[@##the following text has incomplete sections/ which are on order] [@##data incomplete here] @108b la song ba zhig byung/ 'di la sogs pa'i mdzad pa ngo mtshar ba rnams rje nyid yon tan sbed pa kho na mdzad pas phal cher mi gsung la/ gsungs pa rnams kyang mnal lam yin khul dang nges pa med tshul sha stag gsung yang/ don du dngos dang mnal lam gang yin cha ma 'tshal/ gang ltar 'di nyid ni sngon du drangs pa'i lung bstan las/ 'di dang 'brel pa gang yod paH de'i skye ba bdun nas niH phyir mi ldog pa'i sa la gnasH zhes dang/ gang tshe sems can 'chi khamsH zhig po de'i mtshan thos pasH tshe 'di'i snang ba nub ma thagH rab tu dga' ba'i sa thob 'gyurH zhes gsungs pa de dag la nges pa rnam dag 'dren byed dang/ jo bo'i bstod par/ g.yor po mtshams rur bu mos mgo rgyan phul/ shi ba bsan nas de yi sgrib sbyong mdzad/ /rigs kyi bu mo lha ru skyes zhes gsungs/ 'gro ba'i 'dren pa khyod la gsol ba 'debs/ /zhes gsungs pa dang tshul mtshungs pas 'gro ba'i 'dren pa bla na med pa yin cing/ gzhan deng sang gi sgom chen mtshams dang bug sgo 'dag sbyar la ming btags nas nang du lkog nyal byed pa 'ga' zhig kyang rtogs pa mang po brnyes nas grub pa'i go 'phang mthon por slebs pa'i zol gyis smin ma zengs zengs dang skad che skad chung @109a @#/ /skad byed pa 'di 'dra la bsam na/ rnyed bkur thams cad mi gtsang ba phyis pa'i rngo ba bzhin du dor nas byang chub kho na don du gnyer ba'i bsam pas 'gro 'chag nyal 'dug gi spyod lam thams cad dge ba'i bya ba kho na la bsgyur nus pa 'di lta bus mchog dang mthun mong gi dngos grub myur du 'grub pa gdon mi za'o/ /rje nyid dgung grangs zhe gnyis su phebs pa dpal gdong zhes pa chu bya nag pa zla ba'i tshes 'go nas bzungs/ tshe 'di'i bde thabs 'grub pa tsam la chog shes mi byed par thar pa dang thams cad mkhyen pa'i go 'phang kho na don du gnyer ba'i skal ba bzang po can gyi zhal slob kha shas la/ byang chub lam gyi rim pa bde lam gyi myong 'khrid sngon 'gro sbyor ba'i chos drug nas chos kyi bdag med bsgom tshul gyi bar la chos thun sum cu dang/ chos thun re re song ba dang bla slob so sor bzhugs nas phyag mchod maNDal sogs gsag sbyang dang 'brel ba'i sgo nas skabs gang yin gyi don zhag drug bdun re bsgoms nas myong ba sne zin skye bar byas/ yang chos thun de'i rjes ma gnang ba sogs mdzad pas zla ba brgyad pa'i tshes nyer gsum tsam la dngos gzhi grub nas/ tshes nyer lnga'i nyen rgyal sras lha khang du sems bskyed mchod @109b pa rgyas par mdzad cing de skabs brgya mchod sna lnga gcig dang snga lo brgya mchod gcig kyang 'bul bar mdzad/ 'di la sogs pa lam rim blo sbyong gi 'khrid gnang ba'i skabs phal cher la dbyibs dang kha dog mi 'dra ba'i 'ja' sprin sna tshogs dang/ me tog gi char dbyibs dang kha dog mi 'dra ba mang po nam mkhar lding ba dang/ sngon med pa'i dri zhim pos nye skor khyab pa sogs ngo mtshar ba'i ltas mang po byung tshul pa snam khrims gling pa sogs la bshad rgyu 'dug kyang ji bzhin blo yul du ma nges/ 'di skabs yin nam gang ltar lam rim blo sbyong ci rigs kyi bka' khrid gnang skabs shig mnal lam du/ rje nyid kyi sku la rgyal mtshan lta bu da lta'i dung gos su grags pa de 'dra ba zhig gsol te/ rje bi lung pa chen po nas lam rim smon tshig gsung chung ngus bskul bar mdzad pa rje 'dis gtsos tshogs pa mang pos skyor gnang dang/ khyad par mjug gi bkra shis rgya mtshos phyogs kun khyab gyur cig ces par rje 'dis gsung shin tu che ba lung pa thams cad khrol 'gro ba zhig mdzad pa byung 'dug /de yang bkra shis rgya mtsho zhes pa ni bka' gdams glegs bam las/ bkra shis gcig tu bkra shis kun/ /'dus pa bkra shis rgya mtsho ste/ /zhes gsungs @110a @#/ /pa ltar/ bkra shis ma tshang ba med pa thams cad kyis phyogs thams cad khyab pa'i don no/ /de mtshungs shing khyid bo zla'i tshes nyer drug nas bzungs lam rim gyi myong 'khrid sngar bzhin dang/ shing phag nag zla'i tshes lnga nas bzungs bde lam myong 'khrid sngar bzhin thog dge tshul/ dge slong/ byang sems gsum gyi bslab bya/ bla ma lnga bcu pa/ sngags kyi bslab bya bcas pa'i bka' bshad nyin bcu gcig gi bar du gnang zhing/ snga lo bkra shis lhun por mang ja gcig dang lo gnyis kyi khongs dngul chur brgya mchod sna lnga tshar lnga dang gru 'dzin du gcig /khro phu'i byams pa'i spyan sngar gcig bcas 'bul bar mdzad do/ /rje nyid dgung grangs zhe drug tu phebs pa dbang phyug ces pa me glang lo 7skyabs mgon paN chen rin po che'i 'phrin las dang rje 'di'i thugs bskyed zung 'brel la brten thugs sras dam pa rdze gru 'dzin pa chen po nas gang ci'i thugs khur bzhes te gru 'dzin 'dir dge lugs dge slong gi sgrub sde rnam par dag pa tshugs/ lo 'di'i dbo zla'i mjug yongs 'dzin chos kyi rgyal po bzhad rlangs ma chab bzhes su phebs par/ rje 'di yang yun ring ma mjal bar brten dgyes tshor tshad med pa @110b dang bcas sngon tshud nas phebs te/ khu bo dam pa bla ma dbu mdzad dbang rgyal lags dang bcas sku mched dbu gur gcig tu bzhugs/ yongs 'dzin mchog nas kyang sku mched gnyis ka la gzigs pa rmad du byung ba mdzad pas bzhad pa rnams nas da lam nu ru ba sku mched kyis skad btangs song zer ba byung/ bzhad sde lhan rgyas nas gsol ba btab ngor dbang mo che stsal nyin yang maNDal bskul ba sogs khu bo dam pa nas mdzad cing bzhugs khri'i g.yon phyogs su gdan lcog gi bkur bzos dang bcas sku mched lhan du bzhugs pa'i bar du bdag cag rang lo dgu par son pa yang ci bder gnas chog pa'i skal bzang thob/ rje nyid nas gsol ba btab ngor lam gyi gtso bo gsum gyi bshad lung/ 'jam dpal nag po dang phyag rdor gtum po sogs kyi rjes gnang/ gzim chung tshe dbang bcas stsal zhing mjug tu dngos 'bul sbam mtho ba dang bcas brtan bzhugs 'bul bar mdzad skabs bdag kyang gsung rten pod chung khyer mir bka' bkod gnang ba ltar skal bzang nyams su myong/ 'di skabs seng bar ji byung la yongs 'dzin mchog dang rje 'di lhan rgyas kho nar bzhugs te phan tshun du dri rtsad sogs dam pa'i chos kyi gsung gleng gis dus 'da' bar mdzad/ nyin gcig dkar @111a @#/ /po ba'i gces bar pa zhu ba nas gzim yol gyi srubs su bsdang de lkog nyan byas par/ gsung gleng byings za zur las ma go yang/ dge slong rang nas sngar gser dngul sogs mi len pa'i dam bca' byas pa yin na'ang/ de rang re gnyis kas cung zad ma byung 'dug /phyogs 'di'i ser skya tshang mas dang gus che nges byed kyin yod 'dug stabs de rnams kyi 'dod pa ma bsgrub na byang sems kyi bslab bya dang yang 'gal bas phyin chad 'bul ba gang byung blangs pa legs rgyur 'dug ces bka' stsal pa gsal por go /yang rje 'dis bka' 'dri zhig zhu par mdzad song rung cher ma thos/ da a khus mi shes pa ngas ga la shes zhes bka' lan stsal pa thos/ da dung go ris bsgrims nas bsdud kyang go ma thub pa'i mur gnyis kas ches cher bshums te gsung 'phros kyang 'phro sbad kyis chad song zhes gces gces lags nas thob rgyal bla ma rin po cher zhu bar mdzad 'dug /'di la thob rgyal bla ma rin po che nas bka' lan 'dir brtags na yongs 'dzin rje rang las kyang rje 'di lhag par thugs thag bcad pa'i gsung du 'dug ces gsungs/ gru 'dzin du snga srol ltar kyai rdor sgrub mchod zhig nges par dgos par/ thugs @111b sras gru 'dzin pa nas rje 'di la de'i dbyang gi gsol 'debs mdzad kyang sngar ma bsan par brten/ yongs 'dzin mchog la de la sogs pa'i 'dod chos mang po zhu bar ring min gdan sar bcar chog pa'i snyan zhu phul bar dgyes bzhin zhal bzhes byung bar brten/ lo 'di'i zla ba lnga pa'i 'gor gdan sar chib bsgyur bskyangs te bkra shis lhun por paN chen bstan pa'i nyi ma'i zhabs drung nas rdo rje 'phreng ba nas bshad pa'i dus 'khor spyi ka'i dbang/ grub rgyal lugs kyi tshe dbang/ 'dul ba rgya mtsho'i snying po'i ljags lung bcas bsan/ ri khrod dga' ldan chos gling du yongs 'dzin chos kyi rgyal po'i zhabs drung nas gsang 'dus 'jam pa'i rdo rje lha bcu gsum gyi bdag nyid can gyi dbang/ kyai rdor Domb+hi lugs kyi dbang/ bka' gdams kyi gsang chos thig le bcu drug gi dbang/ gsang 'dus 'phags lugs kyi bskyed rim dngos grub rgya mtsho'i bshad lung gong ma'i phyag len ma nyams pa/ rin 'byung nas bshad pa'i tshogs bdag glang sna dmar chen gong gnon dang bcas pa sogs rjes gnang mtha' yas pa/ paN chen bstan pa'i nyi ma dang rje yongs 'dzin nyid kyi gsung mkho gnad che ba phal cher gyi lung bcas bsan/ de nas bde chen bla ma rin po che de nyid kyi nye gnas dam pa bla ma gnas brtan blo bzang bkra shis lags nas sprul pa'i @112a @#/ /sku rin po cher zab chos 'ga' zhig stsol ba dang bcas nges par phebs dgos zhes par brten bde can ri khrod du phebs/ sprul pa'i sku rin po cher brtan bzhugs dang 'brel ba'i dngos 'bul gzabs pa sogs phan tshun gyi mdzad sgo legs lam che ba 'gran pa bzhin du gyur/ sprul pa'i skus gtsos dang ldan mang por dbang rjes gnang lung khrid sogs bzhed pa dang mthun pa'i dam pa'i chos kyi char phabs/ sprul pa'i sku 'di yang dad pa dang mkhyen rab che ba/ kun spyod gtsang ba/ rang bzhin bzang ba sogs dam pa'i rang rtags 'gog med du gsal ba zhig yin pas 'di nas bzungs rje 'di ma gshegs kyi bar bsam sbyor gnyis kyi sgo nas yongs su 'dzin pa chen por bzhes nas bzhad du yang lan grangs du ma'i bar phebs te/ sgra snyan/ dbang rjes gnang/ lung khrid/ the tshom gyi gnas la dogs pa gcod pa sogs mdzad pas/ da lta mkhas btsun bzang gsum 'dzoms pa'i bstan 'dzin gyi skyes bu chen por gyur te nA ro mkha' spyod ma'i smin grol gyi gdams pa sogs rje 'di nas brgyud pa'i chos rgyun rgya cher spel bar mdzad/ rje 'dis kyang thugs kyi sras mchog dam par mnyes bzhin rjes @112b su bzungs pa lags so/ /de skabs bla ma gnas brtan lags kyi zhabs drung nas sku gong ma'i gsung sku dngos nas ma bsan pa phal cher sogs lung mang po bsan/ tshur lam bkra shis lhun por phebs te sngags chen rdo rje 'chang blo bzang bstan 'dzin dpal 'byor dpal bzang po nas gsang 'dus rtsa rgyud 'grel pa bzhi sbrags dang/ lam rim chen mo la sogs pa'i lung mang po bsan/ phebs skor 'di'i chos bsan pa phal cher gyi sbyin bdag kyang rje rang nyid kyis mdzad cing/ de skabs/ zhwa gos gzabs mchor gnam yer khra thag thag /za rgyu 'thung rgyu'i phyogs de nyag phra phra/ /zhes pa'i ngang tshul du ma song bar dngos po rtsal sprugs kyi 'bul ba gzabs shing rgya che ba ser sna dang phrag dog zung du 'brel ba rnams am gtsigs tham tham byed dgos pa phul/ de ltar bzhed don thams cad grub nas rim gyis chib bskyod de gzim phug rdo rje'i pho brang du zhabs sor bkod nas sngar bzhin thugs dam bcad rgyar bzhugs shing 'di lo dngul chur brgya mchod sna lnga tshar gcig dang/ rlangs chab lha khang du gcig /snga lo dngul chur gsum dang/ gru 'dzin du gcig bcas kyang 'bul bar mdzad do/ /yang mtshams 'dir gleng bar bya ba ni/ thugs kyi sras @113a @#/ /mchog thob rgyal bla ma rin po che 'di nyid ni/ tsa na ka rgyal po lugs kyi bstan bcos las/ brtson dang rtul phod brtag pa dang/ /blo dang nus pa pha rol gnon/ /yon tan drug po gang la yod/ /de la lha yang dga' ba skyed/ /ces gsungs pa ltar/ gzhon nu nyid nas bzungs dad pa dang/ brtson 'grus dang/ snying stobs rmad du byung bar brten/ pho rtsal sna dgu la rang byan tshud de che btsan rgod gsum sus kyang do zla mi spobs par ma zad/ rje btsun bla ma 'di dang sku tshe sngon ma dpag tu med pa'i 'phreng bar las dang smon lam bzang po'i 'brel ba shin tu che ba'i mthu las gzhon nu nyid nas thugs rje chen pos rjes su bzungs te re 'ga' ni byis pa 'drid pa'i phyir sa ris la sogs pa'i sgo nas ngo mtshar ba'i gnas du ma ston par mdzad pa dang/ res 'ga' ni mi chos gtsang ma bcu drug la sogs pa'i sgo nas ya rabs dam pa'i ngang tshul 'di dang 'di lta bu bya dgos zhes dang/ res 'ga' ni yon tan dang ldan pa ni yul phyogs gang du song yang bsngags brjod bsnyen bkur gyi gnas su 'gyur ba yin pas rig pa'i gnas 'di dang 'di lta bu la brtun pa skyed cig ces dang/ res 'ga' ni yon tan thams cad gang las 'byung @113b ba'i gzhi dang rten ni yi ge yin pas de'i 'dri klog la brtson dgos zhes dang/ res 'ga' ni mi gzugs byad mdzes kyang rgyan gos dang mi ldan na 'phya dmod kyi gnas su 'gyur ba ltar yig gzugs legs kyang dag byed dang mi ldan na mkhas pa rnams kyi ga zha'i gnas yin pas sum rtags dang dag yig la mkhas par slob dgos zhes dang/ res 'ga' ni rang cag gis thob pa'i rten 'di rnyed dka' zhing don che ba yid bzhin nor bu dang 'dra ba yin kyang yun ring mi gnas pa glog gi zlos gar dang mtshungs pa yin pas dam pa'i chos bsgrub pa la myur du brtson dgos zhes dang/ res 'ga' ni 'khor ba 'di gang du gnas kyang sdug bsngal kho na'i 'byung gnas yin pas 'di las thar ba'i thabs la 'bad dgos zhes dang/ res 'ga' ni khyim na gnas pa ni yang ba/ 'jigs su rung ba/ nyes pa du ma'i 'byung gnas btson ra dang 'dra ba yin la/ rab tu byung ba ni de las ldog pa/ lha dang bcas pa'i 'jig rten gyis phyag bya ba'i 'os/ thal mo sbyar ba'i 'os/ yon gyi gnas su gyur pa yin pas de la smon lam thob cig ces sogs chos dang mthun pa'i legs bshad kyi 'o mas rgyun du bskyangs par brten @114a @#/ /chos phyogs la'ang don gnyer dang rnam dpyod 'gran zla med par gyur te mkhas par rlom pa phal mo che yang dri ba'i sgo nas mi smra ba'i brtul zhugs la 'god par mdzad/ khyad par bla ma'i bka' bzhin khyim nas khyim med par rab tu byung ba zhig nam 'ong na snyam pa skom pa chu don du gnyer ba lta bu rgyun mar yod cing/ bla ma dkon mchog la gsol 'debs dang smon lam yang chag med du mdzad mod/ 'on kyang yab dang gcen rnams paN chen rin po che'i yum mchog dam pa'i zhabs khong yin par brten re zhig drung yig gi las khur mdzad dgos byung yang/ pha dam pas/ bla mas bskyal na gang 'dod gnas su slebs/ /rkang slar mos gus phul zhig ding ri ba/ /zhes gsungs pa ltar/ bla ma dkon mchog la blo gtang pa'i bsam don bde blag tu 'grub pa chos nyid yin pas/ gang ci'i 'gal rkyen zhi zhing mthun rkyen grub ste/ rje 'di dgung grangs zhe bdun du phebs pa 'bru mang zhes pas stag lor khyim gyi gnas la sogs pa mchil ma'i thal ba bzhin du dor te pho mo tshang ma rab tu byung nas/ bla ma rin po che nyid gzim phug gi nye 'dab rgyal sras chen po'i dngos slob rgya ma ba yon tan 'od kyi bzhugs @114b gnas rgya ma brag phug ces par lo kha shas bzhugs/ rab byung ma rnams da lta'i padma chos sdings su khang ro 'dra yod par zhig ? gso mdzad nas der bzhag /rkyen de dang rje btsun bla ma mchog gi thugs bskyed zung 'brel la brten 'di lo padma chos sdings zhes pa'i rab byung ma'i sde 'di tshugs nas da lta yang 'don chos/ kun spyod/ bslab khrims sogs gang ci nas bstan pa rin po che'i mig rgyan du gyur pa mchis/ de ltar thob rgyal bla ma rin po che 'di nyid skyes bu khyad 'phags yin par rje 'dis snga mo nas dgongs te gzhon nu'i dus su yang bslab bya de ltar mdzad cing/ phyis kyang zhing ma gshegs kyi bar du thugs rje chen pos spyan gyi 'bras bu bzhin du rjes su bskyangs te mthun mong dang mthun mong ma yin pa'i gdams pa thams cad dgyes bzhin du stsal/ bla ma nyid nas kyang rgya gar mi gcig lha gcig bzhin du/ nga mkhas dang nga grub gzhan la 'gram chu ma ldang par rje 'di gtsug gi nor bu bzhin du bsten nas mnyes pa gsum gyi sgo nas mnyes par mdzad/ lam rim chen mo tshang ma thugs 'dzin thog thos bsam sgom gsum la brtson pa chu bo chen po'i rgyun bzhin mdzad pas/ deng gi dus su mkhas btsun bzang gsum gyi yon tan/ 'chad rtsod rtsom gsum @115a @#/ /gyi bya ba gang gi thad nas kyang 'gran pa'i zla dang bral ba 'di yin cing/ de yi sdug pa'ang bla ma bzhin/ /bla ma'i 'khor ni gnyen bzhin du/ /zhes pa'i dgongs don thugs la mnags ? te/ bdag cag nyam chung sa 'og gi srin bu'i rjes su 'gro ba la yang rang lo bcu par yi ge 'dri tshul slob par mdzad pa nas da lta'i bar du thugs rje'i gzigs pa dge bas skyong bzhin pa 'di la lags lo 'dir dngul chur brgya mchod sna lnga tshar gnyis kyang 'bul bar mdzad do/ /myos ldan zhes pas yos ? lo yang bcad rgya kho na'i sgo nas thos bsam sgom gsum spyi dang/ khyad par dpal kyi rdo rje Domb+hi lugs kyi ljags bsnyen rgyas pa dang/ grub mtshams rgyal sras lha khang du kha skong zhi ba'i sbyin sreg bcas mdzad cing/ 'di skabs 'das ma 'das kyi lha la stod g.yogs smad g.yogs mtshon pa'i gos zung la phyi mdzod kha gsar bzhi me nang du 'bul bar mdzad pas 'ga' zhig phang sems kyis lce nar nar byed pa byung zhes rje gru 'dzin pas gsungs shing 'di lo dngul chur brgya mchod sna lnga tshar gsum dang gru 'dzin du gcig 'bul bar mdzad do/ /de ltar rgyu tshogs mtha' dag tshang ba'i sgo nas rgyun bsrings te/ 'go ba shes gnyen bsten tshul nas zhi lhag gi bar gyi lam mthun @115b mong ba dang/ mthun mong ma yin pa bskyed pa dang rdzogs pa'i rim pa gnyis la/ dpyad sgom dgos pa rnams so sor rtog pa'i shes rab kyis yang dang yang du dpyad cing bsgoms pas thag chod pa'i nges shes 'drongs/ 'jog sgom dgos pa rnams nges shes kyi steng du rtse gcig tu bzhag nas bsgoms pas rtsol bcas dang rtsol med kyi myong ba khyad par can 'khrungs de'i mthus rgyal ba'i bka' thams cad rang nyid 'tshang rgya ba'i gdams ngag 'ba' zhig las yi ge na gcig kyang 'dor rgyu med par go ba'i nges pa don gyi bka' gdams pa chen po thar pa dang thams cad mkhyen pa'i lo tog don du gnyer ba rnams kyi zhing sa bla na med par gyur to/ /gang zhig thos pa rgya mtsho'i mthar son kyang/ /bsam sgom yid bzhin nor dang mi ldan na/ /gtan bde'i nor mchog don du gnyer ba yi/ /skal ldan yid kyi re ba 'gengs nus min/ /de phyir thos bsam 'dab stong grol ba'i rtser/ /rtse gcig sgom pa'i me tog 'bar ba la/ /dpag yas lung rtogs sbrang rtsi'i bcud 'chang ba/ /mkhas grub gong ma'i rnam thar bdag gir mdzad/ /rnyed bkur sprin sna 'khrugs pa'i rnam g.yeng gi /ri mo lang long 'char @116a @#/ /ba yid kyi mkhar/ /rtogs pa'i zla zhal mthong ba'i skabs dben phyir/ /thabs mkhas dri yi bzhon pas rgyang du bsrings/ /de tshe g.yo med ting 'dzin sprin rum nas/ /sngags rgod thog gzer spros pas gdug can snying/ /'bigs pa ma bzod sku yi rgyan gyur tshe/ /dgyes pa'i gar ni 'chi med lam du bsgyur/ /khyad par gong ma'i rten 'brel gru gzings la/ /bcibs nas mkhas pa'i ded dpon chen po khyod/ /ngo mtshar rten gsum nor bus rab gang ba'i/ /sman sdings rgya mtsho'i ngogs su de la gyis gshegs/ /der ni grub brnyes nA ro ta pa dang/ /dar babs mkha' spyod dga' ma yid 'ong mas/ /phan tshun bskul ba'i brda thabs zlos gar gyi/ /gzigs mor yab sras zung de ring zhig yengs/ /de tshe dpa' bo'i rgyan dang cha lugs dmar ser gos kyis bsgribs pa'i sgyus/ /ngur smrig 'chang ba'i zol la brten pa rdo rje chos dngos bla ma yis/ /gnas gsum ma dang mkha' 'gro'i zhal rlangs mngar por 'thul ba snyan rgyud kyi/ / gdams pa'i bdud rtsi yongs su rdzogs pa khyod thugs bum pa'i bcud du byos/ /de lta'i man ngag thug po'i lus/ /zos pa'i don gnyer skom dad kyis/ /rigs bral legs bshad @116b chu klung kun/ /khyod kyi rnam dpyod hub kyis drangs/ /'khon rigs brgyud pa'i ded dpon gyis/ /'bad pas bsgrubs pa'i rin chen nor/ /phyag len 'chol ba'i 'dam byings pa'ang/ /khyod kyi blo gros rtsal gyis phyungs/ /log rtog rdul ldan snyan rgyud chab/ /'chad rtsod rtsom pa'i ke ta kas/ /bgrungs pa'i snyan gtam me tog 'phreng/ /khyod 'ba' zhig gi rgyan du gyur/ /lha dang bla mas byin rlob pa'i/ /cho 'phrul dbyar rnga brdungs pa'i sgras/ /mkhyen brtse'i mdongs ldan gang gi thugs/ /mchog mthun dngos grub mngal gyis dud/ /khyod kyi legs bshad gar chad gis/ /myos pa'i grub pa pho mo mang/ /rtogs pa'i mkha' la lding ba yis/ /sa 'di mkha' spyod gnyis par byas/ /snyan rgyud gter gyi chu skyes kha/ /'byed phyir blo gsal rgya mtsho'i nyi/ /dngul chu'i spo nas 'char zhes pa'i/ /lung bstan ljon pa 'bras ldan byas/ /de lta'i kun bzang spyod pa'i mtsho nang du/ /rgyal dang rgyal sras slob mar bcas pa yi/ /rmad byung mdzad pa'i gzugs brnyan kun 'char ba'i/ /ngo mtshar phung po bsam brjod yul las 'das/ /de phyir khyod gcig kho na sa gsum 'dir/ /lung rtogs dam pa'i chos kyi rgyal srid la/ /kha lo @117a @#/ /mngon par bsgyur ba'i sangs rgyas su/ /bcos min mthong ba'i legs byas spangs su mtho/ /zhes dus gsum rgyal ba kun gyi spyi gzugs bka' drin gsum ldan rje btsun bla ma thams cad mkhyen pa d+harma b+ha dra dpal bzang po'i rnam par thar pa zhwa ser bstan pa'i mdzes rgyan zhes bya ba las/ rnyed bkur mtha' dag rtsa bzhin dor nas sgrub pa kho na gtso bor mdzad pa'i sarga ste bdun pa'o// ! //de ltar gong du bshad pa ltar 'di yan chad shi gson gyi dngos 'bul bzhes pa sogs gtan nas ma mdzad par gdams don thugs nyams su bzhes pa kho na gtso bor mdzad/ skabs 'dir thugs sras dang dad ldan gyi sbyin bdag 'ga' zhig nas/ rje bla ma mchog nges don zab mo thugs su chud nas gser dang bong ba mnyam par gzigs pa'i dbang gis stong gsum thams cad gser gyis byur bur bkangs te phul yang/ rang don du til gyi cha shas tsam la'ang sred pa'i go skabs ma mchis na/ bdag sogs snying nas dad pa dang ldan pa'i gdul bya rnams tshogs rdzogs pa'i phyir du da phyin chad dngos 'bul ji byung bzhes cha yod pa zhig thugs @117b rjes gzigs 'tshal zhes nan chen pos gsol ba btab pa la/ rje bla ma mchog nas kyang sngon du yongs 'dzin mchog nas dngos 'bul ma bzhes na byang sems kyi bslab bya dang 'gal tshul phebs pa'i bka' sgrub pa dang/ gdul bya tshogs rdzogs pa dang/ ri rgyud 'di'i pho mo'i dgon pa rnams kyi mang ja'i thebs su btang na rang gzhan gyi dge ba gong 'phel du 'gyur ba sogs dgos pa khyad par can mang zhing/ khyad par de ltar mdzad pas rang nyid mi nyams pa'i gdeng dang ldan pa la dgongs/ rje nyid dgung grangs zhe dgur phebs pa rnam gnon zhes pa lcags 'brug lo 'di nas bzung srog chags ma gtogs gzhan dngos 'bul tshang ma bzhes nas til cha tsam phyi 'khyar med par mang dod sogs su smin 'gro mdzad mod/ 'on kyang dgung lo lnga bcu nga bzhi yan chad kyi mang dod ji gnang la bsnyel tho ma byung 'dug /'di skabs gru 'dzin pa chen po nas gsol ba nan tan btab par brten/ zla ba bzhi pa'i tshes bcu gcig la gru 'dzin du phebs/ kyai rdor dang bcu gcig zhal gyi dbang/ rdor sems mthun mong ma yin pa sogs kyi rjes gnang/ thun drug /dga' ldan lha brgya ma/ snying po don gsum rnams kyi 'khrid/ mkha' spyod ma'i byin rlabs @118a @#/ /dang be'u bum gyi lung/ rje tsong kha pa chen po dang/ paN chen blo bzang chos rgyan gyi gsung bka' rgya ma dang bcas pa tshang ma dang/ rgyal sras bka' 'bum sogs kyi lung/ sgra mdo ? ka lA pa'i mtshams sbyor lnga dang ming le drug gi bka' bshad/ grub rgyal lugs kyi tshe dbang sogs chos bka' mtha' yas pa'i char phabs shing/ snga phyir mang 'gyed phon che ba yang stsal te/ zla ba bcu pa'i tshes bdun la dngul chu'i gzim phug tu phebs/ zla ba bcu gcig pa'i tshes bcu bdun nas rje btsun rdo rje rnal 'byor ma'i rim gnyis kyi 'khrid zhag nyer lnga'i bar du stsal/ 'di lo yongs 'dzin rdo rje 'chang gshegs pa'i dgongs rdzogs sogs su dmigs brgya mchod sna lnga tshar phyed bcu gsum dang/ rgyal sras chen por gser chab/ gru 'dzin spyan ras gzigs la gser chab dang thugs kar gser gyi rdo rje g.yu phras phyug pa dang/ dprog zhur g.yu dmar spus legs bcas 'bul bar mdzad/ lcags sprul lo ba can bla ma gnas brtan lags gshegs pa'i dgongs rdzogs sogs su dmigs dge 'phel du bsnyen bkur nyin gang brgya mchod sna lnga dang bcas pa dang/ gzhan ma dngul @118b sogs su brgya mchod sna lnga drug 'bul bar mdzad/ chu rta zla ba drug pa'i chos lnga nas bla mchod bde stod dbyer med ma'i nyams khrid tshogs 'khor dang bcas pa nyin brgyad kyi bar dang/ gzhan yang dbang rjes gnang lung khrid sogs mang du stsal/ 'di lo brgya mchod sna lnga tshar bcu gnyis 'bul bar mdzad/ chu lug zla ba gsum pa'i tshes nyer dgu nas nyin bzhi'i ring paN chen chos rgyan gyis mdzad pa'i dge slong gi bslab bya'i 'khrid dang/ zla ba bcu pa'i tshes bcu bzhi nas nyin bdun gyi ring rje nyid kyis mdzad pa'i tshem bu dmar khrid kyi 'khrid dang/ snying po don gsum shog gcig ma'i 'khrid nyin gcig/ mjug tu smon 'jug cig car 'bogs pa'i sems bskyed mchod pa bcas dang/ zla ba bcu gcig pa'i chos bcu gsum nas nyin dgu'i ring 'jigs byed bcu gsum ma'i bskyed rim gyi nyams khrid bcas stsal/ 'di lo dngul chu gru 'dzin ? khul brgya mchod sna lnga tshar bco lnga dang/ grwa tshang du brgya mchod sna lnga bsnyen bkur nyin gang bcas mdzad/ shing sprel zla ba gnyis pa'i nang dngul chu'i 'du khang du bka' gdams thig le bcu drug gi dbang rgyas par stsal/ 'di skabs sbyin @119a @#/ /bdag nas kyang stong mchod sna lngas mtshon mchod pa grogs po'i blo yul du mi bshong ba phul/ gzhan yang lung khrid rjes gnang mang po gnang/ mjug tu sku grib la brten pa'i mgul cham babs lci tsam bzhes kyang ring min zla ba sprin bral ltar gyur/ 'di lo dngul chu gru 'dzin gnyis su brgya mchod sna lnga tshar bco lnga 'bul bar mdzad/ shing bya zla ba gsum pa'i tshes 'go nas bzung lam rim blo sbyong gi zab khrid shin tu rgyas pa sems bskyed mchod pa dang bcas pa dang/ zla ba bcu gcig pa'i tshes gnyis nas bzung 'jigs byed bcu gsum ma'i nyams khrid rgyas pa/ tshogs 'khor/ sngags btu'i rjes gnang bcas nyin bcu gsum gyi bar dang/ gzhan yang dbang rjes gnang lung sogs shin tu mang ba stsal/ 'di lo bkra shis lhun por mang ja gcig/ bzhad dgon dkar sgrogs gcig/ dngul chu/ dge 'phel/ gru 'dzin rnams su brgya mchod sna lnga bcu gnyis 'bul bar mdzad/ rje nyid dgung grangs lnga bcu nga lngar phebs pa mi zad pa me khyi lo nang 'dir bdun zur gyi sku gegs yod par brten bka' chos rgya chen ma gnang bar phal cher bcad rgya shin tu dam @119b par bzhugs/ da dung sku gegs kyi ngos yun ring sku khams nyog tshul bzhes pa'i zhabs rim du dngul ri/ gru 'dzin/ pad chos rnams su mang ja phon che ba dang/ bkra shis lhun por mang ja gnyis paN chen rin po ches gtsos bla ma rnams la skyabs rten tshan che ba 'bul bar mdzad cing/ zhal slob