[@##the following text has incomplete sections/ which are on order]

@001a @##/ /dbu ma la 'jug pa'i rnam bshad dgongs pa rab gsal
gyi dka' gnad gsal bar byed pa legs par bshad pa bskal bzang
mgul rgyan zhes bya ba las smad kyi cha bzhugs so// //

@001b @##/ /sa drug pa mngon du gyur pa bshad pa la/ /'brel ni/
byang sems sa lnga pa ba des/ bsam gtan gyi phar phyin nyams
su blangs pa las/ lam gong ma ci zhig thob par

'gyur zhe na/ sa drug pa mngon du gyur ba thob byas pa la/ kho
na re/ sa drug pa la mngon du gyur pa zhes brjod pa'i rgyu
mtshan de gang/ sa drug par yon tan gyi khyad par gang thob ce
na/ thog mar

sa'i nges tshig dang/ sa drug par sher phyin gyi nyams len lhag
pa'i yon tan khyad par can thob sa 'chad pa la/ mngon du
phyogs par mnyam bzhag sems gnas te/ /zhes sogs

shau+lo ka gcig gsungs/ kho na re/ sa drug par sher phyin gyi
nyams len lhag par thob cing/ bstan bcos 'dir de nyid rgyas
par 'chad na tshul ji ltar du 'chad ce na/ ji ltar long ba'i

tshogs kun bde blag tu/ /zhes pa nas/ de dag de skad rab tu
bsgrags/ zhes pa'i bar gyi sher phyin de rgyas par 'chad/ de
ltar blo gros zer gyi snang ba gsal byas pa/ /zhes sogs
shau+lo ka

gsum gyi don bsdus te 'chad par byed/ /dang po ni/ rdzogs pa'i
sangs rgyas chos la mngon phyogs shing/ /zhes bshad na/ sa
drug par sher phyin gyi nyams len lhag par rdzogs pa'i 

@002a @#/ /sangs rgyas kyi chos thob pa la mngon du phyogs par ji
ltar 'gyur zhe na/ de'i rgyu mtshan yod de/ sa lnga pa man chad
lhag par thob pa'i sbyin sogs rnams kyi sangs rgyas kyi sar
sgrod pa sher phyin gyi nyams len khyad

par can gyi zin pa la rag las pa'i phyir/ zhes dpe dang bcas
te ston pa la/ ji ltar long ba'i tshogs kun bde blag tu/ /zhes
sogs shau+lo ka gcig gi 'chad/ 'di rten 'byung ba'i de nyid
mthong ba de/ /zhes bshad na/

sa drug pa nas gzigs pa'i rten 'byung gi de kho na nyid ji lta
bu yin zhe na/ de kho na nyid mngon sum du rtogs pa la 'dri
na/ sangs rgyas dang byang sems gong ma rnams la 'dri bar bya
ba yin la/ lung la brten nas shod

cig ce na lung gi dgongs pa nges pa yang dka' ba'i phyir/ rang
dbang du lung gi dgongs pa 'chad mi nus la/ 'on kyang/ mgon po
klu sgrub kyi rjes su 'brangs nas 'chad ces ston pa la/ ji
ltar de'i ches zab chos rtogs pa/ zhes sogs

gsungs; 'o na/ de 'dra'i stong nyid rgyas par ston pa'i snod
rung gi gdul bya de gang zhe na/ de ngos 'dzin pa la/ so so
skye bo dus na'ang stong pa nyid thos nas/ /zhes sogs gsungs/
stong nyid ston pa'i snod rung gi gdul bya theg chen

gyi rigs can de la stong nyid bstan pas/ phan yon ci zhig
'byung zhe na/ de'i lan ston pa la/ de la de'i rjes su 'gro
ba'i yon tan 'byung/ /zhes sogs gsungs/ des na stong nyid
rgyas par ston pa'i snod rung gi bstan bcos 'di'i ched

du bya bya'i gdul bya des/ sngar bshad pa'i zab pa dang rgya
che ba'i lam nyams su blangs pa las/ lam gong ma sa rab tu
dga' ba sogs rims kyi thob par 'gyur bas/ de 'dra'i gdul bya
de/ stong nyid nyan pa'i phyir du bskul rigs

@002b zhes 'chad par byed pa la/ zab cing rgya che'i tshul la
mkhas pa'i skye bos ni/ /zhes sogs gsungs/ 'o na/ bstan bcos
'dir/ sa drug pa nas gzigs pa'i rten 'byung gi de kho na nyid
klu sgrub kyi rjes su 'brangs te 'chad pa'i tshul de gang zhe

na; 'di la yang dag pa'i don lung gi bstan tshul/ lung gi don
rigs pas bsgrub pa/ des grub pa'i stong nyid kyi rab dbye
bshad pa'o/ /dang po la/ bshad bya'i lung 'god pa/ lung gi don
bshad pa'o/ /dang po ni/ sa bcu pa'i mdo las/ kyai

rgyal ba'i sras dag /byang chub sems dpa'i sa lnga pa la lam
shin tu rdzogs pa'i byang chub sems dpa' des/ byang chub sems
dpa'i sa drug pa la 'jug ste/ de chos mnyam pa nyid bcus 'jug
go /bcu gang zhe na/ 'di lta ste/ chos thams

cad mtshan ma med pa mnyam pa nyid dang/ chos thams cad mtshan
nyid med pa mnyam pa nyid dang/ de bzhin du skye ba med pa
dang/ ma skyes pa dang/ dben pa dang/ 'dod ma nas rnam par dag
pa dang/ spros pa med pa dang/ blang ba med pa dang/

dor ba med pa mnyam pa nyid dang/ chos thams cad sgyu ma dang/
rmi lam dang/ mig yor dang/ brag cha dang/ chu zla dang/ gzugs
brnyan dang/ sprul pa lta bur mnyam pa nyid dang/ chos thams
cad dngos po dang dngos po med pa gnyis su

med pa mnyam pa nyid de/ des chos thams cad kyi rang bzhin de
ltar rab tu rtogs pa na rno zhing rjes su mthun pa'i bzod pas
byang chub sems dpa' sa drug pa mngon du gyur pa rjes su thob
ste/ zhes gsungs/ gnyis pa ni/ skabs

'di'i mnyam nyid de la bcu yod de/ spros pa med par mnyam pa
nyid yan chad bdun dang/ blang dor med par mnyam pa nyid gcig
dang/ sgyu ma lta bur mnyam nyid sogs gcig dang/ dngos po dang
dngos po med pa mnyam pa nyid

@003a @#/ /gcig tu bgrang nas bcu yod pa'i phyir/ mnyam nyid
bcu'i dang po ni/ sngo ser la sogs pa'i chos thams cad kyi
mtshan ma mi 'dra ba rnams stong nyid mngon sum du rtogs pa'i
'phags pa'i mnyam

bzhag gi gzigs ngor med pa mnyam pa nyid dang po dang/ chos
thams cad rang gi mtshan nyid kyis med par mnyam pa de/ mnyam
nyid gnyis pa ste/ de gnyis mdor bstan dang/ gzhan brgyad ni
khyad par du phye nas ston

pa yin te/ ma 'ongs pa rnams stong nyid la rtse gcig tu mnyam
par bzhag pa'i mnyam bzhag gi stong nyid gzigs pa'i gzigs ngor
skye ba med par mnyam pa de/ mdor bstan dang po'i dbang du
byas pa'i mnyam nyid gsum pa/

dang/ ma 'ongs pa rnams rang bzhin gyis skye ba med par mnyam
pa de mdor bstan gnyis pa'i dbang du byas pa'i mnyam nyid gsum
pa'o/ /mdor bstan rgyas bshad sbyor tshul 'og ma rnams la yang
rigs 'dre/ 'das pa dang/

da ltar ba'i chos rnams rang bzhin gyis ma skyes par mnyam pa
de/ mdor bstan gnyis pa'i dbang du byas pa'i mnyam nyid bzhi
pa dang/ dngos po skye 'gyur dang/ skyes pa rang bzhin gyis
grub pas stong par mnyam pa de/ mdor

bstan gnyis pa'i dbang du byas pa'i mnyam nyid lnga pa dang/
chos thams cad gdod ma nas rang bzhin gyis grub pa'i dag par
mnyam pa de/ mdor bstan gnyis pa'i dbang du byas pa'i mnyam
nyid drug pa dang/ chos thams

cad kyi stong nyid la rtse gcig tu mnyam par bzhag pa'i 'phags
pa'i mnyam bzhag gis chos nyid gzigs pa'i gzigs ngor/ gnyis
snang gi spros pa med par mnyam pa de mdor bstan dang po'i
dbang du byas pa'i mnyam nyid bdun pa dang/

@003b chos thams cad don dam par blang ba med pa dang/ dor ba
med par mnyam pa de mdor bstan dang po'i dbang du byas pa'i
mnyam nyid brgyad pa dang/ chos thams cad sgyu ma dang rmi lam
dang/ mi g.yor dang/ brag cha dang/ chu zla dang/ gzugs

brnyan dang/ sprul pa lta bur rang bzhin gyis grub pas stong
par mnyam pa nyid de/ mnyam nyid dgu pa dang/ 'dus ma byas kyi
chos rnams dngos med du rang bzhin med par mnyam pa de mnyam
nyid bcu pa yin/ 'di'i mig yor de gang

la byed ce na/ spyir mig yor dang/ gzugs brnyan mi 'gal te/
gzhi shes kyi lam bden gyi rnam pa 'chad pa'i skabs kyi mdo
las gzugs brnyan zhes bshad pa la/ rgyan snang du mig yor zhes
'byung ba'i phyir/ skabs 'dir de gnyis

don mi gcig ste/ de gnyis dpe so sor grangs ba'i phyir/ 'grel
bshad ltar na 'di'i mig yor skyes bu'i lus kyi grib ma la byed
pa 'am/ gnod 'joms chung ba las rab rib can la skra shad
dzags par snang ba la mig yor du bshad pa de la

byed dam/ yang theg bsdus bshad sbyar las/ thag 'dra'i rtse mo
zhes 'gal me'i 'khor lo snang ba la mig yor du bshad pa rnams
ci rigs pa la bya'o/ /gnyis pa stong nyid rigs pas grub pa ni/
sngar bshad pa'i mnyam nyid bcu'i nang na

'dus byas thams cad rang bzhin gyi skye ba med par mnyam pa
nyid/ bstan bcos 'dir gtso bor bstan la 'bebs pa yin te/ rang
'grel las/ de'i phyir 'dir chos skye ba med par mnyam pa nyid
kho na rigs pas bstan pa nyid kyi chos

mnyam pa nyid gzhan bstan pa sla bar dgongs te/ slob dpon gyis
dbu ma'i bstan bcos kyi dang por/ bdag las ma yin gzhan las
min/ /gnyis las ma yin rgyu med min/ /dngos po gang dang gang
na yang/ /skye ba nam yang yod ma

@004a @#/ /yin/ zhes sogs gsungs pa'i phyir/ 'o na bstan bcos
'dir 'dus byas rang bzhin gyi skye med du gtan la 'bebs tshul
de gang zhe na/ 'di la chos kyi bdag med rigs pas bsgrub pa
dang/ gang zag gi bdag med

rigs pas bsgrub pa gnyis/ dang po ni/ de nyid de las 'byung
min/ zhes pa nas/ rnam dpyod pa ni myur du grol bar 'gyur/
zhes pa'i bar gyis bshad/ gnyis pa ni/ nyon mongs skyon rnams
zhes pa nas/ de skad sngar bshad lhag ma

phyogs 'di nyid kyi rtogs par bya/ zhes pa'i bar gyis 'chad/
des grub pa'i stong nyid kyi rab dbye ni/ bdag med 'di ni 'gro
ba rnams grol phyir/ zhes pa nas/ de dag de skad rab tu
bsgrags zhes pa'i bar gyis dang/ chos kyi bdag med rigs

pas sgrub pa la yang/ bdag med gnyis sgom pa'i rim pa la/ dang
por gang zag gi bdag med bsgom par byed kyang 'dir rtogs dka'
sla'i rim pa'i dbang du byas nas/ thog mar chos kyi bdag med
gtan la 'bebs pa yin la/ de yang

dngos smra ba rnams kyi 'dus byas rang bzhin gyis grub par
'dzin pa'i log rtogs 'gogs dka' zhing/ de khegs na 'dus ma
byas rang bzhin gyis grub pa zhar la khegs pas/ thog mar phung
po sogs 'dus byas kyi chos rnams kyi

bdag med gtan la 'bebs zhing/ de yang dngos smra bas 'dus byas
la skye 'jig gnas gsum mthong ba'i rgyu mtshan gyis rang bzhin
gyis grub par 'dzin pas/ bstan bcos 'dis 'dus byas rang bzhin
gyis skye med du thog mar

gtan la 'bebs par byed la/ 'di la yang rang bzhin gyi skye ba
med pa'i dam bca' bzhag pa ni/ de nyid de las 'byung min gzhan
dag las lta ga la zhig zhes sogs kyi bshad/ de yang gzhung
'dis mtha' bzhi las skye ba med pa'i dam

@004b bca' tsam zhig bstan gyi/ mtha' bzhi gang rung las mi
skye ba'i rtags kyi/ dngos po rang bzhin gyis skye med du sgrub
pa'i rtags yang dag dngos su bstan pa ma yin te/ rang 'grel las/
'dir ma yin zhes bya ba ni yod pa nyid kyi sgrub byed rang la

skye ba dang 'brel gyi yod pa dang ni ma yin te/ de dgag pa
don gyis 'grub pa'i phyir/ zhes gsungs pa'i phyir/ 'dir dngos
su mtha' bzhi gang rung la skye ba med pa'i dam bca' tsam
bzhag pa yin kyang/ rang bzhin gyis skye ba med pa'i dam bca'

bzhag zhes nges par smos dgos ste/ rang bzhin gyi skye ba la
mtha' bzhi'i skye ba gang rung gi kha tshon chod cing/ rang
bzhin gyi skye ba khas len pa rnams kyi mtha' bzhi gang rung
las skye ba nges par khas len dgos pa'i phyir/ bstan bcos 'dir
mnyam

nyid bcu'i nang nas rang bzhin gyis skye ba med par mnyam nyid
de gtso bor gtan la 'babs pa la rang bzhin gyi skye ba med
pa'i dam bca' bzhag zhes smos pa la dgos pa khyad par can yod
pa'i phyir/ 'di la sa bcad nor ba yin snyam du

ma 'dzin cig /des na chos kyi bdag med rigs pas sgrub pa la/
mtha' bzhi'i skye ba bden pa gnyis char du dgag pa/ de ltar
bkag pa la rtsod pa spangs pa/ brten 'byung gi skye ba nyid
kyi mthar 'dzin gyi log rtog 'gog tshul/ rigs pas

dpyad pa byas pa'i 'bras bu ngos bzung ba dang bzhi/ dang po
la rang bzhin gyi skye ba med pa'i dam bca' bzhag pa/ de rigs
pas sgrub pa'i sgrub byed bstan pa/ mtha' bzhi'i skye ba bkag
pa'i bsgrub pa'i don dang gsum/ dang po rang bzhin gyi skye ba
med

pa'i dam bca' bzhag pa ni/ de nyid de las 'byung min gzhan dag
las lta ga la zhig /zhes sogs kyi bshad/ gnyis pa la bdag skye
dgag pa/ gzhan skye dgag pa/ gnyis ka las skye ba dgag pa/
rgyu med las skye ba dgag

@005a @#/ /ba dang bzhi/ dang po ni/ de nyid de las 'byung na
yon tan 'ga' yang yod ma yin/ zhes pa nas/ bya min rgya cher
bshad pa'i nyes bar thal bar 'gyur phyir ro/ /zhes pa'i bar
gyis bshad/ gnyis pa ni/ gzhan la brten

nas gal te gzhan zhig 'byung bar 'gyur na ni/ zhes pa nas/
stong nyid don can nges don shes par gyis zhes pa'i bar gyis
bshad/ gsum pa ni/ gnyis las skye ba'ang rigs pa'i ngo bo ma
yin gang gi phyir/ zhes sogs kyis bshad

bzhi pa ni/ gal te rgyu med kho nar skye bar lta zhig 'gyur na
ni/ zhes sogs kyis bshad/ mtha' bzhi'i skye ba bkag pa grub
pa'i don ni/ gang gis phyir na bdag dang gzhan dang gnyis ka
las skyes dang/ /rgyu la ma ltos

yod pa min pas dngos rnams rang bzhin bral/ /zhes pas 'chad/
de ltar bkag pa la rtsod pa spang ba ni/ gang gis sprin tshogs
dang mtshungs gti mug ltug po 'jig rten la/ zhes sogs kyis
'chad/ brten 'byung gi skye ba nyid kyi mthar

'dzin gyi log rtog 'gog tshul/ gang phyir rgyu med pa dang
dbang phyug gi /zhes sogs kyis 'chad/ rig pas dpyad pa byas
pa'i 'bras bu ngos bzung ba ni/ /so so skye bo rnams ni rtog
pas cing  /zhes sogs kyi 'chad/ mngon du phyogs

par mnyam bzhag sems gnas te/ zhes sogs kyi skabs su/ rang
'grel las/ byang chub sems dpa' sa lnga bar/ bsam gtan gyi pha
rol tu phyin pa yongs su dag pa thob pas/ sa drug par mnyam
par bzhag pa'i sems

la gnas shing/ rten cing 'brel bar 'byung ba zab mo de nyid
mthong ba'i byang chub sems dpa' ni shes rab kyi pha rol tu
phyin pa yongs su dag bas 'gog pa thob par 'gyur gyi snga rol
tu ni ma yin te/ shes rab lhag par gyur

@005b pa med pa'i phyir/ te/ sbyin pa la sogs pa'i pha rol tu
phyin pa phul du byung ba dang ldan pas ni 'gog pa thob par mi
nus so/ /zhes gsungs pa'i don la kha cig /sa drug pa man chad
du 'gog pa'i snyoms 'jug thob pa med de/ de man chad du

sher phyin phul du byung ba thob pa med pa'i phyir/ zhes zer
ba mi 'thad de/ sa drug pa man chad du 'gog pa'i snyoms 'jug
thob pa yod par thal/ phyir mi 'ong lus mngon byed dang/ gnyis
ka'i cha las rnam par grol ba'i nyan thos dgra

bcom gyi 'gog snyoms thob pa'i phyir/ rtags sla/ gzhan yang/
sa drug pa man chad du 'gog pa'i snyoms 'jug thob pa yod par
thal/ mthong lam rtse sbyor gyis bsdus pa'i mthar gnas snyoms
'jug dgu yod pa'i phyir te/ mdo

las de rnam par thar pa brgyad po de dag dang mthar gyi gnas
pa'i snyoms par 'jug pa dgu po de dag rnam par phye zhing/
seng ge rnam par bsgyings pa'i ting nge 'dzin la snyoms par
'jug go /zhes gsungs pa'i phyir/ rang lugs la/

'grel pa de'i don ni/ sa drug pa'i snga rol/ sa lnga pa man
chad du 'dir bstan thun mong ma yin pa'i 'gog snyoms ma thob
ste/ sa lnga ba man chad du sher phyin lhag pa'i yon tan
khyad par can ma thob pa'i phyir te/ de ltar yang/ ! Ti-ka

chen las/ de'i phyir 'gog pa la snyoms par 'jug pa thun mong
ma yin pa 'di nas thob pa yin no/ /zhes gsungs pa'i phyir/ des
na rang thob byed kyi thabs su gyur pa'i 'jig rten las 'das
pa'i lam dang srid rtse'i dngos gzhi'i snyoms

'jug la brten nas thob cing/ srid rtse la 'dod chags dang bral
ba'i rigs su gnas pas rab tu phye ba'i stong nyid mngon sum du
rtogs pa'i ye shes de 'gog snyoms kyi mtshan nyid/ 'o na ci'i
phyir 'gog pa'i snyoms 'jug ces by 

@006a @#/ /zhe na/ sa drug pa'i mnyam bzhag ye shes chos can/
khyod la 'gog pa'i snyoms 'jug zhes brjod pa'i rgyu mtshan yod
de/ de bzhin nyid la 'gog pa zhes bya la/ de la snyoms par 'jug
pa'i ye shes yin pa'i rgyu mtshan

gyi de ltar brjod pa'i phyir/ de bzhin nyid la 'gog pa zhes
brjod pa'i rgyu mtshan yod de/ de bzhin nyid mngon sum du rtogs
pa'i ye shes de gnyis snang gi spros pa bkag pa'i ye shes yin
pa'i phyir/ de ltar yang/ rang 'grel las/

de bzhin nyid la 'gog pa zhes brjod de/ 'dir spros pa thams cad
'gog par 'gyur ba'i phyir/ zhes gsungs/ de yang sgra bshad pa
tsam yin gyi/ stong nyid la gnyis snang nub pa'i ye shes yin na/
'gog pa'i snyoms 'jug

yin mi dgos te/ 'gog pa'i snyoms 'jug thob pa la srid rtse'i
dngos gzhi'i snyoms 'jug thob dgos pa'i phyir dang/ 'gog pa'i
snyoms 'jug thob pa la/ 'das lam thob pa sngon du 'gro dgos pa'i
phyir/ kho na re/ khyod

kyi 'jug 'grel gyi don 'chad tshul de mi 'thad de/ sa drug par
'gog pa'i snyoms 'jug thun mong ma yin par ma thob par thal/ sa
drug par sher phyin phul du byung ba ma thob pa'i phyir/ khyab
pa khas/ rtags grub ste

slob lam na sher phyin med pa'i phyir/ zhe na/ slob lam na sher
phyin yod de/ slob lam na sbyin pa'i phar phyin yod pa gang zhig
/rgyu mtshan mtshungs pa'i phyir/ dang po grub ste/ sgrib gnyis
spangs pa'i sangs rgyas kyi sar

phyin par byed pa'i byang sems kyi sbyin pa yin na/ sbyin pa'i
phar phyin yin dgos pa'i phyir te/ rang 'grel las/ yongs su
bsngo ba'i khyad par gyis pha rol tu 'gro ba la/ nges par bzhag
na ni/ sbyin pa'i pha rol tu phyin pa'i ming

@006b rnyed bar 'gyur ro/ zhes pa'i bar dang/ Tika chen las/ pha
rol tu phyin pa'i don la pha rol 'dir phyin pa zhes las la sbyar
na sangs rgyas kyi sar phyin pa yin la/ 'dis pha rol tu phyin
par byed pa zhes byed pa la sbyar na slob lam na yang phar

phyin yod do/ /zhes gsungs/ kho na re/ rang 'grel las/ de la pha
rol zhes bya ba ni/ gang 'khor ba'i rgya mtsho'i phar 'gram mam
dogs ste/ nyon mongs pa dang shes bya'i sgrib pa ma lus pa
spangs pa'i rang bzhin mnga' ba'i sangs rgyas nyid do/ /

pha rol du son pa'i pha rol tu phyin pa'o/ /zhes bya ste/ zhes
gsungs pa dang 'gal lam snyam na/ skyon med de/ pha rol tu phyin
par byed pa'i byang sems kyi ye shes dang/ pha rol tu phyin zin
pa'i ye shes gang rung la phar phyin du 'jog

pa'i/ pha rol de sgrib gnyis spangs pa'i sangs rgyas la byed pa
lung de'i don yin pa'i phyir/ rtsa ba'i rtags gnyis pa rgyu
mtshan mtshungs pa yang grub ste/ rang 'grel las/ tshul khrims la
sogs pa 'chad par 'gyur ba de dag kyang/ de bzhin du rigs par
bya'o/ zhes gsungs pa'i phyir/ slob lam na sbyin pa'i phar phyin
yod de/ sems bskyed bsngo ba stong nyid mngon sum du rtogs pa'i
shes rab kyis zin pa'i sbyin pa de yin na/ sbyin pa'i phar phyin
yin

dgos pa'i phyir te/ de yin na/ 'jig rten las 'das pa'i sbyin
pa'i phar phyin yin dgos pa'i phyir/ rtags grub ste/ sbyin pa
sbyin bya len po gtong pos stong/ zhes sogs/ sems bskyed bsngo
ba stong nyid mngon sum du rtogs pa'i

shes rab kyis zin pa'i sbyin pa de/ 'jig rten las 'das pa'i
sbyin pa'i phar phyin dang/ stong nyid mngon sum du rtogs pa'i
shes rab kyis ma zin kyang/ theg chen sems bskyed kyis zin pa'i
sbyin pa 'jig rten pa'i phar phyin gyi don du

@007a @#/ /gsal bar bstan pa'i phyir/ gzhan yang/ 'gog snyoms gyi
don sngar ltar khas blangs pa la/ kha cig /'gog snyoms yin na/
thun mong ma yin pa'i 'gog snyoms yin dgos par thal/ mtshan nyid
de

'thad pa'i phyir/ 'dod na/ rang rgyud pa dang/ thal 'gyur ba
gnyis kas 'gog snyoms su khas len pa'i 'gog snyoms gcig med par
thal/ 'dod pa'i phyir/ 'dod na/ 'gog snyoms la thun mong ba'i
'gog snyoms dang/ thun mong ma yin

pa'i 'gog snyoms gnyis su dbyer med par thal/ 'dod pa'i phyir/
'dod na/ Tika chen las/ 'gog pa la snyoms par 'jug pa thun mong
ma yin pa 'di nas thob pa yin no/ /zhes 'gog snyoms la thun mong
ba dang/ mthun mong ma yin

pa gnyis su gsungs pa mi 'thad par thal/ 'dod pa'i phyir/ snyam
na skyon med de/ dgag gzhi yid kyi rnam shes phra mo'i steng du/
dgag bya tshor 'du rag pa 'khor bcas bkag pa'i snyoms 'jug de
theg pa thun mong ba'i mdo

las 'gog snyoms su bshad pas de la thun mong ba'i 'gog snyoms
zhes gsungs pa yin gyi/ de 'gog snyoms su khas mi len pa'i
phyir/ dper na/ Tik chen las/ gang zag rang rkya thub pa'i rdzas
yod du 'dzin pa'i blo la thun mong ba'i 'jig lta

zhes gsungs kyang/ de 'jig lta ma yin pa'i phyir/ rang lugs la
mi bzhed pa bzhin no/ /kho na re/ 'gog snyoms yin na/ chos nyid
la rtse gcig tu mnyam par bzhag pa'i ye shes yin mi dgos par
thal/ byang 'phags kyi rgyud kyi 'gog

snyoms de chos nyid la rtse gcig tu mnyam par bzhag pa'i ye shes
yin kyang/ phyir mi 'ong lus mngon byed dang/ gnyis ka'i cha las
rnam par grol ba'i nyan thos dgra bcom pa'i rgyud kyi 'gog
snyoms de chos nyid la rtse gcig tu

@007b mnyam par bzhag pa'i ye shes ma yin pa'i phyir/ zhes zer
pa mi 'thad de/ 'o na/ phyir mi 'ong lus mngon byed dang gnyis
ka'i cha las rnam par grol ba'i theg dman dgra bcom gyi stong
nyid mngon sum du ma rtogs zhing/ byang 'phags kyi stong nyid
mngon sum du rtogs pa'i khyad par de 'thad par thal/ dam bca'
de'i phyir/ yang bdag gi bla ma mkhas pa'i dbang po kha cig
/dogs pa 'di ltar gsungs te/ 'gog pa la 'gog pa spel ba mi 'thad
par gsungs pa mi rigs par

thal/ yar 'ongs thod rgal gyi spel gzhi bsam gzugs brgyad po
dang/ spel chos 'gog pa gnyis ka 'gog pa'i snyoms 'jug tu
mtshungs pa'i phyir/ der thal/ de'i spel gzhi bsam gzugs brgyad
po de 'gog pa'i snyoms 'jug yin pa'i

phyir/ yar 'ongs thod rgal chos nyid la rtse gcig tu mnyam par
bzhag pa'i mnyam bzhag ye shes yin na/ 'gog pa'i snyoms 'jug yin
dgos pa'i phyir/ yang yar 'ongs kyi 'gog pa dang/ mar 'ongs kyi
'gog pa la/ zhi ma zhi'i khyad

par med par thal/ de gnyis ka chos nyid la rtse gcig tu mnyam
par bzhag pa'i mnyam bzhag ye shes su mtshungs pa'i phyir/ rtags
khas/ zhes gsungs pa la lan ci 'debs gzigs shig/ ! //de nyid de
las

'byung min gzhan dag las lta ga la zhig /zhes sogs kyi skabs su/
don dam dpyod byed kyi rtags kyi dgag bya ngos bzung ba dang/ de
'gog pa'i tshul bshad pa dang gnyis/ dang po ni/ mkhas pa kha cig
/don

dam dpyod byed kyi dgag bya la brgyad yod de/ don dam par grub
pa/ bden par grub pa/ de kho na nyid du grub pa/ yang dag par
grub pa/ rang bzhin gyi grub pa/ rang ngos nas grub pa/ rang gi
mtshan nyid kyi grub pa/ rdzas su grub pa rnams su yod

@008a @#/ /phyir/ zer na/ 'o na/ don dam dpyod byed kyi rtags kyi
dgag bya yod par thal/ de la brgyad du yod pa'i phyir/ gzhan
yang/ de la brgyad kyi grang nges byed pa mi 'thad par thal/
khyod ltar na/ chos nyid du grub pa

gnas lugs su grub pa/ slob pa 'phags pa'i mnyam gzhag ye shes
kyi dngos kyi gzhal byar grub pa/ rnams don dam dpyod byed kyi
rtags kyi dgag bya yin pa'i phyir te/ chos thams cad chos nyid
du grub pa/ gnas

lugs su grub pa de/ don dam dpyod byed kyi rtags kyi dgag bya
yin pa gang zhig /bden par grub pa don dam par grub pa rnams/
don dam dpyod byed kyi rtags kyi dgag bya yin pa'i phyir/ phyi
ma khas/ dang po der thal/ chos

thams cad de kho na nyid du grub pa de don dam dpyod byed kyi
rtags kyi dgag bya yin pa'i phyir/ gzhan yang/ bden par grub pa
de/ don dam dpyod byed kyi rtags kyi dgag bya yin par thal/ dam
bca' de 'thad pa'i phyir/ 'dod na/

de myu gu bden med du sgrub par byed pa'i rtags kyi dgag bya yin
par thal/ 'dod pa'i phyir/ bden med du myu gu bden med du sgrub
par byed pa'i rtags kyis sgrub bya yin par thal/ 'dod pa'i
phyir/ 'dod mi nus te/ de'i bsgrub bya'i chos

yin pa'i phyir/ kha cig /rang rgyud pas don dam par grub pa/
bden par grub pa/ de kho na nyid du grub pa rnams khas mi len
cing/ phyi ma lnga po khas len pa yin zer na/ rang rgyud pas
yang dag par grub par khas len par

thal/ dam bca' 'thad pa'i phyir/ 'dod na/ rang rgyud pa'i thad
kyi/ drang nges rnam 'byed las/ 'o na/ de tsam ma yin pa'i don
dam par grub pa dang/ yang dag par grub pa zhes bshad pa'i/ dgag
bya de ci 'dra gcig yin snyam

@008b na/ zhes bshad pa mi 'thad par thal/ 'dod pa'i phyir/ kho
na re/ rang rgyud pa gzhir bzhag la/ des yang dag par grub pa
khas len par thal/ des yang dag pa'i kun rdzob khas len pa'i
phyir/ zer na/ 'o na/ rang rgyud pas don dam par

grub pa khas len par thal/ des don dam bden pa khas len pa'i
phyir/ khyab pa khas/ mkhas pa kha cig /chos thams cad ming gi
btags pa tsam ma yin par rang gi thun mong ma yin pa'i sdod lugs
kyi ngos nas grub pa gcig byung

na; de don dam dpyod byed kyi rtags kyi dgag bya yin te/ don dam
dpyod byed kyi rtags kyi dgag bya de/ rtags pa mtha' bzung gi
tshul gyi ngos 'dzin pa yin/ zhes gsungs/ 'o na/ chos thams cad
ming gis btags pa tsam ma

yin par rang gi thun mong ma yin pa'i sdod lugs kyi ngos nas
grub pa de don dam dpyod byed kyi rtags kyi dgag bya ma yin par
thal/ dam bca' de 'thad pa'i phyir/ 'dod na/ de yin par thal/
chos thams cad bden par

grub pa de/ don dam dpyod byed kyi rtags kyi dgag bya yin pa'i
phyir te/ myu gu bden par grub pa de/ de yin pa'i phyir/ de myu
gu bden med du sgrub par byed pa'i rtags kyi dgag bya yin pa'i
phyir te/ myu gu bden med de/ de bden med

du sgrub par byed pa'i rtags kyi sgrub bya yin pa'i phyir/ kho
na re/ Tik chen las/ des bzung pa'i zhen yul ni/ brtags pa mtha'
bzung gi tshul gyi bden tshad do/ /zhes gsungs pa mi 'thad par
thal/ don dam dpyod byed kyi rtags kyi dgag

bya de rtags pa mtha' bzung gi tshul gyi ngos 'dzin mi rigs pa'i
phyir/ zer na/ ma khyab ste/ bden grub de brtags pa mtha' bzung
gi tshul gyi ngos 'dzin pa lung de'i don yin pa'i phyir/ lam rim
chung ba dang/ skal bzang mig 'byed sogs

@009a @#/ /las/ dgag bya la lam gyi dgag bya dang/ rigs pa'i dgag
bya gnyis las/ dang po/ sgrib pa gnyis lta bu la byed/ gnyis pa
la tha snyad dpyod byed kyi rigs pa'i dgag bya dang/ don dam
dpyod byed

kyi rigs pa'i dgag bya gnyis/ dang po ni/ sgra rtag pa dang/
sgra rtag 'dzin rtogs pa lta bu la byed/ gnyis pa ni/ chos thams
cad bden par grub pa dang/ chos thams cad bden par 'dzin pa'i
bden 'dzin lta bu la byed/ zhes

gsungs/ de la skyon 'phen pa kha cig /sgra rtag 'dzin rtog pa
chos can/ tha snyad dpyod byed kyi tshad ma'i dgag bya yin par
thal/ tha snyad dpyod byed kyi rigs pa'i dgag bya yin pa'i
phyir/ 'dod na/ de'i gnod bya yin par thal/ 'dod

pa'i phyir/ 'dod na/ des khyod la gnod par thal/ 'dod pa'i
phyir/ 'dod na/ des khyod la mi gnod par thal/ khyod tha snyad
dpyod byed kyi tshad mas grub pa'i phyir te/ khyod de'i rnyed don
yin pa'i phyir te/ khyod kun rdzob bden pa yin

pa'i phyir/ gzhan yang/ bden 'dzin chos can/ khyod don dam dpyod
byed kyi tshad mas gnod bya yin par thal/ khyod de'i rig pa'i
gnod bya yin pa'i phyir te/ de'i dgag bya yin pa'i phyir/ 'dod
na/ khyod la don dam dpyod byed kyi tshad

mas gnod par thal/ 'dod pa'i phyir/ 'dod mi nus te/ khyod tha
snyad dpyod byed kyi tshad mas grub pa'i phyir/ ma khyab/ byas pa
la kho na re/ tha snyad dpyod byed kyi tshad mas grub pa'i don
la/ don dam dpyod byed kyi tshad mas gnod pa cig

yod par thal/ tha snyad dpyod byed kyis tshad mas grub na/ don
dam dpyod byed kyi tshad mas mi gnod pas ma khyab pa'i phyir/ zer
na/ ma khyab ste/ bden 'dzin chos can/ khyod la sangs rgyas
'phags pa'i thugs rgyud kyi bdag med

@009b rtogs pa'i shes rab kyis mi gnod par thal/ khyod des grub
pa'i phyir/ khyab pa khas/ der thal/ khyod de'i gzhal bya yin
pa'i phyir te/ khyod gzhi grub pa'i phyir/ rtsa bar 'dod na/
bden 'dzin la/ sangs rgyas 'phags pa'i thugs rgyud

kyi bdag med rtogs pa'i shes rab kyis gnod par thal/ de la bdag
med rtogs pa'i shes rab kyis gnod pa'i phyir te/ thar lam gsal
byed las/ 'dis mtshon nas bdag med rtogs pa'i shes rab kyis bdag
'dzin la gnod pa'i tshul nges

par shes par bya dgos so/ /zhes gsungs pa'i phyir/ gzhan yang/
bdag med rtogs pa'i shes rab kyis bdag 'dzin la gnod par thal/
de de la gnod byed yin pa'i phyir te/ rnam 'grel las/ de'i gnod
byed ni/ bdag med mthong

bas 'gal ba yin/ zhes gsungs pa'i phyir/ gzhan yang/ bden 'dzin
chos can/ khyod la don dam dpyod byed kyi rigs pas gnod par
thal/ khyod la bdag med rtogs pa'i rigs pas gnod pa'i phyir/
khyod la de rtogs pa'i

shes rab kyis gnod pa'i phyir/ ma grub na/ bden 'dzin la bdag
med rtogs pa'i shes rab kyis gnod par thal/ bdag 'dzin la bdag
med rtogs pa'i shes rab kyis gnod pa'i phyir/ kha cig /rang
sde'i grub mtha' smra ba gong 'og rnams

bden par grub pa'i grub tshad thun pa cig med de/ bye brag smra
bas rdul phran phyogs kyi cha med dang/ shes pa dus mtha'i skad
cig ma gnyis/ don dam rdzas yod dang/ chu dang bum pa la sogs pa
kun rdzob btags yod du 'dod

cing/ mdo sde pas spyi mtshan bden med dang/ rang mtshan bden grub
tu 'dod/ sems tsam pas kun btags bden med dang/ gzhan dbang dang
yongs grub bden grub tu 'dod/ dbu ma pa'i lugs gnyis la yang/
bden par grub pa'i

@010a @#/ /grub tshad mthun pa med pa'i phyir/ zer ba mi 'thad de/
mdo sems gnyis la bden par grub pa'i grub tshad mthun pa yod par
thal/ de gnyis kas rtog pas sgro ma btags par/ yul rang gi thun
mong ma yin

ba'i sdod lugs kyis ngos nas grub pa de/ bden grub kyi don du
khas len pa'i phyir/ de mdo sde pas bden grub kyi don du khas
len pa gang zhig /de sems tsam pas der khas len pa'i phyir/ dang
po grub ste/ de mdo sde pas rang mtshan gyi

don du khas len pa'i phyir/ kho na re/ drang nges rnam 'byed
las/ de ltar grub mtha'i gong 'og gi rdzas btags dang/ kun rdzob
dang/ don dam du yod tshul dang/ grub mtha' gcig gi yang de dag
gi sbyor tshul mi 'dra ba'i khyad par phye na/ grub mtha'

gal chen rnams legs par gtan la 'bebs nus shing/ zhes gsungs pa
mi 'thad par thal/ mdo sems gnyis bden par grub pa'i grub tshad
mthun pa yod pa'i phyir/ zer na/ ma khyab/ Tik chen las/ khyad
par de

ltar ma sbyar yang sprul gzhi'i rta glang du snang bar khas len
dgos te/ de lta ma yin na snang ba la 'khrul ba mi srid par
'gyur ba'i phyir/ zhes gsungs/ 'di'i don la kha cig /rde shing
rta glang du snang ba yin te/ de ltar ma yin na/

rde shing rta glang du snang ba mi srid par thal/ rde shing rta
glang du mi snang ba'i phyir/ 'dod na/ rde shing rta glang du
snang ba'i shes pa med par thal/ 'dod pa'i phyir/ 'dod mi nus
te/ rde shing rta glang du 'dzin pa'i rtog pa la/ rde shing rta

glang du snang ba'i phyir/ zhes pa'i don yin/ zhes zer/ 'o na/
chos nyid rta glang du snang ba mi srid par thal/ chos nyid rta
glang du mi snang ba'i phyir/ khyab pa khas/ ma grub na/ chos
nyid chos can/ snang ba ltar ma grub par thal/

@010b rta glang du snang ba gang zhig /rta glang du snang du ma
grub pa'i phyir/ 'dod na/ snang tshul dang/ gnas tshul mi mthun
par thal/ 'dod pa'i phyir/ 'dod mi nus te/ mi slu ba yin pa'i
phyir te/ bden pa yin pa'i phyir te/ don dam bden pa yin pa'i
phyir/

rtsa bar 'dod na/ chos nyid rta glang du snang ba'i shes pa med
par thal/ 'dod pa'i phyir/ 'dod mi nus te/ chos nyid rta glang
du 'dzin pa'i rtog pa la/ chos nyid rta glang du snang ba'i
phyir/ rang lugs ni/ sprul gzhi rde'u shing rta glang du snang

ba de de'i don yin byas pa la kho na re/ rde shing rta glang du
snang par thal/ sprul gzhi'i rde shing rta glang du snang ba'i
phyir/ zer na ma khyab/ kha cig /yod pa dang med pa dang/ yod
med gnyis ka dang de gnyis ka ma yin pa la sogs pa rnams/ don

dam dpyod byed kyi rtags kyi dgag bya yin te/ chos thams cad yod
pa yang ma yin/ med pa yang ma yin/ yod med gnyis ka yang ma
yin/ gnyis ka ma yin pa yang ma yin pa'i phyir/ de skad du yang
blo gros mi zad pas bstan pa'i mdo las/

rton pa bzhi/ gsungs pa dang/ dkon mchog brtsegs pa las/ yod ces
bya ba 'di ni mtha' gcig go /med ces bya ba 'di ni mtha' gnyis
so/ /mtha' de gnyis dang bral ba ni dbu ma'i lam mo/ /zhes dang/
ting nge 'dzin rgyal po las/

yod dang med pa 'di yang mtha' yin te/ gtsang dang mi gtsang 'di
yang mtha' nyid yin/ zhes dang/ ye shes rdo rje kun las btus
las/ yod min med min gnyis ka min/ /gnyis ka'i bdag nyid min pa
min/ /mtha' bzhi spros dang bral

ba yi/ /de nyid dbu ma pa yin rigs/ zhes gsungs pa rnams kyi
don ayin/ /zhes zer na mi 'thad de/ med pa ma yin na yod pa yin
dgos pa'i phyir/ rang bzhin gyis med pa ma yin na/ rang bzhin
gyis yod pa yin dgos pa'i phyir/ rtsod zlog las/

@011a @#/ /rang bzhin med pa nyid log na/ rang bzhin nyid du rab
grub phyir/ zhes gsungs pa'i phyir/ gzhan yang/ yod pa yang ma
yin/ med pa yang ma yin par srid par thal/ chis thams cad yod pa
yang ma yin med pa yang

ma yin pa'i phyir/ 'dod na/ 'jug pa las/ gnyis gnyis la de ci
byed gnyis dang bral la'ang de ci bya zhes dang/ de'i thad kyi/
rang 'grel las/ gang gi tshe 'di gnyis ka ma grub pa de'i tshe/
yod pa yang ma yin/ med pa yang ma yin pa mi

srid ddo/zhes gsungs pa mi 'thad par thal/ 'dod pa'i phyir/
gzhan yang/ yod pa de myu gu slar yang mi skyes bar sgrub par
byed pa'i rtags yang dag gi yin par thal/ dngos po bdag gi bdag
nyid du yod pa rnams la yang skye ba la dgos pa med de/ ci ste

yod kyang skye na nam yang mi skye bar mi 'gyur ro/ zhes pa
'dis/ myu gu slar yang mi skye bar sgrub par byed pa'i gzhan
grags kyi rtags gcig bstan pa'i phyir te/ tshig gsal las/ des
bdag gi bdag nyid du yod pa zhes bya ba 'dis ni gtan

tshigs ngos 'dzin pa yin no/ zhes gsungs pa'i phyir/ 'dod na/ myu
gu yod par thal/ 'dod pa'i phyir/ byas pa kho na re/ skyon med
de/ tha snyan du yod pa de myu gu slar yang mi skye bar bsgrub
pa'i rtags yang dag yin no zer na mi 'thad de myu gu

tha snyad du yod par tshad mas nges pa'i gang zag yin na/ myu gu
slar yang mi skye bar tshad mas ngos pa'i gang zag yin dgos pa'i
phyir/ de tha snyad du yod par tshad mas ngos pa'i gang zag yin
na/ myu gu'i gnas lugs tshad mas nges

pa'i gang zag yin dgos/ de yin na/ de slar yang mi skye bar tshad
mas nges pa'i gang zag yin dgos pa'i phyir/ dang po grub ste/ de
yin na/ myu gu kun rdzob tu yod par tshad mas nges pa'i gang zag
yin dgos/ de yin na/ de bden

@011b par med par tshad mas nges pa'i gang zag yin dgos/ de de'i
gnas lugs tshad mas nges pa'i gang zag yin pa'i phyir/ gzhan
yang/ sdom pa gsum bstan pa'i mdo las/ 'jig rten nga dang lhan
cig rtsod kyi/ nga ni 'jig rten dang mi rtsod te

gang 'jig rten na yod par 'dod pa de ni nga yang yod par zhal
gyi bzhes so/ gang 'jig rten na med par 'dod pa de ni/ nga yang
med par zhal gyi bzhes so/ zhes gsungs pa mi 'thad par thal/
bcom ldan 'das kyi yod par zhal gyi bzhes pa'i

chos gcig med pa'i phyir te/ yod pa de don dam dpyod byed kyi
rtags kyi dgag bya yin pa'i phyir/ gzhan yang/ mdo las/ 'di yod
pas 'di byung/ 'di skyes pa'i phyir 'di skye ste/ 'di ltar ma
rig pa'i rkyen gyis 'du byed zhes bshad pa ni mi 'thad par thal

ma rig pa'i 'jig rten 'brel yod pa ma yin pa'i phyir/ rin chen
phreng ba las/ 'di yod pas na 'di 'byung dper/ ring po yod pas
thung du bzhin/ 'di skyes pas na 'di 'byung dper/ mar me skyes
pas 'od 'byung bzhin/ zhes bshad pa mi 'thad par thal/ ring po

yod pa ma yin pa'i phyir/ gzhan yang/ rang 'grel las/ rkyen nyid
'di pa tsam gyi kun rdzob sgrub par khas len gyi phyogs bzhi
khas blangs pa'i sgo nas ni ma yin te/ zhes bshad pa mi 'thad
par thal/ rkyen nyid 'di pa tsam gyi kun rdzob grub pa ma yin

pa'i phyir te/ rkyen nyid 'di pa tsam gyi kun rdzob yod pa ma
yin pa'i phyir gzhan yang/ de nyid las/ gzugs brnyan rang bzhin
med pa'i rgyu dang 'bras bu rnam par bzhag pa yang shes bzhin du
mkhas pa su zhig gzugs dang tshor ba la sogs pa rgyu

dang 'bras bu tha dad pa med par gnas pa rnams yod pa tsam zhig
tu dmigs pas/ rang zhin dang bcas par nges par byed/ de'i phyir
yod par dmigs kyang rang bzhin gyi skye ba med do/ zhes bshad pa
mi 'thad par thal/ rgyu dang 'bras bu yod pa ma

@012a @#/ /yin pa'i phyir/ gzhan yang/ bzhi brgya pa'i 'grel pa
las/ dngos po ngos po yod par smar ba'i ltar na ni/ ji srid du
ngos po de'i yod pa nyid yin pa de srid du de ltar rang gi ngo
bo la yang yin pa nyid la/ gang gi tshe rang gi

ngo bo rang bral ba de'i tshe de la ngos po de rnam ba thams cad
med pa'i phyir/ bong bu'i ra dang 'dra bas gnyis su smra ba las
ma 'das pa'i phyir/ 'di'i mngon par 'dod pa thams cad 'grig dka'
bar 'gyur ro/ zhes bshad pa mi 'thad par

thal/ dngos po yod na ngos po rang ngos nas yod dgos/ de rang
ngos nas yod pa ma yin na/ de yod pa ma yin dgos pa'i phyir/ kho
na re/ sngar gyi lung de rnams kyi yod par bshad pa de/ tha
snyad du yod par bshad pa yin la/ tha snyad

du yod pas yod pa'i go mi 'chod pa'i phyir/ zer ba mi 'thad de/
mtha' bzhi'i skye ba tha snyad du yod par thal/ tha snyad du yod
pas yod go ma chod pa'i phyir/ 'dod na/ 'jug pa las/ de nyid
skabs su rig pa gang zhig/ bdag dang gzhan

la skye ba rigs min pas/ rigs de tha snyad du yang rigs min pas/
khyod kyi skye ba gang gi yin par 'byung//zhes gsungs pa mi
'thad par thal/ 'dod pa'i phyir/ yang de nyid las/ gzhan las
skye ba 'jig rten las kyang med/ zhes gsungs

pa mi 'thad par thal/ gzhan skye tha snyad du yod pa'i phyir/ de
nyid las de'i phyir dngos po bdag las 'byung zhes rab tu brtags
pa 'di/ de nyid dang 'jig rten du yang rigs pa ma yin no/ zhes
gsungs pa mi 'thad par thal/ bdag skye tha snyad

du yod pa'i phyir/ gzhan yang/ de nyid las sgyu ma smig rgyu
sogs la brtags pa gang/ de dag 'jig rten las kyang yod min nyid/
zhes gsungs pa mi 'thad par thal/ sgru ma'i steng gi rta blang
dang/ smig rgyu'i steng gi chu sogs tha snyad du

@012b yod pa'i phyir te/ tha snyad du yod pas yod go mi chod
pa'i phyir/ dkon mchog brtsegs pa las/ yod ces bya ba ni mtha'
gcig go/ zhes sogs kyi don ni/ chos thams cad don dam par yod pa
de/ yod mtha' dang/ tha snyad du med pa de

med mtha' dang/ mtha' de gnyis dang bral ba'i stong nyid rtogs
pa'i ye shes de dbu ma'i lam du bstan pa'i phyir/ ye shes rdo
rje kun btus las/ yod min med min gnyis ka min/ zhes sogs kyi
don la mkhas pa kha cig chos

thams cad don dam par yod pa ma yin/ tha snyad du med pa ma yin/
don dam par yod pa dang/ tha snyad du med par gnyis ka ma yin/
de gnyis ka ma yin par yang ma yin pa de/ lung 'di'i don yin
zhes gsungs/ 'o na chos thams cad

don dam par yod pa dang/ tha snyad du med pa gnyis ka yin par
thal/ chos thams cad don dam par yod pa dang tha snyad du med pa
gnyis ka ma yin pa de ma yin pa'i phyir khyab ste/ dgag pa gnyis
kyi rnam ma la go ba yin pa'i phyir

mkhas pa mig 'byed kha cig/ yod pa yang bden par med/ med pa
yang bden par med/ yod med gnyis ka yang bden par med/ gnyis ka
ma yin pa yang bden par med pa lung de'i don yin gsungs/ 'o na/
dod min zhes pa'i tshig

zur gyi yod pa de/ 'gog rgyu'i mtha' la mi byed par mtha' gang
la 'gog pa'i phyad gzhi'i chos gcig la byed rig par thal/ yod pa
bden par med pa de/ yod min zhes pa'i don dang/ med pa 'den par
med pa de/ med min zhes pa'i

don du 'chad rigs pa'i phyir/ dod na/ yod ces bya ba ni mtha'
gcig go/ med ces bya ba ni mtha' gnyis so/ zhes pa'i tshigs zur
gyi yod pa de/ 'gog rgyu'i mtha' la mi 'byed par/ mtha' gang la
'gog pa'i khyad gzhi chos

@013a @#/ /can cig la byed rigs par thal/ 'dod pa'i phyir/ rang
lugs ni/ chos thams cad yod par yang rang bzhin gyi med/ chos
thams cad med par yang rang bzhin gyi med/ yod med gnyis kar
yang rang bzhin

gyi med/ gnyis ka ma yin pa yang bzhin gyis med pa lung de'i don
yin/ byas pa kho na re/ blo gros mi zad pas bstan pa'i mdo las/
rton pa bzhi gsungs pa de zlog ste khas len rigs par thal/ nges
don don dam du

med pas med go mi chod/ drang don kun rdzob tu yod pas yod go
chod pa'i phyir dang/ ye shes ma 'khrul pa la med pas med go mi
chod/ rnam shes 'khrul pa la yod pas go chod pa'i phyir/ zer na/
ma khyab ste/ blo gros mi

zad pas bstan pa'i mdo las/ rton pa'i bzhi gsungs pa'i don yod
de/ bden med ston pa'i gang zag de gnas lugs ma yin la/ des
bstan pa'i bden med gnas lugs yin pa gang zag la mi rton chos
la rton zhes pa'i don dang

bden med snyon pa'i tshigs de gnas lugs ma yin la/ des bstan pa'i
bden med de/ gnas lugs yin pas tshigs la mi rton don la rton zhes
pa'i don dang/ drang don kun rdzob pa de/ gnas lugs ma yin la/
nges don don dam

pa de gnas lugs yin pas drang son la mi rton nges don la rton
zhes pa'i don dang/ rnam shes yin 'khrul pa'i sna tshul de gnas
lugs ma yin la/ ye shes ma 'khrul ba slob pa 'phags pa'i rgyud
kyi chos nyid la rtse

gcig tu mnyam par bzhag pa'i/ mnyam bzhag ye shes la snang ba de
gnas lugs yin pas/ rnam shes la mi rten/ ye shes la rton zhes
pa'i don yin/ des na/ yod pa dang med pa la sogs pa bzhi po de/
'gog rgyu'i

@013b mtha' ma yin na/ 'gog rgu'i mtha' de gang zhe na/ !
mtshungs med chos rje'i stong thun las/ yod mtha' dang/ yod pa'i
mthar 'dzin gnyis/ med mtha' dang med pa'i mthar 'dzin gnyis/
dang po mi chos thams can don dam

par grub pa de/ yod mtha' dang/ der 'dzin pa'i blo de yod pa'i
mthar 'dzin yin/ de la sgro 'dogs kyi yod mtha' zhes kyang bya/
gnyis pa la/ sgro 'dogs kyi med mtha' dang/ skur 'debs kyi med
mtha' gnyis/ dang po ni myu gu

rang zhin gyi med pa don dam par grub pa de/ sgro 'dogs kyi med
mtha' dang/ der 'dzin pa'i blo de sgro 'dogs kyi med pa'i mthar
'dzin yin/ las 'bras med pa de/ skur 'debs kyi med mtha' dang/
der 'dzin pa'i blo de skur 'debs

kyi med pa'i mthar 'dzin yin/ yod mtha' dang/ med mtha' gnyis
'gal lo/ zhes na/ myur gu rang bzhin gyi med pa don dam par brub
pa chos can/ yod mtha' ma yin par thal/ med mtha' yin pa'i phyir
te/ sgro 'dogs kyi med

mtha' yin pa'i phyir/ gzhan yang/ yod mtha' dang/ med mtha'
gnyis chos can/ yod par thal/ 'gal ba'i phyir/ yang las 'bras
med pa chos can/ khyod med par thal/ khyod med mtha' yin pa'i
phyir/ 'dod na/ las

'bras chos can/ khyod med pa yod par thal/ khyod dngos po yin
pa'i phyir/ kho na re/ yod mtha' yin na/ yod dgos par thal/ med
mtha' yin na/ med dgos pa'i phyir/ zer na/ ma khyab/ 'dod na/
chos thams cad don dam par

grub pa chos can/ der thal/ de'i phyir/ kho na re/ bden med bden
par grub pa med mtha' dang/ der 'dzin pa'i blo de/ med pa'i
mthar 'dzin yin nam/ ma yin zhe na/ yin te/ 'jug pa'i Ti-ka ches
las/ dgag bya bkag pa'i med pa

@014a @#/ /yang dag par yod do/ zhes 'dzin/ dngos po med pa'i
ltung ba'i phyir/ de 'gog pa yang med mtha' 'gog pa'o/ zhes
dang/ rtsa shes Tika chen las/ snga ma ni sgro 'dogs kyi med
mtha'o/ zhes

gsungs pa'i phyir/ kho na re/ bden med bden par grub chos can/
yod mtha' ma yin par thal/ med mtha' yin pa'i phyir/ zer na/ma
khyab ste/ myu gu rang bzhin gyis grub pa phyis rgyun chad pa
chos can/ yod

mtha' ma yin par thal/ med mtha' yin pa'i phyir/ der thal/ rtsa
shes las/ sngon byung da lta med ces pa/ des na chad par thal
par 'gyur/ zhes gsungs pa'i phyir/ 'dod na/ de yod mtha' yin par
thal//

rtsa shes las/ gang zhig rang bzhin gyis yod pas/ de ni med pa
min pas rtag/ zhes gsungs pa'i phyir/ kho na re/ bden med bden
par grub par 'dzin pa'i blo des/ bden med par bzung bar thal/ de
med

pa'i mthar 'dzin yin pa'i phyir/ 'dod mi nus te/ des bden med
yod par bzung ba'i phyir/ des bden med bden grub tu bzung ba'i
phyir/ zer na/ rtsa bar ma khyab/ bden med bden par grub par
'dzin pa'i blo de'i bzung

ba ltar grub na/ bden med med pa'i gnod pa 'bab pa'i rgyu mtshan
gyi de med pa'i mthar 'dzin du bzhag pa yin pa'i phyir/ des na/
rang lugs ni/ ming gi btags pa tsam ma yin par rang ngos nas
grub pa de/ don dam

dbyod byed kyi rtags kyi dgag bya'i chos dang/ chos thams cad
ming gi brtags pa tsam ma yin par rang ngos nas grub par de don
dam dpyod byed kyi rtags kyi dgag bya yin te/ bzhi brgya'i 'grel
pa las/ de la bdag ches

@014b bya ba ni/ gang zhig dngos po rnams kyi gzhan lo rag ma
las pa'i ngo bo'i rang bzhin te/ de med pa ni bdag med pa'o/ de
ni chos dang gang zag gi dbye bas rnam pa gnyis su rtogs te/
chos kyi bdag med pa dang/ gang zag gi bdag

med pa zhes bya'o/ zhes gsungs pa'i phyir/ gnyis pa de 'gog pa
la/ thal 'gyur gyi dbang du byas pa dang/ gtan tshogs kyi dang du
byas pa gnyis/ dang po ni/ bden med gtam la 'bebs pa'i rigs pa
de la du ma yod de/ gzhan

la grags kyi/ rjes dpag skyed byed kyi thal 'gyur/ rgyu mtshan
mtshungs pa 'gog snyoms kyi thal 'gyur/ sgrub byed sgrub bya dang
mtshungs pa ma grub pa'i thal 'gyur la sogs pa du ma yod pa'i
phyir/ dang po ni/ myu gu chos can

slar yang skye ba don med par thal/ rang gi bdag nyid du grub
zin/ yod pa'i phyir/ zhes pa'i thal 'gyur dang/ myu gu chos can/
rten 'brel ma yin par thal/ bden par grub pa'i phyir/ zhes pa'i
thal 'gyur lta bu la byed/ gnyis

pa ni/ rgyu yin min thams cad las 'bras bu yin min thams cad kye
bar thal/ sa myug gnyis rang bzhin gyis grub pa'i gzhan yin yang
sa bon las myu gu 'byung ba'i phyir/ zhes pa'i thal 'gyur lta bu
la byed/ gsum pa ni/

gzugs phung rang bzhin par thal/ tshor phung rang bzhin gyis grub
pa'i phyir/ zhes zer ba la/ tshor phung rang bzhin gyis grub pa
de/ gzugs phung rang bzhin gyis grub pa'i sgrub byed yang dag ma
yin par thal/ tshor phung yang bzhin gyis

grub pa dang/ gzugs phung rang bzhin gyis grub pa gnyis sgrub
dka' sla mtshungs pa'i phyir/ zhes pa'i thal 'gyur lta bu la
byed/ gnyis pa ni/ dbu ma'i gzhung lugs rnams las/ bden med gtan
la 'bebs pa'i gtan tshigs de la

@015a @#/ /du ma gsungs ba yin te/ chos rnams kyi ngo bo la
dpyod pa gcig du bral gyi gtan tshigs/ rgyu la dpyod pa rdo rje
gzegs ma'i gtan tshigs/ rgyu 'bras gnyis ka la dpyod pa/ mu bzhi
skye 'gog gi gtan tshigs/

'bras bu la dpod pa yod med skye 'gog gi gtan tshigs/ ngo bo rgyu
'bras gsum ka la dpyod pa/ rigs pa'i rgyal po rten 'brel gyi
gtan tshigs la sogs pa du ma yod pa'i phyir/ de rnams kyi nang
nas 'phags pa yab sras ni/ gtso

bar rgyu la dpyod pa rdo rje gzegs ma'i gtan tshigs kyi sgo nas/
dngos po rnams rang bzhin gyis kye med du gtan la 'bebs par byed
pa yin te/ rtsa shes las/ bdag las ma yin gzhan las min/ zhes
sogs dang/ 'dir yang/ de nyid de

las 'byung min gzhan dag las lha ga la zhig/ zhes sogs gsungs
pa'i phyir/ des na gzung 'di rnams kyi/ dngos po rnams mtha'
bzhi dang rung las mi skye ba'i dam bca' bstan pa yin gyi/ mtha'
bzhi gang

rung las mi skyes pa rtags su byas nas/ dngos po rnams rang
bzhin gyis kye med du sgrub par byed pa'i rtags yang dag bstan
pa ma yin te/ rang 'grel las/ 'dir ma yan zhes bya ba ni yod pa
nyid kyi sgrub byed/ rang lus skye

pa dang 'brel gyi yod pa dang ni ma yin te/ de bkag pa don gyi
grub pa'i phyir/ zhes gsungs pa'i phyir/ des na/ gzung 'di rnams
kyi mtha' bzhi gang rung las mi skye ba'i rtags kyi dngos po
rnams rang bzhin gyi mi skye bar sgrub par byed pa'i

rtags yang dag ma bstan na/ mtha' bzhi gang rung las mi skye ba
de dngos po rnams rang bzhin gyis skye med du sgrub par byed
pa'i rtags yang dag mtsan nyid pa ma yin nam/ zhe na/ 'di la kha
cig/ mtha' bzhi gang rung las mi skyes ba de

@015b dngos po rnams rang bzhin gyis skye med du sgrub par byed
pa'i rtags yang dag ma yin te/ mtha' bzhi gang rung las mi skye
ba'i rtags kyi dngos po rnams rang bzhin gyis skye med du sgrub
par byed pa'i phyogs grub na/ de'i sgrub bya grub dgos

pa'i phyir/ zhes zer ba mi 'thad de/ dbu ma 'jug pa las/ gang gi
phyir na bdag dang bzhin dang gnyis ka las skye dang/ rgyu ma
ltos yod pa min pas dngos rnams rang bzhin bral/ zhes bshad pa
mi 'thad par thal/ dam bca' de 'thad

pa'i phyir/ kho na re/ mtha' bzhi gang rung las mi skye ba de
dngos rnams rang bzhin gyis kye med du sgrub par byed pa'i rtags
yang dag ma yin pa thal/ myu gu mtha' bzhi gang rung las mi
skyes bar tshad mas des ngos pa'i gang zag yin na/ myu gu

rang bzhin gyi med par tshad mas nges pa'i gang zag yin dgos pa'i
phyir te/ myu gu gzhan las mi skye bar tshad mas nges pa'i gang
zag yin na/ myu gu rang bzhin gyi med par tshad mas nges pa'i
gang zag yin dgos pa'i phyir te/ sa myug

gnyis rang bzhin gyis grub pa'i gzhan ma yin par/ tshad mas grub
pa'i gang zag yin na/ sa myu gnyis rang bzhin gyis med par tshad
mas nges pa'i gang zag yin dgos pa'i phyir te/ sa myug rang
bzhin gyi grub pa'i tha dad ma yin par

tshad mas nges pa'i gang zag yin na/ de gnyis rang bzhin gyi med
par tshad mas nges pa'i gang zag yin dgos pa'i phyir te/ sa myug
gnyis rang bzhin gyi grub par bden zhen gyi 'dod pa'i gang zag
yin na/ de gnyis rang bzhin gyi grub pa'i

tha dad bden zhen gyis 'dod pa'i gang zag yin dgos pa'i phyir
te/ sa myug gnyis tha dad yin pa'i phyir/ zer na 'dir ma khyab
ste/ sgra byas pa mi rtag pa gsum bden grub gu bden zhen gyis
'dod pa'i gang zag yin na/ de gsum bden par grub pa'i tha dad

