[@##the following text has incomplete sections/ which are on order]

@001a @##/ /dbu ma la 'jug pa'i rnam bshad dgongs pa rab gsal gyi
dka' ba'i gnas gsal bar byed pa'i legs par bshad pa bskal bzang
mgul rgyan zhes bya ba bzhugs so// //

@001b @#/ /na mo gu ru many+dzu g+ho ShA ya/ dbu ma la 'jug pa'i
rnam bshad dgongs pa rab gsal gyi dka' ba'i gnas gsal par

byed pa legs par bshad pa'i skal bzang mgul rgyan zhes bya ba/
rje btsun bla ma dmigs pa med pa'i thugs rje chen po dang ldan
pa rnams

kyi zhabs la gus pa chen pos phyag 'tshal lo/ /lha dbang lha yi
slob dpon sngon gyi lha/ /gdong drug gdong bzhi pa dang glang
po'i gdong/ /

snang bdag rgyu skar bdag po nyag phran bdag /mig gsum pad dkar
mig dang mig dmar sogs/ /srid pa'i yon tan du mas dregs

pa yi/ /rloms pas 'gyings pa'i lha brgya'i cod pan gyis/ gang gi
zhabs la gus pas rten byed pa/ /thub dbang lha yi lha

@002a @#/ /la phyag 'tshal lo/ /chos dbyings rgya mtsho'i dbus na
gnas bcas shing/ /nges don gzhung lugs 'bum gyi gdengs kas
brjid/ /rnam dag mkhyen

brtse'i nor bu gtsug na mdzes/ /klu sgrub klu yi dbang po la
phyag 'tshal/ /gang gi mtshan tsam 'dzin pa'i skye bo la/ /dngos
'dzin 'khrul pa zhi ba'i dpal ster ba/ /'phags

pa lha dang sangs rgyas bskyangs la sogs/ /shing rta chen po'i
srol 'dzin rnams la 'dud/ /dri med blo gros dkyil 'khor rab tu
rgyas/ /mdo rgyud gsung rab mkha' la thogs

med rgyu/ /mthar 'dzin mun pa sel ba'i 'od dkar can/ /dpal ldan
zla ba grags pa'i zhabs la 'dud/ /'jam dbyangs mkhyen pa'i chu
gter che las 'ongs/ /dpal ldan

sku bzhi'i bar rim mngon par mtho/ /mkhas mang gser ri'i dbus na
lha me ba/ /kun mkhyen tsong kha pa la gus pas 'dud/ /thub bstan
gangs ri'i spo la gnas su bcas

@002b nas; ;stong nyid zab mo'i gad rgyang cher bsgrag pas/ /lta
ngan ri dVags tshogs rnams skrag mdzad pa/ /rgyal tshab dam pa dar
ma'i zhabs la 'dud/ /chos kun gzigs pa'i rnam dpyod mig stong
ldan/ /rigs tshul rdo

rjes pha rol rgol ba 'joms/ /thub bstan skabs gsum dbang po dge
legs dpal/ khyod kyi rnam dkar mdzad pas bdag yid skyongs/ /rgya
chen tshogs gnyis ring nas goms pa'i mthus/ /zhing 'dir bstan
pa'i

rgyal mtshan 'dzin pa la/ /zla med mkhas pa'i dbang po dge 'dun
grub/ /sras dang bcas pa'i zhabs la bdag phyag 'tshal/ /thub
dbang chos kyi rgyal po'i rigs 'khrungs shing/ /'phags nor rin
chen bdun gyi 'byor bas

phyug ;dpal ldan thub bstan sa chen bzhi la dbang/ /'phrin las
bzang po'i zhabs la gus pas 'dud/ /nges don gzhung brgya'i
dgongs pa thugs su chud/ /thams cad yod smra'i brtul zhugs mchog
la gnas/ /

dpal ldan mkhas pa'i gtsug rgyan chos kyi rje/ /gnyal ston yab
sras gnyis la gus phyag 'tshal/ /gsung rab kun gyi de nyid 'byed
pa la/ /rje btsun mkhyen pa'i gter dang mi gnyis pa/ /bslab gsum
chos kyi rgyal mtshan

'dzin pa'i dpal/ /'phrin las bzang pos rtag tu bdag skyongs shig
/klu sgrub thugs kyi chu mtsho las 'ongs pa'i/ /blo bzang gsung
gi legs bshad me tog phreng/ /sdebs legs tshig gi srad bu la
brgyus nas/ /

skal bzang mgrin pa'i rgyan du bdag gis sbyin/ /phyogs lhung rab
rib skyon gyis mig sgrib pa'i/ /skye ba rnams la dga' ba mi
skyed kyang/ /gzur gnas rnam dpyod ldan pas 'di mthong na/
/'dzum pa'i mdangs kyi lha mar 'gyur

@003a @#/ /bar nges/ ji skad du drang nges rnam 'byed las/ /'dzam
gling mkhas pa'i rgyan 'gyur 'di rnams kyi/ /legs bshad kun la
snying nas gus mod kyang/ /'khor 'das brten 'byung mi slu'i gtan

tshigs kyis/ /mtshan 'dzin dmigs gtad thams cad 'jigs byed pa'i/
/zla ba las 'ongs legs bshad 'od dkar gyis/ /blo mig kun da'i
tshal rab phye ba'i tshe/ /sangs rgyas bskyangs kyis bstan pa'i
lam mthong nas/ /klu sgrub lugs

bzang gtso bor mi 'dzin su/ /zhes gsungs pa ltar 'phags pa klu
sgrub yab sras kyi dgongs pa/ /slob dpon sangs rgyas bskyangs
kyi bshad srol/ /dpal ldan zla bas legs par bkral ba'i thal
'gyur ba'i lugs

mchog dri ma med pa/ /gangs ri'i khrod 'dir rje tsong kha pas
gsal bar mdzad pa'i shing rta'i srol 'byed chen po drang nges
rnam 'byed dang/ /rnam bshad rnam pa gnyis kyi don/ /skal bzang
mi 'byed kyis bkral ba'i rjes

su 'brang ste/ /rtogs dka' ba'i gnas rnams gtan la 'bebs par
byed pa la/ /thog mar/ ! dbu ma la 'jug pa/ zhes sogs kyi skabs
su/ bstan bcos 'di'i 'jug bya'i dbu ma ngos bzung ba dang de la
bsten

bcos 'di ji ltar 'jug pa'i tshul gnyis las/ dang po ni/ dbu ma'i
sgras bstan pa de la/ gzhi dbu ma/ lam dbu ma/ 'bras bu dbu ma/
dbu ma'i bstan bcos la dbu mar byas pa/ dbu ma'i grub mtha'

la dbu mar byas pa sogs du ma yod kyang/ bstan bcos 'di'i 'jug
bya'i dbu ma de dbu ma'i bstan bcos la byed pa yin te/ rang
'grel gyi thog mar/ dbu ma'i bstan bcos la 'jug par bya ba'i
phyir/ dbu ma

@003b la 'jug pa rtsom par 'dod pas/ zhes dang 'jug tu yang/
de'i phyir dbu ma'i bstan bcos la 'jug pa 'di sbyar ba yin no/
zhes gsungs/ dbu ma'i bstan bcos rnams kyi nang nas kyang rtsa
ba shes rab de bstan

bcos 'di'i 'jug bya'i dbu ma yin gyi/ rin chen phreng ba sogs
rigs tshogs phyi ma rnams dang/ bzhi brgya pa sogs 'di'i 'jug
bya'i dbu ma ma yin te/ rang 'grel las/ rtsa shes khungs su
mdzad pa na/ dbu ma las

zhes dang/ dbu ma'i bstan bcos las zhes mang du 'byung zhing/
rin chen phreng ba sogs khungs su mdzad pa na/ ji skad du rin po
che'i phreng ba las/ zhes dang/ bzhi brgya pa sogs khungs su
mdzad pa na/ ji skad du 'phags pa

lhas zhes rang ming gi smos nas bshad pa yin pa'i phyir/ dbu
ma'i bstan bcos la dbu mar byas pa gzhan yang yod de/ dbu ma
rtsa ba shes rab zhes pa'i dbu ma de/ dbu ma'i bstan bcos la
byed pa'i phyir te/ dbu ma

rtsa ba shes rab de/ dbu ma'i bstan bcos kun gyi gzhi'am rtsa ba
lta bu yin pa'i rgyu mtshan gyis de ltar brjod pa'i phyir te/ Tik
chen las/ 'dir gang la 'jug pa'i dbu ma ni/ dbu ma'i bstan bcos
la 'jug par bya ba'i phyir

zhes gsung pas dbu ma'i bstan bcos yin la/ de yang 'di'i 'grel
par rtsa shes khungs su mdzad pa na dbu ma las/ zhes mang du
gsungs pa ltar rtsa shes la bya'i/ dbu ma'i gzhung gzhan dang/
dbu ma'i don gzhan la mi bya'o/

ma d+hya ma ka'i skad kyi byings la brtsams nas/ dbu ma'i bstan
bcos sam dbu ma'i grub mtha' la dbu mar byas par shes rab sgron
mar yang bshad pas/ dbu ma zhes pa tsam las ma byung yang/ 'dir
dbu ma'i bstan bcos

@004a @#/ /la go bar bya'o/ mkhas pa kha cig dbu ma la 'jug pa
zhes pa'i tshig zur gyi dbu ma de dbu ma'i bstan bcos la byed
kyang/ dbu ma rtsa ba shes rab zhes pa'i tshig zur gyi dbu ma de
zab

mo stong pa nyid la byed/ de'i rgyu mtshan ni/ bstan bcos 'di
chos can/ khyod la dbu ma la 'jug pa zhes brjod pa'i rgyu mtshan
yod de/ rtsa ba shes rab la dbu ma zhes bya la/ khyod de la zab
pa dang rgya che ba

gnyis kyi sgo nas 'jug pa'i rgyu mtshan gyis de ltar brjod pa'i
phyir/ rtsa ba shes rab chos can/ khyod la dbu ma zhes brjod
pa'i rgyu mtshan yod de/ zab mo stong pa nyid la dbu ma zhes bya
la/ khyod kyis de brjod bya'i

gtso bor byed pa'i rgyu mtshan gyi de ltar brjod pa'i phyir/ zhes
gsungs pa mi 'thad de/ Tik chen las/ ma d+hya ma ka'i skad kyi
byings la brtsams nas dbu ma'i bstan bcos saM dbu ma'i grub
mtha' la dbu mar byas par shes

rab sgron mer yang bshad pas/ zhes pa 'dis/ dbu ma rtsa ba shes
rab zhes pa'i dbu ma de dbu ma'i bstan bcos la byed par bstan
zin pa'i phyir/ dbu ma'i sgras bstan pa de la/ gzhi dbu ma sogs
gsum yod

na; de gsum gyi khyad par ji lta bu zer na/ gzhi dbu ma ni zab
mo stong pa nyid lta bu la byed/ lam dbu ma ni stong nyid rtogs
pa'i slob lam lta bu la byed/ 'bras bu dbu ma ni stong nyid
mngon sum du rtogs pa mthar

phyin pa'i ye shes la byed/ byas pa la kho na re/ rang bzhin
rnam dag gi char gyur ba'i ngo bo nyid sku chos can/ gzhi dbu ma
yin par thal/ stong nyid yin pa'i phyir/ 'dod na/ gzhi dus kyi
dbu ma yin par thal/

@004b 'dod pa'i phyir na/ ma khyab bo/ lam dbu ma yin na/ lam
dus kyi dbu ma yin dgos par thal/ gzhi dbu ma la de'i phyir/
khyab pa khas/ 'dod na/ byang 'phags kyi rgyud kyi stong nyid
mngon sum du rtogs pa'i

ye shes chos can/ der thal/ de'i phyir/ rtags grub ste/ chos can
de'i phyir/ 'dod na/ dbu ma yin par thal/ 'dod pa'i phyir/ 'dod
na/ gnas lugs mthar thug yin ba thal lo/ gzhan yang/ 'bras bu
dbu

ma yin na 'bras dus kyi dbu ma yin dgos par thal/ gzhi dbu ma la
de'i phyir/ khyab pa khas/ 'dod na/ rnam mkhyen chos can/ der
thal/ de'i phyir/ rtags grub ste/ chos can de'i phyir/ 'dod na/
dbu ma

yin par thal/ 'dod pa'i phyir/ kho na re/ rang bzhin rnam dag gi
char gyur pa'i ngo bo nyid sku chos can/ gzhi dbu ma ma yin par
thal/ 'bras bu dbu ma yin pa'i phyir te/ 'bras dus kyi dbu ma
yin pa'i phyir/

zer na/ ma khyab ste/ lam dus kyi dbu ma yin na/ lam dbu ma yin
dgos par thal/ 'bras bu dus kyi dbu ma la de'i phyir/ khyab pa
khas/ 'dod na/ byang 'phags kyi rgyud kyi chos nyid chos can/
der thal/ de'i phyir/

'dod na/ lam yin par thal/ 'dod pa'i phyir/ kho na re/ ngo bo
nyid sku chos can/ 'bras bu dbu ma yin par thal/ sku gsum po
gang rung yin pa'i phyir/ zer na/ ma khyab/ gnyis pa de la bstan
bcos 'di ji ltar

'jug pa'i tshul bshad pa la/ 'grel bshad mkhan po'i lugs dang/
rang lugs gnyis/ dang po ni/ 'grel bshad mkhan po dza ya a nan
ta na re/ rtsa sher kun rdzob dang don dam pa'i rang bzhin rgyas
par ma bstan cing

@005a @#/ /'dir de nyid rgyas par bstan pa'i sgo nas/ bstan bcos
'dis rtsa ba shes rab kyi dgongs pa 'grel ba bde/ bstan bcos 'di
rtsa ba shes rab la 'jug pa'i tshul yin/ zhes zer/ de skad du
yang 'grel

bshad las/ 'di ltar dbu ma'i bstan bcos su kun rdzob dang don
dam pa'i rang bzhin rgyas par ma brjod la/ 'dir de nyid rgyas
par bstan pas 'di de la 'jug par 'gyur pa'o/ zhes zer/ de 'gog
pa la/ Tik chen las/

'di la kha cig bstan bcos der kun rdzob dang don dam pa'i rang
bzhin rgyas par ma brjod la 'dir de gnyis rgyas par bstan pas de
la 'jug go zhes zer/ de kho na nyid gtan la 'bebs pa'i rigs pa'i
rnam grangs ni/

'jug pa las rtsa ba shes rab shin tu rgyas pas bshad pa des legs
par ma mthong ngo/ zhes gsungs/ 'di'i don ni 'grel bshad kyi
lugs de mi 'thad do/ de ltar na/ rtsa shes las don dam gyi rang
bzhin rgyas par ma bstan/

'dir de nyid rgyas par bstan pa'i sgo nas/ bstan bcos 'dis rtsa
shes dgongs pa 'grel ba de/ bstan bcos 'di rtsa ba shes rab la
zab pa'i sgo nas 'jug pa'i tshul dang/ rtsa sher kun rdzob gyi
rnam bzhag rgyas par ma

bstan; 'dir de nyid rgyas par bstan pa'i sgo nas/ bstan bcos
'dis rtsa ba shes rab kyi dgongs pa 'grel ba de/ 'di rtsa ba
shes rab la rgya che ba'i sgo nas 'jug pa'i tshul du khas len
dgos pa la de ltar khas len

mi rigs pa'i phyir te/ rtsa shes la don dam pa'i rang bzhin
rgyas pa'i bstan pa'i phyir te/ rtsa shes de kho na nyid rigs
pa'i rnam grangs mtha' yas pa'i sgo nas bstan pa'i mkhas pa mu
sras kha cig 'grel bshad kyi lugs de don dam gyi rnam bzhag ston
pa yang rtsa shes las

@005b 'jug pa rgyas/ kun rdzob kyi rnam bzhag ston pa yang rtsa
shes las 'jug pa rgyas zhes pa'i don yin na/ shin tu rags pa'i
log rtog yin pas Tik chen gyi dgag pa de 'jug la/ bden gnyis kyi
rnam bzhag ston pa rtsa shes

las 'jug pa rgyas zhes pa'i don yin na/ Tik chen gyi dgag pa de
mi 'jug ste/ bden gnyis kyi rnam bzhag ston pa rtsa shes las
'jug pa rgyas pa'i phyir/ rtsa shes las bden gnyis kyi rnam
bzhag rgyas par ma bstan

'jug pa las bden gnyis kyi rnam bzhag rgyas par bstan pa'i
phyir/ 'jug pa las zab pa dang rgya che ba gnyis ka rgyas par
bstan pa'i phyir/ zer ba mi 'thad de/ bden gnyis kyi rnam bzhag
ston pa rtsa shes las 'jug

pa rgyas na/ don dam gyi rnam bzhag ston pa yang rtsa shes las
'jug pa rgyas dgos pa las/ don dam gyi rnam bzhag ston pa rtsa
shes las 'jug pa mi rgyas pa'i phyir/ rang lugs ni/ bstan bcos
'di rtsa ba shes rab

la zab pa dang rgya che ba'i sgo nas 'jug pa'i tshul gnyis yod pa
las/ dang po ni/ de de la zab pa'i sgo nas 'jug pa'i tshul yod
de/ chos thams cad rten nas btags pa tsam dang/ rang gi mtshan
nyid kyis grub pa tha snyad du

yang med pa dang/ phyi rol don gyis stong ba'i shes pa bden grub
bkag pa'i sgo nas rtsa ba shes rab kyi dgongs pa rang rgyud pa
dang/ sems tsam pa sogs dang thun mong ma yin par/ bkral ba'i
sgo nas rtsa shes kyi

dgongs pa 'grel bar byed pa'i phyir te/ rang rgyud pa dang sems
tsam pa gnyis po phyogs sngar byas nas rang gi mtshan nyid kyis
grub pa tha snyad du yod pa dang/ phyi rol don gyis stong pa'i
shes pa bden grub 'gog ba rtsa shes

@006a @#/ /dang tshig gsal du mi rgyas par bstan bcos 'dir rgyas
par bstan pa'i phyir te/ rang 'grel las/ lugs 'di ni thun
mongs ma yin pa'o zhes mkhas pa rnams kyi nges par bya'o/ zhes
pa dang/

de nyid ma rtogs pas chos zab mo 'di spangs pas de'i phyir/
bstan bcos kyi de kho na nyid phyin ci ma log bar bstan par
bya ba'i phyir/ dbu ma'i bstan bcos la 'jug pa 'di sbyar ba
yin no/ zhes dang/ tshig gsal la

rten nas btags pa'i tshul dbu ma la 'jug pa las shes par bya'o/
zhes gsungs pa'i phyir/ des na chos thams cad rten nas btags
pa tsam dang rang gi mtshan nyid kyi grub pa tha snyad du yang
med pa dang/ sems

tha snyad du yod pa bzhin du/ phyi don tha snyad du yod pa
rnams rtsa she'i dgongs par nges par byas nas/ rtsa she'i
dgongs pa 'grel bar byed pa de/ bstan bcos 'di rtsa ba shes
rab la 'jug pa'i 'jug tshul dang po yin no/

gnyis pa bstan bcos 'di rtsa ba shes rab la rgya che'i sgo nas
'jug pa'i tshul yod de/ rtsa ba shes rab las rgya che ba'i theg
chen gyi khyad chos ma bstan yang/ bstan bcos 'dir mchod brjod
kyi skabs su so so skye bo'i sa'i

chos gsum/ bstan bcos lus kyi skabs su 'phags pa slob pa'i sa
bcu dang/ 'bras bu'i sa dang/ sa lnga ba dang drug pa'i go rim
gyi/ bsam gtan gyi ngo bo zhi gnas la rten nas bdag med pa
gnyis kyi de kho

na nyid la so sor rtogs pa'i shes rab gyis dpyod pa'i lhag
mthong sgo tshul sogs 'phags pa'i gzhung gzhan nas bstan pa'i
man ngag gi kha bskang nas rtsa she'i dgongs pa 'grel bar byed
pa'i phyir/ kho na re/ 'phags pa'i

@006b gzhung gzhan nas bstan pa'i man ngag gi kha bskangs nas
bshad pas/ rtsa she'i 'grel bar mi 'gyur ro/ zhe na/ skyon med
de/ kha skongs 'grel bar 'gyur ba'i tshul gzhan yang yod pa'i
phyir te/ dper na/ lung phran

tsheg so thar gyi mdo'i 'grel ba yin pa bzhin no/ des na rtsa
she'i don yid la byed pa'i tshe/ rtsa shes nas bshad pa'i stong
nyid kyi don rnams 'jug pa nas bshad pa'i rgya che'i lam gyi
rim pas zin pa'i sgo nas nyams

su len dgos par nges par byas nas rtsa she'i dgongs pa 'grel
ba de bstan bcos 'di rtsa ba shes rab la 'jug pa'i 'jug tshul
gnyis pa yin no/ kho na re/ rtsa ba shes rab de theg chen thun
mong ma yin pa'i sde snod ma

yin par thal/ de las rgya che'i lam gyi rim pa ma bstan pa
gang zhig skabs 'dir stong nyid rtogs pa'i shes rab yod med
kyi sgo nas theg pa che chung gi khyad par 'jog mi rigs pa'i
phyir te/ theg dman la yang stong

nyid rtogs pa'i shes rab yod pa'i phyir/ zer na skyon med de/
rtsa ba shes rab las rgya che ba'i theg chen gyi khyad chos ma
bstan yang/ de theg chen thun mong ma yin pa'i sde snod yin
pa'i phyir te/ rtsa shes las/

chos kyis bdag med rigs pa'i rnam grangs mtha' yas pa'i sgo
nas bstan cing/ chos kyi bdag med rigs pa'i rnam grangs mtha'
yas pa'i sgo nas ston rung gi gdul bya rnams ni theg pa chen
po'i gdul bya kho na yin te/

rang 'grel las/ chos kyi bdag med pa gsal bar bya ba'i phyir/
theg pa chen po bstan pa yang rigs pa nyid du rgyas par bstan
pa brjod par 'dod pa'i phyir/ nyan thos kyi theg pa las ni
chos kyi bdag med pa mdor/

@007a @##/ /mtshon pa tsam zhig tu zad do/ zhes gsungs pa'i
phyir/ kho na re/ rtsa shes las rgya che ba'i lam gyi rim pa
ma bstan na/ rin chen phreng ba'i dar Tik las/ gtan la dbab
bya'i gtso bo'i dbang

du byas pa yin gyi/ gzhan du na rtsa ba shes rab gyis kyang
theg chen po'i lam gyi rims pa rgyas par bstan par dbu ma la
'jug pas sgrub pa'i phyir ro/ zhes gsung pa mi 'thad par thal/
rtsa shes las rgya che ba'i lam gyi

rim pa ma bstan pa'i phyir/ zer na/ ma khyab ste/ rin chen
'phreng ba'i dar Tik las de ltar bshad kyang/ 'jug pa'i Tik
chen las/ rtsa shes las zab mo'i phyogs ma btogs pa rgya che
ba'i theg chen gyi khyad chos ma bstan

kyang; gzhung de ni theg pa che chung gnyis kyi nang nas theg
pa chen po'i dbang du mdzad pa yin te/ zhes pa dang/ rtsa
she'i Tik chen las/ de ltar na gzhung 'dir lta ba las ma gtogs
pa'i theg chen gyi khyad chos ma bstan

kyang; chos kyi bdag med shin tu rgyas par ston pas ched du
bya ba'i gdul bya la khyad par yod do/ zhes rtsa 'jug gi Tik
chen gnyis ka las/ rtsa shes las rgya che ba'i lam gyi rim pa
ma bstan par bshad pa'i phyir/

kho na re/ rtsa shes las rgya che ba'i lam gyi rim pa bstan
par thal/ mngon rtogs rgyan las zab pa'i rim pa bstan pa'i
phyir/ zer na/ ma khyab/ ma grub na/ der thal/ de las stong pa
nyid bstan pa'i phyir te/

de las theg chen sgrub pa'i rten rang bzhin gnas rigs bstan
pa'i phyir/ yang kho na re/ rtsa shes las rgya che ba'i lam
gyi rim pa bstan par thal/ yum rgyas 'bring bsdus gsum las de
ltar bstan pa gang zhig rtsa shes

@007b de yum rgyas 'bring bsdus gsum gyi dgongs 'grel yin pa'i
phyir/ zer na/ ma khyab ste/ rtsa shes des yum rgyas 'bring
bsdus gsum gyi dngos bstan stong nyid kyi rim pa 'grel yang/
sbas don mngon rtogs kyi rim

pa ma 'grel ba'i phyir/ yang kho na re/ rtsa shes las rgya che
ba'i lam gyi rim pa bstan par thal/ de las thabs shes gnyis
kyi nang na thabs khyad par can bstan pa'i phyir te/ de las
brtse ba snying rje chen po bstan pa'i phyir te/ gang gi thugs
brtse nyer bzung nas/ lta ba

thams cad spangs pa'i phyir/ /dam pa'i chos ni ston mdzad pa/
/go gtam de la phyag 'tshal lo/ /zhes pa 'dis brtse ba snying
rje chen po bstan pa'i phyir/ lung de'i bstan don grub pa'i
phyir/ zer na/ ma khyab/ ! nyan thos sangs

rgyas 'bring rnams thub dbang skyes/ zhes pa 'di'i skabs su/
bshad bya'i lung 'god pa dang/ lung gi don bshad pa gnyis/
dang po ni/ rang 'grel las/ dbu ma'i bstan bcos la 'jug par
bya'i phyir/ dbu ma la 'jug

bar rtsom par 'dod pas/ yang dag par rdzogs pa'i sangs rgyas
dang byang chub sems dpa' rnam pas kyang thog mar/ bcom ldan
'das ma snying rje chen po sangs rgyas nyid kyi rgyu phun sum
tshogs pa dang po/ sems can 'khor ba'i

btson rar bsdams pa skyabs med pa dpag tu med pa ma lus pa
yongs su skyabs pa'i mtshan nyid can la bstod par 'os pa nyid
du bstan pa'i phyir te/ nyan thos sangs rgyas 'bring rnams
thub dbang skyes/ sangs rgyas byang chub sems dpa'

las 'khrungs shing/ snying rje'i sems dang gnyis su med blo
dang/ byang chub sems ni rgyal sras rnams kyi rgyu/ zhes bya
ba la sogs pa tshigs su bcad pa gnyis smos so/ zhes gsungs/
'di'i don la 'tshams

@008a @##/ /sbyar gyi don dang rtsa ba'i don gnyis/ dang po ni/
'grel bshad kyi lugs la dogs pa dpyad pa dang/ rang lugs bzhag
pa gnyis/ dang po ni/ 'grel bshad mkhan po na re/ dbu ma'i
bstan bcos

la 'jug par bya ba'i phyir/ dbu ma la 'jug pa rtsom par 'dod
pas/ zhes pa'i don ni/ dbu ma'i bstan bcos rtsa ba shes rab la
sogs pa la 'jug par bya ba'i phyir/ zhes gsungs/ snying rje
chen po la bcom ldan 'das ma

zhes brjod pa'i rgyu mtshan yod de/ zhe sdang gi dgra bcom pa'i
rgyu mtshan gyi de ltar brjod pa'i phyir/ snying rje chen po la
rdzogs pa'i sangs rgyas kyi rgyu dang po zhes brjod pa'i rgyu
mtshan yod de/ snying rje chen po rdzogs pa'i sangs rgyas

kyi dang po'i rgyu yin la/ stong nyid rtogs pa'i shes rab dang
gzhan don du rdzogs pa'i byang chub thob par 'dod pa'i blo
gnyis po de/ rdzogs pa'i sangs rgyas kyi dang po'i rgyu ma yin
pa'i rgyu mtshan gyi de ltar brjod pa'i phyir/

zhes gsungs/ lugs dang po mi 'thad de/ rtsa ba shes rab kho na
bstan bcos 'di'i 'jug bya'i dbu ma yin la/ rin chen phreng ba
sogs rigs tshogs phyi ma rnams bstan bcos 'di'i 'jug bya'i dbu
ma ma yin pa'i

phyir; lugs gnyis pa yang mi 'thad de/ skabs 'dir snying rje
chen po la bcom ldan 'das ma zhes brjod pa de/ rgyu'i gtso bo
la 'bras bu'i ming gi btag nas bstan pa yin pa'i phyir/ gsum
pa yang mi 'thad de

rin chen phreng ba las/ bdag nyid dang ni 'jig rten 'dis/ bla
med byang chub 'dod na/ de'i rtsa ba byang chub sems/ ri dbang
rgyal po ltar brtan dang/ phyogs mthas gtugs pa'i snying rje
dang/ gnyis la

@008b mi brten ye shes lags/ zhes pa 'dis chos gsum ka rdzogs
pa'i sangs rgyas kyi rtsa ba'i rgyur bstan cing/ rtsa ba'i don
dang po'i don la 'chad rigs pa'i phyir te/ Tik chen las/ lung
des byang chub kyi rtsa bar bstan gyis/

byang sems kyi rtsa bar dngos su ma bstan kyang/ rtsa ba ni
dang po'i don dang/ de'i dus kyi gtso bo'i rgyu gsum ston pa'i
skabs yin pas byang sems kyi gtso bo'i rgyu yin par skabs las
shes so/ zhes gsungs pa'i phyir/

rang lugs ni/ dgos pa dbu ma'i bstan bcos rtsa ba shes rab la
'jug par bya ba'i phyir du/ gang zag dbu ma la 'jug pa rtsom
par bzhed pa dpal ldan zla ba'i zhabs kyi gzhung gzhan mngon
rtogs brgyan sogs las mchod brjod

kyi yul du mdzad pa'i nyan rang gnyis mchod brjod kyi yul du
dngos su ma bkod par ma zad/ sangs rgyas byang sems rnams la
yang dngos su mchod brjod ma mdzad par/ sangs rgyas nyid kyi
rgyu phun sum tshogs pa dang po/ rgyu'i

gtso bo la 'bras bu ming gi btags pa'i bcom ldan 'das ma
snying rje chen po la dngos su bstod phyag mdzad pa la rgyu
mtshan yod de/ snying rje chen po de theg pa gsum gyi dge legs
thams cad kyi rtsa ba yin pa'i rgyu mtshan gyi de ltar

bstod phyag mdzad pa yin pa'i phyir/ de yang yin te/ nyan rang
gnyis thub pa'i dbang po las skyes/ thub dbang byang chub sems
dpa' las 'khrungs/ byang sems 'dir bstan chos gsum las
'khrungs/ chos gzhan gnyis

kyi rtsa ba yang snying rje chen po la thugs pa'i phyir/ dang
po ston pa la/ nyan thos sangs rgyas 'bring rnams thub dbang
skyes/ zhes pa 'di byung/ gnyis pa ston pa la/ sangs rgyas
byang chub sems dpa' las 'khrungs

@009a @##/ /shing; zhes pa 'di byung/ gsum pa ston pa la/ snying
rje'i sems dang gnyis su med blo dang/ byang chub sems ni
rgyal sras rnams kyi rgyu zhes pa 'di byung/ bzhi ba ston pa
la gang phyir brtse nyid

zhes sogs sho lo ka gcig byung/ skabs 'dir sangs rgyas dang
byang sems rnams la dngos su mchod brjod ma mdzad kyang/ de la
mchod brjod mdzad pa yin te/ de rnams kyi rgyu'i gtso bo
snying rje chen po la mchod brjod

dngos su mdzad pa yin pa'i phyir/ khyab ste/ rang 'grel las/
rgyu la mchod pas kyang 'bras bu la mchod pa don gyi 'phangs
par dgongs te/ zhes gsungs pa'i phyir/ gnyis pa rtsa ba'i don
bshad pa la/ thub dbang gi

don bshad pa dang/ nyan thos kyi don bshad pa/ de kho na nyid
rtogs pa 'bring gi don bshad pa/ nyan rang gnyis thub pa'i
dbang po'i gsungs las skye tshul bshad pa/ thub dbang gi rang
rgyal skrun tshul la dogs pa dpyad pa'o/ /

dang po ni/ sangs rgyas 'phags pa chos can/ khyod la thub pa'i
dbang po zhes brjod pa'i rgyu mtshan yod de/ nyan rang dang
byang sems rnams las chos kyi dbang phyug phun sum tshogs pa
mnga' zhing/ de rnams la khyod kyi

bkas chos kyi srid la mnga' bsgyur bar byed pa'i rgyu mtshan
gyi de ltar brjod pa'i phyir/ gnyis pa la dngos dang zhar la
thos sgrog gi don bshad pa gnyis/ dang po ni/ theg pa chung
ngu'i dgra bcom pa chos can/ khyod la

nyan thos zhes brjod pa'i rgyu mtshan yod de/ yang dag pa'i
gdam ngag gzhan la nyan nas sgom pa'i 'bras bu/ rang gi byang
chub thob pa na don de gzhan la thos par byed pa'i rgyu mtshan
gyi de ltar brjod pa'i phyir/

@009b thos par byed tshul ni/ 'di ltar bya ba byas so/ 'di las
srid pa gzhan mi shes so/ zhes bya ba la sogs pa gsungs rab
las mang du 'byung ba rnams yin gzugs med khams pa'i nyan thos
rnams la sngar bshad pa'i sgra de bshad du

med pas/ de rnams nyan thos su mi 'gyur ro snyam na skyon med
de/ de rnams la nyan thos kyi sgra bshad du med kyang/ de'i
sgra 'jug tu yod pa'i phyir/ dper na/ skam las skyes pa'i
padma la/ mtsho skyes kyi sgra bshad du med kyang/

de'i sgra 'jug tu yod pa bzhin no/ gnyis pa ni/ dam pa'i chos
pad+ma dkar po las/ /mgon po de ring bdag cag nyan thos gyur/
/byang chub dam pa yang dag bsgrags par bgyi/ /byang chub pa
yi sgra yang rab tu brjod/ de bas

bdag cag nyan thos mi zad 'dra/ /zhes dang/ pad dkar ye shes
sdes bsgyur ba las/ mgon po de ring bdag cag sgrog gyur te/
byang chub dam pa yang dag bsgrags par bgyi/ byang chub pa yi
sgra yang rab tu brjod/ de bas bdag cag

sgrogs pa mi zad 'dra/ zhes gsungs/ 'di'i don la/ 'grel bshad
mkhan po'i lugs la dogs pa dpyad pa dang/ rang lugs gnyis/
dang po ni/ 'grel bshad mkhan po na re/ nyan thos dgra bcom pa
chos can/ khyod la

thos sgrogs shes brjod pa'i rgyu mtshan yod de/ theg chen gyi
byang chub dang theg dman gyi byang chub gnyis gzhan la
bsgrogs par byed pa'i rgyu mtshan gyi de ltar brjod pa yin pa'i
phyir/ rkang pa dang po la dam pa'i sgra smos shing/ gnyis pa
la dam pa'i sgra mi smos pa'i

rgyu mtshan yod de/ byang chub dang po theg chen gyi byang chub
la byed cing/ byang chub gnyis pa nyan thos kyi byang chub la
byed pa'i rgyu mtshan gyis de ltar brjod pa'i phyir/ zer ba mi
'thad de/ rang 'grel las/ byang chub dang po theg chen gyi
byang chub dang/

@010a @##/ /byang chub gnyis pa der sgrod par byed pa'i lam la
byed par bshad pa dang 'gal ba'i phyir te/ rang 'grel las/
yang na 'bras bu'i mchog gam bla na med pa yang dag par rdzogs
pa'i sangs

rgyas gyi lam de bzhin gshegs pa rnams las thos nas de don du
gnyer ba rnams la sgrogs par byed pas na/ nyan thos dag ste/
dam pa'i chos pad+ma dkar po'i mdo las/ mgon po de ring bdag
cag nyan thos gyur

zhes pa nas mi zad 'dra zhes pa'i bar gsungs/ rang lugs ni/
rkang pa dang po la dam pa'i sgra smos shing/ gnyis ba la de'i
sgra mi smos pa'i rgyu mtshan yod de/ byang chub dang po theg
chen gyi byang chub dang/ byang chub gnyis

pa der sgrod par byed pa'i lam la byed pa'i rgyu mtshan gyi de
ltar brjod pa'i phyir/ nyan thos dgra bcom pa chos can/ khyod
la thos sgrogs zhes brjod pa'i rgyu mtshan yod de/ theg pa chen
po'i lam 'bras bu dang bcas par

de bzhin gshegs pa rnams la thos nas/ de don du gnyer ba'i
theg chen gyi rigs can rnams la sgrogs par byed pa tsam yin
pa'i rgyu mtshan gyi de ltar brjod pa'i phyir/ ! gsum pa ni/
rang 'grel las/ de dag ni bsod

nams dang ye shes gong du 'phel ba'i khyad par gyi/ nyan thos
rnams las khyad par du 'phags pa'i phyir dang/ bsod nams dang
ye shes kyi tshogs dang/ thugs rje chen po dang rnam pa thams
cad mkhyen pa la

sogs pa med pas yang dag par rdzogs pa'i sangs rgyas rnams las
dman pa'i phyir na 'bring ngo/ zhes gsungs/ 'di'i don la 'grel
bshad mkhan po'i lugs la dogs pa dpyad pa dang/ rang lugs
gnyis/

@010b dang po ni/ 'grel bshad mkhan po na re/ rang sangs rgyas
rnams la sangs rgyas 'bring zhes brjod pa'i rgyu mtshan yod de/
de rnams kyi gzung rtog spangs/ rang lam du shes pa bden par
'dzin pa'i bden 'dzin spongs mi

nus pa'i rgyu mtshan gyi de ltar brjod pa'i phyir ste/ gzung
don rtogs pa spong phyir dang/ 'dzin pa mi spong phyir dang
ni/ zhes sogs pa gsungs ba'i phyir zer ba mi 'thad de/ rang
rgyal rnams kyi rang lam du shes pa bden par 'dzin pa'i

bden 'dzin spongs nus par thal/ rang rgyal dgra bcom pas shes
pa bden par 'dzin pa'i bden 'dzin spangs pa'i phyir te/ des
bden 'dzin spangs pa'i phyir/ der thal/ bden 'dzin nyon sgrib
yin pa'i phyir te/ 'phags

pa yin na/ chos kyi bdag med mngon sum du rtogs pas khyab pa'i
phyir/ 'grel bshad rang lugs la yang de ltar bshed pa'i phyir/
rang lugs ni/ rang rgyal dgra bcom pa de la de kho na nyid
rtogs pa 'bring zhes brjod pa'i rgyu mtshan

yod de/ nyan thos las lhag cing/ rdzogs pa'i sangs rgyas las
dman pa'i rgyu mtshan gyi de ltar brjod pa'i phyir/ nyan thos
las lhag pa yin te/ nyan thos rnams kyi rang lam du skal pa
brgyar bsod nams dang ye

shes kyi tshogs la gom pa bsring mi nus shing/ rang rgyal rnams
kyi de ltar gom pa bsring nus pa'i phyir/ rdzogs pa'i sangs
rgyas las dman pa yin te/ rang sangs rgyas rnams la bsod nams
dang ye shes kyi tshogs gnyis

mthar phyin pa dang/ sems can thams cad la dmigs pa'i thugs
rje chen po dang/ rnam pa thams cad mkhyen pa nyid kyi ye shes
la sogs pa med pa'i phyir/ nyan thos rnams kyi rang lam du
skal pa brgyar bsod nams dang ye shes 

@011a @##/ /kyi tshogs la gom pa bsring mi nus shing/ rang rgyal
rnams kyi de ltar gom pa bsring nus par bshad pa de/ bse ru lta
bu'i rang rgyal gyi dbang du byas pa yin nam/ rang rgyal spyi'i
dbang du byas pa

yin zhe na/ rang rgyal spyi'i dbang du byas pa yin te/ drin lan
bsab pa'i mdo las/ rang sangs rgyas rnams ni skal pa chen po
brgyas tshar phyin par 'gyur ro/ zhes gsungs pa'i phyir/ des na/
rang rgyal dgra

bcom pa de la/ de kho na nyid rtog pa 'bring zhes bya'i/ sangs
rgyas 'bring zhes mi bya ste/ ta to bud d+ha zhes pa sangs rgyas
pa dang/ gnyid sad pa dang/ pad 'dab rgyas pa dang/ de kho na
nyid la blo rgyas pa sogs la

'jug pa las 'dir ni/ de kho na nyid la blo rgyas pa la bsgyur
rigs pa'i phyir/ don thob kyi dbang du byas na/ nyan thos de
nyid rtogs 'bring thub dbang skyes/ zhes bsgyur bar byed ba yin
no/ /kha cig nyan rang rnams la bsod

nams dang ye shes kyi tshogs med zer na/ drin lan bsab pa'i mdo
las/ rang sangs rgyas rnams skal ba chen po brgyas tshar phyin
par 'gyur ro/ zhes dang/ mdzod las/ bse ru skal pa brgya'i rgyu
zhes bshad pa mi

'thad par thal/ rang rgyal dgra bcom pa'i 'bras bu thob pa la
skal pa brgyar bsod nams dang ye shes kyi tshogs la slob dgos pa
ma yin pa'i phyir/ rang rgyal gyi rgyud la bsod nams dang ye
shes kyi tshogs med pa'i phyir

gzhan yang/ rang rgyal rnams kyi rang lam du skal pa brgyar bsod
nams dang ye shes kyi tshogs la goms pa bsring nus pa ma yin par
thal/ rang rgyal gyi rgyud la bsod nams dang ye shes kyi tshogs
med pa'i phyir/ 'dod na/ rang rgyal

@011b rnams kyis de ltar nus shing/ nyan thos rnams kyis rang
lam du bskal ba brgyar bsod nams dang ye shes kyi tshogs la goms
pa bsring mi nus pa de/ rang rgyal nyan thos las khyad par du
'phags pa'i 'phags chos su 'chad mi rigs par thal/ 'dod pa'i
phyir/

'dod mi nus ste/ de ltar rang 'grel las bshad pa'i phyir/ gzhan
yang/ rang rgyal gyi rgyud la bsod nams dang ye shes kyi tshogs
yod par thal/ de'i rgyud la bsod nams kyi tshogs phal pa yod pa'i
phyir/ khyab ste/

Tika chen las/ don de ma tshang ba gnyis ni tshogs phal pa'o/ zhes
gsungs pa'i phyir/ kho na re/ rang rgyal gyi rgyud kyi bsod nams
kyi tshogs chos can/ gtso por gzugs sku'i lag rjes 'jog byed yin
par thal/ sems

can gyi rgyud kyi bsod nams kyi tshogs yin pa'i phyir/ khyab ste/
bsod nams zhes bya'i tshogs kyang de dag nyid/ sangs rgyas gzugs
kyi bdag nyid sku yi rgyu/ zhes gsungs pa'i phyir/ zer na/ ma
khyab ste/ byang sems

kyi rgyud kyi bsod nams kyi tshogs yin na/ gtso bor gzugs sku'i
lag rjes 'jog byed yin dgos pa lung de'i don yin pa'i phyir/
yang kho na re/ 'grel pa don gsal las/ yang dag par grub pa'i
ngo bos byang chub chen po 'dzin

par byed pa'i phyir na/ snying rje chen po la sogs pa ni tshogs
yin pas/ zhes gsungs pa mi 'thad par thal/ tshogs yin na/ snying
rje chen pos zin pas ma khyab pa'i phyir/ zer na/ ma khyab ste/
tshogs

sgrub yin na/ snying rje chen pos zin pas/ khyab pa lung de'i
don yin pa'i phyir/ kha cig bse ru lta bu'i rang rgyal dgra bcom
gyi 'bras bu thob pa la skal pa brgyar tshogs gsogs dgos kyang/
rang rgyal dgra

@012a @##/ /bcom gyi 'bras bu thob pa la skal pa brgyar tshogs
bsags mi dgos ste/ tshogs spyod kyi rang rgyal dgra bcom pa'i
'bras bu thob pa la de ltar mi dgos pa'i phyir zer ba mi 'thad
de/

drin lan bsab pa'i mdo las/ rang sangs rgyas rnams ni zhes sogs
gsungs pa mi 'thad par thal/ rang rgyal dgra bcom pa'i 'bras bu
thob pa la skal pa brgyar tshogs bsags mi dgos pa'i phyir/ gzhan

yang; rang rgyal rnams kyi rang lam du bskal pa brgyar bsod nams
dang ye shes kyi tshogs la goms pa sring nus shing/ nyan thos
rnams kyi rang lam du skal pa brgyar bsod nams dang ye shes kyi
tshogs

la goms pa bsring mi nus pa de/ rang rgyal nyan thos las khyad
par du 'phags pa'i 'phags chos su 'chad mi rigs par thal/ rang
rgyal dgra bcom gyi 'bras bu thob pa la skal pa brgyar tshogs
bsags mi

dgos pa'i phyir/ 'dod na/ sngar dang 'dra/ kho na re/ spang bya
cig char ba'i rgyun zhugs skye ba phyi ma de nyid la/ rang rgyal
dgra bcom pa'i 'bras bu mngon du byed pa gcig med par thal/ rang
rgyal dgra bcom

pa'i 'bras bu thob pa la skal pa brgyar tshogs bsags dgos pa'i
phyir/ 'dod na/ kun btus las/ sangs rgyas 'byung ba med na/ rang
rgyal bar 'gyur ro/ zhes gsungs pa mi 'thad par thal/ 'dod pa'i
phyir/

zer na/ mi 'thad de/ de grub mtha' smra ba 'og ma'i lugs yin
pas/ skabs 'dir mkhas mi len no/ gzhan yang/ spang bya gcig char
ba'i rgyun zhugs rang rgyal lam du 'jug pa med par thal/ nyan

@012b thos mthong lam pa rang rgyal lam du 'jug pa med pa'i
phyir te/ theg pa rang rang gi mthong lam thob na/ theg pa rang
rang du rigs nges pas khyab pa'i phyir/ gzhan yang/ spang bya
gcig char ba'i rgyun zhugs rang rgyal lam du

'jug pa med par thal/ nyan thos rang rgyal lam du 'jug pa med
pa'i phyir/ rang rgyal slob pa yin na/ gnas skabs rang rgyal du
rigs nges pas khyab pa'i phyir te/ rang byang chub la bdag nyid
nges rnams dang/ zhes

gsungs pa'i phyir/ kho na re/ nyan thos sngon du 'gro ba'i rang
rgyal med par thal/ nyan thos rang rgyal du 'jug pa med pa'i
phyir/ 'dod na/ tshogs spyod kyi rang rgyal med par thal/ 'dod
pa'i phyir/ zer na/

ma khyab/ tshogs spyod kyi rang rgyal zhes pa grogs kyi zla dang
bcas pa'i rang rgyal la byed pa'i phyir/ kho na re/ mdo sde
rgyan las/ /nyan thos ma nges rnam gnyis te/ /theg don mthong
dang ma mthong dang/ /don mthong 'dod chags bral ba dang/ /

'dod chags bral min 'dir dman pa'o/ /zhes gsungs pa/ mi 'thad
par thal/ nyan thos su rigs ma nges pa'i nyan thos mthong lam pa
med pa'i phyir/ zer na/ ma khyab/ kho na re/ rang rgyal dgra
bcom pa'i 'bras

bu mngon du ma byas par/ theg chen lam du 'jug par nges pa'i
rang rgyal slob pa med par thal/ rang rgyal slob pa yin na/ rang
rgyal du rigs nges pas khyab pa'i phyir/ 'dod na/ Tika chen las/
byang sems

la bsngags pa gsungs pa'i dus der/ 'khor du nye bar gyur cing/
theg pa gsum la bkod pa rnams theg chen nyid la nges par sbyar
bar bya ba'i phyir ro/ zhes gsungs pa mi 'thad par thal/ 'dod
pa'i phyir/

@013a @##/ /zer na/ 'o na/ rang rgyal slob pa yin na/ rang rgyal
du rigs nges pas khyab par thal/ de yin na/ rang rgyal dgra bcom
pa'i 'bras bu mngon du byed par nges pas khyab pa'i phyir/ bzhi
brgya pa las/ /de

nyid shes pas gal te 'dir/ /mya ngan 'das pa ma thob kyang/
/skye ba gzhan du 'bad med par/ /nges par thob 'gyur las bzhin
no/ /zhes gsungs pa'i phyir/ bzhi pa ni/ nyan rang dgra bcom pa
rnams thub pa'i dbang po'i

gsungs las skyes pa yin te/ thub pa'i dbang pos rten 'brel zab
mo'i chos bstan pa nyan rang gi rigs can rnams kyi nyams su
blang pa las/ rang rang gi 'dod pa rdzogs par 'gyur ba yin pa'i
phyir/ lnga pa la bshad bya'i

lung 'god ba dang/ lung don bshad pa gnyis/ dang po ni/ rang
'grel las/ gal te yang kha cig rten cing 'brel par 'byung ba nye
bar brtan pa/ nyan pa kho na las/ don dam pa rtogs pa la mkhas
su zin kyang/ mthong ba'i

skye ba kho na la mya ngan las 'das pa thob par mi 'gyur mod
kyi/ de ltar na yang/ nye bar bstan pa'i bsgrub pa po dag gis
las rnam par smin pa nges pa'i 'bras bu ltar/ tshe rabs gzhan du
mngon par 'dod pa'i 'bras bu yongs

su smin pa gor ma chags pa thob par 'gyur ro/ ji skad du/ 'phags
pa lhas/ /de nyid shes pas gal te 'dir/ /mya ngan 'das pa ma
thob kyang/ /skye ba gzhan du 'bad med par/ /nges par thob 'gyur
las bzhin

no; ;zhes bshad do/ de nyid kyi phyir/ dbu ma las kyang/ /rdzogs
sangs rgyas rnams ma byung zhing/ /nyan thos rnams kyang zad pa
na/ /rang sangs rgyas kyi ye shes ni/ /rten pa med par rab tu
'byung//

@013b zhes gsungs/ 'di'i don la 'grel bshad mkhan po la sogs pa
kha cig gi lugs dgag pa dang/ rang lugs bzhags pa gnyis/ dang po
ni/ 'grel bshad mkhan po na re/ nyan thos sangs rgyas 'bring
rnams thub dbang skyes/ zhes thub pa'i dbang

pos rten 'brel/ zab mo'i/ chos bstan pa/ nyan rang gi rigs can
rnams kyis nyams su blangs pa las/ rang rang gi 'dod pa rdzogs
par 'gyur par bshad pa mi 'thad de/ thub pa'i dbang po'i nyan
rang gi rigs can rnams

la; rten 'brel zab mo'i chos bstan pa'i tshe de la/ nyan rang gi
rigs can rnams kyi/ rang rang gi byang chub ma thob pa srid pa'i
phyir/ zhes zer/ de 'gog pa la/ gal te yang kha cig zhes sogs
kyi

'grel ba 'di byung yang/ bod snga ma kha cig /nyan thos sangs
rgyas 'bring rnams thub dbang skyes/ zhes thub pa'i dbang pos
rten 'brel zab mo'i chos bstan pa nyan rang gi rigs can rnams
kyis nyams su blangs pa las/

rang rang gi byang chub thob par 'gyur bar bshad pa mi 'thad de/
thub pa'i dbang pos nyan rang gi rigs can rnams la rten 'brel
zab mo'i chos bstan te/ nyan rang gi rigs can rnams kyis rten
'brel skye med kyi don nyams su blangs ma thag tu

dgra bcom pa'i 'bras bu thob dgos pa la/ de ltar ma thob pa srid
pa'i phyir/ zhes zer/ de'i lan ston pa la/ gal te yang kha cig
zhes sogs gsungs/ zhes zer/ lugs de gnyis ka mi 'thad do/ skabs

'dir thub dbang gi nyan thos skrun tshul la dogs pa gcod pa ma
yin pa'i phyir te/ thub dbang gi rang rgyal bskrun tshul la dogs
pa shes che bas/ de la dmigs kyis bkar nas dogs pa gcod dgos pa
la de ltar ma bcad pa'i phyir/

@014a @##/ /skabs 'dir thub dbang gi rang rgyal bskrun tshul la
dmigs kyis bkar nas dogs pa gcod pa yin te/ de ma yin na/ rdzogs
sangs rgyas rnams ma byung zhing/ zhes sogs rtsa shes lung
drangs pa 'brel med du

'gyur ro/ rang lugs la/ rtsod pa dang lan gnyis/ dang po la kha
cig thub pa'i dbang pos rten 'brel zab mo'i chos bstan pa nyan
rang gi rigs can rnams kyi nyams su blangs pa las rang gi 'dod
pa rdzogs par

'gyur bar bshad pa mi 'thad de/ thub pa'i dbang pos nyan thos
kyi rigs can rnams la rten 'brel zab mo'i chos bstan pa'i tshe de
la/ nyan thos kyi rigs can rnams kyi nyan thos dgra bcom pa'i
'bras bu thob pa srid kyang/ thub pa'i

dbang pos rang rgyal gyi rigs can rnams la rten 'brel zab mo'i
chos bstan pa'i tshe de la/ rang rgyal gyi rigs can rnams kyis
rang rgyal dgra bcom pa'i 'bras bu thob pa de ltar mi srid pa'i
phyir/ zhes zer/ de'i lan

ston pa la/ gal te yang kha cig zhes sogs kyi 'grel pa 'di
byung/ de ni mi 'thad de/ thub pa'i dbang pos rang rgyal gyi
rigs can rnams la rten 'brel zab mo'i chos bstan pa'i tshe de la/
rang rgyal gyi rigs can rnams

kyi rang rgyal dgra bcom pa'i 'bras bu thob pa mi srid kyang/
thub pa'i dbang po'i rten 'brel zab mo'i chos bstan pa/ rang
rgyal gyi rigs can rnams kyi nyams su blangs pa las rang gi 'dod
pa rdzogs par 'gyur bar

bshad pa mi 'thad mi dgos te/ thub pa'i dbang po'i rang rgyal
gyi rigs can rnams la rten 'brel zab mo'i chos bstan pa'i tshe de
la/ rang rgyal gyi rigs can rnams kyi rang rgyal dgra bcom pa'i
'bras bu thob mi nus

@014b kyang; thub pa'i dbang po'i rten 'brel zab mo'i chos bstan
pa'i mthu la rten nas/ rang rgyal gyi rigs can rnams kyi tshe
rabs gzhan skal ba brgya tshun chad du rang gi byang chub nges
par mngon du byed pa yin pa'i phyir/ dper na/

myong nges kyi las bsags pa'i rnam smin gyi 'bras bu tshe de la
ma myong yang skye ba gzhan du nges par myong dgos pa bzhin no/
de skad du yang/ bzhi brgya ba las/ de nyid shes pas gal te
'dir/ zhes pa nas nges par thob 'gyur las

bzhin no/ zhes pa'i bar gsungs/ thub pa'i dbang pos rang rgyal
gyi rigs can rnams la rten 'brel zab mo'i chos bstan pa'i tshe de
la/ rang rgyal gyi rigs can rnams kyi rang rgyal dgra bcom pa'i
'bras bu thob mi nus pa'i

rgyun mtshan yod de/ rang rgyal dgra bcom pa de smon lam gyi
dbang gi nyan thos dang sangs rgyas med pa'i zhing du 'byung
ba'i phyir/ de skad du yang dbu ma las rdzogs sangs rgyas rnams
ma byung zhing/ zhes pa nas rten pa med par rab tu

'byung/ zhes pa'i bar gsungs/ kha cig mchog gi sprul sku'i sku
dngos kyi gdul byar gyur pa'i rang rgyal med/ zer na/ de yod par
thal/ de'i sku dngos kyi gdul byar gyur pa'i rang rgyal slob pa
yod pa'i phyir te/ de'i sku

dngos kyi gdul byar gyur pa'i rang rgyal gyi sgrub pa rgyud la
ldan pa'i gang zag yod pa'i phyir te/ rang 'grel las/ de ltar na
yang nye bar bstan pa'i sgrub pa po bdag gi las rnam par smin pa
nges pa'i 'bras bu ltar zhes pa dang/

de'i thad kyi Tika chen las/ rang rgyal gyi sgrub pa po dag gi/
zhes gsungs pa'i phyir/ gzhan yang/ mchog gi sprul sku'i sku
dngos kyi gdul byar gyur pa'i rang rgyal yod par thal/ mchog gi
sprul skus byang sems

@015a @##/ /la bsngags pa gsungs pa'i 'khor du byang ba'i rang
rgyal yod pa'i phyir te/ de'i 'khor du byung ba'i theg pa gsum
ka'i gang zag yod pa'i phyir te/ rang 'grel las/ dus der nye bar
gyur cing theg pa/

gsum la bkod pa'i sems can gyi phung po theg pa chen po nyid la/
nges par sbyar bar bya'i phyir/ byang chub sems dpa' rnams la
bsngags pa mdzad pa yin no/ zhes gsungs pa'i phyir/ gzhan yang/
rang sangs

rgyas rnams kyi skal pa brgyar sangs rgyas byung ba mnyes par
byas nas tshogs bsogs par bshad pa mi 'thad par thal/ mchog gi
sprul sku'i sku dngos kyi gdul byar gyur pa'i rang rgyal med
pa'i phyir/ kho na re/

rdzogs sangs rgyas rnams ma byung zhing/ /nyan thos rnams kyang
zad pa na/ /rang sangs rgyas kyi ye shes ni/ /brten pa med par
rab tu 'byung/ /zhes gsungs pa mi 'thad par thal/ mchog gi sprul
sku'i sku dngos kyi gdul byar

gyur ba'i rang rgyal yod pa'i phyir/ zer na/ ma khyab ste/ srid
pa tha ma'i rang rgyal dang rang rgyal dgra bcom pa rnams sangs
rgyas dang nyan thos med pa'i zhing du 'byung ba lung de'i don
yin pa'i phyir/ des na/ mchog gi

sprul sku'i sku dngos kyi gdul byar gyur pa'i rang rgyal yod
kyang/ de'i sku dngos kyi gdul byar gyur pa'i srid pa tha ma'i
rang rgyal dang/ rang rgyal dgra bcom pa med pa bzhin du grub
mtha' smra ba'i gang zag tu gyur pa'i rang rgyal

yod kyang/ de 'dra'i gang zag tu gyur pa'i srid pa tha ma'i rang
rgyal dang/ rang rgyal dgra bcom pa med de/ sngags rim chen mo
las/ rang sangs rgyas ni grub tha smra ba bzhi po gang gi nang
du yang ma gtogs

