan nas chos rgyal srong btsan sgam po'i dngul dam rta mgo can yang gter nas bzhes pa sogs kyis gter ston dang zhig po la mchog tu 'dzin pa rnams dad cing 'dun par mdzad pa dang/ 'on bkra shis do khar bzhugs skabs nyin gcig la sprul pa'i bzo bos rje'i sku brnyan bdun bzhengs pa la/ rje bdag nyid chen pos kyang rdzu 'phrul gyis nyin gcig la dbu skra lan bdun sil te sku brnyan re'i nang du dbu skra sbub tshang re bzhugs pa sogs gcig dang du ma'i sprul pa la 'dod rgur bsgyur ba dang/ 'jigs mdzad rdo rje dang/ mgon po dang/ dam can gshin rje'i rgyal po sogs kyi las mtha' mngon spyod kyi man ngag mtshon cha lta bu du ma bshad pa bka' rgya'i 'ching ba dang bcas te yod pa rnams kyang 'jigs mdzad bdud las rnam rgyal dang/ mgon po chos rgyal sogs dngos su byon nas 'di dang 'di gyis kyi phyag len mi'i bla mas bar ma bcad pa du ma zhig bstan pa spel ba la nye bar mkho ba'i cha rkyen du phul ba dang/ bstan pa'i bya ba rlabs chen mdzad pa'i tshe zang zing gi bdog pa mkho ba skabs su bab pa na rnam sras la 'dzin gtor phul te 'phrin las bcol ba tsam gyis 'byor tshogs char bzhin du 'bab pa dang/ de bzhin du mgon po phyag bzhi drug dang/ gur zhal/ dam can chos kyi rgyal po sogs kyis rnam kun dngos grub stsol zhing 'phrin las thogs med du sgrub pa dang/ lhag par dam can chos kyi rgyal pos ni bka' bsdod dang bran gyi tshul du mi dang mi min gyi gzugs ci rigs su bsgyur ba'i sgo nas 'phrin las skad cig kyang g.yel ba med par bsgrub pa sogs dam can chos srung bran bzhin du bkol nus pa'i grub pa brnyes pa dang/ dga' ldan du sku snyun tshul bstan skabs bdu @541 'dul chen po'i thub pa dngas su zhal gzigs pa dang lhan gcig ting nge 'dzin gyi nus mthus nag po'i rtsa lag sde dang bcas pa tshar bcad cing pham par byas pa'i sgra mngon sum du grags pa sogs thub dbang nyid kyis byang chub shing drung du bdud dpung tshar bcad pa'i rnam thar dang sgo kun nas mtshungs par bstan pa dang/ dga' ldan du fblos blangs kyi sku brnyan rnams bzhengs skabs khanD ka pA la 'ja' 'tshon ma sogs byon pa dang/ bde mchog gi blos bslangs la brten nas sgrub mchod mdzad pa'i tshe mkha' 'gro ma rnams kyis ting 'dzin pir bris ma dang/ dpyid kyi rgyal mo'i glu dbyangs sogs kyi mchod bstod dngos su phul ba gzigs nas tshig bcad dbyangs dang bcas pa cho ga'i phyag len du 'dzugs par mdzad pa dang/ 'jig rten gyi khams gdon mi za ba'i de bzhin gshegs pa gzigs te 'chi bdag 'joms pa'i dkyil 'khor du dbang bskur mdzad nas rlung sbyor 'gal me'i 'khrul 'khor 'chi med grub pa'i rigs sngags phul nas yi ger gnang ba ma byung yang gdams pa da lta yang tshig brgyud du gnas zhes ngo mtshar ba'i gtam brgya rtsa brgyad pa las byung ba dang/ rnal 'byor gyi dbang phyug a b+hya byon nas dkyil 'khor gyi rig pa dang dbang gi dbye ba dang/ khyad par du rnal 'byor ma chu shing gi snye ma ma gtogs paN grub gzhan phal cher la'ang gdams pa'i khungs ma bzhugs nas lo tsa ba du ma dka' ba la gtad pa'i dpal rdo rje gdan bzhi sogs kyi gsang ba'i don du ma phul ba dang/ gzhan yang bdag nyid chen po 'dis rang nyid kyis mdzad pa gang ston pa dang/ gzhan gyi dge dang mi dge'i yul ci zhig mngon du gyur kyang bden stong sgyu ma lta bu'i blos ma zin pa ni mi 'ong 'dug ces gsungs pa dang/ drung du 'khod pa'i 'khor rnams kyis @542 gleng brjod sogs ji ltar byas kyang/ ched du thugs kyis ma gtad na mi nges pa zhig yod ces bka' stsal pa rnams ni spros pa'i kun brtags kyi mtshan ma nye bar zhi ba'i don la 'bad med du zhugs pa ste/ 'phags pa'i rjes thob kyi ye shes gang la'ang 'di las 'phags pa'i rtsal bzhag tu med ces bdag nyid chen po rnams gsungs te/ de la sogs pa da dung grub pa'i yon tan gyi rtags khyad par can du ma rang shugs kyis mngon pa ji snyed cig mchis pa'i zhib pa ni gong gi rnam par thar pa'i dkyus kyi tshig don rnams la rig pas legs par dpyad na shes shing/ yang rnam par thar pa zur du bkol ba nyung ngu zhig las gong du ma gsal ba 'di ltar byung ste/ dga' ba gdong du rje btsun 'jam dpal dbyangs kyis lung bstan mdzad dus/ rje'i zhal snga nas kyis rje btsun la ngas zhing 'dir ji tsam 'tsho zhus pas/ rje btsun kyis khyod 'das pa'i dus ni da ltar ro/ /zhes gsungs pas nga ni zhing khams gzhan du 'gro dgongs pa'i tshe/ mgon po tshe dpag med kyis zhal dngos su bstan nas sku tshe yun du bsring ba'i rten 'brel bsgrigs par mdzad/ de'i tshe rje btsun gyis zhal nas/ de ltar na rjes su chos lung du tshems gcig bud yong ba de mkhas grub par byin la kun la khyab tu chug /slar phag lo zla ba bcu pa la gshegs par 'gyur ro/ /de dus khyod kyi rten ril bor bzhog dang/ lo sum brgya lon pa dang lha rnams kyis lung bstan byas pa'i rin chen chos rgyal zhes pa'i paNTi tas rgyu ril bo ma g+ha d+ha rdo rje gdan du gdan 'dren par byed/ de'i don gyis zhing 'dir tshems rnams la ring bsrel gyis khyab pa'i don de yin no/ /zhes pa la sogs rje btsun gyis zhag mang po'i bar du lung bstan mdzad/ dus phyis chos lung la phebs te thugs dam la bzhugs dus rgyud sde bzhi'i lha tshogs @543 dang/ sangs rgyas sum cu so lnga sogs zhal gzigs te byin gyis brlabs de dus mkhas grub pas rje bdag nyid chen por/ mdangs ni pha bla mas lung bstan mdzad pa rmis pas rgyud sde bzhi'i don bsdus pa rdo rje 'chang gi lam gyi rim pa rnams bshad du gsol zhes gsol ba btab pas/ rjes kyang de ni legs so zhes gsungs te chos zab mo rnams gnang/ de'i tshe nyin gcig nyi ma'i 'od zer rgyas pa dang/ rje'i zhal gyi sgo nas 'od zhig byung ste nam mkha' khyab pa kun gyis mthong/ de yang la las 'ja' 'od du mthong/ rgyal tshab pas rje rin po che'i tshems gcig bud pa gzigs/ 'dul ba 'dzin pa dang mkhas grub pa gnyis kyis kyang bud pa gzigs/ de la rje'i zhal nas/ lhun po'i drung na gser ri lta bur gnas pa 'gran zla med pa'i dge legs khyod la byin no gsungs nas mkhas grub pa la gnang ngo/ /rgyal tshab dang 'dul ba 'dzin pa sogs kyis nged rnams la mi gnang ba ci yin zhus pas/ khyed rnams la mi gnang ba ma yin/ mkhas grub 'di las dang skal bar ldan pas rje btsun gyi lung bstan yod/ rgyud 'di rnams 'chad pa'i don yang 'di yin no/ /da khyod rang rnams zhag bdun gyi bar du gsol ba thob dang gnang bas chog ces gsungs/ de nas mkhas grub pas tshems khong rang gi gzims khang du khyer nas gsol ba btab pas gzims khang 'od kyis gang ngo/ /zhag bdun song nas rjes tshems khyer shog gsungs te mchod pa legs par bshams/ zhal phye bas tshems ril por 'jam dbyangs kyi sku zhig byon/ de'i dbu dang phyag tshig rnams la ring bsrel phra btab pa bzhin byon/ 'jam dbyangs de'i spyi gtsug ring bsril dung mdog dpa' bo rdo rje la gnang/ dpral pa'i shel mdog rgyal tshab pa la gnang/ mgrin pa'i gser mdog pu Nyi shrI la @544 gnang/ thugs ka'i baiDUrya lta bu 'dul 'dzin pa la gnang/ sku dang yan lag las ring bsrel stong rtsa gnyis byon pa de de ra bzhugs kun la khyab par gnang ngo/ de nas bzung ste dus phal cher du yang ring bsrel gyis khyab par bzhugs pa rnams las can rnams kyi mchod pa'i rten no/ /zhes gsungs/ 'di'i lung dang ltas khyad par can byung tshul gyi dpe yang dbus gtsang du rgyun chad de ming tsam med par song 'dug pa la; mang du thos pa'i spyan dang ldan pa rje dam pa sangs rgyas rin chen gyis ma bzod par 'pad pa cher mdzad nas mdo smad co ne'i phyogs nas dpe phul ba yin zhes 'khod de/ 'di dag kyang grub pa'i yon tan brnyes pa'i rtags ngo mtshar bsam las 'das pa'o/ /lo rgyus 'di'i lo sum brgya lon nas zhes pa la dogs pa cung zad dpyod rgyu mchis pa 'og tu 'god do/ /gzhan yang mkhas grub thams cad mkhyen pa'i gsungs las/ de bzhin du deng sang gi tshe na mtshan nyid kyi chos la thos bsam lhur len pa'i bshes gnyen dag kyang/ de tsam zhig gis yid mi tshim par gsang sngags rdo rje'i theg pa la spro ba chen pos 'jug pa lhur len zhing/ sngon chad sngags kyi man ngag mthar thug pa ni rgyud sde la ltos mi dgos par bla ma'i man ngag las thos pa tsam gyis chog par 'dzin pa la/ da lta man ngag gis rtogs par bya ba'i zab don mthar thug pa ni rgyud sde rin po che kho na la yod par shes nas/ de rtogs par bya ba'i don du rgyud sde rin po che dag la'ang 'bad pas don du gnyer ba dang/ sngon chad rgyud sde'i dgongs pa grub chen gyis bkral ba dang mthun pa'i man ngag gi gnad thams cad phal che ba ming tsam yang ma mchis par gyur pa las/ deng sang gi tshe rje bla ma 'di nyid kyi gsung gi bdud rtsi myangs pa la brten nas rang gi brtson pas sgom pa la 'grus @545 par byas na ni gdon mi za bar tshe 'di nyid la rdo rje 'chang gi go 'phang thob par nus pa'i man ngag gi gnad grub chen gyi dgongs pa ltar 'khrul med du go nas bskyed rdzogs gyi lam la dpyis phyin pa'i nges pa rnyed cing tshul bzhin du bsgrub pa dang/ dam tshig dang sdom pa la gces spras su byed cing lha'i rnal 'byor la gnas pa dang/ rgyud sde'i don la mi 'jigs pa brnyes pa dang/ skal ldan rjes su 'dzin pa'i rdo rje slob dpon chen po'i go 'phang thob pa dang/ bskyed rdzogs la goms par byas pas rgyud sde dang mthun pa'i myong ba phul du phyin pa 'khrungs te/ bod la grub thob tu grags pa du ma zhig gis bsgrun par mi nus pa'i ting nge 'dzin brtan po rnyed pa dang/ lhag pa'i lhas byin gyis brlabs shing bsnyen sgrub dang bzlas pa la gom pa rmad du byung bas rang bzhan gyi bdud dang bar du gcod pa tshar gcod pa la thogs pa med pa'i nus pa dang ldan pa la sogs pa/ mdor na rgyud sde dang mthun pa'i rjo rje 'dzin pa so so thar pa dang 'dul ba'i kun spyod rnam par dag cing/ byang chub sems dpa'i bslab pa'i gnas dag la theg pa chen po'i sde snod dang mthun pa'i gces spras su byed pa; sdom pa gsum gyi chu bo yan lag brgyad dang ldan pas thugs rgyud rnyog pa med pa legs par gtams pa'i sde snod 'dzin pa stong phrag mang po zhig gis/ nub phyogs dza land+ha ra nas bzung ste shar phyogs rgya mtsho chen po la thug pa'i rgya nag gi rgyal khams yan chad du ci rigs par khyab par gyur pa 'di lta bu ni/ rje bla ma 'di nyid 'ba' zhig gi rmad du byung ba'i 'phrin las dpags par dka' ba yin no/ / zhes dang/ gzhan yang bdag cag gi rje bla ma 'di ni sngon du legs par spyad pa'i rgyu'i stobs bsam gyis mi khyab pa zhig la goms par mdzad pa'i mthus/ sku tshe @546 'di nyid la chos dang mthun pa'i tshogs chas kyis cung zad kyang brel bar mi 'gyur ba lta ci/ gangs dang/ ri'i sul dang/ bas mtha' dang/ dgon pa'i gnas dag tu gcig tu dben pa la thugs gzhol ba'i tshe na yang/ dbus gtsang mdo khams rgya nag kha che tshun chad kyi 'byor pa'i khyad par rmad du byung ba dang/ nye bar mkho zhing rkyen du babs pa'i yo byad kyi khyad par gang ci yang rung ba thams cad dad pa'i shugs kyis yid kyi brtan pa nyams pa'i skye bo mchog dang gtso bo dang/ dman pa dang bar ma dag gis dam pa 'di'i bsod nams kyi zhing la dge ba'i lo thog bskrun pa'i slad du rgyun mi chad par spyan lam du bab pa nye bar dgod pa dang/ mchod cing bsnyen bkur ba'i tshul la ni sus kyang tshad bzung bar mi nus shing/ grangs su brtsi bar mi nus la/ sngon chad dge ba'i bshes gnyen chen po can grags pa'i ba dan gyis mdzes pa su la'ang de lta bu byung ba'i gtam brjod pa med do/ /de lta na'ang yo byad de dag thams cad rgyal po dang/ gtso bo dang/ mi dpon dang/ skyes pa dang/ bud med sogs kyi ngor lta ba dang/ lan la re ba sogs kyi ched du zang zing gi 'du 'god lhur len pas dad pas byin pa chud gzon par byed pa lta ci smos kyi/ bdag nyid yongs su 'dzin pa'i dri tsam yang mi mnga' bas bstan pa 'ba' zhig la dgongs pa'i thugs kyis gdul bya mtha' yas pa dag la tshad bzung mi nus par/ sbyin pa'i skyon thams cad dang bral ba'i gtong ba lhur mdzad pas bsdu ba'i dngos po bzhi'i sgo nas gdul bya mtha' dag rang rang gi skal ba dang 'tshams par smin cing grol bar mdzad la/ gzhan yang gtsug lag khang dang/ bde bar gshegs pa'i sku gsung thugs kyi rten dang/ dkon mchog gsum gyi mchod @547 pa dang/ bla ma gong ma dag gi 'das mchod nar ma dang/ de bzhin gshegs pa'i dus mchod chen po bzhi la sogs pa'i mchod pa nar ma dang/ klog pa dang sgrub pa lhur len pa brgya stong phrag mang po zhig gi 'tsho ba'i yo byad du gtong ba la sogs pa'i tshul bsam par mi nus te/ de'i phyir dam pa 'dis sku tshe ril po la yo byad 'di 'dra ba zhig la thugs kun tu chags par gyur to/ /zhes bya ba'am/ nas 'bru gcig yar bcad kyi bskyed bdag gir mdzad ces bya ba'am/ bdag nyid kyi 'tsho ba'i yo byad kyi slad du bre gang gi zhing tsam yang bdag gir mdzad do zhes gleng ba'i skabs cung zad kyang med pas/ tshul ma yin pa'i las kyi mtha' thams cad thog ma nyid nas rang gi ngang gis spangs pa zhig ste/ 'di ni 'di'i rnam par thar pa cha phra mo zhig yin mod kyi/ de lta na'ang gangs ri'i khrod kyi chen po du ma zhig gi rnam par thar pas 'di tsam la yang bsgrun par bzod pa ma yin no/ /de lta bas na sngon 'phags pa'i yul du ston pa mya ngan las 'da' ba'i mdzad pa bstan nas lo brgya phrag mang po dag 'das/ bsdud par byed pa'i 'phags pa dag zhi ba'i dbyings su bsil ba'i dngos po thob par gyur pa na/ theg pa chen po bka' ma yin no zhes skur pa 'debs pa dag gis khyab par gyur te/ re zhig 'phags pa'i yul du theg pa chen po'i ming tsam yang ma lus pa lta bur nub par gyur pa'i tshe/ 'phags pa klu sgrub byon te rgyal bas lung bstan pa ltar sngags dang mtshan nyid kyi theg pa chen po'i snying po mtha' dag gzhi nas gsos shing/ log par smra ba thams cad tshar bcad de theg pa chen po'i bstan pa nyi ma ltar gsal bar mdzad pas/ 'phags pa'i yul du 'phags pa klu sgrub rgyal ba nyid las kyang bka' drin che bar @548 brnyon mi nus par shing rta'i srol 'byed chen po phal che ba dang/ grub chen phal che ba dag mthun pa nyid du yid la brnag te 'dug go /'phags pa'i yul du 'phags pa klu sgrub kyis rgyal ba'i bstan pa la bya ba chen po mdzad pa ji lta ba de bzhin du/ dus kyi mtha' ma 'di lta bur gyur pa na rje bla ma 'di nyid kyi gangs ri'i khrod 'dir rgyal ba'i bstan pa'i snying po mtha' dag rgyal ba'i ji lta ba bzhin du gzhi nas bslangs te gsal bar mdzad pa yang tshul de dang khyad par ma mchis pa yin pas/ skyes bu dam pa'i ngo mtshar ba'i mdzad pa phul du byung ba dag mthong zhing thos pa tsam nyid nas gdug sbrul gyis gla rtsi'i dri tshor ba bzhin du yid tsher ma'i mal du nyal ba lta bur ma byed par bdag nyid la rjes su lta bar byos shig /ces dang/ /de bzhin du ngo mtshar ba'i gtam brgya rtsa brgyad pa las/ gang du bzhugs pa dang gang du gshegs pa der 'bul nor rdzas 'byor ci zhig mchis kyang gdul bya'i bsod nams kyi phung po bsam gyis mi khyab pa'i rgyur bsgyur ba kho na ste/ sangs rgyas kyi sku brnyan bris 'bur dang/ gsung rab dang mchod rten dang/ gtsug lag khang sogs gsar bskrun dang zhig ral gyi bso chos dang/ dge 'dun gyi sde 'dzugs shing mchod pa dang/ bstan pa rgyas pa'i smon lam gyi rgyun spel ba la sogs pa'i don du gser dngul bre phul gyis 'jal zhing/ ding phon dang/ ta hun dang/ kha thi la soT pa'i khyad 'phags kyi gos glang chen gyi sha non pa man chad nas/ snyims pa'i 'bru yan chad 'gro bar mdzad pa las/ gzhan du na da lta'i phal cher gyi byed pa ltar/ dbang chen dang/ khas btsan dang/ gnyen 'brel dang/ skyes pa'am bud med sogs kyi ngor blta ba'i gtad gnang dang/ lan la re ba'i gtong @549 phod dang/ sa'i dbang ris kyi rgya srung ba'i ched la sogs pa sdig pa'i cha rkyen du spyod pa'i dri ma ni srid pa'i gnas ma mchis shing/ der ma zad rin thang gzhal du mi bzod pa'i nor bu'i rigs lta bu la'ang sred pa'i chos bsdus kyi 'dzin pa ci yang mi mnga' zhing/ thugs la 'khrungs pa'i skabs dang bral ba ni rtogs ldan du rloms pa gzhan dag la med pa'i rtogs pa ste/ zhes gsungs pa 'di dag gi don la chos kyi mig dang ldan pa'i rnam dpyod kyis legs par dpyod shes na grub pa'i yon tan kun gyi nang nas kyang rab dang phul du gyur ba'i rnam par thar pa ngo mtshar rmad du byung ba yin no; ;gzhan yang rnam thar ngo mtshar ba'i gtam brgya rtsa brgyad pa las/ bla ma dbu ma pa la rje btsun 'jam dpal dbyangs kyis/ blo bzang grags pa 'di dbyangs can mas rig pa ster ba'i skyes bu yin ces gsung ba/ 'di'i rig pa ster zhes pa phyi'i sgra mkhas sdeb spyor mkhyen pa tsam la gtan mi bsnyegs te/ 'dus pa'i rgyud nas e waM sogs yi ge bzhi bcu'i don 'chad pa na/ be dza ha ra bzhi nan cing/ ba yi gi gur 'gro rgyu i yig rang drangs pa'i nges tshig gi don rig pa chen po zhes pa ste/ 'di'i rig pa chen po na sems nye bar thob pa rang gi dngos rgyu dang/ snang mched gnyis brgyud rgyur byas pas bskrun pa'i stong pa bzhi pa'i ye shes de yin la/ de 'dren byed kyi thabs la phyi nang gi rkyen gnyis yod pa'i nang nas/ dam pa 'dis 'jam dpal gsang ba'i rnal 'byor gyi tshe dbyangs can ma ye rgyar bsten nas snyoms 'jug gi dga' bzhi 'dren par mdzad pa rig pa ster pa'i don yin la/ gdul bya blo snang dman pa'i don du rig gnas kyi spos pa sbyin pa la yang 'dod pas gnyis ka khas blangs du rung na yang gtso phal gyi dbye ba @550 'byed dgos/ de yang blo rig gsum 'jam dpal phyi nang gsang gsum so so'i skur ston pa'i tshul ste/ zhes dang/ yang de nyid las/ skabs du mar gnyan fchen thang lha dang/ jo bo 'phying dkar ba/ zhogs btsan pa sogs bod khams kyi mi min mthu bo che du mas kyang zhabs la phyag btsal te/ nged can padma sa b+ha wa'i dge bsnyen lags pa nyid bkyi 'phrin las bsgrub pas thugs rjes bzung du gsol zhes dam pa 'di'i gzi byin la skyabs su 'tshol zhing/ gzhan dag 'dre srin yul phran la gnas pa kha 'thor ba bu yug tsam gyis rang gi ris mthun gyi rdzas kyis bsnyen bkur ba dang/ srog snying 'bul ba dang/ dam bca' ba dang/ sems bskyed pa dang/ brkyang phyag 'tshal ba dang/ 7 zhabs kyis reg pa'i sa la dad pas bskor ba bya ba sogs ni yul 'di la ltos pa'i ngang tshul gyi slad du brtsis nas frnam thar snga ma du ma la yongs su ma grags kyang/ rnal 'byor pa'i 'gro don gyi khongs su gtogs pas mi ma yin gyi gdul bya yang grangs med pa zhig 'dren par mdzad/ ces gsungs shing de la sogs pa gzhan yang grub pa'i rnam thar ngo mtshar can ji snyed zhig mchis tshul dang/ zang zang ne ring pas kyang rje rin po ches grub rtags bstan tshul gyi rnam thar nga rang gis brtsoms pa zhig yod ces gsung ba rnams dpe rgyun dkon pas sngon chad mig lam du son pa ma byung bas blo ldan rnams kyis don gnyer chen pos rtsad gcod bya bar rigs shing/ yang re zhig de dag mig lam du ma gyur kyang rnam dpyod dang ldan zhing gzu bor gnas pa dag gis ni/ gong du bkod pa de dag nyid kyis grub pa'i go 'phang mthon por gshegs pa la nges pa gting tshugs pa mi rnyed pa'i thabs med la/ phyogs lhung dang sdang shugs kyi blo can sna tshogs su smra ba @551 dag la ni mang du smras kyang gdon gyis brlams pa la gtam du bya ba dang mtshungs pas na rags rim tsam smos pa 'di dag nyid kyis kyang chog par sems so/ /de dag ni grub pa'i yon tan nam rnam par thar pa ngo mtshar can 'ga' zhig mdor bsdus tsam ched du brjod pa'o/ /'dir smras pa/ g.yo med ri dbang lta bu'i zhi gnas dang/ /spros bral gnas lugs rtogs pa'i lhag mthong gnyis/ /zung du 'jug pa'i mi rtog ting nge 'dzin/ /gang gi thugs la sim pa ji bzhin gyur/ 1 / phra rags lha yi rnal 'byor mthar phyin pas/ /kun rtog ngan pa'i 'ching ba kun bcad cing/ /rten dang brten pa dag pa rab 'byams kyi/ /dkyil 'khor 'khor lo'i rol pa nyid du 'char/ 2 /rang bzhin brgyad bcu bzhon par bcas pa rnams/ / d+hu ti'i dbyings su dag pa'i lhan skyes kyi/ /bde stong zung du 'jug pa'i rgyal srid la; ;dbang ba'i ngo mtshar srid zhi'i khyon na gsal/ 3 /de lta'i grub pa'i go 'phang brnyes zin kyang/ /da dung 'dul ba'i bcas mtshams lhur bzhes pa/ / phan bde'i 'byung gnas rgyal ba'i bstan pa 'di/ /'phel dang yun du gnas pa'i ched kho na/ 4 /dam pa'i yon tan ji bzhin ma rtogs par/ /mig ngor mkhas btsun tsam gyi tshul bzung ba/ /rtags su bkod nas grub pa ma brnyes zhes/ / mu cor smra bas las ngan 'bad nas bsags/ 5 /gang zhig nang gi yon tan ma thob par/ /grub brnyes mthon po'i rjes su rnyegs rloms gyis/ /rtsing spyod hral po'i brtul zhugs lhur len rnams/ /rang gzhan 'di phyi'i bde 'bras stor ba'i rgyu/ 6 /mgon 'di sngon nas zung 'jug rdo rje'i sku/ /brnyes su zin kyang sku tshe 'di nyid la'ang/ /mchog gi dngos grub gsar du brnyes pa'i @552 tshul/ /ston 'di rmad byung gdul