@1a @#/ /bstod tshogs ka pa bzhugs so/ /

@1b [dd] @##/ /rgya gar skad du/ bi shiShTa sta baH/ bod skad du/ khyad
par du 'phags pa'i bstod pa/ de bzhin gshegs pa thams cad la
phyag 'tshal lo/ /bdag ni ston pa gzhan [dd]

spangs nas/ /bcom ldan khyod la skyabs mchis pa/ /de ci'i slad du
zhe na khyod/ /skyon mi mnga' la yon tan ldan/ /gang phyir 'jig
rten skyon la dga'/ /yon tan 'dzin par zhen pas na/ /skyon

yang yon tan ltar mthong nas/ /gzhan la skyabs su mchis par gyur/
/khyab 'jug dbang phyug la sogs pa/ /de la skye bo dga' dad pas/
/de yi yon tan gang bsgrags pa/ /khyod kyi bstan la de

dag skyon/ /lha chen khros pa'i mda' gcig gis/ /grong khyer sum
brtsegs bsregs zhes gda'/ /khyod kyi ye shes mda' chen gyis/
/khro ba'i sems nyid nges par bsregs/ /lha chen gyis ni

'dod pa dag /bsregs nyes pas na phyir yang drangs/ /khyod kyi ye
shes zhugs kyis ni/ /'dod pa rtsad bcad bsregs nas bton/ /lha
chen thig le'i mchog ma la/ /chags pa skyes pas gdong

@2a @#/ /bzhi byung/ /bdud kyi bu mo sgeg mo yis/ /khyod kyi ba
spu'i rtse ma g.yos/ /lha chen phyed ni chung ma bas/ /dur ba yis
kyang thub ma lags/ /khyod ni bde bar bgyid pa yi/ /'dod pa nyid
kyis rmongs ma

gyur; /'khor lo mdung thung can dag gis/ /bdud stobs de las rgyal
mi nus/ /khyod ni 'khor lo mdung med par/ /byams pa'i mtshon gang
lags pas rgyal/ /rgan pos khyab 'jug mda' yis bsnun/ /lha chen

mgrin pa sngo gyur pas/ /lha 'di gnyis la gnod bgyid mchis/ /mgon
khyod gnod bgyid bral ba lags/ /khyab 'jug mi thung gzugs bsgyur
nas/ /g.yo thabs kyis ni stobs ldan bslus/ /khyod ni g.yo yang
mkhyen gyur

la/ /gzhan dag la yang slu mi mdzad/ /mgon khyod rdzu 'phrul tsam
blang gi/ /rmad byung gang gis mthong ba des/ /khyab 'jug 'jig
rten gsum brgal ba/ /'phye bo mchi ba bzhin du mthong/ /gzhon nu
tshangs par spyod pa na/ /

drug ldan ma dang lhan cig spyod/ /khyod kyis 'khrig pa'i sbyor
ba bdun/ /thal ba bzhin du bgyis par gyur/ /tshangs sogs 'jig rten
'byin pa po/ /bdag gcig yin par smra zhes grag /de nyid gzigs
khyod 'jig rten dang/ /

@2b de yang las las skyes zhes bstan/ /brgya byin gyis ni bshol
med ma/ /mthong nas 'dod pas rmongs zhes grag /dpa' khyod 'dod pa
nyid kyis ni/ /ma rmongs slad du btsun mo btang/ /sgra gcan lag
pas zla ba yang/ /dbang med par ni mid pa lags/ /mnga' brnyes
khyod la sems can

gang; /dbang med bgyid pa de ma mchis/ /mi dbang dga' byed gos
sred sogs/ /nags tshal nas ni phyir yang mchis/ /bde bar gshegs
khyod dben pa yi/ /bdud rtsis ngoms las phyir mi byon/ /mchod
sbyin la ni phyugs 'gums par/ /drang srong rnams ni smra zhes
grag /sdig med

khyod kyis grog ma la'ang/ /gnod ba bgyid par rjes ma gnang/
/gzhan dag rang don mchod sbyin la/ /gzhan gyi srog gi sbyin sreg
byed/ /gzhan gyi don du khyod gcig pu/ /rang gi srog gis sbyin
sreg mdzad/ /drang srong dmod me mi bzad pas/ /skye bo mang po
bsregs par 'gyur/ /

khyod kyis ye shes me yis ni/ /skye bo rnams kyi skye rgyu
bsregs/ /rgyas pa dran pa'i mthu chung bas/ /mang po bgyis pa'i
tshig dag ni/ /ltag 'og 'gal bar gyur ces thos/ /thub pa khyod kyi
kun kyang min/ /drang srong dmod pa grub pa las/ /dka' thub grub
par rjes su dpag/

mgon khyod thugs rje grub pa las/ /dka' thub grub par rjes su
dpag /lha chen 'dod pa can gyi mtshan/ /drang srong rnams kyi dmod
pas lhung/ /khyod kyis phung khrol mtha' dag gi/ /rtsa ba 'dod pa
nyid lhung bgyis/ /gling las skyes sogs phal cher ni/ /gzhan gyis
gang smras smra bar bgyid/ /

khyod kyis thun mong ma yin chos/ /rang gis thugs su chud nas
bstan/ /mu stegs can gyi rig byed tshig /dben pa kho nar smra bar
bgyid/ /khyod kyis bsgrags nas seng ge yi/ /sgra yis chos dag
ston par mdzad/ /grangs can b+ha ra dwa dza ni/ /de nyid mthong
yang dpyid ldan la/ /yongs su

chags kyi gtso khyod kyi/ /slob ma'ang bud med nyid ma chags/
/'ug pa pas ni dman pa las/ /khyad par can la sbyin zhes bstan/
/mgon po khyod ni thugs rje yis/ /khyi la'ang sbyin par bya zhes
gsungs/ /lus kyi dka' thub bgyis pa yis/ /mdud pa 'jig par gcer
bus 'tshal/ /

@3a @#/ /khyod ni thugs kyi dka' thub kyis/ /mdud pa 'jig par
bzhed pa lags/ /rtog ge pa dag dngos po rnams/ /ltos pa med par
grub par 'tshal/ /tshig dbang khyod kyis cung zad kyang/ /mi ltos
med ces legs par gsungs/ /ne tsos nyi ma brtol nas ni/ /thar pa

mchis par bshad ces grag /khyod ni mya ngan 'das brnyes la/ /gang
du yang ni gshegs ma mchis/ /thar pa rgyud gzhan skyed pa dang/
/ne tsos lam gzhan song bar gyur/ /khyod nyid lam gang nas gshegs
pa/ /de nyid nas ni slob ma'ang mchi/ /khyab 'jug dag gis bud med
ni/ /

stong phrag drug cu yongs bzung gyur/ /ston pa 'jig rten 'das
khyod la/ /bdag gi med cing yongs 'dzin med/ /ka shi mdzes dga'
mo la ni/ /rgyas pa yongs chags rnam par 'gyur/ /khyod khab
bzhugs na'ang phung khrol ba'i/ /gdon gyis dbang po rmongs ma
gyur/ /rgyas pa 'dod gdungs

g.yen spyo bas/ /bud med kyi ni rdog pas bsnun/ /khyod ni khyim
par bzhugs na yang/ /phyir zhing 'khrug par 'gyur ba med/ /dga'
byed chung ma'i don gyi phyir/ /rgya mtsho'i pha rol son ces grag
/khyod kyis bud med stong phrag ni/ /brgyad cu spangs nas nags su
gshegs/ /rna can

'thab dka' la sogs la/ /khyab 'jug gis ni gnod pa brtsams/ /sems
can rnams la phan bzhed pa/ /khyod kyis srog kyang btang ba
mdzad/ /khyab 'jug gis ni sgyu byas nas/ /gom gsum gyis phrogs
gang yin pa'i/ /sa de nges par thar bzhed pa/ /khyo kyis rtsa
bzhin

btang bar gyur/ /dga' byed srog gcod byed pa'i mdas/ /'jig
rten rgyal rigs med byas nas/ /grags pa thob pa gang yin de/
/khyod kyi bstan la grags pa min/ /sgra ngan dang ni skya bseng
dag /gang gi phyir ni g.yul bkye ba'i/ /dpal de khyod kyis 'khri
shing ni/ /gdug pa

bzhin du spangs nas gshegs/ /khyod kyi bstan pa rnyed pa na/
/thang shing nags na lha chen po/ /rnal 'byor dbang phyug spyod
pa po/ /de ni mi shes spyod par bas/ /dbang po gshol med byi bo
zhes/ /bram ze da dung bar du sgrogs/ /khyod kyis 'bras bu mchog
brnyes pa'i/ /grags

@3b pa brgya byin sgrogs par gyur/ /khyab 'jug dag ni nag bkra
bos/ /bred 'thoms gyur nas kun gtong gi/ /khri yi 'og tu zhugs
par gyur/ /gtso khyod kun du bsnyengs mi mnga'/ /skye dgu'i bdag
po rang nyid kyi/ /bu mo dang ni 'khrig ces thos/ /thub pa khyod
kyi slob ma yang/ /

tshangs par spyod pa skyon ma mchis/ /bram ze rnams ni dge sdig
dag /sbyin pa len cing 'pho bar smra/ /khyod kyis byas pa chud mi
za/ /ma byas pa dang phrad med gsungs/ /ser skyas bdag gi mtshan
nyid ni/ /shes dang ldan pa rab tu brtags/ /khyod kyis de ltar
yin na bdag /mi rtag

nyid dang ldan zhes bstan/ /gzegs zan gyis ni shes las bdag
/gzhan dang khyad par yongs su brjod/ /khyod kyis de ni shes med
na/ /shing dang 'dra bar thal 'gyur gsungs/ /gcer bus lus kyi
tshad bzhin du/ /srog ni zhum dang rgyas par smra/ /khyod kyis de
ni phyogs

gcig na/ /rnam par 'jig par 'gyur zhes gsungs/ /bram zes 'gro ba
rnams kyi rgyu/ /skyes bu rtag pa yin zhes bstan/ /khyod kyis
rtag pa zhes bya ba'i/ /rgyu ni ci yang med ces gsungs/ /bdag
nyid chen po dug can pa'i/ /sras po stong phrag drug cu dag /ser
skyas bltas

pa tsam gyis bsregs/ /de la'ang khyod ni thugs rje mdzad/ /ser
skya de nyid rig pas ni/ /gtso las 'gro ba skye bar bshad/ /khyod
kyi 'gro ba'i skye ba ni/ /nyon mongs las las byung bar bsgrags/
/ser skya la sogs thar pa yi/ /bdag ni srid pa'i rgyu zhes zer/
/khyod ni zhi

bar gshegs gyur nas/ /zhugs gum lta bur bgrang du med/ /mu stegs
byed pa kha cig ni/ /thar pa 'gro dang ldan zhes smra/ /gang la
'gro yod de 'khor ba/ /khyod kyis thugs su chud nas bstan/ /gcer
bus kun dga' ra ba sogs/ /rtsig pa sdig pa'i rgyu zhes zer/
/thams

cad mkhyen pa khyod nyid ni/ /de nyid bsod nams rgyu zhes gsungs/
/lus las lus gzhan dag tu ni/ /phra ba'i srog ni 'pho zhes grag
/khyod kyi lus las gzhan gyur ba'i/ /srog ni yod pa min zhes
gsungs/ /khros pas g.yul ngor bsad na ni/ /bde 'gror 'gyur zhes
rgyas

@4a @#/ /pa zer/ /mgon po khyod kyis gnas skabs de'i/ /sems ni
ngan 'gro yin zhes gsungs/ /skya bseng bu ni brjod byas na/ /bsod
nams 'gyur zhes so sor smra/ /gang zhig bgrod min bgrod byed pa/
/de dag khyod kyi bstan la smad/ /skem byed dbang po nye dbang

po/ /drag po la sogs 'jigs pa dang/ /bsdigs phyir mtshon cha rtag
tu thogs/ /khyod bsnyengs bral zhing bsdigs mi mdzad/ /khyod ni
sus kyang mi bsnyengs la/ /su la'ang bsdigs par mi mdzad pas/
/khyod nyid gcig pu mtshon mi bsnams/ /des na 'gro ba rnams las

'phags/ /smra po nyon mongs bcas pa'i tshig /rig byed la sogs tshig
dag ni/ /phal cher ltag 'og 'gal ba lags/ /khyod kyi thams cad
mkhyen pa'i gsung/ /gzhan gyi bstan bcos gzhan dag ni/ /phal cher
snga phyi 'gal ba las/ /khyod nyid kyi ni gzhung lugs dag/

thog ma bar mthar skyon ma mchis/ /chos 'dod pa dag dmangs rigs
la/ /blo gros sbyin par bya min zer/ /khyod ni gdol pa rnams la
yang/ /thugs rjes dam chos ston par mdzad/ /ljon shing bzang po
rnams spangs nas/ /ngan pa la ni su zhig brten/ /'dod chags

bral brnyes khyod bzhugs na/ /mkhas pa su zhig ston gzhan 'dud/
/ser skyas yul rnams la spyad bzhin/ /ye shes 'gyur mchi sdig
bral ba/ /khyod kyis kun nas nyon mongs la/ /thar pa ga la yod
ces gsungs/ /bsod nams byas pa'i tshogs dag ni/ /sems

can rnams la yongs bsngo bar/ /bcom ldan khyod kyis gang gsungs
pa/ /de gzhan bstan bcos las ma bshad/ /lha rten dang ni mchod
sbyin la/ /sems can gsod par byed pa gang/ /'jig rten pa ni chos
su 'tshal/ /khyod kyi bstan la de dag smad/ /gang zhig srog

chags la rtag gnod/ /de la chos nyid ga la yod/ /gtso bo khyod
kyis rang nyid kyi/ /srog gis sems can legs par bsrungs/
/shAkya'i rgyal rigs 'khrungs khyod kyis/ /gang zhig bden dang
mi slu dang/ /tshangs par spyod dang dul ba dang/ /brtser ldan dam
chos lags par

@4b dgongs/ /rig byed mtha' la 'byams pas kyang/ /g.yul ngor dgra
mngon 'ongs bsad ces/ /'jig rten smra yi khyod kyis ni/ /dgra
la'ang snying rje bya zhes gsungs/ /gzhon nus rang gi zhang po
la/ /mdung gis bsnun zhes bka' mchid gda'/ /dpa' bo khyod kyis
nyon mongs

pa'i/ /dra ba shes rab mtshon gyis dral/ /khyab 'jug gis ni rang
nyid kyi/ /slas kyang yongs su bskyab ma nus/ /gtso bo khyod kyis
sems can kun/ /bskyab pa'i slad du brtson pa lags/ /rgan pos
sbyar ba'i 'jigs shes nas/ /khyab 'jug gis ni bcom brlag btang/ /

thub pa khyod la bsnyengs bgyid gang/ /sems can de ni 'ga' ma
mchis/ /khyab 'jug gis ni gnyen 'dun dag /le lan gyis ni gtugs
par gyur/ /khyod kyi gnyen 'dun thams cad ni/ /'khor ba las ni
rnam par sgrol/ /mu stegs can gyi gzhung lugs la/ /ji ltar ji
ltar

rnam bsams pa/ /de lta de ltar mgon khyod la/ /bdag gi sems ni
dad par gyur/ /de ltar thams cad mkhyen min pa'i/ /grub mtha'i
skyon gyi brlag sems ldan/ /bsam brlag rnams kyis skyon med pa'i/
/ston pa khyod kyang mi mthong ngo/ /'jig rten lha dang bram

ze dang/ /rig byed shAkya 'di dag ces/ /sdang bar smra ba rang
skyon nyid/ /ci phyir sems par byed ce na/ /gang slang khyod kyi
bstan pa ni/ /bde bas bde nyid thob bgyid pa/ /de slad smra ba'i
seng khyod kyi/ /gzhung lugs la ni 'gro 'di dga'/ /khyod kyi yon
tan yang dag pa/ /

rnam pa 'di ltar rab brjod pas/ /bdag gis bsod nams gang thob
des/ /'gro ba'i 'jig rten khyod 'drar shog /mgon po khyad par
'phags bstod pa/ /bton pas bdag gis dge bsags pa/ /gang yin des
ni 'gro ba kun/ /byang chub lam la gzhol gyur cig/

khyad par du 'phags pa'i bstod pa slob dpon mtho btsun grub rjes
mdzad pa rdzogs so// //rgya gar gyi mkhan po sarba dznyA de wa
dang/ zhu chen gyi lo tsA ba ban de rin chen mchog gis bsgyur/
/slad kyis ban de dpal brtsegs rak+Shi tas bsgyur cing zhus te
gtan la phab pa'o// //

@5a @#/ /rgya gar skad du/ bi she Sha sta ba nA ma TI kA/ bod
skad du/ khyad par du 'phags pa'i bstod pa'i rgya cher bshad pa/
bcom ldan 'das 'jam dpal bzhon nur gyur pa la phyag 'tshal lo/
/khyad par phul du byung ldan zhing/ /lha rnams kyis mchod sangs
rgyas

la; /phyag 'tshal khyad par 'phags bstod pa/ /don las tshul bzhin
bshad par bya/ /mtho btsun grub rje zhes bya ba'i bram ze rig
byed bzhi la mkhas pa/ bram ze rnams kyis gtso bor bkur ba zhig
yod pa dang/ de bcom ldan 'das kyi bstan pa la dad pa thob nas/
sangs rgyas

bcom ldan 'das la brtsams te bstod pa 'di byas par gyur pa yin
no/ /de yang 'di ltar rjes su thos te/ yul shar phyogs na khyad
par can gyi bram ze las drug la mngon par dga' ba'i bram ze'i
rigs su byung ba/ sngon legs par spyad pa nye bar brtsams pa las
mtho btsun grub rje

zhes bya ba dang/ bde byed bdag po zhes bya ba spun gnyis su
skyes par gyur to/ /de dag kyang bstan bcos thams cad rtogs par
gyur pa dang/ de'i tshe de gnyis 'di snyam du sems par gyur te/
'di ltar bdag cag gi khyim na ni dbang phyug chen po mchod la/
sangs rgyas bcom ldan

'das kyi gsung rab ni shin tu phul du byung bar snang na/ des na
yu bu cag gis ci dbang phyug chen po khyad par du 'phags pa yin
nam/ 'on te sangs rgyas bcom ldan 'das khyad par du 'phags pa
nges par brtag par bya'o snyam pa dang/ de gnyis kyis thos pa/ ri
bo ti se na dbang

phyug chen po u ma dang khyu mchog dang bcas par mngon sum du
gnas so zhes thos kyis/ der song la dbang phyug chen pos yu bu
cag la ji ltar bstan pa de ltar bya'o zhes nges pa bskyed nas/
der myur bar song ste 'bad pa chen po dang lhan dag gis grogs
byas te/ ri bo ti se'i sa

mnyam par song ba dang/ lha chen po'i khyu mchog sprin dkar po'i
dum bu lta bu gzas la yan pa mthong ngo/ /de mthong bas rab tu
dga' ba dang/ de'i rjes thogs nyid la lha mo u ma 'bras bu'i
shing gi tshang tshing gi nags na 'bras bu thu ba mthong nas/ /gus
pa dang bcas pas phyag

@5b byas te/ de dag gis me tog rgyas pa'i nags tshal gyi gnas na
yu bu cag gi rje bo gnas so zhes gtam thos pa dang/ de dag yid la
rab tu dga' ba thob pas me tog sil ma gtor bas nye bar mdzes pa'i
sa'i char song ba dang/ lha chen po 'byor ba chen po dang ldan
pa'i stan la 'dug

cing; 'khor gyi tshogs stong gis bskor ba mthong ngo/ /mthong ba'i
rjes thogs nyid la tshogs kyi bdag pos lag pa nas bzung ste/ de'i
thad du khyer nas gus pa dang bcas pas phyag byas pa dang/ de dag
la smras pa/ khyed cag ga las 'ongs zhes de dag la dris pa dang/
de gnyis

kyis ji ltar gyur pa rgyas par smras so/ /de nas ji tsam na dge
slong rnams kyi zas kyi dus la bab pa dang nye bar gyur pa na/
nam mkha' las srin bu lham bu chu gsher gyi mdog can gyi gos gyon
pa ma dros pa'i mtsho la gnas pa'i dgra bcom pa lnga brgya/ bya
gshog pa dmar po dang ra ba lta

bur babs par gyur to/ /de nas lha chen po 'khor gyi tshogs dang
bcas pa gus pa dang bcas pas spos dang/ byug pa dang/ mchod pa'i
yo byad rnams thogs te/ de dag gi thad du song nas de dag rang
rang gi stan la 'dug pa la re re zhing gos rin che ba bskon te
bde bar 'dug pa dang/

bza' ba dang/ bca' ba dang/ bsod pa rnams kyis yang dag par tshim
par byas nas/ u mas kyang me tog dang/ 'bras bus mchod de/ de
dag las chos kyi gtam mnyan nas/ de dag slar song ba dang/ de
gnyis la smras pa/ khyed cag 'dir bya ba gang gi phyir 'ongs pa
kho bos shes

kyis/ de khyed la smra bar bya'o/ /gang gi slob ma bdag cag nyin
re dga' bas mchod byed yon tan dam par ldan/ /'jig rten nyes sel
yon tan chen po'i mtshan gyi mchog ni rab tu grags gyur cing/
/shin tu dga' ba'i yid kyis yang dag mchod byed tshe na mya ngan
'das 'drar

sems/ /'jig rten gsum gyi bla ma yon tan mnyam med sangs rgyas de
ni mkhas pas mchod/ /de bas na khyed cag gi ston pa de nyid dang/
de'i gsung rab la mchod par bya'o/ /de nas de ltar rtogs par gyur
nas slar rang gi yul du song ste/ de bzhin gshegs pa'i gsung

@6a @#/ /rab kyi chos kha na ma tho ba med pa yin par shes pas rig
byed kyi tshig rnams rtsa ltar bor te rab tu byung nas/ sangs
rgyas bcom ldan 'das la khyad par du 'phags par bstod pa dang/
lha las phul du byung ba'i bstod pa gnyis byas so// //da ni tshigs
su bcad

pa dang po'i yan lag gi don bshad par 'dod nas smras pa ni/ bdag
ni ston pa gzhan spangs te/ /zhes bya ba la sogs pa yin te/ gal
te gzhan dag khyed ci'i phyir bstan bcos ma lus pa'i de kho na
nyid rtogs nas/ ser skya dang/ gzegs zan dang rkang mig la sogs
pa'i

ston pa dang/ des byas pa'i bstan pa rnams kyang spangs te/ sangs
rgyas bcom ldan 'das nyid dang/ de'i bstan pa la 'jug par byed
ces zer ro snyam du dogs pa'i phyir/ bdag ni ston pa gzhan spangs
nas/ /bcom ldan khyed la skyabs mchis pa/ /de ci'i slad du zhe na
khyod/ /

skyon mi mnga' la yon tan ldan/ /zhes bya ba'i tshigs su bcad pa
smras pa yin no/ /de la bdag ni zhes bya ba ni bstod par byed pa
bdag nyid do/ /ston pa zhes bya ba ni 'chos shing 'dul bar byed
pa yin pas na ston pa ste/ 'di ni ser skya la sogs pa yin par
'dod do/ /de

spangs pa ni yongs su spangs shing dor ba zhes bya ba'i don to/
/bcom ldan zhes pa ni bod pa ste/ 'dod chags la sogs pa'i nyon
mongs pa bag chags dang bcas pa spangs pa gang yin pa de la ni
bcom pa zhes bya ba'i sgrar bshad la/ de gang la mnga' ba de ni
bcom ldan no/ /khyed

la zhes bya ba ni sangs rgyas bcom ldan 'das so/ /khyod ji lta bu
zhe na/ skyabs zhes bya ba smras pa yin te/ rtan [?] zhes bya ba'i
don to/ /de yang gang la brten na nyes par spyod pa rnams zad par
'gyur ba'o/ /mchis pa zhes bya ba ni mchi zhing zhugs pa zhes bya
ba'i don te/ yid mi rton pa la

sogs pa nyes par spyod pa rnam pa mang po nye bar bsags pa rnams
bcom ldan 'das la yang dag par bstan pas sdig pa rnams dang bral
bar gyur cing/ mtho ris su skyes par gyur pa 'dir dper sbyar bar
bya'o/ /ston pa gzhan dag spangs pa dang/ /ston pa de la skyabs
su 'gro ba'i

@6b rgyu ci zhig yin zhe na/ de ci'i slad du zhe na/ zhes bya ba
la sogs pa smras pa yin te/ gang gi phyir khyed skyon ni mi mnga'
la yon tan dang ldan pa yin no zhes bya ba'i don to/ /de yang 'di
ltar gang la bag chags la sogs pa'i nyes pa mi mnga' ba ni skyon
mi mnga' ba'o/ /de yang lus dang

ngag dang sems sun 'byin par byed pas na skyon te/ nyon mongs pa
rnams zhes bya ba'i don to/ /yon tan ni stobs dang mi 'jigs pa la
sogs pa'o/ /de mnyam pa med pa gang la mnga' ba ni yon tan dang
ldan pa ste/ de ni khyed yin no zhes bya ba'i don to/ /gal te
sangs rgyas

bcom ldan 'das nyid skyon mi mnga' zhing/ shin tu phul du byung
ba'i yon tan dang ldan pa yin na/ ci'i phyir gzhan dag la la bcom
ldan 'das spangs nas ser skya la sogs pa gzhan dag la bsten ce
na/ de'i phyir/ gang phyir 'jig rten skyon la dga'/ /yon tan
'dzin la zhen pas na/ /

skyon yang yon tan ltar mthong nas/ /gzhan la skyabs su mchis par
gyur/ /zhes bya ba smras pa yin te/ yang zhes bya ba ni rnam par
brtag pa'i tshig gi phrad do/ /'jig rten zhes bya ba ni sems can
tha mal pa so so'i skye bo zhes bya ba'i don yin te/ 'phags pa
rnams ni skyon

la dga' ba ma yin no/ /de yang yul rnams la chags pas na 'jig
rten no zhes bya ba ni nges pa'i tshig go/ /skyon la dga' zhes bya
ba ni smad par bya ba'i dngos po rnams la dga' zhing phyogs su
lhung ba zhes bya ba'i don to/ /yang na 'jig rten 'di ni skyon la
dga' ba ma yin mod kyi/

'on kyang skyon gang yin pa de yon tan nyid du rtogs pa la zhugs
pa zhes bya ba'i don do/ /dper na/ mkhris pa'i nad kyis bcom pa'i
mig gis zla ba'i 'od zer rnams kyi mdzes pa dngos po dkar bar
gyur pa yang ser por mthong ste/ bdag cag gis kha dog ser por
mthong zhing rtogs so snyam du

sems so/ /de bzhin du mi dge ba'i bshes gnyen dang 'dres pa dang/
dam pa'i chos ma yin pa mnyan pa'i nyes pas/ gang gi nyes pa
rnams la'ang yon tan nyid du 'dzin par 'gyur bar sems 'khrul bar
'gyur ro/ /yon tan 'dzin la zhen pas na zhes bya bas ni yon tan
rnams

@7a @#/ /len pas na yon tan 'dzin pa ste/ yon tan rtogs pa zhes
bya ba'i don yin la/ yon tan 'dzin pa la dman par gyur pa ni
rmongs shing gti mug pa zhes bya ba'i don to/ /de la skyon la
dga' zhes bya ba 'dis ni phyin ci log gi nyes pas rgyud dri ma
can du byas par

bstan pa yin no/ /skyon yang yon tan ltar mthong nas/ /zhes bya
ba 'dis ni 'gro ba blo gros dang bral zhing/ rnam par rtog pas
rmongs pas 'dzin par byed pa bstan pa yin no/ /sngar bshad pa de
dag nges par bya bar ji ltar nus she na/ gzhan la zhes bya ba la
sogs pa smos pa yin

te; gang gi phyir lha chen po dang/ khyab 'jug dang/ tshangs pa la
sogs pa gzhan dag la skyabs su song ba zhes bya ba'i don to/ /'di
skad ston par 'gyur te/ gang gi phyir 'jig rten pa rnams ni yon
tan med cing/ nyes pa mang po bsags pa yin pas gzhan dag la
skyabs su 'gro

bas ston pa gzhan 'dod par nges pa yin no zhes tshigs su bcad pa
'dis ston to/ /ji ltar na gzhan dag skyon dang ldan zhing yon tan
dang ldan pa ma yin zhe na/ khyab 'jug ces bya ba la sogs pa smos
te/ nor lha dang/ dbang phyug chen po ni khyab 'jug dbang phyug
ste/ de dag la sogs

pa gang yin pa de ni khyab 'jug dbang phyug la sogs pa'o/ /de la
dad pa ni de la dga' zhing rab tu dang ba'i skye bo gang yin pa
des yon tan gang yongs su bsgrags shing/ khyad par gang dag mngon
par sgrogs pa de ni khyed kyi bstan la de dag skyon zhes pa ste/
sangs rgyas

bcom ldan 'das khyed kyi bstan pa la skyon te/ nyes pa dang/
phongs pa dang/ smad par bya ba'i gnas yin no zhes bya ba'i don
to/ /yang khyed kyi bstan pa la nyes pa yin pa'i phyir de rnams
kyi yon tan gang zhig sgrogs par byed ce na/ lha chen zhes bya ba
la sogs pa nas brtsams nas/ de dag

ston pa yin te/ lha chen khros pa zhes bya ba ni khro bas khyab
par gyur pa'i sems kyi rgyud kyis so/ /grong khyer sum brtsegs
zhes bya ba ni grong khyer gsum po gcig tu bsdus pa'i grong khyer
sum brtsegs 'jig ces bya ste/ de drag pos bsregs pa'o/ /drag ces
bya ba ni yon tan du sgrogs par

@7b srid par ston te/ de yang lha chen po'i yon tan 'jig rten du
sgrogs shing ston pa ni/ lha ma yin rnams kyi grong khyer gsum
nam mkha' la rgyu ba zhig byung ba dang/ de las lha ma yin rnams
babs shing mi rnams la gnod par byed do/ /de nas lha chen pos mi
rnams la bskyab par bya ba'i phyir/

gzhu blangs te mda' gcig gis lha ma yin rnams kyi grong khyer sum
brtsegs bsregs par gyur to/ /de yang ji skad du/ 'di na lha min
grong khyer mkha' la rgyu/ /skyes pa bud med rgan dang gzhon bcas
pas/ /gzhu chen blangs nas 'bar ba'i mda' yis ni/ /me yis bsreg
bya

bzhin du skad cig bsregs/ /zhes 'byung ba yin no/ /'di ni khyed
kyi bstan pa la srog gcod pa zhes bya ba nyes pa chen po yin te/
des dmyal bar ltung bar 'gyur ba yin pa'i phyir ro/ /de yang ji
skad du/ gang zhig khyod mthong srog gcod las/ /mi ldog pa yi
mtha' de ni/ /khyed

rnams deng ni dmyal ba ru/ /kye ma 'gro bar 'gyur bar shes/
/zhes mdo las gsungs pa yin no/ /gal te des lha ma yin gyi grong
khyer bsregs pa de nyes pa dang ldan pa yin na/ /khyed kyi yon
tan dang ldan pa'i bsregs pa gang yin zhe na/ khyed kyi zhes bya
ba la sogs pa smos

te; mtshon cha gang zhig ce na/ ye shes mda' chen gyis zhes bya ba
yin te/ ye shes nyid mda' chen yin pas na/ ye shes mda' chen te
des so/ /khro ba'i me zhes bya ba ni khro ba nyid ma dang 'dra
bas na khro ba'i me ste/ de nyid ni bcom ldan 'das kyis nges par
bsegs shing nye bar

zhi bar mdzad do zhes bya ba'i don to/ /dris pa/ byams pa'i mnga'
chen pos khro ba'i me nye bar zhi ba yin te/ ji skad du/ bcom
ldan 'das kyis dge slong dag /byams pa bsgoms shig /byams pa
bsten pa dang/ bsgom pa dang/ mang du byed pa ni zhe sdang spang
ba la 'jug

par 'gyur ro zhes gsungs pa ma yin nam zhe na/ de lta yin mod
kyi/ de ni byams pas rtse gzhil pa tsam du 'gyur gyi/ ye shes
kyis ni rtsa ba nas 'byin phar 'gyur bas na 'dir ye shes smos pa
yin no/ /lha chen gyis ni zhes bya ba la sogs pa la/ bsregs nyes
pa ni legs par ma

@8a @#/ /bsregs pa ste/ rtsa ba nas 'byin par ma bsregs pa'o/ /'di
skad ston te/ 'dod pa de nyid bsregs nyes pas lha chen po slar
drangs shing/ dbang du byas pa yin no/ /de yang 'di skad zer te/
dus 'ga' zhig na lha chen po grong khyer gsum bsregs pa la

sogs pa'i bya bas/ shin tu yid byung nas khan ma tho ba de sbyang
bar bya ba'i phyir/ ri kha ba can gyi ri sul gyi tshang tshing du
bzhugs te/ brtul zhugs la gnas pa'i tshe/ 'dod pa'i lhas bzlog pa
na khyed nga la 'tshe bar ma byed cig ces smras kyang ji tsam na
de 'tsho bar byed pa na/ lha chen po

khro ba 'bar bas gdung ba'i yid kyis mig gsum pa las phyung ba'i
mes gang 'di thal ba yang mi lus pa de ltar 'dod pa'i lha bsregs
pa dang/ yang 'dod pa'i lhas lha chen po la bka' bzlog ma'i ro
smad kyi 'jo sgeg gis rgyun du bzlog par gyur to/ /khyed kyi ye
shes zhugs kyis ni/ /

zhes bya ba ni/ khyed kyi ye shes kyi mes so/ /rtsar btsas zhes
bya ba ni thob par bya ba'i lhag ma med pa ste/ bag chags dang
bcas pa zhes bya ba'i don to/ /bsregs nas bton zhes bya ba ni/ ji
ltar na slar yang skye bar mi 'gyur ba de lta bu'i tshul gyis rnam
par bsal ba'o/ /lha chen

thig le'i mchog ma la/ /zhes bya ba la sogs pa la/ 'di ltar rjes
su thos te/ sun d+ha dang/ u pa sun d+ha zhes bya ba lha ma yin
spun gnyis shig byung ba dang/ de gnyis kyis tshangs pa bsgrubs
te/ 'jig rten gsum gyis ma sod par gyur pa dang/ bdag cag lus
tsam tha

dad kyi/ sems ni de lta ma yin par tha dad pa med par mdzod cig
ces byas pa dang/ tshangs pas kyang mchog byin no/ /de nas de
gnyis kyis khams gsum las rnam par rgyal ba'i bya ba la zhugs par
gyur to/ /lha rnams kyis de gnyis gsod pa'i thabs la dpyod par
gyur

pa dang/ tshangs pas smras pa/ de dag gcig la gcig gsod pa'i thabs
bsgrub par bya'o zhes smras pa dang/ lha rnams kyis rang gi lus
las 'od til 'bru til 'bru tsam byin nas/ de las thig le'i mchog
ma zhes bya ba'i lha'i bu mo zhig bskyed nas/ de yang tshangs

@8b pa la bskor ba byed du bcug pa dang/ de de'i gzugs la yid
rnam par g.yengs pas lta ba na/ ngo tsha bar gyur pas gdong bzhi
sprul par gyur to/ /de bzhin du lha chen po yang de dang 'dra bar
'dod chags kyi dbang gis gdong bzhi sprul par gyur to/ /de bas
na/ lha chen thig

le'i mchog ma la/ /rab tu chags pas gdong bzhi byung/ /zhes smos
pa yin te/ lha chen zhes bya ba ni rtse gsum gyi mtshon cha yod
pa'o/ /thig le'i mchog ma la zhes bya ba ni lha'i bu mo'o/ /chags
pa skyes pas zhes bya ba ni chags pa'i bsam pa skyes pa la zhugs
pa'o/ /

gdong bzhi byung zhes bya ba ni gang gdong bzhi par gyur pa'o/
/yang bcom ldan 'das ni/ bdud kyi bu mos sgeg pa yis/ /khyod kyi
ba spu'i rtse mi g.yo/ /zhes bya ba yin te/ bdud dang rjes su
'brel ba'i bu mo ni bdud kyi bu mo ste/ sred ma dang/ dga' mo
zhes bya ba 'khor dang

bcas pa la bya'o/ /de rnams kyi sgeg pa ni dgod cing smra ba
dang zur gyis blta ba dang/ gar byed pa'i mtshan nyid can te/ de
dag gis kyang ngo/ /khyed kyi zhes bya ba ni mgon po khyed kyi'o/
/ba spu'i rtse zhes bya ba ni sku'i yan lag gi ba spu'i rtse mo
yang mi g.yo zhing 'gyur ba med pa'o/ /

de yang bcom ldan 'das rdo rje'i gdan la bzhugs pa'i tshe/ so so
skye bo'i gnas skabs na yang de dag gis 'dod chags bskyed par ma
nus so zhes ston pa yin no/ /lha chen phyed ni zhes bya ba la
sogs pa la/ phyed ni chung ma zhes bya ba lus kyi phyed chung ma
ste/ lha mo u ma 'chang zhing 'dzin

par byed pas na ngur pa zhes bya ba'i byas kyang thub cing rgyal
bar mi nus te/ gang gi phyir de ni phan tshun tha dad pa'i lus can
yin pa'i phyir ro/ /de yang 'di ltar gang gi tshe lha chen po 'di
u ma dang lhan cig lo stong gi bar du 'dod pa'i bde ba nyams su
myong ba na/ ji tsam na de khu ba 'byin pa'i gnas

skabs su gyur pa'i tshe/ des bsams pa/ re zhig lus kyi phyogs gcig
gis 'dod pa'i bde ba la ngas longs spyod par gyur gyis/ da ni yid
dga' ba nyid kyis nga'i phyed lus kyi phyed du zhugs par byas la
khyad par can gyi bde ba nyams su myong bar bya'o snyam ste/ de
nas lus phyed bud

@9a @#/ /med kyi dbang phyug ces bya bar gyur to/ /yang/ khyed ni
bde bar bgyid pa yi/ /zhes bya ba 'khrul bar byed pa'i 'dod pa
nyid kyis rmongs ma gyur ces bya ba ste/ 'khrul cing chags par ma
gyur pa/ /zhes bya ba'i don to/ /'khor lo mdung thung zhes bya ba
la sogs

pa la; 'khor lo gang la yod pa de ni 'khor lo can te/ 'khor lo'i
mtshon cha thogs pa khyab 'jug ces bya ba'i don to/ /mdung thung
can ni lha chen po ste/ mdung rtse gsum pa thogs pa'o/ /bdud kyi
stobs ni bdud kyi dpung bye ba phrag sum cu rtsa drug go/ /rgyal
ba ni zil gyis gnon pa ste/

des dbang du bya bar mi nus pa'o/ /khyod ni 'khor lo mdung med
par/ /byams pa'i mtshon gang lags pas rgyal/ /zhes bya ba ni 'di
skad ston te/ bdud kyi stobs las rgyal bar bya ba la gang khyab
'jug dang/ lha chen po'i 'khor lo dang/ mdung med par yang byams
pa'i mtshon chas mngon

par rgyal zhing/ bcom par spyod do zhes bya ba'i don to/ /rgan
pos zhes bya ba la sogs pa la/ rgan pos khyab 'jug mda' yis
bsnun/ /zhes bya ba ni 'di skad thos te/ khyab 'jug gi gnyen gyi
tshogs rnams sa phyogs 'ga' zhig tu chang 'thung zhing 'dug pa na/
ji tsam na drang srong gnas

ngan der nye bar song ba dang/ ma 'gags pas bsams pa kho bos
drang srong 'di la co 'dri bar bya'o snyam nas/ bud med kyi gzugs
su byas nas de'i thad du song ste/ de la gus pa dang bcas pas
rjes byas nas lto bar gzhong pa glan nas g.yogs te bcings pa
bstan nas/ kho mo'i

dgu 'di na ci zhig yod/ 'di las ci zhig 'byung bar 'gyur/ /zhes
smras pa dang/ drang srong des bsam gtan gyi stobs kyis bltas pa
las de la shin tu khro ba drag po skyes par gyur nas/ khyod kyi
khong nas lcags kyi gtun gang gis khyab 'jug gi rigs ma lus pa
rlag par byed pa 'byung

bar gyur cig ces de thams cad la dmod pa btab po/ /de nas ji tsam
na lcags kyi gtun byung bar gyur pa dang/ biShNu'i rigs thams cad
'ongs te lcags kyi gtun de chu dang rdo la bdar te/ de 'dam dang
bye ma 'dam bu'i rdzing gi nang du bor ro/ /de yang 'dam bu'i
tshal du gyur to/ /yang

@9b lcags kyi gtun de las mde'u tsam zhig lus par gyur pa dang/
'dis ci zhig nus par 'gyur snyam nas chu bor dor ro/ /dor ba'i
'og tu nyas mid nas de yang rgya'i nang du chud de/ nya pas khyer
nas rngon pa rgan po zhig la btsongs so/ /des kyang nya de bshas
pa dang/ lcags kyi mde'u

byung nas de mda'i mde'ur btags so/ /ji tsam na dmod pas nye bar
bcom pa'i 'jigs pas dus 'ga' zhig gi tshe/ rdzing gi ngogs der
khyab 'jug gi rigs rnams chang 'thungs pas ra ro ba dang/ dmod
pas rnam par 'khrul pas rtsod pa chen po byung bar gyur nas 'dam
bu'i dbyug

pas phan tshun nye bar bsnun par byed pa na/ de na med pa'i khyab
'jug ma gtogs pa de'i rigs rnams rnam par 'jig par gyur to/ /de
nas khyab 'jug gis bsams pa nga'i chung ma'i tshogs khri drug
stong grong khyer sgo ldan na gnas kyis/ de dag gal te dmod pa
'dis phan tshun

gcig la gcig gnod pa byed pa'am/ gzhan dag gis phrogs par 'gyur
ba srid snyam nas/ der srid sgrub btang ngo/ /des kyang de rnams
blangs la khyab 'jug gi thad du khyer te 'ong ngo zhes smras te
chas so/ /ri brags pa rnams kyis kyang gtam de thos nas mtshon cha
sna tshogs pa

thogs te/ srid sgrub kyi thad du 'thab pa'i phyir lhags pa dang/
de rnams kyis srid sgrub kyi mtshon cha ma lus pa zad par byas nas
de thams cad phrogs so/ /khyab 'jug gis de thos pa dang/ yid kyi
gdung ba bzlog par mi nus pas sems gdung bzhin du mya ngan de
bsal ba'i phyir

dgon par song ngo/ /der tshang tshing shin tu stug pa zhig tu/ mya
ngan gyi dbang gis lus thams cad phab nas 'dug ste/ rkang pa
brkyang pa'i mthe bo bskyod pa dang/ ji tsam na rngon pa rgan po
de ri dags bshor ba'i phyir nags tshal du zhugs te/ ri dags blta
ba'i phyir sems gtod cing

gnas pa dang/ mthe bo bskyod pa de ri dags kyi rna ba 'gul ba yin
no snyam nas mda' bsnun pa dang/ de srog dang bral bar byas so/
/rgan po zhes bya ba ni rngon pa rgan pos so/ /khyab 'jug ces bya
ba ni sred med kyi bu'o/ /mda' yis zhes bya ba ni rngon pa'i mda'
yis so/ /bsnun

@10a @#/ /zhes bya ba ni bcom pa'o/ /lha chen mgrin pa sngor gyur
pas/ /zhes bya ba la/ lha chen ni dbang phyug chen po ste/ de
yang dug gis nye bar bcom pas mgrin pa sngon por gyur to/ /de
yang 'di ltar lha rnams rgya mtsho bsrub pa'i phyir zhugs pa na/
de'i tshe nor bu

kau stu b+ha dang/ rta mgrin rings la sogs mang po zhig rgya
mtsho las byung bar gyur pa dang/ ji tsam na dug cig byung bar
gyur nas de'i mthus khyab 'jug de'i gan na gnas pas pags pa'i
mdog nag por gyur to/ /lha chen pos de blangs nas 'jigs pa med
par mid par rtsom pa na/ /ji tsam

na mgrin par thogs te steng du yang ma byung/ 'og tu yang ma song
bar de'i mgrin pa rma bya'i mgrin pa ltar snang bar gyur pa dang/
lha rnams kyis smras pa/ 'di ni shin tu mdzes pas da ni deng nas
de mgrin pa nyid du bzhag pa'i rigs so zhes smras so zhes grag
go/ /lha 'di gnyis la zhes bya ba ni/ khyab

'jug dang/ lha chen po la'o/ /gnod bgyid mchis zhes bya ba ni/
gnod pa dang bcas par gnas pas na gnod bgyid mchis zhes bya ste/
gzhan gyis byas pa'i nye bar gnod pa'am gsod pa dang ldan pa'o/
/mgon khyod ces bya ba ni bcom ldan 'das la bod pa ste/ bdag po
zhes bya ba'i

don to; /gnod pa bgyid pa med pas na gnod bgyid bral ba lags zhes
bya'o/ /dris pa/ bcom ldan 'das la gzhan gyis byas pa'i bgrongs
pa mi mnga' mod kyi/ gzhan gyis byas pa'i gnod pa ni mnga' ste/
bya rgod kyi phung por rdo'i dum bus zhabs snad pa yin no zhe na/
'dir smras

pa; de ni rma btod pa tsam du zad kyi/ nye bar gnod pa zhes mi
bya ste/ de yang 'di ltar dus yun ring por zhugs pa'i nye bar
'tshe ba la gnod pa zhes bshad kyi/ skad cig pa ni ma yin te/ bcom
ldan 'das ni skad cig ma de nyid la de tsam zhig tu 'gyur gyi/
lha chen po'i mgrin pa sngo ba ji lta ba de la ni

ma yin no/ /khyab 'jug mi thung gzugs bsgyur nas/ /zhes bya ba la
sogs pa la/ 'di ltar thos te/ stobs ldan zhes bya ba'i lha ma yin
zhig byung ba dang/ des rang gi pha rol gnon pas khams gsum ma
lus pa rnam par gnon pa na khyab 'jug gis bsams pa/ ngas 'di dang
lhan

@10b cig g.yul sprod par mi nus te/ shin tu skyes bu'i rtsol ba
phun sum tshogs pa dang ldan pa yin pa'i phyir ro/ /de bas na nges
par sgyu thabs kyis bslu bar bya'o snyam du rnam par bsams nas/
bdag nyid bram ze mi'u thung zhig gi gzugs su sprul nas slong
mo'i bdag nyid can du byas te

song nas/ rgyal po stobs ldan rta'i mchod sbyin byed pa'i brtul
zhugs la gnas pa'i tshe/ su zhig /su zhig 'dod/ gang la ci zhig
sbyin par bya/ /zhes zer ba la brtson pa de'i thad du phyin nas/
pha dang ma'i phyir me la mchod sbyin byed pas de'i don du sa
phyogs gom pa nyid kyi tshad slong

ngo zhes smras pa dang/ des smras pa/ 'di tsam zhig gis khyod la
dgos pa ci zhig rdzogs par 'gyur/ gzhan du na glang po dang/ rta
dang/ shing rta dang/ gser la sogs pa'i dngos po slongs shig
dang/ de ngas dgag pa med pa dang/ khyad par dang bcas pa sbyin
par bya'o zhes smras

kyang 'dod par ma gyur to/ /de nas des smras pa/ gal te de ltar
'dod na re zhig gom pa gsum yang khyer cig ces smras pa dang/
khyab 'jug gis gom pa gnyis kyis 'jig rten gsum gyi bar du rkang
pa gcig brkyang nas/ gom pa gsum pa'i gnas ma rnyed pa dang/ dam
bcas pa

las nyams par byas pa'i dor thabs khas blangs pas yid zhum par
gyur pa dang/ 'jigs pa chen pos bdag nyid kyi dngos po thams cad
bcom par gyur pas stobs ldan bzung ste/ sa 'og tu bcings par gyur
to/ /mi'u thung ni gzugs thung ba'o/ /gzugs ni lus so/ /bsgyur

nas zhes bya ba ni mngon par sprul nas so/ /gang gis she na/
khyab 'jug gis so/ /ci pha rol gnon pas sam zhe na/ g.yo thabs
kyis ni zhes bya ba smos te/ slu thabs kyis so/ /stobs ldan zhes
bya ba ni lha ma yin gyi rgyal po'o/ /bslus zhes bya ba ni rgyal
srid las nyams par byas zhes

bya ba'i don to/ /khyed ni gzhan dag la slu bar mi mdzad de/ gal
te g.yo mi mkhyen pas de'i phyir gzhan dag slu bar mi mdzad do
zhes rtog pa la/ de'i phyir g.yo yang mkhyen gyur la/ /zhes smos
pa yin te/ de yang g.yo mkhyen pas na g.yo yang mkhyen gyur la
zhes bya ba yin te/ bcom ldan

@11a @#/ /'das ni thams cad mkhyen pa yin pa'i phyir/ kun nas nyon
mongs pa dang/ nyon mongs pa can ma yin pa'i dngos po thams cad
mkhyen cing/ nyon mongs pa can gang yin pa de ni spyod par mi
mdzad pa ste/ 'dir ral gri thogs pa'i gtso bo'i mdo dper brjod
par bya'o/ /mgon

khyod rdzu 'phrul zhes bya ba la sogs pa la/ khyed kyi rdzu
'phrul pa rnams ni mgon khyod rdzu 'phrul te/ yid mgyogs pa la
sogs pa'o/ /de'i rnam par 'phrul ba ni rnam par rol ba'o/ /ji lta
bu zhe na/ rmad byung zhes bya ba ste/ ngo mtshar du gyur cing
rmad du byung ba bskyed pa zhes bya ba'i don to/ /khyad

'jug 'jig rten gsum rgal ba/ /zhes bya ba ni gom pa gsum gyis
'jig rten gsum rgal ba'o/ /'phye bo zhes bya ba ni rkang pa med
pa ste/ 'phye zhing 'gro bas 'phye bo yin la/ de dang 'dra bar
'jug pas na 'phye bo bzhin du'o/ /mthong ba ni rtogs pa'o/ /'di
skad ston par 'gyur te/

gang khyed kyi rdzu 'phrul gyi rnam par 'phrul pa rmad du byung
ba mthong ba des ni lha yul dang sa 'og tu khyab 'jug gis 'jig
rten gsum rgal bar gyur pa yang 'phye po mchi ba bzhin du mthong
ste/ ci'i phyir zhe na/ 'di ltar 'jig rten pa rnams ni 'dzam bu'i
gling tsam nyid la 'jig rten gsum du 'dod

de; rgya mtsho bzhis yongs su bcad pa 'jig rten gnyis kyi bar ni
mi'i 'jig rten yin la/ 'og gi gzhi ni klu'i 'jig rten no/ /ri kha
ba can la sogs pa ri bo lha rnams gnas pa dang/ skar ma la sogs
pa ni lha'i 'jig rten nyid yin na/ de khyab 'jug gis brgal bar
byas pa 'di tsam la

'jig rten gsum rgal ba zhes bya ba la/ sangs rgyas bcom ldan 'das
ni thugs bskyed pa tsam gyis/ yid ltar mgyogs pa'i rdzu 'phrul
gyis stong gsum gyi stong chen po'i 'jig rten gyi khams sa ya
dpag tu med pa 'das pa'i 'od zer can gyi 'jig rten gyi khams nas
myur ba nyid du gshegs

pa 'dir/ dper sbyar bar bya'o/ /gzhon nu tshangs par spyod pa na/
/zhes bya ba la/ gzhon nu dang/ ka rti ka dang/ phug na gnas pa
dang/ rma bya la zhon pa zhes bya ba ni rnam grangs so/ /tshangs
par spyod pa zhes bya ba ni 'khrig pa spyod pa las log pa ste/
'dod pa'i 'dod chags dang bral ba'i

@11b phyir chings pa nyid 'di ltar spyod pa'o/ /lhan cig ces
bya ba ni dus gcig dang thabs cig pa'o/ /gang dang zhe na/ drug
ldan ma dang zhes bya ba ste/ de'i chung ma drug ldan ma zhes bya
ba dang ngo/ /spyod ces bya ba ni spyod pa'i byed pa'am srung
ba'o/ /de yang 'di ltar thos te/ drug

ldan ma zhes bya ba'i lha'i bu mo mchog tu gzugs bzang ba/ spyod
pa la mkhas pa/ gzugs kyi nye bar spyod pa dang/ bud med kyi yon
tan gyis gzhan dag zil gyis mnan pas gnas pa zhig byung bar gyur
la/ de yang gzhon nus chung ma'i don du blangs pa dang/ de la
drang srong

'ga' zhig gis smras pa/ gal te khyed 'jig rten gsum las rnam par
rgyal ba don du gnyer zhing/ grags pa khyad par can bsgrag par
bya ba'i bsam pa yod na/ dus 'di'i tshe khyed kyis ral gri'i so
zhes bya ba'i brtul zhugs spyad par bya'o/ /de'i brtul zhugs ni
'di yin

par shes par bya ste/ lang tsho la bab cing 'dod pa'i bde ba nyams
su myong bar nus pa na/ chung ma thams cad kyi gtso mor gyur pa
gzugs shin tu bzang ba dang ldan pa de dang lhan cig rtse zhing/
yan lag reg pa la sogs pa'i bde ba nyams su myong bar gyur kyang/
gnyis snyoms par

zhugs pa yin no zhes tshor ba med par byas te/ brtul zhugs 'di dus
ring por bsten na 'bras bur 'gyur ro zhes smras pa dang/ de nas
brtsams te gzhon nus brtul zhugs brtsams pa yin no/ /khyod kyis
'khrig pa'i zhes bya ba la sogs pa la/ 'khrig pa ni gnyis kyis
gnyis

sbyor ba zhes bya ba'i tha tshig go/ /de yang 'khrig par gyur pas
na/ 'khrig pa ste/ kun tu sbyor ba la nye bar longs spyod pa'o/
/de bas na khyed kyis thal ba bzhin du mdzad par gyur pa ni thal
ba ma yin pa las thal ba nyid du mdzad cing brlag par gyur ba'o/
/de yang bcom ldan 'das kyis 'khrig

pa'o sbyor ba bdun dang ldan pa'i mdo las gsungs te/ bram ze 'di
la kha cig bdag tshangs par spyod par khas 'che zhing/ /de bud med
dang gnyis kyis gnyis mi sbyor yang bud med la mig gi yul gzugs
la nges par sems shing blta ste/ des de nyams su len cing rtog la
zhen cing/

@12a @#/ /zhen nas gnas pa 'di ni bram ze tshangs par spyod pa
'khrig pa'i chos dang ldan pa yin gyi/ /mi ldan pa ma yin te/
tshangs par spyod pa yongs su ma dag pa spyod pa yin zhing/ zhig
pa dang/ bu ga can dang/ 'dren ma dang/ nag nog can yin te/ skye
ba dang/ rga ba dang/ na ba

dang/ 'chi ba dang/ mya ngan dang/ smre sngags 'don pa dang/ sdug
bsngal ba dang/ yid mi bde ba dang/ phongs pa rnams las yongs su
grol bar mi 'gyur zhing/ sdug bsngal rnams las thar ba rang mi
smra'o/ /gzhan yang bud med kyi yul la mig gis mig gi yul gzugs
la nges par

sems shing/ lta bar yang byed pa nas de dang lhan cig rtse ba
dang/ ca co 'don pa nyams su len pa yang tshangs par spyod pa
yongs su ma dag pa yin te/ snga ma bzhin no/ /gzhan yang bud med
dang lhan cig ca co 'don pa nyams su len par yang byed cing/ /bud
med las bsku ba dang/ mnye pa

dang; khrus bya ba bdag gir byed cing/ nyams su len pa de yang de
bzhin no/ /gzhan yang de bzhin du yongs su med pa'i bar du bdag
gir yang byed cing rtsig pas chod pa dang/ yol bas chod pa'i bud
med kyi rgyan dang/ glu dang/ gar la sogs pa'i sgra nyams su len
par byed cing nyan

par byed pa de yang de bzhin no/ /gzhan yang sgra'i bar du nyams
su len par byed pa nas/ gzhan dag 'dod pa'i yon tan lnga dang
ldan pa la bltas nas nyams su len cing rtse ba dang/ dga' bas
yongs su spyod pa nyams su myong bar byed pa yang de bzhin no/
/gzhan yang yongs

su spyod pa'i bar du yang byed la/ sngon nyams su myong ba'i dgod
pa dang/ rtse ba dang/ dga' mgur yongs su spyod pa de rjes su
dran par byed cing/ de las de bdag gir byed pa yang de bzhin no/
/gzhan yang/ rjes su dran pa'i bar du yang byed la/ bdag ni tshul
khrims dang/ brtul

zhugs sam/ dka' thub bam/ /tshangs par spyod pa spyad pa 'di lha
la sogs pa'i gnas su bsngo ste/ tshangs par spyod pa'ang de bzhin
no/ /zhes bya ba nas/ bram ze 'khrig pa'i chos bdun gyi sbyor ba
'di ma spangs shing yongs su ma shes pa de srid lha dang bcas
pa'i 'jig rten las

@12b 'da' bar 'gyur ba nga mi smra'o zhes bya ba la sogs pa rgya
cher gsungs pa yin no/ /tshangs sogs zhes bya ba la tshangs pa la
sogs pa ni 'di skad smra'o zhes grag ste/ ji ltar kho bo sems can
gyi 'jig rten dang/ snod kyi 'jig rten ma lus pa 'byin par byed
pa nas/ /nga'i tshangs pa 'jug

par byed pa yin no zhes bya ba'i don to/ /grag ces bya ba ni gtam
du brgyud pa 'ba' zhig yin no zhes bya bar ston to/ /de nyid
gzigs khyod ces bya ba ni de kho na nyid gzigs pa'i dang tshul
gang la yod pa de ni de nyid gzigs pa ste/ thams cad mkhyen pa
des zhes bya ba'i don to/ /des

ji skad bstan ce na/ 'jig rten pa dang/ de yang las las skyes
zhes bstan zhes bya ba smos te/ 'jig rten dag dang/ gang de dag
'byin par bshad pa tshangs pa la sogs pa de yang las las skyes par
khyod kyis bstan cing gsungs pa'o/ /de yang sems can rnams ni las
las skyes

pa; las kyi bgo skal la spyod pa/ las kyi rjes su 'brel pa ste/
dge ba'am sdig pa'i las gang dag byed pa de las de nyid kyi skal
ba can du 'gyur ro zhes mdo las gsungs pa yin no/ /brgya byin
gyis ni bshol med ma/ /zhes bya ba la sogs pa la/ brgya byin zhes
bya ba ni rdo rje mtshon du

thogs pa ste/ dbang po zhes bya ba'i don to/ /bshol med ma ni
drang srong gi bu mo ste/ de mthong bar gyur pa las so/ /'dod pas
zhes bya ba ni 'dod pa'i lha'i 'dod chags kyis so/ /rmongs pa ni
'khrul par gyur pa'o/ /grag ces bya ba ni 'jig rten gyi gtam yin
par ston to/ /de yang 'di

ltar thos te/ drang srong gau ta ma zhes bya ba zhig yod pa de la
bshol med ma zhes bya ba'i chung ma yod de/ de lang tsho'i mdangs
phun sum tshogs pa dang ldan pa yin pas de la brgya byin chags par
gyur la/ de yang de la chags te/ des na de dag phan tshun 'brel
par gyur to/ /dus lan 'ga' zhing na

drang srong de bsti gnas gzhan du mgron du bos par gyur nas/ me
tog dang/ yam shing dang/ ku sha'i don du phyi rol du byung ngo/
/brgya byin yang der 'ongs nas bshol med ma dang bag phebs par
mngon par rtse zhing 'dug pa na/ gau ta mas yongs su ma shes pa
nyid du bsti gnas su zhugs pa dang/

@13a @#/ /bshol med ma yang 'jigs shing rta pas bas brgya byin
mid do/ /de nas gau ta mas yang bshol med ma khrid de/ bsti gnas
gzhan du mgron du bos par song ba dang/ drang srong des rnal
'byor gyi stobs kyis ji ltar gyur pa de dag shes nas stan gsum
bshams so/ /

gau ta mas bsams pa/ ci'i phyir stan gsum shom snyam nas brtags
pa dang/ ji tsam na bshol med ma'i khong na brgya byin yod par
mthong nas/ de ngo tsha bar gyur pa dang/ zas la spyad nas rang gi
gnas su song ste/ bshol med ma la brgya byin skyugs shig ces
smras pa dang/ des

kyang skyugs so/ /de nas des brgya byin la mo mtshan stong gis
mtshan par gyur cig ces dmod pa btab po/ /de nas ci tsam na/ lha
rnams der 'ongs te gau ta ma mgu bar byas pa dang/ gang 'di khyed
kyis mo mtshan stong mig stong du gyur cig ces mchog byin pa yin
no/ /de nas brtsams te

mig stong par gyur to/ /dpa' bo khyod ces bya ba la sogs pa la/
brtson 'grus kyi khyad par dang ldan pas na dpa' ba ste/ bcom
ldan 'das de la bod pa ni dpa' khyod ces bya'o/ /'dod pa nyid
kyis ni/ ma rmongs slad du zhes bya ba ni 'dod pa rnam par bcom
pa'i phyir ro/ /btsun mo

btang zhes bya ba ni grags ldan ma dang/ ri dags skyes dang/ sa
mtshom [?] la sogs pa btsun mo'i 'khor stong phrag drug cu btang
zhing yongs su spangs pa yin no/ /sgra gcan zhes bya ba la sogs
pa la/ sgra gcan nyid kyi lag pas zin pas na/ sgra gcan lag pas
so/ /zla ba ni ri bong

gis mtshan pa'o/ /ji lta bu'i zla ba zhe na/ dbang med pa ste
dbang dang nus pa dang bral zhing rang dbang med par gzhan dbang
du gyur pa'o/ /mid pa ni zin pa'o/ /de yang 'di ltar thos te/ ji
tsam na lha rnams kyis 'o ma can gyi rgya mtsho bsrubs pa na/ ji
srid cig na bdud rtsi byung bar

gyur pa dang/ lha ma yin sgra gcan gyis phrogs nas spyod par
rtsom pa na/ khyab 'jug gis bsams pa/ gal te 'dis bdud rtsi
'thungs par gyur na lha thams cad kyis kyang mi thub par 'gyur ro
snyam nas/ 'khor los mgo bcad pa dang/ des de bor ba na lha rnams
kyis

@13b yang blangs so/ /sgra gcan de'i lkog ma'i phyogs kyi bar du
bdud rtsi'i chas khyab par gyur pa dang/ des de'i 'og gi cha'i
lus shi bar gyur kyang gson la/ de yang lha dang mi rnams la gnod
pa bya ba'i phyir rgyu'o/ /gnas skabs de nas brtsams te/ sa gsum
snang bar byed pa'i nyi

ma dang; zla ba 'dzin par byed pa yin no/ /mnga' brnyes zhes bya
ba la sogs pa la/ sems can nam 'byung po gang mgon po khyed la
rang dbang med par bgyid cing/ gnod par bgyid pa'i gzhan dbang
can te 'ga' yang ma mchis so zhes bya ba'i don to/ /mi dbang zhes
bya ba

la sogs pa la/ dga' byed dang gos sred ni dga' byed gos sred de/
de dag la sogs pa'i rgyal po gang yin pa de ni/ nags tshal nas
zhes bya ba dka' thub kyi nags nas phyir yang mchis zhes bya ba
'dod pa'i 'dod chags kyis yid brlan par byas nas/ slar yang khyim
du 'ongs

pa'o; /de yang 'di ltar rgyal po shing rta bcu pa sum cu rtsa
gsum pa dang/ lha ma yin g.yul 'gyed par phyin te/ lus la lha ma
yin gyi mtshon gyis zug rngu mang po zug pa dang/ grong khyer
'thab pa med par phyin nas/ de'i chung ma ke ke ya zhes bya bas
bsnyen bkur byas pas sos par gyur

pa dang; des kyang de la mchog sbyin par byas so/ /de nas dus
gzhan zhig na phas dga' byed rgyal srid la dbang bskur bar rtsom
pa na/ ke ke ya rgyal srid la phrag dog gis dkrugs pa'i sems kyis
smras pa/ lhas bdag la mchog stsal bar dam bcas pa lags kyis/ de
da gsol

bar bgyid de/ dga' byed lo bcu gnyis kyi bar du nags su rdzongs
la bdag gi bu b+ha ra ta rgyal srid la dbang bskur bar gsol zhes
bya ba nas/ ji srid na dga' byed nags su song ste/ der si ta
phrogs pa dang/ sgra sgrogs bsad pa la sogs pa byas nas/ me tog
can zhes bya ba'i rgyu ba'i gzhal

yas khang du zhugs te/ b+ha ra ta la sogs pas gsol ba btab cing
mchod pa dang/ grong khyer 'thab pa med par song ste/ dga' byed
bde ba rnams la mngon par rol par gyur to/ /gos sred la sogs pa'i
rgal po gzhan dag kyang sdug bsngal gis nyen par gtsos pa'i
'jig rten mthong

@14a @#/ /ba dang; nga yang gnas skabs 'di lta bur 'gyur du 'ong
ngo snyam nas rgyal srid spangs nas nags su song ba dang/ slar
yang de dang bral bas sa chen po 'di dag la gnas pa mi rigs pa la
zhugs pas skye bo ma lus pa song ste/ gus pa dang bcas pas slar
yang rgyal po'i

pho brang du spyan drang ba'i phyir gsol ba btab cing/ de yang
'dod chags la nye bar dga' ba'i yid kyis slar grong khyer du
'ongs so zhes thos so/ /bde gshegs khyod ni zhes bya ba ni bod
pa'o/ /dben pa zhes bya ba ni lus dben pa dag kyang dben pa'i
sgrar grag mod kyi/ 'on kyang 'dir ni de

gnyis ka skyed pa ting nge 'dzin gyi khyad par yin par 'dod do/
/de nyid ni bdud rtsi ste mi 'chi bar byed pa yin la/ des khyed
ngoms par gyur pas nags su gshegs nas slar khyim du phyir mi byon
no zhes bya ba'o/ /mchod sbyin la ni zhes bya ba la sogs pa la/
mchod sbyin zhes bya ba ni mchod cing

sbyin par byed pa ste/ ba lang gi mchod sbyin la sogs pa'o/
/phyugs 'gums pa zhes bya ba ni ba lang dang/ rta la sogs pa'i
dud 'gro gsod pa'o/ /de skad su zhig smra zhe na/ drang srong
rnams ni smra zhes grag /ces bya ba ste gzegs zan la sogs pa
sngon gyi drang srong rnams kyis de ltar bshad

pa yin no zhes thos so/ /sdig med khyod kyis zhes bya ba ni gang
la sdig pa yod pa ma yin pa de ni sdig med de/ de la kyi sdig med
khyod ces bod pa yin no/ /grog ma la'ang zhes bya ba ni lus shin
tu chung ba'i srog chags so/ /gnod pa bgyid pa ni gsod pa'o/
/rjes ma gnad zhes bya ba ni de

ltar ma gsungs shing de bya bar ma bstan to zhes bya ba'i don to/
/de yang chos kyi rgyal po'i mdo las/ gang khyed rnams kyis ma
mthong ba srog gcod pa las mi ldog pa'i mtha' ni nges par kye ma
dmyal ba'am/ gzhan dag tu kho bos mthong ste/ de ci'i phyir zhe
na/ dmyal bar byed pa'i

chos rnams yang dag par blangs te gnas pa yin no zhes rgya cher
gsungs pa yin no/ /gzhan dag rang don zhes bya ba la sogs pa la/
gzegs zan la sogs pa gzhan dag ni rang don zhes bya ba rang la
phan pa'i phyir ro/ /thabs gang gis she na/ mchod sbyin la zhes
pa ste/ mchod sbyin

@14b shes pa'i thabs kyis so/ /gzhan gyi srog gi zhes bya ba ni
sems can gzhan gyi srog bcad nas mchod sbyin gyi rdzas su byas te
mchod sbyin byed pa'o/ /de yang sems can la nye bar 'tshe ba dang
ldan pa'i mchod sbyin gyi cho ga bstan pas rang gi don bsreg
pa'am/ mtho ris la

sogs pa thob pa'i rgyu bdag nyid gsod pa nye bar ston pa yin te/
ji skad du/ chur ni stong phrag bdun dag ste/ me la stong phrag
bcu gcig yin/ /mi dbang zas bcad pa yis ni/ grangs yod pa ni ma
yin no/ /zhes g.yul ngor brtan pa la 'jigs byed kyis smras pa yin
no/ /

yang mgon po khyed ni gzhan gyi don du zhes bya ba gzhan dag la
phan pa'i phyir ro/ /khyod gcig pu zhes bya ba grogs med par ro/
/rang gi srog gis zhes bya ba nyid kyi 'tsho ba de nyid kyis so/
/sbyin sreg mdzad ces bya ba ni sbyin sreg gi rdzas su mdzad de
bsregs shing gzhan gyi don

mdzad pa'o/ /'dir ni stag mo'i skyes pa'i rabs la sogs pa dper
brjod par bya'o/ /drang srong dmod me zhes bya ba la/ drang srong
ni sngon gyi drang srong rnams kyis so/ /dmod me zhes bya ba ni
dmod pa nyid me dang 'dra ba'o/ /ji lta bus she na/ mi bzad pas
zhes bya ba ste/ 'jigs

su rung bas so/ /skye bo mang po zhes bya ba ni sems can tshad med
pa'o/ bsregs pa ni thal bar byas pa'o/ /de yang bcom ldan 'das
kyis ji skad du/ nye ba 'khor 'di ji snyam du sems/ /ma ta ka'i
dgon pa 'di gang gis stongs par byas shing gtsang mar byas/ kye
gau ta ma drang

srong rnams kyi yid kyi 'dod pa mi bzad pa'i dmod pas so zhes
rgya cher mdo las gsungs so/ /khyod ni bcom ldan 'das so/ /ye
shes me yis zhes bya ba ni shes rab kyi mes bsregs shing thal bar
mdzad pa'o/ /skye bo zhes bya ba ni sems can rnams kyi'o/ skye
rgyu zhes bya ba ni bdag gis

dngos po mngon par 'phel ba'i rgyur gyur pa las dang nyon mongs
pa zhes bya ba'i don to/ /drang srong zhes bya ba la sogs pa la/
dmod pa grub pa ni dmod pa byed pa'i nus pa yod pa'o/ /dka' thub
ni brtul zhugs so/ /grub pa ni rdzogs pa'o/ /rjes su dpag pa ni
shes par 'gyur

@15a @#/ /pa'o; /de yang 'di ltar gang gi tshe/ de rnams dmod pa
'dor bar nus par gyur pa de'i tshe/ 'di dag ni brtul zhugs grub pa
yin no zhes shes par nus pa yin no/ /gang gi tshe gzhan dag la
gnod pa dang dmod pa de yang byed par mi nus pa de'i tshe/ /de
grags pa dang

ldan par mi 'gyur ba'o/ /mgon khyod ces bya ba ni sangs rgyas
bcom ldan 'das la bod pa'o/ /thugs brtse grub pa zhes bya ba ni
thugs rje yongs su rdzogs pa ste/ gzhan gyi dgos pa bya ba'i
mthar phyin pa zhes bya ba'i don to/ /de yang snying brtse bas
'jug pa'i gzhan gyi don gyi

bya ba la thugs brtse ba zhes bshad do/ /de grub pa ni sgrub pa'i
bya ba gzhan gyi don gyi bya ba byed pa zhes bya ba'i don to/
/dka' thub grub pa ni brtul zhugs rdzogs pa'o/ /lha chen 'dod pa
can gyi mtshan/ /zhes bya ba la sogs pa la/ 'di ltar rjes su thos
te/ thang shing gi nags 'ga'

zhig tu drang srong mang po bu dang bu mo dang chung ma dang bcas
par dka' thub shin tu dka' bas gdungs shing gnas par gyur la/ de
rnams kyi dka' thub mi bzad pa mthong bas lha mo u ma de rnams
la kun du skyo ba skyes te/ lha chen po'i thang du song nas bden
par bag phebs pa'i dbang gis 'di

skad ces smras te/ drang srong 'di rnams ni dka' thub chen po la
spyod par brtson pa/ thar pa 'dod pa lags pas 'di rnams la khyed
kyis nges par thar pa thob par mdzad pa'i rigs so/ /lha chen pos
smras pa/ thar pa'i bde ba ni sems can 'dod chags dang zhe sdang
dang bral bas thob par

'gyur la/ 'di dag ni de lta ma yin na ji ltar na nges de dag la
thar pa thob par bya/ u mas smras pa/ de skad ma gsung shig /'di
dag ni nges par zhe sdang dang bral ba yin pas rnam pa thams cad
du bdag gis gsol ba gson la/ khyed kyis mya ngan las 'das pa'i
bde ba'i bdud rtsis lus

tshim par mdzod cig /de nas lha chen pos u ma'i bsam pa nges par
shes pa dang/ drang srong gi bu mo rnams la 'dod chags kyi shugs
skyes pa dang/ re zhig 'di dag sad par bya'o zhes blo skyes nas/
nyi ma gnyis pa la mgo me tog gi phreng bas brgyan te/ lus brtan
cing sra bar byas

@15b pa dang; lang tsho bdo bar gyur pa la gnas shing shin tu sgeg
pa'i cha lugs kyis brgyan te/ bzhag pa'i bdag nyid kyi dngos po
gzhon par byas nas/ /rang gi mtshan ma bkab cing mngon par ldang
la 'dzag bzhin par byas nas song ba dang/ drang srong gi chung ma
dang/ bu mo gzhon nu'i tshogs lo

ma'i spyil bu las byung ste/ de'i lus la reg cing 'dzin pa la
mngon par dga' bas thang shing gi nags kyi gnas su zhugs pa dang/
des kyang yid phrogs pa mthong zhing shin tu gzugs dang ldan pa
la bltas nas/ 'dod chags kyi dbang gis brla'i phyogs gnyis su chu
'dzag pas khyab par

gyur cing shes cher brgyal bar gyur to/ /de nas lo ma'i spyil bu
las byung ba'i drang srong rnams kyis de mthong ba tsam gyis khro
ba'i shugs kyi stobs kyis yid rnyog pa can du gyur pas khyed ma
dul zhing 'dod chags kyis ldang bar byas pa'i dbang po lhung bar
gyur cig lhung bar gyur cig ces de la

dmod pa btab po/ /de'i rjes thogs la brgya byin gyi glang po
che'i sna lta bu'i mtshan sa la lhung bar gyur to/ /ji tsam na de
rnams bsam gtan gyi stobs dang/ lha mos smras pa/ 'di ni lha chen
po yin te kho bo cag sad pa'i phyir 'dir 'ongs pa yin no zhes ji
lta ba bzhin du shes pa dang/

snying por gyur pa'i mtshan de blangs nas mchod pa'i khyad par
rnam pa mang pos mchod par gyur to/ /de nas brtsams te 'jig rten
'dir mtshan la mchod pa byung ba yin no/ /lha chen po ni bde byed
do/ /'dod pa can gyi ngang tshul 'di la yod pas na 'dod pa can te/
de yang 'di drang srong gi bu mo

rnams dang lhan cig 'dod pa spyod pas na 'dod pa'o/ /yang na 'dod
pa ni 'dod pa'i 'dod chags so/ /de gang la yod pa ni 'dod chags
can no/ /mtshan ni skyes pa'i dbang po'o/ /drang srong rnams kyi
zhes bya ba ni thang shing gi nags na gnas pa'i 'o/ /gang gis she
na dmod pa ste/

khyed kyi mtshan lhung bar gyur cig lhung bar gyur cig ces bya
ba'i khro bas kun nas bslang ba'i tshig rtsub pos so/ /lhung ba ni
sa la lhags par gyur pa'o/ yang sangs rgyas bcom ldan 'das khyod
kyis ni 'dod pa nyid lhung bar mdzad pa ste/ 'dod pa'i 'dod chags
nyid bag chags dang bcas

@16a @#/ /par spangs pa'o/ /ji lta bu'i 'dod pa zhe na/ phung
khrol bdag gi rtsa ba zhes smos te/ gang tshe 'di'i dang/ tshe rabs
gzhan gyi gnod pa'i phung khrol de rnams kyi rtsa ba ni 'dod pa
nyid yin no/ /de yang bcom ldan 'das kyis ji skad du/ 'dod chags
kyi rgyu dang/ 'dod chags

kyi gzhi dang/ 'dod chags kyi dbang gis ma dang bu lhan cig kun
du smra zhing bu yangs dang lhan cig spyod do zhes mdo las
rgya cher gsungs pa dang/ slob dpon dpa' bos kyang/ 'jig rten
'dod pas bcing dang gsod dang khengs pa dang/ /dub dang 'jigs
dang sdug bsngal sna tshogs nyer

'thob cing/ /'dod don nyid kyis sa bdag rnams ni lhung gyur la/
/chos rnams mngon du 'joms shing gzhan du dmyal bar 'gro/ /zhes
bshad pa yin no/ /gling las skyes sogs zhes bya ba la sogs pa la/
gling las skyes ni drang srong rgyas pa'o/ /sogs pa'i sgras ni ra
ma

na'i gtam gyi byed mkhan drang srong bal mi ka dang/ gzhan yang
snyan dang gas gzhan dag sbyor ba rnams la bya'o/ /phal cher zhes
bya ba ni mang du ste/ de dag rang gi rjes su dpag nas rab tu
brtags pa ni de na cung zad cig yod do zhes ston to/ /gzhan gyis
gang smras zhes bya ba ni pha

rol gyi bshad pa gang yin pa ste/ de dag smra bar byed cing de la
'jig rten pa rnams dga' ba yin no/ /'di skad ston te/ gang gling
las skyes la sogs pa rnams kyis b+ha ra ta la sogs pa la smras pa
ni phal cher gzhan dag gis smras pa de smra bar byed pa yin no
zhes bya ba'o/ /khyod kyis

thun mong ma yin chos/ /zhes bya ba la sogs pa la/ thun mong ma
yin pa zhes bya ba ni gzhan dag gis ma smras pa'o/ /chos zhes bya
ba ni gsung rab kyi khyad par 'phags pa'i bden pa bzhi yongs su
gsal bar byed pa'o/ /rang gis thugs su chud nas zhes bya ba ni
rang nyid kyis gzhan

gyis rjes su bstan pa la ma ltos par thugs su chud pa ste/ chos
kyi 'khor lo bskor ba'i mdo las/ dge slong dag sngon ma thos pa'i
chos rnams la 'di ni sdug bsngal gyi bden pa'o zhes blo dang rig
pa dang rtog pa skyes so zhes rgya cher gsungs pa lta bu yin no/
/bstan zhes bya ba ni gzhan

@16b dag la ston par mdzad pa ste/ chos kyi rnam grangs 'di kun
du rgyu ba spyod pa pa gzhan dag la bstan par bya'o zhes bya ba
la sogs pa ji skad gsungs pa lta bu'o/ /mu stegs can gyi zhes bya
ba la sogs pa la/ mu stegs can gyi zhes bya ba ni mu stegs pa
rnams kyi'o/ /de gang yin zhe na/

rig byed tshig ste/ mu stegs can gyi tshig gzhan dag go/ /dben pa
ni skye bo med par ro/ /kho nar zhes bya ba ni nges par gzung ba
ste/ ji ltar zhe na/ de dag smra zhing ston par byed pa nyid yin
no/ /yang na bram ze rnams 'di skad ces smra ste/ rig byed ni ji
ltar yang bram ze ma yin

pa bklag tu mi gzhug go zhes smra ba dang/ gcer bu pa'i dge
sbyong gi skar ma'i bstan bcos dge sbyong gcer bu pa ma yin pa la
mi sbyin pa dang/ khyab 'jug pa'i mtshan mo lnga pa la sogs pa'i
bstan bcos rnams ni gzhan dag la smra bar mi bya'i/ dben pa dag
tu so so'i nges pa'i sems

can dag la 'di dag smra bar bya'o zhes zer ro/ /khyod kyis zhes
bya ba la sogs pa la/ 'di ni seng ge'i sgra dang 'dra ba yin pas
na seng ge'i sgra'o/ /'di skad ston te/ khyed ni seng ge'i sgra
sgrogs pas dge sbyong dang/ bram ze dang/ spyod pa pa dang/ kun
du rgyu ba thams cad la ser sna mi

mnga' ba dang/ phyogs su lhung ba mi mnga' bar ston par mdzad pa
yin no/ /grangs can zhes bya ba la sogs pa la/ de la grangs can
gyi de kho na nyid ni 'di skad ces 'chad de/ gang gi tshe skyes bu
'di'i snying stobs dang/ rdul dang mun pa'i gzugs can gyi/ /rang
bzhin 'di la 'jug pa

na; /de kho na nyid nyi shu rtsa lnga mthong bar gyur pa'i rnal
'byor pa rnam par dben par gyur pa de'i tshe grol bar 'gyur ba yin
no zhes zer ro/ /b+ha ra dwa dza ni zhes bya ba ni/ drang srong
b+ha ra dwa dza ba'i bu yin pas na b+ha ra dwa dza'o/ /de nyid
mthong yang zhes bya ba ni gang grangs can rnams kyis bshad pa'i
de kho na

nyid mthong ba'o/ /de yang 'di ltar rjes su thos te/ b+ha ra dwa
dza de brtul zhugs drag po'i spyod pa la brtson zhing/ grangs can
gyi shes pas de kho na nyid shes pas nags na gnas so/ /nags na
gnas pa'i lha rnams kyis mthong ba dang/ de 'di lta bu'i dka'
thub spyod pa las na bdag cag

@17a @#/ /rnams kyi bgegs byed par nus par 'gyur du 'ong gis mal
bdag cag gis 'di dka' thung yas nyams par bya'o snyam nas/ dpyid
ldan ma zhes bya ba'i lha'i bu mo dar btang ba dang/ ji tsam na
de'i bsti gnas dang nye bar gar byed pa dang/ glu len par brtsams
so/ /

drang srong des de thos pa dang/ lo ma'i spyil bu las byung ba
na/ lha mo de mthong ba tsam gyis 'dod chags rab tu g.yos pas yid
gdungs shing gzir bar gyur pas de blangs te lo ma'i spyil bur
zhugs nas/ dus shin tu yun ring mor de dang lhan cig 'dod pa'i
bde ba la longs spyad pa rjes

su myong bar gyur to/ /de ltar na b+ha ra dwa dza zhes bya ba de
ni dpyid ldan ma zhes bya ba'i lha'i bu mo la yongs su chags
shing zhen pa dang ldan pa yin no zhes bya ba'i don to/ /gtso
khyod ces bya ba ni bod pa ste/ chos rnams la dbang phyug tu gyur
pa zhes bya ba'i don to/ /khyod kyi slob ma de rnams kyang

bud med rnams la chags pa med na khyed lta smos kyang ci dgos
zhes bya ba'i don to/ /de yang 'di ltar 'khor ba'i dngos po'i
rang bzhin shes pa ni nam yang 'dod pa'i yon tan lnga po 'jig
cing yid brtan du mi rung ba la chags par ga la 'gyur/ 'ug pa pas
ni zhes bya ba la sogs pa

la; 'ug pa pa ni gzegs zan la sogs pa bye brag pa'i bstan bcos
rtsom pa rnams kyis bshad pa'o/ /khyad par can la zhes bya ba ni
bram ze la sogs pa yon tan dang ldan pa la sbyin gyi gzhan dag la
ni ma yin no/ /de yang ji skad du/ bram ze min las mnyam po ste/
/tha mal

bram ze las gnyis 'gyur/ /'don pa la ni brgya stong ste/ /rig
byed pha rol 'gro mtha' yas/ /zhes bshad pa yin te/ de bas na rig
byed kyi pha rol tu phyin pa'i bram ze la sbyin pa po khyad par
can gyi 'bras bu 'dod pas sbyin par bya'i/ bram ze ma yin pa
gzhan dag la na ma yin te/

gang de yod na rig byed ma lus pa mthar chub par ma byas pa la
yang ma yin no zhes zer ro/ /mgon po khyod ni zhes bya ba la sogs
pa la/ kye mgon po skyabs su gyur ba khyod kyis ni khyi'i bar
la'ang sbyin par bya'o zhes gsungs so/ /dris pa/ khyi 'di ni
khyad par gyi zhing ma yin na/

@17b ci'i phyir de la sbyin par bya zhes gsungs she na/ de'i
phyir thugs rje yis zhes bya ba gsungs te/ de yang bdag nyid chen
po rnams kyis ni snying rjes sbyin pa la 'jug par bya'i/ 'bras bu
mngon par 'phel ba la chags pa ni ma yin no/ /de yang gnas brtan
dkon mchog

'bangs kyis/ gang zhig skye bo dman dang phongs pa re ba'i bsam
ldan mthong na yang/ /brtse med 'bras bu 'dod pas snod gzhan yon
tan dag dang ldan tshol ba/ /bsam brlag de ni sbyin par byed kyang
slong ba rnams dang mtshungs so zhes/ /de slad khyod ni thugs rjes
slong ba rnams

la sbyin par bzhed la zhugs/ /zhes bshad pa yin no/ /de bas na
khyed sbyin pa la 'jug par mdzad pa ni slong ba rnams la thugs
rje chen po nyid kyis gus pas mdzad pa yin no/ /lus kyi zhes bya
ba la sogs pa la/ lus kyi dka' thub ni nyon mongs pa'i gdung ba
zhes bya ba'i don

to/ /des byas pa'i mdud pa zhes bya ba ni 'ching ba ste/ nyon
mongs pa'o zhes bya ba'i don to/ /de 'jig pa ni bshig cing rnam
par spangs pa zhes bya ba'i don to/ /lus las kyang mdud pa 'jig
par 'dod pa de gang zhig yin zhe na/ gcer bu 'tshal zhes bya ba
smos te/ gos med pa'i

dge sbyong gcer bu pa zhes bya ba'i don to/ /de yang de rnams kyi
grub pa'i mtha' ni 'di yin te/ 'di lta ste/ tshe snga ma la byas
pa'i las ni dka' thub kyis zad par byas la/ 'dir yang dge ba'am
mi dge ba sngon med pa nye bar bsags par mi bya la/ des na lus
kyi rgyud la yod pa'i las zad

pas skye ba zad la/ skye ba zad pas sdug bsngal zad de/ de zad
pas ni mya ngan las 'das pa thob pa yin no zhes 'dod do/ /khyed
ni zhes bya ba la sogs pa la/ thugs yin pas na thugs kyi zhes bya
ba'am/ 'di ni thugs kyi yin pas thugs kyi dka' thub po/ /'di skad
ston te/ khyod

ni thugs kyi dka' thub nyid kyis mdud pa 'jig cing las zad pa
dang/ nyon mongs pa zad par bzhed pa lags kyi lus kyis ni ma yin
na de skad du/ slob dpon rta skad kyis/ bdag nyid nyon mongs skye
bo byis pa 'dod/ /de bzhin dbang po'i spyod yul rnam pa la chags
so/ /'di dag gnyis ka

@18a @#/ /nyes dang ldan par mthong/ /nga yis bdud rtsi rtogs lam
dag pa yin/ /zhes bya ba la sogs pa bshad pa yin no/ /de bas na
'di ltar rigs te/ gang gi phyir kun nas nyon mongs pa thams cad
kyi gnas yin pas sems nyid gnod pa thams cad byed pa yin la/ de
bas

na de nyid ci nas kyang phyis nyon mongs pa rnams kyi rten du
gyur pa mi byed pa de ltar yongs su sbyang bar bya ste/ gnas med
pa las ni nyon mongs pa skye bar mi 'gyur la/ nyon mongs pa med
par las rnams mi 'byung zhing/ de dag med pa las ni skye ba len
par mi 'gyur la/ de med pa ni thar pa

yin no zhes bcom ldan 'das kyis legs par bstan pa yin no/ /lus
kyi dka' thub ni don med pa yin te/ sems kyi rgyal po'i kha na
las pas de las rang nyid bya ba ma yin pa las ldog pa yin pa'i
phyir ro/ /rtog ge pa dag dngos po rnams zhes bya ba la sogs pa
la/ rtog ge pa ni mu stegs

pa rnams so/ /dngos po rnams zhes bya ba ni bdag dang rang bzhin
dang dus dang phyogs la sogs pa med par gyur pa rnams kyang yod
de gnas pa nyid du 'dod cing las len to/ /ltos pa med pa zhes bya
ba ni/ ma brtags ma dpyad par zhes bya ba'i don to/ /de yang de
rnams 'di skad ces

smras te/ chos ma yin pa'i rtog pa yis/ /dpyad pa dag ni mi bya
ste/ /long ba lkugs pa ltar gyur na/ /gang zhig bshad pa de dpyad
kyis/ /yang na rtog pa ngan pa'i bstan bcos la mchog tu gzhol ba
de ni rtog ge ba ste/ de yang phyin ci log gi ming dang/ du ma'i
mtha' can gyi

rgyu dang ldan pa'i gzhung khas blangs nas/ med pa'i dngos po
rnams kyang dngos po ltar sgrub par byed do/ /de yang 'di ltar 'o
ma'i rgyu ni lci ba yin te/ de'i rgyu las byung ba'i phyir 'o ma
dang 'dra'o/ /de yang gang ba lang gi rgyu las byung ba ni 'o
ma'i rgyu yin te/ 'di ltar 'o ma dang ba'i lci ba ni

de'i rgyu las byung ba yin la/ de bas na ba lang gi lci ba yang
'o ma'i rgyu yin no/ /gang du 'o ma'i rgyur ma gyur pa de ni de'i
rgyu las 'byung ba ma yin te/ dper na rdo ba la sogs pa bzhin no/
/'dir mi shes pa dag ni 'o ma'i rgyur ba lang gi lci ba nyid yin
pa mi srid du zin kyang/ de lta de ltar

@18b khas len pa la dga' bar 'gyur la/ gang shes rab dang ldan pa
de ni bags pa dang/ spu dang/ gcin la sogs pa du ma'i mtha' can
nyid du shes par 'gyur ro/ /yang bdag ni yod par 'dod de/ de'i
bya ba nye bar dmigs pas me dang 'dra'o/ /de yang gang dang gang
gi bya ba nye bar

dmigs su yod pa de dang de ni yod pa yin te/ dper na me ni de'i
smin pa la sogs pa'i bya ba nye bar dmigs su yod pa yin la/ gang
du me med par der ni bya ba dmigs su yod pa ma yin te/ dper na ri
bong gi rwa dang 'dra'o/ /bdag gi bya ba yang byed pa po dang/
spyod pa po dang/

'gro ba po nyid dang/ ston pa po nyid la sogs pa'o zhes zer la/
shes rab dang ldan pa dag ni rten du 'gyur ba'i lus ma grub pas
de'i rgyu med pa nyid du 'dod de/ 'di la ni nyes pa mang po yod
do zhes sbyar bar bya'o/ /tshig dbang zhes bya ba la sogs pa la/
tshig dbang khyod ces

bya ba ni bong pa ste/ tshig la dbang ba ni gsung gi dbang phyug
ces bya ba'i don to/ /cung zad kyang mi ltos med ces legs par
gsungs zhes bya ba ni gang ma brtags shing rnam par ma dpyad par
gsungs pa rigs pa dang mi ldan pa'i legs par gsungs pa ni 'ga'
yang med do zhes bya ba'i

don to/ /de yang bcom ldan 'das kyis/ skye ba'i sdug bsngal dang/
rga ba'i sdug bsngal dang zhes bya ba nas/ mdor na nye bar len
pa'i phung po lnga ni sdug bsngal ba'i zhes bya ba gsungs pa
thams cad kyang de lta bu nyid yin no/ /gzhan yang/ tshul khrims
blangs pa bde ba yin/ /

byin na dga' bar 'gyur ba dang/ /byams pa'i gnyen po zhe sdang
yin/ /zhes bya ba la sogs pa de thams cad phyin ci ma log pa
dang/ gcig tu bden pa nyid yin no zhes rgya cher sbyar bar bya'o/
/ne tsos zhes bya ba la sogs pa la/ ne tso ni rgyas pa'i bu'o/
/lam gang nas she na/ nyi ma

brtol nas zhes bya ba smos te/ nyi ma'i dkyil 'khor brtol zhing
phug pa'o/ /de yang thar pa ni nyi ma'i dkyil 'khor gyi dbus nas
'gro zhes 'jig rten pa rnams smra'o/ /thar pa zhes bya ba la thar
pa ni sangs rgyas pa dag phung po med pa yin par 'dod de/ phung
po ni sdug bsngal yin la/ de med pa ni

@19a @#/ /thar pa yin te/ de yang 'di ltar phung po lnga po thams
cad sdug bsngal gsum po nyid dang ldan pas mi 'dod bzhin du sdug
bsngal bar gnas te/ 'di dag la ni sdug pa'am 'dod par bya ba ci
yang med de/ dper na mi gtsang ba'i phung po ni/ gang gi phyir mi
gtsang ba'i phung po

chen po yang mi gtsang ba yin zhing/ mi rnams kyis mi mthun par
gyur pa yin la/ de bzhin du dbus sam cung zad dam/ phra rab tsam
gyi bar du yang mi mthun pa nyid yin te/ lha dang mi rnams
kyis de thams cad kyi thams cad du mi 'dod par bya ba nyid yin no
zhes bshad de/ gtsang ba dang ni

lha rnams dang/ /mi rnams bsngags pa byed pa yin/ /zhes gsungs
pa'i phyir ro/ /de ltar na gang srid pa'i rtse mo'i phung po de
yang skad cig ma re re zhing 'du byed dang ldan pa'i phyir/ mi
'dod pa byas pa yin zhing/ 'phags pa rnams kyis sdug bsngal ba
nyid yin par bzhed na/ dmyal

ba'i bar lta smos kyang ci dgos/ des na sdug bsngal bar gyur pa'i
phung po 'di med pa gang yin pa de ni bde ba'i mchog yin la/ /de
ni char pa yin no zhes bshad do/ /phyi rol pa dag las/ la la dag
gis bshad pa ni ye shes kyi dbang gis las dang nyon mongs pa zad
pa las/ skyes bu'i

lus dang dbang po la sogs pas sdug bsngal bar mi 'gyur ba dang/
bar chad lhag ma rnams dang bral ba ni thar pa yin no zhes zer
ro/ /yang la las ni 'dod pa'i bde ba'i longs spyod kyi bde ba
thams cad phun sum tshogs shing/ rtag tu shes pa'i khyad par la
goms pas bsgrubs

pa'i gnas kyi khyad par ni thar pa yin no zhes bshad do/ /des na
'dir thar pa gang yin par 'dod ce na/ sngar rtogs par gyur pa med
pa 'dir rtogs pa'i sgra nye bar smos pas phyi nas gang nges par
shes pa'i thar pa der song bar gyur pa'o/ /de ni ne tsos nyi ma
brtol te thob po zhes sbyar ro/ /de

yang 'di ltar thos te/ ji ltar drang srong rgyas pa'i bu ne tso
zhes bya bas phongs pa brgyas sdug bsngal bar gyur pa'i 'gro ba
la bltas nas skyo ba chen po skyes nas/ shin tu 'jigs pa med pa'i
mya ngan las 'das pa'i grong khyer du 'gro bar 'dod pa dang/
rgyal po skyed pa po'i man ngag gis rdzu

@19b 'phrul thob nas nam mkhar 'phags te/ nyi ma'i dkyil 'khor
gyi dbus rdzu 'phrul gyi stobs kyis brtol nas thar pa'i grong
khyer du zhugs so zhes zer ro/ /yang khyed ni mya ngan las 'das
pa ste/ thar pa yang dag par brnyes su zin kyang/ gang du yang ni
gshegs ma mchis/ /zhes bya

ba yin te/ bcom ldan 'das ni gang du yang gshegs par mi mdzad
pa'o/ /de yang/ de ni mar me shi ba ltar/ /de yi sems ni rnam par
grol/ /zhes gsungs pas/ gang du de rnal 'byor byed pa de nyid
de'i phung po lnga mya ngan las 'das par 'gyur gyi/ slar 'byung
bar mi 'gyur ro/ /

de yang slob dpon rta skad kyis/ dper na mar me shi bar gyur pa
na/ /'og tu mi 'gro steng du mi 'gro zhing/ /phyogs dang phyogs
mtshams gar yang mi 'gro bar/ /snum zad pa yis shi ba kho nar zad/
/de bzhin thub pa nye bar mya ngan 'das/ /sa ru mi 'gro bar snang
mi 'gro zhing/ /

phyogs su ma yin phyogs mtshams 'gar yang min/ /nyon mongs zad pas
zhi ba kho nar zad/ /ces bshad pa yin no/ /thar pa gzhan 'gyur
skyed pa dang/ /zhes bya ba la sogs pa la/ rgyal po skyed pa
po zhes bya ba de dka' thub chen po la gnas nas/ rnal 'byor gyi
lam la slob

dpon nyid thob nas dus la bab cing lus dang bral nas mya ngan las
'das par song la/ yang de'i slob ma ne tso ni rang gi lus nyid
kyis nyi ma'i dkyil 'khor gyi dbus brtol te/ thar par lam gzhan
gyis song bar gyur to zhes grag go/ /khyod nyid lam gang nas zhes
bya ba la sogs

pa la/ sangs rgyas bcom ldan 'das khyed thar pa'i lam gang nas
gshegs pa slob ma shA ri'i bu la sogs pa lam de nyid nas song
zhes thar pa thob pa yin no zhes bya ba'i don to/ /khyab 'jug gis
ni bud med dag /ces bya ba la sogs pa la/ khyab 'jug ni na ra
ya'o/ /bud med

stong phrag drug cu ni bud med grangs de snyed pa'o/ /yongs bzung
zhes bya ba ni bsnyen bkur ba dang/ mngag gzhug mar byas pa'o/
/gyur pa ni byung ba'o/ /'dir gtam ni/ rgan pos khyab 'jug mda'
yis bsnun/ /zhes bya ba'i skabs su smras pa yin no/ /ston pa zhes
bya ba ni ston

@20a @#/ /cing 'chos pa ste/ yang dag par ston par mdzad pa zhes
bya ba'i don to/ /'jig rten 'das zhes bya ba'i don ni 'jig rten
rnams kyi dam par gyur pas na 'jig rten 'das pa ste/ 'jig rten
gyi gtso bor gyur pa'o/ /de yang bcom ldan 'das kyis sems can
gang rkang

med dam/ rkang mngas sam/ gzugs can nam/ gzugs med pa'i sems can
de rnams kyi nang na de bzhin gshegs pa mchog yin no zhes ji skad
gsungs pa lta bu'o/ /bdag gi med cing zhes bya ba'i rnam pa med
par gyur pa de ni bdag gi med pa'o/ /'dis ni 'jig tshogs

la lta ba spangs pa'i sgo nas nyon mongs pa dang bral ba nyid du
ston to/ /yongs 'dzin med ces bya ba ni btsun mo la sogs pa dang
'brel pa'am/ /longs spyod dang 'brel pa'i yongs su bzung ba mi
mnga' ba gang yin pa de ni yongs su 'dzin pa med ces bya ste/
'dis ni nyon mongs pa'i

dngos po spang ba nyid du ston to/ /de yang nyon mongs pa'i dngos
po la yongs su 'dzin pa med pas na de skad ces bya'o/ /ka shi
mdzes dga' mo la ni/ /zhes bya ba la sogs pa la/ 'di ltar rjes su
thos te/ b+ha ra ta'i 'thab mo 'das nas yun ring po ma lon pa na/
rgyas pa nye du'i phongs pa dang

sdug bsngal gyis sems kyi rgyud zhum pa dang/ yongs su 'khyams
shing pA rA Na sI ra song ba dang/ srang bar na ka shi mdzes
dga' mo zhes bya ba'i smad 'tshong ma'i gtso mo zhig sgo dang nye
ba na skye bo'i tshogs chen pos bskor ba mthong ba dang/ de
ltad mo la zhen pa'i yid kyis de'i thad du song

ste dris pa/ 'di su zhig gi khyim yin zhes dris nas/ de'i gzugs
la sogs pa'i yon tan thos pas sems phrogs pa dang 'dug go/ /de
nas mngag gzhug pa'i skye bo zhig gis ka shi mdzes dga' mo la
smras pa/ drang srong 'ga' zhig sgo nas sdod cing 'dug go/ /de
yang dmod pas

'jigs skrag nas/ mchod yon dang/ rkang khrus la sogs pa bsnyen
bkur sngon du 'gro bas bdag nyid kyis mdun bsu ste nang du bcug
nas/ dben par stan la 'dug tu bcug ste/ rang nyid kyis rkang pa
bkrus so/ /rgyas pas bgad pa dang/ des de mtshan mar bzung nas
glags

@20b thod par shes te/ rab tu dga' bas khyed rgyu med par 'dzum
mam zhes smras pa dang/ des smras pa/ khyed ni sgyu rtsal thams
cad la mkhas par thos na lag pa dang rkang pa mnye ba mi shes so/
/des smras pa/ gal te khyed 'di la mkhas par gyur na/ lag pa
rkyong shig dang bstan par

bya'o; /des kyang de la lag pa byin no/ /de nas des ji ltar na
'dod pa'i skye bo khyad par can du ma dang/ reg par gyur kyang de
lta bu'i reg pa sngon chad nyams su myong bar ma gyur pa de ltar
tshor bar byas so/ /de yang de dang lhan cig dus shin tu yun ring
mor mngon par dga' bar bya'o

zhes yongs su chags shing 'dod pa'i 'dod chags skyes par gyur to/
/gang la chags she na/ ka shi mdzes dga' mo la ste smad 'tshong
ma'i gtso mo la'o/ /rnam par bsgyur zhes bya ba ni dus shin tu
yun ring mor yang 'dod pa rjes su myong bas rnam par 'gyur ba
nyid du gyur ba'o/ /

khyod khab bzhugs na'ang zhes bya ba ni rab tu ma byung ba na
yang ngo/ /phung khrol ba'i zhes bya ba ni 'phags pa ma yin zhing
smad par gyur pa'o/ /don gyi dbang po zhes bya ba ni mig la sogs
pa'i yul lnga po ste 'dod pa'i yon tan lngas zhes bya ba'i don
to/ /rmongs ma gyur zhes bya ba ni

rnam par 'gyur bar ma gyur ba'o/ /rgyas pa 'dod gdungs g.yen spyo
ba/ /zhes bya ba la sogs pa la/ 'dod pas gdungs shing gzir ba yin
pas na 'dod gdungs te/ 'dod pa'i 'dod chags kyis gtses zhes bya
ba'i don to/ /g.yen spyo pa zhes bya ba ni brtan pa dang bral

zhing sems g.yo ba nyid kyis ngo tsha med par gyur pa'o/ /bud med
kyi ni rdog pas bsnun/ /zhes bya ba ni/ bud med kyi rdog pa dag
ste/ de'i rkang pa gnyis kyis bsnun zhing brdegs pa zhes bya ba'i
don to/ /de su zhig yin zhe na rgyas pa'o/ /de yang 'di ltar
drang srong rgyas pa ka shi

mdzes dga' mo dang lhan cig bag phebs par 'dod pa'i bde ba rjes
su myong zhing 'dug pa na/ dus 'ga' zhig gi tshe grong khyer bA
rA Na sIr rgyal po tshangs pas byin la phas kyi rgol ba'i 'jigs
pa nye bar gyur nas/ gang gi phyir gzhen nu rnams kyang nyin gcig
la 'obs khru bcu bcu

@21a @#/ /rkor bcug pa'i lung bsgo na gzhan dag lta smos kyang ci
dgos/ de nas ka shi mdzes dga' mo la'ang lung bsgo ba dang/ des
gla rngan chen pos gla mi'i skyes bu btsal kyang ma rnyed nas
sems pa la zhugs par gyur to/ /rgyas pas smras pa/ ci'i phyir
khyod mi dga' bar

byed; tog tse dang skon ba byin cig /ngas 'obs brko bar bya'o
zhes smras nas/ ji tsam na sor ste brkos pa dang/ 'obs ma rdzogs
par nyi ma nub pa la mngon du phyogs par gyur to/ /de nas rgyas
pas dgongs ka'i dus la bab po snyam nas ma log par de nyid du
gnas par gyur to/ /chu

tshod la sogs pa'i mtshan mas nyin mo rdzogs par gyur cing/ mtshan
mo'i dus la bab par shes nas rgyal po dang blon po'i grong khyer
ba dang bcas pa sems rnam par g.yengs pa dang/ rnam pa de 'gro ba
la brtson par gyur pa na/ ji tsam na bram ze gzhan zhig gis 'obs
brko ba la g.yengs

pa'i sems kyis rgyas pa mthong ba dang/ yun ring mo zhig na ngo
shes par gyur to/ /de nas de las thos pa dang/ rgyal po dang/
blon po grong khyer gyi skye bo dang bcas pa de'i thad du song
ste/ rkang pa gnyis la gtugs nas bzod par gsol ba dang/ de gdong
gzhan du blta zhing rko ba nyid kyis gnas

so; /de yang dmod pas 'jigs skrag pa dang/ 'di ni ka shi mdzes
dga' mo'i skal ba rko bar shes nas de la phrin du bskur ba/ thub
pa khyad par can 'di khyed kyi skal ba'i 'obs rkor bcug pa las
slong shig ces byas pa dang/ des bu mo mngag gzhug ma zhig lan
gsum gyi bar du btang

yang de langs su ma 'dod do/ /de nas de rang nyid bzhon pa la
zhon te 'ongs nas de las babs te/ rkang gdub dang bcas pa'i rkang
pas mgo bor bsnun te/ gang gi phyir nga ni skyo bar gyur pas ngas
lan gsum gyi bar du phrin bskur na ci'i phyir ldang bar mi byed/
rgyas pa yid dga' bar gyur pa dang/

smras pa/ gang gi phyir 'di ltar rab tu brtse bas na shin tu rjes
su gzung ba yin no zhes smras nas langs par gyur to/ /yang khyed
ni khyim par bzhugs pa na'ang zhes bya ba ni btsun mo'i 'khor
stong phrag drug cus yongs su bskor du zin na yang phyir zhing
'khrugs par gyur pa med ces bya ba ste/

@21b 'di ltar btsun mo la yid rnam par bskyod pa'ang med na/ 'di
lta bu'i gnas skabs su 'gyur pa lta smos kyang ci dgos zhes mi
srid pa nyid du ston pa yin no/ /rna can 'thab dka' la sogs la/
/zhes bya ba la sogs pa la/ 'di ltar thos te/ kun ti bo dza zhes
bya ba'i rgyal po zhig yod

pa de la kun di zhes bya ba'i bu mo gzugs dang lang tsho la sogs
pa phun sum tshogs pa zhig yod pa dang/ ji tsam na drang srong
gnas ngan zhes bya ba de'i khyim du zhugs nas 'o thug bslangs pa
dang/ myur bar bsgrubs te 'o thug gis bkang ba'i snod lag par
blangs nas/ lag pa'i sdug

bsngal chen po nyams su myong yang bzhin dang mdog rnam par 'gyur
ba med par gus pa dang bcas par zas la spyod du bcug nas/ zas kyi
mthar yang lag pa'i pad+ma gnyis po de ma tshig par mthong nas
yongs su mgu bas smras pa/ nga las mchog long shig gal te mnyes
par gyur

na bdag skyes bu gang dang gang 'dod pa de dang de bdag nyid kyi
dbang du 'gyur ba de lta bu'i mchog stsol cig /des de la rig
sngags byin nas rig sngags 'di khyed kyis bzlas na lan lnga'i bar
du khyed mngon par 'dod pa'i dngos grub byed par 'gyur ro zhes
smras nas song ngo/ /de yang

gnas kyi sa gzhir 'dug ste/ ci rig pa 'di'i don bden pa yin nam/
'on te ma yin zhes rtog pa skye zhing de nyams sad pa'i phyir de
bzlas nas nyi ma dang phrad par gsol ba btab pa dang/ skad cig ma
de nyid la nyi ma shing rta dang bcas shing go cha dang bcas par
drung na 'dug pa dang/ de

mthong nas kun dis nga'i gan du ma 'ongs shig ces bzlog pa dang/
nyi mas smras pa/ nga la gsol ba btab nas bya ba ma byas par nga
mi ldog go/ /yang na khyed kyi rigs ma lus pa rnam par brlag pa'i
dmod pa gdab par bya'o/ /des smras pa/ ji ltar na rang gi rigs
sun par byed

ces smras pa dang/ slar yang gzhon nu nyid du gyur pa'i mchog
byin nas de dang lhan cig 'dod pa'i bde ba spyad nas nyi ma song
ngo/ /de'i rjes thogs nyid la rna can go cha bgos pa dang bcas
pa/ rna ba gnyis rna chas brgyan pa skyes par gyur to/ /ji tsam
na grogs mo zhig gis sbrang

@22a @#/ /rtsi dang mar gyis kha bkang ste/ shin tu 'jam pa'i gos
kyis lus dkris nas sgrom gyi nang du bcug ste/ de blangs nas
gang+gA'i ngogs su mtshan mo song ste/ nyi ma'i bu ni mdzes pa
'di/ /sgrom ni rgya mtshos bsrung bar gyis/ /lha yi tshogs ni 'dus
pa dang/ /tshangs

pas kyang ni rtag tu srungs/ ces smras nas gang+gAr por ro/
/gang+gA dang thag mi ring ba na yul 'khor srung gi rta'i spyan
lhag pa'i shing rta zhes bya ba rta 'tsho zhing 'dug pas
gang+gA'i chu bos sgrom khyer zhing 'gro ba mthong ba dang/ de
blang ba'i phyir 'khor rnams la bsgo nas khyer te 'ongs pa

mthong ba dang/ 'di nga'i bur bya'o snyam nas sos par gyur to/
/yang de'i tshe ri dbang chen na dga' byed dgra sta can zhes bya
ba mtshon cha'i sbyor ba la mkhas pa zhig dka' thub spyod pa dang/
des 'di ltar dam bcas te bram ze ma yin pa rnams langs mtshon
cha'i sbyor ba 'di bslab par mi

bya'o zhes dam bcas so/ /rna can des kyang bram ze'i cha lugs su
byas te/ de'i gan du song nas bram ze'i mtshon cha'i sbyor ba
bslabs so/ /des kyang de la thams cad bslabs so/ /des mtshon cha'i
sbyor ba legs par bslabs nas 'thab dka'i thad du song ste/ de la
bdag nyid rten

ma'i phyir blta bas la/ des kyang ang ga'i yul byin te ang ga'i
rgyal por gyur to/ /de bzhin du rgya cher sbyar te/ ji tsam na
brgya byin gyis bsams pa/ da ni 'thab pa'i dus dang nye bar gyur
gyis/ rna can 'di dang sred sgrub rtsod pa byed par 'gyur ro
snyam nas brgya byin bram ze'i cha lugs su byas

te rna can gyi gan du song ngo/ /des kyang ci'i don du 'ongs zhes
lan gsum gyi bar du dris shing mgron du bos kyang gsal bar smrar
ma 'dod do/ /ji tsam na lan bdun gyi bar du ci zhig 'dod ces dris
pa dang/ khyod kyi go cha 'dod do zhe'o/ /des smras pa/ ci'i
phyir sngar khyed mi smra/ the tshom med

par khyod la sbyin par bya'o zhes smras nas/ de'i 'og tu rdo
rje'i spu gri blangs nas des lus las go cha bshus te de la byin
pa dang/ brgya byin yongs su mgu nas smras pa/ gang gis slong ba
mgu bya'i phyir/ /rang gi srog la'ang mi dpyod par/ /rna can lta
bu'i sbyin byed med/ /nga dang 'dra ba'i

@22b brtse bral med/ /ces smras so/ /'di dag gi gtam ni shin tu
mang mod kyi/ 'dir rgyas par ma smras so/ /'thab dka' byung ba'i
gtam ni 'di skad thos te/ yan lag bkra sbyin dang/ sna tshogs
brtson 'grus dang/ 'jigs byed dang/ rgyas pa ste bzhi ni gang+gA
las skyes pas spun

yin no; /yan lag bkra sbyin ni dri za'i rgyal po yan lag bkra
sbyin zhes bya bas ming gi 'khon gyis g.yul ngor bsad do/ /sna
tshogs brtson 'grus ni gcong chen pos btab nas shi'o/ /'jigs byed
ni tshangs par spyod pa la zhugs par gyur pa dang/ bde ldan mas
'jigs byed

la smras pa/ yu bu cag gi rabs chad par 'ong bas bu skyed pa'i
rtsol ba gyis shing/ /des smras pa/ nged gnyis spun yin mod kyi/
nga ni gzhon nu nyid nas tshangs par spyod pas 'dod pa'i bde ba
nyams su myong bar mi byed do zhes bzlog pa dang/ de'i rigs rgyud
thams cad 'dus te/

rgyas pa la gsol ba btab nas/ aM bi ka dang/ aM pa li ka dang/
rtog ldan ma de gsum dang/ rgyas pa 'dus pa las rim pa bzhin du/
yul 'khor srung dang/ skya bseng dang/ blo ldan zhes bya ba gsum
skyes pa las/ yul 'khor srung dmus long du gyur pa dang/ skya
bseng

gis sa chen po kun du rgyal bar byas te/ yul 'khor srung la byin
no/ /yul 'khor srung la rgyas pas mchog byin pa/ khyed kyi chung
ma'i dam pa dri za mo las bu brgya skye bar gyur cig /de las phu
po 'thab dka' zhes bya ba 'byung bar 'gyur ro/ /ji tsam na dri za
mo mngal dang ldan par

gyur nas lo gsum nas sha'i gong bu lcags kyi tho ba 'dra ba skyes
pa dang/ rgyas pas smras pa/ 'di sha'i dum bu brgyar gyis la so
sor bzhag ste/ chu bsil mos yang dang yang du gtor cing/ de nas
ji tsam na de las bu brgya dbang po yongs su rdzogs pa byung ba
dang/ blo ldan gyis yul

'khor srung la smras pa/ 'thab dka' 'di ni sdig pa'i mtshan nyid
dang ldan pas gang gis na 'di la brten nas sgra ngan gyi rigs
thams cad 'jig par 'gyur bar shes kyis/ 'di rnam pa thams cad du
gsad par bya ste/ bu gcig bsad nas srog chags mang po'i srog byin
pa la

@23a @#/ /ni nyes pa 'ga' yang yod par ma mthong ste/ chos kyi
bstan bcos dag las/ gang gis 'bras bu chung 'gyur ba/ /sdig pa
chen po de mi bya/ /sdig pa chung la don che ba/ /blo dang ldan
pas rtag tu bya/ /zhes 'byung ngo zhes smras pa dang/ de bul
brtse bas gsod

par ma nus so/ /skya bseng ni nags su dka' thub la song ngo/ /blo
ldan ni chos kyi tshig can yin la/ yul 'khor srung ni nus pa med
par gyur pa dang/ 'thab dkas rgyal po byas so/ /de nas rna can
dang/ 'thab dka' g.yul 'gyed pa'i bar du rgya cher sbyar te/ de'i
tshe srid

sgrub kyis gsol ba btab pas khyab 'jug ni shing rta'i kha lo par
gyur nas g.yul ngor de drangs par gyur to/ /der gnas pa na/ srid
sgrub kyis dpung gi tshogs thams cad la bltas nas/ 'di ltar/ kun
di'i bus ni de bltas na/ /thams cad gnyen du rnam par gnas/
/mchog

tu brtse bas non pa yis/ /zhum pa yis ni 'di skad smras/ /khyab
'jug gnyen rnams mthong bas na/ /'thab par 'dod de gnas pa la/
/bdag gi lus ni zhum gyur cing/ /kha yang yongs su skams par
byed/ /nga yi lus ni 'dar gyur cing/ /spu yang rnam par ldang bar
'gyur/ /

gzhu ni lag nas lhung gyur zhing/ /pags pa'ang yongs su tshig par
gyur/ /nga yi yid ni rnam 'khor bas/ /gnas par bya bar nus ma
gyur/ /gang gi don du rgyal srid dang/ /longs spyod bde ba 'dod
gyur pa/ /de nyid srog dang nor rnams ni/ /spangs nas nga dang
'thab par gnas/ /zhes

bya ba la sogs pa smra zhing 'thab par mi byed do/ /ji tsam na
khyab 'jug gis de spro ba dang bral bar mthong ba dang/ sgra ngan
rnams gsad par bya ba'i phyir spro ba bskyed pa smras pa/ bum
skyes 'jigs byed rgyal ba'i shing rta rna can dang/ /de bzhin
'jig rten dpa' bo gzhan dag nga yis

bsad; /khyed ni sems la mi dgar ma byed gsod par gyis/ /g.yul du
dgra las nges par rgyal ba nyid du 'gyur/ /gzhan yang gang gis
'di kun rgyal 'gyur ba/ /de ni mi 'jig shes par gyis/ /mi 'jig pa
dang mi zad pa/ /de ni sus kyang bsad mi nus/ /lus 'di mtha'

@23b dang ldan 'gyur gyi/ /lus can dag ni rtag par bshad/ /'jig
cing tshad med gyur pas na/ /'thab par gyis shig b+ha ra ta/ /dper
na gos rnying dag ni bor nas su/ /sar pa gzhan dag mi ni len par
byed/ /de bzhin lus ni rnying pa spangs nas su/ /lus gzhan sar pa
dag ni len par

byed/ /ces bya ba la sogs pa smras nas/ de'i tshig gi rjes su
'brangs te/ srid sgrub kyis g.yul bkye ba nas srog chags brgya
stong dpag tu med pa bsad par gyur to/ /sems can rnams la zhes
bya ba la sogs pa la/ /sems can zhes bya ba ni srog chags zhes
bya ba'i don to/ /de

la phan par bzhed pa ni phan pa nyid mdzad par bzhed pa'o/ /bzhed
nas ci zhig mdzad ce na/ /khyod kyis srog kyang btang bar mdzad/
/ces bya ba yin te/ 'dir pad+ma can la sogs pa'i skyes pa'i rabs
dper sbyar bar bya'o// //khyab 'jug gis ni sgyu byas nas/ /zhes
bya ba la sogs

pa la/ sgyu ni g.yo'i rnam pa'o/ /des sgyu byas nas ci zhig byas
shes na/ gom gsum zhes bya ba la sogs pa smos pa yin no/ /'di
skad ston par 'gyur te/ sa'i dkyil 'khor gang yin pa de mi'u
thung gi gzugs su bsgyur nas gom pa gsum gyis stobs ldan las
phrogs pa yin la/

sa de ni khyed kyi sa rtswa dang 'dra bar lan mang du btang zhing
bor bar gyur to/ /ji lta bu khyed kyis she na/ thar bzhed pa zhes
bya ba smos te/ nges par thar pa nyid thob par bzhed pa gang yin
pa de ni thar pa bzhed pa'o/ /'dir mthong dga' chen po la sogs
pa'i mdo dper sbyar bar bya'o/ /khyab

'jug gis sgyu byas pa'i gtam gang yin pa de ni sngar/ khyab 'jug
mi'u thung gzugs bsgyur nas/ /zhes bya ba'i skabs su smras zin
to/ /dga' byed srog gcod byed pa'i mdas/ /zhes bya ba la sogs
pa la/ 'di ltar rjes su thos te/ drang srong dza mA dag ni zhes
bya ba de'i chung ma brtul

zhugs can ma zhes bya la/ de'i bu ni dga' byed ces bya ba shin tu
dpa' ba zhig yod la/ yang de'i tshe srid sgrub pa brtson zhes bya
ba'i rgyal po zhig byung ste/ de ba lang gi tshogs kyi gnas su
song ba dang/ drang srong mis byin zhes bya ba 'thab mo la mngon
par dga' ba zhig yod pa de'i thad du song

@24a @#/ /ste/ ser ba'i sgras dza mA dag ni 'dod bzhos kyi
ba zhig yod pa skrag pa dang/ rgyal po srid sgrub kyis dris pa
na/ mis byin gyis smras pa/ dza mA na'i bu 'phong slob pa'i gzhu
rgyud brdabs pas ba 'di skrag pa yin no zhes byas pa dang/ ngan
spong gi rigs las byung

ba'i dga' byed kyi pha rol gnon pa dang/ yon tan gyi bsngags pa
smras pa dang/ de khros nas ci nas kyang/ dga' byed dang lhan cig
'thab par bya ba'i nga rgyal skyes nas bsti gnas su song ste be'u
phrogs pa dang/ dga' byed bsam gtan la gnas pa'i lus kyi steng du
sprul shi ba bsgyur

ro; /rdul can ma ni ngang tshul bzad po can yin pas/ de me tog
thur song ba na shing rnams rang nyid 'dud par byed do/ /des
rgyal po mthong nas yid chags par gyur pa dang/ de nas brtsams te
shing rnams 'dud par mi byed do/ /de dza mA na dag ni bsam gtan
gyi stobs kyis shes

pa dang/ chung ma la khros pas dga' byed la/ ma'i mgo bo chod cig
ces smras pa dang/ des kyang pas tshig tu bsgo ma thag mgo bcad
par gyur to/ /de nas pha mgu ste/ bu mchog slongs shig ces byas
pa dang/ nges kyang bdag gi ma slar 'tsho bar mdzod cig pa'i mchog
bslangs

nas de 'tsho bar gyur to/ /de nas brtsams te rgyu des khros pas
dga' byed kyis bdag gis 'jig rten du rgyal rigs gcig kyang med
par bya'o zhes dam bcas so/ /de'i 'og tu dgra ste thogs te chas
nas rgyal po srid sgrub dang lhan cig g.yul sprad nas ji tsam na
de la lag pa

stong yod pa dgra stas thams cad bcad des la lhags par byas so/
/de nas mgo btsugs nas rgyal rigs rnams rtsad nas brlag pa'i
phyir zhugs shing/ 'jig rten du rgyal rigs rnams med par byas so/
/de ltar na 'jig rten du rgyal rigs rnams med pa nyid du byas pas

'jig rten rgyal rigs med byas nas/ /zhes bya'o/ /gang gis byas
she na/ srog gcod byed pa'i mdas zhes bya ba smos te/ srog chags
rnams zad cing med par byed pa ni srog gcod pa ste/ de byed pa'i
mda' yin pas na/ srog gcod byed pa'i mda' ste des so/ /grags pa
thob

@24b pa gang yin pa/ /zhes bya ba ni snyan pa thob cing rnyed
pa'o/ /dga' byed ces bya ba ni dga' byed dgra sta can no/ /de
zhes bya ba ni dga' byed kyi bya ba'o/ /khyod kyi bstan la zhes
bya ba ni sangs rgyas bcom ldan 'das kyi bstan pa la'o/ /grags pa
min zhes bya ba ni mi snyan par gyur pa'o/

de yang 'di ltar khyod kyi bstan pa la srog chags grog sbur tsam
bsad pa yang smad par bya ba'i gnas yin na/ rgyal rigs rnams bsad
pa lta smos kyang ci dgos/ sgra ngan dang ni skya bseng dang/
/ces bya ba la sogs pa la/ sgra ngan ni 'thab dka' la sogs pa'o/
/skya bseng ni g.yul ngor

brtan pa la sogs pa ste de dag go/ /gang gi phyir ni g.yul pa kye
ba/ /zhes bya ba ni rgyal srid kyi dpal gang gi don du g.yul
'gyed cing 'thab par byed pa'o/ /de yang rgyal srid kyi dpal nye
bar bsdu ba'i don du de rnams kyis g.yul sprad pas dpung gi sde
tshoms bco brgyad kyis grangs kyis

bsdus pa'i srog chags rnams 'chi ba'i dbang du gyur to/ /dpal de
zhes bya ba ni sa stengs kyi rgyal srid phun sum tshogs pa ste/ de
spangs shing yongs su dor ba'o/ /de ji lta bur spangs she na/
'khri shing gdug pa bzhin du ni/ /zhes bya ba smos te/ shing gang
la gdug pa'i sprul rnams

kyis dkris nas 'dug pa de la 'ga' zhig 'jigs pas spong bar byed
pa de bzhin du/ bcom ldan 'das nyes par spyod pa'i sprul gyi dug
gis rmas shing/ skad cig ma tsam du dga' ba yongs su gyur na sdug
bsngal pa'i rgyal srid kyi dpal yongs su spangs nas ltos pa med
par rab tu

gshegs pa yin no/ /khyod kyi bstan pa rnyed pa na/ /zhes bya ba
la sogs pa la/ khyod kyi bstan pa zhes bya ba ni mgon po khyod
kyi bstan pa chos 'dul ba'i gsung rab ces bya ba'i don to/ /de
rnyed pa ni brtags nas shes pa'o/ /thang shing nags na zhes bya
ba ni thang shing gi nags

tshal te/ de na lha chen po zhes bya ba bde byed do/ /rnal 'byor
ni bsam gtan gyi khyad par te/ de la dbang byed pas na rnal 'byor
dbang phyug ces bya ste/ bsam gtan sna tshogs pa thob pa'i drang
srong rnams zhes bya ba'i don to/ /rnal 'byor gyi dbang phyug gi
spyod pa ni yus kyi rnam par

@25a @#/ /'gyur ba'o/ /gang zhes bya ba ni bstan pa'o/ /de ni zhes
bya ba ni bshad pa'o/ /mi shes pa ni kun du rmongs pa ste/ /de'i
spyod pa ni rnam par 'gyur ba'i tshul yin pas na mi shes spyod pa
bas zhes bya'o/ /de yang 'di skad ston te/ thang shing gi nags na
gnas

pa'i rnal 'byor gyi dbang phyug gi drang srong rnams la lha chen
pos spyod pa gang zhig byas pa thos na/ de ni khyed kyi bstan
pa'i gsung rab la ltos na shin tu mi shes pas ldongs pa'i rnam
par 'khrul pa yin par shes so/ /'di'i gtam gang yin pa de ni lha
chen po 'dod pa can gyi mtshan zhes

bya ba'i skabs su bris pas yang ma bris so// //dbang po bshol med
byi bo zhes/ /zhes bya ba la sogs pa la/ dbang po zhes bya ba ni
brgya byin no/ bshol med ces bya ba ni drang srong gau ta ma'i
chung ma'o/ /bram ze da dung bar du sgrogs/ /zhes bya ba ni bram
ze rnams da

dung yang smod par byed pa'o/ /ci'i phyir zhe na/ byi bo zhes bya
ba ste mi rigs par spyod pa'o/ /de yang rig byed kyis brgya byin
'bod pa'i skabs nas/ bshol med byi bo zhes 'don pa'i phyir ro/
/khyod kyi zhes bya ba la sogs pa la/ yang khyod kyi yon tan gyi
grags pa ni brgya

byin nyid sgrogs shing gsal bar byed do/ /ci zhig sgrogs she na/
'bras bu mchog brnyes pa zhes bya ba yin te/ 'bras bu mchog gi
sgra ni 'dir rgyun du zhugs pa'i 'bras bu yin par 'dod de/ 'jig
rten pa'i 'bras bu thams cad la ltos nas de skad btags pa yin

pa'i phyir ro/ /de yang zag pa med pa'i lam gyis thob pa dang/ mi
'pho ba nyid yin no/ /de yang 'bras bu'am nges pa sngon 'gro las
zhes bya ba la sogs pa chos mngon pa las bshad pa dang 'dir brgya
byin gyis zhus pa'i mdo dper sbyar bar bya'o/ /khyab 'jug gis ni

nag bkra bos/ /zhes bya ba la sogs pa la/ 'jig rten 'dir lha ma
yin nag bkra bo zhes bya ba dang/ kun gtong zhes bya ba pha rol
gnon pa chen po dang ldan pa gnyis shig byung ba dang/ de dag
phan tshun dregs pa'i dbang gis mi mthun par gyur la/ des kyang
'jig rten

@25b gsum las rgyal ba'i phyir ro/ /brtson pa ni khyab 'jug gis
de'i brtson pa mi bzod pas gsod pa'i thabs la brtson par byed do/
/ji tsam du dus gzhan zhig gi tshe khyab 'jug 'khor lo thogs te/
nag bkra bo'i gan du song nas de dang lhan cig 'thab pa la zhugs
pa dang/ de nas

de'i dbyig pas bsnun te lus snad par gyur pas khyab 'jug 'dar
zhing zhum pa dang 'bros par rtsom pa dang/ gnas gzhan ma rnyed
pas kun gtong nyal ba'i khri'i 'og tu zhugs par gyur to/ /de yang
mgyogs par 'ongs nas gar song/ slar byung shig ces smras pa dang/
kun gtong

gnyid sad par gyur to/ /sad nas kyang de 'ongs pa mthong zhing
khri'i 'og nas skyobs shig ces nyam thag pa'i sgra thos te bsams
pa/ 'di ni nges par kho bo bsad pa'i phyir 'ongs la/ nga'i bsnyen
bkur ba ni skrag nas khri 'di'i 'og tu zhugs pa yin no snyam du
bsams nas/ gzhan gyi

brnyas pa chen po 'di lta bu su zhig gis bzod par nus zhes smra
zhing/ mtshon cha blangs te langs nas/ de dag phan tshun 'thab par
gyur pa dang/ gnyis ka shi bar gyur to/ /khyab 'jug ni sred med
kyi bu'o/ /nag bkra bo ni lha ma yin te/ des bred cing 'jigs pas
nag bkra bos

bred pa'o/ /des 'thoms par gyur pa ni sems 'khrugs par gyur pa'o/
/kun gtong gi khri'i 'og tu zhugs par gyur zhes bya ba ni lha ma
yin kun gtong gi khri'i 'og tu 'jigs pas zhugs par gyur pa'o/
/gtso khyod ces bya ba ni bod pa ste/ dbang phyug ces bya ba'i
don to/ /bsnyengs

mi mnga' zhes bya ba ni bsnyengs shing 'jigs pa mi mnga' ba gang
yin pa de ni bsnyengs pa mi mnga' ba'o/ /gang la mi bsnyengs she
na/ kun tu zhes smos pa yin te/ de bzhin gshegs pa ni 'jigs pa
thams cad las brgal ba'o zhes gsungs pa yin no/ /skye dgu'i bdag
po rang nyid

kyis/ /zhes bya ba la sogs pa la/ 'di ltar thos te bar gyi bskal
pa 'di la skye dgu'i bdag po myur ba zhes bya ba la/ ji tsam na
bu mo brtul zhugs bzang mo zhes bya ba gzugs la sogs pa'i yon tan
rnams kyis lha'i bu mo gzhan rnams zil gyis mnan nas gnas pa zhig
skyes te/

@26a @#/ /gang gis na skye dgu'i bdag po myur ba zhes bya ba 'jig
rten thams cad 'byin pa yang ngo mtshar gyi blo skyes te/ ngas ni
'di lta bu 'byin cing skyed par mi nus so snyam mo/ /de nas de
blangs te tshangs pa'i 'jig rten du song ba'i bar du sbyar ro/ /ji
tsam na tshangs pa dang/

dbang phyug chen po dang/ chos kyang lus dang ldan par gnas gcig
tu tshogs par gyur pa dang/ nga'i bu mo dpal mo yang zil gyis gnon
pa 'di la ltos shig ces smras nas de nyid du 'dug go/ /ji tsam na
tshangs pa 'dod chags skyes te rang gi yid 'dzin par ma nus nas de
dang lhan cig

log par zhugs so/ /de bzhin du dbang phyug chen po dang/ chos
dang/ skye dgu'i bdag po myur ba yang de la log par spyod par
zhugs so/ /de'i rjes thogs nyid la bu bzhi kha dog bcas zhes bya
ba dus gcig tu skyes so/ /de nas tshangs pas smras pa thams cad
nga'i bu yin no/ /dbang

phyug chen po la sogs pas kyang de skad smras pa dang/ rgyu de
las tshangs pa'i 'jig rten nas ca co'i sgra 'jig rten du byung bar
gyur to/ /gtam de thos nas brgya byin la sogs pa'i lha rnams
'ongs nas rtsod pa zhi bar bya ba'i phyir/ bu ni phal cher 'jig
rten na/ /pha dang 'dra bar

'gyur bas na/ /gzugs kyis gang zhig gang dang 'dra/ /de ni de yi
yin zhes bya/ /zhes smras so/ /de'i 'og tu gzugs dang mthun mthun
du rang rang gi bu yongs su blangs par gyur to/ /skye dgu'i bdag
po na myur ba zhes bya/ rang nyid kyis zhes bya ba ni bdag nyid
kyis so/ /bu mo

ni bdag nyid kyi'o/ /'khrig ces bya ba ni 'dod pa spyad pa ste/
de dang lhan cig 'dod pa'i bde ba nyams su myong ba'o/ /thos zhes
bya ba ni gtam de ltar thos pa'o/ /thub pa khyod ces bya ba ni
bod pa'o/ /slob ma'ang zhes bya ba ni nyan thos rnams la'ang zhes
bya ba'i don te/ /

sangs rgyas bcom ldan 'das la ni smos kyang ci dgos zhes pa'i
'ang gi sgra las shes par bya'o/ /tshangs par spyod pa skyon ma
mchis/ /zhes bya ba la/ tshangs par spyod pa ni dbang po sdom pa
dang/ tshul khrims kyi sdom pa zhes bya ba'i don to/ /skyon ma
mchis zhes bya ba ni

@26b tshangs par spyod pa gang la rnyog pa'i dri ma med pa de ni
skyon ma mchis pa'o/ /bram ze rnams ni zhes bya ba la sogs pa la/
sbyin pa dang len pa ni sbyin pa len pa ste/ de gnyis mnyam par
gnas pa'i phyir sbyin pa len bzhin zhes bya'o/ /ci zhig ce na
'pho bar smra zhes bya ba smos so/ /

ji ltar zhe na/ dge sdig dag ces bya ba smos te/ dge ba ni bsod
nams te lags par spyad pa'o/ /sdig pa ni bsod nams ma yin pa ste/
nyes par spyod pa'o/ /dge ba dang sdig pa de dag 'pho ba ni rnam
par 'pho ba'o/ /su zhig de ltar zer zhe na/ bram ze rnams ni zhes
bya ba

smos te/ drang srong rnams zhes bya ba'i don to/ /de yang 'di
ltar/ gser dang/ dbyig dang/ zas dang/ skom la sogs pa ni gzhan
dag la sbyin pa dang/ gzhan dag las len pa rigs pa de bzhin du/
bsod nams dang sdig pa yang de dang 'dra'o zhes bya ste/ de yang

bram ze rnams 'di skad ces/ bram ze gsod pa la sogs pa'i sdig pa
gzhan dag las rang dgas len pa ni 'pho bar 'gyur zhing/ bsod nams
kyang de dang 'dra'o zhes bya ba ni grub pa'i mtha' yin no/
/khyod kyis zhes bya ba la sogs pa la/ gal te de ltar yin na byas

pa chud za bar 'gyur te/ legs par spyod pa dang nyes par spyod pa
byas nas rnam par smin pa ma smin par chud za bar thal bar 'gyur
te/ gzhan dag la rnam par smin pa byin pa'i phyir ro/ /legs par
spyod pa dang/ nyes par spyod pa ma byas pa dang ni phrad par
thal

bar 'gyur te/ gzhan gyis byas pa'i sdug pa dang mi sdug pa'i
'bras bu 'di dag la spyod pa'i phyir ro/ /de bas na de dag ni
rigs pa ma yin te/ gang gi phyir gal te gzhan gyis byas pa gzhan
spyod par 'gyur na ni/ phas zan zos pa tsam gyis ci'i phyir bu
'grangs par mi

'gyur/ gal te rang gis rtogs pa gzhan la skye na ni bstan bcos
lan cig thos pas bstan bcos thams cad 'dzin cing shes par ji ltar
mi 'gyur/ gal te 'pho ba yod na ci'i phyir rtogs pa nyid las 'pho
bar 'gyur/ gzhan dag bstan la dge ba mi byed de/ /gzhan

@27a @#/ /gyis byas pa 'di yi rjes mi 'gro/ /rang gis thob pas
byas chud mi za zhing/ /ma byas pa yi 'bras bu grub yod min/ /ma
byas pa ni nam yang byas pa ma yin/ /ma byas pa las gzhan du bder
mi 'gyur/ /'byor ba der ni 'gro ba yod min te/ /de

bas dge las bya ba la 'bad gyis/ /zhes bshad pa yin no/ /ser
skyas bdag gi mtshan nyid ni/ /zhes bya ba la sogs pa la/ bdag gi
mtshan nyid ces bya ba ni skyes bu'i mtshan nyid do/ /shes dang
ldan zhes bya ba ni rtogs pa dang ldan pa ste/ shes pa'i ngo bo
nyid du yongs

su brtags pa ni shes pa dang ldan pa skyes bu'i rang gi ngo bor
rtogs pa'o/ /de yang bskal pa dang po'i tshe ser skya zhes bya
ba'i drang srong zhig byung ste/ de ni grangs can gyi bstan
bcos rtsom par byed pa yin la/ de'i slob ma yang ser skya pa zhes
bya ste/ ser skya'i bu yin pas na

ser skya pa zhes slob ma la yang bu zhes bya la/ ser skya pa des
yongs su brtags pa ni khas blangs pa ste/ 'di ni rigs pa med pas
yongs su brtags pa tsam kho na yin no zhes ston to/ /khyod kyis
zhes bya ba la sogs pa la/ de ltar khas blangs par gyur na bdag
de mi rtag

pa dang/ mi brtan pa dang/ skad cig mar 'jig pa nyid du thal bar
'gyur ro zhes mgon po khyod kyis bstan to/ /de yang de rnams kyis
skyes bu ni sems dang ldan pa dang/ rtag pa nyid yin par khas
'chi ba mi rigs so/ /de yang gang gi phyir dang por mig gi dbang
pos

gzugs shes par 'gyur la/ de'i tshe skyes bu sgra la sogs pa shes
par 'gyur ba na/ gal te shes pa'i gzugs can dang rtag pa yin na
de rtag tu yul gzugs shes pa nyid du 'gyur la/ de bas na sgra la
sogs pa la 'on pa dang lkugs pa dang 'dra bar 'gyur na/ 'jig

rten na 'di lta bu ni mi snang ngo/ /yang na dbang po gzhan dag
gis gzugs shes par 'gyur na/ yang lan 'ga' sgra la sogs pa gzhan
dag gis shes par 'gyur bas 'di ni gsal ba nyid du shes pa dang
ldan par 'gyur te/ rnam par 'gyur ba la sogs pa'i nyes pa yod

@27b par thal bar 'gyur ro/ /'dir smras pa/ rtag 'gyur yul rnams
kun ldan pa'i/ /skyes bu zhes ni ji ltar brjod/ /rgyu gzhan dag
la ltos bcas na/ /de lta na ni ji ltar rtag /gang yang cung zad
rtogs gyur pa/ /de kun brtan pa'i bdag can min/ /gal te bum ltar
bdag

mi rtag /de tshe ri bong rwa mtshungs 'gyur/ /don gyi bya ba nus pa
gang/ /don de dam pa'i don du yod/ /med cing skad cig par de
gyur/ /rim dang rim pa min par 'gal/ /zhes bya ba la sogs pa'i
rigs pa yin no/ /gzegs zan zhes bya ba ni drang srong chen po'o/
/shes

pa zhes bya ba ni rtogs pa'i bdag nyid can te/ gzhan gyi don gyi
rang gi yon tan no/ /de bas na bdag ni gzhan yin gyi/ ji ltar
grangs can gyis shes pa'i skyes bu'i rang gi gzugs su brtags pa
de ltar ni ma yin no/ /khyab pa zhes bya ba ni thams cad khyab
pa'o/ /yongs su brjod

par bya ba ni shes pa dag las bdag de gzhan pa dang khyab pa yin
par yongs su bshad do zhes bya ba'i don to/ /de yang 'di ltar
drang srong chen po gzegs zan zhes bya ba bye brag pa'i bstan
bcos rtsom pa po de 'di snyam du sems te/ gal te bdag rtogs pa'i
rang bzhin can yin na ni

mi rtag par thal bar 'gyur la/ bdag ni rtag pa nyid du khas
blangs dgos so/ /de bas na bdag ni shes pa'i gzugs can ma yin
gyi/ shes pa ni rtogs pa'i bdag nyid can yin te/ des kyang yul la
nye bar spyad nas yul gyi gzugs brnyan gyis skyes bur nye bar
gnas la/

de yang khyab pa dang rtag pa yin pas 'dir nyes pa 'ga' yang med
do zhes zer ro/ /khyod kyi zhes bya ba la sogs pa la/ gal te de
ltar yin na de shes pa med pas shing dang 'dra bar thal bar 'gyur
ro zhes gsung ngo zhes pa'i don te/ gang gi phyir gal te bdag gis
cung zad kyang

mi shes na/ rtswa dang shing la sogs pas kyang cung zad kyang mi
shes la/ de ltar yin na ni rtswa dang shing la sogs pa dang/ bdag
'di yin no zhes phan tshun gcig gi khyad par 'ga' yang yod par mi
'gyur ro/ /'dir smras pa/ gal te mi shes bdag yin na/ /shing dang
rtswa sogs

@28a @#/ /ces mi 'dod/ /mi shes par ni mtshungs pa las/ /ji ltar
cig shos sems med yin/ /bdag gi de nyid rtag yin na/ /de yi rtag
pa ji lta bu/ /byed pa dang ni spyod pa dag /rtag par 'gyur ba ji
ltar rigs/ /de la sogs pa'i nyes pa ni/ /gzhung 'dir yod

par thal 'gyur bas/ /de phyir phyogs 'di'ang rigs pa ni/ /mkhas
pa rnams ni khas mi len/ /zhes bya ba'o/ /gcer bu lus kyi tshad
bzhin du/ /zhes bya ba la sogs pa la/ gcer bu zhes bya ba ni
phyogs kyi gos can no/ /lus kyi tshad bzhin du zhes bya ba ni lus
te gzugs kyi

tshad yin pas na/ lus kyi tshad bzhin du ste/ de dang ldan pa'o/
/de yang phra rab la ni shin tu phra rab yin la/ chen po la ni
chen po yin no/ /srog ces bya ba ste lus thams cad khyab pa yin
la/ lus de ni de'i za ma tog bzhin du gnas so/ /des na 'di zhum
par gyur na/ de zhum par

'gyur la/ 'di rgyas par gyur na de rgyas par 'gyur ro/ /de yang
zhum pa ni 'dus par gyur pa ste/ de gang la yod pa dang/ chos pa
ni brkyang par gyur pa ste/ de ni srog dang/ 'tsho ba dang/ bdag
ces bya ba yin no zhes zer te/ srog gam/ skye ba'am/ gso ba'am/
gang

zag gam/ skyes bu zhes bya ba ni rnam grangs so/ /smra zhes bya
ba ni gcer bu pa'i ston pa de skad smra ba'o/ /de yang khyu mchog
dang 'phel pa la sogs pa gcer bu zad byed kyi ston pa nyi shu
rtsa lnga 'di skad ston cing smra'o/ /khyed kyis zhes bya ba la
sogs pa la/ khyed kyis ni srog

dang 'tsho ba de 'jig cing mi rtag pa yin par gsungs so/ /de ci'i
phyir zhe na/ phyogs gcig phyir zhes bya ba smos te/ gang la
phyogs gcig yod pa de ni phyogs gcig pa ste/ cha shas dang bcas
pa zhes bya ba'i don to/ /phyogs cha med pa ni rdzas kyi dngos
por mi rung ste/

phyogs dang bcas pa gang dang gang yin pa de ni mi rtag pa nyid
de/ 'di ltar lus dang srog ni phyogs gcig par 'dod la/ de bas na
'di yang cha shas can ltar mi rtag pa yin te/ de dang phyogs gcig
cig pa'i lus ni mi rtag pa yin no/ /rtag pa dang cha shas dang
bcas pa ni ma

@28b rigs pas tshad ma dang 'gal ba yin no/ /'dir bsdus pa'i tshigs
su bcad pa ni/ gal te phyogs gcig ji ltar rtag /rtag pa yin na
phyogs gcig min/ /rdzas kyi 'brel pa rnam gnyis med/ /de bas
gzhung 'di rigs ma yin/ /zhes bya'o/ /bram zes 'gro ba rnams

kyi rgyu; /zhes bya ba la sogs pa la/ bram ze zhes bya ba ni ji
mi ni la sogs pa dpyod pa pa la sogs pa'i bstan bcos mkhas pa
rnams kyis zhes bya ba'i don te/ des ni rgyu skyes bu yin par
'dod do/ /gang gi rgyu zhe na/ 'gro ba rnams kyi rgyu zhes bya ba
smos te/ 'jig rten ma

lus pa'i 'o/ /de yang gang gi phyir lha sbyin gyi rgyud la yod
pa'i skyes bu ni lha sbyin nyid kyi rgyu yin gyi/ mchod sbyin la
sogs pa'i ni ma yin no zhes bya ba grub pa'i mtha'o/ /rgyu zhes
bya ba ni 'byin par byed pa'i rgyu zhes bya ba'i don to/ /ji lta
bu'i rgyu zhe na/ skyes bu rtag pa zhes bya ba

smos te/ skyes bu dang bdag ces bya ba ni don tha dad pa ma yin
no/ /rtag pa zhes bya ba ni mi 'gyur ba ste/ gang gi phyir sa bon
la sogs pa yang rgyur 'gyur mod kyi/ de ni rtag pa ma yin te/ des
na khyad par des bye brag tu phye ba yin no/ /brtags zhes bya ba
ni nan gyis 'dod pa'o/ /

khyod kyis zhes bya ba la sogs pa la/ gal te rtag pa yin na ni
rgyu ma yin la/ 'on te rgyu yin na ni rtag pa ma yin te/ rtag pa
dang rgyu zhes bya ba ni 'bral pa med pa'i tshig yin no/ /'dir ni
'di ltar brjod par rigs te/ gang dang gang rgyu gyur pa de dang
de ni mi rtag pa yin te/ dper

na sa bon la sogs pa bzhin no/ /des na de rnams kyi rgyur 'dod
pa'i skyes bu de ni mi rtag pa yin par shes par bya'o/ /gang yang
rtag pa zhes bya ba'i rgyu ni yod pa ma yin te/ dper na nam mkha'
la sogs pa bzhin no/ /rtag pa rgyu nyid yin na de rtag par 'gyur
ba tshad ma dang 'gal

ba nyid yin te/ rtag cing mi 'gyur ba dang/ rgyu nyid du gyur la
rtag pa zhes bya ba de lta bu ni cung zad kyang yod pa ma yin te/
ci yang med ces khyod kyis gsungs pa yin no zhes bya ba'i don to/
/'dir smras pa/ rtag na gang gi rgyu nyid yin/ /mi 'jig na ni ji
ltar rgyu/ rtag dang rgyu nyid

@29a @#/ /ces bya ba/ /gnyis po gcig tu rigs ma yin/ /rgyu nyid du
ni gang rtag par/ /'dod de de ltar rtag pa min/ /gang phyir de yi
bya ba yod/ /rnam pa kun du rnyed mi 'gyur/ /gal te bya ba byed
'gyur la/ /gal te 'di ni mi byed na/ /de ltar yang ni mi rtag
par/ /de ni

des par thal bar 'gyur/ /zhes bya ba'o/ /bdag nyid chen po dug
can pa'i/ /zhes bya ba la sogs pa la/ 'di ltar rjes su thos te/
rlung tho ba dang sar ldan zhes bya ba'i lha ma yin spun gnyis
shig yod de/ rlung thob ni thug po'i gzugs can du byas/ sar ldan
ni mi'i cha

lugs su byas nas drang srong rnams mgron du bos te/ rlung thob
bshas nas bsnyen bkur chen po dang/ kha zas bstabs te/ de rnams
kyis zos pa dang/ sar ldan phyi rol du song ste/ bu rlung thob
gang na gnas/ tshur shog ces sar ldan gyis bos pa dang/ de'i rjes
thogs

nyid la gang dar gang gis zos pa de dang de'i gsus pa brtol te
byung bar gyur to/ /bya ba 'dis drang srong gi rigs dang bram
ze'i rigs lhag ma nyung zad cig lus par byas so/ /lha rnams kyi
mchod sbyin byed pa yang zad par 'gyur to/ /de nas lha rnams 'dus
te drang srong chen po a ga

ta'i gnas su song ste lha ma yin de gnyis bsad pa'i don du gsol
ba btab po/ /ji tsam na de gnyis kyis de mgron du bos pas der zan
zos pa dang/ bu rlung thob gar song zhes sar ldan gyis bos pa
dang/ drang srong gis sgregs pa bton te/ de ni ngas zhu bar byas
zin to zhes smras

nas; khro bas 'khrugs pa dang sar ldan yang mngon sum du zos so/
/ji tsam na skom pa stobs dang ldan pas gdungs pa dang/ mtsho dang
rdzing bu la sogs pa gang dang gang dag yod pa de rnams 'thungs
kyang ngoms par ma gyur to/ /de nas song ste rgya mtsho 'thungs pa
las/

de'i tshe dug can pa zhes bya ba'i rgyal po zhig yod pa dang/ de
la chung ma gnyis yod pa las/ gcig la 'chol ba zhes bya ba'i bu
yod la/ cig shos la lha chen po las mchog thob pas bu drug khri
yod par gyur to/ /ji tsam na rgyal po rta'i tshil zhes bya ba'i
mchod sbyin byed par rtsom

@29b par gyur nas sdom pa blangs te/ mchod sdong la btags pa'i
rta mchod sbyin gyi yo byad du sogs shing me thab kyi kha khyer
la sogs pa byas nas rta de dag yongs su bsrung ba'i phyir/ bu
drug khri thams cad go cha bgos shing mtshon cha'i khyad par du ma
lag na thogs par byas nas bsrung du

bcag go/ /ji tsam na khyab 'jug gis bsams pa/ rgya mtsho 'di thams
cad skams par gyur na thabs gang gis 'di yongs su dgang bar bya/
ma la ngas rgyal po dug can pa'i mchod sbyin bya ba'i gnas nas/
rta brkus na rgyu 'di las nga'i don 'di 'grub par 'gyur ro snyam
du

bsams nas song ste/ rta blangs nas sa 'og tu zhugs par gyur to/
/ji tsam na dug can pa'i bu rnams kyis gtam de thos pa dang/ rgya
mtsho bkros te sa 'og tu zhugs pa las khab 'jug drang srong ser
skya'i gzugs kyi cha lugs 'dzin pa/ seng ge'i khri'i steng na
'dug

pa'i gan na rta thams cad 'dug par mthong ba dang/ 'dis 'di dag
phrogs so snyam nas khro ba'i shugs mi bzad par gyur pas khyab
'jug la brnyas pa nyid kyis rta rnams khyer bar brtsams pa dang/
des dug can pa'i bus brnyas par shes nas khro bas gdungs pa'i

mig ngag bltas pas thams cad thal bar byas so/ /de dag shi nas
dmyal bar skyes pa dang/ dug can pas ji ltar gyur pa de thos nas
rta blang pa'i phyir 'chol pa btang ngo/ /de song ste khyab 'jug
bstod pa la sogs pa'i mchod pas mgu bar byas nas rta blangs te/
slar

rang gi grong khyer du 'ongs nas rgyal pos kyang mchod sbyin gyi
bya ba bar chad med pa nyid du byas so/ /rgyal po de dus byas nas
lha'i gnas su skyes so/ /de nas 'chol pa rgyal por gyur te/ de'i
bu myur bzhes bya ba rgyal srid la dbang bskur ba dang/ ji ltar
bdag gi khu bo rnams

rgyu 'dis dmyal bar skyes zhes thos kyis/ de rnams kyi don gyi
bya ba dug can pa'am/ bdag gi pha 'chol pas ci yang ma byas kyis/
dangs de'i dgos pa bya'o snyam nas gang+gA dbab par bya ba'i
phyir/ lha'i lo sum khri'i bar du dka' thub spyad kyang des
gang+gA dbab

@30a @#/ /par ma nus so/ /de 'das par gyur pa dang/ de'i bu li pas
gang+gA dbab par bya ba'i phyir lha'i lo sum khri'i bar du dka'
thub spyad kyang des kyang ma nus so/ /de yang 'jig rten gzhan du
song ba dang/ de'i bu b+ha go ra thas dka' thub chen pos tshangs pa
mgu bar

byas pa dang/ des de la mchog byin pa/ ci nas kyang ngas mi'i
'jig rten du gang+gA dbab pa de ltar bya'o zhes smras nas/
tshangs pas kyang gang+gA la mi'i yul du 'bab par gyis shig ces
smras pa dang/ de shin tu smre sngags 'don te/ ji ltar nga der
song nas thun mong du 'gyur zhing/

rigs ngan la sogs pa rnams kyis kyang bsten par 'gyur na/ gnas
skabs 'di lta bu ji ltar spyad par bya/ mes po'i bka' las 'da'
bar bya ba yang rigs pa ma yin no/ /'on kyang shugs chen pos song
la/ sa 'og nyid du zhugs par bya'o snyam pa dang/ ci khyod kyis
mi'i

'jig rten du dag byed ma byas par sa 'og tu 'bab par byed dam
zhes tshar bcad nas/ lha chen pos rang gi ral pa'i tshogs kyi nang
du bzhag par gyur to/ /de yang de nas 'byung ba la lha'i lo stong
gi bar du 'khor zhing/ 'bab kyang ral pa de'i mtha' rnyed par ma
gyur to/ /de nas yang

b+ha go ra thas dka' thub kyi khyad par chen pos lha chen po dga'
bar byas nas/ ral pa btsir ba dang/ ri ti se'i steng du thigs pa
gcig bab par gyur pa las skad cig ma gcig las der mtsho chen po
gcig tu gyur te/ deng sang na yang thigs pa bdun du gyur nas/ si
ta sin d+hu bak+Shu

dang; gang+gA de bzhin 'jig rten rgyan/ /rgal dang tshim pa nyid
dang ni/ /na li ni ni bdun par bshad/ /ces bya ba yin no/ /ji
tsam na gang+gA lho phyogs kyi rgya mtsho chen po de 'da' bar bya'o
snyam nas dregs pa dang bcas par ri kha ba can phug ste/ de'i sul
nas bde bar 'bab par gyur to/ /

yang de'i tshe drang srong dza na hu zhes bya ba dka' thub drag po
can zhig yod pa de ri kha ba can gyi sul na rnal 'byor bsgom pa
la brtson zhing gnas par gyur to/ /des kyang ca co'i sgra sgrogs
shing sgeg pas dal gyi sa 'bab par mthong ba dang/ shin tu khros
par gyur te song nas smras pa

@30b nga yi gnas dang nye ba 'dir/ /bud med 'di ni sgeg pa yis/
/'dzem pa med par ci phyir 'gro/ /spyod ngan sdig pa chen po yin/
/zhes smras te/ de blangs nas 'thungs so/ /yang b+ha go ra thas
drang srong de dka' thub kyis mgu bar byas pa dang/ des skyugs
so/ /de de nas byung nas

gegs med par phyogs bzhir song ste/ sa 'og gang bar byas nas dug
can pa'i bu dang 'brel pa'i gnas skabs kyi lhag ma rnams rnam par
bkrus la/ des kyang de rnams dmyal ba las 'phos te mtho ris su
skyes so zhes zer ro/ /de ltar na dug can pa'i bu stong phrag
drug cu

bsregs so zhes bya bar sbyar ro/ /bdag nyid chen po zhes bya ba
ni bdag nyid che ba nyid yod pas na bdag nyid chen po zhes bya
ste/ shin tu longs spyod che ba la sogs pa'i yon tan dang ldan
pa'o/ /de su zhig yin zhe na/ dug can pa zhes bya ba ste/ rgya
mtsho zhes bya ba'i rgyal po la dug

can pa zhes bya ba'o/ /su zhig ce na/ sras po stong phrag drug cu
dag /ces bya ste/ de'i bu drug khri'o/ /gang gis she na/ ser
skyas zhes bya ste/ ser skya'i gzugs su gnas pa'i khyab 'jug gis
zhes bya ba'i don to/ /ji ltar zhe na/ bltas pa tsam gyis zhes
bya ste/ khro

bas gdungs pa'i mig gnyis kyis so zhes ston pa yin no/ /ci zhig
du byas she na/ bsregs zhes bya ba ste/ thal bar byas pa'o/ /de
la'ang zhes bya ba ni rgya mtsho'i bu stong phrag drug cu la'o/
/yang na de la zhes bya ba ni srog dang bral bar byed pa de la'o/
/khyod ni thugs rje mdzad ces

bya ba ni/ des khyod dgos pa mdzad pa'i thugs skyes par gyur
pa'o/ /de yang de bzhin gshegs pa ni thugs chen chen po nyid kyi
rgyud las nam yang mi 'dor te/ ji skad du/ thugs rje'i thugs la
gnas shing rtag tu zhi ba nyid ni spyan la gnas/ /bzod pa'i skad
cig tsam yang khyed

dang bral bar nus pa ma yin la/ /de ni shin tu mdzes pas yun ring
thugs ni rnam par mkhyud par gyur/ /'on kyang khyed ni 'dod chags
bral ba lta bur grags pa rnam par rgyas/ /zhes bstod pa byed pa
'ga' zhig gis bshad pa yin no/ /ser skya de nyid rig pas ni/
/zhes bya

@31a @#/ /ba la sogs pa la/ gtso bo las grol ba ma lus pa skye'o
zhes drang srong ser skyes bshad pa yin no/ /de yang 'di ltar
thos te/ bskal pa dang po'i tshe skye dgu rnams kyi tshe lo tshad
med pa na/ bram ze ser skya zhes bya ba zhig byung ste bsti gnas
kyi gnas su 'dug

nas dka' thub kyi khyad par las thar pa 'ba' zhig pa thob ste/
gzhan dag la lam legs par bstan pa'i phyir bstan bcos dag byas
so/ /de yang des rtsa ba'i dngos po'i don gnyis shig bstan te/
'di ltar gtso bo dang skyes bu'o/ /de la gtso bo ni yon tan gsum
ste/

snying stobs dang/ rdul dang/ mun pa'i gzugs kyis byed pa po
dang/ yongs su 'gyur ba dang/ sems med ces bya ba yin la/ skyes
bu ni shes pa can dang/ spyod pa po dang/ rtag pa dang cha mnyam
pa'o/ /ji ltar na gtso bo byed pa por bshad ce na/ snying stobs
dang/

rdul dang/ mun pa'i yon tan cha mnyam pa'i gnas skabs yan lag
dang/ yan lag can du gyur pa'i gnas skabs ni gtso bo'o/ /yang
gang gi tshe gsum po las gang yang rung ba cung zad tsam rtsol bar
gyur cing mi gsal ba nyid yin pa de'i tshe ni chen po zhes bya'o/
/de las kyang

cung zad sbom pa nga rgyal dang/ de tsam du yongs su gyur pa las
'gyur ro/ /nga rgyal las yang dbang po bcu gcig tu rnam par 'gyur
bar 'gyur te/ mig dang/ rna ba dang/ sna dang/ lce dang/ lus zhes
bya ba'i blo'i dbang po lnga dang/ lag pa dang/ rkang pa dang/
ngag dang/ rkub dang/

mdoms te las kyi dbang po lnga dang/ yid do/ /de tsam lnga las
'byung ba chen po lngar yongs su 'gyur te/ sgra'i de tsam las ni
nam mkha'o/ /reg pa dang 'dres pa'i sgra las ni rlung ngo/ /gzugs
dang 'dres pa'i snga ma gnyis las ni me'o/ /ro dang 'dres pa'i
snga ma gsum las ni

chu'o/ /dri dang 'dres pa'i snga ma bzhi las ni sa'o/ /de ltar
byas na de kho na nyid nyi shu rtsa bzhir 'gyur ro/ /skyes bu ni
nyi shu rtsa lnga pa'o/ /gang gi tshe 'di ni yon tan yin no/ /'di
ni skyes bu yin no zhes khyad par mi shes pa de'i tshe/ skyes bu
dang yon tan 'dus par 'gyur te/ dper na

@31b mtshan mo mun nag gis khyab pa'i khang pa'i nang du skyes bu
'dod chags can dang/ bud med mdze can dga' ba dan bcas pas 'dug
par gyur pa dang 'dra la/ gang gi tshe yon tan dang tha dad par
byed pa po dang/ yongs su 'gyur ba po nyid du shes pa de'i tshe/
skyes bu 'di nam yang de dang

lhan cig 'dris par mi byed de/ dper na nyin mo mig dang ldan pa'i
skyes bu bud med mdzes can la reg par mi byed pa dang 'dra'o/
/yon tan dang skyes bu tha dad par mthong ba ni thar pa thob pa'i
rgyu yin no zhes bya ba ni grangs can gyi grub pa'i mtha'o/ /ser
skya ji lta bu zhig /de skad ces

smra zhe na/ de nyid rig pas zhes pa smos pa yin te/ de kho na
nyid kyi sgra ni 'dir nyi shu rtsa lnga po yin par bshad la/ de
rnams shes pas na de nyid rig pa ste/ de nyid rig pa ni mkhas pa
zhes bya ba'i don to/ /khyod kyi 'gro ba'i skye ba ni/ /zhes bya
ba la sogs pa la/ las dang nyon mongs pa ni

nyon mongs pa dang las te/ de las byung zhing skyes pa gang yin
pa de la de skad ces bya ste/ gang gi phyir skye ba ni nyon mongs
pa las 'jug pa yin pa'i phyir ro/ /de yang gnas brtan rta skad
kyis/ nyon mongs zad pas srid pa'i 'ching ba med/ /las zad gyur
na sdug bsngal yod ma yin/ /

gang phyir yod las byung ba'i don gang yin/ /de phyir med las de
ni slar mi 'byung/ /zhes bshad pa yin no/ /gang zhig nyon mongs
pa dang las byung ba yin zhe na/ 'gro ba'i zhes bya ba smos te/
'chi ba dang ldan pas na 'gro ba zhes bya ste/ sems can gyi 'jig
rten no/ /de'i

skye ba ni nyon mongs pa dang las las byung ba yin par khyed kyis
gsungs shing bsgrags pa yin no/ /'dir smras pa/ nyon mongs med la
'gro ba rnams/ /skye bar gang du'ang 'dod ma yin/ /las ni gang
yang rung med par/ /bde dang sdug bsngal 'byung mi 'gyur/ /dgra
bcom

nyon mongs yod pa ma yin te/ /de med las kyang yod pa ma yin la/
/de las 'di la skye ba yod min te/ /sa bon med pa'i myu gu dag
dang mtshungs/ /zhes bya ba la sogs pa gsungs pa yin no// //ser
skya la sogs thar pa yis/ /zhes bya ba la sogs pa la/ ser skya la

@32a @#/ /sogs pa'i bdag nyid gang yin pa de thar par yang gnas
shing/ srid pa'i rgyu yin par 'dod do zhes zer ro/ /de yang skyes
bu rtag par yang 'gyur la/ sngar lus dang dbang po 'dus byas par
gyur pa gang yin pa de phyis kyang byed par 'gyur ro/ /de yang
skyes bu

rtag pa nyid gyur cing/ /lus dang dbang po 'byor ldan pa/ /phyis
kyang de dang 'drar gyur pa/ /rkyen las gyur par the tshom med/
/ces bya ba la sogs pa smos pa yin no/ /khyod ni zhes bya ba la
sogs pa la/ /zhi bar gshegs gyur nas zhes bya ba ni phung po lhag
ma ma lus pa'i

dbyings brnyes pa zhes bya ba'i don to/ /zhugs gum lta bur zhes
bya ba ni mar me shi ba lta bur zhes bya ba'i don to/ /bgrang du
med cos bya ba ni/ grangs su mi 'gro ba'o/ /mu stegs byed pa kha
cig ni zhes bya ba la sogs pa la/ mu stegs ni thar pa dang mtho
ris kyi lam ste/ de ston

par byed pa'i bstan bcos la mu stegs zhes bya la/ de byed pa yin
pas na mu stegs byed pa'o/ /des thar pa ste mya ngan las 'das par
'gro ba dang ldan pa'o/ /'gro ba ni song ba yin la de gang la yod
pa de ni 'gro ba dang ldan pa ste/ 'gro bas thob pa zhes bya ba'i
don to/ /smra

zhes bya ba ni gtam yin par ston to/ /smra ba zhes bya ba ni
brjod pa ste/ sngar ji ltar/ ne tsos nyi ma brtol nas ni/ /thar
pa mchis par bshad ces grag /ces smos pa'i skabs su bshad pa yin
no/ /gang la 'gro yod de 'khor ba/ /zhes bya ba ni gnas gang du
'gro ba yod pa de ni 'khor

ba ste; srid pa yin no/ /de yang gang gi phyir 'gro bas mya ngan
las 'das pa rtogs pa ni med do/ /bcom ldan 'das kyis kyang/ rta
dmar gang du skye ba med pa dang 'chi ba med pa dang/ 'byung ba
med pa de ni 'gro bas thob par nga mi smra'o zhes mdo las ji skad
gsungs pa lta bu'o/ /khyod kyis

thugs su chud nas bstan/ /zhes bya ba ni/ bcom ldan 'das kyis
mkhyen cing thugs su chud nas bstan cing bshad pa yin no zhes bya
ba'o/ /gcer bu kun dga' ra ba sogs/ /zhes bya ba la/ gcer bu zhes
bya ba ni dge sbyong gcer bu pa rnams so/ /'di kun du dga' bas na
kun dga'

@32b ra ba ste; skyed mos tshal la sogs pa gang yin pa de ni kun
dga' ra ba sogs zhes bya ste/ khrus kyi rdzing bu la sogs pa'o/
/rtsig pa zhes bya ba ni 'bad pas mngon par sgrub par byed pa
zhes bya ba'i don to/ /sdig pa'i rgyu zhes bya ba ni nyes par
spyad pa'i rgyu zhes bya ba'i don to/ /gang

gi phyir de rnams rgyu med par sdig pa khas len cing rtog la smra
bar byed pa'o/ /de yang/ kun dga' ra ba gnas byed dang/ /srog
gcod pa las bzlog par bya/ /gal te der ni srog chags 'chi/ /sdig
pa byed de byed la 'go/ /sems dang ldan pa de 'chi bas/ /sdig pa
chen po

nyid du 'gyur/ /de bas bsod nams rtsom pa dang/ /de yis de ltar
mi bya'o/ /zhes bya ba la sogs pa mang du smra ba yin no/ /thams
cad mkhyen pa zhes bya ba la sogs pa la/ thams cad mkhyen pa zhes
bya ba ni bod pa yin no/ /de nyid ces bya ba ni kun dga' ra ba la
sogs pa

rtsig pa'o/ /bsod nams rgyu zhes bya ba ni bsod nams nye bar
bsags pa zhes bya ba'i don te/ gal te 'jug par mi bya ba'i las la
'jug na de las nyes pa ni shin tu mang po 'byung bar thal bar
'gyur ro// //srog chags 'gro ba bsad pa na/ /khyed kyi yang ni
sdig 'gyur te/ /

khyed ni 'gro ba med 'gyur na/ /srog chags gsod pa yod ma yin/
/gal te yod na sdig ldan pas/ /ji ltar grol ba nyid du 'gyur/
/grol 'gyur de dang ji ltar ldan/ /sdig pa bsags las khyed grol
lam/ /'on te sdig pa spangs pa dag /thar pa kun du bshad pa yin/
/blo

ni sngon du ma song sdig /yod ces pa ni legs smras min/ /kha zas
bsod pa dag gis ni/ /dga' bas slob dpon tshim byas nas/ /ma zhu pa
yis de shi na/ /sdig pa nye bar bsags pa 'byung/ /chags pa med
par dben pa ru/ /las byed pa ni ma mthong ngo/ /zhes bya ba la

sogs pa yin no/ /yang bcom ldan 'das kyis/ kun dga' ra ba nags
tshal skyed/ /skye bo gang zhig zam pa byed/ /chu gter khang dang
chu mig dang/ /gang zhig ngal so'i gnas ster dang/ /zhes bya ba
dang/ de bzhin du/ brgya byin gtsug lag khang gi phyir/ /sa ni
sbyin pa

@33a @#/ /gtong byed pa/ /tshangs pa'i bsod nams rab skyed de/
/mtho ris dag tu bskal par dga'/ /zhes bya ba la sogs pa mdo las
gsungs pa yin no// //lus las lus gzhan dag tu ni/ /zhes bya ba la
sogs pa la/ lus las zhes bya ba ni rga ba

la sogs pa'i nye bar 'tshe bas gdungs pa las so/ /lus gzhan dag tu
ni zhes bya ba ni lus gzhan pa dag tu 'pho zhing song ba'o/ /ci
zhig ce na/ srog ni zhes bya ba ste/ bdag dang skyes bu zhes bya
ba'i don to/ /srog de ji lta bu zhe na/ phra ba zhes bya ba smos
te/ shin tu phra zhing

dbang po'i yul las 'das pa'o/ /de yang khyab 'jug gis/ dper na
gos rnying dag ni bor nas su/ /sar pa gzhan dag mi ni len par
byed/ /de bzhin lus ni rnying pa spangs nas su/ /lus gzhan sar pa
dag ni len par byed/ /'di ni mtshon gyis mi chod cing/ /'di ni me

yis mi 'tshig la/ /chu yis 'drul bar mi 'gyur te/ /'di ni rlung
gis skems mi 'gyur/ /zhes bya ba la sogs pa ji skad bshad pa lta
bu'o/ /grag ces bya ba ni 'jig rten pa'i gtam tsam yin par ston
te/ de yang don dam par ni bdag med do/ /gal te bdag yod na rtag

pa dang mi rtag pa nyid du 'gyur bas bde ba la longs spyod pa na/
rtag par nye bar spyod kyi/ sdug bsngal la sogs pa'i nyes pa
rnams su thal bar mi 'gyur ro/ /de bas na bdag ni rnam pa thams
cad du med do/ /lus gzhan gyur pa'i zhes bya ba ni lus zhes bya
ba'i sgras 'dir

phung po lnga nyid bdag gi dngos por brjod la/ lus de las gzhan
du gyur cing tha dad pa'i srog ces bya ba'i bdag yod pa ni ma yin
pa nyid du khyod kyis gsungs so zhes sbyar te/ sangs rgyas bcom
ldan 'das kyis bka' stsal pa'o/ /de yang chos thams cad ni srog
med pa

dang; gso ba med pa dang/ gang zag med pa zhes bya ba nas/ 'du
byed kyi tshogs 'ba' zhig tu zad do zhes bya ba'i bar du gsungs pa
dang/ bdag gi nga rgyal rnam par bzhag nas gang du bdag de'i
phung po lnga'i bdag gi dngos por gyur pa de tsam la nye bar
gdags pas bdag

@33b nyid kyi dngos por bcom ldan 'das kyis la lar gsungs pa yod
do/ /khros pas g.yul ngor bsad na ni/ /zhes bya ba la sogs pa la/
khros pas zhes bya ba khro ba nyid du gyur pas so/ /g.yul ngor te
'thab sar bsad pa'i skyes bu bde 'gror 'gro bar 'gyur ro zhes
rgyas pa zer te/

de yang 'di skad du/ sna tshogs rgyan gyis brgyan pa yi/ /lha yi
bu mo 'ongs nas ni/ /g.yul ngor bsad pa yongs 'khyud de/ /lha yi
khyim du 'khyer par 'gyur/ /zhes zer ro/ /mgon po khyod kyis zhes
bya ba ni bod pa'o/ /gnas skabs de'i zhes bya ba ni gnas skabs de
nyid kyi

sems te/ sems de lta bus shi ba ni ngan 'gro nyid yin no zhes
gsungs shing bka' stsal pa yin no/ /de yang/ skal ngan khros nas
shi bar gyur pa ni/ /'jig rten gzhan du ngan 'gror mkhas pas
bshad/ /re zhig 'dir ni grags par mi 'gyur zhing/ /'jig rten pha
rol du yang

bder mi 'gyur/ /zhes gsungs pa yin no// //skya bseng du ni brjod
byas na/ /zhes bya ba la sogs pa la/ 'di ltar thos te/ rgyal po
skya bseng ri dags la chas pa dang/ de'i tshe drang srong ngan
'dul zhes bya ba zhig ri dags kyi gzugs su gyur nas ri dags mo
dang lhan

cig 'dod pa'i dga' ba nyams su myong bar gyur pa na/ skya bseng
gis ngo ma shes te mdas bsnun pa dang/ de'i rjes thogs nyid la
drang srong de rang gi gzugs su gnas te/ khro ba'i dbang gis ji
ltar khyod kyis nga dga' ba spyod pa na/ dga' ba nyams su ma
myong ba nyid du 'jig rten

gzhan du 'gro bar 'gyur bar byas pas khyod kyang de bzhin du 'chi
bar 'gyur cig ces dmod pa btab bo/ /drang srong gi chung mas
kyang bdag nyid drang srong de shing gi phung po chen po'i steng
du 'dzegs te/ khyod kyi chung ma yang khyod shi nas bsreg pa'i
shing brtsigs pa la 'dzeg par

gyur cig ces dmod pa'i tshig smras so/ /skya bseng la ma dri dang
kun dI zhes bya ba'i chung ma gnyis yod pa dang/ rgyal po dmod
pa'i 'jigs pas de dang lhan cig spyod par byed ma nus so/ /de'i
tshe kun 'dis bsams pa/ ngas ni drang srong gnas ngan las rig
sngags thob la/