@015b pa'i phyir/ zhes pa'i don yin no/ nyan rang dgra bcom pa
rnams chos can/ rgyu med pa dang mi mthun pa'i rgyu las byung ba
ma yin te/ thub pa'i dbang po'i gsungs las skyes pa'i phyir/ !
/sangs rgyas byang chub

sems dpa' las 'khrungs shing zhes pa'i skabs su/ bshad bya'i
lung 'god pa dang/ lung gi don bshad pa dang gnyis/ dang po ni/
rang 'grel las/ gal te byang chub sems dpa' rnams kyang de bzhin
gshegs pas nye bar bstan

pa las skyes par gyur pas rgyal ba'i sras ces brjod pa ma yin
nam/ de'i phyir ji ltar sangs rgyas bcom ldan 'das rnams byang
chub sems dpa' las 'khrungs ce na/ 'di ni bden mod kyi 'on kyang
rgyu gnyis kyi byang chub sems dpa'

rnams; sangs rgyas bcom ldan 'das rnams kyi rgyur 'gyur te/ gnas
skabs kyi khyad par dang/ yang dag par 'dzin tu 'jug pa las so/
de la gnas skabs kyi khyad par las ni de bzhin gshegs pa'i gnas
skabs ni

byang chub sems dpa'i gnas skabs kyi rgyu can yin pa nyid kyi
phyir ro/ yang dag par 'dzin tu 'jug pa las ni ji ltar 'phags pa
'jam dpal byang chub sems dpar gyur pa nyid kyis bcom ldan 'das
shAkya thub pa dang/ de las gzhan pa'i de bzhin gshegs

pa rnams ches thog ma kho nar/ byang chub kyi sems yang dag par
'dzin tu 'jug par 'don pa yin no/ de'i phyir de ltar 'bras bu
mthar thug pa de'i rgyu gtso bor gyur pa la/ ltos nas/ de bzhin
gshegs pa rnams

byang chub sems dpa' las 'khrungs par bstan to/ de nyid kyi
phyir rgyu phun sum tshogs pa ches brling pa yin pa'i phyir/ rgyu
la mchod pa brjod pas kyang 'bras bu la mchod pa don gyi 'phangs
par dgongs te/ sangs

@016a @##/ /rgyas bcom ldan 'das de dag gi sman gyi ljon shing
chen po 'bras bu dpag tu med pa ster pa/ myu gu la sogs pa
mthong zhing lo ma 'jam pa'i gnas skabs su gyur pa ltar bsgrims
te/ yongs

su bskyang bar bya ba nyid du bstan par bya zhing/ dus der nye
bar gyur cing theg pa gsum la bkod pa'i sems can gyi phung po
theg pa chen po nyid la/ nges par sbyar bar bya ba'i phyir/
byang chub sems dpa' rnams la bsngags pa/

mdzad pa yin no/ ji skad du 'phags pa dkon mchog brtsegs pa'i
mdo las/ 'od srungs 'di lta ste/ dper na/ zla ba tshes pa la
phyag 'tshal ba ltar nya pa la ni ma yin no/ 'od srung de bzhin
du gang dag nga la rab tu dang ba

de dag gis byang chub sems dpa' rnams la phyag bya'i/ de bzhin
gshegs pa rnams la ni de lta ma yin no/ de ci'i phyir zhe na/
byang chub sems dpa' rnams las ni de bzhin gshegs pa rnams byung
ngo/ de bzhin gshegs

pa rnams las ni nyan thos dang rang sangs rgyas rnams byung ngo/
zhes gsungs pa lta bu'o/ de'i phyir de ltar na rigs pa dang lung
dag gis de bzhin gshegs pa rnams byang chub sems dpa' las
'khrungs pa yin no/ zhes bya ba

'di sgrubs pa yin no/ zhes gsungs 'di'i don la/ dogs pa bkod pa
dang/ de'i lan bshad pa gnyis/ dang po ni/ gal te byang chub
sems dpa' rnams kyang zhes pa nas/ 'khrungs ci na zhes pa'i bar
'di byung/ 'di'i don

la; sangs rgyas byang chub sems dpa' las 'khrungs shing/ zhes
sangs rgyas 'phags pa byang chub sems dpa' las 'khrungs par
bshad pa mi 'thad de/ byang chub sems dpa' de sangs rgyas 'phags
pa las 'khrungs pa'i

@016b phyir te/ de rgyal ba las 'khrungs pa'i phyir/ der thal/
de rgyal ba'i sras yin pa'i phyir te/ de rgyal sras yin pa'i
phyir te/ byang chub sems dpa' yin pa'i phyir/ mkhas mu sras pa
kha cig /sngar bshad pa'i de'i skyon med de/ rgyal

ba'i sras su bzhag pa dang/ rgyal ba'i rgyur bzhag pa'i byang
sems gnyis po/ gzhi tha dad yin pas skyon med de/ zhes zer/ yang
kha cig/ de'i skyon med de/ rgyal sras yin na rgyal ba'i sras
yin pas ma khyab pa'i phyir te/

mtsho skyes yin na/ mtsho las skyes pas ma khyab pa'i phyir/ dper
na/ skam las skyes pa'i pad+ma de mtsho skyes yin kyang/ mtsho las
skyes pa ma yin pa bzhin no/ zhes zer/ lugs de gnyis ka mi 'thad
de/ rgyal ba'i sras yin

na/ rgyal ba las 'khrungs pas khyab par thal/ byang chub sems
dpa' de rgyal ba'i sras ma yin pa'i phyir/ ma grub na/ de chos
can/ rgyal sras yin par thal/ rgyal ba'i sras yin pa'i phyir/
'dod na/ rgyal ba'i sras

su bzhag pa dang/ rgyal ba'i rgyur bzhag pa'i byang chub sems
dpa' gnyis gzhi tha dad ma yin par thal/ byang chub sems dpa' de
rgyal sras yin pa gang zhig / de rgyal ba rgyu yin pa' phyir/
gnyis pa grub ste/ de sangs rgyas

'phags pa'i rgyu yin pa'i phyir te/ sangs rgyas 'phags pa de de
las 'khrungs pa'i phyir te/ sangs rgyas byang chub sems dpa' las
'khrungs shing/ zhes gsungs pa'i phyir/ rtsa bar 'dod na/ byang
sems sa dang po pa chos can/ der

thal de'i phyir/ rtags grub ste/ rgyal ba'i sras po 'di'i sems
gang 'gro ba rnams/ zhes gsungs pa'i phyir/ 'dod na/ de chos
can/ khyod rgyal ba las ma 'khrungs par thal/ rgyal ba de khyod
las 'khrungs pa'i phyir te/ sangs

@017a @##/ /rgyas 'phags pa de khyod las 'khrungs pa'i phyir/ der
thal/ sangs rgyas 'phags pa de byang chub sems dpa' las 'khrungs
pa'i phyir/ gzhan yang/ rgyal ba'i sras po byang chub sems dpa'
gcig med

bar thal/ byang sems tshogs lam pa yang de ma yin/ byang sems
sbyor lam pa de yang de ma yin/ sa dang po nas bcu'i bar gyi
byang chub sems dpa' rnams de ma yin pa'i phyir/ dang po ma grub
na/ de chos can/ rgyal pa las

'khrungs par thal/ rgyal ba'i sras yin pa'i phyir/ khyab pa
khas/ 'dod mi nus te/ rgyal ba khyod las 'khrungs pa'i phyir te/
sangs rgyas 'phags pa de khyod las 'khrungs pa'i phyir/ ma grub
na/ der thal/ sangs

rgyas 'phags pa de byang chub sems dpa' las 'khrungs pa'i phyir/
rang lugs ni dngos lan btab pa dang/ sgrub byed bstan pa gnyis/
dang po ston pa la/ 'di ni bden mod kyi zhes pa 'di byung/ 'di'i
don ni sangs rgyas byang

chub sems dpa' las 'khrungs shing/ zhes sangs rgyas 'phags pa
byang chub sems dpa' las 'khrungs par bshad pa dang/ byang chub
sems dpa' rgyal ba'i sras su bzhag pa la 'gal ba med de/ sangs
rgyas 'phags

pa de rang dang rgyud cig tu gyur pa'i byang chub sems dpas lam
nyams su blangs te nyer len byas pa las 'khrungs pa de/ sangs
rgyas 'phags pa byang chub sems dpa' las 'khrungs pa'i don dang/
byang chub sems dpa' de rang

gi yongs 'dzin du gyur pa'i sangs rgyas 'phags pas chos bstan
te/ bdag rkyen byas pa la brten nas de'i gsungs las gsar du
skyes ba de/ byang chub sems dpa' rgyal ba'i sras su bzhags pa'i
don yin/ sangs rgyas 'phags

@017b pa de rang dang rgyud gcig tu gyur pa'i byang chub sems
dpa' lam nyams su blangs te/ nyer len byas pa las 'khrungs pa
dang/ byang chub sems dpa' de rang gi yongs 'dzin du gyur pa'i
sangs rgyas 'phags pas chos bstan te/ bdag rkyen byas pa la

de'i gsungs las gsar du skyes pa gnyis la 'gal ba med pa'i
phyir/ gnyis pa sgrub byed 'god pa la/ rigs pas sgrub pa dang/
lung gi sgrub pa/ byang sems la bsngags pa gsung pa'i dgos pa
bshad pa gsum/ dang po ston par

byed pa la gnas skabs kyi khyad par/ zhes pa nas/ yang dag par
'dzin du bcug par 'don pa yin no/ zhes pa'i bar 'di byung/ 'di'i
don ni/ sangs rgyas 'phags pa byang chub sems dpa' las 'khrungs
par rigs pas

grub pa yin te/ sangs rgyas 'phags pa de rang dang rgyud gcig tu
gyur pa'i byang chub sems dpa' lam nyams su blangs te/ nyer len
byas pa las 'khrungs/ sangs rgyas 'phags pa de rang dang rgyud
tha dad du gyur pa'i byang chub

sems dpa' kha cig gi/ sngon slob pa lam gyi gnas skabs su yongs
'dzin byas te/ bdag rkyen byas pa las 'khrungs pa yin pa'i
phyir/ dper na/ ston pa shA-kya thub pa de/ rang dang rgyud cig
tu gyur pa'i bram ze'i khye'u bla ma dang/

rdza mkhan gyi khye'u snang byed la sogs pas/ lam nyams su
blangs te/ nyer ler byas pa las 'khrungs/ ston pa shA-kya thub
pa de rang dang rgyud tha dad du gyur pa'i byang chub sems dpa'
'jam dpal gyis sngon slob pa lam gyi

gnas skabs su yongs 'dzin byas te/ bdag rkyen byas pa las
'khrungs pa bzhin no/ des na/ rgyal ba'i sras yin na rgyal ba
las 'khrungs mi dgos te/ sangs rgyas kyi sras yin na/ sangs
rgyas las 'khrungs mi dgos pa

@018a @##/ /bzhin no/ gnyis pa ni/ sangs rgyas 'phags pa de byang
chub sems dpa' las 'khrungs par lung gis grub pa yin te dkon
mchog brtsegs pa'i mdo las/ 'od srung 'di lta ste/ dper na/ zhes
pa nas nyan thos

dang rang sangs rgyas thams cad byung ngo/ zhes pa'i bar gsungs
pa'i phyir/ gsum pa ni/ 'od srung 'di lta ste/ dper na zhes pa
nas. byang chub sems dpa' rnams la phyag bya'i/ de bzhin gshegs
pa rnams la ni de lta

ma yin no/ zhes sogs byang sems la bsngas pa gsungs pa la dgos
pa yod/ sman gyi ljon shing gi sdong bu/ don du gnyer ba rnams
kyi sman gyi ljon shing gi myu gu la gces spras byed dgos pa
bzhin du/ skye dgu kun

gyi gsos su gyur pa'i/ rdzogs pa'i sangs rgyas don du gnyer ba
rnams kyi rdzogs pa'i sangs rgyas kyi myu gu byang sems las dang
po pa la dad cing gus par byed dgos par shes pa dang/ byang sems
las dang po pa de/

rdzogs pa'i sangs rgyas kyi rgyu'i gtso bor shes pa dang/ rgyu
byang sems la mchod pas/ 'bras bu sangs rgyas la mchod par don
gyi 'gyur bar shes pa dang/ byang sems la bsngags pa gsungs pa
'khor du byung ba'i

teg pa gsum gyi gang zag rnams teg pa chen po la nges par sbyar
ba sogs kyi dgos pa yod pa'i phyir/ ! snying rje sems dang gnyis
su med blo dang/ zhes sogs kyi skabs su/ skabs 'di'i chos gsum

ngos bzung ba dang/ de byang sems kyi rgyur bstan pa/ de ltar
bstan pa la dogs pa spangs pa dang gsum/ dang po la/ kha cig/
skabs 'dir bstan pa'i snying rje dang 'bras dus kyi snying rje'i
gzhi mthun yod de

@018b skabs 'dir bstan pa'i snying rje de 'chad 'gyur gyi snying
rje la byed rigs pa gang zhig 'chad 'gyur gyi snying rje'i dang
'bras dus gyi snying rje'i gzhi mthun yod pa'i phyir te/ gang
phyir brtse nyid zhes pa'i skabs nas bstan pa'i tha mar gal
che'i snying rje

de 'bras dus kyi snying rje la byed rigs pa'i phyir/ zer na/ 'o
na/ skabs 'dir bstan pa'i snying rje'i de byang sems las dang
po'i sngon du 'gro'i snying rje la byed mi rigs par thal/ de
dang 'bras dus kyi snying rje'i gzhi mthun yod pa'i phyir/

'dod na/ rang 'grel las/ yang byang chub sems dpa' de dag ci'i
rgyu can gcig yin zhe na/ snying rje'i sems dang gnyis su med
blo dang/ byang chub sems ni rgyal sras rnams kyi rgyu/ zhes
gsungs pa mi 'thad par thal/ 'dod

pa'i phyir/ kho na re/ skabs 'dir bstan pa'i snying rje de lam
ma zhugs kyi gang zag gi rgyud kyi snying rje la byed rigs par
thal/ de byang sems las dang po'i sngon du 'gro ba'i snying rje
la byed rigs pa'i phyir/ zer na ma khyab/ 'dod na/

de dang byang chub sems dpa'i rgyud kyi snying rje'i gzhi mthun
med par thal/ zer na/ byang sems las dang po'i sngon du 'gro
snying rje yin na/ lam ma zhugs kyi gang zag gi rgyud kyi snying
rje yin dgos par thal/ skabs 'dir bstan pa'i

snying rje de byang sems las dang po'i sngon du 'gro'i snying
rje la byed rigs na/ de lam ma zhugs kyi gang zag gi rgyud kyi
snying rje la byed rigs pa'i khyab pa yod pa'i phyir/ rtsa bar
'dod na/ snying rje chos can/ der thal de'i phyir/

ma grub na/ der thal/ de byang chub kyi sems kyi sngon du 'gro'i
snying rje yin pa'i phyir te/ rgyu 'bras man ngag bdun gyi rnam
bzhag 'thad pa'i phyir/ 'dod na/ de chos can/ khyod dang byang
chub sems dpa'i rgyud kyi snying rje gzhi mthun med par

@019a @##/ /thal lo/ gzhan yang/ gang phyir brtse nyid ces pa'i
skabs nas bstan pa'i tha mar gal che ba'i snying rje yin na/
'bras dus kyi snying rje yin dgos par thal/ de 'bras dus kyi
snying rje la byed rigs pa'i phyir/

rtags khas/ 'dod na/ snying rje chen po chos can/ der thal/ de'i
phyir/ ma grub na/ der thal/ de rgyal ba'i lo thog phun tshogs
skyed pa la/ tha mar gal che ba'i snying rje yin pa'i phyir te/
de rgyal ba'i lo thog phun tshogs

bskyed pa la thog mtha' bar gsum du gal che ba'i snying rje yin
pa'i phyir te/ de rgyal ba'i lo thog phun tshogs bskyed pa la/
thog mtha' bar gsum du gal che ba'i snying rje yin pa'i rgyu
mtshan gyis/ dpal ldan zla bas skabs

'dir snying rje chen po la bstod phyag mdzad pa'i phyir te/ gang
phyir brtse nyid ces sogs kyi lung don grub pa'i phyir/ rtsa bar
'dod na/ de chos can/ khyod dang byang chub sems dpa'i rgyud kyi
snying rje'i gzhi mthun med par thal/ 'dod

pa'i phyir/ kha cig gnyis su med blo dang zhes pa'i skabs nas
bstan pa'i/ gnyis su med pa'i blo de/ gzung 'dzin gnyis su snang
ba med pa'i blo la byed/ sems bskyed de don dam sems bskyed la
byed zer/ de la

skyon 'phen pa mu sras kha cig gzung 'dzin gnyis su snang ba med
pa'i don de gang la byed/ gzung 'dzin rdzas gzhan med pa la byed
dam/ gnyis snang la byed/ dang po ltar na mi 'thad de/ gzung
'dzin rdzas gzhan yod pa'i phyir te/ phyi

rol gyi don yod pa'i phyir/ gnyis pa mi 'thad de/ sems bskyed
don dam sems bskyed la byed pa dang zlos par 'gyur ba'i phyir/
zhes zer/ mi 'thad de/ gzung 'dzin rdzas gzhan med pa'i phyir
te/ gzung 'dzin

@019b rdzas tha dad du med pa'i phyir te/ gzung 'dzin rdzas su
grub pa med pa'i phyir te/ rdzas su grub pa de/ don dam dpyod
byed kyi rtags kyi dgag bya'i chos yin pa'i phyir/ gnyis su med
pa'i blo de gzung 'dzin gnyis su snang ba med pa'i blo la byed

pa mi 'thad de/ de byang sems las dang po'i sngon du 'gro dgos
pa ma yin pa'i phyir/ sems bskyed don dam sems skyed la byed pa
yang mi 'thad de/ don dam sems bskyed de byang sems las dang
po'i sngon du 'gro dgos pa ma yin pa'i

phyir; kha cig skabs 'di'i gnyis su med pa'i blo de don dam sems
bskyed la byed/ sems bskyed rag pa brda las byung pa'i sems
bskyed la byed zer bi mi thad de/ don dam sems bskyed byang sems
las dang po'i sngon du 'gro dgos

pa ma yin pa'i phyir/ kha cig skabs 'di'i sems skyed de sems
bskyed mtshan nyid pa la byed/ zer na/ Tik chen las/ byang sems
kyi sngon du 'gro pa'i sems bskyed ni/ sems bskyed sgom pa'i
skabs la dgongs kyi sgoms pa

la brten nas skyes pa'i sems bskyed dngos ma yin no/ zhes gsungs
pa mi 'thad par thal/ dam bca' de'i phyir/ rang lugs ni/ skabs
'dir bstan pa'i snying rje ni/ 'og nas 'chad par 'gyur pa'i sems
can mtha' dag sdug

bsngal dang/ bral bar 'dod pa'i rnam pa can gyi btse ba gcig la
byed pa yin te/ rang 'grel las/ de la snying rje ni brtse ba ste
'di nyid du 'chad par 'gyur ba'i rnam pa dang rang gi ngo bo can
no/ zhes gsungs pa'i phyir/ skabs

'di'i gnyis su med pa'i blo ni/ rtags chad kyi mtha' gnyis dang
bral ba'i stong nyid rtogs pa'i blo la byed pa yin te/ rang
'grel las/ gnyis su med ba'i blo ni dngos po dang dngos po med
pa la sogs pa mtha' gnyis dang bral ba'i shes

@020a @##/ /rab bo/ zhes gsungs pa'i phyir/ skabs 'dir bstan pa'i
byang chub kyi sems ni rang gi grogs su gyur pa'i gzhan don du
rdzogs pa'i byang chub la dmigs pa'i 'dun pa dang mtshungs ldan
du byung ba'i sems khyad par

can; cig la byed pa yin te/ rang 'grel las/ dam pa'i chos kyi
bdud rtsi'i ro phul du byung ba 'byung pa'i rgyu phyin ci log gi
rtog pa mtha' dag log pa'i mtshan nyid/ 'gro ba yongs kyi gnyen
nyid kyi rang bzhin du gyur pa

sangs rgyas nyid yang dag par thob par 'dod pa yin no/ zhes
gsungs pa'i phyir/ chos gsum byang sems kyi rgyur 'jog pa de
'phags pa klu sgrub kyi dgongs pa yin te/ rin chen phreng ba
las/ /bdag nyid dang ni 'jig

rten 'dis/ /bla med byang chub thob 'dod na/ /de'i rtsa ba byang
chub sems/ /ri dbang rgyal po ltar brtan dang/ /phyogs mthas
brtugs pa'i snying rje dang/ gnyis la mi rten ye shes lags/ zhes
gsungs pa'i phyir/ de la kha

cig lung de shes byed du mi 'gro ste/ lung des chos gsum/ rdzogs
pa'i byang chub kyi rgyur dngos su bstan la/ byang sems kyi
rgyur ma bstan pa'i phyir zhe na/ skyon med de/ lung des chos
gsum rdzogs pa'i byang chub kyi rtsa

ba'i rgyur dngos su bstan cing/ rtsa ba ni dang po'i don yin
pas/ chos gsum rdzogs pa'i byang chub kyi dang po'i rgyur dngos
su bstan pa'i byang sems kyi rgyur yang 'grub pa yin pa'i phyir/
de ltar bstan pa la dogs pa spang ba

la kha cig chos gsum gang gi rgyur bzhag pa'i byang sems de lam
du zhugs ma thag pa'i byang sems las dang po ba la byed dam mi
byed/ dang po ltar na/ theg chen sems bskyed de'i rgyur bshad pa
mi 'thad de/ theg chen

@020b gyi rigs can rnams byang chub kyi sems rgyud la skyes ma
thag tu theg pa chen po'i lam du zhugs par 'jog pa'i phyir/
gnyis pa ltar na/ de zla ba tshes pa lta bu'i byang sems dang/
sman gyi ljon shing gi myu gu lta bu'i byang sems

su bshad pa dang 'gal lo/ stong nyid rtogs pa'i shes rab de
byang sems kyi rgyur bshad pa yang mi 'thad de/ theg pa chen
po'i rigs can rnams dang por byang chub mchog tu sems bskyed/ de
rjes stong nyid rtogs pa'i shes rab rang

rgyud la bskyed par byed pa yin pa'i phyir zhes zer na/ dogs pa
dang po de'i skyon med de/ dogs pa dang po de'i rtags phyi ma
ltar khas mi len cing/ dang po ltar khas len kyang/ lam ma zhugs
kyi gnas skabs na/ theg chen sems skyed yod par thal

ba'i skyon med de/ byang sems las dang po pa'i sngon du 'gro
ba'i skabs 'dir dngos su bstan pa'i byang chub kyi sems de/ theg
chen sems bskyed la rtsol bcas kyi myong ba thon/ rtsol med kyi
myong ba ma thon pa'i gnas skabs kyi rang

gi grogs su gyur pa'i gzhan don du rdzogs pa'i byang chub la
dmigs pa'i 'dun pa dang mtshungs ldan du byung ba'i sems khyad
par can cig la byed rigs pa'i phyir te/ Tik chen las/ byang sems
kyi sngon du 'gro pa'i sems bskyed

ni; zhes sogs gsungs pa'i phyir/ chos gsum gang gi rgyur bzhags
pa'i byang sems de lam du zhugs ma thag pa'i byang sems las dang
po pa la byed pa yin te/ de zla ba tshes pa lta bu'i byang sems
dang. sman gyi ljon

shing gi myu gu lta bu'i byang sems la byed pa gang zhig/ de
gang rung yin na byang sems las dang po ba yin dgos pa'i
phyir/dogs pa gnyis pa'i skyon med de/ theg chen rigs can dbang
rnon rnams kyi dang por nges par

@021a @#/ /stong nyid rtogs pa'i shes rab rang rgyud la bskyed
de'i rjes byang chub tu sems bskyed par byed cing/ theg chen gyi
rigs can dbang rtul la yang dang por stong nyid rtogs pa'i shes
rab rang rgyud la bskyed/ de'i rjes

byang chub mchog tu sems skyed pa du ma yod pa'i phyir/ chos
gsum byang sems kyi rgyur bshad pa de/ byang sems dbang po rno
rtul gnyis ka'i dbang du byas pa yin te/ gang phyir brtse nyid
zhes pa'i skabs su chos gzhan gnyis

kyi rtsa ba snying rje chen po la thug tshul bshad pa de/ byang
sems dbang po rno rtul gnyis ka'i dbang du byas nas bshad pa'i
phyir te/ Tik chen las/ de ltar na/ gang phyir zhes pa bzhi'i
don bkral bas ni/ theg chen pa byed par

'dod na/ thog mar yid snying rje chen po'i gzhan dbang du gyur
pa gcig dang/ de nas de la brten nas byang chub kyi sems mtshan
nyid tshang ba gcig snyid thag pa nas bskyed pa dang/ sems bskyed
pas ni gdon mi za bar byang sems kyi

spyod pa spyi dang/ khyad par du zab mo'i lta ba phu thag gcod
dgos par 'dug snyam nas de dag la slob pa gcig dgos par bstan pa
la nges pa brtan po rnyed dgos so/ zhes gsungs pa'i phyir/ kho
na re/ byang sems dbang

rtul yin na/ skabs 'dir bstan pa'i chos gsum las 'khrungs pa'i
khyab par thal/ skabs 'dir byang sems chos gsum las 'khrungs par
bshad pa de/ byang sems dbang po rno rtul gnyis ka'i dbang du
byas nas

bshad pa yin pa'i phyir/ zer na/ ma khyab te/ byang sems dbang
rtul yin na/ dang por byang chub mchog tu sems bskyed/ de'i rjes
stong nyid rtogs pa'i lta ba rang rgyud la skyed pas khyab par
thal/ dbu ma rgyan las yang

@021b dag dad pa'i rjes 'brang ba/ rdzogs pa'i byang chub sems
bskyed nas/ thub pa'i brtul zhugs blangs bya ste/ de ni yang dag
shes tshol brtson/ zhes dang por byang chub mchog tu sems bsked/
de'i rjes stong nyid rtogs pa'i lta ba

rang rgyud la bskyed pa de/ byang sems dbang rtul gyi dbang du
byas nas bshad pa yin pa'i phyir/ khyab pa khas/ rtsa bar 'dod/
mi nus ste/ dang por stong nyid rtogs pa'i lta ba rang rgyud la
skyes/ de'i rjes byang chub mchog tu/

sems skyed pa'i byang sems dbang rtul du ma yod pa'i phyir te/
de 'dra'i theg dman 'phags pa'i rtogs pa sngon du song ba'i
byang sems yang yod/ de 'dra'i dman lam sngon du ma song ba'i
byang chub sems dpa' yang yod

ba'i phyir/ kha cig/ byang chub sems dpa' yin na/ stong nyid
rtogs pas khyab zer na/ de yin na/ de bzhin gshegs pa'i snying
po rtogs pas khyab par thal/ dam bca' 'thad pa'i phyir/ 'dod na/
rgyud bla

ma'i 'grel chen las/ legs chos mdor bsdu na gang zag bzhi ni/ de
bzhin gshegs pa'i snying po mthong ba la mig dang mi ldan pa
rnam par bzhag go bzhi gang zhe na/ so so skye bo dang/ nyan
thos dang/ rang sangs rgyas

dang; theg pa la gsar du zhugs pa'i byang chub sems dpa' 'o/
zhes gsungs pa mi 'thad par thal lo/ gzhan yang/ slob dpon phogs
glang chos can/ stong nyid rtogs par thal/ byang chub sems dpa'
yin

pa'i phyir/ der thal/ de'i rgyud la byang chub gyi sems yod pa
gang zhig de sangs rgyas 'phags pa ma yin pa'i phyir/ dang po
grub te/ de ltar du chos mchog gi 'grel pa las bshad pa'i phyir/
'dod mi nus te/

@022a @##/ /'jug pa las/ nges par rtogs 'gyur pa 'di ni gsan rgya
che yang gzhan gyis thugs su chud mi 'gyur/ zhes dang/ rang
'grel las kyang/ gal te gnas brten dbyig gnyen dang/ phyogs kyi
glang po dang

chos skyong la sogs pa bstan bcos rnams kyi mdzad pa po/ byon
zin par gyur pa de dag gis kyang yi ge tsam thos pas 'jigs te/
rten cing 'brel par 'byung ba'i don phyin ci ma log par ston pa
'di yongs su spangs sam

zhe na/ de skad du smra'o/ zhes gsungs pa'i phyir/ kha cig/
skabs 'dir bstan pa'i byang chub kyi sems de/ byang chub kyi
sems btags pa ba la byed mi rigs par thal/ skabs 'dir bstan pa'i
byang chub kyi

sems dang/ byang chub kyi sems mtshan nyid pa'i gzhi mthun yod
ba'i phyir/ ma grub na/ der thal/ de dang byang chub sems dpa'i
rgyud kyi byang chub kyi sems kyi gzhi mthun yod pa'i phyir te/
skabs 'dir bstan pa'i

snying rje dang byang chub sems dpa'i rgyud kyi snying rje'i
gzhi mthun yod pa'i phyir/ der thal/ rang 'grel las/ 'di ni
byang chub sems dpa'rnams kyi snying rje sems can la dmigs pa'o/
zhes gsungs pa'i phyir/

zer na/ ma khyab/ gzhan yang/ kho na re/ skabs 'dir bstan pa'i
snying rje dang byang chub sems dpa'i rgyud kyi snying rje'i
gzhi mthun yod par thal/ mchod brjod kyi yul du gyur pa'i snying
rje dang byang chub sems dpa'i

rgyud kyi snying rje'i gzhi mthun yod pa gang zhig skabs 'dir
bstan pa'i snying rje de 'chad gyur gyi snying rje la byed rigs
pa'i phyir/ dang po der thal/ Tik chen las/ mchod brjod kyi yul
du gyur pa'i snying rje ni thog ma'i

@022b snying rje gtso bo yin kyang/ byang chub sems dpe'i snying
rje gzhan rnams kyang yin pas na/ skabs 'di rnams su 'grel pas/
snying rje bskyed pa po byang chub sems dpa' gsungs pa rnams
kyang mi 'gal lo/ zhes gsungs pa'i

phyir; zer na/ 'o na/ skabs 'dir bstan pa'i snying rje dang/
'bras dus kyi snying rje'i gzhi mthun yod par thal/ de dang
byang chub sems dpa'i rgyud kyi snying rje'i gzhi mthun yod pa'i
phyir/ rtags khas/ kha cig/ chos gsum

gyi rgyur bzhag pa'i byang sems de/ zla ba tshes pa lta bu'i
byang sems dang/ sman gyi ljon shing gi myu gu lta bu'i byang
sems su bshad pa mi 'thad par thal/ de ltar bshad pa klu grub
kyi gzhung dang 'gal/ byams

pa'i gzhung dang 'gal/ rang gi khas blangs dang 'gal ba'i phyir/
dang po yin te/ chos dbyings bstod pa las/ ji ltar mar ngo'i bcu
bzhin/ zla ba cung zad snang ba ltar/ de bzhin theg mchog mos
rnams kyis/ chos kyi sku

yang cung zad mthong/ /ji ltar tshes pa'i zla ba ni/ skad cig
skad cig 'phel ba ltar/ de bzhin sa la zhugs rnams kyi/ /rims
kyi rims kyi 'phel bar mthong/ /ji ltar yar ngo'i bco lnga na/
/zla ba'i dkyil 'khor rdzogs

par gsal/ /de bzhin sa'i mthar thug na/ /chos kyi sku yang
rdzogs par mthong/ zhes zla pa tshes pa dang byang sems sa dans
po ba dang dpe don du sbyar nas bshad pa'i phyir/ gnyis pa yin
te/ rgyud bla ma las/ ji ltar

myu gu sogs skyed pas/ /sa bon shun pa gcod pa ltar/ /de bzhin
de nyid mthong ba yi/ /mthong spangs rnams kyang ldog par 'gyur/
zhes theg pa chen pa'i mthong lam dang/myu gu chos mthun du

@023a @#/ /sbyar nas bshad pas byang sems mthong lam pa de/ myu
gu lta ba'i byang sems su 'grub pa'i phyir/ gsum pa yin te/ 'og
tu byams pa'i rnam par thar pa'i mdo 'chad pa na/ 'khor lo'i
bsgyur ba'i rgyal

po'i bu skyes ma thag pas mtshon nas bstan pa'i/ byang sems dang/
nam mkha' lding gi dbang po chen po'i khrug gu dkyes ma khag pas
mtshon nas/ bstan pa'i byang sems gnyis/ byang sems sa dang po ba

la byed par bshad pa dang 'gal pa'i phyir/ des na/ kho rang gi
lugs ni/ skabs 'dir bstan pa'i chos gsum ni/ tshogs sbyor gyi
gnas skabs kyi chos gsum la byed de/ byang chub sems ni rgyal
sras rnams kyi rgyu/

zhes pa'i skabs nas bstan pa'i rgyal sras dang/ de nas bzung ste
de ni thob par gyur pa yi/ zhes pa'i skabs nas bstan pa'i rgyal
sras dang/ rgyud bla ma las/ ma dag ma dag dag pa dang/ shin tu
rnam dag gi

rims bzhin sems can byang chub sems dpa' dang/ de bzhin gshegs
pa ces brjod de/ zhes pa'i skabs nas bstan pa'i rgyal sras rnams
don gcig zhes zer na/ chos dbyings bstod pa'i lung de'i skyon
med de/

lung nges zla ba tshes pa dang/ byang sems dpe don du sbyar nas
bshad pa ma yin par thal/ zla ba tshes pa dang chos sku dpe don
du sbyar nas bshad pa yin pa'i phyir te lung de'i 'jug tu/ ji
ltar yar ngo'i bco lnga na/ zhes sogs

gsungs pa'i phyir/ gzhan yang/ khyod ltar na/ byang sems sa dang
po pa de/ myu gu lta bu'i byang sems ma yin par thal/ theg pa
chen po'i tshogs lam chen po la gnas pa'i sems dpa' de/ myu gu
lta bu'i

@023b byang sems yin pa'i phyir te/ de yang sa gser zla ba me/
zhes de'i rgyud kyi kun rdzob sems bsked de zla ba dang chos
mthun du sbyar nas bshad pas/ de zla ba lta bu'i byang sems su
'grub pa'i phyir/ der thal/ ji ltar myug

sogs rims skyes pas/ zhes sogs kyi theg pa chen po'i mthong lam
de/ myu gu dang chos mthun du sbyar nas bshad pas/ byang sems
mthong lam pa de myu gu lta bu'i byang sems su grub pa yin pa'i
phyir/ rtags

khas/ gzhan yang/ dman lam sngon du ma song ba'i theg chen gyi
mthong lam bar chad med lam la gnas pa'i sems dpa' chos can/ ma
dag ma dag dag pa dang zhes sogs kyi/ skabs nas bstan pa'i byang
sems

yin par thal/ de nas bzung ste/ de ni thob par gyur pa yi/ zhes
pa'i skabs nas bstan pa'i byang chub sems dpa' yin pa'i phyir
te/ der thal/ de'i skabs nas bstan pa'i byang sems gcig yod pa'i
phyir/ 'dod na/ mthong

spangs kyi dag cing sgom spang gyi ma dag pa'i byang sems yin
par thal/ 'dod pa'i phyir/ 'dod na/ des mthong spang spangs par
thal lo/ 'dod mi nus ste/ chos can de yin pa'i phyir/ gzhan
yang/ rang 'grel las/ byang

chub sems dpa' de dag ci'i rgyu can zhig yin zhe na/ snying
rje'i sems dang gnyis su med blo dang/ zhes sogs bshad pa mi
'thad par thal/ snying rje'i sems dang gnyis su med blo dang/
zhes pa'i gzhung 'dis byang

sems dang por gang las 'khrungs pa'i thog ma'i rgyu ngos 'dzin
pa ma yin pa'i phyir te/ skabs 'di'i chos gsum po de tshogs sbyor
gyi gnas skabs kyi chos gsum la byed rigs pa'i phyir/ rtags
khas/ gzhan yang

@024a @#/ /skabs 'dir dngos su bstan pa'i byang chub sems dpa'i
rgyud kyi chos gsum yod par thal/ skabs 'dir dngos su bstan pa'i
byang chub sems dpa'i rgyud kyi byang chub kyi sems kyang yod/
stong nyid rtogs

pa'i shes rab kyang yod/ gzhan don du rdzogs byang thob par 'dod
pa'i blo yang yod pa'i phyir/ 'dod na/ skabs 'dir dngos su bstan
pa'i byang sems tshogs lam pa'i rgyud kyi chos gsum yod par thal/
'dod pa'i phyir/

'dod na/ skabs 'dir dngos su bstan pa'i byang sems tshogs lam
pa'i rgyud kyi chos gsum las 'khrungs ma thag pa'i byang sems
sbyor lam pa yod par thal/ 'dod pa'i phyir/ 'dod na/ de snying
rje'i sems dang/

gnyis su med blo dang/ byang chub sems ni rgyal sras rnams kyi
rgyu/ zhes pa'i skabs nas dngos su bstan pa'i byang chub sems
dpa' yin par thal/ de yod pa'i phyir/ 'dod na/ de 'dra'i byang
chub sems dpa' chos

can/ byang sems las dang po ba yin par thal/ 'dod pa'i phyir/
gzhan yang/ de 'dra ba de zla ba tshes ba lta bu'i byang sems
dang/ sman gyi ljon shing gi myu gu lta ba'i byang chub sems
dpa' yin par thal/ de byang chub

sems ni rgyal sras rnams kyi rgyu/ zhes ba'i skabs nas bstan
pa'i byang chub sems dpa' yin pa'i phyir/ 'dod na/ byang sems
las dang po pa yin par thal lo/ kho na re/ skabs 'dir dngos su
bstan pa'i byang

sems tshogs lam pa'i rgyud gyi chos gsum las/ 'khrungs ma thag
pa'i byang sems sbyor lam pa med kyang/ de 'dra'i theg pa chen
po'i tshogs lam 'bring la gnas pa'i sems dpa' yod do/ zer na/ de
'dra'i byang sems

@024b de; snying rje'i sems dang gnyis su med blo dang/ zhes
pa'i skabs nas dngos su bstan pa'i byang chub sems dpa' yin par
thal/ de yod pa'i phyir/ 'dod na/ de chos can/ khyod byang sems
las dang po pa yin par thal/

'dod pa'i phyir/ 'dod na/ theg chen la ma du zhugs ma thag pa'i
byang chub sems dpa' yin par thal/ 'dod pa'i phyir/ kho na re/
de chos can/ khyod byang sems las dang po ba yin par thal/ khyod
byang sems tshogs lam

pa yin pa'i phyir/ zer na/ ma khyab ste/ 'o na/ de chos can/
khod theg chen lam du zhugs ma thag pa'i byang sems yin par
thal/ khyod byang sems tshogs pa yin pa'i phyir/ khyab pa khas/
kho na re/ skabs 'dir bstan

pa'i byang chub kyi sems byang chub kyi sems mtshan nyid pa ma
yin na/ gong du/ Tik chen las/ ched du bya ba sems can thams cad
kyi don du thob bya bla na med pa'i byang chub thob par 'dod
pas/ sems bskyed kyi mtshan nyid yongs

rdzogs par 'dod par bya ste/ 'grel gshad las kyang de ltar
'byung ba legs shing/ mngon rtogs rgyan las gsungs pa dang lugs
'di la mi 'dra ba med do/ zhes byang chub kyi sems mtshan nyid
par bshad pa dang 'gal

lo; zer na/ skyon med de/ gong du Tik chen las de ltar bshad pa
de/ byang chub kyi sems spyi'i mtshan nyid kyi dbang du byas pa
yin la/ skabs 'dir bstan pa'i byang chub kyi sems de/ byang chub
kyi sems mtshan nyid

pa ma yin yang/ de la byang chub kyi sems kyis btags nas bstan
pa yin pa'i phyir/ yang kho na re/ skabs 'dir bstan pa'i byang
chub kyi sems de byang chub kyi sems mtshan nyid pa ma yin na
bdag nyid dang ni 'jig rten

@025a @##/ /'dis; bla med byang chub thob 'dod na/ de'i rtsa ba
byang chub sems/ ri dbang rgyal po ltar brtan dang/ zhes skabs
'dir bstan pa'i byang chub kyi sems ni ri'i rgyal po ltar brtan
par bshad ba dang

'gal lo/ zhe na/ skyon med de/ theg chen lam du 'jug kha ma'i
theg chen gyi rigs can dbang rnon rnams kyi rgyud kyi sems can
thams cad kyi don du rdzogs pa'i sangs rgyas thob par 'dod pa'i
sems khad par can de/ byang

chub kyi sems btags pa ba yin kyang/ de ri'i rgyal po ltar brtan
pa yin pa'i phyir te/ de 'dra'i sems de las nyams pa mi srid
pa'i phyir/ ! gang phyir brtse nyid rgyal ba'i lo thog phun
tshogs 'di'i/ zhes

sogs kyi skabs su/ bshad bya'i lung 'god pa dang/ lung gi don
don bshad pa gnyis/ dang po ni/ rang 'grel las/ ji ltar phyi rol
gyi 'bras bu la sogs pa phun sum tshogs pa la thog ma dang bar
dang tha ma rnams su/

sa bon dang chu dang smin pa rnams gtso bo nyid du gyur pas nye
bar mkho ba nyid yin pa de bchin du/ snying rje kho na dus gsum
char du yang rgyal ba'i lo thog phun sum tshogs pa la nye bar
mkho ba nyid du bstan pa yin no/ 'di ltar

snying rje ni gzhan sdug bsngal gyi sdug bsngal ba nyid kyi sems
can sdug bsngal bar gyur pa/ ma lus pa yongs su skyabs par nya
ba'i phyir/ gdon mi za bar bdag gis 'jig rten 'di mtha' dag sdug
bsngal nas bton te/ sangs

rgyas nyid la nges par sbyar bar bya'o/ snyam su nges par sems
bskyed par byed de/ dam bca' ba 'di yang gnyis su med pa'i ye
shes spangs pas sgrub par mi nus pas/ gnyis su med pa'i ye shes
la yang nges pa kho nar

@025b 'jug ste/ de'i phyir/ sangs rgyas kyi chos thams cad kyi
sa bon ni snying rje nyid yin no/ ji skad du/ rin chen phreng ba
las/ /theg pa chen po gang zhig las/ /snying rje sngon btang
spyod pa kun/ /ye shes dri ma med bshad pa/ /sems yod

su zhig de la smod/ /ces so/ byang chub kyi sems bsked du zin
kyang/ gal te dus phyis snying rje'i chus yang dang yang du bcus
par ma gyur na 'bras bu'i tshogs yongs su ma bsags pa 'di/ nges
par nyan thos dang rang sangs rgyas

kyi yongs su mya ngan las 'das pas mya ngan las 'da' bar 'gyur
ro/ 'bras bu mtha' yas pa'i gnas skabs thob tu zin kyang/ gal te
snying rje'i yongs su smin pa dang bral bar gyur na ni/ 'di dus
ring por nye bar longs

spyod par mi 'gyur la/ 'phags pa'i 'bras bu'i tshogs chen po rims
pa gcig nas gcig tu brgyud pa rnams bar ma chad pa yun ring por
mngon par 'phel bar yang mi 'gyur ro/ zhes gsungs/ 'di'i don
bshad pa la/

lung gi tshigs don dngos bshad pa dang/ chos gzhan gnyis kyi rtsa
ba snying rje chen po la thug tshul bshad pa gnyis/ dang po ni/
dpal ldan zla ba grags pas bstan bcos 'di rtsom pa'i thog mar
sangs rgyas byang sems dang/

nyan rang gi rgyu'i gtso bo gsum gyi nang nas kyang/ dang por
snying rje chen po kho na la dngos su mchod brjod mdzad pa'i
rgyu mtshan yod de/ snying rje chen po de rgyal pa'i lo thog phun
tshogs bskyed pa la thog mtha' bar gsum su gal

che ba de shes par bya ba'i ched yin pa'i phyir/ snying rje chen
po de rgyal ba'i lo thog phun tshogs skyed pa la/ thog mtha' bar
gsum du gal che ba yin te/ thog mar gal che ba sa bon dang 'dra
shing/ bar du spel ba la

@026a @##/ /gal che ba chu dang 'dra la/ tha mar gdul bya'i yun
ring du longs spyod pa'i gnas la 'bras bu smin pa dang/ 'dra
ba yin pa'i phyir/ snying rje chen po de rgyal ba'i lo thog
phun tshogs skyed pa la thog mar

gal che ba sa bon dang 'dra ba yin te/ snying rje chen po
rgyud ldan gyi gang zag des/ snying rje chen po la brten nas
sdug bsngal gyi mnar pa'i sems can rnams 'khor ba'i sdug
bsngal las bton ste/ rdzogs pa'i sangs rgyas

kyi go phangs la 'god par bya'o snyam du/ ched du bya ba sems
can thams cad kyi don du sems bskyed par byed la/ de lta bu'i
sems bskyed pa de yang thog mar rang nyid kyi rdzogs pa'i
sangs rgyas kyi go 'phangs thob pa

la rags las par mthong nas/ sems can thams cad kyi don du
rdzogs pa'i sangs rgyas thob par bya'o snyam du/ ched du bya
ba rdzogs pa'i byang chub la dmigs pa'i sems bskyed par byed
la/ sems bskyed pa de

yang gnyis su med pa'i ye shes kyi mtshon te/ sbyin sogs kyi
spyod pa dor na mi 'grub par mthong nas/ gnyis su med pa'i ye
shes kyi mtshon te/ sbyin sogs byang sems kyi spyod pa nyams su
len pa la 'jug pa yin

pa'i phyir/ snying rje chen po de rgyal ba'i lo thog phun
tshogs bskyed pa la bar du spel pa la gal che ba chu dang 'dra
ba yin te/ snying rje chen po la brten nas rdzogs pa'i byang
chub kyi myu gu skyes su zin kyang/ bar du snying

rje'i chus yang dang yang du ma bcus na nyan rang gang rung gi
byang chub tu ltung bar 'gyur la/ bar du snying rje'i chus
yang dang yang du bcus na/ rdzogs pa'i sangs rgyas kyi go
'phangs thob bar 'gyur ba yin pa'i phyir/

@026b de rgyal ba'i lo thog phun tshogs skyed pa la/ tha mar
gal che ba gdul bya rnams kyi yun ring du longs spyod pa'i
gnas la 'bras bu smin pa dang 'dra ba yin te/ snying rje chen
po dang byang chub kyi sems la brten nas rdzogs pa'i sangs
rgyas

kyi go 'phangs thob du zin kyang/ snying rje chen po dang bral
na/ 'phags pa'i tshogs rims pa gcig nas gcig tu brgyud pa rnams
gong nas gong du 'phel bar mi 'gyur la/ mthar thug gi tshe
snying rje chen po dang ldan pas 'phags

pa'i tshogs rim pa gcig nas gcig tu brgyud pa rnams gong nas
gong du 'phel bar 'gyur pa'i phyir/ gang phyir brtse nyid/
zhes nyid sgra smos pa la dgos pa yod de/ dpe'i skabs su
phyi'i lo thog skye ba la thog mtha' bar

gsum du gal che ba de/ dpe so so ba gsum yin pa ltar/ ma yin
par thal/ don gyi skabs su snying rje chen po kho na rgyal
ba'i lo thog phun tshogs skyed pa la thog mtha' bar gsum du gal
che ba de bstan par bya ba'i ched yin pa'i

phyir; gnyis pa la/ byang sems dbang rtul gyi rgyud kyi stong
nyid rtogs pa'i shes rab kyi rtsa ba snying rje chen po la
thug tshul dang/ byang sems dbang rnon gyi rgyud kyi stong nyid
rtogs pa'i shes rab kyi rtsa ba snying rje chen po la thug
tshul

gnyis; dang po ni/ byang sems dbang rtul gyi rgyud kyi stong
nyid rtogs pa'i shes rab kyi rtsa ba snying rje chen po la
thug pa yin te/ theg chen gyi rigs can dbang rtul des/ dang
po/ snying rje chen po la rten nas sems

can thams cad kyi don du/ rdzogs pa'i sangs rgyas kyi go
'phangs thob par bya'o/ snyam du sems skyed par byed cing/
sems bskyed pa de yang byang sems kyi spyod pa phar phyin drug
la slob dgos par mthong nas/ spyod

@027a @##/ /ba'i gtso bo sher phyin nyams su len ba la 'jug par
'gyur pa yin pa'i phyir/ byang sems dbang rnon gyi rgyud kyi
stong nyid rtogs pa'i shes rab kyi rtsa ba snying rje chen po
la thug pa yin te/ theg pa chen

rigs can dbang rnon rnams kyis/ dang po rgyu 'bras man ngag
bdun gyi nang tshan du gyur pa'i mar shes pa nas/ lhag bsam
rnam dag gi bar gyi skye tshul/ legs par bsam pa la brten nas
sems can thams

cad kyi don du rdzogs pa'i sangs rgyas kyi go 'phangs thob
dgos par rtogs shing/ de'i rjes su bden 'dzin bag chags dang
bcas pa spangs pa'i rdzogs pa'i sangs rgyas kyi go 'phangs
thob nus sam mi nus

dpyod par byed cing/ de ltar dpyad pa na/ bden 'dzin gyi zhen
yul la rigs pa'i rnam grangs mtha' yas pa'i sgo nas gnod byed
bstan nas bden 'dzin gyi zhen yul med par rtogs te/ bden 'dzin
bag chags dang bcas pa

spangs pa'i rdzogs pa'i sangs rgyas kyi go 'phangs thob nus
par bstan pa'i sgo nas sems can thams cad kyi don du rdzogs
pa'i sangs rgyas kyi go 'phangs thob par bya'o/ snyam du byang
chub mchog tu sems bskyed par byed pa yin

pa'i phyir/ de skad du yang/ rgyud bla ma'i dar Tik las/ theg
pa chen po'i rigs can dbang po rnon pos ni thog mar sems can
thams cad kyi don du yang dag par rdzogs pa'i sangs rgyas thob
dgos pa dang/ thob nus

pa gnyis tshad mas legs par grub nas/ de'i rjes su sems can
thams cad kyi don du/ sangs rgyas thob par bya'o snyam du sems
bskyed pa'i dam bca' 'jog pa yin gyi/ rgyu mtshan yang dag ma
mthong bar dam

@027b bca' ba dbang po rtul po'i lugs yin/ de yang snying rje
chen po lhag bsam rnam dag dang bcas pa'i skye tshul legs par
khongs su chud pa las sems can gyi don du sangs rgyas thob
dgos par rtogs la/ stong nyid 'khor dang bcas pa

pa rtogs pa las ni/ sangs rgyas thob nus par rtogs pa yin no/
don 'di la dpag nas/ dbang po rnon po thar pa tsam don gnyer
skye ba la yang stong nyid rtogs pa sngon du 'gro dgos par
shes par bya'o/ zhes gsungs pa'i phyir/

dang por nga zhes bdag la zhen gyur cing/ /zhes sogs kyi skabs
su/ spyi don gyi sgo nas mtha' dpyad pa dang/ gzhung don bshad
pa gnyis/ dang po la/ dgag bzhag gnyis las/ dang po ni/ snga
rabs pa kha cig /snying rje dang

po yin na/ rtag gcig rang dbang can gyi sems can la dmigs pas
khyab/ snying rje gnyis pa yin na/ sems can mi rtag par rtogs
pa'i blo yin pas khyab/ snying rje gsum pa yin na/ sems can
bden stong du rtogs

pa'i blo yin pas khyab/ zhes zer/ de'i dam bca' dang po de
'gog pa la/ Tik chen las/ des na snying rje dang po 'dis rtag
gcig rang dbang can gyi sems can la/ dmigs dgos par 'dod pa
ni/ mi rigs par smra

ba ste/ bdag med pa'i lta ba ma rnyed pa'i rgyud kyi snying
rje la yang sems can tsam la dmigs nas skye ba du ma yod pa'i
phyir dang/ gang zag gi bdag med thun mong ba dang/ de kho na
nyid kyi lta ba rnyed pa'i rgyud la yang sngar bshad

pa'i khyad par gnyis/ gang gi yang khyad par du ma byas pa'i
sems can la dmigs pa'i snying rje du ma yod pa'i phyir ro/
dper na/ bum pa rtag par 'dzin pa'i zhen yul sun phyung nas/
mi rtag par khongs su chud pas

@028a @##/ /kyang bum pa dmigs par 'jog res kyi mi rtag pa khyad
par du byas pa'i bum pa dmigs par mi 'jog pa du ma zhig 'ong
la/ bum pa mi rtag par khong du ma chud pas kyang bum pa dmigs
par 'jog

res kyi rtag pas khyad par du byas pa'i bum pa dmigs par mi
'jog pa bzhin no/ zhes gsungs/ dam bca' phyi ma 'gog par byed
pa la/ Tik chen las/ bed kyi Tik byed mang pos snying rje
gnyis pa nyid kyi skad

cig gis 'jig par dmigs pa dang/ snying rje gsum pa nyid kyis
rang bzhin med par dmigs zer ba ni/ 'di dag gi dmigs rnam legs
par ma rtogs pa'i bshad pa yin te/ snying rje gnyis ni sems
can sdug bsngal

dang bral 'dod kyis rnam pa can du khas len dgos la/ skad cig
ma dang rang bzhin med pa gnyis rnams pa'i yul du 'dod na/
snying rje gcig la 'dzin stangs kyi rnam pa mi mthun pa gnyis
su 'gyur ro/ zhes gsungs/ lung

dang po'i don ni/ sems can mi rtag par tshad mas ma grub pa'i
gang zag gi rgyud kyi sems can tsam la/ dmigs pa'i snying rje
chos can/ rtag gcig rang dbang can gyi sems can la/ dmigs pa'i
snying rje yin par

thal; snying rje dang po yin pa'i phyir/ khyab pa khas/ der
thal/ sems can tsam la dmigs pa'i snying rje yin pa'i phyir/
der thal/ de'i rgyud la sems can tsam la dmigs pa'i snying rje
yod pa'i phyir/ ma grub

na; de'i rgyud kyi sems can la dmigs nas sdug bsngal dang bral
bar 'dod pa'i snying rje yin na/ rtag pas khyad par du byas
pa'i sems can la dmigs nas sdug bsngal dang/ bral bar 'dod
pa'i rnam pa can

@028b gyi snying rje yin dgos par thal/ de'i rgyud la rtag pas
khyad par du ma byas par sems can tsam la/ dmigs pa'i snying
rje med pa'i phyir/ de'i rgyud la sems can tsam la dmigs pa'i
snying rje med pa'i phyir/ rtag khas/ 'dod na/

bum pa mi rtag par tshad mas ma grub pa'i gang zag gi rgyud kyi
bum pa la/ dmigs pa'i blo yin na/ rtag pas khyad par du byas
pa'i bum pa la dmigs pa'i blo yin dgos par thal/ 'dod pa'i
phyir/ 'dod mi nus te/ bum

pa mi rtag par/ tshad mas ma grub pa'i gang zag gi rgyud kyi/
bum pa dmigs par 'jog res kyi bum pa 'di rtag pa'o/ snyam pa'i
blo'i khyad par du ma byas par/ bum pa la dmigs pa du ma yod
pa'i phyir/ rtsa bar 'dod na/ de

chos can/ rtag gcig rang dbang can gyi sems can la/ smigs pa'i
snying rje mi yin par thal/ sems can tsam la smigs pa'i/
snying rje yin pa'i phyir/ gzhan yang/ sems can mi rtag par
tshad mas

grub pa'i gang zag gi rgyud kyi sems can tsam la dmigs pa'i
snying rje chos can/ rtag gcig rang dbang can gyi sems can la
dmigs pa'i/ snying rje yin par thal/ snying rje dang po yin
I phyir/ khyab pa khas/ der thal

sems can tsam la/ dmigs pa'i snying rje yin pa'i phyir/ der
thal/ de'i rgyud la sems can tsam la/ dmigs snying rje yod
pa'i phyir/ ma grub na/ de'i rgyud kyi sems can la dmigs nas
sdug bsngal dang

bral bar 'dod pa'i rnam pa can gyi snying rje yin na/ mi rtag
pa'i khyad par du byas pa'i sems can la dmigs nas sdug bsngal
dang bral bar 'dod pa'i rnam pa can gyi snying rje yin dgos
par thal/ de'i rgyud la mi rtag

