/byang chub sems dpa'i nor bu'i phreng ba bzhugs so//

@001 @#/ /rgya gar skad du/ bo d+hi satwa ma N-i a ba li/ bod
skad du/

byang chub sems dpa'i nor bu'i phreng ba/ thugs rje chen po la
phyag 'tshal lo/ /bla ma

rnams la phyag 'tshal lo/ /dad pa'i lha la phyag 'tshal lo/ /the
tshom thams cad

spang bya zheng / bsgrub la nan tan gces su bya/ /gnyid rmugs
le lo rab spang zhing / 

@002 rtag tu brtson 'grus 'bad par bya/ /dran dang shes bzhen
bag yod pas/ /dbang

po'i sgo rnams rtag tu bsrung/ /nyin mtshan dus gsum yang dang
yang/ /sems

kyi rgyud la brtag par bya/ /bdag gi nyes pa bsgrag bya zhing/
/gzhan gyi 'khrul pa

btsal mi bya/ /bdag gi yon tan sba bya zhing/ /gzhan gyi yon
tan bsgrag par bya//

rnyed dang bkur sti spang bya zhing/ /khyed grags rtag tu
spang bar bya/ /'dod pa chung

zhing chog shes dang / /byas la drin du bzo bar bya/ /byams
dang snying rje bsgom

bya zhing/ /byang chub sems ni brtan par bya/ /mi dge bcu ni
spang bya zhing/ /rtag

tu dad pa brtan par bya/ /khro dang nga rgyal gzhom bya zhing/
/dman pa'i sems dang

ldan par bya/ /log pa'i 'tsho ba spang bya zhing/ /chos kyi
'tsho bas 'tsho bar bya//

zang zing thams cad spang bya zhing/ /'phags pa'i nor gyis
brgyan par bya/ /'du

'ji thams cad spang bya zhing/ /dgon pa la ni gnas par bya/
/'khyal ba'i tshig

rnams spang bang zhing/ /rtag tu ngag ni bsdam par bya /bla ma
mkhan po mthong ba'i

tshe; ;gus par rim gro bskyed par bya/ /gang zag chos kyi mig
can dang / las

dang po pa'i sems can la/ /ston pa'i 'du shes bskyed par bya/
/sems can

thams cad mthong ba'i tshe/ /pha ma bu tsha'i 'du shes bskyed/
/sdig pa'i grogs

po spang bya zhing/ /dge ba'i bshes gnyen bsten par bya/
/sdang dang mi bde'i sems

spangs zhing/ /gang du bde bar 'gro bar bya/ /gang la'ang
chags pa spang bya zhing//

chags pa med par gnas par bya/ /chags pas bde 'gro'ang mi thob
cing / thar

pa'i srog kyang gcod par byed/ /gang du bde ba'i chos mthong
ba/ /der ni rtag tu/ 

'bad par bya/ /thog mar brtsams pa gang yin pa/ /dang por de
nyid bsgrub bya ste/ /

de lta na ni kun legs byas/ /gzhan du gnyis ka 'grub mi 'gyur/
/rtag tu

@003 sdig dang dga' bral bas/ /gang du mtho ba'i sems byung
tshe/ /de tshe nga rgyal bcag

bya zhing/ /bla ma'i gdams ngag dran par bya/ /zhum pa'i sems
ni byung ba'i tshe//

sems kyi gzengs ni bstod par bya/ /gnyis ka stong pa nyid du
bsgom/ /gang du

chags sdang yul byung tshe/ /sgyu ma sprul pa bzhin du lta/ /mi
snyan tshig rnams thos

pa'i tshe/ /brag cha bzhin du blta bar bya/ /lus la gnod pa
byung ba'i tshe/ /sngon

gyi las su blta bar bya/ /bas mtha' dgon par rab gnas shing/
/ri dwags shi

ba'i ro bzhin du/ /bdag gis bdag nyid sba bya zhing/ /chags pa
med par

gnas par bya/ /rtag tu yi dam brtan bya zhing/ /le lo snyoms
las sems byung

tshe; ;de tshe bdag la rngan bgrang zhing/ /brtul zhugs snying
po dran par bya/ /gal

te gzhan dag mthong ba'i tshe/ /zhi des gsong por smra ba dang
/ //khro gnyer ngo zum

spang bya zhing/ /rtag tu 'dzum zhing gnas par bya/ /rgyun du
gzhan dag mthong ba'i 

tshe; ;ser sna med cing sbyin la dga'/ /phrag dog thams cad
spang par bya/ /

gzhan gyi sems ni bsrung ba'i phyir/ /rtsod pa thams cad spang
bya zhing/ /rtag tu

bzod dang ldan par bya/ /ngo dga' med cing gsar 'grogs med/
/rtag tu

tshugs ni thub par bya/ /gzhan la brnyas pa spang bya zhing/
/gus pa'i tshul gyis

gnas par bya/ /gzhan la gdams ngag byed pa'i tshe/ /snying rje
phan sems ldan

par bya/ /chos la bskur ba mi 'debs shing /gang mos de la 'dun
pa dang //

chos spyod rnam bcu'i sgo nas ni/ /nyin mtshan phyed par 'bad
par bya/ /dus

gsum dge ba ci bsags pa/ /bla med byang chub chen por sngo/
/bsod nams

sems can rnams la bdar / /rtag tu yan lag bdun pa yi/ /smon
lam chen

po gdab par bya/ /de ltar byas na bsod nams dang / /ye shes
tshogs gnyis

@004 rdzogs par 'gyur/ /sgrib pa gnyis kyang zad 'gyur te/ /mi
lus thob pa don

yod pas/ /bla med byang chub thob par 'gyur/ /dad pa'i nor
dang tshul khrims

nor/ /gtong ba'i nor dang thos pa'i nor/ /khrel yod ngo tsha
shes pa'i nor/ /

shes rab nyid kyi nor bdun te/ /nor gyi dam pa 'di dag ni/ /mi
zad pa yi nor

bdun te/ /mi ma yin la brjod mi bya/ /mang po'i nang du ngag
la brtag/ /gcig

phur 'dug na sems la brtag/ /rgya gar gyi mkhan po dpal ldan
mar me mdzad

bzang po yi shes snying pos mdzad pa/ /byang chub sems dpa'i
nor bu'i phreng ba 

rdzogs so// //dge legs 'phel/ /