dang sbyin bdag dang ldan rnams kyis zhabs brtan du dmigs bzhad dgon dkar sgrogs gcig dang/ gsol 'debs nan shin tu che ba dang bcas brtan bzhugs rgyas par phul bas zhal bzhes bzang po thob pa ltar rim bzhin sku sing dwangs su gyur/ 'di lo dngul chu ri khrod pa/ gru 'dzin pa/ padma chos sdings pa/ sgrol lha'i rab byung ma bcas grwa grangs bzhi cu zhe lnga la mi rer TaM phyed bzhi re thob nges kyi mang dod dngos po dang/ dngul chu/ gru 'dzin/ dpal sdings rnams su brgya mchod sna lnga phyed bco lnga 'bul bar mdzad/ me phag zla ba gnyis pa'i tshes nyer gcig nas bzung yongs 'dzin paNDi ta'i dge tshul gyi bslab bya'i sdom tshig gi 'khrid shin tu zhib pa nyin bzhi'i ring dang/ zla ba gsum pa'i tshes drug nas dge slong gi bslab bya'i 'khrid nyin bzhi'i ring/ zla ba brgyad pa'i tshes bcu drug nas bla mchod bde stong dbyer med ma dang phyag @120a @#/ /chan rtsa tshig gi zab khrid nyin bcu gnyis kyi ring/ snying po don gsum shog gcig ma'i 'khrid nyin gcig bcas stsal/ 'di lo grwa grangs lnga bcu la mi rer TaM bzhi kha re thob nges kyi mang dod dngos po/ bkra shis lhun por mang ja gcig/ dngul chu gru 'dzin khul brgya mchod sna lnga bcu gsum bcas 'bul bar mdzad/ sa byi zla ba gnyis pa'i tshes nyer bzhi nas bzung pa snam mtshan sgrog pa dang/ shel dkar chos sde bdag ? dge slong kha shas sogs la bde lam sngon 'gro sbyor ba'i chos drug gi zab khrid/ rdor sems mthun mong ma yin pa'i rjes gnang dang lung kha shas/ zla ba gsum pa'i tshes dgu nas nyin bdun gyi ring sdom gsum bslab bya'i zab bshad sogs chos bka' mang du gnang zhing mjug tu tshogs 'khor yang mdzad/ zla ba de'i smad nas zla ba lnga pa'i tshes bdun gyi bar la mtshan sgrog/ bde chen/ bkras lhun pa kha shas sogs la rdor sems rjes gnang/ rnal 'byor ma'i byin rlabs/ 'khrul 'khor dang dge tshul bslab bya'i 'khrid/ 'dul ba 'dzin pa'i gzhi gsum bshad lung/ rje nyid kyi gsung par du 'khod pa tshang ma dang/ rgyal sras bka' 'bum gyi lung @120b sogs zab chos mang po dang/ zla ba lnga pa'i gnam gang nas zla ba bdun pa'i nyi shu brgyad kyi bar sngon 'gro sbyor ba'i chos drug dang bcas pa'i bde lam gyi myong khrid shin tu rgyas pa gnang zhing zla ba brgyad pa'i tshes gnyis kyi nyin sems bskyed mchod pa yang rgyas par mdzad/ de dag gi skabs su chos bsan pa tshang mar mang ja yang nar mar stsal/ 'di skabs dkar po ba'i dka' chen babs log byung ba zhig nas sdig sbyong du dmigs rje nyid kyi gsung/ par brko bya rgyu'i thebs su TaM lnga brgya phul ba/ dbus gtsang du gsang bde 'jigs gsum gyi blos bslangs mang yang/ kun rig blos bslangs yod skad ma thos shing/ 'di dkyil 'khor phyi nang gnyis yod par brten khungs dag kyang yong bka' bas/ da lam 'di la gru 'dzin du kun rig blos bslangs kyi dkyil 'khor gang legs shig bzhengs na legs par 'dug pas de'i do dam sogs mdzad dgos pa'i bka' dang bcas rje gru 'dzin pa la gnang/ rje gru 'dzin pa nas kyang gang ci'i thugs 'gan gtsang bzhes thog cha tshang sogs rje nyid la yang yang zhus te khungs dag par bzhengs nas da lta gru 'dzin bla brang du bzhugs/ @121a @#/ /'di lo brgya mchod sna lnga bcu drug 'bul bar mdzad/ sa glang zla ba gnyis pa'i tshes nyer gnyis nas pa snam rab byung ma sogs la nyin bcu gsum ring mkha' spyod ma'i bskyed rdzogs kyi zab khrid sogs chos mtha' yas pa stsal/ de thog rje btsun rdo rje rnal 'byor ma'i yar mar gyi tshes bcu lo ltar zla ba ngo re bzhin chag med gtong rgyu'i mchod pa dang mang ja'i thebs su/ pa snam khrims ldan gling du TaM srang sum cu so gcig dang zho drug/ dge 'phel gling du TaM srang nyi shu rtsa bdun dang zho bzhi/ padma chos sdings par TaM srang sum cu so lnga dang zho drug bcas sbyor 'jags mdzad/ zla ba bdun pa'i tshes nyer gsum nas nyin dgu'i ring 'jigs byed bcu gsum ma'i bskyed rim gyi nyams khrid dang/ de'i rjes su thig dang blos bslangs kyi bka' bshad zhib par stsal/ sngon byon dam pa mang po la'ang log par lta ba dang dgrar 'dzin byed pa ji snyed byung 'dug pa ltar/ 'di lo rje 'di la yang skye bo mi srun pa/ las dang smon lam ngan pa'i 'bras bu dus su bdo ba/ rnam pa kun tu dbyen dang phra ma la dga' ba/ dam sris rgyud bskul ba 'ga' zhig gi byed las la brten/ sku gegs che nges shig @121b myur du 'ong bar nges kyang/ bla slob su la'ang thugs snang gang yang ma shar ba'i tshe/ tho rangs kyi dus shig gzim phug gi sgo nang 'dzul tsam gyi lho phyogs nas btsun pa'i gzugs mdog dmar smug sha rgyags shing gzi brjid che ba zhig gis/ da lo ri khrod pa la gegs chen po yod do zhes mngon sum du zhus/ de yang dag pa'i lung bstan du mkhyen nas zhabs rim shin tu rgya che ba 'phral du bsgrubs pas sku gegs bzlog pa'i rtags mtshan yang gsal bar byung/ de gang yin pa dang rgyu rkyen sogs bsnyad du yod kyang spros bral stong pa'i ngang du bzhag/ ston mjug paN chen bstan pa'i nyi ma byang sbug lha chab tu phebs pa'i yar phebs skabs mkha' rur phyag dbang du phebs te skyabs 'jug TaM srang bco lnga 'bul bar mdzad/ 'di lo dngul chu dang gru 'dzin khul brgya mchod sna lnga bcu gsum gnang/ lcags stag zla ba gnyis pa'i tshes gnyis nas bzung nyin bcu gsum ring/ thob rgyal bla ma rin po che dang/ tre bo sprul sku sogs la rnal 'byor ma'i zab khrid dmigs pa 'char gang bder stsal/ gzhan yang lung khrid rjes gnang mang po gnang/ zla ba gsum pa'i tshes brgyad la grwa grangs lnga bcu la mi rer TaM phyed bzhi re thob pa'i mang dod dngos po stsal/ bkra @122a @#/ /shis dge 'phel du zla ba lnga pa'i nang bsnyen bkur nyin gang brgya mchod dang bcas pa dang/ drug pa tshes bzhi'i nyin nyin gang brgya mchod phyag 'gyed dngul zho re rnam/ gzhag dang bcas pa'i thog lo ltar mkhas grub ngag dbang rdo rje'i dus mchod drug pa tshes bzhi'i nyin nyin gang brgya mchod sna lnga dang bcas pa chag med gtong rgya'i thebs su TaM srang nyi shu rtsa bzhi sbyor 'jags dang/ mkhas grub chen po'i dbu thod rten sgam du bzhugs pa'i nang gser dngul g.yu byur mu tig zhum mig sogs rin po cha 'ba' zhig gis byur bur 'gengs par mdzad cing/ bzang gos kha long gsum brtsegs kyi na bza' yang 'bul bar mdzad/ zla ba bdun pa'i tshes bco lnga'i gza' 'dzin thog bzhad dgon dkar sgrogs gcig dang/ dga' ldan lnga mchod nyin grwa grangs lnga bcu la mi rer dngul zho lnga re thob pa'i mang dod dngos po stsal/ 'di lo brgya mchod sna lnga bcu 'bul bar mdzad/ lcags yos zla ba gnyis pa'i tshes drug nas nyin bcu bzhi'i ring rnal 'byor ma'i rim gnyis kyi 'khrid/ dur bdag gi rjes gnang/ yum la brten pa'i 'pho ba bcas dang/ zla ba bzhi pa'i tshes drug nas bzung nyin bdun gyi @122b ring blo sbyong don bdun ma'i zab khrid/ chos bcu drug nas slar yang nyin bcu gsum ring nA ro mkha' spyod ma'i bskyed rdzogs kyi 'khrid/ zla ba drug pa'i tshes bcu gcig nas nyin bdun ring lam rim bshar sgom gyi 'khrid/ zla ba brgyad pa'i tshes bcu gnyis nas shes chos pa kha shas sogs la nyin dgu'i ring 'jigs byed bskyed rim gyi nyams khrid bcas rgyas par stsal/ zla ba bcu pa'i nang bzhad dgon dkar sgrogs grwa grangs brgyad brgya skor la ja nyag phyed re'i 'gyed dang/ dge lugs pho dgon rnams la mang ja 'bras 'jam dang bcas pa/ de phyin la mang ja re/ tshes gnam gang nyin bkra shis lhun por mang ja 'jam bcas dang brgya mchod sna lnga/ sngags khang rgyud ja/ dga' ldan lnga mchod nyin grwa grangs lnga bcu nga lnga la mi rer TaM phyed bzhi re thob nges kyi mang dod dngos po bcas stsal/ 'di lo brgya mchod sna lnga bcu 'bul bar mdzad/ dga' ba zhes pa chu 'brug lo nang 'dir drug cu re gcig gi dgung steng du phebs par brten phal cher bcad rgya shin tu dam par bzhugs/ seng bar la bde can sprul pa'i sku rin po cher sgra snyan sogs bzhed chos mang po gnang/ 'di skabs shig khyab bdag 'khor lo'i @123a @#/ /mgon po zha lu ri sbug sprul pa'i sku yang ched gnyer gyis phebs nas zab pa dang rgya che ba'i chos bka' mtha' yas pa bsan cing/ 'di nas bzung zhing ma gshegs kyi bar dad gus 'gyur ba med pas rigs kyi cod pan mchog tu bzhes/ rje 'dis kyang sprul pa'i sku'i gsung mol byung tshad la/ pha pha khong gzhan dang 'dra ba med ces lung rtogs kyi yon tan dang mdzad spyod la thugs dgyes pa'i bsngags brjod dang bcas spyan gyi 'bras bu bzhin du rjes su 'dzin par mdzad/ lo 'di'i dga' ldan lnga mchod nyin grwa grangs lnga bcu nga bzhi la mi rer dngul zho lnga skar phyed brgyad re thob pa'i mang dod dngos po stsal/ 'di lo brgya mchod sna lnga tshar dgu song 'dug /chu sbrul zla ba gsum pa nas bzung chos gsan pa dgu bcu tsam la dbang rjes gnang lung logs mtha' yas pa dang/ khyad par lam rim blo sbyong gi zab khrid rgyas par stsal/ de thog mang ja nar mar gtong rgyu'i dod du TaM srang nyi shu rtsa bdun dang zho do skar phyed gsum ri ba'i mang dod dngos po gnang/ 'di skabs pa snam rab byung ma'i dgon sde zung la sngon du tshes bcu sbyor 'jags mdzad pa'i snon mar slar yang khrims @123b gling par TaM srang bcu gnyis dang zho gang/ dge gling par TaM srang bcu dang zho drug bcas sbyor 'jags thog/ phyin chad mar ngo'i tshes bcu sngar bzhin dang/ yar ngor bde mchog dril bu lha lnga'i cho ga gtong rgyu'i bka' bkod kyang gnang/ dgung lo re gnyis su phebs pa 'di yan chad dmigs bsal byung na ma gtogs zhabs zhu gtan nas med par sku rkyang kho nar bzhugs/ 'di lo dben gtsang pa jo ba'i bu ngag dbang sbyin pa zhes pa zhabs zhur 'byor/ dga' ldan lnga mchod nyin grwa grangs lnga bcu nga gnyis la mi rer TaM bzhi dang zho re thob pa'i mang dod dngos po stsal/ 'di lo zla ba gsum pa'i tshes nyer bzhi nyer lnga gnyis la dngul chur stong mchod sna lnga gcig dang/ gzhan ma brgya mchod sna lnga tshar drug 'bul bar mdzad/ shing rta zla ba gnyis pa nas bzung chos gsan pa stobs che bar dbang rjes gnang lung sogs mang po dang/ khyad par bde lam gyi nyams khrid shin tu rgyas pa sems bskyed mchod pa dang bcas pa mdzad/ sems bskyed nyin kha dog mi 'dra ba'i me tog gi char 'bab pa dang/ sngon med pa'i dri ngad bzang po 'thul ba sogs ngo mtshar ba'i ltas mang du byung/ chos gsan pa rnams la TaM srang bcu dgu @124a @#/ /dang zho gang skar phyed gsum ri nges kyi mang dod kyang stsal/ dga' ldon lnga mchod nyin grwa tshang phyi mor bsnyen bkur nyin gang brgya mchod sna lnga/ phyag 'gyed dngul skar phyed brgyad re rnam gzhag dang bcas pa'i thog /lo ltar cho 'phrul tshes brgyad kyi nyin bsnyen bkur nyin gang brgya mchod sna lnga dang bcas pa chag med gtong rgyu'i thebs su TaM srang nyis shu dang zho lnga skar lnga sbyor 'jags dang/ de nyin grwa grangs lnga bcu nga gsum la mi rer TaM phyed gsum re thob pa'i mang dod dngos po yang stsal/ 'di lo bzhad dgon dkar sgrogs gcig dang/ brgya mchod sna lnga tshar bcu gcig 'bul par mdzad/ shing lug lo rje gru 'dzin pa nas gsol 'debs mdzad par brten zla ba gnyis pa'i tshes bcu gcig la gru 'dzin du phebs bde mchog dri la bu lha lnga'i bskyed rim dang/ gtor ma brgya rtsa'i zab khrid sogs dbang rjes gnang lung khrid mtha' yas pa stsal/ zla ba gsum pa'i tshes bco lnga la sems bskyed mchod pa dang/ de thog stong mchod sna lnga 'bul bar mdzad cing chu ting brgya rtsa brgyad sbyor 'jags gnang/ zla ba bzhi pa'i nang gzim phug tu phebs nas zla ba lnga pa'i tshes nyer gcig nas bzung @0124b bde can sprul pa'i sku sogs la nyin bcu bzhi'i ring rnal 'byor ma'i bskyed rdzogs kyi zab khrid dang/ de'i sdags btu bcas stsal/ zla ba dgu pa'i tshes nyer gnyis nyin grwa grangs drug cu re gcig la mi rer TaM phyed bcu re thob pa'i mang dod gnang/ zla ba bcu gnyis pa'i nang dge slong bstan bkras dbus skor du song mdun gser byang zho bcu drug gnang ste se 'bras dge gsum la mang ja'i bsnyen bkur zhu rgyu sogs kyi bka' mngags mdzad/ 'di lo bkra shis lhun por mang ja gnyis/ bzhad dgon dkar sgrogs gnyis/ gong gi stong mchod ma thi ba'i brgya mchod sna lnga tshar bcu dgu 'bul bar mdzad/ me sprel zla ba dang po'i tshes brgyad kyi nyin 'brong phu chos sder ja 'jam bcu'i bsnyen bkur dang/ brgya mchod sna lnga/ phyag 'gyed dngul zho re rnam gzhag rgyas pa dang bcas pa'i thog lo ltar cho 'phrul tshes brgyad kyi nyin ja 'jam bcu brgya mchod sna lnga dang bcas pa chag med gtong rgyu'i thebs su TaM srang bcu gcig dang zho bdun sbyor 'jags gnang/ lo 'dir sku dog gi ngo che tsam yod pa'i lung bstan byung ba ltar phal cher bcad rgya shin tu dam par bzhugs shing/ sku gegs zlog thabs su bkras dge/ dngul ri/ gru 'dzin/ pad chos rnams su @125a @#/ /mang ja stobs che ba gnang/ slar yang zla ba dgu pa'i nang sku gegs ma bzlog pa'i mtshan ma gsal ba byung bar brten de'i tshes nyer gnyis la bkra shis lhun por mang ja gcig gnang/ da dung sku gegs bzlog med kyis zla ba bcu gnyis pa'i mjug zhabs zhu dge slong 'das shing/ rje nyid kyang yun ring sku khams shin tu myog pa'i tshul bzhes/ de skabs nub re bzhin mngon sum du skyug bro zhing 'jigs su rung ba'i bgegs kyi cho 'phrul nyi ma re re bzhin je mang du ston pa byung/ de dag la dang por zlog thabs dang drag sngags bzla ba sogs mdzad pas 'jigs rngam je che dang sku gam du je nyer song bas thugs la/ ga re/ don dam par ni gnod bya gnod byed gnod pa thams cad bden par grub pa rdul tsam yang med pa'i stong pa nyid yin/ kun rdzob tu yang gnod byed gdon bgegs 'di tsho thog med nas drin gyis bskyangs pa'i pha ma drin can sha stag yin/ 'di rnams tshims pa zhig byung na lus 'di thob pa la dgos pa chen po grub pa yin pas drag sngags bzla ba dang zlog thabs byed pa sogs don med do dgongs nas/ nga'i sgyu ma'i lus kyi phung po 'di pha ma 'dre gdon rnams kyis @125b gtso byas pa'i sems can rnams kyis sangs rgyas thob pa'i phyir/ sa gsum du gnas pa'i lha 'dre spyi dang/ khyad par 'dir tshogs pa'i gnod byed gdon bgegs rnams la phangs pa med par ster ro/ khyed rnams sha la dga' ba sha zo/ khrag la dga' ba khrag 'thungs/ pags pa la dga' ba pags pa/ tshe dang srog la dga' ba tshe dang srog/ bkrag mdangs la dga' ba bkrag mdangs/ gzi brjid la dga' ba gzi brjid la sogs pa ci 'dod pa khyer cig/ rings pa rnams kyis rjen par zo/ mi rings pa rnams kyis tshos la zo/ bsregs la zo/ ci bde bar zo zhig/ de tsam du ma zad bdag gis dus gsum du bsags pa'i dge ba dang de'i 'bras bu bde ba ji snyed yod pa rnams kyang khyed rnams la smin par gyur cig/ smin nas khyed rnams gnas skabs dang mthar thug tu bde dge phun sum tshogs pa dang ldan par gyur cig/ khyed rnams kyi sdig sdug sogs mi 'dod pa thams cad bdag la smin par gyur cig/ smin nas bdag med la bdag tu lta ba'i bdag 'dzin 'gong ? po thal bar rlog par gyur cig/ ces sogs bdag gzhan mnyam brje'i byang chub kyi sems dang stong nyid kyi lta ba zung du 'brel ba zab mo gcod kyi gdams @126a @#/ /pa bskyangs pas cho 'phrul byings rang yal du song zhing/ btsun ma'i gzugs la ral pa ring po yod pa zhwa mo snum dreg gis tshos pa gyon pa 'jigs su rung ba zhig gad mo byed bzhin du je 'gyang gis mthar rang yal du song/ de nas bzung cho 'phrul gtan nas ma byung zhing sku khams kyang rim dwang byung/ 'di dag ni rje btsun mi la bzhad pa rdo rje la bgegs kyi rgyal po sogs kyis cho 'phrul bstan pa ltar/ skyes bu dam pa sa mthon por phebs pa'i tshe bgegs kyi cho 'phrul mngon sum du 'byung bar gsungs pas de 'dra zhig yin par mngon/ dga' ldan lnga mchod nyin grwa grangs lnga bcu nga brgyad la mi rer dngul srang do zho do skar phyed gsum re thob pa'i mang dod stsal/ 'di lo brgya mchod sna lnga tshar bcu dgu song 'dug/ rje nyid dgung grangs re drug tu phebs pa gser 'phyang zhes pa me bya zla ba dang po'i tshes gnam gang nyin thugs brtag bzang don dang rje nyid kyi dgongs bzhed sgo mthun la brtan bdag dge slong 'jam dbyangs zhabs zhur 'byor/ de gong nu mo kun bzang dbang mo 'di padma chos sdings su 'jog rtsis yin kyang skabs 'dir rab byung 'phral bsgrubs kyis bdag dang mnyam du zhabs zhur sdod rgyu'i @126b bka' bkod kyang stsal/ 'di'i tshe bdag cag la rmi ltas bzang ngo che ba mang po dang/ rje nyid la'ang lho phyogs su phebs 'gro ba la glo bur du mun pa bsrubs nas phebs lam stor te ci byar gya ba'i tshe nyi ma zhig lhag gis shar/ de dang dus mtshungs su ne'u gsing nyams dga' ba zhig 'dug pa'i dbus su shin tu dwangs pa'i chu mig zhig kyang brdol bas/ thugs la dgyes tshor tshad med pa 'khrungs te gnas 'dir re zhig gnas par bya'o dgongs pa sogs man la ltas bzang ba mang po byung tshul phebs/ 'di skabs rje gru 'dzin par dgos gal che nges kyi na bza' nyer spyad nyung zad 'di dang 'di ma gtogs/ gzhan ma na bza'/ zangs chas/ sgam lcog sogs mdor na sku chas tshang ma dang/ shi gson gyi dngos po ji yod lhag lus med par mang dod sogs su gtong rgyu yin pas de'i dod ma mdzad dgos pa'i bka' phebs par brten/ sku chas tshang mar gong tshad ri nges phabs te TaM srang drug cu re gcig dang zho lnga skar lnga ri ba'i dngos po bzhad pho mo'i dgon khag tshang mar zhal grangs dang bstun nas phul/ de lhag ji yod dge 'phel sogs su khrom 'don mdzad nas btsongs par TaM srang @127a @#/ /drug cu re gnyis dang zho bzhi skar phyed gsum zin pas gsol mar dang sha bsgrubs/ ja dang gsol zhib sogs dgos bya gzhan ngo thog gnang ste/ zla ba gnyis pa'i tshes gcig nas bzung nyin bcu bdun ring ri rgyud 'di'i dge tshul slong rab byung ma dang bcas pa zhal grangs bdun cu skor bskongs te nyin ltar ja thug drug re dang/ sha rdog re/ skabs 'gar gro 'bras/ bag bsregs/ bzhes spro/ tshes bco lnga'i nyin tshogs 'khor gzabs rgyas/ mi rer dngul rkyang TaM phyed gsum re dang/ TaM bzhi re ri nges kyi dngos po'i 'gyed bcas gnang/ zla ba gsum pa nas bzung dad ldan nyi shu skor la nyin bdun gyi ring bla mchod bde stong dbyer med ma'i 'khrid/ nyin dgu'i ring sbyor ba'i chos drug gi 'khring/ gzhan yang 'jigs byed kyi dbang/ bde mchog sngags btu/ rnal 'byor ma'i byin rlabs dang sngags btu sogs zab chos yun ring stsal/ bdag nyid sngar phan dge 'phel gyi ? las tshan bab lci ba dang/ khyad par don gnyer gyis dbul bas dge 'phel rang gi 'don chos dang thig tshon sogs cho ga phyag len blo yul du nges pa tsam las/ rig gnas sogs la sbyangs pa bya rgyu ma byung yang/ skabs 'dir @127b bla ma'i thugs rjes bkug par brten 'di lo phag lugs dang dga' ldan rtsis gsar gnyis kyi lnga bsdus dang/ zhag gsum gyi gza' lnga sogs kyi rtsam gyogs kyi ri mo cha lag dang bcas pa legs par sbyangs pas/ dgyes tshul dang bcas khyod nas rig gnas la don gnyer byed res snga lo spel khang nas rig gnas kyi dpe shin tu dkon pa pod shin tu dkon pa pod bcu skor zhig rin phang med phul nas blus pa yin da de'i don 'grub par 'dug ces gsungs/ des na zhabs zhu dge slong tshe mi brtan pa dang/ bdag nyid zhabs zhur bcar nas rig gnas la phran bu'i don gnyer byed pa rnams snga mo nas thugs kyis dgongs par mngon/ zla ba bdun pa'i mjug dge sdings ne'u gsing pa'i a khu'i drung nor bu sum dar lags nas/ 'char zla'i tshes gcig tsam la seng chen rdo rje 'chang rlang chab 'og tu chab bzhes la chib bsgyur gnang bzhed yod 'dug pa/ des nad? lam bstan 'gro'i phan bde'i dga' ston du skyes chen dam pa gnyis zhal 'dzom gnang shag la/ dbu gur sogs phebs gra tshang ma ne'u gsing pa rang nas zhus chog pa zhes sogs phyag bris byung bar/ rje nyid rma byas dbyar rnga dang por thos pa ltar dgyes tshul tshad med pa dang bcas/ 'o de 'dra'i gtam snyan/ da cha nga'i chos @128a @#/ /'brel yod pa'i bla ma paN chen rin po che dang/ seng chen rdo rje 'chang tsam ma gtogs zhing khams gzhan du gshegs zin/ paN chen rin po che ni lha chab tu chib bsgyur bskyangs pas zhal mjal yang yang byung/ seng chen rdo rje 'chang gi zhal mjal gsung thos shig byung na snyam pa sems la rgyun mar yod kyang/ nga rgad pos gdan sar 'gro ba ni mi yong bas re bzang ba lta bu yin rung/ bla ma thugs rje can gyis nga'i ched kho nar phebs pa yin 'dug/ des na rang cag chos gcig gi gong du chab khar 'byor pa byas te phebs bsu spos sna sogs byed rgyu yin pas de lugs gra sgrigs kyis zhes phebs pa ltar/ zla ba bdun pa'i gnam gang nyin rlang chab 'og tu phebs/ tshes gcig nyin bdag cag zhabs zhu kha shas dang bcas rje nyid sku chos dang dbu zhwa gsol/ phyag na dri ngad bzang po 'thul ba'i bdug spos chag pa bsnams te rgyang ring por phebs bsur gshegs/ phebs grub 'phral phyag dbang du phebs pas rdo rje 'chang nas kyang rje 'di la gang cir bkur bzos tshad med pa mdzad cing/ yun ring po'i bar phan tshun dgyes pa'i gsung mol 'byams klas/ 'di skabs sngags chen rdo rje' @128b 'chang chen por dge 'phel tshogs spyi nas rje 'di brgyud gsol 'debs mdzad pas 'jigs byed kyi dbang/ rje nyid nas gsol 'debs mdzad pa rta mgrin gsang sgrub kyi dbang/ dbyangs can ma dmar mo'i rjes gnang/ rnal 'byor ma'i chos skor bskyed rdzogs kyi 'khrid bai DUrya zhun ma'i them skas/ lcang skya'i bsnyen yig /thU bkwan gyi bstod pa/ mngon rtogs/ spyi don nas dbu tshugs tsam sogs lung mang po dang/ phyi lo bdun zur du phebs rgyu'i sku gegs zhi phyir tshe dbang bcas legs par bsan/ gsol dkrog /zhib thud/ gsol grang sogs yul babs kyi thugs mkho 'bul 'os tshang ma rin phangs med kyis bsgrubs te nar mar 'bul bar mdzad pas/ bdag la rdo rje 'chang nas bzhad mo dang bcas bzhad kyi thud dang grang 'khur de 'dra las zhim pa ma byung zhes kyang phebs/ mjug tu maNDal sku gsung thugs rten/ nang gos dmar ser so so nas kha gsum sbrel re/ gser byang zho lnga/ dngul srang sum cu/ na bza' rtse gra lus gang/ kha btags nang mdzod sogs dngos 'bul rgya che ba'i thog tshig nyung la don 'dus pa'i zhabs brtan gsol 'debs nan chen mdzad pas/ skyes @129a @#/ /bu dam pa'i gsung gzhan dang ma 'dra bas yin nam/ gang ltar rje gru 'dzin pa/ bdag cag /ne'u gsing pa'i a khu'i drung lags/ rdo rje 'chang gi zhabs gras kha shas sogs mchi ma rang dbang med par shor/ rdo rje 'chang yang phyag thal mo sbyar te ri mor bris pa bzhin du spyan gnyis rje 'di la mi 'dzum par yun ring gzigs pa'i mthar mgul pa log pa'i tshul mdzad/ rgyun par bka' chos dang chab bzhes kyi seng bar ji byung la lhan rgyas kho nar bzhugs te phan tshun du chos kyi dri rtsad dang/ bstan 'dzin gyi skyes bu'i mdzad 'phrin bzang ngan/ bstan pa'i 'phel 'grib sogs dam pa'i chos dang bstan 'gro kho na thugs la dgongs pa'i gsung mol gyis dus 'das/ tshes bcu gsum nyin rdo rje 'chang chib kha bsgyur/ 'di lo ne'u gsing pa nas rin gnyis srang drug brgya tsam las grub pa'i jo bo gsar bzhengs mdzad pa'i phyag nas su gsol 'debs mdzad par brten/ rje 'di yang de nyin ne 'u gsing bar phebs/ jo bo yid bzhin nor bus gtsos sku gsung thugs rten gzim khang dang bcas par phyag nas rgyas pa dang tshe dbang bcas mdzad/ ne'u gsing pa'i a khu'i drung lags @129b 'di nyid dkon mchog dang las 'bras la yid ches dang dad pa che ba/ chos srid gnyis ka la mkhyen pa rmad du byung ba/ lag pa sbyin pa la dga' ba sogs mdor na pho rtsal sna dgu dang pho rtsed sna dgu la byang chub pa/ bla brang chen po'i mnga' 'og tu skad thon pa zhig yin cing/ khyad par rje 'di la gzhon nu'i dus nas bzung mi 'phrogs pa'i dad gus chen pos tha na gzim khang gi steng du phebs pa sogs dngul chu'i ri rgyud gzigs pa tsam la yang phyag thal mo sbyar nas gsol 'debs dang zhabs brtan zhal 'don mdzad/ ljags smin gsol zhib sogs rgyun sbyong mdzad pa'i sbyin bdag 'gran zla med pa yin/ skabs 'dir yang gser byang zho lnga la sogs pa'i dngos 'bul gzabs par mdzad/ rgyun bar rnal 'byor ma'i yar mar gyi tshes bcu chag med dang smyung gnas dkar phyogs sogs nyams len la shin tu 'grus par mdzad pas gshegs pa'i tshe yang thugs smon dang mthun par cho 'phrul gyi tshes bco lnga la gshegs/ de gong zhag gnyis gsum tsam nas bzung me tog padma 'dab ma bzhi pa dpangs sor bzhi tsam yod pa/ kha dog sna tshogs dang khyad par li khri mang ba spyan @130a @#/ /'byed 'dzum gang byas kyang khra chem me gzigs pa sogs dag pa mkha' spyod du bgrod pa'i rtags mtshan shin tu bzang ba byung/ de snga yun ring bsnyun pas zhal mdangs ya nga ba yod rung skabs der gzi mdangs shin tu che ba dang bcas zhag bzhi chos skur bzhugs pas/ zhabs zhu mi skya zhig yod pa ha las te nga'i khong la yong ba yang yod de byung yang byung skyabs su mchi zer zhing thod pa drag tu brdabs nas yar tsam yong nas phyag re btsal/ mar tsam song nas phyag re btsal byed par 'dug /gshegs nas chos sku ma grol bar dang sku pur bya 'grem byed skabs dbyibs dang kha dog mi 'dra ba'i 'ja' sprin shin tu mang bar byung bas skya bo byang chub sems dpa' khyad 'phags yin 'dug ces pa'i grags pas khyab/ de nas padma chos sdings pas gsol ba btab pa ltar tshes bco brgyad la pad chos su phebs/ zla skor bzhugs pa'i ring nyin ltar ja thug lnga re chag med dang/ khyad par zla ba dgu pa'i tshes bco lnga'i nyin mang ja gzabs pa dang/ gsol tshigs/ gro 'bras/ brgya mchod sna lnga/ 'gyed mi rer TaM gnyis re rnam gzhag dang bcas pa'i thog /sa phag zla @130b ba dang po nas bzung lo ltar zla ba ngo re bzhin ja 'jam bzhi mchod gtor dang bcas pa'i dgu gtor chag med gtong rgyu'i thebs su TaM srang bzhi bcu zhe gsum dang zho ngo sbyor 'jags dang/ de bar zla ba ngo re bzhin gyi dgos cha gzim phug nas gnang rgyu yin tshul bcas gnang/ sngon du brgya mchod kyi mchod kong dang 'bru ting so so nas brgya brgyad re gnang ba'i kha skong du chu ting brgya rtsa brgyad kyang sbyor 'jags mdzad/ 'di skabs mi tshogs che bar tshe dbang rgyas par stsal/ gzhan ma sbyan sku khams ltem tshul gyis chos 'chad sogs rgya chen ma grub/ zla ba dgu pa'i mjug gzim phug tu phebs nas dga' ldan lnga mchod nyin grwa grangs lnga bcu nga lnga la mi rer dngul srang gang zho gang skar phyed gsum thob pa'i mang dod stsal/ zla ba bcu gnyis pa'i tshes bcu bdun nyin dge 'phel du bsnyen bkur nyin gang/ brgya mchod sna lnga/ 'gyed TaM phyed re rnam gzhag dang bcas pa mdzad/ 'di lo gong 'khod brgya mchod gnyis