@029a @##/ /pa'i khyad par du ma byas par sems can la dmigs pa'i
snying rje med pa'i phyir/ de'i rgyud la sems can tsam la
dmigs pa'i snying rje med pa'i phyir/ 'dod na/ bum pa mi rtag
par tshad

mas grub pa'i gang zag gi rgyud kyi bum pa la dmigs pa'i blo
yin na/ mi rtag pas khyad par du byas pa'i bum pa la dmigs
pa'i blo yin dgos par thal/ 'dod pa'i phyir/ 'dod mi nus te/
bum pa mi rtag par

tshad mas grub pa'i gang zag gis kyang/ bum dmigs par 'jog res
kyi bum pa 'di ni mi rtag pa'o snyam pa'i blo'i khyad par du
ma byas par bum pa la dmigs pa du ma yod phyir/ rtsa bar 'dod
na/ de chos

can/ rtag gcig rang dbang can gyi sems can la dmigs pa'i
snying rje ma yin par thal/ sems can mi rtag par tshad mas grub
pa'i gang zag gi rgyud kyi snying rje yin pa'i phyir/ gzhan
yang/ sems can

bden stong du tshad mas grub pa'i gang zag gi rgyud kyi sems
can la dmigs pa'i snying rje chos can/ rtag gcig rang dbang
can gyi sems can la dmigs pa'i snying rje yin par thal/ snying
rje dang po yin pa'i phyir/

sems can la dmigs pa'i snying rje yin pa'i phyirm der thal/
de'i rgyud la sems can tsam la dmigs pa'i snying rje yod pa'i
phyir/ ma grub na/ de'i rgyud kyi sems can la dmigs nas sdug
bsngal dang bral

bar 'dod pa'i rnam pa can gyi snying rje yin na/ bden stong gi
khyed par du byas pa'i sems can la dmigs nas sdug bsngal dang
bral bar 'dod pa'i rnam pa can gyi snying rje yin dgos par
thal/ de'i rgyud la bden stong gi

@029b khyad par du ma byas par sems can la dmigs pa'i snying
rje med pa'i phyir te/ de'i rgyud la sems can tsam la dmigs
pa'i snying rje med pa'i phyir/ rtags khas/ 'dod na/ bum pa
bden stong du tshad mas grub pa'i gang zag

gis rgyud kyi bum pa la dmigs pa'i blo yin na/ bden stong gi
khyad par du byas pa'i bum pa la/ dmigs pa'i blo yin dgos par
thal/ 'dod pa'i phyir/ 'dod na/ sngar dang 'dra/ rtsa bar 'dod
na/ de chos can/ de

ma yin par thal/ sems can bden stong du tshad mas grub pa'i
gang zag gi rgyud kyi snying rje yin pa'i phyir/ kha cig sems
can mi rtag par tshad mas ma grub pa'i gang zag gi rgyud kyi
snying rje yin na/ snying rje dang po yin pas

khyab pa lung de'i don yin zer na/ rtag gcig rang dbang can
gyi sems can la dmigs pa'i snying rje chos can/ der thal/ de'i
phyir/ der thal/ rtag gcig rang dbang can gyi sems can la
dmigs pa'i snying rje yin pa'i

phyir; ma grub na/ der thal/ de yod pa'i phyir/ rtsa bar 'dod
na/ de chos can/ sems can la dmigs pa'i snying rje yin par
thal/ 'dod pa'i phyir/ khyab te/ Tik chen las/ snying rje dang
po la de 'dra'i khyad par gyis

khyad par du byas pa min par/ sems can tsam zhig dmigs par
gsungs pas/ de la dgongs nas sems can la dmigs pa'i snying rje
zhes pa yang tha snyad bde ba'i phyir nyer bsdu ba'i ming ngo/
zhes gsungs pa'i

phyir; 'dod mi nus te/ chos can de'i phyir/ gzhan yang/ sems
can mi rtag par tshad mas ma grub cing/ sems can mi rtag par
bden zhen gyi 'dod pa'i gang zag gi rgyud kyi mi rtag pas
khyad par du byas nas sems

@030a @##/ /can la dmigs nas sdug bsngal dang bral bar 'dod pa'i
rnam pa can gyi snying rje chos can/ der thal/ de'i phyir/ ma
grub na/ der thal/ de yod pa'i phyir/ sems can mi rtag par
tshad mas ma grub

pa'i gang zag gi rgyud la mi rtag pas khyad par du byas nas
sems can la dmigs nas sdug bsngal dang bral bar 'dod pa'i rnam
pa can gyi snying rje yod pa'i phyir/ rtag pas khyad par su
bays nas sems can la

dmigs nas sdug bsngal bral bar 'dod pa'i rnam pa can gyi
snying rje yod pa'i phyir te/ rtag gcig rang dbang can gyi
sems can la dmigs pa'i snying rje yod pa'i phyir/ rtsa bar
'dod na/ de chos can/ bdag med phra rags

gang gis yang khyad par du ma byas pa'i sems can la dmigs nas
sdug bsngal dang bral par 'dod pa'i rnam pa can gyi snying rje
yin par thal/ 'dod pa'i phyir/ khyab ste/ Tik chen las/ rtsa
'grel gnyis kar/ snying

rje phyi ma gnyis la/ sngar bshad pa'i khyad par gyi khyad par
du byas pa'i sems can dmigs par bshad la/ snying rje dang po
la zhes sogs gsungs pa'i phyir/ 'dod mi nus te/ chos can de'i
phyir/ kho na re/

Tik chen las/ des na snying rje dang po 'dis rtag gcig rang
dbang can gyi sems can la dmigs dgos par 'dod pa ni mi rigs
par smra ba ste/ zhes gsungs pa mi 'thad par thal/ snying rje
dang po yang yin/ rtag gcig

rang dbang can gyi sems can la dmigs pa'i snying rje yang yin
pa'i gzhi mthun pa med pa'i phyir/ zer na ma khyab/ der thal/
snying rje dang po yin na/ sems can tsam la dmigs pa'i snying
rje yin dgos

@030b pa'i phyir/ yang kho na re/ Tik chen las/ gang zag gi
bdag med thun mong ba dang/ de kho na nyid kyi lta ba rnyed
pa'i rgyud la yang/ sngar bshad pa'i khyad par gnyis gang gi
yang khyad par du ma byas pa'i sems can la/ dmigs

pa'i snying rje du ma yod pa'i phyir/ zhes gsungs pa mi 'thad
par thal/ bdag med phra rags gang gis kyang khyad par du ma
byas par sems can la dmigs nas sdug bsngal dang bral bar 'dod
pa'i rnam pa can gyi snying rje yin

na; snying rje dang po yin pas ma khyab pa'i phyir/ zer na/ ma
khyab/ ma grub na/ rtag gcig rang dbang can gyi sems can la/
dmigs pa'i snying rje chos can/ der thal/ de'i phyir/ gzhan
yang/ kho na re/ sems can mi

rtag par tshad mas ma grub pa'i gang zag gi rgyud kyi snying
rje yin na/ snying rje dang po yin dgos par thal/ snying rje
la snying rje gsum du grangs nges pa'i phyir te/ snying rje la
sems can la dmigs pa'i snying rje/ chos la dmigs

pa'i snying rje/ dmigs med la dmigs pa'i snying rje gsum du
grang nges pa'i phyir te/ snying rje yin na de gsum gang rung
yin dgos pa'i phyir te/ snying rje la yin na sems can la/
smigs pa'i snying rje yin yin dgos pa'i phyir

snying rje yin na rang gi dmigs yul du gyur pa'i/ sems can la
smigs pa'i snying rje yin dgos pa'i phyir/ gzhan yang/ kho na
re/ sying rje yin na sems la dmigs pa'i snying rje yin dgos
par thal/ chos la dmigs

pa'i snying rje/ dmigs med la dmigs pa'i snying rje/ gnyis ka
sems can la dmigs pa'i sying rje yin pa'i phyir te/ sangs
rgyas kyi sa na sems can la dmigs pa'i snying rje yod pa la
rgyu mtshan gcig yod 

@031a @##/ /pa'i phyir/ zer na/ rtsa ba'i thal 'gyur gnyis pa la
ma khyab ste/ sems can la dmigs pa'i snying rje yin na/ snying
rje la gsum du phye ba'i sems can la dmigs pa'i snying rje yin
pas ma khyab

pa'i phyir te/ snying rje la gsum du phye ba'i sems can la dmigs
pa'i snying rje yin na/ sems can tsam la dmigs pa'i snying rje
yin dgos pa'i phyir/ lung phyi ma'i don la/ byang chub sems
dpa'i rgyud

kyi chos la dmigs pa'i snying rje chos can/ sems can mi rtag par
dngos su rtogs par thal/ chos la dmigs pa'i snying rje yin pa'i
phyir/ khyab pa khas/ 'dod na/ de chos can/ khyod la 'dzin
stangs kyi rnam pa

mi mthun pa gnyis yod par thal/ khyod sems can mi rtag pa'i rnam
pa can gyi blo yang yin/ sems can sdug bsngal dang bral bar 'dod
pa'i rnam pa can gyi blo yang yin pa'i phyir/ dang po der thal/
khyod sems can

mi rtag par dngos su rtogs pa'i blo yin pa'i phyir/ gnyis pa der
thal/ chos can de'i phyir/ rtsa bar 'dod mi nus te/ sems can gyi
rgyud kyi snying rje yin pa'i phyir/ gzhan yang/ byang sems
dpa'i rgyud kyi dmigs

med la dmigs pa'i snying rje chos can/ sems can bden stong du
dngos su rtogs par thal/ dmigs med la dmigs pa'i snying rje yin
pa'i phyir/ khyab pa khas 'dod na/ de chos can/ khyod la 'dzin
stangs kyi rnam pa mi mthun pa gnyis yod par thal/ khyod sems
can bden stong gi rnam pa can gyi blo yang yin/ khyod sems can
sdug bsngal dang bral bar 'dod pa'i rnam pa can gyi blo yang yin
pa'i phyir/ dang po der thal/ khyod

@031b sems can bden stong du dngos su rtogs pa'i phyir/ rtsa bar
'dod mi nus te/ sems can gyi rgyud kyi snying rje yin pa'i
phyir/ kho na re/ sems can gyi rgyud kyi shes pa yin na/ khyod
la 'dzin stangs kyi rnam pa mi mthun

pa gnyis med dgos par thal/ sems can gyi rgyud kyi snying rje
yin na/ khyod la 'dzin stangs kyi rnam pa mi mthun pa gnyis med
dgos pa'i phyir/ rtags khas/ 'dod na/ bdag dang 'jig rten rtag
mi rtag gnyis kar 'dzin

pa'i blo chos can/ der thal/ de'i phyir/ 'dod na/ de chos can/
khyod la 'dzin stangs kyi rnam pa mi mthun pa gnyis yod par
thal/ khyod bdag dang 'jig rten rtag par 'dzin pa'i blo yang
yin/ khyod de mi rtag par 'dzin pa'i

blo yang yin pa'i phyir/ rtag gnyis ka grub ste/ chos can de'i
phyir/ zer na/ ma khyab ste/ bdag dang 'jig rten mi rtag pa de/
de'i 'dzin stangs kyi yul yin par thal/ de bdag dang 'jig rten
mi rtag par 'dzin pa'i blo yin pa'i

phyir/ 'dod na/ de 'dzin stangs kyi yul yod par thal/ 'dod pa'i
phyir/ 'dod na/ de chos can/ khyod kyi 'dzin stangs kyi yul med
par thal/ khyod log shes yin pa'i phyir/ kha gcig Tika chen las/
des

na khyad par gnyis kyis khyad par du byas pa'i sems can snying
rje dmigs par 'jog pa la/ snying rje gnyis rgyud ldan gyi gang
zag gis sems can skad cig ma dang/ rang bzhin med ba sngon du
nges zin pa la rten nas khyad chos gnyis kyi

rnam pa shar ba gcig dgos kyi snying rje de gnyis su dmigs pa mi
dgos so/ zhes pa'i don du bsam nas/ rang gi dngos kyi nyer len
du gyur pa'i sems can sdug bsngal gyis mnar bar rtogs pa'i blo
la brten nas/ byung zhing/

@032a @##/ /sdug bsngal gyis mnar ba'i sems can la dmigs nas/ sdug
bsngal dang bral bar 'dod pa'i rnam pa can gyi brtse ba de/
snying rje dang po'i mtshan nyid/ rang gi dngos kyi nyer len du
gyur ba'i sems can mi rtag par

rtogs pa'i blo la brten nas byung zhing/ mi rtag pa dang btag
yod gang rung gi khyad par du byas shing/ phung sogs kyi chos la
brten nas btags pa'i sems can la dmigs nas/ sdug bsngal dang
bral bar 'dod pa'i rnam pa

can gyi btse ba de/ snying rje gnyis pa'i mtshan nyid/ rang gi
dngos kyi nyer len du gyur ba'i sems can bden stong du rtogs
pa'i blo la brten nas byung zhing/ bden stong gi khyad par du
byas nas/ sdug bsngal can gyi sems can

la dmigs nas sdug bsngal dang bral 'dod kyi rnam pa can gyi btse
ba de/ snying rje gsum pa'i mtshan nyid/ sems can gyi rgyud kyi
snying rje gsum po de 'gal yang/ sangs rgyas kyi sar snying rje
gsum mi 'gal te/ sems

can gyi rgyud la/ sems can sdug bsngal gyis mnar bar rtogs pa'i
blo dang/ sems can mi rtag pa rtogs pa'i blo dang/ sems can bden
stong du rtogs pa'i blo gsum po de gcig char du 'byung ba med
cing/ sangs rgyas

'phags pa'i rgyud la/ de gsum gcig char du 'byung ba yod zhes
zer na/ 'o na/ sangs rgyas 'phags pa'i rgyud kyi snying rje yin
na/ snying rje gsum ka yin dgos par thal/ de'i rgyud la snying
rje gsum ka yod pa gang zhig

sangs rgyas kyi sar snying rje gsum po mi 'gal ba'i phyir/ 'dod
na/ rnam mkhyen skad cig dang po la gnas pa'i/ sangs rgyas
'phags pa'i rgyud kyi/ snying rje chen po de chos can/ der thal/
de'i phyir/

@032b 'dod na/ rang gi dngos kyi nyer len du gyur pa'i sems can
sdug bsngal gyi mnar bar rtogs pa'i blo la brten nas byung bar
thal/ snying rje dang po yin pa'i phyir/ gzhan yang/ de chos
can/ rang gi dngos kyi nyer len du gyur ba'i sems can

mi rtag par rtogs pa'i blo la brten nas byung bar thal/ snying
rje gnyis pa yin pa'i phyir/ khyab pa khas/ 'dod na/ sems can
gyi rgyud la sems can/ sdug bsngal gyis mnar par rtogs pa'i blo
dang/ sems can mi rtag par

rtogs pa'i blo dang/ sems can bden stong du rtogs pa'i blo gsum
gcig char du yod pa'i thal/ byang sems rgyun mtha'i rgyud la/ de
gsum gcig char du yod pa'i phyir te/ rnam mkhyen skad cig dang
po la gnas pa'i sangs

rgyas 'phags pa'i rgyud kyi snying rje chen po de rang gi dngos
kyi nyer len du gyur pa'i sems can/ sdug bsngal gyis mnar bar
rtogs pa'i blo dang/ rang gi dngos kyi nyer len du gyur pa'i
sems can mi rtag par rtogs pa'i blo la brten nas byung ba'i

phyir; gzhan yang/ sems can gyi rgyud la/ de gsum gcig char du
'byung ba yod par thal/ de'i rgyud la sems can sdug bsngal gyis
mnar bar rtogs pa'i blo dang/ sems can mi rtag par rtogs pa'i
blo gnyis gcig

char du 'byung ba yod pa'i phyir/ chos la dmigs pa'i snying rje
skad cig dang po la gnas pa'i sems dpa'i rgyud la/ de gnyis gcig
char du 'byung ba yod pa'i phyir te/ de'i rgyud la sems can sdug
bsngal gyis mnar bar rtogs pa'i

blo yod pa gang zhig /de'i rgyud la sems can mi rtag par rtogs
pa'i blo yod pa'i phyir/ dang po der thal/ chos la dmigs pa'i
snying rje skad cig gnyis pa de rang gi dngos kyi nyer len du
gyur pa'i sems can/ sdug bsngal

@033 @##/ /gyis mnar bar rtogs pa'i blo la brten nas byung ba'i
phyir/ ma grub na/ de chos can/ der thal/ sems can la dmigs
pa'i snying rje chen po yin pa'i phyir/ khyab te snying rje
dang po yin na/ rang gi dngos kyi nyer

len du gyur pa'i sems can sdug bsngal gyis mnar bar rtogs pa'i
blo la brten nas byung bas khyab pa'i phyir/ rtags khas/ gnyis
pa der thal/ chos la dmigs pa'i snying rje skad cig gnyis pa de/
rang gi dngos kyi nyer len du gyur

pa'i sems can mi rtag par rtogs pa'i blo la brten nas byung pa'i
phyir/ ma grub na/ de chos can/ der thal/ chos la dmigs pa'i
snying rje yin pa'i phyir/ khyab pa khas/ der thal/ chos can
de'i phyir/ gzhan yang/

sems can gyi rgyud la de gsum/ cig car tu 'byung ba yod par
thal/ de'i rgyud la sems can sdug bsngal dang bral bar 'dod pa'i
blo dang/ sems can mi rtag par rtogs pa'i blo dang/ sems can
bden stong du rtogs

pa'i blo gsum po de gcig tu 'byung ba yod pa'i phyir te/ de'i
rgyud la sems can sdug bsngal dang bral bar 'dod pa'i rnam pa
can gyi blo dang/ sems can bden stong du rtogs pa'i blo gnyis
gcig car du

'byung ba yod pa'i phyir te/ dmigs med la dmigs pa'i snying rje
skad cig dang po la gnas pa'i/ sems dpa'i rgyud la de gnyis gcig
car du 'byung ba yod pa'i phyir/ ma grub na/ de chos can/ khyod
kyi rgyud la de gnyis gcig car du 'byung yod par thal/ khyod kyi
rgyud la sems can sdug bsngal dang bral bar 'dod pa'i rnam pa
can gyi blo yod pa gang zhig khyod kyi rgyud la de bden stong du

@033b rtogs pa'i blo yod pa'i phyir/ dang po der thal/ de'i
rgyud kyi dmigs med la dmigs pa'i snying rje skad cig dang po de
sems can sdug bsngal dang bral bar 'dod pa'i rnam pa can gyi blo
yin pa'i phyir/ ma grub na/ de chos can/ de yin par

thal; sems can la dmigs pa'i snying rje chen po yin pa'i phyir/
gnyis pa der thal/ dmigs med la dmigs pa'i snying rje skad cig
gnyis pa de rang gi dngos kyi nyer len du gyur pa'i sems can
bden stong du rtogs pa'i

blo la brten nas byung ba'i phyir/ ma grub na/ de chos can/ der
thal/ dmigs med la dmigs pa'i snying rje yin pa'i phyir/ khyab
pa khas/ ma grub na/ der thal/ chos can de yin pa'i phyir/ de'i
rjes 'brang/

rin dang/ kha cig snying rje gsum po gang rung gang zhig rang gi
nyer len du gyur pa'i sems can sdug bsngal gyis mnar bar rtogs
pa'i blo la brten nas byung ba de/ snying rje dang po'i mtshan
nyid/ de gang zhig rang gi

nyer len du gyur pa'i sems can mi rtag par rtogs pa'i blo la
brten nas byung ba de/ snying rje gnyis pa'i mtshan nyid/ de gang
zhig rang gi nyer len du gyur pa'i sems can bden stong du rtogs
pa'i blo la brten nas byung ba de; snying rje gsum pa'i mtshan
nyid/ zer na/ mi 'thad de/ snying rje yin na snying rje dang po
yin dgos par thal/ snying rje gsum po gang rung yin na/ snying
rje dang po yin dgos pa'i phyir te/ de gsum po gang rung

yin na/ rang gi nyer len du gyur pa'i sems can sdug bsngal gyis
mnar bar rtogs pa'i blo la brten nas/ byung bas khyab pa gang
zhig snying rje dang po'i mtshan nyid de 'thad pa'i phyir/ dang
po der thal/

@034a @##/ /sems can la dmigs pa'i snying rje chen po yin na/ rang
gi nyer len du gyur pa'i sems can sdug bsngal gyis mnar bar
rtogs pa'i blo la brten nas byung bas khyab pa'i phyir/ kha cig
mi

rtag pa dang/ bden stong gang gis yang khyad par du ma byas par/
sems can la dmigs nas sdug bsngal dang bral bar 'dod pa'i rnam
pa can gyi blo de/ snying rje dang po'i mtshan nyid/ mi rtag pas
khyad par du byas

nas sems can la dmigs nas sdug bsngal dang bral bar 'dod pa'i
rnam pa can gyi blo de/ snying rje gnyis pa'i mtshan nyid/ bden
stong gis khyad par du byas nas sems can la dmigs nas sdug
bsngal dang bral bar

'dod pa'i rnam pa can gyi blo de/ snying rje gsum pa'i mtshan
nyid/ zer na/ sems can la dmigs pa'i snying rje dang mtshungs
ldan gyi gtso sems chos can/ sems can la dmigs pa'i snying rje
yin par thal/ mtshan

nyid de'i phyir/ der thal/ sems can la dmigs pa'i snying rje
dang mtshungs ldan rnam pa lang mtshungs kyi gtso sems yin pa'i
phyir/ rtsa bar 'dod na/ sems byung yin par thal/ 'dod pa'i
phyir/ 'dod

mi nus te/ chos can de'i phyir/ des gzhan rnams la rigs 'gre/
yang kha cig snying rje gang zhig mi rtag pa dang bden stong
gang gis yang khyad par du ma byas par sems can la dmigs nas
sdug bsngal dang

bral bar 'dod pa'i rnam pa can gyi blo de/ snying rje dang po'i
mtshan nyid/ snying rje gang zhig mi rtag pas khyad par du byas
nas/ sems can la dmigs nas sdug bsngal dang bral bar 'dod pa'i
rnam pa can gyi blo de snying rje

@034b gnyis pa'i mtshan nyid/ de gang zhig bden stong gis khyad
par du byas nas sems can la dmigs nas sdug bsngal dang bral bar
'dod pa'i rnam pa can gyi blo de/ snying rje gsum pa'i mtshan
nyid zer na/ rtag gcig

rang dbang can gyis khyad par du byas pa'i sems can la dmigs nas
sdug bsngal dang bral bar 'dod pa'i rnam pa can gyi snying rje
chos can/ snying rje dang po yin par thal/ mtshan nyid de'i
phyir/ rtags grub ste/ chos can de'i phyir/

'dod na/ sems can tsam la dmigs pa'i snying rje yin par thal/
'dod pa'i phyir/ 'dod mi nus te/ chos can de'i phyir/ gzhan yang
sems can mi rtag par tshad mas ma grub cing/ sems can mi rtag par
bden zhen gyi 'dod pa'i

gang zag gi rgyud kyi mi rtag pas khyad par du byas nas/ sems
can la dmigs nas sdug bsngal dang bral bar 'dod pa'i rnam pa can
gyi snying rje chos can/ chos la dmigs pa'i snying rje yin par
thal mtshan nyid de'i phyir/ khyab pa

khas; der thal/ chos can de'i phyir/ rtsa bar 'dod na/ de chos
can/ sems can mi rtag par tshad mas grub pa'i gang zag gi rgyud
kyi snying rje yin par thal/ 'dod pa'i phyir/ 'dod mi nus te/
chos can de'i phyir/ gzhan yang dbu

ma rang rgyud pa'i rgyud kyi bden stong gis khyad par du byas
nas/ sems can la dmigs nas sdug bsngal dang bral bar 'dod pa'i
rnam pa can gyi snying rje chos can/ mtshon bya gsum pa der thal/
mtshan nyid de'i phyir/ der thal/ dbu ma

rang rgyud pa'i rgyud la/ sems can la dmigs pa'i snying rje yod
pa gang zhig dbu ma rang rgyud pa de sems can bden stong du bden
zhen gyi 'dod pa'i gang zag yin pa'i phyir/ dang po der thal/
sems can la dmigs pa'i

@035a @##/ /snying rje rgyud la ldan pa'i dbu ma rang rgyud pa yod
pa'i phyir/ rtsa bar 'dod na/ sems can bden stong du tshad mas
grub pa'i gang zag gi rgyud kyi snying rje yin par thal/ 'dod
pa'i phyir/ 'dod na/ dbu ma

rang rgyud pa de/ sems can bden stong du tshad mas grub pa'i gang
zag yin par thal/ 'dod pa'i phyir/ kha cig sangs rgyas 'phags
pa'i rgyud la snying rje dang po yod zer na/ mi 'thad de/ de'i
rgyud la mi rtag pa dang bden stong

gang gis yang khyad par du ma byas par sems can la dmigs nas
sdug bsngal dang bral bar 'dod pa'i rnam pa can gyi snying rje
yod par thal/ dam bca' de 'thad pa'i phyir/ khyab te/ Tika chen
las/ snying rje dang po la de dra

ba'i khyad par kyis khyad par du byas pa min par/ sems can tsam
zhig dmigs par gsungs pas zhes gsungs pa'i phyir/ rtsa bar 'dod
mi nus te/ de'i rgyud kyi snying rje yin na/ mi rtag pa dang
bden stong gnyis kas khyad par

du byas nas sems can la dmigs nas sdug bsngal dang bral bar 'dod
pa'i rnam pa can gyi blo yin dgos pa'i phyir/ kho na re/ skyon
med de/ lung des/ snying rje dang po mi rtag pa dang bden stong
gang rung gi khyad par du byas nas

dmigs mi dgos par bstan gyi/ de gang rung gis khyad par du byas
nas/ dmigs dgos par ma bstan pa'i phyir/ gzhan yang sangs rgyas
'phags pa'i rgyud kyi snying rje yin na/ snying rje gsum ka yin
dgos par thal/

de'i rgyud la de gsum ka yod pa'i phyir/ 'dod na/ Tika chen las/
des na chos la dmigs pa'i snying rje ni/ sems can tsam zhig la
dmigs pa min gyi/ skad cig gis 'jig pa'i sems can la dmigs pa
yin

@035b yin pas/ skad cig gi mi rtag pas khyad par du byas pa'i
sems can la dmigs pa'o/ zhes gsungs pa mi 'thad par thal/ chos
la dmigs pa'i snying rje yin na/ sems can tsam la dmigs pa'i
snying rje ma yin pas ma

khyab pa'i phyir te/ sangs rgyas 'phags pa'i rgyud la sems can
tsam la dmigs pa'i snying rje yod pa'i phyir/ gzhan yang/ Tika
chen las/ dmigs pa med pa la dmigs pa'i snying rjes kyang sems
can tsam la dmigs pa ma yin

gyi/ dmigs pa khyad par pa rang bzhin gyi grub pas stong pa'i
sems can la dmigs so/ zhes gsungs pa mi 'thad par thal/ dmigs
med la dmigs pa'i snying rje yin na/ sems can la zhes sogs rtags
'dra/ kho na re/

sangs rgyas 'phags pa'i rgyud la/ sems can tsam la dmigs pa'i
snying rje yod par thal/ de'i rgyud la sdug bsngal gyis mnar
ba'i sems can spyi tsam la dmigs pa'i/ snying rje yod pa'i
phyir/ zer na/ ma khyab/ yang kho na re/

sangs rgyas 'phags pa'i rgyud la snying rje dang po yod par
thal/ de'i rgyud la sems can la dmigs pa'i snying rje yod pa'i
phyir/ zer na/ ma khyab/ khyab te/ snying rje la gsum du 'dren
pa de'i tshe na/ sems can la dmigs

pa'i snying rje/ chos la dmigs pa'i snying rje/ dmigs pa med pa
la dmigs pa'i snying rje/ zhes 'dren rigs pa'i phyir/ kha cig
sang rgyas 'phags pa'i rgyud la/ sems can la dmigs pa'i snying
rje med zer ba

mi 'thad de/ de'i rgyud la sems can thams cad la dmigs pa'i
snying rje yod pa'i phyir te/ de'i rgyud la sems can thams cad
la dmigs pa'i thugs rje chen po yod pa'i phyir/ sa 'tshams la
legs chos/ kha cig bdag me

@036a @##/ /rags pa tsam yang ma rtogs pa'i gang zag gi rgyud la
snying rje dang po kho na yod/ bdag med rags pa rtogs zhing phra
mo ma rtogs pa'i gang zag gi rgyud la snying rje dang po gnyis
ci rigs pa yod/ bdag med

phra mo rtogs pa'i lam ma zhugs nas/ sa bdun pa'i bar du snying
rje gsum ka ci rigs su yod/ sa brgyad pa yan chad la gnas pa'i
gang zag gi rgyud kyi snying rje yin na/ snying rje phyi ma yin
pas khyab te/ de 'dra'i gang zag

gi rgyud la snying rje dang po gnyis med pa'i phyir/ zer ba mi
'thad de/ sangs rgyas 'phags pa'i rgyud kyi snying rje de chos
la dmigs pa'i snying rje yin pa'i phyir/ ma grub na/ de chos
can/ der thal/ sems can mi rtag par

tshad mas grub pa'i gang zag gi rgyud kyi snying rje gang zhig mi
rtag pas khyad par du byas nas sems can la dmigs nas sdug bsngal
dang bral bar 'dod pa'i rnam pa can gyi snying rje yin pa'i
phyir/ gzhan yang/ dam bca' mi

'thad de/ byang sems rgyun mtha'i rgyud kyi snying rje de sems
can tsam la/ dmigs pa'i snying rje yin pa'i phyir/ ma grub na/
de chos can/ der thal/ snying rje gsum po gang rung gang zhig
sems can mi rtag par

rtogs pa'i shes rab dang/ sems can bden stong du rtogs pa'i shes
rab gang rung gis dngos su ma zin pa'i phyir/ dang po der thal/
de'i rgyud la snying rje yod pa'i phyir/ gnyis pa der thal/ de'i
rgyud kyi snying rje dngos su med

pa'i phyir/ rang lugs ni/ snying rje gsum gyi ngo bo ngos bzung
ba/ sgra bshad pa/ sa mtshams bshad pa dang gsum/ dang po snying
rje gsum po de dmigs pa'i sgo nas 'byed cing/ rnam pa'i sgo nas
'byed pa ma yin te

@036b snying rje gsum ka'ang/ rang gi dmigs yul du gyur pa'i
sdug bsngal gyis mnar ba'i sems can la dmigs nas sdug bsngal
dang bral bar 'dod par mtshungs pa'i phyir/ snying rje gsum po de
rnam pa'i sgo nas mi 'byed par dmigs pa'i sgo nas 'byed kyang/
snying rje gsum po de

rang gi dmigs yul du gyur pa'i sems can la dmigs par mtshungs pa
yin pa'i phyir te/ snying rje dang po'i skabs su/ 'gro la snying
rjer gyur gang de la de 'dud ces dang/ snying rje gnyis pa'i
skabs su/ 'gro ba g.yo ba'i chu'i nang

gi zla ba ltar zhes 'gro ba'i sgra smros pa la dgos pa yod pa'i
phyir/ snying rje gsum po gang rung gang zhig /mi rtag pa dang
bden stong gang gi yang khyad par du ma byas par sems can la
dmigs nas sdug bsngal dang bral bar 'dod pa'i rnam

pa can gyi brtse ba de/ snying rje dang po'i mtshan nyid/ sems
can mi rtag par tshad mas grub pa'i gang zag gi rgyud kyi snying
rje gang zhig /mi rtag pas khyad par du byas nas sems can la
dmigs nas sdug bsngal dang bral bar 'dod pa'i rnam

pa can gyi brtse ba de/ snying rje gnyis pa'i mtshan nyid/ sems
can bden stong du tshad mas grub pa'i gang zag gi rgyud kyi
snying rje yin pa gang zhig /bden stong gis khyad par byas nas/
sems can la dmigs nas sdug bsngal

dang bral bar 'dod pa'i rnam pa can gyi brtse ba de/ snying rje
gsum pa'i mtshan nyid/ yang na/ snying rje gsum po gang rung gang
zhig /sems can mi rtag par rtogs pa'i shes rab dang/ sems can
bden stong du rtogs

pa'i shes rab/ gang rung gi dngos su ma zin pa'i brtse ba de/
snying rje dang po'i mtshan nyid/ de gang zhig /sems can mi rtag
par rtogs pa'i shes rab kyis dngos su zin pa de/ snying rje
gnyis pa'i mtshan

@037a @##/ /nyid; de gang zhig /sems can bden stong du rtogs pa'i
shes rab kyis dngos su zin pa de/ snying rje gsum pa'i mtshan
nyid/ sgra bshad pa la snying rje dang po chos can/ khyod la
sems can tsam

la dmigs pa'i snying rje zhes brjod pa'i rgyu mtshan yod de/
khyod mi rtag pa dang bden stong gang gis kyang khyad par du ma
byas par rang gi dmigs yul du gyur pa'i sems can tsam la dmigs
pa'i snying rje yin pa la/

tsam zhes pa la sogs pa'i bar gyi tshig rnams mi mngon par byas
nas/ de ltar brjod pa'i phyir/ de skad du yang/ Tika chen las/
snying rje dang po la/ de 'dra'i khyad par gyis khyad par du
byas pa ma yin

pa'i phyir/ sems can tsam zhig dmigs par gsungs pas/ de la
dgongs nas sems can la dmigs pa'i snying rje zhes pa la yang tha
snyad bde ba'i phyir/ nyer bsdu'i ming ngo/ zhes gsungs pa'i
phyir/ snying rje

gnyis pa chos can/ khyod la chos la dmigs pa'i snying rje zhes
brjod pa'i rgyu mtshan yod de/ skabs 'dir gang zag gi gdags gzhir
gyur pa'i phung sogs la chos zhes bya ba la khyod phung sogs kyi
chos la brten nas/

btags pa'i sems can la dmigs pa'i snying rje yin pa la/ btags pa
zhes pa la sogs pa'i bar gyi tshig mi mngon par byas nas/ khyod
la de ltar du brjod pa'i phyir/ de skad du yang/ Tika chen las/
des na chos tsam

la btags pa'i sems can la dmigs pa la chos la dmigs pa zhes pa
ni/ bar gyi tshig mi mngon par byas pa'o/ zhes gsungs pa'i phyir/
snying rje gsum pa chos can/ khyod la dmigs med la dmigs pa'i
snying rje

@037b zhes brjod pa'i rgyu mtshan yod de/ skabs 'dir dmigs pa
bden grub dang/ dmigs pa med pa bden med yin la/ khyod bden med
kyis khyad par du byas pa'i sems can la dmigs pa'i snying rje
yin pa la/ sems can zhes pa la

sogs pa bar gyi tshig mi mngon par byas nas/ khyod la de ltar du
brjod pa'i phyir/ de skad du yang/ Tika chen las/ dmigs pa med
pa ni/ mtshan 'dzin gyi bzung ba ltar gyi zhen yul med pa bden
med do/ bden med kyis khyad par du

byas pa'i sems can la dmigs pa la/ dmigs pa med pa la dmigs pa
zhes sam/ dmigs pa med pa'i snying rje zhes bar gyi tshig mi
mngon par byas pa'o/ zhes gsungs pa'i phyir/ sa 'tshams ni bdag
med rags pa

tsam yang ma rtogs pa'i gang zag gi rgyud la snying rje dang po
kho na yod/ bdag med rags pa rtogs phra mo ma rtogs pa'i gang
zag gi rgyud la snying rje dang po gnyis ci rigs su yod/ bdag
med phra mo rtogs pa'i lam zhugs nas/ rgyun

mtha'i bar du/ snying rje gsum ka ci rigs su yod/ sangs rgyas
kyi sa na snying rje dang po med do/ sangs rgyas 'phags pa'i
rgyud kyi snying rje yin na/ snying rje phyi ma gnyis po gang
rung yin dgos pa'i phyir/ rtsod pa spong

ba la kho na re/ sems can skad cig mar tshad mas grub cing/ de mi
rtag par tshad mas ma grub pa'i gang zag gi rgyud kyi skad cig
mas khyad par du byas nas sems can la dmigs nas/ sdug bsngal
dang bral bar 'dod pa'i rnam pa can

gyi snying rje chos can/ sems can mi rtag par tshad mas grub pa'i
gang zag gi rgyud kyi snying rje yin par thal/ chos la dmigs
pa'i snying rje yin pa'i phyir te/ sems can skad cig mar rtogs
pa'i shes rab kyis dngos su zin

@038a @##/ /pa'i snying rje yin pa'i phyir/ khyab pa yod de/ Tika
chen las/ snying rje gnyis rgyud la ldan pa'i gang zag gi sems
can skad cig ma dang/ zhes sogs gsungs pa'i phyir/ rtsa ba'i dam
bca' der thal/ sems

can skad cig mar tshad mas grub cing/ de mi rtag par tshad mas ma
grub pa'i gang zag gi rgyud kyi skad cig mas khyad par du byas
nas/ sems can la dmigs nas/ sdug bsngal dang bral bar 'dod pa'i
rnam pa can gyi snying rje yin

pa'i phyir te/ der thal/ de 'dra'i gang zag gi rgyud la de yod
pa'i phyir te/ de'i rgyud la mi rtag pas khyad par du byas nas/
sems can la dmigs nas sdug bsngal dang bral bar 'dod pa'i rnam
pa can gyi snying rje gcig yod

pa'i phyir te/ de 'dra'i gang zag yod pa'i phyir/ rtsa bar 'dod
mi nus te/ chos can de'i phyir/ gzhan yang/ kho na re/ sems can
bden stong du rtogs pa'i blo mngon gyur du rgyud la ldan pa'i
gang zag yin na/ de mi rtag

par rtogs pa'i blo mngon gyur du rgyud la ldan pa'i gang zag yin
dgos par thal/ sems can rang rkya thub pa'i rdzas yod kyis stong
par rtogs pa'i blo mngon gyur du rgyud la ldan pa'i gang zag yin
na/ de mi rtag par rtogs pa'i blo mngon

gyur du rgyud la ldan pa'i/ gang zag yin dgos pa'i phyir te/
sems can rang rkya thub pa'i rdzas yod kyis stong par rtogs
pa'i/ blo mngon gyur du rgyud la ldan zhing/ de mi rtag par
rtogs pa'i blo mngon gyur du rgyud la mi

ldan pa'i gang zag med pa'i phyir/ ma grub na/ de 'dra'i gang
zag de'i rgyud la mi rtag pas khyad par du byas nas/ sems can la
dmigs nas sdug bsngal dang bral bar 'dod pa'i rnam pa can gyi/
snying rje yod par thal/

@038b de 'dra'i gang zag de yod pa'i phyir/ 'dod na/ de'i rgyud
la rang skya thub pa'i rdzas yod kyis stong pas khyad par du
byas nas/ sems can la dmigs nas sdug bsngal dang bral bar 'dod
pa'i rnam pa can gyi snying rje gcig yod par thal/

de'i rgyud la sems can rang skya thub pa'i rdzas yod kyi stong
par rtogs pa'i blo mngon gyur du yod pa gang zhig /'dod pa'i
phyir/ 'dod na/ de'i rgyud kyi de chos can/ sems can mi rtag par
rtogs pa'i shes rab kyi dngos su zin par

thal; chos la dmigs pa'i snying rje yin pa'i phyir/ khyab pa
khas/ der thal/ rang rkya thub pa'i rdzas yod kyi stong pas
khyad par du byas nas/ sems can la dmigs nas sdug bsngal dang
bral bar 'dod pa'i rnam pa can gyi

snying rje yin pa'i phyir te/ chos can de'i phyir/ rtsa bar 'dod
na/ de'i rgyud la sems can mi rtag par rtogs pa'i shes rab dngos
su yod par thal/ 'dod pa'i phyir/ 'dod mi nus te/ chos can de
yin pa'i phyir/ zhes pa'i skyon 'jug pa'i dbang

du byas nas/ snying rje gsum po gang rung zhig /bdag med phra
rags gang gis yang khyad par du ma byas par sems can la dmigs
nas/ zhes sogs sngar dang 'dra ba de/ snying rje dang po'i mtshan
nyid/ de gang zhig /bdag med rags pas khyad par du byas

nas; zhes sogs sngar dang 'dra ba de/ snying rje gnyis pa'i
mtshan nyid/ de gang zhig /bdag med phra mos khyad par du byas
nas/ zhes sogs sngar dang 'dra ba de/ snying rje gsum pa'i mtshan
nyid yin no/ ! gnyis pa

gzhung don bshad pa la/ sems can la dmigs pa'i snying rje la
phyag 'tshal ba dang/ chos dang dmigs med la dmigs pa'i snying
rje la phyag 'tshal ba gnyis/ dang po ston par byed pa la/ dang
por nga zhes bdag la zhen gyur cing/

@039a @#/ /zhes sogs sho lo ka gcig byung de yang rkang pa dang
po gnyis kyis sems can rnams 'khor bar 'khor ba'i rgyu de bstan/
rkang pa gsum pas sems can rnams 'khor bar 'khor tshul zo chun
gyi dpe'i

sgo nas bstan nas/ rkang pa bzhi pas snying rje dang po ngos
bzung nas/ de la bstod phyag mdzad pa'i tshul de bstan/ des na/
sems can rnams 'khor bar 'khor tshul zo chun gyi dpe'i sgo nas
bstan na sems can dang

zo chun gnyis 'dra tshul ci ltar yin zhe na/ 'khor ba'i sems can
dang/ zo chun gyi rgyud ma gnyis ni 'dra ba po dang/ 'dra yul te
khyad par gyi gzhi yin la/ de yang dpe drug gi sgo nas 'dra ba
yin te/ zo chun thag pas

dam du bsdams pa ltar/ 'khor ba'i sems can rnams kyang las dang
nyon mongs pas dam du bsdams pa dang/ zo chun 'khor ba de skyes
bu'i rtsol ba la rags las pa ltar/ sems can rnams 'khor bar skye
ba yang

rnam par shes pas las bsags pa la rags las pas 'jug pa dang/ zo
chun de/ khron pa'i rtse mo nas rtsa ba la thug gi bar du 'khor
ba ltar/ 'khor ba'i sems can rnams srid rtse nas mnar med la

thug gi bar du 'khor ba dang/ zo chun de/ thur du 'gro ba la
'bad mi dgos par/ rang gi ngang gi 'gro zhing/ gyen du 'gro ba
la 'bad rtsol la rags las pa ltar/ 'khor ba'i sems can rnams
kyang/

ngan 'gror skye ba la 'bad mi dgos par/ rang gi ngang gi 'jug
cing/ bde 'gror skye ba la 'bad pa chen po la rags las pa dang/
zo chun de/ skad cig snga phyi rim pa ma nges pa'i tshul gyi
'khor ba ltar/ 'khor

@039b ba'i sems can rnams kyang nyon mongs pa'i kun nas nyon
mongs dang/ las kyi kun nas nyon mongs dang/ skye ba'i kun nas
nyon mongs pa gang rung gi dus su/ gzhan gnyis po de 'jug pas de
gsum rim pa ma nges pa'i tshul gyi

'khor ba dang/ zo chun de/ khron pa'i rdo la sogs pas gcog pa
ltar/ 'khor ba'i sems can rnams kyang nyi ma re re bzhin/ sdug
bsngal gyi sdug bsngal 'gyur ba'i sdug bsngal/ khyab pa 'du byed
kyi sdug bsngal gsum

gyis mnar ba'i sgo nas 'khor bar 'khyams pa yin pa'i phyir/ de
yang don bsdu na/ byed pa po gang gis 'khor du bcug na/ shin tu
ma zhi zhing ma dul ba'i sems 'di nyid kyis 'khor gnas gang du
tshul ji ltar 'khor na/ srid rtse

nas mnar med kyi bar gyi gnas rnams su/ mi 'khor ba'i skabs cung
zad kyang med pa'i tshul gyi 'khor/ de yang/ rten 'brel tshar gcig
gi dbang du byas pa'i kun nas nyon mongs pa gsum po gang rung gi
dus su yang kun

nas nyon mongs pa gzhan gnyis 'jug pas rgyun mi chad par nyin re
bzhin/ sdug bsngal gsum chu bo'i gnyer ma lta bus lan gcig min
par/ mnar ba'i tshul gyi 'khor/ rgyu rkyen gang gis 'khor na/ las
dang nyon mongs

ba'i dbang gis 'khor/ de yang bsod nams ma yin pa'i las dang/
de'i nyon mongs kyi dbang gis ngan 'gro dang/ bsod nams dang mi
g.yo'i las dang/ de'i nyon mongs kyi dbang gis bde 'gror 'khor
la/ de yang ngan 'gror skye

ba'i don du 'bad mi dgos par ngang gis 'jug pa dang/ bde 'gror
skye ba'i rgyu rnams 'bad pa chen pos sgrub dgos pas/ dka' ba
ste/ lung gzhi las/ bde 'gro nas shi 'phos te/ ngan 'gror skye
ba dang/ ngan 'gro nas

@040a @##/ /shi 'phos te/ der skye ba ni sa chen po'i rdul dang
'dra ba dang/ bde 'gro nas shi 'phos te/ der skye ba dang/ ngan
'gro nas shi 'phos te/ bde 'gror skye ba ni/ phyag sen gyi rtse
mos bzhes pa'i rdul dang 'dra

bar gsungs pa'i phyir/ 'o na/ sems can rnams khyad chos drug gi
sgo nas 'khor bar 'khyams tshul bstan pa de/ sems can 'khor bar
'khyams tshul gyis go ba tsam zhig skyed pa'i phyir yin nam/ de
la dgos pa khyad par

can gzhan zhig yod zhe na/ de la dgos pa khyad par can gzhan
zhig yod de/ sngar theg chen pa byed par 'dod na thog mar yid
snying rje chen po'i gzhan dbang du gyur pa gcig dgos par yang
dang yang du bstan kyang/ snying rje chen po skyed tshul de

ma bstan pas/ 'dir sems can rnams rang dbang med par 'khor bar
'khyams tshul bstan pa gang bsgoms pas/ snying rje chen po skyed
tshul de shes par bya ba'i ched yin pa'i phyir/ 'o na/ sems can
gzhan la 'khor bar sdug bsngal

kun gyis mnar tshul sgom pa nyid kyi snying rje chen po 'dren pa
yin nam/ snying rje chen po skyed pa la grogs gzhan zhig dgos pa
yin/ zhe na/ de la grogs gzhan yid 'ong gi blo dgos pa yin te/
da lta rang ris la/ dgrar gyur pa'i

sems can sdug bsngal gyis gzir ba mthong na/ mi bzod pa med pa'i
steng du dga' ba'i blo skye ba dang/ phan gnod gang yang ma byas
pa'i sems can sdug bsngal gyis gzir ba mthong na/ phal cher yal
bar 'dor ba'i blo skye ba ni/

rang ris la/ sems can de rnams la dmigs pa'i yid 'od med pas lan
la/ gnyen du gyur pa'i sems can sdug bsngal gyis gzir ba mthong
na/ de rnams la mi bzod pa dang/ de yang yid du 'ong tshabs ji
ltar che ba

@040b tsam gyi/ de'i sdug bsngal mi bzod ba shugs drag po skye
bas/ sems can thams cad sdug bsngal dang bral bar 'dod pa'i
snying rje chen po skye ba la/ sems can shin tu gces shing yid
la 'phangs pa'i yid 'ong skyed pa sngon du 'gro

dgos pa'i phyir/ 'o na/ yid 'ong skyed tshul de ji lta bu yin zhe
na/ de la mkhas pa'i dbang po rnams kyi lugs gnyis yod pa las/
dang po ni/ dpal ldan zla bas/ bzhi brgya'i 'grel bar/ sems can
rnams thog ma med pa nas/

pha ma sogs kyi gnyen yin par bsam na/ de rnams bsgral pa'i
phyir du 'khor bar 'chong bar bzod pa yin par gsungs pa ltar/
bdag nyid chen po/ tsanDa go mi dang/ mkhas pa'i dbang po ka ma
la shi las kyang de ltar du gsungs

pa'i phyir/ phyogs gnyis pa ni/ bdag nyid chen po rgyal sras zhi
ba lhas/ spyod 'jug las gsungs pa ltar/ bdag gces 'dzin la dgrar
ltas te/ bdag gzhan brje tshul bsgom par gsungs pa rnams yin la/
rgyas par byang

chub lam rim las shes par bya'o/ gnyis pa/ chos dang dmigs med
la dmigs pa'i snying rje la phyag 'tshal ba de ston pa la/ 'gro
ba g.yo ba'i chu'i nang gi zla ba ltar/ g.yo dang rang bzhin
nyid kyis stong bar mthong ba yin zhes pa 'di

byung; de yang 'gro ba g.yo'i chu'i nang gi zla ba ltar/ g.yo
dang/ zhes pas chos la dmigs pa'i snying rje la phyag 'tshal ba'i
tshul de bstan/ chu'i nang gi zla ba ltar/ rang bzhin nyid kyis
stod par mthong ba yin/ zhes pas dmigs

med la dmigs pa'i snying rje la phyag 'tshal ba'i tshul de bstan
pa yin te/ 'gro ba rlung gi g.yo'i chu yi nang gi zla ba ltar/
g.yo ba ste/ skad cig gi 'jig par mthong ba'i sgo nas sems can
rnams sdug bsngal dang bral bar 'dod

@041a @##/ /pa'i snying rje chen po gang yin ba de la 'dud do/
zhes sbyar bas/ chos la dmigs pa'i snying rje la phyag 'tshal
ba'i tshul de bstan cing/ chu'i nang gi zla ba'i gzugs brnyan
de/ zla bar snang yang des stong ba bzhin du/ sems

can rnams/ rang bzhin gyi grub par snang yang rang bzhin gyi
grub pas stong par mthong ba'i sgo nas sems can rnams/ sdug
bsngal dang bral bar 'dod pa'i snying rje gang yin pa de la
'dud do/ zhes sbyar nas/ dmigs med la

dmigs pa'i snying rje la phyag 'tshal pa'i tshul de bstan pa yin
pa'i phyir/ rgyal ba'i sras po 'di'i sems gang 'gro ba rnams/
zhes sogs kyi skabs su/ lugs 'di'i lam nyams su len tshul spyir
bstan pa dang/ bye brag tu

so skye'i sar la nyams su len tshul bshad pa dang/ byang sems
'phags pa'i sa'i rnam bzhag bstan pa'o/ dang po ni/ bstan bcos
'dir byang sems kyi zab pa dang/ rgya che ba'i lam klu sgrub
kyi rjes su 'brangs nas gtan la

'babs na/ mgon po klu sgrub kyi lugs kyi/ sangs rgyas kyi sar
bsgrod pa'i lam gyi rim pa ci 'dra ba gcig bzhed ce na/ klu'i
zhabs kyi lam gyi lus phyogs re ba bshad pa mang yang/ zab pa
dang rgya che ba gnyis ka las

brtsam pa'i lam gyi lus ston pa la/ rin chen phreng ba dang
chos dbyings bstod pa dang/ mdo kun las btus pa ste/ gzhung
gsum mdzad la/ gzhung gsum pa'i rjes su 'brangs nas/ slob dpon
'phags pa lhas zab pa dang

rgya che'i lam gtan la 'bebs pa la/ dbu ma bzhi brgya pa dang/
dpal ldan zla ba grags pas dbu ma 'jug pa mdzad cing legs ldan
'byed kyis dbu ma snying po dang/ zhi ba mtshos dbu ma rgyan
dang/ zhi ba lhas dbu ma'i sgom rim

@041b la sogs pa mdzad cing/ de rnams las gsungs pa'i lam gyi
gnad thams cad ma tshang ba med par ston pa la/ dpal mar me
mdzad kyis byang chub lam gyi sgron me mdzad/ de'i dgongs pa
'brel ba la snyigs dus kyi rgyal ba gnyis pa shar

tsong kha pas rgyal ba'i gsungs rabs thams cad kyi gnad bsdus
pa shing rta chen po klu sgrub dang thogs med kyi lam srol
byang chub lam gyi rim pa zhes bya ba'i bstan bcos mdzad pa
las shes par bya ba yin no/ gnyis pa ni/ zab pa dang rgya

che ba'i lam nyams su len tshul/ klu sgrub kyi rjes su 'brangs
nas 'chad na/ mchod brjod bshad pa'i 'og de ma thag tu byang
sems so skye'i lam nyams su len tshul ston rigs pa las/ de mi
ston par byang sems 'phags

pa'i sa nyid nas bshad pa mi rigs so/ zhe na/ skyon med de/
byang sems so skye'i lam nyams su len tshul mchod brjod kyi
skabs su bstan zin pa'i phyir te/ mchod brjod kyi skabs su
gang nyams su blangs pas byang sems su

'gyur ba'i chos gsum bstan cing/ chos gsum po de byang sems su
gyur nas kyang nyams su len dgos pa'i phyir/ gsum pa/ byang
sems 'phags pa'i sa yi rnam bzhag bshad pa la/ bshad bya'i
lung 'god pa dang/ lung

gi don bshad pa gnyis/ dang po ni/ rang 'grel las/ byang chub
sems dpa' rnams kyi zag pa med pa'i ye shes/ snying rje la
sogs pas yongs su zin pa nyid char rnam par phye bas na/ sa
zhes bya ba'i ming 'thob ste/ yon tan gyi

rten du gyur pa'i phyir ro/ de yang gong nas gong du yon tan
gyi grangs dang/ mthu phul du byung ba thob pa dang/ sbyin pa
la sogs pa'i pha rol tu phyin pa klag pa dang/ rnam par smin
pa 'phel ba'i bye brag gis sa rab tu dga' ba la

@042a @##/ /sogs pa'i rnam par dbye pas dbye ba rnam pa bcur
bzhag gi/ 'di la rang gi ngo bo'i khyad par du byas pa'i dbye
ba ni/ yod pa ma yin no/ ji skad du ji ltar bar snang bya rjes
mkhas rnams kyis/ brjod par nus ma yin

zhing mi mthong ba/ de ltar rgyal ba'i sras kyi sa kun kyang/
brjod mi nus na nyan par ga la nus/ zhes gsungs so/ de la
byang chub sems dpa'i sa rab tu dga' ba ni/ byang chub sems
dpa' rnams kyi sems skyed pa dang po

yin la/ mthar chos kyi sprin ni sems bskyed pa bcu ba'o/ zhes
gsungs/ 'di'i don la/ 'grel bshad mkhan po'i lugs la dogs pa
dpyad pa dang/ rang lugs gnyis/ dang po ni/ 'grel bshad mkhan
po na re/ zag

pa dmigs pa dang rnam pa mtshungs ldan gang rung gi sgo nas
rgyas su rung ba de zag bcas kyi shes pa'i don dang/ de gang
rung gi sgo nas rgyas su mi rung ba de/ zag med kyi shes pa'i
don yin/ zer ba mi 'thad de/ ston pa sha+kya thub pa de

zag pa dmigs pa dang rnam pa mtshungs ldan gang rung gi sgo
nas/ rgyas su rung ba yin kyang/ de zag bcas ma yin pa'i phyir
te/ de zag pa dmigs pa'i sgo nas rgyas su rung ba yin kyang/
de zag bcas ma yin pa'i phyir te/

tshig gsal las/ ma rig pa'i rab rib dang bral ba dag gi ye
shes/ zag pa med pa'i yul gyi rang bzhin la ltos nas ni ma yin
no/ zhes zag med kyi shes pa yin na/ ma rig pa dang de'i bag
chags gang rung gi ma bslad pa gcig dgos

par bshad pa dang 'gal ba'i phyir/ yang 'grel bshad mkhan po
na re/ mthu phul du byung ba'i khyad par ni/ sa dang po bas
'jig rten gyi khams brgya gyo bar nus pa dang/ sa gnyis pa bas
'jig rten gyi khams stong

@042b gyo bar nus pa rnams yin no/ zhes zer ba mi 'thad de/ de
gong du yon tan gyi grangs 'phel pa'i khyad par gyi nang du
bsgrang zin pa'i phyir/ rang lugs ni/ ma rig pa dang de'i bag
chags gang rung gis bslad pa'i shes pa de zag bcas kyi

shes pa'i don yin/ de dang 'khrul shes don gcig ma rig pa dang
de'i bag chags gang rung gis ma slad pa'i rigs pa pa de zag
med kyi shes pa'i don yin/ de dang ma 'khrul ba'i shes pa don
gcig des na byang chub sems dpa' rnams

kyi zag pa med pa'i ye shes zhes pas/ byang sems 'phags pa'i
sa'i ngo bo de bstan/ snying rje la sogs pas yongs su zin pa
nyid/ zhes pas grogs kyi khyad par de bstan/ char rnam par
phye pa na/ zhes pas/ sa bcu 'jog

pa'i tshul de bstan/ sa zhes bya ba'i ming 'thob ste/ zhes pas
sa'i ming 'thob tshul de bstan/ yon tan gyi rten du gyur pa'i
phyir/ zhes pas sa'i sgra don de bstan/ des na/ byang sems
'phags pa'i sa la mtshan nyid dbye

ba sa bcur 'jog pa'i rgyu mtshan/ sa nas sar 'pho tshul/ sgra
don dang lnga/ dang po ni/ snying rje chen po dang stong nyid
mngon sum du rtogs pa'i shes rab kyis zin pa'i byang sems
'phags pa'i mngon par rtogs pa de/ byang sems

'phags pa'i sa'i mtshan nyid/ dbye na/ sa dang po rab tu dga'
ba nas/ bcu pa chos kyi sprin kyi bar bcu yod/ byang sems
'phags pa'i sa la bcur 'jog pa'i rgyu mtshan yod de/ nyan thos
kyi theg pa ste/ nyan thos kyi sde snod

las; nyan thos kyi sa brgyad bshad pa bzhin no/ de skad du
yang/ rin chen phreng ba las/ ji ltar nyan thos theg pa las/
nyan thos sa ni brgyad bshad pa/ de bzhin theg pa chen po las/
byang chub sems dpa'i sa bcu'o//