@34a @#/ /des nga'i mngon par 'dod pa cig ni bsgrubs zin mod kyi/
des ni da dung yang lan bzhi'i bar du 'dod pa'i don byed par
'gyur gyis/ gal te rgyal pos gnang na de'i tshe ngas bu skyed pa'i
bya ba bya'o snyam mo/ /rgyal po yang thabs gang gis nga la bu
yod par 'gyur

snyam du sems so/ /de nas dben par song ste rgyal po la don de
smras pa dang/ de thos pas rgyal po dga' ste/ de la rjes su gnang
ba byin no/ /de khang par zhugs nas rig sngags bzlas nas chos
zhes bya ba'i lha nga dang spyad pa'i phyir shog cig ces smras pa
dang/ ji tsam na chos 'ongs

te de dang lhan cig 'dus pa las g.yul ngor brtan pa zhes bya ba'i
bu skyes so/ /de bzhin du rlung lha bkug ste 'dus pa las 'jig
sde'o/ /de bzhin du brgya byin bkug ste 'dus pa las srid sgrub
skyes so/ /ji tsam na ma dri bu med las mya ngan gyis yid gdungs
te/ nga ni 'chi bar bya'o

zhes smra zhing mya ngan byed la/ zhum pa'i tshig gis kun dI la
gsol ba btab pa/ rig sngags de nga la lan cig byin cig /gal te na
bdag la yang bu skye bar 'gyur ro zhes smras pa dang/ de skya
bseng la dris te rig sngags de byin no/ /des kyang rig sngags
bzlas nas lha'i sman

pa tha skar gnyis bkug ste/ de gnyis dang 'dus pa las lhar bcas
dang/ ku na la zhes bya ba gnyis mtshe mar dus gcig tu skyes
so/ /ji tsam na skya bseng gis sa chen po las rgyal bar byas te/
yul 'khor srung la byin nas/ bdag nyid dang/ chung ma gnyis dang/
bu yang

khyer te/ ri bo rtse mo brgya par song nas tshangs par spyod pa la
brtson par gnas pa na/ de yun ring por tshangs par spyod pa spyad
pa dang/ ma dri'i gzugs sdug pa mthong bas 'dod pa'i 'dod chags
skyes te/ kho bo shi ba ni bla'i 'di dang lhan cig dga' ba nye
bar longs mi spyod pa ni de

lta ma yin no snyam nas/ de dang lhan cig tu spyod par brtsams pa
dang/ de'i tshe nyid dus las 'das par gyur to/ /ji tsam na bsti
gnas de na drang srong chen po gang dag yod pa de dag thams cad
sdug bsngal bar mthong bas mgon med par gyur pa'i ro dang/ ma dri
dang/ kun dri dang/

@34b bu lnga po khyer te yul 'khor srung gi gan du phyin nas/ de
dang ji ltar 'tsham pa'i bsreg shing brtsigs te/ bsnyen bkur chen
pos steng du bzhag nas/ skya bseng la yul 'khor srung gis mchod
do/ /ma dris kyang bu gnyis kun dri la gtad de/ ro bsregs sar
bdag nyid dor ro/ /de

nas ji tsam na 'thab dka' la sogs pa dang/ g.yul ngor brtan pa la
sogs pa 'phong slob pa'i gnas su lhan cig tshogs te/ kri pa dang
kro na la sogs pa'i mtshon cha'i thabs kyi rig pa slob pa nas/ rna
can las 'khon gcugs su gyur te/ skya bseng gi bu lnga rgya skyegs
kyi khang par

bcug pa dang/ de nas mtshan mo bros nas srin po hi dim pa bsad de/
de'i sring mo 'jigs sdes blangs nas de las bu bum skra zhes bya
ba skyes so/ /de nas song ste grong khyer 'khor lo gcig par song
ba dang/ de'i lam khar rgyas pa dang phrad nas/ dbugs phyung ste/
rgyal srid dang chung ma

thob pa'i mchog byin no/ /de nas grong khyer der phyin nas bram
ze zhig gi khyim du lo bzhi 'dug ste/ de la phan par bya ba'i
phyir srin po chu skyar zhes bya ba bsad nas grong khyer lnga len
du song ste/ rgyal po rnams khyo gdam pa'i skabs su tro pa ti
zhes bya ba'i chung ma thob pa dang/ spun lngas spyir

blangs nas lo gcig 'dug ste/ dbang po'i gnas zhes bya bar song
nas rgyal srid thob po/ /lo nyi shu rtsa dgu'i bar du rgyal srid
byas nas/ rgan pos sbyar ba zhes bya ba la sogs pa'i rgyal po
bsad de/ mchod sbyin byas nas/ 'thab dka' dang/ g.yul ngor brtan
pa la sogs pa

cho los rtse ba dang/ sgyu thabs kyis pham par byas te/ rgyal
srid nas bdag nyid kyi bar du skugs la shor to/ /yang lo bcu
gnyis kyi bar du nags su gnas par byas nas slar 'ongs te grong
khyer bi ra tar lo gcig gnas nas/ 'jigs sdes ki tsa ka bsad do/
/de nas ku ruk+She tra ra 'thab

mo la zhugs pa'i bar du sbyar te/ 'thab dka' can na dpung tshogs
bcu gcig /skya bseng la bu bdun te/ de thams cad g.yul ngor shi
nas g.yul ngor brtan pa rgyal por gyur te/ lo sum cu rtsa drug gi
bar du rgyal srid byas nas ji srid na khyab 'jug lha yul du song
ste/ yul 'khor

@35a @#/ /srung dang/ skya bseng gi bu thams cad dang/ chos zhes
bya ba'i lha khyir skyes pa de dag thams cad kyang dus las 'das
par gyur to/ /'dir chos zhes bya ba'i lha ji ltar khyir skyes
pa'i gtam bri bar bya ste/ drang srong brgyan pa zhes bya ba zhig
bsti gnas zhig na dka' thub

kyi 'byor pas gnas par gyur to/ /yang ji tsam na de dang thag mi
ring ba zhig na grong khyer chen po zhig yod pa de las rkun po
rnams kyis rdzas brkus te/ bsti gnas de'i nags kyi tshang tshing du
zhugs nas gnas bcas pa dang/ rgyal po'i skyes bu mang po 'ongs
te/ de dag gis drang srong la smras

pa; khyed kyis rkun po 'ga' zhig mthong ngam/ des kyang ma mthong
ngo zhes smras so/ /de nas rgyal po'i skyes bu rnams kyis nags
kyi tshang tshing du btsal ba dang/ rkun po rnyed de bzung nas
'ongs te drang srong 'di ni 'di rnams kyi sbed mkhan yin no zhes
bzung nas rgyal po la phul lo/ /ji

ltar gyur pa yang smras so/ /rgyal po yang 'di ni nyes pa dang
bcas pa'o zhes khros nas gsal shing la bskyon pa'i phyir/ de gsod
ma pa rnams la gtad do/ /de rnams kyis drang srong gsod sar khyer
te/ der seng ldeng la sogs pa'i shing bsdus pa dang/ de dag thams
cad bros shing

mi snang bar gyur to/ /de nas sbar ma'i shing khyer te 'ongs pa
dang/ de ma bros so/ /de nas gsod ma de rnams kyis gsal shing
btsugs nas de la drang srong bskyon no/ /ji tsam na shing de las
'dab ma skyes nas des kyang drang srong de'i lus kyi 'og nas phug
ste skyes pa dang/

rgyal po yang der 'ongs nas drang srong 'di la ni nongs pa med pa
zhig go snyam nas gsal shing de las phab po/ /de yang khros pas
chos kyi gan du song ste/ khyod gnas bzhin du chos ma yin pas yun
ring por kho bo sdug bsngal bar gyur te/ shin tu mi rigs par byas
kyis/ 'di la

gcig tu legs par rtogs shig /kho bos mi rigs pa ci zhig byas zhes
smras pa dang/ chos kyis smras pa/ 'di ni nges par khyed nyid
kyis nyes pa yin te/ gang gi phyir khyed kyis skye ba gzhan dag
tu sbrang ma la rtswa shing gi tshal pas lus kyi smad nas phug
ste/ mchu'i rtse mor phyung nas

@35b gyen du 'phen pa byas pas na de las 'bras bur gyur pa 'di
yin no zhes smras pa dang/ drang srong de khros te kho bo nyid
kyi nyes par bkal gyis/ chos la dmod pa gdab par bya'o snyam nas/
gang gi phyir kho bo bram ze'i drang srong yin pa las shin tu
gnod pa byas pas khyod gnod sbyin du gyur

cig /gang gi phyir nga'i kun du spyod pa'i bya ba mi shes pas
dmangs rigs su gyur cig /gang gi phyir kho bo la skye bo dam pa
ma yin pa'i spyod pa byas pas khyir skye bar gyur cig ces bya
ba'i drang srong gi dmod pa 'dis chos 'dzam bu'i gling du babs
te/ de las re zhig dmangs rigs ni be du ra'i

yul 'khor srung gi spun zlar skyes so/ /'dod pa can zhes bya ba'i
dgon par drang srong rtsa'i thig le'i bsti gnas dang nye bar gnod
sbyin du skyes so/ /khyi ni 'dir skabs su bshad pa yin no/ /de
nas ni yang tshe 'phos te lhar skyes so/ /de ltar na skya bseng gi
bu de rnams kyi ming brjod pa byas pas

kyang bsod nams chen po bsags pa dang ldan par 'gyur ro zhes so
so skye bo dag smra'o zhes 'jig rten na thos so/ /de yang/ mkhas
pas skya bseng rnams kyi ni/ /ming ni bzung ba tsam gyis kyang/
/bsod nams che dang ldan par ni/ /'gyur ba nyid du the tshom med/
/ces zer ba yin no/ /brjod byas

na zhes bya ba ni/ kun du brjod cing ming 'dzin la de dang ldan
pa'i gtam brjod pas zhes bya ba'i don to /gang brjod pas she na/
skya bseng bu ni zhes bya ba smos te/ rgyal po skya bseng gi bu
yin pas na skya bseng gi bu ste/ g.yul ngor brtan pa la sogs
pa'o/ /bsod nams 'gyur zhes bya ba ni

bsod nams la sogs par 'gyur ro zhes rgyas pa smra'o/ /ci thams
cad kyi brjod pas sam/ 'on te re re'i brjod pas she na/ so so'i
zhes bya ba smos te/ re re nas zhes bya ba'i don to/ /gang zhig
bgrod min bgrod byed pa/ /zhes bya ba la/ spun zla'i chung ma ni
bgrod par bya ba ma yin pa ste/

de la gang zhig bgrod pa de dag ni khyed kyi bstan pa la shin tu
smad pa yin pas na de dag ni bgrod min bgrod pa'o// //skem byed
dbang po nye dbang po/ /zhes bya ba la sogs pa la/ skem byed ni
smin drug gi bu'o/ /dbang po ni brgya byin no/ /nye dbang ni nor
lha'i bu'o/ /drag po ni

@36a @#/ /dbang phyug chen po'o/ /sogs kyi sgras ni 'dod pa'i lha
dang/ tshogs kyi bdag po la sogs pa gzung ngo/ /'jigs pa ni bdag
nyid skrag pa'o/ /bsdigs pa ni pha rol la 'tshe ba ste/ de dag gi
phyir lag na mtshon cha rtag tu thogs pa ste/ 'di ltar skem byed
ni mdung thung/

dbang po ni rdo rje/ nye dbang ni 'khor lo/ drag po ni rtse gsum/
'dod pa'i lha ni mda' gzhu/ tshogs kyi bdag po ni dgra sta 'dzin
pa la sogs pa'o/ /de dag 'jigs pa dang/ bsdigs pa'i lo rgyus
kyang/ gong du/ rgan pos khyab 'jug mda' yis bsnun/ /zhes bya ba
dang/ lha

chen 'dod pa can gyi mtshan/ /zhes bya ba dang/ rna can 'thab dka'
la sogs pa/ /zhes bya ba dang/ khyab 'jug dag ni nag bkra bos/
/zhes bya ba la sogs pa dang/ 'og nas kyang/ gzhon nu rang gi
zhang po la/ zhes bya ba dang/ rgan pos sbyar ba'i 'jigs shes
pas/ /zhes bya ba dang/

khyab 'jug gis ni gnyen 'dun dag /ces bya ba la sogs pa'i skabs
su bshad pa nyid yin no/ /dpa' bo chen po khyod ni bsnyengs pa
dang bral ba ste/ bdag nyid la do zla med par mkhyen pas 'jigs pa
dang bral la/ sdigs par mi mdzad pa ni thugs rje chen pos rgyud
gang bas gzhan

la gnod pa mi mdzad pa ste/ skyes pa'i rabs sna tshogs las ji ltar
'byung ba nyid 'dir sbyar bar bya'o/ /khyod ni sus kyang mi
bsnyengs pa/ /zhes bya ba la sogs pas ni de nyid bshad pa yin te/
khyod ni zhes bya ba ni bde bar gshegs pa'o/ /mi bsnyengs pa ni
'jigs pa dang/

bag tsha ba med pa'o/ /gang gis mi 'jigs she na/ sus kyang ste/
'jig rten na mngon par mtho bar rlom pa dge sbyong dang/ bram ze
dang/ bdud dang/ tshangs pa la sogs pas 'jigs par mi 'gyur ba ste/
'jigs pa'i rgyu ma lus pa spangs pa'i phyir ro/ /gal te rang nyid

la gnod pa med cing kha btsan pa dag phal cher gzhan la gnod
cing/ gdung ba skyed pa yin par 'jig rten na mthong po snyam
na/ kho bo cag gi ston pa 'di la de lta bu mi mnga'o zhes ston pa
ni/ su la'ang bsdigs par mi mdzad pas zhes pa ste/ de'i phyir bde
bar gshegs pa

@36b khyod nyid gcig pu rtse gsum la sogs pa'i mtshon cha rnams mi
bsnams pas dbang phyug la sogs pa'i 'gro ba rnams las khyad par
du 'phags so zhes bya ba'i don to/ /'dir smras pa/ gal te dbang
phyug la sogs pa dag kyang/ mtshon cha thams cad spangs te/ dgon
par dka'

thub spyad pa dag kyang thos la/ bde bar gshegs pa nyid kyang res
'ga' gnod sbyin dang srin po'i cha byad du bsgyur nas mtshon cha
bsrel zhing gzhan dag tshar gcod par thos te de dag mtshungs pa ma
yin nam zhe na/ mi mtshungs te/ dbang phyug dang/ khyab 'jug la
sogs pa dag ni rang

bzhin gyi lus la nyon mongs pa brnag par ma nus pa'i spyod pa yin
par kho rang gis tshad mar khas blangs pa'i rig byed kyi cha dag
las byung la/ sangs rgyas bcom ldan 'das ni gzhan gdul ba'i phyir
sprul pa'i lus las snying rje'i stobs kyis bcos te/ zhe sdang la
sogs pa dang 'brel pa'i

spyod pa lta bur ston pa yin pas ga la mtshungs/ gal te dbang
phyug la sogs pa'ang sprul pa'i lus kyis nyon mongs pa dang 'brel
pa lta bur ston pa yin gyi/ rang bzhin gyi lus ni nyon mongs pa
zhi ba nyid yin no snyam na de lta yin na mi brtsad mod kyi/ 'on
kyang khyed rang gi gzhung las/ dbang

phyug chen po'i rang bzhin gyi lus nyid kyis tshangs pa bsad pa
dang/ khyab 'jug gi zhe sdang gi bsam pas sgra ngan brlag par
byas so zhes 'byung ba la sogs pa rnams dang 'gal bar 'gyur ro/
/smra po nyon mongs bcas pa'i tshig /ces bya ba la sogs pa la/
smra po ni rjod par byed pa

po'o; /de nyid nyon mongs bcas pa ste/ rang gi phyogs la mngon
par zhen cing/ gzhan gyi phyogs la zhe sdang la/ thams cad du
bdag tu 'dzin pas gzir ba'i nyon mongs pa gsum dang rjes su 'brel
ba gang yin pa'o/ /des byas pa'i dag ni de'i tshig ste/ rig byed
la sogs

pa'o; /de nyid rig byed la sogs pa'ang yin la/ tshig kyang yin pas
rig byed la sogs pa'i tshig ste/ nges brjod la sogs pa'i rig byed
do/ /sogs kyi sgras rgyas pas sbyar ba'i skya bseng gi rabs dang/
grog mkhar gyis sbyar ba'i dga' byed kyi 'jug pa la sogs pa gzung
ngo/ /

@37a @#/ /gal te skya bseng gi rabs la sogs pa dag skyes bus byas
pa'i tshig nyid yin du chug kyang/ rig byed ni nyes pa thams cad
kyi rgyu skyes bus ma byas pas skyes bu'i tshig ga la yin snyam
na/ 'di ni ches ma 'brel te/ 'di ltar rig byed kyang skyes bu'i
tshig yin te/ skyes

bu'i 'du byed pa las byung ba'i phyir/ dper na dga' byed kyi 'jug
pa bzhin zhes bya ba la sogs pas shes par nus te/ 'di'i spros pa
re zhig gzhag go/ /phal cher ltag 'og 'gal ba lags/ /zhes bya ba
la/ phal cher ni mang po zhig go/ /ltag 'og 'gal ba ni gong 'og
gi

tshig phan tshun gnod pa yod pa ste/ de'i rgyu 'chad pa po nyon
mongs pa dang bcas pa yin par dgongs so/ /khyod kyi gsung la 'gal
ba med do zhes bar gyi tshig mi mngon pa'i bsdu bar sbyar te/ dper
na zho'i bum pa zhes bya ba lta bu'o/ /'gal ba med par cis mngon
zhe na/ thams cad

mkhyen pa'i gsung zhes smos te/ nyon mongs pa dang/ shes bya'i
sgrib pa zad pas shes bya thams cad la dbang 'byor ba brnyes pa'i
gsung yin pa'i phyir zhes bya ba'i don to/ /gzhan gyi bstan bcos
gzhan dag ni/ /zhes bya ba la/ gzhan gyi bstan bcos ni ser skya
dang/

gzegs zan la sogs pas bshad pa'i grangs can dang/ rigs pa can la
sogs pa'o/ /gzhan dag ni gzhan ji snyed pa de dag thams cad ces
bya ba'i don to/ /phal cher snga phyi'i 'gal ba lags/ /zhes bya
ba ni 'di ltar gtso bo rtag par 'dod la/ de nyid thams cad kyi
rgyur yang

'dod pa lta bu ste/ rtag pa rgyur 'gyur ba shin tu 'gal ba dang/
rigs pa can ni bdag bems po yang yin la/ yul la longs spyod pa po
yang yin no zhes zer ba dang/ rig byed pa ni rig byed dag gi 'du
byed pa'ang yin la/ skyes bus ma byas pha yang yin no zhes 'dod
pa dang/

gzhan yang khyab 'jug dang/ dbang phyug la sogs pa'i lha chen po
de dag ni/ thams cad mkhyen par 'dod bzhin du phung khrol dpag tu
med pa la zhugs nas/ phyis 'gyod bzhin du de sel ba'i thabs la
zhugs par 'dod pa ste/ bde bar gshegs pa dag gis mthong na bzhad

@37b gang du 'gyur ba du ma smra ba yin no/ /khyod nyid kyi ni
gzhung lugs dag /ces bya ba ni bde bar gshegs pa khyod nyid kyis
gsungs pa'i gzhung lugs sde snod gsum gyi bdag nyid can gang yin
pa de la ni/ thog ma bar mthar skyon ma mchis/ /zhes sbyar te/
thog mar gsungs pa'i tshig de bar

dang tha mar gsungs pa'i tshig gis mi gnod cing/ de bzhin du sbyar
te/ bar dang tha mar gsungs pa de la snga phyi dang gong ma dag
gis mi gnod pa'ang yin la/ rang gi ngo bo'i tshig gang yin pa de
la'ang rigs pas gnod pa 'ga' yang yod pa ma yin no/ /yang na thog
ma bar mtha' ni thos pa

dang; bsam pa dang/ bsgom pa dag gi rus na rigs pa dag gis mi
gnod pa'i phyir/ skyon med pa yin no zhes kyang sbyar te/ ha cang
yi ge'i don ma yin no/ /chos 'dod pa dag dmangs rigs la/ /zhes
bya ba la sogs pa la/ chos smra bar 'dod pa'i gang zag rgyal dpog
pa la sogs

pa dag /dmangs rigs la blo gros te phyin ci ma log pa'i de kho na
nyid sbyin bya min te/ bshad pa'i snod ma yin no zhes zer ro/
/'di ltar dmangs rigs la rig byed 'don na dmyal bar ltung ngo
zhes 'chad do/ /de ltar 'chad pa'i rgyu yang dmangs rigs la sogs
pa thams cad thun mong du

gyur na; bram ze rnams la gzhan gus par mi 'gyur bas des na phrag
dog gis de skad sbyar ba yin no/ /khyod ni gdol pa rnams la'ang/
/zhes bya ba ni bde bar gshegs pa khyod ni gdol pa ni nye bar
mtshon pa ste/ lham mkhan dang/ nya ba la sogs pa rigs med pa
rnams gzung ngo/ /'ang gi

sgras ni rgyal rigs la sogs pa rnams bsdu'o/ /thugs rjes dam chos
ston par mdzad/ /ces bya ba ni thugs rje kho nas zhes bya ste/
thugs rje kho nas dam chos ston gyi grags pa dang khe'i phyir ma
yin no zhes bya ba'i don to/ /'di ltar/ na ba'i bu la khyad par
du/ ma ni gdung ba skye ba

ltar; /de bzhin byang chub sems dpa' yang/ /dam pa min la khyad
par brtse/ /zhes bshad pa lta bu'o/ /ljon shing bzang po zhes bya
ba la sogs pa la/ ljon shing yang yin la bzang po yang yin pas na
ljon shing bzang po ste/ lo ma dang/ me tog dang/ 'bras bu phun
sum

@38a @#/ /tshogs pa gang yin pa'o/ /de spangs te zhes bya ba ni dor
nas zhes bya ba'i don to/ /ngan pa ni shing e raNDa la sogs pa
ste de la ni su zhig bsten zhes bya ste/ dpyod pa dang ldan pa su
zhig len par byed de/ mi byed do/ /de nyid don la sbyar ba na/
'dod chags

bral brnyes zhes bya ba ni nye bar mtshon pa ste/ nyon mongs pa
mtha' dag dang bral ba'i chos thob pa nyid gzung ngo/ /de gang la
yod pa'i bde bar gshegs pa khyod bzhugs bzhin du/ mkhas pa su
zhig nyon mongs pa'i 'dam du bying ba'i ser skya dang/ gzegs zan
la sogs pa'i ston pa

gzhan la 'dud cing phyag 'tshal bar byed de/ mi byed ces bya ba'i
don to/ /ser skya yul rnams la spyad bzhin/ /zhes bya ba la/ ser
skya ni grangs can gyi ston pa'o/ /yul rnams la spyad pa ni yul
gzugs la sogs pa 'dod pa'i bde ba la longs spyod bzhin du ye shes
te yang dag

pa'i de kho na nyid mthong bar 'gyur ba'o/ /'di yang gong du/ ser
skyas bdag gi mtshan nyid ni/ /zhes bya ba'i skabs su bshad pa
ltar ro/ /mchi zhes bya ba ni de skad grag ces bya ba'i don te/
ma rangs pa'i tshig go/ /sdig bral ba zhes bya ba ni bod pa ste/
mi dge ba thams cad zad

pa'i bde bar gshegs pa khyod kyis so/ /kun nas nyon mongs la/
thar pa ga la yod ces gsungs zhes bya ba ni/ sems gang la kun nas
nyon mongs pa yod par zhes 'bru mang po pa'i bsdu bar sbyar ro/
/thar pa ni sdug bsngal thams cad las grol ba'i mya ngan las 'das
pa'o/ /

ga la yod ces bya ba ni spong ba'i tshig ste/ med ces bya ba'i don
to/ /gsungs pa ni bka' stsal pa ste/ mdo sde dag las ji skad du/
'dod pa'i yon tan lnga la brten na bar du gcod pa'i chos su 'gyur
ro zhes 'byung ba lta bu'o/ /bsod nams byas pa'i tshogs dag ni/
/zhes bya ba la

sogs pa la/ bsod nams ni sbyin pa las byung ba'i bsod nams bya
ba'i dngos po la sogs pa yin la/ byas pa ni lus dang/ ngag dang/
yid kyis mngon par 'dus byas pa gang yin pa'o/ /tshogs ni mang du
bsgrubs pa'o/ /de dag ni sems can rnams la yongs su bsngo

@38b bar bcom ldan 'das kyis gang gsungs pa ni ji skad du/ dus
gsum dang rjes su 'brel pa'i dge ba'i rtsa ba thams cad sems can
thams cad dang thun mong du byas te/ bla na med pa yang dag par
rdzogs pa'i byang chub tu yongs su bsngo bar bya'o/ /zhes bya ba
la sogs pa rgya cher 'byung ba de

lta bu ni gzhan ser skya dang/ gzegs zan la sogs pa'i gzhung lugs
kyi bstan bcos rnams las cha tsam yang ma bshad do/ /lha rten
dang ni mchod sbyin la/ /zhes bya ba la sogs pa la/ lha rten ni
dbang phyug dang/ u ma la sogs pa'i gzugs brnyan no/ /mchod
sbyin ni mi

bsad dang/ rta bsad la sogs pa'i mchod sbyin no/ /la zhes bya ba
ni bdun pa'i sgra ste/ gnyis ka'i mthar sbyar la/ de yang lha
rten la sems can rnams gsod pa zhes sbyar na/ yul gyi bdun par
'gyur la/ mchod sbyin la sems can gsod pa zhes sbyar na/ dus kyi
bdun par

'gyur ro/ /gsod pa'i tshul yang/ rig byed kyi gzhung las/ bar gyi
dus la bab pa na/ /byol song drug gam bdun sbyar bya/ /rta yi
gtsang ma'i rigs yin te/ /min na byol song gsum gyis o/ /re re la
yang grong gi mi/ /byol song bcu drug bcu drug sbyin/ /cho ga
bzhin du mchod sdong

gzugs/ /bar du bcu dang bdun sbyin bya/ /zhes bya ba dang/ bram
ze la ni bram ze bsad/ /rgyal rigs la ni rgyal rigs bsad/ /ma ru
dag la rje rigs te/ /dka' thub dag la dmangs rigs so/ /zhes bya
ba la sogs pa'i gzhung 'jig rten pa chos su 'dod pa'o/ /khyod kyi
bstan

la de smad lags/ /zhes bya ba ni/ bde bar gshegs pa khyod kyi
bstan pa la de dag smad pa ste/ ji skad du/ srog gcod pa'i las
kyi rnam par smin pa ni sems can dmyal ba dang zhes bya ba la
sogs pa rgya cher 'byung ba lta bu'o/ /de la 'di snyam du/ srog
gcod pa spyi tsam chos ma yin

mod; mchod sbyin gyi dus su rig byed las 'byung ba'i cho ga phun
sum tshogs pas bsad pa ni chos yin no snyam na ma yin te/ chos
gang zhig srog chags la rtag tu gnod pa gang yin pa de ni rig
byed las 'byung ngam/ drang srong gis bshad dam/ mchod sbyin gyi
dus su'ang rung ste/ de lta

@39a @#/ /bu'i tshul de la chos nyid ga la yod de med do/ /ci'i
phyir zhe na/ chos ni ngan song du lhung ba las 'dzin pa'am/
'phos nas bde ba ster bar byed pa'i don gyis na d+harmA zhes bya
ba yin la/ mi bsad kyi mchod sbyin la sogs pa ni de las bzlog
pa'i phyir ro/ /ji ltar zhe na/

gzhan la gnod pa yin pa'i phyir te/ dper na gdol ba'i bya ba
bzhin no/ /de ltar yang drang srong rgyas pas mchod sbyin gyi
bsngags pa brjod pa na/ de'i bu ne tsos smras pa/ mchod sdong
btsugs te phyugs bsad nas/ khrag gis 'dam ni byas gyur pa/ /des
kyang mtho ris 'gyur na go/ /

dmyal bar gang gis 'gyur ba gsungs/ /zhes smras par grag go/
/de'i phyir gtso bo khyod kyis ni gzhan la gnod pa lta zhog gi/
rang nyid kyi srog gis sems can legs par bsrungs te/ glang po
che'i skyes pa'i rabs la sogs pa dper brjod par bya'o/ /'o na
mchod sbyin gyi cho ga

chos su mi rung na/ phyin ci ma log pa'i chos de gang yin pas
smros shig ce na/ smras pa/ shAkya'i rgyal rigs 'khrungs khyod
kyi/ /zhes bya ba la sogs pa ste/ shAkya ni khyim pa'i phyogs
kyi rigs rnams kyi bla ma smos pa'o/ /de yang rgyal po mang pos
bkur ba zhes bya ba nas brtsams

te/ rgyal rabs sa ya phrag gcig dang/ khri phrag gcig dang/ dgu
stong dang/ bzhi brgya dang/ brgyad cu gya dgu 'das pa na/ /grong
khyer gru 'dzin zhes bya bar/ /rgyal po bu ram shing pa 'phags
skyes po zhes bya ba byung ngo/ /de la bu lnga ste/ skar mda'
gdong/ lag

na glang po che 'dul/ rkang gdub can/ rgyal srid dga'o/ /de'i tshe
ba bzhis grong khyer ser skya bzung nas shin tu phod pa che bas
shAkya zhes grags so/ /de'i rgyud yin pas na shAkya'i rgyal
rigs so/ /der 'khrungs pa ni bsams bzhin du skye ba bzhes pa'o/
/bden pa ni rang gi ngo bo

phyin ci ma log pa'o/ /mi slu ba ni zhugs pa yid ches pa skyed
pa'o/ /tshangs par spyod pa ni dbang po'i sgo bsdams pa'o/ /dul ba
ni mtshan ma dang/ rnam par rtog pa zhi ba'o/ /brtser ldan ni pha
rol la phan par sbyor ba ste/ tshul de lta bu ni khyod kyi dam
pa'i chos lags par dgongs

@39b kyi; nye bar 'tshe ba ni ma yin no zhes bya ba'i don to/ /rig
byed mtha' la 'byams pas kyang/ /zhes bya ba la sogs pa la/ rig
byed mtha' dag la 'byams par shes pa ni rgyas pa la sogs pa ste/
de dag kyang g.yul ngo ste 'thab sar dgra 'ongs na bsad par smra
ste/ de yang gong du/ khros

pas g.yul ngor bsad byas na/ /zhes gsungs pa lta bu'o/ /bde bar
gshegs pa khyod ni dgra la'ang snying rje kho na bya bar gsungs
te/ bzod par smra ba'i skyes pa'i rabs dper sbyar bar bya'o//
//gzhon nus rang gi zhang pho la/ /zhes bya ba la sogs pa la/
skem byed kyi sngon gyi gtam rgyud

las 'di ltar thos te/ ri kha ba can la nya can dang/ dur ba zhes
bya ba'i bu gnyis yod de/ ri bo dur ba ni shin tu yang nyams dga'
ba yin pas/ ri rab kyang zil gyis mnan nas lhag par gnas shing/
phrag dog can yin pas grub pa gang la yang skabs mi 'byed do/
/de nas grub pa'i

lha rnams kyis bsams pa/ kho bo cag der 'dug nas 'dod pa'i bde ba
spyod par nam zhig 'gyur snyam zhing 'dod pa dang bcas par gyur
pa dang/ gzhon nu ri bo ti sen bstod pa byed cing 'dug pa'i gan
du song ste gsol ba btab pa/ ci nas kyang ri bo dur bar bdag cag
rnams chung

ma dang lhan cig 'dod pa'i bde ba spyod par 'gyur ba de ltar gyis
shig ces smras pa dang/ gzhon nus bsams pa/ gzhan gyis gsol ba
ngor bzlog pa/ /sog 'dor bas kyang smad bya yin/ /de bas 'di yi
las la ni/ /da ni kun tu brtson par bya/ /snyam nas/ de song ste
bsnyen bkur

chen pos ri bo dur pa la gsol ba btab pa/ dur pa kho bo'i gsol ba
bya ba gcig cig nges par spyad par gyis shig /des smras pa/ ci
zhig /gzhon nus smras pa/ grub pa rnams kyis skabs rnyed pa'i
phyir rjes su brtse bar gyis shig ces smras pa dang/ smras ma
thag tu khro bas dregs

par gyur pa'i gdong gis khro gnyer bsdus pa'i bzhin dang/ nga ni
su la'ang go skabs mi 'byed do zhes smras pa dang/ gzhon nus 'bad
pa sna tshogs byas kyang don de ma grub pas/ de'i tshe de dang lhan
cig 'thab par brtsams so/ /gtam 'di lha mo u mas thos pa dang/
bu la gtses par

@40a @#/ /dogs pa'i sdug bsngal dang ldan pas lag pa 'gram pa la
gtad de mya ngan gyis gnas par gyur cing/ 'di lta bu'i rnam par
'khrug pa byung ba las nas gsum mtha' dag 'khrug par mi 'gyur ram
snyam mo/ /ti se dang/ sa hya dang/ 'bigs byed dang/ ma la ya

la sogs pa'i ri bo rnams kyang der song ste smras kyang/ rtsod pa
de zhi bar bya ma nus so/ /de nas gzhon nu khro bo'i gdon gyis
'khrugs shing khros pa'i sems kyis rnam par ma dpyad par mdung
'phangs pas 'di gzhig par nus so snyam nas/ gzhon nu khros pas ci
nas kyang ri bo dur pa

dum bu gnyis su gyur pa de ltar bsnun no/ /de yang gshong chen
por gyur nas der rig 'dzin grub pa rnams rang gi chung ma rnams
dang lhan cig tu rang dgar 'dod pa'i bde ba spyad par byas so/
/gzhon nu zhes bya ba ni karti kas so/ /rang gi zhang po zhes bya
ba ni ri bo dur pa ste/ ma'i spun zla'o/ /

de la gang gis bsnun zhe na/ mdung gis zhes bya ba smos te/ mdung
rtse gcig pas so/ /bsnun zhes bya ba ni dum bu gnyis su byas
pa'o/ /bka' mchid gda' zhes bya ba ni gtam du grags pa thos pa'o/
/dpa' chen zhes bya ba ni bod pa ste/ dpa' ba chen po dang ldan
pas na

dpa' bo chen po'o/ /khyod kyis zhes bya ba ni bcom ldan 'das kyis
so/ /nyon mongs pa'i dra ba zhes bya ba ni mthong ba dang/ bsgom
pa'i lam gyis spang bar bya ba rnams te/ bag la nyal gyi tshogs
zhes bya ba'i don to/ /nyon mongs pa'i tshogs de ci zhig ltar
mdzad ce na/ dral

zhes bya ba smos te/ rnam par bcom zhing bshig la spangs pa zhes
bya ba'i don to/ /gang gis dral zhing zad par mdzad ce na/ shes
rab mtshon gyis zhes bya ba smos te/ ye shes kyi mdung gis zhes
bya ba'i don to/ /de yang bcom ldan 'das kyis/ glog dang 'dra
ba'i sems rdo rje

lta bu'i ting nge 'dzin gyis nyon mongs pa'i tshogs rnams bsad do
zhes gsungs pa yin no/ /khyab 'jug dag gis rang nyid kyi/ /zhes
bya ba la sogs pa la/ rang nyid kyi pho brang gi slas yin pas na
rang nyid kyi slas te/ btsun mo'i 'khor gyi tshogs zhes bya ba'i
don to/ /yongs su

@40b bskyab mi nus zhes bya ba ni yongs su bsrung bar mi nus pa'i
don to/ /gang gis mi nus she na/ khyab 'jug gis so/ /'dir gtam du
bya ba ni/ rgan pos khyab 'jug mda' yis bsnun/ /zhes bya ba'i
skabs su bshad zin to/ /gtso bo khyod kyis zhes bya ba ni bod
pa'o/ /

sems can kun zhes bya ba ni khams gsum par gtogs pa ste/ de rnams
bskyab pa'i don du zhes bya ba phan par mdzad cing bskyang ba
zhes bya ba'i don to/ /rtag tu brtson zhes bya ba ni dus rtag par
rgyun du brtson zhing 'bad par mdzad pa ste/ de yang nyin lan
gsum mtshan lan gsum du

sangs rgyas kyi spyan gyis 'jig rten rnams la/ su ni 'phel/ su ni
'grib ces gzigs par mdzad do zhes bya ba la sogs pa gsungs pa yin
no/ /rgan pos sbyar ba'i 'jigs shes nas/ /zhes bya ba la sogs pa
la/ 'di ltar rjes su thos te/ rgan pos sbyar ba zhes bya ba'i

lha ma yin zhig yod pa dang/ de khyad par gyi dka' thub la spyad
pas tshangs pa chen po las 'jig rten gsum gyi bdag por gyur pa'i
mchog blangs nas des bsams pa/ khyab 'jug ni kun las rgyal bar
'dod ces thos kyis/ de bas na de dang por brlag par bya ste/ de
brlag nas

gegs med par sa gsum rnam par gnon par bya'o snyam nas/ khyab
'jug bsad pa'i phyir brtson par byed pa dang/ khyab 'jug ni bcom
brlag na 'dug go zhes thos nas des ring po nyid nas dbyug pa chen
po cig 'phangs te/ de'i rjes la bdag nyid chas so/ /de nas dbyig
pa 'phangs pa'i sgra thos

bas de 'ong bar khyab 'jug gis shes nas 'chi ba'i 'jigs pas bcom
brlag btang ste/ rgya mtsho'i nang du sgor ldan gyi grong khyer
yod pa der song bar gyur to/ /rgan pos sbyar ba'i 'jigs pa yin
pas rgan pos sbyar ba'i 'jigs pa'o/ /shes pa ni rtogs pa'o/ /su
zhig gis she na/ khyab

'jug gis so/ /gang gis btang zhe na/ bcom brlag btang zhes bya ba
smos te/ bcom brlag ces bya ba'i grong khyer btang zhing spangs
par gyur pa'o/ /thub pa khyod la bsnyengs bgyid gang/ /zhes bya
ba la/ thub pa khyod ces bya ba ni bod pa'o/ /bsnyengs bgyid gang
zhes bya ba ni

@41a @#/ /gang las bsnyengs shing 'jigs pa byed pa'o/ /sems can de
ni 'ga' ma mchis/ /zhes bya ba ni 'jig rten gsum po dag na 'gro
ba de lta bu 'ga' yang ma mchis pa'o/ /de yang 'dir ba ku la'i
mdo dper brjod par bya ste/ ba ku la de bzhin gshegs pa 'jigs

par byad pa de ni yod pa ma yin no zhes bya ba la sogs pa rgya
cher brjod pa yin no/ /khyab 'jug gis ni zhes bya ba la sogs pa
la/ khyab 'jug gis ni zhes bya ba ni khyab 'jug rmongs par gyur
pas zhes bya ba'i don te/ gal te ma 'gags pa la sogs pas drang
srong gnas ngan la bsnyen

bkur ma yin pa mi byed de/ de rnams 'di ltar brlag par mi 'gyur
ba'i phyir ro/ /gnyen 'dun dag ces bya ba ni khyab 'jug gi gnyen
biShNu rnams te/ de rnams brlag cing gtugs par gyur pa'o/ /'dir
gtam du bya ba ni/ rgan pos khyab 'jug mda' yis bsnun/ /ces bya
ba'i

skabs su bris pa yin no/ /yang bcom ldan 'das khyed kyis ni/
gnyen 'dun thams cad ni zhes bya ba nye du'i tshogs thams cad do/
/'khor ba las ni zhes bya ba ni/ srid pa'i btson ra las so/ /rnam
par bkrol zhes bya ba ni mya ngan las 'das pa thob par mdzad do
zhes bya ba'i

don to/ /'dir yab dang sras mjal bar bre bo zas la sogs pas khyad
par rtogs par mdzad pa dang/ yum la chos ston pa'i phyir sum cu
rtsa gsum gyi gnas su gshegs pa la sogs pa thams cad sbyar bar
bya'o// //mu stegs gzhan gyi gzhung lugs la zhes bya ba la

sogs pa la/ mu stegs gzhan gyi zhes bya ba ni 'di las phyi rol du
gyur pa'o/ /gzhung lugs la zhes bya ba ni grub pa'i mtha' la'o/
/ji lta ji ltar zhes bya ba ni bzlas pa ste/ ji srid ji srid du
zhes bya ba'i don to/ /rnam bsams pa zhes bya ba ni rnam par
dpyang pa'o/ /de lta de

ltar zhes bya ba ni de srid de srid du'o/ /mgon po khyod la zhes
bya ba ni bod pa'o/ /bdag gi sems ni dad par gyur/ /ces bya ba
ni/ dad pa dang ldan zhing yid dang pa dang ldan par gyur to zhes
bya ba'i don to/ /de ltar thams cad mkhyen min pa'i/ /zhes bya ba
la sogs pa la/ de ltar

@41b zhes bya ba'i sgra ni/ sngar smras pa'i nyes pa'i rnam pa
ston te/ des zin cing dbang du byas la drangs pa'i sems dang ldan
pa gang yin par ni 'di ltar sems pa'o/ /thams cad mkhyen min pa'i
zhes bya ba ni thams cad mkhyen pa nyid ma yin pa ste/ ser skya
la sogs pa'o/ /des

byas pa'i grub pa'i mtha' ni thams cad mkhyen pa ma yin pa'i grub
pa'i mtha' zhes bya'o/ /de'i skyon yin pas na thams cad mkhyen pa
ma yin pa'i grub pa'i mtha' skyon no/ /bsam brlag rnams kyi zhes
bya ba ni byis pa ste/ blo gros yod pa ma yin pa gang yin pa de
la bsam

brlag ces bya'o/ /skyon med pa'i ston pa khyod kyang mi mthong
ngo zhes bya ba la/ skyon med pa ni nyon mongs pa'i skyon ma lus
pa bag chags dang bcas pa spangs pa yin pas so/ /ston pa zhes bya
ba ni lha dang mi rnams la ston pa mdzad pa'o/ /khyod ces bya ba
ni sangs rgyas bcom ldan

'das so/ /mi mthong ngo zhes bya ba ni ma rtogs pa'o/ /'jig rten
lha dang bram ze dang/ /zhes bya ba la sogs pa la/ mu stegs pa'i
'jig rten 'di dag ni 'di skad ces smra ste/ shAkya'i bu 'di ni
lha dang bram ze dang/ rig byed la sdang ngo zhes smra'i/ rang
nyid skyon byed pa ni de lta na'ang

sems par mi byed cing/ rtogs par mi byed do/ /de yang 'di ltar
'jig rten pa rnams ma dad pa'i dbang gis gang dag dran pa'am rnam
par rtog pa de thams cad sngon dang phyi ma'i mtha' mi rtog par
de rnams tshig gis sgro 'dogs par byed la/ shAkya de yang sngon
dang phyi ma'i mtha' mi

rtog par de rnams tshig gis sgro 'dogs par byed la/ shAkya de
yang sngon dang phyi ma'i mtha' bltas te/ 'brel pa med cing
snying po med par shes nas de ltar ston mod kyi/ de nyes pa dang
bcas par gyur pa ma yin gyi/ 'jig rten 'di lta bur gyur pa nyid
skyon dang bcas pa yin no/ /

gzhan yang bdag cag lta bu'i skye bo dag ci'i phyir khyed kyi
bstan pa la dga' bar byed ce na/ gang slad khyed kyi bstan pa ni/
/zhes bya ba la sogs pa smos te/ gang slad ces bya ba ni gang gi
phyir ro/ /khyed kyi bstan pa ni zhes bya ba ni sangs rgyas bcom
ldan 'das kyi gsung rab po/ /

@42a @#/ /bde ba zhes bya ba la ni thar pa'i bde ba'am/ mtho ris
la sogs pa'i bde ba'o/ /bde nyid ces bya ba ni rjes su mthun pa'i
thabs kyis lam nyid kyis so/ /thob bgyid pa zhes bya ba ni rnyed
par byed pa'o/ /de slad ces bya ba ni de'i phyir ro/ /smra ba'i
seng ge zhes

bya ba ni bod pa ste/ smra ba'i seng ge khyed kyis zhes bya ba'i
don to/ /gzhung lugs zhes bya ba ni bstan pa ste/ de la dga'
ba'o/ /su zhig ce na/ 'gro 'di zhes bya ba smos te/ bdag cag lta
bu'i sems can dag go/ /dga' zhing zhes bya ba ni dang zhing mos
pa'o/ /bstod pa

las byung ba'i bsod nams bsngo bar bya ba'i phyir/ khyed kyi yon
tan yang dag pa/ /zhes bya ba la sogs pa smos te/ khyed kyi zhes
pa ni de bzhin gshegs pa'i 'o/ /yon tan zhes bya ba ni nyon mongs
pa spangs pa la sogs pa'o/ /yang dag pa zhes bya ba ni nges par
mnga' bar gyur

pa'o; /rnam pa 'di ltar zhes bya ba ni sngar bshad pa'i rnam pas
zhes bya ba'i don to/ /brjod pas zhes bya ba ni smra bas so/
/bdag gis zhes bya ba ni bstod pa byed pa po'o/ /bsod nams gang
zhes bya ba ni legs par spyod pa gang yin pa'o/ /thob pa zhes bya
ba ni byung ba'am

rnyed pa'o/ /'gro ba'i 'jig rten zhes bya ba ni sems can gyi 'jig
rten thams cad do/ /khyod 'drar shog ces bya ba ni sangs rgyas
bcom ldan 'das khyed dang 'dra bar shog ces bya ba ste/ rnam pa
thams cad mkhyen pa'i ye shes thob par gyur cig ces bya ba'i tha
tshig go// //de dang

de las rnam bsags shing/ /de bzhin las kyis nyer mdzes pa/ /rgyas
bshad sems can la brtse bas/ /shes rab go chas 'di byas so/ /de
rnams de 'dra'i rigs ldan de ni shes nas su/ /thub pa'i yon tan
tshogs kyi de nyid rnam nges pa/ /nyes pa bdo ba rnams mang yang

dag spangs nas ni/ /'jig rten 'di dag bde gshegs la gzhol ji ltar
'gyur/ /bdag gis dad pa sngon 'gro las byas bsod nams gang/ /zla
ba'i 'od zer zil gnon legs par skyes gyur pa/ /des ni gti mug rab
rib kyis bsgribs 'jig rten dag /blo yi nam mkha'

@42b dri med sman dang myur ldan shog /khyad par du 'phags pa
zhes bya ba de bzhin gshegs pa'i bstod pa/ slob dpon mtho btsun
grub rjes mdzad pa'i rgya cher bshad pa/ byang phyogs kyi rgyud
du byung ba/ b+ha ga la'i yul gyi slob dpon shes rab go chas mdzad
pa rdzogs so// //

rgya gar gyi mkhan po paNDi ta dzA ran da na dang/ zhu chen gyi
lo tsA ba dge slong rin chen bzang pos bsgyur cing zhus te gtan
la phab pa// //yid srub zla ba'i gtsug dang gos ser can/ /rig
byed byed po dga' byed grog mkhar ba/ /rgyas pa rgyal dpog pa
dang sa yi bu/ /thub

pa rkang mig phur bu lha min rjes/ /skyob pa nyin mor byed pa'i
rgyud 'khrungs pa/ /srid gsum bla ma shAkya'i rgyal po de'i/
/rnam par thar la bskrun min der bstod pa/ /de yi 'grel pa de
'dir rdzogs par byas/ /dge ba de yis srid pa'i ljongs rgyu bas/
/bdag tu 'dzin pa'i

thibs por 'khyams gyur pa/ /mu stegs byed kyi mun pa 'joms byed
pa'i/ /rgyal ba nyin mor byed par bdag gyur cig /khyad par du
'phags par bstod pa'i rgya cher bshad pa/ slob dpon shes rab go
chas mdzad pa las/ bar skabs su tshigs su bcad pa bcu gnyis kyi

'grel pa'i rgya dpe ma rnyed nas/ dus phyis shAkya'i dge slong
kun dga' rgyal mtshan dpal bzang po zhes bya bas dpal sa skya'i
dgon par sbyar ba rdzogs so// @##/ /rgya gar skad du/ sarba dznye
ma hA shwa ra sto traM nA ma/ bod skad du/ thams cad mkhyen pa
dbang phyug

chen po'i bstod pa zhes bya ba/ dkon mchog gsum la phyag 'tshal
lo/ /gang zhig lha las lhag pa'i lha/ /de gang lha yi bla ma ste/
/bla ma'i bla mar gyur pa de/ /de la bdag ni skyabs su mchi/
/chen po nyid dang dbang nyid dang/ /gang zhig dbang phyug che
nyid gyur/ /'jig rten

gsum las grol ba yi/ /dbang phyug tshe der bdag phyag 'tshal/ /ye
shes me yi 'od kyis ni/ /'dod dang rmongs pa'i rang bzhin gyi/
/grong kyer sum brtsegs zad bsregs pa'i/ /grong khyer gsum bsregs
pa der 'dud/ /byams pa'i thod pa rtag 'chang zhing/ /snying rje'i

@43a @#/ /thal bas yang dag byugs/ /tshul khrims zla bas dbu brgyan
pa'i/ /dbang phyug tshe der bdag phyag 'tshal/ /byams dang snying
rje'i rwa mchog dang/ /dga' dang btang snyoms mig ldan pa'i/
/theg chen khyu mchog bcibs pa yis/ /gang zhig gshegs

mdzad dbang phyug che/ /sbyin dang tshul khrims bzod brtson 'grus/
/bsam gtan la sogs btsun mo dang/ /mchog bcas tshogs kyis gshegs
mdzad pa'i/ /dbang phyug che der bdag phyag 'tshal/ /g.yo yi rwa
yis kun du khyab/ /kun nas nyon mongs srid dbus zhig /phar

'gro'i srid bu mi bzad pa/ /lta ba 'bar ba rab bsregs can/ /dur
khrod gang dgos thugs mnga' ba/ /rnam pa sna tshogs sprul pa'i
gzugs/ /rtag tu tshogs bcas kyis 'khyud pa'i/ /dbang phyug che der
bdag phyag 'tshal/ /'jig rten gsum gyi 'dod pa'i rgyus/ /don

gnyer 'joms pa gang zhig 'khor/ /bka' sgrub pa yis mi mchi ba'i/
/dbang phyug che der bdag phyag 'tshal/ /yan lag brgyad kyi tshul
ldan zhing/ /rdzu 'phrul rkang pa'i sgrong skyes kyi/ /yongs
bskor mi 'jigs chen po'i gling/ /sgo nyid g.yo ba rab tu dag
/snying rje'i chu ni rgyu

ba can/ dam chos chu bo gang 'dzin pa/ /dbang phyug che der bdag
phyag 'tshal/ /mi shes pa yi ma he yis/ /'jig nyon thams cad 'jigs
byed pa'i/ /bsnun mdzad ye shes rtse gsum gyis/ /rtse gsum can
gang dbang phyug che/ /mchog dang tha ma bar dag dang/ /zhi'am ma
zhi go

'phang la/ /ma zhi thams cad rnam grol ba'i/ /dbang phyug che der
bdag phyag 'tshal/ /skye ba'i sdug bsngal ma lus pa/ /thugs rje
mchog gi khyad par gyis/ /gang zhig gsal bar 'phrog pa yis/
/'phrog pa de la bdag 'dud kyis/ /dbang phyug dam pa phun tshogs
shing/ /

'dod pa'i chu la sred spangs pa/ /de la phyag 'tshal lha chen po/
/sems can thams cad bde mdzad pa/ /gang zhig kun gyi rjes 'brangs
pas/ /sems can thams cad sdud pa yi/ /bdud kyi bgegs kyis mi thub
pa'i/ /'dod pa 'joms de la phyag 'tshal/ /dbang phyug

@43b dam pa chen po nyid/ /rab nyes spub pa skyes bu gang/ /de la
phyag 'tshal lha chen po/ /sems can thams cad phan bzhed pa/ /gnod
pa'i kun du dgrar gyur gang/ /byams pa yis kyang rnam zhen dang/
/dkar po'i chos kyang yongs rdzogs pa'i/ /dbang phyug tshe der
bdag

phyag 'tshal/ /gza' dang rims nad dbul ba dang/ /las kyis gzir
ba'i 'gro ba dang/ /gsung tsam gyis myur zhi mdzad pa'i/ /zhi ba
de la bdag 'dud do/ /'jig rten kun gyi dbang phyug la/ /bstod pas
bdag gis dge bsags pas/ /des ni 'jig rten ma lus 'di/ /

ye shes dbang phyug che gyur ci ba [?]/ /thams cad mkhyen pa dbang
phyug chen po zhes bya ba'i bstod pa bram ze'i dge bsnyen mtho
btsun grub rjes mdzad pa rdzogs so// //rgya gar gyi mkhan po dzA
ran da na dang/ zhu chen gyi lo tsA ba rin chen bzang pos bsgyur
ba'o// //

@##/ /rgya gar skad du/ de wa a ti sha ya sto traH/ bod skad du/
lha las phul du byung bar bstod pa/ de bzhin gshegs pa thams cad
la phyag 'tshal lo/ /bcom ldan bde gshegs mngon sum ma gyur khyab
'jug min/ /tshangs pa ma yin lha chen po yang ma mthong

ste; /de dag gi gzugs mthu dang spyod pa bsam pa rnams/ /thos nas
su la yon tan yod dam med pa dpyad/ /khyab 'jug dpung drag mtshon
cha dbyug to thags par brtson/ /lha chen mi yi thod pa'i phreng
ba rnams kyi bzhag /sangs rgyas cha lugs gcig tu zhi ba'i phul
phyin na/ /

nye bar zhi dang ma zhi gang la mchod par bya/ /khyab 'jug gis ni
'thab dka' la sogs rigs rnams brlag par gyur/ /lha chen pos ni
grong khyer sum brtsegs bcom par gyur zhes grag /skem byed kyis
kyang mdung thung 'jebs bsnun krung krung bsad par gyur/ /sangs
rgyas nyag

gcig 'gro la sman pa thams cad mdzad pa lags/ /nga yis 'di la
gnod bya 'di nyid bsrung bya 'di/ /gsad bya zhes pa lha yi mchog
gi gzhung lugs yin/ /sangs rgyas la ni dgra dang mdza' bshes mi
mnga' bar/ /nges par legs dang mngon par mtho bas phan 'dogs
mdzad/ /

@44a @#/ /khyab 'jug chig ni 'dod chags la sogs skyon rnams
bskyed/ /lha chen po yi byed spyod gang yin smyon pa bzhin/ /de
bzhin gshegs pa nyes pa ma lus sel mdzad na/ /su zhig ston pa
chen por 'os pa dpyad par gyis/ /gang zhig brtse med gzhan la
gnod par

brtson pa dang/ /gang la 'gro ba dag ni skyabs su song gyur pa/
/'dod chags bcas dang gang zhig 'dod chags rnam bral ba/ /de las
gang zhig 'di na mchod bya soms te smros/ /brgya byin rdo rje
thogs shing stobs can gshol thogs khyab 'jug 'khor lo'i mtshon
thogs dang/ /

skem byed mdung thung thogs shing lha chen rtse gsum mtshon thogs
dur khrod gnas gyur pa/ /de dag byis pa snying brtse med pa sna
tshogs mtshon thogs sdug bsngal 'jigs pas nyen/ /rtag tu srog chags
'joms par brtson pa de la mkhas pa su zhig 'dud par byed/ /gang
zhig

rtse gsum mi bsnams chags bcas mchan na chung ma med/ /'khor
lo mdung thung drag po dang ni bshol mi bsnams/ /nyon mongs rnam
grol mkhas pa gzhan la phan 'dogs rnam par brtson/ /'jig rten
skyabs gyur drang srong de la 'dir ni skyabs su mchi/ /lha chen
'dod chags

dbang gyur ngo tsha spangs shing co 'dri chung ma len par byed/
/khyab 'jug lhag par gtum zhing byas pa chud gzon skem byed rang
gi gnyen yang gsod/ /dka' bzlog khro zhing ma he gsod byed ma mo
rnams ni mi yi sha tshil za/ /log 'dren cha dang che yi stobs bcu
ldan la nyes pa chung ngu'ang

'ga' mi mnga'/ /bcom ldan de ni bdag gi gnyen min mu stegs gzhan
ngag dgra ma yin/ /de dag gi spyod gzhan yang mngon sum gyur par
ma mthong ste/ /tshig dang spyod pa dag gis so so'i khyad par thos
pa las/ /sangs rgyas yon tan phul du phyin la dad phyir bdag
rten lags/ /

bde bar gshegs pa bdag gi pha min mu stegs gzhan dag dgra ma yin/
/de bzhin gshegs des bdag nor ma stsal gzegs zan sogs kyis cang
ma phrogs/ /'on kyang sangs rgyas bcom ldan de ni gcig tu 'gro la
sman mdzad gsung/ /dri med dri ma thams cad sel ba gang yin de la

@44b bdag dang lags/ /gang zhig rtag tu phan dgyes rgyun du 'gro
la phan 'dogs mdzad/ /gang zhig 'gro ba sdug bsngal rnam mang
gdungs pa bde mdzad dang/ /gang zhig shes bya mtha' dag lag mthil
bzhin du gsal mkhyen pa/ /drang srong mnyam med rgyu mnga' de la
glo ba dad par gyur/ /

snying nas dad dam ji ltar dga' ba dang/ /the tshom gyis sam gzhan
gyi ngor yang rung/ /gang zhig thub dbang zla ba der phyag byed/
/des ni lha yi bde ba phun tshogs thob/ /gna' sngon khyab 'jug 'di
yis 'jig rten skye rgan na 'chi'i dbang gyur thob nas su/ /mi
rnams bskyab phyir rmad byung blo

yis snying brtse brtson pas shAkya'i rigs rgyas par/ /gau ta mar
'khrungs sa stengs 'jig rten 'dir ni sangs rgyas gyur par grag
ces thos/ /skye bo nyon mongs blun zhing rmongs pas ston pa phan
'dogs lags par ma 'tshal grang/ /gang tshe 'dod chags zhe sdang gis
ni lha min khyim nas

rin chen phrogs pa dang/ /chags pa'i blo gros kyis ni ngan g.yo
byas nas sa dag phrogs par gyur kyang ni/ /de tshe khyab 'jug ma
grol bzhin du skye bo blun po rnams ni mchod phyag 'tshal/ /sangs
rgyas nges par rnam grol gyur kyang skye bo phal cher rmongs pas
phyag mi 'tshal/ /sa 'di rgya

mtsho bzhi yi ska rags gtams pa'i ljid kyis ni/ /lci lci ltar 'dug
khyab 'jug byin yang stobs chen sdug bsngal gnas skabs gyur/
/thub pa la ni rdul tsam phul bas rgyal po mya ngan med pa yis/
/zla ba'i dkyil 'khor thel gyi 'od zer gos can sa stengs mtha'
dag thob/ /

bdag ni sangs rgyas phyogs mi 'dzin/ /ser skya sogs la mi sdang
yang/ /gang zhig rigs par ldan pa'i tshig/ /de nyid ston par yongs
su 'dzin/ /'di ltar su yang rung ste nges par kun mkhyen dang/
/'gro la gcig tu phan 'dogs mdzad pa'i lugs che ba/ /de dag blo
gros

zhib mo'i mig gis btsal nas su/ /bsten par bya yi gzhan dag mkhas
la ci zhig mkho/ /gang la skyon kun yod min la/ /yon tan thams
cad yod gyur na/ /tshangs dang khyab 'jug dbang phyug che/ /de
yang bdag gi ston pa yin/ /gang la skyon ni mi mnga' zhing/ /yon
tan

@45a @#/ /dpag med mnga' ba dang/ /thams cad mkhyen dang thugs rje
can/ /de la bdag ni skyabs su mchi/ /pad+ma kha bye rgyas pa'i
'dab ltar dkyus ring spyan mnga' ba/ /bstod pa'i chu klung stong
gis rgya mtsho de ltar bstod bgyis pa/ /bdag gi tshig gis bskrun
pa'i dge ba

cung zad ci mchis pa/ /des ni sems can thams cad bde ba dag dang
ldan gyur cig /lha las phul du byung ba'i bstod pa slob dpon bde
byed bdag pos mdzad pa rdzogs so// //rgya gsar gyi mkhan po sarba
dznyA de wa dang/ lo tsA ba bande rin chen mchog gis bsgyur/
zhu chen gyi lo tsA

ba bande dpal brtsegs rak+Shi tas zhus te gtan la phab pa'o// @##/
/rgya gar skad du/ de wa a ti sha ya sto tra TI kA/ bod skad
du/ lha las phul du byung bar bstod pa'i rgya cher 'grel pa/ bcom
ldan 'das 'jam dpal gzhon nur gyur pa la phyag

'tshal lo/ /lha las phul byung zhi ba ston pa po/ /dad cing gus
par bcas pas phyag 'tshal te/ /lha las phul du byung bar bstod pa
ni/ /ci nus par ni rnam par dbye bar bya/ /'di ltar rjes su thos
te/ mtho btsun grub rje zhes bya ba dang/ bde byed bdag po zhes
bya ba spun gnyis

rang gi las la rjes su dga' zhing dbang phyug chen po la mchog tu
dad pa'i bram ze'i rigs su skyes par gyur pa dang/ de bzhin du de
dag bstan bcos thams cad kyi pha rol tu phyin par gyur to/ /de
nas de dag 'di snyam du sems par gyur te/ ji srid lha chen po de
rang nyid kyis mngon sum du

mthong zhing de'i lung ma thob pa de srid kyi bar du yu bu cag
gis dge ba'i rtsa ba cung zad kyang mi bya'o zhes dam bcas par
gyur nas/ ri bo ti ser song ste der phyin pa dang/ lha chen po
dgra bcom pa'i dge 'dun rnams la bsod snyoms stobs pa la brtson
par gyur pa dang phrad de/ de las sangs

rgyas bcom ldan 'das nyid ni srid pa gsum gyi bla ma'i dam pa yin
no zhes bstan pa dang/ des pa rnyed de/ sangs rgyas kyi bstan pa
la zhugs nas de la brten te/ mthong btsun grub rjes ni khyad par
du 'phags pa'i bstod pas sangs rgyas bcom ldan 'das bstod la/ bde
khyed

@45b bdag pos ni lha las phul du byung ba'i bstod pas thub pa'i
dbang po la bstod pa brtsams pa yin no/ /da ni lha las phul du
byung ba zhes bya ba'i bstod pa de'i rgya cher bshad pa brtsam
par bya ba'i phyir/ de'i bshad pa nye bar bstan pa smras pa ni
sangs rgyas bcom ldan 'das zhes bya ba la

sogs pa smras pa yin te/ gal te 'dir shin tu phul du byung ba'i
yon tan 'ba' zhig dang ldan par gyur pas rgyal ba la bstod pa
rtsom par byed pa de'i tshe/ rgol bar smra ba gzhan dag 'di skad
du/ 'di ni dad pa tsam gyis rjes su 'jug pa yin gyi/ yang dag pa
ni ma yin no zhes

rtog par byed pas de'i phyir rigs pa la brten nas smras pa yin
te/ sems can las phul du byung ba'i ston pa de ni da ltar mngon
sum du yang ma mthong zhing/ rnal 'byor pa'i shes pa yang med pa
yin pa'i phyir/ mngon sum du ma gyur mod kyi/ 'on kyang rjes su
dpag pas sa gsum

na yang dag par ston pa rnam pa gnyis grags te/ tha mal pa'i 'jig
rten pa la ni tshangs pa la sogs pa la ston par grags la/ rtogs pa
dang ldan pa'i skyes bu dam pa la ni sangs rgyas bcom ldan 'das
ston par grags so/ /de la 'di rnams mngon sum du mthong ba med
pas na mngon

sum ma gyur zhes smos pa yin te/ thub pa'i dbang po yang mngon
sum du ma dmigs la/ tshangs pa la sogs pa yang sgrib g.yogs med
par ma mthong zhes bya ba'i don to/ /bcom ldan zhes bya ba ni
chags dang bcas pa'i nyon mongs pa'i dgra bo bcom pa'i phyir bcom
ldan

te; 'dis ni spangs pa phun sum tshogs pa smras pa yin no/ /bde
gshegs zhes bya 'dis ni don phyin ci ma log par yang dag par
thugs su chud pa'i phyir bde bar gshags pa ste/ 'dis ni ye shes
phun sum tshogs pa bstan pa yin no/ /khyab 'jug ces bya ba ni rnam
par gnon

pa sna tshogs pas khyab pa'i phyir khyab 'jug ste/ 'dis sa gsum
par gnon pa'i phyir de skad ces bya la/ de'i lte ba'i pad+ma las
tshangs pa skyes la/ de nyid las ni 'gro ba gzhan dag kyang skyes
so zhes zer ro/ /lha chen po ni 'gro ba rnams sdud par byed pa
yin pas na 'phrogs pa zhes

@46a @#/ /kyang bya ste/ 'gro ba 'byin pa dang skyed pa po yin par
'dod de/ de ni 'jig rten 'di 'byin par byed cing so sor sdud par
yang byed do zhes gtam du grags pa yin no/ /tshangs pa zhes bya ba
ni gser gyi skye gnas te skye dgu'i bdag po'o/ /de yang/ dang po
chu ni sprul

par gyur/ /der ni sa bon bcug gyur la/ /de ni gser gyi sgo ngar
gyur/ /de las changs pa skyes pa yin/ /zhes smra ba'o/ /de la
gser gyi rang bzhin can gyi sgo nga las mngal gyi tshul du gyur pa
las skyes pa'i phyir gser gyi snying po zhe'am/ gser gyi skye
gnas zhes bya'o/ /de

ltar na bzhi po de dag ni 'jig rten pa ma lus pa'i mngon sum du
ma gyur pa'i phyir lkog tu gyur pa yin la/ lkog tu gyur pa'i don
rtogs pa ni rjes su dpag pa la brten par bya dgos pas/ de'i phyir
de dag gi zhes bya ba smos pa yin te/ de ltar bzhi po de rnams
kyi gzugs de kha dog dang/

dbyibs kyi bdag nyid can gyi cha lugs dang/ spyod pa ni bya ba'i
las te/ phul du byung ba'i mthu'o/ /yon tan ni ting nge 'dzin
gyis khyad par can du 'phags pa ste/ de dag brtags shing shes par
gyis la/ kye ma bde bar gshegs pa'i bstan pa la zhugs pa rnams ni
'dir gang

zhig ni yon tan dang ldan pa yin zhes rnam par brtag gi/ phyogs
su lhung ba'i sdang ba gang yin pa de bsal bar bya'o zhes bya ba
ni bsdus pa'i don to/ /de ni gzugs sna tshogs pa nyid kyi dbang du
byas nas smras pa ni/ khyab 'jug ces bya ba la sogs pa smos pa
yin te/ khyab 'jug

'khor lo thogs pa ni blta na sdug pa la sogs pa'i mtshon cha thogs
pa ste/ des 'jigs pa ni 'jigs su rung bar khyab 'jug snang ba'o/
/de ni 'di skad thos te/ bdud rtsi phrogs pa las lha dang lha ma
yin 'gras par gyur pas rdeg par 'dod pa na/ de dag la mtshon cha
med pas bsnun

par ma nus pa dang/ phur bus lha rnams la smras pa/ pra tsa zhes
bya ba'i drang srong chen po'i bu zho 'thung zhes bya ba lo bye
ba phrag bdun gyi bar du dka' thub la gnas par gyur pas/ de'i rus
pa rdo rjer gyur pa yod de/ de'i rus pa blangs nas mtshon char
byas nas gsum las rgyal bar nus

@46b par 'gyur bas/ de slongs la mtshon cha des lha ma yin gzhom
pa'i rigs so zhes smras pa dang/ lha rnams kyis drang srong de la
gsol ba btab ste bslangs so/ /des kyang de rnams la phan gdags
pa'i phyir lus la bldag tu bcug ste/ rus pa 'ba' zhig lus par
byas nas de dag la

byin no/ /de nas las thams cad pas rtsib logs kyi rus pa la rdo
rje byas pa ni brgya byin gyis khyer ro/ /byin pa'i rus pa las
dbyig par byas pa ni khyab 'jug gis khyer ro/ /las thams cad pa'i
bu mo re nu ka zhes bya ba nyi mas bslangs pa las/ de gzi byin
bsdus pa'i gzugs

can du gyur pas de'i gzi byin ma bzod pas khyo dang lhan cig rol
cing rtse bar mi 'dod pa dang/ grul bum gyi bu mo dang lha'i bu
mo gzhan dag gis kyang nyi ma'i gzi byin bsten par mi nus pas de
dag bros te pha'i khyim du zhugs nas 'dug pa dang/ phas spyos pas
skyo ba skyes te rgod ma'i

gzugs su byas nas ri bo ti se'i ri sul gyi khrod kyi nang du dka'
thub spyod cing 'dug go/ /nyi ma yang chung ma tshol zhing song ba
na/ gtam de thos nas der song ste/ rta'i gzugs su bsgyur nas mnan
par gyur pa dang/ skyes bu gzhan gyis mngal chags par mi bya'o
zhes byas pa dang/

nyi mas bgad de rang nyid kyi gzugs bstan nas/ nga las bu chags
pa yin no zhes smras pa dang/ chung ma'i sna las phyung bas tha
skar gyi bu gnyis su gyur to/ /gtam de las thams cad pas thos pa
dang/ nyi ma la smras pa/ gal te khyod kyis tshor ba brnag nus na
ngas khyod gzugs

yid du 'ong bar byas la/ gang gi tshe lhag par mi bzod phar na ba
de'i tshe ni gtang bar bya'o zhes smras pa dang/ des de bzhin du
bya'o zhes pa dang/ des de sa la bsgyel te/ 'khor los cha bcu
gnyis su byas nas long mo'i bar du brdar te/ de sa la bor ro/ /de
phan chad ni nyi ma rkang

pa ma brdar pa zhes bya bar grags so/ /de nas gzi byin gyis dum
bu de dag bsdus nas 'khor lor byas la/ de ni shin tu 'bar bas
blta na sdug pa zhes bya bar btags so/ /de brgya byin gyis khyab
'jug la byin la/ des kyang gang gi tshe sgra gcan 'dzin gyis bdud
rtsi brkus te 'thungs

@47a @#/ /pa de'i tshe/ khyab 'jug gis 'khor lo des de'i mgo bcad
par gyur to/ /des kyang de'i tshe lha ma yin gyi lus la reg pas
shin tu 'bar bar snang bas kyang blta na sdug pa zhes bya bar
btags so/ /lha chen po zhes bya ba ni bde byed de/ 'di las bde
bar gyur

pa'i phyir bde byed ces bya ste/ lha chen po las 'jig rten thams
cad bde bar gyur pa yin pa'i phyir ro/ /mi yi thod pa'i phreng ba
rnams kyis bzhag /ces bya ba ni/ rol cing rtse ba ste/ de yang
bram ze la gnod pa byas pa'i sdig pa dang bral bas dga' ste/ nyin
re zhing grong khyer u tsa

ya na zhes bya ba na/ dur khrod chen po yod par lha'i tshogs ma
lus pa'i mdun na gcer bus lag pa stong dang ldan par gar byas so
zhes gtam du grags pa yin no/ /sun d+ha dang u pa sun d+ha zhes
bya ba'i lha ma yin spun gnyis ni lha rnams kyi dgra bo ser ba
lta bur gyur pa yin la/ de gsad

par bya ba'i phyir thig le'i mchog ma zhes bya ba lha'i bu mo lha
rnams kyi rang gi gzi byin gyi cha shas bsdus pa las sprul la/ de
phyag 'tshal ba na tshangs pas mthong bas des de'i gzugs kyis sems
phrogs pas phyogs bzhir gdong bzhi sprul cing/ steng du yang
mgrin pa dang bcas pa'i

mgo sprul la/ des kyang lha chen po gang las byung ba'i rigs shes
pa dang/ lha chen po 'dis kho bo gang las byung ba'i rigs kyi
gtam smras na/ lha rnams kyi mdun du ngo tsha bar 'gyur ro snyam
nas/ des sen mos bcad par gyur to zhes grag go/ /de bram ze bcom
zhing gnod pa byas

pas gtses par gyur pa dang/ lha rnams las mi'i mgo bo'i thod pa
'chang zhing dur khrod na gnas pa dang/ ro bsregs pa'i thal bas
bskus pa dang/ glang po'i pags pa rlon pa gyon pa dang/ nyin re
zhing thun mtshams su mchod pa byed pa dang/ nyin re zhing yang
lha dang 'byung po'i mdun du

gar byed pa la sogs pa'i brtul zhugs blangs par gyur pa yin no/
/des na mi'i thod pa dang 'brel ba'i rgyan shin tu 'jigs su rung
ba'i phreng bas brgyan cing/ bzhag par gyur pa yin pas na de skad
ces bya'o/ /gcig tu zhi ba ni mchog tu zhi ba'o/ /spyod pa'i phul
du byung ba ni sku la

@47b sogs pa'i phrin las dri ma med cing skyon dang bral ba gang
la mnga' ba ste/ 'di ltar mdo las/ de bzhin gshegs pa'i sku'i
phrin las shin tu yongs su dag pa dang zhes bya ba la sogs pa
gsungs pa yin no/ /de lta bas na 'di ltar nye bar zhi ba'i spyod
pa dang ldan pa ni sangs rgyas bcom

ldan 'das te/ de yang ji skad du/ bcom ldan 'dod chags bral nyid
du/ /khyed kyi sku nyid ston pa yin/ /khong stong nang na me gnas
pa'i/ /shing las myu gu sngo mi 'byung/ /zhes bshad pa yin no/
/de la mchod pa bya'am/ 'on te khyab 'jug dang/ tshangs pa dang/
lha chen po la

sogs pa smyon pa'i spyod pa lta bu dang ldan zhing/ ma zhi ba de
la mchod par bya ba de khyed nyid la dri bar bya'o/ /ci lha 'di
dag la smad par bya ba de mtshon cha thogs pa tsam mam/ gar la
sogs pa byed pa tsam 'ba' zhig la smod par byed dam zhe na/ de'i
phyir/ khyab 'jug gis ni

zhes bya ba la sogs pa smos pa yin te/ de yang khyab 'jug gis ni
'thab dka' zhes bya ba la sogs pa'i rigs rgyud brlag par gyur pa
yin te/ 'di ltar khyab 'jug gis 'thab dka' la dris pa/ dpung gi
tshogs bco brgyad khyer ram/ 'on te nor lha gcig pu khyer zhes
dris

pa dang/ des dpung gi tshogs rnams khyer ro zhes smras pa dang/
des zhe 'gras par gyur nas/ khyab 'jug gis skya bseng gi phyogs
byas te/ g.yul ngor chas pa na/ srid sgrub kyis kun du bltas te
smras pa/ kho bos ni nye du'i tshogs gsod par mi nus te/ gang gi
don du

rgyal srid thob par 'dod pa'i nye du'i tshogs de ji ltar gsad par
bya zhes smra ste/ srid sgrub 'thab pa las ldog par gyur pa dang/
khyab 'jug gis smras pa/ khyed ni blun pa yin te/ gang gis mi ni
bsad pa dang/ /gang zhig gsod par byed pa dang/ /de dag gnyis
ka mi dmigs te/ /

bsad dang gsod pa po yod min/ /rigs dang 'dul ba phun sum tshogs/
/bram ze ba lang glang po dang/ /khyi dang sme sha can dag dang/
/mkhas pa rnams ni mnyam par blta/ /zhes bya ba la sogs pa med
par lta ba'i tshigs su bcad pa mang po bstan cing/ sna tshogs pa'i
gzugs

@48a @#/ /bstan pas bslus nas/ srid sgrub kyi kha lo pa rang nyid
kyis byas te/ g.yul bkye bas 'thab dka'i rigs dpung gi tshogs bco
brgyad dang bcas pa brlag par gyur to/ /ru pa ti zhes bya ba'i
rgyal po dpung gi tshogs gcig dang bcas pa g.yul 'gyed pa'i tshe/
bud med

kyi cha lugs su byas te bros nas ri kha ba can gyi ri khrod du
zhugs te/ gnas pa'i rigs las deng sang na yang bod ces bya bar
grags pa yin no/ /dga' byed be'u phrogs te khros pas brtson par
byed pa zhes bya ba'i rgyal po'i lag pa stong bcad de/ lan nyi
shu rtsa gcig gi bar du sa'i steng gi rgyal

rigs med par byas nas ku ru k+She tra zhes bya bar kun nas dpag
tshad lnga pa'i 'obs lnga brgya rgyal rigs kyi khrag gis bkang
ste/ pha mes shi ba la mtshun gtor byas so/ /ram pa zhes bya ba
lha'i bu mo rgod ma'i gzugs su byas te nyin mo rgyu la/ mtshan mo
ni gzhu brgya ba zhes bya ba'i rgyal

po dang nyal ba dang/ gtam de thos nas khyab 'jug gis rgyal po de
la rgod ma bslangs so/ /des 'jigs nas srid sgrub la skyabs byas
pa dang/ khyab 'jug dang srid sgrub shas cher g.yul bkye bar gyur
pa na srid sgrub kyi mdas khyab 'jug gi lus la sha med par byas
so/ /khyab 'jug

gis ni srid sgrub kyi mgo 'khor los bcad de rgod ma phrogs so/
/de khyab 'jug gi lus dang reg pa dang/ sngar rgod mar gyur pa'i
drang srong gi dmod pa las thar te lha yul du song ngo/ /brgya
byin 'ongs nas bdud rtsi blugs te rang gi bu srid sgrub gsos so/
/stobs ldan ni sgra sgrogs

kyi zhang po yin pa las/ 'ga' zhig gis sgra sgrogs la smras pa/
gang gi phyir zhang po sa'i 'og tu bcings te 'dug na khyed kyi
rgyal srid kyis ci zhig dgos zhes smras pa dang/ sgra sgrogs pa
ni sa gsum las rgyal bar byed pa yin no zhes bya ba'i nga rgyal
gyi stobs dang/ dpung chen pos

stobs ldan thar par bya ba'i phyir sa 'og tu zhugs so/ /de'i tshe/
khyab 'jug 'jog po'i gdengs ka'i steng na nyal bar gyur pa na/
dpal mo sdug bsngal bar byas pa'i smre sngags kyis de sad par
byas so/ /de sad nas sgra sgrogs 'khor dang bcas pa dbugs kyis
sbrang bu lta bur

@48b dpag tshad brgyar 'phangs so/ /de dbugs kyis slar bsdus nas
skud pa lta bur nyam chung bar byas te/ 'di ni tshangs pas mchog
byin pa yin pas kho bos gsad par bya ba ma yin na snyam nas gtang
bar gyur la/ yang si ta phrogs pa'i dor thabs kyis sgra sgrogs
kyi rigs kyang rtsad

nas brlag pa la sogs pa brjod par bya'o/ /lha chen po ni dbang
phyug chen po ste/ des grong khyer sum brtsegs bcom par gyur pa
ni/ grong khyer sum brtsegs la gnas pa'i lha ma yin rnams kyis sa
gsum po shin tu dkrugs par gyur nas/ lha rnams kyis gsol ba btab
pa dang/

des bzlog par gyur kyang bzlog tu ma 'dod pa dang/ de khros par
gyur te gzhu chen po blangs nas mda' rtse gsum pas grong khyer
sum brtsegs bsregs par gyur to/ /de yang lha chen pos ni grong
khyer sum brtsegs bcom par gyur ces grag ces bshad pa yin no/ /de
ltar na grong khyer

sum brtsegs bcom zhing bshig par gyur pas na grong khyer sum
brtsegs bcom par gyur pa'o/ /grag ces bya ba ni 'jig rten du gtam
sna tshogs su sgrogs par byed pa dag las thos so zhes bya ba'i don
to/ /skem byed ces bya ba ni gzhon nu karti ka ste/ des mdung
thung 'jebs shing sra

pa thogs pa med pas/ ri krung krung zhes bya ba la bsnun pas na
zhang po bsad par gyur pa'o// //de yang 'di skad thos te/ krung
krung zhes bya ba de skem byed kyi zhang por gyur pa dang/ gang
gi tshe lha ma yin skar ma zhes bya bas lha rnams la shin tu
gtses par gyur pa dang/ de'i tshe lha rnams kyis

brgya byin la gsol ba btab pa dang/ des kyang 'dod pa'i lha la
bsgo ba/ lha chen po ci nas dka' thub por te/ lha'i lo stong gi
bar du u ma dang dga' mgur spyod pas nyi ma gcig 'das pa snyam
du sems pa de lta bur di rmongs par byas la/ de'i tshe lha rnams
'di las bu mthu che ba dang ldan pa

cig skyes nas/ gang gis bdag cag bran du 'gyur du 'ong ngo snyam
du dogs shing 'jigs par gyur nas/ 'khrig pa spyod pa de'i bar
chad bya ba'i phyir me lha btang ste/ de phug ron gyi gzugs su
sprul nas der phyin pa dang/ de mthong nas lha chen po khros
te rang gi khu ba me lha la blugs pas des

@49a @#/ /me lha tshig par gyur nas/ rgya mtsho 'dod cing 'dam bu'i
tshal du ngo tsha ba dang bcas pas gnas par gyur to/ /smin drug
kyang dgun smad kyi khris kyi phyir rgya mtshor zhugs te nub phas
grang bar gyur pa dang/ 'bar bar gyur pa de mthong nas gan du
song pa dang/ dro ba'i rag pa des

de la bu chags par gyur to/ /de las dum bu dum bur skyes pa dang/
snod du bcug pa las de dag gzhon nu skem byed du gyur te/ smin
drug de dag re re nas 'di ni nga'i bu yin no/ /'di ni nga'i bu mo
yin no zhes smra zhing/ nu ma stobs pa dang/ des ma rnams mgu bar
bya ba'i phyir gdong

drug par bstan pa dang/ de lha chen pos 'byor pa chen po dang
ldan pas khyim du khyer te skyes pa'i cho ga byas nas lha rnams
kyis khyer te/ dbang bskur ba'i chu ngogs su dmag dpon du dbang
bskur ro/ /lha ma yin skar ma dang/ lha'i lo stong gi bar du
g.yul bkye yang de bsad par ma

nus pa dang/ des u ma la nga la sha za'i mdung byin cig ces gsol
ba btab pas/ des kyang byin pa dang/ skem byed kyi mtshon cha des
lha ma yin skar ma bsad do/ /de'i dpung gi tshogs bcom par gyur pa
rnams kyis rang dang 'tsham pa'i rten ma rnyed nas/ 'di ni zhang
po'i tshig las

'da' bar mi byed do snyam nas/ de'i zhang po krung krung la rten
bcas so/ /skem byed kyis krung krung la pho nya btang ste/ rgyal
po rnams kyi gzhung lugs ni dgra bo'i lhag ma ni bzod du mi rung
ba yin pas/ kho bo'i dgra bo lha ma yin skar ma'i dpung gi tshogs
thong shig ces smras pa dang

des skyabs su 'ongs pa ni yongs su dor du mi rung ngo snyam nas
ma btang ste/ ji skad du/ rtswa la 'phral du 'jus par gyur pa dag
/ma lus rtswa yi tshogs ni chad gyur na'ang/ /'dzin pa'am lhan cig
ltung ba nyid 'gyur na/ /sems dang ldan pa rnams lta smos ci
dgos/ /zhes

byas pa dang/ de lta ni stobs kyis blang bar bya'o snyam nas
g.yul bkye ba dang/ rang gi zhang po krung krung mdung gis bsnun
te bsad nas de'i dpung rnams phrogs par gyur to zhes grag go/
/sangs rgyas bcom ldan 'das la ni mdzad spyod 'di lta bu mnga' ba
ma yin no zhes bstan par

@49b bya ba'i phyir/ sangs rgyas zhes bya ba la sogs pa smos pa
yin te/ sangs rgyas nyag gcig gis 'gro ba rnams la sman pa ste/
sems can gyi dgos pa'i don mdzad pa yin la/ gzhan gyi don la
dgyes pa'i phyir de nyid ni dam pa rnams kyi spyod pa yin pas na
mdzad spyod de nyid de

la mnga' ba'i phyir de skad ces bya'o/ /nyes par spyod pa ma lus
pa ni phyin ci log gi kun du rtog pa las byung ba yin no zhes
bstan par bya ba'i phyir/ nga yis zhes bya ba la sogs pa smos pa
yin te/ gnod bya zhes bya ba la 'di ni dgra bo yin pas gnod par
bya ba yin te/ mi srun

la ni mi srun byas/ /de la nyes pa ma mthong ngo/ /zhes bshad pa
yin te/ ji ltar khyab 'jug gis sgra ngan la sogs pa la byas pa
lta bu ni 'di nyid bsrung bya zhes pa ni ji ltar khyab 'jug gis
skya ba seng la sogs pa bsrung ba lta bu'o/ /'di ni gsad bya zhes
bya ba ni gsad par bya'o zhes bya

ba ste/ ji ltar lha ma yin gser gyi stan can la sogs pa bsad pa
lta bu'o/ /lha'i mchog gi zhes bya ba ni khyab 'jug la sogs pa
lha dbang che bar grags pa rnams kyi'o/ /gzhung lugs yin zhes bya
ba ni bya ba'i las nyid yin no zhes bya ba'i don to/ /sangs rgyas
bcom ldan 'das la ni

dgra bo gsad par bya ba 'ga' yang mi mnga' ste/ thugs rje chen po
dang ldan pa'i phyir ro/ /bslu bar bya ba yang mi mnga' ste/ dor
thabs kyis bslu ba'i 'gran zla mi mnga' ba'i phyir te/ sa gsum ma
lus pa phun sum tshogs pa nyid la sbyor bar mdzad pa'i gzhan gyi
don la gcig tu dgyes

pa'i phyir ro/ /sangs rgyas kyis ci zhig thob par mdzad ce na/
nges par lags pa ni gdon mi za bar bde legs su gyur pas na nges
par legs pa ste/ mya ngan las 'das pa dang/ mngon par mtho ba ni
mngon par 'dod cing phul du byung ba'i 'jig rten pa'i phun sum
tshogs pa ste/ de

dag gi bdag nyid can gyi bde ba thob par mdzad kyi/ bde ba cung
zad ni phan pa ma yin te/ de gnyis kas phan 'dogs par mdzad cing
de dag gnyis ka la 'jug par mdzad pas de ni gcig tu phan 'dogs
par mdzad pa zhes bya'o//gzhan dag gi 'jug pa ni de lta bu ma yin
par bstan pa'i phyir

@50a @#/ /khyab 'jug ces bya ba la sogs pa smos te/ khyab 'jug gi
tshig ni 'dod chags la sogs pa'i nyes pa'i skyon rnams bskyed pa
yin te/ 'jig rten pa dmod pa'i 'jigs pas tshangs pa la sogs pa
dpang du bzhag ste/ si ta me la reg pas tshangs su zin kyang sna

tshogs bshes gnyen gyis spongs shig ces smras pa yin te/ 'jig rten
dmod pas 'jigs pa rnams/ /gom re zhing yang dogs pa skye/ /shin
tu 'jigs bcas dul ba rnams/ /'byor ba las kyang skyo bar byed/
/ces smras pa yin no/ /gang gi tshe si ta me la reg pas mna' skyel

du zin kyang tshangs par ma gyur pa dang/ de'i tshe sa la gsol ba
btab ste zhugs so/ /ra ma na khros te ral gri blangs nas phra rab
tsam gyis yang bsad pa'i phyir zhugs pa dang/ tshangs pas 'jig
rten gyi mar gyur pa 'di la ma gtse zhig ces bzlog go/ /la lar
'thab pa na nam mkha' ru

lding dang khyab 'jug 'thabs pa'i tshe/ nam mkha' lding rgyal bar
gyur pa dang/ khyab 'jug gis smras pa/ khyod kyis pha rol gnon pa
'dis kho bo mgu bar gyur gyis nga las mchog long shig /des smras
pa/ khyod las nga rgyal bar gyur pas/ kho bo la khyod ci'i phyir
mchog slong bar

mi byed/ des smras pa/ 'o na kho bo khyod la mchog slong gis byin
cig /des na khyed nyid nga'i bzhon par gyur cig ces smras pa
dang/ nam mkha' lding de'i bzhon par gyur to/ /khyab 'jug gis yul
du babs nas de nyid na rtse dga' zhing 'dug pa dang/ lha rnams
kyi bya ba nyams par

gyur pa na lha rnams kyis de'i don du tshangs pa la gsol ba btab
po/ /de'i tshe gnas ngan gyi cha lugs su zhugs te/ der btang nas/
ra ma na dang lhan cig dben par gros byed cing/ de'i nu bo lag
sman sgor bzhag ste/ 'dir 'ga' yang 'jug pa'i go skabs ma dbye
zhig /gang

'jug par byed pa de ngas gsad par bya'o/ /ji tsam na drang srong
chen po gnas ngan der 'ongs pa dang/ des bzlog pa na gnas ngan
gyis smras pa/ gal te kho bo 'jug tu mi ster na/ khyod kyi rigs
ma lus pa brlag par bya'o/ /lag sma nas bsams pa/ kho bo 'chi ba
ni bla'i rigs

@50b ma lus pa brlag par gyur pa ni mi rung ngo snyam nas nang du
zhugs te/ ra ma na la smras pa dang/ ra ma na sa dam bcas pa
brtan par bya ba'i phyir/ ral gri thogs te de bsad pa la zhugs pa
dang/ bram ze zhig gis smras pa/ spyugs pa dag kyang bsad pa dang
'dra bas 'di ma bsad

par rang gi yul nas skrod cig /des kyang de bzhin du bskrad par
gyur to/ der ma na ma sleb pa'i phyogs gzhan zhig tu phyin te me
la lcebs par gyur to/ /gtam de thos pa dang/ ra ma na skyo ba
skyes te/ chu bo gang+gAr 'thab pa med pa zhes bya ba'i grong
khyer gyi skye bo dang bcas par chu'i

nang du shi ba'i dus byas so zhes grag pa dang/ nya dang rus sbal
phag dang ni/ /mi yi seng ge mi thung dang/ /dga' byed ra ma na
nag po/ /sangs rgyas kal ki tse dang bcu/ /zhes bshad pa'i khyab
'jug gi 'jug pa bcu yang skabs 'dir bshad par bya ste/ sa chen po
'di chus gang

bar gyur la/ de la phan par bya ba'i phyir khyab 'jug gis rang gi
lus rus sbal du byas te/ chu la nub par byas nas/ rig byed rnam
pa bzhi sa 'og tu zhugs par gyur to/ /da nas lha rnams kyis de'i
don du khyab 'jug la gsol ba btab pa dang/ nya'i gzugs kyis zhugs
te de blangs nas lha

rnams la byin no/ /sa'i lha sa chen po'i khur shin tu lci bas
mnan nas/ lha rnams la bdag gis khur 'di gdeg par mi nus so zhes
gsol ba btab pa dang/ khyab 'jug rus sbal du gyur nas khur de
bteg go/ /de bzhin du khyab 'jug phag gi gzugs su gyur nas/ sa
chen po'i 'og tu nub par gyur pa mche bas steng du bteg go/ /

'gro skyob gser can zhes bya ba lo bdun 'bum gyi bar du dka' thub
spyad nas mchog thob pa ni khyed nyin mo'am/ mtshan mo'am/ nang
ngam/ phyi rol lam/ sa'am/ nam mkha' 'am/ 'og gam/ steng du song
bar mi 'gyur ba dang/ de bzhin du mtshon cha dang/ dbyug pa dang/
mi

dang/ lha dang/ dud 'gro rnams kyis mi sod par gyur cig ces mchog
byin no/ /de las lan 'ga' zhig na dpag tshad lnga khyab pa'i 'khor
gyi 'dus pa 'dug pa dang/ der la la zhig lus kyi phyed ni mi'i
gzugs la/ lus kyi phyed ni seng ge'i gzugs su rgyal po'i sgo na
'dug go zhes

@51a @#/ /thos pa dang/ de 'khor dang bcas pa ngo mtshar skyes par
gyur nas song ste/ 'thab pa'i phyir sbran to/ /de nas 'thabs pa
na nyin mtshan gyi mtshams su sgo'i gtan pa la blangs te/ pus mo la
bzhag nas 'gro skyob gser can gyi brang sder mos dral te bsad par
gyur

to; /de bzhin du stobs ldan rta'i mchod sbyin byed pa na khyab
'jug mi'u thung gi gzugs su bsgyur te/ slong mo la song nas
bslangs pa na gom pa gsum gyi sa byin pa dang/ des sgyu rtsal gyi
rnam par gnon pas sa gsum rnam par mnan te/ gom pa gsum pa'i gnas
ma rnyed pas

stobs ldan bcings te/ deng song na yang sa 'og na gnas so/ /de
nas snyan dngags mkhan dag gis/ sbyin bdag stobs ldan khyab 'jug
slong ba po/ /rta yi mchod sbyin dus su sa chen byin/ /'bras bu
bcings pa nyid ni thob par gyur/ /chol par byed pa'i las 'dir su
zhig smon/ /

zhes smras pa lta bu yin no/ /de bzhin du ra ma na ni stobs ldan
sgra ngan gyi phyogs su gnas nas gshol gyis sa drud de mtho dman
du byas pa dang/ chu mig dang/ khron pa la sogs pa byung bar gyur
pa yin no/ /dga' byed ni rgyal po shing rta bcu pa'i pu ra ma na
ste/ 'dir rgyal po ra ma na'i

gtam brjod par bya'o/ /dga' byed ni dga' byed dgra sta can zhes
bya ba drang srong dza ma a gni'i bu ste/ de'i gtam yang 'dir
sbyar bar bya'o/ /ra ma nas srin po bye ba dpag tu med pa bsad
pas sdig pa de sbyang bar bya ba'i phyir/ rtsod pa'i dus su 'jig
rten 'dir khyab 'jug sangs rgyas

kyi gzugs su 'byung bar 'gyur ro zhes 'jig rten pa dag sgrogs so/
/kal ki zhes bya ba ni 'di ltar thos te/ bram ze grags pa zhes
bya ba'i bu kal ki zhes bya ba tha mar 'byung bar 'gyur la/ de
nas ni dus ldog par 'gyur ro zhes zer ro/ /yang khyab 'jug gis
smras pa/ nyi ma'i nang na

bdag khyab 'jug /skar nang 'od ldan zla ba yin/ /rlung nang na ni
'od zer can/ /snang ba can nang nyi ma yin/ /rig byed nang na
snyan tshig nga/ /lha nang nga ni brgya byin te/ /dbang po'i nang
na yid yin la/ /'byung ba'i nang na sems yin zhing/ /nga ni bde
byed drag po'ang yin/ /srin po

@51b gnod sbyin nang nor bdag /nor lha'i nang na me lha dang/ /ri
bo'i nang na nga ri rab/ /nga ni yi ge'i nang na a/ /zhes bya ba
la sogs pa yin te/ de ltar na de ni smyon pa'i byed spyod lta bur
rnam par spyod do zhes bya bar gnas te/ smyo byed kyis nye bar
bcom pa'i spyod pa ci lta ba de lta bur spyod

cing; tshig kyang de lta bur ston pa yin no/ /de bzhin du lha chen
po'i tshig gang yin pa'ang byed spyod smyon pa lta bur ston pa yin
te/ de yang pi wang sgreng zhing glu len pa dang/ dga' bar byed
pa nyan cing gar byed pa de ni bde ba thob par 'gyur la/ gcer bur
gnas pas ni 'byor pa thob par

'gyur zhing/ bdag nyid bzhad gad kyi spyod pa lta bur bstan par
bya'o zhes lha chen po ji skad du smra ba lta bu dang/ de bzhin
du thig le'i mchog ma'i rgyu las tshangs pa chen po'i mgo bcad
pa'i sdig pa sbyang bar bya ba'i phyir/ mi'i thod pa thogs pa'i
brtul zhugs blangs pa dang/ de bzhin

du drang srong rnams kyi chung ma 'dod pa'i dga' ba bskyed pa'i
phyir/ thang shing gi nags na drang srong rnams gnas pa'i tshe de
dag yam shing la sogs pa btsal ba'i phyir phyi rol du song ba
dang/ lha chen pos rang gi mtshan bsgreng ste gnas der zhugs pa
dang/ drang srong chen po rnams kyi chung ma

dang bu mo rnams kyi sems g.yos par byas la/ drang srong de rnams
phyi dro'i dus su slar 'ongs pa na gtam de thos nas/ khros te
dmod pa btab pas de'i mtshan sa la lhung bar byas so/ /lha chen po
yang glang po che'i gzugs su byas te/ sA la'i nags kyi tshang
tshing du zhugs so/ /mis

byin gyis gtam de thos nas drang srong chen po rnams kyi gan du
song ste/ mtshan de bslangs so/ /drang srong dag gis phan tshun
mchog byin pas lha chen po slar mtshan dang ldan par gyur to/ /de
nas u ma dang lhan cig dga' zhing rtse ba las bgegs kyi dbang
gis khu ba sa la lhung ba dang/ des

ca co bton pa na u mas de'i steng du glang po che'i mgo bo bzhag
pa dang/ de las bi nA ya kar gyur to/ /de dus gzhan na 'o ma la
sogs pas gsos pa na/ glang po che ni tshang la dga' ba'i phyir
dang/ sngon dri zar gyur pa'i phyir chang 'thung bar 'dod pa na/
lha chen pos de gnang ste/ skye dgu'i

@52a @#/ /bdag po ni gdug pa 'byin par mi byed pas na/ des na 'di
sprul pa yin no zhes rjes su gnang ngo/ /de bzhin du lha ma yin
long ba lha chen po'i gzugs su byas nas u ma dang lhan cig
'khrig pa spyod par 'dod de/ de'i gan du song ba dang/ des de'i
brang gi phyogs na thig

le gcig yod pa mthong nas de 'dod par ma gyur to/ /lha chen pos
gtam de thos nas rtse gsum pa thogs te g.yul bkye nas/ rtse gsum
pa la bskyon pa dang/ lha ma yin long ba'i lus las khrag gi thigs
pa ji snyed byung ba de snyed lha ma yin du gyur nas g.yul 'gyed
par lhags so/ /

de'i don du lha rnams kyis tsa muNDi la sogs pa lha mo brgyad
sprul pa dang/ de dag gis bar snang la 'bab pa nyid kyi tshe na
khrag 'thungs te sa la gcig kyang lhung bar ma gyur pa de ltar
byas nas de bsad par gyur to/ /de bzhin du lha chen pos dga' byed
dbang phyug yun ring zhig nas mthong ste smras

pa/ khyed gang du song/ des smras pa/ bdag gis rgyu mtshan can gyi
bstan bcos byas so/ /lha chen pos smras pa/ de khyer la shog cig
/des khyer te 'ongs pa na/ lha chen po khros te dum bu gnyis su
byas nas/ rgya mtsho'i rgod ma'i kha'i me'i nang du dor ro/ /dga'
byed dbang phyug

gis smras pa/ khyod kyi lag pa'i sen mo la bram ze gsod pa'i
mtshan ma mthong ngo zhes bya ba nas/ tshangs pa'i mgo bcad pas
thod pa can gyi brtul zhugs blangs pa yin no zhes byas pa dang/
lha chen po mgu ste/ bstan bcos de rgya mtsho'i me las blangs te/
skar ma'i bstan bcos

dang; rgya mtsho can zhes bya ba bud med dang/ skyes pa dang/ lag
ris kyi mtshan nyid la sogs pa ston pa ste/ rnam pa gnyis su byas
so/ /de ltar de dag gi mtshan nyid ni smyon pa ltar 'brel pa med
pa yin no/ /de bzhin gshegs pa'i gsung ni nyes pa ma lus pa sel
cing zhi bar mdzad pa

yin te/ de yang/ mya ngan nad la shin tu phan pa'i sman/ /kun
rmongs mun pa sel ba sgron ma'i mchog /de nyid ye shes skyed pa'i
mig 'byed pas/ /rgya chen sangs rgyas gsung ni mnyan par gyis/
/lus sogs 'dul zhing nyes pa gsum sel la/ /srid gsum sgrol zhing
dus gsum ye shes

@52b 'thob/ /ngan song gsum zhi byang chub gsum thob 'gyur/ /thos
sogs thog ma la sogs mchog gsum ldan/ /shin tu skal ldan 'di
'dra'i tshig gzhan med/ /de bas thub gsung mchod pa byas nas ni/
/shin tu gus pas mnyan pa nyid du gyis/ /zhes bya ba la sogs pa
smos

pa yin no/ /des na gang zhig nye bar zhi ba ston par byed pa'i
ston pa po'i mchog tu 'os pa de shin tu legs par rtogs la dpyod
par gyis shig ces bya ba'am/ yang na gang zhig chen po yin par
smros shig ces pa'am/ nyon cig ces bya ba yin no/ /bcom ldan 'das
nyid ston

pa chen por 'os par gzhan gyi tshig gis gsal bar bya ba'i phyir/
gang zhig ces bya ba la sogs pa smos pa yin te/ lha chen po la
sogs pa gang zhig gzhan la gnod par brtson pa de ni brtse ba med
cing snying rje spangs pa yin te/ snying rje can ni gzhan la gnod
pa byed par mi 'gyur

ro; /yang sangs rgyas bcom ldan 'das gang la 'gro ba srog chags
kyi tshogs rnams skyabs su song bar gyur cing/ skyabs kyi gzhir
gyur te/ khyed rnams kyi rten dang/ gnod pa'i skyabs ni ngas
bya'o zhes zhal gyis bzhes shing/ 'jigs par ma byed cig ces bya
ba la sogs

pa'i tshig gis tshim par mdzad pa yin no/ /gal te gzhan la phan pa
bya bar dam bcas su zin kyang 'dod chags la sogs pa'i nyon mongs
pa'i dbang gis mi byed pa yin no zhe na/ de'i phyir 'dod chags
bcas dang zhes bya ba la sogs pa smos pa yin te/ de lta na 'dod
chags

dang bcas pa dang/ 'dod chags dang bral ba de gnyis kyi nang nas
gang zhig la 'di na mchod par bya zhing/ bsnyen bkur bya ba'i 'os
yin pa rnam par dpyod cing soms la smros shig ces pa ste/ des na
gang thugs rje dang ldan zhing 'dod chags dang bral ba de nyid
mchod par bya ba nyid yin

par gsal ba kho na'o zhes bya ba'i don to/ /gang zhig gzhan la
gnod pa bya ba'i phyir brtson pa yin zhe na/ brgya byin zhes bya
ba la sogs pa smos te/ brgya byin ni nus pa zhes bya ste/ dgra
rnams gsod par nus pas na brgya byin te/ de ni gzhan la gnod pa
byed pa yin par shes par bya'o/ /

@53a @#/ /de yang de ni rdo rje thogs pa'i phyir te/ snying rje
can gzhan dag gsod pa'i phyir mtshon cha thogs par mi byed do/
/rdo rje 'byung ba'i rgyu gang yin pa de ni sngar bshad pa yin
no/ /stobs can zhes bya ba ni stobs bzangs so/ /gshol thogs zhes
bya ba ni mtshon char gshol

thogs pa'o/ /de yang bdud rtsi phrogs pa'i rgyu las lha dang lha
ma yin g.yul chen po bkye bar gyur la/ de'i tshe brgya byin ni rdo
rje/ skem byed ni mdung thung stobs bzangs ni gshol thogs pa yin
la/ de la stobs bzangs ni klu'i rgyal po nor rgyas kyi sprul pa
ste/ sa chen po 'dzin par byed

pa yin la/ gshol ni de'i dgos pa rgya chen po byed pa yin no zhes
grag go/ /khyab 'jug 'khor lo'i mtshon thogs zhes bya ba la/ 'khor
lo 'byung ba'i tshul ni sngar bshad pa yin no/ /skem byed ni karti
ka dang/ gdong drug pa zhes bya ba ming gi rnam grangs su grags
so/ /de

mdung thung thogs shing zhes bya ba ni 'di skad thos te/ lha ma
yin ma he zhes bya bas lha'i lo lnga brgya'i bar du dka' thub
bsten nas lha chen po mgu bar byas te/ de la skyes bu gsod pa'i
phyir mdung thung blangs la/ de de dang lha rnams shin tu zhum
par byas pa dang/ lha rnams kyis u ma la

gsol ba btab pa/ khyed bud med yin na yang 'dis skyes bu gsad
pa'i phyir/ mtshon cha 'di rnyed pas kho bo cag shin tu gcos kyis/
de med par bya ba'i phyir 'bad par gyis shig ces smras pa dang/
des dka' thub kyis lha chen po mgu bar byas te mdung rtse gsum pa
thob par

gyur pa dang/ g.yul bkye ste rtse gsum pas bsnun par gyur pa na
lha ma yin ma he'i lus las khrag gi thigs pa ji snyed byung bar
gyur pa de snyed kyi lha ma yin ma her gyur to/ /u ma'i dpral ba
las chad pa'i dbang gis rdul gyi thigs pa sa la ji snyed byung ba
de dag kyang sha za shin tu 'jigs pa'i

gzugs can du gyur nas/ khrag gi thigs pa de bar snang nyid du za
bar byed cing/ lha ma yin de bsad par gyur nas/ de'i mdung thung
thob par gyur pa dang/ skem byed kyis de bslangs nas mdung thung
de skem byed la byin par gyur pa yin no/ /lha chen po ni lha chen
po drag po ste/ de yang/

@53b gang zhig me ni rno ltar sreg /gang zhig gtun shing gzi can
za/ /sha dang rkang dang khrag sogs za/ /des na drag por bshad pa
yin/ /zhes 'byung ba yin no/ /rtse gsum mtshon thogs zhes bya ba
ni lha chen pos da di tse'i rus pa las las thams cad pas byas
pa'i rtse gsum gyi mtshon

cha lha rnams kyis byin pa yin no zhes bshad pa yin no/ /gzhan
dag na re/ grong khyer sum brtsegs bsregs pa'i tshe/ lha rnams
kyis lha chen po la gsol ba btab pa dang/ des mtshon cha blangs pa
na de'i tshe lha rnams kyi drang srong da di tse'i rus pa khyer te
'ongs la/ klu rnams kyis

manda ra'i gzhir gyur pa'i rus sbal gyi thod pa khyer te 'ongs
shing mi rnams kyis ni rdo rje khyer te 'ongs pa dang/ de nas las
thams cad pas gsum po de la rtse gsum pa byas te/ lha chen po la
byin no zhes zer ro/ /dur khrod du gnas pa ni lha chen po drag
po'i gnas dur khrod du bcas pa

yin no/ /lha ma lus pa'i dbang du byas nas de dag ces bya ba la
sogs pa smos pa yin te/ de dag ces bya ba ni brgya byin la sogs
pa'o/ /de dag kyang ji lta bu zhe na/ mi shes pa las byung ba yin
pa'i phyir byis pa zhes bya ste/ dge slong dag nyes par sems pa
dang/ nyes par smras pa

dang; nyes par spyod pa'i las spyod pas byis pa zhes bya'o zhes
gsungs pa yin no/ /gzhan yang ji lta bu zhe na/ snying brtse med
pa ste/ snying rje med cing gdug pa zhes bya ba'i don to/ /gdug
cing mi srun pa ma yin pa dag ni gzhan dag 'joms par mi byed do/
/de ltar gdug pa

yin pas na de dag mtshon cha sna tshogs dang bcas pa'i phyir sna
tshogs mtshon thogs te/ sna tshogs shing rnam pa tha dad pa'i mtshon
cha du ma thogs par byed pa yin la/ de dag kyang sdug bsngal la
sogs pa dang ldan pa ste/ sdug bsngal zhes bya ba ni 'phral du
'byung ba'i lus dang sems nye

bar gdung bar byed pa'o/ /'jigs pa ni ma 'ongs pa'i sdug bsngal
gyis 'jigs pa'i phyir sems 'dzag cing/ bdag nyid zhum par gyur pa
ste/ de gnyis kyis de nyen cing nye bar gdungs par gyur pa'o/ /de
ltar sdug bsngal dang/ 'jigs pa'i 'tshe ba med pa rnams ni gzhan

@54a @#/ /la 'tshe ba'i phyir mtshon cha thogs pa'i dgos pa med do/
/gal te gzhan la bsdigs pa'i phyir mtshon cha thogs kyi gsod pa'i
phyir ni ma yin no zhe na/ de'i phyir/ rtag tu zhes bya ba la
sogs pa smos te/ rtag par rgyun du lus can dang/ srog chags rnams
'joms

shing bsad par brtson pas mtshon cha thogs par byed pa/ de lta bu
de la ni mkhas pa shes rab dang ldan zhing yon tan dang skyon gyi
bye brag phyed pa su zhig 'dud cing phyag 'tshal bar byed de/ de
dag ni phyag 'tshal ba'i 'os ma yin par ston to/ /ji skad bshad
pa'i nyes pa rnams mi mnga'

bas na bcom ldan 'das nyid mchod par bya ba yin no zhes bstan par
bya ba'i phyir/ gang zhig ces bya ba la sogs pa smos pa yin te/
rtse gsum ni dgra bo gzhom par bya ba'i phyir thogs la/ de bzhin
du chags pa dang bcas pa'i phyir mchan na chung ma 'jog pa ste/
de pang na gnas

par byed pa'o/ /gal te pang na bu mo dag thogs pa la ni nyes pa
med do zhe na/ 'dod pa'i 'dod chags dang bcas shing lha chen po
ltar ma mchan na gnas pa yang mi mnga' la/ de bzhin du khyab 'jug
ltar 'khor lo bsnams par yang mi mdzad cing/ skem byed ltar mdud
thung

bsnams par yang mi mdzad la/ brgya byin ltar rdo rjes dgra bo
rnams 'joms shing drag pa yang bsnams par mi mdzad de/ de bzhin
stobs bzang ltar gshol yang bsnams par mi mdzad do/ /ci'i phyir
mtshon cha 'di dag bsnams par mi mdzad ce na/ /nyon mongs pa las
rnam

par grol ba'i phyir te/ 'dod chags la sogs pa'i nyon mongs pa'i
tshogs las nges par grol zhing yongs su spangs pa zhes bya ba'i
don to/ /mkhas pa gzhan la phan 'dogs rnam par brtson/ /zhes bya
ba ni/ gzhan gyi dgos pa bsgrub pa la brtson zhing/ thugs rje
chen po dang

ldan pa zhes bya ba'i don to/ /skyabs gyur zhes bya ba ni skyabs
su 'gro bar 'os pa'o/ /su zhig gi skyabs su 'os she na/ 'jig rten
pa rnams kyi'o/ /ci'i phyir skyabs kyi 'os yin zhe na/ ye shes
phun sum tshogs pa dang ldan pa dang/ spangs pa phun sum tshogs pa
dang ldan pa'i

@54b phyir srid pa gsum gyi ston par gyur cing skyabs kyi 'os yin
par rjes su dpag par bya'o/ /de su zhig ce na/ drang srong ste
drang srong chen po sangs rgyas bcom ldan 'das so/ /de la 'dir ni
zhes pa ni sangs rgyas bcom ldan 'das la bdag 'dir skyabs su mchi
ba'o/ /de yang 'di la

brten cing skyabs su 'gro na sdig pa mi dge ba'i dngos po 'jig
cing dengs par byed pa'i don gyis na skyabs so/ /gang gi phyir
gzhan dag la ni nyes pa yod kyi khyed la ni nyes pa mi mnga' bas
de'i phyir skyabs su 'os pa ni khyed nyid yin no zhes gsal bar
bya ba'i phyir/ lha chen zhes bya ba la

sogs pa smos pa yin te/ lha chen po 'dod pa'i 'dod chags kyi
dbang du gyur pa'i chung ma yongs su 'dzin cing len par byed do/
/ji lta bu'i lha chen po zhe na/ ngo tsha spangs pa ste/ chags pas
ngo tsha dang bral ba'o/ /de yang/ 'dod pas ngo tsha 'joms byed de/
/mya ngan gyis brtan

dga' bas lus/ /nga rgyal gyis ni yon tan rnams/ /rtsa nas 'joms
par byed pa yin/ /zhes bshad pa yin no/ /co 'dri zhes bya ba ni/
'tsho bar byed pa'i bdag nyid can te/ zhe sdang gis nye bar gsod
pa la sogs pa'i ngang tshul can zhes bya ste/ lha chen po ni skyon
de dag dang

ldan zhing chung ma 'chang bar byed pa yin no zhes bya ba'i don
to/ /khyab 'jug ni lhag par gtum pa ste/ snying brtse ba'i yul du
gyur pa'i skye bo la yang de la zhi des su gyur pa med de/ lag
sman gsad pa'i phyir zhugs pa la sogs pa lta bu'o/ /byas pa chud
gson pa ni stobs ldan

gyis sa gsum byin yang bcings pa thob par byos pa ste/ phan pa
chen po byed pa la sa'i 'og tu bcings te gzhag pa ni mi rigs pa'i
phyir ro/ /skem byed kyis rang gi gnyen gsad pa ni krung krung
zhes bya ba'i ri bo rang gi zhang po yin pa las de gsad pa'i
phyir dang/ de yang gzhan gyi

lag gis bsad pa ma yin gyi rang gis bsad do zhes grag go/ /dka'
bzlog ni dka' thub bzlog pa ste/ lha mo u ma'o/ /de ni khro
zhing gtum pa yin te/ bud med kyi rigs phal cher brtse ba dang
ldan pa yin mod kyi/ u ma ni de lta ma yin no/ /ci'i phyir zhe
na/ lha ma yin

@55a @#/ /chen po ma he zhes bya ba gsod par byed pa yin pa'i
phyir ro/ /ma mo rnams kyang gdug cing gtum pa yin te/ ci'i phyir
zhe na/ mi'i sha dang tshil za zhing longs spyod par byed pa yin
te/ ma mo de dag kyang gang zhe na/ tshangs pa mo dang/ drag mo
dang/ khyab 'jug

ma dang; gzhon nu ma dang/ dbang mo dang/ ku be ri dang/ phag mo
dang/ tsamuNDi ste brgyad la ma mo zhes bya'o/ /log 'dren ni
bgegs kyi bdag po ste/ tshogs bdag go/ /de ni chang dad che dang/
chang la sred pa'o/ /'di'i gtam ni sngar smras pa yin no/ /stobs
bcu ldan pa

zhes bya ba ni sangs rgyas te/ de la ni lha chen po la sogs pa'i
nyes pa rgya chen po dag gi cha cung zad tsam mam/ 'ga' yang mi
mnga' ste/ des bag chags dang bcas pa'i nyon mongs pa thams cad
spangs pa'i phyir nyes pa 'ga' tsam yang mi mnga'o zhes bya ba'i
don to/ /khyed ni phyogs

su lhung bas de skad smra ba yin no zhe na/ de'i phyir bcom ldan
de ni zhes bya ba la sogs pa smos pa yin te/ sangs rgyas bcom
ldan 'das de ni bdag gi gnyen dang/ nye dur gyur pa ma yin la/
lha chen po la sogs pa gzhan dag ni bdag gi dgra bor gyur pa ma
yin no/ /de bzhin du lha

chen po nas stobs bcu dang ldan pa'i bar de dag gi spyod pa dag
kyang mngon sum du mthong ba ma yin mod kyi/ 'on kyang de dag gi
tshig gi khyad par dang spyod pa'i khyad par gang dag yod pa'i
gzhung so sor thos pa las/ sangs rgyas bcom ldan 'das la bdag
brten cing skyabs su song la

gzhan dag spangs pa yin no/ /de ci'i phyir zhe na/ sangs rgyas ni
yon tan phul du phyin pa dang ldan pa yin pas de la dad cing dga'
ba'i phyir rgyu des na de'i bstan pa la bdag brten cing gnas pa
yin no/ /de ltar brtsams pa'i dngos po de nyid gsal bar bya ba'i
phyir bde bar gshegs

pa zhes bya ba la sogs pa smos pa yin te/ 'dir bde bar gshegs pa
ni bdag gi phar gyur pa ma yin la/ lam gzhan la zhugs pa'i mu
stegs can gzegs zan la sogs pa gzhan dag ni dgra bo ma yin no/
/de bzhin du de bzhin gshegs pa des bdag la nor stsal cing gsung

@55b gis bsgrub pa ma yin la/ gzegs zan dang rkang mig la sogs
pas nor gyi dngos po ci yang ma phrogs so/ /de la gzegs zan zhes
bya ba ni gzegs ma za zhing dka' thub bsten pas gang gis brtul
zhugs kyi dngos grub thob pa ste/ des na gzegs zan gyis ni mu
stegs byed brag

pa'i gzhung brtsams pa yin la/ drang srong rkang mig gis ni dpyod
pa pa'i gzhung brtsams pa yin te/ de yang rkang mig ces bya ba ni
drang srong 'di lha chen pos u ma bsrung ba'i phyir bzhag pa
dang/ de shin tu gzugs bzang bas u ma chags par gyur te/ mdun
drang por 'dug

nas chags pa'i mtshan ma bstan pa dang/ des mig gzhan du bsgyur
to/ /de yang der gnas par gyur pa dang/ des kyang mig de las
gzhan du bsgyur ba nas/ mig rkang pa gnyis su bzhag pa'i bar du
byas so/ /gtam de thos pa dang/ lha chen po mgu bar gyur nas
dpyod pa

pa'i gzhung rtsom pa'i ston par gyur cig ces mchog byin no/ /sogs
pa'i sgras ni drang srong ser skya la sogs pa gzung ngo/ /de ltar
yin na ci'i phyir khyed phyogs 'dzin pa la gnas zhes rtog pa la/
de'i phyir 'on kyang zhes bya ba la sogs pa smos te/ de ltar dgra
dang mdza'

bshes la sogs pa ma yin na'ang/ sangs rgyas bcom ldan 'das de ni
ye shes phun sum tshogs pa dang ldan pas sangs rgyas yin pa dang/
bag chags dang bcas pa'i nyon mongs pa'i phra rgyas spangs pas
bcom ldan 'das yin zhing/ sems can gyi don dgos pa mdzad

pa'i thugs rje chen po dang ldan pas/ 'gro ba la gcig tu phan pa
mdzad pa yin no/ /de ltar yon tan gsum dang ldan pas sangs rgyas
bcom ldan 'das de'i gsung ni dri ma med pa ste/ nyes pa thams cad
dang bral ba'i grub pa'i mtha' yin la/ de bzhin du dri ma thams
cad

sel ba yang yin te/ nyon mongs pa'i dri ma thams cad sel zhing
'joms pa'i ngang tshul can yang gsung 'di nyid yin te/ de thos pa
tsam gyis nyon mongs pa'i bag la nyal mtha' dag sel bar byed pa
yin pa'i phyir ro/ /de la bdag dad pa ni thub pa'i dbang po'i
gsung la bdag

@56a @#/ /dad cing mos pa dang ldan pa yin no/ /bdag nyid bde bar
gshegs pa la mos shing dad pa yod pa nyid du gsal bar bya ba'i
phyir/ gang zhig ces bya ba la sogs pa smos te/ de la rtag tu
zhes bya ba ni rgyun du'o/ /phan pa ni gzhan gyi don

te; de la dgyes shing bzhed pa'i ngang tshul 'di la mnga' bas 'jig
rten las 'das pa'i khyad par thob par bzhed pa'i phyir ro/ /de
bzhin du rtag par rgyun du 'gro ba rnams la 'jig rten pa'i bde
ba'i khyad par rnams kyis ji lta ba bzhin du phan 'dogs par mdzad
de/ nyon mongs pas

bskyod pa'i sdug bsngal gang dag la gang zhig byas na zhi bar
'gyur ba de bcom ldan 'das mdzad la/ de yang su zhig la mdzad ce
na/ 'gro ba gang zhig sdug bsngal rnam pa mang po dag gis gdungs
shing gzir la bcom par gyur pa de bde bar mdzad pa dang/ de bzhin
du ston pa gang zhig

'dus byas dang/ 'dus ma byas sam/ dus gsum gyi shes bya'i dngos
po mtha' dag lag mthil du bzhag pa'i dngos po bzhin du gsal bar
mkhyen pa/ de la dad par bya ba 'os pa yin zhing/ rtag tu phan
par dgyes pa la sogs pa'i ngang tshul can gyi drang srong mnyam pa
med pa

ste; sa gsum na de dang mtshungs pa gzhan med pa'i rgyu mnga' ba
de la kho bo yang dad par gyur pa yin te/ dad pa dang ldan pa'i
mkhas pa dag ni lam log pa la brten par 'os pa ma yin no/ /gang
gi phyir phan par dgyes pa la sogs pa'i yon tan dang ldan pas/
bcom ldan 'das

de ni bsod nams kyi zhing chen po yin no zhes bstan pa'i phyir
snying nas zhes bya ba la sogs pa smos pa yin te/ dad pa dang gus
pa la sogs pa'i bsam pa phun sum tshogs pa dang ldan yang sbyor ba
med pa'i phyir snying nas dad dam zhes smos pa yin la/ rgyun du
sbyor ba med du zin kyang de la

mchod par byed pa ni ji ltar dga' ba zhes smos pa yin te/ lo bcu
tsam 'das pa'am/ lo nyi shu tsam 'das nas 'jug par byed pa'am/
rgyu med par 'jug par byed pa ni ji ltar dga' ba zhes bya ba'am/
yang na tshogs pa dang ldan na ni byed la/ tshogs pa dang mi ldan
na ni mi spyod pa'o/ /

@56b the tshom gyis sam zhes bya ba ni gal te bsod nams yod na ni
legs kyi/ med du zin kyang nga'i don chen po nyams par gyur pa
med de/ de yang/ 'jig rten gzhan la som nyir gyur/ /mkhas pas mi
dge spang bya ste/ /gal te med na skyon ci yod/ /yod na med par
smra ba bcom/ /

zhes smos pa lta bu'o/ /gzhan gyi ngor yang rung zhes bya ba ni
gal te 'di ni byed la/ kho bo mi byed na chad pa dang smad pa
chen po 'thob par 'gyur ro snyam du sems nas 'jug pa'o/ /de ltar
bsam pa bzhi po gang yang rung bas mi gang zhig thub pa'i dbang
po khyed la phyag bgyid na/ skyes

bu des kyang lha'i 'byor pa'i bde ba phun sum tshogs pa thob par
'gyur na/ dad pa la sogs pa bsam pa dang sbyor ba phun sum tshogs
pas spyod pa lta smos kyang ci dgos zhes bya ba'i don to/ /thub
dbang zla ba zhes bya ba ni shin tu zhi ba'i phyir dang/ yid tshim
par byed pa yin pa'i phyir

zla ba dang 'dra bas na/ thub dbang zla ba zhes smos pa yin te/
ji ltar bkres pa rnams la kha zas sam/ skom pa rnams la btung ba
dang phrad na bkres pa dang skom pa sel ba dang 'dra bar phun sum
tshogs pa thob par byed pa yin no/ /khyab 'jug la dad pa rnams 'di
la dad pa yin

bar smra ste/ de la sngon gyi gtam rgyud kyi nang nas/ rlung gi
gtam rnying pa las tshul 'di ltar thos so zhes smra ba dag dgag
pa'i phyir/ gna' sngon zhes bya ba la sogs pa smos pa yin te/
'jig rten gsum gyis mchod pa'i sangs rgyas gang yin pa de nyid ni
khyab 'jug yin te

sngar; nya dang rus sbal phag dang ni/ /zhes bya ba la sogs pa
smos pa'i phyir ro/ /de yang khyab 'jug 'dis 'jig rten pa skye ba
dang rga ba la sogs pa'i dbang du gyur cing/ gzhan dbang du gyur
pa thos nas de'i phyir snying rjes mi 'di rnams bskyab cing gdon
par bya'o snyam nas/ rmad du byung

zhing thams cad mkhyen par gyur pa/ ngo mtshar du gyur pa'i blos
snying brtse bas 'di dag 'di las gdon par bya'o snyam nas/
shAkya'i rigs rgyas pa gau ta ma zhes bya ba'i rigs dag par
skyes shing/ tshig gzung bar 'os par byas nas 'jig rten 'dir yang
sangs rgyas zhes bya bar

@57a @#/ /gyur cing; de kho na nyid ston pa yin la phan par byed
pa yang yin no zhes gtam du grags par thos so zhes zer ba de ni
de lta ma yin te/ skye bo rmongs shing blun par gyur pa des sa
gsum gyi ston pa de kho na nyid ston par mdzad pa dang/ 'gro ba
thams cad la phan

'dogs pa ni sangs rgyas bcom ldan 'das yin par shes shing/ ma
rtogs pa yin no/ /de yang sangs rgyas ni brgya lam na/ lan 'ga'
zhig 'byung ba yin pa'i phyir/ shes pa ma yin te/ ji skad du/
bskal pa bye ba phrag stong dang/ /brgya phrag bye ba dag tu
yang/ /sangs

rgyas sgra yang mi thos na/ /sangs rgyas mthong ba smos ci dgos/
/zhes gsungs pa yin no/ /khyab 'jug 'di ni rtsod pa'i dus su
'byung ba yin pas kho bo cag de la mchod par mi byed pa yin no
zhe na/ de'i phyir gang tshe zhes bya ba la sogs pa smos pa yin
te/ 'dod chags ni rin po

che la sogs pa la chags shing zhen pa'o/ /zhe sdang ni gzhan la
gnod pa bya ba'i sems te/ de 'chang bar byed pa ni dgra bo rnams
la sdang bar byed pa'o/ /de bas na 'dod chags dang/ zhe sdang de
dag gis lha dang lha ma yin zhes bya ba ni/ bdud rtsi bsten pa
dang mi bsten pa'i bye

brag gi khyad par gyis 'o ma can gyi rgya mtsho bsrubs tshun chad
ming 'di gnyis byung bar gyur pa yin no/ /de yang 'di ltar thos
te/ tshangs pas bsgo bas phyogs gcig nas ni lha rnams/ phyogs gcig
nas ni lha ma yin rnams 'dus nas ri bo manda ra'i steng nas ni
khyab 'jug gis gzung/

klu'i rgyal po nor rgyas kyis srub thag byas pa las/ 'og nas ni
rus sbal gyi rgyab kyis bsten te/ 'o ma can gyi rgya mtsho chen po
bsrubs par gyur to/ /de nas shin tu 'jigs su rung ba'i dug gi
skyes bu nag po brtsegs pa zhes bya ba zhig byung bar gyur pa
dang/ de khyab 'jug gis mid par

gyur pa na dran pa stor te/ sa la 'gyel bar gyur nas cang mi smra
bar gnas pa dang/ lha chen pos de las drangs te mgrin par bzhag
par gyur to/ /des de'i mgrin pa sngon por gyur to/ /de nas zla ba
tshes pa byung bar gyur pa dang/ de lha chen pos blangs te mgo la
gzhag go/ /de nas

@57b dpal mo zhes bya ba byung ste/ rang nyid kyis khyab 'jug
blangs te 'dus so/ /de'i 'og tu rta mgrin rings dang/ shing yongs
'dul sogs pa byung ste/ de dag ni brgya byin la sogs pa lha rnams
kyis ci rigs par khyer ro/ /de nas bud med shin tu yid du 'ong ba
zhig byung ba dang/

de dag la khyed su yin zhes dris pa dang/ nga ni chang zhes bya
ste/ nga 'thungs na myos pa dang/ brgyal ba dang/ dregs pa la
sogs pa'i rnam par 'gyur ba 'byung bar 'gyur ro zhes smras pa
dang/ lha ma yin rnams 'jigs nas ma 'thungs pa dang/ lha ma yin
zhes bya bar gyur la/ lha

rnams kyis 'thungs pas ni lha zhes bya bar gyur to/ /bdud rtsi
byung ba na snod chen po brgyad gang ba lha ma yin rnams kyis
khyer bar gyur ba dang/ lha rnams shin tu yi mug par gyur pa na
khyab 'jug gis shin tu yid du 'ong zhing gzugs bzang ba'i bud med
kyi gzugs su bsgyur te/ der

song ba la brgya byin yang mi snang ba'i gzugs kyis nam mkha' la
'dug go/ /de'i tshe lha ma yin rnams kyis 'di ni kho bo cag gi bud
med yin no snyam nas/ bdud rtsi'i srung mar gzhag go/ /rang nyid
ni khrus la song ste chos kyi bstan bcos las/ ma bkrus dri ma
spyod 'gyur bas/ /

khrus ma byas par zas mi bza'/ /zhes smos pa'i phyir de dag khrus
la song ngo/ /skabs der khyab 'jug dang/ brgya byin gyis bdud
rtsi brkus te brgya byin gyi khang par khyer ro/ /de rnams khrus
byas nas slar log pa dang/ bdud rtsi ma mthong nas de tshol ba la
brtson pa na/ lha rnams

kyis khyer ro zhes thos nas lha rnams ni steng du 'gro ba yin
pas/ lha ma yin ma yin pa bden no snyam mo/ /de'i tshe lha rnams
bdud rtsi la longs spyod pa'i phyir 'dus pa dang/ sgra gcan 'dzin
lha'i cha lugs su bsgyur te/ der zhugs nas bdud rtsi'i skal pa
thob pa dang/ nyi mas

mthong ste/ khyab 'jug la 'di ni sgra gcan 'dzin no zhes smras pa
dang/ des 'khor los mgo bcad par gyur la/ 'on kyang bdud rtsi la
longs spyod cing bldags pas mgo ni deng sang na yang gnas la/ lus
lhag ma rnams ni shi bar gyur to/ /de nas sgra gcan 'dzin dang
nyi ma

@58a @#/ /zhe 'gras par gyur pas/ gang gi tshe/ nyi ma'i dkyil
'khor 'gebs shing sgrib par byed pa yin no zhes gtam du grag go/
/lha dang lha ma yin gyi rin po che 'phrog pa na/ des ji ltar
byas pa de brjod par bya ste/ rgyal po gsal ba zhes bya ba las
manta ka zhes bya ba'i

nor bu zhig yod par gyur la/ de khyab 'jug gis bslangs pa dang/
ma byin par gyur nas khyab 'jug dpung gi tshogs bcu dgu dang bcas
par de'i don du g.yul 'gyed du song ngo/ /gsal ba yang nor bu'i
mthu yid la bsams pa tsam gyis dpung gi tshogs stobs che zhing/
pha rol

gnon pa dang bcas pa nyi shu dang bcas te g.yul bkye ba dang/ de
khyab 'jug las rgyal te gyes so/ /dus gzhan zhig na rgyal po gsal
ba ri dags shor du song ba dang/ seng ges bsad do/ /dred kyi bdag
po 'dzam bu'i bu zhes bya bas seng ge'i lkog mar nor bu yod pa
mthong ste/ de bsad

nas khyer ro/ /rin po che'i don du khyab 'jug gis rgyal po gsal
ba bsad do zhes grags pa ma yin pa byung bar gyur pa dang/ khyab
'jug gis de btsal ba'i phyir lhar bcas btang nas/ des phug gcig
gi nang na gzhon nu ma du ba dang/ ma mas spro bsring ba'i phyir
smras pa/ gsal ba seng

ges bsad gyur la/ /seng ge 'dzam bu'i bu yis bsad/ /khyed kyis sa
manta ka 'di/ /gzhon nu bzang mo ma du zhig /de lta bu'i gtam zer
ba thos nas/ de la bzlas pa dang/ de blang ba'i phyir de nyid pho
nyar btang ngo/ /pho nya de shin tu blo dang ldan zhing dka' ba
med pas thob par bya ba'i phyir

'dzam bu'i bu mo khyab 'jug gi don du blangs so/ /dred kyi bdag
pos kyang bu mo dang/ nor yang ngas khyed la sbyin par bya'o zhes
khas blangs so/ /khyab 'jug khros te smras pa/ bu mos ci zhig bya
ste/ 'thabs la 'di bsad de dbrog par bya'o/ /lhar bcas kyis smras
pa/ nga rgyal brnyas

dang de bzhin du/ /ngo tsha gzi byin spangs nas ni/ /brtan pas
rang don bsgrub bya ste/ /rang don nyams pa gleng pa yin/ /zhes
smras pa dang/ des kyang de'i tshig mnyan te/ thams cad thob par
byas so/ /'dzam bu'i bu ni lha ma yin yin te/ dred kyi gzugs kyis
rnam par rgyu bar byed la/

@58b de lta bu'i rin po che yod pa phrogs pa yin no/ /lha rnams
kyi rin po che ni ba ri dza ta la sogs pa ste/ de yang brgya byin
las phrogs pa yin te/ rin po che phrogs pa'i snyan dang gas las
gtam du grags pa ltar sbyar bar bya'o/ /chags shing zhen pa'i blo
gros 'di la yod pas na chags pa'i

blo gros te/ des gzhan dag slu ba'i ngan g.yo byas par gyur la/
des kyang sa dag phrogs par gyur pa ste/ dang po stobs ldan gyis
sa thams cad dbang du byas par gyur pa las/ de las dbrog par
bya'o snyam du chags pa'i blo skyes pas/ gang gi tshe mi'u thung
gi gzugs su bsgyur

te; /sa 'phrogs par gyur la de lta bu'i 'phrog pa po'i rang bzhin
can du gyur cing/ de'i tshe 'dod chags la sogs pa'i 'ching ba las
ma grol bar gnas pa yin du zin kyang/ skye bo blun po shes rab
dang mi ldan pa dag me tog la sogs pa'i mchod pas mchod par byed
cing phyag 'tshal

bar byed pa yin no/ /sangs rgyas bcom ldan 'das nyid ni bag la
nyal gyi tshogs rnams las rnam par grol bar gyur kyang skye bo
phal cher phyag mi 'tshal te/ sangs rgyas bcom ldan 'das nyon
mongs pa'i tshogs las rnam par grol zhing/ dngos po ma lus pa'i
don thugs su chud la phyi

dang nang zhi zhing rnam par dag pa yin du zin kyang/ phyag 'tshal
bar mi byed do/ /ci'i phyir zhe na/ rmongs pas zhes bya ba smos
te/ mi shes pa'i mun pas khebs pa'i phyir bye brag mi shes pas
phyag 'tshal bar mi byed do zhes bya ba'o/ /gzhan yang/ sangs
rgyas bcom ldan

'das nyid bsod nams kyi zhing dam pa yin gyi/ gzhan dag ni de
lta ma yin no zhes bstan pa'i phyir/ sa 'di zhes bya ba la
sogs pa smos pa yin te/ sa chen po ni shar la sogs pa na gnas
pa'i rgya mtsho bzhi po'i tshogs yon tan mang po dang ldan pas/ ska
rags ltar kun

nas bskor te gnas pa de nyid ni khur bu lta bu ste/ 'degs par
dka' bas na ljid kyis lci bar 'dug cing/ des shin tu snyoms pa
ltar gnas pa'i phyir/ lci lci ltar 'dug pa'i sa de lta bu de
stobs ldan gyis khyab 'jug la byin du zin kyang/ de'i 'bras bu
sdug bsngal

@59a @#/ /bas sa 'og tu btson rar bcings pas bsdams pa'i sdug
bsngal ba'i gnas skabs thob par gyur pa ste/ nyon mongs shing
sdug bsngal bas bcom pa'i gnas skabs thob cing myong bar gyur pa
yin no/ /'dir khyad par ni thub pa sangs rgyas bcom ldan 'das la

sa'i rdul tsam phul bas kyang/ rgyal po mya ngan med pa zhes bya
bar gyur pa yin te/ de yang bcom ldan 'das rgyal po'i khab tu
bsod snyoms la gshegs par gyur pa dang/ khye'u rgyal ba zhes bya
bas mthong ma thag shin tu dad par gyur nas srang bar gyi phyag
dar las snyim pa gang phul bar

gyur pa dang/ bcom ldan 'das kyis nga yongs su mya ngan las 'das
nas lo brgya lon pa na khye'u 'di mya ngan med pa zhes bya ba
stobs kyi 'khor los sgyur ba'i rgyal por 'gyur ro/ /khye'u rnam
par rgyal ba la rjes su yi rang bar byas pas de'i blon po'i mchog
shing rta sbas pa zhes bya bar 'gyur ro

zhes lung bstan to/ /des thob pa'i sa gzhi yang ji lta bu zhe na/
zla ba'i dkyil 'khor rdzogs pa'i 'od zer gyis khyab pa'i sa steng
ma lus pa mtha' dag thob cing/ de yang dge ba ste dus ma yin par
'chi ba dang/ mu ge dang/ yams la sogs pa'i gnod pa med pa dag
thob par

'gyur ba'o/ /de ltar na 'di gnyis zhing dang zhing ma yin pa'i
khyad par las bsod nams su gyur par ston to/ /khyed ni phyogs su
lhung bas de skad smra ba yin no snyam pa la/ de'i phyir bdag ni
zhes bya ba la sogs pa smras pa yin te/ kho bo ni rgyu med pa'am/
nyes pa rgyur byas nas

sangs rgyas kyi phyogs 'dzin cing/ phyogs su lhung ba'ang ma yin
la/ drang srong ser skya la sogs mu stegs kyi ston pa rnams la
yang sdang zhing gnod par sems pa yang med de/ rgyu med par spyir
thams cad du snyoms par nyi ma ltar gnas par bya ba yin pas/ gang
dag gi tshig rigs

pa dang ldan zhing/ tshad mas gzhal bar bzod pa de nyid la ston pa
nyid du yongs su gzung bar bya zhing/ de nyid la dam pa rnams
skyabs su 'gro bar bya ba yin no zhes bya ba'i don to/ /'jig rten
'di thams cad ni skyabs kyi 'os ma yin te/ 'dod chags dang bral
ba med pa'i phyir dang/

@59b nyon mongs pa'i srin pos kun du bsten pa'i phyir/ tshangs
pa'i srin pos gnas su byas pa'i khang pa lta byu yin no zhes
dpyod pa dang ldan pa dag 'dod pas/ de'i phyir 'di ltar zhes bya
ba la sogs pa smos pa yin te/ bzhi po 'di dag gi nang nas nges
par na 'ga' zhig thams cad mkhyen par

gyur pa yin gyi/ thams cad ni mthar thug pa ma yin te/ de yang ji
ltar 'od can rnams kyi nang na nyi ma lta bu dang/ mtsho phran
rnams kyi nang na rgya mtsho lta bu dang/ ri bo rnams kyi nang na
ri rab lta bur blo dang ldan pa rnams kyi nang na thams cad
mkhyen pa ni khyad par du 'phags pa yin gyi/

gzhan dag ni shes bya'i don thams cad shes pa ma yin no/ /de
bzhin du de'i bstan pa yang 'gro ba la gcig tu phan zhing/ bstan
pa'i lugs shin tu rgya che ba yin te/ chos kyi phung po brgyad
khri bzhi stong la sogs pa'i bstan pa gang zhig nye bar ston pa
de nyid blo dang ldan pas btsal

bar bya ba yin no/ /ji lta bu'i blos she na/ blo gros zhib mo'i
mig gis btsal bar bya ste/ de la blo gros nyid phra mo mthong
ba'i mig yin te/ des btsal zhing brtags nas bsten par bya'i/
gzhan dag ni thams cad mkhyen pa ma yin zhing/ phung khrol la
mkhas la/ sems

can rnams la nye bar gnod par byed pa de rnams la bsten zhing
ston par bzung ba ci zhig mkho ste/ dgos pa ci zhig byed/ phan
pa'i dgos pa ci yang med do zhes bya ba'i don to/ /de ltar na
gang zhig la bsten na dgos pa ma lus pa 'grub par 'gyur zhe na/
de'i phyir 'dir gang la zhes bya ba la

sogs pa smos pa yin te/ ston pa gang la nyon mongs pa'i skyon bag
chags dang bcas pa ma lus pa kun yod pa ma yin la/ tshul khrims
dang ting nge 'dzin la sogs pa'i yon tan ma lus pa thams cad rnam
pa thams cad du yod par gyur na de nyid ni bdag gi ston pa yin
zhing/

de nyid kho na 'gro ba ma lus pa'i skyabs yin gyi/ gzhan ni ma
yin te/ kho bo ni ming tsam ma bzod pa'i phyir de skad du sma ba
ma yin gyi/ gzhan du na don gyi nyes pa yod pa yin no/ /des ni
'di skad ston pa yin te/ gal te lha chen po dang/ khyab 'jug dag
la ni ji skad bshad pa'i nyes pa

@60a @#/ /yod pas de dag ston par gyur pa ma yin no zhes smra ba
ni rigs na/ tshangs pa la ni nyes pa 'ga' dang yang ldan pa ma
yin pas/ de'i phyir de ni sa ma lus pa'i ston par rigs pa yin no/
/yang na 'di la nyes pa yod na smos shig ce na/ de brjod par bya
ste/ yang dag par na

'dod pa'i khams kyi 'dod chags dang bral ba yang ma yin na/ nyes
pa'i dri ma ma lus pa 'di la med do zhes brjod par lta ga la bya
ste/ nyes pa de nyid 'di la brgya phrag yod de/ lha 'di gnyis
dang tshangs pa mtshungs pa nyid du bshad de/ de yang lha mo u ma
bag mar blangs pa'i tshe/ kha khyer

la bskor ba byed pa na/ de'i gzugs phul du byung ba mthong bas
sems shor te brgyal zhing/ tshangs pa khu ba shor bar gyur to zhes
grag la/ de nas ngo che bas rkang pas mnyes pas dum bu brgya
phrag du mar gyes pa dang/ de las byis pa brtse ba zhes bya ba'i
drang srong stong phrag brgyad cu skyes par gyur

to zhes bshad pa dang/ tshangs pas mchog byin pa las/ sa gsum la
sun d+ha dang/ u pa sun d+ha zhes bya ba spun gnyis kyis shin tu
gnod pa byas pa dang/ de dag gsad pa'i phyir lha thams cad kyis
rang gi lus kyi gzi byin gyi cha bsdus pa las thig le'i mchog ma
zhes bya ba sprul la/

de ji tsam na tshangs pa la phyag byed pa na de la chags pa'i
dbang gis tshangs pas dos bzhir gdong bzhi sprul la/ lha chen pos
de'i mgo dbus ma ni bcad par gyur to zhes bya ba la sogs pa 'chol
pa'i spyod pa mang du smos pa yin no/ /gzhan yang 'di'i ming gi
rjes thogs las nyes pa gzhan

yang 'byung zhing/ gzhan yang khyed rnams ni ngas sprul pa yin
zhes log pa nyid du byed pa por yang ston pa yin no zhes bya ba
la sogs pa 'di dag gi tshig la nyes pa mang po yod par thos kyi/
bcom ldan 'das kyi bstan pa la ni nyes pa'i dri ma 'ga' yang
mnga' ba ma yin no/ /de yang/

mos ldan phongs pa las 'don pa/ /'tsho ba'i tshe na mi nus kyi/ /de
ni 'chi nas gdon bya zhes/ /lha de smra ba brdzun tshig yin/ /mes
ni reg pas mi tshig gi/ /dran na tshig ces gang smra ba/ /gal te
tshig de bden gyur dam/ /'di gnyis kyang ni de dang 'dra/ /bcom
ldan yang ni de 'dra

@60b na; /las kyi bdag nyid can mi gsung/ /nyi mas sa yi gzhi lta
bur/ /'gro ba'i rang bzhin gsal bar mdzad/ /'jig rten las min
'bras mi spyod/ /rang gi nyon mongs kyis las bsags/ /dge dang mi
dges 'dod mi 'dod/ /'bras skyed sa bon lta bu yin/ /chos kun
yongs

su mkhyen pa dang/ /nyes pa thams cad zad pa dang/ /sems can kun
la phan gyur pa/ /de dag thams cad de bzhin gshegs/ /zhes bya ba
la sogs pa smos pa yin no/ /don 'di nyid rgya cher bstan pa'i
phyir/ /gang la zhes bya ba la sogs pa smos pa yin te/ dpag tu
med pa zhes

bya ba ni tshad med pa'o/ /thugs rje can zhes bya ba ni thugs rje
chen po dang ldan pa ste/ de yang lha'i spyan rnam par dag pas
'jig rten ma lus pa la rgyun du rnam par gzigs par mdzad de/ de
yang sangs rgyas kyi spyan gyis nyin dus gsum/ mtshan dus gsum du
'jig rten rnams la

gzigs par mdzad do zhes ji skad smos pa lta bu'o/ /de ltar thugs
rje chen po dang ldan pas 'gro ba 'di dag sdug bsngal las 'don
par mdzad cing/ skyabs dang rten gyi dam pa yin pas de la skyabs
su mchi zhing rten par byed do zhes bya ba'i don to/ /de ltar
bstod pa de yongs su bsngo ba'i

phyir; pad+ma zhes bya ba la sogs pa smos pa yin te/ sangs rgyas
bcom ldan 'das de ni gzugs kyi yon tan phul du byung ba dang ldan
pa'i phyir/ utpala sngon po kha bye zhing/ 'dab ma rgyas pa ltar
dkyus ring la mdzes pa'i spyan mnga' ba gang yin pa de la de skad
cig ces bya ste/ gzugs

kyi sku'i dbang po'i mchog yin pa'i phyir/ spyan gyi mtshan nyid
nye bar mtshon pa tsam du smos pa yin no/ /de 'ba' zhig tu ma zad
kyi yon tan thams cad kyi gnas su gyur pa yang yin te/ ji ltar
chu klung stong phrag du ma 'bab pa'i rten dang gnas ni rgya mtsho
yin pa dang 'dra bar yon tan gyi bstod

pa'i chu klung brgya stong mang po 'byung ba'i gnas dang gzhi ni
bcom ldan 'das yin la/ de lta bu'i bstod pa'i gnas su gyur pa de
la tshul de ltar bstod cing bsngags pa brjod pa'i bstod pa'i tshig
las/ bdag gis dge ba'i rtsa ba bskrun cing bskyed pa cung zad ci
mchis pa'i dge ba'i rtsa

@61a @#/ /ba 'dis/ /sems can thams cad bla na med pa'i bde ba dang
ldan par gyur cig ces smos pa yin te/ 'dir nges par legs pa ni
bde ba kha na ma tho ba med pa dang/ 'gro ba thams cad bde ba
dang ldan par gyur cig ces bya ba'i don to/ /skyob la lha las
phul byung

bar/ /bstod pa bdag gis rnam phye bas/ /'di las bsod nams gang
bsags pa/ /des ni mya ngan 'das thob shog /lha las phul du byung
ba'i bstod pa'i rgya cher bshad pa/ slob dpon shes rab go chas
mdzad pa rdzogs so// //rgya gar gyi mkhan po dzA ra na da na'i
zhal

snga nas dang/ zhu chen gyi lo tsA ba dge slong rin chen bzang
pos bsgyur cing gtan la phab pa'o// @##/ /rgya gar skad du/ budd+ha
sya sto tra nA ma/ bod skad du/ sangs rgyas kyi bstod pa zhes
bya ba/ 'jam dpal gzhon nur gyur pa la phyag 'tshal lo/ /gang gis
lhun

po'i tshad las lhag pa'i dbu ni rab tu byin/ /gang gis rgyu skar
bas kyang mang ba'i brgya phrag spyan rnams kyang ni btang/ /sa
gzhi dang mnyam rgya mtsho lta bu'i sha dang khrag rnams kyang/
/de ltar dka' ba spyod mdzad sangs rgyas bcom ldan rtag tu phyag
'tshal lo/ /g.yo zhing 'khyug 'gro'i glog

'dra'i sems ni gang gis dbang du gnas pa dang/ /'jig rten gsum po
mi shis rgya mtsho las ni gang gis yang dag sgrol/ /srid 'joms
bdud 'jig phyir du gang zhig slar yang srid par 'jug /de ltar
dka' ba spyod mdzad bcom ldan sangs rgyas rtag tu phyag 'tshal lo/
/gang gis snying rje'i

sdom pa'i khur bus sems can don la dgyes pa'i phyir/ /lha dang
lha min 'jig rten gsum po'i gtso bos mi rtog rnam par spong/
/bkres sdug srog chags rnams la brtse ba mchog gnas gang zhig lus
rab ster/ /de ltar dka' pa spyod mdzad bcom ldan sangs rgyas rtag
tu phyag 'tshal

lo; /gang gis snying rjes 'thob pa'i sems can myur du bsgral
zhing bskyab pa'i phyir/ /gang zhig phyugs dang nya dang ri dags
'gro bar dgon pa'i nang du gnas/ /yun ring ngal dang dub pa bzod
cing lus rnams kyang ni kun du gtong/ /de ltar dka' ba spyod
mdzad bcom ldan sangs rgyas rtag

@61b tu phyag 'tshal lo/ /gang zhig sems can mang po'i lus kyi nad
la sman gyi phyir du ni/ /'gro la byams pa'am snying rje'i dbang
gis mchog tu mu ge'i dgon pa ru/ /nags tshal rnams su glang chen
lus rnyed gzhan gyi sdug bsngal sel la sbyor/ /de ltar dka' ba
spyod mdzad bcom ldan

sangs rgyas rtag tu phyag 'tshal lo/ /mu ge'i zug rngu zug pa'i
dus su dbu la skyes pa'i rin po che/ /bcad nas byin pas bram ze
dang ni mi bdag la sogs gnas pa'i phyir/ /kun du de bzhin thugs
kyi byid pa sla bas thams cad sems can don/ /de ltar dka' ba
spyod mdzad bcom

ldan sangs rgyas rtag tu phyag 'tshal lo/ /nags rnams so sor gnas
mdzad rmi lam bzang pos yang dag smra ba thob/ /ma dang rgyal po
pha rol phan pa spyod pa rnams kyi seng ge'i khrir/ /gnyis 'thung
mche ba drug par 'khrungs te 'gro ba gang phyir chos rnams kun/
/de ltar dka' ba

spyod mdzad bcom ldan sangs rgyas rtag tu phyag 'tshal lo/ /sbyin
dang tshul khrims yon tan bzod pa'i rang bzhin stobs brtson bsam
gtan dang/ /shes rab rab gsung mtshungs par spong ba'i byams dang
snying rje'i yon tan gyis/ /'brog dgon gnas pa'i 'gro ba 'dren
pa'i ded

dpon thob cing yang dag rtogs/ /de ltar dka' ba spyod mdzad bcom
ldan sangs rgyas rtag tu phyag 'tshal lo/ /'phags ma nor rgyun mas
mdzad pa'i sangs rgyas kyi bstod pa rdzogs so// //rab tu bsngags
pa'i gnas chen po bal po yam bu'i grong khyer du sgra'i mkhan po
dpal

rgyal ba'i bzang po dang/ shAkya'i dge slong nyi ma rgyal mtshan
dpal bzang pos bsgyur ba'o// !/ /chos kyi sku la gnas pa'i yon
tan la bstod pa bzhugs/ @##/ /chos kyi sku la gnas pa'i yon tan
thun mong ma yin pa la bstod pa/ de bzhin gshegs pa thams

cad la phyag 'tshal lo/ /sems can rnams la thugs brtse ba/ /phrad
dang bral bar dgongs pa can/ /mi 'bral dgongs shing bde ba can/
/dgongs pa khyod la phyag 'tshal lo/ /sgrib pa kun las nges par
grol/ /thub pas 'jig rten kun zil mnan/ /khyod kyi mkhyen pas
shes bya

@62a @#/ /khyab/ /sems grol khyod la phyag 'tshal lo/ /sems can kun
gyi nyon mongs kun/ /ma lus pa dag 'dul mdzad pa/ /nyon mongs sel
ba nyon mongs pa/ /brtser bcas khyod la phyag 'tshal lo/ /lhun
gyis grub cing chags mi mnga'/ /thogs pa mi mnga' rtag

tu yang; /mnyam par gzhag cing 'dri kun gyi/ /lan ldon khyod la
phyag 'tshal lo/ /gnas dang gnas pa bshad bya dang/ /tshig dang
shes pa ston pa la/ /rtag tu blo gros mi thogs pa/ /ston mchog
khyod la phyag 'tshal lo/ /ched du zhu dang de dag gi/ /tshig dang
spyod mkhyen 'ongs

pa dang; /'gro dang nges 'byung sems can la/ /legs 'doms khyod la
phyag 'tshal lo/ /lus can kun gyis khyod mthong na/ /skyes bu
mchog tu rtogs par 'gyur/ /mthong ba tsam gyis dad 'gyur bar/
/mdzad pa khyod la phyag 'tshal lo/ /len dang gnas dang gtong ba
dang/ /

sprul pa dang ni bsgyur ba dang/ /ting nge 'dzin dang ye shes la/
/mnga' brnyes khyod la phyag 'tshal lo/ /thabs dang skyabs dang
dag pa dang/ /nges 'byung theg pa chen po la/ /sems can rnams la
slu ba ye/ /bdud 'joms khyod la phyag 'tshal lo/ /ye shes dang ni
spangs pa dang/ /

nges 'byung bgegs byed ston mdzad pa/ /bdag gzhan don la mu stegs
gzhan/ /mi tshugs khyod la phyag 'tshal lo/ /'khor du tshar bcad
gsung mdzad pa/ /kun nas nyon mongs gtan spangs la/ /bsrung ba mi
mnga' bsnyel mi mnga'/ /tshogs sdud khyod la phyag 'tshal lo/ /

gshegs bzhugs kun du rtag par yang/ /kun mkhyen ma lags spyod mi
mnga'/ /khyod ni yang dag don du na/ /kun mkhyen khyod la phyag
'tshal lo/ /sems can kun gyi don mdzad pa/ /khyod ni dus las yong
mi 'da'/ /rtag tu 'bras bu yod mdzad pa/ /mi bsnyel khyod la

phyag 'tshal lo/ /'jig rten kun la gdugs zhag gcig /lan drug tu ni
gzigs mdzad pa/ /thugs rje che dang ldan pa po/ /phan dgongs
khyod la phyag 'tshal lo/ /gshegs dang thugs su chud pa dang/
/mkhyen pa dang ni phrin las kyis/ /nyan thos dang ni rang sangs
rgyas/ /

@62b kun mchog khyod la phyag 'tshal lo/ /byang chub chen po'i
rnam pa kun/ /sku gsum dag gis brnyes gyur pa/ /kun du sems can
thams cad kyi/ /dogs gcod khyod la phyag 'tshal lo/ /sri ba mi
mnga' skyon mi mnga'/ /rnyog pa mi mnga' bzhugs mi mnga'/ /g.yo
ba mi mnga'

chos kun la/ /ma spros khyod la phyag 'tshal lo/ /chos sku la gnas
yon tan 'di la bdag gis rab bstod pas/ /yon tan drug ldan sku
gsum po ni yongs su rdzogs par ni/ /bdag sogs 'gro ba rnams kyis
myur du rtogs par shog /chos kyi sku la gnas pa'i yon tan thun

mong ma yin pa la bstod pa/ /slob dpon thogs med kyis mdzad pa
rdzogs so// //rgya gar gyi mkhan po dzi na mi tra dang/ shrI
lendra bo d+hi dang/ zhu chen gyi lo tsA ba bande ye shes sdes
bsgyur cing zhus te gtan la phab pa// @##/ /rgya gar skad du/
tattwa sta baM/

bod skad du/ de kho na nyid la bstod pa/ 'jam dpal gzhon nur gyur
pa la phyag 'tshal lo/ /thogs pa kun las rnam grol ba/ /kha dog
bral zhing ma skyes shing/ /rang gi ngo bo 'jig med pa'i/ /sku
mnga' de bzhin gshegs phyag 'tshal/ /nyon mongs rags dang phra
spangs pa/ /

bdag gis mi mnga' sgrib pa dag /dang po yod pas stong pa'i phyir/
/don dam mkha' dkyil 'dra phyag 'tshal lo/ /rnam rtog sprul ni
spangs pas na/ /ci dgyes par ni mdzad gyur pa/ /gter mchog de
nyid rtag gzigs pa/ /ngan 'gro'i rgud pa spangs phyag 'tshal/
/rnam par rtog pa

thams cad spangs/ /nyid kyis dgyes bdar ma byas sku/ /'khor dang
zhi bar ro mnyam sku/ /rnam rtog dri ma med phyag 'tshal/ /yang
dag dgongs pas mnal mi mnga'/ /gti mug bral zhing spangs pas
bzhugs/ /rtag tu de nyid ma gsal ba/ /rang bzhin mkhas pas shar
phyag

'tshal; /bsam gtan tshes grangs yongs rdzogs pas/ /mi rnams dga' ba
skyed mdzad pa/ /rnam grol zla ba yid 'ong ba/ /lta ngan rab rib
sel phyag 'tshal/ /dngos po dngos med gnyis 'das nas/ /rtog pa'i
dri ma las grol ba/ /rtsen dor med nges mnyam gnas/ /

@63a @#/ /spros mi mnga' la phyag 'tshal lo/ /dri med chu rlabs bde
ba'i rgyu/ /ma lus srog chags 'tsho mdzad pa/ /che zhing mtha' med
tshad dang bral/ /de nyid rgya mtsho che phyag 'tshal/ /legs spyad
du ma rgyas thob pa/ /dpe med ro zhim yid la 'bab/ /rga shi'i

'jigs pa med mdzad pa/ /de nyid bdud rtsi la phyag 'tshal/ /rang
gi yid la brtan ldan yang/ /khyab 'jug dbang phyug tshangs dbang
dang/ /lha dang drang srong thabs med pa/ /thabs de skad cig
brnyes phyag 'tshal/ /dri med rin thang mnyam med pa/ /ngo bos
'dod rnams

yongs rdzogs mdzad/ /bsod nams bsags pas dmigs gyur pa/ /yid
bzhin byang chub sems phyag 'tshal/ /srid pa'i 'khor bas yongs dub
pa'i/ /mchog tu lta ba bde ba'i gnas/ /byang chub yan lag me tog
ldan/ /zhi ba'i dpag bsam shing phyag

'tshal/ /shes bya shes med gnyis med cing/ /phra sbom dbye ba
rnams las grol/ /sna tshogs dpe las 'das gyur pa/ /tshig gis brjod
mi nus phyag 'tshal/ /rtag tu rgyal zhing bsnyengs mi mnga'/
/gzhan stobs 'joms byed mdud pa med/ /gnyis med sku mnga'

bsam mi khyab/ /gcig dpa' srid pa 'joms phyag 'tshal/ /bye brag
med par dbang 'gyur zhing/ /dngos tshogs skad cig la bsregs pa/
/shin tu drag pa'i rang bzhin gyis/ /rab 'bar de nyid me phyag
'tshal/ /'di ltar yang dag bstod las dge ba gang thob pa'i/ /

bsod nams des ni 'gro ba ma lus zad 'gyur zhing/ /sems can rnams
ni sdug bsngal dag dang bral gyur pa/ /bde ba dang ldan sgrib med
mya ngan 'das thob shog /de kho na nyid la bstod pa shAkya'i dge
slong dpal gyi go chas mdzad pa rdzogs so// //rgya gar gyi mkhan

po manydzu shrI b+ha dra dang/ dge slong shAkya 'od kyis bsgyur
cing zhus te gtan la phab pa// !/ /bdud btul ba la bstod pa
bzhugs/ @##/ /dkon mchog gsum la phyag 'tshal lo/ /bsam gtan phyin
ci log gis ci zhig dgongs mdzad skad cig

@63b legs par spyan dbye gzigs/ /lus med mda' yis gzir ba'i skye
bo bdag cag skyob pas kyang ni bsrung bar mi mdzad na/ /thugs rje
ldan pa phyin ci log gyur khyod las mchog tu ma rung skyes bu
gzhan ma mchis/ /phrag dog ldan pa bdud kyi bud med de skad smra
yang rgyal

ba skyob pa byang chub gyur/ /gzhan yang 'dod dbang gis ni kun du
gzhu bkang bdud gzhan lag par myur pa pa Ta ha sgra 'jebs dang
ldan/ /dpa' bo smin ma bskyod dang nyer g.yo lta bur sgeg dang
'dzum dang rol pa med rnams kyis/ /thub dbang skyob pa byang chub
ma brnyes par

du bsam gtan las ni bskyod ma nus pa mthong gyur nas/ /ngo mtshar
gyur pas pa spu langs pa'i lus kyis grub pa rnams dang yan lag
mchog rnams 'dud/ /ral pa 'khrugs shing lce rnams g.yogs la kun
du bltams pas gang gi thugs rnams 'khrul par ma gyur cing/ /rab

gsal 'dod lha'i bdud rnams rtse mo mchog dag lag thogs glang po
rta rnams gdong ldan seng ge dang/ /stag gi gdong rnams rtswa
bzhin grangs med gyur pa 'khor ba yis ni gang zhig bsnyengs par
ma gyur pa/ /de ni kun la gnod pa'i rnam pa 'dres pa med par
skyob pa sangs rgyas thub

dbang 'jig rten mgon/ /bdud btul ba la bstod pa/ rab dga'i lha'i
zhal snga nas mdzad pa rdzogs so// @##/ /rgya gar skad du/ d+harma
d+hA tu sta baM/ bod skad du/ chos kyis dbyings su bstod pa/
'phags pa 'jam dpal gzhun nur gyur pa la phyag 'tshal

lo; /gang zhig kun du ma shes na/ /srid pa gsum du rnal 'khor ba/
/sems can kun la nges gnas pa'i/ /chos kyi dbyings la phyag 'tshal
'dud/ /gang zhig 'khor ba'i rgyur gyur pa/ /de nyid sbyang ba
byas pa las/ /dag pa de nyid mya ngan 'das/ /chos kyi sku yang de
nyid do/ /

ji ltar 'o ma dang 'dres pas/ /mar gyi snying po mi snang ba/ /de
bzhin nyon mongs dang 'dres pas/ /chos kyi dbyings kyang mi
mthong ngo/ /ji ltar 'o ma rnam sbyangs pas/ /mar gyi snying po
dri med 'gyur/ /de bzhin nyon mongs rnams sbyangs pas/ /chos
dbyings shin tu dri med 'gyur/ /

@64a @#/ /ji ltar mar me bum nang gnas/ /cung zhig snang bar mi
'gyur ba/ /de bzhin nyon mongs bum nang gnas/ /chos kyi dbyings
kyang mi mthong ngo/ /phyogs ni gang dang gang dag nas/ /bum pa
bu ga btod gyur pa/ /de dang de yi phyogs nyid nas/ /'od kyi rang
bzhin 'byung

bar 'gyur/ /gang tshe ting nge 'dzin rdo rje yis/ /bum pa de ni
bcag gyur pa/ /de tshe de ni nam mkha' yi/ /mthar thug bar du
snang bar byed/ /chos kyi dbyings ni skye ma yin/ /nam yang 'gag
par 'gyur ba med/ /dus rnams kun du nyon mongs med/ /thog ma bar
mthar dri ma bral/ /

ji ltar rin chen bai DUrya/ /dus rnams kun du 'od gsal yang/
/rdo yi nang na gnas gyur na/ /de yi 'od ni gsal ma yin/ /de
bzhin nyon mongs kyis bsgribs pa'i/ /chos dbyings shin tu dri med
pa'ang/ /'khor bar 'od ni gsal ma yin/ /mya ngan 'das na 'od gsal

'gyur; /khams yod na ni las byas pas/ /sa le sbram dag mthong bar
'gyur/ /khams med na ni las byas na/ /nyon mongs 'ba' zhig bskyed
par zad/ /ji ltar spun pas g.yogs gyur pas/ /so ba 'bras bur mi
'dod ltar/ /de bzhin nyon mongs kyis g.yogs

pas; /de ni sangs rgyas zhes mi brtag /ji ltar spun pa las grol
na/ /'bras nyid snang bar 'gyur ba ltar/ /de bzhin nyon mongs las
grol na/ /chos kyi sku nyid rab tu gsal/ /chu shing snying po med
do zhes/ /'jig rten na ni dper byed kyang/ /de yi 'bras bu snying
po

nyid; /mngar po za bar byed pa ltar/ /snying po med pa'i 'khor ba
las/ /nyon mongs gzab dang bral gyur na/ /de yis 'bras bu sangs
rgyas nyid/ /lus can kun gyi bdud rtsir 'gyur/ /de bzhin sa bon
thams cad las/ /rgyu dang 'dra ba'i 'bras bu 'byung/ /sa bon med

par 'bras yod par/ /shes ldan gang gis sgrub par nus/ /sa bon
gyur pa khams de nyid/ /chos rnams kun gyi rten du 'dod/ /rim
gyis sbyangs par gyur pa las/ /sangs rgyas go 'phang thob par
'gyur/ /dri med nyi ma zla ba yang/ /sprin dang khug rna du ba
dang/ /sgra

@64b gcan gdong dang rdul la sogs/ /sgrib pa lnga yis bsgribs par
gyur/ /de bzhin 'od gsal ba yi sems/ /'dod dang gnod sems le lo
dang/ /rgod pa dang ni the tshom ste/ /sgrib pa lnga yis bsgribs
par gyur/ /ji ltar me yis dag pa'i gos/ /sna tshogs dri mas

dri ma can/ /ji ltar me yi nang bcug na/ /dri ma tshig 'gyur gos
min ltar/ /de bzhin 'od gsal ba yi sems/ /'dod chags la sogs dri
ma can/ /ye shes me yis nyon mongs bsreg /de nyid 'od gsal ma yin
no/ /stong pa nyid ni ston pa'i mdo/ /rgyal bas

ji snyed gsungs pa gang/ /de dag kun gyis nyon mongs ldog /khams
de nyams par byed ma yin/ /sa yi dkyil na yod pa'i chu/ /dri ma
med par gnas pa ltar/ /nyon mongs nang na ye shes kyang/ /de
bzhin dri ma med par gnas/ /chos dbyings gang phyir bdag ma

yin; /bud med ma yin skyes pa'ang min/ /gzung ba kun las rnam
grol ba/ /ji ltar bdag ces brtag par bya/ /chags pa med pa'i chos
kun la/ /bud med skyes pa dmigs ma yin/ /'dod chags kyis ldongs
gdul bya'i phyir/ /bud med skyes pa zhes rab bstan/ /

mi rtag sdug bsngal stong pa zhes/ /bya ba gsum pos sems sbyong
byed/ /mchog tu sems ni sbyong byed pa'i/ /chos ni rang bzhin med
pa yin/ /ji ltar sbrum ma'i lto na bu/ /yod kyang mthong ba ma
yin pa/ /de bzhin nyon mongs kyis g.yogs pa'i/ /chos kyis dbyings
kyang

mthong ma yin/ /bdag dang bdag gi rnam rtog dang/ /ming gi 'du
shes rgyu mtshan gyis/ /rnam rtog bzhi po 'byung ba yang/ /'byung
dang 'byung las gyur pas so/ /sangs rgyas rnams kyi smon lam
yang/ /snang ba med cing mtshan nyid med/ /so sor rang rig sbyor
ldan nyid/ /

sangs rgyas rtag pa'i chos nyid can/ /ji ltar ri bong mgo yi rwa/
/brtags pa nyid de med pa ltar/ /de bzhin chos rnams thams cad
kyang/ /brtags pa nyid de yod ma yin/ /phra rab rdul gyi ngo bo
yis/ /glang gi rwa yang dmigs ma yin/ /ji ltar sngon bzhin phyis
de bzhin/ /de

@65a @#/ /la ci zhig brtag par bya/ /brten nas 'byung bar gyur pa
dang/ /brten nas 'gag par 'gyur bas na/ /gcig kyang yod pa ma yin
na/ /byis pa ji ltar rtog par byed/ /ri bong ba glang rwa yi
dpes/ /ji ltar bde gshegs chos rnams nyid/ /dbu ma nyid du sgrub

par byed/ /ji ltar nyi zla skar ma'i gzugs/ /dang pa'i snod kyi
chu nang du/ /gzugs brnyan mthong bar gyur pa ltar/ /mtshan nyid
rdzogs pa'ang de dang 'dra/ /thog ma bar dang mthar dge ba/ /bslu
ba med cing brtan pa yi/ /gang zhig de ltar bdag med pa'ang/ /ji
ltar bdag

dang bdag gir brtag /ji ltar so ga'i dus su chu/ /dro'o zhes
ni rjod par byed/ /de nyid grang ba'i dus su ni/ /grang ngo zhes
ni brjod pa yin/ /nyon mongs dra bas g.yogs pa ni/ /sems can zhes
ni brjod par bya/ /de nyid nyon mongs bral gyur na/ /sangs rgyas
zhes ni brjod par

bya; /mig dang gzugs la brten nas ni/ /dri ma med pa'i snang ba
'byung/ /skye med 'gag pa med nyid las/ /chos kyi dbyings ni rab
tu shes/ /sgra dang rna ba la brten nas/ /rnam par dag pa'i shes
pa gsum/ /mtshan nyid med pa'i chos kyi dbyings/ /rtog dang bcas
pas

thos par 'gyur/ /sna dang dri la brten nas snom/ /de ni gzugs su
med pa'i dpes/ /de bzhin sna yi rnam shes kyis/ /chos kyi dbyings
la rtog par byed/ /lce yi rang bzhin stong pa nyid/ /ro yi khams
kyang dpen pa ste/ /chos kyi dbyings kyi ngo bo yin/ /rnam par
shes

pa gnas med pa/ /dag pa'i lus kyi ngo bo dang/ /reg bya'i rkyen
gyi mtshan nyid dang/ /rkyen dag las ni grol gyur pa/ /chos kyi
dbyings zhes brjod par bya/ /yid gtsor gyur pa'i chos rnams la/
/rtog dang brtag pa rnam spangs nas/ /chos rnams rang bzhin med
pa nyid/ /

chos kyi dbyings su bsgom par bya/ /mthong dang thos dang bsnams
pa dang/ /myangs dang reg par gyur par dang/ /chos rnams de ltar
rnal 'byor bas/ /shes na mtshan nyid rdzogs pa yin/ /mig dang rna
ba sna dag dang/ /lce dang lus dang de bzhin yid/ /skye mched

@65b drug po rnam dag pa/ /'di nyid de nyid mtshan nyid do/ /sems
nyid rnam pa gnyis su mthong/ /ji ltar 'jig rten 'jig rten 'das/
/bdag tu 'dzin las 'khor ba ste/ /so sor rig na de nyid do/ /'dod
chags zad pas mya ngan 'das/ /zhe sdang gti mug zad pa dang/ /de
dag

'gags pa sangs rgyas nyid/ /lus can kun gyi skyabs nyid do/ /shes
dang mi shes pa dag las/ /lus 'di nyid la thams cad de/ /rang gi
rnam par rtog pas bcings/ /bdag nyid shes na grol bar 'gyur/
/byang chub ring min nye ba min/ /'gro min 'ong ba ma yin zhing/ /

nyon mongs gzeb gyur 'di nyid la/ /mthong ba dang ni ma mthong
yin/ /shes rab mar me la gnas nas/ /mchog tu zhi bar gyur pa yis/
/bdag la brtags pas gnas bya zhes/ /mdo sde'i tshogs las gsungs pa
lags/ /stobs bcu'i stobs kyis byis pa rnams/ /

byin rlabs zla ba tshes pa bzhin/ /nyon mongs can gyi sems can
gyis/ /de bzhin gshegs pa mi mthong ngo/ /ji ltar yi dags rnams
kyis ni/ /rgya mtsho skams par mthong ba ltar/ /de bzhin mi shes
pas bsgribs pas/ /sangs rgyas rnams ni med par brtags/ /dman

dang bsod nams dman pa la/ /bcom ldan 'das kyis ci bgyir mchis/
/ji ltar dmus long lag pa ru/ /rin chen mchog ni bzhag pa 'dra/
/sems can bsod nams byas rnams la/ /'od kyis gsal zhing dpal ldan
pa'i/ /sum cu rtsa gnyis mtshan 'bar ba/ /

sangs rgyas de yi mdun na gnas/ /mgon po de yi gzugs kyi skus/
/bskal pa mang por bzhugs nas kyang/ /gdul bya rnams ni gdul ba'i
phyir/ /dbyings nyid tha dad gyur pa lags/ /sems kyi yul ni nges
rtogs nas/ /der ni shes pa 'jug par 'gyur/ /so so rang

rig rnam dag na/ /sa rnams de yi bdag nyid gnas/ /dbang phyug
chen po'i gnas mchog dang/ /'og min nyid de rnam mdzes pa/ /shes
pa gsum po gcig nyid du/ /'dres par gyur la bdag smra'o/ /byis
pa'i nang na yongs mkhyen dang/ /'phags pa'i nang na sna tshogs
nyid/ /

@66a @#/ /dbang phyug chen po tshe dpag med/ /bskal pa'i tshe yi
rgyu gang yin/ /phyi rol sems can khams kyi yang/ /dpag tu med
pa'i bskal par ni/ /tshe yang gang gis bsrungs gyur cing/ /srog
chags rnams kyi srog gnas pa'i/ /rgyu gang mi zad pa de nyid/ /

gang gi 'bras bu mi zad gang/ /snang ba med pa'i bye brag gis/
/shes rab don du rab tu 'jug/ /byang chub ring bar mi bsam zhing/
/nye bar yang ni bsam mi bya/ /yul drug snang ba med par ni/
/yang dag ji bzhin rig gyur pa'o/ /ji ltar 'o ma dang 'dres chu/
/snod gcig na ni

gnas pa las/ /ngang pa 'o ma 'thung byed cing/ /chu ni ma yin de
bzhin gnas/ /de bzhin nyon mongs kyis g.yogs nas/ /ye shes lus
'dir gcig gnas kyang/ /rnal 'byor pa yis ye shes len/ /mi shes pa
ni 'dor bar byed/ /bdag dang bdag gi zhes 'dzin pas/ /

ji srid phyi rol rnam brtags pa/ /bdag med rnam pa gnyis mthong
na/ /srid pa'i sa bon 'gag bar 'gyur/ /gang phyir sangs rgyas mya
ngan 'das/ /gtsang ba rtag pa dge ba'i gzhi/ /gang phyir gnyis ni
byis pas brtags/ /de yi gnyis med rnal 'byor gnas/ /dka' spyod
sna

tshogs sbyin pa dang/ /tshul khrims sems can don sdud dang/ /sems
can phan byed bzod pa ste/ /gsum po 'dis ni khams rgyas 'gyur/
/chos rnams kun la brtson 'grus dang/ /bsam gtan la sems 'jug pa
dang/ /rtag tu shes rab bsten pa ste/ /'di yang byang chub

rgyas byed yin/ /thabs dang bcas pa'i shes rab dang/ /smon lam
rnam par sbyangs pa dang/ /stobs la des nas ye shes te/ /khams
rgyas byed pa'i chos bzhi'o/ /byang chub sems phyag mi bya zhes/
/smra ba ngan par smra ba ste/ /byang chub sems dpa' ma byung
bar/ /chos kyi sku

ni 'byung ma yin/ /bur shing sa bon la sdang gang/ /kha ra spyad
par 'dod pa des/ /bur shing sa bon med par ni/ /kha ra 'byung bar
'gyur ma yin/ /bur shing sa bon gang bsrungs nas/ /nye bar gnas
shing bsgrubs pa las/ /bu ram kha ra hwags rnams ni/ /de las
'byung