dang ser tshogs skabs kyi mchod pa ma thi bas dngul chur brgya mchod sna lnga tshar drug /gru 'dzin du drug /pad chos su gsum/ grwa tshang/ 'brong phu/ dpal sdings rnams su re re bcas 'bul bar mdzad/ sa khyi zla ba gnyis pa'i tshes brgyad nas bzung @131a @#/ /bya bral sprul sku sogs la bla mchod kyi zab khrid sngar bzhin dang/ zla ba gsum pa'i nang lam rim bshar sgom gyi 'khrid nyin bdun gyi ring stsal/ me sprel me bya gnyis la lo ha cang ma byung bas dngul nas kyang bre bcu mar chag nas skya sag phran tsam byung bar/ bka' las snga sor dkar po bas sbyin bdag byas nas smyung gnas gtong skabs bzhad khul 'dir lo legs sha stag byung ba yin pas/ 'di lo rgyal khams spyi dang bye brag bzhad khul du lo legs skya rgyal 'byung phyir 'u rang nas rgyu yon sbyar te pad chos su smyung gnas dkar po phyogs brgyad btang na legs tshul phebs pa ltar/ rab byung ma nyi shu rtsa bzhi dkar po phyogs brgyad gtong du bcug par grol ston dang bcas nyin dgu brgya mchod sna lnga dang bcas pa'i dgos cha gzabs pa dang/ yon TaM gnyis re rnam gzhag dang bcas pa gnang ba tshang ma bsdoms TaM srang nyer gcig dang zho brgyad skar lnga'i rtsis song zhing chad lhag rtsis pa'i smyung gnas brgya go gcig byung/ 'di lo rgyal khams spyi dang khyad par bzhad khul du rgan dran ma myong ba'i lo legs kyang byung/ dga' ldan lnga mchod nyin grwa grangs lnga bcu nga gcig @131b la mi rer dngul srang gang zho gsum re thob pa'i mang dod dngos po stsal/ zla ba bcu gnyis pa'i nang bzhad pho mo'i dgon khag bzhi bcu zhe gcig la mang ja gzabs pa re/ rten gtso ji yod la snyan shal chos ldan spus legs re/ rang rang gi lugs srol dang mthun pa'i rnam gzhag rgyas pa'i thog mi rer 'gyed TaM phyed re 'bul bar mdzad pa'i 'gyed dngul bsdoms TaM srang lnga bcu nga dgu dang zho do song/ de thog dge 'phel lha khang gsum gyi khul brgya mchod sna lnga tshar gnyis/ mkhas grub ngag dbang rdo rje'i gzim phug tu gcig /'brong phu/ dgon gsar/ thub bstan/ grwa tshang/ dpal sdings/ bka' 'gyur lha khang/ gru 'dzin/ pad chos/ dngul chu rnams su brgya mchod re/ pad chos su rten gtso thub dbang la nang gos g.yung lag ser po'i na bza' gong 'ja' can dang/ sku phang du kha btags nang mdzod bcas kyang 'bul bar mdzad/ snga sor bdun zur du phebs skabs sku gegs che tsam re nges can yong yang 'di lo bdag nas keg rtsis zhus gsal gyi zhabs brtan tshang ma bsgrubs pas sku gegs che rigs ma byung/ 'di lo gong 'khod brgya mchod bcu gsum ma thi ba'i dngul @132a @#/ /chu/ gru 'dzin/ pad chos rnams su brgya mchod sna lnga re 'bul bar mdzad/ sa phag cho 'phrul dus chen thog dge 'phel/ grwa tshang/ 'brong phu gsum la bsnyen bkur nyin gang dang 'gyed TaM phyed re rnam gzhag dang bcas pa/ dngul ri/ gru 'dzin/ pad chos/ sgrol lha'i rab byung ma bcas la nyin gang dang 'gyed TaM re/ steng dga' dgon spug gnyis la mang ja re dang 'gyed TaM phyed re/ gzhan ma dgon khag tshang mar mang ja re/ rten gtso ji yod la snyan shal chos ldan re dang brgya mchod sna lnga tshar bcu gnyis snga lo ltar 'bul bar mdzad/ zla ba gnyis pa nas bzung pa snam rab byung ma sogs la nA ro mkha' spyod ma'i bskyed rdzogs 'pho ba dang bcas pa'i zab khrid nyin brgyad kyi rang dang/ tshem bu dmar khrid kyi zab khrid nyin drug bcas stsal/ de thog mang ja nar ma dang res 'ga' gsol tshigs gsol 'bras sogs dang mjug tu tshogs 'khor yang mdzad/ sa ga zla bar rab byung ma nyi shu rtsa drug gis smyung gnas dkar phyogs btang ba'i dgos char TaM srang nyi shu rtsa gnyis dang zho bdun skar lnga'i rtsis song zhing smyung gnas brgya go bzhi byung/ zla ba @132b dgu pa'i nang 'jigs byed bskyed rim gyi 'khrid nyin dgu/ thun drug gi 'khrid nyin gnyis/ gzhan yang rjes gnang kha shas dang lung mang ba stsal/ 'di lo padma chos sdings kyi rten gtso thub dbang gi khri rgyab dang/ mchog zung/ 'du khang gi khyams stod thags rgyugs su 'gro ba'i mdun lcog /gzim phug tu bzhugs rgyu'i mkhas grub ngag dbang rdo rje'i snang brnyan bcas gsar bzhengs mdzad de zla ba dgu pa'i chos bco lnga'i nyin bdag cag kha shas nas rab gnas zhus/ de thog nyin gang brgya mchod 'gyed TaM re bcas stsal/ dga' ldan lnga mchod nyin grwa grangs lnga bcu nga drug la mi rer dngul srang gang zho bdun skar phyed brgyad re thob pa'i mang dod dngos po gnang/ lo 'dir gong 'khod brgya mchod bcu gsum ma thi ba'i dngul chu dang gru 'dzin so sor brgya mchod sna lnga gnyis re song/ lcags byi cho 'phrul skabs bzhad pho mo'i dgon par mang 'gyed mchod 'bul snyan dar sogs byings sngar bzhin la dge 'phel du phyag 'gyed dngul zho re gnang zhing bkra shis lhun por yang mang ja gcig gnang/ zla ba gnyis pa'i tshes nyi shu nas dad ldan nyi shu skor la blo sbyong @133a @#/ /don bdun ma/ dge tshul/ byang sems/ sngags gsum gyi bslab bya dang bla ma lnga bcu pa/ 'od dpag med kyi 'pho ba bka' rgya ma/ rje nyid kyis mdzad pa'i dga' ldan lha brgya ma 'pho ba dang bcas pa rnams kyi 'khrid bde mchog dril bu lha lnga dang bka' gdams thig le bcu drug gi dbang/ lam rim chen mo'i bshad lung bcas stsal/ sa ga zla bar rab byung ma sum cu nas smyung gnas dkar phyogs btang ba'i dgos char TaM srang nyer bzhi dang zho lnga skar lnga'i rtsis song zhing smyung gnas nyis brgya bzhi bcu byung/ zla ba bcu pa'i tshes gsum la pad chos su 'bum sgrogs mdzad pa'i dgos char srang bzhi zho drug gi rtsis song/ sku mched dge slong ye shes chos rgyal gshegs pa'i tshe da dga' ldan lnga mchod nyin bkra shis lhun por mang ja gcig gnang/ de nyin grwa grangs lnga bcu nga drug la mi rer srang gang zho bdun skar lnga re thob pa'i mang dod dngos po dang dngul ri/ gru 'dzin/ pad chos/ sgrol lha rnams la 'jam bdun re'i dgos cha yang stsal/ zla ba bcu gcig pa'i tshes bzhi nas tshem bu dmar khrid kyi zab khrid nyin drug dang/ @133b ne ser ba'i rjes gnang sogs bka' chos mang du gnang/ 'di lo gong 'khod brgya mchod bcu gnyis ma thi ba'i dngul chu dang gru 'dzin so sor brgya mchod sna lnga gsum re dang/ pad chos su bzhi song/ lcags glang cho 'phrul dus chen thog bzhad pho mo'i dgon par mang 'gyed mchod 'bul sogs snga lo bzhin la dpal sdings su yang 'gyed skar lnga re gnang/ zla ba gnyis pa nas bzung kun rig dang/ dril bu lus dkyil gyi dbang /snying zhugs dang bcas pa'i mgon po'i bka' chen bcu gsum/ sgrol dkar 'od zer drug sbrags/ tshe dbang rdo rje'i srog shing sogs rjes gnang mang po dang/ rje nyid kyi gsung mgur gyi steng nas 'jigs byed rdzogs rim gyi 'khrid/ rje dpal ldan ye shes kyi rdzogs rim bka' rgya ma'i steng nas bde mchog rdzogs rim gyi 'khrid/ rje nyid kyis mdzad pa'i bde mchog lhan skyes kyi sgrub thabs kyi steng nas de'i bskyed rim dang/ lus dkyil gyi steng nas de'i bka' khrid mdor bsdus sogs bka' chos rgyun ring stsal/ sa ga zla bar rab byung ma sum cu so gcig gis smyung gnas dkar phyogs btang @134a @#/ /bar TaM srang nyer lnga song zhing smyang gnas nyis brgya nyer drug byung/ 'di lo dbyar ston gnyis bdag nyid la snyan ngag me long ma'i bka' khrid zhib rgyas stsal/ zla ba bcu gnyis pa'i nang dge 'phel du nyin gang brgya mchod sna lnga 'gyed dngul zho re rnam gzhag dang bcas pa gnang/ dga' ldan lnga mchod nyin grwa grangs lnga bcu nga bzhi la mi rer dngul srang gang zho bzhi skar phyed gsum re thob pa'i mang dod stsal/ lo 'dir gong 'khod brgya mchod bcu gsum ma thi ba'i brgya mchod sna lnga bcu bzhi song/ rje nyid dgung grangs don gcig tu phebs pa dge byed ces pa chu stag cho 'phrul dus chen thog bzhad pho ma'i dgon par mang 'gyed mchod 'bul sogs sngar bzhin la dge 'phel du 'gyed TaM re/ steng dga'/ dpal sdings/ bde sbug gsum la 'gyed skar lnga re bcas pa'i dgon dkar sgrogs gcig gnang/ zla ba gnyis pa'i nang 'jigs byed bskyed rim dang blo sbyong don bdun ma'i zab khrid sngar bzhin dang/ zla ba gsum pa'i nang pad chos su zhabs brtan @134b 'bum sgrogs sngar bzhin mdzad/ tshes nyi shu nas bzung dngul chu'i mchod rten rnams la nyams gso dang khyad par mthong grol chen mo'i bdu gzugs gsar spo mdzad cing/ sangs rgyas kyi 'phel gdung sogs byin rten sna mang dang gser thig sogs rin po che du mas bkangs pa'i dngul gyi ga'u sogs nang bzhugs su 'bul bar mdzad/ zla ba bzhi pa'i tshes bco lnga'i nyin bdag nyid la dge slong gi dngos po stsal/ de nub nam phyed tsam la dre'u che zhing rgyags pa 'od dang ldan pa zhig gzim phug gi sgor nye ba'i bar yong nas 'tsher ? skad yang yang byed pa byung ba/ bzhad khul gyi dre'u khyams pa zhig yin shag gis rtsad gcod byas kyang dre'u bor song zer ba gtan nas ma byung bar ma zad/ dge slong kha shas nas rjes bltas bas ri khrod nas mchod rten bar yar mar song shul las/ de phan chad 'gro 'od byas rjes gtan nas ma rnyed pas tshang ma som nyi'i khyogs la 'phyang ba byung/ bdag rang gi bsam tshod nyams gso mdzad pa'i mchod rten rnams la phyag nas rgyas pa zhig gnang bzhed yod pa cung zad 'gyang song bar/ paN chen chos kyi rgyal pos gnas 'di gang la gnyer du gtang pa @135a @#/ /dpal ldan lha mos phyag nas kyi bskul ma mdzad pa yin nam snyam mo/ /tshes bcu bdun nyin mchod rten gyi drung du phebs nas bsnyen song dge slong kha shas dang bcas rab gnas rgyas par mdzad/ de skabs sngon med pa'i dri dang 'thul ba dang 'ja' sprin gyis naM mkha' khyab pa sogs ngo mtshar ba'i ltas bsam gyis mi khyab pa byung/ sa ga zla bar rab byung ma nyer brgyad nas smyung gnas dkar phyogs btang bar TaM srang nyer gsum dang zho drug skar lnga song zhing smyung gnas nyis brgya bcu dgu byung/ 'di lo la sing dmag 'khrug gi nyen che bar/ bka' las/ dmag 'khrug 'di rigs mi dang dud 'gro kun la sdig sdug thams cad skyed par byed pa'i rgyu mthar thug yin zhing rgyal ba'i bstan pa la'ang 'di las gegs che ba med/ 'on kyang dmag la sogs pa don gcig phyir zhes gsungs pa ltar rang phyogs rgyal na dga' ba dang gzhan phyogs pham na dga' ba'i blo byed mi rung yang/ phan tshun gyi zhe sdang sdug rtsub zhi zhing rang rang gi mnga' ris kyis chog shes te dus bde zhod 'jags 'byung phyir dkon mchog la gsol 'debs @135b dang chos skyong la 'phrin 'chol shugs drag byed kyi yod rung/ da dung sangs rgyas thugs rje can rang nyid kyis bstan pa bstan 'dzin dang bcas pa gang la gnyer du gtad pa 'phags pa'i gnas brtan bcu drug yin pas dbyar gnas ring gnas brtan gyi cho ga btangs nas gsol ba 'debs rgyu yin pas de lugs kyis zhes phebs pa ltar/ mchod pa dang bsnyen bkur gzabs pa dang bcas ri khrod dge slong rnams dang lhan cig gzim phug rang du gnas brtan gyi cho ga yun ring mdzad/ cho ga dang po tshugs pa dang mnyam du me tog gnas brtan gyi grangs mtshungs 'bul mi byung ba sogs dge ba'i rtags mtshan mang po byung/ zla ba dgu pa'i nang thig le bcu drug gi dbang dang rjes gnang kha shas stsal/ paN chen rin po che ston chab tu chib bsgyur byung skabs bka' blon sogs sing pas lag 'dzin byas tshul sogs kyi gtam byung bar/ bka' las/ dkon mchog thugs rje can gyi thugs rje nus pas de 'dra'i sdug pa rang 'byung tshed med pas legs nyes ci yin mi shes/ 'on kyang skyid sdug legs nyes ci byung yang mi bslu ba'i skyabs gcig dkon mchog rang la gsol ba 'debs pa las bya rgyu gzhan med pas/ bstan 'gro @136a @#/ /spyi dang bye brag rje rgyal ba gnyis pa'i bstan pa bstan 'dzin dang bcas pa'i 'gal rkyen zhi phyir 'phral du'u rang nas mchod 'bul gang 'grub dang/ khyad par ri rgyud 'di'i dge tshul slong rab byung ma dang bcas pa'i ser tshogs shig bkod na snyam pas de lugs kyis zhes phebs/ 'di skabs chos khri rtsi gsol byed mi bris pa 'ga' zhig yod pas/ rjes su khong pa nas de skabs bka' de 'dra phebs pa rdo rje'i gsung 'khrul pa med pa yin 'dug ces ngo mtshar byed 'dug/ de nas bka' 'brel ltar zla ba bcu pa'i tshes bcu gcig nas zhag nyer gcig ring zhal grangs bdun cu skor gyi ser tshogs bkongs te nyin ltar ja thug drug re chag med thog gsol tshigs dang gsol 'bras lan lnga/ tshes bcu dgu'i nyin tshogs 'khor shin tu gzabs pa/ snga phyir rnam gzhag dang bcas pa'i tshwa 'bo/ zhib 'bo/ TaM re/ kha btags kyi 'gyed bcas stsal ba'i dgos cha tshang ma dngul thog tu phabs par TaM srang brgya dang bdun/ zho gang skar phyed gsum rtsis song 'dug/ de thog brgya mchod sna lnga tshar bdun dang dga' ldan lnga mchod nyin dge 'phel dang 'brong phu gnyis la @136b nyin gang/ de phyin la mang ja ro'i dgon dkar sgrogs gcig dang/ de thog dge 'phel/ dge 'phel gzim phug/ 'brong phu/ thub bstan/ grwa tshang/ dpal sdings/ gru 'dzin/ dngul chu rnams su brgya mchod sna lnga re dang rten gtso ji yod la thugs smon nan chen mdzad pa'i snyan shal chos ldan re bcas 'bul bar mdzad/ 'di skabs bdag nyid nas gsol ba btab ngor bde mchog tshe lha dkar po dang gnas bcu'i rjes gnang yang stsal/ tshes nyer bdun nyin grwa grangs lnga bcu nga bzhi la mi rer srang gang zho lnga skar phyed brgyad re thob pa'i mang dod gnang/ zla ba bcu gcig pa'i tshes bcu gsum nas rje gru 'dzin pa sogs dang ldan sum cu skor la nyin bdun gyi ring zab lam nA ro chos drug gi nyams khrid rgyas par stsal/ lo 'dir gong 'khod brgya mchod nyi shu ma thi ba'i brgya mchod sna lnga phyed bcu song/ chu yos rtsis gsar lugs kyi cho 'phrul dus chen thog bzhad dgon dkar sgrogs gcig dang de thog dge 'phel/ dge 'phel gzim phug/ 'brong phu/ dgon gsar/ thub bstan/ grwa tshang/ dpal sdings/ pad chos/ dngul chu/ gru 'dzin bcas par brgya mchod sna lnga re/ phug lugs cho 'phrul @137a @#/ /thog dge 'phel du gsol tshigs/ gsol 'bras/ gsol zhib dang bcas pa'i bsnyen bkur nyin gar thog rnam gzhag dang bcas pa'i 'gyed TaM re/ grwa tshang/ 'brong phu gnyis la nyin gang dang 'gyed dngul zho re/ dngul re/ gru 'dzin/ pad chos/ sgrol lha rnams la ja 'jam bco brgyad re dang 'gyed TaM re/ gzhan dgon khag la mang ja re'i dgon dkar sgrogs gcig dang/ de thog dgon gsar gyi tshab tu bka' 'gyur lha khang byas pa'i stong mchod snyan shal bcas sngar ltar gnang/ 'di skabs seng chen rdo rje 'chang gshegs pa'i dgongs rdzogs su zla ba gnyis pa'i nang dngul ri/ gru 'dzin/ pad chos gsum la mang ja bco lnga re dang 'gyed dngul skar lnga re/ 'brong phur nyin gang dang 'gyed de mtshungs/ brgya mchod sna lnga bzhi bcas gnang nas myur 'byon gsol 'debs bka' rtsom mdzad pa 'dzugs par mdzad/ de mtshungs gdan sar rten bzhengs zhal 'debs su dngul chan gtsang brgya dang dgongs rdzogs zhal 'debs bcas gnang/ zla ba 'di nas bzung 'jigs byed dpa' gcig gi dbang/ @137b seng ldeng nags sgrol sogs rjes gnang mang po/ 'khrul 'khor dang lcags mkhar gyi 'khrid/ 'od dpag med kyi 'pho ba bka' rgya ma/ khyad par nyin bcu'i ring lam rim bshar sgom gyi zab khrid rgyas par stsal/ 'di skabs bdag nas 'khrid btangs pa la gzhan gyis zin bris btab pa 'di tshor legs cha dang nor pa gnyis ka mang po 'dug/ khyad par res 'ga' bdag nas gtan nas ma byas pa'i don med kyi tshig nyog kyang shin tu mang bar 'dug pas mtha' gcig tu tshad 'dzin bya mi rung tshul sogs zhib par gsungs/ sa ga zla bar rab byung ma nyer brgyad kyis smyung gnas dkar phyogs btang bar TaM srang nyer gsum dang zho drug skar lnga song zhing smyung gnas nyis brgya nyer gsum byung/ zla ba brgyad pa'i nang gnas brtan gyi cho ga sngar ltar gnang/ rgyun par ston dus sku dog che ba yod pa'i zhabs brtan du zla ba dgu pa'i tshes lnga la pad chos su 'bum sgrogs sngar ltar dang tshes bdun la bkra shis lhun por mang ja gcig gnang/ padma chos sdings par sngon du chos bcu dang dgu gtor gyi gtong thebs ma dngul sbyor 'jags gnang rung rab byung ma grangs 'phar bas mang ja sogs ji bzhin thongs @138a @#/ /dka' bar brten/ zla ba bcu pa'i tshes brgyad la spyi sa rtsis sprod byas skabs slar yang TaM srang nyer gnyis snon mar gnang/ dga' ldan lnga mchod nyin gra grangs lnga bcu nga gnyis la mi rer srang re dang skar phyed gsum re thob pa'i mang dod stsal/ de'i gnam gang nyi 'dzin thog stong mchod sna lnga gong bzhin 'bul bar mdzad/ 'di lo gong 'khod brgya mchod sum cu so bzhi ma thi ba'i brgya mchod sna lnga phyed dang brgyad song/ shing 'brug zla ba dang po'i tshes bzhi nas bzung zhag nyer gnyis ring zhal grangs bdun cu skor gyi ser tshogs mdzad pa'i bsnyen bkur phyag 'gyed sogs chu stag lo bzhin gnang bar TaM srang brgya bcu gcig dang zho gang skar lnga'i rtsis song zhing/ 'di thog brgya mchod sna lnga phyed bcu gnyis song/ zla ba gnyis pa nas bzung ltung bshags kyi 'khrid/ de'i phan yon rje nyid kyis mdzad pa'i bshad lung/ rje nyid kyis mdzad pa'i gcod gzhung ma gcig mkha' 'gro'i zhal lung gi steng nas dkar 'gyed dang/ 'jam dbyangs bzhad pa sku gong 'og gi gsung la gzhi byas nas mdzad pa'i steng nas dkar dmar sna tshogs 'gyed dang bcas pa'i @138b bka' bshad/ dge slong gi bslab bya'i 'khrid nyin bdun bcas dang/ lo kyon ma rigs gsum gyi rjes gnang sogs zab chos mang du stsal/ sa ga zla bar rab byung ma nyer bdun gyis smyung gnas dkar phyogs btang bar TaM srang nyer gsum dang zho do song zhing smyung gnas nyis brgya byung/ zla ba brgyad par gnas brtan gyi cho ga sngar ltar mdzad/ zla ba dgu pa'i tshes gcig nas thob rgyal bla ma rin po che dang snang dkar sde pa dge slong lags sogs la blo sbyong don bdun ma'i zab khrid nyin bcu gcig stsal/ 'di lo sde dge ba pha bu gsum nas rje nyid kyi gsung shog grangs brgya dang gnyis par bkod byas par TaM srang drug cu re bdun song/ zla ba bcu pa'i tshes bco lnga'i nyin grwa grangs lnga bcu nga gsum la mi rer srang gang zho drug skar phyed gsum re thob pa'i mang dod gnang/ lo 'dir gong 'khod brgya mchod phyed bcu gnyis ma thi ba'i brgya mchod sna lnga phyed dang brgya song/ shing sbrul cho 'phrul thog dge 'phel/ grwa tshang 'brong phu gsum la bsnyen bkur nyin gang/ de phyin gyi dgon khag la mang ja re'i dgon dkar sgrogs thog rgya mchod sna lnga bdun snyan shal dang bcas pa dang/ dge 'phel du 'gyed TaM @139a @#/ /re/ 'brong phu/ grwa tshang/ steng dga'/ dgon sbug rnams la 'gyed dngul zho re bcas sngar bzhin gnang zhing tshes bzhi nas ser tshogs sngar bzhin tshugs/ 'di skabs bdag cag gi nu mo rab byung mar bya rog gi bya thal g.yogs pa sku gegs kyi ngo yin min rje nyid la phyag sho zhus par yin ngo dang/ de la zlog thabs zhabs brtan ser tshogs 'phro 'thung dang bkras lhun mang ja sogs rim pas phyag sho mdzad rung bka' 'gyur gsung sgrogs ma gtogs gang gis kyang mi bzlog par babs pas rje nyid zhal 'dzum bag dang bcas/ kun bzang dbang mor bya thal g.yogs pa de gegs cha 'dug zer ba mi 'dug/ bka' 'gyur gsung sgrogs sogs dge ba'i bya ba rlab po che gyis zhes pa'i brdar dkon mchog gis gnang bar 'dug pas/ des na dge slong nas snying gi stobs bskyed de dge ba'i bya ba spyi dang/ khyad par 'ga' zhig nas gsol ja mchod zhal la grangs tshad byed pa rang sku yon nyung zad spom 'bul byed pa de 'dra ma yin par bka' 'gyur gsung sgrogs dpe pher ba zhig gyis shig ces phebs pa ltar/ tshes nyer drug nas @139b zla ba gnyis pa'i tshes lnga'i bar slar yang zhabs brtan ser tshogs 'phro 'thud/ tshes gnyis kyi nyin zhal slob spyi nas tshogs 'khor dang 'brel ba'i brtan bzhugs phul/ tshes gsum la bsnyen song bcu gsum nas 'jigs byed zhi ba'i sbyin sreg mdzad/ de nyin sbyin sreg mdzad mir dar lnga gras re dang TaM re/ de phyin la TaM phyed re gnang ba'i 'di skor ser tshogs dgos cha tshang ma bsdoms TaM srang brgya dang drug cu re bzhi dang zho drug song zhing de thog brgya mchod sna lnga bco brgyad song/ zla ba gnyis pa'i tshes gnyis kyi nyin bkra shis lhun por mang ja gcig gnang zhing de nyin nas bzung nyin brgyad kyi ring dge 'phel du zhal grangs so gsum nas bka' 'gyur gsung sgrogs mdzad par bsnyen bkur dang sku yon shin tu gzabs pa dang nyin ltar mchod pa sna lnga lnga bcu re phul ba'i dgos cha tshang ma bsdoms TaM srang lnga bcu nga dgu dang zho drug skar phyed gsum tsam song 'dug/ zla ba gsum pa'i nang rgya ra chos grags kyis mdzad pa'i 'khrid chen brgyad kyi bshad lung/ snying po don gsum dang dga' ldan lha brgya ma'i 'khrid sogs gnang/ sa ga zla bar rab byung ma nyer lngas smyung gnas dkar phyogs btang bar TaM srang @140a @#/ /nyer gnyis dang zho gang song zhing smyung gnas brgya go brgyad byung/ zla ba brgyad pa'i nang slar yang bkra shis lhun por mang ja gcig gnang zhing gnas brtan gyi cho ga yang lngar ltar mdzad/ zla ba bcu pa'i tshes bcu bzhi'i nyin grwa grangs lnga bcu nga brgyad la mi rer srang do zho lnga skar phyed gsum re thob pa'i mang dod gnang/ 'di lo gong 'khod brgya mchod nyer dgu ma thi ba'i brgya mchod sna lnga phyed bcu bzhi song/ me rta rtsis gsar ltar gyi zla ba dang po'i chos bzhi nas zhag nyer gnyis ring ser tshogs mdzad de mang 'gyed sogs shing 'brug ltar gnang ba'i dgos cha tshang ma bsdoms TaM srang brgya dang bcu drug zho gang rtsis song 'dug cing 'di thog brgya mchod sna lnga phyed bco lnga song/ phug lugs zla ba dang po'i nang dge 'phel/ 'brong phu/ grwa tshang gsum la nyin gang dang 'gyed TaM phyed re/ dpal sdings su mang ja gsum dang 'gyed de mtshungs/ dgon sbug steng dga' gnyis la mang ja re dang 'gyed de mtshungs/ dngul ri/ gru 'dzin/ pad chos/ sgrol lha'i rab byung ma bcas la mang ja nyin gang dang 'gyed TaM re/ de phyin la mang ja re'i dgon dkar sgrogs gcig @140b dang de thog stong mchod sna lnga snyan shal dang bcas pa sngar bzhin mdzad/ zla ba de'i tshes nyer drug nas dge 'phel du bka' 'gyur dang/ yang bskyar 'bum dang mdo mang bcas gsung sgrogs mdzad pa'i dgos cha sngar ltar song/ bdag nyid nas gsol ba btab ngor zla ba gsum pa nas bzung paN chen blo bzang chos kyi rgyal mtshan gyi gsung bka' rgya ma dang bcas pa dang/ rje nyid kyi gsung par du ma 'khod pa sogs lung mang po dang/ dbyangs can ma dmar mo dang drag po gsum dril gnyis kyi rjes gnang bcas stsal/ sa ga zla bar rab byung ma nyer lngas smyung gnas dkar phyogs btang bar TaM srang nyer gnyis dang zho gang song zhing smyung gnas nyis brgya byung/ zla ba brgyad pa'i nang gnas brtan gyi cho ga dang tshes nyer drug la pad chos su 'bum sgrogs bcas sngar ltar mdzad/ zla ba bcu pa'i tshes nyi shu la grwa grangs lnga bcu nga bdun la mi rer srang gang zho brgyad skar phyed brgyad re thob pa'i mang dod stsal/ zla ba bcu gnyis pa'i tshes bco lnga'i nyin mchod 'bul dang bcas rgyal sras chen po'i snang brnyan la gos gdan rdo rje rgya gram gyi mthongs can dang/ 'gro mgon dpal ldan ye shes kyi snang brnyan thog tshang mar gos ser gyi sku ber bcas 'bul bar mdzad/ zla ba @141a @#/ /de'i tshes gcig la gru 'dzin dang sgrol lha'i rab byung ma rnams la mang ja bdun re/ dngul rir ja thug dgu/ pad chos pad sgrol ma 'bum phrag gsog rgyur ja thug drug re'i rtsis kyi nyin gang nyi shu dang/ nyin ltar mchod pa sna lnga bcu tshar re 'bul rgyu'i dgos cha dang/ mjug tu 'gyed TaM gnyis re gnang ba tshang ma bsdoms TaM srang nyer drug dang zho bzhi song zhing sgrol ma chig 'bum chig khri chig stong lnga brgya byung/ lo 'dir gong 'khod brgya mchod nyi shu phyed rtsa lnga ma thi ba'i brgya mchod sna lnga bcu bdun song/ me lug cho 'phrul thog bzhad dgon dkar sgrogs kyi mang 'gyed dang brgya mchod sna lnga dgu dang snyan shal bcas snga lo ltar gnang/ tshes gsum nas ser tshogs zhag nyer gnyis mdzad pa'i dgos cha sngar ltar song zhing 'di skabs brgya mchod sna lnga bco lnga byung/ zla ba gnyis pa'i tshes dgu nas bka' 'gyur gsung sgrogs sngar bzhin gnang/ zla ba gsum pa'i nang rnal 'byor ma'i bskyed rdzogs kyi zab khrid nyin bdun dang/ gzhi gsum bshad lung sogs stsal/ sa ga zla bar rab byung ma nyer bdun gyis smyung gnas dka' phyogs @141b btang bar TaM srang nyer gsum song zhing smyung gnas nyis brgya bcu drug byung/ zla ba drug pa'i tshes dgu nas bzung dge 'phel/ 'brong phu/ grwa tshang/ dngul ri/ gru 'dzin/ pad chos/ sgrol lha rnams la bsnyen bkur nyin gang/ de phyin la mang ja re'i dgon dkar sgrogs dang/ de thog tshang mar rang rang gi lugs srol dang mthun pa'i rnam gzhag rgyas pa dang bcas pa'i 'gyed TaM phyed re gnang ba'i 'gyed dngul bsdoms TaM srang lnga bcu nga drug dang zho lnga skar phyed brgyad song zhing 'di thog stong mchod sna lnga snyan shal dang bcas pa'ang sngar ltar mdzad/ zla ba bdun pa'i nang gnas brtan gyi cho ga sngar bzhin dang/ zla ba bcu pa'i tshes nyer gnyis nyin grwa grangs lnga bcu nga brgyad la mi rer srang gang zho gsum skar lnga re thob pa'i mang dod dngos po gnang/ lo 'dir gong 'khod brgya mchod sum cu so bzhi ma thi ba'i brgya mchod sna lnga bcu drug gnang/ rje nyid dgung grangs don bdun phebs pa phur bu zhes pa sa sprel tshe 'phrul thog bzhad dgon dkar sgrogs kyi mang 'gyed dang brgya mchod sna lnga brgyad snyan shal dang bcas pa sngar ltar gnang zhing/ chos dgu nas ser tshogs zhag nyer bzhi'i ring mdzad @142a @#/ /pa'i tshes nyer drug nyin tshogs 'khor dang/ zla ba gnyis pa'i tshes gnyis kyi nyin bsnyen song bcu gnyis nas 'jigs byed zhi ba'i sbyin sreg bcas mdzad pa'i dgos cha tshang ma bsdoms TaM srang brgya nyi shu dang zho drug skar lnga'i rtsis song zhing 'di thog brgya mchod sna lnga bcu gsum byang/ 'di lo zla ba dang po nas bzung sku rlung dang zhabs 'bam gyis sku khams nyog tshul bzhes par brten ser tshogs tshogs 'khor nyin ri rgyud dgon khag gsum nas brtan bzhugs phul/ gzim phug nas kyang zhabs brtan phon che ba bsgrubs pas zhabs 'bam rim dwangs byung yang sman pa sogs nas mjug tu cha ? ba tshan zhig ma mdzad mthu med yin tshul zhus par/ rje nyid rgyun du gzim phug gi them pa mi 'da' bar bzhugs pas thugs 'tsher shin tu che rung sman pa'i ngag ltar/ zla ba gsum pa'i tshes bdun gyi nyin rlang chab 'og tu chab bzhes la phebs/ 'di skabs bkras lhun sngags chen bi lung pa chen po yang chab bzhes su phebs pa dang mjal 'dzoms legs lam chags pa mdzad/ gsang sngags mkhar sprul pa'i sku/ grwa tshang