@043a @##/ /zhes gsungs/ ji ltar nyan thos theg pa las/ nyan
thos sa ni brgyad bshad pa/ zhes pa'i nyan thos kyi sa brgyad
po de dman pa sa brgyad la byed zer na/ mi 'thad de/ nyan thos
sa ni brgyad bshad pa/ zhes

nyan thos sa ni zhes bshad cing/ dman pa sa brgyad gang rung
yin na/ nyan thos kyi sa yin pas ma khyab pa'i phyir dang/
rang 'grel dang yang 'gal ba yin pa'i phyir/ rang lugs ni/ de
zhugs gnas brgyad kyi mngon rtogs

la byed pa yin te/ rang 'grel las/ des ji ltar nyan thos kyi
theg par zhugs pa dang/ 'bras bu'i lam la gnas pa'i dbye bas/
nyan thos kyi sa brgyad rnam par 'jog pa de bzhin du/ theg pa
chen por yang/ byang chub

sems dpa' rnams kyi byang chub sems dpa'i sa bcu yin no/ zhes
gsungs pa'i phyir/ byang sems 'phags pa'i sa la bcur 'jog pa'i
tshul la bzhi yod de/ yon tan gyi grangs 'phel ba'i khyad par/
mthu phul du byung ba thob pa'i

khyad par/ phar phyin gyi nyams len lhag tshul gyi khyad par/
rnam smin gyi skye ba 'dzin pa'i khyad par rnams su yod pa'i
phyir/ byang sems kyi sa bcu po de la yon tan gyi grangs 'phel
ba'i khyad par yod de/ sa dang por yon tan brgya phrag

bcu gnyis thob/ gnyis par stong phrag bcu gnyis thob pa nas/
sa bcu bar sangs rgyas kyi zhing brjod du med pa'i yang brjod
du med pa'i rdul phra rab kyi rdul gyi grangs dang snyam pa'i
yon tan sde tshan bcu gnyis thob pa'i bar rnams su yod

pa'i phyir/ de la mthu phul du byung ba thob pa'i khyad par
yod de/ sa so so la yang dri ma sbyongs pa'i stobs dang/ lam
sgrod pa'i stobs gong nas gong du 'phel ba'i khyad yod pa'i
phyir/ de la phar phyin gyi nyams

@043b len lhag pa'i khyad par yod de/ sa dang por sbyin pa'i
phar phyin gyi nyams len lhag par thob nas/ sa bcu par ye shes
kyi phar phyin gyi nyams len lhag par thob pa yin pa'i phyir/
de la rnam smin gyi skye ba 'dzin pa'i khyad par yod de/

sa dang po ba des 'dzam bu'i gling la dbang bsgyur ba'i 'khor
lo'i bsgyur ba'i rgyal por skye ba 'dzin pa nas/ sa bcu pa ba
de/ gnas gtsang ma'i lha'i rgyal por skye ba 'dzin pa'i bar
rnams su yod pa'i phyir/ byang sems 'phags pa'i don dam

pa'i sa de la bcur yod kyang/ bcu po de la/ dmigs rnam mi
'dra'i khyad par med do/ bcu ka'ang dgag bya bden grub bkag
tsam gyi de bzhin nyid la gnyis snang nub pa'i tshul gyi mnyam
par bzhag pa mtshungs pa'i phyir/ dper na/ mkha'

lding bcu nam mkha' la 'phur ba de'i tshe na/ de bcu 'phur ba'i
nam mkha' la rjes kyi dbye ba mi 'dra ba 'jig rten pa'i skye
bo rnams kyis nges mi nus pa bzhin no/ de skad du yang/ sa bcu
pa'i mdo las/ ji ltar bar snang bya rjes mkhas rnams kyis/

zhes sogs gsungs/ sa bcu'i mnyam bzhag ye shes la dmigs rnam
mi 'dra ba'i khyad par med cing/ dgag bya bden grub bkag tsam
gyi de bzhin nyid la gnyis snang nub pa'i tshul gyi mnyam par
bzhag pa mtshungs na/ chos

dbyings bstod pa las/ /ji ltar tshes pa'i zla ba ni/ /skad cig
skad cig 'phel ba ltar/ /de bzhin sa la zhugs rnams kyi rim
gyis 'phel bar mthong/ /ji ltar yar ngo'i bco lnga na/ /zla
ba'i dkyil 'khor rdzogs par gsal//

de bzhin sa'i mthar thug na/ /chos kyi sku yang rdzogs par
mthong/ /zhes sa bcu'i mnyam bzhag ye shes la chos sku mthong
tshul la khyad par yod par gsungs pa dang/ rgyud bla ma'i 'grel
bar mdo drangs pa las/ sprin mthong

@044a @##/ /mkha' la nyi 'od bzhin/ 'dir khyod blo gros phyogs
cig can/ zhes dang/ rgyud bla ma las/ /btses pa'i khyim na bu
chung gi /nyi ma'i gzugs bzhin 'phags pas kyang/ /zhes 'phags
pa 'og ma rnams kyis

chos nyid la rtse gcig tu mnyam par bzhag pa'i mnyam bzhag ye
shes de mnyam bzhag res 'jog par bshad pa dang/ rnam bshad
snying po rgyan las/ 'di la snga ma kha cig sa bcu'i mnyam
bzhag ye shes la chos nyid mthong ba la khyad par med kyang
chos

sku mthong ba la khyad par yod do zhes zer ba ni/ 'gog bden
don dam par 'dod na rigs kyang/ zhes 'gog bden don dam par
'dod pa'i lugs la yang/ sa bcu'i mnyam bzhag ye shes la chos
sku mthong ba la khyad par yod par gsungs

ba rnams kyi don ni gang yin zhe na/ chos dbyings bstod pa'i
lung de'i don ni bzhag tu yod de/ sa bcu'i mnyam bzhag ye shes
la/ glo bur gyi dri ma ci rigs dang bral ba'i 'gog bden/ gsar
mthong re yod pa lung de'i don yin

pa'i phyir/ sa bcu'i mnyam bzhag ye shes la glo bur gyi dri ma
ci rigs dang bral ba'i 'gog bden/ gsar mthong re yod de/ theg
chen gyi mthong lam bar chad med lam des/ rang rgyud ldan gyi
gang zag gi rgyud kyi sems dang sems kyi chos nyid

gnyis mthong spangs spangs pas khyad par du byas pa'i bral ba
mngon sum du ma rtogs/ theg chen gyi mthong lam rnam grol lam
des/ rang rgyud ldan gyi gang zag gi rgyud kyi sems dang sems
kyi chos nyid gnyis/ mthong spangs

spangs bas khyad par du byas pa'i bral ba mngon sum du rtogs
kyang/ de gnyis sgom spangs bden 'dzin chen po'i chen po
spangs pas/ khyad par du byas pa'i bral ba mngon sum du ma
rtogs/ sa gnyis pa'i rnam grol lam des/ rang rgyud

@044b ldan gyi gang zag gi rgyud kyi sems dang sems kyi chos
nyid gnyis sgom spangs bden 'dzin chen po'i chen po spangs pas
khyad par du byas pa'i bral ba mngon sum du rtogs kyang/ de
gnyis sgom spangs bden 'dzin chen po'i 'bring spangs pas khyad
par du

byas pa'i bral ba mngon sum du ma rtogs pa'i sa bdun pa'i
mnyam bzhag ye shes des/ rang rgyud ldan kyi gang zag gi rgyud
kyi sems dang sems kyi chos nyid gnyis/ sgom spangs bden 'dzin
'bring gi chung ngu spangs pas khyad par du/ byas pa'i

bral ba mngon sum du rtogs kyang/ de gnyis kyis sgom spangs
bden 'dzin chung ngu'i chung ngu spangs pas khyad par du byas
pa'i bral ba mngon sum du ma rtogs/ sa brgyad pa'i mnyam bzhag
ye shes la sogs pa dag sa'i ye shes rnams kyis bden 'dzin ma
lus par spangs

pas khyad par du/ byas pa'i bral ba mngon sum du rtogs kyang/
shes sgrib spangs pas khyad par du byas pa'i bral ba mngon sum
du ma rtogs/ sangs rgyas kyi sa'i rnam grol lam gyis sgrib pa
mtha' dag spangs pas khyad par du byas pa'i

bral ba mngon sum du rtogs pa yin pa'i phyir/ lung bar pa
gnyis kyi don bzhag tu yod de/ 'phags pa 'og ma rnams kyi chos
nyid mngon sum du rtogs pa'i mnyam bzhag ye shes de/ mnyam
bzhag res 'jog par

bstan pa tsam yin gyi/ dus rtag tu mi 'byung ba de'i don yin
pa'i phyir/ rnam bshad snying po rgyan las/ sa bcu'i mnyam
bzhag ye shes la chos nyid mthong ba la khyad par med par
gsungs pa'i don yod de/ rang bzhin

rnam dag gi chos nyid mthong ba la khyad par med pa/ de'i don
yin pa'i phyir/ sa bcu'i mnyam bzhag ye shes la rang bzhin
rnam dag gi chos nyid mthong ba la khyad par med de/ rang
bzhin rnam dag gi chos nyid yin na/ /

@045a @##/ /theg chen gyi mthong lam bar chad med lam la sogs
pa'i sa bcu ka'i mnyam bzhag ye shes kyi dngos kyi gzhal bya
yin dgos pa'i phyir/ rnam bshad snying po rgyan las/ sa bcu'i
mnyam bzhag ye shes la

chos sku mthong ba la khyad par yod par gsungs pa'i don yod
de/ glo bur rnam dag gi chos sku mthong ba la khyad par yod pa
de'i don yin pa'i phyir/ de yang yin te/ sa bcu'i mnyam bzhag
ye shes la glo bur gyi dri ma ci rigs dang/

bral ba'i 'gog bden gsar mthong re yod pa'i phyir/ lung de
rnams kyi don la kha cig theg chen gyi mthong lam bar chad med
lam gyis mthong spangs spangs pas khyad par du byas pa'i chos
nyid mngon sum du ma rtogs/ theg chen

gyi mthong lam rnam grol lam gyis mthong spangs spangs pas
khyad par du/ byas pa'i chos nyid mngon sum du rtogs kyang/
sgom spangs bden 'dzin chen po'i chen po spangs pas/ khyad par
du byas pa'i chos nyid mngon sum du ma rtogs

sa gnyis pa'i rnam grol lam gyis sgom spangs bden 'dzin chen
po'i chen po spangs pas khyad par du byas pa'i chos nyid mngon
sum du rtogs kyang/ sgom spangs bden 'dzin chen po 'bring
spangs pas khyad par du byas pa'i chos nyid mngon

sum du ma rtogs/ de bzhin du/ sa bdun pa'i skad cig tha mar
gyur pa'i mnyam bzhag ye shes kyis/ bden 'dzin ma lus par
spangs pas khyad par du byas pa'i chos nyid mngon sum du ma
rtogs kyang/ sa brgyad pa'i mnyam

bzhag ye shes kyis de mngon sum du rtogs/ sa bcu pa'i mnyam
bzhag ye shes kyis/ sgrib gnyis ma lus par spangs pas khyad
par du byas pa'i chos nyid mngon sum du ma rtogs kyang/ sangs
rgyas kyi sa'i mnyam bzhag ye shes

@045b kyis; de mngon sum du rtogs pa lung de rnams kyi don
yin/ zer ba mi 'thad de/ theg chen gyi mthong lam bar chad med
lam gyis mthong spangs spangs pas khyad par du byas pa'i chos
nyid mngon sum du rtogs par thal/ des theg chen gyi mthong lam
rnam

grol lam gyi chos nyid mngon sum du rtogs pa gang zhig theg
chen gyi mthong lam rnam grol lam gyi chos nyid yin na/ mthong
spangs spangs pas khyad par du/ byas pa'i chos nyid yin dgos
pa'i phyir/ de yin na mthong

spangs spangs pa'i chos nyid yin dgos pa'i phyir/ rtags dang
po der thal/ des ye shes chos sku'i chos nyid mngon sum du
rtogs pa'i phyir te/ dman lam sngon du ma song ba'i sa bdun
pa'i skad cig tha mar gyur pa'i bar chad

med lam gyis/ ye shes chos sku'i chos nyid mngon sum du rtogs
pa'i phyir te/ des de bden stong du mngon sum du rtogs pa'i
phyir te/ des de bden par 'dzin pa'i bden 'dzin gyi dngos
gnyen bar chad lam yin pa'i phyir te/ de

bden 'dzin mtha' dag gi dngos gnyen bar chad med lam yin pa'i
phyir/ gzhan yang/ des de shes chos sku'i chos nyid mngon sum
du rtogs par thal/ de la gnas pa'i gang zag des ye shes chos
sku'i chos nyid mngon sum du rtogs  

pa'i phyir te/ ye shes chos sku'i chos nyid mngon sum du rtogs
pa'i gang zag yin na/ ye shes chos sku mngon sum du rtogs pa'i
gang zag yin pas ma khyab pa'i phyir/ rgyud bla ma'i dar Tika
las/ sems can thams cad

kyi chos nyid mngon sum du rtogs kyang/ sems can thams cad
mngon sum du rtogs dgos pa'i nges med de/ dper na/ sangs ma
rgyas pa'i 'phags pa rnams kyis/ zag pa med pa'i ye shes sde
tshan nyer gcig gi chos nyid mngo 

@046a @##/ /sum du rtogs kyang/ zag med kyi ye shes sde tshan nyer
gcig mngon sum du ma rtogs pa bzhin no/ zhes gsungs pa'i phyir/
gzhan yang/ theg chen gyi mthong lam bar chad med lam la gnas
pa'i sems dpa'

des; ye shes chos sku'i chos nyid mngon sum du rtogs par thal/
des sangs rgyas kyi chos sku mngon sum du rtogs pa'i phyir te/
nyan thos mthong lam bar chad med lam pas/ sangs rgyas kyi chos
sku mngon sum du rtogs

pa'i phyir te/ 'dul ba lung las/ nyan thos 'phags pa kha cig
sangs rgyas kyi chos kyi sku mngon sum du mthong zin gyi/ gzugs
kyi sku lta ba'i phyir 'gro bar bya'o/ zhes smra bar gsungs pa'i
phyir/ kho

na re/ theg chen gyi mthong lam bar chad med lam pas/ ye shes
chos sku mngon sum du rtogs par thal/ des sangs rgyas kyi chos
sku mngon sum du rtogs pa'i phyir/ zer na/ ma khyab ste/ des
sangs rgyas kyi chos

sku mngon sum du rtogs par thal/ des ngo bo nyid sku mngon sum
du rtogs pa'i phyir te/ des rang bzhin rnam dag gi char gyur
pa'i ngo bo nyid sku/ mngon sum du rtogs pa'i phyir/ gzhan yang/
theg chen gyi mthong lam bar

chad med lam des/ sgrib gnyis ma lus par spangs pas khyad par du
byas pa'i/ sangs rgyas kyi chos nyid mngon sum du rtogs par
thal/ des rang gi gzhal byar gyur pa'i sgrib gnyis ma lus par
spangs pas khyad par  

du byas pa'i sangs rgyas kyi chos nyid mngon sum rtogs pa'i
phyir/ de'i gzhal byar gyur pa'i de yod pa'i phyir te/ rang
bzhin rnam dag gi char gyur pa'i ngo bo nyid sku de/ de yin pa'i
phyir/ ma grub na/

@046b de chos can/ der thal/ theg chen gyi mthong lam bar chad
med lam gyi mngon sum gyi gzhal bya gang zhig sgrib gnyis ma lus
par spangs pas khyad par du byas pa'i/ sangs rgyas kyi chos nyid
yin pa'i phyir/ dang po der thal/

theg chen gyi mthong lam bar chad med lam gyis de mngon sum du
rtogs pa'i phyir te/ des ye shes chos sku'i chos nyid mngon sum
du rtogs pa'i phyir/ der thal/ des ye shes chos sku bden stong
du mngon sum du rtogs pa'i phyir/

de ye shes chos sku bden par 'dzin pa'i bden 'dzin kun btags kyi
dngos gnyen bar chad med lam yin pa'i phyir/ rtsa rtags gnyis pa
der thal/ rang bzhin rnam dag gi char gyur pa'i ngo bo nyid sku
de sgrib gnyis ma lus par

spangs pas khyad par du byas pa gang zhig de sangs rgyas kyi
chos nyid yin pa'i phyir te/ dang po ma grub na/ de chos can/
der thal/ sangs rgyas yin pa'i phyir/ gnyis pa ma grub na/ der
thal/ ngo bo nyid sku yin

pa'i phyir/ gzhan yang/ sgrib gnyis ma lus par spangs pas khyad
par du byas pa'i sangs rgyas kyi chos nyid de/ sangs rgyas
'phags pa nang phan tshun kho na'i mngon sum gyi spyod yul yin
par thal/ de mngon sum du rtogs

pa'i byang 'phags med pa'i phyir/ 'dod na/ de mi gnas pa'i myang
'das yin par thal/ de sangs rgyas 'phags pa nang phan tshun kho
na'i mngon sum gyi spyod yul yin pa la rgyu mtshan yod pa'i
phyir/ 'dod na/ de 'gog

bden yin par thal/ 'dod pa'i phyir/ 'dod na/ de yin na 'gog bden
yin dgos par thal/ 'dod pa'i phyir/ 'dod na/ rang bzhin rnam dag
gi char gyur pa'i ngo bo nyid sku chos can/ der thal de'i phyir/

@047a @##/ /khyab pa khas/ rtags sgrub zin/ 'dod na/ glo bur rnam
dag yin par thal/ 'dod pa'i phyir/ 'dod mi nus te/ rang bzhin
rnam dag yin pa'i phyir/ chos can de'i phyir/ gzhan yang/ byang
sems 'phags pas

long sku mngon sum du rtogs shing/ sgrib gnyis spangs pas khyad
par du byas pa'i longs sku mngon sum du ma rtogs pa'i khyad par
'thad par thal/ des sangs rgyas kyi chos nyid mngon sum du rtogs
shing/ sgrib gnyis spangs pas

khyad par du byas pa'i sangs rgyas kyi chos nyid mngon sum du ma
rtogs pa'i khyad par du 'thad pa'i phyir/ 'dod mi nus te/ des
sgrib gnyis spangs pas khyad par du byas pa'i longs sku mngon
sum du rtogs pa'i phyir te/ sgrib

gnyis spangs pas khyad par du byas pa'i longs sku mngon sum du
rtogs pa'i de yod pa'i phyir/ ma grub na/ de chos can/ khyod
mngon sum du rtogs pa'i de yod par thal/ khyod 'khor nges pa
byang sems 'phags pa sha stag

gi bskor ba'i gzugs sku mthar thug yin pa'i phyir/ gzhan yang/
sgrib gnyis spangs pas khyad par du byas pa'i longs sku mngon
sum du rtogs pa'i byang 'phags yod par thal/ longs sku mngon sum
du rtogs pa'i byang

'phags yod pa gang zhig longs sku dang sgrib gnyis spangs pa'i
longs sku gnyis yin khyab mnyam yin pa'i phyir/ gzhan yang/ chos
nyid bden par grub pa yod par thal/ chos nyid kyi dgag bya yod
pa'i phyir te/ ye

shes chos sku'i chos nyid kyi dgag bya yod pa'i phyir/ der thal/
sgrib gnyis spangs pas khyad par du byas pa'i ye shes chos sku'i
chos nyid kyi dgag bya yod pa gang zhig de dang ye shes chos
sku'i chos nyid gnyis yin

@047b khyab mnyam yin pa'i phyir/ dang po der thal/ sgrib pa
gnyis spangs pa'i khyad par du byas pa'i ye shes chos sku'i chos
nyid de 'gog bden yin pa'i phyir te/ sgrib gnyis spangs pas
khyad par du byas pa'i chos nyid de 'gog bden yin pa'i

phyir; rtags khas/ kho na re/ ye shes chos sku'i chos nyid yin
na/ rang nyid kyi dgag bya med dgos par thal/ ye shes chos sku'i
chos nyid kyi dgag bya med pa'i phyir/ 'dod na/ ye shes chos sku
sgrib pa dang bral ba'i bral ba

chos can/ der thal/ de'i phyir/ zer na/ rtsa bar ma khyab/ ri
bong rwa med yin na/ rang nyid kyi dgag bya med dgos par thal/
ri bong rwa med kyi dgag bya med pa'i phyir/ khyab pa khas/ ma
grub na/ ri bong rwa yod par thal/ ri bong rwa med kyi dgag

bya yod pa'i phyir/ rtsa bar 'dod na/ bum med chos can/ khyod
kyi dgag bya med par thal/ khyod ri bong rwa med yin pa'i phyir/
khyab pa khas/ 'dod na/ bum med kyi dgag bya yod par thal/ yod
pa yod pa'i phyir/ ! bzhi pa sa nas sar 'pho tshul la/

kha cig rgyu 'bras man ngag bdun la sogs pa'i byang chub kyi
sems sbyangs pa'i man ngag bzhin du sbyangs pa la brten nas sems
bskyed mtshan nyid tshang ba gcig skyes pa dang/ theg chen gyi
tshogs lam skyes pa dus mnyam/ tshogs lam

gyi gnas skabs su/ stong nyid rtogs pa yod kyang/ yul can ye
shes dang yul stong nyid gnyis 'brel med lta bur snang ba'i
gnyis snang shin tu rags pa yod cing/ tshogs lam gyi gnas skabs
su/ stong nyid sgom pa la/

brten nas/ yul can ye shes kyi chos nyid rigs pa'i rigs ngor/
yul can ye shes yul chos nyid la zug pa ltar snang zhing/ gnyis
snang nub pa ltar snang ba'i ye shes skyes pa ni theg chen gyi
sbyor lam drod thob par 'jog

@048a @##/ /sbyor lam gyi gnas skabs su stong nyid bsgoms pa la
brten nas/ chos nyid la gnyis snang phra mo nub nas chos nyid
mngon sum du rtogs pa na/ theg chen gyi mthong lam bar chad med
lam thob par 'jog theg

chen gyi mthong lam rnam grol lam gyi gnas skabs su mthong
spangs ma lus par spangs nas/ de las langs pa'i rje thob tu sgom
spangs bden 'dzin chen po'i chen po spong phyir du/ tshogs rgya
chen po bsogs/ de ltar bsags pa

la brten nas/ rang gi ngos skal gyi spang byar gyur pa'i sgom
spangs bden 'dzin chen po'i chen po'i dngos gnyen bar chad med
lam nam thob pa na/ byang sems sa dang po ba de sa gnyis par
'phos par 'jog sa gnyis pa'i rnam

grol lam skad cig tha ma skyes pa na/ sgom spangs bden 'dzin
chen po'i chen po spangs nas/ de las langs pa'i rje thob tu sgom
spangs bden 'dzin chen po'i 'bring spong ba'i phyir du/ tshogs
rgya chen po bsogs/ de ltar bsags

pa la brten nas rang gi ngos skal gyi spang byar gyur pa'i sgom
spangs bden 'dzin chen po'i 'bring gi dngos gnyen bar chad med
lam thob pa na/ byang sems sa gnyis pa ba de sa gsum par 'phos
par 'jog des/ sa bdun pa'i bar

du rigs 'dre/ sa bdun pa nas sa brgyad par 'pho ba'i tshul la/
theg chen gyi sgom spangs la dgu yod de/ chen po skor gsum/
'bring skor gsum/ chung ngu skor gsum rnams su yod pa'i phyir/
de'i dang po drug

nyon sgrib dang/ tha ma gsum shes sgrib yin no/ theg chen gyi
sgom spangs nyon mongs chung ngu skor gsum ni med de/ de 'dra'i
rnam bzhag Tika chen las ma bshad pa'i phyir/ des na/ sa bdun
pa'i rnam grol lam skye

@048b theb dang po des/ sgom spangs bden 'dzin 'bring gi chung
ngu rags pa phal cher spang na/ de las langs pa'i rje thob tu/
sgom spangs bden 'dzin 'bring gi chung ngu phra zhing phra ba
spangs pa'i phyir du tshogs rgya chen po bsogs/ de ltar

bsags pa la brten nas/ sgom spangs bden 'dzin 'bring gi chung
ngu phra zhing phra ba'i dngos gnyen bar chad med lam thob pa
dang/ nyon sgrib kyi dngos gnyen bar chad med lam thob pa dang/
sa bdun pa'i ye shes skad cig tha mar thob par 'jog des

drangs pa'i rnam grol lam thob pa dang/ sa bdun pa nas/ sa
brgyad par 'phos pa dang/ nyon sgrib ma lus par spangs pa dang/
sa bdun pa'i skad cig tha ma'i bar chad med lam gyi rnam grol
lam thob pa dus mnyam pa yin no/ zer na/ stong nyid

la rtse gcig tu mnyam par bzhag pa'i theg chen gyi sbyor lam
drod kyi ye shes de la/ stong nyid la gnyis snang nub pa ltar
snang pa'i/ snang tshul yod par thal/ theg chen gyi tshogs lam nas
sbyor lam drod du 'pho tshul de 'thad pa'i phyir/ 'dod

na; rnam bshad snying po rgyan las/ de lta bu'i stong nyid rtogs
pa'i/ zhi lhag zung 'brel thog mar skyes pa ni/ sbyor lam drod
skyes zhes bya la/ de'i tshe mnyam par bzhag bzhin pa'i dus nyid
na yang/ gnyis snang yod pa myong stobs

kyis nges nus kyang/ sbyor lam bzod pa thob pa sogs kyi tshe de
ltar nges mi nus pas/ nyan thos kyi sa las/ gnyis snang nub pa
ltar snang gi /gnyis snang nub pa ni ma yin no/ zhes bshad do/
zhes gsungs pa mi 'thad par thal/

'dod pa'i phyir/ gzhan yang/ stong nyid la rtse gcig tu mnyam
par bzhag pa'i theg chen gyi sbyor lam mnyam bzhag ye shes kyi
stong nyid gzigs pa'i gzigs ngor gnyis snang yod par thal/ des
stong nyid rigs pa'i rigs ngor

@049a @##/ /gnyis snang yod pa'i phyir/ rtags khas/ 'dod na/ des
stong nyid nges pa'i nges ngor/ gnyis snang yod par thal/ 'dod
pa'i phyir/ 'dod mi nus te/ des stong nyid nges pa'i nges ngor
yod na stong

nyid yin dgos pa'i phyir/ gzhan yang/ byang sems sbyor lam pa'i
rgyud kyi ji lta ba rtogs pa'i tshad mas/ ji lta ba gzigs pa'i
gzigs ngor gnyis snang yod par thal/ stong nyid la rtse gcig tu
mnyam par

bzhag pa'i theg chen gyi sbyor lam mnyam bzhag ye shes kyis
stong nyid gzigs pa'i gzigs ngor gnyis snang yod pa'i phyir/
'dod na/ des ji lta ba gzigs pa'i gzigs ngor/ ji snyed pa yod
par thal/ 'dod pa'i

phyir; 'dod na/ ji lta ba rtogs pa'i rnam mkhyen gyis ji lta ba
gzigs pa'i gzigs ngor ji snyed pa yod par thal lo/ kho na re/
byang sems sbyor lam pa'i rgyud kyi stong nyid rtogs pa'i rigs
shes rje dpag gis/ stong nyid

gzigs pa'i gzigs ngor gnyis snang yod par thal/ des stong nyid
gzigs pa'i gzigs ngor stong nyid kyi don spyi yod pa'i phyir te/
des stong nyid don spyi'i tshul gyi rtogs pa'i phyir/ zer na/ ma
khyab/ gzhan yang/

sa dang po'i sgom lam med par thal/ sa dang po nas sa gnyis par
'pho tshul de 'thad pa'i phyir/ 'dod na/ rgyud bla ma'i dar Tika
las/ sa dang po'i skad cig dang po shes bzod skad cig ma bcu
drug gis bsdus pa'i mthong

ba'i lam yin la/ sa dang po bskal pa du ma'i yun gyi rdzogs dgos
pas/ sa dang pos bsdus pa'i sgom lam yang yod par shes par
bya'o/ zhes gsungs pa mi 'thad par thal/ 'dod pa'i phyir/ gzhan
yang/

@049b sa dang po'i sgom lam yod par thal/ sa dang po'i skad cig
tha mar gyur pa'i bar chad med lam yang yod/ sa bcu pa'i skad
cig tha mar gyur pa'i bar chad med lam yang yod pa'i phyir/ dang
po der thal/ sa bdun pa nas

brgyad par 'pho tshul de 'thad pa'i phyir/ gnyis pa der thal/
rgyun mtha'i bar chad med lam yod pa'i phyir/ gzhan yang/ sa
dang po'i skad cig tha mar gyur pa'i bar chad med lam yod par
thal/ byang sems sa dang po ba des sa dang

po'i ngos skal gyi spang bya spangs pa dang/ de sa gnyis par
'phos pa dus mnyam pa'i phyir/ der thal/ byang sems sa bdun pa
ba des/ sa bdun pa'i ngos skal gyi spang bya spangs pa dang/ sa
brgyad par 'phos pa dus mnyam/ byang

sems sa bcu ba pa des/ sa bcu'i ngos skal gyi spangs bya spangs
pa dang/ sangs rgyas kyi sar 'phos pa dus mnyam pa'i phyir/ dang
po der thal/ sa bdun pa nas brgyad par 'pho tshul de 'thad pa'i
phyir/ gnyis pa

der thal/ byang sems sa bcu ba pa des rgyun mtha'i bar chad med
lam gyi ngos skal gyi spang bya spangs pa dang/ sangs rgyas kyi
sar 'phos pa dus mnyam pa'i phyir te/ des shes sgrib spangs pa
dang/ sangs rgyas kyi sar 'phos pa

dus mnyam pa'i phyir/ kho na re/ Tika chen las/ de yang sgom
spangs kyi nyon mongs lhan skyes che 'bring drug sa gnyis pa nas
bdun pa'i bar gyi spongs pa'i sa 'di'i spang bya la dgongs so/
zhes gsungs pa mi 'thad par thal/ sa

dang po'i sgom lam yod pa'i phyir/ zer na/ ma khyab/ sgom spangs
nyon mongs chen po'i chen po de sa gnyis pa'i ngos skal gyi
spang bya yin zhing/ sa gnyis pa'i gnas skabs su de spangs nus
pa nas bzung ste/ sgom spangs

@050a @##/ /nyon mongs 'bring gi chung ngu/ sa bdun pa'i ngos skal
gyi spang bya yin zhing/ sa bdun pa'i gnas skabs su de spong nus
pa lung de'i don yin byas pa la/ kho na re/ sa gnyis pa'i gnas
skabs su/ sgom

spangs nyon mongs chen po'i chen po spangs nus par thal/ lung
don de 'thad pa'i phyir/ 'dod na/ sgom spangs nyon mongs chen po
spangs pa'i dman lam sngon du ma song ba'i/ sa gnyis pa'i ye
shes yod par thal/ 'dod

pa'i phyir/ zer na/ ma khyab/ shes sgrib spangs pa'i sa bcu'i ye
shes yod par thal/ sa bcu'i gnas skabs su shes sgrib spang nus
pa'i phyir/ khyab pa 'grig rtags der thal/ rgyun mtha'i gnas
skabs su shes

sgrib spang nus pa'i phyir te/ shes sgrib spang nus pa'i gnas
skabs gcig yod pa'i phyir/ rang lugs ni/ sa nas sar 'pho ba de'i
tshe na/ mnyam bzhag nas mnyam bzhag tu 'pho ba yin zhing/ de
yang bar chad med lam

nas rnam grol lam du 'pho ba yin/ sa dang po nas gnyis par 'pho
ba'i tshe na/ bar chad med laM nas rnaM grol lam du 'pho zhing/
sa bdun pa nas brgyad par 'pho ba'i tshe na/ bar chad med lam nas
rnam grol lam du 'pho sa bcu

pa nas/ sangs rgyas kyi sar 'pho ba de'i tshe na/ bar chad med
lam nas rnam grol lam du 'pho ba yin pa'i phyir/ dang po yin te/
sa dang po'i skad cig tha mar gyur pa'i bar chad med lam yod
pa'i phyir te/ dman

lam sngon du ma song ba'i byang sems sa dang po ba des/ sa dang
po'i ngos skal gyi spang bya spangs pa dang/ sa gnyis par 'pho
ba dus mnyam pa'i phyir te/ des sa dang pos/ yongs sbyongs
rdzogs pa dang/ sa gnyis par

@050b 'pho ba dus mnyam pa'i phyir/ rgyan snang las/ ji srid du
sa gang gi yongs su sbyong ba ma rdzogs pa de srid du sa de yin
la/ rdzogs nas ni sa gzhan yin par shes par bya'o/ zhes gsungs
pa'i phyir/ gnyis pa grub ste/ sa

bdun pa'i skad gcig mar gyur pa'i bar chad med lam yod pa'i
phyir ro/ lnga pa sgra bshad ni/ theg chen gyi mthong lam chos
can/ khyod las zhes bshad pa'i rgyu mtshan yod de/ yon tan du
ma'i gzhi rten byed pa'i rgyu mtshan de ltar brjod pa'i

pa'i phyir/ sbyor ba ni/ theg chen gyi mthong lam bar chad med
lam chos can/ 'jig rten las 'das pa'i sa dang po yin te/ bden
stong la gnyis snang nub pa'i theg chen gyi mthong lam yin pa'i
phyir/ des nas bzung ste de ni thob par

gyur pa yi/ zhes sogs kyi don la kha cig byang chub sems dpa'
yin na/ byang sems 'phags pa yin pas khyab zer ba mi 'thad de/
byang sems so skye de byang chub sems dpa' yin pa'i phyir/ der
thal/ theg chen sems bskyed

rgyud la skyes ma thag pa'i gang zag de/ byang chub sems dpa'
yin pa'i phyir te/ de rgyal ba'i sras yin pa'i phyir te/ der
thal/ de ring sangs rgyas rigs su skyes/ sangs rgyas sras su nga
gyur to/ zhes gsungs pa'i phyir/

kho na re/ byang sems so skye chos can/ don dam sems bskyed thob
pa'i gang zag yin par thal/ byang chub sems dpa' yin pa'i phyir/
khyab ste/ de nas bzung ste de ni thob par gyur pa yin/ zhes
sogs gsungs pa'i phyir/ zer na/  

ma khyab ste/ don dam sems skyed thob pa'i byang chub sems dpa'
yin na/ don dam pa'i byang chub sems dpa' yin dgos pa lung de'i
don yin pa'i phyir/ rang lugs ni/ byang sems sa dang po ba chos
can/ don dam pa'i byang chub

@051a @##/ /sems dpa' yin te/ don dam pa'i sems bskyed thob pa'i/
byang chub sems dpa' yin pa'i phyir/ 'di ni de bzhin gshegs pa
rnams kyi rigs su'ang skyes pa ste/ zhes sogs kyi don la/ kha
cig

byang sems sa dang po ba de/ don dam pa'i de bzhin gshegs pa'i
rigs su skyes pa/ de'i don yin zer na/ 'o na/ de don dam pa'i de
bzhin gshegs pa'i rigs yin par thal/ lung don de 'thad pa'i
phyir/ 'dod na/

don dam pa'i de bzhin gshegs par 'gyur rung yin par thal/ 'dod
pa'i phyir/ 'dod na/ de rang don chos skur 'gyur rung yin par
thal/ 'dod pa'i phyir/ 'dod na/ sangs rgyas 'phags pa de rang
don chos sku

yin par thal/ 'dod pa'i phyir/ 'dod mi nus te/ gzhan don gzugs
sku yin pa'i phyir/ chos can de'i phyir/ rang lugs ni/ byang
sems sa dang po ba chos can/ de bzhin gshegs pa'i rigs su nges
par skyes pa yin te/

sangs rgyas kyi sa kun tu 'od thob par 'gro ba'i lam rgyud la
skyes pa'i rgyal sras 'phags pa yin pa'i phyir/ 'di ni 'phags pa
brgyad pa ji lta de ltar nye bar bstan/ zhes sogs kyi skabs su/
kha cig byang sems sa dang

po ba chos can/ khyod la rgyun zhugs zhugs pa 'phags pa brgyad
pa'i ming gi btags nas ston pa'i rgyu mtshan yod de/ khyod de
dang spang rtogs cha 'dra ba'i rgyu mtshan gyis/ de ltar bstan pa
yin pa'i phyir/ zhes zer na/ rgyun

zhugs zhugs pa'i rgyud la spangs rtogs yod par thal/ sbyor ba de
'thad pa'i phyir/ 'dod na/ de'i rgyud la spangs pa yod par thal/
'dod pa'i phyir/ 'dod na/ de'i rgyud la 'gog bden yod par thal/
'dod pa'i phyir/

@051b byas pa la kho na re/ de'i rgyud la spangs pa yod par
thal/ so so skye bo'i rgyud la spangs pa yod pa'i phyir/ de'i
rgyud la 'dod nyon spangs pa'i spangs pa yod pa'i phyir te/ 'dod
nyon dgu pa spangs pa'i so skye yod pa'i phyir te/ mthong lam

gyi snga rol du 'dod nyon dgu pa spangs pa'i phyir mi 'ong yod
pa'i phyir/ der thal/ 'bras bu thod rgal ba'i phyir mi 'ong yod
pa'i phyir/ ma khyab/ byas pa la/ chags bral sngon song gi phyir
mi 'ong yod par thal/ 'bras bu thod rgal ba'i

phyir mi 'ong yod pa'i phyir/ 'dod na/ mthong lam gyi snga rol
du 'dod nyon dgu pa la chags pa dang bral ba'i phyir mi 'ong yod
par thal/ 'dod pa'i phyir/ zer na/ ma khyab te/ chags bral sngon
song zhes pa'i chags pa de/ 'jig rten

pa'i sgom spangs su gyur pa'i 'dod nyon la byed cing/ mthong lam
gyi snga rol tu 'jig rten pa'i sgom spangs su gyur pa'i 'dod
nyon dgu pa la chags pa dang bral ba'i phyir mi 'ong yod pa'i
phyir/ kha cig 'di'i skabs kyi 'phags pa brgyad

pa de/ rgyu zhugs 'bras gnas la byed zer pa mi 'thad de/ de dgra
bcom 'bras gnas nas mar bsgrang ba'i 'phags pa brgyad pa yang ma
yin/ rgyun zhugs zhugs pa nas yar bsgrang ba'i 'phags pa brgyad
pa yang ma yin pa'i phyir/

dang po grub te/ de dgra bcom 'bras gnas nas mar bsgrang pa'i
'phags pa bdun pa yin pa'i phyir/ gnyis pa grub ste/ de rgyun
zhugs zhugs pa nas yar bsgrang ba'i 'phags pa gnyis pa yin pa'i
phyir/ kho na re/ rang

'grel las/ mdor na ji ltar 'phags pa rgyun du zhugs pa la rang
dang rjes su mthun pa'i 'phags pa'i chos rtogs pa las skyon dang
bral zhing yon tan 'byung ba de bzhin du/ byang chub sems dpa'
'di la yang/ sa rtogs pa

@052a @##/ /las rang dang 'tsham pa'i yon tan 'byung ba dang/ skyon
zad par rgyun zhugs zhugs pa'i dpe'i sgo nas yongs su gsal bar
byas pa yin no/ zhes gsung pa mi 'thad par thal/ nyid kyi dam
bca' de 'thad pa'i phyir/

zer na/ ma khyab/ kha cig rgyun zhugs 'bras gnas de 'phags pa
brgyad pa yin te/ de dgra bcom zhugs 'bras/ phyir mi 'ong zhugs
'bras/ phyir 'ong zhugs 'bras/ rgyun zhugs zhugs 'bras su
bsgrang ba'i 'phags pa

brgyad pa yin zer ro/ rang lugs ni/ byang sems sa dang po ba
chos can/ khyod la rgyun zhugs zhugs pa 'phags pa brgyad pa'i
ming gi btags nas ston pa'i rgyu mtshan yod de/ rgyun zhugs zhugs
pa 'phags pa brgyad pa des 'phags pa'i

chos thob pa las/ rang dang rjes su mthun pa'i spangs rtogs kyi
yon tan rnams 'byung bar 'gyur ba de bzhin du/ khyod kyi kyang
sa thob pa las/ de dang rjes su mthun par skyon zad cing yon tan
khyad par can 'byung bar

'gyur ba'i rgyun mtshan gyis de ltar bstan pa yin pa'i phyir/
rdzogs pa'i byang chub sems lta dang po la gnas kyang/ zhes sogs
kyi skabs su/ bshad bya'i lung 'god pa dang/ lung gi don bshad
pa gnyis/

dang po ni/ byams pa'i rnam par thar pa'i mdo las/ rigs kyi bu/
'di lta ste/ dper na/ rgyal po'i bu skyes nas ring po ma lon pa/
rgyal po'i mtshan dang ldan pa ni blon po'i tshogs rgan po gtso
bor gyur ba thams cad

kyang; rigs kyi bdag nyid che ba'i dbang gis zil gyis gnon to/
de bzhin du byang chub sems dpa' las dang po pa byang chub tu
sems bskyed nas ring po ma lon pa/ de bzhin gshegs pa chos kyi
rgyal po'i rigs su

@052b skyes pas kyang/ byang chub kyi sems dang snying rje'i
dbang gis nyan thos dang/ rang sangs rgyas yun ring du tshangs
par spyad pa rnams zil gyis gnon to/ rigs kyi bu 'di lta ste/
dper na/ nam mkha' lding gi dbang po chen po'i phru gu skyes nas
ring po ma lon

pa'i gshog pa'i rlung gi shugs dang/ mig yongs su dag pa'i yon
tan gang yin pa de ni/ de las gzhan pa'i bya'i tshogs ma lus pa
rgas par gyur pa thams cad la yod pa ma yin no/ de bzhin du
byang chub sems dpa' byang chub tu sems

dang po skyed pa/ de bzhin gshegs pa nam mkha' lding gi dbang po
chen po'i rigs kyi rgyud du yang dag par byung ba nam mkha'
lding gi dbang po chen po'i phru gu thams cad mkhyen pa nyid du
sems bskyed pa'i gshog pa'i stobs kyis pha rol

gnon pa dang/ lhag pa'i bsam pa yongs su dag pa'i mig gi yon tan
gang yin pa de ni/ bskal pa brgya stong du nges par 'byung ba'i
nyan thos dang/ rang sangs rgyas thams cad la yod pa ma yin no/
zhes gsungs/

gnyis pa la/ 'grel bshad kyi lugs dgag pa dang/ rang lugs bzhag
pa rnam pa gnyis/ dang po/ 'grel bshad mkhan po na re/ mdo 'di
las/ byang chub tu sems bskyed nas ring por ma lon pa zhes pa
dang/

byang chub tu sems dang po bskyed pa zhes pa'i skabs kyi byang
chub kyi sems de/ rags pa brda las byung ba'i sems bskyed dang/
de'i skabs kyi byang sems las dang po ba yang byang sems tshogs
lam pa

la byed/ ces gsungs/ de skad du yang/ 'grel bshad las/ byang
chub tu sems bskyed nas ring po ma lon pa/ zhes bya ba 'dis ni/
brda las byung pa'i byang chub kyi sems bskyed pa bstan pa

@053a @##/ /yin no/ de'i phyir byang chub sems dpa' las dang po ba
zhes bya bar smos so/ zhes gsungs/ de 'gog pa la/ Tik chen las/
'grel bshad las lung de gnyis kyi don brda las byung ba'i

sems bskyed la bshad mod kyang/ las dang po ba/ sems bskyed nas
ring po ma lon pa zhes gsung pa ni/ don dam pa'i sems bskyed la
ltos nas yin la/ sngar de bzhin gshegs pa'i rigs su skyes

pa sa dang po nas yin par gsungs pa dang/ lung snga phyi gnyis
ka ni/ dpe so so ba tsam ma gtogs pa don gcig yin pa'i phyir
dang/ rtsa ba'i tshig rkang gsum gyi don yang mdo de'i don bsdus
par snang ba'i phyir

dang; lhag pa'i bsam pa dag pa'i sems bskyed ni sa dang po'i
sems bskyed la mdo sde rgyan la sogs pa mang po las gsungs pa'i
phyir ro/ zhes gsungs/ de'i don ni/ byams pa'i rnam par thar
pa'i mdo las

gsungs pa'i byang chub sems dang po bskyed pa/ zhes pa'i sems
skyed dang po de/ rags pa brda las byung ba'i sems bskyed la
byed mi rigs par thal/ de don dam pa'i sems bskyed dang po la
byed rigs pa'i phyir

te; mdo de don dam pa'i sems dang po bskyed pa'i byang chub sems
dpa'i rgyud kyi yon tan la dogs pa gcod pa'i skabs yin pa'i
phyir/ gzhan du na/ dbu ma 'jug pa las/ sems bskyed bcu gsungs
pa'i

sems bskyed dang po de/ don dam pa'i sems bskyed dang po la byed
mi rigs par thal/ mdo de'i skabs kyi sems bskyed dang po de/ don
dam pa'i sems bskyed dang po la byed mi rigs pa'i phyir/ rigs pa

@053b gnyis pa ni de bzhin gshegs pa chos kyi rgyal po'i rigs su
skyes pas kyang/ zhes pa'i skabs kyi byang chub sems dpa' de/
byang sems tshogs lam pa la byed mi rigs par thal/ de byang sems
sa dang po ba la byed rigs

pa'i phyir te/ 'di ni de bzhin gshegs pa rnams kyi rigs su 'ang
skyes pa ste/ zhes pa'i skabs kyi byang chub sems dpa' de byang
sems sa dang po ba la byed rigs pa'i phyir/ 'o na/ lung snga
phyi gnyis dpe so so ba tsam ma gtogs don

gcig yin pa'i phyir/ zhes pa'i don gang yin zhe na/ 'di'i don la
kha cig mdo snga phyi gnyis kyi bstan pa'i zil gyi gnon byed kyi
sems bskyed de/ byang sems so skye'i sems bskyed la byed mi rigs
par thal/ de lhag

bsam dag pa'i sems skyed la byed rigs pa gang zhig lhag bsam dag
pa'i sems bskyed sa dang po yan chad kyi sems bskyed la mdo sde
rgyan la sogs pa mang po las gsungs pa'i phyir/ rtags dang po
grub ste/ mdo snga phyi gnyis

po de dpe so so ba tsam ma gtogs don gcig yin pa gang zhig mdo
phyi mas/ lhag pa'i bsam pa yongs su dag pa'i mig gi yon tan
gang yin pa de ni/ zhes zil gyi gnon byed kyi sems bskyed de/
lhag bsam dag pa'i

sems bskyed la dngos su bshad pa'i phyir/ zer ba mi 'thad de/
'grel bshad mkhan po la/ byams pa'i rnam par thar ba'i mdo tshan
snga phyi gnyis don gcig mi gcig dogs pa tsam yang med pa'i
phyir dang/ mdo phyi mas

bstan pa'i lhag pa'i bsam pa/ lhag bsam dag pa'i sems bskyed la
byed pa/ 'grel bshad mkhan po la/ bsgrub bya yin gyi sgrub byed
du 'god mi rigs pa'i phyir/ de bzhin du/ kha cig byams pa'i rnam
par thar

@054a @##/ /pa'i mdo las gsung pa'i zil gyis gnon byed kyi sems
bskyed de/ sa dang po'i sems bskyed la byed rigs te/ de bzhin
gshegs pa nam mkha' lding gi dbang po chen po'i rigs kyi rgyud
du yang dag par byung ba

ba zhes pa'i skabs kyi byang chub sems dpa' de/ byang sems sa
dang po ba la byed rigs pa'i phyir/ de rigs te/ mdo tshan dang
po'i skabs su/ de bzhin gshegs pa chos kyi rgyal po'i rigs su
skyes pa/ zhes pa'i

skabs kyi byang chub sems dpa' de/ byang sems sa dang po ba la
byed rigs pa'i phyir/ khyab ste/ byams pa'i rnam par thar pa'i
mdo snga phyi gnyis ka dpe so so ba tsam ma gtogs don gcig yin
pa'i phyir/ rtsa ba'i

rtags grub ste/ 'di ni de bzhin gshegs pa rnams kyi rigs su 'ang
skyes pa ste/ zhes pa'i skabs kyi byang chub sems dpa' de/ byang
sems sa dang po ba la byed rigs pa'i phyir/ zhes pa Tik chen gyi
don yin

snyam na yang mi 'thad de/ gong du bkag zin pa'i phyir/ rang
lugs ni/ 'grel bshad mkhan po na re/ byams pa'i rnam par thar
pa'i mdo las gsungs pa'i/ nyan rang zil gyi gnon byed kyi sems

bskyed de/ rigs pa brda las byung ba'i sems bskyed la byed/ sa
bcu pa'i mdo las/ sems bskyed ma thag tu lhag pa'i bsam pa'i che
ba nyid kyis nyan thos dang/ rang sangs rgyas thams cad zil gyis
gnon

gyi; zhes pa'i skabs kyi sems bskyed de/ byang sems sa dang po'i
sems bskyed la byed/ zhes zer/ de ltar yang/ 'grel bshad las/
don dam pa'i byang chub kyi sems kyi nyan thos dang rang sangs
rgyas zil

@054b gyis gnon pa'i nus pa yod pa nyid du bstan par bya'i phyir
du/ 'phags pa sa bcu pa las zhes bya ba la sogs pa smos te/ zhes
dang/ de ltar brda las byung ba'i byang chub sems bskyed pa'i
stobs rnams kyi dbang gi nyan

thos dang/ rang sangs rgyas dag zil gyis gnon pa nyid du bstan
nas/ de ni don dam pa'i sems bskyed dang po la/ nyan thos dang
rang sangs rgyas zil gyis gnon pa'i nus pa yod pa 'grel pas
bstan pa dang/ de bzhin

du gnas skabs gang na rtogs pa'i dbang gi byang chub sems dpa'/
nyan thos dang/ rang sangs rgyas zil gyis gnon pa de bstan par
bya'i phyir/ de ni ring du song bar/ zhes bya ba las sogs pa la/
zhes gsungs/

de 'gog pa la/ Tik chen las/ lung snga phyi gnyis ka ni/ dpe so
so ba tsam ma rtogs/ zhes sogs gsungs/ de'i don ni 'grel bshad
kyi lugs de mi 'thad de/ byams pa'i rnam par thar pa'i mdo las
gsungs pa'i

nyan rang zil gyis gnon byed kyi sems bskyed de/ sa dang po'i
sems bskyed la byed rigs par thal/ de las gsungs pa'i lhag pa'i
bsam pa yongs su dag pa'i mig gi yon tan gang yin pa de ni/ zhes
pa'i lhag pa'i

bsam pa de/ sa dang po'i sems bskyed la byed rigs pa'i phyir te/
sa bcu pa'i mdo las/ sems bskyed ma thag tu lhag pa'i bsam pa
che ba nyid kyis/ zhes pa'i lhag pa'i bsam pa de/ sa dang po'i
sems

bskyed la byed rigs pa'i phyir/ khyab ste/ byams pa'i rnam par
thar pa'i mdo las/ nam mkha' lding gi dbang po chen po'i phru
gu/ zhes sogs kyi mdo 'di dang/ sa bcu pa'i mdo las/ sems bskyed
ma

@055a @##/ /thag du lhag pa'i bsam pa'i che ba nyid kyi/ zhes sogs
kyi mdo 'di nyid/ dpe so so ba tsam ma gtogs don gcig yin pa'i
phyir te/ de gnyis ka rdzogs pa'i byang chub sems lta dang po la
gnas

kyang zhes pa'i bshad bya rtsa ba'i mdo yin pa/ mtshungs pa'i
phyir/ der thal/ dang po de de'i bshad bya rtsa ba'i mdo yin pa
gang zhig sa bcu pa'i mdo de de'i bshad bya rtsa ba'i mdo yin
pa'i phyir/ phyi ma grub ste/ de'i

bshad bya rtsa ba'i mdo gyur pa'i sa bcu pa'i mdo gcig yod pa'i
phyir/ Tik chen las/ 'dir sa dang po sogs kyi bshad pa ni/ mdo
sde sa bcu pa la brten nas 'chad la/ zhes gsungs pa'i phyir/
rtsa ba'i tshig rkang gsum

gyi don/ yang zhes sogs kyi don ni/ byams pa'i rnam par thar
ba'i mdo las gsungs pa'i byang chub sems dpa' de byang sems sa
dang po ba la byed rigs par thal/ rdzogs pa'i byang chub sems
lta dang po la gnas kyang/

zhes pa'i skabs nas/ bstan pa'i byang sems de/ byang sems sa
dang po pa la byed rigs pa'i phyir/ khyab ste/ rdzogs pa'i byang
chub sems lta dang po la gnas kyang/ zhes pa 'di mdo de gnyis
ka'i don 'chad byed

yin pa'i phyir/ rtags 'grel bshad mkhan pos khas blangs pa yin
te/ 'di ni 'phags pa brgyad pa ji lta de ltar nye bar bstan/
zhes pa'i 'jug de ma thag tu/ rang 'grel las/ byang chub sems pa
'di ni rdzogs

pa'i byang chub sems ltar dang po la gnas kyang/ zhes pa dang/
de'i thad kyi 'grel bshad las/ de ltar sa nas sar gnon pa dang/
ngan 'gro'i lam 'gag pa dang/ so so skye bo'i sa rnams zad par
'gyur ba'i

@055b yon tan rnams brjod nas/ nyan thos dang rang sangs rgyas
dag zil gyis gnon pa'i yon tan bstan par bya ba'i phyir/ byang
chub sems dpa' 'di ni zhes bya ba la sogs pa smos ste/ 'di ni
zhes pa sems bskyed pa dang po'o/ /zhes gsungs pa'i

phyir; lhag pa'i bsam pa dag pa'i sems bskyed ni/ sa dang po'i
sems bskyed la zhes sogs kyi don ni/ byams pa'i rnam par thar
pa'i mdo las gsungs pa'i byang sems de byang sems sa dang po ba
la byed rigs par thal/ de las

lhag pa'i bsam pa yongs su dag pa'i mig gi yon tan/ zhes pa'i
lhag pa'i bsam pa de/ lhag bsam dag pa'i sems bskyed la byed
rigs pa gang zhig lhag bsam dag pa'i sems bskyed kyi ma mtha'i
sa mtshams sa dang

po nas 'jog par mdo sde rgyan las gsungs pa'i phyir/ dang po der
thal/ mdo de las bsam pa yongs su dag pa/ zhes bshad pa'i phyir/
khyab ste/ sa bcu ba'i mdo las/ sems bskyed ma thag tu lhag pa'i
bsam pa'i che ba

nyid kyis/ zhes bshad na/ de'i skabs nas bstan pa'i lhag pa'i
bsam pa de/ lhag bsam dag pa'i sems bskyed la byed rigs pa'i
khyab pa yod pa'i phyir/ rtags gnyis pa grub ste/ mdo sde rgyan
las/ sems bskyed

de ni sa rnams la/ mos dang lhag bsam dag pa dang/ rnam par smin
pa bzhin du 'dod/ de bzhin sgrib pa spangs pa'o/ zhes gsungs
pa'i phyir/ 'di la dogs pa ni/ lung snga phyi gnyis ka ni dpe so
so ba tsam ma gtogs don

gcig yin pa'i phyir/ zhes pa'i don 'chad tshul de mi 'thad par
thal/ de dang/ 'grel bshad las/ lung de gnyis kyi don brda las
byung ba'i sems bskyed la 'chad mod kyang/ zhes pa 'di gnyis don
gci

@056a @##/ /yin pa'i phyir te/ lung don grub pa'i phyir zhes zer/
yang lung snga phyi gnyis ka dpe so so ba tsam ma gtogs/ zhes
pa'i lung dang po de/ byams pa'i rnam par thar pa'i mdo dang/
gnyis pa de sa bcu pa'i

mdo la byed mi rigs par thal/ de'i dang po de/ byams pa'i rnam
par thar ba'i mdo tshan dang po dang/ gnyis pa de sa bcu'i mdo la
byed mi rigs pa'i phyir te/ byams pa'i rnam par thar pa'i mdo
tshan dang po dang/ sa bcu

pa'i mdo gnyis dpe so so ba ma yin pa'i phyir te/ de gnyis dpe
gcig yin pa'i phyir/ dogs pa de'i dbang du byas na/ lung snga
phyi gnyis ka ni/ dpe so so ba tsam ma gtogs don gcig zhes pa'i
don ni/ byams pa'i

rnam par thar pa'i mdo tshan gnyis kas bstan pa'i/ byang sems de/
byang sems sa dang po ba la byed rigs par thal/ 'di ni de bzhin
gshegs pa rnams kyi rigs su'ang skyes pa ste/ zhes pa'i skabs
nas bstan pa'i

byang sems de/ byang sems sa dang po pa la byed rigs pa gang
zhig de'i skabs nas bstan pa'i byang sems dang/ byams pa'i rnam
par thar pa'i mdo tshan gnyis kas bstan pa'i byang sems de/ dpe
so so ba tsam ma

gtogs don gcig yin pa'i phyir/ kha cig byams pa'i rnam par thar
pa'i mdo las/ lhag pa'i bsam pa yongs su dag pa'i mig gi yon tan
gang yin pa de ni/ zhes pa'i lhag pa'i bsam pa de lhag bsam rnam

dag pa'i sems bskyed la byed mi rigs par thal/ de snying rje
chen po la byed rigs pa'i phyir te/ mdo des byang sems sa dang
po bas nyan rang dgra bcom snying rje'i sgo nas zil gyis gnon
tshul gcig 'chad rigs pa'i phyir te/