@66b bar 'gyur ba ltar/ /byang chub sems ni rab bsrungs nas/ /nye
bar gnas shing bsgrubs pa las/ /dgra bcom rkyen rtogs sangs rgyas
rnams/ /de las skye zhing 'byung bar 'gyur/ /ji ltar sA lu'i sa
bon sogs/ /zhing pas srung bar byed pa ltar/ /de bzhin theg mchog
mos rnams

la'ang; /'dren pa rnams kyis srung bar mdzad/ /ji ltar mar ngo'i
bcu bzhi la/ /zla ba cung zad mthong ba ltar/ /de bzhin theg
mchog mos rnams la'ang/ /sangs rgyas sku ni cung zad mthong/ /ji
ltar tshes pa'i zla ba la/ /skad cig skad cig rgyas par mthong/
/de bzhin sa la zhugs

rnams kyang/ /rim gyis rim gyis 'phel bar mthong/ /ji ltar yar
ngo'i bco lnga la/ /zla ba rdzogs par 'gyur ba ltar/ /de bzhin sa
yi mthar thug na/ /chos kyi sku yang rdzogs shing gsal/ /sangs
rgyas chos dang dge 'dun la/ /rtag tu mos pa brtan po yis/ /sems

de yang dag skyed byas nas/ /phyir mi ldog par yang yang 'byung/
/nag po'i gzhi ni yongs spangs nas/ /dkar po'i gzhi ni rab bzung
bas/ /de tshe de ni nges rtogs pa/ /dga' ba zhes ni mngon par
brjod/ /'dod chags la sogs sna tshogs pa'i/ /dri mas rtag tu dri
ma

can; /dri ma med par gang dag pa/ /dri ma med ces brjod pa yin/
/nyon mongs dra ba rab 'gags nas/ /dri med shes rab rab gsal bas/
/tshad med pa yi mun pa dag /sel bar byed pas 'ong byed pa'o/
/rtag tu dag pa'i 'od kyis gsal/ /'du 'dzi rnam par spangs pa yi/ /

ye shes 'od kyis rab bskor bas/ /sa de 'od 'phro can du 'dod/
/rig dang sgyu rtsal bzo gnas kun/ /bsam gtan rnam pa sna tshogs
nyid/ /nyon mongs shin tu sbyang dka' las/ /rnam par rgyal bas
sbyang dkar 'dod/ /byang chub rnam pa gsum po dang/ /phun sum
tshogs

kun bsdu ba dang/ /skye dang 'jig pa zad pa la/ /sa de mngon du
'gyur bar 'dod/ /'khor lo'i bkod pa rnam kun du/ /'od kyi dra bas
rtse ba dang/ /'khor ba'i mtsho yi 'dam rgal bas/ /de la ring du
song zhes bya/ /sangs rgyas kyis nges 'di bzung zhing/ /ye shes
rgya

@67a @#/ /mtshor zhugs pa dang/ /'bad med lhun gyis grub gyur pa/
/bdud kyi 'khor gyis mi g.yos pa'o/ /so so yang dag rig kun la/
/chos ston pa yi 'brel ba'i gtam/ /rnal 'byor pa de mthar son
pas/ /sa de legs pa'i blo gros 'dod/ /ye shes

rang bzhin 'di yi sku/ /dri med nam mkha' dang mnyam pa/ /sangs
rgyas rnams kyi 'dzin pa las/ /chos kyi sprin ni kun du 'byung/
/sangs rgyas rnams kyi chos kyi gnas/ /spyod pa'i 'bras bu yongs
'dzin pa/ /gnas ni yongs su gyur pa de/ /chos kyi sku zhes brjod
pa

yin; /bag chags las grol bsam mi khyab/ /'khor ba'i bag chags
bsam du yod/ /khyod ni kun du bsam mi khyab/ /gang gis khyod ni
shes par nus/ /ngag gi spyod yul kun las 'das/ /dbang po kun gyi
spyod yul min/ /yid kyi shes pas rtogs bya ba/ /gang yang

rung la phyag 'tshal bstod/ /rim gyis 'jug pa'i lugs nyid kyis/
/sangs rgyas sras po grags chen rnams/ /chos kyi sprin gyi ye
shes kyis/ /chos nyid stong pa mthong gyur nas/ /gang tshe sems ni
rab bkrus pas/ /'khor ba'i gzeb las 'das gyur nas/ /pad+ma chen
po'i rang

bzhin gyi/ /stan la de ni rab gnas 'gyur/ /'dab ma rin chen du
ma'i 'od/ /'dod par bya ba'i ze 'bru can/ /pad+ma bye ba du ma
yis/ /rnam pa kun du yongs su bskor/ /stobs bcu po yis yongs su
gang/ /mi 'jigs pa yis gang dag ngoms/ /bsam mi khyab pa'i sangs
rgyas

chos; /spros med rnams las nyams mi mnga'/ /legs par spyad pa'i
lam kun gyis/ /bsod nams ye shes rab bsags pa'i/ /zla ba nya la
skar ma yis/ /'khor du rnam pa kun gyis bskor/ /sangs rgyas phyag
gi nyi ma der/ /dri med rin chen 'bar gyur te/ /sras kyi thu

bor dbang bskur bas/ /dbang bskur ba ni kun du stsol/ /rnal 'byor
chen po der gnas nas/ /rmongs pas dman pa'i 'jig rten rnams/
/sdug bsngal gyis g.yengs 'jigs pa la/ /lha yi spyan gyis gzigs
gyur nas/ /de yi sku las 'od zer rnams/ /'bad pa med par 'byung

@67b 'gyur te; /rmongs pa'i mun par zhugs de yi/ /sgo rnams 'byed
par mdzad pa yin/ /lhag bcas mya ngan 'das pa rnams/ /lhag med
mya ngan 'das par 'dod/ /'dir ni mya ngan 'das pa nyid/ /dri ma
med par sems gyur pa'o/ /sems can kun gyi dngos med pa'i/ /ngo bo
de

yang de spyod yul/ /de mthong byang chub sems dbang po/ /shin tu
dri med chos kyi sku/ /dri ma med pa'i chos sku la/ /ye shes rgya
mtsho gnas gyur nas/ /sna tshogs nor bu ji bzhin du/ /de las sems
can don rab mdzad/ /chos kyi dbyings su bstod pa slob dpon chen
po klu sgrub kyis

mdzad pa rdzogs so// //rgya gar gyi mkhan po kr-iShNa paNDi ta
dang/ lo tsA ba tshul khrims rgyal bas bsgyur ba'o// @##/ /rgya gar
skad du/ ni ru pa ma sta baM/ bod skad du/ dpe med par bstod pa/
'jam dpal gzhon nur gyur pa la phyag 'tshal lo/ /

gang zhig lta bas phongs pa yi/ /'jig rten 'di la phan brtson
khyod/ /dngos po med pa'i don rig pas/ /dpe med khyod la phyag
'tshal bstod/ /gang zhig khyod kyis cung zhig kyang/ /sangs rgyas
spyan gyis ma gzigs pa/ /khyod kyis gzigs pa bla med de/ /de nyid
don ni rig pa

lags; /don dam pa yi yod pa nyid/ /rtogs dang rtogs bya mi mnga'
zhing/ /e ma'o mchog tu rtogs dka' ba'i/ /chos nyid sangs rgyas
rnams kyis rtogs/ /khyod kyis cung zhig ma bskyed cing/ /chos
rnams bkag pa'ang ma lags la/ /mnyam pa nyid kyi lta ba yis/ /bla

na med pa'i go 'phang brnyes/ /'khor ba spangs par gyur pa yis/
/mya ngan 'das khyod mi bzhed kyi/ /'khor ba ma dmigs pa nyid
kyi/ /zhi de mgon po khyod kyis rtogs/ /khyod kyis kun nas nyon
mongs dang/ /rnam byang ro gcig gyur rig pas/ /chos dbyings mngon
par dbyer med

pa/ /kun du rnam par dag par gyur/ /gtso bo khyod kyis 'ga' zhig
tu/ /yi ge gcig kyang ma gsungs la/ /gdul bya'i 'gro ba ma lus
pa/ /chos kyi char gyis tshim par mdzad/ /mkha' dang mnyam pa'i
thugs mnga' khyod/ /phung po khams dang skye mched la/ /chags par
gyur

@68a @#/ /pa mi mnga' bas/ /chos rnams kun la brten ma lags/ /mgon
khyod sems can 'du shes kyis/ /'jug pa kun du mi mnga' yang/
/sdug bsngal gyur pa'i sems can la/ /snying rje'i bdag nyid gyur
pa'ang khyod/ /bde dang sdug bsngal de bzhin du/ /

rtag mi rtag sogs la gtso khyod/ /de lta'i rnam rtog sna tshogs
kyis/ /thugs ni chags par gyur ma lags/ /chos rnams gang du 'ang
'gro 'ong med/ /de bzhin khyod kyis gshegs pa'ang lags/ /'ga' ru
spungs pa ma mchis pa/ /de phyir don dam rig pa'ang lags/ /kun
gyi rjes

su zhugs gyur kyang/ /'ga' ru 'byung ba'ang ma lags la/ /skye
dang chos dang sku rnams kyang/ /thub chen khyod kyi bsam mi
khyab/ /gcig dang gzhan pa rnams spangs pa/ /brag ca lta bu'i
'gro ba rnams/ /'pho dang 'jig pa rnam spangs pa/ /smad pa med pa
khyod kyis rtogs/ /

rtag dang chad pa dang bral zhing/ /mtshan nyid mtshon bya rnam
spangs par/ /gtso bos rmi lam sgyu tshogs bzhin/ /'khor ba nges
par rtogs pa lags/ /bag chags gzhir gyur mthar thug pa'i/ /khyod
kyis nyon mongs sdig pa spangs/ /nyon mongs nyid kyi rang bzhin
yang/ /khyod

kyis bdud rtsi nyid du bsgrubs/ /dpa' bo khyod kyis gzugs rnams
kyis/ /mtshan ma med mthong gzugs med bzhin/ /mtshan gyis 'bar ba'i
sku nyid kyang/ /gzugs su spyod yul nyid du mthong/ /gzugs su
mthong bas mthong min yang/ /mthong ngo zhes ni rjod par byed/
/chos

mthong bas ni shin tu mthong/ /chos nyid mthong ba ma yin no/
/khong stong khyod kyi sku la med/ /sha dang rus pa khrag med
kyang/ /nam mkha'i dbang po'i gzhu bzhin du/ /khyod kyi sku ni
ston par mdzad/ /sku la bsnyun med mi gtsang med/ /bkres dang
skom pa 'byung med kyang/ /khyod ni

'jig rten rjes 'jug phyir/ /'jig rten spyod pa'ang ston par
mdzad/ /las kyi sgrib pa'i skyon rnams ni/ /sdig med khyod kyis
kun spangs kyang/ /khyod kyis sems can rjes gzung phyir/ /las
spangs par yang rab tu bstan/ /chos kyi dbyings la dbyer med
phyir/ /gtso bo theg

@68b dbyer ma mchis kyang/ /khyod kyi theg pa gsum bstan pa/
/sems can gzhug pa'i ched du lags/ /rtag cing brten la zhi ba yi/
/chos kyi rang bzhin khyod kyi sku/ /rgyal bas gdul bya 'gro ba'i
phyir/ /khyod nyid mya ngan 'das par bstan/ /grangs med 'jig rten
khams rnams su/ /

'das dang bltams dang mngon byang chub/ /'khor ba'ang thar par
mos rnams kyi/ /khyod la gus rnams kyis yang mthong/ /mgon po
sems pa mi mnga' zhing/ /rnam rtog g.ye ba mi mnga' yang/ /khyod
nyid dang gis 'jig rten la/ /sangs rgyas mdzad pa'ang 'jug par
'gyur/ /

de ltar bde gshegs yon tan tshad med bsam mi khyab/ /me tog gis
brgyan pa las bsod nams gang thob par/ /gyur pa 'di ni sems can
ma lus pa 'di dag /mchog tu rtogs dka' thub pa'i chos kyi snod
gyur cig /dpe med par bstod pa slob dpon 'phags pa klu sgrub kyis

mdzad pa rdzogs so// //rgya gar gyi mkhan po kr-iShNa paNDi ta
dang/ lo tsA ba dge slong tshul khrims rgyal bas bsgyur ba'o// @##/
/rgya gar skad du/ lo kA tI ta sta baM/ bod skad du/ 'jig rten
las 'das par bstod pa/ 'jam dpal gzhon nur gyur pa la phyag 'tshal
lo/ /

dben pa'i ye shes rig gyur pa/ /'jig rten 'das khyod phyag 'tshal
'dud/ /gang khyod 'gro la phan pa'i phyir/ /yun ring thugs rjes
ngal bar gyur/ /phung po tsam las grol ba yi/ /sems can med par
khyod bzhed la/ /sems can don la'ang mchog gzhol bar/ /thub pa

chen po khyod nyid zhugs/ /blo ldan khyod kyi phung de'ang/ /sgyu
ma smig rgyu dri za yi/ /grong khyer rmi lam ji bzhin du/ /blo
ldan rnams la rab tu bstan/ /gang dag rgyu las byung ba rnams/
/de med par ni yod min pas/ /gzugs brnyan nyid dang mtshungs pa
ru/ /gsal bar ci yi

phyir mi 'dod/ /'byung ba mig gis gzung min pas/ /de dngos mig gi
ji ltar yin/ /gzugs nyid gzung bar rab bkag pa/ /gzugs nyid khyod
kyis de ltar gsungs/ /tshor bya med par de med pas/ /tshor ba nyid
ni bdag med pas/ /tshor ba de yang rang bzhin gyis/ /yod

@69a @#/ /pa min par khyod nyid bzhed/ /ming dang don dag tha dad
min/ /me yis kha nyid tshig par 'gyur/ /gzhan na'ang rtog pa med
'gyur zhes/ /bden pa gsung ba khyod kyis bstan/ /byed po rang
dbang nyid las kyang/ /tha snyad du ni khyod kyis bstan/ /phan
tshun

ltos pa can nyid du/ /krub par khyod ni bzhed pa lags/ /byed po
yod min spyod po'ang med/ /bsod nams de min rten 'brel skyes/
/rten nas skyes kyang ma skyes zhes/ /tshig gi bdag po khyod kyis
gsung/ /shes pa med par shes bya min/ /de med rnam par shes
pa'ang med/ /

de phyir shes dang shes bya dag /rang dngos med ces khyod kyis
gsung/ /mtshan nyid mtshon bya gzhan nyid na/ /mtshon bya mtshan nyid
med par 'gyur/ /tha dad min na'ang med de par/ /khyod kyis gsal
po nyid du bstan/ /mtshan nyid mtshan bya rnam bral zhing/ /tshig
gis brjod pa

rnam spangs par/ /khyod kyi ye shes spyan nyid kyis/ /'gro ba 'di
dag zhi bar mdzad/ /dngos po yod pa nyid mi skye/ /med pa'ang ma
yin yod med min/ /bdag las ma yin gzhan las min/ /gnyis min skye
ba ji lta bu/ /yod pa gnas par rigs 'gyur gyi/ /'jig par 'gyur

ba ma yin no/ /med pa mi gnas par rigs pas/ /'jig par 'gyur ba ma
yin no/ /re zhig zhig pa'i rgyu las kyang/ /'bras bu 'byung bar
mi rigs la/ /ma zhig las min rmi lam dang/ /'dra ba'i skye ba
khyod nyid bzhed/ /zhig dang ma zhig pa dag gis/ /rgyu las 'bras
bu 'byung ba dag /sgyu ma 'byung ba bzhin du

'byung; /kun kyang de bzhin khyod kyis gsungs/ /de phyir khyod
kyis 'gro 'di dag /yongs su brtags pa las byung bar/ /kun du shes
bya 'byung na'ang/ /skye ba med cing 'gag med gsungs/ /rtag la
'khor ba yod ma yin/ /mi rtag pa la'ang 'khor ba med/ /de nyid
rig pa'i mchog khyod kyis/ /'khor

ba rmi lam 'dra bar gsungs/ /sdug bsngal rang gis byas pa dang/
/gzhan gyis byas dang gnyis kas byas/ /rgyu med par ni rtog ge
'dod/ /khyod kyis rten nas 'byung bar gsungs/ /rten cing 'brel
bar gang 'byung ba/ /de nyid khyod ni stong par bzhed/ /dngos po
rang dbang yod

@69b min zhes/ /mnyam med khyod kyi seng ge'i sgras/ /kun rtog
thams cad spang pa'i phyir/ /stong nyid bdud rtsi ston mdzad na/
/gang zhig de la zhen gyur pa/ /de nyid khyod kyis shin tu smad/
/bems po gzhan dbang stong pa nyid/ /sgyu ma bzhin du rkyen
'byung bar/ /mgon po khyod kyis chos kun gyi/ /

dngos med goms par mdzad pa lags/ /khyod kyis cung zhig ma bskyed
cing/ /'ga' yang bkag pa ma mchis la/ sngon gyi ji ltar phyis de
bzhin/ /de bzhin nyid ni thugs su chud/ /'phags pa rnams kyis
bstan pa yi/ /bsgom ma zhugs par mtshan med 'di/ /rnam par shes
par

'gar 'gyur ram/ /mtshan ma med la ma zhugs par/ /thar pa med ces
gsungs pa'i phyir/ /de phyir khyod kyis theg chen rnams/ /ma lus
par ni de nyid bstan/ /bstod pa'i snod khyod bstod pa las/ /bdag
gis bsod nams gang thob pa/ /des ni 'gro ba ma lus rnams/ /mtshan

ma'i 'ching las grol gyur cig /'jig rten las 'das par bstod pa/
slob dpon 'phags pa klu sgrub kyis mdzad pa rdzogs so// //rgya
gar gyi mkhan po kr-iShNa paNDi ta dang/ lo tsA ba tshul khrims
rgyal bas bsgyur cing zhus ste gtan la phab pa'o// //

@##/ /rgya gar skad du/ tsitta badzra sta baM/ bod skad du/ sems
kyi rdo rje'i bstod pa/ /'jam dpal gzhon nur gyur pa la phyag
'tshal lo/ /gang gis sems byung dra ba ni/ /sems nyid kyis ni bsal
mdzad de/ /sems kyi rmongs pa sel ba yi/ /rang sems de la

phyag 'tshal lo/ /sems can mos pa sna tshogs rnams/ /tha dad lha yi
dmigs pa la/ /rin chen sems ni rnam grol las/ /lha gzhan bsgrub
tu yod ma yin/ /sems thob pa ni byang chub ste/ /sems ni 'gro ba
lnga po yin/ /bde dang sdug bsngal mtshan nyid dag/

sems las ma gtogs cung zad med/ /'gro ba kun gyi mthong ba rnams/
/cung zad bsgom pa'i rnam pa yang/ /de kun sems kyi dra ba ru/
/de nyid gsung bas bstan pa yin/ /rnam par rtog pa spangs pa'i
sems/ /rnam par rtog pas bsngos byas pa'i/ /'khor ba rnam rtog

@70a @#/ /can nyid de/ /rnam rtog med pa thar pa yin/ /de bas kun
gyis 'bad pa yis/ /byang chub sems la phyag bya'o/ /sems kyi rdo
rje bsgom pa'i phyir/ /de ni byang chub mchog ces bya/ /khams
bskyed sems ni lus kyis bcings/ /sems med khams ni bde

bar 'jug /de phyir sems ni kun du bsrung/ /bde legs sems las
sangs rgyas 'byung/ /sems kyi rdo rje'i bstod pa slob dpon klu
sgrub kyis mdzad pa rdzogs so// @##/ /rgya gar skad du/ pa ra ma a
rtha sta baM/ bod skad du/ don dam par bstod pa/ 'jam

dpal gzhon nur gyur pa la phyag 'tshal lo/ /skye ba med cing gnas
med la/ /'jig rten dpe las shin tu 'das/ /ngag gis brjod pa'i
spyod yul min/ /mgon khyod ji ltar bstod par bgyi/ /de lta na
yang gang 'dra bas/ /de bzhin nyid don spyod yul gyi/ /'jig rten
btags

pa la gnas nas/ /gus pa chen pos bdag gis bstod/ /skye ba med
pa'i ngo bo yis/ /khyod la skye ba yong mi mnga'/ /mgon khyod
gshegs dang byon mi mnga'/ /dngos mi mnga' la phyag 'tshal 'dud/
/dngos med ma lags dngos ma lags/ /chad pa ma lags rtags ma

lags/ /mi rtag ma lags rtag ma lags/ /gnyis mi mnga' la phyag
'tshal 'dud/ /dmar dang ljang dang btsod mdog min/ /ser dang gnag
dang dkar ma lags/ /khyod la kha dog yong mi dmigs/ /mdog mi
mnga' la phyag 'tshal 'dud/ /chen po ma lags chung ma

lags/ /ring dang zlum pa ma lags la/ /tshad med pa yi dngos brnyes
pa/ /tshad mi mnga' la phyag 'tshal 'dud/ /ring min nya ba ma lags
shing/ /nam mkha' ma lags sa ma lags/ /'khor min mya ngan 'das ma
lags/ /gnas mi mnga' la phyag 'tshal 'dud/ /

chos rnams kun la mi gnas pas/ /chos kyi dbyings kyi dngos gyur
cing/ /mchog tu zab pa gnyis brnyes pa/ /zab mo khyod la phyag
'tshal bstod/ /de lta'i bstod pas bstod bgyi'am/ yang na 'dir ni
ci zhig bstod/ /chos rnams thams cad stong pa la/ /gang la

@70b bstod cing gang gis bstod/ /skye dang 'jig pa rnam spangs
shing/ /gang la mtha' dang dbus med pa/ /gzung dang 'dzin pa mi
mnga' ba/ /'dir ni khyod bstod nus pa gang/ /gshegs dang byon pa
mi mnga' zhing/ /'gro spangs bde bar gshegs bstod pa'i/ /bsod
nams nges

ni 'jig rten rnams/ /bde gshegs gnas su 'gro bar shog /don dam
par bstod pa/ /slob dpon 'phags pa klu sgrub kyis mdzad pa rdzogs
so// //rgya gar gyi mkhan po kr-iShNa paNDi ta dang/ lo tsA ba
dge slong tshul khrims rgyal bas bsgyur cing zhus te gtan la phab
pa'o// //

@##/ /rgya gar skad du/ /kA ya tra ya sto tra nA ma/ bod skad du/
sku gsum la bstod pa zhes bya ba/ /'phags pa 'jam dpal gzhon nur
gyur pa la phyag 'tshal lo/ /gcig min du ma ma yin bdag dang gzhan
la phan pa phun sum tshogs chen gzhir gyur pa/ /dngos min

dngos po med pa ma yin mkha' ltar ro gcig rtogs par dka' ba'i
rang bzhin can/ /gos pa med cing mi 'gyur zhi la mi mnyam mnyam
pa khyab pa can ste spros med pa/ /so so rang rig rgyal ba rnams
kyi chos sku dpe med gang yin de la bdag phyag 'tshal/ /rang gi
'byor pa 'jig rten las

'das bsam gyis mi khyab legs mdzad brgya yi 'bras bu ni/ /blo can
rnams kyi dga' ba bskyed phyir 'khor gyi nang du sna tshogs rgyas
par ston mdzad cing/ /rtag tu dam pa'i chos kyi sgra skad rgya
chen 'jig rten kun du 'phro bar mdzad pa po/ /sangs rgyas longs
spyod rdzogs sku chos kyi rgyal

srid gnas pa gang yin de la phyag 'tshal lo/ /sems can rnams ni
smin par mdzad phyir la la dag tu me 'bar bzhin du gang snang
zhing/ /la lar yang ni rdzogs par byang chub chos kyi 'khor lo
rab tu zhi bar gang snang la/ /sna tshogs thabs tshul rnam pa du
mar 'jug cing srid pa gsum

gyi 'jigs sel ba/ /phyogs bcur chub mdzad thub pa rnams kyi sprul
sku don chen gang yin de la phyag 'tshal lo/ /sems can don gcig
rgyun du mdzad cing bsod nams ye shes chen po dpag med las byung
ba'i/ /bde bar gshegs pa rnams kyi sku gsum yid dang tshig gi lam

@71a @#/ /las rab tu 'das pa la/ /bdag gis dad pas phyag byas dge
ba byang chub sa bon bsags par gyur pa gang yin des/ /sku gsum
thob nas 'gro ba 'di dag ma lus byang chub lam la nges par 'dzud
par shog /sku gsum la bstod pa zhes bya ba slob dpon 'phags

pa klu sgrub kyis mdzad pa rdzogs so// //rgya gar gyi mkhan po
kr-iShNa paNDi ta dang/ lo tsA ba dge slong tshul khrims rgyal bas
bsgyur cing zhus te gtan la phab pa'o// @##/ /rgya gar skad du/ kA
ya tra ya sto tra nA ma sya bi pa ra nA ma/ bod skad du/ sku

gsum la bstod pa zhes bya ba'i rnam par 'grel pa/ 'phags pa 'jam
dpal gzhon nur gyur pa la phyag 'tshal lo/ /bdag nyid chen po'i
sku gsum gyi/ /bstod pa klu sgrub kyis mdzad pa/ /gzhan gyi gsol
bas bskul bas na/ /ji ltar bkod pa rnam par dbye/ /de la/

gcig min du ma ma yin zhes bya ba la sogs pa'i tshigs su bcad pa
gsum gyis brjod par bya ba dang/ dgos pa dang/ 'brel pa dang/
dgos pa'i yang dgos pa brjod par bya ste/ gang gi phyir brjod pa
dang/ dgos pa dang/ 'brel ba med pa dag la ni so sor rtog pa
sngon du

gtong ba dag len par mi 'gyur ro/ /de'i phyir 'dir ci zhig 'chad
par 'gyur zhes 'di la yang dag par rmongs pa dag dran pa 'jug par
bya ba'i phyir brjod par bya ba bshad do/ /bshad pa don med par
rtog pa dag nges par 'jug par bya ba'i phyir dgos pa bstan to/
/thabs med par

dogs pa bsal ba'i phyir 'brel ba bshad de/ gzhan du na thabs med
pa dag la ji ltar 'jug par 'gyur/ /de la 'dir sku gsum ni brjod
par bya ba'o/ /de'i rang gi ngo bo nyid bshad pa ni dgos pa ste/
de'i rang gi ngo bo nyid bshad pa'i phyir tshigs su bcad pa 'di
byas so/ /de

bas na dgos pa dang tshigs su bcad pa dag rjod pa dang brjod par
bya ba'i mtshan nyid du 'brel pa'am/ tshig dang tshig can 'brel
pa'am/ thabs dang thabs las byung ba'i mtshan nyid du 'brel pa'am/
sgrub pa dang bsgrub par bya ba'i mtshan nyid du 'brel ba'am/ bya
ba dang byed pa'i mtshan

@71b nyid du 'brel ba ni 'brel ba'o/ /de nas 'bad pa dang rtsol
pa'i brtson 'grus dang ldan par rang nyid kyis sku gsum gyi don
dang bya ba mthar phyin pa ni dgos pa'i yang dgos pa yin par shes
par bya ste/ 'di ni re zhig don gyi spyi yin no/ /da ni yan lag
gi don brjod par bya ste/ gcig

min du ma ma yin zhes bya ba la sogs pa la/ gcig dang du ma ni
gcig dang du ma ste/ gnyis ni gnyis med pa nyid do/ /du ma ni
mang po nyid de/ gcig dang du mar ma gyur pa'i chos kyi sku gang
yin pa de la bdag phyag 'tshal lo zhes bya ba'i tha tshig go/ /ci'i
phyir gcig kyang ma yin la du ma

yang ma yin zhe na/ de'i phyir gzod ma nas ma skyes pa'o zhes
'byung bas na gang thog ma nyid nas ma skyes pa de la gcig dang
du ma'i gnas skabs su bya bar mi nus te/ nam mkha' ltar yongs su
chad pa med pa'i ngo bo nyid do/ /chos thams cad kyang de bzhin
las byung bas na/ de'i phyir

gang zhig gang las byung bar gyur pa ste/ gang gis sna tshogs pa'i
gzugs su gyur pa de ma mthong ste/ sA lu la sogs pa'i sa bon las
ni sA lu'i 'bras bu'o/ /de bzhin du stong pa nyid las gang zhig
'byung bar 'gyur ba ni rtag pa ngang chad par mi 'gyur te/ gang
gi phyir kun du rtog pa ma lus

pa dang bral ba'i rgyal ba thams cad kyis kyang stong zhing sgyu
ma dang 'dra bar gzigs so/ /gzhan yang khyad par du bya ba'i
phyir bdag dang gzhan la phan pa phun sum tshogs chen gzhir gyur
pa zhes bya ba smos te/ bdag dang gzhan ni bdag dang gzhan te/ de
dag la phan pa phun sum tshogs pa'i

gzhir gyur pa ni mngon par mtho ba dang/ nges par legs pa'i mtshan
nyid can gyi phun sum tshogs pa chen po'i gzhir gyur pa zhes bya
ba'i don to/ /gang gi phyir chos kyi dbyings gcig dang du ma dang
bral ba'i ngo bo thog ma dang tha ma med pa stong pa nyid du
bshad na/ ji ltar na bdag dang gzhan la phan pa

phun sum tshogs pa chen po'i gzhir phyur pa yin zhe na/ nyes pa
med de/ 'di ltar ma rig pa'i bag chags kyi stobs kyis snod dang
bcud kyi tshul du gnas pa ltar bdag dang gzhan la phan pa phun sum
tshogs pa chen po'i gzhir gyur pa yin te/ rmi lam la sogs pa'i
shes pa bzhin no/ /gal te ma

@72a @#/ /rig pa'i bag chags dang chos kyi dbyings thog ma dang
tha ma med pa'i ngo bo de yang ma rig pa'i bag chags su gyur pa
ni gla rtsi la sogs pas bsgos pa bzhin te/ dngos po rnams kyi
chos nyid ni de lta bu'o/ /de bas na bdag dang gzhan la phan pa
phun sum tshogs pa'i gzhir

gyur pa yin no/ /gzhan yang dge ba'i bshes gnyen dang phrad cing
lam bzang po rnyed pas ma rig pa'i bag chags glo bur ba ring du
byas shing yongs su dag par gyur pa ni gser dang zangs kyi dri ma
dang bral ba bzhin te/ 'di la yon tan dang nyes pa len cing spong
ba yod pa yin no/ /de ci'i phyir zhe na/

yang dag pa'i don rtogs pa kho na tsam du zad de/ de'i phyir/ 'di
la bsal bya ci yang med/ /gzhal bar bya ba gang yang med/ /yang
dag nyid la yang dag lta/ /yang dag mthong na rnam par grol/
/zhes gsungs pa gang 'di ltar rkyen dang ldan pa ni kun nas nyon
mongs par thal bar 'gyur gyi

ma skyes pa skye bar ni ma mthong ngo/ /skyes pa 'gag pa dag las
kyang cung zad skye ba med de/ mya ngan las 'das pa ni mar me
dang mtshungs so/ /gzhan yang khyad par du bya ba'i phyir/ dngos
min dngos po med ma yin/ /zhes bya ba smos te/ dngos po ni gzugs
su yod pa'o/ /de

med par gyur pa ni dngos po med pa ste/ gnyi ga las ldog par
'gyur bas na/ dngos min dngos po yod pa ma yin/ /zhes bya ba ste
yod pa dang med pa dang dbus las 'das par gyur pa'o/ /de nyid
kyis nam mkha' ltar ro gcig pa ste/ nam mkha' ltar zhes bya ba ni
nam mkha' dang 'dra bar ro

gcig cing mnyam pa'i rang bzhin du gang gyur pa de ni nam mkha'
ltar ro gcig ces bya'o/ /de nyid kyis na rtogs par dka' ba'i rang
bzhin can te/ dngos po dang dngos po med pa gnyi ga dang gzhan
las btsal ba dang bral ba nyid do/ /de bas na gos pa med pa ste/
'dod chags la

sogs pa'i nyes pa'i dri ma dang bral ba nyid do/ /de nyid kyis na
mi 'gyur ba ste rang gi ngo bo nyid la mi 'pho ba'o/ /zhi ba ni
nyon mongs pa thams cad zhi bar gyur ba'o/ /mi mnyam pa ni
mtshungs pa med pa'o/ /mnyam pa ni chos thams cad kyi gzhir
mtshungs par gyur ba'o/ /khyab

@72b pa can ni thams cad du song bar gyur ba'o/ /spros pa med pa
ni spros pa thams cad dang bral bar gyur ba'o/ /khyad par du bya
ba gzhan yang so so rang rig ces bya ba ste/ sems can rnams kyi
so so rang gis rig par gyur pa gzhon nu ma'i bde ba dris pa bzhin
no/ /dpe med pa ni dpe las

'das par gyur pa ste/ de skad du yang/ /mtshungs pa 'ga' yang yod
min te/ /tshig lam pa yang gang zhig yod/ /cung zad nye ba'am ring
pa ni/ /'ga' yang yod pa ma yin no/ /'dren pa mnyam pa med gyur
pa/ /de la dper bya gang zhig gzhal/ /skabs 'byed gzhi dang bral
ba yi/ /mnyam med khyod la phyag

'tshal lo/ /zhes bshad pas so/ /de lta bu'i chos kyi sku ste chos
kyi lus de la bdag phyag 'tshal lo/ /ji lta bu su la zhe na/ rgyal
ba rnams te shes bya ma lus pa thugs su chud pas thugs byin gyis
brlabs pa la lus dang yid kyis phyag 'tshal lo zhes bya ba'i don
to/ /rang gi 'byor ba

ni khams gsum pa thams cad kyi dbang phyug chen po'i mtshan nyid
do/ /khyad par ji lta bu zhe na/ 'jig rten las 'das pa ste 'jig
rten las rgal ba'o/ /bsam gyis mi khyab pa ni sems kyi yul las
ring du gyur ba'o/ /legs mdzad brgya yi 'bras bu zhes bya ba ni
sbyin pa la sogs pa

pha rol tu phyin pa rnams yun ring por nye bar bsags pa las skyes
pa'o/ /gang gi zhe na/ blo can rnams kyi ste/ byams pa dang/
mthong ba don yod dang/ ngan song thams cad spong ba dang/ mya
ngan thams cad nges par 'joms pa'i blo gros la sogs pa'o/ /ci'i
phyir zhe na/ dga'

ba bskyed pa'i phyir te rab tu mgu ba'i rgyur ro/ /'khor ni byang
chub sems dpa'i tshogs te de rnams kyi nang du'o/ /sna tshogs pa ni
rnam pa du ma'o/ /rgyas par ston par mdzad pa zhes bya'o/ /sems
can mos pa sna tshogs pa dag gi bsam pa'i khyad par gyi dbang du
mdzad nas bye brag du

mar 'chad par mdzad pa'o/ /rtag tu dam pa'i chos kyi sgra skad
rgya chen 'jig rten kun du 'phro bar mdzad pa po/ /zhes bya ba ni
shin tu rgya che ba'i dam pa'i chos kyi gsung ngo/ /thams cad du
'jug pas na rgya che ba'o/ /de nyid kyis na de rgyun mi 'chad par
spro bas na shin tu mang zhing rgya che

@73a @#/ /ba la sogs pa'i dam pa'i chos ston cing gsung bar 'gyur
ba de la de skad ces bya'o/ /sangs rgyas zhes bya ba ni chos kyi
de kho na nyid ji lta ba bzhin du brnyes shing thugs su chud
pa'o/ /longs spyod rdzogs sku zhes bya ba ni rdzogs par longs
spyod pa'i sku ste/ sa bcu'i dbang phyug

gi byang chub sems dpa' rnams la rnam pa sna tshogs pa'i chos ston
pa la sogs pas longs spyod par mdzad pa'o/ /de'i phyir khyad par
gzhan yang chos kyi rgyal srid chen po la bzhugs pa gang yin zhes
bya ba smos te/ chos kyi srid kyang yin la chen po yang yin pas
na chos kyi rgyal srid chen

po ste khams gsum pa thams cad kyi bdag po'o/ /de la gnas pa'i
sku gang yin pa de la de skad ces bya'o/ /de ltar tshigs su bcad
pa gnyis kyis sku rnam pa gnyis po'i rang gi ngo bo nye bar bstan
nas/ sprul pa'i sku'i ngo bo bstan pa'i phyir/ sems can rnams ni
smin par mdzad

phyir la la dag tu me 'bar bzhin du gang snang zhing/ /zhes bya
ba la sogs pa smos te/ sems can rnams ni srog chags rnams so/
/ci'i phyir zhe na/ smin par mdzad pa'i phyir te yongs su smin
pa'i don du'o/ /gang gis dus la la dag tu me dang 'dra zhing byin
za bzhin du kun nas 'bar

bar snang zhing 'od dang ldan pas rab tu 'bar bar snang ba'o/
/gnas gang du snang zhe na/ smras pa/ rdzogs par byang chub ces
pa ste/ byang chub pa nyid du'o/ /chos kyi 'khor lo ni pA rA Na
sIr drang srong smra ba ri dags kyi nags su'o/ /rab tu zhi bar
gang snang la/ /zhes pa ni gyad kyi nye 'khor

shing sA la zung gi tshal du yongs su mya ngan las 'das pa chen
po ston pa'o/ /khyad par ci zhig ce na/ sna tshogs thabs tshul
rnams kyis zhes bya ba ste/ sangs rgyas dang/ rang sangs rgyas
dang/ nyan thos dang/ byang chub sems dpa' dang/ tshangs pa dang/
brgya byin dang/ dbang phyug

chen po la sogs pa rnam pa sna tshogs pa'i bdag nyid du ston pa'o/
/bye brag ji lta bu zhe na/ rnam pa du mar 'jug cing zhes pa ste/
gdul bya sna tshogs pa rnam pa du ma'i rjes su 'jug par mdzad
pa'o/ /khyad par ci zhig ce na/ srid pa gsum gyi 'jigs sel zhes
bya ba ste/ 'dod pa

@73b dang gzugs dang gzugs med pa ste srid pa gsum gyi sems can
rnams kyi skye ba la sogs pa'i nyes pa ring du mdzad pa ni 'jigs
pa sel ba'o/ /gzhan yang khyad par du bya ba'i phyir phyogs bcur
chub mdzad thub pa rnams kyi sprul sku don chen zhes bya ste/
phyogs bcur chub par

mdzad pa ni phyogs bcu po rnams su rjes su khyab pa'o/ /thub pa
ni sku dang gsung thub pa dang ldan pas na thub pa ste sangs
rgyas bcom ldan 'das so/ /don chen ni mngon par mtho ba dang nges
par legs pa'i 'bras bu stsol ba'am thob par mdzad pa ste/ de lta
bu'i sprul ba'i sku gang

yin pa de la phyag 'tshal lo zhes slob dpon klu sgrub kyis gsungs
pa yin no/ /de ni 'di skad du ston par 'gyur te/ gang gis bdag
nyid kyis bsod nams dang ye shes kyi tshogs yongs su rdzogs par
mdzad nas/ gnas kyi mchog dga' ldan gyi gzhal yas khang na bzhugs
pa byang

chub sems dpa' dam pa tog dkar pos thugs kyi rang bzhin gyis
byams pa dang/ snying rje dang/ dga' ba dang/ btang snyoms dang/
bsam gtan bzhi bsgoms pa'i rim gyis rnal 'byor chen po'i gnas 'og
min du mngon par byang chub pa rnam pa lnga'i rim pas yang dag
par sangs

rgyas so/ /de nas sprul pa'i skus de bzhin gshegs pa thams cad
longs spyod rdzogs pa'i skus bzhugs pa dang/ ri rab chen po'i
steng du rdo rje nor bu rin po che'i gzhal yas khang gi rtse mor
gshegs te/ dkyil 'khor rnam pa bzhir mngon par sprul bar mdzad
nas/ slar yang

dga' ldan gyi gnas mchog tu bzhugs pa'i dam pa tog dkar po dang
gcig tu gyur nas lhums su 'jug pa dang/ bltams pa dang/ btsun
mo'i nang na rol pa mdzad par bstan pa dang/ mtshan mo mngon par
byung ba dang/ dka' ba mdzad pa dang/ byang chub kyi snying por
gshegs pa

dang; bdud btul ba dang/ mngon par byang chub pa dang/ chos kyi
'khor lo bskor ba nas ji srid du yongs su mya ngan las 'das pa
chen po'i bar gyis 'gro ba ma lus pa'i don mdzad par rab tu ston
pa'i sprul pa'i sku la bdag lus dang ngag dang yid kyis phyag
'tshal lo zhes bya ba'i don to/ /

@74a @#/ /de nyid kyi phyir na/ 'og min gnas ni nyams dga' bar/
/gtsang ma'i gnas kyi steng bzhugs te/ /yang dag sangs rgyas der
sangs rgyas/ /sprul pa dag ni 'dir sangs rgyas/ /zhes bya ba
gsungs pas so/ /de ltar tshigs su bcad pa gsum gyis sku gsum bstan

nas/ gzhan yang smon lam byed par 'dod pa'i phyir sems can don
gcig rgyun du mdzad cing zhes bya ba la sogs pa smos te/ sems can
gyi don ni srog chags rnams kyi 'dod pa'i don rab tu sgrub ces
bya ba'i don yin pas na/ 'gro ba'i don gcig rgyun du mdzad pa
gang yin pa de ni sems

can gyi don gcig rgyun du mdzad pa ste/ de lta bu'i sems can gyi
don mdzad pa de la phyag byas pas zhes bya bar sbyar ro/ /yon tan
ji lta bu dang ldan zhe na/ bsod nams ye shes chen po dpag med
las byung ba'i/ /zhes bya ba smos te/ bsod nams dang ye shes chen
po ni pha rol tu phyin pa

drug dang ldan pa'o/ /de yongs su chad pa med par bsags pa ni
dpag tu med pa ste/ bsod nams dang ye shes chen po dpag tu med pa
las byung ba ni de las skyes pa'o/ /de su zhig ce na/ bde bar
gshegs pa ste mdzes par gshegs pa 'am slar mi ldog par gshegs
pa'i chos can

nyid yin pas na bde bar gshegs pa'o/ /yang na nyid kyi don mthar
phyin pas na bde bar gshegs pa'o/ /rnams kyi sku gsum ni chos kyi
sku dang/ longs spyod rdzogs pa'i sku dang/ sprul pa'i sku zhes
bya ba'i sku gsum pa'o/ /de bas na de'i yon tan gyi khyad par ji
lta zhe na/ yid dang

tshig gi 'das las rab tu 'das pa zhes bya ba ste/ dmigs su yod
pa'i yid kyi yul las shin tu 'das pa'i don to/ /de lta bur gyur
pa la mos pa'i dad pas 'dud cing phyag byas pa las so/ /bdag gis
dge ba byang chub sa bon zhes bya ba ni byang chub pa'i sa bon ni
byang chub kyi sems

zhes bya ba'i don to/ /de bsgrubs shing bsags pa'o/ /des na de'i
bsod nams kyi tshogs gang yin pa des chos dang longs spyod rdzogs
pa dang/ sprul pa'i mtshan nyid can gyi sku gsum thob cing reg nas
'gro ba ma lus shing lhag ma med pa dag byang chub kyi lam la
'dzud pa ste/ byang

@74b chub pa'i lam ni byang chub lam ste/ 'phags pa'i lam yan lag
brgyad pa'i lam chen po de la rab tu 'dzud cing 'god par shog cig
ces bya ba'i don to/ /bstod pa'i rgyal po mkhas shing yon tan
phul byung spyod yul ba/ /shin tu nyams med rgya chen snying po
don gyi tshogs sbas pa/ /bdag

gis 'dir ni lo 'dab rtse tsam blangs nas rnam bshad kyis/ /mchog
tu mkhas shing don gyi rjes 'brang 'dir ni tshad ma yin/ /slob
dpon klu sgrub kyis mdzad pa'i sku gsum la bstod pa zhes bya ba'i
'grel pa rdzogs so// //rgya gar gyi mkhan po shrad+hA ka ra warma
dang/ bod kyi lo tsA ba bande

rin chen bzang pos gsar du bsgyur cing zhus pa lags so// @##/ /rgya
gar skad du/ satwa A ra dA na sta paM/ bod skad du/ sems can
mgu bar bya ba'i bstod pa/ 'jam dpal dbyangs la phyag 'tshal lo/
/nga la gus pa sems can don te gus pa gzhan

dag min/ /gang gis snying rje ma btang de yis ngal gus pa ste/
/snying rje btang nas gnas par gyur pa lhung ba gang yin pa/ /de
ni de las snying rjes bslang bar nus kyi gzhan gyis min/ /gang
gis snying rje sems can la ni rjes su zhugs gyur pa/ /des ni nga
yang mnyes byas des ni bstan pa'i

khur yang bzung/ /tshul khrims thos pa snying rje dag dang blo
dang gsal bdag /gang la yod pa des ni rtag tu bde bar gshegs pa
mchod/ /nga nyid sems can phan 'dogs gyur pas grub pa'i 'di
brnyes pa ste/ /sems can kho na'i don du nga yis sku 'di yang dag
bzung/ /sems can rnams

la yid kyis gnod par sems de gang gi phyir/ /nga la mi ltos pas
na de'i don ston par mi 'gyur ro/ /sems can phan pa chung yang
des ni mchod pa 'byung 'gyur te/ /gang gis yid ni mgu bar byed pa
mchod pa yin pas so/ /gnod pa'i bdag nyid can nam gzhan la rnam
par 'tshe ba'ang

rung; /legs par sbyar nas mchod par gyur kyang des ni mchod mi
'gyur/ /chung ma dag dang bu dang 'byor dang rgyal srid chen po
dang/ /sha rnams dang ni khrag dang tshil dang mig dang lus rnams
kyang/ /gang la brtse ba'i dbang du byas nas nga yis yongs btang
ba/ /des na de la gnod pa byas

@75a @#/ /na nga la gnod byas 'gyur/ /des na sems can phan pa byas
na nga la mchod pa'i mchog /sems can gnod pa byas pa nga la shin
tu gnod pa'i mchog /bde dang sdug bsngal nga dang sems can
mtshungs par myong bas na/ /sems can rnams la 'tshe bar byed de nga
yi slob ma ji

ltar yin/ /sems can rnams la brten nas sangs rgyas mnyes dang dge
ba byas/ /sems can mang po'i don la rab gnas pha rol phyin pa
thob/ /sems can don la brtson pa'i yid kyis bdud kyi stobs kyang
bcom/ /sems can rnams la de lta de ltar spyad pa des na nga sangs
rgyas/ /

skye ba skye bar gces par gyur pa'i gnyen 'dra srog chags med
gyur na/ /dngos po gang la 'dir ni snying rje byams las dmigs pa
nges par 'grub/ /btang snyoms dga' ba la sogs dngos po'i yul dang
rnam par thar la sogs gang la/ /gang gi don du snying rje de la
'bad pa'i yid

kyis bzod pa yun rings bsgoms/ /glang po la sogs 'gro ba sems can
rnams nyid du ma nga yis sbyin pa byas/ /sems can rnams nyid snod
nyid du yang nye bar gyur pas nga yis sbyin pas bsdus/ /sems can
rnams nyid sna tshogs dngos por gyur pas nga yi snying rje 'phel

bar gyur/ /gal te sems can rnams nyid bsrung ma byas na gang gi
don du don 'di bsgrubs/ /gal te sems can med na 'khor bar nyon
mongs mi bzad rab tu mang po las/ /skye ba brgyud par gnod pa
mtshungs pa med las gang la brten nas phan 'di bsgrubs/ /bde bar
gshegs kyi

bdag nyid chen po ngo mtshar che ba 'khor ba'i rgyan gyur 'di/
/gal te nga la sems can rnams la brtse med gyur na gang gi don du
nye bar bsgrubs/ /ji srid nga yi bstan pa 'gro ba rnams la phan
pa 'dir ni 'bar gyur ba/ /de srid gzhan la mchog tu phan par 'dod
pa khyed kyis gnas par

gyis; /thos pas nga yis legs par spyad pa sems can don la mi skyo
thos bgyid la/ /skyo ba med par lus 'di las ni snying po dag ni
blang bar gyis/ /byang chub sems dpa'i sde snod ba tshwa'i chu
klung zhes bya ba'i lung las bcom ldan 'das kyis nyan thos chen
po bcu drug la bka' stsal pa/

@75b sems can mgu bar bya ba'i bstod pa slob dpon klu sgrub kyis
tshigs su bcad pa'i sgo nas bsdus pa rdzogs so// //rgya gar gyi
mkhan po chen po dI paM ka ra shrI dznyA na dang/ lo tsA ba
dge slong tshul khrims rgyal bas bsgyur cing zhus te gtan la phab
pa'o// //

@##/ /rgya gar skad du/ ma hA badzra d+ha ra sto tra/ bod skad du/
rdo rje 'chang chen po'i bstod pa/ phyogs bcu nam mkha'i mthas
klas pa na bzhugs pa'i rdzogs pa'i sangs rgyas thams cad dang/
rdo rje lha mo dang/ byang chub sems dpa' dang/ khro bo'i rgyal
po la sogs pa rnams

la phyag 'tshal lo/ /de nas byang chub sems dpa' chen po phyag na
rdo rjes bcom ldan 'das rdo rje 'chang chen po la bstod pa'i
rgyal po 'dis bstod par gyur to/ /kun rdzob bden pa la phyag
'tshal/ /don dam khyod la phyag 'tshal lo/ /bden gnyis dbyer med la
phyag 'tshal/ /rdo rje'i sku

khyod la phyag 'tshal/ /sku dang gsung dang thugs ni dag /sku ni
gdod nas nam mkha'i sku/ /rnam par mi rtog dmigs pa med/ /rang
bzhin med pa khyod phyag 'tshal/ /dge dang mi dge'i rnam rtog
dang/ /yid la byed dang sems pa med/ /rang bzhin gyis ni nam
mkha'i tshul/ /

rdo rje sems dpa' khyod phyag 'tshal/ /'khor ba'i sgrub pas 'khor
gyur pa'i/ /phung po lnga ni rnam par dag /sangs rgyas lnga yi
ngo bo nyid/ /nam mkhar gnas pa khyod phyag 'tshal/ /yongs su mi
shes 'khor ba yi/ /rgya mtshor 'khyams pa'i lus can phyir/ /yongs
shes skya ba

'dzin pa yi/ /ded dpon khyod la phyag 'tshal lo/ /rtag dang mi
rtag sogs rnams la/ /rtag dang mi rtag sogs rnams kyis/ /rnam dag
lam ston la mkhas pa/ /rdo rje slob dpon khyod phyag 'tshal/ /rang
gi sde dang gzhan gyi sde/ /lta ba'i rims kyis btab pa yi/ /nad
pa rnams

ni gso mdzad pa/ /sman pa'i rgyal po khyod phyag 'tshal/ /sna
tshogs rnam par rtog pa yi/ /'dam gyis ma gos gtsang ba'i sku/
/'od gsal bar ni ngang gis gnas/ /pad+ma chen po khyod phyag
'tshal/ /zhes pa nam mkha' chen po'i rgyud las 'byung ba/ /rdo rje
'chang chen po'i bstod pa/ phyag na

@76a @#/ /rdo rjes mdzad pa rdzogs so// //rje btsun gnas brtan
chen po dpal rdo rje 'chang gi sku can spyan snga rin po che'i
zhal snga nas kyi bka' bzhin zha lu lo tsA ba d+ha rma pA las
dpal gdan sa thel gyi yang dgon du bsgyur ba'o// @##/ /rgya gar
skad du/

pra dznyA pA ra mi ta sto traM/ bod skad du/ shes rab kyi pha
rol tu phyin ma'i bstod pa/ bcom ldan 'das ma shes rab kyi pha
rol tu phyin ma la phyag 'tshal lo/ /gang khyod sku kun nyes med
la/ /nyes med rnams kyis gzigs mdzad pa/ /dpag med shes rab pha
rol phyin/ /rnam par

mi rtog phyag 'tshal 'dud/ /nam mkha' bzhin du gos med cing/
/spros pa med cing yi ge med/ /bsam yas khyod mthong gang yin pa/
/des ni de bzhin gshegs pa mthong/ /'phags ma yon tan phyug khyod
dang/ /sangs rgyas 'gro ba'i bla ma rnams/ /khyad par yod par ma

'khums to/ /zla ba dang ni zla 'od bzhin/ /gus la byams ma sangs
rgyas kyi/ /chos kyi sngon 'gro khyod brtan nas/ /thugs rje'i
bdag nyid mnyam med pa'i/ /bdag nyid chen por bde blag 'gro/ /lan
cig tsam yang bsam dag pas/ /khyod la tshul bzhin blta ba dang/
/des kyang mthong

ba don yod kyi/ /dngos grub des par thob par 'gyur/ /gzhan don
mngon dga'i bdag nyid can/ /dpa' bo dag ni thams cad kyi/ /gso
mdzad bskyed par mdzad pa ste/ /khyod ni byams ma'i yum lags so/
/gang slad sangs rgyas 'jig rten gtso/ /thugs rje can rnams khyod
kyi sras/ /

de yi slad du dge ma khyod/ /sems can kun gyi phyi mo lags/ /pha
rol phyin pa dri med pa/ /kun gyis ma smad pa khyod kyi/ /dus kun
rjes su 'brang lags pa/ /rgyu skar rnams kyis zla ris bzhin/
/gdul bya'i 'gro ba la brten nas/ /de dang de bzhin gshegs rnams
kyis/ /khyod nyid

gcig pu tshul mang du/ /sna tshogs mtshan gyis bsngags pa mdzad/
/zil pa'i chu yi thigs pa rnams/ /nyi ma'i 'od dang mjal ba
bzhin/ /rgol ba rnams kyi rtsod dang skyon/ /khyod dang mjal na
'jig par 'gyur/ /khyod nyid byis pa rnams la ni/ /skrag byed
mthong na 'jigs pa dang/ /

@76b mkhas pa rnams la dbugs 'byin pa/ /skyed pas mthong na zhi
ba lags/ /khyod mgon gang la khyod la yang/ /mngon par chags pa
mnga' min na/ /de la yum gcig ji ltar na/ /gzhan la 'dod chags
zhe sdang 'byung/ /khyod ni gang nas ma byon zhing/ /gang du yang
ni mi gshegs

pas; /gnas ni thams cad dag tu yang/ /mkhas pa rnams kyis dmigs
ma lags/ /gang khyod de ltar ma 'khums nas/ /bsam pa yis ni
bsgrubs pa dang/ /bsgrubs pa las ni rnam grol ba/ /de 'dir rmad
byung chen po lags/ /khyod nyid mthong na 'ching 'gyur zhing/ /ma
mthong

na yang 'ching bar 'gyur/ /khyod nyid mthong na grol 'gyur zhing/
/ma mthong na yang grol bar 'gyur/ /e ma ya mtshan cher 'ong ma/
/grags ldan ma khyod bzang mo lags/ /shin tu rtogs dka' sgyu ma
bzhin/ /snang zhing mi snang ba yang lags/ /sangs rgyas rang
sangs rgyas rnams dang/ /

nyan thos rnams kyis nges bsten ma/ /khyod nyid gcig pu thar pa'i
lam/ /de ltar gzhan dag med par nges/ /lus can rnams la phan don
du/ /tha snyad mdun du mdzad nas ni/ /brtse bas 'jig rten mgon
rnams kyis/ /khyod bstan ma bstan par yang gda'/ /'dir khyod
bstod

par sus rngo thogs/ /mtshan ma med cing gos pa med/ /ngag gi yul
kun las 'das ma/ /gang khyod 'gar yang rten mi mnga'/ /de ltar
gda' yang kun rdzob tu/ /bdag cag ngag lam 'di 'dra bas/ /khyod
ni bstod byar mi gda' na'ang/ /bstod pas shin tu mya ngan 'das/
/shes

rab pha rol phyin bstod las/ /bdag gis dge ba gang bsags pa/ /de
yis 'jig rten ma lus pa/ /shes rab pha rol phyin gzhol shog /shes
rab kyi pha rol tu phyin ma'i bstod pa slob dpon 'phags pa klu
sgrub kyis mdzad pa rdzogs so// //kha che'i paNDi ta thig le bum
pa

dang; lo tsA ba blo ldan shes rab kyis bsgyur ba'o// @##/ /rgya
gar skad du/ a tsinta sta baM/ bod skad du/ bsam gyis mi khyab
par bstod pa/ 'jam dpal gzhon nur gyur pa la phyag 'tshal lo/
/gang zhig dngos po rten 'byung rnams/ /ngo bo med pa

@77a @#/ /nyid du gsungs/ /ye shes mnyam med bsam mi khyab/ /dpe
med de la phyag 'tshal lo/ /ji ltar khyod kyis theg chen la/ /nyid
kyis chos la bdag med rtogs/ /de bzhin blo dang ldan rnams la/
/thugs rje'i dbang gis bstan pa mdzad/ /rkyen rnams las ni

'brel 'byung ba/ /ma skyes lags par khyod kyis gsungs/ /ngo bo
nyid kyis de ma skyes/ /de phyir stong par rab tu bstan/ /ji ltar
'di na sgra brten nas/ /brag ca gun du 'byung ba ltar/ /sgyu ma
smig rgyu bzhin du yang/ /de bzhin srid pa kun du 'byung/ /sgyu
ma dang ni smig rgyu dang/ /

dri za'i grong khyer gzugs brnyan dang/ /rmi lam gal te ma skyes
na/ /mthong ba la sogs pa dpe med 'gyur/ /ji ltar rgyu rkyen las
byung ba/ /de dag byas pa can du bzhed/ /de bzhin rkyen las byung
ba kum/ /mgon po khyod kyis de ltar gsungs/ /byis pa gang dag ci
brjod pa/ /bgyis

pa zhes bgyid de mchis te/ /chad pa stong pa 'dra ba lags/ /don
bzhin ma lags rab tu bstan/ /gang tshe byas pa'i dngos ma skyes/
/de tshe da ltar byung ba yi/ /gang zhig pas na 'das par 'gyur/
/ma 'ongs pa yang ji ltar ltos/ /rang las dngos po skye ba med/
/gzhan

dang gnyis ka las ma yin/ /yod min med min yod med min/ /de tshe
gang las gzhan zhig 'byung/ /ma skyes pa la rang bzhin med/ /de
phyir gang las kun du 'byung/ /rang bzhin dngos po med grub pas/
/gzhan las kyang ni 'byung ba med/ /rang nyid yod na gzhan yod
'gyur/ /

gzhan nyid yod na rang nyid yod/ /de dag ltos pa can du grub/
/pha rol tshu rol bzhin du gsungs/ /gang tshe ci la'ang mi ltos pa/
/de tshe gang la gang zhig 'byung/ /gang tshe ring la mi ltos pa/
/de tshe thung sogs ga la mchis/ /ji ltar gcig sogs ma mchis pa/
/'das dang ma 'ongs

la sogs pa/ /nyon mongs rnams kyang de bzhin te/ /yang dag log
pa'ang rang las ci/ /dngos gang rang las ma mchis na/ /de tshe
thams cad ci zhig mchis/ /gzhan zhes brjod pa gang lags te/ /rang
gi rang bzhin med na min/ /gang tshe gzhan gyi dngos med pa/ /de
tshe

@77b dngos rnams rang bzhin med/ /de tshe gzhan dngos dngos 'dzin
pa/ /don gyi theg pa ci zhig mchis/ /gdong ma nyid nas mnyam gyur
pa/ /rang bzhin gis kyang mya ngan 'das/ /yang dag par ni ma
skyes lags/ /de slad chos rnams khyod kyis gsungs/ /blo ldan
khyod kyis

gzugs la sogs/ /ngo bo nyid med par bstan pa/ /dbu ba chu bur
sgyu la sogs/ /smig rgyu chu shing 'dra ba lags/ /dbang po rnams
kyis gang dmigs te/ gal te yang dag mchis gyur na/ /byis pas yang
dag rig par 'gyur/ /gang tshe yang dag shes pas ci/

dbang po rnams ni bems po dang/ /tshad ma nyid kyang ma yin dang/
/lung ma bstan pa nyid dang ni/ /log par yongs shes khyod kyis
gsungs/ /gang gis ci zhig ma rtogs pa/ /yang dag ji bzhin thugs
chud nas/ /des na 'jig rten mi shes pas/ /bsgribs pa zhes kyang

khyod kyis gsungs/ /yod ces pa ni rtag par lta/ /med ces pa ni
chad par lta/ /des na mtha' gnyis bral ba yi/ /chos de khyod kyis
bstan pa mdzad/ /des na chos rnams mu bzhi dang/ /bral bar khyod
kyis bka' stsal lags/ /rnam shes bya ba'ang ma lags la/ /rmi

lam mig 'phrul las byung dang/ /zla gnyis la sogs mthong ba
bzhin/ /'gro ba 'byung ba de dngos su/ /ma byung de bzhin khyod
kyis gzigs/ /ji ltar rgyu las rmi lam na/ /'byung ba mthong ba de
bzhin du/ /dngos po thams cad 'byung ba bzhin/ /'jig pa'ang de
bzhin bzhed

pa lags/ /de bzhin chags sogs sdug bsngal dang/ /'khor ba sdug
bsngal kun nyon mongs/ /tshogs rdzogs pa dang thar pa yang/ /rmi
lam 'dra bar khyod kyis gsungs/ /de bzhin skyes dang ma skyes
dang/ /'ongs pa dang ni song ba yang/ /de bzhin bcings grol ye
shes

la; /gnyis 'dod yang dag rig ma lags/ /gang las skyes pa yod ma
lags/ /de la mya ngan 'das gang yod/ /sgyu ma'i glang po 'dra bas
na/ /don du gzod nas zhi ba nyid/ /skyes pa nyid na'ang ma skyes
pa/ /sgyu ma'i glang po ji bzhin bzhed/ /de bzhin thams cad skyes

@78a @#/ /pa'am; /yang dag par ni ma skyes lags/ /'jig rten mgon
po dpag med kyis/ /sems can dpag tu ma mchis pa/ /so sor mya ngan
'das mdzad kyang/ /de dag gis kyang gad ma bkrol/ /thub chen gang
phyir sems can rnams/ /rang las ma skyes de yi

phyir; /gang yang gang gis ma bkrol zhes/ /de skad khyod kyis
gsal bar gsungs/ /ji ltar sgyu ma mkhan gyis byas/ /dngos po
stong pa de bzhin du/ /byas pa thams cad dngos stong gzhan/
/khyod gsung de bzhin byed pa po/ /byed pa po yang gzhan gyis
bgyis/ /byas

pa can du 'gyur ba lags/ /yang na de yi bya ba byed/ /byed pa por
ni thal bar 'gyur/ /'di dag thams cad ming tsam zhes/ /khyod kyis
gsang ni bstod de gsungs/ /brjod pa las ni gzhan gyur pa/ /brjod
par bgyi ba yod ma mchis/ /de phyir chos rnams thams cad ni/ /

rtog pa tsam zhes khyod kyis gsungs/ /gang gis stong par rnam
rtog pa'i/ /rtog pa yang ni med ces gsungs/ /dngos dang dngos med
gnyis 'das pa/ /la lar ma 'das pa yang lags/ /shes pa med cing
shes bya'ang med/ /med min yod min gang lags dang/ /gang

yang gcig min du ma'ang min/ /gnyis ka ma yin ci yang med/ /gzhi
med pa dang mi gsal dang/ /bsam mi khyab dang dpe med dang/ /gang
yang mi skye mi 'gag dang/ /tshad pa med cing rtag med pa/ /de ni
nam mkha' 'dra ba lags/ /yi ge ye shes spyod yul min/ /de ni rten

cing 'brel par 'byung/ /de ni stong par khyod bzhed lags/ /dam
pa'i chos kyang de lta bu/ /de bzhin gshegs pa'ang de dang
mtshungs/ /de ni de nyid don dang ni/ /de bzhin nyid dang rdzas su
bzher/ /de ni yang dag mi slu ba/ /de rdzogs pas na sangs rgyas
brjod/ /sangs

rgyas rnams dang chos dbyings dang/ /des na don du tha mi dad/
/bdag nyid dang ni gzhan rnams dang/ /des na mnyam par khyod
bzhed lags/ /dngos po rnams las stong gzhan min/ /de med par yang
dngos po med/ /de phyir rten cing 'byung ba'i dngos/ /stong pa
lags par

@78b khyod kyis bstan/ /rgyu dang rkyen las byung ba'ang lags/
/gzhan gyi dbang las kun rdzob ste/ /gzhan gyi dbang zhes rab tu
gsungs/ /dam pa'i don ni bcos ma yin/ /ngo bo nyid dang rang
bzhin dang/ /yang dag rdzas dngos yod pa'ang lags/ /brtags pa'i
dngos po med pa nyid/ /

gzhan gyi dbang ni yod ma lags/ /brtags pa'i dngos po yod ces pa/
/sgro 'dogs lags par khyod kyis gsungs/ /byas pa chad nas med ces
pa/ /chad pa lags par khyod kyis gsungs/ /yang dag shes pas chad
pa med/ /rtag pa nyid kyang med par bshad/ /'gro ba

dngos pos stong pa lags/ /de slad smig rgyu 'dra bar bzhed/ /ji
ltar ri dags skom chu ni/ /chad med rtag pa yod ma yin/ /de bzhin
'gro ba thams cad kyang/ /chad med rtag pa med par gsungs/ /gang
la rdzas shig skye 'gyur ba/ /de la chad sogs 'jig pa 'byung/ /de
la

'jig rten mtha' yod dang/ /mtha' med par yang 'gyur ba lags/
/shes pa yod pas shes bya bzhin/ /shes bya yod pas de shes bzhin/
/gang tshe gnyis ka ma skyes par/ /rtogs pa de tshe ci zhig yod/
/de ltar sgyu ma la sogs dpe/ /sman pa'i mchog gis gsal bstan

nas; /lta ba thams cad 'gog byed pa'i/ /dam pa'i chos ni bstan pa
lags/ /ngo bo med pa nyid bstan pa/ /de ni yang dag dam pa lags/
/dngos po'i gdon gyis zin rnams kyis/ /gso ba de ni bla na med/
/des na chos kyi mchod sbyin pa/ /mchod sbyin rim pas rtag rgyun
du/ /

'jig rten gsum po sbyin sreg mdzad/ /dngos 'dzin 'jigs pa gcod
bgyid cing/ /mu stegs ri dags 'jigs bgyid pa/ /bdag med seng ge'i
nga ro'i sgra/ /rmad byung de ni khyod kyis gsungs/ /stong pa
nyid dang ches zab pa'i/ /chos kyi rnga chen brdungs pa lags/
/ngo bo

nyid med sgra bo che'i/ /chos kyi dung ni bus pa lags/ /sangs
rgyas bstan pa bdud rtsi yi/ /chos kyi rdzas ni gsungs pa lags/
/chos rnams kun gyi ngo bo nyid/ /nges pa'i don to zhes kyang
bstan/ /gang yang skye dang 'gag la sogs/ /sems can srog la sogs
bstan pa/ /

@79a @#/ /de ni bkri don kun rdzob tu/ /mgon po khyod kyis bstan
pa lags/ /shes rab pha rol phyin mtsho yi/ /pha rol gang gis rang
phyin te/ /bsod nams yon tan rin chen phyug /mgon khyod yon tan
pha rol phyin/ /de ltar dpe med bsam mi khyab/ /'gro ba'i mgon po
bstod

pa yis/ /bdag gis bsod nams gang thob des/ /'gro ba khyod dang
mtshungs par shog /bsam gyis mi khyab par bstod pa slob dpon chen
po klu sgrub kyi zhal snga nas mdzad pa rdzogs so// // @##/ /rgya
gar skad du/ ru ta sti sta baM/ bod skad du/ bstod

pa las 'das par bstod pa/ 'jam dpal gzhon nur gyur pa la phyag
'tshal lo/ /bla med lam las gshegs pa yi/ /de bzhin gshegs pa
bstod 'das kyang/ /gus shing spro ba'i sems kyis ni/ /bdag gis
bstod 'das bstod par bgyi/ /bdag dang gzhan dang

gnyis ka las/ /rnam par dben pa'i dngos gzigs kyang/ /khyod kyi
thugs rje sems can las/ /ma log pa ni ngo mtshar lags/ /ngo bo
nyid kyis ma skyes shing/ /tshig las 'das pa'i spyod yul gyi/
/chos rnams khyod kyis gang bstan pa/ /de ni khyod kyi ngo mtshar
lags/ /

phung po khams dang skye mched rnams/ /khyod kyis bsgrags par
mdzad lags kyang/ /de dag yongs su 'dzin pa ni/ /slad kyis kyang
ni bzlog par mdzad/ /gang zhig rkyen las de ma mchis/ /dngos
rnams rkyen las ji ltar skye/ /de skad mkhas pa khyod gsungs pas/
/spros

pa rnams ni bcad pa lags/ /gang dag tshogs las rab grub na/ /tshogs
pa rgyu las 'byung mthong ba/ /de dag mtha' gnyis brten par ni/
/khyod kyis shin tu gzigs pa lags/ /dngos po rkyen la brten grub
par/ /khyod ni shin tu bzhed pa lags/ /de ltar byas pa'i skyon
lags

par; /'di ltar ston pa khyod kyis gzigs/ /gang nas kyang ni mchi
ma lags/ /gang du yang ni mchis ma lags/ /dngos po thams cad
gzugs brnyan dang/ /mtshungs par khyod ni bzhed pa lags/ /lta ba
thams cad spang pa'i phyir/ /mgon po khyod kyis stong pa gsungs/ /

@79b de yang yongs su btags pa ste/ /dngos su mgon po khyod mi
bzhed/ /stong dang mi stong bzhed ma lags/ /gnyis kar khyod dgyes
ma lags te/ de la rtsod pa ma mchis par/ /khyod kyis gsung chen
spyod pa lags/ /gzhan min dngos po yod min zhing/ /gzhan min
gnyis min

zhes kyang gsungs/ /gcig dang gzhan nyid spangs pas na/ /ji lta
bur yang dngos ma mchis/ /gal te skye sogs gsum mchis na/ /'dus
byas mtshan nyid mchis par 'gyur/ /de dag gi yang skye la sogs/
/gsum pa tha dad 'gyur ba lags/ /skye sogs gsum po so so ni/ /

'dus byas las la nus ma lags/ /gcig la gcig tu 'dum pa rnams/
/phrad par yang ni mchis ma lags/ /de ltar mtshan gzhi mtshan ma
mchis/ /de ltar grub pa ma lags pas/ /'dus byas grub pa ma lags
na/ /'dus ma byas lta ga la grub/ /smra ba'i seng ges de skad

du; /khyod nyid gsungs na seng ge yis/ /'bigs byed glang chen
smra rnams kyi/ /rgyags pa bsal par gyur pa bzhin/ /lam zhugs
gnod par sna tshogs dang/ /lta ba'i lam ngan mi rten ltar/ /khyod
la brten nas yod pa dang/ /med pa nyid la'ang rten ma lags/
/khyod kyis dgongs

nas gsungs pa dang/ /gang dag gis ni de ltar rtogs/ /de dag khyod
kyis dgongs gsungs pa/ /phyir zhing rtogs par bgyi mi 'tshal/
/dngos kun mya ngan 'das mtshungs par/ /de ltar gang gis rnam shes
pa/ /de tshe de la ji lta bur/ /ngar 'dzin kun du 'byung bar
'gyur/ /de ltar

yang dag rig pa'i mchog /de nyid rig pa khyod bstod pa'i/ /bdag
gis bsod nams gang yin des/ /'jig rten yang dag rig mchog shog
/bstod pa las 'das par bstod pa slob dpon chen po 'phags pa klu
sgrub kyi zhal snga nas mdzad pa rdzogs so// //

@##/ /rgya gar skad du/ ni rutta sta baM/ bod skad du/ bla na med
pa'i bstod pa/ /'jam dpal gzhon nur gyur pa la phyag 'tshal lo/
/gang gis tshu rol pha rol spangs/ /shes bya'i rang gi ngo bo
mchog /ye shes rdzu 'phrul stobs kyis bsal/ /bla med de la phyag
'tshal

@80a @#/ /bstod; /gang la mkhyen dang mi mkhyen med/ /rnal 'byor
pa dang tha mal dang/ /gang la bsgom dang mi bsgom med/ /bla med
de la phyag 'tshal lo/ /gang zhig gcig pu ye shes gsal/ /ma lus
shes bya yongs su gcod/ /de ltar mnyam zhing gzhal med pa/ /

bla med de la phyag 'tshal lo/ /gang zhig rags dang phra ba dang/
/lci ba dang ni yang ba'i rdul/ /sbrul gyi rkang pa'i rang bzhin
med/ /bla med de la phyag 'tshal lo/ /gang gis srin bu'i stobs
kyis ni/ /gang zhig thang la mchi ba ltar/ /gang gis snang bas
mun bsal ba/ /bla

med de la phyag 'tshal lo/ /gang zhig sprul ldan rdzu 'phrul gyis/
/gar mkhan rkang pa bskyod pa la/ /gang gis lam gzigs lam mkhyen
pa/ /bla med de la phyag 'tshal lo/ /gang zhig gis ni cha shas
dang/ /don stong min te gnyis ka spangs/ /thams cad mkhyen pa
dbang

phyug gtso/ /bla med de la phyag 'tshal lo/ /shin tu nyes pa rnam
spangs shing/ /dri ma'i bdag nyid las ring ba/ /dngos dang dngos
po med spangs pa/ /bla med de la phyag 'tshal lo/ /bla na med pa'i
bstod pa slob dpon chen po 'phags pa klu sgrub kyi zhal snga nas
mdzad pa rdzogs so// //

@##/ /rgya gar skad du/ A rya b+ha nA ra ka ma nydzu shrI pa ra
ma a rtha stu ti nA ma/ bod skad du/ 'phags pa rje btsun 'jam
dpal gyi don dam pa'i bstod pa zhes bya ba/ /'jam dpal gzon nur
gyur pa la phyag 'tshal lo/ /byon pa ma lags bzhud mi mnga'/
/bzhengs pa ma lags

bzhugs mi mnga'/ /'jig rten pa las shin tu 'das/ /tshig las 'das
pa'i spyod yul lags/ /mgon po khyod la ji ltar bstod/ /'on kyang
'jig rten btags rten gyis/ /khyod ni ci 'dra de bzhin du/ /bdag
gis gus pas bla ma bstod/ /ngo bo nyid kyis ma skyes te/ /khyod

la skye ba yong mi mnga'/ /mgon po gshegs dang byon mi mnga'/
/dngos med khyod la phyag 'tshal bstod/ /khyod la dngos dang dngos
med min/ /chad pa ma lags ther zug min/ /khyod rtag ma lags mi
rtag min/ /gnyis med khyod la phyag 'tshal bstod/ /dmar dang ljang
dang le

@80b brgan dang/ /ser dang dkar dang gnag ma lags/ /khyod la kha
dog yong mi mnga'/ /mdog bral khyod la phyag 'tshal bstod/ /khyod
ni che dang chung ba dang/ sbom dang phra ba khyod min te/ /ring
dang thung ba'i khams ma lags/ /tshad med khyod la phyag 'tshal
bstod/ /shes pas

srid la mi gnas shing/ /snying rjes zhi la mi gnas te/ /mya ngan
'das dang 'khor mi gnas/ /mi gnas khyod la phyag 'tshal bstod/
/chos rnams kun la mi gnas shing/ /chos kun rtogs par thugs su
chud/ /mchog tu zab pa nyid brten pa/ /zab pa khyod la phyag
'tshal bstod/ /de

ltar bstod na bstod bgrang gi/ /gzhan du khyod la ji ltar bstod/
/chos rnams thams cad stong pa la/ /su la bstod cing su yis
bstod/ /mtha' ma mchis shing dbus ma mchis/ /gzung dang 'dzin pa
rnam spangs pa'i/ /rtog bral khyod la phyag 'tshal bstod/ /bla ma

mgon po 'jam dbyangs kyi/ /don dam yang dag mtshan brjod pa'o/
/bsod nams 'di yis 'jig rten 'di/ /bde bar gshegs pa 'dra bar
shog/ /'phags pa rje btsun 'jam dpal gyi don dam pa'i bstod pa
zhes bya ba slob dpon chen po klu sgrub kyi zhal snga nas mdzad
pa

rdzogs so// @##/ /rgya gar skad du/ arya manydzu shrI b+ha NA ra
ka kA ru Na sto tra/ bod skad du/ rje btsun 'phags pa 'jam dpal
gyi snying rje la bstod pa/ /'jam dpal gzhon nur gyur pa la phyag
'tshal lo/ /nyes pa ma lus pa rnams rab bsal zhing/ /

thub pa'i grags pas 'gro ba ma lus khyab/ /dpal ldan rab tu brtan
pa'i sku mnga' ba/ /dpal ldan khyed la rtag tu phyag 'tshal lo/
/bos shing bos shing 'gro ba ma lus pa/ /phongs pa 'di dag kun
las khyed skyob mdzad/ /bdag ni sdug bsngal gyur kyang dman khyed
ces/ /ci

yi phyir na ngos par sel mi mdzad/ /bcom ldan khyod ni rtag par
thams cad la/ /rnam pa kun du thams cad gsol grag na/ /bdag la
mthong ba tsam yang ma stsal bas/ /de phyir bdag ni shin tu skal
dman lags/ /yon tan ldan zhing nyes pa sel mdzad pa/ /blo bzang
'gro

@81a @#/ /kun skyob par brtson gyur na/ /bdag blo khyed la mngon
du zhen na yang/ /phongs pas gdungs pa nyid du ci phyir 'gyur/
/thugs rje'i bdag nyid ldan pa khyed kyi ni/ /pad+ma lta bu dag
pa'i spyan gnyis kyis/ /'gro ba phan par mdzad kyang bdag sdug
par/ /ma gzigs pa ni

kyai ma sdug bsngal lo/ /khyed kyis yid 'jigs dbugs 'byin mdzad
pa yi/ /phyag gi pad+ma ring du rtag rkyong yang/ /skal nyes pa
yi tsha bas de yang ni/ /thag ring du ni mi snang nyid du 'gyur/
/khyed kyi snyan ni ma nyams gtsang ba dag /gnyis kyis kyang ni
lus la sdug bsngal gyis/ /gzir

te spyan sngar 'o dod 'bod gyur kyang/ /bdag gi dman pa ci phyir
gsan ma gyur/ /rnam pa kun du thugs rjes drangs khyed kyis/
/dmyal bar song ba'i 'gro rigs bde mdzad na/ /sdig can bdag la
bcom ldan 'das kyis ni/ /thugs rje de yang brtse ba mi mnga'
gyur/ /'jig rten dman la

phan par mdzad pa yi/ /khyod la gzhon nu'i rol pa 'di mnga' na/
/gang 'dir bdag ni sdug bsngal gyis gzir kyang/ /bskyab par mi
mdzad sdig can bsam pas nyes/ /'di na sdug bsngal can ni gang yin
zhes/ /glen gang gang gis phun tshogs zad gyur ces/ /de ltar rnam
par rgyu zhing skyob

mdzad kyang/ /bdag phongs ma gzigs kye ma ngo mtshar che/ /gang
zhig la ni tshig sbyin gang zhig la/ /'phral du phun tshogs rgya
chen sbyin bya zhes/ /de ltar brtson pa khyed kyi mkhyen rab
kyis/ /ci yi phyir na bdag la skyob mi mdzad/ /khyed la dad par
gyur pa su mi bde/ /khyed dang bsod nams

dman pa zhig ma mchis/ /bdag ni khyed la dad kyang sdug bsngal
bar/ /ci phyir gyur ces ngo mtshar rnam par 'khrungs/ /sdug bsngal
gcod mdzad sman pa chen po ni/ /gang de khyed kyang bdag la spong
mdzad na/ /bsod nams bcom pa bdag gis gzhan su la/ /skyabs su
mchi bar bgyi ba khyed kyis

gsungs; /'gro la rtag tu bu gcig 'dra ba yi/ /brtse ba'i thugs ni
mnga' zhing sgrol spyod pa/ /khyed kyang gal te bdag gnod mi sel
na/ /de tshe bdag ni mgon med bcom pa lags/ /bcom ldan khyed ni
dran pa tsam gyis ni/ /'gro la 'bras bu mnyam med kun stsol na/
/bdag ni

@81b bsnyen bkur bgyid kyang bdag gi phyogs/ /rnam pa kun du phyi
bshol ci phyir mdzad/ /de ltar smre gsol ba yis khyod yon tan/
/cha tsam brjod las bdag gis dge bsags pa/ /gang yin des ni 'gro
la bsod nams dag /rgya cher rang bzhin grub pa'i bum pa bzang/
/yid bzhin

nor bu lta bu gzugs sku yi/ /zhabs gnyis rgyu ba'i dpag bsam 'dra
ba yi/ /khyod kyi gzhon nu'i lus su bdag gyur cing/ /skye ba kun
du bdag po nyid gyur cig /rje btsun 'phags pa 'jam dpal gyi
snying rje la bstod pa slob dpon 'phags pa klu sgrub kyis mdzad
pa rdzogs so// //

@##/ /rgya gar skad du/ aShTa ma hA sthA na tsi tya sto tra/ bod
skad du/ gnas chen po brgyad kyi mchod rten la bstod pa/ 'jam
dpal gzhon nur gyur pa la phyag 'tshal lo/ /'gro ba'i bla ma gcig
pu lumbIr bltams/ /ser skya'i grong khyer gzhi ru gnas par
mdzad/ /yon tan

rin chen bye bas brgyan pa yi/ /bde gshegs mchod rten rnams la
phyag 'tshal lo/ /ma ga d+hA yi byang chub shing drung du/ /chu bo
nai ranydza na zhes bya ba'i/ /'gram bzhugs mchod rten yon tan
rgya che ba/ /byang chub rten du gyur la phyag 'tshal lo/ /ka shi
ka yi bA rA Na sI ru/ /chos kyi 'khor

lo rnam grol rmad byung ni/ /nyon mongs sgrib pa rnam par gcod
mdzad pa/ /ye shes mchod rten bzhi la phyag 'tshal lo/ /mnyan du
yod par gzhan stobs tshar bcad nas/ /dze ta'i tshal du cho 'phrul
chen po bstan/ /sa gsum dgongs pa mchog tu bsgrub mdzad pa/ /mu
stegs

pham mdzad mchod rten phyag 'tshal lo/ /grong khyer dam pa mchog
ni gsal ldan du/ /lha rnams gnas gshegs bla na med par babs/
/zhabs la tshangs dbang cod pan gyis mchod pa/ /sum cu'i lhas
mchod mchod rten phyag 'tshal lo/ /dge 'dun dbyen du sngar gyur
las/ /

ston pa'i nyan thos rab mthun pa/ /rgyal po'i khab kyi 'od ma'i
tshal/ /byams nges mchod rten phyag 'tshal lo/ /sku tshe 'du byed
btang ba las/ /slar yang sku tshe byin brlabs pa/ /rnam grol yangs
pa can gyi ni/ /byin rlabs mchod rten phyag 'tshal lo/ /ku sha'i
grong du 'gro ba

@82a @#/ /rnams; /dge ba la ni sbyor mdzad cing/ /'gran med gyad
gnas zung gi tshal/ /mchod rten mya ngan 'das phyag 'tshal/
/shAkya thub mchod rten brgyad po dag /phyogs bcu gzhan dang
gzhan rnams na/ /bzhugs pa'i chos sku kun la 'dud/ /zhi la rtag
tu spyis phyag

'tshal; /'di ltar spros pa kun bral dpe med rtag cing dag pa'i ngo
bo nyid/ /sangs rgyas chos sku mkha' ltar 'gro ba la khyab yang
dag phyag 'tshal bas/ /bsod nams gangs ri'i kha dog ltar dkar bdag
gi rgyud la gang bsags pa/ /des ni sems can ma lus ting 'dzin bde
rtogs byang chub

thob par shog /gnas chen po brgyad kyi mchod rten la bstod pa/
slob dpon chen po 'phags pa klu sgrub kyis mdzad pa rdzogs so//
@##/ /rgya gar skad du/ aShTa ma hA sthA na tsai tya sto tra/
bod skad du/ gnas chen po brgyad kyi mchod rten la bstod pa/ 'jam
dpal gzhon nur

gyur pa la phyag 'tshal lo/ /dang po byang chub mchog tu thugs
bskyed nas/ /bskal pa grangs med gsum du tshogs bsags te/ /byang
chub snying por sangs rgyas bdud ni btul/ /byang chub chen po'i
mchod rten phyag 'tshal lo/ /chos kyi gzhir gyur ser skya'i grong
khyer du/ /sgyu ma'i

yum las zas gtsang shAkya rigs 'khrungs/ /sku bzhengs sta zur
g.yas la tshangs pa bzhes/ /bkra shis 'byung ba'i mchod rten phyag
'tshal lo/ /bA rA Na sI la sogs bsod snyoms gshegs/ /gzugs can
snying po'i glang chen smyon pa rnams/ phyag gi sor mo'i stobs
kyis

btul nas kyang/ /grong khyer 'dul mdzad mchod rten phyag 'tshal
lo/ /ne gsing dag tu bsnyel so mdzad pa'i tshe/ /ha lu manydzu sa
sbrang rtsi phul nas kyang/ /khron par dus byas sum cu rtsa gsum
skyes/ /thugs rje 'byung ba'i mchod rten phyag 'tshal lo/ /tshangs
pas 'khor lo phul

nas 'khor lo bskor/ /mu stegs ston pa drug ni stobs kyis btul/
/sprul pa'i grangs kyis lha mi tshim mdzad pa'i/ /cho 'phrul bstan
pa'i mchod rten phyag 'tshal lo/ /dga' bo la sogs klu yi tshogs
rnams kyis/ /bsnyen bkur 'bul ba'i bu mos 'o ma drangs/ /bka'
dang

@82b 'jig rten ma lus tshar gcod pa/ /nyer zhi rgyal ba'i mchod
rten phyag 'tshal lo/ /byang chub sems dang rang sangs rgyas rnams
dang/ /nyan thos dgra bcom tshogs kyis yongs bskor te/ /sdom dang
tshul khrims la ni rab bkod pa'i/ /rnam par dag pa'i mchod rten
phyag 'tshal lo/ /sems

can mi rtag 'dul ba'i dgongs pa dang/ /lha las babs nas mdzad pa
kun gyi mthar/ /tsun das gsol btab zla gsum nas mthar phyin/
/mya ngan 'das mdzad mchod rten phyag 'tshal lo/ /gnas chen po
brgyad kyi mchod rten la bstod pa/ slob dpon chen po klu sgrub
kyis mdzad pa

rdzogs so// @##/ /rgya gar skad du/ dwI da sha kA ra nA ma na ya
sto traM/ bod skad du/ mdzad pa bcu gnyis kyi tshul la bstod pa/
/sangs rgyas shAkya thub pa la phyag 'tshal lo/ /gang gis dang
por byang chub thugs bskyed nas/ /bsod nams ye shes tshogs

gnyis rdzogs mdzad cing/ /dus 'dir mdzad pa rgya chen 'gro ba yi/
/mgon gyur khyod la bdag gis bstod par bgyi/ /lha rnams 'dul
mdzad 'dul ba'i dus mkhyen nas/ /lha las babs nas glang chen ltar
gshegs te/ /rigs la gzigs nas lha mo sgyu 'phrul gyi/ /lhums

su zhugs par mdzad la phyag 'tshal lo/ /zla ba bcu rdzogs
shAkya'i sras po ni/ /bkra shis lumbi'i tshal du bltams pa'i tshe/
/tshangs dang brgya byin gyis btud mtshan mchog ni/ /byang chub
rigs su nges la phyag 'tshal lo/ /gzhon nu stobs ldan mi yi seng
ge des/ /aM ga ma ga d+hA ra ni

sgyu rtsal bstan/ /skye bo dregs pa can rnams tshar bcad nas/
/'gran zla med par mdzad la phyag 'tshal lo/ /'jig rten chos dang
mthun par bya ba dang/ /kha na ma tho spang phyir btsun mo yi/
/'khor dang ldan mdzad thabs la mkhas pa yis/ /rgyal srid skyong
bar mdzad la phyag 'tshal lo/ /

'khor ba'i bya ba snying po med gzigs nas/ /khyim nas byung ste
mkha' la gshegs nas kyang/ /mchod rten rnam dag drung du nyid la
nyid/ /rab tu byung bar mdzad la phyag 'tshal lo/ /brtson pas
byang chub 'grub par dgongs nas ni/ /nai ranydza na'i 'gram du lo
drug tu/ /dka' ba

@83a @#/ /spyad mdzad brtson 'grus mthar phyin nas/ /bsam gtan
mchog brnyes mdzad la phyag 'tshal lo/ /thog ma med nas 'bad pa
don yod phyir/ /ma ga d+hA yi byang chub shing drung du/ /skyil
krung mi g.yo mngon par sangs rgyas nas/ /byang chub rdzogs par
mdzad la phyag

'tshal lo/ /thugs rjes 'gro la myur du gzigs nas ni/ /bA rA Na
sI la sogs gnas mchog tu/ /chos kyi 'khor lo bskor nas gdul bya
rnams/ /theg pa gsum la 'god mdzad phyag 'tshal lo/ /gzhan gyi
rgol ba ngan pa tshar bcad nas/ /mu stegs ston pa drug dang lhas
byin

sogs/ /'khor mo 'jig gi yul du bdud rnams btul/ /thub pa g.yul
las rgyal mdzad phyag 'tshal lo/ /srid pa gsum na dpe med yon tan
gyis/ /mnyam du yod par cho 'phrul chen po bstan/ /lha mi 'gro ba
kun gyis rab mchod pa/ /bstan pa rgyas par mdzad la phyag 'tshal
lo/ /

le lo can rnams myur du bskul bya'i phyir/ /rtswa mchog grong gi
sa gzhi gtsang ma ru/ /'chi med rdo rje lta bu'i sku bshig nas/
/mya ngan 'da' bar mdzad la phyag 'tshal lo/ /yang dag nyid du
'jig pa med phyir dang/ /ma 'ongs sems can bsod nams thob bya'i
phyir/ /de nyid du

ni ring bsrel mang sprul nas/ /cha brgyad sku gdung mdzad la
phyag 'tshal lo/ /de ltar bstan pa'i bdag po bcom ldan gyi/ /mdzad
pa'i tshul la mdo tsam bstod pa yis/ /dge bas 'gro ba kun gyi
spyod pa yang/ /bde gshegs nyid kyi spyod dang mtshungs par shog
/mdzad pa

bcu gnyis kyi tshul la bstod pa zhes bya ba slob dpon chen po
'phags pa klu sgrub kyis mdzad pa rdzogs so// @##/ /rgya gar skad
du/ ban da na sto tra nA ma/ bod skad du/ phyag 'tshal ba'i bstod
pa zhes bya ba/ /de bzhin gshegs pa thams cad la phyag 'tshal lo/ /

gnod byed 'dod chags zhe sdang dang/ /srid 'khor rmongs chen dra
ba spangs/ /mchog sbyin mdzad pa rgyal ba mchog /mchog byung
sangs rgyas bdag phyag 'tshal/ /yang dag thugs chud rdzogs sangs
rgyas/ /lha dang lha min mchod byas pa/ /'jig rten gsum gyi bla
ma la/ /mi

@83b pham mnyam pa med gyur cing/ /bdud stobs pham mdzad bdag
phyag 'tshal/ /shAkya'i rgyal po'i sras su 'khrungs/ /gdud ni nyi
ma'i rigs su grags/ /dpa' bo rmad byung sangs rgyas ni/ /yon tan
tshogs ni bsdus pa la/ /lha mi rlung lhas mchod phyag 'tshal/ /gser
gyi

ri bo'i rtse 'dra'i sku/ /pad+ma'i 'dab ma'i spyan mnga' ba/
/gser gyi mdog dang ldan gyur cing/ /sum cu rtsa gnyis mtshan dang
ldan/ /shis ldan mtshan bzang phyag 'tshal lo/ /me dang glog dang
me stag dang/ /nyi zer stong ldan dkyil 'khor can/ /gang gis
stobs ni brgyan

gyur pa/ /mnyam med stobs ldan phyag 'tshal lo/ /dpal ldan mchog
ni 'bar ba yi/ /bsod dang dul bar yang dag ldan/ /thub pa'i dbang
po mchog gyur ba/ /yang dag byang chub brnyes pa la/ /ches dregs
phyag byas phyag 'tshal lo/ /gang zhig sems can phan

mdzad cing/ /bde ba'i don phyir snying rjes 'jug /yang dag don la
zhugs gyur pas/ /mya ngan 'das grong gshegs phyag 'tshal/ /'dis ni
lto 'phye mi 'am ci/ /lha dang lha min phyag byas pa/ /bdag gis
rgyal ba bstod pa las/ /bsod nams bdag gis gang bsags pa/ /

des ni sems can thams cad kyang/ /byang chub khong du chud par
shog /phyag 'tshal ba'i bstod pa slob dpon 'phags pa klu sgrub
kyis mdzad pa rdzogs so// @##/ /rgya gar skad du/ na rag udd+ha ri
nA ma/ bod skad du/ dmyal ba nas 'don pa zhes bya ba/ 'jig rten
mgon

po la phyag 'tshal lo/ /'khor ba'i rgya mtsho chen por ni/ /dbul
ba'i 'dam du bying ba la/ /yongs su mkhyen pa bskyed nas ni/ /de
bzhin gshegs kye bdag la skyobs/ /bdag ni rab rib khang par
zhugs/ /mgon med sdug bsngal nyams su myong/ /bdag ni gnyen gyi
tshogs kyis spangs/ /

de bzhin gshegs kye bdag la skyobs/ /pha dang ma dang sring mo
dang/ /bu dang chung ma mdza' bshes mo/ /mig 'phrul lta bur bdag
gis 'khums/ /de bzhin gshegs kye bdag la skyobs/ /bdag 'dir 'khor
'dab rnams kyi phyir/ /las gang legs dang nyes byas pa/ /de yis

@84a @#/ /bdag ni gcig pur gyur/ /de bzhin gshegs kyi bdag la
skyobs/ /khron rnying mi bzad chen po dang/ /gting med rgya mtsho
dag rnams su/ /mgon po bdag cag long gyur na/ /de bzhin gshegs
kye bdag la skyobs/ /rgya mtsho chen po rgal ba yi/ /gru ni gog
por

zhugs pa ltar/ /bdag gis kyang ni rgal dkar 'khums/ /de bzhin
gshegs kye bdag la skyobs/ /chos dang chos min ma 'tshal zhing/
/bgrod dka' bgrod min mi rig pas/ /'dis ni sems med shing dang
'dra/ /de bzhin gshegs kye bdag la skyobs/ /pha bsad

pa dang ma bsad pa/ /kho bos mtshams med lnga bgyis pa/ /mi bzad
rab rib mun par 'khums/ /de bzhin gshegs kye bdag la skyobs/
/bdag gis mchod rten 'jig par bgyis/ /dge 'dun dkor ni rnam par
'joms/ /bdag gis sems can 'tshe bar bgyis/ /de

bzhin gshegs kye bdag la skyobs/ /'jig rten 'di na bde ma mchis/
/'jig rten pha rol 'tshal ma gyur/ /las kyi srad bus dkris pas na/
/de bzhin gshegs kye bdag la skyobs/ /de yi gson pa 'di 'dra ba/
/mkha' la ka shi'i me tog ni/ /rlung gis btab nas 'phyan pa

bzhin/ /de bzhin gshegs kye bdag la skyobs/ /'brog dgon dang ni
tsher ma yi/ /ljon shing mang po rten med pa/ /de na bdag gis lam
ma mthong/ /de bzhin gshegs kye bdag la skyobs/ /nyes pa med par
phyugs rnams dang/ /ri dags mang po mdas bsad pas/ /de tshe bdag
ni rgyal

por rlom/ /de bzhin gshegs kye bdag la skyobs/ /sems can dmyal
bar 'tshed pa na/ /skyob pa 'ga' yang yod ma mchis/ /gang la
skyabs su mchi bar bgyi/ /bdag la skyob par su zhig 'gyur/ /sman
pa rnams kyi sman pa'i rgyal/ /nad rnams thams cad gso mdzad pa/
/khams

gsum rgyu dang mi rgyu ba/ /skyob byed 'jig rten mgon po lags/
/dmyal ba nas 'don pa zhes bya ba slob dpon chen po klu sgrub
kyis mdzad pa rdzogs so// @##/ /rgya gar skad du/ ba rNA rd+ha ba
rNa b+ha ga ba to budd+hA sto tra a shAkya sta ba nA ma/ bod
skad du/ sangs rgyas bcom

@84b ldan 'das la bstod pa bsngags par 'os pa bsngags pa las
bstod par mi nus par bstod pa zhes bya ba/ /dkon mchog gsum la
phyag 'tshal lo/ /zhing dang zhing min ma 'tshal te/ /sgra tsam gyi
ni rjes 'brangs nas/ /bdag gis nongs te sngon chad ni/ /bsngags
min bsngags pa

brjod pa gang/ /ngag gi 'dam gyis gos pa de/ /thub pa bsod nams
'bab kyis stegs/ /bzhud pa khyod la rten bcas nas/ /rab tu bkru
ba 'di brtsam mo/ /'di ni bdag gis mchog tshogs la/ /gti mug
ldongs pas nongs bgyis gang/ /sdig pa de yi nongs pa dag /sel bar

bgyid pa'i bsang byed lags/ /bdag ni mya ngan 'das par du/ /khyod
kyi gsung dang khyod kyi ni/ /yon tan brjod pa gang lags pa'i/
/tshig lam gnyis las nyams ma gyur/ /gtam 'di tsam zhig snying por
bas/ /de las gzhan don ma mchis pas/ /smra na 'di nyid smra bar

shog /yang na bdag ni mi smrar shog /khyod kyi chos ni kho na
dang/ /khyod mnyam khyod ni nyid la mnga'/ /de slad chos gzhan
thams cad ni/ /khyod las khyad du khor ma lags/ /gal te sangs
rgyas chos rnams ni/ /bsam pa bgyis na thams cad kyi/ /phul du
phyin gyur

dngos po gzhan/ /mi gtsang nyid dang 'dra bar gyur/ /khyod 'dra
'ga' yang ma mchis na/ /lhag pa lta zhig smos ci 'tshal/ /khyod
pas khyad par cung zad kyis/ /dman pa tsam yang 'ga' ma mchis/
/'dren pa khyod la gang zhig gis/ /dper brjod dpe ni ma mchis
pas/ /

dpe yi glags ni spangs pa'o/ /dpe med khyod la phyag 'tshal lo/
/sangs rgyas chos ni gzhal las phyir/ /de las gzhan pa'i gang zag
ni/ /rnam grol 'dra ba thob rnams kyang/ /khyod dang khyad par
shin tu che/ /stod pas tsam du 'dra slad du/ /su zhig khyad par
ma 'tshal nas/ /

ba spu'i bu ga stong pa ni/ /chung ngu nam mkha' dag dang bsgrun/
/grangs med pa la su zhig bgrang/ /tshad med pa la su zhig 'jal/
/khyod kyi yon tan grangs dang ni/ /mthu la dpogs pa ma mchis so/
/ji ltar dpag bsam shing gi tshal/ /'byams klas nang du 'khyams pa
ltar/ /

@85a @#/ /bdag ni khyod la legs spyad kyis/ /ngoms ma 'tshal te
mtha' mi rtogs/ /yon rten rnams kyi yon tan mtsho/ /khyod kyi de
bzhin gshegs chos rnams/ /gal te bstan du mchis gyur na/ /nam
mkhar yang ni shong mi 'gyur/ /khyod kyi mngon sum bsnyen bkur

ba; /sangs rgyas chos kyi sde dpon po/ /nyan thos kun gyi tog
gyur pa/ /zab mo rjes su sgrogs pa la/ /kun mkhyen nyid phyir
bcom ldan gyis/ /rmas na ma mtshal zhes gsol pas/ /sangs rgyas
chos kyi zab mo nyid/ /bas ma 'tshal bar bshad pa lags/ /gal te
gtso bo de

dag kyang/ /khyod la nus pa rdugs lags na/ /bdag 'dra srid pa mi
gtsang ba'i/ /srin bus bsam skabs ga la mchis/ /sA la'i shing
chen khyod nyid kyi/ /yon tan yal ga thugs brtse bas/ btud pa
rnams la skye bo 'di/ /cung zad 'ju ba tsam du bas/ /char sprin
tshogs ni

chen po yis/ /char gyi rgyun rnams phab pa las/ /so ga'i tsha bas
gdungs pa yi/ /khug rtas 'tshal na'ang ci zhig 'tshal/ /ma dros pa
yi mtsho las ni/ /chu bo chen po bzhi 'bab kyang/ /de zad bgyid
par mi nus na/ /gzhan dag 'bab pas smos ci 'tshal/ /rin chen
'byung khungs

rnams kyis ni/ /'jig rten rgyas bgyis pas ma 'tshal/ /mgon khyod
yon tan brjod pa'ang/ /bdag ni de 'dra kho nar sems/ /bsgrims nas
khyod kyi bstan nyid las/ /yon tan me tog rnams btus te/ /rang gi
me tog dag gis ni/ /shing bzhin khyod la me tog gsol/ /

rang gi dbyig gi 'byung khungs bzhin/ /rang gi mtshon rtsis ri lta
bur/ /rang gi dri yis tsandan bzhin/ /rang gi chu yis mtsho lta
bur/ /rang las byung ba'i gser nyid kyis/ /gser 'byung ba yi rin
chen bzhin/ /khyod bstan nyid las btus pa yi/ /yon tan rnams kyis
khyod mchod

do; /nam mkha'i dkyil nas zla 'od thams cad du/ /'phros pa ril
gyis 'bab 'gyur ba yin la/ /zla 'od sa stengs bab pas kha phye
na/ /me tog ku mu ta tshal mi rgyas min/ /de bzhin yon tan dpag
med chu ldan pa/ /rgyal ba'i bsngags pa rgya mtsho mtha' med la/
/de yi phyogs

@85b gcig brjod pas dad ldan pa'i/ /skye bo'ang 'dod pa'i 'bras
bur mi ldan min/ /sangs rgyas bsngags pa brjod tshig 'bras bu yod/
/skye ba'i zong brin bder 'gyur gegs med lam/ /tshangs pa'i theg
'gyur dad sogs yon tan gyi/ /rtsa ba'i ser rme de la sogs pa yod/
/dbang

po rab tu dad par gzhol gyur cing/ /sangs rgyas bstod pa'i gzhung
la brtson pa rnams/ /skad cig re rer chos rgyun 'byung ba gang/
/kun mkhyen min pas cung zad bzung mi nus/ /mthu bdog mi rtag par
yang zhugs gyur pa/ /da la 'byor 'di yang shin tu dka' ba las/
/gang

dag las 'di la ni mi brtson pa/ /de las bslus par gyur pa gzhan
ci yod/ /sangs rgyas bcom ldan 'das la bstod pa bsngags pa 'os pa
bsngags pa las bstod par mi nus par bstod pa zhes bya ba ste le'u
dang po'o// //bcom ldan khyod ni zhal bzhugs tshe/ /bdag ni

dad dbang gzhol gyur pa/ /gang slad thugs rjes brlan pa yis/
/sangs rgyas spyan gyis gzigs mdzad pa/ /khyod kyi thugs rje de
nyid ni/ /yid la mchis pa mngon bgyis nas/ /phyag bgyir 'os pa
khyod la bdag /mngon sum bzhin du phyag 'tshal lo/ /kun mkhyen ma
lags gang gis

kyang; /kun mkhyen khyod ko ji ltar rtogs/ /bdag nyid che rgyas
bdag nyid kyis/ /mkhyen pa khyod la phyag 'tshal lo/ /'di lags 'di
'dra'o zhes bgyir khyod/ /bdag 'dra ba yi yul ma lags/ /gang lags
gang 'dra 'ang mi bsngo ste/ /khyod 'dra ba la phyag 'tshal lo/
/mgon

po khyod ni nyid dang 'dra/ /rgyal rnams ci 'dra khyod dang 'dra/
/gang gzhan 'ga' 'ang ma mchis pa/ /de 'dra khyod la phyag 'tshal
lo/ /ji ltar khyod ni nyid kyis mkhyen/ /ji ltar khyod ni khyod
'dras mkhyen/ /ji ltar khyod gzhan ma 'tshal ba/ /de 'dra khyod la
phyag 'tshal lo/ /ji ltar khyod

ni bdag nyid kyis/ /thugs rje stobs bcu la sogs kyi/ /yon tan
rnams kyis bsgrags mdzad pa/ /de 'dra khyod la phyag 'tshal lo/
/deng nas bzung nas khyod kyi ni/ /yon tan 'byung gnas snying po
dag /de nyid las ni mngon btus nas/ /ci nus khyod la phyag 'tshal
lo/ /

@86a @#/ /dgra bcom khyod la phyag 'tshal 'dud/ /mchod 'os khyod la
phyag 'tshal 'dud/ /rigs pa khyod la phyag 'tshal 'dud/ /khyod la
'dud cing phyag 'tshal lo/ /rdzogs pa'i sangs rgyas rin chen te/
/rin chen chos kyi rang bzhin lags/ /dge 'dun rin chen 'byung

gnas te/ /rin chen gsum tshogs khyed la 'dud/ /mchod 'os khyod ni
rin chen te/ /thugs kyi dgongs pa'ang rin chen lags/ /dam chos
rin chen 'byung gnas te/ /kun nas rin chen khyod la 'dud/ /rin
chen kun gyi mchog gyur pas/ /rin chen thams cad zil gyis gnon/
/rin

chen kun gyi 'byung gnas pa/ /yang dag rin chen khyod la 'dud/
/phyag 'tshal rin chen thugs khyod la/ /phyag 'tshal rin chen chos
khyod la/ /phyag 'tshal thams cad rin chen la/ /srid med bsgom pa
goms mdzad pas/ /thub pa kun gyi mchog gyur pa/ /phyag bgyir 'os
pa'i dgra

bcom pa/ /khyod la gus par phyag 'tshal lo/ /'gal bar bgyis pa
gang lags pa/ /yang dag mtha' la gnas pa po/ /dge sbyong gi ni
mthar phyin pa/ /bla med khyod la phyag 'tshal lo/ /rnam pa thams
cad phun tshogs pas/ /mdzes pa gzhan kun zil gnon cing/ /dus

rnams kun tu dga' mdzad pa/ /sangs rgyas pad+ma khyod la 'dud/
/kha dog bzang la dri zhim zhing/ /blta na sdug la mi rings pa/
/rdzogs pa'i sangs rgyas pad+ma dkar/ /kha bye khyod la phyag
'tshal lo/ /bde ba'i snying khu rab sbyangs pa/ /bzhed dgur reg pa
brnyes pa po/ /skyid par

bskrun pa'i dge sbyong ni/ /rab gzhon khyod la phyag 'tshal lo/
/'o brgyal 'bras bu mchis gyur pas/ /mthar phyin mtha' dag brnyes
nas ni/ /dam pa gsung par dam bcas pa'i/ /dge sbyong khyod la
phyag 'tshal lo/ /tshangs spyod brten cing rig byed dang/ /rig byed
kun gyi

yan lag mkhyen/ /rig dang zhabs kyis bsangs pa yi/ /tshangs pa
khyod la phyag 'tshal lo/ /'phags pa'i chos ni ma 'phrogs shing/
/'phags pa'i phrin las phul du byung/ /'jig rten slob dpon bya ba
mdzad/ /'phags pa khyod la phyag 'tshal lo/ /thugs ni dka'

@86b thub brtul zhugs dag /yang dag blangs pas gtsang mar mdzad/
/sdig pa thams cad bkrus gyur pa/ /khrus mdzad khyod la phyag
'tshal lo/ /mnga' bdag mchog ni brnyes gyur cing/ /sems can thams
cad zil gyis gnon/ /seng ge'i nga ro sgrogs mdzad pa/ /seng ge

khyod la phyag 'tshal lo/ /rtog pa brjod pa'i rjen shul che/ /dam
chos spo la bsten pa mdzad/ /chos gzhan thams cad 'jig pa po/
/glang chen khyod la phyag 'tshal lo/ /chos nyid shin tu dka' ba'i
lam/ /khyod min gzhan gyis mi bzod pa/ /gsal mdzad gshegs pa 'jig

rten gyi; /lam gyur khyod la phyag 'tshal lo/ /des la shin tu dul
gyur bzod/ /shugs dang mdog bzang stobs dang ldan/ /yan lag
rdzogs pa'i sku mnga' ba/ /cang mkhyen khyod la phyag 'tshal lo/
/phyogs dang 'bab stegs spyod yul mkhyen/ /brtan la gya gyur
bzhud mi mnga'/ /

khyu mchog gnas ni brnyes pa yi/ /khyu mchog khyod la phyag 'tshal
lo/ /gdul ba'i thabs ni mtha' dag la/ /mkhas shing le lo mi
mnga' ba/ /skyes bu 'dul ba'i kha lo sgyur/ /mchog rab khyod la
phyag 'tshal lo/ /gang slad khyod bstan ma mchis na/ /skal pa can
yang don ma mchis/ /

de slad kun gyi tshangs spyod du/ /gyur pa khyod la phyag 'tshal
lo/ /yon tan phun sum ldan pa kun/ /yang dag shin tu yongs rdzogs
pas/ /dge ba'i chos la 'dun pa kun/ /rgyun bcad khyod la phyag
'tshal lo/ /nyid kyi don ni yongs rdzogs shing/ /gzhan gyi don la
mngon brtson pa/ /dam

chos bdud rtsi stsol ba po/ /tshim par mdzad pa khyod la 'dud/
/'jigs pa du mas 'jigs gyur pa/ /pha rol min pa'i mu spangs nas/
/chu bo chen po legs rgal zhing/ /pha rol gshegs pa khyod la
'dud/ /nyon mongs nad ni kun sel cing/ /zug rngu thams cad 'byin
mdzad pa/ /rig

sngags 'chang ba grub pa po/ /sman pa'i gtso bo khyod la 'dud/
/mchog dang mchog min lam mkhyen cing/ /zhi ba'i phyogs ni ston
par mdzad/ /grub dang bde ba skyed pa yi/ /ded dpon khyod la
phyag 'tshal lo/ /rtag tu mun pa sel mdzad cing/ /rtag tu spyan ni
'byed par mdzad/ /rtag tu

@87a @#/ /mi bsnyel chos mnga' ba/ /shin tu bzhengs pa khyod la
'dud/ /dri ma'i 'dam ni nges bkrus pas/ /dam chos dri ma med pa'i
chu/ /mchog tu rnam par byang ba po/ /shin tu rnam dag khyod la
'dud/ /sdig dang bsod nams spangs gyur cing/ /stong pa nyid kyis
bsgos pa'i

bdag /phan dang gnod pa bgyid snyoms pa/ /shin tu chags bral
khyod la 'dud/ /kun nas nyon mongs bag chags kun/ /nges par bsal
bas dri med thugs/ /rnam thar sgrib pa mi mnga' ba/ /shin tu rnam
grol khyod la 'dud/ /blta bas mi ngoms gzugs mnga' zhing/ /sku

ni 'od kyis lhag ger mdzes/ /blta bya kun gyi nang na ni/ /blta
na sdug mchog khyod la 'dud/ /skyes bu chen po'i mtshan rnams ni/
/dpe byad bzang po'i tshogs bcas pa/ /sum cu rtsa gnyis dang ldan
pas/ /blta bar 'os pa khyod la 'dud/ /sangs rgyas chos ni bla med
pa/ /mi

'jigs pa dang stobs sogs kyis/ /'gro ba'i nang du sgra bsgrags
pa/ /dga' bar 'os pa khyod la 'dud/ /'phags chos dkar po bla med
pa/ /goms par bya ba rnams kyis ni/ /sku gnyis po dag bsgos gyur
pa/ /bsgom par bya ba khyod la 'dud/ /sku gsung thugs kyi phrin

las rnams/ /shin tu rnam par byang gyur pas/ /tshul khrims bsrungs
pa las 'das pa/ /gtsang sbra dag pa khyod la 'dud/ /nyon mongs pa
yi brjod pa spangs/ /zhi ba'i las kyi mtha' la dgongs/ /mi gsung
dang du bzhes mdzad pa/ /thub pa zhi ba khyod la 'dud/ /bde

ba dang ni sdug bsngal gyis/ /thugs mi 'phrogs la brtan pa'i
thugs/ /thams cad zil gnon sems can gyi/ /snying po mchog gyur
khyod la 'dud/ /kun la rnam pa thams cad dang/ /rten gyi blo dang
dgongs pa dag /legs par gnas phyir mi bsnyel ba'i/ /chos can
khyod

la phyag 'tshal lo/ /'jig rten 'das kyi yon tan phyug /'jig rten
zang zing rnam par 'jig /'jig rten snang bar mdzad pa po/ /'jig
rten mgon po khyod la 'dud/ /bshes dang dgra dang bar mar snyoms/
/sems can kun la phan dgongs pa/ /rjes su brtse bar mdzad pa po/ /

@87b thugs rje chen po khyod la 'dud/ /chos kyi 'du shes kun
rdzogs pa/ /skyob pa mngon shes chen po mnga'/ /byas mkhyen ma
byas mkhyen pa po/ /thams cad mkhyen pa khyod la 'dud/ /glags kyi
skabs ni kun spangs shing/ /kun nas 'ching ba bcad gyur pa/ /shes
rab

gsal bar mdzad pa po/ /sred pa gsal ba khyod la 'dud/ /mnyes par
bgyi 'os phyag bgyir 'os/ /brgal bar 'os min nongs mi mnga'/
/'bad de mchod par bgyi 'os pa/ /rigs pa gsum ldan khyod la 'dud/
/phan pa ma lags sel mkhas shing/ /phan pa

skyed par mngon brtson pa/ /gcig tu brtse bar gzhol ba yi/ /bshes
gnyen dam pa khyod la 'dud/ /skye dgu lam log zhugs pa rnams/
/rtag tu dam pa'i lam la ni/ /mngon phyogs mdzad par mngon brtson
pa/ /rtsa lag dam pa khyod la 'dud/ /go 'phang mkhyen pa rnams

kyi phul; /khyod kyis go 'phang mchog brnyes nas/ /rkang gnyis
rnams kyi mchog gyur pa/ /de las go 'phang 'phags ma mchis/ /go
'phang bla na med brnyes nas/ /sdug bsngal thams cad sel mdzad
cing/ /ma chags nyer len mi mnga' ba'i/ /rkang gnyis mchog

gyur khyod la 'dud/ /khyod kyi bstan la ma brten par/ /'gas kyang
de nyid mi mthong bas/ /'jig rten long ba lta bu yi/ /mig tu gyur
pa khyod la 'dud/ /sa stengs gdugs ni ma mchis na/ /zhugs mchis
mar me 'ang mchis gyur la/ /rgyu skar nor bu zla ba dag /mchis

kyang gsal ba rdzogs mi 'gyur/ /snang ba de dang gzhan dang ni/
/de bas khyad par ches 'phags pa/ /mchis kyang khyod ni mi bzhugs
na/ /'gro ba snang ba mchis ma lags/ /de ltar 'jig rten ma rig
pa'i/ /mun nag thibs po'i ling tog gis/ /bsgribs pa'i sems ldan

smag gyur pa'i/ /sgron mar gyur pa khyod la 'dud/ /chos la blo
gros ma byang bas/ /phan pa'ang phan par ma 'tshal zhing/ /gnod
pa'ang gnod par ma 'tshal la/ /byang ba'ang khyod la brten nas
'gyur/ /byis pa phal cher gnod pa dag /dor bar 'tshal la phan pa
spong/ /phan

@88a @#/ /pa gnyer yang ma 'tshal bas/ /gnod pa so sor bsten par
bgyid/ /de dag thabs ni ston mdzad phyir/ /khyod la brten nas
gnyis ka yang/ /yang dag ji bzhin rtogs 'gyur bas/ /sman par gyur
pa khyod la 'dud/ /gtso khyod gang gi blar gyur pa/ /de yang 'jig

rten bla ma lags/ /de slad bla ma rnams kyi yang/ /blar gyur bla
ma khyod la 'dud/ /'jig rten mkhas pas mchod pa yang/ /yid ches
ngo bo khyod la mchod/ /mchod 'os rnams kyis mchod bya ba/ /mchod
'os dam pa khyod la 'dud/ /bsngags 'os bsngags pa gang lags

pa'i; /skye bo des kyang khyod bsngags te/ /sngags par 'os pa
rnams kyis kyang/ /bsngags par bgyi ba khyod la 'dud/ /lha rnams
kyang ni khyod la 'dud/ /khyod la drang srong rnams kyang 'dud/
/phyag 'gyir [?] 'os pa rnams kyis kyang/ /'dud par bgyi ba khyod la
'dud/ /sems

dang bcas pa su zhig ni/ /bsod nams zhing ni dpag med pa/ /'dud
'os khyod la phyag bgyid pas/ /nam zhig na ni ngoms par 'gyur/
/de ltas khyod la phyag 'tshal 'dud/ /'dud par 'os pa khyod la
'dud/ /phyag gi rgyun ni mi 'chad par/ /rtag tu khyod la phyag
'tshal lo/ /

rtag tu dam pa'i spyod pa mdzad pa lam dang ldan/ /byas dang ma
byas thob pa yang dag rig pa mkhyen/ /mchod pa che mnga' phyag
bgyir 'os pa mtshungs med pa/ /'dud par 'os pa'i dgra bcom khyod
la phyag 'tshal lo/ /dpe med yid 'ong sku mnga' khyod la phyag
'tshal lo/ /mchog tu

gsung snyan mngon sgrogs khyod la phyag 'tshal lo/ /dri med rnam
dag thugs mnga' khyod la phyag 'tshal lo/ /yon tan tshogs bsgoms
bdag nyid khyod la phyag 'tshal lo/ /zhing zhes bsam pas sangs
rgyas la 'dud pa/ /dri ma med la bkra shis thams cad kyis/ /char
yang

mi phod mchod sbyin kun gyis min/ /dka' thub brtul zhugs min te
khrus kun min/ /thub pa'i dbang po la 'dud pa/ /snyan par grags
shing dpal du byed/ /sdig pa thams cad drungs nas 'byin/ /gzi
brjid dag kyang rnam par 'phel/ /dgra rnams thams cad sel bar
byed/

@88b 'jig rten dag na mi rnams kyi/ /rgyud ni bde 'gror nges byed
cing/ /nges mthar zhi ba'i 'bras bur smin/ /de ltar yon tan mang
bsams shing/ /lus kyang 'jig pa'i ngang bsams na/ /mkhas gang
sangs rgyas phyag 'tshal las/ /lus kyi las gzhan spyad par byed/ /

'chi bdag sel bar byed pa yi/ /bstan pa 'di ni nub gyur cing/
/kun nas mun pas khebs gyur na/ /gang zhig la ni bkur sti bya/
/de lta bas na mtshungs med pa'i/ /mchod pa bya ba smyur te gyis/
/ma 'ongs pa yi 'jigs pa dag /da lta nyid nas byung zin to/
/sangs rgyas

bcom ldan 'das la bstod pa bsngags par 'os pa bsngags pa las
phyag 'tshal ba zhes bya ba ste le'u gnyis pa'o// /nyi ma'i gnyen
gyur nyi ma yi/ /'od pas shin tu 'od gsal ba/ /phyag bya kun gyi
rab dang mchog /phyag 'os phyag bgyis khyod la 'dud/ /stobs

chen dpa' bo chen po ba/ /mngon shes che la mthu yang che/ /g.yul
ngor mda' chen 'phen mdzad pa/ /dga' ston chen po khyod la mchod/
/'jig rten mchod 'os mchod 'os mchog /'jig rten mchod pas mchod
pa po/ /mchod pa'i snod ni bla med pa/ /mchod par 'os pa

khyod la mchod/ /mchod dang mkhyen pas rtogs pa brnyes/ /dgongs
pa nga rgyal bag mi mnga'/ /rjed 'os khyod la nga rgyal gyi/
/sems bor nas ni rjed par bgyi/ /gus bgyid ma gus pa la snyoms/
/'jig rten gus pas mchod bgyis pa/ /khyod la bkur stir gzhol ba

yi; /dbang po gus par bkur sti bgyid/ /khyod dang 'dra ba 'ga' ma
mchis/ /lhag pa ma byung 'byung mi 'gyur/ /de slad sems can kun
la khyod/ /dgra zin snyoms pa'i mnyam med lags/ /ma 'dres 'phags
pa'i gdung las byung/ /sangs rgyas kun dang skal ba

mnyam; /mdog dang shes rab snang ba yis/ /phyogs rnams snang bar
mdzad de 'khrungs/ /sum cu rtsa gnyis mtshan dang ldan/ /'dom gang
'od kyi 'od zer sba/ /mtshon dang mthun pa'i dpe byad bzang/
/brgyad cus 'bar ba'i gzi brjid can/ /rgyal chen dpal dang ldan
pa'i sku/ /

@89a @#/ /kun gyi mdzes pa zil gnon pa/ /'jig rten snang bar mdzad
nas ni/ /nyi ma gzhan zhig lta bur bzhugs/ /bcom ldan dus kun
rtogs pa'i chos/ /rnam kun 'byung gnas thams cad ni/ /phyag mthil
skyu ru ra lta bur/ /khyod kyi thugs ni spyod yul gyur/ /chos
rnams

g.yo dang mi g.yor bcas/ /gcig dang sna tshogs so so la/ /mkha' la
rlung dag rgyu ba bzhin/ /khyod kyi thugs ni thogs mi mnga'/ /bya
ba mdzad pa khyod kyis ni/ /ji ltar thugs bskyed tsam gyis su/
/khyod la bzhed dgur kun 'grub pa/ /de ltar chos dbyings legs
thugs chud/ /

dge mthar phyin pa khyod la ni/ /sbyor byung dge ba 'ga' mi
mnga'/ /khyod ni gang zhig bzhed na yang/ /bzhed pa tsam la rag
las so/ /chos rnams kyi ni chos yod dang/ /chos nyid dang ni chos
kyi mthu/ /so sor rgyu dang bcas gnas shing/ /rkyen dang 'bras
bur bcas pa dag /khams

dang dbye ba tha dad bcas/ /skye dang 'jig bcas rgyas pa de/
/thams cad so sor rnam kun du/ /kun mkhyen khyod kyis mkhyen
gzhan min/ /khyod la shin tu bsgribs pa'ang mngon/ /shin tu ring
ba'ang nye ba ste/ /shin tu 'dzings pa'ang sal gyis dag /shin tu
mthon po'ang dma'

ba lags/ /shin tu gnag pa'ang snang bar bcas/ /shin tu the tshom
gnas kyang ngos/ /shes bya shin tu zab mo yang/ /khyod la sa ler
gda' ba lags/ /dbang po chen po'i glang chen gyi/ /rked bcings
gser las bgyis pa ltar/ /chos nyid shin tu zab mos kyang/ /khyod
ni 'o

brgyal 'gyur ma lags/ /chos kyi nang na chags bral ltar/ /nges
'byin nang na drang po ltar/ /phun tshogs nang na sangs rgyas
ltar/ /khyod ni sems can kun gyi mchog /rnam grol nang na mi g.yo
ltar/ /rigs pa'i nang na chos nyid ltar/ /shes rab nang na kun
mkhyen ltar/ /

khyod ni lus can kun gyi mchog /dag pa'i nang na rnam grol ltar/
/de nyid nang na stong pa ltar/ /dka' thub nang na bzod pa ltar/
/khyod ni srog chags kun gyi mchog /gzugs kyi nang na khyod sku
ltar/ /sems kyi nang na khyod thugs ltar/ /chos kyi nang na khyod
chos ltar/ /khyod

@89b ni srog chags kun gyi mchog /sangs rgyas bcom ldan 'das la
bstod pa bsngags par 'os pa bsngags pa las/ /thams cad mkhyen pa
nyid grub pa zhes bya ba ste le'u gsum pa'o// //bde bar gshegs pa
khyod gcig pu/ /chos gcig chos kun snang

mdzad pa/ /rnam pa thams cad mkhyen pa yis/ /de dang ldan gyi
gzhan ma lags/ /khyod 'ba' zhig gi ye shes kyis/ /shes bya mtha'
dag khyab lags kyi/ /khyod las gzhan pa thams cad kyi/ /shes bya
kho na lhag pa lags/ /rgyu rkyen 'di

las 'bras bu 'di/ /'di las 'di ni ma yin zhes/ /gnas dang gnas
min nges pa kun/ /khyod kyis mkhyen gyi gzhan gyis min/ /las chos
yang dag blangs pa yi/ /rnam smin dus ni thams cad pa/ /sa kun
rtogs pa thams cad ni/ /rnam kun khyod mkhyen gzhan gyis min/ /

rnal 'byor sa ni ma lus pa/ /kun nas nyon mongs rnam bzhag dang/
/rnam par byang bcas zab mor bcas/ /khyod gcig kho nas thugs su
chud/ /dbang po mchog dang mchog min pa/ /chung dang 'bring dang
chen po dang/ /cha shas dbye ba mtha' yas pa/ /khyod las gzhan

kyis rtogs ma mchis/ /mthun par 'gyur ba gang lags dang/ /mi
mthun 'gyur ba gang lags pa/ /mi yi mos pa sna tshogs kun/ /khyod
gcig kho nas thugs su chud/ /'jig rten 'di khams sna tshogs te/
/sna tshogs khams nyid mtha' dag ni/ /sna tshogs khams

dbye khyod gcig pus/ /mkhyen gyi gzhan gyis ma lags so/ /rgyu
dang rkyen ni sna tshogs las/ /sna tshogs mngon par 'grub pa ni/
/kun du 'gro ba'i lam stobs kyis/ /thams cad khyod kyis thugs su
chud/ /thog med srid par byung ba dang/ /tha ma med par 'byung
'gyur gang/ /

de la khyod kyi ye shes ni/ /mngon sum bzhin du gzigs pa 'jug
/sngon gyi mtha' dang phyi ma'i mtha'/ /'jig rten yang dag 'grub
pa dang/ /de bzhin nyid mtshams sbyor ba ni/ /mtha' yi bar bzhin
gyis gzigs/ /nye 'am yang na ring yang rung/ /ji ltar khyod la
mngon

@90a @#/ /sum pa; /de ltar sgrib pa bag chags dang/ /bcas te khyod
kyis spangs pa lags/ /dngos 'di yongs su ma mkhyen cing/ /nyon
mongs 'di yi bag chags ni/ /lhag ma lus zhes mi bsnyad pa'i/ /go
'phang de ni khyod kyis brnyes/ /khyod kyis bar du gcod

gsungs gang/ /nges par de dag bar du gcod/ /khyod kyis lam bstan
gang lags pa/ /de gcig kho na nges par 'byin/ /de yis bar gcod mi
nus she'am/ /de yis nges 'byin mi 'gyur zhes/ /gzhan gyi klan ka
cha shas kyang/ /de la srid pa ma mchis so/ /khyod kyis

rgyal bgyi ma rgyal min/ /shes bya mi snang bgyis ma mchis/
/dbang phyug khyod nyid kun mkhyen cing/ /kun rgyal lags kyi
gzhan ma lags/ /stobs ldan 'jigs mi 'gyur bas khyod/ /mi bsnyengs
gang lags rigs lags na/ /mthu mnga' bzhin du 'ga' la yang/ /khyad
du

mi gsod gang de rmad/ /log pa'i nga rgyal can 'ga' zhig /dregs
dang 'bral bar mdzad pa gang/ /gdul ba yi ni thabs tsam ste/ /des
ni stobs snyems yod ma lags/ /'jig rten dag na stobs ldan pas/
/kun las rgyal zhes gang brjod pa/ /de ni gzhan la bstod par bas/ /

go 'phang de ni khyod la rdzogs/ /'dren pa khyod la chos mthun
par/ /'gas kyang rgyal bar nus ma lags/ /klan ka btsal 'os ma
lags te/ /nongs mi mnga' ba'i bde ba brnyes/ /nongs mi mnga' bas
gang las kyang/ /bzhi ni bsrung bar bgyi mi 'tshal/ /bzhi po yongs
su

rdzogs slad du/ /khyod la sus kyang glags mi thod/ /kun la mi
thogs blo gros can/ /dgongs pa kun du nye bar gnas/ /kun la thugs
rje snyoms pa po/ /thugs ni kun la chags mi mnga'/ /shes bya'i
rgya mtsho kun rgal ba/ /bag chags thams cad gtan nas spangs/ /bar
chad

kun gyi khyad par mkhyen/ /nges par 'byin pa kun la mkhas/ /kun
gyi bsam pa mkhyen pa po/ /gdul ba thabs kyi pha rol gshegs/
/nyon mongs sna tshogs thams cad kyi/ /gnyen po la yang bsnyengs
mi mnga'/ /khyod la brten nas smra ba po/ /byis pa shed bye ma
gyur

@90b gang; /de ni ma rig mun pa yi/ /tshang tshing mi bzad mthu
lags so/ /khyod kyi bka' la brten nas kyang/ /bral bar ma gyur
gang lags pa/ /de dang de sgrib ces bgyi ste/ /de dang de sgrib
mi zad lags/ /sangs rgyas bcom ldan 'das la bstod pa bsngags par
'os pa

bsngags pa las stobs dang mi 'jigs pa la bstod pa zhes bya ba ste
le'u bzhi pa'o// //ji ltar thub pa khyod kyi bka'/ /nyes dmigs
brjod ldan thos pa ltar/ /'khor ba'i sdug bsngal mi bzad pa'i/
/me yi kun du spar kyang ni/ /'gro ba mi shes go bgos pa/ /de

ltar skyo bar 'gyur ma lags/ /de ltar mgon po khyod kyi bka'/
/mngon sum pas kyang don gsal rab/ /chos nyid zab mo gting yangs
pa/ /bshad pas sa ler gyur lags pas/ /khyod kyi bka' ni snrel zhi
yi/ /cho 'phrul dag kyang mdzad pa lags/ /tshig gi mtha' ni mi

mthong zhing/ /don gyi gting yang mi dpogs la/ /phan tshun rjes su
zhugs pa ni/ /de las ya mtshan che ci mchis/ /smra ba'i dam pa
khyod kyi bka'/ /rnam grangs du ma nyid mchis shing/ /zlos bu
yang na ma mchis la/ /sbyor ba'i lugs kyang rigs pa lags/ /smra
ba'i

dam pa khyod kyi bka'/ /gnas pa bzhi yi yon tan ldan/ /lung bstan
bzhi yi rten gyur kyang/ /don du gnyis su 'gyur ma mchis/ /gnang
ba dang ni dgag pa la/ /khyod bka' la lar gcig tu nges/ /la lar
nges pa ma lags la/ /phan tshun 'gal ba'ang ma mchis

so; /chos kyi de nyid don slad du/ /rtsod pa med pa'i go 'phang
gzhi/ /rigs 'thad yon tan bzang po yis/ /ngan smra thams cad sun
'byin pa/ /gcig tu don dam la gzhol la/ /kun rdzob la yang skyon
ma mchis/ /bden pa gnyis dang mi 'gal bas/ /khyod kyi

bka' ni rigs pa 'byung/ /nyon mongs med la gcig tu 'jam/ /nyon
mongs can la nges bslang yang/ /khyod kyi bka' ni bsnyen pa dang/
/srid pa'i skyon dang ldan ma lags/ /rnam par byang ba'i rjes
mthun la/ /de yi phyogs su lhung mi mnga'/ /kun nas nyon

@91a @#/ /mongs dgrar gyur la/ /mi bzod mi mnga' khyod kyi bka'/
/smod pa'i tshig ni brgyas gang yang/ /phyar ka gtong ba'i skyon
ldan min/ /rab tu bsngags pa'i tshig phyung kyang/ /'ga' la'ang
rten pa mnga' ma lags/ /bsnan dang dor ba mi mnga' la/ /bsdus

dang rgyas pa dang yang ldan/ /brtags shing 'thad par 'gyur lags
la/ /dang po nas kyang mi bzang min/ /shin tu snyan gsung chags
mi 'gyur/ /mang la snying po ma mchis min/ /sna tshogs pa la don
ma 'khrugs/ /bka' ni ngo mtshar mang po lags/ /gsung gi

bdag po khyod kyi bka'/ /yid 'phrog mdzad la zhen mi mnga'/ /gzi
byin can la gnod mi 'gyur/ /khyab la ngan pas rtogs ma lags/ /ba
spu dag kyang ldang bgyid cing/ /rdul yang kun du 'thon par
bgyid/ /lus rnams dag ni ston bgyid cing/ /'dar ba dag kyang

skyed par bgyid/ /lha yi 'jig rten skyo bgyid cing/ /sgra yang
kun du sgrogs par bgyid/ /sa ni rnal mar gnas pa yang/ /rnam pa
drug tu g.yo bar bgyid/ /thog med dus nas goms pa yi/ /lus can
rang bzhin bzlog mdzad cing/ /rang bzhin 'dris pa ma lags pa/ /

gzhan ni snying la 'jog par mdzad/ /rang gi nyes pas mi 'gal la/
/yid ni gdung bar bgyid dang 'dra/ /rigs pas zhugs pa mkhas rnams
la/ /bdud rtsi'i char pa bab pa bzhin/ /khyod kyi bka' ni thog ma
dang/ /bar dang tha mar dge ba dag /thos dang sems dang sgom
pa

na; /de sgrub pa la bdud rtsir 'gyur/ /mos pa du ma dang ldan pa/
/mang po 'khod par gyur pa la/ /gsung gcig bka' ni stsal ba las/
/du ma lta bur snang 'gyur te/ /kun gyis 'di ni bdag gi ched/
/kho na'o snyam du go ba gang/ /de las ya mtshan che ci mchis/ /de
las

ngo mtshar che ci mchis/ /chos nyid 'dor bar mi mdzad la/ /'jig
rten kun rdzob dang yang mthun/ /rjes su sgrogs par mdzad bzhin
du/ /cig shos rnam par bsgom pa'ang mdzad/ /kun nas nyon mongs
rnam byang mchis/ /las dang las kyi 'bras bu 'ang mchis/ /de ldan

@91b byed du 'jug pa dang/ /byed pa ma mchis khyod kyi bka'/ /de
ni lha dang mir bcas pa'i/ /'jig rten dag gis mngon thos nas/
/chu yi zla ba g.yo ba bzhin/ /so sor rab tu g.yos par gyur/
/bzang dang ngan pa nyid du na/ /'byung bar 'gyur ba tha dad pa/
/thams cad

rkyen la rag las na/ /byed po ci ga mchis 'gyur ram/ /'ga' la
rang dbang nyid mchis na/ /byed por 'gyur na de mi rigs/ /de lta
lags pas chos kun la/ /byed po med par khyod kyis gsungs/ /lha
dang bcas pa'i 'jig rten la/ /chos 'di stong pa nyid kyi ni/ /

seng ge sgra yis rnga brdungs nas/ /mtshams bcad bgyis te gnas pa
lags/ /de yis nyi ma'i 'od bzhin du/ /'jig rten snang bar bgyis
pas na/ /de las gzhan pa'i tshig kun ni/ /shin tu cir yang ma rung
gyur/ /sangs rgyas bcom ldan 'das la bstod pa

bsngags par 'os pa bsngags pa las gsung rnam par dag pa la bstod
pa zhes bya ba ste le'u lnga pa'o// //chos rnams thams cad bdag
med pa/ /'dus byas thams cad skad cig ma/ /mya ngan 'das zhi zhes
bgyi ba/ /mtshan nyid 'di gsum chos kyi rgya/ /smra

ba kun gyi yul min pa/ /mi phyed khyod kyis gzhag pa mdzad/ /ji
skad brjod kyang 'jig rten na/ /rang bzhin las ni gang zhig 'da'/
/gal 'dzin pa yis shags la ni/ /goms par bgyis kyang su zhig gis/
/me nyid grang ba lta bur ni/ /de nyid gzhan du bgyi

bar nus/ /nam mkha' thogs pa med pa la/ /'ga' yis rma phyin 'gyur
srid kyi/ /chos kyi phyag rgya 'di la ni/ /chos dang mthun par
'gal ma lags/ /chos nyid de nyid mkhyen khyod kyi/ /bka' la nag
po chen po dag /bstan pas 'di ni mchis grags kyi/ /smra ba gzhan

la mchis ma lags/ /tha dad lta la brten pa yis/ /'jig rten rnams
ni rtsod par ltung/ /khyod ni gcig pus rtsod med pa'i/ /gnas kyi
go 'phang thugs su chud/ /long ba rnams ni rtsod gyur kyang/ /mig
can gzugs rnams mthong ba ni/ /ji ltar rtsod par mi 'gyur ba/ /de

@92a @#/ /nyid khyod dang byis pa'i dpe/ /chos bzhin gsung ba
khyod la ni/ /'ga' dang lhan cig rtsod mi mnga'/ /legs par smra
phyir mkhas dang min/ /khyad du gsod phyir mi mkhas min/ /'dod pa
rnams ni mi snang gyur/ /lta ba'i dra ba rab tu bcom/ /gzhi ma
mchis na

ci slad khyod/ /gzhi ma mchis pa rtsod par 'gyur/ /rgyal thabs
brnyes pa khyod lta bu'i/ /brtan pa ci zhig rtsod pa mdzad/ /'od
zer stong ldan ro lta bu'i/ /mun dang lhan cig ci zhig 'gyed/
/mkha' la lcag gis 'ju ba bzhin/ /brtsad pas khyod la brdzi mi
'gyur/ /rlung gis bzlog

phyogs gtor ba'i rdul/ /'thor ba nyid la 'bab cing 'go /'jig rten
rnams ni rtag par ltung/ /yang dag ji bzhin spyod yul khyod/ /de
slad phyin ci log gyur pa/ /mang po rnams dang khyod mi mtshungs/
/dper na lcags dang gser bzhin du/ /log par mngon par zhen rnams

dang; /mngon zhen mi mnga' khyod du ni/ /lhan cig bsgrun du ga la
mchis/ /byis pa rnams ni ma 'tshal te/ /mgon po phan dang bde
bzhed pa/ /de min khyod la bsngo bgyid pa/ /bdag gis bdag nyid
brlag par bas/ /bdag gis bdag nyid me 'bar ba'i/ /phreng ba
'khrigs par mi bsngo

yi; /rgyal ba thub pa med pa yi/ /gzi byin can la bsngor mi rung/
/khyod la 'dir brgal dus btab nas/ /khyod kyis slar gzhan dus
btab pa/ /brtod pa dam pos btags pa bzhin/ /stan las ldang bar
nus ma mchis/ /khyod kyis tshogs par bden smra'i bu'i/ /rgol ba'i

mche ba bcag pas na/ /pha rol rgol ba thams cad kyi/ /rwa yad
bcag pa nyid du 'gyur/ /pha rol rgol ba kha cig ni/ /khyod dang
'phrad nas 'dud par bgyid/ /kha cig thag ring slar ldog ste/
/gzhan dag spyan sngar zhum nas mchis/ /kha cig khyod kyis dam
pa'i chos/ /bdud rtsi'i rgyun

gyi char phab pas/ /yang dag sgrub pa phun sum gyis/ /dam pa'i
chos la bsten par bgyid/ /kye ma mgon po thugs rje'i bdag /kyi
hud gti mug nyon mongs ngan/ /kyi hud sred pa rnam par 'phro/
/kyi hu dang rgyal phung bar byed/ /dam chos ma yin 'di gsum
gyis/ /skye bo 'di ni kun

@92b dkrugs te/ /mi bzad rgyun gyis 'das pa bzhin/ /khyod kyi
gzhung dang bral bar bgyid/ /'di yig ni yis lta ba dang/ /the
tshom la sogs nye nyon mongs/ /so sor lam gyi bar gcod pa/ /kun
nas nyon mongs thams cad 'phel/ /ka la ping ka'i skad thos nas/
/khwa yi sgra la

chags med ltar/ /khyod kyi chos kyi ro myong na/ /gzhan gyi tshig
la chags mi 'gyur/ /gang dag chos la sgyu bshams nas/ /khyod kyi
bka' la zhugs gyur pa/ /ngan don thos pa de la'ang de/ /rnga mo
sbrang rtsi bzhin du 'gyur/ /bden zhing go sla don dang ldan/
/bsam pa dang ni cho 'phrul

bcas; /zad mi shes la mdor 'dus pa/ /gcig tu mthu ni chen por
ldan/ /snying po mchog ldan ro mchog ldan/ /rnam grangs ldan
zhing thabs dang ldan/ /yongs su rdzogs la ma 'dres pa/ /gzi
brjid dang ldan grags dang ldan/ /de 'dra'i yon tan dang ldan
pa'i/ /khyod gsung

thos pa su zhig ni/ /de las bzlog pa gzhan gyi tshig /rul pa lta
bu snom par bgyid/ /sdug bsngal yang rung bde yang rung/ /don
dang mi ldan gang yin pa/ /de ni yongs su spang bya zhing/ /bzlog
pa bsten par bya bar gsungs/ /'dod dang mi 'dod bsten pa la/ /de
ltar khyad

par gsungs khyod kyi/ /lam mal thang chad smra ba rnams/ /ji lta
bur na rjes 'brang 'gyur/ /spyad pa rnams la khyod kyis ni/ /'di
yi ched du bstan pa gang/ /de nyid khyod kyi bka' dang ni/ /gzhan
gyi tshig gi mtshams rdzogs pa/ /khyod kyi bka' dang gzhan gyi tshig
/ji

ltar khyad par che zhugs pa/ /dug dang bdud rtsi de lta min/ /mun
dang snang ba'ang ma lags so/ /khyod kyi bka' dang gzhan gyi tshig
/ji ltar khyad par rgyang chad pa/ /mtho ris ngan song de ltar
min/ /zil dngar bkus te bor ba'ang min/ /de ni tshig tsam snying
po ste/ /'di ni

tshig dang tshig don ldan/ /de yis khyod kyi bka' dang ni/ /gzhan
gyi tshig gi khyad par bshad/ /bde bar gshegs pa khyod dang ni/
/smra de rnams kyi khyad par gang/ /de nyid khyod kyi bka' dang
ni/ /gzhan gyi tshig gi mtho dman lags/ /ji ltar srid dang thar
pa'i chad/ /de ni dpyad

@93a @#/ /du med pa ltar/ /dpa' bo khyod kyi bka' dang ni/ /gzhan
tshig khyad kyang de dang 'dra/ /'jug dang ldog pa gang lags pa/
/kun nas nyon mongs rnam byang gang/ /de nyid dpa' bo khyod bka'
dang/ /gzhan gyi tshig gi khyad par lags/ /'di ni gcig pu de bzhin
nyid/ /

de ni slu chos 'ba' zhig na/ /khyod kyi bka' dang gzhan gyi tshig/
/de las khyad zhugs gzhan ci 'tshal/ /'di ni gcig pu dge la de/
/gcig tu bar chad bgyid lags na/ /khyod kyi bka' dang gzhan gyi
tshig /de las mi 'dra ci zhig mchis/ /de yis bsgos shing nyer
bsgos pa/ /'di yis

dag par bgyid 'gyur ba/ /de nyid mgon po khyod bka' dang/ /gzhan
gyi tshig gi khyad par lags/ /de kun dam pa ma yin brdol/ /'di
gcig legs gsungs de yi slad/ /khyod kyi bka' dang gzhan gyi tshig/
/brtsan dang mi brtsan nges pa lags/ /sangs rgyas bcom ldan 'das
la

bstod pa bsngags par 'os pa bsngags pa las rtsod pa mi mnga' bar
bstod pa zhes bya ba ste le'u drug pa'o// //'jug pa dang ni ldog
pa la/ /'gro 'di'i rang bzhin gang lags dang/ /lha dang bcas pa'i
'jig rten kun/ /so sor gang las mi 'da' ba'i/ /lugs mthun

lugs dang mi mthun pa/ /tshig bcu gnyis kyi yi ge gnyis/ /de ni
dam chos nyi ma yi/ /nyi ma mchod pa'i 'os su bstan/ /de nyid
rdzus te skye ba yi/ /srid gcig yan lag ma tshang bas/ /ji bzhin
yan lag so so la/ /bzhi ru bsgres pas gsum mchod lags/ /de nyid
yan lag tshang

ba las/ /yi ge bcu gnyis tshig dag gis/ /bden pa'i lugs su snga ma
bzhin/ /bsgres na rab tu 'gro ba lags/ /tshangs pa 'di ni khyod
bstan la/ /gang dag ji bzhin bsten bgyid pa/ /bram ze de dag
tshangs 'gyur ba'i/ /gsang gsum mthun pa'i tshangs pa lags/ /tshangs

pa'i tshul dang tshangs pa dang/ /tshangs tshul 'bras bu tshangs pa'i
don/ /tshangs mchog khyod kyi bstan pa las/ /gzhan la mchis pa ma
lags so/ /tshangs pa'i tshul ni ma mchis par/ /'ga' yang bram zer
'gyur ma lags/ /drang po yi ni lam 'di yang/ /gzhan ni 'ga'
la'ang

@93b ma mchis so/ /rig dang zhabs su ldan pa ni/ /tshangs pa lags
par bram zes bshad/ /reg pa de dang zhabs de yang/ /khyod kyi
bstan las gzhan la min/ /slob dang mi slob rig pa de/ /zhabs ni
de thob bgyid pa lags/ /gzhan la chos kyi lam de ni/ /ming yang
mchis pa

ma lags so/ /gang zhig goms par bgyis pa yis/ /rigs kun bram zer
'gyur bgyid pa/ /bdud rtsi'i sgo ni ring zhig nas/ /bcad pa khyod
kyis dbye ba mdzad/ /lta ba ngan dang yid gnyis kyis/ /zin pa
bram zer ci zhig 'gyur/ /khyod kyi gzhung lugs ma gtogs par/ /

gzhan gyis mdud pa 'di mi chod/ /bram ze tshangs pa'i bu yin te/
/snying dang kha las skyes zhes pa/ /'jig rten gyi ni grags pa
de/ /khyod la 'bras bu bcas par gyur/ /tshangs khyod tshangs lam
khyod la mnga'/ /khyod ni bram ze'i khyu mchog ste/ /nye bar
'dren dang ston pa'ang khyod/ /

khyod ni dus mchod mdun na 'don/ /khyod kyis legs par bstan pa
yi/ /bram ze mi gtsang 'gyur ma lags/ /nye bar drangs pa'i bram
ze yang/ /tshangs pa'i tshul las ltung mi 'gyur/ /khyod bstan las
gzhan 'ga' la yang/ /bram zer 'gyur ba'i chos ma mchis/ /tshangs
pa

yi ni mchod pa dang/ /tshangs pa'i lam yang mchis ma lags/ /tshangs
pa'i bden pa gsum dang ni/ /tshangs pa'i mtshan nyid rnam gsum
dang/ /tshangs pa'i mchog rab gsum dang ni/ /tshangs pa'i rigs
kyang mchis ma lags/ /'jig rten legs bshad ji snyed pa/ /

thams cad khyod kyi bstan las 'byung/ /skyon med mngon par brjod
pa 'di/ /bde gshegs kho na'i ma 'dres pa/ /khyod las gzhan pa
gang dag cig /ngag la skyon med gda' ba de/ /thams cad chos kun
mkhyen khyod kyi/ /legs par gsungs pa'i bram ze lags/ /srin

bus zos pa'i yi ge ltar/ /'di las gzhan pa'i legs bshad gang/ /de
ni lcags las gser bzhin du/ /de la 'tsham pa ma lags so/ /e raNDa
yi shing khrod du/ /tsandan sa mchog bzhag pa ltar/ /ltag 'og
'gal ba de la de/ /mchis par su zhig yid ches 'gyur/ /

@94a @#/ /gang zhig nim pa'i shing la ni/ /a mra'i 'bras bu smin
btags pa/ /de las skyes zhes yid ches te/ /gzhan la legs bshad
yod sems grang/ /ma la ya las tsandan bzhin/ /khyod las gzhan la
lhar bcas pa'i/ /'jig rten 'di na legs bshad

pa'i; /rin chen 'byung ba ma mchis so/ /sangs rgyas bcom ldan
'das la bstod pa bsngags par 'os pa bsngags pa las tshangs pa dang
mthun par gsung bar bstod pa zhes bya ba ste le'u bdun pa'o//
//brgya la res 'ga' gang zhig gis/ /mi gsung thugs las chud dgyes

pa; /rang byung bse ru lta bu rnams/ /rnam par 'gying zhing bzhud
gyur pa/ /nyams par 'gyur ba'i lam mang bas/ /rtags par yang ni
rab dga' ba/ /mya ngan 'das pa'i lam de ni/ /khyod kyis lam chen
srol du btod/ /de ni glang po che rnams ltar/ /dga' mgur gzhon nu
dag dang ni/ /

stobs dang blo ni sor gnyis pa'i/ /bud med kyis kyang goms par
bgyis/ /de ni gzi byin ldan pa'i mchog /khyod la bsten pa'i cho
'phrul te/ /sangs rgyas kyi ni ma 'dres pa/ /mthu dpag med pa'i
gzi byin lags/ /kun nas nyon mongs sbrul dag gis/ /rnam pa du mar
zin rnams la/ /

khyod ni spyi yi gnyen po yi/ /skyon med 'byung gnas ma 'dres pa/
/'dod chags la sogs 'bags rnams la/ /skyon ni skyon med mdzad
khyod kyis/ /mi sdug sgom pa la sogs pa'i/ /chos kyang rab tu
bstan pa mdzad/ /khyod kyis lam gyi tshogs kyi chos/ /dge ba zag
bcas bstan mdzad

pas; /dngos po rnams kyi nang gi ni/ /phan tshun khyad par dag
kyang bsten/ /de yang nye ba'i nyon mongs dang/ /'bags phyir spyi
yi rnam pas bcom/ /dur khrod mgal ba'i yog pa ltar/ /de dag ye
shes me la bsregs/ /byang chub pa yi snga rol du/ /'jug pa bde
ba'i rgyu chos

bstan; /de nas byang chub brnyes nas ni/ /ldog pa bde ba'i chos
kyang bstan/ /sangs rgyas nas kyang dge ba'i chos/ /zag bcas de
dag ma bshad min/ /phal cher mya ngan 'das pa yi/ /rgyu mthun
nyid du yongs su bsngos/ /khyod kyis gang las 'gro ba dag /ma
drangs rgud pa

@94b de gang mchis/ /gang dang 'jig rten ma sprad pa'i/ /phun
tshogs de yang gang zhig mchis/ /khyod kyis yid gnyis mdud pa
bcad/ /lta ba ngan pa'i tsher ma dkrugs/ /sred pa'i dug gi lcug
ma bsregs/ /khro ba'i dug kyang thams cad bcom/ /ma rig pa yi
ling tog bsal/ /nga rgyal

gyi ni rgyal mtshan bsgyel/ /sems kyi tha ba rnams kyang bcom/
/rnam par 'ching ba rnam par gtubs/ /mdud pa thams cad rnam par
bkrol/ /chu bo la ni gzings kyang bcas/ /khyod kyis chu bo rnams
kyi gzhi/ /mtsho chen gang lags de yang bskams/ /skyon dang snyigs
ma yon po

dag; /sems la mi mngon 'khras bgyid pa/ /kun nas nyon mongs dug
shing gi/ /rtsa ba khyod kyis drungs nas phyung/ /phyin ci log
gis 'tshal ba yi/ /ngan pa'i lam ni thams cad bcad/ /'chi med
bgrod pa gcig pa yi/ /dpal ldan lam ni drang po phya/ /gzhan dag
gdul bar

bgyi ba yi/ /skyon brgyad las ni nges drangs nas/ /'dod pa'i yan
lag brgyad ldan pa/ /cang shes bzang po'i gnas su bkod/ /kun nas
nyon mongs srin 'khrug pa'i/ /mi gtsang rgyun nas drangs nas
kyang/ /nyon mongs min pa'i yan lag can/ /dri med chu la 'phyo ru
stsal/ /

'chal ba'i tshul khrims skyon bsal nas/ /tshul khrims kyi ni byug
pas byugs/ /ngo tsha shes dang khrel yod pa'i/ /dri med gos kyis
dgab pa mdzad/ /dam pa'i chos rgyan dkar po ni/ /sba bdag gis
brgyan mdzad nas/ /de dag bsam gtan seng ge'i khri/ /chen
po'i rkyen du 'bab

la bzhag /byang chub yan lag me tog ni/ /zag med dri zhim rnams
kyis gtor/ /chos kyi dga' ba 'phags pa'i ros/ /zang zing med pas
tshim par mdzad/ /srid pa'i bran ni 'tshe mang ba/ /thog ma med pa
las bton nas/ /nyid kyi sras po gtan du ni/ /nyams pa med pa kho
nar

mdzad; /gzhan dag ma 'ongs dus na ni/ /rang rgyal ba yi snod du
mdzad/ /gzhan dag theg pa chen po yi/ /rgyal tshab mchog tu dbang
yang bskur/ /chos kun gyi ni tshig mkhyen cing/ /don rnams kun gyi
gzhi la mkhas/ /skad kyi dbye ba kun mkhyen cing/ /phyogs rnams
kun du spobs

@95a @#/ /dang ldan/ /nga ni mgon med khyed rnams kyi/ /grogs su
gyur pa zhes sgrogs shing/ /thugs rje chen pos 'gro ba ni/ /mtha'
dag 'khyud pa bzhin du bzhugs/ /ston pa thugs rje che mnga' ba/
/brtse bar ldan zhing thugs brtser mdzad/ /der brtson le lo mi
mnga' ba/ /

khyod dang 'dra ba gzhan su mchis/ /khyod ni sems can kun gyi
mgon/ /spyi yi rtsa lag bzang po lags/ /mgon du khyed bzhugs ma
'tshal bas/ /de slad skye bo bying bar gyur/ /gang zhig yang dag
blangs nas ni/ /tha shal bas kyang grogs nus pa/ /grogs byed pa
yi chos dag ni/ /

khyod las gzhan pa 'gas mi rtogs/ /phyi yi yan lag stobs kun ni/
/khyod kyis yang dag bsgrubs lags te/ /nang gi stobs dag ma tshang
bas/ /byis pa rnams ni sdug bsngal sten/ /'jig rten spyod pa med
dang sbyar/ /chos nyid zab pa dang yang sbyar/ /dman la mos pa
nyid

dang sbyar/ /lam ni ngan pa mang dang sbyar/ /thog med dus nas
goms pa yi/ /brel ba ngang gi 'byung dang sbyar/ /bsgom pa 'bad
pa chen pos kyang/ /thob par dka' ba dang sbyar na/ /'jig rten du
ni khyod lta bu/ /chos dkar yang dag blang ba yi/ /dngos po gsal
bar ston pa'i rtsa/ /

bzang po gal te ma byung na/ /'gro kun mun par 'gyur lags te/ /mi
'dod tshor ba byung ba yis/ /nyam thag 'o dod cher 'bod pa'i/
/ngan song rang bzhin kho nar 'gyur/ /khyod la gang gis 'gro rnam
gsum/ /de ni gzhan gyis sgrub par bas/ /khyod ni dgra bshes par
ma la/ /bshes

mchog nyid du rtse bar mdzad/ /sangs rgyas bcom ldan 'das la
bstod pa bsngags par 'os pa bsngags pa las phan par mdzad par
bstod pa zhes bya ba ste le'u brgyad pa'o// //bgo bsha' mdzad
pa'i chos nyid ni/ /khyod gcig pu la rdzogs mnga' yi/ /gzhan la
phan gdags

bgyi ba la/ /skye bo gzhan ni tshogs shing mchis/ /khyod kyi slob
ma bsdu ba yi/ /dngos la mkhas par gda' ba gang/ /de yang rdzogs
par mi mkhas pas/ /khyod kyi cha shas rjes su 'brang/ /bcom ldan
khyod kyi zang zing gi/ /bgo bsha' srog gi bar lags te/ /dam pa'i

@95b chos kyi bgo bsha' ni/ /slob dpon dpe mkhyud bral ba lags/
/khyod ni bgo bsha' bgyi ba'i las/ /bla na med pa'i mdzad pa po/
/phun sum thams cad rdzogs mnga' ba/ /khyod ni btang bar bgyi ma
lags/ /'gro ba phal cher mi bzad pa/ /gzhan la gnod pa bgyid par
dga'/ /

khyod ni 'jig rten rang bzhin te/ /rgyun las bzlog pa'i phyogs su
'jug /byas pa gzo gang de dag nyung/ /phan 'dogs bgyi ba 'ga'
tsam ste/ /de yang phal cher re ba can/ /khyod gcig dag pa'i chos
can lags/ /phan btags pa yis khyod mi 'jug /gnod pa bgyis pas

ldog ma lags/ /skal pa mchis zhes thams cad la/ /khyod ni mnyam
pa nyid du 'jug /mtshan mo me tog ku mu da/ /kha 'bye 'gyur zhing
pad+ma zum/ /nyin par pad+ma kha 'bye zhing/ /cig shos zum par
'gyur mod kyi/ /'on kyang nyi ma zla ba yi/ /'od la phyogs su
lhung ma mchis/ /

de nyid khyod kyis byis pa dang/ /mkhas pa dag la bstan pa'i dpe/
/gang tshe mgon khyod mdzad pa ni/ /thams cad gzhan don kho nar
bas/ /dpag med phan pa mdzad pa po/ /khyod la lan cis lon par
'gyur/ /sems can dar bar mi 'gyur ba'i/ /sgrub pa khyod la 'ga'
mi mnga'/ /

khyod kyi dbugs phyung tsam yang ni/ /'gro la phan dang bde ba
skyed/ /sangs rgyas dbugs ni phyung ba'i ngad/ /dri kun zil gyis
gnon mdzad pa/ /tshor na zhe 'gras gyur pa yang/ /khyod la dang ba
bskyed par bgyid/ /sangs rgyas dbugs kyi dad bab na [?]/ /bag med
pa yi lha rnams kyang/ /

lha yi yul yang spangs nas ni/ /'dul ba dag la mngon phyogs
'gyur/ /khyod las dam pa'i chos mnyan pas/ /thams cad tshim par
'gyur ma 'tshal/ /de slad dam pa'i don du na/ /khyod nyid ngoms
'gyur tshim mdzad lags/ /skye dgu rnams la char bzhin du/ /khyod
ni mkhas

pa kun gyi gsos/ /'di ltar khyod kyi gsos 'gyur gang/ /de dang de
ni mchis ma lags/ /dgrongs par 'tshal ba rnams la yang/ /khyod kyi
phan dgongs ci 'dra ba/ /de blo ma sbyangs byis pa yis/ /yid ches
bgyi bar nus ma lags/ /khyod ni sdang ba rnams la yang/ /legs pa
ci

@96a @#/ /'dra sgrub mdzad pa/ /sa de yid la smon pa'i yang/ /yul
las 'das par gyur pa lags/ /la la phan 'dogs mdzad pa yi/ /ro
mchog rtogs pa de dag kyang/ /khyod kyi chos kyi bgo skal la/
/spyod par 'gyur pa'i gnyen lags so/ /gal te sems can

'di dag gis/ /khyod mnga' thugs rje'i dgongs pa 'tshal/ /khyod kyi
bstan pas 'tsho bzhin du/ /kun du 'bar ba'i mer yang 'jug /gang
slad bdud kyi dgras thebs pas/ /rtogs par mi 'gyur de slad du/
/khyod kyi bstan las 'gal bgyid pa'i/ /byis pa rnams ni bdag

nyid 'gums/ /khyod kyi bstan las gzhan phyogs pa/ /g.yang sa chen
po'i mun pa dang/ /yongs su gdung ba myong ba rnams/ /kye ma yun
ring 'khyam par 'gyur/ /khyod kyi chos la mi phyogs pa'i/ /skye
bo gti mug gis ldongs pa/ /srid rtse'i bar du son nas kyang/
/sdug bsngal

yang 'byung srid pa sgrub/ /khyod kyi bstan pa'i rjes 'gro ba/
/bsam gtan dngos gzhi ma thob kyang/ /bdud kyi mig ras btsa'
bzhin du/ /srid pa dag ni zlog par bgyid/ /khyod kyis dang por
lha bu yi/ /bdud kyi me tog rgyal mtshan bsnyal/ /de nas nyon
mongs bdud kyi ni/ /nga rgyal

rgyal mtshan mthon po pa rtib/ /khyod kyis byang chub ma brnyes par/
/'dod khams dbang phyug las rgyal ta/ /byang chub bar chad med
lam la/ /khams gsum dbang phyug las rgyal lo/ /dbang phyug khyod
nyid 'jig rten 'dir/ /dpa' bo rnams kyi dpa' rab ste/ /nyon mongs
dbang gyur skye bo

la; /dpa' ba'i rab tu gang zhig rtse/ /khyod kyis rang gzhan
gnyis ga yi/ /rgyud la nyon mongs sde bcom pas/ khyod las dpa'
mchog gzhan dang ni/ /mi bzad g.yul rgyal gzhan ma mchis/ /sangs
rgyas bcom ldan 'das la bstod pa bsngags par 'os pa bsngags pa
las lan mi lon

par bstod pa zhes bya ba ste le'u dgu pa'o// //spyan gyi yon tan
mthon mthing dang/ /dkar gnag gsum pe gang lags pa/ /de la gtsor
bcas 'jig rten gyi/ /yon tan rnams kyis khyad mi khor/ /sgros
gang dpal gyis bla na med/ /'og ma dpal mnga' gnyis ka yang/
/'byung

@96b dang 'byung pa las gyur pa'i/ /phun sum tshogs pa bla na med/
/de dag 'ga' zhig ma mchis na/ /zla mthun 'ga' yang ma mchis pas/
/gong ma gang gis ltag gnas gyur/ /'og ma'ang gang gi gzhi bor
'gyur/ /khyod kyi sgros ni dpal gyi gnas/ /phan tshun 'tsham par
gyur pa 'di/ /

e ma'o legs par zung du 'brel/ /e ma'o 'phrod pa bla na med/
/ston pa'i dus na g.yo 'gyur zhing/ /gsal ba nyid la g.yo mi
mnga'/ /tshems kyi zla ba shar ba'i dpal/ /nang nas bag tsam gda'
'gyur ba/ /nyid kyi gnas nas 'byung ba'i sgra/ /me tog bzhin du
'grems mdzad

cing; /gzhan gyis nye bar bskyed rnams kyi/ /'gro ba'i lam la
phan 'dogs pa/ /zangs zhun 'od 'dra 'di dag gi/ /dpal 'bar 'di yi
thad na ni/ /bim pa'i 'bras bu mtshams sprin dang/ /utpala dmar
mdzes ro dang 'dra/ /khyod kyi sgros ni mdzes bskyod pa/
/gang gis mthong ba

de dag gi/ /legs par mig rnyed de dag gis/ /mthong ba'ang 'bras
bu mchis pa lags/ /mgon po mu tig phreng bas min/ /kun da ku mu
ta phreng min/ /gangs can rtse mo sbrengs pa'i lus/ /zla ba'i
'od kyis bab pas min/ /ston ka'i chu bo sun 'byin pa/ /mkha' 'gro
dkar

po'i phreng bas min/ /sprin med mkha' la lhag ge ba/ /ston ka'i
zla ba tshes pas min/ /dul ba khyod kyis tshems rnams kyi/ /phreng
ba 'od gsal dkar 'di la/ /mar me'i 'od kyis nyi 'od bzhin/ /cha
shas su yang phod ma lags/ /rdo rje myu gu'i phreng ba la/
/'phags pa'i chos

kyi bdud rtsi'i ros/ /brlan pas bsgos pa 'di dang ni/ /'dra bar
'gyur ba'i dngos ci mchis/ /ku mu da zla kun da sogs/ /dkar po'i
dper brjod bzhi pa dag /khyod kyi tshems phreng byung gyur nas/
/thabs ni shor ba lta bur gda'/ /'jig rten du ni 'di byung bas/
/dkar po dang

ni mdzes pa yi/ /rdzas rnams thams cad ma lus pa/ /dri ma can
dang 'dra bar gyur/ /khyod kyi ljags dang sgros par na/ /'di dag
thags bzangs gnas pa ni/ /rtogs dang zhi ba'i bar dag na/ /rnam
par grol ba bzhin du mdzes/ /khyod kyi dpal gyis 'gro ba 'di/
/tshems kyi phreng

@97a @#/ /bas zil mnan par/ /gzigs nas rgyal bar gyur to zhes/ /ru
mtshon lta bur mche ba bsgreng/ /khyod kyi mche ba mnyam la zlum/
/mdzes shing rtse mo rno dkar ba/ /dpe kun thabs kyis mnan nas
ni/ /'bar ba bzhin du gnas pa lags/ /zla ba tshes pa 'jig rten na/ /

yon por gsal gyur gang lags te/ /khyod kyi mche ba mi yo zhing/
/mdzes pa'i lus can rnams kyis bgyis/ /tshes pa'i gnas skabs mche
ba yis/ /nya ba zhal ras bzang po yis/ /kham pa 'phral bas 'khyil
bas ni/ /'dom gang 'od kyis zil mnan te/ /thub pa zla ba khyod
kyi ni/ /

gzugs kyi yon tan phun tshogs pas/ /zla ba'i yon tan phun sum kun/
/gnas skabs kun du nyams par bgyi/ /bde bar gshegs pa khyod kyi
sku/ /gser gyi pad+mo'i snying po ltar/ /ba spu g.yas 'khyil nyag
re ba/ /'jam la dri med gyen du 'khrungs/ /snum la ma 'dzings ma
'khrugs

pa; /indra nI la'i rngams lta bur/ /sngon pos rin chen bskyil
ba ni/ /phra mo lta bur spras par gda'/ /skyes bu glang chen
khyod kyi ni/ /glang po che mtshan ma 'dres gang/ /nang dang phyi
yi dri ma yis/ /shin tu nye bar ma gos gang/ /khyod kyi yan lag
rgyan 'dra gang/ /yan lag mdzes pa de

legs te/ /lhad med gser las blugs pa yi/ /khor yug lta bur gnas
pa lags/ /rang gi dbyibs ni mdzes pa yi/ /cang shes gtso bo thams
cad kyi/ /skyes kyi mtshan ma mdzes pa dag /zil gyis mnan te gnas
pa gang/ /mgon po tshangs spyod gnas slad dang/ /dbyibs

kyang shin tu mdzes slad du/ /khyod kyis sba ba nyid lags shing/
/sba bar bgyi ba min pa'ang lags/ /thugs rjes the tshom can rnams
la/ /khyod kyis mtshan ma gzhan tshul gyis/ /sprin mthong zla ba'i
gzugs lta bur/ /shin tu lan mang bstan pa gang/ /ngo tsha shes
dang khrel yod ri/ /

mi g.yo bskyod pa ltar mdzad nas/ /thugs rje chen po'i mig gis
ni/ /blo yi yul du mdzad pa gang/ /dal gyis 'bab pa'i pad+ma ni/
/cung zad kha bye'i ze ba'i tshogs/ /mgon po yan lag mdzes khyod
kyi/ /mdzes pa de la des mi bskyod/ /dpal ldan zla ba nya ba la/
/'khyil par gnas

@97b pa mchis na yang/ /'on kyang yan lag mchog khyod kyi/ /dpe
yi gzhi bor rdzogs mi 'gyur/ /bsod nams brgya phrag rgya chen
gyi/ /las kyis sprul pa mdzes lam la/ /de las gzhan pa'i sems pa
yis/ /'phangs pas yong yang rjes slebs sam/ /nyid kyi sbubs dang
na bza' dang/ /

sdom pas shin tu bkab kyang ni/ /mtshan gzhan phun sum tshogs pa
yis/ /gsal bar gyur pa lta bu lags/ /yan lag dam pa ldan khyod
kyi/ /yan lag mchog gyur de la ni/ /mgos btud yid rab dang ba
dang/ /ngag gis kyang ni mchod pa bgyi/ /dad par bgyi ba rnams
kyi mchog

blta bas mi ngoms khyod la ni/ /gal te khong khro bgyid mchis na/
/mun nag tha shal ngan pa lags/ /sangs rgyas bcom ldan 'das la
bstod pa bsngags par 'os pa bsngags pa las sku'i phyogs gcig la
bstod pa zhes bya ba ste le'u bcu pa'o// //sems can rnams kyi

mos pa ni/ /khams rnams ji bzhin gnas lags pas/ /re zhig bdag gi
bsam pa ni/ /yangs pa'i ljags la rgya cher dang/ /su zhig mgo
dang yid dang ni/ /ngag gis ljags yangs mchod mi bgyid/ /de ni
gsung rab 'di kun gyi/ /yum ste rin chen bskrun pa lags/ /

bdag la gtso bo khyod kyi ni/ /mdzad pa bla med thams cad kyi/
/nang na yangs pa'i ljags 'di ni/ /bla na med pa'i phul du gda'/
/'gro la bstan pa rab sgrogs pa/ /chos kyi phrin las mdzad slad
du/ /rgyal po bzhin du mtshan kun gyi/ /nang na gtso bo lags par
gnas/ /gzhan gyi

the tshom bcad slad du/ /gang zhig zhal nas mngon phyung na/ /ston
gyi mtshams sprin tshogs lta bur/ /zhal ras zla ba khebs pa lags/
/de ltar yangs shing mdzes pa de/ /tshems kyis gtams pa'i zhal
nang du/ /dog pa med par gnas pa yang/ /de las ya mtshan che ci
mchis/ /

de ni nges par dpag med pa'i/ /mthu can bzang po de yi ni/ /shin
tu 'jam pa nyid dang ni/ /mnyen pa nyid kyi mthu lags so/ /khyod
zhal 'brug sgra sgrogs pa na/ /'dzam bu'i chu gser zhun ma ltar/
/zangs bzhu ba yi 'od lta bur/ /glog phreng 'gyur ba lta bur
mdzad/ /bslab

@98a @#/ /pa bzang po phun sum gyi/ /rgyal thabs lta bu brnyes nas
ni/ /khyod kyi zhal nas bag yangs su/ /gnas gzhan dag tu rol
zhing spyod/ /gang gi dri zhim tshor nas 'di/ /me tog gsung ba
zhes sgrogs pa/ /gsung gi me tog skyon med pa/ /de dag 'dis ni

'grems par mdzad/ /de nyid slad du rgyal khyod las/ /mchog tu
snyan pa'i gsung snyan 'byung/ /de yi dri rab zhim pas khyod/
/snyan pa gsung zhes rnam par grags/ /gang gi mthu yis khyod 'dra
ba/ /bdud rtsi stsol bar rab grags pa/ /gdams ngag rjes su ston
pa de/ /

'di nyid la ni rag las so/ /gang gis lhar bcas 'jig rten du/
/chos kyi 'khor lo bskor ba de/ /nyid kyi 'o brgyal mi gzigs pa/
/dge ba 'di yis bgyis pa lags/ /gang gis rin chen bkram pa ltar/
/legs par bshad pa brgyas bkang nas/ /'jig rten 'di ni snang

bgyis pa/ /de ni 'di yi mthu lags so/ /rigs dang spyad par mngon
brjod pa/ /chos kun gsung ba'i 'phags pa ste/ /dpag bsam ljon
pa'i lcug ma ltar/ /rin chen sna tshogs 'bras bu stsol/ /ljags
yangs med par 'jig rten na/ /kun mkhyen nyid ldan spobs pa ni/
/so so

yang dag rig pa yi/ /spobs pa'i khur ni su yis bskur/ /khyod kyis
dgongs te de la ni/ /chos ni gang dang gang bshad pa/ /'di ni
snyom las mi mnga' bar/ /me tog bzhin du phreng bar brgyud/
/gal te 'di yis ma bstan na/ /khyod la kun mkhyen mngar sus
'tshal/ /thugs rje

chen pos mnga' bar sus/ /yon tan gzhan yang mngar sus 'tshal/
/bstan pa dag ni ma mchis na/ /khyod 'dra'i mkhas pa mngon mi
'gyur/ /bstan pa yang ni ljags yangs la/ /gzhung la dngos grub
bzhin du rten/ /rnam pa sna tshogs chos gsung zhing/ /rnam pa sna
tshogs ro

bstang yang/ /'dam rdzab kyis ni nam mkha' bzhin/ /ro la chags
pas gos mi mnga'/ /mi gsung bzhugs pa'i rjes su mthun/ /gsung ba
la yang skyon mi mnga'/ /mi mthun chos ni gnyis ka la/ /gcig tu
yang ni mthun pa lags/ /mi gsung bzhugs na spro mi mdzad/ /