dang @142b 'brong phu tshogs spyi rnams nas brtan bzhugs kyang phul/ 'di skabs sprul pa'i sku la bdag nas drag po'i sbyin sreg gi thab thig phul bar bzhad mo dang sbrags gsung don med cal col 'dra ba mang du phebs par da tsam brtags na lung bstan sha stag tu 'dug/ bdag dang las smon bzang pos 'brel ba dge slong bstan pa chos 'phel gnyis kyi dge 'phel gyi shag tu zhabs kyis bcags tsam zhig byung na snyam ste bdag gnyis mgrin gcig tu gsol 'debs zhus par/ dge 'phel 'di nyid 'u rang gi rtsa ba'i dgon pa yin pas khyed gnyis nas zer ba ltar srib tsam song/ de thog bla ma rin po che de nyid kyi gzim phug dang dbu thod rin po che sogs rten gsum rnams la mchod 'bul re dang zhal mjal re yang zhus byas na legs tshogs che 'dra yang/ gzugs babs 'dis cir 'gyur mi shes pas brtag pa byed pa yin gsungs nas phyag sho mdzad pa bzang don byung bar brten tshes nyer lnga'i nyin dge 'phel du chib bsgyur bskyangs/ 'di skabs bdag nyid kyi ma dge bsnyen ma tshe ring sri chod la rmi lam ngo tshar ba mang po byung 'dug kyang pe ta mgon skyid kyis bde @143a @#/ /pa lnga'i dbyangs la bstod pa byas pa'i rjes su song dogs ma bris/ phebs grub 'phral bla brang dang dbu chos rnams bcar te dgon gnas 'di nyid mkhas grub ngag dbang rdo rje dang rje bla ma khu dbon gyi rtsa ba'i gdan sa yin pas rab gtan bzhugs dang de min yun mi thung tsam bzhugs gdan 'jags ngos dbang rjes gnang sogs 'dod tshes kha shas kyang rim gyis gsol ba btab chog pa'i snyan zhu mdzad/ dgon gnas 'di nyid rtsa ba'i gdan sa yin par ma zad dge 'dun thams cad dam tshig la sel zhugs med pa sha stag yin pa'i rten 'brel gyis sku khams kyang nyi ma re re bzhin je drang du gyur te/ zla ba bzhi pa'i tshes bzhi'i nyin tshogs spyir bsnyen bkur nyin gang/ 'du khang gsum la mchod kong che gras kyi brgya mchod sna lnga gnyis dang gzim phug tu gcig /rnam gzhag rgyas pa dang bcas pa'i phyag 'gyed TaM re bcas gnang/ de thog lha khang gsum dang gzim phug gi gnas gzigs la phebs te rten gtso tshang mar snyan shal chos ldan re 'bul bar mdzad/ skal bzang lha khang du tshogs spyi nas phebs gra gzabs bsgrigs mdzad @143b de rten sgam gzigs 'bebs zhus pa tshang mar zhib mjal dang/ khyad par mkhas grub chen po'i dbu thod la rin po che mang po dang snyan shal bcas phul te thugs smon yun ring mdzad/ slar yang dbu chos nas bka' chos mang po'i gsol 'debs nan shin tu che ba mdzad kyang/ rje nyid sku na shin tu smin pa dang sku khams yun ring nyog tshul bzhes par brten byings zhal bzhes ma thob kyang dge 'phel rang dang dgon lag steng dga'i btsun chung bcu bdun tsam la dge tshul gyi sdom pa dang/ tshes bco brgyad nyin dung rgya gling sogs kyi ser 'phreng dang bcas rje nyid phebs byams su spyan drangs te rdo gcal bzhugs khri'i steng nas dge 'phel tshogs chen gyi gtsos skya ser gyi mi tshogs shin tu che bar rje nyid kyis mdzad pa'i spyan ras gzigs kyi bla ma'i rnal 'byor shog gcig ma'i bka' bshad rgyas par stsal/ de thog spyi sger nas dngos 'bul gzabs par ma zad dgon gnas 'di nyid dpal 'byor longs spyod kyi gter du gyur cing dad gus rtse gcig pa sha stag yin stabs rang rang nas kyang skyabs zhu tshan che ba phul zhing srod thor gyi dus su rje bla ma gang du bzhugs pa'i gzim shag la zhabs skor mdzad @144a @#/ /mi yang 'ur chems pa byung/ bdag dang dge slong bstan pa chos 'phel gnyis nas kyang maNDal sku gsung thugs rten dang TaM srang bco lnga sogs dngos 'bul dang bcas bdag nyid nas brtan bzhugs gsol 'debs lung 'dren bzhad bro ba mang po dang bcas 'a 'ur du zhus pas dpon slob tshang ma bzhad 'phro gcod mi thub pa byung/ sngar rje nyid nas seng chen rdo rje 'chang la gsol 'debs mdzad skabs tshang ma shum 'phro gcod mi thub pa dang/ 'di skabs thams cad bzhad 'phro gcod mi thub pa byung ba 'byung 'gyur gyi ltas shig yin par 'dug ces phebs/ slar yang tshes nyer gnyis nyin bsnyen bkur nyin gang brgya mchod sna lnga rnam gzhag dang bcas pa'i thog phyag 'gyed TaM phyed re gnang/ sa ga zla bar rab byung ma nyer drug gis smyung gnas dkar phyogs btang bar TaM srang nyer gnyis dang zho gang song zhing smyung gnas nyis brgyad pa gnyis byung/ tshes nyer gsum nyin dge 'phel nas gsar bzo mdzad pa'i phebs byams grwa shar brgyad kyis spyan drangs/ bzhad grong drag rta pa nyi shu skor gyis chib bsu dang rje gru 'dzin pa chen pos gtsos ri khrod gnyis kyi dge slong dang pad @144b chos rab byung ma rnams kyis ser 'phreng gzabs mtshor ? dang bcas pad chos su phebs/ 'di skabs phu chog pa'i bla ma dge slong lags nas phebs byams ljags byus sogs gang cir 'phrin las zhabs 'degs su 'gyur bar mdzad/ phebs grub 'phral chib bsu bar kha btags re dang phebs byams pa dang ser 'phreng ba tshang mar TaM re dang kha btags re'i ser 'gyed gnang pad chos su bzhugs ring nyin ltar ja thug drug re dang khyad par tshes nyer lnga'i nyin gsol 'bras gsol tshigs sogs nyin gang gzabs pa dang brgya mchod sna lnga/ 'gyed TaM re/ zla ba lnga pa'i tshes gcig gi nyin brgya mchod sna lnga dang mang 'gyed sngar ltar thog thub dbang gtso 'khor la bzang gos kyi bla re zhig 'bul bar mdzad de tshes brgyad kyi nyin sngar bzhin phebs byams la gzim phug tu phebs/ 'brong phu tshogs chen dang ri khrod dge slong sogs kyis ser 'phreng mdzad par ser 'gyed sogs sngar bzhin gnang/ tshes bcu'i nyin ri khrod pa dang sgrol lha'i rab byung ma rnams la mang ja nyin gang dang 'gyed ri khrod par TaM gnyis re dang sgrol lha bar TaM re gnang/ zla ba brgyad par gnas brtan gyi cho ga sngar ltar mdzad/ zla ba bcu pa'i tshes @145a @#/ /dgu'i nyin grwa grangs lnga bcu nga lnga la mi rer srang do zho drug re thob pa'i mang dod stsal/ 'di lo grwa tshang 'du khang la me shor byung ba'i nyams gso'i zhal 'debs su TaM srang bco lnga dang gser byang zho gang gnang/ lo 'dir gong 'khod brgya mchod nyer bdun ma thi ba'i rgya mchod sna lnga phyed bcu song/ sa bya cho 'phrul thog dge 'phel grwa tshang 'brong phu gsum la bsnyen bkur nyin gang dang/ dge 'phel du 'gyed dngul zho re/ grwa tshang dang 'brong phur TaM phyed re/ dgon sbug tu mang ja gcig dang 'gyed TaM phyed re/ de phyin la mang ja re'i dgon dkar sgrogs dang/ de thog brgya mchod sna lnga bdun snyan shal dang bcas pa sngar ltar gnang/ tshes gsum la ser tshogs tshugs/ bco brgyad la bsnyen song bcu drug gis sbyin sreg mdzad nas nyer drug la grol ba'i dgos char TaM srang brgya bco brgyad dang skar phyed gsum rtsis song zhing 'di thog brgya mchod sna lnga phyed bco lnga byung/ zla ba gnyis pa'i tshes gnyis nas dge 'phel du bka' 'gyur gsung sgrogs sngar ltar mdzad/ bka' 'gyur gsung sgrogs kyi mjug nas bzung bdag nyid kyi mgrin par gnyan 'bur zhig thon nas rgyun ring mnar/ @145b khyad par zla ba gsum pa'i nang du nub gcig mgrin pa 'gags nas 'chi tshad pa byung bar zla bo dge slong bstan chos shin tu dred nas nam phyed tsam la rje nyid kyi sku gam du thal rgyugs bcar te rgyu mtshan zhus pas/ mnal sad ma thag sdug ge khyed tshor sngangs skrag byung ba yin 'dug rung skyon gtan nas mi yong/ nga rang rmu gab kyi phya ra chen pos bkabs pa yin na ma gtogs nga lam gyi nad 'dis skyon byas yong bsam pa sems kyi zur du med/ bden mi bden ltos shig ces gsung shugs che bar phebs pa bdag rang gis kyang thos pa byung/ de nas bzung nad gzug ji tsam byung rung sdug bsngal dang sngangs skrag gtan nas med par ma zad nad 'dis sdig sgrib mang po dag 'gro ba 'dug snyam pa'i dga' ba dang bcas gtong len sogs kyang cung zad shugs drag pa byung zhing/ rdo rje'i bka' ji ltar phebs pa ltar nad kyang rim drag byung/ sa ga zla bar rab byung ma nyer gnyis kyis smyung gnas dkar phyogs btang bar TaM srang nyi shu dang zho drug song zhing spang ? ? gnas brgya don gsum byung/ rje nyid la snga lo zhabs 'bum gyi tshul bzhes byung ba'i snyun ro 'phar dogs dang/ lhag par sku na smin stabs sku gsang la yang yang bzhengs @146a @#/ /dgos pa dang sku la za phrug gi tshul yod par sman pa dang myong byang can mang pos chab tshan yang yang dang khyad par lcags kha'i chab sku 'phrod che tshul zhus par brten/ zla ba bzhi pa'i tshes bco brgyad la lcags kha chab ba zhes su phebs/ shar can gsing khar gru 'dzin pa nas gsol tshal phebs gra dang/ chab khar 'brong phu ba nas gang ci'i phebs gra dang chib bsu ser 'phreng sogs gang gzabs mdzad/ 'brong phu tshogs spyi nas gsol 'debs nan chen mdzad par brten zla ba lnga pa'i tshes gcig gi nyin 'brong phur phebs/ lha dbang rtse pa rnams nas byin rlabs che khyad phebs lam phal cher zhing btab zin gyi dkyil du bzos shing klu ra zer ba'i sa yul yid du 'ong zhing sa 'bog zhig gi 'og nas dwangs shing rgyun bzang ba'i chu 'bad med du 'byung ba zhig tu gsol tshal phebs gra zhus par/ rje nyid dgyes pa'i tshul dang bcas sa 'dir klu ra zer gdon dang mthun par 'dug pas 'di la bdag po yag po byed dgos tshul gyi bka' phebs shing sa phyogs byin gyis rlob pa'i thugs smon bden tshig dang phyag nas kyang mdzad/ skabs der chib pa dang mi mang bas btab lor nyams chag che @146b tsam byung yang de lo nas bzung lo bstud ? mar legs pas brgya bshig stong 'gugs kyi dpe byung/ rjes su sang srung ril bu gnang skabs bzhad mo dang bcas lha dbang rtse'i klur der ril bu 'dzud thub na 'u rang dang ngo shes yin pas sad btang mi yong zhes phebs pas skabs der klu rnams kyis ci gsung bsgrub pa'i rtags mtshan zhig byung bar mngon/ 'brong phu ba nas kyang chib bsu sar 'phreng sogs gzabs par mdzad/ tshes gnyis kyi nyin 'du khang du rje nyid kyis mdzad pa'i lam gtso'i bka' bshad gnang zhing tshogs spyi nas brtan bzhugs kyang phul de'i sang tshogs spyir bsnyen bkur nyin gang dang brgya mchod sna lnga/ rnam gzhag dang bcas pa'i 'gyed TaM re/ de thog sa zla'i dus chen nyin ja 'jam bcu brgya mchod sna lnga dang bcas lo ltar gtong rgyu'i thebs su TaM srang bcu gcig dang zho bdun sbyor 'jags gnang/ de nas khams ring dkyil khang shar ma ba nas gsol 'debs zhus pa ltar tshes bzhi'i nyin dkyil shar du chib bsgyur mdzad/ phebs lam du dben gtsang pa rnams kyis gsol tshal phebs gra zhus shing yul phyogs byin gyis rlob pa'i phyag nas kyang mdzad/ de thog khams ring pa'i @147a @#/ /chib bsu rta pa bcu kha lhag pa'ang 'byor/ dkyil shar 'di nyid spyir gyi drag zhan tshang mar byed pa bzang zhing khyad par rje 'di la pha thog nas bzung dad pa dam tshig 'gyur ba med pa'i sbyin bdag yin pas skabs 'dir yang bsnyen bkur gzabs pa zhus shing rten gsum khang khyim sogs la byin gyis rlob pa'i phyag nas kyang stsal/ tshes brgyad kyi nyin gru 'dzin pa nas gsol ba btab ngor chib bsgyur mdzad pa'i phebs lam stag tshal chu thags su dkyil shar rang nas gsol tshal phebs gra zhus shing tshang mar phyag nas kyang gnang/ rong chu'i pha khar shar rtsa shar can pas phebs gra zhus shing de thog rje gru 'dzin pa nyid kyis gtsos chib bsu ba bco lnga skor yang 'byor/ gru 'dzin sku zhabs nas shar can pa sogs la chu nyen che tshul gyis phyag nas gsol 'debs mdzad pa bzhin/ rong chu'i chu 'gram brgyud chib thog nas phyag nas stsal/ skor rgya shin tu che bas sku ngal tsam byung rung de nas bzung rong chu nub phyogs su 'gyur nas da lta'i bar shar can par chu'i gnod pa med cing nub ma ba rnams skad 'tshor ? ba byung/ de snga phu sman lung pa dang khams ring pa rnams @147b la lo nyes bstud ? mar byung bas grong pa rnams khyer 'khos je zhen la 'gro yong/ rje 'dis zhabs kyis bcags pa nas bzung da lta'i bar lo legs sha stag byung bas grong che phra tshang mar yar skyed che bar byung ba rje 'di'i bka' drin yin par tshang mas kha zhe med par gleng/ rje gru 'dzin pa dgongs zab gzhan dang ma 'dra ba'i bka' bkod ltar phyag nas grub mtshams su chib bsu ba rnams nas dpal ldan zhags sgor dang bcas rta rgyugs rngam dang bzhad ? bro che ba byas shing gru 'dzin dge slong rnams dang pad chos rab byung ma rnams kyis dung rgya gling sogs ser 'phreng gzabs pa dang/ chib bshol nas bzhugs gnas su ma phebs bar gyi sa phyogs thams cad la spos chu'i chag chag dang me tog tsam pa ka'i sil ma bcal du bgram pa sogs/ mdor na 'di phyi'i legs tshogs thams cad bla ma'i bka' drin nyag gcig tu dgongs pa'i bkur bzos bla na med pa rtag tu dus 'phags pa chos 'phags bsnyen bkur ba la co 'dri bar mdzad/ phebs 'phral chib bsu bar kha btags re dang ser 'phreng bar TaM re dang kha btags re gnang/ de'i sang rje gru 'dzin pa nas bdag cag la/ da lam chib bsgyur gyi phebs gra @148a @#/ /tshang ma gru 'dzin spyi sa rang nas zhu rtsis yin kyang ha cang yod mdog mi 'dug pas 'di rnams thugs mkho'i zur gsos yin tshul dang bcas gsol ja gsol mar/ gsol dkrum/ ljags smin gsol zhib sogs gnang rung/ bdag rang nas kyang thugs mkho gang 'tshams khyer yod pas mtha' gtugs gtan nas ma byung/ tshes dgu'i nyin gru 'dzin par nyin gang brgya mchod sna lnga dang bcas pa'i thog 'gyed TaM re gnang/ tshes bcu gcig nyin 'du khang du mi tshogs shin tu che bar tshe dbang stsal/ de gong chab chen sku 'phrod shin tu che ba yod rung de nyin mi mang bas sku grib la brten mgul cham zhig bzhes pa'i rkyen byas sku khams sngar rgyun du log /tshes bcu gsum nyin dngul chu ri khrod pa rnams nas tshe ring la mor thab bsu'i phebs gra dang bcas gzim phug tu zhabs sor bkod/ tshes bco lnga'i nyin ri khrod pa dang sgrol lha'i rab byung ma rnams la mang ja nyin gang dang/ 'gyed dge slong rnams la TaM gnyis re dang sgrol lha ? bar TaM re gnang/ 'di skabs ser sngags ram pa bka' 'gyur bla ma nam mkha' bstan skyong phebs par/ @148b go chod med kyang 'phrang khegs kyi dpe ltar bdag nyid nas dbang rjes gnang lung logs mang po phul ba las/rje nyid sku na ha cang smin pas tshe dbang dang doT gcod kha shas las ma grub/ dbyar gnas skabs gnas brtan gyi cho ga sdar ltar mdzad cing zla ba bcu pa'i tshes bcu gcig nyin grwa grangs lnga bcu nga drug la mi rer srang do zho drug skar phyed brgyad re thob pa'i mang dod stsal/ zla ba bcu gcig pa'i tshes bco lnga'i nyin rje nyid phyi lo bdun zur du phebs rgyu'i zhabs brtan du dmigs bzhad dgon dkar sgrogs sogs zhabs brtan phon che ba bsgrubs/ lo 'dir gong 'khod brgya mchod nyi shu phyed rtsa bzhi ma thi ba'i brgya mchod sna lnga bcu bzhi 'bul bar mdzad do/ /lcags khyi cho 'phrul thog bzhad dgon khag la mang 'gyed brgya mchod sna lnga brgyad snyan shal dang bcas pa snga lo ltar gnang/ tshes gsum la ser tshogs tshags/ tshes bco brgyad la bsnyen song nyer gcig gis sbyin sreg mdzad nas tshes nyer drug la grol ba'i dgos char TaM srang brgya nyi shu dang zho gang song zhing di thog brgya mchod sna lnga phyed bcu bzhi sngong/ zla ba gsum pa'i tshes bcu gcig nyin rlang bchab bar du chab bzhes la phebs te zhag bcu gsum bzhugs /tshes nyer bzhi'i nyin pad chos su phebs te tshes nyer lnga'i tshes bcu'i thog mang @149a @#/ /ja nyin gang brgya mchod sna lnga 'gyed TaM re bcas gnang ste tshes nyer dgu la gzim phug tu phebs/ sa ga zla bar rab byung ma nyer drug gis smyung gnas dkar phyogs btang bar TaM srang ner gnyis dang zho lnga skar lnga'i rtsis song zhing smyung gnas brgya go bzhi byung/ zla ba gnyis pa'i tshes bcu bdun nas bka' 'gyur gsung sgrogs dang/ dbyar gnas skabs gnas brtan gyi cho ga sngar bzhin mdzad/ sngon du dbyid chab mdzad pa sku 'phrod che tsam byung bar da dung ston chab zhig mdzad na shin tu legs tshul sman pa sogs nas zhus par/ da cha ban sku tshe ring na lo gsum dang rkyen drag po byung na zla gsum zer ba ltar/ ban rgan la mgo'i nyi ma la chu tshan byas kyang phar 'gro tshur 'gro dka' las che ba tsam las yar bskyed ci la yod/ 'on kyang za phrug 'di med par 'bo le sdong rgyu byung na phran bu'i bsam bsam sgom sgom byeng rgyu rnams gnad du 'gro ba 'dug pas de ltar byas na zhes phebs pa ltar/ zla ba brgyad pa'i tshes bcu gcig la rlang chab bar du chab bzhes la phebs nas chab zhag bcu gsum song mtshams gzim phug tu chib bsgyur mdzad/ ston mjug lung dkar chos mdad lags phebs par lcang skya rin po che'i las chog gi bka'; bshad sogs 'dod chos phran @149b tshegs stsal/ zla ba bcu pa'i tshes nyi shu la grwa grangs lnga bcu nga bzhi la mi rer srang gang zho drug skar phyed brgyad re thob pa'i mang dod gnang/ lo 'dir gong 'khod brgya mchod nyi shu phyed rtsa gnyis ma thi ba'i brgya mchod sna lnga bcu drug 'bul bar mdzad do/ /de ltar ring mo zhig nas goms pa'i thugs bskyed rlabs po che'i mthu grub pas phyogs bcu'i rgyal ba sras dang bcas pa thams cad kyi gsang ba gsum gyi mdzad pa rmad du byung ba mtha' dag rang nyid gcig pu'i phyag mtshan du bzhes te/ snyigs ma'i rang tshang mtsho lhar brdol ba'i dus kyi tha ma 'dir yang/ rje rgyal ba gnyis pa'i mdo sngags kyi ring lugs dri ma med pa rnams bshad sgrub zung 'brel gyi sgo nas 'dzin cing spel ba sogs/ mdzad pa'i cha shas phra mo re yang bstan dang 'gro ba yongs kyi srog gzung bla na med par 'gyur bar mdzad pa'i sgo nas bstan pa rin po che mi nub pa'i rgyal mtshan srid rtse'i bar du bsgreng bar mdzad do/ /rgyal ba kun gyi mthu stobs nus pa'i gzugs/ /skal bzang kun gyi dpal du shar ba ni/ /gsang ba kun gyi bdag po dur smrig tshul/ /bzung ba kun mkhyen d+harma'i mtshan can te/ /gang thugs zab yangs gser gyi kong bu ru/ /'bar ba'i nges don gser gyi sgron me yis/ /mkha' dang lag @150a @#/ /mthil gser dang bong ba gnyis/ /mnyam par gzigs phyir gser sogs nor gyis ci/ /'on kyang ma ru gyur pa'i ma lus 'gro'i/ /bsod nams las byung ror gyis las bzang po/ /bsags te bde chen thar pa'i bde ba la/ /ci dgar spyod phyir rgyal sras spyod par gzhol/ /sngon gyi mkhas grub skal ldan shing rtas yis/ /phags yul tshangs pa'i yul nas spyan drangs pa'i / /mdo rgyud chos kyi rgyun bzang ganggam/ /nyi 'od 'thungs pa'i chu thigs rjes 'gro tshe/ /dam chos chu rgyun 'dzin la smon pa'i mthu/ /yongs grub bdag gi bla ma sprin chen 'dis/ / 'chad rtsod rtsom pa'i gru char cher phabs te/ /bshad sgrub rlabs kyi cha co sgrog par byas/ /de yis skal bzang shas rgyud rus pa'i dri/ /bkrus pa'i mod la grub mchog mtho ris kyi/ /dpal la longs su spyad pa'i dga' ston glu/ /legs bshad gtam dang lhan cig sgrog pas brel/ /de phyir gangs can mkha' la phyogs re'i 'od/ /spro ba'i bstan 'dzin gza' skar grangs mang yang/ / yon tan ma tshang med pa'i 'od rnon gyis/ /thub bstan pad tshal 'byed mkhas khyod kho na/ /bstan pa'i bya ba ltar snang sgyu thabs la/ /bstan 'dzin dril chen 'khrol ba 'gar bsam na/ /bstan @150b pa'i snying po snyan rgyud bdung rtsi'i chab/ /bstan 'gro'i zhing sar 'grim 'di e ma ho/ /ma rungs bgegs kyi cho 'phrul 'jigs rung ba/ /ma lus khyod la rgol bar lhags tshe yang/ /ma star brtse ba'i thugs dang 'khor 'das chos/ /ma lus bden med stong pas zil gyis mnan/ /bkra shis rlabs ris gkra ba chu bo'i gter/ /dge ldan lugs 'dzin dge 'dun klu dbang dang/ /legs bshad ror bus legs par gang ba las/ /chos dang dpal 'byor chos bzin 'phel ba sogs/ /dad ldan skya ser skye bos yongs gang ba'i/ /dge mtshan ldan pa'i yul gyi bye brag 'gar/ /mgon 'di'i zhabs pad 'khor lo'i ze'u 'bru can/ /nye bar bkod pa de dang de yi tshe/ /mchod sprin rgya mtshos rgyal ba mnyes mdzad cing/ /gtong ba rgya mtshos 'dus pa tshims par mdzad/ /legs bshad rgyu mtshos blog gsal blo gros spel/ /rnam thar rgya mtshos dad pa'i spu long g.yo/ /'dzum 'dzum khod zhal mjal ba'i skal bzang can/ /mang mang skye bo'i mig gi dbang po rnams/ /gces gces srog gi do zlar bsrungs pa la / /zab zab dgos pa chen po da gdod rted/ /bzang bzang gtan 'dun mgron du 'gugs pa'i glu/ /snyan snyan khyod gsung yan lag drug cu can/ /yang yang nyan pa'i rna ba yol bcas kyang/ / @151a @#/ /krong krong sgren mor 'jog la phangs sems skyes/ /zhim zhim tshul khrims gtsang ma'i dri bsung chab/ /lhung lhung yid gyi zhing sar 'dren pa'i lam/ /ring ring sna yi yur ba zung 'di la/ /yang yang byi dor mi byed rang dbang ci/ /mdzes mdzes gser gyi 'khor lo'i re kha can/ /mnyen mnyen phyag gi padma yid 'ong bas/ /byil byil mdzad pa'i yan lag mchog gi rtser/ /legs legs zhwa bzang gyon la'ang 'tsher ba tsam/ /gsal dbang po'i me tog bzhad ldan pa'i/ /ldem ldem lus kyi ljon pa ma skam zhing/ /grung grung rnam shes ko hus ma bor bar/ /yang yang skal bzang myong rnams a re skyed/ /ces dus gsum rgyal ba kun gyi spyi gzugs bka' drin gsum ldan rje btsun bla ma thams cad mkhyen pa rd+hrma b+ha dra dpal bzang po'i rnam par thar pa zhwa ser bstan pa'i mdzes rgyan zhes bya ba las/ gtso bor bshad sgrub zung 'brel gyi sgo nas bstan 'gro'i don rgya chen po mdzad pa'i sarga ste brgyad pa'o// ' //da ni rje bdag nyid chen pos jo bo rje'i rnam thar gsungs pa dang mthun par rnam thar gyi don bsdu mdor bsdus @151b brjod par 'dod pas/ 'di la gsum/ rigs phun sum tshogs par skye ba bzhes pa'i tshul/ rten de la yon tan brnyes pa'i tshul/ brnyes nas bstan pa la bya ba mdzad pa'i tshul lo/ /dang po ni/ 'phags pa shA ri'i bus/ ha cang phyug pa'i kyim dang ni/ /dbul po'i khyim du mi skye bar/ /bar ma'i khyim du skyas nas kyang/ /rab tu 'byung bar byed par shog /ces thugs smon mdzad pa dang mthun par/ bdag cag gi dpal ldan bla ma dam pa 'di nyid ston pa sangs rgyas bcom ldan 'das zil gnon zhes pa me rta la sku 'khrungs nas lo nyis stong drug brgya gya bdun 'das pa chu pho 'brug gi lo la/ gtsang stod g.yas ru'i cha bzhad kyi lung lag rong stod 'khug mo zhes pa'i sI char 'byor pa dang rgud pa'i mtha' gnyis su ma lhung ba'i khyim du sku bltams pa'i tshul bstan te/ / gnyis pa rten de la yon tan brnyes pa'i tshul la gnyis/ mang du mkhyen pa lung gi yon tan brnyes pa'i tshul dang/ tshul bzhin sgrub pa rtogs pa'i yon tan brnyes pa'i tshul lo/ /dang po ni/ rje bla ma 'di nyid sku gzhon nu'i dus su yang sngon goms bag chags bzang pos ma btang bar dam pa'i spyod tshul 'ba' zhig lhur bzhes shing/ skyes thob kyi blo gros thogs pa med pas gsung @152a @#/ /rab kyi dgongs don mtha' dag rang dbang du 'byed nus pa zhig yod kyis/ lugs kyi bstan bcos shes rab sdong bu las/ rig pa glegs bam las bslabs kyis/ /bla ma'i thad nas ma bslabs pa/ /'phyon ma'i bud med sbrum ma bzhin/ /tshogs pa'i nang na mi mdzas so/ /zhes dang/ rje bla mas/ dang por rgya chen thos pa mang du btsal/ bar du gzhung lugs thams cad gdams par shar/ /tha mar nyin mtshan kun tu nyams su blangs/ /kun kyang bstan pa rgyas pa'i ched du bsdos/ /zhes gsungs pa'i dgongs don rjes 'jug rnams la 'doms pa'i phyir/ rab tu byung ba nas dgung lo so bzhi'i bar/ mtshan nyid dang ldan pa'i dge ba'i bshes gnyen du ma'i zhabs rdul dri ma med pa bsam sbyor gnyis kyi sgo nas tshul bzhin du bsten te shes bya rig pa'i gnas mtha' dag la mkhas pa'i phul du gyur par mdzad pals/ gtso bor gyur pa nang rig pa sde snod gsum dang rgyud sde bzhi la thob pa rgya chen po mdzad tshul gong du bris ba ltar yin la/ de yang mkhas grub thams cad mkhyen pas/ gzhung lugs don la cha tsam ma reg pa'i / /rjes ldog nas bzung chos can zol 'jog sogs/ /'bad nas slob pa @152b kun slong skyon med na/ /lung ma bstan gyi las su 'gyur ba tsam/ /chags sdang phrag dog 'gran sems drag po dang/ /ming gzugs 'tshol phyir thos bsam sgom gsum la/ /ji tsam 'bad kyang chos min du ma'i sgo/ /zhes gsungs pa ltar/ thams cad kha phyir bltas su song nas dang rgyud grog stong gi rdo ba bzhin du skam krog ge lus na phung tshabs de las che ba med par dgongs nas/ bla ma dam pa'i zhabs pad kho na bsten te thos bsam mdzad pa thams cad rang rgyud 'dul ba'i thabs 'ga' zhig tu 'khyer ba jo bo bka' gdams pa'i rnam thar ji lta ba bzhin mdzad do/ /sgra rig pa'i skor la/ /ka la' pa'i stod cha cung zad bsan pa tsam gyis de dang/ tsandra pa/ dbyangs can ma/ paNi' ba sogs 'phags bod kyi sgra gzhung thams cad kyi brjod don mtha' dag thugs su chung de byings las ming dang/ de la si sogs kyi rnam dbye byin nas tshig tu sgrub pa/ ming ma? brgyud pa'i byings la ti sogs kyi rnam dbye byin nas tshig tu sgrub pa sogs mdor na byings rkyen rnam dbye sbyar ba'i sgra'i rnam 'gyur gang la yang thogs pa med pas gdul bya la chos 'chad pa'i tshe yang/ ltung ba bshags pa'i mkhyen pas gzigs pa zhes pa'i rgya gzung du rnam dbye gsum pa'i rjes med pas mkhyen pa gzigs pa zer dgos tshul dang/ spyod 'jug bsngo ba'i @153a @#/ /le'u'i/ byang chub sems da pa'i dge 'dun gyis/ /'gro ba bde la sbyod par shog /ces pa'i tshig rkang dang po'i rgya skad dku/ bo d+hi sa twa shu b+haiH zhes shu b+ha dge ba la rnam dbye gsum pa'i mang tshig b+hes byin pa'i rjes las dge 'dun gyi skad dod med pas/ byang chub sems pa'i dge kun gyis/ zhes brjod dgos tshul sogs 'gyur bde min dang/ bod skad kyis go mi thub pa'i dka' gnad phal mo che byings sgrub kyi sgo nas saM skri ta'i skad du bsgyur te skabs don dpyis phyin par mdzad pa ni/ gsung gi bdud rtsil longs spyod myong ba'i skal bzang rnams la mngon du gyur par ma dzad/ gsung rtsom rnams kyi 'ga'i rgya skad kyi mchod brjod dang/ sgra'i bka' bshad gting phyin pa'i sgo nas sngon gyi mkhas pa rnams kyi dgongs pa 'grel ba dang gsung zur nyams pa sel ba dang/ bai DUryI gzungs bod skad du bsgyur ba rnams la gzur gnas rnam dpyod kyi mig dang ldan pa rnams kyis gzigs pas mkhyen cing/ sgra'i skor la nyer sgyur nyi shu'i bshad sbyar rgya mtsho'i chu thigs zhes pa dang/ ka lA pa ngang dbyangs can ma'i le'u 'jings che ba kha shas la sa bcad mdzad pa sogs legs bshad kyang kha shas mchis / bod kyi brda dag sum rtags dang dag yig gi skor la'ang deng gi dus @153b su bla ma 'di las thugs zhib dang mkhas tshul che ba med pa lta bu yin cing/ de dag gi gzhung yang/ sum rtags kyi 'grel pa deng dus kyi gdul bya'i blo dang 'tshams shing brjod don 'khrul pa med pa si tu'i zhal lung zhes pa dang/ ngag sgron ma'i gnad 'gag la mtshan 