@056b mdo tshan dang po'i skabs su byang sems sa dang po bas/
nyan rang dgra bcom/ snying rje'i sgo nas zil gyis gnon tshul
gcig bshad pa'i phyir te/ byang chub kyi sems dang snying rje'i
dbang gis nyan thos dang rang sangs rgyas yun ring du/ zhes bya

ba gsungs pa'i phyir/ yang kho na re/ thams cad mkhyen pa nyid
du sems bskyed pa'i gshog pa'i stobs kyis pha rol gnon pa dang/
zhes pa'i mdo 'di dang/ lhag pa'i bsam pa yongs su dag pa'i mig
gi yon tan gang yin pa de

ni; zhes pa'i mdo 'di gnyis la zlos skyon yod par thal/ mdo de
gnyis kas byang sems sa dang po bas/ nyan rang dgra bcom theg
chen sems bskyed kyi sgo nas zil gyis gnon tshul bstan pa'i
phyir/ zer na/ ma khyab/ ma grub

na; der thal/ mdo dang po des bstan pa gang zhig mdo phyi ma des
bstan pa'i phyir/ der thal/ mdo phyi ma de'i skabs nas bstan
pa'i/ lhag pa'i bsam pa yongs su dag pa'i/ zhes pa'i/ lhag pa'i
bsam pa de/

lhag bsam dag pa'i sems bskyed la byed rigs pa'i phyir/ zer na/
gong du ma khyab ste/ mdo dang po des/ byang sems sa dang po
bas/ nyan rang dgra bcom theg chen sems bskyed kyi grogs byang
chub don gnyer gyi 'dun pa'i sgo

nas; zil gyis gnon tshul bstan cing/ mdo phyi ma des/ byang sems
sa dang po pas/ nyan rang dgra bcom theg chen gyi sems bskyed
kyi grogs/ gzhan don don gnyer gyi 'dun pa'i sgo nas/ zil gyis
gnon nus tshul

bstan pa'i phyir/ de ltar ma yin na/ byams pa'i rnam par thar
pa'i/ mdo tshan snga phyi gnyis la yang zlos skyon yod par thal/
de gnyis kas byang sems sa dang po bas/ nyan rang dgra bcom bsod
nams kyi tshogs kyi sgo nas

@057a @##/ /zil gyis gnon tshul bstan pa'i phyir/ khyab pa 'grig
kho na re/ theg chen sems bskyed kyi grogs su gyur pa'i gzhan
don don gnyer gyi 'dun pa yod par thal/ lung don de 'thad pa'i
phyir/

gzhan don don gnyer gyi 'dun pa de/ theg chen sems bskyed kyi
rgyur dgos pa dang/ byang chub don gnyer gyi 'dun pa de/ theg
chen sems bskyed kyi grogs su dgos par shes pa'i phyir du theg
chen sems bskyed la 'dun

pa'i ming gi btags nas bstan pa de mi 'thad par thal/ 'dod pa'i
phyir/ zer na/ ma khyab/ gzhan yang/ theg chen sems bskyed de
gzhan don don gnyer gyi blo yin par thal/ de'i grogs su gyur
pa'i gzhan  

don don gnyer gyi 'dun pa yod pa'i phyir/ 'dod na/ ma yin par
thal/ rang don don gnyer gyi blo yin pa'i phyir/ zer na/ ma
khyab/ der thal/ rang don chos sku don gnyer gyi blo yin pa'i
phyir/ zer na/ theg

chen sems bskyed de gzhan don don gnyer gyi blo yin par thal/ de
gzhan don gzugs sku don gnyer gyi blo yin pa'i phyir te/ de
gzhan don du rdzogs pa'i byang chub don gnyer gyi blo yin pa'i
phyir/ ! gnyis pa rang lugs

bzhag pa la/ byams pa'i rnam par thar ba'i mdo de'i don bzhag tu
yod de/ rigs kyi bu 'di lta ste/ dper na/ 'khor los bsgyur ba'i
rgyal po'i bu skyes nas/ ring po ma lon pa mtshan dpe rjes mthun
pa sogs 'khor los

bsgyur ba'i rgyal po'i mtshan dang ldan pa/ blon po'i tshogs ma
lus pa thams cad/ rigs dang bsod nams kyi dbang gi zil gyis gnon
pa de bzhin du/ 'phags pa'i sa la ltos nas/ byang sems

@057b las dang po ba don dam pa'i byang chub tu sems bskyed nas
ring po ma lon pa dang/ de bzhin bshegs pa chos kyi rgyal po'i
rigs su skyes pa'i byang sems sa dang po ba des/ byang chub kyi
sems dang snying rje la sogs pa bsod nams kyi

stobs kyis/ yun ring du tshangs par spyad pa de/ yun ring du thar
pa'i lam sgom pa'i nyan thos dang rang sangs rgyas zil gyis gnon
nus pa mdo tshan dang po'i don dang/ rigs kyi bu 'di lta ste/
dper na/ nam mkha' lding gi dbang

po chen po'i phru gu skyes nas ring po ma lon pa'i gshog pa
rlung gi shugs kyi rgya mtsho 'byed nus pa'i yon tan dang/ thag
ring po'i gzugs mthong ba'i mig yongs su dag pa'i yon tan gang
yin pa des ni/ de las gzhan pa'i bya'i

tshogs ma lus pa thams cad zil gyis gnon nus pa de bzhin du/
byang chub sems dpa'i don dam pa'i byang chub tu sems dang po
bskyed pa/ de bzhin gshegs pa nam mkha' lding gi dbang po chen
po'i rigs kyi rgyud du yang

dag par byung ba'i/ byang sems sa dang po ba des/ thams cad
mkhyen pa nyid du sems bskyed pa ste/ byang chub don gnyer gyi
bsam pa dang/ lhag pa'i bsam pa yongs su dag pa ste/ gzhan don
don gnyer gyi bsam

pa'i stobs kyis bskal pa brgya stong du nges par 'byung ba ste/
bar bskal brgya stong du thar pa'i lam sgom pa'i nyan thos dang
rang sangs rgyas zil gyi gnon nus pa/ mdo tshan gnyis pa'i don
yin pa'i phyir/ 'o na/ byang sems

so skye'i rgyud kyi sems bskyed kyi nyan rang dgra bcom zil gyis
gnon mi nus pa yin zhe na/ ma yin te/ byams pa'i rnam par thar
pa'i mdo las/ rigs kyi bu 'di lta ste/ dper na/ rdo rje rin po
che ni chag kyang gser

@058a @##/ /gyi brgyan khyad par 'phags pa thams cad zil gyis gnon
cing/ rdo rje rin po che'i ming yang mi 'dor la/ dbul ba thams
cad kyang rnam par zlog go rigs kyi bu de bzhin du/ thams cad
mkhyen par sems bskyed pa'i

rdo rje rin po che ni/ nan tan dang bral yang nyan thos dang
rang sangs rgyas kyi yon tan kyi gser gyi rgyan thams cad zil
gyis gnon cing/ byang chub sems dpa' ming yang mi 'dor la/ 'khor
ba'i dbul ba thams cad kyang rnam par

zlog go zhes gsungs la/ mdo 'di slab btus las/ byang chub kyi
sems spyod pa dang bral ba la yang brnyas par mi bya ba'i rigs
byed du drangs pa'i phyir/ sa thob pa la sems skyed de spyod pa
dang bral ba mi srid pa'i phyir ro/

de ni ring du song bar blo yang lhag par 'gyur/ zhes sogs kyi
skabs su/ sa drug pa man chad du nyan rang dgra bcom blo'i sgo
nas zil gyis gnon mi nus shing/ sa bdun pa nas nyan rang dgra
bcom blo'i sgo nas zil gyis gnon nus

bar sa bcu pa'i mdo las gsungs pa dang/ de ltar gsungs pa'i grub
pa'i don bshad pa dang gnyis/ dang po ni/ sa bcu pa'i mdo las
kye rgyal po'i sras dag 'di lta ste/ dper na/ rgyal po'i rigs su
skyes pa'i

rgyal po'i bu rgyal po'i mtshan dang ldan pa ni/ skyes pa tsam
gyis rgyal po'i byin gyis/ blon po'i tshogs thams cad zil gyis
gnon gyi/ rang gi blo'i stobs kyis rnam par spyad pas ni ma yin
no/ nam de nar son par

gyur pa de'i tshe/ rang gi blo'i stobs bskyed pas/ blon po'i bya
ba thams cad las ni shin tu 'das pa yin no/ kye rgyal ba'i sras
dag de bzhin du byang chub sems dpa' yang/ sems skyed ma thag tu
lhag pa'i bsam

@058b pa'i che ba nyid kyis/ nyan thos dang rang sangs rgyas
thams cad zil gyis gnon gyi/ rang gi blo'i stobs kyis rnam par
dpyad pas ni ma yin no/ byang chub sems dpa' sa bdun pa 'di la
gnas pa'i byang chub sems dpa' ni rang gi yul shes pa'i

che ba la gnas pas/ nyan thos dang rang sangs rgyas kyi bya ba
thams cad las shin tu 'das pa yin no/ zhes gsungs/ 'di'i don la/
dgag bzhag gnyis las/ dang po la kha cig sa drug pa man chad du
nyan rang dgra bcom blo'i sgo nas zil

gyis gnon mi nus shing/ sa bdun pa na/ nyan rang dgra bcom blo'i
sgo nas zil gyis gnon par gsungs pa'i don yod de/ sa drug pa man
chad du rang gi ngos skal gyi spang byar gyur ba'i shes sgrib
kyi dngos gnyen byed mi nus/ sa bdun pa nas de ltar

nus pa'i pa'i rgyu mtshan gyi yin/ zhes zer/ kha cig dam bca'i
don de/ sa drug pa man chad du ting nge 'dzin la thod rgal du
snyoms par 'jug mi nus/ sa bdun pa nas de ltar 'jug nus pa'i
rgyu mtshan gyis yin no/ zhes zer/ kha cig de'i

don yod de/ sa bdun pa'i ye shes de phyir mi ldog pa'i sa brgyad
pa'i ye shes la mngon du phyogs pa'i/ ye shes yin pa'i rgyu
mtshan gyi de ltar 'jug nus pa yin/ zhes zer/ lugs dang po mi
thad de/ dman lam mngon du ma song  

ba'i sa bdun pa'i skad gcig tha ma'i ye shes chos can/ khyod kyi
nyon sgrib ma lus par spang par thal/ khyod kyis rang gi ngos
skal gyi spangs byar gyur pa'i shes sgrib kyi dngos gnyen byed
pa'i phyir/ khyab ste/ nyon sgrib ma lus par ma spangs bar shes

sgrib spangs pa'i 'go mi rtsom pa'i phyir/ dper na/ gos la chags
pa'i dri ma rags ba ma bsal bar dri ma phra mo sel ma nus pa
bzhin no/ kho na re/ de chos can/ rang gi ngos skal gyi spangs
byar gyur pa'i shes sgrib kyi dngos gnyen byed

@059a @##/ /par thal/ bden 'dzin gyi dngos gnyen byed pa'i phyir/
zer na ma khyab ste/ bden 'dzin gyi sa bon spong ba shes sgrib
spong ba ma yin pa'i phyir ste/ bden 'dzin gyi sa bon shes sgrib
ma yin pa'i phyir de/ de nyon sgrib

yin pa'i phyir te/ bden 'dzin nyon sgrib yin pa'i phyir/ lugs
gnyis pa yang mi 'thad de/ thod rgal zhes pa brda rnying pa las
snel zhi zhes 'byung ba/ de yang rim pa 'chol ba la zer zhing/
sa drug pa man chad du ting nge

'dzin la rims pa 'chol ba'i/ sgo nas snyoms par 'jug pa med
cing/ sa bdun pa nas ting nge 'dzin la rims pa 'chol ba'i sgo
nas snyoms par 'jug pa yod pa la shes byed med pa'i phyir/ lugs
gsum pa yang

mi 'thad de/ sa drug pa man chad du nyan rang dgra bcom blo'i
sgo nas zil gyis gnon mi nus shing/ sa bdun pa nas nyan rang
dgra bcom blo'i sgo nas zil gyis gnon nus pa yin ste/ sa bdun
pa'i ye shes de/ sa bdun pa'i ye shes

yin pa'i phyir/ zhes rtsod gzhi rtags su bkod pa dang khyad par
med pa'i phyir/ gnyis pa 'grel bshad kyi lugs la dogs pa dpyad
nas/ rang lugs bzhags pa la/ Tika chen nas/ 'grel bshad las/ sa
bdun par

kho bo lam la 'jug par bya'o snyams pas rnam rtogs yod pas rtsol
pa dang bcas la mdo la sogs pa'i chos kyis mtshan ma mngon du mi
byed pas/ mtshan ma med pa'i lam thob cing/ sa drug pa man chad
dang nyan rang rnams la mtshan

ma de med pas blos zil gyis gnon par gsungs kyang/ 'di la de kho
na nyid kyi rtogs pa'i steng nas khyad par bzhag dgos par snang
ngo/ de yang yang dag pa'i mtha'i de kho na nyid la 'jug ldang
gi sgo nas yin ste/ sa bdun pa'i skabs su

@059b 'chad pa ltar sems kyi skad cig re re la 'gog pa yang dag
pa'i mtha' la 'jug ldang byed pa/ 'di nas nus la/ sa 'og mar mi
nus par gsungs pa yin no/ zhes bdag gi bla ma dam pas gsungs pa
ltar legs te/ mos spyod

du sems dang/ de kho na nyid gnyis ro gcig tu ma song bas stong
nyid kyi ting nge 'dzin la dus thung ngur 'jug ldang byed pa mi
dka' yang sems dang de kho na nyid gnyis chu la chu bzhag pa
bzhin du song ba'i 'phags pa'i skabs su 'jug ldang gi

tshul de shin tu dka' ba'i phyir ro/ zhes gsungs/ 'di'i don la
'grel bshad kyi lugs la dogs pa gcod pa la/ gzhan lugs dang rang
lugs gnyis las/ dang po ni mkhas pa kha cig 'grel bshad mkhan po
na re/ sa drug

pa man chad du nyan rang dgra bcom blo'i stobs kyis zil gyis
gnon par mi nus shing/ sa bdun pa nas nyan rang dgra bcom blo'i
stobs kyis zil gyis gnon nus par gsungs pa'i don yod de/ sa drug
pa man chad du mdo la sogs ba'i

chos kyi mtshan ma mngon du byed dgos pas mtshan med kyi lam de ma
thob sa bdun pa nas mdo la sogs pa'i chos kyi mtshan ma mngon du
byed mi dgos pas/ mtshan med kyi lam de thob pa yin pa'i phyir/
de yang yin ste/ sa drug pa

man chad du stong nyid la mngon sum du snyoms par 'jug pa'i snga
rol du stong nyid la don spyi'i tshul gyi snyoms par 'jug pa la
ltos dgos sa bdun pa nas stong nyid la mngon sum du snyoms par
'jug pa'i snga rol du stong nyid la don spyi'i tshul

kyi snyoms par 'jug pa la ltos mi dgos par dang po nyid nas
stong nyid la mngon sum du snyoms par 'jug nus pa'i phyir/ mdo
la sogs pa'i chos kyi mtshan ma ni/ stong nyid kyi sgra spyi dang
don spyi la byed/ ces gsungs de ni mi thad de/ Tika chen du

@060a @##/ /'grel bshad 'gog pa de'i tshe na 'di la de kho na nyid
kyi rtogs pa'i steng nas khyad par bzhag dgos par snang ngo/
zhes pa'i dgag pa de 'grel bshad la mi 'jug par thal/ 'grel
bshad kyi lugs la

yang sa drug pa man chad du/ nyan rang dgra bcom blo'i stobs
kyis zil gyi gnon mi nus shing/ sa bdun pa nas nyan rang dgra
bcom blo'i stobs kyi zil gyis gnon nus par gsungs pa de stong
nyid mngon sum du rtogs tshul gyis

sgo nas 'chad rigs pa'i phyir te/ 'grel bshad kyi lung don 'chad
tshul de 'thad pa'i phyir/ rtags khas/ rang lugs ni/ 'grel bshad
khan po na re/ sa drug pa man chad du nyan rang dgra bcom blo'i
stobs kyi zil gyis gnon

mi nus shing/ sa bdun pa nas nyan rang dgra bcom blo'i stobs
kyis gnon nus par gsungs pa'i don yod de/ sa drug pa man chad du
byang phyogs so bdun dang/ bden bzhi rtogs pa'i lam dang/ rten
'brel rtogs pa'i

lam la sogs pa lam gang yang mngon du byed nus kyang/ mdo sde la
sogs pa'i gsung rab la ltos dgos/ sa bdun pa nas byang phyogs so
bdun la sogs pa'i lam gang mngon du byed kyang/ mdo sde la sogs
pa'i gsung rabs

la ltos mi dgos pa'i phyir/ mdo la sogs pa'i chos kyis mtshan ma
ni/ mdo sde la sogs pa'i gsungs rab dang lung la byed pa yin
gsungs/ de skad du yang 'grel bshad las rang gi blo'i stobs kyis
zhes bya ba ni/ rang

gi shes rab kyi stobs kyis mdo la sogs pa'i mtshan ma la mi stos
pa 'di/ zhes dang rang gi blos rnam par dpyad pas kyang zhes bya
ba ni/ rang gi shes rab kyis rang bzhin med par yongs su shes
pa'i sgo nas so/ zhes bya ba'i don no/

@060b de ltar lung gi sgo nas ni ma yin pa'o/ zhes dang/ sems
skyed bdun pa'i thad kyi 'grel bshad las ring du song ba zhes
bya ba ni sa 'dir byang chub kyi phyogs dang bden pa dang/ rten
cing 'brel bar 'byung ba la sogs pa la dmigs pa'i

mtshan ma med pa la gnas pa rtsol bas 'jug pa'i phyir ring du
song ba zhes bya ste mtshan ma med pa la gnas pas sngar med pa da
ltar thob pas so/ zhes gsungs/ de ni mi thad de sa drug pa man
chad du nyan rang dgra bcom blo'i stobs kyis  

zil gyis gnon mi nus zhing/ sa bdun pa nas nyan rang dgra bcom
blo'i stobs kyis zil gyis gnon nus par gsungs pa de de kho na
nyid mngon sum du rtogs tshul kho na'i steng nas 'jog rigs pa la/
de ltar ma bzhag pa'i phyir/ rang lugs

ni; sa drug pa man chad du nyan rang dgra bcom blo'i stobs kyis
zil gyis gnon mi nus shing/ sa bdun pa nas nyan rang dgra bcom
blo'i stobs kyis zil gyis gnon nus bar gsungs pa'i don yod de/
sa drug pa man chad du sems kyi skad cig re re la

'gog pa yang dag pa'i mtha' la mngon sum du 'jug ldang byed nus
pa'i sgo nas rang gi yul 'gog pa yang dag pa'i mtha' shes pa'i
che ba la mi gnas/ sa bdun pa nas bzung ste sems kyi skad cig re
re la 'gog pa yang dag pa'i mtha'

la mngon sum du 'jug ldang byed nus pa'i sgo nas 'gog pa yang
dag pa'i mtha' shes pa'i/ che ba la gnas pa'i blo'i stobs kyis
nyan rang dgra bcom zil gyis mnon nus pa'i phyir te/ sa bcu pa'i
mdo las byang chub sems dpa'i sa

bdun pa 'di la gnas pa'i byang chub sems dpa' ni sems kyi skad
cig ma gcig la yang 'gog pa la snyoms par 'jug cing ldang ste
'gog pa mngon du byas/ zhes pa ni mi bya'o/ zhes dang/ gzhung
rtsa bar yang ring du song/ 'dir 'di ni skad cig dang

@061a @##/ /skad cig la ni 'gog par 'jug 'gyur cing/ thabs kyi pha
rol phyin legs 'bar pa'ang thob/ zhes gsungs pa'i phyir/ skabs
'di'i sems kyi skad cig ma de dus mtha'i slad cig ma la byed

mi rigs te/ dus mtha'i skad cig ma gcig la 'gog pa yang dag pa'i
mtha' la mngon sum du 'jug ldang byed nus pa'i sems can med pa'i
phyir/ des na 'di'i sems kyi skad cig ma de bya rdzogs kyi thung
mtha'i skad cig

ma la byed rigs shing/ de yang/ sa drug pa man chad du bya
rdzogs kyi thung mtha'i skad cig ma gcig la 'gog pa yang dag
pa'i mtha' la/ mngon sum du 'jug ldang byed mi nus shing/ sa
bdun pa nas de ltar nus pas

rgyu mtshan yod de/ mos spyod du sems dang de kho na nyid gnyis
ro gcig tu ma song ba'i stong pa nyid kyi ting nge 'dzin la/ dus
thung ngur 'jug ldang byed pa mi dka' yang/ sems dang de kho na
nyid gnyis chu la chu bzhag pa bzhin

du song ba'i 'phags pa'i skabs su 'jug ldang gi tshul de shin tu
dka' ba'i phyir/ gal te sa dang po'i yon tan 'chad pa'i skabs su
sa bdun par nyan rang dgra bcom blo'i stobs kyis zil gyis mnon
par 'chad pa 'di skabs su

ma babs so/ snyam na/ skabs 'tshol ba'i skyon med de/ rdzogs pa'i
byang chub sems lta dang po la gnas kyang/ zhes pa'i skabs su/
sa dang po nas nyan rang dgra bcom rigs kyi sgo nas zil gyis
gnon nus par bstan

pa na/ sa gang nas nyan rang dgra bcom blo'i stobs kyis zil gyis
gnon nus snyam pa'i/ dogs pa skye bas de bcad pa'i phyir du/ de
ni ring du song bar blo yang lhag par 'gyur/ zhes pa'i gzhung
'di gsungs pa yin

@061b pa'i phyir/ des na lung gi tshig don bshad pa ni don dam
pa'i sems skyed ma thag pa'i byang sems sa dang po ba des nyan
rang dgra bcom blo'i stobs kyis zil gyis gnon mi nus pa dang/
des de rigs kyi sgo nas zil gyis gnon nus pa yin pa'i

phyir ste/ des de lhag bsam dag pa'i sems skyed kyis sgo nas zil
gyis gnon nus pa'i phyir/ dper na/ 'khor los sgyur ba'i rgyal
po'i bu skyes ma thag pa des/ blon po'i tshogs thams cad blo'i
stobs kyis zil gyis gnon mi nus kyang

des de thams cad rigs dang bsod nams kyis sgo nas zil gyis gnon
nus pa bzhin no/ des na skabs 'di'i lhag pa'i bsam pa des/ lhag
bsam dag pa'i sems bskyed la byed pa yin te/ mdo 'di sa dang
po'i yon tan 'chad

pa'i skabs yin pa gang zhig /lhag bsam dag pa'i sems bskyed sa
dang po nas thob pa'i phyir/ des na theg chen gyi mthong lam pa
sdug bsngal chos bzod la gnas pa'i sems pa'i rgyud la kun rdzob
sems bskyed yod de/ don dam pa'i

sems bskye ma thag pa'i de la gnas pa'i sems dpa'i rgyud la lhag
bsam dag pa'i sems bskyed yod pa'i phyir ste/ de lhag bsam dag
pa'i sems bskyed thob ma thag pa'i sems dpa' yin pa'i phyir/ sa
dang po nas nyan rang dgra bcom

blo'i stobs kyis zil gyis gnon mi nus kyang/ sa bdun ba nas nyan
rang dgra bcom blo'i stobs kyis zil gyis gnon nus pa yin te/ sa
bdun pa 'gog pa yang dag pa'i mtha' shes pa'i che ba la gnas
pa'i blo'i stobs kyis nyan rang dgra bcom

zil gyis gnon nus pa'i phyir/ dper na/ 'khor los sgyur ba'i
rgyal po'i bu skyes nas nar son pa de/ blon po'i tshogs blo'i
stobs kyi zil gyis gnon nus pa bzhin no/ des na nyan thos dang
rang sangs rgyas kyi bya ba thams cad

@062a @##/ /las shin tu 'das pa yin no zhes pa'i don/ nyan rang
dgra bcom blo'i stobs kyis zil gyi gnon nus pa la byed pa yin
te/ rang 'grel las/ de'i phyir de ltar na ring du song ba kho na
nas bzung nas ni byang chub

sems pa'i blo'i stobs skyes bas kyang nyan thos dang rang sangs
rgyas dag zil gyis gnon par gyur gyi/ sa 'og ma rnams su ni ma
yin no zhes shes par bya'o/ zhes gsungs pa'i phyir/ gnyis pa de
ltar gsung pa'i grub pa'i don 'chad

pa la sa bcu pa'i mdo las nyan rang la chos rang bzhin med par
rtogs pa yod par bstan pa dang de sgrub pa'i khungs bstan pa
dang/ de ltar bstan pa la tsod pa spong ba'o/ dang po la gnyis/
'grel pa mdzed pa'i dgongs pa gsal bar

bshad pa dang/ de nyid spyod 'jug gi lugs su'ang bstan pa'o/
dang po la/ bshad bya'i lung 'god pa dang lung gi don bshad
pa'o/ dang po ni/ rang 'grel las lung 'di las ni nyan thos dang
rang sangs rgyas rnams la yang chos thams

cad rang bzhin med par shes pa yang yod do/ zhes bya bar gsal
bar nges te/ de ltar ma yin na/ dngos po rang bzhin med par
yongs su shes pa dang bral ba'i phyir 'jig rten pa'i 'dod chags
dang bral ba ltar de dag kyang sems

dang po skyed pa'i/ byang chub sems dpas kyang rang gi blos rnam
par dpyad pas kyang zil gyis gnon par 'gyur la/ phyi rol pa
bzhin du 'di dag gis khams gsum na spyod pa'i phra rgyas thams
cad spangs par yang mi 'gyur ro/ /

gzugs la sogs pa'i rang gi ngo bo la dmigs pas phyin ci log tu
gyur pa'i phyir/ gang zag gi bdag med pa rtogs par yang mi 'gyur
ste/ bdag tu gdags pa'i rgyu phung po la dmigs pa'i phyir ro/
zhes gsungs/ lung

@062b gi don la dgag bzhag gnyis/ dang po ni/ kho na re/ nyan
rang dgra bcom pa rnams kyis chos kyi bdag med rtogs pa yin te/
des chos kyis bdag med ma rtogs pa la rigs pa gsum gyis gnod
pa'i phyir/ ji ltar gnod zhe na/ byang

sems sa dang po pas mngon pa gnyis nas bshad pa ltar gyi ci yang
med/ man chad kyi sas sdus kyis dus nyon mngos la chags pa dang
bral ba'i phyir rol drang song blo'i stobs kyi zil gyis gnon nus
pa bzhin di/ nyan rang dge bcom pa yang blo'i

stobs kyis zil gyi gnon nus par thal/ byang sems sa dang po bas
chos kyi bdag med mngon sum du rtogs/ nyan rang dgra bcom pas
chos kyi bdag med rtogs pa'i phyir/ 'dod na/ sa bcu pa'i mdo
dang 'gal/ rigs pa gnyis

pa ni nyan rang dgra bcom pas khams gsum na spyod pa'i phra
rgyas thams cad ma spangs par thal/ des stong nyid ma rtogs pa'i
phyir/ dper na phyi rol pa'i drang srong bzhin/ rigs pa gsum pa
ni/ nyan rang dgra bcom pas gang zag bden med

du ma rtogs par thal/ des gang zag gi gdags gzhi'i/ phung po
bden med du ma rtogs pa'i phyir te des chos kyi bdag med ma
rtogs pa'i phyir/ 'dod na/ des gang zag gi bdag med mtshan nyid
tshang ba gcig ma rtogs par thal/ 'dod

pa'i phyir/ 'dod na/ gang zag gi bdag med ma rtogs par thal/
zhes pa'i don yin/ zhes zer/ 'o na/ mngon pa gnyis nas bshad pa
ltar gyi ci yang med man chad kyi sas bsdus kyi nyon mongs la
chags pa dang bral ba'i phyi rol pa'i

drang srong yod par thal/ rigs pa dang po de 'thad pa'i phyir/
'dod na ci yod med man chad kyi sas bsdus kyis gang zag rang
rkya thub pa'i rdzas yod du grub par 'dzin pa'i rtogs pa la
chags pa dang bral ba'i phyi rol pa'i drang srong yod par thal

@063a @##/ /'dod pa'i phyir/ 'dod na/ gang zag rang rkya thub pa'i
rdzas yod du 'dzin pa'i rtogs pa la chags pa dang bral ba'i phyi
rol pa'i drang srong yod par thal/ 'dod pa'i phyir/ 'dod na/
gang zag ranr rkya thub pa'i

rdzas yod kyi stong par rtogs pa'i phyir rol pa'i drang srong
yod par thal/ 'dod pa'i phyir/ gzhan yang/ 'jig rten pa'i lam
zhi rags kyi rnam pa can gyi ci yang med man chad kyi sas bsdus
kyis gang zag rang rkya thub pa'i rdzas yod

du 'dzin pa'i rtogs pa la chags pa dang bral par byed nus par
thal/ ci yang med man chad kyi sas bsdus kyi gang zag rang rkya
thub pa'i rdzas yod du grub par/ 'dzin pa'i rtogs pa la chags pa
dang bral ba'i phyi rol pa'i drang song yod pa'i phyir/

gang zag rang rkya thub pa'i rdzas yod du 'dzin pa'i rtogs pa
la/ chags pa dang bral bar byed nus par thal/ 'dod pa'i phyir/
'dod na/ des gang zag rang rkya thub pa'i rdzas yod du grub par
'dzin pa'i rtog pa spong nus par

thal; 'dod pa'i phyir/ gnyis pa la ngo bo nyid sku chos can/
khams gsum na spyod pa'i phra rgyas thams cad ma spangs par
thal/ stong nyid ma rtogs pa'i phyir te/ khyod kyi rtogs pa'i
chos med pa'i phyir/ khyod ngo bo

nyid sku yin pa'i phyir/ 'dod mi nus te/ sangs rgyas yin pa'i
phyir/ gsum pa la chos bdag med ma rtogs na/ gang zag gi bdag
med ma rtogs pas khyab thal/ gang zag gi gdags bzhing chos phung
po

bden med du ma rtog sna/ gang zag bden med du ma rtogs pas khyab
pa'i phyir/ 'dod na/ gang zag gi bdag med dang/ chos kyi bdag
med gnyis kyi nang nas/ gang zag gi bdag ned rtogs sla zhing
chos kyis bdag med rtogs

@063b dka' ba'i khyad par mi 'thad par thal/ 'dod pa'i phyir/
'dod na/ lam rim chung ba las/ gzhi gang zag dang chos kyi steng
du nges rgyu'i bdag med la phra rag kyi khyad par med kyang/
khyad gzhi'i gnod kyi gang zag gi steng du/ nges sla la

chos kyi steng du nges dka' ba'i phyir/ zhes gsungs pa mi thad
par thal/ 'dod pa'i phyir/ gzhan yang/ de nyid las/ bdag 'dzin
gnyis kyis skye rim la/ chos kyi bdag 'dzin gyi gang zag gi bdag
'dzin skyed pa yin kyang/

bdag med pa'i de nyid la 'jug pa na sngon du gang zag gi bdag
med kyi lta ba bskyed nas/ de'i 'og tu chos kyis bdag med rtogs
pa'i lta bskyed dgos so/ zhes gsungs pa mi thad par thal/ gang
zag gi bdag med rtog pa'i lta ba rgyud la

skyes pa'i gang zag yin na/ chos kyi bdag med rtogs pa'i lta ba
rgyud la skyes pa'i gang zag yin dgos pa'i phyir/ kho na re/
rten 'bral gyi rtags kyi gang zag bden med du sgrub pa'i phyir
rgol yang dag des/ rten 'brel dang gzugs rnyen

bden med du du ma rtogs par thal/ gang zag gi bdag med rtogs
pa'i gang zag yin na/ chos kyi bdag med rtogs yin pas ma khyab
pa'i pyir/ zer na/ ma khyab ste/ chos dang gang zag gnyis su/
phyi ba'i chos

gang yang rung pa gcig/ bdag med du rtogs pa'i gang zag yin na/
chos kyi bdag med rtogs pa'i gang zag yin pas ma khyab pa'i
phyir te/ chos kyi bdag med rtogs pa'i gang zag yin na/ gang zag
gi gdags gzhi'i

phung po bden med du rtogs pa'i gang zag yin dgos pa'i phyir kho
na re/ ting nge 'dzin rgyal po las/ dngos po gcig ni bsam byas
na/ de dag thams cad sgom 'gyur ste/ zhes dang/ 'jug pa las/
shing rta tshigs

@064a @##/ /na yan lag med dpe bzhin/ blo mes yan lag can bsreg
yan lag go zhes dang/ bzhi brgya ba las/ /gang gi dngos gcig de
bzhin nyid mthong ba/ /de'i dngos kun de bzhin nyid du mthong/
zhes dang

gcig gi po gang yin pa/ /de ni kun gyi lta po yin/ zhes sogs
gsungs pa mi thad par thal/ chos gcig gi gnas lugs rtogs pa'i
gang zag yin na/ chos thams cad kyi gnas lugs rtogs pa'i gang
zag

yin pas ma khyab pa'i phyir/ zer na skyon med de/ chos gcig gi
steng du bden med tshad mas grub pa'i gang zag yin na/ de nas
bden par grub ma grub dpyad pa zhugs pa tsam gyi chos gzhan
rnams/ bden med

du rtogs nus pa lung de rnams kyis don yin pa'i phyir ste/ lam
rim chung ba las/ 'jig rten na rdzun par grags pa'i dpe 'di
rnams thog mar rang bzhin med par rtogs bcug nas/ de nas 'jig
rten na rdzun

par ma grags pa'i chos gzhan rnams rang bzhin med par rtogs pa
skyed dgos shing/ de gnyis la snga phyi'i rim pa dgos pas chos
gcig gi stong nyid rtogs pa na chos gzhan thams cad kyi stong
nyid dngos su rtogs

pa dgos pa ma yin gyis/ chos gzhan bden par yod med la blo kha
phyogs pa na rtogs nus pa'i don no/ zhes gsungs pa'i phyir/ rang
lugs ni/ lung don bshad pa dngos dang/ de la dogs pa spang ba

gnyis; dang po ni/ nyan rang dgra bcom pas chos kyis bdag med
rtogs pa yin te/ des chos kyis bdag med ma rtogs pa la rigs pas
gnod pa'i phyir/ ji ltar gnod zhe na/ 'jug 'grel las rigs pa

@064b gsum gsung pa'i dang po ni/ byang sems sa dang po bas 'jig
rten pa'i sgom spangs su gyur pa'i ci yang med man chad kyi sas
bsdus kyi nyon mongs la chags pa dang bral ba'i phyi rol pa'i
drang srong blo'i stobs kyi zil gyi gnon nus pa bzhin/ nyan

rang dgra bcom pa yang blo'i stobs kyis zil gyi gnon nus par
thal/ byang sems sa dang po pas/ chos kyi bdag med mngon sum du
rtogs/ nyan rang dgra bcom pas chos gyi bdag med pa ma rtogs
pa'i phyir/ 'dod na/

sa bcu pa'i mdo las/ rang gi blo'i stobs kyi rnam par dpyad pas
ni ma yin no/ zhes pa dang 'gal/ rigs pa gnyis pa ni/ nyan rang
dgra bcom pas khams gsum na spyod pa'i phra rgyas sa bon dang
bcas pa ma spangs par

thal; de chos kyi bdag med rtogs pa'i shes rab dang bral ba'i
phyir/ dper na phyi rol pa'i drang srong bzhin/ rigs pa gsum pa
ni/ nyan rang dgra bcom pa chos can/ gang zag bden med du ma
rtogs par thal/ gang

zag gi gdags gzhi'i phung po bden grub tu khas len pa'i sgo nas
gang zag gi gdags gzhi'i phung po bden grub tu sgro 'dogs pa'i
gang zag yin pa'i phyir/ der thal/ des gang zag gi gdags gzhi'i
phung po bden med du ma rtogs

pa'i phyir/ khyab ste/ drang nges rnam 'byed las/ chos bdag grub
mtha'i yod par khas len pa de srid du gang zag gi bdag med rtogs
pa 'ong sa med pas zhes dang/ 'jug 'grel las kyang chos la bdag
tu 'dzin pa

mi 'dor na gang zag gi bdag med mi rtogs par gsungs te/ de'i
phyir nyan rang gis kyang/ bdag med gnyis rtogs dgos so/ zhes
gsungs pa'i phyir/ rtsa bar 'dod na/ des gang zag gi bdag med
mtshan nyid yongs su

@065a @##/ /rdzogs pa gcig ma rtogs par thal/ 'dod pa'i phyir/
gnyis pa de la dogs pa spong ba la/ dogs pa bkod pa dang/ de'i
lan bshad pa gnyis/ dang po ni kha cig gi phyi rol pa bzhin du/
'di

dag gis khams gsum na spyod pa'i phra rgyas thams cad spangs par
yang mi 'gyur ro/ zhes pa'i skyon med de/ de kho na nyid kyi lta
ba ma rnyed kyang gang zag rang rkya thub pa'i rdzas yod kyis
stong bar mngon sum du rtogs pa dang/ rtogs

zin goms par byas pa la rten nas khams gsum na spyod pa'i/ nyon
mongs sa bon dang bcas pa spangs nus pa'i phyir ste/ de kho na
nyid kyi lta ba ma rnyed kyang gang zag rang rkya thub pa'i
rdzas yod kyis stong par mngon sum du

gsar du rtogs pa'i mthong lam gyis nyon sgrib kun brtags kyi sa
bon spong nus/ de kho na nyid kyi lta ba ma rnyed kyang/ gang
zag rang rkya thub pa'i rdzas yod kyis stong par mngon sum du
rtogs zin goms par byas pa'i sgom lam gyis nyon

sgrib lhan skyes kyi sa bon spong nus pa'i phyir ste/ de kho na
nyid kyi lta ba ma rnyed kyang/ gang zag rang rkya thub pa'i
rdzas yod kyis stong par mngon sum du gsar du rtogs pa'i mthong
lam dang/ de rtogs zin rgyun ldan du goms par

byas pa'i sgom lam yod pa'i phyir te/ de kho na nyid kyi lta ba
ma rnyed pa'i gang zag gi rgyud la gang zag rang rkya thub pa'i
rdzas yod kyis stong par mngon sum du/ gsar du rtogs pa'i mthong
lam dang/ de rtogs zin rgyun ldan du goms par

byed pa'i sgom lam yod pa'i phyir te/ de'i rgyud la gang zag
rang rkya thub pa'i rdzas yod kyis stong par/ mngon sum du rtogs
pa'i ye shes dang/ rtogs zin rgyun ldan du goms par byed pa'i ye
shes yod pa'i phyir te/

@065b de'i rgyud la gang zag rang rkya thub pa'i rdzas yod kyis
stong bar mngon sum du rtogs pa'i ye shes yod pa'i phyir/ der
thal/ de'i rgyud la gang zag rang rkya thub pa'i rdzas yod kyis
stong par rtogs pa'i ye shes yod pa gang zhig /de'i rgyud la de

yod na/ de'i rgyud la gang zag rang rkya thub pa'i rdzas yod
kyis stong par mngon sum du rtogs pa'i ye shes yod dgos pa'i
phyir/ gnyis pa grub ste/ de rnal 'byor mngon sum sgrub byed kyi
rigs pa la brten nas 'grub pa'i phyir/ 'o na/ de'i

rigs pa de gang zhe ne/ gang zag rang rkya thub pa'i rdzas yod
kyis stong bar don spyi'i tshul gyi rtogs pa'i blo chos can/ goms
byed kyi yan lag dang ma bral bar goms par byas na goms bya'i
don la gsal snang mthar thug pa 'byung du rung

ste; rten goms zin 'bad stsol skyar ma la mi ltos pa'i sems kyi
yon tan yin pa'i phyir/ zhes pa lta bu yin/ de'i lan bshad pa
la/ Tika chen las/ 'di la bshad par bya ste/ de kho na nyid kyi
lta ba ma rnyed

kyang; mi rtags bcu drug tshad mas gtan la phabs pa dang/ de'i
gdul bya rnams kyi don de brtson pa chen po'i sgom pa dang/
bsgom pa las gang zag gis bdag med rags pa mngon sum du mthong
ba dang/ mthong zin goms par

byed pa ni mi 'ong zhes kho bo cag mi smra'o/ 'o na ci zhe na/
de 'dra'i lam des gang zag gi bdag med mtshan nyid rdzogs par
rtogs pa ma yin pas/ lam de mthong lam dang 'jig rten las 'das
pa'i sgom lam du mi 'dod do/ de'i

phyir mthong spang dang/ sgom spang gang gi yang sa bon spangs
mi nus pas/ lam de mthong lam dang sgom lam du bshad pa dang
spang bya gnyis sa bon dang bcas pa spangs par bshad pa dang/
lam de gnyis kyi mthar dgra bcom

@066a @#/ /'thob par bshad pa ni/ drang pa'i don du 'grel ba'i
lugs yin te/ dper na sems tsam pas rdul phran cha med dang/ de
bsags pa'i phyi don dang/ de las rdzas tha dad pa'i 'dzin pa
gnyis

bkag pa yang tshad mas grub cing/ des 'dul ba'i gdul byas ring du
goms par byas nas/ don de mngon sum du mthong ba dang/ mthong
zin goms par byed pa 'grub tu chug kyang/ de'i steng nas sa bcu
dang/

lam phyi ma gsum bsgrod pa dbu ma pas drang don du 'grel ba
bzhin no/ zhes gsungs/ de'i don ni/ sngar gyi dogs pa de'i skyon
med de/ de kho na nyid kyi lta ba ma rnyed par/ mngon pa gnyis
nas bshad pa'i mi rtag

sogs bcu drug gang rung tshad mas/ gtan la phab pa dang/ de'i
gdul bya rnams kyis gtan la phab pa'i don de nyid sgom pa dang/
bsgoms pa las gang zag gis bdag med rags pa mngon sum du mthong
pa dang/ mthong

zin goms par byed pa 'ong yang/ de kho na nyid kyi lta ba ma
rnyed par gang zag rang rkya thub pa'i rdzas yod kyis stong par/
mngon sum du gsar du rtogs pa'i lam de mthong lam dang/ rtogs
zin rgyun ldan du goms

par byed pa'i lam de 'jig rten las 'das pa'i sgom lam du khas mi
len ste/ lam de gnyis kyis rim pa bzhin du mthong spangs dang/
sgom spangs kyi sa bon spangs mi nus pa'i phyir/ des na de kho
na nyid kyi lta

ba ma rnyed par/ gang zag rang rkya thub pa'i rdzas yod kyis
stong par mngon sum du gsar du rtogs pa'i lam de mthong lam
dang/ rtogs zin rgyun ldan du goms par byed pa'i lam de/ sgom
lam du bshad pa dang/ lam

@066b de gnyis kyis mthong spangs dang sgom spang kyi sa bon
spang nus par bshad pa dang/ lam de gnyis mthar dgra bcom pa'i
'bras bu thob par bshad ba ni skabs 'dir drang don du 'grel pa
yin te/ dper na rdul phran

phyogs kyi cha med bsags pa'i rags pa dang/ de 'dzin pa'i tshad
ma rdzas gzhan gyis stong pa'i stong nyid mngon sum du gsar du
rtogs pa dang/ mngon sum du rtogs zin goms par byas pa dang/
goms pa mthar phyin pa

de'i steng nas sa bcu dang lam phyi ma gsum bsgrod par gsungs
pa'i mdo rnams sems tsam pas sgra ji bzhin par khas lan kyang/
dbu ma pas drang don du 'grel ba bzhin no/ kha cig lung 'dis
sems tsam pa

par gyur pa'i byang sems sbyor lam pa yod par bstan pa yin te/
lung 'dis sems can tsam pa'i lta ba'i steng nas/ theg chen gyi
sbyor lam du bsgrod par bstan pa'i phyir/ des na sems tsam par
gyur pa'i byang sems sbyor

lam pa yod de/ bye brag smra bar gyur pa'i byang sems sbyor lam
pa la yod pa'i phyir/ phal chen sde bar gyur pa'i byang sems
sbyor lam pa yod pa'i phyir te/ jo bo'i mkhan po shI la ra kA
shI ta de de yin pa'i phyir/ ma

grub na/ de chos can/ der thal/ phal chen sde ba gang zhig byang
sems sbyor lam pa yin pa'i phyir/ dang po grub ste/ lam rim
chung ba las/ phal chen sde pa'i gnas bstan

'dul ba 'dzin pa chen po shI la rakI ta/ zhes bya ba sbyor
ba'i lam gyi de kho na nyid kyi phyogs gcig la zhugs pa'i ting
nge 'dzin rnyed pa gcig la mkhan po mdzad nas rab tu byung ste/
mtshan dpal mar me mdzad ye shes

@067a @#/ /zhes bya bar brtags so/ zhes gsungs pa'i phyir/ zer na
skyon med de/ lung des phal chen sde pa'i dge slong du bstan
gyi/ phal chen sde bar ma bstan pa'i phyir/ de lta ma yin na/ jo
bo rje dpal ldan a ti sha

chos can/ phal chen sde pa yin par thal/ phal chen sde ba'i dge
slong yin pa'i phyir/ der thal/ dge 'dun phal chen sde ba'i dge
slong mdzad/ zhes gsungs pa'i phyir/ 'dod na/ nyan thos rtsa
ba'i sde ba bzhi po gang rung

yin par thal/ 'dod pa'i phyir/ 'dod na/ de bye brag smra ba yin
par thal/ gzhan yang/ ston pa shAkya thub pa chos can/ thams
cad yod smra ba'i sde ba yin par thal/ thams cad yod par smra
ba'i dge slong yin pa'i

phyir/ der thal/ 'dul ba lung sde bzhi po de thams cad yod
smra'i 'dul ba'i sde snod yin pa'i phyir/ rtsa bar 'dod na/ rigs
'dra/ kha cig sa bcu dang lam phyi ma gsum bsgrod pa dbu ma pas
drang don du 'grel ba bzhin no/ zhes

pa'i don la/ rdul phran phyogs kyi cha med bsags pa'i rags ba
dang/ de 'dzin pa'i tshad ma rdzas gzhan gyi stong pa'i stong
nyid mngon sum du gsar du rtogs pa dang/ rtogs zin rgyun ldan du
goms par byas pa de'i

steng nas/ sa bcu dang lam phyi ma gsum bsgrod pa/ dbu ma rang
rgyud pa khyod rang/ drang don du 'grel ba bzhin no/ zhes pa'i
don yin zhes zer na/ sems rtsam pa'i lta ba tsam gyi steng nas/
sa bcu dang lam phyi ma

gsum bsgrod pa dbu ma rang rgyud pas drang don du 'grel zhing/
thal 'gyur bas drang don du mi 'grel ba'i khyad par 'thad par
thal/ lung don de 'thad pa'i phyir/ 'dod mi nus te/ sems rtsam
pa'i lta ba tsam gyi steng

@067b nas sa bcu dang lam phyi ma gsum bsgrod pa dbu ma thal
'gyur pas kyang drang don du 'grel ba'i phyir/ gzhan yang/ de'i
skabs kyis dbu ma pa de dbu ma rang rgyud pa kho na la byed rigs
par thal/ lung don de 'thad pa'i phyir/ 'dod

mi nus te/ dbu ma thal 'gyur pa de yang de'i skabs nas/ bstan
pa'i dbu ma pa yin pa'i phyir ste/ gzhung de dbu ma pa spyi'i
grub mtha' 'chad pa'i skabs yin pa'i phyir/ kha cig sems rtsam
pas gzung

'dzin rdzas gzhan gyis stong pa'i stong nyid mngon sum du rtogs
pa dang/ rtogs zin rgyun ldan du goms par byas pa de'i steng
nas/ sa bcu dang lam phyi ma gsum bsgrod par gsungs pa sgra ji
bzhin par khas len kyang/ dbu ma

pas drang don du 'grel ba bzhin no/ zhes pa'i don yin zer na/
sems rtsam pas bzung 'dzin rdzas gzhan gyis stong pa'i stong
nyid mngon sum du rtogs pa'i slob lam phyi ma gsum yod par khas
len par thal/ sems tsam

pas gzung 'dzin rdzas gzhan gyis stong ba'i stong nyid mngon sum
du gsar du rtogs pa dang/ rtogs zin rgyun ldan du goms par byas
pa de'i steng nas sa bcu dang/ slob lam phyi ma gsum bsgrod par
gsungs pa sgra ji bzhin par

khas len pa'i phyir/ 'dod na/ sems rtsam pas gzung 'dzin rdzas
gzhan gyis stong ba'i stong nyid mngon sum du rtogs pa'i theg
chen gyi sbyor lam khas len par thal/ 'dod pa'i phyir/ 'dod mi
nus te/ sems tsam

pas byang sems sbyor lam pa yin na/ gzung 'dzin rdzas gzhan gyis
stong pa'i stong nyid don phyi'i tshul gyi rtogs pa'i khyab pa
khas len dgos pa'i phyir/ de nyid spyod 'jug gi lugs su'ang
bstan pa la/ phyogs snga ma 'god pa

@068a @#/ /dang/ de'i lan bshad pa gnyis/ dang po na/ spyod 'jug
las/ bden pa mthong bas grol 'gyur gyis/ stong nyid mthong bas
ci zhig bya/ zhes gsungs/ de'i lan ston pa la/ gang phyir lung

las lam 'di ni/ med par byang chub med pa gsungs/ zhes sogs
gsungs/ de'i don la kha cig mi rtags sogs bcu drug mngon sum du
rtogs zin rgyun ldan du goms par byas pa las/ 'khor ba las

grol ba'i grol ba thob mi nus pa/ de'i don yin zer na/ 'o na/
'gog bden mngon sum du rtogs zin rgyun ldan du goms par byas pa
las 'khor ba las grol ba'i grol ba thob mi nus par thal/ dam
bca'

de 'thad pa'i phyir/ 'dod na/ 'gog bden chos can/ khyod mngon
sum du rtogs zin rgyun ldan du goms par byas pa las/ 'khor ba
las grol ba'i grol ba thob nus par thal/ khyod don dam bden pa
yin

pa'i phyir te/ khyod 'gog bden yin pa'i phyir/ kha cig rags pa'i
mi rtags sogs bcu drug rtogs zin rgyud ldan du goms par byas pa
las 'khor ba las grol ba'i grol ba thob mi nus zer na/ rags pa'i

'gog bden mngon sum du rtogs zin rgyun ldan du goms par byas pa
las/ 'khor ba las grol ba'i grol ba thob mi nus par thal/ dam
bca' de 'thad pa'i phyir/ 'dod na/ rags pa'i 'gog bden chos can/

khyod mngon sum du rtogs zin goms par byas pa las/ 'khor ba las
grol ba'i grol ba thob nus par thal/ khyod don dam bden pa yin
pa'i phyir te/ khyod 'gog bden yin pa'i phyir te/ chos can de

@068b yin pa'i phyir/ kha cig mngon pa gnyis nas bshad pa'i mi
rtags sogs bcu drug mngon sum du rtogs zin rgyud ldan du goms
par byas pa las/ 'khor ba las grol ba'i grol ba thob mi nus zer
na/ 'o na/ mngon pa

gnyis nas bshad pa'i 'gog bden mngon sum du rtogs zin rgyun ldan
du goms par byas pa las/ 'khor ba las grol ba'i grol ba thob mi
nus par thal/ dam bca' de 'thad pa'i phyir/ 'dod na/ de chos
can/ khyod

mngon sum du rtogs zin rgyun ldan du goms par byas pa las/ 'khor
ba las grol ba'i grol ba thob nus par thal/ khyod don dam bden
pa yin pa'i phyir te/ khyod 'gog bden yin pa'i phyir/ ma grub
na/ mngon

pa gnyis nas bshad pa'i 'gog bden yin par thal/ gang zag rang
rkya thub pa'i rdzas yod du grub par 'dzin pa'i rtogs pa spangs
pa'i spangs pa de 'gog bden yin pa'i phyir te/ de spangs pa'i
gang zag yin na/ de'i

sa bon spangs pa'i gang zag yin dgos pa'i phyir/ kho na re/
mngon pa gnyis nas bshad pa'i lam bden lam bden yin par thal/ de
gnyis nas bshad pa'i 'gog bden 'gog bden yin pa'i phyir/ zer na/
ma khyab ste/

gang zag rang rkya thub pa'i rdzas yod kyis stong bar mngon sum
du rtogs pa'i ye shes de lam bden yin par thal/ gang zag rang
rkya thub pa'i rdzas yod du grub bar 'dzin pa'i rtogs pa spangs
pa'i spangs ba de/ 'gog bden

yin pa'i phyir/ khyab pa 'grig 'dod mi nus te/ gang zag rang
rkya thub pa'i rdzas yod kyis stong par mngon sum du rtogs pa'i
so skye yod pa'i phyir te/ gang zag rang rkya thub pa'i rdzas
yod kyis stong par rtogs

@069a @#/ /pa'i rnal 'byor mngon sum rgyud ldan gyi so skye yod
pa'i phyir te/ rnal 'byor mngon sum rgyud ldan gyi so skye yod
pa'i phyir/ kho na re/ mngon pa gnyis nas/ bshad pa'i lam bden
lam bden yin

par thal/ de gnyis nas bshad pa'i/ 'phags pa 'phags pa yin pa'i
phyir/ de gnyis nas bshad pa'i 'gog bden thob pa'i 'phags pa
'gog bden thob pa'i 'phags pa yin pa'i phyir/ zer na/ ma khyab

yang kho na re/ mngon pa gnyis nas bshad pa'i myang 'das myang
'das yin par thal/ de gnyis nas bshad pa'i 'gog bden 'gog bden
yin pa'i phyir/ zer na/ ma khyab/ yang de gnyis nas

bshad pa'i/ dgra bcom dgra bcom yin par thal/ 'gog bden la de'i
phyir/ zer na/ ma khyab/ 'o na/ gang zag rang rkya thub pa'i
rdzas yod du 'dzin pa'i rtogs pa'i sa bon ma spangs shing/ gang
zag rang rkya thub pa'i

rdzas yod du grub par 'dzin pa'i/ rtogs pa mngon 'gyur dang re
shig bral tsam de de gnyis nas bshad pa'i 'gog bden yin par
thal/ de gnyis nas bshad pa'i/ 'gog bden 'gog bden ma yin pa'i
phyir/

'dod na/ de chos can/ khyod mngon pa gnyis nas/ 'gog bden du
bshad par thal/ 'dod pa'i phyir/ 'dod na/ de 'gog bden du khas
len pa'i dngos smra ba gcig yod par thal/ 'dod pa'i phyir/ 'dod
mi

nus te/ de ltar khas len pas sems rtsam pa yang med/ mdo sde pa
yang med pa'i phyir/ gzhan yang/ de chos can/ khyod de gnyis nas
bshad pa'i so sor rtag 'gog yin par thal/ khyod de gnyis nas

@069b bshad pa'i 'gog bden yin pa'i phyir/ 'dod na/ de chos can/
de ma yin par thal/ khyod gnyis nas bshad pa'i so sor rtag min
gyi 'gog pa yin pa'i phyir/ der thal/ khyod mngon pa gnyis nas
so sor rtag min gyi 'gog par

bshad pa'i so sor rtag min gyi 'gog pa yin pa'i phyir/ der thal/
khyod de gnyis nas bshad pa'i so sor rtag min gyi 'gog pa gang
zhig /khyod so sor rtag min gyi 'gog pa yin pa'i phyir/ dang po
der thal/ de gnyis nas

bshad pa'i so sor rtag min gyi 'gog pa'i mtshan gzhi gcig yod
pa'i phyir/ gnyis pa der thal/ so sor rtag min gyi 'gog pa'i
mtshan gzhi gcig yod pa'i phyir/ byas pa la mkhas pa kha cig
/mngon pa mdzod nas

bshad pa'i 'gog bden de 'gog bden yin par thal/ mngon pa gnyis
nas bshad pa'i 'gog bden 'gog bden yin pa'i phyir/ 'dod na/ de
chos can/ don dam bden pa yin par thal/ 'gog bden yin pa'i
phyir/

'dod na/ mngon pa mdzod kyi don dam bden pa bstan par thal/ de
nas bshad pa'i 'gog bden de don dam bden pa yin pa'i phyir/ 'dod
na/ mngon pa mdzod chos can/ khyod kyi don dam bden pa ma bstan
par thal/ khyod

dngos smra pa'i rang gzhung yin pa'i phyir/ gzhan yang/ mngon pa
mdzod kyi don dam bden pa bstan bya'i gtso bor byas nas bstan
par thal/ de'i bstan bya'i gtso bor gyur pa'i 'gog bden de/ don
dam bden pa yin pa'i phyir/

der thal/ de'i bstan bya'i gtso bor gyur pa'i 'gog bden yod pa
gang zhig de nas bshad pa'i 'gog bden de/ don dam bden pa yin
pa'i phyir/ rtag phyi ma khas/ dang po der thal/ de'i bstan
bya'i gtso bor gyur pa'i