@98b ston par mdzad la skyo mi mnga'/ /cang mkhyen nyid kyi dge
ba ste/ /thams cad la ni snyoms par 'jug /'di ltar thams cad
gsung spyod la/ /chos rnams 'ba' zhig bka' stsol ba/ /spyod pa la
ni 'jug par mtshar/ /rigs pa la yang gzhol bar mtshar/ /'byung ba
las gyur

bsod nams dang/ /chos gsung ba yi rang bzhin gyis/ /sangs rgyas
pa yi dri zhim pa/ /gnyis kyis rtag tu bsgos pa lags/ /mig gi
spyod yul dag pa dang/ /bsod nams snyan pa'i rang bzhin gyis/
/shin tu rnam par grags pa yi/ /snyan pa gnyis kyi phyogs su

grags/ /gang gis skyon kun med pa 'di/ /zhal nas phyung ba mthong
gyur pa/ /skye bo de dag mig dang ldan/ /mig de dag kyang dpal
dang ldan/ /gang gis de yi gsung snyan pa/ /mngon sum rna ba'i
snyim pa yis/ /bdud rtsi'i rgyun dang 'dra 'thungs pa/ /mkhas pa
de dag ches

dpal ldan/ /sgra rnams brgyan par mdzad pa bzhin/ /sgra yis sa
rnams brgyan pa bzhin/ /bshad pa mdzad na khyod kyi zhal/ /shin
tu sba bar mdzad pa bzhin/ /'di ni nyid mdzes yon tan gyis/ /thub
pa khyod kyi zla zhal ni/ /'jig rten rgyan du gyur pa yang/ /lhag
pa'i rgyan

du gyur par gda'/ /mdog dang dbyibs dang snyan gsung dang/ /shin
tu 'jam pa nyid kyi mthus/ /ljags yangs lta bu gzugs can gyi/
/rdzas ni 'ga' yang ma mthong ngo/ /gal te lha mo dbyangs ldan
ma/ /de ni gzugs can 'ga' mchis na/ /skyon kun med pa'i yan lag

can/ /ljags yangs 'di ni de lags grang/ /yangs pa'i ljags kyi
chos kyi rnga/ /kun du rdung bar zhugs pa'i tshe/ /lha dang mi yi
sgra rnams ni/ /thams cad ro bro med par 'gyur/ /ston pa khyod
dang ljags 'di dang/ /bla na med pa'i bka' 'di ni/ /nyon mongs
dug kun

'joms pa yi/ /yan lag gsum ldan sman gyi mchog /sangs rgyas bcom
ldan 'das la bstod pa bsngags par 'os pa bsngags pa las ljags la
bstod pa zhes bya ba ste le'u bcu gcig pa'o// //khyod dang 'dra
ba'i zhing dag ni/ /'jig rten gsum na ma mchis

@99a @#/ /te; /khyod ni sbyin gnas rnams kyi mchog /gral gtsang
mdzad pa'i gtsang ma lags/ /nam mkha' mthar thug ma mchis pa'i/
/chu dang zhing dag ji lta bar/ /khyod la sman gnod bgyid pa yi/
/rnam par smin pa thug ma mchis/ /gang dag khyod la bar

mar gnas/ /de yang re zhig tshad med pa'i/ /mun pas bsgos pas ma
rung na/ /skye bo log bgyid smos ci 'tshal/ /ji ltar bla med yon
gyi gnas/ /khyod la yang dag sgrub bgyid pa/ /las gang lags pa de
yi ni/ /dar ba'i mthar thug mi mthong la/ /yang dag sgrub pa'i

mthar byon pa/ /khyod la log par zhugs pa gang/ /las de rgud pa'i
mthar yang ni/ /de bzhin thug pa ma mchis so/ /gang gis rnam pa
thams cad du/ /stobs ldan khyod la ma btsas pa/ /rab tu mtshams ni
mi zin pa'i/ /ma rabs mi rtag nyid reng na/ /kye ma'o 'khor ba

bdag nyid ngan/ /kye ma'o mya ngan 'das pa zhi/ /khyod 'dra'i
thugs rje'i bdag nyid can/ /mnga' mchis pa'ang de ru gshegs/ /ma
'ongs 'jigs pa rnams kyang gsungs/ /chos kyi tshul yang bshad pa
mdzad/ /'khor ni rnam pa bzhi po yang/ /mi 'jigs pa dag thob par

mdzad; /lam bzang 'di ni bsrung slad du/ /blo gros sbyangs pa
bgyis gyur pa/ /'od srung che dang kun dga' dang/ /de la sogs pa
bskos mod kyi/ /'jig rten gyi ni mig gcig pu/ /dri ma med pa
khyod zum na/ /snang ba mchis kyang 'jig rten 'di/ /mun pas khebs
dang 'dra

ba lags/ /bde bar gshegs pa bde gshegs kyi/ /bka' 'di'ang mchis
la khyod kyi sras/ /sras kyi dam pa slob pa dang/ /mi slob 'di
yang mchis mod kyi/ /'gro ba'i mgon khyod mi bzhugs na/ /gza'
skar gsal bas mtshan pa yi/ /nam mkha' zla bas stong pa

bzhin/ /shin tu brlag gis ma mchis so/ /khyod mi bzhugs na gsung
rab 'di/ /klu 'phos pa yi mtsho yi dpal/ /ring po mi thogs 'jig pa
ltar/ /'tsham pa'i snying po dang bral bas/ /yon tan gzi yang mi
sba la/ /cho ga gzhan dang lugs gzhan gyis/ /'phan

@99b dang rma yang phyung lags pas/ /lus kyi brjid kyang yal du
cha/ /sangs rgyas mnga' dbang bskur ba rnams/ /yongs su mya ngan
'das bsams na/ /srid pa ral gri 'bar 'dra la/ /su zhig 'jigs par
mi bgyid lags/ /sangs rgyas bcom ldan 'das la bstod pa

bsngags par 'os pa bsngags pa las srid pa las skyo ba skyed par
bstod pa zhes bya ba ste le'u bcu gnyis pa'o// //sangs rgyas bcom
ldan 'das la bstod pa bsngags par 'os pa bsngags ba zhes bya ba
slob dpon ma ti tsi tras mdzad pa rdzogs so// //rgya gar

gyi mkhan po sarba dznyA de ba dang/ zhu chen gyi lo tsA ba
bande dpal brtsegs rak+Shi tas bsgyur cing zhus te gtan la phab
pa// //snyan ngag rtsom la skal chen po/ /khyod la brten nas bdag
gi blo/ /dbyar ka yi ni chu bo ltar/ /chung bu'ang shin tu 'phel
bar 'gyur/ /mi yi

rnyed pa rnyed dka' dang/ /lce 'di rnyed par gyur nas ni/ /mgon
po'i yon tan sgrogs byed pa'i/ /rang la phan pa su mi byed/
/khyod sku mtshan gyis spras gyur pa/ /mdzes gyur mig gi bdud rtsi
ni/ /sprin med ston ka'i nam mkha' la/ /skar ma'i tshogs kyis
spras pa 'dra/ /

thub pa gser gyi mdog ldan pa/ /chos gos kyis g.yogs mdzes gyur
pa/ /gser gyi ri bo'i rtse mo ni/ /mtshams kyi sprin gyis dkris pa
'dra/ /mgon khyod rgyan gyis ma brgyan yang/ /zhal gyi dkyil
'khor mdangs gang yin/ /zla ba'i dkyil 'khor rgyas gyur pa/
/sprin

dang bral la de ma mchis/ /khyod kyi zhal gyi pad+ma dang/
/pad+ma nyi mas kha phye ba/ /bung bas mthong na pad+ma ni/ /the
tshom dpyad thag la 'ju 'gyur/ /khyod zhal gser gyi mdog ldan par/
/tshems dkar mdzes par gyur pa ni/ /gser gyi ri gseb ston ka yis/
/zla zer dri med zhugs

pa 'dra/ /mchod 'os khyod kyi phyag g.yas ni/ /'khor lo'i mtshan
gyis mdzes gyur pa/ /'khor bas skrag pa'i mi rnams la/ /phyag gis
dbugs 'byin mdzad pa lags/ /thub khyod gshegs par gyur pa'i tshe/
/zhabs gnyis dpal gyi pad+ma 'dras/ /sa gzhi 'di ni bris gyur

@100a @#/ /pa; /pad+ma can gyis ji ltar mdzes/ /khyod ni gshegs
stabs mnyam med de/ /glang chen mchog ni myos pa dang/ /dang pa
chung mar ldan pa'am/ /khyu mchog pas kyang brtan par gshegs/
/tshul khrims phung pos sku che zhing/ /ting 'dzin shing gis rnam
par

brgyan/ /ye shes 'bab chus khyab gyur pa/ /rgyu ba'i gangs can ri
bo lags/ /yon tan rgya mtsho khyod gang gi/ /lus kyis khyod la reg
gyur pa/ /lha dang mi yi mchod gyur pa'i/ /'bab stegs su ni de de
mdzad/ /khyod kyi gnas ni grub pa'i zhing/ /mthong bas sems dag
gyur

lags na/ /dag par 'dod pa'i mkhas pa rnams/ /sgra ngan zhing gis
ci zhig bya/ /khyod ni pha rol phyin drug dang/ /ldan pas yang
dag mdzes gyur pa/ /zla ba rgyas par gyur ba ni/ /smin drug gis
ni brgyan pa 'dra/ /gdul bya'i skye bo pad+ma ni/ /gnyid log
khyod kyis sad mdzad pa/ /

nyi ma shar bar gyur pa yis/ /pad+ma kha byer byed pa 'dra/ /nyon
mongs dug gis zin gyur la/ /khyod ni ye shes sman stsol ba/ /mche
ba'i dug can gyis zin la/ /'gro skyob kyi ni dug bsal mtshungs/
/khyod kyi ye shes nags me yis/ /lta ba'i dra ba bsregs gyur pa/
/nags mes

shin tu 'bar ba yis/ /shing gi lcug phran bsregs dang mtshungs/
/ye shes rang bzhin 'bar ba yis/ /thub khyod nyi mas nyon mongs
pa'i/ /rang bzhin 'dam ni skems mdzad pa/ /'di ni nyi ma'i 'od
dang mtshungs/ /khyod kyi gsung gis mi yi sems/ /bya ba ma yin las

bzlog pa/ /kha lo sgyur chen zhags pa yis/ /ba glang mo 'khrul
zlog dang mtshungs/ /gal te re ba khyod gcig pu/ /nyon mongs
'ching ba las grol na/ /'on kyang gzhan dag grol mdzad pas/ /phal
cher mchod 'os nyid du 'gyur/ /khyod kyi gsung gi 'od zer gyis/
/nyon

mongs kyis gdungs tshim mdzad pa/ /sos ka'i tsha bas gdungs pa la/
/mtshan mo'i zla zer ji bzhin no/ /gdul bya'i skye bo chos kyis
ni/ /skom gdungs khyod zhal rtog pa ni/ /khug rta skom gyis
gdungs pa ni/ /dbyar gyi char sprin tshogs ltar mtshungs/ /khyod
gsung chos

@100b kyi sgra yis ni/ /gdul bya kun la dga' mdzad pa/ /snyan
pa'i glu yi sgra yis ni/ /ri dags 'gro ba'ang sdod dang mtshungs/
/skyabs 'dod gang dag skyabs 'os pa/ /khyod la skyabs su mi mchi
ste/ /mu stegs la ni skyabs 'gro ba/ /skyabs med yun ring sdug
bsngal 'gyur/ /

brgya byin mig ni stong gis kyang/ /de nyid mthong bar ma gyur
gang/ /khyod kyis ye shes spyan gyis de/ /gzigs shing gzhan
la'ang ston par mdzad/ /bstan bcos ngas shes rlom pa can/ /rtsod
pa smra ba mang po ni/ /khyod kyi gzigs pas zhum gyur cing/ /bung
ba lta bur

rnam par 'khor/ /khyod kyi gsung ni gcig tsam gyis/ /pha rol tshar
gcod mdzad pa na/ /gzhan dag mi smra'i tshul gnas pa/ /dgun gyi
khu byug lta bu lags/ /khyod kyi slob ma bzang po'i shing/ /dge
ba'i me tog ches rgyas pa/ /dpyid ka'i shing ni me tog gis/
/brgyan

pa lta bur mdzes pa lags/ /thub pa khyod kyi blo gros mdas/ /shes
bya'i 'ben ni phug gyur te/ /dga' byed grong na gzhu rgyal gyis/
/sngon chad phug par ma gyur to/ /mkhas par rlom pa'i dregs pa
can/ /khyod kyi thar lam ma 'tshal bas/ /srid pa'i dgon par
'khyams

gyur pa; /'brog stong dmus long tshogs dang mtshungs/ /las 'bras
yod dam med 'gyur zhes/ /'jig rten pa ni the tshom skye/ /dge ba'i
las kyi dpang por ni/ /gyur pa khyod sku 'di lags so/ /yon tan
rgya mtsho khyod yon tan/ /mthar thug bdag gis mi rtogs te/ /

nam mkha' baiDUrya sngo mdog /bya yis mtha' rtogs mi 'gyur
mtshungs/ /sangs rgyas bcom ldan 'das la bstod pa bsngags par 'os
pa bsngags pa las dpe las bstod pa zhes bya ba ste le'u bcu gsum
pa'o// //sangs rgyas bcom ldan 'das la bstod pa

bsngags par 'os pa bsngags pa zhes bya ba slob dpon ma ti tsi
tras mdzad pa rdzogs so// //rgya gar gyi mkhan po pad+mA kar
dang/ lo tsA ba dge slong rin chen bzang pos bsgyur pa'o// @##/
/rgya gar skad du/ tri ratna maM ga la sto draM/ bod skad du/
dkon

@101a @#/ /mchog gsum la bkra shis kyi bstod pa/ dkon mchog gsum
la phyag 'tshal lo/ /thub pa rab tu dag pa'i gser zhun mdog 'dra
'dom gang 'od kyi dkyil 'khor can/ /pad+ma rgyas 'dra'i spyan
mnga' zhal ras zla 'dra dbu skra bung ba'i mdog lta bu/ /tshangs
pa brgya

byin ku be ra dang bdud kyi cod pan pad+ma'i zhabs gtugs pa/
/sangs rgyas nyi ma shin tu dri med dam chos 'od zer 'byung la
phyag 'tshal lo/ /shin tu che ba'i sangs rgyas nyi ma rigs pa'i
'od zer 'phro ba de nyid las/ /dam pa'i chos kyi 'od zer gang dag
rnam par 'phros pas phyogs

kun gsal mdzad cing/ /gang gis 'jig rten rgyun du gnyid kyis log
pa 'di dag yang dag sad mdzad pa/ /gang zhig rtogs pas thub rnams
zhi bar gshegs pa'i dam chos de la phyag 'tshal lo/ /de bzhin
gshegs pa nyi ma'i 'od zer de dag nyid kyis rgyas mdzad grags pa
gang/ /thos

pa'i rdzing bu tshul khrims dri zhim byang chub yan lag rnams kyi
sdong bu mdzes/ /bsam gtan gzugs med dag gi chu bsil rnam dag mya
ngan 'das pa'i snying po bzang/ /sa steng dge 'dun pad+ma'i tshal
rgyas dag la gus pas legs par mchod phyag 'tshal/ /dkon mchog gsum
la

bkra shis kyi bstod pa slob dpon ma tri tsi Tas mdzad pa rdzogs
so// //rgya gar gyi mkhan po bi dyA ka ra siM ha pra b+ha dang/
zhu chen gyi lo tsA ba bande dpal brtsegs rak+Shi tas bsgyur cing
zhus te gtan la phab pa// @##/ /rgya gar skad du/ saM myag

saM budd+hA lak+Sha Na sto traM/ bod skad du/ yang dag par rdzogs
pa'i sangs rgyas kyi mtshan la bstod pa/ dkon mchog gsum la phyag
'tshal lo/ /lha dang lha min rnams kyis rgya cher mchod gyur cing/
/bcom ldan mdzes pa yid 'ong mtha' yas dang ldan pa'i/ /zas
gtsang

rigs rnams kyi ni rgyan gyi mchog gyur pa/ /gangs ri lta bur rgya
cher mdzes la phyag 'tshal lo/ /gang zhig khu byug bung ba sngon
po lta bur 'jam gnag 'khyil cing mdzes pa'i dbu/ /gser gyi ri
ngos tsam pa ka dang ldong ros lta bur dpral ba dri ma med/
/gangs dngul ku mu da dang

@101b pad rtsa mu tig zla 'od las lhag mdzod spu dkar/ /gtso ma'i
gser gyi kha dog lta bur 'phyang zhing rab tu mdzes pa'i snyan/
/indra nI la bung ba sprin gnag dang 'dra smin ma dri med 'jam/
/shangs kyi gzangs mtho rab mdzes smin ma rgyas pa lta bur mkhur
tshos dmar/ /mchu

ni bim pa gzhon bzhin 'gram pa seng ge dang 'dra kos ko'i dkyil
'khor mdzes/ /mnyam la thags bzangs tshems mnga' utpala rgyas pa'i
'dab ltar dkyus ring mnyen pa'i ljags/ /ngang pa khu byug ka la
ping+ka lta bur zab cing yid du 'ong ba'i ngag /lha rnga mtshog
dang 'brug

dang tshangs dbyangs lta bur snyan cing dri ma med pa'i gsung/
/zlum rgyas mgul ni dung 'dra yangs shing rgyas pa'i thal gang
mtho/ /gser sbyangs dang 'dra dri med gser gyi ri ngos mtshungs
shing phrag gong dri ma med/ /sum cu rtsa gsum glang po'i sna
'dra btso ma'i gser gyi kha dog

lta bu'i phyag /mdzes par 'khyil zhing bkra shis lcags kyu nya
dang 'khor lo dag gis phyag mthil mtshan/ /bung ba'i lus dang khu
byug mdog 'dra ba spu re re nas g.yas legs par 'khyil/ /gser gyi
ri rtse pad+ma rA ga myu gu 'thon pas khyab pa dang 'dra ba/
/mchog gi rab

mchog pad+ma rA ga lta bu dbus nas lte ba g.yas phyogs 'khyil/
/mdoms kyi sba ba sbubs nub pus mo'i lta nga'i dkyil 'khor 'bar
'bur med cing mnyam/ /gser gyi chu shing 'dzam bu na de dang ni
gser gyi ta la 'dra ba'i brla/ /legs skyes rim gyis pra zhing rab
mdzes

seng ge ri dags lta bur rje ngar zlum/ /ngang pa'i rgyal po dang
'dra mnyam la dra bas 'brel zhing rab tu mdzes pa'i zhabs/ /dal
zhing brtan la mi g.yo seng ge dang ni glang po'i stabs 'dra
mdzes par gshegs/ /ngos dmar mtshams kyi nyi ma dmar bas khyab pa
lta bur 'od

zer rnam par 'phro/ /gser dang nor bu chu shel lta bur mdzes
shing yid du 'ong ba'i sku/ /dri med nyi ma dbang po'i gzhu 'dra
bcom ldan g.yas phyogs gshegs pa'i sku/ /rdzu 'phrul rkang pa'i
zhabs brtan yang dag brtson 'grus mdzes pa'i snam logs can/ /bcom

@102a @#/ /ldan seng ge mchod byas lha dbang klu dang mi yi dbang
pos phyag byas zhabs/ /bdud kyi bu mos zur mig blta bas gang zhig
mi g.yo ting 'dzin ri ltar brtan/ /dpa' bo'i mtshon gyis mi bsnyil
cod pan gyis gtugs dbang chen rnams la mgos phyag

'tshal; /de ltar bcom ldan 'das la bdag gis mngon par bstod pa
bgyis pa las/ /bdag gis dge ba gang bsags des ni 'gro kun sangs
rgyas myur 'grub shog/ //yang dag par rdzogs pa'i sangs rgyas kyi
mtshan la bstod pa snyan dang gas mkhan chen po

slob dpon ma ti tsi Tas mdzad pa rdzogs so// @##/ /rgya gar skad
du/ e kotta ri ka sta ba/ bod skad du/ gcig las 'phros pa'i
bstod pa/ 'phags pa 'jam dpal la phyag 'tshal lo/ /chos gcig la ni
mngon dgyes shing/ /nags su gcig

pur bzhugs pa dang/ /'jig rten rnams kyi mig gcig gyur/ /'jig
rten mig gcig phyag 'tshal lo/ /rkang gnyis rnams kyi mchog gyur
pa/ /bden pa gnyis ni rnam par bsgoms/ /grogs gnyis pa ni mi
mnga' ba/ /gnyis med gsung la phyag 'tshal lo/ /ting

'dzin gsum dang ldan pa dang/ /dkon mchog gsum po cha mnyam
zhing/ /sdug bsngal gsum gyi chu las rgal/ /'jig rten gsum 'tsho
phyag 'tshal lo/ /bstan pa rnam pa bzhi po dang/ /bsam gtan bzhi
yi rnam pa can/ /sbyor ba bzhi dang rnam bral ba/ /bden

bzhi mkhyen la phyag 'tshal lo/ /phung po lnga yi chags bral
zhing/ /dbang po lnga ni rnam par bsgoms/ /yan lag lnga dang rnam
bral ba/ /'gro lnga gcod la phyag 'tshal lo/ /dbang drug chu bo la
gnas shing/ /rgyun drug la ni rnam par gnas/ /pha rol phyin drug
yongs su

rdzogs/ /mngon shes drug la phyag 'tshal lo/ /byang chub yan lag
rin chen bdun/ /'phags pa'i nor bdun stsol ba po/ /yan lag bdun
dang rnam bral ba/ /srid bdun gtso la phyag 'tshal lo/ /yan lag
brgyad las byung ba yi/ /gang zag brgyad ni ston mdzad cing/ /

@102b 'jig rten chos brgyad spangs pa po/ /mi khom brgyad 'joms
phyag 'tshal lo/ /gnas dgu'i chags las rnam grol zhing/ /khong
khro dgu ni rnam par spangs/ /shin tu sbyangs pa dgu brnyes pa/
/sa dgu mkhyen la phyag 'tshal lo/ /'phags pa'i dge 'dun bcu chos

can; /sgrib pa bcu ni gcod par mdzad/ /'phags pa'i gnas bcu la
dgyes pa/ /stobs bcu ldan la phyag 'tshal lo/ /de ltar 'phags pa
stobs bcu ldan la tshig gis mchod pa'i phyir/ /bstod pas der ni
bdag gis dge ba'i rtsa ba gang thob pa/ /des 'dir dmyal

dang yi dags dud 'gro'i sdug bsngal gyis khyab pa'i/ /'gro ba
srid pa'i rgya mtsho las ni rgal ba'i rgyur gyur cig /gcig las
'phros pa'i bstod pa slob dpon ma ti tsi Tas mdzad pa rdzogs so//
@##/ /rgya gar skad du/ su ga ta panytsa triM sha ta ratna nA ma
mA la

sto traM; bod skad du/ bde bar gshegs pa sum cu rtsa lnga'i bstod
pa mtshan rin po ches spras pa/ dkon mchog gsum la phyag 'tshal lo/
/sangs rgyas gtso la phyag 'tshal lo/ /skyobs pa'i chos la phyag
'tshal lo/ /dge 'dun che la phyag 'tshal lo/ /gsum la rtag tu

skyabs su mchi/ /sangs rgyas kun gyis gdul dka' ba/ /snyigs ma
lnga yi rtsod dus 'dir/ /brtson 'grus drag pos sangs rgyas pa/
/shAkya thub la phyag 'tshal lo/ /rdo rje lta bu'i ting 'dzin
gyis/ /snying po byang chub mchog brnyes pa/ /bdud dpung rdo rje
snying po yis/ /

rab tu 'joms la phyag 'tshal lo/ /rin chen sku las 'od 'phros pas/
/ngan song sdug bsngal zhi mdzad cing/ /bdud rnams rnam par skrag
mdzad pa/ /rin chen 'od 'phro phyag 'tshal lo/ /ji ltar klu chen
dbang po yis/ /gling rnams char gyis tshim byed ltar/ /stong gsum

chos kyi char 'bebs pa/ /klu dbang rgyal la phyag 'tshal lo/ /dpa'
bo khyod kyi bstan pa 'dis/ /bdud dang mu stegs skrag mdzad cing/
/gdul bya kun mkhyen 'god mdzad pa'i/ /dpa' bo'i sde la phyag
'tshal lo/ /thugs rjes gzhan don rab bsgoms pas/ /nyid kyi

@103a @#/ /sku srog gtong ba la/ /'gums pa sos ltar rab dgyes pa/
/dpal dgyes la yang phyag 'tshal lo/ /mkhas pa rnams la don snang
mdzad/ /bar ma'i rgyud rnams smin mdzad cing/ /tha ma'i nyon
mongs sreg mdzad pa/ /rin chen me la phyag 'tshal lo/ /

sangs rgyas kun dang skal pa mnyam/ /chos kyi shes rab snang ba
yis/ /phyogs rnams snang bar mdzad de 'khrungs/ /rin chen zla 'od
phyag 'tshal lo/ /sku ni blta bas mi ngoms shing/ /'dom gang 'od
kyis sa le ba/ /gang gis khyod mthong skal ldan pas/ /mthong ba
den

yod phyag 'tshal lo/ /sku gsung thugs ni rin chen mchog /dri med
spros bral sangs rgyas pas/ /'gro kun nyon mongs gdung ba sel/
/rin chen zla ba phyag 'tshal lo/ /dam chos dri ma med pa'i chus/
/thog mar bdag nyid dag mdzad nas/ /gzhan dag mchog tu dag mdzad

pa; /dri med dpal la phyag 'tshal lo/ /bsod nams byas pa'i tshogs
dag ni/ /sems can kun la yongs bsngo bar/ /thub pa khyod kyis
ston mdzad pa/ /dpal sbyin la yang phyag 'tshal lo/ /rig dang
zhabs su ldan pa po/ /tshangs pa lags par bram zes bzhed/ /

rig dang zhabs de khyed la mnga'/ /tshangs pa'i mtshan la phyag
'tshal lo/ /tshangs pa'i zhabs bzhi rab bsgoms shing/ /tshangs spyod
'bras bu mchog brnyes pa/ /tshangs pas 'khor lo bskor bar bskul/
/tshangs pas byin la phyag 'tshal lo/ /thugs ni dka'

thub brtul zhugs dag /yang dag blangs pa gtsang mar mdzad/ /nyon
mongs sdig pa 'khrud mdzad pa/ /chu yi lha la phyag 'tshal lo/
/'jig rten pa dag bde byed mchod/ /bde byed klu chen ma dros
mchod/ /chu lha des kyang khyod mchod pas/ /chu lha'i lha la
phyag 'tshal lo/ /'dren

pa kun gyis mchod gyur cing/ /khyod ni mtshungs med rab zhi bas/
/'gro ba kun gyi dpal mdzad pa/ /dpal bzangs la yang phyag 'tshal
lo/ /khyod la rgol ba'i nyon mongs pa/ /do gal byed pa thams cad
kyang/ /tsandan spangs pa ltar bsil mdzad/ /tsandan dpal

@103b la phyag 'tshal lo/ /rgyal ba'i dpal dang dang gzi brjid ni/
/sus kyang 'gran par mi bzod de/ /mig gis nyi ma'i dkyil 'khor
bzhin/ /gzi brjid mtha' yas phyag 'tshal lo/ /thub pa'i 'od zer
rab byung bas/ /nga rgyal khengs pa zhi mdzad cing/ /dman rnams
spro

ba bskyad bar mdzad/ /'od dpal la yang phyag 'tshal lo/ /e ma mya
ngan 'das pa zhi/ /khyed 'dra thugs rje'i bdag nyid can/ /mnga'
brnyes pa yang bde gshegs pas/ /mya ngan med dpal phyag 'tshal lo/
/sred pa med pa goms mdzad cing/ /'dren pa kun gyi

mchog gyur pa/ /stobs chen thams cad zil gnon pa/ /sred med bu la
phyag 'tshal lo/ /rnam pa kun gyi mchog ldan pas/ /mdzes pa gzhan
kun zil gyis gnon/ /mtshan dang dpe byad rab rgyas pa/ /me tog
dpal la phyag 'tshal lo/ /tshangs pa'i dbyangs dang 'od

zer gyis/ /'jig rten thams cad khyab mdzad pa/ /tshangs pa'i 'od
zer rnam par rol/ /mngon par mkhyen la phyag 'tshal lo/ /'od kyis
gang la reg pa yang/ /tshags med bde ba rab rgyas pas/ /pad+ma'i
'od zer rnam par rol/ /mngon par mkhyen la phyag 'tshal lo/ /

thub pa'i bsod nams 'od zer gyis/ /'gro rnams zang zing tshim
mdzad pa/ /khyad par 'phags pa'i nor sbyin pa/ /nor dpal la yang
phyag 'tshal lo/ /dran pa rnams la mnga' brnyes pas/ /thogs pa med
cing rab mkhyen pa/ /gang gis khyod dran phongs sel bas/ /dran

pa'i dpal la phyag 'tshal lo/ /thub pas chos kyi 'khor lo bskor/
/snyan pa'i ba dan sa gsum grags/ /yon tan grangs med mtshan gyi
dpal/ /shin tu yongs bsgrags phyag 'tshal lo/ /stobs dang dbang po
mchog brnyes pas/ /nag po'i phyogs rnams phan mdzad de/ /

dbang po'i spyi btud dbang po'i tog /rgyal mtshan rgyal la phyag
'tshal lo/ /dngos por sgrogs pa'i tog gi pa/ /phra zhib ye shes
rdo rje yis/ /seng ges glang po ji bzhin du/ /shin tu rnam gnon
phyag 'tshal lo/ /bdag gzhan nyon mongs sde bcom pas/ /khyed las
dpa'

@104a @#/ /mchog gzhan ma mchis/ /'dod pa'i dbang phyug g.yul las
rgyal/ /shin tu rnam rgyal phyag 'tshal lo/ /bgrod pa gcig pa'i
lam chen du/ /'gro kun ded dpon rab mdzad de/ /bdud dang ngan
song 'jigs las sgrol/ /rnam par gnon

gshegs phyag 'tshal lo/ thub pa'i rdzu 'khrul rmad byung bas/
/sprul pa bye ba dpag med 'gyed/ /gdul bya kun la snang gyur pas/
/kun snang bkod la phyag 'tshal lo/ /mu stegs thar pa phyir ldog
cing/ /nyan thos zhi ba phyogs gcig la/ /khyod kyis mchog rin
chen

rnams; /pad+ma ltar gnon phyag 'tshal lo/ /bsod nams chags las rin
po che/ /ye shes tshogs rdzogs pad+ma'i gdan/ /sku gsum lhun grub
rab tu bzhugs/ /ri dbang rgyal la phyag 'tshal lo/ /bde bar gshegs
pa sum cu rtsa lnga'i mtshan/ /rin chen spras pa'i

bstod pa 'di brjod pas/ /thub pa'i dbang po'i spyod pa ci 'dra
bar/ /bdag gi spyod kyang de dang 'dra bar shog /bde bar gshegs
pa sum cu rtsa lnga'i bstod pa mtshan rin po ches spras pa zhes
bya ba slob dpon ma ti tsi Tas mdzad pa rdzogs so// @##/ /rgya gar
skad du/

pa da sya aShTa ka sto traM/ bod skad du/ tshig brgyad pa'i bstod
pa/ 'jam dpal gzhon nur gyur pa la phyag 'tshal lo/ /zla rgyas
zhal 'dra khyu mchog 'dra ba'i spyan/ /seng ge'i sgra 'dra glang
po'i stobs 'dra zhing/ /ri dbang rgyal brtan rgya mtsho 'dra ba'i
thugs/ /lha dbang bla ma'i

thugs dbang phyag 'tshal lo/ /spyan gsum spyan legs pad+ma ltar
yangs spyan/ /gnod sbyin klu yi mi 'dras gzigs mdzad cing/ /thar
pa thob mdzad spyan ni dkyus ring ba/ /spyan stong gzigs pa khyod
la phyag 'tshal lo/ /lha mchog du ma'i yan lag mchog gis btud/ /

btso ma'i gser ltar 'bar sku mchod 'os sku/ /mtshan bzangs mdzes
pas rnam par brgyan pa'i sku/ /bde gshegs de la spyi bos phyag
'tshal lo/ /blo gros rgyas shing gser ltar dri ma med/ /blo gros
grags shing mkhas pa'i blo dang ldan/ /sangs rgyas mkha' ltar dri
med spyan

@104b mnga' ba/ /dpa' bo mi g.yo blo mnga' de la 'dud/ /smra ba'i
mchog gyur snyan pa'i don gsung pa/ /yang dag don gsung 'dul ba'i
don gsung zhing/ /smra ba'i dbang phyug rgol bas mi bskyod gsung/
/bden bzhi gsung ba'i rgyal la phyag 'tshal lo/ /gzhan du mi 'dul

'dul ba'i don du 'dul/ /nyon mongs spong sogs rnams par dag pas
'dul/ /thub pa tshul spyod chen pos legs par mdzad/ /snyoms shing
mdzes pa'i tshems ldan mgon la 'dud/ /bsod nams dpag med bsags pas
sku mdzes la/ /'dom gang 'od kyi dkyil

'khor 'bar ba'i sku/ /gser sbyangs btso ma lta bur dri med sku/
/srid las grol sku rgyal la phyag 'tshal lo/ /'khor los zhabs gnas
mchog gi mtshan ldan zhabs/ /lha dbang spyi bos legs pa rab tu
btud pa'i zhabs/ /zhabs sor dra bas legs brgyan mdzes pa'i zhabs/ /

dpal be'u g.yung drung gis mtshan zhabs la 'dud/ /tshig brgyad pa'i
bstod pa dge bsnyen mtha' yas lhas mdzad pa rdzogs so// @##/ /rgya
gar skad du/ tri ratna sto traM/ bod skad du/ dkon mchog gsum gyi
bstod pa/ dkon mchog gsum la phyag

'tshal lo/ /sangs rgyas gtso la phyag 'tshal lo/ /skyob pa'i chos
la phyag 'tshal lo/ /dge 'dun che la phyag 'tshal lo/ /gsum la rtag
tu bdag phyag 'tshal/ /tshogs chen gnyis rdzogs mkhyen bzhi sku
gsum grub/ /rnam rtog mi mnga' ci yang sa le mkhyen/ /chos

sku mkha' 'dra gzugs sku mdzes sku ldan/ /sangs rgyas dpag bsam
'dra la phyag 'tshal lo/ /chos nyid rgyu mthun gsung rab bcu gnyis
dang/ /chos la skye 'gag med cing spros las dpen/ /de la dmigs te
yon tan kun grub pa/ /legs rgyu dam pa'i chos la phyag 'tshal

lo; /nyon mongs sgrib dang shes bya'i sgrib pa dag /gnyen pos rim
par bsal nas sar bzhugs shing/ /sems can don mdzad sangs rgyas
zhing sbyong ba/ /'phags pa'i dge 'dun che la phyag 'tshal lo/
/dkon mchog gsum gyi bstod pa slob dpon chen po ma ti tsi Tas

@105a @#/ /mdzad pa rdzogs so// @##/ /rgya gar skad du/ tri ratna
sto tra br-itti/ bod skad du/ dkon mchog gsum la bstod pa'i 'grel
pa/ bcom ldan 'das 'jam dpal gzhon nur gyur pa la phyag 'tshal lo/
/srid pa gsum gyi bla ma dkon

mchog gsum la phyag 'tshal ba la sogs pa ni 'gro ba rnams kyi
mngon par 'dod pa'i 'bras bu mtha' dag skyed pa'i rgyu yin pas na
de'i phyir de dag la phyag 'tshal lo/ sangs rgyas gtso la phyag
'tshal lo/ /zhes bya ba la sogs pa gsungs te/ ma 'dres pa dang
mtshungs

par ldan pa'i ma rig pa dag ma lus par spangs pa ni sangs rgyas
te gnyid rab tu sangs pa bzhin no/ /yang na nyon mongs pa can ma
yin pa'i mi shes pa spangs pas shes bya mtha' dag la blo rgyas
pas rgyas pa ste pad+ma rab tu rgyas pa lta bu'o/ /de ltar na de
dag gi ni spangs pa

dang ye shes phun sum tshogs pas bstod pa ste/ nyid kyi don phun
sum tshogs pa'o/ /gzhan gyi don phun sum tshogs pa'i dbang du byas
te/ gtso zhes smos pa las sa gsum gyi dbang phyug chen por gyur
pas na gtso bo ste/ de dag ma lus pas 'don pas lci ba ni gzugs la

la lci bar gyur pas srong gi mgo gnon pa lta bu'o/ /des ni thams
cad zil gyis mnan nas 'dul zhes bstan par 'gyur ro/ /yang na
phyin ci ma log pa'i yon tan rin po che sbyin pas na bla ma ste/
de la phyag 'tshal lo zhes bya ba ni sgo gsum gyi rab tu 'dud par
byed pa'o/ /

skyob pa'i chos la phyag 'tshal lo/ /zhes bya ba la 'dis ngan 'gro
dang srid par sdug bsngal ba las skyob cing sdug bsngal sel la
bde ba sbyin pas na skyob pa zhes bya'o/ /de nyid kyis na chos te
rnam par ltung ba las 'dzin pas so/ /de yang gang gis don dam
pa'i chos de

rtogs na slar ngan song dang 'khor bar mi ltung ba'i phyir ro/
/de rtogs pa'i rgyud pa'i rgyu ni bstan pa'i chos yin la/ dngos
kyi rgyu ni lam gyi chos yin pas de dag la yang btags te 'dzin pa
zhes brjod do/ /yang na skyob pa zhes bya bas ni gzhan la phan
'dogs pa phun sum tshogs

@105b pa bstan la/ chos zhes bya ba ni rang gi mtshan nyid rnam
par dag pa 'dzin pa phun sum tshogs pa bstan to/ /de la phyag
'tshal lo zhes bya ba ni snga ma bzhin no/ /dge 'dun che la phyag
'tshal lo/ /zhes bya ba ni 'di dag lha'i bu'i bdud dag gis kyang
ston pa dang lta ba las mi phyed

pas na dge 'dun te/ de la ston pa las mi phyed pa ni shes nas dad
pa thob pas so/ /lta ba las mi phyed pa ni bdag med pa'i ye shes
rnam par dag pa thob pa'i phyir ro/ /de la nyan thos dang rang
rgyal ba dang/ byang chub sems dpa' yang rung ste/ kun du sbyor
ba gsum

spangs pa'i 'phags pa rnams ni slob pa dang mi slob pa yang rung
ste dge 'dun no/ /yang dag par rdzogs pa'i sangs rgyas ni shes
bya'i sgrib pa mtha' dag kyang spangs la/ bsod nams kyi tshogs
mtha' dag kyang rdzogs pas dge 'dun gyi nang du bgrang bar bya ba
ma yin la/ sa

gsum gyi 'gro ba dam pa dang slob pa dang mi slob pa thams cad
kyis mchod par 'os pas dgra bcom pa chen po zhes ni bya'o/ /de
ltar mi phyed pa ni rang gi don thob pa yin la/ gzhan gyi don
thob par byed pa'i phyir che zhes smos so/ /'di dag gzhan gyi yon
sbyong ba che bas na chen

po ste; bul ba dang yongs su longs spyod pa gnyis kyis 'gro ba'i
rdzas las byung ba'i bsod nams mchog 'phel ba'i phyir te/ de
yang slob pa dang mi slob pa de dag ni ci rigs par sred pa'i cha
shas lhag ma lus zas dang gos la sogs pa la 'dun pa'i 'dod chags
phra mo bsgom

pas spang bar bya ba yod pa dang/ sngon gyi rnam par smin pa'i
'bras bu phung po lnga 'dzin pas zas la sogs pas da dung gso dgos
pas longs spyod kyi/ sangs rgyas dang chos ni de lta ma yin pas
so/ /de dag la phyag 'tshal lo zhes bya ba ni snga ma dang 'dra'o/
/gsum po de dag

la rtag tu bdag phyag 'tshal zhes bya ba ni don go sla'o/ /de ltar
phyag 'tshal ba'i rnam par smin pa'i 'bras bu ni sangs rgyas kyi
mtshan bzang po thams cad kyi gtso bo spyi gtsug bltar mi mthong
ba 'thob pa'o/ /rgyu mthun pa'i 'bras bu la myong ba rgyu mthun
ni 'khor bar skye ba na mgo

@106a @#/ /bo gdugs lta bur 'gyur ba dang/ dkon mchog gsum la
phyag 'tshal ba la dga' bar 'gyur ba'o/ /dbang gi 'bras bu ni phyi
rol gyi dngos po yid du 'ong ba rnams de'i shes pa'i yul du 'dud
pa ltar snang zhing dgyed pa dang gzung du mi rung ba ltar snang
bar

mi 'gyur ro/ /de ltar dkon mchog gsum la bstod pa mdor gsungs pa
de dag rab tu gsal bar bstan pas 'gro ba dam pa rnams de bas
kyang shas cher dad par bya ba dang/ rang gi tshogs dri ma med pa
bsags pa'i phyir slob dpon ma ti tsi Ta'i zhal snga nas bstod pa
gsungs pa/

tshogs chen gnyis rdzogs mkhyen bzhi sku gsum grub/ /ces bya ba la
sogs pa brjod pa yin te/ 'dis rdzogs par byed pas na tshogs te/
sbyin pa la sogs pa pha rol tu phyin pa drug go/ /de dag nyid
chen po ste rang bzhin dpag tu med pa dang/ bskal pa dpag tu med
pa

dang; yul dpag tu med pa la bsags pa'o/ /gnyis zhes bya ba ni
bsod nams dang ye shes so/ /de yang sbyin pa dang tshul khrims
dang/ bzod pa ni bsod nams te/ bsam gtan dang shes rab ni ye shes
so/ /brtson 'grus ni de gnyis kar gtogs so zhes

'phags pa dgongs pa nges par 'grel pa las gsungs so/ /de gnyis
rdzogs pa ni bskal pa chen po grangs med pa dang por sbyor ba'i
lam sbyangs shing gnyis par sa bdun pa'i bar dang/ gsum par sa
bcu pa'i bar du sbyangs shing dag par byas pa ni rdzogs shing
mthar

thug par 'gyur ba'o/ /des ni rgyu khyad par can bsags pa bstan
nas/ de ni 'bras bu bstan pa'i phyir mkhyen bzhi zhes bya ba la
sogs pa smos te/ mkhyen bzhi ni me long lta bu'i ye shes la sogs
pa bzhi'o/ /de la me long lta bu'i ye shes ni kun gzhi rnam shes
gnas gyur

pa shes bya thams cad la thogs pa med par mkhyen pa'i ye shes so/
/mnyam pa nyid kyi ye shes ni nyon mongs pa can gyi yid gnas gyur
pa bdag med pa la bdag med par mkhyen pa'i ye shes so/ /so sor
rtog pa'i ye shes ni yid kyi rnam par shes pa gnas gyur pa kun
rdzob kyi

@106b dngos po ma lus pa pad+ma'i 'dab ma ltar ma 'dres par
mkhyen pa'o/ /bya ba grub pa'i ye shes ni sgo lnga'i rnam par
shes pa gnas gyur pa 'gro ba rnams gdul ba'i bya ba gang yin pa
ma lus pa mdzad pa mkhyen pa'o/ /de dag bsdus pa ni sku gsum grub
ces bya bas bstan te/ de

yang bsod nams kyi tshogs chen po'i 'bras bu ni/ gzugs kyi sku
gnyis 'grub la/ ye shes kyi tshogs chen po'i 'bras bu ni chos kyi
sku 'grub pa'o/ /de la me long lta bu'i ye shes ni chos kyi sku
gzung ba dang 'dzin pa las grol ba rang bzhin gyis 'od gsal ba
tsam gyi ye shes so/ /

de'i chos stobs bcu dang mi 'jigs pa bzhi la sogs pa ye shes tha
dad pa du ma tshogs pas na chos kyi tshogs yin la/ chos kyi sku
zhes bya ba ni kA ya'i sgra tshogs la 'jug pas so/ /ye shes de
yang dngos su na longs spyod rdzogs pa'i sku thugs gnyis su med
pa'i ye shes so//so

sor rtog pa dang mnyam pa nyid kyi ye shes ni longs spyod rdzogs
pa'i sku ste/ de yang sku de'i nang gi ye shes skye mched tha dad
pa la rag las pa las grol ba kun rdzob sna tshogs mkhyen pa dang
skur bstan pas gang 'dul bar 'os pa 'dul ba'o/ /des ni 'dir sangs
rgyas rnams kyi sku thams

cad kyi gzhi ni rnam par smin pa'i sku ste/ de'i mi rtog pa'i ye
shes dang/ sgo lnga'i ye shes kyi 'od zer gyi snang ba las chos
dang sprul pa'i skur bzhag cing/ de gnyis kyi rten ye shes dang
bcas pa de nyid longs spyod rdzogs pa'i sku zhes brjod do/ /yang
na bsod nams kyi tshogs mtha' yas

pa las grub pa'i lus khyad par can dang/ de'i 'od zer gzugs khyad
par can du snang ba ni gzugs kyi sku gnyis te/ gang mig gi yul du
gyur pa de nyid gzugs so/ /rang bzhin gyis 'od gsal bar snang
ba'i ye shes ni gtso bo ste/ sna tshogs shes pa dang/ bdag med par
shes pa

yang ye shes kyi tshogs las byung bar brjod par bya'o/ /de las
gzhan pa bdag med pa tsam de ni don dam pa'i chos dkon mchog tu
bzhag gi sangs rgyas su ni mi gzhag ste/ de ni rgyal ba rnams kyi
ye shes kyi yul yin la/ thob par bya ba'i 'bras bur gzhag par
bya'o/ /des na rang gi

@107a @#/ /mtshan nyid dang ldan pa'i sku ni gsum kho nar brjod par
bya'o/ /de ni sku gsum po de'i bdag nyid las dang/ dpe dang/
mtshan nyid kyis gsal bar bstan pa'i phyir/ rnam rtog mi mnga' ci
yang sa le mkhyen/ /zhes bya ba la sogs pa gsungs te/ rnam par
rtog pa'i

rigs gsum mam bzhi dang bral ba'i phyir rnam par rtog pa mi mnga'
ba ste/ gnyis su 'dzin pa mtha' dag drungs nas phyung ba'i ye
shes chen po'o/ /de'i phyir mi mnga' zhes bya ba'i dgag pa 'di ni
ma yin par dgag pa ste/ rnam par rtog pa'i rigs de dag ni yod pa
ma yin la/ des

dben pa'i ye shes rang bzhin gyis 'od gsal ba ni mnga' bas so/
/des na des ci yang rung ste chos ci yang rung ba rdul phra rab
dang ri rab la sogs pa de dag sa le zhes bya ba rab tu gsal bar
mkhyen pa ste/ ji ltar mkhyen zhe na/ sgra'i spyi'i rnam par rtog
pa'i sgro btags pa dang skur ba

btab pa dang bral zhing phan tshun mi sgrib la thogs pa med cing
mun pa med la shel dang lhang tsher ltar gsal ba'i rnam par dbyer
med par mkhyen te/ de nyid ye shes de'i las yin no/ /de'i dpe
bstan pa ni chos sku mkha' 'dra zhes bya ste/ 'dus ma byas nam
mkha' thogs pa med cing mi

sgrib pa ltar me long lta bu'i ye shes kyang shes bya thams cad
la thogs pa med cing sgrib pa med la/ dmigs pa dang rnam pa yongs
su ma chad par snang ba'o zhes bya ba'i don to/ /'dir ye shes
lhag ma gsum ni gzugs la sogs pa dang/ gang zag la bdag med pa
tsam dang/

'dul ba'i 'gro ba'i bsam pa dang bag la nyal la sogs pa dang 'dul
ba'i thabs shes pas yul so sor nges pa'i ye shes yin la/ ye shes
'di ni yul de dag dang bcas pa'i ye shes de dag nyid chos can du
gyur pa dang/ de'i chos nyid rang bzhin gyis 'od gsal ba spyi'i
mtshan

nyid du gyur pa ste/ chos can dang chos nyid du bcas pa mtha' dag
mkhyen par gyur pa'o/ /gzugs sku mdzes sku ldan zhes bya ba ni
mtshan dang dpe byad rab tu 'bar ba'i longs spyod rdzogs pa dang/
sprul pa'i sku'o/ /sangs rgyas kyi don ni sngar bstan pa bzhin
no/ /dpag bsam

@107b 'dra zhes bya ba ni sku gsum char gyi dpe ste/ 'gro ba
rnams kyis ji ltar sems kyis dpags shing bsams pa ltar yid la re
ba yongs su rdzogs par byed pas na lha'i dpag bsam gyi shing chen
po rnam pa bzhi po dang 'dra ba ste/ bsod nams dpag bsam shing
khyod de ring gang las

byung; /zhes bstod pa gsungs pa lta bu'o/ /de yang sku de dag
gsum char yang sngon gyi smon lam gyi sa bon dpag tu med pa 'dzin
pa'i rang bzhin du gnas pas/ sngon ji ltar smon lam btab pa bzhin
du da ltar gdul bya'i don 'bad pa med par 'byung ba yin la/ khyad
par du

gzugs kyi sku ni mthu thogs pa med par byang chub sems dpa' dang/
nyi tshe ba'i gang zag dang 'gro ba yongs su smin par byed pa la
dngos su yang 'jug go/ /kha cig na re gzugs sku zhes bya ba ni
spyir bstan pa yin la/ mdzes skur ldan zhes bya ba ni longs spyod
rdzogs pa'i

sku'o; /dpag bsam 'dra zhes bya ba ni sprul pa'i sku'o/ /sangs
rgyas zhes bya ba ni sku gsum char gyi dbang du byas pa'o zhes
zer ro/ /de lta bu'i sku gsum po da dag la lus zhing gi rdul
snyed du mos par sprul te phyag 'tshal lo zhes bya ba ste/ tshig gi
don snga ma ji lta ba bzhin no/ /chos

nyid rgyu mthun gsung rab bcu gnyis dang/ /zhes bya ba ni bstan
pa'i chos la bstod pa ste/ chos nyid ces bya ba la chos nyid bdag
rnam pa gnyis kyis dben pa stong pa nyid de/ bdag med pa dang
bdag dang bral ba'i mtshan nyid 'dzin pa rang bzhin gyis 'od gsal
ba'i spyi'i mtshan nyid don

dam pa'i ngo bo'o/ /de'i rgyu mthun pa bstan pa'i chos bdag med
par ston pa'i gsung rab ste/ 'dir mthun pa'i rgyu ni rgyu mthun
pa ste bskyed par rung ba dang/ thob par nus pa'o/ /de la skyed
par rung ba ni rgyu des phyin ci ma log par yongs su grub pa'i ye
shes skyed pa'o/ /thob par

nus pa ni ye shes de skyes pas mi 'gyur ba'i yongs su grub pa de
bzhin nyid de thob par nus pa'o/ /de dag ni rab tu phul du byung
ba'i gsung yin pas gsung rab ste/ phyi rol pa'i tshig la ni snga
ma lta bu'i rung ba dang/ nus pa med pas rab ma yin no/ /bcu
gnyis ni mdo'i sde dang/ dbyangs

@108a @#/ /kyis bsnyad pa'i sde dang/ lung du bstan pa dang/ tshigs
su bcad pa dang/ ched du brjod pa dang/ gleng gzhi dang/ rtogs pa
brjod pa dang/ de lta bu byung ba dang/ skyes pa'i rabs dang/
shin tu rgyas pa dang/ rmad du byung ba dang/ gtan la phab pa'i
sde zhes bya ba ste/

de dag dang po ni ston pa'i zhal nas grag pa'o/ /de'i 'og tu ni
gang zag gi blo la gnas pa'o/ /de'i 'og tu glegs bam la bris
pa'o/ /de yang dang por de la dmigs nas thos pa dang bsams pa las
byung ba'i shes rab skye zhing de nas bsgoms pas chos nyid de
thob pas mthun

pa'i rgyu brgyud pa nyid du nges pa'o/ /de bas na slob dpon ba su
ban d+hus rnam bshad rigs par bshad pa/ ston pa'i zhal nas byung
ba skye bo'i mig gi rab rib zhi bar mdzad pa bkra shis kyi/
/'byung gnas sems la zhog cig gang phyir 'di ni lus can rnams kyi
rna ba'i bdud rtsi

dang; /nyon mongs pa yi nang kun sel bar mdzad pa yin pas de don
yang dag bsam par gyis/ /rgyu 'di rnams kyis rtag tu gus par
sangs rgyas kyi ni gsung dag mnyan par bya ba'i rigs/ /zhes so/
/chos la skye 'gag med cing spros las dben/ /de la dmigs te yon

tan kun grub pa/ /zhes bya ba ni don dam pa'i chos la bstod pa
ste/ chos ni dam pa'i chos so/ /de la don dam par skye ba dang
'gag pa med cing gzhan yang spros pa ste rtag pa dang/ chad pa
dang/ 'ong ba dang/ 'gro ba dang/ gcig pa dang/ tha dad pa'i
spros pa de dag las dben

pa'o; /de yang dam pa'i chos ni bdag med pa'i rang bzhin yin la/
spros pa de dag ni bdag tu 'dzin pa'i dbang gis btags pa tsam du
zad pas na bdag tu 'dzin pa log ma thag tu de dag kyang ldog la/
bdag med pa'i ngang la de dag dang po nas kyang med kyi btags pa
glo bur bar zad

pa'o; /de ltar spros pa dang bral ba bdag med pa de la bdag med
par shes rab rnam pa gsum gyis dmigs pas bdag tu 'dzin pa la sogs
de ma thag tu 'jig rten las 'das pa'i yon tan thun mong ba rgyun
du zhugs pa la sogs pa 'phags pa'i 'bras bu rnam pa du ma dang/
thun mong ma yin

@108b pa stobs dang mi 'jigs pa la sogs pa'i yon tan kun grub pas
na 'phags pa'i gang zag rnams ni 'dus ma byas las rab tu byung
ba'o zhes gsungs pa lta bu'o/ /legs rgyu dam pa'i chos la zhes
bya ba ni lam gyi chos la bstod pa ste/ /de la legs pa ni nges
par legs pa ste nye bar zhi

ba'i bde ba'o/ /de'i rgyu ni skyed par byed pa ste/ des bdag med
pa'i ye shes bskyed la/ des kyang nges par legs pa de thob pas
so/ /'dis zad pa dang mi skye ba shes pa'i sngon du rdo rje lta
bu'i ting nge 'dzin skyes pa de ni legs rgyu mthar thug pa yin
la/ des mjug btul ba mthong ba'i

lam gyi bar gyi ye shes ni legs rgyur rig par bya'o/ /de nyid dam
pa ste/ 'phags pa rnams kyis nyams su myong bar gyur pa dang/
ltung ba las 'dzin pas na dam pa'i chos zhes bya'o/ /de la phyag
'tshal lo zhes bya ba ni snga ma bzhin no/ /nyon mongs sgrib dang
shes bya'i sgrib pa

dag /gnyen pos rim par bsal nas sar zhugs shing/ /zhes bya ba la
sogs pa ni 'phags pa'i dge 'dun la bstod pa ste/ de la sems kun
nas nyon mongs par byed pas na nyon mongs pa ste/ 'dod chags la
sogs pa drug go/ /de dag nyid sgrib pa ste/ zad pa dang mi skye
ba

shes pa'i ye shes la sgrib cing mthong ba'i gegs byed pas so/
/shes bya ni chos kyi dbyings kun du 'gro ba rang bzhin gyis 'od
gsal ba'o/ /de la sgrib pa ni rjod par byed pa sgra'i spyi la yod
par 'dzin pa ste/ dngos su na gzung ba dang 'dzin pa'i rnam par
rtog pa'i rigs ji snyed

pa'o; /sgrib pa de gnyis ka yang rab tu dbye ba mang po dang ldan
pas na dag ces pa mang po'i tshig can no/ /gnyis pos zhes bya ba
ni bdag med pa gnyen shes pa'i ye shes kyis so/ /rim par bsal nas
zhes bya ba ni de dag cig car mi spong gi dang po mthong spang
spong la/ /de'i

'og tu bsgom pas spang bar bya ba spong ba'i phyir ro/ /de las
'bras bu thob pa bstan pa ni sar zhugs shing zhes bya ba ste/ sa
ni 'jig rten las 'das pa'i sa ste/ brgyad pa dang/ mthong ba
dang/ bsrabs pa dang/ 'dod chags dang bral ba dang/ byas pa rtogs
pa dang/ rang

@109a @#/ /sangs rgyas kyis la zhugs pa dang/ yang rab tu dga' ba
dang/ dri ma med pa nas chos kyi sprin gyi bar la zhugs pa'o/
/'dir bden pa bzhi rnam pa bcu drug dag yid la byed pa'i ye shes
kyi skad cig bcu drug gis phra rgyas brgyad cu rtsa brgyad spangs
pas mthong

ba'i lam la brgyad pa'am rab tu dga' ba'i sa pa'o/ /de'i 'og tu
tshul de nyid kyi bsgom pas spang bar bya ba bcu spangs pa las ni
nyan thos dang rang rgyal ba'i sa lhag ma dag gzhag ste/ 'dod
pa'i rnam pa gsum pa'i bar dang/ rnam pa drug pa dang/ dgu pa
dang/ srid rtse'i

dgu pa zad pa las mthor ba dang/ bsrabs pa dang/ 'dod chags dang
bral ba dang/ byas pa rtogs pa'i sa pa'o/ /cig car kho nar spangs
pa dang lam rdzogs pa ni bse ru lta bu'i sa'o/ /byang chub sems
dpa'i sa lhag ma rnams ni pha rol tu phyin pa rnams yongs su

rdzogs pa las rnam par gzhag par rig par bya zhing/ /de dag gi
nyon mongs pa'i sgrib pa bsgom pas spang bar bya ba ni rdo rje
lta bu'i ting nge 'dzin gyis cig car spong la/ shes bya'i sgrib
pa ni sa re re la yang rim gyis spang ngo/ /la la ni nyon mongs
pa'i sgrib pa yang sa re re la rim gyis

spong ste/ spong byed ni chos la bdag med pa'i ye shes kyis so
zhes zer ro/ /de ltar ye shes kyi tshogs la gnas pa bshad nas/ da
ni bsod nams kyi tshogs la gnas pa bstan pa'i phyir/ sems can don
mdzad sangs rgyas zhing sbyong ba/ /zhes smos te/ sems can rnams
kyi

don ni dgos pa ste bde ba dang phan pa'o/ /de dag mdzad pa ni
bsdu ba'i dngos po dang/ tshad med pa dang/ pha rol tu phyin pa
dag gis ji ltar nus par byed pa'o/ /sangs rgyas rnams kyi zhing
ni snod dang bcud do/ /de dag sbyong ba ni rgyal ba'i yum las
gsungs pa ltar te/ sems can

gos ngan pa dag mthong na bdag gi sangs rgyas kyi zhing der sems
can rnams lus gos dang rgyan gyis brgyan par gyur cig ces smon
lam gdab par bya'o/ /me tog dbul na bdag gi sangs rgyas kyi zhing
der dus thams cad pa'i me tog rab tu rgyas par gyur cig ces smon
lam gdab

@109b par bya'o zhes bya ba la sogs pa'o/ /mdor na sangs rgyas
kyi zhing ni smon lam gyi mthus sbyong bar rig par bya'o/ /'phags
pa'i dge 'dun che la zhes bya ba la/ sdig pa mi dge ba'i chos las
ring du song bas 'phags pa ste/ dge 'dun ni sngar bshad pa bzhin
no/ /che ba ni grangs

dang yon tan gyis che ba ste/ grangs mtha' yas pa dang/ legs par
zhugs pa la sogs pa'i yon tan chen po mnga' ba'i phyir ro/ /phyag
'tshal lo zhes bya ba ni bstod pa dang bcas pa'i lus kyi yan lag
thams cad rab tu 'dud pa'o/ /de ltar yon tan mtha' dag 'dus pa'i

dkon mchog gsum la phyag 'tshal nas de dag la skyabs su song na
ngan song rnams su mi skye bar lha'i gnas su skye ste/ gsum la
skyabs su 'gro ba ni chos snang ba'i sgo ste/ ngan 'gro las yang
dag par 'da' ba'o zhes gsungs pa dang/ 'di ltar shin tu dang ba'i
sems dang yid

gzhungs pas gzhan du ma yengs pa'i yid gsal bas sangs rgyas sam
chos sam dge 'dun la skyabs su song na/ de 'chi ba'i dus byas nas
bde 'gro mtho ris kyi 'jig rten zur na gnas pa zhes bya ba der
shin tu dang ba'i sems dang skyabs su song ba'i rgyus skye bar
'gyur ro/ /der

skyes nas kyang de'i lus gzi brjid dang ldan zhing/ lus rang gi
'od kyis brgyan la bde bar gnas par 'gyur ro zhes gsungs pa lta
bu'o/ /gal te phyag 'tshal ba dang skyabs su song ba'i dge ba de
yongs su bsngo ba dang ldan na ni ji ltar bsngos pa'i thar pa'i
rgyur 'gyur bar rig par

bya'o; /de ltar nyes pa kun spangs shing/ /yon tan mtha' yas
gter gyur pa/ /dkon mchog gsum gyi bstod pa'i tshig /cung zad
bshad pas dge ba'i tshogs/ /gang thob de yis 'gro ba rnams/ /sangs
rgyas sa la gnas par shog /dkon mchog gsum la bstod pa'i 'grel

pa slob dpon rgyal ba'i sras kyis mdzad pa rdzogs so// //rgya gar
gyi mkhan po dznyAna shAnti dang/ bod kyi lo tsA ba bande dpal
gyi lhun po'i sdes bsgyur cing zhus te gtan la phab pa'o// @##/
/rgya gar skad du/ tri ratna sto traM/ bod skad du/ dkon

@110a @#/ /mchog gsum gyi bstod pa/ dkon mchog gsum la phyag 'tshal
lo/ /dmigs med chos kyi sku/ /longs spyod rdzogs pa'i sku/ /cir
yang sprul sku la/ /gus pas phyag 'tshal lo/ /rnam dag chos kyi
dbyings/ /sgrub pa'i 'phags lam brgyad/ /bstan

pa'i gsung rab la/ /gus pas phyag 'tshal lo/ /byang chub sems
rnams dang/ /dgra bcom dag la sogs/ /rang sangs rgyas rnams la/
/gus pas phyag 'tshal lo/ /dkon mchog gsum gyi bstod pa slob dpon
dbyig gnyen gyis mdzad pa rdzogs so// //

@##/ /rgya gar skad du/ sha ta panytsa sha ti ka nA ma sya sto
tra/ bod skad du/ brgya lnga bcu pa zhes bya ba'i bstod pa/ dkon
mchog gsum la phyag 'tshal lo/ /gang zhig la ni nyes pa kun/ /gtan
nas yong ye mi mnga' zhing/ /gang la'ang rnam pa thams cad du/ /

yon tan thams cad gnas gyur pa/ /gal te sems shig yod na ni/ /de
nyid la ni skyabs 'gro zhing/ /de bstod de ni bkur ba dang/ /de
yi bstan la gnas pa'i rigs/ /thams cad mkhyen pa yon tan kun/
/mnga' la de yang nyam mi mnga'/ /nyes pa bag chags

bcas de yang/ /skyob pa gcig pu la mi mnga'/ /bcom ldan 'das kyi
sku dang ni/ /gsung dang thugs kyi phrin las la/ /zhe 'gras gyur
pa gang gis kyang/ /chos dang ldan par glags mi rnyed/ /rgya
mtshor gnya' shing bu ga ru/ /rus sbal mgrin pa chud pa ltar/ /dam

chos dga' ston cher bcas pa'i/ /mi nyid bdag gis thob nas ni/ /mi
rtag nyid dang rjes 'brel zhing/ /las kyi klags la dogs bcas pa/
/bdag gi lce 'di nyid kyis go/ /snying po ci phyir blang mi bya/
/de ltar thub pa'i yon tan kyi/ /yul lta grangs med shes mod kyi/ /

rang gi don la gus pa yis/ /de yi phyogs gcig bsgribs te brjod/
/gang gi yon tan grangs dag dang/ /mthu la thug pa ma mchis la/
/rmad byung phrin las dpag med can/ /rang byung khyod la phyag
'tshal lo/ /'di snyed bgyi ba'i mtha' med na/ /'di ltar lags zhes

@110b ci zhig smos/ /khyod kyi yon tan slad du bdag /bsod nams
snyam nas spyi brtol skyes/ /bstod pa gleng bslang ba ste le'u
dang po'o// //spyod dam mi spyod snyam pa yi/ /rnam par rtog pa
rnams spangs nas/ /'gro ba 'di ni nyam thag ces/ /khyod bdag nyid
kyis zhal

gyis bzhes/ /khyod ni ma bcol lags mdzad pa/ /khyod ni rgyu med
bzhin du byams/ /khyod ni ma 'dris mdza' bshes te/ /'brel pa med
pa'i gnyen 'dun lags/ /nyid kyi sha yang stsol mdzad na/ /dngos
po gzhan lta smos ci 'tshal/ /legs mdzad khyod kyis srog kyang ni/

slong ba'i skye bo rnams la btang/ /nyid kyi sku dang srog dag
gis/ /lus can gshed mas zin rnams kyi/ /lus dang srog kyang khyod
kyis ni/ /lan brgya phrag du bslu ba mdzad/ /ngan 'gros bsnyengs
slad ma lags la/ /bzhed pa'i 'gro ba'ang sgrub ma lags/ /dgongs
pa

dag pa 'ba' zhig gis/ /khyod kyis tshul khrims goms par mdzad/
/rtag tu gya gyu rnam spangs shing/ /drang brtan rnams ni rtag
bsten pas/ /yongs su dag pa'i las rnams kyis/ /khyod ni gzhi rten
gcig pur gyur/ /sdug bsngal mang pos gzir ba na/ /khyed

kyis dge ba'i thugs kyis ni/ /nyon mongs rnams la sran btsugs
nas/ skye bo nyon mongs can la brtse/ /khyod kyis gzhan gyi don
slad du/ sku srog btang nas dgyes gyur gang/ /de 'dra srog chags
'gums pa las/ /sos pa rnam la'ang byung ma gyur/ /khyod ni lan

'ga' ma lags par/ /gtubs kyang sdug bsngal mi dgongs par/ /gshed
pa ma bgyid pa'i sems can la'ang/ /gtso bo thugs rjer gyur pa
gang/ /khyod kyi thugs ni rin po che/ /rdzogs pa'i byang chub sa
bon te/ /dpa' khyod kho nas snying por mkhyen/ /de gzhan skye bos

'ol mi mchi/ /dka' spyad las ni ma bgyis par/ /go 'phang rnyed
dka' mi 'thob ces/ /de slad nyid la'ang ma gzigs par/ /khyod kyi
brtson 'grus legs par spel/ /khyad par 'phags par bgyi ba la/
/khyod la thang lhod 'ga' ma byung/ /de slad khyod kyi khyad par
rnams/ /

@111a @#/ /thog drung rim pa dbyer ma mchis/ /thugs ni thugs rje
chen po dang/ /rtag tu rjes su 'brel slad du/ /ting 'dzin 'bras
bur bcas pa yi/ /shin tu bde la'ang khyod ma chags/ /gzhan dang
thun mong ma lags pa'i/ /bde ba gang de gya nom yang/ /dam

pa'i spyod ldan khyod 'dra la/ /gnod par bas kyi sman ma mchis/
/'dres pa las ni legs bshad nyid/ /snying po skyon med nyi tshe
zhig /khyod kyis kun bzhes thugs la bzhag /nyes bshad dug bzhin
yongs su spangs/ /rin chen snying po mkhyen khyod kyis/ /legs

bshad srog gis 'jal ba na/ /skye ba de dang de dag tu/ /byang
chub slad du dpa' rtsal bstan/ /de slad grangs med gsum dag tu/
/khyod ni de ltar brtson pa na/ /brtson 'grus 'ba' zhig grogs
gyur pas/ /go 'phang bla na med pa brnyes/ /rgyu la bstod pa ste
le'u gnyis

pa'o// //mtho la phrag dog mi mdzad cing/ /dma' la rngan can mi
mdzad la/ /mnyam la 'gran pa mi mnga' bas/ /khyod ni 'jig rten
gtso bor gyur/ /khyod ni yon tan rgyu rnams la/ /mngon bgyis
'bras bu rnams la min/ /yang dag sgrub pa de nyid kyis/ /

khyod kyi yon tan pha mthar phyin/ /ji ltar khyod kyi zhabs rdul
yang/ /bsod nams skye ba mched 'gyur ba/ /de ltar khyod kyis legs
spyad pas/ /bdag nyid rab tu bskrun pa mdzad/ /nyes pa nyams smad
rtsa nas bton/ /yon tan spel nas rnam par sbyangs/ /gzhung

lugs bzang po des na khyod/ /grub mchog lhag par brnyes pa lags/
/ji ltar bdag gi rgyud la de/ /bag chags lhag ma'ang ma lus pa/
/de ltar rnam par thams cad du/ /nyes pa khyod kyis rab tu bcom/
/ji ltar gzhan la de dag dang/ /'dra ba tsam yang mi

gda' ba/ /de ltar khyod kyis bsags bsags nas/ /bdag nyid la ni
yon tan bsgrubs/ /'jig rten pa yi dpe dngos kun/ /gegs bgyid pa
dang sgrib pa can/ /re zhig pa dang nyi tshe ba/ /shin tu rnyed
par sra ba lags/ /khyod kyis yon tan bla med la/ /gegs bgyid

@111b ma mchis rtogs ma mchis/ /brtan pa dang ni rgyun chags pas/
/dpe lta mchis par ga la 'gyur/ /gang tshe khyod kyi dgongs pa'i
dkyil/ /gting dang pha rol med brtags na/ /rgya mtsho zab pa nyid
kyang ni/ /gnag rjes lta bur sa ler gda'/ /chos rnams kun gyis mi
bskyod

pa/ /khyod kyi brtan pa mngon bsams na/ /sa yi brtan pa nyid
kyang ni/ /shir sha'i ge sar rtse ltar chung/ /thub pa khyod kyi
ye shes kyi/ /snang bas mi shes rab rib dag /'joms pa'i thad na
nyi ma yang/ /me khyer tsam du'ang mi spyod do/ /khyod kyi gsung
thugs mdzad spyod rnams/ /

dag pa'i gan na ston zla dang/ /chu dang nam mkha'i dag pa rnams/
/dri ma can ni lta bur gda'/ /'jig rten legs pa gang ci'ang rung/
/thams cad bsngos na'ang der bas te/ /nyon mongs 'jig rten chos
rnams kyis/ /sangs rgyas chos la khyad mi khor/ /rin chen chos
gang brnyes

nas khyod/ /mchog tu gyur pa de nyid dang/ /khyad du bsgrun zhing
de dang ni/ /khyod dang bsgrun ldom kho nar bas/ /gang la spyi
tsam bstun nas ni/ /cung zad brjod par bgyid pa de/ /smra ba po
yi rang dga' dang/ /thabs dang gcam bu tsam du bas/ /dpe med pa
la bstod pa ste le'u gsum

pa'o// //khyod ni bdud las rnam rgyal te/ /'gro kun dad par mdzad
pa yang/ /bdag gis chos nyid rjes bsams na/ /chen po ltar gang ma
mthong ngo/ /sdang bas rgol bar rtsol byed pa/ /mang po'ang gzhom
par bya ba ni/ /khyad par gnas la brten pa yi/ /bzod pa'i tshigs

su mtshar mi che/ /gang tshe bdud rnams mngon btul ba/ /de yi nub
mo kho na la/ /nyon mongs shin tu che spangs pa/ /de nyid rmad du
byung ba lags/ /'od zer phreng ba stong ldan pa'i/ /nyi mas mun
bsal gang lags dang/ /dpa' bo khyod kyis mu stegs las/ /rgyal bar
mdzad pa

ci zhig mtshar/ /'dod chags bral bas chags bcas dang/ /zhe sdang
bral bas zhe sdang can/ /gti mug bral bas rmongs pa ste/ /gsum
pos rtag tu gsum dag btul/ /dam chos rab tu bstod pa dang/ /dam
chos ma lags smod mdzad kyang/ /dam pa dag dang tha ma la/ /

@112a @#/ /khyod ni chags dang khro mi mnga'/ /dgra bcom pa dang
mu stegs la/ /rjes su chags dang khong khro bar/ /khyod kyi thugs
ni mi 'gyur na/ khyod la bstod du ci zhig mchis/ /yon tan rnams
la'ang ma chags la/ /yon tan can la'ang bzhed mi mnga'/ /kye ma'o

khyod kyi thugs stobs ni/ /rab dang yongs su dag pa lags/ /dbang
po rnams ni rab dang ba/ /dus rnams rtag tu mi nyams pas/ /khyod
thugs rtag tu dang ba dag /mngon sum gyur pa bzhin du gda'/ /rang
bzhin dam pa legs gsungs dang/ /mdzad spyod bzang pos

bsgrags pas na/ /khyod kyi blo gros dgongs pa dag /rnam dag byis
pa'i bar la grags/ /rmad du byung ba'i bstod pa ste le'u bzhi
pa'o// //nye bar zhi la yid du 'ong/ /'bar la gnod pa mdzad mi
mnga'/ /dul la rngom brjid che ba yis/ /sku 'dis su zhig dad mi

mdzad/ /khyod kyi sku de gang gis na/ /lan brgyar mthong dang
gang zhig gis/ /dang por mthong ba de gnyis ka/ /'dra bar mig ni
mgu bar mdzad/ /khyod kyi sku ni mdzes pa'i phyir/ /blta bas mi
ngoms rang bzhin pas/ /mthong ngo cog ni phyi phyir zhing/ /dga'
ba bskyed

par mdzad pa lags/ /rten gyi yon tan dag dang ni/ /brten pa'i yon
tan phan tshun du/ /'tsham pas khyod kyi sku dang ni/ /yon tan phun
tshogs mchog dang ldan/ /mtshan dang dpe byad bzang 'bar ba/ /khyod
kyi sku las ma gtogs pa/ /de bzhin gshegs pa'i yon tan

'di; /gzhan gang zhig la legs gnas 'gyur/ /khyod sku rten pa'i
yon tan la/ /nga dpal che zhes gsung gsung ltar/ /de yi yon tan
rnams kyang slar/ /des legs bkod ces gsungs pa 'dra/ /sku la
bstod pa ste le'u lnga pa'o/ //'gro ba 'di dag

thams cad ni/ /khyad med nyon mongs rnams kyis bcings/ /khyod ni
'gro ba'i nyon mongs dag /dgrol slad yun ring thugs rjes bsdams/
/dang por khyod la phyag bgyi'am/ /'on te gang gis 'khor bar
khyod/ /skyon mkhyen yun ring de lta bur/ /bzhugs mdzad thugs rje

@112b che la bgyi/ /dben pa'i bde ba spang gyur khyod/ /mang po'i
nang du bzhugs pa gang/ /de khyod thugs rjes dus 'das pa/ /glags
shig thod nas bgyis par bas/ /rig pa yis ni mtsho nang nas/ /klu
bzhin khyod kyi thugs rje yis/ /dgon pa zhi gnas grong gi mthar/
/gdul ba'i don

gyi slad du drangs/ /nyer zhi mchog la gnas bzhin du/ /thugs rje
gtso dang ldan pas na/ /rol mo mkhan gyi sgyu rtsal yang/ /khyod
kyi zhabs kyi 'dor bar mdzad/ /rdzu 'phrul seng ge'i sgra dang
ni/ /nyid kyis yon tan brjod pa gang/ /de ni bzhed spyod mi mnga'
ba/ /khyod kyi thugs rjes

bstan pa lags/ /gzhan gyi don du rab bzang gi/ /nyid kyi don la
brtse med pas/ /mgon po khyod nyid 'ba' zhig la/ /thugs rjes
thugs rje mdzad ma gyur/ /'di ltar res 'ga' brtan pas gang/
/gzhan don bsgrubs mdzad slad du/ /khyod ni lan brgyar phyogs dag
tu/ /

gtor ma bzhin du btang ba lags/ /de ltar khyod la gnod mdzad
kyang/ /nongs pa can du mi rtsi bas/ /khyod kyi bzhed pa kho na
dang/ /mthun 'jug pa ni lags par gda'/ /thugs la bstod pa ste
le'u drug pa'o// //tshig bzang ba dang don che dang/ /bden pa dang
ni snyam pa dang/ /

zab gsal gnyis ka'i don ldan dang/ /bsdus dang spros pa dang ldan
pa/ /khyod kyi gsung ni de lta bu/ /khyod kyi dgra bos thos na
yang/ /thams cad mkhyen pa lags so zhes/ /su zhig jes pa skye mi
'gyur/ /mang po ril gyis snyan pa lags/ /bcos ma 'ga' tsam snyan
pa

lags/ /khyod kyi gsung don grub pas kyang/ /thams cad legs gsungs
kho na lags/ /khyod kyi gsung ni rnam brtags na/ /gang zhig 'jam
dang rtsub pa dang/ /gang yang de gnyis ldan pa dag /thams cad ro
gcig nyid du 'gyur/ /e ma'o shin tu yongs dag pa'i/ /phrin

las rnams kyang rab tu bzo/ /de yis rin chen gsung rnams kyi/
/snod 'di 'dra ba 'di bgyis so/ /khyod zhal blta na rab sdug pa/
/de las mnyan na snyan pa yi/ /gsung 'di dag ni zla ba las/ /bdud
rtsi 'dzag pa bzhin du gda'/ /khyod kyi gsung ni 'dod chags kyi/
/rdul

@113a @#/ /rab zhi mdzad char sprin 'dra/ /zhe sdang sprul ni gdon
pa'i phyir/ /nam mkha' lding dang 'dra ba lags/ /yang dang yang
du mi shes pa'i/ /rab rib 'joms pas gdugs dang 'dra/ /nga rgyal
ri bo mngon 'joms pas/ /brgya byin mtshon cha 'dra ba lags/ /

don gzigs pas ni mi slu ba/ /nongs mi mnga' phyir rjes su mthun/
/legs par sbyar bas ge sla ste/ /khyod kyi gsung ni legs gsum
ldan/ /re zhig dang por khyod kyi gsung/ /nyan pa rnams kyi yid
'phrog mdzad/ /de nas yid la bsam bgyis na/ /rdul dang mun pa

dag kyang sel/ /phongs pa rnams kyi dbugs 'byin cing/ /bag med
rnams ni skrag par mdzad/ /bde ba can dag skyo bgyid pas/ /khyod
gsung kun dang 'tsham par 'jug /mkhas pa rnams kyi dga' ba skyed/
/bar ma rnams kyi blo yang spel/ /tha ma'i rab rib rnam 'joms

pas/ /gsung 'di skye bo kun la sman/ /lta ba dag las dgar mdzad
cing/ /mya ngan 'das par nye bar 'dren/ /nyes pa sel mdzad khyod
kyi gsung/ /yon tan rnams kyi char yang 'bebs/ /kun la ma thogs
thugs mnga' zhing/ /dgongs pa'ang kun du nyer gnas pas/ /

de slad khyod kyis lung bstan kun/ /thams cad la yang slu mi
mnga'/ /gang slad yul min dus min dang/ /snod min rnams su mi
'jug pa/ /de slad khyod gsung don mchis te/ /brtson 'grus legs
par brtsams pa bzhin/ /gsung la bstod pa ste le'u bdun pa'o// //

bgrod pa gcig dang thabs bde dang/ /legs par 'brel dang nyes pa
med/ /thog ma bar dang mthar dge bas/ /khyod kyi bstan 'dra gzhan
la med/ /khyod kyi gzhung lugs de lta bu/ /gcig pu phangs la lta
chags pas/ /byis pa gal te smod bgyid nas/ /lta dang 'dra ba'i

dgra ma mchis/ /gzhan ni 'gro ba'i don slad du/ /sdug bsngal mang
bstar gang lags pa/ /de bsams khyod bstan ngan na yang/ /gnas par
bgyi ba la thug na/ /phan pa gsung zhing phan mdzad pa/ /khyod
kyi bstan pa ci smos te/ /mgo la zhugs ni 'bar bas kyang/ /ci yi

@113b slad du sgrub mi bgyid/ /khyod kyi bstan pas rang dbang
dang/ /byang chub bde dang zhi ba dang/ /khyod kyi yon tan
bsngags pa dang/ /legs pa bzhi po 'di kun thob/ /dpa' bo khyod
kyi bstan pa 'di/ /mu stegs thams cad skrag mdzad la/ /bdud ni
sems khong chud mdzad cing/ /

lha dang mi rnams dbugs kyang 'byin/ /'chi bdag bstan pa khams
gsum gyi/ /sa chen dag na spyod bgyid pa/ /mi thogs bzlog pa ma
mchis pa'ang/ /khyod kyi bstan pas zil gyis mnan/ /khyod kyi
bstan pa'i lugs 'tshal ba/ /dga' na bskal par yang gnas la/ /gang
du

bdud kyis mi rdzi ba/ /der yang dga' mgur rab tu mchi/ /lung gi
don ni bsam pa dang/ /bsgom dang gus par mnyan pa yi/ /dus gsum
cha dbye khyod kyi ni/ /bstan las gzhan la mchis ma lags/ /drang
srong skyes mchog khyod kyi bstan/ /de ltar legs pas khyab 'di
la/ /ma

gus gang lags de las ni/ /sdug bsngal chen po'ang ci zhig mchis/
/bstan pa la bstod pa ste le'u brgyad pa'o// //khyod thos pas ni
spro ba skye/ /mthong bas dad pa skye bar 'gyur/ /khyod gsung
thos pas dga' 'gyur te/ /bstan pas rnam par grol bar mdzad/
/khyod kyi

sras kyis mgu bar 'gyur/ /'phel bas skye dgu rnams kyang dga'/
/gshegs pa na ni phan 'dogs mdzad/ /ldog pa na ni rgud par 'gyur/
/bsgrags pas sdig pa 'phrog par mdzad/ /khyod dran pas ni rangs
par 'gyur/ /btsal bas blo gros skye 'gyur te/ /yongs su shes pas

rnam par 'dag /khyod la bsu bas dpal du byed/ /bsten pas blo gros
mchog tu 'gyur/ /bsten na 'jigs pa med par mdzad/ /bsnyen bkur
bgyis pas bde bar 'gyur/ /tshul khrims phun sum tshogs pas dag
/bsam gtan phun sum tshogs pas dang/ /shes rab phun

tshogs mi 'khrugs pas/ /khyod ni bsod nams mtsho chen lags/ /khyod
sku bltar 'os rin chen te/ /legs gsungs mnyan 'os rin chen lags/
/chos ni spyad 'os rin chen pas/ /khyod ni rin chen 'byung gnas
lags/ /khyod ni chu bos bdas pa'i gling/ /smas pa'i

@114a @#/ /bdag nyid skyob pa ste/ /srid pa'i 'jigs pas nyen pa'i
skyabs/ /thar 'tshal rnams kyi 'dren pa lags/ /tshul khrims dag
phyir snod kyi mchog /zhing gshin 'bras bu phun sum tshogs/ /srog
chags kun la phan mdzad phyir/ /grogs kyi phul yang

khyod lags so/ /phan 'dogs mdzad pas mdza' bshes te/ /'grogs na
bde phyir snying du sdug/ /zhi phyir gcig tu yid du 'ong/ /yon
tan kun mnga' mchod 'os khyod/ /sdig pa med pas yid dang 'thad/
/sku gsung bzang bas dga' bar mdzad/ /don kun 'grub phyir

dpal yangs te/ /yon tan legs rten bkra shis lags/ /smon lam la
bstod pa ste le'u dgu pa'o// //khyod ni rngan then bgyid la skul/
/chom rkun bgyid pa tshar yang gcod/ /gya gyu can rnams rnal du
'god/ /dal bus bgyid la gzhen skul 'debs/ /dul

ba rnams ni lam la sbyor/ /dmu rgod rnams la btang snyoms mdzad/
/de slad skyes bu 'dul ba yi/ /kha lo sgyur ba bla med mchog
/khyod ni nyam thag rnams la brtse/ /bde bar gnas la phan par
dgyes/ /phongs par gnas la thugs rje bas/ /kun la phan par

bzhed pa lags/ /khyod ni dgra bo rnams la'ang byams/ /nyams par
gyur la phan 'dogs mdzad/ /gtum po rnams la thugs brtse bas/
/khyod ni ya rabs rmad cig lags/ /phan 'dogs bgyid slad pha ma
dag /gal te bla mar 'tshal na go/ /khyod ni lhag par phan

'dogs pas/ /bla ma nyid gyur smos ci 'tshal/ /rang gi don la mi
lta bas/ /nyid kyi dgra bo ltar gyur cing/ /g.yang sa'i mun na
gnas rnams la/ /ra ba lta bur gyur pa'ang khyod/ /'jig rten gnyis
kar sman gdags dang/ /'jig rten las ni 'da' slad du/ /mun par

gyur pa'i 'jig rten la/ /khyod kyis shes rab snang bar mdzad/
/yul la nye bar spyod pa na/ /lha mi'i spyod pa tha dad kyang/
/chos kyi longs spyod thun mong bas/ /khyod la dbye ba mi mnga'o/
/bcom ldan khyod kyis skye ba dang/ /na tshod rigs dang yul dang
ni/ /dus kyi skyon

@114b med chos rnams kyis/ /'di dag kun la sman yon btags/ /khyod
kyi nyan thos srid bral zhing/ /ya mtshan 'dzin pa med rnams
la'ang/ /lha rnams thal sbyar smon bgyid cing/ /ya mtshan che ba
lta bur mchod/ /e ma'o sangs rgyas 'khor ba yi/ /nyid gur gyur
pa byung

ba brjid/ /des ni mi yang lha rnams kyis/ /smon par bya ba nyid
du gyur/ /lam la 'jug pa la bstod pa ste le'u bcu pa'o// //mnyel
dang zhe bde nyams gyur dang/ /skye bo ngan dang 'grogs pa dang/
/mi mthun pa dang mang po yi/ /skyon yang yon tan bzhin dgongs

shing; /'gro ba'i don slad ma chags pa'i/ /thugs kyis brtson pa
gang mdzad pa/ /sangs rgyas rnams kyi sangs rgyas kyi/ /chos nyid
bcom ldan de rmad do/ /bshos kyang phal pa gsol mdzad cing/ res
'ga' smyung ba dag kyang mdzad/ /nyam nga'i shul du'ang gshegs

mdzad cing/ /rad rod can du'ang mnan la mdzad/ /mgon khyod gtso
bor gyur lags kyang/ /gdul bya rnams la byams slad du/ /sku ngas
brngo dang gcam tshul dang/ /skad dang cha lugs sgyur ba'ang
mdzad/ /kun gyis dga' mgur rang don phyir/ /bran bzhin bskor bar
bsgrims

pa las/ /mgon khyod rtag tu bdag nyid la/ /mnga' ma mchis pa'ang
ma lags so/ /khyod la gang dang gang du yang/ /ji skad bskul
ba'ang mi spong ste/ /nyid kyi sgrub pa bzang po las/ /'da' bar
'gyur ba ma mchis so/ /ji ltar khyod ni gnod bgyid la/ /phan pa
lhur mdzad

de lta bur/ /skye bo dag ni phan bgyid la'ang/ /phan pa de ltar
lhur mi bgyid/ /khyod ni gnod bgyid dgra bo la/ /phan pa mdzad
pa'i bshes lags te/ /rtag tu skyon dag tshol ba la/ /yon tan 'ba'
zhig tshol ba lags/ /khyod ni gang na dug bcas shing/ /zhugs dang
bcas par

spyan drangs pa/ /der ni brtser bcas gshegs pa dang/ /khyod la
bdud rtsi can du gyur/ /bzod pas mi snyan brjod pa dang/ /'khu ba
dag ni bde legs kyis/ /mi snyan smra la bden pas te/ /khyod kyis
sdang ba byams pas btul/ /thog ma med dus goms pa yis/ /mi yi
rang

@115a @#/ /bzhin mang po yang/ /khyod kyis ngan song rnam bzlog
nas/ /skad cig nyid la yongs su bsgyur/ /dka' ba mdzad pa bstod
pa ste le'u bcu gcig pa'o// //rtsub pa dang 'jam bgyis pa dang/
/'jungs pa rnams ni gtong phod dang/ /gtum pa des

par bgyis pa gang/ /de ni khyod kyi thabs mkhas lags/ /dga' bo'i
dbang po nyer zhi dang/ /nga rgyal khengs pa 'dud pa dang/ /sor
mo'i phreng ba'ang zhi bgyis na/ /su zhig ngo mtshar bskyed mi
bgyid/ /khyod kyi chos kyi ros tshim pas/ /gser las bgyis pa'i lam
spangs

nas; /ran mang bting ba'i gnas mal du/ /brten rnams bsod nyams
nyal bar bgyid/ /khyod kyis dus dang bsam mkhyen pas/ /res 'ga'
zhus na'ang mi gsung la/ /spros gyur gzhan la bstan pa dang/
/drung du gshegs nas bshad pa'ang mdzad/ /dri med gos la tshon

bzhin du/ /thog mar sbyin sogs gtam dag gis/ /sems la spro ba
bskyed nas ni/ /phyi nas chos ni bstan pa mdzad/ /'khor ba mi
bzad gting nas ni/ /'gro ba nyon mongs drang slad du/ /khyod kyis
gang zhig ma stsal ba'i/ /thabs dang spyod pa de ma mchis/ /sku
yi cha lugs

rnam mang dang/ /gsung gis so so'i skad bzhin du/ /gdul bya'i
bsam pa tha dad pa/ /de dang der ni khyod kyis mdzad/ /de dag kun
kyang dag pa dang/ /mi 'gal ba dang mchod 'os dang/ /brjid dang
lha mi rnams la ni/ /sman 'dogs bkur ba sha stag lags/ /smra dang

bgyid pa phal cher ni/ /legs par rdo thogs ma lags kyi/ /bden
par gsung ba khyod la ni/ /de gnyis gzhan du gda' ba lags/ /bdag
nyid dag pa 'ba' zhig gis/ /khyod kyis 'gro ba'i dpal zhing
mdzad/ /'di ltar rnam pa 'di 'dra'i zhing/ /'jig rten gsum na

mchis ma lags/ /thog med srid pa nyam nga bar/ /snga nas gcig tu
nyams pa yi/ /sems can kun la sman slad du/ /khyod ni de ltar
brtson pa lags/ /mkhas pa la bstod pa le'u bcu gnyis pa'o//
//gang gis khyod drin lan lon pa'i/ /sgrub de mchis

@115b snyam mi bgyid de/ /skye bo gang dag mya ngan 'das/ /de dag
gis kyang lan ma lon/ /khyod kyi chos la gnas de dag /rang don
kho na bgyid par bas/ /de yi slad du 'o brgyal gang/ /de la lan
go ci zhig lon/ /khyod ni sems can gnyid log pa'i/ /rgyud la
gzigs pa'i

zhugs tse ba/ /bag med gyur pa rnams kyi ni/ /grogs bzang bag
dang bcas pa lags/ /khyod kyis nyon mongs gzhom pa bshad/ /bdud
kyi g.yo dag bstan pa mdzad/ /'khor ba'i rang bzhin mi bzad
brjod/ /'jigs pa med pa'i phyogs kyang bstan/ /phan dgongs

thugs rje can gyis ni/ /sems can rnams la bgyi 'tshal ba/ /gang
zhig khyod kyis ma mdzad pa/ /gzhan go ci zhig mchis lags kye/
/gal te chos ni 'di dag dang/ /spo ba zhig tu btub na ni/ /gdon
mi 'tshal bar khyod kyis ni/ /lha sbyin la brten kun la'ang stsol/
/de

slad 'gro la brda sprod pa/ /'gro ba'i mgon po khyod kyis ni/ 'di
na phan tshun byed pa po/ /med pa skad du nges par gsungs/ /'jig
rten rnams la thugs brtse bas/ /yun rings sa stengs dam chos
bshad/ /'jig rten gsum phan 'dogs nus pa'i/ /slob ma dam pa'ang

mang du bskrun/ /mngon du gdul bya'i tshogs kyang ni/ /mdzes
bzangs yan chad btul lags pas/ /da go khyod la sems can gyi/ /bu
lon lhag ma ci mchis na/ /'di ltar rdo rje'i ting 'dzin gyis/
/sku gdung til 'bru bzhin blags nas/ /mjug tu'ang khyod kyis shin
tu ni/ /

dka' spyad yal bar ma dor ro/ /gzugs kyi sku dang chos 'di dag
/gzhan don kho nar mdzad do zhes/ /'jig rten yid ches dka' 'di
la/ /khyod kyis mya ngan 'das pa bstan/ /de slad chos sku ma lus
pa/ /sras kyi mchog la gtad mdzad de/ /gzugs sku til 'bru ltar

bshig nas/ /khyod ni yongs su mya ngan 'das/ /e ma'o gnas pa e
ma'o tshul/ /e ma'o yon tan e ma'o sku/ /sangs rgyas kyi ni chos
rnams la/ /ya mtshan mi che 'ga' ma mchis/ /phan 'dogs mdzad cing
blta na sdug /sku gsung phrin las zhi gyur pa/ /khyod la'ang

@116a @#/ /sdang bar rab bgyid pa'i/ /rmongs pa mi bzad pa la
gzigs/ /bsod nams rgya mtsho rin chen gter/ /yon tan 'byung gnas
chos kyi tshogs/ /khyod la sems can gang 'dud pa/ /de dag la yang
phyag 'tshal legs/ /mgon khyod yon tan mi bas kyang/ /

bdag gi zho sha bas 'tshal bas/ /des na 'jigs pa mchis slad du/
/glo ba la ni bcags bzhin mchis/ /khyod kyi rang gi ngo bo nyid/
/tshad ma mchis la bsam mi khyab/ /bstan min grangs kyang ma mchis
pa/ /khyod bdag nyid kyis mkhyen lags grang/ /mtsho chen chab ni

bas par ma gyur kyang/ /skye bo'i gdung ba rab tu zhi bgyid ltar/
/khyod kyi yon tan cha tsam ma bsgrags kyang/ /bdag ni mchog tu
glo pa dga' zhing mchis/ /bdag gis thub la dad pas spobs skyes
pa'i/ /dge ba'i las 'di'i 'bras bu 'khrungs pa yis/ /ngan rtog
rlung dmar

'tshubs pas dkrugs pa yi/ /'gro ba'i sems ni rnal du gnas par shog
/bu lon med par bstod pa ste le'u bcu gsum pa'o// //brgya lnga
bcu pa'i bstod pa slob dpon mkhas pa chen po bram ze rta dbyangs
kyis mdzad pa rdzogs so// //rgya gar gyi mkhan po shrI shradd+ha
ka

ra wa rmma dang/ lo tsA shAkya blo gros kyis bsgyur cing zhus
te gtan la phab pa'o// @##/ /rgya gar skad du/ sha ta panytsa sha
ti ka nA ma sya sto twa TI ka /bod skad du/ brgya lnga bcu pa
zhes bya ba'i bstod pa'i 'grel pa/ /dkon mchog gsum la phyag
'tshal lo/ /

spel mar bstod pa phyogs glang pos/ /zab mo nye bar bshad pa ni/
/brgya ni lnga bcu pa yi don/ /rmad byung de las rnam shes nas/
/rgyal ba la ni gus pa yi/ /dga' byed snyan pa'i dge slong gis/
/de yi phyogs la dad pa yis/ /rnam par dbye ba rab tu bya/ /de la
'dir

brgya lnga bcu pa'i bstod pa re zhig dang por gleng bslang ba
dang/ rgyu dang 'bras bu dang/ sman 'dogs pa'i sgo nas bstod pa
dang/ bcu gsum du rab tu bstan pa ni 'di lta ste/ gleng bslang
ba'i bstod pa dang/ pha rol tu phyin pa drug gi rgyu thun mong ma
yin pa'i phyir gcig tu byas nas

@116b rgyu la bstod pa'o/ /'bras bu la bstod pa ni dpe med pa la
sogs pa'i dbye bas rnam pa gsum ste/ dpe med pa la bstod pa dang/
rmad du byung ba la bstod pa dang/ sku la bstod pa zhes bya ba'o/
/sman 'dogs pa'i bstod pa ni snying rje la sogs pa'i dbye bas
rnam pa brgyad de/

thugs rje la bstod pa dang/ gsung la bstod pa dang/ bstan pa la
bstod pa dang/ smon lam la bstod pa dang/ lam la 'jug pa la bstod
pa dang/ dka' ba mdzad pa la bstod pa dang/ mkhas par bstod pa
dang/ bu lon med pa la bstod pa zhes bya'o/ /de rnams kyi bsdus

ba'i tshigs su bcad pa dag ni/ gleng bslang bstod dang rgyu la ni/
/rnam drug 'bras bu dpe med dang/ /rmad du byung dang de bzhin
sku/ /sman 'dogs rnam brgyad de yang ni/ /thugs rje gsung dang
bstan pa dang/ /smon lam dang ni lam 'jug dang/ /dka' mdzad nyid
dang mkhas pa dang/ /

bu lon med dang bcu gsum mo/ /bstod pa bcu gsum po de rnams kyi
re re'i bshad pa yongs su rdzogs pa ni phyis bshad par bya'o/ /de
la gleng bslang ba zhes bya ba ni dang por brtsam pa'o/ /gleng
bslang ba der don gang dang gang gis bshad pa zhes bya ba bstan
pa dang/ rgyu la bstod

pa la sogs pa rnams la yang tshigs su bcad pa gang gis don gang
bshad pa de yang rab tu bshad par bya'o/ /re zhig gleng bslang
ba'i bstod pa'i tshig gi don ni de bzhin gshegs pa la skyabs su
'gro ba la sogs pa'i mchod 'os nyid dang/ de bzhin gshegs pa'i
rgyu nyid dang de

bzhin gshegs pa'i nyes pa ma lus pa zad pa rjes su dpag pa dang/
yon tan ma lus pa mi shes pas kyang bcom ldan 'das la yon tan gyi
phyogs gcig tsam gyis bstod pa dang phyag 'tshal ba'i yon tan gyi
phyogs tsam bshad pa zhes bya'o/ /'dir yang bsdus pa'i tshigs

su bcad pa ni/ ston la skyabs 'gro sogs mchod 'os/ /nyes pa med
pa rjes su dpag/ /yon tan mtha' yas kyang ni chas/ /bstod pa 'dir
ni phyag 'tshal phyogs/ /de la gang la'ang rnam par thams cad du
zhes bya ba rgyas par bshad pa'i phyir tshigs su bcad pa gnyis
brtsam

@117a @#/ /par bya ste/ gang zhig la ni nyes pa kun/ /gtan nas yod
ye mi mnga' zhing/ /gang la'ang rnam pa thams cad du/ /yon tan
thams cad gnas gyur pa/ /gal te sems shig yod na ni/ /de nyid la
ni skyabs 'gro zhing/ /de bstod de ni bkur ba dang/ /de

yi bstan la gnas pa'i rigs/ /gang zhig la ni nyes pa kun/ /zhes
smros pa la/ de nyid la ni skyabs su 'gro ba'i rigs zhes bya ba
la sogs pa'i tshig dang sbyar ro/ /gang zhig ces bya ba ni thun
mong gi sgra yin yang don gyis sangs rgyas bcom ldan 'das kho na
la 'jug go/ /

gang gi phyir nyes pa thams cad zad pa dang yon tan ma lus pa
dang ldan pa ni gzhan med pa de'i phyir 'di ltar bshad de/ thams
cad mkhyen la yon tan kun/ /mnga' la de yang nyams mi mnga'/
/nyes pa bag chags bcas de yang/ /skyob pa gcig pu la mi mnga'/ /

zhes bya'o/ /nyes pa zhes bya ba ni 'dod chags la sogs pa ste/
nyes pa byed pa zhes bya ba'i phyir ro/ /yang na lus dang ngag
dang yid kyi rgyud la nyes pa byed pa ni snod ma yin par byed pa
zhes bya bas na nyes pa'o/ /mi mnga' zhes bya ba ni mi mnga' ba
ste/ skyon du gyur pa ma brnyes

pa'i phyir ro/ /yod ye zhes bya ba ni bcom ldan 'das kyi spangs
pa phun sum tshogs pas ngo mtshar ba gsal bar byed pa'o/ /yang na
tshig kha bskang ba'i phyir tshig gi phrad do/ /gang zhig la nyes
pa mi mnga' ba de skyabs su 'gro ba la sogs pa'i mchod 'os pa
zhes bya'o/ /phyi

rol gyi 'dod chags dang bral ba dang/ slob pa rnams la nyes pa
med pa'i phyir skyabs su 'gro ba la sogs pa'i mchod 'os su thal
bar 'gyur zhes pas na/ de bsal bar bya ba'i phyir 'di bshad de/
thams cad ces bya ba ni ma lus pa zhes bya ba'i don to/ /gal te
phyi rol gyi 'dod

chags dang bral ba de rnams kyi nyes pa med na yang de bzhin du
srid pa'i rtse mo'i nyes pa nges par ma spangs pa'i phyir dang/
slob pa po rnams kyi yang ji lta bar sbyor bas khams gsum dang/
gnyis dang gcig gi thob pa'i bsgom pas spang bar bya ba rnams ma
spangs pa'i phyir ro/ /dgra

@117b bcom pa rnams la yang khams gsum gyi nyes pa med na de
rnams kyang skyabs su 'gro ba la sogs pa'i mchod 'os su thal bar
'gyur zhes pas na bshad pa/ gtan nas zhes bya ba ni dus thams cad
du'o zhes bya ba'o/ /don gang yin zhe na/ gal te dgra bcom pa
rnams la yang

nyes pa thams cad med mod kyi gtan nas med pa ni ma yin te/ yongs
su spangs pa'i dus su yod pa dang/ dgra bcom pa rnams kyis yongs
su ma spangs pa'i chos can yin pa'i phyir ro/ /'o na rang sangs
rgyas rnams la yang nyes pa thams cad gtan nas med pas de la

yang skyabs su 'gro ba'i mchod 'os su thal bar 'gyur ro zhes bya
bas na de rnams las kyang khyad par du bya ba'i phyir bshad pa/
rnam pa thams cad ces bya ba ni rnam pa thams cad kyis zhes bya
ba'i don to/ /gang gi phyir de rnams kyis rnam pa thams cad du
'dod chags pa la sogs

pa spangs par ma gyur te/ de rnams kyis bag chags ma spangs pa'i
phyir ro/ /de bas na de rnams kyang skyabs su 'gro ba la sogs
pa'i mchod 'os ma yin no/ /bcom ldan 'das la yang nyes pa thams
cad ni gtan nas rnam pa thams cad du mi mnga'o/ /de'i phyir na
nyes pa ma

lus pa shin tu mi mnga' ba'i slad du bcom ldan 'das kho na la
skyabs su 'gro ba la sogs pa'i mchod 'os pa yin no zhes bshad do/
/gang zhig la ni nyes pa kun mi mnga'/ /zhes bya ba ni bshad pa'i
go rims kyis tshigs su bcad pa 'di ltar gdon na rjes su mthun par

mi 'gyur ro zhes pas na/ tshigs su bcad pa dang rjes su mthun pa'i
phyir na gtan nas dang/ rnam pa thams cad ces bya ba ni go rims
su gdon pa'o/ /phyi rol gyi ri bo la sogs pa'i dngos po rnams la
yang gtan nas rnam pa thams cad du nyes pa med na de rnams la
yang

skyabs su 'gro ba la sogs pa'i mchod 'os su thal bar 'gyur zhes
pas na/ de dag dgag par bya ba'i phyir/ bshad pa thams cad nas
rnam pa thams cad du zhes bya ba ni yon tan thams cad ces bya ba
dang sbyar ro/ /yang yon tan thams cad gang zhe na/ nyan thos
dang thun

@118a @#/ /mong du nyon mongs pa med pa dang smon lam gyi ye shes
la sogs pa'o/ /thun mong ma yin pa rnams kyang ma 'dres pa dang/
stobs dang/ mi 'jigs pa la sogs pa'o/ /de rnams kyang chung ngu
dang/ 'bring la sogs pa'i dbye bas ni ma yin te/ 'on kyang

chen po nyid la gnas pa zhes bya bas na bshad pa/ rnam pa thams
cad ces bya ba ni khyad par thams cad kyis zhes bya ba'i don to/
/khyad par 'phags par bgyi ba la/ /khyod la thang lhod 'ga' ma
byung/ /de slad khyod kyi khyad par rnams/ /thog drung rim pa
dbyer ma mchis/ /zhes pa gang

'chad par 'gyur ba'o/ /gang la zhes bya ba ni don gyis bcom ldan
'das kho na dang sbyar ro/ /'ang zhes bya ba'i sgra ni khyad par
gyi rgyu gsal bar byed pa'o/ /nyes pa ma lus pa zad par gyur pa
dang/ yon tan gyi khyad par ma lus pa dang ldan pa'i phyir de
nyid la ni skyabs su 'gro ba'i rigs

so zhes bya ba ni rgyas pa'o/ /gnas gyur zhes bya ba ni yang dag
par gnas pa ste/ bzhed pa tsam gyi phyir dang/ mngon du gyur pa'i
nus pa yin pa'i phyir ro/ /yon tan ni sngar bshad pa ste/ nyes
pa'i gnyen por bgrang zhing goms par byas na zhes bya ba'i phyir
ro/ /bshad pa ni 'di

yin te; nyes pa med pa tsam gyis yon tan med pa skyabs mi nus so/
/skyabs kyi don ni skyabs kyi don zhes bya ste grub pa'i mtha'o/
/ri bo la sogs pa de rnams kyang yon tan med pa'o/ /bcom ldan
'das ni nyes pa mi mnga' ba dang/ yon tan dang ldan pa'o/ /de bas
na de nyid

skyabs su 'gro ba la sogs pa'i mchod 'os pa yin gyi ri bo la sogs
pa ni ma yin zhes bya'o/ /de nyid kyi phyir mang po skyabs su
'gro ba ni/ ro bo dag dang nags tshal dang/ /skyed mos tshal dang
shing drung dang/ /mi rnams 'jigs pas bsdigs pa yi/ /skyabs 'gro
'di ni mchog ma

yin; /skyabs 'gro 'di ni dam pa min/ /de la skyabs su 'gro bas
ni/ /sdug bsngal kun las grol mi 'gyur/ /zhes bcom ldan 'das kyis
gsungs pa'o/ /gal te rnam pa thams cad du yon tan gnas par gyur
pas bcom ldan 'das nyan thos la sogs pa rnams las khyod

@118b par du gyur pa'i phyir skyabs su 'gro ba la sogs pa'i mchod
'os pa yin na yang de bzhin du spangs pa phun sum tshogs pas kyang
bcom ldan 'das bstod par 'gyur ro zhes bya bas na/ gtan nas rnam
pa thams cad du/ /zhes bya ba la sogs pa'i tshigs su bcad pas
bshad do/ /

de zhes bya ba ni sngar bshad pa'i nyes pa thams cad mi mnga' ba
dang/ yon tan thams cad dang ldan pa yang ngo/ /nyid ces bya ba
ni nges par gzung ba'o/ /nges par gzung ba gang yin pa na/ skyabs
su 'gro ba la sogs pa'o/ /de ltar gyur ba las gzhan pa ni skyabs
su 'gro ba

la sogs pa'i snod ma yin no zhes bya ba'o/ /skyabs 'gro zhing
zhes bya ba ni skyabs khas blangs pa'i phyir ro/ /skyabs kyi don
ni skyabs kyi don/ /zhes sngar bshad de/ des ni yid kyi las la
spro bar byed do/ /de bstod ces bya ba ni yang dag par gyur pa'i
yon tan la bstod pa'o/ /

'gro ba'i rigs zhes bya ba ni thams cad la sbyar ro/ /des ni ngag
gi las la spro bar byed do/ /de ni bkur ba dang zhes bya ba ni
thal mo sbyar ba la sogs pas bsnyen bkur bya zhes par dgongs pas
so/ /des ni lus kyi las la spro bar byed do/ /de'i bstan la gnas
zhes bya ba ni

lus dang ngag dang yid dag gis nges bkag pa mi spyad pa dang/
rjes su gnang ba sgrub par byed pa'o/ /de ltar bus ni bcom ldan
'das kyi bstan pa la gnas par 'gyur te/ des ni sgrub pa la spro
bar byed do/ /rigs pa zhes bya ba ni rigs pa las ma 'das pa ste/
rigs

pa dang mthun pa zhes bya ba'i don to/ /gal te sems shig yod na
ni/ /zhes bya ba ni bdag nyid la phan pa'i sems gzung bar bya
ste/ gtso bo yin pa'i phyir ro/ /bdag la phan par sems pas na
zhes bya'o/ /gzhan du na phyugs rnams la yang sems yod de/ de
rnams

kyis ni nyes pa dang yon tan brtag pa'i nus pa dman pas bdag
la phan par mi sems pa'o/ /de bas na bdag la phan par sems pa
gang yin pa des ni nyes pa thams cad mi mnga' ba dang/ yon tan
thams cad dang ldan pa la skyabs su 'gro ba bya ba dang/ de'i
bstan pa

@119a @#/ /la gnas par bya'o zhes bstan to/ /de lta bas na tshigs
su bcad pa de gnyis kyis ni ston pa la skyabs su 'gro ba la sogs
pa'i mchod 'os bstan to/ /dgongs pa gang gis slob dpon 'di nyid
kyis skyabs su 'gro ba la sogs pa'i mchod 'os pa 'di lta

bus gsal bar byas so zhes bya ba bshad par bya ste/ 'dir yang
slob dpon phyogs kyi glang pos zhar la bstan to/ /kha cig na re
skyabs su 'gro ba la sogs pa'i mchod 'os pa mi shes pas 'di skad
zer te/ de ring gang la skyabs su mchi/ /ji srid bdag la sems yod

na; /gang gi bstan la gnas pa dang/ /gang bstod gang la bsnyen
bkur bgyi/ /zhes bya ba de'i phyir/ gtan nas rnam pa thams cad
du/ /zhes bya ba rgyas par slob dpon gyis bshad do/ /'dir yang
'di ltar 'chad par 'dod pas gang gi phyir 'jigs pa dang bcas pa'i

'jig rten pas skyabs su 'gro ba la sogs pa'i mchod 'os pa tshol
bar byed pa de rnams gang la 'jigs pa gang gis 'di nyid smras pa
zhes bya'o/ /'di nyid spel ma'i spel mar gnas brtan shAkya blos
bshad pa ni/ 'bar zhing tsha ba'i 'dod chags sogs/ /me yis lus ni

bsregs gyur cing/ /skye mched kun la gnod byed pa'i/ /dmyal bar
yid ni skrag gyur pas/ /de ring gang la skyabs su mchi/ /zhes pa
ni rgyas pa'o/ /bshad pa ni 'di yin te/ 'dod chags la sogs pa'i
mes yang dag par gdungs pa'i lus dang ldan pa dbang po kun la

gnod pa'i dmyal ba las yid skrag nas skyabs su 'gro ba la sogs
pa'i mchod 'os pa tshol bar byed pa dag gi dbang du byas nas/
/gtan nas rnam pa thams cad du/ /zhes bya ba ni rgyas par bshad
do/ /skyabs su 'gro ba la sogs pa'i mchod 'os pa de dang 'dra ba
gang yin zhe na/

mngon sum du ma bshad pa de'i phyir 'di bshad par bya ste/ /thams
cad mkhyen la yon tan kun/ /mnga' la de yang nyams mi mnga'/
/nyes pa bag chags bcas de yang/ /skyob pa gcig pu la mi mnga'/
/nyes pa bag chags bcas de zhes bya ba la/ bag chags dang bcas

@119b bar 'jug pa zhes bya ba ni bag chags bcas pa ste nyes pa'o/
/de la bag chags zhes bya ba gang yin zhe na/ de la gsung rab la
mkhas pa kha cig ni ji ltar me tog dang bcas pa'i til rnams kyi
dri dang ldan pa'i me tog bsal na yang de dang 'dra ba'i dri
gzhan 'byung ba zhes zer ro/ /yang

na ji ltar lu gu rgyud du sprel ba las grol ba'i skyes bus yun
ring por goms pa'i dbang gis sngar gyi 'gro ba dang 'dra bar
'gro ba de bzhin du nyes pa spangs par gyur na yang 'phags pa
nyan thos rnams kyi nyes pa bud shing bstan pa'i phyir dang/
'phags pa'i lam gyi me myur ba ma

yin pa'i phyir seng ldeng gi bud shing gi dman pa'i mes bsregs
pa'i sol ba dang 'dra ba nyes pa dang mtshungs pa sems dang sems
las byung ba'i khyad par lung du ma bstan pa rgyud la lhag mar
gyur pa gang yin pa de ni bag chags zhes bya'o/ /gang gi phyir de
bzhin du 'phags pa shA

ri'i bu'i chags pa'i bag chags thos pa ni gang gi tshe gnas brtan
maud gal gyi bu chen po'i yan lag dang nying lag bram ze rab tu
byung ba dbyig pa'i gtsug phud can gyis dbyug pas brdegs shing bu
ram gyi shing dang 'dra bar brdungs pa de'i tshe rgyal po ma skyes
dgras de sman pa dag la

gtad de zhag bdun gyis 'di sos par gyis shig /gzhan du na khyod
kyi rnyed pa kun du dbral bar bya'o zhes pa na/ slob dpon de yang
rgan pa'i phyir dang/ shin tu brdegs pa'i phyir gso bar ma nus pa
de'i phyir yongs su mya ngan las 'da' bar dogs par gyur to/ /de'i
yang yongs

su mya ngan las 'da' bar 'dod pa'i dgongs pa shes nas thog ma med
pa'i dus kyi rgyud la bag chags kyi lhag ma dang ldan pa 'phags
pa shA ri'i bu dge slong khri phrag bdun gyi 'khor dang bcas pa
snga dro yongs su mya ngan las 'das so/ /de'i 'chi ba bzod ma nus
pas gnas brtan

mod gal gyi bu chen po dge slong stong phrag bdun cu rtsa drug
dang bcas pa yongs su mya ngan las 'das zhes bya'o/ /chu bo
gang+gAs kyang de'i nyin la gtsug lag khang khyer bas na gnas
brtan pi linda'i bus gzugs 'tshong ma rengs par gyur cig ces chu
bo gang+gA la smras so/ /de ni tshe

@120a @#/ /snga ma la bram ze yin pas na de ni de'i nga rgyal gyi
bag chags so/ /de bas na skye bo'i rtsod pas chu bo gang+gA la
dmod pa dor ro zhes bya ste/ de'i phyir na de dang 'dra ba'i bag
chags dang bcas pa zhes bya'o/ /de bas na nyon mongs pa'i bud
shing dman pa'i phyir dang/

'phags pa'i lam gyi me shin tu rno ba'i phyir mar dang til mar
gyi rno ba'i mes bsregs pa'i dngos po dang 'dra ba'i skyon ni mi
mnga' ste spangs pa'i phyir ro/ /gang gi yin zhe na/ skyob pa
zhes bya bar bshad do/ /ji ltar bdag gi rgyud la de/ /bag chags
lhag ma'ang ma lus pa/ /

de ltar rnam pa thams cad du/ /nyes pa khyod kyis rab tu bcom/
/zhes de ltar 'chad par 'gyur te/ gang zhig la ni de lta bu'i
nyes pa med pa dang/ 'di lta bu'i yon tan mnga' ba de ni skyabs
su 'gro ba la sogs pa'i mchod 'os pa thar pa 'dod pa rnams kyis
khas blangs so/ /de

bzhin du yang bcom ldan 'das kyi ni ji ltar bshad pa'i nyes pa mi
mnga' ba dang yon tan kho na mnga' ba zhes bya'o/ /de yang zhes
bya ba ni ji ltar bshad pa'i rnam pa can gyi nyes pa gzung ngo/
/nyes pa zhes bya ba'i don ni bshad zin te/ mi mnga' ba zhes bya
ba yang ngo/ /gcig pu zhes

bya ba ni nges par 'dzin pa'o/ /gcig kho na yin gyi gnyis pa ni
ma yin no/ /gcig gang zhe na/ bshad pa/ skyob pa'i dbang thob pa
zhes bya ba'i don to/ /bcom ldan 'das gcig pu chos rnams la skyob
pa zhes bya ste/ skyob pa gzhan med do zhes bya bas na de ltar
gsungs pa'o/ /

yang na ta spri khams ni skyong ba'i don te nges par Ni ni'i
rkyen can no/ /des na gdul bya'i dus 'das nas nges par skyob par
byed pas na/ skyob pa zhes bshad do/ /chu srin gyi gzhi rgya
mtshos kyang/ /dus ni shin tu 'da' byed la/ /gdul bya'i sems can
rnams kyi ni/ /dus las

sangs rgyas 'da' mi mdzad/ /ces de bzhin du gsungs pa'o/ /kun
zhes bya ba ni yon tan dang sbyar ro/ /thams cad mkhyen pa zhes
bya ba ni thams cad mkhyen cing thams cad mkhyen par gyur pas na
thams cad mkhyen pa ni yon tan dang ye shes kyi khyad par ro/
/yang na thams

@120b cad mkhyen pa zhes bya ba ni drug pa'i mtha' can te skyob
pa dang sbyar ro/ /de yang zhes bya ba ni yon tan no/ /nyams mi
mnga' zhes bya ba ni mi 'gyur ba'i ngang tshul can no/ /des ni
ston pa'i chos nyid mi nyams pa bstan to/ /yang na nyams pa mi
mnga' ba ni nyes pa mi mnga' ba skyob pa

thams cad mkhyen pa zhes bya'o/ /de'i yon tan la bstod pa brjod
pas ni bcom ldan 'das kho na la bstod pa dang sbyar ro/ /de'i
phyir na nyes pa bag chags dang bcas pa ma lus pa spangs pa dang/
yon tan thams cad phun sum tshogs pa mnga' ba yang bcom ldan 'das
la

skyabs su 'gro ba la sogs pa'i mchod 'os pa'i rgyu bshad do/
/bcom ldan 'das la nyes pa bag chags dang bcas pa yang mi mnga'
ba zhes ji ltar rtogs par 'gyur zhe na bshad pa/ 'dir rjes su
dpag pa bshad par bya ste/ bcom ldan 'das kyi sku dang ni/ /gsung
dang

thugs kyi phrin las la/ /zhe 'gras gyur pa gang gis kyang/ /chos
dang ldan par glags mi rnyed/ /zhe 'gras gyur pas mi rnyed ces
bya ba ni rgyas pa'o/ /mi zhes bya ba ni dgag pa bshad pa'o/
/bcom ldan 'das kyi la glags mi rnyed ces bya ba dang 'dir sbyar
ro/ /kyang zhes bya ba

ni gang gi zhes bya ba'i don la'o/ /gang du mi rnyed ce na bshad
pa/ /sku dang gsung dang thugs kyi phrin las zhes bya ba ni sku
dang gsung dang thugs zhes bya ste/ sku gsung thugs so/ /phrin
las kyi sgra ni re re dang sbyar ro/ /gang gis mi rnyed ce na
bshad pa/ zhes 'gras pa zhes bya ba ni rgyas pa'o/ /

rtog pa chung ba 'ba' zhig tu ma zad kyi 'on kyang skyon tshol ba
la gzhol bas kyang zhes bya ba'i don to/ /char dus kyi zla ba
bzhi'i bar du bcom ldan 'das kyi thad du 'dug pa phyi ma'i mis
skyes bu chen po'i mtshang btsal bar bya ba'i phyir dang/ tshul
bzhin ma yin pa rnams dpyad par bya ba'i phyir

yang bcom ldan 'das kyi 'dod chags la sogs pa'i nyes pa tsam yang
ma mthong ngo zhes bya ba ni mdo'i don to/ /'o na mdzes ma rab tu
byung ba la brten pas mu stegs pa gzhan gyis glags rnyed do zhes
bya bas na/ bshad pa/ chos dang ldan pa zhes bya ba ni chos kyi
sgra ni bden pa la 'jug pa'o/ /

@121a @#/ /nges na bshad pa ni 'di yin te/ bden pa dang bcas par
'jug pa gang yin pa des ni glags mi rnyed do/ /gang gis bden pa
spangs nas bcom ldan 'das la smod par byed pa de la dgag pa lta
smos ci dgos/ de bzhin du de bzhin gshegs pa bltams pas mu stegs
pa

de rnams rnyed pa dang bkur sti ma rnyed pas mdzes ma rab tu
byung ba rang gis bsad nas bcom ldan 'das la mi bsngags pa'i gtam
bsgrags pa ni dge sbyong gau ta mas 'di ni bsnyen bkur byed du
bcug nas bsad do zhes bya ba'o/ /de nas mu stegs pa kha cig rnyed
pa dang bkur sti rnyed pas

'thab krol mkhan gyi mu stegs pa gzhan la smras pa/ mdzes ma
khyed cag rang gis bsad na dge sbyong gau ta ma la smod dam zhes
pa rgyal po gsal rgyal gyis thos nas yul nas bskrad do/ /de bzhin
du tsi tsa dka' thub ma'i mi bsngags pa'i dpe brjod par bya'o/
/rnyed pa zhes

bya ba ni 'thob pa'o/ /gang gis zhes bya ba ni zhe 'gras pa dang
sbyar ro/ /bcom ldan 'das zhes bya ba ni de bzhin gshegs pa la
mchod pa'i tshig go/ /glags zhes bya ba ni skyon tshol ba dang/
nyes pa 'dzin pa zhes bya ba'i tha tshig go/ /gal te nyes pa yod
na de las byung ba'i sku

dang gsung dang thugs kyi phrin las kyi tshul dang mi mthun pa'i
spyod pa tshol na su zhig gis rnyed par 'gyur ba ste/ de bas na de
bzhin gshegs pa la nyes pa mi mnga'o/ /de lta bus ni bcom ldan
'das kyi nyes pa zad pa'i rjes su dpag pa bstan nas/ bstod pa bya
ba'i dgos pa

bshad par bya ste/ 'khor ba thog ma med par lce gcod pa dang/
ngan song du skye ba la sogs pa dang/ nyon mongs pa dang bcas pa
bdag gis bcom ldan 'das la bstod pa ma byas pa gang yin pa de ni
bdag bslus pa yin no/ /rgya mtshor gnya' shing bu ga ru/ /zhes bya
ba'i rgya

che bas tshigs su bcad pa gnyis bshad par bya ste/ rgya mtshor
gnya' shing bu ga ru/ /rus sbal mgrin pa tshud pa ltar/ /dam chos
dga' ston cher bcas pa'i/ /mi nyid bdag gis thob nas ni/ /mi rtag
nyid dang rjes 'brel zhing/ /las kyi glags la dogs bcas pa/ /bdag

@121b gi lce 'di nyid kyis go/ /snying po ci phyir blang mi bya/
/bdag gis zhes bya bas ni bdag nyid bstan to/ /thob nas zhes bya
ba ni thob pa'o/ /mi nyid ni skye ba'o/ /dam chos dga' ston cher
bcas pa/ /zhes bya ba ni mi nyid kyi khyad par ro/ /dam pa'i chos
ni dam pa'i chos so/ /

yang na mdzes pa'i chos ni dam pa'i chos so/ /gal te chos kyi
sgra 'di ni gsung rab dang mya ngan las 'das pa la sogs pa mang
po la 'jug pa yang de bzhin du 'dir yang sangs rgyas kyi gsung
rab brjod pa'o/ /de bzhin du mdo las chos bstan pa yang nye bar
zhi ba dang/ yongs

su mya ngan las 'das pa zhes bya ba la sogs pa gsungs pa'o/ /chen
po yang yin la dga' ston yang yin pas na dga' ston chen po ste/
mngon par mtho ba dang nges par legs pa dag gi rgyu yin pa'i
phyir ro/ /dam chos dga' ston chen po dang 'dra ba ni dga' ston
chen po'o/ /

dam chos dga' ston chen po dang bcas pa gang yin pa de ni dam
chos dga' ston chen po dang bcas pa ste mi nyid thob nas zhes bya
ba dang sbyar ro/ /rgya mtsho ni rgya mtsho chen po'o/ /de la gnya'
shing ni thod 'dzin pa'i yo byad do/ /de'i bu ga ni bu ga'o/ /de
la rus sbal gyi mgrin pa ni

de ru tshud pa'o/ /rgya mtshor gnya' shing bu ga ru/ /rus sbal
mgrin pa tshud pa ltar ni mi nyid dpe gang la yod pa de ni rgya
mtshor gnya' shing bu ga ru rus sbal mgrin pa tshud pa dang 'dra
ba'o/ /bcom ldan 'das kyis gsungs pa 'di lta ste/ dge slong dag
'dir sa chen po chu bo

gcig dang/ rgya mtsho gcig tu gyur to zhes bya ba rgya che bas
gleng gzhi dang yang dag par ldan pa'i mdo sde'o/ /de la yan lag
gi don ni 'di yin te/ ji ltar rgya mtsho chen por zhugs pa rlung
gis phan tshun shin tu g.yo ba bu ga gcig dang ldan pa'i gnya'
shing gi bu gar lo brgya 'das

nas lan cig ldang ba'i rus sbal gyi mgrin pa bya rog dang shing
ta la'i 'bras bu'i rigs pas dka' bas 'jug pa de bzhin du ngan
song gi rgya mtsho chen por lhung ba'i srog chags mi dge ba'i las
kyi lam chen po'i rlung gis bdas pas mi'i 'gro ba la 'jug pa
rnyed pa dka' ba zhes bya'o/ /

@122a @#/ /de bas na mi nyid rnyed par dka' ba thob nas ci zhig
bya zhe na/ smras pa/ mi rtag nyid dang rjes 'brel zhing/ /zhes
smos pa la/ mi rtag pa zhes bya ba ni 'jig pa'i rgyu'o/ /kha cig
na re 'jig pa kho na zhes zer ro/ /de dang 'brel ba ni rtag tu mi
rtag pa'i rjes su 'gro ba ste/

'dus byas pa rnams skad cig mas 'jig pa zhes bya ba'i don to/
/bdag gi lce zhes bya ba ni 'chad par 'gyur ro/ /de'i phyir bde
ba'i skal pa dang bcas pa'i mi rtag pa nyid bstan nas/ 'tsho ba
nyid kyi bdag gi lce'i nye bar 'tsho ba bshad par bya ste/ las kyi
glags la dogs bcas pa/ /

zhes bya ba ni dge ba dang mi dge ba'i las byed pa'i mi rnams
gang yin pa de rnams las dge ba'i las las byung ba ni mi nyid do/
/dge ba'i las de rnams kyi mi dge ba'i las rnams ni glags so/ /de
dang dogs pa ni som nyi dang bcas pa ste/ 'tsho ba nyid kyi lce
gcod pa dang/ nad

la sogs pa rnams zil gyis gnon pa yod pa'i phyir ro/ /snying po
blang ba ni blang ba'o/ /lce'i snying po gang yin zhe na/ de
bzhin gshegs pa'i yon tan la yang dag par bstod pa'o/ /de bzhin
du yang bshad pa/ dam chos tshig gi snying po ste/ de las gzhan pa
bya rog sgra/ /

zhes bya'o/ /ci'i phyir zhes bya ba ni mi srid pa la'o/ /yang na
ci'i phyir ni rnam pa gang gis mi bya ba kho na zhes bya ba'i don
to/ /'di zhes bya ba ni rang gi rgyud la yod pa'o/ /lce zhes bya
ba ni tshig ste/ rgyu la 'bras bu nye bar btags pa'i phyir ro/
/lce kho na la tshig ces bshad do/ /

bstod pa brjod pa'i snying po blang ba'i dgos pa bshad nas/ gzhan
gyi tshig gi glags slob dpon gyis rtogs pa ste/ yon tan gyi mtha'
shes pas de bzhin gshegs pa la bstod pa'i mchod 'os yin gyi/ bcom
ldan 'das kyi che ba'i yon tan gyi mtha' mi shes pas ci'i phyir

bcom ldan 'das kyi bstod pa la rtsol zhe na/ bshad pa/ de ltar
thub pa'i yon tan gyi/ /yul lta grangs med shes mod kyi/ /rang gi
don la gus pa yis/ /de yi phyogs gcig bsgrims te brjod/ /de ltar
yul grangs med pa zhes smos pa la/ de ltar zhes bya ba ni 'di
skad

@122b ces bya ba'i don to/ /mi nyid rnyed dka' ba sangs rgyas
bskyed pas brgyan pa thob nas lce'i snying po ci'i phyir blang
bar mi bya zhes rab tu dpyad nas zhes dgongs pa'o/ /yang na de
ltar zhes bya ba'i sgra 'di ni rgyu la 'jug pa'o/ /dper na 'di
ltar char 'bab pa dang rgyug pa zhes bya'o/ /

de bas na 'dir yang de bzhin gshegs pa'i yon tan gyi mtha' mi
shes pas bstod pa mi byed na 'phags pa shA ri'i bu yang shes rab
can gyi gtso bor gyur pas kyang bcom ldan 'das la bstod pa byed
par mi 'gyur ro zhes bya ba rgyu de las zhes bya ba'i don to/
/yul lta grangs med

ces bya ba la/ grangs ni yongs su bcad par mi nus pa zhes bya'o/
/de bzhin gshegs pa'i ye shes ni bgrang mi nus te/ de'i yul ni
rang sangs rgyas dang 'phags pa nyan thos kyi ye shes kyi spyod
yul ma yin pa'i phyir ro/ /yon tan shes mod kyi zhes bya ba ni
shes nas kyang ngo/ /

dus gang gi tshe sangs rgyas bcom ldan 'das kyis 'jig rten las
'das pa'i thugs bskyed par mdzad pa'i dus de'i tshe nyan thos dang
rang sangs rgyas rnams kyis kyang bcom ldan 'das kyi thugs sems
kyis mi shes so zhes bya ba ni lung ngo/ /yul grangs med pa gang
la yod pa de ni yul

grangs med pa zhes bya ste/ kun du 'gro ba'i phyir ro/ /des na
bdag gis bstod par mi nus so/ /yon tan grangs med shes mod kyi/
/zhes bya ba de'i don ni bshad zin to/ /de yi phyogs gcig bsgrims
te brjod/ /ces smos pa la/ yon tan de rnams kyi phyogs gcig ni
cha ste/ de'i

bsgrims pa ni bstod pa bya ba'i phyir brtson par bya ba'o/ /de
lta bus bcom ldan 'das la cung zad phan par 'gyur ram zhes pa la
bshad pa/ rang gi don la gus pa ni rang don la brtson pas bcom
ldan 'das la bstod pa'o/ /gang gi phyir bstod pa dang smad pa dag
gis bcom ldan 'das

rjes su chags pa dang khong khro bar mi 'gyur zhes bya ba'o/ /de
lta bu'i tshigs su bcas pa gsum po 'dis yon tan gyi mtha' mi shes
pas kyang cha tsam gyis rang gi don la rtsol bas bcom ldan 'das
la bstod pa brtsams so zhes bshad pa yin no/ /da ni ston pa la
phyag 'tshal ba sngon du

@123a @#/ /'gro ba'i bstod pa la 'jug pa bshad par bya ste/ gang
gi yon tan grangs dag dang/ /mthu la thug pa ma mchis la/ /rmad
byung phrin las dpag med can/ /rang byung khyod la phyag 'tshal
lo/ /zhes bya ba ni rgyas pa'o/ /rang byung ni gzhan gyis ma
bstan par shes bya

ma lus pa thugs su chud pa'i khyad par dang ldan pas thams cad
mkhyen par gyur to zhes bya ba ni rang byung ngo/ /rang byung de
la phyag bya ba ni phyag 'tshal ba zhes bya'o/ /'tshal ba ni 'tshal
lo ba'o/ /rmad byung phrin las dpag med can/ /zhes smos pa la/
dpag med ni tshad med pa

dang/ shin tu dkon pa dang/ ngo mtshar ba ste/ phrin las ni sku
dang gsung dang thugs kyi phrin las gang la yod pa de ni rmad
byung phrin las dpag med can de la phyag 'tshal lo zhes bya ba
dang sbyar ro/ /rgyu phun sum tshogs pa la bstod pa bstan pa ni
phrin las rgyur gyur pa'i phyir ro/ /

'bras bu phun sum tshogs pa la yang bstod pa bshad par bya ste/
gang gi yon tan grangs dag dang/ /zhes bya ba ni gang gi zhes bya
ba dang sbyar ro/ /don gyi dbang gis byed pa'i tshig yongs su
'gyur ro zhes bya bas na khyod la zhes bya ba bzhi pa'i mtha' can
'dir drug pa'i mtha' can

du 'gyur te/ gang gi khyod kyi zhes bya ba'i don to/ /grangs ni
gcig la sogs pa'o/ /mthu ni gdul bya'i bya ba la nus pa'o/
/grangs dang mthu de dag gi yon tan ni stobs dang mi 'jigs pa la
sogs pa rnams la thug pa ni nges par gzung ba ma mchis pa dang
sbyar ro/ /gang

gi phyir thug pa ma mchis pa de'i phyir/ 'di snyed bgyi ba'i
mtha' med na/ /zhes bya ba'i tshigs su bcad pa bshad pa/ 'di snyed
bgyi ba'i mtha' med na/ /'di lta lags zhes ci zhig smos/ /khyod
kyi yon tan slad du bdag /bsod nams snyam nas spyi brtol skyes/
/'di

snyed ces bya ba ni tshad 'di dang ldan pa ste/ brgya'am stong
zhes bya ba de lta bu'i mtha' ni yongs su chad pa'i yon tan rnams
te mi mnga' zhes bya ba'i don to/ /de lta bus ni 'bras bu phun
sum tshogs pa bshad pa yin no/ /mthu phun sum tshogs pa bstan pa
bshad pa ni 'di lta lags

@123b zhes ci zhig smos zhes smos pa la/ 'di lta bu ni 'di lta
bu'i mthu dang ldan pa khyod kyi yon tan zhes bya ba ste/ ci zhig
ni tshig gi skabs kho na ci zhig smos zhes bya ba ste dgongs pa'o/
/khyod ni ji ltar bstod pa la brtson zhes pa la bshad pa/ bsod
nams snyam nas zhes bya ba ni bsod

nams kyi rgyu kho na yin pas na bsod nams so/ /yang na yon tan
dag mdzad pas na bsod nams te sdig pa 'joms pa zhes bshad do/
/snyam gyi sgra ni nges par gzung ba la'o/ /yang gi sgra ni don
gzhan brjod par 'dod pa la'o /bshad pa ni 'di yin te/ khyod kyi
yon tan rnams

la grangs dang mthu dag gis thug pa ma mchis mod kyi/ 'on kyang
khyod kyi yon tan ni bsod nams yin zhes bdag nges pa skyes pa'o/
/de'i phyir yon tan gyi slad du ni khyod kyi yon tan la brten pas
so/ /bdag spyi brtol skyes pa zhes bya ba ni yon tan gyi khyad
par ma 'tshal na yang bdag

cag rnams la spyi brtol yod de/ rang gi don la gus pas yon tan
gyi phyogs gcig la bstod par bya ba'i phyir zhes bstan to/ /de
lta bu'i tshigs su bcad pa gnyis po 'dis bcom ldan 'das kyi rgyu
dang 'bras bu phun sum tshogs pa la bstod pa rab tu brtsams so
zhes bshad do/ /bstod pa

gleng bslang ba'i bshad pa ste le'u dang po'o// //ji ltar bcom
ldan 'das rmad du byung ba'i phrin las kyis bcom ldan 'das byang
chub tu thugs bskyed par mdzad pa bshad par bya ste/ spyod dam mi
spyod snyam pa yi/ /rnam par rtog pa rnam spangs nas/ /'gro ba
'di ni nyam thag ces/ /

khyod bdag nyid kyis zhal gyis bzhes/ /spyod pa ni spyod pa mdzad
pa dang/ mi spyod pa ni spyod pa mi mdzad pa'o/ /dam gyi sgra ni
rnam par rtog pa zhes bya'o/ /snyam zhes bya ba ni yongs su spang
ba thugs kyis ma mdzad do zhes bya ba'i tha tshig go/ /rnam par
rtog pa ni rnam par rtog pa'o/ /bdag nyid ces

bya ba ni bdag nyid do/ /ma zhus pa nyid ni thugs rje'i gzhan
dbang du gyur pa'i phyir zhes bya ba ni dgongs pa'o/ /zhal gyis
bzhes pa ni 'gro ba zhes 'chad par 'gyur ro/ /yongs su bskyab
pa'i phyir zhes zhal gyis bzhes pa ste/ byang chub tu thugs
bskyed pa'i phyir zhes bya ba dgongs pa'o/ /

@124a @#/ /de bzhin du byang chub sems dpar gyur pa bcom ldan 'das
kyis de bzhin gshegs pa'i lam mi mkhyen na 'gro ba 'khor ba las
bskyab par mi spyod do zhes bya bas na/ slong ba rnams la lus la
sogs pa byin nas smon pa zhes te/ gtong ba dang shin tu gtong ba
'dis

ma 'ongs pa'i 'jig rten 'dren pa med pa las sangs rgyas su gyur
nas sems can ma rgal ba rnams bsgral bar bya ba dang/ ma grol ba
rnams dgrol bar bya ba dang/ dbugs ma phyung ba rnams dbugs
dbyung bar bya ba dang/ yongs su mya ngan las ma 'das pa rnams
yongs su mya

ngan las bzla bar bya ba'o zhes pa ni lung ngo/ /khyod ces pa ni
khyod kyis so/ /de lta bu'i rnam par rtog pa spangs nas ci'i
phyir zhal gyis bzhes she na/ gang gi phyir/ 'gro ba 'di ni nyam
thag ces smos pa la/ gang la nyam thag ces bya ba ni nyam thag pa
skyob pas na mchod 'os pa ste/

gzir bar smra ba'i gnas so/ /de bas na bshad pa 'di yin te/ gang
gi phyir 'khor ba'i sdug bsngal la skyabs med pa'i 'gro ba la
byang chub sems dang thugs rje mdzad pa de'i phyir spyod pa dang
mi spyod snyam pa'i rnam par rtog pa spangs nas/ 'gro ba bskyab
pa'i phyir zhal gyis bzhes so/ /

'di ni zhes bya ba ni nye bar bstan pa la'o/ /'gro ba zhes bya ba
ni sems can gyi 'jig rten no/ /de bas na/ khyod ni ma bcol legs
mdzad pa/ /zhes bya ba'i tshigs su bcad pa/ khyod ni ma bcol legs
mdzad pa/ /khyod ni rgyu med bzhin du byams/ /khyod ni ma 'dris
mdza' bshes te/ /

'brel ba med pa'i gnyen 'dun lags/ /ma bcol ba ni ma zhus pa'o/
/legs pa ni chos kyi ngang tshul lo/ /snying rje dang bral ba'i
'jig rten pa sdug bsngal las bskyab pas legs pa'i ngo bo zhus pas
kyang byed dam mi byed pa'o/ /bcom ldan 'das ni ma zhus phar yang
gong du bshad

pa'i tshigs su bcad pa phyed kyis legs so zhes bya ba bshad do/
/khyod ni zhes bya bas ni bcom ldan 'das bshad do/ /rang gi bde
ba'i don du kha cig kha cig tu byams pa ni brtse ba dang ldan pa
yin no/ /khyod kyang nyid kyi bde ba'i rgyu gzhan la mi ltos par
thugs rje dang ldan pa'i phyir na rgyu

@124b med bzhin du byams pa'o/ /dri ni slar yang 'brel pa'i dbang
gis byams pa'o/ /'dris pa med pa ni ma 'dris pa'o/ /de rnams kyi
mdza' bshes ni bshes te ma 'dris mdza' bshes so/ /thugs rje dang
ldan pa'i phyir na ma 'dris pa rnams la yang 'dris pa bzhin pas
na bshes so/ /

'brel pa ni gnyen 'dun te pha dang ma'i rigs dang 'brel pa'o/ /de
nyid 'jig rten pa'i gnyen 'dun zhes bshad do/ /bcom ldan 'das
kyang thugs rje dang ldan pa'i phyir 'brel pa med pa'i gnyen 'dun
lags te/ rigs kyi 'brel pa med na yang gnyen 'dun zhes bshad do/
/de

lta bu'i tshigs su bcad pa gnyis kyis ni bcom ldan 'das kyis thugs
rje sngon du song ba'i byang chub tu thugs bskyed pas sems can
rjes su bzung ba bshad do/ /rgyu ni dbye ba drug ces bya ba pha
rol tu phyin pa drug tu bstan te/ de rnams kyis bcom ldan 'das la
bstod pa'i phyir ma

bcol bar legs par mdzad pa dang rgyu med bzhin du byams pa la
sogs pa de ni bshad do/ /ji ltar zhe na/ gang gi phyir sbyin pa'i
pha rol tu phyin pa yongs su rdzogs par bya ba'i phyir thugs
rangs pa dang spu zing zhes byed pa dang bcas pa de'i phyir/
/nyid kyi sha yang stsol mdzad na/ /zhes pa ni

rgyas pa'o/ /nyid kyi sha yang stsol mdzad na/ /dngos po gzhan
lta smos ci 'tshal/ /legs mdzad khyod kyis srog kyang ni/ /slong
ba'i skye bo rnams la btang/ /de ltar byams pa'i stobs byang chub
sems dpar gyur pa'i bcom ldan 'das kyis utpala sngon po dang 'dra
ba shin tu rno ba'i

ral gris rang gi sha bcad cing bcad cing gnod sbyin rnams la bza'
ba'i phyir btang ngo/ /nor bu gtsug can byang chub sems dpar gyur
pas kyang srin po rnams la btang ngo zhes bya ba ni rtogs pa
brjod pa'o/ /dngos po gzhan zhes bya ba ni nor bu dang gser dang
dngul la sogs pa rnams

so; /smos ci 'tshal zhes bya ba ni de smos ci 'tshal te/ don gyis
go bas dngos po gzhan gyi sbyin pa rtogs par 'gyur ro zhes dgongs
pa'o/ /de ltar rang gi sha kho na btang ba yin nam zhe na/ ma yin
zhes bshad pa/ srog kyang ni zhes bya ba ni rgyas pa'o/ /srog ni
srog rnams kyis kyang

@125a @#/ /ngo/ /btang zhes bya ba na mchod par gyur pa'o/ /slong
ba'i skye bo rnams ni rnyed pa 'dod pas 'ongs pa'o/ /dper na ri
bong du gyur pa'i bcom ldan 'das kyis slong mo pa'i gzugs can gco
ba'i bsam pa dang ldan pa'i brgya byin 'ongs pa des yongs su
longs spyod par bya

ba'i phyir me'i phung po la bzhag nas zhes pa ni skyes rabs so/
/khyod ni ma bcol legs mdzad pa/ /zhes bshad pa de nyid la brten
nas legs mdzad ces bya ba ni bcom ldan 'das la bod pa'o/ /de ltar
srog chags rnams kyi longs spyod pa'i phyir sbyin pa bshad nas/
yongs su

skyob pa'i sbyin pa bshad par bya ste/ nyid kyi sku dang srog dag
gis/ /lus can gshed mas zin rnams kyi/ /lus dang srog kyang khyod
kyis ni/ /lan brgya phrag tu blu ba mdzad/ /nyid kyi sku zhes
smos pa la/ /nyid kyi ni nyid kyi'o/ /sku zhes bya ba ni cha la
tshogs pa nye bar 'dogs pas

sku'i cha ni sku zhes bshad de/ srog dag gis zhes bya ba ni sku
ma lus pa'i tshig blangs pa'i phyir ro/ /sku des ci zhig byas she
na/ lan brgya phrag tu blu bar mdzad/ /ces bshad par 'gyur ro/
/blu ba ni nyos pa'o/ /lan brgya phrag tu zhes bya ba ni lan mang
du zhes bya ba'i don to/ /ci zhig blus she

na/ bshad pa/ blus pa ni bdag la bdag nyid chags pa spangs na
thugs rje'i dbang gis gzhan rnams la bdag la chags pa la brten
nas lus kyi cha rnams blu ba mdzad do/ /lus de rnams gang gis yin
zhe na/ lus can rnams kyi zhes bshad pa ste/ srog chags rnams kyi
zhes bya

ba'i don to/ /ji ltar gyur pa yin zhe na/ bshad pa/ bshad mas zin
rnams kyi zhes bya ba ni gsod par rtsol ba ste gshed ma rnams so/
/zin pa ni de rnams kyis zin pa rnams kyi'o/ /dper na bcom ldan
'das rgyal po dpal gyi sder gyur pas thams cad gtong ba'i bdag
nyid du

bsgrags pas bram ze'i cha byad 'dzin pa'i brgya byin la lus kyi
phyed bcad nas rab tu btang ngo zhes bya ba ni rtogs pa brjod
pa'o/ /lus blu ba kho na yin nam zhe na/ ma yin zhes bshad pa/
/srog dag gis zhes smos pa la/ srog ces bya ba ni rang gi srog
rnams kyis so/ /srog gis lus can gshed

@125b mas zin rnams kyi/ /lus dang srog kyang khyod kyis ni/ /lan
brgya phrag tu blu ba mdzad/ /ces bya ba na thams cad la de ltar
sbyar ro/ /ltogs pa'i sdug bsngal gyis non pas rang gi bu bza'
bar bya ba'i phyir rtsol ba la/ stag mo byang chub sems dpar gyur
pas gzigs pas de la bdag nyid

byin nas stag phrug rnams rang gi srog gis blu ba mdzad do/ /yang
rgyal po zhi bar gyur pas khra'i cha lugs 'dzin pa'i brgya byin
gyis nye bar gces pa'i phug ron gzigs pas dgrol bar bya ba'i
phyir ral gris nyid kyi sha bcad cing bcad cing rab tu btang ste
ji srid nyid kyi sku ma lus

bsrang la bsgar nas phug ron de blu ba mdzad do zhes bshad do/
/de bzhin du gzhan yang sngon dga' ba mdzad pa'i byang chub sems
dpa'i skyes rabs dper bshad par bya'o/ /de lta bu'i tshigs su bcad
pa gnyis kyis bcom ldan 'das kyi sbyin pa'i pha rol tu phyin pa
la bstod nas slar yang/ ngan

'gros bsnyengs slad ma lags la/ /zhes bya ba'i rgyas pas ni tshul
khrims kyi pha rol tu phyin pa la bstod pa bshad par bya ste/
ngan 'gros bsnyengs slad ma lags la/ /bzhed pa'i 'gro ba'ang
sgrub ma lags/ /dgongs pa dag pa 'ba' zhig gis/ /khyod kyis tshul
khrims goms

par mdzad/ /de la dmyal ba dang/ dud 'gro dang/ yi dags ni ngan
'gro ste/ rnam par smin pa mi bzad pa'i phyir ro/ /de nyid 'jigs
pa ste de las 'jigs pa zhes bya ba'i phyir ngan 'gros bsnyengs pa
de'i phyir ro/ /bdag la chags par gyur pa'i 'jig rten pa yis tshul
khrims

srung bar byed do/ /khyod kyis kyang ngan 'gro'i bsnyengs pas
tshul khrims goms par ma mdzad do zhes bshad do zhes bshad par
'gyur zhes bya ba'o/ /lha dang mi rnams kyi bde ba 'dod pa'i skye
bos tshul khrims srung ba yin no/ /khyod kyis kyang bzhad pa'i
'gro ba'ang sgrub pas tshul khrims

goms par ma mdzad do/ /'o na ci'i phyir zhe na/ bshad pa/ dgongs
pa dag pa 'ba' zhig gis/ /zhes bya ba ni dge ba la goms pa dang/
sdig pa las grol ba'i rang bzhin gyis dag pa'i thugs kyis zhes
bya ba'i don to/ /de bzhin du bdag la chags pa dang bral ba'i
phyir dgongs pa yang de

@126a @#/ /yin la 'ba' zhig kyang de yin pas na dgongs pa 'ba'
zhig go/ /dgongs pa ni sems dang sems las byung ba'i tshogs so/
/de'i dag pa ni sems can ma lus pa yongs su skyob pa'i phyir dri
ma med pa'i ye shes las byung ba bla na med pa'i byang chub ste/
nga yis

dag pa brnyes pa ni/ /gang zhig byang chub bla na med/ /ces bya
ba'i tshigs su bcad pa'i phyed do/ /de'i slad ni de'i rgyu zhes
bya ba'i don to/ /dag pa zhes bya ba ni rgyu'i don la gsum pa
bsgrubs pa ste/ dper na slong bas na gnas pa zhes bya ba ste/
slong ba'i rgyu zhes pas rtogs

par 'gyur ba de bzhin du 'dir yang bsam pa dag pa'i rgyu yis zhes
bya'o/ /tshul khrims zhes bya ba ni bya ba ma yin pa las ldog pa
yang dag par len pa'o/ /goms par mdzad ces bya ba ni rang bzhin
du mdzad pa'o/ /de ltar na dgongs pa phun sum tshogs pas tshul
khrims kyi pha

rol tu phyin pa yongs su rdzogs pa bshad nas/ sbyor ba phun sum
tshogs pa'i yongs su rdzogs pa bstan par bya ba'i phyir/ rtag tu
gya gyu rnam spangs shing/ /zhes bya ba la sogs pa'i tshigs su
bcad pa bshad par bya ste/ rtag tu gya gyu rnam pa spangs shing/
/drang brtan rnams

ni rtag bsten pas/ /yongs su dag pa'i las rnams kyis/ /khyod ni
gzhi rten gcig pur gyur/ /g.yo las byung ba'i las rnams ni gya
gyu'o/ /de dang 'brel pas gang zag kyang gya gyu ba'o/ /de rnams
rtag tu spangs pa ni rtag tu yongs su spangs pa zhes dgongs pa'o/ /

drang brtan rnams ni dge ba'i las rnams so/ /de la sbyor ba'i
gang zag kyang drang brtan rnams so/ /de rnams rtag tu bsten pa
ni shin tu bsten pa yis zhes bya ba'i don to/ /rgyu de dag las
cir 'gyur zhe na/ smras pa/ yongs su dag pa'i las rnams kyis/
/zhes bya ba la sogs

la/ las rnams kyis zhes bya ba'i don ni bshad zin te/ yongs su
dag pa zhes bya ba ni dge ba rnams so/ /gzhi rten gcig pur gyur
zhes smos pa la/ gzhi rten ni lam mo/ /gcig pu zhes bya ba ni
khyod ces bya ba dang sbyar te/ bcom ldan 'das gcig pu'o/ /gzhi'i
rten yin

@126b pas na de'i dngos po ni gzhi rten gcig pu'o/ /gyur zhes bya
ba ni thob pa'i don te/ de'i don ni 'di yin te/ 'jig rten pa las
'dren ma can yin gyi/ khyod kyang rgyu gnyis po 'di yis las dkar
po rnams kyi lam gcig pu kho nar gyur to zhes bya'o/ /de lta bu'i
tshigs su

bcad pa gnyis po 'dis tshul khrims kyi pha rol tu phyin pa la yang
dag par bstod nas/ bzod pa'i pha rol tu phyin pa la yang dag par
bstod pa'i phyir bshad pa/ sdug bsngal mang pos gzir ba na/
/khyod kyis dge ba'i thugs kyis ni/ /nyon mongs rnams la sran
btsugs nas/ /

skye bo nyon mongs can la brtse/ /mang pos gzir ba zhes bya ba ni
rgyas pa'o/ /gzir ba zhes bya ba ni srog chags rnams la phan pa'i
phyir/ yan lag bcad pa'i sdug bsngal dang ldan pas so/ /mang po
zhes bya ba ni lan mang pos so/ /khyod kyis zhes bya ba ni bcom
ldan 'das

kyis so/ /dge ba'i thugs kyis zhes bya ba ni thugs rje'i dbang
gis yongs su dag pa'i thugs kyis so/ /ci zhig mdzad ce na/ nyon
mongs rnams la sran btsugs nas/ /zhes smos pa la/ nyon mongs pa
rnams ni 'dod chags la sogs pa'o/ /de rnams la sran btsugs pa
zhes

bya ba ni mthu gsal bar mdzad pa'o/ /bdag la gnod pa byed pa
rnams kyi nyon mongs pa nga yis bcom par bya zhes pa ni yid la
byed pa mdzad do zhes bya ba'i don to/ /'o na byang chub sems
dpas gshed ma'i rgyud kyi nyon mongs pa bzod pa'i rgyu yin na
de'i phyir nyon mongs pa de dag

mchod pa'i rigs na ci'i phyir de gzhom par bya ba'i phyir thugs
'khrugs pa yin zhe na/ de ni bden mod kyi 'on kyang nyon mongs
pa'i dbang gis dgra rnams bdag dang 'dra ba'i snod la gnod pa
byas na nges par sdig pa can du 'gyur ro zhes bya bas na/ dgra bo
rnams la thugs rje'i dbang gis

nyon mongs pa rnams spang bar bya ba'i phyir thugs 'khrugs so/
/dper na kha cig phan par 'dod pas gdon la sdigs par byed kyi
gdon gyis zin pa la ni ma yin no zhes bya'o/ /de nyid kyi phyir
bshad pa/ skye bo nyon mongs can la brtse/ /zhes bya ba la/ skye
bo ni spyan la sogs pa za bar

@127a @#/ /byed pa'i bya rgod la sogs pa'o/ /nyon mongs pa can
zhes bya ba ni nyon mongs pa'i dbang du gyur pa'o/ /rgyu de nyid
kyi phyir brtse ba ni dgra bo de rnams kyi nyon mongs pa gzhom
pa'i slad du thugs bskyed pa'i phyir ro/ /bzod pa'i pha rol tu
phyin pa'i rgyu yin na yang gzhan gyi

sdug bsngal bskyed pa'i phyir mchod pa dang/ nyon mongs pa gzhir
gyur pa'i skye bo gnod pa byed pa la yang 'khrug pa mi skyed pa'i
phyir bzod pa mdzad ces bya ba'i tshigs su bcad pa 'dis bshad do/
/bzod pa'i gnas skabs gnyis pa bshad par bya ste/ khyod kyis
gzhan gyi don slad

du/ /sku srog btang nas dgyes gyur gang/ /de 'dra srog chags
'gums pa las/ /sos pa rnams la'ang byung ma gyur/ /gzhan gyi don
gyi slad du sku srog btang nas zhes smos pa la/ gzhan gyi don
zhes bya ba ni gzhan la phan pa'i rgyu'i phyir ro/ /btang ba ni
btang ba'o/ /sku

srog ni srog go/ /dgyes pa ni khyod la thugs bde bar gang gyur
pa'o/ /ji ltar klu gzhon nu dung gi gtsug phud can rim gyis 'ongs
shing nye bar gnas pa la nam mkha' lding gis za bar gyur pa gzigs
nas de bskyab par bya ba'i phyir byang chub sems dpar gyur pa
gzhon nu sprin la zhon

gyis nam mkha' lding la bdag nyid btang ngo/ /de bzhin du rgyal
po zla 'od du gyur pas kyang rang gi mgo byin nas bram ze drag
po'i mig ces bya ba la mchod do/ /de 'drar ma gyur zhes bya ba ni
dgyes pa'o/ /'gums pa la sogs pa rnams zhes bya ba ni sngar 'gum
pa las phyi nas sos

pa ste; snga ma'i dus phyi ma'i dus kyis bsdus pa ni 'jig pa dang
skye ba bzhin no/ /srog la re ba med pa rnams kyis ji ltar na
srog rnyed pa ni 'gums pa sos pa zhes bya'o/ /srog chags rnams
kyi srog de ltar gyur pa de rnams kyi yang de dang 'dra bar dgyes
pa mi srid pa ji ltar

gzhan gyi don gyi slad du khyod kyi srog gtong ba zhes bya ba ni
bsdus pa'i don to/ /de ltar na gnas skabs 'dir gshed ma rnams kyi
sdig pa bskyed pa ma spangs pas/ gshed ma pa rnams ni bzod pa
bskyed pa'i rgyu yin no zhes bya bas na/ khyod ni bzod pa'i pha
rol tu phyin pa 'dod

@127b pas nyid kyi srog gis kyang mchod do zhes bya ba'i tshigs su
bcad pa 'dis bshad do/ /khyod ni lan 'ga' ma lags par/ /zhes bya
ba'i tshigs su bcad pa gnyis kyis ni bzod pa gsum pa'i gnas skabs
bshad par bya ste/ khyod ni lan 'ga' ma lags par/ /gtubs kyang

sdug bsngal mi dgongs par/ /gshed ma bgyid pa'i sems can la'ang/
/gtso bo thugs rjer gyur pa gang/ /khyod kyi thugs ni rin po che/
/rdzogs pa'i byang chub sa bon de/ /dpa' khyod kho nas snying por
mkhyen/ /de gzhan skye bos 'ol mi mchi/ /gang zhes bya ba ni
thugs rje zhes

bshad pa'o/ /sdug bsngal mi dgongs par zhes bya ba ni nyid kyis
gzir pa thugs la ma mdzad pa zhes bya ba'i don to/ /gtubs pa zhes
bya ba ni ral gri la sogs pas zhes drang bar bya'o/ /ji ltar bzod
pa smra bar gyur pa nags na gnas pa'i gnas pa lta bar bya ba'i
phyir rgyal po'i

btsun mo nye bar 'ongs pa la chos bstan pa dang/ de la phrag dog
gis khros pa'i rgyal po rtsod pa 'byin gyis rna ba dang lag pa
dang rkang pa rnams ral gris bcad do/ /yang na sdug bsngal gyis
gtubs so zhes bya ba dang sbyar ro/ /mi dgongs par zhes bya ba ni
rang gi srog la zhes drang

bar bya'o/ /ji ltar rus sbal du gyur pas rgya mtsho chen por gru
zhig pa'i tshong pa rnams 'gram du bsgral ba'i blos rgyab la
bskyon nas 'gram du bsgral to/ /de dub pas shin tu gnyid log par
gyur pa la grog mas kun du zos pas gnyid stug po las sad nas grog
ma de rnams 'chi

ba'i dogs pas cung zad kyang ma g.yos par 'gram de nyid du 'chi
ba'i dus byas so zhes bya'o/ /de bzhin du gzhan yang glang po che
mche ba drug pa'i skyes rabs dper brjod par bya'o/ /gtubs kyang
zhes bya ba ni dum bur byas pa'o/ /lan 'ga' ma lags pa ni lan
mang por ro/ /

gshed ma bgyid pa'i sems can la'ang/ /zhes bya ba ni gsod par
byed pa rnams la'o/ /thugs rje zhes bya ba ni sman par dgongs
pa'o/ /thugs rje nyid ni thugs rje ste rigs bzhi la sogs pa bzhin
no/ /gyur pa zhes bya ba ni gyur to zhes bya ba'i don do/ /gtso
bo zhes bya ba ni

@128a @#/ /yon tan thams cad kyi dbang phyug yin pa'i phyir bcom
ldan 'das la bod pa'o/ /gnas skabs gsum par gsungs pa de ni bstod
pa mdzad pa 'dis shin tu ngo mtshar bar sems sa/ /de la ngo mtshar
ci zhig yod ce na/ /gang gi phyir gnas skabs dang po la

nyon mongs pa'i gzhan dbang du gyur pa de nyid bdag la gzir bar
byed ces bya ba la bzod pa'o/ /gnyis pa la yang gshed ma de dag
bdag la phan pa byed ces bya'o/ /gnas skabs gsum pa 'di la lan
mang por gtubs pa 'ba' zhig tu ma zad pa la cung zad kyang ma
'khrugs

shing bzod pa mdzad pa dang/ gshed ma rnams la'ang nga la gnod pa
byas pas ma 'ongs pa na sdug bsngal bsten par ma gyur cig ces bya
bas de rnams kyi nyon mongs pa bdag gis gzhom par bya'o zhes pas
de rnams la thugs rje'i thugs bskyed par mdzad pas de ltar na
'dir ngo

mtshar ba brjod do/ /gang rang gi sdug bsngal mi dgongs par gzhan
gyi sdug bsngal zhi bar bya'o zhes rab tu 'jug par mdzad do zhes
bshad do/ /de'i phyir bshad pa/ rdzogs pa'i byang chub sa bon de/
/zhes pa ni rgyas pa'o/ /rdzogs pa'i byang chub ni de bzhin
gshegs pa'i rgyud de

zad pa dang mi skye ba'i ye shes kyi mtshan nyid do/ /de'i sa bon
ni rgyu ste yang dag par rdzogs pa'i byang chub kyi sa bon de'i
zhes pa'o/ /rang bzhin ji lta bu yin zhe na/ thugs ni rin po che
zhes smos pa la/ thugs nyid rin po che ste/ sems can ma lus pa
skyob pa'i phyir dang/ nges par nor

gyis shin tu dkon pa'i phyir ro/ /de zhes bya ba ni gshed ma pa
rnams la thugs rje'i dgongs pa dang yang dag par ldan pa'o/
/khyod ni khyod kyi'o/ /khyod kho na ni gzhan ni ma yin no/ /dpa'
bo zhes bya ba ni de lta bu'i nus pa dang ldan pas bcom ldan 'das
la bod pa'o/ /yang na 'gro ba

ma lus ba gdon pa la brtson 'grus kyi khyad par dang ldan pa'i
phyir ro/ /snying por mkhyen pa zhes bya ba ni yang dag par
rdzogs pa'i byang chub kyi sa bon thugs rje'i thugs de'i snying
po ste/ shes bya ma lus pa la thogs pa med pa'i de bzhin gshegs
pa'i ye shes de snying por mkhyen pa ste

@128b khyod kho na dang sbyar ro/ /'ol mi mchi ba ni spyod yul du
ma gyur pa'o/ /de zhes bya ba ni snying po'o/ /gzhan skye bo ni
nyan thos dang rang sangs rgyas dang byang chub sems dpa' la sogs
pa ste nyan thos la sogs pa'i spyod yul ma yin zhes bsdus pa'o/
/de lta bu'i tshigs su bcad pa gsum

po 'di yis bzod pa'i pha rol tu phyin pa la yang dag par bstod
nas/ dka' spyad las ni ma bgyis par/ /zhes bya ba'i tshigs su bcad
pas bcom ldan 'das kyi brtson 'grus kyi pha rol tu phyin pa la
bstod pa ni/ dka' spyad las ni ma bgyis par/ /go 'phang rnyed
dka' mi 'thob ces/ /

de slad nyid la'ang ma gzigs par/ /khyod kyis brtson 'grus legs
par spel/ /ma bgyis pa ni ma byas pa kho na'o/ /dka' spyad las ni
dka' bas bsgrub par bya'o/ /ji lta bu yin zhe na/ bshad pa/ go
'phang rnyed ka' mi 'thob ces pa ni dka' bas 'thob par 'gyur zhes
bya ba'i don

to; /go 'phang zhes bya ba ni sems can thams cad la bskyab pa'i
phyir na de bzhin gshegs pa'i ye shes te/ gzhan gyi don ma lus
pa'i rten yin pa'i phyir ro/ /de ltar dgongs pa bskyed nas ci
zhig mdzad ce na/ bshad pa/ de slad nyid la'ang ma gzigs par/
/zhes bya ba ni nyid

kyi srog la'ang ma dgongs pa ste/ brtson 'grus ni dge ba'i chos
rnams la spro ba'i mtshan nyid can la/ legs par spel ba ni khyad
par du 'dren pa zhes bya ba ste dgongs pa'o/ /ji ltar ri dags kyi
tshogs kyi gtso bor gyur pas rngon pa la brtson pa dpung dang bcas
pa'i rgyal po mthong

nas rgyab la khur nas chu bo drag po'i pha rol tu ri dags rgal
bar mdzad do/ /ri dags kyi tshogs kyi rmig pa rno bas khrag 'dzag
pa dang lus ma lus par snad par gyur cing tshigs chang ba'i sdug
bsngal dang ldan pas kyang ri dags kyi phru gu gcig ma brgal ba
bsgral bar mdzad do zhes

bya ba'o/ /de lta bu la sogs pa'i dka' ba spyad pa yang dper
bya'o/ /gzhan yang/ khyad par 'phags par bgyi ba la/ /zhes bya ba
ni rgyas par bshad pa ste/ khyad par 'phags par bgyi ba la/
/khyod la thang lhod 'ga' ma byung/ /de slad khyod kyi khyad par
rnams/ /thog drung

@129a @#/ /rim par dbyer ma mchis/ /skyon rnams bsal ba dang yon
tan bsags pa dang sems can gyi don mdzad pa zhes bya ba ni khyad
par ro/ /de rnams kyis 'phags pa ni 'phags par gyur ba'o/ /de la
thang lhod ni brtson 'grus kyi nges pa ste/ khyod la 'ga'

yang ma byung ba ni ngan 'gror song bas kyang gnas skabs 'ga'
yang ma yin no/ /ji ltar 'jig rten pas lung du bstan pa rig nas
bsam gtan dang po bskyed pa de nyid kyis bdag nyid bya ba byed
par bsam zhing khyad par du 'phags par 'gyur ro zhes khyod de
ltar ma mdzad do/ /

rgyu de'i phyir na byang chub brnyes shing khyad par du 'phags pa
khyod la thugs rje chen po la sogs pa gang yin pa de rnams kyi
thog drung ma mchis pa ni chad pa mi mnga' ba zhes bya ba'i don
to/ /rnam pa 'dis yon tan thams cad khyad par du 'phags pa'i
mthar thug pa kho na zhes

bshad do/ /yang na byang chub sems dpa'i gnas skabs su'o/ /rgyu
de'i phyir na khyad par du 'phags pa ni sbyin pa dang tshul khrims
la sogs pa khyad par du 'phags pa brnyes pa ste/ pha rol tu phyin
pa yongs su rdzogs par mdzad do zhes bya ba'i don to/ /de lta
bu'i

tshigs su bcad pa gnyis kyis brtson 'grus kyi pha rol tu phyin pa
la bstod nas/ bsam gtan gyi pha rol tu phyin pa la bstod pa bshad
par bya ste/ thugs ni thugs rje chen po dang/ /rtag tu rjes su
'brel slad du/ /ting nge 'dzin 'bras bur bcas pa yi/ /shin tu bde
la'ang khyod

ma chags/ /zhes bya ba la sogs pa smos pa la/ shin tu bde ba zhes
bya ba ni sdug bsngal med pa'i phyir ro/ /shin tu bde ba la yang
ma chags pa ni srid par khyod ma gyur zhes bya ba dang sbyar ro/
/gang la zhe na/ bshad pa/ ting 'dzin 'bras bu dang bcas pa/
/zhes stos

pa la ting nge 'dzin ni bsam gtan dag go/ /'bras bu dang bcas pa
ni 'bras bur bcas pa ste/ snyoms par 'jug pa'i bsam gtan dang/
'thad pa bsgrub pa'i bsam gtan de rnams la yang zhes bya ba'i don
to/ /rgyu ci'i phyir zhe na/ bshad pa/ rtag tu rjes su 'dres

@129b slad du; /zhes bya ba la sogs pa ni gang gi phyir thugs rje
chen pos sems can la phan pa'i bya ba la byang chub sems dpas
rtag tu thugs dran nas bsam gtan gyi bde ba la chags pa'i glags
skabs tshol bar mi mdzad do/ /de'i phyir thugs rje chen po de dang
rtag tu thugs rjes 'brel par

gyur to zhes bya ba'o/ /ji ltar byang chub sems dpas byang chub
ma thob par thugs rje chen pos yun ring du goms par byas zhes bya
bas na snying rje med pa rnams las khyad par du gyur ba'i phyir
ro/ /rgyu gang gi phyir 'bras bu dang bcas pa la chags par ma
gyur pa de'i phyir/ gzhan dang thun mong

ma lags pa'i/ /zhes bya ba ni rgyas par bshad par bya ste/ gzhan
dang thun mong ma lags pa'i/ /bde ba gang de gya nom yang/ /dam
pa'i spyod ldan khyod 'dra la/ /gnod par bas [?] kyi sman ma
mchis/ /khyod 'dra zhes bya ba ni khyod dang 'dra ba'o/ /rgyu'i
gnas skabs kyi bar du byed pa yin pa'i

phyir na byang chub sems dpa' rnams la bshad pa yin no/ /gnod par
zhes bya ba ni gnod par byed pa kho na'o/ /sman ma mchis zhes bya
ba ni phan pa mi byed pa'o/ /bde ba gang de zhes bya ba ni snyoms
par 'jug pa'i bsam gtan dang/ 'thad pa bsgrub pa'i bsam gtan
dang/ dben

pa las skyes pa'o/ /de ni dam pa ma yin nam zhe na/ ma yin zhes
bshad pa/ dam pa zhes bya ba ni shin tu sman pa mdzad pa'i phyir
dang/ dus ring por rjes su 'jug pa'i phyir mchog kyang zhes bya
ba'i don to/ /dam pa'i spyod ldan zhes smos pa la/ spyod pa ni
spyod pa'o/ /de ni de'i

rnam pa 'dis dam pa yin no zhes bod pa'o/ /ci'i slad du bde ba de
khyod dang 'dra ba la gnod par byed pa zhes pa la/ bshad pa/
gzhan dang thun mong ma lags pa'i/ /zhes bya ba ni gang gi phyir
de ni thun mong ma lags pa ste spyi ma yin pa'o/ /gang dang thun
mong ma yin zhe na/

gzhan dag dang zhes bya ba'i don to/ /bshad pa ni 'di yin te/
bcom ldan 'das kyi ting nge 'dzin las byung ba gang yin pa de ni
srog chags gzhan rnams kyis bsten par mi nus pa'i rgyu des na de
la chags pa mi skyed pa nyams su myong ba dang ldan pa'i ting nge
'dzin las rgyal ba'i

@130a @#/ /phyir bsam gtan gyi pha rol tu phyin pa yongs su rdzogs
par gyur to zhes bya'o/ /de lta bu'i tshigs su bcad pa gnyis pos
bsam gtan gyi pha rol tu phyin pa la bstod nas/ 'dres pa las ni
legs bshad pa/ /zhes bya ba'i tshigs su bcad pas shes rab kyi

pha rol tu phyin pa la bstod pa bshad par bya ste/ 'dres pa las
ni legs bshad pa/ /snying po skyon med nyi tshe zhig /khyod kyis
kun bzhes thugs la bzhag /nyes bshad dug bzhin yongs su spangs/
/'jig rten na 'chad pa po ni rnam pa gsum ste/ legs par bshad pa

dang/ nyes par bshad pa dang/ 'dres pa'i tshig gi dbye ba'i phyir
ro/ /de rnams las byang chub sems dpas 'dres pa'i tshig las snying
po legs par bshad pa thugs la bzhag pa ni bzung ba'o/ /kha cig la
ni dbyangs nye bar bsgyur ba zhes bya ba ni yi ge ta'i rnam par

rigs so zhes bya bar shes nas/ sgra ngan pa yi 'jigs pa yis/
/snying po kho na A taM zhes bya bas ni lung ma yin pa'i gdon
pa'o/ /de la lan ni 'di yin te/ 'di ni nye bar bsgyur ba ma yin
gyi de dang 'dra ba'i tshig phrad do/ /dper na du rna ya zhes bya
ba ste/ des na thugs

la bzhag pa zhes bya ba ni slob dpon gyis bshad pa mdzes pa yin
no/ /gang zhig legs par bshad pa 'ba' zhig tu smra ba de rnams la
byang chub sems dpas skyon med nyi tshe zhig ces bya ba ni legs
par bshad pa dang sbyar ro/ /legs par bshad pa dang ma 'dres pa
gang yin

pa de ni bdud rtsi dang 'dra ba thugs rangs bas bzhes pa zhes bya
ba'i don to/ /gzhan kha cig ni kha na ma tho ba 'ba' zhig smra ba
de rnams las nyes par bshad pa'i tshig dug bzhin du yongs su
spangs so/ /de ltar rnam pa gsum po 'dis shes rab kyi pha rol tu
phyin pa'i dag pa

bstan nas/ de nyid 'phel ba bshad par bya ste/ rin chen snying po
mkhyen khyod kyis/ /legs bshad srog gis 'jal ba na/ /skye ba de
dang de dag tu/ /byang chub slad du dpa' rtsal bstan/ /rin chen
snying po mkhyen khyod kyis/ /zhes bya ba la/ khyod kyis 'jal bya
ba dang sbyar ro/ /

@130b rin chen snying po mkhyen pa zhes bya ba ni legs par bshad
pa kho na rnyed par dka' bas na rin po che ste/ de rnams kyi
snying po ni bla na med pa'i byang chub po/ /de mkhyen pa zhes
bya ba ni rin chen snying po mkhyen pa zhes bod pa'o/ /gang gis
'jal ba yin zhes pa la/ /bshad pa/ dbyig

dang gser la sogs pa rnams 'ba' zhig gis ni ma yin gyi srog dag
gis kyang ngo/ /gang 'jal zhe na smras pa/ legs par bshad pa'o/
/dper na legs par bshad pa tshol bar gyur pa'i bcom ldan 'das kyis
chos ma gsan pas thugs mug par gyur pas

gnod sbyin gyi cha lugs 'dzin pa'i brgya byin las/ chos spyod pa
ni legs par spyad/ /spyod na de ni spyad mi bya/ /'jig rten 'di
dang pha rol du/ /chos spyod pa ni bde bar nyal/ /zhes bya ba'i
tshigs su bcad pa 'di la nyid kyi sku de la bza' ba'i phyir stsal
nas blus pa'o/ /

ci zhig mdzad ce na smras pa/ dpa' rtsal bstan zhes bya ba ni
brtson 'grus la dmigs pa mdzad do zhes bya ba'i don to/ /de ci'i
slad du zhe na/ smras pa/ byang chub slad du ni byang chub kyi
rgyur ro/ /skye ba dang de dag ni 'gro ba lnga'i 'khor ba thams
cad du skye bas so zhes bshad pa'o/ /

'dir de ma dang ri dags kyi skyes rabs la sogs pa dper bya'o/ /de
slad grangs med gsum dag tu/ /zhes bya ba rgyas par rgyu la bstod
pa nye bar bsdus te bshad pa/ de slad grangs med gsum dag tu/
/khyod ni de ltar brtson pa na/ /brtson 'grus 'ba' zhig grogs
gyur

bas; /go 'phang bla na med pa brnyes/ /de ltar zhes bya ba'i sgra
ni de bzhin nyid kyi don nam/ yang na rnam pa la'o/ /des na pha
rol tu phyin pa rnams las gzhan dad pa la sogs pa'i dge ba yang
gzung ngo/ /grangs med gsum dag tu zhes bya ba ni bskal pa chen
po grangs

med pa gsum gyis so/ /de ltar brtson pa na zhes bya ba ni ji ltar
bshad pa'i bka' ba'i spyod pa mdzad pas so/ /brtson 'grus 'ba'
zhig grogs gyur pas/ /zhes bya ba la/ brtson 'grus ni brtson
'grus te/ de nyid 'ba' zhig grogs su gyur pa gang la yod pa de ni