bya 'dul slad yin/ 7 /bskyed dang rdzogs pa'i rtogs pa mngon gyur na/ /grub pa'i rtags sogs ched du ma gnyer kyang/ / nyi shar sbar mos 'gog par mi nus bzhin/ /rdzu 'phrul chen po'i bkod pa cir yang snang/ 8 /de ltar mgon po gang gi gsang gsum gyi/ /rnam thar yang yang yid la 'phos pa na/ /da dung sangs rgyas dngos su 'du shes pa'i/ / dad pa'i gong bu gyen nas gyen du phyur/ /zhes pa ni bar skabs kyi ngal bso'i tshigs su bcad pa'o/ /zhes khyab bdag rje btsun bla ma dam pa thub dbang rdo rje 'chang dang ngo bo dbyer ma mchis pa 'jam mgon chos kyi rgyal po tsong kha pa chen po'i rnam par thar pa thub bstan mdzes pa'i rgyan gcig ngo mtshar nor bu'i 'phreng ba las/ mdzad pa rnams kyi nang nas mchog tu gyur pa 'chad rtsod rtsom gsum dang/ mkhas btsun bzang gsum/ grub pa'i go 'phang brnyes pa dang bcas pa'i sgo nas bstan 'gro'i don mdzad tshul rnams slar yang sdom bshad kyi tshul du rtsal du bton nas go bder brjod pas mchog dman kun la nges pa bskyed par byed pa'i skabs te bdun pa'o// ' //sa bcad drug pa/ zhing 'dir re zhig sku tshe 'di'i gdul bya rdzogs nas rtag 'dzin can rnams chos la bskul phyir mya ngan las 'da' ba'i mdzad pa ston pa'i tshul ni/ de ltar bstan pa dang gdul bya'i don rmad du byung ba rgya cher mdzad pas gangs ri'i khrod kyi skal ldan kyi 'gro ba sku dngos kyis 'dul bar bya ba dag gi don phal mo che mthar phyin pa la nye bar gyur pa na/ sa mo phag gi lo'i ston gyi dus su 'ga' zhig gis stod lung gi chu tshan la byon na sku lus la shin tu 'phrod par 'gyur ro/ /zhes gsol ba dag gis gzhan ngor phral du mtshams sbyor ba'i rkyen @553 des bskul ba ltar mdzad pa las/ bzhed don gyi gtso bo ni/ lha ldan jo shak yid bzhin nor bu sogs kyi spyan sngar sku tshe 'di nyid kyi phyi phyag mdzad pa dang/ kun tu rgyu rab bzang dang dri za'i rgyal po rab dga' bzhin du sku tshe 'di'i mtha' ma'i gdul bya'i skye bo mang po zhig dngos kyis 'dul ba dang/ sngon nas rang nyid kyis smin par mdzad pa'i skye bo mtha' yas pa dag la'ang legs par bshad pa'i gsung gi mtha' ma stsal ba sogs dgos pa khyad par can 'ga' dang 'ga' la gzigs nas/ ri bo dge ldan nas phyag btegs te lha ldan du phebs nas jo shak gis gtsos pa'i rten mchog rnams la mchod pa dang smon lam gyi mtshams sbyor rnam par dag pa mdzad nas stod lung gi chab tshan khar byon/ 'on kyang chab tshan la ni zhabs cung zad bcug pa tsam las do gal cher ma mdzad la/ gtso bor stod lung phu mda'i skye bo'i tshogs mtha' klas pa 'dus pa rnams la chos dang byin rlabs kyi skyes gnang zhing/ bsnyen bkur ba dang/ dad pas 'bul ba sogs bdag gir du bzhes nas gdul bya rnams kyi rgyud la bsod nams kyi tshogs rgya chen po bskrun pa dang/ tha na zhal mthong zhing gsung thos pa tsam gyi sgo nas kyang 'brel tshad don dang ldan par mdzad/ ngag rgyun ltar na chu mig lung gi chos grwa la gsang 'dus lha tshogs thim pa gzigs nas rgyud grwa 'byung bar lung bstan par grags pa yang bden par mngon zhes rje 'jam dbyangs bzhad pa'i gsung rnam thar ras bris 'bri tshul na gsal/ de nas mi ring bar 'bras spungs su byon pa'i tshe mdo li la gdan drangs pa'i mdo li'i sna la 'ja' tshon kha dog sna lnga pa shin tu bkra ba thal byung du zug pa dang/ 'bras spungs su phebs nas kyang gsung chos gnang ba'i tshe chos grwa'i dbus su 'ja' tshon kha @554 dog sna lnga pa nam mkha'i dbyings nas ka ba btsugs pa ltar ches gsal bar zug pa dang/ nam mkha'i dbyings mthon po nas lha'i pho nyas sprul pa'i sprin ri bo dga' ldan la yang yang bab pa sogs ltas ngo mtshar can du ma mngon sum du bab par gyur/ gzhan yang 'bras spungs su bzhugs kyi ring la chos don du gnyer ba'i dge ba'i bshes gnyen stong phrag gnyis re tsam 'dus shing/ dpon slob tshang mar sne'u nas zhabs tog dang/ spyi sgos kyi phogs/ bsnyen bkur sogs 'bul nor bsam gyis mi khyab pa mdzad/ de'i tshe lam rim gyi khrid dang/ nA ro'i chos drug /dbu ma 'jug pa/ gsang ba 'dus pa'i rgyud bshad la sogs pa gsungs/ de yang sngon chad grong pa'i skye bo pho mo du ma la khrid kyi rigs cher mi gnang zhing/ lam rim gyi khrid la'ang 'tshog tu mi rung ba la sogs pa'i dam bsgrags che bar yod na'ang/ 'di skabs dgongs gzhi khyad par can gyis grong pa'i skye bo mang nyung ji tsam 'ongs pa dang/ dus snga phyi nam zhig na 'ongs pa thams cad la khyad par med pa tha na sprang po'i tshogs du ma 'dus pa yan chad thams cad la'ang/ lam rim dang dbu ma la sogs pa bkag pa med par gnang ste rjes su 'dzin par mdzad/ 'bras spungs sngags khang gi rten rnams la rab gnas mdzad pa'i ye shes pa spyan 'dren gyi dus su sa g.yo zhing/ 'ur chom gyi sgra chen po thams cad kyis mngon sum du rig pa'i zil shin tu che bar byung/ dam tshig pa'i rten dpal rdo rje 'jigs byed dang/ ye shes mgon po phyag drug pa 'khor bcas/ dam can chos kyi rgyal po yab yum 'khor dang bcas pa sogs rten rnams la ye shes dngos su bstims shing/ brtan bzhugs rgyas pa/ yon bdag bsgo ba/ gser gyi rtag gtor 'cha' pa/ zhi rgyas kyi @555 sbyin bsregs tshar mang po dang bcas pa mdzad pa dang/ rgyal ba yon tan rgya mtsho'i rnam thar ltar na 'jigs byed kyi sku brnyan 'di nyid bzhengs skabs sku rgyu'i 'dam la rje nyid kyi ljags chab gnang bar gsungs pa dang/ rwa lo'i gdung yod par 'jigs byed chos 'byung las bshad tshul sogs 'jam dbyangs bzhad pa'i gsung las byung/ 'bras spungs su skabs shig nas gzhan phal mo che la lkog tu gyur pa'i mngon chung bar gyis zhes lha bzo ba la dam bzhag che bar mdzad de/ bcom ldan 'das rnam par snang mdzad kyi dngul sku chen po zhig bzhengs pa'i zhal ta gnang/ de ltar chos kyi 'khor lo rgya cher bskor nas sngon chad dus 'khor ma gtogs pa'i rgyud la le mtshams mdzad pa'i lugs med pa la/ de'i tshe nyin gcig dga' ldan phyogs la gzigs pa zhig mdzad nas gsang ba 'dus pa'i le'u dgu pa la chos mtshams mdzad nas myur du gdan sar 'byon rgyu'i zhal ta gnang/ de la sbyin bdag dang chos gsan pa rnams kyis da dung rab tu zla gcig gam zla phyed tsam bzhugs nas chos kyi 'phro rdzogs par gsung ba zhig thugs rjes bzung 'tshal/ de lta min na'ang tha na rgyud kyi 'phro bklags lung du mdzad pa tsam zhig kyang gnang 'tshal zhes gsol ba nan cher btab kyang gsan du ma bzhed de/ bka' las/ da lan myur du btegs pa thams cad la dga' bas 'degs/ rgyud dang lam rim la 'phro 'jog pa'i 'dun pa kha seng nas btang tshar gsungs te chos mtshams mdzad/ de ni da dung yang sngags dang mtshan nyid kyi gsung bgros bshad rgyun rdzogs pa med par 'phro ring du gnas pa'i rten 'brel bsgrigs pa'i dgongs pa sngon du mdzad pa yin par gdon mi za'o/ / zhes mkhas grub thams cad mkhyen pas gsungs te nges par don la gnas shing/ @556 da dung thun mong ma yin pa'i dbang du na/ ngo mtshar ba'i gtam brgya rtsa brgyad pa las/ de nas rgyal po rdo rje 'dzin/ /thabs cad nam mkha' mi 'gyur che/ / zhes pa'i thams cad nam mkha' ni thugs don dam bden pa don gyi 'od gsal dang/ mi 'gyur ba ni sku dag pa sgyu ma'i sku ste/ de lta bu'i zung 'jug rdo rje 'chang gi skur mngon par sangs rgya ba'i 'phen pa dang/ de'i 'jug tu mi bskyod pa'i rigs kyi drag las ston pa na/ sems can thams cad bsad na ni/ /mi bskyod sangs rgyas zhing dag tu/ /rgyal ba'i sras su skye bar 'gyur/ /zhes pa la drang nges kyi dgongs pa len tshul khyad par can gnyis yod pa'i tshig bkra mdzad pa yang chos la dbang thob pa'i tshul te/ zhes gsungs pa ltar 'gro ba rnams zung 'jug gi lam la 'god pa'i 'phrin las 'khor ba ma stong gi bar du rgyun mi chad du ston pa'i brda' mtshon nam rten 'brel du mdzad pa'o/ /de nas lha sar byon nas slar yang jo bo yid bzhin nor bu'i spyan sngar phyag mchod rgya chen po dang bcas bstan pa rin po che yun du gnas pa'i thugs smon gsol 'debs shugs drag la yun ring bar mdzad/ de nas byams chen chos kyi rje shakya ye shes pas spyan drangs te se ra chos sdings su byon/ de yang sngon nas rje nyid kyi thugs dgongs la/ sngon chad gangs ri'i khrod 'dir sngags kyi rgyud sde la 'chad nyan rnam par dag pa'i rgyun yongs ye thams cad du nub par gyur nas ring zhig lon/ rje rang nyid kyis bshad pa rnam par dag pa lan gcig min par mdzad pa'i gsung gi bdud rtsi nyams su myong bas blo gros kyi lus yongs su tshim pa mang du byon mod kyi/ de lta na'ang da dung rgyud sde'i 'chad nyan rkang tshugs pa'i gra sa things pa sngon chad med pas/ de 'dra ba'i 'chad nyan gyi gzhi rnam par dag pa @557 tshugs pa zhig byung na ci ma rung snyam du bstan pa 'ba' zhig la dgongs pa'i thugs kyi 'dun pa shugs drag po nar mar yod pa ltar/ chos rje shAkya ye shes pa la bka' bkod zhal ta gnang bar/ khong nas kyang rje'i bka' bzhin thugs khur ches cher bzhes te/ gzhi 'dul ba'i bslab khrims rnam par dag pa la brten nas dpal gsang ba 'dus pa dang/ bde mchog gi rtsa rgyud la 'chad nyan rkang tshugs pa'i grwa sa rnams par dag pa 'dzugs pa'i zhal bkod dang mchod dpon bsko ba la sogs pa mdzad cing/ da dung rten 'brel gyi gnad khyad par can bsgrigs pa'i ched du rje nyid dpon slob nas gnas der gso sbyong dang/ rgyud kyi rgyal po gnyis kyi dbu nas chos thun re yang gsungs/ de'i tshe chos grwa'i bu slob gser gyi lhun po lta bu mang du 'dus pa'i tshogs pa rgya mtsho'i dbus su rje bdag nyid chen pos rgyud kyi bshad srol 'dzin nus pa yod dam zhes pa'i bka' lan gcig dang gnyis su phebs par/ mkhas pa gzhan sus kyang ldang ma nus pa la rje shes rab seng ges phyag byas te/ de ni kho bos bya'o zhes bka' spyi bos blangs par rje nyid shin tu dgyes nas gsang 'dus kyi gser sku khyad par can dang/ 'grel pa bzhi sbrags/ rgyud kyi rnam bshad gnyis dang bskyed rdzogs/ chos rgyal gyi zhal 'bag /chams gos/ dbyug zhags rnams gnang ste 'chad nyan gyi byed por dbang bskur bar mdzad/ de dus btsugs pa'i rgyud pa'i grwa tshang ni deng sang dpal ldan smad rgyud grwa tshang du grags pa 'di nyid yin la/ rje sher seng gi rgyud grwa de las rgyud grwa gsum tshugs par grags so/ / de nas slar yang lha sar jo shak la mchod smon sogs mdzad nas rim gyis ba lam bde chen rtser phyag phebs/ der brag dkar rdzong dpon pa yab yum la bde chen rtser @558 gzhi 'dul ba'i bslab khrims bcas mtshams ma nyams pa la brten pa'i dpal gsang ba 'dus pa'i 'chad nyan rnam par dag pa rkang tshugs pa'i grwa sa 'dzug dgos zhal ta gnang ba dang lhan cig /gnas gzhi 'dzugs pa sogs kyi rkyen du bab pa'i yo byad dpag tu med pa'i gnang sbyin bcas stsal bar/ rdzong dpon pas kyang dad pa chen pos dga' spro dang bcas te bka'i lung spyi bos mnos nas bdag rkyen phun sum tshogs pa'i thugs khur bzhes so/ /gnas der rab tu gnas pa zhig mdzad par zhus pas da lan min pa rab gnas byed pa mi 'ong bas da lam rgyas pa zhig byed dgos gsungs nas rab tu gnas pa rgyas par mdzad cing/ dgon gnas gtsug lag khang de la gsang sngags mkhar zhes bya ba'i ming yang 'dogs par mdzad/ de nas brag dkar du byon/ gru bzhir yang gdan 'dren zhus pa ltar phebs/ de yang 'bras spungs nas phyag btegs nas gdan sa chen por ma phebs kyi ring la gang du spyan drangs pa thams cad du/ da yang yang mi 'ong bas da lan 'gro dgos gsungs nas zhal gyis bzhes par mdzad/ gru bzhir phebs pa'i nub mo gaNDi brdungs pa'i sgra chen po grags pas thams cad the tshom du gyur nas brtags kyang mi zhig gis brdungs pa ma yin par nges pa tsam du zad kyi/ gzhan du na brdung par byed pa su zhis gis gnas gang du brdung ba sogs brtags kyang mi shes pa'i sgra shin tu drag cing gsang mtho ba brdung bar byed pa zhig byung la/ de ni rje 'di nyid ring por ma lon par 'od gsal chos kyi sku mngon du mdzad cing longs spyod rdzogs pa'i skur 'tshang rgya ba dang/ gzhan ngor sprul pa gcig dga' ldan yid dga' chos 'dzin du byang chub sems dpa'i tshul 'dzin par 'gyur ba sogs bar snang gi lha rnams kyi mngon par shes pas rtogs nas @559 lha'i tshogs gzhan dag la sbran pa'i ched du lha'i gaNDi brdungs pa nyid du gdon mi za bar sems so/ /gzhan yang 'bras spungs nas yar phyag ma btegs pa'i gong tsam nas sa chen po glo bur nyid du g.yo ba dang/ nam mkha'i dbyings mtha' mi mngon pa'i yun ring po nas 'ongs pa'i 'ja' tshon rnam par bkra ba lha'i pho nya lta bu ri bo dge ldan gyi rtse la yang dang yang du 'dzugs pa sogs lan mang du byung/ gru bzhi nas phyag btegs nas dga' ldan du phebs skabs thog mar yangs pa can gyi gtsug lag khang chen por byon te/ 'dir da yang yang 'ong ba zhig mi 'ong bas mchod gtor rgya cher shoms gsungs nas ston pa'i sku dang/ dkyil 'khor gzhal yas khang rnams dang/ yi dam sogs kyi drung du mchod gtor rgya chen po 'bul ba dang bcas/ gsol 'debs dang smon lam gyi rim pa rgya che 'byams su klas par mdzad/ de nas 'du khang du dge 'dun la mang ja zhu ba'i sbyin bdag gis gdan drangs pa ltar tshogs kyi dbus su phebs nas ched du zhu ba po sogs su yang med par dge 'dun tshogs pa rgya mtsho'i dbus su bde ba can gyi smon lam rgyas pa shis brjod dang bcas pa mdzad pa ni/ gnas skabs dang mthar thug gi legs tshogs kyi rten 'brel rlabs po che bsgrigs pa'i thugs 'dun khyad par can nyid du nges te/ gtso bor gdan sa chen po 'di nyid 'dus sde dang bcas pas gtsos zhwa ser gyi bstan pa mtha' dbus su gnas pa thams cad bshad sgrub rnyed dang bkur stir bcas pa'i sgo nas dar zhing rgyas la yun ring du gnas pa dang/ 'brel thogs kyi 'gro ba kun kyang 'khor ba spyi dang bye brag gi sdug bsngal las grol zhing/ rgyal bas bsngags pa'i lam rnam par dag pa bdag gir du byas nas ring por mi thogs par sku @560 bzhi'i sa la sbyor ba sogs kyi ched du yin par the mi tshom mo/ /de nas gzims khang du phebs te bzhugs gdan la bzhugs pa na/ da ni rang re'i dgon pa rang dbang thob pa 'dir sleb byung bas blo bde'o zhes gsungs/ dus de nyid kyi nyin mo 'das pa'i mtshan mo'i gung thun la bab pa tsam nas sku khams cung zhig bsnyel ba'i tshul bstan par/ de'i sang nyin nas dge 'dun thams cad kyis zhabs brtan rim gro la 'bad pa rtsal du bton/ de lta na'ang sang gi nyin phyed tsam du sku lus kyi cha so so la snyun zug tu mngon pa cung zad yod tshul gsung ba ma gtogs/ de phyin chad nas snyan zug kyang cher med pa thugs nyog pa tsam gyi tshul du bzhugs pa'i nyin zhag gnyis kyi ring du zhabs rim sgrub/ de nas mtshan mo der shar pa rin chen rgyal mtshan pa la/ khyed dang bla ma dka' bcu pa bcas nas dgon pa 'di legs por byed dgos rgyu yin sogs gdan sa'i do dam byed lugs kyi zhal ta'i rim pa stsal/ sang nyin rje 'dul ba 'dzin pa dang/ rgyal tshab rje gnyis sku drung na bzhugs pa'i tshe rgyal tshab rjes bdag cag rnams la zhal ta zhig thugs rjes bzung 'tshal zhus par bstan pa'i bya ba mdzad tshul sogs sngar nas bka' stsal zin pas skyar du ched gtad kyis ma gsung rung/ dbu paN leb zhwar bzhes pa'i rtse nas phyag mdzub kyis bzung nas rgyal tshab kyi sku pang du rgyangs kyis 'phangs shing/ de mtshungs gos ber zhig kyang gnang nas don gyis chos kyi rgyal tshab tu dbang bskur bar mdzad de/ bka' las kyang/ don de go bar gyis la khyed rnams byang chub kyi sems sgoms shig /ces sogs gsung gi mtha' ma stsal/ de ltar sku khams cung zad bsnyel ba'i tshul bstan pa'i ring la'ang sngar gyi thun bzhi'i rnal 'byor dang/ bdag @561 'jug la sogs pa'i thugs dam gyi rim pa rnams chag med du mdzad cing/ gtso bor ni nang gi ting nge 'dzin la mchog tu gzhol ba'i thugs dam la 'khor yug tu bzhugs par gyur/ de nas nyi shu bzhi'i dgongs phyi ma ring du song ba na/ bcom ldan 'das bde mchog 'khor lo'i mchod pa rgyas pa zhig mdzad/ de'i tshe ka pA la mar med pa zhig 'khyer shog gsungs nas der nang mchod blugs te byin rlabs rgyas pa zhig mdzad mthar/ bdag nyid kyis bdud rtsi myang ba lan sum cu rtsa gnyis sam/ bcu drug phrag gnyis su mdzad la/ de yang bde mchog gi mchod pa dang 'brel ba'i de nyid kyi dbang du mdzad par rjes su dpags pa las/ gzhan du na lha'i 'khor lo 'di 'dra ba zhig gi dbang du byas nas bdud rtsi myang bar mdzad do zhes ji bzhin pa ni sus kyang khong du ma chud la/ sku drung du 'khod pa kha cig gis grangs la dpags nas dpal gsang ba 'dus pa'i sgo nas mdzad par sems so/ / gzhan yang de dag gi tshe yi dam gyi khyad par mngon sum du gzigs pa la sogs pa'i gzigs snang khyad par can mang du yod pa'i rnam pa du ma mdzad mod kyang/ sku drung na 'khod pa dag gis ji ltar mchis pa zhu bar rngo ma thog go/ /de nas mtshan mo'i ring la thugs dam la rtse gcig tu bzhugs shing/ de yang phyi rol nas mngon pa la rdo rje'i bzlas pa la sogs pa shas cher mdzad pa mngon no zhes zer te/ mdor na spyod pa'i dod du 'chi ba 'od gsal chos sku dang bsre ba'i rim pa rnams thugs nyams su bstar ba yin par snang la/ de nas snga dro dang po'i dus la bab pa na sku chos rnam gsum la sogs pa gsol nas gding ba'i steng du zhabs rdo rje'i skyil mo krung du mdzad/ sku lus drang por bsrangs/ phyag gnyig mnyam bzhag @562 tu mdzad/ dran pa mngon du bzhag pa'i sgo nas thugs dam la rtse gcig tu bzhugs pa las/ tshes nyer lnga'i nam lang nas nyin mor byed pa'i dkyil 'khor gyi snang bas 'jig rten kun lham mer snang bar byas pa'i mtshams su stong pa gsum rim gyis thim pa'i thams cad stong pa 'da gsal chos kyi sku don dam pa'i bden pa mngon sum du mdzad do/ /de'i gong du sku khams cung zad bsnyel ba sogs kyis zhal gyi dkyil 'khor sngar las sku mdangs cung chung bar yod na'ang/ de skabs shangs kyi sgo'i rlung rags pa'i rgyu ba nang du thim pa nas glo bur du zla ba tshes ba ltar gyur te/ sku'i cha thams cad 'od kyi lus can gyi lha'i bu gzhon nu ltar gyur cing/ sku'i sha zhum pa dang/ ltar ltar por gyur ba dang/ khang khung du gyur pa la sogs pa cung zad kyang med la/ sngar gyi sku'i gnyer ma rnams kyang skra'i rtse mo brgyar bshags pa'i tshod tsam du'ang thams cad kyis thams cad du med par gyur te/ blta bar mi bzod pa'i 'od kyi phung po dang ldan zhing/ de yang kha cig ni sku'i 'od dmar ser du snang ngo zhes zer/ kha cig ni dkar ser du snang ngo zhes zer/ kha cig ni gser btso ma lta bur snang ngo zhes zer te/ lo bcu drug lon pa'i na tshod ldan pa'i lha'i lus can/ ji ltar 'jam dpal gzhon nur gyur pa rgyan dang cha lugs spangs nas nang du yang dag 'jog la mnyam par bzhag pa ji ltar ba de ltar gyur to/ / de'i tshe drung na 'khod pa dag blo bur nyid du mgon dang bral ba'i mya ngan gyis yid rlams par gyur te rang gi 'tsho ba la yang mi lta bar gyur pa de lta na'ang/ sku gzugs kyi rnam pa de lta bu mthong ma thag /e ma ma la 'di 'dra ba'i ngo mtshar pa ni brjod par dka' ba zhig ste/ bdag cag rnams kyis lha'i lus mngon sum du mthong @563 ngo zhes bya ba la sogs pa yid mya ngan gyis myos pas rang dbang bral bzhin du yang ngo mtshar gyis bskyod pas ca co sna tshogs su sgrog par byed do/ /tshul 'di dag la mkhas grub thams cad mkhyen pas 'di ltar du gsungs te/ de yang sku mya ngan las 'das tshe sku'i mdangs dang gzhon sha la sogs te/ mdor na mi'i lus gnas 'gyur nas lha bu gzhon nu'i lus lta bur gyur pa 'di 'dra ba sngon chad su zhig la byung ba'i lo rgyus bsnyad pa 'ga' thos pa'am/ 'di'i rgyu mtshan ni 'di lta'o zhes brjod par bya ba ci zhig yod ce na/ sngon gyi tshe rgya gar gyi grub thob paNDi ta ga ya d+ha ra zhes bya ba de nyid mkha' reg tu sku 'das pa na/ sku lus shin tu chung zhing gzhon sha dang ldan pa byis pa'i na tshod lta bur gyur to zhes thos kyi/ bod kyi bla ma snga ma su zhig la'ang tshul de ltar brjod pa ma thos so/ /'on kyang de'i rgyu mtshan ni 'di yin par khums te/ bcom ldan 'das kyi gsung rab dag las/ gang gi rgyud la mthong ba'i lam skyes pa dang/ dgra bcom pa mngon du byas pa la sogs pa'i sgo nas bdud rtsi thob par gyur pa na/ dbang po yongs su gsal zhing/ bzhin gyi mdog ni dag la lpags pa'i mdog ni dkar ba la sogs pa lus kyi mdangs sngar las gnas 'gyur ba du ma zhig gsungs te/ de bas na rje 'di yang de'i tshe 'od gsal don dam pa'i bden pa mngon du mdzad de 'chi ba chos kyi skur bsgyur ba'i sgo nas bar do sgyu ma'i skur bzhengs te/ bar do longs spyod rdzogs pa'i sku mchog gi dngos grub kyi go 'phang mthar thug pa mngon du mdzad pa yin par gdon mi za bas de'i ngo mtshar ba'i ltas yin par shes par byos shig /gzhan yang bar dor longs spyod rdzogs pa'i sku mngon du mdzad pa la ni sku tshe 'di nyid du de'i rgyu tshogs rnams @564 legs par thugs brgyud la 'khrungs tshar ba 'di 'dra'o/ /zhes bya ba la sogs pa'i rgyu mtshan ches zhib pa nyid du kho bo la bsnyad par bya ba yod mod kyi/ 'on kyang tshogs su bsgrags par ma gnang bas ma bris la/ cung zad brda' go bar nus pa tsam zhig rnam par thar pa thun mong ma yin par brjod zin to/ /zhes dang/ yang de'i 'phro las/ 'o na dga' ldan du byang chub sems dpa' 'jam dpal snying po zhes bya ba nyid du lung bstan cing zhal gyis bzhes pa ma yin nam zhe na/ de ni 'phags pa klu sgrub sa dang po thob ste bde ba can du gshegs par gsungs pa dang/ yang sku tshe de nyid la rdo rje 'chang chen po'i go 'phang mngon du mdzad par gsungs pa'i tshul gnyis ka 'gal ba med pa dang 'dra ste sprul pa'i sku ston tshul gyi dbang du byas pa'o/ /zhes gsungs so/ /de ltar 'od gsal chos kyi sku la mnyam par bzhag pa'i ring la/ sku'i zhal gyi dkyil 'khor gyi drang thad shin tu nye bar 'ja' tshon sna lnga pa shin tu dwangs shing 'od 'tsher pa rnam par bkra ba zhig/ 'ja' lus sgyu ma'i sku mchog nye bar mtshon pa'i slad du ched du sprul pa bzhin g.yo ba med pa yun ring po'i bar du ka ba btsugs pa ltar gnas par gyur la/ dus de dag gi tshe nam mkha' ni thams cad stong pa 'od gsal mngon du mdzad pa'i tshul ni 'di 'dra'o zhes 'jig rten thams cad la go bar byed pa bzhin du shin tu g.ya' dag par gyur te ches cher dangs shing/ tha mal gyi sprin dang rdul la sogs pa thams cad dang bral ba dang/ bar snang dang sa gzhi'i khyon kun rlung gi rgyu ba thams cad dang bral te sir bu phra mo'i 'gro 'ong rgyun chad pa zhag bzhi bcu rtsa dgu tsam gyi bar du byung ngo/ /de'i tshe dgon pa'i gling seb nas gzims khang gi phyogs su rang rang gi brang khang steng gi la bad kyi kha rnams @565 su mtshan mo mar me'i 'phreng ba mtha' yas pa phul ba rnams dang/ gzims khang gi sgo drung dang phyi rol gyi chos grwa'i zhal dkar tha dad pa rnams su mar me'i 'phreng ba tshar du dngar bar phul ba thams cad kyang mtshan rang gang la me lce'i rtse mo cung zad tsam yang rlung gis g.yo ba med par gyur cing/ gzhan yang lha rnams kyis mngon par mchod pa dang/ dpa' bo dang mkha' 'gro ma rnams kyis mngon par bsgrags pa'i rol mo'i bye brag bsam gyis mi khyab pa mtshan gung la grags pa dang/ nyin mo yang sngon tshor ma myong ba'i sgra'i bye brag du ma 'ga' dang 'ga'i rna lam du grags pa la sogs pa dang/ lha rnams kyis mngon par gtor ba'i me tog gi tshogs ni phal che ba kunda ltar dkar zhing mu tig ltar 'od gsal ba dang/ mthon po nas byung ba'i tshe zla ba ltar 'tsher ba dang/ yang 'ga' zhig gi kha dog sngon po dang/ 'ga' zhig ni ser po dang/ 'ga' zhig ni dmar po la sogs pa mi chen po'i lag mthil tsam dang/ shing rta'i 'phang lo tsam dpag tu med pa char ltar du bab par gyur la/ dus skabs phal che bar ni nam mkha'i lam thams cad 'ja' kha dog dkar po shin tu yid 'phrog pas bla re ltar bres pa dang/ ba dan ltar 'phyang ba dang/ dge ldan gyi g.yas g.yon dang mdun gyi lung pa thams cad 'ja' kha dog sna tshogs pas lda ldi ltar khrig gis gang bar gyur pa la sogs pa zhag mang po'i bar du byung ste/ gang gi tshe bcom ldan 'das grong khyer rtswa can du tha ma'i gzims khri la gzims te mya ngan las 'da' ba'i mdzad pa bstan pa na lha rnams kyis mngon par mchod pa ji lta ba de ltar gyur to/ /de dag ni dpal ldan sa gsum ma las/ bsam bzhin zhing 'dir sku yi bkod pa ni/ / nye bar bsdud la khyod thugs gzhal ba'i tshe/ /dpa' bo mkha' 'gro'i lha tshogs @566 mchod pa yis/ /bsam yas nam mkha' gang la gsol ba 'debs/ /'od gsal chos sku mngon du mdzad gyur pa/ /de'i tshe khyod sku 'od kyi gong bur gyur/ / bar do longs spyod rdzogs pa sgyur ma'i skur/ /mchog gi dngos grub brnyes la gsol ba 'debs/ /zhes gsungs pa rnams kyi don no/ /tshul 'di rnams la mkhas grub thams cad mkhyen pas ched du brjod pa 'di ltar gsungs te/ legs bshad 'od dkar stong gi dra ba can/ /thub bstan ku mud mdzes ma'i gnyen gcig pu/ / glo bur nyid du zhi ba'i dbyings su nub/ /sa gsum 'gro 'di cig car mun pas khyab/ / ring nas khyod la brten pa'i skye bo 'di/ /yid la mya ngan me lce'i spyin sreg dang/ / bzhin la mchi ma'i rgyun gyi dag byed dag /sdug bsngal bsam gtan drag pos rtse gcig sgrub/ /blo gsal 'chi med tshogs kyi 'dod rgu'i gzhi/ /mkhyen brtse'i grib bsil phyogs kyi mthar 'gro ba/ /sngon med yongs 'du'i dbang po dbyings su 'dzegs/ / thar 'dod yid kyi gdung sel su zhig bsten/ /thub bstan gangs ri'i stod g.yogs ni; ;cig car nyid du lhung ngo zhes/ /lha rnams skrag pa'i cho nge yis/ /sprin bral nam mkha'i rnga chen brdung/ /chu gter du ku la yi gos/ /mya ngan rlung gis rlabs bskyod pa'i/ /ljon shing spu long g.yo ba can/ /nor 'dzin lus ni ring zhig 'dar/ /'jig rten kun gyi lta byed ni/ /lhung bas yid kyi brtan nyams te/ /kun gsal mdzes mas mu cor du/ /chu 'dzin smad g.yogs rgya mtshor dor/ /de yis skabs gsum lha rnams ni/ /ngo tshas bab col gyur pa bzhin/ /'phrog nyed bla gos bkra ba yis/ /nam mkha'i bu mo khyab par bsgrigs/ /kun rtog rlung gi bzhon pa kun/ /ma lus bcom pas skrag @567 gyur te/ /mtha' dag dri bzhon g.yo ba ni/ /stobs ldan bzhin du sa 'og zhugs/ /mgon 'dis chos sku mngon du mdzad pa na/ /bdag cag btang snyoms 'dug pa mi rigs zhes/ /mtho ris padmo ma lus lha rnams kyis/ / mkha' la gtor ba'i rnam 'phrul ci yang byas/ /khyod thugs zhi ba'i bdud rtsis myos mthong nas/ /mngon dga' rgyas pa'i zla bas sku la 'khyud/ /de tshe de yi rjes 'brang rgyu skar tshogs/ /rang gnas btang ste mkha' las lhung ba bzhin/ /mgon po khyed kyis bdag cag rab btang ste/ /phun tshogs sku yi sgyu mas brid gyur kyang/ / mya ngan lcags kyus yid kyi gnyis thung ni/ /gtong ba min zhes kun gyis cho nge byas/ /'on kyang bla ma mchog gis sku gsum gyi/ /go 'phang rgya chen mngon du mdzad do zhes/ /bdag cag yid la gdung ba ci ltar rigs/ /slar yang tshul der dang ba lhur byos shig /ces gsungs so/ /yang gong du mkhas grub thams cad mkhyen pa'i gsung las byung ba/ rje bdag nyid chen po mya ngan las 'da' tshul bstan nas longs skur mngon par 'tshang rgya ba'i rgyu tshogs mtha' dag ma tshang ba med pa sku tshe de la thugs rgyud la 'khrungs pa'i tshul rnams mkhas grub rin po che sogs snod ldan dag pa'i slob 'khor 'ga' dang 'ga' la zhib rgyas su bka' stsal kyang/ yongs grags su bsgrgs mi chog pa'i bka' rgya shin tu dam pa'i dbang gis thun mong ba'i rnam thar du 'god pa lta ci/ thun mong ma yin pa'i rnam thar rnams su'ang brda' mtshon tsam las 'god par ma mdzad mod/ de lta na'ang bla ma dbu ma pa dang/ lho brag mkhan chen phyag rdor ba/ rje rtogs ldan pa sogs la yi dam gyi lung bstan byung ba dang/ mkhas grub rin po che sogs thugs sras dam pa @568 rnams kyi gsung las zur tsam byung ba dang/ rje bdag nyid chen po gang gi gsang gsum gyi rnam par thar pa 'ga' zhig sogs kyi lung dang rig pa la brten nas sku tshe de nyid la sems dben dpe'i 'od gsal mthar thug mngon du mdzad de/ 'tshang rgya mi rgya'i mtshams su phebs tshul sogs gong du grub pa'i rnam par thar pa zur du bkol te brjod pa rnams kyi bde blag tu rtogs nus shing/ de'i thog tu sngar smos zin ltar bogs 'byin gyi spyod pa rnam gsum gang rung mdzad na sku tshe de rang la zung 'jug gi go 'phang mngon du mdzad pa the mi tshom na'ang/ rjes 'jug gdul bya rnams bstan pa'i gzhi rtsa so thar gyi bslab pa'i bcas pa gtso bor ma bzung na bstan pa rnam dag ring du mi gnas par dgongs nas spyod pa sogs ma mdzad par spyod pa'i dod du mya ngan las 'da' tshul ston pa'i skabs/ stong pa gsum rim gyis thims pa'i mthar thams cad stong pa 'od gsal chos sku don dam pa'i bden pa sngar 'dris kyi 'dza' bo bzhin mngon du gyur te lam gyi 'od gsal dang bsres pa'i ring nge 'dzin la rtse gcig tu mnyam par bzhag cing/ de las bzhengs pa na shin tu phra ba'i rlung 'od zer lnga pa las grub pa'i 'ja' lus rdo rje sems dpa' longs spyod rdzogs sku kha sbyor bdun ldan gyi go 'phang mngon du mdzad de mngon par sangs rgyas shing/ de las skye ba sprul sku gcig dga' ldan du byams pa'i drung du byang chub sems dpa' 'jam dpal snying po'i tshul dang/ ngo mtshar rmad byung bkod pa'i zhing du rgyal ba seng ge'i nga ror gsar du sangs rgyas pa'i tshul dang/ gzhan yang 'og nas 'chad par 'gyur ba 'ga' zhig rnams kyis mtshon/ zhing khams rab 'byams su sprul ba'i rnam rol mtha' yas pa'i sgo nas nam mkha' ji srid kyi bar du 'gro ba'i don rgyun mi chad par @569 mdzad pa yin no/ /'dir smras pa/ 'pho 'gyur skye 'chi kun spangs rdo rje'i sku; ;bsnyes kyang rtag par 'dzin rnams 'dul slad du/ /tha mal yid ngor shar ba'i gzugs kyi sku/ /zhi ba'i dbyings su bsdud la khyod thugs gzhol/ /nam mkha' ji srid bar du 'gro ba'i don/ /mdzad la cung zad g.yel ba mi mnga' na'ang/ / re zhig sku tshe 'di yi gdul bya'i don/ /mtshams su mdzad 'os sgrib dral gziD ngor bab/ /de phyir rab bzang rab dga' ji lta ba'i/ /dngos kyi gdul bya'i mtha' ma mang po zhig /smin cing grol dang grol ba rab kyi mthar/ /'god pa'i 'phrin las ci yang bdag gir bzhes/ /dga' ldan theg mchog chos kyi pho brang du/ / zhabs mthil padmo bkod nas mi ring bar/ /snyun bral sku mchog snyun pa'i zol 'chang zhing/ /gsung gi bdud rtsi'i mtha' yang stsal bar gyur/ /dmar phyogs rdzogs pa gnyis pa'i snga dro'i char/ /nyin mor byed pas 'jig rten gsal gyur tshe/ /stong pa rnam gsum rim gyis thim pa'i mthar/ /thams cad stong pa'i 'od gsal mngon du mdzad/ /de las 'ja' lus rdo rje sems dpa'i skur// bzhengs nas dag pa gnyis ldan sku dang thugs/ /ngo bo gnyis su med par zung 'jug pa'i/ /longs spyod rdzogs skur mngon par sangs yang rgyas/ /de'i tshe rags pa'i gzugs sku'i za ma tog /lha phrug gzhon nu'i lang tsho ji bzhin pa'i/ /'od kyi gong bur gyur pa'i ngo mtshar ni/ /dad pa'i skye bo kun la mngon sum gyur/ /zung 'jug go 'phang mngon du mdzad do zhes/ /mtshon bar bya phyir lha yi lam bzang khyon/ /dri bral me long bzhin ras ji lta bar/ /rnam bkra 'ja' 'tshon ri mos yongs su klubs/ / lha dang lha mor bcas pa'i tshogs rnams kyis/ /ngo mtshar rol mo'i sgra chen bsgraD pa @570 dang/ /me tog sil ma'i gru char 'babs pa sogs/ /ltas bzang mchod pas sa dang bar snang bkang/ /gang la re stos 'cha' ba'i skye bo rnams/ /mgon dang bral ba'i mya ngan gyis brlams kyang/ /rmad byung ngo mtshar bkod pa de dang des/ /yid kyi ngal bso'ang ci yang thob par gyur/ /bdag cag khyod zhal mjal ba'i skal dman yang/ /khyod gsung nyams su myong zhing rnam par thar/ /mthong thos dran pa'i skal bzang thob pa yang/ /nyid kyis rjes su bzung ba'i mthu ru nges/ /zhes pa ni bar skabs kyi bsdu ba'i tshigs su bcad pa'o/ /de nas dus de nyid rang du dge 'dun brgya phrag du mas zhag mang po'i bar du phyi nang gi dkyil 'khor chen po dag zhal phye nas bla ma dang rdo rje 'chang tha mi dad pa la phyi nang gsang ba'i mchod pa rgya chen pos mnyes par byas shing/ bdag nyid dkyil 'khor du 'jug cing dbang blang ba la sogs pas dam tshig dang sdom pa rnam par dag par bgyis te thugs kyi dgongs pa rdzogs pa dang/ bdag cag thams cad la nam du yang bla ma mchog gi ye shes kyis gzigs pa 'bral ba med par gyur cig ces yid la brnag pa lhur byed pa'i smon lam rgya chen por bsgrubs la/ de bzhin du dbus gtsang gi dge 'dun gyi sde chen po du mar yang mang ja dang/ 'bul ba phun sum tshogs pa rgya cher bsgrubs so/ /'di skabs mkhas grub thams cad mkhyen pa'i bka' las/ de yang phyis kyi rab tu byung ba dag la mkhan po dang/ slob dpon dang/ bla ma dag 'das pa na thos bsam sgom pa dang chos 'chad pa la sogs pa dge ba'i sbyor ba dag rgyun bcad de/ skra tshad las lhag pa 'jog pa dang/ gos bsgyur ba dang/ gtsug lag khang gi ba dan bsdud pa la sogs pa grong pa'i chos lugs dag yongs su @571 grags mod kyi/ /bdag cag rnams kyis ni rje nyid kyi dgongs pa dang mthun par grong pa'i chos lugs de dag ring du spangs nas/ 'du byed thams cad kyi mtshan nyid ni 'di 'dra'o snyam du skyo bar 'gyur ba'i mtshan ma yid la byed pas slar yang 'khor lo gnyis kyi bya ba la ches cher brtson par bgyis nas/ thugs kyi dgongs pa yongs su rdzogs pa'i bya ba rgyun mi chad par sgrub pa la zhugs par gyur to/ / ces gsungs pa ni chos kyi gnad mkhyen pa'i gsung ngag rjes 'jug rnams la brtse pas 'doms par mdzad pa'o/ /de nas sgrub mchod thon phral la snga sor rje thams cad mkhyen pa rang nyid nas don gyis rgyal tshab tu dbang bskur bar mdzad zin pa ltar/ rje nyid kyi mdzad srol dam pa rgyun mi chad pa'i bdag rkyen gyi byed por/ slob dpon rin po che dar ma rin chen pa'i zhal snga nas la/ thugs sras 'dul ba 'dzin pa grags pa rgyal mtshan ba'i zhal snga nas kyis gtso mdzad pa'i gnas brtan yongs kyi dge ba'i bshes gnyen chen po du mas mgrin gcig tu gsol ba btab pa ltar/ rje bdag nyid chen po'i chos kyi khri la zhabs sor 'khod de thub bstan yongs rdzogs kyi bdag po/ rgyal ba gnyis pa'i rgyal tshab/ chos kyi rgyal srid chen po'i bdag por mnga' gsol zhing/ 'di skabs mkhas grub thams cad mkhyen pas/ dpal ldan yon tan tshogs kyi byed po yi/ /mi 'jig seng ge'i khri la dbang bskur ba/ / rgyal ba gnyis pa'i rgyal tshab chos kyi rje/ /mi pham bla ma gnyis pa rgyal gyur cig / zhes sogs kyi khri la dbang bskur ba'i bstod bsngags tshigs su bcad pa snyan tshig gi rgyan gyis spud pa tshig don phun sum tshogs pa'i 'phreng ba de nyid dus skabs de rang la thol byung du bka' stsal pa yin zhes dam pa'i gsungs rgyun las byung ngo/ /de @572 mnga' gsol mdzad nas bzung rgyal tshab thams cad mkhyen pa chen po rje'i gzims khang du phyag phebs nas rjes 'jug yongs kyi gtsug rgyan dam par ring du 'tsho zhing bzhes par gyur la/ dus der sngar rje de nyid nas zhal bkod bskyangs pa'i bcom ldan 'das rnam par snang mdzad kyi dngul sku chen mo legs par grub pa la rab tu gnas pa'i rim pa tshul bzhin du legs par mdzad/ 'di la mkhas grub rin po che'i gsung las/ de yang sku de bzhengs pa'i dgongs pa gang yin zhes 'ga' zhig gleng bar byed mod kyi/ de ni rje rang nyid kyi zhal nas/ sngar bde mchog dang/ gsang 'dus dang/ rdor dbyings kyi gzhal yas khang rmad du byung ba 'di dag bzhengs pa'i dgongs pa'i gtso bo ni/ bla med dang yo ga'i rgyud sde chen po rnams kyi 'chad nyan shin tu nyams pa 'di dag cung zad bso e thub bsam nas de'i rten 'brel bsgrigs pa'i ched du bzhengs pa yin/ da dung spyod rgyud rnam snang mngon byang 'di la bshad pa'i srol zhig ma byung na rgyud sde bzhi'i ya gyal gcig gtan med nub la khad du song 'dug pas/ de'i bshad srol cung zad zhig tshugs pa'i rten 'brel bsgrigs dgos zhes gsungs te de la dgongs pa yin par gdon mi za'o zhes kho bos khums so zhes bka' stsal to/ /de nas chos kyi sku la mnyam par bzhag pa las bzhengs nas sku gdung rin po che zhugs la zhen pa dang/ ma nyams par bzhugs pa ji ltar bya zhes bka' bgros mdzad pa las/ ma nyams par bzhugs na bstan rgyun la shin tu phan pa'i dgos pa che bar dgongs te/ de ltar du bzhugs su gsol bar thugs thag bcad/ de yang rnam thar snga phyi rnams su gsal kha ma mdzad pa las gzhan gong du bkod pa ltar/ rje nyid chos lung du bzhugs @573 skabs rje btsun 'jam dbyangs kyis slar mya ngan las 'das nas sku gdung ril por zhog ces lung bstan mdzad pa thugs sras bu slob kyi dwangs ma 'ga' la bka' gnang ba'i don thugs la bzhag pa nyid du nges la/ yang/ lung bstan der lo sum brgya na sku gdung ril po ma g+ha d+har gdan 'dren par gsungs na/ bstan rtsis 'das lor rje bdag nyid chen po zhi bar gshegs tshul bstan nas da bar lo bzhi brgya dang nyi shu skor song zhing/ sku gdung da lta yang ma nyams par zhing 'dir bzhugs pas dus ma 'grig go snyam na/ de lta bu la ni mtha' gcig tu nges pa med de/ dper na; lung bstan rnams su bstan pa'i 'phel 'grib dang/ dus kyi 'gyur ba sogs myur por 'byung bar gsungs pa 'ga' zhig la skyes bu dam pa rnams kyi thugs bskyed smon lam gyi mthu dang/ skyes 'gro dmangs kyi rnam dkar bsags rgyab kyi mthu las dus ring du 'gyangs pa ji snyed cig 'byung ba dang/ sku tshe ring thung gi lung bstan gyi dbang du byas na yang rje ras chung pa la bla ma wa la tsandras zhag bdun gyi tshe las mi 'dug ces gsungs par/ grub pa'i rgyal mo la brten pa'i tshe sgrub mdzad pas dgung lo bzhi bcu skor nas slar yang bzhi bcur 'phel te brgyad bcu skor gyi bar du bzhugs pa dang/ nye bar rje bdag nyid chen po rang la yang chos lung du bzhugs skabs rje btsun gyis khyod 'das pa'i dus ni da ltar ro/ /zhes gsungs pas zhing gzhan du 'byon dgos dgongs pa na mgon po tshe dpag med kyis zhal bstan nas sku tshe spel bas dgung lo drug cu re gsum gyi bar du bzhugs pa ltar/ skabs 'dir lung bstan la sku gdung lo sum brgya na rgya gar du gdan 'dren zhes gsungs pa'ang/ thugs bskyed dang rim gro'i dpung sogs kyis bzlog par ma byas @574 na de ltar yin nges su zin kyang/ gtso bor rje thams cad mkhyen pa nyid gangs ri'i ljongs kyi skyo bo rnams la lhag par thugs brtse zhing/ bstan pa rin po che phyogs 'dir yun du gnas pa zhig rnam pa kun tu thugs la sems pa'i dbang gis sku gdung yang yun ring por bod ljongs 'gro ba'i bsod nams kyi zhing du b+hzugs pa'i thugs bskyed byin rlabs rgya cher mdzad pa dang/ rjes 'jug sras kyi thu bo rnams kyis gtsos da lta'i bar zam mi chad du byon pa'i bdag nyid chen po rnams kyi thugs bskyed dang/ gangs can 'gro ba dmangs kyi rnam par dkar ba'i dge mthu sogs la brten nas sngon chad kyang dus ring du 'gyangs ba ma zad/ da dung kyang re zhig ni de'i dus la ma sleb pa nyid du nges la/ 'o na dus ci tsam la zhe na/ rang cag mngon par shes pa dang mi ldan pa'i so skye rang ga bas kha tshon gcod par dka' na'ang/ dngos shugs kyi rig pas gzhal na mnyam med 7shakya'i rgyal po'i bstan pa 'di nyid yul dbus nas byang dang/ byang nas byang gi phyogs su dar zhing/ slar yang dbus su dar bar gsungs pa'i dbus ni rgya gar yin la/ de nas rtsis pa'i byang ni bod dang/ byang nas byang du dar ba ni bod nas hor sog gi yul gru chen po rnams su dar ba dang/ de nas rim gyis slar yang yul dbus rgya gar nyid du dar bar gsungs pa las/ da lta bstan pa'i gtso bo 'jam mgon bla ma'i bstan pa 'di nyid bod nas rgya hor gyi yul du dar ba'i skabs yin la/ de nas slar rgya gar du dar ba'i dus skabs de dag gi snga phyi zhig tu rje bdag nyid chen po'i sku gdung yang rgya gar du gdan 'dren pa 'byung bar sems te/ de'i tshe da lta bod dang rgya sog gi yul du grags pa ltar rgya gar du rje bdag nyid chen po'i snyan pa ches cher du @575 grags par 'gyur bas/ de ltar bu'i rkyen la brten nas gdan 'dren pa yang 'ong bar sems so/ /zhes 'phros bshad kyi tshul du dogs pa bcad nas slar yang dkyus la 'jug pa ni/ de ltar sku gdung rin po che ma nyams par bzhugs pa'i rten du dad can so so nas gus pas mtshams sbyar te phul ba'i dngul bre chen bco brgyad tsam las grub pa'i gdung rten chen mo/ rin po che rin thang gzhal bar dka' ba'i phra sna tshogs bkod pas mdzes par byas pa bzhengs te/ de'i bum pa'i nang du sku gdung yid bzhin gyi nor bu dge sbyong la 'os pa'i snam sbyar sogs kyis legs par g.yogs te tsandan 'ba' zhig las grub pa'i sgrom du bcug nas yi dam gyi lhar bskyed de tshul khrims kyi dri ngad dpag tshad du ldang bzhin par/ zhal 'bri gung phyogs su gzigs shing sku rgyab gtsang phyogs la gtad nas lha mi kun gyi bsod nams kyi zhing dam par bzhugs so/ /de yang sku gdung rin po che'i zhal byang shar gyi ngos su gzigs pa las mdo khams stod smad nas rgya hor gyi yul gru chen po'i bar du zhwa ser gyi bstan pa dar zhing rgyas pa'i rten 'brel dang/ sku rgyab nub tu gzigs pa las stod phyogs nas mtha' dmag sogs kyi 'jig pa mi 'byung ba'i rten 'brel la dgongs pa'o/ /de'i rjes su sne'u gdong dang 'bri gung nas thog drangs pa'i sbyin bdag bu slob rnams kyis gser dngul zho brgya phrag dang/ stong phrag longs pa'i gdung 'bul byung ba rnams la gzhi mdzad/ gzhan yang phyogs phyogs su zangs kyi dad 'bul bskul ba'i zhal ta mdzad pas zangs kyi 'bul ba byung ba rnams la brten nas slob dpon rin po che rnam pa gnyis kyis zhal bkod bskyangs te/ nang rten gyi gser sku chen mo/ lha ldan jo bo'i sku tshad las khru gang tsam gyis che ba/ shin @576 tu byon legs shing rmad du byung ba bzhengs shing/ sku gdung dang sku brnyan sogs nang rten rnams bzhugs pa'i yul du gtsug lag khang shin tu che zhing legs pa gsar bskrun dang bcas