@070a @##/ /bden pa bzhi ka yod pa'i phyir te/ de'i bstan bya'i
gtso bor gyur pa'i bden pa bzhi mi rtag sogs bcu drug yod pa'i
phyir/ gzhan yang/ mngon pa kun 'dus nas bshad pa'i 'gog bden
de/ 'gog

bden yin par thal/ mngon pa gnyis la de yi phyir/ 'dod na/ de
chos can/ don dam bden pa yin par thal/ 'gog bden yin pa'i
phyir/ 'dod na/ mngon pa kun 'dus las/ stong nyid

bstan par thal/ 'dod pa'i phyir/ 'dod na/ 'khor lo tha ma'i mdo
las/ stong nyid bstan par thal/ 'dod pa'i phyir/ 'dod na/ mdo
sde dgongs 'grel las/ stong nyid bstan par thal/ 'dod

pa'i phyir/ 'dod na/ sems tsam pa'i 'dod pa ltar gyi stong nyid
de stong nyid yin par thal/ 'dod pa'i phyir/ kha cig /bden 'dzin
ma spangs pa'i dgra bcom pa de/ mngon pa gnyis

nas; bshad pa'i dgra bcom yin par thal/ de gnyis nas/ bshad pa'i
dgra bcom dgra bcom ma yin pa'i phyir/ zer na/ ma khyab/ 'dod
na/ de chos can/ khyod mngon pa gnyis nas/

bshad pa'i nyon sgrib spangs pa'i/ gang zag yin par thal/ khyod
de gnyis nas bshad pa'i dgra bcom yin pa'i phyir/ 'dod na/ khyod
kyi de gnyis nas bshad pa'i nyon sgrib spangs par thal/ 'dod
pa'i phyir/

'dod na/ khyod yod par thal/ 'dod pa'i phyir/ zer na/ mngon pa
gnyis nas/ bshad pa'i nyon sgrib spangs pa'i gang zag de nyon
sgrib spangs pa'i gang zag yin par thal/ de gnyis nas bshad

@070b pa'i dgra bcom dgra bcom yin pa'i phyir/ 'dod na/ de yin
na/ nyon sgrib spangs pa'i gang zag yin dgos par thal/ 'dod pa'i
phyir/ 'dod na/ dman lam sngon du ma song ba'i sa bzhi pa'i bar
chad med lam gyi grangs pa'i

rnam grol lam la gnas pa'i sems dpa' chos can/ der thal/ de
phyir/ der thal/ gang zag rang rkya thub pa'i rdzas yod du 'dzin
pa'i/ rtogs pa spangs pa'i gang zag yin pa gang zhig /gang zag
rang rkya

thub pa'i rdzas yod du 'dzin pa'i rtogs pa las/ phra bar gyur
pa'i nyon sgrib mngon pa gnyis nas ma bshad pa'i phyir/ dang po
grub ste/ chos can de yin pa'i phyir/ khyab ste/ rang du lta ba
dang 'brel yongs

su zad ces pa'i lung don grub pa'i phyir/ 'dod mi nus te/ chos
can de yin pa'i phyir/ kho na re/ mngon pa gnyis nas bshad pa'i
nyon sgrib spangs pa'i gang zag yin na/ de gnyis nas bshad pa'i
dgra

bcom yin dgos par thal/ de gnyis nas bshad pa'i dgra bcom yin
na/ de gnyis nas bshad pa'i/ nyon sgrib spangs pa'i gang zag yin
dgos pa'i phyir/ zer na ma khyab/ 'dod na/ dman lam

sngon du ma song pa'i/ byang sems sa brgyad pa ba chos can/ der
thal/ de'i phyir/ der thal/ nyon sgrib ma lus par spangs pa'i/
gang zag yin pa'i phyir/ 'dod na/ de chos can/ khyod mngon pa
gnyis

nas dgra bcom du bshad par thal/ 'dod pa'i phyir/ 'dod na/ de
dgra bcom du khas len pa'i dngos smra ba gcig yod par thal lo/
gzhan yang/ kho na re/ de gnyis nas bshad pa'i dgra bcom/

@071a @##/ /de dgra bcom yin par thal/ de gnyis nas bshad pa'i
sangs rgyas 'phags pa/ sangs rgyas 'phags pa yin pa'i phyir te/
de gnyis nas bshad pa'i/ ston pa shAkya thub pa de ston pa

shA-kya thub pa yin pa'i phyir/ zer na/ ma khyab/ gzhan yang/
de gnyis nas bshad pa'i/ dgra bcom de dgra bcom yin par thal/ de
gnyis nas bshad pa'i bum pa bum pa yin pa'i phyir/ zer na ma
khyab/

kha cig 'gog bden la phra rags gnyis su 'byed pa de/ 'gog bden
la don dam bden pa dang/ kun rdzob bden pa gnyis su 'byed pa'i
don yin zer na/ de mi 'thad par thal/ 'gog bden yin

na; don dam bden pa yin dgos pa'i phyir te/ rang 'grel las/ sdug
bsngal ba dang kun 'byung ba dang lam gyi bden pa ni/ kun rdzob
kyi bden pa'i rang gi ngo bo'o/ 'gog pa'i bden pa ni don

dam pa'i bden pa'i ngo bo yin no/ zhes gsungs pa'i phyir/ gzhan
yang/ Ti-ka chen las/ 'gog bden kun rdzob bden par smra ba ni/
mtha' ma chod pa'o/ zhes gsungs pa mi 'thad par

thal; 'gog bden yin na don dam bden pa yin pas ma khyab pa'i
phyir/ kho na re/ dman lam sngon du ma song ba'i/ byang sems sa
brgyad pa ba chos can/ khyod mngon pa gnyis nas dgra bcom du
bshad

par thal/ khyod de gnyis nas bshad pa'i/ dgra bcom yin pa'i
phyir/ de der thal/ de nyon sgrib spangs pa'i gang zag yin pa
gang zhig mngon pa gnyis nas nyon sgrib spangs pa'i gang zag

@071b dang dgra bcom don gcig tu bshad pa'i phyir/ dngos smra
bas de gnyis don gcig tu khas lan pa'i phyir/ 'dod na/ de dngos
smra bas dgra bcom du khas lan par thal/ 'dod pa'i phyir/ gzhan
yang/ de chos can/

mngon pa gnyis nas/ nyon sgrib spangs pa'i gang zag tu bshad par
thal/ mngon pa gnyis nas bshad pa'i/ nyon sgrib spangs pa'i gang
zag yin pa'i phyir/ khyab de/ mngon pa gnyis nas/ bshad pa'i

'gog bden yin na/ de gnyis nas 'gog bden du bshad pas khyab pa'i
phyir/ zer na/ mi mtshungs so/ rtag der thal/ nyon sgrib ma lus
par spangs pa'i gang zag yin pa'i phyir/ rtsa bar 'dod

na; de dngos smra bas nyon sgrib spangs pa'i/ gang zag tu khas
len par thal/ 'dod pa'i phyir/ 'dod mi nus te/ dngos smra bas
dman lam sngon du ma song pa'i/ byang chub sems dpas nyon sgrib
dang/

shes sgrib gcig car du spongs bar khas len pa'i phyir/ mngon pa
kun btus las/ gcig car nyon mongs pa dang/ shes byi'i sgrib pa
spong ngo/ zhes gsungs pa'i phyir/ kha cig bden bzhi'i khyad
chos su gyur

pa'i mi rtag sogs bcu drug la phra rags gnyis gnyis su 'byed la/
de yang gang zag rang rkya thub pa'i/ rdzas yod du 'dzin pa'i
'jig lta tsam gyis bskyed pa'i nyer len gyi phung po'i steng gi
mi rtag pa de/

sdug bsngal bden pa'i/ khyad chos su gyur pa'i mi rtag pa rags
pa dang/ gang zag rang gi mtshan nyid kyis grub par 'dzin pa'i/
'jig ltas skyed pa'i nyer len gyi phung po'i steng gi mi rtag pa
de/ sdug

@072a @##/ /bsngal bden pa'i khyad chos su gyur pa'i/ mi rtag pa
phra mo dang/ gang zag rang rkya thub pa'i rdzas yod du grub par
'dzin pa'i 'jig lta tsam gyi drang pa'i sred pa de/ kun 'byung
bden pa'i

khyad chos su gyur pa'i sred pa rags pa dang/ gang zag rang gi
mtshan nyid gyi grub par 'dzin pa'i 'jig ltas drangs pa'i sred pa
de/ kun 'byung bden pa'i khyad chos su gyur pa'i sred pa phra mo
yin no/ zhe na/ de mi

'thad par thal/ gang zag rang rkya thub pa'i rdzas yod du grub
pa 'dzin pa'i 'jig lta tsam gyi skyed pa'i/ nyer len gyi phung
po med pa'i phyir te/ nyer len gyi phung po yin na/ rang gi nyer
len du gyur pa'i

gang zag rang gi mtshan gyi grub par 'dzin pa'i 'jig lta la/ rten
nas byung bas khyab pa'i phyir te/ de yin na rang gi nyer len du
gyur ba'i gang zag gi bdag 'dzin la brten nas byung bas khyab
pa'i phyir/ gzhan

yang; de mi 'thad par thal/ gang zag rang rkya thub pa'i rdzas
yod du grub par 'dzin pa'i 'jig lta tsam gyis grangs pa'i sred
pa med pa'i phyir te/ sred pa yin na/ rang gi nyer len du gyur
pa'i gang

zag rang gi mtshan nyid kyis grub par 'dzin pa'i 'jig lta la rten
nas byung bas khyab pa'i phyir te/ nyon mongs pa yin na/ rang gi
nyer len du gyur pa'i ma rigs pa la brten nas byung pa'i/ khyab
pa'i phyir

te; ;bzhi brgya ba las/ /lus la lus dbang ji bzhin du/ /gti mug
kun la gnas gyur te/ zhes pa'i lung don grub pa'i phyir/ de
bzhin du gang zag rang rkya thub pa'i rdzas yod du grub par
'dzin

@072b pa'i 'jig ltas skyed pa'i nyer len gyi phung po'i steng gi
mi rtag pa de/ sdug bsngal bden pa'i khyad chos su gyur pa'i mi
rtag pa rags pa dang/ des gzhan rnams la rigs 'dre zer na/ de mi
thad par thal/ gang zag

rang rkya thub pa'i rdzas yod du 'dzin pa'i/ 'jig ltas skyed
pa'i nyer len gyi phung po'i steng gi mi rtag pa de/ sdug bsngal
bden pa'i khyad chos su gyur pa'i mi rtag pa/ phra mo yin pa'i
phyir te/ de sdug

bsngal bden pa'i khyad chos su gyur pa'i phra ba'i mi rtag pa
yin pa'i phyir te/ de sdug bsngal bden pa'i khyad chos gang zhig
/phra ba'i mi rtag pa yin pa'i phyir/ gnyis pa ma grub na/ nyer
len gyi phung po

chos can/ khyod kyi mi rtag pa de phra ba'i mi rtag pa yin par
thal/ khyod rgyu yin pa'i phyir/ kha cig /'gog bden la phra rags
gnyis su 'byed pa de dngos btags gnyis su ma phye ba'i bshad pa

min gyis/ 'gog bden la sgras brjod rigs kyi sgo nas/ ma yin par
yang phra rags gnyis su 'byed rigs so/ zer na/ chos nyid du gyur
pa'i/ 'gog bden la phra rags gnyis su 'byed rigs par thal/

'gog bden la phra rags gnyis su 'byed rigs pa gang zhig /'gog
bden yin na/ chos nyid yin dgos pa'i phyir/ 'dod na/ 'gog bden
du gyur pa'i chos nyid la/ phra rags gnyis su

'byed rigs par thal/ 'dod pa'i phyir/ 'dod na/ chos nyid la phra
rags gnyis su 'byed rigs par thal/ 'dod pa'i phyir/ 'dod na/
chos nyid la rigs mi 'dra ba'i dbye ba yod par thal/

@073a @##/ /'dod pa'i phyir/ 'dod na/ /chos kyi dbyings la dbyer
med phyir/ /rigs ni tha dad rung ma yin/ /zhes gsungs pa mi
'thad par thal lo/ kho na re/ 'gog bden la phra rags gnyis su
'byed

rigs par thal/ 'gog bden rags pa yod pa'i phyir zer na ma khyab/
der thal/ mngon pa gnyis nas bshad pa'i 'gog bden yod pa'i
phyir/ zer na/ chos kyi bden 'dzin la phra rags gnyis su/ 'byed
rigs

par thal/ chos kyi bden 'dzin rags pa yod pa'i phyir/ khyab pa
khas/ der thal/ gzung 'dzin rdzas gzhan du 'dzin pa'i rtog pa
de/ chos kyi bden 'dzin rags pa yin pa'i phyir te/ gzung 'dzin

rdzas gzhan gyi stong pa de/ chos kyi bdag med rags pa yin pa'i
phyir/ 'dod na/ chos kyi bden 'dzin rags pa yin na/ chos kyi
bden 'dzin yin dgos par thal/ 'dod pa'i phyir/ 'dod na/ gzung
'dzin

rdzas gzhan du 'dzin pa'i rtog pa chos can/ der thal/ de'i
phyir/ 'dod na/ bden 'dzin yin par thal/ 'dod pa'i phyir/ 'dod
na/ khyod kyi zhen yul med pa don dam bden pa yin par thal/ 'dod

pa'i phyir/ gzhan yang/ gang zag gi bden 'dzin la phra rags
gnyis su 'byed rigs par thal/ gang zag gi bden 'dzin rags pa yod
pa'i phyir/ khyab pa khas/ der thal/ gang zag rang rkya thub
pa'i

rdzas yod du 'dzin pa'i rtog pa de de yin pa'i phyir te/ gang
zag rang rkya thub pa'i rdzas yod kyis stong pa de/ gang zag gi
bdag med rags pa yin pa'i phyir/ 'dod na/ gang zag gi bdag 'dzin
rags pa

@073b yin na/ gang zag gi bdag 'dzin yin dgos par thal/ 'dod
pa'i phyir/ 'dod na/ gang zag rang rkya thub pa'i rdzas yod du/
'dzin pa'i rtogs pa chos can/ der thal/ de'i phyir/ 'dod na/
bden 'dzin yin par thal/ 'dod

pa'i phyir/ khyab ste/ bden 'dzin nyon sgrib yin pa la rgyu
mtshan yod pa'i phyir/ 'dod na/ khyod kyi zhen yul med pa don dam
bden pa yin par thal/ 'dod pa'i phyir/ gzhan yang/ gang zag gi
bdag 'dzin kun

brtags yin na/ gang zag gi bdag 'dzin yin dgos par thal/ gang
zag gi bdag 'dzin rags pa yin na/ gang zag gi bdag 'dzin yin
dgos pa'i phyir/ 'dod na/ gang zag rtags gcig rang dbang can du/

'dzin pa'i rtog pa chos can/ der thal/ de'i phyir/ de der thal/
gzung 'dzin rdzas gzhan du 'dzin pa'i rtog pa de chos kyi bden
'dzin kun rtags yin pa'i phyir/ 'dod na/ de chos can/ rang gi
dmigs yul du gyur pa'i

gang zag la dmigs nas rang gi mtshan nyid gyis grub par 'dzin
ba'i blo yin par thal/ 'dod pa'i phyir/ 'dod mi nus te/ chos can
de yin pa'i phyir/ kho na re/ gang zag gi bdag 'dzin kun brtags
yin na/ gang zag

gi bdag 'dzin min dgos par thal/ de yin na/ gang zag gi bdag
'dzin yin pas ma khyab pa'i phyir/ zer na ma khyab/ 'dod na/
grub 'thas rgyud slad pa la brten nas/ gang zag rang gi mtshan
nyid kyi grub pa

'thad snyam du 'dzin pa'i blo chos can/ der thal/ de'i phyir/
der thal chos can de yin pa'i phyir/ 'dod mi nus te/ rang gi
dmigs yul du gyur pa'i gang zag la dmigs nas rang gi mtshan nyid
kyis grub par

@074a @##/ /'dzin pa'i blo yin pa'i phyir te/ chos can de yin pa'i
phyir/ kha cig gang zag rtag gcig rang dbang can du 'dzin pa'i
rtog pa spangs pa'i spangs pa chos can/ don dam bden pa yin par

thal; 'gog bden yin pa'i phyir/ 'dod na/ gang zag rtag gcig rang
dbang can gyi bdag gis stong ba de/ don dam bden pa yin par
thal/ 'dod pa'i phyir/ zer na ma khyab/ 'dod na/ gang zag rtag

gcig rang dbang can du 'dzin pa'i 'dzin pa zhi nas blo ngor shar
ba'i stong pa de/ don dam bden pa yin par thal/ 'dod pa'i phyir/
zer na/ gang zag rtag gcig rang dbang can du 'dzin pa'i 'dzin pa
zhi nas

blo ngor shar ba'i stong pa yin na/ don dam bden pa ma yin dgos
par thal/ de don dam bden pa ma yin pa'i phyir/ 'dod na/ theg
chen gyi mthong lam rnam grol lam gyi/ ngo bor shar ba'i stong
pa chos can/

der thal/ de'i phyir/ rtags bsal gnyis ka grub ste/ chos can de
yin pa'i phyir/ rang lugs de nyid/ spyod 'jug gi lugs su bstan
pa la/ phyogs snga ma brjod pa dang/ de 'gog pa

gnyis; dang po ni/ spyod 'jug las/ /bden pa mthong bas grol
'gyur gyi/ /stong nyid mthong bas ci zhig bya/ /zhes gsungs/
de'i don la kha cig 'khor ba las grol ba'i grol ba thob pa

la chos nyid bden med du rtogs pa'i/ stong nyid kyi lta ba mi
dgos te/ bden pa'i rnam pa gang zag rang rkya thub pa'i rdzas
yod kyis stong par rtogs pa'i lam tsam goms par byas pa la brten
nas/

@074b 'khor ba las grol ba'i grol ba thob nus pa'i phyir/ zhes
zer/ de 'gog pa la/ spyod 'jug las/ /gang phyir lung las lam 'di
ni/ /med par byang chub med par gsungs/ /zhes sogs gsungs/ de'i
don ni chos thams

cad bden med du rtogs pa'i stong nyid kyi lta ba med par 'khor
ba las grol ba thob mi nus par thal/ de med par byang chub gsum
thob mi nus par yum gyi mdo las/ gsungs pa'i phyir/ yum gyi mdo
las/ dngos po'i

'du shes can la thar pa med/ ces dang/ nyan thos kyi sa la slob
par 'dod pas kyang/ shes rab kyi pha rol tu phyin pa la slob par
bya'o/ zhes sogs gsungs/ bstan rtsa dge slong nyid yin na/ /dge
slong nyid

kyang dka' bar gnas/ /sems ni dmigs dang bcas rnams kyis/ /mya
ngan 'das pa'ang dka' bar gnas/ /zhes gsungs/ de'i don ni bstan
pa'i rtsa ba nyan thos dgra bcom pa la sogs pa rnams don dam
pa'i dge

slong rnam dag tu bzhag tu mi rung bar thal/ de rnams kyis chos
thams cad bden pas stong ba'i stong nyid ma rtogs pa'i phyir/
khyab ste/ sems bden 'dzin gyi dmigs pa dang bcas pa'i lam gyis
mya ngan las 'das

pa'i dka' ba ste/ mya ngan las 'das pa thob mi nus pa'i phyir/
nyan thos dgra bcom pa rnams la bstan pa'i rtsa ba zhes brjod
pa'i rgyu mtshan gang yin zhe na/ bu ston thams cad mkhyen pa'i
spyod 'jug /

Tik ka las/ so sor thar pa bstan pa'i rtsa ba yin zhing/ dge
slong gi sdom pa de/ so sor thar pa'i sdom pa'i gtso bo yin la/
ston pa'i 'khor du byung ba'i nyan thos dgra bcom pa rnams/ dge
slong

@075a @##/ /gi sdom pa rgyud ldan gyi gtso bo yin pa'i rgyu mtshan
gyis de ltar brjod pa'i phyir/ zhes gsungs/ rang lugs ni/ de
rnams la bstan pa'i rtsa ba zhes brjod pa'i rgyu mtshan yod de/
'od srung

chen po dang/ nye bar 'khor dang/ kun dga' bo la sogs pa rnams
kyis bka' bsdu pa po mdzad nas/ lung gi bstan pa yun ring du
gnas pa'i bdag rkyen du 'gyur ba dang/ 'phags pa'i gnas brtan

bcu drug la sogs pas kyang/ bstan pa yun ring du gnas pa'i bdag
rkyen mdzad pa'i rgyu mtshan gyis de ltar brjod pa'i phyir/ nyon
mongs spangs pas grol na de'i/ de ma thag tu der 'gyur ro/ nyon
mongs med

kyang de dag la/ las kyi nus pa mthong pa yin/ zhes gsungs/
'di'i don ni/ de kho na nyid kyi lta ba ma rnyed par gang zag
rang rkya thub pa'i rdzas yod kyis stong par rtogs pa'i lam tsam
goms

par byas pa la brten nas nyon mongs spangs te/ 'khor ba las grol
ba thob nus na/ de kho na nyid kyi lta ba ma rnyad par gang zag
rang rkyar thub pa'i rdzas yod kyis stong par rtogs pa'i lam
tsam goms par byas pa

la brten nas/ mngon pa gnyis nas bshad pa'i nyon mongs mngon
'gyur pa de/ re shig 'gag pa'i de ma thag tu 'khor ba las grol
ba thob nus par thal/ de kho na nyid kyi lta ba ma rnyed par
gang

zag rang rkya thub pa'i rdzas yod kyis stong par rtogs pa'i lam
tsam goms par byas ba la brten nas/ nyon mongs spangs te/ 'khor
ba las grol nus pa gang zhig de kho na nyid kyi lta ba ma rnyed
par

@075b gang zag rang rkya thub pa'i rdzas yod kyis stong par
rtogs pa'i/ lam tsam goms par byas pa la brten nas/ nyon mongs
gang gi yang sa bon spongs mi nus pa'i phyir te/ de yul gyi gnas
tshul la/ zhugs pa'i

blo ma yin pa'i phyir/ 'dod na/ de mi nus par thal/ de kho na
nyid kyi lta ba ma rnyed par/ gang zag rang rkya thub pa'i rdzas
yod stong par rtogs pa'i/ lam tsam goms par byas pa la/ brten
nas mngon pa

gnyis nas bshad pa'i nyon mongs mngon 'gyur ba re shig rgyud la
med pa'i/ gang zag de slar yang/ las nyon gyis dbang gi 'khor
bar skye ba lan pa mthong ba'i phyir/ kho na re/ re shig nyer
len sred pa ni/ med

ces nges pa nyid ce na/ zhes de kho na nyid gyi lta ba ma rnyed
par gang zag rang rkya thub pa'i/ rdzas yod kyis stong par rtogs
pa'i lam tsam goms par byas pa la brten nas/ 'khor ba las grol
ba thob nus par thal/ de

kho na nyid kyi lta ba ma rnyed par/ gang zag rang rkya thub
pa'i rdzas yod kyi stong par rtogs pa'i/ lam tsam goms par byas
pa la/ brten nas yang srid phyi ma'i/ nyer len gyi rgyu sred pa
de zad par byed nus

pa'i phyir/ zhes zer/ de 'gog pa la/ sred de nyon mongs can min
yang/ kun rmongs bzhin du ci ste med/ zhes gsungs/ de'i don ni
de kho na nyid kyi lta ba ma rnyed par gang zag rang rkya thub
pa'i

rdzas yod kyis stong par rtogs pa'i lam tsam goms par byas pa la
brten nas yang srid phyi ma'i nyer len gyi rgyu sred pa de zad
par byed mi nus par thal/ sred pa de mngon pa gnyis nas bshad
pa'i nyon mongs ca

@076a @##/ /gyi sred pa dang/ de gnyis nas bshad pa ltar ma yi
pa'i/ sred pa gnyis su 'byed rigs pa gang zhig de kho na nyid
kyi lta ba ma rnyed par gang zag rang rkyang thub pa'i rdzas
yod kyi stong par rtogs

pa'i lam tsam goms par byas pa la brten nas/ mngon pa gnyis
bshad pa ltar ma yin pa'i/ sred pa mngon 'gyur tsam yang zad
par byed mi nus pa'i phyir te/ de la brten nas gang zag rang
gi mtshan

nyid kyi grub par 'dzin pa'i 'jig ltas drangs pa'i sred pa zad
par byed mi nus pa'i phyir/ rtags dang po grub ste/ kun rmongs
kyi ma rigs pa de la/ mngon pa gnyis nas bshad pa'i nyon mongs
can gyi ma rigs

pa dang/ mngon pa gnyis nas bshad pa ltar ma yin pa'i/ ma rigs
pa gnyis su/ 'byed rigs pa'i phyir/ rtags khas/ gzhan yang/
tshor ba'i rkyen gyi sred pa yin/ tshor

ba de dag la yang yod/ zhes gsungs/ de'i don ni/ de kho na
nyid kyi lta ba/ ma rnyed par gang zag rang rkya thub pa'i
rdzas yod kyi stong par rtogs pa'i/ lam tsam goms par byas pa

la brten nas yang srid phyi ma'i/ nyer len gyi rgyu sred pa de
zad par byed mi nus par thal/ de kho na nyid kyi lta ba rgyud
la mi ldan pa'i/ gang zag de'i rgyud la tshor ba bde ba skyes
pa na/ de'i

rkyen gyis de dang mi 'bral bar sred pa'i sred pa dang/ tshor
ba sdug bsngal skyes pa na/ de'i rkyen gyis de dang 'bral 'dod
kyi sred pa nges par 'byung ba'i phyir/ dper na/ 'gal rkyen
med

@076b cing mthun rkyen tshang ba'i rgyu las/ 'bras bu nges par
'byun pa bzhin no/ /dmigs pa dang ni bcas pa'i sems/ /'ga'
zhig la ni gnas par 'gyur/ /zhes pa'i don ni/ stong nyid lta
ba dang bral pa'i lam gyi sred

pa spangs mi nus te/ sems bden 'dzin gyi/ dmigs pa dang bcas
pa'i gang zag gi rgyud la/ bden 'dzin des drangs pa'i sred pa
mngon 'gyur du 'byung ba'i phyir/ /stong pa nyid dang bral

ba'i sems/ /'gags pa slar yang skyes 'gyur te/ /'du shes med
pa'i snyoms 'jug bzhin/ /des na stong nyid bsgom par bya/
/zhes pa'i don ni/ thar pa dang thams cad mkhyen

pa don du gnyer pa rnams kyis/ gang zag dang phung po rang gi
mtshan nyid kyi grub pas stong pa'i stong nyid bsgom dgos te/
gang zag dang phung po rang gi mtshan nyid kyi grub pas stong
pa'i

stong pa nyid kyi lta ba dang bral bas/ gang zag gis lam gzhan
bsgoms pa nyon mongs mngon 'gyur ba re shig 'gags kyang/ slar
yang de'i rgyud la nyon mongs mngon 'gyur du 'byung pa'i
phyir/ dper na/

'du shes med pa'i snyoms 'jug la mnyam par bzhag pa'i/ gang
zag de'i rgyud la dus de'i tshe/ 'du shes kyi rgyu ba rags pa/
mngon 'gyur du med kyang/ slar yang 'du shes kyi rgyu ba rags
pa

mngon 'gyur du 'byung ba bzhin no/ 'o na/ khyod rang gi lugs
kyi tshor ba la/ sred pa zlog tshul de/ gang yin zhe na/ de ston
pa la/ gang tshe tshor po 'ga' med cing/ tshor

@077a @##/ /ba'ang yod pa ma yin pas/ /de tshe gnas skabs 'di
mthong nas/ /sred pa ci phyir ldog mi 'gyur/ zhes gsungs/ des
na/ rang lugs kyi tshor ba la sred pa ldog tshul yod de/ tshor

ba'i 'khor sum bden stong du rtogs zin goms par byas pa la
brten nas tshor ba la/ sred pa ldog nus pa'i phyir/ 'grel bshad
mkhan po na re/ mngon pa gnyis nas bshad pa'i gang zag

gi bdag med/ mngon sum du rtogs zin goms par byas pa la brten
nas de gnyis nas bshad pa'i/ nyon mongs kun rtags spangs nus
kyang lhan skyes spangs mi nus so/ /zhes zer ba mi

'thad de/ mngon pa gnyis nas bshad pa'i/ gang zag gi bdag med
mngon sum du/ rtogs zin goms par byas pa la brten nas/ de
gnyis nas bshad pa'i nyon sgrib kun brtags dang lhan skyes

gnyis mngon 'gyur ba spangs nus par yang mtshungs/ de gnyis kyi
sa bon spangs mi nus par mtshungs pa'i phyir/ gnyis pa de sgrub
pa'i khung bstan pa la/ theg chen gyi mdo'i shes byed 'god pa

dang; bstan bcos dang theg dman gyi mdo'i shes byed 'god pa
gnyis/ dang po ni/ nyan rang 'phags pa rnams kyis stong nyid
mngon sum du rtogs shing/ 'khor ba las grol ba thob pa la

stong nyid kyi lta ba dgos par theg chen gyi mdo las/ gsungs
pa yin te/ de ltar du/ lhag pa'i bsam pa bstan pas zhus pa'i
mdo dang/ 'phags pa bsam gtan pa'i dpe mkhyud kyi mdo dang/

@077b rdo rje gcod pa'i mdo las/ gsungs pa'i phyir/ dang po
yin te/ lhag pa'i bsam pa bstan pas zhus pa tshig gsal du
drangs pa las/ dper na/ mi la la zhig gis sgyu ma mkhan gyi
rol mo byung ba'i tshe

sgyu ma mkhan gyis sprul pa'i bud med mthong nas/ 'dod chags
kyi sems skyes te/ de 'dod chags kyi sems dkris nas 'khor gyis
'jigs shing/ bag tsha ste/ stan las langs nas song ste/ de song
nas kyang bud med

de nyid la mi sdug par yid la byed cing/ mi rtag pa dang sdug
bsngal ba dang/ stong pa dang bdag med par yid la byed na/
rigs kyi bu de ji snyam du sems/ mi de yang dag par zhugs pa
yin nam/ 'on te/ logs

par zhugs pa yin/ gsol ba bcom ldan 'das/ gang bud med ma
mchis pa la mi sdug par yid la byed cing/ mi rtag pa dang sdug
bsngal ba dang stong pa dang/ bdag med par yid la bgyid pa'i
mi

de'i mngon par brtson pa de ni log pa lags so/ bcom ldan 'das
kyis bka' stsal pa/ rigs kyi bu 'di na dge slong dang/ dge
slong ma dang/ dge bsnyen dang/ dge bsnyen ma kha cig ma skyes

shing ma byung ba'i chos rnams la mi sdug bar yid la byed
cing/ mi rtag pa dang/ sdug bsngal ba dang/ stong pa dang/
bdag med par yid la byed pa gang yin pa de dag kyang de dang
'dra bar blta bar

@078a @##/ /bya'o; nga ni mi slun po de dag la lam sgom pa yin
no/ zhes mi smra ste/ de dag ni log par zhugs pa zhes bya'o/
zhes gsungs/ de'i don ni/ nyan rang 'phags pas chos kyi

bdag med mngon sum du rtogs pa yin te/ sgyu ma'i bud med la
bud med du dngos su bzung nas/ sgyu ma'i bud med de nyid la mi
sdug par yid la byed cing/ mi rtag pa dang/ sdug bsngal ba
dang/ stong pa dang

bdag med pa'i bud med do/ snyam du 'dzin pa'i blo de log shes
yin gyis/ de la rten nas bud med la chags pa spangs mi nus pa
bzhin du/ phung po bden grub tu bzung nas/ bden par grub pa'i

phung po de nyis mi rtag pa dang/ sdug bsngal ba dang/ stong
pa dang/ bdag med pa'i phung po'o/ snyam du sgom pa de log
shes yin gyis/ de thar lam sgom pa ma yin zhing/ de la brten
nas nyon mongs

spongs mi nus pa'i phyir/ kho na re/ dngos smra ba rnams kyi
gang zag rang rkya thub pa'i rdzas yod kyis stong par rtogs
zin goms par byas pa la brten nas/ gang zag rang rkya thub
pa'i rdzas yod kyi stong par

mngon sum du rtogs pa'i ye shes skyed mi nus par thal/ phung
po bden grub tu bzung nas/ bden par grub pa'i phung po mi rtag
sdug bsngal stong bdag med sogs su sgom pa de/ thar lam sgom

pa ma yin pa'i phyir zer na/ skyon med de/ dngos smra ba rnams
kyis/ bden rdzun gang gis yang khyad par du ma byas par/ phung
po la dmigs nas bden rdzun gang gis yang khyad par du ma byas
par mi rtag

@078b sdug bsngal stong bdag med sogs su sgom pa la brten nas/
gang zag rang rkya thub pa'i rdzas yod kyis stong par mngon
sum du/ rtogs pa'i ye shes bskyed nus pa'i phyir/ kha gcig bud
med mtshan nyid par gyur

pa'i sgyu ma'i bud med mi rtag sdug bsngal pa stong bdag med
sogs su 'dzin pa'i blo de log shes yin pa bzhin du/ phung po
bden grub tu bzung nas/ bden par grub pa'i phung po mi rtag
sdug bsngal stong bdag med sogs

su 'dzin pa'i blo de log shes yin pa/ lung de'i don yin zer ba
mi 'thad de/ bud med mtshan nyid par gyur pa'i sgyu ma'i bud
med mi rtag sdug bsngal stong bdag med sogs su 'dzin pa'i blo
de

log shes ma yin pa'i phyir te/ de bden med du 'dzin pa'i blo
log shes ma yin pa'i phyir te/ de bden med yin pa'i phyir/
gnyis pa yang mi 'thad de/ bden par grub pa'i phung po mi rtag
sdug

bsngal stong bdag med sogs su/ 'dzin pa'i blo log shes ma yin
pa'i phyir te/ de bden med du 'dzin pa'i blo log shes ma yin
pa'i phyir/ de bden med yin pa'i phyir/ gzhan yang/ nyan rang
'phags

pa rnams kyi chos kyi bdag med mngon sum du rtogs par/ 'phags
pa bsam gtan dpe mkhyud kyis zhus pa'i mdo las kyang/ gsungs
pa yin te/ mdo de las/ bden 'dzin dang ma bral pa'i

lam gyi 'khor ba las grol ba thob mi nus pa dang/ 'khor ba
las/ grol ba la/ bden bzhi rang bzhin med par/ mthong pa'i lam
dgos par gsungs pa'i phyir/ dang po grub ste/ mdo de las/

@079a @##/ /'jam dpal 'phags pa'i bden pa rnams/ yang dag pa ji
lta ba bzhin du ma mthong pas/ sems phyin ci log bzhis sems
phyin ci log tu gyur ba rnams/ 'khor ba yang dag pa ma

yin pa 'di las/ 'da' bar mi 'gyur ro/ de skad ces bka' stsal
pa dang/ bcom ldan 'das la 'jam dpal gzhon nur gyur bas/ 'di
skad ces gsol to/ bcom ldan 'das gang

la nye bar dmigs pas/ sems can rnams 'khor pa las/ 'da' bar mi
'gyur ba bstan du gsol/ bcom ldan 'das kyis bka' stsal pa/
'jam dpal bdag dang bdag gir bar dmigs

pas sems can rnams 'khor ba las mi 'da'o/ de ci'i phyir zhe
na/ 'jam dpal bdag dang gzhan du yang dag par mthong ba gang
yin pa/ de nyid kyi las mngon par 'du byed par 'gyur ro/ zhes

gsungs; mngon pa gnyis nas/ bshad pa'i gang zag gi bdag med
mngon sum du rtogs zin goms par byas pas 'khor ba las grol ba
thob mi nus te/ de gnyis nas bshad pa'i gang

zag gi bdag med mngon sum du rtogs zin goms par byas pa la
brten nas/ de gnyis nas/ bshad pa'i nyon mongs mngon du gyur
ba re shig spangs pa'i/ gang zag 'ga' zhig dgra bcom pa thob
bo/ snyam

du 'khrul nas 'chi ba'i tshe rang skye ba len par mthong nas/
sangs rgyas la the tshom zos pa'i nyes pas ngan 'gror ltung ba
yod pa'i phyir/ de skad du yang/ mdo de las/ des 'di snyam du
bdag sdug bsngal

@079b thams cad las grol bar 'gyur yang phyis bya ba ci yang
med cing bdag ni dgra bcom par 'gyur ro/ zhes bya bar bdag gis
shes so/ de 'chi ba'i dus byed pa'i tshe bdag nyid skye bar
mthong bas/ de sangs rgyas kyi

byang chub la the tshom dang/ som nyid za bar 'gyur ro/ zhes
gsungs pa'i phyir/ 'khor ba las grol ba la/ bden bzhi rang
bzhin med par mthong pa'i lam dgos par/ mdo de las gsungs pa
yin

te; mdo de las/ de nas bcom ldan 'das la 'jam dpal gzhon nur
gyur pas/ 'di skad ces gsol to/ bcom ldan 'das 'phags pa'i
bden pa bzhi po rnams ji ltar 'khum par bgyi/ bcom

ldan 'das kyis bka' stsal pa/ 'jam dpal gang gis 'du byed
thams cad ma skyes par mthong ba des ni sdug bsngal yongs su
shes pa yin no/ gang gi chos thams cad 'byung ba med par
mthong ba des

ni; kun 'byung spangs pa yin no/ gang gis chos thams cad brten
nas mya ngan las 'das par mthong ba/ des ni 'gog pa mngon du
byas pa yin no/ gang gi chos thams cad shin tu ma skyes par
mthong

ba des ni/ lam sgoms pa yin no/ zhes gsungs/ gzhan yang/ nyan
rang 'phags pas chos kyis bdag med rtogs pa yod par rdo rje
gcod pa las gsungs ba yin te/ rdo rje gcod pa las/

rab 'byor 'di ji snyam du sems rgyun du zhugs pa 'di snyam du
bdag gis rgyun du zhugs pa'i 'bras bu thob po snyam du sems
sam/ rab 'byor gyi gsol pa bcom ldan 'das de ni ma lags so//

@080a @##/ /de ci'i slad du zhe na/ bcom ldan 'das de ni gang la
yang zhugs pa ma mchis pa'i slad du ste/ des na rgyun du zhugs
ba zhes bgyi'o/ zhes dang bcom ldan 'das gal te/ rgyun du
zhugs

pa 'di snyam du bdag gis rgyun du zhugs pa'i 'bras bu thob po
snyam du sems par gyur na/ de nyid de'i bdag tu 'dzin par
'gyur lags so/ sems can du 'dzin pa dang/ srog tu 'dzin pa
dang/ gang

zag tu 'dzin par 'gyur/ lags so/ zhes gsungs pa'i phyir/ lung
dang po'i don ni/ bcom ldan 'das kyis rab 'byor la/ rgyun
zhugs kyi rang gi thob bya'i 'bras bu dang/ thob pa po'i gang

zag bden par bzung ba'i sgo nas/ bdag gis don dam par rgyun
zhugs kyi 'bras bu thob bo snyam du sems sam/ zhes dris pa'i
len du/ rab 'byor gyi rgyun zhugs kyi de ltar mi 'dzin ste/
rgyun

zhugs kyi thob bya'i 'bras bu dang/ thob pa po'i gang zag bden
par grub pa 'thad snyam du 'dzin pa'i/ bden 'dzin kun btags
sogs/ mthong spangs kun sbyor gsum zad par/ spangs

pa'i cha nas rgyun zhugs de myang 'das thob pa'i/ lam gyi
rgyun du zhugs par bzhag pa'i phyir/ zhes pa'i don yin/ mdo
phyi ma'i don ni/ rgyun zhugs kyi don dam par bdag gis rgyun
zhugs

kyi 'bras bu thob snyam du mi 'dzin ste/ de ltar 'dzin na/
rgyun zhugs kyi rgyud la gang zag gi bdag 'dzin kun btags
dang/ srog tu 'dzin pa kun btags dang/ sems can du 'dzin pa

@080b kun btags dang/ chos kyi bdag 'dzin kun btags ma zad
dgos pa las/ rgyun zhugs kyis bdag 'dzin kun btags zad par
spangs pa'i phyir/ zhes pa'i don yin no/ rgyun zhugs kyi don
dam par bdag gis

rgyun zhugs kyi 'bras bu thob snyam du mi 'dzin par gsungs pa
yang bden 'dzin gyi zhen yul sum ma phyung bar don dam par
bdag gis rgyun zhugs kyi 'bras bu thob pa 'thad snyam du mi
'dzin pa'i dbang du byas pa

yin gyi/ rgyun zhugs kyi rgyud la thob bya'i 'bras bu dang/
thob pa po'i gang zag bden par 'dzin pa'i bden 'dzin lhan
skyes med par ston pa ma yin te/ de'i rgyud la bden 'dzin lhan
skyes yod pa'i phyir te/

Ti-ka chen las/ rgyun zhugs kyi bden par bzung nas bdag gis
'bras bu thob bo snyam du mi 'dzin pa ni/ bden 'dzin gyi zhen
yul sun ma phyung pa'i/ dbang du mdzad pa yin gyi/ lhan skyes
kyi 'dzin pa yang

med par ston par ma yin no/ zhes gsungs/ kha cig lung de'i don
la/ bden 'dzin gyi zhen yul sun phyung pa'i dbang du mdzad pa
yin gyi/ bden 'dzin gyi zhen yul sun ma phyung pa'i dbang du
mdzad pa/

zhes pa'i ma de yi ge ma dag pa yin zer na/ Tik chen du/ rin
chen phreng ba'i lung don 'chad pa'i tshe/ de ltar na bden
'dzin gyi zhen yul sun ma phyung bar du/ 'jig lta'i zhen yul
sun ma phyin pas/

zhes pa'i ma de yang yi ge ma dag par thal/ dam bca' thad pa'i
phyir/ gnyis pa la/ bstan bcos kyi shes byed 'god pa dang/
theg dman mdo'i shes byed 'god pa gnyis/ dang po ni/ 

@081a @##/ /nyan rang 'phags pa rnams kyi chos kyi bdag med rtogs
shing 'khor ba las grol ba thob pa la stong nyid kyi lta ba dgos
par/ theg chen gyi bstan bcos las gsungs pa yin te/

rin chen phreng ba las/ ji srid phung po 'dzin yod pa/ /de srid
de la ngar 'dzin yod/ /ngar 'dzin yod na yang las te/ /de las
yang ni skye ba yin/ /lam gsum thog mtha' dbus med pa/ /'khor
ba'i

dkyil 'khor 'gal me yi/ /dkyil 'khor lta bu phan tshun gyi/
/rgyun can 'di ni 'khor bar 'gyur/ /de ni rang gzhan gnyis ka
dang/ /dus sum nyid du'ang ma thob phyir/ /ngar 'dzin pa ni

zad par 'gyur/ /de las las dang skye ba yang/ /zhes gsungs pa'i
phyir/ lung de'i don ni/ nyan rang 'phags pas chos kyi bdag med
rtogs pa yin te/ phung sogs kyi chos bden grub tu

'dzin pa'i chos kyi bden 'dzin gyi rgyud bcing nas yod pa de
srid du/ ngar 'dzin lhan skyes kyi zhen yul sun ma phyung bar
yod la/ de yod na de'i dbang gis las bsags nas/ yang srid du
skye ba

len par 'gyur pa'i phyir/ chos kyi bden 'dzin gyi rgyud bcing
pa'i don ni/ rnam bshad snying po'i rgyan las/ bden 'dzin gyis
bcing pa'i don ni/ bzhi dang lam bden par/ grub ma grub brtags
pa na/ bden

par zhen pa las mi 'da' ba'i don te/ sngar chos kyi gnas lugs/
thos bsam gyis kyang gtan la ma phab pa'i dbang du byas pa'o//
zhes gsungs pa ltar yin/ kha cig phung po bden par 'dzin pa'i
bden

@081b 'dzin gyi zhen yul sun ma phyung pa'i gang zag yin na/
ngar 'dzin lhan skyes kyi zhen yul sun ma phyung ba'i gang zag
yin dgos la/ ngar 'dzin lhan skyes kyis zhen yul sun ma phyung
par/ ngar 'dzin lhan skyes rgyud ldan

gyi gang zag yin na/ de de'i dbang gis las bsags nas/ 'khor bar
skyes ba len pas khyab pa lung de'i don yin zer na/ phung po
bden med du ma rtogs pa'i gang zag yin na/ gang zag bden med du
ma rtogs

pa'i gang zag yin dgos par thal/ dam bca' de 'thad pa'i phyir/
'dod na/ chos kyi bdag med ma rtogs pa'i gang zag yin na/ gang
zag gi bdag med ma rtogs pa'i/ gang zag yin dgos

par thal/ 'dod pa'i phyir/ 'dod na/ gong du bkag zin/ gzhan
yang/ stong nyid ma rtogs pa'i gang zag yin na/ las nyon gyi
dbang gi 'khor bar skye ba len pa'i gang zag yin dgos thal/

dam bca' phyi ma de 'thad pa'i phyir/ 'dod na/ bde ba can gyi
rten can gyi stong nyid ma rtogs pa'i gang zag de chos can/ der
thal/ de'i phyir/ de der thal/ de yod pa'i phyir/ 'dod mi nus
te/

dag pa'i zhing gi rten can gyi gang zag yin pa'i phyir/ rkang pa
bar ba bzhi'i don ni/ skabs 'di'i lam gsum ni/ nyon mongs pa'i
kun nas nyon mongs pa dang/ las kyi kun nas nyon mongs pa dang/
skye

ba'i kun nas nyon mongs pa gsum yin la/ de gsum la/ thog mtha'
dang dbus med par gsungs pa'i don ni/ de gsum la/ snga phyi'i
rim pa med pa'i don yin te/ nyon mongs

@082a @##/ /pa'i kun nas nyon mongs pa las/ rang 'bras las kyi kun
nas nyon mongs pa skye zhing/ las kyi kun nas nyon mongs pa las/
rang 'bras skye ba'i kun nas nyon mongs pa skye zhing skye

ba'i kun nas nyon mongs pa las/ rang 'bras nyon mongs pa'i kun
nas/ nyon mongs pa dang/ skye ba'i kun nas nyon mongs ba skye
bas/ de rnams kyang 'gal me skad cig snga phyi'i rim pa nges
dka' ba

bzhin du/ 'byung ba'i sgo nas sems can rnams/ 'khor bar 'khor
phyir/ zhes pa'i don yin/ rkang pa phyi ma bzhi'i don ni/ kun
nas nyon mongs phyogs kyi rten 'brel de spangs pa'i thabs

yod de/ rten 'brel de bdag dang/ gzhan dang/ gnyis ka dang/ rgyu
med las mi skye ba'i rtags kyis/ rang bzhin gyis skye ba med par
rtogs nas sgom pas/ 'khor ba las grol bar 'gyur ba'i

phyir; zhes pa'i don yin/ gzhan yang/ nyan rang 'phags pas chos
kyis bdag med rtogs par/ rin chen phreng ba las gsungs pa yin
te/ /de nyid las ji ltar mig ni 'khrul pa yis/ /'gal me'i 'khor

lo 'dzin byed pa/ /de bzhin dbang po rnams kyi ni/ /de lta'i yul
dag 'dzin par byed/ /ces sogs phung khams skye mched rang bzhin
med par gtan la phab nas/ de'i rjes su de nyid las/ de ltar yan

lag ji bzhin du/ /'gro ba don med shes nas ni/ /rgyu med pa yi
me bzhin du/ /gnas med len med mya ngan 'das/ /zhes nyan rang
slob pa 'phags pas/ phung khams skye mched rang bzhin med par
rtogs

@082b pa'i lam sgom pa la brten nas myang 'das thob par gsungs
pa'i phyir/ gal te/ kho na re/ de ltar gsungs pa de/ byang sems
kyi dbang du byas nas gsungs pa yin gyi/ nyan rang gi dbang du
byas nas gsungs

pa ma yin na/ zhe na/ de ltar gsungs pa de nyan rang gi dbang du
mdzad nas gsungs pa yin te/ lung de'i 'jug de ma thag tu/ de
ltar byang chub sems dpa' pas kyang/ mthong nas byang chub nges
par 'dod/

'on kyang de ni snying rje yis/ byang chub bar du srid 'tsham
sbyor/ zhes gsungs pa'i phyir/ gnyis pa ni/ nyan thos 'phags pas
chos kyis bdag med rtogs pa yin te/ nyan thos rnams kyi gang la
thos

bsam byas pa'i gzhi/ nyan thos kyi sde snod las chos kyis bdag
med bstan pa'i phyir te/ nyan thos la/ gdams pa'i mdo las/
/gzugs ni dbu ba brdol pa 'dra/ tshor ba chu'i chu bur 'dra/ /'du

shes mig rgyu lta bu ste/ /'du byed rnams ni chu shing bzhin/
/rnam par shes pa sgyu ma ltar/ /nyi ma'i gnyen gyis bka' stsal
pa'i/ /zhes dpe lngas phung po lnga rang bzhin med par gsungs
pa'i phyir/

kho na re/ byang chub sems 'grel las/ ston pas/ nyan thos rnams
la phung po lnga dang/ byang sems rnams la/ gzugs dbu ba sogs
lnga dang 'dra bar bshad ces gsungs pa dang 'gal/ zhe na/

skyon med de/ de ltar gsungs pa re shig stong nyid rtogs mi nus
pa'i nyan thos la dgongs kyis/ sgra ji bzhin pa ma yin te/ de
nyid las/ gang dag stong nyid mi shes pa/ de dag thar pa

@083a @##/ /rten ma yin/ /'gro drug srid pa'i brtson ra ni/
/rmongs pa de dag 'khor bar 'gyur/ /zhes thar pa thob pa la
stong nyid rtogs pa'i lta ba sgoms pa sngon du song ba gcig dgos
par

gsungs pa'i phyir/ gzhan yang/ theg dman thun mongs ma yin pa'i/
sde snod las stong nyid bstan pa yin te/ theg chen gyi sde snod
las/ 'dus byas rang bzhin gyis skye ba med par bstan pa dang/
theg

dman gyi sde snod las 'dus byas zad par bstan pa gnyis/ stong
nyid ston pa'i don du gcig pa'i phyir te/ rin chen phreng ba
las/ /theg pa che las skyed med bstan/ /gzhan gyi zad pa

stong pa nyid/ /zad dang mi skye'i don du ni/ /gcig pa de'i
phyir bzod par gyis/ /zhes gsungs/ 'di gnyis don gcig pa'i tshul
la/ kha gcig theg chen gyis sde snod

las; 'dus byas rang bzhin gyi skye ba med par bstan pa dang/
theg dman gyi sde snod du/ 'dus byas zad par bstan pa gnyis don
gcig ste/ 'dus byas rang bzhin gyi yod na 'dus byas

zad pa med dgos pa'i phyir/ zhes zer ba shin tu mi rigs te/ de
lta na myu gu sogs 'bras bu dngos po thams cad dang stong nyid
don gcig par thal/ rang bzhin gyi yod na 'bras bur 'gal

pa'i phyir te/ rang bzhin gyi yod na rgyu la ltos par 'gal ba'i
phyir/ de na rin chen phreng ba'i 'grel par/ skye ba med pa dang
skad cig ma la don gyi khyad par 'ga' yang med do/ zhes pa yang

@083b gzhung don ma go ba'i bshad pa yin te/ 'dus byas skad cig
mar ston pa'i mdo bstan bcos rnams kyi stong nyid bstan par
'thal ba'i skyon yod pa'i phyir/ rang lugs la/ de gnyis don gcig
pa'i

tshul ni/ rigs pa drug bcu pa'i 'grel par theg dman gyi mdo
drangs pha las/ gang sdug bsngal 'di ma lus pa spangs pa/ nges
bar spangs pa/ byang bar gyur ba/ zad pa 'dod chags dang bral

ba; 'gog pa nye bar zhi ba/ nub pa sdug bsngal gzhan gyi mtshams
mi sbyor zhing/ mi 'byung mi skye/ 'di ni zhi ba/ 'di ni gya nom
pa ste/ 'di lta ste/ phung po thams cad nges par spangs/ srid pa
zad pa/ 'dod

chags dang bral ba/ 'gog pa mya ngan las 'das pa'o// zhes gsungs
pa 'di gzhan gyi zad pa stong pa nyid/ ces gsungs pas 'dus byas
zad pa ston pa'i theg dman gyi mdo yin la/ 'di'i

don ni/ ma lus par spangs pa/ zhes pa nas nub pa zhes pa'i bar
gyis/ theg dman gyi lhag med myang 'das la gnas pa'i tshe/ tshe
'di'i phung po'i snang ba zhi zhing nub pa de bstan/ sdug bsngal

gzhan gyi 'tsham mi sbyor zhes pa nas/ 'gog pa mya ngan las 'das
pa'o/ zhes pa'i bar gyi theg dman gyi lhag med myang 'das la
gnas pa'i tshe/ tshe phyi ma'i sdug bsngal gyi phung po'i snang ba
zhi zhing nub

par bstan/ des na lung des theg dman dgra bcom pa'i rgyud kyi/
stong nyid la rtse gcig tu mnyam par gzhag pa'i/ mnyam gzhag ye
shes des/ phung sogs gnyis snang gi spros pa ma lus

@084a @##/ /par nye bar zhi zhing nub pa'i sgo nas/ phung sogs
gdod ma nas zad pa ste/ gdod ma nas rang bzhin gyi ma grub pa'i
stong pa nyid mngon sum du rtogs pa'i ye shes de la gnas

pa'i theg dman dgra bcom lhag med mya ngan las 'das par bstan
cing/ de las langs pa'i rjes thob kyi tshe theg dman dgra bcom de
lhag bcas mya ngan las langs par bstan pa yin te/ lung

'dis theg dman dgra bcom pa'i rgyud kyis stong nyid la rtse gcig
tu mnyam par gzhag pa'i mnyam bzhag ye shes des/ phung sogs gdod
ma nas zad pa'i stong pa nyid mngon sum du byas pas

des stong nyid gzigs pa'i gzigs ngor phung sogs med pa de/ gang
sdug bsngal 'di ma lus par spangs pa/ zhes sogs/ lhag med kyi
myang 'das kyi tshe phung po med par gsungs pa'i don du

lung 'dis 'chad pa'i phyir/ des na theg dman gyi myang 'das gang
zhig bden snang nub pas khyad par du byas pa/ theg dman gyi lhag
med myang 'das kyis mtshan nyid/ dper na/ stong

nyid la rtse gcig tu mnyam par bzhag pa'i/ theg dman dgra bcom
pa'i rgyud kyi 'gog bden lta bu/ theg dman gyi myang 'das gang
zhig bden snang dang bcas pa/ theg dman gyi lhag

bcas myang 'das kyi mtshan nyid/ dper na/ rjes thob ye shes la
gnas pa'i theg dman dgra bcom pa'i rgyud kyi 'gog bden lta bu/
don 'di ni gzhung rtsa ba las kyang gsal bar bshad pa yin

@084b te; ji ltar phung po spangs nas zhir zhugs pa/ /dgra bcom
rnams la yod pa min de ltar/ /zhes lhag med myang 'das la gnas
pa'i tshe/ dgra bcom pa de'i gzigs ngor kun rdzob kyi snang ba
med

par gsungs pa'i phyir/ rigs pa drug bcu pa'i/ 'grel bar drangs
pa'i theg dman gyi mdo 'di las/ theg dman lhag med kyi myang
'das kyi tshe phung po zad pa mngon du byas par gsungs pa de/
rgyud bla ma las/

nyon mongs gdod nas zad phyir ro/ /zhes gsungs pa ltar/ phung po
gdod ma nas/ rang bzhin gyi ma grub pa la/ gdod ma nas zad pa de
mngon du byas pa la 'chad rigs te/ de ltar rigs

pa 'am/ dngos smra pas 'dod pa ltar gyi lhag med kyi myang 'das
kyi tshe phung po lam gyi zad pa'i zad pa mngon du byas pa gang
rung la byed rigs pa gang zhig phyi ma ltar mi rigs pa'i phyir/
phyi ma ma grub na/

mngon du bya rgyu'i myang 'das yod pa na/ mngon du byed mkhan
med pa dang/ /mngon du byed mkhan yod pa na/ /mngon du bya
rgyu'i myang 'das med pa'i skyon yod par thal/ theg dman gyi
lhag med kyi

myang 'das kyi tshe phung po rgyun chad pa'i phyir/ rtags nyan
thos sde pas khas slang/ Ti-ka chen las/ dngos smra ba 'gog tshul
'di ltar gsungs pa'i don la/ kha cig theg dman gyi mdo 'di las/

lhag med kyi myang 'das kyi dus su zag bcas sdug bsngal gyi
phung po zad par gsungs pa'i/ zag bcas kyi phung po zad pa de/
lam gyis zad pa'i zad pa la byed rigs par thal/ de la byed pa
'am/

@085a @##/ /zag bcas kyi phung po gdod nas rang bzhin gyi zad pa
la byed rigs pa gang rung gang zhig phyi ma mi rigs pa'i phyir/
rtags phyi ma nyan thos sde bas khas slang/ 'dod na/ lhag

med kyi myang 'das kyi dus su zag bcas sdug bsngal gyi phung po
med par thal/ 'dod pa'i phyir/ 'dod na/ mngon du bya rgyu'i
myang 'das yod pa na/ mngon du byed mkhan med pa dang/ mngon du
byed mkhan

yod pa na/ mngon du bya rgyu'i myang 'das med pa'i/ skyon yod
par thal/ 'dod pa'i phyir/ khyab ste/ theg dman gyi lhag med
myang 'das rgyud ldan gyi gang zag yin na/ zag bcas sdug bsngal
gyi

phung po rgyud ldan gyi gang zag yin dgos pa'i phyir te/ de yin
na/ shes sgrib rgyud ldan gyi/ gang zag yin dgos/ shes sgrib yin
na/ sdug bsngal bden pa yin dgos pa'i phyir/ zer na mi