@016a @#/ /du bden zhen gyi 'dod pa'i gang zag yin dgos par
thal/ de gsum tha dad yin pa'i phyir/ khyab pa khas/ 'dod na/
mdo sde pa chos can/ der thal/ de'i phyir/ rtags grub ste/ des
dngos po la bden grub kyi khyab

pa khas len pa'i phyir/ 'dod na/ des sgra byas mi rtag pa gsum
rdzas tha dad du khas len par thal/ 'dod pa gang zhig /des
bden par grub pa'i tha dad la rdzas tha dad kyi khyab pa khas
len pa'i phyir/ kho na re/ mtha' bzhi gang rung las

mi skye ba de/ dngos po rnams rang bzhin gyi skye med du sgrub
par byed pa'i rtags yang dag ma yin par thal/ gzhan skye med
pa don dam bden pa yin pa'i phyir te/ 'phags pa'i mnyam bzhag
gi gzigs ngo la ltos te/ gzhan skye

bkag pa yin pa'i phyir/ zer na/ gzhan skye yod par 'dzin pa'i
blo lhan skyes yod par thal/ gzhan skye med pa don dam bden pa
yin pa'i phyir/ 'dod na/ 'jug pa las/ shing yang btsugs so
snyam du rtogs des na/ /gzhan

las skye ba 'jig rten las kyang med/ ces bshad pa mi 'thad par
thal lo/ des na/ 'phags pa yab sras rnams kyi/ rgyu la dpyod
pa rdo rje gzegs ma'i gtan tshigs kyi sgo nas dngos po rnams
rang bzhin gyi skye med du gtan la 'bebs

par byed na/ mtha' bzhi'i skye ba 'gog tshul de ci lta bu zhe
na/ 'di la bdag skye 'gog pa dang/ skye ba lhag ma gsum 'gog
pa dang gnyis/ dang po la/ slob dpon sangs rgyas bskyangs kyi
'grel pa las bdag skye 'gog pa'i rigs

pa ji ltar byung tshul/ de la slob dpon legs ldan 'byed kyi
skyon brjod mdzad tshul/ skyon de sangs rgyas bskyangs la mi
'jug par bstan pa/ legs ldan 'byed rang nyid kyi 'grel pa la
skyon chags par bstan pa'o/ /dang po ni/

@016b 'grel pa bu+d+ha pa li ta las/ dngos po rnams bdag las
skye ba med de/ de dag gi skye ba don med pa nyid du 'gyur
ba'i phyir dang/ shin tu thal bar 'gyur ba'i phyir/ dngos po
bdag gi bdag nyid du yod pa rnams la yang skye ba la dgos pa

med do/ ci ste yod kyang skye na nam yang mi skye bar mi 'gyur
ro/ /de'i phyir dngos po rnams bdag las skye ba med do/ /zhes
gsungs/ 'di'i don la mkhas pa mtshungs med kha cig/ myu gu chos
can/ slar yang skye ba don med par thal/ rang gi rgyu'i dus su

grub zin pa'i phyir/ ma khyab na/ myu gu chos can/ slar yang
skye ba thug med yin par thal/ rang gi rgyu'i dus su grub zin
kyang slar yang rang rgyu las skye dgos pa'i phyir/ zhes pa'i
thal 'gyur 'di 'grel ngag de'i skabs nas

bstan pa'i thal 'gyur yin no/ /zer na/ de 'dra'i thal 'gyur
dang po de chos can/ khyod kyi rtags tshad mas grub par thal/
khyod dngos po bdag gi bdag nyid du yod pa rnams la zhes pa'i
skabs nas dngos su bstan pa'i thal 'gyur yin pa'i

phyir/ 'dod na/ myu gu rang gi rgyu'i dus su grub zin par
thal/ de 'dra ba'i thal 'gyur gyi rtags grub pa'i phyir/ yang
mkhas pa legs ches kha cig/ myu gu chos can/ sa bon las skye
ba don med par thal/ sa bon gyi dus su grub zin pa'i phyir/ ma
khyab na/

myu gu chos can/ sa bon las thug med du skye bar thal/ sa bon
gyi dus su grub zin kyang slar yang sa bon las skye dgos pa'i
phyir/ zhes pa'i thal 'gyur 'di 'grel ngag de'i skabs nas
bstan pa'i thal 'gyur yin no/ /zhe na/

myu gu chos can/ zhes sogs thal 'gyur dang po chos can/ khyod
kyi rtags tshad mas grub par thal/ khyod dngos po bdag gi bdag
nyid du yod pa rnams la zhes sogs kyi skabs nas dngos su bstan
pa'i thal 'gyur yin pa'i phyir/ 'dod na/

@017a @#/ /myu gu chos can/ sa bon las skye ba don med par
thal/ sa bon gyi dus su grub zin pa'i phyir/ rtags khas kha
cig /myu gu chos can/ slar yang skye ba don med dang thug med
yin par thal/ bdag las skye ba'i

phyir/ zhes pa'i thal 'gyur 'di 'grel ngag de'i skabs nas
bstan pa'i thal 'gyur yin no/ /zhe na/ dngos po bdag gi bdag
nyid du yod pa rnams la zhes pa'i/ bdag de bdag skye la byed
rigs par thal/ thal 'gyur de de'i

skabs nas dngos su bstan pa'i thal 'gyur yin pa'i phyir/ 'dod
mi nus te/ des myu gu slar yang mi skye bar sgrub pa'i rtags
yang dag gcig bstan pa'i phyir te/ tshigs gsal las/ de la bdag
gi bdag nyid du yod pa zhes bya ba 'dis

ni gtan tshigs ngos 'dzin pa yin no/ /zhes gsungs pa'i phyir/
kha cig /myu gu chos can/ skye ba don med dang thug med yin
par thal/ bdag las skye ba'i phyir/ zhes pa'i thal 'gyur de
'grel ngag de'i skabs nas bstan pa'i

thal 'gyur yin zer na/ dngos po bdag gi bdag nyid du yod pa
rnams la yang skye ba la dgos pa med de/ zhes pa'i yang sgra
smos pa la dgos pa med par thal/ sangs rgyas bskyangs rang
lugs la yang thal 'gyur de 'grel ngag de'i

skabs nas dngos su bstan pa'i thal 'gyur du khas len pa'i
phyir/ kha cig /skye ba don bcas dang thug bcas de myu gu bdag
las mi skye bar sgrub pa'i rtags yang dag yin/ zer na/ 'o na/
de myu gu slar yang mi skye bar sgrub par

byed pa'i rtags yang dag yin par thal/ 'dod pa'i phyir/ 'dod
na/ de ma yin par thal/ myu gu skye ba don bcas dang/ thug
bcas su tshad mas nges pa'i gang zag yin na/ myu gu slar yang
mi skye bar tshad mas nges pa'i gang zag

@017b yin dgos pa'i phyir te/ myu gu skye ba don bcas su tshad
mas nges pa'i gang zag yin na/ myu gu slar yang mi skye bar
tshad mas nges pa'i gang zag yin dgos pa'i phyir te/ myu gu
slar yang mi skye bar tshad mas nges pa'i gang zag yin na/

de skye ba don bcas su tshad mas nges pa'i gang zag yin dgos pa'i
phyir/ gzhan yang/ skyes pa de myu gu bdag las mi skye bar
sgrub par byed pa'i rtags yang dag yin par thal/ dam bca' ba'i
phyir/ 'dod na/ skye pa de myu gu rang rgyu'i dus

su med par sgrub par byed pa'i rtags yang dag yin par thal/
'dod pa'i phyir/ 'dod na/ de ma yin par thal/ myu gu skyes par
tshad mas nges pa'i gang zag yin na/ de rang rgyu'i dus su med
par tshad mas nges pa'i gang zag yin

dgos pa'i phyir te/ de yin na/ de rang rgyu las skyes par tshad
mas nges pa'i gang zag yin dgos/ de yin na/ de rang rgyu las
sngar med gsar du skye bar tshad mas nges pa'i gang zag yin
dgos/ de yin na/ de rang rgyu'i dus su med par tshad

mas nges pa'i gang zag yin dgos pa'i phyir/ ma grub na/ myu gu
skye bar tshad mas nges pa'i gang zag yin na/ myu gu myu gu'i
rgyu las skye bar tshad mas nges pa'i gang zag ma yin par bud/
gnyis pa ma grub na/ myu gu myu gu'i rgyu las skye

bar tshad mas nges pa'i gang zag yin na/ de de'i rgyu las sngar
med gsar du skye par tshad mas nges pa'i gang zag ma yin par
bud/ gsum pa rigs 'dre/ kha cig /myu gu skye bar tshad mas nges
pa'i gang zag yin na/ myu gu rang rgyu las

skye bar tshad mas nges pa'i gang zag ma yin par bud/ zer na/
bum pa rtogs pa'i sangs rgyas 'phags pa chos can/ der thal/
de'i phyir/ 'dod na/ de chos can/ myu gu rang rgyu las skye
bar thal/ de rang rgyu las skye bar tshad mas nges pa'i

@018a @#/ /gang zag yin pa'i phyir/ 'dod na/ bum pa rtogs pa'i
sangs rgyas 'phags pa'i rgyu chos can/ khyod myu gu'i rgyu yin
par thal/ myu gu khyod las skye ba'i phyir/ 'dod na de chos
can/ khyod med na myu gu med dgos par

thal/ khyod de'i rgyu yin pa'i phyir/ 'dod na/ dgag gzhi mas
gshags/ gzhan yang/ skye ba de myu gu rgyu med las mi skye bar
sgrub par byed pa'i rtags yang dag yin par thal/ de myu gu
bdag las mi skye bar sgrub par

byed pa'i rtags yang dag yin pa'i phyir/ 'dod mi nus te/ myu
gu skye bar tshad mas nges pa'i gang zag yin na/ de rgyu med
las mi skye bar tshad mas nges pa'i gang zag yin dgos pa'i
phyir te/ de yin na/ myu gu rang rgyu las

skye bar tshad mas nges pa'i gang zag yin dgos/ de yin na/ myu
gu rgyu med las mi skye bar tshad mas nges pa'i gang zag yin
dgos pa'i phyir/ gzhan yang/ skye ba don bcas dang thug bcas
de myu gu bdag las mi skye bar

sgrub par byed pa'i rtags yang dag tu slob dpon legs ldan
'byed kyis khas len par thal/ de de'i rtags yang dag tu slob
dpon sangs rgyas bskyangs kyis khas len pa'i phyir/ 'dod na/
slob dpon legs ldan 'byed des/ dngos

po rnams bdag las skye ba med de/ de dag gi skye ba don med pa
nyid du 'gyur pa'i phyir dang/ zhes sogs kyi 'grel ngag 'dis
myu gu bdag las mi skye bar sgrub par byed pa'i rtags yang dag
gcig bstan par khas len pa

thal/ slob dpon legs ldan 'byed des/ 'grel ngag des skye ba
don bcas dang thug bcas de myu gu bdag las mi skye bar sgrub
par byed pa'i rtags yang dag tu bstan par khas len pa gang
zhig /slob dpon legs ldan 'byed des/

@018b skye ba don bcas dang thug bcas de myu gu bdag las mi
skye bar sgrub par byed pa'i rtags yang dag tu khas len pa'i
phyir/ phyi ma khas/ 'dod na/ slob dpon legs ldan 'byed des/
sangs rgyas bskyangs la skyon brjod mdzad pa'i tshe

de ni rigs pa ma yin te/ gtan tshigs dang dpe ma brjod pa'i
phyir/ zhes gsungs pa mi 'thad par thal lo/ /kho na re/ legs
ldan 'byed gzhir byas pa la/ dngos po rnams bdag las skye ba
med de/ de dag gi skye ba don med pa

nyid du 'gyur ba'i phyir dang/ zhes sogs 'grel ngag 'dis dngos
po rnams bdag las mi skye bar sgrub pa'i rtags yang dag cig
bstan par thal/ 'grel ngag de'i skabs nas dngos su bstan pa'i
dngos po rnams bdag las mi skye

bar sgrub pa'i rtags yang dag cig yod pa'i phyir te/ skye ba
don bcas dang thug bcas de/ 'grel ngag de'i skabs nas dngos su
bstan pa'i dngos po rnams bdag las mi skye bar sgrub pa'i
rtags yang dang yin pa'i phyir te/

'grel ngag des skye ba don bcas dang thug bcas dngos po rnams
bdag las mi skye bar sgrub pa'i rtags yang dag tu bstan pa'i
phyir/ zer na ma khyab/ gzhal bya sgra mi rtag par sgrub pa'i
rtags yang dag yin par thal/ gzhal  

bya sgra mi rtag par sgrub pa'i rtags yang dag yin zhes pa'i
tshig 'dis/ sgra mi rtag par sgrub pa'i rtags yang dag cig
bstan pa'i phyir te/ de 'dra ba'i tshig de'i bstan byar gyur
ba'i sgra mi rtag par sgrub par byed pa'i rtags

yang dag cig yod pa'i phyir te/ gzhal bya de tshig de'i bstan
byar gyur pa'i sgra mi rtag par sgrub pa'i rtags yang dag yin
pa'i phyir te/ tshig des gzhal bya sgra mi rtag par sgrub pa'i
rtags yang dag du bstan pa'i phyir/ khyab ste/

@019a @#/ /dngos po rnams bdag las skye ba med de/ zhes sogs
kyi 'grel ngag des/ skye ba don bcas dang thug bcas dngos po
rnams bdag las mi skye bar sgrub pa'i rtags yang dag tu bstan
na/ skye ba don

bcas dang thug bcas de/ 'grel ngag de'i skabs nas dngos su
bstan pa'i dngos po bdag las mi skye bar sgrub pa'i rtags yang
dag yin dgos pa'i phyir/ des na legs ldan 'byed kyi lugs la
sangs rgyas bskyangs

gi skye ba don bcas dang thug bcas de myu gu bdag las mi skye
bar bsgrub pa'i rtags yang dag tu khas len kyang/ sangs rgyas
bskyangs rang lugs la de ltar khas mi len no/ rang lugs 'grel
ngag de'i don ni/ grangs can gyi

'bras bu thams cad rgyu dus su mngon par mi gsal ba'i tshul gyi
yod par 'dod cing/ khyad par du myu gu sa bon gyi dus su mngon
par mi gsal ba'i tshul gyi yod par 'dod pa myu gu sa bon las
mngon par gsal zin grub pa'i

tshul gyi skye ba la myu gu sa bon las skyes zhes tha snyad
byas nas bdag skye khas blangs pa la/ slob dpon sangs rgyas
bskyangs kyi dngos po rnams bdag las skye ba med de/ zhes sogs
gsungs/ de'i don ni/ grangs can gyi

sa bon gyi dus su mngon par mi gsal ba'i tshul gyi yod par 'dod
pa'i myu gu chos can/ slar yang skye ba don med par thal/ rang
gi bdag nyid du grub zin yod pa'i phyir/ ma khyab na/ thugs
med du skye bar thal/ rang gi

bdag nyid du grub zin yod kyang slar yang skye dgos pa'i
phyir/ zhes pa'i 'gal brjod kyi thal 'gyur gnyis tsam zhig
bstan/ gnyis pa de la legs ldan 'byed kyi skyon brjod tshul ni/
tshigs gsal las/ 'di la ni slob

@019b dpon legs ldan 'byed na re/ de ni rigs pa ma yin te/
gtan tshigs dang dpe ma brjod pa'i phyir dang/ gzhan gyi smras
pa'i nyes pa ma bsal ba'i phyir/ thal bar 'gyur pa'i tshig yin
pa'i phyir te/ skabs kyi don las ldog pas/

sgrub par bya ba dang de'i chos ldog pa'i don mngon ste/ dngos
po rnams gzhan las skye bar 'gyur ba dang/ skye ba 'bras bu
dang bcas pa nyid du 'gyur ba dang/ skye ba thug pa yod par
'gyur ba'i phyir/ grub pa'i mtha' dang 'gal bar 'gyur

ro/ zhes skyon smra 'o/ /zhes bshad/ 'di'i don la/ gzhan
phyogs pa kha cig na re/ sangs rgyas bskyangs kyi 'grel ngag
de mi 'thad de/ myu gu chos can/ skye ba don med dang thug med
yin par thal/ /bdag las skye ba'i phyir/ zhes pa'i

thal 'gyur de sgrub byed 'phen pa'i thal 'gyur yin par thal/
de 'grel ngag de'i dkabs nas bstan pa'i thal 'gyur yin pa gang
zhig /'grel ngag des sgrub byed 'phen pa'i thal 'gyur gyi
dbang du byas nas bdag dkye 'gog pa

yin pa'i phyir/ 'dod na/ skye ba don bcas dang thug bcas de
myu gu bdag las mi skye bar sgrub par byed pa'i rtags yang dag
yin par thal/ 'dod pa'i phyir/ 'dod na/ 'phags pa yab sras kyi
skye ba mi bzhed pa'i grub mtha' dang

'gal lo zhes pa'i don yin/ des na thal rang gnyis ka'i lugs la
myu gu mi skye/ de gal te skye na myu gu skyes zin skye bar
thal/ myu gu skyes zin pa gang zhig/ myu gu skye ba'i phyir/
'dod na/ skye zin skye ba yod par thal/ 'dod pa'i

phyir/ 'dod na/ skye zin slar yang skye ba yod par thal/ 'dod
pa'i phyir/ 'dod na/ 'jug pa las/ /skyes zin slar yang skye
bar yongs su rtogs par 'gyur na ni/ /myu gu la sogs rnams kyi
skye ba 'dir brnyed mi 'gyur zhing/ /zhes gsungs/

@020a @#/ /pa mi 'thad par thal lo/ /zhes zer zhing/ myu gu tha
snyad du skye/ 'khrul ngor skye/ kun rdzob tu skye zhes zer ba
'gal te/ 'o na/ myu gu tha snyad du skyes zin skye bar thal/
de tha snyad du skye zin pa gang zhig /de tha snyad

du skye ba'i phyir/ 'dod na/ tha snyad du skyes zin/ skye ba
yod par thal/ 'dod pa'i phyir/ 'dod na/ tha snyad du skyes zin
slar yang skye ba yod par thal/ 'dod pa'i phyir/ 'dod na/ tha
snyad du bdag skye yod par thal/ 'dod pa'i phyir/ 'dod na/

de'i phyir dngos po bdag las 'byung zhes rab tu brtags pa
'di de nyid dang ni 'jig rten du yang rigs pa ma yin no/ zhes
gsungs pa mi 'thad par thal lo/ / mkhas pa kha cig/ dngos po
rnams bdag las skye ba med de/ zhes sogs

kyi don la/ gang la rtsod pa'i gzhi dang/ ji ltar rtsod pa'i
tshul gnyis/ dang po ni/ sangs rgyas bskyangs kyi 'grel ngag
'di yin la/ gnyis pa ni/ de ni rigs pa ma yin te/ zhes pa nas/
grub pa'i mtha' dang 'gal par 'gyur ro/ /zhes

pa'i bar 'di yin/ 'di'i don ni/ sangs rgyas bskyangs kyi 'grel
ngag de mi 'thad de/ 'grel ngag des rang rgyud kyi dbang du
byas nas bdag skye 'gog par byed dam/ thal 'gyur gyi dbang du
byas nas bdag skye 'gog pa yin/ dang po

mi 'thad de/ 'grel ngag 'dis bdag skye 'gog nus kyi rang rgyud
kyi gtan tshigs dang dpe yang dag ma brjod pa'i phyir dang/
gzhan gyi dam bca' la btags pa'i nyes pa ma bsal ba'i phyir/
gnyis pa ltar na sgrub byed mi 'phen pa'i thal

'gyur gyi bdag skye 'gog mi nus pas sgrub byed 'phen pa'i thal
'gyur dgos la/ de ltar na sgrub byed 'phen pa'i thal bar 'gyur
ba'i ngag yin pa'i phyir/ sbyor ba'i skabs kyi don las bzlog
pas bdag skye med pa bsgrub par bya ba dang/ de'i chos te/
thal

@020b 'gyur gyi thal chos bzlog pa'i don mngon pas/ slar yang
skye ba don bcas dang/ thug bcas su 'gyur la/ de ltar na slob
dpon klu sgrub slar yang skye ba don bcas dang thug bcas mi
bzhed pa'i grub mtha' dang 'gal lo/ /de yang gsal du btang

na/ myu gu chos can/ slar yang skye pa don med dang thug med
yin par thal/ bdag las skye ba'i phyir/ zhes pa'i thal 'gyur
'di sgrub byed 'phen pa'i thal 'gyur yang dag yin par thal/
thal 'gyur de sangs rgyas bskyangs kyi 'grel ngag de'i skabs
nas

bstan pa'i thal 'gyur yin pa gang zhig/ sangs rgyas bskyangs
kyi 'grel ngag 'dis/ sgrub byed 'phen pa'i thl 'gyur gyi dbang
du byas nas/ bdag skye 'gog pa'i phyir/ 'dod na/ slar yang
skye ba don bcas dang thug bcas de/ myu gu bdag

las mi skye bar sgrub pa'i rtags yang dag yin par thal/ 'dod
pa'i phyir/ 'dod na/ slob dpon klu sgrub slar yang skye ba don
bcas dang/ thug bcas mi bzhed pa'i grub mtha' dang 'gal lo/
/'o na/ gzhan skye 'phen tshul de ji ltar yin zhe na/ de

yang bdag skye bkag pa tsam gyi/ gzhan skye 'phen pa ma yin
la/ skabs 'dir ni/ bdag skye bkag nas slar yang skye ba don
bcas dang thug bcas su bstan pas na/ gzhan skye 'phen pa yin
la/ des na myu gu chos can/ gzhan las skye bar thal/

slar yang skye ba don bcas dang thug bcas gang zhig/ bdag las
mi skye ba'i phyir/ 'dod na/ slob dpon klu sgrub gzhan skye mi
bzhed pa'i grub mtha' dang 'gal lo/ /des na slob dpon legs
ldan 'byed kyi slar yang skye ba don med dang thug med du

thal ba 'phangs pa la dgongs pa yin te/ de ma yin na/ zla bas
legs ldan 'byed la lan mdzad pa'i tshe/ thal 'gyur gyi thal
chos bzlog pa'i don/ slar yang skye ba don med dang thug med
las logs pa/ slar yang skye ba don bcas dang thug bca 

@021a @#/ /pha rol grangs can gyis khas blangs kyi/ kho bo cag
sangs rgyas pas khas ma blangs pa'i phyir/ zhes lan btab pa
'brel med du 'gyur ro/ /lan ji ltar btab ce na/ tshigs bsal las
thal 'gyur ba bzlog

pa'i don yang pha rol po nyid dang 'brel ba yin gyi/ kho bo
cag ni ma yin te/ rang la dam bca' ba med pa'i phyir/ zhes
bshad/ rtags chos kyi dbang du byas pa'i rtags chos bzlog pa
ma yin te/ de ldogs khyab kyi bzlogs tshul

ma yin pa'i phyir/ rtags bzlog na/ sgrub bya bzlog pa yang mi
'grub ste/ rtags chos so so bzlog pa yin pa'i phyir/ des na/
slob dpon legs ldan 'byed de rgol ba shin tu mkhas pa yin pas/
de lta bu'i rtsod pa ha cang thal ba

nan gyi phul par mi byed dam snyam mo/ /zhes gsungs/ 'o na/
slob dpon legs ldan 'byed des gzhan skye khas mi len par thal/
des slob dpon klu sgrub gzhan skye mi bzhed par khas len pa'i
phyir/ gzhan skye 'phan tshul de

'thad pa'i phyir/ 'dod na/ des gzhan skye khas len par thal/
des rang gi mtshan nyid kyis grub pa'i skye ba khas len pa'i
phyir/ de dbu ma rang rgyud pa yin pa'i phyir/ gzhan yang/
slob dpon legs ldan 'byed des/ slob dpon sangs

rgyas bskyangs kyi slar yang skye ba don bcas dang thug bcas
dngos po rnams bdag las mi skye bar sgrub par byed pa'i rtags
yang dag tu khas blangs pa la/ slob dpon klu sgrub kyi lung
'gal tsam zhig bstan nas 'gog mi rigs par thal/ slob

dpon sangs rgyas bskyangs kyi slar yang skye ba don bcas dang
thug bcas/ dngos po rnams bdag las mi skye bar sgrub pa'i
rtags yang dag tu khas blangs na/ rtags de'i phyogs chos ma
grub pa dang/ khyab pa 'gal ba sogs rigs pa'i

@021b gnod byed mtha' yas pa bstan nas bkag pas chog pa'i
phyir te/ dngos po rnams slar yang skye ba don bcas dang thug
bcas yang ma yin te/ slar yang skye ba don bcas dang thug bcas
yin na/ bdag las skye dgos pa'i phyir/ gzhan

yang/ slob dpon legs ldan 'byed des/ slob dpon sangs rgyas
bskyangs la dngos po rnams chos can/ gzhan las skye bar thal/
bdag las ni mi skye ba'i phyir/ zhes pa'i thal 'gyur 'brel med
cig 'phen rigs par thal/ des de

la/ dngos po rnams chos can/ gzhan las skye bar thal/ slar
yang skye ba don bcas dang thug bcas yin pa'i phyir/ zhes pa'i
thal 'gyur cig 'phen rigs pa gang zhig /slar yang skye ba don
bcas dang thug bcas khas len pa'i

len tshul te/ bdag skye khas len pa'i len tshul yin pa'i phyir/
rtags dang po der thal/ des de la/ gzhan las skye bar thal/
chos su byas pa'i thal 'gyur cig 'phen rigs pa'i phyir te/ des
de la dngos po rnams chos can/ gzhan las

skye bar thal/ slar yang skye ba don bcas dang thug bcas gang
zhig /bdag las mi skye ba'i phyir/ zhes pa'i thal 'gyur cig
'phen rigs pa'i phyir/ rtags khas/ gzhan yang/ thal bar 'gyur
ba'i tshigs yin pa'i phyir/ zhes pa'i don sgrub

byed 'phen pa'i thal bar 'gyur ba'i ngag yin pa'i phyir/ zhes
pa'i don du 'chad mi rigs par thal/ tshigs bsal las thal bar
'gyur pa'i tshig zhes dang/ shes rab sgron ma las/ glag yod
pa'i tshig yin pa'i phyir/ zhes pa gnyis/

'gyur khyad tsam ma rtogs/ don cig pa gang zhig glags yod pa'i
phyir/ zhes pa'i don/ rgol ba gzhan gyi glan ka'i glags yod
pa'i phyir/ zhes pa'i don du 'chad rigs pa'i phyir/ gzhan
yang/ sgrub par bya ba dang de'i chos bzlog pa'i don

@022a @#/ /mngon pas/ zhes pa 'di slob dpon legs ldan 'byed kyi
rang gzhung rnam dag ma yin par thal/ slob dpon legs ldan
'byed kyi sangs rgyas bskyangs kyi 'grel ngag de'i skabs nas/
bstan pa'i sbyor ba'i dngos zin gyi

bsgrub bya bzlog tshul gcig bstan pa'i sgo nas sangs rgyas
bskyangs la skyon brjod mdzad pa ma yin pa'i phyir te/ sgrub
par bya ba dang/ de'i chos bzlog pa'i don mngon pas zhes pa'i
don/ sbyor ba'i skabs kyi don las bzlog pas/ bdag skye med

pa sgrub par bya ba dang/ de'i chos ste thal 'gyur gyi thal
chos bzlog pa'i don mngon pas/ zhes pa'i don du 'chad rigs
pa'i phyir/ gzhan yang/ slob dpon legs ldan 'byed kyi slob
dpon sangs rgyas bskyangs kyi bdag skye dgog pa'i

'grel ngag de'i dngos zin gyi sgrub bya bzlog tshul cig khas
blangs pa'i sgo nas/ sangs rgyas bskyangs la skyon brjod mdzad
pa ma yin par thal/ khyod kyi thal ba bzlog tshul de 'thad pa'i
phyir/ 'dod na/ sgrub par bya ba dang zhes pa'i thad kyi/ /

! spyan ras gzigs kyi brtul zhugs las/ sgrub par bya ba zhes
bya bas ni/ dngos po rnams bdag gi bdag nyid las skye ba med
de/ zhes sgrub par bya ba'o/ /de bzlog pa'i don mngon pas zhes
bya ba ni/ dngos po rnams bdag gi bdag

nyid las skye ba med de/ zhes bya ba bzlog pa'i don/ dngos po
rnams gzhan las skye ba zhes bya ba mngon pas so/ /zhes gsungs
pa mi 'thad par thal/ 'dod pa'i phyir/ gzhan yang/ de'i chos
bzlog pa'i don mngon pas zhes pa de/

thal 'gyur gyi thal chos bzlog pa la byed mi rigs par/ gtan
tshigs bzlog pa la byed rigs par thal/ de'i chos bzlog pa'i don
mngon pas zhes pa'i thad kyi/ ! /spyan ras gzigs kyi brtul
zhugs las/ de'i

@022b chos zhes bya ba ni/ bsgrub par bya ba de'i chos te/
dngos po bdag gi bdag nyid las skye ba med pa zhes bya ba
bsgrub par bya ba'i phyogs kyi chos/ de dag gi skye ba don med
pa nyid du 'gyur ba'i phyir dang/ skye ba thug pa med pa nyid
du 'gyur ba'i phyir/

zhes bya ba mngon pas/ de bzlog pa'i don mngon pas zhes bya
bas na/ skye ba don med pa nyid du 'gyur ba'i phyir/ zhes bya
ba bzlog pa'i don/ skye ba 'bras bu dang bcas pa nyid du 'gyur
ba dang/ skye ba thug pa med pa nyid du 'gyur ba'i phyir/

zhes bya ba bzlog pa'i don/ skye ba thug pa yod pa nyid du
'gyur ba dang/ zhes bya ba mngon pas so/ /zhes gsungs pa'i
phyir/ gzhan yang/ shes rab sgron me las/ dngos po rnams bdag
las skye ba med de/ de dag gi skye ba don med

pa nyid du 'gyur ba'i phyir/ shin tu thal bar 'gyur ba'i
phyir/ zhes mdor bstan tsam zhig drang nas/ dngos po bdag gi
bdag nyid du yod pa rnams la yang skye ba la dgos pa med de/
ci ste yod kyang skye na nam yang mi skye ba 'gyur ro/ /

zhes pa'i rgyas bshad ma drangs pa la rgyu mtshan med par thal/
slob dpon legs ldan 'byed kyis slob dpon sangs rgyas bskyangs
kyi 'grel ngag de'i yang sgra'i don dgongs pa'i phyir/ mkhas
pa mu sras kha cig /skabs 'dir sgrub bya bzlog tshul 'chad

mi dgos te/ tshig bsal 'gyur rnying du bsgrub bya bzlog tshul ma
bshad pa'i phyir te/ de las thal bar 'gyur pa'i tshig yin pa'i
phyir/ skabs kyi don las/ bzlog pa'i sgrub par bya ba dang/
de'i chos gsal ba yin pas

dngos po rnams gzhan las skye bar 'gyur la/ skye ba 'bras bu
dang bcas pa'i phyir dang/ skye ba la thug pa yod pa de'i
phyir grub pa'i mtha' dang 'gal bar 'gyur ro/ /zhes sun 'byin
pa mdzad do/ /zhes sgrub bya bzlog tshul ma bshad cing/ /

@023a @#/ /'gyur de legs pa yin pa'i phyir/ des na skabs kyi
don las bzlog pa'i bzlog don dang/ de'i chos gtan tshigs sam
phyogs chos gang yin gsal por yod zhes pa'i don yin/ de yang
myu gu chos can/

slar yang skye ba don med dang thug med yin par thal/ bdag las
skye ba'i phyir/ zhes pa'i thal 'gyur de sgrub byed 'phen pa'i
thal 'gyur yang dag yin par thal/ thal 'gyur de sangs rgyas
bskyangs kyi 'grel ngag de'i dngos bstan

gyi thal 'gyur yin pa gang zhig /sangs rgyas bskyangs kyi
'grel ngag des bdag skye 'gog nus kyi rang rgyud kyi gtan
tshigs yang dag cig bstan pa'i phyir/ 'dod na/ slar yang skye
ba don bcas dang thug bcas de/ myu gu bdag las

mi skye bar sgrub pa'i rtags yang dag yin par thal/ 'dod pa'i
phyir/ 'dod na/ 'phags pa yab sras slar yang skye ba don bcas
dang thug bcas mi bzhed pa'i grub mtha' dang 'gal lo/ /gzhan
skye 'phen tshul ni/ dngos po rnams

rang rgyu'i dus su yod pa skye na/ dngos po rnams rang rgyu'i
dus su rang rgyu dang ngo bo cig tu yod pa skye 'am/ de'i dus
su rang rgyu dang ngo bo tha dad du yod pa skye/ /dang po ltar
na bdag skye bkag pa dang 'gal lo/ /gnyis pa ltar na dngos

po rnams chos can/ don dam par gzhan las skye bar thal/ rang
rgyu'i dus su rang rgyu dang ngo bo tha dad du yod pa skye ba
gang zhig /tha snyad pa'i skye ba la/ de 'dra ba'i skye tshul
mi 'thad pa'i phyir/ 'dod na/ 'phags pa yab sras don dam par

gzhan skye mi bzhed pa'i grub mtha' dang 'gal lo/ /yang na
dngos po rnams chos can/ gzhan las skye bar thal/ slar yang
skye ba don bcas dang thug bcas gang zhig /bdag las mi skye
ba'i phyir/ 'dod na/ sangs rgyas bskyangs

@023b khyed rang gzhan skye mi bzhed pa'i grub mtha' dang 'gal
lo/ /zhes pa'i don yin/ des na/ slob dpon legs ldan 'byed kyi
yang sgra'i don dgongs te/ yang sgra'i don gsal por yod pa'i
phyir te/ spyan ras gzigs brtul zhugs

las/ yang sgra'i don gsal bar bshad pa'i phyir te/ de las/ de
dag gi skye ba zhes bya ba ni/ dngos po de dag gi skye ba'o/
ces dang/ de dag gi skye ba don med pa nyid du 'gyur ba'i
phyir/ zhes bya bas ni 'di skad bstan te/ gal te dngos po

rnams yod pa las skye na/ de dag gi skye ba don med pa nyid du
'gyur te/ 'di ltar skyes zin pa las khyad par sngon ma byung
ba 'ga' yang med pa'i phyir ro/ /gzhan yang/ skye ba thug pa
med par 'gyur ba'i phyir te/ gal te yod kyang skye na/

yang skye bar 'gyur bas rnam pa de ma shi'i bar du skye bar
'gyur te/ des na skye ba yongs su rdzogs pa med pa kho nar
'gyur ro/ /zhes yang sgra'i don gsal por bshad pa'i phyir/
zhes zer ba mi 'thad de/ sngar gyi skyon de rnams 'jug cing

gzhan yang/ skabs 'dir legs ldan 'byed kyis sangs rgyas
bskyangs la/ dngos po rnams bdag las mi skye bar/ sgrub pa'i
sgrub bya med dgag du/ 'phags pa yab sras kyi bshad pa'i grub
mtha' dang 'gal tshul cig bstan pa'i sgo nas

skyon brjod mdzad pa ma yin par thal/ thal ba bzlog tshul de
'thad pa'i phyir/ 'dod na/ shes rab sgron ma las/ bdag las ma
yin zhes bya'i dgag pa 'di ni/ med par dgag pa'i don du lta
bar bya ste/ dgag pa gtso che ba'i phyir/ zhes

dang/ ma yin par dgag pa yongs su bzung na ni/ de sgrub pa
gtso che ba'i phyir/ chos rnams ma skyes so/ /zhes sgrub pas
skye ba med par bstan pas/ mdzad pa'i mtha' dang bral bar
'gyur ro/ /zhes gsungs pa mi 'thad par thal/ 'dod pa'i

@024a @#/ /phyir; 'o na/ spyan ras gzigs brtul zhugs kyis lung
de'i don gang yin zhe na/ 'di la mkhas pa kha cig /spyan ras
gzigs brtul zhugs kyis yang sgra'i don dgongs na/ slob dpon
legs ldan 'byed kyis de'i

don dgongs pas ma khyab ste/ spyan ras gzigs brtul zhugs kyis
'grel pa tshigs gsal la bstan nas/ yang sgra'i don dgongs kyang
slob dpon legs ldan 'byed kyis 'grel pa tshig gsal ma gzigs
pa'i phyir/ de'i dus su 'grel pa

tshig gsal ba brtsams ma zin pa'i phyir te/ drang nges rnam
'byed las/ legs ldan 'byed kyi rjes 'brang spyan ras gzigs
brtul zhugs la 'grel pa tshig gsal gyi rgyus 'dug pas shes rab
sgrol mer sangs rgyas bskyangs bkag pa'i

'grel bshad kyi skabs su zla bas legs ldan la skyon brjod pa
rnams 'jug mi 'jug gi bshad pa 'ong rgyur snang zhing/ zhi
mtsho dpon slob la sogs pas kyang/ zla bas rang rgyud bkag pa'i
skyon spong mdzad rgyur snang yang ma mdzad do/

zhes gsungs pa'i phyir/ rang lugs ni/ spyan ras gzigs brtul
zhugs kyis kyang yang sgra'i don ma dgongs te/ spyan ras gzigs
brtul zhugs kyi 'grel tshan dang po la yang sgra med cing/
'grel tshan phyi ma la yang sgra yod pa

ni/ skye ba thug med kyi yang sgra yin cing/ de slob dpon legs
ldan 'byed kyis kyang dgongs par khas len pa'i phyir ro/ /legs
ldan gyis sangs rgyas bskyangs 'gog pa'i skabs su/ mkhas pa
rgyal tshab kha cig/ sangs rgyas bskyangs kyi 'grel

ngag des bdag skye 'gog pa mi 'thad de/ 'grel ngag des rang
ngos nas bdag skye 'gog nus kyi rang rgyud kyi gtan tshigs dang
dpe yang dag ma brjod la/ gzhan ngos nas dam bca' la btags
pa'i nyes pa ma bsal ba'i phyir/ gzhan yang/

@024b sangs rgyas bskyangs kyi 'grel ngag de mi 'thad de/ de
la rgol ba gzhan gyi klan ka'i glag yod pa'i phyir te/ dngos
zin ltar khas len pa 'brel med pas/ dngos zin las/ bzlog pa'i
don khas len dgos la de ltar na/ rgol ba

gzhan gyi klan ka'i glag yod pa'i phyir/ dngos zin las bzlog
pa'i don yang/ dngos po rnams bdag las mi skye ba'i skye ba de
sgrub bya bzlog pa'i don du byed rigs par thal/ dngos zin gyi
sgrub bya de bzlog dgos pa gang zhig /bdag las

skye ba de sgrub bya bzlog pa'i don du byed mi rigs pa'i
phyir/ 'dod na/ dngos po rnams bdag las mi skye ba'i skye ba
de chos can/ don dam pa'i gzhan skye yin par thal/ don dam
pa'i skye ba gang zhig /bdag skye ma yin pa'i phyir/ dang po
der

thal/ bden pa'i skye ba yin pa'i phyir/ der thal/ bden pa gang
zhig/ skye ba yin pa'i phyir/ dang po der thal/ dngos po rnams
don dam par bdag las mi skye bar rtogs pa'i rjes dpag gi gzhal
bya yin pa'i phyir/ khyab ste/ de 'dra'i rjes

dpag de mthar thug dpyod pa'i rigs shes rjes dpag yin pa'i
phyir/ rtsa ba'i rtags der thal/ skye ba don bcas dang thug
bcas kyi rtags kyi dngos po rnams don dam par bdag las mi skye
bar sgrub par byed pa'i bsgrub bya yin pa'i phyir/ /

rtags khas/ 'dod na/ slob dpon klu sgrub don dam par gzhan
skye mi bzhed pa'i grub mtha' dang 'gal/ zhes pa'i don yin zer
na/ dngos po rnams don dam par bdag las mi skye ba de/ don dam
bden pa yin par thal/ dngos po rnams

don dam par bdag las mi skye bar rtogs pa'i rjes dpag de mthar
thug dpyod pa'i rigs shes rjes dpag yin pa'i phyir/ rtags
khas/ 'dod na/ de chos can/ khyod don dam bden pa ma yin par
thal/ mdo sde pa de khyod tshad mas nges pa'i

@025a @#/ /gang zag yin pa'i phyir/ ma grub na/ mdo sde pa de/
de tshad mas nges pa'i gang zag yin par thal/ de dngos po rnams
bdag las mi skye bar tshad mas nges pa'i gang zag yin pa'i
phyir te/ de bdag skye med par tshad mas nges pa'i gang zag yin
pa'i

phyir te/ bdag skye med par tshad mas nges pa'i rang sde'i grub
mtha' smra ba'i dngos po smra ba cig yod pa'i phyir ro/ legs
ldan 'byed kyis sangs rgyas bskyangs 'gog tshul la/ mkhas pa
kha cig/ legs ldan 'byed kyi slar yang gi don ma dgongs pa'i
dbang du byas

nas bshad pa dang/ de'i don dgongs pa'i dbang du byas nas
bshad pa gnyis/ dang po ni/ sangs rgyas bskyangs kyi 'grel
ngag des bdag skye 'gog pa mi 'thad de/ 'grel ngag de la rgol
ba gzhan gyi glan ka'i glag yod pa'i phyir te/ dngos zin gyi
don las bzlog

pa'i don khas len dgos pas/ klan ka'i glags yod pa'i phyir te/
'grel ngag de'i skabs nas bstan pa'i skye ldan gyi dngos po
rnams chos can/ bdag las mi skye ste/ skye ba don med dang
thug med yin pa'i phyir/ zhes pa'i sbyor ngag de'i rtags kyi
bzlog don rtags su khas len dgos pas na/ rgol

ba gzhan gyi glan ka'i glag yod pa'i phyir/ sbyor ngag de'i
rtags kyi bzlog don rtags su khas len dgos te/ de khas len pa
'am/ dngos zin ltar skye ba don med dang thug med/ skye ldan
gyi dngos po rnams bdag las mi skye bar sgrub pa'i rtags su
khas len dgos pa gang rung gang

zhig/ phyi ma mi rigs pa'i phyir te/ sangs rgyas bskyangs kyis
skye ldan gyi dngos po rnams skye ba don med dang thug med
khas mi len cing/ rigs pas kyang mi 'thad pa'i phyir/ bdag las
skye na skye ba don med dang thug med yin dgos pa las/ skye ba
don bcas dang thug bcas yin pa de yang/ skye ldan

gyi dngos po rnams bdag las mi skye bar sgrub pa'i rtags su
khas len mi rigs ste/ rtags de'i phyogs chos grub na bsgrub
bya sgrub dgos pa'i phyir/ de'i sbyor ngag de'i bsgrub bya'i
chos kyi bzlog don/ bsgrub bya'i chos su khas len rigs par
thal/ sbyor ngag de'i rtags

@025b kyi bzlog don rtags su khas len rigs pa gang zhig /sbyor
ba skor cig gi rtags kyi bzlog don rtags su khas len pa dang/
sgrub bya'i chos su khas len pa gnyis mtshungs pa'i phyir/ 'dod
na/ bdag las mi skye

ba'i skye ba de/ skye ba don bcas dang thug bcas kyi rtags kyi
skye ldan gyi dngos po rnams bdag las mi skye bar sgrub pa'i
sgrub bya'i chos yin pa de/ sbyor ngag de'i sgrub bya'i chos
kyi bzlog don du khas len rigs par thal/ 'dod pa'i phyir/

'dod na/ bdag skye 'gog pa'i skabs 'dir/ sangs rgyas bskyangs
khyed la/ slob dpon klu sgrub kyi grub mtha' dang 'gal ba'i
nyes pa cig 'byung par thal/ slob dpon klu sgrub kyi skye ldan
gyi dngos po rnams bdag las mi skye bar sgrub pa'i sgrub

bya'i chos yin na/ med dgag yin pas khyab par bzhed cing/
sangs rgyas bskyangs khyed kyi/ de dang ma yin dgag gi gzhi
mthun khas len pa'i phyir/ 'o na/ gzhan skye 'phen tshul gang/
de 'phangs pas slob dpon klu sgrub kyi grub mtha' dang 'gal

tshul de ji lta bu zhe na/ skye ldan gyi dngos po rnams bdag
las mi skye ba'i skye ba yin pa de/ de sgrub kyi sgrub bya yin
par thal/ bdag las mi skye ba'i skye ba de/ de'i rtags kyi de
sgrub kyi sgrub bya'i chos yin pa'i phyir/ 'dod na/ de chos
can/

don dam par grub pa'i skye ba yin par thal/ skye ba don bcas
dang thug bcas kyi rtags kyi skye ldan gyi dngos po rnams bdag
las mi skye bar rtogs pa'i rjes dpag gi gzhal byar gyur pa'i
skye ba yin pa'i phyir te/ de 'dra'i rjes dpag gi gzhal bya

gang zhig /skye ba yin pa'i phyir/ dang po der thal/ skye ba
don bcas dang thug bcas kyi rtags kyi de sgrub kyi sgrub bya
yin pa'i phyir/ 'dod na/ de chos can/ don dam par grub pa'i
gzhan skye yin par thal/ 'dod pa gang zhig /bdag skye sog 

@026a @#/ /ma yin pa'i phyir/ 'dod na/ skabs 'dir sangs rgyas
bskyangs khyod la slob dpon klu sgrub kyi grub mtha' dang 'gal
ba'i nyes pa 'byung bar thal/ slob dpon klu sgrub kyi don dam
par grub pa'i gzhan skye mi bzhed

cing/ sangs rgyas bskyangs khyed kyis de khas blangs pa'i phyir/
zhes pa'i don yin/ slar yang gi don dgongs pa'i dbang du byas
nas bshad pa la skye ldan gyi dngos po rnams chos can/ slar yang
skye ba don med par thal/ bdag las

skye pa'i phyir/ ma khyab na/ thug med du skye bar thal/ bdag
las skye yang slar yang skye dgos pa'i phyir/ zhes ba'i thal
'gyur gnyis po de/ sangs rgyas bskyangs kyi 'grel ngag de'i
skabs nas dngos su bstan pa'i thal 'gyur yin cing

de ltar du slob dpon legs ldan 'byed kyis kyang bzhed la/ thal
'gyur de gnyis kyi rang gang la 'phang yul du gyur pa'i gang zag
gi rgyud la bdag skye med par rtogs pa'i rjes dpag skye nus yin
no/ /des na/ skye ldan gyi dngos

po rnams chos can/ slar yang skye ba don me dang thug med yin
par thal/ bdag las skye ba'i phyir/ zhes pa'i thal 'gyur de chos
can/ khyod sgrub byed 'phen pa'i thal 'gyur yang dag yin par
thal/ khyod rang gi 'phang yul du

gyur pa'i gang zag gi rgyud la bdag skye med par rtogs pa'i rjes
dpag skyes nus kyi thal 'gyur yin pa'i phyir/ 'dod na/ de chos
can/ thal 'gyur khyod kyi chos logs/ thal 'gyur khyod kyi rtsod
gzhi chos can gyi steng du thal 'gyur

khyod kyi rtags log su sgrub pa la rtags yang dag yin par thal/
khyod skabs kyi don las bzlog pa de/ sgrub byed 'phen pa'i thal
'gyur yang dag yin pa'i phyir/ 'dod na/ bdag skye 'gog pa'i
skabs 'dir/ sangs rgyas

@026b bskyangs khyed la/ slob dpon klu sgrub dang 'gal ba'i nyes
pa 'byung bar thal/ slob dpon klu sgrub kyi skye ba don bcas
dang thug bcas mi bzhed cing/ sangs rgyas bskyangs khyed kyis de
khas blangs pa'i phyir/ zhes pa'i don yin/ 'o na/

gzhan skye 'phen tshul de gang/ de 'phang pas slob dpon klu sgrub
kyi grub mtha' dang 'gal tshul de ji ltar bu yin zhe na/ skabs
'dir bdag skye rnam par bcad tsam gyi med dgag sgrub bya'i chos
su byed mi rigs par/ bdag las mi skye ba'i

skye ba de/ bsgrub bya'i chos su byed rigs par thal/ bdag skye
rnam par bcad tsam gyi med dgag sgrub bya'i chos su byed na/
slar yang skye ba don bcas dang thug bcas rtags su 'god mi rig
pa la/ de skye ldan gyi dngos po rnams bdag

las mi skye par sgrub pa'i rt/ags su bkod pa'i phyir/ 'dod na/
skye ldan gyi dngos po rnams bdag las mi skye ba'i skye ba yin
pa de/ slar yang skye ba don bcas dang thug bcas kyi rtags kyis
skye ldan gyi dngos po rnams bdag las mi

skye bar sgrub pa'i sgrub bya yin par thal/ bdag las mi skye
ba'i skye ba de/ de sgrub kyi sgrub bya'i chos yin pa'i phyir/
rtags khas/ 'dod na/ de chos can/ don dam par grub pa'i skye ba
yin par thal/ slar yang skye ba don bcas

dang thug bcas kyi rtags kyis skye ldan gyi dngos po rnams/ bdag
las mi skye par rtogs pa'i rjes dpag gi gzhal byar gyur pa'i
skye ba yin pa'i phyir te/ de'i gzhal bya gang zhig /skye ba yin
pa'i phyir/ dang po der thal/ slar yang

skye ba don bcas dang thug bcas kyi rtags kyis skye ldan gyi
dngos po rnams bdag las mi skye bar sgrub pa'i bsgrub bya yin
pa'i phyir/ rtags khas/ 'dod na/ don dam par grub pa'i gzhan
skye yin par thal/ 'dod pa gang zhig bdag skye

@027a @#/ /sogs ma yin pa'i phyir/ 'dod na/ skabs 'dir sangs
rgyas bskyangs khyed la slob dpon klu sgrub kyi grub mtha' dang
'gal ba'i nyes pa gcig 'byung bar thal/ slob dpon klu sgrub kyi
don dam par

grub pa'i gzhan skye mi bzhed cing/ sangs rgyas bskyangs khyed
rang gis de ltar khas blangs pa'i phyir/ zhes pa'i don yin/ zhes
zer/ lugs de gnyis kyi gzhan skye 'phen tshul mi 'thad de/ slob
dpon legs ldan

'byed kyi/ gal te slob dpon sangs rgyas bskyangs kyis skye ldan
gyi dngos po rnams don dam par grub pa'i skye bar khas blangs
na/ don dam par grub pa'i gzhan skye khas len dgos par phul ba'i
sgo nas/ slob dpon

klu sgrub kyi grub mtha' dang 'gal ba'i skyon brjod mi rigs par
thal/ de 'dra ba'i skyon brjod ma dgos pa'i phyir te/ slob dpon
sangs rgyas bskyangs kyis skye ldan gyi dngos po rnams don dam
par grub pa'i skye bar khas

blangs pa la/ slob dpon klu sgrub kyi grub mtha' dang 'gal ba'i
skyon brjod pas chog pa'i phyir/ de rnams la sngar gyi skyon
rnams 'jug cing/ gzhan yang/ thal ba bzlog tshul de mi 'thad par
thal/ legs ldan

'byed kyis gal te sangs rgyas bskyangs kyi/ slar yang skye ba
don bcas dang thug bcas dngos po rnams bdag las mi skye par
sgrub pa'i rtags yang dag tu khas blangs na/ dngos po rnams kyi
steng du bdag skye'i don du slar

yang skye ba don bcas dang thug bcas khas len na/ dngos po rnams
kyi steng du/ bdag skye 'gog pa mi 'thad de/ zhes gnod byed
bstan pas chog pa'i phyir/ gzhan yang/ dngos po rnams bdag las
mi skye bar rtogs

@027b pa'i rjes dpag gi gzhal bya yin na/ don dam bden pa yin
dgos par thal/ dngos po rnams bdag las mi skye ba'i skye ba chos
can/ don dam par grub pa'i skye ba yin par thal/ skye ba don
bcas dang thug bcas kyi rtags kyi

dngos po rnams bdag las mi skye bar rtogs pa'i rjes dpag gi
gzhal byar gyur pa'i skye ba yin pa'i phyir/ zhes pa'i thal
'gyur de la khyab 'brel gcig 'dug pa'i phyir/ 'dod na/ dngos po
rnams bdag las mi skye ba chos

can/ der thal/ de'i phyir/ 'dod na/ don dam pa yin par thal/
'dod pa'i phyir/ 'dod mi nus te/ kun rdzob bden pa yin pa'i
phyir/ yang mkhas pa kha cig /sangs rgyas bskyangs kyi 'grel
ngag de mi 'thad de/ de la rgol

ba gzhan gyi glan ka'i glags yod pa'i phyir te/ dngos zin gyi
don las bzlog pa'i don khas len dgos pas na/ klan ka'i glags yod
pa'i phyir/ de yang yin te/ dngos zin ltar skye ba don med dang
thug med de/ rtags su

khas len mi rigs pas/ dngos zin las bzlog pa'i don skye ba don
bcas dang thug bcas su rtags su khas len dgos la/ de ltar na/
dngos po rnams bdag las skye ba med de/ zhes pa'i bsgrub bya
yang bzlog dgos par thal/

de'i rtags bzlog dgos pa gang zhig /rgyu mtshan mtshungs pa'i
phyir/ 'dod na/ dngos po rnams bdag skye rnam par bcad tsam ma
yin pa de/ bsgrub bya bzlog pa'i don du byed rigs par thal/ de'i
bsgrub bya bzlog dgos pa

gang zhig /dngos po rnams bdag las mi skye ba logs nas/ bdag las
skye ba de bsgrub byar byed mi rigs pa'i phyir/ 'dod na/ dngos
po rnams bdag las mi skye bar sgrub pa'i bsgrub bya med dgag ma
yin par thal/ dngos po

@028a @#/ /rnams bdag skye rnam par bcad tsam ma yin pa de/ de'i
sgrub bya yin pa'i phyir/ rtags khas/ 'dod na/ slob dpon klu
sgrub dngos po rnams bdag las mi skye bar sgrub pa'i bsgrub bya
med dgag tu bzhed pa'i grub

mtha' dang 'gal/ gzhan skye 'phen tshul ni/ dngos po rnams chos
can/ gzhan las skye bar thal/ bdag las mi skye ba'i skye ba don
bcas dang thug bcas yin pa'i phyir/ 'dod na/ sangs rgyas
bskyangs khyed rang gzhan

skye mi 'dod pa'i grub mtha' dang 'gal/ zhes pa'i don yin zhes
gsungs/ 'o na/ slob dpon legs ldan 'byed kyis/ slob dpon sangs
rgyas bskyangs rang rgyud kyi rtags yang dag mi 'dod par khas
len par thal/ des de gzhan

skye mi 'dod par khas len pa'i phyir/ 'dod mi nus te/ drang nges
rnam 'byed las/ legs ldan 'byed la yang sangs rgyas bskyangs
dang rang nyid rang rgyud khas len mi len mi thun snyam pa mi
'dug gi rang rgyud khas len pa

'os med du byas pa'i lugs su snang ngo/ /zhes gsungs pa'i phyir/
gzhan yang/ slob dpon legs ldan 'byed kyis/ sangs rgyas bskyangs
rang gi mtshan nyid kyis grub pa'i skye ba mi 'dod par khas len
par thal/ des de gzhan skye

mi 'dod par khas len pa'i phyir/ 'dod mi nus te/ des de gang zag
dang chos rang gi mtshan nyid kyis grub par 'dod pa khas len pa'i
phyir te/ legs ldan 'byed rang nyid kyi gang zag dang chos rang
gi mtshan nyid kyis grub par

khas len pa gang zhig /drang nges rnam 'byed las/ de'i gnad kyi
kyang rang nyid dang sangs rgyas bskyangs gnyis la chos dang
gang zag la rang bzhin 'gog pa'i dgag bya la yang khyad par yod
par mi bzhed do/ /zhes gsungs pa'i phyir/

@028b gong gi thal ba bzlog tshul de rnams la/ slob dpon legs
ldan 'byed kyi/ gal te slob dpon sangs rgyas bskyangs kyi slar
yang skye ba don bcas dang thug bcas dngos po rnams bdag las mi
skye bar sgrub pa'i rtags yang dag du khas len

skye ldan gyi dngos po rnams bdag las mi skye ba'i skye ba
bsgrub byar thal ba dang/ don dam par gzhan skye yod par thal ba
phul ba'i sgo nas slob dpon klu sgrub kyi grub mtha' dang 'gal
tshul bstan pa de mi 'thad par thal/ slob dpon sangs rgyas

bskyangs kyi slar yang skye ba don bcas dang thug bcas dngos po
rnams bdag las mi skye bar sgrub pa'i rtags yang dag tu khas
blangs pa la/ sangs rgyas bskyangs khyed rang slar yang skye ba
don bcas dang thug bcas mi 'dod pa'i grub mtha' dang

'gal lo zhes/ dngos 'gal 'phul bas chog pa'i phyir/ gzhan du na/
de lta bu'i thal ba bzlog tshul ni/ legs ldan 'byed kyi sangs
rgyas bskyangs la dngos 'gal 'phul ma shes pa'i thal ba bzlog
tshul yin no/ gzhan yang

slob dpon legs ldan 'byed kyi slob dpon sangs rgyas bskyangs la
grub mtha' dang 'gal tshul bstan pa de/ rtsa shes mdzad pa'i grub
mtha' dang 'gal tshul bstan pa ma yin par thal/ thal ba bzlog
tshul de rnams 'thad pa'i phyir/

'dod na/ shes rab sgron ma las/ mdzad pa'i mtha' dang bral bar
'gyur ro/ /zhes dang/ gzhan skye'i thal ba bzlog tshul gyi skabs
su/ phyogs gong ma dang 'gal bar 'gyur ro/ /zhes gsungs pa mi
'thad par thal/ 'dod pa'i

phyir/ gzhan yang/ rtsa she'i Tika chen las/ de'i tshe skye ba
don bcas dang thug bcas yin pa'i phyir/ dngos po rnams bdag skye
rnam par bcad tsam ma yin no/ /zhes pas gzhan las skye bar 'gyur
ro/ /de lta na bdag las ma yin zhes

@029a @#/ /pa'i don bdag skye rnam par bcad tsam yin pa'i grub
mtha' dang 'gal lo/ /zhes gsungs pa mi 'thad par thal/ slob dpon
sangs rgyas bskyangs kyis slar yang skye ba don bcad dang thug
bcas dngos po rnams

bdag las mi skye bar sgrub pa'i rtags yang dag tu khas blangs pa
la/ dngos po rnams bdag las mi skye bar sgrub pa'i bsgrub bya
med dgag tu thal ba dang/ sangs rgyas bskyangs khyed rang gzhan
skye mi 'dod pa'i grub mtha' dang

'gal lo/ /zhes grub mtha' dang 'gal tshul gnyis ston rigs pa'i
phyir/ rang lugs ni/ de la legs ldan 'byed kyi skyon brjod tshul
ni/ tshig gsal las/ de ni rigs pa ma yin te/ zhes pa nas/ grub
pa'i mtha' dang 'gal

bar 'gyur ro/ /zhes pa'i bar byung/ shes rab sgron me las/ gzhan
rnams 'dra ba la/ glags yod pa'i tshig yin pa'i phyir te/ zhes
pa'i bar byung/ de rnams kyi don ni/ sangs rgyas bskyangs kyi
'grel ngag des bdag skye

'gog pa mi 'thad de/ 'grel ngag des bdag skye 'gog nus kyi gtan
tshigs dang dpe yang dag ma brjod pas/ dam bca' byas pa tsam du
zad pa'i phyir/ gzhan yang/ sangs rgyas bskyangs kyi 'grel ngag
de mi 'thad de/ de las

bdag las zhes pa'i don gang yin/ 'bras bu mngon par gsal ba'i
bdag nyid las mi skye zhes pa'i don yin nam/ rgyu mngon par mi
gsal ba'i nus pa'i bdag nyid las mi skye zhes pa'i don gang yin/
dang po ltar na/ grub

zin grub par 'gyur la/ gnyis pa ltar na/ khyab pa 'gal te/ skye
ldan gyis dngos po thams cad rgyu mngon par mi gsal ba'i nus
pa'i bdag nyid las skye ba kho na yin pa'i phyir/ zhes gzhan
grangs can gyi dam bca' la btags

@029b pa'i nyes pa ma bsal ba'i phyir/ gzhan yang/ sangs rgyas
bskyangs kyi 'grel ngag de mi 'thad de/ de la rgol ba gzhan gyi
klan ka'i glag yod pa'i phyir te/ skabs kyi don dngos zin gyi
don las bzlog pa'i don khas len dgos

pas na rgol ba gzhan gyi klan ka'i glags yod pa'i phyir/ dngos
zin gyi don las bzlog pa'i don khas len tshul/ 'grel pa 'og ma
rnams kyi 'chad cing/ de yang skabs kyi don las bzlog pas sgrub
par bya ba dang/ zhes pa dang/

dngos po rnams gzhan las skye bar 'gyur ba dang/ zhes pa sgrig
rgyu yin cing/ de'i tshes bzlog pa'i don mngon pas skye ba 'bras
bu dang bcas pa nyid du 'gyur ba dang/ skye ba thug pa yod par
'gyur pa'i phyir/ zhes sbrel rgyu yin/

te/ spyan ras gzigs brtul zhugs las/ sgrub par bya ba zhes bya
ba ni/ dngos po rnams bdag gi bdag nyid las skye ba med de zhes
pa nas/ skye ba thug pa yod pa nyid du 'gyur ba dang/ zhes bya
ba mngon pas so/ /zhes

pa'i bar gsungs/ des na/ dngos zin gyi don las bzlog pa'i don
khas len dgos te/ dngos zin ltar/ skye ba don med dang thug med
de dngos po rnams bdag las mi skye bar sgrub par byed pa'i rtags
yang dag ma yin pa'i phyir te/ dngos po

rnams skye ba don bcas dang thug bcas yin pa'i phyir/ bdag las
skye na skye ba don med dang thug med yin dgos pa las skye ba
don bcas dang thug bcas de yang dngos po rnams bdag las mi skye
bar sgrub par byed pa'i rtags

yang dag ma yin te/ rtags de'i rtsod gzhi'i steng du grub na/
sgrub bya grub dgos pa'i phyir/ des na dngos zin gyi rtags skye
ba don med dang thug med las bzlog pa'i skye ba don bcas dang
thug bcas dngos po

@030a @#/ /rnams bdag las mi skye par sgrub par byed pa'i rtags
yang dag tu slob dpon sangs rgyas bskyangs kyi khas len par
mngon te/ de dag gi skye ba don med pa nyid du 'gyur pa'i phyir/
zhes sogs kyi/ dngos po

rnams bdag las mi skye bar sgrub pa'i rtags yang dag cig bstan/
dngos zin ltar skye ba don med dang thug med de dngos po rnams
bdag las mi skye bar sgrub pa'i rtags yang dag ma yin/ bdag las
skye na/ skye ba don med

dang thug med yin dgos pa las/ skye ba don bcas dang thug bcas
de yang dngos po rnams bdag las mi skye par sgrub pa'i rtags
yang dag ma yin pa ni gang zhig /'gyur ba'i phyir/ zhes pa'i
tshig snga phyi gnyis po de

bzlog pa 'phen pa'i tshig yin pa'i phyir/ des na/ de dag gi skye
ba don med pa nyid du 'gyur pa'i phyir/ zhes ba'i dngos zin gyi
rtags bzlog dgos na/ dngos po rnams bdag las skye ba med de zhes
pa'i dngos zin gyi sgrub bya

yang bzlog dgos te/ mtshungs pa'i phyir/ de skad du yang/ rtsa
she'i Tika chen las/ dngos zin gyi rtags bzlog dgos na/ dngos
zin gyi dam bca' yang bzlog dgos te mtshungs pa'i phyir/ zhes
gsungs/ 'o na

dngos zin gyi sgrub bya bzlog tshul de gang yin/ zhe na/ rtsa
shes Tika chen las/ de la rtags bzlog pa ltar byar med pas/ bdag
skye rnam par bcad tsam ma yin pa bzlog pa'i don no/ zhes
gsungs/ 'di'i don ni/ dngos po rnams

bdag skye rnam par bcad tsam ma yin pa'i skye ba yin pa de/
sgrub bya bzlog pa'i don du byed rigs par thal/ dngos po rnams
bdag las skye ba med de/ zhes pa'i dngos zin gyi sgrub bya de
bzlog dgos pa gang zhig /dngos po rnams bdag