pa'i rten brten pa rnams la lcags byi lo'i nang rab tu gnas pa yan chad yongs su rdzogs pa grub par mdzad/ sku gdung rin po che gtsug lag khang gsar par gdan drangs pa'i tshe nam mkha' 'ja' tshon gyis khyab cing/ me tog gi char bar snang gang ba babs pa dang/ gzhan yang byi lo hor zla bcu pa'i nang dga' ldan du rdo rje slob dpon dang bcas pa'i dge 'dun brgya phrag du mas gsang bde 'jigs gsum/ kyai rdor/ dus 'khor/ 'khor chen/ tshe dpag med kun rig sogs dkyil 'khor chen po mang po sgrub cing mchod pa'i dus kyi mchod pa zhag du ma'i bar du bsgrubs pa na/ nyin dang po dang rjes ma la me tog gi char bab pa ni/ mu tig gi mdog lta bu chung ngu 'dab ma drug pa sogs yu ba dang bcas pa babs pa dang/ nyer lnga'i sku mchod dngos gzhi'i nyin me tog chung ngu de lta bus sa la kha ba ltar chags pa dang/ gzhan yang me tog 'dab ma drug pa la sogs pa kha cig gi mdog ni dung dang/ kha cig ni gser btso ma dang/ kha cig ni li khri lta bu dang/ kha cig ni rgya mthing bzang pos byugs pa lta bu mi chen po'i lag pa'i khyon tsam dpag tu men pa babs pa dang/ de dang dus mtshungs su sne'u nas dpon nam mkha' bzang po khu dbon gyis ra kha brag tu byams chen chos kyi rje shakya ye shes gdan drangs te dge 'dun mang po'i tshogs dang bcas dus kyi mchod pa rgya cher mdzad de gsol ba btab pa'i tshe na'ang me tog gi char chen po bab par snang zhing/ de nas bzung ste deng sang gi bar du'ang dga' ldan lnga mchod chen mo zhes hor zla bcu pa'i nyer lnga la rgya bod hor sogs skya ser/ grub mtha' ris su @577 ma chad pa thams cad kyis gling me sbar ba sogs rnam dkar la brtson pa rgyun mi chad pa 'di dag kyang rje thams cad mkhyen pa nyid kyi 'phrin las kyi mthu kho na ste/ rgyu mtshan de dag gi phyir mkhas grub thams cad mkhyen pas kyang/ mdor na mya ngan las 'das pa'i mdzad pa bstan pa'i rjes su'ang/ nyid kyi ngo mtshar ba'i mdzad pa dag gis gdul bya dpag tu med pa smin grol gyi lam la bzhag par mdzad do/ /zhes gsungs so/ /de ltar zhing 'dir sku tshe gcig gi mdzad pa mtha' ma bstan nas zung 'jug gi sku mngon du mdzad de mkha' khyab kyi zhing rab 'byams rnams su sprul pa'i bkod pa mtha' med pas 'gro ba'i don mdzad tshul ma lus pa ni brjod par ga la nus shing/ rags rim rang cag rnams kyi mig dang rnam ba'i yul du gyur pa dag kyang phal che ba sngar gong du bkod zin na'ang/ da dung de dag tu ma gsal ba mya ngan las 'das rjes su mkhas grub thams cad mkhyen pa la gzigs pa lnga'i sgo nas dngos su zhal bstan cing/ gsung gi bdud rtsi stsal ba'i tshul la sogs pa rnams kyang dad pa'i bsos su rags tsam brjod na/ de yang lan gcig mkhas grub thams cad mkhyen pa gsung chos gnang sar byon nas gzims khang du phebs pa'i skabs shig thugs dgongs la/ lar sems can 'di rnams sngon bsod nams chen po ma bsags pas yongs 'dzin mtshan nyid dang ldan pa ni med/ 'dus byas mi rtag par bstan na rtag par 'dzin/ chos rnams kyi gnas lugs stong par bstan na bden grub tu 'dzin/ longs spyod snying po med par bstan na 'bad rtsol cher btang nas sgrub/ tshe 'di'i snyan grags brag cha ltar bstan na thob bya mthar thug tu 'dzin/ mdor na rje bla ma rdo rje 'chang chen po'i sngags mtshan nyid kyi legs bshad/ @578 rdo rje 'chang gi gsang ba'i gnad rnams la 'khrul pa'i cha phra mo tsam med pa'i mtha' chod pa 'di lta bu rnams nyin mtshan du 'bad nas bshad kyang/ skal ba dang mi ldan pas gsung gi bdud rtsi'i dga' ston 'di lta bu mi myang bar/ bshes gnyen ngan pa glen zhing gti mug pa gang yang ma bslab pas ci yang mi shes pa/ blang dor gyi gnas la rmongs pa dud 'gro lta bu zhig gi mdun du kha bsags dang gzhogs slong/ rnyed bkur snyan grags/ ngag 'khyal ku co/ dmag dang chom rkun gyi gtam/ bdag bstod gzhan smod sogs kyi tshig re nyan/ kun spyod khyi phag ltar rol ba 'di lta bu la blang dor gyi gnad shes pa zhig gis sems mnal du phob la ltos dang/ lar 'chi ba ni ma dran/ tshe 'di'i rnyed bkur gyis ni g.yeng/ log pa'i lam la 'jug pa'i sems can 'di rnaMs la gziD dang zhes thuD shin tu skyo bas spyan chab mang po shor/ de'i tshe mchod pa bzang por bshams nas rje la gsol ba drag po btab cing bshums pas/ rje bla ma glang po che spu mdog gangs ri ltar dkar ba/ cang shes yan lag dang ldan pa/ mche ba drug yin pa/ lus gser gyi dra bas g.yogs shing/ gser gyi dril bu bsam gyis mi khyab pas spras pa/ sga rin po che'i rgyan gyis brgyan pa zhig la chibs pa/ rje bla ma rang gi rnam pa can du byon nas nga'i bu sems mi bde ba mi dgos/ bla ma dran par byas pas sngar bsags sdig pa stobs chen 'dag cing/ bsod nams kyi tshogs bsam gyis mi khyab pa gsog nus pa yin/ nged rang dpon slob kyi 'dun ma rtsa ba nas legs pa yin/ rnal 'byor dbang phyug mi las kyang bla ma dran nas bla ma dran drug gi mgur sogs mdzad pa dang mtshungs/ da phyin chad nga'i bstan pa 'di rgyas par gyis shig /ces gsungs/ ' yang @579 lan cig /gsung rab kyi dka' gnad khyad par can 'ga' zhig dang/ khyad par bskyed rdzogs kyi gnad khyad par can 'ga' la dogs pa byung bar/ bdag gi bla ma de bzhugs na zhu ba yin pa la rje bla ma ni ma bzhugs/ thag chod pa'i khungs gzhan ni med/ rje bla ma de bzhugs na dga' ba la/ nga'i bla ma de gang na bzhugs snyam du dgongs nas thugs skyo zhing phyogs gzhan du chol chol byung bas/ yang maNDal dang bcas pa'i mchod pa bzang ba zhig bshams nas pha rin po che/ rje bla ma tsong kha pa chen po zhes cho nge chen pos gsol ba btab cing spyan chab bton pas/ rje bla ma de nor bu mu tig la sogs pas spras pa'i gser gyi khri lha'i bu mang pos btegs pa zhig gi steng du byon nas/ dka' ba'i gnad thams cad ma lus par bcad/ bka' rjes gnang mang po dang/ gzhan yang chos mang du gsungs so; ; ' yang lan cig /lam rim gnyis kyis gtso byas pa'i rje bla ma'i gsung rab rnams la gzigs shing/ yig cha gzhan rnams la yang gzigs pas sde snod gsum dang rgyud sde bzhi sogs mdor na sngags mtshan nyid kyi gsung rab dgongs 'grel dang bcas pa'i don bstan tshul dang/ de dag gi don thams cad gang zag gcig 'tshang rgya ba'i nyams len du 'khyer lugs/ 'go bshes gnyen bsten tshul nas brtsams te lam thun mong bas rgyud sbyangs pa nas zung 'jug tshe gcig lus gcig la rdo rje 'chang gi go 'phang mngon du byed pa'i bar gyi lam gyi lus yongs su rdzogs pa 'di lta bu la nga'i bla ma rje btsun 'jam dbyangs gyi rnam sprul rje tsong kha pa... ma gtogs rgya gar 'phags yul dang/ bod kyi bka' gdams pa dang/ phyag rgya pa gnyis ka la ma byung 'dug snyam du rje'i sku che ba'i yon tan dran nas dad pa chen po @580 bsam gyis mi khyab pa 'khrungs/ spyan chab na bza' bangs pa tsam bton/ pha rin po che sku drin can/ sku drin 'khor med/ dzam bu gling gi sems can thams cad kyis khyed kyi sku drin gsab tu med/ rje tsong kha pa zhes gsol ba drag po btab pas/ rje bla ma seng ge dkar mo 'jigs su rung ba rin po che'i rgyan bsam gyis mi khyab pas spras pa zhig la chibs pa/ sku mdog dmar ser ral gri dang glegs bam 'dzin pa gzhon nu'i tshul can/ rin po che'i rgyan sna tshogs pas spras pa/ byang chub sems dpa'i tshul du byon nas nga'i bu ngu mi dgos/ ngas chos zhig 'chad pa yin no gsungs te/ spyir snyigs ma'i dus su sems can gyi rigs la sna tshogs 'ong/ khyad par da lta'i dus su 'chi ba mi rtag pa dang/ ngan song gsum gyi sdug bsngal ma dran pas rnyed bkur snyan grags lto gos kyi bya ba phal pa la zhen/ tshe 'di'i bya ba sgrub sgrub nas skye ba phyi ma 'di ltar 'gyur snyam pa'ang dkon par gda'/ zhes sogs mang du chos gsungs pa'i mthar/ kho bos bla ma yi dam la gsol ba drag tu btab/ tshogs bsags sgrib sbyangs byas/ gzhung lugs chen mo rnams la brgal zhing mtha' dpyad pa'i legs bshad 'di rnams bltas te; yid ches par byas nas dben par rtse gcig tu nyams su blangs na sangs rgyas lag mthil na yod pa yin te byed mkhan dkon/ de lta na'ang snod rung gi gdul bya 'ga' re srid pas de dag la phan par gyis/ khyad par du nga'i sngags kyi legs bshad 'di rnams rgyas par gyis shig skye ba phyi ma la myur du 'phrad pa yin no/ / zhes gsungs so/ / ' yang/ skabs shig rje bla ma dran nas nga'i bla ma de gang na bzhugs yod/ nam zhig mjal na snyam du spyan chab mang po bton cing/ @581 thugs mnan pas mi non pa tsam du sku lus 'dar zhing ba spu g.yo ba dang bcas/ rje bla ma tsong kha pa khyed kyis nga la rang gzigs dang/ sems can rmu rgod kyi spyod pa 'di rnams la gzigs dang/ khyed kyi bstan pa 'di yang bar snang gi glog gam dri za'i grong khyer ltar myur du rang bsdud pa 'dra/ nga yang khyed kyi zhabs drung du nam zhig 'ong na zhes gsol ba drag tu btab pas/ rje bla ma stag chen po 'jigs su rung ba zhig la chibs nas rnal 'byor pa'i cha lugs su mdzad/ sku mdog dmar po spyan dang shangs che ba/ phyag g.yas ral gri 'bar ba nam mkha' la 'phyar/ g.yon pa bdud rtsis gang ba'i ka pA la thugs kar bzung/ ral pa dmar po'i thor cog la dar sngon bcings pa/ rus pa'i rgyan gyis brgyan pa/ shin tu 'dzum zhing bkrag che ba la grub chen brgyad bcus bskor nas dgyes bzhin du byon te/ bu shes pa 'phyo mi dgos/ nga la'ang khyod min pa bsam rgyu med/ khyod kyang nga min pa su bsam/ khyod bzhag nas gang du'ang mi 'gro /nga dran na sngags mtshan nyid kyi lam rim gnyis kyis gtso byas pa'i yig cha 'di rnams nga'i kha chems yin pas 'di rnams ltos/ spyir sems can rnams bsod nams shin tu chung du song/ nyon mongs pa rags/ bstan pa'i mjug bsdud pa'i mgo yang rtsam 'dug /khyod rang mkha' spyod du 'ong ba'i 'dun pa thongs gsung ngo/ / ' de nas skabs shig tu mkhas grub rin po che'i thugs dgongs la/ nga rang 'gro ba'i 'dun pa byas na legs pa 'dra/ nga'i bla ma de la mchod pa zhig phul nas gsol ba btab na 'byon la re/ des na rje bla ma gang na bzhugs kyang zhu la/ zhu rgyu gzhan yang 'ga' zhig yod dgongs nas gser gyi maNDal dang bcas pa'i mchod pa shin tu bzang po blo yul du mi shong ba @582 tsam gyi mtha' yas mu med pa cig bshams te phul nas/ pha dus gsum gyi sangs rgyas/ 'gro ba mgon med kyi skyabs gcig pu/ rje btsun 'jam dbyangs 'gran gyi do med rdo rje 'chang zhes gsol ba shugs drag la yun ring bar btab pas/ rje bla ma sprin dkar phungs phungs pa zhig gi dbus su sngar gyi rab tu byung ba'i cha lugs su byon nas/ bu da ni myur du 'ong ba'i grab gyis/ bdag gis bsu mkhan gtong gsung ba la/ rje bla ma da lta gang na bzhugs pa lags/ bdag kyang der 'ong ba yin zhus pas/ spyir nga'i sprul pa mkha' spyod/ dga' ldan/ dzambu gling la sogs pa mang por yod pa yin/ da lta rgya nag ri bo rtse lngar dge slong rdo rje 'dzin pa stong brgyad brgya re tsam la snga dro dbu ma dang lam rim/ phyi dro gsang bde 'jigs gsum gyi bskyed rdzogs 'chad kyin yod/ khyod rang yang der 'ong ba'i smon lam shugs drag la rgyun ring ba thob/ ring por mi thogs par 'phrad pa yin no gsungs/ gdul bya gzhan yang zhing der skye ba'i rgyu tshogs ji ltar la 'bad dgos sogs bka' 'dri zhus par zhal gdams yang du ma zhig gsungs shing/ de yang gong du bkod pa 'di dag skabs 'dir tshig tshogs chung khyad don cung zad bsdus nas bkod pa yin la/ zhib par 'dod na mkhas grub rin po che'i gsang rnam sogs las shes par bya'o/ /gsung de dag la brten nas dus der mkhas grub thams cad mkhyen pas/ rje btsun bla ma blo bzang grags pa'i dpal/ /mos gus snying nas yid kyis gsol 'debs na/ /khyed rang gang du bzhugs pa'i zhing khams der/ /bdag kyang myur du 'ong bar byin gyis rlobs/ /zhes thugs smon de ltar mdzad do/ /de yang zhing der skye ba'i rgyu tshogs zhes gsungs pa'i zhing @583 khams de skabs 'di'i tshig zin ltar na ri bo rtse lnga la gsungs kyang de kho nar nges pa ni ma yin te/ gtso bor rje bdag nyid chen pos zung 'jug gi sku mngon du mdzad pa'i longs sku'i zhing khams dang/ sprul sku'i zhing bde ba can dang/ mkha' spyod/ dga' ldan la sogs pa dang/ rgyal ba seng ge'i nga ror mngon sangs rgyas tshul bstan pa'i ngo mtshar rmad byung bkod pa'i zhing khams sogs gang dang gang du bzhugs pa'i zhing thams cad la dgongs pa yin te/ gong gi gsung las/ spyir nga'i sprul pa mkha' spyod dga' ldan/ dzam bu gling sogs mang por yod pa yin/ zhes gsungs pa nyid kyis shes so/ /gong du bkod pa'i mkhas grub rin po che'i gzigs snang gi nang tshan rje bla ma grub chen gyi rnam par byon pa 'di ni; rje rgyal ba gnyis pa de nyid 'dir thun mong ba'i ngor mya ngan las 'das tshul bstan kyang/ yul nyer bzhi la sogs pa'i grub pa'i gnas chen po rnams su sku'i rnam pa de lta bus brtul zhugs dang 'gro ba'i don spyod cing bzhugs pa de nyid yin par snang ba mtha' yas paN chen dpal ldan ye shes dpal bzang pos gsungs te/ de nyid kyis stsal ba'i shamb+ha la'i lam yig tu/ de yang thams cad mkhyen pa dge 'dun grub kyi rnam thar du/ rgyal ba gnyis pa gzhan don du gshegs pa'i gtam gsan pa na spyod pa la gshegs sam snyam pa'i thugs 'khrungs tshul dang/ de la go rgyu'i gnad chen po yod par gsungs pa dang/ mkhas grub chos kyi rje dge legs dpal bzang po'i gzigs snang du/ rje bla ma rnal 'byor pa'i rnam pa ral gri dang thod pa thogs pa 'jigs su rung ba'i stag la chibs shing/ grub chen brgyad bcus bskor ba byon te yul nyer bzhi rnams su 'gro ba'i don mdzad par gsungs pa @584 ltar ljongs 'dir bsil ba'i dngos po thob pa ltar bstan nas grub pa'i gnas chen po de rnams su sku'i rnam pa de lta bus brtul zhugs dang 'gro ba'i don spyod cing/ sngon rang nyid mgon po klu sgrub dang/ baNDi ta su ma ti kirti sogs su 'khrungs pa'i dus su gsal bar mdzad pa'i mdo sngags kyi lung dang rtogs pa'i bstan pa rgya cher spel zhing/ grub pa'i skyes bu grangs med pa zhig 'phel bar mdzad de/ phyis 'phags yul du byon pa'i grub chen zhi ba sbas pa dang/ jo nang tA ra na tha'i bla ma sangs rgyas sbas pa'i mgon po'am/ pudd+ha gupta nA tha dang/ paNTi ta purna bdzrAm gang ba'i rdo rje zhes bya ba de dag kyang 7rgyal ba gnyis pa brtul zhugs spyod pa'i sku'i rnam rol de nyid kyi gsung las skyes pa sha dag yin cing/ grub chen de rnams kyi lta ba'i bzhed srol dang/ lam gyi rim pa thams cad klu sgrub yab sras kyi rjes su 'brang bar snang/ zhes dang/ yang de nyid las/ rgyal ba gnyis pa spyod pa la gshegs pa'i sku'i rnam rol de nyid kyi mtshan ni kirti nA tha zhes pa grags pa'i mgon po zhes bya ba yin te/ da lta 'phags pa'i yul gyi phyi nang kla klo thams cad shin tu gus shing 'jigs par byed gda'/ zhes gsungs te/ des na sku'i rnam rol gcig ni rgya gar gyi gnas chen sogs su grub pa'i brtul zhugs kyi tshul bzung nas da lta yang 'gro ba'i don spyod bzhin par dngos su bzhugs par snang ngo/ /des mtshon te sku mya ngan las 'das rjes su sras kyi thu bo gzhan dang/ las can dag pa'i gdul bya 'ga' dang 'ga' la dngos nyams rmi lam du zhal bstan pa dang/ gsung gi snang ba stsal ba sogs kyi tshul mtha' dag 'dir ma bkod de rnam thar lo rgyus gzhan dag las rtogs par bya zhing/ sprul pa'i rnam rol phyi ma dag gis 'gro ba'i don mdzad tshul phal che ba ni @585 sngar gong du sku 'phreng phyi ma'i byung tshul rags tsam bkod zin pa ltar ro/ /smras pa/ skye ba spangs kyang skye ba ltar ston dang/ /'pho 'gyur spangs kyang 'chi 'pho'i tshul bstan pa/ /'gro ba 'dul ba'i rmad byung thabs mkhas te/ /bsam mi khyab pa'i ngang tshul rtogs par dka'/ /dag pa'i zhing du mnal ba'i tshul bstan kyang/ / mu med zhing du mtha' klas gdul bya'i don/ /nam mkha' ma zad bar du rgyun chad med/ / ston pa'ang 'dren pa kun gyi gshis lugs yin/ /zag pa med thugs bde ba chen po'i klong/ /thims kyang gdul byar sku gdung ring srel gyis/ /'di dang phyi ma'i legs tshogs 'bad med du/ /ster la dngos su bzhugs dang khyad par ci/ /bstan pa'i snying po ring du gnas phyir du/ /zung 'jug yid bzhin nor bu'i za ma tog / ma nyams ril por bzhugs zhes lhag pa'i lhas/ /mngon sum lung bstan dbyangs kyis bsnyad par gyur/ /rin chen khams las grub pa'i mchod rten cher/ / dri bzang ljon pa las grub khang bur bcas/ /mchog gyur 'brel tshad don dang ldan pa'i gdung/ /lha mi yongs kyi bsod nams zhing du bzhugs/ /ting 'dzin dbang bsgyur sems dpa' che rnams kyis/ /mtha' klas rgyal kun ye shes spyan drangs te/ /lan brgyar bstims nas rab tu gnas pa yis/ /lhag par byin mthu'i phung po nyid du byas/ /gzhan yang dam pa'i thugs dgongs rdzogs slad du/ / 'jig rten 'du 'dzi'i 'ching ba ring btang nas/ /tshul gnas thos bsam sgom pa'i bya ba la/ /nyin dang mtshan du 'bad pa lhur bzhes gyur/ /la la blang dor gnas tshul ma shes pas/ /mgo skyes ring por 'jog sogs bcas mtshams las/ /brgal rnams tshul min bya bar thugs chud nas/ /da dung gnang @586 bkag tshul la gces par mdzad/ /las can dag pa'i slob ma'i tshogs rnams la; ;dngos dang nyams kyi snang ba la sogs par/ /gsang gsum bkod pa ci yang bstan pa yis/ /thugs kyi zug rngu'i tshor ba sim par gyur/ /bdag nyid chen po 'jam mgon bla ma'i sras/ /gser ri'i dbus na lhun po ltar brjid pa; ;dar ma rin chen rgyal ba'i rgyal tshab tu/ /bzhengs pas bstan 'di mgon dang bcas par gyur/ /ces pa ni bar skabs kyi tshigs su bcad pa'i rim pa dag go ;zhes khyab bdag rje btsun bla ma dam pa thub dbang rdo rje 'chang dang ngo bo dbyer ma mchis pa 'jam mgon chos kyi rgyal po tsong kha ba chen po'i rnam par thar pa thub bstan mdzes pa'i rgyan gcig ngo mtshar nor bu'i 'phreng ba las/ zhing 'dir sku tshe 'di'i dngos kyi gdul bya rdzogs nas rtag 'dzin can rnams chos la bskul phyir mya ngan las 'da' ba'i mdzad pa ston tshul 'phros dang bcas pa'i skabs te brgyad pa'o/ ' /sa bcad bdun pa gsung skyes slob ma'i tshogs ji ltar byon pa'i tshul bshad pa ni/ de ltar rje bdag nyid chen po gang gi sku tshe 'di'i mdzad 'phrin zhing 'di'i thun mong gdul bya'i snang ngo dang 'tshams par bstan pa'i rnam par thar pa rags bsdus kyi tshul du bkod zin nas/ gang gi gsung las skyes pa'i slob tshogs byon tshul gyi dbang du byas na/ de yang rje bla ma nyid rje btsun 'jam dpal dbyangs dngos 'brel tshad don ldan gyi skyes bu 'gran zla dang bral ba yin pas na/ zhal mthong zhing gsung thos pa dang chos kyi 'brel ba sna re tsam rna ba'i yul du son pas kyang ngan 'gro'i du kha las skyabs shing/ 'khor ba mtha' can du gyur pa ni sa chen po'i rdul bzhin grangs dang brjod pa'i yul las 'das mod/ der ma zad bstan pa 'dzin skyong spel gsum @587 dang/ rang gzhan gyi don nus pa'i skyes bu ji ltar byon pa mtha' dag kyang bgrang bar mi nus te/ ne ring pa 'chi med rab rgyas kyi gsung las/ rje rin po che shar tsong kha pa blo bzang grags pa'i dpal zhes bya ba 'di nyid bsod nams chen po'i dpal mnga' mdzad pa la brten nas/ sku gzhon nu'i gnas skabs rang nas thos bsam gyi mdzad pa rnams grub cing/ sku cher son pa'i tshe sgom pa'i don la legs par sbyangs grub nas rang don gyi rgyal sa zin rjes 'dul bar 'os pa'i gdul bya mang ba zhig la mdo sngags dang 'brel ba'i chos mang po dang/ khyad par gsang sngags kyi dbang lung man ngag gsum dang/ khrid che chung mang po snga phyi bar gsum du stsal te/ de yang res 'ga' dge 'dun brgya phrag du ma la chos gnang ba dang/ skabs su bab pa'i bu chen rags bsdus mang po la zab chos mang po sgos chos su gnang ba sogs la brten bu slob bsam gyis mi khyab pa zhig byon 'dug pas mtha' gcig tu brjod dka'/ snga rabs kyi bu chen tshos kyang gsal cha nges nges brjod pa mi 'dug /ces gsungs pa ltar yin la/ de lta na'ang sras kyi thu bo rnams kyis gtso mdzad pa'i yongs su grangs pa'i bu slob kyi rim pa 'ga' dang 'ga' byon tshul rags bsdus sa bon tsam 'god pa la/ de yang thog mar sdom gyi dbang du byas na/ rnam thar ngo mtshar gyi gtam brgya rtsa brgyad pa las/ dam pa 'di'i 'khor ni chos 'brel 'dzin pa'i bla ma dpa'o rdo rje sogs gsum/ stong ston dznyA na shri la sogs pa snga tshar bzhi/ rtogs ldan 'jam dpal rgya mtsho sogs mdo khams pa bzhi/ dbus pa bzhi ste rtogs ldan brgyad/ dar ma rin chen sogs gsang bdag gis lung bstan pa'i 'khor khyad par ba gsum/ thugs sras dge @588 legs dpal bzang po dang/ thams cad mkhyen pa dge 'dun grub pa sogs 'phrin las nam mkha' dang mnyam pa'i sras chen bzhi/ hor ston nam rgyal ba sogs dbus gtsang bstan pa'i snang byed bcu/ byang sems shAkya bsod nams sogs gzhan don lhun grub kyi sems dpa' bcu/ byams chen shAkya ye shes sogs mi dbang gi ti shri gnyis/ yar rgyab bsod nams rnam rgyal sogs mang du thos pa'i dpon sras gnyis/ chos rje legs