'debs mdzad pa sogs kyang yod do/ /tshang ma rig pa'i skor ba/ sku 'phreng gong ma rnams su lam 'di la sbyangs pa shin tu che bar mdzad pa'i stobs kyis sku tshe 'dir yang sku'i ba spu g.yo ba'i dad 'dun shin tu che ba yod rung/ sku tshe 'dir dngos su rtsod pa'i grwar zhugs te sgro 'dogs gcod pa sogs ma mdzad mod/ 'on kyang gtan tshigs rig pa'i gzhung lugs smra ba la 'gran zla med pa'i dge ba'i bshes gnyen chen po rnams dang/ bka' pod chen po lnga la sogs pa gzhung ci rigs la gsung gleng mdzad pa'i tshe/ thal phyir sogs ma sbyar yang rang gi dam bca'i sgrub byed kyi nus pa mthon pa dang/ ldog zla 'gegs mi nus pa sogs gtan nas med par/ dgag sgrub kyi rigs pa snga ma snga ma las phyi ma phyi ma 'phrul dang nus pa che ba sha stag gi sgo nas pha rol po lan gyis phongs te mi smra ba'i brtul zhugs la 'god pa ma gtogs/ rje nyid kyi spobs pa zad nas lan ma rnyed pa gtan nas mi srid par brten/ rtog ge'i @154a @#/ /rigs lam la yongs su byang ba de dag bdag cag gis lag pa tsha tsha zlog pa brgyabs pa la dgos pa ma byung 'dug ces rje 'di'i mkhyen pa dang sku yon gyi thugs phrogs pa'i gsung rjen par 'byon pa yang mang du byung ngo/ /bzo rig pa'i skor la/ lus bzo gtso bo gsang 'jigs bde dgyes dus 'khor kun rig sogs rang lugs su yod pa rnams su ma zad/ rdo rje phur pa sogs gzhan lugs kyi dkyil 'khor mtha' yas pa'ang thig tshon gyis 'dri ba dang/ blos slong ba/ gzhan yang 'khrul 'khor/ lcags mkhar/ zhi rgyas dbang drag gi thab thig rigs mi 'dra ba du ma/ lto 'phye'i thig sogs mdor na thig gi skor la 'di mi mkhyen bya ba med cing/ de don rgyud rgya gzhung sogs kyi khungs dang/ mkhas pa'i man ngag gis byed tshul mi 'dra ba du ma dang bcas te gdul bya la 'doms par mdzad/ gzhan las khyad zhugs pa'i thig rtsa yang ci rigs mdzad pas/ thugs sras chen po rnams kyi dgongs par mnga' ba lta ci smos/ skabs shig pad chos rab byung ma 'ga' zhig nas 'jigs byed dang bde mchog dril bu ba'i dkyil 'khor gyi thig btab ste blos bslang gi skad cha byas pas/ dgon sde chen po'i bla ma slob dpon gzu bor gnas pa rnams dbu ril @154b ril dang/ cher rlom gyi thugs rgyud phyug pa rnams zhal dkyil nag log log mdzad dgos pa byung 'dug /lha sku'i phyag tshad sogs kyang mtshan dpe'i bshad pa dang sbyar nas 'thad pa sgrub pa dang mi 'thad pa dgag pa'i legs bshad deng sang gi bzo rig la mkhas par rlom pa dag gi rna lam du yang grag ma myong ba thugs su mnga' zhing/ bdag nyid la'ang phyag chod yid bzhin nor bu'i steng nas lha sku'i phyag tshad dang/ sprul sku 'phrang kha ba'i thig rtsa sogs kyi steng nas mchod rten gyi thig byed tshul mdor bsdus stsal ba'i bka' drin la brten/ rten bzhengs phran bu byed pa'i tshe bzo bas gang byas la mngon par bstod ma dgos tsam mchis so/ /de ltar na lus bzo phal pa bzo chom sogs kyang phyag lan ma mdzad pa ma gtogs mi mkhyen pa ci la srid/ ngag bzo mchog 'chad rtsod rtsom gsum ni smos ma dgos la/ gzhan yang chos spyod bskang gso gcod gdangs sogs mi mkhyen pa med par ma zad de rigs gzhan gyis thos pa na snang ba dbang med du sgyur nus pa dang/ chos 'chad pa'i tshe yang nyan pa po rnams kyi gnyid rmugs sel ba'i phyir bzhad gang slong ba'i gsung phebs pa rnams kyang thos pa tsam gyis bzhad gad dbang med shor nas gnyid rmugs ring du @155a @#/ /sprod nus pa/ sngon gyi lo rgyus gsungs pa yang ma 'dres pa snyan pa mthar phyin pa/ bslab bya gnang ba rnams kyang 'phral du rang rang gi rgyud tshod dang mthun zhing mthar legs pa'i lam la 'bad med du dkri nus pa/ mya ngan gyis nyam thag pa la dbugs 'byin pa'i gsung phebs pa na sdug bsngal ji tsam che yang sems bde 'bol byed nus pa/ tha na byis pa chung du sku gam du byung tshe 'phral du byis blo dang mthun pa'i bka' 'dri sogs gnang bas byis pa 'drid nus shing/ rjes su nga chung ngu'i dus su skyabs mgon bla ma rin po ches bka' 'di 'dra phebs pa da lta'i dus su yang bslab bya 'gran zla med pa byung tshul dang/ de dus tshe ring thung skyid sdug sogs 'di 'dra yong tshul phebs pa rjes su 'khrul pa med par byung tshul smra ba sogs mang du mchis/ yid bzo mchog so sor rtog pa'i shes rab kyis dpyod pa dang/ yang dag 'jog gi ting nge 'dzin sogs gong 'og tu smos pa ltar yin la/ yid bzo phal pa'i dbang du byas kyang/ 'jig rten gyi mes po lta bu rnams kyi blor ma shar ba'i dge legs su byed pa'i 'dun ma bzang po chos dang mthun pa 'ba' zhig 'doms par mdzad pa sogs mchis kyang 'dir yi gis 'jigs nas ma spros so @155b gso ba rig pa'i skor la/ dngos su phyag len ma mdzad kyang rgyud bzhi rtsa 'grel sogs sman pod nyi shu skor phyag na yod pa tshang mar dkar chag gsar bsgrigs mdzad cing dgongs don thugs su mnga' bar brten/ rtsa rgyud sdong 'grem dang byang khog lus thig sogs sman pa gzhan la mthar phyin 'khrid par mdzad cing/ sa yos lo rje nyid yun ring sku khams nyog tshul bzhes skabs/ thob rgyal bla ma rin po che sku gam du yod par/ da cha rtsa chu sogs la brtags tshe nad 'di dang 'di shas che bas sman 'di 'dra btang na legs tshul nang tshags su bka' phabs pa bzhin/ sman pas kyang skabs thams cad du 'phyug med byung bas/ sman gyi skor 'di g.yeng ba che drags lag len ma byas pa ma gtogs/ rang ras lag len byas na phan thogs yong min the tshom mi 'dug ang/ zhes dang/ dpon tshang rdo rdor zer ba'i sman pa mkhas pa zhig yod pa 'gro don che tshul dang sman gyi skor la 'gran zla med tshul sogs zhus par/ gzhan ma de ltar yin shas che em chi'i skor la mkhas po yod na ded dang nyi ma gcig gnyis shig 'phros pa byed du chug dang/ gnad 'gag che sar tshig gcig la ba rgyu byung na ngas gang yin pa byed ces gso rig skor la gdengs thob pa'i tshul mdzad do/ /snyan @156a @#/ /ngag la yang me long ma dang de'i 'grel pa mtha' yas pa'i yang dag dang ltar snang gi rnam dbye thams cad thi bzhin thugs su chud nas gzhan la'ang mthar phyin 'khrid par mdzad cing/ snyan ngag gi tshig sbyor mdzad pa rnams kyang/ legs bshad ze mar mgo las/ ha cang mngon brjod brda tshig dam pa yis/ /kun nas bcings pa'i glegs bam grangs mang yang yi dwags phyug po'i nor gyi phung po ltar/ /su la'ang mi phan med pa nyid dang mtshungs/ /zhes dang/ 'khor bar 'khor tshul thar lam bgrod tshul sogs/ /yang dag don gyis stong ba'i tshig sbyor rnams/ /ma ning gzugs mdzes rgyan gyis spras pa ltar/ /mthong na mtshar kyang 'dod pa'i don mi 'grub/ /ces gsungs pa'i skyon dang bral zhing/ rin po che gsum gyi gtam gyi sbyor ba las/ don bzang ba la yid 'phrog tshig sbyor gyis/ /spras par gyur na ches cher mdzes par 'gyur/ /zhes gsungs pa dang mthun par/ don zab cing brling ba/ tshig snyan zhing go bde ba/ tshig gi nus pa 'don lugs khyad par du 'phags pa mkhas mchog dpa' bo dang 'jam dbyangs zhi ba lha sogs rgya gar kha spu can gyi snyan ngag lta bur yod pa ni gsung rtsom gyi thog mtha' dang chab shog gnang ba @156b rnams la gzigs pas mkhyen no/ /mngon brjod ni/ snyan ngag gi rtsom pa byed pa dang/ de 'dra'i gzhung don 'tshol ba na mngon brjod kyi dpe bal gsed gsed byed dgos pa de 'dra ma yin par/ don gcig la ming du ma yod pa dang/ ming gcig don du mar 'jug tshul 'chi med mdzod dang/ mkhas pa'i rna rgyan sogs rgya bod kyi mngon brjod mtha' yas pa nas bshad pa'i dgongs don thams cad/ 'di 'di'i ming gi rnams grangs yin zer ba tsam la cha 'jog mi dgos par/ de ltar yin pa'i rgyu mtshan dang bcas pa thugs thog kho nar mnga' ba lags so/ /sdeb sbyor yang/ snyigs dus kyi thams cad mkhyen pa rin chen 'byung gnas zhi bas gzhan las yon tan brgyad kyis khyad par du 'phags pa'i bstan bcos mdzad pa'i dgongs don ltar yi ge bgrang ba br-itta dang phyi mo bgrang ba dzA ti/ de dag gi ngo mtshar ba'i rtogs byed dang bcas pa thugs la mnga' zhing gzhan la'ang 'doms par mdzad/ zlos gar yang/ dkyil 'khor chen po rnams kyis mchod kyi gar dang/ bkra shis dge 'phel du yod pa'i gar 'chams/ /rgyud sde bzhi'i phyag rgya 'ching tshul sogs khungs dang bcas pa mkhyen/ rtsis kyi skor la yang/ skar nag /dbyang 'char g.yul rgyal rnams le'u tho @157a @#/ /thon pa tsam dang/ bde dog ston thub pa tsam ma yin par de dag gi dgongs don mtha' chod bar thugs su mnga' zhing/ ri mo'i rnam 'gyur dang re'u mig gsar spel byed lugs sogs sngon gyi mkhas pa rnams kyi thugs mtshar ma shar ba'i legs bshad gsar pa yang mang du 'doms par mdzad do/ /de ltar bkod pa 'di rnams rang gi bla ma la rmongs zhen gyis bstod phyogs dang/ rang phyogs kyi la rgya bskyal dogs dang/ bla ma gong ma mang po'i rnam thar du yod pa'i lad mo sogs/ ma sbyangs pa'i sbyangs sbyangs/ mi mkhas pa'i mkhas mkhas/ rgyus yod rnams kyis gzigs na/ e de 'dra rang cung mi bden snyam du khong pa'i gting nas bzhad mo slong bde 'dra gtan nas ma yin par/ rje nyid kyi rmad du byung ba'i mkhyen pa dang rgyun ring la shugs drag pa'i don gnyer sogs kyi mthus rig pa'i gnas thams cad thugs su chud pa ni yongs su grags pa yin te/ lan cig bdag dang thob rgyal bla ma rin po che gnyis la/ khyed gnyis 'dzin rtsal nga go ba gang la yang khag dkri med stabs yon tan yong thag chod yin 'dug kyang/ don gnyer ma byas na chos ga la 'ong/ nga la khyed tsho lta bu'i 'dzin rtsal med kyang chos phran bu shes pa 'di don gnyer kho na @157b byas nas byung ba yin/ srod la nyal tshar nas dka' gnad che sa'i dogs pa re skyes na de ma thag langs te mchod me las zhun mar spar nas dpe char blta rtog gis dogs pa ma bcad na gnyid khugs pa'i srol med/ de mtshungs spel khang paNDi ta sogs mkhas pa rnams dang mjal rgyu'i dus bsgrigs yod na de gong zhag shas gnyid mi khugs pa sogs don gnyer che nges yod/ khyod gnyis don gnyer gang yang med pa 'di 'dra pha bzang pos brag la shur bton nas bu ngan pas bye ma la shur mi thon bya ba khyed tsho yin 'dug /ces phebs/ 'on kyang ljags 'dzin skor la thugs blo ma khengs pa'i tshul mdzad pa ma gtogs/ lan cig rje 'di dang bka' chen thugs rab shin tu che ba zhig la yongs 'dzin rdo rje 'chang nas bde mchog bskyed rim stsol skabs shog pu mda' tshad ma zhig la glo bur du 'dzin chos stsal bar rje 'dis ha cang byang po ma byung yang lhag chad med pa rgyugs 'bul grub/ dka' chen khong gis mtshams mtshams nas tshig kha shas re ma gtogs gsung rgyu ma 'byor ba byung/ gsan stobs la ni spel khang paNDi ta chen pos dbus gtsang gang du yang rje 'di lta bu mjal ma myong zhes mang por gsungs shing/ sku dbang shin tu gsal bar brten pod stong phrag @158a @#/ /brgal ba'i yig 'phreng rnams su gang gsal yang 'phyug med 'don par mdzad/ des na phyis bde dge phyogs nas dar ba'i rgyun kha shas yod na las rig gnas spyi dang khyad par sgra dang sdeb sbyor sum rtags rnams rje 'dis thugs sras mang por yang dang yang du 'khrid par mdzad pa'i 'phrin las kyi rgyun kho na rig pa'i gnas kyi srog gi chang 'thung bla na med par song ba ma gtogs/ gzhan ma rnam dpyod phul du byung ba phun tshogs dbang gi rgyal po nas nye skor gyi dgon sde kha shas la sum rtags kyi dpe rgyun 'tshol mi mdags par/ sum rtags zer ba yong dogs med gsung rtag zhu rgyu zhig yin 'gro zer ba sha stag las ming don ra 'phrod pa tsam yang ma byung tshul 'dug pa la dpags na/ deng gi dus su phyogs 'dir de dag gi ming tsam yang grag dka' ba'i tshod du mngon/ de ltar na rje nyid kyis/ sgra tshad bzo gso nang don mdo sngags chos/ /snyan ngag mngon brjod sdeb sbyor zlos gar rtsis/ /che chung gnas lnga rig pa'i gzhung lugs don/ /ji bzhin rtogs nas mkhas pa'i mthar son shog /ces gang gsungs pa ltar/ bcu phrag rig pa'i gnas kyi don thams cad ji lta ba bzhin @158b du rtogs nas mkhas pa'i pha mthar son pas na mang du thos pa lung gi yon tan rgya mtsho lta bu la dbang 'byor pa lags so/ /gnyis pa tshul bzhin sgrub pa rtogs pa'i yon tan brnyes tshul la gnyis/ rtogs pa'i yon tan gyi rgyu tshogs bsten tshul dang/ de la brten nas rtogs pa'i yon tan brnyes chul lo/ /dang po ni/ mkhas mchog dbyig gnyen gyis/ tshul gnas thos dang bsam ldan pas/ /sgom pa la ni rab tu sbyor/ /zhes gsungs pa ltar/ bdag cag gi rje btsun bla ma 'di nyid gzhon nu'i dus nas rgyal ba'i bstan pa rin po che'i sgor zhugs tshul khrims rnam par dag pas gzhi bzung/ mkhas shing grub pa brnyes pa'i dam pa du ma'i zhabs la gtugs te rig gnas spyi dang khyad par nang rig pa snga snod gsum dag rgyud sde bzhi'i gdams pa rgya mtsho lta bu bsan/ gang bsan pa rnams la gzhan 'dring mi 'jog pa'i rnam dpyod kyis brtags shing dpyad pas gzhung lugs thams cad gdams pa'i mchog tu nges shes 'drongs/ de rnams kyang tshig tsam du ma bzhag par nyams len la gzhol dgos pa dang/ de yang rgyal ba sras dang bcas pas dben pa la bsngags pa mang du mdzad pa @159a @#/ /ltar/ rgya bod kyi skyes chen phal mo ches kyang dben pa 'ba' zhig bsten nas sgrub pa snying por mdzad pa'i rnam thar gyi rjes su slob pa gal po cher gzigs te/ dgung lo nyi shu nas zhing ma gshegs kyi bar dben pa kho na bsten cing/ de'i tshe tshong zhing las/ phyugs kyi 'tsho skyong/ gnyen bshes kyi skyong mthar/ mi chen gyi ngo 'dzin/ grong chog sogs gtan nas ma mdzad par ma zad/ bar skabs phran bu zhig ma gtogs srung mdud gnang ba/ brtag pa mdzad pa rnams kyang gtan du spangs shing/ dgung lo zhe dgu'i bar chos mthun gyi 'tsho chas yin nges phran bu las shi gson gyi dngos 'bul che phra yang gtan nas ma bzhes/ phyis bla ma'i bka' dang dad ldan gyis gsol ba btab pa'i dor dngos 'bul ci rigs bzhes dgos byung yang/ 'dzin chags gtan nas mi mdzad par lo re bzhin phyag rdzas gang byung dge phyogs kho na la 'gro bar mdzad/ cung zad gnang che ba'i dngos po 'bul mi byung na/ de phyag tu bzhes te dad pas byin pa'i dngos po 'di dge phyogs kho na la 'gro bar shog cig /dge phyogs kho na la 'gro bar shog cig /ces thugs smon nan chen mdzad/ khyad par na bza' nyer spyad sogs @159b lta ci smos 'phral gyi thugs mkho'i ja mar tsam yang ma lus pa'i sku chas hril por gtong thebs lan lnga mdzad/ de 'dra'i skabs shig pa snam bde can gyi dge slong gnyis phebs par sku mtshams dam tshul gyis sku gam du ma gnang ba/ slar yang phyi lo bcar skabs de dus dngos po thams cad btang zin nas khyed gnyis la gsol ja zhu chas tsam yang med par brten gam du gtong rgyu ma byung tshul gsungs pas/ khong gnyis bla ma'i rnam thar la snying nas ngo mtshar te spyan chab nar mar 'byin pa byung/ skabs shig che khang sde zhabs drung dge 'phel lags nas byams gling zer ba'i mo dgon rten zhing sogs babs 'grig yod pa zhig 'bul rtsis mdzad pa'ang gtan nas ma bzhes shing/ khyad par ri bo gru 'dzin rten gsum dang chos gzhis bzang zhing dge tshul slong gi sgrub sde nan gyis phul rung mchil ma'i thal ba ltar dor ba bcas 'di rigs dang bzhes ma mdzad pa kha shas mchis/ dgung lo re gnyis par zhabs zhu yang gtan nas med par sku rkyang kho nar bzhugs te/ gdul bya la chos 'chad pa'i skabs 'ga' zhig dang/ phyis dgung lo don bdun nas snyun gzhi'i babs kyis chab bzhes su lan kha shas phebs dgos byung ba @160a @#/ /tsam ma gtogs/ dgung lo so lnga nas bzung brgyad cu tham pa'i bar gzim phug gi them pa mi 'da' bar sgrub pa kho na mdzad/ de lta'i rang nyid kyi sngar gyi mdzad pa la thugs dgyes shing/ phyis kyang de ltar mdzad pa'i lcag 'debs kyi tshul du dgung lo zhe lngar phebs pa'i skabs gsung mgur mdzad pa ni/ ! na mo gu ru manydzu g+ho ShA ya/ 'khor mtha' med pa'i drin can gyi bla ma/ /rab 'byams rgyal ba'i spyi gzugs su mthong nas/ /snying dbus padma'i ge sar la bkod de/ /'gyur med dad dang gus phyag cig 'tshal lo/ /yar bskyed med pa'i dkor zan gyi dred po/ /thar med ngan 'gro'i rgyu gsog tu mthong nas/ /rang la rang gces gros 'debs kyi glu chung/ /mgrin pa longs spyod 'khor lo nas len no/ /gso dgos med pa'i tshong zhing dang nor gsog /gtad med smyon pa'i zlos gar du mthong nas/ /grod 'grangs rgyab dros zas gos tsam bsten te/ /'gyur med 'phags pa'i nor gsog la 'bungs shig /mgu dus med pa'i gnyen bshes kyi skyong thar/ /mdzad med chu bo'i gnyer ma ltar mthong nas/ /mdza' min 'khon min btang snyoms su bzhag ste/ /mkha' mnyam ma rgan 'gro don la 'bungs shig /dad gus @160b med pa'i nye gnas dang 'khor g.yog /zhe sdang khong khro'i slong rkyen du mthong nas/ /gcig pur dran shes brtson lcag gis brabs te/ /spyod lam dag pa'i bya ba la sbyor cig /zhe nas med pa'i kha gsag gi dad gus/ /sla brid zas nor 'phrel thabs su mthong nas/ /chu 'gros ko skya'i dpe don la sbyar te/ /'phral tshod 'phral len spyang grung la 'bod cig /nges pa med pa'i dgra gnyen gyi 'gyur ldog /dbyar dus nam mkha'i chu 'dzin ltar mthong nas/ /ha cang byams sdang rnam 'gyur de bskyangs te/ /rang rgyud drang po'i brgya lam du srongs shig /phan sems med pa'i grong chog dang 'gro don/ /gla rngan 'dod pa'i bzo ba ltar mthong nas/ /mi med dben pa'i ri phug tu bsdad de/ /mdo sngags lam la bag chags re zhog cig /mngon shes med pa'i brtag pa dang mo phya/ /dmus long mun nag 'doms 'jal du mthong nas/ /lung dang rigs pa'i skya dbar nas drangs te/ /zab rgyas gdams ngag snod ldan la shod cig /sems 'khul med pa'i za zir gyi chos nyan/ /ltar snang las ro skam po ru mthong nas/ /sngon byon dam pa'i zab thugs kyi nying gu/ /mdo rgyud dgongs 'grel bstan bcos la ltos shig /yid brtan med pa'i cal rgyugs kyi snyan grags/ /gangs dkar ti @161a @#/ /si'i rgyar sa sgra ltar mthong nas/ /sngon bsten chos 'brel dngos thob kyi bla ma/ /bsam sbyor gnyis kyis spyi gtsug tu mchod cig /yon tan med pa'i 'gying tshul dang sgrob chil/ /blun po lha yi chas zhugs ltar mthong nas/ /mtha' gnyis spangs pa'i zas gos dang gnas mal/ /bsten nas ma bcos lhug pa ru zhog cig /nyams len med pa'i shes shes dang thos thos/ /glu mkhan 'bras dkar stong shob ltar mthong nas/ /gang shes chos kyi thab bcud kun bsdus te/ /rang rgyud nyon mongs gnyen po ru thongs shig /rten gzhi med pa'i dgon chung gi 'dzin skyong/ /nang mi mang po'i za dpon ltar mthong nas/ /rnyed pa ci byung rang kha ru btab ste/ /gu yangs zos bde'i skyid nyal re rgyob cig /kha zhe med pa'i shugs 'byung gi 'char sgo/ /rang la phan pa'i bskul lcag tu mthong nas/ /'dzin byed snon zla'i zla gzugs kyi tshes la/ /dngul rir d+ha rma b+ha dra yis smras so/ /dge legs 'phel/ zhes pa'o/ /de ltar yang thams cad mkhyen pa lnga pa chen pos phyag mchod bsnyen bkur mdzad tshul rnam thar du gsal por bkod na rjes 'jug la phan che bar gsungs na yang/ dgung lo so drug yan la bsnyel tho med cing/ de tshun @161b gyi bsnyel tho thor bu yod rigs la yang/ so so'i dus chos dang dgos pa gang gi ched du gnang sogs yi ges 'jigs nas ji bzhin 'god ma nus kyang rags rim gong du bkod pa ltar dang/ de mtshungs gdul bya la chos 'chad spel gnang tshul gong du phran bu bkod pa yang/ bsnyel tho phran bu yod rigs dang rang gi thob yig sogs su gsal ba tsam bkod pa yin la/ gzhan yang dus chen tshang mar ri brgyud 'dir mang ja phon che ba dang/ khyad par drug pa tshes bzhi mkhas grub ngag dbang rdo rje'i dus mchod kyang yin stabs dbul phongs lnga brgya skor la rtsam pa dang skam ja so so nas gzar bu re lo ltar chag med/ gzim phug rang du yang nyin mtshan khor yug gi rgyun mchod mar me ri dang/ phyis slar yang de mtshungs gcig bcas chag med mdzad pas mtshon mchod pa rgya che bar mdzad/ de rnams kyang lo ma'i ser sa dang thud kyi sngo sa lta bur ma song bar gang bzang sa nas 'bul ba ma gtogs/ lho mar sogs rgyu ngan pa las mdzad srol gtan nas med/ de mtshungs rje nyid kyi gsung dang mkhas grub ngag dbang rdo rje'i gsung gnad che ba sogs shog grangs stong la nye ba par bkod mdzad par yang par shing dang shog rin/ @162a @#/ /drung yig dang par mkhan gyi gla cha bcas tshang ma bsdoms na TaM srang stong la nye ba song 'dug /gang ltar bzhad dgon dkar sgrogs kyi phyag 'gyed/ par dang chos kyi blu yon sogs dmigs bsal ma thi bar lo ra'i 'char can lta bu'i dge phyogs la yang rdo tshad dgu tsam re ma mthar 'gro tshod 'dug par brten/ rtog dpyod med cing 'o la tshod sgro btags kyi gtam gleng ba la goms pa 'ga' zhig nas gzim phug rang gi brag gseb zhig nas dngul gang dgos 'don rgyu yod pa yin 'dug zer ba sogs/ blo yul dum bshongs pa'i gtam mang du gleng ba byung yang/ don du bsam grub dar rgyas zer ba shes rgyud drang po'i lam du srong ba zhig yod pa nas/ skyabs mgon bla ma rin po che nas mchod 'bul bsnyen bkur sbyin gtong sogs mdzad pa 'dir bsam mno legs par btang na blo yul du gtan nas mi bshong ba 'dug /'di la rten ma ni dud 'gro tshigs 'dzugs gcig /sa zhing khab mig gi rgya tsam/ 'char can gyi yong 'bab til gyi cha shas tsam med par ma zad/ phyi rgyang gi 'bul ba yang cung zad rin thang che ba pho mo'i gyon chas yin 'dug kyang/ de ni khyi mjug la rdul ma gos par mang dod @162b du gnang/ gzhan ni drag pa re gnyis nas TaM lnga drug dang ja sbag re tsam brgya ma lam nor du 'bul mkhan yod na ma gtogs/ lung khugs su song gshis byings 'dis 'bul rgyu ni rtsam khug tog tog re rtsam/ gsol dkrog re tsam/ dngul phyed brgyad skar ma re tsam yin 'dug /lo re'i dge phyogs mdzad pa rnams la rtsis bsdoms byas na ni rdo tshad bcu bgrang 'gro tshod 'dug pas 'di nam mkha' mdzod la mnga' brnyes pa'i mthu zhig nges par yin 'dug /ces zer ba ni dngos gnas kho nar 'dug cing/ 'di pa snga song dbang po brtul nges shig yin rung/ phyis rje 'di'i zhal gdams la nyams len snying por byas pas rab tu rnam 'byed kyi shes rab cher rgyas te rnam thar bstod pa legs nges brtsams 'dug kyang 'dir 'god ma thub/ de ltar na lam gyi lus yongs su rdzogs pa'i nyams bzhes la brtson pa chu bo'i rgyun bzhin mdzad pas na spong ba bsam gtan gyi 'khor lo/ rtogs par dka' ba'i gzhung lugs chen po rnams kyi tshig don la phra zhing mdzangs la zhib pa'i blo gros kyis dpyad de sngon med pa'i legs bshad gsar pa'i 'phreng ba spel ba dang de don gdul bya la 'doms pas na klog pa thos bsam gyi 'khor lo/ pad chos 'du khang dad der bzhugs @163a @#/ /thub dbang gtso 'khor gyi khri rgyab sogs gong du bshad pa rnams dang/ gzhan yang mkhas grub ngag dbang rdo rje'i tshems gdung sku rgyu tsandan las grub cing g.yu dang mu tig spus legs sha stag gis phra dang dra ba dra phyed kyis phyug pa/ zur bshan thams cad gser kho na las grub pa dang/ dkon chos sha stag gi pod stong phrag brgal ba rgyu yon phangs med kyis bsgrubs par mdzad pa sogs dge bshes spyan snga pa'i rnam thar gtsug lag khang dang rten bzhengs kyi bya ba/ dgung lo so drug tshan chad rang la brgya mchod sna lnga rang yang bdun brgya dang gcig 'bul bar mdzad pa sogs dge bshes phu chung ba'i rnam thar dkon mchog mchod pa'i bya ba/ dge 'dun gyi bsnyen bkur byings cam bzhag /rgyu yon sbyar ba'i smyung gnas rang yang nyis stong drug brgya drug cu re dgu byung 'dug pa sogs dge bshes po to ba'i rnam thar dge 'dun bsnyen bkur gyi bya ba ste/ mdor na bka' gdams sku mched gsum ga'i rnam thar bdag nyid chen po 'di kho nas bdag gir bzhes pas na bya ba las kyi 'khor lo ste 'khor lo gsum gyis dus 'da' bar mdzad pa 'di ni 'phags chen dam pa'i rnam thar tha mal ba'i @163b blo yul du chud dka' ba zhig go /gnyis pa de la brten nas rtogs pa'i yon tan brnyes tshul ni/ nyams rtogs kyi yon tan thams cad 'dus byas yin pas rgyu cung zad kyang ma bsgrubs par 'bras bu rtogs pa'i yon tan spang la sha mo brdol ba bzhin du rgyud la skye ba mi srid la/ rgyu ma tshang ba med pa las ni 'bras bu phun sum tshogs pa 'byung ba rten 'brel gyi chos nyid yin pas/ rje bla ma 'di nyid kyis bshad ma thag pa ltar gyi rgyu tshogs bsten pa la brten nas 'chad 'gyur ltar gyi nyams rtogs kyi yon tan bsam gyis mi khyab pa thugs rgyud la 'khrungs pa yin la/ gzhan tho co'i spyod pa byung rgyal du ston cing 'dre mthong gi gtam smra ba sogs ni blun po gti mug pa rtog dpyod dang bral ba ya so can gyi dud 'gro'i rigs su gtogs pa rnams mgo rmongs par byed pa'i thabs las rtogs pa'i yon tan du rgyal ba'i gsung rab las ma bshad do/ /de yang spyir rgyal ba'i bstan pa lung rtogs gnyis su 'du la/ de'i lung gi bstan pa sde snod gsum du 'du ba ltar/ rtogs pa'i bstan pa yang bslab pa gsum du 'du dgos pas/ 'dir yang bslab gsum nor bus thugs kyi rgya mtsho gtams tshul mdo tsam bsnyad par bya'o/ /des na @164a @#/ /'di la gsum las/ thog mar tshul khrims kyi bslab pa'i dbang du byas pa'i rtogs pa'i yon tan brnyes tshul ni/ so sor thar pa'i dgag sgrub gnang gsum gyi bcas mtshams phra mo tshun chad la yang 'dor len tshul bzhin du mdzad pas nyes ltung gi dri mas nam yang gos pa med cing/ gzhan dag la'ang so thar gyi skor 'di rang gis rang bslus te lag tu ma blang na ma gtogs/ sangs rgyas bka' drin can gyis rang res nyams len mi nus pa sna gcig kyang gsungs pa med pas 'di la rtsal ci yod kyis 'bad dgos zhes 'doms par mdzad/ phyis sku na shin tu smin khar zhabs 'bam gyi snyun gzhi yod par brten zhabs la snam bu'i hor su lta bu re rgyun tu bzhes dgos yod par yang/ rab byung bsnyen rdzogs gnang skabs las gral gyi dge slong rnams la gus 'dud dang bcas gnang ba zhu bar mdzad pa sogs 'dul ba'i phyag len phra mo la'ang sla khyad dang khyad gsod rigs gtan nas mi mdzad/ de'i dbang gis sku las tshul khrims kyi dri dang zhim po rgyang ring por 'phro zhing/ na bza' rnying pa gzhan gyis byin rten du zhus par yang lo ji tsam song yang tshul khrims kyi dri mi nyams pa dang/ tha na zhabs lham @164b nang gi dreg par yang dri ngad zhim po 'thul ba sogs kun la mthun snang du grub bo/ /byang sems kyi bslab pa'i rtsa ltung bco brgyad dang nyes byas zhe drug sogs mi mthun phyogs mtha' dag gis dben zhing/ khyad par byang sems kyi bslab bya'i rtsa ba dang snying po lta bu ni byang chub kyi sems rin po che yin pas/ de ni sku gzhon nu'i dus nas rang chas su yod pa'i khar dam pa du ma'i zhabs drung nas blo sbyong gi gdams pa du ma yang dang yang du bsan nas byang