@030b las mi skye ba de bzlog nas bdag las skye ba de sgrub byar
byed mi rigs pa'i phyir/ skabs 'dir bdag skye 'gog pa'i skabs
yin pa'i phyir/ 'dod na/ dngos po rnams bdag las skye ba med de/
zhes pa 'dis dngos po rnams bdag

skye rnam par bcad tsam ma yin pa'i skye ba yin pa de/ dngos po
rnams bdag las mi skye bar sgrub pa'i sgrub byar bstan pa'i sgo
nas/ dngos po rnams gzhan las skye ba cig 'phangs par thal/
dngos po rnams bdag skye rnam par bcad

tsam ma yin pa'i skye ba yin pa de/ dngos po rnams bdag las mi
skye bar sgrub pa'i sgrub bya yin pa'i phyir/ 'dod na/ skabs
'dir 'phags pa yab sras dngos po rnams bdag las mi skye bar
sgrub pa'i sgrub bya med dgag tu bzhed

pa'i grub mtha' dang 'gal zhes pa'i don yin te/ shes rab sgron
ma las/ bdag las ma yin zhes bya'i dgag pa 'di ni/ zhes sogs
dang/ rtsa she'i Tika chen las/ de'i tshe skye ba don bcas dang
thug bcas yin pa'i phyir/

zhes sogs gsungs pa'i phyir/ rtsa she'i Tika chen las/ 'di thal
chos kyi rtags bzlog pa'i don ma yin te/ sgrub par bya ba bzlog
pa'i phyir/ zhes dang/ bdag skye med pa rtags su mi smras pa'i
phyir/ zhes gsungs pa rnams kyi don

gang zhe na/ de'i don ni/ sgrub bya bzlog pa de sangs rgyas
bskyangs kyi 'grel ngag de'i skabs nas dngos su bstan pa'i rtags
bzlog pa'i don ma yin te/ shes rab sgron ma las/ sgrub par bya
ba bzlog pa'i phyir/ zhes dang/

bdag skye med pa sangs rgyas bskyangs kyi 'grel ngag de'i skabs
nas dngos su bstan pa'i thal 'gyur gyi rtags su ma bkod pa'i
phyir te/ bdag las skye ba de sangs rgyas bskyangs kyi 'grel
ngag de'i skabs nas dngos su bstan pa'i thal

@031a @#/ /'gyur gyi rtags su bkod pa'i phyir te/ dngos po rnams
chos can/ skye ba don med dang thug med yin par thal/ bdag las
skye ba'i phyir/ zhes pa'i thal 'gyur de sangs rgyas bskyangs
kyi 'grel ngag de'i

skabs nas dngos su bstan pa'i thal 'gyur yin pa'i phyir/ des na/
'di thal chos kyi rtags bzlog pa'i don ma yin te/ zhes sogs smos
pa la dgos pa yod de/ skabs 'di'i rtags bzlog pa de/ sangs rgyas
bskyangs

kyi 'grel ngag de'i skabs nas dngos su bstan pa'i thal 'gyur gyi
thal chos bzlog pa yin pas na/ de yin na/ sgrub bya bzlog pa de
sangs rgyas bskyangs kyi 'grel ngag de'i skabs nas dngos su
bstan pa'i rtags bzlog pa

yin nam/ snyam pa'i dogs pa skye bas de bcad par bya ba'i ched
yin pa'i phyir/ skabs 'di'i rtags bzlog pa de sangs rgyas
bskyangs kyi 'grel ngag de'i skabs nas dngos su bstan pa'i thal
'gyur gyi thal chos bzlog

pa'i don yin te/ skabs 'di'i rtags bzlog pa de/ sangs rgyas
bskyangs kyi 'grel ngag de'i skabs nas dngos su bstan pa'i sbyor
ngag gi dngos zin gyi rtags bzlog pa'i don yin pa gang zhig
/sangs rgyas

bskyangs kyi 'grel ngag de'i skabs nas dngos su bstan pa'i sbyor
ngag gi dngos zin gyi rtags dang/ de'i skabs nas dngos su bstan
pa'i thal 'gyur gyi thal chos gnyis yin khyab mnyam yin pa'i
phyir/ der thal/ dngos po 

rnams chos can/ bdag las mi skye de skye ba don med dang thug
med yin pa'i phyir/ zhes pa'i sbyor ngag de/ de'i skabs nas
dngos su bstan pa'i sbyor ngag dang/ dngos po rnams chos can/
skye ba don med dang thug med yin par

@031b thal; bdag las skye ba'i phyir/ zhes pa'i thal 'gyur de/
de'i skabs nas dngos su bstan pa'i thal 'gyur yin pa gang zhig
thal 'gyur de'i thal chos dang/ sbyor ngag de'i rtags gnyis yin
khyab mnyam yin pa'i phyir/

mkhas pa skal bzang kha cig dngos zin gyi rtags bzlog tshul gong
dang 'dra zhing/ sbyor ngag ni/ dngos po rnams chos can/ bdag
las skye ba med de/ skye ba don bcas dang thug bcas yin pa'i
phyir/ zhes pa'i sbyor ngag 'dis dngos po

rnams gzhan las skye ba gcig dngos su 'phangs par thal/ sbyor
ngag 'dis dngos po rnams skye bar ni dngos su bstan/ bdag las
skye ba dngos su bkag pa gang zhig skye ba la bdag skye dang
gzhan skye gnyis su kha tshon chod

pa'i phyir/ dper na/ lha sbyin tshon po nyin par zas mi za ba rid
pa min pa zhes pas mtshan mo za ba shugs la 'phen pa bzhin no/
'dod na/ 'phags pa yab sras dngos po rnams bdag las mi skye bar
sgrub pa'i sgrub bya med

dgag du bzhed pa'i grub mtha' dang 'gal zhes pa'i don yin zhes
gsungs/ gsum pa skyon de sangs rgyas bskyangs la mi 'jug par
bstan pa la/ bshad bya'i lung 'god pa dang/ lung gi don bshad pa
gnyis/ dang po

ni; tshig gsal las/ skyon 'di dag thams cad ni rigs pa ma yin
par/ kho bo cag gi mthong ngo/ /ji ltar zhe na/ de la re zhig
gtan tshigs dang dpe ma brjod pa'i phyir dang/ zhes gang smras pa
de ni mi rigs so/ ci'i

phyir zhe na/ gang gis phyir bdag las zhes bya ba ni yod pa rgyu
nyid dang/ de nyid skye bo zhes smras pa yin la/ yod pa ni yang
skye ba la dgos pa ma mthong zhing/ thug pa med par yang ma
mthong la/ khyod kyi skyes pa slar yang skye bar yang

@032a @#/ /mi 'dod cing/ thug pa med par yang mi 'dod do/ /de'i
phyir khyed cag gi rtsod pa ni 'thad pa dang bral ba dang/ rang
gi khas blangs pa dang 'gal ba yin no/ /zhes pha rol po bdag las
skye ba 'dod pa la 'dri

bar byed pa yin te/ gang las gtan tshigs dang dpe bkod pa 'bras
bu dang bcas par 'gyur pa 'di tsam zhig gi brtsod pa ni ci pha
rol pos khas len par mi byed dam/ 'on te pha rol po rang gis
khas blangs pa dang 'gal

pas brtsod pas kyang mi bzlog na ni/ de'i tshe ngo tsha med pa
nyid kyi gtan tshigs dang/ dpe gnyis kyis kyang bzlog par mi
'gyur ba nyid do/ kho bo cag ni bsnyon pa dang lhan cig brtsod
pa yang ma yin no/ /de'i phyir

slob dpon ni gnas ma yin par yang rjes su dpag pa 'tshong bar
byed pa na/ bdag gi rjes su dpag pa la dga' ba nyid mngon par
byed pa yin no/ /dbu ma pa yin na ni rang rgyud kyi rjes su dpag
pa bya bar rigs pa yang ma

yin te/ phyogs gzhan khas blangs pa med pa'i phyir ro/ /de skad
du yang/ 'phags pa lhas yod dang med dang yod med zhes/ /phyogs
ni gang la yod min pa/ de la yun ni ring po na'ang/ /klan ka
brjod par nus ma yin/ /

zhes sogs/ rtsod bzlog pa las kyang/ /gal te ngas dam bca' 'ga'
yod/ /des na nga la skyon de yod/ /nga la dam bca' med pas na/
/nga ni skyon med kho na yin/ /gal te mngon sum la sogs pa'i/
/don gyi 'ga'

zhig dmigs na ni/ sgrub pa'am bzlog par bya na/ de med phyir nga
la klan ka med/ zhes gsungs so/ /'di'i don la kha cig /grangs
can gyi myu gu slar yang skye bar khas mi len zhes zer na/ mi
'thad de/ grangs can gyi

@032b myu gu slar yang skye bar khas len par thal/ grangs can
gyis myu gu chos can/ slar yang skye ba don med par thal/ rang
gi bdag nyid du grub zin pa'i phyir/ zhes pa'i thal 'gyur la
'dod lan mi thebs pa'i phyir/ tshig gsal

las/ thal ba 'gyur ba bzlog pa'i don yang zhes sogs gsungs pa'i
phyir/ kho na re/ grangs can gyi myu gu skyes zin slar yang skye
bar khas len par thal/ grangs can gyi myu gu slar yang skye bar
khas len pa'i phyir/ zer na/

ma khyab/ 'dod na/ tshig gsal las/ khyod kyi skyes pa slar yang
skye bar yang mi 'dod cing/ thug pa med par yang mi 'dod do/
/zhes gsungs pa mi 'thad par thal/ 'dod pa'i phyir/ yang kho na
re/ grangs can gyi myu gu skyes zin

slar yang skye bar khas len par thal/ des myu gu sa bon gyi dus
su skyes par khas len pa gang zhig /des myu gu sa bon las slar
yang skye bar khas len pa'i phyir/ dang po der thal/ des myu gu
sa bon gyi dus su yod par khas

len pa'i phyir/ zer na ma khyab/ 'o na/ grangs can gyi myu gu sa
bon gyi dus su mngon par gsal zin pa'i tshul gyi grub par khas
len par thal/ des myu gu sa bon gyi dus su skyes par khas len pa
gang zhig /des skyes pa'i don

mngon par gsal zin pa'i tshul gyi grub pa la 'dod pa'i phyir/
'dod mi nus te/ des myu gu sa bon gyi dus mngon par mi gsal ba'i
tshul gyi grub par khas len pa'i phyir/ gzhan yang/ grangs can
gyi myu gu sa bon gyi dus su sa

bon las skyes par khas len par thal/ des myu gu sa bon gyi dus
su skyes par khas len pa'i phyir/ rtags khas/ 'dod na/ des de sa
bon gyi dus su sa bon las mngon par gsal zin pa'i tshul gyi grub
par khas len

@033a @#/ /par thal/ 'dod pa'i phyir/ 'dod mi nus te/ des de sa
bon gyi dus su sa bon las mngon par mi gsal ba'i tshul gyi grub
par khas len pa'i phyir/ kha cig /myu gu chos can/ slar yang

skye ba don med par thal/ rang gi bdag nyid du grub zin pa'i
phyir/ zhes pa'i thal 'gyur 'phangs pa la brten nas/ myu gu slar
yang mi skye par rtogs pa'i rjes dpag skye ba med do/ /zhe na/
de yod par thal/ myu gu chos

can/ rten 'brel ma yin par thal/ bden par grub pa'i phyir/ zhes
pa'i thal 'gyur 'phangs pa la brten nas myu gu bden med du rtogs
pa'i rjes dpag skye ba yod pa'i phyir/ lam rim chen mo las/ 'di
thal 'gyur du byed pa de'i

tshe; de'i byed pa la brten nas rjes dpag skye ba yin gyis/ dngos
su sgrub bya sgrub pa'i sbyor ngag ni med do/ /zhes gsungs pa'i
phyir/ kho na re/ myu gu chos can/ rten 'brel ma yin par thal/
bden par grub pa'i phyir/ zhes

pa'i thal 'gyur 'phangs pa la brten nas/ skye ba'i rjes dpag
chos can/ khyod rang gi brten du gyur pa'i rtags yang dag la
brten nas skyes par thal/ khyod rjes dpag yin pa'i phyir/ zer
na/ ma khyab/ khyab pa yod par

thal/ tshig gsal las/ lkog tu gyur pa'i yul can rtags sgrub par
bya ba mi 'khrul pa las skyes pa ni rjes su dpag pa'o/ /zhes
gsungs pa'i phyir/ zer na ma khyab/ 'dod na/ de rten 'brel gyi
rtags kyi myu gu bden med

du sgrub par byed pa'i rtags yang dag la brten nas skyes par
thal/ 'dod pa'i phyir/ 'dod na/ myu gu chos can/ rten 'brel ma
yin par thal/ bden par grub pa'i phyir/ zhes pa'i thal 'gyur
sgrub byed 'phen pa'i thal

@033b 'gyur yang dag tu song ba'i gang zag kyang yin/ rten 'brel
gyi rtags kyi myu gu bden med du sgrub pa'i skabs su babs pa'i
phyi rgol yang dag yin pa'i gzhi mthun pa gcig yod par thal/
'dod pa'i phyir/ 'dod na/ de chos can

khyod rten 'brel gyi rtags kyi tshul gsum tshad mas nges pa'i gang
zag yin par thal/ khyod rten 'brel gyi rtags kyi myu gu bden med
du sgrubs pa'i skabs su babs pa'i phyi rgol yang dag yin pa'i
phyir te/ chos can de'i phyir/ 'o na/

khyod de 'dra'i rjes khyab tshad mas nges pa'i gang zag yin par
thal/ 'dod pa'i phyir/ 'dod na/ khyod rten 'brel la bden med kyi
khyab pa tshad mas nges pa'i gang zag yin par thal/ 'dod pa'i
phyir/ 'dod mi nus te/ khyod myu gu

bden grub tu bden zhen gyis 'dod pa'i gang zag yin pa'i phyir
khyab ste/ chos gcig bden grub tu bden zhen gyi 'dod pa'i gang
zag yin na/ chos gzhan gang yang bden med du ma rtogs pa'i gang
zag yin dgos pa'i phyir te/ drang nges rnam

'byed las/ chos bdag grub mthas yod par khas len na gang zag gi
bdag med rtogs pa 'ong sa med pas/ de'i phyir 'jug 'grel las
chos la bdag tu 'dzin pa mi 'dor na gang zag gi bdag med mi
rtogs par gsungs te/ zhes

gsungs pa'i phyir/ rtsa ba'i rtags der thal/ myu gu chos can/
rten 'brel ma yin par thal/ bden par sgrub pa'i phyir/ zhes pa'i
thal 'gyur gyi rtags dngos 'gal du song ba'i gang zag yin pa'i
phyir te/ khyod de 'dra'i thal 'gyur sgrub

byed 'phen pa'i thal 'gyur yang dag du song ba'i gang zag yin
pa'i phyir/ de'i lan la kha cig myu gu chos can/ rten 'brel ma
yin par thal/ bden par grub pa'i phyir/ zhes pa'i thal 'gyur
sgrub byed 'phen pa'i thal 'gyur

@034a @#/ /yang dag tu song ba'i gang zag de rten 'brel gyi rtags
kyi myu gu bden med du sgrubs pa'i skabs su babs pa'i phyi rgol
yang dag yin pas na/ rten 'brel gyi rtags kyi myu gu bden med du
sgrubs pa skabs su

babs pa'i phyi rgol yang dag yin na/ rten 'brel gyi rtags kyi
myu gu bden med du sgrub pa'i tshul gsum tshad mas nges pa'i gang
zag yin pas ma khyab bo/ /zer na/ myu gu chos can/ rten 'brel ma
yin par thal/ bden

par grub pa'i phyir/ zhes pa'i thal 'gyur sgrub byed 'phen pa'i
thal 'gyur yang dag tu song ba'i gang zag chos can/ khyod la
rten 'brel myu gu bden med du sgrub pa'i rtags yang dag tu 'god
pa po'i snga rgol yang dag cig yod par

thal/ khyod de'i rtags kyi myu gu bden med du sgrubs pa skabs su
babs pa'i phyi rgol yang dag yin pa'i phyir/ 'dod na de chos
can/ khyod la rten 'brel myu gu bden med du sgrub pa'i rtags
yang dag tu bkod pa'i sbyor ngag

rnam dag cig yod par thal/ 'dod pa'i phyir/ 'dod na/ lam rim
chen mo las/ 'di thal 'gyur du byed pa de'i tshe zhes sogs gsungs
pa mi 'thad par thal lo/ gzhan yang/ myu gu chos can/ rten 'brel
ma

yin par thal/ bden par grub pa'i phyir/ zhes pa'i thal 'gyur
sgrub byed 'phen pa'i thal 'gyur yang dag tu song ba'i gang zag
kyang yin/ rten 'brel gyi rtags kyi myu gu bden med du sgrubs pa
skabs su babs pa'i phyi rgol yang dag

yin pa'i gzhi mthun pa med par thal/ dang po de yin na myu gu
bden grub tu bden zhen gyi 'dod pa'i gang zag yin dgos/ phyi ma
de yin na/ myu gu bden par grub ma grub the tshom za ba'i gang
zag yin dgos pa'i phyir/ de der

@034b thal/ byas pa'i rtags kyi sgra mi rtag par sgrubs pa skabs
su babs pa'i phyi rgol yang dag yin na/ sgra rtag mi rtag the
tshom za ba'i gang zag yin dgos pa'i phyir/ rtags 'bud rang lugs
kyi skyon ni myu gu chos can/ slar yang skye

ba don med par thal/ rang gi rgyu'i dus su grub zin pa'i phyir/
zhes pa'i thal 'gyur 'phangs pa la brten nas skyes pa'i myu gu
slar yang mi skye bar rtogs pa'i rjes dpag de chos can/ rang gi
rten du gyur pa'i rtags yang dag la brten

nas skye bar thal/ rjes dpag yin pa'i phyir/ khyab pa khas/ de
der thal/ de yod pa'i phyir/ 'dod na/ de'i brten du gyur pa'i
rtags yang dag yod par thal/ 'dod pa'i phyir/ 'dod na/ de'i
brten du gyur pa'i myu gu slar yang

mi skye bar sgrub pa'i rtags yang dag yod par thal/ 'dod pa'i
phyir/ 'dod na/ myu gu slar yang mi skye bar sgrub pa'i rtags
yang dag yod par thal/ 'dod pa'i phyir/ 'dod na/ rang gi rgyu'i
dus su grub zin pa de/ de yin par thal/ /

de yod pa'i phyir/ 'dod na/ myu gu chos can/ rang gi rgyu'i dus
su grub zin pa ma yin par thal/ rang gi rgyu'i dus su med pa'i
phyir/ 'dod na dngos/ byas pa la kho na re/ rtsa ba'i rtags ma
grub ste/ thal 'gyur la brten nas

rjes dpag skye ba med pa'i phyir/ zer na/ 'o na/ myu gu chos
can/ slar yang skye ba don med par thal/ rang gi bdag nyid du
grub zin pa'i phyir/ zhes pa'i thal 'gyur la brten nas myu gu
bdag las mi skye bar rtogs pa'i rjes dpag skye ba

med par thal/ dam bca' de 'thad pa'i phyir/ 'dod na/ myu gu chos
can/ slar yang skye ba don med de/ rang gi bdag nyid du grub zin
pa'i phyir/ dper na/ mngon par gsal zin gyi bum pa bzhin/ zhes
pa'i rtags dpe

@035a @#/ /bkod pa la brten nas/ myu gu bdag las skye bar 'dzin
pa'i logs rtogs bsal nas/ myu gu bdag las mi skye bar rtogs pa'i
rjes dpag skye mi nus par thal/ 'dod pa'i phyir/ khyab ste/ tshig
gsal

las 'on te pha rol po zhes pa nas/ mi 'gyur ba nyid do/ zhes
pa'i bar gsungs pa'i phyir/ gzhan yang/ rten 'brel gyi rtags kyi
myu gu bden med du sgrubs pa skabs su babs pa'i phyi rgol yang
dag yin na/ de'i rtags kyis de sgrub kyi

tshul gsum tshad mas nges pa'i gang zag yin dgos par thal/ de yin
na/ de'i rtags kyis de sgrub kyi rjes khyab tshad mas nges pa'i
gang zag yin dgos pa'i phyir te/ de yin na/ rten 'brel bden med
kyis khyab pa tshad mas

nges pa'i gang zag yin dgos pa'i phyir/ der thal/ de yin na/
rten 'brel la bden med kyi khyab pa mthun dpe'i steng du tshad
mas nges pa'i gang zag yin dgos pa'i phyir te/ rten 'brel la
bden med kyi khyab pa

mthun dpe'i steng du tshad mas ma nges par rten 'brel gyi rtags
las myu gu bden med du rtogs pa'i rjes dpag skye mi nus pa'i
phyir te/ Tika chen las/ 'di ni bden med sgrub pa'i rtags kyis
rten 'brel lta bu la bden med kyis khyab pa

mthun dpe'i steng du ma nges par/ bden med chos can gyi steng du
nges par byar med par gsal ba gsungs so/ /zhes gsungs pa'i
phyir/ gzhan yang/ rten 'brel gyi rtags kyis myu gu bden med du
sgrubs pa skabs su

babs pa'i phyi rgol rnam dag yin na/ de'i rtags kyis de sgrubs
kyi tshul gsum tshad mas nges pa'i gang zag yin dgos par thal/
bden par grub pa'i gcig dang/ bden par grub pa'i du ma gang rung
dang bral ba'i rtags kyis gang zag bden

@035b med du sgrubs pa skabs su babs pa'i phyi rgol yang dag yin
na/ bden par grub pa'i gcig dang/ bden par grub pa'i du ma gang
rung dang bral ba la bden med kyis khyab pa tshad mas nges pa'i
gang zag yin dgos pa'i phyir/ der thal

bden par grub pa'i gcig dang/ de ltar grub pa'i du ma gang rung
dang bral ba'i rtags kyis gang zag bden med du rtogs pa'i rjes
dpag skye ba la/ rtags kyi dgag bya'i snang tshul nges pa'i tshad
ma bden pa'i gcig bral nges pa'i

tshad ma; bden pa'i du bral nges pa'i tshad ma/ bden par grub pa'i
gcig dang/ de'i du ma gang rung bral ba la/ bden med kyis khyab
pa nges pa'i tshad ma ste gnad bzhi tshad dgos par lhag mthong che
chung gnyis ka las

gsungs pa'i phyir/ kho na re/ rten 'brel gyi rtags kyis myu gu
bden med du sgrubs pa skabs su babs pa'i phyi rgol yang dag chos
can/ khyod la rten 'brel myu gu bden med du sgrub pa'i rtags
yang dag de 'god mi dgos par thal/ khyod

rten 'brel la bden med kyis khyab pa tshad mas nges pa'i gang zag
yin pa'i phyir/ khyab ste/ Tika chen las/ gzhi mig sogs nang gi
chos rnams kyi steng du bden med tshad mas grub na/ gzhi gzhan la
blo kha phyogs pa'i tshe gzhan

gyi sgrub byed bkod pa la mi ltos par rang gi rtags la brten nas
the tshom chod par 'gyur ro/ zhes gsungs pa'i phyir/ zer na ma
khyab ste/ Tika chen las/ phyi rol rang bzhin med par rig pa
rnams kyis shes pa rang bzhin med par

re 'ga' ni rang kho nas rtogs par 'gyur la/ re 'ga' ni/ gzhan
gyis cung zad bstan pa tsam gyis kyang rtogs par 'gyur ro/ /zhes
gsungs pa mi 'thad par thal/ phyi don bden med du rtogs nas shes
pa bden med kyi rtags la brten

@036a @#/ /nas rtogs dgos kyi gang zag cig med pa'i phyir te/
phyi don bden med du rtogs nas shes pa bden med du rten 'brel
gyi rtags la brten nas rtogs dgos kyi gang zag cig med pa'i
phyir/ ma grub na/ de kho kho rang

yin par thal/ de yod pa'i phyir/ 'dod na/ de chos can/ khyod la
rten 'brel shes pa bden med du sgrub pa'i rtags yang dag tu 'god
dgos par thal/ khyod de 'dra'i gang zag yin pa'i phyir/ 'dod na/

de chos can/ khyod la de 'god mi dgos par thal/ khyod phyi don
bden med du tshad mas nges pa'i gang zag yin pa'i phyir/ 'khor
gsum/ kho na re/ rten 'brel gyi rtags kyis myu gu bden med du
bsgrub pa

skabs su babs pa'i phyi rgol yang dag chos can/ khyed la rten
'brel myu gu bden med du sgrub pa'i rtags yang dag tu 'god mi
dgos par thal/ khyod kyi myu gu'i steng du bden par grub ma grub
blo kha phyogs pa na/ myu gu

bden med du rtogs nus pa'i phyir/ der thal/ khyod rten 'brel
bden stong du tshad mas grub pa'i gang zag yin pa'i phyir/ ma
khyab na/ khyab ste/ lam rim las/ chos gcig gi stong nyid rtogs
pa na/ zhes sogs

gsungs pa'i phyir/ kho na re/ lam rim las/ gzhi gang zag dang
chos kyi steng du nges rgyu'i bdag med la phra rags kyi khyad
par med kyang/ khyad gzhi'i gnad kyi/ gang zag gi steng du nges
sla la chos kyi steng du nges dka'

ba'i phyir/ zhes gsungs pa mi 'thad par thal/ gang zag gi bdag
med dang chos kyi bdag med gnyis kyi nang nas/ gang zag gi bdag
med rtogs sla zhing chos kyi bdag med rtogs dka' ba'i khyad par
mi 'thad pa'i phyir te/ gang zag

@036b gi bdag med rtogs pa la chos kyi bdag med rtogs pa sngon
du 'gro dgos pa'i phyir te/ gang zag bden med du rtogs pa la/ de
rtogs pa sngon du 'gro dgos pa'i phyir te/ rten 'brel gyi rtags
las gang zag bden med rtogs pa

la; de rtogs pa sngon du 'gro dgos pa'i phyir te/ rten 'brel gyi
rtags las gang zag bden med du rtogs pa la rten 'brel bden stong
du rtogs pa sngon du 'gro dgos pa gang zhig /rten 'brel bden
stong chos kyi bdag

med phra mo yin pa'i phyir/ zer na/ mi 'thad de/ chos kyi bdag
med rtogs pa'i gang zag yin na/ gang zag gis bdag gzhi phung po
bden med du rtogs pa'i gang zag yin dgos pa'i phyir te/ gang zag
gi bdag med rtogs pa'i

gang zag yin na/ brtags chos gang zag bden med du rtogs pa'i
gang zag yin dgos pa'i phyir/ yang kho na re/ gang zag bden med
du rtogs pa la/ chos kyi bdag med rtogs pa sngon du 'gro dgos
par thal/ rten 'brel

gyi rtags las gang zag bden med rtogs pa la/ chos kyi bdag med
rtogs pa sngon du 'gro dgos pa'i phyir te/ rten 'brel gyi rtags
kyis gang zag bden med sgrub pa'i skabs su babs pa'i phyi rgol
yang dag des

chos kyi bdag med rtogs pa'i phyir te/ des rang gi gzhal byar
gyur pa'i chos kyi bdag med phra mo rtogs pa'i phyir/ der thal/
des rten 'brel bden stong du rtogs pa gang zhig de chos kyi bdag
med phra mo yin pa'i phyir/

zer na ma khyab/ lam rim las/ thog mar 'jig rten na rdzun par
grags pa'i dpe 'di rnams rang bzhin med par rtogs bcug nas/ de
nas 'jig rten rdzun par ma grags pa'i chos gzhan rnams rims kyi
rang

@037a @#/ /bzhin med par rtogs pa bskye dgos shing/ 'di gnyis la
yang snga phyi'i rims pa dgos pa chos gcig gi stong nyid rtogs
pa na/ gzhan thams cad kyi stong nyid rtogs pa dgos pa ma yin
gyi/ gzhan bden par yod

med blo kha phyogs pa na rtogs nus pa'i don no/ zhes gsungs pa
mi 'thad par thal/ rten 'brel gyi rtags gyi myu gu bden med du
sgrub pa'i phyi rgol yang dag des gzugs brnyan bden med du ma
rtogs pa'i phyir/ kho na re/ Tika

chen las/ skabs 'dir gzugs brnyan sogs dpe bkod pa ni/ 'jig rten
pa'i grub zin dper bkod pa yin gyi/ dbu ma pa'i rdzun par bzhag
pa grub zin cig dper bkod pa ni ma yin no/ zhes gsungs pa mi
'thad par

thal/ rten 'brel gyi rtags kyi de sgrub kyi phyi rgol yang dag
des gzugs brnyan bden med du tshad mas nges pa'i phyir/ zer na/
ma khyab/ kho na re/ rten 'brel gyi rtags kyis de sgrub kyi phyi
rgol yang dag yin na/ rang

nyid dang de 'dra'i snga rgol yang dag gnyis la/ myu gu tshad mas
grub tshul mthun snang ba cig yod dgos par thal/ de gang rung yin
na/ thal 'gyur ba yin dgos pa gang zhig thal 'gyur ba nang phan
tshun rtags 'god pa'i tshe

chos can/ tshad mas grub tshul mthun snang ba cig yod pa'i phyir/
'dod na/ de 'dra'i phyi rgol yang dag dang/ de 'dra'i snga rgol
yang dag gnyis chos can/ tshad mas grub tshul mthun snang ba cig
med par bshad pa mi 'thad par thal lo//

'dod pa'i phyir/ zer na/ ma khyab/ gzhan yang/ rten 'brel gyi
rtags kyis myu gu bden med sgrub pa'i skabs su babs pa'i phyi
rgol yang dag yin na/ dbu ma thal 'gyur ba yin dgos par thal/ de
yin na/ rten

@037b 'brel la rang bzhin med pa'i khyab pa khas len pa'i grub
mtha' smra ba'i gang zag yin dgos pa'i phyir te/ de yin na/ rten
'brel gyi rtags kyi myu gu rang bzhin med par sgrub pa'i tshul
gsum khas len pa'i grub mtha' smra ba'i gang

zag yin dgos pa'i phyir te/ rten 'brel de myu gu rang bzhin med
par sgrub pa'i gzhan grags kyi rtags yang dag yin pa la rgyu
mtshan cig yod pa'i phyir/ gnyis pa rang lugs bzhag pa la/ skyon
de sangs rgyas bskyangs

la mi 'jug par bstan pa la/ 'tshams sbyar te skyon med tshul spyir
bstan pa/ skyon med tshul so sor bshad pa gnyis/ dang po ni/ legs
ldan 'byed kyis brjod pa'i skyon gsum po de dag rigs pa ma yin
te/

de rigs pa ma yin par dpal ldan zla bas tshad mas rtogs pa'i
phyir/ de skad du yang/ skyon 'di dag zhes pa nas mthong ngo/
zhes pa'i bar 'byung/ gnyis pa la skyon dang po gnyis med tshul
bstan

pa; skyon gsum pa bzlog don khas len dgos pa'i skyon med tshul
bstan pa'o/ /dang po la rang rgyud kyi rtags dpe ma brjod pa'i
skyon med tshul bstan pa/ gzhan grags kyi rtags dpe ma brjod pa'i
skyon med tshul bstan

pa; dang po la rang rgyud kyi rtags dpe la dgos nus med par
bstan pa/ rang rgyud kyi rtags dpe khas len mi rigs par bstan
pa/ des na rang rgyud kyi rtags dpe la gzhan gyi dam bca' la
brtags

pa'i nyes pa sel mi dgos pa bstan pa'o/ /dang po ston par byed
pa la/ de la re shig gtan tshigs dang zhes pa nas 'di rjes su
dpag pa la dga' ba nyid mngon par byed pa yin zhes pa'i bar
byung/ 'di la yang

@038a @#/ /rang rgyud kyi rtags dpe la dgos pa med par bstan pa
dang/ rang rgyud kyi rtags dpe la nus pa med par bstan pa gnyis
las/ dang po ni/ slob dpon sangs rgyas bskyangs kyi 'grel ngag
des bdag

skye med par sgrub pa'i rang rgyud kyi dpe rtags ma brjod pa'i
cha nas/ slob dpon sangs rgyas bskyangs la skyon yod pa ma yin
te/ slob dpon sangs rgyas bskyangs kyi 'grel ngag des bdag skye
'gog par byed pa la/ 'gal

brjod kyi thal 'gyur gnyis bstan pa gang zhig /'gal brjod kyi
thal 'gyur la brten nas bdag skye 'dod pa'i log rtog bzlog nus
pas na/ rang rgyud kyi dpe rtags brjod pa la dgos pa med pa'i
phyir/ de skad du yang/

de la re zhig gtan tshigs zhes pa nas/ 'di tsam zhig gis brtsod
pa na ci pha rol pos khas len par mi byed dam zhes pa'i bar
byung/ gal te kho na re/ rang rgyud kyi rtags dpe ma brjod na/
'gal brjod

kyi thal 'gyur tsam la brten nas/ bdag skye 'dod pa'i logs rtogs
bzlog mi nus so zhe na/ 'gal brjod kyi thal 'gyur la brten nas
bdag skye 'dod pa'i log rtogs zlog mi nus na/ rang rgyud kyi dpe
rtags brjod kyang

bdag skye 'dod pa'i log rtog bzlog mi nus par mtshungs par thal/
'gal brjod kyi thal 'gyur la brten nas bdag skye khas blangs pa
la/ khas blangs nang 'gal mthong yang bdag skye 'dod pa'i log
rtogs

de mi 'dor na/ de 'dra ba'i gang zag de rang gi khas blangs la
bsnyon 'ding pa la zhugs pa yin pa gang zhig /rang gi khas
blangs la bsnyon 'ding pa la zhugs pa'i gang zag de/ dbu ma pa'i
rtsod zlar mi rung bas na/

@038b rang rgyud kyi rtags dpe brjod pa la nus pa med pa'i
phyir/ de skad du yang/ 'on te pha rol por rang gi khas blangs
dang zhes pa nas/ bdag nyid rjes su dpag pa la dga' ba nyid
mngon par byed pa yin no/ /zhes pa'i bar byung/

gnyis pa ni/ slob dpon sangs rgyas bskyangs kyi 'grel ngag des
bdag skye med par bsgrub pa'i rang rgyud kyi dpe rtags ma brjod
pa'i cha nas/ slob dpon sangs rgyas bskyangs la skyon yod pa ma
yin te/ dbu ma pa

yin na/ rang rgyud kyi rtags dpe khas len mi rigs pas khyab pa'i
phyir/ de skad du yang/ dbu ma pa yin na ni/ zhes pa nas phyogs
gzhan khas blangs pa med pa'i phyir ro/ /zhes pa'i bar byung/
dbu ma pa yin na rang

rgyud kyi rtags dpe khas len mi rigs pas khyab kyang/ rang rgyud
kyi rtags dpe khas len pa'i dbu ma pa yod pa la 'gal ba med de/
bcas ldan dge slong yin na/ sangs rgyas kyi bcas pa dang 'gal mi
rigs

pas khyab kyang sangs rgyas kyi bcas pa dang 'gal ba'i bcas ldan
dge slong yod pa bzhin no/ /de dag la shes byed 'god pa la/
'phags pa lhas yod dang med dang yod med ces/ zhes sogs dang/
rtsod bzlog las/

gal te ngas dam bca' 'ga' yod/ zhes sogs gsungs/ gsum pa rang
rgyud kyi rtags dpe la/ gzhan gyi dam bca' la btags pa'i nyes pa
sel mi dgos pa bstan pa la/ rang rgyud kyi rtags dpe la grangs
can gyi

bdag las ma yin zhes pa'i don/ 'bras bu mngon par gsal ba'i bdag
nyid las mi skye zhes pa'i don yin nam/ rgyu mngon par mi gsal
ba nus pa'i bdag nyid las mi skye zhes pa'i don gang yin/ dang
po ltar

@039a @#/ /na grub zin sgrub pa la/ gnyis pa ltar na khyab pa
'gal te/ skye ldan gyi dngos po thams cad rgyu mngon par mi gsal
ba'i nus pa'i bdag nyid las skye ba kho na yin pa'i phyir/ zhes
gzhan gyi dam

bca' la btags pa'i nyes pa sel mi dgos te/ slob dpon sangs rgyas
bskyangs kyi 'grel ngag des rang rgyud kyi rtags dpe ma brjod
pa'i phyir te/ rang rgyud kyi rtags dpe med pa'i phyir te/ rang
dbang du grub pa'i

rtags dpe med pa'i phyir/ de skad du yang/ tshig gsal las/ gang
gi tshe de ltar dbu ma pas rang gi rgyud kyi rjes su dpag pa mi
brjod pa nyid yin pa de'i tshe/ dam bca' ba'i don 'di gang yin/
ci bdag las

zhes bya ba 'bras bu'i bdag nyid las sam/ 'on te rgyu'i bdag
nyid la yin drangs de las cir 'gyur/ gal te 'bras bu'i bdag nyid
la yin na ni grub pa la bsgrub pa yin la rgyu'i bdag nyid las
yin na ni/ 'gal ba'i don nyid

du 'gyur te/ skye ba dang ldan pa thams cad ni rgyu'i bdag nyid
du yod pa kho nar skye ba'i phyir ro/ zhes bya ba gang la grangs
can pa dag gis phyir/ zlog par byed par 'gyur ba nang gi skye
mched rnams bdag las skye ba

med de/ zhes bya ba'i rang rgyud kyi dam bca' ba lta ga la yod/
kho bo cag la ni gang gi grub pa la sgrub pa nyid dam/ 'gal ba'i
don du 'gyur cing grub pa la sgrub pa nyid gang yin pa dang/
'gal ba'i don nyid gang

yin pa spang bar bya ba'i phyir/ 'bad par byed par 'gyur ba yod
pa'i phyir/ zhes bya ba'i gtan tshigs kyang ga la yod de'i phyir/
gzhan gyi smras pa'i nyes par thal bar mi 'gyur ba nyid kyi
phyir/ slob

@039b dpon sangs rgyas kyi de'i lan brjod par bya ba yin no/
/zhes gsungs/ gnyis pa gzhan grags kyi rtags kyi dpe ma brjod
pa'i skyon med tshul ston pa la tshig gsal las/ ci ste yang rang
gi rgyud kyi rjes su dpag pas

'gal ba gdon mi za bar brjod par bya ba yin no/ /zhe na/ de yang
slob dpon sangs rgyas bskyangs kyi brjod pa nyid yin no/ /ji
ltar zhe na gang gi phyir/ des ni 'di skad du bshad pa yin//

dngos po rnams bdag las skye ba med de/ de dag gi skye ba don
med pa nyid du 'gyur ba'i phyir dang zhes bshad pa'i phyir ro/
/de la de dag zhes bya ba 'dis ni rang gi bdag nyid du yod pa
'dzin pa yin no/ /ci'i phyir zhe na 'di

ltar rang gi bdag nyid du yod pa dag la ni/ yang skye ba la dgos
pa med de/ zhes bya ba 'di mdor bzhags pa'i ngag de'i 'grel pa'i
ngag yin la ngag 'dis ni chos mthun pa'i dpe gzhan la rab tu
grags pa sgrub par bya ba dang/

sgrub par byed pa'i chos dang ldan pa nye bar bzung ba yin no/
/de la rang gi bdag nyid yod pa zhes bya ba 'dis ni gtan tshigs
'dzin pa yin no/ /skye ba don med pa nyid du 'gyur ba'i phyir
dang/ zhes bya ba 'dis ni sgrub

par bya ba'i chos 'dzin pa yin no/ /de la ji ltar sgra mi rtag
byas pa mi rtag pa'i phyir ro/ /byas pa ni mi rtag par mthong
ste/ dper na bum pa bzhin no/ /de bzhin du sgra yang byas pa yin
te/ de'i phyir byas

pa nyid kyi phyir/ mi rtag pa yin no/ /zhes 'dir nye bar sbyar
bas gsal bar byas pa'i byas pa gtan tshigs yin pa de bzhin du/
'dir yang dngos po rnams bdag las skye ba med de/ rang gi bdag
nyid du yod pa la yang skye ba

@040a @#/ /don med pa nyid du 'gyur ba'i phyir ro/ 'di na ji ltar
bum pa la sogs pa mdun na gnas shing gsal ba rang gi bdag nyid
du yod pa ni yang skye ba la mi ltos par mthong ba de bzhin du/
'jim pa'i gong bu

la sogs pa'i gnas skabs na yang/ gal te rang gi bdag nyid du yod
pa'i bum pa la sogs pa yod do snyam du sems na ni/ de'i tshe yang
rang gi bdag nyid du yod pa de la skye ba yod pa ma yin no/ de
ltar

na gtan tshigs nye bar sbyar bas gsal bar byas pa/ yang skye ba
bkag pa la mi 'khrul ba rang gi bdag nyid du yod pa nyid kyis
grangs can la rang gi rjes su dpag pas 'gal ba brjod par mdzad
pa yin te/ des na de ni

rigs pa ma yin te/ gtan tshigs dang dpe ma brjod pa'i phyir dang/
zhes ci ste brjod par byed gtan tshigs dang dpe ma brjod pa ma
yin pa 'ba' zhig du ma zad kyi gzhan gyi smras pa'i nyes pa ma
bsal ba yang ma yin no/ /ji

ltar zhe na grangs can pa dag mdun na gnas pa'i bum pa mngon par
gsal ba'i rang bzhin can ni yang mngon par gsal bar mi 'dod
cing/ de nyid 'dir dpe nyid du grub pa'i ngo bo yin pa'i phyir
la nus pa'i ngo bo gyur cing mngon

par gsal ba'i rang bzhin can ma yin pa skye ba bkag pas khyad
par byas pa ni sgrub par bya ba yin pa nyid kyis phyir/ grub pa
la sgrub pas/ phyogs kyi skyon nyid du dogs pa'am/ gtan tshigs
'gal ba'i don nyid du

dogs pa ga la yod/ de'i phyir rang gi rjes su dpag pas 'gal ba
brjod pa na yang ji skad smras pa'i nyes pa brjod pa med pa'i
phyir/ gzhan gyis smras pa'i nyes pa ma bsal ba med pa nyid de/
de'i phyir sun 'byin pa 'di dag ni

@040b 'brel ba med pa nyid do/ zhes shes par bya'o/ /zhes gsungs
pa'i phyir/ de la yang gzhan grags kyi rtags dpe ma brjod pa'i
skyon med tshul dngos dang/ gzhan grags kyi rtags dpe la gzhan
gyi dam bca' la btags pa'i

nyes pa med par bstan pa gnyis/ dang po la/ gzhan grags kyi
rtags dpe bstan par sgrub pa/ gzhan grags kyi rtags dpe dang
rigs pa ji ltar bstan tshul/ gzhan grags kyi sbyor ba 'god tshul
dpe dang bcas te bshad pa dang gsum/

dang po ni/ slob dpon sangs rgyas bskyangs kyi 'grel ngag de la/
bdag skye med par sgrub pa'i gzhan grags kyi rtags kyi rtags dpe
ma bstan pa'i cha nas skyon med de/ slob dpon sangs rgyas
bskyangs kyi 'grel ngag des bdag skye

med par sgrub pa'i gzhan grags kyi rtags dpe bstan pa'i phyir
te/ de dag zhes pa'i nyid tshigs kyi rang gi bdag nyid du yod pa
de gtan tshigs dang/ mngon par gsal zin gyi bum pa mthun dper
shugs la bstan/ skye ba don

med pa nyid du 'gyur ba'i phyir/ zhes pas sgrub pa'i chos de
bstan/ shin tu thal bar 'gyur zhes pas/ khyab med kyi lan dgag
pa'i sgo nas khyab sgrub de bstan pa'i phyir te/ dngos po rnams
bdag las skye ba med de/ de

dag gi skye ba don med pa nyid du 'gyur ba'i phyir dang/ shin tu
thal bar 'gyur ba'i phyir/ zhes pa 'di mdor bstan dang/ dngos po
bdag gi bdag nyid du yod pa rnams la yang skye ba la dgos pa med
de/ ci ste yod kyang

skye na nam yang mi skye bar mi 'gyur ro/ /zhes pa 'di rgyas
bshad yin pa gang zhig rgyas bshad kyi dngos po zhes pas/ tsod
gzhi chos can de bstan/ bdag gi bdag nyid zhes pas gtan tshigs de
bstan/ rnams zhes pa'i mang

@041a @#/ /tshig gi mthun dpe de bstan/ yang skye ba la dgos pa
med de/ zhes pas sgrub bya'i chos de bstan/ ci ste yod kyang
skye na/ zhes sogs kyi khyab med kyi lan dgag pa'i sgo nas
khyab sgrub de bstan pa yin pa'i phyir/ /

de skad du/ ci ste yang rang gi rgyud kyi rjes su dpag pas
zhes pa nas/ zhes bshad pa'i phyir ro/ zhes pa'i bar byung/
gnyis pa gzhan grags kyi rtags dpe dang/ rigs pa ji ltar bstan
tshul la/ gtan

tshigs kyi dbang du byas pa dang/ thal 'gyur gyi dbang du byas
pa gnyis/ dang po gtan tshigs kyi dbang du byas pa la/ mdor
bstan du dngos po rnams bdag las skye ba med de/ de dag gi
skye ba don med pa nyid du

zhes pa dang/ rgyas bshad du dngos po bdag gi bdag nyid du yod
pa rnams la yang skye ba la dgos pa med de/ zhes pa'i bstan/
don ni grangs can gyi rgyu dus su mngon par mi gsal ba'i tshul
gyi yod par 'dod pa'i bum

pa chos can/ slar yang skye ba don med de/ rang gi bdag nyid
du grub zin nas yod pa'i phyir/ dper na mngon par gsal zin gyi
bum pa bzhin/ zhes pa'i don yin/ thal 'gyur gyi dbang du byas
na/ mdor bstan du 'gyur ba'i

phyir dang/ shin tu thal bar 'gyur pa'i phyir/ zhes pa dang/
rgyas bshad du/ skye ba la dgos pa med de/ ci ste yod kyang
skye na nam yang mi skye bar mi 'gyur ro/ zhes pas bstan/ don
ni grangs can gyis

rgyu dus su mngon par mi gsal ba'i tshul gyi yod par 'dod pa'i
dngos po chos can/ slar yang skye ba don med par thal/ rang gi
bdag nyid du grub zin nas yod pa'i phyir/ dper na/ mngon par
gsal zin gyi bum pa bzhin/ /

@041b zhes pa'i don yin/ de skad du yang/ de la de dag zhes
bya ba 'dis ni zhes pa nas/ sgrub bar bya ba'i chos 'dzin pa
yin no/ /zhes pa'i bar gsungs/ gsum pa/ gzhan grags kyi sbyor
ba 'god tshul dpe don bcas te bshad pa la

dpe bshad pa dang/ don bshad pa gnyis/ dpe'i yan lag lnga ldan
gyi sgrub ngag bzhag tu yod de/ sgra ni mi rtag ste/ byas pa
yin na/ mi rtag pa yin pas khyab pa'i phyir/ byas pa yin na/
mi rtag pa yin pas khyab ste/

dper na/ bum pa bzhin/ bum pa byas pa de bzhin du/ sgra yang
byas/ sgra byas pa yin pa'i phyir/ sgra mi rtag zhes pa lta bu
la byed/ de skad du yang/ de la ji ltar sgra mi rtag ste/ zhes
pa nas/ byas pa nyid kyis phyir mi rtag pa yin no/

zhes pa'i par byung/ dpe'i sgrub ngag de la yan lag lnga yod
pa de bzhin du/ don gyi yan lag lnga ldan gyi sgrub ngag yang
bzhag tu yod de/ /grangs can gyi rgyu dus su mngon par mi gsal
ba'i tshul gyi yod par 'dod pa'i bum pa ni/ slar

yang skye ba don med de/ rang gi bdag nyid du grub zin nas yod
na/ slar yang mi skye bas khyab pa'i phyir/ rang gi bdag nyid
du grub zin nas yod na/ slar yang skye ba med pas khyab ste/
dper na mngon par gsal zin gyi bum pa

bzhin; mngon par gsal zin gyi bum pa rang gi bdag nyid du grub
zin nas yod pa de bzhin du/ grangs can gyi rgyu dus su mngon
par mi gsal ba'i tshul gyi yod par 'dod pa'i bum pa yang rang
gi bdag nyid du grub zin nas yod

grangs can gyi rgyu dus mngon par mi gsal ba'i tshul gyi yod
par 'dod pa'i bum pa rang gi bdag nyid du grub zin nas yod
pa'i phyir/ grangs can gyi rgyu dus su mngon par mi gsal ba'i
tshul gyi yod par 'dod pa'i bum pa slar yang skye

@042a @#/ /ba don med do/ /zhes pa'i sgrub ngag lta bu yin pa'i
phyir/ de skad du yang/ zhes 'dir nye bar sbyar nas gsal bar
byas pa'i byas pa gtan tshigs yin pa de bzhin du/ zhes pa nas/
rang gi bdag

nyid du yod pa de la skye ba yod pa ma yin no/ zhes pa'i bar
byung/ yan lag lnga ni/ dam bca' brjod pa'i yan lag /khyab pa
brjod pa'i yan lag /khyab pa mthun dpe dang sbyar nas brjod
pa'i yan lag /nyer stod brjod pa'i

yan lag /'jug sdud kyi yan lag rnams la byed/ de yang sgra ni
mi rtag zhes pas/ dam bca' brjod pa'i yan lag de bstan/ byas
pa yin na mi rtag pa yin pas khyab pa'i phyir/ zhes pas/ khyab
pa  

brjod pa'i yan lag de bstan/ byas pa yin na mi rtag pa yin pas
khyab ste/ dpe na bum pa bzhin/ zhes pas khyab pa mthun dpe
dang sbyar nas brjod pa'i yan lag de bstan/ bum pa byas pa de
bzhin

du sgra yang byas zhes pas nyer stod brjod pa'i yan lag de
bstan/ sgra byas pa'i phyir sgra mi rtag zhes pa'i 'jug sdud
kyi yan lag de bstan cing/ de gnyis pa las rigs 'dra/ skabs
'dir bstan pa'i yan lag lnga ldan gyi sgrub ngag

dang; rigs pa can pas 'dod pa'i yan lag lnga ldan gyi sgrub
ngag gnyis don gcig gam zhe na/ mi cig ste/ rigs pa can pas
'dod pa'i yan lag lnga ldan gyi sgrub ngag ni/ sgra mi

rtag tu byas pa'i phyir/ dpe na/ bum pa bzhin/ bum pa byas pa
de bzhin du sgra yang byas/ de'i phyir sgra mi rtag zhes pa
lta bu la 'dod cing/ de yan lag ma tshang ba'i sgrub ngag skyon
can yin pa'i phyir te/ de'i khyab

@042b pa ma brjod pa'i phyir/ gzhan yang/ de gnyis don mi cig
ste/ rigs pa can pas yan lag lnga 'dren pa de'i tshe na/ khyab
pa brjod pa'i yan lag mi 'dren par/ phyogs chos brjod pa'i yan
lag 'dren pa yin pa'i

phyir ro/ /gnyis pa gzhan grags kyi rtags dpe la gzhan gyi dam
bca' la btags pa'i nyes pa med par bstan pa la/ tshig gsal las/
gtan tshigs dang dpe ma brjod pa ma yin pa 'ba' zhig tu ma zad
kyi zhes pa nas

de'i phyir sun 'byin pa 'di dag ni 'brel ba med pa nyid do/
/zhes shes par bya'o/ /zhes pa'i bar gsungs/ don ni/ slob dpon
sangs rgyas bskyangs kyi 'grel ngag des grangs can gyi dam
bca' la btags pa'i nyes pa ma bsal

ba'i skyon med de/ slob dpon sangs rgyas bskyangs kyi 'grel
ngag de'i skabs nas dngos su bstan pa'i sbyor ngag des/ grangs
can gyi rgyu dus su mngon par mi gsal ba'i tshul gyi yod par
'dod pa'i bum pa de rtsod gzhi

chos can dang/ mngon par gsal zin pa'i bum pa mthun dper bzung
ba gang zhig /grangs can gyi rgyu dus su mngon par mi gsal
ba'i tshul gyi yod par 'dod pa'i bum pa de/ slar yang skye bar
khas len pas na/

grub zin grub pa'i skyon yang med/ grangs can gyi mngon par
gsal zin gyi bum pa slar yang skye bar khas mi len pas na/
khyab pa 'gal ba'i skyon yang med pa'i phyir/ grangs can gyi
mngon par gsal zin gyi bum pa slar yang skye

bar khas mi len te/ des skyes pa'i don mngon par gsal zin pa'i
tshul gyi grub pa la 'dod pa gang zhig /des mngon par gsal zin
gyi bum pa slar yang mngon bar gsal mi dgos par khas len pa'i
phyir/ skyon gsum

@043a @#/ /pa bzlog don khas len dgos pa'i skyon med tshul bstan
pa la/ slob dpon sangs rgyas bskyangs kyi 'grel dag de la
bzlog don khas blangs pa'i sgo nas skyon yod pa ma yin te/
slob dpon sangs rgyas bskyangs

kyi 'grel ngag des/ dngos po rnams chos can/ skye ba don med
dang thug med yin par thal/ bdag las skye ba'i phyir/ zhes
pa'i thal 'gyur tsam 'phangs pa ma yin pa'i phyir/ des dngos
po rnams chos can/ slar

yang skye ba don med par thal/ rang gi bdag nyid du grub zin
nas yod pa'i phyir/ ma khyab na thug med du skye bar thal/
rang gi bdag nyid du grub zin nas yod kyang/ slar yang skye
dgos pa'i phyir/ zhes pa'i thal 'gyur gnyis bstan

la; thal 'gyur de gnyis kyi thal chos kyi bzlog don/ slar yang
skye ba don bcas dang thug bcas pha rol po grangs can gyi khas
blangs kyi/ kho bo cag sangs rgyas pas khas ma blangs pa'i
phyir/ de skad du yang/ thal

bar 'gyur pa bzlog pa'i don yang/ zhes sogs gsungs/ sangs
rgyas bskyangs kyi 'grel ngag des/ mthun dpe bstan tshul la/
byang thang sa pa na re/ khyab pa ston pa'i ngag gis mthun dpe
bstan pa yin te/

mthun dpe ston pa'i ngag khyab pa ston pa'i ngag gi nang du
'dus pa'i phyir/ zhes zer/ paN-Ti ta ma ti Shri la na re/
sangs rgyas bskyangs kyi 'grel ngag des/ grangs can gyi blo
ngo la ltos nas mthun dpe bstan pa yin te/ grangs

can gyi sgra ni mi rtag te byas na mi rtag pas khyab pa'i
phyir/ zhes pa'i lnga po'i mtha' can gyi khyab pa ston pa'i
tshig gi mthun dpe ston par grangs can gyi gzhung las bshad
pa'i phyir te/ grangs can gyi gzhung las

@043b gang du gtan tshigs sgrub bya dang/ rjes 'gro med pa med
brjod pa/ lnga pa de ni dper brjod de/ gtan tshigs nye bar
sbyar ba las/ zhes bshad pa'i phyir/ zhes zer/ de mi rigs te/
rang lugs kyi mthun dpe ston pa'i skabs su grangs

can gyi gzhung drang nas 'chad pa mi rigs pa'i phyir/ gzhan
yang lugs de gnyis ka mi 'thad de/ dngos po rnams zhes pa'i
mang tshig gi mthun dpe bstan pa yin pa'i phyir/ bzhi pa legs
ldan 'byed rang nyid kyi bdag

skye 'gog pa'i 'grel pa la skyon yod pa bstan pa la/ tshig gsal
las/ gzhan yang/ rtog ge pa 'dis rang nyid rtog ge'i bstan
bcos la shin tu mkhas pa tsam zhig bstan par 'dod nas/ dbu
ma'i lta ba khas len

bzhin du rang rgyud kyi sbyor ba'i ngag brjod pa gang yin pa
de ni ches shin tu nyes pa du ma'i tshogs kyi gnas su gtogs te/
ji ltar zhe na zhes sogs gsungs/ de'i don la kha cig /rang
nyid de sgrub kyi gzhan don skabs kyi

rtags yang dag yin/ rang nyid kyi rtags kyi de sgrub kyi shes
'dod chos can/ skyon med yod pas khyab zer na/ ma skyes pa
chos can/ khyod kyi rtags kyi mu stegs pas btags pa ltar gyi
bdag de kho na nyid du med par sgrub pa'i shes

'dod chos can skyon med yod par thal/ khyod de sgrub kyi rtags
yang dag yin pa'i phyir/ ma grub na/ de der thal/ 'jug pa las/
rang grags ma skyes gtan tshigs kyis gnod pa/ de phyir de khyad
kun kyang yod ma yin

zhes pa'i lung don grub pa'i phyir/ 'dod na/ mu steg pas btags
pa ltar gyi bdag yod par thal/ 'dod pa'i phyir/ gzhan yang/
Tika chen las/ rtags de'i smras pa'i chos can bkag kyang skyon
du mi 'gyur na/ rtags

@044a @#/ /dang chos gnyis ka rnam bcad tsam yin pa'i gnad kyi
yin no/ /zhes gsungs pa mi 'thad par thal/ ma skyes pa'i rtags
kyi mu stegs pas btags pa ltar gyi bdag de kho na nyid du med
par sgrub pa'i shes 'dod chos

can skyon med ma yin na/ ma skyes pa de de sgrub kyi rtags
yang dag ma yin pas khyab pa'i phyir/ kho na re/ tshig gsal
las/ gal te kun rdzob tu skye ba dgag par 'dod nas/ khyad par
de ltar 'god par byed na ni/ rang la gzhi ma grub

pa'i phyogs kyi nyes pa'am/ gzhi ma grub pa'i rtags kyi skyon
du 'gyur te/ rang gi don dam par mig la sogs pa'i skye mched
rnams khas ma blangs pa'i phyir ro/ /zhes don dam par mig sogs
rnams chos can/ bdag las mi

skye te/ yod pa'i phyir/ zhes don gyi khyad par rtsod gzhi
chos can la sbyar na/ snga rgol dbu ma pa la ltos te/ chos can
ma grub pa'i skyon du 'gyur ro/ /zhes gnod byed bstan pa mi
'thad par thal/ rang nyid de sgrub kyi gzhan don skabs

kyi rtags yang dag yin na/ /rang nyid kyi rtags kyi rtsod gzhi
chos can snga rgol gyi khas len pas ma khyab pa'i phyir/ zer
na/ ma khyab ste/ rang nyid de sgrub kyi gzhan don skabs kyi
sgrub rtags yang dag dang/ rang nyid de sgrub kyi

gzhan don skabs kyi 'gal dmigs kyi rtags yang dag gang rung
yin na/ rang nyid kyi rtags kyi de sgrub kyi rtsod gzhi chos
can snga rgol gyi khas len pas khyab pa lung de'i don yin pa'i
phyir/ phyin ci log dang/ phyin ci ma log pa dag ni tha dad

pa yin no/ /zhes pa'i don la kha cig 'khrul shes kyi rnyed don
dang/ ma 'khrul pa'i shes pa'i rnyed don 'gal ba lung de'i don
yin zer na/ theg chen gyi mthong lam bar chad med lam chos
can/ 'khrul shes kyi rnyed don ma yin

@044b par thal/ ma 'khrul pa'i shes pa'i rnyed don yin pa'i
phyir/ der thal/ theg chen gyi mthong lam bar chad med lam gyi
rnyed don yin pa'i phyir/ de'i gzhal bya yin pa'i phyir/ de
der thal/ de de la tshad ma yin pa'i phyir te/ de de'i

snang ba la tshad ma yin pa'i phyir/ ma grub na de chos can/
khyod rang gi snang ba la tshad ma yin par thal/ khyod shes pa
yin pa'i phyir/ rtsa bar 'dod na/ 'khrul shes kyi rnyed don
yin par thal/ kun rdzob bden pa yin pa'i phyir/ gzhan yang/
bden

med chos can/ der thal/ de'i phyir/ der thal/ theg chen gyi
mthong lam bar chad med lam gyi rnyed don yin pa'i phyir/ rtsa
bar 'dod mi nus te/ 'khrul shes kyi rnyed don yin pa'i phyir
te/ bden med rtogs pa'i rigs shes rjes dpag gi rnyed don

yin pa'i phyir/ kho na re/ drang nges rnam 'byed las/ rigs
shes rjes dpag 'khrul shes yin kyang/ de'i rnyed pa 'khrul
shes kyi rnyed pa ma yin pa mi 'gal ba bzhin no/ /zhes gsungs
pa mi 'thad par thal/ rigs shes rjes dpag 'khrul shes

yin pa gang zhig /de'i rnyed don 'khrul shes kyi rnyed don yin
pa'i phyir na/ ma khyab/ dpe la yang 'dra ba yod pa ma yin no/
/zhes pa'i don la kha cig /sangs rgyas pas bye brag pa'i ngor
sgra mi rtag par sgrub pa de'i tshe na/ rtag mi rtag gang gi
yang khyad par

du ma byas par/ snga rgol phyi rgol gnyis ka'i mthun snang du
grub pa'i sgra tsam chos can du 'dzin pa dang/ slob dpon legs
ldan 'byed kyi grangs can gyi ngor mig sogs don dam par bdag
las mi skye bar sgrub pa'i tshe na/ bden rdzun gang gi

yang khyad par du ma byas par rgol phyi rgol gnyis ka'i mthun
snang du grub pa'i mig sogs chos can du 'dzin pa 'dra ba ma
yin te/ sangs rgyas pas bye brag pa'i ngor sgra mi rtag par
sgrub pa de'i tshe na/ rtag mi rtag gang gi yang khyad par du
ma byas

@045a @#/ /par rgol phyi rgol gnyis ka'i mthun snang du grub
pa'i sgra tsam chos can du 'dzin rigs/ slob dpon legs ldan
'byed kyi de ltar mi rigs pa'i phyir/ zer na/ thal 'gyur pas
bye brag pa'i ngor sgra mi rtag par sgrub pa

de'i tshe na/ rtag mi rtag gang gi yang khyad par du ma byas
par rgol phyi rgol gnyis ka'i mthun snang du grub pa'i sgra
tsam chos can du 'dzin rigs par thal/ sangs rgyas pas de ltar
'dzin rigs pa gang zhig /sangs rgyas pa de dbu ma  

thal 'gyur ba yin pa'i phyir te/ sangs rgyas 'phags pa dbu ma
thal 'gyur ba yin pa'i phyir/ 'dod na/ thal 'gyur ba dang/ bye
brag pa gnyis la sgra tshad mas grub tshul mthun snang ba gcig
yod par thal/ 'dod pa'i phyir/ 'dod

na; thal 'gyur bas bye brag pa'i ngor rang rgyud kyi rtags cig
'god rigs par thal lo/ kha cig dbu sems gnyis la gzugs tshad
mas grub tshul mthun snang ba cig med de/ sems tsam pas gzugs
la tshad ma yin na/ gzugs rang

gi mtshan nyid kyi grub pa la tshad ma yin dgos/ thal 'gyur bas
gzugs la tshad ma yin na/ gzugs rang gi mtshan nyid ma grub pa
la tshad ma yin dgos pa'i phyir/ zer na/ sems tsam pa gzhir
bzhag la/ gzugs 'dzin dbang

po'i mngon sum chos can/ gzugs rang gi mtshan nyid kyi grub pa
la tshad ma yin par thal/ gzugs la tshad ma yin pa'i phyir/ 'dod
na/ gzugs rang mtshan yin pa la tshad ma yin par thal/ 'dod pa'i
phyir/ 'dod na/ gzugs 'dzin dbang

po'i mngon sum gyi rjes su gzugs rang mtshan du sgrub pa'i
rtags dang/ rjes dpag 'jug pa la dgos pa med par thal/ 'dod
pa'i phyir/ kho na re/ gzugs 'dzin dbang po'i mngon sum chos
can/ gzugs rang gi mtshan nyid kyi grub pa la tshad ma yin