@131a @#/ /brtson 'grus 'ba' zhig grogs su gyur pa ste/ glang po
dang rta la sogs pa ni ma yin no/ /des na brtson 'grus 'ba' zhig
grogs su gyur pa khyod ces bya ba dang sbyar ro/ /ci zhig bya ba
zhe na/ smras pa/ go 'phang bla na med pa brnyes pa ste/ mngon du
mdzad

pa'o; /go 'phang ni gnas so/ /ji lta bu yin zhe na/ bshad pa/ bla
na med pa ni bla na med par khyad par gang la med pa de ni bla na
med pa ste/ de bzhin gshegs pa'i ye shes zhes bya ba'i don to/
/de ltar de ni pha rol tu phyin pa drug gis bcom ldan 'das kyi
rgyu la bstod

pa zhes bshad do zhes bya'o/ /rgyu la bstod pa'i bshad pa ste
le'u gnyis pa'o// //da ni rnam pa gsum gyis 'bras bu la bstod pa
las/ re zhig dpe med pa las bstod pa de las rgyu gang gis dpe med
pa nyid dang/ rnam pa gang gis dang/ gang dang bcas pas dpe

med ces bya ba ste/ dbye ba gsum mo/ /de la rgyu gang gis dpe med
pa nyid brnyes pa ni/ /mtho la phrag dog mi mdzad cing/ /zhes bya
ba'i tshigs su bcad pas de bshad par bya ste/ mtho la phrag dog mi
mdzad cing/ /dma' la rngan can mi mdzad la/ /mnyam la 'gran pa mi
mnga'

bas/ /khyod ni 'jig rten gtso bor gyur/ /'jig rten pa phal che ba
thos pa dang tshul khrims la sogs pa'i khyad par dang ldan pa'i
gang zag rnams la phrag dog skye ste/ gzhan gyi yon tan bzod mi
nus pa zhes bya ba'i don to/ /dma' ba rnams la rngan can ni rngan
can gyi blo dang/

mnyam pa dang bcas pa la 'gran pa ni phan tshun zil gyis gnon pa
yin no/ /bcom ldan 'das kyang byang chub sems dpa'i gnas skabs su
mtho ba rnams la phrag dog mi mdzad de/ yon tan kun du 'dzin pa'i
phyir ro/ /dma' ba la rngan can mi mdzad pa ni de rnams la yang
yon tan

yang dag par stsal ba'i phyir ro/ /mnyam la 'gran pa mi mnga' ba
ni nye bar blangs pa'i yon tan rnams brtan par mdzad pa'i phyir
ro/ /'gran pas ni bar chad du 'gyur zhes bya ba'o/ /rgyu gsum po
de rnams kyis khyod ces pa ni bcom ldan 'das 'jig rten gyi gtso
bor gyur pa ni/ dpe

@131b med pa nyid thob par gyur zhes bya ba'i don to/ /de ltar re
zhig phrag dog la sogs pa mi mnga' ba'i phyir dpe med pa nyid
bshad nas/ khyod ni yon tan rgyu rnams la/ /zhes bya ba'i rgyas
pas rgyu gzhan bshad par bya ste/ khyod ni yon tan rgyu rnams la/
/mngon dgyes 'bras bu rnams la min/ /

yang dag sgrub pa de nyid kyis/ /khyod kyi yon tan pha mthar
phyin/ /'jig rten pa rnams ni yon tan rnams kyi 'bras bu rnams la
mngon par zhen pa yin gyi de'i rgyu rnams la ni ma yin no /bcom
ldan 'das ni byang chub sems dpar gyur cing sred pa dang bcas par
gyur pas kyang 'bras

bu las nyung yang rgyu rnams la mngon par zhen pa ni de rnams
tshol ba dang dgongs pas bgyis so/ /gang dag gi rgyu yin zhe na/
bshad pa/ yon tan ni bsam gtan dang snyoms par 'jug pa rnams kyi
zhes bya ba'i don to/ /min zhes pa ni mngon par zhen pa dang
sbyar ro/ /gang

la zhe na/ bshad pa/ 'bras bu rnams la zhes bya ba ni bsam gtan
dang snyoms par 'jug pa'i bde ba rnams la'o/ /yang na rdzu 'phrul
la sogs pa rnams la'o/ /de nyid kyis zhes bya ba ni rgyud de dang
yon tan rnams kyi rgyu rnams la mngon par zhen pa rnams kyis so/
/khyod ni

yon tan pha mthar phyin pa ni de nyid kyis dang sbyar ro/ /rnam
pa gang gis she na/ bshad pa/ yang dag par bsgrub pa zhes bya ba
ni yang dag pa'i lam gyis dang/ gzhan la phan pa'i sgo nas zhes
bya ba'i don to/ /khyod ces bya ba ni bcom ldan 'das la'o/ /mthar
phyin zhes bya ba ni

khyad par ro/ /yon tan ni bsam gtan la sogs pa ste/ phyin pa ni
thob pa'o/ /de lta bu'i tshigs su bcad pa gnyis po 'dis byang chub
sems dpa'i gnas skabs dang po phrag dog la sogs pa ma mdzad pa
dang/ yon tan rnams kyi rgyu rnams la mngon par zhen pa dang

'bras bu la mngon par zhen pa'i rgyus byang chub brnyes pa'i bcom
ldan 'das kyi dpe med pa 'dir bshad do/ /gnas skabs bar mar dman
pa la mos pa bsal ba bshad pa ste/ gang gi phyir dman pa la mos
pa'i byang chub sems dpa' rnams 'di skad smra ste/ nyon

@132a @#/ /mongs pa rnams gnod par byed pa dang/ thub pa'i dbang
po'i go 'phang dka' bas sgrub pa dang/ sangs rgyas nyid thob pa'i
phyir chog shes pa gang yin pa de bsal nas sems can la thugs
rje'i dbang gis/ ji ltar khyod kyi zhabs rdul yang/ /bsod nams

skye ba mched 'gyur pa/ de ltar khyod kyis legs spyad pas/ /bdag
nyid rab tu bskrun pa mdzad/ /de ltar/ bdag nyid rab tu bskrun pa
mdzad/ /ces smos pa la/ de ltar zhes bya ba ni brtson 'grus la
sogs pa'i rnam pa des so/ /rab tu bskrun pa mdzad pa zhes bya ba
ni yon tan gyi

mtha' brnyes pa ste de bzhin gshegs pa'i ye shes thugs su chud
pa'i phyir ro/ /khyod kyis ni bcom ldan 'das kyis so/ /legs par
spyad pas zhes bya ba ni sku dang/ gsung dang thugs kyi dge ba'i
phrin las gsum gyis so/ /ji ltar zhes bya ba ni rnam pa gang gis
so/ /bsod

nams skye ba mched 'gyur ba/ /zhes bya ba ni bsod nams ni dge
ba'i phrin las rnams te/ skye ba ni skye ba'o/ /de mched pa ni
rgyas par mdzad pa zhes bya bas na bsod nams skye ba mched pa'o/
/de rnams kyi dngos po ni bsod nams skye ba na ched pa ste/ der
'gyur ba'o/ /yang zhes bya

ba ni srid pa la'o/ /zhabs rdul zhes bya ba ni zhabs dag gi rdul
lo/ /khyod kyi zhabs kyi rdul rnams la yang bkur sti byas na skye
bo rnams bsod nams rnyed par 'gyur ro zhes bya ba'i don te/ gnas
skabs bar ma'o/ /gnas skabs phyi ma'i dpe med pa'i rgyu bshad par
bya ste/ nyes

pa nyams smad rtsa nas bton/ /yon tan spel nas rnam par sbyang/
/gzhung lugs bzang po des na khyod/ /grub mchog lhag par brnyes
pa lags/ /nyams smad rtsa nas bton zhes bya ba ni rgyas pa'o/
/nyams smad ces bya ba ni skye ba snga mar srab par mdzad pa ste/
'jig rten pa'i

lam gyi sel ba dang spangs pa'i phyir ro/ /rtsa nas bton zhes bya
ba ni skye ba phyi mar 'phags pa'i lam gyis sa bon med par mdzad
pa'o/ /de dag gang yin zhe na/ bshad pa/ nyes pa ni 'dod chags la
sogs pa'o/ /spel nas zhes bya ba ni skye ba snga mar brtson 'grus
la brtson

@132b pas khyad par du 'dren pa'o/ /rnam par sbyangs zhes bya bas
ni skye ba phyi mar zag pa med pa'i shes rab kyis snyoms par 'jug
pa thams cad kyi sgrib pa spang bar bya ba'i phyir ro/ /de dag
gang yin zhe na/ bshad pa/ yon tan ni bsam gtan dang snyoms par
'jug pa la sogs

pa'o/ /gzhung lugs bzang po des na zhes bya ba'i gzhung lugs
bzang po des so/ /de ltar gyur pa gang yin zhe na/ smras pa grub
mchog lhag par brnyes pa zhes smos pa la/ grub mchog ni bla na
med pa'i byang chub ste/ gzhan gyi don thams cad gang gis 'grub
ces bya ba'i phyir

na; de ni khyod kyis brnyes pa lags/ /zhes bya ba'i don to /da ni
skabs phyi ma'i dpe med pa'i rgyu bshad par bya ste/ ji ltar bdag
gi rgyud la de/ /bag chags lhag ma'ang ma lus pa/ /de ltar rnam
pa thams cad du/ /nyes pa khyod kyis rab tu bcom/ /de ltar zhes
bya ba ni rnam pa des

so; /rnam pa thams cad du zhes bya ba ni 'bad rtsol thams cad
kyis so/ /nyes pa ni 'dod chags la sogs pa rnams so/ /bcom zhes
bya ba ni gnyen po'i phyogs bsgoms pas slar yang skye ba dgag pa
mdzad ces bya ba'i don to/ /ji ltar zhes bya ba ni skyon rnams
kyi'o/ /bdag gi

rgyud la zhes bya ba ni bdag gi rgyud la'o/ /bag chags zhes bya
ba'i mtshan nyid ni bshad zin to/ /'ang gi sgra ni khyad par la'o/
/nyes pa ma lus pa bcom pa 'ba' zhig tu ma zad kyi de rnams kyi
bag chags kyang ma lus pa ste/ ma bzhag ces bya ba'i don to/ /de
lta bu'i tshigs su bcad

pa 'dis nyes pa ma lus pa'i bag chags dang bcas pa nyan thos la
sogs pas sems can gyi don ma lus pa byed par mi nus so zhes bya
bas na nyes pa dang bcas pa'i bag chags spangs pa'i phyir dpe med
pa nyid bshad nas/ yon tan gyis phongs pas kyang sems can gyi don
byed mi

nus zhes bya bas na slar yang yon tan phun sum tshogs pa'i dpe med
pa nyid/ ji ltar gzhan la de dag dang/ /zhes bya bas rgyas par
bshad par bya ste/ ji ltar gzhan la de dag dang/ /'dra ba tsam
yang mi gda' ba/ /de ltar khyod kyis bsags bsags nas/ /bdag nyid
la ni yon

@133a @#/ /tan bsgrubs/ /de ltar zhes bya ba ni brtson 'grus la
sogs pa des so/ /bsags bsags nas zhes bya ba ni shin tu'i don la
kwA'i rkyen can te/ ji ltar zos shing 'gro ba bzhin zhes bya
ba'o/ /bya d+hI nya ni 'dzin pa dang rgyas pa'i khams kyi don

yongs su bzung nas brtson 'grus kyis shin tu bsags zhes bya ba
ste bsdus pa'i don to/ /bdag nyid la zhes bya ba ni nyid kyi
rgyud la'o/ /bsgrubs zhes bya ba ni bzhed pa tsam gyis mngon du
bzhag par gyur pa'o/ /yon tan ni mi 'jigs pa la sogs pa rnams so/
/'dra ba tsam

yang zhes bya ba ni 'dra ba tsam yang ngo/ /de dag dang zhes bya
ba ni yon tan rnams kyi'o/ /ji ltar zhes bya ba ni rnam pa gang
gis zhes bya ba ste mi gda' ba zhes bya ba dang sbyar ro/ /gzhan
la zhes bya ba ni bse ru'i rwa dang 'dra ba'i rang sangs rgyas
kyi rgyud la yang mi mnga' ba zhes bya ba'i don to/ /

de lta bu'i tshigs su bcad pa de rnams kyis rgyu gang gis dpe med
pa kho na bshad do/ /rnam pa gang gis dpe med pa nyid ni/ 'jig
rten pa yi dpe dngos kun/ /zhes bya ba'i tshigs su bcad pa gnyis
kyis bshad par bya ste/ 'jig rten pa yi dpe dngos kun/ /gegs
bgyid pa dang sgrib pa can/ /

re zhig pa dang nyi tshe ba/ /shin tu rnyed par sla ba lags/
/khyod kyi yon tan bla med la/ /gegs bgyid ma mchis rtogs ma
mchis/ /brtan pa dang ni rgyun chags pas/ /dpe lta mchis par ga
la 'gyur/ /de la gegs bgyid pa ni zil gyis gnon pa'o/ /sgrib pa
ni sgrib pa ste de dag gang

la yod pa de ni gegs bgyid pa dang sgrib pa can no/ /dpe'i dngos
po zhes bya ba ni 'chad par 'gyur ro/ /'di lta ste dper na re
zhig nyi ma dang zla ba la gegs bgyid pa ni sgra gcan la sogs pa
dag gis so/ /sgrib pa ni khug rna la sogs pa dag gis so/ /re zhig
pa zhes bya ba ni nyin bar nyi ma dang

mtshan mo zla ba'o/ /des na re zhig pa dpe'i dngos po yin no zhes
rtogs par 'gyur ro zhes bya ba'o /nyi tshe ba zhes bya ba ni gang
gi tshe 'dzam bu'i gling du nyi ma dang zla ba dag yin pa de'i tshe
byang gi sgra mi snyan du ni ma yin no/ /rgyu de'i phyir ni shin
tu rnyed par sla ba zhes bya ba la sogs pa ni shin tu rnyed par

@133b sla ba'i khyad par gang la yod pa de ni shin tu rnyed par
sla ba'o/ /de gang yin zhe na/ bshad pa/ 'jig rten pa'i dpe'i
dngos zhes bya ba ni gang gis dper byas pa de ni dpe ste de nyid
dngos po ni rdzas te/ dpe'i dngos po ni nyi ma la sogs pa'o/
/'jig rten pa'i zhes bya ba ni 'jig rten

pa la grags pa'o/ /de bzhin du pad+ma dang/ utpala la sogs pa
la yang ci rigs par sbyar bar bya'o/ /khyod kyi yon tan ni stobs
dang mi 'jigs pa la sogs pa rnams so/ /gegs bgyid ma mchis pa ni
gegs bgyid pa dang bral ba ste/ nyon mongs pa dang nyon mongs pa
ma yin pa'i

rmugs pa shin tu mi mnga' ba'i phyir mi mthun pa dang bral ba
zhes bya ba'i don to/ /rtogs ma mchis zhes bya ba ni gzhan gyi
rgol ba'i man pas zil gyis gnon par ma gyur pa'o/ /de bzhin du
bcom ldan 'das kyis gsungs pa ni yang dag par rdzogs pa'i sangs
rgyas su gyur pa ngas chos

'di rnams khong du chud pa ma yin zhes bya bas 'dir nga la su
zhig rtsod par byed dam/ dran pa la 'jug gam zhes bya ba'i rgyu
mtshan yang ma mthong ngo/ /de lta bu'i rgyu mtshan ma mthong ba
ngas bde ba thob pa dang/ bsnyengs pa mi mnga' ba thob pa dang mi
'jigs pa thob pa yang gnas nas khyu mchog

rlabs po che'i gnas su dam bca' ba dang/ tshangs pa'i 'khor lo
bskor ba dang/ 'khor gyi nang du seng ge'i sgra yang dag par
bsgrags pa zhes bya'o/ /brtan pa zhes bya ba ni re zhig pa ma yin
pa ste/ rtag tu yang dag par rjes su 'gro ba'i phyir ro/ /rgyun
chags pas zhes bya ba ni

shes bya thams cad la gegs bgyid pa ma mchis pa'o/ /de lta bu'i
rnam pa 'dis bla na med pa'i mchog gzhan med pa zhes bya ba'i don
to/ /khyod kyi dpe lta mchis par ga la 'gyur zhes smos pa la/ ga
la ni dpe dang sbyar ro/ /lta zhes bya ba ni don gzhan 'chad par
'dod pa la'o/ /'gyur

ba ni 'gyur zhes bya ba'i don to/ /khyod kyi ni khyod kyi'o/
/'jig rten pa'i dpe gzhan dngos su na don gzhan du 'gyur pa ni
med do zhes dgongs pa de lta bu'i tshigs su bcad pa gnyis po 'dis
nyi ma la gegs bgyid pa dang ldan zhing gegs ma mchis pa la sogs
pa'i rnam pas grangs ji lta ba

@134a @#/ /bzhin du de bzhin gshegs pa'i yon tan rnams kyi dpe med
par bshad do/ /da ni gang dang lhan cig dpe med de kho na bshad
par bya ste/ de la re zhig de bzhin gshegs pa'i dgongs pa gang
yin pa de'i chos gsum ste/ zab pa dang/ brtan pa dang/ brtan pa
dang/ gsal ba

nyid ces bya ba'o/ /de la zab pa la brten nas bshad par bya ste/
gang tshe khyod kyi dgongs pa'i dkyil/ /gting dang pha rol med
brtags na/ /rgya mtsho'i zab pa nyid kyang ni/ /ba lang rjes ltar
sa ler gda'/ /ba lang rjes ltar zhes bya bas ni nyung ba nyid
bshad do/ /rgya mtsho'i zab pa

nyid la ltos na ba lang gi rjes dang 'dra bar 'gyur ro/ /ci zhig
tu 'gyur zhe na/ rgya mtsho'i zab pa nyid ni ba lang rjes ltar sa
ler gda' bar 'gyur ro/ /rgya mtsho chen po'i zab pa nyid ces bya
ba'i don to/ /gang gi tshe yin zhe na/ bshad pa/ gang tshe khyod
kyi dgongs pa'i dkyil/ /zhes bya ba

la sogs pa ni gang gi tshe brtags pa zhes bya ba dang sbyar ro
/gang gi tshe khyod kyi dgongs pa'i dkyil ni dgongs pa'i gting med
pa brtags na de'i tshe rgya mtsho'i zab pa nyid na ba lang gi rjes
ltar sa ler gda' bar 'gyur ro/ /rgyu gang gis she na/ /gang tshe
khyod kyi dgongs pa'i dkyil/ /gting

dang pha rol med pa ste/ /gting med pa ni nyan thos chen po la
sogs pa rnams kyis kyang yongs su mi shes pa'i phyir ro/ /rgya
mtsho'i gting ni lha ma yin gyis kyang ma rnyed pa'i phyir ro/
/bcom ldan 'das kyi dgongs pa'i dkyil yang pha rol med pa ste/
shes bya ma lus pa spyod yul du gyur pa'i

phyir dang rgya mtsho ni tshad yongs su chad pa'i phyir zhes bya
ba'o/ /de lta bu'i rnam pa 'dis rgya mtsho chen po'i zab pa pas
bcom ldan 'das kyi dgongs pa zab pa tshigs su bcad pa 'dis bshad
do/ /da ni brtan pa'i dpe med pa bshad par bya ste/ chos rnams
kun gyis mi bskyod pa/ /khyod kyis brtan

pa mngon bsams na/ /sa yi brtan pa nyid kyang ni/ /shir sha'i ge
sar rtse ltar chung/ /zhes bya ba ni shir sha'i shing las byung
ba'i me tog gi 'dab ma'o/ /'dab ma de'i rtse mo ni shir sha'i ge
sar gyi rtse mo ltar chung bar 'gyur ro/ /brtan pa ni mi g.yo ba
nyid do/ /sa'i zhes bya ba ni

@134b sa'i zhes bya ba'i don to/ /rgyu gang gis she na/ bshad pa/
chos rnams kun gyis mi bskyod pa/ /zhes bya ba ni gang gi phyir
khyod kyi thugs brtan pa gang yin pa de ni chos rnams kun gyis mi
bskyod pa zhes bya ba'i rigs na byas pa'i byed pa la drug pa'i
rkyen can no/ /ji ltar bcom ldan

'das gyi brtan pa mi bskyod pa yin zhe na/ de'i thugs don gyi
rang bzhin gyi yul can phyin ci log par smra bas bskyod par mi
nus pa'i phyir ro/ /de ltar gsungs pa ni dge slong gang zhig 'di
ltar smra ste/ nga la dge sbyong gau ta mas gsungs pa gang yin pa
de ni bdag gis smad cing bdag

gis gzhan la smra'o zhes bya ba de ni gnas med do zhes bya ba'o
/de lta bas na mi bskyod pa kho na'o/ /brtan pa mngon par bsams
na ni bsam par bya ba bsams na sa'i brtan pa shir sha'i ge sar
rtse ltar chung ba ste/ lha mo kha cig gis kyang bskyod par nus
pa'i phyir ro/ /'di ltar gsungs

te; lha mo dge slong ma rdzu 'phrul chen po dang ldan pa mthu
chen po dang ldan pa gang yin pa des kyang sa'i 'du shes rgya
chung bas sar byin gyis rlob cing/ tshad med pa'i chu'i 'du shes
bsams nas g.yo bar byed do zhes bya ba'o/ /de lta bu'i tshigs su
bcad pa des sa'i brtan pa las bcom

ldan 'das kyis dgongs pa brtan pa'i dpe med pa rab tu bstan to/
/gsal ba nyid kyi dpe med pa bshad par bya ste/ thub pa khyod kyi
ye shes kyi/ /snang bas mi shes rab rib dag /'joms pa'i thad na
nyi ma yang/ /me khyer tsam du'ang mi spyod do/ /mi shes rab rib
dag 'joms pa'i/ /

zhes bya ba la/ mi shes pa ni ma rig pa'o/ /de nyid rab rib ste/
yang dag pa'i don gyi lta ba bsgribs pa'i phyir ro/ /mi shes pa'i
rab rib 'joms pa gang yin zhe na/ ye shes kyi snang ba ste/ ye
shes ni thugs so/ /de nyid snang ba ste/ 'phags pa'i bden pa bzhi
yang dag par gsal bar

mdzad pa'i phyir ro/ /de'i ye shes kyi snang ba'i yul la zhes
'chad par 'gyur ro/ /khyod kyi ni khyod kyi'o/ /thub pa gsum dang
ldan pa'i phyir na thub pa'o/ /mi'i sgra ni spyod pa dag gang med
pa ste/ mi spyod ces bya ba'i don to/ /gang gis mi spyod ce na/
nyi ma ni nyi ma yis so/ /gang du mi spyod

@135a @#/ /ce na; bshad pa/ ye shes mi snang ba'i yul dang sbyar
ro/ /ci zhig mi spyod ce na/ bshad pa/ thad na me khyer tsam du
yang/ /zhes pa ni me khyer gang yin pa de ni me khyer ro/ /me
khyer ni gsal ba dang ldan pa'i srin bu de'i thad na gsal ba ste/
de'i de 'thad pa'i yul

yin no zhes bya'o/ /snang ba de tsam yang nyi mas mi nus te/ bden
pa'i yul mngon du ma gyur pa'i phyir ro zhes bya ba'o/ /de lta
bu'i tshigs su bcad pa des bcom ldan 'das kyi thugs dpe med pa nyi
ma'i snang ba bas gsal ba nyid bshad nas/ yon tan gzhan rnams kyi
yang dpe med par

bshad par bya ste/ khyod kyi gsung thugs mdzad spyod rnams/ /dag
pa'i gan na ston zla dang/ /chu dang nam mkha'i dag pa rnams/
/dri ma can ni lta bur gda'/ /dri ma med pa yang dri ma can nyid
lta bur snang ste/ dag pa rnams zhes bya ni bshad par 'gyur ro/
/gang gis she na/ bshad pa/

ston zla dang chu dang nam mkha'i zhes bya ba ni sprin la sogs pa
rnams kyis dri ma can du 'gyur srid pa'i phyir ston ka'i sgra ni
re re dang sbyar ro/ /ston ka'i zla ba dang chu dang nam mkha'i
zhes bya ba ni zlas dbye ba'i snying po can bdun pa de ni
skyes bu'i bsdu ba'o/ /gang la ltos nas she na/ bshad pa/

dag pa'i gan na zhes bya ba ni dag pa la ltos na zhes bya ba'i
don to/ /de la bcom ldan 'das kyi gsung gi dag pa'i gan na ston
ka'i zla ba'i dag pa dang/ thugs kyi dag pa'i gan na ston ka'i
nam mkha'i dag pa dang/ spyod pa ni sku'i phrin las te/ de'i dag
pa'i gan na ston ka'i chu'i dag pa

dri ma can nyid ltar gda' ba ste/ yongs su ma dag pa'i lus dang
ngag dang yid kyi las las byung ba bag chags dang bcas nyon mongs
pa ma lus pa'i dri ma dang bral ba'i phyir ro/ /de lta bu'i tshigs
su bcad pa des ston ka'i zla ba la sogs pa rnams las bcom ldan
'das kyi gsung la

sogs pa rnams kyi dpe med pa nyid bshad nas/ dpe med par bstod pa
nye bar bsdu bar bya ba'i phyir bshad pa ni/ 'jig rten legs pa
gang ci'ang rung/ /thams cad bsngos na'ang der bas te/ /nyon
mongs 'jig rten chos rnams kyis/ /sangs rgyas chos la khyad mi
khor/ /thams cad

@135b bsngos na'ang der bas te/ /zhes bya ba la/ der bas te zhes
bya ba ni ba lang rjes ltar sa ler gang gda' zhes bya ba la sogs
pa thams cad bshad zin pa zhes bya ba'o/ /rgya mtsho'i zab pa la
sogs pa nye bar bshad pa gang yin pa de ni tshig tsam ste/ gzhung
'di nyid kyi don gyis go bas

gzhan thams cad kyang dpe ma yin no zhes bsdus nas bshad pa'o/
/thams cad gang yin zhe na/ bshad pa/ 'jig rten legs pa gang
ci'ang rung/ /zhes smos pa la gang ci'ang rung ba ni pad+ma dang/
utpala la sogs pa ste/ legs pa ni mdzes shing 'jig rten pa la
grags pa gang yin pa

de yang khyod kyi dpe ma yin no zhes dgongs pa'o/ /rgyu gang gis
she na/ bshad pa/ sangs rgyas chos la khyad mi khor/ /zhes smos
pa la/ khyad mi khor zhes bya ba ni khyad par mang po gegs ma
mchis pa zhes sngar bshad pa'i phyir ro/ /ci ni gang gi phyir
zhes bya ba'i don la'o/ /sangs

rgyas chos la zhes bya ba ni stobs dang mi 'jigs pa la sogs pa
rnams so/ /'jig rten chos rnams zhes bya ba ni 'jig rten pa la
grags pa'i nyi ma la sogs pa'o/ /'dir chos kyi sgra ni dngos po
tsam gyi tshig tu khong du chud par bya'o/ /nyon mongs pa zhes bya
ba ni gegs bgyid pa dang

sgrib pa la sogs pa ji ltar bshad pas 'jig pa dang ldan pa'o/
/bshad pa ni 'di yin te/ gang gi phyir/ nyon mong 'jig rten chos
rnams kyis/ /sangs rgyas chos la khyad mi khor/ /de'i phyir na/
'jig rten legs pa gang ci'ang rung/ /thams cad bsngos na'ang der
bas te/ /zhes

bya ba gang yin pa de yang khyod kyi dpe yang ma yin no zhes bya
ba'o/ /de lta bu'i tshigs su bcad pa 'di rnams kyis 'jig rten pa'i
dpe las dpe med pa bshad nas/ bcom ldan 'das kyis 'jig rten las
'das pa'i dpes dpe med pa bshad par bya ste/ rin chen chos gang
brnyes nas khyod/ /mchog

tu gyur pa de nyid dang/ /khyod du bsgrun zhing de dang ni/
/khyod dang bsgrun ldom kho nar bas/ /rin chen chos gang zhes
smos pa la/ bla na med pa yang dag par rdzogs pa'i byang chub ni
'dir rin chen chos su 'thad kyi mya ngan las 'das pa ni ma yin
te/ nyan thos la sogs pa rnams kyis kyang de thob

@136a @#/ /pa'i phyir ro/ /brnyes nas zhes bya ba ni yang dag par
rjes su 'gro ba'am mngon du gyur pas so/ /khyod mchog tu gyur pa
zhes bya ba ni sems can ma lus pa'i mchog tu gyur zhes bya ba'i
don to/ /gang zhig sems can rkang med dam/ rkang gnyis pa 'am/
rkang mangs zhes bya ba gang

yin pa'i sems can de rnams las de bzhin gshegs pa dgra bcom pa
yang dag par rdzogs pa'i sangs rgyas mchog yin no zhes bya ba ni
mdo'i tshig yin no/ /de zhes bya ba ni rin chen chos so/ /nyid kyi
sgra ni nges par gzung ba ste/ de nyid kyis ni gzhan gyi ni ma
yin no/ /kho nar bas pas sgra ni yongs

su dag par brjod pa'o/ /yongs su dag pa'i phyir legs te/ /zhes
bya ba ni bcom ldan 'das la bod pa'o/ /sangs rgyas rin po che dag
yongs su dag pa'i phyir bsgrun pa la ni skyon med do zhes dgongs
pa'o/ /de nyid kyi phyir na bshad pa/ de dang khyod ni zhes smos
pa de zhes bya ba ni chos rin chen gyi'o/ /

dang gi sgra ni bsgrun ldom zhes bya bar rjes su drang ba'i phyir
ro/ /khyod ces bya ba ni bcom ldan 'das dang bsgrun pa'i phyir
rin chen chos kyi dpe dang de'i khyod ces bya ba dang mdor bsdus
pa'o/ /spel ma las kyang slob dpon phyogs kyi glang pos khyad par
du bstod de/ yang na de yang khyod mtshungs

min; /gang phyir gnyi ga mnyam pa nyid/ /tshad ma mkhan gyis brjod
par nus/ /de ni sus kyang rtogs mi 'gyur/ /zhes bshad do/ /de'i
dgongs pa ni 'di yin te/ glang dang glang rgod dag la khyad par
yod na yang tshad ma la sogs pa spyi'i shes pas dper brjod par bya
ste/ glang ji lta ba

de bzhin du glang rgod do/ /yang na glang rgod ji lta ba de bzhin
du glang zhes bya ba'o/ /de bzhin du de bzhin gshegs pa dang/ rin
chen chos dag gi tshad ma ni gang gis kyang mi shes so/ /de'i
phyir khyod kyi rin chen chos ni dpe ma yin gyi/ /de'i yang khyod
kyi ma yin zhes bya ba'o/ /gal te bcom ldan

'das kyi dpe med na gsung 'di dag ni zla ba las bdud rtsi 'dzag
pa bzhin du 'byung zhes bya bas dper ji ltar byas she na/ bshad
pa/ gang la spyi tsam bstun nas ni/ /cung zad brjod pa bgyid pa
de/ /smra ba po yi rang dga' dang/ /thabs dang gcam bu tsam du
bas/ /rang dga' zhes bya

@136b ba ni rang gi 'dod pa ste de ni 'gal ba tsam mo/ /tsam gyi
sgras ni dpe med pa zhes bshad do/ /gang yin zhe na/ bshad pa/
gang la spyi tsam bstun nas ni/ /zhes smos pa la/ spyi ni gang
gzhan la yang yod pa'o/ /bstun pa ni chos rnams yongs su brtag
pa'o/ /cung zad ces bya ba ni cung

zad ces bya ba'i don to/ /bshad pa ni 'di yin te/ chos gzhan dang
spyi yis khyod kyi dpe yid kyis byas pa gang yin pa de ni rang
dga' bas na 'gal ba tsam yin te dpe ni ma yin no/ /gang la bstan
nas ni zhes bya ba la sogs pa smos pa la/ gang la zhes bya ba ni
dngos po gang la spyi dang

bstun nas dpe nyid kyi tshig gis brjod par bgyid pa gang yin pa de
ni gang zag smra ba po gcam bu tsam du bas pa ste shin tu gcam bu
zhes bya ba'i don to/ /de'i phyir na bcom ldan 'das dpe med do
zhes bya ba ste/ dpe med pa la bstod pa'i bshad pa'o/ /dpe med pa
la bstod pa'i bshad pa ste

le'u gsum pa'o// //da ni rmad du byung ba la bstod pa/ khyod ni
bdud las rnam rgyal te/ /zhes bya ba'i tshigs su bcad pa gnyis
kyis bshad par bya ste/ khyod ni bdud las rnam rgyal te/ /'gro
kun dad par mdzad pa yang/ /bdag gis chos nyid rjes bsams na/
/chen po ltar

gang ma mthong ngo/ /sdang bas rgol bar rtsol byed pa/ /mang
po'ang gzhom par bya ba ni/ /khyad par gnas la brten pa yi/ /bzod
pa'i tshigs su mtshar mi che/ /chen po ltar gang ma mthong ngo/
/zhes bya ba ni rmad du byung ba lags zhes bya ba'i tshigs su bcad
pa gsum pa'i mthar bshad

par 'gyur ro/ /chen po ma mthong ba ni chung ba'o/ /ltar gyi sgra
ni dper ro/ /gang gi sgra ni tshig kha skong ba'o/ /khyod kyi nyan
thos gnas brtan nyer sbas kyang bdud las rgyal lo zhes thos nas
khyod ni bdud las rgyal ba ni chen po ltar ngo mtshar rmad du
byung ba ma mthong ngo zhes bya bar dgongs pa'o/ /

chos nyid rjes bsams na zhes bya ba ni chos rnams kyi rang bzhin
ni chos nyid de/ sangs rgyas kyi chos rnams nyung ngu rjes su
bsams na zhes bya ba'i don to/ /spyang ki las seng ge rgyal ba
zhes mkhas pa rnams ngo mtshar bar mi 'gyur ro/ /bdag nyid kyi nus
pa'i rjes su dpag pas kyang 'gro kun dad

@137a @#/ /par zhes bya ba la sogs pa smos pa la/ 'gro kun zhes
bya ba ni 'chad par 'gyur ro/ /dad par zhes bya ba ni ngo mtshar
du gyur pa'o/ /bdud las rgyal zhes bya ba bdud las rgyal ba la
brten nas so/ /bdud ni 'dod pa'i lha zhes bya ba lha'i bu 'byung
po bye ba sum cu rtsa drug

gis yongs su bskor ba mda' bo che dang/ mdung thung brgya bcom
ldan 'das la bsnun par byed cing/ ting nge 'dzin gyi gegs byed
pa'i phyir nye bar gnas pas bgegs phra mo yang byed ma nus zhes
bya ba'o/ /khyod de las rgyal ba gang yin pa de ni 'gro bas ngo
mtshar du brtsi ste/ bdag

gis ni ma yin no zhes bya bar dgongs pa'o/ /rgyu ci'i phyir zhe
na/ bshad pa/ rgol ba mang po'ang zhes bya ba ni rgyas pa'o/
/mang po zhes bya ba ni ma lus pa ste/ mthu dang ldan pa zhes bya
ba'i don to/ /'ang zhes bya ba'i sgra ni gang gi phyir zhes bya
ba'i don to/ /sdang bas rgol bar zhes bya ba ni

mi 'gal ba'i bsams pas so/ /gzhom par bya ba zhes bya ba ni rgyal
ba'i phyir ro/ /rtsol byed pa zhes bya ba ni nye bar gnas pa'o/
/bzod pa'i tshigs su mtshar mi che/ /zhes bya ba ni nyan thos kyi
gnas skabs la yang bzod pas gzhom par bya ba'i phyir dka' ba byed
pa ni ma yin no/ /

khyad par gnas la brten pa ni bskal pa grangs med pa gsum gyis
dri ma med pa'i bsod nams dang ye shes thob par bya ba'i phyir
skye ba phyi ma dang ldan pa'i byang chub sems dpa' ni khyad par
gyi gnas so/ /de la brten pa'i bzod pas bdud kyi 'khor dang mngag
gzhug pa mi sdug pa

rnams las rgyal bar bya ba shin tu sla ba'i phyir na de ni ngo
mtshar mi che'o/ /da ni bcom ldan 'das kyi rmad du byung ba gang
yin zhe na/ bshad pa/ gang tshe bdud rnams mngon btul ba/ /de yi
nub mo kho na la/ /nyon mongs shin tu che spangs pa/ /de nyid
rmad du byung ba lags/ /gang tshe

bdud rnams mngon btul ba/ /zhes bya ba la sogs pa bshad par 'gyur
ro/ /kho na'i sgra ni don gzhan 'chad par 'dod pa'o/ /bdud rnams
mngon btul ba zhes bya ba ni gsod pa'i chos la nye bar sbyor bas
na bdud ni lha'i bu'i bdud do/ /de mngon btul ba ni de'i 'og tu
zhes bya ba'i

@137b don to/ /nyon mongs shin tu che spangs pa/ /zhes bya ba la/
nyon mongs pa zhes bya ba ni 'dod chags la sogs pa rnams te/
spangs pa ni nyon mongs pa spangs pa'o/ /de ni nyan thos pas
kyang byed/ /ces bya ba'o/ /shin tu che ba zhes bya ba ni khyad
par te/ bag chags kyang spangs pa'i

phyir ro/ /de'i nub mo kho na la zhes bya ba ni gang gi nub mo la
ting nge 'dzin nyams par bya ba'i phyir bdud nye bar gnas pa de
nyid rmad du byung ba ste/ rnam par g.yeng ba'i rkyen dang phrad
na yang nyon mongs pa shin tu che ba spangs pa gang yin pa de
nyid rmad du byung ba yin gyi bdud las rgyal ba ni ma yin

no; /'o na bcom ldan 'das kyis cho 'phrul chen po bstan pas 'od
srungs rdzogs byed pa la sogs pa'i mu stegs pa btul ba de yang
rmad du byung ba yin na de nyid nges par 'dzin pa ci'i phyir zhe
na/ bshad pa/ 'od zer phreng bstod ldan pa'i/ /nyi mas mun pa
bsal gang lags/ /dpa' bo

khyod kyis mu stegs las/ /rgyal bar mdzad pa ci zhig mtshar/ /mun
bsal zhes bya ba la sogs pa smos pa la mun pa bsal ba ni mun nag
bsal ba'o/ /nyi ma ni nyi ma zhes bya'o/ /ji lta bu yin zhe na/
bshad pa/ 'od zer phreng ba stong ldan pa'i/ /zhes smos pa la/
'od zer ni 'od zer

rnams so/ /stong yang yin la 'od zer phreng ba yang yin pas na
'od zer phreng ba stong ste/ de gang la yod pa de ni 'od zer
phreng ba stong ldan pa'o/ /'od zer gyi phreng ba stong dang ldan
pa des mun pa bsal ba ni ngo mtshar ba ma yin no/ /de la yongs su
mi rtog pa'i gang zag ngo mtshar bar gyur pa gang

yin pa de ni des ngo mtshar zhes sems so/ /khyod kyis mu stegs las
rgyal bar mdzad pa ni ngo mtshar ba zhes pa dang sbyar ro/ /dpa'
bo zhes bya ba ni bod pa'i tshig dang rgyu yang bstan to/ /gang gi
phyir brtson 'grus kyi che ba dang ldan pa'i phyir de bas na
khyod ni dpa' bo'o/ /mu stegs pa de rnams

brtson 'grus dman pa'i sha ra dwa ti'i bu la sogs pa nyan thos
rnams kyis kyang btul bde bas na khyod kyis de las rgyal bar
mdzad pa ni ngo mtshar ba ma yin no/ /'di'i phyir na yang ngo
mtshar ba ma yin te de'i phyir/ 'dod chags bral bas chags bcas
dang/ /zhes bya ba'i rgyas par

@138a @#/ /bshad par bya ste/ 'dod chags bral bas chags bcas dang/
/zhe sdang bral bas zhe sdang can/ /gti mug bral bas rmongs pa
ste/ /gsum pos rtag tu gsum dag btul/ /'dod chags dang zhe sdang
dang gti mug dang bcas pa'i gang zag gsum 'dod chags

dang bral ba dang/ zhe sdang dang bral ba dang/ gti mug dang bral
ba dang/ gang zag gsum gyi rim pa ji lta ba bzhin du rtag tu btul
lo/ /de rnams kyang mu stegs pa ni 'dod chags dang ldan pa yin
gyi/ /khyod ni rnam par grol ba ste/ /de bas na ji ltar khyod
kyis mu stegs las rgyal

ba ngo mtshar ba ma yin no zhes bya ba ni mdor bsdus pa'i don to/
/'o na bcom ldan 'das kyi ngo mtshar ba ji lta bu yin zhe na/
bshad pa/ dam chos rab tu bstod pa dang/ /dam chos ma lags smod
mdzad kyang/ /dam pa dag dang tha mal/ /khyod ni chags dang khro
mi mnga'/ /dam chos

rab tu bstod pa dang/ /zhes smos pa la/ bstod pa ni bstod pa'o/
/dam chos ni rnam par byang ba'i phyogs kyi dge ba zhes bya ba'i
don to/ /dam chos ma lags pa zhes bya ba ni kun nas nyon mongs
pa'i phyogs kyi nyon mongs pa zhes bya ba'i don to/ /smod mdzad
ces bya ba ni smod par

mdzad pa'o/ /chags dang zhes bya ba ni rjes su chags pa'o/ /khro
ba ni khong khro ba'o/ /de dag khyod la mi mnga' ba/ /zhes bya
ba'i don to/ /gang la zhe na/ smras pa/ dam pa dag dang tha mal/
/zhes bya ba ni dge ba can dang/ mi dge ba can dag la rim pa ji
lta ba bzhin du

chags pa dang khro ba mi mnga' ba'o/ /'on kyang gzhan la smad par
mdzad pa'i phyir bstod pa mdzad pa'am/ smod pa mdzad pa de gnyi
ga yang zhes dgongs pa'o/ /'di yang ngo mtshar ba ste/ gang gi
phyir/ dgra bcom pa dang mu stegs la/ /rjes su chags dang khong
khro bar/ /khyod

kyi thugs ni mi 'gyur na/ /khyod la bstod du ci zhig mchis/ /dgra
bcom pa dang mu stegs la/ /zhes bya ba la sogs pa smos pa la/
khyod kyi thugs ni mi 'gyur na/ /zhes bya bas 'chad par 'gyur ro/
/dgra bcom pa zhes bya ba ni nyes pa ma lus par spangs par gyur
pa dag

@138b la'o/ /mu stegs la zhes bya ba ni rdzogs byed la sogs pa
rnams la'o/ /rjes su chags dang khong khro bar/ /zhes bya ba ni
chos nyid la gnod par byed pa'i mu stegs pa rnams la khong khro
bas gang gi thugs ni mi 'gyur ba ste/ de rnams la khong khro bar
mi 'gyur ro zhes dgongs

pa'o/ /'phags pa kun dga' bo la sogs pa'i dgra bcom pa rnams la
gang gi che kun dga' bo dgon pa pa/ phyag dar khrod pa/ phug la
chags pas 'dod pa la mi ltos par ba lta zhes bya ba de ltar khyod
kyis yun ring por bzhed pa'i thugs la dgongs pa dgra bcom pa thob
pas yongs

su rdzogs par byed pa la chags pas thugs ni mi 'gyur ba ste/ /de
rnams la chags par mi 'gyur ba'o/ de dang 'dra ba'i rmad du byung
ba'i yon tan dang ldan pa khyod la bstod du ci zhig mchis pa ni
gzhan dam par bstod pa gang gis te/ bstod pa de ni ma mchis zhes
bya ba'i don to/ /

rmad du byung ba gzhan yang bshad par bya ste/ yon tan rnams
la'ang ma chags la/ /yon tan can la'ang bzhed mi mnga'/ /kye ma'o
khyod kyi thugs stobs na/ /rab dang yongs su dag pa lags/ /yon
tan rnams la'ang ma chags la/ /zhes smos pa la/ yon tan rnams ni

stobs dang mi 'jigs pa la sogs pa rnams la'o/ /byang chub sems
dpa'i gnas skabs su yon tan rtswa dang 'dra bar mi brtsi ba dang/
de rnams la yang ma chags pa ni chags par ma gyur pa ste/ de
rnams 'phil bar bya ba'i phyir ro/ /rgyur gyur pa'i yon tan de
rnams kyis sems

can rnams yon tan dang ldan par mdzad ces pas na rtsol ba la gnas
par ro/ /de rnams la bzhed pa mi mnga' ba ni bsam gtan la sogs
pa'i yon tan dang ldan par gyur pa la yang nyon mongs pa can gyi
bzhed pa mi mnga' ba'o/ /de'i phyir na kye ma'o rab dang zhes bya
ba la/ kye ma'o zhes bya

ba ni ngo mtshar ba'o/ /khyod ni khyod kyi'o/ /rab dang zhes bya
ba ni sngar bshad pa'i cho gas 'dod chags la sogs pa'i rnyog pa
dang bral ba'o/ /thugs stobs zhes bya ba ni thugs so/ /yongs su
dag pa ni dri ma dang bral ba zhes bya ba'i don to/ /dbang po
rnams ni rab dang ba/ /zhes bya

@139a @#/ /ba'i tshigs su bcad pas rmad du byung ba 'di yang bshad
par bya ste/ dbang po rnams ni rab dang ba/ /dus rnams rtag tu mi
nyams pas/ /khyod thugs rtag tu dang bdag [?]/mngon sum gyur ba
bzhin du gda'/ /rten la brten pa nye bar 'dogs pa mig la sogs pa
la

brten pa'i dbang po de rnams rab dang ba ni dri ma med pa ste/
khro ba la sogs pas byas pa'i bzhin 'gyur ba dang bral ba'i phyir
zhes bya ba'o/ /ji ltar skye ba gtsang ba'i bram zes bshad pa ni
bcom ldan 'das go ta ma'i spyan ni rab tu dang ba dang/ zhal gyi
mdog dag pa dang/ sku mdog dkar ba

gang yin pa de ni dbang po dang ba'i phyir ro/ /dper na kye go ta
ma ji ltar chu bo 'dzam bu'i gser gyi rang bzhin gyi gong bu gser
mgar mkhas pas bdar nas ras dkar po la bzhag na shin tu snang ba
dang/ 'dis pa dang/ rnam par gsal bar gyur pa de bzhin du bcom
ldan 'das gau ta ma'i dbang po dag

rab tu dang ba zhes bya ba ni snga ma bzhin no/ /dus rnams rtag
tu mi nyams pas/ /zhes bya ba ni rtag tu mi nyams pa'i ngang tshul
can te dus thams cad du zhes bya ba'i tha tshig go/ /thugs zhes
bya ba ni thugs so/ /rtag tu dang ba zhes bya ba ni rtag tu dag
pa'o/ /mngon sum gyur pa bzhin du zhes bya ba

ni thugs dang ba med na dbang po rnams dang bar mi 'gyur ro/
/khong stong gi nang me gnas pa'i/ /shing las lo ma 'byung mi
'gyur/ /zhes de ltar bshad pa'o/ /de bas na dbang po'i dang ba
las thugs kyi dang ba mtshon par 'gyur ro/ /de'i thugs kyi dang ba
gzhan gyi sems mi shes pas

mngon sum du ma gyur pa'i phyir bzhin zhes bya ba ni dper ro/
/gzhan rmad du byung ba bshad par bya ste/ rang bzhin dam pa legs
gsungs dang/ /mdzad spyod bzang pos bsgrags pas na/ /khyod kyi
blo gros dgongs pa dag /rnam dag byis pa'i bar la grags/ /zhes
bya ba ni rgyas

pa'o/ /byis pa'i bar zhes bya ba ni byis pa rnams las kyang
brtsams zhes bya ba'i don to/ /grags zhes bya ba ni rab tu grags
pa'o/ /khyod kyi ni khyod kyi'o/ /de gang yin zhe na/ blo gros
dgongs pa dag ni mi 'jigs pa la sogs pa'i blo gros te/ shes rab
kyi rang bzhin yin pa'i phyir

@139b ro/ /dran pa nye bar gzhag pa gsum ni dgongs pa'o/ /de dag
gi rnam par dag pa ni nyon mongs pa'i dri ma dang bral ba'i phyir
ro/ /de dag ji ltar byis pa rnams kyi bar la yang grags she na/
smras pa/ gang gi phyir bsgrags pa zhes bya ba ni rtogs shing
gsal bar gyur pa'o/ /rang

bzhin ni dgongs pa ste/ de nyid mi 'jigs pa la sogs pa'i sems
dang sems las byung ba'i tshogs so/ /de'i bsgrags pa ni rtags su
gyur pa zhes bya ba'i don to/ /legs gsungs mdzad spyod bzang po
zhes bya ba la/ legs gsungs ni yongs su dag pa'i gsung gi phrin

las so/ /mdzad spyod bzang po ni yongs su dag pa'i sku'i phrin
las so/ /bzhad pa chung ba'i bcom ldan 'das kyis sngas pa'i yon
tan rnams kyang de dag gis gsal bar byas zhes bya ba ste/ gsang
ba gsal bar byas pa bzhin no/ /de bas na de rnams bsgrags pa yin
no/ /

de dag kyang thugs dag pa mod na rnam par dag par mi 'gyur ro
zhes bya bas ni thugs kyi rnam par dag pa gsal bar mdzad do/ /de
bas na byis pa'i bar la yang sangs rgyas kyi chos zab mo rab tu
grags so/ /de ltar 'jig rten pa yang zer te/ rnam pa rtags dang
'gro ba dang/ /spyod

pa dang ni smra ba dang/ /mig dang gdong gi rnam pa yis/ /nang gi
yid ni shes par bya/ /zhes bya bas rmad du byung bar bstod pa
bshad do/ /rmad du byung ba la bstod pa'i bshad pa ste le'u bzhi
pa'o// //gzugs med pa'i dngos po'i don gyi 'bras bu nyid kyis re
zhig bcom

ldan 'das la bstod pa bshad do/ /sku la bstod pa la/ sku ni dad
pa skyed par mdzad pa dang/ tshim par mdzad pa nyid dang/ rten
dang brten pa'i yon tan gyi rjes su mthun pa dang/ sku dang yon
tan dag gi phan tshun rten dang brten pas mdzes pa zhes bya ba
rnam pa bzhi'o/ /de la re zhig

dad pa skyed par mdzad pa nyid bshad par bya ste/ nye bar zhi la
yid du 'ong/ /'bar la gnod pa mdzad mi mnga'/ /dul la rngom brjid
che ba yi/ /sku 'dis su zhig dad mi mdzad/ /nye bar zhi la yid du
'ong/ /zhes bya ba ni rgyas pa'o/ /rgod pa spangs pa'i phyir na
nye bar zhi ba ste sku de

@140a @#/ /zhes bya bas 'chad par 'gyur ro/ /drang srong phyi rol
pas sdug bsngal dang dka' thub bzod par nus pa dang 'dra ba'i nye
bar zhi ba yang yid du 'ong ba ma yin nam zhe na/ smras pa/ yid
du 'ong ba zhes bya ba ni mtshan dang dpe byad kyis spras pa yin
pa'i phyir yid du 'ong bar mdzad

pa zhes bya ba'i don to/ /'od 'dom gang ba'i 'od kyis gsal ba'i
phyir na 'bar ba'o/ /'bar ba'i phyir nyi ma'i 'od zer dang 'dra
bar gnod pa mdzad pa yin nam zhe na/ ma yin zhes bshad pa/ gnod
pa mdzad mi mnga' ni gnod pa mdzad mi mnga' ba'i ngang tshul gang
la mnga' ba de ni gnod

pa mdzad mi mnga' ba ste/ mthong ba dang rjes su mthun pa zhes
bya ba'i don to/ /rab tu byung ba dang mthun pa'i spyod lam mnga'
ba'i phyir na dul ba ste/ rgod pa mi mnga' ba zhes bya ba'i don
to/ /dul ba yin na yang rngom brjid che ba ma yin pa ni 'gal ba
yin zhes bshad pa ste/ rngom brjid

che ba zhes bya ba ni rngom brjid che ba zhes bya ba'i don to/
/sku zhes bya ba ni sku mdog dang dbyibs kyi bdag nyid do/ /su
zhig dang mi mdzad ces bya ba ni su zhig 'dra ba ji lta bu zhe
sdang can yang dad pa gzhol bar mi mdzad dam ste/ skye bo thams
cad la dad pa skyed par mdzad pa zhes dgongs

pa'o/ /ji lta bu zhe na/ gang gi phyir yul thams cad bsnyen na
dang bar mi 'gyur te/ khyod kyi sku ni/ khyod kyi sku de gang gis
ni/ /zhes bya ba la sogs pas bshad par bya ste/ khyod kyi sku de
gang gis ni/ /lan brgyar mthong dang gang zhig gis/ /dang por
mthong ba de gnyi ga /'dra ngar mig

ni mgu bar mdzad/ /gang gi phyir mthong zhing lan brgyar mthong
ba ni lan mang du zhes bya ba'i don to/ /brgya'i sgras ni mang po
kho na ston pa'i phyir ro/ /gang zhig gis dang por mthong ba zhes
bya ba ni gang zag gang zhig gis de'i sku dang por mthong ba ste
sku'i mtshan nyid ni bshad zin to/ /mgu

bar mdzad pa ni rangs par mdzad pa'o/ /khyod kyi ni khyod kyi'o/
/mig ni bde ba dang ldan pa'i mig gi rnam par shes pa skye ba'i
phyir ro/ /'dra bar zhes bya ba ni mtshungs par ro/ /de gnyi ga
zhes bya ba ni dang por mthong ba 'ba' zhig tu ma zad kyi 'on
kyang gnyi ga yang ste lan brgyar mthong

@140b ba dang/ dang por mthong ba dag gi'o/ /de lta bu'i tshigs su
bcad pa gnyis po 'dis skus dad pa skyed par mdzad pa nyid bshad
do/ /rgyu gang gis sku des dad pa skyed par mdzad pa nyid yin zhe
na/ bshad pa/ khyod kyi sku ni mdzes pa'i phyir/ /blta bas mi
ngoms rang bzhin pas/ /

mthong ngo cog ni phyi phyir zhing/ /dga' ba bskyed par mdzad pa
lags/ /khyod kyi sku ni mdzes pa'i phyir/ /zhes bya ba ni rgyas
pa'o/ /Shi tsa ni tshim pa'i khams so/ /tshim par byed pa zhes bya
bas na mdzes pa'o/ /nye bar len pa lud kyi rkyen dang sbyar bar
bya'o/ /mdzes pa kho na yin

pas na mdzes pa'o/ /bshad pa ni 'di yin te/ mtshan dang dpe byad
la sogs pas brgyan pa'i bcom ldan 'das kyi sku la srog chags
rnams kyis blta bas ngoms par mi 'gyur ba des na sku de ni mdzes
pa zhes bshad do/ /'di ltar thos pa yin te/ rgyal po gzugs can

snying pos ri brags kyi grong khyer gyi rgyal po drag po'i sras
kyi dad pa bskyed par bya ba'i phyir de ras ris la sangs rgyas
kyi sku bris nas bskur bar brtsams so/ /de la ri mo mkhan thams
cad bcom ldan 'das kyi yan lag dang nyid lag mthong bas tshim par
ma gyur pas sku bri bar ma nus

so zhes pas bcom ldan 'das kyis rgyal po chen po des 'tshal gyis
ri mo mkhan ngal bar gyur pas gang gi phyir de bzhin gshegs pa ni
blta bas chog mi shes pa nyid kho nas bris sku la 'od spro bar
bya'o zhes bya'o/ /de nas bcom ldan 'das kyis bris sku la 'od
spro bar mdzad do/ /

rgyal po gzugs can snying pos de ri brags kyi bdag po la bskur
to/ /de mthong nas rgyal po shin tu dad pa skyes par gyur nas
bris sku de nyid la rten cing 'brel bar 'byung ba bris pa bsgoms
pas 'phags pa'i bden pa mthong bar gyur nas bcom ldan 'das kyi
thad du phyin te rab tu byung nas

dgra bcom pa thob par gyur to zhes bya ba'o/ /phyir gyi sgra ni
gang gi phyir zhes bya ba'i don to/ /mdzes pa'i rang bzhin pas
zhes bya ba ni blta ba dang rjes su mthun pa kho na zhes bya ba'i
don to/ /sku ni sku'o/ /mthong ngo cog ni phyi phyir zhing/ /zhes
bya ba ni yang dang yang du mthong bar gyur pas

@141a @#/ /dga' ba'i yid la bde ba skyed par mdzad pa ste/ skyed
par mdzad pa lags zhes bya ba'o/ /phyi phyir zhing zhes bya ba ni
snga na med pa'i khyad par dang ldan pa'i dga' ba kho na mdzad
pa'o/ /gang gi phyir lan brgyar mthong ba dang/ gang zhig gis
sngar bshad pa rigs

pa yin zhes bya ba'o/ /tshigs su bcad pa 'dis sku blta bas mi
ngoms pa bshad do/ /rten gyi rjes su mthun pa nyid bshad par bya
ste/ rten gyi yon tan dag dang ni/ /brten pa'i yon tan phan tshun
du/ /'tsham pas khyod kyi sku dang ni/ /yon tan phun tshogs mchog
dang ldan/ /rten gyi

yon tan dag dang ni/ /zhes bya ba la sogs pa smos pa la/ rten ni
gzugs kyi sku ste/ de'i yon tan ni brtan pa nyid de/ rdo rje'i
sku gdung mthong bar ma gyur pa'i phyir ro/ /dbyibs ni shin tu
mdzes pa ste/ shing n+ya gro d+ha ltar chu zheng gab pa dang/ seng
ge'i ro stod dang 'dra ba'i phyir

ro/ /'bar ba nyid ni 'od 'dom gang ba dang/ mtshan dang dpe byad
kyis 'bar bar gyur pa'i phyir ro/ /mdog gser 'dra ba dang khyab
'jug gi stobs phun sum tshogs pa dang 'dra ba rten gyi yon tan
dang ldan pa'i sku ni gzugs kyi sku nyid de ldan pa zhes 'chad
par 'gyur ro/ /rten pa'i

yon tan zhes smos pa la/ brten pa ni stobs dang mi 'jigs pa la
sogs pa dang ma 'dres pa'i yon tan rnams so/ /brten pa'i yon tan
ni de rnams khyad par du gyur pa zhes bya ba'i don to/ /'dir yon
tan gyi sgra ni khyad par gyi tshig go/ /yon tan gyi khyad par ni
rnam par dag pa nyid

dang; thogs pa med pa nyid dang/ zil gyis gnon pa nyid dang/ zab
pa la sogs pa zhes bya ba'o/ /brten pa'i yon tan de rnams kyi mi
'jigs pa la sogs pa'i yon tan de nyid phun sum tshogs pa mchog
dang ldan pa ni bdag nyid kyi che ba dang ldan pa'i rgyur gyur
pa'i phun sum

tshogs pa dang ldan pa ste/ khyod kyi sku dang yon tan zhes bya ba
dang sbyar ro/ /phan tshun du 'tsham pas zhes bya ba ni rten gyi
yon tan phun sum tshogs pa brten pa'i yon tan dang rjes su mthun
pa ni rten no/ /brten pa'i yon tan phun sum tshogs pa rten gyi yon
tan dang rjes su mthun

@141b pa dang ldan pa ni brten pa zhes bya'o/ /de lta bu'i tshigs
su bcad pa 'dis sku'i brten pa'i yon tan rjes su mthun pa kho na
bshad do/ /mtshan dang dpe byad bzang 'bar ba/ /zhes bya ba'i
tshigs su bcad pa gnyis kyis don de nyid gsal bar bya ba'i phyir
bshad par bya ste/ mtshan

dang dpe byad bzang 'bar ba/ /khyod kyi sku las ma gtogs pa/ /de
bzhin gshegs pa'i yon tan 'di/ /gzhan gang zhig la legs gnas
'gyur/ /khyod sku brten pa yon tan la/ /nga dpal che zhes gsungs
gsungs ltar/ /de yi yon tan rnams kyang slar/ /nged legs

bkod ces gsungs pa 'dra/ /gzhan gang zhig ni gzhan gang zhig
la'o/ /legs gnas ni mdzes par gnas par 'gyur ro zhes bya ba'i don
to/ /de rnams kyang mi 'jigs pa la sogs pa rnams so/ /ji lta ba
bzhin du gnas pa'i dngos po de bzhin du gshegs pas na de bzhin

gshegs pa'o/ /ji ltar sngon yang dag par rdzogs pa'i sangs rgyas
gshegs pa ni 'jug pa ste/ de bzhin du 'di yang gzhan la sman pa'i
slad du 'jug pa la sogs pas gshegs pa zhes pas na de bzhin gshegs
pa'o/ /yang na sngon yang dag par rdzogs pa'i sangs rgyas su

gshegs pa ni gzhan dag gi tshogs dang chos kyi sku la sogs pa
yongs su rdzogs par bya ba'i phyir khyad par gyi ye shes dang
ldan par gyur pa de bzhin du 'dir yang gshegs pa zhes bya bas na
de bzhin gshegs pa'o/ /de'i yon tan ni de bzhin gshegs pa'i yon
tan no/ /khyod kyi sku

las ma gtogs pa/ /zhes smos pa la khyod kyi sku ni bshad pa gang
yin pa de las ma gtogs pa zhes bya ba'i don to/ /khyad par du
gyur pa gang yin zhe na/ mtshan dang dpe byad bzang 'bar ba/ /zhes
bya ba ni mtshan dang dpe byad bzang 'bar ba las ma gtogs pa zhes
bya bar dgongs

pa'o/ /de la skyes bu chen po'i mtshan rnams ni phyag dang zhabs
kyi mthil 'khor lo'i mtshan dang ldan pa dang/ 'od gsal ba dang/
smin mtshams su mdzod spus rnam par brgyan pa dang/ dbu gtsug gtor
dang ldan pa zhes bya ba la sogs pa'i mtshan ni mdo las gtogs par
bya'o/ /dpe

@142a @#/ /byad bshad par bya ste/ sen mo ha cang mi ring ba dang/
mtho ba dang/ zangs kyi mdog 'dra ba dang/ snum pa nyid dang/ sor
mo zlum pa dang/ rgyas pa dang/ byin gyis phra ba dang/ rtsa mi
mngon pa dang/ rtsa mdud pa med pa dang/ chung ba dang/ phra ba
dang/ brla chu shing gi

sdong po dang 'dra bar rgyas pa dang/ gshibs pa dang/ mi mnyam pa
med pa dang/ byin gyis phra zhing mdzes pa dang/ 'ol ma se'i me
tog dang 'dra bar dmar ba dang/ dang ba dang/ snum pa dang/
tsandan lta bu'i dri dang ldan pa'i khrag ces bya ba la sogs pa
ste brgyad cu'o/ /gzhan yang/

khyod kyi sku ni nga dpal che/ /zhes pa ni rgyas pa'o/ /dpal che
ba ni skal ba dang ldan pa'o/ /nga zhes bya ba ni nga'o zhes bya
ba de lta bu'o/ /khyod ces bya ba ni khyod kyi'o/ /sku'i mtshan
nyid ni bshad zin to/ /gsungs zhes pa ni gsungs pa'o/ /gsungs pa
ni srog chags kyi yul yin pa'i phyir te/

lta zhes pa ni dpe'o/ /brten pa ni sngar bshad pa'i brten pa
la'o/ /nged legs bkod ces bya ba ni de rnams nged legs bkod ces
bya ba'o/ /slar gsung pa ni slar yang gsung pa'o/ /'dra ba'i sgra
ni snga ma bzhin du bshad par bya'o/ /de zhes bya ba ni sku'o/
/yon tan ni sngar bshad zin to/ /

bshad pa'i don ni 'di yin te/ khyod kyi sku ni brten pa'i yon tan
la gsungs pa lta bu ste/ gang nga dpal che ba dang ldan pa yin no
zhes bya bas nga la bla na med pa'i yon tan brten pa zhes bya
ba'o/ /yon tan de rnams ni slar gsungs pa dang 'dra ba'i sku
mtshan dang dpe byad kyis spras pa khyod la

yongs su dag pa'i phrin las dag gis nged rnams legs par bkod pa
zhes bya ba'o/ /de ltar sku dang yon tan dag phan tshun rten dang
brten pa nyid kyis gsungs pa bshad de sku la bstod pa bshad do/
/sku la bstod pa zhes bya ba'i bshad pa ste le'u lnga pa'o//
//sman pa mdzad pa ni

dbye ba rnam pa brgyad de/ de la re zhig thugs rje la bstod pas
ni 'khor ba'i nyes pa mkhyen pa'i bcom ldan 'das kyang thugs rjes
yun ring por bzhugs pa dang/ /sems can rnams kyi de'i tshe shin tu
sdug bsngal zhi bar bya ba'i phyir skye bo mang po'i gnas su
bzhugs pa dang dgon par

@142b mi bzhugs pa dang/ da ltar byung ba'i sdug bsngal bzod
spyod pa dang/ bud med kyi spyod pa legs pa dang/ mi legs pa dang
'dra ba'i thugs rje mnga' ba ste tshig gi don bzhi'o/ /de la bcom
ldan 'das kyis smon lam la brten pas yongs su mya ngan las 'das
kyi bar du bkres pa

dang skom pa la sogs pa'i sdug bsngal bzod spyod pa dang/ 'khor
ba'i skye bo gzhan dang 'dra ba dang/ rgyu la khyad par mi mnga'
ba bshad par bya ste/ 'gro ba 'di dag thams cad ni/ /khyad med
nyon mongs rnams kyis bcing/ /khyod ni 'gro ba'i nyon mongs dag
/dgrol slad yun ring

thugs rjes bsdams/ /thams cad khyad med ces bya ba la thams cad
ces bya ba ni khams gsum mo/ /khyad med ces bya ba ni lha rnams
nas dmyal ba'i bar du'o/ /khyad par med pas na nyon mongs pa
rnams kyis bcings pa ni srid pa'i rtse mo'i nges par ma spangs
pa'i phyir ro zhes bya bar dgongs

pa'o; /'khor bar 'gro ba nyon mongs par byed ces pas na nyon
mongs pa rnams so/ /de rnams kyis bcings zhes bya ba ni 'khor ba
las ma 'das pa'i phyir ro/ /'gro ba 'di zhes bya ba ni sems can
gyi 'jig rten 'di'o/ /de ltar na 'jig rten pa nyon mongs pa rnams
kyis bcings

pas 'khor bar nyon mongs par gyur to/ /khyod ni 'gro ba'i nyon
mongs dag dgrol slad/ /ces bya ba ni shes rab kyi mtshon chas 'gro
ba'i nyon mongs pa'i zhags pas gcod pa'i phyir ro/ /yun ring
thugs rjes bsdam pa zhes bya ba ni smon lam nas brtsams te yongs
su mya ngan las

'das kyi bar du'o/ /gang gi phyir de ltar gyur pa de'i phyir na/
/dang por khyod la phyag bgyi 'am/ /'on te gang gis 'khor bar
khyod/ /skyon mkhyen yun ring de lta bur/ /bzhugs mdzad thugs rje
che la bgyi/ /dang por khyod la phyag bgyi'am/ /zhes bya ba la
sogs pa smos pa la/ 'am zhes

bya ba'i sgra ni dri ba dang the tshom mo/ /dang po ni dang po'o/
/phyag ces bya ba ni phyag bgyi ba'o/ /khyod la ni bcom ldan 'das
la'o/ /thugs rje che ba'i mtshan nyid ni bshad zin to/ /'on te ni
yang na zhes bya ba'i don to/ /gang las the tshom 'di yin zhe na/
gang gi phyir 'jig rten pa'i shes

@143a @#/ /pas long ba nyon mongs pa'i zhags pas bcings pas 'khor
ba'i sdug bsngal nyams su myong ba zhes bya ba de ni ngo mtshar ba
ma yin no/ /'on kyang gang gis zhes bya ba la sogs pa smos pa la/
gang gis ni thugs rje chen pos so/ /de lta bu ni yang dag par
gyur

pa gsal bar byad pa'i shes rab kyis 'khor ba'i skyon mkhyen pa
ste/ 'khor ba ni 'gro ba rigs drug go/ /bzhugs pa ni bzhugs par
mdzad pa ste/ /'gro ba rnams kyi nyon mongs pa yun ring por zhi
bar byed pa'i phyir ro/ /de'i phyir/ /dang por khyod la phyag
bgyi'am/ /zhes pa la rnam par

rtog pa ni 'di yin no/ /yon tan gyi the tshom bsal bar ma gyur na
ma ning gi rtags kyi sbyor ba byas zhes rtogs nas/ /dang por
khyod la phyag bgyi'am/ /zhes yongs su gdon to/ /de lta bu'i
tshigs su bcad pa gnyis kyis shes rab kyis 'khor ba'i skyon mkhyen
kyang thugs rjes yun ring por

bzhugs pa zhes bshad do/ /gzhan yang/ dben pa'i bde ba spangs
gyur khyod/ /mang po'i nang na bzhugs pa gang/ /de khyod thugs
rjes dus 'das pa/ /glags shig thod nas bgyid par bas/ /dben pa'i
bde ba spangs gyur khyod/ /ces smos pa la/ dben pa ni 'du 'dzi
spangs

pa'o; /de las byung ba'i bde ba dben pa'i bde ba'o/ /de gyur pa
ni rjes su mthun pa gang la yod pa de ni dben pa'i bde ba spangs
par gyur pa ste/ de ni gdul bya'i skye bo mang pos yongs su bskor
ba'o/ /khyod ni khyod kyi'o/ /'das pa ni 'das pa'o/ /de gang yin
zhe na/ dus ni mtshan

mo dang nyin mo la sogs pa'o/ /glags shig thod pa ni spro ba thob
pa'i thugs rjes de mdzad do/ /nyid bzhed pa'i dben pa'i bde ba
spangs nas rgyu med pa'i thugs rje'i gzhan dbang gis gzhan la
sman pa la rtse gcig pas khyod kyi dus 'das so zhes bya ba ni
bsdus pa'i don to/ /gang

gi phyir thugs rjes glags skabs rnyed nas 'di mdzad dam zhe na/
bshad pa/ rig pa yis ni mtsho nang nas/ /klu bzhin khyod kyang
thugs rje yis/ /dgon pa zhi gnas grong gi mthar/ /gdul ba'i don
gyi slad du drangs/ /dgon pa zhi gnas grong gi mthar/ /zhes bya
ba la sogs

@143b pa smos pa la/ zhi ba dang rjes su mthun pa'i dgon pa ni
zhi ba'o/ /de las grong gi mthar ni grong dang nye bar drangs
pa'o/ /khyod ni bcom ldan 'das so/ /kyang ni gang gi phyir zhes
bya ba'o/ /klu bzhin zhes bya ba la sogs pa ni ji ltar sprul gyi
mche bas btab pa'i dug gso bar bya ba'i phyir

mtsho'i nang du gnas pas klu rig pas mtsho'i nang nas drangs pa de
bzhin du nyon mongs pa'i sprul gyis zos pa'i 'gro ba gso bar bya
ba'i phyir thugs rje'i rig pas dgon pa zhi ba la dgyes par gyur
pa khyod dgon pas nas grong gi mthar drangs so/ /de bas na dben
pa'i bde ba spangs gyur khyod

ces bya ba rgyas pa'i tshigs su bcad pa'i don ni rigs pa'o/ /de
lta bu'i tshigs su bcad pa gnyis kyis thugs rje'i dbang gis mang
po'i nang na bzhugs pa dang/ dben par mi bzhugs pa zhes bshad do/
/gzhan yang/ nyer zhi mchog la gnas bzhin du/ /thugs rje gtso
dang ldan

pas na/ /rol mo mkhan gyi sgyu rtsal yang/ /khyod kyi zhabs kyis
'dor bar mdzad/ /nyer zhi mchog la gnas bzhin du/ /zhes smos pa
la/ nyer zhi mchog la gnas zhes bya ba ni nyer zhi mchog la gnas
pa'o/ /bzhin gyi sgra ni ngo mtshar ba'i don la'o/ /thugs rje gtso
dang ldan

pas na; /zhes smos pa la/ gtso bo ni gtso bo ste/ drang bar byed
pa zhes bshad de/ de gang la yod pa de ni gtso bo dang ldan pa'o/
/de'i ngo bo nyid ni thugs rje'i gtso bo dang ldan pa ste/ thugs
rjes yin gyi gzhan gyis ni ma yin no/ /de ni thugs rje gtso bo
dang ldan pa ni thugs rje

gtso bo dang ldan par gyur pa zhes bya ba'i don to/ /khyod kyi
zhabs kyis 'dor bar mdzad/ /ces bya ba ni zhabs bskyod par mdzad
pa'o/ /ci'i slad du zhe na/ rol mo mkhan gyis sgyur rtsal yang/
/zhes smos pa la/ rol mo mkhan gyis sgyu rtsal dag go/ /de rnams
kyi sgyu rtsal ni bzo'i

gnas dag ste/ de dag kyang khyod kyi mdzad pa la 'jug par mdzad
pa'o/ /'di lta ste/ rol mo mkhan gyi cha lugs bzhengs nas lha'i
yul du gshegs te/ bcom ldan 'das nyid kyis rgyud mangs brdungs
pas rgyud stong phrag chad par gyur kyang nam mkha' las yongs su
gang ba'i sgra bsgrags

@144a @#/ /pas shin tu dga' ba zhes bya ba'i dri za'i rgyal po
rgyud mangs brdung ba'i bzo bo nga rgyal dang ldan pa rol mo
mkhan gyi nga rgyal de las phral nas gdul bar mdzad do zhes bya
bar thos so/ /de yang rjes su mthun pa ma yin zhing skye bo gdul
bya'i sdug bsngal gzod ma spyod pa'i

thugs rjes mdzad do zhes bstan to/ /gzhan yang/ rdzu 'phrul seng
ge'i sgra dang ni/ /nyid kyi yon tan brjod pa gang/ /de ni bzhed
spyod mi mnga' ba/ /khyod kyi thugs rjes bstar ba lags/ /rdzu
'phrul seng ge'i sgra dang ni/ /zhes bya ba ni rgyas pa'o/ /rdzu
'phrul ni nam mkha' la 'gro ba

dang; 'bar ba dang/ 'bebs pa dang/ char 'bab pa la sogs pa'i'o/
/seng ge'i sgra dang 'brug gi sgra dang 'dra ba'o/ /ji ltar
gsungs pa ni nga las phyi rol du gyur pa la ni dge sbyong ngam
bram ze med de/ gang gis 'khor gyi tshogs 'di rnams kyi nang du
seng ge'i sgra yang dag par sgrogs par

byed pa kho na zhes bya ba la sogs pa'o/ /de nyid 'jigs pa med
pa'i seng ge dang 'dra bas sgra sgrogs pas na seng ge'i sgra'o/
/nyid kyi yon tan brjod pa ni nyid la bstod pa'o/ /ji ltar stobs
bcu dang ldan pa dang/ de bzhin gshegs pa dgra bcom pa zhes bya
ba la sogs pa'o/ /

rdzu 'phrul dang/ seng ge'i sgra dang/ nyid kyi yon tan brjod pa
gang yin pa de ni byis pa'i 'jig rten pa 'dod pas gzhan la rab tu
ston par byed do/ /de ni bzhed spyod mi mnga' ba/ /zhes bya ba la
sogs pa smos pa la/ de la bzhed pa ni 'dod pa dang sred pa ste/
de nyid yul rnams kyi rgyud spyod

par byed pas ni spyod pa'o/ /de mi mnga' ba ni gang gis spangs pa
de ni bzhed spyod mi mnga' ba'o/ /de ni khyod kyi thugs rjes
bstar ba'o/ /de zhes bya ba ni rdzu 'phrul la sogs pa'o/ /thugs
rjes bstar ba ni thugs rje'i rtags so/ /ji ltar ka shi'i rdo la
gser bzang ba'am ngan par yongs

su brtag pa de bzhin du sems can rnams kyi da ltar byung ba'i
sdug bsngal bzod par spyod pa'i bcom ldan 'das kyi thugs rje yang
rdzu 'phrul la sogs pa'i ka shis rjes su dpag par bya ste/ bzhed
pa dang spyod pa mi mnga' ba'i phyir zhes bya ba ni bsdus pa'i
don to/ /de lta bu'i tshigs su

@144b bcad pa gnyis kyis thugs rje'i dbang gis da ltar byung ba'i
sdug bsngal bzod mi spyod pa zhes bshad do/ /legs pa dang mi legs
pa'i bud med kyi tshul dang mthun par bshad par bya ste/ gzhan gyi
don du rab bzang gi /nyid kyi rten la brtse med pas/ /mgon po
khyod nyid 'ba' zhig

la; /thugs rjes thugs rje mdzad ma gyur/ /gzhan gyi don du rab
bzang gi/ /zhes bya ba ni rgyas pa'o/ /gzhan gyi don ni gzhan la
sman pa mdzad pa'i phyir ro/ /rab tu bzang ba ni mkhas pa'o/ /gi
zhes bya ba ni zhal gyis bzhes pa la'o/ /nyid kyi rten la brtse
med pa/ /zhes bya ba

ni de bzhin gshegs pa de nyid kyi rten te/ de la brtse ba med pa
ni rtsub pa dang gzir bar mdzad pa ste/ thugs rje zhes 'chad par
'gyur ro/ /khyod nyid ni bcom ldan 'das la yin gyi gzhan la ni ma
yin no/ /'ba' zhig ni bdag nyid che ba zhes bya ba'i don to/
/mgon po zhes bya

ba ni bod pa'o/ /thugs rjes thugs rje mdzad ma gyur/ /zhes bya
bas ni de ltar bstan pa yin te/ thugs rjes mdzad pa dang/ rjes su
bzung ba mdzad ces pa ni thugs rje'i don dang mthun pa'i mtshan
no/ /khyod kyi yul la thugs rje'i don dang mthun pa'i mtshan du ma
gyur to/ /de

lta bas na nyid kyi rten la brtse ba mi mnga' ba dang/ gzhan la
chags pa'i rang bzhin gang yin pa des ni bud med kyi spyod pa mi
legs pa bshad do/ /gzhan la chags pa dang/ nyid kyi rten la brtse
ba med pa zhes bya bar shes par ji ltar 'gyur zhe na/ smras pa/
'di ltar res 'ga'

brtan pas gang/ gzhan don bsgrub par mdzad slad du/ /khyod ni lan
brgyar phyogs dag tu/ /gtor ma bzhin du btang ba lags/ /'di ltar
lan brgyar phyogs dag tu/ /zhes bya ba smos pa la/ 'di ltar zhes
bya ba ni ji ltar 'di ni gzhan la chags pa dang/ nyid kyi rten la
brtse

ba med pa de ltar bshad par bya zhes bya ba'i don to/ /gang ni
gang gi phyir zhes bya ba'i don to/ /yang na 'di ltar gang zhes
bya ba ni chad par 'dod pa'i don rab tu ston par byed pa'i tshig
phrad ces bya ba'o/ /khyad ni 'chad par 'gyur ba'o/ /lan brgya ni
lan mang por ro/ /brtan pa'i phyir

@145a @#/ /brtan pa ni thugs rje nyid du brjod do/ /res 'ga' gtor
ma bzhin du zhes bya ba ni ji ltar snying rje med pa dag gis
phyogs dum bur byas nas gtor mar btang ba ste/ gnod sbyin la sogs
rnams dga' bar bya ba'i phyir ro/ /de bzhin du thugs rjes kyang
thugs rje

mi mnga' ba dang 'dra bar khyod lan brgyar byas nas btang ba lags
so zhes 'chad par 'gyur ro/ /ci'i phyir slad du zhe na/ bshad
pa/ gzhan don sgrub par mdzad slad du/ /zhes bya bas ni stag
phrug la sogs pa rnams kyi bza' ba sgrub pa'i phyir ro/ /khyod
ces bya ba ni khyod do/ /byang chub

sems dpa' la sbyor ba'i gnas skabs su btang ba lags so/ /gang la
zhe na/ phyogs dag tu ni las kyi byed tshig gi mtha' can yin te/
phyogs bzhir gtong ba zhes bya ba'i don to/ /gang gi phyir de
ltar gyur pa de'i phyir gzhan gyi don rab tu bzang ba ni legs par
bshad pa'o/ /

de lta bu'i tshigs su bcad pa gnyis kyis bud med kyi spyod pa mi
legs pa dang 'dra ba'i spyod pa bshad na/ bud med kyi spyod pa
legs pa de bshad par bya ste/ tha mal pa'i skye bos kyang bud med
g.yon can dbang du mi 'gyur te/ 'on kyang brtan pa'i khyad par
can gyi byang chub sems

dpa' lta smos kyang ci dgos te/ de ltar khyod la gnod mdzad
kyang/ /nongs pa can du mi brtsi bas/ /khyod kyi bzhed pa kho na
dang/ /mthun 'jug pa ni legs par gda'/ /de ltar khyod la gnod
mdzad kyang/ /zhes bya ba ni rgyas pa'o/ /khyod kyis srog pas
kyang gzhan gyi srog la

gces par dgongs pa'o/ /des na thugs rje 'di ni khyod kyi bzhed pa
dang rjes su mthun zhing khyod kyi thugs dang mi 'gal bar 'jug pa
ni sems can la sman pa'i slad du 'jug pa'o/ /legs pa ni yin pa'o/
/ji ltar 'di shes par bya zhe na/ bshad pa/ de ltar khyod la gnod

mdzad kyang/ /zhes bya ba la sogs pa la/ de ltar zhes bya ba ni
snga ma bzhin du bshad par bya'o/ /yang na de ltar zhes bya ba ni
lan brgyar bcad nas gtor mar btang ba la sogs pa'i rnam par des
so/ /kyang ni gang gi phyir gyi don to/ /gnod mdzad kyang zhes
bya ba ni gzir bar

@145b yang mdzad pa'o/ /khyod ni bcom ldan 'das so/ /mi brtsi bas
ni legs pa yin gyi gdug pa can ni ma yin no zhes bya ba'i don to/
/gang gi phyir nongs pa can du mi brtsi zhes/ bud med gdug pa can
ni dor ba'i rigs na khyod kyis thugs rje 'di dor bar ma mdzad pas

nges par 'di ni nongs pa can du mi brtsi bas nongs par mi mdzad
pas zhes bya ba'i don to/ /de ltar 'dir dgongs pa dang rjes su
mthun pa'i phyir thugs rjes bud med kyi spyod pa legs pa dang
'dra ba tshigs su bcad pa 'dis gsal bar rtogs par bya'o zhes bya
ba ste/

thugs rje la bstod pa'i bshad pa'o/ /thugs rje la bstod pa zhes
bya ba'i bshad pa ste le'u drug pa'o// //gsung la bstod pa'i dbye
ba bcu gcig ste/ de la tshigs su bcad pa gang gis tshig gi don gyi
dbye ba gang yin pa bshad pa de ni phyis bshad par bya'o/ /de

la/ tshig bzang ba dang don che dang/ /zhes bya ba'i tshigs su bcad
pa gnyis te/ tshig bzang ba dang don che dang/ /bden pa dang ni
snyan pa dang/ /zab gsal gnyi ga'i don ldan dang/ /bsdus dang
spros pa dang ldan pa/ /khyod kyi gsung ni de lta bu/ /khyod kyi
dgra bos thos na yang/ /

thams cad mkhyen pa legs so zhes/ /su zhig nges pa skye mi 'gyur/
/tshig bzang ba dang zhes bya ba bshad par bya ste/ tshig bzang
ba'i gsung gang la yod pa de ni tshig bzang ba ste/ tshig gsal ba
zhes bya ba'i don to/ /tshig gsal ba yin na yang sgeg pa'i sde ba
sbyor la sogs

pa dang 'dra bar don mi tshe ba ma yin nam zhe na/ smras pa/ don
che ba ni mtho ris dang thar pa gsal ba'i phyir ro/ /drang srong
ser skya la sogs pa'i tshig kyang de ltar gsal ba yin te/ 'on
kyang phyin ci log gi don gsal ba zhes bya bas na de dag las
kyang khyad du bshad par bya ste/ bden

pa zhes bya ba ni phyin ci log ma yin zhes bya ba'i don to/ /bden
ba ma yin pa phal che ba na snyan pa yin te/ 'di dag ni bde ba
dang snyan pa dang yang yin te/ mnyan pa'i rigs so zhes bya ba'i
don to/ /ji lta ba bzhin du sbyor ba ni chung du dang/ 'bring
dang/ dbang po rnon po'i gdul bya'i ngo

@146a @#/ /bo'i phyir zab pa dang/ gsal ba dang/ gnyi ga'i don
gang la yod pa de ni zab pa dang/ gsal ba dang/ gnyi ga'i don
dang ldan pa'o/ /de la rten cing 'brel par 'byung ba'i tshig gi
don dang ldan pa ni zab pa ste/ za ba pa'o/ /sbyin pa la sogs pa
yang pa'i don dang

ldan pa ni gsal ba'i don to/ /rten cing 'brel par 'byung ba'i
tshig gi don la sogs pa ni gnyi ga'i don dang ldan pa'o/ /bsdus pa
ni mdor bsdus pa ste/ ji ltar dge slong dag gzugs zhes bya ba'i
chos spang bar bya'o zhes bya ba'o/ /spros pa ni rgyas pa'o/ /'di
lta ste/ dge slong dag

gzugs ni bdag ma yin te/ dge slong dag gzugs bdag yin na gzugs ni
gnod pa dang sdug bsngal bar mi 'gyur ro/ /de gnyi ga gang la yod
pa de ni bsdus pa dang spros pa dang ldan pa ste/ gdul bya bsdus
pa dang spros pa la dga' ba'i dbang du byas pa'i phyir ro/ /su
zhig ces bya ba ni mi srid pa'i

phyir ro; /mi 'gyur ba ni mi 'gyur ba'o/ /thos pa ni thos nas so/
/gsung ni mdo'i sde dang dbyangs kyis bsnyad pa'i sde la sogs
pa'o/ /de lta bu ni ji ltar bshad pa'i rnam pa dang ldan pa'o/
/khyod kyi ni khyod kyi'o/ /khyod kyi ni bcom ldan 'das la'o/
/rjes su chags pa dang 'bring

'ba' zhig tu ma zad gyi dgra bos kyang zhes bya ba ni yang go
sgra'i don to/ /thams cad mkhyen pas na thams cad mkhyen pa zhes
bya'o/ /nges pa ni nges pa'i rkyen zhes bya'o/ /de lta bu'i tshigs
su bcad pa gnyis kyis bcom ldan 'das kyi gsung la thams cad
mkhyen pa kho nar gsal ba ni

dbye ba dang po'i bshad pa'o/ /gzhan yang/ mang po'i ril gyis
snyan ma lags/ /bcos pa 'ga' tsam snyan par bas/ /khyod kyi gsung
don grub pas kyang/ /thams cad legs gsungs kho na lags/ /mang po
ril gyis snyan ma lags/ /zhes pa ni rgyas pa'o/ /

mang po ni phal che ba snyan pa ste/ thos pa dang rjes su mthun
pa'o/ /gsung thams cad ces bya ba ni bshad par 'gyur ro/ /bcos pa
'ga' tsam zhes bya ba ni gang zhig 'dod pa'i bde ba'i longs spyod
la zhen pa de ni de dang rjes su mthun pa'i gsung gis 'du 'khar
mi nus so/ /bcos

@146b pa 'ga' tsam gyi gsung ni snyan pa ma yin zhes bya ba'i don
to/ /dper na 'dod pa'i bde ba la chags pa'i srid pa las 'jigs pa
bstan par bya ba'i phyir gsungs pa ni/ de ltar 'bar bar gyur pa
la/ /rangs dang dga' ba ci zhig yod/ /mun pa'i nang du gnas pa
yis/ /

sgron ma ji ltar tshol mi byed/ /ces bya ba'o/ /gzhan kha cig 'di
ltar smra bar byad de bcos pa'i gsung ni snyan pa ma yin te/ dper
na lha sbyin la bcom ldan 'das kyis bka' stsal pa/ rmongs pa'i
skyes bu shA ri'i bu dang/ maud gal gyi bu la yang dge slong gi
dge 'dun gtod

par mi byed na khyod la gtod pa lta smos kyang ci dgos/ gang gi
phyir shAkya rnams kyi bran mo'i bu am baShTa zhes bya ba'i
skye bo ra'i mchil ma za bar khyod 'gyur ro zhes bya ba'o/ /de
bas na mi bzod pa'i bsam pa dang ldan pas gnas par 'os pa'i gdul
bya la thugs rjer dgongs

pa'i bcom ldan 'das kyis bka' stsal to/ /de'i yang mi snyan pa ma
yin pa dang/ rtsub mo ma yin pa ste/ thugs nyon mongs pa dang mi
ldan pa'i phyir ro/ /gsung zhes bya ba'i don ni bshad zin to/
/don grub pa ni mtho ris dang thar pa'i don bsgrub par bya ba'i
phyir ro/ /kyang gi

sgras ni don gzhan ston pa'o/ /thams cad ces bya ba ni snyan pa
dang me snyan pa'o/ /legs par gsungs pa ni legs par gsungs pa'o/
/de lta bu'i tshigs su bcad pa 'dis shAkya rnams kyi tshig snyan
pa ste/ dbye ba rnam pa gnyis pa bshad do/ /de nyid bshad par bya
ste/ khyod kyi

gsung ni rnam brtags na/ /gang zhig 'jam dang rtsub pa dang/
/gang yang de gnyis ldan pa dang/ /thams cad ro gcig nyid du
'gyur/ gang zhig 'jam pa ni snyan pa'i gsung zhes 'chad par 'gyur
ro/ /ci 'dra ba yin zhe na/ gzhi bstan pa'i mdo las ji skad
gsungs pa ni 'di ni

lus kyi legs par spyad pa dang/ 'di ni lus kyi legs par spyad
pa'i rnam par smin pa'i 'bras bu dang/ 'di ni ngag dang yid kyi
legs par spyad pa dang/ 'di ni ngag dang yid kyi legs par spyod
pa'i rnam par smin pa'i 'bras bu dang/ 'di ni lha dang mi rnams
zhes bya ba'o/ /gang zhig

@147a @#/ /rtsub pa zhes bya ba ni rtsub pa dang rjes su mthun
pa'o/ /ji lta ba bzhin du mdo de nyid las/ 'di ni lus kyi nyes
par spyad pa dang/ 'di ni lus kyi nyes par spyad pa'i rnam par
smin pa'i 'bras bu dang/ 'di ni ngag dang yid kyi nyes par spyad
pa dang/ 'di ni ngag dang yid

kyi nyes par spyad pa'i rnam par smin pa'i 'bras bu dang/ 'di ni
dmyal ba dang/ dud 'gro dang/ yi dags zhes bya ba'o/ /gang yang
de gnyis dang ldan pa/ /zhes bya ba ni gang zhig gsung de gnyis
ni 'jam pa dang rtsub pa dag ste/ ldan pa ni ldan pa zhes bya
ba'i don to/ /de bzhin

du mdo de nyid las 'di ni lus kyi legs par spyad pa zhes bya ba
snga ma bzhin dang/ de bzhin du 'di ni lus kyi nyes par spyad pa
zhes bya ba snga ma bzhin no/ /thams cad ces bya ba ni 'jam pa
dang/ rtsub pa dang/ gnyis ka dang ldan pa'i gsung ro gcig pa
nyid ni thar pa gcig gi mtha'

brtags pa ni rnam par spyod pa ste/ 'gyur ba ni 'gyur ba'o/
/khyod kyi ni gsung ngo/ khyod kyi gsung ni rjes su chags pa
dang/ khong khro ba med pa'i phyir dang/ thugs rje dang 'brel
pa'i phyir rnam par spyad na thams cad ro gcig par 'gyur te/ legs
par spyod pa la gnas pa'i

sbyor bas thar pa thob par mdzad pa ste/ bsdus pa'i don to/ /de
lta bu'i tshigs su bcad pas gsung thar pa dang ro gcig pa ste/
dbye ba gsum pa bshad do/ /de'i phyir na ngo mtshar bar yid kyis
bstod par bya ste/ e ma'o shin tu yongs dag pa'i/ /phrin las
rnams ni rab

tu bzo; /nga yis rin chen gsung rnams kyi/ /snod 'di 'dra ba 'di
bgyis so/ /e ma'o shin tu yongs dag pa'i/ /zhes bya ba ni rgyas
pa'o/ /kye ma'o zhes bya ba ni ngo mtshar ba'o/ /shin tu yongs dag
pa'i phrin las ni dkar po 'ba' zhig ste/ gya gyu rtag tu spangs
pa'i

phyir; /zhes bya ba la sogs pa'o/ /bzo zhes bya ba ni mkhas pa'o/
/rab tu ni khyad par dang ldan pa zhes bya ba'i don to/ /phrin
las des zhes bya ba ni byed pa'i tshig yongs su gyur pa dang sbyar
ro/ /'di zhes bya ba ni dad pa skyes pas mngon sum dang 'dra bar
srid par byed de/ rin

@147b chen gsung rnams kyi zhes bya ba ni tshig bzang ba dang don
che ba la sogs pa'i rnam pas shin tu dkon pa'i phyir gsung rnams
ni rin chen no/ /'di 'dra ba ni rnam pa 'di dang 'dra ba ste/
mtshan dang dpe byad kyis brgyan pa'o/ /snod ni rten no/ /bgyis so
zhes bya ba ni bskyed pa dang nges par

bsgrubs pa ste/ rin chen gsung dang rjes su mthun pa zhes dgongs
so/ /gsung gi rin chen rnams kyi snod ji lta bu yin zhe na/ bshad
pa/ khyod zhal blta na rab sdug pa/ /de las mnyan na snyan pa yi/
/gsung 'di dag ni zla ba las/ /bdud rtsi 'dzag pa bzhin du
'byung/ /

khyod zhal blta na rab sdug pa/ /zhes smos pa la/ zhal de las
zhes bya ba ni 'chad par 'gyur ro/ /na ni gang gi phyir zhes bya
ba'i don to/ /blta na sdug pa zhes bya ba ni blta na sdug pa ste
blta bar 'os pa zhes bya ba'i don to/ /'di ni gsung zhes 'chad
par 'gyur ro/ /ci

'dra ba yin zhe na/ mnyan na snyan pa'o/ /zhal ni zhal las 'dzag
pa ste/ 'dzag pa bzhin du 'byung ba'o/ /khyod kyi gsung gi mtshan
nyid ni bshad zin to/ /zla ba las bdud rtsi 'dzag pa bzhin du
'byung zhes bya ba la/ /zla ba ni bdud rtsi'i rang bzhin no zhes
'jig rten la grags

pa'o; /ji ltar de las zhu ba'i rang bzhin gyi bdud rtsi 'dzag pa
de bzhin du/ bcom ldan 'das kyi zhal gyi zla ba las don dam pa
dang mya ngan las 'das pa thob pa'i phyir na gsung kho na bdud
rtsi 'dzag pa bzhin 'byung ngo zhes bstan to/ /de lta bu'i tshigs
su bcad pa gnyis kyis

gsung dang rjes su mthun pa'i rten pa ste/ dbye ba bzhi pa bshad
do/ /gzhan yang/ khyod kyi gsung ni 'dod chags kyi/ /rdul rab zhi
mdzad char sprin 'dra/ /zhe sdang sprul ni 'don pa'i phyir/ /nam
mkha' lding dang 'dra ba lags/ /'dod chags kyi rdul rab zhi bar
mdzad ces smos

pa la; 'dod chags kho na rdul te/ /sngo ba thi ba la sogs pa mi
sdug pa bstan pas de rab tu zhi bar mdzad pa ni sel bar mdzad pa
zhes bya ba'i don to/ /gsung gi don ni bshad zin to/ /khyod ni
khyod kyi'o/ /char sprin 'dra zhes bya ba ni char sprin ma yin
pas char sprin dang 'dra bar spyod pas na

@148a @#/ /char sprin dang 'dra ba'o/ /brik+Sha la sogs pa'i sgra
la ka'i rkyen can te/ de ltar 'chad par 'gyur ba'i sbyor ba la
yang shes par bya'o/ /nam mkha' lding dang 'dra ba zhes smos pa
la/ nam mkha' lding ni nam mkha' lding ngo/ /de dang 'dra bar
skyod pa ste/ byams pa la sogs

bstan pas/ zhe sdang sprul ni gdon pa'i phyir/ /zhes smos pa la/
zhe sdang nyid sprul te/ khro ba'i dug 'byin pa'i byir ro/ /gdon
pa'i phyir zhes bya ba ni de la brten nas zhes bya ba'i don to/
/gzhan yang/ yang dang yang du mi shes pa'i/ /rab rib 'joms pas
gdugs dang 'dra/ /nga

rgyal ri bo mngon 'joms pas/ /brgya byin mtshon cha 'dra ba lags/
/gdugs dang 'dra ba zhes bya ba ni rgyas pa'o/ /gdugs bzhin du
spyod pas na gdugs dang 'dra ba'o/ /yang dang yang du zhes bya ba
ni slar yang rten cing 'brel par 'byung ba bstan pas sngon gyi
mtha' dang/ phyi ma'i

mtha' dang dbus kyi mtha' gsal ba'i phyir na gdugs dang 'dra ba'i
gsung zhes thams cad la drang bar bya'o/ /ci zhig mdzad ce na/
bshad pa/ mi shes pa'i rab rib 'joms pas zhes bya ba la/ /mi shes
pa ni ma rig par grags pa ste/ yang dag pa'i lta ba la sgrib par
byed pa'i

rab rib de rnam par sel bar mdzad ces bya ba'i don to/ /brgya
byin gyi mtshon cha ni rdo rje ste/ de dang 'dra bar spyod pa'o/
/nga rgyal ni mtho ba'i mtshan nyid dang chos mthun pa'i phyir na
ri bo ste ri bo'o/ /de 'joms pas na brgya byin gyi mtshon cha dang
'dra ba ste/ las bdag gir bya ba kho

na dang/ bdag med pa las 'byung ba'i phyir ro/ /las bdag gir bya
ba bsams pa na 'di ltar 'gyur te/ las las rigs dang/ gzugs dang/
lang tsho la sogs pa gzhan rnams kyang yin no/ /'di ni bdag med pa
dang/ 'dus byas pa tsam nyon mongs pa'i gzhan

dbang du gyur pa'i las las 'byung bas na rnam pa gang gis su zhig
nga rgyal byed ces bya ba'o/ /de lta bu'i tshigs su bcad pa gnyis
kyis 'dod chags dang/ zhe sdang dang/ gti mug dang/ nga rgyal
'joms pa ni gsung yin pas na dbye ba lnga pa bshad do/ /gzhan
yang/ don

@148b gzigs pas na mi slu ba/ /nongs mi mnga' phyir rjes su
mthun/ /legs par sbyar bas go sla ste/ /khyod kyi gsung ni legs
gsum ldan/ /don gzigs pas na mi slu ba/ /zhes bya ba ni rgyas
pa'o/ /don gzigs pa gang la yod pa de ni don gzigs pa'o/ /gsum
zhes

bya ba ni 'chad par 'gyur ro/ /de'i rang bzhin ni don gzigs pa'i
phyir na mi slu ba ste/ bden pa zhes bya ba'i don to/ /bcom ldan
'das kyi gsung gi don ni mi slu bar mthong ste/ de'i gsung la
rjes su 'jug pa rnams kyis mtho ris dang thar ba thob pa'i phyir
ro/ /dper na nga yongs

su mya ngan las 'das pa'i lo brgya'i 'og tu rgyal po gtum po mya
ngan med ces bya ba 'byung bar 'gyur ro/ /des ni nub gcig la chos
kyi rgyal po'i mchod rten brgyad khri byed par 'gyur ro zhes bcom
ldan 'das kyis gsungs so/ /de bzhin du ma 'ongs pa'i dus su khu
ta ka

zhes bya ba'i mi rnams kyi mgo bo la gnyer ma lhags par 'gyur ba
dang/ bu mo gzhon nu las kyang bu skye bar 'gyur ro zhes bya ba
la sogs pa thams cad nye bar dmigs par 'gyur ro zhes bya ba'o/
/yang na don gzigs pa'i gsung gsung ba ni mi slu ba yin no/ /ma
rig pa

la sogs pa 'joms pa'i ye shes kyis gang gis don gzigs pa de ni
don gzigs pa ste/ de ni bcom ldan 'das kho na'o/ /de'i gsung ni
mi slu ba ste/ don gzigs pa'i phyir ro/ /'dod chags la sogs pas
dkrugs pa'i sems dang ldan pa rnams kyi tshig ni rjes su

mi mthun pa ste/ bcom ldan 'das kyi ni nongs pa mi mnga' ba'i
phyir na rjes su mthun pa ste/ drang srong rgyas pa la sogs pa
dang 'dra bar snga phyir mi mthun pa ni ma yin no zhes dgongs
pa'o/ /go sla zhes bya ba ni gdul bya'i skye bos rtogs par mdzad
pa'o/ /legs par sbyar ba zhes bya

ba ni ji ltar gdul byas phal pa'i tshig dang/ chos skad dang/ kla
klo'i tshig gi dbye bas don shes pa de bzhin du legs par sbyar ba
zhes bshad de/ de'i phyir don gzigs pa dang/ rjes su mthun pa
dang/ go sla ba ste legs pa gsum gang la yod pa de ni legs pa
gsum dang ldan pa ste/

@149a @#/ /khyod kyi gsung ngo/ /ni'i sgra ni tshig gi kha bskang
ba'o/ /rnam pa gsum po de dag gis yongs su dag pa'i gsung dag gis
ston pa nyid du grags pa'i tshigs su bcad pa 'dis dbye ba drug pa
bshad do/ /gzhan yang/ re zhig dang por khyod kyi gsung/ /nyan pa
rnams

kyi yid 'phrog mdzad/ /de nas yid la bsam bgyis na/ /rdul dang
mun pa dag kyang sel/ /nyan pa rnams kyi yid 'phrog mdzad/ /ces
bya ba la/ yid ni sems dag go/ /re zhig ces bya ba ni rim pa'i
don to/ /nyan pa rnams kyi ste/ yan lag lnga dang ldan pa'i
dbyangs kyis

gzhan du rjes su mi 'brang ba'i phyir yid 'phrog ga par mdzad
pa'o/ /dang por ni dang por ro/ /gsung ni gsung ngo/ /khyod kyi
ni khyod kyi zhes bya'o/ /nyan pa las phyi ma'i dus su yid la
bsam bgyis na zhes bya ba ni bsam pa dang bsgom pa'i rim pas so/
/rgyud la dri mas gnod pa'i

phyir rdul ni nyon mongs pa thams cad do/ /mun pa zhes bya ba ni
gti mug go/ /nyon mongs pa'i rigs ma lus pa ni gti mug sngon du
song ba'i phyir gti mug log par bshad do/ /'dod chags ni rdul gyi
tshig gis spong ba tsam zhig bstan te/ 'dir ni gsung gcig nas gcig

gis nyon mongs pa rtsa ba dang bcas par 'joms par bshad de/ des
ni yid 'phrog par byed pa'i dbye ba bdun pa bshad do/ /gzhan
yang/ phongs pa rnams kyi dbugs 'byin cing/ /bag med rnams ni
skrag par mdzad/ /bde ba can dag skyob mdzad pas/ /khyod gsung

kun dang 'tsham par 'jug /phongs pa rnams kyi dbugs 'byin cing/
/zhes smos pa la/ phongs pa rnams ni nyon mongs pa thob pa ste/
nyon mongs pa de las nges par 'byung ba bshad pas dbugs 'byin pa
zhes bya bas na phongs pa rnams kyi dbugs 'byin pa'o/ /gsung

zhes bya ba ni 'chad par 'gyur ba'o/ /dper na nya pa dag gis nya
rgyas nya dang ris mthun pa'i chu srin 'gram du drangs pa shin tu
sdug bsngal ba dang ldan pas bcom ldan 'das kyi mthus smras pa ni
'di nas bdag shi 'phos nas sems can dmyal bar skye bar 'gyur ro
zhes smras pa

@149b de la bcom ldan 'das kyis gsungs pa/ nga ni thugs rje ldan
rgyal la/ /sems ni legs par dad par gyis/ /dud 'gro'i skye gnas
spangs nas ni/ /de nas mtho ris 'gro bar 'gyur/ /zhes bya ba'i
tshigs su bcad pa 'dis dbugs dbyung bar mdzad do/ /bcom ldan 'das
la sems

rab tu dad pas lha rnams kyi nang du skyes pa dang/ bcom ldan
'das kyi thad du phyin pas bden pa mthong bar gyur to zhes bya'o/
/de bzhin du sdug bsngal dang ldan pa'i sbrul gdug pa la sogs pa
gzhan rnams kyang dper bshad par bya'o/ /bag med pa rnams ni
skrag par mdzad ces bya ba ni dge

ba'i bya ba la rtse gcig pa med pa'i bag med pa dag la sdug
bsngal bstan pas 'jigs pa bsal bar mdzad pa ste/ ji ltar 'bras bu
smin pa na/ /rtag tu ltung ba'i 'jigs dang ldan/ /de bzhin skyes
pa'i mi rnams ni/ /rtag tu 'chi ba'i 'jigs pa ldan/ /zhes bya
ba'o/ /nyung ngu la longs spyod pa dang/

yang na skye ba dang 'jig par bstan pas phal cher 'dod pa'i bde
bas bde ba dang ldan pa rnams kyi skyo bar bgyid pa ni 'dod chags
dang bral ba bskyed par mdzad pa'o/ /dper na/ nyung dang sdug
bsngal mang por ldan/ /'dod pa mkhas pas rnam shes pas/ /lha yi
'dod pa rnams la yang/ /

lhag par dga' bar mi 'gyur ro/ /'dus byas rnams ni mi rtas ste/
/skye dang bcas pa'i chos can pas/ /skyes nas 'jig par 'gyur bas
na/ /de rnams myur du zhi na bde/ /zhes bya ba'i tshigs su bcad pa
gnyis so/ /de'i phyir kun dang 'tsham pa ni 'tsham pa dang mthun
par 'jug pa'i dang

tshul gang la yod pa de ni kun dang 'tsham par 'jug pa ste khyod
kyi gsung ngo/ /de lta bu'i tshigs su bcad pa 'dis khyod gsung kun
dang 'tsham par 'jug pa'i dbye ba brgyad pa bshad do/ /gzhan yang/
mkhas pa rnams kyi dga' ba bskyed/ /bar ma rnams kyi blo yang
spel/ /tha ma'i rab rib

rnam 'joms pas/ /gsung 'di skye bo kun la sman/ /mkhas pa rnams
kyi dga' ba bskyed/ /ces bya ba ni rgyas pa'o/ /mkhas pa ni dbang
po rnon po rnams kyi ste/ dga' ba ni yid bde ba bskyed pas na
dga' ba bskyed pa ste/ bton pa tsam gyis rtogs pa'i phyir ro/
/gsung zhes bya ba ni 'chad

@150a @#/ /par 'gyur ba'o/ /dper na sngon chu srin las lha'i bur
gyur pa de nyid kyi bden pa'i rang bzhin mthong nas tshong pas khe
rnyed pa dang 'dra bar yid bde ba thob pas 'gro bar gyur to zhes
rgyas par gsungs pa'o/ /bar ma rnams ni dbang po par ma rnams kyi
thos pa dang bsam pa la

sogs pa'i sbyor bas bsgom pa'i rang bzhin gyis shes rab nye bar
bsdus pa'i phyir blo spel bar mdzad pa'o/ /tha ma ni dbang po
dman pa rnams kyis mi shes pa'i rab rib 'joms pas na rab rib
'joms pa ste/ las dang 'bras bu'i 'brel pa nges par bskyed par
mdzad pa'i phyir ro/ /de bas

na dbang po rnon po dang/ bar ma dang/ tha ma'i skye bo la sman
pas na skye bo kun la sman pa ste gsung de nyid bshad pa'o/ /de
lta bu'i tshigs su bcad pa 'dis gsung ni skye bo kun la sman pa
ste dbye ba dgu pa bshad do/ /slar yang/ lta ba dag las dgar
mdzad cing/ /mya ngan 'das pa nye bar

'dren/ /nyes pa sel mdzad khyod kyi gsung/ /yon tan rnams kyi
char yang 'bebs/ /lta ba dag las dgar mdzad cing/ /zhes smos pa
la/ dga' bar mdzad pa ni ring du mdzad pa'o/ /gsung zhes bya ba
ni 'chad par 'gyur ro/ /lta ba dag ni 'jig tshogs dang mthar 'dzin
pa la sogs

pa dag las te/ nyon mongs pa zad par mdzad pa bstan pas mthong
ba'i lam 'byung ba'i phyir ro/ /mya ngan las 'das par nye bar
'dren zhes bya ba ni nyon mongs pa zad par mdzad pa bstan pa nyid
kyis bsgom pa'i lam bskyed pa'i phyir phung po'i lhag ma dang
bcas pa'i mya ngan las 'das

par nye bar 'dren par mdzad ces bya ba'i don to/ /nyes pa sel
mdzad ces bya ba ni nyon mongs pa spang ba bstan pa nyid kyis mi
slob pa'i lam bskyed pa'i phyir ro/ /nyes pa ni khams gsum pa'i
ma lus par sel bar mdzad pa ste/ rab tu sel bar mdzad pa ni rab
tu sel bar mdzad pa'o/ /

dgra bcom pa nyid thob par mdzad pa'i phyir nyon mongs pa med pa
dang/ smon lam gyi ye shes la sogs pa'i yon tan rnams kyi char
yang 'babs te/ de bskyed pa'i phyir bstan par mdzad pa'i phyir
ro/ /de la bu'i tshigs su bcad pa 'dis gsung mthong ba dang/ bsgom
pa dang/ mi slob

@150b pa'i lam dang mthun pa ste dbye ba bcu pa bshad do/ /dran
pa dang blo dag thogs pa dang ldan pa'i phyir drang srong rgyas
pa la sogs pa'i tshig ni brdzun pa yin te/ bcom ldan 'das ni/ kun
la ma thogs thugs mnga' zhing/ /zhes bya ba rgyas par bshad par
bya ste/ kun la ma thogs thugs mnga'

zhing/ /dgongs pa'ang kun nas nyer gnas pas/ /de slad khyod kyis
lung bstan kun/ /thams cad la yang slu mi mnga'/ /kun ni shes bya
rnams la ste thogs pa mi mnga' ba ni thogs pa mi mnga' ba'o/
/thugs ni shes rab ste/ nyon mongs pa'i sgrib pa dang/ nyon mongs
pa dang nyon

mongs pa ma yin pa'i mi shes pa spangs pa'i phyir ro/ /khyod kyis
zhes bya ba ni 'chad par 'gyur ro/ /kun du zhes bya ba ni shes
bya nyid la ste/ nye bar gnas pa ni mnyam par gzhag pa'o/ /dgongs
pa ni yul la 'dod pa'o/ /slu ba ni 'bras bu med pa bshad pa'o/
/slu ba mi mnga' ba ni mi slu ba

ste 'bras bu dang bcas pa zhes bya bar dgongs pa'o/ /de slad ces
bya ba ni rgyu yin pa'i phyir ro/ /kun la thugs dang dgongs pa
dag mnyam par gzhag pa'i phyir khyod kyis lung bstan pa kun ni
gdams ngag ste/ slu ba mi mnga' ba zhes bya ba'i don to/ /'di'i
phyir yang mi slu ba ste/ gang slad

yul min dus min dang/ /snod min rnams su mi 'jug pa/ /de slad
khyod gsung don mchis te/ /brtson 'grus legs par brtsams pa
bzhin/ /gang slad yul min dus min dang/ /zhes bya ba la sogs pa
smos pa la/ gang slad ces bya ba ni gang gi phyir ro/ /yul min ni
yul kho na la

rab tu 'jug pa ste/ gdul bya'i dgos pa'i phyir ro/ /'di ltar cho
'phrul chen po ston par bzhed pas rgyal po'i khab nas mnyan yod
du gshegs so/ /gang gi phyir dus min pa ni dus kho na la rab tu
'jug pa'o/ /ji ltar yun ring por bcom ldan 'das kyis cho 'phrul
chen po ston par mdzad

pa zhes bya ba rgyal po gsal rgyal gyis dris pas zhag bdun 'das
pa na zhes gsungs pa ste/ dus de tsam gyis gdul ba'i rgyud des
yongs su smin par gzigs pa'i phyir ro/ /gang gi phyir snod min ni
rdzogs byed la sogs pa snod ma yin pa'o/ /snod ni thar pa'i sa
bon dang ldan pa'i

@151a @#/ /snod kho na 'jug pa'o/ /de slad ni rgyu des don mchis
pa ste khyod kyi gsung ni don dang ldan pa'o/ /sangs rgyas bcom
ldan 'das rnams ni 'bras bu don dang bcas pa'i chos ston pa zhes
bya ba'o/ /ji lta bu zhe na/ /smras pa/ brtson 'grus legs par
brtsams pa bzhin/ /

zhes bya ba ni bcom ldan 'das kyis gsungs te/ byis pa'i brtson
'grus kyis ni le lo skye bar 'gyur ro/ /shin tu brtsams ches pas
ni rgod par 'gyur ro/ /de ltar mtha' gnyis spangs nas bar ma'i
lam gyis brtson 'grus brtsam par bya zhes bya ba'o/ /de ltar yang
dag par

brtsams pa'i brtson 'grus don dang ldan par 'gyur zhing nges par
thar pa nyid du 'gyur ba de bzhin du rgyu de las gsung de ni don
mchis pa zhes bya ba'o/ /de lta bu'i tshigs su bcad pa gnyis kyis
gsung don dang ldan pa'i 'bras bu'i rang bzhin te/ dbye ba bcu
gcig pa bshad pa ni gsung la

bstod pa'i bshad pa'o/ /gsung la bstod pa'i bshad pa zhes bya ba
ste le'u bdun pa'o// //gsung gi don gang yin pa de ni bstan pa
yin pas na gsung la bstod pa'i 'og tu bstan pa la bstod pa bshad
par bya ste/ bgrod pa gcig dang thabs bde dang/ /legs par

'brel dang nyes pa med/ /thog ma bar dang mthar dge ba/ /khyod
kyi bstan 'dra gzhan la med/ /bgrod pa gcig dang thabs bde dang/
/zhes bya ba la sogs pa smos pa la/ /gang gis bgrod pas na bgrod
pa ste bgrod pa ni lam mo/ /gcig kyang yin la bgrod pa yang yin
pas na bgrod pa gcig

ste; bstan pa zhes 'chad par 'gyur ro/ /lta ba rnam par dag bya'i
phyir/ /lam 'di las ni gzhan pa med/ /ces mdo las bshad pa'o/
/lam gcig kho na yin te/ /dper na de bzhin gshegs pa'i bstan pa
zhes bshad do/ /yang na thar pa gcig pu kho na thob par bya ba'i
phyir

bgrod pa ni bgrod pa gcig pa'o/ /gcig gis bgrod pa zhes pa ni
drug pa'i bsdu ba'o/ /shing sha ba'i lo ma dang 'dra ba'i mdo las
ji ltar gsungs pa ni chos gang zhig mngon par shes pa dang/ yang
dag par byang chub pa dang/ mya ngan las 'das pa'i phyir yang dag
par 'jug

@151b pa de rnams nyid kyis mkhyen cing mngon par rdzogs par
sangs rgyas nas bshad do zhes bya ba'o/ /thabs bde zhes bya ba la
thabs ni sbyar ba'o/ /gdungs pa la sogs pa'i dka' ba'i dka' thub
dgag pa'i phyir thabs bde ba gang la yod pa de ni thabs bde ba
ste/ bde ba dang ldan pas

sems mnyam par gzhag par 'gyur ro zhes mdo'i tshig yin pa'i phyir
ro/ /ji srid thar pa ma thob pa de srid du lha dang mi rnams kyi
'bras bu legs par 'brel ba'i ngang tshul gang la yod pa de ni legs
par 'brel ba dan ldan pa'o/ /nyes pa ni skyon te/ 'dod chags la
sogs

pa'i nyes pa dang mi ldan pa'i phyir na nyes pa med pa'o/ /thog
ma ni thos pa'i dus dang/ bar ma ni bsam pa'i dus dang/ tha ma ni
bsgom pa'i dus su dge ba ste/ mngon par mtho ba dang/ nges par
legs pa'i mtshan nyid dang ldan pa'o/ /de'i rgyur gyur pa'i phyir
thog ma bar dang mthar dge

ba ni bstan pa'o/ /khyod kyi 'dra ba gzhan la med pa ni drang
srong ser skya dang/ pe lu ka dang/ gcer bu pa la sogs pa rnams
kyis bstan pa'o/ /'di la ni rnam pa thams cad du bsten pa'i rigs
so/ /de bzhin du yang/ khyod kyi gzhung lugs de lta bu/ /gcig tu
phangs la chags

lta bas/ /byis pa gal te smod bgyid na/ /lta dang 'dra ba'i dgra
ma mchis/ /gcig tu phangs la zhes bya ba ni rgyas pa'o/ /de lta
bu'i bgrod pa gcig pa la sogs pa'i tshogs so/ /gcig tu phangs pa
ni 'dod par bya ba'o/ /gcig tu phangs pa khyod kyi gzhung lugs
zhes 'chad par 'gyur

ro/ /mu stegs pa ngan pa'i lta ba la chags pa ni lta ba la chags
pa ste/ lta ba la chags pa'i rgyur gyur pa des so/ /byis pa ni
byis pa kho na'o/ /gzhung lugs ni bstan pa'o/ /gal te zhes bya ba
ni srid pa'i tshig go/ /smod pa ni smod par bgyid pa'o/ /ma mchis
pa ni ma mchis pa'o/ /

lta ba dang 'dra ba ni lta ba dang 'dra ba'i dgra ste/ lta ba kho
na'o/ /de rnams nyid kyi dgra'i mchog ste/ gang gis khyod kyi dge
ba dang ldan pa'i bstan pa la byis pa de rnams sun 'byin par byed
do zhes bya ba ni mdor bsdus pa'o/ /gzhan ni 'gro ba'i don slad
du/ /sdug bsngal mang bstar gang lags

@152a @#/ /pa; /de bsams khyod bstan ngan na yang/ /gnas par bgyi
ba la thug na/ /bstar ba ni khyod kyis nyams su myong zhes bya
ba'i don to/ /gzhan ni khyod kyis bstar ba lags/ /zhes brjod pa
ni khyod kyis bstar ba lags zhes bya ba'i don to/ /sdug bsngal
gang zhes

bya ba dang sbyar ro/ /don slad du zhes bya ba ni de'i rgyu mtshan
gyi phyir ro/ /gang gi yin zhe na/ 'gro ba yi'o/ /sdug bsngal
zhes bya ba ni byang chub tu thugs bskyed pa nas mya ngan las
'das pa'i bar dang/ dmyal ba dang dud 'gro rnams kyi yang rnam pa
du ma'i sdug bsngal mang po de ni sdug bsngal

ba'o/ /bsam pa ni dran pa yis so/ /ngan na yang zhes bya ba ni mi
mdzes pa la yang ngo/ /yang gi sgra ni mi srid pa yang ste/ shin
tu nye bar zhi ba bstan to/ /gnas par bgyi ba la thug na/ /zhes
bya ba ni gnas par bya ba'i rigs so/ /khyod kyi bstan pa ni khyod
kyis gsungs pa'i

cho ga la'o/ /bshad pa ni 'di yin te/ sman par mdzad pa'i phyir
khyod kyi bstan pa ngan na yang byas pa gzo bas gnas pa'i rigs
so/ /phan pa gsung zhing phan mdzad pa/ /khyod kyi bstan pa ci
smos te/ /mgo la zhugs ni 'bar bas kyang/ /ci yi slad du sgrub mi
bgyid/ /phan

pa mdzad pa ci smos te/ /zhes bya ba smos pa la/ ci smos te zhes
bya bas ni the tshom med pa bstan te/ phan pa mdzad pa zhes bya ba
ni rdzu 'phrul gsal ba dang/ gzhan gyi cha lugs 'dzin pa'i thabs
kyis phan pa mdzad pa'o/ /phan pa gsung ba zhes bya ba ni phan pa
bstan pa'i ngang

tshul dang ldan pa'o/ /bstan pa'i mtshan nyid ni bshad zin to/
/ci'i slad du zhes bya ba ni mi srid pa'i phyir te/ rnam pa gzhan
mi srid cing rnam pa gang zhig gis sgrub par mi bgyid pa yin
pa'o/ /mgo la zhugs ni 'bar bas kyang/ /zhes bya ba ni mgo bo
zhugs kyis 'bar

bar gyur na yang mgo po tshig pa la btang snyoms byas pas 'phags
pa'i bden pa mthong bas khyod kyi bstan pa 'bras bu dang bcas par
bya'o zhes bya ba ni dgongs pa'o/ /'di ltar bcom ldan 'das kyis
bka' stsal te/ dge slong dag mgo bo 'bar bar gyur pa la btang
snyoms

@152b su byas nas 'phags pa'i bden pa bzhi mngon du ma gyur pa
mngon du bya ba'i phyir 'dun pa dang brtson 'grus chen po'i chen
pos ji srid sbyor ba'i bar du bya ba'i rigs so zhes bya ba'o/ /de
lta bu'i tshigs su bcad pa de rnams kyis rgyu gang gis bstan pa la
'jug pa de'i rgyu bshad nas/ bstan pa la

'jug pa'i phan yon bshad par bya ste/ khyod kyi bstan pas rang
dbang dang/ byang chub bde dang zhi ba dang/ /khyod kyi yon tan
bsngags pa dang/ /legs pa bzhi po 'di kun thob/ /rang dbang dang
byang chub bde dang zhes bya ba ni rgyas pa'o/ /rang dbang ni
chos nyid de/ de thob pa zhes

bya ba ni 'chad par 'gyur ro/ /rang dbang ni rang dbang kho na
ste/ gzhan gyi dbang du ma gyur pa zhes bya ba'i don to/ /bstan
pa la brten nas sred pa spangs pa'i phyir bran du mi 'gyur te/
/sred pa ni bran gyi rgyu yin no/ /sred pa rtsa nas bcad pa na/
/dngos grub lag mthil thob par 'gyur/ /

de la glags skabs med pa na/ /bran nyid mgo la gnas par 'gyur/
/zhes de bzhin du gsungs so/ /byang chub ces bya ba la sdug
bsngal ma lus pa bcom pa'i phyir byang chub kho na bde ba'o/
/bsngags pa zhes bya ba ni mchod pa'o/ /khyod kyi yon tan la
bsngags pa byas pas ni khyod

kyi yon tan la bsngags pa'o/ /nga'i nyan thos shes rab dang ldan
pa'i nang na shA ri'i bu ni lha'i mig tu gyur pas na mchog dang/
rdzu 'phrul dang ldan pa rnams kyi mchog ni dge slong maud gal
gyi bu zhes bya ba'o/ /de lta bu la sogs pa'i yon tan rnams kyis
bstod par bya ba'i phyir

zhi ba zhes bya ba ni mya ngan las 'das pa'o/ /thob pa ni thob
pa'o/ /ci zhig ce na/ legs pa bzhi po 'di kun te/ rang dbang la
sogs pa legs pa bzhi po 'di kun thob par 'gyur ba'o/ /gang las
she na/ khyod kyi bstan pa las zhes bya ba'i don to/ /de lta bu'i
tshigs su bcad

pa 'dis bstan pa la 'jug pa'i phan yon bshad nas/ bstan pas bdud
bzhi las rgyal ba bshad par bya ste/ dpa' bo khyod kyi bstan pa
'di/ /mu stegs thams cad skrag mdzad la/ /bdud ni sems khong chud
mdzad cing/ /lha dang mi rnams dbugs kyang 'byin/ /mu

@153a @#/ /stegs thams cad skrag mdzad la/ /zhes bya ba la sogs pa
la/ skrag par mdzad ces pa ni skrag pa'o/ /bstan pa zhes bya ba
ni bshad par 'gyur ro/ /nges par legs pa lhag par rtogs par bya
ba'i phyir 'jug pa ni mu dang 'dra bas na mu'o/ /de legs par

brjod pas na mu stegs ni rdzogs byed la sogs pa'o/ /de dag thams
cad skrag par mdzad pa ni bdag med pa nyid ston par mdzad pa'i
phyir ro/ /gang gi phyir mu stegs pa de rnams kyi bdag tu lta ba
stod par mi 'dod pa de'i phyir/ chos kun bdag nyid med pa ste/
/zhes bya ba'i de

bzhin gshegs pa'i bstan pas skrag par 'gyur ro/ /bdag tu 'dzin pa
las byung ba'i nyon mongs pa thams cad ces bya ba de'i phyir bdag
med pa bstan pas nyon mongs pa'i bdud ma lus pa las bstan pa rnam
par rgyal bar gyur to zhes bshad pa yin no/ /bdud ni lha'i bu'i

bdud do/ /de'i sems khong du chud par mdzad pa ni de'i yul las
'das par bstan pa'i phyir lha'i bu'i bdud las rgyal ba nyid bshad
do/ /bden pa bstan pas ngan 'gro'i 'jigs pa ni ma yin pas so/
/lha dang mi rnams dbugs kyang 'byin/ /zhes pa ni mi rnams kyi
yang

tshe sbyin pa'i thabs yin pa'i phyir phung po'i bdud las bstan pa
rgyal ba nyid bshad do/ /khyod kyi 'di zhes bya ba ni ji ltar
bshad pa'o/ /dpa' bo ni bod pa'o/ /'chi bdag gi bdud las rgyal
bar bshad par bya ste/ 'chi bdag bstan pa khams gsum gyi/ /sa
chen dag la

spyod bgyid pa/ /mi thogs bzlog pa ma mchis pa'ang/ /khyod kyi
bstan pas zil gyis mnan/ /khams gsum gyi sa chen zhes bya ba la
sogs pa ni 'dod pa dang/ gzugs dang/ gzugs med pa ni khams gsum
mo/ /de nyid kyi sa chen po ni yul chen po'o/ /de la spyod

bgyid pa ni khams gsum gyis chen po gang la spyod bgyid pa'o/
/'chi bdag gi bstan pa zhes bya ba ni 'chad par 'gyur ro/ /yon
tan dang ldan pa rnams la yang mi thogs pa zhes bya ba ni thogs
pa med pa'i phyir khyad par ma yin pa dang gsod par byed pa zhes
bya ba'i don to/ /bzlog

@153b pa ma mchis pa ni lcags kyu med pa ste/ bzlog ma nus zhes
bya ba'i tha tshig go/ /khyod kyi bstan pas zhes bya ba ni khyod
kyi bstan pa'i lam gyis so/ /zil gyis mnan pa ni mthu dang bral
bar mdzad pa'o/ /'chi bdag ces bya ba ni 'chi bdag gi'o/ /bstan
pa ni rab tu 'jug pa zhes bya ba'i

don to; /de ltar gang las rtogs par 'gyur zhe na/ bshad pa/ khyod
kyi bstan pa'i thugs 'tshal ba/ /dga' na bskal par yang gnas la/
/gang du bdud kyis mi brdzi ba/ /der yang dga' mgur rab tu mchi/
/khyod kyi bstan pa'i lugs 'tshal ba/ /zhes bya ba ni khyod kyi
bstan

pa'i tshul shes pas na khyod kyi bstan pa'i lugs 'tshal ba ste/
rdzu 'phrul gyi rkang pa bsgoms pa'i mthu dang ldan pa zhes bya
ba'i don to/ /na ni gang gi phyir zhes bya ba'i don to/ /bskal
par yang gnas la zhes bya ba ni lo mang po 'ba' zhig tu ma yin
gyi/ bskal par yang gnas te de ni yang

dag par srid ces dgongs pa'o/ /gang zhig kha cig gis rdzu 'phrul
gyi rkang pa bzhi kun du bsnyen pa dang/ bsgom pa dang/ phu dud
byed 'dod pa de ni bskal par gnas pa'am bskal pa las lhag par
gnas pa zhes bya ba ni mdo'i tshig go/ /rab tu mchi zhes bya ba ni
'gro ba'o/ /der zhes

bya ba ni phung po lhag ma med par mya ngan las 'das par ro/
/yang gi sgra ni yang gi don te/ /der yang rab tu mchi zhes bya
ba'i don to/ /ci'i phyir der rab tu mchi zhe na/ /gang gi phyir
de nyon mongs pas bcings pa las grol ba'i dga' mgu ni rang dbang
ngo/ /gang du zhe na/ /phung po lhag ma med

pa'i mya ngan las 'das pa kho nar ro/ /bdud kyis mi brdzi ba zhes
bya ba ni yul ma yin pa'o/ /gang gi phyir de lta bu yin pa de'i
phyir na khams gsum gyi sa chen po zhes bya ba sngar sa chen po
zhes bya ba'i snga ma'i tshigs su bcad pa'i don rigs so/ /de lta
bu'i tshigs su bcad pa de rnams

kyis bdud bzhi las bstan pa rgyal bar mdzad pa kho na bshad do/
/gzhan yang/ lung gi don ni bsam pa dang/ /bsgom dang gus par
mnyan pa yi/ /dus gsum cha dbye khyod kyi ni/ /bstan las
gzhan la mchis ma lags/ /lung gi don ni bsam pa dang/ /zhes bya
ba ni

@154a @#/ /rgyas pa'o/ /lung zhes bya ba ni gzhan las thos pa'o/
/don bsam pa zhes bya ba ni rigs pa la dmigs pa'o/ /bsgom pa ni
ting nge 'dzin du bshad do/ /gus par mnyan pa ni rab tu sbyor ba
ste/ bsgom pa dang gus par mnyan pa de yi'o/ /dang gi sgra ni
lung dang

don bsam pa yang ngo/ /dus gsum cha dbye zhes bya ba ni re zhig
dang por lung gi dus dang/ de nas de'i don bsam pa'i dus dang/ de
nas bsgom pa la sbyor ba'i dus zhes bya ba ni dus gsum gyi cha
dbye ba'o/ /gzhan la ma mchis pa ni gang du gzhan las she na/
khyod kyi bstan pa

las so/ /sangs rgyas kyi bstan pa kho na la thos pa dang bsam pa
dang bsgom pa'i rang bzhin gyi shes rab rnams kyi bstan pa yod
de/ gzhan la ni ma yin no zhes bya ba ste/ de lta bu ni tshigs su
bcad pa 'dis bshad do/ /bstan pa rjes su mi bsgrub pa'i sdug
bsngal gang yin

pa de bshad par bya ste/ drang srong skyes mchog khyod kyi bstan/
/de ltar legs par khyab 'di la/ /mi gus gang lags de las ni/
/sdug bsngal chen po 'ang ci zhig mchis/ /de ltar legs par khyab
'di la/ /zhes bya ba la sogs pa smos pa la/ de ltar zhes bya ba
ni rang

dbang la sogs pa'i tshigs su bcad pas bsdus pa'o/ /legs par khyab
pa ni phan yon gyi tshogs kyi rgyu yin pa'i phyir ro/ /bstan pa
legs par khyab pa ni nges par legs par yang dag par khyab pa zhes
bya ba'i don te khyod kyi bstan pa de dang sbyar ro/ /drang srong
ni dgra bcom

pa'o; /de rnams kyi skyes mchog ni 'dren pa dang gtso bo zhes bod
pa'o/ /bstan pa ni sngar bshad zin to/ /mi gus pa ni dad par mi
byed pa'o/ /gang zhes bya ba ni gang gi don la yongs su spyod
pa'o/ /ci zhig ces bya ba ni srid par brjod pa'o/ /sdug bsngal
chen po'ang zhes bya ba ni

shin tu rang don nyams pa zhes bya ba'i don to/ /de las zhes bya
ba ni mi gus pa las so/ /bshad pa'i don ni 'di yin te legs par
khyab pa'i rgyud khyod kyi bstan pa la mi gus pa'i phyir phyi rol
du lta ba rnams kyi rang gi don chen po nyams pa 'di nyid yin te/
gzhan ni ma yin no zhes

@154b bstan pa la bstod pa'i bshad pa'o/ /bstan pa la bstod pa
zhes bya ba'i bshad pa ste le'u brgyad pa'o// //smon lam la bstod
pa ni bcom ldan 'das kyis sngon smon lam bzhes pa ste/ mthong
ngam thos sam dran par gyur pa'am/ /reg gam brjod pa'i tshig gi
nyer 'gro yang/ /

rnam pa thams cad 'gro la phan pa ni/ /bde dang ldan pa shin tu
byed par shog /ces bya ba'o/ /de'i 'bras bu dang bcas pa bstan
par bya ste/ khyod thos pas ni spro ba skye/ /mthong bas dad pa
skye bar 'gyur/ /khyod gsung thos pas dga' 'gyur te/ /bstan pas
rnam par grol bar

bgyid; /khyod thos pas ni spro ba skye/ /zhes bya ba la sogs pa
smos pa thos pa la zhes bya ba ni thos pa ste/ sangs rgyas zhes
bya ba'i dbyangs 'di'o/ /spro ba skye ba ni mthong ba las mos pa
bskyed par mdzad de/ dper na khyim bdag mgon med zas
sbyin gyis sangs rgyas zhes bya

ba'i sgra sngon ma thos pa thos pas dga' zhing ba spu ldang bas
bstan pa la mos par gyur to/ /de'i phyir bcom ldan 'das thos pa
tsam gyis der 'gyur ro zhes bya ba'i smon lam 'bras bu dang bcas
pa bstan to/ /nye bar phongs pa'i srog chags rnams tshim par mdzad
pa la sogs

pa'i rang bzhin yin pa'i phyir dang [?] ba skye par 'gyur ba ni dad
pa skye bar mdzad pa ste/ mthong ba ni mngon sum du byed pa'o/
/de ltar mthong bas phan par mdzad par 'gyur ro zhes bya ba'o/
/chos bstan pa'i gsung gis dga' bar 'gyur ba ni nyan pa po dga'
ba bskyed par mdzad pa zhes bya ba'i

don to; /de ltar 'phags pa nyan thos kyis yang dag par chos mnyan
pas dga' ba skye bar 'gyur ba dang/ sems khrugs par 'gyur ba
dang/ mya ngan las 'das pa la mngon du phyogs par 'gyur zhes pa
ni mdo'i tshig go/ /rnam par grol bar bgyid pa ni nyon mongs pa'i
zhags pa

dag las so/ /bstan pas zhes bya ba ni 'phags pa'i lam ma/ /gzhan
yang/ chos bstan pa ni med na yang/ /khyod kyi sras kyis mgu bar
'gyur/ /'phel bas skye dgu rnams kyang dga'/ /gshegs pa ni phan
'dogs mdzad/ /ldog pa na ni rgud par 'gyur/ /khyod kyi

@155a @#/ /sras kyis mgu bar 'gyur/ /zhes bya ba ni rgyas pa'o/
/sras ni lhums nas bltams pa ste/ des mgu bar 'gyur ba ni byang
chub sems dpa' skyes zhes bya bas brgya byin la sogs pa rnams mgu
ba bskyed pa'i phyir ro/ /yang na byang chub thob pa ni sras te/ /

des kyang de bzhin du mthar bde ba grub par mdzad pas na mgu bar
'gyur ba ni byang chub sems dpas 'chi ba med pa lhag par rtogs
par gyur to zhes bya bas ni brgya byin la sogs pa rnams mgu bar
gyur to zhes bya ba'i don to/ /'phel ba ni nyan thos pa mang po
ste/ /des skye dgu rnams

kyang dga' ba ni 'jig rten pa rnams phun sum tshogs par mdzad pa
zhes bya ba'i don to/ /dge slong dag nyan thos gsar du dag spyod
yul la spyod pa na skye bo mang po la phan pa dang/ skye ba mang
po la bde ba zhes bya ba la sogs pa ji ltar gsungs pa'o/ /gshegs
pa ni bcom

ldan 'das gshegs pa ste/ des phan 'dogs mdzad pa ni phan pa thams
cad mdzad pa'o/ /bcom ldan 'das spyod yul gyi grong du gshegs pa
na sgang mtho ba dma' bar 'gyur ba dang/ dma' mo mthon por 'gyur
ba dang/ long ba rnams kyis mig rnyed par 'gyur ba dang/

'on ba rnams kyis rna ba dang/ lkugs pa rnams kyis tshig rnyed par
gyur to zhes bya ba ni lung ngo/ /ldog pa na ni bcom ldan 'das
yongs su mya ngan las 'das pa na ste/ de rgud par gyur pa ni skye
dgu rnams kyi rang gi don nyams pa'i phyir ro/ /gzhan yang/
bsgrags pas sdig pa 'phrog

par mdzad/ /khyod dran pas ni rangs par 'gyur/ /btsal bas blo
gros skye 'gyur te/ /yongs su shes pas rnam par dag /bsgrags pas
sdig pa 'phrog par mdzad/ /ces bya ba la sogs pa smos pa la/
bsgrags pa ni yon tan la bstod pa ste/ des sdig pa 'phrog pas na

sdig pa 'phrog par mdzad pa zhes bya ste/ yon tan da lta bu dang
ldan pa'i bcom ldan 'das yin pas na brjod pa ni zhar la brjod
pa'i phyir ro/ /de lta bu'i gtam la sbyor ba nye bar 'gro ba phan
par mdzad pa zhes bya ba ni mthong ba'o/ /dran pa zhes bya ba ni
de lta bu'i bcom ldan 'das de bzhin

@155b gshegs pa dgra bcom pa yang dag par rdzogs pa'i sangs rgyas
zhes bya ba'o/ /khyod ni khyod do/ /rangs pa ni rangs par mdzad
pa'o/ /de ltar de bzhin gshegs pa'i rnam pa dran pa'i 'phags pa
nyan thos pas don myur bar thob pa dang/ chos myur du thob pa
dang/ de bzhin gshegs

pa dang ldan pa'i rangs pa thob par 'gyur ro zhes bya ba ni mdo'i
tshig go/ /de ltar rjes su dran pa rtogs pas phan pa mdzad pa zhes
bshad do/ /gzhan gnas skabs thams cad la yang ji lta ba bzhin du
sbyar bas 'gro ba la phan pa mdzad pa dang/ bcom ldan 'das dang
sbyar ro/ /btsal

bas zhes bya ba na ston pa kho na la btsal ba'o/ /ji ltar rab tu
byung ba 'phar ba yis bram ze rigs gtsang ma la smras pa ni 'di
lta ste/ glang po'i nags su 'gro ba'i skyes bus glang po'i nags
su zhugs pa na nags tshal chen po de ru glang po'i rkang rjes
mthong nas kye ma'o glang po che gang gi 'di lta

bu'i rkang rjes zhes nges par rtogs par 'gyur ba de bzhin du/ kye
mi'i cha lugs dang ldan pa la rkang pa bzhi med de/ gang gi de
ltar gyur pa ni bcom ldan 'das de bzhin gshegs pa gau ta ma dgra
bcom pa yang dag par rdzogs pa'i sangs rgyas zhes bya ba la sogs
pa bram ze'i

tshig phrad kyi mdo las gsungs so/ /de bzhin du btsal nas rjes su
'gro ba dang ldog pa dag gis ston pa kho nar nges pa ste/ yongs
su shes par bshad do/ /shes nas dad pa rnyed pa'i phyir ro/ /rnam
par dag pa ni nyon mongs pa'i dri ma 'phrog pa'i phyir ro/ /gzhan
yang/

khyod la bsu bas dpal du byed/ /bsten pas blo gros mchog tu
'gyur/ /bsten na 'jigs pa med par mdzad/ /bsnyen bkur bgyis pas
bde bar 'gyur/ /khyod la bsu bas dpal du byed/ /ces pa ni rgyas
pa'o/ /lha dang mi rnams kyi phun sum tshogs pa mdzad pa'i

phyir na dpal du byed pa'o/ /khyod ni khyod la'o/ /bsu ba ni
khyod kyi drung du 'gro ba'o/ /nye bar phyin nas chos thos pa'i
sbyor bas bsten pa ni kha na ma tho ba dang bcas pa dang/ kha na
ma tho ba med pa yongs su shes pa'i phyir blo gros su gyur pas na
shes rab bskyed par mdzad pa zhes

@156a @#/ /bya ba'i don to/ /mchog ni khyad par dang ldan pa'o/
/chos thos nas bcom ldan 'das dang chos la skyabs su 'gro ba'i
sbyor bas brten pa ni gus pa'o/ /'jigs pa med par mdzad pa ni
ngan song gi 'jigs pa las 'das pa'i phyir ro/ /gang zhig sangs

rgyas skyabs 'gro ba/ /de ni ngan 'gror mi 'gro ste/ /zhes tshigs
su bcad pa'i tshig go/ /skyabs su song bas 'phags pa'i lam khong
du chud pa ni bsnyen bkur bgyis pa ste/ de lta bus ni de bzhin
gshegs pa la kun du bsnyen bkur byas par 'gyur te/ de'i bstan pa

bsgrubs pa'i phyir ro/ /bsnyen bkur byas pas des bde bar 'gyur ba
ni bde bar 'gyur ba ste/ bde ba ni bde bar bshad do/ /de yang
'dir sdug bsngal ma lus pa nye bar zhi ba'i mtshan nyid mya ngan
las 'das pa 'dod pa ste/ bde ba dam pa mya ngan 'das/ /zhes
gsungs

pa'i phyir ro/ /de mdzad pa'i ngang tshul gang la yod pa de ni bde
bar 'gyur ba ste/ mya ngan las 'das pa thob par mdzad ces pa ni
dgongs pa'o/ /gzhan yang ji ltar mes gdungs pa rnams kyi gdung ba
zhi bar byed pa'i phyir mtshon nus pa can du gyur pa de bzhin du/
/sdig pas nye

bar gdungs pa rnams kyi khyod bsod nams chen po'i rang bzhin gyi
mtsho chen po ji lta bu yin zhe na/ bshad pa/ tshul khrims phun sum
tshogs pas dag /bsam gtan phun sum tshogs pas dang/ /shes rab phun
tshogs mi 'khrugs pas/ /khyod ni bsod nams mtsho chen

lags/ /tshul khrims phun sum tshogs pas dag /ces smos pa la/ tshul
khrims ni sngar bshad zin to/ /de'i phun sum tshogs pa ni khyad
par ro/ /tshul khrims phun sum tshogs pa des dag pa ni nyes par
spyod pa'i dri ma dang bral ba'i phyir dri ma med pa'i mtsho chen
po bzhin no/ /bsam

gtan ni dge ba ste/ thugs rtse gcig pa'o/ /de'i phun sum tshogs
pa ni dang ba'i khyad par gyi sbyor bas dang ba ste/ 'dod chags
la sogs pa'i 'dam gyis ma gos pas na rnyog pa dang bral ba'i mtsho
chen po bzhin no/ /shes rab ni chos rnam par 'byed pa'o/ /de'i
phun sum tshogs

@156b pa ni khyad par ro/ /des mi bskyod pas na mi 'khrugs pa
zhes bya ba'i don to/ /de bzhin gshegs pa'i shes rab kyis so sor
snang ba mtha' yas pa zhes bya ba'i mdo'i tshig ste/ mi 'khrugs
pa'i mtsho chen po bzhin no/ /de ltar mtsho chen po dang chos mthun
pa'i phyir bsod nams mtsho

chen ni bsod nams kyi rang bzhin te/ bsod nams mang ba'i phyir
dper na shing gi rang bzhin gyi shing rta bzhin no/ /gzhan yang/
khyod sku bltar 'os rin chen te/ /legs gsungs mnyan 'os rin chen
lags/ /chos ni spyad 'os rin chen pas/ /khyod ni rin chen 'byung
gnas lags/

khyod sku bltar 'os rin chen te/ /zhes bya ba la sogs pa la/ sku
ni kha dog la sogs pa'o/ /bltar 'os pa ni bltar 'os pa'i nang na
rin chen te/ mtshan la sogs pa phun sum tshogs pas na dad par 'os
pa nyid kyis phan par mdzad pa'o/ /mnyan 'os ni mnyan par 'os
pa'o/ /

mnyan 'os rnams kyi nang na rin che bas na mnyan 'os rin chen te/
legs par gsungs pa ni phan par mdzad pa'i phyir ro/ /chos ni legs
par gsungs pa ste/ de'i don ni bshad zin to/ /de yang dbang po
dang stobs dang byang chub kyi yan lag la sogs pa'o/ /de ni spyad
'os rin

chen te; /spyad pa ni chos kyi rang bzhin rnam par spyad na rin
po che ste/ shin tu phan pa mdzad pa'i phyir ro/ /rgyu de'i phyir
khyod yon tan rin chen 'byung gnas legs te/ yon tan ni sku la
sogs pa ste/ de nyid ni rin chen de rnams kyi 'byung gnas te/
bskyed pa'i gnas yin pa'o/ /

khyod ni khyod do/ /gzhan yang/ /khyod ni chu bos 'das pa'i
gling/ /smas pa'i bdag nyid skyob pa ste/ srid pa'i 'jigs pas
nyen pa'i skyabs/ /thar 'chal rnams kyi 'dren pa lags/ /khyod ni
chu bos bdas pa'i gling/ /zhes bya ba ni rgyas pa'o/ /khyod ni
bcom ldan 'das so/ /

chu bo ni nyon mongs pa dang nye ba'i nyon mongs pa rnams so/
/bdas pa ni thar pa'i lam las ring du bdas pa ste/ lteng rgyas
'od srungs la sogs pa rnams me la yongs su spyod cing tshul khrims
dang brtul zhugs mchog tu 'dzin pa'i lta ba'i chu bos bdas pa ni
chu bos bdas pa'i

@157a @#/ /gling dang 'dra bas na gling ste/ mya ngan las 'das pa
la bkod pa'i phyir ro/ /skyob pa zhes bya ba ni skyob par mdzad
pa zhes bya ba'i don to/ /smas pa'i bdag nyid ni sems kyi rang
bzhin smas pa gang la yod pa de ni smas pa'i bdag nyid de/ sdig
pa byas pa'o/ /de

rnams kyi smas pa'i bdag nyid ni sor mo'i phreng ba la sogs pas
srog chags brgya stong du ma gsod par byed pa rnams la chos bstan
pas dgra bcom pa la bkod pa'i phyir ngan 'gror 'gro ba rnams kyi
skyob pa'o/ /skyabs zhes bya ba ni chos ston pa med na yang khas
blangs pa tsam

gyis dmyal ba la sogs pa'i srid pa'i 'jigs pas 'jigs pa gang yin
pa de rnams srid pa'i 'jigs pa rnams las bskyab pa'o/ /de ltar
yang lha'i bu gzhan kha cig gis phag mo'i mngal du zhag bdun na
bdag skye bar shes nas shin tu dus pas brgya byin gyis bskul bas

sangs rgyas la skyabs su song bas dud 'gro'i skye gnas las log
cing lha rnams kyi nang du skyes so zhes bya ba ni rtogs pa brjod
pa'o/ /thar 'tshal rnams kyi zhes bya ba ni 'khor ba'i btson ra
las bdag nyid grol bar 'dod pa rnams kyi'o/ /'dren pa ni de rnams
kyi 'dren pa ste khyod nyid ni

lam mo/ /gzhan yang/ /tshul khrims dag phyir snod kyi mchog /zhing
gshin 'bras bu phun sum tshogs/ /srog chags kun la phan mdzad
phyir/ /grogs kyi phul yang khyod lags so/ /zhing gshin 'bras bu
phun sum tshogs/ /zhes bya ba ni rgyas pa'o/ /snod kyi mchog ni

srog chags kun/ /zhes 'chad par 'gyur ro/ /tshul khrims dag pa
gang la yod pa de ni tshul khrims dag pa ste de'i dngos po'o/
/tshul khrims dag pa de'i rgyus shin tu phyag 'tshal ba'i snod kyi
mchog go/ /zhing gshin zhes bya ba ni zhing bzang po'o/ /'bras bu
phun sum tshogs pa ni

'bras bu phun sum tshogs pa zhes bya ba'i don to/ /gang gi phyir
khyod la bye ma phul ba yang rgyal po gtum po mya ngan med pa'i
'bras bu'i sa bon du gyur to/ /grogs kyi phul zhes bya ba ni
grogs bzang po'o/ /phan mdzad phyir ni phan par mdzad pa ste/
thar pa'i lam ston par mdzad pa'o/ /

@157b srog chags kun la zhes bya ba ni lus can thams cad la'o/
/khyod ni khyod do/ /gang zhig de bzhin gshegs pa'i lam la ma
zhugs pa de rnams la yang de bzhin gshegs pa phan par mdzad pa
ste/ thams cad la phan par mdzad pa ni ston par mdzad pa'i phyir
ro/ /gzhan yang/

phan 'dogs mdzad pas mdza' bshes te/ /'grogs na bde phyir snying
du sdug /zhi phyir gcig tu yid du 'ong/ /yon tan kun mnga' mchod
'os khyod/ /mdza' bshes khyod ni srog chags kun la zhes bya ba'i
rjes su 'jug go/ /phan 'dogs mdzad ces bya ba ni 'khor ba'i sdug

bsngal thugs la dgongs nas sangs rgyas kyi go 'phang brnyes shing
thar pa'i lam ston par mdzad pa'i phyir ro/ /'grogs na bde phyir
zhes bya ba ni 'khrugs na yang gzhan gyi gnod pa bzod pa tsam
ste/ 'jig rten pa la bzod par grags so/ /'grogs na bde ba dang
ldan pa'i phyir

na 'grogs na bde ba 'ba' zhig tu ma zad de/ /'on kyang gnod pa
byed pa thams cad la bzod pa bstar ba dang/ srog chags rnams la
yang phan pa stsol ba ste/ bde bar gnas pa gang yin pa de ni
'grogs na bde ba'o/ /rgyu de'i phyir snying du sdug pa'o/ /sangs
rgyas kyi yul

snying du sdug pa ni skyes bu rnams kyi yid rtag tu 'phrog pa
zhes bya bas na snying du sdug pa'o/ /mtshan la sogs pas brgyan
pa'i phyir gcig tu yid du 'ong ba ni blta bar 'os pa ste/ zhi
ba'i phyir lta ba dang rjes su mthun pas na zla ba'i dkyil 'khor
bzhin no/ /gcig tu zhi ba'i

dngos po ni zhi ba ste rgyu de'i phyir ro/ /yon tan kun ni ji
skad bshad pa'i rgyur gyur pas so/ /mnga' bas mchod 'os zhes bya
ba la/ /mnga' ba'i sgra ni bya ba'i khyad par ro/ /mchod 'os zhes
bya ba ni mchod par 'os pa ste/ srog chags kun gyis mchod par 'os
pa'o/ /gzhan

yang; sdig pa med pas yid dang 'thad/ /sku gsung bzang bas dga'
bar mdzad/ /don kun 'grub phyir dpal yangs te/ /yon tan legs rten
bkra shis lags/ /sdig pa med pas yid dang 'thad/ /ces smos pa la/
yid dang 'thad pa ni yid dang 'thad pa'o/ /

@158a @#/ /legs pa ni legs pa'o/ /srog chags kun la zhes bya ba'i
rjes su 'jug pa'o/ /sdig pa med pas zhes bya ba ni dam pas smad
pa'i lus la sogs pa'i las mi mdzad pa'i phyir ro/ /dga' ba ni
dga' ba'o/ /sku dang gsung bzang ba ni dag pa'o/ /nges pa'i

tshig so so yang dag par rig pa'i mthar phyin pa'i phyir gsung
bzang ba dang mtshan la sogs pas brgyan pa'i phyir sku bzang ba
ste/ thos pa dang lta ba dang rjes su mthun pa zhes bya ba'i don
to/ /dpal yangs zhes bya ba ni phun sum tshogs pa'i rgyur bshad
do/ /de bas na bcom ldan 'das

kho na la dpal yangs so/ /don kun 'grub phyir zhes bya ba/ don
kun ni mtho ris dang thar pa la sogs pa gang las 'grub pa de ni
don kun 'grub pa'o/ /de'i dngos po ni don kun 'grub pa ste/ rgyu
de'i phyir na dpal yangs so/ /yang na bltas pa tsam gyis gter
lnga brgya gzigs par gyur

pa dang; rgyal po gzhan kun gyis kyang de'i yab zas gtsang ma'i
sku skyes kyi rgyu mang du bskur bar gyur to/ /des na de'i yab
kyis don thams cad grub pa zhes mtshan btags pa de bas na dpal
yangs so/ /bkra shis la legs pa ni bkra shis pa ste/ sdig pa
'joms pa zhes bya ba'i don to/

gang las she na/ bshad pa/ /yon tan legs rten thams cad kyi gnas
su gyur pa'i phyir ro/ /de lta bus rnam pa thams cad dang/ gnas
skabs thams cad dang/ mthong ba dang thos pa la sogs pa'i smon
lam 'bras bu dang bcas pas bcom ldan 'das kyi smon lam la bstod
pa bshad

do; smon lam la bstod pa zhes bya ba'i bshad pa ste le'u dgu
pa'o// //lam la 'jug pa la bstod pa ni dbye ba bdun te/ de yang
bshad pa'i skabs su bstan par bya'o/ /de la/ khyod ni rngan thon
bgyid la sku la/ /zhes bya ba'i tshigs su bcad pa gnyis bshad par
bya ste/ khyod

ni ngan then bgyid la skul/ /chom rkun bgyid pa tshar yang gcod/
/gya gyu can rnams rnal du 'gad/ /dal bus bgyid la bzhen bskul
'dabs/ /dul ba rnams ni lam la sbyor/ /dmu rgod rnams la btang
snyoms mdzad/ /de slad skyes bu 'dul ba yi/ /kha lo sgyur ba bla
med

@158b mchog /khyod ni rngan then bgyid la skul ba ni/ /kha lo
sgyur ba bla med mchog /ces bya bas 'chad par 'gyur ro/ /dper na
kha lo sgyur ba'i mchog gis shing rta'i rta dag rngan then ni gom
pa gcig kyang mi 'gro ba'i ngang tshul can la lcag dbyug gis rdeg
pas skul bar byed pa de bzhin du/

khyod kyang skyes bu 'dul ba le lo'i dbang gis 'khor bar gnas pa
la 'khor ba'i sdug bsngal dang/ mya ngan las 'das pa'i yon tan
ston pa dang zhi gnas skyed pa'i sbyor bas yongs su bskul ba ste/
mya ngan las 'das pa'i lam la 'dzud par mdzad pa zhes bya ba'i
don to/ /ji

ltar lam las lam gzhan du shing rta 'dren pa'i rta rnams srab
kyis blan nas kha lo sgyur bas tshar gcod pa de bzhin du/ khyod
kyang lam ngan par gnas pa'i skyes bu gdul bya rnams chos bstan
pa'i srab kyis tshar gcod pa ni lam bzang po la 'dzud par mdzad
ces bya bar dgongs

pa'o; /ji ltar gya gyu can rnams ni rta 'khyog par 'gro ba rnams
shing rta'i kha lo sgyur bas rnal du 'god cing lam drang po la
'god par byed pa de bzhin du/ /khyod kyang g.yo sgyu dang ldan
pa'i skye bo gdul bya gang yin pa de rnams rnal du 'god pa ni lam
drang po la 'god par mdzad pa'o/ /ji ltar

dal bus bgyid pa'i rta rnams la kha lo sgyur bas bzhen bskul
'debs pa de bzhin du 'bad rtsol dman pa gang yin pa de rnams la/
brtson 'grus bstan pas khyod bzhen bskul 'debs so/ /kun dga' bo
brtson 'grus la brten nas rta bzang po gang yin pa de rnams kyi
kha lo sgyur bas

lam du khyad par gyi khur khyer bar bya ba'i phyir lam la sbyor
ba dang/ de bzhin du gang gdul bya sha ra dwa ti'i bu la sogs pa
de rnams kyang gdul bya'i dgos pa'i khyad par gyi mtshan nyid dang
ldan pa'i lam la sbyor ba dang/ de bzhin du shA ri'i bu mnyan
yod kyi gnas na gnas pa'i skye

bo'i tshogs la dgongs su gsol zhes bya ba de'i bkas 'phags pa shA
ri'i bus rgyal byed kyi tshal gyi gnas su mu stegs pa mdun du 'gro
ba dang mnyan yod kyi skye bo'i tshogs bden pa mthong ba la sogs
par rab tu bkod do zhes ji skad gsungs pa'o/ /de lta bu'i tshig
rkang pa gcig

@159a @#/ /dang bcas pa'i tshigs su bcad pas zhi gnas bskyed pa
sngon du 'gro bas 'phags pa'i lam la 'dzud pa ste/ dang po'i dbye
ba bshad do/ /ji ltar dmu rgod ni rta mi srun pa rnams te/ de
rnams kha lo sgyur ba btang snyoms su byed pa de bzhin du khyod
kyang byang chub kyi sa bon

ma blangs pa'i dmu rgod rnams la btang snyoms mdzad pa ni lam la
'dzud par mi mdzad pa'o/ /gang gi phyir de gdul ba'i skabs la ma
bab pa ste/ thugs rje mi mnga' ba ni ma yin pa'i phyir ro/ /thar
pa'i sa bon dang ldan pa'i/ /sems can la ston phyag byin pas/
/ngan song dag dang srid

pa las/ /rjes su brtse bas sgrol bar mdzad/ /de lta bu'i tshigs su
bcad pa 'dis sa bon dang bral ba rnams la dus de srid du btang
snyoms mdzad pa ste/ dbye ba gnyis pa'i bshad pa'o/ /gzhan yang/
/khyod ni nyam thag rnams la brtse/ /bde bar gnas la phan par
dgyes/ /

phongs par gnas la thugs rje bas/ /kun la phan par bzhed pa lags/
/khyod ni nyam thag rnams la brtse/ /zhes bya ba ni rgyas pa'o/
/nyam thag pa zhes bya ba ni dge ba'i rtsa ba chad par gyur cing
nyes pa'i spyod pa byed pa rnams la brtse ba ste/ nyes pa'i spyod
pa de las gdon par dgongs

pa'o/ /bde bar gnas pa ni dge ba'i rtsa ba 'phel ba rnams la skal
ba dang ldan pa yin pa'i phyir phan par dgyes pa ste/ snying po
kho na yin pa'i phyir phan pa'i sgras thar pa bshad do/ /de la
dgyes zhes bya ba ni bzhed pa ste/ de'i rang bzhin ni phan par
dgyes pa ste/ thar pa la dgod par

rtsol ba zhes bya ba'i don to/ /dge slong dag soms shig /bag med
par ma byed cig ces bya'o/ /phongs par gnas la zhes bya ba ni lta
bas phongs pa ste/ /dge ba'i rtsa ba yang dag par chad par gyur
pa'o/ /thugs rje ni phan pa la dmigs pa tsam ste/ /skal ba dang
mi ldan pa'i phyir 'don

pa la brtson pa ni ma yin no/ /kun la phan par bzhed pa ni lha
sbyin la sogs pa 'gal ba dang/ mgon med zas sbyin la sogs pa rjes
su chags pa gang yin pa de dag thams cad la phan par bzhed pa
ste/ mtho ris dang thar pa thob pa'i phyir dgongs pa zhes bya
ba'o/ /de lta bu'i

@159b rigs su bcad pa 'dis phan pa dang/ phan pa ma yin pa dag
dang/ kun la phan par bzhed pa ste/ dbye ba gsum pa'i bshad pa'o/
/gzhan yang/ khyod ni dgra bo rnams la'ang byams/ /nyams par gyur
la phan 'dogs mdzad/ /gtum po rnams la thugs brtse bas/ /khyod

ni ya rabs rmad cig lags/ /khyod ni dgra bo rnams la'ang byams/
/zhes bya ba la sogs pa smos pa la/ dgra bo rnams ni gnod pa byed
pa ste/ lha sbyin la sogs pa'o/ /dgra bo de rnams la yang bcom
ldan 'das byams pa ni thugs brtse ba'i phyir sdug bsngal las

yongs su skyob pa'o/ /de bas na gdung ba'i rims kyis non par gyur
pa'i lhas byin gyi gdung ba'i rims bcom ldan 'das kyi bden pa'i
byin gyi rlabs kyis bsal to zhes bya ba ni lung ngo/ /phan 'dogs
zhes bya ba ni bcom ldan 'das gshegs pa'o/ /'di ni bstan pa la
'dzud

pa'o/ /nyams par gyur la zhes bya ba ni nyams pa'i rgyu mtshan
la'o/ /nyams par gyur pa ni smad par bya ba ste/ 'jig rten pa
dang 'gal ba'i las spyod pa'i phyir ro/ /'di lta ste/ gzhon nu
nges par gnas pa zhes bya ba mnyan yod kyi grong khyer gyi
phyag dar khrod sbyangs pas 'tsho bar gyur

ba bcom ldan 'das gshegs nas rab tu dbyung bar mdzad do zhes thos
nas mnyan yod kyi skye bo'i tshogs sangs rgyas kyi bstan pa la
shin tu ma dad par gyur te/ 'di lta bu'i skye bo ngan pa yang rab
tu 'byin par mdzad ces bya ba'o/ /de nas rgyal po gsal rgyal gyis
bcom ldan 'das la 'gyod

pa skyed pa'i phyir rgyal byed kyi tshal du phyin par gyur to/
/'phags pa nges par gnas pa de yang rdo leb gang yang rung ba'i
steng du phyag dar khrod kyi gos 'drub cing gnas so/ /bcom ldan
'das kyang khang pa'i yang thog gi sgo bcad nas ting nge 'dzin la
snyoms par zhugs par gyur to/ /rgyal

pos kyang 'phags pa nges par gnas pa ngo ma shes pas smras pa/
'phags pa bcom ldan 'das la bdag mchis so zhes zhu ba mdzod cig
ces smras so/ /'phags pa de yang dgra bcom pa rdzu 'phrul dang
ldan pa gzhan gyi sems shes pas rgyal po'i sems shes nas rdo lab
de la chu

@160a @#/ /la bye'u bzhin 'dzul bar byas shing gshegs nas bcom
ldan 'das ting nge 'dzin las ldang bar mdzad do/ /de nas rgyal po
nang du zhugs nas bcom ldan 'das kyi zhabs la spyi bos gtugs
shing phyag byas nas dang por de lta bu'i rdzu 'phrul chen po
dang ldan pa'i dge slong

gang yin zhes zhus so zhes bya ba'o/ /bcom ldan 'das kyis bka'
stsal ba/ don gang gi phyir 'gyod pa bskyed pa'i slad du 'ongs
zhes bya ba'o/ /rgyal pos thos nas shin tu dad cing yi rangs par
gyur to/ /slar yang de la dad pa bskyed pa'i slad du bcom ldan
'das kyis bka' stsal ba/

bshad pa mkhregs dang 'jam pa ni/ /sman pa yis ni yongs rtogs
nas/ /khrus kyi sman ni ster ba ste/ /rigs ni yongs su rtog mi
byed/ /de bzhin rgyud ni 'jam pa dang/ /rtsub pa yang ni yongs
rtogs nas/ /nyon mongs bkru phyir sman sbyin pa/ /sangs rgyas kyi
ni rigs mi ltos/ /

gtum po zhes bya ba ni srog chags du ma gsod par byed pa sor mo'i
phreng ba dang dpal sbas la sogs pa rnams la'o/ /thugs brtse ba
ni thugs brtse bas gzhan dbang du 'gyur ba'o/ /rmad cig lags zhes
bya ba ni 'jig rten pa'i chos rnams las 'das pa'i phyir mi shes
pa nyid ston pa'o/ /

gang gi phyir 'jig rten pa ni 'gal ba la sogs pa rnams la thugs
brtse ba la sogs pas 'jug par mi 'gyur ro/ /ya rabs zhes bya ba
ni 'phags pa nyid do/ /de lta bu'i tshigs su bcad pa 'dis dgra bo
rnams la yang phan par bzhed pa ste/ dbye ba bzhi pa bshad do/
/gzhan yang

phan 'dogs bgyid slad pha ma dag /gal te bla mar 'tshal na go/
/khyod ni lhag par phan 'dogs pas/ /bla ma nyid 'gyur smos ci
'tshal/ /phan 'dogs bgyid slad pha ma dag /ces bya ba ni rgyas
pa'o/ /pha ma dag ces bya ba ni bla ma nyid dang sbyar ro/ /phan
'dogs bgyid slad

ces bya ba ni skyed pa dang gso ba la sogs pas so/ /gal te
'tshal zhes bya ba ni bla ma zhes pa dang sbyar ro/ /smos ci dgos
zhes bya ba ni de ni 'gyur ba la smos ci 'tshal ba'o/ /bla ma ni
bla ma'o/ /khyod ni khyod la'o/ /lhag par phan 'dogs pa ni nyon
mongs pa med pa thar pa'i grong

@160b khyer thob par mdzad pa'i phyir yongs su rdzogs pa'i phan
'dogs pa mdzad ces bya ba'i don to/ /bshad pa ni 'di yin te/ skye
ba gcig la phan pa byed pa'i phyir pha dang ma dag nye bas na bla
ma nyid de/ khyod kyang de ltar lhag par phan 'dogs par mdzad ces
bya bas na bla ma nyid du brjod par mi

nus so zhes bya ba'o/ /gzhan yang/ /rang gi don la mi lta bas/
/nyid kyi dgra bo ltar gyur cing/ /g.yang sa'i mun gnas rnams la/
/ra ba lta bur gyur pa'ang khyod/ /rang gi don la mi lta bas/
/zhes bya ba la sogs pa smos pa la/ rang gi don ni dge ba'i rtsa
ba la sogs pa ste/

de la mi lta ba ni sdig pa la chags pa'o/ /nyid kyi dgra bo ltar
gyur cing/ /zhes bya ba ni dgra bo dang 'dra ba zhes bya ba'i don
to/ /rang gi don la mi lta bas nyid kyi dgra bo ltar gyur pa
de rnams la khyod ni bcom ldan 'das so/ /g.yang sa'i mun gnas
rnams la/ /zhes pa la/ g.yang sa ni ngan

'gror 'gro ba'o/ /g.yang sa de'i mu ni mdun na gnas pa'i sdig
pa'i las so/ /de la gnas pa ni sor mo'i phreng ba dang dpal sngas
la sogs pa gang yin pa de ni g.yang sa'i mun gnas pa ste/ ngan
'gro 'gro ba'i las byed pa'o/ /de rnams la ra ba lta bur gyur pa
ni ji ltar kha cig la

g.yang sa'i mu la mngon du gyur pa'i rabs 'dzin par bya ba'i
phyir nus pa dang ldan par gyur pa de bzhin du/ /khyod kyang de
rnams la bya ba ma yin pa bsal ba'i phyir rab lta bur gyur pa
zhes bya ba'o/ /gzhan yang/ 'jig rten gnyis kar sman gdags dang/
/'jig rten las ni 'da'

slad du/ /mun par gyur pa'i 'jig rten la/ /khyod kyis shes rab
snang bar mdzad/ /'jig rten gnyis kar sman gdags dang/ /zhes bya
ba ni rgyas pa'o/ /'jig rten pa'i sgra ni zag pa dang bcas pa'i
dngos po brjod do/ /'jig rten gnyis ka ni 'jig rten gnyis ka ste/
gzugs

dang gzugs med pa dang snyoms par 'jug pa dag dang/ 'jig rten
pa'i lam mo/ /des sman gdags pa ni 'jig rten gnyis kar sman gdags
dang po/ /gang la sman gdags par mdzad ce na/ dge ba'i rtsa ba
yongs su smin pa la zhes rtogs par bya'o/ /yang na 'phags pa'i

@161a @#/ /lam gyis bden pa mthong bas ngan song gi 'jigs pa las
'das pa'i phyir lha dang mi rnams la sman gdags par mdzad pa'o/
/shes rab snang bar mdzad ces bya ba ni 'chad par 'gyur ro/ /'jig
rten las ni 'da' slad du/ /zhes bya ba ni 'jig rten las 'da' ba
gang

yin pa de ni 'jig rten las 'da' ba ste/ 'jig rten las 'das pa'i
lam des ni srid pa'i rtse mo las kyang 'da' ba'i phyir ro/ /de'i
slad du ni 'jig rten las 'das pa'i phyir 'jig rten las 'das pa'i
lam ste/ skal ba dang ldan pa rnams 'jug pa zhes bya ba'i dgongs
pa'o/ /dang gi sgra

ni/ khyod kyis shes rab snang bar mdzad/ /ces pa ste bsdus pa'i
don to/ /shes rab kyi snang ba de gzhan gyis kyang byas sam zhe
na/ smras pa/ mun par gyur pa'i 'jig rten la/ /zhes smos pa la/
mun pa ni mi shes pa ste/ de nyid mnga' ba'i phyir mun par gyur
pa'i 'jig rten pa rnams so/ /

dper na long ba'i 'jig rten pa las sangs rgyas su gyur cig ces
bya ba byang chub sems dpar gyur pa khyod kyis smon lam btab pa
de yang de bzhin du bsgrubs so/ /mun par gyur pa de rnams la ji
ltar yang dag par gyur pa bsal ba'i phyir shes rab kyis snang bar
mdzad pa ni skyed pa ste/

bla na med pa'i ye shes khong du chud par mdzad pa zhes bya ba'i
tha tshig go/ /de lta bu'i tshigs su bcad pa 'dis dge ba'i rtsa ba
yongs su smin pa rnams 'jig rten las 'das pa'i lam dag la bkod pa
ste/ dbye ba lnga pa'i don bshad do/ /de ltar 'jig rten dang 'jig
rten las 'das pa'i

lam dag la bkod nas/ yul la nye bar spyod pa na/ /lha mi'i spyod
pa tha dad kyi/ /chos kyi longs spyod thun mong bas/ /khyod la
dbye ba mi mnga'o/ /lha ma'i spyod pa tha dad kyi/ /zhes bye ba
la sogs pa smos pa la/ tha dad pa ni dngos po gcig ma yin pa'o/
/nye bar spyod pa na zhes bya ba ni

yul la nye bar spyod pa zhes bya ba'o/ /spyod pa ni spyod pa'o/
/ji ltar tha dad ce na/ lha rnams ni lha'i bdud rtsi la za ba'i
longs spyod pa dang ldan pa dang/ gnyis gnyis dang/ 'khyud pa
dang/ lag pa bcangs pa dang/ dgod pa dang/ blta bas 'khrig pa
spyod pa'i spyod pa dang ldan pa'o/ /

@161b mi rnams ni dman pa'i longs spyod kyi spyod pa dang ldan pa
zhes bya ba'o/ /de ltar lha dang mi rnams kyi longs spyod kyi
spyod pa ni tha dad pa'o/ /chos kyi longs spyod ces bya ba smos
pa la/ /chos kyi longs spyod ni bden pa mthong ba dang zhi ba'i
gnas dben pa la sogs pa'o/ /de'i thun mong

ni 'dra ba kho na ste/ chos kyi longs spyod thun mong ba'i rgyu
de las so/ /khyod ni bcom ldan 'das la'o/ /dbye ba mi mnga'o ni
'dra ba nyid thob pa zhes bya ste/ yul la nye bar longs spyod pa
dang sbyar ro/ /khyod la brten pas chos kyi longs spyod pa dang
'dra ba'i phyir lha dang mi rnams 'dra

ba'i yul la longs spyod pa'i spyod pa dang ldan par gyur to zhes
bya ba ni mdor bsdus pa'o/ /de lta bu'i tshigs su bcad pa 'dis lha
dang mi rnams lam la 'jug par 'dra ba kho na ste/ dbye ba drug
pa'i bshad pa'o/ /chos kyi longs spyod thun mong yin pa'i phyir
lha dang mi rnams

'dra ba yin par ji ltar shes she na/ smras pa/ bcom ldan 'das
kyis skye ba dang/ na tshod rigs dang yul dang ni/ /dus kyi skyon
med chos rnams kyis/ /'di dag kun la sman yon btags/ /skye ba
dang/ na tshod dang rigs dang zhes bya ba la sogs pa smos pa la/
skye ba dang

na tshod dang/ rigs dang/ yul dang/ dus te zlas dbye ba'i bsdu
ba'o/ /de rnams kyi skyon med pa dang re rer sbyar ro/ /phal che
ba'i gtong ba ni skyon te yongs su gtong ba'o/ /yongs su gtong ba
gang la mang ba zhes bya ba de ni skyon med pa ste/ chos rnams
rtsis sman yon btags

zhes bya ba dang sbyar ro/ /skyon med pa ni khyad par la mi ltos
pa zhes bya ba'i tha tshig go/ /skye ba la skyon med pa ni ji ltar
lha rnams kyi nang du skyes pa rnams chos la gzud par bya ba'i
phyir chos kyi sman yon btags pa de bzhin du mi rnams kyi nang du
skyes pa rnams kyang ngo/ /na tshod la

skyon med pa ni rgan po rnams ji lta ba de bzhin du byis pa dang/
gzhon nu dang/ lang tsho dang ldan pa rnams so/ /rigs la skyon med
pa ni bram ze rnams ji lta ba de bzhin du rgyal rigs dang/ rje'u
rigs dang/ dmangs rigs rnams so/ /yul la skyon med pa ni yul dbus
kyi skye bo ji