pa rgyal mtshan sogs sbyangs yon 'dzin pa'i cog chen cog chung gnyis/ zhang zhung pa chos dbang grags pa sogs rnam dpyod phul byung gnyis/ shes rab bzang po gnyis sogs bstan pa phyogs mthar spel ba'i dar chen drug /'gos lo tsa ba gzhon nu dpal sogs skad gnyis smra ba gnyis/ 'bri khung rin po che don grub rgyal po sogs sa skyong gi chos rje drug /mnga' ris pa bsod nams rin chen sogs gsung rab mang du mkhyen pa'i bstan 'dzin brgyad/ rong po ljags nag sogs mdo rong gi mkhas pa bzhi/ kre zhing byang dpal ba sogs mkha' spyod grub pa'i gdung brgyud gnyis/ skyes mchog smon lam dpal ba sogs ya mtshan can gyi skyes bu gnyis/ spyan mnga' blo gros rgyal mtshan pa sogs skye rgu'i gtsug rgyan brgyad/ te'u ra pa ye shes dpal sogs khri chen 'dzin pa'i bla ma bzhi/ mkhan chen chos rgyal ba sogs sa skyong ba'i mkhan po bzhi/ chen po grags bzang sogs chen po lnga/ 'bri khung chos sgo ba bkris rin chen sogs dbang bzhi bskur ba'i chos sgo gnyis/ dka' bcu dar bzang sogs lung rigs smra ba'i dka' bcu ba bzhi/ g.yag sde dka' bzhi ba sogs tshig don 'dzin pa'i dka' bzhi ba bcu/ jo gdan bsod nams lhun grub sogs brtul bzhugs 'dzin @589 pa bzhi/ gnas brtan chos bzang sogs tshul khrims rnam par dag pa'i gnas brtan drug /rgod phrug rtogs ldan grags pa 'byung gnas sogs tshe blos btang gi rtogs ldan lnga/ gzhan yang rgya ston chos bzang ba sogs sku dngos kyi slob ma yongs su grags pa ni phyed kyis lhag pa'i nyis brgya tsam ste/ zhes gsungs la/ dga' ldan chos 'byung las kyang grangs sdom 'ga' zhig la mang nyung gi khyad par las phal che ba gong dang mtshungs pa nas/ sdom so so'i bu slob rnams kyi mtshan gsal ba dang bcas 'god par mdzad 'dug pa de nang ltar na/ sras kyi thu bo gsum ni rgyal tshab/ mkhas grub/ thams cad mkhyen pa dge 'dun grub pa bcas la ngos 'dzin mdzad cing/ chos 'brel gsan pa'i dbang gis bla ma dbu ma ba/ phyag rdor ba/ rje re mda' ba gsum kyang slob khongs su gtogs/ snga tshar bzhi ni/ tsha kho dpon po ngag dbang grags pa/ mdo stod grags pa blo gros/ stong ston dznya na shri/ dge bshes sha ston dang bzhi/ phyi tshar brgyad las dbus pa bzhi ni 'jam dkar ba/ bzang skyong ba/ rin rgyal ba/ byang se ba bzhi/ mdo khams pa bzhi ni/ rje rtogs ldan 'jam dpal rgya mtsho/ shes rab grags pa/ 'jam dpal bkris/ dpal skyong ba bzhi ste/ brgyad po 'di bya bral la byon dus kyi phyag phyi ba 'khor dag pa rnam brgyad du grags/ 'phrin las che ba lnga ni/ 'dul 'dzin pa/ 'jam dkar ba/ chos rje bkris dpal ldan/ mtshungs med rgyal mtshan bzang po/ rje btsun shes rab seng ge lnga/ bstan pa'i sgron me bcu ni/ rje dkon mchog tshul khrims/ mkhas pa rgyal dbang kha che/ gnyal rgod rin bsam/ mkhyen rab grags bzang ba/ gnyal chen shes rab rgyal @590 mtshan/ hor ston nam mkha' dpal/ rje blo gros chos skyong/ chos rje chos rgyal ba/ chos rje dpal seng ba/ snar thang rab mchog dang bcu/ byang sems gzhan don nus pa drug ni/ byang sems shaka bsod/ byang sems kun dga' bzang po; byang sems blo gros rgyal mtshan/ byang sems tshul khrims dpal bzang/ byang sems gzhon nu rgyal mchog byang sems rgyal mtshan grags bzang ste drug /sa spyod ti shrir bkur ba byams chen shAkya ye shes dang/ byang dar ma gnyis/ mang thos dpon sras gnyis ni/ ma gcig dpon po nam mkha' dpal dang/ yar rgyab dpon po bsod nams rnam rgya ba gnyis/ sbyangs pa'i yon tan 'dzin pa ni/ zha lu ba bkra shis rgya mtsho dang/ chos rje legs pa rgyal mtshan gnyis/ rnam dpyod phul du byung ba ni/ mus sras blo gros rin chen dang/ zhang zhung ba chos dbang grags pa gnyis/ bstan pa phyogs mthar spel ba drug ni/ stod smad kyi sher bzang gnyis dang/ gu ge ngag dbang grags pa/ lho pa rgyal mtshan seng ge/ bla ma dpal ldan shes rab/ ldan ma yon tan dpal ba ste drug /skad gnyis smra ba gnyis ni/ 'gos lo gzhon nu dpal dang/ stag lung lo tsa ba gnyis/ sde bdag gi rin po che drug ni/ chos rje rin po che dpal ldan bzang po/ rin po che bsod nams bzang po/ rin po che byang chub rdo rje/ rin po che bsod nams rgyal mtshan/ 'bri khung rin po che don grub rgyal po/ stag lung rin po che bkra shis dpal 'od dang drug /gsung rab mang du mkhyen pa brgyad ni/ chos rje sher 'byung ba/ rgyal sa rin bsam/ byang gling pa grags rin/ mnga' ris pa bsod rin/ 'jam dbyangs rin rgyal/ gu ge sangs rgyas/ 'jam dbyangs @591 ran grags/ rgyal sras bde 'byung ba dang brgyad/ mdo rong gi mkhas pa bzhi ni/ mdo smad pa 'od zer/ legs bzang/ bsod she gsum dang/ rong po lce nag dang bzhi/ grub pa'i gdung kre zhing rin chen byang dpal dang/ rin chen dpal gnyis/ skyes bu ya mtshan can ni/ skyes mchog smon lam dpal ba dang/ ri mi 'bab pa bsod nams rin chen gnyis/ spyan mnga' brgyad ni/ kun blo ba/ gzhon nu 'od/ blo gros rgyal mtshan/ dpal bzang ba/ nam rgyal ba/ bsod nams lhun grub/ rin rgyal ba/ rin chen 'phel ba brgyad/ khri la 'dzegs pa'i zla med bzhi ni/ gung chos rje mdzes pa dpal/ bla chen nyag shag pa/ stag bu gu shri dpal ldan don grub/ te'u ra ba ye shes dpal dang bzhi/ mkhan chen bzhi ni chos rgyal dpal bzang/ rgyal bzang ba/ kun rdor ba/ byang dpal ba bzhi/ chen po lnga ni/ grags bzang/ dgas po ba/ blo 'phel/ kun rgyal/ bkra shis rgyal mtshan lnga/ chos sgo ba ni/ gdan sa 'jam dbyangs kha che dang/ 'bri khung bkra shis rin chen gnyis/ dka' bcu ba bzhi ni/ dar bzang/ 'ba' ser ba/ co tsa ston rgyal mtshan/ lhu la ba dang bzhi/ dka' bzhi bcu ni/ mthil chung don yod/ brag dgon rin dpal/ rgyal ba rin chen chos rgyal/ gye re sangs rgyas dbang phyug /stag phu sangs rgyas bzang po/ g.yag sde bsod nams bzang po/ gros ba/ 'tshor bub/ chos seng/ grags pa rgyal mtshan dang bcu/ jo gdan bzhi ni/ zla ba blo gros/ bsod nams lhun grub/ legs rin pa/ kong po dang bzhi/ gnas brtan drug ni/ chos bzang ba/ rgyal steng don grub dpal/ rgya ma dge 'dun rgyal po/ 'od zer bkra shis/ gzhon nu sangs rgyas/ kun dga' @592 'bum dang drug /rtogs ldan lnga ni/ sangs rgyas dpal bzang/ nam mkha' shog ral/ grags pa 'byung gnas/ ral zhig pa/ bo le ba rnam rgyal dang lnga/ gzhan yang lha gzigs grags pa rgya mtsho/ drung gzhon dpal ba/ mkhan po bsam rgyal pa/ bla ma gser thub/ yang rin po che/ zhi blo dbon po/ drung nam mkha' ba/ bla ma mgon po byang chub/ bla ma bsod rin/ drung chos 'phags/ bla ma shak rin/ bla ma zla bzang/ bla ma chos rgyan/ rgya ra sangs rgyas ye shes sogs mang yang rang skya thon pa brgya dang bzhi bcu so sos chos sde dang bstan bcos mdzad tshul sogs gsungs pa ltar yongs grags kyi bu slob rags rim gyi dbang du mdzad pa de rnams yin la/ yang ne ring pa 'chi med rab rgyas kyis mdzad pa'i rnam thar gser gyi mchod sdong du/ gong du 'khod pa de dag gi nang nas kyang da dung ches mchog tu gyur pa'i skyes chen bdun bcur longs pa tsam sde tshan nyi shur bsgril nas de dag so sor lo rgyus mdor bsdus 'ga' re dang bcas gsung 'dug pa rnams kyang de nang ltar 'dir phyogs gcig tu bkod na/ thog mar sde tshan 'tshoms kyi dbang du na rnam thar de nyid las/ de yang rje tsong kha pa chen po'i bstod pa tsong kha ring mor/ lhun po'i drung na gser gyi ri bdun ltar/ /'gran zlas dben pa'i thugs kyi sras bdun zhes/ /yi dam lung bstan thob pa'i tsong kha pa/ /zhes gsungs pa dang/ lho brag grub chen gyi lung bstan dang rnam thar las byung ba ltar/ lung bstan rnam dag yod pa'i thugs sras bu chen bdun/ sngon dus bya bral mdzad dus kyi phyag phyi ba blos btang brgyad/ sku snyun dus snyun g.yog dang sku rim rkang tshugs mdzad pa'i bu chen bdun/ gdan sa'i lugs gnyis spel ba'i bu chen mkhas grub brgyad/ @593 yi ges thugs zin pa'i bu chen gsum/ 'phrin las rtsod pa med pa'i bu chen gsum/ sgrub pa gtso bor mdzad pa'i bu chen rtogs ldan gyi mtshan can bzhi dang/ ri sgrub pa gnyis/ gzhung lugs rab 'byams mkhyen pa'i mkhas mchog gnyis/ stod smad kyi shes rab bzang po rnam gnyis/ byang sems rnam gnyis/ sems dpa' rnam gnyis/ grags pa rnam gnyis/ bka' babs kyi bu chen drug /sde dpon grub thob kyi bu chen rtsod med gsum/ rigs rus khungs btsun gyi mkhas grub rnam pa gsum/ rgyal tshab bstan 'dzin gyi bu chen rin po che rnam pa gsum/ sde dpon thugs grol gyi mkhas pa gcig /bya btang sbas pa'i grub thob gcig /mkhas mchog yongs grags kyi chos rje gnyis/ bya btang yongs grags kyi grub thob gcig /ces pa tsam gyis tshoms brjod nas/ zhes gsungs/ de dag so sar bshad na/ dang po lung bstan rnam dag yod pa'i thugs sras bdun ni/ rin po che rnam pa gsum/ rtse shar gnyis/ rtogs ldan gnyis te bdun po yin par gsungs pa'i rin po che gsum ni/ rgyal tshab rin po che dar ma rin chen/ 'dul 'dzin rin po che grags pa rgyal mtshan/ mkhas grub rin po che dge legs dpal ba gsum/ rtse shar gnyis ni/ byang rtse chos rje nam mkha' dpal dang/ shar rtse chos rje rin chen rgyal mtshan gnyis/ rtogs ldan gnyis ni/ rtogs ldan 'jam dpal rgya mtsho dang/ rtogs ldan nam mkha' shog ral gnyis so/ /de dag la lung bstan rnam dag yod tshul ni/ sngags lugs kyi sbyor lam chen po'i rtogs pa rnyed pa'i lung bstan yod cing/ brnyes pa yang yin par gsungs/ der ma zad sngar gong du bkod pa'i rje nyid bsnyel ba las cung zad dwangs pa'i skabs rje btsun @594 'jam dbyangs dngos su byon nas/ da phyin chad bskyed rdzogs kyi rnal 'byor nyams su bzhes pa la 'grus par mdzad na sngags bla med kyi rtogs pa khyad par can myur du thugs rgyud la 'khrungs shing/ slob ma skal bzang bdun la'ang lam gyi rtogs pa khyad par can re skye bar 'gyur ro zhes lung bstan pa dang/ rje rtogs ldan pa chen po'i mnal lam du/ rje rin po che'i mchod rten yin zer ba cha tshad yongs su rdzogs pa rtse mo sprin gyi seb na sleb pa zhig gi drung na/ de la nye bar bskor ba'i mchod rten bdun snang bar mkha' 'gro ma rnams kyis de thams cad gang zag 'di dang 'di'i yin zer zhing bdun ka la sku dkar gsol/ yang mchod rten gcig gi gos zhig 'dug pa der gsol zer ba la; da lta mchod rten ma byung bas mi gsol/ byung nas gsol zer ba'i sku dkar gsol ba'i mchod rten bdun ni gong gi lung bstan brnyes pa'i bu chen bdun po dang/ gcig rjes su byung nas gsol zer ba ni thams cad mkhyen pa dge 'dun grub de skabs rje'i zhabs drung du phebs ma zin cing/ de rjes 'on bkra shis do khar phebs skabs zhabs zin te sras kyi thu bor gyur pa de'i mtshan ltas su mngon te de ltar na lung bstan brnyes pa'i thugs sras brgyad du'ang 'dren rigs so/ /yang/ 'dren tshul gcig la rje bdag nyid chen pos gsang ba 'dus pa'i dbang gnang ba'i slob ma mkhas grub dge legs dpal/ rtogs ldan 'jam dpal rgya mtsho/ gnas brtan bzang skyong ba/ bla ma brtson rdor ba/ sog tsha yon tan dpal/ rtogs ldan byang seng ba/ lho pa nam mkha' bzang po ste bdun la ngos 'dzin grangs 'dren mdzad pa yang yod 'dug par/ de dag kyang dbang gi snod ldan bka' bab tu yi dam lhag pa'i lhas lung bstan par nges na/ lung bstan rnam dag yod pa'i bu chen @595 bdun zhes pa la bdun tshan de gnyis char 'dren chog par sems so/ /7gnyis pa bya bral mdzad dus kyi blos btang brgyad ni/ gong du bkod pa'i 'khor dag pa rnam brgyad du grags pa'o/ /7gsum pa snyun g.yog mdzad pa'i bu chen bdun ni/ rgyal tshab mkhas grub rnam gnyis/ rtse shar gnyis/ chos kyi rje shakya ye shes/ bshes gnyen legs bzang/ chos rje gzhon nu rgyal mchog rnams yin/ de'i nang nas chos rje gzhon nu rgyal mchog de sku gzhon pas mchod g.yog rang mdzad pa yin ces grags/ 7bzhi pa gdan sa'i lugs gnyis spel ba'i bu chen mkhas grub brgyad ni/ rgyal tshab chos rje/ mkhas grub chos rje/ zha lu cog chung ba chos rje legs pa rgyal mtshan/ byang rtse chos rje blo gros brtan pa/ zab sbyor ba chos rje blo gros chos skyong/ ba so chos rje chos kyi rgyal mtshan/ chos rje smon lam dpal 'byor blo gros/ chos rje dbon blo bzang snye ma rnams las dang po bdun la 'jam dbyangs gtsang pa bdun brgyud du grags shing/ yi dam gyi lung bstan yod par snang/ brgyad pa 'di rje 'di nyid kyi gdung chos gnyis ka'i thad nas bu chen gyi gtso bo bgrang chog pa yin par gsungs/ yang 'ga' zhig gis gong gi gdan sa mdzad pa de thams cad kyis rje nyid la chos dngos su gsan pa'i nges pa med pas chos 'brel ma gsan pa rnams bu chen du mi bgrang gsungs yang/ byang rab chos rjer grags pa rje smon lam dpal ba ma gtogs pa'i gzhan rnams kyis rje nyid las dngos su chog gsan cing/ rje smon lam dpal bas kyang mnal lam du gsung chos gsan pa dang/ gdan sa'i lugs gnyis rnam dag bzung bas bu chen du bgrang chog ces ni ring 'chi med pa nyid kyis gsungs/ 7lnga pa yi ges thugs @596 zin pa'i bu chen gsum ni/ grwa dgon dka' bzhi ba rin chen dpal/ g.yag sde pa bsod nams dpal bzang/ sdom brtson blo gros grags pa gsum yin/ thugs zin zhes pa'i don/ rje thams cad mkhyen pas mdo sngags kyi yig cha thugs rtsom che chung stobs che bar mdzad pa rnams kyi rtsom stan rnams thog mar 'bri ba dang/ de la yang zhal shus du ma mdzad de 'ga' zhig gzims khang du 'jog cing/ la la bu chen so sor gnang ba sogs rang rang gi thugs bzhed bzhin ngal med du 'bri bar mdzad pa dang/ yig ris kyang du ma mkhyen pa ma zad brda' dag dang/ gcod mtshams 'bri lugs sogs shin tu mkhas pa la brten nas rje yang lhag par thugs mnyes pas zab chos du ma gnang ba yin par grags/ 7drug pa 'phrin las rtsod med kyi bu chen gsum ni/ byams chen chos kyi rje shAkya ye shes/ paN chen rin po che dge 'dun grub/ 'dul 'dzin chos rje grags pa dpal ldan gsum yin la/ rtsod pa med tshul ni/ chos rje shAkya ye shes ni/ shar rgya nag rgyal po dpon blon sogs la dbang bskur zhing chos gsungs te rjes su bzung ba dang/ dbus su se ra'i dgon pa 'debs skabs rgya'i rgyal po rang gis sbyin bdag mdzad pa dang/ gtsug lag khang du bka' 'gyur rnams par yongs rdzogs dang/ rgya 'phan khyad tshar ring thung brgya skor/ mgon khang du mda' dar mang po sogs phul ba dang/ chos rje rang la gos chen sogs las grub pa'i rgya gur ya mtshan can phul ba rje bla ma'i dngul gdung chen mo'i bzhugs khebs su phul rjes/ yang chu shel rnam dag las grub pa'i gur phul ba sogs sri zhu bkur sti tshad med du zhus shing/ dus phyis kyang rgya yul na chos rje de nyid kyi slob brgyud dang/ chos brgyud/ dgon @597 gnas sogs mang po yod par grags/ 7thams cad mkhyen pa dge 'dun grub kyis ni gdan sa bkra shis lhun po btab ste de nyid du dge 'dun stong phrag re tsam nas/ brgya phrag gnyis tsam gyi bar la phar tshad dbu gsum dang/ 'dul mngon gnyis sogs kyi bka' pod che chung mang po'i Ti ka dang/ thal 'phreng/ spyi don la sogs pa zhib rgyas su gsungs pa'i sgo nas 'chad nyan dang/ rtsod grwa rnam dag 'dzugs par mdzad/ gzhan yang bka' gdams glegs bam dang/ rje yab sras kyi rnam thar/ gsung 'bum sogs kyi lung dang/ blo sbyong gi khrid sogs tshogs chos dang zur chos ci rigs su gnang zhing/ sngags kyi dbang lung khrid sogs gdams pa mang po yang bu chen du ma la zur chos su stsal/ rje btsun byams mgon gyi sku brnyan thog tshad ma sogs sku rten dang/ bka' 'gyur sogs gsung rten/ logs bris che chung sogs rten gsum mang du bzhengs shing/ de dag la mchod rdzas rgya cher 'bul sbyor mdzad/ tshogs chen du lung rig gi slob grwa dang/ 'dul ba'i phyag len spyi dang/ khyad par du gzhi gsum gyi cho ga sogs 'dzugs par mdzad pa la brten nas chos rje rin po che stobs 'byor gnyis la sogs pa'i zur chen bzhi dang/ grwa tshang bzhi/ slob cung mang po dang bcas pa 'phel te/ stod smad kyi chen po phal che ba yang thugs dad pa'i sgo nas bsngags brjod rgya cher mdzad pa sogs 'phrin las 'byams su klas/ 7rin po che 'dul 'dzin grags pa dpal ldan gyis ni/ mtho ba mang yul dang nub ra nas/ dma' ba tsA ri'i bar gyi sa cha mang por phebs te sde bdag dang/ dpon chen du ma dang/ grwa dgon gyi bla dpon mang po/ chos kyi rje chen po du ma dang/ @598 bla phran rab 'byams dka' bcu 'dzin pa mang po ste/ mdor na ser mo ba dang skya bo'i tshogs du ma la rang rang gi 'dod pa dang mthun pa'i chos dang byin rlabs gnang zhing/ stod smad bar gsum du 'dul ba'i bslab khrims dang lag len dar so che bar mdzad pa dang/ sgrub sde dang 'dul grwa du ma btsugs par mdzad pa las 'dul 'dzin grags pa dpal ldan lta bu'i 'dul 'dzin shin tu dkon zhes dang/ mkhas grub rnam dag yin pa'i snyan grags phyogs kun tu khyab pa sogs bstan pa la mdzad pa phyag rjes ches shin tu che ba zhig go /7bdun pa sgrub pa gtso bor mdzad pa'i bu chen rtogs ldan gyi mtshan can bzhi dang/ ri sgrub gnyis las/ rtogs ldan bzhi ni/ rtogs ldan 'jam dpal rgya mtsho/ rtogs ldan byang seng pa/ rtogs ldan nam mkha' shog ral/ rtogs ldan sgrub pa dpal te bzhi yin/ ri sgrub gnyis ni/ ri mi 'bab pa'i bsod nams rin chen dang/ sgrub brtson dar ma rin chen gnyis yin/ de dag las rtogs ldan sgrub pa dpal ni ne ring gi zur chen gcig yin pa dang/ sgrub pa rgyun ring mdzad tshul/ ne ring pa'i mes po rnams kyi bla ma bka' drin che shos yin tshul sogs ne ring rje 'chi med pa'i gsung las byung/ brgyad pa gzhung lugs rab 'byams mkhyen pa'i mkhas mchog gnyis ni/ gzhung lugs mthar thug smra ba 'bras spungs 'jam dbyangs chos rje bkra shis dpal ldan pa dang/ gzhung lugs brgya phrag smra ba chos rje shar ston dpal ldan rin po che gnyis yin/ de'i nang nas 'jam dbyangs chos rje ni 'bum rgyas pa rang la po sti gcig tu byas pa'i po sti brgya dang drug rdzogs par thugs thog nas 'chad pa dang/ yang po sti che chung brgya dang brgyad thugs thog nas 'chad thub pa sogs yod par snang/ dgu pa @599 stod smad kyi shes rab bzang po gnyis las stod kyi chos rje shes rab bzang pos ni mnga' ris skor gsum spyi dang/ khyad par mang yul/ nub ra sogs su dgon pa mang po btab cing grwa pa bzang po tshugs nas da lta yang 'phrin las kyi rgyun yod pa dang/ rgyal po mi chen mang po'i bla ma mdzad pa yin/ smad kyi chos rje shes rab bzang po ni rgya bod gnyis kyi bar du 'phrin las che zhing/ rgya lam la kha'i dgon zhes pa da lta chab mdo dgon par grags pa btab cing/ grwa tshogs kyang shin tu che ba rten gsum sogs 'dzin dbang bzang po dang/ mang ja bskol re la yang ja sig re 'debs pa sogs longs spyod kyang che bar grags/ bcu pa byang sems rnam gnyis ni/ byang sems bde mo thang pa blo gros rgyal mtshan dang/ byang sems chos dbang grags pa gnyis yin/ dang pos ni bde mo thang du dgon pa btab ste 'dus grwa rnam dag btsugs pa dang/ rje rang bugs sgo dar yol ma la brten pa'i sku tshe ril po bskyel zing/ thugs mkhyen yang thogs med du mnga' bar snang/ gnyis pas ni mdo smad phyogs su sgar tshugs rgyun du bcas nas byon zhing/ 'khor du sprang po ngan long kho nas bskor te byon/ gur mo che'i nang du bzhugs gral mdzad dus gung gral dang sku thag nye bar sprang po'i nang nas kyang kha zhan pa dang/ dbang chung ba sogs skyo ba rnams 'jog pa dang/ mdor na de thams cad la zas nor gos gsum gyi sgo nas 'tsho skyong dang phan 'dogs bzang po mdzad/ mi rnams kyis skyugs bro tshul sogs zhus kyang mdo lung sogs nas drangs pa'i lo rgyus dang bshad pa du ma mdzad cing/ da dung rtag par thugs rtsigs che bar mdzad pa zhig yin/ bcu gcig pa sems dpa' gnyis ni/ sems dpa' chen po @600 gzhon nu rgyal mchog dang/ sems dpa' chen po kun bzang pa gnyis yin/ dang pos ni la stod byang du byon/ byang bdag po dkon mchog legs pa sku mched kyi mchod gnas dang bla ma mdzad/ ngams ring byams chen gyi lha khang 'du khang dang bcas pa bzhengs pa'i bdag rkyen dang/ byams phrug tu grags pa'i btsun gsar lnga brgya nyin gcig la 'dzugs pa'i mkhan po mdzad/ chos sde smon lam chen mor grags pa'i chos spyod kyi khrigs dang/ 'dul ba'i grwa dang bslab khrims/ phar tshad dbu gsum gyi rtsod grwa bzang po 'dzugs pa'i zhal bkod dang phyag len rnam par dag pa mdzad/ dus der bsod nams chen po mkhas btsun par grags pa dang/ sa dge gnyis ko long chung ba la brten nas ngams ring chos sde'i smon lam chen mo'i zhal 'don du yang rje tsong kha pas mdzad pa'i lam rim brgyud 'debs dang/ byams bstod zab yang ma dang/ smon lam thog mtha' bar dge rnams 'dzugs par mdzad/ chos rje rang gis kyang tshogs su chos spyod kyi mjug la sa dge gnyis khyad med du mdzad pa yun ring po'i bar du byung/ phyis su go rab pa byon pa man chad ngams rings pa ko long dam du song bas chos spyod de tsho chag 'dug ces rje 'chi med pas gsungs/ gzhan yang sems dpa' chen po des bka' gdams lam rim du grags pa'i