@045b pa thal/ khyod la gzugs rang gi mtshan nyid kyi grub par
snang ba gang zhig /khyod rang la snang ba ltar du grub pa la
tshad ma yin pa'i phyir te/ khyod rtogs med kyi tshad ma yin
pa'i phyir/ khyab ste/ rtogs pa tshad ma yin na/ rang la zhen
pa zhen  

pa ltar du grub pa la tshad ma yin dgos pa'i phyir/ zer na/ de
chos can/ khyod gzugs mi rtag pa la tshad ma yin par thal/
khyod la gzugs mi rtag par snang ba gang zhig /khyod rang la
snang ba ltar du grub pa la tshad ma yin pa'i phyir/ rtags

khyab khas/ 'dod na/ des gzugs mi rtag par rtogs par thal/
'dod pa'i phyir/ kha cig /drang nges rnam 'byed las/ yod pa
gang yin/ rang gi ngo bos yod par 'dod pa'i lugs la rang mtshan
snang ba la ltos te/ 'khrul par song na des rang gi gzhal

bya rnyed par 'jog mi nus pas/ rtog pa dang rtog med kyi tshad
ma gang yin kyang/ tshad mar song ba snang yul dang/ zhen yul
rang mtshan pa la ma 'khrul ba cig dgos so/ /zhes gsungs pa mi
'thad par thal/ gzugs 'dzin dbang po'i

mngon sum de/ gzugs rang gi mtshan nyid kyi grub pa la tshad ma
ma yin/ sgra mi rtag par rtogs pa'i rjes dpag sgra mi rtag pa
rang gi mtshan nyid kyi grub pa la tshad ma ma yin pa'i phyir/
zer na/ ma khyab ste/ yul de la tshad ma yin na/ rang ngos

nas grub pa'i yul de la tshad ma yin dgos pa lung de'i don yin
pas na/ gzugs 'dzin dbang po'i mngon sum de/ rang gi mtshan
nyid kyi grub pa'i gzugs la ma 'khrul pa'i tshad ma yin pa'i
phyir/ sgra mi rtag rtogs kyi rjes dpag de rang gi mtshan

nyid kyi grub pa'i sgra mi rtag pa la tshad ma yin pa lung de'i
don yin pa'i phyir/ kho na re/ gzugs 'dzin dbang po'i mngon
sum de/ gzugs la ma 'khrul par thal/ lung don de 'thad pa'i
phyir/ n'dod mi nus te/ de gzugs la 'khrul pa'i phyir

@046a @#/ /te/ de la gzugs phyi rol don du snang ba gang zhig
/gzugs phyi rol gyi don du med pa'i phyir/ zer na/ ma khyab ste/
sgra mi rtag rtogs kyi rjes dpag de/ sgra mi rtag pa la 'khrul
par thal/ de la sgra mi rtag pa dang/ sgra mi

rtag pa'i don spyi gcig tu snang ba gang zhig /sgra mi rtag pa
de de'i don spyi dang gcig ma yin pa'i phyir/ khyab pa khas/
'dod na/ de rang gi zhen yul la 'khrul par thal/ 'dod pa'i
phyir/ 'dod na/ de chos can/ 'khrul shes yin par

thal; rang gi zhen yul la 'khrul pa'i rig pa yin pa'i phyir/
thal 'gyur ba'i lugs la yang/ gzugs 'dzin dbang po'i mngon sum
chos can/ gzugs rang gi mtshan nyid kyi ma grub pa la tshad ma yin
par thal/ gzugs

la tshad ma yin pa'i phyir/ khyab pa khas/ 'dod na/ gzugs kyi de
kho na nyid la tshad ma yin par thal/ 'dod pa'i phyir/ 'dod na/
ting 'dzin rgyal po las/ mig dang rna ba sna yang tshad ma min/
zhes gsungs pa mi 'thad par thal/

'dod pa'i phyir/ gnyis pa rang lugs bzhag pa la/ legs ldan 'byed
rang nyid kyi bdag skye 'gog pa'i 'grel pa la skyon chags par
ston pa la/ tshig gsal las/ gzhan yang rtog ge pa 'dis/ zhes pa
nas/ de la re

zhig gang 'di skad du 'dir sbyor ba'i tshig tu 'gyur ba ni/ zhes
sogs gsungs/ 'di'i don ni/ slob dpon legs ldan 'byed na re/ mig
sogs nang gi skye mched rnams don dam par bdag las skye ba med
de/ yod pa'i phyir/ dper

na; sems pa can bzhin/ zhes bdag skye 'gog pa'i tshe/ don dam gyi
khyad par nges par sbyor ba mi 'thad de/ sgrub bya la don dam
gyi khyad par sbyor ba yin nam/ chos can la don dam gyi khyad
par sbyor/ dang po mi 'thad de/ de

@046b ltar sbyor ba la snga rgol dbu ma pa la ltos pa'i dgos pa
yang med/ phyi rgol grangs can pa la ltos pa'i dgos pa yang med
pa'i phyir/ dang po grub ste/ dbu ma pas bdag skye tha snyad du
yang 'gog rigs pa'i phyir te/ tshig gsal las/

'dir don dam par zhes bya ba'i khyad par ci'i phyir/ nye bar
bkod pa yin/ gal te 'jig rten gyi kun rdzob tu skye bar khas
blangs pa dgag par bya ba ma yin pa'i phyir dang/ 'gog na yang
khas blangs pas gnod par thal bar 'gyur ba'i

phyir ro/ /zhe na/ 'di ni rigs pa ma yin te/ bdag las skye ba ni
kun rdzob tu yang khas ma blangs pa'i phyir ro/ /zhes gsungs
pa'i phyir/ phyi ma grub ste/ bden pa gnyis char las nyams pa'i
mu stegs pa'i lugs de bden pa gnyis char du

'gog rigs pa'i phyir te/ tshig gsal las/ bden pa gnyis phyin ci
ma log par mthong ba las nyams pa'i mu stegs pa de dag ni ji
srid du gnyis ka'i sgo nas 'gog pa de srid du yon tan nyid yin
par rtogs so/ /zhes gsungs pa'i phyir/

gnyis pa ltar na/ don dam par mig sogs nang gi skye mched rnams
chos can/ bdag las skye ba med de/ zhes chos can la don dam gyi
khyad par sbyor ba yin no/ /zhe na/ de mi 'thad de/ de snga rgol
dbu ma pa la ltos pa'i skyon du

'gyur ba'i phyir/ tshig gsal las/ rang la gzhi ma grub pa'i
phyogs kyi nyes pa 'am/ gzhi ma grub pa'i gtan tshigs kyi skyon
du 'gyur te/ rang gi don dam par mig la sogs pa'i skye mched
rnams khas ma blangs pa'i phyir ro/ /zhes

gsungs/ kun rdzob tsam du grub pa'i mig sogs chos can/ zhes chos
can 'dzin pa yin no/ /zhes zer na/ de mi 'thad de/ de phyi rgol
grangs can pa la ltos pa'i chos can gzhi ma grub pa'i skyon du
'gyur pa'i phyir/ tshig gsal las/

@047a @#/ /gzhan la gzhi ma grub pa'i phyogs kyi skyon du 'gyur
bas 'di ni mi rigs so/ /zhes gsungs/ slob dpon legs ldan 'byed
na re/ mig sogs nang gi skye ched rnams chos can/ don dam par
bdag las skye ba med de/ yod pa'i phyir/

zhes bkod pa'i tshe bden rdzun gang gi yang khyad par du ma byas
par yang/ rgol phyi rgol gnyis ka la mthun snang du grub pa'i
mig sogs tsam chos can du 'dzin pa yin te/ dper na/ sangs rgyas
pas 'og mas bye brag pa'i ngor sgra

mi rtag pa sgrub pa de'i tshe na/ rtag mi rtag gang gi yang khyad
par du ma byas par rgol phyi rgol gnyis ka'i mthun snang du grub
pa'i sgra tsam chos can du 'dzin pa bzhin no/ de skad du yang/
tshig gsal las/ ci ste ji ltar sgra mi rtag ces

bya ba la/ chos dang chos can gnyis kyi spyi nyid bzung ba yin
gyi/ khyad par ni ma yin te/ khyad par 'dzin na ni rjes su dpag
pa dang/ rjes su dpag par bya ba'i tha snyad med par 'gyur ro/
/zhes gsungs pa'i phyir/ de dgag pa la don dgag

pa dang dpe dgag pa gnyis/ dang po ni/ tshig gsal las/ de ni de
ltar ma yin te/ 'di ltar gang gi tshe 'dir skye ba bkag pa sgrub
bya'i chos su 'dod pa de'i tshe de kho nar de'i rten chos can
phyin ci log tsam gyis bdag gi dngos po rnyed pa

ni nyams par gyur pas 'dis rang nyid kyi khas blangs pa nyid do/
phyin ci log pa dang/ phyin ci ma log pa dag ni tha dad pa yin
no/ /zhes gsungs/ de'i don ni/ slob dpon legs ldan 'byed kyi
grangs can gyi ngor mig sogs

don dam par bdag las mi skye par sgrub pa de'i tshe na/ bden
rdzun gang gis yang khyad par du ma byas par rgol phyi rgol
gnyis ka'i mthun snang du grub pa'i mig sogs tsam chos can byas
nas 'dzin mi rigs te/ de rigs na/ mig sogs de/ mig

@047b sogs kyi gnas lugs 'jal ba'i phyin ci ma log pa'i tshad
ma'i rnyed don dang/ grangs can gyi rgyud kyi phyin ci log gi
tshad ma'i rnyed don gyis gzhi mthun yin dgos pa la de ma yin
pa'i phyir/ de dgos te/ de ltar 'dzin rigs na/ mig sogs de mig

sogs kyi gnas lugs 'jal ba'i phyin ci ma logs pa'i tshad ma'i
rnyed don yin dgos pa gang zhig/ de gyangs can gyi rgyud kyi
phyin ci log gi tshad ma'i rnyed don yin dgos pa'i phyir/ dang po
grub ste/ mig sogs de mig sogs kyi gnas

lugs 'jal ba'i tshad ma'i rnyed don yin pa'i phyir te/ mig sogs
kyi gnas lugs 'jal ba'i tshad ma de/ mig sogs la tshad ma yin pa'i
phyir te/ de don dam par grub pa'i mig sogs la tshad ma yin pa'i
phyir te/ de rang ngos nas grub

pa'i mig sogs la tshad ma yin pa'i phyir/ der thal/ de mig sogs
la tshad ma yin pa gang zhig mig sogs rang ngos nas grub pa'i
phyir/ rtags khas/ gnyis pa grub ste/ slob dpon legs ldan 'byed
kyi grangs can gyi ngor mig

sogs don dam par bdag las mi skye bar sgrub pa'i tshe/ slob dpon
legs ldan 'byed dang grangs can gnyis la mig sogs tshad mas grub
tshul mthun pa cig yod pa'i phyir/ gnyis pa de dgag pa la/ tshig
gsal las/ dpe la yang

'dra ba yod pa ma yin te/ der ni sgra'i spyi dang mi rtag pa
gnyis kyi spyi khyad par brjod par mi 'dod pa gnyis ka la yang
yod na de bzhin du mig gi spyi ni stong pa nyid dang stong pa
nyid ma yin pa/ smra ba dag gis kun rdzob tu yang khas ma blangs
la/

don dam par yang ma yin pas/ dpe la 'dra ba yod pa ma yin no/
zhes gsungs/ de'i don ni/ sangs rgyas pas 'og mas bye brag pa'i
ngor/ sgra mi rtag par sgrub pa'i tshe rtag mi rtag gang gis
kyang khyad par du ma byas par rgol phyi rgol

@048a @#/ /gnyis ka la mthun snang du grub pa'i sgra tsam chos
can du 'dzin pa dang/ slob dpon legs ldan 'byed kyi grangs gyi
ngor mig sogs don dam par bdag las skye ba med par bsgrub pa'i
tshe/ bden rdzun gang

gis kyang khyad par du ma byas par rgol phyi rgol gnyis ka la
mthun snang du grub pa'i mig sogs tsam chos can byas nas/ 'dzin
pa gnyis dpe don 'dra ba ma yin te/ sangs rgyas pas 'og mas bye
brag pa'i ngor/ sgra mi rtag par

sgrub pa'i tshe/ de ltar 'dzin rigs/ slob dpon legs ldan 'byed
kyis grangs can gyi ngor/ mig sogs don dam par bdag las mi skye
bar sgrub pa'i tshe/ de ltar 'dzin mi rigs pa'i phyir te/ sangs
rgyas pas 'og mas bye brag pa'i ngor/ rang

rgyud kyi rtags yang dag 'god pa la skyon med cing/ slob dpon
legs ldan 'byed kyis grangs can gyi ngor rang rgyud kyi rtags
yang dag 'god mi rigs pa'i phyir/ kha cig /de gnyis dpe don du
mi mtshungs te/ sangs rgyas pas 'og mas bye

brag pa'i ngor/ /sgra mi rtag par sgrub pa'i tshe/ tha snyad la
dpyod pa'i skabs yin pas/ rgol phyi rgol gnyis ka la mthun snang
du grub pa'i chos can yod/ slob dpon legs ldan 'byed kyis grangs
can gyi ngor mig sogs don dam par bdag

las mi skye bar sgrub pa'i tshe/ don dam la dpyod pa'i skabs yin
pas/ rgol phyi rgol gnyis ka la mthun snang du grub pa'i chos
can med pa'i phyir/ zhes zer na/ 'o na/ thal 'gyur bas bye brag
pa'i ngor sgra rtag par sgrub pa'i tshe/ thal

'gyur ba dang/ bye brag pa gnyis ka la sgra tshad mas grub tshu
mthun snang zhig yod par thal/ de tha snyad la dpyod pa'i skabs
yin pa'i phyir/ 'dod na/ thal 'gyur pa dang dngos smra ba gnyis
la sgra tshad mas grub tshul mthun snang ba zhig

@048b yod par thal/ 'dod pa'i phyir/ 'dod na/ dngos/ gzhan yang/
mig sogs don dam par bdag las mi skye ba de don dam bden pa yin
par thal/ dam bca' phyi ma de 'thad pa'i phyir/ 'dod na/ de chos
can khyod don dam bden pa ma

yin par thal/ mdo sde pa des khyod tshad mas nges pa'i gang zag
yin pa'i phyir/ ma grub na mdo sde pa de de tshan mas nges pa'i
gang zag yin par thal/ mdo sde pa de mig sogs bdag las mi skye
bar tshad mas nges pa'i gang zag yin pa'i

phyir/ kho na re/ slob dpon legs ldan 'byed kyi grangs can gyi
ngor mig sogs don dam par bdag las mi skye bar sgrub pa de/ don
dam la dpyod pa'i skabs yin par thal/ mig sogs don dam par bdag
las skye mi skye dpyod pa de don

dam la dpyod pa'i skabs yin pa'i phyir te/ mig sogs bdag las
skye mi skye dpyod pa de don dam la dpyod pa'i skabs yin pa'i
phyir te/ mig sogs mtha' bzhi gang rung las skye mi skye dpyod
pa de/ don dam la dpyod pa'i skabs yin

pa'i phyir te/ de mig sogs kyi gnas lugs la dpyod pa'i skabs yin
pa'i phyir te/ thal 'gyur lugs la mig sogs mtha' bzhi gang rung
las skye mi skye dpyod pa nas bzung ste/ mig sogs kyi gnas lugs
dpyod pa'i par song zhing/

rang rgyud pa'i lugs pa de ltar ma song ba'i khyad par thad pa'i
phyir/ rang lugs ni/ slob dpon legs ldan 'byed kyi rang nyid
dang grangs can gnyis la chos can mthun snang ba yod par byas
nas/ rtags yang dag 'god pa rigs pa

yin gyi de gnyis la chos can mthun snang ba med pa ma yin te/ de
gnyis la myu gu tshad mas grub tshul mthun snang ba yod pa'i
phyir/ slob dpon legs ldan 'byed gyi lugs la myu gu la tshad ma
yin na/ rang gi mtshan nyid kyis grub pa'i myu gu la

@049a @#/ /tshad ma yin dgos/ grangs can gyi lugs la yang de ltar
yin dgos pa'i phyir/ gzhan yang/ de gnyis la myu gu tshad mas
grub tshul mthun snang ba yod de/ slob dpon legs ldan 'byed kyi
lugs la myu gu

la tshad ma yin na/ myu gu la ma 'khrul pa'i tshad ma yin dgos/
grangs can gyi lugs la yang de ltar yin dgos pa'i phyir/ gzhan
yang/ de gnyis la myu gu tshad mas grub tshul mthun snang ba yod
de/ slob dpon legs

ldan 'byed dang dngos smra ba gnyis la myu gu tshad mas grub tshul
mthun snang ba yod pa'i phyir te/ slob dpon legs ldan 'byed dang
thal 'gyur ba gnyis la myu gu tshad mas grub tshul mthun snang ba
med pa'i phyir te/ de dang slob dpon sangs

rgyas bskyangs gnyis la myu gu tshad mas grub tshul mthun snang ba
med pa'i phyir te/ slob dpon legs ldan 'byed kyi lugs la myu gu
la tshad ma yin na/ rang gi mtshan nyid kyi grub pa'i myu gu la
tshad ma yin dgos/ slob dpon

sangs rgyas bskyangs kyi lugs la myu gu la tshad ma yin na/ rang
gi mtshan nyid kyi grub pa'i myu gu la tshad ma ma yin dgos pa'i
phyir/ kha cig /skabs 'dir chos can mthun snang ba med par bshad
pa de/ rang rgyud kyi

rtags yang dag la chos can mthun snang ba med par bshad pa yin
gyi/ spyir chos can mthun snang ba med pa ma yin te/ rtags yang
dag yin na/ rang gi rten shes 'dod chos can de rgol phyi rgol
gnyis ka la mthun snang

du grub pas khyab pa'i phyir te/ rnam 'grel las/ btsang pa nyid
kyi skabs kyi ni/ /rab grags rten ni grub 'gyur te/ /rang 'dod
rtags pa'i khyad par gyi/ /dngos po rnams tshad med phyir ro/ /

@049b zhes gsungs/ de sgrub kyi rtags yang dag yin na rang nyid
kyi rtags kyi de sgrub kyi shes 'dod chos can de rgol phyi rgol
gnyis ka la mthun snang du grub pas khyab par thal/ rtags yang
dag yin na/ rang nyid kyi rten shes 'dod chos

can de rgol phyi rgol gnyis ka la mthun snang du grub pas khyab
pa'i phyir/ 'dod na/ mu stegs pas btags pa ltar gyi bdag chos
can/ ma skyes pa'i rtags kyi mu stegs pas btags pa ltar gyi bdag
de kho na nyid du med par sgrub

pa'i rgol phyi rgol gnyis ka la mthun snang du grub par thal/ de
sgrub kyi shes 'dod chos can yin pa'i phyir te/ ma skyes pa de/
de sgrub kyi rtags yang dag yin pa'i phyir te/ mo bsham bu ltar
skye ba dang 'brel phyir/ de ltar gyur pa'i

bdag ni yod min zhing/ zhes pa'i lung don grub pa'i phyir/ kha
cig/ dbu sems gnyis la chos can mthun snang ba yod de/ de gnyis
la chos can thun mong ba yod pa'i phyir te/ de gnyis la skyabs
gnas thun mong ba yod pa'i phyir/

zer na/ ma khyab/ gzhan yang/ de gnyis la chos can thun mong ba
yod de/ myu gu de de gnyis ka'i lugs la chos can yin pa'i phyir/
des na de gnyis la chos can tshad mas grub tshul mthun snang ba
med kyi/ de gnyis la chos can mthun

snang ba yod/ zhes zer/ gnyis pa skye ba lhag ma ma gsum 'gog
tshul la/ gzhan las skye ba dgag pa/ gnyis ka las skye bar dgag
pa/ rgyu med las skye ba dgag pa'o/ /dang po ni/ slob dpon sangs
rgyas bskyangs kyi 'grel par/

gzhan skye 'gog pa'i rigs pa ci ltar byung tshul/ de la legs ldan
gyis skyon brjod tshul dang skyon de sangs rgyas bskyangs la mi
'jug par bstan pa'o/ /dang po ni/ tshig gsal las/ sangs rgyas
bskyangs ni dngos po rnams gzhan

@050a @#/ /las skye ba med de/ thams cad las thams cad skye bar
'gyur ba'i phyir/ zhes rnam par 'chad do zhes gsungs/ gnyis pa
ni/ de nyid las/ slob dpon legs ldan 'byed ni des na de la thal
bar 'gyur ba'i

ngag yin pa'i phyir/ bsgrub par bya ba dang sgrub par byed pa
bzlog pa byas na dngos po bdag gam/ gnyis sam rgyu med pa las
skye bar 'gyur ba dang/ 'ga' zhig las 'ga' zhig skye bar 'gyur
ba'i phyir/ des na gong ma'i

phyogs dang 'gal ba'i phyir/ gzhan du na yang/ thams cad las
thams cad skye bar 'gyur ba'i phyir/ de bas na de la sgrub pa
dang sun 'byin pa nyid med pa'i phyir/ de ni don 'brel pa med pa
yin te/ zhes sun 'byin par

smra'o/ /zhes gsungs/ de'i don ni slob dpon legs ldan 'byed na
re/ slob dpon sangs rgyas bskyangs kyi 'grel ngag de mi 'thad
de/ des kun rdzob kyi dbang du byas nas gzhan skye 'gog par byed
dam/ don dam gyi dbang

du byas nas gzhan skye 'gog par byed/ dang po mi rigs te/ slob
dpon sangs rgyas bskyangs kyis kun rdzob tu gzhan skye yod par
khas len pa'i phyir/ don dam gyi dbang du byas nas dngos po
rnams gzhan las skye ba med de/

thams cad las thams cad skye bar 'gyur pa'i phyir/ zhes zer ba
mi rigs te/ 'grel ngag des don dam gyi dbang du byas pa'i gtan
tshigs dang dpe yang dag ma brjod pa'i phyir/ gal te brjod na/
'grel ngag de'i dngos

zin ltar/ thams cad las thams cad skye ba de/ don dam gyi dbang
du byas nas/ dngos po rnams gzhan las mi skye bar sgrub pa'i
rtags yang dag tu mi rigs pas dngos zin las bzlog pa'i don 'ga'
zhig las 'ga' zhig

@050b skye ba de/ don dam gyi dbang du byas nas dngos po rnams
gzhan las mi skye bar sgrub pa'i rtags yang dag tu khas len dgos
la/ de ltar na/ dngos po rnams bdag gam/ gnyis ka 'am/ rgyu med
pa gang rung las skye bar thal/

dngos po rnams don dam par skye ba gang zhig /dngos po rnams don
dam par gzhan las mi skye ba'i phyir/ dang po grub ste/ 'ga'
zhig las 'ga' zhig skye ba de/ dngos po rnams don dam par gzhan
las mi skye bar sgrub pa'i rtags

yang dag tu khas blangs dngos 'gal yin par thal lo/ 'dod mi nus
te/ phyogs gong ma mgon po klu sgrub kyi grub mtha' dang 'gal/
yang na dngos zin gyi rtags bzlog tshul gong dang 'dra la/ dngos
zin gyi rtags bzlog na/ dngos zin

gyi sgrub bya yang bzlog dgos te/ rgyu mtshan mtshungs pa'i phyir/
dngos zin gyi sgrub pa bya ba bzlog pa'i don gang yin/ zhe na/
'grel ngag des dngos po rnams bdag gam gnyis ka 'am/ rgyu med pa
gang rung las skye ba shugs la/

'phangs pa'i sgo nas/ dngos po rnams don dam par gzhan las skye
ba rnam par bcad tsam ma yin pa'i skye ba dngos po rnams don dam
par gzhan las mi skye bar/ sgrub pa'i sgrub bya yang dag yin pa
de/ dngos zin gyi sgrub bya bzlog pa'i don

yin par thal/ dngos zin gyi sgrub bya bzlog dgos pa gang zhig
/dngos po rnams don dam par gzhan las skye ba de de'i don du mi
rigs pa'i phyir/ 'dod mi nus te/ phyogs gong ma slob dpon klu
sgrub dngos po rnams don dam

par gzhan las mi skye ba sgrub pa'i ba sgrub bya med dgag tu
bzhed pa'i grub mtha' dang 'gal lo/ gsum pa skyon de sangs rgyas
bskyangs la mi 'jug par bstan pa la/ tshig gsal las/ 'di yang don
'brel pa med pa yin te/ gong kho

@051a @#/ /nar bstan zin pa'i phyir dang/ gzhan gyi dam bca' ba'i
don sun byin par byed pa yin pa dang/ sun 'byin pa nyid kyang
yin pa'i phyir/ 'di ni gyi na'o/ des na slar yang 'bad par mi
bya'o/ zhes gsungs

de'i don ni/ slob dpon sangs rgyas bskyangs kyi 'grel ngag des
don dam par dngos po rnams gzhan las mi skye bar sgrub pa'i gtan
tshigs dang dpe yang dag ma brjod pa'i phyir na slob dpon sangs
rgyas bskyang la skyon yod pa ma

yin te/ 'grel ngag des don dam gyi dbang du byas nas dngos po
rnams gzhan las mi skye bar sgrub pa'i gtan tshigs dang/ dpe yang
dag ma bstan kyang/ 'gal brjod kyi thal 'gyur la brten nas don
dam par

gzhan skye 'dod pa'i log rtog bzlog nus pa gang zhig/ 'grel ngag
des don dam par gzhan skye 'gog nus kyi 'gal brjod kyi thal
'gyur cig bstan pa'i phyir/ ji ltar bstan zhe na/ dngos po rnams
chos can/

rgyu yin min thams cad las skye bar thal/ don dam par gzhan las
skye ba'i phyir/ zhes pa'i 'gal brjod kyi thal 'gyur cig bstan/
gsum pa rgyu med las skye ba 'gog pa la/ sangs rgyas bskyangs
kyi 'grel

par rgyu med las skye ba 'gog pa'i rigs pa ji ltar byung tshul/
de la legs ldan 'byed kyis skyon brjod tshul/ skyon de sangs
rgyas bskyangs la mi 'jug par bstan pa'o/ dang po ni/ tshig gsal
las/ slob dpon sangs rgyas

bskyangs ni dngos po rnams rgyu med las kyang skye ba med de/
rtag tu thams cad las thams cad skye bar 'gyur ba'i phyir ro/
zhes 'chad do/ zhes gsungs/ gnyis pa ni/ de nyid las 'di la
yang/ slob dpon legs

@051b ldan 'byed ni de la yang thal 'gyur ba'i ngag yin pa'i
phyir/ gal te sgrub par bya ba dang/ sgrub par byed pa bzlog pa
gsal ba 'grel ngag gi don du mngon par 'dod pas tshe 'di skad du
dngos po rnams rgyu med pa las skye bar 'gyur

ba dang/ lan 'ga'/ kha cig las kha cig skye bar 'gyur ba dang/
rtsom pa 'bras bu dang bcas pa nyid du 'gyur ba'i phyir ro/ zhes
bstan par 'gyur na/ bshad pa 'di ni mi rigs te/ sngar smras pa'i
skyon du 'gyur ba'i phyir ro//

zhes sun 'byin par smra'o/ zhes gsungs/ de'i don ni/ slob dpon
legs ldan 'byed na re/ sangs rgyas bskyangs kyi 'grel ngag de mi
'thad de/ des dngos po rnams rgyu med las mi skye bar sgrub pa'i
gtan tshigs dang dpe yang dag ma

bstan pa'i phyir/ gal te bstan no/ zhes na/ 'grel ngag de'i
dngos zin ltar rtag du thams cad las thams cad skye ba de dngos
po rnams rgyu med las mi skye bar sgrub pa'i rtags yang dag du
ma rigs pas dngos zin las bzlog pa'i

don re 'ga' 'ga' zhig las 'ga' zhig skye ba de dngos po rnams
rgyu med las mi skye bar sgrub pa'i rtags yang dag du khas len
dgos la/ de ltar na dngos zin gyi rtag bzlog na/ dngos zin rnams
gyi dam bca' bzlog dgos te

rgyu mtshan mtshungs pa'i phyir/ dngos zin gyi dam bca' bzlog pa'i
don gang yin zhe na/ dngos po rnams rgyu med las skye ba rnam
par bcad tsam ma yin pa'i skye ba de/ dngos po rnams rgyu med
las mi skye bar sgrub pa'i rtags yang dag

gi sgrub bya yang dag yin pa de/ dngos zin gyi dam bca' bzlog
pa'i don yin par thal/ dngos zin gyi dam bca' bzlog dgos pa gang
zhig/ dngos po rnams rgyu med las skye ba de de'i don du mi rigs
pa'i phyir/ 'dod

@052a @#/ /mi nus te/ 'phags pa yab sras kyis dngos po rnams
mtha' bzhi gang rung las mi skye bar sgrub pa'i sgrub bya med
dgag tu bzhed pa dang 'gal ba'i phyir/ gsum pa ni/ tshig gsal
las/ gzhan dag na re/ 'di

ni mi rigs te/ sngar lan btab zin pa'i phyir ro/ zhes bya'o/
zhes gsungs/ de'i don ni/ sangs rgyas bskyangs kyi 'grel ngag
des dngos po rnams rgyu med las mi skye bar sgrub pa'i gtan
tshigs dang dpe yang dag ma brjod pa'i

phyir na; sangs rgyas bskyangs la skyin yod pa ma yin te/ rgyu
med las skye ba 'gog pa la gtan tshigs dang dpe yang dag nges par
brjod ma dgos shing/ 'gal brjod kyi thal 'gyur la brten nas rgyu
med

las skyes pa'i log rtog bzlog nus par gong du bstan zin pa'i
phyir/ ji ltar bstan zhe na/ dngos po rnams chos can/ rtag tu
thams cad las thams cad skye par thal/ rgyu med las skye ba'i
phyir/ zhes pa'i

'gal brjod kyi thal 'gyur cig bstan pa yin no/ dngos kun yang
dag rdzun pa mthong ba yi/ zhes sogs kyi skabs su/ kha cig/
mthar thug dpyod pa'i rigs shes kyi tshad ma'i rnyed don/ don dam

bden pa'i mtshan nyid/ tha snyad pa'i tshad ma'i rnyed don/ kun
rdzob bden pa'i mtshan nyid/ zer na/ bum pa chos can/ don dam
bden pa yin par thal/ mtshan nyid de'i phyir/ der thal/ ji lta ba
rtogs pa'i rnam mkhyen gyi rnyed

don yin pa'i phyir te/ de'i gzhal bya yin pa'i phyir te/ gzhi
grub pa'i phyir/ 'dod mi nus te/ kun rdzob bden pa yin pa'i
phyir/ gzhan yang/ bum pa'i chos nyid chos can/ kun rdzob bden
pa yin par thal/ mtshan nyid

@052b de'i phyir/ der thal/ ji snyed pa rtogs pa'i rnam mkhyen
gyi rnyed don yin pa'i phyir te/ de'i gzhal bya yin pa'i phyir
te/ gzhi grub pa'i phyir/ kho na re/ sangs rgyas 'phags pa'i
rgyud kyi ji lta ba rtogs pa'i tshad ma'i rnyed don yin na/ ji
lta ba

rtogs pa'i tshad ma'i rnyed don yin dgos par thal/ ji lta ba
rtogs pa'i rnam mkhyen gyi rnyed don yin na/ ji lta ba rtogs
pa'i tshad ma'i rnyed don yin dgos pa'i phyir/ rtags khas/ 'dod
na/ de'i rgyud kyi mig shes kyi bzung bya yin na/ mig

shes kyi bzung bya yin dgos par thal/ 'dod pa'i phyir/ zer na/
ma khyab/ 'dod na/ sgra chos can/ der thal/ de'i phyir gzhan
yang/ theg chen gyi mthong lam bar chad med lam chos can/ don
dam bden pa yin par thal/ mtshan nyid

de'i phyir/ der thal/ theg chen gyi mthong lam bar chad med lam
gyi rnyed don yin pa'i phyir te/ de'i gzhal bya yin pa'i phyir/
de der thal/ de de la tshad ma yin pa'i phyir/ de de'i snang yul
la tshad ma yin pa'i phyir/ ma grub na/ de chos can

khyod rang gi snang yul tshad ma yin par thal/ khyod shes pa yin
pa'i phyir/ 'dod mi nus te/ kun rdzob bden pa yin pa'i phyir/
gzhan yang/ bden med kyi don spyi chos can/ den dam bden pa yin
par thal/ mtshan nyid de'i phyir/

der thal/ bden med rtogs pa'i rigs shes rjes dpag gi rnyed don
yin pa'i phyir te/ de'i gzhal bya yin pa'i phyir/ de der thal/
de'i snang yul gyi gzhal bya cig yod pa'i phyir/ 'dod na/ bden
med chos can/ khyod kyi don dpyi don dam

bden pa ma yin par thal/ khyod bdag med yin pa'i phyir/ gzhan
yang/ bden med chos can/ kun rdzob bden pa yin par thal/ mtshan
nyid de'i phyir/ der thal/ bden 'dzin log shes su rtogs pa'i
rjes dpag gi rnyed don yin pa'i phyir te/

@053a @#/ /de'i gzhal bya yin pa'i phyir/ de der thal/ des bden
med rtogs pa'i phyir te/ des bden 'dzin gyi zhen yul med par
rtogs pa'i phyir/ des bden 'dzin logs shes su rtogs pa'i phyir/
ma grub na de chos can/

der thal/ chos can de yin pa'i phyir/ kho na re/ mthar thug
dpyod pa'i rigs shes kyi tshad ma'i rnyed don dang/ tha snyad
pa'i tshad ma'i rnyed don 'gal bar thal/ 'khrul shes kyi rnyed
don dang ma 'khrul pa'i shes pa'i rnyed don 'gal

ba'i phyir te/ tshig gsal las/ phyin ci log dag phyin ci ma log
pa dag ni tha dad pa yin no/ zhes gsungs pa'i phyir/ zer na ma
khyab/ Ti-ka chen las/ gal te yang dag pa'i kun rdzob mi 'dod
pas yang log

gnyis su mi 'byed kyang/ ma rig pas bslad pa'i yul dang yol can
rnams log pa'i kun rdzob tu ci'i phyir mi 'jog ce na/ kun rdzob
ni tha snyad pa'i tshad mas 'jog dgos pa'i phyir/ log pa'i kun
rdzob 'jog na yang de la

ltos nas 'jog dgos na/ ma rig pa'i bag chags kyis bslad pa ni
'khrul par tha snyad pa'i tshad nas mi grub pa'i phyir ro/ zhes
gsungs/ de'i don la kha cig/ kun rdzob yin na/ log pa'i kun
rdzob yin pas khyab zer ne/

bdem 'dzin chos can/ der thal/ der phyir/ 'dod na/ de chos can/
stong nyid la blo kha ma phyogs pa'i gang zag gi rgyud kyi tha
snyad pa'i tshad mas khyod log shes su rtogs nus par thal/ khyod
shes pa gang zhig/ khyod log pa'i

kun rdzob yin pa'i phyir/ khyab ste/ Ti-ka chen las/ kun rdzob
mi tha snyad pa'i tshad mas/ zhes pa nas/ mi 'grub pa'i phyir ro/
zhes pa'i bar gsungs/ 'dod na/ shes bya chos can/ stong nyid la
blo kha ma phyogs pa'i gang zag gi rgyud

@053b kyi tha snyad pa'i tshad mas bden 'dzin log shes su rtogs
mi nus par thal/ bden 'dzin log shes su rtogs pa'i gang zag yin
na/ bden med rtogs pa'i gang zag yin dgos pa'i phyir/ kho na re/
log pa gang zig/ kun rdzob yin

na log pa'i kun rdzob yin dgos par thal/ log pa'i kun rdzob yod
pa'i phyir/ 'dod na/ log pa gang zhig/ shes pa yin na/ log shes
yin sgos par thal/ 'dod pa'i phyir/ 'dod na/ gzigs 'dzin mig
shes chos can/ der thal/

de'i phyir/ 'dod mi nus te/ tshad ma yin pa'i phyir/ zer/ kha
cig/ log pa'i kun rdzob med pa lung de'i don yin zer na/ de mi
'thad par thal/ log pa'i kun rdzob yod pa'i phyir te/ gang zag
rang rkya thub pa'i rdzas yod du 'dzin pa'i rtog pa de/

de yin pa'i phyir/ ma grub na/ de chos can/ khyod log pa'i kun
rdzob yin par thal/ stong nyid la blo kha ma phyogs pa'i gang
zag gi rgyud kyi tha snyad pa'i tshad mas khyod log shes su rtogs
nus pa'i phyir/ khyab ste/ Ti-ka chen las/ ma rig pa'i

bag cags kyi bslad pa ni 'khral par tha snyad pa'i tshad mas mi
'grub pa'i phyir/ shes bI shugs kyi bstan don grub pa'i phyir/
rtags der thal/ gang zag rang rkya thub pa'i rdzas yod du 'dzin
pa'i rtog pa log shes su rtogs pa gang

zag yin na/ stong nyid rtogs pa'i gang zag yin mi dgos pa'i
phyir te/ gang zag rang rkya thub pa'i rdzas yod kyi stong par
rtogs pa'i gang zag yin na stong nyid rtogs pa'i gang zag yin mi
dgos pa'i phyir/ kho na re/ yang dag kun rdzob yod

par thal/ log pa'i kun rdzob yod pa'i phyir/ zer na/ ma khyab/
'dod mi nus te/ yang dag yin na/ kun rdzob ma yin dgos pa'i
phyir/ yang kho na re/ kun rdzob yin na/ log pa'i kun rdzob yin
dgos par thal/ log pa'i kun

@054a @#/ /rdzob yod pa gang zhig/ yang dag kun rdzob med pa'i
phyir/ zer na ma khyab/ kha cig/ bden 'dzin log shes su tha
snyad pa'i tshad mas rtogs mi nus pa lung de'i don yin zer ba/ mi
'thad de/ bden 'dzin log

shes su tha snyad pa'i tshad mas rtogs nus par thal/ bden 'dzin
log shes yin pa de tha snyad pa'i tshad ma'i rnyed don yin pa'i
phyir/ ma grub na/ de chos can/ der thal/ kun rdzob bden pa yin
pa'i phyir/ kho na re/ ma rig pa'i bag cags

kyi bskad pa ni 'khrul par tha snyad pa'i tshad mas mi 'grub pa'i
phyir/ zhes gsungs pa mi 'thad par thal/ bden 'dzin log shes su
tha snyad pa'i tshad mas rtogs nus pa'i phyir/ zer na ma khyab
ste/ bden 'dzin log shes su

stong nyid la blo kha ma phyogs pa'i gang zag gi rgyud kyi tha
snyad pa'i tshad mas rtogs mi nus pa king de'i don yin pa'i
phyir/ rnag logs la/ lung de'i don ni/ yang dag pa'i kun rdzob
med pas kun rdzob la yang dag kun rdzob dang log

pa'i kun rdzob gnyid du mi phyed kyang/ bden 'dzin yul dang bcas
pa log pa'i/ kun rdzob tu ci'i phyir mi 'jog ce na/ bden 'dzin
yul dang bcas pa log pa'i kun rdzob tu mi 'jog ste/ kun rdzob ni
tha snyad pa'i tshad mas 'jog

dgos pas log pa'i kun rdzob 'jog na yang/ stong nyid la blo kha
ma phyogs pa'i gang zag gi rgyud kyi tha snyad pa'i tshad mas
'jog dgos la/ stong nyid la blo kha ma phyogs pa'i gang zag gi
rgyud kyi tha snyad pa'i tshad mas/ bden

'dzin yul dang bcas pa log shes su rtogs mus pa'i phyir/ des na/
long 'dos dngos su stong nyid la blo kha ma phyogs pa'i gang zag
gi rgyud kyi tha snyad pa'i tshad mas bden 'dzin yol dang bcas pa
log shes su rtogs mi nus pas bden

@054b 'dzin yul dang bcas pa log pa'i kun rdzob ma yin par bstan
nas shugs pa stong nyid la blo kha ma phyogs pa'i gang zag gi
rgyud kyi tha snyad pa'i tshad mas log shes su rtogs mus pa'i yul
dang yul can rnams log pa'i rdzob tu bstan

pas/ lung 'dis log pa'i kun rdzob yod par bstan pa yin no/ kha
cig/ kun rdzob la yang dag kun rdzob dang log pa'i kun rdzob
gnyis su 'byed rigs zer na/ yang dag kun rdzob yod par thal/ dam
bca' 'thad pa'i phyir/ /

'dod na med par thal/ yang dag yin na/ kun rdzob ma yin dgos
pa'i phyir/ gzhan yang/ so so skye bo'i shes pa la 'khrul shes
dang ma 'khrul pa'i shes pa gnyis su 'byed rigs par thal/ dam
bca' de 'thad pa'i phyir/ 'dod na/ de

mi rig par thal/ so so skye bo'i rgyud kyi shes pa yin na/
'khrul shes yin sgos pa'i phyir/ gzhan yang/ kun rdzob la snang
ba star grub pa dang/ snang ba ltar ma grub pa gnyid 'byed rigs
par thal/ de la yang dag kun rdzob

dang log pa'i kun rdzob gnyid du 'byed rigs pa'i phyir/ 'dod mi
nus te/ kun rdzob bden pa yin na/ snang ba ltar ma grub pa'i
khyab pa'i phyir te/ de yin na snang tshul dang gnas tshul mi
mthun pas khyab pa'i phyir/ de yin na rdzun pa yin

pas khyab pa'i phyir/ kho na re/ rnam mkhyen la snang ba chos
can/ snang ba ltar du ma grub par thal/ kun rdzob bden pa yin
pa'i phyir/ 'dod na/ rnam mkhyen chos can/ khyod la snang ba
snang ba ltar du grub par thal/ khyod ma 'khrul

pa'i shes pa yin pa'i phyir/ khyab ste/ rang la snang ba snang
ba ltar du grub pa' rigs pa ma 'khrul ba'i shes pa'i shes pa'i
mtshan nyid yin pa'i phyir te/ de'i mtshan nyid yod pa'i phyir/
zer na/ ma khyab ste/ rang la snang ba rang la snang ba

@055a @#/ /ltar du grub pa'i rugs pa ma 'khrul pa'i shes pa'i
mtshan nyid yin pa'i phyir/ kha cig/ kun rdzob la 'jig rten shes
ngo la ltos te/ yang dag kun rdzob dang logs pa'i kun rdzob
gnyis su 'byed rigs zer na//

gzugs de 'jig rten shes ngo la ltos te/ yang dag kun rdzob yin
par thal/ dam bca' 'thad pa'i phyir 'dod na/ de 'jig rten sehs
ngo la ltos te yang dag yin par thal/ 'dod pa'i phyir/ 'dod mi
nus te/ de 'jig rten shes

ngo la ltos te rdzun pa yin pa'i phyir te/ de 'jig rten shes ngo
la ltos te/ kun rdzob yin pa'i phyir te/ de de la lros te yang
dag kun rdzob yin pa'i phyir/ rtags khas/ gzhan yang/ 'jig rten
shes ngo la ltos te/ yang dag kun

rdzob yod par thal/ dam bca' de 'thad pa'i phyir/ 'dod na/ med
par thal/ 'jig rten shes ngo la ltos te/ yang dag yin na/ 'ig
rten shes ngo la ltos te kun rdzob ma yin dgos pa'i phyir/ kho
na re/ 'jig rten shes ngo

la ltos te/ kun rdzob bden pa med par thal/ 'jig rten shes ngo
la ltos te/ kun rdzob yin na/ 'jig rten shes ngo la ltos te/
bden pa ma yin dgos pa'i phyir/ khyab pa 'grig/ zer na/ mi 'grig
go/ 'dod na/ 'jig

rten shes ngo la ltos te kun rdzob bden pa yod par thal/ tha
snyad pa'i tshad ma'i shes ngo la ltos te kun rdzob bden pa yod
pa'i phyir/ kun rdzob bden pa de tha snyad pa'i tshad ma'i rnyed
don yin pa'i phyir/ kha cig/ 'jig rten shes

ngo la ltos te kun rdzob la yang log gnyis su 'byed rigs zer na/
'jig rten shes ngo la ltos te yang dag dang kun rdzob kyi gzhi
mthun yod par thal/ dam bca' de 'thad pa'i phyir/ 'dod na/ med
par thal/ 'jig rten

@055b shes ngo la ltos te yang dag yin na/ de la ltos te kun
rdzob ma yin dos pa'i phyir/ kha cig/ Ti-ka chen pas/ 'jig rten
la ltos te kun rdzob kyi dbye ba bshad pa/ zhes gsungs pa mi
'thad par thal/ 'jig rten shes ngo

la ltos te yang log gnyis su 'byed mi rigs pa'i phyir/ zer na ma
khyab/ kun rdzob la 'jig rten shes ngo la ltos te yang log gnyis
su 'byed pa lung de'i don yin pa'i phyir/ kha cig/ 'phral gyis
'khrul rgyu'i ma bslad pa'i

yul dang yul can dang rung yin na/ 'jig rten shes ngo la ltos te
yang dag yin pas khyab/ de'i bslad pa'i yul dang yul can gang
rung yin na/ 'jig rten shes ngo la ltos te log pa yin khyab/ zer
na/ gang zag

rang rkya thub pa'i rdzas yod du 'dzin pa'i rtags pa lhan skyes
chos can/ der thal/ de'i phyir/ der thal/ 'phral gyi 'khrul
rgyu'i ma bslad pa'i yul can yin pa'i phyir te/ chos can de'i
phyir/ der thal/ de yod pa'i phyir/ rang du

lta ba dang 'brel yongs su zad/ zhes dang/ Ti-ka chen las/ mdo
las kyang 'jig lta lhan skyes yod par bstan no/ zhes gsungs pa'i
phyir/ 'dod na/ de 'jig rten shes ngo la ltos te yang dag ma yin
par thal/ de la ltos te

log pa yin pa'i phyir/ de der thal/ stong nyid la blo kha ma
phyogs pa'i gang zag gi rgyud kyi tha snyad pa'i tshad mas de log
par rtogs nus pa'i phyir/ de'i rgyud kyi tshad mas gang zag rang
rkya thub pa'i rdzas yod kyi stong par rtogs pa'i

phyir te/ gang zag rang rkya thub pa'i rdzas yod kyi stong par
rtogs pa'i gang zag yin na/ stong nyid rtogs pa'i gang zag yin
mi dgos pa'i phyir/ gzhan yang/ sgra rtag 'dzin rtog pa lhan
skyes chos can der thal/ de'i phyir/ der thal/

@056a @#/ /de'i ma bslad pa'i yul can yin pa'i phyir te/ blo
lhan skyes yin pa'i phyir/ 'dod na/ ma yin par thal/ 'jig rten
shes ngo la ltos te log pa yin pa'i phyir/ de der thal/ stong
nyid la blo kha ma

phyogs pa'i gang zag gi rgyud kyi tha snyad pa'i tshad mas de
log par rtogs nus pa'i phyir te/ de'i rgyud kyi tha snyad pa'i
tshad mas sgra stag du rtogs du rtogs nus pa'i phyir/ kho na
re/ sgra rtag 'dzin rtogs pa lhan skyes med par thal/

gang zag rtag par 'dzin pa'i blo lhan skyes pa'i phyir te/ de
blo kun btags yin pa'i phyir/ der thal/ gang zag rtag gcig
rang dbang can du 'dzin pa'i blo de kun btags yin pa'i phyir/
zer na/ ma khyab/ ma grub na/

der thal/ de mthong spangs yin pa'i phyir/ gzhan yang/ kho na
re/ gang zag rtag gcig rang dbang can du 'dzin pa'i blo lhan
skyes yod par thal/ gang zag rtag par 'dzin pa'i blo lhan
skyes kyang yod gang zag rang dbang can du 'dzin pa'i

blo lhan skyes kyang yod/ de cig tu 'dzin pa'i de yang yod
pa'i phyir/ zer na ma khyab ste/ gang zag rtag gcig rang dbang
can du 'dzin pa'i zhes pa'i don gcig de/ gang zag cha med gcig
tu 'dzin pa la byed cing/ gang zag cha med kyi gcig tu 'dzin
pa'i blo lhan skyes med pa'i

phyir/ gzhan yang/ grub mthas rgyud bslad pa la brten nas gang
zag rang gi mtshan nyid kyi grub pa 'thad snyam du 'dzin pa'i
blo lhan skyes chos can/ der thal/ de'i phyir/ der thal/
'phral gyi 'khrul rgyu'i bslad pa'i yul

can yin pa'i phyir/ chos can de'i phyir/ 'dod na/ de stong
nyid la blo kha ma phyogs pa'i gang zag gi rgyud kyi tha snyad
pa'i tshad mas log par rtogs nus par thal/ 'dod pa'i phyir/
'dod na/ de de'i rgyud kyi tha snyad pa'i

@056b tshad mas log shes su rtogs nus par thal/ 'dod pa'i
phyir/ 'dod mi nus te/ de log shes su rtogs nus pa'i gang zag
yin na/ gang zag bden med du rtogs nus pa'i gang zag yin dgos
pa'i phyir/ de yin na/

gang zag gi bden 'dzin gyi zhen yul med par rtogs pa'i gang
zag yin dgos pa'i phyir/ kha cig/'jig rten shes ngo la ltos te
yang dag yin na/ yod pas khyab/ zer na/ bden grub chos can/
der thal/ de'i phyir/ rtags

grub ste/ Ti-ka chen las/ bdag 'dzin lhan skyes gnyis kyi
bzung ba'i don lta bu ni/ gnod pa med pa'i dbang pos bzung ba
zhes pa yin la/ 'jig rten pa'i bsam pa rang kha ba la ltos nas
yang dag pa 'am bden pa yin mod

kyang; tha snyad du yang med de/ zhes gsungs pa'i phyir/ kha
cig /kun rdzob la 'jig rten shes ngo la ltos te yang log gnyis
su 'byed/ zhes pa'i 'jig rten pa'i shes pa de bden 'dzin la
byed zer na/ de mi 'thad par  

thal; de dang tha snyad pa'i tshad ma'i gzhi mthun yod pa'i
phyir te/ Ti-ka chen las/ de kho na nyid la mngon du  ma
phyogs pa'i tha snyad pa'i tshad mas log par rtog na/ 'jig rten
pa'i shes pas log par rtogs pa yin no/

zhes gsungs pa'i phyir/ kha cig /'jig rten shes ngo la ltos te
log pa yin na/ 'jig rten rang kha ba rnams kyi log par rtogs
nus pas/ khyab zer na/ spyi gtso bo dang de 'dzin pa'i rtogs
pa la sogs pa chos can/ der thal/

de'i phyir/ der thal/ stong nyid la blo kha ma phyogs pa'i
gang zag gi rgyud kyi tha snyad pa'i tshad mas/ de rnams log
par rtogs nus pa'i phyir te/ de'i rgyud kyi tha snyad pa'i
tshad mas/ de rnams med par rtogs nus pa'i phyir/ 'dod mi

@057a @#/ /nus te/ 'jig rten rang kha ba rnams kyi de rnams med
par rtogs mi nus pa'i phyir/ kha cig /shes pa gang zhig /rang
nyid rang gi snang yul la 'khrul par sems tsam pa yan chad kyi
grub mtha' la ma

zhugs pa'i 'jig rten rang ga bas rtogs nus pa de/ 'jig rten
shes ngo la ltos te/ yul can log pa'i kun rdzob kyi mtshan
nyid/ de gang zhig rang nyid rang gi snang yul la 'khrul bar/
'jig rten rang ga bas rtogs

mi nus par stong nyid rtogs pa'i gang zag gis rtogs dgos pa
de/ de la ltos te yul can yang dag kun rdzob kyi mtshan nyid/
de gang zhig/ rang nyid rang gtso bor snang yul du byed pa'i
blo la snang ba ltar ma grub pa'i 'jig rten rang

'jig rten rang ga bas rtogs nus pa de/ 'jig rten shes ngo la
ltos te yul log pa'i kun rdzob kyi mtshan nyid/ de gang zhig
/rang nyid rang gtso bor snang yul du byed pa'i blo la snang
ba ltar ma grub pa'i 'jig rten rang

ga bas rtogs mi nus par/ stong nyid rtogs pa'i gang zag gis
rtogs dgos pa de/ 'jig rten shes ngo la ltos te/ yul yang dag
kun rdzob kyi mtshan nyid/ zer na/ 'jig rten shes ngo la ltos
te yul can log pa

yin na/ sems tsam pa yan chad kyi grub mtha' la ma zhugs pa'i
gang zag gi/ rang nyid logs par rtogs mi nus pas khyab par
thal/ mtshan nyid dang po de 'thad pa'i phyir/ 'dod na/ rdul
phran phyogs kyi cha med bsags

pa'i rags pa dang/ de 'dzin pa'i tshad ma rdzas zhan du 'dzin
pa'i rtogs pa chos can/ der thal/ de'i phyir/ de der thal/
stong nyid la blo kha ma phyogs pa'i gang zag gi rgyud kyi tha
snyad tshad mas de log par rtogs nus pa'i phyir te/

@057b de'i rgyud kyi tha snyad pa'i tshad mas gang zag rang
skya thub pa'i rdzas yod du 'dzin pa'i rtog pa log par rtogs
nus pa'i phyir te/ de log par rtogs pa'i gang zag yin na/
stong nyid rtogs pa'i gang zag yin mi dgos pa'i phyir/ 'dod   

na; de mi nus par thal/ de log par rtogs pa'i mdo sde pa yang
med/ de 'dra'i bye brag smra ba yang med pa'i phyir/ dang po
der thal/ mdo sde pas rdul phran phyogs kyi cha med bsags pa'i
rags pa dang/ de 'dzin pa'i tshad ma rdzas

gzhan du khas len pa'i phyir/ gnyis pa der thal/ bye brag tu
smra bas rdul phran phyogs kyi cha med bsags pa'i rags pa
dang/ de 'dzin pa'i tshad ma rdzas gzhan du khas len pa'i phyir
te/ des phyi rol gyi don khas len pa'i phyir//

gzhan yang/ spyi gtso bo chos can/ rang gtso bor snang yul du
byed pa'i blo la snang ba ltar ma grub par 'jig rten rang ga
bas rtogs nus par thal/ 'jig rten shes ngo la ltos te yul log
pa yin pa'i phyir/ de der thal/ stong

nyid la blo kha ma phyogs pa'i gang zag gi rgyud kyi tha snyad
pa'i tshad mas de log par rtogs nus pa'i phyir te/ de'i rgyud
kyi tha snyad pa'i tshad mas de med par rtogs nus pa'i phyir/
'dod na/ de snang ba ltar ma grub par 'jig rten rang ga bas

rtogs nus par thal/ 'dod pa'i phyir/ 'dod na/ de med par 'jig
rten rang ga bas rtogs nus par thal/ 'dod pa'i phyir/ 'dod mi
nus te/ de med par rtogs pa'i gang zag yin na/ grub mtha' rnam
dbye la rmongs pa'i gang zag

ma yin dgos pa'i phyir/ kha cig/ kun rdzob bden pa gzhi ma
grub ste/ kun rdzob bden pa de nyon mongs can gyi ma rig pa'i
dbang gis bzhag pa'i phyir te/ rang 'grel las/ re zhig srid
pa'i yan lag gis bsdus pa'i nyom mongs can gyi

@058a @#/ /ma rigs pa'i dbang gis kun rdzob kyi bden pa rnam
par bzhag go /zhes gsungs pa'i phyir/ zer na/ don dam bden pa
chos can/ tshad mas dmigs par thal/ yod pa'i phyir/ 'dod na/ de
dmigs byed kyi tshad

ma yod par thal/ 'dod pa'i phyir/ 'dod na/ de dmigs byed kyi
tshad ma chos can/ don dam bden pa yin par thal/ yod pa'i
phyir/ 'dod na/ ma yin

par thal/ kun rdzob bden pa yin pa'i phyir te/ shes pa yin
pa'i phyir te/ gzhan yang/ sangs rgyas 'phags pa'i rgyud la
snying rje chen po med par thal/ de'i rgyud la kun rdzob dngos
su yul du byed pa'i mkhyen pa med pa'i

phyir te; kun rdzob bden pa med pa'i phyir te/ 'dod na/ gang
phyir brtse nyid rgyal ba'i lo thog phun tshogs 'di ni/ zhes
sogs snying rje chen po 'di rgyal ba'i lo thog phun tshogs
skyed pa la thog mtha' bar gsum du gal

che ba'i rgyu mtshan gyi snying rje chen po la mchod brjod
mdzad pa ma yin par thal/ 'dod pa'i phyir/ kho na re/ chos
nyid la rtse gcig tu mnyam par bzhag pa'i sa bcu'i mnyam bzhag
ye shes la kun rdzob kyi snang ba ji gsal

ji gsal du 'gro bar thal/ sangs rgyas kyi sa nas kun rdzob kyi
snang ba yod pa'i phyir/ zer na/ ma khyab/ chos nyid la rtse
gcig tu mnyam par bzhag pa'i sa bcu'i mnyam bzhag ye shes la
kun rdzob kyi snang ba yod par

thal lo/ zer na/ 'o na/ de 'dra'i mnyam bzhag ye shes la kun
rdzob kyi snang ba je chung je chung du 'gro bar thal/ sangs
rgyas kyi sa nas kun rdzob kyi snang ba med pa'i phyir/ khyab
pa 'grig /'dod na/ de 'dra'i sa dang po'i mnyam bzhag

@058b ye shes la kun rdzob kyi snang ba yod par thal lo/ kho
na re/ lam 'bras bu dang bcas pa rjes su mthun pa bstan pa ma
yin par thal/ sngags lam du dkyil 'khor re re'i sngon du yang
kun rdzob kyi snang ba dgag dgos shing/ sangs rgyas kyi sar

kun rdzob mtha' dag snang ba'i phyir/ zer na/ ma khyab ste/
lam 'bras bu dang bcas pa rjes su mthun pa bstan pa ma yin par
thal/ sngags lam du skyed rim sgom pa'i tshe lha'i sku la nga
rgyal bzhag dgos shing/ sangs rgyas kyi sar kun rdzob mtha'
dag mi

snang ba'i phyir/ khyab pa 'grig/ yang kho na re/ sangs rgyas
'phags pa'i rgyud la stobs bcu la sogs pa yod par gsungs na/
de'i rgyud la stobs bcu la sogs pa yod dgos par thal/ de'i
rgyud la stobs bcu la sogs pa yod

pa'i phyir/ 'dod na/ ston pa shA-kya thub pa de 'dod pa'i
rten la gsar du sangs rgyas par thal/ de 'dod pa'i rten la
sangs rgyas tshul bstan pa'i phyir/ zer na/ mi 'grig /yang kho
na re/ kun rdzob du yod na yod dgos par thal/ kun  

rdzob bden pa yod pa'i phyir/ 'dod na/ 'khrul ngor yod na yod
dgos par thal/ 'dod pa'i phyir/ zer na/ ma khyab/ 'dod na/
sgyu ma'i rta glang yin pa chos can/ der thal/ de'i phyir/
gzhan yang/ kho na re/ kun rdzob bden pa gzhi ma

grub ste/ gzhi grub na tshad mas grub dgos/ tshad ma'i don slu
med dang/ slu med kyi don bden grub yin pa'i phyir zhe na/ don
dam bden pa chos can/ bden grub yin par thal/ slu med yin pa'i
phyir/ tshad grub yin pa'i phyir/ 'khor gsum/

yang kho na re/ ma dag pa'i snod kyi 'jig rten de 'khrul rgyu
las nyon gyi dbang gis byung ba ma yin par thal/ de sangs
rgyas kyi ye shes la snang ba'i phyir/ 'dod na/ de 'khrul rgyu
las nyon gyi dbang gis skyed pa ma yin par thal/ 'dod pa'i
phyir/

@059a @#/ /zer na/ ma khyab/ 'dod na/ 'jig rten sna tshogs las
las skyes zhes gsungs pa mi 'thad par thal/ yang kho na re/
'byung lus bem chos mtha' dag dang bral ba'i sangs rgyas kyi
sku 'grub pa'i phyir du/ sgyu lus

la sogs pa'i lam sgom pa don med par thal/ sangs rgyas kyi ye
shes la bem chos mtha' dag snang ba'i phyir/ zer na/ ma khyab/
yang kho na re/ 'di na ji ltar sad bzhin ji srid du/ ma sad de
srid de la gsum po yod/ sad

par gyur na gsum char yod min ltar/ gti mug gnyid sad las de
de bzhin no/ /zhes gsungs pa mi 'thad par thal/ sangs rgyas
kyi ye shes la yul dbang rnam shes gsum snang ba'i phyir/ zer
na/ ma khyab ste/ ji lta ba rtogs

pa'i rnam mkhyen gyi ji lta ba gzigs pa'i gzigs ngor yul dbang
rnam shes gsum med pa lung de'i don yin pa'i phyir/ gzhan
yang/ kho na re/ gzugs 'dzin dbang po'i mngon sum nyid du sgro
btags nas/ gzhal bya

tshad ma nyid du rtogs par byed pa de yang ches shin tu ma
'berl ba nyid do/ /zhes gsungs pa mi 'thad par thal/ 'dod pa'i
phyir/ zer na/ ma khyab ste/ gzugs 'dzin dbang po'i mngon sum
de/ gzugs la rang ngos nas grub pa'i mngon

sum gyi tshad ma ma yin pa lung de'i don yin pa'i phyir/ kho na
re/ de gzugs la mngon sum gyi tshad ma ma yin par thal/ de la
gzugs bden par snang yang/ gzugs bden med yin pa'i phyir/
khyab ste/ bzhi brgya pa'i 'grel

@059b pa las/ rnam pa gzhan du gnas pa'i dngos po la rnam pa
gzhan du snang ba'i phyir/ de lta bur gyur pa ni tshad ma nyid
du btags par rigs pa ma yin te/ rnam par shes pa thams cad
tshad ma nyid du thal ba 'gyur ba'i phyir/ zhes gsungs

pa'i phyir/ zer na/ skyon med de/ gzugs 'dzin dbang po'i mngon
sum de gzugs la rang ngos nas grub pa'i mngon sum gyi tshad ma
ma yin te/ de la gzugs bden par snang yang gzugs bden par med
pa'i phyir/ zhes pa'i don yin pa'i

phyir; yang kho na re/ kun rdzob bden pa gzhi ma grub ste/ re
zhig srid pa'i yan lag gi bsdus pa'i nyon mongs pa can gyi ma
rig pa'i dbang gis kun rdzob kyi bden pa rnam par bzhog go
/zhes kun rdzob bden pa nyon mongs can gyi ma rigs pa'i

dbang gis bzhag par gsungs pa dang/ 'du byed gzugs rnyan sogs
dang 'dra bar gzigs pa rnams la ni/ bcos ma'i rang bzhin yin
gyi/ bden pa ni ma yin te/ bden par mngon par rlom pa med pa'i
phyir/ zhes nyan rang dgra bcom

pa dang dag sa la gnas pa'i sems pa'i rgyud la kun rdzob tsam
'jog shes kyi blo yod kyang/ kun rdzob bden pa 'jog shes kyi
blo med par gsungs pa dang/ snang ba med pa'i yul gyi rang
bzhin mnga' ba rnams la ni ma yin no/ /zhes sangs

rgyas kyi sa na/ kun rdzob tsam yang 'jog shes kyi blo med par
gsungs pa'i phyir/ zer na/ skyon med de/ kun rdzob bden pa
zhes pa'i tshig zur gyi kun rdzob de bden 'dzin la byed pa lung
de'i don dang/ gzugs sogs nyan rang dgra bcom

pa dang dag sa la gnas pa'i sems pa'i rgyud kyi rjes thob ye
shes kyi ngor kun rdzob tsam yin gyi bden pa ni ma yin te/ de
rnams kyi bden 'dzin ma lus par spangs pa'i phyir/ zhes pa
lung de'i don yin pa'i phyir/ des na/ kun rdzob