@162a @#/ /lta ba bzhin du mtha' 'khob kyi skye bo rnams kyang
ngo/ /rus la skyon med pa ni ji ltar nya'am gnam stong ji lta ba
de bzhin bu tshes gcig go/ /dang ni gang gi phyir gyi don te/ kun
la sman yon btags pa'o/ /sman yon btags pa ni yang dag pa'i dbye
bas gtong ba'o/ /

chos rnams kyis sman yon btags pa ni chos rnams kyis phan yon
btags pa'o/ /'di dag ni ji ltar bshad pa mdzad pa'o/ /khyad par
la mi ltos pas chos kyis kun la phan yon btags pa ste/ gang yang
yongs su spong bar ni mi mdzad de/ ji ltar 'jig rten pas/ dmangs

rigs la ni dgongs mi bshad/ /lhag ma min zhing spangs pa yang/
/min la chos min bstan pa dang/ /de la brtul zhugs kyang mi
sbyin/ /zhes bya ba'o/ /de'i phyir lha dang mi rnams kyi tha dad
pa zhes bya ba'i tshigs su bcad pa'i don ni rigs so/ /de ltar chos
kyi longs

spyod pa dang ldan pa'i mir gyur pa rnams la yang/ khyod kyi nyan
thos srid bral zhing/ /ya mtshan 'dzin pa med rnams la'ang/ /lha
rnams thal sbyar sman bgyid cing/ /ya mtshan che ba lta bur mchod/
/ya mtshan 'dzin pa med rnams la'ang/ /ya mtshan che ba lta bur
zhes bya ba ni rgyas

pa'o; /ya mtshan ni ngo mtshar ba ste/ de gang la yod pa de ni ya
mtshan 'dzin pa'o/ /ya mtshan 'dzin pa med pa rnams ni nyan thos
dang sbyar ro/ /ya mtshan che ba lta bur zhes bya ba la/ ya mtshan
che ba lta bu ni ya mtshan che ba lta bu'o/ /lha rnams zhes bya ba
ni 'chad par 'gyur ro/ /mi

rnams su gyur pa yang de lta bu'i rdzu 'phrul chen po dang ldan
par gyur zhes pas lha rnams de ltar ngo mtshar skyes par gyur to/
/thub pa'i dbang po'i gsung rab 'di ni grub pa'i snying po can
skye ba la sogs pa la mi ltos pa zhes bya bas na ngo mtshar skyes
pa de rnams kyi nyan thos pa la mchod do

zhes bya ba ni bsdus pa'i don to/ /smon bgyid cing zhes bya ba ni
lha zhes bya ste/ nyan thos pa rnams las kyang kho bo cag 'di
ltar gyur to zhes bya ba'o/ /sred bral zhing zhes bya ba ni bya
ba byas pa dang/ mos pa dang bral ba'i nyan thos pa rnams la
mchod pa zhes bya ba ni bsnyen pa'o/ /

@162b mchod pa'i bya ba gtso bo yin pa'i phyir dang/ smon bgyid
kyi bya ba gtso bor ma gyur pa'i phyir nyan thos sred bral la
zhes bya ba ste/ gtso bor gyur pa'i bya ba dang sbyor ba'i phyir
na las kyi tshig ste/ lnga pa'i ni ma yin no/ /thal sbyar zhes bya
ba ni thal mo sbyar ba'o/ /dper na rigs ngan par

skyes pa 'phags pa nges par gnas pa de nyid rdo leb kyi steng du
phyag dar khrod kyi gos 'drub pa la tshangs rigs kyi lha mo bdun
brgya tshangs ris nas 'ongs nas gus pas bsnyen bkur byed cing
bltas nas lha mo gzhan kha cig gis tshigs su bcad pa 'di brjod de/
rgya che ba yi lha mo

bdun brgya yis/ /tshangs ris nas ni 'ongs nas gus pa yis/ /cang
shes skyes pa'i mtha' ni gzigs pa ste/ /nges gnas srid mthar son
la phyag 'tshal lo/ /zhes bya ba'o/ /nyan thos zhes bya ba ni
khyod 'ba' zhig la mi zad kyi nyan thos rnams la yang zhes bya ba
ni 'ang gi sgra'i

don to/ /de lta bu'i tshigs su bcad pa gnyis po 'dis 'phags pa'i
lam skyes pa rnams la khyad par gyi gnas las skyes pas mchod pa
ste/ dbye ba bdun pa'i bshad pa'o/ /de ltar rtogs pas ngo mtshar
ba'i yid kyis bstod pa byed pas bshad pa ni/ e ma'o sangs rgyas
'khor

ba yi/ /nying khur gyur pa byung ba brjid/ /de ni mi yang lha
rnams kyis/ /smon par bya ba nyid du gyur/ /e ma'o sangs rgyas
'khor ba yi/ /zhes bya ba ni rgyas pa'o/ /e ma'o zhes bya ba ni
ngo mtshar ba ste brjid ces bya ba dang sbyar ro/ /'khor ba ni nye
bar len pa'i phung po lnga'o/ /

de'i nying khur gyur pa ni snying por bshad de/ mar gyi snying po
bzhin du 'khor ba de'i nying khur ro/ /gang gis she na/ smras pa/
sangs rgyas byung ba ni gzhan gyis bstan mi dgos te/ nyid kyis mi
shes pa'i gnyid bcom pa'i phyir sangs rgyas zhes bshad do/ /sad
pa'i skyes bu bzhin

no/ /de'i byung ba ni skye ba ste/ de'i brjid pa ni 'od kyi khyad
par ro/ /de ji ltar ngo mtshar che zhe na/ bshad pa/ de ni mi yang
zhes bya ba la sogs pa la/ mi ni mi'i skye ba ste skye ba dman pa
yin pas kyang ngo/ /de na zhes bya ba ni gang zhig sangs rgyas su
byung bar gyur pa'o/ /lha rnams ni

@163a @#/ /brgya byin la sogs pa rnams kyis smon par bya ba nyid
du gyur te/ smon par bya ba nyid du gyur pa'o/ /de ltar brgya
byin gyis smon pa ni kye ma'o bdag gnas 'di nas 'phos nas/ mi
rnams kyi skal ba dang ldan par skyes nas skra dang kha spu bregs
nas ji srid srid pa 'di las

gzhan du mi len pa zhes bya ba'i bar ni mdo'i tshig go/ /lam la
'jug pa'i bstod pa'i bshad pa'o/ /lam la 'jug par bstod pa zhes
bya ba'i bshad pa ste le'u bcu pa'o// //dka' ba mdzad pa la bstod
pa ni dka' ba mdzad pa'i rgyu gang yin pa dang/ gang zhig dka' ba

mdzad pa'i bya ba'i rten dang/ ji ltar rang dbang ma yin pa dang/
rnam pa gang gis dka' ba mdzad pa'i bya ba zhes bya ba ste/ dbye
ba bzhi'o/ /de la/ mnyel dang zhi bde nyams gyur dang/ /zhes bya
ba'i tshigs su bcad pa gnyis bshad par bya ste/ mnyel dang zhi bde
nyams gyur dang/ /skye bo

ngan dang 'grogs pa dang/ /mi mthun pa dang mang po dang/ /skyon
yang yon tan bzhin dgongs shing/ /'gro ba'i don slad ma chags
pa'i/ /thugs kyis brtson pa mdzad pa gang/ /sangs rgyas rnams kyi
sangs rgyas kyi/ /chos nyid bcom ldan de rmad do/ /mnyel ba gang
yin pa de ni mnyel

ba ste; sdug bsngal dgongs pa'o/ /'di ltar nga la gzir ba mi bzad
pa byung ba dang/ nad stug pos 'chi ba'i mthar gyur pa dang/
'khor rnam bzhi la chos bstan pas mnyel bar gyur to zhes bstan
to/ /zhi ba'i bde ba ni bsam gtan las byung ba'i bde ba'o/ /de
nyams par

gyur pa ni yongs su btang ba'o/ /skye bo ngan dang 'grogs pa ni
lhas byin dang/ skar bzangs dang/ kun khro dang/ ba ra dwa dza la
sogs pa dang 'grogs pa'o/ /mi mthun pa ni grang ba dang/ rlung
dang/ tsha ba la sogs pa'o/ /mang po ni zhi ba'i bde ba dang bral
ba'i gdul bya'i skye bos

yongs su bskor ba ste/ de lta bu la sogs pa'i skyon rnams phung
po lhag ma med pa'i mya ngan las 'das pa thob pa dang/ dbang nyid
thob pas kyang yon tan bzhin te yon tan bzhin du dgongs pa'o/
/brtson pa mdzad pa ni 'jug pa'o/ /ci rang gi don yin nam zhe na/
ma yin zhes

@163b bshad pa/ 'gro ba'i don slad ni sems can la phan pa'i
rgyu'o/ /gang zhes bya ba ni gang gis zhes bya ba'i don gyi tshigs
phrad de/ brtson pa'i rgyu gang gis brtson par mdzad pa'o/ /de
rmad do zhes bya ba yang dag par rdzogs pa'i sangs rgyas so/ /ci
'jig rten pa bzhin du srid pas

de bzhin du brtson par mdzad pa yin nam zhe na/ bshad pa/ ma
chags pa'i thugs kyis zhes bya ba ni sred pa mi mnga' ba'i thugs
kyis te/ sred pa rtsa ba nas bton pa'i phyir ro/ de rmad do zhes
bya ba ni dmigs par mi 'gyur ba ste/ 'jig rten pa shin tu rmad du
byung ba yin pa'i

phyir kho bo cag 'dra bas bsam par mi nus so zhes bya ba ni
dgongs pa'o/ /bcom ldan zhes bya ba ni mchod pa'i tshig go/ /sangs
rgyas rnams kyi ni de bzhin gshegs pa rnams kyi'o/ /sangs rgyas
zhes bya ba ni bod pa'o/ /chos nyid ni chos kyi rang bzhin te
thugs rje chen po zhes

bya ba ni dgongs pa'o/ /de lta bu'i tshigs su bcad pa gnyis po
'dis mnyel ba la sogs pa bzod spyod pa'i dka' ba mdzad pa'i rgyu
thugs rje chen po bshad nas/ rten gang gis mnyel ba sku nyams su
bstar ba de bshad par bya ste/ bshos kyang phal pa gsol mdzad
cing/ /res

'ga' smyung ba dag kyang mdzad/ /nyam pa'i shul du'ang gshegs
mdzad cing/ /rad rod can du'ang mnal ba mdzad/ /bshos kyang phal
ba gsol mdzad cing/ /zhes bya ba la sogs pa smos pa la/ zas ngan
pa ni bshos phal pa'o/ /gsol mdzad ni khyod kyis bzhes bya bas

'chad par 'gyur ro/ /dper na grong khyer srung byed ces bya bar
bram ze'i rgyal po mes byin zhes bya bas bcom ldan 'das zla ba
gsum mgron du gnyer ba la bram ze'i yul nas mi mngon pa'i gnas su
zhugs pa dang/ de la byang phyogs kyi lam nas tshong pa 'ong ba de
dag las rta chas brnyes nas

bcom ldan 'das kyis gsol lo zhes bya ba ni rtogs pa brjod pa'o/
/res 'ga' smyung ba dag kyang mdzad/ /ces bya ba ni dper nas la
zhes bya ba bram ze'i grong gi skye bo rnams bdud kyis zin pa'i
phyir bsod snyoms gcig kyang rnyed par ma gyur to/ /nyam nga'i
shul du'ang gshegs mdzad

@164a @#/ /cing/ /zhes bya ba ni dper na rgyal po'i khab kyi bram
ze tshong dpon gyis bcom ldan 'das blta ba'i phyir mnyan yod du
phyin par gyur to/ /bcom ldan 'das kyis kyang rgyud yongs su smin
pa dang ldan par ma gzigs nas rgyal po'i khab tu zhabs gshegs so/
/tshong dpon yang

rgyal po'i khab tu song ngo/ /bcom ldan 'das tsam par gshegs pa
nas/ de bzhin du gnas bcas dang/ bA rA Na sI dang yangs pa can
zhes bya ba'i grong khyer chen po drug tu gshegs so/ /de nas
mthong ma thag tu tshong dpon gyis bden pa mthong bar gyur to/
/rad rod can du'ang mnal ba

mdzad; /ces bya ba la mnal ba ni khyod ces 'chad par 'gyur ro/
/rang bzhin gyi don la ka ta'i rkyen can no/ /ba lang gi rjes
btod pas na rad rod can no/ /ba lang gi rmig pas brdzis pa'i 'dam
skams pa dang rad rod can dang 'dra bar gyur te/ rad rod can de
rnams su mnal ba mdzad

do; /ji ltar kau shA mbI'i 'brog pa'i bu mo zhig gi grong khyer
sde bsangs su rang 'dod pa'i lag can dgon pa pa khyor 'dod pas
phas gnyen gyi tshogs kyis yongs su bskor ba dang bcas pa lag can
gyi gan du dgon par btang ngo/ /dgongs ka'i dus su dgon pa'i sgo
bcad pas grong khyer gyi

phyi rol du gnas so/ /lag can gyis grong khyer sngo bsangs mthong
bas bden pa mthong bar bya ba'i skal ba dang mi ldan par mkhyen
nas bcom ldan 'das kyang dgon pa dang nye bar gshegs te rad rod
can gyi sar rtsa'i mal stan la mnal ba mdzad do/ /ba lang rdzi
ngag gis kyang lag can

dgon pa pa la 'di skad smras te/ gang zhig rab tu byung bas khyod
srin po las grol bar mdzad pa de nyid rad rod can du mnal bar
mdzad do zhes lag can gyis thos nas grong khyer sngo bsangs ma
bltas par byas pa gzo ba nyid kyis de bzhin gshegs pa'i thad du
phyin nas phyag 'tshal te

zhus pa/ yul 'khor gyi nang du rlung g.yos pa la rad rod can du
rtswa'i gdan la bcom ldan 'das mnal ba mdzad dam zhes zhus so/
/bcom ldan 'das kyis bka' stsal pa/ lag can gzhan 'jig rten pa
kha cig bde ba'i slad du nyal bar byed de/ nga ni de rnams las
gzhan pa ste/

@164b 'dod chags dang zhe sdang dang gti mug gi gdung ba mi mnga'
ba'i phyir ro/ /'dod chags la sogs pa'i yongs su gdung ba dang
ldan pas 'jam pa'i stan la nyal na yang sdug bsngal gyis gnyid
log par byed do zhes bya ba'o/ /de ltar de la chos bstan pas
khyim bdag lag can gyis ji

lta ba bzhin du bden pa mthong bar gyur to zhes bya ba'o/ /mgon
khyod gtso bor gyur lags kyang/ /gdul bya rnams la byams slad du/
/sku ngas rdo dang gcam tshul dang/ /skad dang cha lugs
bsgyur ba'ang mdzad/ /sku ngas rdo dang gcam tshul dang/ /zhes
bya ba la/ sku ngas ni bsnyen

bkur ma yin pa'o/ /ji ltar dgon pa pa'i khyim du bcom ldan 'das
bzhugs pa dang/ dgon pa phyi rol du byung bar gyur ba de yang
'ongs nas dge sbyong song shig ces smras pa dang/ bcom ldan 'das
gshegs te/ gzhan gyis yongs su bzung ba'i phyir ro/ /dge slong

zhugs shig ces smras pa dang/ bcom ldan 'das zhugs te/ dregs pa
dang nga rgyal mi mnga' ba zhes bya ba'i phyir ro/ /de ltar sems
can rnams dang sku la brten nas mnyel ba bshad do/ /skad dang cha
lugs bsgyur ba'ang mdzad/ /ces bya ba ni sangs rgyas kyi cha lugs
spangs

nas cha lugs gzhan pa ni dper na legs par 'dod pa'i don du rgyud
mangs brdung ba'i cha lugs dang/ rdza mkhan rgan po la sogs pa'i
cha lugs kyang ji lta ba bzhin zhes bya ba'o/ /'phags pa'i gsung
spangs nas kla klo'i skad shes pa'i 'jig rten skyong ba rnams la
chos bstan par

mdzad pa'i phyir dab phi dab phi zhes bya ba'i skad gzhan no/
/gsung la brten nas mnyel ba ni gsung rten mnyel ba'o/ /de ltar
phan 'dogs mdzad pa'i phyir mgon khyod ces bya ba ni bod pa'o/
/gdul bya kho na ni gdul bya'o/ /de rnams la byams pa ni thugs
rje chen po yis te/ de'i slad du

ni gdul bya rnams la byams pa'o/ /de ltar 'dir dka' ba mdzad pa'i
bya ba'i rgyu bshad do/ /gtso bor gyur lags kyang zhes pa ni zhi
ba dang phung po'i lhag ma med pa'i mya ngan las 'das pa'i grong
khyer la 'jug pa'i gtso bor gyur pas kyang ngo/ /bshos kyang phal
pa gsol mdzad cing/ /

@165a @#/ /zhes bya ba la sogs pa'i dka' ba mdzad pa 'ba' zhig tu
ma zad kyi/ 'on kyang/ kun gyis dga' mgur rang don phyir/ /bran
bzhin bskor bar bsgrims pa la/ /mgon khyod rtag tu bdag nyid la/
/mnga' mchis pa yang ma lags so/ /zhes smos pa la/ mnga' mchis pa

ni rang dbang nyid do/ /mgon khyod ces bya ba'i don ni bshad zin
to/ /rtag tu zhes bya ba ni rtag par te mchis pa yang ma lags
zhes bya ba dang sbyar ro/ /bdag nyid ni nyid kyi sku la ji ltar
bshad par bya zhe na/ smras pa/ bran bzhin zhes bya ba smos pa
la/ tshig gi mchod 'os zhes bya ba

ni bran te gzhan dbang du bshad do/ /bzhin ni dpe'o/ /kun gyis
zhes bya ba ni srog chags rnams kyis so/ /'ang ni gang gi phyir
gyi don to/ /dga' mgur zhes bya ba ni ji ltar 'dod pa'o/ /rang
don ni rang gi don gyi phyir ro/ /bskor ba ni bskor ba ste/
skyabs mdzad pa'i phyir ro/ /

bshad pa ni 'di yin te/ ji ltar gang zhig bran gang yin pa des
rang gi don gyi phyir ji ltar 'dod pas bskor ba de bzhin du khyod
kyang kun gyis ji ltar 'dod pas rang gi don gyi phyir bskor ba'o/
/de'i phyir/ mgon khyod rtag tu bdag nyid la/ /mnga' mchis pa
yang ma lags so/ /kun

gyis dga' mgur rang don phyir/ /zhes bya ba ni ji ltar shes par
bya zhe na/ smras pa/ khyod la gang dang gang du yang/ /ji skad
bskul yang mi spong ste/ /nyid kyi sgrub pa bzang po la/ /'da'
bar gyur pa ma mchis so/ /khyod la gang dang gang du yang/ /zhes
bya ba ni rgyas pa'o/ /ji skad

ces bya ba ni bram ze'am sme sha can nam dbul po'am phyug po'am
bde ba'am sdug bsngal dang ldan pas so/ /gang dang gang du zhes
bya ba ni bdun pa'i rgyu mtshan te/ ngan song las gdon par bya
ba'i phyir dang/ bde 'gro la dgod par bya ba'i phyir ro/ /ji skad
ces bya ba ni zhes dang bral

bas so/ /bskul ba zhes bya ba ni zhus pas so/ /nyid kyi sgrub pa
zhes bya ba ni nyid kyi sgrub pa'o/ /gang gi dge ba'i bya ba gang
yin pa de bzhin du 'jug pa ste/ gzhan gyi gzir ba bsal bar bya
ba'i phyir ro/ /dper na dmyal bar 'gro ba'i dogs pa dang ldan pas
sngon bde 'byung las phyis

@165b lha'i bu las gsungs pa/ /thugs rje ldan pas rgyal dag la/
/sems ni legs par dad par gyis/ /de ltar gzhan la yang ci rigs
par sbyar ro/ /gnas pa la gcig pa'i phyir sgrub pa bzang po ste/
de las 'da' bar gyur pa ma mchis pa ni 'da' bar ma gyur pa zhes
bya'o/ /de lta

bu 'dis ni rang dbang du ma gyur pa bshad do/ /da ni rnam pa gang
gis dka' ba mdzad pa de bshad par bya ste/ ji ltar khyed ni gnod
bgyid la/ /phan pa lhur mdzad de lta bur/ /skye bo dag ni phan
bgyid la'ang/ /phan pa de ltar lhur mi bgyid/ /phan pa lhur mdzad
ces bya ba ni bshad zin to/ /

gnod bgyid la zhes bya ba ni zas gtsang la sogs pa 'ba' zhig la
phan par mdzad par ma zad kyi gnod par bgyid pa la gzhol ba lhas
byin la sogs pa la yang ngo/ /khyod ni bcom ldan 'das so/ /ji
ltar khyod phan pa lhur mdzad pa de bzhin du phan par byed pa'i
skye bo la skye bo ma yin

no; /ji ltar lhas byin zhes bya ba ni bcom ldan 'das kyi mched
zla ste/ skye bo gzhan du gnod par bgyid pa'i smon lam btab pa
dang/ rtag tu phan pa ma yin pa stsol ba'o/ /bcom ldan 'das ni
rtag tu phan par mdzad pa dang/ /phan pa zhes bya ba ni gtsug lag
go/ /gzhan yang/ khyod

ni gnod bgyid dgra bo la/ /phan pa mdzad pa'i bshes lags te/ rtag
tu skyon dag tshol ba la/ /yon tan 'ba' zhig tshol ba lags/ /khyod
ni gnod bgyid dgra bo la/ /zhes bya ba la sogs pa snos pa la/
gnod pa ni gnod pa bgyid pa'o/ /gnod pa bgyid pa'i dgra bo ni
rdzogs byed

la sogs pa'i mu stegs pa'i tshogs de dag go/ /khyod phan pa mdzad
pa ni dge ba mdzad pa ste/ de nyid bshes so/ /rtag tu skyon dag
tshol bar byed pa gang yin pa de ni rtag tu skyon dag tshol ba'o/
/rtag tu skyon dag tshol ba ni mi mchog la sogs pa yin la/ yon tan
'ba' zhig tshol ba

ni dge ba tshol ba dang ldan pa'o/ /de lta bu'i tshigs su bcad pa
'dis gnod pa bgyid pa la phan pa lhur mdzad pa dang/ phan pa lhur
mi bgyid pa tshol ba la phan pa lhur mdzad pa tshol ba dang/ skyon
tshol ba dag la yon tan 'ba' zhig tshol ba zhes bya ba'i rnam pa de
dag rnams kyis dka' ba

@166a @#/ /mdzad pa zhes bya ba bshad do/ /gzhan yang/ khyod ni
gang na dug bcas shing/ /zhugs dang bcas par spyan drangs pa/
/der ni brtser bcas gshegs pa dang/ /khyod la bdud rtsi can du
gyur/ /khyod ni gang na dug bcas shing/ /zhes bya ba ni rgyas
pa'o/ /gcer

bu ba phal la dad pa khyim bdag dpal sbas kyis dug dang bcas pa'i
bshos mdun du bzhag nas khyim gyi nang du me'i 'obs kyi steng du
rtswa gcal du bkram pa'i steng du song na bcom ldan 'das mer
lhung zhing dug dang bcas pa'i zas kyis 'chi bar 'gyur ro zhes
bya ba'i bsam pas spyan

drangs so/ /bcom ldan 'das kyang de la thugs brtse bas dge slong
gi dge 'dun gyi tshogs kyis bskor ba de'i khyim du gshegs nas
zhabs bkod pa de ma thag tu me'i 'obs de las pad+ma skyes par
gyur pa dang/ bshos kyang dug dang bral nas bcom ldan 'das dang
'phags pa'i

dge 'dun gyi tshogs kyis bzhes so zhes bya ba'o/ /dpal sbas chung
ma dang bcas pa dad par gyur nas chos bstan pas bden pa mthong
bar gyur to zhes bya ba ni rtogs pa brjod pa'i sde'o/ /de nyid la
brten nas bshad pa/ gang na spyan drangs pa zhes bya ba la sogs
pa smos pa la/

gang na zhes bya ba ni dpal sbas gnas so/ /spyan drangs pa ni
gdugs tshod kyi phyir zhus par gyur pa'o/ /dug dang bcas pa ni dug
dang bcas pa ste spyan drangs pa'o/ /de bzhin du zhugs dang bcas
pa'o/ /der ni de'i rgyu mtshan te dpal sbas kyi slad du zhes bya
ba'i don to/ /

gshegs pa zhes bya ba ni yon bdag gi mngon du yang dag par gshegs
pa'o/ /ji ltar zhe na bshad pa/ brtser bcas ni thugs rje dang
bcas pa'o/ /bdud rtsi can ni bdud rtsi can du gyur ba'o/ /bdud
rtsi ni 'dir mya ngan las 'das pa thob pa'i lam ste/ mi 'chi ba'i
rgyu yin pa'i phyir ro/ /

de la me'i gnyen por brtse ba dang bcas pa'i chu mngon du gyur
pas gshegs pa dang/ dug gi gnyen por bdud rtsi dang ldan pa yang
dag pa'i lam gyis gshegs par gyur to zhes bya ba dang sbyar te/
gshegs pa zhes bya ba ni nye bar sbyor ba gnyis dang sbyar ba'i
phyir ro/ /de lta bu'i tshigs su bcad

@166b pa 'dis 'gal ba rnams la yang rtag tu phan pa bskyed pas
dka' ba mdzad pa bshad do/ /gzhan yang/ bzod pas mi snyan brjod
pa dang/ /'khu ba dag ni bde legs kyis/ /mi snyan smra la bden
pas te/ /khyod kyis sdang ba byams pas btul/ /bzod pas mi snyan
brjod pa dang/ /zhes

bya ba smos pa la/ mi snyan pa brjod pa ni tshig rtsub po dang
ldan pa ste bzod pas btul ba'o/ /ji ltar mi snyan pa brjod pa'i
bram ze b+ha ra dwa dzas bcom ldan 'das mnyan yod du bsod snyoms
la gshegs pa la mang du mi snyan pa brjod nas dbul rdul gyis gtor
ba la bcom ldan 'das lam phyin par

bram ze de nyid kyi mgo la babs par gyur to/ /de nas bcom ldan
'das kyis tshigs su bcad pa gsungs pa/ dag pa dang ni skyon rnams
med pa dang/ /sngar med mi la nyes gang byed pa ni/ /phyis de
nyid la sdig pa ldog par 'gyur/ /ji ltar phra mo'i rdul gtor mgo
la bzhin/ /zhes bya

ba'o/ /'khu ba dag ni gnod pa byed pa'i bsam pa can la bde legs
kyis btul lo/ /dang gi sgras ni bzod pas kyang ngo/ /'khu ba dag
ces bya ba ni kha cig tshig mang por zer ba'o/ /legs pa'i sgras
don dam pa'i dge ba dang mya ngan las 'das pa 'thad do zhes bshad
do/ /de nyid kyis na

'phags pa'i lam mo/ /de nas bde legs kyis ni dpal sbas la sogs pa
bden pa mthong bas btul ba dang bzod pas kyang ngo/ /'o na sdang
ba byams pas btul/ /zhes 'chad par 'gyur na/ sdang ba gang yin pa
de nyid 'khu ba ste sdang ba'i don can zhes bya ba khams gdon par
brjod

pa'i phyir zlos pa'i skyon du 'gyur ro zhe na/ ma yin te/ dka' ba
mdzad pa'i bya ba'i rnam pa mdzad pa'i phyir gnas gcig tu bde
legs dang bzod pa la sogs pas sdang ba btul lo zhes bstan pa
dang/ gnas gzhan du byams pa la sogs pa dka' ba mdzad pa'i gnas
skabs su 'di ni

smra ba mi rigs so/ /kha cig na re/ khro ba dag ni bde legs kyis/
/zhes brjod pas na de dag gis zlos pa'i skyon shin tu bsal to/
/khro ba ni sor phreng can la sogs pa'o/ /mi snyan smra la bden
pas te/ /zhes bya ba la/ mi snyan pa smra ba gang yin zhe na/
mdzes ma rab tu byung ba la brten nas

@167a @#/ /mu stegs pa mi snyan pa smra ba'o/ /de rnams khyod kyis
bden pas btul ba dang/ dang gi sgras ni bzod pas kyang ngo/
/byams pas ni phan pa'i thugs kyis so/ /sdang ba ni gsod pa la
brtson pa ste/ bdud kyi bran dar mngag gzhug pa'o/ /de rnams kyi
mda' dang mdung

thung bcom ldan 'das la 'phangs pa la byams pa la sbyor ba'i
phyir me tog gi char du gyur to zhes bya ba ni lung ngo/ /de lta
bas na 'dir byams pa dang bde legs dang bzed pa'i rnam pa de
rnams kyis dka' ba mdzad pa bshad do/ /gzhan yang/ thog ma med
dus goms pa yi/ /mi yi

rang bzhin mang po yab/ /khyod kyis ngan song rnams bzlog nas/
/skad cig nyid la yongs su bsgyur/ /thog ma med dus goms pa yi/
/zhes bya ba la sogs pa smos pa la/ thog ma med dus goms pa ni
zhugs pa nyid de/ thog ma med dus goms pa'o/ /mang po ni rnam pa

mang po can no/ /rang bzhin ni sems can rnams kyi 'dod chags dang
zhe sdang dang gti mug gi bdag nyid can no/ /khyod kyis ngan song
rnams bzlog nas/ /zhes bya ba la/ ngan song ni ngan 'gro ste/
rnam par bzlog pa ni gang gis bzlog pa de ngan song rnams bzlog
pa'o/ /skad

cig nyid ces bya ba ni dus nyung dus so/ /yongs su bsgyur ba ni
gzhan du bsgyur ba'o/ /'dod chags kyi spyod pa dang ldan par gyur
ba gang yin pa de ni dbang po thul bar gyur pa ste/ dper na
'phags pa dga' bo'i dbang po thul ba bzhin no/ /zhe sdang gi
spyod pa dang ldan par gyur

pa gang yin pa de ni byams pa la gnas par gyur pa ste/ dper na
sor phreng bzhin no/ /de ltar 'dir yun ring por 'jug pa'i nyon
mongs pa rnams dus nyung bas bzlog pas dka' ba mdzad pa bshad pa
ste/ dka' ba mdzad pa la bstod pa'i bshad pa'o/ /dka' ba mdzad pa
la

bstod pa'i bshad pa zhes bya ba ste le'u bcu gcig pa'o// //mkhas
pa la bstod pa bshad par bya ste/ de la mkhas pa ni shes rab can
dang gzhol ba zhes bya ba'i don to/ /de la skye ba bzhin du skye
ba la mkhas pa dang/ tshim pa skyed pa la mkhas pa dang/ don dang
bcas

@167b pa'i gsung la mkhas pa dang/ rim par ston pa la mkhas pa
dang 'don pa'i thabs mkhas pa ste rgyu dang bcas pa zhes bya bas
na de bye ba lnga'o/ /gang gi phyir/ rtsub pa dang 'jam bgyis pa
dang/ 'jungs pa rnams ni gtong phod dang/ /gtum po nges par bgyis
pa gang/ /de ni khyod

kyi thabs mkhas lags/ /ngang 'jam bgyis pa zhes bya ba la 'jam
pa'i rang bzhin ni 'jam pa ste bud pa'o/ /bgyis pa zhes bya ba ni
thob pa'o/ /rtsub pa zhes bya ba ni khro ba can no/ /ji ltar
khyim bdag drag po gtum por gyur pa bcom ldan 'das kyis btul bas
dang 'jam par gyur pa

dang/ de bzhin du rgyal po ma skyes dgra la sogs pa rnams so/
/'jungs pa rnams ni ser sna can no/ /dang gi sgros pa'i sa pa
zhes bya ba ste bsdus pa'i don to/ /gtong phod ces bya ba ni
sbyin par byed pa nyid do/ /dper na khyim bdag dpa' bo zhes bya
ba ser sna dang ldan pas slong mo

yang mi ster ba de la bcom ldan 'das kyis sbyin pa'i chos bstan
pa las brtsams te/ khyim bdag sbyin pa chen po lnga po 'dis zhes
bya'o/ /sbyin pa gcig kyang nga la dka' na chen po lnga lta smos
kyang ci dgos zhes dpa' bos bsams so/ /bcom ldan 'das kyis bka'
stsal ba/ /srog gcod

pa las ldog pa sbyin pa chen po dang ma byin par len pa dang/ ji
srid 'bru'i chang dang/ bcos pa'i chang myos pa'i khu ba bag med
pa'i gnas las ldog pa ni sbyin pa chen po zhes bya ba'o/ /dpa'
bos yang dag par bsams te sbyin pa 'di ni sbyin pa yin te/ bang
mdzod mi zad pa'i phyir ro zhes bya

bas na bkur sti byas nas thos pa brtsams te mngon par dad par
gyur pas bcom ldan 'das lan bza' zung cig dbul bar bsams nas
khyim du zhugs te gos kyi sgrom bya nas na bza' zung cig dbul lam
'di dbul lam gzhan dbul zhes sems pa de'i sems bcom ldan 'das
kyis

mkhyen nas tshigs su bcad de gsungs pa/ sbyin pa dang ni rtsod pas
mnyam par bshad/ /yon tan de dag skye ngan la mi gnas/ /g.yul
'gyed dus nyid sbyin pa'i dus yin te/ /rgyu bsdus pas ni 'dra ba
nyid du 'gyur/ /zhes bya ba'i gsung thos nas dad pa mang du skyes
par gyur pas mang

@168a @#/ /po ri ba'i na bza' zung bcom ldan 'das la phul nas chos
nyan pas bden pa mthong ba dang/ rab tu byung bas dgra bcom par
gyur to/ /gtum po zhes bya ba ni g.yo sgyu dang ldan pa'o/ /des
pa ni rgyud 'jam par bgyis pa'o/ /de ni zhes bya ba ni bgyis pa
zhes bya ba

dang sbyar ro/ /thabs mkhas pa ni sbyor ba la mkhas pa zhes bya
ba'i don to/ /gzhan yang/ dga' bo dbang po nyer zhi dang/ /nga
rgyal khengs pa 'dud pa dang/ /sor mo'i phreng ba'ang zhi bgyis
na/ /su zhig ngo mtshar skyed mi bgyid/ /dbang po nyer zhi zhes
bya ba smos pa la/ dbang

po ni mig la sogs pa rnams te/ nyer zhi ni 'dod chags la sogs
pa'i yul la mi 'jug pa'o/ /de la dga' bo ni bcom ldan 'das kyi
mched zla ste/ 'dod chags kyi shas che ba bcom ldan 'das kyis
btul bas dbang po dul ba'i nang na mchog tu gyur to/ /su zhig ngo
mtshar skyed

mi bgyid/ /ces bya ba dang thams cad la sbyar ro/ /nga rgyal
khengs pa ni shin tu nga rgyal dang ldan pa'i skye bo pa dang ma
dag la yang phyag 'tshal bar mi byed pa bcom ldan 'das kyis rab tu
phyung nas dgra bcom pa la bkod do/ /'dud pa ni dam pa dang rigs
kyis rgan pa dang/ rab tu byung ba

rgan po rnams la yang dag par 'dud par gyur to/ /sor mo'i phreng
ba gang la yod pa de ni sor mo'i phreng ba'o/ /de nyid rkun po
mi'i sor mo'i phreng ba 'dzin pas srog chags stong phrag gsod par
byed pa bcom ldan 'das kyis btul lo/ /sor mo'i phreng ba zhi ba
de la su zhig ngo mtshar

skyed par mi byed de/ sangs rgyas kyi bstan pa la dad pa dang
ldan pa dang/ dad pa dang mi ldan pa thams cad kyang ngo mtshar
skyed par mdzad do zhes bya ba ni dgongs pa'o/ /de ltar rtsub pa
la sogs pa'i rigs can dang 'jam pa la sogs pa'i rigs can du gyur
pa zhes bya ba'i tshigs su bcad pa

gnyis kyis bcom ldan 'das skye ba la mkhas pa bshad do/ /gzhan
yang/ khyod kyi chos kyi ros tshim pas/ /gser las bgyis pa'i mal
spangs nas/ /ran mang bting ba'i gnas mal du/ /brtan rnams bsad
nyams nyal bar bgyid/ /ran mang bting ba'i gnas mal du/ /zhes bya
ba

@168b ni rgyas pa'o/ /mang ba ni lus can gyis te/ ran mang bting
ba'i gnas mal zhes bya ba dang sbyar ro/ /gser las bgyis pa zhes
bya ba la/ gser ni gser du bshad do/ /de las bgyis pa'i mal ni
gser las bgyis pa'i mal ste/ gser gyis rnam par spras pa zhes bya
ba'i tha tshig go/ /

nyel bar bgyid ces bya ba ni nyal ba'o/ /bsod nyams ni 'dod chags
la sogs pa'i yongs su gdung ba med pa'i phyir ro/ /brtan pa rnams
zhes bya ba ni shes rab dang ldan pa ste/ 'phags pa'i lam bskyed
pa'i phyir ro/ /de ltar bzang ldan dang/ 'od srungs dang/ dga' bo
dang/ kun

dga' bo dang/ bre bo zas la sogs pa rnams kyis nga rgyal spangs
nas bcom ldan 'das kyi bstan pa la rab tu byung bas dgra bcom par
gyur to/ /ji ltar de rnams rtswa mang po bting ba'i gnas mal la
bsod nyams kyis nyal bar bgyid ce na/ gang gi phyir chos kyi ros
tshim pas zhes bya ba ni mya

ngan las 'das pa dang/ don dam pa thob pa'i 'phags pa'i lam
'phags pa rnams la tshim pa skyed par byed pa'i phyir chos kyi don
gyi ro ni chos kyi ro'o/ /de yis tshim par gyur pa ste/ tshim pa'i
don zhes bya ba la byed pa tshig drug pa'o/ /khyod ces bya ba ni
khyod kyi'o/ /bzang ldan la sogs pa

mang po chos kyi ros tshim pas bsod nyams kyis nyal bar byed de/
zhi ba thob pa'i sems kyis ni/ /nya bar zhi bas bde bar nyal/
/zhes tshigs su bcad pa gsungs so/ /de bzhin du 'dir tshim pa
bskyed pa la mkhas par bshad do/ /gzhan yang/ khyod kyis dus dang
bsam mkhyen pas/ /res

'ga' zhus na'ang mi gsung la/ /spros gyur gzhan la bstan pa dang/
/drung du gshegs nas bshad pa'ang mdzad/ /res 'ga' zhus na mi
gsung la/ /zhes bya ba ni gzhon nu'i bu dang rigs mthun pa rab tu
byung ba ci gau ta ma bdag yod dam zhes bcom ldan 'das la zhus
shing bcom

ldan 'das la zhus kyang ma gsungs so/ /rgyu ci'i phyir zhe na/
dus dang bsam pa mkhyen pas zhes bya bas 'chad par 'gyur ro/ /de
la dus ni gzhon nu'i bsam pa yongs su smin par ma dgongs pas bdag
med pa bshad pa'i skal ba dang ldan pa 'di ni ma yin no zhes

@169a @#/ /dgongs pas ma gsungs so/ /drung du gshegs nas zhes bya
ba ni ma zhus par yang bshad pa mdzad pa ni chos ston pa'o/ /ji
ltar ngan spong gi bu'i rdza mkhan gyi khyim du bzhugs pa nas
drung du gshegs te/ dge slong pad+ma'i rjes su 'brang ba la thog
mar dge ba zhes bya ba

la sogs pa'i chos bstan to/ /de'i tshe pad+ma'i rjes su 'brang
ba'i bsam pa yongs su mkhyen pa des so/ /spros gyur zhes bya ba
ni gdung ba bskyed nas so/ /gzhan pa ni gzhan 'dul ba'i phyir ro/
/ji ltar 'od srungs kyis zhus pas gsungs pa ni 'on kyang khyod
kyi dri ba bsal ba'i

dus ni ma yin no zhes bya ba'o/ /de nas de'i stobs kyis zhus
shing mang du zhus pa'i tshe bcom ldan 'das kyis 'od srungs de la
spro ba bskyed nas dus gzhan gyi tshe bsam pa yongs su smin par
thugs kyis mkhyen nas dris pa de la lan klan par mdzad do/ /thos
nas dus gzhan gyi tshe bden

pa mthong bar gyur to zhes bya ba ni mdo'i don to/ /dus dang bsam
pa mkhyen pas zhes bya ba la/ dus dang bsam pa ni yongs su smin
pa ste/ de mkhyen pas na dus dang bsam pa mkhyen pa'o/ /de na dus
dang bsam pa mkhyen pa khyod kyis so/ /de lta bas na 'dir don
dang ldan pa la ston mkhas

pa zhes bshad do/ /gzhan yang/ dri med gos la tshon bzhin du/
/thog mar sbyin sogs gtam dag gis/ /sems la spro ba bskyed nas
ni/ /phyi nas chos ni bstan pa mdzad/ /thog mar sbyin sogs gtam
dag gis/ /zhes bya ba'i tshigs su bcad pa la/ thog mar zhes bya ba
ni dang

por ro/ /sbyin sogs gtam dag gis zhes bya ba la/ sogs kyi sgras
ni tshul khrims kyi gtam la sogs pa shes par bya'o/ /sems la spro
ba ni sems las su rung ba nyid de/ 'phags pa'i bden pa'i gtam
gyis don yongs su shes pa'i nus pa dang ldan pa zhes bya ba'i tha
tshig go/ /

dus ni dus phyi ma'o/ /chos ni 'phags pa'i lam zhes dgongs pa'o/
/dri ma med pa gang la yod pa de ni dri med gos te de la'o/ /chos
gang yin pa de ni tshon no/ /bzhin du ni dper ro/ /ji ltar tshon
gyi las la mkhas pas thal ba la sogs pas dri ma dag par gyur pa'i
gos la tshon gyis

@169b btsos pa de bzhin du/ khyod kyis sbyin pa'i gtam la sogs
pas sems la spros pa bskyed cing go rims kyi gtam la mkhas pas
chos bstan pa mdzad do zhes bya ba ni ma lus pa'i don to/ /de
bzhin du mdo las/ gang de sangs rgyas bcom ldan 'das kyis thog
ma'i dus su chos kyi

gtam mdzad de/ dper na sbyin pa'i gtam dang/ tshul khrims kyi gtam
dang/ mtho ris kyi gtam gyi bar du'o/ /dper na gos dag pa dri ma
med pa la tshon gyis btsos na yang dag par tshon len par gyur pa de
bzhin du/ gnas 'jog dang ris mthun pa'i bram ze mo stan de la
gnas nas

'phags pa'i bden pa bzhi dngos su byas so zhes bya ba ste/ dper
na sdug bsngal ba dang/ kun 'byung dang/ 'gog pa dang/ lam zhes
bya ba'o/ /de lta bas na 'dir rim pas ston pa la mkhas par bshad
do/ /gang gi phyir de ltar mdzad pa de'i phyir/ 'khor ba mi bzad
gting nas

ni/ /'gro ba nyon mongs drang slad du/ /khyod kyis gang gis ma
btsal ba'i/ /thabs dang spyod pa de ma mchis/ /zhes bya ba ni
rgyas pa'o/ /thabs ni sbyor ba ste/ skal ba dang mi ldan pa drang
ba'i phyir thabs mdzad pa'i spyod pa mi nus sam zhe na/ smras pa/
spyod pa zhes bya ba ste/ dang gi

sgra ni dang gi sgra'i don to/ /thabs gang gis mi spyod ces bya
ba de ni mi mnga'o/ /gang gis sems mi brtsal ba ni khyod kyis
rtsol ba ma mdzad pa'o/ /de'i don ni 'di yin te/ khyod kyis thabs
dang spyod pa rnams brtsal bar mdzad do zhes bya ba'o/ /ci'i
phyir zhe na/ 'khor ba mi bzad

gting nas ni/ /zhes bya ba la sogs pa ni rga ba dang/ na ba dang/
'chi ba la brten pa'i phyir na 'khor ba mi bzad pa'o/ /thog ma
med pa'i dus can yin pa'i phyir zab pas na gting ring ba'o/ /de
las drang ba'i slad du ni mya ngan las 'das par 'dren pa'i phyir
ro/ /'gro ba ni 'jig rten

pa thams cad do/ /gal te phung po lnga'i rang bzhin gyi 'khor ba
las 'gro ba ldog pa ma yin mod kyi 'on kyang 'chad pa pos dbye ba
'chad par 'dod pas 'khor ba las 'gro ba drang ba'i slad du zhes
bya bas bshad pa grub ste/ ji ltar nags 'di na seng ldeng dang/
shing pA la sha yod de zhes bya

@170a @#/ /ba'o/ /thams cad kyi rtsol ba mdzad ces pa ji ltar shes
she na/ smras pa gang gi phyir/ sku yi cha lugs rnam mang dang/
gsung gis so so'i skad bzhin du/ /'dul ba'i bsam pa tha dad pa/
/de dang der ni khyod kyis mdzad/ /sku'i cha lugs rnam mang zhes
smos

pa la rnam mang zhes bya ba ni rab tu mang po'o/ /sku'i cha lugs
rnams ni dbye ba du ma'o/ /gsung ni gsung gis so/ /mdzad ces bya
ba ni 'chad par 'gyur ba ste gsungs pa zhes bya ba'i don to/ /cha
lugs rnams ni gzhan pa'i cha lugs de mdzad pa zhes bya ba dang
sbyar zhing mdzad pa

zhes bya ba'i don to/ /'dul ba'i bsam pa ni dgongs pa'o/ /de tha
dad pa ni 'dod chags dang zhe sdang la sogs pa'o/ /der ni 'dul
ba'i bsam pa tha dad pa'i rgyu yis so/ /de la mnyan yod kyi grong
khyer du re zhig khyod kyi gsung rnam pa mang ba ste dper na dab
phe dab phe zhes bya ba

'jig rten skyong ba'i bsam pa tha dad pa dang/ de las gzhan pa
rnams la 'phags pa'i gsung gis so/ /cha lugs rnams kyang mang du
mdzad pa ste/ ji ltar dri ba shin tu snyan pa'i nga rgyal bsam pa
can du mkhyen pas rol mo mkhan gyi cha lugs dang/ ji ltar gzhan
pa rdza mkhan

kha cig gis rdza sa'i rdza ma 'khor lo las phab ma thag tu skams
par gyur pa de'i phyir nga dang 'dra ba rdza mkhan gyi bzo'i slob
dpon med do zhes nga rgyal skyes pa de'i bsam pa bcom ldan 'das
kyis mkhyen pas rdza mkhan gyi cha lugs su sprul nas 'khor lo kho
na las so btang ba

dbang ba mdzad do/ /slar yang sangs rgyas kyi cha lugs su mdzad
nas nga rgyal dang bral ba de 'dul bar mdzad do zhes bya ba'o/
/tha mal pa'i skad dang cha lugs gzhan pa de rnams kha cig smod
pa ma yin nam zhe na/ smras pa/ de dag kun kyang dag pa dang/ mi
'gal ba

dang mchod 'os dang/ brjid dang lha mi rnams la ni/ /sman 'dogs
bkur ba sha stag lags/ /dag pa mi 'gal ba zhes bya ba la sogs pa
ni mi dge ba'i rtsa ba skyed par byed pa mi mnga' ba'i phyir na
dag pa'o/ /gzhan la phan pa la sbyor ba'i phyir mi 'gal ba'o/
/gzhan

@170b la sman 'dogs pa'i phyir mchod 'os te/ rab tu bsngags par
'os pa zhes bya ba'i don to/ /ma rig pa'i rab rib gdon pa la
g.yer ba'i phyir na brjid pa dang ldan pa'o/ /kun zhes bya ba ni
sku'i cha lugs rnam pa mang ba dang/ gsung gi cha lugs rnam pa
mang ba'o/ /lha dang mi

rnams la sman 'dogs pa ni phan par mdzad pa ste bden pa mthong
bar mdzad pa'i phyir ro/ sha stag ni lha dang mi rnams kyis phyag
bya bar 'os pa'o/ /da ltar byung ba'i dus zhes bya ba ni byed
tshig drug pa dang sbyar ro/ /dag pa la sogs pa'i yon tan dang
ldan pa ji ltar shes par 'gyur

zhe na/ smras pa/ smra dang bgyid pa phal cher ni/ /legs par rngo
thogs ma lags kyi/ /bden par gsung ba khyod la ni/ /de gnyis
gzhan du gda' ba lags/ /smra dang bgyid pa zhes bya ba ni rgyas
pa'o/ /dang gi sgra ni gang gi phyir gyi don to/ /gang gi phyir
phal che ba dang legs pa ni legs

pa ste/ rngo mi thogs pa dang/ phal che ba dang/ legs par smra ba
yang rngo mi thogs pa'o/ /gzan yang 'jig rten pa kha cig legs par
byed pa'am legs par smra ba ste/ khyod la gzhan du zhes bya ba ni
cha lugs rnam pa mang po dang/ gsung rnam pa mang po la sogs pas
sngar

bshad pa'i sbyor ba la sogs pa rnams kyis logs par gda' ba lags
so/ /phyin ci log pa'i gsang mi mnga' ba'i phyir bden pa gsung ba
zhes bod pa'o/ /gda' ba zhes bya ba ni gda' ba'o/ /de gnyis zhes
bya ba ni sngar bshad pa'o/ /phal che ba dang legs pa ni bgyid pa

dang gsung ba'o/ /de'i phyir sku'i cha lugs rnam mang zhes bya ba
ni sngar legs par bshad do/ /de lta bu'i tshigs su bcad pa de
rnams kyis dag pa'i sku dang gsung gi sgrub pas rgyu dang bcas
pa'i drang ba'i thabs la mkhas pa nyid bshad do/ /de ni bya ba
med na yang sems can drang ba la

mkhas pa bshad par bya ste/ bdag nyid dag pa 'ba' zhig gis/
/khyod kyis 'gro ba'i dpal zhing mdzad/ /'di ltar rnam pa 'di
'dra zhing/ /'jig rten gsum na mchis ma lags/ /thog med srid pa
nyam nga bar/ /snga nas gcig tu nyams pa yi/ /sems can kun la

@171a @#/ /sman slad du/ /khyod ni de ltar brtson pa lags/ /bdag
nyid dag pa 'ba' zhig gis/ /zhes bya ba'i tshigs su bcad pa gnyis
te/ bya ba mi mnga' ba'i phyir bdag nyid 'ba' zhig ni thugs kyi
dag pa ste/ nyon mongs pa bag chags dang bcas pa'i dri ma ma lus

pa spangs pas na bdag nyid dag pa 'ba' zhig nges so/ /nyid ces
bya ba ni nges par 'dzin pa la'o/ /dpal zhing mdzad ces bya ba ni
dag byed du mdzad pa ste/ mtho ris kyi lam la 'god par mdzad pa'i
phyir ro/ /'gro ba'i mtshan nyid ni bshad zin to/ /mdzad ces bya
ba ni srid pa'i

don la ling gi rkyen dang sbyar ro/ /gang las de ltar yin zhe na/
bshad pa/ 'di ltar rnam pa 'di 'dra zhes bya ba la sogs pa smos
pa la/ /'di ltar ni rnam pa 'di 'dra ste/ skyon thams cad mi
mnga' ba dang yon tan thams cad dang ldan pa yang sngar bshad do/
/zhing ni 'dir mtho ris dang

thar pa'i 'bras bu thob pa'i gnas so/ /'jig rten gsum dag ni
khams gsum dag na'o/ /mchis pa ni ma lags pa dang sbyar ro/ /de'i
phyir na bstod pa dang phyag 'tshal ba byed pas 'gro ba'i dpal
zhing du mdzad pa'o/ /thog med srid pa nyam nga bar/ /zhes bya ba
la sogs pa

smos pa la/ thog med ces bya ba ni khas blangs pa'i tshig phrad
do/ /gcig tu nyams pa zhes bya ba ni skye ba dang/ rga ba dang/
na ba dang/ 'chi ba la sogs pa rnams kyis rgyud gzir ba'o/ /skye
ba thog ma med pa'i phyir thog med srid pa nyam nga bar ro/ /srid
pa ni 'khor ba ste/

de nyid skye ba dang/ rga ba dang/ na ba dang/ 'chi ba dang ldan
pa'i phyir nyam nga ba'o/ /sman slad du zhes bya ba ni sdug
bsngal thams cad spangs pa'i phyir ro/ /sems can kun la zhes bya
ba ni khyad par ma rtogs pa'i lus can rnams la'o/ /sngar bshad
pa'i cha lugs dang gsung

gzhan la sogs pas bcom ldan 'das khyod kyis yang dag par zhugs
pa'o/ /des na shin tu drang ba'i thabs la mkhas pa zhes bya ste/
mkhas pa la bstod pa'i bshad pa'o/ /mkhas pa la bstod pa zhes bya
ba'i bshad pa ste le'u bcu gnyis pa'o// //bu lon med

@171b par bstod pa bshad par bya ste/ bu lon ni nges par bya ba
ste/ de bsgrub pa'i phyir bu lon med pa ste/ de'i rang bzhin ni
bu lon med pa'o/ /de la bdud las rgyal ba'i phyir dang/ dam pa'i
chos la bkod pa'i phyir dang/ gzugs sku'i dbye ba'i phyir sems
can rnams la bu lon

med par bshad par bya'o/ /de la 'dir re zhig 'dir gleng bslang ba
bshad par bya ste/ gang gis khyod drin lan lon pa'i/ /sgrub de
mchis snyam ma bgyid de/ /skye bo 'ang gang dag mya ngan 'das/
/de dag gis kyang lan ma lon/ /khyod kyi chos la gnas de dag
/rang don kho

na bgyid par bas/ /de'i slad du 'o brgyal gang/ /de la lan go ci
zhig lon/ /sgrub pa zhes bya ba ni sgrub pa ste/ /de mchis snyam
mi bgyid ces bya ba ni ma mthong ba zhes bya ste/ bstod pa mkhan
gyis smras pa'o/ /ji ltar sgrub par 'gyur ba ni sgrub ces bya
ba'o/ /drin ni phan pa zhes bya

bar dgongs pa'o/ /'o na bde bar gshegs pa'i gsung bskyangs pas
mya ngan las 'das pa gang yin pa de ni bcom ldan 'das kyi drin la
lan glon pa ma yin nam zhan/ /smras pa/ skye bo'ang gang dag mya
ngan 'das/ /zhes bya ba la sogs pa smos pa la/ 'ang gi sgra ni
bdag

nyid kyi che ba bstan te/ gang dag ces bya ba ni sha ra dwa ti'i
bu la sogs pa'o/ /mya ngan las 'das pa ni nyon mongs pa dang skye
ba zad par byed pa'o/ /de dag gis kyang lan ma lon pa ni de dag
bu lon chags pa yin te/ lan ma lon pa'i phyir ro/ /de ci'i phyir
zhe na/ bshad pa/

khyod kyi chos la gnas de dag /ces bya ba la sogs pa ni gal te
khyod kyi chos ni khyod kyi bstan pa la gnas pa yang rang don kho
nar nyon mongs pa zad par byed cing de bzhin du gzhan gyi don mi
byed do/ /'o brgyal gang ni chos bstan pa la sogs pa rnams kyis
'o brgyal ba'o/ /de'i

slad du ni gdul bya de rnams kyi don du'o/ /de la lan go ci zhig
lon pa ni lan go ci zhig lon pa ste/ lan med pa zhes bya ba ni
dgongs pa'o/ /de lta bas na re zhig khyod la de rnams la lan mi
ldon pa de rnams la khyod ji ltar slar sman pa mdzad ce na/
/smras pa/ khyod ni sems can gnyid log

@172a @#/ /pa'i; /rgyud la gzigs pa'i zhugs tse ba/ /bag med gyur
pa rnams kyi ni/ /grogs bzang bag dang bcas pa lags/ /khyod ni
sems can gnyid log pa'i/ /zhugs tse ba zhes bya ba ni rgyas pa'o/
/khyod ni bcom ldan 'das so/ /ni ni gang gi phyir ro/ /

zhugs tse ba ni mi shes pa'i gnyid las sangs pa ste/ gzhan la
phan pa sgrub par rtsol ba zhes bya ba'i don to/ /sems can gnyid
log pa zhes bya ba ni 'chad par 'gyur ro/ /rmugs pa'i gnyid kyis
ye shes kyi spyan bkag pa'i phyir sems can rnams gnyid log pa'o/
/rgyud ni sems

can rnams zhes bya ba dang sbyar ro/ /gzigs pa zhes bya ba ni so
so la gzigs pa'i zhugs tse ba'o/ /ji lta ba bzhin du gsungs pa ni
nyin lan gsum dang mtshan lan gsum du sangs rgyas kyi spyan gyis
gang 'grib pa dang/ gang 'phel ba dang/ gang nyon mongs pa nyam
nga ba'i gnod pa dang

ldan pa la bdag gis gang sdug bsngal nyam nga ba'i gnod pa dang
ldan pa dgol bar bya zhes sangs rgyas kyi spyan gyis 'jig rten la
gzigs par mdzad do zhes bya ba ni rgyas pa'o/ /bag dang bcas pa
zhes bya ba ni dge ba'i rtsa ba yongs su smin pa'i dus las ma
'das pa'o/ /bag

med pa'i sems can rnams zhes bya ba ni dge ba la mi gnas pa'o/
/rgyu de'i phyir khyod ni grogs bzang bas na grogs te mchog tu
sman pa zhes bya ba'i tha tshig go/ /'di las kyang sman pa ste/
gang gi phyir/ khyod kyis nyon mongs gzhom pa bshad/ /ces bya
ba'i tshigs su bcad

pa gnyis bshad pa ni/ khyod kyis nyon mongs gzhom pa bshad/ /bdud
kyi g.yo dag bstan pa mdzad/ /'khor ba'i rang bzhin mi bzad
brjod/ /'jigs pa med pa'i phyogs kyang bstan/ /phan dgongs thugs
rje can gyis ni/ /sems can rnams la bgyi 'tshal ba/ /

gang zhig khyod kyis ma mdzad pa/ /gzhan go ci zhig mchis lags
kyi/ /nyon mongs pa ni 'dod chags la sogs pa rnams so/ /gzhom pa
ni gnyen por bshad do/ /dge slong dag 'dod chags kyi nad chen
po'i mi sdug pa'i sman chen po dang/ yang na mi sdug pa bsgos
pa'o/

@172b zhe sdang gi byams pa dang/ yang na byams pa bsgom pa'o/
/dge slong dag gti mug gi nad chen po'i rten cing 'brel bar
'byung ba so sor rtog pa sman chen po dang/ yang na rten cing
'brel bar 'byung ba so sor rtog pa bsgom pa zhes bya ba ni mdo'i
tshig go/ /yang na ci rigs par nyon

mongs pa thams cad kyi gnyen po ni mthong ba'i lam dang/ bsgom
pa'i lam zhes bshad do/ /de ltar nyon mongs pa'i bdud las rgyal
ba bshad nas/ bdud kyi g.yo dag bstan pa mdzad/ /ces bya ba'i
tshig gis lha'i bu'i bdud kyi g.yo bstan pas bu lon med pa bshad
do/ /bdud

kyi g.yo ni snyan pa dang mi snyan pa'i yul bsdus pa de bstan pa
ni bstan pa mdzad ces bya ba'i don to/ /ji ltar mdo las gsungs pa
ni dge slong rnams 'dir bdud glags skabs lta ba dang/ glags tshol
ba dang/ glags skabs la 'jug pas mig gis shes par bya ba gzugs

sdug pa dang/ dga' ba dang/ yid du 'ong ba dang/ 'dod pa dang
ldan pa dang/ chags pas bltas nas drung du 'dren par byed pa de
bzhin du rna bas shes par bya ba'i sgra dang/ snas shes par bya
ba'i dri dang/ lces shes par bya ba'i ro dang/ lus kyis shes par
bya ba'i reg bya ba dang/

yid kyis shes par bya ba'i chos te/ drug po rtag par gnas pa la
nye bar 'dren par byed do/ /de'i phyir dran pa dang shes bzhin
gyi sems kyis kun du bsrung bar bya'o/ /de lta bu'i gzugs mthong
ba na yid bde ba dang/ yid mi bde bar mi bya ste/ shes bzhin gyis
btang snyoms la

gnas par bya'o zhes bya ba la sogs pa'o/ /dper na gnas brten legs
sad sgom pa po 'jigs pa chen po dang ldan pa'i drung du bdud
'ongs pas de 'jigs pas de lta bu'i rab tu byed pa bcom ldan 'das
la zhus so/ /bcom ldan 'das kyis bka' stsal ba/ /sdig pa can gyi

bdud de song bas dogs pa med par bsam gtan gyis shig ces bya
ba'o/ /slar yang de nags su phyin nas sgom pa la de bzhin du slar
yang bdud der 'ongs so/ /gnas brten gyis tshigs su bcad pa smras
pa/ ji ltar 'dod pa'i gzugs kyis ni/ /nga la bslu bar mi nus

@173a @#/ /so/ /khyod kyi g.yo ni bsal bas na/ /nga yi gan du
khyod ni nyams/ /zhes bya ba ste/ de ltar bdud kyi g.yo dag bstan
pa mdzad pa'o/ /'khor ba'i rang bzhin mi bzad brjod/ /ces bya ba
ni thams cad don dang mi ldan pa'i 'byung gnas su gyur pa yin no/ /

dge slong dag 'khor ba ni thog ma dang tha ma med pa la khyed cag
dag gi yun ring por mi bzad pa dang/ dga' ba dang/ yid du mi 'ong
ba'i sdug bsngal nyams su myong ba dang/ ma'i mngal du khrag gi
thig le nye bar blang ba dang/ lan mang por dmyal ba dang/ lan
mang por dud 'gro

dang; lan mang por yi dags te lan mang por ngan 'gror lhung bar
gyur to zhes bya ba ni mdo'i tshig go/ /'khor ba'i skyon gyis ma
gos pa'i phyir 'jigs pa med pa'i phyogs zhes bya ba ni mya ngan
las 'das pa ste/ zhi ba mya ngan las 'das pa zhes bya ba mdo las
gsungs pa'i phyir ro/ /

de bstan zhes bya ba ni bstan zhes bya ba'i don to/ /gzhan go ci
zhig ma mdzad pa/ /zhes bya ba la sbyar ro/ /lhag ma med ces bya
ba ni dgongs pa'o/ /phan dgongs zhes bya ba ni phan pa dgongs pa
gang la mnga' ba de ni phan dgongs te gzhan la phan pa'i dgongs
pa yin zhes dgongs pa'o/ /

thugs rje can ni thugs rjes mdzad pa'o/ /bgyi 'tshal ba ni bgyi
'tshal ba'o/ /gang zhig bgyi 'tshal ba ma mdzad pa ni mdzad pa ste/
thams cad gzhan la phan pa mdzad pa zhes bya ba'i don to/ /'o na
bcom ldan 'das ni dge ba tshad med pa la mkhas pa yin na ji ltar
dge ba ma yin pa lhas

byin la sogs pa dang/ dge ba nyam chung ba kho bo cag dang 'dra
ba la nyid kyi dge ba stsal nas phan dgongs ma mdzad pa yin zhe
na zhes pa de'i phyir/ gal te chos ni 'di dag dang/ /zhes bya
ba'i tshigs su bcad pa gnyis slob dpon gyis smras so/ /gal te chos
ni 'di dag dang/ /spo

ba zhig tu btub na ni/ /gdon mi 'tshal bar khyod kyis ni/ /lhas
byin la brten kun la stsal/ /de slad 'gro la brda sprod pa/ /'gro
ba'i mgon po khyod kyis ni/ /'di la phan tshun byed pa po/ /med pa
skad du nges par gsungs/ /spo ba zhig tu btub na ni/ /zhes bya
ba'i bsam pas

@173b gal te'i sgra dang sbyar ro/ /spo ba zhig tu btub na ni
rgyud gzhan la snyegs pa'o/ /chos ni stobs dang mi 'jigs pa la
sogs pa'o/ /btub ces bya ba ni 'gyur ba'o/ /'di dag ni sngar
bshad pa'i chos so/ /gdon mi 'tshal bar ni nges par ro/ /lhas byin
ni shin tu gnod

pa byed pa'o/ /brten ni brtsams nas so/ /kun la stsal ba ni bkod
par gyur ba'o/ /gang gi phyir spo ba zhig tu mi btub pa de'i
phyir 'gro ba'i mgon po zhes bya ba la sogs pa ste/ rgyu de'i
phyir ro/ /de ltar phan par mdzad pa'i phyir 'gro ba'i mgon po
zhes bya ba ni bod pa'o/ /'di na

'khor bar gang zag gzhan byed pa po ma yin te rang kho na'i las
'di ni byed ces de skad du gsungs so/ /nges par zhes bya ba ni
dogs pa med pa'o/ /'gro ba ni 'jig rten pa thams cad do/ /brda
sprod pa zhes bya ba ni dngos su tshig gis brda sprod pa yin te/
'on kyang gzhan gyi rgyud la

spo ba zhig tu mi btub pas chos rnams kyi don gyi go ba'o/ /ci'i
phyir zhe na/ 'di na phan tshun byed pa po med pa ste/ gzhan du na
nges khyed cag la rang gi chos spo ba zhig tu btub par 'gyur ro
zhes bya ba ni bsdus pa'i don to/ /byang chub sems dpa'i gnas
skabs su bcom ldan 'das

kyis sems can la sman pa mdzad pa ni pha rol tu phyin pa la bstod
par bstan to/ /bde bar gshegs pa'i go 'phang thob nas bzhugs par
mdzad pa'i bya ba gang yin pa de ni sngar bshad do/ /ma 'ongs
pa'i sems can la rjes su brtse bas kyang/ /'jig rten rnams la
thugs

brtse bas/ /zhes bya ba'i tshigs su bcad pa gnyis bshad pa ni/
'jig rten rnams la thugs brtse bas/ /yun ring sa steng dam chos
bshad/ /'jig rten gsum phan 'dogs nus pa'i/ /slob ma dam pa'ang
mang du bskrun/ /mngon du gdul bya'i tshogs kyang ni/ /mdzes bzang

yan chad btul lags pas/ /yun ring zhes smos la/ /yun ring zhes
bya ba ni tshig phrad kyi don to/ /sa steng ni mi'i 'jig rten
pa'o/ /dam chos ni lung gi bdag nyid de yun ring bshad ces bya ba
dang sbyar ro/ /gzhan dang gzhan du yun ring por bzhag nas de
nyid lha dang mi rnams kyi

@174a @#/ /bzung ba nga'i bstan pa ni lo lnga stong gi bar du mi
nub par gnas so zhes gsungs pa'i phyir ro/ /'jig rten rnams la
thugs brtse bas/ /zhes bya ba ni nyid kyi don ma yin te/ 'on
kyang ma 'ongs pa'i skye bo rnams la sman pa mdzad par bzhed pa
yis so/ /slob ma

mang po ni bcom ldan 'das kyis gnas brtan 'od srungs chen po la
sogs pa ste/ slob ma mang po de rnams bskrun pa'o/ /ji ltar slar
yang de rnams bskrun par mdzad ce na/ de rnams kyi rgyud nyid la
'phags pa'i khams bskrun par mdzad pa'i phyir ro/ /yang na khams
rnams ni don ma

yin pa'i phyir mang du bskrun zhes bya ba ste/ slob ma dam pa
dang nges par sbyar ro/ /'jig rten rnams la thugs brtse ba ni
bstan pa la gnas par byed pa'i phyir ro/ /ji lta bu zhe na/ 'jig
rten gsum phan 'dogs nus pa ste/ 'jig rten gsum ni khams gsum
ste/ phan 'dogs pa

ni mtho ris dang thar pa thob pa'i mtshan nyid la nus pa zhes bya
ba'i don to/ /gzhan yang/ mngon du gdul bya'i tshogs kyang ni/
/zhes pa la sogs pa smos pa la/ mngon du btul ba'i tshogs ni mngon
du btul ba'i tshogs so/ /btul ba la gnyis te/ nyan thos kyis btul

ba dang; sangs rgyas kyis btul ba'o/ /de la gang bcom ldan 'das
nyid kyis btul ba de ni mngon du btul ba'i tshogs so/ /de la bcom
ldan 'das kyis mngon du btul ba'i tshogs de ni 'phags pa kun shes
kau NDi n+ya la sogs pa nas mdzes bzang yan chad ces bya ba'o/ /

mdzes bzang zhes bya ba ni rab tu byung ba ste/ kun gyi mthar
bcom ldan 'das yongs su mya ngan las 'das pa'i tshe dgra bcom pa
nyid du gzhag go/ /de gang gi mtha' na yod pa de ni mdzes bzang
yan chad de/ de btul ba ni dgra bcom pa la sogs pa'i 'bras bu la
rab tu

bkod pa'o/ /da go khyod la sems can gyi/ /bu lon lhag ma ci mchis
na/ /'di ltar rdo rje'i ting 'dzin gyis/ /sku gdung til 'bru
bzhin blags nas/ /bu lon lhag ma ci mchis na/ /zhes bya ba ni
khyad par/ /cung zad kyang med do zhes bya ba ni dgongs pa'o/
/sems

@174b can gyi zhes bya ba ni sems can rnams kyi don zhes bya ba
ste/ bu lon ltag ma ci mchis dang/ /zhes bya ba dang sbyar ro/
/de lta bu ni 'dir sems can rnams dam pa'i chos la bkod pa'i
phyir bu lon med pa bshad do/ /gzugs sku'i dbye bas bu lon med
par bshad par bya ste/

'di ltar rdo rje'i ting 'dzin gyis/ /zhes bya ba la sogs pas ni/
khyod kyis yal bar ma bor ro/ /zhes bya ba dang sbyar ro/ /sku ma
lus pa phye mar blags pa'i phyir ting nge 'dzin kho na rdo rje
ste rdo rje de yis so/ /til 'bru bzhin zhes bya ba ni til 'bru'i
cha dang ldan pa'i dbye bas so/ /sku

gdung ni nyid kyi sku las byung ba'o/ /blags pa ni mtshan dang
rgyu'i bya ba la sha dre zhes bya bar 'gyur ro/ /sku gdung blags
pas ni dka' spyad yal bar ma bor ba mtshon par bya ste/ ji ltar
rtsis mkhan gnas kyi rjes su ston pa zhes bya'o/ /mjug tu'ang
khyod kyis shin tu ni/ /dka' spyad

yal bar ma bor ro/ /gzugs kyi sku dang chos 'di dag /gzhan don
kho nar mdzad do zhes/ /dka' spyad yal bar ma bor ba ni shin tu
gzhan la phan pa mdzad pa'i bya ba'o/ /mjug tu'ang zhes bya ba ni
smon lam 'ba' zhig la brten par ma zad kyi yongs su mya ngan las
'das pa'i dus kyi

snga rol du'o/ /yal bar ma bor ba ni yongs su mya ngan las 'das
pa'i dus su yang yal bar ma bor ba'o/ /de lta bas na yongs su mya
ngan las 'das pa'i tshe 'jig rten pas sku gdung las gzugs brnyan
byas nas nga yongs su mya ngan las 'das na yang mtho ris dang
thar par

'gyur ro zhes bya bas na bcom ldan 'das nyid kyi sku gdung ting
nge 'dzin gyi stobs kyis blags so zhes bya ba ni lung ngo/ /yang
na dam pa'i chos bzhag pa dang/ sku gdung blags pas bu lon med pa
blags par mi 'gyur te/ gzugs kyi sku dang chos 'di dag /gzhan don
kho nar mdzad

do zhes bya ba la sogs pa smos pa la/ gzhan don ni gzhan gyi dgos
pa dag go/ /kho na zhes bya ba ni nges par 'dzin pa'o/ /chos ni
gsung rab bo/ /gzugs kyi sku ni sku zhes bya ba'o/ /de ltar na/
'jig rten yid ches dka' 'di la/ /khyod kyis mya ngan 'das pa
bstan/ /de slad

@175a @#/ /chos sku ma lus pa/ /sras kyi mchog la gtad mdzad de/
/yid ches dka' ba zhes bya ba ni dad pa med pa'o/ /'di la zhes
bya ba ni 'dzam bu'i gling pa'i skye bo la'o/ /mya ngan las 'das
zhes bya ba ni gnas skabs gzhan 'ba' zhig tu ma zad kyi phung
po'i lhag ma med

par yongs su mya ngan las 'da' ba na yang ngo/ /bstan pa ni bstan
pa ste/ khyod kyis zhes bya ba dang sbyar ro/ /gzugs kyi sku dang
chos 'di dag /gzhan don kho nar mdzad do zhes bya ba de nyid
bshad par bya ste/ de slad sras kyi mchog la gtad mdzad de/ /zhes
bya ba ni rgyas pa'o/ /

de zhes bya ba ni nye bar bstan pa'o/ /slad ni gang gi phyir gyi
don to/ /sras ni 'phags pa kun dga' bo dang/ 'od srungs la sogs
pa rnams la'o/ /gtad mdzad ni gtad par mdzad pa ste/ nga yongs su
mya ngan las 'das pa na 'od srungs khyod kyis bstan pa'i bya ba
gyis shig pa'o/ /

yongs su mya ngan las 'das pa na yang dge slong kun dga' bo la
khyod kyis bstan pa zungs shig ces bsgo nas yongs su mya ngan las
'da' bar bya'o zhes gsungs so/ /khyod kyi chos kyi sku ni gsung
rab ste/ yan lag bcu gnyis kyi dbye ba ma lus pa'o/ /gzugs sku
til 'bru

ltar bshig nas/ /khyod ni yongs su mya ngan 'das/ /til 'bru lta
bu ni til 'bru tsam gyi cha shas kyi dbye bas gzugs sku bshig nas
bcom ldan 'das khyod yongs su mya ngan las 'das pa ni phung po'i
lhag ma med par yongs su mya ngan las 'das pa brnyes pas so/
/gang

gzugs kyi sku dang chos 'di dag /ces sngar bshad pa de bshad do/
/bu lon med par bstod pa bshad pa dang/ de bzhin du dbye ba
brgyad kyis phan pa mdzad pa yang ste/ bu lon med par bstod pa
zhes bya ba'i bshad pa ste le'u bcu gsum pa'o// //da ni

bstod pa nye bar sdud par 'dod pa'i rgyu dang 'bras bu phan 'dogs
pa phun sum tshogs pa slar yang bshad par bya ste/ e ma'o gnas pa
e ma'o tshul/ /e ma'o yon tan e ma'o sku/ /sangs rgyas kyi ni
chos rnams la/ /ya mtshan mi che 'ga' ma mchis/ /yongs su mya ngan

@175b las 'das pa la dbang thob pas kyang gzhan la phan 'dogs
pa'i rgyur gnas pa ni gnas pa'o/ /e ma'o zhes bya ba ni ngo
mtshar ba zhes bya ba'i don to/ /des ni phan 'dogs pa phun sum
tshogs pa bshad do/ /phan 'dogs pa la gnas pa de yang thugs rje
chen po'i dgongs pa dang

ldan pas yin no zhes bya ba bshad pa/ e ma'o tshul la/ /tshul ni
spyod pa ste dgongs pa zhes bya ba'i tha tshig go/ /des ni 'bras
bu phun sum tshogs pa bstan to/ /mtshan dang dpe byad kyis brgyan
pa yin pa'i phyir na e ma'o sku'o/ /thogs pa med par 'jug pa'i
phyir e ma'o/ /

yon tan ni stobs dang mi 'jigs pa la sogs pa'o/ /des ni 'bras bu
phun sum tshogs pa bstan to/ /yang na bskal pa grangs med pa gsum
du 'phel bar gyur pa dang/ tshad med pa'i phyir e ma'o/ /yon tan
ni pha rol tu phyin pa la sogs pa'o/ /des ni rgyu phun sum

tshogs pa bstan to/ /de'i phyir thams cad kyang ngo mtshar ba zhes
bya ba bshad par bya ste/ sangs rgyas kyi ni chos rnams la/ /zhes
bya ba smos pa la/ /ni'i sgra ni las blangs pa'o/ /sangs rgyas
kyi chos rnams ni mi 'jigs pa dang/ thugs rje chen po la sogs pa
rnams te ma

mchis pa zhes bya ba dang sbyar ro/ /'ga' zhes bya ba ni sangs
rgyas kyi chos rnams kyi nang na chos gzhan no/ /de lta bas na
ngo mtshar ba thams cad kyi yon tan dang ldan pa la/ phan 'dogs
mdzad cing blta na sdug /sku gsum phrin las zhi gyur pa/ /khyod
la 'od sdang bar bgyid

pa yi; /rmongs pa mi bzad pa la gzigs/ /phan 'dogs mdzad cing
blta na sdug /ces bya ba ni rgyas pa'o/ /smon lam yan chad nas
yongs su mya ngan las 'das kyi bar du phan 'dogs pa'i ngang tshul
gang la yod pa de ni phan 'dogs pa ste/ de la phan 'dogs pa ni

khyod ces bya ba dang sbyar ro/ /mtshan gyis brgyan pa yin pa'i
phyir blta na sdug pa ni blta na sdug pa'o/ /zhe sdang gi rgyu
lus dang ngag gi las skyed pa nyon mongs pa bag chags dang bcas
pa spangs pa'i phyir ni sku gsung phrin las zhi gyur pa'o/ /de la
zhe sdang gi rgyu dang bral ba khyod la sdang

@176a @#/ /bar bgyid pa ni gdug pa can sdang bar bgyid pa gang yin
pa de rnams gti mug mang po dang ldan pa zhes bya ba la sogs pas
bshad par bya ste/ rmongs pa mi bzad pa la gzigs/ /zhes bya ba
la/ gzigs zhes bya ba ni 'jig rten pas bskyed pa dang 'dra ba'i

tshig phrad de/ bya ba mngon du gyur pa dang rtse gcig pa la 'jug
pa'o/ /rmongs pa zhes bya ba ni ma rig pa'o/ /mi bzad pa zhes bya
ba ni ma rungs pa'o/ /de lta bas na re zhig shes rab 'chal pa
sdang bar bgyid pa yin te/ shes rab dang ldan pa'i bdag nyid la
phan pa ni/ bsod

nams rgya mtsho rin chen gter/ /yon tan 'byung gnas chos kyi
tshogs/ /khyod la sems can gang 'dud pa/ /de dag la yang phyag
'tshal legs/ /yon tan 'byung gnas chos kyi tshogs/ /zhes bya ba la
sogs pa smos pa la/ bsod nams ni dge ba'i las te/ de

nyid rgya mtsho dang 'dra bas na tshad med pa'i phyir ro/ /rin chen
ni stobs dang mi 'jigs pa la sogs pa rnams te/ gter ni rin po
che'i gter te mi zad pa'i phyir ro/ /chos ni byams pa dang snying
rje la sogs pa rnams te/ nyan thos dang rang sangs rgyas la sogs
pa dang thun

mong ma yin pa'i chos te/ chos kyi tshogs ni chos kyi tshogs so/
/de ltar byams pa nyid kyis yon tan thams cad kyi 'byung gnas de
zhing du gyur pa'o/ /sems can gang zhes bya ba ni srog chags so/
/khyod la zhes bya ba ni khyod dang sbyar ro/ /'dud pa ni 'dud
par byed

pa'o; /de dag la yang zhes bya ba ni sems can rnams la'o/ /legs
zhes bya ba ni legs par bya ba'o/ /de gang yin zhe na/ smras pa/
phyag 'tshal ba ni srog chags de rnams la phyag 'tshal bar bya ba
gang yin pa de ni shin tu legs zhes bya bas ni ston pa la gus pa

bstan to/ /da ni bstod pa rngo mi thogs pa bshad par bya ste/
mgon khyod yon tan mi bas kyang/ /bdag gi zho sha bas 'tshal bas/
/des na 'jigs pa mchis slad du/ /glo ba la ni gcags bzhin mchis/
/mgon khyod yon tan mi bas kyang/ /zhes bya ba la sogs pa

@176b smos pa la mi bas pa gang yin pa de ni mi bas pa'o/ /khyod
ni khyod kyi'o/ /yon tan sngar bshad zin to/ /mgon po zhes bya ba
ni bod pa'o/ /zho sha ni nus pa ste ye shes kyi zhes bya bar
khong du chud par bya'o/ /kyang gi sgra ni don gzhan 'chad par
'gyur ba'o/ /bas 'tshal ba ni

gang la bas pa mchis pa zhes bya ba'o/ /bdag gi zhes bya ba ni
bstod par byed pa yi'o/ /des na zhes bya ba ni rgyu de las so/
/'jigs pa mchis slad du zhes bya ba ni gang gi phyir de bzhin
gshegs pa'i yon tan mi bas pa dang bdag gi zho sha bas 'tshal ba'i
slad du dang

sbyar ro/ /de bzhin gshegs pa'i yon tan dang 'gal ba'i skyon thob
cing gnod pa'i lhung ba yin te/ de'i phyir 'jigs pa ni 'jigs pa'i
slad du'o/ /glo ba la ni gcags bzhin mchis/ /zhes bya ba ni bstod
par bya ba'i phyir bdag bstod par mi byed pa zhes bya ba drang

par bya'o/ /gcags bzhin zhes bya ba ni mchis pa dang sbyar ro/
/de bzhin gshegs pa'i yon tan rnams kyis tshim pa'i phyir bstod pa
mi byed pa ni ma yin gyi/ 'on kyang 'jigs pa ma mchis pa'i slad
du zhes bya ba ste mdor bsdus pa'o/ /gal te de bzhin gshegs

pa'i yon tan mi bas pa yin na gang gis bstod par byed nus pa yin
zhes smras pa/ khyod kyi rang gi ngo bo nyid/ /tshad ma mchis la
bsam mi khyab/ /bstan min grangs kyang ma mchis pa/ /khyod bdag
nyid kyis mkhyen lags grang/ /bstan min grangs kyang ma mchis

pa/ /zhes bya ba ni rgyas pa'o/ /tshad ma mchis pa zhes bya ba ni
yongs su gcod mi nus pa ste/ yon tan gyi nus pa gcig kyang rtogs
par mi nus pa'i phyir ro/ /gcig la sogs pa'i grangs kyis bgrang
mi nus pas na grangs kyang ma mchis pa ste/ yon tan mtha'

yas pa'i phyir ro/ /sangs rgyas las sems can gzhan gyi yul ma yin
pas na bsam gyis mi khyab pa'o/ /bstan pa ni dpe'o/ /bstan min ni
dpe med pa zhes bya ba'i don to/ /bdag nyid ni bdag nyid kyis so/
/nyid ces bya ba ni nges par 'dzin pa'o/ /bdag

@177a @#/ /nyid kyis ni nyan thos kyi mchog dang rang rgyal ba
rnams kyis ni ma yin no/ /bdag ces bya ba ni rang gi sgra'i rnam
grangs so/ /dper na 'jig rten pa kha cig smra ba ni rang gi bdag
nyid kyis bdag grong du 'gro bar bya zhes bya ba'o/ /rang gi zhes
bya ba ni chos kyi

sku'i ngo bo nyid dang gzugs kyi sku'i ngo bo nyid do/ /khyod ces
bya ba ni nges par 'dzin pa'o/ /ci zhig nges par 'dzin zhe na/
kha cig 'di skad smra bar byed de/ 'jig rten gyi khams gzhan du
yang shAkya'i sras dang dus mnyam du sangs rgyas bcom ldan 'das
byung ba de dag

phan tshun yon tan rgyas par mkhyen pa zhes bya bas na de dag dgag
par bya ba'i phyir/ nges par 'dzin pa ni bcom ldan 'das shAkya
thub pa khyod nyid kyis bdag nyid mkhyen gyi/ gzhan gyis ni rngo
mi thogs so zhes bya ba'o/ /de ni sangs rgyas bcom ldan 'das snga
ma dang

phyi ma'i de bzhin gshegs pa gnyis 'jig rten du dus mnyam du
'byung ba de ni gnas dang go skabs med do zhes bya ba mdo'i tshig
go/ /de bas na khyod kho nas bdag nyid mkhyen pa'i mchod 'os yin
gyi/ nyan thos la sogs pa'i ni ma yin te/ kho bo cag mi gtsang
ba'i srin

bu dang 'dra bas lta smos kyang ci dgos zhes bya ba'o/ /de'i
phyir na khyod kyi/ mtsho chen chab ni bas par ma gyur kyang/
/skye bo'i gdung ba rab tu zhi bgyid ltar/ /khyod kyi yon tan cha
tsam ma bsgrags kyang/ /bdag ni mchog tu glo ba dga' zhing mchis/
/khyod kyi yon tan

cha tsam zhes bya ba la/ yon tan rnams kyi cha ni cha ste/ de'i
sgra tsam gyi rtse mo ste nyung ngu zhes bya ba'i don to/ /de
nyid bcom ldan 'das khyod kyi ma bsgrags pa ni ma bstod pa ste/
yon tan thams cad lta ga las so/ /de bzhin du yang mchog ni khyad
par du'o/ /bdag ni

bdag gi'o/ /dga' ba ni rangs pa'o/ /glo ba ni glo ba la mchis
pa'o/ /yon tan gyi cha tsam ma bsgrags pas dga' bar ji ltar 'gyur
zhe na zhes bya ba'i brgal ba'i lan bshad pa ni byas par ma gyur
kyang zhes bya ba la sogs pa smos pa la/ bas par ma gyur zhes bya
ba

@177b ni bas par ma gyur pa'o/ /mtsho chen chab ni chab po/ /skye
bo'i gdung ba rab tu zhi bgyid ltar ni zhi bar 'gyur ba'o/ /ltar
ni gang gi phyir ro/ /de bas na tshad med pa'i yon tan gyi mtsho
chen po bcom ldan 'das kyi yon tan gyi cha tsam la bstod pas/
bdag ni mchog tu glo ba dga'

zhing mchis/ /zhes pa ste mdor bsdus pa'o/ /da ni bstod pa'i
'bras bu yongs su bsngo ba bshad par bya ste/ bdag gis thub la
dad pas spobs skyes pa'i/ /dge ba'i las 'di'i 'bras bu 'khrungs
pa yis/ /ngan rtog rlung dmar 'tshubs pas dkrugs pa yi/ /'gro

ba'i sems ni rnal du gnas par shog /dag pa'i las 'di'i 'bras bu
'khrungs pa yis/ /zhes bya ba ni rgyas pa'o/ /'bras bu 'khrungs
pa ni 'bras bu byung ba yis so/ /'di'i ni brgya lnga bcu pa'i
bstod pa las byung ba ste/ dge ba ni ngag gi ngo bo nyid kyi dge
ba'i las kyi'o/ /

ci 'dra ba zhig ce na/ smras pa/ thub la dad pa zhes bya ba la
sogs pa ni thub pa la dad pa las byung ba'i spobs pa ni shes rab
ste/ de las skyes pa ste byung ba gang yin pa de ni thub la dad
pas spobs skyes pa ste/ dge ba'i las de'i 'bras bu 'khrungs pa
yis so/ /'dod

chags dang gnod sems la sogs pa ni ngan rtog go/ /de nyid yul
rnams la sems rnam par g.yeng ba'i phyir rlung dmar 'tshubs pa'o/
/de yis 'tshubs pa ni ngan rtog rlung dmar 'tshubs pas dkrugs pa'o/
/'gro ba'i sems ni rnal du gnas par shog /ces bya ba ni

skye bo thams cad kyi sems dbang du gyur nas dgra bcom par gyur
cig ces bya ba ni dgongs pa'o/ /de ltar rgyu dang 'bras bu'i dbye
ba brgya lnga bcu pa'i bstod pa'i 'grel pa'o/ /bde gshegs la
bstod bshad pa yis/ /bdag gis dge ba gang thob pa/ /'gro ba'i
sdug

bsngal zhi ba'i phyir/ /de las bde gshegs 'gyur bar shog /brgya
lnga bcu pa zhes bya ba'i bstod pa'i 'grel pa dge slong dga' byed
snyan pas mdzad pa rdzogs so// //rgya gar gyi mkhan po shrI shra
dd+hA ka ra wa rmma dang/ lo tsA ba shA kya blo gros kyis
bsgyur cing zhus te gtan la

@178a @#/ /phab pa'o// @##/ /rgya gar skad du/ ga NDI sto tra gA
thA/ bod skad du/ gaNDI'i bstod pa tshigs su bcad pa/ sangs
rgyas la phyag 'tshal lo/ /gang zhig sngon du byang chub shing
drung nyi ma'i lam nas song cig gA gred gA gred/ /

gA gA gred gA ga gA gred g+ha na g+ha g+ha na g+ha gred lus la go
chas bcing rnams la/ /gang zhig gzugs mdzes bud med rnams kyi Dhu
Du pa ti Dhu Du Du b+hiH d+hu Du b+hiH rnams kyis/ /'di ltar rjes su
mi 'khrugs lha dang mi yis phyag byas gang de shA kya seng ge
nyid kyis srungs/ /gang

zhig 'dod lha'i lus can ma rnams ka ha ka ha ka ka hA hA hI ti
zhes dgod rnams/ /gang tshe dregs can rnams kyis ta Ti ta ta Ti ta
tI tA Ta TA ti zhes rab tu smras pa rnams dang ni/ /kud kud
bud bud ku kU tsi ta ku ha ra tsi ta bran po rnams kyis ngag
rnams kyi/ /mi skrag thos pas dri ma

kun zhi gang yin thub pa'i dbang po de yis zhi gyur cig /smin ma
'khyog po bskyod dang 'dod dran mda' yi rol pas rdzi ma mig 'bras
'bebs rnams dang/ /rtsol ba'i lus can ma rnams yal ga rol pas
rtse ba'i yan lag can ma rnams dang ni/ /ngo tsha dang bcas zur

gyis smra dang yid 'ong snyan 'jam rab tu dga' byed sna tshogs
pa'i/ /tshig rnams kyis ni thugs mi 'khrul pa 'dod dran las rgyal
gang yin de la phyag 'tshal lo/ /sa gzhi kun du g.yo dang rno ba'i
mda' yi tshogs kyi sa bar snang la ni gtibs pa yi/ /'bar ba rnams/

dang khro bo'i me rnams phyogs dang phyogs su 'bar bas chu tshogs
rnams 'khrug dang/ /'phang mdung ral gri 'khor lo sog le rnon po
can gyi bdud kyi dpa' bo sgra 'byin pa/ /byams pa'i mtshon cha
gang gis rab tu zhi zhing mngon rgyal de yi thub dbang khyod kyis
srungs/ /

rnam par 'phro ba las skyes khro ba rab gsal rnam gtsigs dge ba
nges par sgrogs 'jigs pa'i/ /'brug sgrogs char sprin dra ba rab
gsal glang po'i bum 'gying bcings pa'i mun nag 'thibs pa dang/
/'dod lha'i dpung tshogs 'joms pa'i me 'phro ba dang ral gri'i

@178b 'od kyis sna tshogs ma lus gsal/ /me tog mda' can sde rnams
gang gi skad cig gis 'joms sangs rgyas khyod kyis srung bar
mdzod/ /mdzes pa'i rna ba'i drung gang pad+ma'i 'dab ma lta bu'i
rdzi ma mig gi 'bras bu g.yo/ /shin tu chags pas rnam par sgrin
ma rab tu rnam

rgyas mthun pa dang bcas smin rol pa'i/ /mig can bdud kyi lus can
ma rnams yongs chags gyur dang mtha' dmar zhi ba min rnams kyis/
/kun du drang bar ma btub skyon bsal gyur pa'i drang srong mchog
de la ni bdag phyag 'tshal/ /gang gi thugs ni 'khrug par ma

gyur bdud rnams bsal ba rnam gtsigs dog par gcer dang lce bskyod
dang/ dpal gyi rtse mo lag can rnams dang glang po rta yi gdong
can dang ni seng ge stag gi gdong rnams dang/ /rab tu mdzes pa'i
'dod pa'i lha ni rtsa bzhin rtsi ba med pa 'khor bas 'jigs gang
gis/ /

sdig pa bsal ba 'jig rten mgon po thub pa'i dbang po sangs rgyas
gang yin khyod kyis srungs/ /gang gi blo ni 'khrug pa med de sa
gzhi chu bo'i klung dang rgya mtsho chu 'dzin rnams dang ni/
/'brug sgrogs rnams dang bdud kyi dpa' bo sna tshogs brgya phrag
gdong dang drag po'i

gzugs can mtha' yas dang/ /gang zhig me tog tog can de ni rtsa
bzhin ma rtsis thams cad mkhyen pa dang ni 'dod chags dang bral
ba/ /dpal ldan sangs rgyas dpa' bo sdig pa'i 'jigs pa 'phrog pa
rnam 'gyur med pa de yis srung bar mdzod/ /bdud rnams dpung

chen lag na ral gri dgra sta gzhu dang mdung thung lhag par rtse
mo rno rnams dang/ /skar mda' 'bebs dang sreg byed du ma sgra
gsal sgrogs pa 'jig par byed pa 'jigs pa'i sgra rnams kyis/ /gang
gi thugs ni mi 'khrugs ri bo bzhin du g.yo ba med pa dam pa skyil
mo krung

bcings pa/ /srid gsum 'jigs pa 'phrog byed sangs rgyas dpa' bo
shin tu dpa' ba de la 'dud cing phyag 'tshal lo/ /mthon por a TTa
Tar dgod rab gsal rnon por myur bar bcings pa'i dril bu sgrogs pa
dang/ /bsgyings pa dang bcas 'gyed pa gtsigs pa

@179a @#/ /ral pa bsgril pa'i skra can mig yon bran rnams kyis/
/'joms par bya bar ma nus rnon po'i pa Ta ha gsal brdungs pas
gang gis byang chub tu/ /nga rgyal can rnams la ni bya rgod phung
por gsal ba'i pa Ta ha gsal sangs rgyas dpa' bo bder

gyur cig /ko ka NDi rA ma ra Na hi pra ti b+ha ya ku ha raM da
rpa Na Ne DaM ra NNa DaM/ Do mba NDa mba Na Du Di mba Na Da ha
Dhu ha ka Dhu haM straing kha la straing kha la straing ma/ dzam
bra nya dzim bra nya ja dzi ma brang kha mu kha mu khu khu mAng
khuHkhu mang khuH khu mang khuHkhu mang khu sogs rnams kyis mi
'jigs lha dang mi

yis phyag byas shAkya seng ge khyod kyis srungs/ /gang gis bdud
kyi chu 'dzin thogs pa'i lus kyis yongs su bsgyings pa'i nga
rgyal mtshan mo grol/ /bdud kyi lus can ma rnams kyi ni gdong gi
pad+mo'i nags dpal mi mthun phyogs gcig pa/ /yang dag rdzogs

pa'i byang chub zla ba dang ni ston ka'i ku mu da bzhin yongs
thob pa/ /de 'dir chos kyi pho nya sgrogs pa chos kyi rgyal po
bcom ldan 'das kyi ga NDI'o/ /bsod pa ma thob tshim med skad cig
kyang ni rnam par dpyod pa'i mthar byed 'di la ring po nas/ /der
ni sems rnams

chud pas dus kun du ni rgyun mi 'chad par legs par spyod par byed
pa yi/ /'dir ni dkon mchog gsum gyi bka' bsgor zhugs pa yang yang
srog chags rnams la slob pa gang yin pa/ 'di ni phyogs kyi dkyil
'khor du ni mi dman rab tu grags pa rtsub pa chos

kyi ga NDI'o/ /nyi ma'i dkyil 'khor bzhin du skar ma'i tshogs las
rnam rgyal bas/ /'bar te mu stegs skye bo dang ni rgyal ba'i
bstan la 'dir/ /sa gzhi'i dkyil 'khor gyi ni rgyan gyi snying po
ga NDI 'di/ /g.yul las rgyal ba'i cang te'u gtum po bzhin du
grags pa'o/ /

gang yang khyod ni sgrag pa ma yin dza mi dza mi Dhu Dhu ma ra
nyi dza ra nyi dza De na NA Di NA De/ DoM ban Di ma ba Na Du
dim pa na Da b+ha Da b+hu d+hu d+hu b+haM nA Di b+ha na nA Di b+ha na
Da ma/ ra Na Di ru Na daM ru ru Na Di ya ra la ba kha kha maM
khaHkha maM khaH kha mi khaH/ /stobs bcu mnga' ba'i stobs kyis
bdud kyi dpung rnams bcir

@179b la 'tsho ba'i 'jig rten pa yis ltos/ /sa gzhi rab tu g.yo
ba'i g.yo ba las byung ri bo rab tu bskyod cing ri rab rgyal po
g.yo/ /lha yi tshogs dang gdon gyi 'od zer dang ni klu yi rgyal po
ma lus pa rnams skrag pa dang/ /mu stegs rnams kyi ga NDI gtum
po sna tshogs 'jigs par

byed pa thos pas skrag pa dang/ /sangs rgyas pa rnams kyi ni zhi
gzhi ba'i rgyur gyur pa bzhir sgra sgrogs dge 'dun la 'dir
sgrogs/ /'di ni gtsug lag khang gi rtse mor rab tu sgrogs pa'i ga
NDI ste/ /sprin gyi sgra bzhin byed pa sgra rnams de ring yid du
'ong ba ni/ /ma ltar shin tu mnyes

gshin pa yis legs par phyi rol song rnams kyi/ /bu rnams zas dus
la ni yongs su 'bod par byed pa'i ga NDI'o/ /'khor ba'i 'khor lo
yongs su 'joms pa mchog tu gyur pa ste/ sangs rgyas yon tan rin
chen thams cad kyis ni ma klubs pa'i/ /sgra sgrogs byed pa'i lha
yi rnga

chen dang mnyam sgra chen gyi/ /ga NDIs sdig pa ma lus rnam par
'joms par byed pa'o/ /'dis ni lha dang lha min lto 'phye chen pos
mchod byas pa/ /zhi ba mchog tu nye bar bzhud pa'i de bzhin
gshegs pa yi/ /ga NDI sgra sgrogs 'chi ba med pa'i rnga chen
dang mnyam sgras/ /mu stegs

can gzhan gyi ni snying ni rnam par 'joms pa'o/ /'dir ni ga NDI
'di sgrogs pa yis mi rnams dang/ /lha dang mi dang lha ma yin
rnams 'bod pa ste/ /bzang po rnams kyi bde gshegs gaNDI 'di nyon
cig /lus pa med pa'i dge slong tshogs kyis yongs su bskor/ /glang
chen rnams

kyis 'jigs pa'i dus tshigs 'khrugs pa'i dus kyi nam mkha'i chu
'dzin khyab bzhin gyis/ /'gro ba rnams ni 'joms dang yang ba dang
'jigs pas 'dar ba zlog par byed pa'i rgyu/ /nye bar zhi bar mu
stegs ma lus pa yi nga rgyal de yis shin tu med byed pa/ /thub pa

tshogs rnams kun gyis chos rnams 'phel ba'i don bzhag pa de'i
gaNDI khyod kyis srungs/ /bsod nams mchog gyur de grub gyur cig
'tsho ba g.yo ba'i 'jig rten pa rnams kyi/ /mtho ris dang ni byang
grol rab ster ngan 'gro ster byed sdig par ma gyur cig /'dir ni

@180a @#/ /dbus na 'dug pa'i sbrang ma sgra 'byin lta bur bdag gis
smras pa yi/ /bdud dgra'i zhabs kyi chu skyes dag la me tog snyim
pas gtor ro khyod kyis srungs/ /brgya byin la sogs lha tshogs
rnams kyis shin tu gus pas me tog gtor rnams dang/ /mkha'

la sil snyan sgrogs pa rnams kyis yongs gang gus pas me tog gtor
rnams dang/ /mtho ris nas ni sa la babs par grags pa yun rings
bskyal byas gang yin pa/ /snying rje'i gter chen bcom ldan 'das
kyi gaNDi rab gtum de yis 'gro ba srungs/ /yum gyi lhums

nas 'thon pa tsam gyis rang gi gom pa bdun du bzhud pa po/ /'khor
ba mthar byung rang gi tshig ni rab tu brjod pa blo gros mi chung
ba/ /gong du skye ba'i dngos por srid pa bsal bar brjod pa rnams
su gyur pa yis/ /bde bar gshegs pa'i mun pa dum bur byed pa'i
gaNDi

de yis rgyal gyur cig /lhun po mchog gi stong dang rin chen ri bo
nor bu'i 'od can kun gyi ngos dang ni/ /ri dbang rgyal po gangs
ri'i steng dang mi yi yul dang klu yi 'jig rten dag na gnas pa
yi/ /'chi med 'dod khams dbang po dang ni gling bzhi'i mi bdag
nyi

zla lha min dbang po rnams/ /bde gshegs chos kyi gaNDI thos pas
thams cad bde gshegs dgongs pa bzang la 'bod pa'o/ /sa gsum kun
na yod pa'i mi sdug rigs mang glang chen dregs pa mang po rnams
bzung zhon/ /thams cad mche ba ring po phyir bton

rdo rje 'bar ba'i phreng ba'i rtags ni bzung byas nas/ /sdig pa'i
rigs kun 'ongs pa rdo rje hUM mdzad bla ma mkhas pa'i hUM sgras
'jigs mdzad pas/ /'jig rten kun las rgyal ba byung zhes sgra
sgrogs zhabs drung 'dud cing sangs rgyas cod pan brgyan/ /bdud
kyi bu

mo khri snyan sa la dang 'dra mig ldan nu ma mkhrang zhing rgyas
ldan pa/ /dad pa'i 'gros 'dra bran mo'i steng du zhon zhing glu
len rnga yi tshogs brdung mgyogs 'gro ba/ /rgya mtsho chen po
'byung ba'i chu bo bzhi ltar mi 'chad par mang po 'ongs rnams
la/ /TuM TuM b+hraM b+hraM khyad 'phags

@180b sgra rnams rgyun mi 'chad par sgrogs byed gaNDI nyid yin
no/ /bdud kyi stobs las rgyal byas 'jigs pa chen po bstan pa byas
nas skyon zad pa'i/ /'dir ni de bzhin shin tu mdzes pa'i thams
cad mkhyen pa'i go 'phang thob pa gang/ /ma lus yon tan bzang po
dang ldan

sangs rgyas dag pa'i thugs rje can de yi/ /gaNDI gtum po sdig
'phrog byed pas mi rnams kyi ni dum bur byed gyur cig /tshangs pa
lkugs pa ltar gyur lha yi bla ma'i snyems pa med gyur thams cad
du/ /'tsho byed blo chung gyur to skal pa dang ldan khyab 'jug ci
yang mi smrar

song/ /'dir ni gang gi yon tan grags pas lha rnams gang de ngo
tshas yan lag 'khums/ /thub pa'i gaNDI 'gro ba'i 'jigs pa med pas
'gro rnams ngan 'gro las ni srung/ /tshangs pa mig stong dbang po
khyab 'jug nyi zla srin po gnod sbyin rnams dang ni/ /dri za lto

'phye mi 'am ci dang lha min mi dang bdud ris yi dags dang/ /gang
zhig la dag pas sa yi gzhi rnams gser 'od 'bar 'gyur gos ser can
de kun/ /thams cad ma lus de bzhin gshegs pa bla mas chos ni nyan
du 'bod pa'o/ /gang gis skye bar chung zhing dman pa'i

dgongs can mu stegs pa rnams skrag pa 'thob/ /khyad 'phags 'phel
ba'i blo can sangs rgyas pa rnams spro ba rab tu 'phel 'thob pa/
/gang 'di'i yon tan rnams 'thob rgya chen po yi skyon ni zad par
'gro ba yi/ /gaNDI de yis rtag tu rtsod dus srid pa rnams kyi

sdig pa zad gyur cig /rnam dag dgongs can gang la cho ga bzhin du
phyag byas mthon po'i 'gro bgrod dang/ /gang gis mi mthun phyogs
ni thams cad myur du zad pa ster bar byed pa dang/ /'khrug long
gti mug rab rib thub pa'i chos kyi gaNDI de yis 'joms gyur cig

tshe dang ldan pa rnams kyis srid pa las byung 'jigs pa de ni
khyod kyis chom/ /'di thos dge bas sa 'dzin pa yi tshangs sogs sa
gzhi'i mthil du myur du ltung/ /sa 'dzin rnams ni 'dar zhing sa
gzhi myur du sa yi 'og tu 'gro ba dang/ /mu stegs pa rnams 'jigs
par

@181a @#/ /byed pa gzhan la phan brtson dag pa'i bdag nyid can/
/sangs rgyas pa rnams myur du nye bar zhi 'gyur ga NDi de ni 'du
bar mdzod/ /ga NDi'i bstod pa tshigs su bcad pa slob dpon rta
dbyangs kyis mdzad pa rdzogs so// //mkhas pa chen

po rgyal ba'i sde'i zhal snga nas dang/ lo tsA ba btsun pa d+ha
rmma yon tan gyis bsgyur ba'o// @##/ /rgya gar skad du/ mi shra ka
sto tra nA ma/ bod skad du/ spel mar bstod pa zhes bya ba/ thams
cad mkhyen pa la phyag 'tshal lo/ /gting

mtha' med pa'i 'khor ba yi/ /rgya mtsho'i nang du rnam par gnas/
/'dod chags la sogs mi bzad pa'i/ /chu srin gyis ni lus zos pas/
/de ring gang la skyabs su mchi/ /ji srid bdag la sems yod na/
/gang gi bstan la gnas pa dang/ /gang bstod

gang la bsnyen bkur bgyi/ /gang zhig la ni nyes pa kun/ /gtan nas
yong ye mi mnga' zhing/ /gang la 'ang rnam pa thams cad du/ /yon
tan thams cad gnas gyur pa/ /gzhan gyi gnod pa bsal ba'i phyir/
/gang gi nyes pa zad gyur pa/ /gzhan mngon mtho

dang thar pa'i phyir/ /yon tan goms byas bdag gi min/ /gal te
sems shig yod na ni/ /de nyid la ni skyabs 'gro zhing/ /de bstod
de ni bkur ba dang/ /de yi bstan la gnas pa'i rigs/ /gang zhig
nyes de gzhan la gnod/ /de ni yon tan gang

gzhan spang/ /nyes pa rang gi nyes bcom pa/ /'tsho ba rang don yon
tan no/ /thams cad mkhyen la yon tan kun/ /mnga' la de yang nyams
mi mnga'/ /nyes pa bag chags bcas de yang/ /skyob pa gcig pu la
mi mnga'/ /spyod pa la ni mi smod phyir/ /

thub pa skyon ni med par grub/ /bde bar grags pa'i chos spangs
nas/ /skye bo dkar ba smod pa med/ /bcom ldan 'das kyi sku dang
ni/ /gsung dang thugs kyi phrin las la/ /zhe 'gras gyur pa gang
gis kyang/ /chos dang ldan par glags mi rnyed/ /che ba'i yon

@181b tan cha yis kyang/ /tshig rnyed nges par ma blangs par/ /gal
te ston bstod mi byed na/ /mi kham gnas bzhin bdag bcom 'gyur/
/rgya mtshor gnya' shing bu ga ru/ /rus sbal mgrin pa chud pa
ltar/ /dam chos dga' ston cher bcas pa'i/ /mi nyid bdag gis

thob nas ni/ /mang du bcad par gyur pa ste/ /mthar yang bskal
pa'i skyon gyis gnas/ /lce ni don can ma gyur te/ /gzhan du bdag
ni bslus par gyur/ /mi rtag nyid dang rjes 'brang zhing/ /las kyi
glags la dogs bcas pa/ /bdag gi lce 'di nyid kyis go/ /

snying po ci phyir blang mi bya/ /yon tan gyi mtha' la rtogs pas/
/gal te bstod pa mi byed na/ /shA ri'i bu la sogs pas kyang/
/nges par bstod par mi 'gyur ro/ /de ltar thub pa'i yon tan gyis/
/yul lta grangs med shes mod kyis/ /rang gi don la gus pa yis/ /

de yi phyogs gcig bsgrims te brjod/ /gang zhig gzhan la slob pa
dang/ /dman phyir legs par ma bslabs gang/ /nyes pa zad kyang de
slob cing/ /gang phyir don gyis khyod mi slob/ /gang gi yon tan
grangs dag dang/ /mthu la thug pa ma mchis la/ /rmad byung phrin
las

dpag med can/ /rang byung khyod la phyag 'tshal lo/ /yon tan
grangs kyi mthu yis ni/ /slob la smra bar nus pa dang/ /mtha' can
gzhal bar byed nus kyi/ /mi slob pa yi mdun du min/ /'di snyed
bgyi ba'i mtha' med na/ /'di ltar lags zhes ci zhig smos/ /khyod
kyi yon

tan slad du bdag /bsod nams snyam nas spyi brtol skyes/ /sangs
rgyas bcom ldan 'das la bstod pa dad pa las spobs pa skyes pa
zhes bya ba las bstod pa gleng bslang ba zhes bya ba ste le'u
dang po'o// //bde nas snying rje med pa ni/ /spyod dam mi spyod
rnam

mi spyod/ /rang gi bde bas gzhan dbang phyir/ /de nyid dang ni
nges par sbyar/ /spyod dam mi spyod snyam pa yi/ /rnam par rtog
pa rnam spangs nas/ /'gro ba 'di ni nyam thag ces/ /khyod bdag
nyid kyis zhal gyis bzhes/ /snying rje rnam par spangs nas ni/
/gzhan gyi gzhan ni

@182a @#/ /bcol ba byed/ /la lar bdag phan la brtson pas/ /rang gi
bde phyir rab tu 'jug /khyod ni ma bcol legs mdzad pa/ /khyod ni
rgyu med bzhin du byams/ /khyod ni ma 'dris mdza' bshes te/
/'brel pa med pa'i gnyen 'dun lags/ /sbyin pa'i

pha rol phyin pa'i phyir/ /thugs rjes 'gro ba blangs nas ni/
/slong la dgyes pa 'phel 'gyur ba/ /ba spu du ma ldang dang bcas/
/nyid kyi sha yang stsol mdzad na/ /dngos po gzhan lta smos ci
'tshal/ /legs mdzad khyod kyi srog kyang ni/ /slong ba'i skye bo
rnams la btang/ /

bdag la bdag nyid spangs nas ni/ /gzhan la bdag nyid blangs pas
na/ /rtswa yis rin chen rigs chen ltar/ /dgyes pa mi nyams ldan
pa yis/ /nyid kyi sku dang srog dag gis/ /lus can gshed mas zin
rnams kyis/ /lus dang srog kyang khyod kyis ni/ /lan brgya

phrag tu bslu pa mdzad/ /'jig rten bdag lta'i bsam pa can/
/snying rje'i sems ni med pa ste/ /sdug bsngal 'jigs sam bde 'dod
pas/ /tshul khrims kun du blangs nas srung/ /ngan 'gros bsnyengs
slad ma lags la/ /bzhed pa'i 'gro ba'ang sgrub ma

lags; /dgongs pa dag pa 'ba' zhig gis/ /khyod kyis tshul khrims
goms par mdzad/ /phyi rol rkyen gyis ma rdzogs dang/ /rang sbyor
phun tshogs med pa'i phyir/ /bsam pa rnam par dag pas kyang/ /tshul
khrims pha rol dag mi 'gyur/ /rtag tu gya gyu rnam spangs

shing/ /drang brtan rnams ni rtag bsten pas/ /yongs su dag pa'i
las rnams kyis/ /khyod ni gzhi rten gcig pur gyur/ /bzod pa'i pha
rol phyin pa'i rgyu/ /thugs rje'i dbang gis mchod bya yang/ /ma
'ongs sdug bsngal bsnyengs pa yis/ /gzhan nyid rang nyid la

nyes pas/ /sdug bsngal mang pos gzir ba ni/ /khyod kyis dga' ba'i
thugs kyi ni/ /nyon mongs rnams ni sran btsugs nas/ /skye bo nyon
mongs can la brtse/ /gzir bar gyur pa rnams la yang/ /nyes pa
rnams ni mi sems pa/ /bzod pa'i pha rol phyin 'dod phyir/ /

@182b byas pa nyid ni rjes lta bas/ /khyod kyis gzhan gyi don
slad du/ /sku srog btang nas dgyes gyur gang/ /de 'dra srog chags
'gum pa las/ /sos pa rnams la'ang byung ma gyur/ /phan byed mchod
pas dga' gyur pa/ /ngo mtshar che ba'i sems mi rtsi/ /mgon po
khyod ni

dgyes pa gang/ /bdag gi de ni ngo mtshar dgongs/ /khyod ni lan
'ga' ma lags par/ /gtubs kyang sdug bsngal mi dgongs par/ /gshed
ma bgyid pa'i sems can la'ang/ /gtso bo thugs rjer gyur pa gang/
/gang yang gshed ma nyid kyis ni/ /ral gri

nyid kyis bcad byas nas/ /byang chub gnyer bar gzigs nas ni/
/byams pa la ni bzhugs par gyur/ /khyod kyi thugs ni rin po che/
/rdzogs pa'i byang chub sa bon te/ /dpa' khyod kho nas snying por
mkhyen/ /de gzhan skye bos 'ol mi mchis/ /de ltar bdag nyid

gyur pa yang/ /sems can rtag tu sdug bsngal can/ /ji ltar sangs
rgyas chos rnams la/ /so sor brtags nas brtson 'grus bya/ /dka'
spyad las ni ma bgyis par/ /go 'phang rnyed dka' mi 'thob ces/
/de slad nyid la'ang ma gzigs par/ /khyod kyis brtson

'grus legs par spel/ /khyad par yon tan rnyed nas ni/ /nyes pa
rnam par spangs pa dang/ /sems can don du khur khyer yang/ /thugs
ni kun du mi bsnyel te/ /khyad par 'phags par bgyi ba la/ /khyod
la thang lhod 'ga' ma byung/ /de slad khyod kyi khyad par rnams/

thog drung rim par dbyer ma mchis/ /bsam gtan pha rol phyin pa
ni/ /dag pa'i rjes su cis mi mchi/ /lta dang nga rgyal snang med
pa/ /gang gi shes rab kyis ni bsal/ /thugs ni thugs rje chen po
dang/ /rtag tu rjes su 'brel slad du/ /ting 'dzin 'bras bur bcas
pa

yi; /shin tu bde la'ang khyod ma chags/ /kha cig mu stegs pa
rnams ni/ /longs spyod kyis ni nges legs 'thad/ /gzhan la gcig tu
nyid kyis ni/ /longs spyod dgag pa ma mdzad do/ /gzhan dang thun
mong ma lags pa'i/ /bde ba gang de gya nom yang/ /dam pa'i

@183a @#/ /spyod ldan khyod 'dra la/ /gnod par bas kyi sman ma
mchis/ /khyod kyi shes rab mtshungs min te/ /dud 'gro du ma rnams
la yang/ /gang zhig ye shes rnam dag phyir/ /ji ltar rjes su mchi
mi bgyid/ /'dres pa la ni legs bshad nyid/ /snying po skyon med

nyi tshe zhig /khyod kyi kun bzhes thugs la bzhag /nyes bshad dug
bzhin yongs su spangs/ /legs bshad chen po sku srog gis/ /tshigs
su bcad pa'i phyed tsam yang/ /gang zhig shes rab rnam 'phel
phyir/ /ji ltar rjes su mchi mi bgyid/ /khyod nyid gcig pus

rnam mkhyen mdzad/ /rin chen snying po mkhyen khyod kyis/ /legs
bshad srog gis mjal ba na/ /skye ba de dang de dag tu/ /byang
chub slad du dpa' stsal bstan/ /sems can brtson 'grus 'phags pa
ni/ /grangs med par ni gyur pa yang/ /spyod med zha bo rnams kyi

gang; /skye bos thob par mi nus so/ /de slad grangs med gsum dag
tu/ /khyod ni de ltar brtson pa na/ /brtson 'grus 'ba' zhig
'grogs gyur pas/ /go 'phang bla na med pa brnyes/ /sangs rgyas
bcom ldan 'das la bstod pa dad pa las spobs pa skyed pa zhes

bya ba las rgyu'i sgo nas bstod pa zhes bya ba ste le'u gnyis
pa'o// //yon tan thams cad cung zad gzigs/ /gsol pa na yang mnal
mi mnga'/ /nye bar blangs pa brtan mdzad cing/ /khyad par la ni
thugs ni chags/ /mtho la phrag dog mi mdzad cing/ /

dman la rngan chen mi mdzad la/ /mnyam la 'gran pa ma mchis pas/
/khyod ni 'jig rten gtso bor gyur/ /bka' bas sgrub la nyams mi
mnga'/ /yun ring du ni mi gnas shing/ /chags bcas kyang ni phal
che ba/ /'bras bu las ni shin tu chung/ /khyod ni yon tan rgyu
rnams

la; /mngon dgyes 'bras bu rnams la min/ /yang dag sgrub pa de
nyid kyis/ /khyod ni yon tan pha mthar phyin/ /thub dbang nyid ni
dka' bas grub/ /de ltar smra ba'i skye bo rnams/ /snying rje
phongs pas mi sems pa/ /brtson 'grus mi g.yo blangs nas ni/ /ji
ltar

@183b khyod kyi zhabs rdul yang/ /bsod nams skye ba mched gyur
pa/ /de ltar khyod kyi longs spyad pas/ /bdag nyid rab tu bskrun
pa mdzad/ /'jig rten pa yi 'phags lam dang/ /brtson 'grus shes
rab kyis kyang ni/ /tshe rabs snga ma'i mthar yang ni/ /khyod ni
yang dag

byung ba yis/ /nyes pa nyams smad rtsa nas bton/ /yon tan spel
nas rnam par sbyangs/ /gzhung lugs bzang po des na khyod/ /grub
mchog lhag par brnyes pa lags/ /rtag tu ngal zhing mgon med pa/
/slong zhing bde ba ma mchis te/ /sems can rnams la

nyams med pa'i/ /nyon mongs mang po spyod mthong nas/ /ji ltar
bdag gi rgyud la de/ /bag chags lhag ma'ang ma lus pa/ /de ltar
rnam pa thams cad du/ /nyes pa khyod kyis rab tu bcom/ /gzhan gyi
phun tshogs bsgrub pa'i phyir/ /khyod ni gtso bor mthong nas ni/ /

bdag gi yon tan dman pa'i phyir/ /gzhan min brtson 'grus phrin
las can/ /ji ltar gzhan la de dag dang/ /'dra ba tsam yang mi
gda' ba/ /de ltar khyod kyis bsags bsags nas/ /bdag nyid la ni
yon tan bsgrub/ /chung dang dman dang 'tsho ba med/ /kha na

mtho chags bcas dang/ /tshim par mi byed legs mtha' med/ /thun
mong gsal dang mi ldan te/ /'jig rten pa yis dpe dngos kun/ /gegs
bgyid pa dang sgrib pa can/ /re zhig pa dang nyi tshe ba/ /shin
tu rnyed par sla ba lags/ /mang ba dang ni rab kyi

rab; /kun tu mtsho dang dri ma gcod/ /tshim par mdzad dang bde
mtha' can/ /thun mong min pa'i snang ba mnga'/ /khyod kyi yon tan
bla med la/ /gegs bgyid ma mchis rtog ma mchis/ /brtan pa dang ni
rgyun chags pas/ /dpe lta mchis par ga la 'gyur/ /nyan

thos blo mchog rnams kyis kyang/ /bskal pa rnams kyis ma rtogs
pa/ /lha ma yin gyis gting rnyed pa'i/ /khyod kyi dgongs 'dra ga
la mchis/ /gang tshe khyod kyis dgongs pa'i dkyil/ /gting dang pha
rol med brtags na/ /rgya mtsho thab pa nyid kyang ni/ /gnag rjes

@184a @#/ /lta bur sa ler gda'/ /'dod pa'i mtha' la ma chags pas/
/gang zhig kha cig gis skyon min/ /khyod kyi bka' ni brtan bcas
pa/ /su zhig gis ni mjal bar nus/ /chos rnams kun gyi mi bskyod
pa/ /khyod kyis brtan pa mngon bsam na/ /

sa yi brtan pa nyid kyang ni/ /shir sha'i ge sar rtse ltar chung/
/bde ba 'dod pas phyi rol ba/ /nyi ma'i rjes su nyal byed de/
/khyod ni nyi ma dang mtshungs min/ /thun mong gi ni dbye bar
brjod/ /thub pa khyod kyi ye shes kyi/ /snang bas mi shes rab rib
dag /'joms

pa'i thad na nyi ma yang/ /me khyer tsam du mi spyod do/ /sbyor
dang bsam pa dag pa yis/ /sngon yang nyes pa mi mnga' la/ /khyed
kyi spyod pa bsam min pas/ /sangs rgyas nyid ni sus bsam nus/
/khyod kyi gsung thugs mdzad spyod rnams/ /dag pa'i gan na ston
zla

dang; /chu dang nam mkha'i dag pa rnams/ /dri ma can nyid lta bur
gda'/ /gzhal du med pa'i yon tan rnams/ /dpe yi tshul kyis sus
gzhal nus/ /khyad par la ni sbyor ba'i phyir/ /tshig tsam yang ni
mang po yin/ /'jig rten legs pa gang ci'ang rung/ /thams cad sngo

na'ang der bas te/ /nyon mongs 'jig rten chos rnams kyis/ /sangs
rgyas chos la khyad mi 'khor/ /bse ru'i rwa dang 'dra ba gang/
/gang yang khyod kyi rjes 'gro slob/ /grol ba tsam gyis khyod
dang mtshungs/ /rmad byung yon tan nyid kyis min/ /rin chen chos
gang brnyes

nas khyod/ /mchog tu gyur pa de nyid dang/ /khyod du bsgrun zhing
de dang ni/ /khyod dang bsgrun ldon kho nar bas/ /yang na de yang
khyod mtshungs min/ /gang phyir gnyis ka mnyam pa ni/ /tshad ma
mkhan gyis brjod mi nus/ /des ni sus kyang rtogs mi 'gyur/ /gang
la spyi tsam

bsgrun nas ni/ /cung zad brjod par bgyis pa de/ /smra ba po yi
rang dga' dang/ /thabs dang gcam bu tsam du bas/ /sangs rgyas
bcom ldan 'das la bstod pa dad pa las spobs pa skyes pa zhes bya
ba las dpe med par bstod pa zhes bya ba ste le'u gsum pa'o// //

@184b 'gro las bdud las rnam par rgyal/ /rjes su dpag pas rnam
par lhag /khyod kyi nyon thos kyis kyang ni/ /mnyam gnas bdud las
rgyal bar 'gyur/ /khyod ni bdud las rnam rgyal te/ /'gro kun dad
par mdzad pa yang/ /bdag gi chos nyid rjes bsams nas/ /

chen po ltar gang ma mthong ngo/ /khyod ni stobs gnas ma yin
yang/ /gang gis rgyal bar bya ba'i rigs/ /de yis srid gzhan rgyal
ba'i phyir/ /bdud kyi bran dang mngag gzhug rnams/ /sdang bas gol
par rtsol byed pa/ /mang po'ang gzhol bar bya ba ni/ /khyad

par gnas la brten pa yi/ /bzod pa'i tshogs su mtshar mi che/
/g.yeng ba'i rkyen dang mjal na yang/ /gzhan la mi bsten pa yis
ni/ /'khor ba thog ma med pa ni/ /khyod bdag nyid kyis dgyes par
mdzad/ /gang tshe bdud rnams mngon btul ba/ /de yi nub mo kho na

la; /nyon mongs shin tu che spangs pa/ /de nyid rmad du byung
ba lags/ /gang gi de ltar bsam min yang/ /lhag par nyon mongs las
rgyal gyur/ /skye bo gzhan dang thun mong gang/ /mu stegs las
rgyal de smos ci/ /'od zer phreng ba stong ldan pa'i/ /nyi mas
mun

bsal gang lags dang/ /dpa' bo khyod kyis mu stegs las/ /rgyal bar
mdzad pa ci zhig mtshar/ /chags sdang gti mug bcas pa dang/ /de
nyid dang ni 'gro ba srid/ /phra rgyas spangs pa rnams kyis ni/
/rgol ba'i tshe na rnam dpyod yin/ /'dod chags bral bas

chags bcas dang/ /zhe sdang bral bas zhe sdang can/ /gti mug bral
bas rmongs pa ste/ /gsum pos rtag tu gsum dag btul/ /btang snyoms
gnas la gnas pa gang/ /ngo mtshar min zhing dga' ba min/ /'jug pa
dang ni ldog pa'i phyir/ /de ni ngo mtshar

zhes bya ste/ /dam chos rab tu bstod pa dang/ /dam chos ma lags
smod mdzad kyang/ /dam pa dag dang tha ma la/ /khyod ni chags
dang khro mi mnga'/ /yun ring por ni mngon 'dod pa'i/ /yid la re
ba skong ba dang/ /mi rigs pa ni rtsod pa yis/ /chos nyid la ni

@185a @#/ /gegs byed la/ /dgra bcom pa dang mu stegs la/ /rjes su
chags dang khong khro bar/ /khyod kyi thugs ni mi 'gyur na/
/khyod la bstod du ci zhig mchis/ /gang zhig 'phel ba'i rgyu
mtshan phyir/ /srog kyang khyod kyis mi dgongs na/ /gzigs pa dang

ni gsan pa dang/ /khyod kyis ma gzigs ma gsan bzhin/ /yon tan
rnams la'ang ma chags la/ /yon tan can la'ang bzhed mi mnga'/
/kye ma'o khyod kyi thugs stobs ni/ /rab dang yongs su dag pa
lags/ /phun tshun rjes su 'jug pa'i phyir/ /nges par lus dang

sems dag gi /mya ngan dga' sogs gnas skabs ni/ /re dogs kyis
kyang shin tu bsgribs/ /dbang po rnams ni rab dang ba/ /dus rnams
rtag tu mi nyams pas/ /khyod thugs rtag tu dang ba dag /mngon sum
gyur pa bzhin du gda'/ /shin tu nyung ngu 'dod pa

yis; /'bad pa yis ni sbas na yang/ /nyes zad shin tu ma lus pas/
/gzhan don gyis ni dangs pas na/ /rang bzhin dam pa legs gsungs
dang/ /mdzad spyod bzang pos bsgrags pas na/ /khyod kyi blo gros
dgongs pa dag /rnam dag byis pa'i bar la grags/ /sangs

rgyas bcom ldan 'das la bstod pa dad pa las spobs pa skyes pa
zhes bya ba las rmad du byung bar bstod pa zhes bya ba ste le'u
bzhi pa'o// //gang gis khyod kyi sku mthong bas/ /sems ni dang
bar ma gyur pa/ /de la mig ni med pa ste/ /yang na yod kyang don
med

pa'o; /nye bar zhi la yid du 'ong/ /'bar la gnod pa mdzad mi
mnga'/ /dul la rngom brjid che ba yi/ /sku 'dis su zhig dad mi
mdzad/ /gang yang lta dang zhi ba'am/ /yul ni shin tu rnyed pa
na/ /thams cad chags dang bral 'gyur zhing/ /'di ni mthong ba'i
nang na mchog /khyod

kyi sku de gang gis ni/ /lan brgya mthong dang gang zhig gis/
/dang por mthong ba de gnyis ka /'dra bar mig ni mgu bar mdzad/
/rnam par sdang ba'i sems ldan yang/ /mthong bas ngoms pa cis mi
'gyur/ /khyad par la mkhas ma yin yang/ /gang zhig yi dags rnams

@185b kyis ni/ /khyod kyi sku ni mdzes pa'i phyir/ /blta bas mi
ngoms rang bzhin pas/ /mthong ngo cog ni phyi phyir zhing/ /dga'
ba skyed par mdzad pa lags/ /dub par ma dgongs ngo mtshar te/
/rjes su mthun pa'i don mdzad cing/ /phrin las gsal bar gyur pa
na/ /gang gi

'bad pa med par 'phrul/ /rten gyi yon tan dag dang ni/ /brten
pa'i yon tan phan tshun du/ /'cham pas khyod kyi sku dang ni/ /yon
tan phun tshogs mchog dang ldan/ /khyod la yon tan mi mnga' na/
/de bzhin gshegs pa'i sku 'di na/ /gzhan la gang zhig la ni rten/
/gzhan

mi bas ni rnam par spras/ /mtshan dang dpe byad bzang 'bar ba/
/khyod kyi sku las ma gtogs pa/ /de bzhin gshegs pa'i yon tan
'di/ /gzhan gang zhig la legs gnas 'gyur/ /phun sum tshogs las
lhag pa'i sku/ /gzhan dang mtshungs min thob pa ni/ /

brten pa yi ni khyad par gyis/ /phun sum tshogs pa lhag par 'chad/
/khyod sku rten pa'i yon tan la/ /nga dpal che zhes gsung gsung
ltar/ /de yi yon tan rnams kyang slar/ /nged legs bkod ces gsung
ba 'dra/ /sangs rgyas bcom ldan 'das la bstod pa dang

pa las spobs pa skyes pa zhes bya ba las sku la bsod pa zhes bya
ba ste le'u lnga pa'o// //gsod dang bkres skom grang dro dang/
/mi srun smad pa la sogs mang/ /gsum la dub pa med bzod cing/
/ngan song gi ni sdug bsngal yang/ /'gro ba 'di dag thams

cad ni; /khyad med nyon mongs rnams kyis bcings/ /khyod ni 'gro
ba'i nyon mongs dag /dgrol slad yun rings thugs rjes bsdams/
/bcings pa'i rgyu ni nyon mongs pas/ /'gro ba yis ni nyon mongs
bzod/ /khyod ni thugs rje yis bcings pas/ /bzod pa gang de ngo

mtshar lags/ /dang por khyod la phyag bgyi 'am/ /'on te gang gis
'khor bar khyod/ /skyon mkhyen yun ring de lta bur/ /bzhugs mdzad
thugs rje che la bgyi/ /de ltar sdug bsngal btang snyoms nas/
/dben pa'i gnas su bzhugs par mdzad/ /shin tu gsal bar

@186a @#/ /bya ba'i phyir/ /de ltar gyi yang bzod par mdzad/ /dben
pa'i bde ba spangs gyur khyod/ /mang po'i nang du bzhugs pa gang/
/de khyod thugs rje dus 'das pa/ /glags shig thod nas bgyis par
bas/ /'jig rten spyod pa 'dra ba mang/ /ma

'ongs bde ba la brten nas/ /da ltar byung la gus pa yis/ /sems
can rnams la rnam dpyad nas/ /rig pa yi ni mtsho nang nas/ /klu
bzhin khyod kyi thugs rje yis/ /dgon pa zhi gnas grong gi mthar/
/gdul ba'i don gyi slad du drangs/ /gzhan la chags shing

dgongs pa yis/ /thugs rje btsun mos mi bya med/ /yang na khyod ni
de chags pas/ /rang dang mthun pas spangs nas gang/ /nyer zhi
mchog la gnas bzhin du/ /thugs rje gtso dang ldan pas na/ /rol mo
mkhan gyi sgyur rtsal yang/ /khyod kyi zhabs kyis 'dor bar

mdzad; /don dam pa ni ma brnyes pas/ /sngon ni de bzhin dka'
spyod min/ /sangs rgyas nyid ni brnyes pa yis/ /zhi gnas bdag
nyid spangs nas kyang/ /rdzu 'phrul seng ge'i sgra dang ni/ /nyid
kyi yon tan brjod pa gang/ /de ni bzhed spyod mi mnga' ba/ /khyod
kyi thugs

rje bstan pa lags/ /gal te sems can don mdzad 'di/ /sems can yod
na mi 'gyur ba/ /gus pas gzhan du mi 'dre la/ /ji ltar ma bzad
ltar brtse med/ /gzhan gyi don du rab bzang gi /nyid kyi don la
brtse med pas/ /mgon po khyod nyid 'ba' zhig la/ /

thugs rjes thugs rje mdzad ma gyur/ /yang na khyod nyid dka' ba
rnams/ /spyod pa ma nyams des ni mdzad/ /khyod kyis nyid don las
lhag par/ /gzhan don rjes su gzigs par mdzad/ /'di lar ras 'ga'
bstan pas gang/ /gzhan don grub par mdzad slad du/ /

khyod ni lan brgyar phyogs dag tu/ /gtor ma bzhin du btang ba
lags/ /gang zhig rjes su mi mthun pa'i/ /rol mo mkhan gyi bzo
sogs ni/ /ngan pa'i las la'ang drang bar mdzad/ /de nyid de ni mi
'thad do/ /de ltar khyod la gnod mdzad kyang/ /nongs pa can du mi
rtsi

@186b bas/ /khyod kyi bzhed pa kho na dang/ /mthun 'jug pa ni
lags par gda'/ /gtong min yod de chags pa min/ /chags pa yod de
dngos mi shes/ /kha cig dngos po shes na yang/ /rjes su mthun min
gtong ba yang/ /gtong ba min la chags pa yang/ /dngos po

shes na rjes su mthun/ /thugs rje de yis spyod legs mang/ /gang
gi smra bar byed par nus/ /sangs rgyas bcom ldan 'das la bstod pa
dad pa las spobs pa skyes pa zhes bya ba las thugs rje la bstod
pa zhes bya ba ste le'u drug pa'o// //tshig bzang ba dang don

che dang/ /bden pa dang ni snyan pa dang/ /rab gsal gnyis ka'i
don ldan dang/ /bsdus dang spros pa dang ldan pa/ /nyon mongs
'joms dang rtsub min dang/ /gsal dang bde blag rtogs pa dang/
/sna tshogs don ni ma 'khrugs dang/ /snying po can dang mang ba

yang/ /khyod kyi gsung ni de lta bu/ /khyod kyi dgra bos thos na
yang/ /thams cad mkhyen pa lags so zhes/ /su zhig nges pa bskyed
mi 'gyur/ /rjes su chags dang bar ma dang/ /sdang bas gnod pa
byed pa la/ /nyes kun skyug par mdzad pa'i phyir/ /thams cad la
ni

thugs mnyam mnga'/ /mang po ril gyis snyan ma lags/ /bcos pa 'ga'
tsam snyan pa lags/ /khyod kyi gsung ni don grub pas/ /thams cad
legs gsung kho na lags/ /mos khams dbang po'i dbye ba yis/ /gang
phyir bsam pa sna tshogs pa/ /de bas thabs

la mkhas pa yis/ /skyes bu 'dul mchog kha lo sgyur/ /khyod kyi
gsung ni rnam brtags na/ /gang zhig 'jam dang rtsub pa dang/
/gang yang de gnyis ldan pa dag /thams cad ro gcig nyid du 'gyur/
/yun ring 'phel bar 'gyur ba ni/ /thugs rje brtson 'grus phun

tshogs pas/ /dgongs pa yang dag shes rab kyang/ /thams cad la ni
brtson dang ldan/ /e ma'o shin tu yongs dag pa'i/ /phrin las
rnams kyang rab tu bzo/ /de yis rin chen gsung rnams kyi/ /snod
'di 'dra ba 'di bgyis so/ /snod kyi skyon dang 'brel bas na/ /

@187a @#/ /rna bar bdud rtsi 'di 'dra ba'ang/ /ro ni phrogs par
gyur pa ste/ /lha yi chu ni rgya mtsho bzhin/ /khyod zhal blta na
rab sdug pa/ /de las mnyan na stan pa yi/ /gsung 'di dag ni zla
ba las/ /bdud rtsi 'dzag pa bzhin du gda'/ /sngo ba thi sogs
dbye ba

yis; /mi sdug pa ni bstan pa dang/ /byams pa dang ni snying rje
yang/ /spyod pa'i gnyen po'i phyogs kyis ni/ /khyod kyi gsung ni
'dod chags kyi/ /rdul rab zhi mdzad char sprin 'dra/ /zhe sdang
sprul ni gdon pa'i phyir/ /nam mkha' lding dang 'dra ba lags/
/gzhan yang

rten cing 'brel 'byung ba'i/ /rnam pa sna tshogs bstan pa yis/ /de
bzhin las bdag gir bya ba/ /bdag med pa gang dbyer med pas/ /yang
dang yang du mi shos pa'i/ /rab rib 'joms pas gdugs dang 'dra/
/nga rgyal ri bo mngon 'joms pas/ /brgya byin mtshon cha

'dra ba lags/ /gal te 'di ni ma gsungs na/ /bde gshegs dgra bcom
sangs rgyas dang/ /de ltar rtogs nyid phun tshogs pa'i/ /khyod kyi
bden gsung sus rtogs 'gyur/ /don gzigs pas na mi slu ba/ /nongs
mi mnga' phyir rjes su mthun/ /legs par sbyar bas go

sla ste; /khyod kyi gsung ni legs gsum ldan/ /zab pa dang ni
snyan pa dang/ /go sla dang ni legs sbyar dang/ /gdul bya dang ni
rjes su mthun/ /gdug pa la yang bden don phyir/ /re zhig dang por
khyod kyi gsung/ /nyan pa rnams kyi yid 'phrog mdzad/ /de nas yid

la bsams bgyis na/ /rdul dang mun pa dag kyang sel/ /longs spyod
nyung ngu tsam zhig dang/ /skye ba dang ni 'jig pa yang/ /gzhan
yang 'gro ba gzhan dbang la/ /nges par 'byung ba ston par mdzad/
/phongs pa rnams kyi dbugs 'byin cing/ /bag med rnams ni sgrag [@#sgrags]

par mdzad/ /bde ba can dag skyo bgyid las/ /khyod gsung kun dang
'tsham par 'jug /yongs smin dbang gis shes rab ni/ /sgom pa'i rang
bzhin skyed mdzad cing/ /de las ldang ba'i dus su ni/ /thos bsam
rang bzhin gyis kyang ni/ /mkhas pa rnams ni dga'

@187b ba bskyed/ /bar ma rnams kyi blo yang spel/ /tha ma'i rab
rib rnam 'joms pas/ /gsung 'di skye bo kun la sman/ /shes rab
spyan ni zag pa med/ /dang po bden pa skyed par mdzad/ /de 'og
dbang po'i dbye ba yis/ /bsgom pa dang ni mi slob lam/ /lta ba
dag

la dgar mdzad cing/ /mya ngan 'das par nye bar 'dren/ /nyes pa
sel mdzad khyod kyi gsung/ /yon tan rnams kyi char yang 'bebs/
/'dul ba'i thabs la mkhas pa yis/ /sngon dus lo rgyus gsung ba'i
phyir/ /skal can rnams la don dam pa/ /shin tu ma 'das pa

yis kyang/ /kun la ma thogs thugs mnga' zhing/ /dgongs pa'ang kun
tu nyer gnas pas/ /de slad khyod kyis lung bstan kun/ /thams cad
la yang slu mi mnga'/ /khyod kyi nyan thos mchog rnams kyi/ /rigs
dang smin dang mos pa yis/ /mi shes pas ni bsgribs

pa'i tshig /khyod ni thugs dgongs ma nyams pas/ /gang slad dus min
yul min dang/ /snod min rnams su mi 'jug pa/ /de slad khyod gsung
don mchis te/ /brtson 'grus legs par brtsams pa bzhin/ /khyod
gsung yon tan cha tsam la'ang/ /bdag gis bstod

par nus ma yin/ /gang gis khyod kyang 'dod chung ba'i/ /rab tu
gsal bar kun du 'dren/ /sangs rgyas bcom ldan 'das la bstod pa
dad pa las spobs pa skyes pa zhes bya ba las gsung la bstod pa
zhes bya ba ste le'u bdun pa'o// //bgrod pa gcig dang thabs

bde dang/ /legs par 'brel dang nyes pa med/ /thog ma bar dang
mthar dge bas/ /khyod kyi bstan 'dra gzhan la med/ /gzhan rnams
kyang ni thar don min/ /dka' bas thob cing bde 'gro min/ /mi rtag
phan tshun 'gal ba ste/ /de lam 'bras bu bstan pa'i phyir/ /khyod

kyi gzhung lugs de lta bu/ /gcig pu phongs la lta chags pas/
/byis pa gal te smod bgyid na/ /lta dang 'dra ba'i dgra ma mchis/
/byang chub sems ni nyer blangs nas/ /gzhan don la chags thugs
mnga' bas/ /khyod bskal bye bar skad cig bzhin/ /dmyal

@188a @#/ /bar yang ni de bzhin bzhugs/ /'gro ba yi ni don slad
du/ /sdug bsngal mang ltar gang lags pa/ /de bsams khyod bstan
ngan na yang/ /gnas par bgyi ba la thug na/ /nyon mongs bde ba
chung byed pa'i/ mi yi bdag po'i bka' lung gis/ /

dmyal ba yi yang las rnams la'ang/ /byas pa gzo bas 'jug par
mthong/ /phan pa gsung zhing phan pa mdzad/ /khyod kyi bstan pa
ci smos te/ /mgo la zhugs ni 'bar bas kyang/ /ci yi slad du sgrub
mi bgyid/ /zhi gnas ye shes rdzogs pa dang/ /rtogs par

gyur nas dad pa dang/ /nyon mongs kun las rnam 'grol phyir/ /byis
pa slob dang mkhas rnams kyis/ /khyed kyi bstan pas rang dbang
dang/ /byang chub bde dang zhi ba dang/ /khyod kyi yon tan
bsngags pa dang/ /legs pa bzhi po 'di kun thob/ /stong pa nyid ni
gsung pa

dang; /srid par smon pa mi mnga' dang/ /mtshan ma med pa rnyed
mdzad pa/ /gang de chags sdang med pa'i phyir/ /dpa' bo khyod kyi
bstan pa 'di/ /mu stegs thams cad skrag mdzad la/ /bdud ni sems
khong chud mdzad cing/ /lha dang mi rnams dbugs kyang 'byin/ /

bdag tu lta bas 'dus byas la/ /smon med mya ngan 'das mi 'thad/
/de slad de yi mi mthun pa/ /'chi bdag gis ni 'tshe bar 'gyur/
/'chi bdag bstan pa khams gsum gyi/ /sa chen dag la spyod bgyid
pa/ /mi thogs zlog pa ma mchis pa'ang/ /khyod kyi bstan pas

zil gyis mnan/ /skyes nas nges par 'jig pa'i phyir/ /'on te nyon
mongs bzhin 'chi 'pho/ /khyod sras kyis kyang dbang thob phyir/
/de las 'di ni khyad ches 'phags/ /khyod kyi bstan pa'i lugs
'tshal ba/ /dga' na bskal par yang gnas la/ /gang du bdud kyis

mi rdzi ba; /der yang dga' mgur rab tu mchi/ /thabs sogs sgrub la
mkhas pa yis/ /shes rab gsum po rnam 'phel phyir/ /gang tshe sems
ni nges sbyar dang/ /gzhag dang sdang ba zhes bya 'dis/ /lung gi
don ni bsams pa dang/ /bsgoms dang gus par mnyan

@188b pa yi/ /dus gsum cha dbye khyod kyi ni/ /bstan las gzhan la
mchis ma lags/ /rig pa snga phyir ma 'phel zhing/ /bsam bya'i
gnas dang bral ba'i phyir/ /mu stegs gzhan gyi mthong bzhin yang/
/lta la srid pa'i gdon gyis dkrugs/ /drang srong skyes mchog

khyod kyi bstan/ /de ltar legs pas khyab 'di la/ /ma gus gang
lags de las ni/ /sdug bsngal chen po'ang ci zhig mchis/ /sangs
rgyas bcom ldan 'das la bstod pa dad pa las spobs pa skyes pa
zhes bya ba las bstan pa la bstod pa zhes bya ba ste le'u brgyad

pa'o// //gang zhig snga mar smon lam mdzad/ /yang na mthong dang
thos pa yang/ /'gro ba rnams la smon mdzad pa/ /de ltar yang ni
don ldan 'khums/ /khyod thos pas ni spro ba skyed/ /mthong bas
dad pa skye bar 'gyur/ /khyod gsung thos pas dga' 'gyur te/ /

bstan pas rnam par grol bar mdzad/ /kye ma'o gnas skabs thams cad
du/ /skye dgu rnams la sman mdzad pa'i/ /chos bstan pas ni byed
pa na/ /gang mthar bde ba sgrub pa'i phyir/ /khyod kyi sras kyis
mgu bar 'gyur/ /'phel bas skye dgu rnams kyang dga'/ /

gshegs pa na ni phan 'dogs mdzad/ /ldog pa na ni 'god pa mdzad/
/gang zhig dad pas brlan sems kyis/ /yon tan dran pa gsal bas
kyang/ /gal te khyod ni bde mdzad na/ /de las ngo mtshar ma mchis
lags/ /bsgrags pas sdig pa 'phrog par mdzad/ /

khyod dran pas ni rangs par 'gyur/ /btsal bas blo gros skye 'gyur
te/ /yongs su shes pas rnam par 'dag /de bzhin skyabs 'gro len pa
dang/ /sbyin dang slob pa rjes byed pa'i/ /'jigs 'joms mdzad pa
ci ngo mtshar/ /gang zhig chos la mngon 'dod pas/ /khyod

la bsu bas dpal du byed/ /bsten pas blo gros mchog tu 'gyur/
/bsten na 'jigs pa med par mdzad/ /bsnyen bkur bgyis pas bde bar
'gyur/ /glags skabs tshol bar byed pas kyang/ /khyod kyi drung du
nyer mchis na/ /phyi nas gdung ba dang ldan phyir/ /sman pa

@189a @#/ /bzhin du de bzhin khyod/ /tshul khrims phun sum tshogs
pas dag /bsam gtan phun sum tshogs pas dang/ /shes rab phun tshogs
mi 'khrugs pas/ /khyod ni bsod nams mtsho chen lags/ /mtshang 'bru
ba la brtson pa ste/ /ba ra dwa dza la sogs kyang/ /

nges legs dang 'dra cis mi 'gyur/ /khyod la de ni ngo mtshar ci/
/khyod sku bltar 'os rin chen te/ /legs gsungs mnyan 'os rin chen
lags/ /chos ni spyad 'os rin chen pas/ /khyod ni rin chen 'byung
gnas lags/ /'jigs pa mi bzad rnams su yang/ /khyod ni dran

pa tsam gyis gang/ /zhi bar gyur pa de la yang/ /mtshar min gang
zhig thugs rje'i bdag /khyod ni chu bos bdas pa'i gling/ /smas
pa'i bdag nyid skyob pa ste/ /srid pa'i 'jigs pas nyen pa'i
skyabs/ /thar 'tshal rnams kyi 'dren pa lags/ /me tog gcig ni rab
phul

bas; /gang zhig ngan 'gror ltung ma gyur/ /de la dus nges bstan
pa la/ /mtshar min khyod sngon 'di 'dra lags/ /tshul khrims dag
phyir snod kyi mchog /zhing gshin 'bras bu phun sum tshogs/ /srog
chags kun la phan mdzad phyir/ /grogs kyi phul yang khyod lags
so/ /

gang zhig gis khyod mthong tsam gyis/ /skyon yon la ni mi mkhas
pa/ /dud 'gro dang ni gzhan min 'gyur/ /de la drin sogs mtshar ba
lags/ /phan 'dogs mdzad pas mdza' bshes te/ /'grogs na bde phyir
snying du sdug /zhi phyir gcig tu yid du 'ong/ /yon tan kun mnga'

mchod 'os khyod/ /gang zhig mthong ba tsam gyis ni/ /ngan song gi
ni sdug bsngal yang/ /nye bar zhi ba de la yang/ /gnas min 'jig
rten dogs pa can/ /sdig pa med pas yid dang 'thad/ /sku gsung
bzang bas dga' bar mdzad/ /don kun 'grub phyir dpal yangs te/ /

yon tan legs rten bkra shis lags/ /sangs rgyas bcom ldan 'das la
bstod pa dad pa las spobs pa skyes pa zhes bya ba las smon lam
gyi bstod pa zhes bya ba ste le'u dgu pa'o// //snga phyir sems
gnas bsgrub slad du/ /rmugs la sogs pa zhi ba'i

@189b phyir; /phyi rol g.yeng ba zhi don du/ /nang gi chog shes
spangs pa'i phyir/ /khyod ni rngan then bgyid la skul/ /chom rkun
bgyid pa tshar yang gcod/ /gya gyu can rnams rnal du 'god/ /dal
bus bgyid la bzhen skul 'debs/ /zhi gnas nges par rdzogs nas ni/
/phyi nas

bden la sbyar bar mdzad/ /bsgom pa khyad par mdzad slad du/ /sa
bon med par spangs par mdzad/ /dul ba rnams ni lam la sbyor/ /dmu
rgod rnams la btang snyoms mdzad/ /de slad skyes bu 'dul ba yi/
/kha los sgyur ba bla med mchog /thang du phyin nas khyod

mtshang 'bru/ /gang zhig sa bon med par spangs/ /'on kyang de la
btang snyoms min/ /phan pa'i dus la gzhes par mdzad/ /khyod ni
nyam thag rnams la brtse/ /bde bar gnas la phan par bgyid/
/phongs par gnas la thugs rje bas/ /kun la phan par bzhed pa

lags/ /gang zhig bar ma la phan bzhed/ /de ni shin tu ngo mtshar
min/ /gang zhig slar yang byas 'joms pa'i/ /gnyen dang grogs
rnams la ni bzhin/ /khyod ni dgra bo rnams la'ang byams/ /nyams
par gyur la phan 'dogs mdzad/ /gtum po rnams

la thugs brtse bas/ /khyod ni ya rabs rmad cig lags/ /skye ba
gcig tu phyi rol gyi/ /bza' btung gos la sogs pa yi/ /nyon mongs
pa yi dbang gis ni/ /lus tsam la ni phan byed dag /phan 'dogs
bgyi slad pha ma bdag /gal te bla mar 'tshal na go/ /

khyod ni lhag par phan 'dogs pas/ /bla ma nyid gyur smos ci
'tshal/ /thar pa'i sa bon ji ltar yang/ /de rnams dge ba la btsud
nas/ /dus gcig yongs su smin slad du/ /dus ni kun du 'da' bar
mdzad/ /rang gi don la mi lta bas/ /nyid kyi dgra bo ltar gyur

cing/ /g.yang sa'i mun gnas rnams la/ /ra ba lta bur gyur pa'ang
khyod/ /de nas ji ltar snod gyur pa'i/ yongs su smin par gzigs
nas ni/ slar yang thugs ni ma bsnyel zhing/ /sman gdags bsam gtan
la brtson lags/ /'jig rten gnyis kar sman

@190a @#/ /gdags slad/ /'jig rten las ni 'da' slad du/ /mun par
gyur pa'i 'jig rten la/ /khyod kyis shes rab snang bar mdzad/ /de
las tha dad med pa yis/ /rgyu bcas rgyu ni med pa yang/ /'phags
pa'i lam nas 'god mdzad dang/ /khyod kyi 'jig rten la

ston mdzad/ /yul la nye bar spyad pa na/ /lha min spyod pa tha
dad kyi/ /khyod kyi longs spyod thun mong bas/ /khyod la dbye ba
mi mnga'o/ /gang du rgyu ni med pa la/ /khyod kyis bstan par rab
btsud na/ /de la thar pa'i rgyu bcas la/ /mdor bsdus pas na smos
ci dgos/ /

bcom ldan khyod kyis skye ba dang/ /na tshod rigs dang yul dang
ni/ /dus kyi skyon med chos rnams kyis/ /'di dag kun la sman yon
btags/ /'di ni sman dang 'di mchog ces/ /khyod kyi ltos pa bsal
nas ni/ /de ltar yon tan 'phags 'dren pa/ /'bad pas ji

ltar bdag nyid bzhin/ /khyod kyi nyan thos sred bral zhing/ /ya
mtshan 'dzin pa med rnams la'ang/ /lha rnams thal sbyar smon bgyid
cing/ /ya mtshan che ba lta bur mchod/ /bdag nyid 'jigs pas bde
thob pa'i/ /yul dag spangs par gyur nas ni/ 'gran zla bzhin

du gcig nas gcig/ /mchog tu rjes su 'brang ba byed/ /e ma'o
sangs rgyas 'khor ba yi/ /nyid khur gyur pa byung ba brjid/ /des
na mi yang lha rnams kyi/ /smon par bya ba nyid du gyur/ /sangs
rgyas bcom ldan 'das la bstod pa dad pa las spobs pa skyes pa
zhes bya

ba las lam la 'jug pa la bstod pa zhes bya ba ste le'u bcu pa'o//
//mnyel dang zhi bde nyams gyur dang/ /skye bo ngan dang 'grogs
pa dang/ /mi mthun pa dang mang po yi/ /skyon yang yon tan bzhin
dgongs shing/ /gzhan la sman pa mdzad la chags/ /

thugs rje yis ni thugs bcings pas/ /bskal pa grangs med gsum gyis
ni/ khyod kyis sdug bsngal mi dgongs so/ /'gro ba'i don slad ma
chags pa'i/ /thugs kyis brtson pa mdzad pa gang/ /sangs rgyas
rnams kyi sangs rgyas kyi/ /chos nyid bcom ldan de rmad do/ /

@190b zhi gnas bde ba ma thob pa/ /sngon mdzad gang de ngo mtshar
min/ /khyad kyis zhi gnas thob pa yang/ /spangs pa'i mdzad pa ngo
mtshar to/ /bshos kyang phal pa gsol mdzad cing/ /res 'ga' smyung
ba dag kyang mdzad/ /nyam nga'i tshul du'ang gshegs mdzad cing/
/rad rod

can du'ang man la ba mdzad/ /slar yang phyag gi bdud rtsi yis/
/gzhan rnams la ni phan pa mdzad/ /de nyid kyis ni mi 'grang
pa'i/ /mi srun spyod pas phal pa bzhin/ /mgon khyod gtso bor gyur
lags kyang/ /gdul bya rnams la byams slad du/ /sku ngas brdod nga
gcam

tshul dang/ /skad dang cha lugs sgyur ba'ang mdzad/ /mang po'i
rang don mthar thug dang/ /de ni khyod kyi che ba lags/ /de la
mngon 'dod don la yang/ /de lta'i sdug bsngal sdom pa mdzad/ /kun
gyis dga' mgur rang don phyir/ /bran bzhin bskos par bsgrims pa

lags; /mgon khyod rtag tu bdag nyid la/ /mnga' ma mchis pa'ang ma
lags so/ /lci dang cha lugs yang dgongs pa'ang/ /de tshe khyod la
ga la ste/ /gang phyir gzhan ma spangs nas kyang/ /sdug bsngal
ldan pa mthar phyin pas/ /khyod la gang dang gang du yang/ /ji
skad

skul yang mi spong ste/ /nyid kyi sgrub pa bzang po las/ /'da'
bar 'gyur ba ma mchis so/ /pha 'am yang na gzhan legs la/ /byams
pa'am yang na snying rje yis/ /khyod yon phrag dog gis gdungs
dang/ /de bzhin rgyu med dgra bo la/ /ji ltar khyod ni gnod bgyid

la; /phan pa lhur mdzad de lta bu/ /skye bo dag ni phan bgyid
la'ang/ /phan pa de ltar lhur mi bgyid/ /nyes rtog gdon gyis zos
pa ni/ /phyir zhing shin tu mi bzad la/ /mgon po rang sems rjes
mthun pas/ /khyod kyi nyes pa mthong ba la/ /khyod ni gnod bgyid

dgra bo la/ /phan pa mdzad pa'i bshes lags te/ /rtag tu skyon dag
tshol ba la/ /yon tan 'ba' zhig tshol ba'ang lags/ /shin tu dge
ba'i spyod ldan pa/ /mgo dang yid dang tshig dag gis/ /khyod ni
phyag 'tshal mchod 'os la/ /rtag tu bdag ni phyag

@191a @#/ /'tshal bstod/ /khyod ni gang na dug bcas shing/ /zhugs
dang bcas par spyan drangs pa/ /der ni brtser bcas gshegs pa
dang/ /khyod la bdud rtsi can du gyur/ /shin tu phan tshun 'gal ba
can/ /sems can rnams kyi log rtog pas/ /

mi bskyod de la phan 'jug pa'i/ /thugs ldan khyod la phyag 'tshal
lo/ /bzod pas mi snyan brjod pa dang/ /'khu ba dag ni bde legs
kyis/ /mi snyan smra la bden pa ste/ /khyod kyis sdang ba byams
pas btul/ /dgra rnams la ni 'bad min pas/ /thugs kyis

kyang ni rtag tu btul/ /bzlog la yang dag 'jog mdzad pa'i/ /rgyal
mchog khyod la phyag 'tshal lo/ /thog ma med dus goms pa yis/ /mi
yi rang bzhin mang po yang/ /khyod kyis ngan song rnam bzlog nas/
/skad cig nyid la yongs su bsgyur/ /shin tu bzang

min khams tsam yang/ /yun ring gyis ni 'phel mdzad pa/ /sman pa'i
spyod pa rjes 'jug pa/ /sman mchog khyod la phyag 'tshal lo/
/sangs rgyas bcom ldan 'das la bstod pa dad pa las spobs pa skyes
pa zhes bya ba las dka' ba mdzad pa la bstod pa zhes bya ba ste

le'u bcu gcig pa'o// //rtsub po dang 'jam bgyid pa dang/ /'jungs
pa rnams ni gtong phod dang/ /gtum pa des par bgyis pa gang/ /de
ni khyod kyi thabs mkhas lags/ /rang rig rjes su mi gcod cing/
/dge ba gong du 'dren byed pa/ /skye ba gzhan

du mdzad pa'i phyir/ /dge mchog khyod la phyag 'tshal lo/ /dga' bo
dbang po nyer zhi dang/ /nga rgyal khengs pa 'dud pa dang/ /sor
mo'i phreng ba 'ang zhi bgyis na/ /su zhig ngo mtshar skye mi
bgyid/ /shin tu mchog don mdzad slad du/ /dmu rgod rnams ni bde
ba yis/ /

shin tu ngo mtshar gyur pa yis/ /'dul mdzad khyod la phyag 'tshal
lo/ /khyod kyi chos kyis ros tshim pas/ /gser las bgyis pa'i mal
spangs nas/ /ran mang gting ba'i gnas mal du/ /brtan rnams bsod
nyams nyal bar bgyid/ /gzhan gyi dbang gis lus

@191b tsam ni/ /shin tu tshim dang rjes mthun min/ /gang phyir
gzhan gyis tshim byed las/ /tshim mdzad mchog khyod la phyag 'tshal/
/khyod kyis dus dang bsam mkhyen pas/ /res 'ga' zhus na'ang mi
gsung la/ /spros 'gyur gzhan la bstan pa dang/ /drung du gshegs

nas bshad pa'ang mdzad/ /rgyu min mkhas pa ma yin phyir/ /thams
cad du ni tshig mi 'grub/ /de ni shin tu spangs mdzad phyir/ /bden
gsung khyod la phyag 'tshal lo/ /dri med gos la tshon bzhin du/
/thog mar sbyin sogs gtam ngag gis/ /sems la spro ba bskyed nas

ni; /phyi nas chos ni bstan pa mdzad/ /rig dang thabs la mi mkhas
pa'i/ /tshig gis sems ni 'gug mi 'gyur/ /gzhan gyi sems ni bkug
mdzad nas/ /'chi med gsol mdzad la phyag 'tshal/ /'khor ba mi bzad
gting nas ni/ /'gro ba nyon mongs drang

slad du; /khyod kyis gang zhig ma stsal ba'i/ /thabs dang spyod
pa de ma mchis/ /kha cig pha rol 'dod slad du/ /brtson 'grus ldan
la thabs mi mkhas/ /thabs mkhas brtson 'grus med pa las/ /'dren
mdzad mchog khyod la phyag 'tshal/ /sku yi cha lugs rnam

mang dang/ /gsung gis so so'i skad bzhin du/ /gdul ba'i bsam pa
tha dad pa/ /de dang der ni khyod kyis mdzad/ /gzhan gyi cha lugs
sna tshogs ni/ /don med yang na gzhan gsod phyir/ /don ldan sku ni
sna tshogs pa'i/ /don kun mdzad la phyag 'tshal lo/ /de dag

kun kyang dag pa dang/ /mi 'gal ba dang mchod 'os dang/ /brjid
dang lha mi rnams la ni/ /sman 'dogs bkur ba sha stag lags/ /phyi
rol rnams kyi spyod pa ni/ /gzhan gsod pa dang smod pa ste/ /bkra
shis gzhan don du ldan pa'i/ /spyod pa mnga' khyod la phyag
'tshal/ /

smra dang bgyid pa phal cher ni/ /legs pa rngo thogs ma lags kyi/
/bden par gsung ba khyed la ni/ /de gnyis gzhan du gda' ba lags/
/gzhan gyi spyod pa mig ni gzhan/ /nyon mongs phal cher 'khrugs
pa yang/ /spyod pa dang ni don mthun pa'i/ /legs gsung khyod

@192a @#/ /la phyag 'tshal lo/ /bdag nyid dag pa 'ba' zhig gis/
/khyod kyis 'gro ba'i dpal zhing mdzad/ /'di ltar rnam pa 'di
'dra'i zhing/ /'jig rten gsum na mchis ma lags/ /gal te dbye byed
rnams kyi ni/ /'ba' zhig khyod ni smad gyur na/ /de

bzhin dpag med dge ldan pa'i/ /sgor gyur khyod la phyag 'tshal lo/
/thog med srid pa nyam da bar/ /snga nas gcig tu nyams pa yi/
/sems can kun la sman slad du/ /khyod ni de ltar brtson pa lags/
/sangs rgyas bcom ldan 'das la bstod pa dad pa las spobs

pa skyes pa zhes bya ba las mkhas par bstod pa zhes bya ba ste
le'u bcu gnyis pa'o// //gang phyir mya ngan gyis nyams pas/ /ston
pa rnyed par dka' ba yang/ /slar yang dka' la brtson ldan pa/
/khyod la rtag tu phyag 'tshal lo/ /gang gi khyod drin lan lon
pa'i/ /

sgrub de mchis snyam mi bgyid de/ /skye bo gang dag mya ngan
'das/ /de dag gis kyang lan ma lon/ /rang don byed par bdag mchog
cing/ /de ltar gang gis rmad byung gsungs/ /thog mar ma thogs
phun sum tshogs/ /ston mdzad khyod la phyag 'tshal lo/ /khyod kyi
chos la

gnas de dag /rang don kho na bgyid par bas/ /de yi slad du 'o
brgyal gang/ /de la lan go ci zhig lon/ /khyod ni sems can gnyid
log pas/ /rgyud la gzigs pa'i zhugs tse ba/ /bag med gyur pa
rnams kyi ni/ /grogs bzang bag dang bcas pa lags/ /gti mug

mnal ni bcom pa'i phyir/ /shin tu sad khyod phyag 'tshal lo/ /snod
dang snod min sogs dpyod phyir/ /'jig rten mkhyen la slar phyag
'tshal/ /khyod kyis nyon mongs gzhom pa bshad/ /bdud kyi g.yo dag
bstan pa mdzad/ /'khor ba'i rang bzhin mi bzad brjod/ /

'jigs pa med pa'i phyogs kyang bstan/ /gal te gzhan gyis rgyud
rnams kyi/ /nyon mongs bdud las rgyal gyur pa/ /bdud kun las
rgyal smos ci 'tshal/ /phan dgongs thugs rje can gyis ni/ /sems
can rnams la bgyi 'tshal ba/ /gang zhig khyod kyis ma mdzad pa/ /

@192b gzhan go ci zhig mchis lags kye/ /mgon khyod grangs dang
'phags pa dang/ /bla ma yan lag gnyen 'dun gyis/ /dgongs pa mdzad
pa gang lags pa/ /de phyir kun bdag la phyag 'tshal/ /gal te chos
ni 'di dag kyang/ /spo ba zhig tu btub na ni/ /gdon mi 'tshal

bar khyod kyi ni/ /lha sbyin la brten gun la'ang stsol/ /khyod
kyi mdzad par mi spyod gang/ /de ni nges par bgyid mi rigs/ /gnas
ma yin las ldog pa dang/ /gnas la zhugs la phyag 'tshal lo/ /de
slad 'gro la brda sprod pa/ /'gro ba'i mgon po khyod kyis ni/
/'di ni phan tshun byed pa po/ /med pa

skad du nges par gsungs/ /khyod kyis mi spyod pa yis kyang/ /gang
phyir ldog pa'i mi 'thad na/ /de phyir gnas skabs thams cad du/
/lta bcas khyod la phyag 'tshal lo/ /'jig rten rnams la thugs
brtse bas/ /yun ring sa steng dam chos bshad/ /'jig rten gsum

phan 'dogs nus pa'i/ /slob ma dam pa'ang mang du bskrun/ /bskrun
nas gdul ba khyad par gyis/ /bstan pa rgyas ni btab nas kyang/
/mngon du btul ba'i tshogs kyang ni/ /mdzes bzang yan chad btul
lags pas/ /de ko khyod la sems can gyi/ /bu lon

ltag ma ci mchis na/ /chos kyi sku yis ma lus pa'i/ /'gro ba dag
dang ldan khyod kyis/ /slob dpon khu tshur bcing min phyir/ /bu
lon lhag ma gzhan ci mchas [?]/ /'di ltar rdo rje'i ting 'dzin gyis/
/sku gdung til 'bru bzhin blags nas/ /mjug tu'ang

khyod kyis shin tu ni/ /dka' spyad yal bar ma dor ro/ /yang na
gzugs sku'i mthar yang ni/ /sems can don mdzad nyid gzigs nas/
/nyid kyi bde la chags mi mnga'/ /de la ltos pa dor bar mdzad/
/gzugs kyi sku dang chos 'di dag /gzhan don kho nar mdzad

do zhes/ /'jig rten yid chos dka' 'di la/ /khyod kyis mya ngan
'das pa bstan/ /de ni spyod bzang mthar thug pa'i/ /sems can
gzhan don mdzad pa nyid/ /gang zhig theg ma dbus mthar yang/
/khyod kyis ma nyams nyid du 'khums/ /de slad chos sku ma lus pa/ /

@193a @#/ /sras kyi mchog la gtad mdzad de/ /gzugs sku til 'bru
ltar bshig nas/ /khyod ni yongs su mya ngan 'das/ /de ltar thog
ma dbus mtha' ru/ /chos gzugs sku gnyis bdag nyid kyis/ /sems can
don la phan mdzad phyir/ /bu lon mi mnga'

la phyag 'tshal/ /e ma'o gnas pa e ma'o tshul/ /e ma'o yon tan
e ma'o sku/ /sangs rgyas kyi ni chos rnams la/ /ya mtshan mi che
'ga' ma mchis/ /tshul khrims dang ni bsam gtan rgyu/ /de'i 'bras
gzugs dang gzugs med pa'ang/ /gang phyir khyod kyis

ma dgongs te/ /de phyir bas min khyod phyag 'tshal/ /phan 'dogs
mdzad cing blta na sdug /sku gsung phrin las zhi gyur pa/ /khyod
la'ang sdang bar rab bgyid pa'i/ /rmongs pa mi bzad pa la gzigs/
/khyod la sdang bar byed pa la/ /sman mdzad pa ni bsam mi nus/
/de

sman mdzad pa bsam min bas/ /rtag tu khyod la phyag 'tshal lo/
/bsod nams rgya mtshor rin chen gter/ /yon tan 'byung gnas chos
kyi tshogs/ /khyod la sems can gang 'dud pa/ /de dag la yang phyag
'tshal lags/ /khyod kyi zhabs rdul gyis brgyan pa'i/ /yul gang

de la'ang phyag 'tshal nas/ /dge ba'i bstan pa la mkhas pa'i/
/mtshan gyis brgyan pa smos ci 'tshal/ /mgon khyod yon tan mi bas
kyang/ /bdag gi zho sha bas 'tshal bas/ /des na 'jigs pa mchis
slad du/ /glo ba la ni gcags shing mchis/ /khyod ni rang sangs

rgyas kyis min/ /nyan thos mchog gtso bos ma yin/ /byang chub nye
ba'i byang sems kyis/ /rtogs mi 'gyur na gzhan ci smos/ /khyod
kyi rang gi ngo bo nyid/ /tshad ma mchis la bsam mi khyab/ /bstan
min grangs kyang ma mchis pa/ /khyod bdag nyid kyis mkhyen lags
grang/ /

bsam min tshogs des phun sum tshogs thob pa/ /gzhan don spyod pa
ngo mtshar dge las kyi/ /yon tan cha tsam brjod par bdag rmongs
pas/ /rang don dgongs pas mi nus par yang byas/ /mtsho chen chab
ni bas par ma gyur kyang/ /skye bo'i gdung ba rab tu zhi bgyid
ltar/ /

@193b khyod kyi yon tan cha tsam ma sgrogs kyang/ /bdag ni mchog
tu glo ba dga' zhing mchis/ /btsun pas mdzad pa'i bstod pa'i
drung du ni/ /rjod nyung mdzes pa ma yin ci zhig 'gran/ /'o
na'ang bdag ni mi shes pa yis sel/ /skye bo'i rna bar ji ltar
'jug par 'gyur/ /bdag

gis thub la dad pas spobs skyes pa'i/ /dge ba'i las 'di'i 'bras
bu 'khrungs pas ni/ /ngan rtog rlung dmar 'tshub mas dkrugs pa yi/
/'gro ba'i sems ni rnal du gnas par shog /sangs rgyas bcom ldan
'das la bstod pa dad pa las spobs pa skyes pa zhes bya ba

las bu lon med par bstod pa zhes bya ba ste le'u bcu gsum pa'o//
//spel mar bstod pa zhes bya ba slob dpon chen po ma ti tsi Ta
dang/ slob dpon phyogs kyi glang po dag gi zhal snga nas mdzad pa
rdzogs so// //rgya gar gyi mkhan po ku ma ra ka la sha dang/ zhu

chen gyi lo tsA ba dge slong bsod nams bzang pos bsgyur cing
zhus te gtan la phab pa'o// @##/ /rgya gar skad du/ sarba ta thA
ga ta sto traM/ bod skad du/ de bzhin gshegs pa thams cad la
bstod pa/ dkon mchog gsum la phyag 'tshal

lo; /bstan pa 'gro ba kun gyi mchog gyur cing/ /gzhan don rdzogs
mdzad pa la rnam par mkhas/ /nyon mongs sbrul chen kun du 'byin
mdzad pa'i/ /de bzhin gshegs pa kun la phyag 'tshal 'dud/ /zag
bcas bag chags thams cad spangs gyur cing/ /don kun

de nyid nges par gzigs mdzad pa/ /skye dgu thams cad don la
brtson gyur pa/ /de bzhin gshegs pa kun la phyag 'tshal 'dud/ /dam
chos rin chen 'byung gnas snod gyur cing/ /lam mchog mya ngan
'das pa ston mdzad la/ /yid la re ba kun du rdzogs mdzad pa'i/ /

de bzhin gshegs pa kun la phyag 'tshal 'dud/ /'jig rten rnams la
rjes brtser mngon par gus/ /byams dang thugs rje yongs su bsgos
gyur cing/ /kun don spyod pa yongs su rdzogs mdzad pa'i/ /de
bzhin gshegs pa kun la phyag 'tshal 'dud/ /kun don bsam

@194a @#/ /pa yongs su rdzogs mdzad pa'i/ /gdul bya'i pad+ma 'byed
pa'i spyan dang ldan/ /rgya chen slob ma dam pa'i yon tan bskyed/
/de bzhin gshegs pa kun la phyag 'tshal 'dud/ /bskal pa mtha' yas
tshogs ni bsags gyur cing/ /tshangs dbang lha dbang

rnams kyis phyag byas la/ /sku la 'dom gang 'od kyis brgyan gyur
pa'i/ /de bzhin gshegs pa kun la phyag 'tshal 'dud/ /nyes pa'i
rtsa ba ma lus bcom gyur cing/ /ye shes me yis dri ma'i shing
bsregs la/ /shes rab dam pa yongs su rdzogs mdzad pa'i/ /de

bzhin gshegs pa kun la phyag 'tshal 'dud/ /nyon mongs bag chags
bcas kun rnam bcom zhing/ /grags pa chen po kun du grags gyur la/
/mtshan mchog sum cu gnyis kyis rnam par brgyan/ /pad+ma lta bu'i
spyan ni rab rgyas shing/ /btso ma'i gser gyi phung po 'dra

ba yi/ /de bzhin gshegs pa kun la phyag 'tshal 'dud/ /bsod nams
rgya chen rmad byung 'di yis ni/ /bdag nyid nyon mongs bag chags
bcas 'byin cing/ /'khor ba'i nyon mongs rgya mtsho chen po 'dir/
/nub par gyur pa'i 'gro ba 'don par shog /de bzhin gshegs pa

thams cad la bstod pa rdzogs so// @##/ /rgya gar skad du/ b+ha ga
wAn shAkya mu ni sto tra/ bod skad du/ bcom ldan 'das shAkya
thub pa'i bstod pa/ dkon mchog gsum la phyag 'tshal lo/ /'jig rten
'das pa 'jig rten sgron me mdzad/ /khyod

ni 'jig rten don mdzad blo gros bzang/ /snang ba brnyes shing
nyon mongs dri bsal ba/ /'jig rten snang mdzad khyod la phyag
'tshal lo/ /sbyin la dgyes shing stobs bcu'i mchog mnga' ba/ /gdul
bya 'dul bzhin gdul bya'i pha rol byon/ /bcom ldan lha dang mi
dang klus

mchod pa/ /gdul bya'i mthar phyin khyod la phyag 'tshal lo/ /mtshan
mchog 'gro ba mang po'i don mdzad cing/ /'dom gang 'od ni gser
gyi kha dog 'dra/ /dge ba mtshan gyi dam pa'i gzugs mnga' ba/
/srid gsum mtshungs med khyod la phyag 'tshal lo/ /pha rol gshegs

@194b pas gzhan gyi tshogs rdzogs shing/ /pha rol phas rgol tshogs
'joms mi g.yo ba/ /sems can gzhan gyi sems dang spyod la mkhas/
/pha rol tshogs 'joms khyod la phyag 'tshal lo/ /dgra bcom rgyal po
nyon bcil dri bsal ba/ /'tsho ba dag cing brtul zhugs tshul

khrims gnas/ /lha yi lha mchog dri med dri bral ba/ /thugs rje
mchog ldan khyod la phyag 'tshal lo/ /chu bo bzhi brgal bden
bzhi'i bka' mchid gsung/ /mig sbyin bdud rtsi chos kyi bka' mchid
can/ /mnyam thugs 'gro ba kun la byams pa'i thugs/ /chos la mnyam

gnas mi rnams kha lo sgyur/ /yon tan mthar phyin khyod la phyag
'tshal lo/ /snyan pa'i sgra dbyangs rnam par dag dang ldan/
/tshangs pa'i sgra dbyangs lta bur snyan pa'i gsung/ /thams cad
dbyangs kyi yan lag gsung tshul rdzogs/ /bden pa snyan gsung khyod
la phyag