chub kyi sems rin po che thugs dam gyi mthil du mdzad pas bcos min thugs rgyud la 'khrungs par mngon te/ bde mchog gi ljags bsnyen skabs shig srod yol tsam la gzim sgo tsig tsig zer bar gzigs pas/ mi zhig gis sgo'i steng nas lag pa brkyangs te nang gnon 'byed par thom pa la gsung skad mdzad pas/ kho mgyogs par gros pas hrag sgra dang bcas lho phyogs kyi g.yang sar rdog 'dred shor bar/ sdug ge kho la skyon tshabs che 'ong ba las 'os med snyam du bcos min gyi snying rje chen po mchi ma 'khrug pa 'khrungs shing de nub mnal yang ma byung/ rkun ma su yin mkhyen yang kho rang la skyon tshabs chen byung min thabs mkhas kyis dri ba las bda' 'ded @165a @#/ /mdzad pa'i thugs blo tsam yang med par ma zad nye 'gyangs su la yang rkun ma ngo mkhyen pa'i gsung gleng tsam yang ma mdzad/ nges na sku srog la rgol ba'i dgra bo'i dwang ma lta bu de 'drar yang thugs khro ba tsam yang med pa'i khar/ kho'i thugs las kyis spyan chab 'khrugs shing mnal yang chag pa ni bdag pas gzhan gces pa'i byang chub kyi sems bcos min thugs rgyud la mnga' ba'i 'bras rtags rmad du byung ba yin la/ gzhan yang dkon mchog dang las 'bras la mi dad pa dang sdig pa spyod pa'i gtam sogs gsan na yang/ a kha kha kha'i skyo ba la zhes sogs snying rje chen pos gsung gcong shin tu che ba dang/ phan tshun rtsod pa can du gyur pa'i tshe nye 'gyang su thad nas skyabs 'jug zhus na yang/ phan tshun gyi 'khon 'gras thams cad chos phyogs su zhi nas gcig phan gcig thogs kyis byams pa la gnas par gyur cig /ces gsol 'debs dang thugs smon mdzad pa las rang rgyal gzhan pham gyi phyogs lhung gtan nas mi mdzad/ rgyun du yang rang re rgyal sras rin po che'i bzhugs gnas 'dir bsdad nas rgyal sras rin po che'i lad mo zhig e 'khyor lta dgos yod gsungs @165b nas nges 'byung byang sems yang dag pa'i lta ba gsum la thugs dam gyi mthil du mdzad/ mdor na mdzad pa che phra thams cad bstan 'gro spyi la 'phral yun du phan pa'i thabs kho na mdzad pa las bstan 'gro spyi'i bsam mno'i sgra dri med par rang phyogs kyi sde dgon sbyin bdag rnams dar zhing rgyas pa'i thabs tshul la bad rtsal 'gran pa'i ngang tshul rgyang ring du mdor bar mdzad pas/ 'di ni byang sems kyi bslab pa yongs su dag pa'i rang rtags ma 'khrul bar gsungs so/ /rdo rje theg pa la yang dngos grub kyi rtsa ba dam tshig dang sdom pa yin par dgongs te/ tha na gso sbyong gi mdo lan cig bsan pa tsam la'ang dam sel phra mo tsam 'jug ma myong ba sogs rtsa ba dang yan lag gi dam sdom thams cad spyan gyi 'bras bu ltar bsrung bar mdzad/ dam tshig mi nyams pa'i thabs su rje rgyal ba gnyis pa'i mthun mong ma yin pa'i zab chos/ lugs gzhan gyi gser chos su grags pa rnams kyis kyang sgrun du med pa thun drug gi rnal 'byor du grags pa de nyid nyin gung dngos gzhi rgyas pa dang/ de thog rtsa ltung sbom po ma rgyung mthun mong ma yin pa'i dam tshig rnams la sdom tshig gi sgo nas bsngo bgrang dang/ snga dro thun drug dngos gzhi 'bring pa dang de thog so @166a @#/ /thar byang sems gnyis dang/ sngags kyi yo ga nas bshad pa/ bla med spyi nas bshad pa/ dus 'khor nas bshad pa sogs rtsa ba dang yan lag gi dam tshig thams cad la sdom tshig gi sgo nas bsngo bgrang rgyas pa dang/ dgong mo dang mtshan gyi gsum la thun drug bsdus pa re bcas chag med mdzad cing/ gdul byar gyur pa rnams la yang dbang thob pa'i rjes su lam rim gnyis la nyams len cher ma byung yang dam sdom tshul bzhin du bsrung na ma mtha' skye ba bcu drug tshun la mchog thob pa dang/ dam tshig dang sdom pa res su bor nas lam rim gnyis nyams su len pa skad byas kyang 'gro sa rdo rje dmyal ba las gzhan med/ rgyu mtshan de'i phyir dbang thob pa'i rjes su lam rim gnyis sgom pa las kyang dam sdom tshul bzhin du srung ba gal che zhes sogs nan tan du 'doms par mdzad/ dam tshig gso phyir yi dam chos srung gi gtor 'bul/ yig brgya nyer gcig /za byed mkha' 'gro'i sbyin sreg rnams nyin ltar dang/ gzhan yang gza' srung bsten pa'i dam tshig mtha' dag nyams med/ khyad par yar ngo'i tshes bcu la bde mchog dril bu lha lnga'i bdag 'jug dang/ mar @166b ngo'i tshes bcur nA ro mkha' spyod dbang mo'i sind+hu ra'i dkyil 'khor sgrub mchod bcas chag med mdzad cing/ bka' las kyang/ rje btsun ma'i dkyil 'khor sgrub mchod 'dis sngags sdom nyams pa gso nus zhes yongs grags su byas na cung mi 'grig pa 'dug rung/ don du rang gi sems ma yengs na sngags sdom gso nus min la the tshom byed mi dgos pa 'dug /ces kyang phebs so/ /de ltar sdom pa gsum gyi bcas mtshams rnam par dag pa 'di ni gsung rab kyi gnad mkhyen pa'i mkhas pa rnams dgyes pa skyed pa'i rnam thar rmad du byung ba yin pas thar pa don du gnyer ba rnams kyis snying thag pa nas 'di'i rjes su bslab par bya'o/ /gnyis pa ting nge 'dzin gyi bslab pa'i dbang du byas pa'i rtogs pa'i yon tan brnyes tshul ni/ mthun mong ba sems gnas dgu'i sgo nas lus sems dge ba'i bya ba la ci 'dod du bkol rung ba'i zhi gnas brnyes pa ni/ rgyun du gzhung don gyi dpyad par thugs 'byams pa'i tshe dang/ thugs dam mdzad pa'i tshe rnams su sku gam du 'gro 'dug byas pa/ gtam smra ba/ dngos po phar tshur khyer ba sogs gtan nas mi mkhyen par ma zad/ snyan zhu ma byas mthu med kyang lan gnyis gsum par skad chen pos zhu dgos pa la/ nga @167a @#/ /'jig rten gyi bya bar blo rmongs pa dang rna ba ma gsang bas yin 'dug gsung par/ thob rgyal bla ma rin po che nas de 'dra lta ga la yin thugs dam kho nar thugs rtse gcig tu gzhol bas yin 'dug zhus par/ de 'dra yang yin 'dug ces phebs/ mthun mong ma yin pa bskyed pa'i rim pa'i ting nge 'dzin mnga' ba yang bka' las/ 'jigs byed spyod lam gyi lhar ldang ba'i tshe gr-i gug dang thod pa 'dzin pa zhes gsungs 'dug kyang/ phyag mtshan ma spangs na bya ba byed pa'i tshe mi bde ba chen po dang de'i rkyen gyis lha'i nga rgyal dang gsal snang yang 'thor 'gro ba zhig yong gi 'dug pas phyag mtshan med pa'i rnam pa byed kyi yod ces phebs/ des na thun mtshams su yang lha'i nga rgyal gsal snang dang mi 'bral na mnyam gzhag gi skabs tha mal gyi snang zhen 'gog nus pa'i bskyed rim brtan po brnyes pa gdon mi za'o/ /gsum pa shes rab kyi bslab pa'i dbang du byas pa'i rtogs pa'i yon tan brnyes tshul ni/ mthun mong ba zhi lhag zung 'brel gyi ting nge 'dzin brnyes pa ni/ ji lta ji snyed sems can gyi don byed tshul mkhyen pa'i shes rab spyi dang/ khyad par gnas lugs stong pa nyid kyi don/ dam pa @167b mang po'i zhabs drung nas mdzub khrid kyi tshul du lan grangs mang po bsan cing/ lta ba ston pa'i gzhung mtha' yas pa dang/ khyad par lhag mthong chen mo'i sa bcad zur du bkol ba la sogs pa'i sgo nas dpyad pa mthar phyin mdzad pas zab mo'i lta ba ji bzhin thugs su chud cing/ gzhan la lta ba'i skor gsungs pas kyang thugs sras chen po rnams la nges shes 'drong ba lta ci smos/ khyim pa'i rten can thob rgyal bla ma rin po che'i gcan po zhig la gsungs pas 'jigs skrag shin tu che ba skyes te de nub gnyid kyang ma khugs/ de'i sang sogs kyang sdug bsngal ji tsam myong dgos rung nga yod pa rang legs zhes zer ba dang/ bsam grub dar rgyas zer ba zhig la dga' spro dpag tu med pa skyes te stong nyid las ngo mtshar ba ci yod/ grong khyim la sogs pa'i gnas dan ? 'di tsho yang 'khrul snang sha stag las don la ci yang mi 'dug /bden par grub na rang cag khyim pa skyug bro po 'di tshor bya thabs med rung bden bar med pa 'di'i thugs rjes rang cag rnams kyis kyang sangs rgyas kyi go 'phang 'thob rgyu sogs byung ba yin 'dug zer bar/ bka' las/ gnyis ka la go ba dga' rab rnyed pa dang/ snga ma la skye ba gong ma nas stong nyid la bag @168a @#/ /chags med pa'i rtags yin zhes phebs/ gzhan yang skabs shig dad ldan bcu kha bgrangs tsam zhig la bde lam gyi lhag mthong gsungs rjes/ da khyed rnams kyi thugs la ji 'dra 'char gyi yod dam/ bdag rang ni nga ? bden grub gtan nas med pa la nges shes gting nas 'drongs pa yin zhes kyang phebs so/ /mthun mong ma yin pa rdzogs pa'i rim pa'i ting nge 'dzin brnyes pa yang/ mkhas grub ngag dbang rdo rje'i zhabs drung nas 'jigs byed kyi rim pa gnyis pa'i nyams khrid lan cig bsan pa tsam gyis thams cad thugs su chud pa byung/ de rjes phun tshogs gling gi slob dpon rtse skor ka dgu ma zhes pa rdzogs rim gyi mnga' bdag tu grags pa zhig yod pa dang mjal ba nas sngar chos ji 'dra thob gsung bar/ 'jigs byed bskyed rdzogs sogs thob tshul zhus pas/ 'o na/ sprul pa'i 'khor lor 'dod lha yab yum la/ zhes sogs tshigs bcad 'di'i don ji 'dra yin phebs par/ tshang ma zhib rgyas zhus pas/ 'o thob nges su 'dug su las zhus gsung par/ bdag rang gi dgon par sku mtshams pa bgres po zhig yod pa nas bsan tshul zhus pas/ bgres po de 'dra la ga man ngag @168b 'ong da dung zhabs la gtugs shig gsung ba las gsar pa'i legs bshad ci yang ma byung stabs bla ma dang gdams ngag la thugs nges 'drongs pa byung zhing/ bka' las kyang/ nga la rdzogs rim gyi skor 'di gzhan las skabs su babs pa zhig byung zhes dang/ sngar yin na rlung bum can gcig gi ring oM gsum ma nyer gcig re yid bzlas byed pa la bde dogs med kyang/ nga na so rgas gshis bdun tsam la cha 'jog byed dgos pa 'dug ces phebs/ des na ljags bzlas kyi tshe thon gang thub mdzad srol gtan nas med pas bum can rab kyi tshad du 'khyol min la the tshom med pa bcas rdzogs pa'i rim par yang mnga' brnyes pa yin no/ /de ltar mthun mong dang mthun mong ma yin pa'i zhi lhag gi ting nge 'dzin khyad par can brnyes pa rje rang nyid kyi gsung tshad ma de dag las nges pa rnyed nus la/ de'i phyir yi dam lha'i zhal gzigs dang rdzu 'phrul ston pa sogs sdom stobs kyis thob pa'i yon tan dpag med la mnga' brnyes pa gdon mi za yang/ bka' gdams gong ma'i rnam thar ltar nyams rtogs gang yang ma skyes pa'i tshul kho na mdzad stabs 'dir yang rang dang skal mnyam 'ga'i mngon gyur de dag las 'god nus @169a @#/ /dben/ 'on kyang gong du bshad pa ltar rang gzhan gyi blang dor byed lugs kyi snyan sgron zhus pa la zhar byung lta bur thag chod pa'i bka' phebs rigs la 'pho 'phyug gtan nas 'ong srol med par brten rgyus ldan tshang ma mngon shes thogs med mnga' ba'i nges shes byed par ma zad/ bka' rtsom gyi mjug gi smra tshig la'ang gzhung de la 'phrin las dang log rtog ji yod sogs gsal bar lung bstan pa mang ste/ 'byung bzhi gtor ma'i mjug gi tshigs bcad du/ 'on te sa le sbram dang gseg ma'i phye/ /rin thang mnyam por 'degs pa deng gi dus/ /dpyad gsum yongs dag legs bshad smra ba yang/ /tsu ta'i yul du rkang gnyis sgrub pa 'dra/ /zhes gsungs pa ltar/ paN chen chos kyi rgyal mtshan gyis mdzad pa'i 'byung bzhi gtor ma'i 'bul sngags dang po gnyis sngags klog sogs dang ma mthun par brten/ phyis kyi mkhas pa 'ga' zhig gis thugs nor du ngos 'dzin mdzad par/ rje 'dis chu dbar nam mkha' rgyal mtshan sogs sngon gyi yig rnying sor bzhag mdzad pa yin tshul gyis paN chen rin po che'i gsung ma nor bar bsgrubs pa la/ brgyabs pa'i kha la ma phog / @169b ma brgyabs pa'i sna la phog pa'i dpe ltar paN chen rin po cher dgag pa byas zhes log par smra ba byung ba dang/ gzhan la zhal gdams bslab bya gnang bar yang gang zag de rang gi tshe mjug gi skyid sdug sogs ji bzhin gsal ba mang du byung yang 'dir yi ges 'jigs nas ma spros so/ /gsum pa brnyes nas bstan pa la bya ba mdzad tshul la gsum las/ dang po 'chad pa'i sgo nas bstan 'gro'i don mdzad tshul ni/ rje btsun bla ma 'di nyid kyis gsung chos gang gnang yang/ thog mar slob mas maNDal 'bul ba dang mnyam du ngo bo skabs gang yin gyi rtsa ba'i bla ma yin pa la rnam pa rje tsong kha pa chen po'i tshul can gtso bor bzhugs pa'i tshogs zhing skad cig gis dmigs pa la phyag gi maNDal phul te bshad pa'i chos kyis slob ma la phan thogs pa'i gsol 'debs dang/ de rnams 'od du zhu nas rang la thims pas rang nyid rje tsong kha pa chen po sku tshad shin tu mtho ba'i rnam par lam gyis gyur pa sogs mthun mong dang mthun mong ma yin pa'i spyan dmigs mdzad/ 'chad pa dngos gzhi'i skabs 'jig rten chos brgyad sogs kun slong ngan pas ma spags par byams snying rje byang chub kyi sems 'ba' zhig gis kun nas bslangs te @170a @#/ /'chad cing/ 'chad tshul yang skabs gang yin gyis gzhung gnyis ka blo 'dzin ma byas na rtsa ba med pa la 'khrid kyis ci 'ong gsungs nas gnang srol med cing/ rtsa ba yod pa rnams la yang dang por dag gsal snyan gsum gyi sgo nas sa bcad kho na'am/ bde lam sogs las gzhung cha tshang 'dzin chos lan gsum stsal rjes/ nyan pa po rnams mgrin gcig gis rgyugs 'bul dang/ de rjes kun slong gsal 'debs sngon du 'gro bas rtsa ba bsam bya dang bcas pa nas 'bru gcig la'ang chad lus dang go ldog med par skabs su gang babs re gsungs pa la 'khril te/ gsung rab dal gyis 'chad pa'i smra mkhas dang/ zhes gsungs pa ltar/ gsung dal zhing go bde ba 'ba' zhig gi sgo nas stsol bar mdzad/ de yang gong du bshad pa ltar rab chos thun re stsal ba la myong ba sne zin ma skyes kyi bar du sgom du 'jug pa'i myong 'khrid dang/ ma tha nyams len ma byas na thob grangs mang la sgom grangs nyung ba chos dred kyis 'khyer ba'i rgyu yin pas nyin rer gang thob la thun bzhi chag med byed dgos tshul dang bcas stsol ba'i nyams khrid gang rung las/ thod brgal gyi bshad pa re la 'khrid kyi @170b ming btags pa nam yang mdzad srol med/ de lta'i 'chad tshul des sa gzhung ra sprad pa tsam gyis kyang go ba chen po skyes te gzhan du 'khrid lan mang zhus pa las/ 'dir sa gzhung ra sprod gnang ba 'di gcig pu blo bskyed che ba byung/ 'di 'dra mdzad mkhan gang du'ang mi 'dug gsung pa'i dge bshes kyang mang bar byung zhing/ lugs gnyis la mkhyen pa rmad du byung ba la mo phyag mdzod sde pa dar rgyas nas kyang/ dbus gtsang gi bla ma gzhan dang gzhan la chos nyan pa na thal mo dngul chur sbyor dgos pa 'dug /de'i rgyu mtshan yang khong tshos bshad pa re gnang ba na e de 'dra lta cung min/ dngul chur 'di la bka' bshad 'di ltar gnang gi yod snyam pa 'char 'dug ces gsungs/ 'jigs byed lta bu'i bskyed rim stsol ba'i tshe yang dang por thig rtsa shin tu byang bar byas pa la thig 'khrid legs par stsal nas gzhal yas khang gi skor thig gi sgo nas ra 'phrod par mdzad/ dngos gzhi'i skabs sa gzhung zhib par ra sprad pa'i steng du rgyud dang rgya gzhung gi lung dpe dang gtan tshigs/ bla ma'i man ngag rnams skabs su gang babs dang bcas gsungs pas/ blo ldan rnams lta ci smos blun po rnams kyang nges shes lhag par 'drongs te gang gsungs @171a @#/ /la yid lhan gyis 'gro ba zhig yod/ so thar gyi sdom pa stsol ba'i tshe yang las gral ba rang rang gis gsung 'os gang yin zhal nas thogs med du thon nges kyi bka' bkod sngon tshud nas mdzad thog /las la 'dus 'phral yan lag bdun pa'i mchod pa dang bshags pa'i bar du dge slong gi phyir bcos gsum tshig bsgyur dang bcas pa dang maNDal/ yon tan gzhi gyur ma/ sems bskyed bcas legs par mdzad/ snga phyi gang gi tshe yang bsgrub bya gsum las mi mang ba la blo khugs nges kyi gsung bshad dang bcas te cho ga'i rim pa thams cad kar ma sha tam gyi sdom tshig la 'khril nas skyon phra mo tsam yang ma shor bar sdom pa rnam par dag pa thob nges su stsal rjes/ rtsa ba bzhi nas rung chu 'debs pa tshun chad nyams med dgos pa'i rgyu mtshan dang bcas dge slong yin na bslab bya nyer mkho ma dang/ dge tshul pha ma yin na rje rang nyid kyis mdzad pa'i sdom tshig lta bu 'phral du blo 'dzin byed du 'jug pa sogs kyi sgo nas bslab bya'i nyams len la sbyor bar mdzad pas/ rje nyid dgung lo bzhi bcur phebs nye'i skabs su dngul chu'i bla ma rin po cher sdom @171b pa zhus na bsrung bya dam drags glags kha dogs med gsung mkhan yang byung/ 'on kyang lo lo bzhin zhu mi je mang du gyur par bslab byar sbyor lugs sngar bzhin mdzad pas/ bzhad khul lta ci phyogs mang por yang chang dang phyi dro'i kha zas sogs la spyod pa ga la srid/ phud mchod yon sbyong dang/ chab len lham 'bud/ rung chu 'debs pa tshun chad la rtag tu brtson par mdzad pa'i ngur smrig 'dzin pa shin tu mang bar mchis shing/ sku khams nyog tshul bzhes skabs dang sku na smin pa'i tshe yang/ 'di bstan pa'i bya ba gal che shos yin gsungs nas 'gyangs myur phran bu las zhal gyis mi bzhes pa gtan nas mi mdzad do/ /de mtshungs sems bskyed chog rgyas pa sta gon dang bcas pa dang dbang dus sogs su byang sems dang sngags kyi sdom pa stsol ba'i tshe yang/ gdul bya rnams kyi yid rang dbang med par 'khul zhing nges pa rnam dag 'dren pa'i gsung bshad shin tu rgyas pa dang bcas so so'i sdom pa sngar ma thob pa la gsar du thob pa dang/ thob kyang nyams rigs la nyams pa sor chud pa dang/ thob la ma nyams par gong 'phel gyi tshul du thob nges stsal rjes so so'i bslab bya phra rags rnams mig phug lung brgyus kyi tshul du gsung te mnyaMs @172a @#/ /par srung ba gal che tshul/ gal te nyams na nyes ltung dang zhag tu mi 'grogs par phyir bcos pa'i thabs la 'bad dgos tshul/ dam tshig mi nyams pa'i phyir thun drug gi rnal 'byor rdor sems bsgom bzlas/ rdo rje mkha' 'gro'i sbyin sreg sogs la nyin ltar brtson pa gal che tshul dang/ bla mas bslab bya rnams ma bshad na khyed rnams smyon pa'i lag tu ral gri gtang nas gtong ba ltar don ma yin pa chen po la sbyor ba yin pas bla mas nyes pa yin/ bshad kyang nyams su ma blangs na mig can g.yang la mchong pa ltar rang gis rang phung bar byas pa yin pas khyed rang rnams kyis nyes pa yin zhes nan tan shin tu che bar mdzad pas phyogs 'di'i skya ser pho mo mang po nyams len de dag la brtson pa 'di byung ba lags/ bklag lung stsol ba'i tshe yang bla mas sgra dag la gsal ba dang/ slob mas kyang tshig gi zur cha tsam ma nyams par thos dgos par ma zad/ bla slob gnyis kas tshig don rnams 'di dang 'di'o snyam du dran gang thub byas na tshig 'khrid thob pa'i go chod par yongs 'dzin rdo rje 'chang gi zhal las thos tshul gyi bka' slob dang bcas shog logs sogs kyi bar @172b bskyar bzhes dgos rigs byung yang thugs ngal spangs te sgra dag cing gsal ba sha stag las/ ljags rtse nas zar zur re thon pas shog grangs mang po yag yug tu song na lha rgyal ba'i phyag len nam yang mi mdzad/ gzhan yang rgyal ba'i gsung rab dang/ de dag gi dgongs pa 'grel byen rgya bod kyi bstan bcos rnam dag thams cad nyams su blang bya sha stag las 'di mi dgos pa med/ rnam par dag min yang rje yab sras kyi dgongs pa dang mthun min yin pas mthun tshe grub mtha' su 'dra zhig gi phyogs nas gsungs kyang nyams su blang bya dang/ ma mthun na dge lugs ma rang nas gsungs kyang 'dor bya yin/ dpe cha par ma yin pa tsam gyis kyang mtha' gcig tu yid brtan dka' bas tshig don thams cad la legs par dpyod dgos/ de yang rjod byed kyi tshig ma dag na brjod bya'i don 'khrul ba mngon sum du grub gshis bris zhus gang byed kyang sum rtags dang/ za ma tog sogs nas ji ltar gsungs pa ltar ma 'khrul ba dgos shing/ tha na tsheg thob min dang/ rkyang shad/ nyis shad/ bzhi shad/ tsheg shad bcas dang/ dbu chung la gcod tsheg byed na'ang 'khrul med dgos zhes tshig don thams cad la phyogs re ba tsam @173a @#/ /ma yin pa'i gdams pa phra rag sa 'doms par mdzad/ sku gam du sog po/ khams pa/ a mdo/ mnga' ris/ dbus gtsang/ 'brog rigs sogs yul tha dad pa ji 'dra zhig bcar rung de rnams la rang rang gi yul gyi bla ma dang rgyal po sogs kyi lo rgyus snyan zhing 'jegs pa'i sgo nas gsungs pas de dag kyang rang yul gyi mi dang 'phrad pa lta bus dga' bar byed cing/ dri ba gang zhus thams cad la sku tshe hril po de kho na la nyams bzhes mdzad pa lta bu'i lan thogs med gsungs nas yid kyi re ba rdzogs par mdzad de/ skabs shig thob rgyal bla ma rin po che dang/ tre bo sprul pa'i sku sogs dge ba'i bshes gnyen chen po drug gis nyi ma brgyad tsam zhig nas mdo sngags/ rig gnas/ bla rabs sogs kyi dka' gnas che sa gang yin la gcig rjes gcig zin gyi bka' 'dri du ma zhig zhus par/ thugs bsam phra mo tsam bzhes mi dgos par de ma thag lung rigs gnyis ka rnam dag gi sgo nas so sor bka' lan nges shes shin tu 'drongs pa sha stag stsal bas/ nam phyed zin nyer khong drug gi zhu bya sbad kyis zang nge gcig mig gcig la gur nyur byed cing @173b dar gcig lus pa'i tshe/ nga blo bzang rgyal ba gnyis pa'i bu/ zhes sogs paN chen blo bzang chos kyi rgyal mtshan gyi gsung de ljags skyor gyis rje rang nyid kyi mkhyen pa la thugs ches pa'i tshul mdzad pas/ khong rnams sangs rgyas dngos la zhus kyang de bas lhag pa ga la 'ong zhes zhal 'chams shing/ tre bo sprul pa'i sku rgyang tsam bzhugs par de lta bu kho nas dus 'das gshis/ ngas mtshan nyid la slob gnyer byed khul lo drug gi ring byas kyang 'di yin gang yang ma byung/ de ma byas par thog ma nas 'dir bcar na gang byas rnams don dang ldan pa zhig 'ong nges yin 'dug kyang de ma byung/ da ni pha yul la thon par gtugs song zhes thugs 'gyod chen po mdzad/ yang ne'u gsing pa'i sum dar lags nas sa skya ba'i gdung la 'khon rigs zer ba nyon mongs pa dang 'khon pa'i rgyu mtshan gyis yin zer 'dug pa de ga e yin zhus song bar/ de 'dra mi no/ g.ya' spang skyes dang srin po skya rengs khrag med 'khon pa'i bar du si li mar bu btsas pa la 'khon bar skyes zhes btags pa de'i rigs yin pa'i rgyu mtshan gyis 'khon rigs zer pa yin bka' gnang bar/ de sa skya pa des khungs rang gis gsungs pa yin zhes sum ngar lags @174a @#/ /the tshom chen po mdzad bdug par/ de ma thag 'di ru 'di ltar gsungs zhes so sor gsung tshul dang bcas te gzhung le tshan bcu bzhi thugs dran gso dgos med par thol byung du 'dren par mdzad/ yang srib tsam nas gzhung gsum gsungs rjes/ da dung bsam mno btang na thon rgyu mang po yod 'gro zhes phebs pa sogs brjod pa'i yul las 'das so/ /de lta bu'i rmad du byung ba'i rnam par thar pas thugs yid drangs te zhabs pad bsten pa rnams la gang la gang 'tshams pa'i legs par bshad pa sna tshogs kyis smin grol mdzad pa'i gsung las skyes pa'i slob ma yang/ rje gru 'dzin pa chen po blo bzang tshe ring sogs bshad sgrub nyi zla'i snang bas 'jam mgon bstan pa'i snying po gsal bar mdzad pa'i skyes chen dam pa/ bla ma rin po che ngag dbang snyan grags sogs shes bya rig pa'i gnas mtha' dag thugs su chud nas 'chad rtsod rtsom gsum gyis rgyal bstan gsal bar mdzad pa'i mkhas pa chen po/ ri sbug sprul pa'i sku blo gsal bstan skyong/ bde chen sprul pa'i sku blo bzang tshul khrims/ gsang sngags mkhar sprul pa'i sku blo bzang tshul khrims @174b rgyal mtshan sogs dam pa'i skyes rab kyi 'phreng ba 'dzin pa'i 'gro 'dren sprul sku chen po/ dka' chen rin po che bkra shis dge 'phel dang/ bla ma dka' chen rin po che rnam rgyal bzod pa sogs gzhung lugs rab 'byams la sbyangs pa mthar phyin te bshad sgrub zung 'brel gyi sgo nas bstan 'gro'i don la gzhol ba'i dge ba'i bshes gnyen chen po/ rje btsun red mda' ba chen po'i gdung bla ma dge slong ye shes chos 'phel/ bla ma dbu mdzad ye shes rnam rgyal/ dge slong rin po che byams pa dar rgyas sogs ya ma rA dzA/ hrIHShiT'H oM gsum ma rnams kyi bye bsnyen sogs yi dam gyi bsnyen sgrub mthar phyin mdzad pas zhi rgyas dbang drag gi las rab 'byams sgrub pa la nus pa chen po thob pa'i rnal 'byor gyi dbang phyug/ rkyang chad dge slong rin po che sogs 'tsho chos ngan ngon la brten nas sgo gsum dge ba'i bya ba la drag tu bkol bas phyi ma'i gnas skabs su mi 'jigs pa'i gdengs thob pa'i bya bral ba/ rje 'di grwa rkyang gi dus nas rigs kyi cod paN mchog tu bsnyen bkur ba che khang zhabs drung ye shes mtshan can brgyud par bcas pa/ nges pa don gyi paNDi ta chen po spel khang rje drung blo bzang dge 'dun/ chol rgyal dge ba'i dbang po ngur smrig dpal @175a @#/ /gyis mdzes pa mgron gnyer sman ri ba chen po sogs rig gnas mtha' dag la mkhyen pa rmad du byung zhing dkon mchog dang las 'bras kho na dbang du bzhag ste lugs gnyis kyi sgo nas bstan 'gro'i phan bde spel ba'i mi chen rab byung gi slob ma/ tsha rong rtsis dpon bskal bzang dgra 'dul sogs las smon bzang po'i stobs kyis rje 'di'i mtshan thos pa tsam gyis dad gus tshad med pa 'khrungs te 'di phyi'i skyabs mgon zla med du 'dzin pa'i mi chen khyim pa'i slob ma/ dpon tshang tshe dbang rdo rje dang/ tshod dpon rdor legs sogs nges 'byung skyo shas drag pos pha gzhis pha khang sogs btsan thabs su spangs te sgrub pa kho na la 'bad pas rim gnyis kyi rtogs pa chen po mngon du gyur pa'i gos dkar lcang lo'i 'phreng ba 'dzin pa'i sngags 'chang/ ne'u gsing pa'i co nor bu sum dar sogs khyim na gnas bzhin du mkhyen pa dang lhag bsam bzang po zung 'brel gyis yul spyi'i bde skyid spel zhing phyag mchod sogs dad khyad par lam rim blo sbyong rje btsun rdo rje rnal 'byor ma'i bskyed rdzogs kyi nyams len la gzhol bas 'chi ba'i tshe phyi nang gi ltas ngo mtshar ba du mas @175b gzur gnas kun gyi yid rab 'phrog pa'i khyim pa byang chub sems dpa'/ bslab khrims rnam par dag cing bsnyen sgrub phyag mchod 'dzin skyor sogs sgo gsum dge ba'i las la gzhol ba'i rab byung ma'i sde/ dbang 'dus tshe ring sogs srog gcod pa sogs mi dge ba'i las la rgyab kyis phyogs shing gzhis byas gang du yang maNDal 'bral med du bcangs te thugs rje chen po'i bsgom bzlas sogs rnam dkar dge phyogs la brtson pa'i khyim pa pho mo ste mdor na slob dpon dpa' bos/ khyod kyi slob ma bzang po'i shing/ /dge ba'i me tog cher rgyas pa/ /dpyid ka'i shing ni me tog gis/ /brgyan pa lta bur mdzes par gyur/ /ces gsungs pa ltar skabs de'i chos la snying nas don gnyer dang ldan zhing blo gzu bor gnas pa phal mo ches rje 'di'i zhabs rdul spyi bos bsten pas na gsung las skyes pa'i slob ma bgrang las 'das pa mchis so/ /gnyis pa rtsod pa'i sgo nas bstan 'gro'i don mdzad tshul ni/ bla ma rin po che ngag dbang snyan grags kyis/ blun nam phyogs lhung ldan pa re zung nas/ /rgol ba'i rnam pa 'ga' re zhus pa'i tshe/ /'jam pa'i tshig gis gsong po'i lan gsungs te/ /pha rol smra ched mdzad la gsol ba 'debs/ /zhes gsungs pa ltar/ blun po