@060a @#/ /bden pa zhes pa'i tshigs zur gyi kun rdzob dang/ kun
rdzob du yod zhes pa'i kun rdzob gnyis ming gcig kyang don
gcig ste/ kun rdzob bden pa zhes pa'i tshig zer gyi kun rdzob
de nyon mongs can gyi ma rig pa'i

bden 'dzin la byed cing/ kun rdzob du yod zhes pa'i tshig zer
gyi kun rdzob de/ tha snyad dpyod byed kyi tshad ma la byed
pa'i phyir/ Tika chen las/ kun rdzob kyi bden pa'i mtshan gzhi
bum pa la sogs pa rnyed pa/ dbu ma'i lta ba

ma rnyed pa la yang yod mod kyang/ gzhi de kun rdzob kyi bden
pa yin par/ tshad mas rnyed pa la ni/ sngon du dbu ma'i lta ba
rnyed pa cig nges par dgos te/ gzhi de kun rdzob kyi bden par
grub na rdzun par 'grub dgos shing/

rdzun par dngos su 'grub pa la gzhi de la sngon du bden grub
tshad mas khegs dogs pa'i phyir/ zhes gsungs/ 'di'i don la kha
cig /kun rdzob bden pa tshad mas rtogs pa la/ don dam bden pa
tshad mas rtogs pa sngon du 'gro dgos

zer na/ kun rdzob bden pa rtogs pa'i blo de thabs dang/ don
dam bden pa rtogs pa'i blo de thabs byung yin pa'i khyad par
mi 'thad par thal/ dam bca' de 'thad pa'i phyir/ 'dod na/ tha
snyad bden pa thabs gyur pa dang/ /don

dam bden pa thabs byung gyur pa de/ /zhes gsungs pa mi 'thad
par thal/ 'dod pa'i phyir/ kho na re/ kun rdzob bden pa tshad
mas rtogs nas/ don dam bden pa tshad mas rtogs pa'i gang zag
yod par thal/ kun rdzob

bden pa rtogs pa'i blo de thabs dang/ don dam bden pa rtogs
pa'i blo de/ thabs byung yin pa'i khyad par 'thad pa'i phyir/
'dod na/ de 'dra ba'i gang zag des kho kho rang yin par thal/
kho yod pa'i phyir/ de chos can/ de ma

@060b yin par thal/ don dam bden pa tshad mas rtogs pa'i gang
zag yin pa'i phyir/ der thal/ gnas lugs tshad mas rtogs pa'i
gang zag yin pa'i phyir te/ kun rdzob bden pa'i gnas lugs tshad
mas rtogs pa'i gang zag yin pa'i

phyir te/ de bden stong du tshad mas rtogs pa'i gang zag yin
pa'i phyir te/ kun rdzob bden pa brdzun par tshad mas rtogs
pa'i gang zag yin pa'i phyir/ khyab ste/ brdzun par dngos su
'grub pa la gzhi de la sngon du bden grub tshad mas khegs

dgos pa'i phyir/ zhes gsungs pa'i phyir/ rtags der thal/ kun
rdzob bden pa/ kun rdzob bden par tshad mas rtogs pa'i gang zag
yin pa'i phyir te/ kun rdzob bden pa tshad mas rtogs pa'i gang
zag yin pa'i phyir/ zer na/

ma khyab/ yang kho na re/ de chos can/ don dam bden pa tshad
mas rtogs pa'i gang zag yin par thal/ dbu ma'i lta ba rnyed
pa'i gang zag yin pa'i phyir/ kun rdzob bden pa kun rdzob bden
par tshad mas rtogs pa'i gang zag yin pa'i

phyir/ khyab ste/ gzhi de kun rdzob kyi bden pa yin par tshad
ma rnyed pa la ni sngon du dbu ma'i lta ba rnyed pa cig nges
par dgos te/ zhes gsungs pa'i phyir/ rtags grub ste/ kun rdzob
bden pa tshad mas rtogs pa'i gang zag

yin pa'i phyir/ zer na/ ma khyab/ 'o na/ bum pa tshad mas rtogs
pa'i gang zag yin na/ bum pa'i gnas lugs tshad mas rtogs pa'i
gang zag yin dgos par thal/ kun rdzob bden pa tshad mas rtogs
pa'i gang zag yin na/ kun 

rdzob bden pa'i gnas lugs tshad ma rtogs pa'i gang zag yin dgos
pa'i phyir te/ kun rdzob bden pa tshad mas rtogs pa'i gang zag 
yin na/ de bden stong tshad mas rtogs pa'i gang zag yin dgos 
pa'i phyir te/ kun rdzob bden pa

@061a @#/ /tshad mas rtogs pa'i gang zag yin na/ kun rdzob bden pa
kho kho rang du tshad mas rtogs pa'i gang zag yin dgos/ de der
tshad mas rtogs pa la/ de bden stong tshad mas rtogs pa sngon du
'gro dgos pa'i

phyir/ de brdzun par tshad mas rtogs pa la/ de bden stong du tshad
mas rtogs pa sngon du 'gro dgos pa'i phyir/ khyab ste/ brdzun
par dngos su 'grub pa la gzhi de la sngon du bden grub tshad mas
khegs dgos pa'i phyir/ zhes

gsungs pa'i phyir/ zer na/ sangs rgyas 'phags pa chos can/ kun
rdzob bden pa kun rdzob bden par tshad mas rtogs pa'i gang zag
yin par thal/ kun rdzob bden pa tshad mas nges pa'i gang zag yin
pa'i phyir/ khyab pa khas/

'dod na/ kun rdzob bden pa kun rdzob bden par tshad mas rtogs par
thal/ de ltar sangs rgyas 'phags pas rtogs pa'i phyir/ 'dod na/
kun rdzob bden pa kun rdzob bden par yod par thal/ 'dod pa'i
phyir/ 'dod na/

gzhi grub na kun rdzob bden par yod pas khyab par thal/ 'dod
pa'i phyir/ 'dod na/ khyod bden par med pa khyod kyi gnas lugs
yin par thal/ khyod gzhi grub pa'i phyir/ zhes pa'i thal 'gyur
la khyab pa yod par

thal/ bum pa bden stong de bum pa'i gnas lugs yin pa'i phyir/
'dod na/ kun rdzob chos can/ der thal/ de'i phyir/ 'dod na/ kun
rdzob bden par med pa chos can/ khyod yod par thal/ khyod kun
rdzob kyi gnas

lugs yin pa'i phyir/ 'dod na song/ kun rdzob bden par med pa med
par thal/ gzhi grub na kun rdzob bden par yod pas khyab pa'i
phyir/ gzhan yang/ bum pa tshad mas nges pa la/ bum ba'i gnas
lugs tshad mas

@061b nges pa sngon du 'gro dgos par thal/ kun rdzob bden pa
tshad mas nges pa la/ de'i gnas lugs tshad mas nges la sngon du
'gro dgos pa'i phyir te/ de tshad mas nges pa la/ bden med tshad
mas nges pa sngon du 'gro dgos pa'i phyir/

byas pa la kho na re/ kun rdzob bden pa tshad mas nges pa la de'i
gnas lugs tshad mas nges pa sngon du 'gro dgos par thal/ kun
rdzob bden pa kun rdzob bden pa yin par tshad mas nges pa la/ kun
rdzob bden pa kun rdzob bden pa

yin pa'i gnas lugs tshad mas nges pa sngon du 'gro dgos pa'i
phyir te/ de tshad mas nges pa la/ de bden stong tshad mas nges pa
sngon du 'gro dgos pa'i phyir te/ de tshad mas nges pa la/ kun
rdzob bden pa bden med du

tshad mas nges pa sngon du 'gro dgos pa'i phyir te/ rang 'grel
las/ de yang nyan thos dang rang sangs rgyas dang byang chub
sems dpa' nyon mongs can gyi ma rig pa spangs pa 'du byed gzugs
brnyan dang 'dra bar gzigs pa rnams

la ni bcos ma'i rang bzhin yin gyi bden pa ni ma yin te/ bden pa
mngon par rlom pa med pa'i phyir ro/ /zhes gsungs/ de'i don la
snga rab pa kha cig /gzugs sgra la sogs pa rnams chos can/ nyan
rang dang dag sa la gnas

pa'i byang sems rnams kyi don kun rdzob tsam yin gyi/ kun rdzob
kyi bden pa ni ma yin te/ de rnams kyi rgyud la bden 'dzin med
pa'i phyir te/ de rnams kyi bden 'dzin spangs zin pa'i phyir/
zhe na/ nyan rang dgra bcom pa dang dag sa

la gnas pa'i byang sems kyi ngor/ gzugs sogs kun rdzob kyi bden
pa ma yin pa'i sgrub byed du/ de rnams kyi rgyud la bden 'dzin
med pa 'god pa mi rigs te/ gzhi de kun rdzob kyi bden par 'grub
pa la/ gzhi de brdzun par 'grub

@062a @#/ /dgos shing/ gzhi de brdzun par 'grub pa la/ gzhi de la
bden grub blo ngor khegs dgos pa'i phyir/ rang lugs ni/ gzugs
sgra la sogs pa chos can/ nyan rang dgra bcom pa dang dag sa la
gnas

pa'i byang sems kyi ngor/ kun rdzob tsam yin gyi bden grub ni ma
yin te/ de rnams kyi rgyud la bden 'dzin med pa'i phyir/ zhes pa
lung de'i don yin/ byas pa la kho na re/ gzugs chos can/ dag sa
la gnas pa'i byang

sems kyi ngor bden grub yin par thal/ de'i snang ngor bden grub
yin pa'i phyir/ de'i rgyud la de bden par snang ba'i blo yod
pa'i phyir/ zhe na/ gzugs byang sems sbyor lam pa'i ngor bden
grub yin par thal/ de de'i snang

ngor bden grub yin pa'i phyir/ khyab pa khas/ rtags grub ste/
de'i rgyud la gzugs bden grub tu snang ba'i blo yod pa'i phyir/
rtsa bar 'dod mi nus te/ gzugs de'i ngor bden med yin pa'i phyir
te/ byang sems sbyor lam

pa de gzugs bden med du tshad mas nges pa'i gang zag yin pa'i
phyir/ kha cig/ kun rdzob bden pa med de/ bden 'dzin de kun
rdzob bden pa 'jogs byed kyi blo yin pa'i phyir/ rang 'grel las/
de ltar na re zhig srid pa'i

yan lag gis yongs su bsdus pa nyon mongs pa can gyi mi rig pa'i
dbang gis kun rdzob kyi bden pa rnam par bzhag go /zhes gsungs
pa'i phyir/ zer na/ shes bya chos can/ sgyu ma'i rta glang dang/
rmig rgyu'i steng gi chu la sogs

pa kun rdzob tu yod par thal/ kun rdzob tu yod na yod mi dgos
pa'i phyir/ ma grub na/ kun rdzob bden pa chos can/ der thal/
de'i phyir/ kun rdzob kyi bden pa yin pa'i phyir/ rtsa bar 'dod
na/ sgyu ma rmig rgyu sogs la

@062b btags pa gang/ de dag 'jig rten las kyang yod min nyid/
zhes gsungs pa mi 'thad par thal/ 'dod pa'i phyir/ gzhan yang/
mu stegs pas btags pa'i bdag kun rdzob tu yod par thal/ kun
rdzob tu yod na yod pas

ma khyab pa'i phyir/ 'dod na/ 'di ni ngar 'dzin rten du'ang mi
rigs la/ 'di ni kun rdzob tu yang yod mi 'dod/ zhes gsungs pa mi
'thad par thal/ 'dod pa'i phyir/ des na/ re zhig srid pa'i yan
lag gis yongs su bsdus pa zhes

sogs kyi don ni/ kun rdzob bden pa zhes pa'i tshig zur gyi bden
pa rang gi ngor 'jogs pa'i blo kun rdzob pa de bden 'dzin la
byed pa lung de'i don yin pa'i phyir/ kho na re/ bden grub chos
can/ yod par thal/ kun rdzob

tu yod pa'i phyir/ ma grub na/ de kun rdzob tu yod par thal/ bum
pa kun rdzob tu bden par yod pa'i phyir/ ma grub na/ bum pa kun
rdzob tu med par thal/ bum pa kun rdzob tu bden par med pa'i
phyir/ khyab ste/ rang 'grel las de'i

phyir; de dang gang zhig kun rdzob tu yang brdzun pa ni/ kun
rdzob kyi bden pa ma yin par lta ste/ zhes gsungs pa'i phyir/
zer na/ ma khyab ste/ brda la byang ba'i gang zag la/ byad bzhin
gyi gzugs brnyan byad bzhin yin pa de'i

kun rdzob ma yin te/ de la de yod par snang yang yod pa ma yin
par rdzun pa'i phyir/ zhes pa'i don yin/ gzhan yang/ bden med
rtogs pa'i shes rab kun rdzob tu med par thal/ bden grub med par
rtogs pa'i tshad ma kun rdzob

tu med pa'i phyir te/ bden grub kun rdzob tu yod pa'i phyir/
rtags khas/ rtsa bar 'dod na/ de chos can/ khyod kun rdzob tu
yod par thal/ khyod kun rdzob kyi bden pa yin pa'i phyir/ gzhan
yang/ bum pa'i chos nyid don dam par grub par

@063a @#/ /thal/ bum pa'i chos nyid don dam bden pa yin pa'i
phyir/ khyab ste/ kun rdzob bden pa yin na/ kun rdzob bden par
grub dgos pa'i phyir/ 'dod na/ de chos can/ bden par grub par
thal/ 'dod pa'i phyir/

kha cig /kun rdzob bden pa yin na/ brdzun pa yin pas ma khyab
zhe na/ rtsa ba shes rab las/ 'du byas thams cad slu ba'i chos/
des na de dag brdzun pa yin/ zhes gsungs pa mi 'thad par thal/
'dus byas yin na/ khyod

brdzun pa slu ba'i chos can yin pas ma khyab pa'i phyir te/ dam
bca' de'i phyir/ kho na re/ las rgyu 'bras chos can/ slu ba'i
chos can yin par thal/ brdzun pa slu ba'i chos can yin pa'i
phyir/ kun rdzob kyi bden pa yin

pa'i phyir/ khyab pa khas/ 'dod mi nus te/ mi slu ba yin pa'i
phyir te/ mi slu ba'i phyir/ zer na/ ri bong gi rwa chos can/ ma
'ongs pa yin par thal/ ma 'ongs pa'i phyir/ khyab pa khas/ ma
grub na/ de chos can/ yod par thal/

'ongs pa'i phyir/ gzhan yang/ bum pa zhig pa chos can/ ma zhigs
pa yin par thal/ ma zhig pa'i phyir/ khyab pa khas/ ma grub na/
bum pa zhigs pa de/ bum pa zhig pa'i dus su zhig par thal/ de
zhig

pa'i phyir/ 'dod na/ bum pa zhig pa'i dus su bum pa zhig pa'i
'bras bu skyes par thal/ 'dod pa gang zhig /bum pa zhig pa dang
bum pa zhig pa'i 'bras bu skyes pa dus mnyam pa'i phyir/ de de'i
'bras bu

yin pa'i phyir/ 'dod mi nus te/ zhig pa yin pa'i phyir ste/ 'das
pa yin pa'i phyir/ ma grub na/ der thal/ shes bya dang cig gang
zhig 'das pa'i mtshan nyid yod pa'i phyir/ rang lugs bzhags pa
la/ don

@063b dam bden pa dang kun rdzob bden pa so so'i mtshan nyid
bshad pa/ dbye ba/ sgra bshad pa dang gsum/ dang po ni/ mthar
thug dpyod pa'i rigs shes kyi rnyed don gang zhig mthar thug
dpyod pa'i rigs shes de khyod la mthar thug

dpyod pa'i rigs shes su song ba/ khyod don dam bden pa yin pa'i
mtshan nyid/ de la stod gzhi'i sgo nas dbye na/ stong nyid nyi
shu dang bcu drug la sogs pa yod/ tha snyad pa'i tshad ma'i rnyed
don gang zhig tha snyad pa'i tshad

ma de khyod la tha snyad pa'i tshad mar song ba/ khyod kun rdzob
bden pa yin pa'i mtshan nyid/ de la dbye na/ 'jig rten shes ngo
la ltos te yang dag pa dang/ 'jig rten shes ngo la ltos te log
pa gnyis su yod/ de gnyis kyi

khyad par la/ spyir btang dang/ dmigs gsal gnyis/ dang po ni/
'phral gyi 'khrul rgyus ma bslad pa'i shes pa yul dang bcas pa
de/ 'jig rten shes ngo la ltos te yang dag dang/ 'phral gyi
'khrul rgyus bslad pa'i

shes pa yul dang bcas pa de/ 'jig rten shes ngo la ltos te log
pa'i kun rdzob yin/ 'phral gyi 'khrul rgyu yang/ dbang po gzugs
can pa la gnod pa dang/ yid dbang la gnod pa gnyis/ dang po la
'khrul rgyu nang na yod pa dang/

'khrul rgyu phyi na yod pa gnyis/ dang po ni/ rab rib dang/ mig
ser dang/ da du ra zos pa dang/ gnyis pa ni/ me long dang/ brag
phug stong pa nas sgra 'byung ba dang/ so ka'i dus kyi nyi ma'i
'od zer bye ma skya bo'i yul dang phrad

par gyur ba dang/ mig 'khrul mkhan gyis sbyar ba'i sman dang
sngags la sogs pa rnams yin/ de rnams kyi 'khrul pa skyed tshul
ni/ rab rib kyis ni skra shad 'dzag snang gyi dbang shes 'khrul
pa'i rgyu byed/ mig ser gyi dung dkar ser

@064a @#/ /por snang ba'i dbang shes 'khrul pa'i rgyu byed/ da du
ra zos pas ni/ sa gzhi gser du snang ba'i dbang shes la 'khrul
pa'i rgyu byed/ me long dang byad bzhin phrad pas ni byad bzhin
gyi gzugs brnyan byad bzhin

du snang ba'i dbang shes 'khrul pa'i rgyu byed/ brag phug stong
pa'i sgras ni/ brag sgra brjod byed kyi sgrar snang ba'i dbang
shes 'khrul pa'i rgyu byed/ sos ka'i dus kyi nyi ma'i 'od zer
bye ma skya bo'i yul dang/ nye bar gyur pas ni/

smig rgyu la tshur snang ba'i dbang shes 'khrul pa'i rgyu byed/
mig 'khrul mkhan gyi sbyor pa'i sman dang sngags kyi ni/ rde
shing rta glang du snang ba'i dbang shes 'khrul pa'i rgyu byed
do/ /gnyis pa ni/ yid dbang la gnod pa byed pa'i 'khrul

rgyu ni/ grub mtha' ngan pa dang/ gtan tshigs ltar snang dang/
gnyid la sogs pa yin la/ grub mtha' ngan pa dang/ gtan tshigs
ltar snang gi ni/ bdag rtag pa dang/ spyi gtso bo yod par 'dzin
pa'i yid shes 'khrul pa'i rgyu

byed; byid kyi ni rme lam na glang po che snang ba la/ glang po
cher 'dzin pa'i yid shes 'khrul pa'i rgyu byed/ gnyis pa dmigs
bsal ni/ 'phral gyi 'khrul rgyu sa ma bslad pa'i yul can dang
yul gang rung yin na/ 'jig rten shes

ngo la ltos te yang dag pa yin pas ma khyab ste/ gzugs rang rkya
thub pa'i rdzas yod du 'dzin pa'i rtog pa lhan skyes dang/ sgra
rtag 'dzin rtog pa lhan skyes rnams 'phral gyi 'khrul rgyu'i ma
bslad pa'i shes pa yin kyang/ /

'jig rten shes ngo la ltos te log pa yin pa'i phyir/ 'phral gyi
'khrul rgyu'i bslad pa'i shes pa'i yul dang yul can gang rung
yin na/ 'jig rten shes ngo la ltos te log pa yin pas ma khyab
ste/ grub mtha' ngan pas

@064b bslad pa'i dbang gi gang zag bden par grub pa 'thad snyam
du 'dzin pa'i rtogs pa de/ 'phral gyi 'khrul rgyu'i bslad pa'i
shes pa yin kyang/ de 'jig rten shes ngo la ltos te log pa ma
yin pa'i phyir/ des na 'jig rten shes ngo la

ltos te yang lag gi khyad par ni/ shes pa yin pa gang zhig
/stong nyid rtogs ma myong ba'i gang zag gi rgyud kyi tha snyad
pa'i tshad mas khyod log shes su rtogs mi nus pa de/ khyod 'jig
rten shes ngo la ltos te yul can

yang dag pa yin pa'i mtshan nyid/ shes pa gang zhig /stong nyid
rtogs ma myong ba'i gang zag gi rgyud kyi tha snyad pa'i tshad
mas khyod log shes rtogs nus pa de/ 'jig rten shes ngo la ltos
ste yul can log pa'i kun rdzob kyi mtshan

nyid; yul gyi kun rdzob gang zhig stong nyid rtogs ma myong pa'i
gang zag gi rgyud kyi tha snyad pa'i tshad mas/ khyod snang ba
ltar ma grub par rtogs nus pa de/ khyod 'jig rten shes ngo la
ltos ste yul log pa'i kun rdzob kyi mtshan

nyid; yul gyi kun rdzob gang zhig stong nyid rtogs ma myong pa'i
gang zag gi rgyud kyi tha snyad pa'i tshad mas/ khyod snang ba
ltar du ma grub par rtogs nus pa de/ khyod 'jig rten shes ngo la
ltos ste yul log pa'i kun rdzob kyi mtshan nyid/

yul gyi kun rdzob gang zhig /stong nyid rtogs ma myong pa'i gang
zag gi rgyud kyi tha snyad pa'i tshad mas khyod snang ba ltar ma
grub par rtogs mi nus pa de/ 'jig rten shes ngo la ltos te yul
yang dag pa'i kun rdzob kyi mtshan nyid/ kun

rdzob kyi bden pa la/ yang dag kun rdzob dang log pa'i kun rdzob
gnyis su mi 'byed de/ yang dag kun rdzob med pa'i phyir/ 'o na
log pa'i kun rdzob yod dam med zhe na/ kha cig /bdag 'dzin gnyis
la sogs pa ma rig bag chags

kyi bslad pa'i yul yul can la sogs pa rnams log pa'i kun rdzob
yin zhe na/ bdag 'dzin gnyis log pa'i kun rdzob ma yin te/ stong
nyid rtogs ma myong pa'i gang zag gi rgyud kyi tha snyad pa'i
tshad mas bdag 'dzin log shes su

@065a @#/ /rtogs mi nus pa'i phyir/ de'i shugs la log pa'i kun
rdzob yod de/ stong nyid rtogs mi myong ba'i gang zag gi rgyud
kyi tha snyad pa'i tshad mas log shes su rtogs nus pa'i yul can
dang/ de'i yul

rnams log pa'i kun rdzob yin pa'i phyir/ gsum pa la/ don dam
bden pa'i sgra bshad pa dang/ kun rdzob bden pa'i sgra bshad pa
gnyis/ dang po ni/ bum pa'i chos nyid chos can/ khyod la don dam
bden pa zhes brjod pa'i rgyu mtshan

yod de; don yang yin/ dam pa yang yin pas na de ltar brjod pa'i
phyir/ don yin te/ 'phags pa'i mnyam bzhag ye shes kyi rnyed don
yin pa'i phyir/ dam pa yin te/ gnas lugs dam pa yin pa'i phyir/
bden pa yin te/

snang tshul gnas tshul mthun pa'i mi slu ba yin pa'i phyir/ tshig
gsal las/ don yang de yin la dam pa yang de yin pas dam pa'o/
/de nyid bden pa yin pas na don dam pa'i bden pa'o/ /zhes
gsungs/ gnyis pa la/

yul gyi sgo nas bshad pa dang/ yul can gyi sgo nas bshad pa'o/
/dang po ni/ bum pa chos can/ khyod la kun rdzob kyi bden pa
zhes brjod pa'i rgyu mtshan yod de/ blo kun rdzob pa gti mug bden
'dzin gyi dor bden pas de

ltar brjod pa'i phyir/ bden 'dzin chos can/ khyod la kun rdzob
zhes brjod pa'i rgyu mtshan yod de/ gnas lugs kyi don mngon sum
du mthong ba la sgrib byed yin pa'i rgyu mtshan gyi de ltar brjod
pa'i phyir te/ gti mug rang bzhin

sgrib phyir kun rdzob ste/ /zhes gsungs pa'i phyir/ gnyis pa ni/
kun zhes pa sna tshogs pa dang/ rdzob zhes pa brdzun pa'i don no/
/bden pa zhes pa ni/ bden 'dzin gyi ngor bden pa'o/ /gzhung don
ni/ phyi nang gi dngos po kun

@065b chos can/ khyod kyi steng du ngo bo gnyis gnyis yod de/
khyod kyi steng du mthar thug dpyod pa'i rigs shes kyi rnyed don
dang/ tha snyad pa'i tshad ma'i rnyed don gnyis su yod pa'i
phyir/ rtsod pa spang pa la/ kho na re/ bum pa'i don spyi chos
can/

mtshon bya dang po der thal/ mtshan nyid de'i phyir/ phyi ma der
thal/ stong nyid rtogs ma myong pa'i tha snyad pa'i tshad mas
khyod bum 'dzin rtogs pa la snang ba ltar ma grub par rtogs nus
pa'i phyir/ zer na/ ma khyab bo/ kha cig /byad bzhin

gyi gzugs brnyan chos can/ stong nyid rtogs ma myong ba'i tha
snyad pa'i tshad mas snang ba ltar ma grub par rtogs nus par
thal/ 'jig rten shes ngo la ltos te log pa'i kun rdzob yin pa'i
phyir/ khyab pa khas/ 'dod mi nus te/ byad bzhin

gyi gzugs brnyan snang ba ltar ma grub pa de/ de'i gnas lugs yin
pa'i phyir te/ nga snang ba ltar ma grub pa de nga'i gnas lugs
yin pa'i phyir/ zer na/ ma khyab/ bum pa'i chos nyid chos can/
snang ba ltar grub par thal/ snang tshul dang

gnas tshul mthun pa'i mi slu ba yin pa'i phyir/ 'dod mi nus te/
de snang ba ltar ma grub pa de'i gnas lugs yin pa'i phyir te/ de
snang ba ltar ma grub pa de'i gnas lugs yin pa'i phyir/ zer na/
ma khyab ste/ ! //

rab rib mthu yi skra bshad la sogs pa'i/ /zhes sogs kyi skabs
su/ sangs rgyas kyi ye shes kyi shes bya mkhyen tshul la gnyis
te/ don dam bden pa'i shes bya thams cad mkhyen tshul dang/ kun
rdzob bden pa'i shes bya thams

cad mkhyen tshul lo/ /dang po ni/ phung po la sogs pa kun rdzob
pa'i snang ba rnams ma gzigs pa'i tshul gyi de kho na nyid mkhyen
pa'o/ /gnyis pa ni/ mi snang yang rtogs pa'i shugs rtogs sangs
rgyas la bzhag tu mi rung pa'i phyir/

@066a @#/ /snang nas mkhyen dgos pas ji snyed pa mkhyen pa'i ye
shes de'i ngor/ yul dang yul can gnyis su snang ba'i tshul gyi
mkhyen pa'o/ /zhes Tik

chen las gsungs la/ de'i don la mkhas pa kha cig /sangs rgyas
kyi ye shes kyis sangs rgyas kyi ye shes shugs la rtogs zhes
gsungs/ shes bya chos

can; Tik chen las/ mi snang yang rtogs pa'i shugs rtogs zhes
sogs dang/ rnam kun mkhyen pa'i stobs kyi myur du rgyal rnams
kyi/ /zhes pa'i

thad kyi/ Tik chen las/ sangs rgyas kyi mngon sum la shugs
rtogs mi rung bas snang nas mkhyen dgos so/ de yang rnam pa ma
shar bar mkhyen pa 'di pa'i lugs

ma yin pa ni rigs pa drug cu pa'i 'grel pa las gsal bar bshad
do/ zhes gsungs pa/ mi 'thad par thal/ dam bca' de 'thad pa'i
phyir/ kho na re/

sangs rgyas kyi ye shes chos can/ sangs rgyas kyi ye shes kyis
gnyis snang nub pa'i tshul gyi rtogs par thal/ des dngos su
rtogs pa gang zhig /

@066b des gnyis snang dang bcas pa'i tshul gyi ma rtogs pa'i
phyir/ de'i lan la mkhas pa kha cig sangs rgyas kyi ye shes
kyi sangs rgyas kyi ye shes gnyis snang nub pa'i tshul gyi

rtogs kyang/ de de'i rnam pa ma shar te/ gal te shar na/ de de
dang 'brel bar thal/ de la de'i rnam pa shar ba'i phyir/ 'dod
na/ de de dang tha dad du

thal lo; ;zhes gsungs/ Tik chen las/ de yang rnam pa ma shar
bar zhes sogs gsungs pa/ mi 'thad par thal/ sangs rgyas kyi ye

shes la sangs rgyas kyi ye shes kyi rnam pa ma shar pa'i
phyir/ gzhan yang/ de chos can/ don dam bden pa yin par thal/
khyod la gnyis snang

nub pa'i blo yod pa'i phyir/ kha cig /rnam mkhyen gyi dus gsum
gcig car du rtogs te/ rnam mkhyen gyi da ltar dus su da lta ba
rtogs pa'i dus 'das

pa 'das pa'i dus su ji ltar byung ba bzhin rtogs/ /ma 'ongs pa
ma 'ongs pa'i dus su ji ltar byung ba bzhin rtogs pa'i phyir/
de na rnam mkhyen gyi dus

@067a @#/ /gsum gcig car tu grub mi dgos te/ mkhyen dus dang
grub dus mi gcig pa'i phyir dang/ gzhi gcig tu shes bya thams
cad mkhyen na gzhi gcig tu shes

shes bya thams cad yod mi dgos pa'i phyir dang/ mkhyen pa der
mkhyen rgyu'i chos de yod mi dgos pa'i phyir ro/ /zhes gsungs/
de la kha cig gi rnam mkhyen gyis myug gnyis gcig

car du rtogs par thal/ dam bca' 'thad pa'i phyir/ 'dod na/ sa
myug gnyis gcig car du grub par thal lo/ zhes zer zhing kho
rang gi lugs 'jog pa na/ rnam mkhyen

gyi dus gcig tu shes bya thams cad mkhyen kyang shes bya thams
cad dus gcig tu rnam mkhyen kyis ma mkhyen zer na dam bca'
dang po mi 'thad de/ dus gsum gcig car du rnam mkhyen gyis
rtogs par thal/ dam bca' de 

'thad pa'i phyir/ 'dod na/ dus gsum gcig car du tshad mas rtogs
par thal/ 'dod pa'i phyir/ 'dod na/ dus gsum gcig car du grub
par thal lo/ /dam bca' gnyis pa yang mi rigs

te; rnam mkhyen gyis dus gsum gcig car du rtogs par thal/ des
da lta ba rtogs pa'i dus su 'das pa yang mngon sum du rtogs/
ma 'ongs pa yang mngon sum du rtogs pa'i phyir ro/ /des da lta
ba

rtogs pa'i dus su shes bya thams cad mngon sum du rtogs pa'i
phyir/ des na rang lugs ni/ rnam mkhyen gyis shes bya thams
cad gcig car du mkhyen shes bya thams cad gcig car du rnam
mkhyen gyis ma rtogs pa yin no/ /de na rnam mkhyen

@067b gyi de ring gi dus su kha sang gi myu gu rtogs byas pa
la/ kha cig /rnam mkhyen gyi kha sang gi myu gu de ring gi dus
su rtogs par thal/ de ring gi dus su kha sang gi myu gu rtogs
pa'i phyir na ma khyab/ 'dod na/ kha sang gi myu gu de de ring

gi dus su yod par thal lo/ /kha cig /ji lta ba rtogs pa'i rnam
mkhyen gyi ji snyed pa ma rtogs zer na/ mkhyen pa'i skad gcig
gcig gis kyang/ /shes bya'i dkyil 'khor kun khyab cing/ /zhes
gsungs pa mi 'thad

par thal/ dam bca' de 'thad pa'i phyir/ kho na re/ ji lta ba
mkhyen pa'i rnam mkhyen chos can/ gnyis snang dang bcas par
thal/ ji snyed pa la gnyis snang dang bcas pa'i phyir/ 'dod
na/ de chos can/ 

gnyis snang nub par thal/ ji lta ba la gnyis snang nub pa'i
phyir/ zer na ma khyab/ 'dod na/ de chos can/ gnyis snang nub
pa ma yin pa thal/ de dang bcas pa yin pa'i phyir/ kha cig /de
chos can/ rang yul la gnyis snang nub par

thal/ rang yul ji lta ba la gnyis snang nub pa'i phyir na ma
khyab/ 'dod na/ de chos can/ rang yul la gnyis snang dang bcas
par thal/ rang yul ji snyed pa la gnyis snang dang bcas pa'i
phyir/ 'dod na dngos/ gzhan yang spyod 'jug

dar Tika las/ rnam mkhyen gyi rnam mkhyen shugs la rtogs zhes
gsungs/ de la stong mthun chen mo las/ sangs rgyas kyi ye shes
chos can/ sangs rgyas kyi ji snyed pa mkhyen pa'i ye shes kyis
mngon sum du rtogs par thal/ khyod de

dang ldog pa tha dad gang zhig khyod dang grub bde dbyer med
kyi chos yin pa'i phyir/ 'dod na/ sangs rgyas kyi ye shes kyis
mngon sum du rtogs par thal/ 'dod pa'i phyir na ma khyab/ 'dod
na/ kun rdzob bden pa sangs rgyas kyi ye shes

@068a @#/ /kyi mngon gsum du rtogs pa la sgrub byed med par
thal lo/ /des na rnam mkhyen gyi rnam mkhyen mngon sum du
rtogs shing/ des de gnyis snang nub pa'i tshul gyi rtogs kyang
de la de'i rnam pa ma shar ba 

yin zhes gsungs 'o na/ sangs rgyas kyi ye shes chos can/ ji
snyed pa mkhyen pa'i sangs rgyas kyi ye shes kyi gnyis snang
dang bcas pa'i tshul gyi rtogs par thal/ de dang ldog pa tha
dad gang zhig /de dang grub de dbyer med kyi chos yin

pa'i phyir/ khyab pa khas 'dod na/ sangs rgyas kyi ye shes kyi
gnyis snang dang bcas pa'i tshul gyi rtogs par thal/ 'dod pa'i
phyir/ 'khor gsum/ lugs dang po yang mi 'thad de Tik chen las/
mi snang yang rtogs pa'i zhes

sogs gsungs pa mi 'thad par thal/ rnam mkhyen gyi rnam mkhyen
shugs la rtogs pa'i phyir/ lugs gnyis pa yang mi 'thad de de
yang rnam pa ma shar bar/ zhes sogs gsungs pa mi 'thad pa
thal/ rnam mkhyen gyi rnam

mkhyen mngon sum du rtogs kyang de la de'i rnam pa ma shar
pa'i phyir/ gzhan yang rnam mkhyen chos can/ khyod la rnam
mkhyen gyi rnam pa shar bar thal/ khyod la rnam mkhyen mi rtag
pa'i rnam pa shar ba gang zhig rnam mkhyen

dang rnam mkhyen mi rtag pa gnyis yul dus rang bzhin gang la
ltos nas kyang grub bde dbyer med kyi chos yin pa'i phyir/
dang po ma grub na rnam mkhyen mi rtag pa chos can rnam mkhyen
la khyod kyi rnam pa shar par thal/ khyod de dang

tha dad yin pa'i phyir/ gzhan yang de la de'i rnam pa shar bar
thal/ de'i 'khor du byung ba'i sems byung la de'i rnam pa shar
ba gang zhig /de gnyis mtshungs ldan rnam pa lnga mtshungs yin
pa'i phyir/ dang po ma grub na de chos can/ 

@068b khyod la rnam mkhyen gyi rnam pa shar bar thal/ khyod
rnam mkhyen gang zhig /de dang tha dad yin pa'i phyir/ kha cig
rnam mkhyen chos can/ khyod kyi rnam mkhyen mngon sum du ma
rtogs par thal/ khyod kyi de gnyis snang dang bcas pa'i

tshul kyi ma rtogs/ de gnyis snang nub pa'i tshul gyi yang ma
rtogs pa'i phyir/ dang po ma grub na/ rnam mkhyen chos can/
khyod dang rnam mkhyen gnyis yin pa thal/ ma grub pa de'i
phyir/ 'dod na khyod dang de tha dad yin

par thal lo/ /zer na rnam mkhyen chos can/ khyod dang stong
nyid gnyis ma yin par thal/ khyod kyi de gnyis snang nub pa'i
tshul gyi rtogs pa'i phyir/ 'dod mi nus ste/ khyod de dang tha
dad yin pa'i phyir/ gzhan yang de chos can/

khyod kyi rnam mkhyen rang las tha dad pa'i tshul gyi rtogs par
thal/ khyod kyi de gnyis snang dang bcas pa'i tshul gyi rtogs
pa'i phyir/ 'dod na khyod kyi de rang las tha dad du rtogs par
thal lo/ /zer na rnam mkhyen chos can/ stong nyid rang las

tha mi dad pa'i tshul gyi rtogs par thal/ khyod kyi de gnyis
snang nub pa'i tshul gyi rtogs pa'i phyir/ 'dod na stong nyid
rang las tha mi dad du rtogs par thal/ 'dod pa'i phyir/ 'khor
gsum/ des na rnam mkhyen gyi rnam mkhyen gnyis snang dang

bcas pa'i tshul gyi rtogs te/ rnam mkhyen gyi rnam mkhyen gzigs
pa'i gzigs ngor kun rdzob kyi snang ba yod pa'i phyir/ skabs
'di'i gnyis snang kun rdzob kyi snang ba la byed/ byas pa la
kho na re de mi 'thad de/ dman lam sngon du ma

song ba'i stong nyid la rtse gcig tu mnyam par bzhag pa'i theg
chen gyi sbyor lam chos mchog chen po de la gnyis snang yod
kyang/ kun rdzob kyi snang ba med pa'i phyir/ zer na de chos
can khyod la kun rdzob kyi snang ba yod par thal/ khyod

@069a @#/ /la rang yul du gyur pa'i kun rdzob snang ba'i phyir
te/ khyod la stong nyid kyi don spyi snang ba'i phyir te/
khyod stong nyid 'dzin pa'i rtogs pa yin pa'i phyir te/ chos
can de yin pa'i phyir/ kha cig stong thun gyi rjes su 'brangs
nas

rnam mkhyen chos can/ khyod kyi rnam mkhyen gnyis snang nub
pa'i tshul gyi rtogs par thal/ khyod kyi rnam mkhyen rang las
tha mi dad pa'i tshul gyi rtogs pa'i phyir te/ khyod kyi de
rang las tha mi dad du rtogs pa'i phyir/ zer na ma khyab te/

rnam mkhyen chos can/ stong nyid gnyis snang dang bcas pa'i
tshul gyi rtogs par thal/ stong nyid rang las tha dad pa'i tshul
gyi rtogs pa'i phyir te/ stong nyid rang las tha dad du rtogs
pa'i phyir/ 'khor gsum/ gzhan yang rnam mkhyen 

gyi don dam bden pa gzigs pa'i gzigs tshul dang/ kun rdzob bden
pa gzigs pa'i gzigs tshul la khyad par med par thal/ rnam
mkhyen gyi rnam mkhyen gzigs pa'i gzigs tshul dang/ don dam
bden pa gzigs

pa'i gzigs tshul la khyad par med pa'i phyir te/ rnam mkhyen
gyi rnam mkhyen gnyis snang nub pa'i tshul gyi gzigs/ don dam
bden pa yang gnyis snang nub pa'i tshul gyi gzigs pa'i phyir/
rang 'grel las/ /

dngos po byas pa can la ma reg par rang bzhin 'ba' zhig mngon
du mdzad pas de nyid thugs su chud pa'i phyir/ sangs rgyas
zhes brjod do zhes pa'i don la kha cig /ji lta ba mkhyen pa'i
rnam mkhyen gyi bden snang la ma reg par

don dam bden pa 'ba' zhig gzigs pa de de'i don yin zer na/ ji
lta ba mkhyen pa'i rnam mkhyen gyi don dam bden pa 'ba' zhig
gzigs par thal/ dam bca' de 'thad pa'i phyir/ 'dod na des kun
rdzob bden

@069b pa ma gzigs pa thal lo/ /kha cig ji lta ba mkhyen pa'i
rnam mkhyen gyi gzigs ngor ji snyed pa med pa lung de'i don
yin zer na/ de'i gzigs ngor ji snyed pa med par thal/ dam bca'
de 'thad pa'i phyir/ 'dod na de chos can/ khyod kyi

gzigs ngor ji snyed pa yod par thal/ khyod ji snyed pa mkhyen
pa'i rnam mkhyen yin pa'i phyir/ des na rang lugs ni/ rnam
mkhyen gyi ji lta ba gzigs pa'i gzigs ngor ji snyed pa la ma
reg par ji lta ba 'ba' zhig gzigs

pa de lung de'i don yin byas pa la kha cig /rnam mkhyen gyi ji
lta ba gzigs pa'i gzigs ngor ji snyed pa ma gzigs par thal/
lung don 'thad pa'i phyir/ 'dod na rnam mkhyen gyi bum pa
gzigs pa'i gzigs ngor ka ba ma gzigs

par thal/ 'dod pa'i phyir 'dod na de 'dra ba'i gzigs ngor yod
na bum pa yin dgos par thal/ 'dod pa'i phyir 'dod na bum pa'i
mi rtag pa chos can/ der thal de'i phyir/ bum pa'i chu chos
can/ der thal de'i phyir/ der

thal de'i gzigs ngor lto 'dir zhabs zhum chu skyor gyi don
byed nus pa yod pa'i phyir/ kha cig rnam mkhyen gyi bum pa'i
chos nyid gzigs pa'i gzigs ngor yod na bum pa'i chos nyid yin
pas khyab zer na/ ka ba bden stong

chos can/ der thal/ de'i phyir/ der thal/ de'i gzigs ngor chos
nyid kyi chos nyid yod pa'i phyir te/ gang gis dngos gcig de
bzhin nyid mthong ba/ /de'i dngos kun de bzhin nyid du mthong/
/zhes gsung pa'i phyir/ ji lta ba yin

na rnam mkhyen gyi ji lta ba gzigs pa'i gzigs ngor yod pas
khyab byas pa la kha cig /ji snyed pa yin na rnam mkhyen gyi
ji snyed pa gzigs pa'i gzigs ngor yod pas khyab par thal/ dam
bca' de 'thad pa'i phyir/ 'dod na/

@070a @#/ /bum pa chos can/ shes bya 'jal ba'i tshad ma'i gzhal
bya yin par thal/ tshad mas shes bya nges pa'i nges ngor yod
pa'i phyir te/ shes bya yin pa'i phyir/ khyab te/ ji snyed pa
yin

na rnam mkhyen gyi ji snyed gzigs ngor yod dgos pa'i phyir/
zer yang kha cig /ji lta ba gzigs pa'i rnam mkhyen gyi ji lta
ba gzigs pa'i gzigs ngor ji snyed pa yod zer na/ ji lta ba
mkhyen pa'i rnam mkhyen

gyi phung sogs kyi chos nyid gzigs pa'i gzigs ngor phung sogs
yod par thal/ dam bca' de 'thad pa'i phyir/ 'dod na ji lta ba
mkhyen pa'i rnam mkhyen gyi phung sogs ma gzigs pa'i tshul gyi
phung sogs kyi

chos nyid gzigs pa ma yin pa thal/ 'dod pa'i phyir 'dod na
Tik chen las des na ji ltar sangs rgyas de dag gis don dam pa
gzigs zhe na/ de kho na nyid kyi gzigs ngor gnyis snang nub
pas gnyis kyis tshul gyi ma

gzigs pa ni bden mod kyi 'on kyang ma gzigs pa'i tshul gyi de
dag gis gzigs so/ /zhes gsungs pa mi 'thad par thal/ 'dod pa'i
phyir gzhan yang ji lta ba mkhyen pa'i rnam mkhyen de ji lta
ba la gnyis snang dang bcas

par thal/ ji lta ba mkhyen pa'i rnam mkhyen gyi ji lta ba
gzigs pa'i gzigs ngor gnyis snang yod pa'i phyir te/ de'i
gzigs ngor ji snyed pa yod pa'i phyir/ gzhan yang dngos po
byas pa can la ma reg par zhes sogs

gsungs pa mi 'thad par thal/ ji lta ba mkhyen pa'i rnam mkhyen
gyi ji lta ba gzigs pa'i gzigs ngor rgyu rkyen gyi byas pa'i
dngos po yod pa'i phyir te/ de'i gzigs ngor ji snyed pa yod
pa'i phyir/ kha cig ji lta ba mkhyen

@070b pa'i rnam mkhyen gyi ji lta ba gzigs pa'i gzigs ngor ji
snyed pa med pa ji snyed pa'i gnas lugs min zer na/ de yin par
thal/ des bum pa'i chos nyid gzigs pa'i gzigs ngor bum pa med
pa bum pa'i chos nyid yin pa'i phyir te/

rgyun mtha'i bar chad med lam gyi gzigs ngor bum pa med pa bum
pa'i chos nyid yin pa'i phyir te/ bum pa yod pa gang zhig
/Tik chen las ji lta ba mkhyen pa'i ye shes des phung sogs kyi
de kho na nyid mngon sum du

gzigs pa'i phyir dang/ phung sogs rnams gzigs ngor der ma grub
pa de dag gi de kho na nyid yin pa'i phyir dang/ phung sogs ma
gzigs pa'i tshul gyi de dag gi kho na nyid gzigs pa'i phyir te/
rang 'grel las

dngos po byas pa can la ma reg par zhes sogs gsungs pa'i
phyir/ gzhan yang ji lta ba mkhyen pa'i rnam mkhyen gyi ji lta
ba gzigs pa'i gzigs ngor ji snyed pa med pa de ji snyed pa'i
gnas lugs yin par thal/ mdo las

mthong ba med pa ni mthong ba dam pa'o/ /zhes dang mdo bsdud
pa las/ gzugs rnams mi mthong tshor ba dag kyang mi mthong
zhing/ 'du shes mthong ba med la sems pa mi mthong zhing/ gang
la rnam par shes dang sems yid mthong med

pa; 'di ni chos mthong yin zhes de bzhin gshegs pas bstan/ nam
mkha' mthong zhes sems can tshig tu rab brjod pa/ /nam mkha' ji
ltar mthong ste dpe 'di brtag par gyi/ /de ltar chos mthong ba
yang de bzhin gshegs

pas bstan/ /mthong ba dpe gzhan gyis ni bsnyad par nus ma yin/
/zhes dang 'di na ji ltar sad bzhin ji srid du/ /zhes pa'i
thad kyi Tika chen las chos kyi dbyings mngon sum du mdzad
pa'i sangs rgyas 

@071a @#/ /rnams la ni/ gsum char yang yod pa ma yin pa phyi rol
med pa'i rnam par shes pa med do/ /de yang ji lta ba gzigs pa'i
ngor ni gsum po mi snang la/ ji snyed pa gzigs pa'i ngor ni yul
can rang nyid

ma rig pa'i bag chags kyi slad pa'i dbang gi snang ba med kyang/
gang zag gzhan gyi shes pa bslad pa'i dbang gi snang ba rnams de
la snang ba'i sgo nas sangs rgyas la snang nas mkhyen pa yin no/
/zhes gsungs pa'i

phyir; byas pa la kho na re bum pa med pa chos can/ khyod don
dam bden pa yin par thal/ rgyun mtha'i bar chad med lam gyi
gzigs ngor khyod don dam bden pa yin pa'i phyir/ zhes zer de'i
lan la kha cig/

gnyis snang nub pa don dam bden pa ma yin par thal/ rgyun mtha'i
bar chad med lam gnyis snang nub pa yin pa'i phyir/ 'dod na
rgyun mtha' bar chad med lam gyi gzigs ngor gnyis snang nub pa
med par thal/

de'i gzigs ngor gnyis snang nub pa don dam bden pa ma yin pa'i
phyir/ ma grub na gnyis snang nub pa chos can/ khyod don dam
bden pa yin par thal/ rgyun mtha'i bar chad med lam gyi gzigs
ngor khyod

don dam bden pa yin pa'i phyir/ 'khor gsum/ skyon 'phen pa snga
ma la/ bum pa med pa chos can/ khyod bum pa'i gnas lugs yin par
thal/ bum pa'i tha snyad btags pa'i btags don btsal ba'i

tshe na khyod bum pa'i gnas lugs yin pa'i phyir/ gzhan yang yod
pa chos can/ khyod don dam bden pa yin par thal/ rgyun mtha'i
bar chad med lam gyi gzigs ngor khyod don dam bden pa yin pa'i

@071b phyir; khyab pa khas ma grub na de'i gzigs ngor yod pa
chos can/ khyod don dam bden pa yin par thal/ khyod de'i gzigs
ngor yod pa'i phyir/ der thal/ de'i gzigs ngor yod pa gcig yod
pa'i phyir te/

chos nyid de yin pa'i phyir/ gzhan yang med pa chos can/ khyod
don dam bden pa yin par thal/ rgyun mtha'i bar chad med lam gyi
gzigs ngor khyod don dam bden pa yin pa'i phyir/ khyab pa khas/

sgrub tshul rigs 'dres/ kha cig khyod chos can/ khyod kyi gnas
lugs la rtse gcig tu mnyam par bzhag pa'i mnyam bzhag gi gzigs
ngor khyod med pa khyod kyi gnas lugs yin par thal/ khyod gzhi
grub pa'i

phyir; zhes pa'i thal 'gyur la khyab pa yod par thal/ bum pa'i
gnas lugs la rtse gcig tu mnyam par bzhag pa'i mnyam bzhag gi
gzigs ngor bum pa med pa bum pa'i gnas lugs yin pa'i phyir te/

rgyun mtha'i bar chad med lam gyi gzigs ngor bum pa med pa bum
pa'i gnas lugs yin pa'i phyir/ rtags khas 'dod na stong nyid
chos can/ der thal de'i phyir 'dod na stong nyid kyi gnas lugs
la rtse gcig tu mnyam

par bzhag pa'i mnyam bzhag ye shes kyi gzigs ngor stong nyid med
par thal/ 'dod pa'i phyir 'dod na de 'dra ba'i mnyam bzhag ye
shes chos can/ khyod kyi gzigs ngor stong nyid yod par thal/
khyod stong nyid la rtse

gcig tu mnyam par bzhag pa'i mnyam bzhag ye shes yin pa'i phyir
te/ chos can de yin pa'i phyir/ zhes zer na kha cig khyod kyi
ngor stong nyid yod par thal/ khyod kyi ngor stong nyid kyi gnas
lugs yod pa'i

@072a @#/ /phyir/ zhes pa'i thal 'gyur la khyab pa yod par thal/
stong nyid kyi gnas lugs la rtse gcig tu mnyam par bzhag pa'i
mnyam bzhag ye shes kyi ngor stong nyid yod pa'i phyir/ 'dod na
bden med kyi tha

snyad brtags pa'i rtags don btsal ba'i tshe na de rnyed par thal/
de'i tshe bden med rnyed pa'i phyir/ 'di'i lan la kha gcig bden
med kyi tha snyad brtags pa'i rtags don btsal ba'i tshe na bden
med mi rnyed zer na/

de'i tshe bden med rnyed par thal/ de'i tshe bden med tshad mas
rnyed pa'i phyir te/ de'i tshe bden med tshad ma'i rnyed don yin
pa'i phyir te/ de'i tshe bden med yod pa'i phyir te/ de'i tshe
bden par med pa yod pa'i phyir/ kho na

re/ bden med kyi tha snyad brtags pa'i rtags don btsal ba'i tshe
na rnyed par thal/ de'i tshe na bden med rnyed pa'i phyir zhes
zer na ma khyab/ yang kho na re/ gang zag gi tha snyad brtags
pa'i brtags don btsal ba'i tshe na gang zag

rnyed par thal/ bden med la de'i phyir/ gang zag rnam dpyad rnam
pa bdun gyi dpyad mthar rnyed par thal/ 'dod pa'i phyir 'dod na
'jug pa las/ de ni de nyid du 'am 'jig rten du rnam pa bdun gyi
'grub 'gyur min mod

kyi; zhes gsungs pa mi 'thad par thal/ 'dod pa'i phyir zer na
rtsa bar ma khyab kha cig /gang zag gi tha snyad brtags pa'i
rtags don btsal ba'i tshe na gang zag rnyed par thal/ de'i tshe na
gang

zag tshad mas rnyed pa'i phyir te/ de'i tshe na gang zag tshad ma'i
rnyed don yin pa'i phyir te/ de'i tshe na gang zag yod pa'i phyir
te/ de'i tshe na gang zag tshol mkhan gyi gang zag yod pa'i phyir
te/ /

@072b de'i tshe na gang zag tshol mkhan gyi gang zag gis gang zag
rnyed pa'i phyir/ zer na ma khyab/ kha cig stong nyid kyi gnas
lugs la rtse gcig tu mnyam par bzhag pa'i mnyam bzhag gi gzigs
ngor stong nyid med par thal/ stong

nyid bden med du rtogs pa'i rigs shes rjes dpag gi ngor stong
nyid med pa'i phyir te/ de'i ngor stong nyid mi snang pa'i phyir
te/ rigs ngor chos can gyi snang ba ldog par rnam bshad snying
po rgyan las gsungs pa'i

phyir; kha cig rgyun mtha'i bar chad med lam gyi gzigs ngor
stong nyid med zhes gsungs/ de chos can khyod kyi gzigs ngor
stong nyid yod par thal/ khyod rang nyid mngon gsum du rtogs
pa'i mnyam bzhag ye

shes yin pa'i phyir/ khyab ste/ drang nges rnam 'byed las mnyam
bzhag gi de kho na nyid rtogs par 'dod pa thams cad kyi lugs la
rang gi yul can gyi ngo na yul de yod par 'dod par kho na yin
te/ don dam

par yod med dpyod pa'i don dam par yod pa de ga la yin zhes
gsungs pa'i phyir/ rnam mkhyen gyi ji lta ba gzigs pa'i gzigs
ngor ji snyed pa med byas pa la/ kha cig de yod par thal/ de'i
gzigs ngor

kun rdzob bden pa yang yod pa'i phyir te/ rnam mkhyen gyi don
dam bden pa gzigs pa'i gzigs ngor kun rdzob bden pa yod pa'i
phyir te/ des bden gnyis gzigs pa'i gzigs ngor kun rdzob bden pa
yod pa'i

phyir te; de'i ngor bden pa gnyis ka yod pa'i phyir/ gzhan yang
rnam mkhyen gyi don dam bden pa gzigs pa'i gzigs ngor kun rdzob
bden pa yod par thal/ de'i gzigs ngor don dam bden pa

@073a @#/ /dngos med yin pa yod pa'i phyir/ ma grub na don dam
bden pa dngos med yin pa chos can/ rnam mkhyen gyi don dam bden
pa gzigs pa'i gzigs ngor khyod yod par thal/ khyod don dam

bden pa dang grub de dbyer med kyi chos yin pa'i phyir/ zhes zer
gzhan yang rnam mkhyen gyi ji lta ba gzigs pa'i gzigs ngor ji
snyed pa yod par thal/ de'i gzigs ngor shes bya yod pa'i phyir
te/ de'i

gzigs ngor yod pa yod pa'i phyir te/ ji lta ba de'i gzigs ngor
yod pa yin pa'i phyir zhes zer/ gzhan skye 'gog pa la rang sde
dngos smra ba sogs na re/ bdag skye med pas gnyis ka las skye

ba mi rigs shing/ rgyu med las skye ba gcig tu tha chad pas 'gog
rigs mod/ gzhan la brten nas gal te gzhan zhig 'byung bar 'gyur
na ni/ /zhes gzhan skye 'gog pa mi rigs te/ bcom ldan

'das kyi mdo las dngos po rnams rang gi mtshan nyid kyi grub pa'i
rkyen bzhi las skye bar gsungs pa'i phyir/ zhes zer de 'gog pa
la/ gzhan la brten nas gal te gzhan zhig 'byung bar 'gyur na

ni; /zhes pa nas stong nyid don can nges don shes par gyis zhes
pa'i bar gsungs/ de yang rang sde dngos smra ba dang/ rang rgyud
pa rnams kyi gzhan skye 'dod pa'i lugs spyir 'gog pa la/ /

gzhan la brten nas gal te gzhan zhig 'byung ba 'gyur na ni/
/zhes pa nas myug tshe sa bon yod ces brjod mi bya zhes pa'i bar
gsungs/ gzhan skye 'dod pa'i rang rgyud pa'i lugs bye brag

@073b tu 'gog pa la/ gal te rang gi mtshan nyid brten gyur na
zhes pa nas yod ces drang don nyid du bstan pa yin/ zhes pa'i
bar gsungs gzhan bskye 'dod pa'i sems tsam pa'i lugs bye brag tu
'gog pa la/

bzung ba med par 'dzin pa ma mthong zhing/ /zhes pa nas/ stong
nyid don can nges don shes par gyis/ /zhes pa'i bar gsungs/ de
rnams kyi nang nas gzhan skye spyir 'gog pa la/ thal 'gyur gyi
dbang du byas na rgyu mtshan

mtshungs pa 'gog snyoms kyi thal 'gyur/ sgrub byed sgrub bya dang
mtshungs par ma grub pa'i thal 'gyur/ 'gal brjod kyi thal 'gyur/
gzhan la grags kyi rjes dpag skyed pa'i thal 'gyur dang/ bzhi
yod pa'i

nang nas 'dir rgyu mtshan mtshungs pa 'gog snyoms kyi thal 'gyur
la brten nas rgyu 'bras so sor ma phye bar gzhan skye spyir 'gog
pa la/ gzhan la brten nas gal te gzhan zhig 'byung ba 'gyur na
ni/ /zhes

sogs rkang pa bzhi gsungs/ de'i skyon spong gi lan 'gag pa la/
rab tu bya bar nus pa de phyir 'bras bur nges brjod cing/ /zhes
pa nas/ sa lu'i sa bon yang ni de'i min te gzhan nyid phyir/

zhes pa'i bar gsungs/ rgyu 'bras so sor phye nas gzhan skye 'gog
pa la/ rgyu la dpyad nas gzhan skye 'gog pa dang/ 'bras bu gcig
la dpyad nas gzhan skye 'gog pa gnyis/ dang po la 'bras bu las
snga ba'i

rgyu la dpyad nas gzhan skye 'gog pa dang/ 'bras bu dang dus
mnyam pa'i rgyu la dpyad nas gzhan skye 'gog pa'o/ /dang po ston
pa la myu gu sa bon dang ni dus mnyam yod pa ma yin te/ /zhes pa
nas/ skye ba

@074a @#/ /'di ni byed po med par rigs pa'i ngo bo'ang min/ /zhes
pa'i bar gsungs/ gnyis pa ston pa la/ gal te mig gi blo la rang
gi skye byed dus gcig pa/ /zhes sogs rkang pa bzhi

gsungs/ gnyis pa 'bras bu la dpyad nas gzhan skye 'gog pa la/
skyed par byed pa skyed bya gzhan skyed pa de rgyu yin na/ /zhes
sogs rkang pa bzhi gsungs/ de ltar dgag pa la rtsod pa spong ba
ston

pa la/ gang gi rang lta la gnas 'jig rten tshad mar 'dod pas na/
zhes pa nas/ gzhan las skye ba 'jig rten las kyang med/ /zhes
pa'i bar gsungs/ de ltar bkag pa'i don bsdus

nas ston pa la/ gang phyir myu gu sa bon las gzhan min/ zhes
sogs rkang pa bzhi gsungs/ de rnams kyi nang nas gzhan skye bkag
pa la rtsod pa spang pa la rtsod pa dang lan gnyis las/ dang

po ni/ gang gi rang lta la gnas 'jig rten tshad mar 'dod pas na/
/zhes gsungs/ de la kha cig /gzhan skye bkag pa mi 'thad par
thal/ gzhan skye 'jig rten gyi mngon sum gyi grub pa'i phyir

te/ sa bon las myu gu skye bar 'jig rten gyis mngon sum du grub
pa'i phyir/ zhes na/ de'i lan ni/ rtsod pa de 'jig rten gyi gnod
pa'i yul dang/ des mi gnod pa'i yul so sor ma phyed

pas rtsod pa yin te/ de so sor shes pa la bden gnyis kyi rnam
dbye shes pa sngon du 'gro bas/ thog mar bden gnyis kyi rnam
bzhag gtan la 'bebs par byed pa la/ dngos

@074b kun yang dag rdzun par mthong ba yi/ /zhes sogs rkang pa
bzhi gsungs/ de yang mtshon bya bden gnyis so so'i ngo bo mdor
bstan gyis tshul gyi ston pa la/ dngos kun yang dag rdzun par
mthong ba yi/ /zhes

sogs rkang pa gnyis gsungs/ de nyid so so'i mtshan nyid ston pa
la/ yang dag mthong yul gang de de nyid de/ /zhes sogs rkang pa
gnyis gsungs/ kho na re/ sngar gyi rtsod pa de 'jig rten gyis
gnod pa'i

yul dang/ des mi gnod pa'i yul so sor ma phye'i rtsod pa yin na
'jig rten gyi mngon sum gyis gnod pa dang/ des mi gnod pa'i yul
gang yin zer na/ de yang rdzun pa mthong ba'i yul can de la

'jig rten shes ngo la ltos ste yang dag pa dang logs pa gnyis
yod ces ston pa la mthong ba rdzun pa'i nga rnam pa gnyis 'dod
de/ zhes pa'i rkang pa gnyis gsungs/ mthong ba rdzun pa'i yul

de la yang 'jig rten shes ngo la ltos ste yang log gnyis yod ces
ston pa la gnod pa med pa'i dbang po drug rnams kyi/ zhes sogs
rkang pa bzhi gsungs/ 'o na/ 'jig rten nyid las log par rnam

par bzhag zhes bshad na/ 'jig rten pa'i yod pa de gang yin zhe
na/ de'i mtshan nyid dpe dang bcas te ston pa la/ mi shes gnyid
kyis rab skyod mu stegs can zhes sogs rkang pa bzhi gsungs/ de
rnams kyi

'jig rten gyi mngon sum gyis gnod pa'i yul ngos bzung nas/ de'i
gnod pa'i yul ngos bzung ba'i sgo nas gzhan skye dgag pa la/
'jig rten gyi mi gnod pa'i tshul dpe dang bcas ste ston pa la/ /