blo sbyong chen mo po sti che ba gnyis gsung rtsom mdzad/ dbus gtsang stod smad bar gsum du grags che zhing rje tsong kha pa'i dgongs pa dang yang shin tu mthun pa sogs mdor na lugs gnyis mnga' thang mtho zhing/ don gnyis rnam dag 'grub pa'i skyes bu chen po yin par 'dug /sems dpa' de ri bo dga' ldan du bzhugs mus nas stod phyogs la 'byon grab yod pa'i dus nyin gcig thugs dgongs la/ ngas bla ma @601 rje rin po che 'di lta bu dang yang yang mjal ba dka'/ 'di lta bu rnyed par dka' ba'i bla ma yin dgongs bka' drin rnams dran nas 'bul ba che chung du ma mdzad cing/ khyad par dga' ldan du tshogs chos gsungs pa'i cho sa rdo dang 'byims pa las grub pa'i maNDal chen po sa 'byar ma zhig yod pa la bcos dang zhal ba legs po byas nas/ ri mo mkhan mkhas pa zhig la/ gser zho btul ma brgya tsam gyi gser bzang po sra rtsi dang bcas gsol du bcug nas phul ba'i tshe/ gser ljang brdungs las grub pa'i maNDal lta bu shin tu legs pa zhig byung bas rje'i thugs lhag par mnyes te/ rten 'brel bzang/ bla ma dka' bcu pa la stod phyogs su don gnyis kyi 'phrin las rgya chen po 'grub par 'dug ces lung bstan bzang po mdzad pa de de bzhin du byung bar snang/ gnyis pa ni sems dpa' chen po kun bzang pa ni rtses dang sogs su 'phrin las che zhing/ thams cad mkhyen pa dge 'dun grub kyis kyang bla mar bkur ba sogs rtsod med kyi skyes bu yin par snang/ 7bcu gnyis pa grags pa rnam gnyis ni; stod kyi ngag dbang grags pa dang/ smad kyi ngag dbang grags pa gnyis yod tshul gsal yang/ stod kyi 'di la chos dbang grags pa zer ba las/ ngag dbang grags pa mi zer zhes la la gsung ba ltar zhang zhung chos dbang grags pa zhes pa de yin par mdzad kyang 'ga' zhig gis zhang zhung pas mnga' ris su byon pa'i lo rgyus mi gsal bas gu ge ngag dbang grags pa yin 'dra zhes gsungs/ de ni stod phyogs su gu ge rgyal po sogs kyi bla ma mdzad pa sogs 'phrin las shin tu che zhing/ ne ring pa bde legs mgon po grub la yang chos 'brel sogs gsan par grags/ gnyis pa smad kyi ngag dbang grags pa ni tsha kho mkhan chen ngag dbang grags pa de nyid yin/ @602 'dis ni rje bdag nyid chen por 'jigs byed dpa' bo gcig pa'i mngon rtogs mdzad pa'i bskul ba bo yang mdzad/ khams phyogs su 'phrin las che zhing dgon pa khyad par can lnga btab/ de dag tu mdo sngags kyi 'chad nyan dang 'dul ba'i bslab khrims rnam dag 'dzugs par mdzad/ 'ga' zhig gis dgon pa'i grangs 'di las mang ba yang btab par bshad la/ da lta rgyal rong khul du yod pa'i da tshang dgon pa zhes pa 'di dgon pa btab rgyu'i grangs tshang ba'i mtha' ma de la da tshang zhes 'dogs par mdzad pa yin ces zer rgyun la 'dug /7bcu gsum pa bka' babs kyi bu chen drug ni/ rgyal tshab rin po che la phar tshad sogs mdo phyogs kyi skor du ma dang/ sngags chog dus 'khor dang/ bde mchog gi rdzogs rim gtso che ba'i bka' bab/ 7 'dul 'dzin rin po che la 'dul ba'i bshad pa dang lag len/ gshin rje gshed dmar nag sogs kyi bka' bab/ mkhas grub rin po che la dpal dus kyi 'khor lo'i rtsa rgyud 'grel chen dang bcas pa'i bshad bka' sogs bka' bab/ mkhas grub shes rab seng ge la dpal gsang ba 'dus pa'i rgyud kyi bshad pa bzhi sbrags su grags pa dang/ gzhan yang gsang bde'i bskyed rdzogs sogs bka' bab/ la stod b+hu Da'i chos rje kun mkhyen kun dga' dpal la rje nyid kyis tsA rir 'khor lo bde mchog nyid las dngos su gsan pa'i dril bu lus dkyil gyi dbang bzhi yongs rdzogs kyi bka' bab/ rwa sgreng gi rje btsun rgyal mtshan grags bzang la rje sa skya pa dang/ bu ston sogs nas brgyud pa'i bde mchog dril bu lus dkyil gyi dbang bzhi dang/ dril bu rim lnga'i khrid gyi bka' bab pa ste drug po de dag yin no/ /7bcu bzhi pa sde dpon grub thob rtsod med kyi bu chen gsum ni/ 'bri khung rin po che don grub rgyal po/ @603 phag gru spyan mnga' bsod nams grags pa dang/ bsod nams rgyal mtshan gsum las 'bri khung rin po ches ni/ rje tsong kha pa la bla ma lnga bcu pa'i Ti ka mdzad dgos kyi bskul ma gnang zhing/ gsung chos kyang la las mdo sngags kyi chos du ma khroms chos su gsan zer ba dang/ la las gsang thabs su gsan zer ba ci rigs yang don du gsung chos du ma zhig gsan cing/ de bzhin du spyan mnga' bsod nams grags pas kyang chos bka' du ma gsan/ rin po che bsod nams rgyal mtshan gyis ni dbang lung khrid mang po dang/ khyad par du nA ro chos drug gi khrid zab rgyas gsan cing/ nyid rang gis mdzad pa'i chos drug gi khrid yig bde chen gsal ba'i nyi ma 'od zer stong ldan zer ba'i dbu dang mjug na rje bdag nyid chen por bsngags brjod tshad med dang/ dris lan baiDUrya'i 'phreng bar/ bka' drin che shos kyi bla ma gsum gyi nang nas gcig rje tsong kha pa yin ces gsung bar grags/ bco lnga pa rigs rus khungs btsun gyi mkhas grub gsum ni/ rngog pa rin po che rin chen dpal bzang/ gnas rnying rin po che rin chen don grub/ ne ring rin po che bde legs mgon po grub rnams yin/ dang po ni/ rngog chos sku rdo rje'i gdung brgyud rnam dag ste/ gdung rabs bcu gsum gyi bar rdo rje dril bu 'dzin shes pas chog par lung bstan pa'i nang tshan bcu gcig pa tsam yin tshod kyi mkhas grub rnam dag zhig byon par snang/ 'ga' zhig gis rje thams cad mkhyen pas kyang rngog pa'i rin po che de nyid la rngogs lugs kyi chos skor mang po gsan nam gsung ba yod par 'dug /gnyis pa dang/ gsum pa gnyis ni ne ring gi chos brgyud kyi rnam thar rnams su lo rgyus gsal bar yod par snang la/ nang tshan ne ring bde legs mgon po grub kyis rje @604 tsong kha ba dang mjal tshul dang/ ston pa'i gser sku mi tsam zhig bzhengs pa'i thugs kar rje tsong kha pa'i bur rtags shangs sbugs nas byangs sems dkar dmar byon pa sku la bkab pa'i stan khebs bzang ba zhig la gos pa bzhugs tshul sogs bde legs mgon po'i rnam thar rang rtsom na gsal tshul ne ring pa rje 'chi med pas gsungs/ bcu drug pa rgyal tshab bstan 'dzin gyi bu chen rtsod med rin po che gsum ni/ rgyal tshab rin po che/ 'dul 'dzin rin po che/ mkhas grub rin po che gsum yin/ 7bcu bdun pa sde dpon thugs grol gyi bu chen gcig ni/ sde dpon byang bdag po'i zhal ngo dang/ yum gcig nges pa'i bdag po nam mkha' dpal lam/ ma gcig dbon por grags pa de yin/ chos rje 'di nyid mkhas par gyur nas bzang ldan chos sde'i mkhan po mdzad/ rje tsong kha pas ngams ring du rje re mda' ba la chos gsan pa sogs kyi tshe ma cig dpon pos kyang rje la chos mang du gsan/ de dag la brten nas rje'i gsung 'bum thor bur/ ma gcig dpon po de la 'di skad gdams/ /zhes sogs zhal gdams yang stsal bar snang la/ chos rje 'di nyid ri bo dge ldan pa'i chos la yang mkhas pa zhig yin par grags so/ /7bco brgyar pa bya btang sbyas pa'i grub thob gcig ni/ khams pa grags bzang ba zhes pa de yin la/ 'di ni phug sgo 'dag sbyar du brtsigs pa'i sku mtshams dam po'i ngang nas mdo sngags kyi lam spyi dang/ khyad par rje bdag nyid chen pos bstan pa'i sngags bla med kyi rim gnyis la nyams len rnam dag mdzad pa la brt4en nas dngos grub rnam gnyis sku tshe 'dir 'grub tshul rje 'chi med pas mdzad pa'i chos drug dang/ rgyud kyi gsung bgros rnams su yod par gsungs/ 7bcu dgu pa mkhas grub @605 yongs grags kyi chos rje gnyis ni/ chos rje rin po che yid bzang rtse ba dang/ 'dul 'dzin chos rje ngag gi dbang po gnyis yin pa'i dang po ni/ dbus phyogs su 'phrin las che zhing/ ri rtse zhig tu sgrub gnas btab nas bzhugs pa'i tshe/ gzhan gyis gnas 'di la mtshan ji skad zer lags zhus pas/ sa 'dir bsdad cing bsgom pa skal ba bzang bas skal bzang rtse ru thogs zhes dang/ yang/ yid la bsam pa bzhin ri rtse 'dir bsdod gnas bzang ba zhig byung bas yid bzang rtse ru thogs zhes gsungs pa las/ mtshan chos rje skal bzang rtse pa'am/ yid bzang rtse par grags pa yin kyang/ dus phyis dpe la lar ye bzang rtsa pa zhes bkod pa ni brda' skad nor bar mngon/ yang phyogs gcig nas gdung 'gos yin pa dang/ lo tsa ba mkhas par mkhyen pas 'gos lo tsa bar grags shing/ gzhan yang chos rje gzhon dpal ba dang/ chos rje 'jam dbyangs rin chen dang/ rnal 'byor 'jam dbyangs rin chen du yang grags/ zhal ras spob hril le ba yod pa dang/ zhabs brdar ba la brten nas mkhan chen spob brdar ba yang zer/ 'dis ni rje bdag nyid chen po la gsung chos gsan zhing/ tsa ba'i bla mar 'dzin pa yin ste kho rang gi gsung mgur las kyang/ skyabs gnas yid bzhin nor bu/ /rje btsun blo bzang grags pa/ /rtse gcig gsol ba 'debs so/ /zhes sogs gsung pa yin/ gnyis pa 'dul 'dzin chos rje ngag gi dbang po ni/ rje mi la'i sgrub gnas la phyi/ mnya' rnam sogs su bzhugs shing stod phyogs su 'phrin las che/ rje 'di la mnyam med shar rab 'byams par grags pa'i grub thob de nyid kyis kyang ras chung snyan brgyud kyi khrid lung man ngag dang bcas pa gsan pa dang/ gtsang smyon pa sangs rgyas rgyal mtshan sogs @606 kyi'ang bla ma mdzad nas snyan brgyud yi ge bzhi pa sogs gsung ste bstan pa dar rgyas su mdzad/ rje tsong kha pa'i slob ma yin lugs ni/ 'dul 'dzin rang gi rnam thar na/ bla ma rin po che rnam bzhi zhes pa paN chen phyogs las rnam rgyal/ rgya mtsho'i dbang phyug chos skyong rgyal mtshan/ rje tsong kha pa chen po/ rje'i slob ma rtogs ldan sgrub pa dpal dang bzhi la ngos 'dzin mdzad pas so/ /7nyi shu pa bya btang yongs grags kyi grub thob gcig ni/ rgod phrug ras pa'am/ rgod phrug chos rje grags pa 'byung gnas su grags pa de yin/ de yang rje tsong kha pa dge ldan gzims khang na bzhugs dus nyin gcig sku 'khor rnams la/ de ring skyes bu khyad par can zhig 'byon pa yod pas so tshugs shig gsungs pa la/ ji ltar lags zhus pas/ rgyal ba rgod tshang pa chen po'i rnam sprul 'byon pa yod gsungs/ sku 'khor rnams kyis nyin gang so btsugs par mthong rgyu ci 'dra 'dug gsung pa la/ nyi ma ri rtser 'gro ba tsam gyi bar 'byon mi su yang ma byung/ shar ri mang po'i rtse la nyi ma ser lhag lhag 'gro ba'i tshe/ dge bshes bya bral ba'i tshul can/ gzan nyis sprug dang sham thabs gyon pa/ dka' ba spyad pas sku sha rnams ser sing nge/ srab tshom mer song ba zhig thogs med du gzims khang sgo drung du phebs pa sku 'khor tshos rig ste rje la zhus pas/ de ltar na khong la cung zad cig bzhugs par zhus las spos sna rtsom shog gsungs/ rje nyid rang yang na bza' gzan rkyang mdzad nas myur stabs su phebs te/ sgo phyi nas spos sna dang bcas bsu ba mdzad de nang du spyan drangs/ bzhugs gdan mthon po la 'jog pa sogs bkur sti che brjod shin tu che bar mdzad/ rje'i drung du bya bral de nyid kyis @607 gsung chos du ma zhus te slar theg /rjes su rtsad bcad pas rgod phrug ras par grags pa de nyid yin par nges shing/ de gong nas mkhyen rtogs dang 'phrin las che bar yod kyang/ de phyin chad da dung mkhyen rtogs shin tu rgyas shing 'phrin las tshad med par byung/ yar lung shel brag sogs su gcod kyi thugs dam gtso bor mdzad cing slob ma yang mang du 'dus/ gcod khrid chen mor grags pa thugs rtsom mdzad pa par du grub pa lam khrid chen mo zhes stod smad bar gsum du shin tu dar/ sde bdag dang dpon chen du ma'i bla ma dang mchod gnas mdzad/ gcod grwa gnang ba'i tshe cog pu phub pa rang yang brgya phrag du ma byung bar grags/ lo rgyas 'di rnams gong dkar grub chen kun dga' bkra shis sam/ ras chen kun dga' bkra shis su grags pa de nyid ni rings su byon te/ rje 'chi med pa'i gcen po chos rje mtsho skyes rdo rje dang phan tshun chos gsan res mdzad dus khong rang gis rje 'chi med pa la zhib par gsungs shing/ gzhan gyis gsungs pa yang cha tsam tshor zhes rnam thar gser gyi mchod sdong na gsal/ de yan gyis bu slob sde tshan sa bcad du mdzad pa rnams kyi lo rgyus mdor bsdus song nas/ gzhan yang rnam thar gser gyi mchod sdong las/ yang 'bri khung gi chos sgo ba bkra shis rin chen dang/ phag gru'i chos sgo ba 'jam dbyangs kha che'am/ 'jam dbyangs bsod nams dpal du grags pa de gnyis kyang rje tsong kha pa'i bu chen yin pa la brten nas chos sgo ba gnyis su grags shing/ bu chen gyi grangs su'ang 'dren pa dang/ 'bri khung chos sgo bas bla ma lnga bcu pa'i Ti ka mdzad pa'i bskul ma zhus shing/ 'jam dbyangs kha ches rje tsong kha pa la/ ka la pa dang tsong kha ring mo sogs bstod pa che chung brgyad cu phul tshul dang/ @608 des mdzad pa'i rje'i rnam thar shin tu rgyas pa zhig kyang 'dug tshul thos/ zhes dang/ yang de nyid las/ rdo rje 'dzin pa shes rab rgyal mtshan dang/ gnas brtan shes rab bkra shis gnyis kyang rje'i slob ma yin tshul dang/ dge ldan paN chen du grags pa chos rje shAkya shrI dang/ rong po chos rje blo bzang grags pa dang/ sde pa dpon po rnams kyi yang bla ma yin tshul dang/ yang mad phyogs kyi phye tshul la brten nas dbye na phar tshad dbu gsum mkhyen pa'i dge bshes rang yang brgya phrag du ma byon pa dang/ tshal mig dka' bzhi pa dang/ gra dgon dka' bzhi pa sogs dka' bzhi'i mtshan can mang po dang/ rgyal tshab dka' bcu dar ma rin chen dang/ dka' bcu gzhon nu rgyal mchog /dka' bcu dge 'dun grub/ lhu la ba dka' bcu legs pa sogs dka' bcu'i mtshan can mang po dang/ sgom pa gung ru dang/ sgom pa graD rin sogs sgom chen ku sA li mang po dang/ gzhan yang dga' skyor zul gsum gyi mkhan po dang/ gsang bde gung gsum gyi mkhan po/ de dag gi grwa tshang so so'i che bgres slob dpon la sogs te dge bshes dang/ 'dul 'dzin dang/ gnas brten che che mor gyur pa mang po yang rje'i slob ma yin tshul dang/ yang chos rje rin po che rdo rje 'chang chos ldan rab 'byor du graD pa de nyid la yang dbang lung du ma gnang ba'i slob mar gyur pa la brten nas g.yas ru byang dang/ mnga' ris sogs su ri bo dga' ldan pa'i bstan pa spel ba dang/ ne ring zur chen dbu ma pa sangs rgyas dpal gyis rje rin po che tsong kha pa las spyir gsung chos du ma dang/ khyad par dbu ma'i lta khrid sogs gsan pa la brten nas dbu ma par graT pa dang/ rje rang gi bla mar gyur pa lho brag grub chen la'ang gsungs chos du ma gsungs pa nges can dang/ de la brten nas @609 lho brag pa'i grub chen phal mo che yang rje'i slob mar gyur tshul/ yang nged kyi mes por gyur ba bde legs mgon po grub kyis rje dang mjal ba sogs la brten nas ne ring bum 'dzin rtogs ldan rin po che smon lam bkur shis dang/ dka' bcu 'jam dbyangs bzang po sogs kyang slob mar gyur pa dang/ yang/ rje rang gi bla ma rje btsun re mda' ba chen po dang/ rtogs ldan dpa' bo rdo rje gnyis la yang chos du ma phul ba dang/ yang jo gdan bsod nams lhun grub ces pa khrid gnyer du bskos nas slob ma rnams la khrid du ma mdzad pa dang/ gung ru rgyal bzang zhes pa'i mkhas pa de nyid la dbu ma'i lta khrid gnang ba la brten nas dge ldan pa nang du lta khrid mi 'dra ba cung zad byung ba dang/ chos rje ngor chen pas kyang rje tsong kha ba la chos gsan tshul dang/ sgra pa chos bzang pa la sogs pa yang slob ma yin tshul yod de zhib cha ma spros/ mdor na slob ma che chung gi rim pa byon tshul spyi dang/ khyad par du bu chen grags can byon tshul dang/ dbus gong ma chen po sogs sde dpon che chung mang po yang slob mar gyur pa dang/ lugs gnyis kyi che thang byung tshul sogs ya mtshan pa mang po zhig 'dug ste/ nad pa 'chi med pa na yun ring zhing na zug ches pas ma nus pa dang/ blo rgya che bar 'gro bas spros pa bzhag /gong gi bu chen tsho la zlos pa lta bu'i skyon 'dug snyam pa srid na/ phral snang du 'dra mo 'dug kyang dus tshod dang gnas skabs la brten nas tha dad du 'dren lugs byas pas skyon med pa dang/ grangs kyi 'dren lugs so so ba yang sngon dus su byung ba dpe na 'dug pa dang/ thams cad kyi go gcig gis chod pa'i dpe dang/ gsang bde 'jigs gsum sogs kyi dbang lung brgyud pa du ma la'ang grub thob re res go sa du ma 'dzin cing/ @610 chos so so spel tshul yod pa ltar yin pas log rtog ngan pa byed mid gos so/ /zhes dang/ yang 'di ltar gsungs te/ de ltar mkhas grub dam pa rje btsun tsong kha pa chen po de nyid kyis/ bstan pa'i khang bzang dam pa la/ /rgyal tshab rje la sogs pa yi/ /bu chen rnam grangs byon pa la/ /rin chen bkris tog ltar mdzes/ /bka' babs yod rnams dar tshul 'dra/ /rtogs ldan brgyad po phyogs mtshams su/ /dar gyi 'phan gdugs rgyal mtshan dang/ /mchod sprin sna tshogs bkod pa 'dra/ /'phrin las rtsod med gsum la sogs/ /rgyal bo mnga' thang gshams pa 'dra/ /mdor na zur chen chen po dang/ /las 'dzin bu slob mang po yis/ /logs la zhon pa'i rgyan btsal des/ /khang bzang la ni dkrigs pa 'dra/ /de ltar bstan pa'i khang bzang mchog / 'dzin pa'i bu chen thams cad kyang/ /lha yis sprul pa'am mi yis bsgrigs/ / sangs rgyas kyis ni sprul pa'am/ /gang ltar yin kyang ya mtshan ni/ /che che thams cad bsdus pa bzhin/ /gyur pa'i ngo mtshar khang bzang ngo/ /bstan dang bstan nyi'i khang bzang 'di/ /shes rab can gyis mthong gyur na/ /legs legs 'dra ste legs kyang legs/ /dad gus can gyis mthong gyur na/ /mdze mdzes 'dra dang dro dro 'dra/ / yin yang de ga bzhin du yin/ /shes rab med dang dad pa med/ /log lta can dang phyogs ris can/ /rnams kyis bltas kyang mi mthong zhing/ /legs mdzes la sogs med med 'dra/ /de ltar 'dug pa'i skal med dang/ /dam nyams rnams kyis mig bltas kyang/ /log rtog bad kyi ling tog gis/ /rang gi mig sgribs ma mthong ba/ /mkhris nad mig gis dung mthong bzhin/ /rang skyon yin pas log rtog spang/ /nga nyi nad pa yun ring po/ /skyon can gya nyes sdug @611 thag chad/ /kha zhan dbang chung gnod pas gtses/ /yin kyang shes rab mig la bcings/ /blo gros dag snang yod pa yis/ /khang bzang dam pa de mthong zhing// gtam bzang de rnams tshor mthong rig /de phyir tshig bzang 'di dag bkod/ / skal ldan thams cad dga' ba dang/ /dad pa'i 'jug ngogs byed par shog/ log rtog can rnams ngan blo sangs/ /dag snang phyogs med 'char gyur cig/ ces gsungs so/ /yang de nyid las/ dus phyis kyang rgya nag yul du bka' brgyud pa dang/ sa dge gnyis dang/ bon po sogs kyi grub mtha' 'dzin pa'i bshes gnyen du ma yod pa rnams nga lhag la ma 'cham par rtsod pa'i dus/ grub mtha' gzhan rnams mi mang zhing phyogs gcig tu 'gril ba dang/ ri bo dga' ldan pa phyogs la bla ma grags che ba gcig las med pas/ drag gzhan thams cad kyis dge ldan pa lta grub gnyis ka ngan zhes rgyal po sogs bskyod thabs la brten/ dge ldan pa'i dge bshes bla ma chen po de khang pa zhig tu bcug nas me tsha mo rgyab kyang.. khang pa thams cad tshig rjes su bla ma'am chos rje de nyid sku la nyes pa ci yang ma byung bar bzhugs pa mi mang pos mthong zhing/ rgyal pos kyang dgongs pa la brten nas chos rje de nyid la me thub mar btags shing/ de phyin chad chos lugs kyang me thub ma'i chos lugs ltar gyis zhes gsungs te/ chos lugs dang gang zag gzhan la mthong chung zhing me thub phyogs la mthong che ba dang/ de la brten nas dge ldan pa'i bstan pa dar che ba byung tshul sogs bon gyi dgon pa sman gong gi bla ma zhig.. rgya yul sogs su phebs pas gsan te/ nga rang gi slob ma dge slong bkra shis dpal bzang zer ba la bshad 'dug pa'i dge slong de nyid glong nang pa nas yin cing/ @612 sa skya dang ngor pa'i grub mtha' kho na la gtso bor byed pa dang/ chos rje go ram pa sogs kyi zhal slob yin kyang/ tshul 'di la ya mtshan skyes te sa stag lo nga rang dang sbar ba'i dge 'dun mang po byang du phyin dus ched gtad kyis ma dris kyang bshad byung ba yin/ zhes dang/ yang de nyid las/ de ltar chos rje tsong kha pa chen po'i bu chen byon tshul gyi rnam thar cung zad tsam 'phros du ma dang bcas pa 'di/ ne ring nad pa 'chi med rab rgyas kyis na ba shin tu thu bzhin par lo ngo brgyad song ba'i lcags stag lo'i dpyid nyin mtshan ma 'khyol ba'i sems kyi 'char sgo la 'di lta bu byung ba yin/ de yang nga rang chung ngur yod pa man du yab mes kyi chos lugs rnying ma dang/ dwags po bka' brgyud pa'i nang nas stod 'brug la gtso bor mos shing/ jo zhal sa dge la sogs pa'i grub mtha' gzhan la yang dad pa khyad med du byed pa zhig yod de/ nga rang gi gcen po mtsho skyes rdo rje la sogs pa gong ma 'ga' dang/ nye ring mang po zhig mthong log gis phyogs 'phul che bar byas pa dran zhing/ yang rang gi rje gong ma du ma ri bo dga' ldan pa la thugs dkar ba dang snga 'brel zab.. pa yang dran pa la brten rtsam chos 'di la gser gyi mchod sdong du mtshan gsol/ stag lo nag pa zla ba'i tshes bcu bdun yan la ne ring 'du khang steng gi g.yab zhal dmar mor bkod pa'i yi ge pa ni nga rang dang ne btsun dkon mchog bkra shis kyis byas pa ma zad/ rang gi slob bu tshad ldan gzhan gyis