'tshal lo/ /stong pa mtshan ma med cing smon dang bral/ /zab mo
blta dka' shin tu rtogs par dka'/ /thar la 'jug par mkhas pa'i
blo gros can/ /thar pa'i lam dgyes khyod la phyag 'tshal lo/ /rgyu
la brten pa'i mkhas pa blo gros can/ /mtha' gnyis lta ba rtag tu

mi mkhas pa/ /las kyi 'bras bu rnam smin kho nar gsung/ /lta ba'i
mun bral khyod la phyag 'tshal lo/ /gang nas ma byon gang du'ang
gshegs ma lags/ /rtag tu dben pa'i chos rnams rab gsung ba/ /smig
rgyu sgyu bzhin nga yir mi mnga' ba/ /dge ba'i chos tshul

khyod la phyag 'tshal lo/ /skye dang mi skye gang du skyes ma
lags/ /skye dang 'jig dang gang du mi gsal ba/ /chos kyi gnas
nyid ji ltar gnas la gnas/ /gnas dang mi gnas rgyal la phyag
'tshal lo/ /de bzhin kho na ba bzhin yang dag gsung/ /rtag tu mi
g.yo de bzhin

nyid la bzhugs/ /ri rab rdo rje rgyal mtshan 'dra ba'i sku/ /mi
g.yo ri rab mtshungs la phyag 'tshal lo/ /bcom ldan 'das shAkya
thub pa'i bstod pa slob dpon dkon mchog gsum gyi 'bangs kyis
mdzad pa rdzogs so// //

@195a @##/ /rgya gar skad du/ shrI mA nma hA bo d+hi b+ha nwA ra
ka sya sto traM/ bod skad du/ dpal ldan rje btsun byang chub chen
po'i bstod pa/ sangs rgyas la phyag 'tshal lo/ /pad dkar spyan
mnga' rdzogs sangs rgyas/ /thugs rje'i go 'phang thams cad
mkhyen/ /shAkya seng ge

kun du bzang/ /ston pa la ni bdag phyag 'tshal/ /dpal stug dpal
ldan gtso bo ste/ /zhi mdzad tshul khrims phung po can/ /zhi ba
dpal ldan dpal mdzad pa/ /zhi ba'i sku mngar bdag phyag 'tshal/
/grub pa bdag med gsung mdzad pa/ /kha na ma tho'i gnas ma mchis/ /

lugs mkhyen dri ma mi mnga'i bdag /rnyog mi mnga' la bdag phyag
'tshal/ /'gran zla nga rgyal mi mnga' zhing/ /rnam rtog mi mnga'
de bzhin gshegs/ /nyon mongs kun gyis mi bsgul pa/ /spros mi
mnga' la bdag phyag 'tshal/ /sna tshogs dbang phyug rnam grol
mkhyen/ /sna

tshogs gzugs can rnam par 'dren/ /sna tshogs mtshan rnams yang dag
rdzogs/ /'dod chags bral la bdag phyag 'tshal/ /gdul dka' 'dul
mdzad sems can mchog /dag pa thub pa zas gtsang sras/ /bde gshegs
legs rtogs zhi mdzad pa/ /dge bar

grags la bdag phyag 'tshal/ /rnyog pa las grol 'dod pa'i dgra
/rnyog pa mi mnga' pad+ma 'chang/ /mdzes pa'i sku mnga' thugs
brtse'i snod/ /pad+ma'i 'od mngar bdag phyag 'tshal/ /blo gros
chen po brtson 'grus che/ /stobs chen pha rol gnon pa po/ /mchod
pa chen po

bstan pa che/ /sgra gcan chen por bdag phyag 'tshal/ /rig dang
zhabs ni phun sum tshogs/ /sna tshogs dbang po dri med 'od/ /rnam
dul cha byad yangs pa can/ /skyon dang bral la bdag phyag 'tshal/
/'phags pa gtsang mdzad kun la sman/ /gzhan gyis mi thub nyams

mi mnga'/ /bdag dang gzhan la phan pa'i mgon/ /dpag med 'od mngar
bdag phyag 'tshal/ /lha yi lha ste lha chen po/ /lha yis phyag
byas zad mi mnga'/ /tshad mar gyur pa lha yi dbang/ /lha rdzas
gzugs mngar bdag phyag 'tshal/ /don dam mchog tu gsal mdzad pa/ /

@195b mchog gi dbang phyug dam pa ste/ /mchog tu gzhan la phan
mdzad pa/ /bcom ldan de la bdag phyag 'tshal/ /bdud bzhi'i dgra
las rnam par rgyal/ /zhi ba zhi mdzad de nyid mkhyen/ /de nyid
snying bo rtag tu spyod/ /ded dpon la ni bdag phyag 'tshal/ /dbang
po thul ba nyon mongs

thul/ /rgyal ba'i dbang po skyes bu mchog /tshangs pa dam pa mchog
gyur pa/ /bsod nams zhing la bdag phyag 'tshal/ /'dod chags bral
ba bcom ldan 'das/ /khyod kyi sku nyid la bstod pas/ /dmyal ba'i
me nang gnas pa rnams/ /bsil ba'i gnas ni thob gyur cig/

dpal ldan rje btsun byang chub chen po'i bstod pa mchog sred kyi
zhal snga nas mdzad pa'o/ /'di yang gangs can skad nyid du/ /rje
btsun sprul pa'i sku mchog gi/ /bka' bzhin zha lu lo tsA ba/
/dge slong chos skyong bzang pos bsgyur// @##/ /rgya gar skad du/

budd+ha sta ba da sha /bod skad du/ sangs rgyas kyi bstod pa bcu
pa/ sangs rgyas la phyag 'tshal lo/ /mchog gi byang chub rgyu ni
dang por bskyed pa las/ /'gro la rnam par phan phyir 'chi med
thar mdzad de/ /yang dag 'bar ba'i 'od 'phro bdud las rgyal ba
can/ /rgyal ba shAkya thub

la rab tu phyag bgyi'o/ /thub pa'i rgyal po dam pa gzhan gyi mgon
po mchog /gcig tu brtson pas tshangs pa mchog la nges gnas shing/
/so so'i blo can phas rgol las ldan dbang por ni/ /ri dags bdag
po shAkya thub la phyag bgyi'o/ /thub pa mar me mdzad la sogs la

mchog thob pas/ /'bar ba'i rin chen dam pa thor cog la 'chang
ba'i/ /'dzin ma'i bdag po tshangs dang rgas med kyis bstod pa/
/sdig spangs shAkya thub la rab tu phyag bgyi'o/ /thub pa rgya
che'i 'od zer rgyan gyis yongs su bskor/ /me chu'i yangs pa dag
dang rab rgyas

gsal ba'i 'od/ /tshangs pa'i 'jig rten yul la khyab par spro ba
can/ /shAkya thub la deng bdag rab tu phyag bgyi'o/ /thub pa
skyes mchog bden pa mchog tu ston pa po/ /'jig rten lha dang lha
min mya ngan 'das bgyid pa'i/ /thabs mdzad pa la cho ga bzhin du
mkhas

@196a @#/ /pa ste; /dge 'os shAkya thub la rab tu phyag bgyi'o/
/thub pa'i dbus su mngon dgyes thugs rjes gnas pa ste/ /ting
'dzin mchog gis 'dod dang drag po rnam rmongs shing/ /mchog gi
bim pa lta bu'i zhal sgros phul dang ldan/ /dam pa shAkya thub
la rab

tu phyag bgyi'o/ /thub pa'i chos 'dzin pa las nad dang rims
'phrog cing/ /zhabs zung dag la 'phrog byed cod pan gyis rab
mtshan/ /zung 'jug ting nge 'dzin la rtag tu bzhugs pa yi/ /mchog
sbyin shAkya thub la rab tu phyag bgyi'o/ /thub pa seng ge dam
pa mi yi seng ge mchog/

tshangs pa mi mjed bdag pos mchog gyur gdugs bsgreng zhing/ /nor
'dzin gtso mo'i re ba'i phyag gis mngon btud pa/ /phyag 'os
shAkya thub la rab tu phyag bgyi'o/ /thub pa zhi byed rnams kyi
gtsug gi bde gshegs te/ /ma lus nyes pa spangs shing yon tan chu
yi gter/ /

mtha' dag skye bo'i sdug bsngal sel ba gter lta bu/ /sdig sel
shAkya thub la rab tu phyag bgyi'o/ /thub pa brtson pas 'gro
ba'i don sgrub mdzad pa la/ /mkha' lding bdag po'i mgon te ltung
gyur sems can rnams/ /yang dag 'dren zhing pha rol bde bar mdzad
pa yi/ /ston

pa shAkya thub la rab tu phyag bgyi'o/ /dpal shAkya thub pa'i
bstod pa bcu pa zhes bya ba rdzogs so// //'di ni dpal nags kyi
rin po che'i zhabs kyis mdzad pa ste/ /pa NDi ta chen po de nyid
kyi bka' drin gyis 'tsho ba'i dA ri dra pa rgya mtsho'i sdes
bsgyur ba'i yi ge pa ni blo

dang ldan pa byams pa kun dga'o// @##/ /rgya gar skad du/ gu Na a
paryanta sto traM/ bod skad du/ yon tan mtha' yas par bstod pa/
thams cad mkhyen pa la phyag 'tshal lo/ /rgyal ba'i yon tan mtha'
mi 'tshal bas gal te khyod bsngags

mi brjod na/ /'ga' yang khyod bstod mi bgyid khyod kyi 'byor ba
'gro bas rtogs ma mchis/ /gang slad 'gro 'dis khyod la bstod pa
bgyis kyang nongs pa ma mchis pa/ /de slad don 'dir bdag ni blo
gros rab tu chung yang brtson pa lags/ /srid gsum dag la phan
brtson blo

@196b mnga' ngan song gnas na'ang bsngags par 'os/ /rang don smon
pa'i blo gros can ni mya ngan 'das kyang ma lags zhes/ /de slad
khyod ni 'khor ba'i 'jigs pas mi ldog brtan zhing mi g.yo bas/
/'jig rten skye zhing 'chi bas nyam thag yongs su bskyab par
brtson pa lags/ /

srid pa'i 'gro ba dag tu sdug bsngal rnams kyis smas pa'i sems
can la/ /bdag gi blo gros rtsub pos sdug bsngal rnam mang de dang
de bsgrubs pas/ /de phyir bdag gis de dag rnams la bde ba bskyed
phyir bzod bya zhes/ /de slad khyod ni 'gro la zhi ba'i bde ba
bskyed slad brtson

pa lags/ /sems can gang dag ma rig ldongs pas bsam pa rgud pa'i
blo gros can/ /pha dang bur gyur rnams kyis bdag la gnyen snyam
byams pas phan btags pa/ /de dag btang nas gcig pu thar par byed
pa bdag gi tshul min zhes/ /de slad khyod kyis 'gro ba mgon med

nges thar bgyi slad smon lam btab/ /sngon chad 'khor bar sdug
bsngal kun du myong gyur tshe na bdag la ni/ /gang dag yun ring
ngo shes byams sems ldan pas lan brgyar grogs byas pa/ /bde ba
thob tshe de dag bkol nas ji ltar yongs su spyad bya zhes/ /de
slad khyod ni

bdud rtsi 'ang sems can kun dang thun mong gsol bar brtson/
/mchog sbyin 'gro bar sems can rnams dang lhan cig longs spyod
'das dgongs nas/ /de dag nges par yongs su mi gtong bas na khyod
kyi bstan pa ni/ /ji ltar khyod nyid ne tsor 'khrungs tshe ljon
shing gzhon

nu lags spyad pa'i/ /ljon shing rgas par gyur kyang yongs su mi
gtong de ltar brtson pa lags/ /gang slad 'gro ba mya ngan ma 'das
mya ngan khyod 'da' blo ma byung/ /bde gshegs go 'phang brnyes
par nus pa ma lags de mi mdzad/ /de slad khyod ni kun mkhyen yon
tan gter

dag brnyes mdzad slad du brtson/ /stobs bcu'i yon tan bdag gir
mdzad pa las gzhan khyod la phra mi mnga'/ /gang su la la dag gis
bde gshegs go 'phang brnyes pa de dag kyang/ /'di bas shin tu
smad pa'i gnas skabs dag tu lhung ba byung ngo zhes/ /de slad
khyod kyis

@197a @#/ /nyam ngar lhung ba'i tshe yang bdag nyid smad ma mdzad/
/bdag la smod pa mi rung skyes bu dar ba zhum par bgyid ma lags/
/gang slad gal te rang la rag las 'bad pas byang chub thob gyur
na/ /sangs rgyas go 'phang rnyed dka' ma lags snyam du khyod kyi
blo gros

byung; /de slad khyod kyis nyam nga'i dus su'ang kun mkhyen smon
lam brtan bzlog pa/ /dman la dga' ba rnams kyi tshig dag khyod
kyis khyad du bsad par mdzad/ /nyon mongs chu bo rab 'khrug pa
dang ngan 'gro la dag rtag tu gdangs pa dang/ /so so'i skye bo'i
g.yo dang

sdig pa'i grogs po rtag par rgyun du gnas pa dang/ /thub rnams
rnyed par dka' zhes de ltar sems zhum 'gro ba gtong ba'i rgyu/
/gang lags de nyid khyod kyi thugs rje rtag tu skye ba'i rgyur
yang gyur/ /ji ltar 'gro ba rnams la khyod blo shin tu byams pa
skye ba ltar/ /'jig rten

'di dag rang la'ang byams pa'i blo gros skye bar mi 'gyur la/
/'jig rten phongs pa'i gnas skabs gyur na bdag nyid dag kyang
gtong bar bgyid/ /khyod ni shin tu nyam nga'i dus su'ang 'gro ba
gtong ba bzhed ma mchis/ /gang zhig skye bo dman dang phongs pa
re ba'i bsam ldan

mthong na yang/ /brtse med 'bras bu 'dod pas smod gzhan yon tan
dag dang ldan tshol ba/ /bsam brlag de ni sbyin pa byed kyang
slong ba rnams dang mtshungs so zhes/ /de slad khyod ni thugs rjes
slong ba rnams la sbyin par bzhed la zhugs/ /'ga' zhig rang nyid
ma dul bzhin du

rigs par ldan pa'i tshig smra yang/ /rang gi tshig dang 'gal bar
spyod pas gzhan dag 'dul bar mi nus zhes/ /khyod kyis dgongs nas
de slad 'gro ba mtha' dag thugs la bzhag mdzad nas/ /re zhig bdag
nyid ma dul ba nyid dul bar mdzad phyir brtson pa lags/ /gang
slad

mkhas pa rnams kyi mi dge'i las kyang zhi ba'i bde bar 'gyur mod
kyi/ /'on kyang 'phags pas mi dge ba dag kun du bsten 'os ma yin
zhes/ /de slad khyod ni rtag tu rang bzhin yongs su dag pas sdig
las log /ngan song 'jigs pas ma lags lha yi bde spyad bzhed

@197b pa'i phyir ma lags/ /gang dag 'gro la mi lta bdag nyid zhi
bar 'gro bar bgyi slad spyod bgyid pa/ /des kyang ci ste brtson
pa ma bsten slan chad bsam rdzogs mi 'gyur na/ /gang gis 'gro ba
ma lus bsgral phyir brtson pa brtsams pas ci smon zhes/ /de slad
khyod kyis rang gi

bde la ma gzigs byang chub slad du brtson/ /khyod kyis 'byor ba
chung ba'i tshe yang sbyin par bzhed pa ma spangs la/ /bdog pa
chung yang slong ba rnams la zhum mi mnga' ba'i thugs kyis stsal/
/dbang phyug chen po mnga' yang tshul dang 'gal ba'i tha snyad mi
mnga' la/ /na tshod

lang tshor gyur kyang 'dod pa rnams la thugs ni chags mi mnga'/
/khyod kyis thos dang blo gros che ba'i tshe na'ang bdag bstod ma
mdzad la/ /'gro ba yon tan chung ba gzhan rnams kyang ni mthon
por bkur bar gyur/ /yon tan tshogs la gnas tshe nyid kyi spyod pa
nyes pa chung du'ang

bzung; /'gro ba dmu rgod rnams la rtsol ba mi mnga' bde bar gnas
pas bzhugs/ /khyod kyi thugs ni srid dang nyon mongs skyo bas zhi
la dgyes gyur kyang/ /thugs rje nyid kyis mdzad pa'i yon tan skye
bo rnams dang rjes su mthun/ /byed pa ma gtogs gzhan gyis 'bras

bu mi myong bar ni khyod mkhyen kyang/ /'on kyang sems can rnams
kyi 'byor pa skyed slad bsod nams gter rnams bdar/ /khyod la shes
rab la sogs yon tan gang dag rtag tu mnga' gyur pa/ /de dag khyod
kyis 'gro ba dag gi don rnams nyid du nye bar spyad/ /de las

khyod kyi bsod nams 'bras bu gzhan du mchis pa ma lags la/ /de
dag 'gro ba'i 'byor slad yongs su bsngos kyang don ma mchis ma
lags/ /khyod la gzhan la sman pa'i thabs dang 'bral ba'i dus 'ga'
'ang byung ma gyur/ /thabs chung ma gyur 'bras bu ma mchis ma

lags 'bras bu chung ma lags/ /bsod nams chung ngu rtsom pa dag la
khyod ni mngon dgyes ma lags la/ /bsod nams chu bo dag gis ngoms
par ma gyur chab kyi rgya mtsho bzhin/ /mtshan mo ston ka'i zla ba
nya ba'i mdangs kyis nyams dgar gyur pa dang/ /rdzing bu

@198a @#/ /utpala rgyas pa gnyid bral mig la rngom brjid byed
rnams dang/ /ri bo ljon shing me tog rgyas pa brgya yis rtse mo
dkrigs rnams kyis/ /gzhan la gcig tu sman dgyes khyod kyi blo
gros phrogs par rngo mi thogs/ /'jig rten sdug bsngal dag gis
smad tshe khyod ni

nyid la byams pa yis/ /yul gyi dga' ba ston nyams su blang bya min
zhes thugs rje'i blos mkhyen nas/ /gling bzhi'i dbang phyug mnga'
yang yul rnams kyis ni thugs kyang mi phrogs la/ /khyod kyis
gzhan sman lhur bzhes mdzad pas dus dag shin tu 'das par bgyis/ /

phyug cing 'byor ba slong ba rnams kyis legs par spyad par ma
byas dang/ /dur khrod ljon shing me tog rgyas pa'i ljid kyis
g.yur za mtshungs so zhes/ /de slad bsod nams dman pa'i 'byor ba
dag la slong rnams ma spyod pas/ /khyod kyi dkor nor slong ba ma
mchis pa

ni thugs la gcags par gyur/ /gang zhig brtse med srid pas tshong
ba bzhin du 'bras bu'i phyir btsal nas/ /de ni 'bras bu yang ni
slang ba rnams la sbyin par spro ma mchis/ /gang gi slad du khyod
kyi gtong ba rnams dus gzhan la sman gyur pa/ /de slad de yi

'bras bu'ang slong ba rnams kyis rang gi lag par bzung/ /ri ngos
ljon shing 'bras bu smin pa dag tu bya rnams lta bu dang/ /dgon
pa'i rdzing bu bskyed shing bzang pos bskor bar ngal rnams ltar/
/'dzem med slong ba dgyes pa khyod la bag phebs 'byor ba

'tshal ba yi/ /slongs mo pa dag kun nas myur bar mngon du lhags
nas sdod tsing mchis/ /dpal 'byor 'bangs dang btsun mo rang gi
sha dang srog kyang gtong ba na/ /khyod kyis sras gzhon rab sdug
ston zla tshes pa dri med gzugs ldan pa'ang/ /slong ba rnams

la gtong bar mdzad la brtson par gyur pa ji lta ba/ /de ltar
gtong la goms pa khyod kyi thugs la brtan pa nyid kyang byung/
/gang zhig thos par gyur na'ang 'jig rten 'di la gnod pa skye
'gyur dang/ /gang yang khyod nyid kyis kyang yun ring sku nyams
bzhes par mi

@198b spyod pa'i/ /spyod pa de dag khyod la goms pas dus su rang
gi ngang nyid gyur/ /de slad yon tan dag ni yongs goms ma bgyis
spel bar dka' ba lags/ /ji ltar sman pa gdon gyis zin la gdon
rnams bsal bar bgyid slad du/ /rdeg cing tshig rtsub smra ba spyod
kyang

zin pa nyid la rdeg mi bgyid/ /de ltar khyod kyang nyon mongs
nyid la brtse dang bral bas spyod mdzad kyi/ /'gro ba nyon mongs
gyur pa la ni khyod nyid thugs rje mdzad pa lags/ /khyod kyis
rtag tu yon tan nor lhag rnams la gus pas bsags pa mdzad/ /mnyam
pa rnams la

yon tan goms par bgyi slad byams pa'i thugs kyis spyad/ /dman la
thugs rjes brtson pa mchog gis yon tan rnams bskrun te/ /'gro ba
rnams la khyod kyis ji ltar rigs par legs par mdzad par zhugs/
/ji ltar ma ma rang lus sna tshogs thabs tshul

mang po 'dzin bgyid kyang/ /gzhon nu'i nad bsal ched lags dga'
bskyed ma lags lus phyir ma lags pa/ /de ltar khyod kyang brtson
pa chen pos yon tan bdag nyid bskrun mdzad pa/ /'gro ba'i longs
spyod ched lags grags dang gzhan dag zil mnan ched ma lags/ /

khyod kyi blo gros gzhan la sman pa'i thabs mkhyen mdzad slad
zhugs gyur pa/ /'di ltar khyod nyid thugs rjes rnam pa de dag
nyid la zhugs lags gda'/ /khyod ni brtson 'grus 'phags pas brtsal
ba che yang mnyel bar ma gyur pa/ /de gsum dag gis khyod kyis
gzhan sman ma

bsgrubs cung zad byung ma gyur/ /khyod ni 'bad rtsol chen po can
gyi phrin las mnga' bar mi bzhed la/ /spyod pa shin tu rmad du
byung ba gcig tu bsam yas 'di yang byung/ /gang slad khyod kyi
sems can ma mchis pa 'di thugs su chud gyur kyang/ /'di ltar sems
can don

gyi slad du grangs med dus su'ang srid par bzhugs/ /gang slad
shes rab don dam bstan cing snying rje kun rdzob ston mdzad pa/
/de slad don bzhin dgongs mdzad khyod la sems can mchis pa ma
lags kyang/ /gang tshe khyod ni stobs bcu bskyed pa'i thugs rje
dag dang ldan

@199a @#/ /gyur pa/ /de tshe 'gro ba nyam thag rnams la khyod byams
bu la pha byams bzhin/ /'gro ba gtugs dang nyon mongs bas pas
byang chub mchog thob ma mchis la/ /nyon mongs phyogs pas rang
las sman par bgyid pa'ang thob 'gyur ma lags pas/ /

de slad khyod kyis byang chub brnyes slad brtson 'grus brtan pa
mdzad pa na/ /nyon mongs nges par ma bsregs ran gyi dum bu bzhin
du spang bar mdzad/ /khyod kyi nyon mongs dran dang mkhyen pas
bzung bas yon tan sna tshogs 'grub/ /nyon mongs spang bar gyur pa
byang chub rgyur

yang nye bar 'gyur lags te/ /'di ltar de yis khyod blo shol gom
yul can du yang ma bgyis la/ /'gro ba rnams su skye ba brgyud
pa'ang yon tan rnams kyi zhing du mdzad/ /'gro ba nyon mongs gyur
dang sdug bsngal brgya dag byung bas bcom pa yis/ /rtsol dang
bral

zhing mgon ma mchis pas grang dang gang du spyod bgyid pa/ /'gro
ba de ni nyon mongs dgra thul khyod kyi thugs rjes spyod pa na/
/srid pa len dang stong dang gnas pa dag la mnga' dbang mchis pa
lags/ /ci yang med pa'i skye mched kyi ni yul can phra rgyas
rnams bcom

nas; /de dag spangs pa'i thabs tshul gang lags dam pa'i tshogs la
yun ring bshad pa mdzad/ /sa gsum sman pa'i thabs mkhas mnga' ba
khyod kyis phyir yang drangs nas ni/ /dud 'gro dag tu'ang smon pa
mdzad nas skye ba brgya phrag rnams kyang mdzad/ /sngon

gyi mi dge'i phrin las rnam par smin par ma nges gang lags pa/
/de dag dud 'gro'i 'gro bar gshegs la gzhol ba khyod la mnga'
mchis pas/ /khyod kyis rnam smin ched du drangs te thugs la
dgongs pa'i don bsgrubs pa/ /drang srong gis bshad gsang sngags
zhi

bas dug gi shugs dag bzlog pa bzhin/ /khyod kyis rtag tu mi dge'i
chos dang g.yul dag spang bar gyur pa na/ /'gro ba dar mdzad
mkhas pa khyod kyis 'gro ba de dang der spyod pa'i/ /tshul khrims
ma 'bad brtul zhugs ldan pa bzhin du gyur pa ji lta ba/ /de

@199b ltar dam pa'i spyod lugs byang chub bsgrub pa dag la goms
par mdzad/ /ma bzhin res 'ga' 'ang thugs rje dag dang ma bral
mgon ma mchis rnams kyis/ /sdug bsngal de dang de dag bsal slad
'gro ba sdug bsngal can dag tu/ /bsnyengs dang bral bar spyod pa
mdzad

pa khyod kyi thabs la mkhas pa ni/ /bsgrub par dga' dang brnyes
par dka' ba 'ga' yang byung bar ma gyur lags/ /gang slad sna
tshogs thabs kyis 'gro ba sdig pa bying 'dul khyod la ni/ /dud
'gro'i 'gro ba dag kyang bde 'gro bzhin du don chen kho nar gyur/
/ngan song dag tu

'khrungs na'ang legs par spyod pa nyams pa mi mnga' ba/ /de slad
khyod kyi sdig pa'ang yon tan 'gyur bar dge ba nyid dang mtshungs/
/khyod la legs brten kha cig byang chub gsum la blo gros ci rigs
zhugs/ /de bzhin gzhan dag bsam gtan gzugs med dag la go

'phang gzhag pa mdzad/ /kha cig gtong bar zhugs shing nges tshul
mchid kyis 'tshal gyur pas/ /khyod kyis 'jig rten dag la sman yon
tan ma btags pa ni 'ga' ma mchis/ /khyod kyis 'jig rten dag na
'gro ba gang rnams nges par thar 'tshal ba/ /bde 'gror nye bar
drangs shing

dge ba yongs su smin pa nyid du mdzad/ /khyod kyis 'gro ba zhi
mdzad slad du 'gro ba rnams su spyod pa na/ /drang srong chen po
gzhan dag dus bzhin byung bas zhi bar mdzad pa bzhin/ /gang slad
khyod ni 'gro ba'i skye ba bcad dang rdzogs sangs rgyas mdzad ma
gtogs par/ /gzhan

gyis skye ba zhi bar mi 'gyur snyam du blo gros nges gyur pa/ /de
slad byung chub gzhol ba'i thugs mnga' khyod kyis srid rtse man
chad kyi/ /lam rnams tshul bzhin ston par mdzad pas dus dag 'das
par gyur pa lags/ /gang zhig rtogs par ma gyur pa yis 'jig rten
ma rig

ldongs gyur la/ /'gro ba sdug bsngal mang por rgyu zhing 'chi
bdag mtshams las mi 'da' ba'i/ /'phags lam 'jigs med sngon gyi
drang srong che rnams rjes gshegs gang lags pa/ /de ni khyod kyis
'gro ba'i sdug bsngal mthar gtugs slad du nyid kyis mkhyen/ /ji
ltar dus

@200a @#/ /mtha'i tshe na nyi ma du mas chab bskams 'jig rten 'di/
/zhugs chen mched pa khros pa lta bus thal ba dag kyang sreg
bgyid pa/ /de ltar dregs bral khyod kyis nyon mongs bsrabs par
gyur pa'i bag chags kyang/ /ye shes zhugs chen 'ang ra ba dag gis
nges par

bsregs par gyur pa lags/ /gang dag sa gsum bla ma rnams la nges
par gnas par 'tshal ba dag /mun pa chung ngu dang yang lhan cig
gnas par 'gal ba gang lags pa'i/ /yon tan mtha' yas de dag mngon
par sangs rgyas tshe na dus gcig tu/ /shing la bya rnams

gnas 'cha' bzhin du gyur pa khyod kyis gang las brnyes/ /nyi ma
'od zer gsal ba stong ldan zla ba sprin dang bral gyur pa/ /lhag
par dga' bar bgyid pa nam mkha'i dkyil na nges par gnas gyur
kyang/ /gang gis khebs pa'i 'gro ba srid pa'i dgon pa thibs por
'khyam

bgyid pa'i/ /ma rig mun nag de dag rab tu zhi ba'i thabs tshul
khyod kyis bstan/ /sdug bsngal khyab pa 'di yin de rab skye bar
'gyur ba'i kun 'byung 'di/ /de mthar gtugs pa 'di yin de rtogs
gyur la gzhol ba'i thabs 'di zhes/ /de ltar tshangs pa khyod kyis
dag

pa zla 'od gtsang ma dag kyang bstan/ /de dag rtogs bgyis skye ba
dman yang tshangs pa'i go 'phang thob par 'gyur/ /ji srid nyi ma'i
snang ba gang lags de ni nub kyi ri dbang gis/ /nyi ma nub par ma
bgyis de srid rab rib rab tu zhi bar bgyid/ /khyod kyis skye shi
mthar

gtugs bgyi slad thabs tshul bstan pa gang lags pa/ /de ni khyod
nyid zhi bar gshegs kyang snying gi mun nag zhi mdzad lags/ /de
ltar tshangs pa'i gtso bo lha yi bla mar gyur pa tshangs gter gyis/
/bstod bgyis bstod par 'os pa bde gshegs mngon sum bzhugs

bzhin bstod bgyis pas/ /bdag gi bsod nams gter dag bsags pa gang
lags de yis 'gro ba rnams/ /drang srong chen po rnams kyis dgongs
pa'i legs pa gang lags der gyur cig /yon tan mtha' yas par bstod
pa slob dpon dkon mchog 'bangs

@200b kyis mdzad pa rdzogs so// //rgya gar gyi mkhan po sarba
dznya de ba dang/ lo tsA ba bande rin chen mchog gis bsgyur/ zhu
chen gyi lo tsA ba bande dpal brtsegs kyis zhus te gtan la phab
pa// @##/ /rgya gar skad du/ gu Na a paryanta sto tra

TI kA; bod skad du/ yon tan mtha' yas par bstod pa'i 'grel ba/
'phags pa 'jam dpal la phyag 'tshal lo/ /rgyal ba'i yon tan mtha'
mi 'tshal zhes bya ba gleng bslang ba'i tshigs su bcad pa 'dis ni
bsdus pa'i don bzhi po 'di lta ste/ yon tan yongs su mi shes

pa dang; sgro 'dogs pa med par bya ba dang/ nga rgyal med par bya
ba dang/ 'dod pa'i don bsgrub par bya ba rnams bstan to/ /de la
dang pos ni yon tan yongs su mi shes pa bstan to/ /gang slad 'gro
'dis khyod la bstod pa bgyis kyang zhes bya ba 'dis ni sgro 'dogs
pa med pa

nyid do/ /rab tu chung yang zhes bya ba 'dis ni nga rgyal med pa
nyid do/ /don 'dir bdag ni blo gros rab tu chung yang brtson pa
lags/ /zhes bya ba 'dis ni 'dod pa'i don bsgrub par bya ba bstan
to/ /de la ngan song gnas na'ang zhes bya ba la sogs pa'i tshigs
su bcad pa lnga bcus

bstod pa rtsom par byed do/ /de la bstod pa ni thun mong ma yin
pa'i yon tan rjod par byed pa'o/ /de yang gnas skabs gsum po
rgyu'i gnas skabs dang/ 'bras bu'i gnas skabs dang/ sems can gyi
don byed pa'i gnas skabs rnams dang ldan pa yin no/ /de la rgyu'i

gnas skabs ni sems bskyed pa la sogs pa nas byang chub kyi snying
po la 'dug pa'i bar dag yin no/ /'bras bu'i gnas skabs ni yang
dag par rdzogs par byang chub pa'i ye shes bskyed pa dang/ skyon
dang yon tan thams cad spangs shing brnyes pa'i gnas skabs yin

no; /sems can gyi don bya ba'i gnas skabs ni chos kyi 'khor lo
bskor ba la sogs pa bstan pa nas nub pa la thug pa'i bar dag yin
no/ /de la rgyu'i gnas skabs ni bsam pa'i gnas skabs dang/ sbyor
ba'i gnas skabs dang/ dbang mdzad pa'i gnas skabs

@201a @#/ /rnams so/ /bsam pa'i gnas skabs ni gzhan gyi don la
'jug par 'gyur ba'i smon lam gang yin pa'o/ /de'i nye bar bstan
pa yang bzhi ste/ sdug bsngal bskyed pa la so sor rtog pa dang/
phan btags pa la so sor rtog pa dang/ grogs

byas pa la so sor rtog pa dang yang dag par longs spyad pa la so
sor rtog pa'o/ /byang chub kyi smon lam de'i rgyu bzhi ste/ rigs
dang dge bshes snying rje dang/ /sdug bsngal rnams kyis mi ldog
pa/ /rgyu bzhi rkyen ni 'di dag gis/ /byang chub sems ni rab tu
'jug/

ces gsungs pa dag ste/ de ltar na don bcus ni bsam pa bstan to/
/de la ngan song gnas na'ang zhes bya ba 'dis ni gzhan gyi don la
'gyur ba'i smon lam bstan to/ /de'i nye bar rtog pa bzhi ste/ re
zhig de la sdug bsngal rnams kyis smas pa'i sems can la zhes bya
ba

'di dag ni sdug bsngal bskyed pa la so sor rtog pa'o/ /ma rig
ldongs pas zhes bya ba 'di dag ni phan btags pa la so sor rtog
pa'o/ /sngon chad 'khor bar zhes bya ba 'di dag ni grogs byas pa
la so sor rtog pa'o/ /longs spyad 'des dgongs zhes bya ba 'di dag
ni

yang dag par longs spyad pa la so sor rtog pa'o/ /gang slad 'gro
ba mya ngan ma 'das zhes bya ba 'di dag ni byang chub kyi smon
lam yin no/ /de'i rgyu yang rnam pa bzhi ste/ /de la re zhig smad
pa'i gnas skabs dag tu zhes bya ba 'di dag ni rigs yod pa nyid
yin no/ /gang slad

gal te rang la rag las zhes bya ba 'di dag ni dge ba'i bshes
gnyen la brten pa'o/ /nyon mongs chu bo rab 'khrug ces bya ba 'di
dag ni snying rje yin no/ /'jig rten 'di dag rang la'ang zhes bya
ba 'di dag ni sdug bsngal gyis mi ldog pa yin te/ de ltar tshigs
su bcad pa

bcus don bcu bstan pa yin no/ /bsam pa'i gnas skabs kyi le'u ste
dang po'o// //sbyor ba'i gnas skabs zhes bya ba yang pha rol tu
phyin pa ston pa ji snyed pa yin no/ /de yang rnam pa gnyis te/
mos pas spyod pa rnams kyi dang/ sa thob pa rnams

@201b kyi'o/ /de la re zhig mos pas spyod pa rnams kyi pha rol tu
phyin pa ni bcu ste/ 'di ltar sbyin pa dang/ tshul khrims dang/
bzod pa dang/ brtson 'grus dang/ bsam gtan dang/ shes rab dang/
thabs dang/ smon lam dang/ stobs dang/ ye shes kyi pha rol tu
phyin pa dag gi/ /

de la gang zhig skye bo dman dang phongs pa re ba'i bsam ldan
mthong na yang/ /zhes bya ba 'di dag gis ni sbyin pa'i pha rol tu
phyin pa bstan to/ /rigs par ldan pa'i tshig smra yang zhes bya ba
'di dag gis ni tshul khrims kyi pha rol tu phyin pa bstan to/
/gang slad mkhas pa rnams kyi mi

dge'i las kyang zhes bya ba 'di dag gis ni mi mthun pa'i phyogs
spangs pa'i sgo nas bzod pa'i pha rol tu phyin pa bstan to/ /bdag
nyid zhi bar bgyi slad ces bya ba 'di dag gis ni brtson 'grus kyi
pha rol tu phyin pa bstan to/ /sbyin par bzhed pa ma spangs zhes
bya ba 'di dag gis ni

mi mthun pa'i phyogs spangs pa'i sgo nas bsam gtan gyi pha rol tu
phyin pa bstan to/ /bdag bstod ma mdzad la zhes bya ba 'di dag
gis ni mi mthun pa'i phyogs spangs pa'i sgo nas shes rab kyi pha
rol tu phyin pa bstan to/ /srid dang nyon mongs skyo bas zhes bya
ba 'di dag dang/

shes rab la sogs yon tan zhes bya ba'i tshigs su bcad pa 'di gnyis
kyis brgal ba dang/ lan dang bcas par thabs kyi pha rol tu phyin
pa bstan to/ /dus 'ga' 'ang byung ma gyur zhes bya ba 'di dag gis
ni phun sum tshogs pa rdzogs par 'gyur ba'i smon lam gyi pha rol
tu phyin pa

bstan to/ /mtshan mo ston ka'i zla ba zhes bya ba 'di dag gis ni
stobs kyi pha rol tu phyin pa bstan to/ /'jig rten sdug bsngal
dag gis smras tshe zhes bya ba 'di dag gis ni ye shes kyi pha rol
tu phyin pa bstan to/ /mos pas spyod pa rnams kyi sbyor ba'i gnas
skabs te le'u gnyis

pa'o// //sa thob pa rnams kyi sbyin pa ni phun sum tshogs pa
rdzogs pa bzhi dang ldan pa yin te/ bsam pa phun sum tshogs pa
dang/ sbyor ba phun sum tshogs pa dang/ len pa po phun sum tshogs
pa dang/ sbyin par bya ba phun sum tshogs pa'o/ /phyug cing 'byor
ba zhes

@202a @#/ /bya ba 'di dag gis ni bsam pa phun sum tshogs pa nyid
do/ /sbyin par spro ma mchis zhes bya ba 'di dag gis ni sbyor ba
phun sum tshogs pa'o/ /ri ngos ljon shing 'bras bu smin pa dag tu
bya rnams lta bu zhes bya ba 'di dag gis ni len pa po phun sum
tshogs pa'o/ /

dpal 'byor 'bangs dang btsun mo zhes bya ba 'di dag gis ni sbyin
par bya ba phun sum tshogs pa ste/ sbyin pa'i pha rol tu phyin
pa'o/ /'jig rten 'di la gnod pa skye zhes bya ba 'di dag gis ni
rang bzhin yongs su dag pa'i tshul khrims kyi pha rol tu phyin
pa'o/ /ji ltar sman pa gdon

gyis zin la zhes bya ba 'di dag gis ni rnam par rtog pa dang bral
ba'i bzod pa'i pha rol tu phyin pa'o/ /khyod kyis rtag tu yon tan
nor lhag rnams la gus pas zhes bya ba 'di dag gis ni thabs kyis
rgyas pa'i brtson 'grus kyi pha rol tu phyin pa'o/ /ji ltar ma ma
rang lus zhes bya ba 'di dag

gis ni skye bas stong ba'i bsam gtan gyi pha rol tu phyin pa
bstan to/ /khyod kyi blo gros zhes bya ba 'di dag gis ni thabs
dang bcas pa'i brtson pas yang dag pa ji lta ba bzhin du thugs su
chud pa'i shes rab kyi pha rol tu phyin pa'o/ /phrin las mnga'
bar mi bzhed ces bya ba 'di dag dang

gang slad shes rab don dam zhes bya ba'i tshigs su bcad pa 'di
gnyis kyis ni brgal ba dang lan dang bcas par thabs kyi pha rol
tu phyin pa'o/ /de ltar tshigs su bcad pa bcu gcig gis sa thob pa
rnams kyi pha rol tu phyin pa bdun bstan pa yin no/ /sa thob pa
rnams kyi sbyor ba'i gnas

skabs te le'u gsum pa'o// //de la mnga' dbang mdzad pa ni lnga
ste/ nyon mongs pa dang/ skye ba dang/ las dang/ thabs dang/ sems
can yongs su smin par mdzad pa dag go/ /de la nyon mongs bas pas
byang chub ces bya ba 'di dag gis ni nyon mongs pa

la mnga' dbang mdzad pa bstan to/ /dran dang mkhyen pas gzung bas
zhes bya ba 'di dag gis ni de'i dgos pa'o/ /'gro ba nyon mongs
gyur zhes bya ba 'di dag gis ni skye ba la mnga' dbang mdzad
pa'o/ /ci yang med pa'i skye mched kyis ni yul can phra rgyas
rnams bcom nas/ /

@202b zhes bya ba de dag gis ni de'i dgos pa'o/ /sngon gyi mi
dge'i phrin las zhes bya ba 'di dag gis ni las la mnga' dbang
mdzad pa'o/ /de bzhin du mi dge'i zhes bya ba 'di dag gis ni de'i
dgos pa'o/ /ma bzhin res 'ga' thugs rje dag dang ma bral zhes bya
ba 'di dag gis ni thabs

la mnga' dbang mdzad pa'o/ /gang slad sna tshogs thabs kyis zhes
bya ba 'di dag gis ni de'i dgos pa'o/ /kha cig byang chub gsum la
blo gros ci rigs zhugs zhes bya ba 'di dag gis ni sems can yongs
su smin par bya ba la mnga' dbang mdzad pa'o/ /nges par thar
'tshal

ba zhes bya ba 'di dag gis ni de'i dgos pa'o/ /gang slad khyod ni
'gro ba'i skye ba bcad dang zhes bya ba 'di dag gis ni rgyu yongs
su rdzogs pa'o/ /mnga' dbang mdzad pa bstan pa'i rgyu'i gnas
skabs bstan pa'i le'u ste bzhi pa'o// //'jig rten ma rig ldongs
gyur la/

zhes bya ba 'di dag gis ni lam gyi ye shes bskyed pa bstan to/
/nyi ma du mas zhes bya ba 'di dag gis ni nyon mongs pa spangs
pa'o/ /lhan cig gnas par 'gal ba zhes bya ba 'di dag gis ni yon
tan brnyes pa bstan to/ /'di dag rnams kyis ni skyob pa'i 'bras
bu'i gnas skabs

kyi bstod pa bstan to/ /'bras bu'i gnas skabs bstan pa'i le'u ste
lnga pa'o// //de la nam mkha'i dkyil na zhes bya ba 'di dag gis
ni chos kyi 'khor lo bskor ba yang dag par bstan to/ /sdug bsngal
khyab pa 'di yin zhes bya ba 'di dag gis ni chos ston pa'i rang
bzhin bstan to/ /

ji srid nyi ma'i snang ba zhes bya ba 'di dag gis ni yun du gnas
pa yang dag par bstan to/ /de ltar na ngon gsum dang ldan pas ni
sems can gyi don mdzad pa'i gnas skabs bstan pa yin no/ /sems can
gyi don mdzad pa'i gnas skabs kyi le'u ste drug pa'o// //tha mas

ni yongs su bsngo ba bstan to/ /de ltar rgyu dang 'bras bu dang/
sems can gyi don mdzad pa'i gnas skabs kyi smon lam ji srid par
yongs su mya ngan las mi 'da' ba yin no/ /yon tan mtha' yas par
bstod pa'i 'grel ba/ /slob dpon chen po phyogs kyi glang pos
mdzad pa

@203a @#/ /rdzogs so// @##/ /rgya gar skad du/ gu Na a paryanta sto
tra ba tu kA ri kA/ bod skad du/ yon tan mtha' yas par bstod
pa'i don gyi tshig le'ur byas pa/ 'phags pa 'jam dpal la phyag
'tshal lo/ /yon tan mi shes sgro dag dang/ /

nga rgyal med dang 'dod don bsgrub/ /tshigs bcad don bzhi ldan pa
yis/ /bstod pa'i gleng ni bslang ba bstan/ /rgyu dang 'bras bu
gzhan don gyis/ /bstod pa'i don rnams thams cad bsdus/ /de la
dang po byang chub rgyu/ /'bras bu sems can don nyid bstan/
/bstan pa sbyor

ba dbang mdzad pa'i/ /gnas skabs gsum gyis rgyu bstan to/ /gzhan
don byang chub smon lam gyi/ /rang bzhin gyis ni bsam pa ste/
/tshigs bcad lnga dang lnga rnams kyis/ /de'i rgyu bzhi dang bcas
pa bstan/ /mi 'dod pa dang 'dod pa dang/ /grogs dang longs spyod
byas

pas bstan/ /rigs dang dge bshes snying rje dang/ /skyon med bsams
pa gnyis kyi rgyu/ /de min de nyid sar gnas pas/ /'dir ni sbyor
ba rnam gnyis byas/ /snga ma'i pha rol phyin pa bcu/ /gzhan gyi
pha rol phyin pa bdun/ /tshigs bcad drug gis drug rnams ston/ /

gnyis kyis gcig yin gsum gyis gzhan/ /dang po'i khyad par bsam pa
dang/ /sbyor ba len pa sbyin bya ba'o/ /dang po lnga ni re re
yis/ /zag med gzhan ni gnyis kyis so/ /nyon mongs pa dang skye
dang las/ /thabs dang rab tu smin bya ba/ /dbang mdzad lnga ni
dgos

bcas par/ /gnyis gnyis gnyis gnyis gsum gyis so/ /de la kha cig
dngos ma gsungs/ /mi mthun phyogs zad pa la yin/ /'bras bu gsum
ste byang chub dang/ /nyes dang yon tan spangs 'byor ba'o/ /gzhan
don gsum ste chos bstan dang/ /dam nyam pa dang

yun ring gnas/ /thams yongs su bsngo ba ste/ /bstod pa'i don ni
bsdus pa bstan/ /yon tan mtha' yas par bstod pa'i don gyi tshig
le'ur byas pa slob dpon chen po phyogs kyi glang pos mdzad pa
rdzogs so// //rgya gar gyi mkhan po sarba dznya de ba dang/ lo
tsA ba

@203b bande rin chen mchog gis bsgyur/ zhu chen gyi lo tsA ba
bande dpal brtsegs rak+Shi tas zhus nas gtan la phab pa'o// @##/
/rgya gar skad du/ budd+ha sya ni rbA Na sto traM/ bod skad du/
sangs rgyas yongs su mya ngan las 'das pa la bstod pa/

'jam dpal gzhon nur gyur pa la phyag 'tshal lo/ /gang zhig ser
skya'i gzhir ni shAkya'i rigs su 'khrungs/ /gang gis mnyam dgar
byang chub dam pa thugs su chud/ /gang gis wA rA Na sIr chos
kyi 'khor lo bskor/ /sA la'i tshal du mya ngan 'das gyur de bstod
pa/ /kyi hud

snying rje ldan mgon rgyal ba'i sdig pa zhi/ /kyi hud sems can
mnyes gshin kha los sgyur bzang mchog /kyi hud ded dpon zhi ba'i
lam gyur ston pa po/ /kyi hud sdug dang mi sdug thugs snyoms 'jig
rten gnyen/ /kyi hud mun nag gis bsgribs mig can 'jig rten

spyan; /kyi hud thub chen gru yis 'jig rten sgrol mdzad pa/ /kyi
hud sA la'i tshal du ci phyir mya ngan 'das/ /khyod zhal zla
rgyas pad+ma kha phye 'dra ba dang/ /utpala rgyas pa lta bu'i
spyan ldan sku nyid kyang/ /gser gyi ri 'dra mtshan rnams rdzogs
pa sus mthong 'gyur/ /kyi hud

'od 'dra'i gzugs mchog 'di ma mthong bas sdug bsngal lo/ /sngon
tshe rgya chen lam gyi rang bzhin gzings bcas te/ /nyid kyi don
dang 'gro ba chen po'i gzhan don mdzad/ /srog chags brgya phrag
mang po thar dang mtho ris bkod/ /kyi hud mi rtag me tshogs dag
gis zad

mthar gyur/ /dag pa'i rdzing yangs tshul khrims chu yis bsil bar
bltams/ /rdzogs pa'i sangs rgyas chos kyi chu srin dur pas khyab/
/dge slong dam pa gzhan tshogs brgya yis nye bar bsten/ /kyi hud
bde 'gro'i 'bab stegs skam la bdag phyag 'tshal/ /spyod pa'i

rtsa ba brtan zhing dran pa'i sdong pos mdzes/ /byang chub yan
lag me tog kha bye bzod yal ga /ngo tsha'i 'dab rgyas bdud rtsi
'bras bus mchog g.yur za/ /kyi hud bde gshegs shing 'gye la bdag
phyag 'tshal/ /rdul med mya ngan 'das pa nam mkha'i ngos legs
bzhugs/ /

@204a @#/ /slob ma tshul khrims legs gnas dkyil 'khor skar ma can/
/'phags lam skyed byed blo mig yid 'ong zla zer can/ /kyi hud bde
gshegs zla ba nub la bdag phyag 'tshal/ /gti mug mun nag sel mdzad
yon tan 'od zer ldan/ /gdul bya'i tshogs kyi rdzing

gi pad+ma kha 'byed cing/ /lta ba drug cu rtsa gnyis dri ma'i
'dam skems mdzad/ /kyi hud bde gshegs nyi ma nub la bdag phyag
'tshal/ /byams mchog sku mnga' 'phags pa'i bden bzhi'i zhabs dang
ldan/ /zhi gnas lhag mthong lha yi spyan gnyis dang ldan zhing/
/dad pa rab

skyed rnam dag grol ba'i 'gros kyis bzhud/ /kyi hud bde gshegs
glang chen zhir gshegs bdag phyag 'tshal/ /sems can med pa sgra
sgrogs mu stegs ri dags 'joms/ /ngo mtshar ral pa'i tshogs mnga'
'phyang bas sku la brgyan/ /shes rab mche ba rab rno tshul khrims

dge ba'i zhabs/ /kyi hud bde gshegs seng ge zhir gshegs bdag
phyag 'tshal/ /sangs rgyas mya ngan yongs 'das khyod la bdag bstod
pas/ /bsod nams rgya chen 'bras bu mtha' yas gang bsags pa/ /des
ni bdag gis gnas mchog dam pa thob gyur nas/ /khyed

'dra kho nar 'gro la phan pa bgyid gyur cig /sangs rgyas yongs su
mya ngan las 'das pa la bstod pa slob dpon chen po dpal ldan chos
kyi grags pas mdzad pa rdzogs so// @##/ /rgya gar skad du/ de sha
na sta ba/ bod skad du/ bshags

pa'i bstod pa/ 'jam dpal gzhon nur gyur pa la phyag 'tshal lo/
/sman pa'i rgyal po mnyam med 'gro ba'i bla/ /nyes pa kun bral
yon tan 'byung ba'i gnas/ /skyabs khyed nye bar dmigs nas rtag na
ba/ /rang gi nyes pa'i 'gyur brjod bshags par bgyi/ /shin tu rgal

dka' chu bo'i rgyun 'dra zhing/ /tog dang dpyod pa ngan pa'i dba'
rlabs can/ /nyon mongs chu srin 'dzin khris dkrugs pa na/ /bdag
gi rang gi sems la'ang zhi ma mchis/ /'dod chags rgya mtsho'i dba'
rlabs cher 'khrugs tshe/ /gal te mi gtsang gzings la bsten gyur
na/ /

@204b der ni bdag yid zhe sdang me yis ni/ /rtswa skams bzhin du
nges bsregs nye bar bcom/ /zhe sdang me yi gdung ba zhi bya'i
phyir/ /gal te byams pa'i rdzing ni bsgoms gyur kyang/ /der ni
skye bo thams cad bder 'dod pa'i/ /chags pa'i 'dam gyis yid ni
zin par gyur/ /

chags pa'i 'dam gyi dri ma dag bya'i phyir/ /gal te de ni btang
snyoms chus 'khru yang/ /der ni 'gro kun nyam thag sel ba yi/
/'jig rten mgon po snying rje'ang rnam par nyams/ /gtso bo gal te
snying rje sgom pa na/ /bdag ni mya ngan chen po kun du skye/
/'di ni zhi phyir gal te

dga' bsten na/ /g.yo ba'i sems ni dgod pa nyid du gyur/ /gal te
dga' ba zhi phyir skyo bskyed na/ /de ru sems ni dbang med zhum
par gyur/ /gal te brtson pas dman las bstod pa na/ /nga rgyal
dgra yi spyod yul dag tu gyur/ /de yi gnyen por thams cad ston

nyid sgom/ /der ni gzhan gyi don la brtson med gyur/ /gal te de
yi don du kun rdzob bsten/ /der yid nor gyi bsam pa skye bar
gyur/ /gal te yid ni nor sogs la sbyar na/ /nyes pa kun gyi chang
ni ldud 'gyur zhing/ /dregs dang rmongs pa'i gnyid kyis myos pas
na/ /

mngon 'dod thams cad bcom pa nyid du gyur/ /gang tshe bdag ni
sbyin par 'dod na yang/ /ser sna stobs can gyis ni nges par
'dzin/ /gal te de bsal ci ste phyin gyur na'ang/ /de tshe yun ring
dus su rjes su 'gyod/ /gal te dad pas slar yang dad byas kyang/
/'jig

rten gzhan gyi 'bras bur de ltung gyur/ /mi rtag shes pas re ba
med byas na/ /rgyu mtshan med pas le los rnam par zhum/ /mgon po
'jig rten sdug bsngal gyis rab gzir/ /sngon ste'ang gnyen du gyur
pa la bltas nas/ /gal te gzhan don spyod par 'dod na yang/ /

bdag tu 'du shes pa yis dbang med 'dzin/ /bdag tu lta ba'i rjes
su nga rgyal 'brang/ /de ni nga'i zhes yongs su 'dzin par byed/
/der ni nga rgyal dregs dang 'dod sogs kyis/ /khros pa'i dgra
bzhin du ni rnam par 'joms/ /gang tshe bdud kyi sde ltar 'jigs pa
yi/ /

@205a @#/ /nyon mongs dra pa kun nas bdo gyur pa/ /de tshe dus
mtshan mi bzad lta bur ni/ /nag po'i phyogs kyi mun pa rnam par
'phel/ /sdig pa brjod bgyi rjes 'gyod pa rnag dka' zhing/ /skye
ba sdug bsngal 'gyur ba mi bzad lags/ /de las lhag pa'i rab gnod
ci

zhig mchis/ /de ltar na yang de la rang nyid spyod/ /gal te sna
tshogs sdug bsngal rgyur gyur pa'i/ /gzhan la gnod byed pa las
bzlog pa na/ /skye bo ngan pa nyes med dgrar gyur pa/ /ral gri'i
so ltar gdug pas de 'khrugs byed/ /gang tshe bdag yid bzod byed
'dod na yang/ /

de tshe de yi nyes spyod 'ching bas bsdams/ /de ni bkag cing yongs
bsdams drag po yi/ /zhe sdang me yis yongs skems brtse dang bral/
/ji ltar mi bzad lta ba'i dug can dag /nang gnas shing ni mkhas
rnams spong bar byed/ /de bzhin khong khro'i spyod pa sbed pa yi/
/bdag

gi bsam pa dge ba rnams spong byed/ /nyi ma'i zer gyis bsregs
pa'i rdo 'dra zhing/ /yongs su bskams pas rdul gyur thal ba 'dra/
/bye ma'i tshogs kyis khyab pa'i lam lta bur/ /bdag gi bsam par
chos char don ma mchis/ /rang gi sdug bsngal mi bzad ma dpyad
pas/ /

gang zhig bdag la phan brtson lta bur ni/ /bzod dang sbyin pas
mchog tu phan 'dogs pa/ /'jig rten mgon de'ang bdag gis bzod mi
nus/ /sdang bar byed dam 'bros shing 'byor ba'am/ /rab tu g.yeng
ngam zlog par byed na yang/ /rgyun mi 'chad par bdag 'dra la slob
byed/ /

de 'dra'ang bla ma yin snyam bdag mi sems/ /song ste gsol ba btab
kyang rnyed dka' zhing/ /bzod pa'i dus su sman chen mchog gyur
pa/ /bzod pa'i ngang tshul gal te mi bzod na/ /bzod pa'i rgyu
gzhan bdag la ci zhig mchis/ /nyon mongs srin pos zin pas sems
dkrugs

shing; /rims bcas bdag phan la yang brtson med pa'i/ /'jig rten
blta bar 'os pa mthong ba na/ /gtso bo bdag sdang nyid skye'i
snying rje min/ /skye bo rang gi las 'bras la spyod cing/ /thams
cad dbang med 'jig pa yin par shes/ /gzhan dag nyes med par ni
brtags gyur

@205b kyang/ /rmongs pa'i rab rib dag gi rnam 'khrul gzigs/ /bdag
ni nyes pa'i rgya mtsho yin na yang/ /su yi nyes pa'i cha yang
bzod mi bgyid/ /bzod pa yon tan phun tshogs gzhan mchis kyang/
/gang phyir mi bzod de 'dir ngo mtshar che/ /dbyar dus mkha' la
ldang ba lta bur ni/

bdag gi yid la nyon mongs sprin tshogs rnams/ /yang dang yang du
'gro zhing 'ong 'gyur ba/ /ngo tsha rnam spangs le lo can bdag
ngan/ /gal te nyon mongs grang lhags byung gyur na/ /ting 'dzin
'bar bas rgyal bar spros gyur kyang/ /gnyid dang rmugs pa'i rab
rib bdo gyur

pas; /mal stan 'dod pa dag kyang rnam par 'phel/ /bdag yid 'dod
chags zhags pas dbang med bgyis/ /zhe sdang mes bsregs nga rgyal
dag gis bcom/ /nyes pa kun gyi mda' mdung mtshon cha yis/ /kun du
gang bas dbang med brgyal bar gyur/ /dran pa rnyed

nas bcings shing myur skrag pa/ /rab tu bcom pas rnam par zhum
gyur cing/ /g.yo dang sgyu rnams kyis kyang bslus gyur pas/ /dman
pa bdud kyi spyod yul dag na 'khyam/ /ji lta ji ltar zhi gnas la
dmigs shing/ /de dang der yid yang yang gtad pa na/ /de dang de
las

nyon mongs zhags pa ni/ /yul la chags pa'i thag pas dbang med
drangs/ /brtson pa bsten na rgod pa'ang 'byung 'gyur zhing/ /de
spangs na ni zhum pa skye bar 'gyur/ /'di yi rigs pa'ang mnyam
'jug rnyed dka' na/ /bdag gi sems dkrugs pa ni ji ltar bgyi/
/shes

rab la spyod na ni rgod pa 'byung/ /'dzin la bsten na zhum pa
skye bar 'gyur/ /'di yi zung du 'jug pa rnyed dka' na/ /bdag gi
sems dkrugs pa ni ji ltar bgyi/ /'bad pas 'jug na rgod pa 'byung
'gyur zhing/ /de klod na ni zhum pa skye bar 'gyur/ /'di yi dbu
mar bsgrub

pa 'ang rnyed dka' na/ /bdag gi sems dkrugs pa ni ji ltar bgyi/
/bsam gtan nags mes yang dang yang du ni/ /nyes pa'i nags tshal
bsregs par gyur na yang/ /bdag lta'i rtsa ba brtan po ma zad pas/
/char gyis brlan bzhin mdun na rab tu skye/ /gang zhig

@206a @#/ /nyon mongs las 'bras tsam gyi rgyun/ /mthong ba yis
kyang de ni ldog 'gyur la/ /sems kyi rgyun kyang spong bar byed
mod kyi/ /'gro ba'i don brtson pa las shin tu ring/ /skyob pa
chags pa tsam dang rnam bral bas/ /'gro ba kun la ltos pa med
gyur pa'i/ /

sems kyi rgyu ni rgyu zad mar me bzhin/ /phung po lhag ma zad
pa'i mya ngan 'das/ /gang yang 'gro kun nyam thag sel byed pa/
/byang chub sems ni bdud rtsi bcud kyis len/ /byang chub rgyu ru
mi rtog sgom pa na/ /de tshe bdag ni rnam rtog kho nar rgyug/ /rmi
lam tshul 'drar 'gro kun

gang gis kyang/ /ci yang 'dzin pa nyid du mi byed par/ /bsgoms
kyang rtog pa po dang rtog bya yi/ /rnam rtog dgra yi spyod yul
nyid la spyod/ /gtso bo shin tu mi bzad 'tshe ba 'di/ /gzigs la
bdag la lta ba dri med rtsol/ /bdag ni gces pa gang dang gang
rtog pa/ /de dang

de nyid dang por rnam par nyams/ /yang na sngon tshe bgyis pa'i
bdag gis nyes/ /'di la bcom ldan 'das kyis ci zhig mdzad/ /'jig
rten kun gyi mun sel nyi ma yang/ /dmus long dag gis mun nag sel
mi bgyid/ /yun rings dus su nad gzhi ston byed cing/ /'dir yang
rgyun

du sems ni rnam rmongs pa'i/ /mdze can rkang pa lag pa chad pa
la/ /thang 'ga' sman bsten pa yis ci bgyir mchis/ /sems kyi shing
ni thog ma med dus can/ /nyon mongs kha ba'i khu bas brlan bsgos
pa/ /ro zhim dngos por bgyi par mi nus la/ /yon tan chu yi thigs
pas

ci ru 'gyur/ /bdag yid nyes pa kun gyi rang bzhin nyid/ /byang
chub gser bsgyur rtsir 'gyur ngo mtshar che/ /yon tan de dang de
nyid la sbyar na/ /nyes pa'i dngos po nyid du gyur te gnas/ /sman
chen nyid du gang dang gang bshad pa/ /de dang de nyid bdag la
dug tu gyur/ /rigs pa

nyid ni bcud len mchog yin na/ /gal te yid rton med na de yod
min/ /gang zhig nyon mongs bdo ba rnam sel zhing/ /gang yang nyes
gzhan skyed par mi byed pa/ /de ni rigs pa yin zhes bdag sems na/
/ci 'dra yin zhes slar yang de ma byas/ /bsam pa bag la nyal

@206b dang khams bag chags/ /nyes pa'i rgyu yi gnyen po la sbyar
ba/ /bsam pa'i man ngag de ni sgom pa na/ /'di ni ring por mi
thogs zhi bar 'gyur/ /skyob pa nyes pa kun dang rnam bral zhing/
/chos rnams kun gyi dam pa'i don gzigs pa/ /khyed kyis sna tshogs
tshul du'ang des

gsungs pas/ /nyon mongs sa bon ma lus sel bar byed/ /khyed sku
mdzes pa'i mtshan gyis 'bar gyur pa/ /de yang mdun na bzhugs pa
mthong ba dang/ /rna bas btung ba'i bdud rtsi'ang thos gyur pa/
/nyon mongs sa bon ma lus rnam par 'jig /gtso bo khyed la de las
rab

mchog gyur/ /chos sku'i nyi ma bla na med pa mnga'/ /bsams kyang
'gro ba'i spyod yul mi 'gyur ba/ /nyes pa'i rab rib 'joms pa ngo
mtshar che/ /thugs mchog gang yang rung ba de yis ni/ /zhi gnas
gang yang rung ba der bzhugs nas/ /nyes kun rnam pa kun du zhi
mdzad

pa'i; /bcom ldan gang yin de la phyag 'tshal lo/ /de ltar yon tan
bla med la bshags pa'i/ /yang dag bstod pa rnam sbyar dge ba ni/
/zla mdzes ltar dkar bdag gis gang bsags des/ /'gro kun bde ba
can du 'gro bar shog /bshags pa'i bstod pa zhes bya ba

slob dpon tsandra go mis mdzad pa rdzogs so// //rgya gar gyi
mkhan po buddd+hA ka ra warma dang/ zhu chen gyi lo tsA ba dge
slong rin chen bzang pos bsgyur cing zhus te gtan la phab pa'o//
@##/ /rgya gar skad du/ de sha na sta ba br-i tti/ bod skad du/

bshags pa'i bstod pa'i 'grel ba/ 'jam dpal gzhon nur gyur pa la
phyag 'tshal lo/ /'di na bstod pa byed pa'i dus su bstod pa rtsom
pa rnams sangs rgyas kyi rgyu dang 'bras bu dang/ dgos pa mdzad
pa'i mtshan nyid kyi gnas skabs rnam pa gsum las brtsams te

smra bar byed la/ bstod pa byed pa de yang dad pa dang/ /mang du
thos pa dang/ nyam nga ba'i gnas skabs thob pa ste/ rnam pa gsum
yin no/ /de la 'di ni gtso cher mang du thos pa'i rgyus dgos pa
mdzad pa'i gnas skabs la brten te bcom ldan 'das kyi yon tan
brjod

@207a @#/ /pa'i sgo nas sdig pa bshags pa'i tshul smra bar 'dod
pa'i phyir/ /sman pa'i rgyal po mnyam med 'gro ba'i bla/ /nyes pa
kun bral yon tan 'byung ba'i gnas/ /skyabs khyed nye bar dmigs
nas rtag na ba/ /rang gi nyes pa'i 'gyur brjod bshags par

bgyi; /zhes bya ba la sogs pa smos pa yin te/ sman pa'i rgyal po
zhes bya ba ni sman pa'i gtso bo ste/ nyon mongs pa'i nad kyis
gdungs shing ngan 'gror 'gro ba'i sems can rnams gso ba'i rig pa
mkhyen pa yin pa'i phyir ro/ /de nyid kyis na mnyam med ces bya
ste/

tshangs pa dang drag po la sogs pa'i nang na 'di dang thabs mnyam
pa yod pa ma yin no/ /gzhan yang de nyid ni khams gsum pa rnams
la lam gyi dam pa ston par mdzad pa yin pas na 'gro ba'i bla
ma'o/ /gal te de lta na nyan thos dang rang sangs rgyas dag kyang
'gro

ba'i bla ma yin no zhe na/ de las khyad par du bya ba'i phyir
nyes pa kun bral zhes bya ba smos pa yin te/ 'dod chags dang/ zhe
sdang dang/ gti mug la sogs pa ni sems kyi rgyun la yang dag pa'i
ye shes skye ba'i gegs byed pas na nyes zhes bya la/ de bag chags
dang

bcas pa ma lus pa dang bral zhing nges par spangs pa'o/ /nyes pa
dang bral ba 'ba' zhig tsam gyis bla mar gyur pa yin nam zhe na/
de'i phyir yon tan 'byung ba'i gnas zhes bya ba smos te/ bslab
cing byang bar bya ba yin pas na/ yon tan te/ stobs dang/ mi
'jigs

ba la sogs pa la bya la/ /de rnams kyi 'byung gnas ni bskyed pa'i
gzhi zhes bya ba'i tha tshig go/ /rgyu de dag nyid kyis na skyabs
su 'os pa yin pa'i phyir skyabs te/ gang la brten nas sdig pa la
sogs pa'i mi mthun pa'i phyogs zad par byed cing/ thun mong ma
yin pa'i yon tan gyi

bdag nyid che ba mnga' bas sangs rgyas bcom ldan 'das ni skyabs
dam pa yin pa'i phyir skyabs zhes bya'o/ /khyed ces bya ba mngon
sum gyi shes pas dmigs pa'i yul du gyur pa'o/ /nyes par dmigs nas
zhes bya ba ni mngon par dad pa'i sems kyis dmigs shing mngon sum
du

@207b byas nas nyes pa bshags par bgyi'o zhes bya bar sbyar ro/
/ci'i phyir bshags she na/ rtag na ba zhes bya ba smos te/ sems
kyi rgyud nyon mongs pa'i nad kyis gdungs shing bdag dang bdag
gir 'dzin pa'i mtshan nyid dang ldan pa la bya'i rlung la sogs pa
'khrug pa la ni mi bya ste/

'dir gnas skabs ma yin pa'i phyir ro/ /rang gi nyes pa'i 'gyur ba
ni rang nyid kyi sems nyon mongs pa'i dbang gi rang bzhin nyams
shing gnas skabs gzhan du 'gyur ba'i tshul gang dag yin pa tshig
gis brjod pa'i thal mo sbyar ba la sogs pa lus kyi gus pa'i tshul
dang yang ldan pas

bshags par bgyi zhing mi bcab par mngon sum du brjod par bgyi'o
zhes bya ba'i don to/ /de ltar tshigs su bcad pa dang po 'di ni
bdag nyid kyi bya bar brjod par bya ba dang/ 'brel pa dang/ dgos
pa dang/ dgos pa'i yang dgos pa ston pa yin te/ thams cad mkhyen
pa nyid yon

tan brjod pa'i sgo nas rang gi nyes pa bshags pa ni brjod par bya
ba yin la/ bstod pa'i tshig ni brjod pa yin no/ /de dag rgyu 'bras
bu 'brel ba ni 'brel pa yin no/ /lam shes pa'i sgo nas nyon mongs
pa las ldog pa ni dgos pa yin no/ /de la brten te rim gyis sangs
rgyas kyi go

'phang nyid 'thob pa ni dgos pa'i yang dgos pa yin no/ /de'i nyes
pa'i 'gyur ba de nyid bstan par bya ba'i phyir/ shin tu rgal
dka'i chu bo'i rgyun 'dra zhing/ /rtog dang dpyod pa ngan pa'i
dpa' rlabs can/ /nyon mongs chu srin 'dzin khris dkrugs pa na/
/bdag gi rang gi sems

la'ang zhi ma mchis/ /zhes bya ba la sogs pa smos pa yin te/ kye
bcom ldan 'das bdag gi rang gi sems la zhi zhing nyon mongs pa
dang bral ba ma mchis so/ /ji ltar med par gyur zhe na/ shin tu
rgal dka'i chu bo'i rgyun 'dra zhes smos te/ 'dra ba zhes bya ba
ni dper bya ba ste/

ji ltar chu bo'i rgyun drag pos bdas shing g.yengs par gyur pa
dag sdug bsngal chen po nyams su myong bar gyur pa yin pa de
bzhin du 'khor ba'i gnas su nyon mongs pa'i chu bo'i rgyun bzlog
par dka' bas g.yengs par gyur pas na sems la zhi ba dang bde ba
ma mchis so zhes bya

@208a @#/ /ba'i don to/ /ci'i phyir zhe na/ rtog dang dpyod pa
ngan pa'i dpa' rlabs can/ /zhes bya ba smos te/ rtog pas na rtog
pa ste sems kyi rgyu ba rtsing ba'o/ /dpyod pas na dpyod pa ste
sems zhib pa'i rnam pa'o/ /rtog pa dang dpyod pa yang yin la ngan
pa yang yin pas

rtog dpyod ngan pa ste nyon mongs pa can no/ /de nyid ni dba'
rlabs te sems gang la nyon mongs pa can gyi rtog pa dang dpyod
pa'i rnam pas dkrugs shing g.yengs pa'i gnas skabs yin pa'i phyir
dba' rlabs can te/ de nyid kyis ni brgal bar dka' ba yin no/
/gzhan yang ji

lta bu zhe na/ nyon mongs chu srin 'dzin khris dkrugs pa na/
/zhes bya ba smos te/ rtog dpyod ngan pa'i dbang gis 'dod chags
la sogs pa'i nyon mongs pa skyed par byed pa/ de nyid ni sdug
bsngal bskyed cing 'dzin pa dam po'i tshul gyis chos mthun par na
chu srin te rgya mtsho'i

srog chags so/ /de rnams kyi tshogs ni mang po'o/ /des dkrugs pa
ni khyab cing g.yengs par gyur pa'o/ /rgyu des na ji srid nyon
mongs pa can gyi rtog pa ma sangs pa de srid ni rang gi sems zhi
zhing dkar po'i chos skye ba'i gzhir mi 'gyur ba'o/ /de yang lan
tshwa'i chu bo'i

mdo las/ bdag ni nor phrogs rkun po rnams la 'jigs pa yod min te/
/de dag gis ni nor bzangs 'phrog par byed na de yang yod ma yin/
/yid kyi dge ba'i nor ni legs par rab tu bsags bsags pa/ /bdag gi
tha mal rnam rtog dag gi mngon du 'phrog

par byed/ /ri khrod dang ni mun khang dag dang nags ni stug po
ru/ /nor ni rkun po rnams las 'di ni legs par bsrung nus kyi/
/gang du dge ba'i nor ni 'phags min rtog pa 'di yis ni/ /bcom par
ma gyur sa phyogs de ni 'gro na yod ma yin/ /zhes bshad pa yin
no/ /

de la dang po kho nar bcom ldan 'das kyis 'dod chags dang/ zhe
sdang dang/ gti mug dang ldan pa rnams la go rims bzhin mi gtsang
ba dang/ byams pa dang/ rten cing 'brel par 'byung ba ston par
mdzad cing/ tshangs pa'i gnas bzhi gsungs pa dang mi mthun par
gyur

@208b pa'i gnas skabs su gyur pa bstan par bya ba'i phyir/ 'dod
chags rgya mtsho'i dpa' rlabs che 'khrugs tshe/ /gal te mi gtsang
rdzing la brten gyur na/ /der ni bdag yid zhe sdang me yis ni/
rtswa skam bzhin du nges bsreg nye bar bcom/ /zhes bya ba la sogs
pa smos te/

'dod chags ni 'dod pa'i 'dod chags dang/ dngos po'i 'dod chags
so/ /de nyid ni mang ba dang stobs che ba'i phyir rgya mtsho'i/
/dba' rlabs ni de dang ldan pa'i rnam par rtog pa du ma ste/ des
'khrugs pa dang g.yo zhing bskyod par gyur pa'o/ /de yang mdo de
nyid las/ /ji

ltar dang ba'i chu 'bab rgya mtsho ni/ /mi g.yo dba' rlabs kyis ni
rab 'khrug byed/ /de bzhin rtse gcig gyur pa'i sems kyi chu/
/rnam par rtog pas rab tu 'khrug par byed/ /ces bshad pa'i yin
no/ /de ltar gyur pa de'i tshe ci zhig bya ba yin zhe na/ gnyen po
bsten par bya ba yin

pas de'i phyir/ gal te mi gtsang gzings la brten gyur na/ /zhes
bya ba smos te/ gal te bsal ba'i phyir mi gtsang ba ste mi sdug
pa'i dngos po bsgom zhing 'dod chags kyi rgya mtsho rgal ba'i
thabs kyi gzings la rten cing gnas par gyur pa'o/ /gnas skabs der
sems ji ltar

gnas she na/ der ni bdag yid zhe sdang me yis ni/ /rtswa skam
bzhin du nges bsregs nye bar bcom/ /zhes bya ba smos te/ bsgom
pa'i gnas skabs der yul yid du mi 'ong ba la brten pa'i dbang gis
bdag gi yid zhe sdang gi mes rtswa skam po bsregs pa bzhin du yid
la gnod par

gyur gyi 'dod chags dang bral ba'i sems zhi ba ni rnyed par ma
gyur to zhes rang gi nyes pa brjod pa yin no/ /de ltar zhe sdang
gis gnod par gyur pa la rang gi gnyen po bsten mod ce na/ de'i
phyir/ zhe sdang me yi gdung ba zhi bya'i phyir/ /zhes bya ba la
sogs pa smos te/ zhe sdang ni

gzhan la gnod pa'i sems te/ mnar sems kyi rnam pa'o/ /de nyid me
ste de las byung ba'i yid mi bde ba'i gdung bas sems kyi rgyud
kun nas yongs su sreg pa'o/ /zhi ba ni gnod pa de zhi ba ste sems
kyi rgyun de las bzlog pa'o/ /phyir zhes bya ba ni de'i don du'o/
/zhi ba'i

@209a @#/ /phyir ci zhig byed ce na/ gal te byams pa'i rdzing ni
bsgoms gyur kyang/ /zhes bya ba smos te/ gal te zhe sdang gi me'i
gnyen por sems can thams cad bde bar 'dod pa'i byams pa ste/
mdza' ba'i sems rdzing gi chu ltar bsil ba zhe sdang gi me 'jil
bar nus

pa bsgoms shing mang du byas par gyur kyang ngo/ /de las cir
'gyur zhe na/ der ni skye bo thams cad bder 'dod pa'i/ /zhes bya
ba smos te/ de ltar bsgoms pa'i gnas skabs der skye bo thams cad
ces bya ba khams gsum par gtogs pa'i 'gro ba ma lus pa la byams
pa'i

sems kyis dmigs pa'i bde bar 'dod cing gnod pa dang bral bar dga'
ba'i sems so/ /gal te yid 'di de ltar gtod pa na cir 'gyur zhe
na/ chags pa'i 'dam gyis yid ni zin par gyur/ /zhes bya ba smos
te/ byams pa'i sems kyis bde bar 'dod pa na rjes su dga'

ba'i sems dang 'brel ba'i sred pa'i 'dod chags skye bar 'gyur la/
de nyid ni sems zhen ching bying ba'i gnas su gyur pas na
'dam ste/ de lta bus yid ni kun nas zin par gyur to/ /'di skad
ston te/ mngon par dga' ba dang bcas pa'i byams pa'i sems kyis
'gro ba

rnams la chags pa'i kun tu 'dzin pa skye bar 'gyur bas na de nyid
ni nyes pa yin no/ /de ltar yang ji ltar sgrub par byed ce na/
de'i phyir/ chags pa'i 'dam gyi dri ma rnam dag phyir/ /zhes bya
ba smos te/ chags pa ni dngos po rnams la mngon par zhen pa'o/
/de nyid ni 'khor ba'i

rgyur gyur pas na 'dam lta bu'o/ /de nyid ni dri ma ste rang gi
yid bdag dang bdag gir zhen pa'i skyon chags pa'o/ /de lta bu'i
dri ma rnam par dag cing sbyang ba'i phyir ci zhig bya zhe na/
gal te de ni btang snyoms chus 'khru yang/ /zhes bya ba smos te/
'dam gyi dri ma lta bur chags

pa de shes rab kyi blos nyes pa yin par shes par bya la/ 'gro ba
thams cad la kun du ltos pa med cing rjes su chags pa dang khong
khro ba dang bral ba'i btang snyoms chu lta bus 'khru zhing dri
ma sel bar byed pa na nyes pa cir 'gyur zhe na/ der ni 'gro kun
nyam thag sel ba yi/ /'jig

@209b rten mgon po snying rje'ang rnam par nyams/ /zhes bya ba
smos te/ kye 'jig rten gyi mgon po de ltar btang snyoms la bzhag
pa'i gnas skabs der ni sems can thams cad 'don par byed pas rab
tu 'jug pas 'gro ba thams cad kyi sdug bsngal sel bar byed pa'i
snying rje chen po

'jig rten gyi mgon dang skyabs su gyur pa de yang rnam par nyams
shing med par gyur pa des na bdag byang chub sems dpa' nyid du mi
'gyur ro/ /'on te snying rje de nyid kyang bsam mod ce na/ gtso
bo gal te snying rje bsgom pa na/ /bdag ni mya ngan chen po kun
du skye/ /zhes bya ba smos

te; gtso bo zhes bya ba ni bod pa'o/ /gal te skyon de mthong nas
snying rje nyid bsgom zhing mngon du byed pa na bdag gi yid la
snying rje'i tshul las byung ba'i mya ngan zhes bya ba yid kyi
gdung ba chen po kun du skye bar 'gyur te/ kye ma'o sems can 'di
rnams sdug bsngal gyi kun du nyon

mongs par 'gyur ro zhes bya ba'i mya ngan gyi sems shin tu gdungs
par 'gyur ro zhes bya ba'i don to/ /de ci zhig bya zhe na/ 'di ni
zhi phyir gal te dga' bsten na/ /zhes bya ba smos te/ snying rje
las byung ba'i gdung ba zhi zhing mnyam par gnas pa'i phyir dga'
ba zhes bya ba'i tshangs

pa'i gnas la brten cing gnas par gyur na/ de las cir 'gyur zhe
na/ g.yo ba'i sems ni rgod pa nyid du gyur/ /zhes bya ba smos te/
de ltar dga' ba'i dngos po la yid gtang ba na yul la g.yo zhing
rnam par 'gyur ba'i yid gzengs bstod pa'i dbang gis rgod cing
khengs pa nyid

du 'gyur gyi rang bzhin zhi bar mi gnas so/ /'on te de nyid zhi
bar bya ba'i phyir thabs gzhan zhig la bsten mod ce na/ gal te
dga' ba zhi phyir skyo skyed na/ /de ru sems ni dbang med zhum
par 'gyur/ /zhes bya ba smos te/ dga' bas dregs pa'i sems zhi bar
bya ba'i phyir

skyo ba skyed par byed pa'i dngos po sdug bsngal gyi rnam pa la
sogs pa la dmigs nas skyo ba skyed par byed pa na/ gnas skabs de
ru ni skyo bar byed pa nyid kyi rgyu sems rang dbang med par zhum
zhing dmigs pa la gtod mi nus par rtsol ba zhan pa nyid du 'gyur
ro zhes bya ba'i don

@210a @#/ /to; /de ltar gyur pa na spro bas gzengs bstod na nyes
pa cir 'gyur zhe na/ gal te brtson pas dman las bstod pa na/ nga
rgyal dgra yi spyod yul dag tu 'gyur/ /zhes bya ba la sogs pa
smos te/ brtson zhing 'bad pa dang ldan pas sems zhum zhing

dman pa las dregs pa skye bar byed pa'i tshul gang yang rung bas
gzengs bstod par byas na yang nyes par 'gyur te/ ci zhig ce na/
nga rgyal gyi dbang du gyur te/ nga rgyal dang lhag pa'i nga
rgyal la sogs dgra ltar dge ba'i nor 'joms pa'i spyod yul du
'gyur zhing de'i dbang

du 'gyur ba ste/ nga rgyal zhes bya ba'i dgra bo de'i bran du
'gyur ro zhes bya ba'i don to/ /de ltar tshangs pa'i gnas pa bzhi
la dmigs pa na sems kyi skyon du gyur pa bstan nas/ da ni nga
rgyal gyi gnyen po bsten pa na skyon du 'gyur pa bstan pa'i
phyir/ /de'i gnyen por thams cad

stong nyid sgom/ /zhes bya ba smos te/ nga rgyal zhes bya ba'i
dgra bo de bsal ba'i phyir de'i gnyen por gyur pa'i sems kyi 'jug
pa thams cad sel ba thams cad stong pa nyid ces bya ba/ rgya ba
dang mi rgyu ba dngos po thams cad rnam par 'jig pa'i stong pa
nyid bsgoms pas pa

rgyal la sogs pa'i mi mthun pa'i phyogs thams cad ldog par 'gyur
ba ni gcig gi gcig spangs pa'i mtshan nyid mun pa dang snang ba
lta bu'am/ lhan cig mi gnas pa'i mtshan nyid gzugs can gyi rdzas
yul bum pa dang snam bu lta bu dang 'dra ba yin pa las/ 'dir
gzugs

can gyi lhan cig mi gnas pa bsal te stong pa nyid kyi don sgom pa
la bya'o/ /de ltar stong nyid kyi don sgom pa na yang cir 'gyur
zhe na/ der ni gzhan gyi don la brtson med gyur/ /zhes bya ba
smos te/ thams cad stong par sgom pa'i gnas skabs der rang dang
sems can ma

dmigs pa'i phyir 'gro ba gzhan dag smin cing 'gro ba'i don bya ba
la brtson zhing 'bad pa med de/ de las ldog par 'gyur ro zhes bya
ba'i don to/ /skyon de ltar gyur pas ci zhig dmigs she na/ ci'i
phyir/ gal te de yi don du kun rdzob bsten/ /zhes bya ba smos te/
stong

@210b pa nyid du blta ba'i skyon de bsal ba'i don du kun rdzob
ces bya ba yang dag pa'i don mthong ba la sgrib pa dngos po'i
chos la rten cing gnas par byed pa na'o/ /de las kyang skyon ci
zhig 'byung zhe na/ der yid nor gyi bsam pa skye bar 'gyur/ /zhes
bya ba smos te/ de ltar dngos po

la sems sbyar ba nyo tshong la sogs pa ci nas kyang nor spel zhing
sgrub pa'i bsam pa skye bas yid gdung zhing nyon mongs par 'gyur
te/ kun rdzob la rten cing sbyin pa la sogs gtong bar 'dod pa na
gser dang nor bu la sogs pa nor gyi dngos po du ma dag nye bar
sogs pa'i blo

skye bar 'gyur ba'i phyir ro/ /gal te de ltar nor sog pa'i
bsam pa bskyed kyang nyes pa ci zhig yod ce na/ gal te yid ni nor
sog la sbyar na/ /zhes bya ba smos te/ gal te nor la sred pa
bskyed nas bsam gtan la sogs pa'i khyad par can gyi sbyor ba
spangs nas rang gi yid

gser la sogs pa nor sog cing sdud pa la nye bar sbyar zhing sred
pa skyed na de'i tshe yid phyin ci log gi dbang du gyur pa nyid
yin pas/ /nyes pa kun gyi chang ni ldud 'gyur zhing/ /zhes bya ba
gzhan gyis brnyas pa na bag med par gyur pa dang/ lus nyon mongs
la sogs pa'i nyes pa

'byung la/ nyes pa de nyid kyis ni de ni nor gyis skyob pa'i
skyes bu la nyes pa'i rgyur gyur pa chang lta bu de ldud cing
skye ba yin no/ /gzhan yang nyes pa ci zhig tu 'gyur zhe na/
dregs dang rmongs pa'i gnyid kyis myos pas na/ /zhes bya ba smos
te/ rgyu de dag nyid kyis sems bya ba dang bya ba

ma yin pa'i dbye ba mi shes pas myos par byas pa yin no/ /gang
gis myos par byas she na/ dregs dang rmongs pa'i gnyid kyis zhes
bya ba ste/ ra ro ba'i skyes bu dang 'dra bar dregs shing khengs
pa dang rmongs pas blo gros nyams pa dang/ gnyid dang rmugs pa'i
dbang du gyur pa ste dregs

pas ni rmongs pa yin la/ rmongs pas ni gnyid kyis myos par 'gyur
pa'o/ /de dag las kyang nyes pa ci zhig 'byung zhe na/ mngon 'dod
thams cad bcom pa nyid du gyur/ /zhes bya ba smos te/ mthong ba'i
chos dang skye ba gzhan du dam pas bsgrub par bya ba gang dag yin
pa'am/ mngon

@211a @#/ /par mtho ba dang/ nges par legs pa'i rgyur gyur pa'i
mngon par 'dod pa'i don thams cad bcom zhing brlag par 'gyur ro/
/nyid ces bya ba ni nges par gzung ba'o/ /'dir bsdus pa'i don ni
'di yin te/ nor sog pa sred pa yin la de ni yongs su brnyes par

'gyur ba la sogs pa'i nyes pa rnams kyi rgyu yin no/ /de yang lan
tshwa'i chu bo'i mdo las/ 'di de gus pa thams cad dang/ /yon tan
rnams ni 'jig byed de/ /gang gis ri rab ltar lci ba'ang/ /shing
bal lta bur yang bar byed/ /sred pas dgun gyi dus su ni/ /kha ba
can

yang grang ba'ang/ /mya ngan dag tu nyi ma'i zer/ /'bar ba dag
kyang tshar mi tshor/ /sred pas gting mtha' med pa dang/ /gnod pa
du mas nyam nga ba'i/ /rgya mtsho'ang glang rjes tsam nyid du/
/shin tu chung ba nyid du sems/ /zhes gsungs pa yin no/ /de ltar
sems mi

mnyam pa'i tshul bstan nas/ nor bsags pa las snying por bya ba'i
sbyin pa nyid du yang rjes su mi mthun pa'i sems bstan pa'i
phyir/ gang tshe bdag ni sbyin par 'dod na yang/ /ser sna stobs
can gyis ni nges par 'dzin/ /zhes bya ba la sogs pa smos te/ dus
gang

gi tshe dka' bas bsags pa'i nor slong ba rnams la bdag sbyin par
bya bar 'dod cing 'gyed par spro ba na yang ser sna stobs can
zhes bya ba dngos po la mngon par zhen cing chags par byed pa'i
ser sna'i kun tu 'ching bar thog ma med pa'i dus can stobs dang
ldan pa dag gis nges

par 'dzin cing blo la dam por chags pas gtong ba'i mthu med par
byed do/ /de'i tshe ci zhig bya zhe na/ gal te de bsal ci ste byin
gyur na'ang/ /de tshe yun ring dus su rjes su 'gyod/ /ces bya ba
la sogs pa smos te/ gnyen po'i phyogs sgom pa'i stobs kyis ser
sna de bsal zhing spangs

nas zhing du gyur pa 'ga' zhig la dngos po 'ga' zhig byin par
gyur na yang/ de'i tshe slar yang ser sna'i sred pa las byung ba'i
sems kyi gdung bas yun ring po'i dus su rdzas btang ba rjes su
'gyod par 'gyur ro/ /gal te mos pa brtan pas sems de slar bzlog
pa na yang cir 'gyur zhe na/

@211b gal te dad pas slar yang dad byas kyang/ /zhes bya ba smos
te/ dad pa ni sems kyi dang ba ste/ yid ches pa dang yon tan
mngon par 'dod pa'i dad pas sems kyi dri ma bsal te dang zhing
rnyog pa med par byas kyang 'jig rten gzhan gyi 'bras bur de
ltung 'gyur zhes bya ba rdzas

btang ba'i 'bras bu yang mngon par zhen cing lan la re ba'i tshul
gyis sems de skyon chags par 'gyur ro zhes bya ba'i don to/ /de
ltar skyon chags pa na/ mi rtag shes pas re ba med byas na/ /zhes
bya ba 'du byed thams cad mi rtag pa zhes smos pa'i ston pa'i
bka' dran zhing/ mi

rtag pa'i tshul du ma dag pa la brtags nas rdzas la sogs pa rtag
pa med de skad cig ma'i tshul yin par shes par bya ba'i gnyen po
des lan la re ba'am sbyin pa'i rnam par smin pa las byung ba'i
longs spyod la sogs pa la ma chags par byas nas sems kyi rnyog pa
de bsal ba na

yang rjes su mthun par gnas te/ ci zhig gi zhe na/ rgyu mtshan med
pas le los rnam par zhum/ /zhes bya ba rgyu sbyin pa btang ba
'dis longs spyod chen po 'di lta bu zhig thob pas na de lta bu'i
'bras bu bsgrub pa'i phyir sbyin pa la sogs pa rgyur gyur pa
rnams la 'bad par byed pa

yin na; 'bras bu la re ba med par byas pa'i phyir/ sbyin pa la
sogs pa'i chos la rtsol mi 'dod cing le lo'i dbang gis sems rnam
par zhum zhing sgyid zhan pa nyid du 'gyur ro zhes bya ba'i tha
tshig go/ /rang gi don la nyams par brjod de bshags pa bstan nas/
gzhan gyi

don las kyang nyams par gyur pa bstan pa'i phyir/ /mgon po 'jig
rten sdug bsngal gyis rab gzir/ /zhes bya ba smos te/ kye mgon po
sems can gyi 'jig rten 'di dag 'du byed la sogs pa'am skye ba la
sogs pa'i sdug bsngal gsum mam/ brgyad du grags pa

dag gis rab tu gzir cing shin tu nyam thag par byas pa de dag
kyang/ sngon tshe'ang gnyen du gyur pa la bltas nas zhes bya ba
'khor ba'i gnas 'dir skye ba brgyud pa'i tshe gzhan dag tu yang
pha ma la sogs pa gnyen du gyur cing bdag dang rjes su 'brel bar
gyur pa yin par

@212a @#/ /blos bltas shing yid kyis bsams nas so/ /yang zhes bya
ba ni da ltar 'ba' zhig tu ma zad pa'o/ /rgyu de las brten nas ci
zhig byed ce na/ gal te gzhan don spyod par 'dod na yang/ /zhes
bya ba sems can sdug bsngal gyis nyen pa dag gnyen du ma

gyur pa med pas de rnams kyi gnod pa bsal ba'i phyir sbyin pa la
sogs pas gzhan gyi don bya'i/ byang chub sems dpa'i spyad pa
spyod par 'dod cing bya ba de rdzogs par rtsom pa na yang de'i ci
zhig tu 'gyur zhe na/ bdag tu 'du shes pa yi dbang med 'dzin/
zhes bya ba

smos te/ nye du la sogs pa la zhen pa las bag chags las byung
ba'i bdag dang bdag gi 'du shes kyis rang dbang med par 'dzin
cing dbang du byed pas bdag med pa la bdag tu lta ba'i phyin ci
log tu 'gyur ro zhes bya ba'i don to/ /de ltar bdag tu lta ba la
nyes pa ci zhig yod

ce na; bdag tu lta ba'i rjes su nga rgyal 'brang/ /zhes bya ba
smos te/ bdag ces bya ba ni yod do zhes bya ba ni bdag tu lta ba
ste/ bdag med pa la bdag tu rlom pa gang yin pa de ni nga rgyal
yin la nga rgyal de ni bdag tu lta ba'i rjes su 'brang ste/ rtag
pa dang brtan pa dang bdag

yod pa la sogs pa mu stegs pa'i lta ba la zhen par 'gyur ro zhes
bya ba'i don to/ /des kyang nyes pa ci zhig skyed ce na/ de ni
nga'i zhes yongs su 'dzin par byed/ /ces bya ba smos te/ nga
rgyal las byung ba'i ltung ba de yang nga'i zhes bya ba'am/ bdag
gi snyam pa'i yongs su

'dzin pa dam po skye bar byed pa des 'ching bar byed do/ /de ltar
gyur pa des kyang nyes pa'i tshogs ci zhig bskyed ce na/ der ni
nga rgyal dregs dang 'dod sogs kyis/ /zhes bya ba smos te/ der ni
zhes bya ba nga'i zhes yongs su 'dzin pa skye ba'i gnas skabs
de'i tshe na nga rgyal la sogs

pa'i nyes pa 'byung ste/ nga rgyal ni nga rgyal dang lhag pa'i
nga rgyal la sogs pa'i nyes pa'o/ /dregs pa ni sems rgyas shing
gzengs mtho ba'o/ /'dod pa ni 'dod pa ste des chags pa'i yul la
sred pa skyed pa'o/ /sogs pa smos pas ni zhe sdang dang gti mug
la sogs pa nyon mongs

@212b pa gzhan rnams bsdus la de dag gis kyang ci zhig byed ce
na/ khros pa'i dgra bzhin du ni rnam par 'joms/ /zhes bya ba smos
te/ 'di ltar zhe 'gras par gyur pa'i dgra bo dag shin tu khros pa
na srog dang bral bar byed pa la sogs pa'i gnod pa du ma skyed
par byed pa de bzhin du/ nyon mongs

pa'i tshogs de dag gis kyang dge ba'i srog 'phrog cing 'gyur ba'i
sdug bsngal sna tshogs skyed par byed do/ /bdag tu lta ba ni nyes
pa thams cad kyi gzhi yin pa'i phyir ro/ /de yang/ bdag yod na ni
gzhan du 'du shes shing/ /bdag gzhan cha las yongs su 'dzin dang
sdang/ /'di

gnyis dang ni kun tu 'brel pa las/ /nyes pa thams cad rab tu skye
bar 'gyur/ /zhes slob dpon tshogs kyi grags pas bshad pa yin no/
/nga rgyal la sogs pa'i nyes pa de dag nyid kyi mi mthun pa'i
phyogs bskyed pa'i dpe bstan pa'i phyir/ gang tshe bdud kyi sde
ltar 'jigs pa yi/ /nyon

mongs dra ba kun nas bdo gyur pa/ /zhes bya ba la sogs pa smos
te/ dus gang gi tshe na bdud kyi sde zhes bya ba bdud ni 'dod pa'i
khams kyi dbang phyug ste/ de'i sde ni dpung tshogs yin la/ de dag
kyang mtshon cha sna tshogs thogs shing rgol ba dang g.yul du 'jug
pa'i tshul du ma ston

pas shin tu 'jigs su rung ba yin no/ /ltar zhes bya ba ni 'dra ba
ste/ nyon mongs pa'i tshogs rnams kyang gnod pa sna tshogs skyed
pas 'jigs pa yin pa'i phyir ro/ /nyon mongs pa ni 'dod chags la
sogs pa yin la/ dra ba ni de dag gi tshogs mang po la bya ba'am/
de dag gis

kun nas dkris pas bsdams shing 'ching bar byed pa yin la/ de lta
bu'i nyon mongs pa de kun nas bdo bar gyur cing yul gyi bag la
nyal sad par byas te/ nyon mongs pa'i kun nas dkris pa rnam pa
thams cad du 'bar bar gyur pa na nyon mongs pa'i tshogs nyid bdud
kyi sde yin

la; de lta bu mi bzad pa'i nyon mongs pa'i shugs 'bar bar gyur
pa/ de tshe dus mtshan mi bzad lta bur ni/ /zhes bya ba la/ dus
zhes bya ba ni gshin rje'i pho nya yod de/ des de gang gi mtshan
mo skyes bu'i mgul du zhags pas btags te khyer bar 'dod pa'i
mtshan

@213a @#/ /ma de ni dus mtshan zhes bya'o/ /lta bur zhes bya ba ni
'dra ba ste/ nyon mongs pa'i dra ba de ni de dang tshul 'dra ste/
gang gis na shin tu mi bzad pa'i 'jigs pa skyed par chos mthun pa
yin no/ /de lta bur zhes bya ba ni/ nag po'i phyogs kyi mun pa
rnam par

'phel/ /zhes bya ba bdud kyi phyogs dkar po'i chos dang mi mthun
par gyur pa'i rmongs pa'i mun pa de rnam par 'phel zhing rgyas
par 'gyur ba'am/ yang na nag po'i phyogs zhes bya ba ni zla ba
mar ngo la bya la de'i mun pa smag tu gyur pa'i nang na dgra
bo 'ga' zhig gi mtshon cha sna

tshogs kyi char phab na shin tu 'jigs pa yin pa dang 'dri bar nyon
mongs pa'i phyogs kyi mun pas bsgribs shing dkar po'i chos kyi
snang ba dang bral ba na/ gnod pa dang sdug bsngal sna tshogs rnam
par 'phel bar 'gyur ro zhes bya ba'i don to/ /de ltar dpe'i tshul
du ma bstan pas

bdag tu lta ba las byung ba'i nyon mongs pa'i tshogs rnams shin tu
'jigs su rung bar bstan pa yin la de nyid kyis na zhi bar bya
ba'i phyir sdig pa smod pa'i sgo nas 'chags par 'dod pa'i phyir/
sdig pa brjod bgyi rjes 'gyod brnag dka' zhing/ /zhes bya ba smos
te/ kye bcom ldan

'das khyed kyi spyan sngar sdug pa dang mi sdug pa dag gi phyir
sdig pa du ma bgyis shing bsags pa'i sdig pa gang yin pa de brjod
par bgyi zhing rjes su bsgrag par bgyi'o/ /ji lta bu zhe na/ rjes
'gyod brnag dka' zhing zhes bya ba ste/ gang zhig byas na rjes su
'gyod pa'i sems kyi

rgyud sred par nus pa brnag dka' zhing bzod par dka' ba skye ba
de ni sdig pa'i rang bzhin yin pa'i phyir ro/ /gzhan yang ji lta
bu zhe na/ skye ba sdug bsngal 'gyur ba mi bzad lags/ /zhes bya
ba smos te/ skye ba ni 'gro ba lngar lus len pa'o/ /sdug bsngal
ni phung po lnga'i bdag

nyid can no/ /skye ba sdug bsngal ni skye ba sdug bsngal te de
yang dang yang du len cing 'dzin par gyur pa na las dang nyon
mongs pa las byung ba'i 'gyur ba'i sdug bsngal bskyed cing nyams
su myong bar byed pa de ni mi bzad pa yin te/ shin tu brnag par
dka' ba'i lus dang sems kyi

@213b sdug bsngal du ma bskyod pa lags so zhes bya ba'i don to/
/de ltar na/ de las lhag pa'i rab gnod ci zhig mchis/ /zhes bya
ba nyon mongs pa las byung ba'i sdug bsngal de las lhag par ches
rab tu gnod par byed pa'i dngos po ci zhig mchis zhes dri ba'i
sgo nas/ de las lhag pa'i

rab tu gnod pa ni ci'ang ma mchis so zhes nges par gzung ba'o/
/de ltar sdug bsngal mi bzad pa'i rgyu yin par shes nas ni dor
ba'i rigs pa las de ltar mi byed kyi/ de ltar na yang de la rang
nyid spyod/ /ces bya ba sdug bsngal gyi rgyu yin du zin na yang
de'i rgyur gyur pa'i sdig pa de la bdag

rang nyid mngon sum du spyod par byed kyi de las ldog par mi
bgyid pa de nyon mongs pa'i dbang du gyur pa yin no zhes rang gi
nyes pa brjod pa'i sgo nas 'chags pa'o/ /gal te de ltar yin na de
las/ sems bzlog cing spang bar rigs pa yin pa las de ltar yang
bzod par mi nus par bstan pa'i

phyir; gal te sna tshogs sdug bsngal rgyur gyur pa'i/ /zhes bya ba
smos te/ 'di ltar bzod pa ni bde ba thams cad kyi 'byung gnas yin
la/ khro ba ni sdug bsngal thams cad kyi gzhir gyur pa yin pas/
gal te sna tshogs sdug bsngal rgyur gyur pa'i/ /zhes bya ba 'jig
rten 'di

dang gzhan gyi sdug bsngal lus dang sems kyi cha las byung ba
rnam pa sna tshogs pa'i gzhi dang rgyur gyur pa ni zhe sdang yin
te/ de las ni sems can la 'tshe bar byed pa 'byung ba yin pa'i
phyir/ gzhan la gnod pa byed pa las bzlog na/ /zhes bya ba khong
khro ba las byung ba'i rgyus gzhan

la gnod cing sdug bsngal bar byed pa las/ khro ba'i nyes pa rnams
dran pa'i sgo nas de las sems rjes su bzlog cing gnyen po dran
pas bzod pa sten par byed pa na'o/ /de ltar gnas pa'i tshe cing
'gyur zhe na/ skye bo ngan pa nyes med dgrar gyur pa/ /ral gri'i
so ltar gdug pas de

'khrug byed/ /ces bya ba smos te/ bzod par mi nus kyi blo 'khrugs
shing sems kyi rgyun rnyog pa can du byed do/ /gang gis she na/
skye bo ngan pa nyes med dgrar gyur pa/ /ral gri'i so ltar gdug
pas de 'khrug byed/ /zhes bya ba skye bo'i tshogs tshul khrims dang
bzod pa la sogs pa dam

@214a @#/ /pa'i spyod pa dang bral ba rang bzhin ngan par gyur pa
rnams ni bdag gis gnod par byas pa'i nyes pa gzhi mod par yang
rgyu med pa'i dgra bor gyur cing rjes su sdang bar gyur pa rnams
kyi spyod pa ral gri'i so ltar gdug cing zhe gcod par byed pas
bdag gi sems

'khrug par byed do/ /'on te rang bzhin ngan pa de dag la yang
bzod pa bsten cing de la brtse bar bya mod ce na/ gang cho bdag
yid bzod byed 'dod na yang/ /de tshe de yi nyes spyod 'ching bas
bsdams/ /zhes bya ba smos te/ dus sam skad cig gang gi tshe bdag
gi yid 'khrug

par byed pa de las bzlog cing gnyen pos sems dang bar byas te/
bzod pa'i tshul la gnas par byed 'dod na yang de'i tshe rang bzhin
ngan pa'i dgra bo de'i rang bzhin ngan zhing gnod pa sna tshogs
byed pa'i nye bar spyod pa sna tshogs pa sems kyi 'ching bar gyur
pa rnams kyi sems slar

yang bsdams shing dam du 'ching bar byed pas zhe sdang gi dbang
du 'gro'o zhes bya ba'i don to/ /de ltar na yang de'i nyer spyod
btang snyoms su gzhag cing sems glan mod ce na/ de ni bkag cing
yongs bsdams drag po yi/ /zhe sdang me yis yongs skems brtse dang
bral/ /zhes

bya ba la sogs pa smos te/ de'i nye bar spyod pa ngan pa de las
byung ba'i zhe sdang gi 'ching ba de nan gyis bkag cing yongs su
bsdams pa na brnags drags pa nyid kyis sems kyi rgyun so na mi
gnas shing khong khro ba'i dbang du gyur la/ des na de las byung
ba'i zhe sdang drag po de ni

bdag dang gzhan gdung bar byed pas me lta bu yin la/ me de yis
'phags pa chos kyi rlan dang sems bral bar byed pas sems kyi
rgyud skems par byed pa yin la/ de lta bu des na sems brtse ba
dang bral zhing snying rje med de dam pa'i spyod pa bzod cing
dang ba dang bral bar gyur to zhes

bya ba'i don to/ /de ltar brtse ba dang bral ba'i sems ni ji ltar
gnas she na/ ji ltar mi bzad lta ba'i dug can dag /ces bya ba la
sogs pa smos te/ ji ltar zhes bya ba dper bya ba ni/ mi bzad lta
ba'i dug can dag /ces pa sbrul gang bltas pa tsam gyis gsod par
mi nus

@214b shing; dug can gyi dbugs kyis brgyal bar byed nus pa'o/
/nang gnas shing ni mkhas rnams spong bar byed/ /ces bya ba ni
shing gang gi khong stong gi cha na de lta bu'i sbrul gdug pas
gnas bcas pa'i shing de ni mkhas pa blo dang ldan pa rnams rgyang
ring por mod kho na la spong bar byed

do; /de bzhin khong khro'i spyod pa sbed pa yi/ /bdag gi bsam
pa dge ba rnam spong byed/ /ces bya ba ni dpe bshad pa'i don
bstan pa ste/ tshul de bzhin du khong khro ba zhes bya ba sprul
gdug pa lta bu'i zhe sdang gi cha las byung ba'i spyod pa gzhan
la gnod par byed pa dug lta bu nang na gnas

pa'i tshul sbed par byed cing 'chab par byed pa'i bdag gi bsam pa
ste/ sems kyi rnam pa shing lta bu ste/ de dge ba rnams zhes bya
ba bslab pa gsum la sogs pa mngon par mtho ba dang nges par legs
pa'i rgyur gyur pa'i las kyi tshogs rnams kyis spong bar byed cing
'dor bar byed pa 'di

skad ston te/ gal te bdag gi sems la mnar sems dang ldan pa'i zhe
sdang gi spyod pa sbrul lta bu gnas na de ni snod dug can lta bu
yin pas dge ba'i chos rnams mi gnas shing spong bar byed do zhes
bya ba'i don to/ /sems la skyon chags pas chos kyi snod du mi
'gyur ba'i tshul

gzhan yang bstan pa'i phyir/ nyi ma'i zer gyis zhes bya ba la
sogs pa smos te/ bdag gi bsam pa la dam pa'i chos kyi char 'bab
pa don ma mchis so zhes bya bar sbyar ro/ /tshul ji ltar zhe na/
nyi ma'i zer gyis bsregs pa'i rdo 'dra zhing/ /zhes bya ba smos
te/ so

ga'i nyi ma'i 'od zer shin tu tsha zhing rno bas bsregs shing
gdungs pa'i rdo leb la char 'bab pa dang 'dra ba yin te/ 'dra
zhing zhes bya ba ni chos mthun pa ste/ ji ltar rdo ba'i ngos la
char gyi rgyun 'bab tu zin kyang 'phel ba'am myu gu skye ba la
sogs pa mi snang zhing nang du yang ba ngas par

mi 'gyur gyi phyi rol brlan pa tsam kho nar 'gyur la/ de yang
skad cig tsam na mi snang bar 'gyur ro/ /de bzhin du nyon mongs
pa'i tshogs nyi ma'i zer ltar drag pa brgya phrag gis gdungs par
gyur pa'i sems la ni chos kyi char ba'i don med do/ /gzhan yang
ji lta bu zhe na/ yongs

@215a @#/ /su bskams pas rdul gyur thal ba 'dra/ /zhes bya ba smos
te/ ji ltar thal ba'i tshogs nyi ma'i 'od zer gyis yongs su gdungs
shing kun nas bskams par byas pa ni rdul du gyur cing shin tu
rtsub par gnas par thal ba dang 'dra ba ste/ ji ltar thal ba'i
phung po

bskams shing rtsub par gyur pa la char 'bab tu zin kyang khyad
par du gyur ba'i dngos po mi skye bas don med pa yin la/ 'on te
mang du 'bab pas brlan pa tsam du gyur pas dus gzhan na de bzhin
du gnas so/ /tshul de 'dra bar bdag gi sems thog ma med pa'i dus
can gyi

rnam par rtog pa ngan pa'i tshogs kyis bsdams shing rdul can du
gyur pa la chos kyi char 'bab pa don med do/ /gzhan yang ji lta
bu zhe na/ bye ma'i tshogs kyis khyab pa'i lam lta bu/ /zhes bya
ba smos te/ bye ma'i tshogs ni bye ma'i phung po ste mang po zhes
bya ba'i don la/ des khyab

pa ni kun nas g.yogs shing khebs pa ste/ de lta bu'i phyogs kyi
rgyun lam du ni char 'bab pa don med do/ /lta bur zhes bya ba ni
dper bya ba ste ji ltar bye ma'i tshogs kyis khyab pa'i lam du
char gyi rgyun mang du bab kyang dgos pa byed par mi 'gyur gyi
ring po mi thogs par

snga mkho bzhin du gnas so/ /tshul de bzhin du/ bdag gi bsam par
chos char don ma mchis/ /zhes bya ba bdag gi sems ma rig pa dang
sred pa la sogs pa bye ma lta bus khyab pa'i gzhi la yang dag
pa'i chos kyi char 'bab pa don med do/ /dpe 'di dag gis ni 'di
skad

du ston te/ ji ltar zhing sa bzang po dag tu char 'bab pa ni
'bras bu la sems pa 'bru'i tshogs dang 'bras bu'i tshogs rnams
'phel zhing rgyas par byed pas don yod pa bzhin du/ rdo ba'i
rgyab dang thal ba'i tshogs dang bye ma'i lam du ni de lta ma yin
no zhes chos mi mthun pa'i dpes

bstan pa yin no/ /dpe gsum smos pa ni lung dang/ rtogs pa dang/
don dam pa ste chos rnam pa gsum yod pas de dag brten pa don med
pa dang go rims bzhin du sbyar ba'am/ theg pa gsum gyi chos bstan
pa'i snod du ma gyur pa dang go rims bzhin du sbyar ro/ /'di

@215b slob dpon gyi dgongs pa ni 'di yin te/ yon tan gyi tshogs
mang pos brgyan cing dam pa'i spyod pa dang ldan pa dag gis kyang
re zhig bdag la smad pa ni bya ba'i cha yin te/ gal te nye bar ma
brtags pa'am/ mi dge ba'i bshes gnyen gyi dbang gis sdig pa mi
dge ba byas pa na de sbyang

ba'i thabs ni bdag la smod pa yin pa'am/ gzhan dag tshul de ltar
bstan pa'i sgo nas nyes pa 'tshams su 'jug pa ni rnam par sun
'byin pa'i stobs kyis sdig pa dang bral bar gyur te/ sdig pa shin
tu mi bzad byas pa yang/ /bdag la rnam par smod pas bas par
'gyur/ /

zhes bshad pa yin no/ /tshul 'di ni skabs 'di dang gzhan dag tu
yang sbyar bar bya'o/ /bdag la smod pa'i tshul gzhan dag kyang
bstan pa ni/ rang gi sdug bsngal zhes bya ba la sogs pa smos pa
yin te/ de'i don kyang kye 'jig rten gyi mgon po zhes bcom ldan
'das la bos te/ de

yang bdag gis bzod par mi nus te/ khyed kyis bstan par mdzad pa'i
lam la gus pa med cing don med par ma zad kyi khyed kyang bdag
gis shes shing rten par ma nus so zhes bya ba ni'ang zhes bya
ba'i don yin no/ /ci'i phyir zhe na/ rang gi sdug bsngal mi bzad
ma dpyad pas/ /

zhes bya ba smos te/ bdag rang nyid kyis nyams su myong ba'i sdug
bsngal gyi tshogs drag cing rtsub pa mi bzad cing brnag par dka'
ba de sdig pa'i rnam par smin pa las byung ba yin pas blos ma
dpyad cing rtog par ma gyur pas rgyu des na/ gang zhig bdag la
phan brtson lta

bur ni/ /zhes pa khyed lta bu gang zhig bdag la phan par brtson
zhing gnod pa las bzlog pa'i mdza' bshes lta bur gyur pa'am/ lta
bu zhes bya ba dper mi drang bar/ gang zhig bdag la phan par
brtson pa nyid/ /ces nges par gzung bar drang du yang rung ste
bdag la phan par brtson pa

nyid du gyur pa'o/ /gang gis she na/ bzod dang sbyin pas bdag la
phan 'dogs pa/ /'jig rten mgon de'ang bdag gis bzod mi nus/ /zhes
bya ba smos te/ bzod pa dang ni bzod pa'i pha rol tu phyin pa'o/
/sbyin pa ni sbyin pa'i pha rol tu phyin pa ste/ 'di gnyis ni
gzhan

@216a @#/ /la phan gdags pa'i thabs kyi dam pa yin pas gtsor smos
pa yin te/ de dag gis mchog tu phan 'dogs shing dgos pa sgrub par
byed pa'i ngang tshul can yin pa las de dag rjes su ston par mdzad
pa na/ bdag gis bzod cing bsten par mi nus so/ /zhes

bya ba'i don to/ /bdag ci zhig byed cing bzod mi nus she na/
sdang bar byed dam 'bros shing 'byol ba'am/ /zhes bya ba smos te/
sdang bar byed pa ni dgra bor 'du shes pa'o/ /gzhan yang ci zhig
byed ce na/ 'bros shing 'byol ba ste/ phan pa'i gdams ngag bstan
pa na de mi bzod

par gzhan du 'gro ba'o/ /rab tu g.yeng ngam zlog par byed na
yang/ /zhes bya ba ni gdams ngag mi len par phan tshun rgyu zhing
gnas su sems phyogs par byed pa'am/ zlog par byed dam zhes bya ba
ni gnas na gnas pa nyid na yang slar tshig gis bzlog cing gshe bar
byed

pa'o/ /yang zhes bya ba ni shin tu dka' ba'i tshul te/ 'di ltar
gdul dka' ba mi srun pa sems kyi rgyun log par mos pas skal pa
med par gyur pa de lta bu la yang ston par mdzad cing/ dam pa'i
chos kyi char gyis sbyin par mdzad pas bdag 'dra ba skal ba med
cing rang bzhin

ngan pa la yang/ rgyun mi 'chad par bdag 'dra la slob byed/ /de
'dra'ang bla ma yin snyam bdag mi sems/ /zhes bya ba rgyun mi
'chad par slob par mdzad cing rig pa la 'dzud par mdzad cing skal
ba can du byed pa'o/ /de 'dra zhes bya ba de lta bu la yang phan
pa'i gdams ngag bstan

pa'i bla ma yin pa snyam du bdag mi sems te/ ma rig pas blo'i mig
ldongs pa'i phyir log par 'dzin par 'gyur ro zhes bya ba'i don
to/ /'di skad ston te/ ji ltar dmus long dag gis nyi ma dang zla
ba'i rnam pa mi shes pa bzhin du lus dang sems kyi rgyud ma bsgom
pa'i

sems can dag gis kyang chos zab mo'i don rtogs shing phan pa'i
gdams ngag len par mi nus so/ /de ltar sems kyi skyon gyi 'gyur
ba rnam pa sna tshogs smras nas/ da ni rnal ma'i sems kyis yang
bcom ldan 'das la gsol ba 'debs pa'i tshul bstan pa'i

@216b phyir; song ste gsol ba btab kyang rnyed dka' zhing/ /zhes
bya ba la sogs pa smos te/ song ste zhes bya ba ni phan 'dogs
pa'i rgyu 'ga' zhig yod na don du gnyer ba de de'i thad du song
nas bsnyen bkur la sogs pas mnyes par byas te/ gsol ba btab par
gyur kyang rnyed par

dka' zhing thob par dka' ba lta bu yin pa dang/ bzod pa'i dus su
sman chen mchog gyur pa/ /bzod pa'i ngang tshul gal te mi bzod na/
/zhes bya ba gang gi tshe khro ba'i dgra bos gtses pa'i sems rme
byung ba na/ sdug bsngal dang du len pa la sogs pa'i thabs kyis
gso dgos pa

yin la/ des na de'i tshe bsten pa'i sman sems kyi nad gso bas chen
por gyur pa thabs gzhan las khyad par 'phags pa mchog tu gyur pa
ni bzod pa yin pas bzod pa bsten dgos na bzod pa'i ngang tshul lam
rang bzhin te/ gal te ma bzod cing bsten par ma byas na zhe sdang
gi nad

gso ba'i/ bzod pa'i rgyu gzhan bdag la ci zhig mchis/ /zhes pa
bzod pa'i rgyu'i thabs gzhan bdag la ci zhig mchis te ma mchis so
zhes bya ba'i don to/ /da ni nyon mongs pa rang dbang med pa nyid
du gyur pa bstan pa'i phyir/ nyon mongs srin pos zin pas sems
dkrugs shing/ /

rim bcas bdag phan la yang brtson med pa'i/ /'jig rten blta bar
'os pa mthong ba na/ /gtso bo bdag sdang nyid skye'i snying rje'i
min/ /zhes bya ba smos te/ gtso bo zhes pos nas bdag gi sems la
ni zhe sdang skye'i snying rje nam yang skye bar ma gyur to zhes
ston to/ /su zhig la

snying rje mi skye zhe na/ 'jig rten la'o/ /ji lta bu zhe na/
nyon mongs srin pos zin pas sems dkrugs shing/ /zhes bya ba smos
te/ 'dod chags dang zhe sdang la sogs pa'i nyon mongs pa rnams ni
'jigs shing gnod pa skyed pas srin po lta bu yin la/ des zin cing
dbang du

byas pas sems kyi rgyud dkrugs shing rang dbang med par byas pa
yin la/ de nyid kyis na rims dang bcas pa yin te/ sems skyon dang
bcas shing mi mthun pa'i phyogs kyis myos par gyur pa yin la/
rgyu des ni bdag la phan par byas pa'i thabs 'jig rten 'di'am
gzhan du sdug

@217a @#/ /bsngal med par bya ba'i las kyi rtsom pa la 'jug pa la
yang brtson pa med cing yongs su dor bar byed pa'am/ yang na nyon
mongs pas dkrugs pa'i phyir bdag nyid g.yang sar mchong ba
dang/ dug za ba'i sbyor bas rang nyid la gnod pa byed pa'i 'jig
rten pa dag ni blta

bar 'os pa zhes bya ste/ gang zhig mthong na rjes su brtse ba'i
sems skye zhing snying rje'i yul du gyur pa de ni byang chub sems
dpa'i spyod pa dang rjes su mthun par 'gyur ba'i rgyu yin pas
blta bar rigs pa yin na/ de lta bu mthong ba na yang nyon mongs
pa'i stobs che ba nyid kyis zhe sdang nyid

skye bar byed kyi snying rje skye ba ni ma yin no/ /da ni rang
nyid rigs pa'i tshul la gnas kyang nyon mongs pa'i dbang du gyur
pa'i tshul bstan pa'i phyir/ skye bo rang gi las 'bras la spyod
cang [?]/ /thams cad dbang med 'jigs pa yin par shes/ /gzhan dag
nyes med par ni brtags gyur

kyang; /zhes bya ba smos te/ skye bo zhes bya ba ni las dang nyon
mongs pas bskyed pa'i 'gro ba rnams te/ de ni rang gi las 'bras
la spyod cing/ /zhes bya ba gang rang gi lus dang ngag dang yid
kyis byas pa'i las kyi 'bras bu rnam par smin pa yid du 'ong ba
dang yid du mi 'ong ba

la spyod pa yin pa'i phyir gzhan gyi rkyen las gyur pa'i sdug
bsngal nyams su myong yang de nyid rang nyid kyis spyad pa'i las
kyi 'bras bu yin pas gzhan dag gis nyes pa ma yin pa dang/ sems
can thams cad kyang rang dbang med par 'jig pa yin zhing skad cig
ma'i chos

can yin pa'i phyir thams cad mi rtag par yang shes la/ des na
rang gi bde sdug la myong ba ni rang gi las byung bar gzhan dag
gis nyes par gyur pa med do/ /rang gi skyon yin par blos brtags
shing shes par gyur kyang bzod par ma nus pa ni rang gi sems gti
mug cing

ma rig pa'i mun pas bsgribs pa yin pas na mi shes pa'i rab rib
dag gis rnam par bslus par gyur pa'i rnam par 'khrul pa'am nus pa
ni ngo mtshar che ba yin pas/ rmongs pa rab rib dag gi rnam 'khrul
gzigs/ /zhes bya ba smos pa yin no/ /rnam par 'khrul pa de nyid

@217b yang bstan pa'i phyir/ bdag ni nyes pa'i rgya mtsho yin na
yang/ /su yi nyes pa'i cha yang bzod mi bgyid/ /ces bya ba smos
te/ de la re zhig bdag nyid ni lus dang sems kyi rgyud ngan par
byed pa'i nyes pa 'dod chags la sogs pa'i nyon mongs pa dang/ de
las byung ba'i

las mi dge ba rgya mtsho snyed du mang zhing rgya che ba yod pa
yin na yang/ gzhan su yang rung ba'i nyes pa'i rnam pa shin tu
phra ba'i cha tsam mam thigs pa tsam yang bzod par mi bgyid cing
brnag mi nus pa de ni bdag gi sems ngo mtshar che'o/ /gzhan yang/
bzod pa yon tan phun

tshogs gzhan mchis kyang/ /zhes bya ba la/ bzod pa ni khro ba'i
gnyen por gyur pa 'ba' zhig tu ma zad kyi gzugs bzang ba la sogs
par 'gyur ba'i yon tan phun sum tshogs pa mtha' yas pa dag yod
pa'am/ yang gzhan gyi bzod pa yon tan phun sum tshogs kyang zhes
bshad

du yang rung ste/ yon tan dang ldan pa gzhan rnams kyis bzod pa
dang tshul khrims la bzod pa'i yon tan phun sum tshogs pa yod pa
dag kyang ngo/ /gang phyir mi bzod de 'dir ngo mtshar che/ /zhes
bya ba ni rgyu gang gis bzod pa'i yon tan mtha' yas kyang de'i
cha tsam yang brten cing bzod

par mi nus pa de ni rmongs pa'i rang bzhin can gyi bdag gi sems
'di ngo mtshar te/ rmad du byung ba yin no zhes bya ba'i don to/
/kyang zhes bya ba ni 'gal bar snang ba'i tshul ston pa yin te/
nyes pa'i rgya mtsho yin yang nyes pa mi bzod la/ yon tan mtha'
yas kyang yon tan mi

brten pa ni 'gal ba yin pa'i phyir ro/ /nyes pa de nyid 'byung
ba'i tshul bstan pa'i phyir/ dbyar dus mkha' la ldang ba lta bur
ni/ /bdag gi yid la nyon mongs sprin tshogs rnams/ /yang dang yang
du 'gro zhing 'ong gyur pa/ /ngo tsha rnam spangs le lo can bdag
ngan/ /zhes bya ba

smos pa yin te/ dbyar gyi dus su nam mkha' la char sprin gyi
tshogs 'dus shing ldang bar gyur nas char 'bebs pa lta bur bdag gi
yid kyi mkha' la 'dod chags la sogs pa'i nyon mongs pa'i tshogs
glo bur du 'byung zhing sprin dang chos mthun pas sprin lta bu'i
tshogs te mang po rnams

@218a @#/ /'byung ba yin la/ ji ltar 'byung zhe na/ yang dang yang
du 'gro zhing 'ong gyur pa/ /zhes bya ba'i don to/ /rgyun du yang
dang yang du phan tshun du 'gro zhing slar 'ong ba yin te/ ji ltar
sprin dag mkha' la ldang zhing rgyu ba dang chu'i rgyun 'bebs par
byed pa de bzhin du bdag gi

sems la nyon mongs pa rnams rtag tu 'byung zhing ldang la sdig
pa'i char bskyed nas 'bebs par byed do/ /de bas na nyon mongs pa
de lta bu dang ldan zhing 'byung bar bdag nyid shes bzhin du ngo
tsha ba'i chos rnam par spangs nas nyon mongs pa spang ba'i phyir
brtson 'grus la mi brten cing le

lo'i dbang du gyur pa ni bdag nyid shin tu ngan te smad par bya
ba nyid yin no/ /de ni nyon mongs pa bsal ba'i thabs kyi ting nge
'dzin dang mi mthun par gyur pa bstan pa'i phyir/ gal te nyon
mongs grang lhags byung gyur na/ /ting 'dzin 'bar bas rgyal bar
spro gyur kyang/ /zhes bya ba la

sogs pa smos te/ nyon mongs pa ni 'dod chags la sogs pa'o/ /de
nyid ni tshul khrims 'chal ba la sogs pa'i gnod pa'i rgyur 'gyur
ba la lus dang sems nyon mongs par byed pa'i tshul gyis grang
lhags drag po lta bu yin te/ ji ltar grang lhags kyis lus rengs
pa na rtsol

mi nus pa dang 'dra bar nyon mongs pa'i grang bas nyen pa na
'phags pa'i lam la 'jug mi nus pas grang ba dang 'dra la/ de ni
ma rig pa'i rgyu las byung bar gyur pa na sems kyi rgyud las bsal
dgos na gang gis bsal zhe na/ ting nge 'dzin te gnyen po bsgoms
pa las sems rtse

gcig tu bya bas so/ /khyad par ji lta bus she na/ 'bar bas rgyal
bar zhes bya ba ste/ bsam gtan gyi gtsub shing las byung ba'i ye
shes kyi me 'bar bas nyon mongs pa'i grang lhags zil gyis gnon
cing brgyal bar bya ba ste/ gang gi phyir grang ba'i gnyen po me
yin pa

dang 'dra bar chos mthun pa'i phyir ro/ /de lta bu bya bar mngon
par spro zhing rtsol bar gyur kyang ngo/ /de ltar rtsol ba na
nyes pa ci zhig 'byung zhe na/ gnyid dang rmugs pa'i rab rib bde
gyur pas/ /mal stan 'dod pa dag kyang rnam par 'phel/ /zhes bya
ba smos te/ gnyid ni

@218b gang gis 'jug pa rang dbang med par sems sdud pa'o/ /rmugs
pa ni gang gis sems blong zhing yul legs par 'dzin mi nus pa ste
de gnyis ni mi shes pa'i rgyu yin pas na rab rib po/ /de bdo ba
ni shugs drag par 'byung bas sems gsal ba zil gyis gnon par nus
pa'o/ /

rgyu des na/ mal stan 'dod pa dag kyang rnam par 'phel/ /zhes bya
ba gnyid dang rmugs pa'i shugs kyis ting nge 'dzin gyi yul la
gtod par mi nus kyi/ ci nas kyang mal stan bde mo dag la nyal bar
'dod pa'i sems 'gyur zhing le lo rnam par 'phel bar 'gyur ro/ /de
ltar nyon

mongs pa'i gnyen po la bsten mi nus pas cing 'gyur zhe na/ bdag
yid 'dod chags zhags pas dbang med bgyis/ /zhes bya ba smos te/
bdag gi yid ting nge 'dzin dang bral bas nyon mongs pa'i dbang du
gyur pa yin pas/ 'dod chags zhags pas dbang med bgyis/ /

zhes bya ba la/ 'dod chags ni yul la mngon par zhe na cing chags
pa yin la/ de nyid ni 'ching ba dam po yin pas zhags pa dang 'dra
la des sems kyi rgyud rang dbang med par bsdams shing gol ba'i
dbang med par byas pas na dbang med bgyis zhes bya ste/ stobs med
par byas so zhes

bya ba'i don to/ /zhe sdang mes bsregs nga rgyal dag gis bcom/
/zhes bya ba ni sems kyi kun nas mnar sems pa'i mes rang gi rgyud
la gnas pa'i 'phags pa'i lam dang rjes su mthun pa'i dge ba rnams
bsregs shing zad par byas pa'o/ /nga rgyal dag gis bcom zhes bya
ba ni nga rgyal

dang che ba'i nga rgyal la sogs pas sems kyi rgyud khengs shing
'phags pa'i nor dang bral bar byas pa'o/ /de dag 'ba' zhig tu zad
dam zhe na/ ma yin te/ nyes pa kun gyi mda' mdung mtshon cha yis/
/kun tu gang bas dbang med pa rgyal bar gyur/ /zhes bya ba nyes
pa yang yin la kun

yang yin pas na nyes pa kun gyi ste/ ji skad smos pa'i nyon mongs
pa de las gzhan pa'i nyon mongs pa dang nye ba'i nyon mongs pa'i
tshogs rnams so/ /nyon mongs pa de dag nyid rno ba'i phyir dang
sems kyi rgyud phra rab 'bigs pa'i phyir mda' lta bu yin la/ rags
pa'i tshul gyis 'bigs shing

@219a @#/ /gnod pa tshabs che bar bskyed pa'i phyir ni mdung lta bu
yin te/ de lta bu'i mtshon cha gang yin pa de yis sems kyi rgyud
kun tu gang ba ste lus la phog pa'i mtshon cha zug rngur lus pa
dang/ phyi rol mchod pa dang 'dra bar bag la nyal ba dang/ kun
nas dkris pa'i nyon

mongs pa'i tshogs kyis sems la khyab pa'i rgyu des na gnyen po'i
chos la rtsol ba'i dbang med par shin tu zhum par gyur cing
'phags pa'i lam la rtsol mi nus par gyur pa'am/ nga rgyal zhing
myos pa lta bur gyur to zhes bya ba'i don to/ /nyon mongs pas
sems dbang du byas pa'i nyes

pa gzhan dag kyang bstan pa'i phyir/ dran pa rnyed nas bcings
shing myur skrag la/ /rab tu bcom pas rnam par zhum gyur cing/
/g.yo dang sgyu rnams kyis kyang bslus gyur pas/ /dman pa bdud
kyi spyod yul dag na 'khyam/ /zhes bya ba smos te/ de ltar nyon
mongs pas zil gyis

mnan te brgyal ba lta bur gnas pa las slar sems kyi gnas skabs
rnal du 'dug pa'i dran pa rnyed pa na yang slar nyon mongs pa
rnams kyis bcings shing de'i dbang du 'gyur la/ de nyid kyis na
myur du skrag par 'gyur te/ sems rnal du 'dug pa'i tshul la ring
por mi gnas par nyon

mongs pa'i tshogs kyi mtshon cha rnams kyis dkrugs shing skrag par
byas la rab tu bcom zhing zil gyis mnan par byas pas sems kyi
ting nge 'dzin gyi yul la rtsol mi nus par rnam par zhum par
'gyur zhing nus pa dang bral bar 'gyur la/ de nyid kyis na sems
mi mthun pa'i dbang du gyur pas

g.yo sgyu la sogs pa'i nyon mongs pa rnams kyang 'byung bas des
sems bslus shing 'phags pa'i lam stor bar 'gyur la/ des na sems
gnyen po'i stobs dang bral te nus ba zhan cing dman pas mi shes
pa'i dbang gis bdud kyi spyod yul nyon mongs pa'i tshogs kyi nang
na gnas

shing yun ring por don med par 'khyam par 'gyur ro zhes bya ba'i
don to/ /de lta bu'i nyon mongs pa de bsal ba'i phyir zhi gnas
dang lhag mthong bsgom pa yin na yid gtod mi nus par bstan pa'i
phyir/ ji ltar ji ltar zhi gnas la dmigs shing/ /de dag der yid
yang yang gtad pa na/ /

@219b de dang de las nyon mongs zhags pa ni/ /yul la chags pa'i
thag pas dbang med drangs/ /zhes bya ba smos te/ tshul ji lta ji
ltar zhi gnas zhes bya ba dmigs pa'i yul la rtse gcig pa bsam
gtan gyi tshul la gnas shing sems kyis dmigs par byed la/ rtse
gcig pa de thob par bya

ba'i phyir ting nge 'dzin gyi yul gang yang rung ba de dang der
yid yang dang yang du gtod cing rtse gcig pa la slob par byed pa
na yang de ltar gnas par mi 'gyur te/ dmigs pa'i yul de dang de
las ni gnas su gyur pa'i nyon mongs pa'i zhags pa dam po lta bu
'dod pa'i yul lnga la mngon par

chags shing zhen pas sems phyi rol tu bltas par gyur pa'i thag pa
lta bus sems kyi rgyud dmigs pa'i yul la nang du gtod pa las rang
dbang med par phyir drangs shing g.yeng bar 'gyur ro/ /'di skad
ston te/ rnam par rtog pa'i tshogs bsal ba'i phyir gang gi tshe
zhig gnas kyi stobs

kyis sems nang du bsdus te/ shes rab kyis chos rnams rang bzhin
gyis dben zhing rtog pa dang bral ba'i yul la gtad pa na yang
nyon mongs pa'i tshogs kyis bskyod pas sngon nyams su myong ba'i
yul gyi dbang du 'gyur zhing g.yengs par byed do zhes bya ba'i
don to/ /de ltar gyur

kyang yul la blan pa'i rtsol ba bstan te sems mnyam par gzhag mod
ce na/ de ltar gnas par dka' bar bstan pa'i phyir/ brtson pa
bsten na rgod pa 'byung 'gyur zhing/ /zhes bya ba smos te/ brtson
pa ni 'dir dge ba'i phyogs la mngon par spro bas bsgrims te 'jug
pa la bya'i/

ra ma Na dang/ bar ta'i sgrung las byung ba'i si tA dang/ gro bi
ta slar dgug pa'i phyir rtsol ba la sogs pa lta bu 'dod chags
dang zhe sdang gis kun nas bslang ba las byung ba'i rtsol ba la
ni mi bya'o/ /des na 'dir le lo'i gnyen po brtson 'grus kyi sbyor
ba bsten cing gnas pa na

rtsol bas sems zhi ba las nyams pa'i phyir sems phyi rol du rgod
cing 'phyar ba 'byung bar 'gyur ro/ /de ltar gyur na brtson pa
yang spong mod ce na/ de spangs na ni zhum pa skye bar 'gyur/
/'di yi rigs par mnyam 'jug rnyed dka' na/ /bdag gi sems dkrugs pa
ni ji

@220a @#/ /ltar bgyi/ /zhes bya ba smos te/ rgod par 'gyur ba'i
nyes pa mthong nas brtson pa de spangs te rtsol ba btang bar gyur
na/ sems nang du zhum zhing dmigs pa la gtod pa mi skye bar 'gyur
ro/ /de bas na nyon mongs pa dang ldan pa'i sems 'di'i tshul las/

rgod pa dang zhum pa'i tshul gnyis ka dang bral zhing cha mnyam
par gnas pa ni sems rigs par mnyam du 'jug pa yin pa las de ni
shin tu rnyed cing thob par dka' ba nyid kyis na/ bdag gi sems mi
brtan zhing nyon mongs pa'i tshogs kyis dkrugs pa ji ltar bgyi
zhes pa ste

gnyis ka ltar yang skyon du 'gyur zhing brtan pa dang bral bas de
ci zhig la spyod par bgyi zhes bya ba'i don to/ /spang ba dang
blang ba'i cha ni shes rab kyis 'grub par 'gyur bas de bsten par
bya'o zhe na/ de'i phyir/ shes rab la spyod na ni rgod pa 'byung/
/'dzin la brten na zhum pa skye bar

'gyur; /'di ni zung du 'jug pa rnyed dka' na/ /zhes bya ba smos
te/ shes rab ni chos rnams kyi spyi dang rang gi mtshan nyid la
khyab par ji lta ba bzhin du rnam par dpyad pa yin la/ de lta bu
de la gzhan zhig spyod par 'gyur na ni rgod pa 'byung bar 'gyur
te/ 'di ltar sems zhes bya ba'i

yul sna tshogs la rnam par 'phyos pas zhi bar mi nus so/ /gal te
de spangs nas sems zhi gnas kyi yul gang yang rung ba la gtad
pa'i tshul gyis 'dzin cing nang du sdud pa kho na la brten par
'gyur na ni/ shes rab dang bral zhing yul rnams las blan pa'i
phyir shes rab kyi cha gsal

ba dang bral bas sems nang du zhum pa skye bar 'gyur ro/ /de ltar
na skyon chags pa 'di'i zung du 'jug pa zhes bya ba zhi gnas dang
lhag mthong cha mnyam par gnas pa ni zung du 'jug pa zhes bya
ste/ 'di ltar glang gnyis kyi gnya' shing cha mnyam par gnas pas
zhings shin tu sra ba dag kyang

legs par 'byed par nus pa dang 'dra bar gang gi tshe sems zhi gnas
dang lhag mthong cha mnyam par gnas pa mar me rlung gis ma bskyod
pa ltar gnas pa'i tshe nyon mongs pa'i tshogs spangs pa'i ye shes
skye ba yin la las dang po pa'i sems ka zung du 'jug pa de shin
tu rnyed dka' zhing de ltar

@220b gnas par mi nus la/ de nyid kyis na sems nyon mongs pa'i
dbang du gyur pa'i phyir/ bdag gi sems dkrugs pa ni ji ltar bgyi/
/zhes bya ba smos so/ /bdag gi sems zhi gnas dang lhag mthong
dang bral bas rnam par 'jug pa la gnas mi nus pas/ dkrugs shing
g.yengs

par gyur pa 'di ltar spyad par bgyi zhing ci zhig bsgrub par bgyi
zhes bya ba'i don to/ /don de nyid la rtsol ba kho nas 'jug mod
ce na/ 'bad pas 'jug na rgod pa 'byung 'gyur zhing/ /de glod na
ni zhum pa skye bar 'gyur/ /zhes bya ba smos te/ zung du 'jug pa
la sogs pa'i tshul du sems

de gnas pa'i phyir/ shin tu 'bad par bsgrims te 'jug cing rtsol
ba na ni sems de rgod cing g.yeng ba 'byung bar 'gyur bas bcom
pas rtsol ba las kyang sems gnas pa mi rnyed la/ de ltar de nyes
pa nyid yin pas de bzlog pa'i phyir 'bad pas 'jug pa'i sems de
glod cing

rtsol ba btang bar gyur na ni dmigs pa'i yul brjod pa la sogs
pa'i skyon gyis sems nang du zhum zhing bying ba skye ba
'byung bar 'gyur bas/ tshul 'di ltar gnas pa las kyang ting nge
'dzin la sems rtse gcig pa'i sems skye bar mi 'gyur ro/ /de bas
na/ 'di yi dbu mar sgrub pa'ang

rnyed dka' na/ /zhes bya ba smos te/ de ltar rgod pa dang zhum
pa'i nyes pa dang ldan pa'i sems 'di dbu mar bsgrub pa zhes bya
ba zhum rgod kyi mtha' gnyi ga dang bral bas dbu mar bsgrub cing
mnyam par gnas pa gang yin pa de'ang shin tu rnyed par dka' ste/
sems ni rang zhin

gyis gdul dka' ba yin pa'i phyir mi mthun pa'i dbang du gyur pa
kho na yin no/ /de'i phyir/ bdag gi sems ni dkrugs pa ji ltar
bgyi/ /zhes bya ba smos te/ sems rang bzhin gyis dag cing 'od
gsal ba yin na yang glo bur ba'i nyon mongs pa'i tshogs kyis
dkrugs shing rnyog

pa can du gyur pas yang dag pa'i don gyi gzugs brnyan 'char zhing
mthong bar mi nus na/ ji ltar gnas shing bsgrub par bgyi/ /zhes
sems nyid kyi nyes pa brjod pa'i sgo nas bshags pa'o/ /da ni nyes
pa'i rtsa ba ma rig pa las byung ba'i bdag tu 'dzin pa yin par
bstan pa'i

@221a @#/ /phyir; bsam gtan nags mes yang dang yang du ni/ /zhes
bya ba smos te/ bsam gtan zhes bya ba sems mnyam par gzhag pa ste
bsam gtan bzhi la sogs pa'o/ /des ni nyon mongs pa'i tshang tshing
rnams sreg cing zad par byed pas na nags la mched par

byed pa'i me chen po dang 'dra la/ de lta bu'i me des yang dang
yang zhes bya ba skad cig ma re re'i dus dag tu'o/ /ci zhig byed
ce na/ nyes pa'i nags tshal bsregs par gyur na yang/ /zhes bya ba
smos te/ 'dod chags la sogs pa'i nyes pa ste/ de nyid mang zhing
bsreg par bya ba'i

gzhir gyur pas nags tshal dang 'dra ba de bsam gtan gyi mes bsregs
par gyur cing bsal bar gyur kyang/ bdag lta'i rtsa ba brtan po ma
zad pas/ /zhes bya ba bdag dang bdag gir 'dzin pa nyon mongs pa
skye ba'i gzhir gyur pas rtsa ba lta bu'i thog ma med pa'i dus
nas

byung bas shin tu brtan pa gang yin pa de yang dag pa'i shes rab
kyis zad par ma byas shing drungs nas dbyung bar ma byas par slar
yang rab tu skye ba yin no/ /tshul ji ltar zhe na/ char gyis brlan
bzhin mdun na rab tu skye/ /zhes bya ba smos te/ ji ltar dbyar
gyi tshe rtswa dang shing dag

bsreg par gyur kyang gang zhig rtsa ba tshig cing bton par ma gyur
pa de brlan dang phrad pa na slar skye ba dang 'dra bar bdag tu
lta ba ni nyes pa kun gyi rtsa ba yin pas de ma spangs na yul gyi
rkyen dang ldan pa na nyon mongs pa'i kun du rgyu ba mdun na gnas
pa'i tshul du mngon du skye bar 'gyur

ro; /nyon mongs pa'i rtsa ba ni gang zag la bdag med par mthong
bas kyang sel bar 'gyur bas shes rab kyi cha de tsam gyis tshog go
zhe na/ gang zhig nyon mongs las 'bras tsam gyi rgyun/ /mthong ba
yis kyang de ni ldog 'gyur la/ /zhes bya ba smos te/ nyon mongs
pa ni 'dod

chags dang zhe sdang la sogs pa'o/ /las ni dge ba dang mi dge ba
dang lung du ma bstan pa'i bdag nyid can no/ /'bras bu ni rnam
par smin pa'o/ /tsam zhes bya ba dbang phyug la sogs pa la dga'
ba ste/ nyon mongs pa dang las kyi 'bras bu nyi tshe tsam yin gyi
de las logs

@221b shig na byed pa po med do/ /de'i rgyu ni skad cig ma'i
rgyun chags su 'byung ba ste/ de mthong zhing rnam par dpyod pa'i
rnal 'byor pa dran pa dang shes bzhin dang ldan pa'i shes rab
kyis mthong ba na yang bdag tu lta ba de ldog par 'gyur te/ rnam
par brtag na 'khor ba'i rgyun ni las dang

nyon mongs pa'i 'ba' zhig tsam las 'byung gi de las logs shig
na bdag ces bya ba ma grub pa'i phyir ro/ /de log pa 'ba' zhig tu
ma zad kyi/ sems kyi rgyun kyang spong bar byed mod kyis/ /zhes
bya ba 'phags pa nyan thos skad cig ma'i tshul du gnas pa'i sems
kyi rgyun sdug bsngal

gyi bden pa'i ngo bo rnam par shes pa'i phung po rdzas su brtags
pa de de'i gnyen por rnam par shes pa'i stong pa nyid ces bya ba
'gog pa'i bden pa la dmigs pa'i lam gyi bden pa skyes pas mi
mthun pa dang gnyen po'i tshul du spong bar byed ce na/ stong pa
nyid kyi ngo bor gyur te bdag dang

gzhan dmigs pa med pas 'gro ba'i don brtson pa las shin tu ring
zhes bya ba ste/ gcig tu stong pa'ang ma yin gcig tu mi stong
pa'ang ma yin par lta ba'i shes rab khyad par can dang bral ba'i
phyir 'khor bar gnas shing sdug bsngal gyis zhum pas gzhan gyi
don yongs su rdzogs par

byed mi nus pa zhes bya ba'i don to/ /'gro ba'i don las ji ltar
na ring ba yin zhe na/ skyob pa chags pa tsam dang rnam bral bas/
/zhes bya ba smos te/ skyob pa zhes bya ba ni 'phags pa'i bden pa
bzhi dang ldan pa'i chos kyis rang gi rgyud skyob par byed pa'am
mchod par 'os pa la bya ste

'phags pa dgra bcom pa dag go/ /de ni chags pa tsam zhes bya ba
'khor bar 'gro ba la rjes su chags pa'i sred pa tsam dang bral
zhing de spangs par gyur pas de dang rnam par bral ba yin la/
gzhan yang/ 'gro ba kun la ltos pa med gyur pa'i/ /zhes bya ba
'gro ba yang yin la kun kyang

yin pas 'gro ba kun te khams gsum par gtogs pa thams cad do/ /de
la ltos pa med par gyur pa ni de rnams 'khor ba las gdon cing
sdug bsngal las thar bar bya ba'i phyir 'jug pa'i ltos pa'i rtsol
ba spangs par gyur pa ste rang gi don lhur len pa dag go/ /de'i
sems kyi rgyun ni mya

@222a @#/ /ngan las 'das pa yin no zhes bstan pa'i phyir/ sems
khyi rgyun ni rgyu zad mar me bzhin/ /phung po lhag ma zad pa'i
mya ngan 'das/ /zhes bya ba smos te/ de la sems ni rnam par shes
pa'i rang bzhin no/ /de'i rgyun ni skad cig ma gcig nas gcig tu
brgyud pa'i

tshogs te/ rgyun de ye shes kyis dag cing gnas gyur pa na rgyu zad
pa'i mar me bzhin zhes bya ba ji ltar mar me'i rgyu snum zad par
gyur pa na mar me 'bar ba med par 'gyur ba de bzhin du/ rdo rje
lta bu'i ting nge 'dzin las byung ba'i ye shes kyis bag chags
dang bcas pa'i nyon mongs pa spangs

pas mya ngan las 'das par gyur pa yin la/ de yang lhag ma med
pa'i mya ngan las 'das pa ste/ sngon gyi las dang nyon mongs pas
bskyed pa'i phung po lhag ma tsam gnas pa de yang ye shes kyi mes
bsregs te zad cing med par byas nas mya ngan las 'das pa'i
dbyings la gnas

par 'gyur pas na 'gro ba'i don bya ba dang shin tu ring ngo zhes
bya ba'i don to/ /da ni de lta bu'i 'gro ba'i don ni byang chub
kyi sems las byung na de dang rang gi rgyud mi mthun par bstan
pa'i phyir/ gang yang 'gro kun nyam thag sel byed pa/ /zhes bya
ba la sogs pa smos pa yin te/ gang

yang zhes bya ba ni byang chub kyi sems so/ /yon tan ji lta bu
dang ldan zhe na/ 'gro ba nyam thag ma lus sel byed pa/ /zhes bya
ba smos te/ skye ba bzhis bsdus pa'i sems can srid pa'i rtse mo'i
bar du gnas pa thams cad kyi sdug bsngal gsum gyis gzir cing nyam
thag pa

ma lus par sel zhing med par byed pa yin no/ /de lta bu su zhig
yin zhe na/ byang chub sems ni bdud rtsi bcud kyis len/ /zhes bya
ba smos pa yin te/ byang chub tu smon pa dang 'jug pa'i bdag nyid
can gyi byang chub kyi sems so/ /khyad par ji lta bu zhe na/ bdud
rtsi bcud kyis

len zhes bya ba smos te/ bdud rtsi za ba ni 'chi bas mi tshugs pa
dang 'dra bar byang chub kyi sems kyis 'phags pa'i lam gyi srog
'dzin cing go 'phang thams cad thob par byed pas bdud rtsi lta bu
yin la/ sman bcud kyis len bsten pas ni skra dkar dang gnyer ma
sel zhing nad med par

@222b byed pa dang 'dra bar byang chub kyi sems kyis bdag dang
gzhan gyi rgyud du gtogs pa'i sdug bsngal dang nyon mongs pa
'joms par byed pa yin no/ /de ltar yon tan dang ldan pa nyid kyis
na nyams su blangs dgos pa nyid kyi phyir/ byang chub rgyu ru mi
rtog bsgom pa na/ /zhes bya ba

smos te/ byang chub ni rnam par thams cad mkhyen pa'i ye shes te/
de thob par bya ba'i rgyu dang gzhir mi rtog pa bsgom pa na zhes
gzung ba dang 'dzin pa rnam par spangs pa'i tshul gyis spros pa
med pa'i don yid la bya ba la slob na'o/ /gnas skabs der sems de
ltar gnas

sam zhe na/ ma yin te/ de tshe bdag ni rnam rtog kho nar rgyug
/ces bya ba smos te/ byang chub kyi sems kyi ye shes chen po
bsgrub par bya ba'i phyir slob par byed pa de'i tshe/ de tshe bdag
ni rnam rtog kho nar rgyug /ces smos te/ las dang po pa yin pa'i
phyir/ bdag gi sems

ni rnam par rtog pa kho nar rgyug ste/ rnam par rtog pa ni yang
dag pa ma yin pa'i kun du rtog pas bskyed pa'i tshul bzhin ma yin
pa'i rnam par rtog pa du ma la rgyug cing phyogs par 'gyur ro
zhes bya ba'i don to/ /kho na zhes bya ba'i sgras ni tshul gzhan
las rang dga' ba ste/ des na

gzhan gyi yul ma yin pa'i phyir sems kyi gzhi la ni rnam par rtog
pa kho na rten gyis gzhan dag ma yin te/ dper na srid sgrub kho
na gzhu thogs pa yin gyi gzhan dag ni ma yin no zhes bya ba bzhin
no/ /'dir dris pa de ni mi rigs te/ chu bo rgya mtsho ri bo rnams/
/'di dag sems

kyi rnam 'phrul yin/ /zhes bshad pas sems las logs shig na gzhan
med pa'i phyir rten dang brten par gdags su mi rung zhe na/ de
lta yin mod kyis mdo sde ba'i tshul gyis yul sems gnyi ga grub par
'dod pas 'gal ba med do/ /bsgoms pa la gnas kyang rnam par

rtog pa bsal bar ma nus pa'i tshul gzhan dag bstan par bya ba'i
phyir/ rmi lam tshul 'drar 'gro kun gang gis kyang/ /zhes bya ba
smos te/ rmi lam zhes bya ba ni sngon nyams su myong ba'i rgyus
med kyang snang du rung ba ste slu ba nyid do/ /ji ltar rmi lam
na yul gyi bzang mo la sogs pa

@223a @#/ /chags pa'i yul lam/ dgra bo dang sdang ba'i yul med
kyang snang ba'o/ /tshul 'dra zhes bya ba ni de dang tshul mthun
pa'o/ /ci zhig mthun zhe na/ 'gro ba ste snying po med pa'i 'khor
ba'i gnas 'di na gnas pa'i dngos po rnams so/ /ji ltar mthun zhe
na/ gang gis

kyang; ci yang 'dzin pa nyid du mi byed par/ /zhes bya ba ste/
'di ltar 'gro ba rnams kyi nang du rnam par rtog pa'am/ 'dzin pa
po gang dag gis kyang yul lam gzung bar bya ba zhes pa'i dngos po
phra rags ci yang 'dzin cing len pa nyid du mi byed do/ /dper na
rmi lam na yul gyi dngos

po sdug pa dang mi sdug pa rnam pa du ma mthong zhing zhen pa'i
yul du gyur kyang de ni 'khrul pa'i rang bzhin yin pa'i phyir
yang dag par na ci yang yod pa ma yin pa dang 'dra'o/ /bsgoms
kyang rtog pa po dang rtog bya yi/ /rnam rtog dgra yi spyod yul
nyid la spyod/ /ces bya ba ni chos thams

cad rmi lam dang 'dra'o zhes thos shing shes pa 'ba' zhig tu ma
zad kyi/ /don de yang dang yang du bsgoms shing goms par byas
kyang rnam par rtog pa'i dbang du gyur to zhes bya ba ni kyang gi
sgra'i don yin no/ /rnam par rtog pa de yang ji lta bu zhe na/
rtog pa po dang zhes bya ba la sogs

pa smos te/ rtog par byed pas na rtog pa po ste 'dzin pa po'i
sems so/ /rtogs shing khong du chud par bya ba yin pas na rtogs
bya ste/ gzung bar bya ba'i yul rnams so/ /de dag yod pa nyid du
rtog pa gang yin pa de ni rtog pa po dang rtogs bya ba'i rnam
rtog ste/ gzung ba dang 'dzin

pa'i rnam par rtog pa can rnams zhes bya ba'i don to/ /de nyid ni
bdag med pa dang rnam par mi rtog pa'i mi mthun pa'i phyogs yin
pas na dgra ste/ rnam par rtog pa'i dgra bo de lta bu'i spyod yul
du gyur pa nyid la bdag rtag tu spyod cing de'i dbang du gyur
pa'am/ des bcom

par gyur pa ste/ rmi lam ltar brdzun pa yin par shes shing yul la
sems blan zhing bsgoms su zin kyang thog ma med pa'i dus can gyi
rnam par rtog pa'i tshogs kyis bcom par 'gyur ro zhes bya ba'i don
to/ /de ltar rnam par rtog pa bzlog dka' ba dang/ rang gi gnyen
po nyam chung ba

@223b nyid du shes nas/ bcom ldan 'das nyid la gsol ba gdab par
bstan pa'i phyir/ gtso bo shin tu mi bzad 'tshe ba 'di/ /gzigs la
bdag la lta ba dri med stsol/ /zhes bya ba smos te/ gtso bo zhes
bya ba ni bod pa ste/ chos thams cad la mnga' brnyes pa'am/ nyon
mongs

pa'i nad rnams gso bar byed pas na gtso bo'o/ /shin tu mi bzad
'tshe ba 'di/ /zhes bya ba ni rang gi sems kyi rgyud la 'dod chags
la sogs pa'i nyon mongs pa'i rgyud las byung ba'i gnod pa 'phral
dang yun du lus dang sems kyi rgyud gdung bar byed pa drag cing
shin tu mi bzad pa

mngon sum du gyur pa 'di la gzigs la bdag la lta ba dri med stsol
zhes bya bar 'tsho bar gyur pa de dag gi sman du gyur pa'i yang
dag pa'i lta ba mi mthun pa dang nyes pa'i dri mas ma gos pa
stsol cing ce'o/ /de dag ni rang gi rtsol ba'i stobs kyis bskyed
mod ce na/ bdag ni gces

pa gang dang rtog pa gang/ /de dang de nyid dang por rnam par
nyams/ /zhes bya ba smos te/ 'di ltar gces shing snying por bya
ba'i dngos po tshad med pa'am/ pha rol tu phyin pa rnams dang rjes
su mthun pa'i gnyen po'i lam gang dang gang la rtog cing dpyod
par gnas

pa na lam de dang de nyid dang po kho nar rnam par nyams shing
'jig par 'gyur ro zhes bstan pa ste/ don du na nyon mongs pa'i
tshogs gzhom pa'i phyir gnyen po gang la brten kyang de nyam chung
bas mi mthun pa'i phyogs kyis zil gyis gnon par 'gyur ro zhes bya
ba'i don to/ /

da ni skyon rnams bdag nyid kyi nyes pa yin par bstan pa'i phyir/
yang na sngon tshe bgyis pa'i bdag nyid nyes/ /'di la bcom ldan
'das kyis ci zhig mdzad/ /ces bya ba smos te/ yang na 'di ni rang
nyid las byung ba'i nyes pa yin pas ci zhig mdzad du mchis zhes
sbyar ro/ /

gang gi tshe nyes pa byas she na/ sngon tshe bgyis pa ste thog ma
med pa'i dus nas brgyud pa'i sngon gyi tshe rabs rnams su yang dag
pa ma yin pa'i kun du rtog pas bskyed pa'i phyir phyin ci log gi
bag chags su bsags pa'i phyir ro/ /ci zhig ce na/ bdag gi nyes pa
'di lta ste gnyen

@224a @#/ /po la brten cing snying por byas pa la tshol yang log
pa'i dbang du gyur pa la sogs pa'i nyes pa'i skyon chags pa 'di
la'o/ /bcom ldan 'das ni bdud bzhi bcom pa'am/ dbang phyug la
sogs pa'i yon tan drug dang ldan pa ste sangs rgyas so/ /de lta
bu bcom

ldan 'das khyod kyis ci zhig mdzad ces bya ba ni bcos dka' ba
ste/ nyon mongs kyi dbang du gyur cing bdud kyi spyod yul na
'khyam pa ni rang gi nyes pa yin la/ 'gro ba rnams ni las bdag
gir bya ba yin pas rang gis byas pa'i las kyi 'bras bu nyid la
spyod kyi/ bde ba dang sdug bsngal

gyis byed pa po ni bcom ldan 'das ma yin te/ de'i phyir mdo las
kyang/ nga ni zhing yin gyi sa bon ma yin no zhes gsungs pa yin
no/ /don de nyid dpes bstan par bya ba'i phyir/ 'jig rten kun gyi
mun sel nyi ma yang/ /zhes bya ba smos te/ 'jig rten yang yin la
kun kyang yin

pa'i phyir 'jig rten kun te/ thams cad la snang bar byed par tshul
mthun pas rgyu ba dang mi rgyu ba'i 'jig rten gnyi ga la bya'o/
/de rnams kyi mun pa ni snang ba med pa'i smag tu gyur pa ste/ de
sel cing 'joms par byed pa gang yin pa de la de skad ces bya'o/
/su zhig ce na/ nyi ma ste 'od

zer stong ldan no/ /de lta bu'i yon tan dang ldan pa'i nyi ma
yang/ dmus long dag gis mun nag sel mi bgyid/ /ces pa dmus long
zhes bya ba skyes ma thag nas long bar gyur pa dag gis mun nag ni
sel cing 'joms par mi byed mod kyi/ de ni nyi ma'i nyes pa ma yin
gyi dmus long

rang nyid kyi nyes pa las byung ba yin no/ /de bzhin du sangs
rgyas bcom ldan 'das chos kyi nyi mas sde snod gsum dang ldan
pa'i dam pa'i chos kyi 'od zer gyis 'gro ba'i snying la gnas pa'i
mi shes pa'i mun pa 'joms par spyod na yang lta ba log pa la zhen
cing shes rab kyi mig dang bral ba

rnams kyi nyes pa sel bar mi mdzad pa ni 'gro ba nyid kyi nyes pa
yin gyi ston pa'i ni ma yin no/ /de ltar rang gi nyes pa'i rang
bzhin smras nas/ gzhan yang 'phags pa'i lam gyis gso bar dka'
ba'i tshul bstan pa'i phyir/ yun ring dus su nad gzhi sten byed
cing/ /der yang rgyun du

@224b sems ni rnam rmongs pa'i/ /mdze can rkang pa lag pa chad pa
la/ /thang 'ga' sman bsten pa yis ci bgyir mchis/ /zhes bya ba
smos te/ mdze'i nad gsor mi rung bas zin pa la sman gyis ci bgyir
mchis zhes bya bar sbyar ro/ /mdze can ji lta bu zhe na/ yun
rings dus su nad

gzhi rten byed cing/ /zhes bya ba ste/ las gang gis mdze skyed
par byed pa dkon mchog gi rten bshig pa la sogs pa zas dang spyod
lam mi 'phrod pa la sogs pa'i nad gzhi de la yun ring po'i dus su
rten cing gnas par byed pa na'ang nad gzhi ste de yang rtag par
rgyun du sems rnam

par rmongs pa ste/ de bsal ba'i thabs kyi sbyor ba la thang 'ga'
yang gnas par mi byed pa dang/ yang zhes bya ba nad gzhi la brten
pa 'ba' zhig tu ma zad kyi de la sems zhen par yang byed pa'o/
/gzhan yang ji lta bu zhe na/ rkang pa lag pa chad pa zhes
bya ba ste/ de ltar nad

gzhi la gnas shing gso ba ma byas pa'i dbang gis mdzes lus thams
cad la khyab ste/ mthar rkang pa dang lag pa dag kyang chad cing
'brul bar 'gyur ba'i mdze can la dus thang 'ga' zhig mdze la phan
pa'i sman bsten cing zos kyang de yis gso ba'i don mi byed pas ci
bgyir

mchis zhes bya ste/ des nad med par mi 'gyur ro zhes bya ba'i don
to/ /de bzhin du rang gi rgyud du gtogs pa'i nyon mongs pa'i nad
kyi rgyud ni bdag tu lta ba yin pas lta ba de la dus yun ring por
gnas shing mngon par zhen par yang byed la/ de'i gnyen por 'phags
pa'i lam

yang mi 'tshol bas gsor mi rung bar gyur pa dag la ni yang dag
pa'i lam gyis lam gyi bya ba mi byed de zhes bya ba'i tha tshig
go/ /yang rang gi nyes pa'i tshul las byung ba'i dpe gzhan dag gis
kyang bstan par bya ba'i phyir/ sems kyi shing ni thog ma med dus
can/ /zhes

bya ba la sogs pa smos te/ sems ni rnam par shes pa'i tshogs te/
de nyid dpe shing dang 'dra bas na shing ngo/ /dus ji tsam nas
byung zhe na/ thog ma med dus can zhes bya ba ste/ thog ma med pa
yang yin la dus kyang yin pas thog ma med dus can/ dus can ni nyi
ma dang

@225a @#/ /zla ba dang gza' dang skar ma la sogs pas yongs su bcad
pa la bya ba la/ de yang 'khor ba la thog ma med pas de skad ces
bya'o/ /de lta bu'i dus su shing de gang gis skyed ce na/ nyon
mongs kha ba'i khu bas brlan bgos pa/ /zhes bya ste/ nyon

mongs pa ni 'dod chags la sogs pa yin la/ de dag nyid ni 'phags
pa ma yin zhing ro myangs na gdug la mi zhim pas kha ba'i
khu ba ste/ nim pa la sogs pa'i khu ba dang 'dra la/ de lta bu'i
khu bas brlan pas bskyed cing 'phel bar bya ba yin la rgyu de
nyid kyis/ ro zhim

dngos por bgyi bar mi nus la/ /zhes bya ba ste/ ji ltar shing ro
kha ba de chu yang kha bas brlan cing bskyed pa dag ni mngar ba
la sogs pa'i rang bzhin du bya bar mi nus pa dang 'dra bas na
sems kyi rang bzhin nyon mongs pas bskyed pa yang 'phags pa'i lam
gyis bsgyur bar

dka' ba'i don to/ /ji tsam zhig gis she na/ yon tan chu yi thigs
pas ci ru 'gyur/ /zhes bya ba ste/ shing de lta bu la mngar ba la
sogs pa'i yon tan brgyad dang ldan pa'i chu'i thigs pa gcig blugs
pas ci ru 'gyur te/ thams cad ro zhim par mi 'gyur ro/ /de bzhin

du sems kyi rang bzhin thog ma med pa'i dus can gyi nyon mongs
pas bskyed pa yang dag pa'i lam gyis bsgyur cing bcos par dka' ba
dag la ni gnyen po'i chos yon tan gyi chu'i thigs pa tsam gyis
nyon mongs pa'i tshogs sbyong zhing 'phags pa'i lam gyi chos skye
bar mi 'gyur ro

zhes bya ba'i don to/ /yang yid kyi sgo'i nyes pa bstan par bya
ba'i phyir/ bdag yid nyes pa kun gyi rang bzhin nyid/ /ces bya ba
smos te/ bdag gi yid la nyon mongs pa'i tshogs kyis dkrugs pas
spang ba dang blang bar bya ba'i dpyod pa dang bral bas 'di dang
gzhan du gnod par 'gyur

ba'i nyes pa 'dod chags dang/ zhe sdang la sogs pa'i nyes pa kun
gyi rang bzhin nam ngo bo nyid du gnas la/ nyes pa de bsal ba'i
gnyen po'i mchog ni byang chub kyi sems yin pa'i phyir/ byang
chub gser sgyur rtsir gyur ngo mtshar che/ /yon tan de dang de
nyid la sbyar nas/ /nyes

@225b pa'i dngos po nyid du gyur te gnas/ /zhes bya ba ste/ byang
chub ni bla na med pa'i ye shes te/ de thob pa'i sems la yang
rgyu la 'bras bu btags pa'i tshul gyis byang chub ces bya ste/ de
ni gser sgyur rtsi lta bu yin la/ ji ltar gser sgyur rtsi yis
dngul chu gser du snang ba zhes bya bas

lcags gser du bsgyur ba dang 'dra bar byang chub kyi sems des
'khor ba'i nyon mongs pa'i sems sbyong zhing/ yang dag pa'i ye
shes su 'gyur bar byed pas gser sgyur rtsi lta bu yin te/ thams
cad mkhyen pa'i ye shes sems/ /zhes bya ba'i don to/ /rgyu de
nyid kyis na de ni ngo mtshar

che ste; rmad du byung ba yin la/ de lta bu'i byang chub kyi sems
kyi yon tan gyi tshogs rnam pa mang po yod pa dang de nyid la nye
bar sbyar zhing/ sems bskyed pa la sogs pas sems kyi rgyud sbyang
bar brtsam pa na yang de dang rjes su mthun par mi 'jug pas nyes
pa'i dngos po nyid du gyur te

gnas zhes bya ba ste/ 'jig rten dang 'jig rten las 'das pa'i yon
tan gnyis kyis brgyan pa'i byang chub kyi sems la sbyar ba na
yang nyon mongs pa'i dbang du gyur pas/ lus dang ngag dang yid
kyi nyas pa'i dngos po nyid kyis rang bzhin du gyur pa blangs
shing nye bar bzung nas gnas te/

skyes bu ra ro ba'i sems dang 'dra bar yon tan 'dzin mi nus kyi
nyes pa'i 'byung gnas kho nar gyur pas gnas par byed do zhes bya
ba'i tha tshig go/ /'di'i don mdor bsdus pa ni 'di yin te/ 'di
ltar lcags la sogs pa yongs su sbyangs pa ma byas pa gser sgyur
rtsis bskus

kyang rang gi dngos po mi 'dor ba de bzhin du/ yongs su ma
sbyangs pa'i sems 'di yang byang chub kyi sems kyi yon tan la
sbyor ba yang rang gis nyes pa'i skyon 'dor bar mi byed do/ /de
ni byang chub gser sgyur de'i rigs pa nyid bstan pa'i phyir/ sman
chen nyid du gang dang gang

bshad pa/ /zhes bya ba smos te/ nyon mongs pa'i nad gso bar byed
pas na sman chen te/ byams pa la sogs pa'i chos kyi sgo'i gnyen
po'i lam du gyur pa gang dang gang bshad cing bstan pa ste/ 'dod
chags kyi gnyen po mi gtsang ba dang/ zhe sdang gi gnyen po byams
pa

@226a @#/ /dang; gti mug gi gnyen po rten cing 'brel bar 'byung ba
la sogs pa'i lam gang dang gang bshad pa/ de dang de nyid bdag la
dug tu gyur/ /zhes pa gzhan dag ma yin gyi/ sman gyi dam pa de
dang de dag nyid kho na bdag nyid kho na skal ba ngan cing nyon
mongs pa'i dbang

du gyur pa'i phyir bdag la dug tu gyur te/ ji ltar sman sbyor ba
nyes pa la sogs pa'i rgyus 'chi ba'am/ 'chi ba la thug pa'i nad
bskyed pa dang 'dra bar bdag la chos kyi sman de phyin ci log tu
'gyur zhing nyon mongs pa bskyed pas dug tu gyur zhes bya'o/ /de
ltar gnas pa de la

ci zhig gis gso zhe na/ rigs pa nyid kyi ni bcud len mchog yin na
zhes smos te/ sems kyi rigs pa'i lam btsal ba nyid dam/ bsam gtan
dang ting nge 'dzin la nges par gnas pa nyid dam/ dad pas 'dug
cing shes rab kyis dpyod pa nyid la sogs pa'i sgo

nas nyon mongs pa spong ba ni rigs pa yin la rigs pa de ni bcom
ldan 'das kyis gsungs pa'i dam pa'i chos la brten pa yin par
bshad do/ /de ni bcud len mchog yin na/ /zhes bya ba ston pa'i
gsung gi rjes su 'jug cing nyams su len pa ni nyon mongs pa'i
nang

sel cing 'khor ba'i sdug bsngal dang bral ba'i rgyu yin pas bcud
len tha mal pa las khyad par du 'phags pas mchog yin no/ /de ltar
yin na de gang gis thob ce na/ gal te yid rton med na de yod min/
/zhes bya ba smos te/ de yang gal te nyon mongs pa'i dbang

du gyur pas/ lam la mngon par dad cing/ nges pa med pa yid brtan
pa med na rigs pa de yang yod pa ma yin no zhes bya ba'i don te/
gang gi tshe sangs rgyas nyid sgrub pa la mngon par dad pas 'jug
pa las ni grol bar 'gyur te/ mngon par dad na byang chub tu

sems bskyed la/ de las ni rim gyis grol bar 'gyur ba ni rang
bzhin gyi gtan tshigs yin no/ /yang na yid rton pa ni yid bde ba
la bya ste/ mnyam par 'jog pa las byung ba'i sems rtse gcig pa'i
ting nge 'dzin gyi bde ba dang yid bde ba skye ba/ gal te nyon
mongs

@226b pa spongs bar nus pa'i rigs pa de yang yod par 'gyur gyi
yid bde ba de med cing sems g.yengs pa la ni rigs pa de yod pa ma
yin pas nyon mongs pas bcom pa nyid du 'gyur ro/ /da ni rigs pa
nyid gang zhig yin pa bstan pa'i phyir/ gang zhig nyon mongs zhes
bya ba la sogs pa smos

te; de la rigs pa ni nyon mongs pa spongs pa yin pas/ gang zhig
nyon mongs bdo ba rnam sel cing/ /gang yang nyes gzhan skyed par
mi byed pa/ /de ni rigs pa yin zhes bdag sems na/ /zhes bya ba
rigs pa gang dang ldan na 'dod chags dang/ zhe sdang dang/ gti
mug la

sogs pa'i nyon mongs pa bdo zhing kun du rgyu ba'i tshul du skyes
pa rnams ni de nyid kyi gnyen pos spang ba ni thabs kyi dam pa ma
yin te/ gong du bstan pa ltar gyur la/ de bas na nyon mongs pa'i
rgyu'i gnyen po'i rtog dpyod ngan pa zhi bar gyur pa yang dag
pa'i rtog pa ste/ 'phags pa'i lam

de sbyor ba'i lam la mos pa yid la byed pas bsam pa'i man ngag de
goms par byas na/ nyon mongs pa'i tshogs ring por mi thogs par de
kho na mthong bas zhi bar byed pa yang gang zhig nyon mongs pa'i
tshogs kyi nyes pa mngon du rgyu ba las gzhan pa bag la nyal gyi
tshul du sems rgyud la

gnas pa dang/ gzhan zhar las byung ba'i nyes pa ste/ 'dod chags
kyi gnyen por mi sdug pa sgom pa na zhe sdang 'byung ba lta bu
skyod cing 'khrugs par mi byed pa'i gnyen po'i lam de ni rigs pa
zhes bya ste/ tshad ma dang mi 'gal zhig yang dag pa'i ye shes
bskyed pa'i gtan tshigs

dang ldan pa yin pas de lta bu ni rigs pa yin no zhes bdag yid la
sems shing blos shes mod kyi/ /'on kyang ci 'dra yin zhes slar
yang nges ma byas/ /zhes bya ba rnam par grol ba'i rgyur gyur
pa'i rigs pa de'i lam bsgoms pas mngon sum du byas nas ye shes
thob par gyur pa ni nges par

byas pa yin pas/ de ma thob pa'i phyir ci 'dra yin zhes slar yang
nges ma byas zhes pa rigs pa'i lam de bdag gis goms par ma byas
so zhes pa ste/ ston pas gsungs pa'i yang dag pa'i lam thos pa
dang bsam pa'i shes rab kyis shes par byas mod kyi/ bsgom pa'i
shes

@227a @#/ /rab kyis mngon sum du ni ma byas so zhes bstan to/
/byang chub kyi sems kyi 'bras bu bstan nas/ da ni bsgom pa'i
'bras bu bstan pa'i phyir/ bsam dang bag la nyal dang khams bag
chags/ /nyes pa'i rgyu yi gnyen po la sbyar nas/ /bsam pa'i man

ngag de ni bsgom pa na/ /'dir ni ring por mi thegs zhi bar 'gyur/
/zhes bya ba smos te/ bsam pa ni lhag pa'i bsam pa ste sems so/
/bag la nyal ni 'dod chags la sogs pa'i phra rgyas rnams so/
/khams ni rang bzhin no/ /bag chags ni bsam pa la sogs pa de dag

nyid ni bag chags sems la gnas pa ste/ bsam pa dang bag la nyal
ba dang khams rnams kyi bag chags las gyur pa'i nyes pa sems la
gang dag yod pa ste/ gang gis 'dod chags dang zhe sdang la sogs
pa skye bar 'gyur ba'i rgyu bdag tu lta ba la sogs pa gang dag
yod pa

de'i gnyen po ste/ de dang mi mthun pa'i phyogs su gyur pa bdag
med pa'am/ mi gtsang ba la sogs pa la sems sbyar zhing rjes su
bsten la/ de yang bsam pa'i man ngag ces bya ba ston pas dbang po
rab dang/ 'bring dang/ tha ma'i rim pa la dgongs nas theg pa'i

khyad par ji skad gsungs pa'am/ 'dod chags dang/ zhe sdang dang/
gti mug gi gnyen po so sor ji skad gsungs pa'i don de thos pa
dang/ bsam pa'i shes rab kyis nges pa nyid du byas pa'i bsam pa'i
man ngag de mngon sum du bya ba'i phyir bsgoms shing goms par

byas pas rtse gcig tu byas pa las ni nyon mongs pa'i tshogs de zhi
bar 'gyur ro/ /dus ji tsam na 'gyur zhe na/ 'dir ni ring por mi
thogs zhi bar 'gyur/ /zhes bya ba smos te/ gnas skabs 'dir man
ngag gi tshul 'di legs par bsgoms shing yid la byas pas ni ring
por

mi thogs par myur du sems la yod pa'i nyon mongs pa'i tshogs bsal
cing zhi bar 'gyur ba ste/ bsgom pa la yang dag par gnas pas
zhugs pa dag gi nyon mongs pa dag ni spang dka' ba ma yin no zhes
bya ba'i don to/ /da ni bcom ldan 'das kyi gsung nyid slu ba med
pa nyid