@075a @#/ /mig ni rab rib can gyi dmigs pa yi/ /zhes sogs rkang
pa bzhi gsungs/ dngos kun yang dag rdzun pa mthong ba yi/ /zhes
bshad na/ kun rdzob bden pa'i ngo bo gang yin zhe na/ de ston pa
la gti mug

rang bzhin sgrib phyir kun rdzob ste/ zhes sogs rkang pa bzhi
gsungs de ltar bshad na/ don dam bden pa'i ngo bo gang yin zhe
na/ de ston pa la rab rib mthu'i skra shad la sogs pa'i/ /zhes
sogs rkang pa bzhi gsungs/

mthong de de nyid de bzhin 'dir shes kyis zhes don dam la dpyod
pa'i skabs su 'jig rten gyi gnod sgrub 'jug na nyes pa ji yod
zhe na/ don dam la dpyod pa'i skabs su 'jig rten gyi gnod sgrub
'gog pa la/ gal

te 'jig rten tshad ma yin na ni/ /zhes sogs rkang pa drug gsungs/
'o na don dam la dpyod pa'i skabs su 'jig rten gyi gnod sgrub mi
'jug na/ 'jig rten gyi gnod tshul ji lta bu yin zhe na/ 'jig

rten gyi gnod tshul ston pa la/ 'jig rten don ni 'jig rten grangs
nyid kyi/ zhes sogs rkang pa gnyis gsungs/ des na gzhan skye
'jig rten gyi mngon sum gyi grub pa mi 'thad de/ 'jig rten gyi
tha

snyad du yang gzhan skye med pa'i phyir/ zhes ston pa la/ gang
phyir 'jig rten sa bon tsam btabs nas/ zhes sogs rkang pa bzhi
gsungs/ gzhan skye 'dod pa'i rang rgyud pa'i lugs 'gog pa la/ de

yang rang rgyud pas 'dod pa'i rang bzhin gyis grub pa'i skye ba
'gog pa'i rigs pa dngos 'chad pa la/ gal te rang gi mtshan nyid
sten gyur na/ zhes pa nas/ khyod kyi skye ba gang gi yin par
'gyur/ zhes pa'i bar

@075b gsungs/ rang bzhin gyi skye ba 'gog pa'i rig pa de la yang
'phags pa'i mnyam bzhag dngos po'i 'jig rgyur thal bas dgag pa
dang/ tha snyad bden pa rig pas dpyad bzod du thal bas dgag pa
dang/ don

dam pa'i skye ba mi khegs par thal bas dgag pa dang gsum yod
pa'i nang nas/ dang po ston pa la/ gal te rang gi mtshan nyid
rten gyur na/ /zhes sogs rkang pa bzhi gsungs/ gnyis pa ston pa
la

gang phyir dngos po 'di dag rnam dpyad na/ /zhes sogs rkang pa
bzhi gsungs/ gsum pa ston pa la/ de nyid skabs su rig pa gang
zhig gi /zhes sogs rkang pa bzhi gsungs/ de yan gyi skye ba

'gog pa'i rig pa dngos su bstan nas/ de ltar dgag pa la rtsod pa
spong ba ston pa la/ dngos po stong pa gzugs rnyan la sogs pa'i/
/zhes sogs rkang pa drug gsungs/ rang bzhin gyi skye ba dgag
pa'i

yon tan de ston pa la/ bden pa gnyis su'ang rang bzhin med pa'i
phyir/ zhes pa nas/ yod ces drang don nyid du bstan pa yin/ zhes
pa'i bar rnam gsungs/ des na rang bzhin gyi skye ba bkag pa'i
yon tan

la rtag chad kyi skye ba spang sla ba'i yon tan dang/ las 'bras
kyi 'brel ba ches 'thad pa'i yon tan gnyis yod pa'i nang nas/
dang po ston pa la/ bden pa gnyis su'ang rang bzhin med pa'i
phyir/ /zhes sogs

rkang pa gnyis gsungs/ gnyis pa ston pa la/ gang phyir rang
gzhan gyis de mi 'gag pa/ /zhes sogs rkang pa bzhi gsungs/ la
lar las 'gag yun ring lon las kyang/ /zhes rang bzhin gyi skye
ba med

@076a @#/ /pa'i lugs la kun gzhi sogs med kyang las zhig pas
'bras bu skyed pa dpe dang bcas ste ston pa la/ rmi lam dmigs
pa'i yul dag mthong nas ni/ zhes sogs rkang pa bzhi gsungs/

gang phyir rang bzhin gyis de mi 'gag pa/ zhes rang bzhin grub
pa'i skye 'gag med pa la las 'bras kyi rnam bzhag mi 'thad pa'i
rtsod pa spong ba la/ ji ltar yul ni yod nyid mi mtshungs kyang
zhes pa nas/ las

'bras rnams la sems dpa' 'ang dgag par mdzad/ zhes pa'i bar
gsungs/ kun gzhi med kyang 'dir nus phyir zhes kun gzhi med na
las 'bras kyi rnam bzhag mi 'thad pa'i rtsod pa spong ba la/ kun
gzhi

yod cing gang zag nyid yod la/ /zhes pa nas/ yod ces drang don
nyid du bstan pa yin/ /zhes pa'i bar gsungs/ de rnams kyi nang
nas gang phyir rang bzhin gyi de mi 'gag pa zhes sogs kyi skabs
su Tika chen las

'phags pa'i gzhung 'grel tshul la rang gi mtshan nyid kyi grub pa
rdul tsam med kyang bya byed thams cad bzhag pas chog pa'i 'grel
tshul gyi lugs thun mongs min pa 'di la brten nas rnam par bzhag
pa'i

grub mtha' 'grel byed gzhan dang thun mongs ma yin pa mang du
yod de/ /de gang zhe na reg zhig gtso bo rnams brjod na tshogs
drug las ngo bo tha dad pa'i kun gzhi rnam shes dang/ rang

rig 'gog lugs thun mong ma yin pa dang rang rgyud kyi sbyor bas
phyi rgol gyi rgyud la de kho na nyid kyi lta ba skyed pa khas
mi len pa gsum dang shes pa khas len pa bzhin du phyi rol gyi
don

@076b yang khas blangs dgos pa dang/ nyan rang la dngos po rang
bzhin med par rtogs pa yod pa dang/ chos kyi bden 'dzin nyon
mongs su 'jog pa dang/ zhig pa dngos po yin pa dang de'i rgyu
mtshan gyi dus su gsum

'jog tshul thun mongs ma yin pa sogs yin no zhes gsungs/ de'i don
la kha cig /thal gyur pa'i thun mong ma yin pa'i grub mtha' la
du ma yod de/ kun gzhi mi bzhed pa dang rang rig mi 'dod pa dang

rang rgyud kyi rtags mi 'dod pa dang/ phyi don yod pa dang nyan
rang 'phags pas chos kyi bdag med rtogs pa dang chos kyi bden
'dzin nyon mongs yin pa dang zhig pa dngos po yin pa dang/ de'i
dbang

gi dus gsum gyi 'jog tshul thun mong ma yin pa rnams yin zer na/
shes bya chos can/ kun gzhi med pa thal 'gyur pa'i thun mong ma
yin pa'i grub mtha' ma yin par thal/ nyan thos sde gnyis kyis
kyang kun

gzhi med par khas len phyi rol pas kyang kun gzhi med pa khas
len slob dpon legs ldan 'byed rjes brang dang bcas pas kyang kun
gzhi med par khas len pa'i phyir/ rang rig mtshan nyid pa mi 'dod

pa thal 'gyur pa'i thun mong ma yin pa'i grub mtha' ma yin par
thal/ bye brag smra bas rang rig med par khas len phyi rol pas
kyang rang rig med par khas len slob dpon legs ldan 'byed kyis
kyang de ltar khas len pa'i

phyir; rang rgyud kyi rtags med pa thal 'gyur ba'i thun mong ma
yin pa'i grub mtha' ma yin par thal/ rgyang 'phen gyis rang
rgyud kyi rtags yang dag med par khas len pa'i phyir phyi rol
gyi don yod pa

@077a @#/ /thal 'gyur ba'i thun mong ma yin pa'i grub mtha' ma
yin par thal/ mdo sde bas phyi rol gyi don khas len pa'i phyir/
zhig pa dngos po yin pa thal 'gyur pa'i mthun mong ma yin pa'i
grub

mtha' ma yin par thal/ bye brag smra bas zhig pa dngos por khas
len pa'i phyir/ des na rang lugs ni kun gzhi med pa dang rang
rig med pa dang rang rgyud kyi rtags yang dag med pa dang phyi
don yod pa dang/ nyan

rang 'phags pas chos kyi bdag med rtogs pa dang bden 'dzin nyon
sgrib yin pa dang zhig pa dngos po yin te/ rang gi mtshan nyid
kyi grub pa tha snyad du yang med pa'i phyir/ zhes rang gi mtshan
nyid

kyi grub pa tha snyad du 'ang med pa bsgrub byed du bkod nas
zhig pa dngos po yin pa sogs sgrub pa thal 'gyur ba'i thun mong
ma yin pa'i gru mtha' yin pa lung de'i don yin no/ /yang na dpal
ldan zla bas rtsa she'i

dgong pa 'grel tshul la du ma yod de/ rtsa she'i dgongs pa sems
tsam du 'grel par byed pa'i 'grel byed gzhan dang thun mong ma
yin pa/ kun gzhi med pa dang rang rig med pa dang phyi don yod
pa dang rtsa she'i

dgongs pa rang rgyud du 'grel par byed pa'i 'grel byed gzhan
dang thun mong ma yin pa rang rgyud kyi rtags yang dag med pa
dang/ nyan rang 'phags pas chos kyi bdag med rtogs pa dang/ bden
'dzin nyon sgrib yin

pa dang zhig pa dngos po yin par gsungs pa sogs lung de'i yin
pa'i phyir/ kha cig dus gsum gyi nang na gtso bo ma yin pa gang
zhig skyes zin 'gag pa 'das pa'i mtshan nyid de gang zhig skye ba
la mngon

@077b du phyogs zhing ma 'gag pa ma 'ong pa'i mtshan nyid/ dus
gsum gyi nang nas gtso bo gang zhig skyes la ma 'gag pa da lta
ba'i mtshan nyid/ zer na/ myu gu ma 'ongs pa chos can/ skye ba la
mngon du phyogs par thal/

mtshon bya de'i phyir/ der thal/ ma 'ong pa yin pa'i phyir/ 'dod
mi nus te/ skyes zin pa yin pa'i phyir te/ dngos po yin pa'i
phyir/ kho na re/ bum pa zhig pa chos can/ zhig pa la mngon du
phyogs pa

ma yin par thal/ zhig pa yin pa'i phyir/ rtags khas/ 'dod na/ de
yin pa thal/ 'jig pa yin pa'i phyir/ khyab ste/ stong thun che
mo las/ 'jig pa zhes pa ni/ zhig pa la mngon du phyogs pa la
brjod la/ zhes dang

'jug pa las 'gag bzhin pa ni yod kyang 'jig la phyog par 'dod
gyur ba/ zhes gsungs pa'i phyir/ zer na ma khyab/ yang kho na
re/ bum pa zhig pa chos can/ 'jig pa la mngon du phyogs pa ma
yin par thal/ zhig zin pa'i

phyir/ 'dod na/ de yin par thal/ 'jig pa yin pa'i phyir/ zer na
ma khyab/ mtshan nyid de la kha cig /bum pa chos can/ dus gsum
gyi gtso bo yin par thal/ mtshon bya de'i phyir/ 'dod na/ dus yin
par thal/ 'dod

pa'i phyir/ 'dod na/ ldan min 'du byed yin par thal lo/ /zer na
mi 'tahd de/ dus mtha'i skad cig mar gyur pa'i bum pa dus yin
pa'i phyir te/ de dus kyi thung mtha' yin pa'i phyir te/ dus kyi
thung mtha'

skad cig ma yod pa'i phyir/ kha cig rang gi dgag byar gyur pa'i
dngos po zhig pa 'gag pa'i tshe 'das pa'i mtshan nyid skye 'gyur
gyi dngos po gcig ma skyes pa'i cha ma 'ongs pa'i mtshan nyid/
zer na skyes 'gyur

@078a @#/ /gyi dngos po yod par thal/ mtshan nyid gnyis pa de
'thad pa'i phyir/ 'dod na ma skyes pa'i dngos po yod par thal/
'dod pa'i phyir/ 'dod na de med par thal/ dngos po yin na

skyes zin pas khyab pa'i phyir/ des na skyes bzhin pa'i dngos po
med par khas len dgos pa 'dra gsungs/ kha cig /myu gu skyes la
ma 'gag pa'i cha myu gu'i da ltar ba'i mtshan nyid zer na/ skyes
la mi 'gag pa yin

na; da ltar ba yin dgos par thal/ mtshan nyid de 'thad pa'i
phyir/ 'dod na/ ma 'ongs pa chos can/ der thal/ de'i phyir/ der
thal/ skyes pa gang zhig ma 'gag pa yin pa'i phyir/ dang po grub
ste dngos po

yin pa'i phyir/ gnyis pa chos can gyi grub kha cig rang nyid dus
gang du 'jog pa dngos po gang gi rang dus gang la ltos nas bzhag
dgos pa'i ltos par gyur ba'i dngos po de'i rang dus de las thal
zin pa 'das pa'i mtshan nyid/

rang nyid dus gang la 'jog pa zhes sogs gzhan 'dra ba la rang
dus der ma sleb pa ma 'ongs pa'i mtshan nyid/ skyes la ma 'gag pa
gang zhig /rang gi don spyi 'char ba khyod rang gis dus na 'das
pa dang/ ma 'ongs

pa'i chos gzhan gyi don spyi 'char ba la mi ltos pa da lta ba'i
mtshan nyid zhes gsungs/ bum pa zhig pa chos can/ mtshan nyid dang
po der thal/ mtshon bya de'i phyir/ der thal/ 'das

pa yin pa'i phyir/ rtsa bar 'dod na/ de bum pa'i dus su thal zin
par thal/ 'dod pa'i phyir/ 'dod na/ ma yin par thal/ de de'i dus
su ma sleb pa'i phyir te/ de de'i dus su ma 'ongs pa'i phyir te/

@078b de de'i 'bras bu yin pa'i phyir/ ma grub na/ bum pa chos
can/ khyod zhig pa khyod kyi 'bras bu yin par thal/ khyod dngos
po yin pa'i phyir/ gzhan yang bum pa ma 'ongs pa chos can/ mtshan
nyid gnyis pa der thal/ mtshon bya de'i phyir/

der thal/ ma 'ongs pa yin pa'i phyir/ rtsa bar 'dod na/ de bum
pa'i dus su ma sleb pa yin par thal/ 'dod pa'i phyir/ 'dod na ma
yin par thal/ de bum pa'i dus su thal zin pa yin pa'i phyir te/
de bum pa'i dus

'das pa yin pa'i phyir te/ de bum pa'i rgyu yin pa'i phyir/ ma
grub na/ bum pa chos can/ khyod ma 'ongs pa khyod kyi rgyu yin
par thal/ khyod dngos po yin pa'i phyir/ gzhan yang bum pa zhig
pa bum pa la ltos nas ma 'ongs

pa yin par thal/ de bum pa'i rjes su byung ba gang zhig /sang gi
lam de de ring gi lam la ltos nas 'gro ba'i bya ba ma 'ongs pa
yin pa'i phyir te/ de de la ltos te 'gro ba'i bya ba ma skyes pa
yin te/ rkang gnyis pa'i lha zhig

gdong shar la bltas te 'gro ba'i tshe mdun phyogs kyi lam rnams
gom pa da ltar ba'i lam la ltos te 'gro ba'i bya ba ma skyes
pa'i lam dang/ de'i rgyab phyogs pa'i lam rnams gom pa da ltar
ba'i lam la ltos te 'gro

ba'i bya ba 'gag pa'i lam du 'jog rigs pa'i phyir/ kha cig 'das
pa yin na dus yin dgos par thal/ 'das pa'i mtshan nyid de 'thad
pa'i phyir/ 'dod na da ltar ba yin na dus yin dgos par thal/
'dod

pa'i phyir/ 'dod na/ sngar bzhin bum pa so na gnas so/ /kha cig
da ltar ba zhig zhig pa'i zhig par dmigs pa de 'das pa'i mtshan
nyid/ da ltar ba zhig ma 'ongs par dmigs pa ma 'ongs pa'i mtshan
nyid/ da ltar ba

@079a @#/ /dmigs pa da ltar ba'i mtshan nyid zer zhing/ rang nyid
gang la ltos nas 'das par 'jog nus pa'i ltos pa'i dngos po de
yin na da lta ba yin pas khyab/ /rang nyid 'das pa yin pas
khyab/ khyod

gang la ltos nas ma 'ongs par 'jog nus pa'i ltos pa'i dngos po
yin na/ da ltar ba yin pas khyab/ khyod ma 'ongs pa yin pas
khyab zhes zer zhing/ myu gu zhig pa skyes la ma 'gag pa de myu
gu'i zhig pa zhig pa 'das

par 'jog pa'i ltos par gyur pa'i da lta ba yin no zer/ myu gu
zhig pa rang dus su da lta ba yin par thal/ myu gu zhig pa skyes
la ma 'gag pa da lta ba yin pa'i phyir/ rtags khas/ 'dod na/ ma

yin par thal/ de rang dus su 'das pa yin pa'i phyir/ ma grub na/
de chos can/ der thal/ rang dus su myu gu 'das pa yin pa'i
phyir/ khyab ste/ myu gu'i 'das pa yin na/ 'das pa yin

dgos pa'i phyir/ gzhan yang/ myu gu'i zhig par rang dus su 'das
pa yin te/ rtsa shes Tika chen las myu gu zhig par rang dus su
kho rang zhig pa min yang spyir zhig pa yin pas 'das pa kho
na'o/ zhes

gsungs pa'i phyir/ gzhan yang myu gu ma 'ongs pa skyes la ma
'gag pa da lta ba yin par thal/ myu gu zhig pa skyes la ma 'gag
pa da lta ba yin pa'i phyir/ 'dod mi nus te/ rtsa she'i Tika
chen las/

da lta ba ni dngos po gzhan gcig zhig pa dang ma skyes pa'i sgo
nas bzhag mi sgos pas skyes la ma 'gag pa myu gu lta bu yin pas/
ma 'ongs pa'i skad cig ma skyes la ma 'gag pa rnams dang khyad
par che'o/ /

@079b zhes gsungs pa'i phyir/ 'di'i thad kyi Tika chen las/ skad
cig dang po dus gnyis par zhig pa ni dngos su dgag bya bcad nas
rtogs dgos pas dgag pa ni yin la med dgag ni ma yin pas ma yin
dgag ste zhig

rgyu de bcas pa tsam min gyi/ de bcad pa'i dngos po gcig 'phangs
pa'i phyir ro/ /zhes gsungs pa'i don la/ kha cig /bum pa'i zhig
pa ma yin dgag yin te/ bum pa zhig pa de rang zhes brjod pa'i
sgras rang gi dgag bya

bkag shul du chos gzhan sgrub pa 'phen pa'i phyir/ bum pa zhig
pa zhes brjod pa'i sgras bum pa rang grub dus kyi skad cig dang
por gnas pa de 'phen pa'i phyir zer na/ shes bya chos can/ bum
pa zhig pa

zhes brjod pa'i sgras bum pa 'phen par thal/ des bum pa rang
grub dus kyi skad cig dang por gnas pa de 'phen pa'i phyir/ 'dod
na/ bum pa zhig pa des rang zhes brjod pa'i sgras rang gi dgag
bya bkag shul

du rang gi dgag bya 'phen par thal/ bum pa de'i dgag bya gang
zhig /'dod pa'i phyir/ 'dod na ha cang thal lo/ /kha cig /myu
gu'i ma 'ongs pa yin na dgag pa yin pas khyab pa myu gu'i 'das
pa yin na dgag pa yin pas

khyab zer na/ myu gu skye bzhin pa chos can/ der thal/ de'i
phyir/ ma grub na/ de myu gu ma 'ongs pa yin par thal/ myu gu'i
'gag bzhin pa myu gu'i da lta ba yin pa'i phyir/ de myu gu'i da
lta ba gcig yod pa'i phyir/ rtsa bar

'dod na/ myu gu skye ba dgag pa yin par thal/ 'dod pa'i phyir/
'dod na/ myu gu skyes pa dgag pa yin par thal/ 'dod pa'i phyir/
'dod na/ myu gu mi rtag pa dgag pa yin par thal lo/ /des na myu
gu zhig

@080a @#/ /pa rang dus su zhig pa yin/ rang dus su ma zhig byas
pa la/ kha cig /myu gu zhig pa de spyir zhig pa yin cing/ ma
zhig pa'i khyad par 'thad par thal/ dam bca' de 'thad pa'i
phyir/ 'dod

na chos der thal/ chos de yin pa'i phyir/ zhes pa'i thal 'gyur
la khyab pa yod par thal/ de 'dra'i thal 'gyur la khyab pa yod
pa'i phyir/ ma grub na chos de yin na chos de ma yin pa bud/
'dod na/ myu

gu zhig pa chos can/ zhig par thal/ zhig pa yin pa'i phyir/
'khor gsum zer/ kha gcig /myu gu zhig pa chos can/ zhig par tshad
mas dmigs par thal/ zhig pa yin pa'i phyir/ 'dod na/ zhig par
thal/ 'dod

pa'i phyir/ zer na/ ma khyab/ thal 'gyur dang po'i lan bden
gnyis kyi skabs su shes par bya'o/ /gnyis pa la chos nyid chos
can/ kun rdzob yin par thal/ kun rdzob tu tshad mas dmigs pa'i
phyir/ de der thal/

kun rdzob tu yod pa'i phyir te/ yod pa'i phyir/ kho na re/ ma
zhig na ma zhig pa yin dgos par thal/ zhig na zhig pa yin dgos
pa'i phyir/ zer na ma khyab/ 'dod na/ zhig pa chos can/ ma zhig
pa yin par thal/

ma zhig pa'i phyir/ 'khor gsum zer na/ bden na bden pa yin dgos
par thal/ rdzun na rdzun pa yin dgos pa'i phyir/ khyab pa khas/
'dod na/ las 'bras chos can/ der thal/ de'i phyir/ 'dod mi nus
ste/

rdzun pa yin pa'i phyir/ gzhan yang ma 'ong na ma 'ongs pa yin
dgos par thal/ 'ongs na 'ongs ba yin dgos pa'i phyir/ khyab pa
khas/ 'dod na/ ri bong rVa chos can/ der thal/ de'i phyir/ kha
cig/ myu

@080b gu zhig pa'i dus su myu gu zhig pa'i 'bras bu skyes par
thal/ myu gu zhig pa'i dus su myu gu zhig pa 'gag pa yin pa gang
zhig /myu gu zhig pa 'gag pa dang/ myu gu zhig pa'i 'bras bu
skyes pa dus mnyam pa'i phyir/ zer na/

skyon med de/ myu gu zhig pa rang dus su zhig pa yin cing rang
dus su zhig par khas mi len pa'i phyir/ gal te dus ni dngos
brtan ste/ zhes pa'i thad kyi rtsa she'i Ti-ka chen las/ 'o na
myu gu zhig pa'i zhig par rigs 'dra rgyud

mar 'byung bar ni 'dod pas de'i skad cig ma skyes la ma 'gag pa
rnams ni da lta bar 'gyur la de ltar na da lta ba dang zhig pa
gnyis mi 'gal bar 'gyur ro/ /zhes na skyon med de/ myu gu zhig
pa'i skad cig ma dang po

ni myu gu zhig pa yin la/ de'i rigs 'dra ba'i zhig pa rnams ni
snga ma snga ma zhig pa yin cing zhig pa thams cad 'das pa yin
pa'i phyir ro/ /zhes gsungs pa'i don la/ kha cig /myu gu zhig pa
zhig pa'i dus su

myu gu zhig zer na/ myu gu zhig pa zhig pa'i dus su myu gu zhig
pa yod par thal/ dam bca' 'thad pa'i phyir/ 'dod na/ de chos
can/ khyod zhig pa'i dus su khyod med par thal/ khyod dngos po
yin pa'i phyir/ /

gzhan yang myu gu zhig pa zhig pa de myu gu zhig pa yin par
thal/ myu gu zhig pa zhig pa'i dus su myu gu zhig pa yin pa'i
phyir/ 'dod mi nus te/ rtsa she'i Tika chen las/ myu gu zhig
pa'i skad cig ma dang po ni myu gu'i

zhig pa yin la/ de'i rigs 'dra ba'i zhig pa rnams ni snga ma
snga ma zhig pa yin zhing zhig pa thams cad 'das pa yin pa'i
phyir/ zhes gsungs pa'i phyir/ kha cig /myu gu zhig pa zhig pa
chos can khyod

@081a @#/ /kyi dus su myu gu zhig pa zhig pa yin par thal/ khyod
myu gu'i 'bras bu yin pa'i phyir zer na/ du ba chos can/ khyod
kyi dus su bud shing zhig pa yin par thal/ khyod de'i 'bras bu
yin pa'i phyir/

khyab pa khas/ 'dod na/ du ba'i dus su me skyes par thal/ 'dod
pa gang zhig bud shing 'gags pa dang me skyes ba dus mnyam pa'i
phyir/ 'dod na/ du ba'i dus su me byas pa yin par thal/ 'dod
pa'i phyir/ 'dod na/ de'i dus su

me yod par thal lo/ kha cig du ba'i dus su bud shing zhig pa yin
par thal/ bud shing gi dus su du ba ma 'ongs pa yin pa'i phyir/
zhes gsungs/ kha cig /'das ma 'ongs da lta gsum dang/ de gsum
gyi

dus yin khyab mnyams yin/ zhes zer/ de la kha cig /de ring gi
bum pa de ring gi dus yin par thal/ de dus yin pa'i phyir/ de da
lta ba'i dus yin pa'i phyir te/ de da lta ba yin pa'i phyir/
khyab pa khas/ /

'dod na/ bskal pa dang po'i bum pa de bskal pa dang po yin par
thal/ 'dod pa'i phyir/ 'dod na/ de chos can/ ma yin par thal/
bum pa yin pa'i phyir/ zer na/ lugs phyi ma mi 'thad de/ de ring
gi bum pa dus

yin pa'i phyir/ de bum dang dus kyi gzhi mthun yod pa'i phyir/
de dus mtha'i skad cig mar gyur pa'i bum pa dus yin pa'i phyir/
ma grub na/ de chos can/ dus yin par thal/ dus mtha'i skad cig
ma yin pa'i phyir/ /  

der thal/ de 'dra yod pa'i phyir/ lugs snga ma mi 'thad de/ khar
sang gi dus chos can/ 'das pa yin par thal/ 'das pa'i dus yin
pa'i phyir/ der thal/ kha sang gi bum pa de 'das pa'i bum pa yin

@081b yin pa'i phyir te/ bskal pa dang po'i bum pa de 'das pa'i
bum pa yin pa'i phyir te/ bskal pa dang po'i sangs rgyas de 'das
pa'i sangs rgyas yin pa'i phyir/ 'dod mi nus te/ da lta ba yin
pa'i phyir/ kha cig /shi ba'i gang zag

yod par thal/ 'das pa'i bum pa yod pa'i phyir/ zer na/ ma khyab/
'dod na/ shi ba'i gang zag de kho kho rang yin par 'thal/ 'dod
pa'i phyir/ 'dod na/ de chos can/ srog dbang 'gag pa'i gang zag
yin par thal/ 'dod pa'i phyir/

'dod na/ srog dbang rgyud la mi ldan pa'i gang zag yin par thal/
'dod pa'i phyir/ 'dod mi nus te/ de rgyud la ldan pa'i gang zag
yin pa'i phyir/ yid dbang rgyud la ldan pa'i gang zag yin pa'i
phyir/ der thal/ de yod

pa'i phyir/ rtags khas/ gzhan yang shi ba'i gang zag gi lus yod
par thal/ shi ba'i gang zag yod pa'i phyir/ 'dod na/ de kho kho
rang yin par thal/ 'dod pa'i phyir/ 'dod na/ de chos can/ shi
lus yin par

thal/ 'dod pa'i phyir/ 'dod mi nus te/ gson lus yin pa'i phyir
te/ gang zag gi lus yin pa'i phyir/ gzhan yang shi ba yin pa yod
par thal/ 'das pa yin pa yod pa'i phyir/ 'dod na/ shi ba yang
yin gang zag

yang yin ba'i gzhi mthun pa yod par thal/ 'dod pa'i phyir/ 'dod
mi nus te/ gang zag yin na shi ba ma yin dgos pa'i phyir zer na/
shi ba yin pa yod par thal/ so so skye bo tha mal ba'i phung
po'i rigs rgyun dor ba shi ba'i mtshan

gzhi yin pa'i phyir te/ na tshod gzhan du gyur pa rgas pa'i mtshan
gzhi yin pa'i phyir/ tshig gsal las/ zhig pa dngos por bsgrub
pa'i rigs pa gsungs pa'i don la/ kha cig /zhig pa dngos po yin
te/ /

@082a @#/ /rang grub dus kyi skad cig gnyis par zhig pa dngos po
yin pa'i phyir te/ rang grub dus kyi skad cig gnyis par 'jig pa
dngos po yin pa'i phyir/ zhes zer na/ rang grub dus kyi skad cig
gnyis

par 'jig pa yod par thal/ de dngos po yin pa'i phyir/ 'dod na/
bum pa rang grub dus kyi skad cig gnyis par 'jig pa yin par
thal/ 'dod pa'i phyir/ 'dod na/ bum pa chos can/ rang grub

dus kyi skad cig gnyis par yod par thal/ rang grub dus kyi skad
cig gnyis par mi rtag pa yin pa'i phyir te/ rang grub dus kyi
skad cig gnyis par 'jig pa yin pa'i phyir/ rtags khas/ rang lugs
kyi

sgrub byed ni zhig pa dngos po yin te/ de 'dus byas yin pa'i
phyir/ rtsa ba shes rab las/ dngos dang dngos med 'dus byas yin/
zhes gsungs pa'i phyir/ gzhan yang zhig pa dngos po yin te/ zhig

pa la mngon du phyogs par dngos po yin pa'i phyir te 'jig pa
dngos po yin pa'i phyir/ byas pa la kha cig /zhig pa chos can/
mi rtag pa yin par thal/ dngos po yin pa'i phyir/ 'dod na/

de chos can/ 'jig par thal/ 'dod pa'i phyir/ 'dod na/ zhig zin
slar yang 'jig par thal/ de zhig zhin pa gang zhig /'jig pa'i
phyir/ 'dod na skyes zin slar yang skyes par thal/ 'dod pa'i
phyir/

kho rang gi lugs la rtsa she'i lung des zhig pa 'dus byas bstan
pa yin gyi dngos por ma bstan zhing dngos med du tshig zin du
bstan pa yin zer na/ lta ba bka' rtags kyi phyag rgya bzhi khas
len mi

@082b rig par thal/ 'dus byas thams cad mi rtag par rtogs pa'i
lta ba de lta ba rnam dag ma yin pa'i phyir/ ma grub na/ 'dus
byas yin na mi rtag pa yin pa'i khyab par thal/ ma grub pa de'i
phyir/ 'dod na/ zhig

pa chos can der thal/ de'i phyir/ 'khor gsum/ kha cig /bum pa
rang grub dus kyi skad cig gnyis par ma bsdad pa dngos po yin
par thal/ bum pa rang grub dus kyi skad cig gnyis par zhig pa
dngos po yin pa'i

phyir; rtags khas/ 'dod na/ de bum pa'i 'bras bu yin par thal/
'dod pa'i phyir/ 'dod na/ de chos can/ bum pa med na khyod med
pas khyab par thal/ khyod bum pa'i 'bras bu yin pa'i phyir/ 'dod
na/ bum pa dag pa'i

sa phyogs kyis sgrubs/ gzhan yang bud shing zhig pa du ba'i rgyu
rkyen yin par thal/ de dngos po yin pa'i phyir/ 'dod na/ bud
shing zhig pa du ba'i dus su med par thal/ 'dod pa'i phyir/ 'dod
na/ du ba'i dus su bud shing

zhig pa yod par thal/ du ba'i dus su bud shing zhig pa yin pa'i
phyir zer na/ lan sngar brtag pa las shes par bya/ kha cig las
kyi zhig pa las kyi rnam smin gyi rgyu yin par thal/ de dngos po
yin pa'i phyir/ 'dod

na/ dge ba'i las kyi zhig pa dge ba'i las kyi rnam smin gyi rgyu
yin par thal/ 'dod pa'i phyir/ 'dod na/ dge ba'i las kyi zhig pa
rang 'bras rnam smin bde ba 'byin byed yin par thal/ 'dod pa'i
phyir/ 'dod

na/ de dge ba yin par thal lo/ /'dod na/ da lta ba yin par thal
lo/ /gzhan yang mi dge ba'i las kyi zhig pa mi dge ba'i las kyi
rnam smin gyi rgyu yin par thal/ las kyi zhig pa las kyi rnam
smin gyi rgyu yin

@083a @#/ /pa'i phyir/ rtags khas/ 'dod na/ de rang 'bras rnam
smin sdug bsngal 'byin byed yin par thal/ 'dod pa'i phyir/ 'dod
na/ de mi dge ba yin par thal lo/ /'dod na de da lta ba yin par
thal/

'dod pa'i phyir/ zhes zer/ thal 'gyur gnyis pa 'dir ma khyab/
kha cig /dogs pa 'di ltar gsungs te/ sangs rgyas 'phags pa'i
rgyud la mi dge ba yod par thal/ mi dge ba'i las kyi zhig pa mi
dge ba

yin pa gang zhig /sangs rgyas 'phags pa'i rgyud la mi dge ba'i
las kyi zhig pa yod pa'i phyir te/ de'i thugs rgyud la mi dge
ba'i las kyi zhig pa yod pa'i phyir/ de'i rgyud la de 'gags pa'i
phyir/

gzhan yang dge rtsa chad pa'i gang zag gi rgyud la dge rtsa yod
par thal/ de'i rgyud la dge ba'i las kyi zhig pa yod pa gang
zhig /dge ba'i las kyi zhig pa dge ba yin pa'i phyir/ dang po
der thal/ de'i

rgyud la dge ba'i las kyi zhig pa yod pa'i phyir te/ de'i rgyud
la dge ba'i las 'gags pa'i phyir/ zhes zer/ thal 'gyur dang po
la sangs rgyas 'phags pa'i thugs rgyud la mi dge ba'i las kyi
zhig pa med

de; mi dge ba'i las kyi zhig pa de mi dge ba'i las byas pa'i
skad cig gnyis pa tshun chad na yong gi /de phan chad du mi dge
ba'i las kyi zhig pa med pa'i phyir/ thal 'gyur

gnyis pa'i lan ni/ dge rtsa rgyud la mi ldan pa'i gang zag yod
par thal/ dge rtsa chad pa'i gang zag gi rgyud la dge rtsa med
pa'i phyir/ 'dod na/ zag med ye shes kyi sa bon rgyud

@083b la mi ldan pa'i gang zag yod par thal lo/ /'dod na sangs
rgyas 'gyur gyi rigs rgyud la mi ldan pa'i sems can yod par thal
lo/ gzhan yang rnam pa gcig du na rang 'bras rnam smin phyung ma
zin zhing khong khro

sogs kyis ma bcom pa'i dge ba'i las kyi zhig pa dge ba dang rang
'bras rnam smin phyung ma zin cing gnyen pos ma bcom pa'i mi dge
ba'i las kyi zhig pa mi dge ba yin kyang/ dge mi dge'i las kyi
zhig pa

gang yin dge ba dang mi dge bar khas len pa ma yin pa'i phyir/
thal 'gyur gnyis pa'i lan dri ma med pa'o/ /kha cig myu gu ma
'ongs pa'i dus na myu gu skye ba'i bya ba med zer na/

de yod par thal/ myu gu skye bzhin pa'i dus de myu gu ma 'ongs
pa'i dus yin pa'i phyir/ myu gu skye bzhin pa'i dus de sa bon
'gag bzhin pa'i dus yin pa'i phyir te/ de myu gu skye bzhin pa'i
dus gang zhig /

myu gu skye bzhin pa dang sa bon 'gag bzhin pa dus mnyam pa'i
phyir/ byas pa la/ kha cig de ring gi dus su myu gu'i rgyu med
par thal/ de ring gi dus su myu gu yod pa'i phyir/ ma khyab na
myu

gu'i rgyu'i dus su myu gu yod par thal/ de ring gi dus su myu gu
yang yod myu gu'i rgyu yang yod pa'i phyir/ khyab ste/ myu gu
skye bzhin pa'i dus su myu gu ma 'ongs pa yang yod myu gu skye
ba'i bya ba

yod na/ myu gu ma 'ongs pa'i dus su myu gu skye ba'i bya ba yod
dgos pa'i phyir/ rtags khas/ zhes zer/ gzhan yang myu gu ma
'ongs pa'i dus su myu gu skye ba'i bya ba med par thal/ rkyen

@084a @#/ /ma tshang ba'i dbang gi myu gu'i re zhig ma skyes pa de
myu gu ma 'ongs pa yin pa'i phyir/ zhes zer/ kha cig /rgyal po
nga la nus de rgyal ba shAkya thub pa'i dus su rgyal ba shAkya
thub pa ma yin te/

yin na rgyal po nga las nus chos can/ rgyal ba shAkya thub pa'i
dus su yod par thal/ de'i dus su yod pa'i rgyal ba shAkya thub
pa yin pa'i phyir/ de'i dus su yod pa'i rgyal ba shAkye thub pa
dang de'i dus su

med pa'i rgyal ba shAkya thub pa gang rung gang zhig de'i dus
su med pa'i rgyal ba shAkya thub pa ma yin pa'i phyir/ dang po
der thal/ de'i dus su/ rgyal ba shAkya thub pa yin pa'i phyir/
gnyis pa der

thal; de'i dus su rgyal ba shAkya thub pa yod pa'i phyir/ gzhan
yang rgyal po nga la nus chos can/ shAkya thub pa'i dus su yod
par thal/ de'i dus su de'i rgyud la yod pa'i phyir/ de'i dus su

de yin pa'i phyir/ gzhan yang/ de chos can/ shAkya thub pa'i
dus su yod par thal/ de'i dus su da lta ba yin pa'i phyir/ de'i
dus su da lta ba'i shAkya thub pa yin pa'i phyir te/ de'i dus
su shAkya

thub pa yin pa'i phyir/ khyab ste/ rgyal ba shAkya thub pa da
lta ba yin pa'i phyir/ gzhan yang/ de chos can shAkya thub pa'i
dus su shAkya thub pa dang gcig tu yod par thal/ de'i dus su de
dang gcig tu yod

pa dang de dang tha dad du yod pa gang rung gang zhig de dang
tha dad du med pa'i phyir/ phyi ma ma grub na/ de'i dus su yod
par thal/ de'i dus su de dang tha dad du yod pa'i phyir/ rtsa
bar 'dod na/ de'i dus su yod par thal lo/ /

@084b zhes zer/ rgyal po nga la nus de rgyal ba shAkya thub
pa'i dus su rgyal ba shAkya thub pa yin par thal/ de de'i dus
su sangs rgyas 'phags pa yin pa'i phyir/ de sangs rgyas 'phags
par gyur pa'i dus yod pa'i phyir/ ma

grub na/ de chos can/ der thal/ khyod gzugs skur gyur pa'i dus
yod pa'i phyir te/ khyod gzugs skur 'gyur rung gi rgyas 'gyur
gyi rigs yin pa'i phyir te/ sems can yin pa'i phyir/ de la kho
na re/ 'dod lha

shi 'phos nas tshe 'di'i mir skyes pa'i 'dod lha de tshe 'di'i mi
yin par thal/ rgyal po nga las nus de mngon par rdzogs pa sangs
rgyas pa'i tshe/ rgyal ba shAkya thub pa yin pa'i phyir te/ de
rgyal ba shAkya thub pa'i

dus su rgyal ba shAkya thub pa yin pa'i phyir/ rtsa ba 'dod na/
de mi yin par thal/ 'dod pa'i phyir/ 'dod na/ de lha shi ba ma
yin pa mi shi ba yin par thal lo/ gzhan yang/ 'dod lha nas shi
'phos nas tshe 'di'i

mir skyes pa'i tshe 'di'i mi de tshe snga mar 'dod lhar skyes par
thal/ ston pa shAkya thub pa de rgyal po nga las nus kyi dus su
rgyal po nga las nus yin pa'i phyir/ rtags khas/ 'dod na/ tshe
snga mar yod par thal/ zer na/

rtsa bar mi mtshungs so/ /gzhan yang/ byang sems rgyun mtha' ba
chos can/ byang sems rgyun mtha' ba sangs rgyas pa'i sangs rgyas
'phags pa'i dus su yod par thal/ de'i dus su yod pa'i sangs
rgyas 'phags pa

yin pa'i phyir te/ de'i dus su yod pa'i sangs rgyas 'phags pa
dang/ de'i dus su med pa'i sangs rgyas 'phags pa gang rung gang
zhig /de'i dus su med pa'i sangs rgyas 'phags pa ma yin pa'i
phyir/ /

@085a @#/ /dang po der thal/ de'i dus su sangs rgyas 'phags pa
yin pa'i phyir/ gnyis pa der thal/ de'i dus su sangs rgyas
'phags pa yod pa'i phyir/ 'khor gsum gyi rang bzhin yin/ gzhan
yang byang sems rgyun mtha'

ba chos can/ byang sems rgyun mtha' ba sangs rgyas pa'i sangs
rgyas 'phags pa'i dus su yod par thal/ de'i dus su de'i rgyud la
yod pa'i phyir te/ de'i dus su sangs rgyas 'phags pa yin pa'i
phyir/

khyab pa khas/ gzhan yang/ de chos can/ byang sems rgyun mtha'
ba sangs rgyas pa'i sangs rgyas 'phags pa'i dus su yod par thal/
de'i dus su da lta ba yin pa'i phyir te/ de'i dus su da lta ba'i
sangs rgyas

'phags pa yin pa'i phyir te/ da lta ba'i sangs rgyas 'phags pa
dang rgyud gcig yin pa'i phyir/ khyab ste/ sangs rgyas 'phags pa
dang rgyud gcig yin na/ de'i dus su sangs rgyas 'phags pa yin
dgos pa'i

phyir; gzhan yang/ de chos can/ byang sems rgyun mtha' ba sangs
rgyas pa'i sangs rgyas 'phags pa'i dus su yod par thal/ de'i dus
su sangs rgyas 'phags pa dang rgyud gcig tu yod pa'i phyir te/
de'i

dus su sangs rgyas 'phags pa gang zhig de'i dus su sangs rgyas
'phags pa dang tha dad du med pa'i phyir/ phyi ma ma grub na/
de'i dus su yod par thal/ ma grub pa de'i phyir/ 'khor gsum/ kha
cig /

myu gu de rang dus su skye ba yin zer na/ myu gu chos can/ rang
dus su rang rgyu las skye bar thal/ rang dus su skye ba'i phyir/
'dod na rang dus su rang rgyu las rag las par thal lo/ 'dod mi
nus ste/ rang dus su rang rgyu las

@085b rdzogs par grub zin pa'i phyir te/ dngos po yin pa'i
phyir/ khyab ste/ rnam 'grel las/ 'bras bu rag las med par yang
zhes gsungs pa'i phyir/ kho na re/ myu gu de rang dus su skye ba
yin par thal/ myu gu'i dus su myu gu skye ba

yod pa'i phyir te/ myu gu'i skye ba dang myu gu gnyis grub bde
dbyer med kyi chos yin pa'i phyir/ ma grub na/ myu gu chos can/
der thal/ khyod dngos po yin pa'i phyir/ zhes zer na/ shes bya
chos can/ myu gu skye ba dang myu gu gnyis dus

mnyam yin par thal/ myu gu'i dus su myu gu skye ba yin pa'i
phyir/ rtags khas/ 'dod na/ sa bon gyi dus su myu gu skye ba ma
yin par thal/ 'dod pa'i phyir/ 'dod na/ yin par thal/ de'i dus
su myu gu skye bzhin pa yin

pa'i phyir te/ de'i dus su sa bon 'gag bzhin pa yin pa'i phyir/
gzhan yang/ myu gu'i dus su myu gu skye ba'i bya ba yod par
thal/ myu gu de rang dus su skye ba yin pa'i phyir/ 'dod na/ myu
gu'i dus su sa bon 'gag

pa'i bya ba yod par thal/ 'dod pa yin pa ni gang zhig /myu gu
skye ba'i bya ba dang sa bon 'gag pa'i bya ba dus mnyam pa'i
phyir/ rtsa she'i Tika chen las/ 'grel bar gcig car du brten nas
'byung ba mi rtag par grub pa sgyu ma

lta bu gsal bar bya ba'i phyir du gsungs par bshad pa'i gcig car
du brten nas 'byung zhes pa ni bya ba gnyis gcig car du yod pa
la bya dgos ste/ zhes gsungs pa'i phyir/ gzhan yang/ myu gu
chos can/ rang dus su skyes zin pa yin par thal/ rang dus su
skyes pa yin pa'i phyir/ 'dod na/ ma yin par thal/ rang dus su
'gag bzhin pa yin pa'i phyir/ khyab ste/ Tika chen las skyes zin
pa dan

@086a @#/ /'gag bzhin pa dus gcig la ltos na 'gal pa yin no/
/zhes gsungs pa'i phyir/ gzhan dag na re/ dus der skye ba yin
na dus der med dgos par thal/ myu gu rang dus su skye ba ma
yin

pa'i phyir/ rtags khas/ 'dod na/ skye ba chos can/ skye ba'i
dus su med par thal/ skye ba'i dus su skye ba yin pa'i phyir/
khyab pa khas/ ma grub na skye ba chos can/ rang dus su khyod
khyod rang yin par thal/

khyod dngos po gang zhig /khyod khyod rang yin pa'i phyir/ zer
na ma khyab/ kha cig /bud shing gi dus su du ba skye ba yin
zhes zer/ 'o na bud shing gi dus su du ba skye bzhin pa yin
par thal/ dam bca'

'thad pa'i phyir/ 'dod na/ de'i dus su me 'gag bzhin pa yin
par thal/ 'dod pa gang zhig /du ba skye bzhin pa dang me 'gag
bzhin pa dus mnyam pa'i phyir/ rang lugs bzhag pa ni/ dus gsum

gyi rnam bzhag spyir bstan pa dang/ 'das ma 'ongs dngos po yin
pa'i sgrub byed du bshad pa gnyis/ dang po la/ bzhi brgya pa'i
'grel pa las/ de la ma 'ongs pa ni/ da ltar gyi dus su ma
phyin pa'o/ /

'das pa ni de nyid las 'das pa'o/ /da ltar byung ba ni skye la
ma 'gag pa'o/ /da ltar byung ba ni da ltar dmigs pa'i gtso bo
yin gyi zhes gsungs pa dang/ rtsa she'i Tika chen las/ gang du

ma 'ongs zhing gang las 'das pa'i ma 'ongs pa dang/ 'das pa
'jog pa'i dus ni da ltar ste/ zhes gsungs pa'i don ni/ 'das
pa'i mtshan nyid khyod dus gang du 'jog pa dngos po gang gi
rang dus la ltos

@086b nas bzhag dgos pa'i ltos par gyur pa'i dngos po de rang
dus su de las thal zin pa/ ma 'ongs pa'i mtshan nyid/ gzhan
'dra ba la/ rang dus der ma sleb pa'i chos/ da ltar ba'i mtshan

nyid; skyes la ma 'gag pa gang zhig khyod kyi don spyi 'char
ba khyod kyi dus na 'das pa dang/ ma 'ongs pa'i chos gzhan gyi
don spyi 'char ba la mi ltos pa'o/ /dang po'i mtshan gzhi ni/
myu gu rang gi

dus skad cig gnyis par zhig pa'i cha lta bu/ gnyis pa'i mtshan
gzhi ni/ skye ba'i rgyu yod kyang rkyen ma tshang ba'i stobs
kyi myu gu re shig ma skye pa'i cha lta bu/ gsum pa'i mtshan
gzhi myu gu lta bu'o/ /

gnyis pa/ 'das ma 'ongs dngos por sgrub pa'i sgrub byed bshad
pa la/ tshig gsal las/ lung dang rigs pa gnyis gsungs pa'i dang
po ni/ zhig pa dngos pa yin te/ shi ba dngos

po yin pa'i phyir te/ sa bcu pa'i mdo las/ skye ba'i rkyen
gyis rga shi /zhes gsungs pas/ shi ba ni gang shi ba'i sems
can de zhig pa yin zhing/ de nyid skye ba'i rkyen gyis skyed
par gsungs pa'i phyir dang/

rtsa she'i/ dngos dang dngos med 'dus byas yin/ zhes bum pa'i
dngos po dang bum pa'i dngos po zhig nas med pa'i bum pa'i
zhig pa gnyis ka 'dus byas su gsungs pa'i phyir/ rig

pa drug bcu pa las kyang/ rgyu zad gnyis las shi ba ni/ zad
ces bya bar dmigs pa ste/ zhes sdong bu snum ldan zad par mar
me shi ba'i rgyur gsungs pa'i phyir/ gnyis pa rigs pa ni/ tshig
gsal

@087a @#/ /las 'jig pa rgyu med du khas blangs nas 'dus byas
skad cig mar smra ba ltar na/ rgyu med pas 'jig pa med pa'i
phyir/ dngos po skad cig gi 'jig pa dang bral ba rnams 'dus
byas

su ji ltar 'grub de'i phyir de thams cad ni mi 'grig par 'gyur
ro/ /zhes gsungs pa'i don ni/ zhig pa dngos po yin te/ bum pa
zhig pa dngos po yin pa'i phyir te/ de la rgyu yod pa'i phyir
te/

bum pa rang grub dus kyi skad cig gnyis par ma bsdad pa la
rgyu yod pa'i phyir te/ bum pa rang grub dus kyi skad cig
gnyis par mi bsdod pa la rgyu yod pa'i phyir te/ bum pa 'jig
pa la rgyu yod pa'i phyir/

rtsod pa spong ba la/ kha cig /rnam par shes pa'i rkyen gyi
ming gzugs 'byung bar thal/ sa bcu pa'i mdo las/ rnam par shes
pa'i rkyen gyi ming dang gzugs zhes gsungs pa'i phyir/ khyab

pa khas/ 'dod na/ rnam par shes pa'i rkyen gyi rnam shes kyi
phung po 'byung bar thal/ 'dod pa gang zhig ming gzugs zhes
pa'i ming de phung po phyi ma bzhi la byed rig pa'i phyir/
gzhan yang sdong bu snum

ldan zad pa mar me shi ba'i dngos rgyu yin par thal/ de mar
me'i rgyun yin pa'i phyir/ 'dod na/ mar me de mar me shi ba'i
dngos rgyu yin par thal/ 'dod pa'i phyir/ 'dod na/ ma yin par
thal/ mar

me de mar me skad cig gnyis pa'i dngos rgyu dang/ mar me skad
cig gnyis pa mar me shi ba'i rgyu yin pa'i phyir/ gzhan yang
bum pa rang grub dus kyi skad cig gnyis par ma bsdad pa bum
pa'i 'bras bu yin

@087b par thal/ de dngos po yin pa'i phyir/ rtags khas/ 'dod
na/ de chos can/ bum pa med na khyod med dgos par thal/ khyod
bum pa'i 'bras bu yin pa'i phyir/ 'dod na/ bum pa dag pa'i sa
phyogs chos can/

der thal/ de'i phyir/ 'dod na/ de yod par thal/ bum pa rang
grub dus kyi skad cig gnyis par med pa yod pa'i phyir/ kha cig
sdong bu snum ldan dang mar me dngos su phrad pa srid dam mi
srid zer/ kha cig/

phrad pa srid zer na/ 'jug pa las/ gal te khyod kyi rgyu'i
phrad nas 'bras skyed byed na de'i tshe/ /de dag nus pa gcig
pas skyed byed 'bras bu tha dad med 'gyur zhing/ /zhes pa'i
tha dad du rigs pa dang po la/ dgag bya'i

khyad par ma sbyar rigs pa gnyis pa la/ dgag bya'i khyad par
sbyar nas bshad pa mi 'thad par thal/ dam bca' 'thad pa'i
phyir/ gzhan yang sa myug gnyis lhan cig tu phrad par thal/ de
gnyis dngos su phrad pa'i

phyir/ rtags khas/ 'dod na/ de gnyis lhan cig tu grub par
thal/ 'dod pa'i phyir/ 'dod na/ de gnyis dus mnyam yin par
thal lo/ /kho na re/ bum pa chos can/ rang nang gi chu dang ma
phrad par thal/ de'i

rgyu yin pa'i phyir/ khyab pa khas/ 'dod na/ rang nang gi chu
la rten mi byed par thal/ 'dod pa'i phyir/ de la kha cig /me
dang bud shing phrad par thal/ mes bud shing sregs pa'i phyir/
ma khyab na/ 'jig rten gyi khams 'di na

gnas pa'i mes 'jig rten gyi khams kyi bud shing thams cad
bsregs par thal/ me dang bud shing phrad pa med par yang mes
bud shing sregs pa'i phyir te/ rtsa ba shes rab las/ mar me
phrad pa med par

@088a @#/ /yang; ;gal te mun pa sel byed na/ /'jig rten kun na
gnas pa'i mun 'di na gnas pa des sel 'gyur zhes gsungs pa'i
phyir/ zer na/ tsha grang gnyis lhan cig tu grub par thal/ tsha

grang gnyis lhan cig tu phrad pa'i phyir/ khyab pa khas/ der
thal/ de gnyis phrad par chos mchog gi 'grel pa las bshad pa'i
phyir/ 'dod mi nus te/ de gnyis lhan cig mi gnas 'gal yin pa'i
phyir/

kha cig /'das pa'i 'bras bu chos can/ khyod kyi dus su 'das pa
yod par thal/ khyod dngos po yin pa'i phyir/ rtags khas/ 'dod
mi nus ste/ 'das pa'i 'bras bu yin pa'i phyir/ zhes gsungs/
skye ba'i

'bras bu chos can/ khyod kyi dus su skye ba yod par thal/
khyod dngos po yin pa'i phyir/ khyab pa khas/ 'dod mi nus ste/
skye ba'i 'bras bu yin pa'i phyir/ 'khor gsum/ kha cig /me du
ba'i dus su 'das

pa min zer na/ de chos can/ der thal/ de'i dus su thal zin
ba'i phyir te/ de'i rgyu yin pa'i phyir/ gzhan yang/ me du
ba'i dus su 'das pa yin par thal/ me 'das par song ba'i dus
yod pa'i phyir/

ma grub na/ de chos can/ der thal/ dngos po yin pa'i phyir/
kho na re/ dus der 'das na dus der 'das pa yin dgos par thal/
me du ba'i dus su 'das pa yin pa'i phyir/ 'dod na/ dus der
'das pa yin na

dus der 'das dgos par thal/ 'dod pa'i phyir zer na/ ma khyab/
'dod na myu gu zhig pa chos can/ der thal/ de'i phyir/ kho na
re/ me chos can/ du ba'i dus su dus gsum gang rung yin par
thal/ de'i

@088b dus su 'das pa yin pa'i phyir/ 'dod na/ de'i dus su yod
par thal lo/ /zer na ma khyab/ kha cig/ 'das pa'i dngos po de
dngos po ma yin zer na/ de yin par thal/ 'das pa'i dngos po
yod pa'i phyir te/ 'das pa'i dus yod

pa'i phyir/ 'das pa'i dus kyi sangs rgyas 'phags pa yod pa'i
phyir/ dus gsum gyi sangs rgyas 'phags pa yod pa'i phyir/ kha
cig zhig pa'i dngos po yod par thal/ 'das pa'i dngos po yod
pa'i phyir/ zer

na; ma khyab/ 'dod na/ rtag pa'i dngos po yod par thal lo/
yang ma skyes pa'i dngos po yod par thal/ ma 'ongs pa'i dngos
po yod pa'i phyir/ zer na/ med pa'i rtag pa yod par thal/ mi
dmigs pa'i rtag pa yod pa'i phyir/

'khor gsum/ kha cig /'das pa'i bum pa chos can/ 'das pa yin
par thal/ 'das pa'i bum pa yin pa'i phyir zer na ma khyab/
'das pa'i bum pa zhes pa'i tshig zur gyi 'das pa de 'das pa
brtags pa ba yin pa'i phyir te/

khar sang gi dus de 'das pa'i bum pa zhes pa'i tshig zur gyi
'das pa yin pa'i phyir ro/ /kho na re/ 'das pa yin pa'i dngos
po yod par thal/ 'das pa'i dngos po yod pa'i phyir/ zer na ma
khyab/ 'dod na 'das pa yin pa'i

dngos po de mtshon bya yin par thal/ 'dod pa'i phyir/ 'dod na/
'das pa yin pa'i don byed nus pa de de'i mtshan nyid yin par
thal/ 'dod pa'i phyir/ 'dod na/ khar sang gi bum pa chos can/
'das pa yin par thal/ 'das pa'i

dngos po yin pa'i phyir/ khyab pa khas/ zer na/ bum pa yin
pa'i mi rtag pa de mtshon bya yin par thal/ de yod pa'i phyir/
'dod na/ bum pa yin pa'i skad cig ma de de'i mtshan nyid yin
par thal/ 'dod pa'i phyir/ /

@089a @#/ /'dod na/ bum pa yin pa'i skad cig ma chos can/ bum
pa yin par thal/ bum pa yin pa'i mi rtag pa yin pa'i phyir/
khyab pa khas/ gzhan yang dngos po yin na da ltar ba'i dngos
po yin dgos par

thal/ 'das pa'i dngos po yang med ma 'ongs pa'i dngos po yang
med pa'i phyir/ 'dod na/ bum pa chos can/ der thal/ de'i
phyir/ 'dod na da lta ba'i mi rtag pa yin par thal/ 'dod pa'i
phyir/ khyab te/ bum pa'i

dngos po yin na bum pa'i mi rtag pa yin dgos pa'i phyir/ rtsa
bar 'dod na/ da lta ba dang grub bde rdzas gcig yin par thal
lo/ /rab rib dang ldan dbang po can mtshungs pa/ zhes sogs kyi
skabs su/ /

gzhung don dang/ mtha' dpyad pa gnyis/ dang po ni/ chu klung
rnag khrag tu snang ba'i yi dwags kyi mig shes chos can/ phyi
don med kyang shes pa rang bzhin gyi grub pa'i mthun dpe yang
dag ma yin te/ rab 

rib can gyi shes pa dang rang bzhin med mtshungs yin pa'i
phyir/ gnyis pa la kha cig /brlan zhing gsher ba phor pa gang
la lha mi yi dwags gsum gyis thun mong du bltas pa'i tshe/
brlan zhing gsher

ba phor pa gang gi steng du bdud rtsi dang chu dang rnag khrag
rnams dngos gnas la med do/ /zer na/ 'o na/ de ltar ltas pa'i
tshe brlan zhing gsher ba phor pa gang rnag khrag tu snang ba'i
yi dwags kyi mig shes tshad ma

ma yin par thal/ de ltar ltas pa'i tshe brlan zhing gsher ba
phor pa gang gi steng na rnag khrag med pa'i phyir/ kho na re/
zla ba gnyis snang gi dbang shes tshad ma ma yin par thal/ /

@089b zla gcig zla gnyis yin pa med pa'i phyir/ khyab pa khas/
'dod na/ de yin par thal/ de rang gi snang ba la tshad ma yin
pa'i phyir te/ shes pa yin pa'i phyir/ zer na/ shes pa yin na
tshad ma yin dgos par thal/ /

zla ba gnyis snang gi dbang shes tshad ma yin pa'i phyir/ 'dod
mi nus te/ Tika chen las/ blo la tshad ma dang tshad min gyi
rnam par bzhag pa yang grub bo/ /zhes gsungs pa'i phyir/ gzhan
yang sgra rtag 'dzin rtog

pa de rjes su dpag pa'i tshad ma yin par thal/ de rtog pa tshad
ma yin pa'i phyir/ khyab pa khas/ 'dod na/ de chos can/ rtags
yang dag la rten nas rang gi zhal bya lkog gyur la mi bslu
ba'i rig pa yin par

thal/ 'dod pa'i phyir/ 'dod na/ sgra rtag par bsgrub pa'i
rtags yang dag yod par thal lo/ /kho na re/ chu klung rnag
khrag tu snang ba'i yi dwags kyi mig shes chos can/ rang gi
snang yul gyi gtso bo la tshad ma yin par thal/

mngon gsum gyi tshad ma yin pa'i phyir/ 'dod na/ de chu klung
gi steng gi rnag khrag la tshad ma yin par thal/ 'dod pa gang
zhig /chu klung rnag khrag tu snang ba de de'i snang yul gyi
gtso bo ma yin pa'i phyir te/ zla gcig

zla gnyis su snang ba de zla ba gnyis snang gi dbang shes kyi
snang yul gyi gtso bo ma yin te/ de'i snang yul gyi gtso bo
med pa'i phyir/ kho na re/ nyi shu pa'i 'grel bshad las/ de la
rnag khrag gi thig pa 'ga'

yang med na rnag khrag gis gang ba'i klung ga la yod/ 'on
kyang las kyi rnam par smin pa'i dbang gi de dag la der snang
ngo/ /zhes gsungs pa mi 'thad par thal/ brlan zhing gsher ba
'phor pa gang la lha mi yi dwags gsum gyis

@090a @#/ /thun mong du ltas pa'i tshe/ de'i steng na bdud rtsi
dang chu dang rnag khrag dngos gnas la yod pa'i phyir/ zer na/
skyon med de lung de'i don ni/ phyi rol kyi rnag khrag med pa
la dgongs pa'i phyir

te/ 'di phyi don 'gog pa'i gzhung yin pa'i phyir te/ 'di sems
tsam pa'i gzhung yin pa'i phyir/ gzhan yang mi tshig pa'i rig
sngags dang ldan pa'i lus shes kyi lcags gong dmar 'bar ba la
reg

pa'i tshe/ lcags gong dmar 'bar ba'i steng du grang reg gcig
gsar du skye ba ma yin par thal/ yi dVags kyi mig shes la chu
klung rnag khrag tu snang ba'i tshe/ de'i steng du rnag khrag
med pa'i phyir/ /

rtags khas/ 'dod na/ Tika chen las/ 'o na ji ltar zhe na/ thog
mar dpe bshad par bya ste/ lcag gong mes sreg pa'i dmar 'bar
ba la reg kyang mi tshig pa'i rig sngags dang ldan pa gcig gis
lcags gong de lag tu

blangs pa na/ lus shes kyi lcags de'i reg bya 'dzin kyang de
la reg bya de shin tu tsha zhing sreg pa'i rnam pa can du mi
skye ba ni rig sngags bzlas pa'i chus lag pa skrus pa sogs kyi
rkyen gyi yin no/ /

de 'dra ba'i rigs sngags bzlas pa dang/ bral ba la ni lcag
gong gi reg bya de shin tu che zhing sreg pa'i rnam pa can du
skye'o/ /de ltar na mi sreg pa dang sreg pa'i reg bya gnyis ka
lcag gong gcig bu

de'i reg byar ni bya dgos la/ lus shes tshad ma gnyis gcig gi
grub pa'i reg bya gcig shos kyi grub pa ni ma yin pas gnyis ka
tshad mar khas blangs kyang tshad ma gcig gi grub pa gcig shos
kyis 'gog pa ma yin

@090b no; zhes gsungs pa mi 'thad par thal/ 'dod pa'i phyir/
gzhan yang/ Tika chen las/ de bzhin du gzhi gang du chu klung
'bab pa'i gzhi der chu klung de'i cha shas gcig yi dwags rnams
la sngon

las kyi dbang gi rnag khrag tu skyes pa dang/ chu klung gi cha
shas gcig mi la sngon las kyi dbang gi rnag khrag tu mi snang
ba'i btung ba dang/ khrus kyi chur skye ba na/ de gnyis ka chu
klung gcig gi cha shas

re yin pas/ yi dwags kyi mig shes tshad mas grub pa'i don dang
mi'i mig shes tshad mas grub pa'i don gnyis kyi dngos po so so
ba yin pas/ de gnyis gcig gi grub pa'i don de nyid gcig

shos kyi de'i ldog phyogs su grub pa ga la yin zhes gsungs pa
mi 'thad par thal/ yi dwags kyi mig shes la chu klung rnag
khrag tu snang ba'i tshe/ de'i steng du rnag khrag med pa'i
phyir/ gzhan yang

mi tshig pa'i rig sngags dang ldan pa'i lus shes kyi lcags gong
dmar 'bar ba la reg pa'i tshe/ de'i steng du grang reg gcig
gsar du skye bar thal/ de'i tshe mi tshig pa'i rig sngags dang
ldan pa'i lus shes

kyi mngon gsum gyi gzhal byar gyur pa'i reg bya yod pa gang
zhig /de'i gzhal byar gyur pa'i tsha reg med pa'i phyir/ dang
po der thal/ de'i lus shes mngon gsum gyi tshad ma yod pa'i
phyir/ phyi ma

der thal/ de la lcag gong me 'bar ba'i reg bya tsha reg mi
snang ba'i phyir te/ rtags chos can gyis grub pa'i phyir ro/
/kha cig tsha reg dang mi ldan pa'i nyi ma'i dkyil 'khor yongs
rdzogs gcig yod de/ 