'thad de/ thal 'gyur ba'i skabs 'dir lhag med myang 'das la gnas
pa'i nyan thos dgra bcom pa'i rgyud la/ sdug bsngal bden pa tsam
yod par khas len kyang/ de 'dra ba'i nyan thos

dgra bcom pa yin na/ sdug bsngal bden pa rgyud ldan yin pa'i
khyab pa khas len pa mi 'thad de/ bde ba can gyi rten can gyi
lhag med myang 'das la/ gnas pa'i dgra bcom pa'i rgyud la/ sdug
bsngal

bden pa med pa'i phyir/ kun btus las/ yongs su dag pa'i 'jig
rten gyi/ khams 'di dag ni/ sdug bsngal gyi bden pa ma yin par
blta ste/ zhes dag pa'i zhing gi snod

@085b bcud kyi 'jig rten sdug bsngal gyi bden pa ma yin par
gsungs pa 'di/ mdo'i bshad pa bkod pa yin gyi dngos smra ba/ kho
na'i rang lugs ma yin pa'i phyir/ shes sgrib yin na sdug bsngal
bden

pa yin pa'i khyab pa khas len pa yang mi 'thad de/ byang sems
'phags pa'i rgyud la shes sgrib yod kyang sdug bsngal bden pa
med pa'i phyir dang/ shes sgrib yin na/ sdug bsngal bden pa

yin pas khyab ba/ skabs 'dir khas len pa la/ shes byed kyi lung
med pa'i phyir/ des na mdo 'dis theg dman 'phags pas chos kyis
bdag med rtogs pa gsal bar bstan pa yin te/ mdo

'dis lhag med myang 'das la gnas pa'i nyan thos dgra bcom pas
rang rgyud kyi stong nyid la rtse gcig tu mnyam par bzhag pa'i
mnyam bzhag ye shes kyi gzigs ngor sdug bsngal gyi phung po med
pa de/ mngon du

byas pa la/ des theg dman gyi lhag med myang 'das mngon du byas
par bzhag cing/ rang rgyud kyi mnyam gzhag de'i gzigs ngor phung
po gdod ma nas ma grub pa la/ gdod ma nas zad par

gsungs pa'i zad pa mngon du/ byas par bstan pa'i phyir dang/
stong nyid la rtse gcig tu mnyam par gzhag pa'i mnyam gzhag gi
gzigs ngor phung po med pa dang/ de'i gzigs ngor phung po gdod
ma nas

ma grub ba gnas lugs mthar thug yin pa'i phyir/ de ltar 'og tu
'chad pa'i phyir/ gzhan yang/ theg dman gyi sde snod las/ stong
nyid bstan pa yin te/ lung phran tshegs kyi ka ta ya na

@086a @#/ /la gdams pa'i mdo las/ stong nyid bstan pa'i phyir/ de
nyid las ka ta ya na/ gang gi phyir 'jig rten 'di ni phal cher
yod pa nyid dang/ med pa nyid la zhen te/ de'i dbang gi

skye ba dang/ rga ba dang/ zhes gsungs pa'i phyir/ de dag kyang
mtshon pa tsam yin gyi/ rin chen phreng ba nas 'dir ma drangs pa
du ma zhig dang/ rigs pa drug bcu pa dang/ bstod pa'i tshogs las
kyang theg

dman gyi mdo las/ stong nyid bstan pa du ma zhig gsungs so/ kha
gcig Tika chen las/ mdo 'di ni lung 'phran tshegs na snang ngo/
zhes pa'i don ma go ba la brten nas/ bcom ldan

dngos dang dngos med pa/ /mkhyen pas ka ta ya na yi/ zhes sogs
lung phran tshegs kyi mdo yin/ zer pa ches shin tu rags pa'i log
rtog yin te/ de 'phags pa klu grub kyi mdzad pa'i rtsa she'i rab

byed bco lnga pa'i gzhung tshig yin pa'i phyir/ de ma yin na/ rab
byed bco lnga pa'i tshig bcad bcu gcig ma tshang ba'i skyon yod
pa'i phyir/ gzhan yang/ bcom ldan 'das kyi chos gang zhig

slu ba de ni brdzun zhes bya/ zhes pa'i rab byed bcu gsum pa'i
gzhung 'di/ theg dman gyi mdo yin par thal/ bcom ldan dngos dang
dngos med pa/ zhes sogs gzhung 'di lung 'phran tshegs

kyi mdo yin pa'i phyir/ kha cig mdo 'di rtsa sher tshig bcad du/
bsdebs nas drangs kyang lung 'phran tshegs na lhug par yod/ zer
ba mi 'thad de/ theg dman gyi mdo las mtha' gnyis

@086b 'gag pa'i mdo khungs su drangs pa'i theg dman gyi mdo tshig
bcad du bsdebs pa mi 'byung ba'i phyir/ gsum pa de ltar bstan pa
la/ brtsod pa spong ba la/ 'grel ba nas bshad pa'i/ rtsod pa
spangs pa dang

de nas ma bshad pa'i/ rtsod pa spangs pa gnyis/ dang po ni/ rang
'grel las/ gang zhig gal te/ nyan thos kyi theg pa las kyang
chos la bdag med pa bstan na/ de'i tshe theg pa chen po bstan pa

don med par 'gyur ro/ snyam du sems pa de'i lugs de yang 'di
ltar rigs pa dang/ lung dang 'gal bar rtogs so/ zhes gsungs/
de'i don ni/ slob dpon sangs rgyas bskyangs kyi rab byed

bdun pa'i 'grel par/ theg dman thun mongs ma yin pa'i sde snod
las chos kyi bdag med bstan par bshad pa la/ slob dpon legs ldan
'byed na re/ theg chen bstan pa don med par thal/

theg dman thun mongs ma yin pa'i sde snod las chos kyi bdag med
bstan pa'i phyir/ zhes zer/ de'i len 'chad pa la/ gang zhig gal
te/ nyan thos kyis theg pa las kyang/ zhes sogs

gsungs; de'i don ni/ thal 'gyur de/ sgra ji bzhin pa yin nam/
theg chen gyi sde snod las/ chos kyi bdag med bstan pa don med
par thal/ theg dman thun mongs ma yin pa'i/ sde snod las chos
kyi

bdag med bstan pa'i phyir/ zhes pa'i don yin/ dang po ltar na
thal 'gyur de la khyab pa med de/ theg chen gyi sde snod gsungs
pa/ chos kyi bdag med ston pa kho na'i phyir du gsungs pa ma yin
pa'i phyir de/ theg chen gyi mdo las byang sems kyi sa

@087a @#/ /dang; sbyin sogs pha rol tu phyin pa dang/ byang chub
sems dpa'i snying rje dang/ smon lam sogs thabs kyi cha rnams
dang/ byang sems kyi mthu bsam gyi mi khyab pa dag kyang bstan
pa'i phyir de/

rang 'grel las/ theg pa chen po bstan pas ni/ chos la bdag med
pa tsam zhig ston par byed pa min gyi/ 'o na ci zhe na/ byang
chub sems dpa' rnams kyi sa dang/ pha rol tu phyin pa dang/

smon lam dang/ snying rje chen po la sogs pa dang/ yongs su
bsngo ba dang/ tshogs gnyis dang/ bsam gyi mi khyab pa'i chos
nyid kyang yin no/ ji skad du/ rin chen phreng ba las/ nyan

thos theg pa de las ni/ byang chub sems dpa'i smon lam dang/
spyod pa yongs bsngo ma bshad de/ byang chub sems dpar ga la
'gyur/ byang chub spyod la gnas pa'i don/ mdo

sde las ni bka' ma stsal/ theg pa che las bka' stsal pa'i/ de'i
phyir mkhas pa rnams kyis gzung/ zhes gsungs so/ zhes bshad/
gnyis pa ltar na/ thal 'gyur de

la khyab pa med de/ theg chen gyi sde snod dang theg dman gyi
sde snod gnyis kar chos kyi bdag med bstan par mtshungs kyang/
ston tshul la mi 'dra ba'i khyad par yod pa'i phyir te/ theg 

chen gyi sde snod las chos kyi bdag med rigs pa'i rnam grangs
mtha' yas pa'i sgo nas bstan/ theg dman gyi sde snod las chos
kyis bdag med rigs pa mdor bsdus tsam gyi sgo nas bstan

@087b pa'i phyir/ de ltar yang/ rang 'grel las/ chos kyi bdag
med gsal bar bya ba'i phyir theg pa chen po bstan pa yang rigs
pa nyid de rgyas par bstan pa brjod par 'dod pa'i phyir ro/ nyan
thos theg pa

las ni chos kyi bdag med pa mdor mtshon pa tsam zhig tu zad do/
ji skad du slob dpon gyi zhal snga nas kyis/ mtshan ma med pa ma
rtogs par/ khyod kyis thar pa med par gsungs/ de phyir khyod

kyis theg chen las/ de ni tshang par bstan pa lags/ /zhes gsungs
so/ zhes bshad/ theg pa che chung gi sde snod du chos kyis bdag
med/ rdzogs par ston mi ston dang/ de gnyis kyis lam du chos

kyi bdag med rdzogs par sgom mi sgom gyi khyad par bshad pa'i
don gang yin snyam na/ snga rabs pa kha cig theg chen pa la shes
bya thams cad rang bzhin gyi med par rtogs pa yod la/ nyan rang
la de med par shes bya

phyogs gcig pa 'ga' rang bzhin gyi med par rtogs pa yod pa de'i
don du smra ba ches mi 'thad de/ gzhi grub pa gcig gi steng du
bdag med tshad mas grub na/ de nas gzhi gzhan la bden par yod med
kyi dpyad

pa zhugs pa na/ rigs pa snga ma la brten nas bdag med rtogs nus
pa'i phyir/ ! rang lugs ni/ theg pa che chung gi sde snod du
chos kyi bdag med rdzogs par bstan ma bstan dang/ de gnyis kyi
lam du

chos kyi bdag med rdzogs par sgom mi sgom gyi khyad par gsungs
pa'i don yod de/ theg chen gyi sde snod las chos kyi bdag med
rigs pa'i rnam grangs mtha' yas pa'i sgo nas bstan cing/ theg
dman gyi sde snod

@088a @#/ /du chos kyi bdag med rigs pa mdor bsdus tsam gyi sgo
nas bstan pa dang/ theg chen gyi lam du chos kyi bdag med rigs
pa'i rnam grangs mtha' yas pa'i sgo nas sgom cing/ theg

dman gyi lam du chos kyi bdag med rigs pa mdor bsdus tsam gyi
sgom pa la/ dgongs nas de ltar bshad pa'i phyir te/ rang 'grel
las/ de lta na'ang de dag la chos kyi bdag med pa yongs su
rdzogs par

sgom pa med de/ khams gsum na spyod pa'i nyon mongs pa spangs
pa'i thabs tsam zhig ni yod do/ de dag la gang zag gi bdag med
pa ma lus par sgom pa ni yod par rnam par gzhag go/ zhes

nyan rang 'phags pa la chos kyi bdag med rdzogs par sgom pa med
cing/ gang zag gi bdag med rdzogs par sgom pa yod par gsungs
pa'i don gang yin zhe na/ 'di la mkhas pa kha cig nyan

rang 'phags pas/ chos kyi bdag med rigs pa'i rnam grangs mtha'
yas pa'i/ sgo nas ma rtogs shing/ gang zag gi bdag med rigs pa'i
rnam grangs mtha' yas pa'i/ sgo nas

rtogs pa 'di'i dgongs par/ mdzad pa mi 'thad de/ Tika chen las/
gang zag bden grub 'gog pa'i rigs pa'i rnam grangs mtha' yas
pa'i shes rab mi skye yang/ nyon mongs pa'i

sa bon gyi gnyen po rdzogs par sgom pa yod pa la/ shes sgrib kyi
gnyen po rdzogs par sgom pa ni med do/ zhes gsungs pa dang 'gal
pa'i phyir/ rang lugs ni/ nyan rang 'phags pas

@088b chos kyi bdag med rdzogs par mi sgom zhing/ gang zag gi
bdag med rdzogs par sgom par gsungs pa'i don yod de/ nyan rang
slob pa'i 'phags pas/ nyon sgrib kyi gnyen po rdzogs par sgoms
shing/

shes sgrib kyi gnyen po rdzogs par mi sgom pa de de'i don yin
pa'i phyir/ 'o na nyan rang 'phags pas chos kyi bdag med rdzogs
par sgom mam mi sgom zhe na/ nyan rang 'phags pas chos kyi bdag
med

rdzogs par sgom ste/ nyan rang dgra bcom pas chos kyi bdag 'dzin
rdzogs par spangs pa'i phyir te/ des chos kyi bdag 'dzin ma lus
par spangs pa'i phyir/ gang zhig gal te nyan thos kyi theg pa

las kyang/ zhes sogs kyi don la kha cig slob dpon legs ldan
'byed na re/ theg chen bstan pa don med par thal/ theg dman gyi
sde snod las chos kyi bdag med bstan pa'i phyir/ zhes

pa'i don yin zer na/ 'o na slob dpon legs ldan 'byed des/ theg
dman gyi sde snod las chos kyi bdag med bstan par khas mi len
par thal/ slob dpon legs ldan 'byed des theg chen bstan

pa don med par thal/ theg dman gyi sde snod las chos kyi bdag
med bstan pa'i phyir/ zhes pa'i thal 'gyur rang lugs la 'phangs
mkhan gyi gang zag yin pa'i phyir/ 'dod mi nus te/ des theg

dman gyi sde snod las chos kyi bdag med bstan par khas len pa'i
phyir/ des de las 'dus byas rdzun pa slu ba'i don du bstan par
khas len pa'i phyir te/ bcom ldan 'das kyi chos gang zhig

@089a @#/ /slu ba de ni rdzun zhes gsungs/ 'dus byas thams cad
slu pa'i chos/ des na de dag rdzun pa yin/ zhes pa'i 'thad kyi/
shes rab sgron me las/ nyan thos kyi theg

pa las kyang 'di lta ste/ 'dus byas gang yin pa de ni rdzun pa
slu ba'i chos so/ dge slong dag 'di lta ste/ mi slu ba'i chos
mya ngan las 'das pa ni bden pa'i mchog go/ zhes

gsungs pa'i phyir/ khyab ste/ 'dus byas rdzun pa slu pa'i don du
ston pa'i theg dman gyi mdo des chos kyi bdag med bstan pa'i
phyir te/ bcom ldan 'das kyi de gsungs pa

stong nyid yongs su bstan pa yin/ zhes gsungs pa'i phyir/ gzhan
yang/ slob dpon legs ldan 'byed des theg dman gyi sde snod las
chos kyis bdag med bstan par khas len

par thal/ des de las don dam par gzhan skye med par bstan par
khas len pa'i phyir/ kha cig sdug bsngal bdag gis byas/ gzhan
gyis byas pa dang gnyis kas byas/ rgyu

med pa las 'byung bar 'dod/ zhes pa'i thad kyi shes rab sgron me
las/ nyan thos kyi theg pa las kyang bka' stsal ste/ kye go'u ta
ma/ sdug bsngal bdag gis byas

sam; tshe dang ldan pa ma yin no/ gzhan gyis byas sam/ tshe dang
ldan pa ma yin no/ gnyis kas byas sam/ tshe dang ldan pa ma yin
no/ bdag gis kyang ma byas/ gzhan gyis

@089b kyang ma byas pa'i byas sam/ tshe dang ldan pa ma yin no/
zhes bya ba la sogs pa rgya cher gsungs pa de dag gi grub pa yin
no/ zhes gsungs pa'i phyir/ gzhan yang/ slob dpon legs ldan
'byed

des; theg dman gyi sde snod las chos kyis bdag med bstan par
khas len par thal/ des lung 'phran tshegs kyi ka ta ya na la gdam
pa'i mdo las chos kyi bdag med bstan par khas len pa'i phyir

te; bcom ldan dngos dang dngos med pa/ zhes sogs kyi 'thad kyi/
shes rab sgron me las/ ngo bo nyid la logs par lta ba ni/ rigs
pa dang lung dang 'gal ba yin par rtogs so//

rigs pa dang 'gal ba yin pa ni sngar bstan to/ lung dang 'gal ba
yin par de ltar 'dir 'chad/ ka ta ya na 'jig rten 'di ni gnyis
la gnas te/ phal cher ni yod pa nyid dang med pa nyid la'o/ /

zhes bya ba la sogs pa'i dang/ de bzhin du kun dga' bo/ yod ces
bya ba ni rtag par 'gyur la/ med ces bya ba ni chad par 'gyur
ro/ zhes gsungs pa'i phyir/ gzhan yang/ slob

dpon legs ldan 'byed des theg dman gyi sde snod las chos kyi
bdag med bstan cing/ theg dman thun mongs ma yin pa'i sde snod
las chos kyi bdag med ma bstan pa'i khyad par khas len par thal/
des theg dman

gyi sde snod las byang sems kyi spyod pa nyams len bstan cing/
theg dman thun mongs ma yin pa'i sde snod las/ byang sems kyi
spyod pa nyams len ma bstan pa'i/ khyad par khas len pa'i phyir
te/

@090a @#/ /theg dman gyi sde snod las/ byang sems kyi spyod pa
nyams len bstan cing/ theg dman thun mongs ma yin pa'i sde snod
las/ byang sems kyi spyod pa nyams len ma bstan

pa'i phyir/ der thal/ theg dman gyi sde snod las de bstan pa
gang zhig theg dman thun mongs ma yin pa'i/ sde snod las de ma
bstan pa'i phyir/ dang po grub ste/ 'dul ba lung las

thams cad sgrol gyi skyes rabs sogs skyes rab brgyad phrag mang
po bstan pa'i sgo nas/ byang sems kyi spyod pa nyams len mang du
gsungs pa'i phyir/ gnyis pa grub ste/ rin chen phreng ba las/

nyan thos theg pa de las ni/ byang chub sems dpa'i smon lam
dang/ spyod pa yongs bsngo ma bshad pas/ byang chub sems dpa' ga
la 'gyur/ zhes gsungs pa'i phyir/ kho na

re; rang 'grel las/ bcom ldan dngos dang dngos med pa/ zhes sogs
kyi lung drangs nas/ slob dpon legs ldan 'byed la sogs pa/ rang
rgyud pa rnams kyi ngor/ theg dman

gyi mdo las/ chos kyi bdag med bstan par sgrub mi dgos par thal/
slob dpon legs ldan 'byed la sogs pa'i rang rgyud ba rnams kyi
theg dman gyi mdo las chos kyi bdag med bstan

@090b par khas len pa'i phyir/ zer na skyon med de/ de ltar
sgrubs pa de slob dpon legs ldan 'byed la sogs pa'i rang rgyud
pa rnams kyi ngor sgrub pa ma yin te/ rang 'grel dang/ Ti-ka
chen du/ de ltar sgrub

pa de/ nyan thos sde ba'i ngor sgrub pa yin te/ theg pa che las
skye med bstan/ zhes sogs kyi/ theg dman gyi mdo las chos kyi
bdag med bstan par sgrub pa de/ nyan thos sde ba'i ngor

sgrub pa yin pa'i phyir te/ de yum rgyas 'bring bsdus gsum sogs/
theg chen gyi mdo rnams sangs rgyas kyi bka' ma yin par 'dod
pa'i ngor sgrub pa yin pa'i phyir te/ gcig pa de phyir

bzod par gyis/ zhes gsungs pa'i phyir/ 'o na rang 'grel du/ ji
skad du rin po che'i phreng ba las/ ji srid phung por 'dzin yod
pa/ zhes sogs drangs pa yang/ nyan thos sde ba'i ngor

'dren pa ji ltar rigs zhe na/ de dag ni/ theg chen gyi grub
mtha' smra ba'i rang sde 'og ma rnams dang/ rang rgyud pa sogs
kyi ngor 'dren pa yin pas skyon med tshul gong du bshad zin pa
ltar yin

no; gnyis pa 'grel pa nas ma bshad pa'i/ rtsod pa spang ba la
kho na re/ nyan rang 'phags pas chos kyi bdag med rtogs pa dang/
bden 'dzin nyon sgrib tu bshad pa mi 'thad de/

de ltar na/ mngon rtogs brgyan las/ gzung don rtog pa spangs
phyir dang/ 'dzin pa mi spong phyir dang ni/ zhes rang rgyal gyi
lam gyi gzung ba la/ bden zhen gyi rtog pa spongs nus

@091a @#/ /par gsungs pa dang/ nyon mongs shes bya lam gsum gyi/
nyams phyir slob ma bse ru dang/ zhes sogs kyi gzung ba la bden
zhen shes sgrib tu gsungs pa ji ltar drangs zhe na/

lung dang po de'i don ni/ phyi don tshad mas grub pa gzhir byas
pa la/ rang rgyal 'phags pas phyir rol gyi don bdag med du rtogs
shing/ de ltar sgom pas gzung ba la bden zhen gyi rtog pa spong

nus pa dang/ 'dzin pa bdag med du ma rtogs pas 'dzin pa la/ bden
zhen spong mi nus/ zhes pa'i don yin nam rang rgyal 'phags pas
phyi don med par rtogs shing/ 'dzin pa bdag med du

ma rtogs pas/ gzung ba la bden zhen spong nus kyang/ 'dzin pa
bden zhen spong mi nus zhes pa don gang yin/ dang po ltar na mi
'thad de/ gzhi grub pa gcig gi steng du bdag med

tshad mas grub na de nas gzhi gzhan la/ bden par yod med blo kha
phyogs pa tsam gyi bdag med du rtogs nus pa'i phyir te/ slob
dpon 'phags pa lhas/ gang gi dngos gcig de bzhin nyid

mthong ba/ de'i dngos kun de bzhin nyid du mthong/ zhes gsungs
pa'i phyir/ gnyis pa ltar na/ gzung don rtog pa spongs phyir
dang/ zhes sogs kyi lung de'i don de ltar du/ slob

dpon seng ge bzang po la sogs pa'i rang rgyud pa rnams kyi bkral
ba bzhin du/ lung de don dgongs pa yin kyang/ gzung don rtog pa
spongs phyir dang/ zhes sogs theg chen la lta pa rab dbu ma

@091b ma'i lta ba/ theg 'bring la lta ba/ 'bring sems tsam gyi
lta ba/ theg chen la lta ba tha ma gang zag gi bdag med thun
mongs pa lta ba bzhag pa sgo nas theg pa che 'bring chung gsum
la/ dbang po rno 'bring

rtul gsum gyi khyad par bzhag pa yin kyang/ skabs 'dir sgras zin
ltar du khas len mi rigs te/ skabs 'dir theg pa gsum gyi sgom
bya gtso bor gyur pa'i/ lta ba la mtho dman gyi khyad par med
pa'i

phyir; de ltar khas len kyang/ theg pa gsum gyi gang zag la
dbang po/ rims pa mi 'dra ba gsum yod de/ de kho na nyid myur du
gting dpog mi dpog sogs kyi sgo nas/ dbang po rim

pa gsum gyi rnam bzhag byed dgos pa phyir/ kha cig/ rgyan rtsa
ba'i dgongs pa/ thal 'gyur du gnas pa bzhin du/ 'phags seng gi
'grel pa'i/ dgongs pa yang thal 'gyur du gnas/

des na 'phags seng gnyis/ dbu ma thal 'gyur pa yin zer na/ 'o
na/ slob dpon seng+ge bzang po des/ phyi rol gyi don khas len
par thal/ de dbu ma thal 'gyur ba yin pa phyir/ 'dod na/

Ti-ka chen las/ gnyis pa ltar 'dod pa ni/ slob dpon seng ge
bzang po la sogs pa'i/ 'grel ba'i lugs yin pas/ de ltar na/ phyi
rol gyi don med par tshad mas grub ba yin no/ zhes

gsungs pa mi 'thad par thal/ 'dod pa phyir/ gzhan yang/ slob
dpon seng ge bzang po des/ rang rigs khas mi len par thal/ de
dbu ma thal 'gyur ba yin pa'i phyir/ 'dod na/

@092a @#/ /des rang rigs khas len par thal/ des lhan cig dmigs
nges kyi rtags yang dag khas len pa phyir te/ 'grel ba don gsal
las/ sngon po dang de'i blo dag lhan cig dmigs

pa nges pa phyir/ 'di ni sems tsam kho na yin gyi/ phyi rol gyi
don ni med do/ zhes gsungs pa phyir/ gzhan yang/ des bden 'dzin
gyis bcing ba'i/ gzhi shes khas mi len par thal/

des 'phags pa yin na/ stong nyid rtogs pa khyab pa khas len pa
phyir te/ de dbu ma thal 'gyur ba yin pa phyir/ 'dod na/ des mi
thun phyogs kyi gzhi shes khas mi len par thal/

'dod pa phyir/ 'dod na/ des rgyan gyi bstan byar gyur ba'i/ don
bdun cu rnam gzhag khas mi len par thal/ 'dod pa phyir/ gzhan
yang/ des 'phags pa yin na/ stong

nyid rtogs pa khyab pa khas mi len par thal/ des nyan thos
'phags pa la/ stong nyid rtogs pa nyan thos 'phags pa gcig dang/
stong nyid ma rtogs pa nyan thos 'phags pa gnyis yod

par khas len pa phyir te/ Ti-ka chen las/ nyan thos la yang de
kho na nyid rtogs pa dang ma rtogs pa gnyis su dbye dgos pa
phyir/ zhes gsungs pa phyir/ kho na re/ 'phags seng

gnyis dbu ma thal 'gyur ba yin par thal/ 'phags pa grol sde dbu
ma thal 'gyur ba yin pa phyir te/ de theg chen 'phags pa yin pa
phyir te/ de 'phags pa yin pa phyir/ der thal/

@092b 'phags pa khongs su gtogs pa yi/ rnam par grol ba zhes
byas kyang/ zhes pa lung don grub pa phyir/ zer na/ ma khyab
ste/ dbu mar gnas pa blos rnam phye/ zhes pa skabs nas bstan pa
dbu ma

yin na/ dbu ma yin dgos par thal/ 'phags pa'i khongs su gtogs pa
yi/ zhes pa skabs nas bstan pa 'phags pa yin na/ 'phags pa yin
dgos pa phyir te/ 'phags pa grol sde

'phags pa yin pa'i phyir/ 'dod na/ rang rgyud pa 'dod pa ltar
gyi dbu ma yin na/ dbu ma yin dgos par thal/ 'dod pa phyir/
gzhan yang/ gzugs med khams kyi rten can gyi rang rgyal

dgra bcom pa chos can/ dbu ma thal 'gyur ba yin par thal/ stong
nyid mngon sum du rtogs pa gang zag yin pa phyir te/ 'phags pa
yin pa phyir/ 'dod na/ grub mtha' smra ba'i

gang zag yin par thal/ 'dod pa phyir/ 'dod na/ ngag smra ba gang
zag yin par thal/ 'dod pa phyir/ 'dod na/ gzugs med khams na
ngag yod par thal lo/ kho na re/

rang rgyal dgra bcom pa dbu ma thal 'gyur ba yin par thal/ dbu
ma thal 'gyur bar gyur pa'i/ rang rgyal dgra bcom pa gcig yod pa
phyir te/ grub mtha' smra ba gang zag su gyur pa'i/

rang rgyal dgra bcom pa gcig yod pa phyir te/ grub mtha' smra
ba'i/ gang zag su gyur pa'i/ rang rgyal yod pa phyir/ zer na/ ma
khyab/ der thal/ /

@093a @#/ /sems tsam par gyur pa'i rang rgyal yod pa'i phyir te/
Ti-ka chen las/ theg chen la thog mar sems tsam la ma khrid par
dbu ma'i lta ba mi rnyed par snang ba bzhin du rang

rgyal la yang yod la de ni nyan thos la yang yod par mngon no/
zhes gsungs pa'i phyir/ kho na re/ Ti-ka chen las/ mngon rtogs
rgyan du yang theg dman la tshul gnyis gsungs pas/

gzung 'dzin rdzas tha dad du bden par 'dzin pa la/ shes sgrib tu
'jog mi 'jog gnyis nges par bya dgos so/ zhes gsungs pa mi 'thad
par thal/ mngon rtogs rgyan gyi

skabs su theg dman 'phags pa yin na/ stong nyid mngon sum du
rtogs pas khyab par bshad pa'i tshul gcig dang/ stong nyid mngon
sum du/ ma rtogs pa'i theg dman 'phags pa yod

pa'i tshul gnyis su 'byed mi rigs pa'i phyir/ zer na/ ma khyab/
ma grub na/ mngon rtogs rgyan gyi dgongs pa thal 'gyur du gnas
par thal/ ma grub pa de'i phyir/ 'dod na/ 'phags

seng gi 'grel pa'i/ dgongs pa thal 'gyur du gnas par thal/ 'dod
pa'i phyir na/ ma khyab byas pa la/ kho na re/ mngon rtogs rgyan
gyi dgongs pa phyin ci ma log par

'grel bar byed pa'i/ de'i 'grel ba tshad ldan gcig med par thal/
'phags seng gi 'grel pa gnyis po de mngon rtogs rgyan gyi dgongs
pa phyin ci ma log par 'grel bar byed pa'i

@093b de'i 'grel ba ma yin pa'i phyir/ zer na/ ma khyab/ der
thal/ mngon rtogs rgyan gyi dgongs pa thal 'gyur du gnas pa gang
zhig 'phags seng gi 'grel ba gnyis kyi mngon rtogs rgyan gyi
dgongs

pa thal 'gyur du ma bkral bar rang rgyud du bkral ba'i phyir/
gzhan yang/ kho na re/ Ti-ka chen las/ des na rgyan gyi 'grel
byed de dag gi lugs la yang tshul gnyis shes par bya'i/ zhes
gsungs

pa mi 'thad par thal/ 'phags seng gi 'grel pa'i skabs su/ theg
dman 'phags pa yin na/ stong nyid mngon sum du rtogs pas khyab
par bshad pa'i tshul gcig dang/ stong nyid mngon sum du ma

rtogs pa'i/ theg dman 'phags pa yod par bshad pa'i tshul gnyis
su/ 'byed mi rigs pa'i phyir/ zer na/ ma khyab/ ma grub na/
'phags seng gi 'grel ba'i dgongs pa thal 'gyur du

gnas par thal/ ma grub pa de'i phyir/ zer na/ gong du ma khyab
ste/ des na rgyan gyi 'grel byed de dag gi lugs la yang/ tshul
gnyis shes par bya'o// zhes gsungs pa'i phyir/

tshul gnyis yod de/ theg dman 'phags pa la/ stong nyid mngon sum
du rtogs pa'i/ theg dman 'phags pa yod pa'i tshul gcig dang/
stong nyid mngon sum du ma rtogs pa'i/ theg dman

'phags pa yod pa'i tshul gnyis la byed rigs pa'i phyir te/ des na
rgyan gyi 'grel byed/ de dag gi lugs la/ zhes sogs 'di dang/
nyan thos la yang/ de kho na nyid rtogs

@094a @#/ /pa dang ma rtogs pa gnyis dbye dgos pa'i phyir/ zhes
gsungs pa 'di gnyis gnad gcig tu bab pa'i phyir ro/ kho na re/
Ti-ka chen las/ mngon rtogs rgyan du/ yang theg

dman la tshul gnyis gsungs pas/ zhes pa'i tshul gnyis po de yang
theg dman 'phags pa la/ stong nyid mngon sum du rtogs pa'i theg
dman 'phags pa yod pa'i tshul gcig dang/ stong

nyid mngon sum du ma rtogs pa'i/ theg dman 'phags pa yod pa'i
tshul gnyis la byed rigs par thal/ des na rgyan gyi 'brel byed de
dag gi lugs la yang tshul gnyis shes par bya'o//

zhes pa'i tshul gnyis po de ltar byed rigs pa'i phyir/ zer na/ ma
khyab/ gzhan yang/ zhi 'tsho yab sras/ dbu ma thal 'gyur pa yin
par thal/ 'phags seng gnyis dbu ma thal 'gyur pa

yin pa'i phyir/ 'dod na/ rnal 'byor spyod pa'i dbu ma rang rgyud
pa gcig med par thal/ 'dod pa'i phyir/ kho na re/ theg dman
'phags pa yin na/ stong nyid

rtogs pas khyab pa khas len pa'i dbu ma pa yin na/ bden 'dzin
nyon sgrib tu/ khas len pa'i dbu ma pa yin dgos par thal/ mngon
rtogs rgyan las/ theg dman 'phags

pa yin na/ stong nyid mngon sum du rtogs pas/ khyab par bshad
pa'i tshul gcig dang/ stong nyid mngon sum du/ ma rtogs pa'i theg
dman 'phags pa yod par

@094b bshad pa'i tshul gnyis su 'byed na/ mngon rtogs rgyan las/
gzung 'dzin rdzas tha dad du bden par 'dzin pa la shes sgrib tu
'jogs pa'i skabs gcig dang/ nyon sgrib tu 'jogs pa'i skabs gnyis

yod dgos par bshad pa'i phyir/ zer na/ ma khyab/ 'dod na/ sher
'byung blo gros chos can/ der thal/ de'i phyir/ rtags grub ste/
Ti-ka chen las/ lung 'di dbu ma rang rgyud pa kha cig

gzhan du 'chad kyang/ shes 'byung blo gros kyi nyan rang gi
byang chub tu/ bsgrod pa la/ stong nyid rtogs dgos pa'i shes
byed du drangs ba ltar legs so/ zhes gsungs pa'i phyir/ 'dod mi

nus te/ de dbu ma rang rgyud pa yin pa'i phyir/ kha cig 'di'i
skabs kyi sher 'byung blo gros de/ spyod 'jug gi 'grel ba mdzad
pa po'i/ sher 'byung blo gros yin pas/ dbu ma thal 'gyur

ba yin zer na/ dbu ma rang rgyud pa/ kha cig gzhan du 'chad
kyang/ zhes dbu ma rang rgyud pa la kha cig ces smos pa la dgos
pa med par thal/ 'di'i skabs kyi sher 'byung blo gros de

dbu ma thal 'gyur ba yin pa'i phyir/ kha cig 'phags pa yin na/
dbu ma pa yin pas/ khyab zer na/ gzugs med khams pa'i/ rten can
gyi/ nyan thos dgra bcom pa chos can/

der thal/ de'i phyir/ 'dod na/ grub mtha' smra ba'i gang zag yin
par thal/ 'dod pa'i phyir/ 'dod na/ ngag smra ba'i gang zag yin
par thal lo/ /kho na re/

@095a @#/ /de chos can/ dbu ma pa yin par thal/ dbu ma'i lta ba
la gnas pa'i gang zag yin par phyir/ zer na/ ma khyab/ der thal/
stong nyid rtogs pa'i lta ba la gnas pa'i gang

zag yin pa'i phyir te/ 'phags pa yin pa'i phyir/ kho na re/ nang
pa sangs rgyas pa yin na/ de'i grub mtha' smra ba'i gang zag yin
dgos par thal/ dbu ma pa yin na/ grub mtha' ba'i gang zag yin

dgos pa'i phyir/ 'dod na/ khyim bdag mgon med zas sbyin chos
can/ der thal/ de'i phyir/ zhes zer des na/ gzugs med khams pa'i
rten can gyi/ nyan thos dgra

bcom pa de dbu ma pa min kyang/ 'dod pa'i rten can gyi nyan thos
dgra bcom pa de/ dbu ma pa yin byas pa la/ kho na re/ de chos
can/ theg chen pa yin par thal/ dbu ma pa yin pa'i

phyir; zer na/ ma khyab/ 'dod na/ theg chen gyi gang zag yin par
thal/ 'dod pa'i phyir/ 'dod mi nus te/ chos can de yin pa'i
phyir/ zer na/ theg chen gyi grub mtha' smra ba'i gang zag

yin na/ theg chen pa yin dgos par thal/ dbu ma pa yin na/ theg
chen pa yin dgos pa'i phyir/ rtags khas/ 'dod na/ lam ma zhugs
kyi gang zag tu gyur ba'i/ grub mtha' smra ba'i gang

zag gcig med par thal/ der gyur pa'i theg chen gyi grub mtha'
smra ba'i/ gang zag gcig med pa'i phyir/ ma grub na/ de 'dra'i
gang zag chos can/ theg chen pa yin par

@095b thal; theg chen gyi grub mtha' smra ba'i gang zag yin pa'i
phyir/ 'dod na/ theg chen gyi gang zag yin par thal/ 'dod pa'i
phyir/ 'dod na/ lam zhugs kyi gang zag yin par thal lo// gzhan
yang/

bye brag smra ba yin na/ theg dman pa yin dgos par thal/ dbu ma
pa yin na/ theg chen yin dgos pa'i phyir/ rtags khas/ 'dod na/
bye brag smra bar gyur pa'i/ byang sems tshogs lam

lam pa chos can/ der thal de'i phyir/ 'dod mi nus te/ theg chen
pa yin pa'i phyir te/ chos can de yin pa'i phyir/ sbyor ba 'god
pa la/ kha cig /byang sems sa bdun pa ba chos

can; khyod kyi nyan rang dgra bcom/ blo'i stobs kyi zil gyis
gnon nus pa yin te/ khyod kyi bya rdzogs kyi thung mtha'i skad
cig ma gcig la/ 'gog pa yang dag pa'i mtha' la/ mngon

sum du 'jug ldang byed nus pa'i phyir/ zer na/ de ni ring du
song bar blo yang lhag par 'gyur/ zhes pa'i gzhung 'di/ byang
sems sa bdun pa'i yon tan 'chad byed kyi gzhung yin par thal/

sbyor ba de 'thad pa'i phyir/ 'dod na/ de ma yin par thal/ de
byang sems sa dang po'i yon tan/ 'chad byed kyi gzhung yin pa'i
phyir/ kho na re/ byang sems sa dang po ba

des sa bdun pa thob pa'i tshe nyan rang dgra bcom blo'i stobs
kyis zil gyi gnon nus pa de/ byang sems sa dang po'i/ yon tan
yin par thal/ gzhung de/ byang sems sa dang po'i yon tan

@096a @##/ /'chad byed kyi gzhung yin pa'i phyir/ zer na/ ma
khyab/ 'dod na/ byang sems sa dang po pas/ sa bdun pa thob pa
de/ byang sems sa dang po ba'i yon tan yin par thal/

'dod pa'i phyir/ 'dod na/ des rnam mkhyen thob pa de/ de'i yon
tan yin par thal/ 'dod pa'i phyir/ 'dod na/ byang sems sa dang
po pas/ rnam mkhyen thob pa de/ byang sems

sa dang po pa la ldan par thal/ 'dod pa'i phyir/ ! rang lugs kyi
sbyor ba ni/ byang sems sa dang po ba chos can/ khyod kyi sa
bdun pa ring du song ba thob pa'i tshe/ nyan rang dgra bcom blo'i
stobs

kyis zil gyi gnon nus pa yin te/ khyod kyi de'i tshe bya rdzogs
kyi thung mtha'i/ skad cig ma gcig la/ 'gog pa yang dag pa'i
mtha' la mngon sum du 'jug ldang byed nus pa'i phyir/ kho na re/
nyan

rang dgra bcom pa chos can/ khyod kyi sa bdun pa thob pa'i tshe/
nyan rang dgra bcom blo'i stobs kyis/ zil gyi gnon nus par thal/
khyod kyi de'i tshe bya rdzogs kyi/ thung mtha'i skad cig ma gcig

la; 'gog pa yang dag pa'i mtha' la/ mngon sum du 'jug ldang/
byed nus pa'i phyir/ ma grub na/ der thal/ byang sems sa dang po
pas sa bdun pa thob pa'i tshe/ bya rdzogs

kyi skad cig ma'i thung mtha' gcig la/ 'gog pa yang dag pa'i
mtha' la/ mngon sum du 'jug ldang byed nus pa'i phyir/ 'dod na/
de chos can/ khyod kyi khyod blo'i

@096b stobs kyis zil gyi gnon nus pa'i dus gcig yod par thal/
'dod pa'i phyir/ 'dod na/ med par thal/ bdag med yin pa'i phyir/
zhes zer zhing/ khong gi lugs la/ byang sems sa dang po pa chos

can; khyod kyis sa bdun pa thob pa'i tshe/ nyan rang dgra bcom
blo'i stobs kyis zil gyi gnon nus pa yin te/ khyod kyi sa bdun
pa thob pa'i tshe/ khyod bya rdzogs kyi thung mtha'i skad cig ma
gcig la 'gog pa yang dag

pa'i mtha' la mngon sum du/ 'jug ldang byed nus pa'i/ sems dpa'
yin pa'i phyir/ zer ba/ nang 'gal te/ nyan rang dgra bcom pa
chos can/ der thal/ de'i phyir/ der thal/

des sa bdun pa thob pa'i tshe khyod kyi/ bya rdzogs kyi thung
mtha'i skad cig ma gcig la/ 'gog pa yang dag pa'i mtha' la/
mngon sum du/ 'jug ldang byed nus pa gang zhig /khyod kyi de
thob pa'i tshe/

khyod byang chub sems dpa' yin pa'i phyir/ phyi ma der thal/ de
de'i tshe/ byang sems sa bdun pa pa yin pa'i phyir te/ de sangs
rgyas pa'i tshe/ de sangs rgyas 'phags pa yin pa'i phyir/ 'dod
na/

gong dang 'dra/ gzhan yang/ kho na re/ nyan rang dgra bcom pa
chos can/ khyod kyi sa bdun pa thob pa'i tshe/ nyan rang dgra
bcom pa/ blo'i stobs kyis zil gyi

gnon mi nus par thal/ de'i tshe/ nyan rang dgra bcom pas/ khyod
blo'i stobs kyis zil gyi gnon nus pa'i phyir/ zer na/ ma khyab/
kho na re/ byang sems sa

@097a @##/ /sa dang po pas nyan rang dgra bcom blo'i stobs kyis
zil gyis gnon nus par thal/ byang sems sa gnyis pa bas byang
sems sa dang po ba blo'i stobs kyis zil gyis gnon nus pa'i phyir
te/ spyod 'jug

las; rnal 'byor ba yang blo khyad kyi/ gong ma gong ma rnams kyi
gnon/ zhes gsungs pa'i phyir/ zer na ma khyab/ yang kho na re/
byang sems sa dang po pas nyan rang dgra bcom blo'i stobs kyis
zil gyis gnon

nus par thal/ de'i rgyud kyi shes rab kyis nyan rang dgra bcom
blo'i stobs kyis zil gyis gnon nus pa'i phyir/ ma grub na/ de'i
rgyud kyi shes rab yin na/ nyan rang dgra bcom zil gyis gnon mi
nus pas khyab par

thal; de'i rgyud kyi shes rab kyi nyan rang dgra bcom zil gyis
gnon mi nus pa'i phyir/ zer na/ ma khyab/ 'dod na/ de'i rgyud
kyi kun rdzob sems skyed kyi 'khor du byung ba'i shes rab chos
can/ der thal/

de'i phyir/ de der thal/ de yod pa'i phyir/ ma grub na/ de'i
rgyud kyi kun rdzob sems skyed chos can/ khyod kyi 'khor du
byung ba'i shes rab yod par thal/ khyod yid sngon song gi gtso
sems yin pa'i

phyir; 'dod mi nus te/ rang rgyud kyi kun rdzob sems skyed kyi/
nyan rang dgra bcom zil gyi gnon nus pa gang zhig /de gnyis
mtshungs ldan rnam pa lnga mtshungs yin pa'i phyir/ yang kho na
re/

mdo las/ byang chen yum la spyod pa'i/ shes rab nyin gcig bsgoms
pas/ nyan rang dgra bcom zil gyi gnon par bshad pa/ mi 'thad par
thal/ byang sems

@097b sa dang po bas/ nyan rang dgra bcom zil gyi gnon mi nus
pa'i phyir/ zer na/ ma khyab ste/ byang chen yum la spyod pa'i
shes rab nyin gcig bsgoms pa'i phan yon dang/ bsod nams kyis
nyan rang dgra

bcom zil gyi gnon nus pa mdo de'i don yin pa'i phyir/ gal te de
ni khrims dag rang bzhin lta/ zhes sogs kyi skabs su/ tshul
khrims kyi 'khor sum rang bzhin gyis grub par lta ba'i gang zag
yin

na; tshul khrims rnam par dag pa dang mi ldan pas khyab pa gzhung
de'i don yin zer na/ 'o na/ tshul khrims rnam dag dang ldan pa'i
bye brag smra ba med par thal/ gzhung don 'thad pa'i phyir/

'dod na/ so thar gyi sdom pa rnam dag dang ldan pa'i/ bye brag
smra ba med par thal/ 'dod pa'i phyir/ kha gcig /rtsa ba'i rtags
de yin na/ byang sems kyi sdom pa rnam dag dang mi ldan

pas khyab pa de'i don yin zer na/ 'o na/ byang sems kyi sdom pa
rnam dag dang ldan pa'i sems tsam pa med par thal/ gzhung don de
'thad pa'i phyir/ 'dod mi nus te/ sems

tsam par gyur pa'i byang sems yod pa'i phyir/ yang kha cig /rtsa
ba'i rtags de yin na/ tshul khrims ches yongs su ma dag pa/ zhes
pa'i sgra brjod rung yin pas khyab pa de gzhung

de'i don yin zer na/ byang chub sems dpar gyur pa'i/ sems tsam
pa chos can/ der thal/ de'i phyir/ rang lugs ni/ tshul khrims kyi
'khor gsum rang bzhin gyi grub par lta pa'i gang

@098a @##/ /zag yin na/ 'jig rten las 'das pa'i tshul khrims kyis
phar phyin dang mi ldan pas khyab pa lung de'i don yin no/ /des
na byang sems sa gnyis pa ba chos can/ tshul khrims

kyi 'khor gsum rang bzhin gyi grub par lta ba'i gang zag ma yin
te/ 'jig rten las 'das pa'i tshul khrims kyi phar phyin thob la
gnas pa'i/ byang sems yin pa'i phyir/ shes bya'i bud shing ma

lus bsreg pa'i me'i/ zhes sogs kyi skabs su/ mtha' dpyad pa
dang/ gzhung don la dpyad pa dang gnyis/ dang po ni/ kha cig /sa
gsum pa'i bar ched med lam gyi ngos skal gyi spang

byar gyur pa'i shes sgrib yod zer na/ 'o na/ dman lam sngon du
ma song pa'i/ sa gsum pa'i bar chad med lam chos can/ nyon sgrib
ma lus par spangs par thal/ rang gi ngos skal gyi spangs

byar gyur pa'i shes sgrib kyi/ dngos gnyen bar chad med lam yin
pa'i phyir/ khyab ste/ sa der rgyal sras bsam gtan mngon shes
kyi/ zhes pa'i thad kyi/ Tika chen las/ nyon

mongs thams cad ma zad bar du shes sgrib mi spong pa'i phyir/
shes sgrib ni/ dag pa sa gsum gyi skabs su spongs zhes gsungs
pa'i phyir/ rtsa bar 'dod mi nus te/ chos can de yin pa'i phyir/
byas pa kho na re/ de'i ngos skal gyi spang byar gyur pa'i shes
sgrib yod par thal/ dman lam sngon du ma song pa'i theg chen gyi
mthong lam sdug bsngal chos bzod kyi ngos skal gyi spang

@098b bya'i gtso bor gyur pa'i shes sgrib yod pa'i phyir te/
de'i ngos skal gyi spang byar gyur pa'i/ sgrib pa yod/ de'i ngos
skal gyi spang bya'i gtso bor gyur pa'i nyon sgrib med pa'i
phyir/ dang po der thal/ bar

chad med lam yin pa'i phyir/ gnyis pa ma grub na/ des nyon sgrib
spang bya'i gtso bor byed par thal/ ma grub pa de'i phyir/ 'dod
mi nus te/ des shes sgrib spang bya'i gtso bor byed pa'i phyir/
'di'i

len kha cig /'dir ma khyab ste/ dman lam sngon du ma song ba'i/
byang sems 'phags pas nyon sgrib spang bya'i gtso bor byed pa'i
phyir/ zhes zer na/ 'o na/ byang sems 'phags pas

rang rgyud kyi nyon mongs gzhan don byed pa'i yan lag tu bsgyur
ba gcig med par thal/ des rang rgyud kyi nyon mongs spang bya'i
gtso bor byed pa'i phyir/ rtags khas/ 'dod mi nus te/ de ltar
sgyur bar byed

pa'i gang zag gcig yod pa'i phyir/ kha gcig /dman lam sngon du
ma song ba'i byang sems 'phags pas/ nyon sgrib spang bya'i gtso
bor mi byed/ bden 'dzin spang bya'i gtso bor

byed zer na/ de 'dra'i byang 'phags chos can/ khyod kyis 'khor
ba'i rtsa ba spang bya'i gtso bor byed par thal/ khyod kyis bden
'dzin spang bya'i gtso bor byed pa'i phyir/ rtags khas/ 'dod na/

khyod kyis 'khor ba spang bya'i gtso bor byed par thal/ 'dod
pa'i phyir/ 'dod na/ khyod kyis thar pa thob bya'i gtso bor byed
par thal/ 'dod pa'i phyir/ 'dod mi nus te/ khyod kyi

@099a @##/ /thams cad mkhyen pa thob bya'i gtso bor byed pa'i
phyir/ byas pa la kho na re/ de 'dra'i byang sems 'phags pas
bden 'dzin spang bya'i gtso bor byed par thal/ de 'dra'i

byang sems mthong lam pas/ bden 'dzin spang bya'i gtso bor byed
pa'i phyir/ ma grub na/ de 'dra'i byang sems mthong lam pa chos
can/ khyod kyis bden 'dzin spang bya'i gtso bor

byed par thal/ khyod kyi de ma spang pa gang zhig /khyod kyi
bdag med sgom bya'i gtso bor byed pa'i phyir/ phyi ma grub ste/
byang 'phags yin pa'i phyir/ gzhan yang/ de 'dra'i

byang sems mthong lam pas bden 'dzin spang bya'i gtso bor byed
par thal/ dman lam sngon du ma song ba'i sa bdun pa'i bar chad
med lam la gnas pa'i/ sems dpa' des bden 'dzin

spang bya'i gtso bor byed pa'i phyir/ ma grub na/ de 'dra'i
byang sems sa bdun pa ba chos can/ khyod kyi bden 'dzin spang
bya'i gtso bor byed par thal/ khyod kyi bden 'dzin gyi

dngos gnyen bar chad med lam sgom bya'i gtso bor byed pa'i
phyir/ khyod kyi bden 'dzin gyi dngos gnyen du gyur pa'i/ sa
bdun pa'i bar chad med lam bsgom bya'i gtso bor byed pa'i phyir/
zer na

ma khyab ste/ 'o na/ dman lam sngon du ma song pa'i theg chen
gyi mthong lam/ sdug bsngal chos bzod la gnas pa'i/ sems dpa'
chos can/ khyod kyis gang zag rtag gcig

@099b rang dbang can du 'dzin pa'i rtogs pa spang bya'i gtso bor
byed par thal/ khyod kyi de'i dngos gnyen bar chad med lam sgom
bya'i gtso bor byed pa'i phyir/ ma grub na/ der thal/ de'i dngos
gnyen du gyur pa'i theg

chen gyi mthong lam bar chad med lam bsgom bya'i gtso bor byed
pa'i phyir/ 'khor gsum/ 7 rang lugs la/ de'i skyon med de/ dman
lam sngon du ma song ba'i byang sems mthong lam pa des rang gi

ngos skal gyi spang byar gyur pa'i/ bden 'dzin spang bya'i gtso
bor byed kyang/ des bden 'dzin spang bya'i gtso bor mi byed pa'i
phyir/ des na mthong spang shes sgrib med byas pa la/ kho na re/

nyan thos dgra bcom gyi rtogs pa sngon song gi theg chen gyi
mthong lam bar chad med lam med par thal/ de'i ngos skal gyi
spang bya'i/ sgrib pa med pa'i phyir te/ de'i ngos skal gyi
spang byar gyur pa'i

shes sgrib yang med/ de 'dra'i nyon sgrib yang med pa'i phyir/
'dod na/ nyan thos dgra bcom gyi rtogs pa sngon du song ba'i
theg chen gyi mthong lam/ rnam grol lam med par thal/ 'dod pa'i
phyir/

'dod na/ de 'dra'i mthong lam mnyam gzhag ye shes med par thal
lo/ /zer na ma khyab/ gzhan yang/ kho na re/ de'i spang bya'i
gtso bor gyur pa'i sgrib pa med par thal/ de'i spang bya'i

gtso bor gyur pa'i nyon sgrib med pa gang zhig /der gyur pa'i
shes sgrib yang med pa'i phyir/ dang po ma grub na/ nyon sgrib
spang bya'i gtso bor byed par thal/

@100a @##/ /ma grub ba de'i phyir/ gnyis pa ma grub na/ de'i ngos
skal gyi spang bya'i gtso bor gyur pa'i shes sgrib yod par thal/
de'i spang bya'i gtso bor gyur pa'i shes sgrib yod pa'i phyir/
zer na ma

khyab ste/ dman lam sngon du ma song ba'i ma dag sa la gnas pa'i
sems dpa' rnams kyis ngos skal gyi spang bya'i gtso bor gyur
pa'i shes sgrib med kyang/ de rnams kyi spang bya'i gtso bor
gyur pa'i shes

sgrib yod/ de rnams kyis ngos skal gyi spang bya'i gtso bor gyur
pa'i nyon sgrib yod kyang/ de rnams kyi spang bya'i gtso bor
gyur pa'i nyon sgrib med pa'i phyir/ kha cig /nyan thos dgra
bcom

gyi rtogs pa sngon du song ba'i theg chen gyi mthong lam bar
chad med lam gyi ngos skal gyi spang byar gyur pa'i sgrib pa med
par thal/ de'i ngos skal gyi spang byar gyur ba'i shes sgrib
kyang med/ nyon

sgrib kyang med pa'i phyir/ 'dod na/ nyan thos dgra bcom gyi
rtogs pa sngon du song ba'i theg chen gyi mthong lam bar chad
med lam med par thal/ 'dod pa'i phyir/ 'dod na/ de 'dra'i theg
pa chen po'i

mthong lam med par thal/ 'dod pa'i phyir zer na ma khyab/ kha
cig /de'i ngos skal gyi spang byar gyur pa'i nyon sgrib dang
shes sgrib gang rung med kyang/ de'i ngos skal gyi spang byar
gyur pa'i snyoms

'jug gi sgrib pa yod de/ rjes thob tu yon tan brgya phrag bcu
gnyis thob pa la gegs byed kyi sgrib pa de/ de'i ngos skal gyi
spang byar gyur pa'i sgrib pa yin no/ zer na/ snyoms

@100b 'jug gi sgrib pa yin na/ sgrib pa yin dgos par thal/ nyan
thos dgra bcom gyi rtogs pa sngon du song ba'i theg chen gyi
mthong lam bar chad med lam gyi/ ngos skal gyi spang byar gyur
pa'i rjes thob du

yon tan brgya phrag bcu gnyis thob pa la/ gegs byed kyi sgrib pa
yod pa'i rgyu mtshan gyi/ de'i ngos skal gyi spang byar gyur pa'i
sgrib pa yod par 'jog rigs pa'i phyir/ 'dod na/ dman pa'i

sgrib pa yin na/ sgrib pa yin dgos par thal/ 'dod pa'i phyir/
'dod na/ rang nyid gcig pu zhi bde don gnyer gyi blo chos can/
der thal/ de'i phyir/ de der thal/ de'i mtshan gzhi

gcig yod pa'i phyir/ 'dod na/ de chos can/ khyod de ma yin par
thal/ khyod dang thar lam gyi gzhi mthun yod pa'i phyir/ gzhan
yang/ nyan thos dgra bcom pa'i rtogs pa mngon du

song ba'i sa dang po'i sgom lam bar chad med lam med par thal/
de'i ngos skal gyi spang byar gyur pa'i sgrib pa med pa'i phyir
te/ de'i ngos skal gyi spang byar gyur pa'i nyon sgrib kyang
med/ de'i

ngos skal gyi spang byar gyur ba'i/ shes sgrib kyang med/ snyoms
'jug gi sgrib pa yang med pa'i phyir/ phyi ma ma grub na/ de med
par thal/ rjes thob tu yon tan brgya phrag

bcu gnyis thob pa la gegs byed kyi sgrib pa de yang/ de'i ngos
skal gyi spang byar gyur pa'i sgrib pa ma yin/ rjes thob tu yon
tan stong phrag bcu gnyis thob pa la/ gegs byed kyi sgrib

@101a @#/ /pa de yang de ma yin pa'i phyir/ dang po der thal/ de
nyan thos dgra bcom gyi rtogs pa sngon du song ba'i theg chen
gyi mthong lam bar chad med lam gyi ngos skal gyi spang byar
gyur

pa'i sgrib pa yin pa'i phyir/ gnyis pa ma grub na/ nyan thos
dgra bcom gyi rtogs pa sngon du song pa'i sa gnyis pa'i sgom lam
bar chad med lam med par thal/ de'i ngos skal gyi

spang byar gyur ba'i sgrib pa med pa'i phyir te/ der gyur pa'i
nyon sgrib dang/ shes sgrib dang snyoms 'jug gi sgrib pa gang
yang med pa'i phyir/ phyi ma der thal/ rjes thob tu yon tan
stong phrag

bcu gnyis thob pa la/ gegs byed kyi sgrib pa de/ de'i ngos skal
gyi spang byar gyur pa'i sgrib pa ma yin pa'i phyir te/ de nyan
thos dgra bcom gyi rtogs pa sngon du song ba'i/ sa dang po'i
sgom lam

bar chad med lam gyi ngos skal gyi spang byar gyur pa'i sgrib pa
min pa'i phyir/ rtags khas/ kha cig/ skyon med de/ sbyin pa'i
phar phyin gyi nyams len lhag par thob pa la gegs byed kyi sgrib
pa de/

nyan thos dgra bcom gyi rtogs pa sngon du song ba'i sa dang
po'i/ sgom lam bar chad med lam gyi ngos skal gyi sgrib pa yin
no/ zer na/ shes rab kyi phar phyin gyi nyams len lhag par thob
pa la

gegs byed kyi sgrib pa de/ nyan thos dgra bcom pa'i rtogs pa
sngon du song ba'i sa drug pa'i bar chad med lam gyi ngos skal
gyi spang byar gyur pa'i/ sgrib pa yin par thal/ dam bca' 'thad
pa'i phyir/ 'dod na/