phyogs @176a @#/ /lhung can 'ga' zhig nas rgol ba'i rnam pa zhus kyang/ dgag lan tshangs pa'i thig gi spun zla las/ mkhas pa'i bgyi ba gsum la sems kyi rtsal/ /'gran pa sngon byon dam pa'i srol yin phyir/ /gting nas sdang ba min kyang kyal ka'i tshig /thon kun dpyod ldan khyod kyi'ang bzod par gsol/ /zhes gang gsungs pa ltar/ bskul ba po'i mdod sbyar gyi kyal tshig phran bu mi gnang dbang med byung ba'ang rang gis nongs par zhal gyis bzhes te rang rgyal gzhan pham gyi dgongs pa gtan nas med par 'di la brten nas kyang rang gzhan gyi ma rtogs pa dang log par rtog pa dang the tshom gyi dri ma thams cad bsal nas blo gros gong 'phel du song na ci ma rung snyam pa'i sgo nas 'jam po'i tshig gis drang po'i lan 'ba' zhig gsungs pas gzur gnas blo ldan mtha' dag nges shes je 'drong du 'gro zhing gsung gi 'phrin las kyang yar ngo'i zla ba ltar je rgyas su 'gro ba byung ste/ de yang sa skya ba'i gdams pa'i bdag po zhig nas oM gsum ma'i sngags 'phreng g.yon skor sha stag mdzad pa mi 'thad tshul zhus par lung rigs dri ma med pa'i char babs te mi smra ba'i brtul zhugs la bkod pa dang/ bla ma 'jams dbyangs zhes pa mkhas pa'i grags pa @176b can zhig nas maNDal gyi 'khrid yig tu 'gro mgon chos rgyal 'phags pa dang/ 'byung bzhi gtor khrid du paN chen chos rgyan la dgag pa byas 'dug ces phrag dog 'gran sems kyi kun nas bslangs pa'i snyan sgron zhus par yang/ dang por pho nya brgyud lung rigs dri ma med pa'i dgag sgrub mtha' yas pa stsal cing/ de rjes dngos su bgro gleng mdzad du phebs par thugs thag bcad pas de 'phral pha rol po 'jol thabs kyis gleng ma nus pa dang/ bon gyi drang srong rig gnas phal mo che la mkhyen pa rmad du byung ba bla ma mkhas grub ces pa dang sum rtags kyi skor la 'bel gtam yun ring mdzad pas mthar khong lan gyis phongs te/ sum rtags la nga rang tsho'i kun grol grags pa'i gzhung 'di 'gran zla med pa yin bsam rung/ bla ma rin po che'i sku gam du 'di'i yang bzo lta 'chor 'dug ces gzur gnas dam pa'i gsung rjen par phebs pa dang/ phyis mdo khams nas 'phyan pa'i sngags gzugs zhig nas blun po'i khrod du rang nyid la mkhas pa'i grags pa bsgrub phyir sum rtags kyi 'grel par dgag tshig brtsams par yang tshangs pa'i thig gi spun zla zhes mtshan don mthun pa'i dgag lan stsal bas sngags 'chang gi kha la don @177a @#/ /dang mthun pa'i lan gleng du med pa'i rgyu byin pas mtshon/ rje 'di nyid kyis mdo rgyud rig gnas sogs kyi dka' gnas la 'bel gtam mdzad pa na rtog ge la sbyangs pa'i mkhas pa ji lta bu zhig yin rung dgun gyi khu byug gi ngang tshul lhur len pa 'ba' zhig byung ngo/ /gsum pa rtsom pa'i sgo nas bstan 'gro'i mdzad tshul ni/ de yang bstan bcos rtsom pa'i rgyu la rig pa'i gnas lnga la mkhas pa/ sangs rgyas rgyas nas bzung ste dam pa bar ma chad pa'i man ngag dang ldan pa/ yi dam lha'i zhal mthong ba'am gsung gi gnang pa gsum yod cing/ de dag re res kyang gzhung phun sum tshogs pa rtsom nus par gsungs pa la/ rje 'di la ni de gsum ga tshang ba gong du bshad pa'i rnam thar gyi dngos shugs cir khas rtags nus so/ /des na rje bla ma 'dis mdo sngags rig gnas kyi gzhung dang/ bslab bya gsol 'debs sogs bka' rtsom ji 'dra zhig mdzad pa thams cad/ rjod byed kyi tshig tshogs chung zhing brjod bya zab la rgya che ba/ dbang po'i rim pa thams cad kyis lag tu blang bde zhing rnam par dag pa'i khungs dang ldan pa/ tshig sbyor legs la snga phyi 'brel chags pa/ bsdus @177b don sa bcad 'god dgos kyang rje sa paN gyi dgongs pa sngags ram du gsungs pa bzhin sa bcad gnyis las med na dang sgras 'byed pa dang/ gsum phan chags dang sgra med pa/ sa bcad kyi tshig rkang re dbugs thad gcig la mi 'gro ba'i tshig ring po med pa/ gzhung don thams cad blo yul du lam gyis 'char thub pa sha stag mdzad pa las/ de 'dra'i gnad don blo yul du med par mi'i lad ? mo spre'us bskyar ba'i ngang tshul gtan nas med do/ /de lta bu'i lags bshad kyi bka' rtsom mdzad pa'ang 'khrid yig gi skor/ bla ma'i rnal 'byor gyi skor/ sgrub thabs kyi skor/ bslab bya'i skor/ dri lan gyi skor sogs sngar bar du 'khod pa shog grangs stong la nye ba dang/ bar du ma 'khod pa'ang shog grangs bzhi brgya skor yod 'dug pa rnams kyi mtshan tho mdor bsdus re 'god thub na dgos pa che yang yi ge'i khur gyis 'jigs nas ma spros so/ /de ltar mkhas pa 'chal bar ma shor/ btsun pa rmongs par ma shor/ bshad pa kha bshad du ma shor/ sgrub pa rang don du ma shor ba'i bdag nyid chen po 'dis mthon po'i khril 'gyings nas bzang po'i zas gos la longs spyod cing tshe 'di kho nar zhen pa'i rmongs pa'i 'khor gyis @178a @#/ /bskor ba'i bstan 'gro'i don rnam ngag mi 'ong bar gzigs nas/ dben pa'i ri la bzhugs/ 'tsho ba bya tshol mdzad/ yon tan thams cad sbas/ dman pa'i sa bzungs/ chos brgyad rlung la bskur/ dkon mchog spyi bor khur/ chen po'i ngo 'dzin spangs/ nyam chung brtse bas bskyangs/ sde snod gsum gyi don thams cad skyes bu gsum gyi lam gyi rim par bsdus nas nyams su bzhes/ khyad par du yang rje bdag nyid chen pos/ tshul khrims nyes spyod dri ma 'khrud pa'i chu/ /nyon mongs tsha gdung sel ba'i zla ba'i 'od/ /skye rgu'i dbus na lhun po lta bur brjid/ /stobs kyis bsdigs pa med par 'gro kun 'dud/ /ces gsungs pa ltar zhal gyis bzhes pa'i bslab khrims thams cad ngo lkog med par bsrungs pas zhabs kyi padma gang du bkod pa'i sa rdul phra mo yan chad lha mi'i mchod gnas dam par gyur pa yin no/ /sku ni do mtshar mtshan dpe'i ri mos mdzes/ / gsung ni mtha' dag 'gro ba'i yid bzhin 'jug /thugs ni bden na rnam par mi rtog pa'i/ /rgyal ba'i sras khyod bstan 'gro'i dpal du shar/ /gsang gsum yon tan nyi ma'i @178b snang ba yis/ /bstan 'gro' rgud mun sel la ngo mtshar ci/ /'phrul gyi mdzad pa'i cha shas phra mor yang/ /gzhan phan bdud rtsi'i zil mngar 'bum du 'dzag /yang dag chos pa'i sgron mes 'gro ba la/ /blang dor gsal bar ston pa'i mthu med na/ /bsam bzhin byon par zhal gyis 'ches ma yang/ /lnger bzo'i sku bzhin mchod yul tsam du bas/ /mgon khyod thos bsam sgom pa'i khang bzang rtser/ /ring nas son kyang thar 'dod gdul bya la/ /thams cad mkhyen pa'i lam chen 'di na zhes/ /ston phyir dang por thos pa'i skas la 'dzegs/ /khyad par rig gnas 'chi ba med pa'i bcud/ /ma lus longs su spyad pa'i dga' ston glu/ /sngon med legs bshad nyams 'gyur sna tshogs par/ /'char ba'i go skabs mkha' bzhin yangs par gyur/ /'di snang bya bas dben pa'i gnas mchog tu/ /sgo gsum dge la bskul ba'i ting 'dzin las/ /nam yang g.yo ba med pa'i rnam thar gyis/ /lhar bcas 'gro ba'i gtsug tu ngal gso bsten/ /nyon mongs mtshon la sra ba'i bslab gsum go /brtan por bgos pa'i rgyal sras dpa' po khyod/ /sgrib gnyis dgra las rgyal ba'i snyan grags kyi/ /ba dan srid zhi'i khang bzang rtse na bslangs/ /thub @179a @#/ /gsung mdo sngags mu thil yi 'phreng/ /'jam dbyangs bla ma'i dgongs bzhed srad bu la/ /bstar ba'i legs bshad 'phreng ba yid 'ong bas/ /skal ldan blo yi mgul pa mdzes par byas/ /sgrub dang sun 'byin dam bca'i mnga' rnon po/ /lung dang rigs pa'i rtsal gyis 'phangs pa'i mod/ /rgol ngan sbyin skyes spobs pa'i grong khyer kun/ /rmeg med bcoms pa'i rgyal rnga srid rtsar brdungs/ /dri med lung rigs skya dbar nas drangs pa'i/ /sngon med legs bshad gser gyi gru ba che/ /gzhung lugs rgya mtsho'i pha mthal gzhal bzod pa/ /skal bzang don mthun yongs kyis bsten byar bskrun/ /de lta'i rmad byung mdzad pa'i lcags kyo yis/ /'dren pa'i las bzang can gyi 'gro ba mang/ /bde chen thar pa chen po'i grong khyer du/ /dga' ba'i ca co dang bcas ngal gyis song/ /zhes dus gsum rgyal ba kun gyi spyi gzugs bka' drin gsum ldan rje btsun bla ma thams cad mkhyen pa d+harma b+ha dra dpal bzang po'i rnam par thar pa zhwa ser bstan pa'i mdzes rgyan zhes bya ba las/ rnam thar gyi don bsdus pa'i sarga ste dgu pa'o// ! //de ltar rang dbang thob pa'i skyes bu @179b dam pa rnams ni mdzad pa ji 'dra zhig mdzad kyang gnas dang dus dang gdul bya dang dgos pa la ma gzigs par mi mdzad pas/ /bdag cag gi rje btsun bla ma dam pa 'di nyid kyis kyang gang la gang 'tshams kyi mdzad pa 'phrin las kyi sgo nas sku dngos kyi gdul bya rnams smin grol la bkod zin nas/ 'khor ba'i phun tshogs kun gyi mtha' rgud pas sdud pa dang/ bla ma dang dam pa'i chos dkon par ston pa dang/ sku gdung dang ring bsrel tsam gyis kyang 'dul bar 'os pa mang zhig mchis pas na de dag gi don la gzhol ba skabs su babs par dgongs pa na sngar zhabs 'bam kyi snyun gzhi zhig dang/ sku na ha cang smin pa'i dbang gis sku la za phrug dang sku bzhengs yang yang mdzad dgos pa bcas yod par brten bka' chos 'chad spel rgya chen ma grub pa lo shas song yang/ chab tshan lan kha shas mdzad pa sogs la brten de dag kyang phal cher rang zhir song nas dmigs bsal sku khams nyog tshul gtan nas med rung/ bdag cag bya ba 'ga' zhig gi phyir dge 'phel du zhag shas song nas/ mthun mong zhes pa lcags khyi zla ba bcu gnyis pa'i tshes nyer drug gi snga char sku gam du 'byor par/ da cha dge slong gis dge 'phel @180a @#/ /phyogs su bya ba byed dgos rnams legs par grub nas 'di khar 'byor pa de shin tu legs pa byung/ da rang re khu tshan snga dro ba'i ched nged kyi 'khris su sdod cig /ces phebs pa bzhin sngar gzim phug gi byang phyogs su rje nyid bzhugs/ lho phyogs su bdag nyid sdod pa yin kyang/ de nub nas bzung sku gam kho nar 'jog pa gnang/ lhag par de nyin sngar dang mi 'dra ba'i dgyes tshul tshad med pa dang bcas gang ci'i gsung gleng shin tu 'gol ba'i dus 'das nas dgong mo ljags thun tshugs khar yang bzhad mo dang bcas/ de ring yul gshis shin tu grang ba byung yang dge slong slebs nas snga shin tu dro ba byung bas yul gshis kho rang grang na yang grang/ zhes phebs/ de'i sang nyin yang dgyes pa'i gsung gleng 'gol ba'i mu zhig nas dge slong dang kun bzang dbang mo gnyis deng kyi zla bor slebs nas lo ji tsam song 'dug ces phebs par ? lcags phag tshes na lo ngo bco lnga 'gro bar 'dug zhus pas/ pha pha lo de tsam song bar 'dug lcags phag tshes na nga yang lo brgyad cu tham par sleb rgyu yin/ de skabs 'jig rten phyi ma'i gzigs mo la yang thegs 'gro ste lo de tsam 'u rang khu tshan 'bral med du bsdad nas blo @180b kha mi rdzogs pa su la yang mi 'dug ang/ zhes phebs par/ spyir skyes bu dam pa'i gsung dang lhag par rgyun du mi mkhyen pa'i tshul kho na las de 'dra'i rigs gtan nas mi gsung ba la/ da lam thugs thag sbad chod kyi gsung de 'dra phebs pa shin tu ma legs par bsams nas bdag nyid mi bzod pa'i sngangs skrag gis glo bur du gdungs te mchi ma drag tu 'bab pa'i du ngag gis/ de 'dri'i dgongs pa gtan nas mi bzhes pa mkhyen/ dgung lo brgyad cu yang sku na ha cang smin pa ci la yin/ paN chen chos kyi rgyal po dgung lo go gsum dang zha lu lo chen brgyad cu gya brgyad sogs sngon gyi skyes chen phal mo che yang dgung lo dgu bcu go bgrang bzhugs pa mang bar ma zad/ deng gi dus su yang rtsi ba ri ne rang gi bla ma dang srung mo khar gsar gyi rmol gnyis go drug bsdad pa mig mthong lag zin lags pas; de tsam nges par bzhugs pa'i zhal bzhes thob pa zhig ci nas kyang mkhyen zhes gdung shugs drag pos zhus par/ he he; de 'dra'i sdug mdog byed mi dgos/ snga mo nga lo sum cu zin tsam la so mang po bud pa sogs tshe ha cang mi yong ba'i rtags yod kyang/ bla ma rin po che de nyid kyis tshe sgrub gnang smin ma chag pa byed dgos/ tshe 'di'i rang don kho nar bsams nas tshe sgrub mi rung @181a @#/ /yang; byang chub sgrub pa'i lus rten 'di 'dra rnyed dka' bar bsams nas tshe sgrub byas pa la phan yon ma gtogs nyes pa gtan nas med ces phebs pa nas bzung tshe sgrub re ma chag pa byed kyi yod/ de'i mthus re bdun bar gyi gegs las grol ba dang/ de nas bdun cu'i bar gyi gegs las grol ba'i lung bstan byung/ de nas kyang tsha bo g.yang chags khyod kyis zla bo yang rtse byes nas nga rang ses dal du thos bsam kho nar 'bad chog pa byung bas spro langs te/ tshe'i 'du byed nges par brgyad cu'i bar thub pa zhes bla ma dkon mchog la gsol ba btab pa yin pas/ da bsam don lag tu lon rgyu red/ gzhan bla ma mkhas grub mang po dgung lo bdun cu dang brgyad cu bzhugs yod zhes rang gis zhal gyis bzhes pa dang/ gzhan gyis lung bstan pa sogs 'ga' zhig la'ang don du de 'dra'i phyogs yul na med pa byung song/ des na/ brgyad cu'i lo la slebs pa'i dpyid zla tha'i/ /bco lnga'i tshes gyi nang par de bzhin gshegs// 'jig rten khams su mi snang ltar gyur nas/ /mya ngan 'da' bar mdzad la phyag 'tshal lo/ /zhes gsungs pa ltar/ spang rtogs kyi yon tan mthar phyin pa'i sangs rgyas thugs rje can de yang @181b brgyad cu tham pa'i lo rtswa mchog grong du mya ngan las 'da' ba'i tshul bstan pa red/ nga yang brgyad cu tham pa'i lo 'di la gnad gcod kyi sdug bsngal rgyun ring shugs drag med par lus sems 'di ngang gis 'bral thub na/ kha nas zer ba ltar don lag thog tu blangs nas kho dge slong d+harma b+ha dras skad btangs pa red/ lo de las lhag pa bsdad na skyes bu dam pa rang dbang thob pa re gnyis ma gtog rga ba'i sdug bsngal gyis yun ring mnar ba de la tshe ring ba mi zer tshe 'chal ba zer ba yin/ zhes sogs zhing khams gzhan du gshegs pa'i gsung sba gsang med par phebs/ de yang sku tshe'i skor la lung bstan mang po dang khyad par bsnyel tho chung du zhig tu/ shing sbrul zla ba brgyad pa'i tshes bcu gnyis kyi tho rangs lo drug nas 'jig rten pha rol tu 'gro ba'i lung bstan byung/ zhes gsal 'dug pa de'i dus thog tu phebs par mngon/ lcags phag zla ba dang po'i tshes gcig gi nyin yi khrod spyi'i dgung gsar sku skal 'bul skabs rten 'brel shin tu legs pa byung/ de nyin bdag nas sngar chab tshan mdzad pa rnams kyang gang cir sku 'phrod shin tu che ba byung bas/ 'di lo yang zla ba gnyis pa'i nang chab tshan zhig gnang ba legs min gyi thugs brtag bka' drin che ba zhes zhus par/ @182a @#/ /mi 'chi khar chu tshan byas pas ci yong/ nga 'di lo mi sdod par thag chod pa'i skad cha kha sang nas lab pa ltar yin/ de bas ser tshogs sogs dge phyogs byed rgyu rnams gong 'phel yong ba'i thabs kyis gsung bar/ da dung rgyu mtshan dang bcas thugs brtag cig ci nas kyang bka' drin che dgos tshul zhus par/ 'o na dge slong gi glo kha rdzogs phyir brtag pa byas chog ste/ rgyun par yang nga rang gi sems la gang bsam las gzhan du 'bab pa'i srol med pas da lam yang babs ni mi yong zhes gsungs nas thugs brtag mdzad kyang ma babs par bzhad mo dang bcas/ 'o; ngas ka byas kho dge slong b+harma d+ha dra la gang zer phran bu yod pa'i bzo ma byung ngam/ de la bsams nas da phyin chad nga rang gis gang zer las sman pa la ston/ sman zo zhes sogs don med kyi u tshugs ma byed/ nged so so skye bo la nus pa med rung mthong thos dran reg gi 'gro ba rnams gnas skabs dang mthar thug tu dge ba'i bla ma dkon mchog la gsol 'debs dang smon lam re byed kyi yod pas/ 'chi kha'i smon lam mtha' btsan pa dang/ dkon mchog gi thugs rje nus pa dang/ kho rang tshe'i dad @182b pa'i nus pas phan thogs phran bu mi 'byung ba'i nges pa med pas/ nga dang 'phrad 'dod pa thams cad bkag pa med par srib tsam re gtong lugs gyis/ zhes phebs pa ltar 'di nas bzung zla ba gsum pa'i tshes nyi shu'i bar bcar mi tshang ? ma sri btsam re sku gam du gtong gnang gis mjal phyag dang/ sdig spong dge sgrub kyi bslab bya chos 'brel sogs rang rang gi re ba skong bar mdzad cing/ thams cad la dam rdzas bdud rtsi ril bu/ rten bsdus/ ma Ni ril bu sogs byin rlabs 'bor che ba re stsal/ khyad par drag gzhan thams cad la zhing khams gzhan du gshegs pa'i gsung sba gsang med par gnang bas phal mo ches sngar byas kyi sdig pa la bshags pa dang/ phyin chad mi byed pa'i dam bca'i thog 'bral med rjes su 'dzin pa'i gsol 'debs nan che bar mdzad 'dug / 'di lo cho 'phrul thog bzhad dgon khag la mang 'gyed snga lo ltar dang/ brgya mchod sna lnga tshar dgu snyan shal dang bcas pa gnang/ tshes gsum la ser tshogs tshugs/ tshes bco brgyad la bsnyen song nyer gsum nas sbyin sreg dang nyer gcig la tshogs 'khor bcas mdzad nas nyer drug la grol/ de thog brgya mchod sna lnga phyed bcu bzhi song/ 'di skabs kyang zhal slob spyi dang khyad par gru @183a @#/ /'dzin bla ma rin po cher zhing khams gzhan du dgongs pa gtad pa'i gsung gsal rjen du phebs par brten tshar ma thugs ngal shin tu che bas 'khos bstun zhabs brtan la 'bang 'bung dang/ khyad par tshogs 'khor nyin ri rgyud dgon khag gsum nas zhabs brtan gsol 'debs zhus par rten 'brel shin tu legs pa byung yang zhal bzhes la 'gyur ldog ma byung/ de snga sku na smin pa'i dbang gis sku bzhengs rtag tsam gnang dgos dang/ sku bad kyi rkyen lta bus ma gul glo phran bu bzheng ba las dmigs gsal sku khams nyog tshul med rung/ zla ba dang po nyis brtsegs yod pa'i phyi ma'i 'og nas bzung ljags smin bzhes rgyu je zhen dang bgres tshul yang nyi ma re re bzhin je cher 'gro zhing zhabs ngar la skrangs sbos phran bu'i tshul bzhes byung bar/ gsung babs dang bcas mi legs par bsams nas/ chab kyi nyen dogs dang bcas im chi 'phrin las mgon po bos nas gsol sman zhig nges par bzhes na legs tshul zhus pas/ da lta rkang pa ji tsam skrangs rung rlung gi rkyen las chu'i dogs pa gtan nas med/ lar nas sngon du lab pa ltar nga'i nad 'di sman par bstan rung phan tshun @183b bca' gzing ba tsam las phan bskyed mi 'byung bar ma zad gnod rkyen yang byed nyen yod pas rang babs su bzhag na legs/ 'on kyang da lam dge slong gi re ba rdzogs phyir sman pa 'bod rgyu sogs blo mthun gyis phan bskyed yong min blta'o/ /zhes phebs pa ltar/ sman pa bos nas phyag rtsa sogs phul bar/ da lta sku rlung skya sbos yin rung 'di nyid chab chu'i sna 'dren yin pas nges par gsol sman zhig bzhes de gos tshul zhus pa ltar/ de dgong se 'bru kun lngan thun gcig bzhes pas sang nyin zhabs kyi skrangs sbos shin tu che bar song 'dug pas/ 'o; ngas ka sman zas nas gnod rkyen ma gtogs phan bskyed mi yong byas pa/ da phyin chad sman thun gcig za rung rgyu ma red/ ces phebs pa ltar/ de nas bzung zhabs dar la mar khu dang gsol zhib kyi sku byug phran bu las gzhan pa'i sman dpyad rigs gtan nas ma bzhes/ 'on kyang skabs skabs su ni skrangs sbos thams cad rang zhir 'gro zhing/ res 'ga' ni rkyen ci yang med rung sngar bzhin 'phar ba dang/ chos kyi gsung gleng la thugs gzhol ba'i tshe ni snyun gzhi gang yang yod pa'i rnam pa mi mdzad cing sku bzhengs kyang yun ring po'i bar du gnad mi dgos par bzhugs gdan 'jags rkyang @184a @#/ /mdzad pa sogs tha mal ba rgas pa dang na ba lta bu'i rnam pa phra mo tsam yang mi mnga' bas gdul bya dad gus kyi dpal la sbyor bar mdzad/ 'di skabs bdag nyid nas bzhad dgon khag spyi dang/ khyad par dngul ri/ gru 'dzin/ pad chos rnams su mang ja 'bor che ba dang/ tshes nyi shu nas bzung bkra shis dge 'phel du bka' 'gyur gsung sgrogs/ pad chos su sgrol ma 'bum phrag sogs zhabs brtan rgya gang che zhus shing/ de mtshungs bkra shis lhun por yang mang ja'i bsnyen bkur zhu rtsis la zhal 'don gang zhus pa legs kyi bka' slob zhus par/ dge slong nas lhag bsam bzang pos bka' 'gyur rin po che'i gsung sgrogs sogs byas pa legs tshogs che/ nga yang tshogs chen mang ja'i zhal 'don ltung bshags dang bzang po spyod pa sogs smon lam zhus na dge 'dun sum stong brgyad brgya'i byin mthu bsam gyis mi khyab pas phan thogs chen po yong bar 'dug gsung par/ da lam sku rim rnam gsum zlog bcas shig zhus chog pa zhus par/ nga rang gi 'dod pa ni gong du lam pa de yin/ bla ma'i 'dod pa sgrub pa las lhag pa'i zhabs brtan bya rgyu ci yod/ ces phebs/ rkyang chad bla ma dka' chen rin po @184b che yang ched gnyer gyis phebs nas brtan bzhugs gsol 'debs dang/ khyad par nges 'byung dang byang chub kyi sems bcos min thugs rgyud la mnga' ba'i shugs dang/ bla ma la mi phyed pa'i dang gdung rtse gcig pa'i dbang gis spyan chab lhug par 'byin bzhin du/ mkhas grub ngag dbang rdo rje dang mtshungs par dgung lo gya bzhi'i bar zhabs pad brtan dgos pa'i gsol 'debs lung rigs kyi lam nas drangs pa zhag lnga drug ring btud mar zhus/ de skabs dge 'phel tshogs spyi nas bla ma dbu chos gsum bcar te gsol 'debs nan chen mdzad kyang zhal bzhes la 'gyur ba ma byung/ 'on kyang de nyin dgyes tshul shin tu che zhing snyun gzhi gang yang yod pa'i tshul med par bla ma dka' chen rin po che dang bcas sku gam du lhod bzhugs thog /mkhas grub ngag dbang rdo rje'i ngo mtshar ba'i rnam thar dang rang nyid kyi sku tshe 'di'i mdzad pa rags bsdus/ khyad par lung 'dren du ma dang bcas sangs rgyas thugs rje can dang mtshungs par brgyad cu tham pa'i skabs 'dir zhing khams gzhan du gshegs par thugs thag chod pa'i gsung mang po bzhad mo dang bcas phebs pas/ khong rnams kyis dge 'phel grwa byings la'ang zhal bzhes shin tu @185a @#/ /ngan pa las sku khams nyog pa gtan nas mi bden tshul gsung 'dug/ de mtshungs zla ba 'di'i mjug thob rgyal bla ma rin po che phebs par yang/ lo brgyad cu lhag sdod pa'i 'dun pa snga mo nas med pas rang gi 'dod pa yang de khas rdzogs/ slob ma'i ngos nas byas na rkyang chad bla ma dka' chen lags 'di yang dga' mo byas/ gru 'dzin bla ma dka' chen lags kyang dga' mo byas/ dge slong lags rang yang dga' mo byas/ de'i mur bdag kyang 'dren par mdzad nas slob ma yang de tsam red/ da bya ba gang yang ma 'grub bsam pa dang/ 'khor dang gnas lus longs spyod gang la yang chags shing zhen pa ni gtan nas mi 'dug/ 'di 'dra'i mur mnyem mnyem song na de khas 'grig pa 'dug/ ces sogs zhal mi bzhugs pa'i gsung kho na gsal rjen du phebs par/ bcos min gyi dang gdung shugs drag gi sgo nas snga sor bzhad lung gang gis gsol 'debs zhus skabs rab sku tshe rdzogs mtha' med pa zhig dang/ mthar yang mkhas grub chen po ltar brgyad cu gya bzhi bzhugs dgos pa'i gsol ba btab skabs de don gnang rgyur thugs thag chod pa yin pas/ de las ma g.yos pa zhig thugs rjes @185b gzigs 'tshal zhes phyag thal mo sbyar nas gsol ba 'debs pa dang/ res 'ga' ni drag tu bshums shing gsung gcong gi smre sngags 'don pa dang/ zhal gyis mi bzhes pa'i gsung phebs rigs la'ang gcig lan gnyis 'debs kyis sdug yus dang bcas nyin mang po btud nas gsol 'debs mdzad kyang/ snga mo rang nas dkon mchog la gsol ba 'debs pa dang/ rang gi 'dun pa gtong lugs bcas gang gi sgo nas kyang brgyad cu tham pa kho na la thag chod pa yin/ sangs rgyas thugs rje can yang brgyad cu pa la mya ngan las 'da' tshul bstan pa ltar brgyad cu'i skabs 'dir shi na de las skal ba bzang ba ga la 'ong/ brgyad cu rtsa bzhi bsdad na ltas ngan brgyad cu rtsa bzhi zhes sdug pa'i tshad du'ang 'jog pa yin zhes dang/ dgong gcig bdag cag mched dang bcas sku mdun du yod skabs kyang rgyu mtshan dang bcas zhabs pad brtan dgos pa'i gsol 'debs nan chen mdzad song bar/ de 'dra ta nga rang la sha tsha tshad kyis zer ba red/ rkyang chad bla ma dka' chen lags nas kyang gsungs byung te/ nga'i sems 'di gzhon dus rang nas nga rang gis 'khrid pa ma gtogs gzhan gyi khas nam yang 'khrid ma myong/ nga yang nga rang gi blor gang shar @186a @#/ /ba 'di ma gtogs gzhan gyi ca le co le la nyan rgya ci yod ces bka' bkyon pa'i tshul gyis ded dpon nor bu lon nas rang yul du ldog pa'am/ bu pha khyim du 'gro ba lta bu'i rngam pa'i tshul mdzad/ zla ba gnyis pa'i tshes bcu bdun nyin gru 'dzin sku zhabs nas bka' bkod mdzad de/ ri rgyud dgon khag gsum sogs zhal slob spyi sger nas bzhad dgon khag la mang ja dang/ 'ga' zhig la dngul 'gyed dang bcas zhabs brtan zhus par ma zad/ rje bla ma mchog la maNDal sku gsung thugs rten la sogs pa'i dngos 'bul dang bcas rje gru 'dzin pa nas gsol 'debs dngos gzhi mdzad cing/ gzhan yang mang pos snying nas gsol ba btab skabs zhal ras kyi mdangs gsal zhing 'od 'bar ba/ rten gsum rnams re re nas phyag tu bzhes te byin zhu mdzad pa/ smin mtshams su li khri'i thig le bzhes pa rnams dgyes tshul gyis mdzad/ khyad par zhabs brtan 'bul nye rang du rnam dpyod dang ldan pa bkras lhun dge slong drung ram pa dge legs rgyal mtshan lags brgyud gzhis zhol se ma spag ra ba'i gzim dpon tshe dbang rnam rgyal lags nas yongs 'dzin blo bzang bstan 'dzin gyi dbu zhwa dang sku @186b chos/ dngul gyi tshe bum gsar bzhengs bcas 'bul rgyu ba rnams ti phebs par rje yang ches dgyes pa dang bcas/ da lam thugs 'dun 'gyur ba'i zhal bzhes thob nges 'dug snyam nas lus sems dga' ba des khyab 'gro ba byung yang/ gsol ja'i ja gral 'grig ma thag grub pa'i dbang phyug blo bzang rnam rgyal zhing brje khar yongs 'dzin paNDi ta chen po la sogs pa'i zhal slob rnams nas rtse gcig gus gcig gis zhabs brtan dang/ thugs khral shin tu che ba mdzad gshis/ khyed grogs po tshos 'di kha tsam gyi dag snang byed lugs kyis dben nas snyan brgyud kyi bstan pa 'di da dung dar rgyu yin shas che gsungs pa ltar/ khyed rnams nas kyang bdag cag bla mar bzungs te dngos po phangs pa med par gtong ba dang bcas dad gus rtse gcig tu mdzad lugs 'dis rje btsun rdo rje rnal 'byor ma la sogs pa'i snyan brgyud kyi bstan pa 'di re zhig dar po yong rgyu yin pa 'dra zhes dang/ thugs sras chen po rnams la dgyes pa'i spyan gyis gzigs te/ nga pha rgan gyi bya ba zin nas gda'/ /khyed bu slob tsho'i res su babs nas gda'/ /zhes zhing khams brje kha ma'i rnam thar dpe don sbyar nas gsung pa las zhal bzhes bzang ba gang yang ma thob/ khong rnams phyir phebs @187a @#/ /'phral bdag cag sku gam du 'bod gnang gis/ nga la rim gros dgos pa gzhan med rung da lta nga'i 'byung ba 'di tsho cha snyom po rang mi 'dug /'di cha snyom du song nas bde ba'i skabs shig lus sems 'bral thub pa bya rgyu yin pas de'i ched du dgon khag gsum la sgrol ma grangs gsog bya rgyu dang/ rkyang chad bla ma dka' chen lags dang/ dbu mdzad rnam rgyal gnyis su 'byung bzhi gtong rgyu re phu la zhes phebs pa ltar mang ja sogs 'bor che ba phul/ gzhan yang 'brong phu 'dus spyi/ re bar