@091a @#/ /dgun gyi dus su yi dwags kho na'i las dbang gi grub
pa'i nyi ma'i dkyil 'khor yod pa gang zhig /dgun gyi dus su yi
dwags kyi lus shes la nyi ma'i reg bya grang reg tu snang

ba'i phyir/ zer na/ tsha reg dang mi ldan pa'i me stobs chen po
yod par thal/ tsha reg dang mi ldan pa'i nyi ma'i dkyil 'khor
yongs rdzogs gcig yod pa'i phyir/ 'dod mi nus ste/ me stobs
chen

yin na tsha reg dang ldan pas khyab pa'i phyir/ de yin na tsha
reg yin pa'i khyab pa'i phyir/ gzhan yang yi dwags kho na'i
las dbang gi grub pa'i stong gsum gyi stong chen po'i 'jig
rten gyi khams yod par

thal; yi dwags kho na'i las dbang gi grub pa'i nyi ma'i dkyil
'khor yongs rdzogs gcig yod pa'i phyir/ 'dod mi nus te/ stong
gsum gyi stong chen po'i 'jig rten gyi khams yin na/ sems

can spyir mthun gyi las la grub pas khyab pa'i phyir/ kha cig
/gzugs can gcig gi go sar gzugs can gzhan 'byung ba'i go mi
'geg par thal/ brlan zhing gsher ba phor pa gang la

lha mi yi dwags gsum gyi thun mong du ltas pa'i tshe brlan
zhing gsher ba phor pa gang gi steng na/ bdud rtsi dang chu
dang zhing bsil ba dang rnag khrag gsum ka yod pa'i phyir/
rtags khas zer na/

stong mthun chen mo las/ thal 'gyur de la khyab pa med de/
brlan zhing gsher ba phor pa gang la lha mi yi dwags gsum gyi
thun mong du ltas pa'i tshe/ de'i steng na bdud rtsi phor gang
chu phor gang

@091b rnag khrag phor gang yod par khas blangs na skyon de
'jug kyang/ de ltar khas mi len pa'i phyir/ zhes gsungs/ rang
lugs kyi lan ni/ gsal ba khyed rang gi der thal/ chen po ri
rab gcig gi go sar dus 'khor gyi

ched du bya ba'i gdul bya dang/ mngon pa'i ched du bya ba'i
gdul bya gnyis kyis thun mong du ltas pa'i tshe/ chen po ri rab
gcig gi go sar dus 'khor gyi ched du bya ba'i gdul bya la
snang ba ltar gyi ri rab zlum po yongs

rdzogs gcig dang/ mngon pa'i ched du bya ba'i gdul bya la
snang ba ltar gyi ri rab gru bzhi yongs rdzogs gnyis gcig car
du yod pa'i phyir/ der thal/ dang po yod pa gang zhig /phyi ma
yod pa'i

phyir; gzhan yang/ de ltar go mi 'geg par thal/ byang chub
sems dpa'i ting nge 'dzin gyi mthu la brten nas/ phug pa 'dom
gang gru bzhi gcig tu yan lag bzhi pa'i dpung shong ba srid
pa'i

phyir te; rnal 'byor pa'i ting 'dzin gyi nus pa bsam gyi mi
khyab pa'i phyir/ gzhan yang de 'dra ba'i go mi 'gog par thal/
chen po bum pa gcig gi go gsar cha shas bum pa'i mchu dang lto
ba dang

mgrin pa la sogs pa'i rdzas tha dad pa du ma yod pa'i phyir/
gzhan yang de 'dra ba'i go mi 'gog par thal/ brlan zhing gsher
ba phor pa gang gi steng du chu dang zhing bsil ba dang/ khrag
dang

'o ma dang/ cang rnams gcig car du yod pa srid pa'i phyir te/
de rnams bsres nas phor ba gcig gang ba'i tshe brlan zhing
gsher ba phor ba gang gi steng du de rnams gcig car du yod
pa'i phyir/ kha cig/

@092a @#/ /gzugs can gcig gi rang gi go sar gzugs can gzhan
'byung ba'i go mi 'geg par thal/ brlan zhing gsher ba phor pa
gang la lha mi yi dwags gsum gyi thun mong bltas pa'i

tshe; brlan zhing gsher ba phor pa gang gi steng du bdud rtsi
phor pa gang rnag khrag phor gang chu phor gang ba gsum yod
pa'i phyir te/ yi dwags kyi mig shes tshad ma yin pa gang zhig

yi dwags kyi mig shes la brlan zhing gsher ba phor pa gang bo
de/ rnag khrag phor gang du snang ba'i phyir te/ de la brlan
zhing gsher ba phor pa gang po de rnag khrag tu snang ba'i
phyir/ zer na/ 'dir ma khyab

ste; shes bya chos can/ lha min la brlan zhing gsher ba phor
pa gang mtshon char snang ba'i tshe na/ de la de mtshon cha phor
gang du snang bar thal/ de'i tshe na de la de mtshon char snang
ba'i phyir/ khyab

pa khas/ gzhan yang rgya mtsho'i nang gi nya'u chung la rgya
mtsho'i steng du rgya mtsho'i khyon gyi tshad ji tsam yod pa ji
lta ba bzhin snang bar thal/ de la rgya mtsho'i chen po snang
ba'i phyir/ khyab pa khas/

kha cig /me stobs chen po khyab par non pa'i shar gyi gzhi na
grang reg yod par thal/ lcag gong dmar 'bar ba'i steng na
grang reg yod pa'i phyir/ zer na/ 'dir ma khyab/ 'dod na/ me
stobs

chen pos khyab par non pa de me stobs chen po'i khyab par non
pa'i shar gyi gzhir grang reg med par sgrub pa'i lhan gcig mi
gnas 'gal la rten pa'i 'gal dmigs kyi rtags yang dag ma yin
par thal/ 'dod pa'i phyir/

@092b gzhan yang/ me'i reg bya yang yin grang reg yang yin
pa'i gzhi mthun pa yod par thal/ lcags gong dmar 'bar ba'i reg
bya yang yin grang reg kyang yin pa'i gzhi mthun pa yod pa'i
phyir/ rtags khas/

'dod na/ tsha zhing sregs pa'i reg bya yang yin grang reg yang
yin pa'i gzhi mthun yod par thal/ 'dod pa'i phyir/ 'dod na/
tsha reg dang grang reg gi gzhi mthun yod par thal/ 'dod pa'i
phyir/ zer na 'dir ma khyab/ /

gzhan yang tsha grang gnyis lhan gcig mi gnas 'gal ma yin par
thal/ de gnyis lhan cig tu gnas pa srid pa'i phyir te/ de
gnyis lcags gong dmar 'bar ba'i steng du gnas pa srid pa'i
phyir/ zer na/

rtsa bar ma khyab thal 'gyur dang po la/ lcags gong dmar 'bar
ba la mi tshig pa'i rig sngags dang ldan pa'i gang zag gi lag
pa reg pa'i tshe/ lcags gong dmar 'bar ba de me stobs chen po
yin kyang/ de me

stobs chen pos khyab par non pa ma yin pa'i phyir/ thal 'gyur
gnyis pa'i lan la tsha reg yin na tsha zhing sreg pa'i reg bya
yin dgos par thal/ tsha zhing sreg pa'i reg bya yin na/ tsha reg
yin dgos pa'i phyir/

rtags khas/ 'dod na/ tsha zhing srags pa chos can/ der thal/
de'i phyir/ thal 'gyur gsum pa'i lan ni/ shes bya chos can/
bden med rtogs pa'i shes rab dang/ bden 'dzin gnyis lhan cig
mi gnas

'gal ma yin par thal/ de gnyis lhan cig tu gnas pa srid pa'i
phyir/ khyab pa khas/ rtags grub te/ bden med rtogs pa'i shes
rab rgyud la ldan bzhin pa'i tshur mthong gi rgyud la bden
'dzin

@093a @#/ /yod pa'i phyir/ kha cig /'gal ba la ma 'khrul pa'i
tshad ma yod par thal/ ljon shing 'bras bu can gyi drung du mi
dang yi dwags gnyis nye bar 'ong ba'i tshe/ ljon shing la 'bras
bu yod

par snang ba'i mi'i mig shes yang tshad ma yin/ ljon shing la
'bras bu med par snang ba'i yi dwags kyi mig shes kyang tshad
ma yin pa'i phyir/ phyi ma grub te ljon shing 'bras bu can la
'bras bu med

par snang ba'i yi dwags kyi mig shes mngon sum du yod pa ni
gang zhig /chu klung rnag khrag tu snang ba'i yi dwags kyi mig
shes tshad ma yin pa'i phyir/ rtags phyi ma khas rtags dang po
grub te/ /

bshes spring las/ ljon shing 'bras bu med 'gyur 'di dag gi
/bltas pa tsam gyi klung yang skam par 'gyur/ /zhes gsungs
pa'i phyir/ zer na/ yi dwags kyi mig shes kyi ljon shing gi
'bras bu ma mthong

na des ljon shing la 'bras bu med par mthong bas khyab par
thal/ yi dwags kyi mig shes kyi ljon shing la 'bras bu med par
mthong ba'i phyir/ 'dod na/ mdun gyi skyes bu len 'dabs

pa pos rnam par rgyal ba'i khang bzang med par mthong par
thal/ des de ma mthong ba'i phyir/ khyab pa khas/ kha cig 
rgyal ba shAkya thub pa'i sku gzugs la kun dga'o dang mu
stegs rdzogs

byed gnyis kyi thun mong du ltas pa'i tshe/ rgyal ba shAkya
thub pa'i sku gzugs kyi steng du mi mdzes pa'i cha gcig gsar
du skyes par thal/ brlan zhing gsher ba phar pa gang la lha mi
yi dwags gsum

@093b gyi thun mong du bltas pa'i tshe/ brlan zhing gsher ba'i
steng du rnag khrag gsar du skyes pa'i phyir/ rtags khas/ zhes
zer na/ rgyal ba shAkya thub pa'i sku gzugs kyi nyer len byas
pa las byung ba'i mi mdzes pa'i

gzugs yod par thal/ chu klung gi nyer len byas pa las byung
ba'i rnag khrag yod pa'i phyir/ khyab pa khas/ gzhan yang/
rgyal ba shAkya thub pa'i sku gzugs mi mdzes par 'gyur pa yod
par thal/ chu

klung rnag khrag tu 'gyur ba yod pa'i phyir/ rtags khas/ gzhan
yang/ mu stegs rdzogs byed kyi mig shes la rgyal ba shAkya
thub pa'i sku gzugs mi mdzes par snang ba ma yin par thal/
rgyal ba shAkya

thub pa'i sku gzugs 'dzin pa'i mig shes yin na/ de mdzes par
snang ba'i blo yin dgos pa'i phyir te/ sangs rgyas kyi sku de
la mthong na mi mthun pa med pa zhes bshad pa la dgos pa yod
pa'i phyir/ kha

cig /brlan zheng gsher ba phor pa gang la lha mi yi dwags gsum
gyi thun mong du stas pa'i tshe/ brlan zhing gsher ba phor ba
gang gi steng du bdud rtsi'i las gzugs rnag khrag gi las gzugs
chu dang

zhing bsil ba'i las gzugs gsum gsar du skyes par thal/ de ltar
ltas pa'i tshe/ brlan zhing gsher ba phor pa gang gi steng du/
bdud rtsi'i las gzugs rnag kyag gi las gzugs chu dang 

zhing bsil ba'i las gzugs gsum gsar du skyes par thal/ de ltar
ltas pa'i tshe/ brlan zhing gsher ba phor pa gang gi steng du/
bdud rtsi rnag khrag rnams gsar du skyes pa'i phyir/ rtags
khas/

'dod na/ las gzugs gsum po de phan tshun gcig gis gcig sgrib
bam mi sgrib/ ma sgrib na gang zag gsum kas las gzugs gsum ka
mthong bar thal/ las gzugs gsum po de mthong

@094a @#/ /rung gi gzugs su yod pa gang zhig /las gzugs gsum po
de phan tshun gcig gis gcig ma sgrib pa'i phyir/ gnyis pa ltar
na lha'i mig shes kyi chu mthong bar thal/ chu'i kha dog

gis bdud rtsi kha dog sgrib nas yod pa'i phyir/ rtags khas/
zhes zer/ kha cig /mi yul gyi brlan zhing gsher pa phor pa
gang la lha mi yi dwags gsum gyi thun mong du bltas pa'i tshe/
yi dwags kyi mig shes

de mi yul gyi brlan zhing gsher ba de la cha shas su phye nas
'jug par thal/ de de la sgrub 'jug gang zhig /yi dwags kyi mig
shes des mi yul gyi brlan zhing gsher ba dang/ yul dus rang
bzhin gang la ltos nas

grub bde dbyer med kyi chos 'ga' zhig ma mthong ba'i phyir te/
de ltar bltas pa'i tshe/ mi yul gyi brlan zhing gsher ba dang
chu dang zhing bsil ba gnyis yul dus rang bzhin gang la ltos
nas kyang grub bde dbyer

med kyi chos gang zhig /yi dwags kyi mig shes la chu dang
zhing bsil ba de mi snang ba'i phyir/ rtags khas zhes zer/ mi
yul gyi brlan zhing gsher pa dang chu dang zhing bsil ba gnyis
rang bzhin la ltos

te; grub bde dbyer med kyi chos yin pa ma grub po/ kha cig
/rab rib can gyi mig shes la skra shad snang ba'i tshe/ skra
shad dngos gnas la yod par thal/ yi dwags kyi mig shes la
klung rnag khrag

tu snang ba'i tshe/ rnag khrag dngos gnas la yod pa'i phyir/
rtags khas/ khyab ste/ rab rib dang ldan dbang po can mtshungs
pa/ zhes de gnyis mtshungs par bshad pa'i phyir/ zhes zer/ 'di
la kha cig

@094b rnag khrag med pa la rnag khrag snang ba'i yi dwags kyi
mig shes dang/ rnag khrag yod pa la rnag khrag tu snang ba'i
yi dwags kyi mig shes gnyis yod pa las 'dir rnag khrag yod
bzhin du rnag khrag snang ba'i yi dwags kyi mi shes dper

'dzin pa yin no/ /zhes gsungs pa mi 'thad de/ stong thun chen
mo dang 'gal ba'i phyir/ skra shad 'dzag snang gi dbang shes
dang de'i yul du gyur ba'i phyi rol kyi don gnyis don dam par
med mtshungs

dang; tha snyad du yod mtshungs yin pa bzhin du chu klung rnag
khrag tu snang ba'i yi dwags kyi mig shes dang/ de'i yul du
gyur ba'i phyi rol gyi don gnyis don dam par med mtshungs dang/
tha snyad du yod mtshungs

yin no; /zhes pa'i don yin byas pa la/ kha cig /skra shad
'dzag snang gi dbang shes kyi yul du gyur pa'i phyi rol gyi
don yod par thal/ dam bca' de 'thad pa'i phyir/ 'dod na/ skra
shad yod par thal/ 'dod

pa'i phyir na ma khyab/ skra shad 'dzag snang gi dbang shes la
skra shad snang ba de/ skra shad 'dzag snang gi dbang shes kyi
yul du gyur pa'i phyir rol gyi don yin pa'i phyir/ zla ba
gnyis snang gi dbang shes la zla ba gnyis su snang ba de/

zla ba gnyis snang gi dbang shes kyi yul du gyur pa'i phyi rol
gyi don yin pa'i phyir/ yang kha cig /dgun gyi dus su yi dwags
kyi lus shes dang nyi ma'i 'od zer phrad pa'i tshe/ nyi ma'i
'od zer gyi steng du grang reg gsar

du skyed par thal/ lha mi yi dwags gsum gyi brlan zhing gsher
ba phor pa gang la thun mong du bltas pa'i tshe/ brlan zhing
gsher ba'i steng du rnag khrag gsar du bskyed pa'i phyir/
rtags khas/ 'dod na/ dgun

@095a @#/ /gyi dus su yi dwags kyi lus shes dang me stobs chen
po phrad pa'i tshe me stobs chen po'i steng du grang reg gsar
du skye ba srid par thal/ 'dod pa'i phyir/ 'dod na/ me stobs
chen pos grang

reg 'byung ba srid par thal/ 'dod pa'i phyir/ 'dod na/ me lce
las mun pa 'byung ba srid par thal/ 'dod pa'i phyir/ gal te
gzhan la brten nas gal te gzhan zhig 'byung bar 'gyur na ni/
/'o na me lce las kyang

mun pa thug po 'byung 'gyur zhing/ /zhes/ dpal ldan zla bas
tshad bsal 'phangs pa ma yin par thal/ 'dod pa'i phyir/ zer na/
me lce las mun pa 'byung ba srid par thal/ nyi ma'i 'od zer
las

mun pa 'byung ba srid pa'i phyir/ nyi ma'i 'od zer dang/ 'ug
pa'i mig shes phrad pa'i tshe/ nyi ma'i 'od zer las mun pa
'byung pa'i phyir yang/ stong thun chung ba las/ las stobs
chen bsags pa'i yi dwags

kyi mig shes kyi chu bo gang+ga la bltas pa'i tshe/ de 'dra'i
ba'i mig shes de chu bo gang+ga dngos gnas la skam pa de la
tshad ma yin par thal/ de dra'i mig shes kyi chu bo gang+ga la
bltas pa'i tshe/ de

'dra'i mig shes de rnag khrag dngos gnas la tshad ma yin pa'i
phyir/ rtags khas/ 'dod na/ de'i tshe chu bo gang+ga med par
thal/ 'dod pa'i phyir/ 'dod mi nus te/ de'i

tshe mi'i mig shes kyi chu bo gang+ga dngos gnas la mthong ba'i
phyir/ de'i lan la/ stong thun chen mo las/ thal 'gyur de gnod
byed du mi 'gyur te de 'dra'i mig shes kyi chu bo gang+ga la

@095b /bltas pa'i tshe/ /las kyi dbang gi chu bo gang+ga ma
mthong ba yin gyi/ de skam par mthong ba ma yin pa'i phyir/
gzhan yang/ brlan zhing gsher ba phor pa gang la/ lha mi yi
dwags

gsum gyi thun mong du bltas pa'i tshe/ brlan zhing gsher ba
phor pa gang gi sted na/ rnag khrag dngos gnas la yod pa srid
par thal/ zas kyi sgrib pa can gyi yi dwags kyi zas zos pa'i
tshe/ zas kyi rig 'dra

phyi ma me dngos gnas la gyur pa srid pa'i phyir te/ de mer
gyur nas yi dwags kyi lto ba sregs pa srid pa'i phyir te/
lcags sreg gi sa gzhis mnar med kyi sems can gyi lus sregs pa
srid pa'i phyir ro/ /kha cig

reg bya 'dzin pa'i tshur mthong gi mig shes yod par thal/ brlan
zhing gsher ba phor pa gang la lha mi yi dwags gsum gyi thun
mong du bltas pa'i tshe/ de gsum gyi mig shes kyi brlan zhing
gsher ba mthong ba'i

phyir; zer na/ ma khyab ste/ chu yin na/ reg bya yin pa'i ma
khyab pa'i phyir te/ chu la reg bya dang gzugs gnyis ka yod
pa'i phyir/ gzhan yang Tika chen las/ yi dwags la chu klung
rnag khrag tu snang ba ni

de'i mig shes la snang ba yin pa'i gzugs kyi skye mched du
bzhag dgos so/ /zhes gsungs pa mi 'thad par thal/ yi dwags kyi
mig shes la chu klung rnag khrag tu snang ba mi srid pa'i
phyir/ kha cig lcags

sregs kyi sa gzhis mnar med kyi sems can gyi lus dngos gnas la
sregs pa mi srid par thal/ mnar med kyi lcags sregs kyi sa
gzhi dngos gnas la ma grub pa'i phyir/ de 'khrul snang yin pa'

@096a @#/ /phyir te; dpyod 'jug las/ lcags sregs sa gzhi su yi
byas/ /me tshogs de dag ci las byung/ /de 'dra de dag thams cad
kyang/ /sdig sems byung bar thub pas gsungs/ /zhes gsungs pa'i

phyir; zer na/ ma khyab/ lung de'i lcags sreg gi sa gzhi sogs
dbang phyug gi blo sngon du btang nas byas pa ma yin par/ rang
gi rgyur gyur pa'i sdig sems rang nyid byed pa po yin par bstan
pa'i phyir/ gzhan

yang; tsha reg dang grang rgyun gnod med du lhan cig tu gnas srid
par thal/ dgun gyi dus su nyi ma'i 'od zer dang yi dwags kyi lus
shes dang/ mi'i lus shes gnyis ka phrad pa'i tshe/ nyi

ma'i 'od zer gyi steng na grang reg dang/ tsha reg gnyis ka yod
pa'i phyir/ zer na/ ma khyab ste/ yi dwags kyi lus shes kyi
bzung byar gyur pa'i nyi ma'i 'od zer dang/ mi'i lus shes kyi
bzung byar gyur pa'i nyi ma'i 'od

zer gnyis/ nyi ma'i 'od zer gcig gi go sa na yod pa ma yin pa'i
phyir ro/ /kha cig/ yi dwags kyi mig shes la chu klung mer snang
ba'i tshe/ chu klung gi steng du me dngos gnas la yod par thal/
de la chu

klung rnag khrag tu snang ba'i tshe/ de'i steng na rnag khrag
dngos gnas la yod pa'i phyir/ 'dod na/ tsha grang gnyis lhan cig
tu gnas pa srid par thal/ 'dod pa'i phyir/ 'dod na/ de gnyis
lhan cig mi

gnas 'gal ma yin par thal lo/ /gzhan yang/ nam mkha' mtha' yas
kyi skye mched la/ snyoms par zhugs pa'i lhas brlan zhing gsher
ba phor pa gang la bltas pa'i tshe/ de'i

@096b steng na nam mkha' stong pa gcig dngos gnas la yod par
thal/ yi dwags kyi mig shes kyi brlan zhing gsher ba phor pa
gang la bltas pa'i tshe/ de'i steng na rnag khrag dngos gnas la
yod pa'i phyir/ 'dod na/ de'i

tshe gsher ba phor pa gang po de/ kho kho rang ma yin par thal/
'dod pa'i phyir/ zer na/ thal 'gyur dang po'i lan btab zin/
gnyis pa'i lan ni/ nam mkha' mtha' yas kyi skye mched la snyoms
par zhugs pa'i lhas

brlan zhing gsher ba phor pa gang la bltas pa'i tshe/ de'i steng
na nam mkha' stong pa gcig dngos gnas la yod pa srid par thal/
rdul gyi gong bu ri yi nang na lha ma yin gyi grong khyer yod pa
srid pa'i

phyir te/ des na lha ma yin thag bzang rigs kyi gzhal med khang
yod pa'i phyir/ de ltar du mdo sde las bshad pa'i phyir/ stong
thun chen po ltar na skyon med de/ brlan zhing gsher ba phor pa
gang la nam mkha'

mtha' yas kyi skye mched la snyams par zhugs pa'i lhas bltas
pa'i tshe des gzugs kyi 'du shes bshig pa'i dbang gi brlan zhing
gsher ba phor pa gang mthong ba la nam mkha' mthong ba'i tha
snyad btag pa tsam yin

pa'i phyir/ kha cig /chu klung gi steng na rnag khrag med bzhin
du/ rnag khrag tu snang ba'i yi dwags kyi mig shes chos can/
khyod phyi don med par shes pa rang bzhin gyi grub pa'i mthun
dpe yang dag ma yin te/ /

khyod rab rib can gyi shes pa dang mtshungs pa'i/ /chu klung gi
steng na rnag khrag med bzhin du/ chu klung rnag khrag tu snang
ba'i yi dwags kyi mig shes gcig skabs 'dir chos can du 'dzin
dgos te/ de

@097a @#/ /rab rib can gyi shes pa dang mtshungs pa'i phyir/ zer
na/ kun rdzob bden pa med par thal/ kun rdzob bden pa 'jal ba'i
sems can gyi shes pa

de; rab rib can gyi shes pa dang mtshungs pa'i phyir/ khyab pa
khas/ der thal/ mig ni rab rib can gyis dmigs pa yi/ zhes pa
dang/ rab rib mthu yi skra shad la sogs pa/ /zhes gsungs pa'i
phyir/

gang phyir gang gi yul myong gyur de las/ /zhes sogs kyi skabs
su/ mtha' dpyad pa dang/ gzhung don gnyis las/ dang po la kha
cig /rang gi yul gyi gtso bo la mi slu ba'i rig pa tshad

ma'i mtshan nyid/ dbye na mngon sum gyi tshad ma/ rjes su dpag
pa'i tshad ma dang gnyis/ rang la mngon sum du gyur pa'i rang yul
gyi/ /gtso bo mngon gyur la mi slu ba'i rig pa dang po'i mtshan

nyid; dbye na/ dbang po'i mngon gsum/ yid kyi mngon sum/ rnal
'byor mngon sum gyi tshad ma dang gsum/ /rang gi bdag rkyen dbang
po gzugs can pa la brten nas skye ba'i

rang gi snang yul rtogs pa'i gsal snang can gyi shes pa/ dang
po'i mtshan nyid/ tha snyad pa'i tshad ma'i nang tshan gang zhig/
rang yin pa'am rang gi nang tshan du gyur pa'i dbang po'i mngon
sum

dang rnal 'byor mngon sum gang rung med pa de gnyis pa'i mtshan
nyid/ rang gi rten du gyur pa'i bsam gtan gyi dngos gzhi la
brten nas rang yul gom stobs kyi 'jug pa'i rnal 'byor pa'i rgyud
kyi shes

@097b pa de/ /gsum pa'i mtshan nyid/ rang la lkog tu gyur pa'i
rang yul gyi gtso bo lkog gyur la mi slu ba'i rtogs pa rjes su
dpag pa'i tshad ma'i mtshan nyid/ de la dbye na rtag yang dag la
brten pa'i

rjes dpag dang/ dpe nyer 'jal gyi rjes dpag dang/ lung la brten
nas shin tu lkog gyur gyi rjes dpag dang gsum/ des na rtog med
kyi shes pa yin na/ tshad ma yin pa'i khyab ste/ de yin na/ de
rang gi

snang yul la tshad ma yin pa'i khyab/ de'i yul gyi gtso bo snang
yul la byed rig pa'i phyir/ rtog pa yin na tshad ma yin pas ma
khyab ste/ de yin na rang gi zhen yul la tshad ma yin pas ma
khyab pa gang zhig /rtog pa'i

yul gyi gtso bo zhen yul la byed rig pa'i phyir/ zer na/ dang po
nyid nas theg pa chen por rigs nges pa'i byang sems sbyor lam
pa'i rgyud kyi stong nyid la rtse gcig tu mnyam par bzhags pa'i
mnyam bzhag ye

shes chos can/ mngon sum gyi tshad ma'i mtshan nyid der thal/
mtshon bya de'i phyir/ ma grub na der thal/ de tshad ma gang zhig
/de rjes dpag tshad ma ma yin pa'i phyir/ dang po der thal/ bcad
shes yin pa'i phyir/

phyi ma ma grub na/ de bsam byung gi blo dang/ thos byung gi blo
gang rung yin par thal/ ma grub pa de'i phyir/ 'dod mi nus te/
bsgom byung gi blo yin pa'i phyir/ rtsa ba 'dod na de'i yul gyi
gtso bo mngon gyur du

yod par thal/ 'dod pa'i phyir/ 'dod na/ de stong nyid mngon gyur
yin par thal/ 'dod pa'i phyir/ 'dod na/ de chos can/ mngon gyur
ma yin par thal/ lkog gyur yin pa'i phyir te/ rtags yang dag la

@098a @#/ /brten nas dpag par bya ba yin pa'i phyir/ gzhan yang
shes bya chos can/ stong nyid de de 'dra'i mnyam bzhag ye shes
la mngon gyur yin par thal/ rtsa bar 'dod pa de'i phyir/ 'dod mi

nus te/ de de la lkog gyur yin pa'i phyir/ ma grub na/ de 'dra'i
mnyam zhag ye shes chos can/ stong nyid khyod la lkog gyur yin
par thal/ khyod stong nyid don spyi'i tshul gyi rtogs pa'i blo
yin pa'i

phyir; tshur mthong gi rgyud kyi gzhan sems shes pa'i mngon shes
chos can/ dbang po'i mngon sum yin par thal/ mtshan nyid de'i
phyir/ rtags grub ste/ rang gi bdag rkyen du gyur pa'i lha'i mig

dbang gzugs can pa las byung ba'i rang gi snang yul rtogs pa'i
gsal snang can gyi shes pa yin pa'i phyir/ rtsa bar 'dod mi nus
ste/ yid mngon yin pa'i phyir te/ mngon shes yin pa'i phyir/
gzhan

yang; rnal 'byor mngon sum dang yid mngon gnyis 'gal bar thal/
yid mngon gyi mtshan nyid de 'thad pa'i phyir/ 'dod mi nus te/
rnal 'byor mngon sum yin na/ yid mngon yin pas

khyab pa'i phyir/ rnal 'byor mngon sum yin na/ rang gi thun mong
ma yin pa'i bdag rkyen du gyur pa'i yid dbang las byung ba'i
mngon sum gyi tshad ma yin dgos pa'i phyir/ rgyun zhug gi rgyud
kyi rnal

'byor mngon sum chos can/ rnal 'byor mngon sum gyi mtshan nyid
der thal/ mtshon bya de'i phyir/ 'dod na/ rgyun zhugs kyi bsam
gtan gyi dngos gzhi snyom 'jug thob par thal lo/ /

@098b chos nyid 'dzin pa'i rtog pa chos can/ rjes dpag yin par
thal/ mtshan nyid de'i phyir/ ma grub na/ der thal/ chos nyid
lkog gyur yang yin/ de de'i yul gyi gtso bo yang yin/ de 'dra'i
rtog pa chos nyid la

mi slu ba'i rig pa yin pa'i phyir/ rtsa bar 'dod na/ bum 'dzin
rtog pa rjes dpag yin par thal/ 'dod pa'i phyir/ 'dod mi nus te/
de rtags la bstan pa'i rjes dpag yang ma yin/ dpe nyer 'jal gyi
rjes dpag yang

ma yin/ lung la bsten nas gzhal bya shin tu lkog gyur rtogs pa'i
rjes dpag yang ma yin pa'i phyir/ zla gcig zla gnyis su snang
ba'i dbang shes chos can/ tshad ma yin par thal/ rtogs med kyi
shes pa yin

pa'i phyir/ khyab pa khas/ 'dod na/ rang yul gyi gtso bo la tshad
ma yin par thal/ 'dod pa'i phyir/ 'dod na/ rang gi snang yul gyi
gtso bo la tshad ma yin par thal/ 'dod pa gang zhig rtog med kyi
shes pa'i

yul gyi gtso bo'i snang yul la byed rig pa'i phyir/ 'dod na/
de'i snang yul gyi gtso bo yod par thal/ 'dod pa'i phyir/ 'dod
na/ zla gcig zla gnyis yin par thal lo/ /kho na re/ tshad ma yin
par thal/ chu klung rnag khrag

tu snang ba'i yi dwags kyi mig shes tshad ma yin pa'i phyir/ zer
na/ mi mtshungs/ kha cig /rang yul gyi gtso bo la mi slu ba'i rig
pa tshad ma'i mtshan nyid/ de la dbye na/ mngon sum gyi tshad ma
dang/

rjes su dpag pa'i tshad ma gnyis/ rang yul gyi gtso bo rang la
mngon gyur la mi slu ba'i rig pa dang po'i mtshan nyid/ dbye na
sngar bzhin no/ rang gi thun mong ma yin pa'i bdag rkyen du gyur
pa'i dbang po

@099a @#/ /gzugs can pa las skyes pa'i rang gi yul gyi gtso bo
rang la mngon gyur ba la mi slu ba'i dbang shes dang po'i mtshan
nyid/ dbye na gzugs 'dzin dbang mngon nas/ reg 'dzin

dbang mngon gyi bar lnga yod/ rang gi thun mong ma yin pa'i bdag
rkyen yid dbang dang/ de ma thag rkyen dbang shes la skyes pa'i
rang gi yul gyi gtso bo rang la mngon gyur la mi slu ba'i yid
shes/ yid mngon gyi

mtshan nyid/ dbye na gzugs 'dzin yid mngon nas/ reg 'dzin yid
mngon gyi bar lnga/ rang gi thun mong ma yin pa'i bdag rkyen du
gyur pa'i zhi lhag zung 'brel gyi ting nge 'dzin las skyes
zhing/ rang

gi grogs su gyur pa'i stong nyid rtogs pa'i shes rab kyis zin
pa'i bsgom byung gi blo/ rnal 'byor mngon sum gyi mtshan nyid/
rang gi yul gyi gtso bo rang la lkog tu gyur pa'i mi slu pa'i
rtogs pa/ rjes dpag

tshad ma'i mtshan nyid/ de la dbye na rtags la brten pa'i rjes
dpag /dpe nyer 'jal gyi rjes dpag /lung la brten nas gzhal bya
lkog gyur rtogs pa'i rjes dpag rtags la brten nas rang gi yul

gyi gtso bo rang la lkog gyur la mi slu ba'i rig pa/ dang po'i
mtshan nyid/ rtags dang lung gang la yang ma brten par rang yul
dpe yang dag la brten nas rang yul gyi gtso bo rang la lkog gyur
la mi slu ba'i rig pa

gnyis pa'i mtshan nyid/ yul pas 'brog pa la ba min ji lta bu zhes
dris pa na ba bstan nas/ ba min 'di lta bu'o/ /snyam du 'dzin
pa'i blo de/ de'i mtshan gzhi yin/ rtags dang dpe gang la yang ma
brten

@099b par shin tu lkog gyur ston pa'i lung la brten nas rang gi
yul gyi gtso bo rang la lkog tu gyur pa la/ mi slu ba'i rig pa
gsum pa'i mtshan nyid/ sbyin pa btang ba las longs spyod 'byung
bar ston pa'i/ sangs rgyas

kyi lung mthong ba la brten nas/ sbyin pa btang ba las longs
spyod 'byung ngo snyam du 'dzin pa'i blo de/ de'i mtshan gzhi yin
no/ /zer na/ dang po nas theg chen du rigs nges pa'i/ byang sems
sbyor lam pa'i rgyud

kyi stong nyid la rtse gcig tu mnyam par bzhag pa'i mnyam zhag
ye shes chos can/ mngon sum gyi mtshan nyid der thal/ mtshon bya
de'i phyir/ rtag gsal sgrub tshul sngar ltar ro/ /tshur mthong gi

rgyud kyi gzhan sems shes pa'i mngon shes chos can/ rang gi de
ma thag rkyen dbang shes las byung bar thal/ yid mngon yin pa'i
phyir/ ma grub na/ der thal/ de mngon sum yin/ de dbang mngon
yang ma yin/

rnal 'byor mngon sum yang ma yin pa'i phyir/ 'dod mi nus te/
dbang shes kyis brangs pa ma yin pa'i phyir/ shes bya chos can/
rnal 'byor mngon sum gyi mtshan nyid de mi 'thad par thal/ de kho
na nyid kyi lta ba ma rnyed pa'i gang zhag

gi rgyud la rnal 'byor mngon sum yod pa'i phyir/ de 'dra'i gang
zag gi rgyud la gang zag rang rkya thub pa'i rdzas yod kyi stong
par mngon sum du rtogs pa'i blo yod pa'i phyir te/ Tika chen
las/ de kho na nyid

kyi lta ba ma rnyed kyang mi rtag sogs bcu drug tshad mas gtan la
phab pa dang/ zhes gsungs pa'i phyir/ bum 'dzin rtog pa chos
can/ rjes dpag yin par thal/ de'i mtshan nyid de'i phyir/ bum pa
de de'i

@100a @#/ /yul gyi gtso bo yin te/ bum pa de la lkog gyur yin/ de
de la mi slu ba yin pa'i phyir/ phyi ma der thal/ de bum pa
'grub byed kyi blo yin pa'i phyir/ ma grub na/ bum pa chos can/
khyod

'dzin rtogs pa khyod 'grub byed kyi blo yin par thal/ khyod gzhi
grub pa'i phyir/ rtsa bar 'dod na/ sngar bzhin/ gzhan yang sbyin
pa btang ba la bsten nas longs spyod 'byung bar ston pa'i sangs
rgyas kyi lung

mthong ba la brten nas/ sbyin pa btang ba las longs spyod 'byung
ngo snyam du 'dzin pa'i blo tshad ma yin par thal/ dam bca' de'i
phyir/ 'dod na/ spyi mtshan bden med ston pa'i lung mthong ba la
brten nas/ /

spyi mtshan bden med yin snyam du 'dzin pa'i mdo sde pa'i rgyud
kyi blo de tshad ma yin par thal/ 'dod pa'i phyir/ 'dod na/ spyi
tshan bden med du rtogs pa'i mdo sde pa yod par thal lo/ /gzhan
yang sbyin pa btang

pa las longs spyod 'byung ngo snyam du 'dzin pa'i blo de lung gi
tshad ma yin par thal/ dpyad gsum gyi dag pa'i lung gi rtags kyi
sbyin pas longs spyod khrims kyi bde/ zhes pa'i lung rang gi
bstan bya'i

don la mi slu bar rtogs pa'i rjes dpag de lung gi tshad ma yin
pa'i phyir/ ma khyab na/ 'gal ma grub na der thal/ de rjes dpag
gang zhig /de'i yul du gyur pa'i shes tu lkog gyur yod pa'i
phyir/ dang po

der thal/ dpyad gsum gyi dag pa'i lung de ltar bsgrub pa'i rtags
yang dag yin pa'i phyir/ mkhas pa kha cig /rang yul gyi gtso bo
la mi slu ba'i rig pa tshad ma'i mtshan nyid/ de la dbye na/ mngon
rjes

@100b gnyis lung tshad ma dpe nyer gyur gyi tshad ma dang bzhi 'o/
/rtags dang dpe gang rung la ma bsten par rang yul mngon sum du
snang pa'i rang gi gzhal bya la mi slu ba'i rig pa de dang po'i
mtshan nyid/ dbye na/ dbang mngon dang yid

mngon gnyis/ mngon sum gyi tshad ma gang zhig /rang gi bdag rkyen
du gyur pa'i dbang po gzugs can pa las dngos su skyes pa/ dang
po'i mtshan nyid/ de gang zhig /rang gi thun mong ma yin pa'i
bdag rkyen yid

dbang la brten nas dngos su skyes pa'i shes pa/ gnyis pa'i mtshan
nyid/ dbye na/ yid mngon khyad par ma yin pa dang/ de yin pa
gnyis las/ dang po ni/ gzugs 'dzin dbang mngon gyi rjes su skyes
pa'i

gzugs nges pa'i nges shes lta bu/ gnyis pa ni/ rnal 'byor mngon
sum lta bu yin no/ rtags la brten nas rang gi gzhal bya lkog
gyur la mi slu ba'i rig pa de/ rjes su dpag pa'i tshad ma'i mtshan
nyid/ rang

gzhi zhen don la mi slu ba'i tshig /lung tshad ma'i mtshan nyid/
dpe yang dag la brten nas 'dra'am/ rnam ldan du gzhal ba ltar mi
slu ba'i rig pa/ dpe nyer 'jal gyi tshad ma'i mtshan nyid/ dper
na/

de mthong ba la brten nas ba min rwa can du mthong pa'i blo lta
bu/ zhes gsungs/ 'o na/ sgra rtag 'dzin rtog pa chos can/ mngon
sum gyi tshad ma yin par thal/ mtshan nyid de'i phyir/ ma grub na/
der thal/ /

de la rang yul mngon sum du snang ba gang zhig /rang gi gzhal
bya la mi slu pa'i rig pa yin pa'i phyir/ dang po grub te/ gang
zag gi bdag 'dzin dang/ chos kyi bdag 'dzin gnyis la rang yul
mngon sum du snang

@101a @#/ /ba'i phyir/ Ti-ka chen dgongs pa rab gsal las/ der
ni bdag 'dzin gnyis lta bu la yang bdag gnyis kyi rnam pa
mngon sum du 'char la/ zhes gsungs pa'i phyir/ rtsa bar

'dod mi nus ste/ logs shes yin pa'i phyir/ gzhan yang tshad ma
la de bzhir grangs nges par mi 'thad par thal/ lung tshad ma
dang tshad ma'i gzhi mthun pa med pa'i phyir/ lung tshad ma yin
na lung rnam

dag yin dgos pa'i phyir/ mkhas pa kha cig /rang gi 'dzin
stangs kyi yul gyi gtso bo la mi slu ba'i rig pa/ tshad ma'i
mtshan nyid/ dbye na/ sngar ltar tshad ma bzhi yod/ rtags dang
dpe gang rung la

ma brten par/ rang gi 'dzin stangs kyi yul du gyur pa'i gzhal
bya mngon sum la mi slu ba'i rig pa/ dang po'i mtshan nyid/
dbye na/ dbang po'i mngon sum tshad ma/ yid kyi mngon sum tshad
ma/

rnal 'byor mngon sum tshad ma dang gsum/ rang gi thun mong ma
yin pa'i bdag rkyen dbang po gzugs can pa las skyes pa'i rang
gi 'dzin stangs kyi yul du gyur pa'i gzhal bya mngon sum pa la
mi slu

ba'i rig pa dang po'i mtshan nyid/ rang gi thun mongs ma yin
pa'i bdag rkyen du gyur pa'i yid dbang las skyes zhing/ ting
nge 'dzin la ma brten par rang gi 'dzin stangs kyi yul du gyur
pa'i gzhal bya mngon sum

pa la mi slu pa'i rig pa/ gnyis pa'i mtshan nyid/ rang gi thun
mong ma yin pa'i bdag rkyen du gyur pa'i gzhi lhag gzung 'brel
gyi ting nge 'dzin la brten nas skyes pa'i rang gi 'dzin
stangs kyi yul du

@101b gyur pa'i bden pa'i rnam pa 'am/ bdag med phra rags gang
rung mngon sum du snang ba'i rtog bral mi slu ba'i rig pa/
gsum pa'i mtshan nyid/ rtags la brten nas rang gi gzhal bya
lkog gyur la mi slu ba'i rig pa/

rjes su dpag pa'i tshad ma'i mtshan nyid/ zhes gsungs/ theg chen
gyi mthong lam bar chad med lam chos can/ mngon sum gyis tshad
ma'i mtshan nyid der thal/ mtshon bya de'i phyir/ rtag der thal/
rnal

'byor mngon sum gyi tshad ma yin pa'i phyir/ 'dod na/ de chos
can/ khyod kyi 'dzin stangs kyi yul du gyur pa'i gzhal bya
mngon sum pa yod par thal/ 'dod pa'i phyir/ 'dod na/ stong
nyid de gzhal bya mngon sum pa yin

par thal/ 'dod pa'i phyir/ 'dod na de chos can/ mngon gyur yin
par thal/ 'dod pa'i phyir/ 'dod mi nus te/ lkog gyur yin pa'i
phyir/ gzhan yang tshur mthong gi rgyud kyi gzhan sems

shes pa'i mngon shes chos can/ ting nge 'dzin la ma brten par
thal/ yid kyi mngon sum gyi tshad ma yin pa'i phyir/ rtags gong
ltar/ 'dod mi nus te/ rang gi bdag rkyen du gyur pa'i bsam
gtan gyi dngos

gzhi la brten nas skyes pa'i phyir te/ mngon shes yin pa'i
phyir/ mkhas pa kha cig /mi slu ba'i rig pa tshad ma'i mtshan
nyid/ dbye na/ mngon sum gyi tshad ma dang/ rjes su dpag pa'i
tshad ma gnyis yod/

rtags la brten nas ma skyes par rang gi 'jug yul mngon gyur ba
la mi slu ba'i rig pa/ dang po'i mtshan nyid/ dbye na/ sngar
ltar yod/ rang gi thun mongs ma yin pa'i bdag rkyen du gyur
pa'i dbang po gzugs

@102a @#/ /can pa la skyes shing/ rang gi 'jug yul rang la
mngon gyur pa la mi slu pa'i rig pa/ dang po'i mtshan nyid/
rang gi thun mong ma yin pa'i bdag rkyen yid dbang las skyes
shing/

rang gi 'jug yul/ mngon gyur pa la mi slu pa'i rig pa/ gnyis
pa'i mtshan nyid/ dper na ba mthong ba la brten nas ba min rVa
can du rtogs pa'i blo lta bu'o/ /rang gi thun mong ma yin pa'i
bdag rkyen

zhi lhag zung 'brel gyi ting nge 'dzin las skyes shing/ rang
gi 'jug yul du gyur pa'i bden pa'i rnam pa'am/ bdag med phra
rags gang rung la mi slu ba rtog bral gyi rig pa gsum pa'i
mtshan nyid/

rang la lkog tu gyur pa'i rang gi 'jug yul lkog gyur la mi slu
ba'i rig pa/ rjes su dpag pa'i tshad ma'i mtshan nyid/ zhes zer
na/ sgra 'dzin rtog pa chos can/ mngon sum gyi tshad ma yin par
thal/ mtshan

nyid de'i phyir/ ma grub na der thal/ sgra 'dzin rtog pa la
sgrar snang ba de khyod kyi 'jug yul yang yin/ de mngon gyur
pa yang yin/ khyod de la mi slu ba yin pa'i phyir/ dang po der
thal/ de 'dra'i rtog pa

de la tshad ma yin pa'i phyir te/ de rang gi snang yul la tshad
ma yin pa'i phyir/ ma grub na/ de chos can/ der thal/ khyod shes
pa yin pa'i phyir/ rtags gnyis pa der thal/ tshig gsal las/ gal te

'jig rten na yod na ni thams cad mngon sum du dmigs par bya ba
yin pa'i phyir/ lkog tu gyur pa ma yin te/ zhes gsungs pa'i
phyir/ rtsa bar 'dod mi nus te/ log shes yin pa'i phyir/ gzhan
yang zla ba

@102b gnyis snang gi dbang shes chos can/ dbang po'i mngon sum
gyi tshad ma yin par thal/ mtshan nyid de'i phyir/ rtag gsal
gong ltar ro/ /de bzhin du sgra 'dzin rtog pa chos can/ yid
mngon yin par thal/ mtshan

nyid de'i phyir/ rtag gsal sngar bzhin no/ /dman lam sngon du
ma song ba'i byang sems sbyor lam pa'i rgyud kyi stong nyid la
rtse gcig tu mnyam par bzhag pa'i mnyam bzhag ye shes chos
can/ rjes su dpag

pa'i tshad ma yin par thal/ mtshan nyid de'i phyir/ ma grub na
der thal/ stong nyid de la lkog rgyur yin/ stong nyid de'i
'jug yul yang yin/ de stong nyid la mi slu ba'i rig pa yin
pa'i phyir/ rtsa

bar 'dod na/ thos byung gi blo dang bsam byung gi blo gang
rung yin par thal/ 'dod pa'i phyir/ 'dod mi nus te/ sgom byung
gi blo yin pa'i phyir/ chos can de'i phyir/ tshig gsal las/

gal te mtshan gzhi rang gi mtshan nyid dam spyi'i mtshan nyid
kyang rung ste/ 'jig rten la yod na ni/ thams cad mngon sum du
dmigs par bya ba yin pa'i phyir/ lkog tu ma gyur ba yin te/
de'i

phyir de yul can gyi rnam par shes pa dang lhan cig du mngon
sum nyid du rnam par bzhag go /zhes gsungs pa'i phyir/ de'i
don la mkhas pa kha cig /shes pa yin na/ rang gi snang ba la
tshad ma

yin pas ma khyab te/ theg chen gyi mthong lam bar chad med lam
de rang gi snang ba la tshad ma ma yin pa'i phyir/ des na gnyis
snang can gyi shes pa yin na/ rang gi snang ba la tshad ma yin
pa'i khyab pa

@103a @#/ /lung de'i don yin gsungs/ theg chen gyi mthong lam
bar chad med lam de rang gi snang ba la tshad ma yin par thal/
de rang la chos nyid du snang ba la tshad ma yin pa'i phyir/ ma

grub na de la chos nyid du snang ba chos can/ theg chen gyi
mthong lam bar chad med lam de khyod la tshad ma yin par thal/
khyod de la snang ba'i phyir te/ khyod de la chos nyid du
snang ba'i phyir/

ma grub na der thal/ de la chos nyid du snang ba yod pa'i
phyir/ byas pa la kho na re/ de rang gi chos nyid snang ba la
tshad ma yin par thal/ de rang gi snang ba la tshad ma yin pa'i
phyir/ /'dod

na; de la chos nyid snang ba chos can/ don dam bden pa yin par
thal/ theg chen gyi mthong lam bar chad med lam gyi gzhal bya
yin pa'i phyir/ zer na/ theg chen gyi mthong lam bar chad med
lam

chos can/ der thal/ de'i phyir/ ma grub na/ de chos can/ der
thal/ khyod theg chen mthong lam bar chad med lam gyis rtogs
pa'i phyir/ ma grub na der thal/ sngon snang dbang shes

kyi sngo snang dbang shes rtogs pa'i phyir te/ sngon snang
dbang shes kyi dus su sngon snang dbang shes skyed byed kyi
tshad ma yod pa'i phyir/ byas pa la kho na re/ theg chen gyi
mthong lam bar chad

med lam de tha snyad dpyod byed kyi tshad ma yin par thal/ des
theg chen gyi mthong lam bar chad med lam rtogs pa'i phyir/
'dod na/ don dam dpyod byed kyi tshad ma yin na/ tha snyad
dpyod byed kyis tshad

@103b ma yin dgos par thal/ 'dod pa'i phyir/ zer na/ ma khyab/
tha snyad dpyod byed kyi tshad ma yin na/ rang gi 'dzin stangs
kyi yul du gyur pa'i kun rdzob bden pa yod pa'i khyab pa'i
phyir/ yang kho na re/

bdag med rtogs pa'i rjes dpag des kho rang rtog par thal/ theg
chen gyi mthong lam bar chad med lam gyi kho kho rang rtogs
pa'i phyir/ rtags khas/ 'dod na/ des bdag med dngos su rtogs
pa'i shugs

la kho kho rang rtogs par thal lo/ /'dod na/ bdag med ma yin
dgag yin par thal lo/ /zer na ma khyab te/ yang theg chen gyi
mthong lam bar chad med lam des kho kho rang rtogs pa'i shugs
la stong nyid rtogs par

thal; des kho kho rang rtogs pa'i phyir/ 'dod na/ de'i yul du
gyur pa'i chos nyid de ma yin dgag yin par thal/ 'dod pa'i
phyir/ zer na ma khyab/ theg chen gyi mthong lam bar chad med

lam bsgrub pa ma yin par thal/ de ma yin dgag yin pa'i phyir/
'phags pa thog med dang/ tshe dpag med ma yin dgag yin pa'i
phyir/ de ltar du drang nges rnam 'byed las

bshad pa'i phyir/ thal 'gyur gnyis pa'i skyon med de/ bdag med
rtogs pa'i rjes dpag bsgrub pa ma yin pa'i phyir te/ de ma yin
dgag yin pa'i phyir te/ spyod 'jug las/ gzhan myong ba dang

'brel ba las/ /dran 'gyur bya ba'i dug bzhin no/ /zhes gsungs
pa'i don la/ mkhas pa kha cig /sngon snang dbang shes kyi dus
su sngon snang dbang shes rtogs pa'i tshad ma med kyang de'i
rjes su skyes

@104a @#/ /pa'i sngon po dran pa'i dran shes kyi sngon snang
dbang shes rtogs pa mi 'thad de/ des sngon po mthong snyam du
dran pa'i dran shes des/ sngar sngon po mthong ba dran pa la
brten nas/ sngon

snang dbang shes rtogs pa'i phyir te/ dper na/ dgun gyi dus su
byi pas rmugs pa'i tshe dug zhugs pa ma myong yang/ phyis 'brug
gi sgra thos pa'i tshe/ sngar rmugs pa'i dus su dug zhugs 'dug
snyam

du dran pa bzhin no/ /zer na/ sngon snang dbang shes kyi dus
su sngon snang dbang shes rtogs pa'i tshad ma yod par thal/
de'i rjes su skyes pa'i sngon po dran pa'i dran shes de rtogs
pa'i rig pa yin pa'i phyir

te; sngon snang dbang shes la bcad shes yin pa'i phyir/ gzhan
yang sngon snang dbang shes kyi kho kho rang rtogs par thal/
des sngon po dngos su rtogs pa'i cha nas/ des sngon po myong
bar 'jog rigs/

des sngon snang dbang shes shugs la rtogs pa'i cha nas/ sngon
snang dbang shes dpyad par 'jog rig pa'i phyir te/ rang 'grel
las/ gang gi phyir dran pa gzhan nyid yod pa min pa de'i
phyir/ gang nyams

su myong ba'i des myong ba de dran pa'i shes pa myong ba yin
pa ma yin pas dran pa yul dang bcas par 'gyur la/ nyams su
myong ba'i shes pas yongs su dpyad pa gang yin pa de dran la
yongs su ma bcad

pa min pas bdag gi mthong zhes bya bar yang 'gyur ro/ /zhes
gsungs pa'i phyir/ byas pa la kho na re/ de shes pa yin na/
rang nyid kyi rang nyid rtogs pa'i khyab par thal/ sngon snang
dbang shes kyis

@104b kho kho rang rtogs pa'i phyir/ zer na/ ma khyab 'dod na/
bden 'dzin log shes yin pa chos can/ der thal/ de'i phyir/
'dod na/ log shes su rtogs par thal/ 'dod pa'i phyir/ 'dod mi
nus te/ bden 'dzin yin pa'i phyir/

bden 'dzin dang grub de dbyer med kyi shes pa yin pa'i phyir/
zer na/ sngon snang dbang shes kyis kho kho rang rtogs par
thal/ bum 'dzin rtog pas kho kho rang rtogs pa'i phyir/ bum
'dzin rtog pa gyur pa'i yid kyi rnam par shes

pa'i kho kho rang rtogs pa'i phyir/ de'i gzhal byar gyur pa'i
shes pa yod pa'i phyir/ yid kyi rnam par shes pa'i 'khor du
byung ba'i tshor ba bde ba de/ rang yul du gyur pa'i bde ba la
yid kyi mngon sum tshad ma

dang; de'i 'khor du byung ba'i tshor ba sdug bsngal de/ rang
yul du gyur pa'i sdug bsngal la yid kyi mngon sum tshad ma
dang/ de'i 'khor du byung ba'i tshor ba btang snyoms de/ rang
yul du gyur pa'i btang snyoms

la yid kyi mngon sum tshad ma yin pa'i phyir te/ de ltar du
Ti-ka chen las bshad pa'i phyir/ gzhan yang sngon snang dbang
shes kyi kho rang rtogs par thal/ theg chen gyi mthong lam bar
chad med lam gyi kho rang rtogs

pa'i phyir/ Ti-ka chen las/ mnyam bzhag rnam par mi rtogs pa'i
yi shes kyi rang gi gzhal bya chos nyid grub pa na/ de'i stobs
kyi yul can gyi ye shes 'grub pa la rig bya rig byed so sor
snang ba'i gnyis snang

log pa dang/ gzhan lugs kyi shes pa thams cad kha nang lta la
gnyis snang log pa'i 'dzin rnam yan gar par 'dod pa dang/
mtshungs pa'i khyad par ni 'bras bu'i skabs su 'chad par 'gyur/
/

@105a @#/ /zhes gsungs pa'i phyir/ byas pa la mkhas pa kha cig
/skyon med de/ theg chen gyi mthong lam bar chad med lam gyi
kho rang grub pa lung de'i don yin pa'i phyir/ zhes gsungs/

'o na/ des kho rang grub par thal lo/ /'dod na/ des kho rang
rtogs par thal lo/ kho na re/ byas pas sgra mi rtag par grub
par thal/ byas pas sgra mi rtag par 'grub pa'i phyir/ zhes
gsungs/ rang lugs bzhag

pa la; mtshan nyid dbye ba/ rang rig med kyang dran pa skye
tshul/ de dag la rtsod pa spong pa'o/ /dang po ni/ rang gi
'dzin stangs kyi yul la mi slu pa'i rig pa tshad ma'i mtshan
nyid/ dbye na/ mngon sum

gyi tshad ma/ rjes dpag gi tshad ma/ dpe nyer 'jal gyi tshad ma/
lung gi tshad ma dang bzhi/ mngon sum gyi tshad ma dang rjes su
dpag pa'i tshad ma gang rung gang zhig /rtags la ma brten par
rang gi

mngon sum gyi tshad ma gang zhig /rang gi thun mong ma yin pa'i
bdag rkyen du gyur pa'i dbang po gzugs can pa la brten nas
dngos su skyes pa/ dang po'i mtshan nyid/ de gang zhig/ rang gi
thun

mong ma yin pa'i bdag rkyen du gyur pa'i yid dbang las skyes
pa/ gnyis pa'i mtshan nyid/ gzugs 'dzin dbang mngon gyi rjes su
skyes pa'i gzugs nges pa'i shes pa lta bu dang/ yid kyi

@105b rnam par shes pa'i 'khor du byung ba'i tshor ba bde sdug
btang snyoms gsum/ rang yul du gyur pa'i bde ba/ sdug bsngal/
btang snyoms gsum la mngon sum gyi tshad ma yang yin/ yid mngon
yang yin na/ rtog pa

yin mi dgos ste/ tshur mthong gi rgyud kyi gzhan sems shes pa'i
mngon shes de yid mngon yin pa'i phyir te/ de mngon sum ni
yin/ de dbang mngon dang/ rnal 'byor mngon sum gang yang ma
yin pa'i phyir/

yid mngon yin na/ rtog bral yin mi dgos te/ sngon 'dzin dbang
mngon gyi rjes su skyes pa'i sngon po don 'thun du nges pa'i
nges shes de yid mngon yin pa'i phyir te/ chos mngon pa las/
gzugs

shes pa ni rnam pa gnyis te/ mig dang yid la brten pa'o/ zhes
pa'i don 'chad pa la/ bzhi brgya pa'i 'grel par/ rnam par shes
pa gnyis kyi don gcig rnam par shes pa ma yin ste/ gcig ni yul

gyi rnam pa dngos su gcod par byed pa ste/ gang dang por
skyes pa'o/ /gnyis pa ni/ dngos su byed pa nyid du rnam par
shes pa ma yin te/ dbang po'i rnam par shes pa'i stobs kyi/ de
ltar rtog cing skye ba na/

des kyang 'on te rnam par shes so/ /zhes nye bar 'dogs so/
/zhes gsungs pa'i phyir/ yid mngon yin na/ rtog bral yin mi
dgos te/ rtog par gyur pa'i yid kyi rnam par shes pa'i 'khor
du byung ba'i tshor

ba bde sdug btang snyoms gsum po de/ rang yul du gyur pa'i bde
ba dang/ sdug bsngal dang btang snyoms gsum rim bzhin mngon
sum gyi tshad ma yin pa'i phyir/ bzhi brgya pa'i 'grel ba las/
tshor b 

@106a @#/ /la sogs pa ltar nyams su myong ba'i rnam pa yang ma
yin la/ gzugs dang sgra la sogs pa bzhin/ dbang po'i sgo nas
yongs su bcad par bya ba ma yin no/ /zhes gsungs pa'i phyir/

rtog par gyur pa'i yid kyi rnam par shes pa'i 'khor du byung
ba'i tshor ba bde sdug btang snyoms gsum po gang rung yin na/ yid
mngon yin mi dgos ste/ rjes dpag tu gyur pa'i yid kyi rnam par
shes

pa'i 'khor du byung ba'i tshor ba de yid mngon ma yin pa'i phyir
te/ rjes dpag tshad ma yin pa'i phyir te/ de rjes dpag tshad ma
dang mtshungs ldan lnga mtshungs kyi rig pa yin pa'i phyir/ rang
yul

du gyur pa'i bde sdug btang snyoms gsum po gang rung la yid kyi
mngon sum gyi tshad ma yin na/ de gang rung la mngon sum yin mi
dgos te/ theg chen gyi mthong lam bar chad med lam du gyur pa'i
tshor

ba btang snyoms de/ rang yul du gyur pa'i btang snyoms la yid
kyi mngon sum gyi tshad ma yin kyang/ des de mngon sum du ma
rtogs pa'i phyir/ 'dod na/ yid kyi rnam par shes pa'i 'khor du
byung

ba'i tshor ba de/ bde sdug btang snyoms gsum gyi yid mngon du
gsungs pa'i don gang yin snyam na/ de'i don yod de/ yid kyi rnam
par shes pa'i 'khor rang byung ba'i tshor ba bde sdug btang
snyoms gsum/ rang

yul du gyur pa'i bde sdug btang snyoms gsum la yid kyi mngon sum
gyi tshad ma yin pa la dgongs nas de ltar gsungs pa'i phyir/ 'jig
rten gyi tha snyad las kyang/ des bde ba myong sdug bsngal

@106b nyams su myong zhes brjod pa'i phyir/ gsum pa ni/ rang gi
thun mong ma yin pa'i bdag rkyen du gyur pa'i gzhi lhag zung
'brel gyi ting nge 'dzin la brten nas rang gi 'dzin stangs kyi
yul du gyur pa'i bden pa'i rnam pa'am/

bdag med phra rags gang rung du mngon sum du mthong ba'i rten
'brel la mi slu ba'i shes pa/ rnal 'byor mngon sum gyi mtshan
nyid/ sa mtshams tshogs lam nas sangs rgyas kyi sa'i bar na yod/
rtags la brten

nas rang gi 'dzin stangs kyi yul du gyur pa'i gzhal bya la mi
slu pa'i shes pa/ rjes su dpag pa'i tshad ma'i mtshan nyid/ myu gu
chos can/ bden par med de rten 'brel yin pa'i phyir/ dper na
gzugs

brnyan bzhin/ zhes pa'i rtags la brten pa'i rjes dpag chos can/
khyod la dpe nyer 'jal gyi tshad ma zhes brjod pa'i rgyu mtshan
yod de/ khyod gzugs brnyan gyi 'thun dpe yang dag la brten nas

skyes pa'i tshad ma yin pa'i rgyu mtshan gyi de ltar brjod pa'i
phyir/ sbyin pa'i longs spyod khrims kyi bde/ /zhes pa'i lung
chos can/ rang gi bstan bya'i don la mi slu ba yin te/ /dpyad
gsum gyi dag

pa'i lung yin pa'i phyir/ /zhes pa'i rtags la brten pa'i rjes
dpag chos can/ khyod la lung gi tshad ma zhes brjod pa'i rgyu
mtshan yod de/ khyod lung gi rtags la bsten nas rang gi gzhal bya
lkog gyur

rtogs pa'i tshad ma yin pa'i rgyu mtshan gyi de ltar brjod pa'i
phyir/ gsum pa rang rig med kyang dran pa skye tshul la/ rtsod pa
dang lan gnyis/ dang po ni/ spyod 'jug las/ gal te rang rig yod
min na/ /

@107a @#/ /rnam shes brten pa ji ltar 'gyur/ /zhes gsungs/ de'i
don ni/ kho na re/ sngon snang dbang shes kyi rjes su sngon
snang dbang shes dran pa'i dran shes skye ba mi 'thad par thal/
sngon snang

dbang shes kyi dus su sngon snang dbang shes myong byed kyi shes
pa med pa'i phyir te/ de nyams su myong ba'i rang rig med pa'i
phyir/ zer na/ gnyis pa la/ 'jug pa las gsungs tshul dang/ spyod
'jug las gsungs

tshul lo/ /dang po ni/ sngon snang dbang shes kyi dus kho rang
myong byed kyi shes pa med kyang/ de'i rjes su dran pa'i dran
shes skye ba 'thad de/ sngar gyi myong ba dang/ phyis kyi dran
pa gnyis yul gcig pa'i dbang gi ngas sngon po mthong snyam du