@227b yin par bstan pa'i phyir/ skyob pa nyes pa kun dang rnam
bral zhing/ /zhes bya ba smos te/ skyob pa zhes bya ba ni sems
can rnams sdug bsngal las skyob par byed pas skyob pa'o/ /nyes pa
zhes bya ba ni 'dod chags la sogs pa'i 'khor ba pa'i chos rnams
te/ de thams cad

dang bral zhing spangs par 'gyur ba'o/ /gzhan yang ji lta bu zhe
na/ chos rnams kun gyi dam pa'i don gzigs pa/ /zhes bya ba smos
te/ chos kyang yin la kun kyang yin pas chos rnams kun te/ zag pa
dang bcas pa'am/ zag pa med pa'am/ rgyu ba'am mi rgyu ba'am/

thag nye ba'am ring ba ste/ chos de rnams kyi dam pa'i don ni
thun mong ma yin pa'i don te/ de gzigs pa'i ngang tshul mnga' bas
na/ chos rnams kun gyi dam pa'i don gzigs pa/ /zhes bya'o/ /khyed
kyis sna tshogs tshul du'ang nges gsungs pas/ /zhes bya ba ni dbang

po dang mos tshul sna tshogs pas theg pa'i tshul du mar nges par
phye ste gsungs pa'am/ nyon mongs pa'i tshul mtha' yas pas gnyen
po'i tshul yang sna tshogs par gsungs pa gang yin pa des ni 'dod
chags la sogs pa'i nyon mongs kyi tshogs bag chags dang

bcas pa ma lus par spong bar byed pas/ nyon mongs sa bon ma lus
sel bar byed/ /ces bya ba ste/ khams gsum pa'i nyon mongs pa
thams cad ma lus par sel bar byed do zhes bya ba'i don to/ /de
ltar bstan pa'i yon tan bshad nas/ da ni gzugs sku mthong

zhing gsung thos pas nyon mongs pa spong ba'i tshul bstan pa'i
phyir/ khyed sku mdzes pa'i mtshan gyis 'bar gyur pa/ /de yang
mdun na bzhugs pa mthong ba dang/ /zhes bya ba la sogs pa smos
te/ bcom ldan 'das khyed kyi gzugs kyi sku mdzes pa yang yin la
mtshan kyang

yin pas mdzes pa'i mtshan te/ dbu gtsug tor dang ldan pa la sogs
pa mtshan sum cu rtsa gnyis dang/ dpe byed bzang po brgyad cu dag
gis nye bar mtshon par gyur cing/ de nyid kyis na lhan ne lham me
lhang nges 'bar bar gyur ba dang/ 'dzam bu chu bo'i gser lta bu'i
sku mdog

@228a @#/ /shin tu 'bar bar gyur ba yin la/ de lta bu'i sku de
yang mdun na bzhugs pa zhes bya ba dbang po'i mngon sum du mthong
bar gyur pa'am/ yid kyi mngon sum na bzhugs pa lta bur blos
mthong zhing mngon sum du byed pa dang/ gzhan yang/ /rna bas
btung ba'i

bdud rtsi'ang thos gyur pa'i/ /zhes bya ba skyes bu dag gis rna
ba gnyis kyis btung bar bya ba yin pas na rna bas btung ba ste/
rnabs gzung ba zhes bya ba'i don to/ /ci zhig ce na/ bdud rtsi
'ang thos gyur pa zhes bya ba ste/ 'ang zhes bya ba ni bsdu ba
ste/ mgon po khyod kyi sku mngon sum

du mthong ba'am/ yid kyis mngon du dmigs pas nyon mongs pa sel
bar ma zad kyi khyed kyi gsung skyes bu gang gis thos par gyur pa
de yang de la bdud rtsir 'gyur te/ ji ltar snyim pas bdud rtsi
'thung bar byed pa dag 'chi bas mi tshugs par 'gyur ba de bzhin
du/ mgon po'i gsung

gi bdud rtsi rna ba gnyis kyi snyim pas 'thung pa'i tshul len par
byed pa dag ni nyon mongs pa'i dug gis mi tshugs kyis dge ba'i
srog gi dbang po mi 'chad pas ngan 'gror 'gro bar mi 'gyur ro/
/nyon mongs sa bon ma lus rnam par 'jig /ces bya ba ni de lta
bu'i sku mthong ba dang/

gsung thos pa'i skyes bu'i nyon mongs pa khams gsum par 'khor
zhing sdug bsngal skyed par byed pa sa bon dang bcas pa ma lus
par mtha' dag rnam par 'jig cing/ rang nyid dengs shing zad par
'gyur ro zhes bya ba'i don to/ /de ltar gzugs kyi sku mthong ba'i
yon tan bshad

nas/ da ni chos kyi sku mthong ba'i yon tan bstan pa'i phyir/
gtso bo khyod la de las rab mchog gyur/ zhes bya ba la sogs pa
smos te/ gtso bo zhes bya ba ni bod pa'o/ /khyed la de las rab
mchog gyur zhes bya ba ni gzugs kyi sku de las ches phul du byung
zhing rab mchog tu gyur

la thun mong ma yin pa'i sku 'ang mnga'o zhes bya bar sbyar ro/
/de gang zhig yin zhe na/ chos sku nyi ma bla na med pa'ang zhes
bya ba ste/ chos kyi sgras ni bcom ldan 'das de chos kyi ngo bo
nyid yin pas shin tu phra ba brjod cing bstan pa med pa ji ltar
mi snang ba thams cad mkhyen pa nyag

@228b gcig gi spyod yul du gyur pa yin par ston to/ /de nyid ni
sku ste chos kyang yin la sku yang yin pas chos kyi sku'o zhes
las 'dzin par mtshams sbyar ro/ /de nyid ni nyi ma dang 'dra bas
chos kyi nyi ma ste/ ji ltar nyi mas phyi'i mun pa'i tshogs sel
bar byed pa de bzhin du chos kyi

dbyings kyi ye shes kyi snang bas ma rig pa'i mun pa mun gnag
'joms par byed pas nyi ma dang chos mthun pa'i phyir ro/ /de nyid
kyi phyir bla na med pa ste/ de las lhag ma gzhan med pa'am/ sa
'og ma pa thams cad dang thun mong ma yin pa'i phyir ro/ /de nyid
kyis na/

bsams kyang 'gro ba'i spyod yul mi 'gyur ba/ /zhes bya ba smos
te/ chos kyi sku'i ngo bo bsams shing bsgoms su zin kyang khams
gsum pa'i 'gro ba so so'i skye bo dngos po la mngon par zhen pa
rnams kyi spyod yul du mi 'gyur ba yin te/ de'i rang bzhin blos
rtogs shing

khong du chud par mi 'gyur ba'i phyir ro/ /de ltar yod par ji
ltar shes she na/ nyes pa'i rab rib 'joms pa ngo mtshar che/ /zhes
bya ba smos te/ gang gi phyir ma rig pa zhes bya ba nyon mongs
pa'i gzhi bor gyur pa'i nyes pa'i mun nag gi rab rib 'joms shing
sel bar byed

pa nyi ma lta bu gang yin pa ni chos sku ste stong pa nyid kyi ye
shes yin la/ de ni dngos por ma dmigs shing mig gi spyod yul du
ma gyur pa yin yang skyes bu rnams kyi blo'i mun pa sel bar byed
pa ni ngo mtshar che ste/ bsam gyis mi khyab pa'i yul yin pa'i
phyir rmad du

gyur pa yin no/ /de ltar bshags shing bstod pa brtsams pa mjug
bsdu ba'i sgo nas bcom ldan 'das kyi yon tan gyi sgo brjod de
phyag 'tshal ba bstan pa'i phyir/ thugs mchog gang yang rung ba de
yis ni/ zhes bya ba smos te/ bcom ldan 'das khyed la btud

cing phyag 'tshal lo zhes bya bar sbyar ro/ /ci'i phyir phyag
'tshal zhe na/ nyes pa zhi bar mdzad pa'i phyir ro/ /gang gis she
na/ thugs mchog gang yang rung ba de yis ni/ /zhes bya ba ste/
gang gis gnyis su med pa'i ye shes nyan thos dang rang sangs
rgyas la sogs

@229a @#/ /pa'i yul ma yin pa thugs su chud par mdzad pa'i thugs
kyi mchog gang yang rung ba de yis so/ /ci zhig la dmigs she na/
zhi gnas gang yang rung ba der bzhugs nas/ /zhes bya ba smos te/
zhi gnas dang lhag mthong zung du 'jug pa lhun gyis grub

pa'am rdo rje lta bu'i ting nge 'dzin dang/ bsam gtan gyi mchog
la zhugs zhing rnal 'byor gyi mthar byon pa brnyes pa la bzhugs
pa de la phyag 'tshal lo/ /de ci'i phyir zhe na/ nyes kun rnam pa
kun du zhir mdzad pa'i/ /bcom ldan gang yin de la phyag 'tshal lo/
/zhes bya ba

smos te/ 'khor ba'i sdug bsngal skyed pa'i nyes pa gang yin pa de
kun zhi bar mdzad cing sel bar mdzad par spyod pa ni khyed nyid
yin te/ de zlog par mdzad do zhes bya ba'i don to/ /ji ltar zhe
na/ rnam pa kun zhes bya ba ste/ bag chags dang bcas pa rnam pa
thams cad du sel

bar mdzad pa'am/ yang na rnam pa kun gyis zhi bar mdzad pa ste/
theg pa'i tshul sna tshogs sam/ rdzu 'phrul dang cho 'phrul la sogs
pa'i thabs kyi sgo sna tshogs kyis zhi bar mdzad pa'o/ /de bas na
bcom ldan 'das gang yang rung ba de la phyag 'tshal lo zhes bya ba
ste/ nyes

pa'i tshogs de lta bu zhi bar mdzad pa'i bcom ldan 'das gang yin
pa de la lus dang ngag dang yid dang zhing gus pas 'dud cing
phyag 'tshal lo zhes bya ba'i don to/ /gang yin de la zhes smos pa
ni gang gi phyir khyed kyai mkhyen pas khyab par med pa'i tshig tu
smos pa yin gyi/ de lta na ni

gtso bo la de skad smra ba rigs pa ma yin no/ /de lta na khyed de
lta bu'i yon tan dang ldan pa gang yang rung ba de la bdag phyag
'tshal zhing skyabs su mchi'o zhes bya ba'i don to/ /da ni bstod
pa byas pa las byung ba'i bsod nams gang yin pa de sems can rnams
la bsngo ba dang/ byang chub sems

dpa' rnams kyi bslab pa yin pas de dang rjes su mthun par bya
ba'i phyir/ de ltar yon tan bla med la bshags pa'i/ /zhes bya ba
la sogs pa smos te/ de ltar zhes bya ba ni rdzogs pa'o/ /yon tan
bla med ni gang la yon tan gyi tshogs thun mong ma yin pa mnga' ba
ste ston pa'o/ /

@229b de la bshags pa ni rang gis sdig pa dang nyes pa gang dag
byas pa de'i spyan sngar brjod pa'o/ /de lta bu'i sgo nas ci zhig
byas she na/ yang dag bstod pa rnam sbyar dge ba ni/ /zhes bya ba
smos te/ rang gi nyes pa de brjod pa'i sgo nas bcom ldan 'das la
yang dag par bstod pa'i

tshig rnam par 'phel zhing legs par sbyar ba las dge ba ste/ bsod
nams su byas pa'o/ /ji lta bu zhe na/ zla mdzes ltar dkar bdag
gis gang bsags des/ /zhes bya ba smos te/ bsod nams de yang ston
ka'i zla ba ltar dkar zhing mdzes pa ste/ nyes pa'i nag nog gis
ma

'dres shing yid du 'ong ba'o/ /bdag gis gang bsags zhes bya ba ni
bdag nyid kyis bsgrubs shing tshogs yongs su bsdus pa'o/ /zla ba
smos pas ni bdag nyid kyi ming zla ba zhes bya bar yang ston to/
/dkar ba smos pas kyang bdag nyid kyi rang bzhin dag par ston to/
/bsod

nams de gang du bsngo zhe na/ 'gro kun bde ba can du 'gro bar
shog /ces bya ba smos te/ bdag gis de ltar bsags pa'i bsod nams
des 'gro ba 'di dag thams cad 'jig rten gyi khams bde ba can du
'gro zhing der skye bar shog cig pa'o/ /yang na bla na med pa'i
bde ba ni

sangs rgyas kyi go 'phang ste/ de dang ldan pa'i gnas thob par
gyur cig ces bya ba'i don to/ /blo chen blo gros bzang po yis/
/gsol ba btab pa la brten te/ /sangs rgyas zhi ba bdag gis ni/
/bshags bstod 'grel pa 'di byas so/ /zla ba'i tshig don dbyings
che

bas; /bde gshegs spyod pa zab mo 'di/ /bshags nas bstod pa'i tshul
la ni/ /brten brtsams srid pa sbyang phyir yin/ /de yi 'grel pa
zla zer ltar/ /yid 'ong bdag gis byas pa 'dis/ /'gro ba'i nyon
mongs rnam sbyangs nas/ /skyon bral sangs rgyas nyid thob shog/

bshags bstod kyi 'grel pa slob dpon sangs rgyas zhi bas mdzad pa
rdzogs so// //rgya gar gyi mkhan po budd+ha shrI shAnti dang/
zhu chen gyi lo tsA ba dge slong rin chen bzang pos bsgyur cing
zhus te gtan la phab pa// //

@230a @#/ /rgya gar skad du/ shudd+ha a b+hi She ka nA ma sto
traH/ bod skad du/ sangs rgyas dbang bskur ba zhes bya ba'i bstod
pa/ thams cad mkhyen pa la phyag 'tshal lo/ /de nas bskal pa
grangs med gsum/ /pha rol phyin rnams rdzogs pa yi/ /thub

pa lha rnams kyi ston pa/ /mtho ris nas ni mi nang gshegs/ /nyi
ma'i rigs te zla ba yi/ /sa yi bdag po zas gtsang dang/ /gtso mo
sgyu 'phrul lha mo yi/ /mngal du nyid mtshams sbyor bar mdzad/
/der ni rin chen khang gnas shing/ /lha yi mchog rnams bstod

byed la; /de la gsung ni mthon po yis/ /dam pa'i chos ni ston par
mdzad/ /lha rnams thal mo sbyar byas te/ /dus gsum du ni der blta
ba/ /rdul med mu tig phreng ba ni/ /bai DUrya yi snod gnas 'dra/
/bdud rtsi rab sbyin gzugs can te/ /de 'os lha mo mdzes par gyur/ /

zla ba shin tu gsal ba'am/ /mu tig 'o ma'i rgya mtsho 'dra/
/'byung ba rnams kyang dbugs 'byin cing/ /yid la re ba'i don
rdzogs mdzad/ /de ni 'dod la stsol ba ste/ /'dod pa thams cad
phun tshogs mdzad/ /skyed mos tshal ni lumbi nIr/ /'jig rten gtso
mo sor gyur

te; /sa bdag dang ni slas rnams dang/ /mdun na 'don dang lhan cig
gnas/ /der ni mya ngan med pa yi/ /yal ga la 'jus brtul zhugs
gnas/ /mkha' la lha yi bu mo rnams/ /zla ba dang ni skar tshogs
'dra/ /skar ma rgyal la bab pa na/ /de'i sras rtsib ma'i logs

nas ni; /'gro la phan pa mkhyen pa yi/ /nyi ma shar ba bzhin du
byung/ /mtshan mchog yang dag rdzogs pa yi/ /gtso bo nyid kyi sku
yi 'od/ /'dzam bu chu bo'i gser 'dra yis/ /phyogs rnams rab tu
snang bar gyur/ /brgya byin ma ma'i cha byad can/ /smin ma bskyod

pas zlog pa mdzad/ /sa la gom bdun bor ba na/ /gter dang pad+mas
brgyan par gyur/ /bdag gi skye ba tha ma ni/ /'di yin yang srid
yod min zhes/ /snyan pa'i gsung ni bsgrags nas kyang/ /phyogs
rnams kun du gzigs par gyur/ /nyi zla rin chen bum pa las/ /

@230b dro grang chu yi rgyun gnyis ni/ /dri ma med pa'i nam mkha'
las/ /de yi dbu la bab bar gyur/ /bde gshegs 'gro ba'i bla ma ni/
/rin chen sna tshogs bkram pa yi/ /seng ge'i gdan ni mthon po la/
/dgyes pas der ni bzhugs par 'gyur/ /brgya byin gnas kyi chu bo
dang/ /

'jug ngogs las blangs lha yi chu/ /gser las byas pa'i bum pa yis/
/lha rnams kyis ni dbang bskur bstabs/ /lha yi gos dang phreng ba
dang/ /bstod pa la ni brtson pa yi/ /tshogs rnams du ma 'dus pa
yis/ /lha yi tshal ni gang bar gyur/ /rnga sgra rnams dang

ca co yis/ /mkha' dbyings ma lus khyab par gyur/ /nam mkha' las
ni me tog char/ /rgyun mi 'chad par bab par gyur/ /mandAr me tog
gcal bkram pas/ /gnas gtsang ma yi gnas ltar gyur/ /ga bur
tsandan phye ma yis/ /'jig rten mgon la gtor bar gyur/ /

ri bo rgya mtshor bcas pa dag /gar mkhan gyi ni gos ltar g.yo/
/bcud rnams sna tshogs 'dzin pa yi/ /sa dag rnam drug g.yos par
gyur/ /gung ba rnams ni sgra sgrogs shing/ /dus rnams kun du
byung ba yi/ /shing rnams rang nyid 'dud pa dang/ /me tog rnams
ni 'bor

bar gyur/ /blon po rgan dang mdun na 'don/ /bkra shis dag ni 'don
par byed/ /sa dang mkha' dang grub pa dang/ /mi 'am ci dang lhan
cig spyod/ /nags na gnas pa'i lha rnams dang/ /lha dang grub pa
rig 'dzin mi/ /nang gi slas kyi bud med kyang/ /rab tu dga' bas

gar yang byed/ /long bas mig dang 'on pas thos/ /lkugs pa rnams
ni sgra gsal dang/ /nad pa nad las thar ba dag /skad cig der ni
thob par gyur/ /ri dags bya dang sdig sprul dag /phan tshun 'tshe
bar 'dod pa yi/ /sems can thams cad de yi tshe/ /rtsod med 'tshe

ba med par gyur/ /de tshe gang yang sdug bsngal dang/ /nyes spyod
byung bar ma gyur to/ /'gro ba 'di dag nad med cing/ /bde zhing
lo yar legs par gyur/ /de tshe kun du'ang mdun du ni/ /gter rnams
der ni byung bar gyur/ /de tshe srid gsum rgyas par ni/ /dga'
ba zhing

@231a @#/ /bde ba dag tu gyur/ /rgyal ba dbang bskur bsod nams
gang/ /bsod nams ldan pa'i sems kyis ni/ /nyan par byed pa de dag
la/ /phun sum tshogs kun lag mthil gnas/ /tshe dang nad med dbang
phyug dang/ /dgra zhi rgyas dang rgyal dang grags/ /

rdzogs sangs yon tan sgrogs pa yi/ /dad pa'i mi yis thob par
'gyur/ /sangs rgyas dbang bskur ba zhes bya ba'i bstod pa rdzogs
so// //lo tsA ba chen po rin chen bzang pos bsgyur cing zhus te
gtan la phab pa// @##/ /rgya gar skad du/

shrI badzra d+ha ra saM gI ti b+ha ga bA na sto traH/ bod skad
du/ bcom ldan 'das la bstod pa dpal rdo rje 'dzin gyi dbyangs/
dpal rdo rje sems dpa' la phyag 'tshal lo/ /mnyam med mi g.yo
mnyam nyid mchog chos can/ /thugs rje'i bdag nyid 'gro ba'i sdug
bsngal sel/ /

yon tan kun mnyam mtha' med dngos grub stsol/ /dri med mi g.yo
mnyam med mchog rab chos/ /sems can khams la rtag mchog grub
stsol ba/ /dngos grub mnyam dang mtha' med dpe bral ba/ /mnyam
pa'i dpe nyid nam mkha' la med de/ /yon tan shas phra'i chas

kyang mtshungs ma yin/ /rtag tu dri med thugs rje'i shugs las
byung/ /smon lam grub pa 'gag med chos nyid can/ /'gro ba'i don
sgrub lhur mdzad mtha' yas pa/ /thugs rje'i bdag nyid rtag tu
rnam par snang/ /dpag med mi dpogs gnas nyid legs rdzogs pa/ /

bde gnas gshegs kyang thugs rje'i spyod mi g.yo/ /'jig rten gsum
la mchog gi grub stsol ba/ /'gag nyid mi 'gyur e ma'i chos nyid
bzang/ /mchog stsol sbyin mchog nyid gnas chos nyid brnyes/ 'jig
rten gsum rtag dam pa stsol mchog sgrub/ /bde gshegs

dus gsum mkhyen sgrib mi mnga' ba/ /kun gyi dam tshig gsum mchog
grub bdag stsol/ /bcom ldan 'das la bstod pa dpal rdo rje 'dzin
gyi dbyangs rdzogs so// //rgya gar gyi mkhan po bidyA ka ra pra
b+ha dang/ zhu chen gyi lo tsA ba bande dpal brtsegs kyis bsgyur
cing

@231b zhus te gtan la phab pa// /@##/ /rgya gar skad du/ shI
badzra d+ha ra saM gI ta b+ha ga ba ti sto tra TI kA/ bod skad
du/ bcom ldan 'das la bstod pa dpal rdo rje 'dzin gyi dbyangs kyi
rgya cher bshad pa/ 'jam pa'i mgon la phyag 'tshal lo/ /gang

zhig bstod du blo bzang bzang rnams kyi blo gros dang/ /tshig gis
'dod pa'i 'bras ldan 'jug pa mi rnyed la/ /'phags pa gsung 'jam
yon tan nam mkha' mtha' yas shing/ /dag pa lta bu de la rtag tu
bdag phyag 'tshal/ /mnyam med mi g.yo mnyam nyid chos mchog

can; zhes bya ba la sogs pa'i bstod pa ni gtsor gsol ba gdab pa
yang yin te/ 'di ltar mjug tu/ /kun gyi dam tshig gsum mchog grub
bdag stsol/ /zhes bstod do/ /mchog gi dngos grub gsol ba gdab par
'os pa de dag kyang gang zhe na/ gang dag rang yongs

su dag pa'i bdag nyid can brtse ba chen po'i dbang du gyur pa/
brtse ba'i 'bras bu gnyis byed pa/ /de'i rjes su mthun pa'i yon
tan dang ldan pa rnams yin te/ rnam par mdag pa'i bdag nyid can
rnams ni rang la phan pa'ang bya bar mi nus so/ /yongs su dag
pa'i bdag nyid

can yin yang snying rje chen po dang bral na gzhan gyi don chen
po mtshar cig mi byed de/ rang rgyal ba dag bzhin no/ /snying rje
chen po dang ldan du zin kyang gal te de'i 'bras bu dang mthun
pa'i yon tan dang bral ba nyid kyis nus pa med pa'i phyir brtse
ba'i 'bras bu gnod pa sel ba dang/ phan

pa bsgrub pa mi byed na de'i tshe gsol ba gdab pa'i yal ma yin par
gyur te/ sems dang bcas pa rnams ni bdag nyid rdos non pa dbyung
ba'i phyir/ 'phye bo dang long ba la sogs pa la gsol ba 'debs par
mi byed do/ /de bas na yongs su dag pa'i bdag nyid can nyid shes
par bya

ba'i phyir/ mnyam med mi g.yo mnyam nyid chos mchog can/ /zhes
bya ba 'di gsungs so/ /brtse ba'i dang du gyur pa nyid bstan pa'i
phyir/ thugs rje'i bdag nyid ces bya ba 'di gsungs so/ /thugs
rje'i 'bras bu gnyis mdzad pa nyid brjod pa'i phyir/ 'gro ba'i
sdug bsngal

@232a @#/ /sel zhes bya ba dang/ yon tan kun mnyam mtha' med dngos
grub stsol/ /zhes bya ba 'di gsungs so/ /brtse ba'i 'bras bu
gnyis dang mthun pa'i yon tan dang ldan pa nyid rab tu bstan pa'i
phyir/ /dri med mi g.yo mnyam med mchog rab chos/ /zhes bya ba
'di gsungs

te; 'di ni bsdus pa'i don yin no/ /tshig rnam par dbye ba ni/ de
ni mnyam pa med pa'ang yin la mi g.yo ba'ang yin pas mnyam med mi
g.yo ba'o/ /de ni mnyam pa med pa dang mi g.yo ba'ang yin la
mnyam pa nyid kyang yin pas de skad ces bya ste/ mnyam pa nyid de
lta bu de nyid mchog

chos yin no/ /de gang dag la yod pa de dag la de skad ces bya
ste/ 'dis ni de bzhin gshegs pa rnams kyi de bzhin nyid kyi chos
kyi sku nyid bstan to/ /de la mnyam pa med pa ni glo bur gyi dri
ma mtha' dag dang bral te rnam par dag pa'i mthar phyin pas dpe
med pa'i phyir te/ su dang yang mnyam

zhing mtshungs pa med pa'ang/ 'di dang mnyam zhing 'dra ba 'ga'
yang med pas na mnyam med do/ /'dis ni de bzhin nyid phyin ci ma
log par yongs su dag pa bshad do/ /g.yo ba ni gzhan du 'gyur
ba'o/ /g.yo ba med pas ni ma g.yo ba ste/ dus thams cad du gnyis
su med pa'i chos

nyid shin tu rnam par dag pa las mi 'da' ba zhes bya ba'i don to/
/'dis ni mi 'gyur bas yongs su grub par bshad do/ /mnyam pa rnams
kyi ngo bo ni mnyam nyid de/ dngos po 'ga' yang stong pa nyid kyi
rang bzhin las mi 'da'o/ /de'i phyir rang bzhin 'dis chos thams
cad

stong nyid du ro gcig cing mnyam mo/ /'di ni mchog kyang yin la
chos kyang yin pas mchog chos te/ rtog ge dang lung gsal bas shes
par bya ba yin pa'i phyir/ de bzhin nyid rigs pa dang ma bral ba
yin no/ /de ji lta zhe na/ rig par bya ba dang rig par byed pa'i
mtshan nyid dang bral

ba nyid 'dzin pa'i phyir te/ de 'dzin pa nyid kyi phyir chos
kyang yin no/ /rnam pa gcig tu na mchog chos kyi mchog ste/ de ni
rnam par bsgoms na sgrib pa thams cad spong ba'i phun sum tshogs
pa'ang 'dren la yon tan ma lus pa'i 'byor pa'ang thob par byed
do/ /yang stong pa nyid

@232b ni sems can gyi tshogs thams cad la'ang khyab na/ ci'i phyir
de bzhin gshegs pa rnams kho na'i chos kyi sku zhes bya zhe na/
shin tu rnam par dag pa nyid kyis de dag gi rgyud kho na la gsal
ba'i phyir te/ gzhan dag la ni sgrib pas bsgribs te mi gsal bas
med pa dang 'dra'o/ /gang

dag la thugs rje'i bdag nyid ngo bo nyid yod pa de dag ni thugs
rje'i bdag nyid can te/ de dag gi de ni bskal pa grangs med pa mi
nyung bar rab tu gus par goms pa brgyud pas shin tu dang du gyur
pa yin no/ /'gro ba'i zhes bya ba ni 'jig rten gyi'o/ /sdug
bsngal ni ci yang

rung ste mdor na nye bar len pa'i phung po lnga'i rang bzhin no/
/gang dag la de sel cing 'dor ba'i ngang tshul yod pa de dag la de
skad ces bya ste/ de dag gis bstan pa'i bsgoms pas sdug bsngal ma
lus par ldog pa'i phyir ro/ /mnyam pa ni 'dra ba'i dngos po'o/
/mtha'

ni mthar thug pa'o/ /stobs dang byang chub kyi yan lag la sogs
pa'i yon tan gang dag yin pa kun la mnyam pa dang mtha' med pa de
dag ni mnyam mtha' med pa'o/ /dngos grub ni yongs su grub pa'o/
/gang dag de stsol ba'i ngang tshul yod pa zhes tshig rnam par
sbyar te 'gro

ba la zhes bya bar sbyar ro/ /de bzhin gshegs pa'i yon tan dpe
med cing so sor tshad med pa gang dag yin pa de dag stsol ba zhes
bya ba'i tha tshig ste/ de dag gis bstan pa la nan tan byas pas
'gro ba mtha' dag la phan pa bde bar gshegs pa'i go 'phang thob
pa'i phyir ro/ /de nyid

kyi phyir kha cig ni/ yon tan kun rdzogs med pa'i dngos grub
stsol/ /zhes 'don to/ /kha cig ni/ yon tan kun mnyam mnyam med
dngos grub stsol/ /zhes 'don to/ /'di ni gzhan bsgrim mi dgos par
grub pa nyid du bstan pa'i phyir phan pa bsgrub pa'i mchog bstan
par zad de/

mngon par mtho ba'i ngo bo 'khor los sgyur ba nyid la sogs pa
phan pa gzhan yang stsol bar mdzad pa nyid do/ /dri med mi g.yo
zhes bya ba la sogs pa'i tshig rnams ni khyad par gyi tshig bsdu
ba'i yin te/ gang dag la gzhan la phan pa'i rgyu phun sum tshogs
pa so so yang dag par rig pa

@233a @#/ /la sogs pa'i chos de lta bu mnga' bde dag la de skad
ces bya'o/ /de la dri ma med pa ni rnam pa thams cad rnam par dag
pa dang ldan pa'i phyir ro/ /mi g.yo ba ni yongs su mi nyams pa'i
chos nyid kyis sam/ 'khor ba ji srid par gnas pa'i phyir ro/
/mnyam pa

ni snga ma bzhin du dpe med pa nyid kyi phyir ro/ /mchog gtso bo/
/'jig rten las 'das pa/ sangs rgyas la sogs pa'i chos rnams kyi
rab ni mchog rab ste/ ma 'dres pa yin pa'i phyir gtso bo rnams
kyi yang gtso bo zhes bshad pa yin no/ /yang na chos kyi dbyings
shin tu rnam par

dag pa la dmigs pa'i phyir gang dag la yul mchog rab yod pa ste/
de dag ni de rang rig pa'i ngo bo yin no/ /gzhan dag na re mchog
ni don du gnyer bar bya ba'o/ /rab ni thams cad pas phul du gyur
pa'i phyir ro zhes zer te/ 'dir tshig gi mdo ni de lta bu'i bde
bar gshegs

pa rnams kyis mchog gi grub pa bdag la stsol cig ces bya ba yin
te/ tshigs su bcad pa dang po dang tha ma 'di gnyis kho nar mngon
par 'dod pa'i don gyi de kho na nyid thams cad rdzogs pa nyid du
bstan to/ /'di las gzhan tshigs su bcad pa gsum ni klan ka ngan pa
yongs su spang ba'i

ched yin no/ /de la klan ka ngan pa ni 'di yin te/ ji ltar na
mnyam pa nyid dang/ so so yang dag par rig pa la sogs pa'i chos
rnams mnyam pa med pa yin/ /'di ltar 'di dag dang mnyam pa nam
mkha' rang bzhin gyis yongs su dag pa tshad med pa yod pas de nyid
kyis 'di

dag gi dper byas te/ ji skad du de bzhin gshegs pa'i gsang ba'i
mdo las/ su dag sangs rgyas chos rnams la/ /dper byed pa ni ji
snyed pa/ /de dag sangs rgyas 'tsham min pas/ /'dren pa skur pa
'debs par zad/ /de la gcig pu dper gyur pa/ /sangs rgyas

chos dang mnyam pa gang/ /nam mkha'i khams su bstan pa ste/ /de
la tshad ni gang na'ang med/ /nam mkha' ji tsam thub pa yi/ /tshul
khrims ting 'dzin shes rab dang/ /ye shes rnam grol ye shes
gzigs/ /'di yang de tsam kho nar bshad/ /ces gsungs pa lta bu yin

@233b no/ /de bas na dpe med pa nyid mi 'grub po zhe na/ de'i
phyir/ mnyam pa'i dpe nyid nam mkha' la med de/ /zhes bya ba la
sogs pa 'di gsungs so/ /nam mkha' ni nam mkha' ste de dpe nyid du
brjod par 'dod na yang bcom ldan 'das rnams la mnyam pa'i dpe
nyid do/ /

gang dag mnyam pas dpe yin pa de dag ni mnyam pa'i dpe'o/ /de dag
gi ngo bo ni mnyam pa'i dpe nyid do/ /re zhig de yang med na lhag
pa'i dpe nyid lta zhig ga la yod/ dman pa'i dpe nyid ni mi dgag
go/ /nam mkha' ji lta bu zhig ce na/ yon tan shas phra'i chas
kyang

mtshungs ma yin/ yon tan gyi shas ni shas chung ngo/ de'i phra mo
ni shin tu phra ba'i cha'o/ /de'i yang cha ni gang phan chad blos
kyang dbri bar bya mi nus pa'o/ /sangs rgyas nyid kyi gnas skabs
na yod pa'i yon tan thams cad kyi shas ni che ba dang/ mi zad pa
la sogs pa'i yon

tan gang yang rung ba 'ga' zhig go/ /de'i phra mo ni de rtsom par
byed pa'i rgyu'i gnas skabs na yod pa sa bcug bsdus pa'i yon tan
no/ /de'i cha ni mos pas spyod pas bsdus pa'i byang chub kyi sems
skye ba thams cad do/ /cha de dang yang mtshungs pa ma yin zhing
'dra ba ma yin

te; 'di ni mnyam pa ni dpe nyid med pa'i rgyu yin no/ /ji ltar de
dang yang nam mkha' mtshungs pa ma yin zhe na/ 'di ltar sangs
rgyas bcom ldan 'das rnams ni sems can khams la rtag mchog grub
stsol ba ste/ sems can gyi khams ni tshogs so/ /de la mchog gi

grub pa stsol ba ste/ mchog ni stobs dang byang chub kyi yan lag
la sogs pa'i yon tan no/ /de dag gi grub pa ni yongs su grub pa
ste/ gang dag la de skal pa ji lta ba bzhin du stsol ba'i ngang
tshul yod pa de dag la de skad ces bya'o/ /sangs rgyas thams cad
'du ba'i rgyud las ni/ /

sems can khams la mchog grub gsal sgrub pa/ /zhes 'byung ste/ de
la don ni gang dag la sems can gyi khams la skal pa ji lta ba
bzhin mchog grub pas gsal zhing khyab pa de sgrub pa'i ngang tshul
yod pa zhes bya ba yin no/ /ci'i phyir de dag de lta bu yin zhe
na/ 'di ltar

@234a @#/ /de dag ni dngos grub mnyam dang mtha' med pa can yin
no/ /de dag la rang gi yon tan yongs su grub pa mnyam pa med pa'i
mtha' med pa yod pas gzhan la'ang rang dang mthun pa kho na'i
'bras bu mngon par sgrub par mdzad do/ /de'i phyir de dag ni dpe
bral yin no/ /

de ni dpes mtshon par bya ba la de la yod pa'i yon tan brjod par
'dod pa dang cha mthun pas rab tu sbyor pa yin te/ ji skad du/
yul dang dus dang bya ba la/ /sogs pas 'gal ba'i dpe yin na/
/mtshon pas bya ba dpe dang ni/ /'dra ba gang yin de dpe yin/
/zhes bshad pa lta

bu'o/ /'di ni bcom ldan 'das rnams yon tan thams cad mnyam pa
dang mtha' med pa'i dngos grub stsol ba nyid kyis dpe med pa nyid
du brjod par bzhed pa yin no/ /bcom ldan 'das kyi yon tan ni gal
te cha shas dang bcas pa zhig tu gyur na de dag gi cha shas dang
cha shas kyis

kyang rtag tu sems can gyi khams la mchog gi dngos grub stsol bar
'gyur ba nyid na/ rgyu dang 'bras bu'i gnas skabs na yod pa'i yon
tan rangs pa 'ang/ tshogs pas lta smos kyang ci dgos/ nam mkha'
'am gzhan yang rung ste/ tshad med pa yin yang gang gis na bcom
ldan 'das

kyi dper 'gyur ba de lta bu'i chos can ma yin gyi/ /tshad med pa
tsam zhig tu mtshungs pa la dgongs nas mdo las/ de la gcig pu dper
gyur pa/ /sangs rgyas chos dang mnyam pa gang/ /nam mkha'i khams
su bstan pa ste/ /de la tshad ni gang na'ang med/ /ces nam mkha'
dang

'dra ba 'di man chad de skad du gsungs par zad do/ /klan ka ngan
pa gzhan yang gal te sa gsum gyi bla ma rnams thugs rje'i bdag
nyid can yin na/ des na ji ltar dri ma med pa'i chos can yin/
snying rje ni sems can rnams sdug bsngal dang bral bar 'dod pa
rnam par rtog pa'i bdag nyid

yin pas de dang ldan na skabs med do/ /de nyid kyi phyir 'di ni
bde ba 'gog pas na snying rje zhes bya'o/ /rnam par rtog pa yang
thams cad rang gi rnam pa la phyi rol gyi ngo bor zhen nas zhugs
pa yin pa'i phyir rang bzhin kho nas phyin ci log pa ste/ ma rig
pa yin no zhe na/ de'i phyir 'dir/

@234b rtag tu dri med thugs rje'i shugs las byung/ /zhes bya ba
la sogs pa smos so/ /rtag tu dri med ni rtag tu dri ma med pa
ste/ smon lam grub pa zhes bya bar sbyar ro/ /thugs rje'i shugs
ni bred chags pa ste/ bar ma chad par 'byung ba nyid do/ /de las
byung ba ni yang dag par byung

ba'o; /smon lam ni byang chub sems dpa'i gnas skabs na yod pa'i/
'gro la phan phyir sangs rgyas 'grub par shog /ces yid la smon
pa'o/ /de grub pa ni 'bras bu ste thams cad mkhyen pa nyid do/
/de lta bu zhig ci zhe na/ mi 'gag chos nyid de/ chos nyid kyi
rang bzhin gang

la 'gag pa ste rgyun chad pa med par yod pa de ni mi 'gag pa chos
nyid do/ /smon lam grub pa gang la mi 'gag pa'i chos nyid yod pa
de la de skad ces bya'o/ /smon lam grub pa de'i 'bras bu ci zhe
na/ 'gro ba'i zhes bya ba la sogs pa gsungs so/ /'gro ba'i don ni
phan pa ste/

bde 'gro gnyis 'thob pa dang/ 'gro ba'i sdug bsngal thams cad
ldog pa'o/ /de bsgrub pa ni 'grub pa'o/ /de lhur mdzad pa ni der
bzhol ba'o/ /ci de yul dang/ dus kyis mtshams so sor des pa zhig
yin nam zhe na/ ma yin te/ mtha' yas pa'o/ /'gro ba'i

don mdzad pa'i yul dang dus mtha' yas shing ma lus pa yin te/
gang la de yod pa de la de skad ces bya'o/ /gang dag la thugs rje
chen po'i bdag ngo bo nyid dam rgyu yod pa de dag la de skad ces
bya'o/ /de lta bu de ni rtag tu sprul pa sna tshogs kyi 'od zer
gyi dra ba 'gyed pa la

sogs pas rnam pa sna tshogs su snang zhing mdzes so/ /rtag tu zhes
bya ba ni nye bar mtshon pa ste phyogs thams cad du yang zhes bya
bar yang khong du chud par bya'o/ /sangs rgyas thams cad 'du ba
las ni bdag nyid chen po'i thugs rje rtag rnam snang zhes 'byung
ngo/ /der ni tshig 'di thugs

rje'i shugs las byung zhes bya ba 'di nyid ni mjug sdud pa yin
te/ gang dag la rnam par mi rtog kyang gzhan la phan pa mdzad pa
rgyun mi gcod pa nyid kyis bdag nyid che ba yod pa de dag la de
skad ces bya'o/ /'dir bsdus pa'i don gyi de kho na nyid ni 'di
yin te/ byang chub sems

@235a @#/ /dpa'i gnas skabs na yod pa'i snying rje sems can thams
cad sdug bsngal las yongs su bskyab par 'dod pa'i ngo bo rnam par
rtog pa dang bcas pa gang yin pa de ni rnam par rtog pa'i dra ba
ma lus pa dang bral ba rnam pa thams cad mkhyen pa nyid kyis
'phen par byed pa

yin no/ /de bas na rgyu dang 'bras bu mi dbye bar nye bar btags
pa'am/ bdag ces bya ba'i sgra rgyu'i rnam grangs yin pa'i phyir
thugs rje'i bdag nyid ces bya'o/ /rnam pa gcig tu ni rnam par
rtog pa dang bcas pa'i snying rje de nyid bsgom pa mchog gis goms
pa dang ldan pas 'bras bu

sems can gyi rnam par rtog pa med par 'byung bar 'gyur te/ 'dod
pa dang mya ngan la sogs pa goms pa bzhin no/ /de dag gi snying
rje de ni dmigs pa med pa/ phyin ci ma log pas don dam pa ba/
rang gi ngang gis 'byung ba/ ngang du 'gyur ba yin pas/ rje'i
bdag nyid ces kyang bya ba la/

de ni de 'phen par byed pa sngon 'byung ba'i chos kyi ming dang
mthun par snying rje zhes kyang bya'o/ /gnas skabs des na ni
mtshan ma thams cad dang bral ba'i phyir tshig thams cad kyi spyod
yul ma yin te/ mi brjod du mi rung ba'ang 'dir 'di skad ces gang
zhig rnam par mi rtog kyang yul dang dus

thams cad du med pa thams cad du 'gro ba mtha' dag gi don mdzad
cing/ chos kyi 'khor lo bskor ba yid bzhin gyi nor bu rin po
che'i rgyal po bas kyang lhag pa'i chos de 'ga' zhig yod do zhes
bstan par bya bar zad do/ /'di nyid la glan ka ngan pa ji ltar na
'di smon lam grub pa mi 'gag chos nyid

can yin/ ji ltar na mtha' yas pa'i bdag nyid chen po'i thugs rje
rtag rnam snang ba yin te/ 'di ltar skyob pa rnams yongs su mya
ngan las 'das na 'di thams cad kyang rjes su 'gro ba med par
rgyun 'chad do zhe na/ /de'i 'gag nyid mi 'gyur zhes bya ba la
sogs pa smos so/ /'gag pa ni rgyun

'chad pa'o/ /'gag pa nyid 'gag nyid do/ /'gyur ba ni 'gro ba ste
'gyur ba zhes bya ba'i don to/ /gang zhig ce na/ thugs rje'i
spyod pa ste thugs rje rnam pa gnyis ka'i'o/ /spyod pa ni spyod
pa ste de nyid thams cad mkhyen pa nyid do/ /ci'i phyir mi 'gag
ce na/ 'di ltar de ni mi g.yo ba ste/

@235b bcom ldan 'das rnams ni mi gnas pa'i mya ngan las 'das pa
yin pa'i phyir 'khor ba ji srid par 'byung ngo zhes bya ba'i don
to/ /de lta yin pas de dag ni 'jig rten gyi khams gcig tu mya
ngan las 'das pa nye bar bstan nas gzhan du skye ba la sogs pa
nye bar ston pa nyid do/ /ji lta bu zhig ce na/

'jig rten gsum la zhes bya ba ni 'jig rten gsum po la'o/ /mchog
ni sangs rgyas kyi chos la sogs pa'o/ /grub pa ni yongs su grub
pa ste de stsol ba'o/ /gang dag tu 'gag par mi 'gyur zhe na/ dpag
med mi dpog par te/ gang dag la yon tan gyi tshogs yongs su

dpag tu med cing 'di tsam zhes yongs su chad pa med pa yod pa de
dag ni dpag med de sangs rgyas bcom ldan 'das rnams so/ /de dag
gis kyang mi dpog pa ste/ dpag tu med pa de dag kho na phan tshun
'di dag ni yon tan phun sum tshogs pa 'di tsam dang ldan no zhes
bya ba mi dpogs

pa de dag tu nam yang rgyun 'chad par mi 'gyur ro/ /gnas nyid
legs rdzogs pa/ bde gnas gshegs kyang zhes bya ba ni gnas gang la
legs par rdzogs shing mthar phyin pa yod pa de ni legs rdzogs pa
ste phung po'i lhag ma med pa'i mya ngan las 'das pa nye bar ston
pa'i gnas skabs

so; /'dir yang rang gi don nyid rkyen yin no/ /de nyid bde gnas
yin te 'di la gzhan la phan pa mdzad pa'i spyod pa yod pas so/
/'di ltar mya ngan las 'das pa nye bar bstan pas ni lus dang de'i
longs spyod dag bstan par nga rgyal byed pa rnams kun du skyo ba
bskyed pas btul lo/ /

'di ni 'di ltar mya ngan las 'das pa rnams kyang mdzad pa'i rgyun
mi chad do zhes theg pa chen po'i tshul la ma goms pa rnams la
mchog tu ya mtshan bskyed pas de dag gi bsam pa'i ngor e ma'o
chos nyid bzang zhes bya ba gsungs so/ /de bzhin gshegs pa rnams
kyi chos nyid rang bzhin

ni shin tu rmad du gyur pa'i phyir bzang po yin no/ /theg pa chen
po'i ngang tshul du gyur pa rnams la ni ya mtshan mi che ste/ mya
ngan las 'das pa med pa'i phyir ro/ /la la las ni bde gnas zhes
bya ba mi 'byung ste/ der ni sdeb sbyor mi tshang bar 'gyur ro/
/yang na nges pa med pa'i phyir

@236a @#/ /brdar btags pa'i don la mngon par zhen par mi bya ste/
ji skad du/ gdags pa brda rgyus byung ba ste/ /de yang smra po'i
'dod rgyu'i byung/ /tha snyad don du byed pa ste/ /sdeb sbyor
sgra yi cha ming bzhin/ /zhes bshad pa lta bu'o/ /de ni gsol ba
gdab pa mchog

stsol zhes bya ba la sogs pa gsungs te/ ji ltar 'dod pa'i 'bras
bu mchog skal ba ji lta ba bzhin du sems can rnams la stsol bas
na mchog stsol lo/ /'di yang gsol ba gdab pa'i rgyu yin te/ rtog
pa dang ldan pa rnams ni sbyin pa po dag kho na la slong gi/
'byor pa bdog

kyang 'jungs pa rnams la ni ma yin no/ /bcom ldan 'das rnams ji
ltar 'byor ba dang ldan pa yin zhe na/ sbyin mchog nyid gnas
mchog nyid brnyes/ /zhes bya ba gsungs so/ /sbyin pa ni zang zing
dang/ mi 'jigs pa dang/ /chos sbyin pa'i ngo bo yin pa'i phyir
pha rol tu phyin pa thams

cad do; /gang dag la 'khor gsum yongs su dag pas sbyin pa mchog
shin tu yongs su dag pa de dag ni sbyin mchog can no/ /de dag gi
ngo bo nyid ni sbyin mchog nyid do/ /gang dag la gnas mchog ste
dbang phyug gam/ go 'phang ngam/ rtogs pa yod pa de dag ni gnas
mchog can

te; sangs rgyas bcom ldan 'das rnams so/ /de dag gi ngo bo ni
gnas mchog nyid do/ /de nyid thams cad mkhyen pa nyid de sangs
rgyas kyis kun du 'od yin no/ /sbyin pa mchog nyid kyis gnas kyi
mchog nyid kyi ni sbyin mchog nyid gnas mchog nyid do/ /de brnyes
pa ni de'i

bdag nyid du bsgrubs pas thob pa ste/ ye shes kyi tshogs yongs su
dag pa'i rgyus sangs rgyas nyid bsgrubs pa dang ldan pa zhes bya
ba'i don to/ /yang na mchog gi sbyin pa sems can rnams la sbyin
pas na sbyin pa mchog go/ /des na rang gi don gyi rkyen yin no/
/des gnas

mchog nyid skyes pa ste gnas la phan pa byas pa kho nas go 'phang
de bsgrubs pa dang ldan pa'o/ /mchog sbyin zhes spyir smos pas
mchog ngan ngon tsam sbyin pa tshangs pa la sogs pa dang yang
mtshungs par shes par 'gyur bas yang/ /'jig rten gsum rtag dam pa
stsol mchog sgrub/ /ces

@236b bya bas khyad par du mdzad de 'jig rten gsum pa la'o/
/'bras bu mchog sgrub cing 'grub par mdzad pas na mchog sgrub
pa'o/ /dam pa stsol ba sa bcu pa'i dbang phyug rnams kyi nang na
mchog sgrub pa gang yin pa dag ni dam pa stsol mchog sgrub pa yin
no/ /sangs rgyas thams cad

'du ba las ni mchog gi dngos grub stsol zhes 'byung ste/ der ni
mchog sangs rgyas kyi chos rnams kyi dngos grub yongs su grub pa
de stsol ba zhes rnam par bshad par bya'o/ /bde gshegs ni rab tu
zhi bar phyir mi ldog par ma lus par gshegs pa'i phyir ro/ /gang
dag la dus

gsum la thogs pa mi mnga' ba'i mkhyen pa'i blo mnga' ba de dag la
de skad ces bya ste/ 'das pa dang ma 'ongs pa dang da ltar dag la
thogs pa med pa'i ye shes gzigs pa zhes bya ba'i don to/ /de 'ang
ci'i phyir zhe na/ 'di ltar de dag ni sgrib pa mi mnga' ba'o/
/sgrib pa ni chod cing sgrib

par byed pa ste/ nyon mongs pa'i sgrib pa dang/ shes bya'i sgrib
pa zhes bya ba gang yin pa'o/ /gang dag la de dag spangs pa'i
phyir med pa de dag ni sgrib pa mi mnga' ba ste/ 'di ni bde bar
gshegs pa'i 'bras bu yin no/ /la la las ni mgon po zhes 'byung gi
bde bar

gshegs zhes mi 'byung ngo/ /der ni sdeb sbyor nyams te lan yang
snga ma yin no/ /mgon po ni sa gsum gyi rje'o/ /kun gyi zhes bya
ba ni phyogs bcu mtha' yas pa'i 'jig rten gyi khams na bzhugs pa
rnams so/ /dam tshig gsum mchog ces bya ba la sogs pa la/ /dam

tshig gsum zhes bya ba ni/ dam tshig gsum pa'i rgyud la brtson pa
bdag la'am/ /de las gsungs pa'i mchog gi dngos grub bam/ de rtogs
pa'i rgyu mtshan bdag la stsol cig pa'o/ /rgyud gang las dam tshig
ste nges pa gsum po sangs rgyas dang/ /chos dang/ phyir mi

ldog pa'i dge 'dun la dang ba'i bdag nyid 'byung ba de ni dam
tshig gsum pa'o/ /yang na dam tshig gsum ni/ /don kun grub par bya
ba'i phyir/ /byang chub sems yongs mi gtong dang/ /thub pa'i
brtul zhugs brtan pa dang/ /de nyid shes pa btsal ba spyad/ /ces
bya ba 'di dag

@237a @#/ /yin te; rgyud 'di nyid las byar rung ba nyid du/ /gang
gi byang chub sems brtan zhing/ /blo gros chags pa med gyur pa/
/de la 'di ni nges 'grub ste/ the tshom nyid ni mi bya'o/ /zhes
gsungs pa lta bu'o/ /'jig rten pa dang 'jig rten las 'das pa'i
phun

sum tshogs pa thams cad kyi mchog ni/ /rnam pa thams cad mkhyen pa
nyid phun sum tshogs pa'o/ /yang na rig sngags 'chang dang/ 'khor
los sgyur ba nyid la sogs pa'i dngos grub thams cad kyi nang na
mchog gi dngos grub ste/ de nyid thams cad mkhyen pa nyid do/ /de

grub pa ni yongs su grub pa ste mngon sum du byar rung ba nyid du
sgrub pa de bdag la myur du stsol cig pa'o/ /gsang sngags bdag
pos gsungs pa bstod pa'i rgyal po nyid/ /rnam par phyi las bsod
nams rgya chen gang thob des/ /sems can rnams myur 'jam pa'i
mchog la

brten nas ni/ /bstod pa 'di lta bu yis snod du rab gyur cig /bcom
ldan 'das la bstod pa dpal rdo rje 'dzin gyi dbyangs kyi rgya
cher bshad pa mang du thos pa'i slob dpon zhi ba 'tsho 'phags pa
'jam pa'i mchog gi zhabs kyi pad+ma'i rdul la brten pas mdzad pa
rdzogs so// //

rgya gar gyi mkhan po bi d+yA ka ra pra b+ha dang/ zhu chen gyi
lo tsA ba bande dpal brtsegs kyis bsgyur cing zhus te gtan la
phab pa// @##/ /rgya gar skad du/ /panytsa ta thA ga ta sta baH/
bod skad du/ de bzhin gshegs pa lnga la bstod pa/ /gsung gi mnga'
bdag

la phyag 'tshal lo/ /'jig rten gsum mgon yon tan mtha' med pha rol
phyin/ /'o ma'i mtsho ltar dkar yangs mdzes pa'i sku dang ldan/
/mnyam med de bzhin nyid dngos seng ge'i khri la bzhugs/ /thub
mchog rnam par snang ba de la phyag 'tshal lo/ /mdangs ldan nor bu

mthon ka chen po ltar 'phro ba'i/ /'od kyis phyogs rnams ma lus
snang bar mdzad pa po/ /'jig rten gsum na rmad byung glang po'i
khri la bzhugs/ /bsnyengs bral sangs rgyas mi bskyod de la rtag
phyag 'tshal/ /rin chen dbang bskur 'byor bas 'gro don mdzad la
mkhas/ /

@237b bsod nams tshogs mnga' ri rgyal mngon sum rgyu 'dra zhing/
/gser gyi rgya mtsho lta bus rta yi gdan la bzhugs/ /thub pa rin
chen 'byung ldan de la rtag phyag 'tshal/ /rma bya'i rigs gsal
brgya yis mdzes byas snang ba yi/ /'od kyis phyogs kun khebs pas
mngon dga'

pad+ma ni/ /rA ga'i ri bo ltar mdzes rma bya'i gdan bzhugs pa/
/thub pa dpag med 'od mnga' de la phyag 'tshal lo/ /dam chos 'od
zer tshogs kyis mun pa sel mdzad pa'i/ /'od kyi snang bas nam
mkha'i cha kun rnam par 'gengs/ /bai DUrya yi mtsho ltar mkha'
lding gdan la

bzhugs/ /sangs rgyas don yod grub pa de la phyag 'tshal lo/ /seng
ge glang po rta dang rma bya mkha' lding gdan la rdo rje skyil
krung bzhugs/ /sku mdog rim bzhin dkar dang sngo dang ser dang
dri med dmar dang ljang gyur cing/ /byang chub mchog dang sa reg
mchog sbyin ting 'dzin mi

'jigs sbyin pa'i phyag rgyas mtshan/ /rang rigs rin chen cod pan
ldan pa'i ye shes lnga yi bdag nyid de la 'dud/ /de bzhin gshegs
pa lnga'i bstod pa rdzogs so// //rgya gar gyi mkhan po pad+ma ka
ra warma dang/ zhu chen gyi lo tsA ba dge slong rin chen bzang
pos bsgyur

cing zhus te gtan la phab pa// @##/ /rgya gar skad du/ sapta ta
thA ga ta sto traH/ bod skad du/ de bzhin gshegs pa bdun gyi
bstod pa/ /'jam dpal gzhon nur gyur pa la phyag 'tshal lo/ /'gro
ba'i bla ma lha mi 'jig rten phyir mchod cing/ /

thugs rjes gsal zhing gzhan la phan pa'i thar pa ston/ /srid gsum
chu chen mthar phyin bde 'gror son pa po/ /de bzhin gshegs pa
rnam par gzigs la phyag 'tshal lo/ /srid pa'i rgya mtsho mtha' dang
pha rol med pa 'di/ /'jig rten nub cing 'dug pa rab tu gzigs

nas kyang/ /phan gdags phyir ni chos rnams ston pa gang yin pa/
/rgyal ba gtsug tor mnga' ba de la phyag 'tshal lo/ /nyi zla dag
las 'das pa'i gzi brjid mnga' ba des/ /ye shes dang ni spyod pa'i
ngang tshul rnams las kyang/ /rgya mtsho'i 'jing ltar gting dpag
nus par

@238a @#/ /mi 'gyur ba'i/ /sangs rgyas thams cad skyob pa de la
phyag 'tshal lo/ /gang gi grags pa zla ba'i 'od zer 'dra ba yis/
/sa stengs mtha' dag rab tu brgyan par snang ba dang/ /u dumwA
ra'i me tog bzhin du rmad byung ba/ /thub dbang chen po log dang

sel la phyag 'tshal lo/ /dri ma med cing rtag tu phan par mdzad pa
dang/ /chags pa med pa gang gi dri ma med pa'i thugs/ /rnam par
'phro bas mun pa'i thibs po rab bcom zhing/ /lha yis mchod pa'i
gser thub de la phyag 'tshal lo/ /btso ma'i gser gyi phung po'i
kha dog 'dra

ba yi; /gzi brjid 'bar ba nyi ma stong pas lhag pa mnga'/ /skyi
bo kun gyis phyag byas 'jig rten mchog gyur pa/ /'od srungs mtshan
gsol gang yin de la phyag 'tshal lo/ /nyi ma'i 'od zer mang pos
pad+ma'i tshal phye ltar/ /gsung gi 'od zer mang pos 'jig rten sad
par mdzad/ /

ston pa shAkya thub pa thugs rje sgron ma can/ /mya ngan 'das
ston gang yin de la phyag 'tshal lo/ /gang gi byang chub skye ba
gcig gis thogs gyur cing/ /byams pa zhes bya dga' ldan gnam gyi
gnas na bzhugs/ /sa stengs bde bar gshegs par 'gyur ba gang yin
pa/ /de la

bdag ni rtag tu dad pas phyag 'tshal lo/ /'das pa'i rgyal ba bdun
po dang ni phyis gshegs pa/ /brgyad pa byang chub sems dpa' bdag
gis bstod pa yis/ /bsod nams mtha' yas dpag med bdag gis gang
thob pa/ /des ni sems can rnams kyang skyon dang bral

gyur cig /de bzhin gshegs pa bdun gyi bstod pa rdzogs so// //rgya
gar gyi mkhan po pad+ma ka ra wa rma dang/ zhu chen gyi lo tsA
ba dge slong rin chen bzang pos bsgyur cing zhus te gtan la
phab pa// @##/ /rgya gar skad du/ /aShTha ta tha ga ta sto traH/

bod skad du/ de bzhin gshegs pa brgyad la bstod pa/ de bzhin
gshegs pa thams cad la phyag 'tshal lo/ /mtshan gyi me tog rgyas
shing dag pa la/ /dpe byad bzang po'i 'bru chags mdzes pa'i sku/
/gang gis mthong thos dran yang dpal gyur pa/ /mtshan gyi rgyal po
de la phyag

@238b 'tshal lo/ /rin chen zla ba pad+mas rab brgyan zhing/ /shes
bya kun la mkhas pas mkhyen pa 'phags/ /rgya mtsho lta bur zab
pa'i thugs mnga' ba/ /sgra dbyangs rgyal po de la phyag 'tshal lo/
/'dzam bu chu bo'i gser ltar lhang nge ba/ /nyi ma stong bas lhag
pa'i gzi brjid 'bar/ /dri

med gser gyi mchod sdong lta bu'i sku/ /gser bzang dri med snang
la phyag 'tshal lo/ /mya ngan 'das shing bde ba'i mchog brnyes pa/
/'gro ba'i sdug bsngal gdung bzhi mdzad cing/ /'gro drug mgon
dang dpal du gyur pa po/ /mya ngan med mchog dpal la phyag 'tshal
lo/ /chos sgra chen

pos pha rol rgol ba 'joms/ /rgya mtsho lta bur zab pa'i sku mnga'
zhing/ /'gro ba'i dug gsum ma lus sal mdzad pa/ /chos bsgrags
rgya mtsho'i dbyangs la phyag 'tshal lo/ /chos kyi blo gros gting
dpag dka' ba'i tshul/ /rnam dag chos kyi dbyings la rol mdzad
cing/ /shes

bya ma lus mngon sum gzigs pa po/ /chos blo mngon par mkhyen la
phyag 'tshal lo/ /'gro ba'i nad gso mdzad pa sman pa'i mchog /bai
dUrya ltar dang pa'i sku mnga' zhing/ /sku yi 'od kyis
'gro ba sgrol mdzad pa/ /sman pa'i rgyal po de la phyag 'tshal lo/
/thugs rje kun la

snyoms pa'i bcom ldan 'das/ /mtshan tsam thos pas ngan 'gro'i sdug
bsngal sel/ /dug gsum nad sel sangs rgyas sman gyi bla/ /bai
DUrya yi 'od la phyag 'tshal lo/ /nyi ma lta bur ma rig mun pa
sel/ /zla ba lta bur nyon mongs gdung ba sel/ /dug gsum nad sel

sangs rgyas sman gyi bla/ /bai DUrya yi 'od la phyag 'tshal lo/
/lha mi'i ston pa sman pa'i rgyal po ste/ /bcom ldan 'jig rten
gsum na skyabs mdzad pa/ /dug gsum nad sel sangs rgyas sman gyi
bla/ /bai DUrya yi 'od la phyag 'tshal lo/ /khyod ni 'jig rten
gsum gyi sman pa ste/ /'dod

chags zhe sdang gti mug rtsad nas gcod/ /sems can thams cad bde
la rab tu 'god/ /baiDUrya yi 'od la phyag 'tshal lo/ /ye shes
spyan gyis 'gro ba kun la gzigs/ /thugs rje'i spyan gyis 'gro ba
kun la khyab/ /dug gsum nad sel sangs rgyas sman gyi bla/
/baiDUrya yi 'od la

@239a @#/ /phyag 'tshal lo/ /rlung dang mkhris pa bad gan 'dus la
sogs/ /'byung ba bzhi po 'khrugs par gyur pa la/ /nad kyi gnyen
po phyag g.yas a ru ra/ /sman pa'i rgyal po khyod la phyag 'tshal
lo/ /sku mdog mthing ga utpala sngon po 'dra/ /phyag g.yon bdud
rtsi

sman gyi lhung bzed bsnams/ /dug gsum nad sel sangs rgyas sman
gyi bla/ /bai DUrya yi 'od la phyag 'tshal lo/ /nyes pa rgya mtsho
dag ni gzhar spangs nas/ /yon tan rgya mtsho dag gi pha rol byon/
/thams cad mkhyen pa lha yi lhar gyur pa/ /bai DUrya yi 'od la
phyag 'tshal lo/ /smon

lam rgya chen yongs su dag gyur pas/ /yid bzhin nor bu lta bur
gzhan don mdzad/ /dug gsum nad sel sangs rgyas sman gyi bla/ /bai
DUrya yi 'od la phyag 'tshal lo/ /thabs mkhas thugs rjes
shAkya'i rigs 'khrungs shing/ /gzhan gyis mi thub bdud kyi dpung
'joms pa/ /gser

gyi lhun po lta bur mdzes pa'i sku/ /shAkya'i rgyal po de la
phyag 'tshal lo/ /de bzhin gshegs pa brgyad la bstod pa slob dpon
zhi ba 'tshos mdzad pa rdzogs so// @##/ /rgya gar skad du/ su pra
b+ha ta pra b+ha ta sto traM/ bod skad du/ rab tu snga bar nam
langs pa'i

bstod pa/ 'jig rten gsum gyi mnga' bdag la phyag 'tshal lo/ /lha
yi tshogs dang grub pa dri za'i gtso dang sdom brtson dbang rnams
kyis/ /bstod tshig sna tshogs dag gis lha yul sa stengs rnams su
bstod mod kyi/ /bdag kyang ji ltar nus pas 'phags pa rdzogs pa'i
sangs rgyas bstod

bgyi ste/ /nam mkha' la ni mkha' lding 'phur zhes bung ba rnams
ni cis mi 'phur/ /mi mthun phyogs spangs gyur pa lus pa med pa'i
skyon ni zad gyur la/ /btso ma gser gyi mdog can pad+ma rgyas pa
lta bur yangs pa'i spyan/ /dpal ldan mdzes pa'i 'od kyi dkyil
'khor lha yi tshogs kyis

yongs bskor ba'i/ /stobs bcu mnga' ba khyod ni rtag tu rab tu
snga bar nam langs pa'o/ /bdud kyi dpung las rnam par rgyal ba
nyam nga'i lam ni gcod mdzad pa/ /sa gsum phan par mdzad pa 'khri
shing dra ba gsum po dral mdzad pa/ /zhi ba'i bde ba rtsol bar
mdzad pa mi shes ri bo 'jig

@239b mdzad pa/ /stobs bcu mnga' ba khyod ni rtag tu rab tu snga
bar nam langs pa'o/ /gang zhig lha min mi dang lha rnams kyi yang
sngon du bde ba'i gnas thob pa/ /ma lus pa yis yi khams su 'jig
rten bdun bsdus dbyangs gsangs mthon po sgrogs/ /shed las skyes
pa bsgo byed rang byung pad+ma'i skye

gnas can ni gnyid log gyur/ /stobs bcu mnga' ba khyod ni rtag
tu rab tu snga bar nam langs pa'o/ /shar gyi ri bo'i rtse yi ngos
la gnas shing dmar ba'i 'od kyis rnam gnon pa/ /mun pa'i tshogs
rnams 'joms par byed pa skye dgu rnams kyi mig gcig pu/ /nyi ma
de yang myos pas 'phyan zhing

rnam pa kun du gnyid log gyur/ /stobs bcu mnga' ba khyod ni rtag
tu rab tu snga bar sad pa'o/ /glang po'i mche ltar dkar bsil gsal
ba'i zer can ri bong mtshan/ /mtshan mo thig le lta bur mdzes pa
kun gyi gtsug gi nor bu gang/ /dman pa'i mdangs dang bral ba de
yang rnam pa kun du gnyid

log gyur/ /stobs bcu mnga' ba khyod ni rtag tu rab tu snga bar
sad pa'o/ /rab mchog lag pa bzhi pa bcu drug phyed phyed phyogs
kyi gdong pa can/ /bzlas dang nyes pa'i chog shes shing nges
brjod rig byed 'don pa po/ /dri med pad+ma'i skye gnas tshangs pa
de yang rab tu gnyid log 'gyur/ /

stobs bcu mnga' ba khyod ni rtag tu rab tu snga bar sad pa'o/
/gangs kyi ri bo'i rtse la gnas shing sbrul gyi mchod phyir
thogs pa 'chang/ /grong khyer sum brtsegs bsregs par nus gang
stag gi pags pa'i gos gyon pa/ /rtse gsum can rtags ri mchog bu
mo dang ni lhan cig gnyid log gyur/ /stobs

bcu mnga' ba khyod ni rtag tu rab tu snga bar sad pa'o/ /'bar
ba'i rdo rje lag na thogs shing lha min rnams kyis thub dka' ba/
/lha yi gtso bo bde sogs bdag po rmongs pa'i bsam pas rnam par
'khor/ /mtshan mo min dang mtshan mo gnyid log 'dod pa'i 'dam du
nges par bying/ /stobs

bcu mnga' ba khyod ni rtag tu rab tu snga bar sad pa'o/ /utpala
sngon po'i 'dab ma ltar sngo pad+mo ltar dkar yangs pa'i mig/
/lha min gtso bo thams cad bcom gyur thams cad byed po sna tshogs
gzugs/ /khyab 'jug kyang ni yun ring gnyid log mngal gyi gnas las
thar ma gyur/ /stobs

@240a @#/ /bcu mnga' ba khyod ni rtag tu rab tu snga bar nam langs
pa'o/ /gang zhig ral pa ser skya'i tshogs ldan dmar po zangs mdog
khrag gi mig /phyugs bdag dga' ba'i dus su gcig tu chags pa 'joms
par nus pa po/ /'dod pa'i lha yi mnga' sreg lus can ma

lha de yang gnyid log gyur/ /stobs bcu mnga' ba khyod ni rtag tu
rab tu snga bar sad pa'o/ /zla ba kha ba ku mu ta mtshungs chang
'thungs mig ni dmar gyur la/ /'dod pa brtan sra sgeg po thong
gshol lag na 'dzin par brtson/ /stobs can de ni nam gru'i mgul
nas 'khyud cing 'di na nyal ba

gyur/ /stobs bcu mnga' ba khyod ni rtag tu rab tu snga bar sad
pa'o/ /glang chen gdong can mche ba gtsigs pa rnam pa kun du
bgegs byed pa/ /'gram pa'i ngos gnyis myos chu rab 'bab bung
bsgrags sangs mthon po sgrogs pa yi/ /tshogs kyi bdag po yang ni
chang gi btung bas rab tu myos

par gyur; /stobs bcu mnga' ba khyod ni rtag tu rab tu snga bar
sad pa'o/ /zar ma'i me tog ltar sngo gang gi lag pa mchog na
mdung thung thogs/ /pad+mo gsar pa lta bu'i lus can gdong drug
lha min khrung khrung gsod/ /mig gsum ldan pa gzhon nu'i tshul can
de yang gnyid mthug log

par gyur; /stobs bcu mnga' ba khyod ni rtag tu rab tu snga bar
sad pa'o/ /zas la rab chags dman lus rtag par rnal 'byor rjes su
dga' gyur pa/ /gnod pa sna tshogs rnam mang dang ldan yi dags lta
bur tshig pa'i lus/ /zla dpung 'gro ba rnam bral ba gang yin gcer
bu de rnams kyang gnyid

log /stobs bcu mnga' ba khyod ni rtag tu rab tu snga bar sad
pa'o/ /bas mtha'i gnas chen 'di na drang srong ngan spong aM gi
ra sa dang/ /kun du rgyu sogs gnas 'jog rgyas pa grog mkhar ba
dang dga' byed rnams/ /gzhon nu ma yi skye gnas chags shing
rmongs pa rnams kyang gnyid log

gyur; /stobs bcu mnga' ba khyod ni rtag tu rab tu snga bar sad
pa'o/ /gshin rje chu lha lus ngan gnod sbyin 'dre dang lto
'phye'i dbang po dang/ /de bzhin 'jig rten skyong gzhan lha yul
sa stengs nam mkha' la gnas pa/ /gzhon nu ma la rab chags zur
gyis lta de rnams kyang gnyid log

@240b gyur; /stobs bcu mnga' ba khyod ni rtag tu rab tu snga bar
sad pa'o/ /srid pa'i rgya mtshor bying gyur gti mug dra bas khebs
pa'i lus/ /thub pa ser skya gzeg zan kun du 'khor zhing blun po'i
bsam pa can/ /zhi ba'i bde ba yongs su nyams de rnams kyang gnyid
log gyur/ /stobs bcu

mnga' ba khyod ni rtag tu rab tu snga bar sad pa'o/ /mi shes
mtshan mo mun par sred pa'i mal cha mthug gyon cing/ /yul gyi
sngas rten la ni rab mthug gnyid log gyur pa'i tshe/ /dge dang mi
dge'i 'bras bu yongs su 'gre ldog byed pa na/ /rtag pa gnyid du
gnyid sad gang yin de la phyag 'tshal

lo; /chu 'gram dag tu ba lang rigs brgya rnams kyis chu 'thungs
te/ /ngoms nas 'gro bar gyur na'ang chu la bri bar mngon pa med/
/de bzhin thub pa snyan ngag mkhan brgyas yang dag bstod gyur
kyang/ /yon tan rgya mtsho legs pa'i gter chen zad par 'gyur ma
yin/ /rab tu nam langs

khyod gcig pu yi ye shes spyan phye bstod gyur pas/ /'jig rten
gsum mgon rta bdun 'od kyis 'gro 'di rtag tu snang byas te/ /sna
tshogs lam thob lam ngan las bzlog 'byor ldan dpal gyi bya ba dag
/dogs med rang dgar bde blag dngos grub rnam pa kun du spyod gyur
cig /rab tu snga bas

nam langs pa'i yang dag par rdzogs pa'i sangs rgyas la kha che'i
rgyal po shrI ha ri sha de bas brjod pa rdzogs so// //rgya gar
gyi mkhan po paNTi ta rA dza shrI dznyA na mi tra dang/ lo
tsA ba khe'u brgad yon tan dpal gyis bsgyur ba'o// @##/ /rgya gar
skad du/

aShTa ma hA sthA na tsai ta ban nga [?] nA ma sta baH/ bod
skad du/ /gnas chen po brgyad kyi mchod rten la phyag 'tshal ba'i
bstod pa/ /'jam dpal gzhon nur gyur pa la phyag 'tshal lo/ /bltams
dang byang chub mnyam med chos kyi 'khor lo dge ba bskor/ /mchod
rten thog mar 'jig rten gsum

mchod dang ldan cho 'phrul chen po dang/ /gang ri'i kha dog ltar
gsal lha las babs pa'i gnas 'di dang/ /gang du bde gshegs mya
ngan 'das pa de la spyi bos bdag phyag 'tshal/ /yangs can wA rA
Na sI byis pa gsod ri 'jigs rungs bcings 'gram dang/ /mnyan yod
dang ni byang chub shing

@241a @#/ /drung ku sha'i srong mchog ser skya lumbi nI/ /kau
shambi dang mdzod mthug mnyam pa'i grong mchog dpa' skyong yul
'khor dang/ /stobs bcu ldan pa'i mchod rten gzhan gang yin pa de
la'ang spyis phyag 'tshal/ /kha che dang ni rgya yul khab ya mun
zhes pa dang/ /singga la

dang o Te sind+hu shing 'phal ba ga mang ba kha ko la/ /bal yul
kA ma rU dang bum pa'i klong mchog kAnytsi bzang po'i yul/
/stobs bcu ldan pa'i gdung bcas gzhan gang yin pa de la'ang spyis
phyag 'tshal/ /ti se gangs ri gangs can la gnas mandA ra dang ri
rab rtse/ /klu gnas rnam rgyal

nod sbyin gnas dang rig 'dzin grub pa'i gnas/ /tshangs dang khyab
'jug gnas dang phyugs bdag nyi ma zla ba'i gnas/ /stobs bcu ldan
pa'i mchod rten gzhan gang yin pa de la'ang spyis phyag 'tshal/
/stobs bcu las byung rin chen snying can mchod rten brgyad po
gdung bcas

bum las gru ba/ /sol ba de bzhin rin chen mchod rten gangs dang
dngul 'dra rab mdzes pa/ /sa 'og sa stengs lha yul rtser bzhugs
mchod rten ji snyed ma lus dang/ /sangs rgyas sku gzugs gang
bzhugs de la nyin re bzhin du spyi bos phyag bya'o/ /gnas chen po
brgyad kyi mchod

rten la phyag 'tshal ba'i bstod pa kha che'i rgyal po shrI ha ri
sha de bas yum gyi ched du mdzad pa rdzogs so// //rgya gar gyi
mkhan po rA dza shrI dznyA na mi tra dang/ lo tsA ba khe'u
brgad [?] yon tan dpal gyis bsgyur ba'o// @##/ /rgya gar skad du/ ta
thA ga ta nA ma

sang+gI ti kA lpi ka b+ha dra a laM ka ra mA la nA ma/ bod
skad du/ de bzhin gshegs pa'i mtshan brjod bskal bzang rgyan gyi
phreng ba zhes bya ba/ sangs rgyas thams cad lags pa'i gtsug gis
phyag 'tshal lo/ /mdzes snang bskal par rnam par brgyan zhing du/
/'khor los sgyur rgyal yul 'khor

srung sras stong/ /sangs rgyas yon tan mtha' yas rin po che/
/sna tshogs bkod pa'i rgyal pos bskal bzang 'dir/ /rgyal 'gyur
lung bstan sangs rgyas stong dag dang/ /rdzus skyes mched gnyis
la yang phyag 'tshal nas/ /rgyal kun yul rigs 'od dang yab yum
sras/ /rim

@241b gro shes rab can mchog rdzu 'phrul can/ /'dus tshad tshe tshed
bstan pa gnas pa'i tshad/ /sku gdung mchod rten tshul dang sems
bskyed tshul/ /re re'ang bco lnga bco lngas rgyas gsungs mod/
/'dir ni gus pas mtshan tsam brjod par bya/ /bde gshegs 'khor ba
'jig dang gser thub

dang; /'od srungs shAkya'i skyes mchog byams pa dang/ /seng ge
rab gsal thub pa me tog dang/ /me tog gnyis pa rnams la phyag
'tshal lo/ /rgyu skar bzang dang ded dpon lag chen dang/ /stobs
chen rgyu skar rgyal po rtsi sman dang/ /snyan pa dang ni tog
dang 'od chen dang/ /grol ba'i phung po

rnams la phyag 'tshal lo/ /rnam par snang mdzad nyi ma'i snying po
dang/ /zla ba 'od 'phro 'od bzang mya ngan med/ /skar rgyal dang
ni rab gsal phreng thogs dang/ /yon tan 'od la'ang gus pas phyag
'tshal lo/ /don gzigs dang ni mar me mthu ldan dang/ /sman pa dang
ni nges pa mdzod spu dang/ /

brtan ldan lha yi dpal dang gdul dka' dang/ /yon tan rgyal mtshan
rnams la'ang phyag 'tshal lo/ /sgra gcan mchog ldan tshangs dbyangs
tshig brtan dang/ /mi 'gying 'od mdzad lhun po chen po dang/ /rdo
rje dang ni sdom can mi bsnyengs pa/ /rin chen rnams la gus pas
phyag 'tshal lo/ /

pad spyan stobs sde me tog 'od zer dang/ /ye shes dgyes dang gzi
chen tshangs pa dang/ /'od dpag med dang klu sbyin brtan par
gshegs/ /don yod mthong ba rnams la phyag 'tshal lo/ /brtson 'grus
sbyin dang bzang skyong dga' bo dang/ /'chi med seng ge rgyal
mtshan rgyal ba chos/ /

mchog tu dga' ba'i rgyal po kha lo sgyur/ /dgyes par gshegs pa
rnams la phyag 'tshal lo/ /chu lha dang ni yon tan yan lag dang/
/spos kyi glang po rnam gzigs 'brug sgra dang/ /legs sems yid
bzang dri med zla ba dang/ /grags chen rnams la gus pas phyag
'tshal lo/ /

gtsug na nor bu drag shul seng ge'i stabs/ /ljon pa rnam rgyal
can dang shes rab brtsegs/ /legs gnas dang ni blo gros yan lag
skyes/ /blo mtha' yas pa rnams la phyag 'tshal lo/ /gzugs bzang
dang ni mkhyen ldan 'od zer dang/ /brtul zhugs brtan dang bkra
shis bden pa'i

@242a @#/ /tog /pad+ma sred med bu dang lag bzang dang/ /ye shes
'byung gnas rnams la phyag 'tshal lo/ /yon tan 'od 'phro tshangs
byin rin 'byung gnas/ /lha yi me tog dang ni don legs sems/ /chos
kyi dbang phyug blo gros spobs pa brtsegs/ /rdo rje rgyal mtshan

phan bzhed phyag 'tshal lo/ /rnam par rol ldan mun bral sgra gcan
lha/ /ri bo'i rgyal mtshan tshogs 'od rin chen snying/ /shin tu
mthor gshegs skar rgyal ru rings dang/ /yon tan grags pa rnams la
phyag 'tshal lo/ /nyi zla nyi 'od skar mkhan seng ge'i tog /dus
mkhyen rgyal po

dpal snying srid mtha' gzigs/ /glog 'od gser gyi ri bo seng ges
byin/ /gzhan gyis mi thub rgyal mtshan phyag 'tshal lo/ /mchog dga'
grags pa brtson 'grus brtan grags rdzogs/ /bsnyengs bral mchod
'os lha dang sgron chen dang/ /'jig rten 'od dang spos dri zhim
po

dang; /yon tan mchog 'dzin mun bral phyag 'tshal lo/ /seng ge'i
'gram dang rin chen grags skyon zhi/ /bdud rtsi 'chang dang mi'i
zla shin tu gzigs/ /rab brgyan nor 'od ri bo brtsegs pa'i tog
/chos 'byung don nges ldan la'ang phyag 'tshal lo/ /chos byin rin
chen 'byung

gnas skye dbang mtshungs/ /stobs kyis gshegs dang blo gnas gdugs
mdzes dang/ /gtso bo shin tu 'phags pa dpal seng sgra/ /rnam par
rol ldan rnams la phyag 'tshal lo/ /klu 'od me tog ri dang klu
dga' dang/ /spos kyi dbang phyug shin tu grags stobs lha/ /yon
tan

'phreng ldan klu'i lag mig rgyan dang/ /legs par sbyangs pa'i blo
la'ang phyag 'tshal lo/ /zil gnon mtha' yas spyan dang bden pa
gsung/ /nyi ma'i 'od dang nges blo mtha' yas gzugs/ /rnam snang
rin chen tog dang the tshom spangs/ /'jig rten 'das pa rnams la
phyag 'tshal lo/

don yod rnam par gnon dang rtogs mdzad dang/ /me tog rgyal mtshan
ri dbang rgyal gzi chen/ /don mdzad gzigs dang grags yas rin chen
lha/ /don mkhyen blo rdzogs rnams la phyag 'tshal lo/ /mya ngan
med dang dri bral tshangs lha dang/ /sa dbang me tog spyan dang
rnam 'byes sku/ /chos 'od

@242b kun gzigs yon tan 'od gsal dang/ /dri med zla ba'i zhal
la'ang phyag 'tshal lo/ /rin chen 'od dang rin chen tog dang ni/
/grags pa'i bla ma 'od byed gzi dpag med/ /dus mkhyen seng ge'i
sku dang mkhas blo dang/ /rgyal dka' yon tan phung po phyag 'tshal
lo/ /zla ba'i tog dang mthu ni thob pa dang/ /

thu rtsal mtha' yas zla ba dri med dang/ /don rnams thams cad
gzigs dang dpa' bo dang/ /'byor ldan bsod nams sgron ma phyag
'tshal lo/ /yon tan 'od 'phro blo ni yangs pa dang/ /legs skyes
nor lha yid gnyis spong ba dang/ /'dzin pa dpag med mchog sred
choms med dang/ /mi gnas

pa dang der gnas phyag 'tshal lo/ /phyogs chen gtso bo 'gro ba'i
'od zer dang/ /phal chen rgyal dang gzi brjid mtha' yas dang/
/don blo sman pa'i rgyal po tha ba spangs/ /rims nad med dang
legs byin phyag 'tshal lo/ /grags byin me tog byin dang skyes bus
byin/ /rdo rje'i sde dang phal chen

byin pa dang/ /zhi ba'i blo gros spos glang sred med bu/ /des pa
dang ni mi tshugs phyag 'tshal lo/ /nyi zla glog gi tog dang mchod
pa dang/ /dpal sbas dang ni ye shes nyi ma dang/ /don grub lhun
po brtsegs dang dgra 'dul dang/ /pad+ma dgra bcom grags la phyag
'tshal lo/ /ye shes 'gros dang nyon

mongs bral ba dang/ /'dam bu dang ni spos bzang yul 'khor rangs/
/lha grags srid mtha' gzigs dang zla ba dang/ /sgra gcan rin chen
zla la phyag 'tshal lo/ /seng ge rgyal mtshan dang ni bsam gtan
dgyes/ /rdzogs ldan rnam rol yon tan rin chen dang/ /dgra bcom
grags pa pad ngos

mdzod spu ldan/ /spobs grags rdo rje nor bu phyag 'tshal lo/ /tshe
dpag med dang nor bu bkod pa dang/ /dbang chen yon tan 'byung
gnas lhun po grags/ /'od zer bcu pa ma smad glang po'i 'gros/
/yid 'thad rin chen zla ba phyag 'tshal lo/ /zhi ba rab gsal rgyal
po kha lo sgyur/ /dga' ba'i dbang

phyug gtsug na rin po che/ /bsnyengs bral rin chen snying po zla
ba'i zhal/ /dri ma med grags zhi brjid phyag 'tshal lo/ /dga' tog
sgra gcan lha dang na tshod bzang/ /lha dga' rin chen phung po
mdzes par gshegs/ /seng ge'i phyogs pa shin tu mthor gshegs dang/
/skye dbang blo gros bzang po phyag

@243a @#/ /'tshal lo/ /'jig rten 'od dang rin chen gzi brjid dang/
/skal ldan shing rta kun rgyal dga' ba bkod/ /stegs mdzad dang ni
spos glang blo 'od 'phro/ /ri bo'i rgyal mtshan spos bzang phyag
'tshal lo/ /chos brtan dang ni gzi brjid drag shul can/ /chos kyi
nor bu bzang

byin bde gshegs zla/ /tshangs pa'i dbyangs dang seng ge zla ba
dpal/ /legs skyes thub med tshogs la phyag 'tshal lo/ /grags pa
bshes gnyen dang ni bden pa dang/ /dka' thub chen po lhun po'i
'od zer dang/ /yon tan brtsegs pa mchod grags chos grags dang/
/sbyin 'od

glog 'byin bden gsung phyag 'tshal lo/ /'tsho byed na tshod bzang po
legs tshogs can/ /rnam nges blo gros srid mtha' nor bu'i spos/
/rgyal dgyes seng ge'i 'od zer rnam snang mdzad/ /grags mchog
thugs rab gzhungs la'ang phyag 'tshal lo/ /nor bu zla ba drag shul
'od zer

dang; /brtul zhugs thub med 'gros mchod nor bu'i tshogs/ /'jig
rten bla ma glang seng zla ba dang/ /rin 'od sgra gcan sbed
la'ang phyag 'tshal lo/ /yon tan rgya mtsho 'od zer ldan pa dang/
/rab tu zhi stabs 'jig rten bzang po dang/ /mya ngan med pa shugs
bcu stobs dgyes dang/ /

mthu dpal mthu thob mthu chen phyag 'tshal lo/ /yon tan snying po
bden par spyod pa dang/ /dge mchog rgyal po skar rgyal 'od zer
che/ /glog 'od yon tan rgya chen rin po che/ /dpal 'od dang ni
bdud 'dul phyag 'tshal lo/ /go bgos seng ge'i phyag dang me tog
bzang/ /rin chen mthon po

dang ni rgya mtsho dag /sa 'dzin don blo mnga' ba yon tan bsags/
/yon tan tshogs dang rin me phyag 'tshal lo/ /'jig rten 'das dang
'jig rten zla ba dang/ /dbyangs snyan tshangs pa'i tog dang tshogs
can gtso/ /seng ge'i stabs dang drag shul byin pa dang/ /chos
dbang gzi 'od

'od chen phyag 'tshal lo/ /rin chen grags pa tshogs gsal grags
mtha' yas/ /'od zer don yod lha yi drang srong dang/ /skye dbang
dge 'dun brtan dang phyogs bzang dang/ /tog dang yul 'khor me tog
phyag 'tshal lo/ /chos kyi blo gros rlung gi shugs ltar gshegs/
/legs bsam

@243b grags pa snang ldan lha tshogs dang/ /yon tan bsrungs don
blo gros bsnyengs pa med/ /grogs brtan 'od gnas mtshungs la phyag
'tshal lo/ /nor zhabs thar pa'i gzi brjid ngos bzang dang/ /blo
bzang kun du gzi brjid ye shes mchog /tshangs par gnas dang bden
pa gsung ba dang/ /blo bzang

dang ni stobs byin phyag 'tshal lo/ /seng stabs me tog tog dang
shes 'byung gnas/ /me tog byin dang yon tan snying po dang/ /rin
chen grags pa grags pa rmad byung dang/ /mi tshugs bsnyengs med
nyi 'od phyag 'tshal lo/ /tshangs gshegs lha yi mthu rtsal ye shes
dgyes/ /lta bden nor bu'i

snying po yon tan grags/ /ye shes dpal dang bcings med brtul
zhugs brtan/ /lha yi gzi brjid rnams la phyag 'tshal lo/ /tshangs
thub dal bzhud brtul zhugs dka' thub dang/ /'od zer phung po dang
ni gzi brjid che/ /tsam pa ka dang dga' mdzad tshogs can bzang/
/dbang po'i rgyal mtshan

dgyes chen phyag 'tshal lo/ /sna ma'i me tog 'od dang tshogs can
'od/ /skrun mdzad mdangs 'gro don legs nges pa dang/ /khyu mchog
dang ni lag bzang 'od zer che/ /bsam byin bsod nams 'od la'ang
phyag 'tshal lo/ /rin chen dbyangs dang rdo rje'i sde dang ni/
/'byor ldan seng ge'i stobs dang

dri med spyan/ /'od srungs dang ni blo gsal ye shes 'gros/ /gzi
brjid drag shul 'od chen phyag 'tshal lo/ /nyi ma'i 'od dang dri
ma med pa'i 'od/ /gzi brjid rnam 'byes khangs med sbrang rtsi'i
zhal/ /zla 'od glog 'byin rang zhir gshegs pa dang/ /mi 'khrugs
dgra bcom grags la phyag

'tshal lo/ /chos kyi yon tan zhing bzang bkod rgyal po/ /mngon par
'phags dang sbyin sreg 'od 'phro dang/ /pad dpal rin chen bkod
dang shin tu bzang/ /rin chen mchog dang thugs gzhungs phyag
'tshal lo/ /rgya mtshos byin dang tshangs tog zla ba'i gdugs/ /'od
'phro dri med rgyal po ye

shes grags/ /kun rgyal yon tan 'od dang sgra grags dang/ /zla
rgyas rnams la gus pas phyag 'tshal lo/ /pad+ma'i 'od zer brtul
zhugs bzang po dang/ /sgron rgyal glog gi 'od dang 'od zer rgyal/
/skar mkhan grags rdzogs pad+ma'i snying po dang/ /rgyal dang
spyan mdos rnams la phyag

@244a @#/ /'tshal lo/ /rnyog pa med don dang ni drag shul sde/
/bsod nams gzi brjid mthu rtsal thogs med blo/ /sgra gcan lha
dang shes phung kha lo sgyur/ /skye mtshungs me tog tog la phyag
'tshal lo/ /sgra gcan 'dzin dang sman chen rgyu skar rgyal/ /sman
rgyal bsod nams

glang po gcod mdzad dang/ /rnam grags rgyal po nyi ma'i 'od zer
dang/ /chos mdzod blo gros bzang po phyag 'tshal lo/ /yon tan
dbang mtshungs dang ni rdo rje'i sde/ /shes rab brtsegs pa legs
gnas blo sbyangs dang/ /tshangs dbyangs yon tan mchog dang 'brug
sgra dang/ /mngon shes tog dang

tog 'od phyag 'tshal lo/ /dge ba tshangs ba skyes mchog spyan sdug
pa/ /klus byin bden pa'i tog dang brgyan pa dang/ /zhum pa med
pa'i dbyangs dang rin chen 'od/ /dbyangs byin rnams la gus pas
phyag 'tshal lo/ /seng ge dang ni 'od zer sna tshogs dang/ /ye shes
dpa' bo pad phur me tog

rgyas; /mthu stobs bsod nams phung po gzugs mchog dang/ /skar
mkhan zla ba sgron ma phyag 'tshal lo/ /gzi brjid phung po byang
chub rgyal po dang/ /mi zad mngon rtogs spyan dang yan lag rgyas/
/yul 'khor shes rab mchog ma gzi chim [?] mdzad/ /shes byin mgon
po 'jam dbyangs phyag

'tshal lo/ /chags pa med pa'i mdzod dang gtso bos byin/ /gtso bo
ye shes mthu rtsal 'od 'phro can/ /dbang po dang ni shugs 'chang
skar rgyal dang/ /'od bzang grags pa byin la phyag 'tshal lo/
/gzugs bzang dang ni rgyal po don grub dang/ /seng ge'i sde zhes
bya dang nor lha'i bu/ /grags pa

rgyal ba rgya chen snying po dang/ /bsod nams 'od zer smrang 'don
phyag 'tshal lo/ sgron ma'i rgyal po dang ni ye shes brtsegs/ /lha
mchog sa bdag gol brnyes gtsug gi gser/ /sgra gcan bzang po thub
dka' thub gsal dang/ /zla ba'i 'od zer rnams la phyag 'tshal lo/
/gser 'od

legs byin lha yi yon tan dbang/ /chos gdugs bsod nams lag dang
chags med dang/ /ye shes gya nom blo gros zhib mo dang/ /gzi byin
thams cad rtsi sman phyag 'tshal lo/ /rnam grol tog dang 'od mdzod
ye shes rgyal/ /'jigs mdzad chu bo spangs dang thogs med grags/
/bden pa'i

@244b phung po dbyangs snyan ri dbang mtshungs/ /chos brtsegs
rnams la gus pas phyag 'tshal lo/ /thar pa'i gzi brjid legs mdzad
rab zhi'i sku/ /yid 'ong gsung dang blo sbyangs chu yi lha/
/'gros mchod seng logs chos kyi mthu rtsal dang/ /skal bzang
rnams la gus pas phyag 'tshal lo/ /

mi 'khrugs mdog dang gzi brjid rgyal po dang/ /rtogs mdzad spyan
legs don la gnas pa'i blo/ /snang ba'i 'od zer spos gzi kun dga'
mdzad/ /don yod gshegs dang khro bcom phyag 'tshal lo/ /gzugs
mchog legs gshegs rab sbyin grags pa dang/ /'od gtsang lha yi nyi
ma/ /

shes rab byin/ /mnyam par gzhag pa'i bdas nyid gzi mdangs dang/
/rgyal rigs skal ldan shing rta phyag 'tshal lo/ /gser mchog rnam
grol gtsug dang chos ldan dang/ /spos gnas dregs pa spongs dang
ye shes mdzod/ /tshangs par gshegs dang tsandan mya ngan med/
/seng ge'i

'od zer rnams la phyag 'tshal lo/ /yul 'khor tog dang pad snying
gzi mtha' yas/ /lha 'od shes rab me tog mkhas pa dang/ /ye shes
'byor ldan dang ni tshangs pa'i dbyig /phyag na rin chen dbang
ldan phyag 'tshal lo/ /rdzogs par gsung dang mchog gsung mchod 'os
dang/ /skar

rgyal nyi ma dang ni 'dam las brgal/ /ye shes brnyes dang grub pa
rma bya dang/ /chos byin rnams la gus pas phyag 'tshal lo/ /phan
par bzheng dang ye shes ldan grags pa/ /'od zer dra ba dang ni
rnam par bcom/ /baiDUrya snying me tog lha rgyal po/ /zla ba
dang ni dran 'od phyag 'tshal

lo/ /dge 'od yon tan mchog 'od rin chen dpal/ /skyes bu zla ba
sgra gcan bdud rtsi'i 'od/ /'jig rten mchog dang skar 'od zhi
ba'i stabs/ /ye shes rgya mtsho rnams la phyag 'tshal lo/ /ri dbang
rab zhi yon tan mtha' stobs dang/ /lha dbang dang ni dbyangs
snyan ngos bzang dang/ /

don gnas yon brjid mkhyen ldan zla med dang/ /nga ro dpag med
rgyal ba phyag 'tshal lo/ /'od bzang thugs gzhungs don dgongs gti
mug bral/ /dbyangs kyi yan lag khyad 'phags mchog mdzes gshegs/
/zhi don skyon med blo sbyangs dge ba dang/ /pad mdzod 'od zer
bzang po phyag

@245a @#/ /'tshal lo/ /spobs pa'i mdog dang stegs bzang tshogs dbang
dang/ /bsnyengs bral ye shes bzhed pa spobs pa'i spyan/ /blo
mchog zla ba rin chen zla 'od dang/ /bsnyengs med rnams la gus
pas phyag 'tshal lo/ /gzigs pa che dang tshangs dbyangs

bzang dang/ /shes rab che stegs blo gros zla med dang/ /rdo
mkhregs byang chub blo gros ljon shing dbang/ /gdangs snyan bsod
nams stobs la'ang phyag 'tshal lo/ /mthu dpal 'phags la dgyes dang
mthu stobs dang/ /skar ma dgyes dang sprin sgra spyan sdug zhal/
/ye shes bzang

ldan 'byor ldan yon tan phung/ /gsal ba rnams la gus pas phyag
'tshal lo/ /chos kyi rgyal mtshan ye shes nga ro dang/ /nam mkha'
mchod sbyin nga ro shes 'god dang/ /yon 'od gzi brjid drang
srong dbang blo ldan/ /spobs tshogs mchod sbyin bzang po phyag
'tshal lo/ /zla zhal shin tu

gzigs dang rdul bral dang/ /yon tan tshogs dang tog ldan bsod
rgyal mtshan/ /yul 'khor spobs pa rin chen rab sbyin dang/ /zla
dgyes seng ge'i stobs la'ang phyag 'tshal lo/ /dbang sgyur rgyal
po bdud rtsi gsal ba dang/ /bsam gtan snyoms dang 'khrug med dri
ma zhi/ /phyogs ma

bslad dang mdzes pa zhal bzang dang/ /shugs gnas ye ldan gsung
dbang phyag 'tshal lo/ /gzi brjid chen po blo gros zab bdud rtsi/
/chos kyi stobs dang mchod ldan me tog 'od/ /khams gsum mchod
gnas sgra gcan nyi ma'i snying/ /lhas mchod thar pa'i rgyal mtshan
phyag 'tshal lo/ /

dge gtsug bdud rtsi'i 'od dang rdo rje dang/ /brtan pa rin chen
phung po mdzes gshegs dang/ /nyi ltar gshegs dang dag 'od yon tan
gtsug /dpal rdzogs rnams la gus pas phyag 'tshal lo/ /seng ge'i
stabs dang gyen 'phags me tog byin/ /'od 'gyed pad+ma dang ni ye
shes dgyes/ /

bkod mdzes gti mug med gnas rma med pa/ /tog gi rgyal mtshan rnams
la phyag 'tshal lo/ /bde dgongs gti mug med rgyal chog mkhyen/
/dag pa'i rgya mtsho rin chen mnga' mi mnga'/ /dga' mdzad rma
bya'i nga ro ma zhum dang/ /srid srid dri ma spangs la'ang phyag
'tshal lo/ /spyod pa'i stegs

@245b dang lha mang snyan bsgrags dang/ /rin stabs phyag pad
bsnams dpal dgra las rgyal/ /'byor grags yul 'khor bzang dang me
tog 'od/ /seng ge'i nga ro rnams la phyag 'tshal lo/ /zla ba ltar
shar 'joms pa'i mchog mi g.yo/ /phan ldan gshegs dang bsod nams
sgron ma'i rgyal/ /

dbyangs bskul go'u ta ma mdangs kyi stobs/ /blo gnas rang bzhin zla
bzang phyag 'tshal lo/ /byang chub yan lag me tog bkra shis dang/
/legs ston ye shes gzi stobs dge ba'i sgron/ /mthu rtsal brtan po
lha dgra rab zhi dang/ /nyi zhal thar pa'i brtul zhugs phyag
'tshal lo/ /tshul

khrims 'od dang brtul zhugs gnas rdul med/ /snying po 'phags dang
mig sman 'phel bar mdzad/ /spos 'od dus mkhyen 'od dang dran pa'i
dbang/ /thogs med rgyal mtshan rnams la phyag 'tshal lo/ /byang
chub mchog bgrod spyod gsal rin chen dgyes/ /chos dbang lha thams
cad pa

bshes gnyen che/ /bshes gnyen bzang po rab tu zhi ba'i stabs/
/bdud rtsi bdag po lhun 'od phyag 'tshal lo/ /'phags pas bstod
dang snang ldan gzi brjid 'bar/ /snang ba gzigs dang legs spyad
rnam par smin/ /legs dgyes mya ngan bral dang rin chen 'od/
/spyod ldan bsod

nams stobs la phyag 'tshal lo/ /yon tan rgya mtsho rmad byung nga
rgyal spong/ /bdud brlag mdzad dang bag chags rgal ba'i stabs/
/mi phyed blo mnga' rgya mtsho dag mdzad dang/ /tshogs can grol
rgyal dga' 'od phyag 'tshal lo/ /byang rgyal ye shes rin chen shin
tu bsil/ /tshangs rgyal

ye shes dgyes dang rdzu 'phrul tog /skye dbang mtshungs dang sa yi
dbang phyug dang/ /nyi dgyes sgra gcan zla ba phyag 'tshal lo/ /me
tog 'od dang sman bdag mdangs mnga' dang/ /bsod nams dgyes dang
dga' stobs dbyangs snyan dang/ /chos kyi dbang phyug tshangs
dbyangs spyod bzang

dang; /'khrul pa med pa'i blo la'ang phyag 'tshal lo/ /dbyangs
chen snyan par grags dang tog ldan dang/ /gzi brjid rnam grags
'gro ba'i dbang phyug dang/ /ljon pa gti mug rab zad dpag med
dang/ /zla bzang spobs yas tog la phyag 'tshal lo/ /brtul zhugs
bstar dang mchod gnas

@246a @#/ /mya ngan brgal/ /dge dges 'gro ba'i blo gros dgyes par
gshegs/ /zhabs mdzes utpala dul gnas me tog dang/ /spobs pa mtha'
yas 'od zer phyag 'tshal lo/ /drang srong gsal ba yon tan brtson
'grus snying/ /lta bdag rin chen mthon po gsal ba dang/ /skal
ldan

shing rta bsod nams blo gros dag /sbyin sreg 'od 'phrog zi phung
phyag 'tshal lo/ /seng ge'i stabs dang mi g.yo rab gsal dang/ /'od
spyod glu dbyangs glu dbyangs 'khor lo 'dzin/ /dbyig mchog
'jig rten dga' dang chos zla dang/ /dga' ba mtha' yas grags la
phyag 'tshal lo/ /sprin tog

shes rab 'gros dang spos bzang dang/ /nam mkha'i dbyangs dang lha
dang lha rgyal dang/ /nor bu gsal dang nor bzang sgron ma dang/
/rin chen nga ro'i dbyangs la'ang phyag 'tshal lo/ /skye dbang
rgyal po sgra gcan sbed pa dang/ /dge mdzad sar blo rin chen
grags pa dang/ /don mdzad mdzad mtha'

gzigs dang srid me tog /mdzod spu spobs pa mtshungs med phyag
'tshal lo/ /ye shes rnam 'byed nga ro seng mche ba/ /mdzes gshegs
bsod nams sgron ma bkra shis ldan/ /yul 'khor myang med blo gros
sems blo ldan/ /chos sgron shin tu gzigs la'ang phyag 'tshal lo/
/shugs 'dor

stobs chen shes rab me tog dang/ /brtan pa'i dbyangs dang bde
ldan don gsung dang/ /dgyes pa gsal ba seng ge'i zhal gtsug phud/
/snang mdzad rnams la gus pas phyag 'tshal lo/ /bskal bzang 'dir
'byung sangs rgyas stong gi mtshan/ /gang gis thos shing gus pas
sdig kun sreg/

rgyal ba kun mthong ngan song sdug bsngal spong/ /bzod ldan bde
ba mchog brgyud myang 'das 'thob/ /byang chub sems dpa' mchog
dga' rgyal po yi/ /drin gyis legs bsgos kha che paN chen gyis/
/sbyar 'di gzhan las don lngas khyad par 'phags/ /de lta'ang nyes
tshul sdig kun so sor bshags/ /

bdag gi mos blos 'bad pa cher byas pa'i/ /dge ba 'di dang mtha'
yas dge ba kun/ /'gro ba kun sbyin kun kyang rgyal ba yis/ /kun
du rjes bzung kun mkhyen myur thob shog /de bzhin gshegs pa'i
mtshan brjod bskal bzang rgyan gyi phreng ba zhes bya ba/ /kha
che'i paNDi ta shAkya shrIs sbyar ba rdzogs so// //

@246b paNDi ta de nyid dang/ lo tstsha ba byams pa'i dpal gyis
bsgyur// //slad kyi char yang sa skya lo tsA bas cung zad bcos
shing bsgyur te gtan la phab pa'o// @##/ /rgya gar skad du/ yo ga
tsa tu ra de wa sto tra nA ma/ bod skad du/ sbyor ba bzhi'i lha
la bstod pa zhes bya ba/

bcom ldan 'das ma shes rab kyi pha rol tu phyin pa la phyag 'tshal
lo/ /sten mtshon seng ge'i khri stengs na/ /sku drang dgongs pa
shin tu gzhan/ /rdo rje skyil krung der bzhugs nas/ /gar du ting
'dzin yongs 'du ba'i/ /ting 'dzin rgyal po zhes bgyi la/ /mnyam
par gzhag cing dgongs

mkhyen pa'i/ /de bzhengs 'phrul gyi spyan gyis ni/ /sangs rgyas
zhing gzigs khyod la 'dud/ /sku gnas nyi shu rtsa gnyis nas/ /'od
zer bye ba khrag khrig ni/ /brgya stong drug cu drug cu ni/
/'byin pa'i sku de la phyag 'tshal/ /mi mjed phyogs bcu'i 'jig
rten du/ /'od kyi snang bas

khyab byed pa/ /'od des reg pa'i sems can rnams/ /rdzogs pa'i
byang chub nges gyur pa'i/ /'phro ba 'dren la phyag 'tshal lo/ /ba
spu'i 'od dang rang bzhin 'od/ /mi mjed phyogs bcu'i 'jig rten
du/ /'od kyi snang bas khyab byed pa/ /'od kyis reg pa'i sems can
rnams/ /rdzogs

pa'i byang chub nges gyur pa/ /'gro mgon shAkya seng ger 'dud/
/ljags 'od bye ba khrag khrig ni/ /brgya stong rtse las pad 'dab
stong/ /de stong bde gshegs thugs mnga' bzhugs/ /phyogs bcu'i
zhing du gshegs byon cing/ /pha rol phyin drug chos ston mdzad/
/chos thos sems

can byang chub nges/ /'gro mgon sprul pa'i sku la bstod/ /seng ge
rnam grol 'dzin gyis/ /g.yo ldegs ltas chen bco brgyad kyis/ /mi
mjed phyogs bcu'i ngan song kun/ /rgyun 'chad lha mi'i skal mnyam
byas/ /tshe rabs dran zhing sangs rgyas 'dud/ /ngan song skyob la
phyag 'tshal

'dud/ /mi mjed phyogs bcu'i 'jig rten khams/ /'od kyis zil mnan
lham me ni/ /lhang nger bzhugs pa'i sku la bstod/ /rang bzhin sku
brtan lha rnams kyis/ /mchod rdzas mchod de dbu stengs su/ /byin
gyis me tog khang brtsegs gyur/ /rang 'od mi mdzad phyogs bcu'i
zhing/ /kun

@247a @#/ /snang sems can mthong nas kyang/ /rang mdun 'dug ste
chos ston snyam/ /sku gcig du mar snang la bstod/ /rang 'od
phyogs bcu'i zhing khyab nas/ /sems can ji snyed 'khod pa yis/
/rang 'khor bcas pa snang byed pa'i/ /gser 'od shAkya seng ger
'dud/ /gzungs dang

ting 'dzin rab thob pa'i/ /stong nyid mtshan med spyod yul can/
/rdol med pa yi smon lam ldan/ /chos mnyam gzung dang bzod rab
thob/ /blo chen sems dpa' phyag 'tshal bstod/ /thogs med spobs
ldan bstan pa ni/ /zad mi shes shing so so ni/ /yang dag rig pa
khong du chud/ /mngon

shes chen po rnam par rtse/ /mngon shes ma nyams phyag 'tshal
bstod/ /snyan pos tshig snyan le lo med/ /brtson 'grus lus srog mi
lta zhing/ /tshul 'chos kha gsag grags pa med/ /khe dang bkur
sti'i sems med pas/ /zang zing med par chos ston pa/ /chos zab
bzad pa dam pa

rtogs/ /mi 'jigs thob la phyag 'tshal bstod/ /zhum med bdud kyi
las las 'das/ /las dang nyon mongs phyir rgol bcom/ /phas kyi
rgol bas zil mi non/ /nyan thos rang rgyal rtogs dka' ba/ /las
sgrib rgyun chad phyag 'tshal bstod/ /rnam par dbye zhing bstan la
mkhas/ /

bskal pa grangs med smon lam rtsis/ /bzhin 'dzum thog ma khro
gnyer med/ /snyan cing 'jam pa'i tshig dang ldan/ /chos rab rtogs
la phyag 'tshal lo/ /pha rol tshigs bcad dbyangs brjod mkhas/
/spobs pa mi chod 'khor mtha' yas/ /zil gyis mnan pa mi 'jigs
ldan/ /bskal

pa bye ba mtha' yas par/ /bstan pa ye shes 'byung mkhas bstod/
/chos rnams sgyu ma smig rgyu dang/ /chu zla rmi lam sgra brnyan
dang/ /mig yor nam mkha' dri za'i grong/ /sprul dang gzugs brnyan
khong chud pa'i/ /sems zhum med la phyag 'tshal bstod/ /sems can
sems rgyu shes pa

phra/ /spyod mkhas khong chud byas la mkhas/ /sdang med bzod
rlabs chos mnyam rtogs/ /chos zab ldan zhing gting dpag dka'/
/sems chos dbang thob las nyon mongs/ /lta sgrib la sgrol phyag
'tshal bstod/ /rten pa rtogs pa bstan la mkhas/ /rten 'brel tshul
mi zad

@247b shes zhugs/ /lta dang bag nyal kun sbyor spongs/ /las dang
nyon mongs zhi la mkhas/ /kun ldang bral la phyag 'tshal lo/ /bden
pa rab rtogs ye shes mkhas/ /chos rnams sgra brnyan lta bur mos/
/chos bstan tshad med 'jigs dang bral/ /bdag nyid ji ltar khong
chud mkhas/ /zhing

khams rnams dgongs rmi lam zin/ /grangs med sangs rgyas dran la
bstod/ /sangs rgyas 'byung ba nyer 'gro mkhas/ /sangs rgyas dpag
med gsol btab mkhas/ /sems lta nyon mongs zhi la mkhas/ /ting
'dzin brgya stong mngon par sgrub/ /rnam rtse ye shes rtogs la

bstod; /bzang skyong rin chen 'byung la sogs/ /khyed kyi yon tan
bskal par ni/ /mtha' yas brjod kyang mi lang ste/ /de sogs sems
dpa'i tshogs la bstod/ /dgra bcom zag zad nyon mongs med/ /dbyang
gyur sems ni rnam par grol/ /shes rab shin tu rnam par grol/
/cang

shes glang chen bya ba byas/ /byed pa byas shing khur bor ba/
/rang gi don ni rab thob pa/ /srid pa kun sbyor yongs su zad/
/yang dag pa yi bka' yis ni/ /sems ni shin tu rnam par grol/
/sems dbang pha rol mchog thob pa'i/ /nyan thos dge slong tshogs
la bstod/ /dge bsnyen pha

dang dge bsnyen ma/ /chos mthong ba yi tshogs la bstod// @##/ /chos
sku'i dkyil 'khor gyi lha la bstod pa/ /smra bsam brjod med shes
rab pha rol phyin/ /ma skyes mi 'gag nam mkha'i ngo bo nyid/ /so
so rang rig ye shes spyod yul ba/ /dus gsum

rgyal ba'i yum la phyag 'tshal bstod/ /stong pa bco brgyad chos
kyi sdong po la/ /pha rol phyin bcu mdzes pa'i rgyan gyis brgyan/
/tshad med bzhi yi lo 'dab rgyas pa la/ /skye 'gag med pa'i 'bras
bu so sor smin/ /sa bcu chos kyi sku la phyag 'tshal lo/ /zhing
khams thams cad gser

gyi sa gzhi la/ /rin chen rnam pa mang po gcal du bkram/ /me tog
puNDa rI ka char bzhin 'bab/ /yum gyur dge ma khyod la phyag
'tshal bstod/ /gnas med ji ltar nam mkha' bzhin/ /spros pa med
cing snang ba med/ /khyod kyi thugs ni nam mkha' 'dra/ /nam mkha'
mtha' dang dbus med

@248a @#/ /pa; /sangs rgyas rnams kyi chos nyid de/ /dus gsum las
ni shin tu 'das/ /dmigs med chos sku phyag 'tshal bstod/ /bla ma
bsu skyel chos snyan bstod/ /gtsug lag mchod rten rjes bsgrubs
shing/ /phud byas phyag zhabs 'khor los mtshan/ /

'khor mngas khyod la phyag 'tshal bstod/ /yi dam brtan g.yas zhabs
gnas te/ /mi g.yo brtan la phyag 'tshal lo/ /bsdu ba bzhi ni goms
byas pas/ /phyag dang zhabs gnyis dra bas 'brel/ /myur 'du'i snga
ltas phyag 'tshal lo/ /bza' bca' btung zhim byin rtags su/ /

phyag zhabs 'jam zhing gzhon sha chags/ /sku bdun shin tu mtho ba
ste/ /btud zhing nyams bde'i snga ltas bstod/ /srog gcod spangs
sogs yon tan gyis/ /rting yangs sku che drar ba ste/ /sku che
ring ba khyed la bstod/ /dge ba'i tshogs sogs blang byas pas/
/zhabs gong

mtho zhing spu gyen 'khyil/ /mi mnyam chos ltas phyag 'tshal lo/
/rig bzo rim gro gzhan byin sogs/ /e na'i byin pa lta bu ste/
/myur 'dzin snga ltas phyag 'tshal lo/ /bdog pa thams cad btang
byas pas/ /phyag ni brla steng slebs pa ste/ /dul ba'i snga ltas
phyag 'tshal lo/ /

tshangs spyod la sogs yon tan gyis/ /gsang gnas sbubs su nub pa
ste/ /bu mang snga ltas phyag 'tshal lo/ /stan sogs gzhal med
khang byin pas/ /gser gyi kha dog mdog 'jam pa/ /gnas sogs bzang
po thob phyag 'tshal/ /slob dpon la sogs rim gro byas/ /sku

rabs g.yas 'khyil mdzod spus brgyan/ /mnyam pa'i snga ltas phyag
'tshal lo/ /mi snyan mi smod yon tan sogs/ /seng ge'i ro stod
spyan zlum mdzes/ /thub med snga lta sa phyag 'tshal lo/ /nad ba
rnams la sman sogs byin/ /phyag sor rgyas shing ro mchog ldan/
/nad nyung snga ltas

can la bstod/ /zas stegs la sogs byas pa yin/ /chu zhing gab cing
spyi gtsug ldan/ /mnga' chen mnga' la phyag 'tshal lo/ /yun ring
tshig snyan nyams bde smras/ /ljags yang srab pa tshangs pa'i
dbyangs/ /yan lag lnga ldan gsung mnga' bstod/ /yun ring tshig
'khyal spangs

@248b pa yi; /seng ge'i 'gram pa lta bu ste/ /tshig mnyam snga
ltas phyag 'tshal lo/ /rim gro mnyam med 'tsho dag pas/ /tshems
mnyam shin tu dkar ba ste/ /'khor ba snga nas bsags ltas can/
/bden zhing phra ma med tshig gis/ /tshems thags bzang zhing bzhi
bcu tshang/ /

'khor ba dbyer mi phyed la bstod/ /ma chags mi ldan blta byas
pas/ /brdzi [?] spyan gyi dkar nag dbye ma/ /kun nas mdzes pa'i snga
ltas can/ /sum cu rtsa gnyis mtshan ldan bstod/ /'du dpen sen mo
zangs mdog 'dra/ /sems can phan sems sen mdog snum/ /rigs

rgyud mtho phyir sen mo mtho/ /sor zlum kha na ma tho med/ /dge
ba'i tshogs rdzogs sen mo rgyas/ /dge ba rtsa grub sor mo gzhol/
/'tsho bas dben pa rtsa mi mngon/ /nyon mongs mdud grol rtsa mdud
med/ /long bu mi mngon dbyen chos mnga'/ /mi mnyam sgrol bas zhal
mnyam yin/ /

seng ge'i seng ge'i 'gros bzhud bstod/ /glang po glang po'i 'gros
bzhud bstod/ /dang pa ngang pa'i stabs bzhud bstod/ /khyu mchog
khyu mchog 'gros bzhud bstod/ /mthun pa'i lam lnga g.yas phyogs
bzhud/ /lta mdzes mdzes par bzhud la bstod/ /thugs g.yo mi mnga'
mi

g.yo bzhud/ /sku legs yon tan ston pa ste/ /sku sbyangs sdig pa
sbyangs pa yin/ /chos ston sku rim gzhol la bstod/ /sku gsung
thugs gtsang sku 'jam pa/ /rnam dag sku mnga' sku rnam dag /chos
'dul mdzes pas yo byad rdzogs/ /yon tan yangs bzang sku che
mdzes/ /

mnyam pa'i thugs mnga' sku mnyam bstod/ /'jam pa'i chos ston sku
ni gzhon/ /mi zhum thugs mnga' sku zhum med/ /mi dge spangs pas
sku rnam rgyal/ /'byung zad sku mkhregs khyod la bstod/ /yan lag
rnam mdzes gzigs pa dag /nga rgyal de'u bcom sogs kyis/ /phyal

zlum phyal phyam khyal [@#'khyal] ma zhom/ /chos zad yang dag bzlog pas ni/
/phyal ni phyal le bzhugs la bstod/ /chos zab thugs chud yon tan
rdzogs/ /lte zab lte bag yas phyogs 'khyil/ /'khor mdzes la sogs
yon tan gyis/ /mdzes gtsang sku la rme ba med/ /yang zhing byams
pa'i yon

@249a @#/ /tan sogs/ /phyag 'jam phyag ris zab cing snum/ /bzo
dang bslabs pa'i yon tan sogs/ /phyag ris ring zhing zhal mi
ring/ /gzugs skyes gzugs brnyan snang la bstod/ /'jam pa sngon
btang yon tan rdzogs/ /ljags 'jam ljags srab ljags dmar

pa; /bsnyengs pa mi mnga' yon tan rdzogs/ /glang chen 'brug sgra
nyams che'i gsung/ /srid sbyor 'das sogs yon tan gyis/ /tshems kyi
mche ba zlum zhing rno/ /tshems mnyam rim gyis gzhol la bstod/
/shes rab ri la bzhugs sogs kyis/ /shangs mtho shangs gtsang ldan
la

'dud; /gzigs pa rnam dag yon tan rdzogs/ /spyan ring spyan dang
rdzi ma stug /smin 'jam smin ring dkar nag phyed/ /smin snum smin
mnyam khyod la bstod/ /chos mchog yangs shing don ldan rdzogs/
/snyan ring snyan 'jam snyam ma nyams/ /phas kyi rgol ba'i bdud
sogs kyis/ /

dpral yangs dpral pa legs par grub/ /smon lam shin tu rdzogs
rtags su/ /dbu rgyas dbu skra bung ba ltar/ /gnag pa khyed la
phyag 'tshal bstod/ /thugs 'jam mi gsung brlang gsung bral/ /bsgom
spang bag nyal spangs sogs kyis/ /dbu stug dbu 'jam dbu mi stug/

dri zhim dbu mi rtsub la bstod/ /phyag zhabs dpal be'u bkra shis
'khyil/ /dpe byad bzang po brgyad cu yis/ /brgyan pa khyod la
phyag 'tshal bstod/ /sbyor ba bzhi'i lha la bstod pa zhes bya ba
paNDi ta chen po ratna kIrtis mdzad pa rdzogs so// //bal po ma
hA pa na'i rang 'gyur// //

@##/ /rgya gar skad du/ ma hA paNDi ta kIrti d+hwa dza sto traM/
bod skad du/ mkhas pa chen po grags pa rgyal mtshan la bstod pa/
'jam pa'i dbyangs la phyag 'tshal lo/ /blo gros rgya mtshor tshig gi
me tog snyan tshig ze'u 'brus rnam par spud pa bstod dbyangs kyi/
/phreng ba spel legs

dag gis rab brgyus dri med chun pos gang gi mgul la brgyan gyur
pa'i/ /blo gsal stong gis khyed kyi rang bzhin bsngags par gyur
mod de lta na yang bdag rmongs pa/ /dad pa'i stobs kyis ji ltar
nus bzhin cung zad bstod la mkhas pa rnams kyis bzod par gsol/
/sgyu ma'i phreng ba'i las

@249b kyi tshul gyis rmongs gang srid pa'i chu gter du/ /bsod nams
gru chag blo gros lus bying ba shes gnyen dam pas dor ba yi/ /lus
can rnams la byang chub yan lag drug phrag gsum gyi gzhung lugs
kyi/ /rlung drag gtsubs pa'i dba' rlabs 'thor bas dam pa'i go
'phang pha rol

son; /grub pa dri med dge slong dge 'dun rig pa 'dzin pa'i sdom
brtson dang/ /brtul zhugs grub la blo gros gsal ldan rtog ge'i
dbang po'i tshogs rnams kyis/ /khyed kyi zhabs rdul rnyog pa med
la rnam pa kun tu gtugs slad du/ /gangs can 'di na 'gran zlas
dben par mngon du gyur

bzhin kho bos 'tshal/ /dam pa khyod kyi legs bshad bsod nams
sprin/ /dge ba'i lo tog 'phel ba'i char rgyun can/ /snyan pa'i
'brug sgra zab mo snyong sgrogs pas/ /skal ldan blo gros gnyid
log rnam par bskul/ /khyod kyis chos sgrub gzhung mang 'chad pa
dang/ /legs

bshad rtsom dang kha don rgya chen dang/ /ting 'dzin dri med
'khor lo mchod pa'i tshul/ /rnam dag lta ba spyod lam dag pa dang/
/gsang sngags rgya mtsho'i tshul la nyer bsten pa/ /khyod kyi kun
spyod de dag thams cad la/ /rgol ba gzhan gyis kun nas mi rdzi
bas/ /gsang sngags 'dzin

pa gzhan la sngon ma mthong/ /rnam pa sna tshogs rin chen rang
bzhin dkon mchog gzhal med dpal ldan gtsug lag khang chen dang/
/dga' ston dam pa sa gsum la grags chags bral khyod ni dpal dang
'byor bas rab dge zhing/ /thub pa'i sku gzugs gsung rab dag pa
rin chen

las bsgrubs kun nas mdzad pa rgya che ba/ /khyod mtshungs ma mchis
de slad bdag blo spro ba'i chu klung dbyar gyi mtsho bzhin rnam
par 'phel/ /bsod nams dri med zla zer zil gnon byams pa'i 'od zer
rab 'phros pas/ /nam mkha'i zla ba rnyog can des ni khyod kyi
dpal rab ma bzod de/ /

gzugs brnyan tshul gyis rgya mtsho'i klong du 'jug pa 'dod pa nyid
snyam du/ /bdag gi blo gros de ltar sems pas mchog tu ngo mtshar
skyes par gyur/ /gdud rgyud dri med yon tan rgya che ni/ /blo
gros mtshungs med mkhas pas nyer bsten zhing/ /gzhan la phan
dgongs phongs pa'i bsti gnas

@250a @#/ /sa; /mdzad pa rgya chen nye bar zhi ba can/ /khyod
mtshungs ma mchis de slad dpe bral ba/ /khyed la rnam kun bstod
par nus ma lags/ /'on kyang cung zad bstod pa'i spro ba dang/
/dge slong mkhas pa byang chub 'od zer gyis/ /rjes su gnang ba
thob nas gang snang

ba; /de bzhin 'di ni bdag gis gsal bar sbyar/ /mchog tu rma
dbyung grags pa rgyal mtshan la/ /mkhas pa bde bar gshegs pa'i
dpal bdag gis/ /legs par bstod la bsod nams gang yod pa/ /des ni
'gro kun bla ma la gus shog /bdag nyid chen po grags pa rgyal
mtshan

la bstod pa rgya gar gyi mkhan po su ga ta shrI sa sbyar ba
rdzogs so// //rgya gar gyi mkhan po de nyid dang/ shAkya'i dge
slong kun dga' rgyal mtshan dpal bzang pos bsgyur ba'o// @##/ /rgya
gar skad du/ pa ra ma na gu ru d+harmA rA dza sto tra nA ma/
bod

skad du/ bla ma dam pa chos kyi rgyal po la bstod pa zhes bya ba/
dkon mchog gsum la phyag 'tshal lo/ /rab rgyas rta yi dpung gi
dba' rlabs phreng ba mtho zhing zhags pa ral gri mdung rnon gyis/
/chu la rgyu ba rab mang 'jigs rung rnga chen sgra ldan hor zhes
bya ba dus mtha' yi/ /chu gter 'di ni

mtha' dag mkhas pa'i bla ma gang gi zur mig rol pas 'jig rten
rnams/ /zhi slad rab mchog rgyal ba'i tshul la zhi mdzad chos kyi
rgyal po de ni rgyal gyur cig /nub phyogs bod kyi ri la shin tu
dri med 'char ba thob cing shar phyogs dag gi yul/ /rim pas mnan
pa gang gi rmongs pa las

skyes shin tu rab rgyas mun pa bcom byas nas/ /sems can byang
chub grong khyer phyin slad chos gsung 'od zer dra bas rab
mtshungs sangs rgyas la/ /rab tu gsal mdzad chos kyi rgyal po
mchog gi 'od zer phreng ldan de ni rgyal gyur cig /gnyis ldan
mtha' dag skye bo rnams la phan pa bgyid

slad rgyun du rab mchog rgyal ba yi/ /khyu mchog sems can dag la
brten gang rdzogs ldan la ni rkang pa bzhi dang gsum gang la/
/rkang pas mnan dang gnyis ldan dag la rkang zung gis rgyu rtsod
la rkang gcig lhag ma can/ /gang gis sa la rdzogs ldan bzhin du
rgyu mdzad chos kyi rgyal po de ni

@250b rgyal gyur cig /gang zhig 'jig rten dag nas gzhi 'byung po
'dzin byed nyi ma dag kyang 'jig rten ni/ /snang ba dag nang ldan
par byed cing sprin rnams char pa 'bebs byed rlung yang g.yo/
/zla ba bdud rtsi'i rgyun ni rnam par spro byed nam mkha'i go
skabs sbyin la rab tu dpa'/ /de bzhin chos kyi

rgyal pos zol med snying rje sems can kun la rab tu 'jug par
byed/ /bla ma dam pa chos kyi rgyal po la bstod pa/ rgya gar gyi
paNDi ta snyan ngag mkhan chen po lak+ShmI ka ras sbyar ba'o/
/paNDi de nyid dang/ lo tsA ba shong ston gyis dpal sa skya'i
gtsug lag khang du bsgyur ba'o// //

@##/ /rgya gar skad du/ si ha nA da lo ke shra ra b+hanTA ra ka
sya stu ti/ bod skad du/ rje btsun 'jig rten dbang phyug seng ge
sgra la bstod pa/ 'phags pa 'jig rten dbang phyug la phyag 'tshal
lo/ /srid pa'i gnas ni grangs bral bgrang 'dod 'dir khyod la/
/'ong [?] ldan snyan ngag

mkhan po ches cher dga' ba'i gtam/ /yon tan tshogs brjod de ltar
bdag ni blo ngan yang/ /'gro ba gnyis su mngon bstod sar pa'i
tshig dag 'god/ /rgya chen srid pa'i pha rol byang chub ston mdzad
pa/ /dus ring thang gcig bzhin du byas te brtse bas sku bzung
nas/ /sems can

gnas pa ma lus kun mkhyen de nyid la 'god mdzad/ /'gro ba'i mgon
po brtse ldan seng ge'i sgra de rgyal gyur cig /gang tshe ri bong
mtshan ma mkha' la 'od dang 'gro ba mtshon/ /gang gang chos mkhas
sgrub byed bi shwa karma bzhin/ /ma lus dkar ba'i snying po nyams
dga'i dngos mdzad pa/ /de

yang seng ge'i sgra ste 'od zer 'phro zhing rgyal gyur cig /dbu
la rin chen 'bar ba 'bad pas gnas par mdzad pas ci/ /legs byas
rang bzhin sgron me 'di ni nyer 'dzin mdzad pa lags/ /de ltar
gang zhig lag 'gro lta bu'i the tsom bdud ni 'joms/ /pha rol rgol
las rnam rgyal seng

ge'i sgra des khyed la srungs/ /'gro ba gsum gyi sa la mkhas
shing bdud kyi phyogs ni 'joms/ /lag 'gro'i bdag por gnas pa'i
nad ni 'joms shing bzhugs/ /gang gi rtse gsum dmyal bar 'gro ba'i
rtsa ba 'joms pa ste/ /mchog ldan re Nu'i sras po seng ge sgra la
phyag

@251a @#/ /'tshal lo/ /phul byung dkar ba'i rab lta bu yi shel gyi
bgrang phreng yang/ /dge ba mdzad pa'i phyag tu thogs pas gshin
rje yang dag gnon/ /rab tu mdzes pa nor bu'i rol pa brtse dang
tshul khrims ldan/ /dges pa'i spyan ldan seng ge'i sgra des khyed
la srung

gyur cig /snying la 'bab pa'i gang gi ral pa mdzes pa'i zer 'di
ni/ /'bar zhing g.yo ba sa 'dzin lag 'gro lhag ma la ni nyal/
/'od gsal mkhar rol 'o ma'i rgya mtshor indra nI la bzhin/ /seng
ge'i sgra des khyed la shis pa mtha' dag ston gyur cig /'gro ba
rnam par phongs pa'i

thabs su gyur pa'i rkyen gang yin/ /bdud bcu po rnams ral gri'i
so yis zhi mdzad pa/ /srid pa gsum gyis zhabs la btud pa seng
ge'i sgra de yis/ /de ni 'gro ba'i nad dang nyer 'tshe 'joms shing
sel gyur cig /ri dags bdag po yang ni dpal ldan lha rigs skyabs
'os te/ /bde

gshegs theg pa rig mngon pa yi nga rgyal kun las grol/ /bde
gshegs phrin las rnam rgyas gang gi sku la 'dzin mdzad pa/ /seng
ge'i sgra des khyed kyi mngon par 'dod don sgrub gyur cig /de
ltar bdag gis khyod kyi yon tan tshogs ni yongs su brjod pa las/
/zhi ba'i rang bzhin dge

ba'i 'bras bu bsags pa'i tshogs rnams kyis/ /ma lus 'gro ba 'di
dag dga' ba'i bdag po'i lag tu ma lhung zhing/ /rgyal ba rgya
mtsho'i tshogs la kun nas rab tu 'jug gyur cig /mgon po 'di yi
gzugs kyi rang bzhin sku ni kun nas thob gyur te/ /ma lus 'gro ba
ji snyed 'di ni

rnam par 'dren pa nyid gyur cig /kun nas gtsang mar byas pa skye
bo'i bzhin gyi me long 'di/ /dpal thob ldan pa snyan ngag mkhan
gyi bdag po gnyis skyes srung bas byas/ rje btsun 'jig rten dbang
phyug seng ge'i sgra la bstod pa rdzogs so// //dpal ldan bla ma
dam pa rgyal

ba spyan snga rin po che'i bka' bzhin zha lu lo tsA ba dge slong
d+harmma pA la b+ha dras bsgyur ba'o// @##/ /rgya gar skad du/ lo ke
shwa ra ratna mA la sta bo nA ma/ bod skad du/ 'jig rten dbang
phyug gi bstod pa rin po che'i phreng ba zhes bya ba/ 'jig rten
mgon

@251b po la phyag 'tshal lo/ /'jig rten dbang phyug dri med thugs
ni snying dang snying rjes brlan/ /lam mkhyen nyid dang thams cad
mkhyen nyid la sogs don dang tshig /gsal bar 'doms shing yongs su
rdzogs dang rnam par dag pa'i sku/ /ye shes lhag pa'i bdag pos
rol par mgo bos phyag

bgyi'o; /gdul bya'i dbye ba'i dbang las gcig kyang du mar snang
ba ni/ /chu snod rnams su gnas pa'i ri bong can dang mtshungs gang
las/ /khyod ni gsal bar gzhan la phan pa'i rjes su song de'i
phyir/ /e ma'o rdzu 'phrul mchog tu rmad byung sku ni rigs pa
lags/ /skye bo mu stegs

pa rnams rab tu sad cing gdul don du/ /yongs rdzogs zla ba'i zhal
ni rnam par sgeg pa'i dpral ba yi/ /gnas las lha sbas dbang phyug
chen po nges phyung bas/ /lha yi shin tu lha dang chen po'i mi yi
dbang phyug khyod/ /legs rgyas chen po'i mtshan mnga' khyod kyi
phrag pa las/ /

phyi rol dag tu phyung ba mes po lha yi bu nyid ni/ /pad+ma'i
skye ba pa rnams gdul zhing rab tu sad phyir te/ /'jig rten dbang
phyug dbang phyug gtso la mgo bos phyag bgyi'o/ /khyab 'jug pa
yi skye bo gdul zhing rtogs par bya ba'i phyir/ /srid sgrub dag
kyang phyag na pad+ma 'dzin pa'i thugs ka las/ /

nges par phyung 'di srid pa'i dbang phyug nyid de de'i slad du/
/mchog gi skyes bu khyod nyid lags te mchog gzhan yod ma yin/
/nyi zlar gus bcas stobs kyis bsnyen bkur rim gro brtsams rnams
la/ /yang dag bstan phyir mthon mthing mdzes pa'i spyan ni gang
dag las/ /ri bong can dang

nyi ma nges phyung sa la mig rnams kyi/ /nang gi mun nag 'joms pa
de la bdag ni phyag 'tshal lo/ /'di na dpal mor rim gro bsnyen
bkur sbyor ba po rnams ni/ /gdul dang nges par sad phyir bcom
ldan dbyangs can ma 'di dag /rgyal ba'i sras po khyod kyi mche
ba'i rtse las rab phyung bas/ /

mngon 'dod shes rab 'bras bu ster ba de la bdag phyag 'tshal/
/rlung gi skye ba ba rnams gdul dang mi zad lam grub phyir/ /de
nas 'jig rten mgon po'i zhal gang zhig las nges phyung 'di/
/rlung lha mchog gi bla ma sa la skye ba pa rnams kyi/ /spyod lam
rnam bzhi'i 'bras bu ster ba de la

@252a @#/ /bdag phyag 'tshal/ /chu lha pa rnams gdul dang zhi pa'i
lam 'dod ldan rnams kyi/ /yang dag khong du chud phyir bde gshegs
sras po'i lto ba las/ /yang dag phyung ba chu lha'i gtso bo yang
ste myur ba ru/ /'dod dgu'i dbang phyug nyid kyi 'bras bu ster la
bdag

phyag 'tshal/ /mthun pa'i 'bras bu la sogs mngon par 'dod rnams
nges gdul zhing/ /yang dag grub phyir rab mchog mtshan ldan zhabs
kyi pad+ma las/ /gang zhig nges par phyung ba bcom ldan nor 'dzin
mar grags pa/ /'jig rten gsum gyi mgon po mnyam med de la bdag
phyag

'tshal/ /khyod ni srid las grol kyang de la yang dag gnas pa ni/
/sems can tshogs la snying brtse nyid las srid pa'i spyod tshul
gyis/ /srid mtha'i bar du brtan pa bdag ni rtag gnas gyur snyam
du/ /dam pa'i bsam pa chen po'i mchog gyur khyod la phyag bgyi'o/
/nam mkha'i bar du

snang ba'i 'jig rten khams rnams khyod nyid kyis/ /rang gi zhabs
gcig mthil gyis kyang ni rnam par gnon pa ste/ /bskal pa'i mtha'
ru srid pa sred par 'bar ba drag po'i me/ /khyod kyi dbugs kyi
rlung gi stobs kyis nges par bcil bar gyur/ /rang gi mdzub mo
gyen du gtod de 'dzin

pa'i sdigs mdzub kyis/ /lhun po'i tshigs rnams du ma g.yo bar gyur
cing sen mo yi/ /sbubs kyis gyen du 'dzin pas rgya mtsho'i chu
yang lus ma gyur/ /e ma'o 'di lta'i nus pa khyod las gzhan du ci
zhig mthong/ /mchog tu gnyen gshin zla ba gzhon nu'i mdzes pa
yang dag par/ /

ston pa'i sku mchog 'di yang lang tsho ma yi yin nam ci/ /'jigs
byed drag po gnon las mi ldongs ci yang dub pa dang/ /gdul dka'
ba yi bdud 'joms pa ni khyod kyi spyod tshul lags/ /kye lags 'di
ltar chen po'i skye bo'i ril phreng dang mtshungs par/ /rang gi
dbu skyes mchog

tu mdzes pa'i lan bu 'khyog po de/ /de nyid me yis nyon mongs bud
shing sbar bar byas pa yi/ /du ba'i phreng ba lta bu dri med
khyod la snang bar gyur/ /zla zer cung zad 'phros pa yis ni cung
zad khyab khyod kyis/ /nag po'i phyogs zad chung ngu'i cha bcas
'od kyi mdzes pa ni/ /srid pa

@252b rnams su 'dod pa gang gyur ri bong can gang de/ /khyod zer
cung zad las ni ma lus bsam pa rnam par mdzes/ /mthun par 'gros
pa'i ngan pa'i lam can lugs 'joms shing/ /mi dang mi min bsam pa
ston la lam dang lam/ /yang dag thob byed gzhan don spyod tshul
mchog gis na/ /

mdzes ldan rgyal ba sa yi dbang phyug la phyag bgyi'o/ /khyod ni
srid dang mya ngan 'das la mi gnas kyang/ /'od gsal rang byin
brlab sbyor la zhugs phan pa ni/ /ma lus skye bo'i mi dge zhi
mdzad dge ba yi/ /mdzes pa'i sa yi dbang phyug rgyal la phyag
bgyi'o/ /rigs kyi 'od zer

dpag med phreng bas yang dag dkrigs/ /rang gi phyag gi chu skyes
'dzin pa las skyes pa de/ /dga' ba rjes mthun thob pa yang dag
dga' bde yis/ /mdzes ldan rgyal ba sa yi dbang phyug la phyag
'tshal/ /chos kyi dbyings las kun mchog snying rje rang nyid gtso/
/gang zhig dge ba la

sogs tshogs rnams yang dag rdzogs/ /rnam par rtog spangs mthu las
sgra yi ston pa po/ /mdzes ldan rgyal ba sa yi dbang phyug la
phyag bgyi'o/ /de bzhin nyid dang nyid min gnyis med bde ba
brgyas/ /yongs su gang bar mdzad pa brgya phrag chos kyi gtam/
/shin tu bden zhing

rigs par gsung bas rnam mdzes pa/ /'dzin ma'i dbang phyug rgyal
po mchog la phyag bgyi'o/ /mchog de'i rang gi sku ni 'gro la rab
'phro ba/ /mtsho skyes spyan gyis shin tu mdzes par gyur pa yi/
/ma lus sems can rnams kyi myur ba'i thar mchog gi /rgyal po
'dzin ma'i dbang phyug dam

par bdag phyag 'tshal/ /mchog tu sprul dang longs spyod rdzogs pa
gzhan don dgyes/ /stong nyid gos med chos 'dzin pa la dgyes pa
can/ /rnam byang chub las dngos grub dam pa 'dzin dbang po/
/'dzin ma'i dbang phyug rgyal po mchog la bdag phyag 'tshal/
/mchog tu lhan skyes

dam pa'i rgya mtshor zla zhal gyi/ /sgo las thams cad gsung ba ma
lus ngag tshig ni/ /mya ngan 'das pa'i mtshan nyid rjes mthun rgyan
gyi phul/ /dbang phyug 'dzin ma'i rgyal po dam par phyag 'tshal
lo/ /'jig rten dbang phyug bstod pa rin po che yi phreng ba ni/
/dpal ldan nags kyi rin

@253a @#/ /chen zhabs kyis bgyis pa las/ /de yis gtsang ma'i dge
ba gang zhig thob gyur pa/ /de nyid kyis ni 'jig rten kun du
bzang por gyur/ /bstod pa rin po che'i phreng ba 'di ni rdzogs
so// //rgya gar shar phyogs kyi paNDi ta chen po nags kyi rin po
che'i zhal snga

nas mdzad pa'o/ /mkhas pa chen po de nyid kyi spyan sngar dge
slong rgya mtsho'i sde zhes bya bas bal yul ye rang gi grong
khyer chen po'i 'dab dpal go pi tsandra'i gtsug lag khang chen
por bsgyur ba'o// @##/ /rgya gar skad du/ ga Ne shwa ra sya sta
baH/ bod skad du/

tshogs kyi dbang phyug gi bstod pa/ tshogs kyi dbang phyug la phyag
'tshal lo/ /tshogs chen rgyal po rgyal bar 'grub mdzad pa/ /mche ba
gtsigs byed gang chen dbang po'i zhal/ /gdong mdzes skyes bu
mchog gi mtshan nyid can/ /tshogs dbang rgyal po mchog la phyag
bgyi'o/ /lha

rdzas rin chen mchog gis brgyan pa'i sku/ /zhabs gdub g.yo zhing
rgyas pa'i zhabs zung ni/ /cig car kun rdzob don dam bden mchog
nyid/ /tshogs mchog rgyal po'i dbang por phyag bgyi'o/ /dam pa'i
dag pas gzhom bya'i g.yul du 'jug /g.yul rgyal 'bar ba'i mtshon
cha phyag

na bsnams/ /zhabs mchog 'dzin ma'i dbang phyug cod pan te/ /rgyal
mchog tshogs kyi dbang por phyag bgyi'o/ /'dam skyes dam pa lta
bu'i phyag dang zhabs/ /ma lus rab 'byam rnam par 'phro mdzad
cing/ /mchog gi gzhu 'dra'i dri ma med spyan can/ /rgyal po tshogs
dbang

mchog la phyag bgyi'o/ /yon tan 'byung ba'i grags 'chang 'phags
mchog ni/ /'dzin ma'i dbang po'i stobs las stobs gyur bgegs/
/phyag gi stobs 'dra bdud las nges rgyal ba/ /dbang phyug tshogs
mchog rgyal la phyag bgyi'o/ /skye bo gter dang rin chen ros tshim
zhing/ /bdud rtsi chen po'i

ro mchog rgyas gyur pas/ /srid 'jigs 'jigs pas nyam thag bzod
pa'i mchog /rgyal dbang tshogs kyi mchog la phyag bgyi'o/ /brtson
pas legs bsgrubs mtshan nyid bde ba ni/ /sems can yid kyi shing
rta gang ba'i bde'i/ /gtam la mngon par zhen pa'i bden pa mchog
/tshogs

@253b mchog dbang phyug rgyal por phyag bgyi'o/ /bgegs kyi bdag
po dam pa la ni bstod pa'i me/ /nags kyi rin chen gyis byas dge
ba rab thob pas/ /bgegs zad srid las rgyal ba'i pha rol sbyin pa
las/ /skye bo don dam tshul du mnyam pa nyid gyur cig /tshogs kyi
dbang phyug gi

bstod pa zhes bya ba/ slob dpon dpal nags kyi rin chen zhabs kyis
mdzad pa yang dag par gang ba'o/ /'di ni dngos grub brnyes pa'i
dbang phyug paNDi ta chen po de nyid kyis dpal bal po'i yul gyi
grong khyer chen po ye rang gi dgon pa shrI go bi tsandra nas/
/dngos grub mchog gi bka'

drin gyis btsa' ba'i phyir skyes su stsal ba/ dge slong rnal
'byor spyod pa rgya mtsho'i sde zhes bya ba'i spyi bor thob pa
las/ mi 'phrogs pa'i gus pa dang yid dga' ba mu med pas/ skal pa
chen po'i snyim par gzung zhing yi dam du bgyis te/ nor bu rgyas
pa'i gtsug lag khang chen por

bod kyi skad du bsgyur nas gzhan la'ang sbyin par bya ba'i chos
su bgyis pa'o/ /'di sa 'jig rten dang 'jig rten las 'das pa'i
mngon par 'dong pa mtha' dag bdag dang gzhan du 'byor bar gyur
cig/ @##/ /rgya gar skad du/ shrI sha ba ra pA da sto tra
ratnaM/

bod skad du/ dpal ri khrod zhabs kyi bstod pa rin po che/ dpal
ldan bla ma dam pa'i zhabs la phyag 'tshal lo/ /rdo rje'i rang
bzhin mchog gi rdo rje sems dpa' ni/ /nam mkha'i ngo bo rnam pa
thams cad mchog rang bzhin/ /'dod pa sel ba des na sha yig gis
brjod pa/ /

rnal 'byor dbang phyug dpal ldan ri khrod pa la 'dud/ /rtag par
byung zhing yod kyang rgyu yis bstod pa yi/ /rdo rje lta bu'i ro
la mnyam par gzhag gyur pa/ /des na 'di ni ba yig gis na yang dag
brjod/ /mgon po ri khrod sdom brtson dbang po la phyag 'tshal/
/rtag tu rgyal ba skyes mchog

rnams kyi gsang chen la/ /dgyes shing gzhan dag chos rnams la ni
dga' mdzad pa/ /de lta bu ni ra yi yi ges brjod pa ste/ /rnal
'byor ri khrod par grags de la phyag bgyi'o/ /yig gsum gyis bshad
ri khrod pa la rab btud nas/ /yon tan chu gter su zhig gis ni
bstod par nus/ /

@254a @#/ /'on kyang bdag ni bla ma khyed la dad [?] dbang gis/
/bstod par 'dod pa de slad bstod par bgyi ba lags/ /rab tu sra
zhing mi phyed thabs kyi rgyud dang bcas/ /shes rab gzhu ni mngon
sum dag tu bsnams nas ni/ /lhan cig skyes pa bdag med mngon sum
rang nyid kyis/ /nyams su

myong ba'i mda' bkang 'gro bar gtogs rnams kyi/ /thog ma med pa'i
dus nas bsags pa'i sdig pa rnams/ /yongs su sbyang ba'i phyir
dang nyon mongs shes bya yi/ /sgrib pa la sogs 'ben la bsnun par
gyur pa na/ /phug pa lags te kye brtan po khyod ni a la la'o/
/bdag med nyid kyis

rgyas btab yang dag mtha' yis ni/ /'khor las khyod kyi dpral ba'i
mthar ni mdzes mdzad de/ /e ma'o gzhan don bdud rtsi dag la srid
ldan pa/ /khyod ni dgra med dpa' bo'i dbang phyug ma lags sam/
/'dod chags dang ni gzhan pa sdang byed gti mug ste/ /gsum po 'di
dag 'jig rten dug tu

rab tu grags/ /de dag thams cad ma lus sel bar mdzad pas na/
/dgra bo drungs phyung dpa' bo'i dar dpyangs bcings pa lags/
/gang zhig 'dod la chags bral gtam gyis dman gyur cing /sra ba'i
dregs pas che dang mtho tshig rnam grol ba/ /rnam dag ngag gi rdo
rje'i rna rgyan bzang po dag/

snyan gnyis dag la 'phyang ba de la phyag bgyi'o/ /thugs rje'i
bdag nyid rdo rje mi rus phreng ba dag /gang gi mgul pa mchog gi
rin chen mgul rgyan te/ /nges par 'gro ba rgyas mdzad nam mkha'i
rang bzhin gyi/ /rnal 'byor dbang po bla ma de la phyag bgyi'o/
/srog gcod pa dang bral bas khyod kyi phyag

dag la/ /de bzhin gshegs pa'i dpal ldan gdu bu nges bcings te/
/sbyin pa la sogs pha rol phyin drug rnam dag pa/ /ma ru'i phreng
ba drug ni nges par bcings pa lags/ /ma dag 'dod chags btsan
thabs dag kyang nges gsal ba'i/ /rnam dag nyid la reg pas skra yi
srad bu ni/ /gnyis kyi

'khor lo'i rang gi lte bar nges dkris bcings/ /'khor ba dang ni
mya ngan 'das pa rnam dag pa'o/ /skye bo skrag pas nyam thag pa
dang mi rnams kyi/ /rang la gnod byed khro ba'i rnam pa rab zhi'i
slad/ /khyed zhabs chu skyes rtsa ba dag la zhabs gdub dang/ /de
nyid phyir na dpung rgyan zung dag dkris par 'dod/ /

@254b 'gyur med sems kyi thal bas sku la nges par ni/ /khyab par
mdzad de ba spu nges par gang ba nyid/ /de slad khyod kyi sku ni
me long 'dra ba ste/ /dpal ldan rdo rje'i sku can bla ma khyod la
'dud/ /phung po yi ni lus la dga' bar 'dzin pa yi/ /'dod chags la
sogs rnams kyang sbyang ba'i slad du ni/ /thal

ba dag gis sku la yang dag byugs pa yi/ /dpal ldan khyod la bdag
ni skyabs su mchis pa lags/ /ral pa ring gnyis khyo shugs zung
ste 'di dag ni/ /gsal por rab tu phyo bas de ni bstan pa yin/
/ral pa ring po bde chen 'khor lor gnas pa ni/ /'od gsal ba yis
byin rlabs zung du

'jug pa 'di/ /seng ge yis ni 'jigs par byed pa'i sgra bsgrags
pas/ /gang phyir glang po cher skrag 'jigs pas nyam thag pas/
/gzhom med bdag nyid sgra yi rang bzhin rwa yi ni/ /skad kyi
bgegs rnams la ni mgon khyod de 'dra'o/ /khyod kyi ma ru'i phreng
ba'i rgyan ni rmad byung ba/ /'di yi phyed

dmar ba ni kun rdzob bden pa ste/ /phyed nag pa yang don dam pa
yi rang bzhin lags/ /de dag gcig nyid 'dud pa gang lags rab tu
shis/ /lhan cig skyes pa'i rang bzhin bde ba rgyas mdzad pa/ /de
bzhin gshegs pa kun gyi bcos min de nyid do/ /de slad khyod kyi
sku la rnam par bkra ba yis/ /rma

bya'i mjug ma 'chad 'chad byung chen po lags/ /sum cu rtsa gnyis
rtsa 'di dag dang grangs mnyam pa'i/ /dbang phyug yon tan mchod
phyir thogs pa rnam par 'chang/ /zhi bde'i sa bon rang gi snying
ga'i phyogs na ste/ /dpal ldan ri khrod khyod la rtag par phyag
'tshal lo/ /rdzogs pa'i byang chub phun sum

tshogs pa'i gter gyi mchog /dam pa'i sku yi rdo rje dag dang ldan
na yang/ /de las khyod kyis gcig tu sems can don grub phyir/ /sna
tshogs byed pa rnams kyang nges par gzung ba lags/ /kha yig gis ni
a ye bdud sde dum bur byas/ /de nas ga yig sems yongs shes pas
mkha' la gshegs/ /

gti mug sogs sel de slad kha dang ga dag gis/ /nam mkha'i sku ste
mkha' 'gro yang ni khyod nyid lags/ /kun gyis bkur ba'i mu stegs
ngan pa'i 'dod pa bcom/ /mi rnams bde gshegs go 'phang la ni 'god
par mdzad/ /legs par 'dus la dam chos rab bstan phan pa dag /gtan
bde dam pa'i lam du

@255a @#/ /bde par bgrod pa'i gnas/ /rdzu 'phrul rnam 'phrul brgya
phrag gnas kyis gang ba yi/ /bsam pa thams cad rdzogs par byed
pa'i bum pa thogs/ /e ma gzhan don phul byung bsags pa'i rgyal
ba ni/ /ri khrod dam pa 'di yin khyod zhabs la 'dud do/ /de ltar
bla ma dam pa sha bar dbang

bstod pa yi/ /rin chen brtul zhugs dam pa nags kyi rin chen gyis
byas 'dir/ /dge ba gang thob de yis srid pa'i chu gter bying ba
dag /phyung nas kun gyis lhun skyes bde 'byor myur du sa thob
shog /ces pa dpal sha ba ra'i zhabs kyi bstod pa rin po che
rdzogs so// //mkhas pa chen po dpal

nags kyi rin chen gyis mdzad pa rje btsun dam pa de nyid kyi
spyan sngar chos smra ba gzhon nu dpal gyis ding rir bsgyur
ba'o// @##/ /rgya gar skad du/ shrI gu ru ba na ratna sto tra sa
bta kaM /bod skad du/ dpal ldan bla ma nags kyi rin chen gyi
bstod pa bdun pa/ /dpal ldan bla ma nags kyi rin

chen gyi zhabs la phyag 'tshal lo/ /bal po'i yul gyi rgyal po bde
bar gshegs pa yi/ /lugs la rtag tu rjes su brtson pa la bkod
cing/ /mkhas pa rnams kyi mdzod gyur mthar thug yon tan gyi/
/tshogs kyi zab mo snang mdzad dge slong rgyal po ste/ /rnam par
grags shing ma chungs pa med pa'i

grags pa yi/ /rgyal mtshan bla bre dar dpyangs zab cing rgya che'i
blo/ /sku yang sems can rnams kyi skyabs ni gcig pu ste/ /theg
chen yang dag rtogs pas grub pa'i mtha' yi mdzod/ /nags kyi rin
chen zhes bya sdom brtson mchog gi blo/ /gnas brtan 'di na gnyis
med chos kyi de nyid rig /'dul ba'i sdom

pas yang dag sdom la mngon par brtson/ /phas rgol glang po'i
dbang la ri dags rgyal po lags/ /phyag 'tshal sdom brtson chen
po'i rgyal po rnams kyi mchog /mchog gi tshul la rab tu rnam par
nges pa skye/ /skye ba sdug bsngal dag las 'byin byed gcig pu
mchog /mchog tu nags kyi rin chen gnas

brtan chen po lags/ /chags bral sems can ma lus pa dag sad par
mdzad/ /phyag gi chu skyes dag gis mtshon gyi gzhu 'chang ba/
/'dzin pa'i mthil gyi rgyan du gyur pa mdzes pa'i sku/ /gnas
brten chen po nags kyi rin chen rab tu mdzes/ /dga' bral dga'
ba'i glang po la sog dri ma yi/ /dri ma dri ma

@255b med cing bral ba nyams su myong/ /srid dang srid pa ma yin
gnyis kyi 'ben la mnga'/ /gnas brtan chen po nags kyi rin chen
skyabs su gyur/ /dga' bral dang po'i bdud rtsi'i btud pa bdag la
dgyes/ /dgyes shing nges la dul ba'i yan lag brgya phrag gis/
/sems can brgya phrag tshogs rnams yongs

su smin pa dag /rtsi mdzad gnas brtan chen po nags kyi rin chen
no/ /bdud sde la sogs rnams kyi kha la ro med mdzad/ /kha yi chu
skyes dag ni dgra yis gang ba 'dzems/ /skye mched 'dar ba'i phas
rgol ri yi dbang po 'khru/ /khrus mdzad nags kyi rin chen gnas
brtan chen po'o/ /dpal ldan bla ma nags

kyi rin chen gyi bstod pa bdun pa 'di ni rdzogs so// //yul ma ga
d+hA nas byung ba'i dge bsnyen dam pa nyi ma pa zhes bya bas
mdzad pa'o/ /'di ni spyan mnga' chos kyi rgyal pos gser gyi me
tog dang bcas pa'i bka' lung gis/ /rtse thang lo tsA ba gzhon nu
dpal gyis bsgyur ba'o// //

@##/ /rgya gar skad du/ dzA ta ka sta ba/ k+She da ndA sha ba laM
gu Nai ra sha wa laM tsa ryA bi b+hu twaM bi b+ho/ /dzanma sya
nda ni kA bi ba rtta na dza Da nytsai ta kwa tse da mma ma/ ye
nA band+hya pha lo da ya sta yi b+ha ba ntya byu hi tAHyAM sha
ba/ ste na stu hya nu ba nd+hi nA mu kha ra nA mA la mba te
b+hA ra tI/ tsi ttA la mb+ha na la nggI naH sha ma dr-i shA mA

@#/ /bod skad du/ skyes pa rabs kyi bstod pa/ khyab bdag stobs bcu
mnga' ba'i ma 'dres spyod pa dbang 'byor ba'i/ /skye ba'i rgyud
du rnam par 'jug 'di blun yang bdag gi nam yang ni/ don yod 'bras
bu 'byung phyir khyed lu rdul tsam/ des na bstod dang rjes su
'brel ba'i ca co tshig dang ming dag dmigs/ /sems kyi dmigs las
'gongs zhi ba'i lta ba

be Ni kAH sa ngku NA/ bA tsAM go tsa ra tAM tu yA nni ka la
yA sbu lA hi bo mA dr-i shAM/ ratna n+ya mbu ni d+he ru pA b+hu
pu li ne ShwA si rb+ha pa ntya rthi nA ma nta rb+hi nna ta raM ga
dyau ta ru ba ka dzyo t+snA ni gr-i hnA ti kaH yA bo bo d+hi pa
thA nu yA na ma hA tA mu t+sA hi nI ka rmma NA mpa mI lle
ka hi to da ye dzi nA kr-i yA bi pya ndi nI sa nta tiH sai nI
kA pa tsi taH pu na ti b+ha ga bAn saM kI rtya

ma 'dres yon tan mchog /tshig gi spyod yul nyid gyur cha shas che
long 'di 'dra ba/ chu gter sa yi sgang bur rin chen gsal gyur don
med rnams kyis ni/ /ba dad nang nas zab cing gsal la 'od ldan len
par byed pa bzhin/ /gang byang chub lam rjes su theg pa chen po
spro ba las kyi bdag la phan pa 'byung rgyal ba brtse ba rgyud
sde tshan dag byed bcom ldan yang dag grags

@256a @#/ /mA nA dra d+hu nA dz+he yA b+ho ga bi snga ri Ni ga
ta mA lAH prA ge ba bo d+ho gu NaH/ u ddA ma dwi ra da sya
rA ga bar shi no br-i ttiM pu ro nmA di nI/ mA lo kyA bya ti
ba rti nA pra Ni hi hA bo d+ho rhi yo ya ntra yA/ bi N+ya nta
i bA ma rA s+hwa yi tsi raM d+ha rmA b+hi She ka shri ya nte
nAM ka mpi ta ke sha rA nta ma sr-i dza na pu Shpo pa hA raM di
baH/ k+Shu dduH kha gla pi to da rI gi ri da rI rA mantta

da na shes bya'i longs spyod bri bral lta ci smos byang chub yon
tan glang po myos pa chags pa'i dbang gyur gnas kyi myos ma la/
/bzlog par ma nus zhugs pa gcig nas khyod kyi byang chub la/ lha
rnams ring nas khyod la chos kyi dbang bskur dpal bzhin thugs dag
bkod/ de yis mgul ral pa tha ma spro me tog nye bar za ba/ bkres
pa'i sdug bsngal nad kyis ri sul bar du

ra la sthi tAM/ dr-i ShTwA shA ba ka g+hA ta nai ka ra b+ha sAM
byA g+hrIM da yA g+hrA ta d+hIH/ ya stwaM ba lka li nIM dza Ti
dza na ba tAM mu rtiM ma mu tmr-i ShTa bA na strA Na nte na b+ha
bA na b+ha bA dri bi ba ra byA ba rti nAM de hi nAM/ yA tpra
le ya si to pa lA dri ba ha laM mA taM ga tAM bi b+ha tA kA
nta rAM na ra ba rti nAM ta nu b+hr-i tA mu tstshi tta ye byA pa
dA ma/ shai le ndraM shi thi lo pa laM tsa la ya tA nu kta stwa

gnas gyur pa'o/ /stag mo phru gu ma yong nas za bar rtsom gzigs
gcig tu brtse bas bskyab pa'i blos/ /gang khyod shing shun gyis
ni ral ba bcings te btags nas sku dag por des na skyob pa khyod
srid pa'i ri bo'i khung bur 'khor ba'i lus can rnams la/ dkar
rdob ri glang po nyid bzung dgon par mi 'khyam pa lus bzung chang
'phogs pa rnams la ri dbang yangs pa rdob g.yo ba bor khyod kyis
bdag

yA tmA ta TA ta/ ma n+ye ma t+sa ri NAM ni tA nta ma li nA
ste na k+Sha tA br-i tta yaH/ ya llo kA mba ra tsa ndra tsa ndra
ba pu ShA tsa ndra pra b+ha twe twa yA/ ga lmA ShA nta shi
khaM shi khA ma Ni ru tsA da ttaM dwi dzA yA rtha ne/ nA lA
llU na mi bA ra bi nda ma si nA pyo tkr-i tta mU laM shi
ra/ ste nai ShA nydza ga tAM ga to si gu ru tA mu ShNI Sha ba
nmU rd+ha ni/ bA lA nbA la sa ro dza ko ma la ta nU na t+su

'gram du sems ser sna dri ma can des nyams spyod pa rnams/ gang
'jig rten nam mkhar zla ba zla ba'i lus zla 'od nyid tshe khyod
kyis skyon mthar byed gtsugs phud gtsug gi nor bu 'od ldan byin
gnyis skyes slong ba la/ sdong bu bcad bzhan pad+ma ral gris bcad
rtsa ba dgu/ des na 'di dag 'gro rnams la bla ma rnams kyi gtsug
tor bzhin du mgo la'o/ /byis pa byis pa mtsho skyes 'jam pa

@256b tra kA nA rtha na/ pa r+yA shA hna tsa la tstshi kha NDa
ka b+hr-i to dA rAM shtsa b+hA bA nu gA na/ prA dAM sNAM dzi
na te na nU na ma b+ha ba nmA ra ng+ga nA nAM mu khaM sa ng+go
bA nytsi ta pa k+Shma lo tsa na da laM ya dznyA la sA ma ntha
raM/ sha yya swa pna bI tsA ri NA ba na b+hu bA b+hU trA pu
rA pa k+Shi NA/ b+hi nnA she Sha ka le dze ga tya bi ka le dzyA
yaH pa thA shaM si nA/ bi stA raM ga mi taM pra ta b+hr-i tAM
ya nnA tha kA

lus bu don gnyer la/ gtsug phud/ bzung chung ma yang dang po dang
rjes mthun/ rgyal ba de yis bdud kyi bu ma rnams kyis rdzi ma mig
'dab ma gang dwa ba snyan tshig 'dar mal gnyid rnam dpyod nags sa
gyur nas grong bya yis tha dad ma lus 'gro la ma tshang med rga
po'i lam bsngags/ rgya chen 'grod pa brtul zhugs bzung gang

bi nydza laM/ te nA dznyA ma ru tAM gi rI Ta ki ra Na tstshA
yaM yA spa daM po ga tA/ ya tpa rNNaM mbu pha lA shi nI sha
sha ta nuM twaM nA tha bi b+hra tpu rA/ ta tkA lA ti tha y-i
kr-i pA ri tsa yA dA ti Shya mA ba da na ya na/ AH rU DhaH
sphu Ta bi sphu li ng+ga ma na la nte nA d+hu na pi k+Shi tA/ bi
nda ma NDal lA nytsa naM sha sha ma yaM yu Shma rya sho la k+Shya
te/ ya tko pA ru Na dr-i ShTi nA ka la

mgon/ de yis shes cod pan 'od mdzes go 'phang/ gang zhig lo ma
chu dang 'bras bu za ba'i ri bong lus ni mgon khyod bzung ba na/
de dus 'gron la brtse bas yongs su 'gris pas sbyin byar rig nas
zhugs 'phro me stag me la de nas/ ltos pa med/ thig le'i dkyil
'khor mtshan ma ri bong rang bzhin khyod kyis grags pa mtshon par
byed/ /gang 'khros skya rangs

b+hu bA kr-i twA b+hU bo p+ha ng+ga nI mu lla si tA si nA bi
da li ta pra ng+ga mA sa ng+gi nA/ twA mA sI ta k+Sha Na ma
pya bi k+Sha ta d+hi yaM tya ktu k+Sha mA na k+Sha mA n+ye te na ni
ra ngku shAH sma ra sha rAH pu ngkhe Shu b+ha ng+ga ng+ga tA/
ya ddwe ShI ha ri NA tsi rA ta na d+ha nu rda nte stwa yA nya
b+hya rtsi taH Sha Tda nte na sa tA si to nna ta br-i ha dzdzI
mU ta pu nydza twi ShA/ ko shA ka rSha Na bA nta b+hU ri ru
d+hi ra

mthong byas nas smin ma g.yo ri mo ral gris rnam par bcom/ nying
lag sha khyod la skad cig kyang/ blo btang bzod dang mi bzod sems
pa des na lcags kyu med dran pa'i mda' bcom par gyur/ gang sdang
'phrog pas ring nas gzhu so khyod kyis mngon par mchod so drug pa
yis dkar zhing mtho ba lha yi char sprin phung po 'od 'bar ba/
/sbubs nas bkug pas

@257a @#/ /kO dA ru Ne ste na paH/ pA tA le pi b+hu dzaM ga meH
shla tha pa Nai ra dyA pi daM ShTA rtsya ta/ saM ra mb+ha tpa Ni
nAM pa NA ha ti tsa lA tthI mo rmi mA lA da pA mpa tyU
r+ya tma ka tstsha TA bi lu li tA tpa rya sta nau kA na rAH/
pre mNA kA ya ma hA pma be na b+ha ba tA tI rA nna mA pA
di tA ta tka rmA ti sha ye na te na ni khi lA lo kAH ka la
trI kr-i tA/ she

shugs pa mang po khrag mi bzad/ /sa 'og tu yang lag 'gro rnams
kyis lhod pa'i gdengs kas dpung yang 'tsho ba mchod par byed/ yang
dag brtsams pa gdengs kaH g.yo ba 'jigs su rung rlabs phreng chu
bdag chu srin/ lus rgyal chen pos/ khyod kyis 'gram du/ de'i las
phul du byung ba des/ ma lus snang ba/ ri yi

lA tma NA li no bi la nggkya bi Sha yAM sto yA ba lI ma kha
lE rnA/ ya tstsi nA ma Ni nA na re N+ya ba da ra dwI pA nna
rA lo da rwa tra/ la bd+hwa pU rNNa pa lA twa yA pra Na yi nA
mA shA ba ba nd+hA kr-i tA/ stwa tta ste na sa mu db+ha ba nti
bi du ShAM sa dd+ha rmmA ra tnA dku rAH/ sA ndra mbA nta bi
tA na nI la pa pu ShA mo jo mu paM ra k+Sha sAM kha Dgo tkr-i
tta da lai rbi bA Ti ta shi rA ra nd+hA swa ba llo hi taiH

dkyil 'khor/ 'gongs nas gul gu phreng ba ske rags/ gang yid bzhin
nor bu/ rgya shug gling bar lto ba las thob nas gang ba'i
'bras khu khyod kyis/ byas khyod las des byung ba mkhas rnams
kyis dam chos rin chen myu gu/ bla re sngon po lus gzi mdangs
srung rnams ral gris bcad cing dral bas rtsa yi bug nas 'dzag
khrag rnams kyis

ya tmA sai ra kr-i bAH k+Shu d+hA byu pa sha m-i swai ra bya pe to
psa b+hi r+yo gA dza nma ru d+ho b+ha b+ho dd+ha wa tr-i ShA mu
tstshe di na ste na baH/ shye no tta sa bi shu Shka pa mpi ta ga
la s+yo t+saM ga saM sa pi No/ ya nniHsaM ga ra tA shi bA ya
shi bi nA ra dznyA ma tA pa KShi NaH/ ra kto ng+gA ra ka lAM
ki tA tu la tu lA mA ro ba tA te ta nu rmA ra sta na du kU
la pa k+Sha ta ra laM nI ta stu lA lA g+ha baM/ la k+Shmi

brtse med/ bkes pa nyer zhi rang 'dod/ rnal 'byor skye ba srid pa
las byung/ skom pa tshad/ khra yis skrag skams shing mgul mgrin pa
'gags/ gang zhig chags med dga' ba zhi phyir zhi ldan rgyal pos
'dab chags khrag srang la gzhal yang lus ni bdud kyis du kU la
yi zegs ma bzhin srang la shin tu yang bar bas dbang

@257b ma bya ba drU ya bA nytsi ta pha lA pA tha NDa mA
b+hyaM si nAM/ ya tti r+ya gna tI sa nd+hi ba nd+ha ma d+ha maM kr-i
twA b+ha bA na dze nmi nAM/ tsa kre ma rma b+hi dAM ru dzI mwa
pi shi taH prA ba nd+ha kI nAM sha maM/ te na kle sha bi Sha
tstshi dAM ta ba d+hi yA ma byA ha tAH sha kna yaH/ ya t+sa ndo
ha mi ba shri yA pha la mi ba bro tstsha yi bu N+yau dza saM/ di
gdAM na kta ka NaiH sphu ra tku ba la ya tstshA yA b+hi nI lA
ya taM/

pos yang ni bdar nas 'dod pa'i 'bras bu dum bu yang ba/ gang dud
'gro'i mtshams sbyor 'ching ba tha mar byas nas khyod kyi skye
ba'o/ 'khor lo'i gnad pa byed nad kyis rang gi sha rnams kyis rab
bcings zhi ba de yis nyon mongs dug bcad khyod kyi blo yis thogs
med nus/ gang the tshom bzhin du/ dpal gyi 'bras bu bzhin bsod
nams mtshan mo'i zegs ma 'phred dang utpala ltar mdzes mngon par

u tpA n+yA k+Sha naM dwa ya sa dA rmi pA ya ni shtsa k+Shu
She/ te na nb+ha sya ta ma swa to sya dza ga ta stu ng+gai ka dI
po b+ha bA na/ i tyA tmA rtha ni ba nd+hi ke na mr-i Shi bA kya
laM da rshi taM/ le sha sya pi na kI rta na nydzi na kr-i taM twa
dpa rnna rA she rmma mA/ tA ra bd+hA na ba tA nydza laM dza
la pu rA mA ka rSha tA bA ri ste/ be lA nte shwi ba ro d+ha
swA dza la la ba tstshe do ha saM la k+Shya te/ twa tstsa ryA ti
sha yAM sha le sha ra tsa nA lya shre

sngo khrid yangs pa yi/ spyan gnyis rma med phyung nas bram ze
mig med la/ de yis long ba'i mun rang 'gro ba mthon po'i sgron me
gcig pu khyod/ /de ltar bdag don gyis bcings/ drang srong gsung
gi rgyan bstan pa/ cha shas kyis kyang grags rgyal byas khyod la
bsngags pa'i phung po bdag /de thob sar pa nyid chu chu grong
bkug chu gter dus mtha' rnams su chu bzhin chad pa yang dag
mtshon/ khyod kyi spyod pa phul

rma sA mu db+ha ba/ saM b+hA ro bi bu la pra sA da bi ka sa db+ha
ktya tsi tAM sha sya me/ te nA tya nta pa ro pa kA ra ni ra
taH swA tse bi ma ndA da ro/ b+hU ya t+sa rba bi dAM pa rA
rtha bi du ShAM yA nai ka tA no dza NaH dzA ta ka sta pa A
tsA rya dznyA ya sha saH// //'di ni rgya dpe las bod kyi skad
du/ zhwa lu lo tsA ba dge slong d+ha rma pA la b+ha dras bsgyur
ba'o/ /

byung cha shas bag tsam bkod bdag legs pa las byung/ tshogs yangs
pa rab dang rgyas pa gus pa stug po'i cha yis bdag /de yis shin
tu gzhan phan nges dga' rang gi don la gus pa zhan/ /thams cad
mkhyen pa gzhan don la mkhas breg pa gcig par skye bo rnams gyur
cig /skyes rabs kyi bstod pa slob dpon ye shes grags pas mdzad
pa'o/ /

@258a @#/ /bla ma la phyag 'tshal lo/ /dpal ldan bzang po'i chos
kyi legs par grags pa'i gsung/ /rdzogs sangs rgyas kyi sras po
bde bar gshegs pa'i sku/ /'jig rten gsum spyan srid gsum sgron me
gcig pu pa/ /ye shes rab tu grub la brtson pas phyag bgyi'o/
/thugs rje'i

'byung gnas de bzhin gshegs pa'i mdzad pa can/ /rnam par 'dren pa
dran mkhyen bde ba'i go 'phang gnas/ /srid par gcig tu gzhan gyi
don la nges par 'byung/ /sgrol dka' sgrol ba de nyid kho nar
phyag bgyi'o/ /sngon gyi tshe rabs rjes su rig cing rab mchog yon
tan tshogs kyis brgyan pas sku ni

rab tu mdzes/ /ye shes rgyan dang lhab lhub dang ldan rgya chen
brtse ldan ma 'ongs rjes su rigs dang bcas/ /sems can don dang
theg gsum gcig pa'i ye shes chu yis skye bo mtha' dag ljon shing
dbang bskur ba/ /shAkya'i sras po bde gshegs sku yi yon tan
mnga' ba ye shes phung

po de la phyag bgyi'o/ /sa dang pha rol phyin dang dge ba rab
mchog bcu po thams cad kyis/ /gang zhig nye bar rgyas byas bsod
nams tshogs kyi pha rol son/ /stobs bcu'i yon tan brnyes pas tshogs
kyi mthar son pa/ /srid dang srid bral rgya mtsho sgrol mdzad de
la phyag bgyi'o/ /de bzhin

gshegs pa thams cad kyi yon tan dang bsod nams kyi tshogs dang sa
dang pha rol tu phyin pas gang ba bla ma dam pa mchog gi man ngag
gi dam pa'i chos kyi rnga bo che rigs pa dang rnam par bkra ba'i
tshig gis brgyan pa sangs rgyas kyi myu gu byang chub sems dpa'i
mtshan can grags pa bzang po dang

thugs rje dang ye shes kyi bdud rtsi bsil ba can tshogs thams cad
kyi pha rol tu son pa la bstod pa/ lha'i yul mthar gnas pa'i
shAkya'i dge slong dge legs dpal mgon gyis gsol ba btab ste ha
ri pu nydza'i yul gyi shAkya'i dge slong chos kyi nyi ma zhes
bya bas rnam par bkra bar bkod

pa mgo bo la thob po zhes/ bdag dang 'gro ba rnams la dge bar
gyur cig /bdag gi bsod nams las 'di yis/ /ma 'ongs sangs rgyas
nyid gyur te/ /'khor bar sdug bsngal sems can rnams/ /mya ngan
'das la rab 'god shog// //