bla ma dge slong lags/ bla ma dbu mdzad rnam rgyal lags/ 'brong pa chos mdzad lags dpon 'khor/ ne'u gsing pa/ dkyil shar/ dbang 'dus tshe ring lags sogs ser skya mang po nas kyang zhing gshegs nye'i bar gsol 'debs nar mar zhus rung zhal bzhes gtan nas ma thob/ thob rgyal bla ma rin po che phebs ka'i thon phyag skabs kyang sku khams dwang tshul gyis rab mkhas grub chen po dang mtshungs pa/ tha na'ang lo re gnyis shig zhabs pad brtan dgos pa'i gsol 'debs mdzad song yang/ de la bka' lan gang yang mi stsol bar/ 'o dge slong lags rang gzhi tshul @187b khrims rnam par dag pa la gnas nas thos bsam sgom gsum la brtson pa gal che zhes sogs dang/ khyad par bdag cag gi skor la da snga nas bka' yang yang stsol mus las kyang nan che ba'i tshul du/ nga da lta tsha bo g.yang chags 'dis mgo 'don pa red/ 'di gzugs gzhi bde min byung na nga long ba thang dkyil du lus 'gro ba 'dug pas/ re zhig 'di la na tsha sogs mi 'byung bar ma zad/ 'di khams bzang zhing tshe ring ba/ thos bsam sgom gsum 'phel ba'i skyabs 'jug gang drag rgyun du byed dgos zhes lcag nan gyi tshul du stsol ba las zhabs pad brtan pa'i thugs 'dun tsam mdzad rgya'i bka' ma stsal/ zla ba gsum pa'i 'go nas ljags smin gzhan lta bzhag gsol ja yang nyung zad re las ma bzhes shing zhabs kyi skrangs spos sogs sku khams kyang je zhan du song ste bzhengs bzhugs la yang phyag sbrel zhu dgos pa byung/ rtsis gsar sogs zla ba shol ma thon pa'i lugs kyis zla ba 'dis ga zla ba yin stabs pad chos su rab byung ma nyer gsum nas smyung gnas dkar phyogs sngar bzhin btang bar smyung gnas grangs brgya gya bzhi byung/ sngar phan thugs brtag mdzad skabs chos kyi rgyal po tsong kha pa chen po rang ngo bo dbyer ma @188a @#/ /mchis pa'i rje btsun ngag dbang rdo rje dpal bzang po zhes sogs gsung yang/ 'di tsam nas bzung bla ma dang rje btsun mkha' spyod dbang mo zhes gsung ba sogs mkha' spyod ma la gtso 'don dang/ lhag par snga dro zhal 'don sman bla mdzad skabs shig bdag gis gzim chung du 'gro rtsis byas pas/ rje nyid phyag thal mo sbyar/ spyan gnyis nam mkha'i dbyings su g.yo med du gzigs bzhin par/ ston pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dpal rgyal ba shA kya thub pa la phyag 'tshal lo/ /mchod do skyabs su mchi'o/ /zhes gsungs 'dug pas bdag nyid kyang zil bun pa zhig byung/ 'di skabs shAkya'i rgyal po sogs sman bla'i lha tshogs kyi zhal dngos su gzigs par mngon/ gang ltar de nas bzung sman bla'i nyams bzhes la'ang thugs brtson shin tu che bar mdzad/ chos bcu gnyis nas bzung mtshan mo'ang bdag cag sku gam kho na dang/ dge slong bstan pa chos 'phel gzim sgo'i phyir bsdang nas nyin mtshan 'khor mar gnyid dang rnam g.yeng le lo'i dbang du ma btang bar zhabs zhu la brtson pa chen pos @188b 'bad pa yin/ de'i mthus bdag nyid so skye nyon mongs pa'i rgyal bu lung rtogs yon tan gyi rdul dris ma gos pa 'di ltar rung/ phyogs 'di'i skya ser phal mo ches gzigs phyogs dge ba 'di byung ba lags/ bdag nyid sku gam du thog mar nyal ba'i tho rangs kyi dus nyi zla gnyis ka dus gcig tu gzas zin pa'i rmi lam byung ba rjes su brtags na rje bla ma 'di nyid zhing khams gzhan du gshegs par ma zad thugs sras gru 'dzin pa yang lo 'di nang du gshegs pa'i ltas su 'dug /de mtshungs rje btsun bla ma 'di nyid zhing khams gzhan du gshegs par nges pa dkar phyogs kyi lha klu gzhi bdag rnams kyis ma bzod pa'i mya ngan gyi rnam pa mtshon pa'i ltas kyang/ snga lo zla ba bcu gnyis pa'i tshes brgyad la 'khrungs yul rong kho nar sa g.yo chen po dang/ lo 'di'i zla ba dang po'i tshes lnga drug la phun tshogs gling gi lcags 'og tsam gyi gtsang chu'i dkyil du sbal 'brug shin tu che ba zhig zhag gnyis gsum gnas pa 'ga' zhig gis dngos su mthong ba byung zhing/ tshes brgyad kyi nyin 'brug de rang yin nam gang ltar bstan ma bcu gnyis kyi nang tshan sman btsun ug chos rdo rje g.ya' mo bsil gang du gnas pa'i ri jo mo nags rgyal gyi mgul @189a @#/ /nas 'brug sgra drag po lan gsum tsam bsgrags pa dang/ zla ba gnyis pa'i tshes brgyad kyi nyin gzim phug gi nye logs su sngon med pa'i srog pa'i khyu chen po gsum tsam gnas bcas pa dang/ zla ba gsum pa'i tshes brgyad kyi tho rangs bzhad kho nar sa g.yo chen po lan bzhi tsam byung ba dang/ gzhan yang nye logs su wa skyes yang yang brgyal ba dang/ sngon med pa'i rlung dmar ldang ba sogs mi dge ba'i rtags mtshan shin tu mang bar brten/ da ni rje btsun bla ma 'di nyid kyi thugs bskyed rgya mtsho'i rlabs bzhin gang gis kyang zlog tu med par nges par zhing khams gzhan du gshegs par gdon mi za'o snyam nas/ tshes bcu gsum nyin phyag 'tshal du ngag gis bdag cag nyam thag rnams la dgongs lo re gnyis shig zhabs pad brtan pa dang/ de'i ched du zhabs brtan yang ji 'dra sgrub pa legs/ gal te zhing khams gzhan du gshegs pa'i dgongs pa zlog thabs med pa zhig yin tshe bdag nyid la shes yong dang myong byang gang yang med stabs dgongs rdzogs bsgrub rgyu'i skor la blos mi 'khyud pa 'dug pas gang ci'i bka' mngags lam pa zhig ci nas kyang thugs rje @189b che ba zhes gdung shugs kyis zhus pas/ da lo 'dir mi sdod pa'i skad cha deng skabs gzugs po'i mdog skya mthong nas mkhas mdog byas pa min/ kha sing lo tshes ma tshes la gsal gsal rjen rjen du lab pa yin/ da ni na so dang gzugs babs gang la brtags rung sdod pa'i re med pa khyed rang tsho'i mig gis mthong ba 'di red/ 'on kyang rang dang 'brel thogs kyi ched da dung gsol 'debs byed rgyu 'dra yod pas tshes bco lnga'i nyin bzhad kyi rten 'gangs che ba rnams la stong mchod sna lnga snyan shal dang bcas pa zhig phul/ gzhan sngar yang da na so rgas pa'i dbang gis dge phyogs tshang ma dge slong rang gi blos bcad nas byas pa la 'di ma byung snyam pa gtan nas med par ma zad blo stobs kyang dge slong rang che ba yod/ de yang rjes kyi bya ba byed rgyu rnams lam 'gro 'byung phyir ngas kyang dkon mchog la gsol ba 'debs pa yin pas/ dge slong rang gis blo thag sbad gcod kyis byas na mi shes pa dang mi 'grig pa mi yong bas mngag gtam byed rgyu med 'on kyang nga'i maNDal/ gtor chas/ DA dril/ chos gos kha gsar ba 'di rnams rten 'brel gyi gnang zhig yod pas gzhan du ma gtong bar dge slong rang gi yo byad kyis zhes sogs dang/ dge @190a @#/ /slong bstan pa chos 'phel la spyan gzigs nas/ nga sangs rgyas thugs rje can dang mtshungs par mi lo chen po brgyad cu bsdad pa red/ des blo kha mi rdzogs pa rang gzhan su la'ang mi 'dug ang/ zhes gsung par/ dge slong mchi mas mgrin pa brnangs nas lan 'bul ma thub par/ slar yang/ brgyad cu tham pa'i lo 'di la gnad gcod kyi sdug bsngal rgyun ring shugs drag med par lus sems bde bar 'bral thub na/ kha nas zer ba ltar don lag thog tu blangs nas kho dge slong d+harma b+ha dras skad btang song snyam pa ma gtogs sems ngal ma byed ang/ zhes kyang phebs/ tshes bco lnga'i nyin bka' gnang ltar bzhad kyi rten gtso rnams la stong mchod sna lnga dang/ de thog thugs smon nan chen mdzad pa'i snyan shal bcas 'bul bar mdzad/ de nyin bdag nas dngos 'bul phran bu dang bcas rje nyid kyi zhabs spyi bor blangs te gnas skabs dang mthar thug gi 'dod don rnams la smon lam shugs gang drag dang/ lhag par legs tshogs thams cad kyi rtsa ba rje btsun bla ma bka' drin 'khor zla med pa khyod nyid mnyes pa kho na yin par bsams nas 'khos bstun zhabs zhu la brtson pa thugs mi khrel ba zhus @190b khul yang/ mi shes rmongs pa'i dbang gis sku gsung thugs dang 'gal ba thams cad gnong zhing 'gyod pa'i sgo nas mthol zhing bshags na bdag la sgrib par mi 'gyur ba zhig dang/ deng nas byang chub ma thob kyi bar du yang re sa'i skyabs mgon rje btsun bla ma khyed las gzhan du ma dmigs na da lta'i mu bzhin thugs rje chen pos 'bral med rjes su 'dzin pa zhig ci nas kyang mkhyen zhes du ngag gis zhus pas/ yug gcig bdag la thugs rje gting nas g.yos pa'i spyan ce re gzigs nas/ 'o dge slong gis nga'i sems dang 'gal ba gtan nas ma byas par brten khyod nyid gnas skabs dang mthar thag tu dge ba'i gsol 'debs smon lam shugs drag byed mus yin/ khyad par nga rgas ka 'chi ga gal che ba'i skabs 'dir lhag bsam dag pa'i sgo nas zla bo rtsar thag bskyed nas byas pa'i rten 'brel gyi mthu la brten skye ba gzhan dang gzhan du'ang phan tshun phan 'dogs bya 'dogs res 'dra yong nyan yin no/ /zhes bzhad mo dang bcas phebs/ da dung gang ci'i bka' slob zhu 'os 'dra yod par bsams nas gru 'dzin sku zhabs chab tshan du yod pa'i sar bang mi ched mdags kyis srib tsam chib bsgyur zhus te/ dgongs rdzogs bsgrub tshul la @191a @#/ /bka' slob bskyar lcag dang/ rgyun gyi gsung babs la brtags na sprul sku ngos 'dzin ma byed ces pa zhig nges par phebs tshod rung/ da phan de'ang gtan nas ma phebs pas som nyi phran bu dang/ lhag par 'gyod med lta bus de skor la yang gsol 'debs shig bka' drin che dgos tshul zhus par/ dgongs rdzogs skor la khyod nas mi shes pa med rung bka' mngags shig byung na byed bde ba yong bas nges par zhu rgyu dang/ sprul sku'i re ba yong tshod med pa khyod rang nas zer ba ltar yin 'dug pas ngas kyang zhu nus mi 'dug tshul phebs pa bzhin sku gam du srib tsam bcar/ de skabs gsung mol ci 'gre tsam las dgongs rdzogs skor yang zhu ma 'tshal ba'i tshul la/ bdag nas de ring gru 'dzin sku zhabs phebs pa'i skabs 'dir bka' mngags gnang 'os 'dra med dam zhus par/ mngag gtam bya rgyu gang yang med/ nga 'chi ba la phyogs pa'i tshe yang gsal 'debs sogs ni byed mi dgos/ rdzogs rim gyi skor la deng dus la bltos nas go ba dga' mo blo yul du yod cing nyams len yang phran bu byas pa yin rung/ lo zla ba sbrags nas nyams su len thub pa zhig ma byung bas 'chi khar gdengs thob pa rang @191b zhig mi 'dug /ces sogs dang/ nges 'byung byang chub kyi sems yang dag pa'i lta ba gsum la bka' bshad shin tu 'dril ba yun mi thung tsam gnang ste/ da ? bka' gdams pa'i nyams len gal che ba de gsum la 'bad 'bad byed rgyu yin/ des na de skabs dge slong rang yang tsab tsub ma byas par 'jam sag ge bsdad na nga la sad rkyen mi byed pa yong bas de lugs gyis/ zhes phebs/ rgyun bar lam gyi gtso bo gsum la nyams bzhes mdzad par ma zad/ sku khams nyog tshul bzhes pa nas kyang de gsum re re la tshigs bcad gsum bzhi re ljags skyor gyis mjug tu/ mi dmigs stong pa'i ngang du mnyam par bzhag /ces gsung pa dang yun ring po'i bar stong nyid la rtse gcig tu mnyam par 'jog par mdzad 'dug pas/ skabs 'dir yang bdag nas de rnams la tshigs bcad kha shas 'dug pa de rnams sus mdzad pa yin zhus pas/ tshigs bcad rnams ljags skyor mdzad nas de rnams mkhas grub nor bzang rgya mtsho'i gsung la nga rang gis tshig bsgyur phran bu byas pa yin zhes phebs/ slar yang bdag nas thugs dam gsal 'debs kyi skor de ltar lags rung dgongs rdzogs kyi skor la bka' slar mdor bsdus shig thugs rje che @192a @#/ /dgos tshul zhus par/ mjug gi dge rtsa la mngag gtam bya rgyu de bas kyang med/ 'u rang ri khrod pa khum chung yin par ma zad/ rgyun bar yang shi gson gyi dkor 'di 'jigs drags yar dkon mchog gi mchod pa/ mar ngan slong gi sbyin gtong/ bar 'phags pa'i dge 'dun gyi bsnyen bkur sogs la gang 'gro ci 'gro byas pa yin pas chen po ni yod rgyu ma red/ 'on kyang skabs thob las ka byed mkhan byed mi shes pa'i tha gtugs po de 'dra yang yong rgyu ma red/ gang ltar mi shes pa dang mi 'grig pa che ba yod tshod med rung cung zad bya ba 'phyugs 'gro ba min nam snyam pa byung na rje drung lags nas 'di 'dra byas na zhes gsung dgos na ma gtogs gzhan dge slong rang gis gang byas pa las/ de la khyed cag sus kyang bsgyur bkod ma mdzad/ sngar yin na dkon chos khyad par can 'di tsho la sems 'phreng ba zhig yod kyang/ nga re zhig gi bar ni bdag po byed mkhan dge slong 'di yod pas blo bde/ phugs ni rgyal ba yab sras kyi gzigs dpe yang phyir gyar 'gro ba red pas de la sems ngal bya rgyu ci yod/ gzhan ma gnas lus longs spyod gang la yang chags shing zhen pa snga mo @192b nas med/ da brgyad cu tham pa'i lo 'di'i sa ga zla ba'i nang du lus sems 'di bde bar bral te/ skye rga na 'chi'i sdug bsngal 'di 'jigs drags rab dag pa'i zhing khams shig tu rdzus te skye ba blangs de min dal 'byor gyi mi'i lus rten zhig blangs te ring min sa lam gyi bgrod pa myur du mthar phyin pa byas/ de nas sprul pa'i bkod pa bsam gyis mi khyab pas sems can gyi don byed pa'i gsol 'debs dang smon lam shugs drag byed kyi yod/ ces sogs phebs/ sngar zhabs pus man chad la skrangs sbos phran bu yod rung tshes nyi shu'i snga dro thams cad gtan med du song 'dug pas dwangs bskyed yong rgyu'i re ba byas kyang/ nyer gcig gi snga dro zhabs pus man chad tsam du ma zad de yan la yang skrangs sbos che tsam bzhes 'dug par/ sngar yin na rlung skya sbos tsam yin/ chu yin thag chod da yin par 'dug /ces gsungs/ tshes nyer lnga'i nyin rje btsun rdo rje rnal 'byor ma'i sind+hu ra'i dkyil 'khor sgrub mchod dang 'brel ba'i tshes bcu nan tan shin tu che ba mdzad/ de nyin nam mkha' la dbyibs dang kha dog mi 'dra ba'i 'ja' sprin sna tshogs dang/ khyad par nyi ma'i mthar chos 'byung gru gsum nyis brtsegs bzo bo mkhas pas bris pa lta bu shin tu gsal ba zhig byung zhing/ de @193a @#/ /mtshungs nyin ltar 'ja' sprin sna tshogs dang/ zhing gshegs kar 'khrungs yul rong gi phyogs nas 'ja' dkar po rtsa ba gcig la rtse mo gnyis su gyes pa'i rtse gcig gzim phug gi thad du gzug pa dang/ byang shar phyogs nas 'ja' kha dog sna lnga pa dngul chu'i ri rtser gzug pa sogs ngo mtshar ba du ma byung/ tshes bcu grub 'phral de ring rje btsun ma'i tshes bcu de gnang du smin po zhig byung bas blo bde/ da chu nad 'di'i babs kyis 'don pa skad bton nas byas na cung zad ngal ba'i rnam pa zhig 'dug pas phyin chad nga'i rgyun gyi kha 'don byed dgos rnams dge slong gis byas nas ngas de'i rjes su ying skyor byed pa yin zhes phebs pa ltar/ de nas bzung bdag nyid nas zhal 'don gyi zhabs phyi zhus/ sa ga zla ba'i tshes gcig gi snga dro/ dge slong da lta dkyil 'khor gyi 'khor lo gsal 'debs kyi yod dam zhes gsung bar/ bde mchog gi gtor 'bul byed pa'i skabs yin tshul zhus pas/ nga ni khra chag chag mang po zhig 'dug pas bde mchog gi lha tshogs gsal 'debs pa yin 'dug bsam pa byung zhes phebs pas/ de skabs bde mchog gi lha tshogs kyi gzigs snang gsal ba zhig byung bar mngon/ de mtshungs tshes @193b gsum gyi snga dro bdag nyid sman bla nyams len bde 'jug skyor ba'i skabs/ phyag thal mo sbyar nas yun ring bzhugs te/ ston pas sangs rgyas zhing bskul ting 'dzin gyis/ /bde gshegs bdun po mngon ma spyan drangs ltar/ /de nas gang zer ba yin pas zhes phebs par/ dad mos thugs rjes bde gshegs 'khor bcas rnams/ /'dir gshegs rang rang gdan la bzhugs su gsol/ /zhes gsung yin tshul dang/ de bka' 'dri gnang ba'i dgongs pa gang yin nam snyam nas/ de'i tshig don ji ltar yin zhus pas/ slar yang phyag thal mo sbyar nas/ skyabs su mchi/ dad pa dang mos pa byas na de gshegs brgyad 'khor dang bcas pa thugs rje chen pos mngon sum du phebs yong gsung rgyur 'dug /ces dang/ tshes lnga'i snga dro/ dge slong gis bde gshegs bdun po mngon sum du spyan drangs pa yin nam gsung par/ de ltar lags pas gzigs snang 'dra mi 'dug gam zhus pas/ 'khrul snang yin 'gro 'am/ zhes phebs pas/ de dag gi skabs su yang sman bla'i lha tshogs kyi gzigs snang yang yang yod pa gdon mi za'o/ /tshes drug gi nyin bdag nas zhabs la skrangs sbos che tsam 'dug rung grang chu'i rigs 'dir snyun gzug yong srol mi 'dug pas 'o brgyal ba mi 'dug @194a @#/ /gam zhus par/ kha rtsar gong du rked pa 'dir mi bde ba phran bu byung yang/ nyin gcig mthong snang lta bur bal po 'dra ba zhig gis sman thun gcig khyer nas bcos bcos shig byas song ba/ de nas bzung mi bde ba gtan nas mi 'dug /ces kyang phebs/ tshes bdun gyi snga dro zhal 'don sman bla ma rdzogs tsam gyi tshe/ dge slong nga'i dbu ma'i yar sne kha bye ma song ngam ? gsung bar/ phyi la rtags ni gang yang mi 'dug zhus pas/ dge slong gis sman bla'i bla rgyud skyor ba'i skabs su tshangs bug grang sir byas song bas dbu ma'i yar sne kha bye ba yin pa 'dra/ de ring tshes pa gang yin gsung bar/ tshes bdun yin zhus/ de nas gsol ja zhal hub gang tsam zhig bzhes nas/ 'o de ring de tsam las bza' btung mang po bya rgyu min no/ /tshes da gang yin byas pas gsung bar/ tshes bdun yin zhus pas/ 'o na tshes brgyad sang nyin yin 'dug /de ring nga gzhogs g.yas phabs nas nyal stabs su sdod pa las ske rags bcings nas lang rgyu min no zhes phebs/ de nas bzung nyi ma phyed kyi bar snyan sku gang byas kyang gtan nas mi bsan pa'i tshul gyis rgya skad kho na'i zhal 'don @194b gsung shugs che tsam 'dug rung/ skabs mtshams su shudd+he bi shudd+he zhes dang/ swA hA zhes pa tsam las tshig 'bru mi gsal ba zhig rgyun chad med par mdzad/ gsol tshigs ran pa'i skabs su mgul glo zhig bzhengs song bar/ bdag gis mtshan nas bos pas gsung sngar rgyun byung bar/ da gsol tshigs kyang ran song/ mi spro ba mi 'dug gam zhus pas/ mi skyid pa gang yang mi 'dug gsungs nas gsol ja phran bu zhig bzhes nas sngar bzhin gzims stabs su bzhugs te/ zhal 'don dang snyan zhu mi bsan pa gong mtshungs khar thugs dran yang ha cang mi gsal tshul byung bar/ dge slong bstan chos nas da yag po mi 'dug pas gru 'dzin sku zhabs chib bsgyur zhu mi btang na zer yang/ de gong bka' mngags su/ nga 'chi ba'i tshe yang bya ba byed dgos rnams dge slong rang gis dal lhod de byas/ de nas rje drung lags 'bod na de ltar byed pa las tsab tsab dang mgyogs khyad byed mi dgos zhes phebs par bsams nas re zhig theng tsam byas/ de nas mtshan phyed zin tsam gyi tshe sngar bzhin mgul blo zhig bzhengs song bar mtshan nas bos pas gsung sngar rgyun ltar phebs par/ mi spro ba mi 'dug gam sku rlung gi nyan dang bcas bzhes tsha phran bu zhig bzhes @195a @#/ /bzhes na zhus pas/ lus sems gnyis ka shin tu bde ba zhig 'dug /ces bdag la tshe 'di la bltos pa'i gsung gi tha ma de ltar phebs nas bzhes tsha zhal hub gang tsam bzhes/ de nas bod skad tshigs bcad kyi zhal 'don gsol ba 'debs zhes dang/ bskyab tu gsol zhes pa tsam las tshig 'bru mi gsal ba zhig sngar bzhin mdzad pas/ dge slong bstan chos nas skyes bu dam pa tha mal ba dang gtan nas mi 'dra 'dug /sngar tab tob la gru 'dzin sku zhabs phebs bsur ma btang ba de yag po byung/ da phan bka' mngags ji ltar mdzad pa ltar gtan khel byung na ma gtogs tsab tsub byed mi rung 'dug zer/ gang ltar sang nyin nam gsal gdag tsam gyi bar zhal 'don rgyun chad med par mdzad cing/ bdag nyid nas sku gam du zhal 'don tshang ma sngar bzhin byed skabs nam mkha' gnas su spyan skor skor gzigs shing phyag thal mo sbyar nas bzhugs/ de nas rje nyid dgung grangs brgyad cu tham par phebs pa 'gal byed ces pa lcags phag zla ba bzhi pa'i tshes brgyad kyi nyi dros ? snga cha tsam gyi dus zhal 'don sman bla song ba dang mnyam du yud tsam zhig spyan 'bru tshugs su gzigs te ljags dbugs @195b kyi rgyu ba cung zad brel ba tsam yang med par bde bar bsdus te/ stong pa gsum rim gyis thims pa'i mthar thams cad stong pa 'od gsal chos kyi skur mngon par byang chub pa'i tshul bstan to/ / de'i tshe sku'i gzi mdangs lhag par rgyas shing/ gnyer ma dang kham khum sogs med par gzhon sha chags pa zhig tu gyur cing/ skyes bu chen po 'dis mngon du mdzad pa'i 'chi ba 'od gsal ni 'di lta bu'i zhes mtshon pa'i phyir nam mkha' g.ya' dag cing rlung gi rgyu ba phra ma tsam yang med pas yud tsam zhig gnas/ de nas mi ring bar rtsibs shar dang/ gyen 'greng dang/ gdungs dang/ rgyal mtshan dang/ me tog gi sdong bu dang/ chos 'byung la sogs pa dbyibs dang kha dog mi 'dra ba'i 'ja' sprin gyis nam mkha' khyab pa sogs lha rnams kyis mngon par mchod pa'i ltas dpag tu med pa byung/ de lta bu'i 'od gsal chos kyi skur nyan mtshan brgyad mnyam par bzhag ste tshes bcu gnyis kyi nyi dros tsam la/ steng 'og gi rna rtsa nas byang sems dkar dmar gyi rgyun 'bab pa dang bcas phung po rnying pa'i za ma tog gi nang nas sprin gyi gseb nas glog 'khyug pa ltar lam dus kyi longs spyod rdzogs pa'i skur bzhengs pa/ mchod pa'i bye brag dpag tu med pa thogs pa'i mkha' @196a @#/ /spyod kyi dpa' bo dang rnal 'byor ma rnaMs kyis bsus te skyes bu stobs ldan lag pa brkyang bskum byed pa'i tshod tsam du mkha' spyod dag pa'i gzhal med khang chen por gshegs par gyur to/ /kye ma thub bstan pad tshal skyod ba'i gnyen/ /'jig rten rmongs mun sel ba'i 'od po che/ /bskal med 'bad pas btsal kyang rnyed dka' ba'i/ /gdung ? sel nyin gyi mgon po gcig pu khyod/ /'di tsam zhig na zhing 'di'i gdul bya'i mtha'/ /rdzogs pas mkha' spyod rdo rje'i pho brang du/ /'byon par 'os zhes phyogs bcu'i rgyal ba kun/ /bgros pa'i gsang ba'i lung gi dus babs te/ /chos kyi dbyings las bzhengs pa'i gzugs kyi sku/ /mkha' la sprin dang tshul chu bur bzhin/ /slar yang chos dbyings bde ba'i ngo bo ru/ /yongs su sdud la mngon du phyogs par gyur/ /de tshe kun gsal pha mtha' yangs pa'i gzhir/ /chos 'byung dbyibs can 'ja' gur bris pa'i nang/ /grangs med lha dang mkha' 'gros yongs bskror te/ /rdo rje btsun mo nyid kyang bsu mar gshegs/ /snyigs ma'i mgon khyod zhing gzhan gshegs pa na/ /snyogs ma'i 'gro 'di'i mgon skyabs sus bya zhes/ /snyigs ma'i mgon po bde gshegs mched @196b brgyad kyang/ /snyigs ma'i 'gro mgon khyod drung lhags na yang/ /ngo mtshar mchod pa'i sprin phung 'khrigs pa'i dbus/ /lha dang lha mos bteg pa'i gser gyi khri/ /nor bu'i phra yis mdzes la zhabs bkod de/ /mkha' spyod dag pa'i zhing du yud kyis gshegs/ /kye hud blang dor lta ba'i mig dang bral/ /phan bde'i nor bu 'phyung pa'i rgya mtsho skam/ /rgyal bstan gsal bar byed pa'i nyi ma nub/ / skal ngan nyam thag bdag cag shul du las/ /gang gi mkhyen brtse nus pa'i stobs shugs kyis/ /'jam mgon snyan brgyud bstan pa'i gdugs dkar po/ /gangs can phan bde'i dphyid ? du da bar bteg /da ni de 'dzin skyes bu su la re/ /bka' dang dgongs 'brel mdo rgyud gzhung don la/ /sgro 'dogs gcod par 'dod pa'i blo ldan rnams/ /ma rtogs log rtog the tshom rgyar chud na/ /'gol mdzad dge ba'i bshes gnyen su la re/ /rgyal bas bsngags pa'i dben gnas nyams dga' bar/ /sgrub la gcig tu gzhol ba'i skal bzang rnams/ /nyams dang rtogs pa'i brngar sha ma chod na/ / gegs sol bogs 'byin bla ma su la re/ /rkyen ngan rlung gis bus pa'i nad gdon mes/ /lus sems skal ngan gyur pa'i nyam thag rnams/ /khyod kyi byin rlabs chu rgyun dran gyur na/ /dbugs @197a @#/ /'byin mdzad pa'i skyabs gnas su la re/ /brtse med 'chi bdag gshin rje'i zhags pa yis/ /dbang med drangs pa'i nyam thag 'gro ba rnams/ /'jigs rung ngan/ 'gro'i g.yang khar phyogs pa na/ /lam sna 'dren pa'i skyabs mgon su la re/ /khyad par dug gsum gcong nad drag po yis/ /rgyun chad med par mnar ba'i nyam thag bdag /dam chos bdud rtsis skyod ba'i sman pas por/ /skal ngan bdag cag da ni su la re/ /las ngan chom rkun dgra bo gnas pa'i sa/ /'jigs rung 'khor ba'i 'phrad du bgrod pa bdag /slu med 'jigs pa sel ba'i skyel mas bor/ /da ni bdag cag mgon skyabs su la re/ /blang dor lta ba'i mig dang mi ldan pas/ /ngan 'gro'i g.yang khar gom 'gros 'cha' ba bdag /lam ston dge ba'i bshes kyi dmigs bus bor/ /da ni thar pa'i sa mkhan su la re/ /kye hud re sa'i skyabs gnas gcig pu ba/ /yab rje drin can bla ma zhing gzhan gshegs/ /snyigs ma'i rgud pa sprin lar 'thibs pa'i khrod/ /nyam chung bdag cag gcig pur lus 'dis skyo/ /gzhon nu'i dus dang dar la babs pa'i tshe/ /khyod kyi legs bshad 'o mas gces par bskyangs/ / @197b nga ni 'chi bdag gshin rje'i khar slebs kyang/ nyams rtogs lus stobs gzhan 'dis snang ba skyo/ /dal 'byor mi yi lus rten rnyed pa yang/ /'di snang phun tshogs g.yo sgyu'i slu brid kyis/ /mi dge'i sa bon 'di bsal bskul ba las/ /ngan 'gro'i 'bras bu 'grub par nges 'dis skyo/ /de ltar bsam bzhin skyo ba'i rlung shugs kyis/ /sdug bsngal me chen snying la sbar ba 'di/ /'dren byed mkha' las mchi ma'i char gyi rgyun/ /drag tu phabs pa'i stobs kyis zhi ma gyur/ /blo dang lang tsho phra ba'i byis pa rnams/ /mdangs legs dbang gzhu'i rjes su bsnyegs na yang/ /'ja' tshon nam mkha'i dbyings su yal ba'i tshe/ /btsal nas rnyid pa rang gi rkang rjes tsam/ /de bzhin sdug bsngal tshor bas nyen pa bdag /du dag dbyangs kyis 'o dod bos na yang/ /yab gcig bla ma mjal ba'i skabs dben phyir/ /bos nas yong ba khod pa'i shugs ring tsam/ /'on te byang chub bar du re ba'i mig /rje btsun bla ma khyed la legs gtad nas/ /'gyur med dad pa'i dbyu gus sems kyi rnga; ;bskul ba'i gdung dbyangs nga ro skog pa 'di/ /mkha' la spyod pa'i ngo mtshar gzhal yas nas/ /sgrib med snyan gyi dbang pos nyer dgongs la/ /phyag gi padma bdag gi mgor bzhag ste/ / @198a @#/ /gsung gis dbugs dbyung mdzod cig thugs rje'i gter/ /zhes dus gsum rgyal ba kun gyi spyi gzugs bka' drin gsum ldan rje btsan bla ma thams cad mkhyen pa ! d+harma b+ha dra dpal bzang po'i rnam par thar pa zhwa ser bstan pa'i mdzes rgyan zhes bya ba las/ zhing 'di'i gdul bya rdzogs nas tha ma'i mdzad pa bstan pa'i sarga ste bcu pa'o/ / ! //de ltar chos dbyings bde ba'i gzim khrir tha ma'i mdzad pa'i tshul bstan pa na/ bdag nyid 'jigs sar skyel mas bor ba ltar sdug bsngal gyi tshor ba drag po nyams su myong ba las yug cig ci bya'i gtol dang bral bar gyur/ de nas bsam par da ni skyabs yul dam pa rnams mchod cing bsnyen bkur ba sogs dgongs pa rdzogs thabs la 'bad pa kho na gal che ba las/ mya ngan gyi sgo nas du zhing sme sngags 'don bzhin du gnas pa ni 'jig rten rmongs pa rnams kyi spyod tshul yin par bsams nas snying gi stobs bskyed de/ de 'phral dri bzang 'bul ba dang/ bla gos dang stod g.yogs smad g.yogs dbu rgyan sgron pa sogs sri zhu bgyi 'os rnams zhus te rje gru 'dzin pa/ rkyang chad sla ma dka' chen rin po che sogs thugs sras bzhi spya [@##data incomplete here]