'dzin pa'i blo des/ sngon po dran pa'i stabs kyi sngon snang
dbang shes kyang dran pa yin pa'i phyir/ dang po grub te/ sngar
gyi myong bas yul myong ba dang/ dpyad pa gang yin pa de/ phyis
kyi dran pas ma myong ba

dang ma dpyad pa ma yin pa'i phyir te/ gang phyir gang gi yul
myong gyur de las/ /dran pa 'di gzhan nga la yod min pas zhes
dang/ de'i thad kyi/ rang 'grel las/ gang gi phyir dran pa gzhan
nyid yod pa yin

pa de'i phyir/ zhes gsungs pa'i phyir/ gnyis pa ni/ sngon snang
dbang shes kyi dus su sngon snang dbang shes myong byed kyi shes
pa med kyang/ de'i rjes su de dran pa'i dran shes skye par 'thad
de/ ngas sngon po mthong

snyam du dran pa'i blo des/ sngon po dran pa'i stobs kyi sngon
snang dbang shes kyang dran pa yin pa'i phyir/ dper na/ dgun gyi
dus su byi pas de rmugs pa'i tshe/ rmugs pa myong dus su dug
zhugs pa ma dran

@107b yang; phyis 'brug gi sgra thos pa'i tshe/ sngar rmugs pa'i
tshe dug zhugs 'dug snyam du rmugs pa dran pa'i stobs kyi/ dug
zhugs pa dran pa bzhin no/ /de ltar yang spyod 'jug las/ gzhan

myong pa dang 'brel ba las/ dran 'gyur byi ba'i dug bzhin no/
/zhes gsungs pa'i phyir/ gsum pa la/ mngon sum gzhan dang rjes
dpag la rtsod pa spong ba/ /yid shes gzhan gyi rtsod pa spong ba
dang/

gnyis/ dang po ni kho na re/ sngon 'dzin dbang po'i mngon sum
med par thal/ de dmigs byed kyi tshad ma med pa'i phyir/ de nyams
su myong ba'i rang rig mngon sum med pa'i phyir/ zer na/ skyon
med de/

sngon 'dzin dbang mngon gyi sngon po dngos su rtogs pa'i shugs
la rang nyid rtogs pa'i phyir te/ tshig gsal las/ tshad ma'i drang
'jug pa gzhan bya'i gzhan gyi dbang yin pa'i phyir dang/ gzhal
bya'i rnam pa'i rjes su

byed pa tsam gyis rang gi ngo bo yod par rnyed pa'i tshad ma dag
gi rang gi ngo bo rnam par 'jog pa'i phyir/ dbang po bstan pa
cud zad kyang mi 'kho bas rnam pa thams cad dang/ yul kho nas
bstan pa rigs so//

zhes gsungs pa'i phyir/ gnyis pa ni/ kho na re/ gang zag gi bden
'dzin dang/ chos kyi bden 'dzin med par thal/ de dmigs byed kyi
tshad ma med pa'i phyir/ de nyams su myong ba'i rang rig med pa
gang

zhig /des rang gi gzhal bya rtogs pa'i shugs la rang nyid rtogs
pa ma yin pa'i phyir te/ de'i gzhal bya med pa'i phyir/ zer na/
de gnyis kyi gzhal bya yod de/ gang zag gi bden 'dzin la gang
zag

@108a @#/ /gi bdag tu snang ba de/ de'i gzhal bya mngon sum pa
yin pa'i phyir dang/ chos kyi bden 'dzin la chos kyi bdag tu
snang ba de/ chos kyi bden 'dzin gyi gzhal bya yin pa'i phyir te

de gnyis la de ltar snang ba de rtags la ma brten par rtogs pa'i
phyir te/ tshig gsal las/ de'i phyir gal te mtshan gzhi 'am/ rang
gi mtshan nyid dam spyi'i mtshan nyid kyang rung ste/ 'jig rten

na yod na ni/ zhes gsungs pa'i phyir/ zla gcig zla gnyis su
snang ba'i gzhal bya yang yod de/ de la de gnyis su snang ba de
de'i gzhal bya yin pa'i phyir te/ tshig gsal las/ zla ba gcig

gnyis la sogs par rab rib can ma yin pa'i shes pa la ltos nas
mngon sum nyid min la/ rab rib can la sogs pa la ltos nas ni
mngon sum nyid kho na'o/ /zhes gsungs pa'i phyir/ des

na bum pa mngon sum yin te/ de bum 'dzin dbang mngon la mngon
sum yin pa'i phyir/ zla gcig zla gnyis su snang ba de zla ba
gnyis snang gi dbang shes la mngon sum yin te/ tshig gsal

las; zla ba gnyis la sogs pa rab rib can/ zhes sogs gsungs pa'i
phyir/ des na mngon sum dang mngon gyur don gcig /rtags la ma
brten par mngon sum gyi tshad mas rtogs

bar bya ba mngon gyur gyi mtshan nyid/ rtags la brten nas rjes su
dpag pa'i tshad mas rtogs par bya ba lkog gyur gyi mtshan nyid//
// ! /rnam pa de lta'i

@108b mdo sde gzhan yang ni/ /drang don nyid du lung 'dis gsal
bar byas/ /zhes pa'i skabs su/ mtha' dpyad pa la kha cig skabs
'dir drang don du sgrub dgos kyi lung de la rnam pa lnga yod de/
sems can thams

cad kyi rgyud la rtag brtan ther zug gi bde bar gshegs snying po
yod par ston pa'i mdo/ phyi don med par ston pa'i mdo/ kun
gzhi'i rnam shes yod par ston pa'i mdo/ mtshan nyid gsum la bden
pa

yod med kyi khyad par phye nas ston pa'i mdo/ mthar thug theg pa
gsum du grub par ston pa'i mdo rnams su yod pa'i phyir/ zhes zer
na/ sems can gyi rgyud la rtag brtan ther zug kyi bder gshegs

snying po med par thal/ sems can thams cad kyi rgyud la de yod
par ston pa'i mdo de/ drang don dgongs pa can gyi mdo yin pa'i
phyir/ ma grub na/ rtag der thal/ de 'dra'i mdo de skabs

'dir drang don du sgrub dgos kyi mdo yin pa'i phyir/ rtag khas/
'dod mi nus te/ sems can thams cad kyi rgyud la bder gshegs
snying po de rtag pa brtan pa theg zug ba yin pa'i phyir te/
de'i

rgyud la de mi 'jig pa'i chos yin pa'i phyir te/ yang stong thun
chen mo las/ skabs 'dir drang don du sgrub dgos kyi lung de la
lnga yod de/ sems can thams cad kyi rgyud la stobs sogs

sangs rgyas kyi yon tan rang 'chas su 'grub pa'i rtag brten bden
'grub kyi bde gshegs snying po yod par ston pa'i mdo bzhi/ gong
bzhin yod pa'i phyir/ zhes gsungs/ mdo dang po chos can/ /

@109a @#/ /sems tsam pas nges don gyi mdor khas len par thal/
skabs 'dir drang don du 'grel dgos kyi mdo yin pa'i phyir/ rtag
khas/ khyab te/ rang 'grel las/ de'i

phyir de ltar rnam par shes pa smra ba rnams kyi nges pa'i don
nyid du gang khas blangs pa thams cad/ lung 'dis drang pa'i don
nyid du mngon par gsal bar byas nas/ zhes gsungs pa'i phyir/
'dod na/

sems tsam pas sems can thams cad kyi rgyud la stobs sogs sangs
rgyas kyi yon tan rang chos su grub pa'i rtags brten bden 'grub
kyi bde gshegs snying po yod par khas len par thal/ 'dod

pa'i phyir/ byas pa la kho na re/ phyi rol don du gyur pa'i len
pa'i rnam par shes pa zab cing phra zhes pa'i lung chos can/
khyod sems tsam pas nges don gyi mdor khas len par thal//

khyod skabs 'dir drang don du sgrub dgos kyi lung yin pa'i
phyir/ khyab pa khas/ rtags der thal/ mdo sde dgongs 'grel gyi
mdo tshig tu gyur pa'i/ kun gzhi'i rnam shes yod par ston pa'i
lung

pa'i phyir/ rtsa bar 'dod na/ sla gzhan yang/ mdo sde dgongs
'grel gyi mtshan nyid gsum la bden par yod med kyi khyad par
dngos su phyes nas bstan par thal/ mtshan nyid gsum la

bden par yod med kyi khyad par phye nas ston pa'i mdo de/ skabs
'dir drang don du sgrub dgos kyi mdo yin pa'i phyir/ rtags khas/
'dod na/ mdo sde dgongs 'grel des kun btags bden med dngos kyi

@109b brjod bya'i gtso bor byed par thal/ 'dod pa'i phyir/ 'dod
na de/ don dam bden pa dngos kyi bstan bya'i gtso bor byed par
thal/ 'dod pa'i phyir/ 'dod na/ mdo sde dgongs 'grel chos can/
nges don

gyi mdo yin par thal/ don dam bden pa dngos kyi bstan bya'i gtso
bor byas nas ston pa'i mdo yin pa'i phyir/ rang lugs la/ skabs
'dir drang don du 'grel rgyu'i mdo ngos bzung ba dang/ de drang
don du

'grel byed kyi mdo ngos bzung ba gnyis/ dang po ni/ skabs 'dir
drang don du 'grel rgyu'i mdo la bzhi yod de/ bcom ldan 'das
ting nge 'dzin kyi spyod yul gzugs brnyan de/ sems las tha dad
pa zhes bgyi

'am; sems las tha dad pa ma lags zhes bgyi byis pa tha dad pa ma
yin zhes bgyi'o/ /zhes sogs phyi don med par ston pa'i dgongs
'grel gyi mdo/ len pa'i rnam par shes pa zab cing
 
phra; /sa bon thams cad chu'i rgyun bzhin 'bab/ /bdag tu rtogs
par 'gyur na mi rung zhes/ /byis pa rnams la nges ni de ma
bstan/ zhes kun gzhi rnam shes yod par bstan pa'i dgongs 'grel
gyi mdo/

chos rnams kyi mtshan nyid ngo bo nyid med pa gang zhe na/ kun
btags pa'i mtshan nyid gang yin pa'o/ /zhes sogs/ mtshan nyid gsum
la sems tsam pas 'dod pa ltar gyi bden par grub ma grub phye nas
ston pa'i dgongs 'grel gyi mdo/ zhi ba bsgrod pa gcig pu'i nyan
thos rnams ni/ sangs rgyas thams cad brtsom pa dang ldan par
gyur kyang/ zhes sogs/ mthar thug theg pa gsum du ston

@110a @#/ /pa'i dgongs 'grel gyi mdo rnams su yod pa'i phyir/
gnyis pa ni/ ji ltar nad pa nad pa la/ /sman pas sman ni gtong
ba ltar/ /sangs rgyas de bzhin sems can la/ /ji

tsam 'tshams pa'i chos bstan to/ zhes lang gshegs kyi lung 'dis
mdo tshan dang po de drang don du 'grel/ sems can thams cad kyi
rgyud la mtshan dpe gsal rdzogs kyi rtag brtan ther zug gi /bde

gshegs snying po yod par ston ba'i lung drang don du 'grel ba'i
lang gshegs kyi lung des mdo tshan gnyis pa drang don du 'grel/
bcom ldan 'das stong pa nyid dang/ mi skye ba dang/ mi gnyis pa
dang/ rang

bzhin med pa'i mtshan nyid/ zhes sogs lang gshegs kyi lung 'dis
mdo tshan gsum pa de drang don du 'grel lo/ /mthar thug theg pa
gsum du grub par ston pa'i dgongs 'grel gyi mdo/

drang don du 'grel ba'i mdo/ skabs 'dir mi 'dren pa'i rgyu mtshan
yod de/ mgon po klu grub kyis/ mdo kun las btus par/ de drang
don du rgyas par sgrubs pa la dgongs pa yin pa'i phyir ro// ! //

nyon mongs skyon rnam ma lus 'jig tshogs la/ zhes sogs kyi skabs
su/ mkhas pa kha cig 'khor ba'i rtsa bar gyur pa'i ma rig pa de
las 'bras la rmongs pa'i ma rig pa dang/ de kho na nyid la
rmongs pa'i ma rig pa gnyis/ dang po las rgyu 'bras sogs dang
skye ba snga phyi sogs med par 'dzin pa'i sems byung rmongs pa
lta bu de yin/ gnyis pa ni/ rig pa ye shes kyi 'gal zla mi mthun

@110b phyogs su gyur pa'i sems byung rmongs pa lta bu yin/ de la
gang zag gi bden 'dzin dang/ chos kyi bden 'dzin gnyis/ dang po
la kun btags dang lhan skyes gnyis/ dang po ni rang rgyud pa man
chad kyi 'dod pa ltar

gyi gang zag gi bden 'dzin de yin/ gnyis pa ni/ gang zag rang gi
mtshan nyid kyi grub par 'dzin pa'i blo lta bu'o/ /chos kyi bden
'dzin la yang kun btags dang lhan skyes gnyis/ dang po ni/ /

sems tsam pa'i 'dod pa ltar gyi chos kyi bden 'dzin de yin/
gnyis pa ni/ chos thams cad rang gi mtshan nyid kyi grub par
'dzin pa'i blo lta bu'o/ /zhes zer/ 'o na/ 'jig lta dang gang
zag gi bden

'dzin kyi khyad par ji lta bu zhe na/ 'di la 'jig lta yin la
gang zag gi bdag 'dzin ma yin pa'i mu/ gang zag gi bdag 'dzin
yin la gcig po ma yin pa'i mu/ gnyis ka yin pa'i mu/ gnyis

ka ma yin pa'i mu dang bzhi las/ dang po ni/ nga yi bar 'dzin
pa'i blo lta bu'o/ /gnyis pa ni/ gang zag gzhan rgyud kyi nga la
dmigs nas/ rang gi mtshan nyid kyi grub par 'dzin pa'i blo lta

ba'o; ;gsum pa ni/ ngar 'dzin pa'i blo lta bu'o/ /bzhi pa chos
kyi bden 'dzin yin/ zhes zer na/ 'khor ba'i rtsa bar gyur pa'i
ma rig pa dang/ ma rig pa kun btags gi gzhi mthun yod par

thal; de dang las 'bras la rmongs pa'i ma rig pa'i gzhi mthun
yod pa'i phyir/ rtags khas/ 'dod na/ lam rim chen mo las/ sems
can thams cad 'khor bar 'chings byed ni

@111a @#/ /lhan skyes kyi ma rig pa yin la/ kun btags kyi ma rig
pa ni grub mtha' smra ba de dag kho na la yod pas 'khor ba'i
rtsa bar mi 'thad pa'i phyir/ /zhes bshad pa mi 'thad

par thal/ 'dod pa'i phyir/ gzhan yang/ 'khor ba'i rtsa bar gyur
pa'i ma rig pa de la 'dzin stangs mi mthun pa gnyis yod par
thal/ de la las 'bras dang de kho na nyid la rmongs pa'i ma rig

pa gnyis yod pa'i phyir/ 'dod mi nus te/ de med par Tika chen
las bshad pa'i phyir/ las 'bras med par 'dzin pa'i blo 'khor
ba'i rtsa bar gyur pa'i ma rig pa yin par thal/ rtsa

ba'i dam bca' de 'thad pa'i phyir/ 'dod na/ de nyon mongs can
gyi ma rig pa yin par thal/ 'dod pa'i phyir/ 'dod na/ bden med
rtogs pa'i shes rab kyi 'gal zla mi mthun phyogs su

gyur pa'i rig pa yin par thal/ 'dod pa'i phyir/ khyab te/ Tika
chen las/ nyongs mongs can gyi zhes sogs gsungs pa'i phyir/ shes
bya chos can/ gang zag rang rkya thub pa'i rdzas yod du

'dzin pa'i blo lhan skyes med par thal/ rang rgyud pa man chad
kyi 'dod pa ltar gyi gang zag gi bdag 'dzin de gang zag gi bdag
'dzin kun btags yin pa'i phyir/ 'dod na/ sa bzhi ba'i bar chad
me

lam gyi ngo skal gyi spangs byar gyur pa'i gang zag rang rkya
thub pa'i rdzas yod du 'dzin pa'i rtog pa med par thal/ 'dod
pa'i phyir/ gzhan yang/ de yod par thal/ rang du lta ba dang
'brel

@111b yongs su zad/ zhes gsungs pa'i phyir/ gang zag gi bdag
'dzin kun btags yin na/ gang zag gi bdag 'dzin yin dgos/ zhe na/
gang zag rtag gcig rang dbang can du 'dzin pa'i rtog pa chos
can/

der thal/ de'i phyir/ ma grub na/ der thal/ bdag med rtog tse
rtag pa'i bdag spong zhing/ zhes gsungs pa'i phyir/ 'dod na/
bdag 'dzin yin par thal lo/ 'dod na sla/ kho na re/ gang zag gi

bdag 'dzin la phra rag gi dbye ba mi 'thad par thal/ gang zag
rang rkya thub pa'i rdzas yod du 'dzin pa'i rtog pa de/ gang zag
gi bdag 'dzin rag pa ma yin pa'i phyir te/ de dang gang zag gi
bdag 'dzin

gyi gzhi mthun med pa'i phyir/ zer na ma khyab/ rtsa bar 'dod
na/ bdag med la phra rag gnyis kyi dbye ba med par thal lo/
/zer/ 'o na/ nga yi bar 'dzin pa'i 'jig lta chos can/ gang zag
gi

bdag 'dzin yin par thal/ rang gi dmigs yul du gyur pa'i gang zag
la dmigs nas rang gi mtshan nyid kyis grub par 'dzin pa'i blo yin
pa'i phyir/ der thal/ rang gi dmigs yul du gyur pa'i

nga la dmigs nas/ rang gi mtshan nyid kyis grub par 'dzin pa'i
blo yin pa'i phyir te/ des nga la dmigs pa'i phyir te/ nga yi ba
zhes pa'i sgras dngos su brjod pa'i phyir/ kho na re/ nga yi mig

rna sogs la dmogs nas/ rang gi mtshan nyid kyis grub par 'dzin
pa'i blo chos can/ gang zag gi bdag 'dzin yin par thal/ rang gi
dmigs yul du gyur pa'i nga la dmigs nas rang gi mtshan

@112a @#/ /nyid kyis grub par 'dzin pa'i blo yin pa'i phyir te/
des rang gi dmigs yul du gyur pa'i nga la dmigs pa'i phyir te/
des nga la dmigs pa'i phyir te/ nga yi mig rna zhes sogs kyi
sgras

nga dngos su brjod pa'i phyir/ 'khor gsum/ zhes zer na/ ma grub
na/ der thal/ des nga yi ba'i mtshan gzhi dngos su brjod/ gcig po
des nga yi ba tsham dngos su brjod pa'i phyir/ kho na re/ nga yi

ba chos can/ gang zag yin par thal/ gang zag gi bdag 'dzin gyi
dmigs yul dang/ 'dzin stangs kyi yul gnyis kyi nang nas dmigs
yul yin pa'i phyir/ der thal/ nga yi bar 'dzin pa'i

'jig lta'i dmigs yul yin pa gang zhig/ nga yi bar 'dzin pa'i
'jig lta de gang zag gi bdag 'dzin yin pa'i phyir/ zer na/ rtsa
bar ma khyab/ gal te phung po bdag na de phyir de/ /zhes

gsungs pa'i phyir/ zer na/ ma khyab te/ lung de'i don ni/ ngar
'dzin lhan skyes kyi dmigs yul dang/ 'dzin stangs kyi yul gnyis
su phye ba'i dmigs yul yin na/ gang zag yin dgos

zhes pa'i don yin no/ kho na re/ nga yi bar 'dzin pa'i 'jig lta
dang/ ngar 'dzin pa'i 'jig 'jig lta gnyis mi 'gal bar thal/ nga
yi bar 'dzin pa'i 'jig lta dang/ gang zag gi bdag 'dzin gnyis

mi 'gal ba'i phyir/ zer na/ ma khyab te/ ngar 'dzin pa'i 'jig
lta yin na/ rang rgyud ldan rang gi gang zag gi rgyud kyi/ nga
tsam la dmigs pas khyab kyang/ gang zag gi bdag

@112b 'dzin la des ma khyab pa'i phyir/ yang kho na re/ bdag
dang bdag gi ba gnyis mi 'gal bar thal/ gang zag gi bdag 'dzin
lhan skyes dang/ bdag gi bar 'dzin pa'i 'jig lta lhan skyes
gnyis mi 'gal

ba'i phyir/ zer na/ ma khyab/ yang kho na re/ bdag med 'di ni
'gro ba rnam grol phyir/ zhes sogs gsungs/ mi 'thad par thal/
stong nyid la gang zag gi bdag gi stong pa'i stong nyid dang/
chos

kyi bdag gis stong pa'i stong nyid gnyis su grang ma nges pa'i
phyir te/ bdag 'dzin la gang zag gi bdag chos kyi bdag 'dzin
gnyis su gang ma nges pa'i phyir te/ nga yi bar 'dzin pa'i 'jig
lta de gang

zag gi bdag 'dzin dang/ chos kyi bdag 'dzin gang rung ma yin
pa'i phyir/ zhes zer/ 'di'i lan la kha cig/ nga yi bar 'dzin
pa'i 'jig lta de/ de gnyis gang yang ma yin pa'i bdag 'dzin

phung gsum pa yin par thal/ nga yi ba de chos dang gang zag
gnyis su phye ba'i chos kyang ma yin/ gang zag kyang ma yin pa'i
phyir/ zhes zer/ de la kha cig/ nga yi ba de gang zag yin/ zer
na/

de chos can/ gang zag ma yin par thal/ lhas sbyin gyi mig gi
dbang po de khyod yin pa'i phyir/ des na/ 'jig lta yin na/ gang
zag gi bdag 'dzin yin pa'i khyab par blangs pa la/ kho na re/

gzugs bdag ma yin pa la bdag tu 'dzin pa'i 'jig lta chos can/
gang zag gi bdag 'dzin yin par thal/ 'jig lta yin pa'i phyir/
khyab pa khas/ der thal/ gzugs bdag ma yin

@113a @#/ /bdag ni gzugs ldan min/ zhes gsungs pa'i phyir/ 'dod
na/ gzugs bdag yin par thal lo/ gzhan yang/ gang zag rang rkya
thub pa'i rdzas yod du 'dzin pa'i 'jig lta

chos can/ gang zag gi bdag 'dzin yin par thal/ 'jig lta lhan
skyes yin pa'i phyir te/ gang zag rang rkya thub pa'i rdzas yod
du 'dzin pa'i 'jig lta lhan skyes yod pa'i phyir/ zer na/ 'dir
ma khyab/

rtag ma grub te/ mdo las kyang/ 'jig lta lhan skyes yod par
bstan to/ zhes gsungs pa'i phyir/ zer na/ ma khyab/ 'tshams la/
las 'bras la mongs pa'i ma rig pa yin na/ ma rig

pa yin pas khyab par thal/ las 'bras la rmongs pa'i ma rig pa
yod pa'i phyir/ khyab pa khas/ 'dod na/ sbyin pa btang pa las
longs spyod mi 'byung bar 'dzin pa'i blo chos can/ der thal/ der
phyir/

rtags gsal gnyis ka gong du sgrub zin/ gzhan yang 'jig lta kun
btags yin na/ 'jig lta yin pa'i khyab par thal/ gang zag gi bdag
'dzin kun btags yin na/ gang zag gi bdag 'dzin

yin pa khyab pa'i phyir/ 'dod na/ gang zag rtag gcig rang dbang
can du 'dzin pa'i blo chos can/ der thal/ de'i phyir/ der thal/
bdag med rtogs tshe zhes sogs gsungs pa'i phyir/ de la kho na re/

gang zag rtag gcig rang dbang can du 'dzin pa'i blo chos can/
khyod rgyu mtshan ltar snang la brten nas gang zag rang gi mtshan
nyid kyi grub par 'dzin pa'i blo yin par thal/ 'jig lta kun
btags

@113b yin pa'i phyir/ khyab te/ 'jig lta lhan skyes yin na/ rgyu
mtshan ltar snang la mi ltos par gang zag rang gi mtshan nyid kyi
grub par 'dzin pa'i blo yin dgos pa'i phyir/ zhes zer na/ ma
khyab/ gang zag gi bdag

'dzin kun btags yin na/ bden 'dzin yin pa'i khyab par thal/ de
yin na gang zag gi bdag 'dzin yin pas khyab pa'i phyir/ 'dod na/
gang zag gi bdag 'dzin kun btags yin na/ rang nyid kyi zhen

yul med par rtogs zin gom par byas pas 'khor ba las grol nus pas
khyab par thal/ de yin na/ bden 'dzin yin pas khyab pa'i phyir/
byas pa la kho na re/ bden 'dzin kun btags yin na/

bdag 'dzin yin pa'i khyab par thal/ gang zag gi bdag 'dzin kun
btags yin na/ gang zag gi bdag 'dzin yin pa'i khyab pa'i phyir/
'dod na/ dngos po rang gi mtshan nyid kyi grub par 'dzin pa'i

blo kun btags yin na/ de 'dra'i blo yin dgos par thal/ 'dod pa'i
phyir zer/ gzhan yang lhas sbyin gyi nga yi ba de/ lhas sbyin
gyi nga yin par thal/ nga yi ba de nga yin pa'i phyir/ rtags

khas; 'dod na/ lhas sbyin gyi nga yi ba chos can/ khyod la dmigs
nas rang gi mtshan nyid kyi grub par 'dzin pa'i blo de ngar 'dzin
lhan skyes yin par thal/ khyod lhas skyes sbyin gyi nga yin pa'i
phyir/

'dod mi nus ste/ ngar 'dzin lhan skyes yin na/ rang rgyud ldan
gyi gang zag gi rgyud kyi/ nga tsam la dmigs pas khyab pa'i
phyir/ gzhan yang/ lhan sbyin gyi grud kyi nga yi bar 'dzin pa'i

@114a @#/ /'jig lta de ngar 'dzin lhan skyes yin par thal/ dam
bca' 'thad pa'i phyir/ 'dod na/ de'i rgyud kyi nga yi bar 'dzin
pa'i 'jig lta dang/ de'i ngar 'dzin lhan skyes gnyis/

yin khyab mnyam yin par thal lo/ /kha cig /lhas sbyin gyi mig
rna sogs la dmigs nas rang gi mtshan nyid kyis grub par 'dzin
pa'i blo de/ nga yi bar 'dzin pa'i 'jig lta yin/ zhe na/ ma yin
te/

de 'jig lta ma yin pa'i phyir te/ de gang zag gi bdag 'dzin ma
yin pa'i phyir te/ de chos kyi bdag 'dzin yin pa'i phyir te/
de'i mig rna sogs/ chos dang gang zag gnyis su phye ba'i chos
yin

pa'i phyir/ kho na re/ lhas sbyin gyi mig rna sogs chos can/
khyod la dmigs nas rang gi mtshan nyid kyis grub par 'dzin pa'i
blo de nga yi bar 'dzin pa'i 'jig lta yin par thal/ /

khyod nga yi ba'i mtshan gzhi yin pa'i phyir/ zer na ma khyab/
sangs rgyas 'phags pa'i rgyud kyi nga chos can/ khyod la dmigs
nas rang gi mtshan nyid kyis grub par 'dzin pa'i blo de ngar
'dzin lhan

skyes yin par thal/ khyod nga yin pa'i phyir/ khyab pa khas/
'dod mi nus te/ de'i rgyud la ngar 'dzin lhan skyes med pa'i
phyir/ byas pa la kho na re/ mchod sbyin gyi rgyud kyi

nga la dmigs nas rang gi mtshan nyid kyis grub par 'dzin pa'i
lhas sbyin gyi rgyud kyi blo chos can/ khyod ngar 'dzin lhan
skyes yin par thal/ khyod la dmigs nas rang gi mtshan nyid kyi
grub

@114b par 'dzin pa'i blo lhan skyes yin pa'i phyir/ zer na 'dir
ma khyab/ kha cig/ nga'o snyam du 'dzin pa'i blo de ngar 'dzin
lhan skyes yin zhe na/ 'o na nga de ngar 'dzin lhan skyes kyi
'dzin stangs kyi yul yin par

thal; dam bca' 'thad pa'i phyir/ 'dod na/ khyod tha snyad du med
par thal/ 'dod pa'i phyir/ khyab te/ 'di ni ngar 'dzin rten
du'ang mi rig la/ 'di ni kun rdzob tu yang yod mi 'dod/ zhes
gsungs pa'i phyir/

gang zag la sbyar nas yang de ltar btang ngo/ ston pa sangs
rgyas zhal bzhugs pa'i dus su/ de'i rdzas rin thang tshang ba
brkus pas/ pham pa 'byung zhing/ ston pa mya ngan las 'das rjes
su de ltar brkus

pas pham pa mi 'byung ba'i khyad par 'dul ba'i lung las bshad pa
mi 'thad par thal/ ston pa'i thugs la nga'i chos gos nga'i lhung
bzed do snyam pa'i blo med pa'i phyir/ de la nga'o snyam pa'i
blo med pa'i

phyir te/ dam bca' de 'thad pa'i phyir/ 'dod mi nus te/ mdo rtsa
bar mya ngan las 'das pa ni lha nyid do/ /zhes gsungs pa'i
phyir/ sangs rgyas 'phags pa'i rgyud la nga'o snyam pa'i blo yod
par thal/ /

de'i rgyud la ngas chos thams cad rnam pa thams cad du byang
chub bo snyam pa'i blo yod pa'i phyir te/ sangs rgyas 'phags pa
de mi 'jig pa bzhi dam bca' ba po'i gang zag yin pa'i phyir/ kho
na re/ nga yi bar 'dzin pa'i 'jig lta chos can/ nga yi bar 'dzin
pa'i 'jig lta ma yin par thal/ nga yi bar 'dzin pa'i 'dzin
stangs kyi rnam pa can ma yin pa'i phyir te/ nga yi ba de khyod
kyi 'dzin stangs kyi

@115a @#/ /yul ma yin pa'i phyir/ ma grub na/ nga yi ba chos can/
tha snyad du med par thal/ ma grub pa de'i phyir/ khyab te/ 'di
ni kun rdzob tu yang yod mi 'dod/ ces gsungs

pa'i phyir/ ngar 'dzin pa'i 'jig lha chos can/ gong ltar der
thal/ de'i phyir/ gnyis par ma khyab/ mkhas pa kha cig /dngos po
rang gi mtshan nyid kyis grub par 'dzin pa'i bden 'dzin kun btags

kyi; zhen yul med par rtogs zin goms par byas pas 'khor ba las
grol mi nus zhe na/ de nus par thal/ de'i zhe na/ de nus par
thal/ de'i zhen yul med pa med pa don dam bden pa yin pa'i
phyir/ ma grub na/ de chos can/

khyod kyi zhen yul med pa don dam bden pa yin par thal/ khyod
bdag 'dzin yin pa'i phyir/ kha cig /bdag 'dzin gnyis la dmigs
pa'i sgo nas mi 'byed cing rnam pa'i sgo nas 'byed/ ces

zer/ bden 'dzin yin na/ bdag 'dzin yin pa'i khyab/ gang zag gi
bdag 'dzin yin na/ nyon sgrib yin pa'i khyab zer na/ 'o na chos
de la bden 'dzin yin na/ chos de la bdag 'dzin yin pas

khyab par thal/ bden 'dzin la bdag 'dzin gyi khyab pa'i phyir/
'dod na/ gang zag bden par 'dzin pa'i bden 'dzin chos can/ gang
zag la der thal/ de'i phyir/ der thal/ chos can de'i phyir/

'dod na/ gang zag gi bdag 'dzin yin par thal/ 'dod pa'i phyir/
'dod na/ nyon sgrib yin par thal/ 'dod pa'i phyir/ khyab pa
khas/ kha cig/ gang zag gi tha snyad btag pa'i btags don

@115b btsal pa'i tshe na gang zag snyed zer na/ bden gnyis kyi
skabs su bkag zin/ kha cig/ gang zag gi tha snyad btag pa'i
btags don btsal pa'i tshe gang zag ma rnyed pa'i gang zag bdag
med rnyed pa'i don ma

yin par thal/ de gang zag bden med du rtogs pa'i thabs yin pa'i
phyir te/ rnam bdun gyi med gang de ji lta bu zhes pa dang/ tha
snyad bden pa thabs su gyur pa dang/ /don dam bden pa thabs
byung gyur pa

ste; zhes gsungs pa'i phyir dang/ drang nges rnam 'byed las/
shing rta rang gi yan lag dang gcig dang tha dad dang ldan pa
dang/ phan tshun brten pa'i tshul gnyis dang tshogs pa tsam dang
tshogs pa'i dbyibs te bdun

du btsal bas mi snyed kyang/ rang gi yan lag la brten nas btags
pa'i/ btags yod du 'jog pa bzhin du/ gang zag kyang 'jog par
gsungs la de nyid zab mo'i lta ba bde blag tu rnyed pa'i thabs
su

gsungs pas de'i rigs pa rnams ni gang zag gi bdag 'gog pa'i
phyir rigs pa'i gtso bor shes par bya'o/ /zhes gsungs pa'i
phyir/ zer na/ gang zag gi tha snyad btags pa'i btags don

btsal ba'i tshe/ gang zag ma snyed pa gang zag bden med du snyed
pa'i don yin par thal/ drang nges rnam 'byed las/ 'di yang phung
po la brten nas btags pa nyid kyi/ bdun po der gang zag mi rnyed
pa/ gang

zag bden med kyi don yin/ de yang rten byung gi rigs pa la thug
tgo/ zhes bshad pa'i phyir/ gang zag ming rkyang btag yod du
rtogs pa de bden med du rtogs pa'i thabs yin/ zhes gsung

@116a @#/ /'o na/ gang zag ming rkyang ba rtag yod du rtogs gang
zag bden med du ma rtogs pa'i gang zag chos can/ khyod kyis gang
zag kun rdzob tsam du yod par rtogs par thal/ khyod kyis gang
zag ming rkyang brtag

yod du rtogs pa'i phyir/ 'dod na/ de don dam par med par rtogs
par thal/ 'dod pa'i phyir/ gang zag kun rdzob tu rtogs na gang
zag bden med du rtogs par thal/ gang zag kun rdzob kyi bden par

tshad mas nges pa la/ gang zag bden med du tshad mas nges pa sngon
du 'gro dgos pa'i phyir te/ Tika chen las/ gzhi de kun rdzob kyi
bden pa yin par tshad mas nges pa la ni/ zhes gsungs pa'i

phyir; gzhan yang de ltar btsal ba'i tshe de ma rnyed pa de'i
gnas lugs yin par thal/ mkhas grub gsung 'bum gyi lta ba'i dogs
gcod du/ de yang gang zag dang chos gang yin kyang

rung ste yul steng nas grub tshul ji ltar 'dug don dam dpyod pa'i
rigs pa yang dag gis btsal ba ni/ mthar gang du yang ma grub
pa'am/ yul steng nas rnyed rgyu cung zad kyang med pa'i

nges pa lhang gi skyes pa de lta ba'i rgyun sbyang ba yin gyi/
de ltar btsal bas cung zad kyang rnyed rgyu med par nges pa tsam
gyi mi chog par da dung de'i steng du bden par grub pa med snyam
pa'i lan re re zhing

slar yang dgag bya'i khyad par nges par sbyar nas skyang dgos
snyam pa ni don dam dpyod byed kyi rig pas btsal pas ma rnyed pa
de bden par med pa'i don du ma go bar

@116b don dam dpyod byed kyi rig pas btsal ba na ma rnyed pa'i
tshe/ de ltar btsal bas mi 'dug snyam du 'dzin pa chad mthar song
ba'i dogs pa ni/ don dam dpyod pa'i rig pas btsal ba na/ med pa
de gtan med kyi

don du 'dzin pa zhe phug tu 'tshang 'dug pas/ lta ba'i gol sa
shin tu che ba la gnas pa'o/ /kha cig bdag phung bden grub kyi
tha dad du med pa de/ gnas lugs mthar thug yin par thal/ /

gang zag rnam dpyad rnam pa bdun gyi mthar ma rnyed pa de/ gnas
lugs mthar thug yin pa'i phyir/ 'dod mi nus te/ sems tsam pas de
rtogs pa'i phyir/ yang kho na re/ skyes bu'i phung po lnga

tshogs tsam skyes bu ma yin pa de gnas lugs mthar thug yin par
thal/ rtag sngar bzhin no/ /'dod mi nus te/ mdo sde pas de rtogs
pa'i phyir/ kho na re/ skyes bu'i phung po lnga'i dbyibs kyi

bkod pa skyes pu ma yin pa de gnas lugs mthar thug yin par thal/
rtag sngar bzhin ni/ /'dod mi nus te/ mdo sde bas de rtogs pa'i
phyir te/ des skyes bu'i tshor phung dang/ rnam shes kyi

phung po gnyis dbyibs ma yin par rtogs pa'i phyir/ zhes zer na/
bdag phung bden grub kyi tha dad ma yin pa gnas lugs mthar thug
yin par thal/ sa myug bden grub kyi tha dad ma yin pa de gnas

lugs mthar thug yin pa'i phyir te/ gzhan skye med pa gnas lug
yin pa'i phyir te/ don dam par skye ba med pa gnas lugs yin pa'i
phyir/ byas pa la kho na re/ bden grub tha dad du med

@117a @#/ /pa gnas lugs yin par thal/ bdag phung la de'i phyir
te/ 'dod mi nus te/ de nye tshe ba'i stong nyid yin pa'i phyir
te/ de bum pa'i steng du stod nyid ma yin pa'i phyir te/ mdo sde

pas bum pa bden grub kyi tha dad ma yin par rtogs pa'i phyir/
zhes zer/ bden grub kyi gcig tu ma grub pa gnas lugs yin par
thal/ tha dad la de'i phyir/ 'dod mi nus te/

de nye tshe ba'i stong nyid yin pa'i phyir te/ de ka bum gnyis
kyi steng du stong nyid ma yin pa'i phyir te/ mdo sde pas ka bum
gnyis bden grub kyi gcig tu ma grub par rtogs pa'i phyir/ zer
na/ bden grub kyi gcig

tu med pa don dam bden pa yin par thal/ longs spyod byar bden
par ma grub pa don dam bden pa yin pa'i phyir te/ longs spyod
byed du bden par ma grub pa gnas lugs mthar thug yin pa'i phyir
te/ longs

spyod byar bden par 'dzin pa yang yod/ longs spyod byed du bden
par 'dzin pa yang yod pa'i phyir/ gzhan yang/ gang zag rnam
dpyad rnam pa bdun gyis dpyad pa'i mthar ma rnyed pa de gang zag

gi gnas lugs rnyed pa'i don yin pa thal/ mdo las/ ma mthong ba
ni mthong ba dam pa'o/ /zhes pa dang/ mdo sdud pa las kyang/
gzugs rnams mi mthong tshor ba dag kyang mi mthong zhing/ /

zhes gsungs pa'i phyir/ don dam par skye ba med pa stong nyid ma
yin par thal/ de nyi tshe ba'i stong nyid yin pa'i phyir te/ de
'dus ma byas kyi nam mkha'i steng du stong nyid ma yin pa'i
phyir te/ mdo sde pas

@117b de'i steng du de med par rtogs pa'i phyir/ khyab pa khas/
kha cig lhas sbyin gyi rgyud kyi nga yi ba la dmigs nas rang gi
mtshan nyid kyis grub par 'dzin pa'i mchod sbyin gyi rgyud kyi
blo lhan skyes de nga yi bar 'dzin

pa'i blo lhan skyes yin zer na/ 'o na/ de 'dra'i blo de ngar
'dzin lhan skyes yin par thal/ dam bca' de 'thad pa'i phyir/
'dod na/ de 'dra'i blo chos can/ rang rgyud ldan gyi gang zag gi
rgyud kyi nga la dmigs

nas; rang gi mtshan nyid kyi grub par 'dzin pa'i blo yin par
thal/ sngar 'dzin lhan skyes yin pa'i phyir/ rtags khas/ 'dod
na/ ma yin par thal/ chos can de yin pa'i phyir/ byas pa la/

kho na re/ de 'dra'i blo chos can/ nga yi bar 'dzin pa'i blo
lhan skyes yin par thal/ rang gi dmigs yul du gyur pa'i nga yi
ba la dmigs nas rang gi mtshan nyid kyis grub par 'dzin pa'i blo
lhan skyes

yin pa'i phyir/ zhes zer na/ ma khyab/ kho na re/ khyab par
thal/ rang gi dmigs yul du gyur pa'i gang zag la dmigs nas rang
gi mtshan nyid kyis grub par 'dzin pa'i blo lhan skyes yin na/
bdag

'dzin lhan skyes yin dgos pa'i phyir/ zer na yang ma khyab/ rang
lugs la/ rang yul bden grub tu 'dzin pa'i blo/ bdag 'dzin gyis
mtshan nyid/ dbye na gang zag gi bdag 'dzin dang/

chos kyi bdag 'dzin gnyis/ rang gi dmigs yul du gyur ba'i gang
zag la dmigs nas rang gi mtshan nyid kyis grub par 'dzin pa'i
blo/ dang po'i mtshan nyid/ de la sgras brjod rigs kyi sgo nas
dbye na/ kun

@118a @#/ /btags dang lhan skyes gnyis/ gang zag rtag gcig rang
dbang can du 'dzin pa'i rtog pa dang grub mthas rgyud bslad pa'i
dbang gis gang zag bden par grub pa 'thad snyam du 'dzin

pa'i blo lta bu dang po'i mtshan gzhi/ gang zag rang gi mtshan
nyid kyi grub par 'dzin pa'i blo lhan skyes lta bu gnyis pa'i
mtshan gzhi/ rang gi dmigs yul du gyur pa'i chos dang gang zag
gnyis su phye ba'i

chos la dmigs nas rang gi mtshan nyid kyi grub par 'dzin pa'i blo
chos kyi bdag 'dzin gyi mtshan nyid/ de la sgras brjod rigs kyi
sgo nas dbye na/ kun btags dang lhan skyes gnyis/ grub mthas
rgyud

bslad pa'i dbang gis gzugs rang gi mtshan nyid kyi grub pa 'thad
snyam du 'dzin pa'i blo dang/ rdul phran cha med bsags pa'i rag
pa dang/ de 'dzin pa'i tshad ma rdzas gzhan du 'jin pa'i rtog pa
lta

bu dang po'i mtshan gzhi/ gzugs rang gi mtshan nyid kyi grub par
'dzin pa'i blo lhan skyes gnyis pa'i mtshan gzhi/ des na 'jig lta
yin la gang zag gi bdag 'dzin ma yin pa'i mu ni med de/ 'jig lta

yin na/ gang zag gi bdag 'dzin yin pas khyab pa'i phyir/ gang
zag gi bdag 'dzin yin la 'jig lta ma yin pa'i mu ni yod de/
gzhan gyi nga la dmigs nas/ rang gi mtshan nyid kyis grub par

'dzin pa'i blo lta bu yin/ 'jig lta yin na/ rang rgyud ldan gyi
gang zag gi rgyud kyi nga dang nga yi ba gang rung la dmigs nas
rang gi mtshan nyid kyis grub par 'dzin pa gcig yin dgos te/

@118b rang 'grel las/ de la 'jigs tshogs la lta ba ni/ nga dang
nga yi 'o snyam pa de lta bu'i rnam par zhugs pa'i shes rab nyon
mongs can no/ zhes gsungs pa'i phyir/ des na thar 'dod kyi gdul
bya rnams kyi thog

mar bdag rang bzhin gyis grub pa 'gog rig ste/ bdag 'dzin 'khor
ba'i rtsa ba yin pa'i phyir/ byas pa la kho na re/ bdag 'dzin
chos can/ rten 'brel yan lag bcu gnyis kyi thog ma'i ma rig pa
yin

par thal/ 'khor ba'i rtsa bar gyur pa'i ma rig pa yin pa'i
phyir/ zer na ma khyab/ 'dod na/ khyod rgyud la ldan pa'i 'phags
pa med par thal/ 'dod pa'i phyir zer// ! //gal te phung po

bdag na de phyir de/ mang bas bdag de dag kyang mang por 'gyur/
zhes sogs kyi skabs su/ kha cig kun gzhe dang nyon yid yod zer
na/ nyon yid de dmigs pa kun gzhi la dmigs nas rnam pa

ngar sems pa'i blo yin par thal/ de gnyis yod pa'i phyir/ 'dod
na/ kun gzhi'i rnam shes de/ gang zag gi bdag 'dzin lhan skyes
kyi dmigs yul dang 'dzin stangs gnyis kyi nang nas dmigs yul yin

par thal/ 'dod pa'i phyir/ 'dod na/ de chos can/ gang zag yin
par thal/ 'dod pa'i phyir/ 'dod na/ skabs 'dir kun gzhi'i rnam
par shes pa bdag tu khas len pa'i lugs de 'go ba mi rig par thal

lo; ;kha cig /phung po lnga po bdag yin no/ /zhe na/ gang zag
gcig gi rgyud la bdag mang po yod par thal/ phung po lnga ka
bdag yin pa gang zhig /phung po lnga po de mang po yin pa'i
phyir/ 'dod mi

@119a @#/ /nus te/ mang bas bdag de dag kyang zhes sogs kyi don
grub pa'i phyir/ byas pa la kho na re/ gang zag gcig gi rgyud la
bdag mang po yod par thal/ de'i rgyud la bdag

skad cig snga phyi mang po yod pa'i phyir/ zer na/ ma khyab/ !
/myang ngan 'das tshe nges par bdag chad 'gyur/ zhes sogs kyi
skabs su/ kha cig /dngos smra bas lhag

med myang 'das kyi tshe bdag rgyun chad par khas len/ zhe na/ 'o
na/ de'i tshe phung po'i rgyun chad par thal/ phung po lnga bdag
yin pa gang zhig /de'i tshe phung po lnga rgyun chad pa'i

phyir/ zhes pa'i thal 'gyur 'di dngos smra ba la gnod byed kyi
thal 'gyur ma yin par thal/ des de 'dra'i thal 'gyur la 'dod lan
don 'thun theb pa'i phyir/ des lhag med myang 'das

kyi tshe bdag phung rgyun chad par khas len pa'i phyir/ ! /gzhan
gyi bsags lpa gzhan gyis za bar 'gyur/ /zhes sogs ky skabs su/
kha cig skye

ba snga ma lha las tshe 'phos nas/ da lta mir skyes pa'i mi de/
skye ba snga mar lhar skyes pa yin zer na/ de 'dra'i mi chos
can/ skye ba snga mar skyes par thal/ dam bca' de'i phyir/ 'dod

na; skye ba snga mar yod par thal lo/ /rang lugs la/ skye ba
snga ma'i lha de'i nga dang tshe 'di'i mi de'i nga cha shas su
ldan pa'i nga tsam de skye ba snga mar lhar skye ba yin no// ! /

@119b khyod kyi rnal 'byor bdag med mthong ba yi/ zhes sogs kyi
skabs su/ kha cig /phung po lnga chos can/ rnal 'byor pas bdag
med mngon sum du mthong ba'i tshe/ des khyod med par mngon sum du
mthong

par thal/ khyod bdag yin pa'i phyir/ zer na/ gang zag chos can/
der thal/ de'i phyir/ rang lugs la/ gang zag gi phung po lnga
chos can/ gsal pa der thal/ rang bzhin gyi grub pa'i gang

zag yin pa'i phyir// ! //gang phyir ston pa'i phung po bdag go
zhes/ /zhes sogs kyi skabs su/ phung po lnga re re nas bdag yin
no/ /zer na/ de re re nas bdag tu ston pa'i

mdo yod par thal/ dam bca' de'i phyir/ 'dod na/ ji skad du bcom
ldan 'das kyi/ dge slong dag dge slong ngam bram ze gang su dag
gcig / bdag go snyam du yang dag par rjes su lta ba de dag

ni nye bar len pa'i phung po lnga po 'di kho na la yang dag par
rjes su lta'o/ /zhes pa'i mdo 'dis phung po lnga po re re nas
bdag tu bstan par thal/ 'dod pa'i phyir/ 'dod mi nus te/ mdo
las/

phung po bstan nas yin gsungs pa/ zhes sogs kyi lung dang 'gal
ba'i phyir// ! /phung po bdag ces brjod tshe phung rnams kyi/
zhes sogs kyi skabs su/ kha cig /gang zag gi

phung po lnga chos can/ bdag ma yin te/ bdag gi gdags gzhi yin
pa'i phyir/ gzhan yang/ gdung btegs kyi don byed nus pa chos
can/ ka ba ma yin te/ ka ba'i gdags gzhi yin pa'i phyir/ zhes

@120a @#/ /gsungs/ 'brog pa sangs rgyas/ sangs rgyas yin te/ de
la sangs rgyas zhes 'jig rten na grags pa'i phyir/ zer/ 'o na/
sangs rgyas kyi phung po lnga chos can/

sangs rgyas ma yin par thal/ sangs rgyas kyi gdags gzhi yin pa'i
phyir/ khyab pa khas/ 'dod mi nus te/ de yon tan mthar thug yin
pa'i phyir/ gzhan yang gdung btegs kyi don byed

nus pa chos can/ khyod ka ba yin te/ khyod la ka ba zhes 'jig
rten na grags pa'i phyir/ 'khor gsum/ byas pa la kho na re/
sangs rgyas de rang gi brtags don btsal ba'i tshe rnyed par thal/

sangs rgyas kyi phung po lnga sangs rgyas yin pa'i phyir zer na/
ma khyab/ sangs rgyas kyi phung po lnga po de rang nyid gang la
brten na btags pa'i brtag chos su gyur pa'i sangs rgyas min pas
skyon med//

rtsod pa spong ba la/ kho na re/ bden 'dzin chos can/ gang zag
gi bdag 'dzin yin par thal/ rang gi dmigs yul du gyur pa'i gang
zag la dmigs nas rang gi mtshan nyid kyis grub par 'dzin pa'i

blo yin pa'i phyir/ der thal/ khyod kyi dmigs yul du gyur pa'i
gang zag yod pa gang zhig khyod bden 'dzin yin pa'i phyir/ dang
po ma grub na de chos can/ khyod kyi dmigs yul med par thal/

khyod kyi dmigs yul du gyur pa'i gang zag yang med/ de 'dra'i
chos dang gang zag gnyis su phye ba'i chos kyang med pa'i phyir/
dang po khas gnyis pa ma grub na/ bden 'dzin chos can/ khyod
chos kyi

@120b bdag 'dzin yin par thal/ khyod rang gi dmigs yul du gyur
ba'i chos dang gang zag gnyis su phye ba'i chos la dmigs nas
rang gis mtshan nyid kyis grub par 'dzin pa'i blo yin pa'i phyir/
khyab pa song rtags der

thal; khyod kyi dmigs yul du gyur pa'i chos dang gang zag gnyis
su phye ba'i chos yod pa ni gang zhig khyod bden 'dzin yin pa'i
phyir/ gzhan yang khyod kyi dmigs yul dang 'dzin stangs gnyis
kyi nang

nas dmigs yul yod par thal/ khyod chos kyi bdag 'dzin yin pa'i
phyir/ zhes pa'i thal 'gyur la khyab pa yod par thal/ khyod kyi
bdag 'dzin so so'i mtshan nyid de'i phyir/ 'dod na/ bden grub yod

par 'dzin pa'i blo chos can/ der thal de'i phyir/ ma grub na/ de
chos kyi bdag 'dzin yin par thal/ de'i zhen yul med pa de chos
kyi bdag med phra mo yin pa'i phyir te/ bden grub med pa de don
dam bden

pa yin pa'i phyir/ rtsa bar 'dod na/ bden grub yod par thal/
'dod pa'i phyir/ zer na ma khyab/ ! /rnam kun mkhyen pa'i stobs
kyi myur du rgyal rnams kyi/ zhes sogs kyi skabs

su; kha cig /Ti-ka chen las/ de ltar stobs rnams kyi shes bya
mtha' dag mkhyen par gsungs pa ni/ mngon sum rang yin la/ sangs
rgyas kyi mngon sum la shugs rtogs mi rung bas snang nas mkhen
dgos

so; ;zhes gsungs pa'i don la/ kha cig /sangs rgyas kyi ye shes
des rang las tha dad pa'i chos/ shugs la ma rtogs kyang des
shugs la rtogs pa'i chos yod pa'i phyir te/ des rang nyid

@121a @#/ /shugs la rtog pa'i phyir/ zhes pa lung de'i don yin
pa'i phyir zhe na/ 'o na rnam mkhyen gyi dngos su ma rtogs pa'i
chos yod par thal/ lung don de 'thad pa'i phyir/ 'dod na/

rnam mkhyen de shes bya nyi tshe ba tsam dngos su rtogs par thal/
'dod pa'i phyir/ 'dod mi nus te/ des shes bya thams cad mngon
sum du rtogs pa'i phyir te/ rnam kun mkhyen nyid ye shes ni/
mngon

sum mtshan nyid can du 'dod/ zhes gsungs pa'i phyir/ Ti-ka chen
las/ 'bras bu'i skabs su sngar rang rig 'thad dpyad pa byas pa'i
rang lugs kyang dran par bya'o/ /zhes gsungs pa'i don la

kha cig /sngar rang rig la dpyad pa'i skabs su mnyam bzhag rnam
par mi rtog pa'i ye shes kyi rang gi gzhal bya 'grub pa na/ zhes
sogs kyi don la/ ji lta ba rtogs pa'i rnam mkhyen gyi ji lta ba
dngos su

rtog par shugs la yul can rang nyid rtogs pa khas blangs la/ kho
na re/ ji lta ba rtogs pa'i rnam mkhyen chos can/ don dam bden
pa yin par thal/ mthar thug dpyod pa'i rig

shes kyi rnyed don yin pa'i phyir te/ ji lta ba rtogs pa'i rnam
mkhyen gyi rjed don yin pa'i phyir/ zhes pa'i don yin no/ /zhe
na mi 'thad de/ de 'dra dngos su ma bshad pa'i phyir/ rang lugs
la/ lung de'i don ni/

rang rig 'thad mi 'thad dpyad pa'i skabs su theg chen gyi mthong
lam bar chad med lam des yul stong nyid dngos su rtogs pa'i
shugs la yul can ye shes kho rang rtogs par khas blangs pas/ /

@121b kha cig /theg chen gyi mthong lam bar chad med lam chos
can/ don dam bden pa yin par thal/ mthar thug spyod pa'i rig
shes kyi rnyed don yin pa'i phyir te/ de theg chen gyi mthong
lam bar chad med lam gyi rnyed don yin pa'i phyir te/

des khyod rtogs pa'i phyir/ zer na/ skyon med de/ don dam bden
ba yin pa la mthar thug spyod pa'i rig shes rang nyid la mthar
thug dpyod pa'i rig shes su song ba gcig dgos pa'i phyir te/
Ti-ka chen las/ de'i phyir lta

ba mngon sum du 'jal ba'i shugs la 'das ma 'ongs gnyis 'jal ba
yang ma yin no/ 'di yang nyi ma de ring lta bu'i dus su myu gu
skyes pa min par thal ba bzhin no/ /zhes pa'i don la kha cig /de
ring gi dus su kha sang

gi bum pa sangs rgyas kyi ye shes kyis rtogs na de'i dus su de
yod mi dgos te/ mkhyen dus dang grub dus mi gcig pa'i phyir/ zer
na/ de ring gi dus su kha sang gi bum pa tshad mas rtogs par
thal/ de ring gi dus su de rnam mkhyen

gyis rtogs pa'i phyir/ 'dod na/ de ring gi dus su de yod par
thal lo/ /rang lugs la/ de ring gi dus mkhyen pa'i sangs rgyas
kyi ye shes des/ de ring gi dus su kha sang gi bum pa mngon sum
du rtogs pa'i phyir/ kho na re/

de ltar ma rtogs zhe na/ de ltar rtogs par thal/ des de ring gi
dus su shes bya thams cad gcig car du rtogs pa'i phyir te/ des
dus gsum cig car du rtogs pa'i phyir te/ mkhyen pa'i skad cig
gcig gi ni/ /zhes gsungs pa'i

phyir/ ji lta ba rtogs pa'i rnam mkhyen gyi ji snyed pa ma rtogs
so zhes na/ des de rtogs par thal/ des sems skyed sogs chos bcu
mngon sum du rtogs pa'i phyir te/ rnam mkhyen yin pa'i phyir/
byas pa la/ kho na re/ ji lta ba rtogs

@122a @#/ /pa'i rnam mkhyen chos can/ gnyis snang dang bcas pa'i
blo yin par thal/ ji snyed pa la gnyis snang dang bcas pa'i blo
yin pa'i phyir/ 'dod na/ gnyis snang nub pa'i blo yin par thal/
/

ji lta ba la gnyis snang nub pa'i blo yin pa'i phyir zer na/ kha
cig /ji lta ba rtogs pa'i rnam mkhyen gyi ji lta ba gzigs pa'i
gzigs ngor ji snyed pa yod/ zer na/ gong du bkag zin cing/ de mi
'thad par

thal; Ti-ka chen las/ gang gi tshe chos nyid la ltos te/ zhes
sogs kyi lung don grub pa'i phyir// ! //gang phyir nam mkha' dri
ma med la/ zhes sogs kyi skabs su kha cig /byang sems rgyun
mtha'

bas rang don chos sku mngon sum du mdzad/ de rjes chos sku mngon
sum du mdzad pa yin no// //zer na/ mi 'thad de/ des de gnyis cig
car du thob pa'i phyir te/ Ti-ka chen las/ de'i phyir go 'phang
de ni

dang por longs spyod rdzogs pa'i sku mngon du mdzad pa ste/ zhes
pa dang/ 'dir yang sems 'gag pa des sku'i mngon su mdzad/ zhes
gsungs pa'i phyir/ 'di'i don la/ kha cig /sangs rgyas kyi sa na

sems byung gi rgyu ba 'gag pa de'i don yin zer ba mi 'thad de/
sangs rgyas kyi sa na rnam rtog gi rgyu ba 'gag pa lung de'i don
yin pa'i phyir te/ tshig gsal las/ mdo las/ don dam pa'i bden pa
gang

zhe na; gang la sems rgyu ba yang med na yi ge rnams lta smos
kyang ci dgos zhes gsungs so/ /de ltar na/ rnam par rtogs pa med
pa yin no/ /zhes dang/ rang 'grel las/ sku gang gi de kho na
nyid

@122b 'di mngon sum du mdzad par bshad pa de ni/ zhi ba'i rang
bzhin du 'dod de sems dang/ sems las byung ba dang bral ba'i
phyir/ zhes pa nas/ mngon par 'dod pa'i dron grub pa'i rgyud
nyid do/ /zhes

gsungs pa'i phyir/ Ti-ka chen las/ 'di'i don 'chad pa'i skabs
su/ rnam rtog gi sems dang sems byung dang bral ba gsal bar
gsungs pa'i/ sangs rgyas la ye shes med pa'i khung su 'dren pas
ni/

gzhung 'di'i don ma rtogs pa'i skur pa 'debs pa chen po'o/ /zhes
gsungs pa'i phyir/ lugs 'di dge slong zla grags kyi/ /zhes pa
nas/ nges par mdzod/ zhes pa'i skabs su dbu ma'i bstan bcos

ma rtogs par bstan bcos gzhan las stong nyid ces bya'i chos 'di
phyin ci ma logs par mi brjod pa de/ kho bo cag gis 'dir lugs
gang gi brgal lan dang/ bcas par bsnyad pa'i lugs 'di nas 'byung

ba 'di yang stong pa nyid kyi chos ltar bstan bcos gzhan med do/
/zhes mkhas pa rnams kyi nges par mdzad du gsol/ de'i phyir/ kha
cig /mdo sde pas rnam kyi lugs gang zhig /dbu ma pa rnams kyis

kun rdzob tu 'dod do/ /zhes smras pa gang yin de ni dbu ma'i
bstan bcos kyi don gyi de kho na nyid mngon par mi shes pa kho
nas smras pa yin no/ /zhes shes par bya'o/ /zhes gsungs pa'i
phyir/ 'di'i don la kha cig /

mdo sde pas don dam du khas len pa'i/ bum pa dbu ma pas kun
rdzob tu yang mkhas mi len pa de'i don yin no/ /zhes na mi 'thad
de/ bum pa de mdo sde pas don dam par khas len pa'i bum pa yin
pa'i phyir/ de de bum pa

@123a @#/ /pas kun rdzob tu khas len pa'i phyir/ kha cig /mdo sde
pas rang gi mtshan nyid kyis grub pa don dam du khas len pa de/
dbu ma pas rang gi mtshan nyid kyis grub pa kun rdzob tu yang
khas mi len/ zhes pa'i

don yin/ zhe na/ mi 'thad de/ mdo sde pas gzhi grub na/ rang gi
mtshan nyid kyis grub pa'i khyab pa khas len pa'i phyir te/ des
'dus ma byas kyi nam mkha' rang gi mtshan nyid kyis grub par khas
len pa'i phyir te/ 'dus ma byas

kyi nam mkha' 'dus ma byas kyi nam mkha' zhes pa'i sgra 'jug
pa'i 'jug gzhir rang gi mtshan nyid kyis grub par khas len pa'i
phyir/ rang lugs la/ mdo sde pas/ khas len pa'i bden grub de/
dbu ma pas/ kun rdzob tu yang

khas mi len pa'i phyir/ ma grub na/ der thal/ mdo sde pas/ kun
rdzob dang/ don dam gang yin kyang/ rang gi btags don btsal nas
rnyed par 'jog la/ dbu ma pas rang gi btags don btsal pa'i tshe
rnyed pa'i chos/ kun rdzob tu yang khas mi len pa'i

phyir; ches pa'i lung de'i lon yin no/ /dbu ma thal rang gnyis
la lta ba la/ mtho dman gyi khyad par med do/ /zhe na/ shes rab
sgron me las/ srong nyid dngos kyi bstan bya'i gtso bor nyas nas
bstan par thal/ des rang rgyud pa'i 'dod pa ltar gyi stong nyid
dngos

kyi bya'i gtso bor byas nas bstan pa gang zhig /thal rang gnyis
la lta ba mtho dman gyi khyad par med pa'i phyir/ 'dod pa gang
zhig /rang 'grel las/ ji ltar dbu ma'i bstan bcos ma rtogs par/
/zhes pa nas/ mkhas

pa rnams kyi nges par bya'o// //zhes gsungs pa'i phyir/ dge ba
'di'i mthu la brten nas/ ma gyur sems can thams cad kyi don du/
don gyi slad du mtshan nas smos te/ yongs rdzogs bstan pa'i mnga'
bdag /bdag cag rnams

@123b kyi mkhan rin po che'i mchog gi sprul pa'i sku/ /blo bzang
ye shes dpal bzang po 'di nyid zhabs pad bskal brgya'i bar du
brtan par 'gyur ba'i phyir/ /bslab gsum rnam dag rtsa ba rab
brtan cing/ /

'chad rtsod rtsom pa'i yal ga rab tu rgyas/ /don gnyis 'bras
bu'i khur gyis rab brjid pa'i/ /blo bzang ye shes zhabs zung
'gyur med shog// ! rnam grol zhi ba'i

rgya mtshor ro gcig tu/ /gzhol ba'i mtha' yas chos tshul dal 'bab
klung/ /tshig gi gzegs ma res kyang dug gsum gyi/ /dri ma yongs
'khrud legs bshad bdud rtsi 'di/ /

dpar du bskrun pa'i rnam dkar phung po'i mthus/ /yang dag chos
kyi sgo mo stong phrag brgya/ /gdangs te rgyud lnga'i 'gro ba ma
lus pa/ /nges legs nor bu'i bdzod la dbang 'byor shok/ //

! ces smon tshig tu shAkya'i dge sbyong chos smra ba ngag dbang
blo bzang bstan 'dzin rgya mtshos sbyar ba'o/