kyang 'bad rtsol gyi sgo nas byas pa yin no/ /bla ma'i byin rlabs zhugs pa'am/ /dag snang byin rlabs byung ba'am/ /las 'bras bden rtags yin pa'am/ /gang ltar yin kyang 'chi med pa'i/ /blo rig rang la ya mtshan ni/ /da dung yod kyang 'di ga la/ / @613 tshed 'dzin byas so dge bar shog /ces gsungs so/ /yang rje 'dis mdzad pa'i rnam thar gser gyi mchod sdong gi kha skong gser gyir myu gu zhes pa nyung ngu zhig las 'di ltar gsungs te/ rje rin po che blo bzang grags pa la bu chen byon tshul gyi rnam thar gser gyi mchod sdong ces pa 'chi med pa rang gis brtsams pa de nyid du bshad pa las gzhan pa'i bu chen drag pa e yod snyam na cis kyang yod de/ de yang rje btsun mkhyen rab dbang phyug gam/ smar khams grags pa bzang po zhes pa'i mkhas grub chen po de nyid spyir rjes skya pa'i chos la thugs zhen che ba tsam dang/ rje rong pa dang/ chos rje ngor pa sogs kyi slob ma yin cing/ rje tsong kha pa'i drung du yang phar tshad dbu gsum dang/ 'dul ba sogs kyi po sti che chung mang po'i bshad pa dang/ zab don rnams gsan pa la brten nas bla ma bka' drin che shos gcig tu 'dzin cing/ dus phyis chos rje smar khams pas g.yas ru byang du gtogs pa'i sa mtshams su bzhugs nas 'phrin las bskyangs nas grwa tshang chen mo ba dang/ dgon pa me lung pa sogs btab pa las chu byang pa zhes pa'i grub mtha' 'dzin pa'i grwa sa chen por grags pa byung/ chos rje de nyid kyi gsung rtsom dang gsung rgyun du mar yang rje tsong kha pa'i gsung mang po drangs te bshad pa mdzad/ de la brten nas mi dpyod ldan la las ni/ chos rje smar khams pa'i grub mtha' 'di sa dge gnyis ka la dbye ba med pas zab pa yin zer ba dang/ khyad par gzhis byang gi dge bshes mkhas grub mang pos ni/ chu byang du slob gnyer ba mang po rdzong ba sogs grub mtha' zab par byed pa kun gyis shes pa 'di ga yin/ 'on kyang phyogs 'dzin can la las ni/ chu byang pa'i grub mtha' 'di 'bal sran ma yin zer ba dang/ sa @614 dge 'dres pa'i skyon can yin zer ba sogs ni mthong snang ma dag pa kho na yin no/ / 7 yang/ ma Ni ba legs pa rgyal mtshan la yang rjes gsung chos du ma gnang bas bu chen du gyur/ 'bras spungs sogs dge ldan pa'i dgon pa rnams dang 'brel che zhing/ ma Ni 'ur mo cher grags pa btsugs dus kyang rje la bstod pa sogs rgya cher mdzad/ 'bras spungs 'jam dbyangs chos rje la yang mchog tu gus pas dus mchod chen mo'i tshe gsung chos nu ma gsan cing/ tshogs chen la mar khu phor 'dren yang lan mang du zhus par grags/ 7 yang/ gsang phu'i zur chen grwa chung yon tan rgya mtsho'am/ chos rje yon tan rgya mtsho zhes pa de yang rje tsong kha pa'i bu chen yin/ rje 'dis chos rje shar rab 'byams pa la po ste brgya tsam gsungs tshul yod/ yang/ shar dwags po paNDi ta bkra shis rnam rgyal yang rje tsong kha pa'i bu chen yin cing dbang lung brgyud tshul yang du ma mthong ste ma spros ma/ yang/ mdung rtse ras chen du grags pa yang rje'i slob mar gyur te chos gnang tshul du ma yod pa dang/ ras chen 'di rje la dad pas dmigs brtse ma'i mtshon srung mdzad pas mtshon yang thub nges su 'dug cing/ mdung rtse'i sras rnams kyang dge ldan pa la dad 'dun che/ yang/ gong du brjod pa ltar gyi rten 'brel la brten nas chu byang du byon pa'i bshes gnyen gdan sa 'dzin pa chos rje kun mkhyen nam mkha' bsod nams sam/ chos rje nam bsod chen mor grags pa dang/ chos rje nam ye ba dang/ bsod ye ba sogs kyang sa dge dbyer med kyis grub mtha' 'dzin cing rje tsong kha pa la mchog tu dad/ yang chos rje blo gros rin chen pas ni mkhas grub chen po paN chen dge 'dun grub pa la yang.. gsung chos gsan/ yang dwags po bkra shis rnam rgyal gyi dpon brgyud chos rje @615 karma pa yang rje la mchog tu gus tshul nga rang lha sar yongs skabs zhal dngos su mjal ba las thos pa yin/ yang nga rang gi slob ma yin pa deng sang byang bdag chen yab sras sogs kyi bla ma dang/ ngams ring chos sde'i mkhan chen du gyur pa chos rje rin po che sangs rgyas rgya mtsho yang chu byang pa'i grwa sar byon cing/ mkhyen rab dbang phyug dpon slob kyi gsung rab rnams la thos bsam rnam dag mdzad pa la brten nas/ sa dge gnyis kyi grub mtha' phal mo che gnad gcig par dgongs pa dang/ ri bo dge ldan pa'i phyogs la thugs dad cing dkar bar bzhugs so/ / zhes gsungs/ rnam thar 'di'i bshams nas da dung shog bu kha shas yod tshod snang rung/ sngar phan mig lam du son pa'i dpe rnams la mjug tshang ba mi snang bas gang gsal ba rnams las 'bri bar rngo ma thogs shing/ yang/ rje bdag nyid chen po'i rnam thar mkhas grub gzhan gyis mdzad pa rnams su/ bu slob byon tshul ci rigs gsal ba rnams kyang phal che ba sngar gong du bkod pa rnams dang mtshungs bar snang bas nyis zlos su ma bkod/ gzhan yang rje thams mkhyen pa chen po la chos 'bgrel sogs dngos su ma gsan rung/ dus skabs de dang phyis sor byon pa bcas kyi sa rnying kar 'brug /jo nang/ bo dong sogs grub mtha' ris su ma chad pa'i mkhas grub tshad ldan kun kyang gang gi gsang ba gsum gyi rnam thar la snying nas dad pa 'khrungs pas bstod bsngags kyi me tog ji snyed cig 'thor bar mdzad pa mtha'.. dag 'god ma langs kyang/ 'ga' tsam zhig phyogs 'dzin gyi kun slong can rnams la sman phyir 'god na/ bo dong mkhas pa'i dbang po 'jigs bral phyogs las rnam rgyal gyi zhu 'phrin du/ mkhas pa ngang pa'i rgyal po blo bzang mchog /grags pa @616 mgrin pa'i rdza rnga sgrog pa can/ /legs bshad smra ba'i dbang po'i zhabs drung du/ / 'jigs med bung ba gzhon nus 'di skad zhu/ /zhes yig zos mtho dman shin tu che bar mdzad nas 'di skad du/ khyod kyi rnam thar chen po'i chen po rnams/ /ring na gnas kyang mngon sum bzhin du thos/ /phar phyin sngags kyi lam rim gnyis kyang mthong/ des kyang bdag yid spro dang dga' bar gyur/ /bdag ni 'jig rten 'di nas pha rol tu/ /myur bar dus kyi pho nyas ma bos na/ /sangs rgyas sprul sku khyod nyid mjal ba dang/ /der bzhugs mkhas grub rnams dang mjal nas kyang/ /dam pa khyod dang chos kyi bka' mchid la/ /de phyogs bgrod la rtse gcig yid zhugs pa/ / rtag tu ngu de sher phyir 'tshol ba ltar/ /zhes sogs mang du gsungs pa dang/ 7karma pa de bzhin gshegs pas kyang/ oM swa sti/ 'jig rten dbang phyug srid zhi'i dpal/ /dpal kun yongs rdzogs mkhyen pa'i thugs/ /thugs rje chen pos gdul bya'i don/ /don bzhin mdzad pa de yis skyongs/ /zhes pa nas/ slad nas rgyal ba'i bstan pa mchog /'dzin skyong spel ba'i bya ba la/ /khyod can legs bshad mthu grub pas/ /sngar bzhin bstan pa'i dpal gyur cig /mang thos bloO gros yangs pa'i mkhar/ /ting 'dzin bzangO po'i dkyil 'khor rdzogs/ / rnam dkar gragsO pa'iO 'od 'phro ba/ /bshes gnyen zla ba gang de rgyal/ /srid pa'i gzeb las nges grol te/ /zab don stong pa'i mthar dga' ba'i/ /'gro kun sgrol ba'i ded dpon khyed/ /bstan pa'i nyin byed cher gyur cig /ces rten gos ngur kha'i snam sbyar rab tshad ma gcig /rdo rje dril bu sbal shub dmar khra yod pa gcig rnams phul nas/ sngar ltar thub pa'i rgyan tshab tu/ zhabs pad @617 brtan par mdzad du gsol/ zhes gsungs pa dang/ stag tshang lo tsa ba shes rab rin chen gyis kyang dang por phyogs snga ma lon pas rje'i gsung la 'gal ba'i khur.. chen bco brgyad la sogs pa'i dgag pa mdzad kyang/ phyis sor dgongs don ji lta ba bzhin mkhyen pas 'gyod tshang dang bcas te bstod pa mdzad pa ni/ na mo gu ru mnyrdzu g+ho Sha ya/ blo chen rgyal ba rnams kyi spyan snga ru/ /bzang po'i smon lam rlabs chen grub pa'i mthus/ /grags pa'i sgra chen thub bstan 'gro ba'i dpal/ blo bzang graT pa'i dpal la phyag 'tshal lo/ /dpag g.yas tshogs gnyis kun gyi rtse mor son// bgrang yas rgyal ba kun gyi ring lugs 'dzin/ /mtha' yas 'gro ba kun gyi dge ba'i bshes/ /bsam yas yon tan kun gyi gter la 'dud/ /gangs can shar phyogs tsong kha'i skyed tshal du/ /dpal 'byor yongs 'du'i rtsa ba rab brtan cing/ /yon tan yal ga phyogs kyi mtha' 'jal ba/ /snyan grags dri bsung 'phro ba khyod la 'dud/ / dri med mkhyen yangs 'jig bral gzhon blo sogs/ /gangs can mkhas pa'i mkhas pa kun bsten nas/ /spyi dang khyad par gzhung lugs mtha' dag la/ /rmongs pa'i mun kun spangs pa khyod la 'dud/ /rnyog bral tshul khrims brtul zhugs rgya mtsho che/ /mang thos lung rig nor bus lhag par gtams/ /mkhas mchog klu dbang kun gyi gus pas bsten/ /rnam dpyod gting mtha' med la gsol ba 'debs/ /khyod blo'i nyi ma gzhon nu'i dus kyi tshe/ /mdo dang rgyan gyi pad tshal rgyas mthong nas/ /bdag blo khengs pa'i ku mud lhag par zums/ /zab yang mkhyen pa'i gter la gsol ba 'debs/ /byang phyogs 'di na tshig tsam byang ba'ang dkon/ /don la sgro 'dogs chod pa de bas dkon/ /bstan don nyams su @618 len pa srid mtha' tsam/ /'di gsum mthar phyin khyod la snying nas 'dud/ / la la rig bral lung gi grub mtha' 'jog /kha cig lung bral rig ltar snang ba tsam/ / lung rig gnyis kas rgyal ba'i gsung rab kun/ /legs par 'byed pa khyod la gus phyag 'tshal/ /kha cig 'dul ba gtsor byas gsang sngags spong/ /gzhan dag sngags la blo mos 'dul ba 'gog /rgyal ba'i bstan pa mtha' dag 'gal med du/ /rdzogs par nyams su len mkhas khyod la 'dud/ /mtshan nyid mchog zung gsang sngags bza' chos dang/ /sngags kyis khengs nas mtshan nyid kha bshad tsam/ /mdo sngags mtha' dag ma tshang rdzogs byang du/ /'gro thabs med par gzigs pa khyod la 'dud/ /la la spyod pa zhib mos lta ba 'gog /kha cig lta ba mthon pos spyod pa 'dor/ /lta spyod pan tshun grogs su shar ba yi/ /don 'di lhag par 'doms pa khyod la 'dud/ /'ga' zhig bshad pa gtsor byed sgom la smad/ /la la sgom gyis chog 'dzin lung la smod/ /bshad sgrub gnyis kas lung rtogs dam pa'i chos/ /'dzin tshul gsal mdzad khyod la gus pas 'dud/ /mdo sngags mtha' dag khyad par rdo rje theg /rgyud sde mtha' dag khyad par bla med don/ /rim gnyis mtha' dag khyad par sgyu lus la/ /sngon med legs bshad gter chen khyod la 'dud/ /mdor na thub bstan mtha' dag ma lus pa/ /bshad sgrub gnyis kyis ches cher gsal mdzad pa/ /gangs can 'di na bstan 'dzin mtha' dag gis/ /rtag tu bsngags par 'os pa khyod la 'dud/ / bdag kyang deng nas tshe rabs thams cad du/ /bdag nyid chen po khyod bzhin rgyal ba'i bstan/ /bdag pas gzhan gces lhag bsam phul byung gis/ /bdag @619 gi srog ltar srung bar byin gyis rlobs/ /khyod la gtsor byas ha cang mchog 'dzin gyi; ;phyogs lhung gdon gyis thub bstan dkrugs pa yang/ /dag snang phyogs med thugs mnga' khyod nyid kyis/ /myur du bsal nas bstan 'dzin mthun gyur cig/ ces gsungs pa 'di rnams rje tsong kha pa chen po'i gsung rab kyi dgongs don/ mdo sngags kyi dka' gnad khyad par can ches zaB cing phra ba rnams ji lta ba bzhin du dgongs nas bcos min gyi dad pa 'khrungs te rab brtags dang khyog brjod sogs ma yin par.. rang bzhin drang por brjod pa kho nas bstod bsngags mdzad pa ni/ dbang rno chos kyi rjes 'brang gi dad pa skye tshul du snang ste/ dpyod ldan gzhan gyis kyang rje'i gsung rnams tshul 'di bzhin du dpyod shin na dad pa dang gus pa mi skye ba'i rang dbang med do; ;de bzhin sa bzang lo tsa ba ma ti paN chen gyis kyang/ thub dbang zhing du khyod nyid kho nas ni/ /thub bstan gsal ba'i 'phrin las 'di lta na/ /thub pa'i rgyal tshab bdag gis ci bya zhes/ /mi pham mgon des phrag dog mi mdzad dam/ / zhes dang/ klu sgrub yab sras zhing gzhan gshegs pa na/ /dbu ma'i lam 'di ston pa gzhan med ces/ /sgro skur brag ri'i phung po gzhom slad du/ /mgon khyod rdo rje'i me char lta bur gyur/ /zhes dang/ rje karma pa mi bskyod rdo rjes bstod pa mdzad pa ni/ rje btsun byams pa/ 'jam dbyangs/ mkhan chen las kyi rdo rje/ bla ma dbu ma pa ste 'jam dbyangs kyi bka' rgyud rmongs pa'i dri ma thams cad dang bral bar gus pa chen pos phyag 'tshal zhing skyabs su mchi'o/ /byin gyis brlab tu gsol/ byang gi phyogs 'dir rgyal ba'i bstan pa la/ /phal cher log pa 'ba' zhig spyod pa'i skabs/ /'khrul med byi dor mdzad pa'i tsong kha @620 pa; ;ri bo dga' ldan pa la bstod par bgyi/ /sa dwags bka' gdams srol 'dzin gsang phu ba/ /bod yul bstan pa nub tu nye ba na/ /nyid bstan gsar pas khyab mdzad tsong kha pa/ /ro bo dga' ldan + 'jam dpal dbyangs kyis khyod la lhag par yang/ /klu sgrub lugs kyi legs bshad nyin bzhin stsal/ / sngon med dbu ma'i srol 'dzin tsong kha pa/ /ro bo dga' ldan + khyod kyis lo shas cung zad tsam zhig la/ /rgya nag nas bzung rgya gar kha che'i bar/ / ngur smrig 'chang bas khyab mdzad tsong kha pa/ /ri bo dga' ldan Xkhyod kyi slob mar gyur na slar phyin chad/ /nyid la ston dang bstan pa phyir phyogs par/ / mi gtong gtan gyi skyabs gcig tsong kha pa/ /ri bo dka' ldan + khyod kyi rjes su slob pa'i slob ma kun/ /theg chen lam gyis dbugs dbyung gzhan don du/ / lus srog chos nor gtong 'jug tsong kha pa/ /ri bo dga' ldan + khyod bstan tshul 'dir sdang bas zhugs 'ga' la/ /bka' srungs drag po'i chad pa btsan po yis/ / chos bzhin skyong ba'i rgyal ba tsong kha pa/ /ri bo dga' ldan X bsags sbyangs song dang ma song skye bo 'gas/ /dran pa tsam gyis dngos dang rmi lam du/ / byon nas thugs rjes gzigs pa'i tsong kha pa/ /ri bo dga' ldan + byang nas byang phyogs hor sog mdo khams yul/ /mi dang mi min chos 'dul rin chen gyis/ / gdul dkod par ma nus rnams/ /sngon gyi las ngan sdig sgrib zad phyir du/ / @621 bsags sbyangs myur du sgrub 'jug tsong kha pa/ /ri bo dga' ldan + khyod la snying nas skyabs su song ba rnams/ /'di phyi'i dpal 'byor gzhan drin ma yin par/ / ji ltar bsam bzhin re skong tsong kha pa/ /ri bo dga' ldan + gang gis legs par bshad pa'i chos tshul las/ /'da' ba zhing 'dir gnas pa bkag mdzad nas/ /'jigs med bstan pa 'dzugs pa'i tsong kha pa/ /ri bo dga' ldan + khyod kyi brtul zhugs bzang po nyer bstan pa/ /mtshungs med gzugs dang dri mchog ngad ldan pa'i/ /mnyes shing dul bar mdzad pa'i tsong kha pa/ /ri bo dga' ldan x de ltar dad pas mchod bstod dges/ /nyid bstan spel bar mdzad rnams kyang/ /bu ram shing pa'i 'phrin las pa'i/ /ring lugs rjes su 'jug phyir bsngo/ /zhes pa 'di ni tsA ri Ta'i ri sul lha'i mchog nor bu'i me tog thal mo snying gar sbyar ba'i gnas su/ gzhan dring med pa'i rje de nyid la mi phyed pa'i dad pa dang ldan pa/ dpal karma pa'i mtshan gyis 'jug pa ming gzhan karma pa mi bskyod rdo rjes sbyar ba'o/ /zhes dang/ yang/ de nyid kyis/ bod kha ba can gyi rgyal khams 'dir/ /rtags tsam gyis 'dul ba 'dzin pa'i dus/ /rje blo bzang grags pa bya ba des/ /bcom ldan shak thub kyi tshul bzung nas/ / ngur smrig gi rgyal mtshan 'dzin mdzad pas/ /sngon shA ri'i bu 'dra bgrang yas kyis/ /'dzam gling gi rgyal khams gang bar mdzad/ /rje de la mi dad su la dad/ / sngon phrag dog gi dri mas sdang zhen skye/ /dus de ring 'gyod pas mthol zhing bshags/ / sdig grogs kyi zin pa ma shes par/ /gti mug gis bgyid pa gnong zhing 'gyod/ / skye ba nas tshe rabs su rjes 'dzin mdzod/ /ces dang/ yang rje karma pa 'dis @622 se ra rje btsun pa la bka' lan phul ba'i nang du'ang/ khyed kyi dgag bzhag de kun go shak gi phyogs su legs par song 'dug /sa skya pa'i mkhas rloms rnams blo gzu bor gnas na blo bskyed thon par mchis/ kho bo ni rje tsong kha pa chen po la 'jig rten 'di'i ngo 'dzin tsam ma yin pa'i dad pa brtan po yod pa'i stobs kyis/ go shak ltar lugs 'di nor ba yin snyam pa gtan nas med/ de lta na'ang nged kyi slob ma rnams la da lta bod snga rabs pa dag gi 'khrid lugs las rje'i lugs ltar skyong gi med/ de'i rgyu mtshan yang lugs de shin tu phra bas phyi rab pa dag gis tshul bzhin du go dka' zhing/ lhag par sa kar gyi phyogs 'di grub mtha' kun slong tsha bas 'chad ma spobs/ zhes dang/ karma pa dgu pa dbang phyug rdo rjes kyang/ kun mkhyen bu ram shing pa'i bstan pa 'dir/ /ngur smrig gos 'dzin mtha' bral dbu ma'i don/ /chos kun kun rdzob tu yod don dam du/ / med par ston mdzad rgyal ba de la 'dud/ /gsar rnying mdo rgyud kun nas lung bstan zhing/ /thugs rjes dus las mi g.yol gzigs pa can/ /'brel ba thogs pa tsam gyis rang nyid kyi/ /go 'phang stsol mdzad zla bral de la 'dud/ /bcas dang kha na ma tho'i nyes pa yis/ /cung zad ma gos 'dul ba'i srol chen 'dzin/ / zhi dul bag yod 'phrin las bzhi la spyod/ /mkhas btsun bzang po tsong kha pa la 'dud/ /ces gsungs/ zhwa dmar ba bzhi pa chos kyi grags pas kyang rje tsong kha pa'i lta ba 'di nyid khyad par du 'phags par bstan pa ni/ dus phyis bka' phyag sa skya pa sogs kyi/ /bla ma mkhas grub rnams la gtugs pa las/ / mkhas pa blo bzang grags pa'i dpal zhes pa/ /mdo sngags bstan pa gsal bar @623 mdzad pa byung/ /zhes sogs gsungs/ nA ro'i rnam sprul 'brug pa thams cad mkhyen pa mi pham padma dkar pos kyang/ chos kyi rgyal po chen po shar tsong kha pa blo bzang grags pa'i dpal gyi 7zhabs kyi padmo dri ma med pa la phyag 'tshal lo; ;dge legs chu gter chen pos 'jig rten la/ /bloO bzangO nyin mor byed pa khyod byon tshun/ /sa 'di rmongs pa'i mun las rnam rgyal zhing/ /gragsO pa'iO gzhir gyur de la phyag 'tshal lo/ /gang dang rgyal ba kun gyi yon tan ni/ /srang la gzhal tshe lci yang ma mchis pas/ /lnga brgya pa yi gtsug rgyan du 'os pa/ /thams cad mkhyen pa khyod la phyag 'tshal lo/ /sengge'i khri la sengge'i sgra bsgrags pas/ /smra ba'i glang chen thams cad dngangs gyur phyir/ /mtshungs bral khyod ni sengage'i nga ro'i mtsha bstan pa'i sgron mer gyur la phyag 'tshal lo/ /lhag pa'i tshul khrims ha ri'i tsan dan bsung/ /khyod drin dri zhon gyis 'dir 'ongs pas su/ /'khor ba'i tsha gdung ming tsam lhag gyur pa/ /slob mar bcas pa bsngags 'os der phyag 'tshal/ / zhes dang/ 'gran zla kun bral rje btsun tsong kha par/ /'gran zlar bgyi ba'i mkhas rloms mang na yang/ /'gran zla bral ba khyod nyid gcig pu zhes/ / 'gran zlar mi byed padma dkar pos bstod/ /ces gsungs shing/ de la sogs pa mkhas grub du mas bstod bsngags kyi 'phreng ba spel tshul mtha' klas te/ mdor na rje yid bzang rtse ba'i gsung las/ de'i dus su sa chen po 'di rje btsun tsong kha pa'i 'phrin las kyi gdugs dkar po gcig gis khyab par byas nas yod pa yin/ zhes gsungs pa ltar thugs rje dang 'phrin las kyis 'jig rten kun yongs su khyab pas na/ gdul byar gyur pa dang/ dad gus kyis gsol ba 'debs @624 pa dang/ bstod bsngags kyi me tog 'thor tshul sogs mtha' dag pa brjod pa'i yul las 'das pa las rags rim che long tsam smos te bkod zin to/ /7smras pa; srid pa 'di na sngon med dge ba'i bshes/ /'jam dpal dbyangs zhes mkhyen brtse'i gter chen de/ /ngur smrig mdangs kyis mdzes shing byon pa na; ;sa chen gur gum rdul gyis g.yog 'drar gyur/ /sna ma'i me tog bkab kyang mngar po'i bsung/ /phyogs dang phyogs bral khyab pa ji bzhin du/ / dam pa'i yon tan sbas pa'i tshul bzung yang/ /'jig rten yongs su khyab 'gyur su yis 'gog /ji ltar 'dam skyes padmo'i lang tsho ni/ /ches cher brtas tshe sbrang rtsi don gnyer ba'i/ /bung ba ngang gis 'du ba chos nyid ltar/ /bgrang yas slob tshogs dbyar skyes sprin bzhin 'du/ /tshul khrims ldan zhing mang du thos pa dang/ /'chad rtsod rtsom la 'jigs pa bral ba dang/ /mngon par rtogs pa'i lus stobs rdzogs pa yi/ /mkhas grub nam mkha'i rgyu skar bzhin du bkra/ /sngon tshe shAkya'i rgyal pos 'jig rten du/ /theg gsum chos kyi sgron me sbar ba'i tshe/ / rim gsum 'dus pa byon pa'i ngang tshul dang/ /dus kyi khyad par tsam las kun tu mtshungs/ /de yi mthu las yangs pa'i sa chen 'di/ /gser zhun cod paN 'ching ba'i lugs bzang gis/ /cig car khyab pas 'gro kun phan dang bde'i/ / lang tsho'ang rdzogs ldan dus bzhin spyod par gyur/ /ris med bstan pa 'dzin pa'i mkhas grub kun/ /gang gi rnam par thar pa'i ngo mtshar gyis/ /thugs yid lcags kyus drangs pa bzhin gyur nas/ /bsngags pa'i me tog 'thor la kun tu brel/ /deng sang rtsod dus dgu yi mthar gyur kyang/ /bstan pa'i snying po @625 tshang la ma nor ba/ /bgo skal yongs su spyad byar yod 'di yang/ /'jam mgon bla ma'i drin las gzhan na gang/ /de phyir mgon 'di'i gsang gsum yon tan la/ /phyogs lhungs spangs pa'i blo mig gis bltas na/ /byin rlabs 'jug phyir gsol ba 'debs pa dang/ /skye kun rjes su 'dzin la smon par rigs/ /zhes pa ni bar skabs kyi ngal bso'i tshigs bcad do/ /zhes khyab bdag rje btsun bla ma dam pa thub dbang rdo rje 'chang dang ngo bo dbyer ma mchis pa 'jam mgon chos kyi rgyal po tsong kha pa chen po'i rnam par thar pa thub bstan mdzes pa'i rgyan gcig ngo mtshar nor bu'i 'phreng ba las