@101b de'i rtogs pa sngon du song ba'i sa drug pa'i bar chad med
lam la gnas pa'i sems dpa'/ des shes rab kyi phar phyin gyi
nyams len lhag par ma thob par thal/ 'dod pa'i phyir/ 'dod na/
de chos can/

khyod kyi de thob par thal/ khyod sa drug pa'i bar chad med lam
gnas pa'i sems dpa' yin pa'i phyir/ ! rang lugs ni/ nyan thos
dgra bcom gyi rtogs pa sngon du song pa'i theg chen gyi mthong
lam bar chad

med lam med de/ de'i rtogs pa sngon du song ba'i ma dag pa/ sa
bdun gyi ye shes la rnam grol lam dang bar chad med lam gyi tha
snyad mi byed pa'i phyir/ kho na re/ de'i rtogs pa sngon du song
ba'i byang sems sa

dang po pas/ sa gnyis par 'pho ba'i sa 'tshams med par 'gyur ro/
zhe na/ skyon med de/ de'i rtogs pa sngon du song ba'i/ byang
sems sa dang po pas sa dang po'i gnas skabs su tshogs ji tsam
gsog

dgos pa'i tshogs gnyis bsags zin pa na/ de sa gnyis par 'phos par
'jog pa'i phyir/ des gzhan rnams la rigs 'dre/ dper na/ nyan
thos dgra bcom gyi rtogs pa sngon du song ba'i

byang sems tshogs lam pas theg pa chen po'i tshogs lam gyi gnas
skabs su tshogs gnyis ji tsam gsog dgos pa bsags zin pa dang/
theg chen gyi sbyor lam drod du 'phos par 'jog pa bzhin no/ des

na; mthong lam bar chad med lam ma thob par/ mthong lam thob pa
med cing/ sgom lam bar chad med lam ma thob par sgom lam thob pa
med kyang/ theg chen gyi mthong lam

@102a @#/ /bar chad med lam ma thob par theg chen gyi mthong lam
thob pa dang/ theg chen gyi sgom lam bar chad med lam ma thob
par theg chen gyi sgom lam thob pa ni yod de/ nyan thos

dgra bcom gyi rtogs pa sngon du song ba'i byang sems/ sa gnyis
pa ba de de yin pa'i phyir/ kho na re/ mthong spang shes sgrib
yod par thal/ theg chen gyi mthong lam bar chad med lam gyi ngos
skal

gyi spang byar gyur pa'i/ thogs pa'i sgrib pa yod pa'i phyir te/
theg chen gyi mthong lam rnam grol lam la gnas pa'i sems dpa' de
rang gi ngos skal gyi spang byar gyur pa'i chags thogs dman gsum

gyi sgrib pa las grol ba'i/ yon tan dang ldan pa'i phyir/ de
rigs grol yon tan brgyad dang ldan pa'i rgyal sras 'phags pa yin
pa'i phyir te/ rgyud bla ma las/ /ji lta

ji snyed nang gi ni/ /ye shes gzigs pa dag pa'i phyir/ /zhes
gsungs pa'i phyir/ zer na/ ma khyab ste/ rigs grol gyi yon tan
brgyad dang ldan pa'i sems dpa'

yin na/ dag sa la gnas pa'i/ sems dpa' yin dgos pa'i phyir te/
'phags pa phyir mi ldog pa ni/ /lus can kun gyi skyabs yin no/
zhes gsungs pa'i phyir/

gzhan yang/ kho na re/ mthong spang shes sgrib yod par thal/
'jug shes drug pa la/ yul rang gi mtshan nyid kyis/ grub par
snang ba/ snang ba ltar du grub pa

@102b 'thad snyam du 'dzin pa'i blo sa bon dang bcas pa de/
mthong spang shes sgrib yin pa'i phyir te/ de ltar du rgyud bla
ma'i dar Ti-ka las/ bshad pa'i phyir/ zer na/ ma khyab/ gzugs
'dzin dbang shes la gzugs

rang gi mtshan nyid kyis grub par snang ba snang ba ltar du grub
pa/ 'thad snyam du 'dzin pa'i blo de shes sgrib yin par thal/
'jug shes drug la yul rang gi mtshan nyid kyis grub par snang ba
snang ba ltar du grub pa

'thad snyam du 'dzin pa'i blo sa bon dang bcas pa de shes sgrib
yin pa'i phyir/ 'dod na/ de chos can/ shes sgrib ma yin par
thal/ nyon sgrib yin pa'i phyir te/ bden 'dzin yin pa'i phyir
te/

gzugs rang gi mtshan nyid kyis grub par 'dzin pa'i blo yin pa'i
phyir te/ chos can de'i phyir te/ Ti-ka chen las/ de'i 'og tu
mdo las/ log pa'i 'dod chags dang zhe sdang dang gti mug skal pa

khrag khrig 'bum phrag du mar spong bar bya ba ma yin pa sa 'dir
spong bar gsungs pa ni/ sa bon spong ba la dgongs la/ de yang
sgom spang gi nyon mong lhan skyes che 'bring drug sa gnyis pa
nas bdun pa'i

bar gyi spong ba'i sa 'di yi spang bya la dgongs so/ zhes
gsungs/ de'i don la/ kha cig/ theg chen gyi sgom spang la dgu
yod de/ chen po skor gsum/ 'bring skor gsum/ chung ngu skor

gsum rnams su yod pa'i phyir/ de'i dang po gsum nyon sgrib dang/
phyi ma gsum shes sgrib kyi steng nas 'jog pa yin te/ theg chen
gyi sgom spang nyon mongs chung ngu skor gsum med pa'i

@103a @#/ /phyir te/ de 'dra'i rnam gzhag Ti-ka chen las ma
gsungs pa'i phyir/ des na dman lam sngon du ma song pa'i sa
brgyad pa yan chad la gnas pa'i gang zag rnams kyi sgom spang

chung ngu skor gsum ma spang ste/ theg chen gyi sgom spang nyon
mongs chung ngu skor gsum med pa'i phyir/ sa brgyad pa'i skad
cig dang por gyur pa'i chos nyid la rtse gcig tu mnyam par gzhag
pa'i ye

shes de/ sa bdun pa'i skad cig tha mar gyur pa'i bar chad med
lam gyi rnam grol lam yin kyang/ rang gi ngos skal gyi spang
byar gyur pa'i shes sgrib kyi dngos gnyen yin zhes zer/ dman lam
sngon du

ma song ba'i sa brgyad pa ba des/ sgom spang chung ngu skor gsum
spang par thal/ des bden 'dzin chung ngu skor gsum spang pa'i
phyir te/ des bden 'dzin chung ngu'i chung ngu spang pa'i phyir
te/

der thal/ de yod pa gang zhig des bden 'dzin ma lus par spang
ba'i phyir/ dang po der thal/ nyan thos kyi sgom lam rdo rje lta
bu'i ting nge 'dzin gyi ngos skal gyi spang byar gyur pa'i/ bden

'dzin chung ngu'i chung ngu yod pa'i phyir/ gzhan yang/ des bden
'dzin chung ngu'i chung ngu spang par thal/ des bden 'dzin
'bring phra ba spang pa'i phyir te/ des bden 'dzin ma lus par
spang pa'i phyir/

gzhan yang/ sa brgyad pa'i skad cig dang por gyur pa'i chos nyid
la rtse gcig tu/ mnyam par gzhag pa'i ye shes chos can/ sa bdun
pa'i rnam grol lam yin par thal/ de'i

@103b bar chad med lam gyi rnam grol lam yin pa'i phyir/ de'i
skad cig tha mar gyur pa'i/ bar chad med lam gyi rnam grol lam
yin pa'i phyir/ rtags khas/ 'dod na/ sa bdun pa'i ye shes yin
par thal/ 'dod

pa'i phyir/ kho na re/ rnam mkhyen skad cig dang po chos can/
rgyun mtha'i ye shes yin par thal/ rgyun mtha'i bar chad med lam
gyi rnam grol lam yin pa'i phyir te/ rgyun mtha'i bar chad

med lam gyi rnam grol lam gcig yod pa'i phyir/ ma grub na/ de
chos can/ khyod kyi rnam grol lam yod par thal/ khyod bar chad
med lam yin pa'i phyir/ zer na ma khyab/ sgrib

pa'i dngos gnyen chos can/ khyod kyi rnam grol lam yod par thal/
khyod bar chad med lam yin pa'i phyir/ der thal/ chos can de'i
phyir/ rtsa bar 'dod na/ sgrib pa'i dngos gnyen du

gyur pa'i rnam grol lam yod par thal/ 'dod pa'i phyir/ 'dod mi
nus te/ sgrib pa'i dngos gnyen yin na/ rnam grol lam ma yin dgos
pa'i phyir/ gzhan yang/ rnam mkhyen skad cig dang

po chos can/ rgyun mtha'i ye shes yin par thal/ rgyun mtha'i
rnam grol lam yin pa'i phyir/ khyab ste/ sa bcu'i rnam grol lam
yin na/ de'i ye shes yin dgos pa'i phyir/ gzhan

yang; sa brgyad pa'i skad cig dang por gyur pa'i chos nyid la
rtse gcig tu mnyam par gzhag pa'i ye shes chos can/ sa brgyad
pa'i rnam grol lam yin par thal/ sa rgyad pa'i ye

@104a @#/ /shes gang zhig /rnam grol lam yin pa'i phyir/ 'dod na/
ma yin par thal/ de'i bar chad med lam yin pa'i phyir/ der thal/
de'i ye shes gang zhig bar chad med

lam yin pa'i phyir/ kha cig /sgom spangs nyon mongs chen po skor
gsum dang 'bring skor gsum sa bdun pa man chad kyis spangs nas/
sgom spang nyon mongs chung ngu skor gsum sa brgyad pa'i

gnas skabs su spongs/ zhes zer na/ de mi 'thad par thal/ sa
brgyad pa'i skad cig dang po'i ye shes des bden 'dzin ma lus par
spangs pa'i phyir te/ dman lam sngon du ma song ba'i

sa bdun pa'i skad cig tha mar gyur pa'i bar chad med lam de bden
'dzin gyi dngos gnyen yin pa'i phyir/ Ti-ka chen las/ bden 'dzin
gyi sa bon spangs pa ni/ shes sgrib spangs ba ma yin no/ zhes
gsungs pa'i phyir/

gzhan yang/ des bden 'dzin spangs par thal/ des ma rigs pa
spangs pa'i phyir te/ Ti-ka chen las/ sa bdun pa'i bar du ni ma
rig pas bslad pa yod la/ sa brgyad pa nas dang dgra bcom pa
gnyis

la ni/ slong byed kyi ma rig pa zad pas/ des bslad pa med kyi ma
rig pa'i bag chags kyis bslad pa ni yod do/ /zhes gsungs pa'i
phyir/ gzhan yang des bden 'dzin spangs par thal/ des

ma dag sa'i ngos skal gyi spang bya spangs pa'i phyir te/ de ma
dag sa'i ngos skal gyi spang bya spangs ma thag pa yin pa dang/
mngal nas btsas ma thag pa'i rnam smin gyi lus de mngal sbubs
kyi

@104b dri ma dang bral ma thag pa yin pa gnyis dpe don du sbyar
nas/ rgyud bla ma las bshad pa'i phyir te/ de nyid las/ sa bdun
la rten dri ma ni/ /mngal sbubs dri ma dag dang mtshungs/ /mngal
sbubs bral 'dra mi rtogs

pa; ;ye shes rnam par smin pa bzhin/ /zhes gsungs pa'i phyir/
gzhan yang/ des bden 'dzin spangs par thal/ byang sems sa brgyad
pa ba yin na/ nyon sgrib spangs pas khyab pa'i phyir te/

nyon mongs zad cing sa gsum bla mar gyur kyang sangs rgyas rnams
kyi ni/ 'byor pa mkha' ltar mtha' bral ma lus thob par nus ma
yin/ zhes gsungs pa'i phyir/ kho na re/ byang sems

sa dang po ba yin na/ mthong spang kun sbyor gsum spangs pas
khyab par thal/ 'di ni kun du sbyor ba gsum po thams cad spangs
pa yin/ zhes gsungs pa'i phyir/ khyab pa 'grig zer na mi mtshungs
so//

'dod na/ theg chen gyi mthong lam bar chad med lam la gnas pa'i
sems dpa' chos can/ der thal/ de'i phyir/ 'dod mi nus te/ de'i
dngos gnyen la gnas pa'i gang zag yin pa'i phyir/ gzhan

yang; sa brgyad pa'i skad cig dang po'i ye shes des bden 'dzin
spangs par thal/ des nyon sgrib spangs pa'i phyir/ ma grub na/
de chos can/ der thal/ dag sa'i ye shes yin pa'i phyir/ kho na
re/ ma dag sa'i

ye shes yin na/ nyon sgrib ma spangs pas khyab par thal/ dag
sa'i ye shes yin na/ de spangs pas khyab pa'i phyir/ zer na mi
mtshungs so/ 'dod na/ nyan thos dgra bcom gyi rtogs pa sngon du
song ba'i sa dang po'i

@105a @#/ /ye shes chos can/ der thal/ de'i phyir/ kha cig /theg
chen gyi sgom spangs nyon mongs de la drug yod pa las/ de sa
gnyis pa nas bdun pa'i bar chad med lam gyi bar gyi spangs

nas sa bdun pa'i skad cig tha ma'i ye shes de bden 'dzin ma lus
par spangs pa'i ye shes yin no zer na/ Ti-ka chen las/ sa bdun
pa'i bar du ni ma rig pa'i bslad pa yod la/ zhes sogs

gsungs pa dang/ 'grel pa mdzad pas nyon mongs kun btags sa dang
po nas/ lhan skyes sa gnyis pa nas spang ba gsal bar ma gsungs
kyang/ sa brgyad pa ma thob kyi bar du nyon mongs

thams cad kyi sa bon zad pa med pa dang/ bden 'dzin nyon mongs
su 'jog pa dang bden 'dzin ma zad bar du 'jig lta mi 'dzad pa
dang/ sa dang por kun sbyor spang ba rin chen phreng ba las
kyang bshad

pas spyir nyon mongs la gnyis su 'byed pa dang/ khyad par du
'jig lta la gnyis su 'byed dgos pa shin tu gsal lo/ zhes gsungs
pa mi 'thad par thal/ bden 'dzin ma lus par spangs

pa'i dman lam sngon du ma song ba'i sa bdun pa'i ye shes yod
pa'i phyir/ rang lugs ni/ dman lam sngon du ma song pa'i sa bdun
pa'i skad cig tha mar gyur pa'i bar chad med lam de bden

'dzin chung ngu skor gsum gyi dngos gnyen dang/ dman lam sngon
du ma song ba'i byang sems sa bdun pa bas bden 'dzin ma lus bar
spangs pa dang/ sa brgyad par 'phos pa dus mnyam zhing/ sa

@105b bdun pa'i skad cig tha mar gyur pa'i bar chad med lam
dang/ sa brgyad pa'i skad cig dang por gyur pa'i rnam grol lam
yod byas pa la/ kho na re/ bden 'dzin chung ngu skor gsum la
spang dka' sla'i khyad par

med par thal/ dam bca' de'i phyir/ zer na/ ma khyab/ 'dod na/
yod par thal/ nyan thos kyi lam du de gsum la spang dka' sla'i
khyad par yod pa'i phyir te/ de gsum rim can du spangs

pa'i phyir te/ nyan thos kyi sgom lam bar chad med lam chen po
skor gsum rims can du/ skye dgos pa'i phyir zer na/ gang zag
rtag gcig rang dbang can du 'dzin pa'i rtogs pa dang/ gang zag
bden

par 'dzin pa'i bden 'dzin kun btags gnyis la/ spang dka' sla'i
khyad par med par thal/ dman lam sngon du ma song pa'i theg chen
gyi mthong lam bar chad med lam de/ de gnyis ka'i dngos

gnyen yin pa'i phyir/ khyab pa 'grig /'dod na/ de gnyis ka'i
zhen yul med pa la rtogs dka' sla'i khyad par med par thal/ 'dod
pa'i phyir/ 'dod na/ gang zag rtag gcig rang dbang can

gyi bdag gis stong pa dang/ gang zag bden pas stong pa gnyis la/
rtogs dka' sla'i khyad par med par thal/ kho na re/ sa brgyad
pa'i skad cig dang por gyur pa'i rnam grol lam chos can/

rang thob byed kyi thabs su gyur pa'i/ sa brgyad pa bar chad med
rlam la brten nas byung bar thal/ sa brgyad pa'i rnam grol lam
yin pa'i phyir/ zer na/ ma khyab/ khyab ste/

@106a @##/ /theg chen gyi mthong lam rnam grol lam yin na/ rang
thob byed kyi thabs su gyur pa'i theg chen gyi mthong lam bar
chad med lam la brten nas byung bas khyab/ theg chen gyi sgom

lam rnam grol lam la yang de ltar khyab pa'i phyir/ zer na ma
khyab/ yang kho na re/ sa bdun pa'i skad cig tha mar gyur pa'i
bar chad med lam chos can/ khyod kyi nyer len byas pa la brten
nas/ byung ba'i

sa bdun pa'i/ rnam grol lam yod par thal/ khyod sa bdun pa'i
bar chad med lam yin pa'i phyir/ zer na ma khyab ste/ rgyun
mtha'i bar chad med lam chos can/ khyod kyi nyer len byas pa
la brten

nas byung ba'i sa bcu'i rnam grol lam yod par thal/ khyod sa
bcu ba'i bar chad med lam yin pa'i phyir/ khyab pa 'grig 'dod
na/ sangs rgyas kyi sa na sa bcu'i rnam grol lam yod par thal
lo/ kha cig

dman lam sngon du ma song ba'i byang sems/ sa brgyad pa ba de/
dgra bcom pa yin zer na/ de chos can/ theg chen dgra bcom pa
yin par thal/ dman lam sngon du ma song ba'i/ dgra

bcom pa yin pa'i phyir/ 'dod na/ sangs rgyas 'phags pa yin par
thal/ 'dod pa'i phyir/ gzhan yang/ de chos can/ theg chen dgra
bcom yin par thal/ theg chen lam du dgra bcom

pa'i go 'phangs mngon du byas ma thag pa'i gang zag yin pa'i
phyir te/ sa brgyad pa'i gnas skabs su dgra bcom pa'i go
'phangs mngon du byas ma thag pa'i gang zag yin pa'i phyir/
gzhan yang/

@106b de chos can/ mi slob pa yin pa'i phyir te/ dgra bcom pa
yin pa'i phyir/ khyab ste/ theg chen dgra bcom yin na mi slob
pa yin dgos/ de bzhin du theg dman dgra bcom yin na mi slob pa
yin dgos pa'i

phyir; 'dod mi nus te/ de slob pa yin pa'i phyir te/ bden
'dzin ma lus par spangs pa'i 'phags pa slob pa gcig yod pa'i
phyir te/ skal bzang mig 'byed las/ shes sgrib kyi mtshan nyid
kyi zur

du bden 'dzin ma lus pa spangs pa'i 'phags pa slob pa'i rgyud
la byung ba'i sgrib pa'i rigs su gnas pa zhes smos pa la dgos
pa yod pa'i phyir/ gzhan yang/ de chos can/ thar pa thob pa'i
gang zag yin par

thal; dgra bcom pa yin pa'i phyir/ 'dod na/ ma yin par thal/
theg chen gyi thar pa thob pa'i gang zag yang ma yin/ theg
dman gyi de thob pa'i gang zag yang ma yin pa'i phyir/ dang po
grub ste/ theg chen dgra bcom

ma yin pa'i phyir/ gnyis pa grub ste/ dman lam sngon du ma
song ba'i byang sems yin pa'i phyir/ kho na re/ de chos can/
dgra bcom yin par thal/ nyon sgrib spangs pa'i gang zag yin
pa'i phyir/ khyab ste/ de 'dra'i

theg dman gyi gang zag yin na yang dgra bcom pa yin dgos pa'i
phyir/ zer na/ nyon sgrib spangs pa'i theg chen gyi gang zag
yin na/ theg chen dgra bcom yin dgos par thal/ de spangs pa'i
theg dman gyi gang

zag yin na/ theg dman dgra bcom yin dgos pa'i phyir/ gzhan
yang/ nyon sgrib spangs pa'i gang zag yin na/ mi slob pa yin
dgos par thal/ de 'dra'i theg dman gyi gang zag yin na/ mi
slob pa yin

@107a @##/ /dgos pa'i phyir/ khyab pa khas/ 'dod na/ dman lam
sngon du ma song ba'i byang sems/ sa brgyad pa ba chos can/
der thal/ de'i phyir/ kho na re/ de chos can/ dgra bcom pa yin
par

thal; thar pa thob pa'i gang zag yin pa'i phyir/ der thal/
'khor ba spangs pa'i/ gang zag yin pa'i phyir/ zer na/ ma
khyab/ gzhan yang/ de dgra bcom pa yin par thal/ dgra bcom
pa'i go

'phangs thob pa la bar du gcod pa'i sgrib pa spangs pa'i gang
zag yin pa'i phyir te/ nyon sgrib spangs pa'i gang zag yin pa
gang zhig /shes sgrib yin na/ dgra bcom pa'i go 'phangs thob
pa la bar du gcod byed

kyi sgrib pa ma yin dgos pa'i phyir/ phyi ma der thal/ nyan
thos dgra bcom pa yin na/ dgra bcom pa'i go 'phangs thob pa la
bar du gcod byed kyi sgrib pa spangs pa'i gang zag yin dgos

pa gang zhig /de yin na shes sgrib spangs pa'i gang zag ma yin
dgos pa'i phyir/ zer na/ rtsa bar ma khyab ste/ de chos can/
mi slob pa'i go 'phangs/ thob pa'i gang zag yin par thal/ de'i
 
go 'phangs thob pa la bar du gcod byed kyi sgrib pa spangs
pa'i gang zag yin pa'i phyir te/ nyon sgrib spangs pa'i gang
zag gang zhig /shes sgrib yin na/ mi slob pa'i go 'phangs thob
pa la bar

du gcod byed kyi sgrib pa ma yin dgos pa'i phyir/ phyi ma der
thal/ nyan thos dgra bcom pa yin na/ mi slob pa'i go 'phangs
thob pa la bar du gcod byed kyi sgrib pa spangs pa'i gang zag
yin dgos pa gang zhig

@107b de yin na shes sgrib spangs pa'i gang zag ma yin dgos
pa'i phyir/ dang po der thal/ de yin na/ mi slob pa'i go
'phangs thob pa'i gang zag yin dgos pa'i phyir te/ de yin na
mi slob pa yin dgos pa'i phyir/ gzhan

yang; dman lam sngon du ma song ba'i/ sa bdun pa'i skad cig
tha ma'i ye shes la gnas pa'i sems dpa' de tshe de la dgra bcom
pa'i 'bras bu mngon du byed par nges pa'i gang zag yin par
thal/ dman

lam sngon du ma song ba'i/ byang sems sa brgyad pa ba de dgra
bcom pa yin pa'i phyir/ 'dod na de srid pa tha ma pa'i gang
zag yin par thal/ 'dod pa'i phyir/ 'dod na/ de srid pa tha ma
pa'i byang sems yin par thal/

'dod pa'i phyir/ 'dod na/ de chos can/ tshe de la longs sku'i
go 'phangs mngon du byed par nges pa'i/ gang zag yin par thal/
'dod pa'i phyir/ 'dod na sangs brgya ba la/ dag pa sa gsum gyi

gnas skabs su grangs med gcig gis tshogs bsog dgos par bshad pa
de mi 'thad bar thal/ 'dod pa'i phyir/ ! gnyis pa rang lugs
gzhag pa la/ sgrib pa gnyis so so'i ngo bo ngos bzung ba dang/

sgrib pa gnyis theg pa gsum gyi lam gang du ji ltar spangs
pa'i tshul bshad pa dang gnyis/ dang po ni/ sgrib gnyis gang
rung gang zhig /gtso bor 'khor ba'i sdug bsngal tsam spangs
pa'i thar pa thob pa

la bar du gcod byed kyi sgrib pa'i rigs su gnas pa de/ nyon
sgrib kyi mtshan nyid/ de la dbye na/ kun brtag dang lhan skyes
gnyis/ dang po ni/ nyon sgrib gang zhig /rang rgyud grub 'thas
rgyud slang pa la brten nas

@108a @##/ /nas byung ba'i nyon mongs pa mtshungs ldan dang bcas
pa'am/ de skyed pa'i sa bon gang rung du dmigs ba de/ nyon
sgrib kun btags gis mtshan nyid/ dbye na nyon sgrib kun btags
mngon

'gyur dang/ sa bon gyi cha gnyis/ dang po ni/ nyon sgrib kun
btags gang zhig dmigs rnam 'dzin pa'i blo de/ dang po'i mtshan
nyid/ de gang zhig rang nyid dmigs rnam mi 'dzin kyang rang
'bras

nyon sgrib kun btags bskyed pa'i nyer len gyi nus pa'i ngo bor
gyur pa de/ gnyis pa'i mtshan nyid/ nyon sgrib gang zhig grub
'thas rgyud slad pa la brten nas byung ba ma yin par/ thog ma
med pa nas

brgyud de 'ongs pa'i bag chags la brten nas/ byung ba'i/ nyon
mongs pa mtshungs ldan dang bcas pa 'am/ de bskyed pa'i sa bon
gang rung du dmigs pa de/ nyon sgrib lhan skyes kyi mtshan
nyid/ dbye

na de lhan skyes mngon 'gyur ba dang/ sa bon gyi cha gnyis/
dang po ni de lhan skyes gang zhig dmigs rnam 'dzin pa'i blo
de/ dang po'i mtshan nyid/ de gang zhig rang gi dmigs rnam mi
'dzin

kyang; rang 'bras nyon sgrib lhan skyes bskyed pa'i nyer len
gyi nus pa'i ngo bor gyur pa de/ gnyis pa'i mtshan nyid/ sgrib
pa gang zhig blo gcig gi dus gcig tu/ shes bya bden pa gnyis
ka mngon

sum du yongs su dpyod pa la/ gtso bor bar du gcod byed kyi
sgrib pa'i rigs su gnas pa de shes sgrib kyi mtshan nyid/ shes
sgrib la kun btags dang lhan skyes gnyis med de/ de kun btags
med pa'i phyir te/

@108b mthong spangs shes sgrib med pa'i phyir/ shes sgrib la
dbye na/ de mngon 'gyur pa dang sa bon gyi cha gnyis/ dang po
ni/ bden 'dzin ma lus par spangs pa'i 'phags pa slob pa'i
rgyud la 'byung ba'i sgrib pa'i rigs su

gnas pa gang zhig/ yul rang gi mtshan nyid kyis grub pa ltar
snang ba'i gnyis snang yul khrul pa'i cha de/ dang po'i mtshan
nyid/ dper na/ nyon mongs pa'i bag chags kyi dbang gis 'jug
shes drug la yul rang

gi mtshan nyid kyis grub pa ltar snang ba'i/ gnyis snang 'khrul
pa'i cha lta bu'o/ de lta bur snang ba'i gnyis snang 'khrul
ba'i cha de shes sgrib yin yang/ de snang mkhan gyi shes pa
'jug shes drug po de shes

sgrib ma yin te/ dper na/ mdo sde'i skabs su bum 'dzin rtog pa
la bum pa snang ba/ bum pa'i don spyi yin kyang/ bum 'dzin
rtog pa bum pa'i don spyi ma yin pa bzhin no/ rang rgyu

nyon mongs pa la brten nas byung shing/ rang 'bras gnyis snang
'khrul pa'i nyer len du gyur pa'i/ bag chags gang zhig/ bden
'dzin ma lus par spangs pa'i 'phags pa slob pa'i rgyud la
'byung ba'i sgrib pa'i

rigs su gnas pa de/ gnyis pa'i mtshan nyid/ dper na/ nyon mongs
pa'i bag chags lta bu'o/ de skad du yang/ Tika chen las/ nyon
mongs pa'i bag chags rnams shes sgrib

yin te/ de'i 'bras bu gnyis snang 'khrul pa'i cha thams cad
kyang der bsdu'o/ zhes gsungs/ gnyis pa la/ nyon sgrib spangs
pa dang spong ba'i/ tshul bshad pa dang/ shes sgrib spangs ba
dang/

@109a @##/ /spong pa'i tshul bshad pa gnyis/ dang po la/ theg
dman gyi dbang du byas pa dang/ theg chen gyi dbang du byas pa
gnyis/ dang po la/ de'i tshul yod de/ theg dman gyi mthong lam
nas nyon sgrib

spangs pa'i 'go rtsom zhing/ theg dman gyi mi slob lam thob pa
dang/ nyon sgrib spangs pa dus mnyam pa'i phyir/ theg chen gyi
dbang du byas na/ de'i tshul yod de/ theg chen gyi mthong lam
nas nyon sgrib

spang pa'i 'go rtsom zhing/ sa brgyad pa thob pa dang/ de
spangs pa dus mnyam pa'i phyir/ shes sgrib spangs pa dang
spong ba'i tshul yod de/ sa brgyad pa nas shes sgrib spong ba'i
'go rtsom

zhing/ rnam mkhyen thob pa dang/ de spangs pa dus mnyam pa'i
phyir/ sa brgyad ba ma thob par du shes sgrib spangs pa'i 'go
mi rtsom pa'i rgyun mtshan yod do/ nyon sgrib ma lus par ma
spangs bar

du shes sgrib spangs mi nus pa'i phyir/ de yang yin te/ nyon
sgrib ma lus par ma spangs bar du gnyis snang 'khrul pa cung
zad kyang spangs mi nus pa'i phyir/ 'o na/ Tika chen las de
yang sgom

spangs kyi nyon mongs lhan skyes che 'bring drug sa gnyis pa
nas bdun pa'i bar gyi spang pa'i sa 'di'i spang bya la dgongs
so/ zhes gsungs pa'i don gang yin zhe na/ de'i don yod de sgom
spangs bden 'dzin chen

po'i chen po de sa gnyis pa'i gnas skabs su spangs nus shing/
sgom spangs bden 'dzin 'bring gi chung ngu de/ sa bdun pa'i
gnas skabs su spangs nus pa de'i don yin pa'i phyir/ des na
theg chen gyi

@109b sgom spangs bden 'dzin chung ngu skor gsum med de/ de
'dra'i rnam bzhag Tika chen las ma gsungs pa'i phyir/ de med
kyang theg chen gyi sgom spangs chung ngu skor gsum ni yod de/
de shes sgrib gyi steng nas 'jogs

shing de dag pa sa gsum gyi gnas skabs su rims pa bzhin du
spongs pa'i phyir/ theg chen gyi sgom spangs bden 'dzin chung
ngu skor gsum med kyang/ dman lam sngon du ma song ba'i sa
brgyad pa yan chad la gnas pa'i

gang zag rnams kyi sgom spang bden 'dzin chung ngu skor gsum
spang ba yin te de rnams kyi bden 'dzin chung ngu'i chung ngu
spangs pa'i phyir/ de yod pa gang zhig de rnams kyi bden 'dzin
ma lus par spangs pa'i phyir/ gnyis pa grub ste/ dman lam
sngon du ma song ba'i

sa bdun pa'i skad cig tha mar gyur pa'i bar chad med lam de/
bden 'dzin chung ngu'i chung ngu'i dngos gnyen bar chad med
lam yin pa'i phyir/ byas pa la kho na re/ theg chen gyi sgoms
spangs bden 'dzin chung ngu'i chung ngu yod par thal/

dman lam sngon du ma song ba'i/ sa bdun pa'i skad cig tha mar
gyur pa'i bar chad med lam de/ bden 'dzin chung ngu'i chung
ngu'i dngos gnyen bar chad med lam yin pa'i phyir/ zer na ma
khyab ste/ bden

'dzin chung ngu'i chung ngu de/ de'i ngos skal gyi spangs byar
gyur pa'i/ bden 'dzin 'bring yin pa'i phyir/ byas pa la kho na
re/ de chos can/ bden 'dzin 'bring yin par thal/ de'i

ngos skal gyi spangs byar gyur pa'i/ bden 'dzin 'bring yin
pa'i phyir/ zer na ma khyab/ gzhan yang kho na re/ de chos
can/ sgom spangs 'bring yin par thal/ theg chen gyi sgom
spangs 'bring yin

@110a @#/ /pa'i phyir/ zer na ma khyab/ theg chen gyi sgom lam
bar chad med lam 'bring gi ngos skal gyi spang bya yin pa'i
phyir te/ theg chen gyi sgom lam bar chad med lam 'bring gi
chen po'i

ngos skal gyi spang bya yin pa'i phyir te/ sa bdun pa'i bar
chad med lam gyi ngos skal gyi spang bya yin pa'i phyir te/
de'i skad cig tha mar gyur pa'i bar chad med lam gyi ngos skal
gyi spang bya yin pa'i phyir/

rtsa bar 'dod mi nus te/ sgom spangs chung ngu yin te/ chos
can de'i phyir/ zer na de chos can/ sgom lam bar chad med lam
'bring gi ngos skal gyi spang bya yin par thal/ de theg chen
gyi sgom lam bar

chad med lam 'bring gi ngos skal gyi spang bya yin pa'i phyir/
khyab pa 'grig /der thal/ sa bdun pa'i bar chad med lam gyi
ngos skal gyi spangs bya yin pa'i phyir/ 'dod na ma yin par
thal/

sgom lam bar chad med lam chen po'i chen po'i ngos skal gyi
spang bya yin pa'i phyir te/ nyan thos kyi sgom lam bar chad
med lam chen po'i chen po'i ngos skal gyi spang bya yin pa'i
phyir te/ nyan

thos kyi sgom lam rdo rje lta bu'i ting nge 'dzin gyi ngos
skal gyi spang bya yin pa'i phyir/ de der thal/ nyan thos kyi
sgom lam rdo rje lta bu'i ting nge 'dzin chung ngu'i chung
ngu'i dngos gnyen bar

chad med lam yin pa'i phyir/ gzhan yang/ gnas 'gyur mthar
phyin pa'i tshe/ sangs rgyas pa'i byang chub sems dpa' yod par
thal/ byang chub sems dpa' gnas 'gyur mthar phyin pa'i tshe/

@110b sangs rgyas yin pa'i phyir/ gzhan yang longs skur gyur
pa'i sprul sku yod par thal/ mchog gi sprul sku de longs skur
gyur pa yin pa'i phyir/ khyab pa 'grig/ ma grub na/ de chos
can/ khyod

der gyur pa yin par thal/ khyod sangs rgyas pa dang/ khyod
longs skur gyur pa dus mnyam pa'i phyir te/ khyod sangs rgyas
'phags pa yin pa'i phyir/ gzhan yang/ gang

zag rang rkya thub pa'i rdzas yod du grbu par 'dzin pa'i rtog
pa chung ngu'i chung ngu chos can/ sgom spangs chen po yin par
thal/ theg chen gyi sgom spangs chen po yin pa'i phyir/ khyab
pa khas der thal/

theg chen gyi sgom lam bar chad med lam chung ngu'i ngos skal
gyi spangs bya yin pa'i phyir te/ theg chen gyi sgom lam bar
chad med lam chung ngu'i chen po'i ngos skal gyir spangs bya
yin pa'i phyir te/

sa bzhi pa'i bar chad med lam gyi ngos skal gyi spang bya yin
pa'i phyir te/ de der thal/ gang zag rang rkya thub pa'i rdzas
yod du grub par 'dzin pa'i rtogs pa chung ngu'i chung ngu yod
pa

gang zhig /sa bzhi pa'i bar chad med lam de/ gang zag rang
rkya thub pa'i rdzas yod du grub par 'dzin pa'i rtog pa'i
dngos gnyen bar chad med lam yin pa'i phyir te/ des drangs

pa'i rnam grol lam la gnas pa'i sems dpa' des/ gang zag rang
rkya thub pa'i rdzas yod du grub par 'dzin pa'i rtog pa spangs
pa'i phyir te/ rang du lta ba 

@111a @##/ /dang 'brel yongs su zad/ zhes pa'i lung don grub
pa'i phyir/ rtsa bar 'dod mi nus te/ sgom spangs nyon mongs
chung ngu'i chung ngu yin pa'i phyir te/ nyan thos kyi sgom
spang nyon mongs chung ngu'i chung ngu'i

yin pa'i phyir te/ nyan thos kyi sgom lam bar chad med lam
chen po'i chen po'i ngos skal gyi spang bya yin pa'i phyir te/
nyan thos gyi sgom lam rdo rje lta bu'i ting nge 'dzin gyi
ngos skal gyi spang bya yin pa'i phyir/

gzhan yang/ dman lam sngon du ma song ba'i sa bdun pa'i skad
cig tha mar gyur pa'i bar chad med lam chos can/ khyod sgom
lam bar chad med lam chen po'i chen po yin par thal/ khyod
rang

gis ngos skal gyi spangs byar gyur ba'i bden 'dzin chung ngu'i
chung ngu'i dngos gnyen bar chad med lam yin pa'i phyir te/
de'i ngos skal gyi spang byar gyur pa'i bden 'dzin chung ngu'i
chung ngu yod pa'i phyir/

rtags khas 'dod na/ de chos can/ khyod theg chen gyi sgom lam
bar chad med lam chen po'i chen po yin par thal/ 'dod pa gang
zhig /theg chen gyi sgom lam bar chad med lam yin pa'i phyir/
'dod

na; sa bcu'i ye shes yin par thal lo/ gzhan yang/ de chos can/
khyod kyi ngos skal gyi spang byar gyur ba'i sgom spang 'bring
yod par thal/ khyod sgom lam bar chad med lam 'bring yin pa'i
phyir/ 'dod

na; bden 'dzin chung ngu'i chung ngu de/ de'i ngos skal gyi
spang byar gyur ba'i/ sgom spang/ 'bring yin par thal/ 'dod
pa'i phyir 'dod na/ dngos/ kho na re/ de chos can/ khyod rang
gi ngos skal gyi spang byar gyur

@111b ba'i bden 'dzin chung ngu'i chung ngu'i dngos gnyen bar
chad med lam yin par thal/ khyod bden 'dzin chung ngu'i chung
ngu'i dngos gnyen bar chad med lam yin pa'i phyir/ zer na ma
khyab/ bden 'dzin chung ngu'i chung ngu

de'i ngos skal gyi spang byar gyur pa'i bden 'dzin 'bring yin
pa'i phyir/ gzhan yang/ kho na re/ shes sgrib tu gyur pa'i
shes pa med par thal/ gong gi mtshan nyid de rnams/ 'thad pa'i
phyir/ 'dod na/

de yod par thal/ nyon mongs can ma yin pa'i ma rig pa de de
yin pa'i phyir/ ma grub na/ de chos can/ der thal/ shes sgrib
gang zhig /shes pa yin pa'i phyir/ dang po grub ste/ chos can
de'i phyir/

gnyis pa der thal/ ma rig pa yin pa'i phyir te/ nyon mongs can
ma yin pa'i ma rig pa yin pa'i phyir/ zer na/ ma khyab ste/
las 'bras la rmongs pa'i ma rig pa yin na/ ma rig pa yin dgos

par thal/ nyon mongs can ma yin pa'i ma rig pa yin na/ ma rig
pa yin dgos pa'i phyir/ 'dod na/ sbyin pa btang ba las longs
spyod mi 'byung bar 'dzin pa'i sems byung rmongs pa chos can/
de der thal/

de'i phyir/ 'dod na/ de chos can/ nyon mongs can gyi ma rig pa
yin par thal/ 'dod pa gang zhig /nyon mongs can yin pa'i
phyir/ 'dod na/ bdag med rtogs pa'i rigs pa ye shes kyi 'gal
zla mi

mthun phyogs su gyur pa'i rig pa yin par thal/ 'dod pa'i
phyir/ gzhan yang/ kho na re/ shes sgrib tu gyur pa'i shes pa
yod par thal/ shes sgrib tu gyur ba'i ma rig pa yod pa'i
phyir/ rang 'grel las/ shes

@112a @##/ /bya'i sgrib pa'i mtshan nyid can ma rig pa tsam kun
tu dpyod pa'i phyir/ zhes gsungs pa'i phyir zer na ma khyab
ste/ shes sgrib kyi mtshan nyid can nyon mongs pa can ma yin
pa'i ma rig pa tsam kun tu dpyad pa'i

phyir; zhes pa lung de'i don yin pa'i phyir/ gzhan yang kho na
re/ shes sgrib tu gyur pa'i ma rig pa yod par thal/ shes sgrib
kyi ma rig pa yod pa'i phyir/ zer na ma khyab/ der thal/ Ti-ka
chen

las; sangs ma rgyas pa'i 'phags pa rnams kyi ni shes sgrib kyi
ma rig pa ma spang pas rjes thob la snang bcas kyi rtog pa
dang/ mnyam bzhag tu snang med du gyur pa'i res 'jog yod la/
zhes gsungs

pa'i phyir/ yang kho na re/ de'i 'bras bu gnyis snang 'khrul
pa'i cha thams cad kyang der bsdu'o/ zhes gsungs pa mi 'thad
par thal/ de'i skabs nas bstan pa'i gnyis snang 'khrul pa
dang/

shes pa'i gzhi mthun yang med/ de dang gang zag gi gzhi mthun
yang med pa'i phyir/ zer na ma khyab/ dang po grub ste/ shes
sgrib dang shes pa'i gzhi mthun med pa'i phyir/ gnyis pa grub
ste/ de

dang gang zag gi gzhi mthun med pa'i phyir/ gzhan yang kho na
re/ shes sgrib dang shes pa'i gzhi mthun yod par thal/ byang
sems sa bcu pa'i rgyud kyi stobs bcu la sogs pa de bzhin
gshegs

pa'i gsang ba'i gnas phra mo dang/ las 'bras phra zhing phra
ba la rmongs ba'i sems byung rmongs pa de/ shes sgrib du gyur
pa'i shes pa yin pa'i phyir/ der thal/ de shes sgrib gang zhig
/de shes pa yin pa'i phyir/ dang

@112b po ma grub na/ der thal/ de yod pa'i phyir/ ma grub na/
byang sems sa bcu pa bas stobs bcu la sogs pa'i de bzhin
gshegs pa'i gsang ba'i gnas phra mo mngon sum du rtogs par
thal/ ma grub pa de'i phyir zer

na ma khyab/ yang kho na re/ shes sgrib dang shes pa'i gzhi
mthun yod par thal/ rang 'grel las/ de la ma rig pa'i bag
chags ni shes bya yongs su gcod pa'i gegs su gyur pa yin la/
'dod chags la sogs

pa'i bag chags yod pa ni/ lus dang ngag gi 'jug pa de lta bu'i
rgyu yang yin te/ ma rig pa dang 'dod chags la sogs pa'i/ bag
chags de yang rnam pa thams cad mkhyen pa dang/ sangs

rgyas kho na la ldog par 'gyur gyi gzhan dag la ni ma yin no/
zhes gsungs pa 'dis shes sgrib dang shes pa'i gzhi mthun yod
par gsal bar bstan pa'i phyir te/ 'dis 'dod chags kyi bag
chags kyis

dbang gis dgra bcom pas lus kyi spre'u ltar mchong pa'i lus
kyi gnas ngan len dang/ zhe sdang gi bag chags kyi dbang gis
dgra bcom pa gzhan la dmod mo zer ba'i ngag gi gnas ngan len
gnyis spang byar dngos

su bstan nas/ shugs la rang rgyu bden 'dzin gyis mthun mongs
ma yin pa'i lag brjes bzhag pa las byung zhing/ rang yul gzugs
sogs bden grub tu snang ba'i yid shes/ de shes sgrib tu

gsal bar bstan pa'i phyir/ zer na/ 'grel ba des lus ngag gi
gnas ngan len dang/ sgrib pa'i gzhi mthun yod par dngos su
bstan par thal/ 'grel pa des yid kyi gnas ngan len dang sgrib

@113a @##/ /ba'i gzhi mthun yod bar shugs la bstan pa'i phyir
te/ des yid kyi gnas ngan len dang shes sgrib kyi gzhi mthun
yod par shugs la bstan pa'i phyir/ rtags khas/ 'dod na/

lus ngag gi gnas ngan len dang/ sgrib pa'i gzhi mthun yod par
thal/ 'dod pa'i phyir/ 'dod mi nus te/ lus ngag gang rung gi
gnas ngan len yin na/ gzugs phung yin dgos pa'i phyir/

sgrib pa yin na/ gzugs phung ma yin dgos pa'i phyir/ gzhan
yang/ bden 'dzin las phra ba'i ma rig pa yod par thal/ shes
sgrib tu gyur pa'i ma rig pa yod pa'i phyir/ 'dod na/ bdag med

las phra ba'i gnas lugs mthar thug cig yod par thal/ 'dod pa'i
phyir/ gzhan yang shes sgrib tu gyur pa'i gti mug yod par
thal/ shes sgrib tu gyur pa'i ma rig pa yod pa'i phyir/ 'dod
mi nus

te; gti mug yin na/ nyon sgrib yin dgos pa'i phyir te/ 'dod
chags zhe sdang gti mug gang rung yin na/ nyon sgrib yin dgos
pa'i phyir/ ! gang phyir rgyal sras rnams la khros pa yi/

zhes sogs kyi skabs su kha cig /theg chen sems skyed kyis zin
pa'i dge rtsa khong khros bcom mi nus te/ blo gros rgya mtshos
zhus pa'i mdo las/ ji ltar rgya mtsho che nang chu thig

lhung; ;rgya mtsho ma zad bar du de mi 'dzad/ /de bzhin byang
chub rgyur bsngos dge ba yang/ /byang chub ma thob bar du de
mi 'dzad/ /zhes dang sdong po bkod pa'i mdo las/ dngul chu'i
rigs gser du

@113b snang ba zhes bya ba srang gcig gi lcags srang stong
gser du sgyur nus kyang lcags des dngul chu de zad par byed mi
nus pa dper byas nas/ theg chen sems skyed kyis las dang nyon
mongs pa zad par byed kyang/

las dang nyon mongs pas theg chen sems bskyed zad par byed mi
nus par gsungs pa'i phyir zer na/ byang chub sems dpe'i dge
rtsa khong khros 'joms pa med par thal/ theg chen sems skyed
kyis zin

pa'i dge rtsa khong khros 'joms pa med pa'i phyir/ rtags khas/
'dod na/ mdo bsdud pa las/ /lung bstan ma thob byang chub sems
dpa' gang zhig gis/ /lung bstan thob la sems khros rtsod pa
rtsom byed na/ tha ba

skyon ldan sems kyi skad cig ji snyed pa/ /de snyed bskal par
gzhi nas go cha bgo dgos so/ /zhes gsungs pa mi 'thad par
thal/ 'dod pa'i phyir/ rang lugs ni/ lung de gnyis kyi don yod
de/ theg chen sems

bskyed kyis zin pa'i dge rtsa la khong khro la sogs pa'i gnod
pa ma byung na/ theg chen sems bskyed kyis zin pa'i dge rtsa'i
rnam smin gyi 'bras bu la longs ji tsam spyad kyang zad mi nus
pa lung dang po'i don dang/ theg

chen sems bskyed kyi las nyon gnyis zad par byed nus/ las nyon
gnyis kyis sems bskyed zad par byed mi nus pa lung phyi ma'i
don yin pa'i phyir/ khong khros dge rtsa bcom pa'i don la/ kha
cig khong khro'i dge rtsa'i

rnam smin gyi nus pa rgyang ring du byas pa tsam yin gyi/
khong khros dge rtsa'i nus pa gtan med du byas pa ma yin pa'i
phyir te/ khong khros dge rtsa'i rnam smin gyi nus pa gtan med
du byed mi nus pa'i phyir/

@114a @##/ /khong khros dge rtsa'i rnam smin gyi sa bon zad par
byed mi nus pa'i phyir/ dper na/ 'jig rten pa'i lam gyi spang
bya'i sa bon zad par byed mi nus na/ khong khros dge rtsa'i
rnam smin gyi sa

bon zad par byed nus pa lta ci smos pa'i phyir/ zhes gsungs
pa'i phyir/ 'o na/ sbyor lam rtse mo nas log ltas dge rtsa
gcod mi nus pa de ma yin par thal/ sbyor lam rtse mo nas log
lta'i sa bon

ma spang pa'i phyir/ khyab ste/ khong khros dge rtsa'i rnam
smin gyi sa bon zad par byed mi nus na/ khong khros dge rtsa
rnam smin gyi/ nus pa gtan med du byed mi nus pa'i khyab pa
yod pa'i phyir/ gzhan yang/

sbyor lam bzod pa nas/ las nyon gyis dbang gi ngan song du
skye ba mi len pa de ma yin par thal/ sbyor lam bzod pa nas/
las nyon gyi dbang gis ngan song du skye ba len pa'i sa bon ma
spang pa'i phyir/

khyab pa 'grig /gzhan yang/ so so skye bos stobs bzhi tshang
ba'i bshags pas/ srog gcod kyi las kyi rnam smin dag par byas
pa'i tshe srog gcod kyi las kyi rnam smin yid mi 'ong 'byin pa
nus

med du byas pa ma yin par thal/ de'i tshe srog gcod kyi las kyi
sa bon ma spang pa'i phyir/ khyab pa khas/ gzhan yang/ dge mi
dge'i las stobs che ba rnams/ rang las stobs chung

pa'i dge mi dge'i las rnams 'joms byed yin par thal/ dge mi
dge'i las stobs che ba rnams kyi/ rang las stobs chung ba'i
dge mi dge'i las rnams kyi rnam smin rgyang ring du byed pa
yin pa'i phyir/

@114b khyab pa 'grig ma grub na/ der thal/ mdzod 'grel du mdo
drangs pa las/ /las kyi 'khor bar lci gang dang/ /nye ba gang
dang gom pa gang/ /sngon byas gang yin de dag las/ /snga ma
snga ma rnam smin 'gyur/ /zhes

gsungs pa'i phyir/ kha cig stong nyid rtogs pa'i shes rab kyis
zin pa'i dge rtsa khong khros 'joms mi nus zer na/ tshogs lam
chen po la gnas pa'i sems dpa'i rgyud kyi dge rtsa khong khros
'joms pa med

par thal/ stong nyid rtogs pa'i shes rab kyis zin pa'i dge
rtsa khong khros 'joms pa med pa'i phyir/ 'dod na/ byang sems
kyi tshogs lam chen po nas myur por sbyor lam du 'pho nus pa
gcig gis

lung bstan thob pa'i byang chub sems dpa' la khros na khros
sems kyis bskal par sbyor lam du 'pho mi nus pa gzhi nas lam
la slob dgos pa lta bu'o/ zhes gsungs pa mi 'thad par thal/
'dod

pa'i phyir/ gnyis pa la/ rang lugs bzhag pa la/ khong khros
gzhom bya'i dge rtsa ngos bzung ba dang/ khong khros dge rtsa
gzhom pa'i rten gyi gang zag bshad pa dang/ khong khros dge
rtsa gzhom

pa'i don bshad pa dang gsum/ dang po la/ khong khros gzhom
bya'i dge rtsa de yin na/ bsod nams kyi tshogs kyis bsdus pa'i
dge rtsa yin dgos te/ spyod 'jug las/ skal pa stong du bsags

@115a @##/ /pa'i; ;sbyin dang bde gshegs mchod la sogs/ /zhes
dang/ 'dir yang/ /gang phyir rgyal sras rnams la khros pa yis/
/sbyin dang khrims 'byung dge ba skal ba brgya/ /zhes sbyin
sogs kyis bsdus pa'i dge rtsar gsung

zhing; rang 'grel las kyang/ de tsam zhig skyes pas kyang bsod
nams kyi tshogs/ sngar bshad pa'i sbyin pa dang/ tshul khrims
kyi pha rol tu phyin pa goms par byas ba las skyes pa rnams
'joms par nus na/ zhes bsod nams

kyi tshogs kyi bsdus par bshad pa'i phyir dang/ Ti-ka chen las/
bdag med legs par rtogs pa'i dge rtsa la ma yin nam snyam na/
dpyad par bya'o/ zhes gsungs/ gnyis pa/ khong khros dge rtsa
'joms pa'i rten gyi gang zag

la du ma yod de/ byang sems stobs che bas stobs chung ba la
khros pa byang sems stobs chung bas byang sems stobs che ba la
khros pa dang/ byang sems stobs mnyam pas/ mnyam pa la khros
pa dang/ byang sems ma yin

pa'i gang zag gis byang sems la khros pa dang/ byang sems kyis
byang sems ma yin pa'i gang zag la khros pa dang/ byang sems
ma yin pa'i gang zag gis byang sems ma yin pa'i gang zag gzhan
la khros pa la sogs pa drug

yod pa'i phyir te/ de yang byang sems stobs che bas/ stobs
chung ba la khros na/ bskal pa brgyar bsags pa'i dge rtsa
'joms nus pa yin te/ /gang phyir rgyal sras rnams la khros pa
yis/ /sbyin dang khrims 'byung dge ba skal

pa brgyar/ /bsags pa skad cig gis 'joms de'i phyir/ /mi bzod
las gzhan sdig pa yod ma yin/ /zhes 'jug pa rtsa 'grel las
gsungs pa de/ byang sems stobs che bas byang sems stobs chung
ba la khros pa'i

@115b dbang du mdzad nas gsungs pa'i phyir/ byang sems stobs
chung bas/ byang sems stobs chung ba la khros pa dang/ byang
sems stobs mnyam bas/ mnyam pa la khros pa gnyis/ lung la
brten nas dpyad par bya ba yin zhing/ de yang lung bstan ma

thob pa'i byang sems kyis/ lung bstan thob pa'i byang sems la
khros na/ khros sems kyis skal par gzhi nas lam la slob dgos
pa yin te/ mdo bsdud pa las/ /lung bstan ma thob byang chub
sems dpa' gang zhig gi /zhes sogs gsung

pa'i phyir/ byang sems ma yin pa'i gang zag gis byang sems la
khros na/ skal pa stong du bsags pa'i dge rtsa 'joms nus te/
spyod 'jug las/ /skal pa stong du bsags pa yi/ /sbyin dang bde
gshegs mchod la sogs/ /legs

byas gang yin de dag kyang/ /khong khro gcig gis 'joms par
byed/ /zhes gsungs pa de byang sems ma yin pa'i gang zag gis
byang sems la khros pa'i dbang du byas nas gsungs pa'i phyir/
byang sems kyis byang sems ma yin pa'i gang

zag la khros pa dang/ byang sems ma yin pa'i gang zag gis
byang sems ma yin pa'i gang zag la khros pa rnams lung la
brten nas dpyad par bya ba yin zhing/ de la yang du ma yod de/
bcas ldan dge slong gis rang gi grogs tshangs pa

mtshungs par spyod pa gcig la/ khong khro skad cig ma gcig
skyes na/ rang gis khyab par non pa'i 'og gzhi gser gyi 'khor
lo la thug pa'i rdul phra rag gi grangs dang mnyam pa'i 'khor
los sgyur ba'i rgyal srid stong 'gyur du 'gyur ba'i

las bsags pa 'joms par thams cad yod smra ba'i gzhung slab
btus su grangs pa las/ bshad pa'i phyir/ des na thar pa don
gnyer gyi gang zag gis/ khong khro dgag rigs te/ khong khro de
rnam smin yid mi 'ong 'byin pa la sogs

@116a @#/ /pa mi dge pa'i 'byung gnas dang/ bzod pa de yon tan
thams cad kyi 'byung khung yin pa'i phyir/ gsum pa khong khros
'joms pa'i don ni/ khong khro rang gi gzhom byar gyur pa'i dge
rtsa'i rnam smin

'byin pa la gnod pa byas pa de/ khong khros dge rtsa 'joms
pa'i don yin/ khong khros gnod pa byas tshul lo/ /zag pa chung
ngu 'bring chen po gsum du yod/ sbyor ba na/ dge rtsa 'joms pa
la/

khong khro las stobs che ba'i sdig pa gzhan yod pa ma yin ste/
khong khro skad cig ma gcig skyes na/ bskal pa brgyar bsags
pa'i sbyin sogs kyis bsdus pa'i dge rtsa 'joms nus pa'i phyir/

legs par bshad pa'o// //dge'o// ! rnam grol zhi ba'i rgya
mtshor ro gcig tu/ gzhol ba'i mtha' yas chos tshul dal 'bab
klung/ /tshig gi zegs ma res kyang dug gsum gyi//

dri ma yongs 'khrud legs bshad bdud rtsi 'di/ /dpar du bskrun
pa'i rnam dkar phung po'i mthus/ /yang dag chos kyi sgo mo
stong phrag brgya/ /gdangs te rgyud lnga'i 'gro ba ma lus pa/
/nges

legs nor bu'i mdzod la dbang 'byor shog/ //ces dge bsngo'i par
byang smon tshig tu shA-kya'i dge sbyong chos smra ba ngag
dbang blo bzang bstan 'dzin rgya mtshos sbyar pa'o/