gsung skyes slob tshogs ji ltar byon tshul 'phros dang bcas pa mdo tsam brjod pa'i skabs te dgu pa'o// ' //rtsa ba'i sa bcad gsum pa/ rjes bsngo ba dang smon lam rnam par dag pa dang bcas pas mjug bsdu ba ni/ de ltar 'jam mgon chos kyi rgyal po tsong kha pa chen po'i rnam par thar pa nam mkha' ltar mtha' klas shing/ rgya mtsho ltar 'jings zab pa/ sa chen po'i rdul ltar tshad dang bgrang du med pa/ sar gnas kyi sems dpa' chen po dag gi spyod yul las 'das pa de lta bu/ tshur rol mthong ba'i mos ngo dang 'tshams par bstan pa rags rim tsam sngon gyi bdag nyid chen po rnams kyis sa bon gyi tshul du 'god par mdzad pa dag 'thor ba bsdus pa'i tshul gyis 'dir phyogs gcig tu bkod pa ste/ de yang gong du thog mar gleng bslang ba'i skabs nas ji ltar bshad pa bzhin gtso che ba mkhas grub smra ba'i nyi ma dge legs dpa' bzang pos mdzad pa'i thun mong ba'i rnam thar dad pa'i 'jug ngogs dang/ gsang rnam rin po che'i snye ma gnyis gzhir bzung ba ma zad/ de gnyis las byung ba'i tshig ris phal che ba byin rlabs kyi rgyun khyad du bsams de rang sor bzhag pa'i sgo @626 nas yongs su tshang bar bkod/ de'i thog tu rje rtogs ldan pa chen po 'jam dpal rgya mtshos mdzad pa'i rnam thar legs bshad kun 'dus/ rje blo gros legs bzang gis mdzad pa'i rnam thar rab gsang rmad byung gtam gyi dga' ston/ mnga' ris shAk btsun 'jam dbyangs nyi ma bstan pa'i rgyal mtshan gyis mdzad pa'i rnam thar skal ldan pad tshal rgyas pa'i 'od stong/ rje gnas rnying pa kun dga' bde legs kyis mdzad pa'i rnam thar dad pa'i 'jug ngogs/ rje 'jam dbyangs bzhad pas mdzad pa'i rnam thar ras bris 'bri tshul brgya nga gsum pa/ rta tshag rin po che blo bzang thub bstan dbang phyug gis mdzad pa'i rnam thar ngo mtshar ba'i gtam brgya rtsa brgyad pa rnams dang/ 7thor bu'i gras/ zang zang ne ring pa 'chi med rab rgyas kyis mdzad pa'i rje rin po che'i 'chad rtsod rtsom gsum gyi rnam thar dad ldan dga' byed/ des mdzad pa'i mkhas btsun bzang gsum gyi rnam thar nor bu'i bang mdzod/ des mdzad pa'i bu chen byon tshul gyi rnam thar gser gyi mchod sdong dang/ de'i kha skong gser gyi myu gu /rje thams cad mkhyen pa'i rnam thar mkhar nag lo tsa bas mdzad pa dang/ mkhas grub rin po che me tre pas mdzad pa/ thams cad mkhyen pa ngag dbang blo bzang rgya mtshos mdzad pa'i rje'i bstod pa dpyid kyi rgyal mo'i glu dbyangs kyi 'grel ba dbyar gyi rnga gsang/ mi dbang 'jam dbyangs sangs rgyas mtshos mdzad pa'i dga' ldan chos 'byung gi nang tshan gyi rje'i rnam thar/ rje brag sgo rab 'byams pas mdzad pa'i rje'i rnam thar ngo mtshar lung bstan gyi rol mo/ gung ru rgyal mtshan bzang pos mdzad pa'i 'dun legs ma'i 'grel pa/ rong pa ngag dbang chos grags rgya mtshos snyan dngags kyi lam las drangs pa me tog 'chun po sogs dang/ nal @627 mal wang gi thon chos kyi spyan ldan sgo mang pa don grub bstan pa'i rgyal mtshan gyis rje'i rnam thar khag gi don bsdu phyogs bsgrigs su mdzad pa rnam dkar dad pa rgya mtshor rol pa'i 'jug ngogs/ dpal ldan sa gsum ma'i 'grel pa 'jam dbyangs shes dar gyis mdzad pa/ glang lo chos 'khor lha sar smon lam chen mo'i dus kyi mchod pa phul ba'i rim pa dang/ dga' ba gdong du rje btsun gyis lung bstan mdzad pa dang tshems ring bsrel gnang ba'i skor/ lho brag mkhan chen phyag rdor ba dang mjal tshul dang/ rgya nag rgyal pos chab shog phul ba'i zhal bshus bcas sngon chad mig lam du son pa de dag gi nang du mdzad pa'i rnam grangs mi 'dra ba ji ltar gsal ba rnams/ skabs su bab pa de dang de'i thad du lus pa med pa tshang bar bkod/ gzhan yang rgyal tshab mkhas grub rnam gnyis sogs sras kyi thu bo 'ga' zhig gi rnam thar sags nas 'god par 'os pa dag gis kyang zur brgyan/ de dag la klan ka dang 'gal ba spong ba dang/ dogs pa'i mtha' gcod pa sogs kyi slad du lung dang rig pa'i sgrub byed ji ltar 'os pa bkod cing/ bar bar du don bsdu ba dang/ ngal bso ba'i tshigs su bcad pa'i rim pa dag kyang spel ba dang bcas mkhas pa mgu ba bskyed pa'i cha rkyen/ dam pa dgyes pa bskyed pa'i mchod sprin/ dad ldan mos gus 'phel ba'i gsos su 'gyur ba'i lhag pa'i bsam pas bkod pa las/ bdag nyid mkhas 'dod dang/ rnyed bkur/ snyan grags sogs don du gnyer ba'i bsam pas ma yin te/ da dung zhib tu smra na/ 'jam mgon bla ma tsong kha pa chen po 'di lta bu na snyags ma'i dus 'dir rgyal ba'i mdzad pa bsgrub pa la thugs bskyed dang 'phrin las kya mthu phul du byung bas rang cag rnams la sangs rgyas byang sems gzhan las @628 kyang thugs rje dang bka' drin lhag par du che ba yin na'ang/ rmongs pa dag dam pa'i yon tan ji bzhin ma shes pas bka' drin rjes dran gyi gus pa bskyed pa lta bzhog / da dung phyogs lhung sdang shuT kyis kun nas bslangs te sna tshoD su smra ba'i sgo nas chos dang gang zag la skur 'debs kyi las ngan tshab po che gsoD pa rnams la sems kyis ma bzod cing/ ri bo dge luD pa'i rjes 'jug tu rloms pa 'ga' zhig kyang bstan pa'i gnad 'gag ji lta ba ma rtogs pas rnyed bkur snyan grags ri bo dge lugs pa che ba las/ chos kyi zab gnad gzhan dag che'o snyam pa sogs mdor na mi shes pa ni shin tu sdug bsngal lo/ /zhes pa'i lung gis zin pa rnams phyin chad lam drang por zhugs pa zhig byung na ci ma rung snyam pa'i gzhan phan gyi bsam pa dang/ bdag nyid kyang 'di nas bzung ste tshe rabs kyi 'phreng ba kun tu 'jam mgon bla ma'i mdo sngags gyi bstan pa rin po che dang mi 'bral zhing/ rgyal ba'i dam chos ma lus pa 'dzin pa sogs rje bla ma'i rnam thar gyi phyi rjes skyong ba'i sgo nas rang gzhan gyi don gnyis 'grub pa'i rnam dkar gyi sa bon bskrun pa'i phyir du bkod pa ste/ 'di ltar brtsams pa gegs med mthar phyin pa yang 7 'jam mgon bla ma nyid kyis rjes su 'dzin pa'i thugs rje'i mthu las byung bar shes nas/ slar yang tshigs su bcad pa'i sgo nas bstod pa dang smon lam gyis mjug bsdu ba ni/ ' gang gang rgyal dang de sras kun las thugs bskyed 'phrin las rgyu skar dbus na pa sangs lta bur ches dkar bas/ /gang gang phyogs bcu'i 'dren pa yongs kyis bstod cing bsngags pa manda ra ba'i 'phreng ba chad med spel brtson pa/ /gang gang rgyal sras 'jam dpal gzhon nu mthon mthing zur phud dbyings su sbas te mkhas btsun bzang po'i zlos gar can/ /gang gang snyigs ma'i yid @629 can kun gyi skyabs gcig zla med tsong kha pa zhes srid pa gsum na snyan par grags/ / mgon khyod rgyal ba nyid kyang rgyal sras tshul/ /srid pa spangs kyang srid tshul ci yang ston/ /mi slob nyid kyang slob pa'i tshul bzung nas/ /mtha' med 'khor ba mtha' can nyid du mdzad/ /srid pa 'dam bu'i tshal dang mtshungs pa 'dir/ / sred cing zhen pa'i yid can 'di dag rnams/ /sred pa spangs ba'i sa la sbyor slad du/ / srid pa pa dang 'tshams pa'i gzugs skur sprul/ /sngon byon mkhas dang grub brnyes mang mod kyang/ /snyigs ma'i dus mthar rgyal ba'i lung rtogs kyi/ /dam chos 'dzin la rgyal ba nyid mtshungs pa/ /khyed kyi dpe zla gangs can khyon 'dir dben/ / gzugs sku'i zla ba mdo smad yul nas tshes/ /'phrin las 'od dkar dbus gtsang ljongs su 'phro/ /thub bstan kun das 'dzin ma'i khyon 'gengs pa'i/ /sngon med bdud rtsi'i gter chen khyod min su/ /sngon tshe 'phags yul shing rta che rnams kyis/ /log par smra ba'i glang po'i klad 'gems pa'i/ /theg chen seng ge'i nga ros 'dzam gling gzhi/ /khyab pa'i grags snyan da lta'ang rnga bzhin ldir/ / de bzhin kha ba'i ljongs 'dir thub bstan la/ /ma rtogs log rtog dri ma drung phyung ste; /che ba bzhi ldan ring lugs nyin mo ltar/ /gsal mdzad zla med shing rta chen por grub/ /'chad rtsod rtsom dang mkhas btsun grub pa yis/ /thub bstan spel zhing 'gro ba'i don mdzad pa'i/ /'phrin las gzugs su mchis na stong gsum khyon/ /snod du byas kyang cha tsam gshong nus bral/ /bshad sgrub tshig spyi tsam dang ngur smrig gi /rtags tsam 'chang bas thub bstan 'dzin rloms dus/ /mdo sngags lung rtogs bstan pa ma lus pa/ /tshul bzhin gsal mdzad khyod la snying @630 nas gus/ /khyad par mtha' bral dbu ma'i lta ba dang/ /zab gsang bla med rim pa gnyis kyi don/ /rgyal ba'i dgongs pa ji bzhin gsal mdzad pa'i/ /klu sgrub gnyis par srid pa'i khyon 'dir grags/ /de sogs gang gi rnam par thar pa'i tshul/ /cha shas re re tsam yang yongs rdzogs par/ /brjod la bskal pa bye bar ro 'dzin grangs/ /stong du sprul kyang gleng nus go skabs phra/ /des na bdag ltas gang gi rnam par thar/ /brjod par rtsom 'di kun gsal nam mkha'i mtha'/ /'doms kyis gzhal ba'am rgya mtsho'i gting mtha'i tshad/ /sor mos 'jal ltar spyi rtol nyid du che/ /de lta na'ang bdag 'dra'i gdul bya'i khams/ / mang po'i rgyud la gang gi byin rlabs mthu/ /'jug phyir sngon byon dam pa'i gsung rgyun rnams/ /phyogs su sdebs pa'i ngal ba tsam zhig bsten/ /'di yang mkhas 'dod grags phyir ma yin la/ /rnyed dang bkur sti'i phyir min khengs rloms kyis/ /ma yin dam pa'i gsang gsum yon tan la/ /snying nas mos gus thob pa'i byed las yin/ /'on kyang blo ngan 'khrul rtog dbang gyur pas/ /'gal 'khrul nongs pa la sogs mchis srid na/ /de kun mchog gsum bla mar bcas pa dang/ /dran dbang mkhas grub rnams kyi spyan sngar bshags/ /'di ltar 'bad pa'i dge tshogs ston zla dang/ /dung dang kunda lta bur ches dkar bas/ rgyal bstan spyi dang bye brag 'jam mgon bstan/ /srid mtha'i bar du yun ring gnas gyur cig /bstan 'dzin mtha' dag sku tshe rab brtan cing/ /mkhas btsun bzang dang 'chad rtsod rtsom la sogs/ /bshad dang sgrub pas bstan pa 'dzin pa la/ /'jam mgon nyid mtshungs sa steng khyab gyur cig/ /'dus pa'i sde rnams thugs mthun @631 khrims gtsang zhing/ /mdo sngags nyams len dbyar mtsho'i gang bar 'gran/ / khrims ldan ngur smrig mdangs kyis nor 'dzin khyon/ /mtshams sprin zhun mas g.yogs ltar mdzes gyur cig /yangs pa'i bod ljongs 'dis mtshon 'jig rten kun/ /dge bcu'i snang bas yongs su khyab gyur cing/ /phral yun bde ba'i sbrang rtsi mngar po'i ro/ /chad med myong bas 'gro tshogs tshim gyur cig /bdag sogs deng nas kun mkhyen ma thob bar/ /dal ba'i rten brgyud dam pa'i bshes kyis zin/ /rgyal ba gnyis pa'i mdo sngags bstan pa dang/ /mi 'bral thos bsam sgom pa mthar phyin shog /sdom gsum tshul khrims nyes pa'i dris ma gos/ /chos rab rnam 'byed mig gis gsung rab don/ /gsal por legs mthong tshul bzhin 'doms pa yis/ /'gro rgyud rmongs mun sel ba'i byed por shog /thun mongs lam gyis shes rgyud legs par sbyangs/ /bskyed dang rdzogs pa'i rnal 'byor nyams blangs pas/ /zung 'jug rgyal sa ring min mngon gyur nas/ /yid can mgon dang skyabs su 'gyur bar shog /dus gsum byon pa'i rgyal dang de sras dang/ /khyad par chos kyi rgyal po tsong kha pas// bstan 'gror sman pa'i thugs bskyed gang mdzad pa'i/ /bzhed don ji bzhin bdag gi'ang 'grub par shog /'dis mtshon dus gsum bsags pa'i dge rtsa kun/ / rang gi don du chud 'dzar mi 'gyur par/ /mkha' khyab 'gro rnams kun mkhyen myur thob pa'i/ /rgyu ru smon na de bzhin 'grub par shog /mchog gsum rgyal ba rgya mtsho'i thugs rje dang/ /chos nyid rten 'brel mi bslu'i bden pa dang/ / lhag bsam rnam par dag pa'i mthu stobs kyis/ /smon pa'i gnas kun bde blag @632 myur 'grub shog /ces khyab bdag rje btsun bla ma dam pa thub dbang rdo rje 'chang dang ngo bo dbyer ma mchis pa/ 'jam mgon chos kyi rgyal po tsong kha pa chen po'i rnam par thar pa thub bstan mdzes pa'i rgyan gcig ngo mtshar nor bu'i 'phreng ba zhes bya ba 'di ni/ 'jam mgon bstan pa'i sgron me kong yul theg chen gling gi grub dbang bla ma rin po che ye shes brtson 'grus dpal bzang po'i zhal snga nas de nyid kyis/ 'di ltar rang cag gi 'dren pa dam pa rje bdag nyid chen po 'phrin las nam mkha' dang mnyam pa de ltar la rnam par thar pa sngon yod rnams cung zhig bsdus pa'i skyon du snang bas/ phyi rabs gdul bya rnams kyi dad pa'i gsos su rnam thar rgyas bsdus 'tshams shing mchog dman kun gyis go bde ba zhig cis kyang bsgrigs dgos zhes rab tu dkar ba'i lha rdzas srid du ring ba dang bcas ring mo zhig nas bka' lung spyi bor bkod pa dang/ theg chen gling gi spong ba pa spyi nas kyang maNDal rten gsum lha reg dang bcas bskul ba dang/ dbus phyogs kyi gdan sa chen po'i bka' ram dge bshes phal mo che nas kyang yang yang bskul ma mdzad pa ltar/ ser smad thos bsam nor bu'i gling gi grwa rigs/ 7 gong sa rgyal ba'i dbang po'i sku bcar dang han mkhan sprul ming 'dzin blo bzang 'phrin las rnam rgyal du 'bod pa bdag gis rang nyid la skyes sbyangs kyi yon tan dman yang/ khyab bdag rwa sgreng khri chen rdo rje 'chang chen po sogs bdag nyid chen po du ma'i gsung gi bdud rtsi blo'i yol gor cung zad sim pa dang/ gzhung lugs dang rig gnas sogs la sbyangs pa phran bu byas khul tsam la brten pa'i spyi brtol bskyed de 'god pa'i bsam pa ring mo zhig nas yod kyang/ bar lam rnam par g.yeng ba bzlog tu med pa 'ga' zhig gi gzhan dbang du gyur pas @633 rim 'gyangs su song rung/ dam bca'i mdud pa mi lhod par rab byung bcu bzhi pa'i nang tshan chu yos lo kong phyogs su 'khor zhag la phyin skabs mgo brtsams/ shing 'brug dbus su sleb nas re zhig gzugs khams bde min byung rung bar chad kyi dbang du ma btang bar 'god gang thub bgyis pa las rje bdag nyid chen po gang gi thugs rjes bgegs med mthar son te/ sna tshogs dbyig tu 'bod pa shing sbrul hor zla bzhi pa'i yar ngo'i tshes bdun/ ston pa thub pa'i dbang po bkra shis lum bi'i tshal du sku bltams pa'i dus chen/ res gza' bkra shis/ rgyu skar rgyal dang 'grogs pa las 'byung 'phrod dang 'phrod chen gnyis ka 'phel 'gyur gyi sbyor ba dang ldan pa sogs mchog tu dge zhing shis pa'i nyin/ lha ldan sprul pa'i gtsug lag khang gi nye 'dab rang nyid kyi bsti gnas su mjug yongs su grub par bgyis pa'i dge bas/ bdag sogs skye dang skye ba thams cad du 'jam mgon chos kyi rgyal pos mnyes bzhin rjes su 'dzin pa'i mthu las mngon par rtogs pa'i rim pa phra rags mthar phyin nas zung 'jug sku bzhi'i rgyal sa ring min myur du thob pa'i rgyur gyur cig/ // ' na mo gu ru su ma ti kirti ya/ bloO gter kun bzangO rig pa'i sgyu 'phrul gyis/ /mtha' bral zhi ba'i rgyal thabs dar ba'i mgon/ /gragsO pa'i sprin phreng mkha' dang mnyam brdal ba'i/ /chos kyi 'khor bsgyur tsong kha pa la 'dud/ /thub bstan gser gyi padmo'i 'dzum grol dpyid/ /dag gtsang gzi 'od 'bar ba'i ye shes gter/ /ston pa'i rnam thar rdzogs pa'i nyin byed du/ / bden gsung gsang ba'i lung gis ring nas zlo/ /thubO tshul thubO pa'i rjes brjod zab mo'i gtam/ /zlaO bral zlaO bzhin rdzogs pa'i legs bshad tshogs/ / @634 rangO gar rangO snang mtshan mas ma reg par/ /smra ngan smraO sgo'i 'dam skyes zum byed nyid/ /mtshungs med bde gshegs gangs ri'i lto ba las/ /tha dad skal bar rgyu ba'i chos kyi sgo/ /mdo dang rgyud sde'i chu klung ro gcig tu/ /skyil mkhas gang des bstan pa'i mtsho chen bskrun/ /chos 'dul tshangs pa'i thig gi rjes spyod cing/ /rtag chad phyogs kun yongs 'jig lta ba'i klong/ /srid nyon gzhil byed dpyad 'jog res kyis sgom/ /'di ko dge ldan bstan pa'i 'phags chos nyid/ /'di na dad gsum 'o mtsho 'phel ba'i gnyen/ /brjod dka'i gsang ba rjod byed bdud rtsi'i gtam/ /cha rdzogs zla ba gzhon nur 'dzum pa'i ris/ / dpar gyi rdzing bur bkod pa'i bsod nams kyis/ /phyi na zhi dul tshangs spyod brtul zhugs mdzes/ /nang du gsang chen lam gyi snying po lci/ /'phrul zad dag gtsang 'dab stong gtsang ma'i sbub/ /blo bzang snyan brgyud phyogs kun khyab par smon/ /smra ngan gnyis 'thung srog la gzir ba'i mtshon/ /bsnyengs dang bral ba'i lung rigs mche sder can/ /gser mdog ral klung g.yo ba'i gdong lnga'i khyu/ /bshad sgrub rang rtsal rdzogs pas shis gyur cig /kunO khyab phyogs bral gser ldan yangs pa'i ljongs/ /kunO bzang 'dab brgya'i tshal du bsrel ba'i slad/ /kunO dga'i chos sprin bde ba'i gru char gyis/ /kun phan rdzogs ldan bsil ba 'bebs gyur cig/ /rang gshis rang don nye tshes ma bslad par/ /rang srid rang byung tshangs ba'i srol bzang gis/ /rang dbang rang gir spyod bzhin bsil ldan ljongs/ /rangO rigs rangO tshul bsrung bas shis gyur cig /rgyu sbyor 'brel thogs ltos bcas yid can kun/ /blo gter mkha' @635 lding dbang po'i bshul lam du/ /ma 'phrul lta sbyong dag pa'i gshog rlabs kyis/ / zhi dbyings thar pa'i mkha' mthar bgrod gyur cig /ces pa 'di yang yongs 'dzin khri byang sprul ming pas smon pa'o// // ' gong gsal rnam thar chen mo'i zhal 'debs su yongs 'dzin khri byang skyabs rje rdo rje 'chang nas hin sgor chig stong tham pa/ sku gshegs phyag mdzod lha bu de nyid kyi ched du hin sgor chig stong tham pa/ 'bras blo gling tre hor bka' 'gyur rin po che dgongs pa gzhan don du ma gshegs gong gsung rab dpar bskrun gyi zhal 'dbes su khri byang bla brang du 'jog gnang mdzad pa hin sgor nyis stong brgyad brgya ni shu tham pa/ skyid grong bsam gtan gling gi phyag mdzod dge slong bkra shis rgyal mtshan nas hin sgor drug brgya bco brgyad/ dga' shar dze smad rin po chen nas hin sgor lnga bcu tham pa/ dga' shar nyag re dge slong byams pa chos grags nas hin sgor lnga/ 'jig med tshe ring nas nyin sgor gcig/ /ser hre hor thub bstan sprul sku nas hin sgor bcu/ tshe 'das sog po dge long sangs rgyas rgya mtsho de nyid kyi che du hin sgor brgyad cu tham pa bcas khyon bsdoms hin sgor/ 5584 byung/ spar thog tu song ba/ ' lha bris pa'i ri mo'i gla dang/ b+hu log bzos pa'i gla cha dang dpar gla/ rnam thar chig stong tham pa'i shog rin dang dpar gla/ zhu dag pa'i phogs/ deb kyi rgyab sha dang bzo gla/ yig 'bru bshigs bsgrigs kyi gla cha bcos gong gsal khyon bsdoms hin sgor 10975 dang 75 bcas// @001 (nor bcos kyi re'u mig /) shog grangs/ yig phreng/ nor/ bcos 11 11 madmo'i padmo'i 13 10 blang don blang dor 22 19 nasrim nas rim 24 20 mdzam 'dzam 27 12 pa' pa'i 36 17 pa'i po'i 41 11 gyu gyur 42 9 smod smon 46 7 rda rdo 61 7 khassa khams 83 18 ldad pa ldan pa 83 18 sdan ldan 89 1 pa' pa'i 92 10 'jan 'dzin 98 3 lar lor 109 5 rtags rtogs 110 8 mad mdo @002 shog grangs yig phreng/ nor/ bcos/ 112 18 'phra 'phro 114 20 yan yin 122 1 yangs yongs 122 7 des de sa 124 12 rtags rtogs 133 8 brgyad brgyud 134 20 byan byon 237 20 yad yod 147 12 ngas nges 148 13 'ad 'od 163 19 rda rdo 165 1 spab spob 168 1 rlas rloms 77 4 do don 181 17 gzhugs bzhugs 185 3 pa po 186 11 gnyil gnyis 191 14 pa' pa'i 204 20 'khar 'khor @003 shog grangs yig phreng nor bcos 206 1 ba' ba'i 210 14 'dran 'dren 211 3 ma mo 230 19 bzhi' bzhi'i 232 1 brjad brjod 234 3 pa'i po'i 241 16 mar mor 249 3 latog lo tog 257 2 rgya mcha rgya mtsho 260 4 pas pos 273 9 la la la 274 13 cha che 286 9 do na don 193 12 jiltar ji ltar 293 16 na ni 301 18 mtshan ma mtshan mo 302 3 zhi nga zhing 311 4 kya kyi 317 18 mchad mchod @004 shog grangs/ yig phreng/ nor/ bcos/ 327 1 pa Na paN 330 5 cha 'phul cho 'phrul 330 7 phrul 'phrul 333 17 bcam bcom 335 7 bca bco 342 16 nya nyi 351 8 pa'i po'i 354 14 na ni 355 19 mkhar mgar 365 18 tsongkha tsong kha 374 14 pa'i po'i 375 15 sbyod spyod 380 18 ba ton bton 385 6 ba'i bo'i 386 3 thag thog 387 8 'ag 'og 388 14 pa'i po'i 389 2 'zigs 'jigs 394 1 bu'a/ bu'o/ @005 shog grangs/ yig phreng/ nor/ bcos/ 395 7 char chad 399 5 khyong khyod 405 9 mthan mthon 417 4 rang dang 420 13 mad mdo 424 8 rtsad rtsod 425 1 cim tsam 425 12 ga go 426 6 ma mi 431 4 'chib 'i 'chi ba'i 436 20 rto gas rtogs 438 6 dan don 441 17 mad mdo 442 11 gzhal gzhol 443 15 chen tshan 448 19 da nga dang 454 14 sngan sngon 455 20 dgad dgod 465 10 dan don @006 shog grangs/ yig phreng/ nor/ bcos/ 468 3 rdogs rtogs 469 15 brjad brjod 470 19 rtag rtog 472 4 shim shin 474 15 ran rin 476 15 rgyas rgyus 481 11 sdam sdom 483 1 rtag rtog 485 18 che' che'o 487 4 dar dor 489 18 bcas bcos 503 11 rda rdor 511 1 cha tshe 518 16 'al 'ol 526 18 dan dben 530 3 sga'i sgo'i 539 17 bya' bya'i 541 1 dngas dngos 544 2 de ra der @007 shog grangs/ yig phreng/ nor/ bcos/ 549 14 na ni 550 15 dkan dkon 551 20 dngas dngos 565 20 gzhal gzhol 569 1 'tshon tshon 517 5 ta to/ / 571 20 byungdu byung du 571 20 de de ltar 590 8 rgya rgyal 591 1 ran rin 593 10 sar sor 595 18 chog chos 601 3 cha tshe 601 9 bzhan bzhin 603 19 ga gi 608 5 mad mdo 610 20 rtag rtog 614 6 nu du 625 17 ba'iskabs ba'i skabs @008 shog grangs yig phreng nor bcos 626 16 mtshos rgya mtshos 627 10 sags sogs 627 19 na snyags ni snyigs 627 20 kya kyi